[1a] [1b] [1b.1]{T1263}༄༅༅། །རྒྱ་གར་སྐད་དུ། ཧེ་བཛྲ་མཎྜལ་ཀརྨ་ཀྲ་མ་བི་དྷིཿ། བོད་སྐད་དུ། ཀྱེའི་རྡོ་རྗེའི་དཀྱིལ་འཁོར་གྱི་ལས་ཀྱི་རིམ་པའི་ཆོ་ག །དཔལ་ཀྱེའི་རྡོ་རྗེ་ལ་ཕྱག་འཚལ་ལོ། །དང་ [1b.2]པོར་སློབ་དཔོན་གྱིས་བླ་མ་ལ་དབང་ཐོབ་ཅིང་། དམ་ཚིག་ལ་གནས་ལ་མཚན་ཉིད་ཐམས་ཅད་དང་ལྡན་པ་དེས། སློབ་མ་ལ་དབང་བསྐུར་བའི་དོན་དུ། དཀྱིལ་འཁོར་བྲི་བ་ནི། དང་པོར་སློབ་མའི་ [1b.3]མཚན་ཉིད་བརྟག་པར་བྱ་སྟེ། དེས་ཤིང་འཇམ་ལ་སྙན་པར་སྨྲ་བ། སེམས་ཅན་ཐམས་ཅད་ལ་བྱམས་པ་དང་། སྙིང་རྗེའི་སེམས་དང་ལྡན་པ། ཐོས་བསམ་དང་ཀློག་པ་ལ་མངོན་པར་བརྩོན་པ། [1b.4]ཐབས་དང་ཤེས་རབ་ཟབ་མོའི་ཚུལ་གྱིས། གསང་བའི་ཆོས་ལ་ཤིན་ཏུ་དད་པ། བླ་མ་ལ་གུས་པ། བསྟན་བཅོས་ལ་འཇིགས་པ་མེད་པ། གཏོང་སེམས་ཆེ་བ་དང་ལྡན་པའི་སློབ་མ་དེ་ཡོངས་སུ་ [1b.5]གཟུང་བར་བྱའོ། །དེ་ལྟར་སློབ་མ་བརྟགས་པའི་རྗེས་ལ། དང་པོ་ལྷའི་བསྙེན་པ་བྱ་སྟེ། དེ་ལ་གཙོ་བོའི་འཛབ་ནི་འབུམ་དུ་བཟླས་པར་བྱའོ། །ལྷ་མོ་རྣམས་ཀྱི་འཛབ་ནི་སྟོང་དུ་བཟླས་པར་བྱའོ། །དེ་ [2a] [2a.1]ལ་སློབ་དཔོན་ལ་ལ་དག་གི་ཐུགས་བཞེད་ཀྱིས། ལྷ་མོ་བརྒྱད་ཀྱི་འཛབ་ནི་མི་དགོས་ཏེ། ཅིའི་ཕྱིར་ཞེ་ན། དཔའ་བོའི་ཡན་ལག་ཏུ་གྱུར་པས་ན། དཔའ་བོ་གཅིག་པོ་བྱས་པས་ཆོག་གསུང་། དེ་ལྟར་ [2a.2]བཟླས་པ་བྱས་པས་མཚན་མ་བྱུང་ན། དཀྱིལ་འཁོར་བྲི་བ་བརྩམ་པར་བྱ་སྟེ། དང་པོར་སེམས་དག་པ་མངོན་དུ་བྱས་ལ། ཀྱེའི་རྡོ་རྗེ་དང་ལྡན་པས་ལྷ་རྣམས་མཉེས་པར་བྱས་ཤིང་། དཀྱིལ་འཁོར་བྲི་བའི་ཕྱིར། ས་གཞི་ [2a.3]ཡོངས་སུ་བརྟག་པར་བྱ་སྟེ། ནགས་ཚལ་ཤིན་ཏུ་དབེན་པའམ། བྱང་ཆུབ་སེམས་དཔའི་ཁྱིམ་མམ། རྒྱ་མཚོ་ཆེན་པོའི་འགྲམ་མམ། དུར་ཁྲོད་གྲུབ་པའི་གནས་སམ། སྔོན་དཀྱིལ་འཁོར་བྱས་པའི་གནས་སམ། ཡང་ན་གནས་ཡིད་དུ་ [2a.4]འོང་བའི་ས་ཕྱོགས་རང་གི་སེམས་འཇུག་པ། མཛེས་ཤིང་ཡིད་དུ་འོང་བ་རུ། དྲི་ཞིམ་པའི་ཆུས་གཏོར་ཏེ། མེ་ཏོག་སྣ་ཚོགས་པ་ཡང་དགྲམ། གནས་གང་ཡང་རུང་བ་དེར། ཤར་དང་བྱང་དུ་གཞོལ་ན། རྣལ་འབྱོར་པ་རྣམས་དངོས་ [2a.5]གྲུབ་ཏུ་འགྱུར་རོ། །དབུས་མཐོ་ན་ཕྱག་རྒྱ་ཆེན་པོའི་རིགས་འཛིན་ཐོབ་པར་འགྱུར། བྱང་མཐོ་ན་མཁའ་འགྲོ་མ་རྣམས་ཀྱི་རྗེས་སུ་འབྲང་བར་འགྱུར་རོ། །ཤར་མཐོ་ན་རིགས་བཞི་དང་། ལྔ་ལ་སོགས་པ་རྟོགས་པ་ཟད་པར་འགྱུར་རོ། ། [2b] [2b.1]ས་གཞི་དབུས་དམའ་ན་སྔགས་པ་འཇིགས་པ་དང་བཅས་པར་འགྱུར་རོ། །དེ་ལྟར་མཚན་ཉིད་དང་ལྡན་པའི་གནས་དེར་བསྒྲུབས་ནས། ཇི་ལྟར་འདོད་པའི་དངོས་གྲུབ་ཏུ་འགྱུར་རོ། །ས་བརྟག་པའི་རིམ་པའོ།། །།དེ་ལྟར་བརྟགས་པའི་དབུས་སུ། ཀྱེའི་རྡོ་རྗེ་ [2b.2]དང་ལྡན་པར་འདུག་ལ། སའི་ལྷ་མོ་བསྐུལ་ལ་གསོལ་བ་གདབ་པར་བྱ་སྟེ། ལག་པ་གཉིས་ཀྱི་སོར་མོ་ལན་གསུམ་དུ་ས་ལ་བརྡབ་པར་བྱའོ། །བརྡབས་པས་སའི་ནང་ནས་ཕྱིར་འཐོན་ནས། རྣལ་འབྱོར་པའི་མདུན་དུ་འདུག་ནས་གནས་པར་བསམ་མོ། །ལྷ་མོ་དེ་ཡང་རྒྱན་ཐམས་ [2b.3]ཅད་ཀྱིས་བརྒྱན་པ་དང་ལྡན་པ། མདོག་སེར་པོར་གནས་པ། བཞིན་སྡུག་པ་མཛེས་པ་ཕྱག་ན་བུམ་པ་བསྣམས་ཏེ། བདག་ནི་ཅི་བགྱི་བཀའ་སྩོལ་འཚལ། ཞེས་སྨྲ་བར་བསམ་མོ། །དེ་ལྟར་བསམས་པའི་ལྷ་མོ་དེ་ལ་མཆོད་ཡོན་དང་། ཞབས་བསིལ་དང་། མཆོད་པ་དང་། [2b.4]གཏོར་མ་ཕུལ་ལ་འདི་སྐད་བརྗོད་པར་བྱའོ། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་དང་། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དཔང་དུ་གྱུར། །ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གིས་བདུད་སྡེ་ལས། ། [2b.5]རྒྱལ་བར་བྱས་ཏེ་དཀྱིལ་འཁོར་བྲི། །ཞེས་ལན་གསུམ་བརྗོད་ལ། སའི་ལྷ་མོ་དགའ་བའི་མདངས་ཀྱིས། ཁྱོད་སློབ་དཔོན་ཡིན་གྱིས། དཀྱིལ་འཁོར་གྱིས་ཤིག་ཟེར་ནས། ས་ལ་ཐིམ་པར་བསམ་མོ། །དེ་ནི་ས་བླང་བའི་རིམ་པའོ། །དེ་ནས་ས་ཕྱོགས་དྲི་ཞིམ་པོའི་ཆུས་གཏོར་ཏེ། བདུད་རྩི་ [2b.6]ལྔའི་ཆག་ཆག་གདབ། དེ་ནས་ལྟོ་འཕྱེའི་རིམ་པ་ཤེས་པར་བྱས་ལ། དངོས་གྲུབ་རབ་འབྲིང་གསུམ་གྱི་དོན་དུ་མགྲིན་པ་དང་། ལྟེ་བ་དང་པུས་མོ་ཡན་ཆོད་དུ་བརྐོ་བར་བྱའོ། །དེ་ནས་སའི་རོ་རྡོ་བ་དང་། མགལ་དུམ་དང་། སོལ་བ་དང་། རུས་པ་དང་། གྱོ་མོ་དང་། གསེག་མ་དང་། བོང་བ་ལ་ [2b.7]སོགས་པ་མེད་པར་བྱས་པའི་ས་གཞི་བཟང་པོ་སྣུམ་པ་ལ། དྲི་བཟང་པོ་ཙནྡན་དང་། གུར་གུམ་དང་། ག་བུར་དང་། གླ་རྩི་ལ་སོགས་པ་དང་ཡང་བསྲེས་པས་དགང་། ཡང་ན་དྲི་ཞིམ་པོ་དང་། ཆུ་བསྲེས་ལ་ཡི་གེ་ཧཱུཾ་བཟླས་པའི་ཆུ་དང་བསྲེས་ཤིང་འཐས་པར་བཅག་ཅིང་བཀང་ལ། རིན་པོ་ཆེ་ [3a] [3a.1]ལ་སོགས་པའི་སའི་གཏེར་བཅུག་པ་དང་། ལག་མཐིལ་ལྟར་མཉམ་པའི་སྟེང་དུ། ཡན་ལག་དྲུག་དང་ལྡན་པའི་རྣལ་འབྱོར་པ་འདུག་ལ། ཨོཾ་རཀྵ་རཀྵ་ཞེས་བརྗོད་པས། ས་གཞི་ཐམས་ཅད་རྡོ་རྗེའི་རང་བཞིན་དུ་བྱའོ། །འོག་དང་སྟེང་རྡོ་རྗེའི་གུར་དང་། རྡོ་རྗེའི་ [3a.2]བླ་རེར་བྱ། །དེ་ནས་ཨོཾ་བཛྲཱི་བྷ་བ་བཛྲ་བནྡྷ་ཧཱུཾ། ཞེས་པས་ཐམས་ཅད་འོད་དང་ལྡན་པར་བྱའོ། །ཀྱེ་ཡི་རྡོ་རྗེ་ཁྲོས་མཆོད་པ། །ལྷ་མོ་ཁྱོད་ནི་དཔང་དུ་འགྱུར། །རིན་ཆེན་སྣ་ཚོགས་ཕྱེ་བཏགས་པས། །བདག་གིས་དོན་ཡོད་དཀྱིལ་འཁོར་བྲི། །དོན་དེ་བི་ཤཱཀྱ་བུདྡྷ་སི། ཧེ་བཛྲ་ཀྲོ་དྷ་ན་ན་ [3a.3]རཏྣ་ན་ད་རི་ཏ་ཏོ་ཨཱཏྨ་ཀོ྅ཧཾ། མཎྜལ་ན་ཁེ་དཾ། ས་གཞི་བྱིན་གྱིས་བརླབ་ཅིང་སྟ་གོན་ལ་གནས་པའི་རིམ་པའོ།། །།དེ་ནས་བླ་མ་ནི་ཡན་ལག་དྲུག་དང་ལྡན་པ། རྒྱན་སྤྱི་གཙུག་གི་རྒྱ་གྲམ་དང་། མགུལ་རྒྱན་དང་། རྣ་རྒྱན་དང་། སྐ་རགས་དང་། ཕྱག་གདུབ་དང་། རྒྱན་ལྔར་ [3a.4]ལྡན་པས། རྡོ་རྗེ་དང་དྲིལ་བུ་ཐོགས་ལ། གོང་དུ་སྨོས་པའི་མདུན་དུ་འདུག་ལ། ལྷ་མོ་གཽ་རཱིཾ་ལ་སོགས་པ། རིགས་བཞིའི་ཏིང་ངེ་འཛིན་བཞི་ཕྱོགས་བཞིར་འདུག་ལ། རྡོ་རྗེ་དྲིལ་བུ་ཐོགས་ལ་མདོ་བསྐུལ་བར་བྱའོ། །དེ་ཡང་བསྐུལ་བའི་སྔོན་དུ་མཆོད་པ་བྱ་སྟེ། གཽ་རཱི་ཏིང་ངེ་འཛིན་ཅན་གྱིས། [3a.5]ཨོཾ་བཛྲ་པུཥྤེ་ཨཱཿ་ཧཱུཾ། ཨོཾ་བཛྲ་དྷཱུ་པེ་ཨཱཿ་ཧཱུཾ། ཨོཾ་བཛྲ་དཱི་པེ་ཨཱཿ་ཧཱུཾ། ཨོཾ་བཛྲ་གནྡྷེ་ཨཱཿ་ཧཱུཾ། ཨོཾ་བཛྲ་ནཻ་བེ་ཏྱེ་ཨཱཿ་ཧཱུཾ། ཞེས་བྱ་བའི་མཆོད་པ་རྣམ་པ་ལྔས་མཆོད་དེ། ཁྱོད་ནི་རྣལ་འབྱོར་མ་རྣམས་བསྐོར། །ཞེས་བྱ་བ་ལ་སོགས་པས་བསྟོད་དོ། །དེ་ནས་འདི་སྐད་ཅེས་བསྐུལ་ལོ། །དེ་བཞིན་ [3a.6]གཤེགས་པ་ཀུན་ཞི་བ། དེ་བཞིན་གཤེགས་པ་ཀུན་གྱི་གནས། །ཀུན་འབྱུང་རྡོ་རྗེ་སེམས་དཔའ་ཡི། །དཀྱིལ་འཁོར་འདྲེན་པ་བཤད་དུ་གསོལ། །མཚན་ཉིད་ཐམས་ཅད་ཡང་དག་རྫོགས། །མཚན་མིན་ཐམས་ཅད་ཡང་དག་སྤངས། །ཀུན་དུ་བཟང་པོ་ཀུན་ཆེན་གྱི། །དཀྱིལ་ [3a.7]འཁོར་འདྲེན་པ་བཤད་དུ་གསོལ། །ཡང་དག་སངས་རྒྱས་མཆོག་ཞི་བ། །ཡེ་ཤེས་སྤྱོད་པ་རྣམ་པར་སྤྱོད། །རྡོ་རྗེའི་གསུང་ནི་ཀུན་འབྱུང་བ། །དཀྱིལ་འཁོར་འདྲེན་པ་བཤད་དུ་གསོལ། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པ་དྲི་མ་མེད། །རྣམ་སྣང་མཛད་ཆེན་ [3b] [3b.1]འབྱུང་བ་ཡི། །དཀྱིལ་འཁོར་འདྲེན་པ་བཤད་དུ་གསོལ། །དེ་ནས་གོང་དུ་སྨོས་པ་ཡི། །ཕྱག་རྒྱ་ལྔ་དང་ལྡན་པ་ཡི། །ཀྱེའི་རྡོ་རྗེ་བསྒོམ་པ་དེས་བགེགས་བསལ་བར་བྱ་སྟེ། རྐང་པ་གཉིས་སུ་ཧཱུཾ་ལས་སྣ་ཚོགས་རྡོ་རྗེ་བསམས་ལ། མིག་གཡས་མ་ལས་ཉི་མའི་དཀྱིལ་འཁོར་ [3b.2]གཡོན་དུ་ཊ་ལས་ཟླ་བའི་དཀྱིལ་འཁོར་བསམས་ཏེ། རྡོ་རྗེའི་ལྟ་བས་ཐམས་ཅད་དུ་བལྟས་ཏེ། དེ་ཡང་རབ་ཏུ་མྱུར་བ་ཡིས། །མིག་གི་རྫི་མ་འདྲེན་པ་ནི། །འབར་བའི་ལྟ་བ་ཞེས་སུ་གསུངས། །འགྲོ་བ་ཐམས་ཅད་དགུག་པའོ། །ཞེས་པ་ལྟར་བལྟས་ལ། ལག་པ་གཡོན་གྱིས་དྲིལ་ [3b.3]བུ་བཟུང་ཞིང་། གཡས་ཀྱིས་རྡོ་རྗེ་གསོར་ལ། སྟེང་འོག་ཏུ་ལེགས་པར་འཁྱུད་ནས། ས་ཕྱོགས་དེ་ནི་གནས་པ་འདིས་བསྐྲད་པར་བྱའོ། །ས་ཕྱོགས་འདིར་ངས་སེམས་ཅན་གྱི་དོན་བརྩམ་གྱིས། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། འབྱུང་པོ་དང་། ཤ་ཟ་མོ་དང་། སྲིན་མོ་ [3b.4]ལ་སོགས་པ་གང་དག་གནས་པའི་བདག་པོ་མྱུར་དུ་སོང་ཤིག །འདི་ལྟར་དཔལ་ཧེ་རུ་ཀའི་བཀའ་ཐོས་ནས། མྱུར་དུ་དེངས་ཤིག །གང་དག་མི་འགྲོ་བ་དེ་ལ། ངའི་ཡེ་ཤེས་ཀྱི་རྡོ་རྗེ་དང་། ཁ་ཏྲཱཾ་ག་འདིས་སྤྱི་བོ་རྣམ་པ་བརྒྱར་འགས་པར་འགྱུར་རོ་ཞེས་ལན་གསུམ་དུ་བརྗོད་ལ་དབང་ལྡན་གྱི་ [3b.5]མཚམས་ནས་བརྩམས་ནས། ཧཱུཾ་མང་པོ་བརྗོད་ཅིང་ལན་གསུམ་གཡས་སྐོར་དུ་བསྐོར་བར་བྱའོ། །བསྐལ་པའི་མེ་ལྟ་བུའི་འོད་ཟེར་རྐང་པའི་འོག་ནས་བྱུང་བས་གདུག་པ་ཅན་རྣམས་བསྲེགས་པར་གྱུར་པར། ཕན་ཚུན་འབྱེར་བར་འགྱུར་བར་བསམ་མོ། །དེ་ཡང་རོལ་པའི་གོམས་སྟབས་བརྒྱད་པས་ [3b.6]གར་བྱའོ། །རྐང་པ་བསྐྱོད་དང་ལག་པ་བསྐྱོད། །སྨིན་མ་འདེགས་དང་རབ་དགས་ཕྱེ། །ཅུང་ཟད་ངོ་ཚ་ཟུར་མིག་དང་། །ཟླ་རྒྱས་ལྟ་ན་དུར་བ་དང་། །མིག་ཡངས་གར་ནི་བྱེད་འགྱུར་ཞིང་། །ཁ་ཡི་པདྨ་འཛུམ་དང་བཅས། །ཅུང་ཟད་དམར་བའི་མཆེ་བ་འཆང་། །ཀུནད་ན་ལྟར་དཀར་པོའི་ [3b.7]ཕྲེང་། །དཔལ་ལྡན་ཁྲག་འཐུང་རྣལ་འབྱོར་ཆེས། །སེམས་ཅན་སྒྲོལ་བ་རྨད་དུ་བྱུང་། །དེ་ལ་སོགས་པའི་གར་གྱིས་ནི། །བགེགས་ལ་སོགས་པ་བསྐྲད་པར་བྱ། །དེ་ནས་སྔོན་དུ་གསུངས་པའི་རཀྵའི་སྔགས་ཀྱིས། རྡོ་རྗེས་གཞི་དང་གུར་དང་བླ་རེ་ལ་སོགས་པ་བྱའོ། །དེ་ལྟར་ [4a] [4a.1]བྱས་ན་དཀྱིལ་འཁོར་གྱི་སའི་ཆ་ཉེས་པ་དང་ལྡན་པ་ཡང་ཉེས་པ་དག་མེད་པར་འགྱུར་རོ། །བགེགས་བསལ་བའི་རིམ་པའོ།། །།དེ་ནས་བའི་རྣམ་ལྔ་དང་ལྡན་པའི་དྲི་ཞིམ་པོའི་ཆུ་དང་། བདུད་རྩི་ལྔའི་ཆུས་བྱུགས་ལ། དེའི་སྟེང་དྲིའི་ཐིག་ལེ་བྱ། ཐིག་ལེའི་ [4a.2]སྟེང་མེ་ཏོག་བཞག་ལ། སྣ་ཚོགས་པདྨར་བསམ། པདྨའི་སྟེང་དུ་ཨོཾ་ལས་ཉི་མའི་དཀྱིལ་འཁོར་བསམ། དེའི་སྟེང་དུ་རང་གི་སྔགས་ཧཱུཾ་གཾ་ཙཾ་བཾ་གྷཾ་པཾ་སཾ་ལཾ་ཌཾ། རྣལ་འབྱོར་གྱི་ལྷའི་འཁོར་ལོ་བསྐྱེད་ལ། རང་རང་གི་གདན་དེ་ཉིད་ལ་བཞུགས་པར་བསམ། དེ་ནས་ཡེ་ཤེས་སེམས་དཔའ་ [4a.3]འཁོར་དང་བཅས་པ་སྤྱན་དྲང་བར་བྱ་སྟེ། གཽ་རཱི་ཛཿ་ཞེས་བསྐུལ་བས། གཽ་རཱི་ལས་སྤྲུལ་པའི་གཽ་རཱི་ལྕགས་ཀྱུ་ཅན་མང་པོ་འཕྲོས་པས། རང་བཞིན་གྱི་དཀྱིལ་འཁོར་ནས་ཀྱེའི་རྡོ་རྗེ་འཁོར་དང་བཅས་པ་སྤྱན་དྲངས་ལ། རྡོ་རྗེ་བླ་རེའི་སྟེང་ན་བཞུགས་པ་ལ། དྲོ་ཀྵཎ་དང་། ཨརྒྷ་དང་། ཨཉྩ་དང་། [4a.4]བི་དྷི་དང་། སྤོས་དང་། མེ་ཏོག་ལ་སོགས་པ་རྣལ་འབྱོར་པ་རྣམས་ཀྱིས་མཆོད། ལྷ་མོ་བརྒྱད་ཀྱི་མཆོད་པས་ཀྱང་མཆོད། དེ་ནས་ཙཽ་རཱི་ཧཱུཾ་ཞེས་པས། ཙཽ་རཱི་ཞགས་པ་ཅན་གྱིས་གཞལ་ཡས་ཁང་གི་ནང་དུ་གཞུག །བེ་ཏཱ་ལཱི་བཾ་གྱིས་དེ་བཞིན་དུ་བཅིང་། གྷསྨ་རཱི་ཧོཿ་ས་དགྱེས་པར་བྱས་ཏེ། [4a.5]ཡེ་ཤེས་ཀྱི་འཁོར་ལོ་གཅིག་ཏུ་བྱའོ། །དེ་ནས་ཕྱིའི་མཆོད་པས་མཆོད། ནང་གི་མཆོད་པས་ཀྱང་མཆོད། དྲིལ་བུའི་སྒྲས་སྲིད་པ་རང་བཞིན་གྱིས་དག་ཕྱིར། ངོ་བོ་ཉིད་ཀྱིས་དངོས་མེད་བྱས། །རང་བཞིན་དག་པའི་སེམས་དཔའ་རྣམས། དམ་པའི་སྲིད་པ་བྱེད་པར་ཤོག །ཅེས་ [4a.6]པ་དང་། ཐམས་ཅད་དངོས་པོའི་རང་བཞིན་མཆོག །གདོད་ནས་ཐམས་ཅད་རང་བཞིན་གནས། །ཐབས་དང་ཤེས་རབ་གཉིས་མེད་པ། །ཀྱེ་ཡི་རྡོ་རྗེ་བདག་ཕྱག་འཚལ། །ཞེས་པ་ལ་སོགས་པ་རྡོ་རྗེ་གླུའི་ཚིག་གིས་བསྟོད་ངོ་། །དེ་ནས་བདུད་རྩི་མཆོད་པ་དཔལ་ཀྱེའི་རྡོ་རྗེ་འཁོར་དང་ [4a.7]བཅས་པས་ཡང་བྱའོ། །དེ་ནས་འདི་སྐད་བརྗོད་པར་བྱའོ། །གཉིས་མེད་ཡེ་ཤེས་ལས་བྱུང་བ། །ཁྱབ་བདག་དངོས་གྲུབ་བདག་ཉིད་ཅན། །སྟོན་པའི་གཙོ་བོ་ཁྲག་འཐུང་དཔལ། །བདག་མེད་མ་དང་ཡང་དག་ལྡན། །ཕྱོགས་མཚམས་རྣམས་ཀྱི་མཁའ་འགྲོ་དང་། །རིག་པའི་ལྷ་ [4b] [4b.1]མོ་རྫུ་འཕྲུལ་དང་། །བྱང་ཆུབ་སེམས་དཔའ་ལ་སོགས་ཀུན། །མ་ལུས་བདག་ལ་དགོངས་སུ་གསོལ། །སློབ་མ་ལ་ནི་ཕན་པ་དང་། །ཁྱེད་རྣམས་ལ་ཡང་མཆོད་པའི་ཕྱིར། །རྡོ་རྗེ་ཅན་བདག་གིས་ཤེས་པ། །ནང་པར་དཀྱིལ་འཁོར་འདྲི་བར་བགྱིད། །རྗེས་སུ་བརྩེ་བར་ཉེར་ [4b.2]དགོངས་ཏེ། །བྱིན་གྱིས་བརླབ་པ་མཛད་དུ་གསོལ། །དེ་ནས་དྲི་ཞིམ་པའི་མེ་ཏོག་གི་ཕྲེང་བ་དང་། བདུད་རྩི་ལྔ་དང་སྤོས་ལ་སོགས་པ་དབུལ་བར་བྱའོ། །ལྷ་ལ་གསོལ་བ་གདབ་པའི་རིམ་པའོ།། །།དེ་ནས་སློབ་མའི་གཙོ་བོ་འཁོར་དང་བཅས་པ་ལྷག་པར་གནས་པར་བྱ་ཞིང་། [4b.3]མཆོད་པར་བྱ་བ་འདི་བརྗོད་དོ། །བུ་ཚུར་ཐེག་པ་ཆེན་པོ་ལ། །ཁྱོད་ནི་ཚུལ་ཆེན་སྣོད་ཡིན་ཏེ། །གསང་སྔགས་སྤྱོད་ཚུལ་ཆོ་ག་འདི། །ཁྱོད་ལ་ཡང་དག་བཤད་པར་བྱ། །རྫོགས་པའི་སངས་རྒྱས་གང་འདས་དང་། །དེ་བཞིན་གང་དག་མ་བྱོན་དང་། །ད་ལྟར་བྱུང་བའི་རྫོགས་སངས་ [4b.4]རྒྱས། །འགྲོ་ལ་ཕན་ཕྱིར་བཞུགས་པ་རྣམས། །དེ་དག་ཀུན་གྱི་གསང་སྔགས་ཀྱི། །ཆོ་ག་བཟང་པོ་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་ཚད་མེད་བརྙེས། །གསང་སྔགས་སྦྱོར་བ་མཉམ་མེད་དེ། །སྐྱོབ་པ་དཔལ་ལྡན་ཧེ་རུ་ཀས། །བདུད་ [4b.5]སྡེ་ཤིན་ཏུ་མི་བཟད་པ། །དཔུང་ཆེན་དག་ཀྱང་དེ་ཡིས་བཅོམ། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །རྣལ་འབྱོར་གསང་སྔགས་མཁའ་འགྲོ་མ། །འཁོར་ལོར་བཞུགས་པའི་ [4b.6]བདག་ཉིད་ཅན། །ཀུན་ལ་རྟག་ཏུ་སྐྱབས་སུ་མཆི། །དཔའ་བོ་དཔའ་མོ་དབང་ལྷ་མོ། །བྱང་ཆུབ་སེམས་དཔའ་བདག་ཉིད་ཆེ། །ཁྱད་པར་དུ་ནི་སློབ་དཔོན་ལ། །རྟག་པར་བདག་ནི་སྐྱབས་སུ་མཆི། །དཔལ་ལྡན་ཁྲག་འཐུང་ལ་སོགས་པ། །རྣལ་འབྱོར་མ་དང་སྣང་མཛད་སོགས། ། [4b.7]བྱང་ཆུབ་སེམས་དཔའ་བདག་མེད་པ། །ཐམས་ཅད་བདག་ལ་དགོངས་སུ་གསོལ། །ཆེ་གེ་དུས་འདི་ནས་བཟུང་སྟེ། །ཇི་སྲིད་བདག་མེད་པར་གནས་པར། །དེ་ཡི་ཚངས་སྤྱོད་གཉིས་མེད་པར། །བདག་གི་སྡོམ་པ་ལེགས་པར་གཟུང་། །དེ་ནས་འོག་ནས་འབྱུང་བ་འདི་རྣམས་ཀྱིས་ [5a] [5a.1]ཀྱང་། །སྡིག་པ་བཤགས་པ་ལ་སོགས་པ་བྱེད་དུ་གཞུག་སྟེ། བདག་གིས་སྡིག་པ་བགྱིས་པ་དང་། །བགྱིད་དུ་སྩལ་དང་ཡི་རང་རྣམས། །སངས་རྒྱས་སྤྱན་སྔར་མཆིས་ནས་སུ། །དེ་དག་ཐམས་ཅད་བཤགས་པར་བགྱི། །སངས་རྒྱས་བྱང་ཆུབ་སེམས་དཔའ་དང་། ། [5a.2]རང་རྒྱལ་དགྲ་བཅོམ་འགྲོ་རྣམས་ཀྱིས། །བསྒོམ་དང་བཟླས་བརྗོད་བསོད་ནམས་ཚོགས། །དེ་ལ་བདག་ནི་ཡི་རང་ངོ་། །སེམས་བསྐྱེད་མངོན་པར་སངས་རྒྱས་དང་། །ཆོས་ཀྱི་འཁོར་ལོ་བསྐོར་བ་དང་། །བྱང་ཆུབ་སེམས་དཔའ་ཚོགས་སྤྱོད་ལ། །དེ་ལ་བདག་གིས་སྐྱབས་སུ་མཆི། །སངས་ [5a.3]རྒྱས་འབྱུང་བ་ཇི་ལྟ་བར། །སྐལ་ལྡན་བྱང་ཆུབ་སེམས་དཔའ་ཡིས། །བྱང་ཆུབ་སེམས་མཆོག་བསྐྱེད་པ་ལྟར། །འདི་ཉིད་དུ་ནི་སེམས་བསྐྱེད་དེ། །མགོན་པོ་བདག་ལ་དགོངས་སུ་གསོལ། །མ་ལུས་བཞུགས་པའི་སངས་རྒྱས་རྣམས། །དུས་འདི་ཉིད་ནས་སངས་རྒྱས་པར། ། [5a.4]བླ་མེད་བདག་ལ་གཟིགས་སུ་གསོལ། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །སངས་རྒྱས་རྣལ་འབྱོར་སྡོམ་པ་ནི། །ཡང་དག་ཉིད་དུ་གཟུང་བར་བགྱི། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུའི་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་ [5a.5]བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་ནམ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་མཆོག་དག་པ་ལ། །ཕྱི་ནང་གསང་བའི་ཐེག་པ་གསུམ། ། [5a.6]དམ་པའི་ཆོས་ཀྱང་མ་ལུས་གཟུང་། །ལས་ཀྱི་རིགས་མཆོག་ཆེན་པོ་ཡི། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །ཚུལ་ཁྲིམས་ཀྱི་ནི་སློབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ [5a.7]ཁྲིམས་གསུམ། །དེ་བཞིན་རྟག་པར་གཟུང་བར་བགྱི། །བདག་གི་དགེ་བའི་ལས་རྣམས་འདི་དག་གིས། །འཇིག་རྟེན་མི་རིང་སངས་རྒྱས་མྱུར་འགྲུབ་པས། །སེམས་ཅན་འཁོར་བའི་རྒྱ་མཚོར་བྱིང་བ་རྣམས། །བླ་མེད་བྱང་ཆུབ་ཉིད་དུ་འགྲུབ་པར་བགྱི། །ཞེས་ཞུས་པ་དང་། བླ་མས་ [5b] [5b.1]སློབ་མ་བསྲུང་བར་བྱ་སྟེ། སློབ་མ་ཀུན་གྱི་ལུས་ངག་ཡིད་གསུམ་དུ། སྤྱི་བོར་འཁོར་ལོ། མགྲིན་པར་པདྨ། སྙིང་གར་རྡོ་རྗེ། དེ་གསུམ་གྱི་ལྟེ་བ་ལ། ཨོཾ་ཨཱཿ་ཧཱུཾ། ཨོཾ་ཨཱཿ་ཧཱུཾ། དེ་ནས་སློབ་དཔོན་གྱི་ལག་ཏུ་རྡོ་རྗེ་བཟུང་ལ། སློབ་མའི་གནས་གསུམ་དུ་རྡོ་རྗེ་གཏུག་ཅིང་། ཨོཾ་ཨཱཿ་ཧཱུཾ་བརྗོད་ཅིང་། [5b.2]དྲིའི་ཆུས་བྱུགས། དེ་ནས་རིམ་པས་སློབ་མ་ཀུན་གྱི་མགོ་བོ་ལ་མེ་ཏོག་སྦྱིན། མདུན་དུ་སྤོས་སྦྱིན། མར་མེ་དང་དྲི་སྙིང་གར་སྦྱིན་ནོ། །དེ་ནས་སོ་ཤིང་གི་ཆོ་ག་བྱ་སྟེ། ཡིད་འོང་ཨུ་དུཾ་ཨ་ཤྭཏྠ། །མེ་ཏོག་བཅིངས་ཤིང་དྲི་ཡིས་བྱུག །སོར་ནི་བཅུ་གཉིས་ཚད་དུ་བྱ། །མི་གཡོ་མ་གས་ [5b.3]འབུས་མ་ཟོས། །ལྕི་བ་བ་ཡི་ཀོ་བ་ཙམ། །ས་གཞི་མཎྜལ་བྱས་ནས་ནི། །སློབ་མ་དེ་ཡི་སྟེང་བཞག་ནས། །མེ་ཏོག་ལ་སོགས་མཆོད་པ་བྱ། །སློབ་མའི་ཚོགས་ལ་སྦྱིན་པར་བྱ། །དེ་ནས་ཤར་ཕྱོགས་ཁ་བལྟས་ཏེ། །མི་སྨྲ་བར་ནི་སོ་ཤིང་བཅའ། །ཟ་བ་བྱིན་ན་མི་གདགས་ [5b.4]ཤིང་། །ཕན་ཚུན་དུ་ཡང་མི་འདོར་རོ། །སོ་ཤིང་མདུན་དུ་དྲང་པོར་བོར། །དེ་ཡི་ཚེ་ན་མཚན་མ་ནི། །དེ་ཚེ་བདག་ལ་བལྟ་བ་དང་། །རྩེ་མོ་གྱེན་དུ་འགྲེང་གྱུར་ན། །དེ་ཡིས་དངོས་གྲུབ་མཆོག་ཏུ་བཤད། །དེ་བཞིན་གཞན་དུ་ཁ་བལྟས་ན། །དེ་བཞིན་དངོས་གྲུབ་འབྲིང་དུ་བཤད། ། [5b.5]མཚམས་དང་བྱང་དུ་ཁ་བལྟས་ན། །འཇིག་རྟེན་པ་ཡི་དངོས་གྲུབ་ཐོབ། །སོ་ཤིང་དོར་བ་བརྒྱ་ཞིག་ལ། །གལ་ཏེ་ཐུར་དུ་ཁ་བལྟས་ན། །དེ་ནས་ངེས་པར་ས་འོག་གི །དངོས་གྲུབ་དེ་ལ་ཐེ་ཚོམ་མེད། །དེ་ནས་དྲི་ཆུས་ལེགས་པར་བཀྲུས་ཏེ། འཐོར་འཐུང་བྱའོ། །ཨོཾ་བི་ཤུདྡྷ་ [5b.6]དྷ་རྨ་པཱ་པཾ་ནི་ཙཱ་སྱ་ཤོ་དྷ་ཡ། སརྦ་བི་ཀལྤན་ཨ་པ་ནཱ་ཡ་ཧཱུཾ། ཞེས་པས་བཟླས་པའི་ཆུ་ཧུབ་གསུམ་འཐུང་དུ་གཞུག་པའི་སྔགས་སོ། །དེའི་འོག་ཏུ་སློབ་མ་རྣམས་ལ་སེམས་དགའ་བར་བྱ་བའི་ཕྱིར་ཆོས་བཤད་པར་བྱ་བ་ནི། འཇིག་རྟེན་ཁམས་ནི་ཐམས་ཅད་དུ། །ཐམས་ཅད་མཁྱེན་ [5b.7]པ་འབྱུང་མི་འགྱུར། །མེ་ཏོག་ཨུ་དུ་མྺཱ་ར་བཞིན། །བརྒྱ་ལམ་ན་ནི་རེ་འགའ་འབྱུང་། །དེ་ཕྱིར་ཕྲད་དཀར་བྱུང་བ་ཡི། །གཉིས་མེད་ཟབ་མོ་སྤྱོད་ཚུལ་འདིས། །སེམས་ཅན་སངས་རྒྱས་པར་བྱེད་པའི། །བསྐལ་པ་གྲངས་མེད་མང་པོར་ནི། །སྔོན་དུ་བྱས་པའི་རྣམ་སྨིན་གང་། ། [6a] [6a.1]དེ་ཀུན་ཟད་པར་གྱུར་པ་ནི། །ཟབ་མོའི་དཀྱིལ་འཁོར་མཐོང་བས་སོ། །དེ་ནས་ཨོཾ་ཨཱཿ་ཧཱུཾ་ཞེས་པས་ཀུ་ཤ་བྱིན་གྱིས་བརླབས་ལ། སྔས་སུ་གཞག་པར་བྱ། སྟན་དུ་ཡང་གདིང་བར་བྱ། དེ་ནས་སྲུང་སྐུད་གདགས་པ་ནི། སྲུང་སྐུད་དམར་པོ་ལ་མདུད་པ་དྲུག་ཏུ་ [6a.2]བོར་ལ། དཔུང་པ་གཡོན་པར་བཏགས་ཏེ། བསྲུང་བའི་ཕྱིར་བཅིང་བའོ། །དེ་ནས་མཆོད་པ་བྱས་གཏོར་མ་བཏང་ལ། སློབ་དཔོན་ནང་དུ་ཞུགས་ལ་དཀྱིལ་འཁོར་གྱི་ལྷ་ལ་ཕྱི་ནང་གི་མཆོད་པས་ཡང་དག་པར་མཆོད་དེ། སློབ་མ་རྣམས་ནི་སྟ་གོན་གྱི་གནས་དེ་ཉིད་དུ། ཀུ་ཤའི་ [6a.3]སྟན་ལ་སེང་གེའི་ཉལ་སྟབས་སུ་འདུག་ལ། རྨི་ལམ་གྱི་མཚན་མ་བལྟ་བར་བྱ་བའི་ཕྱིར། མི་སྨྲ་བར་ཀྱེའི་རྡོ་རྗེ་ཡིད་ལ་བྱས་ལ། བསམ་གཏན་གྱི་སེམས་ཀྱིས་ཉལ་བར་བྱའོ། །དེའི་མཚན་མོའི་མཐར་རྨི་ལམ་གང་དང་གང་རྨི་བ་འདྲི་བར་བྱའོ། །དྲིས་པ་ཐོས་ནས་རྨི་ལམ་བཟང་ངན་ [6a.4]ཐོགས་པ་མེད་པར་བརྗོད་པར་བྱའོ། །དེ་ནས་རྨི་ལམ་བཟང་པོ་མཐོང་ན་སློབ་མ་ལ་རྗེས་སུ་ཡི་རང་བར་བྱའོ། །དངོས་གྲུབ་རབ་འབྲིང་ཐ་མ་བརྗོད་པར་བྱའོ། །ངན་བ་མཐོང་ན་བའི་རྣམ་ལྔ་འཐུང་དུ་གཞུག །དྲག་པོའི་སྦྱིན་སྲེག་བྱའོ། །དེས་རྟོག་པ་ཞི་བར་འགྱུར་རོ། །སློབ་མ་ལྷག་ [6a.5]པར་སྟ་གོན་ལ་གནས་པའི་རིམ་པའོ།། །།དེ་ནས་གསེར་རམ་དངུལ་ལམ། ཟངས་ལས་རྣམ་པར་རྒྱལ་བའི་བུམ་པ་བྱས་ལ། དེ་རྣམས་མ་འབྱོར་ན་ཁམ་ས་ལས་བྱའོ། །བུམ་པ་གཞན་རྣམས་ཀྱང་རིན་པོ་ཆེའི་གྲངས་མ་རྙེད་ན་ཁམས་ལས་བྱའོ། །ཀུན་ས་དཀར་གྱིས་ [6a.6]བྱུགས་ལ། པདྨའི་ལྟེ་བ་ལ་ཕྱག་མཚན་བཀོད་ལ་གཞག །དེ་ནས་བུམ་པ་རྣམས་རང་བཞིན་མེད་པར་བསམས་ལ། དེ་ལས་ཡི་གེ་ཁཾ་དཀར་པོར་གྱུར། ཁཾ་དཀར་པོ་འོད་དུ་ཞུ་བ་ལས་བྱུང་བའི་བུམ་པ་ནག་པོ་ར་རི་མེད་པ་དཀར་པོར་འདུག་པ། མགྲིན་པ་རིང་བ་ལྟོ་ཆེ་བ་མཆུ་འཕྱང་ [6a.7]བ་བསྒོམས་ལ། དེའི་ནང་དུ་པཾ་དམར་པོ་ལས་པདྨར་གྱུར་པའི་སྟེང་དུ། ཨ་ལས་ཉི་མའི་དཀྱིལ་འཁོར་དེའི་སྟེང་དུ་ཧཱུཾ་གཾ་ཙཾ་བཾ་གྷཾ་པཾ་ཤཾ་ལཾ་ཌཾ། དེ་རྣམས་ཡོངས་སུ་གྱུར་པ་ལས་ལྷའི་འཁོར་ལོ་ཡོངས་སུ་རྫོགས་པར་བསྐྱེད་དོ། །དེ་ནས་ཡེ་ཤེས་ཀྱི་འཁོར་ལོ་སྤྱན་དྲངས་ཏེ། གཽ་རཱི་ཛཿ་ལ་ [6b] [6b.1]སོགས་པའི་ཕྱག་རྒྱ་བཞིས་དགུག་པ་དང་། གཞུག་པ་དང་བཅིང་བ་དང་དགྱེས་པར་བྱས་ལ། དབྱེར་མེད་པར་བསམ་མོ། །དེ་ལ་པྲོཀྵ་ཎ་དང་། ཨརྒྷ་དང་། ཨཉྩ་མཱ་ནཾ་དང་། བི་དྷི་དང་། མཆོད་པ་རྣམ་པ་ལྔ་དང་། ལྷ་མོ་བརྒྱད་ལ་བསྟོད་པ་རྣམས་བྱས་ལ། དེ་ནས་འཛབ་བརྒྱ་རྩ་ [6b.2]བརྒྱད་བཟླས་ལ་གཞག་གོ། །དེ་ནས་སྤོས་ཀྱིས་ཀྱང་མཆོད་པ་བྱ་སྟེ། མེ་ཏོག་དཀར་པོ་ཆལ་བར་གཏོར་བ་ལ་སོགས་པ་བྱའོ། །དེ་ནས་ལྷ་རྣམས་འོད་དུ་ཞུ་བ་ལས། བྱང་ཆུབ་ཀྱི་སེམས་ཀྱིས་དཀར་མེར་གྱིས་ཁེངས་པར་བསམ། དེ་ནས་དྲི་ཆབ་བཟང་པོ་དགང་བ་བླུགས་ལ། སྨན་ [6b.3]ལ་སོགས་པ་དང་ཡང་ལྡན་པར་བྱས་ཏེ། ཤྭེ་ཏ་བྲྀ་ཧ་ཏི། ཨ་པ་ར་ཛི་ཏ། དནྡ། ཨུཏྤལ། ཀཎྜ་ཀ་རི། ཧ་ས་དེ་བ་ལ་སོགས་པའི་རྩ་བ་ལས་བྱས་ཏེ། འདིར་དཀྱིལ་འཁོར་གྱི་བྱང་ཆུབ་སེམས་རྟགས་སུ་བྱས་པའོ། །འབྲས་སོ་བ་དང་། སྲན་མ་ཤ་དང་། ནས་དང་། ཏིལ་དང་། གྲོ་དང་། [6b.4]འདི་རྣམས་ནི་དཀྱིལ་འཁོར་གྱི་ལྷ་རྣམས་ཀྱི་ཐུགས་ཀྱི་རང་བཞིན་ནོ། །ཤེལ་དང་། དངུལ་དང་། མུ་ཏིག་དང་། དུང་དང་། བྱི་རུ་ནི་དཀྱིལ་འཁོར་གྱི་སྐུ་མདོག་གི་རྟགས་སུ་བྱས་པའོ། །གཞན་ཡང་ཟླ་བ་དང་། ཉི་མ་དང་། ཆུ་དང་། སྨན་དང་། དྲི་དང་། བུ་རམ་དང་། ཀ་ར་དང་། བཟའ་ [6b.5]བ་རྣམས་གཞུག་གོ། །བུམ་པ་ལ་བདག་པོའི་མཚན་མ་ལ་སོགས་པ་ལྔ་དང་ལྡན་པར་བྱ་ཞིང་། སྔོན་པོ་དང་། དཀར་པོ་དང་། སེར་པོ་དང་། དམར་པོ་དང་། ལྗང་གུའི་རས་རྣམས་ཀྱིས་ནི་མགུལ་བ་བཅིང་བར་བྱའོ། །མ་འབྱོར་ན་རས་ཡུག་གཅིག་གིས་སྤྱི་བོར་བཅིང་ངོ་། ། [6b.6]ཤིང་ལོ་མ་ཅན་གྱི་རིགས་བཟང་པོ་འབྲས་བུ་དང་ལོ་མ་དང་ཡལ་གར་བཅས་པས་ཁ་རྒྱན་བྱའོ། །བུམ་པ་གཞན་རྣམས་ནི་སྨན་ལ་སོགས་པ་ཡང་མི་གཞུག །ལྷ་རེ་རེ་འོད་དུ་ཞུ་བ་ལས་བྱའོ། །མཆོད་བསྟོད་འཛབ་ཀུན་འདྲའོ། །དེ་ནས་བུམ་པ་རྣམས་རས་བཏིང་བའི་སྟེང་དུ་མེ་ [6b.7]ཏོག་དཀར་པོ་ཆལ་བར་བཀྲམ་ལ། དེའི་སྟེང་དུ་བཞུགས་སུ་གསོལ་ལོ། །དེའི་དུས་སུ་གར་གྱི་མཆོད་པ་རྣམས་ཀྱང་འབུལ་ལོ། །ལས་ཐམས་ཅད་པའི་བུམ་པ་སྣ་ཚོགས་རྡོ་རྗེས་མཚན་པ། དེ་ལ་མཆོད་པ་བྱས་ལ་ཕྱི་རོལ་གྱི་བྱང་ཤར་གྱི་མཚམས་ལ་བཞུགས་སུ་གསོལ་ལོ། །བགེགས་ [7a] [7a.1]མ་ལུས་རྣམས་ལས་མ་གྲུབ་ཀྱི་བར་དུ་བསྲུང་དུ་གསོལ་ཞེས་པས་བཅོལ། །གཏོར་མ་དགུ། མར་མེ་དགུ། ལྷ་བཤོས་དགུ། སྨོས་དགུ། དེ་རྣམས་ནི་བུམ་པ་ལྷག་པར་གནས་པའི་སྟ་གོན་གྱི་ཆོ་གའོ།། །།སྟ་གོན་གྱི་ཕྱི་དེ་ཉིན་པར་རྒྱས་པའི་སྦྱིན་སྲེག་བྱའོ།། [7a.2]སློབ་དཔོན་མཚན་ཉིད་བཟང་པོ་དང་ལྡན་པ་ཡང་དག་པའི་ཡེ་ཤེས་དེ་ཁོ་ན་ཉིད་ཤེས་པ། ཁྲོ་བ་མེད་པ། ཁོན་པ་མེད་པ། ཕྱག་རྒྱ་དང་ལྡན་པའི་ཤེས་རབ་ཅན་གྱིས། དཀྱིལ་འཁོར་གྱི་ལྷ་རྣམས་མདུན་གྱི་ནམ་མཁའ་ལ་གཤེགས་སུ་གསོལ་ལོ། །ཐིག་གདབ་པའི་ལས་བརྩམ་པར་བྱའོ། ། [7a.3]དེ་ཡང་རས་བལ་ལ་ཤེས་རབ་མ་མཚན་དང་ལྡན་པས་བཀལ་བ། འཇུར་མདུད་ལ་སོགས་པ་མེད་པ། རིང་ཐུང་དཀྱིལ་འཁོར་ཉིས་འགྱུར་ལ། སྦོམ་ཕྲ་སྒོའི་ཉི་ཤུའི་ཆར་འགྱུར་བ་བཀལ་ཏེ། སྲད་བུ་སོ་སོར་བསྡོམས་ལ། པདྨ་བྷནྡྡྷའི་སྣོད་དྲི་ཞིམ་པོས་བྱུགས་པའི་ནང་དུ་བཞག་ལ། དང་ལ་ [7a.4]སྲད་བུ་རང་བཞིན་མེད་པར་བསྒོམ། །དེ་ལས་སོ་སོའི་ཡིག་འབྲུར་འགྱུར། །ཡིག་འབྲུ་ཡོངས་སུ་གྱུར་པ་ལས། སྲད་བུ་འབྱུང་བར་བསམ། དེ་ནས་ཡེ་ཤེས་ཀྱི་ཐུགས་ཀ་ནས། ཡེ་ཤེས་ཀྱི་སྲད་བུ་ཡོད་པ་རྣལ་འབྱོར་པའི་ཉི་མ་ཟླ་བའི་བར་མིག་གི་ལྕགས་ཀྱུས། གཙོ་བོ་ཀྱེ་ཡི་རྡོ་རྗེ་དང་། [7a.5]སངས་རྒྱས་ཀུན་གྱི་མཁའ་འགྲོ་མ། །གཙོ་བོ་སྔགས་དང་གཉིས་མེད་རྣམས། །སྤྱན་དྲངས་ནས་ནི་དེ་ལ་བསྟིམ། །དེ་ལྟར་ཡེ་ཤེས་ཀྱི་ཐིག་སྐུད་བསྐྱེད་ནས། སྲད་བུ་ལྔ་གཙོ་བོའི་སྔགས་བརྗོད་པས། གཅིག་ཏུ་སྒྲིལ་ལོ། །ཨོཾ་བཛྲ་ས་མ་ཡ་སཱུ་ཏྲཾ། མཱ་ཏི་ཀྲ་མ་ཧཱུཾ་ཞེས་པས་བརྒྱ་རྩ་བརྒྱད་ [7a.6]བཟླས་པར་བྱའོ། །ཨོཾ་ཨཱཿ་ཧཱུཾ་གསུམ་མཐའ་གཉིས་དང་དབུས་སུ་བཀོད་ལ། བྱིན་གྱིས་བརླབས་ཏེ། དེ་ལ་མཆོད་པ་འབུལ། དེ་ནས་གཙོ་བོའི་ཐུགས་ཀ་ནས། སྲད་བུ་འཛིན་པའི་གྲོགས་པོ་སྤྲུལ་ལ། ཛ་ཛ་ཞེས་བརྗོད་དུ་བཅུག་ལ་གཏད་པར་བྱའོ། །དང་པོར་ནི་ནམ་མཁའ་ལ་ཐིག་གདབ་ [7a.7]པར་བྱའོ། །ཐིག་སྐུད་དག་ནི་འདེབས་པའི་ཚེ། །འཇིག་རྟེན་ཁམས་ནི་མ་ལུས་པ། །སངས་རྒྱས་ལ་སོགས་འགྲོ་དོན་དུ། །ཁྱེད་ཀྱི་དོན་ནི་བྱ་ནུས་ཡིན། །ཞེས་བསྐུལ་ཞིང་བརྗོད་དོ། །དེ་བཞིན་དུས་ཐིག་ཀྱང་གདབ་པར་བྱ་སྟེ། སློབ་དཔོན་ཆུ་བདག་ཏུ་འདུག་ལ། སློབ་མ་བརྒྱ་ [7b] [7b.1]བྱིན་དུ་འདུག་ལ་ཚངས་ཐིག་གདབ། སློབ་དཔོན་གཤིན་རྗེའི་ཕྱོགས་སུ་འདུག་ལ། སློབ་མ་གནོད་སྦྱིན་དུ་འདུག་ལ་ཚངས་ཐིག་གཉིས་པ་གདབ། སློབ་དཔོན་བྱིན་ཟར་འདུག་ལ། སློབ་མ་དབང་ལྡན་དུ་འདུག་ལ་ཤར་ལ་གདབ། སློབ་དཔོན་རླུང་གི་ཕྱོགས་སུ་འདུག་ལ། སློབ་མ་བདེན་ [7b.2]བྲལ་དུ་འདུག་ལ་ནུབ་ཏུ་གདབ། སློབ་དཔོན་དེ་ཉིད་དུ་འདུག །སློབ་མ་དབང་ལྡན་དུ་འདུག་ལ་བྱང་དུ་གདབ། སློབ་དཔོན་བྱིན་ཟར་འདུག །སློབ་མ་བདེན་བྲལ་དུ་འདུག་ལ་ལྷོ་རུ་གདབ་པར་བྱའོ། །སྲད་བུས་ཡོངས་སུ་ཐིག་གདབ་བྱ། །སྲད་བུས་གཞལ་བར་མི་བྱ་སྟེ། །འཕེལ་འགྲིབ་ [7b.3]གཉིས་ཀྱི་ཉེས་ཡོད་པས། །སྲ་བས་རབ་ཏུ་གཞལ་བར་བྱ། །ཞེས་འབྱུང་བས། སྤ་ལ་སོགས་པའི་དྲང་ཞིང་སྲ་བ་ལ་ཀ་ཏི་ཀ་བྱས་ལ། ཐིག་རྐང་བཞི་བཅུ་རྩ་གཉིས་ཕྱོགས་རེ་རེར་གདབ་པར་བྱའོ། །དེ་ལྟར་ཐིག་བཞི་བཅུ་རྩ་གཉིས་བཏབ་ལ། སྒོ་ཁྱུད་ཀྱི་ཐིག་ཚུན་ཆད་ཀྱིས་ནི། [7b.4]པདྨའི་ལྟེ་བ་ལ་བསྐོར་བར་བྱའོ། །པདྨའི་ཟེ་བ་བསྐོར་བ་ནི། ལྷའི་སྣམ་བུ་ལས་ཇི་ཙམ་རན་པར་བསྐོར་བར་བྱའོ། །དཀྱིལ་འཁོར་གྱི་མཐར་རྡོ་རྗེ་ར་བ་དང་། མེ་འོད་གཉིས་ལས་ཆ་རེ་རེ་བསྐོར། རྟ་བབས་ཀྱི་སྣམ་བུ་བཞིའི་ཕྱོགས་ནས་ཆ་ཕྱེད། ལོགས་ཀྱི་ཆ་ཆེན་བཞི་ལ། གཅིག་ [7b.5]ཆོས་ཀྱི་འཁོར་ལོ། གཅིག་ལ་རྡོ་རྗེ་རྒྱ་གྲམ་གྱི་ར་དབུ་མ་དེའི་སྣ་པདྨའི་སྡོང་པོ་ལ་གཏད་པར་བྱའོ། །དེ་ནས་བླ་མས་དཀྱིལ་འཁོར་གྱི་དབུས་སུ་འདུག་ལ། མིག་གཉིས་ལ་ཉི་མ་དང་ཟླ་བའི་དཀྱིལ་འཁོར་བསམས་ལ། བཟློག་ལ་བལྟ་ཞིང་། ཧི་ཧི་ཞེས་པས་སྒོ་དབྱེ་བར་བསམ། དེ་ནས་ [7b.6]བཛྲ་བེ་ལ་ཞེས་བརྗོད་ལ། ཕྱིར་བྱུང་དེ་ནས་ཐིག་གདབ་པའི་ལས་ཟིན་ནས། ཡེ་ཤེས་སྐུད་པ་ལ་མཆོད་པས་མཆོད་ལ། སརྦ་མ་ར་ཏ་རྩི་པ་ར་ཨརྠ་རྩ། ས་ཏི་ཏ་ཏ་གཙྪ་ཞེས་བརྗོད་ལ་ལྷ་གཤེགས་སུ་གསོལ་ལོ། །ཡེ་ཤེས་ཀྱི་ཐིག་གདབ་པའི་རིམ་པའོ།། །།དེ་ནས་ [7b.7]འབྲས་ལ་ཁ་དོག་བསྒྱུར་བ་ལེགས་པ་ཚོན་གྱི་རིམ་པར་བཞག་ལ། དེ་ལ་རང་བཞིན་མེད་པར་བྱས་ལ། བྷྲཱུཾ་ཨཾ་ཛྲཱཾ་ཁཾ་ཧཱུཾ་ལྔར་བསྒྱུར་བར་བསམ། དེ་ཡོངས་སུ་གྱུར་པ་ལས་ཆོན་སྣ་ལྔར་འབྱུང་བར་བསམ། དེ་ནས་རྣལ་འབྱོར་པའི་ཉི་ཟླའི་འབར་མིག་ལྕགས་ཀྱུས། ཀྱེའི་རྡོ་རྗེ་ [8a] [8a.1]མཁའ་འགྲོ་མ་འཁོར་དང་བཅས་པ་རྣམས་སྤྱན་དྲངས་ནས་ཚོན་ལ་ཐིམ་པར་བསམ། ཨོཾ་བཛྲ་ཙི་ཏྲཱ་ས་མ་ཡ་ཧཱུཾ། ཞེས་ལན་མང་དུ་བཟླས་ལ། ས་ཚོན་ལ་མཆོད་པ་འབུལ། བྱང་ཤར་མཚམས་ནས། བླ་མའི་རིམ་པ་བཞིན་དུ་ནག་པོ། དཀར་པོ། སེར་པོ། [8a.2]དམར་པོ། ལྗང་གུའི་རེ་ཁཱ་ལྔ་པོ་མཉམ་པོར་མཐོ་གང་དུ་དྲངས་ལ་མཆོད་པ་དབུལ། རེ་ཁཱ་ལ་མེ་ཏོག་སིལ་མ་གཏོར། དེ་ནས་རེ་ཁཱ་འདྲེན་ཁར་བླ་མས་འདི་སྐད་བརྗོད་དོ། །འདི་ནི་ཆོས་དབྱིངས་དག་པ་སྟེ། སེམས་ཅན་ཁམས་ནི་སྒྲོལ་བྱེད་པ། །དཔལ་ལྡན་ཁྲག་འཐུང་རྒྱལ་པོ་ཉིད། །དེ་ [8a.3]བཞིན་གཤེགས་པ་ཀུན་གྱི་གནས། ཞེས་སོ། །ཉེས་པ་ཀུན་ལས་རྣམ་གྲོལ་བས། །ཚོན་གྱི་ལས་ནི་ཡང་དག་བརྩམ། །སློབ་དཔོན་གྱིས་ནི་དང་པོ་དབྱེ། །ཕྱི་ནས་ཀུན་དུ་སློབ་མས་སོ། །ཞེས་འབྱུང་ངོ་། །མཐེ་ཆུང་དང་ནི་མཐེ་བོ་སངས། །དྲང་ལ་འཐོ་བར་ཡང་དག་བྲི། །གལ་ཏེ་ [8a.4]རི་མོ་མི་མཉམ་ན། །ཡོ་ཞིང་དམའ་དང་བཅས་པ་དང་། །རི་མོ་དམའ་བས་མི་འགྲུབ་ཅིང་། །ཡོན་པོས་གདུང་བ་སྐྱེད་པར་བྱེད། །ཆད་པས་སློབ་དཔོན་སློབ་མ་དང་། །གཉིས་ཀ་འཆི་བར་ཤེས་པར་བྱ། །ཞེས་འབྱུང་བས། །ཤིན་ཏུ་གཟབ་པར་བྱའོ། །དེ་ནས་གཞུང་དང་མཐུན་པར་ཚུལ་ [8a.5]བཞིན་དུ་དཀྱིལ་འཁོར་བྲི་བར་བྱའོ། །དེ་ནི་ཚོན་དགྱེ་བའི་རིམ་པའོ།། །།དེ་ལྟར་དཀྱིལ་འཁོར་བྲིས་ནས། ད་ནི་ཕྱག་རྒྱ་དགོད་པར་བྱའོ། །དབུས་ཀྱི་ལྟེ་བར་བདུད་བཞི་བསྣོལ་བ་དང་། ཉི་མའི་དཀྱིལ་འཁོར་གྱི་སྟེང་དུ་ན་ར་ཀ་པཱ་ལ་རྡོ་རྗེ་རྒྱ་གྲམ་དང་བཅས་པ་དཀར་པོ་བྲི། ཤར་དུ་གྲི་གུག་ [8a.6]ནག་པོ་བྲི། ལྷོ་རུ་ཌ་མ་རུ་དམར་སྐྱ། ནུབ་ཏུ་རུས་སྦལ་དམར་སེར། བྱང་དུ་སྦྲུལ་ལྗང་གུ། བྱང་ཤར་དུ་སེང་གེ་དམར་སྔོན། ཤར་ལྷོར་དགེ་སློང་དཀར་པོ། ལྷོ་ནུབ་ཏུ་འཁོར་ལོ་ལྗང་སྔོན། ནུབ་བྱང་དུ་རྡོ་རྗེ་ཁྲ་བོ་རྣམ་པར་དགོད་དོ། །དེ་ལྟར་ཕྱག་རྒྱ་དགོད་ཙམ་ན། ཡང་ལྷ་སོ་སོའི་རང་ [8a.7]གི་སྙིང་པོ་བརྗོད་ཅིང་དགོད། བུམ་པ་རྣམ་པ་བརྒྱད་ཀྱང་ཤར་ལ་སོགས་པའི་གནས་སུ་བྲིས་པའམ། དགོད་པར་བྱའོ། །ཕྱག་རྒྱ་དགོད་པའི་རིམ་པའོ། །དེ་ནས་བླ་རེ་དམ་པ་བྲེ་བ་དང་། གཞན་ཡང་རྒྱན་ཐམས་ཅད་བྲི་ཞིང་དགྲམ་པར་བྱ། ཕྱི་རོལ་དུ་ཕྱོགས་སྐྱོང་གི་གཏོར་མ་རྣམས་ [8b] [8b.1]བཙུགས་ལ། ཕྱོགས་སྐྱོང་ས་བོན་ལས་བསྐྱེད་ལ། དེ་ལ་སྤྱན་དྲངས་ལ་བསྟིམས་ལ་བཞག །དེ་ནས་བུམ་པ་རྣམས་ཐོགས་ལ། སྤོས་ཀྱིས་སྣ་དྲངས་ལ་རོལ་མོའི་ཆ་བྱང་སྣ་ཚོགས་ལ། དཀྱིལ་འཁོར་ལན་གསུམ་དུ་བསྐོར་ལ་ཚུལ་བཞིན་དུ་དགོད། ལས་ཐམས་ཅད་པ་བྱང་ཤར་ [8b.2]མཚམས་སུ་དགོད། དེ་ནས་དགོངས་ཀའི་དུས་སུ། བླ་མ་རྒྱན་ཆས་དགོད་ཁྲུས་བྱ། ལུས་དྲི་ཞིམ་པོས་བསྒོ། དཀྱིལ་འཁོར་གྱི་འགྲམ་དུ་ཆག་ཆག་གདབ། དེ་ནས་སྟན་བདེ་བ་ལ་འདུག་ལ། ཙཎྜལཱི་དང་ལྷན་ཅིག་བསྒྲུབ་པར་བྱ། མེད་ན་ཏིང་ངེ་འཛིན་གྱིས་བྱ། དེ་ནས་བླ་མ་ལ་ཡན་ [8b.3]ལག་དྲུག་དང་ལྡན་པ་ལྷའི་འཁོར་ལོ་ཚུལ་བཞིན་དུ་བསྐྱེད་ལ། དེ་ནས་གཽ་རཱི་ལ་བཀའ་བསྒོ་བ་ལ་ལྷ་རྣམས་སྤྱན་དྲངས་པ་དེ་ལ་མཆོད་པ་རྣམས་འབུལ། དེ་ནས་གཞུག་པ་དང་། བཅིང་བ་དང་། དགྱེས་པ་བསྐྱེད་པ་རྣམས་བྱས་ལ། གཉིས་སུ་མེད་པར་བསྟིམ། དེ་ལ་མཆོད་པ་རྣམས་ [8b.4]དབུལ་བར་བྱ་སྟེ། པྲོཀྵ་ཎ་དང་། ཨརྒྷ་དང་། ཨཉྩ་མཱ་ནཾ་དང་། བི་དྷི་དང་། སྤོས་དང་། མེ་ཏོག་ལ་སོགས་པ་དང་། ལྷ་མོ་བརྒྱད་ཀྱི་མཆོད་པས་མཆོད། རས་དང་། ཙནྡན་དང་། གུར་གུམ་ཆར་དུ་འབབ་པ་དང་། སྣ་ཚོགས་པའི་མཆོད་པས་མཆོད། དེ་ནས་བདུད་རྩི་མཆོད་པས་ཀྱང་ [8b.5]རིམ་བཞིན་དུ་མཆོད། དེ་ནས་བསྟོད་པ་ཉི་ཤུ་པས་ལྷ་རྣམས་ལ་བསྟོད་པར་བྱའོ། །སྣ་ཚོགས་པའི་གླུ་དང་བཀྲ་ཤིས་ཀྱི་གླུའི་རྣམ་པས་ཀྱང་མཆོད། ག་ཎ་ཙཀྲ་ཚོགས་ཀྱི་འཁོར་ལོ་ཆེན་པོ་བསྐོར། སྨོན་ལམ་གྱི་ཚོགས་བརྗོད། བསྐོར་བ་ལན་གསུམ་བྱས། གཏོར་མ་དགུ་ཡང་ [8b.6]འབུལ་ལོ།། །།འདི་ན་མར་དབང་བསྐུར་བ་ལ་འཇུག་པར་བྱ་སྟེ། སློབ་མ་འཇུག་པའི་རིམ་པ་བཞིན་དུ། སློབ་དཔོན་རང་ཉིད་དང་ལ་འཇུག་པར་བྱའོ། །དེ་ནས་སྔོན་དུ་བརྟགས་པའི་སློབ་མ་མཚན་དང་ལྡན་པས་འདི་སྐད་བརྗོད་པར་བྱའོ། །སངས་རྒྱས་ཀུན་གྱི་རང་བཞིན་ [8b.7]སྐུ། །སློབ་དཔོན་ལ་ནི་སྐྱབས་སུ་མཆི། །གཙོ་བོ་ལྷ་མོར་བཅས་པ་ཡི། །ལྷ་རྣམས་ལ་ཡང་ཕྱག་འཚལ་ལོ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་གཞུག་པར་གསོལ། །ཞེས་སློབ་དཔོན་ལ་གསོལ་བ་གདབ་པར་བྱའོ། །དེ་ནས་སློབ་དཔོན་གྱིས་འདི་སྐད་ [9a] [9a.1]བརྗོད་དོ། །དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་ཁྱེར་མཆོག །སྙིང་པོའི་དཀྱིལ་འཁོར་འདི་རུ་ནི། །བདག་གིས་སློབ་མ་གཞུག་པར་བགྱི། །དེ་ནས་དཀྱིལ་འཁོར་གྱི་ལྷ་ལ་ལུས་ངག་ཡིད་ཀྱི་སྒོ་ནས་ཕྱག་འཚལ་བར་བྱ་སྟེ། [9a.2]ཨོཾ་ན་མཿ་ཏེ་ཧཱུཾ། ན་མཿ་མི་ཧཱུཾ། ན་མོ་ན་མ་ཧཱུཾ་སྭཱ་ཧཱ། ཞེས་སོ། །དེ་ནས་སྡོམ་པའི་ཆོ་ག་བརྗོད་དེ་སྦྱིན་པར་བྱ་བ་ནི། སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང་། །འདི་ནི་སངས་རྒྱས་རིགས་ཡིད་འོང་། །སྡོམ་པ་བརྟན་པར་གྱུར་པ་ཡིན། ། [9a.3]རྡོ་རྗེ་དྲིལ་བུའི་ཕྱག་རྒྱ་ནི། །སློབ་དཔོན་ཁྱོད་ཀྱིས་གཟུང་བར་བྱ། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་གྲགས་སོ། །སློབ་དཔོན་ཁྱོད་ཀྱིས་གཟུང་བྱ་སྟེ། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེ་དག་པ་ཡི། །དམ་ཚིག་སྡོམ་པ་ཡིན་པར་བཤད། །རིན་ [9a.4]ཆེན་རིགས་ལ་རྟག་ཏུ་ནི། །ཉིན་རེ་བཞིན་དུ་དུས་དྲུག་ཏུ། །ཆོས་དང་ཟང་ཟིང་མི་འཇིགས་བྱམས། །སྦྱིན་པ་རྣམ་བཞི་རྟག་ཏུ་སྦྱིན། །ཕྱི་ནང་གསང་བའི་ཐེག་པ་གསུམ། །དམ་པའི་ཆོས་ཀྱང་མ་ལུས་གཟུང་། །འདི་ནི་པདྨའི་རིགས་དག་པའི། །དམ་ཚིག་ཡིད་དུ་འོང་བ་པོ། ། [9a.5]ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །སྡོམ་པ་གཟུང་བའོ། །དེང་ཁྱོད་དཔའ་བོ་དང་རྣལ་འབྱོར་མ་རྣམས་ཀྱི་ནང་དུ་ཞུགས་ཀྱིས། ངས་ཁྱོད་ལ་དཔལ་ཧེ་རུ་ཀའི་ [9a.6]ཡེ་ཤེས་བསྐྱེད་པར་བྱ་སྟེ། གང་ཁྱོད་དེ་བཞིན་གཤེགས་པ་ཐམས་ཅད་དང་། དཔའ་བོ་དང་རྣལ་འབྱོར་མ་ཐམས་ཅད་ཀྱི་དངོས་གྲུབ་ཐོབ་པར་འགྱུར་ན་དངོས་གྲུབ་གཞན་ལྟ་སྨོས་ཀྱང་ཅི་འཚལ། ཁྱོད་ཀྱིས་དཀྱིལ་འཁོར་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱ་སྟེ། དམ་ཚིག་ཉམས་ [9a.7]པར་གྱུར་ཏ་རེ། ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པ་ནི། །གལ་ཏེ་ཚུལ་འདི་སྨྲ་ན་ནི། །དེ་མ་ཐག་ཏུ་དྲལ་ནས་གཤེགས། །དེ་ནས་ཀ་པཱ་ལའི་ནང་དུ་བདུད་རྩི་ལྔ་དང་ལྡན་པས་དམ་ཚིག་གི་ཆུ་བླུད་པ་ནི། ཀྱེའི་རྡོ་རྗེ་དང་ལྡན་པས་གཟི་མདངས་དང་ལྡན་པར་འདི་ [9b] [9b.1]སྐད་དུ་བརྗོད་དེ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་སརྦ་པཉྩ་ཨ་མྲྀ་ཏོ་ཀ་ཋ་ཧཱུཾ། འདི་ནས་བརྩམས་ཏེ་དཔལ་ཧེ་རུ་ཀ་ང་ཉིད་ཡིན་གྱིས་གང་ངས་འདི་བྱོས་ཤིག་ཅེས་ [9b.2]བསྒོ་བ་དེ་ཁྱོད་ཀྱིས་བྱ་དགོས་སོ། །ཁྱོད་ང་ལ་བརྙས་པའི་ལས་མ་བྱེད་ཅིག །བྱས་ན་ཁྱོད་མི་བདེ་བ་མ་སྤངས་པར་ཚེའི་དུས་བྱས་ནས་དམྱལ་བར་ལྷུང་བར་འགྱུར་རོ། །དེ་ནས་དཔའ་བོ་དང་རྣལ་འབྱོར་མ་ཐམས་ཅད་ཀྱིས་བྱིན་གྱིས་རློབས་ཤིག །དཔལ་ཧེ་རུ་ཀ་བདག་ལ་དབབ་པར་ [9b.3]མཛོད་ཅིག་ཅེས་བརྗོད་དུ་གཞུག་གོ། །སློབ་མ་ལ་བདུད་རྩི་རྣམ་པ་ལྔ་བླུད་ལ། གུ་རུ་འགྱིང་བག་དང་ལྡན་པས་གོ་ཆ་བགོས་ལ། རང་གི་སྙིང་གའི་ཡེ་ཤེས་སེམས་དཔའི་ཐུགས་ཀ་ནས་འོད་ཟེར་འཕྲོས་པས། གཙོ་བོ་དང་རྣལ་འབྱོར་མ་རྣམས་བཀུག་ལ་ཤི་ཥྱའི་སྙིང་གར་གཞུག་ [9b.4]གོ། །བཅུག་པས་སྨྲ་ནུས་པར་འགྱུར་རོ། །ལས་རྣམ་བཞིའི་ཁ་དོག་གང་དང་གང་མཐོང་བ་དེ་དང་དེ་མཐུན་པར་བསྟན་ཏོ། །དེ་ནས་མེ་ཏོག་གི་ཕྲེང་བ་ཐོགས་ལ་པྲ་ཏཱི་ཙྪ་བཛྲ་ཞེས་བརྗོད་ལ་དཀྱིལ་འཁོར་དུ་གཞུག །དེ་ནས་སློབ་མའི་མགོ་ལ་བཅིང་བར་བྱའོ། །དེ་ནས་སློབ་མའི་ལག་ [9b.5]པ་ནས་བཟུང་ལ། མིག་དབྱེ་བར་བྱ་སྟེ། ཧེ་རུ་ཀ་དཔལ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །ཕྱེ་བས་ཐམས་ཅད་མཐོང་བར་བྱེད། །རྡོ་རྗེའི་མིག་ནི་བླ་ན་མེད། །ཨོཾ་བཛྲ་ནཻ་ཏྲ་ཨ་པ་ཧ་ར་བ་ཏྲ་ལཾ་ཧྲི་ཞེས་བརྗོད་ལ་གདོང་གཡོགས་ཕུད་ལ་འདི་སྐད་ཅེས་བརྗོད་དོ། ། [9b.6]དཀྱིལ་འཁོར་བཟང་པོ་འདི་ལ་ལྟོས། །ད་ནི་དད་པ་རབ་ཏུ་བསྐྱེད། །ཁྱོད་ནི་རྣལ་འབྱོར་མ་རིགས་སྐྱེས། །སྔགས་དང་ཕྱག་རྒྱས་བྱིན་གྱིས་བརླབས། །འགྲོ་བའི་ཕུན་སུམ་ཚོགས་ཀུན་དང་། །དངོས་གྲུབ་ཀུན་ནི་མངོན་སུམ་འགྱུར། །དམ་ཚིག་ཐམས་ཅད་བསྐྱང་བ་དང་། གསང་ [9b.7]སྔགས་ལ་ཡང་བརྩོན་པར་གྱིས། །ཞེས་བརྗོད་པ་དང་། མེ་ཏོག་གང་དུ་ལྷུང་བའི་ལྷ་ངོ་བསྟན། ལྷ་གཞན་ཡང་བསྟན་ཏེ། སྐུ་མདོག་དང་ཕྱག་མཚན་དགོད་པའི་སྐབས་སུ་ཕྱག་མཚན་ཁ་དོག་ལས་ཤེས་པར་བྱས་ལ་བསྟན། ཕྱག་མཚན་ཡང་ཚུལ་བཞིན་དུ་བསྟན་ཏོ། །སློབ་མ་ [10a] [10a.1]དཀྱིལ་འཁོར་དུ་གཞུག་པའི་རིམ་པའོ།། །།དེས་ན་གཞལ་ཡས་ཁང་གྲུ་བཞིར་བྱུང་བ་ན། ཚད་མེད་པ་བཞི་རྣམ་པར་དག་པའི་རང་བཞིན་ནོ། །སྒོ་བཞི་ནི་དྲན་པ་ཉེ་བར་གཞག་པ་བཞི་རྣམ་པར་དག་པའི་རང་བཞིན་ནོ། །རྟ་བབས་བཞི་ནི་ཡང་དག་ [10a.2]པར་སྤོང་བ་བཞི་རྣམ་པར་དག་པའི་རང་བཞིན་ནོ། །དྲ་བ་ཕྱེད་པ་ནི་ཉོན་མོངས་པ་ཆེན་པོ་རྣམ་པར་དག་པའོ། །དྲ་བ་ནི་ཉོན་མོངས་པ་ཆུ་ངུ་རྣམ་པར་དག་པའོ། །ཀ་བ་བརྒྱད་ནི་འཕགས་པའི་ལམ་ཡན་ལག་བརྒྱད་པ་རྣམ་པར་དག་པའོ། །དར་ན་པ་ཏི་ལ་སོགས་པའི་རྒྱན་རྣམས་ནི་ [10a.3]ཚུལ་ཁྲིམས་རྣམ་པར་དག་པའི་མཚན་ཉིད་དོ། །འདོད་པའི་ཡོན་ཏན་ལྔ་རྣམས་ནི་གཟུགས་སྒྲ་ལ་སོགས་པ་རྣམ་པར་དག་པའོ། །རྡོ་རྗེ་ར་བ་ནི་ཟབ་མོའི་ཆོས་ཀྱི་འཁོར་ལོ་བསྐོར་བའི་རྟགས་སོ། །མེ་རི་འདི་ནི་ཕྱིན་ཅི་ལོག་གི་བགེགས་ལ་སོགས་པས་མི་ཚུགས་པའི་རྟགས་ [10a.4]སོ། །བུམ་པ་བརྒྱད་ནི་ཆེ་བའི་ཡོན་ཏན་གྱིས་རྒྱས་ཤིང་ཐུགས་རྗེ་ཆེན་པོའི་རོས་ཡོངས་སུ་གང་བའི་རྟགས་སོ། །དེ་ནི་དཀྱིལ་འཁོར་གྱི་དེ་ཁོ་ན་ཉིད་དོ། །བཅོམ་ལྡན་འདས་ཀྱེའི་རྡོ་རྗེ་ནི་རྣམ་པར་ཤེས་པའི་ཕུང་པོ་དང་ཞེ་སྡང་རྣམ་པར་དག་པའི་རང་བཞིན་ནོ། །གཽ་རཱི་ནི་ཞེ་སྡང་དང་ [10a.5]གཟུགས་རྣམ་པར་དག་པའི་རང་བཞིན་ནོ། །ཆོམ་རྐུན་མ་ནི་གཏི་མུག་དང་སྒྲ་རྣམ་པར་དག་པའི་རང་བཞིན་ནོ། །རོ་ལངས་མ་ནི་ང་རྒྱལ་དང་དྲི་རྣམ་པར་དག་པའི་རང་བཞིན་ནོ། །གྷསྨ་རཱི་ནི་འདོད་ཆགས་དང་རོ་རྣམ་པར་དག་པའི་རང་བཞིན་ནོ། །པུཀྐ་སཱི་ནི་ཞེ་སྡང་དང་ས་རྣམ་པར་དག་པའི་རང་ [10a.6]བཞིན་ནོ། །རི་ཁྲོད་མ་ནི་གཏི་མུག་དང་ཆུ་རྣམ་པར་དག་པའི་རང་བཞིན་ནོ། །གཏུམ་མོ་ནི་ང་རྒྱལ་དང་མེ་རྣམ་པར་དག་པའི་རང་བཞིན་ནོ། །གཡུང་མོ་ནི་འདོད་ཆགས་དང་རླུང་རྣམ་པར་དག་པའི་རང་བཞིན་ནོ། །བདག་མེད་རྣལ་འབྱོར་མ་ནི་ཡབ་དང་མཐུན། དེ་ནི་ལྷའི་རྣལ་འབྱོར་དེ་ཁོ་ [10a.7]ན་ཉིད་དོ། །དེ་ནས་སློབ་མས་བླ་མའི་ཞབས་ལ་དད་པས་ཕྱག་འཚལ་ལོ། །ཡོན་གྱི་མཆོག་རྣམས་ཐོགས་ལ་བླ་མ་ལ་ཕུལ་ལ་དབང་ནོད་པའི་དོན་དུ་གསོལ་བ་གདབ་པར་བྱའོ། །ཧེ་རུ་ཀ་དཔལ་དབང་བསྐུར་བ། །འགྲོ་བ་སྐྱོབ་ཕྱིར་གཟི་བརྗིད་ཅན། །དེ་ལྟར་ཡོན་ཏན་འབྱུང་གནས་སོགས།། [10b] [10b.1]དེ་བཞིན་བདག་ལ་དེང་སྩོལ་ཅིག །དཔའ་བོ་ཆེན་པོས་མི་ལྡོག་པའི། །དབང་བསྐུར་བ་ནི་བདག་ལ་སྩོལ། །སེམས་ཅན་ཀུན་གྱི་དོན་གྱི་ཕྱིར། །བདག་ནི་རྟག་ཏུ་སློབ་དཔོན་བགྱིད། །ཅེས་སློབ་དཔོན་ལ་གསོལ་བ་གདབ་པར་བྱའོ། །དེ་ནས་དཀྱིལ་འཁོར་གྱི་འཇུག་པའི་སྒོ་ལྷོ་ཕྱོགས་ [10b.2]སུ་པདྨ་བརྒྱད་པ་བྲིས་པའི་སྟེང་དུ་སེང་གེའི་ཁྲི་བཤམས་ལ། དེའི་སྟེང་དུ་སྣ་ཚོགས་པདྨའི་སྟན་བཏིང་ལ། གཉིས་སུ་མེད་པའི་བློ་དང་ལྡན་པའི་སློབ་མ། བླ་མ་ལ་གུས་ཤིང་གཏོང་སེམས་ཆེ་བ་དེ་གཞག་པར་བྱའོ། །དཀྱིལ་འཁོར་གྱི་ལྷ་ལ་འབད་དེ་ཅི་ནུས་པས་མཆོད་ལ། སློབ་མའི་ [10b.3]སྟེང་དུ་གདུགས་དཀར་པོ་བཟུང་ལ། མེ་ཏོག་ཆུ་ལ་སོགས་པ་དབང་བསྐུར་བ་བརྩམ་པར་བྱའོ། །དེ་ཡང་དང་ལ་ཡུངས་ཀར་དང་བདུད་རྩི་ལྔའི་ཆུས་བདག་ཉིད་གཟི་བརྗིད་བཅས་པས་གཏོར་ཞིང་སྔགས་བརྗོད་དེ། དབང་བསྐུར་བའི་བར་དུ་གཅོད་པའི་བགེགས་བསྐྲད་པར་བྱའོ། །ར་བ་ [10b.4]དྲ་བ་གུར་ལ་སོགས་པ་ཡང་བྱའོ། །དེ་ནས་སློབ་མ་ཁྲུས་བྱས་ལ་གོས་བཟང་པོ་གོན་ལ་ཁྲི་ལ་བཞུགས་པས། སྙིམ་པ་མེ་ཏོག་གིས་བཀང་ལ་དཀྱིལ་འཁོར་ལ་གཏོར་བར་བྱའོ། །སྔགས་ཨོཾ་པྲ་ཏཱི་ཙྪ་བཛྲ་ཧོ་ཞེས་བརྗོད་ལ་གཏོར་རོ། །དེ་ནས་མེ་ཏོག་ལྷུང་བ་བླངས་ལ་སློབ་མའི་མགོ་ལ་ [10b.5]བཅིངས་ལ། ཨོཾ་དྷརྨཱ་ཀུནྡྷ་ཨ་བྷི་ཥིཉྩ་ཞེས་བརྗོད་དོ། །དེ་ནས་པདྨའི་ལག་པ་གཉིས་ཀྱིས། སྔགས་པས་བུམ་པ་རྣམས་བཏེག་ལ། སློབ་མའི་མགོ་ལ་གཏུགས་ཏེ། ཨོཾ་བཛྲ་ཨ་གྷི་ཥིཉྩ་མི་ཏྭཾ། ཞེས་པའི་སྔགས་བརྗོད་ལ་དབང་བསྐུར་རོ། །དེ་ནས་རྣམ་པར་རྒྱལ་བའི་བུམ་པ་བཏེག་ལ་ [10b.6]དྲིལ་བུའི་སྒྲ་བསྒྲགས་ལ་གླུའི་རྣམ་པ་བླངས་ལ་ཆུའི་དབང་བསྐུར། སྔགས་གོང་མ་བརྗོད། དེ་ལྟར་ཆུའི་དབང་བསྐུར་བས། རྣམ་པར་རྟོག་པའི་སྡིག་སྒྲིབ་ཐམས་ཅད་མེད་པར་བསམ་མོ། །གསེར་ལ་སོགས་པ་ལས་བརྡུངས་པ་དང་། བ་སོ་ལས་འབུར་དུ་བརྐོས་པ་དང་། ཐང་ཀ་ལ་ [10b.7]སོགས་པའི་རི་མོར་བྲིས་པ་དང་། གོས་ཀྱི་རྣམ་པ་སྣ་ཚོགས་པ་གང་ཡང་རུང་བ་ལ། དེ་ཉིད་མི་དམིགས་པར་བྱས་ལ། ཨཾ་ལས་རཏྣ་སཾ་བྷ་བ་བསམས་ལ། དེ་ལ་ཡེ་ཤེས་སེམས་དཔའ་དགུག་པ་དང་། གཞུག་པ་དང་། བཅིང་བ་དང་། དགྱེས་པར་བྱས་ཏེ། བསྟིམ་ལ་ [11a] [11a.1]མཆོད་པ་དབུལ། འཛབ་ཅི་ནུས་ཀྱང་བྱས། དེ་ནས་བསྟོད་པ་བྱ། སྲིད་པ་རང་བཞིན་གྱི་ཚིག་བརྗོད། དེ་ལྟར་བྱས་པས་གཞན་ལ་བསྟིམས་པ་དང་། མཆོད་པ་འཛབ་དང་བསྟོད་པ་དང་། སྲིད་པ་རང་བཞིན་གྱི་ཚིག་བརྗོད་པ་ཀུན་འདྲེ་ཀུན་ལ་བྱ། དེ་ལ་ཅོད་པན་ [11a.2]གྱི་གཟུགས་སུ་གྱུར་པ། དར་དཔྱངས་གཉིས་ཐོགས་ལ། འདི་སྐད་ཅེས་བརྗོད་དེ་སྦྱིན་པར་བྱའོ། །ཐོར་ཚུགས་ཅོད་པན་གྱིས་བརྒྱན་པ། །སངས་རྒྱས་ཀུན་གྱིས་བསྔགས་པ་ཡིས། །རིན་ཆེན་དག་གི་དབུ་རྒྱན་དང་། །དར་དཔྱངས་དབང་བསྐུར་སྦྱིན་པར་བྱ། ཨོཾ་བཛྲ་ [11a.3]པཊྚ་ཀ་བཛྲ་ཨ་རལླི་ཧོ། །ཞེས་བརྗོད་དེ་སྦྱིན་ནོ། །དེ་ནས་རྡོ་རྗེ་མདུན་དུ་བཞག་ལ། དེ་ཉིད་མི་དམིགས་པ་ལས། ཛཾ་ལས་པདྨར་གྱུར་པ་ལས་སྣང་བ་མཐའ་ཡས་སུ་བསྐྱེད་ལ། དེ་ཡོངས་སུ་གྱུར་པ་ལས་བྱུང་བའི་རྡོ་རྗེ་སློབ་མའི་སྙིང་གར་བཞག་ལ་འདི་སྐད་བརྗོད་དོ། །འདི་ནི་སངས་ [11a.4]རྒྱས་ཐམས་ཅད་ཉིད། །ཧེ་རུ་ཀ་དཔལ་རྒྱལ་པོ་དང་། །མཁའ་འགྲོ་རྣམས་ཀྱི་དབང་མཆོག་ཉིད། །དི་རིང་ཁྱོད་ལ་དབང་བསྐུར་རོ། །ཨོཾ་ཤྲཱི་ཧེ་རུ་ཀ་ཨ་དྷི་པ་ཏི་སྟྭཾ། ཨ་བྷི་ཥིཉྩ་ཏིཥྛ་བཱི་ར་ས་མ་ཡ་སྟྭཾ། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། ། [11a.5]ཀུན་དུ་བཟང་པོ་ཀུན་བདག་ཉིད། །རྡོ་རྗེ་སྙེམས་ཚུལ་བདག་པོའི་བདག །ཅེས་བརྗོད་ལ། ལག་པ་གཡས་པར་སྦྱིན་ནོ། །རྡོ་རྗེའི་དབང་བསྐུར་བའོ། །དེ་ནས་དྲིལ་བུ་མདུན་དུ་བཞག་ལ། དེ་ཉིད་མི་དམིགས་པ་ལས། ཁཾ་དང་རལ་གྲི་དང་དོན་ཡོད་གྲུབ་པ་རྣམས་ལས་ [11a.6]བྱུང་བ་དྲིལ་བུ་ལག་པ་གཡོན་པར་བྱིན་ལ་འདི་སྐད་བརྗོད་དོ། །འདི་ནི་རྣལ་འབྱོར་མ་ཀུན་གྱིས། །ཤེས་རབ་དབྱངས་ཀྱི་རྗེས་འགྲོ་བཤད། །ཁྱོད་ཀྱིས་ཀྱང་ནི་རྟག་ཏུ་བཅང་། །བྱང་ཆུབ་མཆོག་ཏུ་རྒྱལ་བས་བཤད། །སྲིད་པ་ངོ་བོ་ཉིད་དག་པ། །ངོ་བོ་ཉིད་ཀྱིས་དངོས་མེད་བྱས། །རང་ [11a.7]བཞིན་དག་པའི་སེམས་དཔའ་ནི། །སྲིད་པ་དམ་པ་བྱེད་པར་འགྱུར། །ཨོཾ་བཛྲ་སྟྭ་ཏྭཾ་ས་མ་ཡ་ཨ་བྷི་ཥི་ཉྩཱ་མི་ཞེས་བརྗོད་ལ་ལག་པ་གཡོན་པར་སྦྱིན་ནོ། །དྲིལ་བུའི་དབང་བསྐུར་བའོ། །དེ་ལྟར་དྲིལ་བུ་བྱིན་ལ་ཕྱག་རྒྱ་ཆེན་པོ་དང་ལྡན་པར་བསམས་ལ། དེ་ལ་སྔགས་ཀྱིས་དབང་ [11b] [11b.1]བསྐུར་བའི་མིང་གདགས་པར་བྱ་སྟེ། ཨོཾ་ཤྲཱི་ཧེ་རུ་ཀ་ཨ་དྷི་པ་ཏི་སྟྭཾ། ཨ་བྷི་ཥི་ཉྩཱ་མི། ཤྲཱི་ཧེ་རུ་ཀ་ནཱ་མ་ཨ་བྷི་ཥེ་ཀ་ཏ་ཞེས་བརྗོད་ལ་ཤྲཱི་སྒྲ་དང་བཅས་པར་པདྨའི་མཐར་ཐུག་པའི་མིང་གི་དབང་བསྐུར་རོ། །འདི་ནི་སངས་རྒྱས་ཐམས་ཅད་ཉིད། །ཧེ་རུ་ཀ་དཔལ་ཕྱག་ན་བསྣམས། །ཁྱེད་ [11b.2]ཀྱིས་རྟག་ཏུ་བཅང་བར་བགྱི། །ཧེ་རུ་ཀ་དཔལ་བརྟུལ་ཞུགས་བརྟན། །རྡོ་རྗེ་རྩེ་མོ་འཛིན་དུ་བཅུག་ལ་སྔགས་འདི་བརྗོད་དོ། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏི་ཥྛ་ཨེ་ཥ་ཏྭཾ་དྷཱ་ར་ཡ་མི་ཧཱུཾ། ཧ་ཧ་ཧ་ཧ་ཧོ་ཞེས་བརྗོད་ལ་ལག་པ་གཡས་པས་རྡོ་རྗེ་བརྟུལ་ཞུགས་ཀྱི་དབང་སྦྱིན་པར་ [11b.3]བྱའོ། །ཨ་ལས་བྷནྡྷར་གྱུར་པར་བསྒོམ། ཨོཾ་ལས་གྲི་གུག་ཏུ་གྱུར་པར་བསྒོམས་ལ་འདི་སྐད་བརྗོད་དོ། །ཧེ་རུ་ཀ་དཔལ་ཁ་ཊྭཱཾ་ག །རྣལ་འབྱོར་པ་ཡི་ཌ་མ་རུ། །རྡོ་རྗེ་ཁ་ཊྭཱཾ་རྡོ་རྗེ་བཅས། །དྲིལ་བུ་སིལ་སིལ་སྒྲ་སྒྲོགས་པ། །ཚངས་པའི་སྐུད་ཐོགས་རྣལ་འབྱོར་བདག །གྲི་གུག་ [11b.4]དང་ནི་ཀ་པཱ་ལ། །དཔའ་བོ་ཆེན་པོས་བླང་བར་གྱིས། །གྲི་གུག་དང་ཐོད་པས་དབང་བསྐུར་རོ། །དེ་རྣམས་དང་ལྡན་པའི་སློབ་མ་ནི། ཞི་བ་དང་། རྒྱས་པ་དང་། དབང་དང་། དྲག་པོ་དང་། རེངས་པ་དང་། བསྐྲད་པ་དང་། རྨོངས་པར་བྱས་པ་དང་། གསོད་པ་ལ་སོགས་པ་དང་། དེ་རྣམས་ [11b.5]ལ་ཐོགས་པ་མེད་པར་གྲུབ་པར་བྱོས་ཤིག །མཆིལ་ལྷམ་བགོ་བ་དང་། ཆར་དབབ་པ་དང་། ཉི་ཟླ་གཟུང་བ་ལ་སོགས་པ་མཁའ་འགྲོ་མའི་དངོས་གྲུབ་ཐམས་ཅད་ཅི་དགའ་བར་འགྲུབ་པར་གྱིས་ཤིག །དེ་ནི་རྗེས་སུ་གནང་བ་སྦྱིན་པའོ། །མེ་ཏོག་ལ་སོགས་པ་ནས་གྲི་གུག་དང་ཐོད་ [11b.6]པའི་དབང་བསྐུར་བ་ཡན་ཆད་ཀྱིས་ནི་ལུས་དག་པར་བྱེད་པ་ཡིན་པས་ན་སྐུའི་དབང་ཞེས་བྱའོ། །འབྲས་བུ་ནི་གང་དང་གང་སྐལ་བ་མཉམ་པ་ཡིན་ཞེ་ན། ས་བརྒྱད་པའི་བྱང་ཆུབ་སེམས་དཔའ་དང་སྐལ་བ་མཉམ་པ་ཡིན་ནོ།། །།དེ་ནས་མེ་ཏོག་ལ་སོགས་པའི་ [11b.7]དབང་ཐོབ་པས། བླ་མས་གསང་བའི་དབང་བསྐུར་བ་བསྒྲུབས་པའི་གནས་དེ་ཉིད་དུ་མི་མེད་ཅིང་དབེན་པར་བྱས་ཏེ། ཡོལ་བས་བར་དུ་བཅང་ལ། མཎྜལ་གྲུ་བཞི་པ་བྱས་ལ། དྲི་ཞིམ་པོ་དང་བདུད་རྩིས་ཆག་ཆག་བཏབ་པ་དེར། མེ་ཏོག་སིལ་མ་བཀྲམ། སྟན་སྣ་ཚོགས་པ་ [12a] [12a.1]བཟང་པོ་བཏིང་ལ། སློབ་མས་ཤེས་རབ་མ་མཚན་དང་ལྡན་པ་བླ་མ་ལ་ཕུལ་ལ། འདི་སྐད་གསོལ་བ་གདབ་པར་བྱ་སྟེ། ཁྱོད་ནི་ཧེ་རུ་ཀ་དཔལ་ཏེ། །བདེ་གཤེགས་རྣམས་ཀྱིས་བདེ་སོགས་མཛད། །བྱང་ཆུབ་སེམས་དཔའ་ཆེ་རྣམས་ཀྱི། །ཡང་དག་དོན་ [12a.2]མཆོག་རྣམ་པར་དག །ཇི་ལྟར་དེ་ཉིད་བདུད་རྩི་ཡིས། །མཆོག་གི་དབང་ནི་བསྐུར་བ་བཞིན། །དེ་བཞིན་བདག་ལ་འཁོར་བ་ཡི། །སྡུག་བསྔལ་རྣམས་ནི་བསལ་བར་མཛོད། །རྣལ་འབྱོར་བདུད་རྩི་དྲི་མེད་མཆོག །རབ་རིབ་ཉེས་པའི་དྲི་མ་འཇོམས། །གང་ནི་བྱང་ཆུབ་བླ་མེད་པ། ། [12a.3]དེ་རིང་བདག་གིས་ཐོབ་པར་མཛོད། །ཅེས་བརྗོད་ལ་གསོལ་བ་གདབ་པར་བྱའོ། །དེ་ནས་བླ་མས་ཤེས་རབ་མ་བདག་མེད་མར་བསྐྱེད་ལ། དེ་ལ་གོ་ཆ་དང་བྱ་བ་དང་། གནས་གསུམ་དུ་ཡང་ལྷ་གསུམ་བསྐྱེད་ལ། ཡེ་ཤེས་སེམས་དཔའ་བཀུག་པ་དང་། གཞུག་པ་དང་། བཅིང་བ་དང་། [12a.4]རྗེས་སུ་དགྱེས་པ་བྱས་ཏེ་བསྟིམས་ལ། མི་བསྐྱོད་པས་དབུ་བརྒྱན་ཏེ། འདི་སྐད་བརྗོད་དོ། །མཁའ་གསང་བྱིན་གྱིས་བརླབས་ཏེ། ཨོཾ་པདྨ་སུ་ཁ་དྷཱ་ར་མ་ཧཱ་རཱ་ག་སུ་ཁཾ་ད་ད་ཙ་ཏུར་ཨཱ་ན་ནྡྱ་བྷ་ག་བི་ཤྭ་ཧཱུྃ་ཧཱུྃ་ཧཱུྃ་ཀ་ཪྻཾ་ཀུ་རུ་ཥྭ་མེ། ཨོཾ་བཛྲ་མ་ཧཱ་ད་ཤ་ཙ་ཏུ་ར་ཨཱ་ནནད་ད་མ་ཀ་ཁ་ག་མུ་ཁེ་ཀ་རཱ་ཤོ་ནཱ་ཐ་ཧཱུྃ་ [12a.5]ཧཱུྃ་ཧཱུྃ་ཀཪྱཾ་ཀུ་རུ་ཥྭ་མེ། ཞེས་བརྗོད་པས། ཉེས་པ་མེད་དེ་རྣམ་པར་དག་པར་བསམ་མོ། །དེ་ནས་སྙོམས་པར་འཇུག་པར་བྱ་སྟེ། མི་བསྐྱོད་པ་མཛད་ཅིང་རང་གི་ཡེ་ཤེས་སེམས་དཔའི་ཐུགས་ཀའི་མཚན་མའི་ལྟེ་བའི་ཧཱུྃ་ལས་འོད་འཕྲོས་པས་ཕྱོགས་བཅུར་བཞུགས་པ་རྣམས་སྤྱན་དྲངས་ [12a.6]ནས། ཐུགས་ཀར་ཐིམ་པ་ལ་སོགས་པ་རྣམས་བྱས་ནས། བྱང་ཆུབ་ཀྱི་སེམས་འབར་བ་བོ་ལའི་སྐེར་ཕྱིན་པ་དང་། ཨོཾ་སརྦ་ཏ་ཐཱ་ག་ཏཱ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་བརྗོད་ལ། ཆགས་པའི་རྡོ་རྗེའི་རང་བཞིན་ཡིན་ནོ་བར་ང་རྒྱལ་བྱའོ། །དེ་ནས་བྱང་ཆུབ་ཀྱི་སེམས་བོ་ལའི་ [12a.7]སྐྱེར་མཐེབ་སྲིན་གྱིས་མནན་ལ། སློབ་མའི་བུ་གར་འདྲེན་པར་བྱའོ། །དེ་ནས་སློབ་དཔོན་གྱིས་ཨུ་པ་སུ་མནྡྲ་བལྟ་བར་བྱོས། ཨ་ཧོ་སུ་ཁ་ཞེས་བརྗོད། སློབ་མས་བདེ་བ་ཅན་ཆེན་པོའི་དཔལ་ཧེ་རུ་ཀ་བདག་ཉིད་དོ་ཞེས་བརྗོད། བསྐུར་ཏེ་འཐུང་བའི་རྟིང་ལ་བརྗོད། དེའི་རྡོ་རྗེའི་ [12b] [12b.1]དཔལ་གྱིས་རེག་པ་དེས་ནི་ངག་གི་ཉེས་པ་དང་། རྣམ་པར་རྟོག་པ་ཐམས་ཅད་སེལ་བར་བྱེད་པས་ན། གསུང་གི་དབང་ཞེས་བྱའོ། །དེ་ནས་འབྲས་བུ་གང་དང་གང་སྐལ་བ་མཉམ་པར་འགྱུར་ཞེ་ན། ས་བཅུ་པའི་བྱང་ཆུབ་སེམས་དཔའ་དང་སྐལ་བ་མཉམ་པར་འགྱུར་རོ། །ས་བཅུ་པའི་ [12b.2]བྱང་ཆུབ་སེམས་དཔའ་དང་སྐལ་བ་མཉམ་པར་དེ་ལ་ལུང་བསྟན་པར་བྱ་སྟེ། བླ་མས་ཆོས་གོས་གྱོན་ལ་ལག་པ་གཡོན་པས་ཆོས་གོས་ཀྱི་ཐ་མ་ཆང་པར་བཅུག་ལ་འདི་སྐད་བརྗོད་དོ། །འདི་ལྟར་ངས་ཡོངས་སུ་བསྟན་ཏེ། ཧེ་རུ་ཀ་དཔལ་དེ་བཞིན་གཤེགས། །དངོས་པོ་མཆོག་ [12b.3]ཏུ་གྲུབ་པའི་ཕྱིར། །སྲིད་པའི་ངན་འགྲོ་རྣམས་ལས་བཏོན། །ཤྲཱི་ཧེ་རུ་ཀ་ན་མཿ་སརྦ་ཏ་ཐཱ་ག་ཏ་ཧི། སིདྡྷ་ས་མ་ཡ་སྟྭཾ་བྷུར་བྷུ་བ་སྭཿ་ཞེས་བརྗོད་དོ། །དོན་ཡོད་གྲུབ་པའི་ཕྱག་རྒྱར་གནས་པ་དང་། །དུས་གསུམ་གྱི་རྒྱལ་བ་རྣམས་ཀྱིས་མགྲིན་གཅིག་ཏུ་ལུང་སྟོན་པར་མཛད་དོ། །ལུང་ [12b.4]བསྟན་པའོ། །ཁམས་གསུམ་གྱི་བདག་པོར་གྱུར་པ་དང་། རྒྱལ་བ་རྣམས་ཀྱི་བདག་པོར་གྱུར་པ་དང་། ཕྱིན་ཅི་ལོག་གི་བདུད་དང་མུ་སྟེགས་ལ་སོགས་པ་ལས་རྒྱལ་བ་དང་། མྱ་ངན་ལས་འདས་པའི་གྲོང་ཁྱེར་དམ་པར་འཇུག་པ་སྟེ། འདི་ཉིད་ཀྱིས་སངས་རྒྱས་ཐོབ་པར་འགྱུར་ [12b.5]གྱིས། ཐེ་ཚོམ་དང་ཡིད་གཉིས་ལ་སོགས་པ་མ་བྱེད་ཅིག །གཞན་ཡང་བླ་མ་དམ་པས་དབང་བསྐུར་བ་ཙམ་གྱིས་ཇི་ལྟར་བསམས་པ་ལྟར་སློབ་མ་རྣམས་ཀྱིས་འགྲུབ་པར་འགྱུར་རོ། །དེའི་དབུགས་དབྱུང་བའོ།། །།དེ་ནས་ཤེས་རབ་དང་ཡེ་ཤེས་ཀྱི་དབང་བསྐུར་བ་བརྩམ་ [12b.6]པར་བྱ་སྟེ། དེ་ལ་ཡང་གཉིས་ཏེ། ཤེས་རབ་ཀྱི་དབང་དང་། ཤེས་རབ་ཡེ་ཤེས་ཀྱི་དབང་ངོ་། །དེ་ལ་ཤེས་རབ་ཀྱི་དབང་ནི་གཞོན་ནུ་མ་ལོ་གྲངས་གོང་མ་དང་མཐུན་པ་བླ་མ་ལ་ཕུལ་ལ། མཎྜལ་ཆག་ཆག་ལ་སོགས་པ་གོང་མ་དང་མཐུན་པར་བྱའོ། །དེ་ནས་བླ་མས་ཤེས་རབ་མ་བྱིན་ [12b.7]གྱིས་བརླབ་པ་སྔོན་དང་མཐུན་པར་བྱས་ལ། བླ་མས་ཤེས་རབ་མ་དང་སློབ་མ་ལ་བསྒོ་བ་བྱ་སྟེ། ཁྱོད་ཀྱིས་འདོད་ཆགས་ཀྱང་སྤང་དུ་མི་རུང་སྟེ། དུས་གསུམ་གྱི་བདེ་བར་གཤེགས་པ་རྣམས་ཀྱིས་ཀྱང་། ཐབས་དང་ཤེས་རབ་གཉིས་སུ་མེད་པའི་རོལ་པ་མཛད་པ་ལས་ཡེ་ཤེས་ [13a] [13a.1]ཆེར་སྐྱེས་ཏེ། མངོན་པར་རྫོགས་པར་སངས་རྒྱས་པ་སྟེ། ཁྱོད་ཀྱིས་ཀྱང་འདོད་ཆགས་སྤང་དུ་མི་རུང་སྟེ། གཉིས་སུ་མེད་པའི་རོལ་པ་གྱིས་ཤིག །ཡེ་ཤེས་སྐྱེ་བར་འགྱུར་གྱིས་ཞེས་བརྗོད་དེ་བསྒོའོ། །བླ་མས་ཡང་འདི་སྐད་བརྗོད་དེ། ཁྱོད་ཀྱིས་ནུས་སམ་ [13a.2]རྡོ་རྗེ་ཅན། །དྲི་ཆེན་དྲི་ཆུ་བཟའ་བཏུང་ཡིན། །རཀྟ་ག་པུར་མ་ཤ་དང་། །བུད་མེད་མོས་པས་དང་ནུས་སམ། །བྷ་གར་འོ་བྱེད་མི་རྟོག་གམ། །སྤྲོས་ཤིང་རྡོ་རྗེ་བདེ་བ་ཅན། །དེ་ནས་ཡང་སློབ་མ་དང་ཤེས་རབ་གཉིས་ཀྱིས། ནུས་པའི་ཚིག་འདི་བརྗོད་དོ། །ལྷ་མོ་ཅི་ཕྱིར་བདག་མི་ཐེག་ [13a.3]དྲི་ཆེན་ས་བོན་སོགས་ཟ་ཞིང་། །ཤེས་རབ་ཡང་དག་དད་པར་བགྱིས། །བྷ་ག་ལ་ཡང་འོ་བགྱིད་དོ། །ཞེས་བརྗོད་དོ། །དེ་ནས་ཤེས་རབ་གཅེར་བུར་ཕྱུང་ལ། ཁྲུས་བྱས་ལ་དྲི་ཞིམ་པོས་བྱུགས་ལ། མེ་ཏོག་གི་ཕྲེང་བ་མགོ་ལ་བཅིངས་ནས། ལག་པ་གཉིས་ཀྱིས་གྲྭ་གཉིས་ནས་གཟུང་ [13a.4]སྟེ། ཁ་ཕྱེ་ལ་ཤེས་རབ་མས་འདི་སྐད་བརྗོད་དོ། །རྨད་ཆེན་ང་ཡི་པདྨ་ཡིན། །བདེ་བ་ཐམས་ཅད་ཡང་དག་ལྡན། །རྟག་ཏུ་རིམ་བཞིན་འདི་ལ་སྤྱོད། །འདི་དང་ནམ་ཡང་མི་འབྲལ་ལོ། །ཆོས་དབྱིངས་འདི་ནི་རྣམ་པར་དག །སེམས་ཅན་ཁམས་ནི་རྣམ་པར་གྲོལ། །ཁྲག་འཐུང་རྒྱལ་ [13a.5]པོ་འདི་ཉིད་ནི། །རང་བཞིན་ཐམས་ཅད་འདི་ལ་གནས། །ནང་གི་རྩ་ཡི་འཁོར་ལོ་ལ། །པདྨ་ལ་ཞུགས་རབ་ཏུ་གསུངས། །བྷ་གའི་ནང་དུ་ནམ་མཁའ་བཞིན། །འབྱུང་བ་ལྔ་པོ་རྒྱན་བཞིན་ཆོངས། །ལྟེ་བ་ལ་ནི་གེ་སར་བཅས། །འདབ་མ་བརྒྱད་ཀྱིས་རྣམ་པར་བརྒྱན། །དེ་ཡི་ [13a.6]དབུས་ནས་འབྱུང་བ་ཡིན། །དེ་ཉིད་བདུད་རྩི་ཤུ་ཀྲ་གཟུགས། །བྷ་ཉྫ་མོ་ཀྵ་ཧོ་ཞེས་ཤེས་རབ་མས་བརྗོད་དོ། །དེ་ནས་བླ་མས་ཤི་ཥྱའི་ལག་པ་དང་། ཤེས་རབ་མའི་ལག་པ་གཉིས་སྟེང་འོག་ཏུ་བཞག་ལ། ཤེས་རབ་མ་འདིས་ཁྱོད་ཀྱི་ཡེ་ཤེས་སྐྱེད་པར་བྱེད་པ་ཡིན་པས། འདི་དང་ [13a.7]ཁྱོད་རྟག་ཏུ་མི་འབྲལ་བར་འགྲོགས་ཤིག་ཅེས་བརྗོད་པ་དེ་ཁོ་ན། ཤེས་རབ་ཀྱི་དབང་ཡིན་ནོ།། །།དེ་ནས་ཤི་ཥྱ་ཤེས་རབ་མ་དང་གཉིས་ཡོལ་བའི་ནང་དུ་འདུག་ལ། ཤེས་རབ་ཡེ་ཤེས་ཀྱི་དབང་སློབ་མས་ནོད་པར་བྱའོ། །དེ་ནས་ཤེས་རབ་དེ་ལ་ཤི་ཥྱས་གློ་ [13b] [13b.1]གཡོན་པས་ལ་ཕབ་ནས་ཉལ་ལ། དགའ་བའི་གཏམ་བྱ། གནས་དགུར་སེན་མོས་གདབ་པར་བྱ་སྟེ། གཡོན་པའི་ལག་པ་གཡོན་པའི་འོག་ཏུ་འདུག་པས་པདྨའི་ནང་གི་བྱེའུ་མགོ་འདྲ་བ་ལ་གླང་པོ་ཆེའི་ལག་པས་བྲུད་པ་ལ་སོགས་པ་བྱའོ། །དེ་ནས་ལྕེས་ཀྱང་རོལ་མོ་ [13b.2]ཡང་ཡང་དུ་བྱས་ལ། པདྨ་རྒྱས་སུ་བཅུག་ལ། དེ་ནས་ཤེས་རབ་མ་དང་གཉིས་སྦྱོར་བ་བྱས་ཏེ། དལ་བུ་དལ་བུས་བསྐྱོད་པ་ལ། བྱང་ཆུབ་ཀྱི་སེམས་བོ་ལའི་སྐེར་ཕྱིན་པ་ལས། རྣམ་པར་མི་རྟོག་པའི་ཡེ་ཤེས་སྐྱེས་ཏེ། ཇི་ཙམ་གནས་ཀྱི་བར་དུ་བསྒོམ་མོ། །དེ་ནས་མ་ཐུབ་ན་ [13b.3]ཀཀྐོལར་ཕྱུང་ལ། དེ་ཉིད་ཀྱེའི་རྡོ་རྗེའི་རང་བཞིན་ཡིན་པས་ལྕེས་བླང་ངོ་། །དེ་ཡང་རྒྱུད་ལས། ལག་པས་བླང་བར་མི་བྱ་ཞིང་། །ཉ་ཕྱིས་ཀྱིས་ཀྱང་མི་བྱ་སྟེ། །དུང་ལའང་གཞག་པར་མི་བྱའོ། །བདུད་རྩི་ལྕེ་ཡིས་བླང་བར་བྱ། །ཞེས་འབྱུང་བས། ཀ་སྐོ་ལ་ནས་ལྕེ་ཁོ་ནས་བླང་བར་བྱའོ། །དེ་ [13b.4]ནི་ཤེས་རབ་མའི་ཀཀྐོལ་ནས་ཡེ་ཤེས་ཀྱི་རང་བཞིན་བྱང་ཆུབ་ཀྱི་སེམས་བླངས་ཏེ། ཟོས་པས་ན་ཤེས་རབ་དབང་ཞེས་བྱའོ། །དེ་ལ་དགའ་བ་རྣམ་པ་བཞི་ནི་དགའ་བ་དང་། ཡང་དག་པའི་དགའ་བ་དང་། རང་བཞིན་གྱིས་དགའ་བ་དང་། ཆད་པའི་དགའ་བ་དང་བཞིའོ། །དེ་ལ་དགའ་བ་ནི་ [13b.5]འབའ་རྩ་བྱ་བ་ནས། བོ་ལའི་རྩར་ཕྱིན་གྱི་བར་དུའོ། །ཡང་དག་པའི་དགའ་བ་ནི། དཀྱིལ་དུ་ཕྱིན་པ་ཙམ་མོ། །རང་བཞིན་གྱི་དགའ་བ་ནི་བོ་ལའི་སྐེར་ཕྱིན་པ་ལ་བྱ་སྟེ། དེ་ནི་མི་རྟོག་པ་བསྐྱེད་པའོ། །འོན་ཏེ་གང་དུ་དགོས་པ་ཡིན་ཞེ་ན། སྨྲས་པ། འཁོར་ལོ་བཞིའི་རང་བཞིན་དང་ [13b.6]མཉམ་པར་བྱེད་དོ། །འོ་ན་འཁོར་ལོ་བཞི་དང་དགའ་བཞིར་ཇི་ལྟར་སྦྱར་བ་ནི་གསུམ་ལས་མེད་དེ། ཆད་པའི་དགའ་བ་ནི་གྲངས་སུ་མི་འགྲོ་ཞེས་སོ། །སྨྲས་པ་ཆད་པའི་དགའ་བ་གྲངས་སུ་འགྲོ། །ཅིའི་ཕྱིར་དགའ་བ་ཆེན་པོ་མེད་ཀྱང་། སྐད་ཅིག་མའི་དགའ་བ་གྲངས་ཡོད་པས་མི་འགལ། [13b.7]རྒྱུད་ལས་ཀྱང་དགའ་བ་བསྟན་པས་འཁོར་ལོ་བཞི་དང་སྦྱར་བ་མི་འགལ་ལོ་ཞེས་བྱ་བ་ལ་སོགས་པ་ནས་ཡེ་ཤེས་ཀྱི་དབང་བསྐུར་བ་ཡིན་ནོ། །དེས་ནི་ཡིད་ཉེས་པ་ཐམས་ཅད་དག་པར་བྱེད་པ་ཐུགས་ཀྱི་དབང་ཞེས་བྱའོ། །དེ་ལ་འབྲས་བུ་གང་དང་གང་སྐལ་བ་མཉམ་པར་འགྱུར་ཞེ་ན། [14a] [14a.1]རིགས་ལྔའི་སངས་རྒྱས་དང་འདི་ལྟ་བུའི་དབང་ཐོབ་པའི་རྣལ་འབྱོར་པ་སྐལ་བ་མཉམ་པར་འགྱུར་རོ། །དེ་ནས་དེའི་ཚེ་དམ་ཚིག་རྣམས་ཡང་དག་པར་དཔོག་པར་བྱའོ། །དེ་ནས་དཀྱིལ་འཁོར་གྱི་ས་ལ་ཞི་བའི་སྦྱིན་སྲེག་བྱ་སྟེ། གཞན་ལས་ཤེས་པར་ [14a.2]བྱའོ། །འདིར་མ་བཀོད་དོ། །དེ་ནས་གསེར་དང་དངུལ་དང་། ནོར་བུ་རིན་པོ་ཆེ་དང་། བྱི་རུ་དང་། མུ་ཏིག་དང་། ཀཱ་རཱ་པ་ཎ་དང་། གླང་པོ་ཆེ་དང་། མ་ཧེ་དང་། ཤིང་རྟ་ནོར་དང་བཅས་པ་དང་། ཡིད་ལ་གཅེས་པ་ཡོན་གྱི་མཆོག་རྣམས་བླ་མ་ལ། བླ་མའི་ཞབས་ལ་ཕྱག་འཚལ་ [14a.3]དབུལ་ལོ། །འདི་ནས་བརྩམས་ཏེ་བླ་མའི་ཞབས་ཀྱི་བྲན་དུ་བདག་མཆིའོ། །བདག་གི་ལུས་ཀྱང་བཞེས་སུ་གསོལ་ཞེས་བརྗོད་དོ། །སློབ་དཔོན་གྱིས་ཀྱང་རང་གི་སློབ་མ་བྱང་ཆུབ་ཏུ་བསྒྲུབས་ལ་དགའ་བའི་ཕྱིར། མོས་པ་དང་འབྱོར་པ་ཆེའོ་ཞེས་གཏམ་བྱའོ། །དད་མོས་ཆེ་ [14a.4]བའི་སློབ་མ་ཡིས། །དང་པོ་ཡོན་ནི་དབུལ་བར་བྱ། །དད་མོས་མེད་པའི་སློབ་མ་ཡིས། །དངོས་གྲུབ་ཐོབ་པར་མི་འགྱུར་རོ། །སློབ་དཔོན་གྱི་ཡོན་དབུལ་བའི་རིམ་པའོ། །དེ་ནས་དཀྱིལ་འཁོར་ལ་གླུ་དང་གར་ལ་སོགས་པ་དང་། རོལ་མོའི་ཆ་བྱད་མང་པོ་ཐོགས་ལ་བསྐོར་བ་ལན་གསུམ་བྱ། [14a.5]ཕྱག་བྱ། ཕྱོགས་སྐྱོང་ལ་གཏོར་མ་གཏང་། སྨོན་ལམ་གྱི་ཚིག་བརྗོད། དེ་ནས་ཚོན་ལ་སོགས་པའི་དངོས་པོ་རྣམས་ལ། ནང་པར་ཐོ་རངས་བསྡུ་བར་བྱ། བསྡུས་ནས་གསེར་གྱི་བུམ་པར་བླུགས་ལ། ཆུ་ཆེན་པོར་བོར་བར་བྱ། བུམ་པ་ཐམས་ཅད་ཀྱང་ཆུ་ཆེན་པོར་བསྐྱལ། བུམ་པ་བཀྲུ། སྔོན་བཞིན་དུ་ག་ཎ་ཙ་ཀྲའི་ [14a.6]ཚོགས་ཀྱི་འཁོར་ལོ་ཆེན་པོ་བསྐོར། གླུ་གར་གྱི་རྣམ་པ་བརྗོད། དེ་ནས་བདུད་རྩི་ལྔ་དང་། ཙནྡན་དང་། གུར་ཀུམ་དང་། བའི་ལྕི་བ་རྣམས་སྦྱར་ལ། ས་ལ་བྱུགས་པ་བྱས་ནས་ཚོན་དང་ཐིག་མི་མངོན་པར་བྱའོ། །བཅོམ་ལྡན་འདས་ཀྱེའི་རྡོ་རྗེའི་དཀྱིལ་འཁོར་གྱི་ལས་ཀྱི་ [14a.7]རིམ་པ། ཆོ་ག་རྒྱས་པར་མཛད་པ་མ་ནོར་བ་རྫོགས་སོ།། །།སློབ་དཔོན་མཚོ་སྐྱེས་རྡོ་རྗེས་མཛད་པ་རྫོགས་སོ།། །རྒྱ་གར་གྱི་མཁན་པོ་ག་ཡ་དྷ་ར་དང་། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། [14b] [14b.1]{T1264}༄༅། །རྒྱ་གར་སྐད་དུ། ཧེ་བཛྲ་སཱ་དྷ་ནཾ། བོད་སྐད་དུ། དགྱེས་པའི་རྡོ་རྗེའི་སྒྲུབ་པའི་ཐབས། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །དཔལ་ལྡན་དགྱེས་པའི་རྡོ་རྗེ་བདེ་བ་མཆོག་གི་ག་འཕང་རྣམ་པར་མི་རྟོག་པར་གཅིག་སྐུ། །བརྟན་ [14b.2]དང་གཡོ་བ་མ་ལུས་ལུས་པ་མེད་པའི་དངོས་པོའི་རང་བཞིན་བསོད་ནམས་ཡེ་ཤེས་ལས་བྱུང་ཉིད། །དྲི་མ་བསལ་ཞིང་དགའ་བ་ཀུན་གྱིས་རྒྱས་འགྱུར་མཁའ་འགྲོ་མ་ཡི་འཁོར་ལོའི་མགོན། །དེ་ལ་དངོས་པོ་ཀུན་གྱིས་བཏུད་ནས་དེ་ཡི་སྒྲུབ་ཐབས་གསལ་ཞིང་ཡངས་པ་བཤད། ། [14b.3]བླ་མ་དམ་པའི་གཞུང་ལུགས་ནི། །ཤིན་ཏུ་རྙེད་དཀའ་གང་ཐོས་པས། །དེ་ཞབས་པདྨ་ལ་བཏུད་ནས། །བདག་ཉིད་དྲན་པའི་ཕྱིར་ཡང་ངོ་། །འདི་ལྟར་ཡང་དྲག་ཅིང་རྒལ་དགའ་བའི། འཁོར་བའི་གཡང་ས་ཆེན་པོ་ཤིན་ཏུ་འཇིགས་པས་སྐྱོ་བར་གྱུར་པའི་ [14b.4]སེམས་ཅན་གྱི་ཁམས་ལ་བལྟས་ལ་སྙིང་རྗེ་མཆོག་གི་རོས་བསྒོམས་པའི་སེམས་ཀྱིས་འཁོར་བའི་རྒྱ་མཚོར་འཁྱམས་པ་བསྒྲལ་བའི་ཐབས་དང་ལྡན་པར་བླ་མ་ལ་བརྙས་པ་ལ་སོགས་པའི་སྐྱོན་སྤངས་པ། སྦྱིན་པ་ལ་སོགས་པའི་ཡོན་ཏན་དང་ལྡན་པ། དབང་པོ་ [14b.5]ལས་རྒྱལ་བ་བདུད་རྩི་ལྔ་ལ་སོགས་པའི་དམ་ཚིག་བསྟན་པ། དཔལ་དགྱེས་པའི་རྡོ་རྗེར་གསུངས་པའི་དཀྱིལ་འཁོར་དུ་དབང་བསྐུར་ཞིང་།ཡང་དག་པར་རྗེས་སུ་གནང་བ་ཐོབ་པའི་རྣལ་འབྱོར་བས། དུར་ཁྲོད་ལ་སོགས་པ་ཡིད་དང་མཐུན་པའི་གནས་འགའ་ཞིག་ཏུ་ཉི་ [14b.6]མ་དང་ཟླ་བ་དང་ཆུ་དང་དྲི་དང་སྨན་གྱི་ཁྱད་པར་གྱིས་དག་པར་བྱས་པའི་སའི་ཆར་གནས་པ་ལ་ཐོ་རངས་ཀྱིས་ལངས་ནས། །ཆོས་ཀྱི་དབྱིངས་ཀྱི་བདག་ཉིད་ཀྱི། །རོ་ནི་དང་པོར་བསྒོམ་པར་བྱ། །དེ་ཡི་སྙིང་ལ་གནས་བྱས་ལ། །གོ་འཕང་མཆོག་ནི་བསྒོམ་པར་བྱ། །རྡོ་རྗེ་སྐྱིལ་ཀྲུང་ [14b.7]གིས་འདུག་ལ། །བསམ་གཏན་ཕྱག་རྒྱས་ལག་བསྡམས་པས། །རང་གི་སྙིང་གར་རེ་ཁཱ་བསྒོམ། དེ་ལས་ཉི་མའི་དཀྱིལ་འཁོར་ཏེ། །དེར་ནི་ཧཱུཾ་ལས་བྱུང་བ་ཡི། །ཤེས་རབ་ཐབས་ཀྱི་རང་བཞིན་ཉིད། །ཁ་དོག་ནག་པོ་འཇིགས་ཆེན་པོ། །ཧཱུཾ་ལས་བྱུང་བའི་རྡོ་རྗེའོ།། [15a] [15a.1]རྡོ་རྗེའི་ལྟེ་བའི་དབུས་གནས་པ། །ཧཱུཾ་གི་དེ་ཉིད་ཡང་དག་བསྒོམ། །ཧཱུཾ་ཡིག་གྱུར་པ་ལ་བལྟ་བ། །ཞེ་སྡང་བདག་ཉིད་རྣམ་པར་བསྒོམ། །རྡོ་རྗེ་ལས་སྐྱེས་ནག་པོ་ཆེ། །འདམ་སྐྱེས་སྔོན་པོ་འདྲ་བའི་མདོག །རང་གི་ལྷ་ཡི་གཟུགས་ཉིད་ནི། ། [15a.2]མན་ངག་ཇི་བཞིན་རྣམ་པ་གསུམ། །གསུམ་གྱི་ནང་ན་རྣལ་འབྱོར་བས། །མོས་པ་ཇི་བཞིན་བསྒོམ་པར་བྱ། །མདངས་ཆེན་དཔའ་བོ་གཅིག་པུ་ཉིད། །དད་པ་ཉིད་ཀྱིས་བསྒོམ་པར་བྱ། །དེ་ནས་སྙིང་གའི་ཉི་མ་ལ་ས་བོན་གཉུག་མ་བཀོད་ལ་དེའི་འོད་ཀྱིས་སྤྱན་དྲངས་པའི་བཅོམ་ [15a.3]ལྡན་འདས་བསྒོམ་པར་བྱ་བའི་གཟུགས་རང་གི་འཁོར་དང་བཅས་པ་མདུན་གྱི་ནམ་མཁའ་ལ་བལྟས་ལ། སྙིང་གའི་ས་བོན་ལས་བྱུང་པའི་སྟོན་ཀའི་ནམ་མཁའ་དྲི་མ་མེད་པ་ལྟ་བུ་མཆོད་པ་རྣམ་པ་སྣ་ཚོགས་ཀྱི་ཁྱད་པར་ལག་པའི་ཡལ་ག་ན་ཐོགས་ཤིང་སྒེག་པའི་འོག་ཏུ་གཽ་རཱི་ [15a.4]ལ་སོགས་པ་ལྷ་མོ་བརྒྱད་པོ་རྣམས་ཀྱིས་ཕྱི་རོལ་གྱི་མཆོད་པའི་ཁྱད་པར་གྱིས་གོ་རིམས་བཞིན་དུ་མཆོད་པར་བྱེད་དོ། །དེ་ལ་གཽ་རཱི་ནི་རི་དགས་ཀྱི་མཚན་མ་འཛིན་པའོ། །རྩཽ་རཱི་ནི་ཉི་མའོ། །རོ་ལངས་མ་ནི་ཆུའོ། །ཟ་ཕོད་མ་ནི་སྟོབས་སོ། །པུཀྐ་སཱི་ནི་དྲིའོ། །ས་བ་རཱི་ནི་རོའོ། ། [15a.5]ཙཎྜལཱི་ནི་ཇེ་ཆུང་དྲུག་པའོ། །ཌོ་མྦི་ནཱི་ནི་འཁྱུད་པའི་ཚུལ་དུ་སྟོན་ཏོ། །དེ་ནས་བཅོམ་ལྡན་འདས་འདི་ཉིད་ཀྱི་སྤྱན་སྔ་རུ་ཐོག་མ་མེད་པའི་དུས་ཀྱི་བག་ཆགས་ཀྱིས་བསྐྱེད་པའི་སྡིག་པ་བཤགས་པ་ལ་སོགས་པ་བྱའོ། །བདག་གིས་སྡིག་པ་བགྱིས་པ་དང་། བགྱིད་དུ་སྩལ་བ་དང་། [15a.6]བགྱི་དཔལ་རྗེས་སུ་ཡི་རང་བའི་སྡིག་པ་ཐམས་ཅད་བཤགས་པར་བྱའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། སོ་སོའི་སྐྱེ་བོའི་དགེ་བའི་རྩ་བ་མ་ལུས་པ་ལ་རྗེས་སུ་ཡི་རང་ངོ་། །བདག་གིས་དགེ་བའི་རྩ་བ་གང་ཅུང་ཟད་ཅི་བགྱིས་པ་དེ་དག་ཐམས་ཅད་བླ་ན་ [15a.7]མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ། །དེ་ལྟར་བདག་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་དངོས་པོ་ཐམས་ཅད་ཀྱི་རང་བཞིན་གྱི་བདེ་བ་ཆེན་པོའི་རྣམ་པ་ཅན་དགྱེས་པའི་རྣམ་པའི་རྡོ་རྗེ་སངས་རྒྱས་ལ་སྐྱབས་སུ་མཆིའོ། །དེས་བསྟན་པའི་བསྐྱེད་པ་ [15b] [15b.1]དང་རྫོགས་པའི་རང་བཞིན་གྱི་ཆོས་ལ་སྐྱབས་སུ་མཆིའོ། །དེའི་འཁོར་ལོར་གནས་པའི་མཁའ་འགྲོ་མའི་ཚོགས་ཀྱི་དགེ་འདུན་ལ་སྐྱབས་སུ་མཆིའོ། །འཁོར་བའི་རྒྱ་མཚོའི་ཆུར་ནུབ་པའི་སེམས་ཅན་འདི་དག་ལ་བདག་ཧེ་རུ་ཀའི་ངོ་བོར་གྱུར་པས་རྡོ་རྗེ་ཐེག་པའི་ཆོས་བསྟན་པའི་ [15b.2]གྲུ་རབ་ཏུ་བྱིན་པས་ཡང་དག་པའི་གཟུང་བས་སྒྱུ་མ་ལྟ་བུ་གཉིས་སུ་མེད་པའི་མཆོག་ཏུ་དགའ་བའི་ཕུང་པོའི་བདག་ཉིད་ཀྱི་མཚན་ཉིད་ཅན་ལ་རབ་ཏུ་གཞག་པར་བགྱི་ཞེས་བྱང་ཆུབ་ཏུ་སེམས་བསྐྱེད་པར་བགྱིའོ། །དགྱེས་པའི་རྡོ་རྗེའི་རྣལ་འབྱོར་བླ་ན་མེད་པའི་བླ་མ་སངས་རྒྱས་སྒྲུབ་པ་ལ་འདི་ [15b.3]ལས་གཉིས་པ་གཞན་མེད་པའི་ཐབས་ཀྱི་མཆོག་འདི་ལ་བདག་གིས་བརྟེན་པར་བགྱིའོ་ཞེས་བྱའོ། །དེ་ནས་སེམས་ཅན་ཐམས་ཅད་ལ་བུ་གཅིག་པ་ལྟར་བརྩེ་བའི་མཚན་ཉིད་ཀྱི་བྱམས་པ་ཆེན་པོ་དང་སྡུག་བསྔལ་དང་སྡུག་བསྔལ་གྱི་རྒྱུ་ལས་གཟུང་བར་འདོད་པའི་སྙིང་རྗེ་ཆེན་པོ་དང་། [15b.4]སེམས་ཅན་ཐམས་ཅད་ལ་དགའ་བ་ཆེན་པོ་འཇུག་པའི་མཚན་ཉིད་ཅན་གྱི་དགའ་བ་ཆེན་པོ་དང་། བརྟགས་པའི་ཡུལ་མ་ལུས་པ་ལ་བཏང་སྙོམས་པའི་མཚན་ཉིད་ཅན་བཏང་སྙོམས་བསྒོམ་པར་བྱའོ། །དེ་ནས་ཆོས་ཐམས་ཅད་ནི་སེམས་ཀྱི་རྣམ་པར་བརྟགས་པའོ་ཞེས་ཡིད་ [15b.5]ཀྱི་དམིགས་པ་དེ་དང་དེའི་རྣམ་པར་རབ་ཏུ་སྣང་བ་འདི་དག་ནི་སེམས་ཉིད་འཁྲུལ་བ་སྟེ། མྱ་ངན་ལ་སོགས་པས་རྣམ་པར་འཁྲུལ་བ་བཞིན་དུ་སེམས་ལས་གཞན་པའི་གཟུང་བ་འདི་ནི་ཡོད་པ་མ་ཡིན་ནོ། །གཟུང་བ་མེད་པར་འཛིན་པའི་སེམས་ཀྱང་ཡོད་པ་མ་ཡིན་ནོ། །དེ་ [15b.6]ལྟ་བས་ན་སྣ་ཚོགས་འདི་དག་སེམས་ཀྱི་རང་བཞིན་དུ་རྟོགས་པར་བྱའོ་ཞེས་དོན་དེ་ཉིད་བསྟན་པར་བྱས་ནས་རྫས་མ་ལུས་པའི་དེ་ཁོ་ན་ཉིད་ཀྱི་སྙིང་པོ་བསྡུས་པའི་སྔགས་བརྗོད་པར་བྱ་ཞིང་ཐ་མལ་པའི་རྣམ་པ་གཞིག་པར་བྱ་སྟེ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ་ཞེས་བྱའོ། ། [15b.7]དེ་ནས་སྔགས་ཀྱི་དོན་མངོན་སུམ་དུ་བྱས་ལ། འགྲོ་བ་ཐམས་ཅད་རང་བཞིན་མེད་པའི་རྨི་ལམ་དུ་ཉེ་བར་དམིགས་པ་བཞིན་དུ་རྣམ་པ་ཐམས་ཅད་དང་བྲལ་བའི་མཚན་ཉིད་ཅན་སྒྱུ་མ་ལྟ་བུའི་སྟོན་ཀའི་ནམ་མཁའ་དྲི་མ་མེད་པའི་དཀྱིལ་ལྟ་བུར་བལྟས་ལ་འདི་ཉིད་ནི་བཅོམ་ལྡན་འདས་ [16a] [16a.1]མ་བདག་མེད་མ་ཞེས་བྱའོ། །ང་ནི་སྨོན་ལམ་དང་རྗེས་སུ་དྲན་པའི་རྒྱུ་མཐུན་པར་གྱུར་པའི་རྣམ་པ་ལྟར། བསྡུས་པའི་འཁོར་ལོ་དག་པའི་འཇིག་རྟེན་པའི་རང་བཞིན་བསྒོམས་ཏེ། མདུན་དུ་སྣ་ཚོགས་པདྨའི་གདན་ལ་གནས་པའི་རཾ་ལས་བྱུང་བའི་ཉི་མའི་དཀྱིལ་ [16a.2]འཁོར་ལ་ཡི་གེ་ཧཱུཾ་བསམ་པར་བྱའོ། །དེ་ལས་བྱུང་བའི་སྣ་ཚོགས་རྡོ་རྗེ་ཁ་དོག་ནག་པོ་འཇིགས་སུ་རུང་བ། ཁ་དོག་ལྔ་པ་རྩེ་མོ་གསུམ་པའོ། །དེའི་དཀྱིལ་དུའང་ཉི་མ་དེ་ལ་ཡི་གེ་ཧཱུཾ་དགོད་དོ། །དེ་ལ་ཁྲོ་བོ་འོག་མདུང་རྩེ། །འཇིག་དུས་མེ་ལྟར་བཟོད་དཀའ་བ། །སྡིགས་མཛུབ་ [16a.3]གཡོན་གྱི་ཁུ་ཚུར་སྙིང་། །བདུད་ཀྱི་དཀྱིལ་འཁོར་བསྡིགས་པར་བྱེད། །རྡོ་རྗེ་འབར་བ་གཡས་པ་ན། །ཞལ་ནི་ཧཱུཾ་གིས་གང་བར་གྱུར། །དཔའ་བོ་སྟག་གི་པགས་པ་བསྣམས། །ཕྱག་རྒྱ་ལྔ་ཡིས་རྒྱན་དུ་བྱས། །དྲག་པོ་ཆེན་པོ་ཁ་དོག་གནག །འཇིགས་པ་ཤིན་ཏུ་འཇིགས་ [16a.4]པ་སྟེ། །ཁྲག་འཛག་མགོ་ཡི་ཕྲེང་བ་ཅན། །འཇིགས་བྱེད་འཇིགས་རུང་སྤྲོ་བར་བྱེད། །སྐྲ་ནི་དམར་སེར་གྱེན་དུ་འགྲེང་། །ལྕེ་ནི་བསྒྱུར་ཞིང་གར་ཐབས་ཅན། །སྤྱན་གསུམ་དག་དང་ཡང་དག་ལྡན། །མཆེ་བ་ཅུང་ཟད་གཙིགས་པ་ཅན། །ཕྱོགས་དང་མཚམས་རྣམས་ཀུན་དུ་ཡང་། ། [16a.5]ཁྲོ་བོའི་ཚོགས་རྣམས་སྤྲོ་བྱ་ཞིང་། །རྣལ་འབྱོར་རིག་པས་གསང་སྔགས་འདིས། །རང་གི་མཚམས་ནས་ཕུར་བུས་གདབ། །ཨོཾ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ་ཞེས་ཇི་སྙེད་འདོད་པའི་བར་དུའོ། །དེའི་ནང་དུ་ཉི་མ་དང་སྣ་ཚོགས་རྡོ་རྗེའི་འོད་ཟེར་འཇིག་པའི་དུས་ཀྱི་མེ་ལྕེའི་རྩེ་མོ་ལྟར་གཅིག་ཏུ་གྱུར་ [16a.6]ནས་ཕྱོགས་མཚམས་སུ་འཕྲོས་པས་མཚམས་བཅིང་བ་དང་། རྡོ་རྗེའི་ར་བ་དང་། སྟེང་རྡོ་རྗེའི་གུར་དང་འོག་ཏུ་ནི་དེ་ཡོངས་སུ་གྱུར་པ་ལས་རྡོ་རྗེའི་རང་བཞིན་གྱིས་གཞིར་འོག་རིམ་བདུན་གྱི་བར་དུ་བསམ་པར་བྱའོ། །དེའི་དབུས་སུ་ཧཱུཾ་ཡོངས་སུ་གྱུར་པ་ལས། ཆོས་ཀྱི་འབྱུང་གནས་ཀྱི་ [16a.7]གཟུགས་སྟོན་ཀའི་རི་བོང་ཅན་གྱི་རྣམ་པ་ལྟ་བུ་རྡོ་རྗེ་འཆང་ཆེན་པོའི་ངོ་བོ་རྣམ་པ་སྣ་ཚོགས་པའི་ངོ་མཚར་ཆེན་པོའི་འོད་ཟེར་གྱི་ཚོགས་མངོན་པར་འབྱུང་བའི་འོག་ཕྲ་བ་སྟེང་ཡངས་པ་ཟུར་གསུམ་པའི་ནང་སྟོང་པའི་དབུས་ན་གནས་པའི་པདྨ་འདབ་མ་སྣ་ཚོགས་དང་སྣ་ཚོགས་པའི་རྡོ་རྗེའོ། ། [16b] [16b.1]དེའི་ལྟེ་བ་ལ་འབྱུང་བ་ཆེན་པོ་བཞི་དཀྱིལ་འཁོར་བཞིའི་ངོ་བོ་རྣམ་པ་སྣ་ཚོགས་པ་པུཀྐ་སཱི་ལ་སོགས་པ་ལྷ་མོ་བཞིའི་རང་བཞིན་གོང་ནས་གོང་དུ་བལྟ་བར་བྱའོ། །དེ་ལ་དང་པོར་ནི་ཡཾ་ལས་བྱུང་བའི་རླུང་གི་དཀྱིལ་འཁོར་ཟླ་བ་ཕྱེད་པ་ལྟ་བུ་སྔོན་པོ་རྩེ་མོ་གཉིས་སུ་གཡོ་བའི་བ་དན་གྱིས་མཚན་ [16b.2]པའོ། །རཾ་ལས་མེའི་དཀྱིལ་འཁོར་གྲུ་གསུམ་པ་རྩེ་མོ་ཕྲ་བ་དམར་པོ་འོད་ཀྱི་ཕྲེང་བ་དམར་པོས་མཚན་པའོ། །དེའི་སྟེང་དུ་བཾ་ལས་བྱུང་བའི་ཆུའི་དཀྱིལ་འཁོར་ཟླུམ་པོ་ཁ་དོག་དཀར་པོ་བུམ་པས་མཚན་པའོ། །དེའི་སྟེང་དུ་ལཾ་ལས་བྱུང་བ་སའི་དཀྱིལ་འཁོར་གྲུབ་བཞི་པ་ཁ་དོག་སེར་པོ་ [16b.3]ཟུར་རྣམས་སུ་རྡོ་རྗེ་རྩེ་གསུམ་པས་མཚན་པའོ། །དེའི་སྟེང་དུ་རྣམ་པར་ཤེས་པ་སྒྱུ་མ་ལྟ་བུ་ཉིད་དུ་བརྟགས་པའོ། །སྣ་ཚོགས་རྡོ་རྗེའི་ལྟེ་བ་ལ་འབྱུང་ཆེན་བཞི་ཡོངས་སུ་གྱུར་པ་ལས་མདོར་བསྡུས་ནས་སངས་རྒྱས་ཀྱི་ཞིང་ཡོངས་སུ་དག་པ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ [16b.4]རྣམ་པར་དག་པ་རྣམ་པར་སྣང་མཛད་ཆེན་པོའི་རང་བཞིན་ནོར་བུ་རྣམ་པ་སྣ་ཚོགས་ཀྱིས་སྤྲས་པའི་གཞལ་ཡས་ཁང་དཔག་ཏུ་མེད་ཅིང་མཐའ་ཡས་པའི་འཇིག་རྟེན་གྱི་ཁམས་སྒྱུ་མ་ལྟ་བུར་སྟོན་པའི་དུར་ཁྲོད་ཀྱིས་ཡོངས་སུ་བསྐོར་བ་བསྒོམ་པར་བྱ་སྟེ། ཟུར་བཞི་པ་ཀ་བ་བརྒྱད་ཀྱིས་ཉེ་བར་ [16b.5]མཛེས་པ་སྒོ་ཁྱུད་བཞིས་མཛེས་པར་བྱས་པ། རྟ་བབས་བཞིས་བརྒྱན་པ་དྲ་བ་དང་དྲ་བ་ཕྱེད་པ་དང་། མེ་ལོང་དང་མེ་ཏོག་གི་ཕྲེང་བ་དང་། བླ་རེ་དང་། རྔ་ཡབ་ཀྱིས་སྤྲས་པ། རྡོ་རྗེ་ཐིག་གིས་བརྒྱན་པ། སངས་རྒྱས་ཀྱི་ཚོགས་འཕྲོས་པས་མཛེས་པ། གཡོ་བའི་བ་དན་ཡིད་ [16b.6]དུ་འོང་བའི་རྩེ་མོའི་ཕྱོགས་ཀྱི་སྒོ་རྣམས་ལས་དྲིལ་བུའི་སྒྲ་སྒྲོགས་པ། འདོད་པའི་ཡོན་ཏན་ལྔ་ཡང་དག་པར་བཀོད་པས་ཉམས་སུ་དགའ་བའོ། །དེའི་དཀྱིལ་དུ་སྣ་ཚོགས་པདྨ་འདབ་མ་བརྒྱད་པ་གེ་སར་དང་བཅས་པའོ། །དེ་བཞིན་ཕྱོགས་མཚམས་པདྨ་ནི། །རང་རང་སྟན་གྱི་གེ་སར་ [16b.7]ལ། །ཚངས་དབང་ཉེ་དབང་དྲག་པོ་དང་། །དེ་བཞིན་གཤིན་རྗེ་གནོད་སྦྱིན་དང་། །བདེན་བྲལ་དང་ནི་ཐགས་བཟངས་རིས། །རྒྱས་པར་གཽ་རཱི་ལ་སོགས་ཀྱིའོ། །ལྷོ་དང་ནུབ་དང་བྱང་དག་དང་། །དབུས་སུ་བདུད་ནི་བཞི་པོ་དག །དབྱིབས་དང་ཁ་དོག་ཇི་ལྟ་བུ། །དེ་ལྟའི་གཟུགས་ [17a] [17a.1]སུ་དགོད་པར་བྱ། །བདུད་རྣམས་དག་ནི་ཐམས་ཅད་ཀྱི། །སྙིང་ལ་ཉི་མའི་དཀྱིལ་འཁོར་རོ། །བགེགས་རྣམས་བྲེད་པ་དེ་དང་དེ། །སྐྱབས་ཚོལ་བ་ལ་གཅིག་པུ་འབད། །དེ་ལ་དབུས་ཀྱི་འདབ་མ་ལ་ནི་ལུགས་སུ་འབྱུང་བ་དང་། ལུགས་ལས་བཟློག་པའི་ཨ་ལ་ [17a.2]སོགས་པ་དབྱངས་ཀྱི་ཡི་གེ་ཉིས་འགྱུར་དུ་བྱས་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་མཚོན་པར་བྱེད་པའི་ཟླ་བའི་དཀྱིལ་འཁོར་མེ་ལོང་ལྟ་བུའི་ཡེ་ཤེས་ཀྱི་རང་བཞིན་ནོ། །དེའི་སྟེང་དུ་ཡི་གེ་ཀྵ་བོར་བའི་ཀ་ལ་སོགས་པའི་ཡི་གེ་དྷ་ད་བྷ་ཡ་ར་ལ་ཝ་དང་བཅས་པའི་ལུགས་སུ་འབྱུང་བ་ [17a.3]དང་། ལུགས་ལས་བཟློག་པ་ཉིས་འགྱུར་དུ་བྱུང་བ་དེ་དཔེ་བྱད་བཟང་པོ་བརྒྱད་ཅུ་མཚོན་པར་བྱེད་པའི་ཉི་མའི་དཀྱིལ་འཁོར་མཉམ་པ་ཉིད་ཀྱི་ཡེ་ཤེས་ཀྱི་རང་བཞིན་ནོ། །དེའི་དཀྱིལ་དུ་ས་བོན་གྱི་ཡི་གེ་ཧཱུཾ་ཨཾ་ངོ་། །དེ་དག་ཡོངས་སུ་གྱུར་པ་ལས་རང་གི་སྟན་ལ་གནས་པའི་ས་བོན་གཉིས་ [17a.4]ཀྱི་སྙིང་པོ་ལས་སྣ་ཚོགས་རྡོ་རྗེ་དང་། གྲི་གུག་དང་། ཐོད་པ་ལ་གནས་པ་སོ་སོར་རྟོག་པའི་ཡེ་ཤེས་ཀྱི་རང་བཞིན་བསམ་པར་བྱའོ། །དེའི་འོད་ཟེར་ལས་བྱུང་བའི་མཁའ་འགྲོ་མའི་རྣམ་པ་ལྟ་བུའི་ཐུབ་པ་མཆོག་གི་ཚོགས་ཀྱིས་འཇིག་རྟེན་གྱི་ཁམས་དཔག་ཏུ་མེད་པ་ལ་རྣམ་པར་གཟིགས་ [17a.5]པས་དེ་དག་ཏུ་གཏོགས་པའི་སེམས་ཅན་རྣམས་ཡང་དག་པར་རྫོགས་པའི་སངས་རྒྱས་སུ་བྱས་ནས། སླར་ལོག་ནས་གཅིག་ཏུ་གྱུར་པར་བྱས་པ་ནི་བྱ་བ་ནན་ཏན་གྱི་ཡེ་ཤེས་ཀྱི་རང་བཞིན་ནོ། །དེ་ནས་ཉི་མ་དང་ཟླ་བ་དང་ཕྱག་མཚན་དང་ས་བོན་ལས་ཡོངས་སུ་གྱུར་པའི་བཅོམ་ལྡན་འདས་ [17a.6]རྡོ་རྗེ་འཆང་ཆེན་པོ་ནི་དཔེ་མེད་པའི་ཚོགས་ཀྱི་རྡུལ་ཕྲ་རབ་ལས་ཡོངས་སུ་བསྒྲུབས་པ་བདེ་བ་ཆེན་པོའི་རང་བཞིན་འཆད་པར་འགྱུར་བའི་ཕྱག་དང་ཞལ་དང་མདོག་དང་དབྱིབས་ཀྱིས་མཚོན་པའི་རྒྱུར་གྱུར་པའོ། །དེ་ལྟ་བུའི་བདག་མེད་མ་ནི་སྐུ་ལ་འཁྱུད་པ་ཆོས་ཀྱི་དབྱིངས་ཤིན་ཏུ་རྣམ་པར་དག་ [17a.7]པའི་རང་བཞིན་བསྒོམ་པར་བྱའོ། །དེ་ལྟ་བུའི་མངོན་པར་བྱང་ཆུབ་པ་རྣམ་པ་ལྔའོ། །དེའི་ཐུགས་ཀ་ནས་བྱུང་བའི་འོད་ཟེར་གྱི་ཚོགས་ཀྱིས་དེ་བཞིན་གཤེགས་པའི་ཚོགས་མ་ལུས་པ་ཧེ་རུ་ཀའི་གཟུགས་སུ་རྫོགས་པར་བྱས་ནས་སྤྱན་དྲངས་ནས་བཅུག་པ་ཞུ་བར་གྱུར་པ་ལས་གཾ་ལ་ [17b] [17b.1]སོགས་པའི་ས་བོན་བརྒྱད་ལས་བྱུང་བའི་གཽ་རཱི་ལ་སོགས་མཁའ་འགྲོ་མ་སྤྲོ་ཞིང་དྲན་པར་བྱའོ། །དེ་ནས་ནམ་མཁའ་ལ་དྲི་ཟའི་སེམས་ཅན་ཕྲ་བའི་དཀྱིལ་འཁོར་གྱི་གཟུགས་ཅན་ཁ་དོག་དམར་པོ་ཧོ་དམར་པོའི་ཕྲེང་བ་གཉིས་ཀྱིས་ཡོངས་སུ་བསྐོར་བར་བལྟས་ལ། སྙིང་གར་འོད་ཀྱིས་ [17b.2]སྤྱན་དྲངས་ཤིང་བཅུག་ནས་བླ་མའི་མན་ངག་ཉིད་ཀྱིས་གནས་ཇི་ལྟ་བ་བཞིན་དུ་དགོད་པར་བྱའོ། །དེ་ནས་རྡོ་རྗེ་ཅན་རང་གི་རིག་པ་དང་བཅས་པ་འདོད་ཆགས་ཆེན་པོས་ཞུ་བར་གྱུར་པས་སྟོན་ཀའི་ཟླ་བ་དྲི་མ་མེད་པ་ལྟ་བུར་ཞུ་བར་གྱུར་ནས་བདེ་བ་ཆེན་པོའི་མཐར་གནས་པར་བྱའོ། །དེ་ནས་ [17b.3]པུཀྐ་སཱི་ལ་སོགས་པ་ལྷ་མོ་བཞི་ཤིན་ཏུ་འདོད་པའི་ཚུལ་གྱིས་འོངས་ནས་རང་རང་གི་ཕྱོགས་སུ་འདུག་སྟེ། ཐུགས་སད་པར་བྱེད་པའི་རྡོ་རྗེའི་གླུས་བཅོམ་ལྡན་འདས་སློང་བར་བྱེད་པ། བཞེངས་ཤིག་དང་སྒྲོལ་ཐུགས་རྗེའི་ཐུགས། །པུཀྐ་སཱི་ནི་བདག་ལ་སྐྱོབས། །སྟོང་པའི་རང་བཞིན་ [17b.4]ཉིད་སྤོངས་ལ། །བདག་ལ་བདེ་ཆེན་སྦྱོར་བཞེད་མཛོད། །ཁྱོད་མི་བཞུགས་ན་བདག་འགུམ་པས། །དགྱེས་པའི་རྡོ་རྗེ་ཁྱོད་བཞེངས་ཤིག །སྟོང་པའི་རང་བཞིན་ཉིད་སྤོངས་ལ། །རི་ཁྲོད་མ་འབྲས་འགྲུབ་པར་མཛོད། །བདག་གཙོ་འཇིག་རྟེན་མགྲོན་གཉེར་ནས། །སྟོང་པ་ཉིད་ [17b.5]ལ་བཞུགས་སམ་ཅི། །ཁྱོད་མེད་ཕྱོགས་ནི་མ་འཚལ་བས། །ཙཎྜ་ལཱི་བདག་གསོལ་བ་འདེབས། །བདག་གིས་ཁྱོད་ཀྱི་ཐུགས་འཚལ་གྱིས། །མིག་འཕྲུལ་མངའ་བ་ཁྱོད་བཞེངས་ཤིག །ཌོཾ་བི་མོ་བདག་སྒྲེན་མོ་ལགས། །ཐུགས་རྗེ་རྒྱུན་ཆད་མ་མཛད་ཅིག །ཅེས་པའོ། ། [17b.6]དེ་ནས་གླུའི་ངོ་བོར་རྨི་ལམ་སད་པ་བཞིན་དུ་ཟླ་བ་ཞུ་བ་དེ་བསྡུས་པ་ལས་བྱུང་བའི་ས་བོན་གཉིས་སོ། །དེ་དག་ཡོངས་སུ་གྱུར་པ་ལས་ཕྱག་མཚན་གཉིས་སོ། །དེའི་དཀྱིལ་དུ་ཉི་མ་དང་ཟླ་བ་ལ་གནས་པའི་ས་བོན་དེ་གཉིས་ཉིད་དེ། ཐམས་ཅད་མཁྱེན་པའི་ཡེ་ཤེས་ཀྱི་རང་བཞིན་ [17b.7]བལྟ་བར་བྱའོ། །དེ་ལས་མཁའ་འགྲོ་མའི་རྣམ་པ་ཅན་གྱི་དེ་བཞིན་གཤེགས་པ་རྣམས་ཡང་དག་པར་སྤྲོ་ཞིང་ཡང་དག་པར་བསྡུས་པའི་སྦྱོར་བས་དེ་དག་ཐམས་ཅད་སྒྱུ་མ་ལྟ་བུ་དང་རྨི་ལམ་ལྟ་བུའི་སེམས་ཀྱི་རང་བཞིན་གཉུག་མ་ལ་ལྟོས་པར་དཔག་པར་བྱ་ཞིང་། ཟླ་བ་དང་ཉི་མ་ཕྱག་མཚན་ [18a] [18a.1]དང་ས་བོན་ཡོངས་སུ་གྱུར་པ་ལས་བྱུང་བའི་ཧེ་རུ་ཀའི་གཟུགས་བདག་མེད་མ་དང་སྙོམས་པར་འཇུག་པའི་བདག་ཉིད་བསྒོམ་པར་བྱའོ། །ཞབས་རྣམས་ས་ལ་བརྟེན་མཛད་ཅིང་། །ལྷ་དང་ལྷ་མིན་བསྡིགས་པར་མཛད། །མིག་ནི་དམར་ཞིང་ཟླུམ་ལ་འགྱུར། ། [18a.2]ཁྲོས་ཤིང་སྒེག་པ་རལ་བ་ཅན། །ཞབས་ནི་བཞི་དང་ཞལ་བརྒྱད་དང་། །ཕྱག་ནི་བཅུ་དྲུག་དག་གིས་བརྒྱན། །ཕུང་པོ་ཉོན་མོངས་འཆི་བདག་ལྷའི། །བུ་ཡི་བདུད་བཞི་མཉམ་པར་གནོན། །སྐྱིལ་ཀྲུང་ཕྱེད་པའི་གར་ཐབས་ཅན། །ཁྲག་འཛག་མགོ་བོ་ལྔ་བཅུའི་ཕྲེང་། །ཤིན་ཏུ་ [18a.3]འཇིགས་རུང་ཉམ་ངར་གནས། །སྤྱི་གཙུག་སྣ་ཚོགས་རྡོ་རྗེ་འཛིན། །འཇིག་དུས་མེ་ལྟར་འབར་བའི་འོད། །ཞལ་ནས་ཧཱུཾ་ནི་སྒྲོགས་མཛད་ཅིང་། །སྐུ་ལ་ཐལ་བའི་རྡུལ་གྱིས་བསྒོས། །འཇིག་དུས་སྦྱིན་དང་དབང་སྔོན་འདྲའི། །རྩ་བའི་ཞལ་དང་སྐུ་ལུས་ཅན། །རི་བོང་ཅན་འདྲའི་འོད་དང་ནི། ། [18a.4]ཉིན་མོ་བྱེད་པའི་འོད་འདྲ་བའི། །གཡས་དང་གཡོན་པའི་ཞལ་མདོག་གོ། །སྟེང་མའི་ཞལ་ནི་དུད་མདོག་འདྲ། །རྣམ་པར་འགྱུར་དང་བུང་བ་འདྲ། །ལྷག་མའི་ཞལ་ནི་བཞི་པའོ། །ཞལ་ཀུན་ཀྱང་མཆེ་བ་གཙིགས་པ་སྤྱན་གསུམ་གྱིས་མཛེས་པ། །དཔྲལ་བའི་སྟེང་དུ་ཐོད་པའི་དུ་མ་བུ་ལྔས་ [18a.5]བརྒྱན་པ། སྨིན་མ་གཡོ་བ། སྐྲ་དམར་སེར་གྱེན་དུ་འགྲེང་བ། གཅེར་བུ་གར་དགུ་དང་ལྡན་པ། །ཕྱག་རྒྱ་ལྔ་ཡིས་རྣམ་པར་བརྒྱན། །འཁོར་ལོ་རྣ་ཆ་མགུལ་རྒྱན་དང་། །ལག་པ་གང་དུ་བུ་སྐ་རགས་སོ། །གློ་དང་དབུགས་རྒོད་དེ་བཞིན་སྐྱོ། །ཟ་བྱེད་མཛེ་དང་ཟ་གཡའ་དང་། །དམུ་ཆུ་སྤྲི་ཧའི་ [18a.6]རང་བཞིན་ཉིད། །གླང་པོ་རྟ་བོང་གླང་རྔ་མོ། །དེ་བཞིན་མི་དང་སེང་བྱི་ལ། །གཡས་པའི་ཐོད་པ་བརྒྱད་པོ་རུ། །གཉིས་འཐུང་ལ་སོགས་རིམ་ཤེས་བྱ། །ས་དང་ཆུ་དང་མེ་དང་རླུང་། །ཟླ་བ་དང་ནི་ཉི་མ་དང་། །མཐར་བྱེད་དང་ནི་ནོར་སྦྱིན་རྣམས། །གཡོན་པའི་ཐོད་པ་བརྒྱད་ནའོ། །ལྷ་མོ་ [18a.7]བདག་མེད་མ་དེ་ནི། །ཕྱག་གཉིས་ཀྱིས་ནི་རྣམ་པར་བརྒྱན། །བདུད་བཞིའི་ཁྲག་གིས་བཀང་བ་ཡི། །ཐོད་པ་ཡིས་ནི་ཕྱག་གཡོན་བྲེལ། །གཡས་ན་ཉོན་མོངས་གཅོད་པ་ཡི། །གྲི་གུག་བསྣམས་པར་མཛད་པ་ཡིན། །གཅེར་བུ་ཁ་དོག་ནག་མོ་སྟེ། །བཅོམ་ལྡན་འདས་ཀྱི་མགུལ་ [18b] [18b.1]ནས་འཁྱུད། །སྤྱན་གསུམ་གྱིས་ནི་རྣམ་པར་བརྒྱན། གཡས་བརྐྱང་པ་ཡི་གནས་པས་གནས། །ཕྱག་རྒྱ་ལྔ་ཡིས་རྣམ་པར་བརྒྱན། །དཔྲལ་བའི་སྟེང་དུ་མགོ་སྐམ་ཕྲེང་། །མཛེས་པ་དག་གིས་མཛེས་པར་བྱས། །ཁྲག་མེད་མགོ་ཡི་ཕྲེང་བ་ཡིས། །གྲུབ་པའི་མཁའ་འགྲོ་མ་ [18b.2]ལ་བརྒྱན། །དེ་ནས་བཅོམ་ལྡན་འདས་ཀྱི་ཐུགས་ཀའི་པདྨ་ལ་གནས་པའི་ཉི་མ་ལ་ནི་ཧཱུཾ་ངོ་། །དེ་ནས་བཅོམ་ལྡན་འདས་མའི་ཐུགས་ཀའི་པདྨ་ལ་གནས་པའི་ཟླ་བ་ལ་ཡི་གེ་ཨཾ་བལྟ་བར་བྱ་སྟེ། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ལམ་ཚོ་སྐྱེས་དང་། [18b.3]སྲོག་སོང་བའི་སྙིང་གའི་ཟླ་བའི་དཀྱིལ་འཁོར་གྱི་སྟེང་དུ་ཨ་ཨཱ་ཨི་ཨཱི་ཨུཾ་གི་ས་བོན་ལས་སྐྱེས་པས་མཚན་མའི་གྲི་གུག་དང་། ཟླ་བ་དང་ཉི་མ་ཁ་སྦྱོར་དུ་བྱས་པ་ཡོངས་སུ་གྱུར་པ་ལས། རྡོ་རྗེ་མ་ལ་སོགས་པའི་མཁའ་འགྲོ་མ་དཀར་མོ། ནག་མོ། སེར་མོ། །དམར་མོ། །ལྗང་གུ་ [18b.4]ནི་གཏི་མུག་དང་། ཞེ་སྡང་དང་། ཕྲ་མ་དང་། འདོད་ཆགས་དང་། ཕྲག་དོག་ནི་བདག་མེད་མ་མཁའ་འགྲོ་མའི་རང་བཞིན་ཏེ། གྲི་གུག་དང་ཐོད་པ་བསྣམས་པའི་དཀྱིལ་འཁོར་ཕྱེད་པའི་གར་གྱིས་བཞུགས་པ་བསྒོམ་པར་བྱའོ། །རྡོ་རྗེ་མ་ལ་སོགས་པའི་མཁའ་འགྲོ་མ་ལྔ་པོ་འདི་དག་ནི་ [18b.5]རིམ་པ་ཇི་ལྟ་བ་བཞིན་དུ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་ཕུང་པོར་བསམ་པར་བྱའོ། །དེ་བཞིན་དུ་གཏི་མུག་དང་། ཞེ་སྡང་དང་། ང་རྒྱལ་དང་། ཕྲ་མ་དང་། འདོད་ཆགས་དང་། ཕྲག་དོག་དང་། གཟུགས་ལ་སོགས་པའི་ཡུལ་རྣམས་ལ་ [18b.6]ནི། གཽ་རཱི་དང་། ཙོ་རཱི་དང་། བེ་ཏཱ་ལཱི་དང་། གྷསྨ་རཱི་དང་། ས་སྤྱོད་མ་དང་། མཁའ་སྤྱོད་མ་དང་། ས་དང་། ཆུ་དང་། མེ་དང་། རླུང་དང་ནམ་མཁའ་ལ་ནི། པུཀྐ་སཱི་དང་། ས་པ་རཱི་དང་། ཙཎྜལཱི་དང་། ཌོཾ་བི་ནཱིའོ། །ལུས་དང་། ངག་དང་། ཡིད་ལ་ནི་སྡིག་སོང་བའི་སྙིང་གའི་ཟླ་བའི་དཀྱིལ་འཁོར་གྱི་ [18b.7]སྟེང་དུ་ཨོཾ་ཨཱཾ་གི་ས་བོན་ལས་སྐྱེས་པའི། དཀར་མོ་དང་། དམར་མོ་དང་། ནག་མོ་དང་། ས་སྤྱོད་མ་དང་། མཁའ་སྤྱོད་མ་དང་། བདག་མེད་མའི་རྣལ་འབྱོར་མ་རྣམས་རྡོ་རྗེ་མ་ལ་སོགས་པ་བཞིན་དུ་ཡོངས་སུ་རྫོགས་པས་གནས་ནས་སུའོ། །ཤ་ནི་པུཀྐ་སཱི་རུ་གྲགས། །ཁྲག་ནི་ [19a] [19a.1]ས་བ་རཱི་རུ་བརྟགས། །ཙཎྜ་ལཱི་ནི་ཁུ་བར་བསྟན། །ཌོཾ་བི་རྐང་ཚིལ་དག་པ་སྟེ། །འདི་དག་ལྷ་ཡི་རྣམ་དག་གོ། །ད་ནི་རྣམ་པར་དག་པ་གཞན་དག་བརྗོད་པར་བྱ་སྟེ། པགས་པ་བྱང་ཆུབ་ཡན་ལག་བདུན། །རུས་པ་འཕགས་པའི་བདེན་པ་བཞི། །ཐུགས་ [19a.2]རྗེའི་སྤྱན་ནི་དམར་པོ་སྟེ། །བྱམས་པའི་ཐུགས་ཀྱིས་ཡན་ལག་ནག། །བསྡུ་བའི་དངོས་པོ་བཞི་དག་གིས། །ཞབས་བཞི་དག་ཏུ་དྲན་པར་བྱ། །ཞལ་བརྒྱད་རྣམ་པར་ཐར་པ་སྟེ། །ཕྱག་ནི་སྟོང་པ་བཅུ་དྲུག་གོ། །ཚད་ནི་སངས་རྒྱས་ལྔ་ཡིན་ཏེ། །ཁྲོ་བ་གདུག་པ་འདུལ་བ་པོ། །སྤྱན་ནི་རྣམ་ [19a.3]དག་རྡོ་རྗེ་གསུམ། །བརྟེན་པའི་སེམས་ཀྱིས་དངོས་གྲུབ་འགྱུར། །དྲུག་ཅུ་རྩ་བཞི་བརྒྱད་ཅུ་དྲུག །འདབ་མ་སུམ་ཅུ་གཉིས་པདྨ། །སྤྲུལ་པ་ཆོས་དང་ལོངས་སྤྱོད་དང་། །བདེ་ཆེན་ཞེས་བྱ་གོ་རིམས་བཞིན། །ལྟེ་བ་སྙིང་ག་མགྲིན་པ་མགོར། །འཁོར་ལོ་བཞི་པོ་བསྒོམ་པར་བྱ། །འོད་ཟེར་ལྔ་ [19a.4]པོ་དཀར་དང་ནག །དམར་དང་སྔོ་བ་དེ་བཞིན་ཏེ། །ཨོཾ་ཧཱུཾ་ཨཾ་ཧཾ་ཅི་རིགས་པར། །སྟེང་དང་འོག་ཏུ་ཁ་བལྟས་ནས། །ཤེས་རབ་ཐབས་ཀྱི་རྣམ་དག་གིས། །གཉིས་གཉིས་དག་ཏུ་ཉེ་བར་བསྟན། །དེ་ནས་རང་གི་སྙིང་གའི་ས་བོན་གཉུག་མའི་འོད་ཟེར་གྱི་ཚོགས་ཀྱིས་གདོད་མ་ནས་གྲུབ་པའི་ཁམས་ [19a.5]གསུམ་ན་བཞུགས་པའི་རྒྱལ་བ་མཆོག་གི་ཚོགས་སྤྱན་དྲངས་པ་ནམ་མཁར་བཞུགས་སུ་གསོལ་ཏེ། ཕྱི་དང་ནང་དང་གསང་བ་མཆོད་པའི་ཁྱད་པར་གྱིས་ཡང་དག་པར་མཆོད་ལ། ཨོཾ་ཨ་བྷི་ཥིཉྩ་ཏུ་མཱཾ་སརྦ་ཏ་ཐཱ་ག་ཏ་ཞེས་བྱ་བས་གསོལ་བ་བཏབ་པ་དང་། ཧེ་རུ་ཀའི་གཟུགས་སུ་གྱུར་པའི་དེ་ [19a.6]བཞིན་གཤེགས་པ་དེ་དག་གིས་དེ་བཞིན་གཤེགས་པ་ལྔའི་རང་བཞིན་དུ་བདུད་རྩི་ལྔའི་རང་བཞིན་བུམ་པ་ལྔ་ལག་པའི་པདྨས་གཟུང་བས་དབང་བསྐུར་བར་བྱའོ། །དབང་བསྐུར་མ་ཐག་ཏུ་སྤྱི་བོར་ཐུགས་ཀྱི་བདག་པོར་གཞག་གོ། །མེ་ཏོག་གི་ཆར་དང་གུར་གུམ་གྱི་ཆར་ཡང་འབབ་པར་འགྱུར་ [19a.7]རོ། །རྔའི་སྒྲ་ཡང་སྒྲོགས་པར་བྱེད་དོ། །གཟུགས་རྡོ་རྗེ་ལ་སོགས་པས་ཀྱང་མཆོད་པར་བྱེད་དོ། །སངས་རྒྱས་སྤྱན་ལ་སོགས་པས་ཀྱང་སྟོད་པར་བྱེད་དོ། །དེའི་རྗེས་ལ་རང་རིག་པ་ཐུགས་ཀར་གནས་པས་དབང་བསྐུར་བས་མིག་ལ་སོགས་པ་འཐོབ་པར་བསྒོམས་ལ། ཚོགས་ལྷག་པར་ [19b] [19b.1]བྱ་བའི་དོན་དུ་རིགས་ལྔས་བྱིན་གྱིས་བརླབ་པར་བྱའོ། །དེའི་རིམ་པ་འདི་ཡིན་ཏེ། མགོ་དང་། སྙིང་ག་དང་། ལྟེ་བ་དང་། གསང་བ་དང་། བརླ་རྣམས་སུ། ཨོཾ་ཧཱུཾ་སྭ་ཨཱཿཧཱའི་ས་བོན་ལྔ་ལས་རྫོགས་པའི་རྣམ་པར་སྣང་མཛད་དང་། མི་བསྐྱོད་པ་དང་། རིན་ཆེན་འབྱུང་ལྡན་དང་། སྣང་བ་ [19b.2]མཐའ་ཡས་དང་། དོན་ཡོད་གྲུབ་པའི་རང་བཞིན་གྱི་རྡུལ་ཕྲ་རབ་ལས་བསྒྲུབས་པའི་སྐུ་ཅན་བསྒོམ་པར་བྱའོ། །ཧཱུཾ་དང་ཨའི་ས་བོན་ལས་ངེས་པར་བྱུང་བའི་པདྨ་འདབ་མ་བརྒྱད་པའི་ཟེ་བ་ལ་ཧཱུཾ་དང་ཨོཾ་ལས་བྱུང་བའི་རྣལ་འབྱོར་པའི་རྡོ་རྗེའི་ནོར་བུ་ཇི་ལྟར་རིགས་པར་སྔགས་གཉིས་ཀྱིས་བྱིན་གྱིས་ [19b.3]བརླབས་ཏེ། ཨོཾ་པདྨ་སུ་ཁ་དྷ་ར་མ་ཧཱ་རཱ་རཱ་ག་སུ་ཁ་དྷ་ར། ཙ་ཏུར་ཨཱ་ནནྡ་བྷ་ག་བི་ཤཱ་ཧཱུཾ་ཧཱུཾ་ཧཱུཾ་ཀ་ཪྻཾ་ཀུ་རུ་ཥྭ་མེ། ཙ་ཏུར་ཨཱ་ནནྡ་ད་ཡ་ཀ་ཁ་ག་མུ་ཁེ་ཀ་རཱ་སོ་ནཱ་ཐ་ཧཱུཾ་ཧཱུཾ་ཧཱུཾ། ཀརྱཾ་ཀུ་རུ་ཥྭ་མེ་ཞེས་བྱ་བ་དེ་དང་ལྷན་ཅིག་ཏུ་དགའ་བ་བརྩམ་པར་བྱའོ་ཞེས་བྱ་བ་ལ་སོགས་པ་ནི་དང་པོའི་རྣལ་འབྱོར་ཞེས་བྱ་བའི་ [19b.4]ཏིང་ངེ་འཛིན་ཏོ། །དེའི་རྗེས་ལ་རང་གི་སྙིང་གའི་ས་བོན་གྱི་འོད་ཀྱི་ལྕགས་ཀྱུས་ཧེ་རུ་ཀའི་འཁོར་ལོ་སྤྱན་དྲངས་ནས་བདག་ཉིད་ལ་བཅུག་ལ་ཞུ་བར་བྱས་ནས། ཟླ་བ་ཞུ་བ་ལྟ་བུར་གྱུར་པ་པདྨའི་ནང་དུ་ལྟུང་བ་ལས་བསྐྱེད་པའོ། །རང་གི་ས་བོན་དང་ཕྱག་མཚན་ལས་རྫོགས་པའི་དཀྱིལ་འཁོར་ [19b.5]གྱི་དབང་ཕྱུག་དང་། གཽ་རཱི་ལ་སོགས་པའི་མཁའ་འགྲོ་མའི་ཚོགས་བསྐྱེད་ཅིང་། ཧཱུཾ་ཨཾ་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ཞེས་བྱ་བའི་འབྱིན་པའི་སྔགས་ཀྱིས་སྤྲུལ་ཅིང་གདོན་ནོ། །དེ་ལ་བཅོམ་ལྡན་འདས་མ་དང་ལྷན་ཅིག་བཅོམ་ལྡན་འདས་ཇི་སྐད་བསྟན་པའི་ཕྱག་དང་ཞལ་སྐུ་མདོག་ལ་སོགས་ [19b.6]པས་མཚོན་པ་རང་གི་བདག་ཉིད་གཞུག་གོ། །གཽ་རཱི་ཁ་དོག་ནག་མོ་སྟེ། །གཡས་དང་གཞན་ལ་གྲི་གུག་དང་། །རོ་ཧི་ཏ་ཡི་ཉ་བསྣམས་ལ། །ཤར་སྒོར་ཉི་མའི་གདན་ལ་བསམ་པར་བྱའོ། །དེ་བཞིན་དུ་ཙཽ་རཱི་ནི་བཙོད་ཀྱི་མདོག་ལྟ་བུ་རྔེའུ་ཆུང་དང་ཕག་པ་བསྣམས་པ་ལྷོའི་གདན་ [19b.7]ལའོ། །དེ་བཞིན་དུ་རོ་ལངས་མ་ནི་གསེར་བཙོ་མའི་མདོག་ལྟ་བུ་རུས་སྦལ་དང་། པདྨའི་སྣོད་བསྣམས་པ་ནུབ་ཀྱི་སྒོའི་གདན་ལའོ། །དེ་བཞིན་དུ་གྷསྨ་རཱི་ནི་ནོར་བུ་མ་ར་ཀ་ཏ་ལྟ་བུ་སྟེ། སྤྲུལ་དང་རྣལ་འབྱོར་གྱི་སྣོད་བསྣམས་པ་བྱང་ཕྱོགས་ཀྱི་གདན་ལའོ། །དེ་བཞིན་དུ་པུཀྐ་སཱི་ནི་ཨིནྡྲ་ནཱི་ [20a] [20a.1]ལ་ལྟ་བུ་སྟེ། སེང་གེ་དང་དགྲ་སྟ་བསྣམས་པ་དབང་ལྡན་མཚམས་ཀྱི་གདན་ལའོ། །དེ་བཞིན་དུ་ས་བ་རཱི་ནི་ཟླ་བ་ཉ་བ་ལྟ་བུ་སྟེ། དགེ་སློང་དང་འཁར་གསིལ་བསྣམས་པ་མེའི་མཚམས་གདན་ལའོ། །དེ་བཞིན་དུ་ཙཎྜལཱི་ནི་ནམ་མཁའ་ལྟར་སྔོ་བསངས་ཏེ། འཁོར་ [20a.2]ལོ་དང་གཤོལ་མདའ་བསྣམས་པ་བདེན་བྲལ་མཚམས་ཀྱི་གདན་ལའོ། །དེ་བཞིན་ཌོཾ་བཾ་ནཱི་ནི་སྣ་ཚོགས་པའི་མདོག་ཅན་ཕྱག་ན་རྡོ་རྗེ་དང་སྡིགས་མཛུབ་བསྣམས་པ་སྟེ། རླུང་གི་མཚམས་ཀྱི་གདན་ལ་གནས་པར་བསམ་པར་བྱའོ། །རྡོ་རྗེ་རྣལ་འབྱོར་མ་ཀུན་ཀྱང་། །སྐྱིལ་ཀྲུང་ཕྱེད་པའི་གར་གྱིས་ [20a.3]གནས། །ཕྱག་རྒྱ་ལྔ་ཡིས་རྣམ་པར་བརྒྱན། །དབུ་སྐྲ་དམར་སེར་གྱེན་དུ་འགྲེང་། །སྤྱན་གསུམ་དམར་ཞིང་ཟླུམ་པ་སྟེ། །ཁྲག་མེད་མི་མགོའི་ཕྲེང་བ་ཡིས། །རྣམ་པར་བརྒྱན་ཅིང་བདག་པོ་ལ། །བདེ་མཆོག་སྦྱིན་པ་གཅེར་བུའོ། །ཞེས་བྱ་བས་ཐམས་ཅད་དུ་ཡོངས་སུ་རྫོགས་པའི་དཀྱིལ་འཁོར་ལ་བལྟས་ [20a.4]ལ། །ཕྱག་རྒྱ་བྱིན་རླབས་སྦྱོར་བ་ཡིས། །ཉམས་མེད་ཡེ་ཤེས་ཐོབ་བྱའི་ཕྱིར། །མཚོ་སྐྱེས་རྡོ་རྗེས་བུག་པ་རུ། །ཕཊ་སེར་པོ་ནི་བསམ་པར་བྱ། །དེ་ནས་རང་གི་སྙིང་གའི་ས་བོན་གྱི་འོད་ཀྱི་ལྕགས་ཀྱུས་ཡེ་ཤེས་ཀྱི་དཀྱིལ་འཁོར་སྤྱན་དྲངས་ལ། ཤར་ཕྱོགས་ཀྱི་སྒོར་ཕྱོགས་པར་བལྟས་ [20a.5]ལ་ཡོན་ཆབ་ལ་སོགས་པ་ཕུལ་ཏེ། ཨོཾ་བཛྲ་གཽ་རཱི་ཨཱ་ཀཪྵ་ཡ་ཛཿ་ཨོཾ་བཛྲ་ཙཽ་རཱི་བྲ་བེ་ཤ་ཡ་ཧཱུཾ། ཨོཾ་བཛྲ་བེ་ཏཱ་ལཱི་བནྡྷ་བཾ། ཨོཾ་བཛྲ་གྷསྨ་རཱི་ཏོ་ཤ་ཡ་ཧོཿ་ཞེས་བྱ་བ་སྤྱན་དྲང་བ་དང་། གཞུག་པ་དང་། བཅིང་བ་དང་། མཉེས་པར་བྱས་པ་དམ་ཚིག་དང་ཡེ་ཤེས་ཀྱི་དཀྱིལ་འཁོར་གཅིག་ཏུ་གྱུར་པ་རྣམ་པར་ [20a.6]བསམས་ལ། སྙིང་གའི་ས་བོན་གྱི་འོད་ཟེར་གྱིས་རྒྱལ་བ་མཆོག་གི་ཚོགས་སྤྱན་དྲངས་ཤིང་མཆོད་ལ་དབང་བསྐུར་བ་བྱ་བའི་ཕྱིར་གསོལ་བ་གདབ་པར་བྱའོ། །དེ་ལྟར་དེ་དག་གིས་དབང་བསྐུར་བ་བྱས་མ་ཐག་ཏུ་མིང་གིས་དབང་བསྐུར་བའི་རྒྱལ་བ་མགོར་གནས་པར་འགྱུར་རོ། །དེ་ལ་ཐུགས་དང་ [20a.7]སངས་རྒྱས་རིན་ཆེན་དང་། །རྡོ་རྗེ་ཆོས་ཀྱི་རྒྱ་ཡིས་ནི། །གཽ་རཱི་ཙཽ་རཱི་བེ་ཏཱ་ལཱི། །གྷསྨ་རཱི་ལ་གོ་རིམས་བཞིན། །ལྷ་མོ་པུཀྐ་སཱི་སོགས་བཞི། །སངས་རྒྱས་འདི་དག་གོ་རིམས་བཞིན། །དེ་ནས་རང་གི་སྙིང་གའི་ས་བོན་གྱི་འོད་ཟེར་གྱི་སྒོ་ལས་བྱུང་བའི་མཁའ་འགྲོ་མ་རྣམས་ལག་པའི་ཡལ་གས་ [20b] [20b.1]མཆོད་པ་རྣམ་པ་སྣ་ཚོགས་ཐོགས་པ། རྫས་དང་། བལྟ་བ་དང་། དགེ་བ་མ་ལུས་པ་སྒྱུ་མ་ལྟ་བུར་བལྟ་བའི་ངོ་བོ་དང་། དེ་ལས་གཞན་པའི་ཕྱི་རོལ་གྱི་མཆོད་པ་ཁྱད་པར་ཅན་གྱི་བདག་ཉིད་ཁམས་གསུམ་པའི་བདག་ཉིད་ཅན་དཀྱིལ་འཁོར་གྱི་འཁོར་ལོའི་ངོ་བོ་ལ་མཆོད་པ་དང་། མཆོད་པ་ [20b.2]པོ་དང་མཆོད་པའི་གནས་ཀྱི་དབྱེ་བའི་བློ་མི་བྱ་བར་ཡང་དག་པར་མཆོད་པར་བྱ་ཞིང་། སྒྲའི་གྲོང་ཁྱེར་བྲག་ཅ་ལྟ་བུར་ཤེས་པས་བསྟོད་པར་ཡང་བྱའོ། །རྣལ་འབྱོར་མ་ཡི་ཚོགས་ཀྱིས་ཁྱོད། །བསྐོར་ཞིང་ཁྱོད་སེམས་མཆོག་ཐོབ་འགྱུར། །དེ་ཡིས་འགྲོ་བ་བརྟན་གཡོ་སྦྱངས། ། [20b.3]ཐུགས་རྗེའི་ཐུགས་ཀྱིས་སེམས་ཅན་བསླང་། །སྒྱུ་མའི་སྤྲུལ་པར་ཁྱོད་ཀྱིས་རྡོ་རྗེ་ཕོང་། །དཔལ་ལྡན་ཁྲག་འཐུང་རྡོ་རྗེས་བདག་ལ་ཐུགས་ཀྱིས་དགོངས། །དེ་ནས་མདུན་དུ་ཡཾ་ལས་བྱུང་བའི་རླུང་གི་དཀྱིལ་འཁོར་རྒྱལ་མཚན་གྱིས་མཚན་པའོ། །དེའི་སྟེང་དུ་རཾ་ལས་བྱུང་བའི་མེའི་དཀྱིལ་འཁོར་འབར་ [20b.4]བས་མཆན་པའོ། །དེའི་སྟེང་དུ་ཨཾ་ལས་བྱུང་བའི་པདྨའི་སྣོད་དོ། །དེའི་དཀྱིལ་དུ་བདུད་རྩི་ལྔ་དང་གསལ་བྱེད་ལྔ། །དེ་བཞིན་གཤེགས་པ་ལྔའི་ས་བོན་གྱིས་མཚན་པ་སྦར་བ་དང་། བསྐོར་བ་དང་། དྲི་མ་མེད་པར་སྦྱངས་པས་ཤེལ་ལྟར་གྱུར་པ་དེའི་སྟེང་དུ་ཧཱུཾ་ལས་བྱུང་བའི་དེ་བཞིན་ [20b.5]གཤེགས་པ་ཐམས་ཅད་ཀྱིས་བྱིན་གྱིས་བརླབས་པའི་རྡོ་རྗེའི་འོད་ཀྱིས་ཞུ་བར་གྱུར་པ། ཨོཾ་གྱིས་བྱིན་གྱིས་བརླབས་པ། དེའི་འོད་ཟེར་གྱིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་བདུད་རྩི་བཀུག་ལ་དེ་དང་རོ་མཉམ་པར་བྱས་པ་ལ་དེ་ཁོ་ན་ཉིད་གསུམ་གྱིས་བྱིན་གྱིས་བརླབས་པ། རོ་དང་། [20b.6]ནུས་པ་དང་། དཔེ་མེད་པའི་སྨིན་པའི་རང་བཞིན་ཧཱུཾ་ལས་བྱུང་བའི་ལྕེ་དང་། སྙིང་ག་དང་། ཉི་མ་ལ་བཀོད་པའི་དཀྱིལ་འཁོར་ཚིམ་པར་བྱ་ཞིང་མཁའ་འགྲོ་མའི་དབུས་ན་གནས་པའི་གཙོ་བོ་བསྒོམས་པ་ལ་ཡང་དེ་ཉིད་ཀྱིས་སོ་ཞེས་བྱ་བ་ནི་དཀྱིལ་འཁོར་རྒྱལ་མཆོག་ཅེས་བྱ་བའི་ཏིང་དེ་འཛིན་ཏོ། [20b.7]ད་ནི་གཽ་རཱི་ལ་སོགས་པའི་མཁའ་འགྲོ་མའི་ཚོགས་ཀྱི་དཀྱིལ་འཁོར་གྱི་དབང་ཕྱུག་མཐར་ཐུག་པའི་རེ་རེ་ནས་གོ་རིམས་བཞིན་དུ་ཕྱོགས་བཅུར་ཡང་དག་པར་སྤྲོས་ལ། ཇི་ལྟར་རིགས་པར་རྗེས་སུ་བརྟན་པར་བྱས་ནས། བྱ་བ་བྱས་ཤིང་བྱེད་པ་བྱས་པའི་དཀྱིལ་འཁོར་མ་ལུས་པ་རྣམ་པར་མི་ [21a] [21a.1]རྟོག་པ་བདེ་བའི་རང་བཞིན་དུ་བལྟ་བར་བྱའོ། །དེའི་རྗེས་ལ་དང་པོ་སྤྲུལ་པའི་འཁོར་ལོ་ཡི་གེ་ཨཾ་ཁ་དོག་ནག་པོ་འོད་དང་བཅས་པའོ། །དེ་ཡོངས་སུ་གྱུར་པ་མར་མེའི་འོད་ལྟར་འབར་བའི་འོད་ཟེར་བ་སྤུའི་བུ་ག་ནས་བྱུང་བས། གཽ་རཱི་ལ་སོགས་པ་ལྷ་མོའི་ [21a.2]ཚོགས་སྣང་བར་བྱས་ནས། དཀྱིལ་འཁོར་དང་དཀྱིལ་འཁོར་གྱི་དབང་ཕྱུག་ནག་པོ་ཆེན་པོ་མིག་སྨན་ནག་པོ་བཅག་པ་ལྟ་བུའི་ལུས་སྤྲོ་ཞིང་བསྡུ་བ་བསྒོམ་པར་བྱའོ། །རིམ་པ་འདི་ཉིད་ཀྱིས་གཉིས་པར་དམར་པོ། གསུམ་པར་སེར་པོ། བཞི་བར་ལྗང་གུ། ལྔ་པར་སྔོན་པོ། དྲུག་པར་དཀར་ [21a.3]པོ་ཞེས་བྱ་བ་ཡན་ལག་དྲུག་བསྒོམ་པར་བྱའོ། །ཕྱི་ནས་དགའ་བྲལ་མཐར་ཡང་དེ་བཞིན་ནོ། །ཞེས་བྱ་བ་གཽ་རཱི་ལ་སོགས་པ་མཁའ་འགྲོ་མ་བརྒྱད་རང་རང་གི་ཕྱོགས་ཀྱི་ཞལ་བརྒྱད་དུ་བཞུགས་ནས་ཉིད་ཀྱི་ཐུགས་ཀའི་ས་བོན་གཉུག་མར་གནས་པར་བྱའོ། །དེ་ནས་བཅོམ་ལྡན་འདས་མ་བདག་ [21a.4]མེད་མ་ཡང་བཅོམ་ལྡན་འདས་ཀྱི་ཐུགས་ཀར་བཞུགས་པར་བསམ་པར་བྱའོ། །དེ་ནས་བཅོམ་ལྡན་འདས་ཀྱང་འཁོར་ལོ་བཞི་པོ་འོད་ཟེར་གྱི་ཚོགས་སྤྲོས་པས་བདག་ཉིད་འོད་ཀྱི་རང་བཞིན་དུ་གྱུར་པས། ཉིད་ཀྱི་ཐུགས་ཀའི་ཉི་མ་ལ་གནས་པའི་ས་བོན་གཉུག་མ་ལ་འཇུག་པར་བྱའོ། །ཉི་ [21a.5]མ་ཡང་ས་བོན་ལ། ས་བོན་ཡང་ཐིག་ལེར་གྱུར་ནས། ཐིག་ལེ་དང་བཅས་པའི་འཁོར་ལོ་གསུམ་ནི་དེས་མཚོན་པ་བདེ་བ་ཆེན་པོའི་རང་བཞིན་འོད་ཟེར་དཀར་པོའི་ཚོགས་ཀྱི་རྣམ་པ་ཅན་དུ་བསྒོམ་པར་བྱའོ། །རིམ་གྱིས་རང་གི་བདག་ཉིད་དུ་ཞུ་བར་གྱུར་པས་མི་དམིགས་པར་བྱའོ། །དེ་ལྟ་ [21a.6]བུའི་སེམས་ཀྱི་རང་བཞིན་གཉུག་མའི་ངོ་བོ་ཉིད་བདེ་བ་ཆེན་པོའི་རྣམ་པར་རོ་གཅིག་པར་གྱུར་ཏོ་ཞེས་བྱ་བ་ཡིན་ནོ། །བསྒོམས་པས་སྐྱོ་བར་གྱུར་ན། སྔགས་བཟླས་པ་བྱ་སྟེ། བདག་ཉིད་དང་འཁོར་ལོའི་རྣམ་པ་བསམས། ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ་ཞེས་བྱ་བའི་སྔགས་སམ། [21a.7]རྒྱུད་ནས་འབྱུང་བའི་རྩ་བའི་སྔགས་སྙིང་གའི་ཉི་མ་ལ་སྔགས་ཀྱི་ཡི་གེ་མགོ་གྱེན་དུ་བལྟས་པ་དཀྱིལ་འཁོར་གྱི་རྣམ་པ་ལྟར་ཡང་དག་པར་གནས་པ་རབ་ཏུ་འབར་བ་རྣམས་ཡིད་ཀྱིས་བྲིས་ལ་ཡིད་ཀྱིས་བལྟས་པ་འདི་ནི་རྡོ་རྗེ་བཟླས་པའོ། །ཡང་ན་ཁྲོ་བོའི་བཟླས་པ་བྱ་སྟེ། ཞལ་བརྒྱད་དང་། གཽ་རཱི་ [21b] [21b.1]ལ་སོགས་པ་མཁའ་འགྲོ་མ་རྣམས་ཀྱིས་ཞལ་ནས་སྔགས་བརྗོད་པར་ལྷག་པར་མོས་པ་བྱའོ་ཞེས་བྱ་བ་ནི་བཟླས་པ་མདོར་བསྡུས་པའོ། །བཟླས་པས་སྐྱོ་བར་གྱུར་ན་སྨོན་ལམ་གདབ་པར་བྱ་སྟེ། རིགས་བཟངས་སྐྱེ་དང་དམ་ཚིག་ཅན། །རྒྱགས་མེད་དགྱེས་པའི་རྡོ་རྗེ་འཆང་། །བླ་མ་ [21b.2]ལ་གུས་སྙིང་རྗེ་དང་། །ལྡན་ཞིང་སྐྱེ་ཞིང་སྐྱེ་བར་འགྱུར། །ལག་པ་རྡོ་རྗེ་དྲིལ་བུ་འཁྲོལ། །ཟབ་མོའི་ཆོས་ནི་འདོན་པ་དང་། །བཙུན་མོའི་ཁུ་བ་མཉམ་ཟ་བར། །སྐྱེ་ཞིང་སྐྱེ་བར་འགྱུར་བར་ཤོག །ཅེས་བྱའོ། །ཡང་ན་སྔ་མ་བཞིན་དུ་རང་གི་ལྷག་པའི་ལྷའི་འཁོར་གྱི་འཁོར་ལོ་ཡང་དག་པར་ [21b.3]མཆོད་ལ། རང་གི་སྙིང་གའི་ས་བོན་གཉུག་མ་ལས་གཞལ་ཡས་ཁང་ཡངས་ཤིང་རྒྱ་ཆེ་བར་ལྷག་པར་མོས་པར་བྱས་ལ་མཁའ་འགྲོ་མའི་ཚོགས་ཁོངས་སུ་ཆུད་པར་བསྒོམས་ནས། ལྷའི་ང་རྒྱལ་ཉིད་བྱའོ། །ཡིད་ཀྱིས་ལངས་ལ་བྱ་བ་རྣམས་ལ་སྤྱད་པར་བྱའོ། །ཐུན་གཉིས་པོ་ [21b.4]གཞན་ལ་ཡང་ཡིད་དང་མཐུན་པའི་གནས་སུ་ཉེ་བར་འདུག་ལ། སྔ་མ་བཞིན་དུ་གཞལ་ཡས་ཁང་ལྷག་པར་མོས་པར་བྱས་ལ། དེའི་དཀྱིལ་དུ་བདག་ཉིད་བདག་མེད་མ་དང་མཉམ་པར་འདུས་པའི་ཞལ་བརྒྱད་པའི་གཟུགས་ཀྱིས་དེ་ཁོ་ན་ཉིད་གསུམ་བརྗོད་པས། རང་རང་གི་ལས་ [21b.5]ངེས་པར་བྱུང་བའི་མཁའ་འགྲོ་མའི་ཚོགས་གསལ་པོར་བལྟས་ལ་གནས་ཇི་ལྟ་བ་བཞིན་དུ་བཀོད་ལ། དཀྱིལ་འཁོར་གྱི་འཁོར་ལོ་མ་ལུས་པ་བདེ་བ་ཆེན་པོའི་རང་བཞིན་དུ་བསྒོམས་ལ་མཆོད་པ་དང་། བསྟོད་པ་ལ་སོགས་པ་ཡང་བྱའོ། །ཉལ་དུས་སུ་ཡང་དགའ་བྲལ་མཐའ་ཅན་ [21b.6]གྱི་རྣལ་འབྱོར་མངོན་སུམ་དུ་བྱས་ལ། གཉིད་ལོག་པར་བྱའོ། །སད་པའི་དུས་སུ་ཡང་པུཀྐ་སཱི་ལ་སོགས་པ་ལྷ་མོ་བཞིས་གླུས་བསྐུལ་བས་ལངས་པར་བསམ་མོ། །ལངས་ནས་ཀྱང་དེ་ལྟ་བུ་ཉིད་དུ་གནས་པར་བྱའོ། །ཇི་སྲིད་ཡང་དག་པར་རྫོགས་པའི་བྱང་ཆུབ་ཐོབ་ཀྱི་བར་དུ་ཉིན་ [21b.7]རེ་བཞིན་བྱའོ་ཞེས་བྱ་བ་ནི་ལས་རྒྱལ་མཆོག་ཅེས་བྱ་བའི་ཏིང་ངེ་འཛིན་ཏོ། །གལ་ཏེ་ཕྱག་བཅུ་དྲུག་པ་ལ་མོས་པར་བྱེད་ན། གཞལ་ཡས་ཁང་དེ་ཉིད་དུ་ཕྱག་དྲུག་པའམ་ཕྱག་བཞི་པ་བསྒོམ་པར་བྱའོ། །དེ་ལ་བཅོམ་ལྡན་འདས་ཉིད་ཀྱི་ས་བོན་དང་། ཕྱག་མཚན་ལ་སོགས་པ་ནི་ཕ་ [22a] [22a.1]རོལ་ཏུ་ཕྱིན་པ་དྲུག་གོ། །སྟོང་པ་དང་། མཚན་མ་མེད་པ་དང་། སྨོན་པ་མེད་པ་རྣམ་པར་དག་པས་ཞལ་གསུམ་མོ། །སྐུ་དང་རྩ་བའི་ཞལ་ནི་འདམ་སྐྱེས་སྔོན་པོ་འདྲའོ། །གཡོན་ནི་དམར་པོའོ། །གཡས་ནི་ཟླ་བའི་འོད་ལྟ་བུའོ། །སྤྱན་གསུམ་པ་སྐྱིལ་ཀྲུང་ [22a.2]ཕྱེད་པས་གནས་པ། །ཕྱག་གཡས་ཀྱི་དང་པོ་ན་རྡོ་རྗེའོ། །ཕྱག་གཉིས་པ་ན་གྲི་གུག་གོ། །ཕྱག་གཡོན་གྱི་དང་པོ་ན་རྩེ་གསུམ་པའོ། །ཕྱག་གཉིས་པ་ན་དྲིལ་བུའོ། །ཕྱག་ལྷག་མས་ནི་རྡོ་རྗེ་ལུ་གུ་རྒྱུད་མ་ལ་མཉམ་པར་འཁྱུད་པ་ཁམས་གསུམ་གྱི་བདག་ཉིད་ཅན་གྱིས་རོ་ [22a.3]མནན་པའོ། །རྡོ་རྗེ་ལུ་གུ་རྒྱུད་མ་ནི་མདོག་སྔོན་པོ་སྟེ། བདག་མེད་མ་ལྟར་རྒྱན་སྣ་ཚོགས་ཀྱིས་བརྒྱན་པའོ། །གྲི་གུག་དང་ཐོད་པ་བསྣམས་པའི་ཕྱག་གཉིས་ཀྱིས་རང་གི་བདག་པོ་གཉུག་མའི་མགུལ་ནས་འཁྱུད་པར་བསྒོམ་པར་བྱའོ། །དེ་བཞིན་དུ་བདུད་ངེས་པར་བཅོམ་པའི་རྣམ་པར་དག་ [22a.4]པས་ཕྱག་བཞི་སྟེ། འདམ་སྐྱེས་སྔོན་པོ་དང་འདྲའོ། །སྤྱན་གསུམ་པ། རོ་རྣམ་པར་གནོན་པ། སྐྱིལ་ཀྲུང་ཕྱེད་པའི་གར་གྱིས་མནན་པའོ། །གཡས་ཀྱི་དང་པོ་ན་ནི་རྡོ་རྗེའོ། །ཕྱག་གཡོན་གྱི་དང་པོ་ན་ནི་མིའི་ཐོད་པ་ལྷ་དང་ལྷ་མ་ཡིན་གྱི་ཁྲག་གིས་གང་བའོ། །ཕྱག་ལྷག་མས་ནི་རྡོ་རྗེ་ཕག་མོ་ལ་ [22a.5]འཁྱུད་པའོ། །བཅོམ་ལྡན་འདས་མ་ནི་སྐུ་མདོག་སྔོན་མོ་སྟེ། ཕྱག་གཡས་དང་གཞན་ལ་ནི་གྲི་གུག་དང་ཐོད་པ་འཛིན་པའོ། །རྒྱུའི་རྡོ་རྗེ་འཛིན་འདི་དག་གི་ཕྱག་མཚན་དང་འཁོར་ལོ་ཡང་འབྲས་བུ་བཞིན་ཏེ། ཁྱད་པར་ཟླ་བའི་གདན་དང་། ཟླ་བའི་འོད་བསྒོམ་པར་བྱའོ། །ཕྱག་དྲུག་པ་དང་། [22a.6]ཕྱག་བཞི་བ་ལ་ཞལ་བརྒྱད་པ་མེད་ན་ཡང་། མཁའ་འགྲོ་མའི་ཚོགས་རང་རང་གི་ཕྱོགས་ཀྱི་བ་སྤུའི་བུ་གར་གཞུག་པར་བྱའོ། །ཨོཾ་ཀི་ཊི་ཀི་ཊི་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བ་ནི་ཕྱག་དྲུག་པའིའོ། །ཨོཾ་ཛྭ་ལ་ཛྭ་ལ་བྷྱོ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བ་ནི་ཕྱག་བཞི་པའིའོ། །ལྷག་མ་ནི་ [22a.7]སྔ་མ་བཞིན་དུ་རྟོགས་པར་བྱའོ། །དཔལ་ལྡན་ཡན་ལག་མེད་རྡོ་རྗེ། །ཡེ་ཤེས་བསམ་ཡས་བརྙེས་གྱུར་པས། །ཡང་དག་རྗེས་གནང་ཐོབ་གྱུར་ནས། །བྲིས་ཀྱི་མངོན་པའི་ང་རྒྱལ་མིན། །བདག་གིས་འདི་བྲིས་ནོངས་པ་རྣམས། །སྟོན་ཀའི་དྲི་མེད་འོད་འདྲ་བའི། །ཡིད་དང་ལྡན་ [22b] [22b.1]པའི་མཁས་རྣམས་དང་། །རྣལ་འབྱོར་པ་རྣམས་བཟོད་པར་འོས། །ཁྲག་འཐུང་སྒྲུབ་ཐབས་བྱས་པ་ལས། །ལེགས་པ་བདག་གིས་གང་བསགས་པ། །དེས་ནི་འཇིག་རྟེན་མ་ལུས་རྣམས། །ཀུན་མཁྱེན་ཡེ་ཤེས་ཕ་རོལ་སོན། །དཔལ་རྣལ་འབྱོར་བ་ཡན་ལག་མེད་པའི་རྡོ་རྗེས་ [22b.2]མཛད་པ། དཔལ་དགྱེས་པའི་རྡོ་རྗེའི་སྒྲུབ་ཐབས་རྫོགས་སོ།། །།རྒྱ་གར་གྱི་མཁན་པོ་ཀུན་དུ་བཟང་པོ་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། {T1265}༄༅༅། །རྒྱ་གར་སྐད་དུ། ཤྲཱི་ཧེ་རུ་ཀསྭ་ངྷ་ནི་བོད་སྐད་དུ་ [22b.3]ཧེ་རུ་ཀའི་སྒྲུབ་ཐབས། །དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །ཁྲག་འཐུང་འཇིག་རྟེན་གསུམ་ལས་བསྐྱོད། །དཔལ་ལྡན་བླ་མར་མགོས་བཏུད་ནས། །དེ་ཡི་སྒྲུབ་ཐབས་ཞི་བ་ནི། །གསུངས་པའི་ཆོ་ག་མདོར་བསྡུས་བྱ། །དཔའ་བོ་ཞལ་གཅིག་ཕྱག་གཉིས་པ། །བདག་མེད་མ་ [22b.4]ཡིས་མགུལ་ནས་འཁྱུད། །འཁོར་ལོ་ལ་སོགས་རྒྱན་དང་ལྡན། །སྤྱན་གསུམ་སྟག་གི་ཤམ་ཐབས་ཅན། །རྒྱུད་འདིར་བསྒོམ་པ་ལ་དབང་བའི་རྣལ་འབྱོར་བས་ཐོ་རངས་ལངས་ཏེ། སྟན་བདེ་བ་ལ་འདུག་ནས། རང་གི་སྙིང་གར་ཉི་མ་ལ་གནས་པའི་ཧཱུཾ་བལྟས་ཏེ། དེའི་འོད་ཟེར་གྱིས་ [22b.5]དཔལ་ཧེ་རུ་ཀ་མངོན་དུ་བྱས་ལ། མེ་ཏོག་ལ་སོགས་པ་མཆོད་པ་ལྔས་ཡང་དག་པར་མཆོད་པར་བྱའོ། །དེའི་སྤྱན་སྔར་སྡིག་པ་བཤགས་པ་དང་། བསོད་ནམས་ལ་རྗེས་སུ་ཡི་རང་བ་དང་། གསུམ་ལ་སྐྱབས་སུ་འགྲོ་བ་བྱས་ཏེ། བྱང་ཆུ་བ་ཆེན་པོར་སེམས་བསྐྱེད་དོ། །སེམས་ཅན་ [22b.6]ཐམས་ཅད་བདེ་བ་ལ་དགོད་པར་འདོད་པའི་བྱམས་པ་དང་། སྡུག་བསྔལ་ཐམས་ཅད་ལས་བསྒྲལ་བར་འདོད་པའི་སྙིང་རྗེ་དང་། བདེ་བ་ངེས་པར་རྒྱུན་མི་འཆད་པར་འདོད་པའི་དགའ་བ་དང་། ཉོན་མོངས་པ་ཐམས་ཅད་དང་། ཉེ་བའི་ཉོན་མོངས་པ་དང་། གཟུང་བ་དང་འཛིན་པ་ལ། [22b.7]སོགས་པའི་རྟོག་པའི་དྲི་མས་མ་གོས་པའི་རང་བཞིན་སྟོན་ཀའི་དྲི་མ་མེད་པའི་ནམ་མཁའི་དཀྱིལ་ལྟར་གཉིས་སུ་མེད་པའི་ཡེ་ཤེས་ཚུལ་དང་གཅིག་པའི་སྟོང་པ་ཉིད་བསྒོམ་པར་བྱའོ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱ་ཏྨ་ཀོ྅ཧཾ། ཞེས་བྱ་བའི་སྔགས་ཀྱིས་བྱིན་གྱིས་བརླབ་པོ། །དེ་ནས་ [23a] [23a.1]ལངས་ཏེ་ནམ་མཁའི་ཕྱོགས་སུ་ཉི་མའི་དཀྱིལ་འཁོར་ལ་གནས་པའི་ཧཱུཾ་བལྟས་ཏེ། དེ་ཡོངས་སུ་གྱུར་པ་ལས་རྡོ་རྗེའི་ལྟེ་བ་ལ་གནས་པའི་ཉི་མ་ལ་ཧཱུཾ་བསམ་པར་བྱའོ། །དེའི་འོད་ཁ་ནས་འཐོན་ཏེ། དཔལ་ཧེ་རུ་ཀའི་གཟུགས་ཀྱིས་འགྲོ་བ་མ་ལུས་པའི་དོན་བྱས་ [23a.2]ནས་དེ་ཉིད་དུ་ཞུགས་པ་དང་། དེ་ཡོངས་སུ་གྱུར་པ་ལས་དཔལ་ཧེ་རུ་ཀ་པདྨ་སྣ་ཚོགས་འདབ་མ་ཅན་ལ་རོའི་སྟེང་ཉི་མའི་དཀྱིལ་འཁོར་ལ་བཞུགས་པ། ཞལ་གཅིག་པ་ཕྱག་གཉིས་པ་སྤྱན་གསུམ་པ། ཕྱག་གཡས་ན་རྡོ་རྗེ། གཡོན་ན་རྡོ་རྗེས་མཚན་པའི་ཐོད་པ་བསྣམས་པ། གར་གྱི་ [23a.3]སྟངས་དང་ལྡན་པ་སྟག་གི་ཤམ་ཐབས་ཅན་སྤྱི་བོར་མི་བསྐྱོད་པའི་བདག་ཉིད་མིའི་མགོ་བོ་ལས་བྱས་པའི་འཁོར་ལོ་འཛིན་པ་དང་། རྣ་བར་འོད་དཔག་མེད་ཀྱི་བདག་ཉིད་མིའི་རུས་པའི་རྣ་ཆ་དང་། མགུལ་བར་རིན་ཆེན་འབྱུང་ལྡན་གྱི་རང་བཞིན་མགུལ་རྒྱན་དང་ལྡན་པ། ལག་པ་ལ་རྣམ་ [23a.4]པར་སྣང་མཛད་ཀྱི་རང་བཞིན་གདུ་བུ་དང་ལྡན་པ། རྐེད་པར་དོན་ཡོད་གྲུབ་པའི་བདག་ཉིད་སྐེ་རགས་ཀྱིས་བརྒྱན་པ། སྐྲའི་མཆོད་ཕྱིར་ཐོགས་དང་། དཔུང་རྒྱན་དང་། རྐང་གདུབ་ཀྱིས་བརྒྱན་པ། དབུ་སྐྲ་སེར་པོ་གྱེན་དུ་བརྗེ་ས་པ། བདག་མེད་མ་ཞལ་གཅིག་ཕྱག་གཉིས་པ། གྲི་གུག་ [23a.5]དང་ཐོད་པ་བསྣམས་པའི་མགུལ་ནས་འཁྱུད་པའོ། །དེ་ལྟ་བུར་གྱུར་པར་བདག་ཉིད་བསམས་ལ། རྣ་བར་བདག་མེད་མའོ། །མིག་ནི་རྡོ་རྗེ་མའོ། །སྣ་ལ་གསང་བའི་གཽ་རཱི་མ། ལྕེ་ལ་ཆུའི་རྣལ་འབྱོར་མ། །ལུས་ལ་རྡོ་རྗེ་མཁའ་འགྲོ་མ། །ཡིད་ལ་བདག་མེད་མས་བྱིན་གྱིས་ [23a.6]བརླབས་པར་བསམ་པར་བྱའོ། །དེ་ནས་སྤྱི་བོར་པདྨ་འདབ་མ་སུམ་ཅུ་རྩ་གཉིས་པའི་ལྟེ་བ་ལ། ཧཾ་ཁ་ཐུར་དུ་བལྟས་པའོ། །མགྲིན་པར་པདྨ་འདབ་མ་བཅུ་དྲུག་པ་ལ་ཨཾ་གྱེན་དུ་བལྟས་པའོ། །སྙིང་གར་པདྨ་འདབ་མ་བརྒྱད་པའི་ལྟེ་བ་ལ་ཧཱུཾ་ཁ་ཐུར་དུ་བལྟས་པའོ། །ལྟེ་བར་ [23a.7]པདྨ་འདབ་མ་དྲུག་ཅུ་རྩ་བཞི་པའི་སྟེང་དུ་ཨཾ་ཁ་གྱེན་དུ་བསམ་པར་བྱའོ། །དེ་ནས་དམ་ཚིག་སེམས་དཔའ་ལྟ་བུའི་ཡེ་ཤེས་སེམས་དཔའ་བཀུག་སྟེ། ཛཿ་ཧཱུཾ་བཾ་ཧོཿ་ཞེས་པའི་སྔགས་ཀྱིས་དགུག་པ་དང་གཞུག་པ་དང་། བཅིང་བ་དང་དབང་དུ་བྱའོ། །ཆུ་དང་འོ་མ་བསྲེས་པ་ལྟ་བུ་ [23b] [23b.1]རོ་མཉམ་པར་བྱའོ། །དེའི་རྗེས་ལ་རང་གི་སྙིང་གར་ཉི་མ་ལ་རྡོ་རྗེ། དེའི་ལྟེ་བར་ཧཱུཾ་གི་འོད་ཀྱིས་དེ་བཞིན་གཤེགས་པ་ཐམས་ཅད་ཀྱི་བདག་ཉིད་དཔལ་ཧེ་རུ་ཀ་བཀུག་ལ་མཆོད་པ་བྱ་སྟེ། དེ་བཞིན་གཤེགས་པ་ཐམས་ཅད་ཀྱིས་བདག་ལ་དབང་བསྐུར་ཅིག་ཅེས་གསོལ་བ་གདབ་པོ། །དེ་ [23b.2]དག་གིས་བདུད་རྩི་ལྔས་གང་བའི་རིན་པོ་ཆེའི་བུམ་པས་དབང་བསྐུར་བས་བདག་ལ་མི་བསྐྱོད་པ་མགོན་པོའི་དབུ་རྒྱན་དང་བཅས་པ་བསམ་པར་བྱའོ། །དེ་ནས་རྣལ་འབྱོར་མའི་ཚོགས་ཐམས་ཅད་ཀྱིས་རང་རང་གི་བྱང་ཆུབ་སེམས་ཀྱི་རྫས་ཀྱིས་མཆོད་པར་བསམ་མོ། །དེ་ནས། མཆེ་བ་ [23b.3]གཙིགས་ཤིང་འཇིགས་པ་ཆེ། །སྔགས་ཀྱི་མེ་ཏོག་ཕྲེང་བས་བརྒྱན། །ཤ་ཆེན་རབ་ཏུ་གསོལ་མཛད་པ། །ཧེ་རུ་ཀ་ལ་ཕྱག་འཚལ་བསྟོད། །ཅེས་བྱ་བས་བསྟོད་པར་བྱའོ། །དེ་ནས་སྙིང་གར་ཧཱུཾ་ཡོངས་སུ་གྱུར་པ་ལས་རྡོ་རྗེ། དེའི་འོག་ཏུ་ཨོཾ་ཡོངས་སུ་གྱུར་པ་ལས་པདྨའི་སྣོད་བསྐྱེད་དེ། [23b.4]དེའི་དབུས་སུ་ཨོཾ་གྱིས་མཚན་པའི། གོ་ཀུ་ད་ཧ་ན་མ་ར་མུ་སུ་བི་ལ་སོགས་པ་དམ་ཚིག་གི་རྫས་བསམ་པར་བྱའོ། །དེ་ནས་རྡོ་རྗེ་དང་། པདྨའི་སྦྱོར་བས། མེ་འབར་བ་དེས་རྫས་རྣམས་བསྲེགས་ཏེ་བསྐོལ་ནས་ཞུ་བར་གྱུར་པ། དེ་བཞིན་གཤེགས་པ་ཐམས་ཅད་ཀྱི་རང་བཞིན་དུ་ [23b.5]བལྟས་ཏེ། ཡེ་ཤེས་ཀྱི་ཉི་མ་འབར་བ། ཡེ་ཤེས་ཀྱི་ས་བོན་དེའི་འོད་ཀྱིས་དེ་བཞིན་གཤེགས་པ་ཐམས་ཅད་ཀྱི་བདུད་རྩི་བཀུག་ནས། དངོས་པོ་དེ་དག་དང་ལྷན་ཅིག་པར་བྱ་སྟེ། ཨོཾ་ཨཱཿ་ཧཱུཾ་ཞེས་བྱ་བའི་ཡི་གེས་བྱིན་གྱིས་བརླབ་པར་བྱ་སྟེ། དེ་ནས་ཧཱུཾ་དཀར་པོའི་རང་བཞིན་གྱིས་ལྕེ་ [23b.6]སྦྱངས་ལ། བདག་ཉིད་དེ་ཡིས་ཚིམ་པར་བྱའོ། །དེ་ནས་སྙིང་གར་ཉི་མ་ལ་གནས་པའི་ཧཱུཾ་ལ་བསྐོར་ནས་གནས་པའི། ཨོཾ་ཏྲཻ་ལོ་ཀྱཱ་ཀྵེ་པ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བའི་ཡི་གེ་བཅུ་གཉིས་ཀྱི་སྔགས་ཀྱི་ཕྲེང་བ་མར་མེའི་ཕྲེང་བ་ལྟར་འབར་ཞིང་གསལ་བ་ཡིད་ཀྱིས་བྲིས་ཏེ། ཀློག་པའི་ [23b.7]རིམ་པ་བཞིན་དུ། མི་འགྱུར་བར་བཟླས་པར་བྱའོ། །གུང་དང་དགོངས་ཀྱི་དུས་སུ་ཡང་བདག་ཉིད་ཧེ་རུ་ཀའི་རང་བཞིན་དུ་སྐད་ཅིག་གིས་བསྐྱེད་དེ། དེ་ནས་མིག་ལ་སོགས་པའི་རྣམ་པར་དག་པ་དང་། འཁོར་ལོའི་བསྒོམ་པ་དང་། མཆོད་པ་དང་། བསྟོད་པ་དང་། བདུད་རྩི་མྱང་བ་དང་། [24a] [24a.1]བཟླས་པ་ལ་སོགས་པ་བྱས་ཏེ།ཇི་བཞིན་པར་གནས་ནས་གཤེགས་སུ་གསོལ་བར་བྱ་སྟེ། གཏོར་མ་གཏང་བ་ལ་སོགས་པ་བྱའོ། །དེ་ནས་དཀྱིལ་འཁོར་བསྡུས་ཏེ། སྐད་ཅིག་མས་ལྷར་སྤྲུལ་པ་ཅི་བདེར་གནས་པར་བྱའོ། །དཔའ་བོ་འཇིག་རྟེན་ [24a.2]གསུམ་བསྐྱོད་པའི། །སྒྲུབ་ཐབས་བླ་མེད་བྱས་པ་ལས། །བསོད་ནམས་གང་ཞིག་བསགས་པ་དེས། །འཇིག་རྟེན་རྡོ་རྗེ་འཛིན་པར་ཤོག །དགྱེས་པ་རྡོ་རྗེ་ཞལ་གཅིག་ཕྱག་གཉིས་པའི་སྒྲུབ་ཐབས་རྫོགས་སོ།། །།སློབ་དཔོན་ཆེན་པོ་ས་ཧ་ཛ་བི་ལ་སའི་ཞལ་སྔ་ནས་ [24a.3]མཛད་པ། རྒྱ་གར་གྱི་མཁན་པོ་བ་ལེནྡྲ་རུ་ཙིའི་ཞལ་སྔ་ནས་དང་། བོད་ཀྱི་ལོ་ཙཱ་བ་རྨ་བན་ཆོས་འབར་གྱིས་བསྒྱུར་བའོ།། {T1266}༄༅༅། །རྒྱ་གར་སྐད་དུ། ཏྲི་ཀྲ་མ་ཨུ་བ་དེ་ཤ་ནཱ་མ། བོད་སྐད་དུ། མན་ངག་རིམ་པ་གསུམ་པ་ཞེས་བྱ་བ། དཔལ་ [24a.4]དགྱེས་པའི་རྡོ་རྗེ་ལ་ཕྱག་འཚལ་ལོ། །རྣལ་འབྱོར་པས་ཐོག་མར་རླུང་མ་དང་། གཉིད་མ་རྩེ་སྤྲད་ལ་ཙཎྜ་ལཱི་ཤིན་ཏུ་དྲག་ལ་ཡུན་ཐུང་བར་སྦར་ཏེ། དེས་དེ་བཞིན་གཤེགས་པ་དང་། སྤྱན་ལ་སོགས་པའི་རྟོག་པ་བསྲེག་གོ། །དེ་ལྟར་ཡང་ནས་ཡང་དུ་བསྲེགས་པ་དང་། སྦར་བས་ཕྱིའི་ [24a.5]དངོས་པོ་གང་ལ་དམིགས་ཤིང་བལྟས་ཀྱང་འཕར་ཞིང་འདར་བ་བྱུང་ན་སྔགས་ཀྱི་རིམ་པ་མཐར་ཕྱིན་པ་ཡིན་ཏེ། བསྒོམ་པ་འཕྲོ་བཅད་ལ། བདེ་བ་ཆེན་པོ་ཕབ་ལ་ནོར་བུའི་དཀྱིལ་དུ་སྲོག་གི་རླུང་བཟུང་ལ་སེམས་རྩེ་གཅིག་ཏུ་ཤིན་ཏུ་བསྒྲིམས་ལ་ཡང་དང་ཡང་དུ་གཏད་དོ། །དེ་ལྟར་གཏད་ [24a.6]པ་དང་ནོར་བུ་འགས་པ་སྙམ་བྱེད་ཅིང་མི་བཟོད་ན། རྡོ་རྗེའི་རྐེད་པར་སེམས་བདེ་བ་ལ་ཡང་དང་ཡང་དུ་གཏད། དེ་ལྟར་གཏད་པ་དང་བདེ་བས་མི་བཟོད་པ་དང་། རྩ་བར་བདེ་བ་ལ་སེམས་གཏད། དེ་ལྟར་གཏད་པ་དང་། ཡང་མི་བཟོད་པ་དང་། ལྟེ་བར་བདེ་བ་ལ་སེམས་གཏད། དེ་ [24a.7]ལྟར་གཏད་པ་དེ་ཡང་མི་བཟོད་ན་དེ་ནས་གྱེན་དུ་བཞི་ཆ་གཅིག་གི་གནས་སུ་སེམས་གཏད། དེ་ལྟར་སེམས་གཏད་པ་དང་ཡང་མི་བཟོད་ན་ཡང་གྱེན་དུ་བཞི་ཆ་གཅིག་གི་ནང་དུ་བདེ་བ་ལ་སེམས་གཏད། དེ་ལྟར་གཏད་པ་དང་ཡང་མི་བཟོད་ན་ཡང་བཞི་ཆ་གཅིག་གི་གནས་སུ་བདེ་བ་ལ་ [24b] [24b.1]སེམས་གཏད། དེ་ལྟར་གཏད་པ་དང་། ཡང་བདེ་བ་མི་བཟོད་ན་སྙིང་གར་བདེ་བ་ལ་སེམས་གཏད། དེ་ལྟར་གཏད་པ་ན་བདེ་བས་མི་བཟོད་ཅིང་སྙིང་འདར་ཞིང་སྤྲུགས་པ་སྙམ་བྱེད་ན། ཡང་གྱེན་དུ་བཞི་ཆ་གཅིག་གི་གནས་སུ་བདེ་བ་ལ་སེམས་གཏད། དེ་ལྟར་གཏད་པ་དང་ཡང་ [24b.2]བདེ་བས་མི་བཟོད་ན་ཡང་གྱེན་དུ་བཞི་ཆ་གཅིག་གི་གནས་སུ་བདེ་བ་ལ་སེམས་གཏད། དེ་ལྟར་གཏད་པ་དང་བདེ་བས་ཡང་མི་བཟོད་ན་བཞི་ཆ་གཅིག་གི་གནས་སུ་བདེ་བ་ལ་སེམས་གཏད། དེ་ལྟར་གཏད་པ་དང་ཡང་མི་བཟོད་ན་ཡང་གྱེན་དུ་བཞི་ཆ་གཅིག་ཏུ་བདེ་བ་ལ་ [24b.3]སེམས་གཏད། དེ་ལྟར་གཏད་པ་དང་། ཡང་བདེ་བ་ལ་མི་བཟོད་ན། ལྐོག་མར་བདེ་བ་ལ་སེམས་གཏད། དེ་ལྟར་གཏད་པ་ན། བདེ་བ་མི་བཟོད་ཅིང་ཡང་གྱེན་དུ་བཞི་ཆ་གཅིག་གི་གནས་སུ་བདེ་བ་ལ་སེམས་གཏད། དེ་ལྟར་གཏད་པ་དང་། ཡང་མི་བཟོད་པ་སྙམ་བྱེད་ན་ཡང་གྱེན་ [24b.4]དུ་བཞི་ཆ་གཅིག་གི་གནས་སུ་བདེ་བ་ལ་སེམས་གཏད། དེ་ལྟར་ཡང་གཏད་པ་དང་མི་བཟོད་པ་སྙམ་བྱེད་ན། སྐད་འགགས་པ་སྙམ་བྱེད་ཅིང་སྨྲ་མི་ཤེས་པ་སྙམ་བྱེད་པ་ན་ཡང་གྱེན་དུ་བཞི་ཆ་གཅིག་གི་གནས་སུ་བདེ་བ་ལ་སེམས་གཏད། དེ་ལྟར་གཏད་པ་དང་། ཡང་མི་བཟོད་པ་ [24b.5]སྙམ་བྱེད་ན་ཡང་གྱེན་དུ་བཞི་ཆ་གཅིག་གི་གནས་སུ་བདེ་བ་ལ་སེམས་གཏད། དེ་ལྟར་གཏད་པ་དང་། ཡང་མི་བཟོད་པ་སྙམ་བྱེད་ན་སྨིན་མཚམས་ཕྲག་ཏུ་བདེ་བ་ལ་སེམས་གཏད། དེ་ལྟར་གཏད་པ་དང་། སྨྱོ་བའམ་འགྱེལ་བའམ། དངོས་པོ་གང་ལ་དམིགས་ཤིང་བལྟས་ཀྱང་ [24b.6]སྨྱོས་པ་སྙམ་བྱེད་ན་ཡེ་ཤེས་རིམ་པ་མཐར་ཕྱིན་པ་ཡིན་ཏེ། འཕྲོ་བཅད་པ་ལ་གསང་བའི་རིམ་པ་ལ་བྱའོ། །དེར་ཡང་སྣ་སྒོར་དབུགས་བསྡམས། ནང་གི་སེམས་དང་སེམས་ལས་བྱུང་བར་ཆོས་ཐམས་ཅད་འདུས་པས་ཕྱི་རོལ་གྱི་ཡུལ་ལ་མི་རྟོག་པར། ནང་གི་སེམས་ཀྱི་རྟོག་པའི་བྱུང་ཚོར་ཅི་ [24b.7]བྱུང་བ་ལ་མི་དམིགས་པར་བསྒོམ་མོ། །དེ་ལྟར་བསྒོམས་པ་དང་ལུས་རས་བལ་གྱི་འདབ་མ་བཞིན་དུ་ཡང་ཞིང་སྨིག་རྒྱུ་ལྟ་བུ་ལ་སོགས་པ་རྟགས་ལྔ་མངོན་སུམ་དུ་མཐོང་བར་འགྱུར་བ་དང་། གསང་བའི་རིམ་པ་མཐར་ཕྱིན་པ་ཡིན་ཏེ། དེ་བས་ན་ནང་གི་སེམས་དང་ཕྱིའི་ཡུལ་ [25a] [25a.1]ཐམས་ཅད་དབྱེར་མི་ཕྱེད་ཅིང་གཉིས་སུ་མེད་པར་མི་དམིགས་པར་བསྒོམ་མོ། །དེ་ལྟར་བསྒོམས་པ་དང་། མངོན་པར་ཤེས་པ་ལྔ་རིམ་གྱིས་སྐྱེས་ན་བདེ་བ་ཆེན་པོ་ཐོབ་བོ། །རོ་སྨད་བཤལ་ཞིང་མི་ཐེག་པ་སྙམ་བྱེད་ཅིང་། འགྲོང་གི་ཕྲག་ཏུ་ཟུག་ཅིང་ན་ན་ [25a.2]ཐུར་དུ་སེལ་བའི་རླུང་ཟིན་པས་ཤིན་ཏུ་རྒྱས་པ་ཡིན་ཏེ། དེ་ཞི་བར་བྱ་བའི་ཕྱིར་སྨིན་ཕྲག་ཏུ་བདེ་པ་ལ་སེམས་གཏད་དོ། །དེ་ལྟར་གཏད་པ་དང་། སྣ་རུས་ན་བ་དང་། མིག་རུས་ན་བ་དང་། སྤྱི་གཙུག་ན་བ་དང་། རྣ་བ་ན་ཞིང་འུར་འུར་ཟེར་ན་གྱེན་དུ་རྒྱུ་བའི་རླུང་ཟིན་པས་ཤིན་ཏུ་རྒྱས་པ་ཡིན་ཏེ། [25a.3]དེ་ཞི་བར་བྱ་བའི་ཕྱིར་ལྟེ་བར་བདེ་བ་ལ་སེམས་གཏད། དེ་ལྟར་སེམས་གཏད་པ་དང་། ལྟེ་བར་ཟུག་ཅིང་སྦོས་པ་སྙམ་བྱེད་ན། །མེ་དང་མཉམ་དུ་གནས་པའི་རླུང་ཟིན་པས་རྒྱས་པ་ཡིན་ཏེ། དེ་ཞི་བར་བྱ་བའི་ཕྱིར་མགྲིན་པར་བདེ་བ་ལ་སེམས་གཏད། ཁ་མཆུ་སྦྲིད་ཅིང་སྐད་འགགས་ [25a.4]པ་སྙམ་བྱེད་ན། ལྕེའི་དབང་པོ་ལ་གནས་པའི་རླུང་ཟིན་པས་ཤིན་ཏུ་རྒྱས་པ་ཡིན་ཏེ། དེ་ཞི་བར་བྱ་བའི་ཕྱིར་སྙིང་གར་བདེ་བ་ལ་སེམས་གཏད། དེ་ལྟར་གཏད་པ་དང་སྙིང་གཅུ་ཞིང་སྤྲུགས་པ་སྙམ་བྱེད་ན། རླུང་ལ་གནས་པའི་རླུང་ཟིན་པས་རྒྱས་པ་ཡིན། དེ་ཞི་བར་བྱ་བའི་ཕྱིར་ནོར་བུའི་ད [25a.5]ཀྱིལ་དུ་བདེ་བ་ལ་སེམས་གཏད། དེ་ལྟར་གཏད་པ་དང་ལུས་ཀྱི་ཚིགས་ཐམས་ཅད་ན་ཞིང་སྦྲིད་པ་སྙམ་བྱེད་ཅིང་ལུས་ཐམས་ཅད་ལ་བེར་བ་ལངས་ན། ཁྱབ་བྱེད་ཀྱི་རླུང་ཟིན་པས་རྒྱས་པ་ཡིན་ཏེ། དེ་ཞི་བར་བྱ་བའི་ཕྱིར་བདེ་བ་ལ་རང་བཞིན་མེད་པར་བསྒོམ་མོ། །དེ་ལྟར་བསྒོམས་པ་ [25a.6]དང་། དགོད་སྙིང་འདོད་ཅིང་ཀུ་ཅོའི་སྒྲ་འདོན་སྙིང་འདོད་ན་ཤིན་ཏུ་རྒྱས་པ་བདེ་བ་ལ་རྒྱས་པ་ཡིན་ཏེ། ཤིན་ཏུ་ཡང་བསྒྲིམས་ལ་བདེ་བ་ལ་མི་དམིགས་པར་བསྒོམ་མོ། །དེ་ལྟར་བསྒོམས་པ་དང་ཤིན་ཏུ་མྱོས་ཤིང་དྲན་པ་མེད་ཅིང་རྨོངས་ན། ཞི་གནས་ཤས་ཆེ་བ་ཡིན་ཏེ། དེ་མེད་པར་བྱ་ [25a.7]བའི་ཕྱིར་ནང་གི་ཆོས་ཐམས་ཅད་སྒྱུ་མར་བསྒོམ་མོ། །དེ་ལྟར་བསྒོམས་པ་དང་སེམས་རྒོད་ཅིང་འཕྲོ་ན་སྒྱུ་མ་མི་དམིགས་པར་བསྒོམ། དེ་ལྟར་ཆ་སྙོམས་ནས་ཡང་དང་ཡང་དུ་བསྒོམས་པས་གསལ་བ་རྟོག་པ་མེད་པ་སྐྱེས་ནས་བདེ་བ་ཆེན་པོ་ཐོབ་པར་འགྱུར་རོ། །གོང་མ་དེ་ལྟར་བསྒོམ་ [25b] [25b.1]པའི་ཚེ་མཁའ་འགྲོ་མ་ཉམས་སད་པའི་ཕྱིར་འོང་བའི་ཚེ་བརྡ་བྱའོ། །དེ་མ་ཤེས་ན་རྟོག་པ་མེད་པར་བསྒོམ་མོ། །དེ་ལྟར་བསྒོམས་པ་དང་། མཁའ་འགྲོ་མས་བྱིན་གྱིས་བརླབ་པར་འགྱུར་རོ། །འགྲོ་ཀུན་གསང་སྔགས་དོན་ལྡན་ཞིང་། །ཚེ་འདི་ཉིད་ལ་བྱང་ཆུབ་ཐོབ་པར་ཤོག །མན་ [25b.2]ངག་རིམ་པ་གསུམ་པ་ཞེས་བྱ་བ། སློབ་དཔོན་ཆེན་པོ་ཌོཾ་བི་ཧེ་རུ་ཀའི་ཞལ་སྔ་ནས་མཛད་པ་རྫོགས་སོ།། {T1267}༄༅༅། །རྒྱ་གར་སྐད་དུ། པྲ་ཏི་ཀ་ར་ཧྲྀ་ད་ཤ་ཏ་ཀ་ནཱ་མ། བོད་སྐད་དུ། གོ་བར་བྱེད་པའི་སྙིང་པོ་བརྒྱ་པའི་མིང་། ཧེ་རུ་ཀ་ལ་ཕྱག་འཚལ་ལོ། །ཅིའི་ [25b.3]ཕྱིར་ཕྱག་བཙལ་ཞེ་ན། ཆོས་ཐམས་ཅད་ཀྱི་རང་བཞིན་ནི། དགའ་བ་བཞིས་རྒྱས་པའོ། །དེ་ཡང་རྡོ་རྗེའི་རྣལ་འབྱོར་མས་བསྐོར་བའོ། །སྤྲུལ་པའི་འཁོར་ལོ་བཞིའི་དཔལ་དང་ལྡན་པ། དེའི་ཕྱིར་ཕྱག་བཙལ་བའོ། །སློབ་དཔོན་ལ་ཡང་ཕྱག་བཙལ་བའོ། །ཅིའི་ཕྱིར་ཕྱག་བཙལ་ཞེ་ན། [25b.4]རྒྱུ་དང་འབྲས་བུ་གཉིས་སུ་མི་རྟོག་པའི་ཡེ་ཤེས་ཀྱིས་དོན་ཐུགས་སུ་ཆུད་པ་དང་། བདེ་བ་ཆེན་པོས་ཤིན་ཏུའང་མཛེས་པ། དེ་ཡང་སློབ་དཔོན་ཉིད་ཀྱིས་སློབ་མ་ལ་གོ་བར་བྱེད་པས་ན། གོ་བར་བྱེད་པའི་སྙིང་པོའོ། །དེའི་ཕྱིར་སློབ་དཔོན་དེ་ལ་ཕྱག་བཙལ་ལོ། །དེ་ནས་དོན་གྱི་སྙིང་པོ་ [25b.5]བཤད་པར་བྱ་སྟེ། ཀྱེའི་རྡོ་རྗེ་ཞེས་བྱ་བ་ནི། རང་གི་སེམས་ཉིད་ཀྱེའི་རྡོ་རྗེའོ། །ཅིའི་ཕྱིར་རང་གི་སེམས་ཉིད་ཡིན་ཞེ་ན། རྣམ་པར་རྟོག་པ་ཐམས་ཅད་དང་བྲལ་བ་དང་། མ་སྐྱེས་པ་དང་མ་འགགས་པའི་ཕྱིར་རོ། །ཧེ་རུ་ཀའི་ངོ་བོ་དེ་ལ་བྲི་བ་དང་གང་བ་མེད་པའི་ཕྱིར་རོ། །དེའང་དོན་ [25b.6]དུ་ན་རང་གི་སྙིང་གར་བྱང་ཆུབ་སེམས་ཟླ་བ་ལྟ་བུ་བསམ་མོ། །དེ་ལས་འགྲོ་བའི་དོན་དུ་སྤྲུལ་པ་སྣ་ཚོགས་སྤྲོ་བ་དང་། བསྡུ་བ་དང་ལྡན་པའི་ཐིག་ལེ་ཡིན་ཏེ། སྤྲོ་བ་དང་བསྡུ་བ་ཙམ་ཡང་མི་དགོས་ཏེ། ཐིག་ལེ་ཉིད་དུ་རྟག་ཏུ་བསྒོམ་པར་བྱའོ། །དཀྱིལ་འཁོར་ཞེས་ཀྱང་བྱ་སྟེ། དེ་ལ་སྤྲོ་བའི་ [25b.7]ཕྱིར་རོ། །དེ་ནི་ཡེ་ཤེས་རྣམ་པ་ལྔའི་རང་བཞིན་ཡང་དེ་ཉིད་ཡིན་ནོ། །དེ་ཉིད་མེ་མར་རླུང་གིས་མ་བསྐྱོད་པ་བཞིན་དུ་བསྒོམ་མོ། །དེ་གཅིག་དང་དུ་མ་བྲལ་ཞིང་མི་གཡོ་བའོ། །དཀྱིལ་འཁོར་གྱི་ལྷ་ཞེས་དེ་ལ་བྱའོ། །མུན་པ་ཐམས་ཅད་སེལ་བར་བྱེད་པའི་དགའ་བ་བཞིའི་ངོ་བོ་ཡང་དེ་ཡིན་ [26a] [26a.1]ནོ། །དེ་རྟག་ཏུ་བསྒོམ་པའི་རྣལ་འབྱོར་པས་ནི་ཉོན་མོངས་པ་ཐམས་ཅད་སྤོང་བར་བྱེད་དོ། །གཟུགས་ལ་སོགས་པ་ཐམས་ཅད་རང་བཞིན་མེད་པར་ཤེས་པར་བྱ་བ་ཡིན་གྱི་སྤང་བར་བྱ་བ་མ་ཡིན་ནོ། །ཆོས་ཐམས་ཅད་ཀྱི་སྙིང་པོ་ཞེས་བྱ་བ་གང་ཞེ་ན། ཐམས་ཅད་ཀྱི་ [26a.2]སྙིང་པོ་ཉིད་དེ་ལ་བྱའོ། །སྟོང་པ་ཉིད་དང་རང་གི་སེམས་ཉིད་ཐ་མི་དད་པར་བསྒོམ་པ་ནི། རང་བཞིན་དགའ་བའི་དོན་ཤེས་པའོ། །སྟོང་པ་ཉིད་དང་རང་གི་སེམས་གཉིས་ཀྱི་རྟོག་པ་མེད་པར་རྟོགས་ན། དེ་ཉིད་འབྲས་བུ་ཡིན་ནོ། །དེ་ཡང་ཕུང་པོ་ལྔ་དེ་བཞིན་གཤེགས་པ་ལྔའི་རང་བཞིན་ཡིན་ [26a.3]པའི་ཕྱིར་རོ། །དེ་ཡང་བསྒོམས་ནས་མངོན་དུ་གྱུར་པ་ནི་འབྲས་བུ་ཡིན་ནོ། །མཁའ་འགྲོ་མ་ཞེས་བྱ་བ་ཡང་རང་གི་རྩ་ཉིད་མཁའ་འགྲོ་མའི་རང་བཞིན་ཡིན་པའི་ཕྱིར་རོ། །དེ་ཡང་བསྒོམ་པ་ནི་རྒྱུ་ཡིན་ལ་མཁའ་འགྲོ་མར་ཤེས་པ་ནི་འབྲས་བུ་ཡིན་ནོ། །བརྗོད་པར་མི་ནུས་པའི་སེམས་ཀྱིས་ཆོས་ [26a.4]ཐམས་ཅད་ལ་ཁྱབ་པོ། །དེ་ཡང་ཕྱག་རྒྱ་ཞེས་བྱ་བ་ཡང་སྣང་སྲིད་ཀྱི་གཟུགས་ཐམས་ཅད་དོ། །ཕྱག་མཚན་ཞེས་བྱ་བ་ཡང་ཁ་དོག་ཐམས་ཅད་ལ་བྱའོ། །དེ་ལྟར་བསྒོམ་པའི་རྣལ་འབྱོར་པ་ལ་ཡིད་བདེ་བ་སྐྱེས་པ་ནི། རྡོ་རྗེ་པདྨ་བསྒོམ་པའི་རྣལ་འབྱོར་པ་ཞེས་བྱའོ། །ཕུང་པོ་ལ་སོགས་ [26a.5]པའི་ཆོས་ཐམས་ཅད་རོ་གཅིག་ཏུ་བསྒོམ་མོ། །ལུས་ལས་སེམས་ལོགས་ན་མེད་ན། སེམས་ལས་ཀྱང་ལུས་ལོགས་ན་མེད་པར་བསྒོམ་མོ། །དེ་ལྟར་བསྒོམ་ན་བྱང་ཆུབ་ཀྱི་སེམས་ཐིག་ལེ་དེ་ལ་ཉི་མ་དང་ཟླ་བ་དེ་ངལ་སོ་བ་ཡིན་ནོ། །ཐིག་ལེ་དེ་ཉིད་སེམས་ཡིན་ལ། སེམས་དེ་ལ་ཆོས་ [26a.6]ཐམས་ཅད་སྣང་ངོ་། །སེམས་ཉིད་མེ་ལོང་ཡིན་པར་བཤད་དོ། །མེ་ལོང་ལ་ཚོན་དམར་པོས་བསྒོས་པ་ལ་བཞིན་མི་སྣང་བ་བཞིན་དུ། རང་གི་རྣམ་པར་རྟོག་པས་བསྒྲིབས་པ་མ་བསལ་བར་ཡེ་ཤེས་མི་སྐྱེའོ། །དེའི་ཕྱིར་ཇི་ལྟར་བསྒོམས་པ་ལྟར་འགྱུར་ཏེ། རང་གི་སེམས་བརྟན་པར་བྱས་ [26a.7]ཕན་ཆད་ཕྱི་ནང་གི་ཆོས་ཐམས་ཅད་ཐིག་ལེ་དེའི་འོད་ཟེར་གྱིས། ཐིག་ལེ་ལ་བསྡུས་ནས་བསྒོམས་ན་དེ་ཁོ་ན་ལྟར་བརྟན་པར་བྱའོ། །དེ་ཡང་ཡུན་རིང་དུ་བསྒོམ་མོ། །དེ་ཡང་ཅིའི་ཕྱིར་བསྒོམ་ཞེ་ན། བདག་དང་གཞན་དུ་རྟོག་པ་བསལ་བ་དང་། སེམས་ལས་མ་གཏོགས་པའི་ཆོས་མེད་ [26b] [26b.1]པར་བྱ་བའི་ཕྱིར་རོ། །དེ་ལྟ་བུའི་བསྒོམ་པ་ལ་རྟག་ཏུ་དགའ་བར་བྱའོ། །དེས་ནི་འདོད་པ་ལྔ་ལ་ཡང་རྟག་ཏུ་ལོངས་སྤྱད་པར་བྱའོ། །ཇི་ལྟར་སྤྱད་ཀྱང་ཉེས་པར་མི་འགྱུར་ཏེ། དངོས་གྲུབ་ཐོབ་པའི་རྒྱུར་འགྱུར་རོ། །འཆིང་བར་མི་འགྱུར་རོ། །དེ་ལྟར་ཟླ་བ་དྲུག་བསྒོམས་ན་རྟགས་འབྱུང་ [26b.2]སྟེ། དང་པོར་དྲོད་སྐྱེའོ། །གཉིས་པ་ལ་སྤྲུལ་པ་སྟོན་པ་དང་། གསུམ་པ་གང་དུ་བསམས་པར་ཕྱིན་པའོ། །བཞི་པ་དཔྲལ་བའི་དབྱེས་སུ་མཛོད་སྤུ་གཡས་སུ་འཁྱིལ་བ་དང་། ལྔ་པར་མངོན་པར་ཤེས་པ་ལྔ་སྐྱེའོ། །དྲུག་པར་སྙིང་གའི་ཐིག་ལེ་ལས། ཁམས་གསུམ་གྱི་སེམས་ [26b.3]ཅན་མཐོང་བའི་ཐིག་ལེ་ལས། ཁམས་གསུམ་གྱི་སེམས་ཅན་ཐམས་ཅད་སྤྲོ་བ་དང་། བསྡུ་བ་ཡང་ནུས་སོ། །དེ་ལྟར་སྤྲོ་བསྡུས་འགྲོ་དོན་བྱས་པས་རྡོ་རྗེ་སེམས་དཔར་འགྱུར། གལ་ཏེ་ཟླ་བ་དྲུག་མ་ནུས་ན་ཡང་ཟླ་བ་ཕྱེད་དེ། དེས་རྟགས་ཕྲ་མོ་འོང་བར་བཤད་དོ། །དེ་ལྟར་བསྒོམས་ན་ [26b.4]སངས་རྒྱས་སུ་འགྱུར་རོ། །མཚན་མའི་རྣམ་པར་རྟོག་པ་སྤངས་ལ་རྟག་ཏུ་བསྒོམ་པར་བྱའོ། །ཆོས་ཐམས་ཅད་སྒྱུ་མ་ལྟ་བུར་བསྒོམ་པར་བྱའོ། །ཆོས་ཐམས་ཅད་སྟོང་པ་ཉིད་དུ་བསྒོམས་ན་འགྲོ་བའི་དོན་ཇི་ལྟར་བྱ་ཞེ་ན། དཔེར་ན་མུན་པ་ལ་རྗེས་ཀྱི་དངོས་པོ་མི་མཐོང་། སྣང་བ་བཏེག་ན་ [26b.5]རྫས་མཐོང་བ་བཞིན་དུ་རང་གི་རྣམ་པར་རྟོག་པས་བསྒྲིབས་པས། ཡང་དག་པའི་དོན་མི་མཐོང་བར་འགྱུར་རོ། །གོང་གི་དོན་དེ་བསྒོམས་པས་ཐམས་ཅད་མཁྱེན་པའི་ཡེ་ཤེས་ཀྱི་སྣང་བ་སྐྱེ་བར་འགྱུར་རོ། །ད་ནི་ལུས་དང་ངག་གི་མཚན་ [26b.6]ཉིད་བཤད་པར་བྱ་སྟེ། དེ་ཡང་སེམས་ཀྱི་མཚན་ཉིད་མི་བཤད་པར་མ་ཡིན་ཏེ། ཀུན་འཇོམས་མ་ཞེས་བྱ་བ་ནི། ཐབས་དང་ཤེས་རབ་གཉིས་སུ་མེད་པའི་རྣམ་པར་མི་རྟོག་པའི་ཡེ་ཤེས་སྐྱེ་བའི་རང་བཞིན་ནོ། །དེ་ལ་དབུ་མ་ཞེས་བྱའོ། །ཅིའི་ཕྱིར་དབུ་མ་ཞེས་བྱ་ཞེ་ན། ཐོག་མ་དང་ཐ་མ་མེད་པའི་ཕྱིར་རོ། །ཡོད་པ་དང་མེད་པ་ [26b.7]སྤངས་པའི་ཕྱིར་ཏེ། དེ་གཉིས་ཀྱི་བར་ན་གནས་པའི་ཕྱིར་རོ། །ཡོད་པ་ཞེས་བྱ་བ་ནི་རོ་ཅན་མ་ཞེས་བྱ། མེད་པ་ཞེས་བྱ་བ་ནི་འཕྱང་མ་ཞེས་བྱ། དེ་གཉིས་ཇི་ལྟ་བུ་ཞེ་ན། ལོངས་སྤྱོད་རྫོགས་པའི་འཁོར་ལོ་ལ་མཐོང་བར་བྱའོ། །ཀུན་འཇོམས་མ་གང་དུ་ཤེས་པར་བྱ་ཞེ་ན། [27a] [27a.1]གཉིས་པོ་གཅིག་ཏུ་གྱུར་པའི་དུས་སུ་ཤེས་པར་བྱའོ། །ཨོལ་གོང་དང་མིད་པ་གཉིས་ཀྱི་ནང་དུ་ཡི་གེ་བཾ་རེ་རེ་བསམས་ལ། གཉིས་ལས་ཆུའི་དཀྱིལ་འཁོར་གཉིས་སུ་བསམས་ལ། དེའི་སྟེང་དུ་བཾ་རེ་རེ་བསམ། དེ་ལས་པདྨར་གྱུར་པར་བསམས་ལ། གཡོན་ [27a.2]ཕྱོགས་ཀྱི་པདྨའི་ཟེ་འབྲུ་ལ་ཨཾ། གཡས་ཕྱོགས་ཀྱི་པདྨའི་ཟེ་འབྲུ་ལ་ཀཾ་བསམ། དེ་ལྟར་ཡུན་ཅི་རིང་དུ་བསྒོམས་ལ། དེ་ནས་ཡི་གེ་གཉིས་ལ་ཉི་ཟླ་གཉིས་སུ་གྱུར་པར་བསམ། ཉི་ཟླའི་སྟེང་དུ་ཨཾ་དང་ཀཾ་བསམ། དེ་ལ་ཡུན་དུ་བསྒོམ། དེ་ཡང་སོ་བསྡམས་ལ་དབུགས་ནང་དུ་རྔུབས་པ་ལས་ [27a.3]ཉི་ཟླ་གཉིས་སུ་མེད་པར་གྱུར་ཏེ་མི་རྟོག་པ་སྐྱེའོ། །སོ་བསྡམས་ལ་དབུགས་ནང་དུ་རྔུབས་པ་དེ་མི་ལྕོགས་ན་ལོངས་སྤྱོད་ཀྱི་རྩ་གཉིས་མནན་པར་བྱའོ། །དེས་ཀྱང་ཡེ་ཤེས་སྐྱེ་བར་འགྱུར་རོ། །དེ་ལྟར་བསྒོམས་པས་དང་པོ་བདེ་བ་སྐྱེ་བར་འགྱུར་རོ། །དེས་མི་རྟོག་པའི་ཡེ་ཤེས་སྐྱེ་ངེས་སོ། ། [27a.4]མི་རྟོག་པ་དེ་ཡང་ཇི་ལྟ་བུ་ཞེ་ན། མཚན་མ་དང་མཚན་མའི་གཞི་གཉིས་དང་བྲལ་བའི་ཕྱིར་རོ། །དེ་ལ་གནས་པའི་རྣལ་འབྱོར་པས་ཆོས་ཐམས་ཅད་སྒྱུ་མའི་དཔེ་བརྒྱད་ལྟ་བུར་མཐོང་ངོ་། །དེ་ལྟར་ཟླ་བ་དྲུག་ཏུ་བསྒོམས་པས་གསུང་གི་དངོས་གྲུབ་ཐོབ་པར་འགྱུར་རོ། །དེ་ཡང་ཇི་ལྟ་བུ་ཞེ་ན། [27a.5]ཇི་སྐད་སྨྲས་པ་བདེན་པར་འགྱུར་རོ། །དེ་ལྟར་བསྒོམས་པ་དེ་སྣང་བ་མཐའ་ཡས་ཀྱིས་བྱིན་གྱིས་རློབ་པར་འགྱུར་རོ། །ངག་གི་དེ་ཁོ་ན་ཉིད་རྫོགས་སོ།། །།ད་ནི་ལུས་ཀྱི་དེ་ཁོ་ན་ཉིད་བཤད་པར་བྱའོ། །དཔྲལ་བར་ཡཾ་ལས་རླུང་གི་དཀྱིལ་འཁོར་ཅིག་བསམ། དེའི་སྟེང་དུ་ཨོཾ་ [27a.6]བསམ་མོ། །ཨོཾ་ལས་ཟླ་བའི་དཀྱིལ་འཁོར་དུ་གྱུར་པར་བསམ་མོ། །དེ་གཉིས་ཀྱི་བར་དུ་ཨོཾ་བསམ། དེ་ལྟར་ཡུན་རིང་དུ་བསྒོམ་མོ། །དེ་ལྟར་དཔྲལ་བའི་ཏིང་ངེ་འཛིན་བསྐྱེད་པར་བྱས་ལ། རྫོགས་པའི་རིམ་པ་བྱས་ཏེ། སོ་བསྡམས་ལ་དབུགས་དྲང་བ་དང་། རྩ་གཉིས་མནན་པ་དང་། [27a.7]དབུགས་ནང་དུ་དྲང་བ་གང་ཡང་རུང་བ་གཉིས་བྱའོ། །ངག་གི་དེ་ཁོ་ན་ཉིད་སྟོན་པའི་སྐབས་དང་པོ་བདེ་བ་སྐྱེ་བ་ནས། སྒྱུ་མ་ལྟ་བུ་མཐོང་བ་ལ་སོགས་པའི་བར་དུ་གང་དུ་བཤད་པ་དང་མཐུན་ནོ། །དེ་ལ་གནས་པའི་རྣལ་འབྱོར་པ་ལ་རྣམ་པར་སྣང་མཛད་ཀྱིས་བྱིན་གྱིས་རློབ་པར་འགྱུར་ [27b] [27b.1]རོ། །ལུས་ཀྱི་དངོས་གྲུབ་བསྟན་པའོ། །ལུས་ཀྱི་དངོས་གྲུབ་ནི་ལུས་སྣ་ཚོགས་སུ་སྤྲུལ་ནུས་པའོ། །ལུས་ཀྱི་དེ་ཁོ་ན་ཉིད་རྫོགས་སོ།། །།དེ་ཡན་ཆད་ནི་ལས་དང་པོ་པའོ། །ད་ནི་རླུང་གི་དེ་ཁོ་ན་ཉིད་བཤད་པར་བྱ་སྟེ། རྫི་མ་རྡེབས་པ་བཅོ་བརྒྱད་པ་ཕྲག་སུམ་ཅུ་ལ་ཆུ་ཚོད་ [27b.2]གཅིག་ཅེས་བྱའོ། །ཆུ་ཚོད་གཅིག་སྣ་བུག་གཡས་ནས་བྱུང་སྟེ་ཉི་མའི་རང་བཞིན་ནོ། །ཆུ་ཚོད་གཅིག་སྣ་བུག་གཡོན་ནས་བྱུང་སྟེ་ཟླ་བའི་རང་བཞིན་ནོ། །གཡས་གཡོན་གྱི་དབུགས་རེ་རེ་ཞིང་ཡང་བཞི་བཞིར་ཤེས་པར་བྱའོ། །དེ་ལ་བཞི་ནི་ཐུར་དུ་འབྱུང་བ་ཆུའི་རང་བཞིན་ནོ། །གྱེན་ [27b.3]དུ་འབྱུང་བ་བཞི་ནི་མེའི་རང་བཞིན་ནོ། །ལོགས་ནས་འབྱུང་བ་བཞི་ནི་རླུང་གི་རང་བཞིན་ནོ། །ཐད་ཀར་འབྱུང་བ་བཞི་ནི་སའི་རང་བཞིན་ནོ། །དེ་བཞི་སྤྱན་ལ་སོགས་པའི་རང་བཞིན་ནོ། །སྣ་བུག་གཉིས་ཀྱི་བར་ནི་ནམ་མཁའ་འོ། །དེ་ཉིད་ཧེ་རུ་ཀའི་རང་བཞིན་ནོ། །ལྷ་མོ་བཞི་ཧེ་རུ་ཀ་ལ་ [27b.4]འདུས་པར་འགྱུར་རོ། །འདུས་པའི་དུས་སུ་མི་རྟོག་པའི་ཡེ་ཤེས་སྐྱེ་བར་འགྱུར་རོ། །རྒྱུ་གང་གིས་མི་རྟོག་པའི་ཡེ་ཤེས་སྐྱེ་བར་འགྱུར་ཞེ་ན། ལྷ་མོ་བཞི་པོ་ཧེ་རུ་ཀ་ལ་འདུས་པའི་དུས་སུ། རྩ་ཐམས་ཅད་བྱང་ཆུབ་ཀྱི་སེམས་ཀྱིས་གང་བར་འགྱུར་རོ། །ཧེ་རུ་ཀ་ལ་ལྷ་མོ་བཞི་ཇི་ལྟར་ [27b.5]འདུ་བར་འགྱུར་ཞེ་ན། གཡས་པའི་རླུང་ཆུ་ཚོད་གཅིག་ཏུ་འབྱུང་བ་དང་། འཇུག་པའི་རྗེས་ལ་གཡོན་ནས་འབྱུང་སྟེ་དེ་འཇུག་ཏུ་མི་གཞུག་པར་གཡས་སུ་དྲང་། དེ་གཡས་སུ་མི་འདུག་པར་གཡོན་དུ་འཇུག་པའི་དབང་གིས་བར་མའི་ཧེ་རུ་ཀ་དང་འཕྲད། གཡོན་པའང་དེ་བཞིན་དུ་ཤེས་པར་བྱའོ། ། [27b.6]དེའི་ཕྱིར་ན་ཧེ་རུ་ཀ་ལ་ལྷ་མོ་བཞི་འདུས་པ་ཞེས་བྱའོ། །དེའི་མན་ངག་བླ་མའི་ཞལ་ལས་ཤེས་པར་བྱའོ།། །།དེ་ལྟར་ཧེ་རུ་ཀ་ལ་ལྷ་མོ་བཞི་འདུས་པའི་དུས་ན། དངོས་གྲུབ་ཐམས་ཅད་བདེ་བ་ཆེན་པོའི་རང་བཞིན་དུ་ཤེས་པར་བྱའོ། །ཆུ་ཚོད་ནས་ལྷ་མོ་བཞི་ཧེ་རུ་ཀ་ལ་འདུས་པའི་ [27b.7]བར་དུ་རླུང་གི་དེ་ཁོ་ན་ཉིད་ཅེས་བྱའོ། །དེས་འདོད་ཆགས་ཆེན་པོའི་མེ་སྦར་བས་འཁོར་ལོ་བཞི་པོ་འོད་དུ་ཞུ་ནས་མི་རྟོག་པའི་ཡེ་ཤེས་སྐྱེའོ། །ཕྱི་ནང་གི་དངོས་པོ་ཐམས་ཅད་རང་གི་སེམས་ཡིན་ལ། སེམས་ཉིད་དུ་ཤེས་པ་ནི་དངོས་པོ་བསྲེགས་པ་ཞེས་བྱའོ། །དེའི་རང་བཞིན་ཤེས་པ་ནི་ [28a] [28a.1]ཙཎྜ་ལཱི་ཞེས་བྱའོ། །ཕུང་པོ་ལ་སོགས་པ་ཐམས་ཅད་བསྲེགས་པའོ། །དེ་གང་ཡིན་ན་ནི་སེམས་ཡིན་ལ། སེམས་དེ་ཉིད་ཀུན་འཇོམས་མ་ཞེས་བྱའོ། །ཐམས་ཅད་སེམས་ཀྱི་རང་བཞིན་དུ་ཤེས་པ་གང་ཡིན་པ་དེ་ལ་བདུད་རྩི་འབབ་པ་ཞེས་བྱའོ། ། [28a.2]སེམས་ཀྱི་དེ་ཁོ་ན་ཉིད་རྫོགས་སོ།། །།ད་ནི་དོན་དམ་པའི་དེ་ཁོ་ན་ཉིད་བཤད་པར་བྱ་སྟེ། ངག་གི་རང་བཞིན་མ་གྲུབ་སྟེ། ཅིའི་ཕྱིར་མ་གྲུབ་ཅེ་ན། ངག་གི་གནས་ལུས་ཉིད་མ་གྲུབ་པའི་ཕྱིར་རོ། །ཅིའི་ཕྱིར་ལུས་མ་གྲུབ་ཅེ་ན། བརྟགས་པས་དབེན་པའི་ཕྱིར་མ་གྲུབ་བོ། ། [28a.3]དེ་ཡང་ལུས་དེ་རང་གི་ངོ་བོ་ཡོད་པ་ཅིག་ཡིན་ན་ནི། བུད་མེད་ཀྱི་ལུས་གཅིག་ལ་འདོད་ཆགས་ལ་སོགས་པའི་བློ་ཐ་དད་པར་འབྱུང་བར་མི་རིགས་སོ། །གནས་མ་གྲུབ་པས་ན་གནས་མ་གྲུབ་པའི་ཕྱིར་རོ། །དཔེར་ན་པི་བང་གི་སྒྲ་དང་འདྲ་སྟེ། རྒྱུ་རྐྱེན་ཚོགས་པ་ལས་འབྱུང་སྟེ། དེའི་ཕྱིར་རང་ [28a.4]བཞིན་མེད་པར་མངོན་ནོ། །དེ་ལ་དངོས་པོ་མཚན་མ་གཅིག་ལ་བློ་ཐ་དད་པ་འབྱུང་སྟེ། རྣལ་འབྱོར་པས་དོན་དམ་པར་གཉིས་སུ་མེད་པའི་ཡེ་ཤེས་སུ་མཐོང་ལ། གཞན་དག་གིས་ནི་རྣམ་པར་རྟོག་པའི་དབང་གིས་སྣ་ཚོགས་པར་མཐོང་སྟེ། དེའི་ཕྱིར་རང་བཞིན་མེད་པ་ལ་གནས་པས་སེམས། [28a.5]ཅན་ཐམས་ཅད་ལ་སྙིང་རྗེ་སྐྱེས་ཏེ། སེམས་ཅན་གྱི་ཐར་པ་ཐོབ་པར་བྱ་བའི་ཕྱིར། བདག་གིས་གོང་མ་ལྟ་བུའི་ཏིང་ངེ་འཛིན་ལ་འཇུག་གོ། །ཞུགས་ནས་འབྲས་བུ་ཐོབ་པར་བྱེད་དོ། །སེམས་ཅན་གྱི་དོན་བྱ་བར་སེམས་བསྐྱེད་དོ། །རྡོ་རྗེ་ལྟ་བུའི་ཏིང་ངེ་འཛིན་ནི་རྣལ་འབྱོར་པས་མདུན་གྱི་ནམ་ [28a.6]མཁའ་ལ་ཡཾ་ལས་རླུང་གི་དཀྱིལ་འཁོར་བསམས་ཏེ། དེའི་སྟེང་དུ་རཾ་ལས་མེའི་དཀྱིལ་འཁོར་བསྐྱེད་དོ། །དེའི་སྟེང་དུ་བཾ་ལས་ཆུའི་དཀྱིལ་འཁོར་བསྐྱེད་དོ། །དེའི་སྟེང་དུ་དྷཾ་ལས་ཆོས་ཀྱི་འབྱུང་གནས་བསྐྱེད་དོ། །དེའི་སྟེང་དུ་པཾ་ལས་པདྨ། དེའི་སྟེང་དུ་ཁཾ་ལས་སྣ་ཚོགས་རྡོ་རྗེ་བུམ་པའི་ལྟེ་བ་ [28a.7]ལ་ཉི་མའི་དཀྱིལ་འཁོར་དེའི་དཀྱིལ་དུ་ཧཱུཾ་ཧཱུཾ་དེ་ཉིད་སྐུ་གསུང་ཐུགས་ཀྱི་རང་བཞིན། དེ་ལས་ཁ་དོག་རྣམ་པ་ལྔའི་རང་བཞིན་འོད་ཟེར་རྣམ་པ་ལྔ་སྤྲོས་ཏེ། དེ་བཞིན་གཤེགས་པ་སྲས་དང་བཅས་པ་དང་། བླ་མ་རྣམས་སྤྱན་དྲངས་ཏེ། གོང་གི་ཧཱུཾ་ཉིད་ལ་ཐིམ་པས་ཧཱུཾ་ནས་རླུང་གི་དཀྱིལ་ [28b] [28b.1]འཁོར་གྱི་བར་དུ་བྱང་ཆུབ་སེམས་ཀྱི་ཐིག་ལེ་གཅིག་ཏུ་གྱུར་ནས། ཐིག་ལེའི་ནང་ན་ཧཱུཾ་གནས་པར་བསམ་མོ། །རང་གི་རླུང་གིས་ཐིག་ལེ་དེ་ཉིད་སྤྱན་དྲངས་ཏེ། གོང་གི་ཧཱུཾ་སྣ་རྩེར་བསམ་མོ། །དེ་ལྟར་ཉིན་དང་མཚན་དུ་བསྒོམས་པས་རྟགས་འབྱུང་སྟེ། སྨིག་རྒྱུ་ལ་སོགས་པ་འབྱུང་ [28b.2]ངོ་། །གོང་མ་དེ་ལྟར་བསྒོམས་ན། སེམས་ཀྱི་བདེ་བ་སྐྱེ་བ་ནས། སངས་རྒྱས་དང་བྱང་ཆུབ་སེམས་དཔའ་དང་ཕྲད་པ་ཡིན་ནོ། །དེ་ཡིས་གོ་འབྱེད་སྙིང་པོ་བརྩམས་པ་ཡིས། ཁམས་གསུམ་མ་ལུས་སེམས་ཅན་ཐམས་ཅད་ཀྱིས། །དྲི་མེད་དགེ་བའི་རྩ་བ་གང་ཐོབ་པ། །རྟོག་པའི་ [28b.3]དྲ་བ་བསལ་ནས་ཀྱང་། །བླ་མེད་བྱང་ཆུབ་ཐོབ་པར་ཤོག །ཆོས་ཐམས་ཅད་གོ་བར་བྱེད་པའི་སྙིང་པོ། སློབ་དཔོན་ཆེན་པོ་སྣང་བ་མཐའ་ཡས་རྡོ་རྗེས་མཛད་པ། ཤློཀ་བརྒྱས་རིམ་པ་བདུན་དུ་ཕྱེ་ནས་ཆོས་ཐམས་ཅད་གོ་བར་བྱས་པའོ། །དཔལ་དགྱེས་པའི་རྡོ་རྗེ་ལས། [28b.4]སྣང་བ་མཐའ་ཡས་རྡོ་རྗེ་ལ་ཞལ་གྱིས་གནང་། དེས་ཡི་གེ་འདི་མཛད་དོ། །དཔལ་དགྱེས་པའི་རྡོ་རྗེ་ལས་སློབ་དཔོན་ཆེན་པོ་སྣང་བ་མཐའ་ཡས་རྡོ་རྗེས་མཛད་པའི་གོ་བྱེད་སྙིང་པོ་རྫོགས་སོ།། {T1268}༄༅༅། །རྒྱ་གར་སྐད་དུ། ཤྲི་ཧེ་བ་ཛྲར་ཏྣ་པྲ་ལོ་ཀེསཱ་ངྷ་ནཾ་ནཱམ།། [28b.5]དཔལ་དགྱེས་པ་རྡོ་རྗེའི་སྒྲུབ་ཐབས་རིན་པོ་ཆེའི་སྒྲོན་མ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཧེ་རུ་ཀ་དང་བདག་མེད་བཅས། །དེ་ཆོས་འཁོར་ལ་ཕྱག་འཚལ་ཏེ། །དེ་འདོད་ཕྱིར་ན་དེ་སྒྲུབ་ཐབས། །དེ་དོན་གཉེར་ལ་སྒྲོན་འདི་བྲི། །ཆགས་མེད་བྱང་ [28b.6]ཆུབ་སེམས་དང་ལྡན། །དབང་ཐོབ་བློ་ལྡན་ལུང་བླངས་པས། །དུར་ཁྲོད་ལ་སོགས་གནས་བདེ་བར། །རྣལ་འབྱོར་བརྩོན་པས་བསྒྲུབ་པར་བྱའོ། །ཐོ་རངས་བྱམས་པས་མལ་ནས་ལངས། །གདོང་ལ་སོགས་པ་དིས་#བཀྲུས་ནས། །རྡོ་རྗེས་མཚན་པའི་སྟན་ལ་འདུག །བདུད་རྩིའི་རི་ལུ་ལྕེ་ [28b.7]ལ་གཞག# །སྙིང་རྗེས་མ་རྣམས་གཟུང་བྱས་ལ། །ཞལ་བརྒྱད་ང་རྒྱལ་བདག་བསྒོམས་ཏེ། །རཀྵས་ས་སྦྱང་གནས་#བསྲུང་བ། །མེ་རི་དྲ་གུར་བརྟན་པར་བསྒོམ། །ཧེ་རུ་ཀ་ཡི་སྙིང་ག་རུ། །པཾ་དང་རཾ་ལས་གསལ་བར་ནི། །པདྨ་ཉི་མ་དམར་པོ་བསྒོམ། །དེ་སྟེང་ཧཱུཾ་#ནག་འོད་ཟེར་ལྔས། ། [29a] [29a.1]ཕྱོགས་བཅུར་སྤྲོས་པ་བསྐུལ་དང་སྦྱང་། །བྱས་ནས་ཐམས་ཅད་མཁའ་ལ་བཞུགས། །བླ་མ་སངས་རྒྱས་རང་དང་ལྷ། །གསལ་བསྒོམས་ལུས་སྤྲུལ་ཕྱག་བྱའོ། །དེ་ཡང་འོག་ནས་སྟོན་པ་ཡི། །བཅོམ་ལྡན་སྐུ་མདོག་ཕྱག་དང་རྒྱན། །ཕྱག་མཚན་ [29a.2]བཅས་པ་བཞུགས་པ་ནི། །བདག་མེད་ཡུམ་དང་ལྡན་པའོ། །དེ་མདུན་གཽ་རཱི་ནག་མོ་ནི། །བྱང་ཆུབ་སེམས་དཀར་རི་བོང་ཅན། །གཡས་ན་ཙཽ་རཱི་དམར་མོ་ཡང་། །བྱང་སེམས་དམར་པོ་ཉི་འོད་འབུལ། །རྒྱབ་ན་སེར་མོ་བེ་ཏཱ་ལཱི། །ལྷུང་བཟེད་ཆུ་བཟང་བཀང་བ་འབུལ། །གཡོན་ [29a.3]ན་ལྗང་གུ་གྷསྨ་རཱི། །དྲི་བཟང་ཐོད་པ་བཀང་བ་འབུལ། །བྱང་ཤར་པུཀྐ་སཱི་སྔོན་མོ། །ཤ་ལྔས་ཐོད་པ་བཀང་བ་འབུལ། །མེ་ན་མདོག་དཀར་ཤ་བ་རཱི། །རོ་ལྡན་བཏུང་བ་སྣ་ཚོགས་འབུལ། །ལྷོ་ནུབ་མདོག་དམར་ཙཎྜལཱི། །ཌ་མ་རུ་སྒྲོག་#སྒྲ་རྣམས་འབུལ། །རླུང་ན་ཌོ་མྦཱི་སྣ་ [29a.4]ཚོགས་གཟུགས། །ཕྱག་རྒྱ་བསྣོལ་ནས་མཆོད་པ་འབུལ། །བླ་མ་མི་བསྐྱོད་སྤྱི་བོར་བཞུགས། །གསལ་བར་བརྟན་པར་ལེགས་བསྒོམས་ལ། །སྙིང་གའི་ས་བོན་སྤྲོ་བསྡུ་ལས། །ཕྱི་ཡི་ལྷ་མོ་མཆོད་པའི་ཚོགས། །ཡོན་ཆབ་མེ་ཏོག་སྤོས་ལ་སོགས། །རབ་གནས་ལེའུའི་ [29a.5]སྔགས་ཀྱིས་མཆོད། །ས་བོན་སྤྲོས་ལ་གཽ་རཱིའི་ཚོགས། །བཤམས་དང་གནས་ནས་བྱོན་པ་དང་། །མདུན་ན་གནས་པའི་རིམ་པ་ཡིས། །བདུད་རྩི་ལྔ་དང་ཤ་ལྔ་འབུལ། །གཙོ་བོའི་ས་བོན་གྱིས་བསྐུལ་ནས། །ཌོཾ་བཱི་གསང་བའི་མཆོད་པ་འབུལ། །མཆོད་པའི་ལྷ་མོ་ཐམས་ཅད་ [29a.6]ཀྱང་། །སྤྲོས་པ་དེ་དག་གནས་ནས་བསྡུ། །དེ་ནས་དེ་དག་མདུན་དུ་ཡང་། །པུས་བཙུགས་ཐལ་སྦྱར་འཇིགས་སེམས་ཀྱིས། །ཐོག་མེད་དུས་ནས་དེང་དུས་སུ། །འཁོར་བས་འཁོར་བར་བསགས་པའི་སྡིག །བགྱིས་དང་བགྱིད་དུ་སྩལ་བ་དང་། །ཡི་རང་བཤགས་ཤིང་སླན་ [29a.7]ཆད་བསྡམ། །སངས་རྒྱས་བྱང་ཆུབ་སེམས་དཔའ་དང་། །རང་རྒྱལ་ཉན་ཐོས་སོ་སོ་ཡི། །སྐྱེ་བོའི་དགེ་ལ་རྗེས་ཡི་རང་། །གསུམ་ལ་སྐྱབས་དང་སེམས་གཉིས་བསྐྱེད། །བསྐུལ་#དང་གསོལ་བདག་ཀྱང་གདབ། །ཐམས་ཅད་བྱང་ཆུབ་ཆེན་པོར་བསྔོ། །དེ་ནས་བྱམས་ [29b] [29b.1]དང་སྙིང་རྗེ་དང་། །དགའ་དང་བཏང་སྙོམས་ཡུན་རིངས་བསྒོམ། །དེ་ཉིད་གསུམ་དང་མུཿ་བརྗོད་པས། །མདུན་གྱི་སྤྱན་དྲངས་གནས་སུ་གཤེགས། །ཆོས་རྣམས་སྟོང་པར་ཤེས་བྱས་ལ། །བློ་གནས་པ་ལ་སྔགས་འདི་བརྗོད། །ཨོཾ་སྭ་བྷཱ་བ་ཤུདྡྷཿ་སརྦ་དྷརྨཱ་སྭ་བྷཱ་བ་ཤུདྡྷོ྅ཧཾ། ། [29b.2]བརྗོད་པས་གཟུང་བའི་ཆོས་རྣམས་ཀུན། །རྨི་ལམ་མིག་འཕྲུལ་སྨིག་རྒྱུ་དང་། །ཆུ་ཟླ་མིག་ཡོར་སྒྱུ་མ་ཙམ། །སེམས་སྣང་ཙམ་ལས་ཡོད་མ་ཡིན། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། བརྗོད་པས་སེམས་སྣང་དེ་དག་ཀུན། །རྡུལ་དང་དུ་བ་ཁུག་རྣ་སྤྲིན། །སྐྱོན་བྲལ་ [29b.3]སྟོན་ཀའི་ཉི་ཕྱེད་ཀྱི། །ནམ་མཁའི་དཀྱིལ་ལྟར་སེམས་གཞག་བྱ། །ཆོས་ཉིད་སྤྲོས་དང་བྲལ་བ་ལས། །སྨོན་ལམ་བྱམས་པས་འགྲོ་བ་དྲན། །ནམ་མཁའི་དཀྱིལ་དུ་རཾ་དང་ཧཱུཾ། །ཉི་མའི་དཀྱིལ་འཁོར་དུས་མེ་འབར། །དེ་ནས་ཧཱུཾ་ལས་བྱུང་བ་ཡི། །སྣ་ཚོགས་རྡོ་རྗེའི་ས་གཞི་ [29b.4]དང་། །ར་བ་གུར་དང་བླ་རེ་དང་། །རྡོ་རྗེ་ར་བ་འབར་བ་#འཕྲོ། །དེ་ནས་ཨེ་ལས་ཆོས་ཀྱི་དབྱིངས། །ཆོས་འབྱུང་གྲུ་གསུམ་ནམ་མཁའ་མཉམ། །བསྒོམས་པའི་ནང་དུ་ཡཾ་རཾ་བཾ། །ལཾ་བཞི་སྔོ་དམར་དཀར་དང་སེར། །ཡཾ་ཞུ་སྔོན་པོ་གཞུ་ཡི་དབྱིབས། །རླུང་གི་དཀྱིལ་འཁོར་བ་དན་ [29b.5]ལྡན། །དེ་སྟེང་རཾ་ལས་གྲུ་གསུམ་དམར། །མེ་ཡི་དཀྱིལ་འཁོར་རཾ་གྱིས་མཚན། །དེ་སྟེང་བཾ་ལས་ཟླུམ་པོ་དཀར། །ཆུ་ཡི་དཀྱིལ་འཁོར་བུམ་པས་མཚན། །དེ་སྟེང་ལཾ་ལས་གྲུ་བཞི་སེར། །ས་ཡི་དཀྱིལ་འཁོར་རྡོ་རྗེས་མཚན། །སེམས་ཀྱི་སྣང་བས་དེ་རྣམས་ཞུ། །སྣང་བ་མཆེད་ [29b.6]པས་གཞལ་ཡས་གྲུབ། །རིན་པོ་ཆེ་ལས་གྲུབ་པ་ཡི། །ཟུར་བཞི་སྒོ་བཞི་ལོགས་བཞི་པ། །རྟ་བབས་བཞི་དང་ཀ་བ་བརྒྱད། །མཆོད་པ་སྣ་ཚོགས་རྒྱན་གྱིས་མཛེས། །ཆོས་ཀྱི་འཁོར་ལོ་རི་དགས་གདུགས། །བ་དན་དྲིལ་བུ་འཕན་ལ་སོགས། །སངས་རྒྱས་མང་པོའི་སྣང་བས་ [29b.7]ཁྱབ། །དྲ་བ་དྲ་ཕྱེད་ཏྭ་ར་ན། །བུམ་པ་རྡོ་རྗེ་ཕྲེང་བ་དང་། །སྒོ་ཁྱུད་ཟླ་ཕྱེད་རྡོ་རྗེ་མཛེས། །དུར་ཁྲོད་བརྒྱད་ན་མཚོ་བརྒྱད་ཀླུ། །ཤིང་བརྒྱད་ཞིང་སྐྱོང་གདན་མགོ་བརྒྱད། །ཕྱོགས་སྐྱོང་ཆུང་མ་བུ་འཁོར་བརྒྱད། །སྟེང་ན་ལྷ་བརྒྱད་ལྷ་ཡི་འཁོར། །མཆོད་རྟེན་བརྒྱད་དང་རྣལ་འབྱོར་ཚོགས། ། [30a] [30a.1]༄༅། །གྲོགས་བྱེད་རྣལ་འབྱོར་རོ་ལངས་འདྲེ། །བྱ་དང་གཅན་གཟན་སྣ་ཚོགས་སྦྲུལ། །ཤ་ཟ་གདུག་པ་རོ་ཡི་ཚོགས། །ཤར་སོགས་སྒོ་ཡི་ལོགས་རིམ་པར། །གླུ་མ་གར་མ་ཡོན་ཆབ་མ། །མེ་ཏོག་སྤོས་དང་མར་མེ་མ། །དྲི་ཆབ་ཞལ་ཟས་སྒྲ་སྣ་ཚོགས། ། [30a.2]གཟུགས་སྒྲ་དྲི་རོ་རེག་བྱ་ཆོས། །རྒྱན་ཕྲེང་མ་རྣམས་སྣ་ཚོགས་མདོག །དེ་ནང་དཀར་སེར་དམར་དང་ལྗང་། །གཞལ་ཡས་དབུས་ནི་མཐིང་ག་འབར། །རྡོ་རྗེ་ར་བ་པདྨར་ལྡན། །གེ་སར་བདུད་བཞི་ཉི་མས་མནན། །པདྨ་བརྒྱད་ལ་ལྷ་བརྒྱད་བྲི#། །སྙིང་གར་ཟླ་བས་མནན་པའོ། །མཛེས་ [30a.3]པའི་གཞལ་ཡས་དེ་ནང་གི །དབུས་ཀྱི་བདུད་བཞིའི་ཉི་སྟེང་དུ། །ཧཱུཾ་དང་ཨཾ་ལས་འོག་དང་སྟེང་། །ཨཱ་ལི་ཉིས་འགྱུར་ཟླ་དཀྱིལ་འཁོར། །ཀཱ་ལི་ཉིས་འགྱུར་ཉིད་དཀྱིལ་འཁོར། །ཐོད་པ་གྲི་གུག་ཕྱག་མཚན་མ། །ས་བོན་གནས་པ་སྤྲོ་བསྡུས་པས། །ཐམས་ཅད་གཅིག་ཏུ་གྱུར་པ་ [30a.4]ལས། །ཞལ་བརྒྱད་ཡུམ་དང་ཁ་སྦྱར་བ། །འོག་གཞི་གསལ་བར་བསྒོམ་པར་བྱ། །ཆགས་ཅན་བསྐྱབ་ཕྱིར་ཐུགས་རྗེ་ཡིས། །བདག་ཉིད་ཐུགས་ཀའི་ས་བོན་ལས། །ཕྱོགས་བཅུར་སངས་རྒྱས་གཙུག་ཏུ་བྱོན། །ཐུགས་ཀར་ས་བོན་སོ་སོར་གནས། །ཨོཾ་པདྨ་སུ་ཁཾ་དྷ་ར་ [30a.5]མ་ཧཱ་རཱ་ག་དཏྟ་ཙ་ཏུར་ཨཱ་#ནནྡ་བྷ་ག་#བི་ཤྭ་ཧཱུཾ་ཧཱུཾ་ཧཱུཾ་ཀ་ཪྻཾ་ཀུ་རུ་ཥྭ་མེ། པདྨ་སྔགས་ཀྱིས་བྱིན་གྱིས་བརླབ། །དེ་ནས་རྡོ་རྗེ་བྱིན་གྱིས་བརླབ། །ཨོཾ་བཛྲ་མ་ཧཱ་དྭེ་ཥ་#ཙ་ཏུར་ཨཱ་ནནད་#དཱ་ཡ་ཀ་ཁ་ག་མུ་ཁ་ཨེ་ཀ་ར་སོ་ནཱ་ཐ་ཧཱུཾ་ཧཱུཾ་ཧཱུཾ་ཀ་ཪྻཾ་ཀུ་རུ་ཥྭ་མེ། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཏ་བཛྲ་སྭ་བྷཱ་བ་ཨཱ་ཏྨ་ཀོ྅ཧཾ། [30a.6]དེ་ནི་སྦྱོར་བ་དང་པོ་ཡིན། །དེ་ནས་རྗེས་སུ་ཆགས་པ་ཡིས། །ཤར་སོགས་ཚངས་སོགས་སྙིང་ག་རུ། །གཾ་ཙཾ་བཾ་གྷཾ་པཾ་ཤཾ་ལཾ་ཌཾ། །དེ་ནས་ཕྱོགས་མཚམས་རྣམས་སུ་བབས། །ཤར་དུ་གཾ་ཡིག་གསལ་བ་ལས། །ཨཱ་ལི་ཉིས་འགྱུར་ལས་ཟླ་བའི། །དཀྱིལ་འཁོར་མེ་ལོང་ཡེ་ཤེས་ [30a.7]དང་། །སྟེང་དུ་ཀཱ་ལི་ཉིས་འགྱུར་ལས། །ཉི་མའི་དཀྱིལ་འཁོར་མཉམ་པ་ཉིད། །གཾ་གྱུར་གྲི་གུག་ནག་པོ་ལ། །ཟླ་བ་ས་བོན་སོ་སོར་རྟོག# །ས་བོན་སྤྲུལ་སྦྱང་གཅིག་གྱུར་པ། །བྱ་བ་ནན་ཏན་ཡེ་ཤེས་ཡིན། །གཽ་རཱི་བཞེངས་པའི་སྐུ་དེ་ནི། །ཆོས་ཀྱི་དབྱིངས་ཀྱི་ཡེ་ཤེས་སོ། །སྔོན་དུ་ [30b] [30b.1]བསྒོམས་པའི་གཙོ་བོ་དང་། །འོག་གི་ལྷ་མོ་བདུན་པོ་ཡང་། །དེ་བཞིན་ཡེ་ཤེས་ལྔ་ཡི་སྐུ། །རྣལ་འབྱོར་པ་ཡིས་བརྟན་པར་བསྒོམ། །ཤར་དུ་གྲི་གུག་ལས་བྱུང་བའི། །ཚངས་པའི་སྟེང་ན་གཽ་རཱི་ནག །གཡས་ན་གྲི་གུག་གཡོན་ན་ཉ། །གཟུགས་ཀྱི་ཕུང་པོ་རང་བཞིན་བསྒོམ། ། [30b.2]ལྷོ་རུ་དབང་པོའི་སྟེང་གནས་དམར། །ཌ་མ་རུ་ལས་ཙཽ་རཱི་བཞེངས། །ཌ་མ་རུ་གཡས་ཕག་པ་གཡོན། །ཚོར་བའི་ཕུང་པོའི་རང་བཞིན་བསྒོམ། །ནུབ་ཏུ་བཾ་ལས་བེ་ཏཱ་ལཱི#། །གསེར་མདོག་ཉེ་དབང་གདན་ལ་བཞུགས། །གཡས་ན་རུས་སྦལ་ཐོད་པ་གཡོན། །འདུ་ཤེས་ཕུང་པོའི་རང་ [30b.3]བཞིན་བསྒོམ། །བྱང་དུ་གྷཾ་ལས་གྷསྨ་རཱི། །དྲག་པོའི་སྟེང་ན་མར་ཀཏ་#མདོག །སྦྲུལ་གཡས་ཕྱག་གཡོན་ཐོད་པ་འཛིན། །འདུ་བྱེད་ཕུང་པོའི་རང་བཞིན་བསྒོམ། །བྱང་ཤར་པཾ་ལས་སེང་གེ་ལས། །པུཀྐ་སཱི་སྔོ་གཤིན་རྗེའི་སྟེང་། །གཡས་ན་སེང་གེ་དགྲ་སྟ་གཡོན། །ས་ཡི་ [30b.4]ཁམས་ཀྱི་རང་བཞིན་ནོ། །མེ་རུ་ཤཾ་དང་དགེ་སློང་ལས། །ཤ་བ་རཱི་དཀར་གནོད་སྦྱིན་གདན། །གཡས་ན་དགེ་སློང་གསིལ་བྱེད་གཡོན། །ཆུ་ཡི་ཁམས་ཀྱི་རང་བཞིན་ནོ། །སྲིན་པོར་ལཾ་དང་འཁོར་ལོ་ལས། །གཏུམ་མོ་མཁའ་མདོག་སྲིན་པོ་མནན། །གཡས་ན་འཁོར་ལོ་ཐོང་ [30b.5]གཤོལ་གཡོན། །མེ་ཡི་ཁམས་ཀྱི་རང་བཞིན་ནོ། །རླུང་དུ་ཌཾ་#དང་རྡོ་རྗེ་ལས། །ཌོཾ་བཱི་ཁ་དོག་སྣ་ཚོགས་ཏེ། །རྡོ་རྗེ་གཡས་ལ་སྡིགས་མཛུབ་གཡོན#། །རླུང་གི་ཁམས་ཀྱི་རང་བཞིན་བསྒོམ། །ལྷ་མོ་དེ་རྣམས་སྤྱན་གསུམ་མ། །དམར་ཞིང་ཟླུམ་ལ་མཆེ་བ་གཙིགས། །དབུ་སྐྲ་ [30b.6]ཁམ་སེར་གྱེན་དུ་མཛེས#། །རུས་ཐོད་འཁོར་ལོ་སྙན་ཆ་དང་། །མགུལ་རྒྱན་ལ་སོགས་ཕྱག་རྒྱ་ལྔ། །མི་མགོ་སྐམ་པོ་བཅོ་ལྔའི་ཕྲེང་། །གཅེར་བུ་གཡོན་བརྐྱང་གར་ཐབས་བཞུགས། །གཙོ་ལ་འདུད་པའི་སྟངས་དང་ལྡན། །བར་དོར་གནས་པའི་ལུས་ངག་ཡིད། །ཨོཾ་དང་ཨཱཿ་ [30b.7]ཧཱོུཾ་དཀར་དམར་ནག །ཧོཿ་གཉིས་ཐབས་དང་ཤེས་རབ་བརྟེན། །འཁོར་ལོས་སྒྱུ་མ་ལྟར་མཐོང་ནས། །གཙོ་བོའི་སྤྱིར་ཞུགས་གཙོ་ཉིད་ཞུ། །ཡུམ་ཡང་ཞུ་ནས་ཧཱོུཾ་ཨཾ་གཉིས། །ས་བོན་དཀྱིལ་འཁོར་དབུས་གནས་པ། །རྟོག་མེད་བདེ་བ་ཆེན་པོར་བཞུགས། །བདག་པོ་སྟོར་ [31a] [31a.1]བས་ལྷ་མོ་རྣམས། །ཤིན་ཏུ་འདོད་པའི་སེམས་གདུངས་པས། །པུཀྐ་སཱི་སོགས་#ལྷ་མོ་བཞིས། །རྡོ་རྗེའི་གླུ་ནི་ལེན་པར་བྱེད། །རྗེ་བཙུན་ཐུགས་རྗེའི་ཡིད་བཞེངས་ཤིག །པུཀྐ་སཱི་ནི་བདག་ལ་སྐྱོབས། །སྟོང་པའི་རང་བཞིན་ཉིད་སྤོངས་ལ། །བདག་ལ་བདེ་ [31a.2]ཆེན་སྦྱོར་བ་མཛོད། །ཁྱོད་མི་བཞུགས་ན་བདག་འགུམ་པས། །ཐུགས་རྗེ་རྒྱུན་ཆད་མ་མཛད་བཞེངས། །སྟོང་ཉིད་བཅོམ་ལྡན་ཅི་ལ་བཞུགས། །ཤ་བ་རཱི་འབྲས་འགྲུབ་པར་མཛོད། །དགའ་གཙོ་འཇིག་རྟེན་མགྲོན་#པོས་ནས། །སྟོང་པ་ཉིད་ལ་བཞུགས་སམ་ཅི། །གཏུམ་མོ་བདག་ནི་ [31a.3]གསོལ་འདེབས་ན། །བཅོམ་ལྡན་ཀྱེ་ཡི་རྡོ་རྗེ་བཞེངས། །བདག་གིས་ཁྱོད་ཀྱི་ཐུགས་འཚལ་གྱིས། །མིག་འཕྲུལ་ལྟ་བུར་ཁྱོད་བཞེངས། ཤིག །ཌོཾ་བཱི་བདག་ནི་དྲན་ཉམས་པས། །བཅོམ་ལྡན་དགྱེས་པ་རྡོ་རྗེ་བཞེངས། །རྡོ་རྗེའི་གླུ་ནི་སྒྲ་སྙན་གྱིས། །རྨི་ལམ་ལྟ་བུར་གཙོ་བོ་བཞེངས། ། [31a.4]མངོན་བྱང་ལྔ་ཡི་ཡེ་ཤེས་ལས། །བཅོམ་ལྡན་དགྱེས་པ་རྡོ་རྗེ་ཉིད། །དཀྱིལ་འཁོར་དབུས་ན་གར་དགུར་བཞུགས། །ཞལ་བརྒྱད་པ་ལ་ཕྱག་བཅུ་དྲུག །སྟེང་ཞལ་དུད་མདོག་མཆེ་བ་གཙིགས། །ཁམ་སེར་སྐྲ་བརྗེ་ས་འཁོར་ལོ་རུས། །སྣ་ཚོགས་རྡོ་རྗེས་དབུ་སྐྲ་བརྒྱན། །དང་པོ་སྐུ་དང་ [31a.5]མཐུན་པའི་ཞལ། །གཡས་དཀར་གཡས་གཉིས་སྐུ་དང་མཐུན། །གཡོན་དམར་གཡོན་གཉིས་ཇི་བཞིན་སྐུ། །དབུ་སྐྲ་གྱེན་འབར་ཐོད་ལྔའི་ཐོད། །སྤྱན་གསུམ་དམར་ཟླུམ་མཆེ་བ་གཙིགས། །སྙན་ཆ་འགུལ་རྒྱན་དཔུང་པའི་རྒྱན། །ཕྱག་ཞབས་གདུ་བུ་འོག་པག་རྒྱན། །སྟག་ [31a.6]གི་ཤམ་ཐབས་སྟེང་ན་བཅིངས། །ཐོད་རློན་ཕྲེང་བ་ཐལ་བས་བྱུགས། །ཚངས་པ་བརྒྱ་བྱིན་ཉེ་དབང་དྲག །སྟེང་ན་ཞབས་བཞི་གཡས་བརྐྱང་བཞུགས། །ཕྱག་གཡས་དང་པོ་གླང་པོ་ཆེ། །ཐོད་པར་གནས་པས་ཡུམ་ལ་འཁྱུད། །དེ་བཞིན་རྟ་བོང་གླང་རྔ་མོ། །མི་དང་སེང་གེ་བྱི་ [31a.7]ལ་བསྣམས། །ཕྱག་གཡས་ཐོད་པའི་རིམ་པར་འཛིན། །ཕྱག་གཡོན་དང་པོ་ཐོད་པའི་ནང་། །ས་ཡི་ལྷ་མོ་བཅས་པ་འཁྱུད། །སྟེང་འོག་རིམ་པར་ཐོད་པར་གནས། །ཆུ་དང་མེ་དང་རླུང་ཉི་མ། །ཟླ་བ་གཤིན་རྗེ་ནོར་སྦྱིན་ནོ། །དེ་ཡུམ་ཞལ་གཅིག་ཕྱག་གཉིས་པ། །མདོག་ [31b] [31b.1]ནག་གྲི་གུག་ཐོད་པས་འཁྱུད། །ཕྱག་རྒྱ་ལྔས་བརྒྱན་ཐོད་སྐམ་ཕྲེང་། །སྐྲ་སེར་གྱེན་འབར་སྤྱན་གསུམ་དམར། །བདག་པོ་རོ་མྱང་གཡོན་བརྐྱང་ཞབས། །བདུད་བཞིའི་སྟེང་ན་མཉམ་པར་བཞུགས། །དེ་ནས་བདག་དང་འཁོར་དེ་དག །གསལ་བར་ལེགས་པར་བརྟན་པར་བསྒོམ། ། [31b.2]བདེ་#གསལ་དཀྱིལ་འཁོར་རྒྱལ་པོ་མཆོག །ཏིང་འཛིན་གསུམ་དུ་བསྟན་པ་ཡིན། །དེ་དག་གསལ་ནི་རང་རང་གི །སྙིང་གར་གདན་ལ་ཕྱག་མཚན་བསྒོམ། །དེ་ཡི་ས་བོན་ཕྱོགས་བཅུར་སྤྲོ། །བསྐུལ་སྦྱངས་ས་བོན་སོ་སོར་ཐིམ། །ཧཱུཾ་གིས་#ཡེ་ཤེས་འཁོར་ལོ་བཀུག །ཤར་ [31b.3]གྱི་ནམ་མཁར་བཞུགས་ལ་མཆོད། །ཛཿཧཱུཾ་བཾ་ཧོཿ་ལྷ་མོ་བཞིས། །དགུག་གཞུག་གཉིས་མེད་དགྱེས་པར་བྱ། །དེ་ནས་སྐྱེ་མཆེད་བྱིན་གྱིས་བརླབ། །གཙོ་བོ་འཁོར་ལོ་ཐམས་ཅད་ཀྱི། །མིག་ལ་གཏི་མུག་རྡོ་རྗེ་དཀར། །རྣ་བར་ཞེ་སྡང་རྡོ་རྗེ་ནག །སྣ་ལ་སེར་སྣ་རྡོ་རྗེ་སེར། །ལྕེ་ལ་ [31b.4]འདོད་ཆགས་རྡོ་རྗེ་དམར། །ལུས་ལ་ཕྲག་དོག་རྡོ་རྗེ་ལྗང་། །ཡིད་ལ་བདག་མེད་རྣལ་འབྱོར་གནག །དེ་དག་ཚངས་སོགས་པད་ཟླའི་སྟེང་། །གྲི་གུག་ཐོད་པ་ཕྱག་རྒྱ་ལྔ། །སྐུ་གསུང་ཐུགས་ཀྱང་བྱིན་བརླབས་ཏེ། །མགོ་དང་ཁ་དང་སྙིང་ག་རུ། །ཨོཾ་དང་ཨཱཿ་ཧཱུཾ་དཀར་དམར་ནག །ས་སྤྱོད་ [31b.5]མཁའ་སྤྱོད་བདག་མེད་མ། །གྲི་གུག་ཐོད་པ་འཛིན་པ་ཡི། །པད་ཟླ་ཚངས་པ་དག་#ལ་བསྒོམ། །ཡང་ནི་#རང་སྙིང་ས་བོན་གྱིས། །ཕྱོགས་བཅུའི་བླ་མ་རྒྱལ་བ་དང་། །འཁོར་ལོ་ཁྲོ་བོ་ལྷ་མོ་རྣམས། །སྤྱན་དྲངས་མཆོད་ནས་གསོལ་བ་འདེབས། །ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ཏུ་མཱཾ། ། [31b.6]བརྗོད་པས་གནང་ནས་རིགས་ལྔ་ཡིས། །བུམ་པ་བདུད་རྩིས་བཀང་བས་བསྐུར། །རིགས་ཀྱི་བདག་པོས་སྤྱི་བོར་མཚན། །བདག་ལ་མི་བསྐྱོད་རྡོ་རྗེ་ཡིས།# །ཕྱོགས་ཀྱི་ལྷ་མོ་བཞི་པོ་ལ། །མི་བསྐྱོད་རྣམ་སྣང་རིན་ཆེན་འབྱུང་། །འོད་དཔག་མེད་དང་བཞི་ཡང་བསྒོམ། །དེ་བཞིན་ཞེ་ [31b.7]སྡང་གཏི་མུག་དང་། །སེར་སྣ་འདོད་ཆགས་བཞི་ཡིས་ཀྱང་། །པུཀྐ་སཱི་སོགས་མཚམས་བཞི་ལ། །རིམ་པས་སྤྱི་བོར་མཚན་པར་བསྒོམ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་བཛྲ་སྭ་བྷཱ་བཨཱཏྨ་ཀོ྅ཧཾ། ད་ནི་བདུད་རྩི་མྱང་བར་བྱ། །ཡཾ་རཾ་ཨཱཿ་ཧཱོུཾ་ཨོཾ་རྣམས་བསྒོམ། །དེ་ཉིད་གསུམ་ [32a] [32a.1]གྱིས་བྱིན་གྱིས་བརླབས། །རླུང་དང་མེ་དང་ཐོད་སྒྱེད་དང་། །ས་བོན་གནས་པའི་ཀ་པཱ་ལ། །ཧཱུཾ་གིས་སྦྱངས་དང་ཨཱཿ་ཡིས་འབར། །ཨོཾ་གྱིས་ཡེ་ཤེས་བདུད་རྩིར་འབབ། །བྷྲཱུཾ་ཛྲཱིཾ་ཨཱཾ་#ཁཾ་ཧཱུཾ་ལྔ་དང་། །ནཾ་#ཧཾ་ཤཾ་ཥཾ་གྷཾ་དང་ལྔ། །བདུད་རྩིར་གྱུར་པ་རྡོ་རྗེ་ལྕེས། །མྱངས་ [32a.2]ལ་འཁོར་ལོ་བདེ་བས་མཆོད། །དེ་ལ་སྔགས་འདིས་བརྟན་པར་བྱའོ། །ཨོཾ་སརྦ་ཏ་ཐཱ་ག་ཏ་ཨ་མྲྀ་ཏ་སྭ་ད་#བཛྲ་སྭ་བྷཱ་བ་ཨཱཏྨ་ཀོ྅ཧཾ། །ཧཱུཾ་གིས་ས་བོན་གྱིས་བཀུག་ནས། །སངས་རྒྱས་ཐམས་ཅད་ཞལ་དུ་ཞུགས། །ཕྱིར་སྤྲོས་མཆོད་པའི་ལྷ་མོ་ཡིས། །རིམ་པས་མཆོད་ནས་གནས་སུ་ཐིམ། ། [32a.3]ཨོཾ་སརྦ་ཏ་ཐཱ་ག་ཏ་པཱུ་ཛཱ་བཛྲ་སྭ་བྷཱ་བ་ཨཱ་ཀོ྅ཧཾ། །ལྷ་མོ་དེ་དག་རིགས་ཡུམ་དང་། །གསུང་གཅིག་ཏུ་ནི་མཐུན་པར་བསྟོད། །བཅོམ་ལྡན་ལྷ་མོ་བརྒྱད་ཀྱིས་བསྐོར། །ཐུགས་རྗེ་ཐུགས་ཀྱིས་འགྲོ་བ་སྒྲོལ། །སྣོད་དང་འགྲོ་བ་བཅོམ་ལྡན་ཐུགས། །ཐུགས་དགྱེས་མཛོད་ཅིག་བཅོམ་ [32a.4]ལྡན་ཁྱོད། །ཕུང་པོ་ཁམས་དང་སྐྱེ་མཆེད་དང་། །དུག་ལྔ་དག་མཛད་ཁྱོད་ལ་བསྟོད། །ཨོཾ་སརྦ་ཏ་ཐཱ་ག་ཏསྟུ་ཏི་བཛྲ་སྭ་བྷཱ་བ་ཨཱཏྨ་ཀོ྅ཧཾ། དེ་དག་བརྟན་པར་རབ་གསལ་བར། །རྣལ་འབྱོར་པ་ཡིས་རྣལ་འབྱོར་བྱ། །ཕོ་བྲང་རྣམ་དག་རྣམ་སྣང་མཛད། །རྗེས་སུ་ཆགས་པ་རྡོ་རྗེ་ [32a.5]སེམས། །དབང་ནི་མི་བསྐྱོད་རྡོ་རྗེ་དག །བདུད་རྩི་མྱང་བ་འོད་དཔག་མེད། །མཆོད་པ་དོན་ཡོད་གྲུབ་པ་སྟེ། །བསྟོད་པ་རིན་ཆེན་འབྱུང་ལྡན་ཡིན། །ཡན་ལག་དྲུག་#དང་ལྡན་བསྒོམས་པས། །དངོས་གྲུབ་མྱུར་དུ་འགྲུབ་པར་འགྱུར། །དང་པོ་སྤྲིན་བར་ཉི་མ་འདྲ། །གཉིས་པ་ [32a.6]སྒྱུ་མ་ལྟ་བུར་སྣང་། །སྣང་བ་ཐོབ་པ་#རྨི་ལམ་ལྟར། །འོད་གསལ་མཉམ་གཞག་རྗེས་ཐོབ་མེད། །བདག་ཉིད་དེ་ལྟར་བརྟན་གྱུར་#པས། །འགྲོ་བའི་སྡུག་བསྔལ་ལ་བལྟས་ཏེ། །བྱམས་དང་སྙིང་རྗེའི་འཁོར་ལོའི་ལྷ། །རྒྱུན་མི་ཆད་པར་ཕྱོགས་ཕྱོགས་འཕྲོ། །སོ་སོའི་གདུལ་བྱ་སྦྱངས་ [32a.7]བྱས་ནས། །སླར་འདུས་ནང་དུ་འཁོར་ལོ་#བསྒོམ། །ཐབས་དང་ཤེས་རབ་ལས་བྱུང་ཞིང་། །བྱང་ཆུབ་སེམས་ནི་སྤྲོ་དང་བསྡུ། །མདོག་མཚན་ཆ་ལུགས་ཐམས་ཅད་ཀྱང་། །ཇི་ལྟར་གསལ་བར་བརྟན་པར་བསྒོམ། །དེ་ལྟར་རྫོགས་བསྐྱེད་རྫོགས་པའི་རིམ། །ལྷ་མོ་རིམ་པར་ཞལ་ལ་བསྡུ། ། [32b] [32b.1]ཞལ་དང་ཕྱག་རྣམས་མཐའ་ནས་རིམ། །རྩ་བའི་ཞལ་དང་ཕྱག་ལ་བསྡུ། །ཞབས་གཉིས་ཡུམ་ལ་ཐིམ་པ་དང་། །འཁོར་ལོ་བཞི་ཡི་རྒྱ་ཡིས་གདབ། །ལྟེ་བ་སྙིང་མགྲིན་སྤྱི་བོན། །སྤྲུལ་པ་ཆོས་དང་ལོངས་སྤྱོད་དང་། །བདེ་བ་ཆེན་པོའི་འཁོར་ལོ་བསྒོམ། །དེ་ཡང་སྐུ་བཞིའི་ངོ་བོ་ཡིན། ། [32b.2]སྤྲུལ་པར་རྩ་འདབ་དྲུག་ཅུ་བཞི། །ལྟེ་བར་ཨཾ་འབར་རྩ་འདབ་ལ། །ཀཱ་ལི་བཞི་དང་དྲུག་ཅུ་གནས། །འོད་ཟེར་ལྔ་ལྡན་རབ་ཏུ་འབར། །སྙིང་གར་རྩ་འདབ་བརྒྱད་གནས་ལ། །ལྟེ་བར་ཧཱུཾ་ནག་འདབ་མ་ལ། །བྷྲཱུཾ་ཛྲཱིཾ་ཨཱཾ་#ཁཾ་ཨེ་ཝཾ་མ། །ཡཾ་དང་བརྒྱད་ནི་ལེགས་པར་བསྒོམ། །མགྲིན་པར་བཅུ་ [32b.3]དྲུག་འདབ་མ་ལ། །ལྟེ་བར་ཨཾ་འབར་རྩ་འདབ་ལ། །ཨཱ་ལི་བཅུ་དྲུག་དག་གིས་བརྒྱན། །འབར་བའི་རྣམ་པར་གནས་པ་ཡིན། །སྤྱི་བོར་རྩ་འདབ་སུམ་ཅུ་གཉིས། །ལྟེ་བར་ཧཾ་དཀར་འདབ་མ་ལ། །ཨཱ་ལི་ཉིས་འགྱུར་དག་གིས་བསྐོར། །ཁ་དོག་དཀར་པོ་བདུད་རྩི་འབབ། །ལྟེ་བར་གཏུམ་ [32b.4]མོ་སྦར་བ་ཡིས། །དེ་བཞིན་གཤེགས་པ་ལྔ་བསྲེགས་ཤིང་། །སྤྱན་ལ་སོགས་པ་ཡང་བསྲེགས་ཏེ། །བསྲེགས་པས་རི་བོང་རྒྱུན་ཧཾ་འབབ། །ཡི་གེ་གསལ་བར་གྱུར་ནས་ནི། །ཡི་གེ་དེ་དག་སྤྲོ་དང་བསྡུ། །བསྐུལ་སྦྱང་བྱས་ནས་སླར་འདུས་ཏེ། །ཡི་གེ་རང་རང་གནས་ལ་ཞུགས། ། [32b.5]སྲོག་དང་རྩོལ་བ་ལས་བྱུང་བ། །ལྟེ་བའི་འོག་ནས་#རཾ་འབར་བས། །འཁོར་ལོ་ལེགས་སྦྱངས་འོག་མིན་གྱི། །བདུད་རྩི་བླངས་ནས་སྤྱི་བོར་བསམ། །སྦྱངས་པའི་འཁོར་ལོ་རྣམས་གང་ནས། །ཐམས་ཅད་སྙིང་གར་རབ་ཏུ་ཐིམ། །དོན་དམ་བདུད་རྩི་ཟག་མེད་བསྒོམ། །ཧཱུཾ་ཡང་ [32b.6]རིམ་པས་ནཱ་དར་གནས། །ཤིན་ཏུ་ཡུན་རིངས་གོམས་མི་གནས། །ནམ་མཁའི་དཀྱིལ་ལྟར་རྔུལ་དང་བྲལ། །ཐོག་མ་ཐ་མ་དབུས་མེད་ཅིང་། །འཁོར་མིན་མྱ་ངན་འདས་པ་མིན། །བདག་དང་གཞན་ཡང་ཡོད་མ་ཡིན། །འདི་ནི་བདེ་ཆེན་རྒྱལ་པོ་ཡིན། །གཟུང་དང་འཛིན་པ་རྣམ་ [32b.7]པར་སྤངས། །སེམས་སྦྱོང་བ་ལ་སྐྱོ་ངལ་ན། །རིམ་པ་རིམ་པར་སྐུ་བསྐྱེད་ལ། །ཡབ་དང་ཡུམ་གཉིས་ཞལ་ཕྱག་རྒྱས། །སྙིང་གར་ས་བོན་ཡི་གེ་ལ། །བསྐོར་ནས་གནས་པ་ཞལ་ནས་ཞལ། །རྡོ་རྗེ་ལམ་ནས་པདྨ་དང་། །པདྨའི་ཞལ་ནས་ཞལ་དུ་འཁོར། །རང་འདོད་པ་ [33a] [33a.1]ཡིས་བཟླས་པ་བྱ། །བསམ་གཏན་ཁ་དོག་དབྱེ་བ་ཡིས། །ཞི་ལ་སོགས་པར་ཤེས་པར་བྱ། །ཨོཾ་ཨཥྚཱ་ན་ནཱ་ཡ།པིང་གོ་རྡྷོ་#ཀེ་ཤ་བརྟྨ་ནེ། ཙ་ཏུར་བིང་ཤ་ཏི་ནེ་#ཏྲཱ་ཡ། ཥོ་#ཌ་ཤ་བྷུ་ཛཱ་ཡ། ཀྲྀ་ཥྞ་#ཛཱི་མཱུ་ཏ་བ་པུ་ཥེ་ཀ་པཱ་ལ་མཱ་ལ་ཨ་#ནེ་ཀཾ་དྷ་རི་ཎི། ཨཱནྡྲ་ཏ་ཀྲཱུ་ར་ཙིཏྟཱ་ [33a.2]ཡ། ཨརྡྷནྡུ་#དཾ་ཥྚྲི་ཎེ། ཨོཾ་མཱ་ར་ཡ། མཱ་ར་ཡ། ཀཱ་ར་ཡ། ཀཱ་ར་ཡ། གརྫ་ཡ།གརྫ་ཡ། ཏརྫ་ཡ། ཏརྫ་ཡ། ཤོ་ཥ་ཡ། ཤོ་ཥ་ཡ། སཔྟ་སཱ་ག་རཱན། བནྡྷ་བནྡྷ། ནཱ་ག་ཨཥྚ་#ཀཱ་ན། ཀྲྀཎྜ་ཀྲྀཎྜ། སརྦ་ཤ་ཏྲཱུཾ་སརྦ་དུ་ཥྚན། ཧ་ཧཱ། ཧི་ཧཱི། ཧུ་ཧཱུ། ཧེ་ཧཻ། ཧོ་ཧཽ། ཧཾ་ཧཿ། ཕཊ་སྭཱ་ཧཱ། ། [33a.3]བཅོམ་ལྡན་འདས་ཀྱི་རྩ་སྔགས་ཡིན། ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། སྙིང་པོའི་སྔགས་སུ་ཤེས་པར་བྱའོ། །ཨོཾ་བཛྲ་ཀརྟ་རི་ཧེ་བཛྲཱ་ཡ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། དེ་ནི་ཉེ་བའི་སྔགས་ཀྱང་ཡིན། ཨོཾ་ཨ་ཀ་ཙ་ཊ་ཏ་ཕ་#ཡ་ཤ་ཧཱུཾ་སྭཱ་ཧཱ། གྲོང་ཁྱེར་དཀྲུག་པའི་སྔགས་ཡིན་ནོ། །ཨོཾ་ཏྲི་ལོཀྱཱ་ཀྵེ་པ་ [33a.4]ཧཱུཾ་ཧཱུཾ་ཧཱུཾ་#ཕཊ་སྭཱ་ཧཱ། ཕྱག་གཉིས་པའི་སྙིང་པོའོ། །ཨོཾ་བཛྲ་ཛྭ་ལ་ཛྭ་ལ་བྷྱོ་ཧཱུཾ་ཧཱུཾ་ཧཱུཾ་#ཕཊ་སྭཱ་ཧཱ། དེ་ནི་ཕྱག་བཞི་པའི་སྔགས་སོ། །ཨོཾ་ཀི་ཊི་ཀི་ཊི་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཕྱག་དྲུག་པའི་སྙིང་པོ་ཡིན#།། །།ཚོགས་གཉིས་བསག་དང་གཞན་དབང་བསྡུ། །བདག་དང་སེམས་ [33a.5]ཅན་བསྲུང་བའི་ཕྱིར། །ལྷ་དང་ཆོས་སྐྱོང་སེམས་ཅན་ལ། །བདུད་རྩི་མཆོད་སྦྱིན་གཏོར་མ་སྦྱིན། །ཤར་ལྷོའི་དུར་ཁྲོད་ནམ་མཁའ་ལ། །ཆོས་འབྱུང་སུམ་བརྩེགས་སྟེང་འོག་རིམ། །དབུས་སུ་པདྨ་འདབ་བརྒྱད་ནག །ཤར་ནས་ཕྱོགས་མཚམས་གོ་རིམས་སུ། །བརྒྱ་བྱིན་ [33a.6]གཤིན་རྗེ་ཆུ་ལྷ་དང་། །གནོད་སྦྱིན་བདག་པོ་འབྱུང་པོའི་བདག །མེ་ལྷ་སྲིན་པོ་རླུང་གི་ལྷ། །དཀར་ནག་དམར་སྐྱ་སེར་པོ་དང་། །དཀར་དམར་དུད་ཀ་#ལྗང་གུ་ཡི། །མདོག་ཀྱང་རིམ་པ་བཞིན་དུ་གསལ། །རྡོ་རྗེ་དབྱུག་པ་སྤྲུལ་གྱི་ཞགས། །དཔལ་འབྲས་རྩེ་གསུམ་དབྱུ་གུ་གསུམ། ། [33a.7]གྲི་གུག་བ་དན་ལག་ན་ཐོགས། །གླང་པོ་མ་ཧེ་ཆུ་སྲིན་དང་། །རྟ་དང་ཁྱུ་མཆོག་ར་སྐྱེས་དང་། །མི་རོ་རི་དགས་ཞོན་པ་དང་། །དུར་ཁྲོད་རྒྱན་དང་ཆུང་མ་དང་། །བུ་འཁོར་བཅས་པ་བསྒོམ་པར་བྱའོ། །སྟེང་གི་ཆོས་འབྱུང་པདྨ་དཀར། །ཤར་ནས་རིམ་པ་སྔ་མ་ལྟར། །བརྒྱ་བྱིན་ཚངས་པ་ [33b] [33b.1]ཁྱབ་འཇུག་དྲག །གཞོན་ནུ་ཚོགས་བདག་དག་བྱེད་དང་། །ལེགས་ལྡན་ནག་པོ་རིམ་པར་གནས། །དཀར་སེར་དམར་དང་ནམ་མཁའི་མདོག །དཀར་གཉིས་སེར་དང་ནག་པོ་སྟེ། །མདོག་ཀྱང་དེ་བཞིན་རིམ་པར་གསལ། །རྡོ་རྗེ་དབྱུ་གུ་རྩེ་གསུམ་དང་། །འཁོར་ལོ་རྩེ་གསུམ་ [33b.2]མདའ་གཞུ་དང་། །ལ་ཕུག་བ་དན་རལ་གྲི་འཛིན། །པདྨའི་གདན་གནས་རིན་ཆེན་བརྒྱན། །ཆུང་མ་བུ་འཁོར་ལྷ་ཡི་འཁོར། །རིམ་པ་བཞིན་དུ་གནས་པའོ། །འོག་གི་ཆོས་འབྱུང་པདྨ་དམར། །སྔོན་བཞིན་འཇོག་པོ་དུང་སྐྱོང་དང་། །མཐའ་ཡས་རིགས་ལྡན་པདྨ་ཆེ། ། [33b.3]དགའ་བོ་ནོར་རྒྱས་པདྨ་བརྒྱད། །གདེངས་ཀ་སྦྲུལ་ཞགས་པད་ཟླའི་གདན། །དཀར་སེར་དམར་ལྗང་ཡང་དཀར་དང་། སྔོ་དང་དམར་སྐྱ་དཀར་པོའི་མདོག །རིན་ཆེན་རྒྱན་དང་པདྨ་དང་། །ཆུང་མ་བུ་འཁོར་བཅས་པ་དང་། །ངན་འགྲོ་གསུམ་དང་བཅས་པ་ཡིན། །པདྨའི་ལྟེ་བ་གསུམ་ [33b.4]པོ་ལ། །རང་གི་ཧེ་རུ་ཀ་ཉིད་བསྒོམ། །ཛཿ་ཧཱུཾ་བཾ་ཧོཿ་ས་དགུག་དང་གཞུག །ནམ་མཁའ་ཁྱབ་པའི་གཙོ་བོ་འཁོར། །མི་བསྐྱོད་རྣམ་སྣང་འོད་དཔག་མེད། །རང་བཞིན་སྔོ་དང་དཀར་དམར་མདོག །རྡོ་རྗེ་དྲིལ་བུ་རང་འོད་བཅས། །རུས་རྒྱན་གཙོ་དང་འཁོར་དེ་བཞིན། །དེ་ཉིད་གསུམ་ [33b.5]དང་དབང་བསྐུར་རྒྱ། །ལྕེ་རྣམས་རྡོ་རྗེ་སྦུ་གུར་བསྒོམ། །དེ་རྣམས་མདུན་དུ་གཏོར་དག་ལ། །བྱིན་གྱིས་བརླབས་ལ་རང་བཞིན་བཏུང་། །སྔོན་དུ་བསྟན་པའི་བདུད་རྩི་ལྔ#། །དགྱེས་རྡོར་ལྷ་དགུར་གྱུར་པའོ། །ཨོཾ་ཨིནྡ་ཛ་མ་ཛ་ལ་#ཛཀྑ་བྷཱུཾ་ཏ་བ་ཧྣི་བཱ་ཡུ་རཱཀྵ་ཙཎྜྲ་#སཱུཛྫ་མཱ་ས་ས་པྟ་པཱ་#ཏཱ་ལ་པཱ་ཏཱ་ [33b.6]ལ་ཨ་སྠ་#སཔྤ་སྭཱ་ཧཱ། ཨི་དཾ་བ་ལི་བྷུ་#ཛ་ཛིཾ་བྷ་པུཥྤ་དྷཱུ་པ་མཱཾ་#ས་པིངྒ་ཨམྦྷ་སརྦ་ཀཛྫ་ཁརྙི་ཁུ་ཎི་ཕེ་ཊ་#གཱ་ད་སྭཱ་ཧཱ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱདྱ་ནུ་ཏྤནྣ་ཏྭཱ་ཏ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། །གསུམ་གསུམ་བརྗོད་ལ་གཏོར་མ་གཏང་། །ཡི་གེ་གསུམ་དང་མུཿ་ཡིས་གཤེགས། །བར་ཆད་ [33b.7]ཞི་དང་ལྷག་ཆད་ཞི། །རྡོ་རྗེའི་གླུ་འདི་དལ་བུས་བླང་། །ཀོ་ལ་ཨི་རི་ཊྛ་#ཨ་པོ་ལཱ། མུཾ་མུ་ཎི་ཀཀྐོ་ལཱ། བྷ་ཎེ་#ཨ་ཀྲི་ཏ་#ནིཥྛཏནི་ཌྛི་ཧ། ཀ་རུ་ཎི་ཀེ་#ཨཱ་ཨི་ན་རོ་ལ་ཏ་ཧིཾ་#བ་ལ་ཁ་ལི། མ་ཨིན་བི་ཛ། ཀི་ལ་ཀ་ལེ་ཛྫ་#རཱུ་བ་ནི། ཨ་ཨཱི་#དྷུ་རུ་དྷུ་རུ། ཎཛྫ་ཨ་ཨི་ཙ་ཨ་#ས་མ་ཤཙྪ་#རི་སི་ཧླ། ཀ་པུར་ལ་#ཨི་ [34a] [34a.1]ཨ་ཨི་མ་ཁུ་ལ་ཨ་ཨིན་དྷ། ནས་ལིཛྫ། ཧ་ཧི་བུ་རུ#། ཨི་ཨ་ཨོ། པྲེ་#ཁ་ན་ཁེ་ཊ། ཀ་རན་ཏི#། ཤུདྡྷཱ་སུདྡྷ་ཎཎ་མ་ཎེ། ཨ་ཨི་ནི་རཾ་སུ་ཨཾ། ཙནྡྲ་#བཱི། ཏ་ཨིཛྫ་#ས་ར་ས་ཙི་པ་ནི་ཨཱ་ཨཱི་མ་ས་ས་ལ་ཛིར་རུ་ར་#བཱ་ཊ། ཨི་དྷི་ཎི#། མ་ཧཱ་ཧིཥྚ་བཛྫ་#ཨ་ཨི། མཆོད་པ་དང་ [34a.2]གཏོར་མ་གཏང་#བ། །ཚོགས་ཀྱི་འཁོར་ལོར་འདུན་བླང་། །བཟའ་དང་བཏུང་བ་ལོངས་སྤྱོད་པ། །བདུད་རྩི་སྦྱོར་བས་ལུས་རྒྱས་འགྱུར། །ཐུན་བཞིའི་རྣལ་འབྱོར་ལྡན་པ་ཡིས། །བསྒྲུབས་ན་འགྲུབ་ཀྱི་གཞན་དུ་མིན། །སྔོན་དུ་བསྟན་པ་ལེགས་རྟོགས་ནས། །ཚོགས་གཉིས་གཞལ་ཡས་ [34a.3]དཀྱིལ་འཁོར་གསུམ། །ཞལ་གསུམ་གཡས་དཀར་གཡོན་པ་དམར། །དབུས་ནི་སྐུ་དང་མཐུན་པ་ཉིད། །རྡོ་རྗེ་རལ་གྲི་གཡས་ན་འཛིན། །དྲིལ་བུ་རྩེ་གསུམ་ཕྱག་གཡོན་ན། །རང་ནི་རང་རིག་ཡུམ་ལ་འཁྱུད། །ཕྱག་བཞི་རྡོ་རྗེ་ཐོད་པ་དག །གཡས་དང་གཡོན་པའི་ཕྱག་ན་འཛིན། ། [34a.4]གཉིས་ནི་རིག་མ་ཉིད་ལ་འཁྱུད། །ཕྱག་གཉིས་གཡས་ན་རྡོ་རྗེ་དང་། །ཐོད་པ་ཁ་ཊྲཱཾ་ཕྱག་གཡོན་ན། །དེ་གསུམ་ཚངས་པའི་སྟེང་ན་བཞུགས། །གཞན་དག་སྔོན་དུ་བསྟན་པ་ཉིད། །སྤྲོ་དང་བསྡུ་དང་འཁོར་ལོ་དང་། །དེ་དོན་བསྒོམ་#དང་གཏོར་མ་སྔགས། །ཞལ་གསུམ་ཕྱག་བཞི་ལ་ [34a.5]སོགས་རྣམས། །རྣལ་འབྱོར་པ་ཡིས་གང་འདོད་བསྒོམ། །རྗེས་ཐོབ་རྣམ་པར་དག་པ་ཡང་། །དབྱེ་བ་ཤེས་པས་རྟག་ཏུ་བསྒོམ། །མེ་རི་དྲ་གུར་#བདུད་ལས་རྒྱལ། །རྣམ་ཐར་ཆོས་འབྱུང་ཆོས་ཀྱི་དབྱིངས། །གཤིན་རྗེ་དབུགས་འབྱིན་དུར་ཁྲོད་བརྒྱད། །སྒོ་བཞི་དྲན་པ་ཉེ་བར་ [34a.6]གཞག །གྲུ་བཞི་ཡང་དག་སྤོང་བ་བཞི། །སྒོ་རྒྱན་#རྫུ་འཕྲུལ་རྐང་པ་བཞི། །འདོད་ཡོན་ལྷ་མོ་དབང་པོ་ལྔ། །རྩིག་པ་ལྔ་ཡང་སྟོབས་ལྔར་དག །རྟ་བབས་བཞི་ནི་བསམ་གཏན་བཞི། །རྟེན་འབྲེལ་བཅུ་གཉིས་དག་པས་ནི། །རིམ་པ་བཅུ་གཉིས་འོད་འབར་བའོ། །རྒྱན་ [34a.7]རྣམས་བྱང་ཆུབ་ཡན་ལག་བདུན། །ཀ་བ་བརྒྱད་མཛེས་འཕགས་ལམ་བརྒྱད། །འཁོར་ལོ་བཞི་ནི་བདེན་པ་བཞི། །དེ་བཞིན་གདུགས་ནི་ཚད་མེད་བཞི། །བྱམས་པའི་ཐུགས་ནི་སྐུ་མདོག་ནག །སྙིང་རྗེ་སྤྱན་དམར་འགྲོ་ལ་གཟིགས། །དཔའ་བོ་གར་དགུ་འགྲོ་རྣམས་སྒྲོལ། ། [34b] [34b.1]བཏང་སྙོམས་སྣ་ཚོགས་རྡོ་རྗེས་མཛེས། །འཁོར་ལོའི་གཟུགས་ནི་མི་བསྐྱོད་པ། །རྣ་ཆ་དག་ལ་འོད་དཔག་མེད། །མགུལ་གྱི་ཕྲེང་བ་རིན་ཆེན་གཙོ། །ཡན་ལག་ཀུན་བཀོད་རྣམ་སྣང་མཛད། །འོད་དཔག་ལ་ནི་དོན་ཡོད་གྲུབ། །ཡན་ལག་ཀུན་ཐུགས་རྡོ་རྗེ་འཛིན། །ཞལ་བརྒྱད་ [34b.2]རྣམ་པར་ཐར་པ་བརྒྱད། །སྐུ་གསུམ་དཀར་དམར་གནག་པའི་ཞལ། །ཕྱག་རྣམས་སྟོང་པ་བཅུ་དྲུག་སྟེ། །ནད་རྣམས་འཇོམས་པས་གླང་པོ་སོགས། །དངོས་གྲུབ་མྱུར་བས་ལྷ་མོ་སོགས། །རུས་པའི་རྒྱན་ཡང་བདེན་པ་བཞི། །སྟག་གི་པགས་པ་བྱང་ཆུབ་བདུན། །བསྡུ་བ་ [34b.3]བཞི་ནི་ཞབས་བཞི་ཡིན། །སྐྱེ་རྒ་བཅོམ་པས་བདུད་བཞི་མནན། །བདག་མེད་ཆོས་སྐུ་རྣམ་དག་ཉིད། །ཕུང་པོ་དག་པས་གཽ་རཱི་སོགས། །ཡེ་ཤེས་དག་པས་ཁ་དོག་བཞི། །གྲི་གུག་སོགས་ཀྱིས་བདུད་བཞི་བྱེད། །ཚད་མེད་གོམས་པས་ཁམས་བཞི་ལ། །པུཀྐ་སཱི་ [34b.4]སོགས་ལྷ་མོ་བཞི། མདོག་དང་ཕྱག་མཚན་དེ་བཞིན་ནོ། །ཉིན་མོ་བཅོམ་ལྡན་ཐབས་སུ་གནས། །མཚན་མོ་ཤེས་རབ་སྟོང་པ་ཉིད། །འགྲོ་བའི་གར་དང་ཕྱག་རྒྱ་བསྐྱོད། །བརྗོད་པས་ཐམས་ཅད་སྔགས་ཡིན་ནོ། །ཁྲུས་བྱེད་དབང་བསྐུར་བསམ་གཏན་དང་། ཉལ་བ་གཉིད་# [34b.5]ཀྱི་བསམ་གཏན་བསྒོམ། །དེ་ལྟར་བརྟན་པའི་རྣལ་འབྱོར་པས། །དབང་པོ་མི་དགག་#འགྲོ་རྣམས་བསྐྱབ། །བླ་མའི་རིམ་འོངས་རྒྱུད་རྒྱལ་དོན། །བསྒོམས་པས་བློ་ལ་གསལ་བའི་དོན། །དགྱེས་རྡོར་མོས་ལ་ཕན་ཕྱིར་བྱས། །འདི་ལས་བྱུང་བའི་བསོད་ནམས་དེས། །བདག་ [34b.6]དང་འགྲོ་བ་མ་ལུས་པ། །དགྱེས་རྡོར་མྱུར་དུ་འགྲུབ་པར་ཤོག །དཔལ་དགྱེས་པ་རྡོ་རྗེ་སྒྲུབ་པའི་ཐབས། རིན་པོ་ཆེའི་སྒྲོན་མ་ཞེས་བྱ་བ། སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་པཎྜི་ཏ་དཱ་ན་ཤཱི་ལ་#དང་། [34b.7]ལོ་ཙཱ་བ་གན་དར་མ་བློ་གྲོས་ཀྱིས་བསྒྱུར་ཅིད་ཞུས་སོ།། {T1269}༄། །དབང་བསྐུར་བའི་ཆོ་ག་བཞུགས་སོ།། ༄༅། །དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། །དེ་ནས་རི་མོའི་དཀྱིལ་འཁོར་གྱི་ལས་ཀྱི་རིམ་པ་བཤད་པར་བྱའོ། །དང་པོར་བསྙེན་པ་བྱ་སྟེ། [35a] [35a.1]རང་གི་ཡི་དམ་ལྷའི་འདབ་འབྱམས་བཟླས། དཀྱིལ་འཁོར་གྱི་གཙོ་བོའི་འདབ་འབུམ་བཟླས་ལྷ་དང་ལྷ་མོ་གཞན་གྱི་འཛབ་ཁྲི་བཟླས། དེ་ཡང་ཚུལ་ཇི་ལྟར་བཟླས་ཤེ་ན། དཀྱིལ་འཁོར་གར་བྱེད་པའི་སར་མཎྜལ་གྲུ་བཞི་པ་ཁྲུ་གང་བ་བྱས་ལ། དེ་ལ་བའི་རྣམ་ [35a.2]ལྔ་དང་། ཙནྡན་ལ་སོགས་པའི་དྲི་ཞིམ་པོས་བྱུག །བདུད་རྩི་རྣམ་པ་ལྔས་ཀྱང་གཏོར་བར་བྱས་ལ། དེ་ནས་དྲིའི་ཐིག་ལེ་དགུ་བྱས་ཏེ་དེའི་སྟེང་དུ་མེ་ཏོག་གཙང་མ་བཞག་སྟེ། དེ་དཀྱིལ་འཁོར་གྱི་ལྷ་ཡིན་པར་བསམས་ལ། དེ་ནས་དེ་ལ་སྤྱན་དྲངས་ལ་བསྟིམས་ལ། །དེ་ནས་ཕྱི་ [35a.3]ནང་གསང་བའི་མཆོད་པ་དང་། བསྟོད་པ་དང་། བདུད་རྩི་མྱང་བ་ཡན་ཆད་བྱའོ། །དེ་ནས་ཡི་དམ་ལྷའི་ང་རྒྱལ་བྱས་ལ། ཡི་དམ་ལྷའི་འཛབ་བཟླས། གཙོ་བོའི་ང་རྒྱལ་བྱས་ལ། གཙོ་བོའི་སྔགས་བཟླས། ལྷ་མོ་བརྒྱད་པོ་རང་རང་གི་ང་རྒྱལ་བྱས་ལ། ཨོཾ་ཨཱཿ གཽ་རཱི་ཧཱུཾ། བེ་ཏཱ་ལཱི། ཙཽ་རཱི། [35a.4]པྲ་མོ་ཧཱ། པུཀྐ་སཱི། ས་བ་རཱི། ཙཎྜལཱི། ཨོཾ་ཨཱཿ་ཌོ་མྦི་ནཱི་ཧཱུཾ། ཞེས་བཟླས་པ་དང་། ཡི་དམ་གྱི་ལྷའམ། དཀྱིལ་འཁོར་གྱི་གཙོ་བོའི་འཛབ་མི་དགོས་ཞེས་རྨི་ལམ་ན་ཟེར་ན། འཛབ་མ་རྫོགས་ཀྱང་འཕྲོ་བཅད་ལ། དེའི་འོག་ཏུ་མཆོད་བསྟོད་བྱས་ལ་ཡི་གེ་བརྒྱ་པས་གཤེགས་སུ་ [35a.5]གསོལ་ལོ། །དཀྱིལ་འཁོར་གྱི་ལས་བྱའོ། །དེ་ནི་དང་པོའི་བསྙེན་པའོ།། །།ས་གཞི་ཡོངས་སུ་གཟུང་བར་བྱའོ། །དེ་ལ་ཡང་བརྒྱད་དེ། ས་བཙལ་ཞིང་བརྟག་པ་དང་། ས་བསླང་བ་དང་། ས་བརྟན་པར་གཟུང་བ་དང་། ས་སྦྱང་བ་དང་། ས་བྱིན་གྱིས་བརླབ་པ་དང་། [35a.6]བགེགས་བསྐྲད་པ་དང་། ཕུར་བ་གདབ་པ་དང་། ཏིང་ངེ་འཛིན་གསུམ་དང་ལྡན་པའི་སློབ་དཔོན་དབུས་ན་འདུག་པ་ལ། གཽ་རཱི་ལ་སོགས་པའི་ལྷ་མོ་བཞིས་ཕྱོགས་བཞི་ནས་མཆོད་ཅིང་གསོལ་བ་གདབ་པའོ། །དེ་ལས་བཙལ་ཞིང་བརྟག་པ་ནི། ས་བཟང་པོ་ཟུག་རྔུ་མེད་ [35a.7]པ་ཉེས་པ་མེད་པ། ཤར་དང་བྱང་དུ་གཞོལ་བ། མེ་ཏོག་དང་ཤིང་དང་ཆུ་དང་ལྡན་པར་བྱའོ། །ཡང་ན་ཡིད་དུ་འོང་བར་བྱའོ། །དེ་ནི་བཙལ་ཞིང་བརྟག་པའོ། །ས་བསླང་བ་ནི་སློབ་དཔོན་དགྱེས་པ་རྡོ་རྗེའི་ཏིང་ངེ་འཛིན་དུ་བཞུགས་པས། བའི་ལྕི་བ་ས་ལ་མ་ལྷུང་བས་མཎྜལ་ཁྲུ་གང་ [35b] [35b.1]བ་ཞིག་བྱས་ལ། དེས་དགྱེས་པ་རྡོ་རྗེའི་དཀྱིལ་འཁོར་དམིགས་ལ། ཕྱི་ནང་གི་མཆོད་པ་བྱ་ཞིང་།འཇིག་རྟེན་སྐྱོང་བ་རྣམས་ལ་གཏོར་མ་བྱིན་ལ། པུས་མོ་གཡས་པའི་ལྷ་ང་ས་ལ་བཙུགས་ལ་ཐལ་མོ་སྦྱར་ནས་ས་བསླང་བར་བྱ་སྟེ། གང་ས་འདི་ལ་གནས་པའི་ལྷ་དང་ཀླུ་དང་ [35b.2]གནོད་སྦྱིན་དང་ཤ་ཟ་ལ་སོགས་པ་རྣམས་ལས་བསླང་བར་བྱ་ཡིས། སའི་གནས་འདི་རུ་ཡོན་བདག་ཆེ་གེ་མོའི་དོན་དུ་དགྱེས་པ་རྡོ་རྗེའི་དཀྱིལ་འཁོར་བྱེད་པར་འདོད་ཀྱིས། ཁྱེད་རྣམས་ལ་མི་གནོད་པ་དང་། བཟོད་པ་ཡོད་ནས་འདིར་བྱེད་ཀྱིས། ང་གནས་འདིར་ཉལ་བས་རྨི་ལམ་ [35b.3]དུ་མཚན་མ་སྟོན་ཅིག་ཅེས་བརྗོད་པས། གཙོ་བོའི་ཏིང་ངེ་འཛིན་དུ་བཞུགས་ལ། བཟླས་པ་བྱེད་ཅིང་སེང་གེའི་ཉལ་ཐབས་ཀྱིས་ཉལ་བར་བྱའོ། །རྨི་ལམ་ན་ངེད་རྣམས་ལ་མི་གནོད་ཀྱིས་གྱིས་ཤིག་ཟེར་ན་དེ་ཉིད་དུ་བྱའོ། །ས་བརྟན་པར་གཟུང་བ་ནི། ས་ཁུང་ན་ཕྱི་དེ་ཞག་གི་སྔ་དྲོ་དང་པོ་ལ་ [35b.4]སྔར་གྱི་མཎྜལ་ལ་ཞལ་བཤལ་ལ། དེ་རུ་དགྱེས་པ་རྡོ་རྗེའི་དཀྱིལ་འཁོར་དམིགས་ལ། ཕྱི་ནང་གི་མཆོད་པ་བྱ་སྟེ། ཕྱོགས་སྐྱོང་རྣམས་ལ་གཏོར་མ་བྱིན་ལ་འདི་སྐད་བརྗོད་དོ། །ས་འདི་ཙམ་ཞིག་ཁུགས་ན་དགྱེས་པ་རྡོ་རྗེ་ལ་སོགས་པའི་དཀྱིལ་འཁོར་བྱེད་ཀྱིས། ཁྱེད་རྣམས་ [35b.5]སེམས་མི་ནུར་ཞིང་བགེགས་མེད་པ་དང་། གྲོགས་ཀྱིས་ཤིག་ཅེས་བསྒོ་བར་བྱའོ། །དེའི་འོག་ཏུ་ཕྱོགས་ཐམས་ཅད་ནས། རྫོགས་པའི་སངས་རྒྱས་ཇི་སྙེད་བཞུགས། །བྱང་ཆུབ་སེམས་དཔའ་དགྲ་བཅོམ་དག། བདག་དང་ཆེ་གེ་མོ་ཞིག་གི། དོན་དུ་བརྟན་པར་བཞུགས་ནས་ནི།། [35b.6]མངོན་ཤེས་ཅན་གྱི་མཆོད་ཡོན་བཞེས། །ཞེས་ལན་གསུམ་བརྗོད་དེ་གསོལ་བ་གདབ་པར་བྱའོ། །ཀྱེ་བཅོམ་ལྡན་འདས་བདག་གི་མཆོད་ཡོན་བཞེས་ནས་ཀྱང་། བྱིན་གྱིས་བརླབ་ཅིང་བརྟན་པར་བཞུགས་སུ་གསོལ་ཞེས་བརྗོད་དོ། །གལ་ཏེ་དགའ་བའི་ས་གཞི་རྨི་ལམ་དུ་མ་ཁུགས་ [35b.7]ན། ཁྲོ་བོའི་ང་རྒྱལ་བྱས་ལ་མངོན་སྤྱོད་ཀྱི་སྦྱིན་སྲེག་བྱས་ཏེ་བགེགས་བསྐྲད་པས་སྔ་མ་བཞིན་དུ་བྱའོ། །དེ་ནི་ས་གཞི་བརྟན་པར་གཟུང་བའོ། །ས་སྦྱང་བ་ནི་ཞི་བའི་སྦྱིན་སྲེག་ཚུལ་བཞིན་བྱས་ལ། མེ་ལྷའི་ཐུགས་ཀར་སའི་ལྷོ་མོ་བསམས་ལ། དེ་ལ་མཆོད་པ་དང་སྦྱིན་སྲེག་ [36a] [36a.1]བྱས་ལ།ཨོཾ་ཨཱཿ་ཧཱུཾ་མུཿ་ཞེས་བརྗོད་པས་ནམ་མཁའ་ལ་གཤེགས་སུ་གསོལ་བར་བྱའོ། །དེའི་འོག་ཏུ་ཇི་ཙམ་འདོད་པའི་གནས་གྲུ་བཞིར་དམིགས་ལ་ཀླུའི་བདག་པོ་བསམས་ཏེ། བརྐོ་བར་བྱའོ། །ཀླུའི་བདག་པོ་ནི་སྟོན་ཟླ་གསུམ་ལ་གློ་གཡོན་པ་ས་ལ་ [36a.2]ཕབ་སྟེ་མགོ་ཤར་དུ་བསྟན་ནས་ཁ་ལྷོར་བལྟས་ཏེ་ཉལ་ལོ། །དགུན་ཟླ་གསུམ་ལ་མགོ་ལྷོར་བསྟན་ཁ་ནུབ་ཏུ་བལྟས་ནས་ཉལ་ལོ། །དཔྱིད་ཟླ་གསུམ་ལ་མགོ་ནུབ་ཏུ་བསྟན་ཁ་བྱང་དུ་བལྟས་ནས་ཉལ། དབྱར་ཟླ་གསུམ་ལ་མགོ་བྱང་དུ་བསྟན་ཁ་ཤར་དུ་བལྟས་ཏེ་ཉལ་ལོ། །ས་རྐོ་ [36a.3]ཐབས་ནི། ཀླུའི་མགོ་བོ་དང་། རྒྱབ་དང་། ཕང་པོར་ནས་བརྐོ་བར་བྱའོ། །མངོན་པར་དགའ་བའི་དངོས་གྲུབ་ཀྱི་དོན་དུ། བྲང་གི་ཕྱོགས་སུ་ལྐོག་མ་དང་ལྟེ་བ་དང་པུས་མོ་ཙམ་གྱི་བར་དངོས་གྲུབ་རབ་འབྲིང་ཐ་མ་གསུམ་འདོད་པའི་དོན་དུ་གཡས་གཡོན་ན་བཞུགས་པར་བསམ་ཞིང་བརྐོ་ [36a.4]བར་བྱའོ། །ས་ཕྱུང་ལ་རྡོ་བ་དང་གསེག་མ་དང་། མགལ་དུ་མ་དང་། སོལ་བ་དང་། རུས་པ་དང་། གྱོ་མོ་དང་། བོང་བ་ལ་སོགས་པ་མེད་པར་བྱས་ནས། ས་གཞན་སྣུམ་པ་བཟང་པོ་དང་དྲི་ཞིམ་བསྲེས་ཏེ་བླུགས་པར་བྱའོ། །དེ་ནས་དྲི་ཞིམ་པོ་དང་ཆུ་བསྲེས་པ་ལ་ཡི་གེ་ཧཱུཾ་ [36a.5]ཟློས་ཤིང་བཀང་ལ་འཐས་པར་བཅག་སྟེ། ལག་མཐིལ་ལྟར་མཉམ་པའི་སྟེང་དུ། གཞལ་ཡས་ཁང་སྒོ་བཞི་དང་རྒྱན་ལ་སོགས་པ་དང་ལྡན་པར་བསམ་མོ། །དེ་ནས་སྤོས་དང་བདུད་རྩི་ལྔའི་ཆུ་ལ་ལས་ཐམས་ཅད་པའི་སྔགས་བཟླས་ལ་གཏོར་བར་བྱའོ། །སྨན་དང་འབྲུ་དང་རིན་པོ་ཆེ་ [36a.6]ལ་ལས་ཐམས་ཅད་པའི་སྔགས་བཟླས་ལ་གཞུག་པར་བྱའོ། །ས་གཞི་བྱིན་གྱིས་བརླབ་པ་ནི།དཀྱིལ་འཁོར་དབུས་སུ་འདུག་ལ། དགྱེས་པ་རྡོ་རྗེའི་རྣལ་འབྱོར་བྱ་སྟེ།ཁཾ་ལས་ས་གཞི་ནམ་མཁའ་ལྟར་བསྒོམ། སུཾ་ལས་རི་རབ་སེར་པོ་གྲུ་བཞི་པ་ནམ་མཁའ་དང་མཉམ་པར་ [36a.7]བསྒོམ། ལཾ་ལས་དབང་ཆེན་གྱི་དཀྱིལ་འཁོར་གྲུ་བཞི་པ་རྡོ་རྗེ་རྩེ་གསུམ་པ་བཞིས་གྲུ་བཞིར་མཚན་པ་སེར་པོར་བསྒོམ། ཧཱུཾ་ལས་ས་གཞི་རྡོ་རྗེར་བསྒོམ། །དེ་ནས་མེ་དི་ནཱི་བཛྲཱི་བྷ་བ་བཛྲ་བནྡྷ་ཧཱུཾ་ཞེས་བརྗོད་པས་ས་གཞི་འོད་ཅན་དུ་བྱིན་གྱིས་བརླབ་པོ། །དེ་ནི་ས་གཞི་བྱིན་གྱིས་ [36b] [36b.1]བརླབ་པའོ། །བགེགས་བསྐྲད་པ་ནི། ཧྲཱིཿ་གསུམ་བརྗོད་ལ་སློབ་དཔོན་ཕྱིར་བྱུང་སྟེ། དབང་ལྡན་གྱི་མཚམས་སུ་འདུག་ལ། བདག་གི་སྙིང་གནས་བྱུང་བའི་དཀྱིལ་འཁོར་གྱི་འཁོར་ལོ་ལས་སྤྲུལ་པ་བྱུང་བས་ནམ་མཁའ་ཁྱབ་པར་བསམས་ཏེ། ཕྱོགས་བཅུའི་རྒྱལ་བ་སྲས་དང་ [36b.2]བཅས་པ་ཁྱེད་རྣམས་ཀྱིས། བདག་དང་སློབ་མར་བཅས་པ་ལ་བྱིན་གྱིས་བརླབ་ཅིང་བསྲུང་བའི་ཕྱིར་བཞུགས་སུ་གསོལ་ལོ་ཞེས་བརྗོད་ཅིང་སྙིང་གར་ཟླ་བའི་དཀྱིལ་འཁོར་གྱི་རྡོ་རྗེའི་དབུས་སུ་བཅུག་ལ་བདག་དང་གཅིག་ཏུ་གྱུར་བར་བསམས་ཏེ། རང་གི་ལུས་དགྱེས་པ་རྡོ་རྗེའི་ང་རྒྱལ་ [36b.3]བྱ་སྟེ། ཧཱུཾ་བརྗོད་ཅིང་སེམས་དཔའི་སྐྱིལ་ཀྲུང་ཕྱེད་པ་ལ་གནས་ནས། མིག་གཡོན་པར་ཊ་ལས་ཟླ་བའི་དཀྱིལ་འཁོར་བསམ། གཡས་པར་མ་ལས་ཉི་མའི་དཀྱིལ་འཁོར་བསམ། འབྲས་བུ་གཉིས་ལས་ཧཱུཾ་ཤིན་ཏུ་གཡོ་བ་བསྐལ་བའི་མེ་ལྟར་འབར་བ་ལས་རྡོ་རྗེའི་མིག་བྱའོ། ། [36b.4]དེ་ནས་གཡས་པར་རྡོ་རྗེ་གསོར་ཞིང་། གཡོན་པར་དྲིལ་བུ་དཀྲོལ་ཞིང་དཀུར་བཟུང་ལ། མགོ་དང་མིག་གཡོན་དུ་ཅུང་ཟད་བཏུད་དེ། རྐང་མཐིལ་གཉིས་སུ་ཧཱུཾ་ལས་རྡོ་རྗེ་རྒྱ་གྲམ་དུ་བསམས་ལ། བྱང་ཤར་དུ་གནས་ཏེ་འདི་སྐད་བརྗོད་དོ། །ཉོན་ཅིག་བགེགས་ཚོགས་ཐམས་ཅད་ཀྱི། ། [36b.5]སྐུ་གསུང་ཐུགས་ལ་གནས་པ་རྣམས། །དཔལ་སོགས་དགྱེས་རྡོར་དག་གིས་ནི། །སྲུང་བའི་འཁོར་ལོ་བྱེད་པའོ། །རྡོ་རྗེ་འབར་བའི་གཟུགས་འདི་ཡིས། །གལ་ཏེ་གང་གིས་དམ་ཚིག་འདས། །འདོད་གསུམ་བསྐྱེད་བྱ་གསད་བྱ་སྟེ། །ཚལ་བར་འགས་པ་གདོན་མི་ཟ། །ཞེས་ [36b.6]བརྗོད་ལ་གཡས་བརྐྱང་དང་། གཡོན་བརྐྱང་ལ་སོགས་པའི་སྟང་སྟབས་ཀྱིས་དཀྱིལ་འཁོར་ལ་ལན་གསུམ་དུ་ཧཱུཾ་བརྗོད་ཅིང་བསྐོར་བར་བྱའོ། །དེ་ནི་བགེགས་བསྐྲད་པའི་རིམ་པའོ། །ཕུར་པ་གདབ་པ་ནི། ལྕགས་ཀྱི་ཕུར་པ་སོར་བརྒྱད་པ་དྲི་དང་བདུད་རྩིའི་ཆུས་གཏོར་ཏེ་མདུན་དུ་བཞག་ [36b.7]ལ་སྟོང་པར་བསྒོམ། སྟོང་པའི་ངང་ལས་ཧཱུཾ་ལྗང་ན་གཅིག་ཏུ་གྱུར་པར་བསམ། དེ་ལས་བདུད་རྩི་འཁྱིལ་བ་ཞལ་གསུམ་ཕྱག་དྲུག་པ་ཅིག་ཏུ་ལྟེ་བ་ཡན་ཆད་བསྒོམ་མོ། །སྨད་ཕུར་པ་ཟུར་གསུམ་འོད་འབར་བ་ཅིག་བསམ་མོ། །དེ་ནས་དབང་ལྡན་ནས་བརྩམས་ཏེ་བསྐོར་ [37a] [37a.1]ཕྱོགས་སུ།ཨོཾ་ཧེ་བཛྲ་བིགྷྣཱན་ཨུཙྪ་ཊ་ཡ་ཧཱུཾ་ཕཊ། ཅེས་བྱ་བའི་སྔགས་ཀྱིས་ཕུར་བུ་ལ་བཟླས་ཤིང་ཕྱོགས་བཅུར་བཏབ་ལ། འོག་གསེར་གྱིས་གཞི་ལ་ཐུག་པའི་བར་དུ་དབབ་པར་བསམ་མོ། །དེ་ནི་ཕུར་བུ་གདབ་བའོ། །ཏིང་ངེ་འཛིན་གསུམ་དང་ལྡན་པའི་ [37a.2]རྡོ་རྗེ་སློབ་དཔོན་ལ། གཽ་རཱི་ལ་སོགས་པའི་ཏིང་འཛིན་ཅན་གྱི་ལྷ་མོ་བཞིས་ཕྱོགས་བཞི་ནས་མཆོད་ཅིང་གསོལ་བ་གདབ་པ་ནི། དཀྱིལ་འཁོར་བྲི་ཕྱིར་ཤར་ཕྱོགས་ནས་གཽ་རཱིའི་རྣལ་འབྱོར་པས་དབུས་སུ་གཙོ་བོ་ལ་མཆོད་པ་རྣམ་པ་ལྔ་ཕུལ་ནས་འདི་སྐད་བརྗོད་དོ། །དེ་བཞིན་གཤེགས་པ་ [37a.3]ཀུན་ཞི་བ། །དེ་བཞིན་གཤེགས་པ་ཀུན་གྱི་གནས། །ཆོས་ཀུན་བདག་མེད་པ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །ཞེས་བསྐུལ་ལོ། །ལྷོ་ཕྱོགས་ནས་ཙཽ་རཱིའི་རྣལ་འབྱོར་པས་དབུས་ཀྱི་གཙོ་བོ་ལ་མཆོད་པ་རྣམ་པ་ལྔ་ཕུལ་ནས་འདི་སྐད་ཅེས་བརྗོད་དོ། །མཚན་ [37a.4]ཉིད་ཐམས་ཅད་ཡང་དག་རྫོགས། །མཚན་མིན་ཐམས་ཅད་ཡང་དག་སྤངས། །ཀུན་དུ་བཟང་པོ་སྐུ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །ཞེས་བསྐུལ་ལོ། །ནུབ་ཕྱོགས་ནས་པྲ་མོ་ཧཱའི་རྣལ་འབྱོར་པས། དབུས་ཀྱི་གཙོ་བོ་ལ་མཆོད་པ་རྣམ་ལྔ་ཕུལ་ནས་འདི་ [37a.5]སྐད་བརྗོད་དོ། །ཞི་བའི་མཆོག་ནི་མཆོག་ལས་བྱུང་། །ཡེ་ཤེས་སྤྱོད་པ་རྣམ་སྦྱོང་བ། །ཀུན་དུ་བཟང་པོ་གསུང་གི་མཆོག །དཀྱིལ་འཁོར་དམ་པ་བཤད་དུ་གསོལ། །ཞེས་བསྐུལ་ལོ། །བྱང་ཕྱོགས་ནས་བེ་ཏཱ་ལཱིའི་རྣལ་འབྱོར་པས། དབུས་ཀྱི་གཙོ་བོ་ལ་མཆོད་པ་རྣམ་ལྔ་ [37a.6]ཕུལ་ནས་འདི་སྐད་བརྗོད་དོ། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པ་དྲི་མ་མེད། །ཀུན་དུ་བཟང་པོ་ཐུགས་ཀྱི་མཆོག །དཀྱིལ་འཁོར་དམ་པ་བཤད་དུ་གསོལ། ཞེས་བསྐུལ་ལོ། །དེ་ནས་དཀྱིལ་འཁོར་གྱི་དབུས་ནས་ལངས། དེ་བཞིན་གཤེགས་པ་ [37a.7]ཐམས་ཅད་ཀྱིས་ནམ་མཁའ་ཁྱབ་པར་དམིགས་ཏེ། འདི་སྐད་བརྗོད་པར་བྱ་སྟེ། ཨོཾ་སརྦ་ཏ་ཐཱ་ག་ཏ་པཱ་ད་བནྡྷ་ནཾ་ཀ་རོ་མི་ཞེས་དེ་བཞིན་གཤེགས་པ་ཐམས་ཅད་ཀྱི་ཞབས་ལ་ཕྱག་བྱས་ནས། ལངས་ལ་དགྱེས་པ་རྡོ་རྗེའི་ང་རྒྱལ་བསྐྱེད་ལ་འདི་སྐད་ཅེས་བརྗོད་དོ། །བདག་ཉིད་རང་ཉིད་ [37b] [37b.1]རྡོ་རྗེ་ཅན། །རྡོ་རྗེ་སེམས་དཔའ་བདག་རང་ཉིད། །བདག་ནི་སངས་རྒྱས་རྒྱལ་པོ་ཆེ། །སྟོབས་ཆེན་རྡོ་རྗེ་ཅན་བདག་གིས། །རྣལ་འབྱོར་དབང་ཕྱུག་རྒྱལ་པོ་བདག །ཕྱག་ན་རྡོ་རྗེ་བརྟན་བདག་སྟེ། །བདག་པོ་རྡོ་རྗེ་ཆེན་པོའི་བདག །བྱིན་གྱིས་བརླབ་ཅིང་བཞུགས་སུ་གསོལ། །ཞེས་ [37b.2]བསྐུལ་ལོ། །ས་གཞི་ཡོངས་སུ་གཟུང་བའོ། །ད་ནི་སྟ་གོན་ལ་གནས་པར་བྱ་བ་སྟོན་ཏེ། དེ་ལ་ཡང་གནས་པ་བཞི་སྟེ། སའི་ལྷ་མོ་སྟ་གོན་ལ་གནས་པར་བྱ་བ་དང་། ལྟ་སྟ་གོན་ལ་གནས་པ་དང་། བུམ་པ་སྟ་གོན་ལ་གནས་པ་དང་། སློབ་མ་སྟ་གོན་ལ་གནས་པའོ། །དེ་ལ་ [37b.3]སའི་ལྷ་མོ་སྟ་གོན་ལ་གནས་པ་ནི་དཀྱིལ་འཁོར་གྱི་དབུས་སུ་དྲིའི་ཐིག་ལེ་བྱས་ལ། ཐིག་ལེའི་སྟེང་དུ་ཡི་གེ་ལཾ་སེར་པོ་ཅིག་བསམ། དེ་འོད་དུ་ཞུ་བས་སའི་ལྷ་མོ་སྐུ་མདོག་སེར་པོ། རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ། ཞལ་གཅིག་ཕྱག་གཉིས་པ་གཡས་བགྲང་ཕྲེང་ [37b.4]འཛིན་པ། གཡོན་གསེར་གྱི་བུམ་པ་ཐོགས་པ་ཅིག་བསམ་མོ། །དེ་ནས་མདུན་གྱི་ནམ་མཁར་གཤེགས་པའི་སའི་ལྷ་མོ་ཛཿ་ཧཱུཾ་བཾ་ཧོཿ་བཞིས་དགུག་པ་དང་གཞུག་པ་དང་བཅིང་པ་དང་། དགྱེས་པར་བྱས་ལ།མཆོད་པ་རྣམ་ལྔ་ཕུལ་ཏེ།ཐལ་མོ་སྦྱར་ནས། སྐྱོབ་པ་སངས་རྒྱས་ཐམས་ [37b.5]ཅད་ཀྱིས། །སྤྱོད་པའི་ཚུལ་དང་ཁྱད་པར་གྱི། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དཔང་དུ་གྱུར། །སྐྱོབ་པ་ཤཱཀྱ་སེང་གེ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་ལྟར་བདུད་ཀྱི་ཚོགས་བཅོམ་ནས། །བདག་གིས་དཀྱིལ་འཁོར་བྲི་བར་བགྱི། །ཞེས་ལན་གསུམ་དུ་ [37b.6]བརྗོད་པས་སའི་ལྷ་མོ་མཉེས་ནས། དགའ་བའི་མདངས་ཀྱིས་དགྱེས་པ་རྡོ་རྗེའི་དཀྱིལ་འཁོར་གྱིས་ཟེར་ནས་ས་ལ་ཐིམ་མོ། །དེ་ནི་སའི་ལྷ་མོ་སྟ་གོན་ལ་གནས་པའོ། །ལྷ་སྟ་གོན་ལ་གནས་པ་ནི། ལྷ་དགུ་པོ་སོ་སོའི་བཞུགས་གནས་སུ་དྲི་དང་བདུད་རྩིའི་ཐིག་ལེ་བྱས་ལ་གདན་དགུ་ [37b.7]རུ་བསམ། དེའི་སྟེང་དུ་ལྷ་སོ་སོའི་སྙིང་པོ་བརྗོད་ཅིང་། མེ་ཏོག་རེ་རེ་བཞག་པས་དམ་ཚིག་སེམས་དཔའ་ལྷ་དགུ་རུ་བསམ། དེ་ནས་ཛཿ་ཧཱུཾ་བཾ་ཧོཿ་ལ་སོགས་པའི་ཕྱག་རྒྱ་བཞིས། ཡེ་ཤེས་ཀྱི་ལྷ་དགུག་པ་དང་གཞུག་པ་དང་བཅིང་བ་དང་དབང་དུ་བྱས་ལ་གཉིས་སུ་མེད་པར་བསམ་མོ། ། [38a] [38a.1]དེ་ནས་མཆོད་པ་རྣམ་ལྔ་ཕུལ་ལ་བསྟོད་པ་ཉི་ཤུ་པ་བྱས་ཏེ། འདི་སྐད་དོ། །ཐམས་ཅད་དངོས་པོའི་རང་བཞིན་མཆོག །གདོད་ནས་ཐམས་ཅད་བདག་ཉིད་གནས། །ཐབས་དང་ཤེས་རབ་གཉིས་དག་པ། །དགྱེས་པ་རྡོ་རྗེ་བདག་ཕྱག་འཚལ། དེ་ནས་འདི་ [38a.2]སྐད་ཅེས་བརྗོད་དོ། །བཅོམ་ལྡན་དགྱེས་པ་རྡོ་རྗེ་ནི། །རིག་པའི་རྒྱལ་པོ་ཕྱག་འཚལ་བསྟོད། བདག་གིས་རྡོ་རྗེ་དཀྱིལ་འཁོར་འདིར། མགོན་པོ་བྲི་བར་འདོད་པ་སྟེ། །སློབ་མ་རྣམས་ལ་ཕན་ཕྱིར་དང་། །ཁྱེད་ལ་མཆོད་པའི་དོན་དུ་ཡང་། །དེ་བས་བཅོམ་ལྡན་གུས་ [38a.3]བདག་ལ། །བྱིན་རླབས་གནང་བ་མཛད་པར་འོས། །དགོངས་ཤིག་བདག་ལ་སངས་རྒྱས་དག །འགྲོ་བའི་འཁོར་ལོ་དོན་བྱེད་དང་། །འབྲས་གནས་བྱང་ཆུབ་སེམས་དཔའ་དང་། །གང་ཞིག་གཞན་ཡང་སྔགས་ཀྱི་ལྷ། །ལྷ་རྣམས་འཇིག་རྟེན་སྐྱོང་བ་དང་། །འབྱུང་པོ་ [38a.4]བྱང་ཆུབ་སེམས་དཔའ་རྣམས། །སེམས་ཅན་བསྟན་ལ་མངོན་དགའ་བའི། །གང་ཞིག་རྡོ་རྗེ་མིག་ལྡན་པའི། །ཆེ་གེ་མོ་བདག་རྡོ་རྗེ་འཛིན། །དགྱེས་རྡོར་དཀྱིལ་འཁོར་དངོས་བྱུང་བ། །ཇི་ལྟར་ཉེར་སྤྱོད་ནུས་པ་ཡིན། །འགྲོ་བདག་དོན་དུ་བྲི་བར་བྱ། །སློབ་མ་བདག་བཅས་བདག་ [38a.5]ལ་ནི། །བྱིན་རླབས་གནང་བ་མཛད་པར་འོས། །ཞེས་ལན་གསུམ་དུ་སྤོས་ཐོགས་ལ་བརྗོད་དོ། །དེ་ནི་ལྷ་སྟ་གོན་ལ་གནས་པའོ། །བུམ་པ་སྟ་གོན་ལ་གནས་པ་ནི། བུམ་པའི་དབྱིབས་ནི་ཆུའི་དཀྱིལ་འཁོར་ལྟ་བུར་ཟླུམ་པ། ཞབས་ཕྲ་བ་མཆུ་འཕྱང་བ་ལྟོ་བ་ཆེ་བ་ [38a.6]དགུ་བྱས་ལ། སྤོས་ཀྱི་ཆུས་དག་པར་བཀྲུས་ལ། མཎྜལ་གྱི་སྟེང་དུ་རས་སམ་དར་དཀར་བཏིང་ལ་མེ་ཏོག་ཆལ་པར་བཀྲམ་ལ་གོང་གི་བུམ་པ་གཞག་གོ། །དེ་ནས་ཙནྡན་དཀར་པོ་ལ་སོགས་པའི་དྲི་ཞིམ་པོ་ལ་སོགས་པ་དང་། དཀར་རྩི་བསྲེས་ལ་བྱུག་པར་བྱ། །དེ་ནས་ [38a.7]པད་འདབ་བརྒྱད་རེ་བྲི། །དེའི་ལྟེ་བ་ལ་རང་རང་གི་ཕྱག་མཚན་རེ་བྲི། དེ་ནས་རྣམ་རྒྱལ་གྱི་བུམ་པ་དངོས་པོ་མེད་པར་བསམ། དེ་ལས་ཡི་གེ་ཁཾ་དཀར་པོ་གཅིག་ཏུ་གྱུར། དེ་འོད་དུ་ཞུ་བ་ལས་བུམ་པ་གོང་མ་འདྲ་བ་ཅིག་བྱུང་བར་བསམ། དེའི་ནང་དུ་ཡི་གེ་ཧྲཱིཿ་ལས་པདྨ་ [38b] [38b.1]འདབ་མ་བརྒྱད་པ་ཅིག་བསམ། དེའི་སྟེང་དུ་ཨ་ལས་ཟླ་བའི་དཀྱིལ་འཁོར་བསམ། དེའི་སྟེང་དུ་ཨཾ་ལས་ཉི་མའི་དཀྱིལ་འཁོར་ཅིག་བསམ། དེའི་སྟེང་དུ་ཡི་གེ་ཧཱུཾ་མཐིང་ནག་གཅིག་བསམ། དེ་འོད་དུ་ཞུ་བ་ལས་རྡོ་རྗེ་མཐིང་ནག་ཧཱུཾ་གིས་མཚན་པ་ཅིག་བསམ། དེ་ [38b.2]འོད་དུ་ཞུ་བ་ལས་དགྱེས་པ་རྡོ་རྗེ་ཞལ་བརྒྱད་ཞབས་བཞི་ཕྱག་བཅུ་དྲུག་སྤྱན་ཉི་ཤུ་རྩ་བཞི་པ། ཕྱག་རྒྱ་དྲུག་དང་ལྡན་པ། ཕྱག་གཡས་པ་བརྒྱད་ན་བྷནྡྷའི་ནང་ན་གླང་པོ་རྟ་བོང་ལ་སོགས་པ་བསྣམས་པ། ཕྱག་གཡོན་པ་བརྒྱད་ན་བྷནྡྷའི་ནང་ན་སའི་ལྷ་མོ་ལ་སོགས་པ་བསྣམས་ [38b.3]པ། དབུ་སྐྲ་སེར་པོ་གྱེན་དུ་འགྲེང་བ། རྒྱན་སྣ་ཚོགས་ཀྱིས་བརྒྱན་པར་བསམ་མོ། །ཡང་ན་དཀྱིལ་འཁོར་ཚང་བར་བསམ་མོ། །དེ་ནས་རིས་དྲུག་གི་དཀྱིལ་འཁོར་གྱི་དབུས་སུ་གཞག་གོ། །དེ་ནས་ཛཿ་ཧཱུཾ་བཾ་ཧོཿ་ལ་སོགས་པ་བཞིས་ཡེ་ཤེས་ཀྱི་ལྷ་དགུག་པ་དང་གཞུག་པ་དང་། [38b.4]བཅིང་བ་དང་། དབང་དུ་བྱ་བ་ལ་སོགས་པ་བྱས་ལ་དེ་ནས་གཏི་མུག་རྡོ་རྗེ་མ་ལ་སོགས་པ་དྲུག་གིས་སྐྱེ་མཆེད་དྲུག་བྱིན་གྱིས་བརླབ། མཁའ་སྤྱོད་མ་ལ་སོགས་པ་གསུམ་གྱིས་གནས་གསུམ་བྱིན་གྱིས་བརླབ་པོ། །རིགས་ཀྱི་བདག་པོ་རྒྱུའི་དགྱེས་པ་རྡོ་རྗེས་དབུ་རྒྱན་པར་བསམ་ [38b.5]མོ། །དེ་ནས་མཆོད་ཡོན་ལ་སོགས་པ་ལ་བསང་གཏོར་བྱ། བསང་གཏོར་ལ་སོགས་པའི་སྔགས་ནི། ཨོཾ་སརྦ་སཾ་ཤོ་དྷ་ནི་ཧཱུཾ་ཕཊ། མེ་ཏོག་ལ་སོགས་པའི་སྔགས་སོ། །ཨོཾ་ཨཱཿ་སྭཱ་ཧཱ་བྷནྡྷའི་ནང་དུ་བཞག་པའི་བདུད་རྩི་ལྔ་སྦྱང་བའི་སྔགས་སོ། །ཨོཾ་ཨཱཿ་ཧཱུཾ་སྭཱ་ཧཱ། དམ་ཚིག་ [38b.6]གི་ཆུ་བསང་བའི་སྔགས་སོ། །ཨོཾ་ཤྲཱི་ཧཱུཾ་གྷཾ་ཛཾ་སྭཱ་ཧཱ། ཤ་ལྔ་སྦྱར་བའི་སྔགས་སོ། །དེ་ནས་མཆོད་པ་རྣམ་པ་ལྔ་པོ་དེ་ཧཱུཾ་ལྔར་བསམས་ལ་ཧཱུཾ་འོད་དུ་ཞུ་བ་ལས། མེ་ཏོག་ལ་སོགས་པ་འོད་དང་ལྡན་པ་བཟང་པོར་གྱུར་བར་བསམ་མོ། །ཨོཾ་ཨཱཿ་ཧཱུཾ་སྭཱ་ཧཱ། དེ་ནས་རྣམ་པར་རྒྱལ་བའི་ [38b.7]བུམ་པ་ལ། ཨོཾ་བཛྲ་སྭ་བྷཱ་བ་སྭཱ་ཧཱ་ཞེས་བརྗོད་ལ་རས་དབུལ། ཛཿ་ཧཱུཾ་བཾ་ཧོཿ་ཁཾ་རཾ་ཞེས་བརྗོད་ལ་མཆོད་ཡོན་དབུལ། ཨོཾ་ནི་རི་ཏི་ཧཱུཾ་ཁཾ་ཞེས་བརྗོད་ལ་ཞལ་བསིལ་དབུལ། མེ་ཏོག་བཟང་པོ་མཆོག་འདི་དག །དྲི་མེད་གཙང་བའི་སྐྱེ་གནས་ནས། །བདག་གིས་དད་པས་ཕུལ་བ་ [39a] [39a.1]ཉིད། །བཞེས་ཏེ་བདག་ལ་བཀའ་དྲིན་སྐྱོབས། །ཨོཾ་བཛྲ་པུཥྤེ་ཨཱཿ་ཧཱུཾ་སྭཱ་ཧཱ། ནགས་ཚལ་ལས་བྱུང་དྲི་ཡི་མཆོག །དྲི་ཚོགས་བདུག་སྤོ་ས་བླ་མེད་པ། །བདག་གིས་དད་པས་ཕུལ་བ་ཉིད། །བཞེས་ཏེ་བདག་ལ་བཀའ་དྲིན་སྐྱོབས། །ཨོཾ་བཛྲ་དྷཱུ་པེ་ [39a.2]ཨཱཿ་ཧཱུཾ་སྭཱ་ཧཱ། །གདོན་རྣམས་འཇོམས་ཤིང་བཀྲ་ཤིས་པ། །དགེ་ཤིང་མུན་པ་རྣམས་སེལ་བ། །བདག་གིས་དད་པས་ཕུལ་བ་ཉིད། །བཞེས་ཏེ་བདག་ལ་བཀའ་དྲིན་སྐྱོབས། །ཨོཾ་བཛྲ་དཱི་པ་ཨཱཿ་ཧཱུཾ་སྭཱ་ཧཱ། ལྷན་ཅིག་སྐྱེས་ནས་སྦྱར་བའི་དྲི། །ཤངས་ལ་ཚིམ་བྱེད་དག་ [39a.3]པ་འདི། །བདག་གིས་དད་པས་ཕུལ་བ་ཉིད། །བཞེས་ཏེ་བདག་ལ་བཀའ་དྲིན་སྐྱོབས། །ཨོཾ་བཛྲ་གནྡྷེ་ཨཱཿ་ཧཱུཾ་སྭཱ་ཧཱ། བཤོས་གཙང་ཐམས་ཅད་ཡན་ལག་ལྡན། །བཟའ་དང་བཅའ་བར་ལྡན་བཅས་པ། །ཁ་དོག་དྲི་དང་རོར་ལྡན་པ། །དབུལ་གྱིས་སོ་སོར་བཞེས་སུ་གསོལ། [39a.4]ཨོཾ་བཛྲ་ནཻ་བི་དྱེ་ཨཱཿ་ཧཱུཾ་སྭཱ་ཧཱ། དེ་ནས་དྲི་ཆབ་བཟང་པོ་དུང་ཕོར་དུ་བླུགས་ལ་བུམ་པའི་ཁ་རུ་གཞག །ཧཱུཾ་བདུན་བཟླས་པའི་སྲད་བུ་དཀར་པོ་རྣམ་རྒྱལ་གྱི་བུམ་པ་ལ་གདགས། མེ་ཏོག་གི་ཕྲེང་བ་ཙནྡན་དཀར་པོའི་དྲི་ཆུར་བཅུག་ལ་རྡོ་རྗེའི་དབུས་སུ་བཅིངས་ལ་དུང་ཕོར་གྱི་ཁ་རུ་གཞག་གོ། ། [39a.5]དེ་ནས་གཙོ་བོའི་སྔགས་བརྒྱ་རྩ་བརྒྱད་བཟླས་པ་དེ་བུམ་པར་བླུགས་པས། དེའི་སྟོབས་ཀྱིས་དགྱེས་པ་རྡོ་རྗེ་ཡབ་ཡུམ་འོད་དུ་ཞུ་ནས། དེ་ནས་དྲི་ཆབ་བཟང་པོ་གང་བར་བླུགས། དེ་ནས་ཁ་རྒྱན་དང་མགུལ་ཆིངས་ལ། ཨོཾ་ཧཱུཾ་སྭཱ་ཧཱ་ཞེས་བཟླས་ལ་བཅིང་ཞིང་གཞུག་པར་བྱའོ། །འབྲུ་ [39a.6]ལྔ་སྨན་ལྔ་བདུད་རྩི་ལྔ་རིན་པོ་ཆེ་ལྔ་ལ་གཙོ་བོའི་སྔགས་བརྒྱ་རྩ་བརྒྱད་ཀྱིས་བྱིན་གྱིས་བརླབས་ལ་རས་སུ་གཏུམས་ལ། ཁ་རྒྱན་ལ་བཏགས་པ་བུམ་ཆུའི་ནང་ན་བཅུག་ལ། སྤོས་ཀྱིས་བདུགས་ལ་བཞག །དེ་ནས་བུམ་པ་གཞན་མ་བརྒྱད་པོ་ལ། རང་རང་གི་སྙིང་པོ་གཾ་ཙཾ་ལ་སོགས་ [39a.7]བསྐྱེད་པ་དང་། སོ་སོའི་ཡེ་ཤེས་སེམས་དཔའི་ལྷ་སྤྱན་དྲང་བ་དང་། དགུག་པ་ལ་སོགས་པ་སྔ་མ་བཞིན་ནོ། །དེ་ནས་རིགས་དྲུག་གི་དཀྱིལ་འཁོར་དུ་སྔ་མ་བཞིན་དུ་གཞག་གོ། །དེ་ནས་ལས་ཐམས་ཅད་པའི་བུམ་པའི་ནང་དུ་ཡི་གེ་ཧཱུཾ་ལས་ཆོ་ག་གསུམ་གྱི་རིམ་པས་བདུད་རྩི་ [39b] [39b.1]འཁྱིལ་བ་བསྐྱེད་ལ་སྤྱན་དྲང་བ་ལ་སོགས་པ་གོང་མ་བཞིན་དུ་བྱའོ། །རིགས་དྲུག་གི་དཀྱིལ་འཁོར་གྱི་བྱང་ཤར་མཚམས་སུ་བཞག་ལ་འདི་སྐད་ཅེས་གསོལ་བ་གདབ་པར་བྱ་སྟེ། ཁྱེད་ཀྱི་དཀྱིལ་འཁོར་འདི་མ་རྫོགས་ཀྱི་བར་དུ་བགེགས་མ་རུངས་པ་རྣམས་བསྲུང་དུ་གསོལ་ཞེས་ [39b.2]བྱའོ། །དེ་ནི་བུམ་པ་སྟ་གོན་ལ་གནས་པའོ། །དེ་ནས་སློབ་མ་སྟ་གོན་ལ་གནས་པ་ནི། ཕྱི་རོལ་དུ་སོང་སྟེ་དགྱེས་པ་རྡོ་རྗེའི་ཏིང་ངེ་འཛིན་དུ་གནས་ལ། དེ་ནས་ལུས་བསྲུང་བ་དང་། ཁྲུས་དག་པ་དང་། གོས་གཙང་མ་བགོས་ལ། མེ་ཏོག་གི་ཕྲེང་བ་རྡོ་རྗེ་སློབ་དཔོན་ལ་གཏོར་ཏེ། [39b.3]སློབ་དཔོན་ལ་ཕྱག་བྱས་ནས་གསོལ་བ་གདབ་པར་བྱའོ། །དགའ་ཆེན་ཁྱོད་བདག་སྟོན་པ་བས། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་ [39b.4]དང་དགེ་འདུན་ཏེ། །སྐྱབས་གསུམ་པོ་ནི་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་འཇུག་པར་འཚལ། །ཞེས་ལན་གསུམ་བརྗོད་ལ། དེ་ནས་སློབ་དཔོན་གྱིས་མཚན་ཉིད་དང་ལྡན་པའི་སློབ་མ་ལ་བོས་ཏེ་འདི་སྐད་བརྗོད་པར་བྱའོ། །ཁྱོད་ནི་ [39b.5]ཚུལ་ཆེན་སྣོད་ཡིན་གྱིས། །བུ་འདིར་ཤོག་ཤིག་ཐེག་ཆེན་གྱི། །གསང་སྔགས་སྤྱོད་ཚུལ་ཆོ་ག་ནི། །ཁྱོད་ལ་ལེགས་པར་བསྟན་པར་བྱ། །རྫོགས་པའི་སངས་རྒྱས་གང་འདས་དང་། །དེ་བཞིན་གང་དག་མ་བྱོན་པ། །ད་ལྟར་བྱུང་བའི་མགོན་པོ་རྣམས། །འགྲོ་ལ་ཕན་ཕྱིར་ [39b.6]བཞུགས་པ་དག །དེ་དག་ཀུན་གྱིས་གསང་སྔགས་ཀྱི། །ཆོ་ག་མཆོག་བཟང་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་མཚན་མེད་བརྙེས། །གསང་སྔགས་སྦྱོར་བ་ཉེས་མེད་དེ། །ཤཱཀྱ་སེང་གེ་སྐྱོབ་པ་ཡིས། །བདུད་སྡེ་ཤིན་ཏུ་མི་ [39b.7]བཟད་པ། །དཔུང་ཆེན་དག་ཀྱང་དེ་ཡིས་བཅོམ། །དེ་ནས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །ཅེས་བརྗོད་དོ། །དེ་ནས་སྡིག་པ་བཤགས་པ་ལ་སོགས་པ་བྱེད་དུ་གཞུག་སྟེ། བདག་གིས་སྡིག་པ་ཅི་བགྱིས་པ། །བགྱིད་དུ་སྩལ་དང་ཡི་རང་བ། ། [40a] [40a.1]སངས་རྒྱས་སྤྱན་སྔར་མཆིས་ནས་ནི། །དེ་དག་ཐམས་ཅད་བཤགས་པར་བགྱི། །སངས་རྒྱས་བྱང་ཆུབ་སེམས་དཔའ་དང་། །རང་རྒྱལ་དགྲ་བཅོམ་འགྲོ་རྣམས་ཀྱིས། །བསྒོམ་དང་བཟླས་བརྗོད་བསོད་ནམས་ཚོགས། །དེ་ལ་བདག་ནི་ཡི་རང་ངོ་། ། [40a.2]སེམས་བསྐྱེད་མངོན་པར་སངས་རྒྱས་དང་། །ཆོས་ཀྱི་འཁོར་ལོ་བསྐོར་བ་དང་། །བྱང་ཆུབ་སེམས་དཔའི་ཚོགས་སྤྱོད་དང་། །དེང་ནས་བདག་ནི་སྐྱབས་སུ་མཆི། །སངས་རྒྱས་འབྱུང་བ་ཇི་ལྟ་བར། །སྐལ་ལྡན་བྱང་ཆུབ་སེམས་དཔའ་ཡིས། །བྱང་ཆུབ་སེམས་ནི་བསྐྱེད་ [40a.3]པ་ལྟར། །དེ་ཉིད་དུ་ནི་སེམས་བསྐྱེད་དོ། །མགོན་པོ་བདག་ལ་དགོངས་སུ་གསོལ། །མ་ལུས་བཞུགས་པའི་སངས་རྒྱས་རྣམས། །དུས་འདི་ཉིད་ནས་སངས་རྒྱས་པར། །བླ་མེད་བདག་ལ་གཟིགས་སུ་གསོལ། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་ [40a.4]དཀོན་མཆོག་གསུམ། །སངས་རྒྱས་རྣལ་འབྱོར་སྡོམ་པ་ནི། །ཡང་དག་ཉིད་དུ་གཟུང་བར་བགྱིའོ། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ [40a.5]ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་ནི་ལན་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བ། །པདྨའི་རིགས་མཆོག་དམ་པ་ལ། །ཕྱི་ནང་གསང་བའི་ཐེག་པ་གསུམ། །དམ་པའི་ཆོས་ཀྱང་གཟུང་བར་བགྱི། །ལས་ཀྱི་རིགས་ [40a.6]མཆོག་ཆེན་པོ་ཡི། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །དེ་བཞིན་བརྟན་པར་ [40a.7]གཟུང་བར་བགྱི། །བདག་གི་དགེ་བའི་ལས་རྣམས་འདི་དག་གིས། །འཇིག་རྟེན་མི་རིང་སངས་རྒྱས་མྱུར་བསྒྲུབས་ནས། །སེམས་ཅན་འཁོར་བའི་རྒྱ་མཚོར་བྱིང་བ་རྣམས། །བླ་མེད་བྱང་ཆུབ་ཉིད་དུ་བསྒྲལ་བར་བགྱི། །ཞེས་ཞུས་པ་དང་། སློབ་དཔོན་གྱིས་སློབ་མ་ལ་ [40b] [40b.1]བསྲུང་བ་བྱ་སྟེ། ཁྲོ་བོའི་སྔགས་ཀྱིས་སོ་ཤིང་ལ་བཟླས་པར་བྱའོ། །སོ་ཤིང་གི་ཆོ་ག་ནི་ཨུ་དུམྺ་རའམ། ཨ་ཤྭ་ཏྠའི་ཤིང་གི་རྩེ་མོ་ལས་སོར་བཅུ་གཉིས་པའི་ཤིང་གི་ཚད་དུ་བྱ། མི་གཡོ་བ་མ་གས་པ་འབུས་མ་ཟོས་པའི་སོ་ཤིང་གི་རྩེ་མོར་མེ་ཏོག་གི་ཕྲེང་བ་བཅིངས་ལ། དྲི་ཞིམ་ [40b.2]པོས་བྱུགས་ལ། ཚེམས་ཤིང་སྟོང་པར་བསྒོམ། །དེ་ལས་ཧཱུཾ་མཐིང་ནག་འོད་འབར་བ་གཅིག་ཏུ་གྱུར། །དེ་ལས་སོ་ཤིང་འོད་ཅན་གཅིག་བྱུང་བར་བསམ། དེ་ནས་སོ་ཤིང་གི་མེ་ཏོག་གི་ཕྲེང་བ་བགྲང་ཞིང་བཟླས་ལ་བྱིན་གྱིས་བརླབ། དེ་ནས་བའི་ལྕི་བ་ས་ལ་མ་ལྷུང་བ་དང་། དྲི་ [40b.3]ཞིམ་པོ་དང་། བདུད་རྩི་རྣམ་པ་ལྔས་མཎྜལ་གྲུ་བཞི་ཁྲུ་གང་བ་ཞིག་ནུབ་ཕྱོགས་སུ་བྱས་ལ། དེའི་སྟེང་དུ་སློབ་མ་གཞག །རྣམ་པར་སྣང་མཛད་དུ་བྱིན་གྱིས་བརླབས་ལ་རྡོ་རྗེ་ཁུ་ཚུར་གྱིས་དྲི་ཆུ་བླངས་ཏེ། ཨོཾ་བརྗོད་ལ་སྤྱི་བོར་ཐིག་ལེ་བྱ། ཨཱཿ་བརྗོད་ལ་མགྲིན་པར་ཐིག་ལེ་བྱ། ཧཱུཾ་ [40b.4]བརྗོད་ལ་སྙིང་གར་ཐིག་ལེ་བྱ། ཐིག་ལེ་གདན་དུ་བསམ། ཨོཾ་ཨཱཿ་ཧཱུཾ་གསུམ་མཁའ་སྤྱོད་མ་ལ་སོགས་པར་བསམས་ལ། མེ་ཏོག་ལ་སོགས་པའི་མཆོད་པ་བྱ་སྟེ། སྤྱི་བོར་མེ་ཏོག་དབུལ། མདུན་དུ་སྤོས་མེ་དབུལ། མར་མེ་དང་། དྲི་སྙིང་གར་དབུལ། ལྷ་བཤོས་ལག་པར་ [40b.5]དབུལ་བར་བྱའོ། །དེ་ནས་ཤར་ཕྱོགས་སུ་ཁ་བལྟས་ཏེ། མི་སྨྲ་བ་རུ་སོ་ཤིང་བཅའ། །བཅའ་བ་ཟིན་ནས་སོ་བྲུད་ཅིང་མི་གས་པས་ཕན་ཚུན་མ་དོར་བར་མདུན་དྲང་པོར་རྩ་བའི་དཀྱིལ་འཁོར་དུ་དོར་རོ། །ཡང་ན་ཁྲུ་གང་གྲུ་བཞི་པར་དོར་རོ། །དེ་ཚེ་བདག་ལ་ལྟ་བ་དང་། །རྩེ་མོ་ [40b.6]གྱེན་དུ་འགྲེང་འགྱུར་ན། །དེ་ནི་དངོས་གྲུབ་མཆོག་ཅེས་བྱ། །དེ་བཞིན་གཞན་དུ་ཁ་བལྟས་ན། །དེ་ནི་དངོས་གྲུབ་འབྲིང་དུ་བཤད། །མཚམས་དང་བྱང་དུ་ཁ་བལྟས་ན། །འཇིག་རྟེན་པ་ཡི་དངོས་གྲུབ་ཐོབ། །སོ་ཤིང་བོར་བ་བརྒྱ་ཞིག་ལ། །གལ་ཏེ་མཐུར་དུ་ཁ་བལྟས་ན། ། [40b.7]དེ་ནི་ངེས་པར་ས་འོག་གི །དངོས་གྲུབ་དེ་ལ་ཐེ་ཚོམ་མེད། །དེ་ནས་དྲིའི་ཆུས་ལག་པ་བཀྲུས་ཏེ། འཐོར་འཐུང་གིས་ཁ་བཤལ་ལ་དབོ། དེ་ནས་ཨོཾ་ཧྲི་བི་ཤུདྡྷ་དྷརྨཱ་པཱ་པཾ་ནི་ཤྩ་ཨ་སེ་ཤོ་དྷ་ཚརྦ་བི་ཀལྤན། ཨ་པ་ན་ཡ་ཧཱུཾ་ཞེས་བྱ་བ་མངོན་པར་བཟླས་པའི་ཆུ་ཁྱོར་བ་གསུམ་འཐུང་ [41a] [41a.1]དུ་གཞུག་གོ། །དེའི་འོག་ཏུ་སློབ་མ་རྣམས་སེམས་དགའ་བར་བྱ་བའི་ཕྱིར་ཆོས་བཤད་པར་བྱའོ། །དེའི་དགོས་པ་ནི། ངག་གི་ཉེས་པ་དག་པར་བྱ་བ་དང་། དངོས་གྲུབ་རབ་འབྲིང་གི་ལྟས་བལྟ་བའོ། །དེ་ནས་ཀུ་ཤ་ལ་རྩ་བའི་སྔགས་བཟླས་ལ་ཀུ་ཤ་ [41a.2]སྟོང་པར་བསྒོམ། དེ་ནས་ཧཱུཾ་དུ་གྱུར། ཧཱུཾ་ལས་ཀུ་ཤ་བྱུང་བར་བསམ། མགོ་བོའི་ཕྱོགས་སུ་ཞོག་ཅེས་བསྒོ་བར་བྱའོ། །ཡང་ཀུ་ཤ་ཧཱུཾ་ལས་བསྐྱེད་ལ། བདུད་རྩི་འཁྱིལ་པའི་སྔགས་བཟླས་པ་དེ་སྟན་དུ་ཡང་གདིང་བར་བྱའོ། །དེའི་དགོས་པ་ནི་ཡིད་ཀྱི་ཉེས་པ་དག་པར་བྱ་ [41a.3]བ་དང་། རྨི་ལམ་རྣོ་བར་བྱ་བའི་ཕྱིར་རོ། །དེ་ནས་ཚོན་སྣ་རྣམ་པ་ལྔའི་སྐུད་པ་ལ་དྲི་དང་བདུད་རྩི་ལྔའི་ཆུས་གཏོར་ལ་སྟོང་པར་བསྒོམ། སྟོང་པ་ལས་ཧཱུཾ་དུ་གྱུར། ཧཱུཾ་ལས་རྡོ་རྗེའི་སྐུད་པར་བསམ། བདུད་རྩི་འཁྱིལ་པའི་སྔགས་ལན་དྲུག་བཟླས་ཤིང་མདུད་པ་དྲུག་བྱས་པའི་སྐུད་པ་དཔུང་ [41a.4]པ་གཡོན་པར་གདགས། ཡི་གེ་བརྒྱ་པས་ཀྱང་བརྟན་པར་བྱ། །དེ་ནས་བཞིན་བཟངས་རྣམས་ལོངས་ཤིག །སང་གི་ཉིན་པར་ཁྱེད་རྣམས་ཀྱིས། །ཐར་པ་ཆེན་པོའི་རང་བཞིན་གྱི། །གྲོང་ཁྱེར་རྣམས་མཐོང་བར་འགྱུར་གྱི། །དེ་ནས་སྔ་མ་བཞིན་དུ་སློབ་མ་ལ་མཆོད་པ་རྣམ་པ་ [41a.5]ལྔ་བྱས་ནས་ཕྱི་རོལ་དུ་ཕྱོགས་སྐྱོང་གི་གཏོར་མ་བཏང་སྟེ། ནང་དུ་བཞུགས་ནས་ལྷ་སྟ་གོན་ལ་གནས་པའི་དཀྱིལ་འཁོར་ལ་མཆོད་དེ། གནས་དེ་ཉིད་དུ་ཀུ་ཤའི་སྟན་ལ་སློབ་མ་མཆོག །དཀྱིལ་འཁོར་གྱི་འགྲམ་དུ་སེང་གེའི་ཉལ་ཐབས་ཀྱིས་ཉལ་ལ་རྨི་ལམ་གྱི་མཚན་མ་བལྟ་ [41a.6]བའི་ཕྱིར། མི་སྨྲ་བར་ཡི་དམ་གྱི་ལྷ་བསྒོམ་ཞིང་བཟླས་པ་བྱེད་ཅིང་ཉལ་ལོ། །དེ་ནས་ནང་པར་མཚན་མོའི་མཐར་རྨི་ལམ་གང་དང་གང་མཐོང་བ་དྲི་བར་བྱའོ། །དྲི་བ་ཐོས་ནས་རྨི་ལམ་བཟང་ངན་འཛེམ་པ་མེད་པར་བཟླས་པར་བྱའོ། །རྨི་ལམ་བཟང་པོ་མཐོང་ན་སློབ་མ་ལ་རྗེས་སུ་ཡི་ [41a.7]རང་བ་དང་། དངོས་གྲུབ་རབ་འབྲིང་ཐ་མ་གསུམ་བསྟན་པར་བྱའོ། །ངན་པ་མཐོང་ན་བའི་རྣམ་ལྔའམ་བདུད་རྩི་རྣམ་པ་ལྔ་ལ་བདུད་རྩི་འཁྱིལ་པའི་སྔགས་བཟླས་ལ་འཐུང་དུ་གཞུག་ཅིང་བསྲུང་བ་ཡང་བྱ། གྲུབ་ན་དྲག་པོའི་སྦྱིན་སྲེག་བྱ་ཞིང་རྟོག་པ་བསལ་བར་བྱའོ། །དེ་ནི་སློབ་མ་ [41b] [41b.1]སྟ་གོན་ལ་གནས་པའི་རིམ་པའོ།། །།ལས་ལ་འཇུག་པ་ལ་ཡང་གཉིས་ཏེ། དཀྱིལ་འཁོར་གྱི་ཆོ་ག་དང་། དབང་བསྐུར་བའི་ཆོ་གའོ། །དཀྱིལ་འཁོར་གྱི་ཆོ་ག་ལ་ཡང་བཅུ་གསུམ་སྟེ། ཐིག་གདབ་པ་དང་། ཚོན་དགྱེ་བ་དང་། ཕྱག་རྒྱ་དགོད་པ་དང་། དམ་ [41b.2]ཚིག་གི་དཀྱིལ་འཁོར་བསྐྱེད་པ་དང་། ཡེ་ཤེས་ཀྱི་དཀྱིལ་འཁོར་སྤྱན་དྲངས་ལ་གཉིས་སུ་མེད་པར་བྱ་བ་དང་། དེ་ལ་ཕྱི་ནང་གསང་བའི་མཆོད་པ་བྱ་བ་དང་། བསྟོད་པ་དང་། བདུད་རྩི་དང་། ཚོགས་དང་། གཏོར་མའི་མཆོད་པ་བྱ་བ་དང་། སྦྱིན་སྲེག་གི་མཆོད་པ་དང་། ཡེ་ཤེས་ཀྱི་ [41b.3]ལྷ་མཆོད་ལ་གཤེགས་སུ་གསོལ་བ་དང་། དཀྱིལ་འཁོར་བསྡུ་བའོ། །དེ་ལ་ཐིག་གདབ་པའི་རིམ་པ་ནི། སྟ་གོན་གྱི་ལྷ་ལ་མཆོད་པ་དང་། བསྟོད་པ་དང་། བདུད་རྩིའི་ཆོ་ག་བྱས་ལ། ཨོཾ་ཨཱཿ་ཧཱུཾ་ཛྙཱ་ན་མཎྜལ་མུཿ་ཞེས་བརྗོད་ལ་གཤེགས་སུ་གསོལ་ལོ། །ཧཱུཾ་ཞེས་བརྗོད་པས་ [41b.4]དམ་ཚིག་གི་དཀྱིལ་འཁོར་དབང་དུ་བསྡུས་ལ། མདུན་དུ་ཧཱུཾ་མཐིང་ནག་ཅིག་བསམ། དེ་ལས་འོད་ཕྱོགས་བཅུར་སྤྲོས་པར་བསམ། ཨོཾ་རཀྵ་རཀྵ་ཧཱུཾ་ཞེས་བརྗོད་པས། རྡོ་རྗེའི་ར་བ་ལ་སོགས་པ་བསམ། དེ་ནས་ཐིག་གདབ་པར་བྱ་སྟེ། རས་ཀྱི་སྲད་བུ་སྔོན་པོ་དང་། དཀར་པོ་དང་། [41b.5]སེར་པོ་དང་། དམར་པོ་དང་། ལྗང་གུ་དང་། དེ་ཀུན་གསེར་རམ། དངུལ་གྱི་སྣོད་དྲིས་བསྒོས་པའི་ནང་དུ་བཞག་ལ། ཧཱུཾ་སྔོན་པོ། ཨོཾ་དཀར་པོ། ཏྲཾ་སེར་པོ། ཧྲཱིཿ་དམར་པོ། ཁཾ་ལྗང་གུ་རིམ་པ་བཞིན་དུ་བསམ། དེ་ནས་སློབ་དཔོན་བདག་དབུས་སུ་གནས་ལ་དགྱེས་པ་ [41b.6]རྡོ་རྗེའི་ཏིང་ངེ་འཛིན་དུ་བསྒོམས་ལ། མིག་གཡས་སུ་མ་ལས་ཉི་མའི་དཀྱིལ་འཁོར་གཡོན་དུ་ཊ་ལས་ཟླ་བའི་དཀྱིལ་འཁོར་བསམས་ཏེ། ཨོཾ་དཱིཔྟ་དྲིཥྚི་ཨཾ་ཀུ་ཤ་ཛཿ་ཞེས་བཟླས་པས་ལྕགས་ཀྱུ་འདྲ་བའི་འོད་ཟེར་ཕྱིར་བྱུང་ནས་དགྱེས་པ་རྡོ་རྗེ་ལ་སོགས་པའི་རིགས་ལྔ་མདུན་གྱི་ [41b.7]ནམ་མཁའ་ལ་བསྐུལ་ཏེ། དེ་ལ་འདི་སྐད་གསོལ་བ་གདབ་པར་བྱའོ། །ཀྱེ་བཅོམ་ལྡན་འདས་དཀྱིལ་འཁོར་ཐིག་གདབ་པའི་རྡོ་རྗེ་སྲད་བུ་སྩལ་དུ་གསོལ་ཞེས་བརྗོད་དོ། །དེ་ནས་ཡེ་ཤེས་ཀྱི་སྤྱན་གྱིས་གཟིགས་ནས། དགྱེས་པ་རྡོ་རྗེ་ལ་སོགས་པའི་ཐུགས་ཀ་ནས་ལྕགས་ཀྱུས་ [42a] [42a.1]བསྐུལ་བའི་ཚུལ་དུ་ཡེ་ཤེས་ཀྱི་སྐུད་པ་ལྔ་བྱུང་སྟེ། དམ་ཚིག་གི་སྐུད་པ་ལ་སོ་སོར་ཐིམ་པར་བསམ་མོ། །དེ་ནས། ཕན་ཚུན་རྗེས་སུ་རྫོགས་པ་ཀུན། །ཕན་ཚུན་རྗེས་སུ་ཆོས་ཐམས་ཅད། །ཡང་དག་དགུག་པའི་ཆོས་ཐམས་ཅད། །ཆོས་ཤེས་དང་པོ་དྲན་ [42a.2]ནས་བསྒྲིལ། །ཞེས་བརྗོད་ལ་བསྒྲིལ་བར་བྱའོ། །དེ་ནས་ཙནྡན་བཟང་པོ་ལ་སོགས་པས་སྐུད་པ་གསེར་གྱི་སྣོད་ལ་སོགས་པའི་ནང་དུ་ལེགས་པར་བཞག་ལ། །སློབ་དཔོན་དབུས་སུ་འདུག་ལ། མེ་ཏོག་ལ་སོགས་པས་ཐིག་ལ་མཆོད་དེ། རྡོ་རྗེའི་མིག་བྱས་ལ་བདག་ཉིད་ [42a.3]ནུབ་ཕྱོགས་སུ་གནས་ཏེ། དགྱེས་པ་རྡོ་རྗེའི་རྣལ་འབྱོར་བྱའོ། །ཨོཾ་ཧེ་ཛཱཿ་ཞེས་པ་ཅི་ནུས་བརྗོད་ནས། བདག་གི་སྙིང་ག་ནས་གྲོགས་པོ་གཽ་རཱིའི་ཚུལ་དུ་སྤྲུལ་ནས་བྱིན་གྱིས་བརླབ་པ་དང་དབང་བསྐུར་བར་བྱའོ། །དེ་ནས་མདུན་དུ་འདུག་པར་བསམས་ལ། སྐུད་པ་ལག་ [42a.4]པ་གཡོན་པས་བཟུང་ལ། བདག་ཉིད་ཀྱིས་ཨོཾ་ཛཿ་ཛཿ་ཛཿ་ཞེས་བྱ་བ་གསུམ་བརྗོད་དོ། །བདག་གི་ལག་པ་གཡས་པས་བླངས་ཏེ། གྲོགས་པོའི་ལག་པར་གཏད་པར་བྱའོ། །དེ་ནས་གྲོགས་པོས་རྐང་པ་མདུན་དུ་བསྣུར་ནས། གཡོན་པའི་རྡོ་རྗེ་ཁུ་ཚུར་གྱིས་ཛཿ་གསུམ་བརྗོད་ [42a.5]ནས་བླངས་ཏེ་སློབ་དཔོན་གྱི་མདུན་དུ་འདུག་གོ། །དེ་ནས་ཐིག་གི་སྒྲས་སེམས་ཅན་གྱི་དོན་ལ་བདེ་གཤེགས་བསྐུལ་བ་དང་། རང་བཞིན་གྱི་དཀྱིལ་འཁོར་གསལ་བར་བྱ་བའི་ཕྱིར་གནམ་ཐིག་གདབ་པོ། །དེ་ལ་སློབ་དཔོན་ནུབ་ཏུ་འདུག་ལ་ཁ་ཤར་དུ་བལྟས་ལ། ཨོཾ་བཛྲ་ས་མ་ཡ་ [42a.6]སཱུ་ཏྲ་མཱ་ཏི་ཀྲ་མ་ཧཱུཾ་ཞེས་བརྗོད་ཅིང་ཐིག་གདབ་པར་བྱའོ། །དེ་བཞིན་དུ་སློབ་དཔོན་ལྷོར་འདུག་ལ་བྱང་དུ་ཁ་བལྟས་ཏེ། ཐིག་གདབ་པར་བྱའོ། །དེ་ནི་གནམ་ཐིག་གོ། །དེ་ནས་ཚོན་སྣ་ལྔའི་སྲད་བུ་གཉིས་པ་བླངས་ཏེ། སྔ་མ་བཞིན་དུས་ཐིག་གདབ་པར་བྱའོ། །སློབ་དཔོན་དང་སློབ་ [42a.7]མ་གཉིས་བསྐོར་ཕྱོགས་ནི་གཡས་སུ་བསྐོར་བར་བྱའོ། །དེ་ནི་ས་ཐིག་གོ། །དེ་ནས་གཤེར་ཐིག་བླངས་ལ་མཚན་མའི་ཐིག་གདབ་པར་བྱའོ། །དེ་ལ་རིམ་པ་ནི། ཚངས་ཐིག་གཉིས་གདབ་པ་ནི་གནམ་ཐིག་དང་མཐུན་ཏེ། དེ་ནས་མེར་གནས་ལ་བྱང་དུ་བལྟས་ཏེ་ཤར་དུ་གདབ་ [42b] [42b.1]པོ། །དེ་ནས་རླུང་དུ་གནས་ལ་ལྷོར་བལྟས་ཏེ་ནུབ་ཏུ་གདབ་པོ། །དེ་ཀར་འདུག་ལ་ཤར་དུ་བལྟས་ཏེ་བྱང་དུ་གདབ་པོ། །ཡང་མེར་འདུག་ལ་ནུབ་ཏུ་བལྟས་ཏེ་ལྷོར་གདབ་པོ། །དེ་ཀར་འདུག་ལ་རླུང་དུ་བལྟས་ཏེ་མཚམས་དང་པོ་གདབ་པོ། །ཡང་བདེན་བྲལ་དུ་འདུག་ལ་དབང་ལྡན་དུ་ [42b.2]བལྟས་ལ་མཚམས་གཉིས་པ་གདབ་པར་བྱའོ། །དེ་ལྟར་བཏབ་པ་ལ། དྲུག་གི་ཆར་ནི་བགོ་བར་བྱ། །དབང་པོ་དྲུག་པ་ནང་གཉིས་དོར། །གཉིས་པ་གསུམ་པ་བཞི་བཞིར་དབྱེ། །བཞི་པ་མ་བགོས་པར་ནི་གཞག །ལྔ་པ་ཡི་ནི་དབུས་མ་དོར། །རྟ་བབས་མན་ཆད་ཁོལ་མོས་ [42b.3]བྱ། །རྡོ་རྗེ་ར་བ་མེ་རི་གཉིས། །ཚད་དང་མཐུན་པར་བསྐོར་བར་བྱའོ། །དེ་ནས་ཡེ་ཤེས་ཀྱི་ཐིག་སྐུད་ཀྱང་སྔ་མ་བཞིན་དུ་མཆོད་ནས། ཨོཾ་ཨཱཿ་ཧཱུཾ་མུཿ་ཞེས་བརྗོད་པས་གཤེགས་སུ་གསོལ་བར་བྱའོ། །ཐིག་སྐུད་ཆད་ན་བླ་མ་འཆི། །ཞེས་བྱ་བ་ནི་གཞན་དག་ལས་ཤེས་པར་བྱའོ། །དེ་ [42b.4]ནི་ཐིག་གདབ་པའོ། །དེ་ལ་ཚོན་དགྱེ་བའི་རིམ་པ་ནི། །རིན་པོ་ཆེ་སྣ་ལྔའམ། འབྲས་སཱ་ལུ་བཏགས་པའི་ཕྱེ་མ་ཁ་དོག་ལྔར་བསྒྱུར་བའམ། ཡང་ན་འབྱུང་ཁུངས་རྣམ་པ་ལྔའི་ས་བོན་ལས། ཡེ་ཤེས་ཀྱི་སྐུད་པ་ལ་ཡིག་འབྲུ་ཇི་ལྟར་བཀོད་པ་བཞིན་དུ། ས་ཚོན་ལ་ཡང་བྱའོ། །ཡེ་ [42b.5]ཤེས་ཀྱི་སྐུད་པ་བཀུག་ནས་བསྟིམས་པ་བཞིན་དུ་ཚོན་ལ་ཡང་དེ་བཞིན་བྱའོ། །དེ་ནས་མཆོད་པ་ལྔ་ཕུལ་ནས། ཨོཾ་བཛྲ་ཙི་ཏྲ་ས་མ་ཡ་ཧཱུཾ་ཞེས་བྱ་བའི་སྔགས་ཚོན་ལ་ལན་བདུན་བཟླས་ཤིང་། ཚོན་རྩི་ལ་འབར་བའི་མིག་གིས་བལྟ་བར་བྱའོ། །འབར་བའི་མིག་ནི་མྱུར་བར་གཡོ་བའི་མིག་ [42b.6]གོ། །དེ་ནས་ཡི་གེ་ཧི་ཟློས་ཤིག །རྡོ་རྗེ་པདྨའི་ཕྱག་རྒྱས་མཚོན་ནས་བྱའོ། །དེ་ནས་ཚོན་བཟང་པོར་བྱ་བའི་ཕྱིར་བདེན་པའི་བྱིན་གྱི་རླབས་བརྗོད་དོ། །བདེན་པ་གང་གིས་སེམས་ཅན་རྣམས་ལ། སངས་རྒྱས་རྣམས་སེམས་ཅན་དུ་དཔག་པས། ཆགས་པར་མཛད་པའི་བདེན་ [42b.7]པ་དེས། །ཚོན་རྩི་འབར་བར་གྱུར་ཅིག་ཅེས་བྱའོ། །དེ་ནས་འདི་སྐད་བརྗོད་ལ། ཚོན་དགྱེ་བར་བྱ་སྟེ། ཆོས་དབྱིངས་རང་བཞིན་དག་པ་སྟེ། །སེམས་ཅན་ཁམས་ནི་སྦྱོང་བར་བྱེད། །རྣམ་པར་སྣང་མཛད་རྒྱལ་བའི་བདག །ཅེས་བརྗོད་ལ། གཡོན་པའི་ཁུ་ཚུར་གྱིས་དབང་ལྡན་གྱི་ [43a] [43a.1]མཚམས་ནས་གཡོན་སྐོར་དུ་བྲི་བར་བྱའོ། །དེ་ཡང་ནང་དུ་ནག་པོའོ། །དེ་ནས་དཀར་པོ། དེ་ནས་སེར་པོ། དེ་ནས་དམར་པོ། དེ་ནས་ལྗང་གུ་མཐོ་གང་ཙམ་དུ་བྲི་བར་བྱའོ། །དེ་ཡང་ཨོཾ་བཛྲ་ཙི་ཏྲ་པྲ་ས་ར་ཧཱུཾ་ཞེས་བརྗོད་ཅིང་བྲིའོ། །དེ་ནས་གསེར་གཞོང་ལ་ [43a.2]སོགས་པས་བཀབ་ལ། མེ་ཏོག་གིས་མཐའ་མ་བསྐོར་ལ་གཞག་གོ། །དེ་ནས་པྲ་བཟང་ན། ཨེ་མའོ་ཞེས་བརྗོད། ངན་ན་རྡུལ་ཚོན་ལ་བགེགས་བསྟིམས་ལ་ཕུར་བུས་གདབ། དེ་ནས་སློབ་མ་མཁས་པས་ཇི་ལྟར་བདེ་བར་བྲི་བར་བྱའོ། །དེ་ཡང་ཤར་དུ་དཀར་པོ། ལྷོ་སེར་པོ། ནུབ་ [43a.3]ཏུ་དམར་པོ། བྱང་དུ་ལྗང་གུ། དབུས་སུ་ནག་པོའོ། །སྦོམས་ན་ནད་རྣམས་འབྱུང་བར་འགྱུར། །ཞེས་བྱ་བ་ལ་སོགས་པ་ནི་གཞན་དུ་བལྟ་བར་བྱའོ། །དེ་ནི་ཚོན་དགྱེ་བའི་རིམ་པའོ། །དེ་ནས་ཕྱག་རྒྱ་དགོད་པར་བྱའོ། །ལྷ་སོ་སོའི་སྙིང་པོ་བརྗོད་ཅིང་དབུས་ནས་རིམ་བཞིན་དུ་ཕྱག་རྒྱ་ [43a.4]དགོད་པར་བྱའོ། །དེར་གཡས་བརྐྱང་ལ་སོགས་སྟང་སྟབས་བྱའོ། །དེ་ནི་ཕྱག་རྒྱ་དགོད་པའོ། །དམ་ཚིག་གི་དཀྱིལ་འཁོར་བསྐྱེད་པ་ནི། སྙིང་པོ་བརྗོད་ཅིང་ཕྱག་རྒྱ་དགོད་པའི་དུས་སུ་ལྷ་རེ་རེ་ཀྲོངས་ཀྲོངས་འགྲུབ་པར་བསམ་མོ། །ཡང་ན་མངོན་པར་བྱང་ཆུབ་པ་རྣམ་པ་ལྔས། བདག་ [43a.5]གཙོ་བོ་ཡབ་ཡུམ་དུ་བསྒོམས་ལ། དེ་ནས་མཁའ་གསང་བྱིན་གྱིས་བརླབས་ལ། གཉིས་སུ་མེད་པར་སྦྱོར་བ་བྱ་སྟེ། བྱང་ཆུབ་སེམས་དཔའ་ནམ་མཁའ་ལས་ཕབ་པ། དེ་ནས་གཾ་ཙཾ་ལ་སོགས་པ་ལྷ་སོ་སོའི་ཡིག་འབྲུར་གྱུར། དེ་ལས་ལྷ་མོ་བརྒྱད་ཀྱི་སྐུར་གྱུར། དེ་ནས་གཾ་ཙཾ་ལ་སོགས་ [43a.6]པ་སོ་སོའི་སྙིང་པོ་བརྗོད་ལ་མཁའ་ལས་བཏོན་ཏེ་སོ་སོའི་གནས་སུ་དགོད་པར་བྱའོ། །དེ་ནི་དམ་ཚིག་གི་དཀྱིལ་འཁོར་བསྐྱེད་པའོ། །ཡེ་ཤེས་ཀྱི་དཀྱིལ་འཁོར་སྤྱན་དྲངས་ལ་གཉིས་སུ་མེད་པར་བྱ་བ་ནི། གཽ་རཱི་ཛཿཞེས་བརྗོད་པས། གཽ་རཱི་ལྕགས་ཀྱུ་ཅན་གྱིས་དགུག །ཙཽ་རཱི་ཧཱུཾ ཞེས་ [43a.7]པ་བརྗོད་པས། ཙཽ་རཱི་ཞགས་པ་ཅན་གྱིས་གཞུག །པྲ་མོ་ཧཱ་བ་ཞེས་བརྗོད་པས། པྲ་མོ་ཧཱ་ལྕགས་སྒྲོག་ཅན་གྱིས་བཅིང་། བེ་ཏཱ་ལཱི་ཧོཿ་ཞེས་བརྗོད་པས། བེ་ཏཱ་ལཱི་དྲིལ་བུ་ཅན་གྱིས་དབང་དུ་བྱས་སོ། །དེ་སྐྱེ་མཆེད་བྱིན་གྱིས་བརླབ་པ་དང་། སྐུ་གསུང་ཐུགས་སུ་བྱིན་གྱིས་བརླབ་པ་དང་། སོ་སོའི་ [43b] [43b.1]རིགས་ཀྱི་བདག་མོས་དབང་བསྐུར་བར་བྱའོ། །དེ་ནི་གཉིས་སུ་མེད་པར་བསྟིམ་མོ། །དེ་ལ་ཕྱི་ནང་གསང་བའི་མཆོད་པ་བྱ་བ་ནི། དེ་ནས་ཤར་སྒོར་རྨ་བྱའི་སྟན་བཏིང་བ་ལ་ལས་ཀྱི་ཕྱག་རྒྱ་མ་དང་གཉིས་སུ་མེད་པར་སྦྱོར་བ་བྱས་པའི་བྱང་ཆུབ་སེམས་དུང་ཆོས་སུ་བླངས་ལ། ག་ [43b.2]པུར་དང་གུར་ཀུམ་བསྲེས་ལ་བདུད་རྩིར་བསམས་ལ། ཨོཾ་ཨ་མྲྀ་ཏ་སྭ་བྷཱ་བ་བི་ཤུདྡྷེ་ཞེས་བྱ་བ་བརྗོད་ཅིང་སྲིན་མཐེབ་ཀྱི་ཕྱག་རྒྱས་གཏོར་ཞིང་དཀྱིལ་འཁོར་གྱི་ལྷ་ལ་བསང་གཏོར་བྱའོ། །དེ་ནས་ཕྱིའི་མཆོད་པ་རྣམ་པ་ལྔ་དབུལ་དེ་ནས་ནང་གི་མཆོད་པ་གཽ་རཱི་ལ་སོགས་པའི་ལྷ་མོ་བརྒྱད་ [43b.3]བདག་གི་བ་སྤུའི་བུ་གནས་སྦྲུལ་ལ་དབུལ། གསང་བའི་མཆོད་པ་བྱང་ཆུབ་སེམས་དཔའ་དང་ཤ་ལྔ་དབུལ། དེ་ནི་ཕྱི་ནང་གསང་བའི་མཆོད་པ་དབུལ། དེ་ནས་བསྟོད་པ་ཉི་ཤུ་པས་བསྟོད།དེ་ནས་བདུད་རྩིའི་མཆོད་པ་བྱ་བ་ནི། ཆང་ཕུད་ཀྱི་ནང་དུ་བདུད་རྩི་བླུགས་ཚུལ་བཞིན་དུ་བྱིན་ [43b.4]གྱིས་བརླབས་ཏེ། ཨོཾ་ཨཱཿ་གུ་རུ་ཡི་དཾ་ཨ་མྲྀ་ཏི་མ་ཧཱ་སྭཱ་དཱ་ཡ་ཧཱུཾ་ཞེས་བརྗོད་ཅིང་། སྲིན་མཐེབ་ཀྱི་ཕྱག་རྒྱས་གཏོར་ཞིང་། རྡོ་རྗེ་སློབ་དཔོན་ལ་མཆོད་དོ། །ཨོཾ་ཨཱཿ་ཧེ་བཛྲ་ཡི་དཾ་ཨ་མྲྀ་དཾ་སྭཱ་དཱ་ཡ་ཧཱུཾ་ཞེས་བརྗོད་ཅིང་། དགྱེས་པ་རྡོ་རྗེ་ལ་དབུལ། ཨོཾ་ཨཱཿ་གཽ་རཱི་ཨིདཾཨ་མྲྀ་ཏཾ་སྭཱ་དཱ་ཡ་ཧཱུཾ་ཞེས་ [43b.5]བརྗོད་ཅིང་གཽ་རཱི་ལ་དབུལ། ཨོཾ་ཨཱཿ་ཙཽ་རཱི་ཡི་དཾ་ཨ་མྲྀ་ཏཾ་སྭཱ་དཱ་ཡ་ཧཱུཾ་ཞེས་བརྗོད་ཅིང་ཙཽ་རཱི་ལ་དབུལ། ཨོཾ་ཨཱཿ་པྲ་མོ་ཧཱ་ཡི་དཾ་ཨ་མྲྀ་ཏཾ་སྭཱ་དཱ་ཡ་ཧཱུཾ་ཞེས་བརྗོད་ཅིང་པྲ་མོ་ཧཱ་ལ་དབུལ། ཨོཾ་བེ་ཏཱ་ལཱི་ཨི་དཾ་ཨ་མྲྀ་ཏཾ་སྭཱ་དཱ་ཡ་ཧཱུཾ་ཞེས་བརྗོད་ཅིང་བེ་ཏཱ་ལཱི་ལ་དབུལ། ཨོཾ་ཨཱཿ་པུཀྐ་སཱི་ཡི་དཾ་ཨ་མྲྀ་ཏཾ་སྭཱ་དཱ་ [43b.6]ཡ་ཧཱུཾ་ཞེས་བརྗོད་ཅིང་པུཀྐ་སཱི་ལ་དབུལ། ཨོཾ་ཨཱཿ་ས་བ་རཱི་ཡི་དཾ་ཨ་མྲྀ་ཏཾ་སྭཱ་དཱ་ཡ་ཧཱུཾ་ཞེས་བརྗོད་ཅིངས་པ་རཱི་ལ་དབུལ། ཨོཾ་ཨཱཿ་ཙཎྜལཱི་ཨི་དཾ་ཨ་མྲྀ་ཏཾ་སྭཱ་དཱ་ཡ་ཧཱུཾ་ཞེས་བརྗོད་ཅིང་ཙཎྜལཱི་ལ་དབུལ། ཨོཾ་ཨཱཿ་རོ་མིའི་ནཱི་ཨི་དཾ་ཨ་རྨྀ་ཏཾ་སྭཱ་དཱ་ཡ་ཧཱུཾ་ཞེས་བརྗོད་ཅིང་ཌོམྦི་ལ་དབུལ། དེ་ནས་མཁའ་འགྲོ་ [43b.7]མ་ཉི་ཤུ་ལ་ཡང་དབུལ་ལོ། །དེ་ནི་བདུད་རྩིའི་མཆོད་པའོ། །ཚོགས་ཀྱི་མཆོད་པ་ནི། ཚོགས་ཀྱི་ཞལ་ཟས་ལ་ལས་ཐམས་ཅད་པའི་སྔགས་བཟླས་པ། དྲི་དང་བདུད་རྩིའི་ཆུས་གཏོར་ཞིང་བསང་། དེ་ནས་ཚོགས་ཚུལ་བཞིན་དུ་བདུད་རྩིར་བྱིན་གྱིས་བརླབ། དེ་ནས་ཕུད་བཀྲོལ་ལ་ [44a] [44a.1]པདྨའི་ཕྱག་རྒྱས་ཕུད་བླངས་ལ། ཨོཾ་ཨཱཿ་ཧེ་བཛྲ་ཨི་དཾ་པ་ལིཾ་ཁ་ཧི་ཞེས་བརྗོད་ཅིང་གཏོར་ཆེན་གྱི་ནང་དུ་དབུལ་ལོ། །དེ་བཞིན་དུ་ལྷ་ཀུན་ལ་དབུལ་ལོ། །དེ་ནས་གཏོར་ཆེན་གྱི་སྔགས་རིངས་བཟླས་ལ་དབུལ། དེ་ནས་བསྟོད་པ་ཉི་ཤུ་པས་བསྟོད་དོ། །དེ་ནས་དེའི་ [44a.2]ལྷག་མ་པདྨའི་ཕྱག་རྒྱས་བླངས་ལ་ལྷག་མའི་སྔགས་བརྗོད་ཅིང་ལྷག་མའི་གཏོར་མ་དབུལ་ལོ། །རྣལ་འབྱོར་པས་ཡི་དམ་གྱི་ལྷ་སོ་སོར་བསྒོམས་ལ་ལྕེ་རྡོ་རྗེར་བྱིན་གྱིས་བརླབས་ལ། རིན་པོ་ཆེའི་ཕྱག་རྒྱས་བླངས་ལ་སོ་སོར་རོལ་པས། ཕུང་པོ་ཁམས་དང་སྐྱེ་མཆེད་ཀྱི་ལྷ་རྣམས་ [44a.3]ཚིམ་པར་བསམ་མོ། །དེ་ནས་རོལ་པའི་ལྷག་མ་ལ། ཨུཙྪིཥྚཱའི་སྔགས་བཟླས་ལ། ཡི་དགས་ལྷག་མ་ཟ་བ་རྣམས་ཚིམ་པར་བསམ་མོ། །མགོ་ཟུག་ནས་མ་ཐོན་གྱི་བར་དུ་ཉིན་ལན་གསུམ་དུ་ཕྱོགས་སྐྱོང་གི་གཏོར་མ་གཏང་། མཚན་མོ་ལན་གསུམ་དུ་མཁའ་འགྲོ་མའི་གཏོར་མ་གཏང་ངོ་། ། [44a.4]དེ་ནི་ཚོགས་མཆོད་པའོ། །དེ་ནས་སྦྱིན་སྲེག་གི་མཆོད་པས་མཆོད་པ་ནི། ས་བཟུང་བའི་དུས་སུ་སྦྱིན་སྲེག་གི་མཆོད་པ་ཞི་བའི་སྦྱིན་སྲེག་བྱ། མཆོད་པའི་དུས་སུ་རྒྱས་པའི་སྦྱིན་སྲེག་བྱ། ཐོན་ཀར་སློབ་མའི་བགེགས་ཞི་བར་བྱ་བའི་ཕྱིར། སློབ་མ་གཡོན་ཕྱོགས་སུ་བཞག་ [44a.5]ལ་ཞི་བའི་སྦྱིན་སྲེག་བྱའོ། །དེ་ནི་སྦྱིན་སྲེག་གི་མཆོད་པའོ། །དབང་བསྐུར་བའི་ཆོ་ག་ལ་གཉིས་ཏེ། དཀྱིལ་འཁོར་དུ་གཞུག་པ་དང་། དབང་བསྐུར་བའི་ཐབས་སོ། །དཀྱིལ་འཁོར་དུ་འཇུག་པ་ལ་གཉིས་ཏེ། སློབ་དཔོན་འཇུག་པ་དང་། སློབ་མ་གཞུག་པའོ། །སློབ་དཔོན་འཇུག་ [44a.6]པ་ནི། སློབ་མ་གཞུག་པའི་ཆོ་གས་དཀྱིལ་འཁོར་གྱི་གཙོ་བོ་དང་གཉིས་སུ་མེད་པར་འཇུག་གོ། །དེ་ནས་སློབ་དཔོན་གྱིས་འདི་སྐད་བརྗོད་པར་བྱའོ། །འདོད་ཆགས་ཆེན་པོ་ཀུན་འབྱུང་བས། །འཁོར་ལོ་དེ་ནི་གཟུགས་བརྙན་འདྲ། །སློབ་མའི་དོན་དུ་གྲོང་ཁྱེར་བཅས། །དེ་ཁོ་ན་ཉིད་བདེ་ [44a.7]པར་བརྗོད། །ཅེས་བྱའོ། །དེ་ནས་སློབ་མ་རྣམས་ཡོལ་བའི་ཕྱི་རོལ་དུ་བཞག་སྟེ། སྟ་གོན་ལ་གནས་པའི་སྐབས་བཞིན་དུ་སྡོམ་པ་བླངས་ཏེ། གོས་དམར་པོ་བགོས། མིག་དང་གདོང་གཡོགས་ཏེ། ལས་ཐམས་ཅད་པའི་སྔགས་བཟླས་ཤིང་། ཆུས་བསང་གཏོར་བྱས་ལ། དགའ་ [44b] [44b.1]བ་ཁྱོད་གང་ཡིན་ཞེས་དྲི་བར་བྱའོ། །སློབ་མས་དགའ་བ་སྐལ་ཆེན་བདག་ཡིན་ནོ། །ཞེས་ལན་གདབ་པར་བྱའོ། །དེ་ནས་ཤར་ཕྱོགས་ཀྱི་སྒོར་བཞག་སྟེ། ཨོཾ་སརྦ་ཏ་ཐཱ་ག་ཏ་ཧེ་བཛྲ་པཱུ་ཛོ་བསྦ་ནཱ་ཡ། ཨཱཏྨ་ནཱཾ་ནི་རྱ་ཏ་ཡཱ་མི་ཏེ་ཧེ་བཛྲ་ཨ་དྷི་ཏིཥྛ་མཾ་ཞེས་བརྗོད་པས་བྱང་ཆུབ་ [44b.2]ཏུ་སེམས་བསྐྱེད་པར་བྱ་ཞིང་སྙིང་གར་རྡོ་རྗེ་བཞག་ལ། ཨོཾ་སརྦ་ཡོ་ག་ཙིཐ་ཨུཏྤཱདཱ་ཡ་མི། སུ་ར་ཏེ་སམ་ཡ་སྟྭཾ། མ་ཧཱ་སིདྡྷ་བཛྲ་ཡ་ཐཱ་སུ་ཁཾ་ཞེས་བརྗོད་དོ། །དེ་ནས་མིག་དགབ།རས་ལ་མེ་ཏོག་ཕྲེང་བ་བཅིངས་ལ། ན་མོ་རཏྣ་ཏྲ་ཡཱ་ཡ། ཧེ་བཛྲས་པ་རི་བཱ་ར། རཀྵ་རཀྵ། སརྦ་ [44b.3]བ་ཡེ་བྱ་ཞེས་བརྗོད་པས་སློབ་མ་བསྲུང་ངོ་། །དེ་ནས་དེ་ལ་ཁྱེད་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར་གྱིས། ཁྱེད་ཀྱིས་དེ་བཞིན་གཤེགས་པ་ཐམས་ཅད་ཀྱི། གསང་བའི་དཀྱིལ་འཁོར་མ་མཐོང་བ་རྣམས་ལ་སྨྲ་བར་མི་བྱ་ཞིང་། དད་པ་རྣམས་ལ་ནི་མ་ [44b.4]ཡིན་ནོ། །དེ་ནས་ཤར་སྒོར་དཀྱིལ་འཁོར་ཁྲུ་གང་བ་ལ་འདབ་བརྒྱད་དམར་པོ་ཅིག་བྱས་ལ། དབུས་སུ་རྡོ་རྗེ་མཐིང་ནག །ཤར་གྱི་འདབ་མ་ལ་འཁོར་ལོ་དཀར་པོ། ལྷོར་རིན་ཆེན་སེར་པོ། ནུབ་ཏུ་པདྨ་དམར་པོ། བྱང་དུ་རལ་གྲི་ལྗང་གུ། མེའི་མཚམས་སུ་རིན་པོ་ཆེའི་ [44b.5]ཤིང་། སྲིན་པོའི་མཚམས་སུ་སེ་འབྲུ། རླུང་གི་མཚམས་སུ་རྒྱལ་མཚན། དབང་ལྡན་གྱི་མཚམས་སུ་ཀ་པཱ་ལ། ཤར་སྒོར་རྡོ་རྗེ་ལྕགས་ཀྱུ། ལྷོ་སྒོར་རྡོ་རྗེ་ཞགས་པ། ནུབ་ཏུ་རྡོ་རྗེ་ལྕགས་སྒྲོག །བྱང་དུ་རྡོ་རྗེ་དྲིལ་བུ། དེར་སེང་གེའི་ཁྲི་བཅས་ལ་སློབ་མ་རྡོ་རྗེ་རྩེ་མོ་ལ་འཇུར་བཅུག་ལ། [44b.6]ཛཿ་བརྗོད་ཅིང་ཛཿཡིས་བཀུག་སྟེ། ཨ་ཁཾ་བཱིར་ཧཱུཾ་ཞེས་བརྗོད་པས་བཅུག་སྟེ་སྟེགས་བུར་བཞག་ལ། སྡོམ་པ་འཛིན་དུ་གཞུག་གོ། །དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས་ངས་ཁྱོད་ལ་རྡོ་རྗེ་ཡེ་ཤེས་གང་གིས། དེ་བཞིན་གཤེགས་པ་ཐམས་ཅད་ཀྱི་ [44b.7]དངོས་གྲུབ་ཀྱང་ཐོབ་ན། དངོས་གྲུབ་གཞན་ལྟ་ཅི་སྨོས། དེ་ལྟ་བུའི་ཡེ་ཤེས་བསྐྱེད་པར་བྱ་ཡིས། དཀྱིལ་འཁོར་ཆེན་པོ་མ་མཐོང་བ་རྣམས་ལ་མ་སྨྲ་ཤིག །ཁྱོད་དམ་ཚིག་ཉམས་པར་གྱུར་ཏེ་རེ། ཞེས་བརྗོད་དོ། །དེ་ནས་རྡོ་རྗེ་སྙིང་གར་བཟུང་ལ། དེ་རིང་རྡོ་རྗེ་སེམས་དཔའ་ཉིད། ། [45a] [45a.1]ཁྱོད་ཀྱི་སྙིང་ལ་རབ་ཏུ་གནས། །གལ་ཏེ་ཚུལ་འདི་སྨྲས་ན་ནི། །སྙིང་འགས་བྱས་ནས་དྲལ་ནས་གཤེགས། །ཨོཾ་བཛྲ་ས་ཏྭ་ཧཱུཾ་ཞེས་བརྗོད་དོ། །དེ་ནས་དུང་ཆོས་སམ་ཉ་ཕྱིས་ལ་སོགས་པར་ཆུ་བླུགས་ལ། །དེའི་ནང་དུ་གུར་ཀུམ་དང་། ཙནྡན་དང་། [45a.2]སྦྲང་རྩི་དང་བསྲེས་པ་བླུགས། བདུད་རྩི་ལྔ་ཡང་བླུགས་ལ་ཧཱུཾ་གིས་སྦྱང་། ཨཱཿ་ས་རྟོགས་པར་བྱ། ཨོཾ་གྱིས་སྤེལ་ཞིང་འབར་བར་བྱས། དེ་ནས་བཛོད་ཀ་མ་ཧཱ་བཛྲ། ཀུ་རཾ་བི་ཤྭ་ན། ལན་བདུན་བཟླས་ལ། ལག་པ་གཡས་སུ་སྦྱིན་པར་བྱ། དེ་ནས། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་ [45a.3]ཉམས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ཐོབ། །འཐུངས་ཤིག་རྡོ་རྗེ་བདུད་རྩིའི་ཆུ། ཨོཾ་བཛྲ་ཨུ་ད་ཀ་ཋ་ཋ་ཋ་ཞེས་བརྗོད་དོ། །དེ་ནས་དམ་ཚིག་བརྟན་པར་གྱུར་ནས། སློབ་མ་ལ་འདི་སྐད་ཅེས་བསྒོ་སྟེ། དེ་རིང་ཕན་ཆད་བུ་ཁྱོད་ཀྱི། །ཕྱག་ན་རྡོ་རྗེ་ང་ཡིན་གྱིས། །ངས་ [45a.4]འདི་བྱོས་ཤིག་བྱས་པ་གང་ཡིན་པ་བྱ་དགོས་སོ། །ཁྱོད་ཀྱིས་ང་ལ་བརྙས་པར་མ་བྱེད་ཅིག །ཡ་ང་བ་མ་སྤངས་པར་ཁྱོད་དུས་བྱས་ནས། དམྱལ་བར་ལྟུང་བར་གྱུར་ཏ་རེ་ཞེས་བརྗོད་དོ། །དེ་ནས་སློབ་མས་འདི་སྐད་སྨྲ་བར་བྱ་སྟེ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་ [45a.5]རློབས་ལ་རྡོ་རྗེ་སེམས་དཔའ་བདག་ལ་དབབ་ཏུ་གསོལ་ཞེས་ཞུ་བར་བྱའོ། །དེ་ནས་སློབ་དཔོན་གྱིས་དགྱེས་པ་རྡོ་རྗེར་བསྒོམས་ལ།དབབ་སྣོད་སྣང་བ་མཐའ་ཡས་སུ་བསྒོམས་ལ། དེའི་རྐང་མཐིལ་འོག་ཏུ་ཡཾ་ལས་རླུང་གི་དཀྱིལ་འཁོར་ཟླ་གམ་རྒྱལ་མཚན་གྱིས་མཚན་པར་བསྒོམ། [45a.6]དེའི་སྟེང་དུ་རཾ་ལས་མེའི་དཀྱིལ་འཁོར་གྲུ་གསུམ་བསམ། དེའི་སྟེང་དུ་ཛཿ་ཧཱུཾ་ཁ་དོག་དམར་པོ་ཅིག་བསམ། དེ་ནས་སྙིང་གར་ལཾ་སེར་པོ་ལས་དབང་ཆེན་གྱི་དཀྱིལ་འཁོར་གྲུ་བཞི་པ་སེར་པོ་ཅིག་བསམ། དེའི་སྟེང་དུ་ཧཱུཾ་མཐིང་ནག་ཅིག་བསྒོམ། མགྲིན་པར་པཾ་དཀར་པོ་ [45a.7]ལས་ཆུའི་དཀྱིལ་འཁོར་ཟླུམ་པོ་ཅིག་བསྒོམ། དེའི་སྤྱི་བོར་ཡཾ་ལས་རླུང་གི་དཀྱིལ་འཁོར་ཟླ་གམ་སྔོན་པོ་ཅིག་བསམ། དེའི་སྟེང་དུ་ཧ་དཀར་པོ་ཅིག་བསམ། དེ་ནས་སྙིང་གནས་འོད་འཕྲོས་པ་ལས་ཕྱོགས་བཅུའི་སྐུ་གསུང་ཐུགས་ཀྱི་ལྷ་སྤྱན་དྲངས་ལ། གནས་སུ་བསྟི་མ་ [45b] [45b.1]མོ། །དེ་ནས་སྤྲོས་ལ་ཨོཾ་ཨཱ་བེེ་ཤ །ཏུསྟེ་སཾ་ཏེ་བཛྲ་གྷ་མ། མ་ནུ་ཏ་རཾ། ཞེས་པ་བརྒྱ་རྩ་བརྒྱད་བཟླས་ལ་མེ་ལ་སྤོས་བོར་ཏེ་སློབ་མ་ལ་བསྐོར་ཏེ་ལག་ཏུ་གཏད་ལ། མེ་ཏོག་གི་ཕྲེང་བ་ཡང་ལག་པ་གཡས་པར་བྱིན་ལ། ཨོཾ་ཨཱ་བེ་ཤ་ཨཱ་བེེ་ཤ། ཏོབ་ཡ། ར་ར་ར་ར། ཙ་ལེ་ཧ་ཙ་ལེ་ཡ་ཧཱུཾ་ཨ་ཧ་ [45b.2]ཛྷཻཾ་སྭཱཧཱ་ཞེས་བརྗོད་ལ། རྐང་མཐིལ་གྱི་རླུང་གཡོས། །རླུང་གིས་མེ་སྦར། མེ་ཡིས་ཛཱཿ་ཧཱུཾ་སྦར། ཛཿ་ཧཱུཾ་གི་འོད་ཟེར་རྐང་མཐིལ་ནས་སྙིང་གར་ཞུགས་པས་མི་དགེ་བ་ལ་སོགས་པ་ཤེས། མགྲིན་པར་ཞུགས་པས་སྨྲ། སྤྱི་བོར་ཞུགས་པས་ལུས་མི་བརྟན་ཞིང་འཕར་རོ། །དེ་ནས་ཏིཥྛ་ [45b.3]བཛྲ་ཞེས་བརྗོད་ནས་འཕར་བ་གཟུང་བས་བརྟན་པར་འགྱུར་རོ། །དེ་ནས་ལྕེ་ལ་ཨཱཿདམར་པོ་བསམས་ལ། གསུངས་ཤིག་རྡོ་རྗེ་དགེ་མི་དགེ །ཞེས་བརྗོད་པས་ལེགས་ཉེས་ཀུན་སྨྲ་བར་འགྱུར་རོ། །དེ་ནས་མིག་དགབ་པའི་རས་ཀྱི་ཕྲེང་བ་ལས་མེ་ཏོག་ཕྱུང་སྟེ། སློབ་མའི་ལག་ཏུ་ [45b.4]གཏད་ལ། པྲ་ཏཱི་ཙྪ་བཛྲ་ཧོཿ་ཞེས་བརྗོད་ནས་དཀྱིལ་འཁོར་དུ་དོར་རོ། །དེ་ནས་སློབ་དཔོན་གྱིས་བླངས་ནས། སྟོབས་པོ་ཆེ་འདི་ལོང་ཤིག་བྱས་ལ་སློབ་མའི་མགོ་ལ་བཅིང་བར་བྱའོ། །དེ་ནས་ཀྱི་བུ། དྲི་མེད་ཡིད་འོང་ལྡན་པ་ཡིས། །ཁྱོད་ཀྱི་མིག་གིས་ཇི་ལྟར་མཐོང་། དཀར་པོ་དག་ནི་ [45b.5]མཐོང་གྱུར་ན། །ཞི་བའི་ལས་རྣམས་འགྲུབ་པར་འགྱུར། །སེར་པོ་དག་ནི་མཐོང་གྱུར་ན། །རྒྱས་པའི་ལས་རྣམས་འགྲུབ་པར་འགྱུར། །དམར་པོ་དག་ནི་མཐོང་གྱུར་ན། །དབང་གི་ལས་རྣམས་འགྲུབ་པར་འགྱུར། །ནག་པོ་དག་ནི་མཐོང་གྱུར་ན། །དྲག་པོའི་ལས་རྣམས་འགྲུབ་པར་ [45b.6]འགྱུར། །རྡོ་རྗེ་སེམས་དཔའ་ཉིད་ཀྱིས་ཁྱོད། །དི་རིང་ནན་ཏན་མིག་ཕྱེའོ། །ཞེས་བརྗོད་ལ། ཨོཾ་ཧེ་བཛྲ་སྭ་ཡནྟི་དེ། ཙ་ཀྲུ་ག་ཏ་ན། ཏཏྤ་ར་ན། ཨུ་ཏ་ཡ་ཏེ། སརྦ་ཡ་ག་ཀྲོ། བཛྲ་ཙ་ཀྲུ་ར་བུདྡྷ་རཾ་ཞེས་བརྗོད་ལ་གདོང་གཡོགས་དགྲོལ་ལོ། །དེ་ནས་དཀྱིལ་འཁོར་དབུས་ནས་བྱང་གི་སྒོའི་ [45b.7]མཐར་ཐུག་པའི་བར་དུ་ལྷ་ངོ་བསྟན་པར་བྱའོ། །དེ་ནས་སློབ་མས་མེ་ཏོག་ལ་སོགས་པའི་མཆོད་པ་བྱེད་དུ་བཅུག་ལ། རྡོ་རྗེ་སློབ་དཔོན་ལ་ཕྱག་ལན་གསུམ་བྱེད་དུ་གཞུག །དཀྱིལ་འཁོར་ལ་བསྐོར་བ་ལན་གསུམ་བྱ། རྡོ་རྗེ་སེམས་དཔའི་དངོས་གྲུབ་ཐོབ་པར་གྱུར་ཅིག་ཅེས་སྨོན་ལམ་གདབ། [46a] [46a.1]དེ་ནས་བདག་བུ་དང་ཆུང་མ་ལ་སོགས་པ་དང་། རྟ་དང་མ་ཧེ་ལ་སོགས་པའི་རྐང་བཞི་པ་དང་། གསེར་དངུལ་ལ་སོགས་པའི་རིན་པོ་ཆེ་དང་། ཞིང་དག་གྲོང་ལ་སོགས་པ་རྟེན་དང་། དར་དང་མུ་མེན་ལ་སོགས་པའི་བགོ་བ་དང་། ཤ་དང་ཁྲག་ལ་སོགས་པའི་བཟའ་བ་ [46a.2]དང་། རྒུན་ཆང་དང་འབྲས་ཆང་ལ་སོགས་པའི་བཏུང་བ་དང་། ཅི་ལ་དགྱེས་པ་ལ་སོགས་པ་ཡིད་དང་མཐུན་པ་དབུལ་བར་བྱའོ། །དེ་ནི་སློབ་མ་དཀྱིལ་འཁོར་དུ་གཞུག་པའི་ཆོ་གའོ།། །།དབང་བསྐུར་བའི་ཐབས་ལ་ཡང་གཉིས་ཏེ། ཕྱི་དང་ནང་ངོ་། །ཕྱི་ལ་ཡང་བཅུ་གཅིག་ [46a.3]སྟེ། གྲངས་སུ་བགྲང་ངོ་། །དེ་ནས་སློབ་མས་ཞུ་བར་བྱ་སྟེ། ཇི་ལྟར་སྔོན་གྱི་རྒྱལ་བ་ལ། །རྡོ་རྗེ་སེམས་དཔས་དབང་བསྐུར་ལྡན། །ཡོན་ཏན་ལྡན་པས་བརྩེར་དགོངས་ནས། །རིག་པའི་དབང་རྣམས་བདག་ལ་སྩོལ། །ཞེས་བརྗོད་དོ། །དེ་ནས་རྣམ་པར་རྒྱལ་བའི་བུམ་པ་ལ་སོགས་པ་བུམ་ [46a.4]པ་རྣམས་ནས་ཆུ་བསྡུས་ལ། དུང་ཕོར་ནང་དུ་བླུགས་ཏེ་མི་བསྐྱོད་པ་འབའ་ཞིག་ཏུ་མོས་པ་བྱས་ཏེ། དེ་ལ་མཆོད་བསྟོད་བྱས་ནས་འོད་དུ་ཞུ་བར་བསམ་མོ། །དེ་ནས་དགྱེས་པ་རྡོ་རྗེའི་གནས་གསུམ་ནས་འོད་ཟེར་ལས་སྤྲུལ་པ་ནམ་མཁའ་ཁྱབ་པ་བྱུང་བར་བསམ། སྤྲུལ་པའི་ལྷ་མོ་རིན་པོ་ [46a.5]ཆེའི་བུམ་པ་ཐོགས་ནས། བྱང་ཆུབ་སེམས་ཀྱི་ཆུ་རྒྱུན་གྱིས་སྤྱི་བོ་ནས་དབང་བསྐུར་བར་བསམ་ཞིང་། བདག་གིས་ཀྱང་དུང་ཕོར་གྱི་ཆུ་བླངས་ལ། ཨོཾ་བཛྲ་ཀ་ལ་ཤ་ཨ་བྷི་ཥིཉྩ་ཧཱུཾ། ཞེས་བརྗོད་ཆུའི་དབང་བསྐུར་རོ། །སྤྱི་གཙུག་ཏུ་མི་བསྐྱོད་པ་བསམ་མོ། །དེ་ནས་གསེར་ལ་སོགས་པའི་དབུ་ [46a.6]རྒྱན་ལ་ལས་ཐམས་ཅད་པའི་བུམ་པའི་ཆུས་གཏོར་ལ་དབུ་རྒྱན་སྟོང་པར་བསྒོམས། དེ་ལས་ཏྲཱཾ་སེར་པོར་གྱུར། དེ་ལས་རིན་ཆེན་འབྱུང་ལྡན་ཞལ་གསུམ་ཕྱག་དྲུག་པར་གྱུར་ཏེ། དེ་ལས་དབུ་རྒྱན་བྱུང་བར་བསམ། ཨོཾ་མུ་ཀུ་ཊ་ཨ་བྷི་ཥིཉྩ་མི་ཞེས་བ་རྗོད་པས། དབུ་རྒྱན་གྱི་དབང་བསྐུར་བས། [46a.7]རྣ་ལྟག་གཡས་པར་རིན་ཆེན་འབྱུང་ལྡན་འབྱུང་བར་བསམ། དེ་ནས་རྡོ་རྗེ་ལ་ལས་ཐམས་ཅད་པའི་ཆུས་གཏོར་ལ། རྡོ་རྗེ་སྟོང་པར་བསྒོམ། དེ་ལས་ཛཱི་དམར་པོར་གྱུར། དེ་ལས་སྣང་བ་མཐའ་ཡས་ཞལ་གསུམ་ཕྱག་དྲུག་པ་གཅིག་ཏུ་གྱུར། དེ་ནས་རྡོ་རྗེ་བྱུང་བར་བསམས་ལ་འདི་སྐད་ [46b] [46b.1]བརྗོད་དོ། །རྡོ་རྗེ་ཡིས་ཀྱང་དབང་བསྐུར་ཏེ། །སངས་རྒྱས་ཀུན་གྱི་རྡོ་རྗེའི་དབང་། །དེ་རིང་ཁྱོད་ལ་དབང་བསྐུར་བས། །འདི་དེ་སངས་རྒྱས་ཐམས་ཅད་ཀྱི། །དངོས་གྲུབ་ཕྱིར་ནི་རྡོ་རྗེ་ཟུང་། །ཞེས་བརྗོད་ལ། སློབ་མའི་སྙིང་གར་ལན་གསུམ་གཏུགས་ལ་ལག་པ་གཡས་པར་ [46b.2]བྱིན་ལ། ཨོཾ་ཧཱུཾ་བཛྲ་ཨ་བྷི་ཥིཉྩ་མི་ཞེས་བརྗོད་ཅིང་དབང་བསྐུར་བས། ལྟག་པར་སྣང་བ་མཐའ་ཡས་འབྱུང་བར་བསམ་མོ། །དེ་ནས་དྲིལ་བུ་ལ་ལས་ཐམས་ཅད་པའི་ཆུས་གཏོར་ལ་སྟོང་པར་བསམ། དེ་ལས་ཁཾ་ལྗང་གུར་གྱུར། དེ་ལས་དོན་ཡོད་གྲུབ་པ་ཞལ་གསུམ་ཕྱག་དྲུག་བར་གྱུར་པར་ [46b.3]བསམས་ལ་འདི་སྐད་བརྗོད་དོ། །གཉིས་མེད་དངོས་པོ་ཤེས་རབ་ཐབས། །ཆོས་ཀྱི་དབྱིངས་ཀྱི་བདག་ཉིད་ཅན། །ལག་པ་གཡོན་པར་འདི་ཟུང་ཤིག །འཁྱུད་ནས་ཀུན་ནས་སྦྱར་ནས་ནི། །རྡོ་རྗེ་འཛིན་འདྲའི་དངོས་པོར་འདུག །ཅེས་བརྗོད་ལ། ཨོཾ་བཛྲ་ཨ་དྷི་པ་ཏི་སརྱ། [46b.4]ཨ་བྷི་ཥིཉྩ་མི་ན་ཡ་ཀ །ཞེས་བརྗོད་ཅིང་ལག་པ་གཡོན་པར་དྲིལ་བུ་བྱིན་ནས་དབང་བསྐུར་བས། རྣ་ལྟག་གཡས་པར་དོན་ཡོད་གྲུབ་པ་བྱུང་བར་བསམ་མོ། །དེ་ནས་རྡོ་རྗེ་དང་དྲིལ་བུ་ལ། ལས་ཐམས་ཅད་པའི་ཆུས་གཏོར་ཞིང་སྟོང་པར་བསམ། དེ་ལས་ཡི་གེ་ཧཱུཾ་དཀར་པོར་གྱུར། དེ་ [46b.5]ལས་རྣམ་པར་སྣང་མཛད་ཞལ་གསུམ་ཕྱག་དྲུག་པར་གྱུར། དེ་ལས་རྡོ་རྗེ་དྲིལ་བུར་བྱུང་བར་བསམས་ལ། སློབ་མའི་མཚོག་མར་བཟུང་ལ། ཨོཾ་ཤྲཱི་ནཱ་མ་ཨ་བྷི་ཥིཉྩ་མི་ཞེས་བརྗོད་པས། མེ་ཏོག་གང་ལ་ཕོག་པའི་རིགས་ཀྱི་ལྷའི་མིང་གདགས་སོ། །མིང་བཏགས་པས་མཚོག་ [46b.6]མར་རྣམ་པར་སྣང་མཛད་བྱུང་བར་བསམ་མོ། །དེ་ནས་རྡོ་རྗེ་ལ་ལས་ཐམས་ཅད་པའི་ཆུས་གཏོར་ལ་སྟོང་པར་བསམ། དེ་ལས་ཧཱུཾ་མཐིང་ནག་ཏུ་གྱུར། དེ་ལས་རྡོ་རྗེ་འོད་འབར་བ་གཅིག་ཏུ་གྱུར་པར་བསམས་ཏེ། སློབ་དཔོན་གྱི་ལག་པར་རྡོ་རྗེ་བླངས་ལ་འདི་སྐད་དོ། །འདི་ནི་སངས་རྒྱས་ [46b.7]ཐམས་ཅད་ཀྱི། །རྡོ་རྗེ་སེམས་དཔའི་ལག་ན་འདུག །ཁྱོད་ཀྱིས་རྟག་ཏུ་བཅང་བར་བྱ། །ཕྱག་ན་རྡོ་རྗེའི་བརྟུལ་ཞུགས་བརྟན། །ཞེས་བརྗོད་ལ། རྡོ་རྗེ་རྩེ་མོ་སློབ་མས་གཟུང་། ཨོཾ་སརྦ་ཏ་ཐཱ་ག་ཏ། སིདྡྷི་བཛྲ་ས་མ་ཡ། ཏིཥྛ་ཨེ་ཥ་ཏྭཾ་དྷ་རཱ་ཡ་མི་སྭཱ་ཧཱ། ཧི་ཧི་ཧི་ཧི་ཧཱུཾ་ཞེས་བརྗོད་ལ། རྡོ་རྗེ་ [47a] [47a.1]ལག་ཏུ་བྱིན་ལ་འདི་སྐད་བརྗོད་དོ། །ཐོག་མ་ཐ་མ་མེད་སེམས་དཔའི། །རྡོ་རྗེ་སེམས་དཔའ་དགའ་བ་ཆེ། །ཀུན་དུ་བཟང་པོ་ཀུན་གྱི་བདག །རྡོ་རྗེ་སྙིང་པོ་བདག་པོའི་གཙོ། །ཞེས་བརྗོད་ལ་ལག་ཏུ་གཏད་དོ། །དེ་ནས་དྲིལ་བུ་ལ། ལས་ཐམས་ཅད་པའི་ཆུས་གཏོར་ [47a.2]ལ་སྟོང་པར་བསམ། དེ་ལས་ཨཱཿ་ར་གྱུར། ཨཱཿ་ལས་དྲིལ་བུར་གྱུར་པར་བསམས་ལ་འདི་སྐད་བརྗོད་དོ། །འདི་ནི་མཆོག་གི་དངོས་པོ་ཡིན། །ཤེས་རབ་སྒྱུ་མར་གྱུར་པའོ། །རྟག་ཏུ་ཁྱོད་ཀྱིས་གཟུང་བར་བྱ། །ཐོག་མ་བྱང་ཆུབ་རྒྱལ་བས་གཟུང་། །རྡོ་རྗེ་མཆོག་གི་ཡེ་ཤེས་ནི། །མི་ཕྱེད་ [47a.3]ནམ་མཁའ་ལྟ་བུའི་གཟུགས། །ཞེས་བརྗོད་ལ་སློབ་མའི་ལག་པ་གཡོན་པར་སྦྱིན། དེ་ནས་རྡོ་རྗེ་ཐུགས་ཀར་གཟུང་། དྲིལ་བུ་དཀུར་བརྟེན་ལ། རྡོ་རྗེ་སེམས་དཔའི་སྐུར་གསལ་བར་བསྒོམ། དེ་ནས་འདི་སྐད་བརྗོད་དོ། །མི་ལྡོག་འཁོར་ལོའི་དབང་སྩོལ་ཅིག །དཀྱིལ་འཁོར་ལྷ་ཡི་དེ་ [47a.4]ཉིད་དང་། །སློབ་དཔོན་གྱི་ནི་ལས་རྣམས་སྩོལ། །བདག་ནི་རྟག་ཏུ་སློབ་དཔོན་བགྱིད། །ཅེས་གསོལ་བ་གདབ་པར་བྱའོ། །དེ་ནས་སློབ་དཔོན་གྱིས་དཀྱིལ་འཁོར་གྱི་དེ་ཁོ་ན་ཉིད་དང་། ལྷའི་དེ་ཁོ་ན་ཉིད་དང་། སློབ་དཔོན་གྱི་ལས་བཤད་པས། དེའི་དོན་སློབ་མས་རྟོགས་ནས། འཁོར་ [47a.5]བ་ལས་མི་ཟློགས་པར་བསམ་མོ། །དེ་ནི་ཕྱིར་མི་ལྡོག་པའི་དབང་ངོ་། །དེ་ནས་ལག་པར་འཁོར་ལོ་བྱིན་ལ། འཇིག་རྟེན་ཁམས་ནི་ཐམས་ཅད་དུ། །སེམས་ཅན་རྣམས་ལ་ཕན་བྱའི་ཕྱིར། །ཇི་ལྟ་ཇི་ལྟར་འདུལ་འགྱུར་བ། །དེ་ལྟར་ཆོས་ཀྱི་འཁོར་ལོ་བསྐོར། །ཞེས་བརྗོད་དོ། །དེ་ [47a.6]བཞིན་དུ་རྡོ་རྗེ་དང་། རིན་པོ་ཆེ་དང་། པདྨ་དང་། རྒྱ་གྲམ་རྣམས་ལག་ཏུ་བྱིན་ཞིང་གོང་མའི་ཚིགས་བཅད་བརྗོད་དོ། །དེ་ནི་བཀའ་སྩལ་བའི་དབང་ངོ་། །དེ་ནས་མདུན་ན་གནས་པའི་སློབ་མ། སྣ་བུག་གཡས་པ་ནས་ནང་དུ་བཅུག་ནས།ཐིག་ལེའི་འོད་ཟེར་རླུང་གི་འོད་ཟེར་གྱིས་ [47a.7]བསྒྲིབས་པ་དག་པར་བསམས་ནས། སྣ་བུག་གཡོན་པ་ནས་ཕྱིར་ཕྱུང་ལ་མདུན་དུ་བཞག་སྟེ་ལུང་བསྟན་པར་བྱའོ། །བདག་ཤཱཀྱ་ཐུབ་པར་བསྒོམས་ལ། ཁུ་ཚུར་གཡོན་པ་སྙིང་གར་ཆོས་གོས་མཐའ་ནས་འཛིན་པའི་ཚུལ་དུ་བྱས་ལ། གཡས་པ་མཆོད་སྦྱིན་གྱི་ཚུལ་དུ་བྱས་ཏེ། [47b] [47b.1]འདི་སྐད་བརྗོད་དོ། །ཁྱོད་ནི་བདག་གིས་ལུང་བསྟན་བྱ། །དེ་བཞིན་གཤེགས་པ་རྡོར་སེམས་ཡིན། །སེམས་ཅན་ཐར་པ་གྲུབ་དོན་དུ། །ངན་འགྲོ་རྣམས་ནི་དྲང་བར་བགྱིས། །ཡང་དག་དེ་བཞིན་གཤེགས་པ་ཁྱོད། །ཁམས་གསུམ་གྱི་ནི་ཐུབ་པ་ཁྱོད། །སངས་རྒྱས་བྱང་ཆུབ་སེམས་ [47b.2]དཔའ་དང་། །འཕགས་པ་རྣམས་ཀྱིས་མགྲིན་གཅིག་ཏུ། །དགྲ་བཅོམ་པ་ནི་ཡང་དག་པའི། །བྱང་ཆུབ་ཏུ་ནི་ཁྱོད་ལུང་བསྟན། །ཕྱག་རྒྱ་ཆེན་པོའི་འབྲས་བུ་རབ། །འདི་གསུངས་པ་ནི་ཁྱོད་ཀྱིས་རྙེད། །ཅེས་བརྗོད་དོ། །དེ་ནི་ལུང་བསྟན་པའི་དབང་ངོ་། །དེ་ནས་དབུགས་དབྱུང་བ་སྦྱིན་ [47b.3]པར་བྱ་སྟེ། ཇི་ལྟར་ཞུགས་པའི་སློབ་མ་རྣམས། །དཀྱིལ་འཁོར་མཐོང་བས་སྒྲིབ་པ་འབྱང་། དེ་རིང་སངས་རྒྱས་རིགས་སུ་ནི། །ཁྱེད་རྣམས་སྐྱེ་བར་ཐེ་ཚོམ་མེད། །སྡིག་པ་ཐམས་ཅད་མེད་པ་ནི། །གསང་བའི་དཀྱིལ་འཁོར་ལ་ཞུགས་པས། །བདེ་ཆེན་ཐེག་པ་འདི་ལས་ནི། །ཕྱི་ [47b.4]ནས་ཤི་འཕོ་ཡོད་མེད་དེ། །སྲིད་པ་ཡང་དག་དངོས་གྲུབ་ཡིན། །སྲིད་དང་མྱ་ངན་འདས་བོར་རོ། །མི་གནས་མྱ་ངན་འདས་ཁྱོད་ཡིན། །དེ་ནི་དབུགས་དབྱུང་བའི་དབང་ངོ་། །རྡོ་རྗེར་རབ་གནས་རྡོ་རྗེ་ཉིད། །ཆ་དང་དྲིལ་བུ་ཆེན་པོ་གཟུང་། །དེ་རིང་རྡོ་རྗེ་སློབ་དཔོན་གྱུར། །སློབ་མ་བསྡུ་ [47b.5]བ་ཉིད་དུ་གྱིས། །ཞེས་དགྱེས་པ་རྡོ་རྗེའི་རྒྱུད་ལས་འབྱུང་ངོ་། །དེའི་འོག་ཏུ་དམ་ཚིག་སྦྱིན་པར་བྱ་སྟེ། དངོས་གྲུབ་དམ་ཚིག་སྡོམ་པ་འདི། །ཁྱོད་ཀྱིས་རྟག་ཏུ་བསྲུང་བར་བྱ། །རྡོ་རྗེ་དྲིལ་བུའི་ཕྱག་རྒྱ་དང་། །བྱང་ཆུབ་སེམས་ནི་གཏང་མི་བྱ། །གནོད་པར་བྱེད་ལ་བྱམས་པ་བསྐྱེད། ། [47b.6]རྡོ་རྗེ་སྤུན་ལ་བསྙེན་བཀུར་བྱ། །དད་པ་ཅན་ལ་སྨད་མི་བྱ། །སློབ་དཔོན་ལ་ནི་བརྙས་མི་བྱ། །རང་བདག་ཡོངས་སུ་བོར་ནས་ནི། །དཀའ་ཐུབ་སྡུག་བསྔལ་མི་བྱའོ། །ཇི་ལྟར་བདེ་བ་བདེ་བཟུང་ནས། །རྫོགས་པའི་སངས་རྒྱས་མ་འོངས་འབྱུང་། །ཞེས་བསྒྲགས་སོ། །དེ་ནི་ཕྱིའི་དབང་ [47b.7]གི་དམ་ཚིག་གོ། །དེ་ནས་གོས་དང་བཟའ་བ་སྣ་ཚོགས་དང་། བཏུང་བ་སྣ་ཚོགས་རྣམས། སློབ་མའི་མདུན་དུ་བཞག་ལ། གོས་ལྷའི་ན་བཟའ་པཉྩ་ལི་ཀ་ལ་སོགས་པར་བྱིན་གྱིས་བརླབས་ནས། བཟའ་བ་དང་བཏུང་བ་བདུད་རྩིར་བྱིན་གྱིས་བརླབས་ལ། སློབ་མ་བཀྲ་ཤིས་པར་ [48a] [48a.1]འདོད་པའི་ཕྱིར།བླ་མས་བཀྲ་ཤིས་ཀྱི་གླུ་བླང་བར་བྱའོ།།དེ་ནི་ཕྱིའི་དབང་ངོ་། །ནང་གི་དབང་ལ་ཡང་གསུམ་སྟེ། གསང་དབང་དང་། ཤེས་རབ་ཡེ་ཤེས་ཀྱི་དབང་དང་བཞི་པའོ། །དེ་ཡང་རྩ་བའི་དཀྱིལ་འཁོར་གྱི་བྱང་ཕྱོགས་སུ། གསང་བའི་དབང་གི་དཀྱིལ་འཁོར་འདོམ་གང་གྲུ་བཞི་པ་ཞིག་བྱས་ལ། [48a.2]རཀྟའི་ཆག་ཆག་དང་། རཀྟའི་ཐིག་ལེ་བྱའོ། །གྲྭ་བཞིར་མདའ་བཞི་བཙུགས་ལ་རས་ཀྱི་ཡོལ་བ་བྱའོ། །དེའི་སྟེང་དུ་ཕྱིང་དཀར་དང་རས་དཀར་པོ་བཏིང་ངོ་། །དེའི་སྟེང་དུ་ཕྱི་ནང་གི་མེ་ཏོག་དགྲམ་མོ། །དེ་ནས་ཞུ་བ་བྱས་ཏེ། བྱང་ཆུབ་རྡོ་རྗེ་སངས་རྒྱས་ལ། །མཆོད་པ་ཇི་ལྟར་ཕུལ་བ་བཞིན། །བདག་ཀྱང་རབ་ཏུ་བསྒྲལ་བའི་ཕྱིར། ། [48a.3]ནམ་མཁའི་རྡོ་རྗེ་བདག་ལ་སྩོལ། །བྱང་ཆུབ་རྡོ་རྗེ་དཔའ་ཆེན་པོ། །གསང་བའི་དབང་ནི་བདག་ལ་སྩོལ། །ཡེ་ཤེས་བདུད་རྩི་བདག་ལ་སྩོལ། །རྡོ་རྗེའི་འབྱུང་བ་བདག་ལ་སྩོལ། །ཞེས་བསྐུལ་ལོ། །དེ་ནས་ཤེས་རབ་མ་ལོ་བཅུ་དྲུག་ལོན་པ། མཚན་དང་ལྡན་པ། ཙནྡན་དང་། གུར་གུམ་དང་། ག་བུར་ལ་སོགས་པའི་ཆུས་བཀྲུས་ལ། དར་ [48a.4]ལ་སོགས་པ་དྲི་མ་མེད་པ་དང་། རིན་པོ་ཆེ་སྣ་ཚོགས་ཀྱིས་བརྒྱན་ལ། དཀྱིལ་འཁོར་གྱི་དབུས་སུ་བཞག་ལ། བདག་མེད་མར་བྱིན་གྱིས་བརླབས་ལ། མིག་ལ་སོགས་པ་གཏི་མུག་རྡོ་རྗེ་མ་ལ་སོགས་པར་བྱིན་གྱིས་བརླབ་པོ། །ལུས་ངག་ཡིད་གསུམ་མཁའ་སྤྱོད་མ་ལ་སོགས་པར་བྱིན་གྱིས་བརླབ། ཡན་ལག་ལྔ་རིགས་ [48a.5]ལྔར་བྱིན་གྱིས་བརླབ། མཁའ་གསང་བྱིན་གྱིས་བརླབ། རིགས་ཀྱི་བདག་པོས་དབུ་བརྒྱན་པར་བསམས་ལ། དེ་ལ་ཕྱི་ནང་གསང་བའི་མཆོད་པས་མཆོད། བསྟོད་པས་བསྟོད་ལ། གཉིས་སུ་མེད་པར་འཁྱུད་པར་བྱའོ། །དེ་ནས་ཨ་ནུ་རཱ་གའི་སྔགས་བརྗོད། བསྐྱོད་ཙམ་ན་ཧཱུཾ་གི་གླུ་བླངས། བདེ་བ་བབས་ཙམ་ན་པཱུ་ཛའི་སྔགས་ [48a.6]བརྗོད། དེ་ནས་བྱང་ཆུབ་ཀྱི་སེམས་གླང་པོ་ཆེའི་ལག་པས་བྷ་ག་ནས་བྲུས་ལ་དུང་ཆོས་སུ་བླུགས་ལ། སྲིན་མཐེབ་ཀྱི་ཕྱག་རྒྱས་བླངས་ལ། སློབ་མའི་ཁར་གདབ་པོ། །སློབ་མས་ཨ་ཧོ་སུ་ཁ་བདེའོ་ཞེས་བརྗོད་ལ། རྟོག་པ་མེད་པར་བཏུང་ངོ་། །ཇི་ལྟར་འདས་པའི་སངས་རྒྱས་ཀྱིས། །བྱང་ཆུབ་སྲས་རྣམས་དབང་བསྐུར་བ། བདག་ [48a.7]གི་གསང་བའི་དབང་གིས་ནི། སེམས་ཀྱི་རྒྱུན་གྱིས་དབང་བསྐུར་རོ། །ཞེས་དགྱེས་པ་རྡོ་རྗེའི་རྒྱུད་ལས་བྱུང་ངོ་། །དེ་ནི་གསང་བའི་དབང་ངོ་། །དེ་ནས་དཀྱིལ་འཁོར་གྱི་ལྷོ་ཕྱོགས་སུ་ཤེས་རབ་ཡེ་ཤེས་ཀྱི་དབང་མཎྜལ་གྲུ་བཞི་པ་ཞིག་ལ་འདོམ་གང་བ་ཅིག་བྱས་ཙནྡན་ལ་སོགས་པ་དང་། དྲི་ཆེན་གྱིས་བྱུག །དེའི་སྟེང་དུ་ཕྱིང་དཀར་རམ་དར་ [48b] [48b.1]དཀར་གདིང་། ཕྱི་ནང་གི་མེ་ཏོག་དགྲམ། ཤེས་རབ་མ་བྱིན་གྱིས་བརླབ་པ་དང་། མཆོད་པ་ལ་སོགས་པ་སྔ་མ་དང་མཐུན། དེ་ནས་ཞུ་བ་བྱ་སྟེ། ཡེ་ཤེས་བདེ་བའི་གནས་བཞུགས་པ། །རྒྱལ་འགྱུར་རྒྱལ་འགྱུར་མགོན་པོ་ཁྱོད། །ཨཱ་ལི་ཀཱ་ལི་གཉིས་བདག་ཅན། །ལེགས་དགྱེས་བདེ་མཚོ་རྒྱལ་གྱུར་ཅིག །མཆོག་དང་ཆད་པའི་དབུས་སུ་ནི། ། [48b.2]རོལ་མཛད་ཁྱོད་ནི་རྒྱལ་གྱུར་ཅིག །མཆོག་གི་དབང་ཕྱུག་ཁྱོད་ཀྱིས་ནི། །ཤེས་རབ་ཡེ་ཤེས་དབང་བདག་སྩོལ། །ཞེས་བསྐུལ་ལོ། །དེ་ནས་སློབ་དཔོན་གྱིས་ཤེས་རབ་མའི་ལག་པ་གཡས་པ་སློབ་མའི་ལག་པ་གཡོན་པར་བྱིན་ལ་འདི་སྐད་བརྗོད་དོ། །འདི་ནི་ཁྱོད་བཟུང་བཟང་བ་ཡིན། །རྗེས་སུ་མཐུན་པར་སངས་རྒྱས་གསུང་། །ཡེ་ [48b.3]ཤེས་གསུམ་གྱི་རིམ་པ་ཡིས། །དམ་པ་བདེ་བ་མྱོང་བྱེད་ཅིང་། །སངས་རྒྱས་རིན་ཆེན་སྣོད་ཀྱི་ནི། །གཡོན་ངོས་ནས་ནི་རྩ་ཡི་གནས། །དེ་ཡི་ཁ་ཁྭ་མུ་ཁ་དངོས། །རྡོར་དབྱིངས་དབང་ཕྱུག་མ་ཉིད་ཡིན། །ཐབས་གཞན་དག་གིས་བྱང་ཆུབ་ནི། །ནམ་ཡང་རྙེད་པར་ཡོང་མི་འགྱུར། །དེ་བས་ལྷན་ཅིག་མི་གནས་པ། །དུས་འདི་ཐམས་ཅད་མ་བྱེད་ཅིག ། [48b.4]དེ་ནས་ཤེས་རབ་མས་འདི་སྐད་བརྗོད་དོ། །དྲི་ཆེན་དྲི་ཆུ་ཟ་བ་འདི། །ཀྱེ་བུ་ཁྱོད་ཀྱིས་ནུས་སམ་ཅི། །རཀྟ་ཤུ་ཀྲ་ཤ་ཆེན་དང་། །བུད་མེད་བརྟུལ་ཞུགས་དེ་བཞིན་ནོ། །བྷ་གའི་པདྨ་འཇིབ་ནུས་སམ། །ཀྱེ་བུ་སྨྲོས་དང་ཇི་ལྟ་བུ། །ཞེས་བརྗོད་དོ། །སློབ་མས་སྨྲས་པ། ལྷ་མོ་བདག་གིས་ཅི་མི་ནུས། །རཀྟ་ཤུ་ཀྲ་སོགས་ཟ་ནུས། །རྟག་ཏུ་བུད་མེད་ [48b.5]བརྟུལ་ཞུགས་བགྱིད། །བྷ་ག་ཡང་ནི་འཇིབ་པར་བྱའོ། །དེ་ནས་ཤེས་རབ་མས་སྨྲས་པ། བདེ་བ་ཐམས་ཅད་འདུག་ས་ནི། །བདག་གི་པད་རྒྱས་ཨེ་མའོ། །གང་འདིར་རབ་ཏུ་བྱེད་པ་ཡང་། །ཇི་ལྟར་པདྨའི་དོན་གྱིས་ཤིག །ཅེས་བརྗོད་དོ། །དེ་ནས་སློབ་མས་བྷ་ག་ལ་འོ་བྱས་ནས། འཁྱུད་དེ་གཉིས་སུ་མེད་པའི་སྦྱོར་བ་བྱས་ནས། བྱངཆུབ་ [48b.6]སེམས་ཕབ་ནས་མན་ངག་གིས་བཟུང་སྟེ། ཡེ་ཤེས་ཉམས་སུ་མྱོང་བ་དེ་ནི་ཤེས་རབ་ཡེ་ཤེས་ཀྱི་དབང་ངོ་། །དགྱེས་པ་རྡོ་རྗེའི་རྒྱུད་ལས་ཀྱང་། ལྷ་མོ་དགའ་སྦྱིན་གནས་སྦྱིན་མ། །སྣ་ཚོགས་གཟུགས་ཅན་ཡིད་འོང་མ། །ཁྱེར་ཅིག་ཁྱེར་ཅིག་སེམས་དཔའ་ཆེ། །ཁྱེར་ལ་མཆོད་པ་དག་པར་བྱིན། །ཞེས་འབྱུང་ངོ་། །དེ་ནི་ཤེས་རབ་ཡེ་ [48b.7]ཤེས་ཀྱི་དབང་ངོ་།། །།དེ་ནས་དཀྱིལ་འཁོར་གྱི་ནུབ་ཕྱོགས་སུ། བཞི་པའི་དབང་གི་མཎྜལ་འདོམ་གང་བ་ཞིག་བྱས་ལ། ཙནྡན་ལ་སོགས་པ་དང་། བྱང་ཆུབ་སེམས་ཀྱི་ཆག་ཆག་བཏབ་ལ། དེའི་སྟེང་དུ་ཕྱིང་དཀར་ལ་སོགས་པ་དང་། ཤེས་རབ་མ་བཞག་ལ། བྱིན་གྱིས་བརླབ་པ་དང་། རྒྱན་དང་མཆོད་བསྟོད་ [49a] [49a.1]ལ་སོགས་པ་གོང་མ་དང་མཐུན་པར་བྱའོ །དེ་ནས་སློབ་མས་འདི་སྐད་ཞུའོ། །རེག་བྱ་ནང་བདག་ཉིད་ཕྱག་འཚལ། །རེག་བྱ་ནང་འཇམ་ཕྱག་འཚལ་ལོ། །རེག་བྱ་ནང་གྲོལ་ཕྱག་འཚལ་ལོ། །རེག་བྱ་ནང་སྦྱིན་ཕྱག་འཚལ་ལོ། །ཞི་བའི་དབང་བསྐུར་མཆོག་འདི་ནི། །མཆོག་གི་དབང་ཕྱུག་ [49a.2]བདག་ལ་སྩོལ། །ཞེས་བརྗོད་དོ། །དེ་ནས་གུ་རུས་འདི་སྐད་བརྗོད་དོ། །ཁྱོད་ཀྱིས་སྲོག་ཆགས་གསད་པར་གྱིས། །ཁྱོད་ཀྱིས་བརྫུན་དུ་སྨྲ་བར་བྱ། །མ་བྱིན་པར་ཡང་ཁྱོད་ཀྱིས་ལོང་། །གཞན་གྱི་བུར་མེད་སྤྱད་པར་གྱིས། །དེ་རྣམས་བྱས་ན་སྡིག་མེད་ཅིང་། །བསོད་ནམས་ཆེན་པོ་འབྱུང་བར་འགྱུར། །དེ་རྣམས་ཁྱོད་ཀྱིས་ནུས་ན་ནི། །བཞི་ [49a.3]པའི་དབང་ནི་སྦྱིན་པར་བྱ། །སློབ་མས་སྨྲས་པ། ཁྱོད་ཀྱི་ཞབས་ཀྱི་བཀའ་དྲིན་ལ། མགོན་པོ་ཆེན་པོ་བདག་གིས་ནུས། །ཞེས་བརྗོད་དོ། །དེ་ནས་གཉིས་སུ་མེད་པར་འཁྱུད་ནས། སྦྱོར་བ་བྱས་ནས་བདེ་བ་ཆེན་པོ་རིག་མའི་ཕོ་བྲང་དུ་ཕབ་ནས། གྱེན་ལ་རྟོག་མེད་མའི་ཁར་བཟློག་སྟེ་བཟུང་ནས། མི་རྟོག་པའི་ཡེ་ཤེས་ཉམས་ [49a.4]སུ་མྱོང་བ་ནི་རྟེན་ཅན་གྱི་བཞི་པའོ། །རྟེན་མེད་པའི་བཞི་པ་ནི། བླ་མའི་ཞལ་ལས་ཤེས་པར་བྱའོ། །ཡེ་ཤེས་འདི་ནི་ཆེས་ཕྲ་ཞིང་། །རྡོ་རྗེ་ནམ་མཁའི་དཀྱིལ་ལྟ་བུར། །རྡུལ་བྲལ་མཐར་ཕྱིན་ཞི་བ་ཉིད། །ཁྱོད་རང་ཡང་ནི་དེ་ཡི་ཕ། །ཞེས་དགྱེས་པ་རྡོ་རྗེའི་རྒྱུད་ལས་འབྱུང་ངོ་། །དེ་དག་ནི་དབང་བསྐུར་བའི་ཐབས་སོ།། །།བུམ་པའི་ [49a.5]ལྷ་གཤེགས་སུ་གསོལ་བ་དང་། དཀྱིལ་འཁོར་གྱི་ལྷ་གཤེགས་སུ་གསོལ་བའོ། །བུམ་པའི་ལྷ་གཤེགས་སུ་གསོལ་བ་ནི། བུམ་པ་ལ་མཆོད་བསྟོད་བྱས་ལ། ཨོཾ་ཨཱཿ་ཧཱུཾ་ཛྙཱ་ན་མཎྜལ་མུཿ་ཞེས་བརྗོད་ལ་གཤེགས་སུ་གསོལ། དཀྱིལ་འཁོར་ལྷ་ཡང་དེ་དང་མཐུན། དཀྱིལ་འཁོར་བསྡུ་བ་ལ་ཡང་གཉིས་ཏེ་དཀྱིལ་འཁོར་གྱི་ལྷ་བསྡུ་བ་དང་། རྡུལ་ [49a.6]ཚོན་བསྡུ་བའོ། །དཀྱིལ་འཁོར་གྱི་ལྷ་བསྡུ་བ་ནི། ཐུགས་ཀ་ནས་འོད་ཟེར་འཕྲོས་ནས། དཀྱིལ་འཁོར་གྱི་ལྷ་འོད་ཀྱི་ཚུལ་དུ་བསྡུས་ནས། ཐུགས་ཀའི་ཧཱུཾ་ལ་བསྡུས་བདག་དང་གཉིས་སུ་མེད་པར་བྱའོ། །རྡུལ་ཚོན་བསྡུ་བ་ནི་ཨ་ཀཱ་རོའི་སྔགས་བཟླས་ཤིང་ར་རི་མེད་པར་བྱའོ། །བསྡུས་ལ་ཆུ་ཆེན་པོ་ལ་དོར་རོ། །བགེགས་ [49a.7]བསྲུང་བ་ལ་ལ་སོགས་པ་འདོད་པ་ཡོད་ན་སྦྱིན་པར་བྱའོ། །དངོས་གྲུབ་མི་ཡལ་བར་བྱ་བའི་ཕྱིར། དྲིའི་ཆུས་དཀྱིལ་འཁོར་དུ་མཎྜལ་བྱས་ལ། ལྷའི་གྲངས་དང་མཉམ་པའི་མེ་ཏོག་དགོད་དོ། །དབང་བསྐུར་བའི་ཆོ་ག་སློབ་དཔོན་ཆེན་པོ་པྲཛྙཱ་ཤྲཱིས་མཛད་པ་རྫོགས་སོ།། །། [49b] [49b.1]{T1270}༄༅༅། །རྒྱ་གར་སྐད་དུ། ཧེ་རུ་ཀོ་པ་ཨུ་དུ་ད་ཡ་མཎྜལ་བི་དྷི།བོད་སྐད་དུ། ཧེ་རུ་ཀ་ཉེ་བར་འབྱུང་བ་ཞེས་བྱ་བའི་དཀྱིལ་འཁོར་གྱི་ཆོ་ག །དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། །ཧེ་རུ་ཀ་དཔལ་ཐམས་ཅད་མཁྱེན་ཉིད་རིག་ [49b.2]པར་ལྡན། ལྷན་ཅིག་སྐྱེས་པ་དེ་ལ་སྤྱི་བོས་ཕྱག་འཚལ་ཏེ། །སྐྱོན་རྣམས་ཐམས་ཅད་བྲལ་ཞིང་སྙིང་རྗེའི་རང་བཞིན་ལྡན། །དེ་ཉིད་རྟོགས་ཕྱིར་དཀྱིལ་འཁོར་ཆོ་ག་བསྡུས་ཏེ་བཤད། །དབང་བསྐུར་རབ་གནས་བཟླས་དང་སྒྲུབ་པ་ལ་སོགས་པ། །དཀྱིལ་འཁོར་ཆེན་པོར་མི་ལྡན་གང་ཡང་འགྲུབ་ [49b.3]མི་འགྱུར། །དེ་ཕྱིར་ལས་ཀུན་རྫོགས་ཤིང་དེ་ཉིད་རྟོགས་ཕྱིར་དང་། །ཁྱད་པར་ལམ་ལ་སྨིན་ཕྱིར་དཀྱིལ་འཁོར་ཆོ་ག་བརྩམ། །དཀྱིལ་འཁོར་ཏིང་འཛིན་སྔགས་དང་ཕྱག་རྒྱ་དང་། །གདན་ལྡན་བཟླས་དང་སྦྱིན་སྲེག་ཆོ་ག་དང་། །མཆོད་དང་ལས་ཀྱི་སྦྱོར་ཀ་ཡོངས་སུ་སྡུད་པ་སྟེ། འདི་ནི་དེ་ཉིད་བཅུ་ [49b.4]སྟེ་རིག་པར་བྱ། །སློབ་དཔོན་དེ་ཉིད་བཅུར་ལྡན་ཞིང་། །སྔགས་དང་རྒྱུད་ཀྱི་སྦྱོར་བ་ཤེས། །མཚན་ཉིད་ཐམས་ཅད་ཡོངས་སུ་རྫོགས། །བསྟན་བཅོས་ཀུན་གྱི་དོན་རྟོགས་ཤིང་། །དབང་རྣམས་ཐམས་ཅད་རྫོགས་པ་དང་། །དེ་ཉིད་ལྷ་ཡི་སྣང་བ་ཐོབ། །བླ་མ་ཡོན་ཏན་ལྡན་གྱིས་གནང་། ། [49b.5]དམ་ཚིག་སྡོམ་ལྡན་རབ་ཏུ་བརྟན། །ཐེག་པ་གསུམ་གྱི་དེ་ཉིད་རིག །འཇིག་རྟེན་ཆོས་ཀྱིས་མ་གོས་ཤིང་། །སྙིང་རྗེའི་རང་བཞིན་སྙིང་བརྩེར་ལྡན། །རྒྱུན་དུ་བཟླས་བརྗོད་མཐར་ཕྱིན་ཞིང་། །དད་དང་བྱམས་ལ་རྒྱུན་བཞུགས་པ། །ཆོ་ག་ཐམས་ཅད་རྫོགས་པ་དང་། །དཀྱིལ་འཁོར་བྲི་ལ་ [49b.6]བརྩོན་ལྡན་ཡིན། །མཆོག་གི་བསོད་ནམས་ཐོབ་འདོད་དང་། །དེ་ཉིད་རྗེས་སུ་ཡི་རང་ལྡན། །དེ་དག་མི་ལྡན་དཀྱིལ་འཁོར་རྩོམ། །ཆོ་གའི་རང་བཞིན་དམན་པ་དང་། །རློམ་པའི་སེམས་ཀྱིས་བྱས་གྱུར་ན། །ཚེ་འདིར་སྡུག་བསྔལ་ཆེན་པོ་འཐོབ། །ཕ་རོལ་འཇིགས་པ་ཆེན་པོར་འགྱུར་ [49b.7]དེ་ཕྱིར་མཚན་ཉིད་རྫོགས་པ་དང་། །རྒྱུད་ཀྱི་དོན་རྣམས་ཡོངས་རྟོགས་ཤིང་། །ཆོ་ག་ཐམས་ཅད་མ་ཉམས་པར། །དཀྱིལ་འཁོར་ཆེན་པོ་རྩོམ་པ་ན། །འདི་དང་ཕ་རོལ་ཐམས་ཅད་ཀྱི། །བསོད་ནམས་ཕུན་སུམ་ཚོགས་པ་འཐོབ། །མི་མཉམ་བསོད་ནམས་ཐོབ་པའི་ཕྱིར། །དཀྱིལ་ [50a] [50a.1]འཁོར་མཆོད་ལ་བརྩོན་པར་བྱ། །དེ་ལ་དང་པོ་ཁོ་ནར་སློབ་མ་སྦྱིན་པར་བྱ་བའི་ཕྱིར། མཎྜལ་སོགས་པ་སྔོན་དུ་འགྲོ་བས་ལན་གསུམ་དུ་གསོལ་བ་གདབ་པར་བྱའོ། །བདག་ཉིད་བསྒྲུབ་པར་བྱ་བའི་དཀྱིལ་འཁོར་རམ། །གཞན་སྦྱིན་པར་བྱ་བའི་དོན་ཆེད་དུ་ [50a.2]གཉེར་བས་བསྙེན་པ་ལ་འཇུག་པར་བྱ་སྟེ། དེ་ནས་ཁྱད་པར་གྱི་གནས་སོ་སོའི་སྐྱེ་བོ་མི་འདུ་བ།ཡིད་འཇུག་པ། གནས་ཀྱི་དེ་ཁོ་ན་ཉིད་རིག་པའི་སྟོབས་ཀྱིས་གནས་ཏེ། དགྱེས་པའི་རྡོ་རྗེའི་རྣལ་འབྱོར་མཚན་ཉིད་ཐམས་ཅད་དང་ལྡན་པར་བྱ་སྟེ། ལྷག་པའི་ལྷའམ་འཁོར་ལོས་ [50a.3]སྒྱུར་བའི་སྔགས་ལ་འབུམ་ཕྲག་གི་བཟླས་པ་བྱས་ནས། འཁོར་གྱི་སྔགས་ཀྱང་ཁྲི་ཕྲག་རེ་རེའི་བཟླས་པ་བྱས་པ་འམ། ཡང་ན་ལྷའི་རྗེས་སུ་གནང་བ་ཐོབ་ཅིང་། མཁའ་འགྲོ་མས་ལུང་བསྟན་ནས་དཀྱིལ་འཁོར་རྩོམ་པ་ལ་འཇུག་པར་བྱའོ། །དེ་དག་ནི་བསྙེན་པའི་རིམ་པའོ།། །། [50a.4]ཤིང་གཅིག་འཇིགས་གནས་ཆུ་འགྲམ་དང་། །དུར་ཁྲོད་དབེན་པའི་ནགས་ཚལ་དང་། །རྒྱ་མཚོའི་འགྲམ་དང་གཡུལ་འགྱེད་སར། །བསྒྲུབས་ན་དངོས་གྲུབ་ཉེ་བར་བཤད། །མཚོ་དང་གྲོང་ཁྱེར་དབུས་དག་དང་། །སྐྱེ་བོ་འདུས་ས་ཕྱུགས་ར་དང་། །རབ་གནས་མ་བྱས་ལྷ་ཁང་དང་། ། [50a.5]མཚན་ཉིད་མི་ལྡན་ས་ཕྱོགས་སུ། །གང་ཞིག་དཀྱིལ་འཁོར་རྩོམ་བྱེད་ན། །དེ་ཡི་དངོས་གྲུབ་ཐམས་ཅད་ནི། །དེ་ཉིད་མཁྱེན་པས་རིང་བར་གསུངས། །གནས་བརྟག་པའི་རིམ་པའོ།། །།དུས་དང་རྒྱུ་སྐར་ཤིས་པ་ལ། །སྔ་དྲོའི་དུས་སུ་ཡང་དག་པར། །དེ་ཉིད་མཁྱེན་པའི་གཙོ་བོ་ [50a.6]ཡིས། །ས་ནི་ལེགས་པར་བརྟག་པར་བྱ། །བྲ་ཤིང་ཡུང་བ་རྣོ་ཤིང་རམས་ཤིང་རྣམས་ནི་སྤངས། །ཉུང་ནག་སྐུར་ཤིང་དོན་གྲུབ་གོ་བི་ད་ར་དང་། །ས་རྩུབ་དག་དང་རི་སུལ་ཚྭ་སྒོ་ཚེར་མ་ཅན། །རུས་སྦལ་རྒྱབ་འདྲའི་ས་གཞི་ཡོངས་སུ་སྤང་། །ཤར་ཕྱོགས་ནི་མ་པ་ལ་ཡི་ཐར་ཤིང་ཡོད་པ་དང་། ། [50a.7]ལྷོ་ཕྱོགས་པ་ལ་ཤ་ཡི་ཐང་ཤིང་ཡོད་པ་དང་། །ནུབ་ཕྱོགས་ནྱ་གྲོ་དྷ་ཡི་ཐང་ཤིང་གནས་པ་དང་། །བྱང་ཕྱོགས་བ་ཀུ་ལ་ཡི་ཐང་ཤིང་སྐྱེས་པ་ནི། །ས་ཕྱོགས་དེ་དག་ཡོངས་སུ་སྤང་བར་བྱ། །མེ་ཡི་མཚམས་སུ་ཀ་ཀུ་པ་ཡི་ཤིང་ལྡན་དང་། །སྲིན་པོའི་མཚམས་སུ་བ་ལ་ཤ་ཡི་ཤིང་ [50b] [50b.1]གནས་སྤང་བར་བྱ། །དེ་བཞིན་རླུང་གི་མཚམས་སུ་པ་ལ་བྷ་ལིའི་ཤིང་། །དབང་ལྡན་མཚམས་སུ་ཨུ་དུམྺཱ་རའི་ཤིང་བཅས་སྤང་། །ཨ་ཤོ་ཀ་ནི་འབྲས་མེད་སྐམ་པོ་སྐམ་ཤིང་ས། །ཏ་མ་ལའི་ཤིང་ཚེར་མ་དུག་ཤིང་སྤང་། །གསལ་ཤིང་ལ་སོགས་གདུག་པའི་ཤིང་རྣམས་ཡོངས་སུ་ [50b.2]སྤང་། །མི་མཉམ་ནག་པོ་གྲུ་བཞི་ཆུ་ཤིང་སྐྱེས་པ་དང་། །ཆུ་ཤོལ་གང་རོལ་འོབས་ཅན་གཏིང་ཁུང་གཉེར་ལྡན་སྤང་། །ལེགས་པར་གྲུ་བཞིར་བརྐོས་ནས་དེ་ཉིད་ས་ཡིས་དགང་། །སྔོན་པས་དམའ་ན་ལེགས་པར་བརྟགས་ཏེ་སྤང་བར་བྱ། །མཉམ་པར་གང་སྟེ་མཐོ་ན་ས་གཞི་བཟང་པོར་ [50b.3]བཤད། །དེ་ནི་ས་བརྟག་པའོ།། །།བྲ་ཤིང་ལ་སོགས་ས་གཞི་ལ། །གང་ཞིག་དཀྱིལ་འཁོར་རྩོམ་བྱེད་ན། །རྩོད་དང་མྱ་ངན་ནོར་ཤོར་དང་། །ཡོན་བདག་གདུང་སྐྱེ་ཐེ་ཚོམ་མེད། །དམའ་འམ་རུས་སྦལ་རྒྱབ་འདྲ་ན། །འཆིའམ་ནད་ཆེན་འབྱུང་བར་འགྱུར། །དེ་ཕྱིར་དེ་འདྲའི་ས་གཞི་ལ། ། [50b.4]དཀྱིལ་འཁོར་མི་བརྩམ་བློ་ལྡན་གྱིས། །ཨ་ཤོ་ཀ་སོགས་ལྡན་པ་ཡི། །ས་གཞི་དཀར་པོ་འཇམ་པ་ཡི། །བྱང་ཤར་གཡས་འབབ་ཆུ་འབབ་ན། །དེར་ནི་བླ་མེད་དངོས་གྲུབ་ཐོབ། །བརྐོས་པས་ས་ཆུས་མ་ཁེངས་ན། །དེས་ནི་དགོངས་པ་ཉམས་པར་འགྱུར། །བརྐོས་པས་ས་ཆུས་གང་ [50b.5]ལྷག་ན། །བསམས་པའི་དགོངས་པ་འགྲུབ་པར་འགྱུར། །ས་གཞིའི་མཚན་ཉིད་བརྟག་པའོ།། །།དེ་ནས་སྔགས་པས་ས་གཞི་ལེགས་པར་བརྟགས་པའི་དབུས་སུ་མཐོ་ཞིང་བདེ་བའི་སྟན་ལ་འདུག་སྟེ། ཁྲུས་བྱས་ཏེ་དྲི་ཞིམ་པོས་བྱུགས་ལ། ན་བཟའ་དང་ཕྱག་རྒྱ་དྲུག་གིས་ལེགས་ [50b.6]པར་བརྒྱན་ལ། དགོས་པ་ཐམས་ཅད་ཡོངས་སུ་ཚོགས་པར་བྱས་ནས་རྒྱུན་དུ་བསྲུང་བའི་སྔགས་བཟླས་ཏེ། སྔགས་པ་མཉམ་པར་གཞག་པ་དང་ལྡན་པས་རྡོ་རྗེ་དང་དྲིལ་བུ་གཟུང་སྟེ། མཆོད་པ་དང་གཏོར་མ་སྔོན་དུ་འགྲོ་བ་བྱས་ནས། དགོངས་ཀའི་དུས་སུ་ཏིང་ངེ་འཛིན་གསུམ་རྫོགས་པར་ [50b.7]བྱས་ལ། ཇི་ལྟར་བཤད་པའི་དྲག་པོའི་སྦྱིན་སྲེག་གིས་བགེགས་བསྐྲད་ནས་ཕུར་བུ་བཏབ་སྟེ། རྡོ་རྗེ་ར་བ་དང་གུར་ལ་སོགས་པ་བསྒོམ་པར་བྱའོ། །དེ་ནས་སློབ་མ་བསྲུང་བའི་དོན་དུ་ཞི་བའི་སྦྱིན་སྲེག་བྱའོ། །དེ་ནས་གཏོར་མ་རྒྱ་ཆེན་པོ་ཇི་ལྟ་བའི་གདམས་ངག་གིས་བྱིན་གྱིས་བརླབས་ལ། [51a] [51a.1]ཕྱོགས་ཐམས་ཅད་ཀྱི་འཇིག་རྟེན་སྐྱོང་བ་རྣམས་ལ་སྒྲ་ཆེན་པོ་དང་ལྡན་པར་བྱས་ཏེ་སོ་སོ་ལ་གཏོར་མ་སྦྱིན་ནོ། །བྱིན་གྱིས་རློབ་པའི་གསོལ་བ་གདབ་པར་བྱའོ། །དེའི་ནང་པར་སྔ་དྲོའི་དུས་སུ་སྔགས་པ་རྣལ་འབྱོར་དང་ལྡན་པ་ལས་ཐམས་ཅད་པའི་སྔགས་ཀྱིས་ལས་ [51a.2]ཐམས་ཅད་པའི་ཆུ་ལ་བསྔགས་ཏེ། ས་གཞི་ལ་བསང་གཏོར་དུ་བྱས་ནས་རང་གི་འོད་ཟེར་གྱིས་ཇི་ལྟར་བཤད་པའི་སའི་ལྷ་མོ་བཀུག་སྟེ། མདུན་གྱི་ནམ་མཁའི་དབྱིངས་ནས་མཆོད་པ་ལ་སོགས་པས་ཡོངས་སུ་མཆོད་ལ། ལྷ་མོ་ཁྱོད་ནི་དཔང་དུ་གྱུར། །ཞེས་པ་ལ་སོགས་པས་གསོལ་ [51a.3]བ་བཏབ་ནས་ཨོཾ་བཛྲོ་ཏྟིཥྛ་ཞེས་བྱ་བའི་སྔགས་ཀྱིས་ནམ་མཁའི་ཕྱོགས་སུ་གཞག་པར་བྱའོ། །ལས་ཀྱི་རྡོ་རྗེས་བརྐོ་བར་བྱ། །ཟབས་སུ་པུས་མོའི་ཚད་ཙམ་བརྐོ། །ལྟོ་འཕྱེ་ཡོངས་སུ་བརྟག་བྱས་ལ། །སྐྱོན་ནི་རྣམ་པར་བརྟག་པར་བྱ། །དགུན་ཟླ་གསུམ་གྱི་བདག་ཉིད་ལ། །ཇི་ལྟར་ [51a.4]ཉི་མ་ཤར་ནས་བརྩམས།། ལྷོ་ཡི་ཕྱོགས་སུ་མགོ་བལྟས་ནས། །གཡོན་གྱི་ལུས་ཀྱིས་ཉལ་བ་ཡིན། །དཔྱིད་ཟླ་གསུམ་གྱི་བདག་ཉིད་ལ། །ལྷོ་ནས་ཉི་མ་ནུབ་ཕྱོགས་སུ། །ལུས་སྟོད་མི་ལུས་ནུབ་ཏུ་བལྟ། །ལུས་སྨད་སྦྲུལ་འདྲ་ཤར་དུ་ཡིན། །དབྱར་ཟླ་གསུམ་གྱི་བདག་ཉིད་ལ། ། [51a.5]བྱང་དུ་ཁ་བལྟས་ནུབ་ཏུ་འཁོར། །སྟོན་ཟླ་གསུམ་གྱི་བདག་ཉིད་ལ། །ཤར་དུ་མགོ་བལྟས་ཤར་བལྟ་ཡིན། །དེ་ཡིས་ལྟོ་ཤེས་བྱས་ནས་བརྐོ། །དེས་མི་འདོད་པའི་དངོས་གྲུབ་ནི། །ཐོབ་པར་འགྱུར་ཏེ་ཐེ་ཚོམ་མེད། །གལ་ཏེ་མགོ་བོར་བརྐོ་བ་ན། །ཕ་དང་མ་དང་སྙིང་གཉེན་དང་། ། [51a.6]བུ་དང་ཚ་བོ་ཉེ་འཁོར་བཅས། །རྟག་ཏུ་བརླག་འགྱུར་ཐེ་ཚོམ་མེད། །གལ་ཏེ་རྒྱབ་ཏུ་བརྐོས་པ་ན། །ཡུལ་འཆོར་ཡང་ན་འཆི་བར་འགྱུར། །གལ་ཏེ་མཇུག་མར་བརྐོས་པ་ན། །བ་ལང་མ་ཧེ་ལ་སོགས་པའི། །སྒོ་ཕྱུགས་མྱུར་དུ་བརླག་པར་འགྱུར། །དེ་ཕྱིར་ལྟོ་འཕྱེ་ཡོངས་བརྟགས་ལ། ། [51a.7]སྐོར་བ་ལན་གསུམ་བྱས་ནས་ནི། །ལྟོ་བའི་ཕྱོགས་སུ་བརྐོ་བར་བྱ། །ལྟོ་འཕྱེ་ཤར་ཕྱོགས་ནས་བརྩམས་ནས། །ཇི་ལྟར་དུས་ཚོད་གསུངས་པ་བཞིན། །ཕྱོགས་མཚམས་ཀུན་དུ་འཁོར་ཞིང་གནས། །ས་བརྐོས་པ་ཡི་ནང་ནས་ནི། །ཕུབ་མ་རྡོ་བ་གསེག་མ་དང་། །སོལ་བ་རོ་དུམ་ལ་ [51b] [51b.1]སོགས་པ། །དེ་དག་ལེགས་པར་བསལ་བར་བྱ། །བྱུང་ནས་ལེགས་པར་མ་བསལ་ན། །དེ་ལ་ངེས་པར་སྐྱོན་དུ་འགྱུར། །རུས་པ་མ་བསལ་སྐྱོན་གྱིས་ལུས་ནི་འཇིག་པར་འགྱུར། །སོལ་བ་མ་བསལ་སྐྱོན་གྱིས་འཇིག་པ་ཆེན་པོས་ཕོག །ཐལ་བས་ནོར་ཤོར་མི་རུས་ཀྱིས་ནི་འཆི་ [51b.2]བར་འགྱུར། །སྦྲུལ་ལ་སོགས་པའི་སྐྱོན་ནི་ལེགས་པར་སྔགས་ཀྱིས་སྤང་། །མ་སྤངས་སྐྱོན་གྱིས་མཁའ་འགྲོའི་ཆད་པ་འབྱུང་བར་འགྱུར། །རྡོ་དང་རྡུལ་ཕྱེ་བྱེ་མ་སེན་མོ་སྐྲ་དང་གྱོ་མོ་བོང་བ་དང་། །ཤིང་དང་ཕག་བུ་དྲི་མ་ཕུག་མ་ཚེར་མ་རྡོ་ཚིགས་ལ་སོགས་པ། །མ་བསལ་སྐྱོན་ [51b.3]གྱིས་བརྡུང་བརྡེག་རྩོད་དང་རྣམ་པར་འཚེ་བ་ཀུན་དུ་འབྱུང་། །དེ་ཕྱིར་ཤིན་ཏུ་ཕྲ་བའི་སྐྱོན་ཡང་ལེགས་པར་བརྟགས་ཏེ་ཡོངས་སུ་སྤང་། །པུས་མོའི་ཚད་དུ་བརྐོས་པས་ནི། །ས་བརྟག་ལེགས་པར་མ་བྱུང་ན། །རྐེད་པའི་ཚད་དུ་བརྐོ་བར་བྱ། །གསེག་མ་ལ་སོགས་མང་གྱུར་ནས། །དེ་དག་ [51b.4]བསལ་བར་མ་ནུས་ན། །ཆུ་དང་ཡུངས་ཀར་ཤིས་པར་བྱ། །ཆུ་དང་ཡུངས་ཀར་ལག་བཟུང་ནས། །ས་གཞི་ཡོངས་སུ་ཁྱབ་གཏོར་ཏེ། །སྔགས་ནི་འོད་བཅས་དྲག་ཏུ་བརྗོད། །ཨོཾ་ཧ་ན་ཧ་ན་ཀྲོདྷ་ཧཱུཾ་ཕཊ། དེ་ནས་ཧཱུཾ་གིས་བྱིན་གྱིས་བརླབས་པའི་ཆུ་དང་ས་ལ་ལས་ཐམས་ཅད་པའི་སྔགས་ [51b.5]ཀྱིས་ལན་དུ་མར་བསྔགས་ཏེ་ས་ལ་ཁྱབ་པར་གཏོར་ནས། རིན་པོ་ཆེ་ལྔ་དང་སྨན་ལྔ་རྒྱལ་བའི་ས་བོན་གྱིས་བྱིན་གྱིས་བརླབས་ཏེ། དཀྱིལ་འཁོར་གྱི་སྙིང་པོར་བཅུག་ནས། ཤིན་ཏུ་མཉམ་པར་ལེགས་པར་བརྡུང་བར་བྱའོ། །བདག་གམ་ལས་ཀྱི་རྡོ་རྗེ་མ་ཡིན་པས་མི་བྱའོ། །རྒྱལ་པོའི་ཕོ་བྲང་ [51b.6]ནང་དང་ནི། །མི་མཉམ་པ་ཡི་ས་ཕྱོགས་དང་། །གླང་ཆེན་བ་གླང་ར་བ་དང་། །ལྷ་ཁང་ནང་དང་ལམ་ཆེན་དང་། །ཆུ་དང་མཚོ་ཡི་འགྲམ་དུ་ནི། །དེ་དག་གནས་སུ་བརྐོ་མི་བྱ། །ས་ནི་ཡོངས་སུ་དག་བྱའི་ཕྱིར། །ལག་པ་བཞག་ནས་གསང་སྔགས་བརྗོད། །ས་ཕྱོགས་ཡོངས་སུ་དག་ [51b.7]པས་ནི། །སེམས་ཀྱི་སྒྲིབ་པ་སྤོང་བར་འགྱུར། །ཨོཾ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། དེ་ལ་དཀྱིལ་འཁོར་གྲུ་བཞི་པ། སྒོ་བཞི་རྟ་བབས་བཞིས་བརྒྱན་པ། བར་སྣང་ཁྱབ་པར་གནས་པ། བླ་རེ་དང་། རྔ་ཡབ་དང་། བ་དན་དང་། དྲིལ་བུ་གཡེར་ཁ་དང་། དར་དཔྱངས་དང་། མེ་ཏོག་གི་ཆུན་འཕྱང་ [52a] [52a.1]གིས་སྤྲས་པ། དྲི་ཞིམ་པོའི་མེ་ཏོག་གི་ཆུན་འཕྱང་དང་ཁ་དོག་སྣ་ཚོགས་ཀྱི་རས་ཀྱིས་བརྒྱན་པ། དེ་ལྟ་བུའི་ས་ཕྱོགས་པའི་རྣམ་པ་ལྔས་དག་པ་ལ་བདུད་རྩི་ལྔ་དང་དྲི་ཞིམ་པོས་བྱུགས་ཏེ། གྲྭ་དང་ཕྱོགས་སུ་སྤོས་ཀྱིས་བཀང་བའི་ཕོར་བུ་བཞག་ལ། དེར་སྦྱིན་སྲེག་ [52a.2]ལ་སོགས་པ་བྱའོ། །དེ་ནས་སའི་ལྷ་མོ་བཀུག་སྟེ། ས་ཕྱོགས་དེར་བྱིན་གྱིས་རློབ་པའི་བདག་ཉིད་དུ་དམིགས་པར་བྱའོ། །ཕྱིའི་ས་སྦྱང་བའི་རིམ་པའོ།། །།དེ་ནས་རྡོ་རྗེ་སློབ་དཔོན་གྱིས་བདེ་བའི་སྟན་ལ་འདུག་ལ། མཉམ་པར་གཞག་པས་ལེགས་པར་སྦྱངས་པའི་ས་ལ་མཆོད་ [52a.3]པ་དང་གཏོར་མ་སྔོན་དུ་འགྲོ་བས་ལྷག་པའི་ལྷའི་དཀྱིལ་འཁོར་བསྐྱེད་པར་བྱས་ནས་བགེགས་བསྐྲད་པར་བྱས་ཏེ། ལས་ཐམས་ཅད་པའི་སྔགས་ཀྱིས་ལས་ཐམས་ཅད་པའི་ཆུ་ལ་ལན་བདུན་དུ་བསྔགས་ནས་དཀྱིལ་འཁོར་ལ་བསང་གཏོར་དུ་བྱའོ། །དེ་ལ་ཨོཾ་བྷུ་ཁཾ་གི་སྔགས་ཀྱིས་ནམ་མཁའི་ [52a.4]རང་བཞིན་དུ་བྱས་ནས། ཧཱུཾ་ལཾ་ཧཱུཾ་གི་སྔགས་ཀྱིས་ས་གཞི་རྡོ་རྗེའི་རང་བཞིན་དུ་དམིགས་སོ། །ཨོཾ་མེ་དི་ནཱི་བཛྲཱི་བྷ་བ་བཛྲ་བནྡྷ་ཧཱུཾ་གི་སྔགས་ཀྱིས་ས་གཞི་དེ་ཉིད་བརླབ་པར་བྱའོ། །ནང་གི་ས་སྦྱང་བའི་རིམ་པའོ།། །།དེ་ནས་སློབ་དཔོན་གྱིས་མེ་ཏོག་དྲི་ཞིམ་པོ་སྣ་ཚོགས་སིལ་མར་བཀྲམ་པའི་ [52a.5]དཀྱིལ་འཁོར་གྱི་དབུས་སུ་རྡོ་རྗེ་དྲིལ་བུ་བཟུང་ནས་འདུག་སྟེ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཀྱི་ཏིང་ངེ་འཛིན་གསུམ་དང་ལྡན་པར་བྱས་ལ། ཕྱོགས་གཞིར་གཽ་རཱི་ལ་སོགས་པའི་རྣལ་འབྱོར་དུ་ཞུགས་པའི་སློབ་མས་རྡོ་རྗེ་དང་དྲིལ་བུ་ལག་ཏུ་ཐོགས་ནས། རྡོ་རྗེ་ཚིག་བཞིས་བསྐུལ་ [52a.6]བར་བྱའོ། །དེ་བཞིན་གཤེགས་པ་ཀུན་ཞི་བ། །དེ་བཞིན་གཤེགས་པ་ཀུན་གྱི་གནས། །ཆོས་ཀུན་བདག་མེད་པ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །མཚན་མིན་ཐམས་ཅད་རྣམ་པར་སྤངས། །མཚན་རྣམས་ཐམས་ཅད་ཡང་དག་རྫོགས། །ཀུན་དུ་བཟང་པོ་སྐུ་ཡི་ [52a.7]མཆོག །དཀྱིལ་འཁོར་དམ་པ་བཤད་དུ་གསོལ། །ཞི་བའི་ཆོས་ནི་མཆོག་ལས་བྱུང་། །ཡེ་ཤེས་སྤྱོད་པ་རྣལ་འབྱོར་པ། །ཀུན་དུ་བཟང་པོ་གསུང་གི་མཆོག །དཀྱིལ་འཁོར་དམ་པ་བཤད་དུ་གསོལ། །སེམས་ཅན་ཀུན་གྱི་ཐུགས་ཆེན་པོ། །རང་བཞིན་དག་པ་དྲི་མ་མེད། །ཀུན་བཟང་ [52b] [52b.1]ཐུགས་མཆོག་ཁ་ལོ་སྒྱུར། །དཀྱིལ་འཁོར་དམ་པ་བཤད་དུ་གསོལ། །དེ་ལྟར་བསྐུལ་ནས་བསྔགས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ང་རྒྱལ་དུ་བྱས་ནས་འདི་སྐད་བརྗོད་དོ། །ང་ཉིད་སངས་རྒྱས་ཐམས་ཅད་ཉིད། །ང་ཉིད་བྱང་ཆུབ་སེམས་ཀུན་ [52b.2]ཉིད། །ང་ཉིད་རྡོ་རྗེ་ཉི་མ་ཉིད། །ང་ཉིད་རྡོ་རྗེ་དོན་ཡོད་དེ། །ང་ཉིད་རྡོ་རྗེ་ཆོས་ཀུན་ཡིན། །དེ་བཞིན་གཤེགས་པ་ཐམས་ཅད་ཀྱི། །ཀུན་གྱི་ཐུགས་མཆོག་ང་ཉིད་ཡིན། །དེ་ནས། ཨོཾ་བཛྲོ་ཏྟིཥྚའི་སྔགས་ཀྱིས་སྔོན་དུ་བཤད་པའི་དཀྱིལ་འཁོར་བཏེག་སྟེ་ནམ་མཁའི་ཁམས་སུ་གཞག་གོ། ། [52b.3]སེམས་ཅན་གྱི་ཁམས་ཐམས་ཅད་ཉོན་མོངས་པའི་མུན་པས་གཏིབས་པ་བསལ་བའི་དོན་དུ་སྙིང་རྗེའི་བདག་ཉིད་བཞེངས་ཏེ། ཊ་ལས་ཟླ་བ་མིག་གཡོན་པ། གཡས་པ་མ་ལས་ཉི་མར་འབར། །འཇིག་རྟེན་ཐམས་ཅད་འབར་བལྟས་ཁྱབ། །རྡོ་རྗེའི་ལྟ་བས་མཉམ་པར་བལྟ། །རྐང་ [52b.4]འོག་རྡོ་རྗེ་འབར་བ་སྟེ། །ཤིན་ཏུ་ཁྲོ་བའི་སྦྱོར་བ་ཡིས། །རྡོ་རྗེ་ཤིན་ཏུ་གསོར་བར་བྱ། །སྣ་ཚོགས་རྡོ་རྗེ་འགྲོས་ཀྱི་གར། །དྲིལ་བུ་གནས་སུ་གསིལ་བྱ་ཞིང་། །ཁྲོ་གཉེར་འཇིགས་བཅས་ཧཱུཾ་སྒྲ་སྒྲོགས། །སྔགས་པ་གཡས་སྐོར་ཁྲོས་སྟངས་ཀྱིས། །འཁོར་ལོའི་ས་ལ་དྲག་པོར་བསྐོར། ། [52b.5]ལྷ་སོགས་བགེགས་ཀྱི་ཚོགས་རྣམས་ཀྱིས། །ལུས་ངག་ཡིད་ལ་གནས་པ་ཡི། །བགེགས་ཀྱི་ཚོགས་ནི་ཐམས་ཅད་ཉོན། །དཀྱིལ་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་པའི་བགེགས་ཆེན་ཀུན་ཉོན་ཅིག །རྣལ་འབྱོར་བདེ་གཤེགས་ཕོ་བྲང་ངས་བཞེངས་ཀྱིས། ། [52b.6]བགེགས་ཆེན་རིགས་སོགས་གང་ཕྱིར་འབྱེར་བར་གྱིས། །ང་ནི་ཀུན་དངོས་སངས་རྒྱས་རྡོ་རྗེ་ཅན། །བདེ་ཆེན་ལས་བྱུང་རྡོ་རྗེ་སེམས་དཔའ་ཡིན། །ང་ནི་སྙིང་རྗེ་ཆེན་པོ་དཔལ་དང་ལྡན་པ་ཡིན། །སྲུང་བའི་འཁོར་ལོ་ང་ཡིས་རབ་འབྱོར་པ། །རྡོ་རྗེ་འབར་བའི་ཁྲོ་གཟུགས་ཀྱིས། །གསང་ [52b.7]གསུམ་རྡོ་རྗེ་རབ་གསོར་བས། །འཇིགས་པར་འགྱུར་བ་གདོན་མི་ཟ། །གལ་ཏེ་ང་ཡི་བཀའ་འདས་ན། །ཤིན་ཏུ་རྣམ་པར་འཇིག་འགྱུར་ཏེ། །ཕྱེ་མར་གྱུར་པ་གདོན་མི་ཟ། །དེ་ནས་བགེགས་ཚོགས་ཀུན་འབྱེར་ཏེ། །ལྷག་མ་ལུས་པ་ཅུང་ཟད་མེད། །བགེགས་བསྐྲད་ནས་ས་གཟུང་ [53a] [53a.1]བའི་རིམ་པའོ།། །།དེ་ནས་སྔགས་པས་བགེགས་ཉེ་བར་ཞི་བར་བྱ་བའི་དོན་དུ། བདུད་རྩི་འཁྱིལ་པ་སྨད་རྩེ་གསུམ་ཕུར་བུའི་དབྱིབས་སུ་གནས་པ། སྟོད་ཁྲོ་བོ་ཆེན་པོའི་ཆ་བྱད་ཉི་མ་འབུམ་གྱི་འོད་འབར་བར་བསམས་ནས་དཀྱིལ་འཁོར་གྱི་དབུས་སུ་ [53a.2]བསྒོམ་པར་བྱའོ། །ཨོཾ་གྷ་གྷ། གྷཱ་ཏ་ཡ། གྷཱ་ཏ་ཡ། སརྦ་དུཥྜཱན་ཕཊ། ཀཱི་ལ་ཡ་ཀཱི་ལ་ཡ། སརྦ་པཱ་པཾ་ཕཊ། ཧཱུཾ་ཧཱུཾ་བཛྲ་དྷ་ར་ཨཱཛྙཱ་པ་ཡ་ཏི། སརྦ་བིགྷཱཾ། ཀཱ་ཡ་བཱ་ཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། སྔགས་འདི་དག་ཕྱོགས་ཐམས་ཅད་དུ་སྤྲོས་པའི་སྦྱོར་བས་བགེགས་ལ་གདབ་པར་ [53a.3]བྱའོ། །དེ་བགེགས་ལྷག་མ་མེད་པར་གཞོམ་པར་བྱ་བའི་ཕྱིར། ཕྱོགས་སོ་སོ་ནས་དབང་པོ་ལ་སོགས་པའི་ཕྱོགས་སྐྱོང་བ་རྣམས། བུ་དང་བུ་མོ་ཆུང་མ་དང་འཁོར་དང་གཡོག་ཏུ་བཅས་པ་གདུག་སེམས་དང་བཅས་པ་རྣམས་དཀྱིལ་འཁོར་གྱི་ཕྱོགས་སུ་དམིགས་ལ། བདུད་ [53a.4]རྩི་འཁྱིལ་པའི་སྦྱོར་བ་དང་སྔགས་ཀྱིས་སོ་སོའི་ལུས་ངག་ཡིད་ལ་གདབ་པར་བྱའོ། །བཏབ་སྟེ་རང་བཞིན་མེད་པར་དམིགས་སོ། །ཕུར་བུ་གདབ་པའི་རིམ་པའོ།། །།དེ་ནས་བགེགས་དང་བྲལ་བར་གྱུར་པ་ལ་རྣོ་བའི་གཟུགས་ཀྱི་འོད་ཟེར་གྱིས་བར་སྣང་ཁྱབ་པར་བྱས་ལ། [53a.5]ཕྱི་རོལ་གྱི་རྡོ་རྗེ་ར་བ་ལ་སོགས་པ་བྱའོ། །དེ་ལ་རཾ་དམར་པོ་ཡོངས་སུ་གྱུར་པའི་ཉི་མའི་དབུས་སུ་ཧཱུཾ་ནག་པོ་ཡོངས་སུ་གྱུར་པ་ལས་སྣ་ཚོགས་རྡོ་རྗེ་འོད་ཟེར་ལྔ་དང་ལྡན་པར་རྣམ་པར་བསྒོམ་པར་བྱའོ། །དེའི་འོད་ཟེར་རྡོ་རྗེ་ཕྲ་མོའི་རང་བཞིན་ནམ་མཁའི་ཁམས་ཡོངས་སུ་ཁྱབ་ནས་ཕྱོགས་ [53a.6]བཅུར་འཕྲོས་ཏེ། ཤིན་ཏུ་མཚམས་མེད་པའི་རྡོ་རྗེའི་ར་བས་གཏམས་པར་བྱའོ། །སྟེང་གི་ཕྱོགས་སུ་འཕྲོས་པས་ནི་རྡོ་རྗེའི་གུར་མཚམས་མེད་པར་བྱའོ། །འོག་ཏུ་སྤྲོས་པས་ནི་རྡོ་རྗེའི་ས་གཞི་བརྟན་པར་བྱའོ། །གུར་དང་རྡོ་རྗེ་ར་བ་ལས་འོད་ཟེར་ཕྱོགས་ཐམས་ཅད་དུ་སྤྲོས་ཏེ། ཤིན་ཏུ་ [53a.7]མཚམས་མེད་པར་ཕྱོགས་བཅིང་བར་བྱའོ། །ཉི་མ་དང་སྣ་ཚོགས་རྡོ་རྗེའི་འོད་ཟེར་མཉམ་པར་ཤིན་ཏུ་རིང་བར་སྤྲོས་ཏེ། མཚམས་བཅད་པའི་འཁོར་ལོའི་རང་བཞིན་དུ་དམིགས་སོ། །རྡོ་རྗེ་གུར་ལ་སོགས་པའི་བསྲུང་བའི་འཁོར་ལོའི་རིམ་པའོ།། །།དེ་ནས་པཾ་སེར་པོ་ལས་སྐྱེས་པའི་ [53b] [53b.1]སའི་ལྷ་མོ་སྐུ་མདོག་སེར་མོ་ལུས་ཕྱེད་འཐོན་པ། རིན་པོ་ཆེའི་བུམ་པ་འཛིན་པ། རྒྱན་ཐམས་ཅད་ཀྱིས་རབ་ཏུ་བརྒྱན་པ། རང་གི་མདུན་གྱི་ས་ལ་དེ་ལྟར་དམིགས་ཏེ་ཚིག་འདིས་གསོལ་བ་གདབ་པར་བྱའོ། །དགྱེས་པའི་རྡོ་རྗེ་ཁྲོས་མཆོད་པའི། །ལྷ་མོ་ཁྱོད་ནི་དབང་དུ་གྱུར། །རིན་ཆེན་སྣ་ [53b.2]ཚོགས་ཕྱེ་མ་ཡིས། །བདག་གིས་དོན་ཡོད་དཀྱིལ་འཁོར་བྲི། །དེ་ལྟར་ས་ཡི་ལྷ་མོ་ལ། །གསོལ་བ་ལན་གསུམ་བཏབ་ནས་ནི། །བསང་གཏོར་ལ་སོགས་རབ་ཕུལ་ནས། །ཕྱི་ནས་མཆོད་པ་ཀུན་བྱ་སྟེ། །དེ་ཉིད་ས་ལ་ཐིམ་ནས་ནི། །སྐུ་གསུང་ཐུགས་ཀྱི་རང་བཞིན་གྱི། །ཆོས་ [53b.3]འབྱུང་ངོ་བོ་གནས་པར་འགྱུར། །དེ་ནས་སློབ་དཔོན་ལས་ཀྱི་རྡོ་རྗེ་དང་བཅས་པས་བདུད་རྩི་དྲི་ཞིམ་པོས་དཀྱིལ་འཁོར་བྱུགས་ལ། དེར་མེ་ཏོག་སྣ་ཚོགས་སིལ་མས་བཀྲམ་ལ། དབུས་སུ་བདུད་རྩི་ལྔས་དཀྱིལ་འཁོར་དགུ་བྱས་ཏེ། དེ་ནས་གོང་དུ་ནམ་མཁའི་ཁམས་སུ་ [53b.4]བཞུགས་པའི་དཀྱིལ་འཁོར་སྤྱན་དྲངས་ཏེ། བདུད་རྩི་ལྔའི་དཀྱིལ་འཁོར་ལ་བཞུགས་པར་དམིགས་སོ། །དེ་ནས་ཡང་རིམ་པ་ཇི་ལྟ་བ་བཞིན་དུ་རྡོ་རྗེ་ར་བ་ལ་སོགས་པ་སྲུང་བའི་འཁོར་ལོ་ཚང་བར་བྱས་ལ། ཕྱི་དང་ནང་དང་གསང་བ་དང་དེ་ཁོ་ན་ཉིད་ཀྱི་མཆོད་པས་མཆོད་དེ། བསྟོད་པ་ [53b.5]དང་བདུད་རྩི་མྱང་བ་བྱའོ། །ས་གཟུང་བ་དང་སྟ་གོན་ལ་སོགས་པ་ལ་མཚན་མོའི་དུས་སུ་སྒྲའི་མཆོད་པ་ནི། ཅང་ཏེའུ་དང་། ཆ་ལང་དང་། རྔ་རིངས་དང་། རྔ་དང་། ཕྱེད་རྔ་དང་། རྡེའུ་ཆུང་དང་། པི་ཝང་དང་། གླིང་བུའི་སྒྲས་ཤིན་ཏུ་དལ་བས་ལེགས་པར་མཆོད་དེ། རྡོ་རྗེའི་གླུ་ཤིན་ཏུ་དལ་བས་ [53b.6]གར་དང་བསྟུན་ལ་ལེགས་པར་བསྒྱུར་བ་དང་། བཀྲ་ཤིས་ཀྱི་ཚིག་སྙན་པར་བརྗོད་པ་དང་གར་མཁན་མ་བརྒྱན་པས་གར་གྱི་འགྱུར་བ་སྣ་ཚོགས་ཀྱིས་དཀྱིལ་འཁོར་གྱི་ཕོ་བྲང་གི་ནང་དུ་མཆོད་པའི་བྱེ་བྲག་གིས་མཆོད་པར་བྱའོ། །དེ་ལྟར་ལེགས་པར་བརྟགས་པའི་དག་པར་གྱུར་པའི་དཀྱིལ་ [53b.7]འཁོར་གྱི་ཤར་དུ་རྣལ་འབྱོར་པ་བདེ་བའི་སྟན་ལ་འདུག་སྟེ། མདུན་གྱི་གཡོན་གྱི་ཆར་མན་འཇི་ལ་སོགས་པའི་སྟེང་དུ་རིན་པོ་ཆེའི་སྣོད་དྲི་ཞིམ་པོའི་ཆུ་དང་མེ་ཏོག་གིས་བཀང་ལ། ལས་ཐམས་ཅད་པའི་སྔགས་ཀྱིས་ལན་བདུན་དུ་བསྔགས་ལ་བསང་གཏོར་ལ་སོགས་པ་གཞག་པར་བྱའོ། ། [54a] [54a.1]རྣལ་འབྱོར་པའི་ཏིང་ངེ་འཛིན་གསུམ་དང་ལྡན་པས་བུམ་པ་སྟ་གོན་ལ་གནས་པར་བྱའོ། །དེ་ལ་ནག་པོར་རི་མེད་པ། ལྟོ་བ་ཆེ་བ། མཆུ་འཕྱང་བ། མགྲིན་པ་རིང་བ། ཞབས་སྟེགས་མེད་པ་ལེགས་པར་བཀྲུས་ལ་བདུག་པས་བདུགས་ཏེ། ཏིལ་དང་། གྲོ་དང་། སྲན་མ་དང་། [54a.2]འབྲས་དང་ནས་རྣམས་ནི་འབྲུ་ལྔའོ། །བྲྀ་ཧ་ཏི་དང་། ཀཎྜ་ཀ་རི་དང་། ཤྭེ་ཏ་ཨ་པ་རཱ་ཛི་ཏ་དང་། ས་ཧ་དེ་བ་དང་། དྞྜོཏྤ་ལ་སྟེ་སྨན་ལྔའོ། །གུར་ཀུམ་དང་། ཨ་ཀ་རུ་དང་། གནྡྷི་དང་། ཙནྡན་དང་། སཏྟ་ཨ་གྷ་སྟེ་དྲི་ལྔའོ། །གསེར་དང་། དངུལ་དང་། མུ་ཏིག་དང་། བྱུ་རུ་དང་། རྒྱལ་པོ་རིན་པོ་ཆེ་ [54a.3]ལྔའོ། །དེ་རྣམས་ཡང་དག་པར་བསྡུས་ཏེ། དག་པའི་འབྱོར་པ་དང་ལྡན་པས་བུམ་པར་བླུགས་པར་བྱའོ། །རྟ་དང་། གླང་པོ་ཆེ་དང་། རྔ་མོ་དང་། བ་ལང་ལ་སོགས་པས་མ་བརྙོགས་པ་ཆུ་རིན་པོ་ཆེའི་སྣོད་དུ་དག་པའི་སྐྱེས་བུས་གཞན་དང་དག་མ་འདྲེས་པར་བླངས་ཏེ། ཨོཾ་ཏཔྟེ་ཏཔྟེ་མ་ཧཱ་ [54a.4]ཏཔྟེ་སྭཱ་ཧཱ། ཞེས་བརྗོད་པས་ལྷའི་ཆུ་དག་པར་གྱུར་ནས་བུམ་པ་ཡོངས་སུ་དགང་བར་བྱའོ། །ཙུ་ཏ་དང་། འཛམ་བུ་དྷ་དང་། ཀ་པིངྠ་དང་། བྷི་ལོ་དང་། མ་དུ་ལུང་ག་དང་། ཤིང་ལྔ་བདུག་པས་བདུགས་ཏེ་ཁ་རྒྱན་དུ་བྱའོ། །རས་སར་པ་མ་ཉམས་པ་དྲི་མ་ལ་སོགས་པའི་སྐྱོན་གྱིས་མ་ [54a.5]གོས་པས་ཅོད་པན་དུ་བྱས་ཏེ། བུམ་པའི་དབུས་སམ་མགྲིན་པར་ཆོས་ཀྱི་འབྱུང་གནས་ཀྱི་དབུས་སུ་ཆུད་པར་སོ་སོའི་ལྷའི་ཕྱག་མཚན་དྲི་ཞིམ་པོས་ལེགས་པར་བྲིའོ། །དེ་ནས་པཾ་ཡོངས་སུ་གྱུར་པ་ལས་རིན་པོ་ཆེའི་བུམ་པར་བསམ་མོ། །གདུགས་དང་བ་དན་དང་། མེ་ཏོག་གི་ཆུན་འཕྱང་ [54a.6]གིས་བརྒྱན་པ། དེ་དག་གི་དབུས་སུ་གཙོ་བོ་ལ་སོགས་པ་ཆོ་ག་ཇི་ལྟ་བ་བཞིན་དུ་བསྐྱེད་ལ། མེ་ཏོག་ཕྲེང་བས་བརྒྱན་པའི་རྡོ་རྗེའི་སྐུད་པ་ལ་རྡོ་རྗེ་དང་ལྡན་པས་རྣམ་པར་རྒྱལ་བ་ལ་སོགས་པའི་བུམ་པའི་སྟེང་དུ་བཞག་ལ། ལག་པ་གཡོན་པའི་རྡོ་རྗེ་ཁུ་ཚུར་གྱིས་རྡོ་རྗེ་སྐུད་པའི་རྩེ་མོ་ལ་ [54a.7]གཟུང་ལ། གཡས་པས་གསང་བའི་ཕྲེང་བ་ཐུགས་ཀར་བཟུང་ནས། ཐུགས་ཀའི་འོད་ཟེར་གྱིས་ཡེ་ཤེས་སེམས་དཔའ་དགུག་པ་དང་གཞུག་པ་དང་དབང་བསྐུར་བ་ལ་སོགས་པར་དམིགས་ནས། སོ་སོའི་སྔགས་ཡི་གེ་གསུམ་དང་ལྡན་པས་བཟླས་པ་བརྒྱ་རྩ་བརྒྱད་རྩ་བརྒྱད་བྱའོ། ། [54b] [54b.1]དེ་ནས་འཁོར་ལོའི་ལྷ་རྣམས་ཀྱི་བུམ་པ་ལ། བཟླས་པ་གཙོ་བོ་བས་ཅུང་ཟད་ཉུང་ཡང་རུང་། །ཡང་ན་རྩ་བའི་སྔགས་ཀྱིས་ལན་བདུན་བདུན་བཟླས་པར་བྱའོ། །ཇི་ལྟར་གཙོ་བོ་བྱིན་གྱིས་བརླབས་པ་དེ་བཞིན་དུ་འཁོར་རྣམས་ཀྱང་བྱིན་གྱིས་བརླབ་བོ། །དེ་ནས་བསང་གཏོར་ནས་བརྩམས་ [54b.2]ཏེ་ཕྱི་དང་ནང་དང་གསང་བ་དང་དེ་ཁོ་ན་ཉིད་ཀྱིས་མཆོད་ནས་རྡོ་རྗེ་དང་དྲིལ་བུ་འཛིན་པས་བསྟོད་པ་བྱའོ། །དེ་ནས་བུམ་པ་གཞན་ཡང་སེམས་ཅན་ཐམས་ཅད་ཀྱི་ཕྲིན་ལས་རྫོགས་པར་བྱ་བའི་ཕྱིར། ཇི་ལྟར་གོང་མ་བཞིན་དུ་ལས་ཐམས་ཅད་པའི་ཁྲོ་བོས་བྱིན་གྱིས་བརླབས་ནས་ལས་ཐམས་ [54b.3]ཅད་པའི་སྔགས་ཡི་གེ་གསུམ་དང་ལྡན་པས་བརྒྱ་རྩ་བརྒྱད་བཟླས་པར་བྱའོ། །དེ་ལ་སློབ་དཔོན་ལ་ལས་ནི་ཤར་ལ་སོགས་པའི་བུམ་པ་བརྒྱད་ནི་འདི་ལྟར་གནས་ཏེ། རྒྱལ་བ་དང་། བཀྲ་ཤིས་དང་། དངོས་གྲུབ་དང་། སྲུང་བ་དང་། ཡང་རྒྱལ་བ་དང་། ཞི་བ་དང་། རྫུ་འཕྲུལ་དང་། དངོས་གྲུབ་ [54b.4]སྟེ། དེའི་ངོ་བོས་གནས་ཏེ། ཨོཾ་སུཾ་ཁུཾ་ཡུཾ་ཧཱུཾ་སྭཱ་ཧཱ། སྔགས་འདིས་ལན་བདུན་དུ་བྱིན་གྱིས་བརླབས་ཏེ། སྟ་གོན་ལ་གནས་པར་བྱའོ་ཞེས་གསུང་ངོ་། །བུམ་པ་སྟ་གོན་ལ་གནས་པའི་ཆོ་གའོ། །དེ་ནས་སྔགས་པས་མེ་ཏོག་དྲི་ཞིམ་པོ་ཐལ་མོས་བཟུང་སྟེ། ལུས་འདུད་པར་བྱས་ནས། ཨོཾ་སརྦ་ [54b.5]ཏ་ཐཱ་ག་ཏ། སུ་ལ་ལི་ཏ། བི་ལཱ་ས་ན་མི་ཏཻ་ར་ན་མཱ་མི་བྷ་ག་བཱ་ནྟཾ་ཛཿ་ཧཱུཾ་བཾ་ཧོཿ་པྲ་ཏཱི་ཙྪ་ཀུ་སུ་མཱཉྫ་ལི་ནཱ་ཐ་ཧོཿ་ཞེས་བརྗོད་ནས་སྙིམ་པའི་མེ་ཏོག་དོར་ཏེ། དཀྱིལ་འཁོར་གྱི་འཁོར་ལོ་ལ་མཆོད་པར་བྱའོ། །དེ་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། ལག་པས་དྲི་ཞིམ་པོའི་སྤོས་ཀྱི་སྣོད་ [54b.6]ཐོགས་ལ། ཧཱུཾ་ཤིན་ཏུ་ཕྲ་བ་ལྕེ་ལ་བསམས་ནས། དེ་ཡོངས་སུ་གྱུར་པ་ལས་རྡོ་རྗེ་གསུང་དུ་བསམས་ཏེ། གསོལ་བ་གདབ་པར་བྱའོ། །བཅོམ་ལྡན་ཁྲོ་བོ་རྡོ་རྗེ་ཅན། །རིག་སྔགས་རྒྱལ་ལ་ཕྱག་འཚལ་ལོ། །སློབ་མ་རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །ཐུགས་ [54b.7]རྗེའི་བདག་ཉིད་ཅན་རྣམས་ཀྱིས། །དཀྱིལ་འཁོར་བདག་ནི་བྲི་བར་འཚལ། །བཅོམ་ལྡན་བདག་ནི་གུས་པ་ལ། །རྗེས་སུ་གནང་བ་མཛད་དུ་གསོལ། །སངས་རྒྱས་འཁོར་བའི་དོན་བྱ་བརྩོན། །བྱང་ཆུབ་སེམས་དཔའ་འབྲས་གནས་དཔལ། །གཞན་ཡང་གསང་སྔགས་ལྷ་རྣམས་ [55a] [55a.1]དང་། །འཇིག་རྟེན་སྐྱོང་བའི་ལྷ་རྣམས་དང་། །གང་ཡང་འབྱུང་པོ་མཐུ་ཅན་དང་། །གཞན་ཡང་ལྷ་ཡི་སྤྱན་མངའ་བའི། །སེམས་ཅན་བསྟན་ལ་དགའ་བ་རྣམས། །བདག་ལ་དགོངས་པ་མཛད་དུ་གསོལ། །བདག་མིང་འདི་ཞེས་བྱ་བ་ཡིས། །དགྱེས་པའི་རྡོ་རྗེ་ [55a.2]དཔལ་འབྱུང་བའི། །འགྲོ་བ་དག་པར་བྱ་བའི་ཕྱིར། །ཡོ་བྱད་ཅི་འབྱོར་བས་འདྲི་ན། །དེང་བདག་སློབ་མར་བཅས་པ་ལ། །ཐུགས་ནི་བརྩེ་བར་དགོངས་ནས་སུ། །ཚོགས་པ་ཐམས་ཅད་དཀྱིལ་འཁོར་དུ། །བྱིན་གྱིས་བརླབ་པར་མཛད་དུ་གསོལ། །དེ་ལྟར་ལན་གསུམ་གསོལ་བ་ [55a.3]བཏབ་ནས་མཆོད་པ་དང་བསྟོད་པར་བྱའོ། །ལྷ་སྟ་གོན་ལ་གནས་པའི་རིམ་པའོ།། །།དེ་ནས་སྔགས་པ་དཀྱིལ་འཁོར་གྱི་ནང་ནས་ཕྱིར་བྱུང་སྟེ། སྲུང་བའི་འཁོར་ལོ་བྱས་ནས་སློབ་མ་སྟ་གོན་ལ་གནས་པར་བྱའོ། །བླ་མའི་མདུན་དུ་མཎྜལ་ཕུལ། །མེ་ཏོག་ཕྲེང་ཐོགས་རང་ [55a.4]སློབ་མ། །ཡིད་གཞུངས་སྤྲོ་བ་ཆེ་བ་དང་། །བྱས་པ་གཟོ་ཞིང་ང་རྒྱལ་མེད། །རིགས་མཐོ་ཡོན་ཏན་ལྡན་ཞིང་དང་། །གཟུགས་བཟང་ཁ་དོག་ལང་ཚོར་ལྡན། །བདེ་བར་གཤེགས་པའི་གསང་བ་ནི། །སྒྲུབ་པའི་དོན་གཉེར་མངོན་བརྩོན་ནས། །གཟུགས་ངན་ཡོན་ཏན་མེད་པ་དང་། །དམན་ [55a.5]པའང་ལྷག་པར་གནས་པར་བྱ། །དཀྱིལ་འཁོར་གྱི་ནི་ཆོ་ག་ལ། །འཁོར་བཞི་དག་ཀྱང་རྗེས་སུ་གནང་། །རང་གི་བསླབ་དང་ཤིན་ཏུ་ལྡན། །ཐེག་པ་ཆེན་ལ་དགའ་བའི་བདག །ལ་ལར་གསང་སྔགས་སྒྲུབ་དོན་གཉེར། །འདི་ནི་དཀྱིལ་འཁོར་འཇུག་པར་བྱེད། །བསོད་ནམས་འདོད་པ་དེ་ལས་ [55a.6]གཞན། །གཞན་དག་འཇིག་རྟེན་གཞན་དོན་གཉེར། །འཇིག་རྟེན་ཕ་རོལ་དོན་གཉེར་བའི། །དད་པ་མང་དུ་བྱེད་པ་ཡིས། །བློ་ལྡན་དཀྱིལ་འཁོར་གཞུག་བྱ་ཡི། །ཚེ་འདིའི་འབྲས་བུ་འདོད་མི་བྱ། །ཚེ་འདིའི་འདོད་པར་འགྱུར་བ་ལ། །འཇིག་རྟེན་ཕ་རོལ་དོན་མི་འགྱུར། །འཇིག་རྟེན་ཕ་ [55a.7]རོལ་དོན་གཉེར་སྐྱེས། །འཇིག་རྟེན་འདི་ཡི་འབྲས་བུ་རྒྱས། །དེ་སྐད་བརྗོད་ནས་སློབ་མ་དེ། །བློ་ཡིས་རང་གི་སྙིང་གར་གཞུག །རྡོ་རྗེའི་ལམ་ནས་ཕྱུང་ནས་ནི། །ཡུམ་གྱི་ཆུ་སྐྱེས་སྟེང་བཀོད་ལ། །ཡང་བསྡུས་དེ་བཞིན་གཤེགས་པ་ཡི། །འོད་ཀྱི་གོང་བུ་བཀུག་ནས་བསྟིམ། །རྡོ་རྗེ་པདྨ་མཉམ་ [55b] [55b.1]སྦྱོར་བས། །ཡེ་ཤེས་ཐིག་ལེ་ལས་འབྱུང་བའི། །སློབ་མ་དཀྱིལ་འཁོར་སྒོར་བཞག་སྟེ། །ཐལ་སྦྱར་གསོལ་བ་གདབ་པར་བྱ། །ཁྱོད་ནི་གཙོ་བོ་ཆེན་པོ་སྟེ། །བདག་མེད་མ་དང་ཡང་དག་ལྡན། །དཔའ་ཆེན་ཁྱོད་ལ་བདག་སྐྱབས་མཆི། །སེམས་ཅན་ཀུན་གྱི་དོན་གྱི་ཕྱིར། །འཁོར་ [55b.2]བའི་རྒྱ་མཚོ་ལས་གྲོལ་བའི། །ཁྱོད་ནི་བདེ་བ་ཆེན་པོ་སྟེ། །དེ་བཞིན་བདག་ལ་སྩལ་དུ་གསོལ། །བྱང་ཆུབ་ཆེན་པོའི་ཚུལ་བརྟན་པའི། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ནི་བདག་ལ་སྩོལ། །བྱང་ཆུབ་སེམས་ཀྱང་བདག་ལ་གསོལ། །སངས་རྒྱས་ [55b.3]ཆོས་དང་དགེ་འདུན་དང་། །སྐྱབས་གསུམ་དག་ཀྱང་བདག་ལ་སྩོལ། །གནས་མཆོག་ཆེན་པོའི་ཕོ་བྲང་དུ། །དེ་བཞིན་བདག་ནི་གཞུག་ཏུ་གསོལ། །དེ་ལྟར་ལན་གསུམ་གསོལ་བཏབ་ནས། །སློབ་མ་རྣམས་ཀྱི་མཆོག་གྱུར་པས། །ཞབས་ལ་སྤྱི་བོས་ཕྱག་འཚལ་ཏེ། །ཐལ་མོ་སྦྱར་ནས་ [55b.4]འདུད་པར་འདུག །དེ་ནས་རྡོ་རྗེ་སློབ་དཔོན་གྱིས། །སློབ་མའི་གཙོ་བོ་ཡོངས་བཟུང་ནས། །ཚིགས་བཅད་འདི་ནི་བརྗོད་པར་བྱ། །བུ་ཚུར་ཐེག་པ་ཆེན་པོ་ཡི། །ཁྱོད་ནི་ཚུལ་ཆེན་སྣོད་ཡིན་ཏེ། །གསང་སྔགས་སྤྱོད་ཚུལ་ཆོ་ག་འདི། །ཁྱོད་ལ་ཡང་དག་བསྟན་པར་བྱ། །རྫོགས་པའི་སངས་རྒྱས་ [55b.5]གང་འདས་དང་། །དེ་བཞིན་གང་དག་མ་བྱོན་དང་། །ད་ལྟར་བྱུང་བའི་རྫོགས་སངས་རྒྱས། །སྐུ་གསུང་ཐུགས་ཀྱི་རྡོ་རྗེ་ཅན། །འགྲོ་ལ་ཕན་ཕྱིར་བཞུགས་པ་རྣམས། །དེ་དག་ཀུན་གྱིས་གསང་སྔགས་ཀྱི། །ཆོ་ག་བཟང་པོ་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ། ། [55b.6]ཐམས་ཅད་མཁྱེན་པ་མཚན་མེད་བརྙེས། །གསང་སྔགས་སྦྱོར་བ་མཉམ་མེད་པ། །ཤཱཀྱ་སེང་གེ་སྐྱོབ་པ་ཡིས། །བདུད་སྡེ་ཤིན་ཏུ་མི་བཟད་པ། །དཔུང་ཆེན་དག་ཀྱང་དེ་ཡིས་བཅོམ། །འགྲོ་བ་རྣམས་ཀྱི་དེ་ཡི་ཕྱིར། །ཆོས་ཀྱི་འཁོར་ལོ་བསྐོར་མཛད་པའོ། །དེ་བས་ཀུན་མཁྱེན་ཐོབ་བྱའི་ཕྱིར། ། [55b.7]བུ་ཡིས་བློ་གྲོས་འདི་གྱིས་ཤིག །དེ་ལྟར་རྡོ་རྗེ་སློབ་དཔོན་གྱིས། །དྲིལ་བུའི་སྒྲ་ལྡན་ལན་གསུམ་བརྗོད། །དེ་ནས་གནང་བ་ཐོབ་པ་དང་སློབ་མ་སྡིག་པ་བཤགས་པ་ལ་སོགས་པ་བྱས་ནས་གསུམ་ལ་སྐྱབས་སུ་འགྲོ་བ་ལ་སོགས་པ་རྒྱས་པར་བྱའོ། །སངས་རྒྱས་ཆོས་དང་དགེ་འདུན་ཏེ། ། [56a] [56a.1]བླ་ན་མེད་པའི་དཀོན་མཆོག་གསུམ། །དུས་འདི་ནས་ནི་གཟུང་བར་བགྱི། །བསླབ་པ་གསུམ་གྱི་ཚུལ་ཁྲིམས་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་དང་། །དེ་བཞིན་བདག་གིས་བརྟན་པོར་གཟུང་། །རྡོ་རྗེ་ཆེན་པོའི་རིགས་དག་ [56a.2]པའི། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་ [56a.3]རིགས་མཆོག་དག་པ་ལ། །ཕྱི་ནང་གསང་བའི་ཐེག་པ་གསུམ། །དམ་པའི་ཆོས་རྣམས་མ་ལུས་གཟུང་། །ལས་ཀྱི་རིགས་མཆོག་ཆེན་པོ་ཡི། །སྡོམ་པ་ཐམས་ཅད་ལྡན་པ་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བླ་ན་མེད་པའི་བྱང་ཆུབ་མཆོག་ [56a.4]སེམས་ཅན་རྣམས་ཀྱི་དོན་གྱི་ཕྱིར། །བདག་གིས་ཡང་དག་བསྐྱེད་པར་བགྱི། །ཇི་ལྟར་གསུང་བའི་སྡོམ་པ་རྣམས། །དེ་བཞིན་བདག་གིས་གཟུང་བར་བགྱི། །མ་བསྒྲལ་བ་རྣམས་བསྒྲལ་བར་བགྱི། །མ་གྲོལ་བ་རྣམས་གྲོལ་བར་བགྱི། །དབུགས་མ་ཕྱུང་བ་དབུགས་ཕྱུང་ཞིང་། ། [56a.5]སེམས་ཅན་མྱ་ངན་འདས་ལ་དགོད། །དེ་ལྟར་ལན་གསུམ་བརྗོད་པར་བྱ། །དེ་ལྟར་འཛིན་པར་མ་ནུས་ན། །ཚིགས་བཅད་འདི་ཙམ་བརྗོད་པར་བྱ། །དཀོན་མཆོག་གསུམ་ལ་སྐྱབས་སུ་མཆི། །སྡིག་པ་ཐམས་ཅད་བཤགས་པར་བགྱི། །བསོད་ནམས་ཀུན་ལ་རྗེས་ཡི་རང་། །སངས་རྒྱས་བྱང་ [56a.6]ཆུབ་ཡིད་ཀྱིས་གཟུང་། །ཞེས་བྱ་བ་ལ་སོགས་པ་དཀོན་མཆོག་གསུམ་ལ་སྐྱབས་སུ་འགྲོ་བ་ལ་སོགས་པ་སྦྱིན་པར་བྱའོ། །དེ་ནས་རྡོ་རྗེ་སློབ་དཔོན་གྱིས་སློབ་མ་རྣམས་ཀྱི་སྙིང་ག་དང་མགྲིན་པ་དང་སྤྱི་བོར་བདག་མེད་མ་དང་ས་སྤྱོད་མ་དང་མཁའ་སྤྱོད་མ་བསྒོམ་པར་བྱའོ། །ཕྱག་གཡས་པའི་ [56a.7]རྡོ་རྗེ་སྙིང་ག་ལ་སོགས་པར་གཏུག་ཅིང་ཡི་གེ་གསུམ་འོད་ཟེར་དང་བཅས་པས་བྱིན་གྱིས་བརླབས་ལ། སྤྱི་བོར་མེ་ཏོག་སྦྱིན། མར་མེ་དང་སྤོས་དང་ལྷ་བཤོས་ནི་མདུན་དུ་སྦྱིན། དྲི་ནི་སྙིང་གར་སྦྱིན། མར་མེ་གསལ་ན་དངོས་གྲུབ་ནི། །ཇི་ལྟར་བསམས་པ་དེ་བཞིན་འགྲུབ། །འབྲིང་གིས་ [56b] [56b.1]དངོས་གྲུབ་འབྲིང་དུ་བཤད། །མདོག་གཞན་འདར་བར་འབར་བ་དང་། །ཡུད་ཙམ་ཡུད་ཙམ་འབར་བ་ནི། །བགེགས་དང་བར་ཆད་ཡིན་པར་བཤད། །ཤི་ན་དེ་ཉིད་འཆི་བར་འགྱུར། །དེ་ནས་བ་ཊ་དང་། ཨུ་དུ་མྺཱ་ར་དང་། ཨ་ཤྭདྠ་ལ་སོགས་པ་འོ་མ་ཅན་གྱི་ཤིང་སོར་བཅུ་གཉིས་པའི་ཚད་དུ་ [56b.2]གནས་པ། སྲོག་ཆགས་མེད་པ་མི་གཡོ་བ་བསྐམས་པ་དང་གས་པ་མ་ཡིན་པ་རྩེ་མོའི་ཆ་ལས་བྱུང་བ་དྲི་ཞིམ་པོའི་ཆུས་ལེགས་པར་བཀྲུས་ཏེ། གནས་གསུམ་དུ་མེ་ཏོག་གི་ཕྲེང་བ་དཀྲིས་ནས་སློབ་མའི་ལག་ཏུ་བཞག་ལ། ཨོཾ་ཨཱཿ་ཛི་ཧྭ་སཾ་བརྟ་ནི་ཧཱུཾ་ཕཊ། ཅེས་ལན་གསུམ་དུ་ཡོངས་སུ་ [56b.3]བསྔགས་ཏེ་སྦྱིན་ནོ། །དེ་ནས་སློབ་མ་དེ་ཤར་ཕྱོགས་སམ་དཀྱིལ་འཁོར་ལ་མངོན་པར་ཕྱོགས་ལ། བ་ཀོ་ཙམ་དུ་བ་བྱུང་རྣམ་ལྔས་ལེགས་པར་བྱུགས་པའི་མཎྜལ་ལ།སོ་ཤིང་གིས་བླ་མའི་མན་ངག་བཞིན་དུ་ངག་གི་སྒྲིབ་པ་བཞར་ནས། ལྷག་པའི་ལྷ་ལ་དངོས་གྲུབ་ཀྱི་གསོལ་ [56b.4]བ་འདེབས་པའི་དོན་དུ་སོ་ཤིང་འདོར་བར་བྱའོ། །སོ་ཤིང་དོར་བ་བརྒྱ་ཞིག་ན། །རྩེ་མོ་གྱེན་དུ་བལྟས་ན་ནི། །དེ་ཡིས་དངོས་གྲུབ་མཆོག་ཏུ་འགྱུར། །རྩེ་མོ་ཤར་དུ་བལྟས་པ་དང་། །དེ་བཞིན་བདག་ལ་བལྟས་པ་ནི། །དེ་ནི་དངོས་གྲུབ་འབྲིང་དུ་བཤད། །ལྷོ་དང་མཚམས་སུ་རྩེ་བ་བལྟས་ན། ། [56b.5]འཇིག་རྟེན་པ་ཡི་དངོས་གྲུབ་ཐོབ། །སོ་ཤིང་འདོར་བ་བརྒྱ་ཞིག་ལ། །གལ་ཏེ་འོག་ཏུ་རྩེ་བ་བལྟས་ན། །ས་འོག་གི་ནི་དངོས་གྲུབ་སྟེ། །ཐོབ་འགྱུར་འདི་ལ་ཐེ་ཚོམ་མེད། །རྡོ་རྗེ་ཕྲེང་བའི་ཕྱི་རོལ་དུ། །ཕོག་ན་དེ་ལ་དངོས་གྲུབ་མེད། །དེ་ནས་སློབ་མ་བདུན་བཀུག་ནས། །ཨོཾ་ཧྰྲཱིཿ་བི་ཤུདྡྷ། དྷརྨཱ་ [56b.6]པཱ་པ་ནི་ཙཱ་སྱ་བི་ཤོ་དྷ་ཡ། སརྦ་བི་ཀལྤ་ཨ་པ་ན་ཡ་ཧཱུཾ། སྔགས་འདིས་བསྔགས་ཏེ། ཡིད་ཀྱི་སྒྲིབ་པ་དག་པའི་ཕྱིར། །ལན་གསུམ་དུ་སྐྱོར་ཆུ་བླུད་པར་བྱའོ། །དེ་ནས་ལས་ཐམས་ཅད་པའི་སྔགས་ཡོངས་སུ་བཟླས་ནས་སྲུང་སྐུད་ལ་མདུད་པ་གསུམ་བྱས་པ། སློབ་མ་སྨིན་པར་མ་གྱུར་ [56b.7]གྱི་ཚེ་དཔུང་པ་གཡས་པ་ལ་གདགས་པར་བྱའོ། །དེ་ནས་ལུས་ཀྱི་སྒྲིབ་པ་དག་པ་དང་རྟགས་ཉེ་བར་སྟོན་པའི་དོན་དུ་ལས་ཐམས་ཅད་པའི་སྔགས་ལན་བདུན་བདུན་དུ་བསྔགས་ལ། ཀུ་ཤ་གཅིག་སྔས་སུ་སྦྱིན། གཞན་དག་སྟན་ལ་སོགས་པར་བྱིན་ནོ། །དེ་ནས་སེམས་ཀྱི་གཟེངས་བསྟོད་ [57a] [57a.1]པར་བྱ་བའི་ཕྱིར་ཆོས་བཤད་པར་བྱ་སྟེ། འཇིག་རྟེན་དུ་ནི་ཀུན་མཁྱེན་རྣམས། །འབྱུང་འགྱུར་ཡང་ན་མི་འབྱུང་ངོ་། །ཨུ་དུམྺཱ་རའི་མེ་ཏོག་བཞིན། །བརྒྱ་ལམ་ལ་ནི་རེས་འགའ་ཞིག །ཤིན་ཏུ་དཀོན་པར་འབྱུང་བ་སྟེ། །གསང་སྔགས་སྤྱོད་པའི་ཚུལ་འབྱུང་བ། །དེ་བས་ [57a.2]ཀྱང་ནི་དཀོན་པ་སྟེ། །གང་ཞིག་སེམས་ཅན་མི་མཉམ་དོན། །མྱ་ངན་མི་འདའ་བྱེད་པར་ནུས། །བསྐལ་པ་བྱེ་བ་དུ་མ་རུ། །སྡིག་པ་བགྱིས་པར་གྱུར་པ་གང་། །དེ་ཀུན་དཀྱིལ་འཁོར་འདི་འདྲ་བ། །མཐོང་བས་འདག་པར་འགྱུར་ལགས་ན། །གྲགས་པ་མཐའ་ཡས་སྔགས་སྤྱོད་པའི། ། [57a.3]ཚུལ་ལ་གནས་པ་སྨོས་ཅི་འཚལ། །སྐྱོབ་པའི་གསངས་སྔགས་བཟླས་ན་ནི། །གོ་འཕང་བླ་ན་མེད་པར་འགྱུར། །གང་དག་སྤྱོད་པའི་མཆོག་འདི་ལ། །བློ་གྲོས་ཤིན་ཏུ་མི་གཡོ་བ། །དེ་དག་གིས་ནི་ངན་འགྲོའི་རྒྱུན། །སྡུག་བསྔལ་ཀུན་འབྱུང་ཐམས་ཅད་གཅོད། །བདག་ཉིད་ཆེན་པོ་དེ་ [57a.4]རྣམས་ཀྱིས། །རྙེད་པ་མཉམ་མེད་དེ་རིང་རྙེད། །གང་ཕྱིར་རྒྱལ་བ་སྲས་བཅས་པ། །བདག་ཉིད་ཆེན་པོ་ཀུན་གྱིས་ནི། །བསྟན་པ་འདི་ལ་ཁྱེད་རྣམས་ཀུན། །ཡོངས་སུ་གཟུང་སྟེ་སྐྱེ་བཞིན་པ། །དེ་བཞིན་ཁྱེད་རྣམས་ཐེག་ཆེན་ལ། །སང་ནི་རབ་ཏུ་སྐྱེ་བར་འགྱུར། །ཐེག་པ་ཆེན་པོ་ཆེར་ [57a.5]འབྱུང་བའི། །ལམ་མཆོག་འདི་ནི་དཔལ་དང་ལྡན། །ཁྱེད་རྣམས་དེར་ནི་འགྲོ་བས་ན། །རང་འབྱུང་སྐལ་བ་ཆེན་པོ་པ། །འཇིག་རྟེན་ཐམས་ཅད་མཁྱེན་པ་ཡི། །དེ་བཞིན་གཤེགས་པ་རྣམས་སུ་འགྱུར། །ཡོད་མེད་དག་ལས་རྣམ་པར་འདས། །ནམ་མཁའ་ལྟ་བུར་དྲི་མ་ [57a.6]མེད། །ཆོས་རྣམས་ཀུན་ལས་ཟབ་འགྱུར་ཞིང་། །སྤྲོས་པ་ཐམས་ཅད་སྤངས་པ་ཡིན། །སྤྲོས་པ་རྣམས་ཀྱིས་རབ་ཏུ་སྤྲོས། །ཐེག་པོ་ཆེན་པོ་ལ་གནས་ན། །འདི་ཉིད་ཆོས་ནི་ཐོབ་པར་འགྱུར། །དེ་ནས་སློབ་མའི་ཚོགས་དགའ་བའི་སེམས་ཀྱིས་ལངས་ཏེ། ད་ནི་སོ་སོར་ཉལ་བར་ [57a.7]གྱིས་ཤིག །ནང་པར་དཀྱིལ་འཁོར་མཐོང་བར་འགྱུར་བས་ཇི་སྲིད་མཐོང་བའི་རྨི་ལམ་ལེགས་པར་ཟློས་ཤིག་ཅེས་བསྒོས་ནས། ཨོཾ་རཀྵ་རཥ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ་ཞེས་པའི་སྔགས་སམ།ལས་ཐམས་ཅད་པའི་སྔགས་ཀྱིས་བསྲུང་བར་བྱའོ།།དེ་ནས་ཀུ་ཤའི་གདན་ལ་ཉལ་བར་ [57b] [57b.1]བྱའོ། །སློབ་མ་སྟ་གོན་ལ་གནས་པའི་རིམ་པའོ།། །།དེ་ནས་རྡོ་རྗེ་སློབ་དཔོན་གྱིས་དཀྱིལ་འཁོར་བསྡུས་ནས་ཇི་སྲིད་ནུས་ཀྱི་བར་དུ་ལས་ཐམས་ཅད་པའི་སྔགས་བཟླས་པར་བྱ་སྟེ། སེང་གེའི་ཉལ་སྟངས་ཀྱིས་ཉལ་བར་བྱའོ། །ནང་པར་ལངས་པའི་དུས་སུ་ནི། །ཁྲུས་བྱས་ [57b.2]མཚན་མོའི་རྨི་ལམ་དྲི། །ལེགས་པར་བསམས་ཏེ་ཟློས་ལ་མཉན། །དགེ་དང་མི་དགེ་བརྟག་པར་བྱ། །སངས་རྒྱས་ཕྲད་དང་སྐུ་གཟུགས་མཆོད་རྟེན་མཆོད། །ཆོས་ལ་འཇུག་ཅིང་དགེ་སློང་དགེ་འདུན་ཕྲད། །གཙུག་ལག་ཁང་དང་སངས་རྒྱས་སྲས་བཅས་དགེ་སློང་མ། །མེ་ཏོག་ [57b.3]ར་བ་རི་དང་དགོན་པར་གནས་བཅས་དང་། །འབབ་ཆུ་ཆུ་ཀླུང་རྫིང་དང་རྒྱ་མཚོ་སྒྲོལ་བ་དང་། །རི་དགས་དབང་ཕྱུག་ཨེ་ནེ་ཡ་དང་བ་གླང་ཕྲད། །འཁོར་ལོས་མཚན་པ་ལ་སོགས་གནོད་སྦྱིན་བཟང་པོ་མཐོང་། །སྐྱེས་བུ་དམ་པའི་སྒོམ་བ་རྨི་ལམ་ཕྲད་མཐོང་དང་། །གྱེན་ལ་འགྲོ་དང་ [57b.4]གླང་ཆེན་ཞོན་དང་རི་བཟངས་འཛེག །བླ་རེ་བཟང་དང་ཁང་བཟངས་དཔག་བསམ་བརྟེན་པ་དང་། །དགེ་བསྙེན་རྒྱལ་པོ་དགེ་སློང་སྐྱབས་སྦྱིན་མཐོང་བ་དང་། །སྔགས་ཀྱིས་དབང་ཕྱུག་ཁྱད་པར་རིག་མ་བསྟེན་མཐོང་དང་། །ཕ་དང་མ་དང་ནམ་མཁར་འགྲོ་དང་སློབ་དཔོན་ཕྲད། །ལྷ་ཡི་ [57b.5]བུ་མོ་གསང་དག་རིག་མ་བསྟེན་པ་དང་། །དམ་པའི་སྒྲུབ་ཐབས་ཡོན་ཏན་ལྡན་པ་བྲམ་ཟེ་མཐོང་། །མཆོད་པ་ཆེན་པོ་རྩོམ་དང་གཞལ་ཡས་ཁང་མཐོང་དང་། །རྒྱན་དང་གོས་དང་འབྲུ་ཡི་ཕུང་པོ་མཚོན་ཆ་འཛིན། །སྦྱིན་སྲེག་བྱེད་དང་འབྲས་བུ་མེ་ཏོག་ལེགས་ཐོབ་མཐོང་། །རྒྱལ་པོ་ [57b.6]དབང་བསྐུར་འབྲུ་ཚོགས་རིན་ཆེན་རྙེད་པ་དང་། །གཡུལ་དུ་རྒྱལ་ཞིང་དགྲ་དཔུང་བཅིངས་དང་བརྩོན་བཟུང་མཐོང་། །རྒྱ་མཚོ་ཆེན་པོ་བསྒྲལ་ཞིང་ཁྲུས་བྱེད་མཐོང་བ་དང་། །ལམ་རྩུབ་བགྲོད་དཀའ་འཕུར་ཞིང་བསྒྲལ་བར་མཐོང་བ་དང་། །དེ་ལྟར་མཐོང་བའི་རྨི་ལམ་ནི་དགེ་བའི་རྟགས་ཏེ་རྗེས་ [57b.7]སུ་ཡི་རང་ཞིང་བརྟེན་པའི་ཆོག་བྱའོ། །དེ་ལས་གཞན་པ་ནི་མི་དགེ་བའི་རྨི་ལམ་དུ་བཤད་དོ། །དགེ་བ་ལས་ནི་དངོས་པོ་གྲུབ་ཏུ་འགྱུར་ཞིང་།མི་དགེ་བ་ལས་ནི་མ་ཡིན་ནོ། །དེ་ལྟར་མི་དགེ་བའི་རྟགས་མཐོང་ན་སྔགས་པས་ལས་ཐམས་ཅད་པའི་སྔགས་ཀྱིས་ཤིས་པའི་ཆོ་ག་བྱས་ཏེ། རྨི་ [58a] [58a.1]ལམ་གྱི་བདག་ཉིད་རང་བཞིན་མེད་ཅིང་ཆོས་ཐམས་ཅད་ཀྱི་རང་བཞིན་དེ་ཁོ་ན་ཉིད་དུ་མོས་པར་བྱའོ། །དེ་ནས་རྨི་ལམ་གྱི་རྟགས་ཞི་བ་དང་དངོས་གྲུབ་ཀྱི་རྒྱུར་འགྱུར་རོ། །དེ་ནས་རྣལ་འབྱོར་པས་དགྱེས་པའི་རྡོ་རྗེའི་ཏིང་ངེ་འཛིན་གསུམ་དང་ལྡན་པར་བྱས་ལ་སྟ་གོན་ལ་ [58a.2]གནས་པ་དང་སྔོན་དུ་སྤྱན་དྲངས་པའི་དཀྱིལ་འཁོར་ནམ་མཁའི་ཕྱོགས་སུ་གཤེགས་སུ་གསོལ་ནས། དུར་ཁྲོད་ལས་བྱུང་བའམ་ཤེས་རབ་མ་མཚན་དང་ལྡན་པས་ཆོ་ག་བྱས་ཏེ། རས་བལ་ལས་བཀལ་བའི་སྐུད་པ་ཁ་དོག་དཀར་བ་དང་། སེར་བ་དང་། དམར་བ་དང་། ལྗང་བ་དང་། [58a.3]ནག་པོ་དུར་ཁྲོད་ཀྱི་ཚོན་གྱིས་བསྒྱུར་ཏེ། དོན་གྲུབ་ཀྱི་ཕྱེ་མས་ཀྱང་བསྲེ་བར་བྱའོ། །ཕྱོགས་ཕྱོགས་སུ་བཞག་ལ། བྷྲཱུཾ་ཨཱཾ་ཛྲཱྀཾ་ཁཾ་ཧཱུཾ་དེ་དག་གིས་བསྐྱེད་པའི་རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། སྣང་བ་མཐའ་ཡས་དང་། དོན་ཡོད་གྲུབ་པ་དང་མི་བསྐྱོད་པའི་རང་བཞིན་དུ་ [58a.4]བསྐྱེད་དེ།མེ་ལོང་ལྟ་བུ་ལ་སོགས་པ་ཡེ་ཤེས་ལྔའི་བདག་ཉིད་ཀྱིས་ཉི་ཤུ་རྩ་ལྔར་རྣམ་པར་ཕྱེ་བའི་རིམ་པས་བསྐྱེད་དེ་གཞག་པར་བྱའོ། །དེ་ནས་ཕྱོགས་སོ་སོ་ནས་རྣམ་པར་སྣང་མཛད་ལ་སོགས་པའི་དེ་བཞིན་གཤེགས་པ་རིགས་ལྔའི་བདག་ཉིད་དུ་དམིགས་ཏེ། དེ་དག་གི་སྙིང་ [58a.5]གར་བྷྲཱུཾ་ལ་སོགས་པའི་ཡི་གེ་ཡོངས་སུ་གྱུར་པ་ལས་ཡེ་ཤེས་ཀྱི་ཐིག་སྐུད་འོད་ཟེར་དང་བཅས་པ་དམིགས་སོ། །ཨོཾ་ཨཱཿ་ཤ་ཤྭ་ཏ་བཛྲ། སུ་ཙ་མེ་པྲ་ཡ་ཙྪ་མ་ཧཱ་མཎྜལ། སུ་ཏྲཱ་ན་ཡ་ཧཱུཾ་ཞེས་པས་རྣམ་པར་སྣང་མཛད་ལ་གསོལ་བ་གདབ་པར་བྱའོ། །དེ་བཞིན་རིན་ཆེན་འབྱུང་ལྡན་ལ་ [58a.6]སོགས་པ་ཡང་སྔགས་ཀྱི་གནས་སུ་མིང་གི་ཡི་གེ་ཤེས་པས་གསོལ་བ་གདབ་པར་གསུངས་སོ། །དེ་ནས་སློབ་དཔོན་དགྱེས་པའི་རྡོ་རྗེའི་རྣལ་འབྱོར་དང་ལྡན་པས་ཛ་ལས་ཟླ་བ་ལས་དང་། མ་ལས་ཉི་མའི་མིག་བསམ་པར་བྱའོ། །འབར་བའི་ལྟ་བས་ཕྱོགས་རྣམས་ཁྱབ་པར་བལྟས་ལ། [58a.7]མིག་གི་ལྕགས་ཀྱུས་ཡེ་ཤེས་ཀྱི་ཐིག་སྐུད་དགུག་པར་བྱ་སྟེ། བཅོམ་ལྡན་འདས་སུ་བྱིན་གྱིས་བརླབ་པར་བྱའོ། །སོ་སོའི་ཁྱད་པར་གྱི་ཐིག་སྐུད་ནི་གཅིག་ཏུ་བསྡུས་ཏེ། གྷསྨ་རཱིའི་རྣལ་འབྱོར་དང་ལྡན་པའི་སློབ་མས་བསྒྲིལ་བར་བྱའོ། །ཨོཾ་ཨ་ནྱོ་ནྱ་ག་ཏ་སརྦ་དྷརྨཿ་པར་སྤ་ར་ཨ་ནུ་ག་ཏཱ། [58b] [58b.1]སརྦ་དྷརྨཱ་ཨ་ནྟན། ཨ་ན་པྲ་བེ་ཤ་སརྦ་དྷརྨཱཿ་ཧཱུཾ་ཞེས་བརྗོད་ཅིང་ཐིག་སྐུད་བཀལ་བར་བྱའོ། །དེ་ནས་འདི་ལྟར་བསྒོམ་པར་བྱ་སྟེ། གཅིག་ཏུ་བསྒྲིལ་ནས་ཡེ་ཤེས་ཀྱི་དཀྱིལ་འཁོར་དང་ཐ་མི་དད་པར་བྱས་ནས་རིང་ཐུང་དཀྱིལ་འཁོར་གྱི་ཉིས་འགྱུར་ཚད་དུ་བྱས་ཏེ། སྦོམ་ཕྲ་སྒོའི་ཉི་ཤུ་ཆར་བྱའོ། ། [58b.2]དེ་ནས་སྔགས་པས་གསེར་ལ་སོགས་པའི་སྣོད་དུ་བདུད་རྩི་ལྔ་དང་དྲི་བཟངས་ཀྱིས་སྤངས་ཏེ། ཡི་གེ་གསུམ་གྱིས་མཚན་ནས། མཆོད་པ་རྣམ་པ་ལྔ་བྱས་ཏེ། རྡོ་རྗེ་ཁུ་ཚུར་གྱིས་བཟུང་ལ་ཧཱུཾ་མང་དུ་བརྗོད་པས་བསྲུང་བར་བྱ་སྟེ། དེ་ནས་ཡང་སྔགས་པས་དཀྱིལ་འཁོར་བདུད་རྩི་ལྔ་དང་ [58b.3]དྲི་ཞིམ་པོས་ཆག་ཆག་བཏབ་ལ། མེ་ཏོག་གིས་སིལ་མ་བཀྲམ་ཞིང་ཐུགས་ཀའི་འོད་ཟེར་གྱིས་ནམ་མཁར་དགྱེས་པའི་རྡོ་རྗེའི་དཀྱིལ་འཁོར་གསལ་བར་བྱས་ལ། བསང་གཏོར་ལ་སོགས་པ་སྔོན་དུ་འགྲོ་བས་མཆོད་པའི་ཁྱད་པར་བྱའོ། །དེ་ནས་དགྱེས་པའི་རྡོ་རྗེའི་རྣལ་ [58b.4]འབྱོར་དང་ལྡན་པས་ཐིག་སྐུད་ཀྱི་རྩེ་མོ། གྷསྨ་རཱིའི་རྣལ་འབྱོར་དང་ལྡན་པའི་སློབ་མ་ལ་གཏད་དེ། མིག་གཉིས་ཛ་ལས་གྱུར་པའི་ཟླ་བ་དང་ཉི་མ་ཁ་དོག་སེར་པོ་དམིགས་ཏེ། དེ་ནས་སྔགས་པས་ནུབ་ནས་ཤར་དུ་མངོན་པར་དམིགས་ཏེ། ཐིག་སྐུད་ཀྱི་རྩེ་མོ་རྡོ་རྗེ་ཁུ་ཚུར་གྱིས་ལྟེ་བའི་ག [58b.5]ནས་སུ་གཟུང་སྟེ་སློབ་མ་ལ་གཏད་ནས། ཛ་ཛ་ཛ་ཞེས་བརྗོད་དེ་བཀའ་བསྒོ་བར་བྱའོ། །བློ་དང་ལྡན་པས་ཀྱང་ཛ་ཛ་ཛ་ཞེས་བརྗོད་དེ་ཐིག་སྐུད་ཀྱི་རྩེ་མོ་བླངས་ཏེ་གཟུང་བར་བྱའོ། །སློབ་དཔོན་ཤར་དུ་མངོན་པར་ཕྱོགས་ཤིང་སློབ་མ་ནུབ་ཏུ་བལྟས་ཏེ། རྡོ་རྗེ་མཐེ་བོང་དང་མཛུབ་མོའི་སྦྱོར་བས་ [58b.6]ནམ་མཁའི་དཀྱིལ་འཁོར་ལ་ཐིག་གདབ་པར་བྱའོ། །དེ་བཞིན་དུ་འོག་ཏུ་ཡང་གདབ་པོ། །ཨོཾ་བཛྲ་ས་མ་ཡ་སཱུ་ཏྲ་མཱ་ཏི་ཀྲ་མ་ཧཱུཾ། དེ་དག་བརྗོད་ཅིང་གཡས་སུ་རྡོ་རྗེ་གཟུང་བའི་མཐེ་བོང་དང་མཛུབ་མོས་ཐིག་གདབ་པར་བྱའོ། །ལྟེ་བའམ་སྙིང་གར་གཟུང་སྟེ་ནམ་མཁར་བལྟས་ལ། ཕྱོགས་ [58b.7]ཐམས་ཅད་དུ་མཉམ་པར་ཚངས་ཐིག་གདབ་པར་བྱའོ། །དེ་ནས་སེམས་ཅན་ཐམས་ཅད་བསྒྲལ་བའི་དོན་དུ་ཐིག་གི་སྒྲས་ནམ་མཁའ་ལ་གནས་པའི་དེ་བཞིན་གཤེགས་པ་ཐམས་ཅད་བསྐུལ་ཏེ། དེ་ནས་བསྐོར་ཏེ་སློབ་དཔོན་བྱང་དུ་མངོན་པར་ཕྱོགས་ལ། སློབ་མ་ལྷོར་བལྟས་ཏེ། ཚངས་ [59a] [59a.1]ཐིག་གདབ་པར་བྱའོ། །དེ་ནས་སློབ་དཔོན་བྱང་དུ་བལྟས་ལ་སློབ་མ་ལྷོར་བལྟས་ཏེ་ཤར་དུ་གདབ་པར་བྱའོ། །དེ་ནས་བསྐོར་ཏེ་ལྷོ་དང་བྱང་ཕྱོགས་སུ་བལྟས་ལ་ནུབ་ཀྱི་ཆ་ལ་གདབ་པར་བྱའོ། །ཡང་བསྐོར་ཏེ་རླུང་མཚམས་ནས་ཤར་དུ་བལྟས་ཏེ། དབང་ལྡན་གྱི་མཚམས་ནས་ནུབ་ཏུ་ [59a.2]བལྟས་ཏེ་བྱང་གི་ཆ་ལ་གདབ་པར་བྱའོ། །མེའི་མཚམས་ནས་ནུབ་ཏུ་ཁ་བལྟས་ཏེ། སྲིན་པོའི་མཚམས་ནས་ཤར་དུ་བལྟས་ལ་ལྷོའི་ཆ་ལ་གདབ་པར་བྱའོ།།དེ་ཉིད་ནས་རླུང་གི་ཕྱོགས་སུ་བལྟས་ཏེ་ཟུར་ཐིག་གདབ་པར་བྱའོ། །བདེན་བྲལ་གྱི་ཕྱོགས་ནས་དབང་ལྡན་གྱི་ཕྱོགས་སུ་བལྟས་ [59a.3]ལ་ཟུར་ཐིག་གདབ་པོ། །དེ་ནས་ཚངས་ཐིག་ནས་འཁོར་ལོ་བརྒྱད་ཀྱི་ཆར་སྒོའི་ཐིག་གདབ་པོ། །རྩ་བའི་ཐིག་ནས་བརྩམས་ཏེ་གྲུ་བཞིའི་ཆར་སྒོའི་ཚོན་གྱི་སྣམ་བུའི་ཐིག་གདབ་པོ། །དེའི་ཕྱི་རོལ་དུ་སྒོའི་ཆའི་ཕྱེད་དུ་འདོད་ཡོན་གྱི་སྣམ་བུའི་ཐིག་གདབ་པོ། །དེའི་ཕྱི་རོལ་དུ་ཚོན་རྩིའི་ཆ་ [59a.4]དང་མཉམ་པའི་རིན་པོ་ཆེའི་རྩིག་པའི་ཐིག་གདབ་པོ། །དེའི་ཕྱི་རོལ་དུ་འདོད་ཡོན་གྱི་སྣམ་བུ་དང་མཉམ་པའི་དྲ་བ་ཕྱེད་པ་དང་རྡོ་རྗེ་ཟླ་ཚེས་དང་བཅས་པའི་ཐིག་གདབ་པོ། །དེའི་ཕྱི་རོལ་དུ་ཚོན་གྱི་ཆ་དང་མཉམ་པའི་ཐིག་གདབ་པོ། །དེ་ནས་སྒོ་བཞིའི་འགྲམ་དུ་ཚོན་གྱི་ཆ་དང་མཉམ་པའི་ལྷའི་ [59a.5]སྣམ་བུའི་ཐིག་གདབ་པོ། །དེ་ནས་སྒོའི་ཆ་དང་མཉམ་པའི་ཀ་བའི་ཐིག་གདབ་པོ། །དེ་ནས་སྒོའི་ཆ་སུམ་འགྱུར་རྟ་བབས་སྒོའི་སྟེང་དུ་ཇི་ལྟར་མཛེས་པའི་ཐིག་གདབ་པར་བྱའོ། །དེ་ནས་ཐིག་སྐུད་ཉིས་ཁུག་ཏུ་བྱས་ལ་དབུས་སུ་སེང་ལྡེང་གི་ཕུར་བུ་བརྟན་པར་བཙུགས་ཏེ། བྱང་ཤར་ [59a.6]ནས་མཚམས་ལ་གཡས་སྐོར་དུ་བསྐོར་ལ། དཀྱིལ་འཁོར་གྱི་ཕྱི་རོལ་ར་བ་གསུམ་གྱི་ཐིག་དྲང་ངོ་། །ཐིག་སྐུད་དེ་ཉིས་ཁུག་ཏུ་བྱས་ལ་དཀྱིལ་འཁོར་གྱི་དབུས་སུ་རྡོ་རྗེ་ར་བས་བསྐོར་བའི་ཐིག་དྲང་ངོ་། །དེ་ནས་དཀྱིལ་འཁོར་གྱི་ཕྱི་རོལ་དུ་གྲྭ་ཐིག་རྡོ་རྗེའི་ལྕགས་རིའི་ནང་དུ་ཆུད་པར་དུར་ [59a.7]ཁྲོད་བརྒྱད་ཀྱི་ཐིག་གདབ་པར་བྱའོ། །བདག་མེད་མའི་དཀྱིལ་འཁོར་ལ་ནི་ཕོ་བྲང་ཉིས་རིམ་གྱི་ཐིག་གདབ་སྟེ། །ཀ་བ་བརྒྱད་ལ་སོགས་པའི་ཐིག་ནི་དེ་དང་མཚུངས་པར་གདབ་པོ། །ཤར་ཕྱོགས་ཀྱི་འཁོར་ལོ་ནི་ལྷོ་ནས་བྱང་དུ་མངོན་པར་ཕྱོགས་ལ་ཀ་བའི་ཆར་ཐིག་གདབ་པོ། །ནུབ་ [59b] [59b.1]ཀྱི་པདྨ་ནི་བྱང་ནས་ལྷོར་མངོན་པར་ཕྱོགས་ལ་ཀ་བའི་ཆར་ཐིག་གདབ་པོ། །བྱང་གི་རལ་གྲི་ནི་ནུབ་ནས་ཤར་དུ་ཕྱོགས་ཏེ་ཀ་བའི་ཆར་ཐིག་གདབ་པོ། །ལྷོའི་རིན་པོ་ཆེ་ནི་ཤར་ནས་ནུབ་ཏུ་ཕྱོགས་ཏེ་ཀ་བའི་ཆར་ཐིག་གདབ་པོ། །དེ་ནས་རྣལ་འབྱོར་པ་གང་ཞིག་ཐིག་འདེབས་པར་བརྩོན་པར་ [59b.2]འདོད་པས་སློབ་མ་དང་མི་ལྡན་ན་ཕུར་བུ་ལ་བཏགས་ཏེ་གདབ་པར་བྱའོ། །ཐིག་གི་དུས་སུ་ལྟས་བརྟག་པར་བྱ་སྟེ། སྲད་བུ་ཆད་ན་སློབ་དཔོན་འཆི། །རིང་ཐུང་ཁྱེར་ན་ན་བར་འགྱུར། །ཕྱོགས་འཁྲུལ་སློབ་མ་མྱོས་པར་འགྱུར། །དེའི་རྟགས་ནི་ཚངས་ཐིག་འདེབས་པའི་དུས་སུ་བརྟག་པར་ [59b.3]བྱའོ། །ཡང་ན་ཚངས་ཐིག་དང་ཟུར་ཐིག་གི་དུས་སུ་བརྟག་པར་བྱའོ། །ཡང་ན་ཚངས་པ་ལ་སོགས་པའི་ཐིག་ཐམས་ཅད་ཀྱི་དབུས་སུ་བརྟག་པར་བྱའོ། །དེ་ནས་སོ་སོའི་སྒོའི་ཚངས་ཐིག་དེ་དབྱི་བར་བྱའོ། །གཞན་ཡང་མཚོན་གནས་སྐབས་སུ་བྱུང་བའི་ཐིག་ཐམས་ཅད་ཀྱང་དབྱི་ [59b.4]བར་བྱའོ། །གཞན་སྒོ་འགྲམ་སོ་སོའི་ལྷ་སྣམ་ལ་སོགས་པའི་ཐིག་རྐང་ཚད་ཙམ་དུ་དབྱི་བར་བྱའོ། །དེ་ནས་དྲ་བ་དང་དྲ་བ་ཕྱེད་པའི་མཚམས་སུ་ཡང་ཐིག་རྐང་ཚད་ཙམ་དུ་དབྱི་བར་བྱའོ། །རིན་པོ་ཆེའི་རྩིག་པའི་མཚམས་སུ་ཡང་ཐིག་རྐང་ཚད་ཙམ་དུ་དབྱི་བར་བྱའོ། །དེའི་ [59b.5]སྒོའི་ཕུགས་ཀྱི་ཐིག་རྐང་བདུན་ཡང་རྐང་ཚད་ཙམ་དུ་དབྱི་བར་བྱའོ། །དེ་ལྟར་ཐིག་བཏབ་པའི་དཀྱིལ་འཁོར་ཤིན་ཏུ་མཉམ་པར་ལེགས་པར་བྲིའོ། །དཀྱིལ་འཁོར་གྱི་ཕོ་བྲང་ཤིན་ཏུ་གཟབས་པར་བྲིའོ། །ཟུར་བཞི་པ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་མཛེས། ། [59b.6]ཐིག་བཞི་དང་ནི་ཡང་དག་ལྡན། །དར་དཔྱངས་མེ་ཏོག་ཕྲེང་བས་བརྒྱན། །ཁ་དོག་ལྔ་ཡིས་རྣམ་པར་མཛེས། །དཀྱིལ་འཁོར་དམ་པ་ཁྲུ་གསུམ་པ། །ཚོན་གསུམ་གྱིས་ནི་ལྷག་པར་གནས། །གྲུ་ཡི་ཕྱོགས་ནི་ཐམས་ཅད་དང་། །སྒོ་ཁྱུད་ཀྱི་ནི་ཕྱོགས་རྣམས་སུ། །རྡོ་རྗེ་རིན་ཆེན་ [59b.7]ལེགས་སྤྲས་པས། །བདག་མེད་མ་ཡི་དཀྱིལ་འཁོར་ནི། །ཕྱི་ཡི་མཚན་ཉིད་དེ་དང་མཚུངས། །ཕྱི་ཡི་དཀྱིལ་འཁོར་ཕྱེད་ཀྱི་ཚད། །དབུས་སུ་མཉམ་པར་བལྟ་བར་བྱ། །འཁོར་ལོའི་ཀ་བ་ལ་སོགས་པའི། །རྡོ་རྗེ་ཕྲེང་བས་ལེགས་པར་བསྐོར། །རླུང་ཡབ་མེ་ལོང་གིས་བརྒྱན་བྱ། ། [60a] [60a.1]གདུགས་དང་བ་དན་རྒྱན་རྣམས་ཀྱིས། །འཁོར་ལོའི་ནང་དུ་བཀོད་པར་བྱ། །དེ་ལྟར་ཆོས་ཀྱི་སྐུའི་རང་བཞིན་གྱི་དཀྱིལ་འཁོར་ལ་ཐིག་གདབ་པར་རྣམ་པར་ཕྱེ་ནས་ཁ་དོག་དང་ལྡན་པའི་ཐིག་སྐུད་དེ་ཡི་གེ་གསུམ་གྱི་མཐར་མུཿ་དང་ལྡན་པས་གཤེགས་སུ་གསོལ་ [60a.2]ལ་དག་པའི་སྣོད་དུ་གཞག་པར་བྱའོ། །དེ་ནས་རྡོ་རྗེ་སློབ་དཔོན་དཀྱིལ་འཁོར་གྱི་དབུས་སུ་འདུག་ལ། གཡས་དང་གཡོན་པའི་མིག་ཧི་ལས་ཟླ་བ་དང་ཉི་མའི་བདག་ཉིད་དུ་བལྟའོ། །ཁྲོ་བོའི་ལྟ་བས་ཕྱོགས་ཐམས་ཅད་དུ་མཉམ་པར་བལྟས་ལ། ཡིད་ཀྱིས་སྒོ་བཞི་ཕྱེ་བར་བསམ་ [60a.3]ལ་ཕྱིར་བྱུང་ངོ་། །ཐིག་གདབ་པའི་རིམ་པའོ།། །།དེ་ནས་རིན་པོ་ཆེའི་རིགས་ལས་བྱུང་བ་དང་། རིན་པོ་ཆེའི་རིགས་སུ་གཏོགས་པའི་ཚོན་དང་། འབྲས་བུ་ལས་ཁ་དོག་ཏུ་བསྒྱུར་བ་དང་། དུར་ཁྲོད་ཀྱི་ཕ་གུ་དང་། སོལ་བ་དང་། རུས་པ་དང་། རྐུན་མའི་ལོ་མ་དང་དེ་རྣམས་ལས་ [60a.4]བྱ་སྟེ། དཀར་པོ་དང་། སེར་པོ་དང་། དམར་པོ་དང་། ལྗང་གུ་དང་། ནག་པོ་རྣམས་སོ། །དེ་དག་ཞིབ་པར་བཏགས་ཏེ་རས་ཚགས་ལ་བཙགས་ལ་སྤོས་ཀྱིས་ལེགས་པར་བདུགས་ལ། དག་པའི་སྣོད་དུ་བླུགས་ཏེ་སོ་སོའི་ཕྱོགས་སུ་གཞག་པར་བྱའོ། །དེ་ནས་ཐུགས་ཀའི་འོད་ཟེར་ [60a.5]གྱིས་རང་བཞིན་མེད་པར་བྱས་ལ། བྷྲཱུཾ་ཛྲཱཾ་ཁཾ་ཧཱུཾ་ཡོངས་སུ་བསྐྱེད་པར་བྱའོ། །དེ་ལྟར་མདུན་དུ་དམིགས་སོ། །ཇི་ལྟར་སྔོན་དུ་གསུངས་པ་བཞིན་རྣམ་པར་སྣང་མཛད་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་འོད་ཟེར་གྱི་འབར་བའི་ལྟ་བས་ལྕགས་ཀྱུའི་ [60a.6]སྦྱོར་བས་བཀུག་སྟེ་ས་བོན་དང་གཅིག་ཏུ་གྱུར་པ་ལས། འོད་ཟེར་འབར་བ་ཡེ་ཤེས་ཀྱི་རང་བཞིན་དུ་བལྟས་ལ་གསང་སྔགས་འདིས་བྱིན་གྱིས་བརླབ་པར་བྱའོ། །ཨོཾ་བཛྲ་ཙི་ཏྲ་ས་མ་ཡ་ཧཱུཾ།ཨོཾ་བཛྲ་བེ་ག་ཞེས་སྔགས་འདི་བརྗོད་ལ་ཡེ་ཤེས་ཀྱི་ཐིག་སྐུད་ཡིད་ཀྱིས་བསལ་ནས་དཀྱིལ་ [60a.7]འཁོར་གྱི་ནང་དུ་ཞུགས་ཏེ། དཀྱིལ་འཁོར་གྱི་ལྟེ་བའི་ཕུར་བུ་ཧཱུཾ་ཞེས་བརྗོད་ལ་ཕྱུང་ནས་ཕྱག་གི་རྡོ་རྗེ་ལ་ཐིམ་པར་བསམ་མོ། །ཚོན་སྣ་ལྔས་ཁུང་བུ་ཡོངས་སུ་བཀང་ལ་རྟགས་མ་ཡིན་པ་སྲིད་ན་བསལ་བར་བྱ་བའི་དོན་དུ་དྲིལ་བུའི་སྒྲ་དང་ལྡན་པས་རྡོ་རྗེའི་གླུ་བླང་བར་བྱའོ། །འདི་ [60b] [60b.1]ནི་ཆོས་དབྱིངས་དག་པ་སྟེ།།སེམས་ཅན་ཁམས་ནི་སྒྲོལ་བྱེད་པ། །དགྱེས་རྡོར་རྒྱལ་པོ་རང་ཉིད་ནི། །དེ་བཞིན་གཤེགས་པ་ཀུན་གྱི་གནས། །ཉེས་པ་ཀུན་ལས་རྣམ་གྲོལ་བ། །འཁོར་ལོ་ནང་ནས་ཡང་དག་གནས། །ཤེས་རབ་ཐབས་ཀྱི་རྣལ་འབྱོར་བདག །གཡོན་ [60b.2]གྱི་ཁུ་ཚུར་གྱིས་གཟུང་སྟེ། །དབང་ལྡན་གྱི་ནི་མཚམས་ནས་བརྩམས། དཀར་པོ་དང་། སེར་པོ་དང་། དམར་པོ་དང་། ལྗང་གུ་དང་། ནག་པོའི་ཚོན་རྣམས་ནི་ཕྱི་རོལ་ནས་ནང་གི་རིམ་པས་གཡས་སྐོར་དུ་མཉམ་པར་རྒྱུན་མི་འཆད་པར་དྲང་བར་བྱའོ། །འདི་ལྟར་གསུངས་ཏེ། དཀར་ [60b.3]པོ་རྡོ་རྗེ་རྩེ་རང་བཞིན། །གཉིས་པ་གསེར་ལ་དམིགས་པ་སྟེ། །པདྨ་རཱ་གའི་རང་བཞིན་ཏེ། །དེ་བཞིན་གཞན་དག་མརྒད་འདྲ། །ནག་པོ་ནང་དུ་ཤེས་བྱ་སྟེ། །འདི་ནི་ཚོན་གྱི་རིམ་པར་བཤད། །འདི་ལྟར་སྤྱན་དྲང་བར་བྱ་སྟེ། མཉམ་པ་དང་། མི་གཡོ་བ་དང་། མ་ཆད་པ་དང་། སྒོའི་ [60b.4]ཉི་ཤུ་ཆར་གནས་པ་དང་། ནས་ཀྱི་ཚད་ཙམ་དུ་བར་མ་འདྲེས་པར་སོ་སོར་དྲང་བར་བྱའོ། །དེ་ནས་སྔགས་པ་མཉམ་པར་གཞག་པས་ལྟས་བལྟ་བར་བྱ་སྟེ། སྦོམ་པོར་བཀྱེ་ན་ནད་ཀྱིས་འདེབས། །ཕྲ་མོས་ནོར་ནི་རྣམ་པར་འཇིག །ཡོན་པོས་རྣམ་པར་འཆད་པ་ཡི། །བླ་མ་དང་ནི་ [60b.5]སློབ་མ་འཆི། །གཡས་སྐོར་མིན་པར་བཀྱེ་བ་ཡིས། །ཚོན་གྱི་ཕུར་བུས་བཏབ་འགྱུར་དང་། །སློབ་དཔོན་སློབ་མ་གཉིས་ཀ་ལ། །ཤིན་ཏུ་སེམས་ཁྲལ་འབྱུང་བར་འགྱུར། །དེ་ནས་དབུས་ཀྱི་ཕོ་བྲང་གི་ཐིག་ཚད་ནས་གཟུང་སྟེ། །སྒོ་རྣམས་ཀྱི་ཆ་ལ་ཤར་ཕྱོགས་སུ་དཀར་པོ་ [60b.6]དགོད་པར་བྱའོ། །ལྷོའི་ཆ་ལ་སེར་པོ་དགོད་པར་བྱའོ། །ནུབ་ཀྱི་ཆ་ལ་དམར་པོ་དགོད་པར་བྱའོ། །བྱང་ཕྱོགས་སུ་ལྗང་གུ་དགོད་དཔར་བྱའོ། །དབུས་སུ་ནག་པོ་དགོད་པར་བྱའོ། །དེ་ནས་དབུས་སུ་པདྨ་དམར་པོ་འདབ་མ་བརྒྱད་པ་གསེར་དང་བཅས་པའི་སྟེང་དུ་ཉི་མའི་དཀྱིལ་འཁོར་ [60b.7]དགོད་དོ། །དེའི་སྟེང་དུ་སྣ་ཚོགས་རྡོ་རྗེའི་ལྟེ་བ་ལ་ཐོད་པ་དཀར་པོ་ནང་དམར་པོ་སྣ་ཚོགས་རྡོ་རྗེས་མཚན་པར་བྱའོ། །ཞལ་གཅིག་ཕྱག་གཉིས་པའམ། ཕྱག་དྲུག་པའི་དགྱེས་པའི་རྡོ་རྗེ་ལ་ནི་རང་གི་རིགས་ཀྱི་བདག་པོ་ཁ་དོག་ནག་པོ་འབར་བ་བྲི་སྟེ། ཤར་ལ་སོགས་པའི་འདབ་མ་ལ་ [61a] [61a.1]ནི་སྣ་ཚོགས་རྡོ་རྗེ་སྤངས་པའི་ཐོད་དཀར་པོ་རིམ་པ་བཞིན་བྲི་བར་བྱའོ། །ཡང་ན་ཤར་སྒོར་པདྨའི་སྟེང་དུ་ཟླ་བའི་དཀྱིལ་འཁོར་ལ་གྲི་གུག་ནག་པོ་བྲི་བའོ། །ལྷོའི་སྒོར་ཅང་ཏེའུ་དམར་པོ་བྲིའོ། །ནུབ་ཀྱི་སྒོར་རུས་སྦལ་སེར་པོ་བྲིའོ། །བྱང་གི་སྒོར་སྦྲུལ་མ་རྒད་ལྟ་བུ་བྲིའོ། ། [61a.2]བྱང་ཤར་མཚམས་སུ་ཤར་བྷ་ཨིནྡྲ་ནཱི་ལ་ལྟ་བུ་བྲིའོ། །མེའི་མཚམས་སུ་ཟླ་བའི་ནོར་བུ་ལྟ་བུའི་དགེ་སློང་བྲིའོ། །བདེན་བྲལ་གྱི་མཚམས་སུ་འཁོར་ལོ་ནམ་མཁའི་མདོག་ཅན་བྲིའོ། །རླུང་གི་མཚམས་སུ་རྡོ་རྗེ་སྣ་ཚོགས་ཀྱི་མདོག་ཅན་བྲིའོ། །དེ་དག་ཀྱང་པདྨ་དམར་པོ་འདབ་མ་བརྒྱད་ [61a.3]པའི་ལྟེ་བ་ལ་ཟླ་བའི་དཀྱིལ་འཁོར་གྱི་སྟེང་དུ་བྲི་བར་བྱའོ། །དེ་དག་ལ་ཡང་ཚངས་པ་ལ་སོགས་པའི་བདུད་བཞི་གདན་དང་ལྡན་པའམ། ཡང་ན་མི་ལྡན་ཡང་རུང་སྟེ། དེ་ནས་གཞན་ཡང་བདག་མེད་མའི་དཀྱིལ་འཁོར་བྲི་བར་འདོད་པས། དབུས་ཀྱི་ལྟེ་བ་ལ་པདྨ་དམར་པོ་འདབ་མ་བརྒྱད་ [61a.4]པ་བྲི་བར་བྱའོ། །དེའི་ལྟེ་བ་ལ་ཟླ་བའི་དཀྱིལ་འཁོར་གྱི་སྟེང་དུ་གྲི་གུག་ནག་པོ་བྲི་བར་བྱའོ། །ཤར་ལ་སོགས་པའི་ཕྱོགས་ཀྱི་འདབ་མ་ལ་གྲི་གུག་བཞི་བྲི་བར་བྱའོ། །དེའི་ཕྱི་རོལ་གྱི་འདབ་མ་ལ་བྱང་ཤར་ལ་སོགས་པའི་མཚམས་སུ་ཟླ་བའི་སྟེང་དུ་གྲི་གུག་བཞི་བྲིའོ། ། [61a.5]ཤར་ལ་སོགས་པའི་སྒོར་ཟླ་བ་དང་པདྨ་ལ་གྲི་གུག་བཞི་བྲིའོ། །ཤར་དང་ནུབ་ཀྱི་སྒོ་འགྲམ་དུ་པདྨ་དང་ཟླ་བའི་སྟེང་དུ་གྲི་གུག་གཉིས་བྲིའོ། །དཀྱིལ་འཁོར་གྱི་ཚོན་བཀྱེ་བའི་དུས་སུ་ཞུགས་པ་དང་། འབྱུང་བ་དང་། རྡོ་རྗེའི་ཐིག་ཡིད་ཀྱིས་ནམ་མཁའ་ལ་བཏེག་སྟེ། བཛྲ་བེ་གའི་ [61a.6]སྔགས་བརྗོད་པ་དང་། ལྷའི་རྣམ་པ་དང་མི་བྲལ་བར་དགོད་པར་བྱའོ། །དེ་ལྟར་མ་ཡིན་ན་དམ་ཚིག་ཉམས་པར་བཤད་དོ། །དེ་ཉིད་འདུས་པ་ལས་འདི་ལྟར་གསུངས་ཏེ། དཀྱིལ་འཁོར་འབྱུང་དང་འཇུག་པ་ལ། །རྡོ་རྗེའི་ཐིག་དང་ཚོན་རྣམས་ནི། །སེམས་ཀྱིས་བཏེག་ནས་སྤྱོད་བྱས་ན། ། [61a.7]དམ་ཚིག་ཉམས་པས་གོས་མི་འགྱུར། །དེ་ནས་དཀྱིལ་འཁོར་ཕྱི་རིམ་དུ་གཡས་དང་གཡོན་སྐོར་གྱི་རིམ་པས་ཕྱོགས་དང་མཚམས་སུ་རོ་སྐྱེས་དང་རོ་ལངས་འཇིགས་གཟུགས་དང་། འབྱུང་པོ་ལ་སོགས་དུར་ཁྲོད་བརྒྱད་ཀྱི་བདག་ཉིད་བྲིའོ། །དེ་ལ་ཤར་ཕྱོགས་སུ་ཚ་བའི་རིགས་ [61b] [61b.1]དྲག་ལ་གཏུམ་པ་ཞེས་བྱ་བའི་དུར་ཁྲོད་བྲིའོ། །ལྷོ་ཕྱོགས་སུ་དུམ་བུའི་རིགས་འཇིགས་སུ་རུང་བ་ཞེས་བྱ་བའི་དུར་ཁྲོད་བྲིའོ། །ནུབ་ཕྱོགས་སུ་འདོད་པའི་རིགས་ཀེང་རུས་འབར་བ་ཞེས་བྱ་བའི་དུར་ཁྲོད་བྲིའོ། །བྱང་ཕྱོགས་སུ་གསལ་ཤིང་ལ་བཙུགས་པར་བྱ་བའི་རིགས་འུར་འུར་འབར་ [61b.2]བས་ཁྱབ་པ་ཞེས་བྱ་བའི་དུར་ཁྲོད་དུ་བྲིའོ། །བྱང་ཤར་མཚམས་སུ་ཤིང་ལ་དཔྱངས་པའི་རིགས་ཧ་ཧར་དགོད་པ་ཞེས་བྱ་བའི་དུར་ཁྲོད་བྲིའོ། །མེའི་མཚམས་སུ་ཕྱེད་ཚ་བའི་རིགས་ནགས་ཚལ་ཕུན་སུམ་ཚོགས་པ་བྲིའོ། །བདེན་བྲལ་གྱི་མཚམས་སུ་ཕྱེད་དུམ་བུའི་རིགས་མུན་པ་ [61b.3]མི་བཟད་པ་ཞེས་བྱ་བའི་དུར་ཁྲོད་དུ་བྲིའོ། །རླུང་གི་མཚམས་སུ་ས་འོག་ཏུ་སྦས་པའི་རིགས་ཀཱི་ལི་ཀཱི་ལིའི་སྒྲ་སྒྲོག་པ་བྲིའོ། །དེ་དག་ཀྱང་རིམ་པ་ཇི་ལྟ་བ་བཞིན་དུ་ཤིང་རྣམས་བྲིའོ། །ཤི་རི་ཤ་དང་། ཙུ་ཏ་དང་། ཀང་ཀེ་ལི། ཨ་ཤྭདྠ། བྷ་ཐ། ཀ་ར་ཉྫ། ལ་ཏ་ཊ། པྲ་ཀ་རི། ས་ལས་སྐྱེས་ [61b.4]པ་ཤར་ལ་སོགས་པའི་རིམ་པས་བྲིའོ། །ཤིང་རྣམས་ཀྱི་ནང་དུ་ཤིང་གི་བདག་པོ་གྲི་གུག་དང་། ཐོད་པ་འཛིན་པ་འཁོར་དང་བཅས་པ་བྲིའོ། །དེ་ལ་གླང་པོ་ཆེའི་གདོང་པ་ཅན་ནི་གླང་པོ་ཆེའི་ཚོགས་ཀྱིས་བསྐོར་བའོ། །མ་ཧེའི་གདོང་པ་ཅན་ནི་མ་ཧེའི་ཚོགས་ཀྱིས་བསྐོར་བའོ། །ཆུ་སྲིན་གྱི་གདོང་ [61b.5]པ་ཅན་ནི་ཉའི་ཚོགས་ཀྱིས་བསྐོར་བའོ། །གནོད་སྦྱིན་གྱི་གདོང་པ་ཅན་ནི་མིའི་ཚོགས་ཀྱིས་བསྐོར་བའོ། །བ་གླང་གི་གདོང་པ་ཅན་ནི་ཁྱུ་མཆོག་གི་ཚོགས་ཀྱིས་བསྐོར་བའོ། །རའི་གདོང་པ་ཅན་ནི་རའི་ཚོགས་ཀྱིས་བསྐོར་བའོ། །སྲིན་པོའི་གདོང་པ་ཅན་ནི་ཡི་དགས་ཀྱི་ཚོགས་ཀྱིས་བསྐོར་བའོ། །ཤ་ [61b.6]ར་བྷའི་གདོང་པ་ཅན་ནི་ཤ་ར་བྷའི་ཚོགས་ཀྱིས་བསྐོར་བའོ། །ཤིང་དེ་དག་གི་རྩར་ནི་ཕྱོགས་སྐྱོང་བ་རྣམས་ཇི་ལྟར་གསུངས་པ་བཞིན་འཁོར་དང་བཅས་པ་རང་གི་རིག་མ་ལ་འཁྱུད་པར་བཞུགས་སོ། །དེ་ལ་དབང་པོ་ནི་སྐུ་མདོག་སེར་པོ་རིན་པོ་ཆེའི་དབུ་རྒྱན་ཅན་སྣ་ཚོགས་པའི་རྒྱན་གྱིས་ [61b.7]བརྒྱན་པ། ཕྱག་ན་རྡོ་རྗེ་འཛིན་ཞིང་གླང་པོ་དཀར་པོ་ལ་འགྱིང་བག་གི་ཚུལ་གྱིས་བཞུགས་པ་བྲིའོ། །གཤིན་རྗེ་ནི་སྐུ་མདོག་ནག་པོ་སྤྱན་མེ་མདག་གི་ཕུང་པོ་འདྲ་བ། སྨིན་མ་དང་དཔྲལ་བར་ཁྲོ་གཉེར་བསྡུས་པ་སྐྲ་སེར་པོ་གྱེན་དུ་འབར་བ། ཕྱག་ན་དབྱུག་པ་དང་རྩེ་གསུམ་ [62a] [62a.1]འཛིན་ཅིང་མ་ཧེ་ལ་ཁྲོས་པའི་ཚུལ་གྱིས་བཞུགས་པ་བྲིའོ། །ཆུ་བདག་ནི་སྐུ་མདོག་དཀར་པོ་གདེངས་ཀ་བདུན་དང་ལྡན་པ། སྦྲུལ་གྱི་ཞགས་པ་དང་དུང་འཛིན་པ་ཆུ་སྲིན་ལ་བཞུགས་པའོ། །ནོར་བདག་ནི་སྐུ་མདོག་སེར་པོ་གསེར་གྱི་མདོག་ཅན་རིན་པོ་ཆེའི་དབུ་རྒྱན་ [62a.2]ཅན་ལྕགས་ཀྱུ་དང་དབྱུག་པ་འཛིན་པ་གནོད་སྦྱིན་ལ་བཞུགས་པའོ། །དབང་ལྡན་ནི་སྐུ་མདོག་དཀར་པོ་རལ་པའི་ཐོར་ཚུགས་ཅན་ཟླ་བའི་དབུ་རྒྱན། སྤྱན་གསུམ་པ་ཐོད་པའི་ཕྲེང་བ་ཅན། ཕྱག་བཞི་པ། ཅང་ཏེའུ་དང་། ཐོད་པ་དང་། ཏྲི་ཤཱུ་ལ། ཁ་ཊྭཱཾ་ག་འཛིན་པ་ཁྱུ་མཆོག་གི་སྟེང་དུ་ [62a.3]བཞུགས་པའོ། །མེ་ལྷ་ནི་སྐུ་མདོག་དམར་པོ་རལ་པ་ཐོར་ཚུགས་སུ་བྱས་པ། ཚངས་པའི་ཐེ་གུ་ཅན། ཕྱག་བཞི་པ། བགྲང་ཕྲེང་དང་སྐྱབས་སྦྱིན་དང་གུནྡྷེ་དང་། དབྱུག་པ་འཛིན་པ་རའི་སྟེང་ན་བཞུགས་པའོ། །བདེན་བྲལ་ནི་སྐུ་མདོག་སྔོན་པོ་དབུ་སྐྲ་དམར་པོ་གྱེན་དུ་འབར་བ། [62a.4]ཐོད་པའི་ཕྲེང་བ་ཅན་གྲི་གུག་དང་ཐོད་པ་འཛིན་པ་རོའི་སྟེང་ན་བཞུགས་པའོ། །རླུང་ནི་དུ་བའི་མདོག་ཅན་རླུང་གི་རས་འཛིན་པ། རིན་པོ་ཆེའི་དབུ་རྒྱན་ཅན་ཤ་བའི་སྟེང་ན་བཞུགས་པ་བྲིའོ། །དེ་དག་གི་གནས་སུ་ཡང་ལྷ་དང་ཡི་དགས་དང་ཀླུ་དང་གནོད་སྦྱིན་དང་འབྱུང་པོ་དང་ཐུབ་པ་དང་། [62a.5]སྲིན་པོ་དང་རླུང་བདག་དང་དེ་དག་གི་ཚོགས་ཀྱིས་བསྐོར་བ་བྲིའོ། །དེའི་གཡོན་དུ་ཀླུ་ཆེན་པོ་བརྒྱད་གདེངས་ཀ་དང་བཅས་པར་བྲིའོ། །ནོར་རྒྱས་ནི་ཟླ་བའི་མདོག་ཅན་སྤྱི་བོར་ཨུཏྤལ་སྔོན་པོས་མཚན་པ་གདེངས་ཀ་དང་བཅས་པ། པདྨ་ནི་དུང་གི་མདོག་ཅན་དཔལ་བེའུས་མཚན་པའི་ [62a.6]གདེངས་ཀ་ཅན།སྟོབས་ཀྱི་རྒྱུ་ནི་དཱུར་བ་ལྟ་བུར་མདོག་སྔོ་བ་རིན་པོ་ཆེ་གསུམ་གྱིས་མགྲིན་པར་མཚན་པའོ། །འཇོག་པོ་ནི་ཉེར་ལྡན་གྱི་མེ་ཏོག་ལྟ་བུའི་མདོག་ཅན་ནོར་བུ་འབར་བས་མཚན་པ།པདྨ་ཆེན་པོའི་མདོག་ཀུནྡ་ལྟ་བུར་མཚུངས་པ་རྩེ་གསུམ་གྱིས་མཚན་པ།ཧུ་ལུ་ཧུ་ལུ་ནི་ [62a.7]ཤིན་ཏུ་གནག་པ་སྤྱི་བོ་མཚན་མས་མཚན་པ། རིགས་ལྡན་ནི་དུ་བའི་མདོག་ཅན་ཟླ་བའི་ནོར་བུས་མགྲིན་པ་མཚན་པ། དུང་སྐྱོང་ནི་གསེར་གྱི་མདོག་ཅན་མགྲིན་པ་ཟླ་བའི་དཀྱིལ་འཁོར་གྱིས་མཚན་པ་བྲིའོ། །དེ་དག་གི་རྒྱབ་ཚོགས་སུ་སྤྲིན་རྣམས་བྲི་སྟེ་སྒྲ་གྲག་པ་ནི་མདོག་ [62b] [62b.1]ནག་པོ།འཁྱིལ་པ་ནི་མདོག་སྔོན་པོ།རྨུགས་པ་ནི་གུར་གུམ་གྱི་མདོག་ཅན། མུན་པ་ནི་སྣ་ཚོགས་པའི་མདོག་ཅན། གང་བ་ནི་དམར་སེར། འབབ་པ་ནི་སྔོན་དམར། དྲག་པོ་ནི་སྣག་ཚའི་མདོག་ཅན། འཁྲིགས་པ་ནི་དཀར་པོ། གཞན་ཡང་དཀྱིལ་འཁོར་གྱི་རྒྱན་དུ་གྱུར་ [62b.2]པ་ཐམས་ཅད་ཀྱིས་ལེགས་པར་སྤྲས་ཏེ་བརྒྱན་པར་བྱའོ། །ཚོན་དགྱེ་བའི་རིམ་པའོ།། །།དེ་ལ་དཀྱིལ་འཁོར་བྲི་བའི་དུས་སུ་གང་ཞིག་གིས་བགེགས་བརྩམ་པ་དང་། རང་བཞིན་གྱིས་བར་ཆད་དུ་འགྱུར་བ་སྤང་བའི་ཕྱིར། སྔོན་གྱི་རིམ་པ་བཞིན་དབང་པོ་ལ་སོགས་པའི་ཕྱོགས་ [62b.3]སྐྱོང་བ་རྣམས་ལ་རིམ་པ་བཞིན་དུ་ཕུར་བུས་གདབ་པ་ལ་སོགས་པ་བྱའོ། །གལ་ཏེ་དཀྱིལ་འཁོར་གྱི་གནས་སུ་ཆར་དབབ་པར་གྱུར་ན། དགྱེས་པའི་རྡོ་རྗེའི་རྣལ་འབྱོར་དང་ལྡན་པས་དུར་ཁྲོད་ཀྱི་རས་ཀྱི་སྟེང་དུ་འདུག་སྟེ། གདུག་པའི་སེམས་ཀྱིས་སྔགས་འདི་བཟླས་སོ། །ཨོཾ་ཨཱརྱ་ [62b.4]ཨཱརྱ་སྨ་ཤན། པྲི་ཡཱ་ཡ་ཧཱུཾ་ཧཱུཾ་ཕཊ་སྭཱ་ཧཱ། འབར་བའི་ལྟ་བས་གྱེན་དུ་བལྟས་ནས་ཐུགས་ཀ་ནས་ཁྲོ་བོ་འབར་བའི་ཚོགས་ཀྱིས་ནམ་མཁའི་ཁམས་ཡོངས་སུ་ཁྱབ་སྟེ། དེའི་འོད་ཟེར་ཡེ་ཤེས་ཀྱི་མེ་ལྟ་བུས་སྤྲིན་གྱི་ཚོགས་ཡོངས་སུ་གཏོར་བའི་བསམ་པ་དང་ལྡན་པར་བྱའོ། ། [62b.5]གལ་ཏེ་མེའི་དགྲ་བྱུང་བར་གྱུར་ན། མེའི་སྟེང་དུ་བཾ་ཡོངས་སུ་གྱུར་པ་ལས་ཆུའི་དཀྱིལ་འཁོར་ཁ་དོག་དཀར་པོ། དེའི་སྟེང་དུ་པདྨ་འདབ་མ་བརྒྱད་པའི་ལྟེ་བ་ལ། བྷྲཱུཾ་ཡོངས་སུ་གྱུར་པའི་འཁོར་ལོ་རྩིབས་བརྒྱད་པ་བསམ། དེའི་ལྟེ་བ་ལ་བྷྲཱུཾ་ལས་གྱུར་པའི་སྟོན་ཀའི་རི་བོང་ཅན་གྱི་དབུས་ [62b.6]སུ་བྷྲཱུཾ་གྱིས་བྱིན་གྱིས་བརླབས་པའི་དབུས་སུ་རྒྱ་མཚོ་བཞི་ཆུ་བོ་ཆེན་པོ་བཞི་མ་དྲོས་པའི་ཆུ་ལྟ་བུའི་ཐུགས་ཀའི་ས་བོན་གྱི་འོད་ཟེར་སྤྲིན་གྱི་ཚོགས་ལྟ་བུ་བྱུང་སྟེ་ནམ་མཁའི་ཁམས་མ་ལུས་པ་ཁྱབ་པར་བྱས་ནས་ཆུའི་རྒྱུན་འབབ་པས་ཕྱོགས་བཅུར་ཡོངས་སུ་འགེངས་པར་འགྱུར་རོ། ། [62b.7]བདག་ཉིད་རྣམ་པར་སྣང་མཛད་དུ་བསམ་མོ། །གལ་ཏེ་རླུང་གིས་བར་ཆད་དུ་གྱུར་ན་དེ་ཞི་བར་བྱ་བའི་ཕྱིར་བདག་ཉིད་ལྷག་པའི་ལྷའམ་རྡོ་རྗེ་ཧཱུཾ་མཛད་ཀྱི་རྣལ་འབྱོར་དུ་ཞུགས་ཏེ། ཧཱུཾ་གི་སྔགས་འབུམ་ཕྲག་ཏུ་བཟླས་པ་བྱས་ལ་ས་ལ་མ་ལྷུང་བའི་རྣམ་ལྔའམ། གྲོག་མཁར་གྱི་ས་ལས་ [63a] [63a.1]རླུང་ལྷའི་གཟུགས་བྱས་ནས་ནམ་མཁར་ཡཾ་ལས་བྱུང་བའི་རླུང་ལྷའི་གཟུགས་བསམས་ཏེ། དེ་ཉིད་བཀུག་ལ་རྫས་ཀྱི་གཟུགས་ལ་བསྟིམ་པར་བྱའོ། །བཅིངས་ལ་ནི་རཾ་ཤུའི་ཕུར་བུ་སོར་བཞི་ས་ལ་ལན་བརྒྱ་རྩ་བརྒྱད་དུ་བཟླས་ཏེ་གདབ་པར་བྱའོ། །དེ་བཞིན་དུ་ [63a.2]ཆུའི་གནོད་པ་བསལ་བར་བྱ་བའི་ཕྱིར་ཆུ་ལྷ་ལ་ཕུར་བུས་གདབ་པར་བྱའོ། །ཡང་སྔོན་བཞིན་དུ་རྡོ་རྗེ་ར་བ་ལ་སོགས་པ་རྡོ་རྗེས་གཞིའི་བར་དུ་རིམ་པས་བསྒོམ་པ་ལ་ཁྲོ་བོའི་ལྟ་བས་ཕྱོགས་ཐམས་ཅད་དུ་བལྟས་ལ། རྩ་བའི་སྔགས་བརྗོད་པར་བྱའོ། །ཨོཾ་ཨ་ཥྚ་ན་ནཱ་ཡ། པིངྒོ་རྡྷྭ་ཀེ་ཤ་ [63a.3]བརྟྨ་ནེ་ཙ་ཏུ་རྦིཾ་ཤ་ཏི་ནེ་ཏྲཱ་ཡ། ཥོ་ཌ་ཤ་བྷུ་ཛཱ་ཡ་ཀྲྀ་ཥྞ་ཛི་མཱུ་ཏ་ཝ་པུ་ཥེ། ཀ་པཱ་ལ་མཱ་ལཱ་ནེ་ཀཾ་དྷཱ་རི་ཎེ་ཨཱ་དྡྨ་ཀྲཱུ་ར་ཙི་ཏྟཱ་ཡ། ཨརྡྷན་དུ་དཾ་ཥྚྀ་ཎེ་ཨོཾ་མཱ་ར་ཡ་མཱ་ར་ཡ། ཀཱ་ར་ཡ་ཀཱ་ར་ཡ། ག་རྫ་ཡ་ག་རྫ་ཡ། ཏ་རྫ་ཡ་ཏ་རྫ་ཡ། ཤོ་ཥ་ཡ་ཤོ་ཥ་ཡ། སཔྟ་སཱ་ག་རཱན། བནྡྷ་བནྡྷ་ནཱ་གཱ་ཥྚི་ཀཱན། གྲྀ་ཧྞ་གྲྀ་ཧྞ། སརྦ་ཤ་ཏྲཱུཾ། [63a.4]ཧ་ཧཱ། ཧི་ཧཱི། ཧུ་ཧཱུ། ཧེ་ཧཻ། ཧོ་ཧཽ། ཧཾ་ཧཿ་ཕཊ་སྭཱ་ཧཱ། ཡང་ན་བར་ཆད་ཞི་བར་བྱ་བའི་ཕྱིར། ཨརྒའི་ལོ་མ་དང་། སྐེ་ཚེ་དང་། བཙན་དུག་དང་། ཙི་ཏྲ་ཀའི་ཁུ་བ་རྣམས་ཀྱིས་བགེགས་ཀྱི་མིང་བྲིས་ཏེ། ཨོཾ་ཧེ་བཛྲ་ཛྲ་ར་ཛྭར་ཤ་ཏྲཱཾ་ན་ན་བྷྲཱུཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། སྔགས་འདི་ཁྲི་ཕྲག་ཏུ་ [63a.5]བཟླས་ཏེ། ཤིན་ཏུ་ཁྲོས་ནས་འབྲས་ཕུབ་ཀྱི་ཕྱེ་ལ་སྦྱིན་སྲེག་བྱའོ། །དེས་ཀྱང་བར་ཆད་ཞི་བར་མ་གྱུར་ན་དེ་ལ་དུག་དང་། ཚ་བ་དང་། སྐྱེ་ཚེ་དང་། ཚྭ་དང་། རོ་བསྲེགས་པའི་ཐལ་བ་དང་། སོལ་བ་དང་། མི་རུས་ཕྱེ་མ་དང་འདི་དག་ནི་སྨྱོ་བྱེད་ཀྱི་ཁུ་བས་སྦྲུས་ཏེ། བགེགས་ཀྱི་གཟུགས་ [63a.6]བྱས་ལ་རྔ་མོ་དང་བོང་བུ་ལ་སོགས་པའི་རིལ་མ་ལ་དུར་ཁྲོད་ལས་བྱུང་བའི་མེ་སྦར་ཏེ། མཚོན་རྣོན་པོས་གཟུགས་གཏུབས་ཤིང་། ཨོཾ་སརྦ་བི་གྷན་མཱ་ར་ཡ་གྷུཿ་སྭཱ་ཧཱ། ཞེས་པའི་སྔགས་ཀྱིས་འབར་བའི་མིག་དང་། ཕྱེད་ཀྲུང་གི་གར་གྱིས་སྔར་བཞིན་སྦྱིན་སྲེག་བྱའོ། །དེ་ཡང་ཆོས་ཐམས་ [63a.7]ཅད་རྣམ་པར་རྟོག་པ་ཙམ་ཡིན་ལ། བགེགས་ཀྱང་རྣམ་པར་རྟོག་པ་ལས་བྱུང་བའི་ཕྱིར། བདག་མེད་པའི་མེས་འཇོམས་པར་འགྱུར་རོ། །བར་ཆོད་བསལ་བའི་རིམ་པའོ།། །།དེ་ནས་བར་ཆད་མེད་པར་དཀྱིལ་འཁོར་བྲི་བ་རྫོགས་པ་དང་།སློབ་དཔོན་ཁྲུས་བྱས་ཏེ་དྲི་ཞིམ་པོས་ [63b] [63b.1]བྱུགས་ལ། སྣ་ཚོགས་པའི་ན་བཟའ་གྱོན་ཞིང་མེ་ཏོག་གི་ཕྲེང་བས་ཅོད་པན་བྱས་ཏེ། དཀྱིལ་འཁོར་གྱི་ཕོ་བྲང་དུ་ཞུགས་ལ་སྟན་མཐོ་ཞིང་འཇམ་པ་ལ་འདུག་ལ་རང་ལྷའི་རྣལ་འབྱོར་དང་ལྡན་པས་ཚོན་གྱི་ལྷག་མ་རྣམས་ཡི་གེ་གསུམ་གྱི་མཐར་མུཿ་དང་ལྡན་པས་གཤེགས་སུ་ [63b.2]གསོལ་ལ་ཚོན་གྱི་སྣོད་རྣམས་ནི་དབེན་པར་གཞག་གོ། །དཀྱིལ་འཁོར་གྱི་ཕྱི་རོལ་གྱིས་རྣམས་ནི་བའི་རྣམ་ལྔ་ལ་སོགས་པས་བྱུགས་ནས། མེ་ཏོག་གི་ཚོམ་བུ་བཀོད་པ་ལ་མར་མེའི་ཕྲེང་བས་བསྐོར་ཏེ། ཁཎྡྷ་བིནྡྷ་ལ་སོགས་པའི་སྤོས་ཕྱོགས་ཐམས་ཅད་གཏམས་ཏེ། [63b.3]དེ་ནས་དཀྱིལ་འཁོར་གྱི་ཕྱི་རོལ་དབུས་སམ་ཕོ་བྲང་དུ་རོལ་མོའི་ཚོགས་ཀྱི་བུམ་པ་སྤྱན་དྲངས་ཏེ། བསྐོར་བ་གསུམ་བྱས་ལ་རྣམ་པར་རྒྱལ་བའི་བུམ་པ་དབུས་སུ་བཞུགས་སུ་གསོལ་བར་བྱའོ། །གཽ་རཱི་ལ་སོགས་པའི་བུམ་པ་བཞི་ཤར་ལ་སོགས་པའི་ཕྱོགས་བཞིར་ཕོ་བྲང་གི་ [63b.4]ཕྱི་རོལ་དུ་བཞུགས་པར་བྱས་ལ། པུཀྐ་སཱི་ལ་སོགས་པའི་བུམ་པ་ནི་གཡོན་སྐོར་དུ་མཚམས་བཞིར་གཞག་པར་བྱའོ། །གང་བའི་བུམ་པ་བཞི་ཡང་ཕྱོགས་བཞིར་མཆོད་པའི་དོན་དུ་གཞག་པར་བྱའོ། །ལས་ཐམས་ཅད་པའི་བུམ་པས་བགེགས་བསྐྲད་དོ། །ཤར་སྒོའི་ལྷོ་ [63b.5]ཕྱོགས་སུ་གཞུག་པར་བྱའོ། །ཡང་ན་མཆོད་པའི་དོན་དུ་གང་བའི་བུམ་པ་བརྒྱད་མཆོད་པའི་ཕྱག་མཚན་འཛིན་པར་བྱིན་གྱིས་བརླབས་ལ། ཤར་ལ་སོགས་པའི་ཕྱོགས་དང་མཚམས་སུ་དགོད་པར་བྱའོ། །དེ་ལྟར་ལྷའི་བུམ་པ་རྣམས་ཀྱི་ཆུ་བདུད་རྩི་ལྔ་དང་ལྡན་པའི་པདྨའི་སྣོད་ [63b.6]དུ་ཉུང་དུ་ཉུང་དུ་བླུགས་ཏེ་བདག་ཉིད་ཀྱི་མདུན་དུ་གཞག་གོ། །བུམ་པ་དགོད་པའི་རིམ་པའོ།། །།དེ་ནས་སྔགས་པས་དཀྱིལ་འཁོར་ལ་མངོན་པར་ཕྱོགས་ཏེ། དཀྱིལ་འཁོར་གྱི་ཡོ་བྱད་ཐམས་ཅད་ཚོགས་པར་བྱས་ལ།དཀྱིལ་འཁོར་གྱི་མཆོད་པ་བྱས་ཏེ། དེ་ཡང་ཤིན་ཏུ་ [63b.7]དག་པའི་སེམས་ཀྱིས་དཀྱིལ་འཁོར་གྱི་ཆོ་ག་ཇི་ལྟ་བ་བཞིན་དུ་བསྒྲུབ་པར་བྱའོ། །དེ་ཡང་རིམ་པ་འདི་ལྟར་འབྱུང་སྟེ། ཕྱིའི་རིག་མ་ལོ་བཅུ་གསུམ་ལོན་པའམ། ཡང་ན་ནང་གི་རིག་མ་དང་བཅས་པས་ཏིང་ངེ་འཛིན་གསུམ་དང་ལྡན་པར་བྱས་ལ། རྡོ་རྗེ་དང་པདྨ་བསྐྱེད་པའི་སྒྲས་ [64a] [64a.1]དེ་བཞིན་གཤེགས་པ་ཐམས་ཅད་བཀུག་སྟེ། ཐུགས་ཀར་བཅུག་སྟེ་འོད་དུ་ཞུ་ནས་རྡོ་རྗེའི་ལམ་དུ་ཕྱུང་སྟེ། ཡུམ་གྱི་པདྨའི་གནས་སུ་ཕབ་ལ་དེ་བཞིན་གཤེགས་པ་ཐམས་ཅད་ཀྱི་རང་བཞིན་དུ་ཕྱོགས་བཅུར་སྤྲོས་ནས་སེམས་ཅན་གྱི་དོན་མ་ལུས་པར་བྱ་སྟེ། བློ་དང་ [64a.2]ལྡན་པས་དེ་ཉིད་ཚུར་བཀུག་སྟེ། དཀྱིལ་འཁོར་གྱི་འགྲམ་གྱི་ནམ་མཁའ་ལ་བཞུགས་པ་ལ། དེ་དང་མཚུངས་པར་ཕྱིན་པའི་བགེགས། ཨ་ཥྚཱ་ན་ནཱའམ་ཧཱུཾ་གི་སྒྲས་ཡོངས་སུ་བསྐྲད་དེ་དཀྱིལ་འཁོར་བསྲུང་བར་བྱའོ། །དེ་ནས་བསང་གཏོར་ལ་སོགས་པ་བྱིན་ཏེ། ཛཿ་ཧཱུཾ་བཾ་ཧོཿ། འདིས་ [64a.3]རིམ་པ་ཇི་ལྟ་བ་བཞིན་བཀུག་ལ། དཀྱིལ་འཁོར་གྱི་ཕྱག་མཚན་ལ་དགུག་པ་དང་། གཞུག་པ་དང་། བཅིང་བ་དང་། དགྱེས་པ་བསྐྱེད་པར་བྱའོ། །དེ་ནས་སྤྱན་དང་སྐུ་ལ་སོགས་པ་བྱིན་གྱིས་བརླབ་པར་བྱའོ། །ཡང་བསང་གཏོར་ལ་སོགས་པ་སྔོན་དུ་འགྲོ་བས་རང་གི་སྙིང་གའི་ས་ [64a.4]བོན་ལས་ལྷ་མོ་བརྒྱད་སྤྲོས་ཏེ། ཕྱི་དང་གསང་བ་དང་དེ་ཁོ་ན་ཉིད་ཀྱི་མཆོད་པས་མཆོད་དོ། །རས་ཡུག་དང་མེ་ཏོག་གི་ཕྲེང་བ་ལ་སོགས་པ་ལྷའི་གྲངས་སུ་དཀྱིལ་འཁོར་ལ་མཆོད་པར་བྱའོ། །འཁོར་ལོ་ལ་བསྟོད་པར་བྱའོ། །ཁྱོད་ནི་རྣལ་འབྱོར་མ་རྣམས་ཡོངས་སུ་བསྐོར། །ཉིད་ [64a.5]ཀྱི་ཐུགས་ཀྱི་དགོས་པ་འགྲུབ་པ་སྟེ། །རྒྱུད་དང་མི་རྒྱུ་འཁོར་བ་ཀུན་སྒྲུབ་ཁྱོད། །སྙིང་རྗེའི་ཐུགས་ཀྱིས་སེམས་ཅན་བྱང་ཆུབ་མཛད། །ཀུན་རྫོབ་སྒྱུ་མས་འབྲས་བུ་བསྒྲུབ་པའི་ཡིད། །ཧེ་རུ་ཀ་དཔལ་དགྱེས་རྡོར་ཐུགས་ལ་བསྟོད། །དེ་ནས་པདྨའི་སྣོད་དུ་བདུད་རྩི་རྣམ་པ་ལྔ་ལ་མན་ [64a.6]ངག་ཇི་ལྟ་བ་བཞིན་བྱིན་གྱིས་བརླབས་ལ། དཀྱིལ་འཁོར་གྱི་ལྷ་ཐམས་ཅད་ལ་མཆོད་པར་བྱའོ། །དཀྱིལ་འཁོར་དང་དཀྱིལ་འཁོར་གྱི་བདག་ཉིད་བདུད་རྩི་དེས་ཚིམ་པར་གྱུར་ནས་བདེ་བ་ཆེན་པོའི་བདག་ཉིད་དུ་གནས་པར་བྱའོ། །རིམ་པ་སོ་སོར་ཇི་ལྟ་བ་བཞིན་དུ་དཀྱིལ་འཁོར་ [64a.7]གྱི་བདག་པོས་ལྷ་ཐམས་ཅད་ཀྱི་གསང་སྔགས་བཟླས་པ་ལ་འཇུག་པར་བྱའོ། །དེ་ནས་སྔགས་པ་ཇི་ལྟར་འབྱུང་བའི་ལས་ཀྱི་རྡོ་རྗེ་མ་ཡིན་པ་དཀྱིལ་འཁོར་གྱི་ཕོ་བྲང་ནས་བསྐྲད་ལ་སློབ་དཔོན་གདུགས་དཀར་པོ་དང་། བ་དན་དང་། རླུང་ཡབ་དང་། རྒྱལ་མཚན་དང་། གླུ་དང་། [64b] [64b.1]གར་དང་། སྒྲའི་ཚོགས་ལ་སོགས་པའི་རོལ་མོས་ཡོངས་སུ་བསྐོར་བ་ལ་ཕྱིར་བྱུང་ནས། བདེ་བའི་སྟན་ལ་འདུག་སྟེ། རང་གི་བདུན་དུ་ཟངས་པོ་ཆེའམ། སྨྱུག་མ་ལ་སོགས་པ་ལས་བྱས་པའི་སྣོད་དུ་ཉ་དང་ཤ་དང་ཟན་དང་ཞོ་དང་འོ་མ་དང་སྦྲང་རྩི་དང་། ཆང་དང་ཆུ་དང་ཆན་དང་འབྲས་ [64b.2]རྔོས་པ་དང་། ཏིལ་དང་རི་ལུ་དང་ཁུ་བ་ལ་སོགས་པའི་སྣ་ཚོགས་པའི་བཟའ་བ་དང་བཅས་པ་དང་། སྟོན་མོའི་བྱེ་བྲག་བཏུང་བའི་རྣམ་པ་དང་། ལྡག་པ་དང་། འཇིབ་པའི་རྣམ་པ་དང་། དེ་དག་གི་རྫས་ཀྱིས་ཡོངས་སུ་བཀང་ལ། མར་མེ་ལྔ་དང་བདུད་རྩི་དང་། གདུགས་དང་རྒྱལ་ [64b.3]མཚན་དང་། མེ་ཏོག་གི་ཕྲེང་བ་ལ་སོགས་པའི་རྒྱན་གྱིས་བརྒྱན་པ་ཡང་བྱའོ། །གཞན་ཡང་ཁ་ཟས་ཀྱི་ཚོགས་ཅི་འབྱོར་པ་ཚོགས་པར་བྱས་ལ། གལ་ཏེ་མ་འབྱོར་ན་ཆུ་དང་ཟན་ཙམ་ལས་བྱ་སྟེ། ཐམས་ཅད་ཚོགས་པར་དམིགས་སོ། །དེ་ལྟར་བལྟས་ནས་འབར་བ་ལ་སོགས་པའི་ཡེ་ [64b.4]ཤེས་ལྔའི་བདག་ཉིད་ཀྱི་རིམ་པས་དག་པར་བྱའོ། །དེའི་རིམ་པ་ནི་འདི་ལྟར་འབྱུང་ངོ་། །མདུན་གྱི་ནམ་མཁའ་ལ་ཧཱུཾ་སྔོན་པོ་ཡོངས་སུ་གྱུར་པ་ལས་རྡོ་རྗེ་བསམ་པར་བྱའོ། །དེའི་འོག་ཏུ་ཨཱཿ་དམར་པོ་ཡོངས་སུ་གྱུར་པའི་ཐོད་པ་ནང་དམར་པོ་གནས་པ་བསམ་པར་བྱའོ། ། [64b.5]དེའི་དབུས་སུ་ཨོཾ་དཀར་པོས་བྱིན་གྱིས་བརླབས་པའི་བདུད་རྩི་ལྔའི་བདག་ཉིད་བསམ་པར་བྱས་ནས། དེ་ནས་རྡོ་རྗེ་པདྨོའི་སྦྱོར་བས་མེ་སྦར་བ་ནི་མེ་ལོང་ལྟ་བུའི་ཡེ་ཤེས་སོ། །དེས་རྫས་རྣམས་སྤྲོས་པ་ནི་མཉམ་པ་ཉིད་ཀྱི་ཡེ་ཤེས་ཀྱི་རང་བཞིན་ནོ། །དྲོས་ཏེ་ཁུ་བར་གྱུར་ནས་ [64b.6]འོད་ཟེར་དང་ལྡན་པ་ནི་སོ་སོར་རྟོག་པའི་ཡེ་ཤེས་སོ། །དེ་ཉིད་ཡེ་ཤེས་ཀྱི་ཉི་མའི་དཀྱིལ་འཁོར་ལྟ་བུར་གྱུར་པ་ནི་བྱ་བ་གྲུབ་པའི་ཡེ་ཤེས་སོ། །དེའི་འོད་ཟེར་ཕྱོགས་བཅུར་སྤྲོས་པས་དེ་བཞིན་གཤེགས་པ་མ་ལུས་པའི་གཟུགས་སུ་གྱུར་ཏེ། དེ་དག་གི་ཐུགས་ཀའི་ཡེ་ཤེས་ཀྱི་ས་ [64b.7]བོན་གྱི་འོད་ཟེར་གྱིས་ཡེ་ཤེས་ཀྱི་བདུད་རྩི་བཀུག་ལ་བསྟིམ་ནས་གཉིས་སུ་མེད་པར་བྱས་པ་ནི་ཆོས་ཀྱི་དབྱིངས་རྣམ་པར་དག་པའི་ཡེ་ཤེས་ཀྱི་རང་བཞིན་ནོ། །དེ་ལྟར་ཡེ་ཤེས་ལྔའི་བདག་ཉིད་བརླབས་པ་ནི་མཆོག་གི་བདུད་རྩིར་གྱུར་ཏེ། ཡི་གེ་གསུམ་གྱིས་བྱིན་གྱིས་བརླབ་པར་བྱའོ།། [65a] [65a.1]དེ་ནས་རང་གི་མདུན་གྱི་ནམ་མཁའ་ལ་ཆོས་ཀྱི་འབྱུང་གནས་ཀྱི་དབུས་སུ་པདྨ་དམར་པོ་འདབ་མ་བརྒྱད་པ་བསམ་མོ། །དེ་ལ་ཤར་གྱི་འདབ་མ་ལ་སོགས་པ་བཞི་ལ་དབང་པོ་དང་། གཤིན་རྗེ་དང་། ཆུ་བདག་དང་། ནོར་བདག་གོ། །བྱང་ཤར་ལ་སོགས་པའི་འདབ་མ་ལ། [65a.2]དབང་ལྡན་དང་། མེ་ལྷ་དང་། བདེན་བྲལ་དང་། རླུང་ལྷ་རྣམས་ཧཱུཾ་ལས་སྐྱེས་པ་སྐུ་མདོག་སྔོན་པོ་ཞལ་གཅིག་ཕྱག་གཉིས་པ་རྡོ་རྗེ་དྲིལ་བུའི་ཕྱག་རྒྱ་དང་ལྡན་པས་རང་གི་རིག་མ་ལ་འཁྱུད་པ། ཕྱག་རྒྱ་དྲུག་དང་ལྡན་པ། བརྐྱང་བསྐུམ་གྱི་གར་གྱིས་བཞུགས་པ་མི་བསྐྱོད་པས་ [65a.3]དབུ་བརྒྱན་པའི་བདག་ཉིད་དུ་བསྒོམ་པར་བྱའོ། །དེའི་སྟེང་དུ་ཆོས་ཀྱི་འབྱུང་གནས་ཀྱི་ནང་དུ་ཆུད་པར་ཟླ་བ་དང་ཉི་མ་དང་ཚངས་པ་ལ་སོགས་པ་རྒྱལ་པོ་ཆེན་པོ་བཞི་དང་། སུམ་ཅུ་རྩ་གསུམ་པ་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ [65a.4]རྣམས་འདོད་པའི་ལྷའོ། །ཚངས་རིགས་དང་ཚངས་པ་མདུན་ན་འདོན་དང་ཚངས་པ་ཆེན་པོ་སྟེ་བསམ་གཏན་དང་པོའོ། །འོད་ཆུང་དང་། ཚད་མེད་འདོ་དང་། འོད་གསལ་བ་ནི་བསམ་གཏན་གཉིས་པའོ། །དགེ་ཆུང་དང་ཚད་མེད་དགེ་དང་། དགེ་རྒྱས་ནི་བསམ་གཏན་གསུམ་ [65a.5]པའོ། །སྤྲིན་མེད་དང་བསོད་ནམས་སྐྱེས་དང་འབྲས་བུ་ཆེ་དང་། མི་ཆེ་བ་དང་། མི་གདུང་བ་དང་། གྱ་ནོན་སྣང་བ་དང་། ཤིན་ཏུ་མཐོང་དང་། འོག་མིན་གྱི་གནས་ཏེ་བསམ་གཏན་བཞི་པའོ། །བདེ་བ་ཅན་གྱི་འཇིག་རྟེན་གྱིས་ཁམས་ན་གནས་པ་དང་། འོད་ཟེར་གྱིས་འཇིག་རྟེན་ [65a.6]གྱི་ཁམས་ན་གནས་པ་ཐམས་ཅད་བཀུག་ནས་ལྷན་ཅིག་དུ་ཞུ་སྟེ། ཨོཾ་ལས་སྐྱེས་པ་སྐུ་མདོག་དཀར་པོ་རྡོ་རྗེ་དྲིལ་བུ་དང་ལྡན་པའི་ཕྱག་རྒྱ་རང་གི་རིག་མ་ལ་འཁྱུད་པ་ཕྱག་དྲུག་དང་ལྡན་ཞིང་བརྐྱང་བསྐུམ་གྱིས་བཞུགས་པ། རྣམ་པར་སྣང་མཛད་ཀྱིས་དབུ་བརྒྱན་པའོ། །ཆོས་ཀྱི་ [65a.7]འབྱུང་གནས་ཀྱི་པདྨའི་རྩ་བར་ནོར་རྒྱས་དང་། འཇོག་པོ་དང་། སྟོབས་ཀྱི་རྒྱུ་དང་། པདྨ་དང་། པདྨ་ཆེན་པོ་དང་། རིགས་ལྡན་དང་། དུང་སྐྱོང་ལ་སོགས་པ་དང་། ཐགས་བཟངས་རིས་དང་། འཐོར་བྱེད་དང་། རྣམ་པར་སྣང་བྱེད་ལ་སོགས་པའི་ལྷ་མ་ཡིན་ཆེན་པོ་རྣམས་དང་། སའི་ [65b] [65b.1]ལྷ་མོ་འཁོར་དང་བཅས་པ་དང་། ཉི་ཚེ་བ་དང་། ཐིག་ནག་དང་། འགྲོགས་པ་དང་། འཇིགས་པ་དང་། འཇིགས་པ་ཆེན་པོ་དང་། ཚ་བ་དང་། རབ་ཏུ་ཚ་བ་དང་། མནར་མེད་པ་སྟེ་ཚ་བའི་དམྱལ་བ་ལ་གནས་པ་རྣམས་སོ། །ཆུ་བུར་ཅན་དང་། རབ་ཏུ་ཆུ་བུར་ཅན་དང་། སོ་ཐམས་དང་། [65b.2]ཧ་ཧ་དང་། ཧུ་ཧུ་དང་། ཨུཏྤལ་ལྟ་བུ་དང་། པདྨ་དང་། པདྨ་ཆེན་པོ་སྟེ་གྲང་བའི་དམྱལ་བ་རྣམས་སོ། །ཆུ་ལ་གནས་པ་དང་། སྐམ་ལ་གནས་པ་དང་། རིགས་ལ་གནས་པ་ལ་སོགས་པའི་དམྱལ་བའི་བྱེ་བྲག་ཇི་སྙེད་ཡོད་པ་དང་། ཡི་དགས་དང་དུད་འགྲོར་བཅས་པ་བཀུག་སྟེ། [65b.3]རྣམ་པར་བྱང་བའི་ཆོ་ག་བྱས་ལ། ཨཱཿ་དམར་པོ་ལས་གྱུར་བའི་ཀླུ་རྣམས་ནི་ཞལ་གཅིག་ཕྱག་གཉིས་པ་རྡོ་རྗེ་དྲིལ་བུའི་ཕྱག་རྒྱ་དང་ལྡན་པ་རང་གི་རིག་མ་ལ་འཁྱུད་པ། བརྐྱང་བསྐུམ་གྱིས་བཞུགས་ཤིང་ཕྱག་རྒྱ་དྲུག་དང་ལྡན་པ། སྣང་བ་མཐའ་ཡས་ཀྱིས་དབུ་བརྒྱན་པར་བསྒོམ་པར་ [65b.4]བྱའོ། །དེ་ནས་རྡོ་རྗེ་སློབ་དཔོན་གྱིས་སྣ་ཚོགས་པའི་གོས་དང་དབུ་སྐྲ་སེར་པོ་གྱེན་དུ་བརྫེས་ནས། མེ་ཏོག་གི་ཕྲེང་བས་ཆོད་པན་བྱས་པ། རྣ་བ་ལ་ཨུཏྤལ་ལ་དང་། འཁོར་ལོ་དང་། དཔུང་རྒྱན་དང་། ཕྱག་གདུབ་དང་། མགུར་ཆུ་དང་། མགུར་ཆུ་དང་། གསེར་དངུལ་ལ་སོགས་པའི་རྒྱན་ཐམས་ཅད་ཀྱིས་ [65b.5]རབ་ཏུ་བརྒྱན་པར་བྱའོ། །དེ་ནས་ས་ཕྱོགས་སུ་དྲི་དང་བའི་རྣམ་ལྔས་བྱུགས་ལ། པདྨ་འདབ་མ་བརྒྱད་པ་མུ་ཁྱུད་དང་བཅས་པ་ཆོས་འབྱུང་གི་གནས་སུ་ཆུད་པར་བྱའོ། །ཤར་དང་བྱང་ཤར་གྱི་མཚམས་སུ་ཆོས་འབྱུང་གི་གྱེན་དུ་ལྟ་སྟེ་ལྷ་རྣམས་བཀོད་པའི་གནས་སོ། །ནུབ་དང་ [65b.6]ལྷོ་ནུབ་ཏུ་ནི་ཆོས་འབྱུང་གི་ཞབས་སུ་སྟེ། ཀླུ་རྣམས་བཀོད་པའི་གནས་སོ། །ནུབ་ཀྱི་ཆར་ནི་ཕྱོགས་སྐྱོང་གི་བདག་ཉིད་བལྟ་བར་བྱས་ལ། དེ་ནས་གཽ་རཱི་ལ་སོགས་པའི་སྦྱོར་བས་དགུག་པ་དང་གཞུག་པ་དང་བཅིང་བ་དང་དབང་དུ་སྟེ། བསང་གཏོར་ལ་སོགས་པ་སྔོན་དུ་འགྲོ་ [65b.7]བས་གཏོར་མའི་སྔགས་ཀྱིས་བྱིན་གྱིས་བརླབས་ལ་དབུལ་བར་བྱའོ། །རྡོ་རྗེ་ཁ་དབྱེ་བའི་ཕྱག་རྒྱ་དང་ལྡན་པས་སྔགས་ཀྱིས་དབུལ། ཨོཾ་ཨིནྡ། ཛ་མ། ཛ་ལ། ཇཀྑ། དྷཱུ་ཏ། བ་ཧྣི། བཱ་ཨུ། རཀྑ།ཙནྡ། སུཛྫ། མཱ་ད། པཔྤ། ཏ་ལ་པཱ་ཏཱ་ལེ། ཨཊྚ་ས་པྤ་སྭཱ་ཧཱ། ཨི་དཾ་བ་ལིཾ། བྷུཉྫ། ཛི་གྷ། ཕུལ་ལ། དྷཱུ་པ། [66a] [66a.1]མཱཾ་ས། བི་གྷཾ། ཨཾ་བྷ་ཀ་ཛྫ། སཱ་དྷ། ཁནྟི། ཁུ་ཎ། ཕེ་ཌ། ག་ད།ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱདྱ་ནུ་ཏྤ་ནྣ་ཏྭཱ་ཏ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། དེ་དག་གི་ལྗགས་ལ་ཧཱུཾ་དཀར་པོ་ཡོངས་སུ་གྱུར་པ་ལས་རྡོ་རྗེའི་སྦུ་གུས་བདུད་རྩི་འདྲེན་པའི་རླུང་གི་བདག་ཉིད་དུ་བལྟའོ། །དེ་ནས་ཟངས་དུང་ལ་ [66a.2]སོགས་པའི་སྒྲ་དང་ལྡན་པས་མངོན་པར་ཕྱོགས་ཏེ། གཏོར་མ་ལས་ཁྱོར་བ་གསུམ་བླངས་ཏེ། ས་དེ་ཉིད་དུ་བཞག་པ་ལ་ལྷ་ལ་སོགས་པ་མཆོག་གི་བདུད་རྩི་ཐོབ་པས་ཤིན་ཏུ་ཚིམ་པར་འགྱུར་ཏེ། བདེ་བ་ཆེན་པོའི་བདག་ཉིད་དུ་བལྟས་ཏེ། གཏོར་མ་དེ་ཤིང་རྟའམ་ཁུར་བའམ། [66a.3]ཇི་ལྟ་བའི་སྦྱོར་བས་གཤེགས་སུ་གསོལ་ལོ། །སྐབས་དེ་ཉིད་དུ་ཕྱོགས་སྐྱོང་བ་ལ་སོགས་པ་རྣམས་གཏོར་མས་དགྱེས་ཤིང་ཚིམ་པར་གྱུར་ནས། སྒྲུབ་པ་པོས་ཇི་ལྟར་འདོད་པའི་དངོས་གྲུབ་བྱིན་པར་བསམས་ལ་བསང་གཏོར་ལ་སོགས་པའི་མཆོད་པས་མཆོད་དེ། ཐོད་པའི་ [66a.4]བདུད་རྩི་ལྔས་བསང་གཏོར་བྱས་ལ་ཚིག་འདི་བརྗོད་པར་བྱའོ། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུས་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །དམ་ཚིག་ཕྱག་རྒྱ་མི་སྤོང་བར། །སླར་ཡང་འབྱོན་པར་མཛད་དུ་གསོལ། །ཨོཾ་ [66a.5]ཨཱཿ་ཧཱུཾ་བཛྲ་མུཿ་ཞེས་པས་གཤེགས་སུ་གསོལ་བར་བྱའོ། །དེ་ནས་དགའ་བའི་སེམས་ཀྱིས་འབྲས་བུ་ཐོབ་ནས་རང་རང་གི་གནས་སུ་འགྲོ་བར་བལྟའོ། །གཏོར་མའི་རིམ་པའོ།། །།དེ་ནས་རྡོ་རྗེ་སློབ་དཔོན་རྡོ་རྗེ་དྲིལ་བུ་དང་ལྡན་པས་དགྱེས་པའི་རྡོ་རྗེ་ཞལ་གཅིག་ཕྱག་གཉིས་ [66a.6]པའི་རྣལ་འབྱོར་དང་ལྡན་པས་བརྐྱང་བསྐུམ་གྱི་གར་གྱིས་གནས་ལ། མེ་ཏོག་སྔོན་པོའི་ཕྲེང་བ་ཐོགས་ལ། ཧཱུཾ་ཧཱུཾ་ཞེས་པའི་སྒྲ་སྒྲོག་ཅིང་། ཧི་ཧི་ཞེས་འཇིགས་པར་བྱས་ནས་རོལ་པའི་འགྲོས་ཀྱི་གར་གྱིས་བཛྲ་བེ་ག་བརྗོད་ནས་དཀྱིལ་འཁོར་དུ་ཞུགས་ལ། རྡོ་རྗེ་དྲིལ་བུ་དཀྲོལ་ཞིང་བསྐོར་ [66a.7]བ་གསུམ་བྱས་ཏེ། དམན་པ་དང་ལྷག་པའི་སྐྱོན་དང་བྲལ་བར་བལྟས་ལ། མེ་ཏོག་སྔོན་པོའི་ཕྲེང་བ་དེ་གཙོ་བོའི་ཐུགས་ཀར་གསོལ་བ་འདེབས་པའི་དོན་དུ་དོར་བར་བྱའོ། །དེ་ནས་མེ་ཏོག་དེ་ལྷ་རྣམས་ཀྱིས་གནང་བ་སྦྱིན་པའི་ཚུལ་དུ་བླངས་ལ་རང་གི་སྤྱི་བོར་གདགས་ཏེ། དཀྱིལ་འཁོར་ [66b] [66b.1]ཆེན་པོ་དེ་ལ་མཆོད་པའི་ཁྱད་པར་གྱིས་ཡང་དག་པར་མཆོད་པར་བྱའོ། །འདི་ནི་འཁོར་ལོ་མཆོད་པ་དག །ཡང་དག་རྫོགས་པར་བྱ་ཆེད་དུ། །རྒྱལ་བས་ཇི་ལྟར་གསུངས་པ་ཡི། །སྤོས་ནི་སོ་སོར་རབ་ཏུ་དབུལ། །ཙནྡན་དང་ནི་གུར་གུམ་ཉིད། །ཤེལ་པངྐ་དང་ཀ་ལ་ལོ་དྷ་པ་བྷི། ། [66b.2]རྫས་འདི་དག་ནི་སྤོས་ཆེན་པོ། །ཧེ་རུ་ཀ་ལ་རབ་ཏུ་དབུལ། །ཀ་ཙོར་དང་ཙོ་རི་ཀ །གསུམ་པ་ཛཱ་ཏི་གྷོ་ཥེ་སྟེ། །དངོས་གྲུབ་སྐྱེད་པའི་སྤོས་འདི་དག །རྟག་པ་ལ་ནི་ངེས་པར་དབུལ། །ཨུན་དུ་རུ་དང་པོ་ལ་ཀཾ །རི་དགས་ལྟེ་བར་འཛིན་དེ་བཞིན། །དངོས་གྲུབ་ཐམས་ཅད་སྒྲུབ་པ་ [66b.3]ཡི། །སྤོས་ནི་རིན་ཆེན་དབང་ལ་དབུལ། །ས་འདི་དྲི་དང་ས་འདི་ཉིད། །ས་ལི་ཛ་དང་སི་ཧ་ཀ །འཇིག་རྟེན་མགོན་པོའི་སྤོས་ཡིན་པས། །སྤོས་ནི་འཇིག་རྟེན་མགོན་ལ་དབུལ། །ཙནྡན་གཉིས་དང་གླ་རྩི་དང་། །ག་པུར་སི་ལ་གི་ན་དང་། །གཡོན་གྱི་ཕྱོགས་སུ་རབ་བཞག་སྟེ། ། [66b.4]དོན་ཡོད་རྡོ་རྗེ་ཉིད་ལ་དབུལ། །བོ་ལ་ས་དྷ་ར་ས་རི་དགས་བཅུད། །གུར་གུམ་མེ་ཏོག་གེ་སར་ལས་བྱུང་བའི། །དྲི་ཞིམ་མར་གྱི་མར་མེ་ནི། །གྲྭ་རྣམས་སུ་ནི་གཞག་པར་བྱའོ། །དེ་ལྟར་དཀྱིལ་འཁོར་གྱི་འཁོར་ལོའི་ཡོ་བྱད་ཚོགས་ནས། དཀྱིལ་འཁོར་གྱི་ཤར་ཕྱོགས་སུ་གཙང་མར་བྱས་ [66b.5]པའི་ས་གཞི་ལ། མཆོད་པ་དང་བསྙེན་བཀུར་སྔོན་དུ་འགྲོ་བས་ཤེས་རབ་ཀྱི་ཕ་རོལ་ཏུ་ཕྱིན་པ་གདོན་པར་བྱའོ། །ལྷོ་ཕྱོགས་སུ་རིན་པོ་ཆེ་ཏོག་གདོན། ནུབ་ཕྱོགས་སུ་སྡོང་པོ་བཀོད་པའི་མདོ་གདོན། །བྱང་ཕྱོགས་སུ་ཟླ་བའི་སྒྲོན་མའི་མདོ་གདོན། གྲྭ་ལ་སོགས་པ་རོལ་མོའི་ཆ་བྱད་ཀྱིས་ [66b.6]ཀྱང་དཀྱིལ་འཁོར་ཕྱོགས་བཞི་ནས་མཆོད་པར་བྱའོ། །དེ་ནས་གཞན་ཡང་མེ་ཏོག་སྣ་ཚོགས་བཅོམ་ལྡན་འདས་ལ་ཕུལ་ལ། ཨོཾ་བཛྲ་པུཥྤེ་ཨཱཿ་ཧཱུཾ། སྔགས་དག་གིས་བཅོམ་ལྡན་འདས་ལ་དབུལ་བར་བྱའོ། །ཨོཾ་བཛྲ་དྷཱུ་པེ་ཨཱཿ་ཧཱུཾ། ལྷན་ཅིག་འབྱུང་བ་སྤོས་ཀྱིའོ། །ཨོཾ་བཛྲ་དཱི་པཾ་ [66b.7]ཨཱཿ་ཧཱུཾ། མར་མེའིའོ། །ཨོཾ་བཛྲ་གནྡྷེ་ཨཱཿ་ཧཱུཾ། དྲི་ཞིམ་པོའིའོ། །ཨོཾ་བཛྲ་ནཻ་བི་དྱི་ཨཱཿ་ཧཱུཾ་ལྷ་བཤོས་ཀྱིའོ། །གཞན་ཡང་མཆོད་པའི་ཁྱད་པར་ཅི་ཚོགས་པ་ཧཱུཾ་གིས་བྱིན་གྱིས་བརླབས་ལ་ཡི་གེ་གསུམ་དང་ལྡན་པས་དབུལ་ལོ། །དེ་ནས་བསྟོད་པ་བྱས་ལ། བདུད་རྩི་མྱང་བའོ། ། [67a] [67a.1]དེ་ནས་དམན་པ་དང་ལྷག་པའི་ལས་ཀྱི་ཁ་བསྐང་བའི་ཕྱིར།ལྷག་པར་མོས་པའི་དཀྱིལ་འཁོར་ལ་ཕྱག་འཚལ་བ་ལ་སོགས་པ་སྔོན་དུ་འགྲོ་བས་སྔ་དྲོའི་དུས་སུ་རང་གང་ལ་མོས་པའམ། ལས་ཐམས་ཅད་པའི་ཐབ་ཁུང་དུ་རྒྱས་པའི་སྦྱིན་སྲེག་བརྩམ་པར་བྱའོ། །དེ་ཡང་ [67a.2]དཀྱིལ་འཁོར་གྱི་ལྷོ་ཕྱོགས་སམ་ཤར་དུ་བྱའོ། །ཁ་དོག་སེར་པོའི་ས་ལ་ཐབ་ཁུང་གང་གི་ཚད་དུ་ཟླུམ་པོར་བརྐོས་ལ།ཟབས་སུ་སོར་བཅུ་གཉིས་པའི་ཚད་དུ་བྱས་ཏེ། རྡོ་རྗེ་ཕྲེང་བའི་ནང་དུ་ལྷའི་ཕྱག་མཚན་བཀོད་ལ། དེ་ལ་གཙོ་བོའི་ཕྱག་མཚན་ནི་རང་གི་སྐུ་མདོག་དང་མཐུན་ [67a.3]པ་སོར་བརྒྱད་པ་དབུས་སུ་བལྟའོ། །དེ་ནས་སོར་བཞི་དོར་བ་ལས་གྱེན་དུ་སོར་བཞིའི་ཚད་དུ་བྱའོ། །དེའི་ཕྱི་རོལ་དུ་པདྨ་ཁ་བྱེ་བའི་དབྱིབས་སུ་བྱས་ནས་ཕྱོགས་རྣམས་སུ་ནི་རྡོ་རྗེ་རྩེ་ལྔ་པ་བཀོད་ལ་མཚམས་རྣམས་སུ་ནི་རྩེ་གསུམ་པའོ། །ཁ་ཁྱེར་ལ་འཁོར་ལོ་བཀོད་ [67a.4]པའོ། །ཀུན་ནས་ཟླུམ་པོར་བྱའོ། །ཐབ་ཁུང་དེ་ཡང་བའི་རྣམ་ལྔས་ཡོངས་སུ་བྱུགས་ལ། དེའི་སྟེང་དུ་ཁ་དོག་སེར་པོ་དྲི་དང་བདུད་རྩི་དང་ལྡན་པས་ལེགས་པར་བྱུགས་ཏེ། ཁ་དོག་དང་དྲི་ཁྱད་པར་ཅན་གྱི་མེ་ཏོག་སྣ་ཚོགས་པ་བཀྲམ་པའམ། ཡང་ན་མེ་ཏོག་སེར་པོའི་ [67a.5]སིལ་མས་དུས་གསུམ་དུ་གཏོར་བར་བྱས་ནས། ཐབ་ཁུང་ཡང་འབྲས་བུ་སེར་པོ་དྲི་དང་ལྡན་པའི་ཡལ་གའམ། ཨུཏྤལའི་ཡལ་གའམ། ཆུ་ཤིང་གི་ལོ་མའམ། ཁ་དོག་སེར་པོའི་གོས་དྲི་དང་ལྡན་པས་མཉམ་པར་ཞལ་ཁབ་ཏུ་བྱས་ཏེ། དེ་དག་ཀྱང་བདག་ཉིད་ཏིང་ངེ་ [67a.6]འཛིན་མ་རྫོགས་ཀྱི་བར་དུ་བྱའོ། །དེ་ནས་ཁྲུས་བྱས་ལ་དྲི་ཞིམ་པོས་ཡན་ལག་ལེགས་པར་བྱུགས་ལ། སྣ་ཚོགས་པའི་གོས་དང་རྒྱན་དང་མེ་ཏོག་གི་ཕྲེང་བས་ཡོངས་སུ་བརྒྱན་ཏེ། ཁ་དོག་སེར་པོའི་རས་ཀྱིས་ཅོད་པན་བྱས་ནས། རབ་ཏུ་དགའ་བའི་སྦྱོར་བས་སྔགས་ཀྱིས་ [67a.7]བསྲུང་བར་བྱའོ། །སྒེག་པའི་སྦྱོར་བས་བྱང་ཕྱོགས་སམ་ཤར་ཕྱོགས་སུ་མངོན་པར་ཕྱོགས་ཏེ། བཟང་པོའི་འདུག་སྟངས་ཀྱིས་རྒྱས་པའི་ཕྲིན་ལས་མ་རྫོགས་ཀྱི་བར་དུ་སྔགས་པས་རྩེ་གཅིག་ཏུ་སྦྱིན་སྲེག་བྱའོ། །དེ་ནས་བདུད་རྩི་ལྔ་དང་ལྡན་པའི་ཆུས་མདུན་དུ་མཎྜལ་བྱས་ [67b] [67b.1]ལ། དེ་ལ་མེ་ཏོག་གི་ཚོམ་བུ་བཀོད་ནས་དེའི་གཡོན་གྱི་ཆར་མན་འཇི་ལ་སོགས་པའི་སྟེང་དུ་གསེར་དང་། དངུལ་དང་ཟངས་དང་རིན་པོ་ཆེའི་རྡོ་དང་ཁ་དོག་མཐུན་པའི་ཤིང་དང་། ས་ལས་བྱས་པའམ་དུང་ཆོས་སམ་ཉ་ཕྱིས་སམ། ཤིང་ལོ་ལ་ལེགས་པར་བྱས་པའི་སྣོད་ [67b.2]ལེགས་པར་བཀྲུས་ཏེ། བདུག་པ་བྱས་ལ་དེ་ལྟ་བུའི་སྣོད་གསུམ་ཡོངས་སུ་གཞག་གོ། །དེ་ནས་ཞོ་དང་ཏིལ་དང་ཁ་དོག་སེར་པོའི་དྲི་བཟང་ལ་འབྲས་སྤངས་པའི་ཆུ་དང་ལྡན་པས་ལེགས་པར་དགང་བར་བྱའོ། །དང་པོའི་སྣོད་ཀྱི་ཆུ་དེ་ལས་ཐམས་ཅད་པའི་སྔགས་སམ། ཨོཾ་ [67b.3]གྱིས་ལན་བདུན་དུ་བསྔགས་སོ། །སྣོད་གཉིས་པའི་ཆུ་ཡང་ཡི་གེ་གསུམ་དང་ལྡན་པའི་རང་གི་ལྷའི་སྔགས་ཀྱིས་ལན་བདུན་དུ་བསྔགས་སོ། །ཡང་ན་ཨོཾ་བདུན་གྱིས་སོ། །དེ་ནས་རང་གི་མདུན་དུ་མན་འཇིའི་སྟེང་དུ་ཁ་དོག་སེར་པོའི་མཆོད་ཡོན་སྔ་མ་བཞིན་དུ་བཞག་ལ། དེ་ [67b.4]ནས་གཡས་སུ་ས་ཕྱོགས་གཙང་མ་བྱས་པའི་སྟེང་དུ། ཤིང་དང་མངར་གསུམ་དང་ལྡན་པའི་ཟན་དང་། ཞོ་དང་མར་དང་སྦྲང་རྩི་དང་བསྲེས་པའི་ཏིལ་ནག་པོ་དང་། ཞོ་ཟན་དང་། མར་དང་ལྡན་པའི་ཁྱད་པར་གྱི་མཆོད་པ་དང་། འབེ་ལ་དང་། འབྲས་སཱ་ལུ་མ་གྲུགས་པ་དང་། [67b.5]འབྲས་སོ་བ་དང་། ནས་དང་། གྲོ་དང་། རྒྱལ་པོ་གྲེའུ་དང་། པདྨ་དང་། ན་ག་ཀོ་སར་དང་། ཀ་རྞི་ཀའི་མེ་ཏོག་ལ་སོགས་པ་ནི་སྲེག་རྫས་སོ། །ལས་ཐམས་ཅད་པའི་ཆུས་བསང་གཏོར་བྱས་ཏེ་གཞག་པར་བྱའོ། །དེ་ནས་རང་གི་ལྷའི་རྣལ་འབྱོར་དང་ལྡན་པས་བར་ཆད་ཐམས་ཅད་ཞི་ [67b.6]བར་བྱ་བའི་ཕྱིར་གཏོར་མ་སྦྱིན་པར་བྱའོ། །བུད་ཤིང་ནི་ཁྱད་པར་གྱི་རིགས་ཀྱི་ཤིང་རྩེ་མོའི་ཆ་ལས་བྱུང་བ། སྲོག་ཆགས་མེད་པ། ཐབ་ཀྱི་ཚད་དང་མཉམ་པ་གཡས་སྐོར་དུ་བཞག་ལ་དགེ་འདུན་གྱི་ཚང་མང་དང་། རིན་པོ་ཆེ་ལས་བྱུང་བའམ། རྒྱལ་པོའི་ཕོ་བྲང་ནས་གཙང་སྤྲས་མེ་ [67b.7]བླངས་ཏེ། ས་ཕྱོགས་མེའི་མཚམས་སུ་བའི་རྣམ་ལྔས་མེའི་དབྱིབས་དང་ལྡན་པའི་དཀྱིལ་འཁོར་བྱས་ནས་སྟེང་དུ་བཞག་ལ། འོ་མ་ཅན་གྱི་ཤིང་སྐམ་པོའི་སྦར་ཤིང་ལ་མེ་སྦར་ཏེ། ཡི་གེ་གསུམ་གྱི་སྔགས་ཀྱིས་ལས་ཐམས་ཅད་པའི་ཆུ་ལ་བསྔགས་ཏེ། ཀུ་ཤའི་ཆུན་པོས་ [68a] [68a.1]བསང་གཏོར་བྱས་ནས་ལས་ཀྱི་རྡོ་རྗེ་གཙང་སྦྲ་དང་ལྡན་པས་བསྐོར་བ་གསུམ་བྱས་ལ། མེ་ཐབ་ཀྱི་དབུས་སུ་བཞག་ལ། ཤིང་སྐམ་པོ་ཀུ་ཤ་སྐམ་པོ་དང་ལྡན་པས་མེ་སྦར་ལ། དེ་ནས་ཨོཾ་ཛྭ་ལ་ཛྭ་ལ་ཧཱུཾ་ཞེས་བརྗོད་ལ་རླུང་གི་ས་བོན་ལས་བྱུང་བའི་རླུང་ཡབ་ཀྱིས་མེ་ [68a.2]སྦར་བར་བྱའོ། །རང་གི་ལྷག་པའི་ལྷའི་སྔགས་ལན་བདུན་བཟླས་ལ། མར་གྱི་བླུགས་གཟར་གྱིས་མེའི་གཟི་བྱིན་བསྐྱེད་པར་བྱའོ། །དེ་ནས་ཨོཾ་ཨི་མེ་ཀུ་ཤ་ཤུ་བྷཾ་དི་བྱ། བུ་ར་བྲཧྨ་པ་བི་ཏྲེ་ཎ། བུདྡྷ་དྷརྨསཾ་གྷ་རཱ་ག་པ།པྲྀ་ཐྭཱི་པྲ་སཉྫ་ཏ་ན་གརྦྷ། ཨ་བི་གྷྣཱཾ་མ་མ་ཤཱནྟི་ཀུརྦནྟུ། བཛྲས་ [68a.3]ཏྭ་ཨཱཿ་སྔགས་འདི་ལན་བདུན་དུ་ཀུ་ཤ་ལ་ཡོངས་སུ་བསྔགས་ནས་དགྲམ་པར་བྱའོ། །ཀུ་ཤ་དེ་ཡང་རྩ་བ་དང་བཅས་པ།སར་པ་དྲི་མ་མེད་པ། རྩེ་མོ་མ་ཉམས་པ། གཞན་དང་མ་འདྲེས་པ། སྲོག་ཆགས་མེད་པ། ཁྲུ་གང་དང་སོར་བཅུ་གཉིས་ཀྱི་ཚད་དང་ལྡན་པ། དང་པོ་ [68a.4]དབུས་ནས་ཤར་དུ་རྩེ་མོ་བསྟན། །ཤར་ནས་ལྷོ་རུ་རྩེ་མོ་བསྟན། །ལྷོ་ནས་ནུབ་ཏུ་དེ་བཞིན་ནོ། །ནུབ་ནས་བྱང་དུའང་དེ་བཞིན་ནོ། །བྱང་ནས་དེ་བཞིན་ཤར་དུ་སྟེ། །རིམ་པས་ལེགས་པར་དགྲམ་པར་བྱའོ། །དེ་ནས་རང་གི་ལྷའི་ས་བོན་གྱིས་ཐབ་ཁུང་ཡོངས་སུ་བསྐྱེད་ལ། དེའི་ [68a.5]ནང་དུ་མེ་འབར་བའི་དབུས་སུ། རེ་ཕ་ལས་བྱུང་བའི་མེའི་དཀྱིལ་འཁོར་ཟུར་གསུམ་པ་རེ་ཕས་མཚན་པའི་སྟེང་དུ་མཆོག་གི་སྙིང་པོའི་གཟུགས་ལས་བྱུང་བའི་པདྨའོ། །དེའི་སྟེང་དུ་རཾ་སེར་པོ་ལས་སྐྱེས་པ་སྐུ་མདོག་སེར་པོ་རལ་པའི་དབུ་རྒྱན་ཅན། ཞལ་གཅིག་པ་ཕྱག་རྒྱ་བཞི་ [68a.6]པ། གཡས་ན་བགྲང་ཕྲེང་དང་སྐྱབས་སྦྱིན་གྱི་ཕྱག་རྒྱ་དང་ལྡན་པ། ཕྱག་གཡོན་ན་གུནྡྷེ་དང་བེ་ཅོན་འཛིན་པའོ། །གསུས་པ་ཆེན་པོའོ། །རས་སེར་པོའི་གོས་དང་རྒྱན་སེར་པོས་བརྒྱན་པ། ཚངས་པའི་ཐག་པ་སེ་རལ་ཁར་ཐོགས་པ། གདན་སེར་པོའི་སྟེང་ན་འོད་སེར་པོ་ [68a.7]འཕྲོ་བ། སེམས་དཔའི་སྐྱིལ་ཀྲུང་དུ་བཞུགས་པ། དེ་ལྟ་བུའི་མེ་ལྷ་བསྒོམ་པར་བྱའོ། །ནམ་མཁར་ཡེ་ཤེས་སེམས་དཔའ་དགུག་པར་བྱའོ། །ཨོཾ་ཨང་ཡེ་མ་ཧཱ་ཏེ་ཛཿ། སརྦ་ཀརྨ། པྲ་སཱ་དྷ་ཀ་ཀཱ་རུ་ནྱཱ་ཀྲྀ་ཏྭཱ་ས་ཏྭཱ་རྠན། ཨ་སྨིནྶ་ནྣི་ཧི་ཏྭ་བྷ་ཝཱ། སྔགས་འདིས་ [68b] [68b.1]ཡེ་ཤེས་ཀྱི་མེ་ལྷ་སྤྱན་དྲང་བར་བྱའོ། །དེ་ཁོ་ན་ཉིད་གསུམ་གྱི་བར་དུ་ཊཀྐིའི་སྔགས་བཅུག་སྟེ་ཡོངས་སུ་བརྗོད་ནས་མདུན་གྱི་པདྨའི་གདན་ལ་བཞུགས་པར་དམིགས་སོ། །དེ་ནས་ཧཱུཾ་དྲག་ཏུ་བརྗོད་པའི་སྔགས་ཀྱིས་དེ་དང་མཚུངས་པར་ཕྱིན་པའི་བགེགས་ཡོངས་སུ་བསྐྲད་པར་ [68b.2]བྱའོ། །དེ་ལ་དང་པོའི་སྣོད་ཀྱི་མཆོད་ཡོན་གྱི་ཆུ་ཀུ་ཤའི་ཆུན་པོས་བླངས་ལ། ལན་གསུམ་གྱི་བར་དུ་དེ་ཉིད་གསུམ་གྱིས་བསང་གཏོར་བྱའོ། །དེ་ནས་མཐེ་བོང་མཛུབ་མོས་སྣོད་གཉིས་པ་ནས་མེ་ཏོག་དང་ལྡན་པའི་ཆུས་ལན་གསུམ་དུ་ཡོངས་སུ་བྱིན་ལ་དེ་ནས། ཨོཾ་ཛཿ་ཧཱུཾ་བཾ་ཧོཿ་ [68b.3]ཁཾ་རཾ། པྲ་བ་ར་སཏྐ་ར། ཨརྒྷཾ་པྲ་ཏཱི་ཙྪ་སྭཱ་ཧཱ། སྔགས་འདི་བརྗོད་ནས་རྡོ་རྗེ་ཁ་དབྱེ་བའི་ཕྱག་རྒྱས་སྣོད་གསུམ་པ་ནས་ཆུ་བླངས་ལ། སྣོད་གཉིས་པར་ལན་གསུམ་དུ་ཨརྒྷཾ་སྦྱིན་པར་བྱའོ། །དེ་ནས་ཨོཾ་ནི་རི་ཏི་ཧཱུཾ་ཁཾ་པྲ་བ་ར་སཏྐ་ར་པཱ་ཏྱཾ་པྲ་ཏཱི་ཙྪ་སྭཱ་ཧཱ། སྔགས་དེ་ཡོངས་སུ་བརྗོད་ནས་ [68b.4]མཐེ་བོང་དང་མཛུབ་མོས་མེ་ཏོག་ཆུ་དང་ལྡན་པ་བླངས་ཏེ། ཡོངས་སུ་བསྐོར་ནས་སྣོད་དེ་ཉིད་དུ་སྦྱིན་པར་བྱས་ལ། ཨོཾ་ཨགྣ་ཡེ་ཨཱ་དི་བྱཱ་དི་པྱ་ཨཱ་བི་ཥ་ཨ་བི་ཥ་མཧཱ་ཤྲི་ཡེ་ཧ་བྱ་ཀ་བྱ་བཱ་ཧ་ན་ཡེ་སྭཱ་ཧཱ། སྔགས་འདིས་དམ་ཚིག་སེམས་དཔའ་ལ་ཡེ་ཤེས་སེམས་དཔའ་དགུག་པ་དང་། [68b.5]གཞུག་པ་དང་། བཅིང་བ་དང་། དབང་དུ་བྱས་ཏེ་ཡོངས་སུ་བསྲུང་བ་བྱས་ལ། དེ་ལ་སྤྱན་དང་སྐུ་ལ་སོགས་པ་སྦྱིན་པར་བྱས་ལ་དབང་བསྐུར་བར་བྱའོ། །དེ་ནས་ཡང་གཏོར་མ་ལ་སོགས་པའི་རིམ་བ་སྔོན་བཞིན་དུ་བྱས་ནས། མཆོད་པ་རྣམ་པ་ལྔས་ཡོངས་སུ་མཆོད་དེ། དེ་ལྟ་བུའི་ [68b.6]མེ་ལྷ་ལ་སྲིད་པ་རང་བཞིན་གྱི་ཚིག་གིས་ཡོངས་སུ་བསྟོད་དོ། །དེ་ནས་གསེར་དང་ཟངས་དང་བྱང་ཆུབ་ཀྱི་ཤིང་ལ་སོགས་པ་ལས་དགང་གཟར་དང་བླུགས་གཟར་ལེགས་པར་བྱས་ཏེ། དེ་ཡང་སྐྱེས་བུ་ཚད་མའི་མཐེབ་སོར་ཉི་ཤུ་རྩ་བཞིའི་ཚད་དང་ལྡན་པ་རྡོ་རྗེ་རྩེ་ལྔ་པ་ཡུ་བར་ [68b.7]བྱས་ལ། བླུགས་གཟར་ནི་སོར་བཞི་པ་གྲུ་བཞི་པ། ཟབས་སུ་སོར་གཉིས་པ། ཁ་ཁྱར་དང་ཞབས་རྡོ་རྗེས་མཚན་པ། རྡོ་རྗེ་ལས་བྱུང་བའི་སྦུ་གུ་བཅུད་འཛག་པ་དེའི་རྩེ་མོར་པདྨ་ལྟ་བུ་སོར་བཞི་པ་དབུས་སུ་རྡོ་རྗེ་རྩེ་གསུམ་པས་མཚན་པའི་གྲུ་བཞི་པ། དབུས་སུ་ [69a] [69a.1]པདྨ་འདབ་མ་བརྒྱད་པའི་ལྟེ་བ་ལ་གོང་གི་རྡོ་རྗེ་བལྟའོ། །ཡུ་བའི་མཚམས་སུ་རྡོ་རྗེ་རིན་ཆེན་སོར་དྲུག་པས་བརྒྱན་པའི་དགང་གཟར་རོ། །དེ་ནས་དེ་ལྟ་བུའི་ཡུ་བ་རྡོ་རྗེ་རིན་ཆེན་གྱིས་མཚན་པ་པདྨའི་ལོ་མའི་དབྱིབས་ཅན་ཞེང་དུ་སོར་གཉིས་པ། ཟབས་སུ་སོར་ [69a.2]གཅིག་པ། དབུས་སུ་གཙོ་བོའི་རྡོ་རྗེས་མཚན་པ་དེའི་རྩེ་མོར་རང་གི་ལྷའི་ས་བོན་བཀོད་ལ། མེའི་ལྕེ་ལ་ཡང་ཡི་གེ་རཾ་གྱིས་མཚན་པའོ། །དགང་གཟར་དང་བླུགས་གཟར་གཟུང་བའི་ལག་པ་པུས་མོའི་བར་དུ་ཡོངས་སུ་གཞག་སྟེ། བླུགས་གཟར་གྱི་བཅུད་ཀྱིས་ཡོངས་སུ་ [69a.3]བཀང་ལ། ཁ་སྦྱར་དུ་གཟུང་སྟེ་བཀོད་པའི་ས་བོན་དང་། མཚན་མ་ལས་འབྱུང་བའི་བཅུད་མེ་ལྷའི་ཞལ་དུ་ལེགས་པར་བྱའོ། །ཨོཾ་ཨགྣ་ཡེ་ཨ་མུ་ཀ་སྱ། པུཥྟིཾ་ཀུ་རུ་ཨོཾ་ཞེས་བྱ་བའི་སྔགས་ཀྱིས་ལན་གསུམ་དུ་དབུལ། དེ་ནས་དགང་གཟར་གྱིས་མེ་ལྷའི་ཞལ་རབ་ཏུ་ཕྱེ་ [69a.4]ནས། ཡང་དགང་བླུགས་གོང་མ་བཞིན་དུ་ཁ་སྦྱར་ལ་གཟུང་སྟེ་ལན་གསུམ་དུ་ཡོངས་སུ་བསྐོར་བར་བྱས་ནས་དབུལ་ལོ། །ཨོཾ་ན་མཿ་སམ་ནྟ་བུདྡྷཱ་ནཱཾ་ཨགྣ་ཡེ་ཨོཾ་ཨ་མུ་ཀཾ་སྱ། པུཥྟིཾ་ཀུ་རུ་ཨོཾ། སྔགས་འདི་ཡོངས་སུ་བཟླས་ནས་དགང་བླུགས་སྦྱིན་པར་བྱའོ། །དེ་ནས་མཉམ་ [69a.5]པར་གཞག་པའི་སྔགས་པས་མེ་འབར་བའི་དབྱིབས་དང་། ཁ་དོག་དང་། དྲི་དང་། སྒྲ་དང་། དེའི་རྣམ་པས་དགེ་བ་དང་། མི་དགེ་བའི་རྟགས་བརྟག་པར་བྱའོ། །མེ་ནི་རྩེ་གཅིག་ལེགས་པར་འབར། །ལས་རྣམས་ཐམས་ཅད་འགྲུབ་པར་གྱུར། །མི་གཡོའི་རྩེ་མོ་གཉིས་སུ་འབར། ། [69a.6]དེ་ཡིས་དངོས་གྲུབ་འབྲིང་ཞེས་བཤད། །གང་ཞིག་རྩེ་མོ་བཞིར་འབར་དང་། །གཡོ་བ་མེད་པར་ལེགས་མཐོང་ན། །གླིང་བཞིའི་བདག་བྱེད་རྒྱལ་པོར་འགྱུར། །ཀུནྡ་ཟླ་བ་ལྟར་དཀར་དང་། །དངུལ་འདྲ་བཻཌཱུ་རྒྱ་ལྟར་རྩེ། །དུ་བ་ཆུང་ཞིང་དྲི་མེད་གསལ། །ནད་མེད་འབྱོར་བ་འཕེལ་བར་ [69a.7]འགྱུར། །ཟླ་བའི་འོད་དང་རིན་ཆེན་འབར། །གངས་ཀྱི་མདོག་ལྟར་ཤིན་ཏུ་དཀར། །ཡང་ན་མེ་ཏོག་ཕྲེང་ལྟར་འབར། །སྡིག་པ་ཀུན་སྲེག་དངོས་གྲུབ་སྟེར། །ཡང་ན་དབང་པོའི་གཞུ་འདྲ་དང་། །མེ་ཏོག་དམར་པོ་ཁ་བྱེ་འདྲ། །ཡང་ན་གསེར་བསྲེགས་མདོག་དང་ནི། །ཉི་མ་ [69b] [69b.1]ཤར་བའི་མདོག་འདྲ་བ། །ཨིནྡྲ་ནཱི་ལའི་མདོག་འདྲ་བ། །རྒྱལ་པོའི་ལོངས་སྤྱོད་ལ་སོགས་འཐོབ། །ཙམ་པ་ཀ་ཡི་དྲི་དང་འདྲ། །པདྨ་ཨུཏྤལ་ལྟ་བུའི་དྲི། །མ་ལི་ཨུ་པིའི་དྲི་ལྟ་བུ། །ཤིན་ཏུ་དྲི་ཞིམ་བསིལ་བར་འབྱུང་། །ག་པུར་གུར་གུམ་དྲི་སོགས་ཀྱིས། །རིག་ [69b.2]པའི་གནས་མཆོག་འགྲུབ་པར་འགྱུར། །གང་ཞིག་གླང་ཆེན་སྐད་འདྲ་དང་། །རྟ་དང་བ་ལང་ཚེ་ཡི་སྐད། །བཞད་དང་རྨ་བྱའི་སྐད་བྱུང་ན། །གཞན་གྱི་དམག་དཔུང་བདག་གིར་འགྱུར། །པི་ཝང་གླིང་བུའི་སྒྲ་འདྲ་དང་། །དལ་བའི་འབྲུག་སྒྲ་ལྟ་བུ་དང་། །དུང་དང་ཟངས་དུང་སྒྲ་ [69b.3]སྙན་བྱུང་། །ཡོན་ཏན་ཀུན་ལྡན་དངོས་གྲུབ་ཉེ། །བདེ་བ་ཕུན་སུམ་ཚོགས་པ་ཐོབ། །དཔལ་བེའུ་དམ་པའི་གདུགས་འདྲ་དང་། །དུང་དང་པདྨ་ལྟ་བུ་དང་། །རྩེ་གསུམ་པ་དང་བུང་བ་འདྲ། །རྒྱལ་མཚན་རླུང་ཡབ་ལྟ་བུ་དང་། །དམ་པའི་རྡོ་རྗེ་ལྟ་བུ་དང་། །རིན་ཆེན་ནོར་འདྲ་གཡས་ [69b.4]འཁྱིལ་དང་། །རྟ་དང་གླང་པོ་འདྲ་བ་དང་། །དགང་གཟར་ལྟ་བུའི་དབྱིབས་མཐོང་དང་། །བཟང་པོའི་འདུག་སྟངས་འདྲ་བ་དང་། །ཉ་ལྟ་བུ་ཡི་དབྱིབས་སུ་འབར། །སྒྲ་མེད་གཡས་སུ་འཁྱིལ་པ་འབར། །དེས་ནི་འདོད་དོན་དངོས་གྲུབ་ཐོབ། །དེ་དག་ནི་བཟང་པོའི་རྟགས་སོ།། །། [69b.5]ཕྱོགས་རྣམས་གཡོ་ཞིང་མེ་ཕྱོགས་འབར། །རྩེ་གསུམ་དུ་བ་ཆེ་བ་དང་། །མེ་ལྕེ་ཕྱོགས་བཞིར་འཁོར་བ་དང་། །ཤིན་ཏུ་རྩེག་ཅིང་མེ་སྟག་འཕྲོ། །སྦྲུལ་གྱི་ལྕེ་བཞིན་མེ་འབྱུང་ན། །དེས་ནི་ནད་དང་གདུང་བ་སྐྱེད། །མེ་ལྕེ་སྔགས་པ་ལ་འཕྲོ་དང་། །ལག་པ་བརྐྱང་ལྟར་མེ་ [69b.6]འབར་དང་། །མེ་མདོག་ཉམས་འབར་འབར་འཕྲོ་ཆད། །དེས་ནི་འཆི་བའི་ལྟས་སུ་བཤད། །མེ་ལྕེ་ཡུད་ཙམ་འདར་བ་དང་། །རྒོད་དང་སྦུར་བའི་སྒྲ་འབྱུང་དང་། །ཡུད་ཙམ་གཡོན་སྐོར་བྱེད་པ་དང་། །ས་གཞི་ལ་སྙོག་རྩེ་མོ་མེད། །མེ་དབུས་ནག་པོའི་ཐིག་ལེ་ཅན། །མེ་ [69b.7]ལྕེ་གདུག་པའི་གཏམ་སྒྲ་སྨྲ། །དེ་ནི་ཚེ་ཐུང་བརླག་འགྱུར་ཞིང་། །ཡང་ན་འགྲོ་བ་འཆི་བར་འགྱུར། །སྔགས་པ་མི་མཐུན་ཚིག་ཐོས་ན། །གཞན་དང་རྩོད་པ་འབྱུང་བར་འགྱུར། །མདོག་ནག་དུ་བ་འཚུབ་པ་དང་།།མེ་ལྕེ་སྔོ་ཞིང་སྣ་ཚོགས་མདོག །གཟི་བརྗིད་མེད་ [70a] [70a.1]པར་འབར་བ་དང་། །པ་ལ་ཤ་ཡི་འབྲུ་མར་གྱིས། །ཕོག་པའི་མདོག་འདྲ་མེ་འབར་ན། །འདོད་པའི་དོན་རྣམས་ཉམས་པར་འགྱུར། །རོ་དང་རུལ་པའི་དྲི་འབྱུང་དང་། །དྲི་མི་ཞིམ་པའི་རྣམ་པ་དང་། །ཆུ་ལ་གནས་པའི་སྲོག་ཆགས་དྲི། །བསེ་དྲི་བྱི་ལའི་ [70a.2]དྲི་འདྲ་དང་། །མ་ཧེ་ཁྱི་ཡི་དྲི་དང་མཚུངས། །མེ་ཏོག་རུལ་པའི་དྲི་བྱུང་དང་། །ཁཱ་དང་སྦྲུལ་གྱི་དྲི་བྱུང་ན། །དེ་ལྟ་བུ་ཡི་སྣ་ཚོགས་དྲི། །ཤིན་ཏུ་མི་ཞིམ་བྱུང་འགྱུར་ན། །སློབ་དཔོན་ན་ཡང་སློབ་མའི་གཙོ། །འཆི་བར་འགྱུར་ཏེ་ཐེ་ཚོམ་མེད། །རྩེག་དང་ཤིང་དུ་འཚེག་པའི་སྒྲ། །འུར་ [70a.3]སྒྲ་རླུང་གིས་བརྡབས་འདྲ་དང་། །ཆུས་བཏབ་མེ་འདྲ་སིམ་སིམ་སྒྲ། །རྡོ་རྗེ་ཐོག་གི་སྒྲ་བྱུང་ན། །འདོད་པའི་དོན་རྣམས་ཉམས་པར་འགྱུར། །རལ་གྲི་གཞུ་དང་མདའ་འདྲ་དང་། །གསལ་ཤིང་དང་ནི་ཕུར་པ་འདྲ། །རྔ་མོ་བ་གླང་མགོ་འདྲ་དང་། །དེ་དག་འཇིགས་པའི་ [70a.4]གཟུགས་སུ་བཤད། །དེ་དག་ནི་མེ་ངན་པའི་རྟགས་སོ། །དེ་ལྟར་མེ་ལྟས་ལེགས་པར་བལྟས་ནས། མི་མཐུན་པའི་ལྟས་མཐོང་ན་ལས་ཐམས་ཅད་པའི་སྔགས། ལས་ཐམས་ཅད་པའི་ཆུ་ལ་ལན་བདུན་དུ་ཡོངས་སུ་བསྔགས་ཏེ་བསང་གཏོར་བྱའོ། །དེ་ལྟར་ཡོངས་ [70a.5]སུ་དག་པའི་མེ་ལ་ལས་ཐམས་ཅད་པའི་སྔགས་ཀྱིས་བསྲུང་བར་བྱའོ། །དེ་ནས་སྔོན་བཞིན་དུ་མར་གྱི་དགང་བླུགས་ལན་བདུན་དུ་བྱིན་ནས། དེ་ནས་ཡང་སྔོན་བཞིན་དུ་ལས་ཐམས་ཅད་པའི་སྔགས་ཀྱིས་ལན་བདུན་དུ་ཤིན་ཏུ་དག་པའོ། །དེ་ལྟར་ཤིན་ཏུ་རྣམ་པར་དག་ [70a.6]པ་ཉེས་པ་མེད་པའི་མེ་ལ། དགང་གཟར་དང་བླུགས་གཟར་གྱི་སྦྱོར་བ་སྔོན་བཞིན་དུ་ལྡན་པས་མར་གྱི་དགང་བླུགས་གཅིག་གམ་གསུམ་མམ། བདུན་ནམ་ཡང་ན་ཅི་འབྱོར་དབུལ་བར་བྱའོ། །ཨོཾ་ན་མ་ཞེས་བྱ་བ་ལ་སོགས་པ་སྔགས་ཀྱིས་སོ། །དེ་ནས་གོང་གི་མེའི་ [70a.7]སྔགས་འབའ་ཞིག་གིས། མར་བླུགས་གཟར་གཅིག་གམ། གསུམ་མམ། བདུན་གྱི་བར་དུ་སྦྱིན་པར་བྱའོ། །པ་ལ་ཤ་དང་། ཨུ་དུམྺཱ་ར་དང་། ཨ་མྲ་དང་། ཀ་དམྦ་དང་། ཨ་ཤྭདྠ་དང་།པླག་ཤ་དང་། ས་མྱི་དང་། ནྱ་གྲོ་དྷ་ལ་སོགས་པའོ་མ་ཅན་གྱི་ཤིང་རློན་པ་ལོ་མ་ [70b] [70b.1]གཉིས་པའི་ཤིང་མཉམ་པོར་བཅད་པ་རྩེ་མོའི་ཆ་ལས་བྱུང་བ། དྲང་ཞིང་སྲོག་ཆགས་མེད་པ་བདུད་རྩི་དྲི་ཞིམ་པོས་ཁ་དོག་སེར་པོར་སྦངས་པ་གཉིས་གཉིས་སྲིན་ལག་དང་མཐེ་བོང་གིས་མཉམ་པར་བཟུང་ལ། མར་དང་ཞོ་དང་འོ་མར་རྩེ་མོ་གཉིས་བསྙུགས་ལ་དབུལ་བར་ [70b.2]བྱའོ། །ཡང་ཁ་རྡི་ར་དང་། ཨརྐ་དང་། ཨ་བ་མརྒ་དང་། ནི་མ་པ་དང་། བྷེ་ཀངྐ་ལ་སོགས་པའི་ཁ་དོག་སེར་པོའི་ཤིང་ལོ་མ་དང་། མེ་ཏོག་དང་བཅས་པ་བཅད་ལ། སར་པ་སྲོག་ཆགས་མེད་པ། འགོངས་པ་ལ་སོགས་པའི་ཉེས་པས་མ་ཕོག་པ་དེ། སོ་སོའི་སྔགས་ [70b.3]ཀྱིས་གོང་བཞིན་དུ་དབུལ་བར་བྱའོ། །དེ་ཡང་ཤིང་གི་དབྱིབས་འཁྱོགས་པ་དང་། དྲི་མི་ཞིམ་པ་དང་ཁོང་སྟོང་དང་རུལ་བ་དང་ཤིན་ཏུ་རིང་བ་དང་། ཤུན་པ་མེད་པ་དང་ཐུང་བ་དང་སྐམས་པ་དང་ཆག་པ་དང་རྩེ་མོའི་ཆ་གྱེས་པ་དང་། རྙིངས་པ་དང་འབུས་ཟོས་པའི་རྗེས་ [70b.4]ཡོད་པ་ལ་སོགས་པ་སྤང་བར་བྱའོ། །དེ་ནས་ཡམ་ཤིང་གིས་མེའི་གཟི་བརྗིད་རྒྱས་པར་འགྱུར་བ་ལ། མར་དང་ཏིལ་དང་འབྲས་མ་གྲུགས་པ་དང་ཞོ་དང་ཟས་མཆོག་དང་། ཀུ་ཤ་དང་།དཱུར་བ་ལ་སོགས་པ་གཞན་ཡང་སོ་སོའི་སྔགས་ཀྱིས་སྦྱིན་པར་བྱའོ། །སྔགས་ [70b.5]སོ་སོའི་མཐར། ཨོཾ་ཨ་མུ་ཀཾ་སྱ་པུཥྚིཾ་ཀུ་རུ་ཨོཾ་ཞེས་པས་བསྐུལ་ལ་དབུལ་བར་བྱའོ། །དེ་ནས་སྔགས་ཀྱི་རིམ་པ་ནི་ཨོཾ་བཛྲ་ཡ་ཛྙཱ་ཡ་སྭཱ་ཧཱ།ཨུ་དུམྺཱ་རའིའོ། །ཨོཾ་བཛྲ་བོ་དྷི་པྲྀ་ཀྵཱ་ཡ་སྭཱ་ཧཱ། ཨ་ཤྭ་དྠའིའོ། །ཨོཾ་བཛྲ་ཏཱ་ཡ་སྭཱ་ཧཱ། བླ་ག་ཤའིའོ། །ཨོཾ་བཛྲ་ཀུ་བེ་རཱ་ཡ་ [70b.6]སྭཱ་ཧཱ། ནྱ་གྲོ་དྷ་ལ་སོགས་པ་འོ་མ་ཅན་གྱིའོ། །ཨོཾ་བཛྲས་ཧ་ཀཱ་རཱ་ཡ་སྭཱ་ཧཱ། ཨ་མྲའིའོ། །གཞན་ཡང་དེ་ལྟར་ཤེས་པར་བྱའོ། །ཨོཾ་སརྦ་པཱ་པཾ་ད་ཧ་ན་བཛྲེ་ཡེ་སྭཱ་ཧཱ། ཏིལ་གྱིའོ། །ཨོཾ་བཛྲ་པུཥྚ་ཡེ་སྭཱ་ཧཱ། འབྲས་མ་གྲུགས་པའིའོ། །ཨོཾ་སརྦ་སཾ་པ་དེ་སྭཱ་ཧཱ། ཞོ་ཟན་དང་ [70b.7]ཟས་མཆོག་གིའོ། །ཨོཾ་བཛྲ་ཨཱ་ཡུ་ཥེ་སྭཱ་ཧཱ། དཱུར་པའིའོ། །ཨོཾ་ཨ་པྲ་ཏི་ཧ་ཏེ་སྭཱ་ཧཱ། ཀུ་ཤའིའོ། །ཨོཾ་བཛྲ་བི་ཛཱ་ཡ་སྭཱ་ཧཱ། འབྲས་སོ་བའིའོ། །ཨོཾ་བཛྲ་མ་ཧཱ་བ་གཱ་ཡ་སྭཱ་ཧཱ། ནས་ཀྱིའོ། །ཨོཾ་མ་ཧཱ་བ་ལ་ཡེ་སྭཱ་ཧཱ། སྲན་མའིའོ། །ཨོཾ་བཛྲ་གྷསྨ་རི་ཡེ་སྭཱ་ཧཱ། གྲོའིའོ། །དེ་ [71a] [71a.1]ཉིད་གསུམ་དང་ལྡན་པའི་ཧཱུཾ་ལས་སྐྱེས་པའི་རྫས་དང་བཅུད་ཐམས་ཅད་གོ་རིམས་བཞིན་དུ་མེ་ལྷའི་ཞལ་དུ་དབུལ་བར་བྱའོ། །ཡམ་ཤིང་དང་ཀུ་ཤ་ལ་སོགས་པ་ནི་འབར་བའི་འོད་ལ་དབུལ་བར་བྱའོ། །ཞལ་བསིལ་དང་ཟན་ལ་སོགས་པ་ནི་ཕྱག་ཏུ་དབུལ་བར་བྱའོ། །མེ་ཏོག་ནི་དབུ་ལ་དབུལ་བར་ [71a.2]བྱའོ། །སྤོས་ནི་འབར་བའི་འོད་ལ་དབུལ་བར་བྱའོ། །དྲི་ནི་ཐུགས་ཀར་དབུལ་ལོ། །བསང་གཏོར་ནི་སྐུ་ལ་ཁྱབ་པར་དབུལ་ལོ། །ཞབས་བསིལ་ནི་མེ་ཏོག་གི་ཞབས་ཀྱི་གདན་ལ་དབུལ་ལོ། །ཡོན་ཆབ་དང་མར་མེ་དང་ལྷ་བཤོས་ [71a.3]ནི་མདུན་དུ་དབུལ་ལོ། །གལ་ཏེ་དགང་གཟར་དང་བླུགས་གཟར་གྱི་དམིགས་པས་མཐེ་བོང་དང་སྲིན་ལག་གིས་སྲེག་རྫས་ཕྲ་བ་རྣམས་སྦྱིན་པར་བྱའོ། །དེ་ནས་སོར་མོ་ལྔའི་ཁྱོར་བའི་ཡི་གེ་ལྔས་བྱིན་གྱིས་བརླབས་ཏེ་དགང་བླུགས་སྦྱིན་པར་བྱའོ། །གུང་མོ་དང་སྲིན་ལག་ [71a.4]དང་མཐེ་བོང་སྦྱོར་བས་སྲེག་རྫས་རགས་པ་རྣམས་སྦྱིན་པར་བྱའོ། །དེ་ནས་མེ་ལྷ་ལ་ཞབས་བསིལ་དང་བསང་གཏོར་ལ་སོགས་པའི་རིམ་པ་རྫོགས་པར་བྱས་ལ། མེ་ལྷ་དེ་ཉིད་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་ཡེ་ཤེས་ཆོས་ཀྱི་དབྱིངས་ཀྱི་རང་བཞིན་ [71a.5]ཡིན་པས་ཤིན་ཏུ་ཟབ་མོའི་ཤེས་རབ་ཀྱི་མཚན་ཉིད་དང་ལྡན་པའི་ཕྱིར་དང་། དེ་ཉིད་ཀྱི་ཁྱད་པར་གྱི་ལས་ཡོངས་སུ་རྫོགས་པར་བྱ་བའི་ཕྱིར། དེའི་ཐུགས་ཀར་འཇིག་རྟེན་ལས་འདས་པའི་མེ་ལྷ་བསྒོམ་པར་བྱ་སྟེ། དེ་ཡང་སྣ་ཚོགས་པདྨའི་སྟེང་དུ་ཉི་མའི་གདན་ལ་བདུད་ [71a.6]བཞི་ལ་སོགས་པ་སོ་སོའི་གདན་རྣམས་བསམས་ལ། དེའི་སྟེང་དུ་སོ་སོའི་ལྷའི་ས་བོན་ལས་ཕྱག་མཚན་དང་ས་བོན་ཡོངས་སུ་གྱུར་པའི་དེ་བཞིན་གཤེགས་པ་ཐམས་ཅད་ཀྱི་རང་བཞིན། དཔལ་དགྱེས་པ་རྡོ་རྗེའི་དཀྱིལ་འཁོར་གྱི་འཁོར་ལོ་དང་བཅས་པ་ཡོངས་སུ་ [71a.7]རྫོགས་པར་བཞེངས་ཏེ། དེ་ནས་ཡེ་ཤེས་ཀྱི་དཀྱིལ་འཁོར་དགུག་པར་བྱ་སྟེ། སྙིང་གའི་འོད་ཟེར་ལྕགས་ཀྱུའི་སྦྱོར་བས་མདུན་གྱི་ནམ་མཁར་དམིགས་ཏེ། ཨོཾ་ཨེ་ཧྱེ་ཧི་བྷ་ག་ཝཱ་ན། ཨི་ཧ་བྷ་ག་ཏྱ་ས་མ་ཡེ་ན་ཛ། ཨརྒྷཾ་དྷི་ཀན་ཚ། པྲ་ཏཱིཙྪ་ད། བུ་ཙན་ཙ་ཪྻ་པྲ་སི་དྷ་མེ། སྔགས་འདིས་ [71b] [71b.1]བགེགས་བསྐྲད་པ་དང་། བསང་གཏོར་དང་ཞབས་བསིལ་ལ་སོགས་པ་ཀུན་བྱས་ལ། ཛཿ་ཧཱུཾ་བཾ་ཧོཿའི་སྔགས་ཀྱིས་ཡེ་ཤེས་ཀྱི་འཁོར་ལོ་དགུག་པ་དང་། གཞུག་པ་དང་། བཅིང་བ་དང་དབང་དུ་བྱས་ཏེ། ཡེ་ཤེས་སེམས་དཔའ་དང་དམ་ཚིག་སེམས་དཔའ་ཐ་མི་དད་པ་ཆུ་དང་འོ་ [71b.2]མ་འདྲེས་པ་ལྟ་བུར་གྱུར་ཏོ། །དེ་ནས་སྤྱན་ལ་སོགས་པའི་རྣམ་པར་དག་པ་དང་སྐུ་ལ་སོགས་པ་བྱིན་གྱིས་བརླབ་པ་དང་དབང་བསྐུར་བ་ལ་སོགས་པ་བྱས་ནས་དེ་ནས་གཞན་ཡང་བསང་གཏོར་དང་ཞབས་བསིལ་ལ་སོགས་པ་སྔོན་དུ་འགྲོ་བས་མཆོད་པ་དང་། བསྟོད་པ་ [71b.3]ལ་སོགས་པའི་རིམ་པས་ཡོངས་སུ་རྫོགས་པར་བྱས་ནས། དཀྱིལ་འཁོར་གྱི་ལྷའི་ལྕེ་ལ་ཧཱུཾ་ཡོངས་སུ་གྱུར་པའི་རྡོ་རྗེ་རྩེ་ལྔ་དམིགས་ལ། ལྷ་སོ་སོའི་སྔགས་ཀྱིས་དགང་བླུགས་དང་སྲེག་རྫས་རྣམས་སྔོན་བཞིན་དུ་རིམ་པས་དབུལ་བར་བྱའོ། །དེ་ནས་ཡང་ [71b.4]འཇིག་རྟེན་དང་འཇིག་རྟེན་ལས་འདས་པའི་སྨོན་ལམ་མཆོད་པའི་དང་པོ་དང་ཐ་མར་གདབ་པར་བྱའོ། །སྲེག་རྫས་རྣམས་ལ་ནི་བསང་གཏོར་བྱས་ཏེ་སྙིང་གའི་ས་བོན་ལས། ལས་དང་མཐུན་པའི་འོད་ཟེར་གྱིས་ཡེ་ཤེས་ཀྱི་བདུད་རྩི་ལས་དང་མཐུན་པའི་ཁ་དོག་ཏུ་ [71b.5]དམིགས་ལ་དབུལ་བར་བྱ་བ་ནི་གཅིག་གམ། གསུམ་མམ། བདུན་ནམ། ཉི་ཤུ་རྩ་གཅིག་གམ། བརྒྱའམ། བརྒྱ་རྩ་བརྒྱད་དང་། སྟོང་ངམ་སྟོང་རྩ་བརྒྱད་དམ་སྟོང་ཕྲག་བརྒྱའམ། ཅི་འབྱོར་པའི་སྦྱིན་སྲེག་སྔོན་བཞིན་དུ་མཆོད་པར་བྱའོ། །བསྒྲུབ་པར་བྱ་ [71b.6]བ་ལ་ནི་ཡེ་ཤེས་ཀྱི་དཀྱིལ་འཁོར་འབའ་ཞིག་ལ་ནང་གི་ཁྱད་པར་གྱི་རྫས་ལ་རྩ་བའི་སྔགས་ཀྱིས་ཡོངས་སུ་མཆོད་དེ་བསྒྲུབ་པར་བྱའོ། །དེས་ནི་ལས་བཞི་ལ་སོགས་པ་ཁྱད་པར་དུ་ཡོངས་སུ་བསྒྲུབ་པར་འགྱུར་རོ། །དེ་ལ་སྲེག་རྫས་ཕུལ་བ་རྣམས་སོ་སོའི་དཀྱིལ་འཁོར་གྱི་ [71b.7]ཐུགས་ཀའི་ཡེ་ཤེས་སེམས་དཔའ་ཐིམ་པས་ཐམས་ཅད་བདེ་བ་ཆེན་པོའི་བདག་ཉིད་དུ་བསམ་མོ། །དབང་གི་དུས་སུ་ཡོན་གྱི་མཆོག་སྦྱིན་པའི་སློབ་མ་དེའི་ལུས་ངག་ཡིད་ཀྱི་སྒྲིབ་པ་གཉིས་བསྲེག་པ་དང་ཚོགས་གཉིས་རྫོགས་པར་བྱ་བའི་ཕྱིར། སློབ་མའི་སྲིན་ལག་ [72a] [72a.1]གཡོན་པ་ནས་བཟུང་ལ་ལག་པ་གཡོན་པས་དགང་བླུགས་གསུམ་མམ།བདུན་གྱི་བར་དུ་བྱིན་པར་བྱའོ། །ཡང་ན་ལས་ཀྱི་རྡོ་རྗེས་བྱའོ། །གཞན་ཡང་རྒྱལ་ཁམས་ཀྱི་བདག་པོ་དང་། དགེ་འདུན་ལ་སོགས་པ་དང་། ཕྱོགས་སྐྱོང་ལ་སོགས་པ་དང་བདག་ཉིད་ [72a.2]བསོད་ནམས་དང་ཡེ་ཤེས་ཀྱི་ཚོགས་རྒྱས་པར་བྱ་བའི་ཕྱིར། དགང་བླུགས་གྲངས་སྔོན་བཞིན་དུ་དབུལ་བར་བྱའོ། །དེ་ལྟར་ཇི་ལྟར་ཚོགས་པའི་རྫས་ཀྱི་སྦྱིན་སྲེག་བྱས་ནས་སྙིང་གའི་ས་བོན་གྱིས་བྱིན་གྱིས་བརླབས་པའི་མར་ལ་བླུགས་གཟར་བདུན་ནམ་ཉི་ཤུ་རྩ་གཅིག་སྦྱིན་པར་ [72a.3]བྱའོ། །དེ་ནས་སྲེག་པའི་མཆོད་པ་རྫོགས་པ་དང་བསང་གཏོར་དང་ཞབས་བསིལ་ལ་སོགས་པ་སྔོན་དུ་འགྲོ་བས་ཕྱི་དང་ནང་དང་གསང་བ་དང་དེ་ཁོ་ན་ཉིད་ཀྱི་མཆོད་པ་བྱས་ནས། གཞན་ཡང་ཕྱེ་མ་སྤངས་པའི་སོ་རྩི་དང་། རས་ལ་སོགས་པའི་ན་བཟའ་དང་། རྒྱན་གྱི་ཚོགས་ [72a.4]ཅི་འབྱོར་པས་མཆོད་དེ་བསྟོད་པར་བྱའོ། །དེ་ནས་དཀྱིལ་འཁོར་གྱི་ལྷ་ཐམས་ཅད་ཉི་མ་དང་ཟླ་བས་ཚིམ་པར་གྱུར་པ་དང་མར་ལ་སོགས་པའི་སྲེག་རྫས་ཀྱིས་ཚིམ་ནས་ཤིན་ཏུ་དགྱེས་པར་གྱུར་པའི་ལྷ་རྣམས་ཀྱི་སྙིང་གའི་འོད་ཟེར་གྱིས་ནམ་མཁའི་ཁམས་ཡོངས་སུ་ཁྱབ་པའི་སྐུ་ [72a.5]དམིགས་པ་དེ་དག་གིས་རིན་པོ་ཆེའི་བུམ་པ་ཡེ་ཤེས་ཀྱི་བདུད་རྩིས་གང་བ་བཟུང་ནས་སྒྲུབ་པ་པོ་ལ་སོགས་པ་ལ་དངོས་གྲུབ་ཀྱི་ཆེད་དུ་དབང་བསྐུར་བར་དམིགས་སོ། །སྒྲུབ་པ་པོ་རྣམས་རྡོ་རྗེ་སྐུའི་རང་བཞིན་དུ་བྱས་ནས་སྒྲུབ་པ་པོའི་ཕོ་བྲང་ཡང་སྣ་ཚོགས་ཀྱིས་བཀང་བར་ [72a.6]དམིགས་པ་དང་། རལ་གྲི་ལ་སོགས་དངོས་གྲུབ་ཀྱང་རྫོགས་པར་བྱས་སོ། །དེ་ལྟ་བུའི་སྐུ་ཚོགས་ལྷའི་དཀྱིལ་འཁོར་གྱི་ཐུགས་ཀར་བསྡུ་བར་བྱའོ། །དེ་ནས་མཉམ་པར་གཞག་པའི་སྔགས་པས་སྙིམ་པ་མེ་ཏོག་གིས་ཡོངས་སུ་བཀང་ལ། ལུས་ངག་ཡིད་ཤིན་ཏུ་འདུད་ [72a.7]པར་བྱས་ཏེ་དམན་པ་དང་ལྡན་པའི་ལྷག་པའི་ནོར་བའི་སྐྱོན་ཞི་བར་བྱས་པ་དང་། མངོན་པར་འདོད་པའི་དངོས་གྲུབ་རྫོགས་པར་བྱ་བའི་ཕྱིར་བཟོད་པར་གསོལ་བ་དང་སྨོན་ལམ་གདབ་པར་བྱའོ། །ཇི་ལྟར་ཚོགས་པར་མ་གྱུར་དང་། །དམན་པའི་དབང་གིས་མ་འཚལ་བ། །བཀའ་ཡི་ [72b] [72b.1]དོན་བཞིན་མ་ནུས་དང་། །དམན་དང་ལྷག་པར་གྱུར་པ་ནི། །བདག་ཉིད་ཆེན་པོ་ཁྱེད་རྣམས་ཀྱིས། །བཟོད་པ་ཆེན་པོ་མཛད་དུ་གསོལ། །དེ་ནས་བཛྲ་ཏྭ་ལ་སོགས་པ་ལན་གསུམ་དུ་བཟླས་ནས་བསྐོར་བར་བྱའོ། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་ [72b.2]སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །དམ་ཚིག་ཕྱག་རྒྱ་མི་སྤོང་བས། །སླར་ཡང་འབྱོན་པར་མཛད་དུ་གསོལ། །ཨོཾ་ཨཱཿ་ཧཱུཾ། བཛྲ་མུཿའི་སྔགས་ཀྱིས་ལྷག་པའི་ལྷའི་དཀྱིལ་འཁོར་གཤེགས་སུ་གསོལ་བར་བྱའོ། །དེ་ནས་མེ་ཐབ་ཀྱི་ [72b.3]བདག་ཉིད་སྔོན་གྱི་མེ་ལྷ་ལ་བསང་གཏོར་དང་ཞབས་བསིལ་དང་མཆོད་པ་སྔོན་བཞིན་དུ་བྱའོ། །དེ་ནས་དགང་བླུགས་དང་སྲེག་རྫས་ཀྱང་སྔོན་གྱི་རིམ་པས་ལྷག་མའི་མཆོད་པ་སྦྱིན་པར་བྱའོ། །དེ་ནས་ཡང་དགང་བླུགས་ལ་འཇིག་རྟེན་པའི་སྨོན་ལམ་བཏབ་ནས་དབུལ་བར་ [72b.4]བྱའོ། །ཞབས་བསིལ་དང་མཆོད་པ་བྱས་ནས་སོ་རྩི་དང་རས་ལ་སོགས་པ་བྱིན་ལ་རྡོ་རྗེ་དྲིལ་བུ་འཛིན་པས་བསྟོད་པར་བྱའོ། །དེ་ནས་རང་གི་འདོད་པའི་སྨོན་ལམ་བཏབ་པ་དང་བཟོད་པར་གསོལ་བ་བྱས་ནས།ཨོཾ་སཏྭ་ལ་སོགས་པ་ལན་གསུམ་དུ་ཡོངས་སུ་བསྐུལ་ནས། སྭཿ་ [72b.5]ཨརྠན་ཙཱ་བཱ་པ་རཱ་རྠ་ཙཱ་སཱ་དྷི་ཏཾ་གཙྪ་ཧ་བྱ་བྷུ་ཀ །ཨཱ་ག་མི་ཥྱ་པི་ཡ་ཐཱ་ཀཱ་ལེ་སརྦ་སིདྡྷི་ཀུ་རུ་ཥ་མེ། སྔགས་འདིས་མེ་ལྷ་གཤེགས་སུ་གསོལ་བར་བྱའོ། །དེ་ནས་མདུན་གྱི་མེ་ལ་སྣོད་ལེགས་པར་བཀྲུས་པའི་ནང་དཀྱིལ་འཁོར་གྱི་ལྷའི་དགང་བླུགས་ཀྱི་ལྷག་མ་དང་། མར་དང་འོ་མ་དང་། [72b.6]སྦྲང་དང་ཁར་དང་ཟས་མཆོག་ལ་སོགས་པ་ཡོངས་སུ་ལྡན་པར་བྱས་ལ། ལྷའི་འཁོར་ལོའི་སྦྱོར་བས་ལེགས་པར་བསྒྲུབས་ནས་བདག་ཉིད་རྩ་བའི་དཀྱིལ་འཁོར་ལ་གསང་བའི་མཆོད་པའི་ཚུལ་གྱིས་ཡོངས་སུ་མཆོད་དེ། དེ་ནས་གཞན་ཡང་ལྷའི་སྦྱོར་བ་དང་ལྡན་པ་ལ་ཉུང་ [72b.7]དུན་ཉུང་དུན་སྦྱིན་པར་བྱའོ། །དེ་ནས་ཕུན་སུམ་ཚོགས་པ་ལ་སོགས་པའི་བཀྲ་ཤིས་ཀྱི་ཚིགས་སུ་བཅད་པ་བརྗོད་ལ། ཡེ་གེ་བརྒྱ་པ་ལན་གསུམ་དུ་བཟླས་ལ་དགེ་བའི་རྩ་བ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱའོ། །དེ་ནས་ལངས་ཏེ་ཡི་གེ་བརྒྱ་པ་བརྗོད་ [73a] [73a.1]ཅིང་བསྐོར་བར་བྱའོ། །དེ་ལ།ཨོཾ་བཛྲ་སཏྭ་ས་མ་ཡ།མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ་དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། སུ་པོ་ཥྱོ་མེ་བྷ་བ། ཨ་ནུ་རྐྟོ་མེ་བྷ་བ། སརྦ་སིདྡྷིཾ་མེ་པྲ་ཡ་ཙྪ། སརྦ་ཀ་རྨ་སུ་ཙ་མེ། ཙིཏྟཾ་ཤྲེ་ཡཿ་ཀུ་རུ་ཧཱུཾ། ཧ་ཧ་ཧ་ཧ་ཧོཿ་བྷ་ག་བཱ་ན། སརྦ་ཏ་ཐཱ་ག་ [73a.2]ཏ་བཛྲ་མཱ་མེ་མུཉྫ་བཛྲཱི་བྷ་བ་མ་ཧཱ་ས་མ་ཡ་སཏྭ་ཨཱཿ་རང་ཞི་བའི་སྦྱིན་སྲེག་བྱེད་ན། དེ་ལས་ནད་དང་རྣམ་པར་འཚེ་བ་དང་བར་དུ་གཅོད་པ་དང་བགེགས་དང་ཉོན་མོངས་པ་ལ་སོགས་པ་བདུད་ཀྱི་སྡེ་བདག་དང་གཞན་གྱི་དོན་དུ་ཞི་བར་བྱ་བ་དང་། མངོན་པར་ཤེས་པ་དང་། མཆོག་ [73a.3]གི་དངོས་གྲུབ་ཐོབ་པར་བྱ་བའི་ཕྱིར་ཞི་བའི་སྦྱིན་སྲེག་བརྩམ་པར་བྱའོ། །དེ་ནས་དཀྱིལ་འཁོར་ཆེན་པོའི་ཤར་ཕྱོགས་སུ་ཁ་དོག་དཀར་པོའི་རས་ལ་ཁྲུ་གང་གི་ཚད་དུ་ཟླུམ་པོར་བསྐོར་བའོ། །ཟབས་སུ་སོར་བཅུ་གཉིས་པའི་ཚད་དུ་བརྐོའོ། །དེའི་དབུས་སུ་སོར་བཅུ་དྲུག་པའི་པདྨ་ [73a.4]འདབ་མ་བརྒྱད་པ་དབུས་སུ་བརྐོས་ལ། དེའི་སྟེང་དུ་ལྷའི་མཚན་མ་བཀོད་ལ།དེའི་དབུས་ཀྱི་ཁ་ཁྱེར་ནས་སོར་བཞི་ཕྱིར་བསྐྱེད་པ་དང་། སོར་བཞིའི་ཁ་ཁྱེར་འཕང་དུ་བརྩིག་པར་བྱའོ། །དེ་ལ་རྡོ་རྗེ་རྩེ་ལྔ་པ་སོར་བརྒྱད་པའི་རབས་ཡོངས་སུ་བསྐོར་བར་བྱའོ། །དེའི་ཕྱི་རོལ་དུ་ [73a.5]ཁ་དོག་དཀར་པོའི་ས་གཞི་ལ་སོགས་པའི་ཞི་བའི་མཆོད་པས་ཡོངས་སུ་བསྐོར་བར་བྱའོ། །དེ་ལ་ཁ་དོག་དཀར་པོས་ལེགས་པར་བྱུགས་ལ། དེའི་སྟེང་དུ་བའི་རྣམ་ལྔས་བྱུག་པར་བྱའོ། །དེའི་སྟེང་དུ་ཙནྡན་དཀར་པོ་ལ་སོགས་པའི་དཀར་པོའི་དྲི་ཞིམ་པོ་དང་བདུད་རྩི་ལྔས་ཞལ་ཁབ་ [73a.6]བྱའོ། །མེ་ཏོག་དཀར་པོ་དྲི་ཞིམ་པོ་དང་ལྡན་པའི་སིལ་མས་ཐབ་ཁུང་ཡོངས་སུ་དགྲམ་པར་བྱའོ། །ཡང་ན་འཐས་པར་བཅགས་པའི་དཀྱིལ་འཁོར་ལ་རྡུལ་ཚོན་གྱིས་བྲི་བར་བྱའོ། །དེ་ནས་སེར་པོ་ལ་སོགས་པའི་སྣོད་དུ་ཁ་དོག་དཀར་པོའི་དྲི་དང་། འོ་མ་དང་ནས་བླུགས་ [73a.7]པའི་ཆུས་ལེགས་པར་བཀང་ལ། སྭཱ་ཧཱའི་མཐའ་དང་ལྡན་པའི་སྔགས་ཀྱིས་སྔོན་བཞིན་དུ་བསྔགས་ཏེ་གཞག་པར་བྱའོ། །འོ་མ་ཅན་གྱི་ཤིང་དང་ཁ་དོག་དཀར་པོའི་རིགས་ཀྱི་ལྕི་བའི་མེ་ཤིང་དང་། ཞོ་དང་མར་དང་སྦྲང་དང་། འོ་མ་དང་། ནས་དང་། འབྲས་རྔོས་པ་དང་། པྲི་ཡང་ཀུ་དང་། [73b] [73b.1]ཙནྡན་དང་། སཱ་ལའི་ཟས་མཆོག་དང་། ཀུ་ཤ་སར་པ་དང་། དཱུར་བ་དང་། མེ་ཏོག་དཀར་པོ་དང་། གེ་སར་དང་། ཙུ་ཏའི་ལོ་མ་དང་། ཤིང་གི་བཅུད་དཀར་པོ་དྲི་ཞིམ་པོ་ལ་སོགས་པས་སྦྱིན་སྲེག་བྱའོ། །པ་ལ་ཤ་ལ་སོགས་པའི་ཤིང་ལ་ཡམ་ཤིང་སོར་བཅུ་གཉིས་པ་མཐེའུ་ཆུང་ [73b.2]གི་ཚད་ཙམ་དུ་སྦོམ་ལ། རྩེ་མོའི་ཆ་ལས་བྱུང་བ་སྲོག་ཆགས་མེད་ཅིང་སར་པ། བདུད་རྩི་ལྔ་དང་དྲི་ཞིམ་པོའི་ཆུ་ལ་སྦགས་ནས་སྦྲང་དང་འོ་མ་ལ་རྩེ་མོ་གཉིས་བསྙུགས་ལ། སྔོན་བཞིན་གྱི་ཚོགས་དབུལ་བར་བྱའོ། །བྱང་ཆུབ་ཀྱི་ཤིང་གིས་གཙུབས་པ་དང་གཙུབ་ཤིང་ལས་བྱུང་བའི་མེ་དང་། ཡང་ན་བྲམ་ཟེའི་ཁྱིམ་ནས་བྱུང་བའི་ [73b.3]མེ་ལ། སྔོན་བཞིན་དུ་སྨོས་པའི་ཆོ་གས་སྦར་བར་བྱའོ། །མེ་ལྷ་ནི་ཁ་དོག་དཀར་པོར་བྱའོ། །རྒྱན་དང་ན་བཟའ་དཀར་བ་མཚན་ཉིད་ཐམས་ཅད་གོང་དང་མཚུངས་པས། སྔགས་པ་ནི་གོས་དང་རྒྱན་དཀར་བས་བརྒྱན་པ། དབུ་སྐྲ་ [73b.4]གྱེན་དུ་བརྫེས་པ་ལ་མེ་ཏོག་དང་རས་དཀར་པོས་ཅོད་པན་བྱས་པ། བྱམས་པ་དང་སྙིང་རྗེ་དང་ལྡན་པ། པདྨའི་གདན་ལ་བཟང་པོའི་འདུག་སྟངས་ཀྱིས་ཁ་ཤར་ཕྱོགས་སུ་མངོན་པར་ཕྱོགས་ལ་འདུག་ནས། ཞི་བའི་སེམས་ཀྱིས་དཀར་པོའི་ཆོས་གཅིག་ལ་བརྩམ་པར་བྱའོ། །སྔགས་ [73b.5]ཐམས་ཅད་ཀྱི་མཐར་སྭཱ་ཧཱ་དང་ཆེ་གེ་མོ་ཞེས་བྱ་བ་ཤཱཏྣིཾ་ཀུ་རུ་སྭཱ་ཧཱ་ཞེས་བསྐུལ་བའི་ཚིག་དང་ལྡན་པའི་སྔགས་ཀྱིས་ཞི་བའི་སྦྱིན་སྲེག་བྱའོ། །དེ་ནས་མར་དང་བདུད་རྩི་ལ་སོགས་པས་ཚིམ་པར་གྱུར་བའི་ལྷ་རྣམས་དགྱེས་པར་གྱུར་ཏེ། སོ་སོའི་ཐུགས་ཀ་ནས་ཡེ་ཤེས་སེམས་དཔའི་ [73b.6]དཀྱིལ་འཁོར་ནམ་མཁའི་ཁམས་སུ་སྐུ་མདོག་དཀར་པོ་རང་བཞིན་དུ་སྤྲོས་ནས་ལྷ་རྣམས་ཀྱིས་རིན་པོ་ཆེའི་བུམ་པ་ཡེ་ཤེས་ཀྱི་བདུད་རྩིས་གང་བ་ཐོགས་ནས། སྒྲུབ་པ་པོ་ལ་སོགས་པ་དང་ཡོན་བདག་འཁོར་དང་བཅས་པ་ལ་དབང་བསྐུར་བར་དམིགས་ཏེ། ནད་ལ་ [73b.7]སོགས་པའི་གནོད་པ་ཐམས་ཅད་བསལ་ནས། རང་གི་འདོད་པའི་དངོས་གྲུབ་སྔོན་བཞིན་དུ་རྫོགས་པར་བྱའོ། །དེ་ནས་ཡེ་ཤེས་སེམས་དཔའི་དཀྱིལ་འཁོར་བསྡུས་ཏེ་ཐུགས་ཀར་བསྟིམ་པར་བྱའོ། །དེ་ལྟ་བུ་ལ་ཞུགས་པ་ཐམས་ཅད་བདེ་བ་དང་ལྡན་པར་བསམ་མོ། །ཞི་བའི་ [74a] [74a.1]སྦྱིན་སྲེག་གི་རིམ་པའོ།། །།དེ་ནས་གཞན་ཡང་རལ་གྲི་དང་འཁོར་ལོ་དང་མདའ་དང་། རྡོ་རྗེ་དང་རིན་པོ་ཆེ་དང་པདྨ་དང་གཏེར་ཆེན་པོ་སྒྲུབ་པ་དང་། བཅུད་ཀྱིས་ལེན་པ་དང་། ཁྱད་པར་གྱི་བཅུད་ཀྱིས་ལེན་པ་དང་འཁོར་ལོས་སྒྱུར་བའི་རྒྱལ་པོའི་ཡོན་ཏན་ཐོབ་ [74a.2]པར་བྱ་བའི་ཕྱིར། བདག་གམ་གཞན་གྱི་དོན་དུ་ཚེས་བཅོ་ལྔའི་དུས་སུ་རྒྱས་པའི་སྦྱིན་སྲེག་བརྩམ་པར་བྱའོ། །དེ་ལ་དཀྱིལ་འཁོར་ཆེན་པོའི་ལྷོ་ཕྱོགས་སུ་ཁ་དོག་སེར་པོའི་ས་ལ་རྒྱར་ཁྲུ་དོའི་ཚད་ཟབས་སུ་ཁྲུ་གང་གི་ཚད་བརྐོ་བར་བྱའོ། །སོར་བརྒྱད་ཕྱིར་གྱེས་པ་ལས་སོར་བརྒྱད་ཡར་ [74a.3]བརྩིག་པར་བྱས་ནས། དེའི་དབུས་ཀྱི་ལྟེ་བ་འཁོར་ལོ་རྩིབས་བརྒྱད་པའི་སྟེང་དུ་ལྷའི་མཚན་མ་བཀོད་ལ། དེར་རྡོ་རྗེ་དང་རིན་པོ་ཆེ་དང་པདྨ་དང་རལ་གྲི་ཡང་དགོད་པར་བྱའོ། །ཁ་ཁྱེར་ལ་རིན་པོ་ཆེ་སོར་དྲུག་པ་འབར་བས་ཀུན་ནས་བསྐོར་ནས་ཐབ་ཁུང་གི་ཁ་དོག་སེར་པོ་གྲུ་བཞི་པ་སྟེ། [74a.4]ཡང་ན་ཟུར་བརྒྱད་རིན་པོ་ཆེ་འབར་བའི་དབྱིབས་སུ་བྱའོ། །ཁ་དོག་སེར་པོའི་སས་བྱུགས་ལ། དེའི་སྟེང་དུ་བདུད་རྩི་ལྔ་དང་དྲི་སེར་པོས་ལེགས་པར་བྱུག་གོ། །དེའི་སྟེང་དུ་མེ་ཏོག་སེར་པོ་དྲི་ཞིམ་པོའམ། སྣ་ཚོགས་པའི་མེ་ཏོག་གི་སིལ་མས་ཡོངས་སུ་དགྲམ་པར་བྱའོ། །རི་ [74a.5]དགས་ཀྱི་ལྕི་བ་སྦངས་པའི་སྔོན་དུ་སྨོས་པའི་ཤིང་འབྲས་བུ་དང་བཅས་པ་རྣམས་ལས་བྱའོ། །ཡམ་ཤིང་ནི་པ་ལ་ཤ་ལ་སོགས་པ་དབུས་ཀྱི་ཆ་ལས་བྱུང་བ་སྦོམས་སུ་ཆག་གང་བ། ཆུ་རུ་ཁྲུ་གང་གི་ཚད་དང་ལྡན་པ། རྩེ་མོ་གྲུ་བཞི་པར་བྱས་པའོ། །ལྷག་མ་རྣམས་ནི་ལས་ཐམས་ [74a.6]ཅད་པའི་སྦྱིན་སྲེག་ཏུ་ཤེས་པར་བྱའོ། །རྒྱས་པའི་སྦྱིན་སྲེག་གི་རིམ་པའོ།། །།དེ་ནས་གསད་པ་དང་། སྐེམ་པ་དང་། བསྐྲད་པ་དང་། དབྱེ་བ་དང་། རེངས་པ་དང་རྨོངས་པར་བྱ་བ་དང་། ལུས་དུམ་བུར་གཅོད་པ་ལ་སོགས་པའི་ལས་བསྒྲུབ་པར་བྱ་བའི་ཕྱིར། མངོན་སྤྱོད་ [74a.7]ཀྱི་སྦྱིན་སྲེག་བརྩམ་པར་བྱའོ། །དེ་ལ་དཀྱིལ་འཁོར་ཆེན་པོའི་བྱང་ཕྱོགས་སུ་ཤིན་ཏུ་རྩུབ་པ་མྱུ་གུ་མི་སྐྱེད་པ་ཆུ་ཤེལ་ལམ་ཆར་སྤྲིན་ལྟར་གནག་པའི་ས་ལ་སོར་ཉི་ཤུའི་ཚད་དང་ལྡན་པ། ཟབས་སུ་སོར་བཅུ་བརྐོས་པ་དབུས་སུ་ཁྲོ་བོའི་རྡོ་རྗེ་སོར་བརྒྱད་པ་བྱས་ལ། དེ་ནས་སོར་ [74b] [74b.1]གསུམ་ཕྱིར་དོར་བ་དང་། སོར་གསུམ་འཕང་དུ་བརྩིག་པར་བྱས་ནས་སོར་གསུམ་པས་ཀུན་ནས་བསྐོར་བར་བྱའོ། །རྩེ་མོ་ལྷོར་བསྟན་ནོ། །ཐབ་ཁུང་ཁ་དོག་ནག་པོར་བྱས་ལ། ས་ནག་པོ་དང་དུར་ཁྲོད་ཀྱི་རུས་ཕྱེ་དང་། བོང་བུ་དང་རྔ་མོའི་རིལ་མ་ལ་སོགས་པ་དང་། དུག་ཇི་སྙེད་ [74b.2]པས་ཐབ་ཁུང་བྱུག་པར་བྱའོ། །དབུས་སུ་ལྷའི་མཚན་དང་ལྡན་པར་བཀོད་དེ་ཁ་ཁྱེར་རལ་གྲིའམ་རྡོ་རྗེ་རྩེ་གསུམ་པས་ཡོངས་སུ་བསྐོར་ལ། འབྲས་ཕུབ་དང་ཁ་དོག་ནག་པོའི་མེ་ཏོག་གིས་ཐབ་ཁུང་ལ་གཅལ་དུ་དགྲམ་པར་བྱའོ། །དེ་ལས་སྔོན་དུ་བསྟན་པའི་སྣོད་དུ། ཁྲ་དང་ [74b.3]མི་དང་། བ་གླང་དང་། བོང་བུ་དང་། རྔ་མོའི་ཆུ་དང་། ཁྲག་གིས་ཡོངས་སུ་བཀང་སྟེ། ཕཊ་ཅེས་སྔོན་བཞིན་ཡོངས་སུ་བཟླས་ལ། གཡས་སུ་མེའི་དཀྱིལ་འཁོར་གྱི་སྟེང་དུ་གཞག་པར་བྱའོ། །ཡུངས་ཀར་དང་། ཚ་བའི་མར་དང་། ཁྲག་དང་། ཚྭ་དང་། སྐེ་ཚེ་དང་། མིའི་རུས་ [74b.4]ཕྱེ་དང་། རྐང་རྗེས་ཀྱིས་དང་། ནིམ་པའི་ཤུན་པ་དང་། བོང་བུ་དང་། རྔ་མོ་ལ་སོགས་པའི་རིལ་མ་དད་སྐྲ་དང་དེ་རྣམས་གཅིག་ཏུ་བརྡུངས་ལ་གཟུགས་བྱའོ། །བྱ་རོག་ལ་སོགས་པའི་སྒྲོ་དང་། དྲི་ཆེན་དང་དྲི་ཆུ་དང་། ཚེར་མ་དང་། གྱོ་མོ་དང་། རུས་ཕྱེ་དང་། ཚིལ་ཆེན་དང་། ཤ་ [74b.5]ཆེན་ལ་སོགས་པ་དང་། ཁྲག་དང་། དུག་དང་། སྐེ་ཚེ་དང་། སྨྱོ་བྱེད་ཀྱི་ཁུ་བས་ལེགས་པར་བྱུག་པར་བྱའོ། །དེ་ནས་ལས་ཐམས་ཅད་པའི་ཆུ་ལ་བསྔགས་ཏེ། བསང་གཏོར་བྱས་ནས་དེ་དག་ཐམས་ཅད་ཀྱང་བསྒྲུབ་བྱར་དམིགས་ལ། དེ་ལུས་ཀྱི་གནས་སུ་དུག་དང་སྐེ་ཚེ་ལ་ [74b.6]སོགས་པས་ཁྱབ་པར་བྱུགས་ཏེ། སྦྱིན་སྲེག་ཏུ་བྱའོ། །མར་ནག་ཆེན་པོའི་མར་མེ་གཡོན་ཕྱོགས་སུ་གཞག་པར་བྱའོ། །ཚ་བའི་ཤིང་ཚེར་མ་ཅན་དང་། ཁ་བ་དང་དྲི་མི་ཞིམ་པ་དང་། དུར་ཁྲོད་ལས་བྱུང་བའི་ཤིང་དང་བོང་བུ་དང་རྔ་མོ་ལ་སོགས་པའི་རིལ་མ་སྐམ་པོ་བུད་ཤིང་དུ་ [74b.7]བྱའོ། །དེ་ནས་ནིམ་པ་དང་། སེང་ལྡེང་དང་། ཀོ་བི་དར་དང་། བསེ་ཤིང་དང་། མ་ད་ནི་ཤིང་དང་། ཚ་བའི་ཤིང་དང་། ཚེར་མ་ཅན་གྱི་ཤིང་དང་། ཁ་བའི་ཤིང་དང་། ཡང་ན་རོ་བསྲེགས་པའི་ཤིང་དང་། དེ་དག་ཚད་མའི་ཆ་ལས་བྱུང་བ་སོར་བཅུའི་ཚད་དང་ལྡན་པ་རྩེ་མོ་ཟུར་གསུམ་ [75a] [75a.1]པར་བྱས་ལ། དུག་དང་སྐེ་ཚེ་དང་ཁྲག་གིས་ལེགས་པར་བྱུགས་ལ་ཡམ་ཤིང་བྱའོ། །དེ་ནས་དུར་ཁྲོད་ལས་བྱུང་བའི་མེ་དང་། དུར་ཁྲོད་ཀྱི་རུས་པ་ལས་བྱུང་བའི་མེ་དང་། རོ་བསྲེགས་པའི་ཤིང་ལས་གཙུབ་སྟན་དང་གཙུབ་ཤིང་ལས་བྱུང་བའི་མེ་དང་། རྡོ་ལས་བྱུང་ [75a.2]བའི་མེ་དང་། གཏུམ་པའི་ཁྱིམ་ནས་བླངས་པའི་མེ་དང་མེ་དེ་དག་སྦར་བར་བྱའོ། །དེ་ལ་མེ་ལྷའི་སྐུ་མདོག་ནག་པོ་དབུ་སྐྲ་གྱེན་དུ་འབར་བ་སྤྱན་མེ་མདག་གི་ཕུང་པོ་འདྲ་བ། ཞལ་གདངས་ནས་མཆེ་བ་གཙིགས་པ་རྔམ་པའི་ཞལ་ཁྲོ་གཉེར་དང་བཅས་པ། ཤིན་ཏུ་གཏུམ་པ། [75a.3]འཇིགས་པ་ཆེན་པོའི་གཟུགས་ཅན་གསུས་པ་ཆེ་པ། ཡན་ལག་ཐུང་ཞིང་སྦོམ་པ། རས་ནག་པོ་སེ་རལ་ཁར་ཐོགས་པ། རྒྱན་ནག་པོས་ཀུན་ནས་བརྒྱན་པ། འཇིག་པའི་དུས་ཀྱི་མེ་ལྟར་འབར་བ། ཞལ་ཐབ་ཁུང་དང་མཚུངས་པའོ། །དེ་ནས་སྔགས་པ་ནི་ཐུགས་ཤིན་ [75a.4]ཏུ་གཏུམ་པ་དུར་ཁྲོད་ཀྱི་རས་ནག་པོས་སྟོད་གཡོགས་བྱས་པ། ཁ་དོག་སྔོན་པོའི་རྒྱན་གྱིས་བརྒྱན་པ། མེ་ཏོག་སྔོན་པོའི་ཕྲེང་བ་སེ་རལ་ཁར་ཐོགས་པ། དུར་ཁྲོད་ཀྱི་ཁྲག་གིས་བྱུགས་པའི་རས་ཀྱིས་སྨད་དཀྲིས་བྱས་པ་སྤྱན་ཤིན་ཏུ་འབར་ཞིང་ཞལ་ཤིན་ཏུ་ཁྲོ་བ། རྐང་པ་གཡོན་ [75a.5]པས་གཡས་པ་མནན་པའི་ཚུལ་གྱིས་འདུག་ནས་སོ་འཆའ་ཞིང་བསྒྲུབ་བྱའི་གཟུགས་ཀྱི་སྟེང་དུ་གཏུམ་པའི་སེམས་ཀྱིས་འདུག་པར་བྱའོ། །ཡང་ན་དུར་ཁྲོད་ཀྱི་ཕ་གུ་ནག་པོའི་སྟེང་དུ་བསྒྲུབ་བྱ་མནན་པའི་སྙིང་གར་སྔོན་གྱི་ཚུལ་གྱིས་འདུག་པར་བྱའོ། །བསྒྲུབ་བྱ་ནི་མདོག་ཉམས་ [75a.6]པ། བཞིན་གྱུར་པ། ཤིན་ཏུ་རྒུད་པའི་ཚུལ་དུ་དམིགས་སོ། །ཡང་ན་བསྒྲུབ་བྱའི་སྙིང་གར་བརྐྱང་བསྐུམ་གྱི་གར་གྱིས་སྒྲུབ་པའི་ཕྱོགས་སུ་མངོན་པར་ཕྱོགས་ལ། དཀོན་མཆོག་གསུམ་ལ་སྐུ་དགྲ་བྱེད་པ་དང་། སློབ་དཔོན་སྨོད་ཅིང་སྔགས་རྒྱུད་ལ་དབྱེ་བ་དང་། སེམས་ཅན་ཐམས་ [75a.7]ཅད་ལ་གདུག་པར་བྱེད་པ་དེ་ནི་སྙིང་རྗེ་ཆེན་པོ་ཁྲོས་པའི་སེམས་ཀྱིས་མངོན་སྤྱོད་དུ་བྱའོ། །ཡང་སྒྲུབ་པ་པོའི་ཆེད་འབའ་ཞིག་ཏུ་གསུངས་སོ། །དེ་ལ་ནག་པོའི་ཚེ་གང་ཡང་རུང་བའི་ཉི་མ་ཕྱེད་དམ་ནམ་ཕྱེད་ན་དྲག་པོའི་ལས་བརྩམ་པར་བྱའོ། །བདག་ཉིད་ཀྱི་ཐུགས་ཀ་ལས་ [75b] [75b.1]བྱུང་བའི་ཁྲོ་བོའི་ཚོགས་མཚོན་ཆ་རྣམ་པ་སྣ་ཚོགས་ཐོགས་པས་བསྒྲུབ་བྱ་ཡོངས་སུ་གཏུབ་ཅིང་ཟ་བ་ལ་སོགས་པའི་སྦྱོར་བས་དམིགས་སོ། །ལག་པ་གཡོན་པའི་སྡིགས་མཛུབ་དང་། ཁྱད་པར་དུ་མིག་གཡོན་པ་འབར་བས་བལྟ་བར་བྱ་ལ། ཕཊ་ཨ་མུ་ཀ་སྱ་ཨ་བྷི་ཙརྱ་ཀུ་རུ་ཕཊ་ [75b.2]ཅེས་བརྗོད་ཅིང་མངོན་སྤྱོད་ཀྱི་སྦྱིན་སྲེག་བྱའོ། །དེ་ལ་ལས་ཀྱི་བྱེ་བྲག་ནི་བསྐུལ་བའི་སྦྱོར་བ་དང་། སྔགས་ཀྱི་སྦྱོར་བས་སོ། །དབྱེ་བ་ལ་ནི། ཨོཾ་ཛི་སྭཱ་ཧཱ། ཧཱུཾ་ཨ་མུ་ཀཾ་བེ་དྭེ་ཥ་ཡ་ཧཱུཾ། བསྐྲད་པ་ལ་ནི། ཨོཾ་ཁཾ་སྭཱ་ཧཱ། ཧཱུཾ་ཨ་མུ་ཀཾ་ཨུ་ཙྪ་ཊ་ཡ་ཧཱུཾ། རེངས་པ་དང་རྨོངས་པ་ལ་ནི། ཨོཾ་ཧཱུཾ་ [75b.3]སྭཱ་ཧཱ། བོ་ཥ་ཏྟ་ཨ་མུ་ཀཾ་སྟཾ་བྷ་ཡ། མོ་ཧ་ཡ་བི་ཤོ་དྷ། གསང་པ་ལ་ནི། ཨོཾ་གྷུཿ་སྭཱ་ཧཱ་ཕཊ་ཨ་མུ་ཀཾ་མ་ར་ཡ་ཕཊ། གཞན་དུ་ཡང་དེ་ལྟར་ཤེས་པར་བྱའོ། །དེ་ལ་སྦྱིན་སྲེག་གིས་ཚིམ་པར་གྱུར་བའི་ལྷ་རྣམས་ཀྱི་ཐུགས་ཀ་ནས་ཁྲོ་བོའི་ཚོགས་དཔག་ཏུ་མེད་པ་སྤྲོས་ཏེ། ཁྲོ་བོ་དེ་ [75b.4]དག་གིས་བསྒྲུབ་པར་བྱ་བའི་ལུས་ལ་རྡོ་རྗེའི་ཐོག་གིས་རྒྱུན་མི་འཆད་པར་འབེབས་པ་དང་། མཚོན་ཆ་རྣམ་པ་སྣ་ཚོགས་པ་བསྒྲུབ་བྱའི་ལུས་ལ་འབེབས་པར་བྱེད་དོ། །བསྒྲུབ་བྱ་དེ་ཉིད་མྱུར་བར་བསྒྲལ་ནས་ཡི་གེ་གསུམ་གྱི་སྦྱོར་བས་བདེ་བ་ཅན་གྱི་ཞིང་ཁམས་སུ་བསྐྱལ་བར་ [75b.5]བྱའོ། །སྤྲོས་པའི་ཁྲོ་བོ་རྣམས་ཐུགས་ཀར་དེ་ཉིད་དུ་བསྡུའོ། །སྒྲུབ་པ་འབའ་ཞིག་ལ་ནི་ཡེ་ཤེས་ཀྱི་དཀྱིལ་འཁོར་ལ་རྩ་བའི་སྔགས་ཀྱིས་བསྙེན་པར་བྱའོ། །དྲག་པོའི་སྦྱིན་སྲེག་གི་རིམ་པའོ།། །།ལྷ་དང་ཀླུ་དང་། གནོད་སྦྱིན་དང་། དྲི་ཟ་དང་། ནམ་མཁའ་ལྡིང་དང་། ལྷ་མ་ [75b.6]ཡིན་དང་། མིའམ་ཅི་ལ་སོགས་པ་དེ་དག་གི་རིམ་མ་དང་། རྒྱལ་པོའི་འཁོར་དང་བཅས་པ་དང་། གང་ལ་བྱ་བའི་ཡུལ་དབང་དུ་བྱ་བའམ། དགུག་པར་བྱ་བའི་ཕྱིར་དབང་ངམ་དགུག་པའི་སྦྱིན་སྲེག་བརྩམ་པར་བྱའོ། །དེ་ལ་དཀྱིལ་འཁོར་ཆེན་པོའི་ཤར་ཕྱོགས་སམ་ནུབ་ཕྱོགས་སུ་ [75b.7]དགུག་པའི་ཐབ་ཁུང་བྱ་སྟེ། དེ་ཡང་ཁ་དོག་དམར་པོའི་ས་ལ་བྷ་གའི་གཟུགས་སམ། ཟླ་བ་ཕྱེད་པ་ལྟ་བུ་བྱས་ནས་དབུས་སུ་པདྨ་དང་རྡོ་རྗེ་བྱིན་གྱིས་བརླབས་པ། པདྨའི་ཕྲེང་བས་ཁ་ཁྱེར་བསྐོར་བ།དབུས་སུ་ལྷའི་མཚན་མ་ཙནྡན་དམར་པོས་དགོད་དོ། །དགུག་པ་ལ་ནི་རྡོ་རྗེ་རྩེ་གཅིག་ [76a] [76a.1]དང་རྡོ་རྗེ་ལྕགས་ཀྱུས་དབུས་སུ་མཚན་པ། ཁ་ཁྱེར་ལྕགས་ཀྱུས་ཡོངས་སུ་བསྐོར་བ། ཐབ་དེའི་ཁ་ཁྱེར་དང་ཟབས་ལ་སོགས་པ་ནི་ཞི་བའི་ཐབ་དང་མཉམ་པའོ། །ཐབ་ཁུང་དེ་ལྟར་བྱས་ལ། ཁ་དོག་དམར་པོའི་སས་ཞལ་བ་བྱས་ཏེ། དེའི་སྟེང་དུ་ཁ་དོག་དམར་ [76a.2]པོའི་དྲིས་ལེགས་པར་བྱུགས་ལ། དེར་མེ་ཏོག་དམར་པོའི་སིལ་མས་དགྲམ་པར་བྱའོ། །ཆུ་ཤིང་ལ་སོགས་པའི་ཡལ་གས་ལེགས་པར་ཞལ་བ་བྱས་ནས། དེ་ལ་སྔོན་དུ་བཤད་པའི་སྣོད་དུ་ཁ་དོག་དམར་པོའི་དྲི་མེ་ཏོག་དམར་པོ་དང་བཅས་པའི་ཆུས་ལེགས་པར་བཀང་སྟེ། ཧོའི་ [76a.3]མཐའ་ཅན་གྱི་སྔགས་ཀྱིས་བྱིན་གྱིས་བརླབས་ལ། དགུག་པ་ལ་གཡས་སུ་སྟེ། དབང་དུ་བྱ་བ་ལ་གཡོན་དུ་གཞག་པར་བྱའོ། །པྲི་ཡང་ཀུ་དང་། ཙམ་པ་ཀ་དང་། པུ་ན་ག་དང་། ནཱ་ག་གེ་སར་དང་། ལ་གུ་ཅ་དང་། ཨ་ཤོ་ཀ་ཛ་དང་། ནགས་ཀྱི་དབུས་ན་གནས་པའི་ཤིང་གཅིག་དང་། [76a.4]མེ་ཏོག་དང་། འབྲས་བུ་དམར་པོ་ཡོད་པ་དང་། ནུབ་ཕྱོགས་ཀྱི་ཡན་ལག་ལས་ཡམ་ཤིང་སོར་ལྔ་བའི་ཚད་དུ་བྱས་ནས་དེ་ཡང་གོང་དུ་བསྟན་པའི་ཡོན་ཏན་ཐམས་ཅད་དང་ལྡན་པ་སྐྱོན་གྱིས་མ་གོས་པ། ཡང་ན་རོ་སྐྱུར་བ་ཁ་དོག་དམར་པོ་མེ་ཏོག་དང་འབྲས་བུ་དམར་པོ་སྐྱེ་བའི་ཤིང་ [76a.5]ལོ་ལས་བྱའོ། །དབང་ལ་ནི་གཡས་ཀྱི་ཕྱོགས་སུ་ཟླ་བ་ཕྱེད་པའི་ས་ཕྱོགས་ཀྱི་སྟེང་དུ་གཞག་གོ། །དགུག་པ་ལ་ནི་གཡོན་ཕྱོགས་སུ་ལྕགས་ཀྱུའི་ས་གཞི་ལ་ལྕགས་ཀྱུ་ལྟ་བུ་ཚེར་མའི་ཤིང་གཞག་པར་བྱའོ། །ནིམ་པ་དང་། སྐྱུ་རུའི་ཤིང་དང་། རོ་སྐྱར་བ་དང་། མེ་ཏོག་དམར་ [76a.6]པོ་འབྲས་བུ་དང་བཅས་པའི་ཤིང་ལ་བུད་ཤིང་བྱའོ། །དེ་ཡང་ཐབ་ཀྱི་ཚད་དང་མཉམ་པའོ། །དགུག་པ་ལ་ནི་ཚེར་མ་དང་བཅས་པའི་ཤིང་གིས་སོ། །མེ་ནི་སྨད་འཚོང་མའི་ཁྱིམ་དང་ཚོས་མཁན་མའི་ཁྱིམ་ནས་བླང་བར་བྱའོ། །དགུག་པ་ལ་ནི་མར་མཁན་གྱི་ཁྱིམ་མམ་ཚོང་པའི་མགྲོན་ [76a.7]ལམ་ནས་བླང་བར་བྱའོ། །མེ་ལྷའི་སྐུ་མདོག་དམར་པོ་སྟོད་གཡོགས་དང་། སྨད་དཀྲིས་དང་རྒྱན་དམར་པོ་ཐམས་ཅད་ཀྱིས་བརྒྱན་ཅིང་མེ་ཏོག་དམར་པོའི་ཕྲེང་བ་སེར་རལ་ཁར་ཐོགས་པ་པདྨ་དམར་པོའི་སྟན་ལ་འདུག་པ་སྟེ། མཚན་ཉིད་གཞན་དང་མཚུངས་པ་ཆོ་ག་གོང་དུ་བསྟན་པ་ [76b] [76b.1]བཞིན་ནོ། །དེ་ལ་སྔགས་པ་ནི་གོས་དམར་པོ་གྱོན་པ་མེ་ཏོག་དམར་པོའི་ཕྲེང་བ་དང་རས་དམར་པོས་ཅོད་པན་བྱས་པ། གུར་ཀུམ་དང་ཙནྡན་ལ་སོགས་པའི་དྲི་དམར་པོས་ལུས་ལ་བྱུགས་ལ། ཁྲོ་བ་དང་ང་རྒྱལ་གྱི་སེམས་སྤང་ཞིང་སྐུ་མདོག་དམར་པོ་དབང་གི་སྦྱོར་བ་དང་ལྡན་པ་སྨད་འཚོང་ [76b.2]མའི་རང་བྱུང་གིས་བདག་ཉིད་ཀྱི་ཐུགས་ཀར་ཆོས་འབྱུང་གི་གཟུགས་བྱས་ནས་ནུབ་ཕྱོགས་སུ་མངོན་པར་ཕྱོགས་ཏེ་རྡོ་རྗེ་སྐྱིལ་ཀྲུང་གིས་འདུག་པར་བྱའོ། །དགུག་པ་ལ་ནི་ཅུང་ཟད་གྱེན་དུ་བལྟ་བར་བྱའོ།།དེ་ལ་དབང་དུ་བྱ་བའི་སྔགས་ནི། ཨོཾ་ཨཱ་སྭཱ་ཧཱ་ཧོཿ་ཨ་མུ་ཀཾ་བ་ཤཾ་ཀུ་རུ་ཧོཿ་དགུག་པ་ [76b.3]ལ་ནི། ཨོཾ་ཧཱུཾ་སྭཱ་ཧཱ། ཛཿ་ཨ་མུ་ཀཾ་ཨཱ་ཀཪྵ་ཡ་ཛཿ་སྔགས་འདི་དག་ཡོངས་སུ་བརྗོད་ཅིང་ནམ་གྱི་ཕྱེད་ན་དབང་དུ་བྱ་བ་འམ་དགུག་པའི་སྦྱིན་སྲེག་བྱའོ། །སྦྱིན་སྲེག་གིས་ཚིམ་ཞིང་དགྱེས་པའི་ལྷ་རྣམས་ཀྱི་ཐུགས་ཀ་ནས་ལྷའི་ཚོགས་ཁ་དོག་ལས་དང་མཐུན་པ་དཔག་ཏུ་མེད་པ་སྤྲོས་ནས། མེ་ [76b.4]ཏོག་དམར་པོའི་ཕྲེང་བའི་གཞུ་དང་། ཨུཏྤལ་དམར་པོའི་ཡལ་གའི་མདའ་ཐོགས་ནས་སྣ་གཡས་པའི་ཚད་དུ་ཤིན་ཏུ་བཀང་ནས་གང་ཞིག་དབང་དུ་བྱེད་པའི་སྙིང་གར་བརྒྱབ་སྟེ་བཀུག་ནས་དབང་དུ་བྱའོ། །དགུག་པ་ནི་ཨུཏྤལ་དམར་པོའི་ཡལ་གའི་ཞགས་པས་གང་ཞིག་དགུག་པར་ [76b.5]འདོད་པའི་སྐེ་ནས་བཅིངས་ཏེ། མེ་ཏོག་དམར་པོའི་ལྕགས་ཀྱུས་སྙིང་ག་ནས་བཟུང་ནས་མྱུར་དུ་བཀུག་ལ་སྒྲུབ་པ་པོའི་རྐང་པའི་འོག་ཏུ་གཞུག་པར་བྱའོ། །སྤྲོས་པའི་ལྷ་རྣམས་ཚུར་བསྡུས་ཏེ། བདག་ཉིད་ཀྱི་ཐུགས་ཀར་ཐིམ་པར་སྒོམ་མོ། །དབང་དུ་བྱ་བ་དང་དགུག་པའི་སྦྱིན་ [76b.6]སྲེག་གི་བྱ་བའི་རིམ་པའོ།། །།ཇི་ལྟར་སྔོན་དུ་གསུངས་པའི་ལས་ཡོངས་སུ་རྫོགས་པར་བྱ་བའི་ཕྱིར་ལས་ཐམས་ཅད་པའི་སྦྱིན་སྲེག་ཏུ་གྲགས་པ་བཞིན་དུ་ལས་སོ་སོའི་སྦྱིན་སྲེག་བྱའོ། །ཅིའི་ཕྱིར་ཞེ་ན། ལྷ་མཉེས་པར་བྱ་བ་དང་ཚེ་སྲིད་བའི་ཕྱིར་མར་དུ་བསྙུགས་ [76b.7]པའི་དཱུར་བ་སྦྱིན་པར་བྱའོ། །གཞན་ཡང་བསྲུང་བའི་དོན་དུ་ཀུ་ཤ་མར་དུ་སྦགས་ལ་ལྷག་པའི་ལྷ་ལ་མཆོད་པར་བྱའོ། །དེ་ཡང་སྔགས་ཀྱི་མཐར་ནི་ཇི་ལྟར་བསྐུལ་བའི་ཡི་གེ་དང་རྫས་དང་དམིགས་པ་དང་སྔགས་དང་བསྐྱེད་པའི་ས་བོན་གྱི་ཁྱད་པར་ཇི་ལྟ་བ་བཞིན་དུ་བསྟན་ [77a] [77a.1]པའི་རིམ་པ་ཤེས་པས་སྦྱིན་སྲེག་བྱའོ། །ཇི་ལྟར་ཁྱད་པར་གྱི་ཉིན་དང་དུས་དང་གནས་སྐབས་ཀྱི་ཞི་བ་ལ་སོགས་པ་སྔོན་དུ་འགྲོ་བའི་བསམ་པས་ལས་བཞིའི་སྦྱིན་སྲེག་བརྩམ་པར་བྱའོ། །གཞན་ཡང་འདི་ལྟར་འབྱུང་སྟེ། དགའ་བས་རྒྱས་པའི་སྦྱིན་སྲེག་བྱའོ། ། [77a.2]ཐམས་ཅད་རྫོགས་ནས་ཞི་བར་བྱ། །གདུག་པ་གསོད་ཕྱིར་གསད་པར་བྱ། །དབང་སོགས་དོན་གྱི་གསོལ་གདབ་བྱ། །ཇི་ལྟར་ཕྱི་རོལ་གྱི་སྦྱིན་སྲེག་བྱེད་པའི་སྔགས་པས་གདན་དང་རྫས་ཐམས་ཅད་རྣམ་པར་དག་པའི་ཕྱིར། ལྷའི་རྣལ་འབྱོར་དང་ལྡན་པས་བྱམས་པ་ནས་ [77a.3]གཟུང་སྟེ། སྟོང་པ་ཉིད་ཀྱི་བར་དུ་དམིགས་པར་བྱའོ། །དེ་ལ་དོན་དམ་པའི་བདེན་པ་དང་ཀུན་རྫོབ་ཀྱི་བདེན་པ་རྣམ་པར་གཞག་པས། རྫས་དང་ལྷའི་རྣམ་པས་བདེན་པ་གཉིས་ཀྱི་བདག་ཉིད་དུ་ཤེས་པར་བྱའོ། །དེ་ལ་ཉན་ཐོས་དང་རང་སངས་རྒྱས་ལ་སོགས་པ་ཐེག་པ་ཆེན་པོའི་ [77a.4]ལམ་ཡོངས་སུ་རྫོགས་པར་བྱ་བའི་བསམ་པ་སྔོན་དུ་འགྲོ་བས་དམན་པ་དང་འབྲིང་དང་མཆོག་ཏུ་གྱུར་པའི་གང་ཟག་གིས་ཤིན་ཏུ་ཐར་པའི་འབྲས་བུ་ཐོབ་པར་བྱ་བའི་ཕྱིར། འབྲས་བུའི་ལམ་འདི་ལ་བཙུད་ནས་ཡང་དག་པར་རྫོགས་པའི་བྱང་ཆུབ་ལ་བཙུད་དོ། །དེ་ལ་འདི་ལྟར་ [77a.5]འབྱུང་སྟེ། མཚན་ཉིད་གསུམ་ལྡན་སྦྱིན་སྲེག་སྟེ། གནས་སྐབས་རྣམ་པ་གསུམ་དང་ལྡན། །ལས་ཀྱི་བྱ་བ་གསུམ་ལྡན་ན། །དེ་བཞིན་གཤེགས་པ་སྦྱིན་སྲེག་ཡིན། །མཚན་ཉིད་མི་ལྡན་རྩོམ་བྱེད་དང་། །གནས་སྐབས་མི་ཤེས་སྦྱིན་སྲེག་བྱེད། །སྔགས་དང་ཡེ་ཤེས་ [77a.6]སྤངས་པའི་ཕྱིར། །རྨོངས་ཆེན་དེ་ལ་འབྲས་བུ་མེད། །ཇི་ལྟར་གོང་དུ་བསྟན་པའི་མཚན་ཉིད་ཐམས་ཅད་དང་ལྡན་པས་ལས་རྩོམ་པར་བྱེད་ན་དེའི་དངོས་གྲུབ་ཐམས་ཅད་མྱུར་བར་འགྱུར་རོ། །གཞན་ཡང་དངོས་གྲུབ་ཤིན་ཏུ་མྱུར་བར་བྱ་བའི་ཕྱིར། འདི་ལྟར་སོ་སོའི་སྦྱིན་སྲེག་མ་ [77a.7]རྫོགས་ཀྱི་བར་དུ་རྩེ་གཅིག་ཏུ་བསམ་པར་བྱའོ། །ཐབ་ཁུང་དང་ཀུ་ཤ་དང་མེ་ཏོག་དང་ཡོན་ཆབ་ལ་སོགས་པ་དང་། དགང་གཟར་དང་བླུགས་གཟར་དང་། ཤིང་དང་མེ་ལྷ་དང་དཀྱིལ་འཁོར་གྱི་ལྷ་དང་མཆོད་པ་ལ་སོགས་པ་དང་། བདག་ཉིད་དང་ཇི་ལྟར་འབྱུང་བ་ཐམས་ [77b] [77b.1]ཅད་སྣ་ཚོགས་པའི་གཟུགས་ཀྱིས་ཉོན་མོངས་པ་དང་ཤེས་བྱའི་སྒྲིབ་པ་དག་པར་བྱ་བའི་ཕྱིར།སོ་སོར་རྟོག་པའི་ཡེ་ཤེས་བསྐྱེད་ནས། ཆོས་ཀྱི་དབྱིངས་རྟོགས་པར་བྱ་བའི་ཕྱིར། སེམས་ཀྱིས་རྩེ་གཅིག་ཏུ་བྱའོ། །དེ་ནས་གཞན་ཡང་བཤད་བྱ་བ། །སྲེག་རྫས་སོ་སོའི་འབྲས་བུ་ [77b.2]བསྟན། །ཇི་ལྟར་བདག་གིས་མ་བསྟན་པ། །བླ་མའི་ལུང་ལས་ཤེས་པར་བྱ། །ཞིང་ཁམས་དག་པར་འཇུག་པའི་ཕྱིར། །ས་གཞི་ཡོངས་སུ་གཟུང་བ་ཡིན། ཐབ་ཀྱིས་གཞལ་ཡས་ཁང་ཐོབ་འགྱུར། །མར་གྱིས་འབྲས་བུ་སྨིན་པར་བྱེད། །ཡམ་ཤིང་གིས་ནི་གཟི་བརྗིད་བསྐྱེད། ། [77b.3]བུད་ཤིང་དཔའ་བོ་ཆེན་པོ་སྟེ། །ཀུ་ཤས་ཐམས་ཅད་སྲུང་བར་བྱེད། །ཡུངས་ཀར་དཀར་པོས་ཞི་བར་བྱེད། །མ་གྲུགས་འབྲས་ཀྱིས་རྒྱས་པར་འགྱུར། །ཏིལ་གྱིས་སྡིག་པ་ཐམས་ཅད་སྲེག །སོ་བས་དམིགས་པའི་དངོས་གྲུབ་སྟེར། །མ་ཤས་སྟོབས་ཆེན་སྐྱེད་པར་བྱེད། ། [77b.4]ནས་ཀྱིས་རྐང་མགྱོགས་དངོས་གྲུབ་འགྱུར། །དཱུར་བས་ཚེ་ནི་སྲིང་བར་བྱེད། །གྲོ་ཡིས་ནད་རྣམས་ཞི་བར་འགྱུར། །སྤྲང་བཅས་འོ་མས་ཤེས་རབ་འཕེལ། །ཞོ་ཟན་གྱིས་ནི་ཀུན་སྟེར་འགྱུར། །མེ་ཡིས་དངོས་གྲུབ་བརྒྱད་པོ་དང་། །ཇི་ལྟར་འདོད་པའི་དངོས་གྲུབ་སྟེར། །ཡི་དམ་ [77b.5]གྱི་ནི་དཀྱིལ་འཁོར་གྱིས། །མཆོག་གི་དངོས་གྲུབ་འགྲུབ་པར་འགྱུར། །ལྷག་མས་ལས་ཀྱི་བྱེ་བྲག་ཤེས། །ཞི་བ་ལ་སོགས་དངོས་གྲུབ་ཡིན། །དགང་གཟར་ཤེས་རབ་རང་བཞིན་ཏེ། །བླུགས་གཟར་ཐབས་སུ་ཡང་དག་བཤད། །ཁ་སྦྱོར་གཉིས་མེད་ཡེ་ཤེས་ཡིན། །དེ་ [77b.6]ལས་གཉིས་མེད་བཅུད་འཛག་པ། །ཡེ་ཤེས་ཆེན་པོའི་བདུད་རྩིར་འདོད། །སྦྱོར་བ་དེ་ཡིས་མེ་ལྷ་མཆོད། །བདག་ཀྱང་དེ་ཡི་སྦྱོར་བས་བཤད། །དེ་ལྟར་སྦྱིན་སྲེག་རྩོམ་བྱེད་ན། །དེ་ཡིས་དངོས་གྲུབ་མཆོག་ཏུ་གྱུར། །སྦྱིན་སྲེག་གི་ཆོ་གའི་རིམ་པའོ།། །།དེ་ལྟར་ [77b.7]སྦྱིན་སྲེག་གི་མཆོད་པ་རྫོགས་པ་དང་སློབ་མ་དཀྱིལ་འཁོར་དུ་འཇུག་པ་བརྩམ་པར་བྱའོ། །དེ་ལ་སྔགས་པས་ལྷའི་འཁོར་ལོ་མངོན་སུམ་དུ་བལྟས་ལ། སྔོན་གྱི་རིམ་པ་བཞིན་དུ་མཆོད་པས་ཡང་དག་པར་མཆོད་དེ་བསྟོད་ནས་བདུད་རྩི་མྱང་བ་ལ་སོགས་པ་བྱའོ། །དེ་ནས་སློབ་ [78a] [78a.1]མ་དབང་བསྐུར་བ་ལ་སོགས་པ་ཡོངས་སུ་གཟུང་བར་བྱ་བའི་དོན་དུ། །སློབ་དཔོན་བདག་ཉིད་སློབ་མ་དཀྱིལ་འཁོར་དུ་གཞུག་པའི་རིམ་པས་དཀྱིལ་འཁོར་དུ་ཞུགས་ཤིང་རིམ་པ་ཇི་ལྟ་བ་བཞིན་དུ་ཡོངས་སུ་བླངས་ཏེ། སློབ་དཔོན་གྱིས་ལས་ཀྱི་གནང་བ་ཐོབ་པར་བྱས་ལ། [78a.2]སློབ་མ་དཀྱིལ་འཁོར་དུ་སྨིན་པར་བྱ་བའི་ཕྱིར་ཟག་པ་མེད་པའི་བདེ་བ་ཆེན་པོའི་བདག་ཉིད་རྡོ་རྗེ་འཆང་གི་ངོ་བོ་ཆོས་ཐམས་ཅད་ཀྱི་དེ་ཁོ་ན་ཉིད་གཉིས་སུ་མེད་པ་ཡེ་ཤེས་ཀྱི་ལུས་དཀྱིལ་འཁོར་གྱི་འཁོར་ལོའི་བདག་ཉིད་ཇི་ལྟ་བ་བཞིན་དུ་དྲན་པར་བྱས་ལ། དེ་ནས་ཚིག་འདིས་གསོལ་བ་གདབ་ [78a.3]པར་བྱའོ། །ནམ་མཁའ་ལས་བྱུང་མཚན་ལྡན་ཕྱིར། །ཐོག་མ་ཐ་མ་མེད་པའི་མཆོག །སེམས་དཔའ་རྡོ་རྗེ་ཆེ་རང་བཞིན། །དགྱེས་པའི་རྡོ་རྗེ་བདག་གྲུབ་མཛོད། །ཀུན་མཆོག་དངོས་གྲུབ་ཆེན་པོ་སྟེ། །དབང་ཕྱུག་ཆེན་པོ་ལྷག་པའི་ལྷ། །རྡོ་རྗེ་འཛིན་པ་ཀུན་གྱི་རྒྱལ། །མི་འགྱུར་ [78a.4]མཆོག་ཏུ་བདག་གྲུབ་མཛོད། །ཉེས་པ་མི་མངའ་རྟག་པའང་ཁྱོད། །འདོད་ཆགས་ཀུན་གྱི་རྗེས་ཆགས་པ། །འདོད་ཆགས་ཆེན་པོ་དགའ་ཆེན་པོ། །བཅོམ་ལྡན་དེ་ཉིད་ཀྱིས་གྲུབ་མཛོད། །ཤིན་ཏུ་དགའ་བ་ཀུན་གྱི་མཆོག །གདོད་ནས་འགྲོ་བ་དེ་བཞིན་གཤེགས། །ཀུན་དུ་བཟང་ [78a.5]པོ་ཀུན་བདག་ཉིད། །བྱང་ཆུབ་སེམས་དབར་བདག་གྲུབ་མཛོད། །དངོས་གྲུབ་ཆེན་པོ་ཀུན་གྱི་རྒྱལ། །དབང་ཕྱུག་ཆེན་པོའི་རྒྱལ་མཆོག་གིས། །གྲུབ་པའི་རྡོ་རྗེ་ཆེར་བསྟོད་པ། །རྡོ་རྗེ་སྙེམས་བདག་བདག་མཛོད་ཅིག །སེམས་ཅན་ཀུན་གྱི་ཡིད་ཁྱབ་ཅིང་། །སེམས་ཅན་ཀུན་གྱི་ [78a.6]སྙིང་ལ་བཞུགས། །སེམས་ཅན་ཀུན་གྱི་ཡབ་གྱུར་ཉིད། །འདོད་ཆགས་དམ་ཚིག་མཆོག་གྱུར་པའི། །བདེན་པ་གང་གིས་ཡེ་ཤེས་མཆོག །ཤེས་རབ་ཐབས་དག་དཀྱིལ་འཁོར་ཡིན། །བདེན་པ་དེ་ཡིས་མགོན་བདག་ལ། །ཁྱོད་ཀྱིས་འདོད་པ་རབ་རྫོགས་མཛོད། །ཆོས་རྣམས་ [78a.7]གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་འབྱུང་། །དེ་བཞིན་ཉིད་ལས་ངེས་པར་སྐྱེས། །བདེན་པ་འདི་ཡིས་དཀྱིལ་འཁོར་དུ། །གཟུགས་བརྙན་གསལ་བར་སློབ་མ་ནི། །ཀུན་གྱིས་དྲི་མ་ [78b] [78b.1]མེད་མཐོང་ཤོག །དེ་ནས་སློབ་དཔོན་ཡོལ་བའི་ཕྱི་རོལ་དུ་བྱུང་སྟེ། སློབ་མ་མཆོག་གིས་མཎྜལ་སྔོན་དུ་འགྲོ་བས་ཡོན་གྱི་མཆོག་ཕུལ་ལ། ཞབས་ལ་སྤྱི་བོས་ཕྱག་འཚལ་ཏེ། །སློབ་དཔོན་གྱི་དབང་ཐོབ་པར་འདོད་པས་གསོལ་བ་གདབ་པར་བྱའོ། །ཕྱིར་མི་ལྡོག་པ་འཁོར་ལོའི་ [78b.2]དབང་། །དེ་བཞིན་ལྡན་པ་བདག་ལ་སྩོལ། །ལྷ་རྣམས་དག་པའི་འཁོར་ལོ་ནི། །ལས་ཀྱི་སློབ་དཔོན་བདག་ལ་སྩོལ། །སངས་རྒྱས་ཐམས་ཅད་དམ་ཚིག་ནི། །གསང་བའི་སྡོམ་པ་ཡང་དག་པ། །སེམས་ཅན་ཀུན་གྱི་དོན་གྱི་ཕྱིར། །བདག་ཉིད་རྟག་ཏུ་སློབ་དཔོན་བགྱིད། །ཅེས་ [78b.3]ལན་གསུམ་གསོལ་བ་གདབ་པར་བྱའོ། །དེ་ནས་གསོལ་བ་བཏབ་པའི་སློབ་དཔོན་གྱིས་དཀྱིལ་འཁོར་ལྷ་ལ་གསོལ་བ་གདབ་སྟེ། སེམས་ཀྱིས་རྗེས་སུ་གནང་བ་ཐོབ་པར་བྱའོ། །བདག་མིང་འདི་ཞེས་བྱ་བ་ཡིས། །བྱང་ཆུབ་སེམས་མཆོག་གཟུང་བྱ་སྟེ། །གསང་བའི་སྡོམ་པ་རབ་ [78b.4]ལྡན་ནས། །དཀྱིལ་འཁོར་ཆེན་པོར་ཞུགས་པར་འཚལ། །ཞེས་སློབ་དཔོན་གྱིས་བརྗོད་ནས། ཀྱེ་བདག་ཉིད་ཆེན་པོ་ཁྱེད་རྣམས་ཀྱིས། །རྣམ་དག་གསང་བ་ཆེན་པོའི་རིགས། །མཆོག་ཏུ་གྱུར་པའི་ཕོ་བྲང་དུ། །དེ་རིང་ཁྱོད་ནི་འཇུག་འདོད་དམ། །ཞེས་གསུངས་པ་དང་། སློབ་མས་ [78b.5]ཀྱང་བཀའ་དྲིན་ཆེན་པོ་འཚལ་ལོ་ཞེས་གསོལ་ཏོ། །དེ་ནས་སློབ་དཔོན་གྱིས་སློབ་མ་ལ་ཁྲུས་བྱས་ཏེ། དྲི་ཞིམ་པོས་ཡན་ལག་བྱུགས་ལ། སོ་རྩི་ལ་སོགས་པས་ཞལ་དྲི་ཞིམ་པོས་བསྒོས་ནས། །མེ་ཏོག་དང་རས་དམར་པོས་ཅོད་པན་བྱས་ལ། རས་དམར་པོ་བྱིན་གྱིས་བརླབས་ལ་ [78b.6]གདོང་གཡོགས་བྱ་སྟེ། ཡོན་གྱི་མཆོག་དང་ལྡན་པ། ཨ་ཁཾ་བཱི་ར་ཧཱུཾ་གི་སྔགས་ཀྱིས་བྱིན་གྱིས་བརླབས་པའི་མེ་ཏོག་གི་ཕྲེང་བ་འཛིན་དུ་བཅུག་ལ། ལས་ཐམས་ཅད་པའི་བུམ་པའི་ཆུ་སྔགས་དེ་ཉིད་ཀྱིས་བསང་གཏོར་བྱས་ནས་རང་གི་ལྷག་པའི་ལྷར་བལྟས་ལ། སྐུ་དང་སྤྱན་ལ་ [78b.7]སོགས་པ་བྱིན་གྱིས་བརླབས་ཏེ། དཀྱིལ་འཁོར་དུ་གཞུག་བའི་དོན་དུ་ཡོལ་བའི་ཕྱི་རོལ་དུ་དྲི་བར་བྱའོ། །བདེ་བ་འདོད་པ་གང་ཡིན་ཞེས་དྲི། དེས་འདི་ལྟར་གསུངས་ཏེ། དགའ་བ་ཆེན་པོ་ཁྱོད་ལ་བདག་བསྟོད་པས། །མགོན་པོ་ཆེན་པོ་བདག་འཚལ་ལོ། །ཞེས་གསོལ་ནས། [79a] [79a.1]མེ་ཏོག་ལ་སོགས་པས་བླ་མའི་ཞབས་ལ་མཆོད་ནས། ཧཱུཾ་གིས་དྲངས་ནས་བསྐོར་བ་གསུམ་དང་ལྡན་པས་དཀྱིལ་འཁོར་གྱི་ཤར་སྒོར་བཞག་ནས་སྙིང་གར་རྡོ་རྗེ་གཞག་སྟེ། ཨོཾ་བཛྲ་ཙི་ཏྟ་ཨུཏྤཱ་ད་ཡཱ་མི་ཞེས་པས། རྣལ་འབྱོར་སེམས་ནི་རབ་ཏུ་བསྐྱེད། ། [79a.2]ཨོཾ་སུ་ར་ཏ་ས་མ་ཡ་སྟཾ་ཧོཿ་སིདྡྷ་བཛྲ་ཡ་ཐཱ་སུ་ཁཾ། ཞེས་པས་མེ་ཏོག་དང་བཅས་པའི་རྡོ་རྗེ་སྙིང་གར་བཞག་ལ། དེ་ནས་འདི་ལྟར་བརྗོད་དེ། དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས། དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་འདི་ཁྱོད་ཀྱིས་ [79a.3]དཀྱིལ་འཁོར་མ་མཐོང་བ་རྣམས་ལ་སྨྲ་བར་མ་བྱེད་ཅིག །དད་པ་དང་མི་ལྡན་པ་རྣམས་ལ་ཡང་མ་ཡིན་ནོ་ཞེས་བརྗོད་པར་བྱའོ། །དེ་ནས་ལས་ཐམས་ཅད་པའི་སྔགས་སམ། ཊཀྐིའི་སྔགས་ཀྱིས་སློབ་མ་བཀུག་སྟེ། ཨ་ཁཾ་བཱི་རའི་སྔགས་ཀྱིས་ཡོལ་བའི་ནང་དུ་བཅུག་ནས། [79a.4]སློབ་མས་སློབ་དཔོན་དང་དཀྱིལ་འཁོར་ལ་ཕྱག་འཚལ་ཏེ། འདི་སྐད་བརྗོད་པར་བྱའོ། །ཨོཾ་དེ་བཞིན་གཤེགས་པ་ཐམས་ཅད་ཀྱི་ཉེ་གནས་སུ་བདག་གི་ལུས་དབུལ་བར་བགྱི་ན། གཞན་དག་ལྟ་སྨོས་ཀྱང་ཅི་འཚལ། ཨོཾ་རྡོ་རྗེ་སློབ་དཔོན་གྱི་ཉེ་གནས་སུ་བདག་གི་ལུས་དབུལ་བར་ [79a.5]བགྱི་ན། གཞན་དག་ལྟ་སྨོས་ཀྱང་ཅི་འཚལ། ཨོཾ་སེམས་ཅན་ཐམས་ཅད་བསྐྱབ་པའི་དོན་དུ་བདག་གི་ལུས་དབུལ་བར་བགྱི་ན། གཞན་དག་ལྟ་སྨོས་ཀྱང་ཅི་འཚལ།དེ་ལྟར་སློབ་མས་གསོལ་བ་དང་། དེ་ནས་སློབ་དཔོན་གྱིས་དམ་ཚིག་གསུམ་བསྒྲག་པར་བྱའོ། །དེང་ཁྱོད་ [79a.6]དེ་བཞིན་གཤེགས་པ་ཐམས་ཅད་ཀྱི་རིགས་སུ་གྱུར་པས། དེང་ངས་ཁྱོད་ལ་རྡོ་རྗེ་ལྟ་བུའི་ཡེ་ཤེས་བསྐྱེད་པར་བྱ་ཡིས་གཞན་ནི་མ་ཡིན་ནོ། །ཡེ་ཤེས་གང་གིས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཐོབ་པར་འགྱུར་ན། དངོས་གྲུབ་གཞན་ལྟ་སྨོས་ཀྱང་ཅི་འཚལ་གྱིས་ན། [79a.7]དེ་ལྟ་བུའི་ཡེ་ཤེས་བསྐྱེད་པར་བྱ་ཡིས། ཁྱོད་ཀྱིས་དཀྱིལ་འཁོར་མ་མཐོང་བ་རྣམས་ལ་སྨྲ་བར་མ་བྱེད་ཅིག །དམ་ཚིག་ཉམས་པར་འགྱུར་ཏ་རེ་ཧཱུཾ། དེ་ནས་སློབ་མའི་སྤྱི་བོར་རྡོ་རྗེ་བཞག་ལ།འདི་ནི་དམ་ཚིག་རྡོ་རྗེ་སྟེ། །ཁྱོད་ཀྱི་སྤྱི་བོར་རབ་བཞག་པས། །གལ་ཏེ་ [79b] [79b.1]ཚུལ་འདི་སྨྲ་ན་ནི། །མགོ་བོ་ཚལ་པ་བརྒྱ་རུ་འགས། །རྣམ་པར་འཇིག་འགྱུར་ཐེ་ཚོམ་མེད། །དེ་ནས་སྙིང་གར་རྡོ་རྗེ་བཞག་ལ། ཨོཾ་རྡོ་རྗེ་སེམས་དཔའ་དེང་ཁྱོད་ཀྱི། །སྙིང་ལ་ཡང་དག་གཞུག་པར་གྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ནས་གཤེགས །།དེ་ [79b.2]ལྟར་དམ་ཚིག་བསྒྲགས་ནས་ནི། །བདུད་རྩི་ལྔ་དང་ལྡན་པའི་ཆུ། །ཡི་གེ་གསུམ་གྱིས་བྱིན་བརླབས་ནས། །པདྨོའི་སྣོད་དང་ལྡན་པ་ལ། །ཨོཾ་བཛྲོ་ད་ཀ་ཋཿ་ཋཿ་ཋཿ་ཞེས་ལན་བདུན་གྱིས་བྱིན་གྱིས་བརླབས་ལ། འཐུང་ཤིག་ཁྱོད་ཀྱིས་དམྱལ་བའི་ཆུ། །དམ་ཚིག་འདས་ན་སྲེག་པར་ [79b.3]བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་བཛྲོ་ད་ཀ་ཋཿ་ཋཿ་ཋཿ་ཞེས་བརྗོད་དོ། །སློབ་དཔོན་དམ་ཚིག་བསྟན་པར་བྱ། །དམ་བཅས་བརྟན་ཕྱིར་འདི་སྐད་བརྗོད། །དེང་ཕྱིན་ཆད་ཁྱོད་ཀྱི་ཕྱག་ན་རྡོ་རྗེ་ང་ཡིན་གྱིས། ངས་བྱོས་ཤིག་ཅེས་བྱ་བ་ [79b.4]གང་ཡིན་པ་ཡང་བྱ་དགོས་སོ། །ཁྱོད་ཀྱིས་ང་ལ་བརྙས་པར་མ་བྱེད་ཅིག །མི་བདེ་བ་མ་སྤངས་པར་ཁྱོད་མི་འདྲ་བའི་ནད་ཀྱིས་དུས་བྱས་ནས་དམྱལ་བར་ལྷུང་བར་འགྱུར་ཏ་རེ་ཞེས་སྨྲས་ལ། དེ་ནས་སློབ་མས་སློབ་དཔོན་ལ་ཡོན་གྱི་མཆོག་ཕུལ་ཏེ་གསོལ་པ། དེ་བཞིན་གཤེགས་ [79b.5]པ་ཐམས་ཅད་ཀྱིས་བདག་ལ་བྱིན་གྱིས་རློབས་ཤིག །དཔལ་རྡོ་རྗེ་སེམས་དཔའ་བདག་ལ་དབབ་པར་མཛོད་ཅིག་ཅེས་བརྗོད་ནས། དེའི་སྙིང་གར་ལཾ་ལས་བྱུང་བའི་སའི་དཀྱིལ་འཁོར་གྲུ་བཞི་པ། ཁ་དོག་སེར་པོ་གྲུ་བཞི་རྡོ་རྗེ་རྩེ་གསུམ་པས་མཚན་པ། དབུས་སུ་ཧཱུཾ་གིས་བྱིན་གྱིས་ [79b.6]བརླབས་ཏེ་བསྒོམ་མོ། །མགྲིན་པར་ཆུའི་དཀྱིལ་འཁོར་བཾ་ལས་བསྐྱེད་པ། དཀར་པོ་ཟླུམ་པོ་བུམ་པས་མཚན་པ་ཨཿ་བྱིན་གྱིས་བརླབ་པ་བསྒོམ་མོ། །དེ་ནས་སྤྱི་བོར་རླུང་གི་དཀྱིལ་འཁོར་ཡཾ་ལས་བསྐྱེད་པ་ཁ་དོག་སྔོན་པོ་གཞུའི་དབྱིབས་འདྲ་བ་བ་དན་གྱིས་མཚན་པ། དབུས་སུ་ཧས་ [79b.7]བྱིན་གྱིས་བརླབས་པ་བསམ་པར་བྱའོ། །རྐང་པའི་འོག་ཏུ་ཛྷཻཿ་ཡི་གེ་འབར་བའི་བདག་ཉིད་ཅན་དེའི་སྟེང་དུ་རླུང་གི་དཀྱིལ་འཁོར་རོ། །དེའི་སྟེང་དུ་རཾ་དམར་པོ་ལས་བྱུང་བའི་མེའི་དཀྱིལ་འཁོར་ཟུར་གསུམ་པ་འབར་བའི་བདག་ཉིད་ཅན་བསམས་ཏེ། དེའི་འོད་ཟེར་རབ་ཏུ་འབར་བའི་སྦྱོར་བ་ [80a] [80a.1]དང་ལྡན་པ་དང་། དྲིལ་བུའི་སྒྲ་སྒྲོག་ཅིང་དབབ་པར་བྱའོ། །ཨོཾ་ཨཱ་བེ་ཤ་ཡ། སྟམྦྷ་ཡར་ར་ཙ་ལ་ཡ་ཙ་ལ་ཡ་ཧཱུཾ་ཧ་ཨ་ཛྷཻཿ། སྔགས་འདིས་བསྐུལ་ནས་ཇི་སྙེད་མ་ཕེབས་ཀྱི་བར་དུ་དབབ་པར་བྱའོ། །ཡང་ན་སློབ་མའི་རྐང་པའི་འོག་ཏུ་གནས་པའི་རླུང་གི་དཀྱིལ་འཁོར་ [80a.2]གྱིས་ཐུགས་ཀར་བསྐུལ་ཏེ་དབབ་པར་བྱ་བའམ། ཁྱད་པར་གྱི་ཡི་གེ་ལ་དམིགས་ཏེ་དབབ་པར་གསུངས་སོ། །དེ་ཉིད་ཀྱི་དུས་སུ་ཤིན་ཏུ་ལྷའི་ང་རྒྱལ་གྱི་སྟོབས་ཀྱིས་དྲིལ་བུ་ལ་སོགས་པའི་སྒྲ་དང་ལྡན་པས་གར་གྱི་རོལ་མོ་བྱས་ལ། ཨོཾ་ལོ་ལེ་ལོ་ལེ་ཧཱུཾ་ཨཱ། ཞེས་བརྗོད་ཅིང་ [80a.3]ཇི་སྲིད་མ་ཕེབས་ཀྱི་བར་དུ་དབབ་པར་བྱའོ། །ཕེབས་པར་བལྟ་བ་ན་འདོད་ཆགས་རྡོ་རྗེ་གཟུགས་སུ་བསམས་ལ། དེའི་ལྕེ་ལ་ཨ་དམར་པོ་བསྒོམ་པར་བྱའོ། །འདོད་ཆགས་རྡོ་རྗེ་རེ་གནས་པ། །སྨྲོས་ཤིག་རྡོ་རྗེ་དགེ་མི་དགེ །དེའི་རྗེས་སུ་ཉམས་སུ་མྱོང་བ་དྲིས་ལ། ཡེ་ཤེས་ [80a.4]དབབ་པ་དེ་བརྟན་པའི་ཆོ་ག་བྱའོ། །ཨོཾ་བཛྲ་ཏི་ཥྚ་བཛྲ་ས་མ་ཡ་པྲ་ཏི་པཱ་ལི་ཏེ་ཧཱུཾ་ཧཱུཾ་ཧོ་ཧོ་སྔགས་འདིས་ཡེ་ཤེས་བརྟན་པར་གྱུར་ནས་སེམས་དཔའ་བྱིན་གྱི་བརླབས་པར་བྱའོ། །དཀྱིལ་འཁོར་དུ་ཞུགས་པ་ནི། དེ་རིང་བདེན་པའི་བྱིན་རླབས་ཀྱིས། །ང་ཡིས་སློབ་མ་བཀུག་བྱས་ཏེ། །ཇི་ [80a.5]ལྟར་བསོད་ནམས་དེ་བཞིན་ལྷ། །རིགས་ཀྱི་རིམ་པ་འདི་ལའོ། །རིགས་གང་ནང་ན་འདི་བཟང་པོ། །དེ་འདྲའི་དཀྱིལ་འཁོར་འདི་ལ་ཕོག །དེ་ནས་སློབ་མའི་མིག་ལམ་དུ་ཁ་དོག་གི་རྣམ་པ་དྲི་བར་བྱ་སྟེ། དཀར་པོ་དང་། སེར་པོ་དང་། དམར་པོ་དང་། ནག་པོའི་འོད་ཟེར་གྱི་རྣམ་པ་ཇི་ [80a.6]ལྟར་ཡིད་ལས་བྱུང་བ་བཞིན་དུ་ཞི་བ་དང་། རྒྱས་པ་དང་། དབང་དང་། དྲག་པོའི་ལས་བསྟན་པར་བྱའོ། །དེ་ནས་སྔོན་དུ་གཟུང་བ་མེ་ཏོག་གི་ཕྲེང་བ་ཧཱུཾ་གི་སྟོབས་དང་། པྲ་ཏཱི་ཙྪ་བཛྲ་ཧོཿ་ཞེས་བརྗོད་ལ་དོར་བར་བྱ་སྟེ། མེ་ཏོག་བབས་པའི་ཚུལ་གྱིས་ནི། །དངོས་གྲུབ་རབ་འབྲིང་བརྟག་པར་ [80a.7]བྱའོ། །གང་ཞིག་ལྷ་ཡི་ཁྱད་པར་གྱིས། །བབས་པས་དངོས་གྲུབ་ཁྱད་པར་བརྟག །བབས་པས་སངས་རྒྱས་དབུ་གཙུག་ཏོར། །ཕྱག་རྒྱ་ཆེན་པོའི་དངོས་གྲུབ་ནི། །འགྲུབ་འགྱུར་འདི་ལ་ཐེ་ཚོམ་མེད། །སྤྱན་ནམ་ཞལ་གྱི་ཐད་ཀར་བབ། །གསང་སྔགས་བཟླས་པའི་དངོས་གྲུབ་ [80b] [80b.1]འགྲུབ། །སྐུ་ཡི་སྟོད་དུ་བབས་པ་ནི། །དེ་ཡི་དངོས་གྲུབ་མཆོག་ཏུ་བཤད། །གང་ཞིག་སྐུ་སྨད་མེ་ཏོག་བབ། །དངོས་གྲུབ་འབྲིང་ཞེས་ཐུབ་པས་གསུངས། །མཆོག་གི་སངས་རྒྱས་ཐོབ་པ་ཡིན། །འབྲིང་གིས་དབང་ཕྱུག་ལ་སོགས་དང་། །ཡང་ན་གཏེར་གྱི་དངོས་གྲུབ་འགྲུབ། ། [80b.2]རིམ་པ་འདི་ཡིས་དངོས་གྲུབ་ནི། །བདག་མེད་མ་ལའང་དེ་ལྟར་བརྟག །འཁོར་ལོའི་ལྷ་རྣམས་ཐམས་ཅད་ལ། །མངོན་སུམ་དུ་ནི་ཤེས་པར་བྱ། །མེ་ཏོག་དོར་བ་བརྒྱ་ཞིག་ལ། །གཟུགས་ལས་རིང་བར་འབེབས་པ་ནི། །དུས་རང་གིས་ནི་དངོས་གྲུབ་འགྲུབ། །མེ་ཏོག་ཉེ་ན་དངོས་ [80b.3]གྲུབ་ཀྱང་། །དུས་འདི་ཉེ་བ་ཉིད་དུ་གསུངས། །གང་ཞིག་ལྷ་ཡི་རིགས་རྣམས་ལ། །བབས་པས་དེ་ཡི་སྔགས་སྦྱོར་བ། །སྐལ་ལྡན་བདག་པོ་ཡིན་པས་ན། །རིགས་མཐུན་མིང་ནི་གདགས་པར་བྱ། །དོར་བས་ལྷ་ཡི་མཚམས་སུ་ནི། །བབ་ན་ག་ལ་ཉེ་བ་ཡི། །དེ་ནི་བདག་པོའི་ [80b.4]ལྷ་རུ་ཤེས། །མེ་ཏོག་དོར་བ་བརྒྱ་ཞིག་ལ། །འཁོར་ལོ་སྤངས་ནས་ལྷུང་བ་དང་། །དེ་ལ་དངོས་གྲུབ་སྐལ་བ་ནི། །དཀྱིལ་འཁོར་ལྷ་ཡི་ཡོད་མ་ཡིན། །ཕྲེང་བར་བའི་མཚམས་སུ་ནི། །ལྷུང་ན་ཞི་བའི་སྦྱིན་སྲེག་ལ། །སྡིག་བསྲེག་སྦྱོར་བ་སྔོན་འགྲོ་བས། །མེ་ཏོག་དོར་བ་བསྐྱར་ [80b.5]བར་བྱ། །ཐེ་ཚོམ་ཟ་ཞིང་མ་དད་ན། །མེ་ཏོག་དོར་དུ་མི་གཞུག་སྟེ། །དངོས་གྲུབ་སྐལ་བ་མེད་པའི་ཕྱིར། །མཚམས་སུ་མཉམ་པར་ལྷུང་བ་དང་། །དཀྱིལ་འཁོར་གྱི་ནི་ཕྱི་རོལ་དུ། །འཕར་ནས་ལྷུང་བར་གྱུར་པ་ལ། །ཤིས་པ་སྔོན་དུ་བྱས་ནས་ནི། །བློ་ལྡན་གྱིས་ནི་བསྐྱར་བར [80b.6]བྱ། །མེ་ཏོག་དོར་པ་ཐམས་ཅད་དུ། །ཕོ་བྲང་དཀྱིལ་དུ་ཕོག་པ་ན། །སྐལ་དང་ལྡན་པ་ཡིན་པའི་ཕྱིར། །རབ་འབྲིང་བྱེ་བྲག་རྣམ་པ་ནི། །ཐིག་གི་ཆ་ཡིས་རབ་ཏུ་ཕྱེ། །དེ་ལྟ་བུ་ཡི་རིམ་པས་ནི། །ཡང་དག་བབ་པར་མ་གྱུར་པས། །ལན་གསུམ་བསྐྱར་བས་མ་ཕོག་ན། །དེ་ལ་གཞུག་ [80b.7]པའི་སྐལ་བ་མེད། །མེ་ཏོག་དོར་བའི་རིམ་པའོ།། །།དེ་ནས་མེ་ཏོག་བབ་པའི་རིམ་པས་ལྷའི་བདག་ཉིད་ཤེས་པར་བྱས་ལ། མེ་ཏོག་ཕྲེང་བ་གཟུང་ནས་སྔགས་འདི་བརྗོད་དེ་སྤྱི་བོར་བཏགས་ལ། །པྲ་ཏི་སྲི་ཧྣ་སྭ་མི་མཾ་སཏྭ་མ་ཧཱ་བ་ལ། །དེ་ནི་མེ་ཏོག་གི་ཕྲེང་བའི་དབང་ངོ་།། །། [81a] [81a.1]དེ་ནས་སློབ་མའི་མིག་ལ་ཨོཾ་འོད་ཟེར་དང་ལྡན་པ་བསྒོམ་ཏེ། ཨོཾ་རྡོ་རྗེ་སེམས་དཔའ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །མིག་ནི་ཐམས་ཅད་ཕྱེ་མཛད་དེ། །རྡོ་རྗེའི་མིག་ནི་བླ་ན་མེད། །ཅེས་བརྗོད་ལ་གདོང་གཡོགས་བཀྲོལ་ཏེ། དགྱེས་པ་ [81a.2]རྡོ་རྗེའི་དཀྱིལ་འཁོར་བསྟན་པ་ནི། །ཆེ་གེ་མོ་ཀྱེ་དགྱེས་པའི་རྡོ་རྗེའི་དཀྱིལ་འཁོར་ལེགས་པར་ལྟོས་ཤིག །ཅེས་བརྗོད་ལ་ལྷའི་མཚན་དང་སྐུ་མདོག་ལ་སོགས་པའི་རིམ་པས་བསྟན་པར་བྱའོ། །དེ་ནས་སློབ་དཔོན་དགྱེས་པར་གྱུར་ནས་སློབ་མ་ལ་འདི་སྐད་བརྗོད་དོ། །ཀྱེ་དཀྱིལ་ [81a.3]འཁོར་བཟང་པོ་འདི་ལ་ལྟོས། །ད་ནི་དད་པ་རབ་ཏུ་སྐྱེད། །སྔགས་དང་ཕྱག་རྒྱའི་བྱིན་རླབས་ཀྱིས། །ཁྱོད་ཀྱང་སངས་རྒྱས་རིགས་སུ་སྐྱེས། །མ་བྱུང་ཁྱད་པར་མཐོང་བའི་ཕྱིར། །བླ་མ་ལ་ཡང་གུས་པ་དང་། །དམ་ཚིག་ཐམས་ཅད་བསྐྱང་བ་དང་། །གསང་སྔགས་ལ་ཡང་བརྩོན་པར་ [81a.4]གྱིས། །འོན་ཀྱང་ཐུགས་ཀྱི་སྲས་སུ་སྐྱེས། །དེ་ནས་སློབ་མས་བླ་མའི་ཞབས་ལ་སྤྱི་འོས་ཕྱག་འཚལ་སྟེ། འདི་སྐད་བརྗོད་དོ། །ཨོཾ་རྡོ་རྗེའི་དཀྱིལ་འཁོར་ཆེན་པོ་ཡི། །དཀྱིལ་འཁོར་མཆོག་ཏུ་བདག་བཞུགས་སོ། །ཨོཾ་རྣལ་འབྱོར་ཆེན་པོའི་དཀྱིལ་འཁོར་ནི། །དཀྱིལ་འཁོར་ཆེན་པོ་དེ་ [81a.5]རིང་མཐོང་། །ཨོཾ་གསང་བའི་དཀྱིལ་འཁོར་ཆེན་པོ་ནི། །དཀྱིལ་འཁོར་དུ་ནི་བདག་དབང་བསྐུར། །འདི་ནི་སློབ་མ་དཀྱིལ་འཁོར་དུ་གཞུག་པའི་རིམ་པའོ།། །།དེ་ནས་སློབ་དཔོན་གྱིས་སློབ་མ་ཤིས་པར་བྱ་བའི་ཕྱིར་དཀྱིལ་འཁོར་གྱི་ཤར་སྒོར་མཎྜལ་གྱི་ཐོག་ཏུ་བཞག་ལ། བཀྲ་ཤིས་པའི་ [81a.6]གླུ་འདི་བརྗོད་པར་བྱའོ། །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་མགོན་པོ་དྲི་མ་གསུམ་སྤངས་པ། །སངས་རྒྱས་པདྨ་རྒྱས་པའི་འདབ་འདྲའི་སྤྱན་མངའ་བ། །བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་དང་པོའོ། །དེ་ཡིས་ཉེ་བར་བསྟན་པའི་མཆོག་ [81a.7]རབ་མི་གཡོ་བ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་དམ་པ་སྐྱེས་དགུ་རྣམས་ལ་ཞི་བྱེད་པ། །འདི་ནི་འཇིག་རྟེན་དགེ་བའི་བཀྲ་ཤིས་གཉིས་པའོ། །དགེ་འདུན་དམ་པའི་ཆོས་ལྡན་ཐོས་པའི་བཀྲ་ཤིས་ཕྱུག། ལྷ་དང་མི་དང་ལྷ་མ་ཡིན་གྱིས་མཆོད་པའི་ [81b] [81b.1]གནས། །ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་གཞི། །འདི་ནི་འཇིག་རྟེན་དགེ་བའི་བཀྲ་ཤིས་གསུམ་པའོ། །དེ་ནས་སློབ་མ་མེ་ཏོག་དང་ལྡན་པས་གསོལ་བ་གདབ་པར་བྱའོ། །བྱང་ཆུབ་རྡོ་རྗེས་སངས་རྒྱས་ལ། །ཇི་ལྟར་མཆོད་ཆེན་གསོལ་མཛད་པ། །བདག་ཀྱང་རབ་ཏུ་ [81b.2]བསྐྱབ་པའི་ཕྱིར། །ནམ་མཁའི་རྡོ་རྗེས་བདག་ལ་སྩོལ། །ཞེས་གསོལ་བ་བཏབ་ནས། པདྨ་འདབ་མ་བརྒྱད་པའི་སྟེང་དུ་སློབ་མ་བཞག་ལ། མི་བསྐྱོད་པར་དམིགས་ཏེ། དེ་བཞིན་གཤེགས་པ་ཐམས་ཅད་དགྱེས་པ་རྡོ་རྗེའི་གཟུགས་སུ་གྱུར་ནས། རིན་པོ་ཆེའི་བུམ་པ་ཡེ་ཤེས་ [81b.3]ཀྱི་བདུད་རྩིས་བཀང་བ་རིག་མའི་ཚོགས་ཀྱིས་གཟུང་སྟེ། སློབ་མ་ལ་དབང་བསྐུར་བར་དམིགས་ཏེ། རྡོ་རྗེ་ཆེན་པོར་དབང་བསྐུར་བར། །ཁམས་གསུམ་གྱིས་ནི་ཕྱག་བྱས་པའི། །དེ་བཞིན་གཤེགས་པ་ཐམས་ཅད་ཀྱི། །གསང་བ་གསུམ་ལས་བྱུང་ནས་ནི། །དེང་ཁྱོད་ལ་ནི་ [81b.4]དབང་བསྐུར་རོ། །རྡོ་རྗེ་ཁུ་ཚུར་གྱིས་བུམ་པ་གཟུང་སྟེ། དབང་བསྐུར་བ། ཨོཾ་བཛྲ་ཨ་བྷི་ཥིཉྩ་ཞེས་བརྗོད་ལ་འཁོར་ལོས་སྒྱུར་པར་དབང་བསྐུར་རོ། །རིམ་པ་འདི་ལྟར་རྣམ་པར་རྒྱལ་བའི་བུམ་པའོ། །གཉིས་པས་ནི་གཽ་རཱི་ལ་སོགས་པའི་མཚམས་ཀྱི་བུམ་པས་དབང་བསྐུར་བར་བྱ་ [81b.5]སྟེ། མེ་ལོང་ལྟ་བུའི་ཡེ་ཤེས་ཀྱི་རང་བཞིན་ནི་ཆུའི་དབང་ངོ་། །དེ་ལ་སློབ་མ་རིན་པོ་ཆེ་རྒྱལ་པོར་དམིགས་ཏེ། དེའི་སྤྱི་བོར་གསེར་ལ་སོགས་པའི་དབུ་རྒྱན་གྱིས་དེའི་རིགས་ཀྱི་ལྷར་དམིགས་ནས་དབང་བསྐུར་བར་བྱའོ། །གོང་གི་སྔགས་དང་ཚིག་གིས་དབང་བསྐུར་ཞིང་ཕྱོགས་བཅུའི་ [81b.6]དེ་བཞིན་གཤེགས་པ་ཐམས་ཅད་བཀུག་ནས་དབུ་རྒྱན་ལ་བསྟིམ་མོ། །འདི་ནི་མཉམ་པ་ཉིད་ཀྱི་ཡེ་ཤེས་ཀྱི་རང་བཞིན་དེ་དབུ་རྒྱན་གྱི་དབང་ངོ་། །དེ་ནས་སློབ་མ་སྣང་བ་མཐའ་ཡས་ཀྱི་གཟུགས་སུ་དམིགས་ཏེ། རྡོ་རྗེ་རྩེ་ལྔ་པ་ལ་སྣང་བ་མཐའ་ཡས་བསྐྱེད་ལ། སངས་རྒྱས་ [81b.7]རྣམས་ཀྱི་རྡོ་རྗེའི་དབང་། །མི་ཕྱེད་རྡོ་རྗེ་འོད་གསལ་བ། །སངས་རྒྱས་ཐམས་ཅད་འདུས་པ་ཡི། །དམ་ཚིག་འབྱུང་གནས་སྒོར་གྱུར་པ། །རྡོ་རྗེ་འདི་ནི་གཟུང་བར་གྱིས། །ཞེས་པ་དང་། སྤྱི་བོ་དང་། མགྲིན་པ་དང་། སྙིང་ག་དང་། རྒྱབ་ཏུ་གཏུགས་ནས་ལག་ཏུ་རྡོ་རྗེ་བྱིན་ཏེ། སྔོན་བཞིན་དུ་ [82a] [82a.1]བསྐུར་རོ། །དེས་སོ་སོར་རྟོག་པའི་ཡེ་ཤེས་ཀྱི་རང་བཞིན་རྡོ་རྗེའི་དབང་ངོ་། །དེ་ནས་སློབ་མ་དོན་ཡོད་གྲུབ་པའི་གཟུགས་སུ་དམིགས་ལ་དྲིལ་བུ་དོན་ཡོད་གྲུབ་པར་བསྐྱེད་དེ། ལག་པ་གཡོན་པར་བྱིན་པ་དང་། རྡོ་རྗེ་དང་དྲིལ་བུ་དང་ལྡན་པའི་ལག་པས་ཀུན་ནས་འཁྱུད་དེ། [82a.2]ཨ་བཛྲ་ཨ་དྷི་པ་ཏི་ཏྭཾ། ཨ་བྷི་ཥིཉྩཱ་མི། ཏིཥྛ་བཛྲ་ས་མ་ཡ་སྟྭཾ་ཞེས་བརྗོད་ལ། སྔོན་བཞིན་དབང་བསྐུར་བར་བྱས་པས་བྱ་བ་གྲུབ་པའི་ཡེ་ཤེས་ཏེ་དྲིལ་བུའི་དབང་ངོ་། །རྡོ་རྗེ་དང་དྲིལ་བུ་ཡོངས་སུ་བཀྲོལ་ནས་བདག་པོའི་དབང་བསྐུར་ཏེ། སློབ་མ་རྣམ་པར་སྣང་མཛད་ཀྱི་གཟུགས་སུ་དམིགས་ [82a.3]ལ། རྡོ་རྗེ་དང་དྲིལ་བུ་སྤྱི་བོར་གཟུང་སྟེ། ཨོཾ་བཛྲ་སཏྭ་སྟྭཾ་ཨ་བྷི་ཥིཉྩ་བཛྲ་ནཱ་མ། ཨ་བྷི་ཥེ་ཀ་ཏ་ཞེས་བརྗོད་ནས་དབང་བསྐུར་ཏེ། ཀྱེ་དཔལ་རྡོ་རྗེ་ཆེ་གེ་མོ་དཀྱིལ་འཁོར་ཆེན་པོ་འདིར་མིང་གི་དབང་བསྐུར་བས། མ་འོངས་པའི་དུས་སུ་མིང་འདི་ཞེས་བྱ་བའི་རྡོ་རྗེ་འཆང་དུ་འགྱུར་རོ། །དེ་ [82a.4]ནི་ཆོས་ཀྱི་དབྱིངས་ཀྱི་ཡེ་ཤེས་ཀྱི་རང་བཞིན་གྱི་དབང་ངོ་། །དབང་དེ་དག་གིས་སྔགས་དང་རྒྱུད་ཉན་པ་དང་། བསྒྲུབ་པར་བྱ་བའི་ཆོ་ག་ཐམས་ཅད་གནང་བ་དང་། སྒྲུབ་ཐབས་ལ་སོགས་པ་ཐམས་ཅད་བཤད་པར་གནང་ངོ་། །དེ་དག་གིས་ནི་སྒྲུབ་པ་པོའི་དབང་སྟེ། རིག་པའི་ [82a.5]དབང་ལྔའོ། །རིག་པ་ནི་མ་རིག་པ་སྤངས་ཤིང་ཡེ་ཤེས་ལྔ་ཐོབ་པས་ན་རིག་པའི་དབང་ངོ་། །གང་དང་གང་དག་སྣང་བ་ནི། །རང་བཞིན་གཙོ་བོ་ཧེ་རུ་ཀ། །ཆོས་ནི་སོ་སོར་དག་པ་སྟེ། །སངས་རྒྱས་ཡེ་ཤེས་དེ་ལྟར་བལྟ། །རིག་དབང་ཐུན་མོང་བྱང་ཆུབ་སྟེ། །ཡང་དག་རྫོགས་ [82a.6]པའི་སངས་རྒྱས་ཀྱི། །ཁྱད་པར་བྱང་ཆུབ་ཐོབ་མི་འགྱུར། །དེ་ལ་མ་འོངས་པའི་དུས་སུ་ཡང་དག་པར་རྫོགས་པའི་བྱང་ཆུབ་ཐོབ་པར་འདོད་པས་སློབ་དཔོན་གྱི་དབང་བླང་བར་བྱ་སྟེ། ཐུན་མོང་གི་སྡོམ་པ་དང་ལྡན་པས། ཁྱད་པར་གྱི་སློབ་དཔོན་གྱི་སྡོམ་པ་སྔོན་དུ་འགྲོ་བས་རྡོ་རྗེ་བརྟུལ་ [82a.7]ཞུགས་སྦྱིན་པར་བྱ་སྟེ། ལུང་བསྟན་པ་དང་རྗེས་སུ་གནང་བ་ནི་མ་ཡིན་ནོ། །དེ་ཅིའི་ཕྱིར་ཞེ་ན། ཕྱིར་མི་ཟློགས་པའི་སའི་རང་བཞིན་ཡིན་པའི་ཕྱིར་རོ། །དེ་ཡང་གང་ཟག་གི་ཁྱད་པར་གྱི་མོས་པའི་སྒོ་ནས་ལུང་བསྟན་པ་དང་། དབུགས་དབྱུང་བ་ཡང་ཇི་ལྟར་རྡོ་རྗེ་བརྟུལ་ཞུགས་ [82b] [82b.1]ཀྱི་དབང་བསྐུར་བའི་དུས་སུ་ལུང་བསྟན་པ་དང་དབུགས་དབྱུང་བ་ཙམ་སྦྱིན་ཞིང་རྗེས་སུ་གནང་བ་ནི་མ་ཡིན་ནོ་ཞེས་སློབ་དཔོན་ཁ་ཅིག་གིས་དེ་ལྟར་གསུང་། གཞན་ཡང་སློབ་དཔོན་ཁ་ཅིག་གིས་ནི་མོས་པ་གཙོ་བོར་བྱས་ཏེ་རྗེས་སུ་གནང་བ་ཡང་སེམས་ཅན་ཀུན་གྱི་དོན་གྱི་ཕྱིར་ཞེས་བྱ་བ་ [82b.2]ལ་སོགས་པའི་ཚིགས་བཅད་ལྔས་སྦྱིན་པར་གསུངས་སོ། །དེ་ནས་གཞན་ཡང་རང་གི་ལྷའི་ཕྱག་རྒྱ་ལ་བསླབ་སྟེ། རྩ་བའི་སྔགས་སམ་སྙིང་པོའི་སྔགས་བརྒྱ་རྩ་བརྒྱད་བཟླས་ལ་སློབ་མ་རྗེས་སུ་གནང་བ་སྦྱིན་ནོ། །སངས་རྒྱས་ཐམས་ཅད་ཉེར་འགྱུར་བའི། །ལམ་མཆོག་འདི་ལ་བདག་ [82b.3]གིས་ནི། །བུ་ཁྱོད་ཡང་དག་གཞུག་པར་བྱ། །ཇི་ལྟར་གསུངས་པའི་རིམ་པའི་ཚོགས། །ཁྱེད་ལ་རྗེས་སུ་གནང་བ་སྦྱིན། །དེ་ནས་སློབ་མས་འདི་སྐད་བརྗོད། །བཅོམ་ལྡན་རྡོ་རྗེ་འཆང་གི་ཐུགས། །རིག་པ་འདི་ནི་བདག་གིས་གཟུང་། །ཞེས་བརྗོད་པ་དང་། རྗེས་སུ་གནང་བའི་སྔགས་ལ་ [82b.4]བཟླས་པ་བརྒྱ་རྩ་བརྒྱད་བྱས་ཏེ། སློབ་དཔོན་གྱིས་སློབ་མ་ལ་བསྒོ་བ། སྔགས་དང་ཕྱག་རྒྱ་དང་ཡེ་ཤེས་དང་བདག་གི་དེ་ཁོ་ན་ཉིད་མི་ཤེས་པ་དང་། དཀྱིལ་འཁོར་གྱི་དེ་ཁོ་ན་ཉིད་མི་ཤེས་པ་དང་། དཀྱིལ་འཁོར་མ་མཐོང་བ་ལ་སྟོན་པར་མ་བྱེད་ཅིག །ཁྱོད་དང་གང་ལ་བསྟན་པ་དེ་ཉིད་ཆགས་ [82b.5]སྡང་གིས་ཞུགས་ཤིང་བསྟན་པ་ཡིན་པས་ན་དམྱལ་བར་ངེས་པར་ལྟུང་བར་འགྱུར་རོ་ཞེས་སློབ་མ་ལ་བསྒོ་བར་བྱའོ། །རིག་པའི་དབང་གི་ཡན་ལག་གི་ཆོ་གའོ།། །།དེ་ནས་སློབ་མས་རིག་པའི་དབང་ཐོབ་པ་དང་སློབ་དཔོན་གྱི་སྡོམ་པ་བཟུང་ནས། བླ་མའི་ཞབས་ལ་ཕྱག་འཚལ་ [82b.6]ནས་ཡོན་གྱི་མཆོག་ཕུལ་ཏེ་གསོལ་བ་གདབ་པར་བྱའོ། །བྱང་ཆུབ་རྡོ་རྗེས་སངས་རྒྱས་ལ། །མཆོད་རྟེན་ཇི་ལྟར་གསོལ་བ་ལྟར། །བདག་ཀྱང་རབ་ཏུ་བསྐྱབ་པའི་ཕྱིར། །ནམ་མཁའི་རྡོ་རྗེ་བདག་ལ་སྩོལ། །ཞེས་གསོལ་བ་ལན་གསུམ་དུ་བཏབ་ནས།དཀྱིལ་འཁོར་དུ་གཞུག་པར་བྱ་བ་ནི་ [82b.7]དཀྱིལ་འཁོར་ཆེན་པོའི་ཤར་སྒོར་པདྨ་འདབ་མ་བརྒྱད་པ་བྲིས་པའི་སྟེང་དུ་ཁྱད་པར་གྱི་ཁྲི་བཤམས་ནས། དེར་སློབ་མ་བཞག་ལ། བདག་ཉིད་ལྷའི་རྣལ་འབྱོར་དང་ལྡན་པའི་ཐུགས་ཀ་ནས་འོད་ཟེར་ནམ་མཁའི་ཁམས་སུ་སྤྲོས་ཏེ། ཕྱོགས་བཅུའི་སངས་རྒྱས་ཐམས་ཅད་ཧེ་རུ་ཀའི་སྐུར་ [83a] [83a.1]བསྒོམས་ཏེ། མཆོད་པའི་ཁྱད་པར་རྣམས་དང་། གདུགས་དང་། རྒྱལ་མཚན་དང་། བ་དན་དང་། སྒྲ་སྣ་ཚོགས་དང་། བཀྲ་ཤིས་ཀྱི་གླུ་སྣ་ཚོགས་བརྗོད་པ་དང་ལྡན་པས་སྤྱན་དྲངས་ཏེ། དེ་དག་གིས་རིན་པོ་ཆེའི་བུམ་པ་ཡེ་ཤེས་ཀྱི་བདུད་རྩིས་བཀང་བ་ཐོགས་ནས་ [83a.2]དབང་བསྐུར་བར་དམིགས་ལ། ཚིག་འདིས་དབང་བསྐུར་བར་བྱའོ། །སངས་རྒྱས་རྣམས་ཀྱི་ཐུགས་རང་བཞིན། །རྡོ་རྗེ་ཆེན་པོས་དབང་བསྐུར་བས། །ཁམས་གསུམ་གྱིས་ནི་ཕྱག་བྱས་ཏེ། །སངས་རྒྱས་ཐམས་ཅད་འདུས་པ་ཡི། །གསང་བ་གསུམ་ལྡན་དབང་མཆོག་འདི། །ཁྱོད་ [83a.3]ལ་ཡང་ནི་སྦྱིན་པར་བྱའོ། །ཞེས་བརྗོད་ནས་པདྨའི་སྣོད་བཟེད་ལ་དབང་བསྐུར་བར་བྱའོ། །དེ་ནས་འདི་ལྟར་སློབ་མ་ལ་དཀྱིལ་འཁོར་གྱི་དེ་ཁོ་ན་ཉིད་དང་། ལྷའི་དེ་ཁོ་ན་ཉིད་དང་། སློབ་དཔོན་གྱི་ལས་དང་བྱ་བ་བསྟན་པར་བྱའོ། །སྙིང་པོ་རྣམ་པར་དག་པ་ལེན་པ་དང་། ཏིང་ངེ་ [83a.4]འཛིན་ཡོངས་སུ་གཟུང་བ་དང་། ལོངས་སྤྱོད་རྫོགས་པའི་སྐུའི་མཚན་ཉིད་བསྟན་པའི་ཕྱིར་དཀྱིལ་འཁོར་རོ། །སེམས་ཀྱི་སྣང་བ་རང་བཞིན་གྱིས་དག་པའི་ཕྱིར་གཞལ་ཡས་ཁང་ངོ་། །སེམས་མཉམ་པར་གཞག་པའི་ཕྱིར་གྲུ་བཞིའོ། །བྱམས་པ་དང་། སྙིང་རྗེ་དང་། དགའ་བ་ [83a.5]དང་། བཏང་སྙོམས་ཀྱི་རྣམ་པར་དག་པས་ཐིག་བཞིའོ། །ཆོས་རྗེས་སུ་དྲན་པས་ཐིག་གོ། །བདེན་པའི་སྐུ་ལོག་པར་ལྟ་བ་དང་། དམན་པའི་ལོག་པར་ལྟ་བ་དང་། ཚུལ་ཁྲིམས་ལ་འཇུག་པ་ལོག་པར་ལྟ་བ་དང་། ཡང་དག་པ་ལས་ལོག་པར་ལྟ་བ་སྤངས་པའི་ཕྱིར། [83a.6]ཆ་བྲན་གྱི་ཐིག་རྣམས་སོ། །སྡོམ་པ་དང་སེམས་ཅན་གྱི་དོན་བྱེད་པ་དང་། དགེ་བའི་ཆོས་སྡུད་པ་སྟེ། དེ་དག་གི་ཚོགས་ཀྱི་རྣམ་པར་དག་པ་ནི་རྒྱན་སྣ་ཚོགས་པའོ། །དད་པ་དང་བརྩོན་འགྲུས་དང་། དྲན་པ་དང་། ཏིང་ངེ་འཛིན་དང་ཤེས་རབ་ཀྱི་སེམས་ཁ་དོག་ལྔའོ། །མི་དགེ་བའི་ [83a.7]ཆོས་སྐྱེས་པ་སྤོང་བ་ནི་ཤར་ཕྱོགས་ཀྱི་རྟ་བབས་སོ། །མི་དགེ་བའི་ཆོས་མ་སྐྱེས་པ་མི་སྐྱེད་པ་ནི་ལྷོ་ཕྱོགས་ཀྱི་རྟ་བབས་སོ། །དགེ་བའི་ཆོས་མ་སྐྱེས་པ་སྐྱེད་པ་ནི་ནུབ་ཕྱོགས་ཀྱི་རྟ་བབས་སོ། །དགེ་བའི་ཆོས་སྐྱེས་པ་བསྲུང་བ་ནི་བྱང་ཕྱོགས་ཀྱི་རྟ་བབས་སོ། །ལུས་དང་། ཚོར་བ་ [83b] [83b.1]དང་སེམས་དང་ཆོས་དྲན་པ་ཉེ་བར་གཞག་པའི་རྣམ་པར་དག་པ་ནི་འདོད་ཡོན་གྱི་སྣམ་བུའོ། །བཟོད་པ་དང་ཆོས་དང་དོན་དང་སྔགས་ཡོངས་སུ་འཛིན་པའི་རྣམ་པར་དག་པས་ནི། ལྷ་རྣམས་ལ་གནས་པའི་ལྷ་མོའི་ཚོགས་གླུ་མ་དང་གར་མའོ། །སྟོང་པ་ཉིད་ཀྱི་རྣམ་པར་ཐར་པ་ནི་ཤར་གྱི་སྒོའོ། །མཚན་མ་མེད་པའི་རྣམ་པར་ཐར་པ་ནི་ལྷོའི་ [83b.2]སྒོའོ། །སྨོན་པ་མེད་པའི་རྣམ་པར་ཐར་པ་ནི་ནུབ་ཀྱི་སྒོའོ། །མངོན་པར་འདུས་མ་བྱས་པའི་རྣམ་པར་ཐར་པ་ནི་བྱང་གི་སྒོའོ། །སྤྱོད་པ་དང་རྫུ་འཕྲུལ་གྱི་རྐང་པ་ནི་ཤར་ཕྱོགས་ཀྱི་རིན་པོ་ཆེའི་ཀ་ཏན་གཉིས་སོ། །བརྩོན་འགྲུས་ [83b.3]དང་རྫུ་འཕྲུལ་གྱི་རྐང་པ་ནི་ལྷོ་ཕྱོགས་ཀྱི་རིན་པོ་ཆེའི་ཀ་ཏན་གཉིས་སོ། །སེམས་དང་རྫུ་འཕྲུལ་གྱི་རྐང་པ་ནི་ནུབ་ཕྱོགས་ཀྱི་རིན་པོ་ཆེའི་ཀ་ཏན་གཉིས་སོ། །འདུན་པ་དང་རྫུ་འཕྲུལ་གྱི་རྐང་པ་ནི་བྱང་ཕྱོགས་ཀྱི་རིན་པོ་ཆེའི་ཀ་ཏན་གཉིས་སོ། །ཀུན་ལ་སྙོམས་པར་བརྩེ་བ་དང་བསོད་ནམས་ [83b.4]དང་ཡེ་ཤེས་ཀྱི་ཚོགས་རྫོགས་པའི་ཕྱིར་བུམ་པ་གང་བའོ། །དྲན་པ་དང་ཆོས་རྣམ་པར་འབྱེད་པ་དང་ཤིན་ཏུ་སྦྱངས་པ་དང་། བརྩོན་འགྲུས་དང་། དགའ་བ་དང་། ཏིང་ངེ་འཛིན་དང་། བཏང་སྙོམས་རྣམས་ནི་བྱང་ཆུབ་ཀྱི་ཡན་ལག་བདུན་ཏེ། མེ་ཏོག་གི་ཕྲེང་བའོ། །སྒྲིབ་པ་ཐམས་ཅད་ [83b.5]སྤངས་པ་དང་ཏིང་ངེ་འཛིན་དང་། ཤེས་རབ་ཡོངས་སུ་རྟོགས་པ་དང་། དེ་བཞིན་གཤེགས་པའི་ལམ་གྱི་ཡེ་ཤེས་ཀྱི་རྣམ་པར་དག་པ་ནི་རླུང་ཡབ་པོ། །ཉོན་མོངས་པའི་ས་བོན་བཅོམ་པའི་ཕྱིར་དང་ཉོན་མོངས་པ་དང་བྲལ་ཏེ་དྲ་བའོ། །ཉེ་བའི་ཉོན་མོངས་པ་བཅོམ་ཞིང་བྲལ་བ་སྟེ་དྲ་བ་ [83b.6]ཕྱེད་པའོ། །མེ་ལོང་ལྟ་བུའི་ཡེ་ཤེས་ལ་སོགས་པའི་རྣམ་པར་དག་པ་ནི་མེ་ལོང་ངོ་། །འགྲོ་བ་ཐམས་ཅད་ཆོས་ཀྱི་ངོ་བོར་དབྱེར་མི་ཕྱེད་པའི་ཕྱིར་དང་། འཁོར་བའི་སྐྱོན་གྱིས་མ་གོས་པའི་ཕྱིར་པདྨའོ། །སེམས་ཅན་ཐམས་ཅད་ལས་འབྱུང་བའི་སོ་སོ་ཡང་དག་པར་མི་སྐྱེ་བའི་བྱང་ཆུབ་ [83b.7]ཀྱི་སེམས་ཀྱི་རྣམ་པར་དག་པ་ནི་ཟླ་བའོ། །རྡོ་རྗེ་ལྟ་བུའི་ཏིང་ངེ་འཛིན་ལས་བྱུང་བའི་ཤེས་རབ་ཡེ་ཤེས་ནི་ཉི་མའི་དཀྱིལ་འཁོར་རོ། །འདོད་པའི་ཡོན་ཏན་ལྔ་ཡང་དག་པར་ལམ་དུ་ཁྱེར་བའི་ཕྱིར་དང་། གཟུགས་ལ་སོགས་པའི་མངོན་པར་ཤེས་པ་སྤང་བའི་ཕྱིར་ན་འདོད་ཡོན་གྱི་ [84a] [84a.1]སྣམ་བུའོ། །ཆོས་ཀྱི་དབྱིངས་ཤིན་ཏུ་རྣམ་པར་དག་པའི་ཡེ་ཤེས་ཀྱི་རྒྱུ་མཐུན་པ་ཡིན་པའི་ཕྱིར་མཆོད་པའི་ཁྱད་པར་རོ། །བག་ཡོད་པ་དང་ངོ་ཚ་ཤེས་པའི་ཕྱིར།སྣ་ཚོགས་པའི་རལ་གྲིས་བརྒྱན་པའོ། །འདུལ་བས་ཁྱད་པར་དུ་བྱས་པའི་ཆོས་དང་མདོའི་སྡེ་དང་དབྱངས་ [84a.2]སུ་བསྙད་པའི་སྡེ་དང་། ལུང་བསྟན་པའི་སྡེ་དང་། ཚིགས་སུ་བཅད་པའི་སྡེ་དང་། ཆེད་དུ་བརྗོད་པའི་སྡེ་དང་། རྟོགས་པ་བརྗོད་པའི་སྡེ་དང་། སྐྱེས་པ་རབས་ཀྱི་སྡེ་དང་། ཤིན་ཏུ་རྒྱས་པའི་སྡེ་དང་། དེ་ལྟར་གསུང་རབ་ཡན་ལག་བཅུ་གཉིས་རྣམ་པར་དག་པ་ནི་རླུང་གིས་བསྐྱོད་པའི་བ་དན་ [84a.3]ལ་དྲིལ་བུའི་སྒྲ་སྒྲོག་པའོ། །ཤའི་སྤྱན་དང་། ལྷའི་སྤྱན་དང་། ཤེས་རབ་ཀྱི་སྤྱན་དང་། ཆོས་ཀྱི་སྤྱན་དང་། སངས་རྒྱས་ཀྱི་སྤྱན་གྱི་རྣམ་པར་དག་པ་ནི་པཉྩ་རེ་ཁཱའོ། །དེ་ལྟར་བདག་མེད་མའི་དཀྱིལ་འཁོར་གྱི་དེ་ཁོ་ན་ཉིད་ཀྱང་ཤེས་པར་བྱའོ། །གཞན་ཡང་ཁྱད་པར་འདི་ཡོད་ [84a.4]དེ། ཡང་དག་པའི་ལྟ་བ་དང་། ཡང་དག་པའི་རྟོག་པ་དང་། ཡང་དག་པའི་ངག་དང་། ཡང་དག་པའི་ལས་ཀྱི་མཐའ་དང་། ཡང་དག་པའི་འཚོ་བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་ཏེ། འཕགས་པའི་ལམ་ཡན་ལག་ [84a.5]བརྒྱད་ཀྱིས་རྣམ་པར་དག་པ་ནི་ཀ་བ་བརྒྱད་དོ། །ཐམས་ཅད་དུ་བཅིང་བ་ལྔ་རྣམ་པར་གྲོལ་བའི་ཕྱིར་དང་། རྫོགས་པའི་སངས་རྒྱས་ཐམས་ཅད་ཀྱི་རྡོ་རྗེ་ལྟ་བུའི་ལམ་གྱི་ཆོས་ཀྱི་འཁོར་ལོ་བསྐོར་བའི་ཕྱིར་ཀ་བ་བརྒྱད་ཀྱི་སྟེང་དུ་རྡོ་རྗེའི་ཕྲེང་བའོ། །འཇིག་རྟེན་གྱི་ཁམས་ཐམས་ཅད་བདག་མེད་པར་ [84a.6]མཚོན་པའི་ཕྱིར་དུར་ཁྲོད་ཆེན་པོ་བརྒྱད་དོ། །དཀྱིལ་འཁོར་གྱི་དེ་ཁོ་ན་ཉིད་དོ། །གཟུགས་ཀྱི་སྐྱེ་མཆེད་དང་སྐུའི་རང་བཞིན་སོ་སོའི་རྣམ་པར་དག་པ་ནི་གཽ་རཱིའོ། །སྒྲའི་སྐྱེ་མཆེད་དང་ཐུགས་ཀྱི་རང་བཞིན་སོ་སོའི་རྣམ་པར་དག་པ་ནི་གཽ་རཱིའོ། །དྲིའི་སྐྱེ་མཆེད་དང་གསུང་གི་རང་བཞིན་སོ་སོའི་ [84a.7]རྣམ་པར་དག་པ་ནི་རོ་ལངས་མའོ། །རོའི་སྐྱེ་མཆེད་དང་ཡེ་ཤེས་ཀྱི་རང་བཞིན་སོ་སོའི་རྣམ་པར་དག་པ་ནི་གྷསྨ་རཱིའོ། །སའི་ཁམས་དང་སྐུའི་དེ་ཁོ་ན་ཉིད་ཀྱི་ཡེ་ཤེས་ཀྱི་རྣམ་པ་དག་པ་ནི་པུཀྐ་སཱིའོ། །ཆུའི་ཁམས་དང་གསུང་གི་དེ་ཁོ་ན་ཉིད་ཀྱི་ཡེ་ཤེས་ཀྱི་རྣམ་པར་དག་པ་ནི་ཤ་པ་རཱིའོ། ། [84b] [84b.1]མེའི་ཁམས་དང་ཐུགས་ཀྱི་དེ་ཁོ་ན་ཉིད་ཀྱི་ཡེ་ཤེས་ཀྱི་རྣམ་པར་དག་པ་ནི་ཙཎྜལཱིའོ། །རླུང་གི་ཁམས་དང་དེ་ཁོ་ན་ཉིད་ཀྱི་ཡེ་ཤེས་ཀྱི་རྣམ་པར་དག་པ་ནི་ཌོཾ་བི་ནཱིའོ། །ཇི་ལྟར་གསུངས་པའི་ཡེ་ཤེས་རྣམ་པར་དག་པའི་འབྲས་བུ་དང་། རྡོ་རྗེ་འཆང་ཆེན་པོའི་གོ་འཕང་བླ་ན་མེད་པའི་བྱང་ཆུབ་ཀྱི་ [84b.2]བདག་ཉིད་དཔལ་དགྱེས་པའི་རྡོ་རྗེའོ། །བདག་མེད་པའི་དཀྱིལ་འཁོར་ལ་ནི་རེག་པའི་སྐྱེ་མཆེད་དང་། ཤེས་རབ་ཡེ་ཤེས་ཀྱི་དབང་པོའི་རང་བཞིན་ནི་ས་སྤྱོད་མའོ། །ཆོས་ཀྱི་སྐྱེ་མཆེད་དང་དད་པ་དང་། བརྩོན་འགྲུས་དང་། དྲན་པ་དང་ཏིང་ངེ་འཛིན་དང་། ཤེས་རབ་ཀྱི་སྟོབས་ཀྱི་རང་ [84b.3]བཞིན་གྱི་རྣམ་པར་དག་པ་ནི་མཁའ་སྤྱོད་མའོ། །དད་པའི་དབང་པོའི་རང་བཞིན་ནི་གཽ་རཱིའོ། །བརྩོན་འགྲུས་ཀྱི་དབང་པོའི་རང་བཞིན་ནི་ཙཽ་རཱིའོ། །དྲན་པའི་དབང་པོའི་རང་བཞིན་ནི་བེ་ཏཱ་ལཱིའོ། །ཏིང་ངེ་འཛིན་གྱི་དབང་པོའི་རང་བཞིན་ནི་གྷསྨ་རཱིའོ། །རབ་ཏུ་དགའ་བ་དང་དྲི་མ་མེད་པར་དང་འོད་ [84b.4]བྱེད་པའི་རང་བཞིན་ནི་པུཀྐ་སཱིའོ། །འོད་འཕྲོ་བ་དང་། སྦྱང་དཀའ་བ་དང་། མངོན་དུ་གྱུར་པའི་རང་བཞིན་ནི་ཤ་བ་རཱིའོ། །རིང་དུ་སོང་བ་དང་མི་གཡོ་བའི་རང་བཞིན་ནི་ཙཎྜལཱིའོ། །ལེགས་པའི་བློ་གྲོས་དང་ཆོས་ཀྱི་སྤྲིན་གྱི་རང་བཞིན་ནི་ཌཾ་བི་ནཱིའོ། །གཟུགས་ཀྱི་ཕུང་པོ་དང་མིག་གི་སྐྱེ་ [84b.5]མཆེད་དང་གཏི་མུག་ཆེན་པོ་རྣམ་པར་དག་པའོ། །སངས་རྒྱས་ཀྱི་མེ་ལོང་ལྟ་བུའི་ཡེ་ཤེས་ཀྱི་རང་བཞིན་ནི་རྡོ་རྗེ་མའོ། །ཚོར་བའི་ཕུང་པོ་དང་། སྣའི་སྐྱེ་མཆེད་དང་། ང་རྒྱལ་ཆེན་པོ་དག་པའི་སངས་རྒྱས་ཀྱིས་མཉམ་པ་ཉིད་ཀྱི་ཡེ་ཤེས་ནི་གསང་བའི་གཽ་རཱི་མའོ། །འདུ་ཤེས་ཀྱི་ [84b.6]ཕུང་པོ་དང་ལྕེའི་དབང་པོ་དང་། འདོད་ཆགས་ཆེན་པོ་རྣམ་པར་དག་པའི་སངས་རྒྱས་ཀྱིས་སོ་སོར་རྟོག་པའི་ཡེ་ཤེས་ཀྱི་རང་བཞིན་ནི་ཆུའི་རྣལ་འབྱོར་མའོ། །འདུ་བྱེད་ཀྱི་ཕུང་པོ་དང་ལུས་ཀྱི་སྐྱེ་མཆེད་དང་ཕྲག་དོག་ཆེན་པོ་དག་པའི་སངས་རྒྱས་ཀྱིས་བྱ་བ་གྲུབ་པའི་ཡེ་ཤེས་ཀྱི་རང་ [84b.7]བཞིན་ནི་རྡོ་རྗེ་མཁའ་འགྲོ་མའོ། །རྣམ་པར་ཤེས་པའི་ཕུང་པོ་དང་། ཡིད་ཀྱི་སྐྱེ་མཆེད་དང་ཞེ་སྡང་ཆེན་པོ་དག་པའི་སངས་རྒྱས་ཀྱི་ས་ཆོས་ཀྱི་དབྱིངས་ཀྱི་ཡེ་ཤེས་ཀྱི་རང་བཞིན་ནི་བདག་མེད་མའོ། །དེ་དག་ནི་ལྷའི་དེ་ཁོ་ན་ཉིད་དོ། །ཕྱི་དང་ནང་གི་ས་ཡོངས་སུ་སྦྱང་བ་ལ་སོགས་པ་ནི་ [85a] [85a.1]སློབ་དཔོན་གྱི་ལས་དང་བྱ་བའོ། །དེ་ནས་དམ་ཚིག་གསུམ་དང་ལྡན་པ་ནི་རྡོ་རྗེ་བརྟུལ་ཞུགས་ཀྱི་སྣོད་དུ་རུང་བ་ཡིན་ཏེ། རྡོ་རྗེར་བྱིན་གྱིས་བརླབས་ནས། སངས་རྒྱས་ཀུན་གྱིས་བསྔགས་པ་ཡི། །ཡེ་ཤེས་ལྔ་ལྡན་རྡོ་རྗེ་ནི། །ཁྱོད་ལ་ཡང་དག་སྦྱིན་པར་བྱ། །ཧཱུཾ་གིས་ཐུགས་ [85a.2]ཀར་ཡང་དག་གཟུང་། །གསུང་རྣམས་སྒྲ་བརྙན་ལྟ་བུ་སྟེ། །རྟོག་པ་མེད་པས་སྣ་ཚོགས་སྒྲ། །བརྗོད་པའི་ཡུལ་ལས་རྣམ་པར་འདས། །དྲིལ་བུ་གསུང་གི་རང་བཞིན་ཏེ། །དེ་ནི་ཁྱོད་ཀྱིས་གཟུང་བར་གྱིས། །འདི་ནི་གསུང་གི་དམ་ཚིག་པས། །ཡི་གེ་ཨཱཿ་ཡིས་ཡང་དག་གཟུང་། ། [85a.3]ཐབས་དང་ཤེས་རབ་བདག་ཉིད་རྒྱུད། །མི་ཕྱེད་རྡོ་རྗེའི་ངོ་བོ་ཉིད། །འཁྱུད་པ་ཕྱག་རྒྱ་ཆེན་པོ་སྟེ། །འདི་ནི་སྐུ་ཡི་དམ་ཚིག་ཡིན། །ཡི་གེ་ཨོཾ་གྱིས་ཡང་དག་གཟུང་། །དེ་ལྟར་དམ་ཚིག་གསུམ་ལྡན་ན། །རྡོ་རྗེའི་བརྟུལ་ཞུགས་སྦྱིན་པར་བྱ། །ཡི་གེ་ཧཱུཾ་ལས་སྐྱེས་པ་ཡི། །རྒྱུ་འབྲས་ [85a.4]རྡོ་རྗེ་སེམས་རང་བཞིན། །ཆོ་ག་ཚང་ནས་སློབ་མ་སྦྱིན། །འདི་ནི་སངས་རྒྱས་ཐམས་ཅད་ཀྱི། །རྡོ་རྗེ་སེམས་དཔའི་ལག་ན་གནས། །ཁྱོད་ཀྱིས་ཀྱང་ནི་རྟག་ཏུ་འཆང་། །རྡོ་རྗེ་སེམས་དཔའི་བརྟུལ་ཞུགས་བརྟན། །ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའི་ [85a.5]དགའ་བ་ཆེ། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་སྙེམས་ཚུལ་བདག་པོའི་བདག །ཁྱོད་ཀྱིས་རྟག་ཏུ་འཆང་བར་གྱིས། །འདི་དག་བརྗོད་ནས་སློབ་མའི་ལག་ཏུ་སྦྱིན་པར་བྱའོ། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཨེ་ཥ་ཏྭཾ་དྷཱ་ར་ཡ་མི། ཧི་ཧི་ཧི་ཧི་ཧཱུཾ། འདིས་རྡོ་རྗེ་འཛིན་དུ་ [85a.6]གཞུག་སྟེ་རྡོ་རྗེ་བརྟུལ་ཞུགས་བརྟན་ཕའོ། །འདི་དེ་སངས་རྒྱས་ཐམས་ཅད་ཀྱི། །ཤེས་རབ་སྒྲ་ཡི་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་འཆང་། །བྱང་ཆུབ་མཆོག་ཏུ་རྒྱལ་བས་བཞེད། །ཆོས་ཀྱི་སྒྲ་ནི་ཁྱོད་ཀྱིས་སྒྲོགས། །སྲིད་པ་རང་བཞིན་གྱིས་དག་ཕྱིར། །ངོ་བོ་མེད་པ་ [85a.7]དངོས་མེད་བྱས། །རང་བཞིན་དག་ལ་སེམས་པ་རྣམས། །དམ་པ་སྲིད་པ་བྱེད་པར་ཤོག །དེ་དག་གིས་ནི་རྡོ་རྗེའི་བརྟུལ་ཞུགས་སྦྱིན་ཏེ། དྲིལ་བུའི་དེ་ཁོ་ན་ཉིད་འཛིན་དུ་བཅུག་ལ་དཀྲོལ་བར་བྱའོ། །དེ་ནས་ལྷག་པའི་ལྷའི་ཕྱག་རྒྱས་ཕྱག་རྒྱ་ཆེན་པོར་བྱིན་གྱིས་བརླབས་ལ། གཟུགས་ [85b] [85b.1]སོགས་སྐུ་ཡི་དམ་ཚིག་གིས། །གསང་སྔགས་མ་ཚང་མེད་པར་བཟླ། །རང་གི་རིག་པའི་ངོ་བོ་སྟེ། །ཕྱོགས་བཅུ་དུས་གསུམ་བཞུགས་པ་ཡི། ཁྱོད་ཀྱིས་ཨོཾ་གྱིས་གཟུང་བར་གྱིས། །དེ་ལྟར་དེ་ཁོ་ན་ཉིད་གསུམ་བསྟན་ཏོ། །དེ་ནས་ཕྱག་རྒྱ་དྲུག་གིས་དབང་བསྐུར་ལ། ལུང་བསྟན་པའོ། ། [85b.2]བདག་ཉིད་གཙོ་བོའི་ང་རྒྱལ་དུ་བྱས་ཏེ། སངས་རྒྱས་ཐམས་ཅད་ཀྱི་ཞིང་མངོན་སུམ་དུ་བྱས་ལ། ལག་པ་གཡོན་པའི་ཁུ་ཚུར་གྱིས་ཆོས་གོས་ཀྱི་ཐ་མ་སྙིང་གར་གཟུང་སྟེ། ལག་པ་གཡས་པ་སྐྱབས་སྦྱིན་དུ་བྱས་ལ། ཤར་ལ་སོགས་པའི་གཽ་རིམས་ཀྱིས་ལུང་བསྟན་པར་བྱའོ། ། [85b.3]ཨོཾ་རྡོ་རྗེའི་རིགས་མཆོག་ཆེན་པོ་ཡི། །དེ་བཞིན་གཤེགས་པ་ཐམས་ཅད་དང་། །མགྲིན་པ་གཅིག་ཏུ་ལུང་བསྟན་ཏོ། །འདི་ལྟར་ང་ཡིས་ལུང་བསྟན་ནས། རྡོ་རྗེ་སེམས་དཔའ་དེ་བཞིན་གཤེགས། །སྲིད་པའི་མཐའ་ཉིད་བསྒྲུབ་པའི་ཕྱིར། །སྲིད་པ་ངན་འགྲོ་རྣམས་ལས་འགྲོལ། །ཀྱེ་ [85b.4]དེ་བཞིན་གཤེགས་པ་ཆེ་གེ་མོ། །ཞེས་བྱ་བ་འདི། ཏ་ཐཱ་ག་ཏ་སིདྡྷ་བྷུར་བྷུ་བ་སྭཿ་འདི་ལྟར་རིགས་བཞིའི་རིན་པོ་ཆེ་དང་། པདྨ་དང་ལས་ཀྱི་བདག་ཉིད་དུ་ལུང་བསྟན་ཏོ། །དེ་ཡི་དབང་བསྐུར་གྱུར་པ་ཡི། །སྔགས་པ་འགྲོ་བ་ཀུན་གྱི་བདག །ཕྱག་རྒྱ་ཆེན་པོའི་བདག་ཉིད་ལ། །བླ་ན་མེད་པའི་ [85b.5]བྱང་ཆུབ་ཏུ། །བདེ་གཤེགས་ཀྱིས་ཀྱང་ལུང་བསྟན་མཛོད། །དེ་ལ་འདི་ལྟར་བསྟན་ཏེ། སྔགས་དང་ཕྱག་རྒྱས་རྡོ་རྗེ་འཆང་གི་གོ་འཕང་དུ་གྱུར་པའི་ཕྱིར། བསྟན་པར་བྱ་བའི་ལུང་བསྟན་པའོ། །དེ་ནས་དམ་ཚིག་གསུམ་དང་ལྡན་པ་དེ་དབུགས་དབྱུང་བར་བྱ་སྟེ། གསང་མཆོག་དཀྱིལ་འཁོར་དམ་ [85b.6]པ་ནི། །མཐོང་བ་དང་ནི་ཞུགས་གྱུར་པས། །སྡིག་པ་ཀུན་ལས་ངེས་པར་གྲོལ། །ཁྱེད་རྣམས་དེ་ཉིད་ལེགས་པར་གནས། །བདེ་ཆེན་ཐེག་པ་འདི་ལས་ནི། །སླར་ཁྱོད་འཆི་བ་ལ་སོགས་མེད། །མི་ཚུགས་པ་དང་མཆོག་འབྲས་བུ། །ཅིས་ཀྱང་མི་ཚུགས་དགའ་བར་གྱིས། །སྲིད་པའི་ [85b.7]སྡུག་བསྔལ་ལས་ཁྱོད་འདས། །དམ་པའི་སྲིད་པ་བསྒྲུབ་པའི་ཕྱིར། །སྟོན་པའི་མཆོག་ཏུ་གྱུར་པ་ཡིན། །དམ་ཚིག་སྡོམ་པ་གྲུབ་པ་འདི། །རྟག་ཏུ་ཁྱོད་ཀྱིས་བསྲུང་བར་གྱིས། །སངས་རྒྱས་ཀུན་གྱིས་མཐུན་པར་གསུངས། །དམ་པ་རྟག་པའི་བཀའ་ཡིན་ནོ། །གང་ཞིག་སྐྱེད་པ་ [86a] [86a.1]ཙམ་གྱིས་ནི། །སངས་རྒྱས་ཉིད་དུ་དོགས་མེད་པའི། །བྱང་ཆུབ་སེམས་ནི་གཏང་མི་བྱ། །ཕྱག་རྒྱ་རྡོ་རྗེ་གང་ཡིན་པ། །དམ་པའི་ཆོས་ནི་མི་སྤང་ཞིང་། །ནམ་ཡང་དོར་བར་མི་བྱའོ། །མི་ཤེས་པས་ནི་རྨོངས་པ་ལ། །ཚུལ་ཆེན་བསྟན་པར་མི་བྱའོ། །བདག་ཉིད་ཡོངས་ [86a.2]སུ་སྤངས་ནས་སུ། །དཀའ་ཐུབ་ཀྱིས་ནི་མ་གདུངས་ཤིད། །ཅི་བདེ་བར་ནི་གཟུང་བར་བྱ། །འདི་ནི་མ་བྱོན་རྫོགས་སངས་རྒྱས། །རྡོ་རྗེ་དྲིལ་བུའི་ཕྱག་རྒྱ་རྣམས། །ནམ་ཡང་ཡོངས་སུ་མི་དོར་ཞིང་། །སློབ་དཔོན་སྨད་པར་མི་བྱ་སྟེ། །འདི་ནི་སངས་རྒྱས་ཀུན་དང་འདྲ། །སངས་རྒྱས་ [86a.3]ཚུལ་མཚུངས་བླ་མ་ཡི། །སློབ་དཔོན་ལ་ནི་གང་སྨོད་པ། །དེ་ནི་སངས་རྒྱས་ཀུན་སྨད་པས། །རྟག་ཏུ་སྡུག་བསྔལ་ཐོབ་འགྱུར་ཏེ། །རིམས་དང་དུ་ག་དང་དབྱིག་དུག་ནད། །མཁའ་འགྲོ་རྣམས་ཀྱི་ཆད་པ་དང་། །གནོད་དང་ལོག་འདྲེན་གཏུམ་པོ་ཡིས། །བསད་ནས་སེམས་ཅན་དམྱལ་ [86a.4]བར་ལྟུང་། །དེ་བས་ནན་ཏན་ཐམས་ཅད་ཀྱིས། །རྡོ་རྗེ་སློབ་དཔོན་བློ་གྲོས་ཆེ། །དགེ་བ་རབ་ཏུ་མི་བཅོམ་པ། །ནམ་ཡང་སྨོད་པར་མི་བྱའོ། །བླ་མ་ལ་ནི་གུས་བཅས་ཡོན། །རྗེས་མཐུན་ཁྱོད་ཀྱིས་དབུལ་བར་བྱ། །དེས་ནི་རིམས་སོགས་གནོད་པ་རྣམས། །ཕྱིར་ཡང་འབྱུང་བར་མི་ [86a.5]འགྱུར་རོ། །རྟག་ཏུ་རང་གི་དམ་ཚིག་བསྲུང་། །རྟག་ཏུ་དེ་བཞིན་གཤེགས་པ་མཆོད། །རྟག་ཏུ་བླ་མ་ལ་ཡང་དབུལ། །འདི་ནི་སངས་རྒྱས་ཀུན་དང་འདྲ། །དེ་ཕུལ་སངས་རྒྱས་ཐམས་ཅད་ལ། །རྟག་ཏུ་ཕུལ་བ་ཉིད་དུ་འགྱུར། །དེ་ཕུལ་བསོད་ནམས་ཚོགས་ཡིན་ཏེ། །ཚོགས་ [86a.6]ལས་དངོས་གྲུབ་མཆོག་ཐོབ་འགྱུར། །གང་ཕྱིར་འདི་ནི་ལེགས་གནས་པས། །དེང་ཁྱོད་ཉེ་བར་འབྲས་བུར་གནས། །དམ་ཚིག་ལྷ་རྣམས་ཀུན་མཉམ་པར། །དེང་ཁྱོད་འགྱུར་བར་ཐེ་ཚོམ་མེད། །སངས་རྒྱས་རྡོ་རྗེ་འཛིན་བཅས་པ། །ཀུན་གྱིས་དེང་ཁྱོད་དབང་བསྐུར་བས། །ཁམས་ [86a.7]གསུམ་གྱི་ནི་རྒྱལ་ཆེན་པོ། །རྒྱལ་པོའི་བདག་པོར་བསྟན་པ་ཡིན། །དེང་ནི་བདུད་ལས་རྣམ་རྒྱལ་ཏེ། །གྲོང་ཁྱེར་མཆོག་ཏུ་རབ་ཏུ་བཞུགས། །ཁྱེད་རྣམས་ཀྱིས་ནི་སངས་རྒྱས་ཉིད། །དེ་ཉིད་ཐོབ་པར་ཐེ་ཚོམ་མེད། །དེ་ལྟར་ཡིད་ནི་རབ་དང་རྡོ་རྗེ་ཉིད་དུ་གྱིས། །རང་གི་དམ་ཚིག་ [86b] [86b.1]མི་ཟད་བདེ་ཆེན་བསྟན་པར་གྱིས། །དེང་འདིར་འགྲོ་བ་མྱུར་ཏེ་རྡོ་རྗེ་སེམས་དཔའ་དང་། །རབ་ཏུ་མཉམ་ཞིང་རྟག་པ་ཉིད་དུ་རྟོགས་པར་འགྱུར། །གཞན་ཡང་དམ་ཚིག་བཅུ་བཞི་བསྟན། །དེ་ལྟར་སློབ་མ་མཉེས་གཤིན་པས། །བླ་མའི་ཞབས་ལ་ཕྱག་འཚལ་ཏེ། །གཙོ་བོ་འདི་ལྟར་བཀའ་སྩལ་ [86b.2]པའི། །གསུང་གི་དེ་བཞིན་བཀའ་བགྱིད་དོ། །ཞེས་པ་ནི་དབུགས་དབྱུང་བ་སྦྱིན་པའོ། །དེ་ནས་རྗེས་སུ་གནང་བ་པ་ནི། །དེ་ནས་རང་གི་ལྷའི་རྣལ་འབྱོར་དང་ལྡན་པས་གསེར་གྱི་ཐུར་མ་ལ་བསྔགས་ཏེ། བདག་གི་ཐུགས་ཀའི་འོད་ཟེར་དང་མཚུངས་པར་ཡེ་ཤེས་ཀྱི་མིག་སྨན་གྱིས་ [86b.3]མིག་དབྱེ་བར་བརྩམ་པར་བྱའོ། །བུ་ཁྱོད་ཀྱི་ནི་མི་ཤེས་པའི། །མིག་གི་རབ་རིབ་ཉེས་པ་རྣམས། །ཇི་ལྟར་མིག་སྨན་མཁན་པོ་ལྟར། །དེ་བཞིན་རྡོ་རྗེ་སེམས་དཔའ་ཡིས། །སྦྱོར་བས་རབ་རིབ་བསལ་བར་བྱ། །ཨོཾ་བཛྲ་ནེ་ཏྲ་ཡ་ཨ་པ་ཧ་ར་པ་ཊ་ལཾ་ཧྲཱིཿ་སློབ་མའི་མིག་གཉིས་ལ་མཆོག་ [86b.4]གི་ཡི་གེ་བསམས་ལ། ཐུར་མ་དང་འོད་ཟེར་གྱིས་བསལ་བར་བྱའོ། །ཨོཾ་བཛྲ་སཏྭ་ཞེས་པས་དེ་ནས་མེ་ལོང་བསྟན་ལ། ཆོས་ཐམས་ཅད་ཀྱི་རང་བཞིན་བསྟན་པ་ནི། ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ [86b.5]ལས་ལས་ཀུན་དུ་བྱུང་། །དེ་བཞིན་ཉིད་ལས་ངེས་པར་སྐྱེས། །ངོ་བོ་ཉིད་མེད་གནས་མེད་པ། །འདི་ལྟར་ཆོས་རྣམས་ཐམས་ཅད་ཤེས། །རང་བཞིན་མེད་ཅིང་གཞི་མེད་པས། །སེམས་ཅན་དོན་ནི་མཉམ་མེད་བྱོས། །སྐྱོབ་པ་རྣམས་ཀྱི་མཆོག་ཏུ་འགྱུར། །དེ་ནས་དྲིལ་བུ་དཀྲོལ་ཞིང་མེ་ [86b.6]ལོང་གི་གཟུགས་བརྙན་བསྟན་ལ། ཆོས་ཐམས་ཅད་ཀྱི་དེ་ཁོ་ན་ཉིད་འདི་ལྟར་ཤེས་པར་གྱིས་ཤིག་ཅེས་བཀའ་བསྒོ་ལ་ཚིག་འདི་བརྗོད་པར་བྱའོ། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ནི་མཚན་ཉིད་མེད། །ནམ་མཁའ་དང་ནི་མཉམ་སྦྱོར་ཕྱིར། །ཀུན་གྱི་མཆོག་ནི་མཉམ་ [86b.7]ཉིད་གསལ། །རྡོ་རྗེ་སེམས་དཔའ་མེ་ལོང་ལྟར། །དག་ཅིང་གསལ་ལ་དྲི་མ་མེད། །སངས་རྒྱས་ཀུན་གྱི་བདག་ཉིད་ནི། །བུ་ཁྱོད་ཀྱི་ནི་སྙིང་ལ་གནས། །གང་འདི་དེ་བཞིན་གཤེགས་པ་ཐམས་ཅད་ཀྱི་བདག་པོའི་བྱང་ཆུབ་སེམས་དཔའ་ནི་འདི་ཡིན་པར་ཤེས་པར་གྱིས་ཤིག །ཅེས་བརྗོད་ [87a] [87a.1]ལ་མེ་ལོང་སྙིང་གར་གཏུག་གོ། །དེ་ནས་ཧོ་ལས་སྐྱེས་པའི་གཞུ་ལག་ཏུ་བྱིན་ལ། དེ་བཞིན་གཤེགས་པ་ཐམས་ཅད་རྗེས་སུ་སྒྲུབས་ཤིག །བདུད་བཞི་རྣམ་པར་འདུལ་བར་གྱིས་ཤིག་ཅེས་མགོ་ལ་ཕྱོགས་བཞིར་གཞུ་བཞི་དགང་བར་བྱའོ། །སྟེང་དང་འོག་ཏུ་ཡང་ངོ་། ། [87a.2]དེ་ནས་ཨོཾ་བཛྲ་ཧེ་ཏུ་མཾ་ཞེས་པས་འཁོར་ལོ་རྐང་པ་གཉིས་ཀྱི་བར་དུ་བཞག་ལ་ཨོཾ་བཛྲ་བྷ་ཥ་རཾ་ཞེས་པས་དུང་ལག་པ་གཡས་སུ་སྦྱིན། དབྱངས་ཀྱི་ཡི་གེ་དང་པོ་ལས་གླེགས་བམ་དང་། དབྱངས་ཀྱི་ཡི་གེ་ཐ་མ་ལས་དྲིལ་བུར་གྱུར་པ་ལས་ལག་པ་གཡོན་དུ་བྱིན་ལ་འདི་སྐད་བརྗོད་དོ། །འདི་ནས་ [87a.3]བརྩམས་ཏེ་སེམས་བསྐྱེད་པ་ཙམ་གྱིས་ཆོས་ཀྱི་འཁོར་ལོ་བསྐོར་བར་གྱིས་ཤིག །དེ་རིང་ཕན་ཆད་འཇིག་རྟེན་ལ། །སྐྱོབ་པ་རྣམས་ཀྱི་འཁོར་ལོ་བསྐོར། །ཆོས་ཀྱི་དུང་ནི་བླ་མེད་པ། །ཀུན་དུ་མ་ལུས་གང་བར་བགྱིས། །སོ་མ་ཉི་ཡིད་གཉིས་མི་བྱ་ཞིང་། །དོགས་པ་མེད་པའི་སེམས་ཀྱིས་སུ། ། [87a.4]གསང་སྔགས་སྤྱོད་པའི་ཚུལ་གྱི་མཆོག །འཇིག་རྟེན་འདི་ལ་རབ་ཏུ་སྒྲོགས། །དེ་ལྟར་བྱས་ནས་སངས་རྒྱས་ལ། །ཕན་འདོགས་དྲིན་དུ་གཟོ་ཞེས་བྱ། །རྡོ་རྗེ་འཛིན་པ་དེ་ཀུན་ཡང་། །ཀུན་དུ་ཁྱོད་ལ་སྲུང་བར་བྱེད། །གཞན་ཡང་གོ་རིམས་ཇི་ལྟ་བའི་འཁོར་ལོས་སྒྱུར་བའི་སྦྱོར་བ་དང་ལྡན་ [87a.5]པར་བྱས་ལ། སེམས་ཅན་རྣམས་ལ་ཕན་འདོད་ཕྱིར། །འཇིག་རྟེན་ཁམས་ནི་ཐམས་ཅད་དུ། །ཇི་ལྟ་ཇི་ལྟར་འདུལ་འགྱུར་བའི། །དེ་ལྟར་ཆོས་ཀྱི་འཁོར་ལོ་བསྐོར། །ཆོས་ཀྱི་གནས་སུ་རྡོ་རྗེ་དང་། །རིན་པོ་ཆེ་དང་པདྨ་དང་། །ཕྲིན་ལས་འཁོར་ལོ་རྣམས་གོ་རིམས། །ཚིགས་བཤད་ [87a.6]འདི་ཡི་རིམ་པ་ལས། །ཤློཀ་ནི་ལྔ་པོ་ཡིས། །རྗེས་སུ་གནང་བ་སྦྱིན་པའོ། །དེ་ལ་བརྟུལ་ཞུགས་ལ་སོགས་པའི་རྗེས་སུ་གནང་བ་སྦྱིན་པའི་བར་དུ་དབང་བཞི་པ་རྫོགས་ནས་སྦྱིན་ཟེར་བ་ཡང་ཡོད་དོ། །དེ་ལ་སྐབས་འདིར་ནི་བཞི་པའི་རིམ་པའི་སྔོན་དུ་འགྲོ་ཞེས་གསུངས་སོ། ། [87a.7]དེ་ནས་སློབ་མ་ལ་བསང་གཏོར་ལ་སོགས་པ་བྱས་ཏེ། སློབ་དཔོན་རྡོ་རྗེ་སློབ་དཔོན་གྱི། །མཚན་ཉིད་ཐམས་ཅད་རྫོགས་བྱས་ལ། །སློབ་མའི་ལག་པར་ནི། ཕྱག་གདུབ་སྔགས་ཀྱི་བསྲུང་བ་གདགས། །སྟེང་དུ་གདུགས་ནི་གཟུང་བྱ་སྟེ། །རྡོ་རྗེ་དྲིལ་བུ་འཛིན་པ་ཡིས། །དཀྱིལ་འཁོར་ [87b] [87b.1]བསྐོར་བ་གསུམ་བྱས་ལ། ཕྱག་རྒྱ་དྲུག་གིས་དབང་བསྐུར་ལ། །དེ་རིང་འདི་ལྟར་སློབ་མ་ཡིས། །རྒྱུད་ཀྱི་དོན་རྣམ་འཛིན་འགྱུར་ཏེ། །གདུགས་བསལ་ནས་ནི་སློབ་མ་ལ། །གཟེངས་བསྟོད་ཕྱིར་ནི་འདི་སྐད་བརྗོད། །ད་ནི་དཀྱིལ་འཁོར་སློབ་དཔོན་གྱུར། །གསང་སྔགས་རྒྱུད་ཀྱང་འཛིན་པར་ [87b.2]འགྱུར། །སངས་རྒྱས་བྱང་ཆུབ་སེམས་དཔའ་དང་། །ལྷ་རྣམས་ཀུན་གྱིས་བཀུར་བར་འགྱུར། །སེམས་ཅན་རྣམས་ལ་བརྩེ་བའི་ཕྱིར། །ཁྱོད་ཀྱིས་དཀྱིལ་འཁོར་ཆོག་བཞིན། །ནན་ཏན་བསྐྱེད་དེ་བྲི་བར་བྱ། །སྒྲུབ་པ་པོ་ཡང་རྒྱུད་ལ་སྦྱོར། །དེ་ནས་རང་སྔགས་བརྒྱ་རྩ་བརྒྱད། །བཟླས་ [87b.3]ནས་སྔགས་འདི་ཁྱོད་ལ་སྦྱིན། །སྔགས་འདི་རྒྱལ་བ་ཀུན་ལ་ཉེ། །ཞེས་བརྗོད་ལ་སྦྱིན་པར་བྱའོ། །སློབ་མས་ཀྱང་། བཅོམ་ལྡན་བདག་གིས་ལེགས་པར་གཟུང་། །སྔགས་ཀྱི་དངོས་གྲུབ་ཉེ་བར་འགྱུར། །གསང་སྔགས་གཟུང་སྟེ་བཟླས་པར་བྱའོ། །དེ་ནས་སློབ་མ་ཕྱག་རྒྱ་བཞི་བསྟན་ [87b.4]པར་བྱ་བའི་ཕྱིར། །འདི་སྐད་བརྗོད་དོ། །ཁྱེད་ཀྱིས་དུས་འདི་ནས་བཟུང་སྟེ་ཕྱག་རྒྱ་བཞི་མི་ཤེས་པའམ། ཕྱག་རྒྱ་གཅིག་མི་ཤེས་པ་ལ་ཕྱག་རྒྱ་གཅིག་ཀྱང་བསྟན་པར་མ་བྱེད་ཅིག་ཅེས་བསྒོའོ། །དེ་ཅིའི་ཕྱིར་ཞེ་ན། སེམས་ཅན་དཀྱིལ་འཁོར་མ་མཐོང་བ་དང་དཀྱིལ་འཁོར་དང་ཕྱག་རྒྱ་ལ་རྗེས་སུ་ [87b.5]མ་ཞུགས་པའི་ཕྱིར། ཐོབ་པའི་འབྲས་བུ་ལ་ཐེ་ཚོམ་དུ་གྱུར་པ་ཡིན་པས་དེ་དག་ལ་བསྟན་པར་མི་བྱའོ། །གལ་ཏེ་བསྟན་པར་བྱས་ན་སྒྲོ་འདོགས་དང་སྐུར་བའི་རང་བཞིན་དུ་འགྲོ་བའི་ཕྱིར། མནར་མེད་པའི་སེམས་ཅན་དམྱལ་བར་ལྟུང་བ་ཡིན་པས་ན། དེ་ལྟ་བུ་ལ་སྟོན་པར་མ་བྱེད་ཅིག་ [87b.6]ཅེས་བསྒོའོ། །འདི་དག་ནི་ཐུན་མོང་གི་སློབ་དཔོན་གྱི་དབང་ངོ་།། ཁྱད་པར་གྱི་ལག་པ་རྡོ་རྗེ་དྲིལ་བུ་དང་ལྡན་པས།ཤེས་རབ་དྲིལ་བུ་དེ་ཉིད་ནི། །བཅུ་དྲུག་ལོན་པའི་ཤེས་རབ་ཏུ། །དམིགས་ཏེ་ལག་པས་ལེགས་འཁྱུད་ནས། །མཚན་ཉིད་ཐམས་ཅད་ཡོངས་རྫོགས་པ། །དེ་ནི་སློབ་ [87b.7]དཔོན་ཡིན་པར་བཤད། །དེ་ནི་འཇིག་རྟེན་ལས་འདས་པའི་དབང་ངོ་། །སློབ་དཔོན་གྱི་དབང་དེ་ཉིད་ནི་ཕྱིར་མི་ལྡོག་པའི་དབང་ཞེས་ཀྱང་བྱ། རྡོ་རྗེ་སློབ་དཔོན་གྱི་དབང་ཞེས་ཀྱང་བྱའོ། །འཇིག་རྟེན་དང་འཇིག་རྟེན་ལས་འདས་པའི་སློབ་དཔོན་གྱི་དབང་ཞེས་བྱའོ། །དེ་ལ་རིག་པའི་དབང་དང་ [88a] [88a.1]སློབ་དཔོན་གྱི་དབང་གིས་ནི་བུམ་པའི་དབང་ཞེས་བྱ་སྟེ། དབང་ཐམས་ཅད་ཀྱི་དུས་སུ་ཁྱད་པར་དང་ཐུན་མོང་གི་བུམ་པས་དབང་བསྐུར་བའི་ཕྱིར་བུམ་པའི་དབང་ཞེས་བྱའོ། །དེས་ནི་ལུས་ཀྱི་སྒྲིབ་པ་དག་ཅིང་སྐུའི་དབང་ཐོབ་པ་དང་། སྤྲུལ་པའི་སྐུའི་རང་བཞིན་ཡིན་ [88a.2]པས་བུམ་པའི་དབང་ཞེས་བྱའོ།། །།སློབ་དཔོན་མཆོག་གི་དབང་ཕྱུག་གིས། །སློབ་དཔོན་དབང་སྐུར་ཚང་ནས་ནི། །གསང་དབང་སྐལ་ལྡན་གང་ཞིག་ལ། །དེ་ལ་དམ་ཚིག་སྦྱིན་བྱ་སྟེ། །མཆོག་གི་སྡོམ་པ་འཛིན་དུ་གཞུག །མི་ལ་སོགས་པའི་ཤ་ལྔ་དང་། །བདུད་རྩི་ལྔ་ [88a.3]ཉིད་བསྟེན་བྱས་ན། །དགྱེས་པ་རྡོ་རྗེའི་དངོས་གྲུབ་ཐོབ། །གཞན་གྱིས་སྲོག་ཀྱང་གཅད་པར་བྱ། །བརྫུན་གྱི་ཚིག་ཀྱང་སྨྲ་བྱ་ཞིང་། །མ་བྱིན་པར་ཡང་བླང་བྱ་སྟེ། །གཞན་གྱི་བུད་མེད་རྟག་ཏུ་བསྟེན། །སེམས་ནི་རྩེ་གཅིག་བརྟན་བྱ་སྟེ། །མ་རིག་ལས་བྱུང་སེམས་འཁྲུལ་གསད། །དངོས་ [88a.4]ཀུན་རང་བཞིན་མེད་པ་དང་། །འཇིག་རྟེན་སྒྲོལ་ཕྱིར་བརྫུན་དུ་སྨྲ། །རང་གི་བདེ་བ་མི་སྤོང་ཞིང་། །རྟོགས་དཀའི་ཡེ་ཤེས་ཐོབ་པའི་ཕྱིར། །མ་བྱིན་པ་ཉིད་བླང་བ་ཡིན། །སྤྲོས་བྲལ་མ་སྐྱེས་བཙུན་མོ་ནི། །རྟོགས་པས་གཞན་གྱི་བུད་མེད་བསྟེན། །ཡང་དག་རྫོགས་པའི་སངས་རྒྱས་ཀྱིས། ། [88a.5]དེ་དག་དམ་ཚིག་ཡིན་པར་གསུངས། །བཟང་པོ་མཚན་ཉིད་ལྡན་པ་ཡིས། །དམ་ཚིག་དེ་དག་ལེགས་པར་གཟུང་། །དེ་ནས་མཆོད་པ་རྣམ་ལྔ་ཡིས། །ཁྱད་པར་ཀུན་དང་ལྡན་བྱས་ལ། །དངོས་གྲུབ་སྡོམ་པ་ལྡན་པའི་ཕྱིར། །སློབ་དཔོན་གྱིས་ནི་སློབ་མ་མཆོད། །དེ་ཉིད་དམ་ཚིག་ [88a.6]སྦྱིན་པ་ཡིན། །དེ་ནས་སློབ་མས་སློབ་དཔོན་ལ། །ཚོགས་ཀྱི་འཁོར་ལོ་ཕུལ་ནས་ནི། །སློབ་མས་རིག་མ་བརྒྱད་པོ་འདི། །མ་དང་སྲིང་མོ་ཉིད་དང་ནི། །བུ་མོ་དང་ནི་ཚ་མོ་དང་། །དེ་བཞིན་ཞང་པོའི་ཆུང་མ་དང་། །མ་ཡི་སྤུན་ཟླ་སྒྱུག་མོ་དང་། །དེ་བཞིན་ཕ་ཡི་སྲིང་མོ་ཉིད། །རིག་མ་ [88a.7]བརྒྱད་དུ་རབ་ཏུ་གྲགས། །ལྷ་མོ་བརྒྱད་ཀྱི་རང་བཞིན་ཏེ། །བསྒྲུབས་ན་དངོས་གྲུབ་འབྱིན་པའོ། །དེ་ནས་རིག་མ་བརྒྱད་པོ་དེ་དག་དང་མི་ལྡན་ན། རིགས་ལྔའི་རང་བཞིན་དུ་གྱུར་པའི་རིག་མ་རྡོ་རྗེ་མ་ལ་སོགས་པ་གང་དང་ལྡན་པ་དབུལ་བར་བྱའོ། །གར་མ་ཚོས་མ་གཡུང་མོ་དང་། །གཏུམ་ [88b] [88b.1]མོ་དང་ནི་བྲམ་ཟེ་མོ། །དེ་བཞིན་གཤེགས་པའི་རིགས་ལས་སྐྱེས། །རིག་མ་ལྔར་ནི་རབ་ཏུ་བཤད། །དེ་དག་རྣལ་འབྱོར་པས་མཆོད་བྱ། །ནམ་དུ་འཁྱུད་དང་འོ་བྱས་ཏེ། །དེ་ལ་ཆགས་པའི་རོལ་པ་བྱ། །རྡོ་རྗེ་པདྨོ་སྦྱོར་བ་ཡིས། །དེར་ནི་ཆང་ནི་བཏུང་བྱ་སྟེ། །ཤ་དང་ཤ་ཆེན་བཟའ་བར་བྱ། ། [88b.2]དེ་ལ་བཏུང་བའི་སྟོན་མོ་སྦྱིན། །དེ་ནས་ཡང་ནི་མཆོད་པར་བྱ། །དེ་ནས་ཐུན་ཚོད་གཉིས་པ་ལ། །སློབ་མ་ནང་དུ་གཞུག་པར་བྱ། །རས་ཀྱིས་མིག་ནི་དགབ་བྱས་ལ། །ཕྱིས་ནི་དཀྱིལ་འཁོར་བསྟན་བྱས་ཏེ། །སཱ་ལུ་སྐྱེས་མཆོད་སྦྱར་བ་དང་། །ཆང་གིས་རྣལ་འབྱོར་མ་མཆོད་བྱ། །བདེ་ཆེན་ [88b.3]དུམ་བུ་གཅིག་པར་ནི། །བདུད་རྩི་དང་བཅས་ཆང་གིས་བཀང་། །སྐལ་ལྡན་ཆེན་པོས་སློབ་དཔོན་དང་། །སྟོན་པ་ཉིད་ལ་མཆོད་བྱས་ཏེ། །བདག་ཀྱང་དགྱེས་པ་ཆེན་པོ་ཡིས། །ཕྱག་འཚལ་ནས་ནི་བཏུང་བར་བྱས། །བྱིན་དང་ལེན་པའི་ཕྱག་རྒྱ་ནི། །པདྨ་ལྟ་བུ་ཕྱེ་བྱ་སྟེ། །ཡང་དང་ཡང་ [88b.4]དུ་ཕྱག་འཚལ་ཡིན། །མ་དང་ཚ་མོ་སྒྱུག་མོ་དང་། །ཞང་པོའི་ཆུང་མ་དག་ལ་ནི། །མཆོད་ན་དངོས་གྲུབ་མྱུར་དུ་ཐོབ། །སེམས་ལ་རྟོག་པ་མེད་པའི་ཕྱིར། །དེ་ནས་རྡོ་རྗེ་སློབ་དཔོན་གྱིས་འདོད་པའི་ཡོན་ཏན་ལྔའི་ཚོགས་ལ་སྤྱོད་དེ། རྣལ་འབྱོར་དང་རྣལ་འབྱོར་མའི་ཚོགས་ཐམས་ཅད་འདོད་པའི་ [88b.5]རོལ་པས་ཡོངས་སུ་སྤྱོད་དེ། མཆོད་པའི་ཁྱད་པར་ཐམས་ཅད་དང་ལྡན་པས་རྡོ་རྗེ་ཀླུ་ལ་སོགས་པའི་དགྱེས་པའི་སྤྱོད་པ་ཐམས་ཅད་རྫོགས་པར་བྱས་ནས། ཚོགས་ཀྱི་འཁོར་ལོ་ཡོངས་སུ་བསྡུས་ཏེ། དེ་ནས་ཡོལ་བལ་སོགས་པས་ས་ཕྱོགས་དབེན་པར་བྱས་ལ། བླ་རེ་དང་རླུང་གཡབ་ [88b.6]ཀྱིས་ཕྱོགས་བཞིར་བརྒྱན་པར་བྱས་ལ། བདེ་ཞིང་འཇམ་པའི་སྟན་བཏིང་སྟེ། ས་ཕྱོགས་དེ་དྲི་ཞིམ་པོའི་སྤོས་དང་མར་མེ་ཕྱོགས་བཞིར་བལྟམ་པར་བྱའོ། །དེ་ལྟ་བུར་སློབ་དཔོན་དང་ལས་ཀྱི་ཕྱག་རྒྱ་བཞུགས་ཏེ། རིག་མ་དེ་རྣམས་ཀྱི་མཆོག་ཏུ་གྱུར་པའམ། སློབ་དཔོན་གང་ལ་ [88b.7]དད་པ་ནི་སྐྲ་འཇམ་ཞིང་འཁྱིལ་པ་དང་། ཞལ་མཛེས་ཤིང་དྲི་ཞིམ་པོས་བྱུགས་པ་དང་མིག་དཀྱུས་རིང་བ་དང་། མདོག་སྔོ་བ་སངས་སུ་གྱུར་པ་ནུ་མའི་མཚམས་འབྲེལ་བ་དང་། རོ་སྟོད་ཆེ་ཞིང་རྐེད་སྐབས་ཕྲ་བ་དང་། གཟུགས་དང་ལང་ཚོས་རྣམ་པར་བརྒྱན་པ་དང་། རིགས་མཐོ་ཞིང་སྙིང་ [89a] [89a.1]རྗེ་དང་ལྡན་པ་དང་། བརྟན་ཞིང་དབང་དང་ལྡན་པ། ཏིང་ངེ་འཛིན་གྱི་བདག་ཉིད་དང་མི་འབྲལ་བ། སྣ་ཚོགས་པའི་གོས་དང་རྒྱན་གྱིས་བརྒྱན་པ། སིཧླ་དང་ག་པུར་བྱུགས་ལ། ཡང་ན་ཇི་ལྟར་རྙེད་པའི་རིག་མ་ལོ་བཅུ་གཉིས་ལོན་པའམ། ལོ་བཅུ་དྲུག་མ་སློབ་མས་སློབ་དཔོན་ [89a.2]ལ་ཕུལ་ལ་དེ་ལྟ་བུའི་རིག་མ་ཡོངས་སུ་གཟུང་སྟེ། ཁྱད་པར་གྱི་རས་དང་མེ་ཏོག་གི་ཕྲེང་བས་བརྒྱན་ཞིང་། ཁྱད་པར་གྱི་བྱུག་པ་ཡིད་འཕྲོག་པས་ལུས་ལ་བྱུགས་ཏེ། བདེ་བ་བསྒྲུབ་པའི་དོན་དུ་འཁྱུད་པར་བྱས་ལ། དེ་ནས་རིག་མ་དང་ལྡན་པའི་སློབ་དཔོན་མཐོང་ན་མཆོད་པ་རྣམ་ [89a.3]པ་ལྔ་དང་། གདུགས་དང་། རྒྱལ་མཚན་དང་། བ་དན་དང་། དྲིལ་བུ་དང་། སྣ་ཚོགས་པའི་རས་དང་། རྒྱན་སྣ་ཚོགས་དང་། ཆང་དང་། ཤ་ལ་སོགས་པ་དེ་ལྟ་བུའི་མཆོད་པ་སྣ་ཚོགས་ཀྱི་ཁྱད་པར་གྱིས་མཆོད་ནས་བསྟོད་པ་བྱ་སྟེ། ཀྱེ་ཀྱེ་གཙོ་བོ་བཅོམ་ལྡན་འདས། །ཞི་བ་ཆེན་པོའི་ [89a.4]བདག་ཉིད་ཅན། །རྡོ་རྗེ་རྣལ་འབྱོར་མཆོག་འགྱུར་ཏེ། །ཕྱག་རྒྱ་ཆེ་དང་གཉིས་མེད་པའི། །རྡོ་རྗེ་རྣལ་འབྱོར་བདག་ལས་སྐྱེས། །ཡང་དག་དོན་མཆོག་ཁྱོད་ལྟ་བུས། །བདག་ཀྱང་གཙོ་བོའི་བཀའ་དྲིན་གྱིས། །འཁོར་བའི་སྡུག་བསྔལ་འདམ་ནས་ནི། །འདྲེན་པ་ཁྱོད་ཀྱིས་བསྐྱབ་ [89a.5]པར་མཛོད། །ཅེས་གསོལ་ཏེ། དེ་ནས་སློབ་དཔོན་གྱིས། །རིག་མ་ལ་ཚེམས་ཀྱིས་མ་མཆུ་གཞིབ་པར་བྱས་ཏེ། ནུ་མ་གཉིས་ལག་པས་བཟུང་ནས། །པདྨའི་ནང་དུ་ལག་པས་རེག་ལ། རྐང་པ་གཉིས་ཕྲག་གོང་དུ་བཞག་སྟེ། འདོད་པ་མཐར་ཕྱིན་པར་སྤྱོད་ཅིང་བདེ་བ [89a.6]རྒྱས་པར་བྱའོ། །ཇི་སྲིད་བདེ་བ་མ་འཕེལ་གྱི་བར་དུ་ཀུན་དུ་རུའི་བདེ་བས་བསྒྲུབ་པར་བྱའོ། །དེ་ཁོ་ན་ཉིད་ཀྱི་བདག་ཉིད་རྟོགས་པར་བྱས་ལ། བདེ་བ་སྐྱེ་བའི་དུས་སུ། ཀྱེ་བཅོམ་ལྡན་འདས་ཞེས་བྱ་བ་ལ་སོགས་པས་བསྟོད་ནས། ལྷའི་རྣལ་འབྱོར་མངོན་དུ་ [89a.7]བྱས་ལ། ཤེས་རབ་མ་དང་སློབ་མའི་གདོང་བཅིངས་ནས། དེ་བཞིན་གཤེགས་པ་ཐམས་ཅད་ཀྱི་ཁུ་བས་གང་བ། ཟླ་བ་ལྟ་བུར་རྒྱས་པ་ཀུན་དུ་རུའི་སྦྱོར་བས་རྡོ་རྗེ་ནོར་བུའི་ནང་དུ་ཕྱིན་པ་དང་། རྒན་པོ་དང་མིང་མེད་ཀྱིས་བཟུང་ནས་སློབ་མའི་ཁར་དབབ་པར་བྱའོ། །དེ་ནས་འདི་ [89b] [89b.1]ལྟར་བརྗོད་པར་བྱ་སྟེ། ཅི་ལྟར་དེ་བཞིན་གཤེགས་རྣམས་ཀྱིས། །བདེ་བ་ཐམས་ཅད་རྫོགས་བྱེད་པའི། །བྱང་ཆུབ་སེམས་དཔའ་སྲས་བཅས་ལ། །དམ་པའི་དོན་དུ་དབང་བསྐུར་སྦྱིན། །དེ་བཞིན་བདག་གིས་གསང་བའི་དབང་། །བསྐུར་བ་བཞིན་དུ་ལེགས་པར་གཟུང་། །དེ་ནས་ [89b.2]སློབ་མས་ལེགས་པར་བརྟགས་ཏེ། ཐོབ་པ་དང་། ཨ་ཧོ་སུ་ཁཾ་ཨ་ཧོ་སུ་ཁཾ་ཞེས་བརྗོད་པར་བྱའོ། །དེ་ནས་ལྕེའི་ལམ་ནས་ཅི་ལྟ་བ་བཞིན་དུ་ཕྱིན་ཅི་མ་ལོག་པས་ཐོབ་པར་བྱའོ། །རིག་མ་ཡང་གཅེར་བུར་གནས་ཏེ། རྡོ་རྗེ་དང་པདྨ་ལས་བྱུང་བའི་སློབ་མ་ལ་ཀུན་དུ་རུས་སྦྱིན་པའི་རིམ་ [89b.3]པས་སྦྱིན་པར་བྱའོ། །དེས་ནི་ངག་གི་ཉེས་པ་དག་ཅིང་གསང་བའི་དབང་ཐོབ་སྟེ། ལོངས་སྤྱོད་རྫོགས་པ་སྐུའི་རང་བཞིན་ཡིན་པ་ལ། གསང་བའི་དབང་གི་རིམ་པའོ།། །།དེ་ནས་རྡོ་རྗེ་སློབ་དཔོན་གྱིས་སློབ་མ་ལ་ཤེས་རབ་ཡེ་ཤེས་ཀྱི་དབང་བསྐུར་བར་བྱ་སྟེ། རིག་མ་དེ་ཉིད་དམ་གཞན་ [89b.4]དག་ལ་བྱས་ནས། ཇི་ལྟར་སྔོན་བཞིན་དུ་ཀུན་དུ་རུའི་སྦྱོར་བ་དང་ལྡན་པར་བྱས་ལ། སློབ་མ་ཡང་དག་པའི་མཚན་ཉིད་དང་ལྡན་པར་བྱས་ཏེ་གསོལ་བ་གདབ་པར་བྱའོ། །དེ་ནས་སློབ་དཔོན་ལངས་ཏེ། སློབ་མ་ཆེན་པོའི་མཚན་ཉིད་དང་ལྡན་པ་དང་། ཁྲོ་བ་དང་ཕྲག་དོག་སྤངས་པར་བལྟས་ལ་ [89b.5]རིག་མ་སྦྱིན་པར་བྱའོ། །མཆོག་གི་རྡོ་རྗེ་འཛིན་པ་ཡིས། །སློབ་མ་རྗེས་སུ་གནང་བ་སྦྱིན། །ཁྱོད་ནི་སྙིང་རྗེ་སྙིང་བརྩེར་ལྡན། །སེམས་ཆེན་ལྡན་པ་འདི་ཟུང་ཤིག །ཀུན་དུ་རུ་སྦྱོར་དག་ལྡན་པས། །རྡོ་རྗེ་འཛིན་པ་ཉིད་དུ་འགྱུར། །མཆོག་དང་གནས་ཆེན་སྦྱིན་ལྷ་མོ། །སྣ་ཚོགས་གཟུགས་ཏེ་ཡིད་ [89b.6]འཕྲོག་མ། །ཟུང་ཤིག་ཟུང་ཤིག་སེམས་ཆེན་མོ། །ཟུང་སྟེ་མཆོད་པ་དེ་ཉིད་སྦྱོར། །དེ་ནས་སློབ་དཔོན་གྱིས་སློབ་མའི་ལག་ཏུ་རིག་མ་གཏད་ལ། དེ་ལ་དགའ་བ་སྐྱེ་བ་སྟེ། །སྐད་ཅིག་དབྱེ་བས་དབྱེ་བར་བྱ། །སྐད་ཅིག་ཤེས་པས་བདེ་བ་ཤེས། །ཨེ་ཝཾ་རྣམ་པས་རབ་ཏུ་གནས། །དང་པོར་ [89b.7]དགའ་བ་ཙམ་ཡིན་ཏེ། །དམ་པར་དགའ་བ་གཉིས་པ་ཡིན། །དགའ་བྲལ་དགའ་བ་གསུམ་པར་ཤེས། །བཞི་པ་ལྷན་ཅིག་སྐྱེས་དེ་བཞིན། །ཅུང་ཟད་དགའ་བ་བདེ་བ་སྟེ། །དམ་པར་དགའ་བ་ད་བས་ལྷག །དགའ་བྲལ་དགའ་བ་ཆགས་བྲལ་ཡིན། །ལྷན་ཅིག་སྐྱེས་པ་ཀུན་དང་བྲལ། ། [90a] [90a.1]དང་པོར་རེག་པར་འདོད་པ་སྟེ། །གཉིས་པ་བདེ་བ་འདོད་པའོ། །གསུམ་པ་འདོད་ཆགས་འཇོམས་པ་ཉིད། །དེ་ནས་བཞི་པ་བསྒོམ་པར་བྱ། །དང་པོར་དགའ་བ་སྲིད་པར་བརྗོད། །འདོད་ཆགས་བྲལ་ཕྱིར་མྱ་ངན་འདས། །བར་མ་དགའ་བ་ཙམ་ཉིད་དེ། །དེ་དག་རྣམ་སྤངས་ [90a.2]ལྷན་ཅིག་སྐྱེས། །སྣ་ཚོགས་པ་དང་རྣམ་པར་སྨིན། །དེ་བཞིན་རྣམ་ཉེད་མཚན་ཉིད་བྲལ། །སྐད་ཅིག་བཞི་ལ་བརྟེན་ནས་ནི། །དེ་ལྟར་རྣལ་འབྱོར་པས་ཤེས་ཀྱིས། །རྣམ་པ་སྣ་ཚོགས་དུ་མར་བརྗོད། །འཁྱུད་དང་འོ་བྱེད་ལ་སོགས་པའོ། །རྣམ་པར་སྨིན་པ་དེ་ལས་གཞན། །བདེ་བ་ཟ་བའི་ [90a.3]ཡེ་ཤེས་སོ། །རྣམ་པར་ཉེད་ལ་རྟོག་པ་སྟེ། །བདག་གི་བདེ་བ་འདྲེན་པའོ། །མཚན་ཉིད་བྲལ་བ་དེ་ལས་གཞན། །ཆགས་དང་ཆགས་བྲལ་རྣམ་པར་སྤངས། །དང་པོར་དགའ་བ་རྣམ་སྣ་ཚོགས། །དམ་པའི་དགའ་བ་རྣམ་པར་སྨིན། །དགའ་བྲལ་དགའ་བ་རྣམ་པར་ཉེད། །ལྷན་ཅིག་ [90a.4]སྐྱེས་དགའ་མཚན་ཉིད་བྲལ། །ཆགས་པ་མ་ཡིན་ཆགས་བྲལ་མིན། །དབུ་མར་ཡང་ནི་མི་དམིགས་པ། །གསུམ་པོ་སྤངས་པའི་བདག་ཉིད་ནི། །ལྷན་ཅིག་སྐྱེས་པ་ཡིན་པར་བཤད། །དགའ་བྲལ་ལ་སོགས་རབ་བརྟགས་ཏེ། །དགའ་བ་གསུམ་གྱི་བདག་ཉིད་ཀྱང་། །དགའ་བྲལ་ [90a.5]དང་ནི་མཆོག་དགའི་དབུས། །ལྷན་ཅིག་སྐྱེས་པ་དེར་གནས་ཏེ། །སྟོང་དང་སྟོང་མིན་ཧེ་རུ་ཀ །འདི་དག་བགྲང་བའི་རིམ་པའོ། །བསྐྱེད་པའི་རིམ་པའི་ཚུལ་གྱིས་དགའ་བྲལ་གྱི་དབུས་སུ་ལྷན་ཅིག་སྐྱེས་པ་བརྟག་པར་བྱའོ། །དེ་ནས་རིག་མ་ཁྱད་པར་ཅན་གྱིས་སྒྲུབ་པ་པོ་ལ་བལྟས་ཏེ། །འདི་ [90a.6]སྐད་བརྗོད་པར་བྱའོ། །དྲི་ཆེན་དྲི་ཆུ་ཟ་བ་འདི། །བུ་ཁྱོད་ཀྱིས་ནི་ནུས་སམ་ཅི། །ཁུ་བ་ཁྲག་དང་དེ་བཞིན་དུ། །རྟག་ཏུ་བུད་མེད་གུས་པ་དང་། །བདག་གི་པདྨ་ལ་ནི་གཞིབས། །ཇི་ལྟར་བདེ་བ་བུ་ཁྱོད་སྨོས། །སྒྲུབ་པ་པོས་ཀྱང་འདི་སྐད་བརྗོད། །ལྷ་མོ་བདག་གིས་ཅིས་མི་ནུས། །ཁུ་བ་ཁྲག་ [90a.7]སོགས་བཟའ་བ་དང་། །རྟག་ཏུ་བུད་མེད་གུས་བགྱིད་དང་། །བྷ་ག་ལ་ནི་འོ་བགྱིད་དོ། །དེ་ནས་དགའ་བ་ཆེན་པོ་ཐོབ་པར་གྱུར་ཏེ། གོས་དང་བྲལ་ལ། གུར་གུམ་དང་གླ་རྩི་དང་ཙནྡན་ལ་སོགས་པའི་དྲི་ཞིམ་པོས་བསྐུས་ཏེ། དྲི་ཞིམ་པོ་མེ་ཏོག་གི་ཕྲེང་བ་ཅོད་པན་དུ་བྱས་ཏེ། ཇི་ལྟར་ཆུ་སྐྱེས་ [90b] [90b.1]དྲི་མས་མ་གོས་པ་ལྟར། ནང་གི་ཆུ་སྐྱེས་ཁ་ཕྱེ་བ་ལྟར་བསྟན་ལ། ཤེས་རབ་མས་འདི་བརྗོད་དེ། ཨེ་མའོ། །བདེ་བ་ཐམས་ཅད་དང་ལྡན་པ། །བདག་གི་པདྨ་རྨད་བྱུང་ལ། །གང་ཞིག་ཆོ་གས་མཉེས་བྱེད་པ། །དེ་ཡི་མདུན་དུ་བདག་ནི་འདུག །ཡང་དག་སངས་རྒྱས་མཉེས་བྱེད་ཕྱིར། ། [90b.2]ཇི་ལྟར་པདྨའི་དོན་གྱིས་ཤིག །དེ་ཉིད་བདེ་ཆེན་རྒྱལ་པོ་འདི། །འདི་ཡི་གནས་ན་རྟག་ཏུ་བཞུགས། །བདེ་ཆེན་དམར་ཐིག་བསྙེན་པར་གྱིས། །ཁ་ཡི་ཆུ་སྐྱེས་ཀྱིས་ནིའོ། །བྷཉྫ་མོ་ཀྵ་ཧོ། །དེ་ནས་སྒྲུབ་པ་པོས་མན་ངག་ཇི་ལྟ་བ་བཞིན་དུ་ས་བོན་དང་ཕྱག་མཚན་གྱིས་སྦྱོར་བས་བདག་མེད་མའི་ [90b.3]གཟུགས་བསམ་མོ། །དེའི་སྙིང་ག་དང་། མགྲིན་པ་དང་། སྤྱི་བོར་ཧཱུཾ་ཨཱཿ་ཨོཾ་རིམ་པ་ཇི་ལྟ་བ་བཞིན་དུ་བསམ་པར་བྱའོ། །དེ་ནས་རྡོ་རྗེ་དང་པདྨ་དག་པར་བྱའོ། །ཨོཾ་པདྨ་སུ་ཁ་དྷ་ར་མ་ཧཱ་རཱ་ག་སུ་ཁཾ་ད། ཙ་ཏུར་ཨཱ་ནནྡ་བྷ་ག་བི་ཤྭ་ཧཱུཾ་ཧཱུཾ་ཧཱུཾ་ཀརྱཾ་ཀུ་རུ་ཥ་མེ། ཨོཾ་བཛྲ་མ་ཧ་དྭེ་ཁ། ཙ་ཏུར་ཨཱ་ནནྡ་ད་ཡ་ [90b.4]ཀཿ་ཁ་ག་མུ་ཁེ་ཀཱ་ར་སོ་ནཱ་ཐཾ་ཧཱུཾ་ཧཱུཾ་ཧཱུཾ་ཀརྱཾ་ཀུ་རུ་ཥ་མེ། འདི་དག་གིས་དག་པར་བྱ་སྟེ། ཤིན་ཏུ་བདེ་བ་མཚོན་ཞིང་བསྐྱེད་པའི་དོན་དུ་བལྟ་བ་དང་། དགོད་པ་དང་། ལག་བཅངས་དང་། འཁྱུད་པའི་སྦྱོར་བ་དང་ལྡན་པར་བྱས་ལ། བདག་མེད་མའི་པདྨའི་དབུས་སུ་རྩ་གསུམ་གྱི་བདག་ཉིད་ལྕེའམ་ལག་ [90b.5]པའི་སྦྱོར་བས་བཙལ་བར་བྱ་སྟེ། ཇི་སྲིད་བདེ་བ་མ་རྒྱས་ཀྱི་བར་དུ་བསྒྲུབ་པར་བྱའོ། །དེ་ལ་བལྟ་བ་ལ་སོགས་པ་ནི་ཚོགས་དང་། སྦྱོར་ལམ་དང་། མཐོང་བ་དང་། བསྒོམ་པ་དང་ཁྱད་པར་མཐར་ཕྱིན་པའི་ལམ་གྱི་བར་དུ་བར་མ་ཆད་པར་ཡང་དག་པར་རྫོགས་པའི་སངས་རྒྱས་སུ་གྱུར་པ་ནི་བླ་ [90b.6]མའི་མན་ངག་བརྒྱུད་པའི་རིམ་པ་ལས་ཤེས་པར་བྱའོ། །ནོར་བུའི་རྩེ་མོར་ཕྱིན་པའི་བྱང་ཆུབ་ཀྱི་སེམས་དེ་ནི་ལྷན་ཅིག་སྐྱེས་པའི་བདེ་བ་ཆེན་པོའི་བདག་ཉིད་དབང་པོ་ཐམས་ཅད་ཀྱིས་རྣམ་པར་གྲོལ་བ་ཡུལ་མེད་པའི་དམིགས་པ་དང་བཅས་པའི་ཕྱིར་དོན་དམ་པའི་ལྷན་ཅིག་སྐྱེས་པ་མཚོན་ [90b.7]པར་བྱེད་པ་སྟེ། དཔེའི་ལྷན་ཅིག་སྐྱེས་པའི་གཟུགས་སོ། །བླ་མའི་མན་ངག་དང་གོམས་པ་དང་། མནན་པའི་སྦྱོར་བ་དང་། རླུང་གི་རྣམ་པར་རྒྱལ་བ་དང་ཕྱི་རོལ་གྱི་གཟུངས་མ་ལ་རླུང་ཁ་སྦྱོར་དུ་བྱ་སྟེ་བསྟན་པར་བྱས་ནས་དོན་དམ་པ་ལྷན་ཅིག་སྐྱེས་པ་མཐོང་བར་འགྱུར་རོ། །གལ་ [91a] [91a.1]ཏེ་གཟུངས་མ་དང་མི་ལྡན་ན་ལོངས་སྤྱོད་རྫོགས་པའི་རླབས་ཀྱི་སྦྱོར་བས་བཞི་པ་བསྐུར་བར་བྱའོ། །ཡང་འདི་ལྟར་གསུངས་ཏེ། ཇི་སྲིད་རྣལ་འབྱོར་པ་དག་གི །བྱང་ཆུབ་སེམས་ནི་མ་འཕོས་པར། །དེ་ཐོབ་བར་ཆད་མེད་པ་སྟེ། །ཅི་ཞིག་དགའ་བ་བདེ་ཆེན་ཡིན། །བྱང་ [91a.2]ཆུབ་སེམས་ནི་འཕོས་པ་ན། །དངོས་གྲུབ་ཐམས་ཅད་དག་གི་གནས། །ཕུང་པོ་རྣམ་ཤེས་ཉམས་འགྱུར་ཏེ། །དེ་ཡི་དངོས་གྲུབ་སྡུག་བསྔལ་ཡིན། །དེ་ཡི་རྣལ་འབྱོར་ལས་སྐྱེས་པའི། །ཡང་དག་པ་རུ་སྤང་མི་བྱ། །ལག་དང་དུང་དང་ཉ་ཕྱིས་ཀྱིས། །བླངས་པར་བྱ་བ་མ་ཡིན་ཏེ། །རྡོ་རྗེ་ [91a.3]བདུད་རྩི་ལྔ་ཡིས་བླང་། །དེས་ནི་སྟོབས་དང་བདེ་སྐྱེད་དེས། །དེ་ནས་བློ་ལྡན་ལངས་ནས་ནི། །བླ་མའི་ཞབས་ལ་ཕྱག་འཚལ་ཏེ། །སྟོན་པས་གསུངས་པ་སེམས་དཔའ་ཆེ། །ཡང་དག་དམ་པ་དགའ་ཐོབ་པར། །སྣ་ཚོགས་བརྟེན་སྤངས་སྐད་ཅིག་མ། །བདེ་བ་ཆེན་པོ་གཟུང་བར་བྱ། །ཇི་ [91a.4]སྲིད་བྱང་ཆུབ་མཐར་ཐུག་ཏུ། །སེམས་ཅན་དོན་གྱིས་རྡོ་རྗེ་འཛིན། །ཞི་བ་རྒྱས་པ་ལ་སོགས་པས། །འགྲུབ་འགྱུར་འདི་ལ་ཐེ་ཚོམ་མེད། །དབང་པོ་གཉིས་སྦྱོར་ལས་ལྔ་འབྱུང་། །འབྱུང་བ་ལྔ་ཡི་རང་བཞིན་ནོ། །དགའ་བ་ཆེན་པོ་གཅིག་ཉིད་ལ། །དབྱེ་བ་ལྔར་ནི་འགྱུར་བ་སྟེ། །རྡོ་རྗེ་པདྨར་ [91a.5]རབ་སྦྱོར་གྱིས། །རེག་པས་སྲ་བའི་བག་ཆགས་སོ། །སྲ་བ་གཏི་མུག་ཆོས་ཡིན་ཕྱིར། །གཏི་མུག་རྣམ་པར་སྣང་མཛད་དོ། །གང་ཕྱིར་བྱང་ཆུབ་སེམས་དེ་ནི། །གཤེར་བ་ཆུ་ཡི་ཁམས་སུ་འདོད། །ཆུ་ནི་མི་བསྐྱོད་རང་བཞིན་ཕྱིར། །ཞེ་སྡང་ལ་ནི་མི་བསྐྱོད་བདག །གཉི་ག་ཡང་དག་རབ་ [91a.6]སྦྱོར་བས། །དྲོད་ནི་རྟག་ཏུ་སྐྱེ་བ་ཡིན། །དྲོད་ལས་འདོད་ཆགས་འབྱུང་བ་སྟེ། །འདོད་ཆགས་རྡོ་རྗེ་འོད་དཔག་མེད། །པདྨ་ལ་གནས་སེམས་ནི་གང་། །གང་ཡིན་དེ་ནི་རླུང་གི་ཚུལ། །ཕྲག་དོག་དོན་ཡོད་གྲུབ་པ་ཡིན། །དོན་ཡོད་རླུང་ལས་ཡང་དག་འབྱུང་། །བདེ་བ་འདོད་ཆགས་ཁྲག་ [91a.7]མིན་ཏེ། །ཁྲག་ནི་ནམ་མཁའི་མཚན་ཉིད་དོ། །ནམ་མཁའ་སེར་སྣའི་མཚན་ཉིད་དོ། །སེར་སྣ་རྡོ་རྗེ་ནམ་མཁའ་ཉིད། །སེམས་ཅན་པོ་ནི་གཅིག་ཉིད་ལ། །ལྔ་ཡི་གཟུགས་སུ་བརྟག་པའོ། །རིགས་ནི་ལྔ་ལས་འབྱུང་བ་ནི། །དེ་ལ་སྟོང་ཕྲག་དུ་མའིའོ། །དེ་ཕྱིར་འདི་ནི་རང་བཞིན་གཅིག ། [91b] [91b.1]རྟག་ཏུ་བདེ་ཆེན་དམ་པའོ། །འདི་ཉིད་ཡེ་ཤེས་ཆེན་པོ་སྟེ། །ཐམས་ཅད་ལུས་ལ་རྣམ་པར་གནས། །གཉིས་སུ་མེད་དང་གཉིས་སུ་གནས། །དངོས་དང་དངོས་མེད་བདག་ཉིད་གཙོ། །ཐབས་དང་ཤེས་རབ་གཉིས་མེད་པ། །ཆགས་དང་ཆགས་བྲལ་འདྲེས་འགྱུར་ཏེ། །འདི་ཉིད་སྲོག་ཆགས་ [91b.2]རྣམས་ཀྱི་སྲོག །དེ་ཉིད་ཡི་གེ་དམ་པ་སྟེ། །གཡོ་དང་མི་གཡོ་ངེས་ཐོབ་ནས། །སྒྱུ་མའི་གཟུགས་སུ་མཚུངས་པར་སྣང་། །དཀྱིལ་འཁོར་འཁོར་ལོའི་ཐབས་གང་གིས། །རྟག་ཏུ་ངེས་པར་འགྱུར་བ་ཡིན། །ཡང་ན་ཐམས་ཅད་དེ་ཉིད་བདག །ཡང་ན་ཐམས་ཅད་སྤངས་པ་ཡིན། །དགའ་ [91b.3]བྲལ་ལ་སོགས་བརྟགས་པ་ཡིན། །དགའ་བ་གསུམ་པོ་སྤངས་པ་ཡི། །ཡེ་ཤེས་ཆེན་པོ་འདི་ཉིད་ཕྲ། །རྡོ་རྗེ་སྙིང་པོ་ནམ་མཁའ་བཞིན། །དྲི་མེད་ཐར་པ་ཞི་བ་ཉིད། །ཁྱོད་ནི་ཕ་སྟེ་སྐྱེད་བྱེད་ཡིན། །དེ་དག་གིས་ནི་ཡིད་ཀྱི་སྒྲིབ་པ་དག་ཅིང་ཐུགས་ཀྱི་དབང་ཐོབ་པ་སྟེ། ཆོས་ [91b.4]ཀྱི་སྐུའི་རང་བཞིན་ཤེས་རབ་ཡེ་ཤེས་ཀྱི་དབང་ངོ་།། །།དེ་དག་གིས་ནི་ཅི་གསུངས་པར་གྱུར་ན། སློབ་དཔོན་གསང་བ་ཤེས་རབ་དང་། །བཞི་པ་ཡང་ནི་དེ་བཞིན་ནོ། །དབང་བསྐུར་བཞི་པའི་གྲངས་ཀྱིས་ནི། །དགའ་བ་ལ་སོགས་རིམ་ཤེས་བྱ། །དེ་ལ་དབང་བཞི་པ་ཇི་ལྟར་ [91b.5]བསྟན་ཞེ་ན། དགྱེས་པའི་རྡོ་རྗེའི་རྒྱུད་ལས་ནི་དབང་གསུམ་ཁོ་ན་གསུངས་ཏེ། བཞི་པ་སླར་ཡང་དེ་བཞིན་ཉིད། །ཅེས་བྱ་བ་འབྱུང་བ་ནི་ཆུ་དང་མེ་ཏོག་ཕྲེང་བ་ལ་སོགས་པར་བཞི་པ་དེ་ཁོ་ན་ཉིད་གསུངས་པ་ནི་དེ་ཁོ་ན་ཉིད་བསྡུས་པའི་རྒྱུད་ཀྱི་དགོད་པ་གསུངས་པ་ཡིན་ནོ། །ཇི་ལྟར་རྡོ་རྗེ་ [91b.6]རིགས་ཀྱི་ལེའུར་གསུངས་པའི་བཞི་པ་ནི་གང་དུ་ཤེས་པར་འགྱུར། དེ་ལས་གཞན་ཡང་བཞི་པ་ནི་ཤེས་རབ་ཡེ་ཤེས་ཀྱི་དབང་ཁོ་ནར་རིག་པར་བྱའོ་ཞེས་གསུངས་སོ། །འདི་ལྟར་གསུངས་ཏེ། དགོད་པ་དག་ལ་སློབ་དཔོན་ཏེ། །ལྟ་བ་དེ་བཞིན་གསང་བའོ། །ལག་པ་བཅངས་པ་ཤེས་ [91b.7]རབ་སྟེ། །དེ་ཡང་གཉིས་གཉིས་འཁྱུད་རྒྱུད་དོ། །དེའི་དོན་ནི་འདི་ཡིན་ཏེ། དེ་ལ་ཤེས་རབ་མ་ལ་དགོད་པ་དང་སྙིང་བརྩེ་བ་ནི་དེ་བཞིན་གཤེགས་པ་ཐམས་ཅད་ལ་མཆོད་པའི་གཟུགས་ཀྱིས་ནི་སློབ་དཔོན་གྱི་དབང་གི་མཚན་ཉིད་ཡིན་པའི་ཕྱིར་རོ། །སློབ་དཔོན་གྱི་དབང་ངོ་།། །། [92a] [92a.1]དེ་ལ་ཤེས་རབ་མ་ལ་ཉེ་བར་བརྩེ་བས་ཆུ་སྐྱེས་ལ་བལྟ་བ་ནི་གསང་བ་ལ་ཉེ་བའི་ཕྱིར་གསང་བའི་དབང་ངོ་། །ཤེས་རབ་མའི་ལུས་ལ་ཉེ་བར་རེག་པ་ནི་ཤེས་རབ་དང་ཉེ་བར་ལྡན་པའི་ཕྱིར་ཤེས་རབ་ཀྱི་དབང་ངོ་། །དེ་ལ་གཉིས་གཉིས་འཁྱུད་ནི་རྒྱུད་ལས་འབྱུང་བའི་དམ་པའི་དོན་ [92a.2]གྱི་དེ་ཁོ་ན་ཉིད་མཚོན་པར་བྱེད་པས། གཉིས་སུ་མེད་པའི་ཡེ་ཤེས་ཏེ། རྒྱུད་འབྲས་བུ་བཞི་པའི་དབང་ཞེས་བྱའོ། །ལ་ལ་དག་གི་བཞི་པའི་དབང་གསུམ་པ་ལས་ཐ་དད་པར་གསུངས་ཏེ། ལེའུ་དང་པོར་དབང་བཞི་ཀ་སོ་སོར་གསུངས་པའི་ཕྱིར། བཞི་པ་ནི་ཐ་དད་དུ་ཡོད་དོ་ཞེས་གསུངས་ [92a.3]སོ། །དེ་ལ་འཐད་པར་གྱུར་ནས་གཙོ་བོ་གང་ཡིན་མ་ངེས་པས་བསྒོམ་པ་དང་ལྡན་པར་མི་འགྱུར་རོ། །དེའི་ཕྱིར་ཐུགས་ཀྱི་དབང་ལ་གཉིས་ཀྱི་བྱེ་བྲག་གིས་བཞི་པ་ཤེས་པར་བྱའོ། །དེ་ལ་གཉིས་ནི་ཤེས་རབ་ཀྱི་ལུས་དང་ལྷན་ཅིག་ལྡན་ན། ལྷན་ཅིག་སྐྱེས་པ་བདེ་བ་ཆེན་པོར་བསྟན་པར་ [92a.4]བྱའོ་ཞེས་པའི་མཚན་ཉིད་སེམས་ཀྱི་ཤེས་རབ་ཀྱི་ལུས་དང་ཉེ་བར་ལྡན་ནས་འབྱུང་བ་ཡིན་ཞེས་པའི་ཕྱིར་ཤེས་རབ་ཡེ་ཤེས་ཀྱི་དབང་ངོ་། །དེ་ཉིད་ལ་བརྟན་པར་བྱས་པའི་ལྷན་ཅིག་སྐྱེས་པའི་བདེ་བ་ཆེན་པོ་ཅི་ལྟར་མཉམ་པར་གཞག་པའི་སྟོབས་ཀྱིས་བདེ་བས་ལུས་ཐམས་ཅད་ལ་སོ་སོར་ [92a.5]ཁྱབ་ཅིང་། དངོས་པོ་སྣ་ཚོགས་ལ་ཁྱབ་ནས་བདེ་བ་ཆེན་པོའི་བདག་ཉིད་དུ་དབྱེར་མེད་པར་བྱས་ཏེ། ཤེས་རབ་ཡེ་ཤེས་ལྟ་བུར་གཉིས་སུ་མེད་པ་རྟོག་པ་ཐམས་ཅད་སྤངས་པ། བདེ་བ་ཆེན་པོ་ཙམ་ཉིད་ལ་མོས་ཤིང་དེ་ཉིད་ཀྱི་ཞེན་པ་སྤངས་པ་ནི་བཞི་པ་དེ་ཁོ་ན་ཉིད་ཀྱི་དབང་ངོ་། །དེའི་ཕྱིར་ [92a.6]ཡང་། བཞི་པ་སླར་ཡང་དེ་བཞིན་ཉིད། །ཅེས་གསུངས་པ་ཡིན་ནོ། །དེ་དག་གིས་སྐུ་དང་གསུང་དང་ཐུགས་རྣམ་པར་དག་པའི་མཚན་ཉིད་བདེ་བ་ཆེན་པོའི་སྐུའི་རང་བཞིན་ནི་དབང་བཞི་པའོ།། །།ནམ་མཁའི་མཐའ་དང་མཉམ་པའི་རྗེས་སུ་འགྲོ་བས་རབ་ཏུ་གནས་པ་ཡིན། ཆོས་དང་དེ་ [92a.7]བཞིན་བདེ་གཤེགས་རྡོ་རྗེ་དྲིལ་བུ་ལ་རབ་གནས་བྱའོ། །སྐྱོབ་པ་རྣམས་ཀྱི་དོན་དམ་འཇིག་རྟེན་པ་ཡིས་ཡོངས་སུ་མི་ཤེས་པ། །འཇིག་རྟེན་རྣམས་ལ་བརྩེ་ཕྱིར་ཅི་ལྟར་རབ་ཏུ་གནས་པར་བྱ། །ལུགས་སྐུ་མཆོད་རྟེན་ལྷ་ཁང་དང་། །ཆོས་ཀྱི་བྲིས་སྐུ་གླེགས་བམ་ནི། །གྲངས་དང་ཚད་ནི་ [92b] [92b.1]གཟུང་བྱས་ལ། །ཚར་དང་མཚན་རྫོགས་ཐེ་ཚོམ་མེད། །བློ་གྲོས་དེ་ཉིད་ཤེས་པ་ཡིས། །རབ་ཏུ་གནས་པ་བརྩམ་པར་བྱ། །གང་ཞིག་བསོད་ནམས་འཕེལ་བྱའི་ཕྱིར། །རྗེས་སུ་མཆོད་པའི་རྟེན་དུ་བྱ། །སྐུ་སོགས་ལེགས་པར་ཆར་བ་ལ། །ཡུན་རིང་བསྙེན་པ་མ་བྱས་དང་། །དེ་ [92b.2]ཡིས་ཚོགས་པ་མི་ལྡན་པས། །རབ་གནས་གྲུབ་པར་མི་འགྱུར་ཏེ། །དེ་ལ་སྐྱེས་བུ་གང་ཞིག་ནི། །ཡོན་ཏན་མཚན་ཉིད་མི་ལྡན་པས། །འགྲོ་བས་དེ་ལ་མི་མཆོད་ཅིང་། །དེ་ཡི་གཟུགས་ནི་དམན་པར་འགྱུར། །རབ་གནས་མ་བྱས་གང་ཞིག་ལ། །དེ་ལ་མཆོད་དང་ཕྱག་བྱེད་ནི། ། [92b.3]སྔགས་མེད་སྦྱིན་སྲེག་བྱེད་པ་ལ། །བསྲེགས་པས་ཐལ་བར་འགྱུར་བ་ཙམ། །དེ་ལ་འབྲས་བུ་འབྱུང་མི་འགྱུར། །གོང་དུ་གསུངས་བཞིན་སྔགས་མེད་ན། །ཆོས་བྱེད་ཡིན་ཞིང་མཆོད་སྩོགས་ཡང་། །དེ་ཡི་ལས་ཀྱི་རྣམ་སྨིན་གྱིས། །སྐྱེ་བ་ཀུན་ལ་མཆོད་སྐལ་མེད། །དེ་ཡང་ཉི་མ་བཟང་པོ་དང་ [92b.4]གཟའ་དང་རྒྱུ་སྐར་ཤིས་པ་ལ། རྡོ་རྗེ་སློབ་དཔོན་གྱིས་ཁྲུས་བྱས་ལ། དྲི་ཞིམ་པོས་བྱུགས་ཏེ། གཙང་མའི་གོས་གྱོན་ནས་ལས་ཀྱི་རྡོ་རྗེ་དང་ལྡན་པར་བྱས་ཏེ། མཆོད་པ་ལ་སོགས་པ་ཚོགས་པར་བྱས་ལ། རྡོ་རྗེ་དང་དྲིལ་བུ་གཟུང་བར་བྱས་ནས། བདེ་བའི་སྟན་མཐོན་པོ་ལ་འདུག་སྟེ། ཏིང་ [92b.5]ངེ་འཛིན་དང་ལྡན་པས་དཀྱིལ་འཁོར་གྱི་མཆོད་པ་བྱའོ། །དེ་ནས་ལུགས་སྐུ་དང་ཐང་ཀ་དང་། གླེགས་བམ་ལ་སོགས་ལ་རབ་ཏུ་གནས་པར་བྱ་བའི་ཕྱིར། དངོས་པོ་ཐམས་ཅད་གདོད་ནས་མ་སྐྱེས་པའི་ངོ་བོར་བལྟས་ལ། རྗེས་སུ་མཐུན་པའི་གཟུགས་སུ་བལྟ་བ་ནི་རྟེན་དང་རྟེན་གྱི་དཀྱིལ་ [92b.6]འཁོར་ས་བོན་དང་ཕྱག་མཚན་ལས་ཡོངས་སུ་རྫོགས་པར་བསྐྱེད་དོ། །རིགས་ཀྱི་རྗེས་སུ་མཐུན་པའི་དབུ་རྒྱན་དང་ལྡན་པར་བལྟས་ཏེ། དམ་ཚིག་སེམས་དཔའི་ཏིང་ངེ་འཛིན་རྫོགས་པ་དང་། ཡེ་ཤེས་སེམས་དཔའ་ནམ་མཁའི་ཁམས་སུ་བལྟས་ལ། བསང་གཏོར་ལ་སོགས་པ་ [92b.7]ཕུལ་ནས་རང་གི་ཐུགས་ཀའི་ས་བོན་ལས་སྤྲོས་པའི་ལྷ་མོ་བརྒྱད་ཀྱིས་མཆོད་དེ། བསྟོད་ནས་བདུད་རྩི་མྱང་བར་བྱས་ནས། དེ་ནས་སྔགས་པས་མེ་ཏོག་དྲི་ཞིམ་པོ་ཐལ་མོས་བཟུང་སྟེ། ལུས་འདུད་པར་བྱས་ལ། ཨོཾ་སརྦ་ཏ་ཐཱ་ག་ཏ་ས་ལ་ལི་ཏ། བི་ལ་སྱ་ན་མི་ཏེ་ན་ན་མཱི་བྷི་ག་བནྟཾ། ཛཿ་ཧཱུཾ་ [93a] [93a.1]བཾ་ཧོཿ། པྲ་ཏཱི་ཙྪ་ཀུ་སུ་མ་ཨཉྫ་ལི་ནཱ་ཐ་ཧོ། །ས་མ་ཡ་སྟྭཾ། ས་མ་ཡ་སྟྭཾ། ས་མ་ཡ་སྟྭཾ་ཞེས་བརྗོད་ནས་སྙིམ་པའི་མེ་ཏོག་གཏོར་ལ། པུས་མོ་གཡས་པའི་ལྷ་ངས་ལ་བཙུགས་ནས། ལག་པས་དྲི་ཞིམ་པའི་སྤོས་ཀྱི་སྣོད་ཐོགས་ལ། གཙོ་བོའམ་གཞན་ལ་རབ་ཏུ་གནས་ [93a.2]པར་བྱའོ། །བཅོམ་ལྡན་ཁྲོ་བོ་རྡོ་རྗེ་ཅན། །རིག་སྔགས་རྒྱལ་ལ་ཕྱག་འཚལ་ལོ། །བདག་ཉིད་བརྩེ་བར་གྱུར་ནས་ནི། །རབ་ཏུ་གནས་པར་བྱ་བ་དང་། །སློབ་མ་རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །ཐུགས་རྗེའི་བདག་ཉིད་ཅན་རྣམས་ཀྱིས། །རྗེས་སུ་ [93a.3]གནང་བར་མཛད་དུ་གསོལ། །ཅི་ལྟར་རྫོགས་པའི་སངས་རྒྱས་རྣམས། །དགའ་ལྡན་དུ་ནི་རབ་བཞུགས་ནས། །སྒྱུ་མའི་ལྷ་མོའི་ལྷུམས་ཞུགས་ལ། །དེ་ལྟར་སྐུ་འདི་ལ་ནི་ཞུགས། །འདིར་ནི་རྟག་ཏུ་ཞུགས་པར་འགྱུར། །བརྩེ་བས་རྗེས་སུ་གཟུང་བ་དང་། །བྱང་ཆུབ་སེམས་ནི་རབ་ [93a.4]འཕེལ་ཕྱིར། །རབ་ཏུ་གནས་པ་མཛད་དུ་གསོལ། །ཞེས་ལན་གསུམ་དུ་གསོལ་བ་བཏབ་ནས། མེ་ཏོག་དང་སྤོས་ལ་སོགས་པས་མཆོད་པར་བྱའོ། །དེ་ནས་ཕྱིར་བྱུང་ནས་ཕྱོགས་སྐྱོང་ལ་སོགས་པ་ལ་གཏོར་མ་སྦྱིན་པར་བྱས་ནས་ནང་དུ་ཞུགས་ཏེ། ལས་ཐམས་ཅད་པའི་ [93a.5]སྔགས་བཟླས་ནས། སྲུང་སྐུད་མདུད་པ་གསུམ་དང་ལྡན་པར་བྱས་ནས་སློབ་མའི་དཔུང་པ་གཡས་པ་ལ་བཏགས་ནས་ལས་ཐམས་ཅད་པའི་ཆུ་ལ་བསྔགས་ཏེ། བསང་གཏོར་གྱིས་བསྲུང་བར་བྱའོ། །ཆོག་ཐམས་ཅད་ནི་སློབ་མའམ་ལས་ཀྱི་རྡོ་རྗེ་དང་ལྡན་པར་བསྒྲུབ་པར་བྱའོ། ། [93a.6]སློབ་མའམ་ཡོན་གྱི་བདག་པོ་ལ་འདི་ལྟར་བསྒོ་སྟེ། སྔགས་པས་ཅུང་ཟད་ཅི་བསྒོས་པ། །ཆོ་ག་མཆོད་པ་ལ་སོགས་ནི། །གཡོ་སྒྱུ་མེད་པས་བསྒྲུབ་པར་གྱིས། །དེས་ནི་འབྲས་བུ་ཆེན་པོ་ཐོབ། །ཅེས་བསྒོས་ལ་བར་ཆད་ཐམས་ཅད་ཞི་བར་བྱ་བའི་ཕྱིར་རྩ་བའི་སྔགས་བཟླས་ལ་ཉལ་ [93a.7]བར་བྱའོ། །དེ་དག་ནི་ལྷ་སྟ་གོན་ལ་གནས་པའོ།། །།དེ་ནས་ནང་པར་གྱི་དུས་སུ་སྔགས་པས་ཇི་ལྟར་གསུངས་པའི་མཚན་ཉིད་ཐམས་ཅད་དང་ལྡན་པས་ཞི་བའི་གཏོར་མ་བཏང་ལ་ལྷའི་རྣལ་འབྱོར་དང་ལྡན་པས་དཀྱིལ་འཁོར་གྲུ་བཞི་པའི་ཚད་དང་ལྡན་པ་དཔངས་སུ་ཁྲུ་དོ་ཡོད་པར་ [93b] [93b.1]བྱས་ལ། སྐུ་གཟུགས་ལ་སོགས་པ་ཤར་དུ་ཞལ་བལྟས་པར་བཞུགས་སུ་གསོལ་ལ། ན་བཟའ་སེར་པོས་སྐུ་ལ་གསོལ་ཏེ། སྔོན་དུ་གསུངས་པའི་རྣལ་འབྱོར་གྱི་མཚན་ཉིད་ཀྱིས་དངོས་པོ་ཐམས་ཅད་མ་སྐྱེས་པའི་ངང་ལས་སྐྱེས་པའི་ཚུལ་དུ་བསྐྱེད་ལ། སྙིང་ག་དང་། [93b.2]མགྲིན་པ་དང་། སྤྱི་བོར་ཨོཾ་ཨཱཿ་ཧཱུཾ་གིས་བྱིན་གྱིས་བརླབ་པར་བྱའོ། །ནི་མན་ཙ་ནས་ཤིས་པའི་ཆོ་ག་བྱ་སྟེ། ལག་པ་གཡས་གཡོན་གྱི་ཁྱོར་བས་ཉུངས་ཀར་བཟུང་ལ། གཡས་སྐོར་དང་གཡོན་སྐོར་དུ་བྱས་ནས། ཐུགས་ཀའི་འོད་ཟེར་གྱིས་ཉེས་པ་བསལ་ཏེ། ཨོཾ་སརྦ་པཱ་ [93b.3]པཾ་ད་ཧ་ན་བཛྲཱ་ཡ་སྭཱ་ཧཱ། ཞེས་པས་ལན་གསུམ་དུ་མེར་བསྲེག་གོ། །དེ་ནས་སྔགས་དེ་ཉིད་ཀྱིས་ཆུ་ཁྱོར་བ་གསུམ་གོང་གི་ཚུལ་བཞིན་དུ་གདབ་པར་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བི་ཤོ་དྷ་ནི་སྭཱ་ཧཱ། སྔགས་འདི་ལན་གསུམ་དུ་བཟླས་ཏེ། དྲི་ཞིམ་པོའི་མར་ཁུ་དཱུར་བའི་ཆུན་པོས་ [93b.4]ལེགས་པར་བྱུགས་ལ་ཁར་གཞོང་གི་ནང་དུ་བཞག་སྟེ། བ་ཊ་དང་ཨུ་དུ་མྺཱ་ར་དང་ཤི་རི་དང་ཨ་ཤྭདྠ་དང་པ་ལ་ཤས་ཉེས་པ་དང་མར་ཁུ་བསལ་བའི་ཕྱིར། ཤུན་པ་ལྔ་ས་བོན་ལྔས་བྱིན་གྱིས་བརླབས་ལ། དེ་ཉིད་བཏགས་པས་འདག་ཆལ་དུ་སྦྱར་ལ་ཁྲུས་གསོལ་བར་བྱའོ། །རྒྱལ་ [93b.5]པོ་དབང་བསྐུར་བའི་སྦྱོར་བ་གདུགས་དཀར་པོ་འཛིན་པ་དང་བཀྲ་ཤིས་ཀྱི་ཚིགས་སུ་བཅད་པ་ལས་བསྟོད་པ་དང་། དུང་དང་ཟངས་དུང་དང་རྔ་བོ་ཆེ་ལ་སོགས་པའི་སྒྲ་དང་། མཆོད་པའི་ལྷ་མོ་གར་གྱི་ཚོགས་དང་། རྡོ་རྗེའི་གླུ་ཤིན་ཏུ་དལ་བས་བླངས་ནས། དེ་བཞིན་གཤེགས་པས་ [93b.6]གསོལ་བའི་ཚུལ་དུ་བུམ་པ་དཔག་ཏུ་མེད་པ་བཟུང་ནས། ཁྲུས་ཀྱི་ཚིགས་སུ་བཅད་པ་བརྗོད་ཅིང་། རྗེ་བཙུན་མཆོད་རྟེན་རབ་གནས་ནི། །གཞལ་ཡས་ཁང་དུ་བསྐྱེད་པ་ལ། །སངས་རྒྱས་བྱང་ཆུབ་སེམས་དཔའ་ཡི། །གནས་དང་རྟེན་དུ་བསྒོམ་པར་བྱ། །མ་ལུས་སངས་རྒྱས་ [93b.7]བྱང་ཆུབ་སེམས། །རིག་པ་གསང་སྔགས་ལྷ་རྣམས་ནི། །དགུག་པ་དང་། གཞུག་པ་དང་། བཅིང་བ་དང་། དགྱེས་པར་བྱས་ལ། བསང་གཏོར་ལ་སོགས་པ་བྱིན་ལ། མཆོད་དེ་བསྟོད་ནས་བདུད་རྩི་མྱང་བར་བྱས་ལ། ཨོཾ་སུ་པྲ་ཏིཥྛ་བཛྲེ་སྭཱ་ཧཱ། སྔགས་འདིས་བརྟན་པར་ [94a] [94a.1]རིགས་སོ་སོའི་རྒྱས་གདབ་བར་བྱའོ། །ལྷག་མ་ནི་སྔོན་བཞིན་ནོ། །པུ་སྟི་ཡང་དེ་ལྟར་རབ་ཏུ་གནས་ཏེ། ཛྲཱྀཾ་ཡོངས་སུ་གྱུར་པ་ལས་པོ་ཏི་སྣང་བ་མཐའ་ཡས་ཀྱི་རང་བཞིན་དུ་བལྟས་ལ། དེར་ཆོ་གའི་ཡན་ལག་རྫོགས་ནས་ཡོངས་སུ་གྱུར་པ་ལས། གསུང་རབ་ཡི་གེའི་ [94a.2]ཚོགས་ཀྱི་བདག་ཉིད་དུ་བསམ་མོ། །ཨོཾ་ཧཱུཾ་ཧྲཱིཿ་དྷཱིཾ་གྱིས་གསུང་གི་རང་བཞིན་དུ་རྒྱས་གདབ་པོ། །དེ་བཞིན་གཤེགས་པ་ཐམས་ཅད་དང་རྡོ་རྗེ་འཆང་ཐམས་ཅད་ཀྱིས་བྱིན་གྱིས་བརླབས་པར་བསམས་ལ། ལྷག་མ་ནི་སྔོན་བཞིན་ནོ། །ལྷ་ཁང་ལ་ནི་སངས་རྒྱས་དང་བྱང་ཆུབ་སེམས་དཔའ་དང་ [94a.3]ཉན་ཐོས་དང་རང་སངས་རྒྱས་ཀྱི་རྟེན་ཡིན་པས་ན། ཏིང་ངེ་འཛིན་གྱིས་བསྐྱེད་པར་བྱའོ། །ཆོས་ཀྱི་དབྱིངས་ཀྱི་ངོ་བོར་དམིགས་ཏེ། ཨོཾ་ཧཱུཾ་ཧྲིཿ་ཞེས་བྱ་བས་བྱིན་གྱིས་བརླབ་པར་བྱའོ། །སྟ་གོན་ལ་གནས་པ་སྔོན་དུ་འགྲོ་བས་མཆོད་པ་དང་། གཏོར་མ་ལ་སོགས་པ་བྱའོ། །ཨོཾ་སུ་པྲ་ཏི་ཥྛ་བཛྲ་ [94a.4]སྭཱ་ཧཱ། ཨོཾ་ཧཱུཾ་ཧྲཱིཿ་བྷུ་ཁཾ་བཛྲི་བྷ་བ་དྲྀ་ཌྷ་ཏི་ཥྛ་བྷུ་ཁཾ་གི་སྔགས་ཀྱིས་རབ་ཏུ་གནས་པར་བྱའོ། །སངས་རྒྱས་དང་བྱང་ཆུབ་སེམས་དཔའ་དང་རྡོ་རྗེ་འཆང་ལ་སོགས་པས་བྱིན་གྱིས་བརླབས་ཏེ། རྡོ་རྗེ་ལྟ་བུའི་རང་བཞིན་དུ་གནས་པར་བསྒོམས་ལ། བུམ་པ་ཐམས་ཅད་ཀྱི་ཆུས་ལྷ་ཁང་ཁྱབ་པར་ [94a.5]གཏོར་ནས། ཨོཾ་བཛྲོ་ད་ཀ་ཨ་བྷི་ཥི་ཉྩ་ཞེས་བཟླས་པར་བྱའོ། །དེ་ནས་བློ་དང་ལྡན་པས་ནག་པོ་ཆེན་པོ་བཀུག་ལ། ཆོ་གར་བྱས་ཏེ་དགུག་པ་དང་གཞུག་པ་དང་བཅིང་བ་དང་དབང་དུ་བྱས་ཏེ། དགྱེས་པའི་རྡོ་རྗེ་ཞལ་གཅིག་ཕྱག་གཉིས་པའི་རྣལ་འབྱོར་དང་ལྡན་པས་བཀའ་བསྒོ་བར་ [94a.6]བྱའོ། །ལྷ་ཁང་འདི་ཇི་སྲིད་གནས་ཀྱི་བར་དུ་ཁྱོད་ཀྱིས་དེ་བཞིན་གཤེགས་པའི་བཀའ་འདི་བཞིན་དུ་བསྲུང་བར་གྱིས་ཤིག །གཞན་ཡང་དགེ་འདུན་རྣམས་ཀྱི་ཇི་ལྟར་བཀའ་བསྒོ་བ་བཞིན་དུ། ཁྱོད་ཀྱིས་དགོས་པ་བསྒྲུབ་པར་གྱིས་ཤིག་ཅེས་པ་དང་། ཇི་ལྟར་བྱིན་གྱིས་བརླབས་ [94a.7]པའི་ཆོ་ག་བརྟན་པར་གྱིས་ཤིག །དེ་ནས་བླ་མས་སློབ་མའམ། ཡོན་གྱི་བདག་པོ་ལ་འདིར་ཤོག་ལ་ཉན་པར་གྱིས་ཤིག་ཅེས་བསྒོ་ལ། ཁྱོད་ཀྱིས་གསོལ་བ་བཏབ་པ་བཞིན། །སྡིག་སྤངས་རབ་ཏུ་གནས་པ་ནི། །ཆོ་ག་ཚུལ་བཞིན་རྫོགས་པར་བྱས། །ཁྱོད་ཀྱིས་རྟག་ཏུ་མཆོད་པར་ [94b] [94b.1]གྱིས། །དེ་ནས་སྔགས་ཀྱིས་དག་པར་བྱས་པའི་ཙཱ་རུ་སྦྱིན་ནོ། །དེ་བཞིན་གཤེགས་པ་ལ་མཆོད་པས་ནི། སྡིག་པ་ཐམས་ཅད་སྤང་བའི་ཕྱིར་ལྷག་མ་ནི་ཉུང་ངུ་ཉུང་ངུ་སྦྱིན་པར་བྱའོ། །དེ་ནས་སློབ་མས་ཁྲུས་གསོལ་བར་བྱའོ། །ཇི་ལྟར་བལྟམས་པ་ཙམ་གྱིས་ནི། །དེ་བཞིན་ [94b.2]གཤེགས་པས་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་གསོལ་ལོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཨཱཿ་ཧཱུཾ། ཐང་ཀ་པུ་སྟི་ལ་སོགས་པའི་ཁྲུས་ནི་མེ་ལོང་ལ་གོང་གི་ཆོ་ག་དང་ལྡན་པས་ཁྲུས་བྱའོ།། །།དེའི་སྐབས་སུ་བདག་ [94b.3]གམ་གཞན་གྱི་ཕུན་སུམ་ཚོགས་པ་ཞེས་བྱ་བ་བཀྲ་ཤིས་ཀྱི་ཚིགས་སུ་བཅད་པ་བརྗོད་པར་བྱ་སྟེ། དེ་ལྟར་སྐུ་ཁྲུས་གསོལ་ནས་ཤིན་ཏུ་འཇམ་ཞིང་དྲི་མ་མེད་པའི་གོས་ཀྱིས་ཆུ་ཕྱི་བར་བྱའོ། །ཡང་ན་ལག་པས་སོ། །གུར་ཀུམ་གྱི་མདོག་དང་མཚུངས་པའི་རས་ཀྱི་ཡུག་དུ་མས་ན་བཟའ་ [94b.4]གསོལ་ཏེ། ཨོཾ་དི་བ་ཝ་སྟྲ་ཡེ་སྭཱ་ཧཱ། ཞེས་པའི་སྔགས་ཀྱིས་ན་བཟའ་གསོལ་བར་བྱའོ། །ཨོཾ་བཛྲ་གནྡྷེ་ཨཱཿ་ཧཱུཾ་གི་སྔགས་བརྗོད་ལ། ག་པུར་དང་། གླ་རྩི་དང་གུར་ཀུམ་དང་ཙནྡན་ལ་སོགས་པའི་དྲི་ཞིམ་པོས་སྐུ་ལ་ཁྱབ་པར་བྱུག་པར་བྱའོ། །ཨོཾ་བཛྲ་ཨ་ཝ་ར་ཎ་བི་ཤུདྡྷ་ནེ་སྭཱ་ཧཱ། [94b.5]ཞེས་པའི་སྔགས་ཀྱིས་སྙན་ཆ་དང་མགུར་ཆུ་དང་། སྐུ་རེགས་ལ་སོགས་པའི་རྒྱན་ཕུལ་ཏེ་གདགས་པར་བྱའོ། །ཨོཾ་བཛྲ་རཏྣ་ཏྲཱཾ་ཞེས་པའི་སྔགས་ཀྱིས་དབུ་རྒྱན་དབུ་ལ་གཞག་པར་བྱའོ། །ཨོཾ་བཛྲ་སཏྭ་ཨཱཿ་ཞེས་པའི་སྔགས་ཀྱིས་མེ་ལོང་བསྟན་ལ། གསེར་གྱི་ཐུར་མ་དངུལ་ [94b.6]གཞོང་དང་ལྡན་པས་མཆོག་གི་སྨན་གྱིས་བྱུགས་ཏེ། ཨོཾ་ཙཀྵུ་ས་མནྟ་ཙཀྵུ་བི་ཤོ་དྷ་ནི་སྭཱཧཱ། ཞེས་པའི་སྔགས་ཀྱིས་སྤྱན་ལ་བྱུགས་ཏེ་དབྱེ་བར་བྱའོ། །དེ་ནས་གོ་རོ་ཙ་ནས་མཛོད་སྤུར་ཐིག་ལེ་བྱས་ལ། མེ་ཏོག་དང་སྤོས་དང་མར་མེ་དང་སོ་ཤིང་ལ་སོགས་པས་མཆོད་ [94b.7]པར་བྱའོ། །ལས་ཐམས་ཅད་པའི་སྔགས་ཀྱིས་བསྲུང་བར་བྱའོ། །དེ་ནས་ཧཱུཾ་གིས་སྐུ་གཟུགས་ལ་སོགས་པ་བཏེག་ལ། ཊཀྐིའི་སྔགས་སམ་ཡི་གེ་ལྔས་དཀྱིལ་འཁོར་དུ་བཅུག་ལ། དབུས་སུ་གཞག་པར་བྱས་ལ། དེ་ནས་དཀྱིལ་འཁོར་བསྒྲུབ་པའི་ཆོ་གས་ཡེ་ཤེས་ [95a] [95a.1]ཀྱི་དཀྱིལ་འཁོར་བསྒྲུབས་ཏེ། བསང་གཏོར་ལ་སོགས་པ་ཕུལ་ནས། ཨཥྚཱ་ན་ནཱའམ། ཧཱུཾ་གི་སྒྲས་དེ་དང་ལྷན་ཅིག་ཏུ་ཕྱིན་པའི་བགེགས་བསྐྲད་པར་བྱའོ། །ཛཿ་ཧཱུཾ་བཾ་ཧོཿའི་སྔགས་ཀྱིས་ཡེ་ཤེས་ཀྱི་འཁོར་ལོ་སྐུ་གཟུགས་ལ་སོགས་པ་ལ། དགུག་པ་དང་གཞུག་ [95a.2]པ་དང་བཅིང་བ་དང་དགྱེས་པར་བྱས་ནས། སྤྱན་དང་སྐུ་ལ་སོགས་པ་བྱིན་གྱིས་བརླབས་ཏེ། དབང་བསྐུར་བར་བྱའོ། །དེ་ཡང་བསང་གཏོར་ལ་སོགས་པ་ཕུལ་ནས་མེ་ཏོག་ལ་སོགས་པའི་མཆོད་པ་སོ་སོའི་སྔགས་དང་ལྡན་པས་མཆོད་པར་བྱའོ། །དེ་ལ་སྔགས་བ་མཉམ་པར་བཞག་ [95a.3]ནས་མེ་ཏོག་སྙིམ་པར་བཟུང་ལ། ནམ་མཁའ་ལས་བྱུང་མཚན་ལྡན་ཕྱིར། །ཞེས་པ་ལ་སོགས་པའི་དེ་ཁོ་ན་ཉིད་ཀྱི་ཚིག་འདི་བརྗོད་དོ། །ཡི་གེ་བརྒྱ་པ་ཡང་ལན་བདུན་དུ་བཟླས་ཤིང་བསྐོར་བར་བྱའོ། །དེ་ལྟར་བརྟན་པར་བྱས་ནས་སེམས་ཅན་ཐམས་ཅད་ཀྱི་དོན་དུ་གསོལ་བ་གདབ་ [95a.4]པ་ནི། འདི་ལྟར་བདེ་གཤེགས་སྐྱོབ་པ་ཡིས། །ཐམས་ཅད་དུ་ནི་སེམས་ཅན་དོན། །སྣ་ཚོགས་གཟུགས་ནི་འཛིན་འགྱུར་ནས། །ཕྱོགས་བཅུའི་འཇིག་རྟེན་ཁམས་རྣམས་སུ། །རྡོ་རྗེ་འཛིན་པ་སྣང་བར་མཛོད། །དེ་ནས་སྔོན་བཞིན་དུ་ཕྱིར་བྱུང་སྟེ། གཏོར་མ་རྒྱ་ཆེན་པོ་བཤམས་ལ། [95a.5]ཕྱོགས་སྐྱོང་བ་རྣམས་བདུད་རྩིས་ཚིམ་པར་བྱས་ནས་མཆོད་དེ་རང་རང་གི་གནས་སུ་གཤེགས་སུ་གསོལ་བར་བྱའོ། །དེ་ནས་དཀྱིལ་འཁོར་གྱི་ཁང་པར་ཞུགས་ལ། བསྐོར་བ་གསུམ་བྱས་ནས་ཕྱག་འཚལ་ཏེ། དམན་པ་དང་ལྷག་པའི་ལས་ཀྱི་ཁ་བསྐྲད་པར་བྱ་བའི་ཕྱིར། རྒྱས་པའི་ [95a.6]སྦྱིན་སྲེག་བརྩམ་པར་བྱའོ། །སྦྱིན་སྲེག་གི་དུས་སུ་བསོད་ནམས་དང་ཡེ་ཤེས་ཀྱི་ཚོགས་རྒྱས་པར་བྱ་བའི་ཕྱིར། སློབ་མའི་མཐེ་བོང་གཡས་པ་ནས་བཟུང་སྟེ། དགང་བླུགས་གསུམ་ལ་སོགས་པ་དབུལ་བར་བྱའོ། །དེ་ནས་བླ་མས་སློབ་མ་ལ་དེ་བཞིན་གཤེགས་པས་གནང་བའི་ཡོན་ [95a.7]བསླང་བར་བྱ་སྟེ། སློབ་མ་དགའ་བའི་སེམས་དང་ལྡན་པས་རང་གི་འབྱོར་བའི་སེམས་དང་སྦྱར་ཏེ། རྒྱན་ཐམས་ཅད་ཀྱིས་རབ་ཏུ་བརྒྱན་པའི་བཙུན་མོ་དང་། གླང་པོ་ཆེ་དང་། རྟ་དང་། ཤིང་རྟ་དང་། བ་གླང་དང་མ་ཧེ་ལ་སོགས་པའི་དཀོར་དང་། གསེར་དང་དངུལ་དང་ཟངས་དང་རིན་ [95b] [95b.1]པོ་ཆེ་དང་མུ་ཏིག་ལ་སོགས་པ་ནོར་བུའི་ཁྱད་པར་རྣམས་དང་། འབྲུ་དང་བཅས་པའི་གཞི་དང་། ས་གཞི་དང་། སྐྱེད་ཤིང་རབ་དང་ཁང་པ་ལ་སོགས་པ་ཅི་ཡོད་པ་དབུལ་བར་བྱའོ། །སློབ་དཔོན་མཉེས་པར་གྱུར་པས་ནི། དེ་བཞིན་གཤེགས་པ་མཉེས་པར་འགྱུར་ཏེ། མཉེས་པས་ [95b.2]མཆོག་གི་དངོས་གྲུབ་ཐོབ། །དེ་ནས་ཙཱ་རུ་བསྒྲུབ་པར་བྱ་སྟེ། སྣོད་ལེགས་པར་བཀྲུས་ལ། དགང་བླུགས་ཀྱི་ལྷག་མ་དང་། སྦྲང་དང་འོ་མ་དང་ཁ་ར་ལ་སོགས་པ་མཆོག་གི་བདུད་རྩིར་བྱིན་གྱིས་བརླབས་ཏེ། གཙོ་བོའི་སྔགས་ཀྱང་བཟླས་པར་བྱའོ། །ཨོཾ་དི་བྱ་ནི་ས་མཱ་དྷི་དྷྱ་ན། པྲ་ཎི་ [95b.3]ནི་སྭཱ་ཧཱའི་སྔགས་ཀྱིས་གསེར་ལ་སོགས་པའི་རིན་པོ་ཆེའི་སྣོད་དུ་བླུགས་ལ། དེ་བཞིན་གཤེགས་པ་ལ་མཆོད་པར་བྱའོ། །དེ་ནས་ལྷ་ཁང་དང་ཁྱམས་སུ་ལུགས་སྐུ་ལ་སོགས་པ་ལ། ལེགས་པར་བྱས་པའི་ཁྲིའམ། ས་སྟེགས་ལས་བྱས་པའི་སྟེང་དུ་བཞུགས་སུ་གསོལ་བ་ནི་ [95b.4]དགྱེ་བ་དང་། སྒུ་བ་དང་། ཡོ་བ་མ་ཡིན་པར་ཨོཾ་སུ་པྲ་ཏིཥྛ་བཛྲེ་སྭཱ་ཧཱ། ཞེས་བརྗོད་ལ་གཞག་གོ། །དེ་ལྟར་མ་བྱས་ན་སྐྱོན་དུ་འགྱུར་རོ། །དེ་ལ་སྔོན་བཞིན་དུ་བསང་གཏོར་ལ་སོགས་པ་སྦྱིན་ནས་ཡོངས་སུ་མཆོད་དེ། བསྟོད་ནས་བདུད་རྩི་མྱང་བར་བྱས་ནས། ཡི་གེ་བརྒྱ་པའི་སྔགས་ [95b.5]བརྒྱ་ཕྲག་གཅིག་བརྗོད་དེ། བཟོད་པར་གསོལ་བར་བྱའོ། །བཟོད་པ་རྫོགས་པའི་སངས་རྒྱས་ཀྱིས། །ལྷ་དང་སངས་རྒྱས་རིགས་འཛིན་དང་། ཚངས་ལ་སོགས་པའི་ལྷ་རྣམས་ལ། །ཇི་ལྟར་གསུངས་པའི་ཆོ་ག་རྣམས། །མ་འཚལ་བ་དང་མ་ཚོགས་དང་། །བཟོད་པ་ཆེན་པོརབ་མཛ [95b.6]ནས། །ཞི་བ་བཀྲ་ཤིས་ཐམས་ཅད་ནི། །ཡོན་བདག་འདི་ལ་ཚོགས་མཛད་དེ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །ཅི་ལྟར་གཟུགས་སྐུ་རབ་གནས་པས། །བསྐལ་བ་བརྒྱ་ཕྲག་དུ་མ་རུ། །ལྷ་རྣམས་ཀུན་གྱིས་སྲུང་བྱེད་ཅིང་། །མེ་དང་ [95b.7]ཆུ་དང་རླུང་དང་ས། །འབྱུང་བའི་ལྷ་རྣམས་ཐམས་ཅད་ཀྱིས། །ནང་གི་འབྱུང་བའི་ཕུང་པོ་ལ། །ལེགས་པར་བསྲུང་སྟེ་ཆོ་གར་གྱིས། །སློབ་དཔོན་སློབ་མར་བཅས་པ་དང་། །བུ་དང་ཚ་མོ་འཁོར་བཅས་དང་། །དེ་དག་བསྲུང་བར་མཛད་དུ་གསོལ། །གཞན་ཡང་ཁྱད་པར་འདི་དག་ [96a] [96a.1]གསུངས། །རི་མོར་བྲིས་དང་འབུར་སྐུ་ལ། །གོང་གི་རིམ་པས་རབ་གནས་ལ། །མཆོད་པ་རྣམ་པ་སྣ་ཚོགས་པས། །ལྷ་རྣམས་ལ་ཡང་མཆོད་པར་བྱས་ཏེ། རོལ་མོའི་ཚོགས་དང་ལྡན་པས་བསྐོར་བ་ལན་གསུམ་བྱས། སྨོན་ལམ་རྒྱ་ཆེན་པོ་གདབ་པར་བྱའོ། ། [96a.2]དེ་ནས་རང་གི་གནས་སུ་སོང་སྟེ། དགེ་སློང་དང་དགེ་སློང་མ་དང་། དགེ་བསྙེན་དང་དགེ་བསྙེན་མ་ལ་སོགས་པ་རྣམས་ལ་མཆོད་སྟོན་རྒྱ་ཆེན་པོ་བྱས་ནས་གཞན་ཡང་ཇི་ལྟར་འབྱོར་པས་མཆོད་སྟོན་རྒྱ་ཆེན་པོ་བྱའོ། །སློབ་དཔོན་འཁོར་དང་བཅས་པ་དང་། གཙུག་ལག་ཁང་ [96a.3]གི་མཁན་མོ་དང་། གཉེར་བྱེད་ལ་སོགས་པ་སྤྱན་དྲངས་ལ་མཆོད་སྟོན་དང་དབུལ་བ་རྒྱ་ཆེན་པོ་བྱས་ཏེ། དགྱེས་པར་བྱས་ནས་བཟོད་གསོལ་བྱའོ། །མཚན་མོའི་དུས་སུ་ཚོགས་ཀྱི་འཁོར་ལོ་དང་མཆོད་པ་རྒྱ་ཆེན་པོ་བྱའོ། །དེ་ནས་སྔགས་པས་དཀྱིལ་འཁོར་གྱི་ཁང་པར་ཞུགས་ལ་ [96a.4]ཡོངས་སུ་མཆོད་དེ། གཡས་སུ་སྤོས་གཟུང་ཞིང་གཡོན་ནས་དྲིལ་བུ་དཀྲོལ་ལ་བསྟོད་པ་བྱས་ཏེ། ཡི་གེ་གསུམ་གྱི་མཐར་མུཿ་དང་ལྡན་པས་གཤེགས་སུ་གསོལ་བར་བྱའོ། །དེ་ནས་ཚོན་རྩི་བསྡུས་ཏེ། གཙང་མའི་སྣོད་དུ་བླུགས་ལ། གང་ཞིག་འདོད་པ་ལ་ཉུང་དུ་ཉུང་དུ་བྱིན་ནས་ [96a.5]ལྷག་མ་ཆུ་ཆེན་པོར་དོར་བར་བྱའོ། །དེ་ནས་དཀྱིལ་འཁོར་གྱི་ས་བ་བྱུང་རྣམ་ལྔས་བྱུགས་ལ། སྔགས་འདི་བརྗོད་པར་བྱའོ། །ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ཎཱཾ་ཨཱ་དྱ་ནུ་ཏྤནྣ་ཏྭཱ་ཏ། ཨོཾ་ཨཱཿ་ཧཱུཾ་མུཿ་དེར་ཕྱོགས་སྐྱོང་བ་རྣམས་ལ་གཏོར་མ་རྒྱ་ཆེན་པོ་ཡང་སྦྱིན་ནོ། །འདི་ལྟར་དཀྱིལ་འཁོར་ [96a.6]ཆེན་པོ་ནི། །དངོས་གྲུབ་ཐམས་ཅད་ཐོབ་གྱུར་ནས། འདི་དང་ཕ་རོལ་དོན་བསྒྲུབ་ཕྱིར། །རྟག་ཏུ་ཆོ་ག་བརྩམ་པར་བྱ། །འདི་ལྟར་གསུངས་ཏེ། རིགས་ངན་སྨྱིག་མ་མཁན་དང་ནི། །ཤན་པ་ཉ་བཤོར་དམན་པའི་རིགས། །དགྱེས་པའི་རྡོ་རྗེ་སྒོམ་བྱེད་ན། །དངོས་གྲུབ་ཐོབ་སྟེ་ཐེ་ཚོམ་མེད། ། [96a.7]མཚམས་མེད་ལྔའི་ལས་བྱེད་པའང་སློབ་དཔོན་ལ་སྨོད་པ་ལ་སོགས་པ་མ་བྱས་ན་དངོས་གྲུབ་ངེས་པར་འགྲུབ་པར་འགྱུར་རོ། །རབ་གནས་དཀྱིལ་འཁོར་བཞེངས་པ་དང་། །སྦྱིན་སྲེག་འཁོར་ལོ་བྱས་པའི་རྫས། །ཐམས་ཅད་སློབ་དཔོན་ཉིད་དབུལ་ཞེས། །རྡོ་རྗེ་འཛིན་པ་ [96b] [96b.1]ཉིད་ཀྱིས་གསུངས། །ཧེ་རུ་ཀ་དཔལ་ཉེ་བར་འབྱུང་བ་ཡི། །དཀྱིལ་འཁོར་ཆོ་ག་བདག་གིས་བྱས་པ་ལ། །ལོག་པའི་སྐྱོན་སྤངས་ཡང་དག་ལམ་ཐོབ་པས། །འཁོར་བའི་སྡུག་བསྔལ་མ་ལུས་ཀུན་བཅོམ་སྟེ། །ལྷན་ཅིག་སྐྱེས་པ་གསལ་ནས་ནི། །ཧེ་རུ་ཀ་དཔལ་གོ་འཕང་ [96b.2]མཆོག །འགྲོ་བས་མྱུར་དུ་ཐོབ་པར་ཤོག །དཔལ་དགྱེས་པའི་རྡོ་རྗེའི་དཀྱིལ་འཁོར་གྱི་ཆོ་ག །ཧེ་རུ་ཀ་ཉེ་བར་འབྱུང་བ་ཞེས་བྱ་བ། སློབ་དཔོན་ཆེན་པོ་སྟོང་ཉིད་རྡོ་རྗེས་མཛད་པ་རྫོགས་སོ།། །།རྒྱ་གར་གྱི་མཁན་པོ་དགེ་སློང་པཱུ་རྞ་ཀཱིརྟི་དང་། བོད་ཀྱི་ལོ་ཙཱ་བ་སྣ་ནམ་རྡོ་རྗེ་བླ་མས་བསྒྱུར་ [96b.3]ཞིང་ཞུས་ཏེ་གཏན་ལ་ཕབ་པའོ།། {T1271}༄༅༅། །རྒྱ་གར་སྐད་དུ། ཧེ་བཛྲ་དྭི་བྷུ་ཛ་སཱ་དྷ་ནཾ། བོད་སྐད་དུ། ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས། རྗེ་བཙུན་ཐུགས་རྗེ་ཆེན་པོ་ལ་ཕྱག་འཚལ་ལོ། །ཁྲག་འཐུང་འཇིག་རྟེན་གསུམ་འཕེན་དང་། །དཔལ་མགོན་བླ་མ་ལ་བཏུད་ [96b.4]དེ། །དེ་སྒྲུབ་ཆོ་ག་ཞི་བ་ཡི། །ཞལ་སྔ་ནས་གསུངས་རབ་དབྱེ་བྱ། །དཔའ་བོ་ཞལ་གཅིག་ཕྱག་གཉིས་པ། །བདག་མེད་མ་ཡིས་མགུལ་ནས་འཁྱུད། །འཁོར་ལོ་ལ་སོགས་རྒྱན་དང་ལྡན། །སྤྱན་གསུམ་ཞབས་གཉིས་འདམ་སྐྱེས་མངའ། །རྒྱུད་འདིར་བསྒོམ་པ་ལ་དབང་བར་བྱ་ [96b.5]བའི་རྣལ་འབྱོར་པས། ནང་པར་སྔ་བར་མལ་ནས་ལངས་ཏེ། རང་གི་སྙིང་གར་ཉི་མ་ལ་གནས་པའི་ཧཱུཾ་བལྟས་ལ། དེའི་འོད་ཟེར་གྱིས་དཔལ་ཧེ་རུ་ཀ་སྣང་བར་བྱས་ཏེ། མེ་ཏོག་ལ་སོགས་པའི་ཉེ་བར་སྤྱོད་པ་ལྔས་ལེགས་པར་མཆོད་ནས། དེའི་སྤྱན་སྔར་སྡིག་པ་བཤགས་པ་དང་། [96b.6]བསོད་ནམས་ལ་རྗེས་སུ་ཡི་རང་བ་དང་། སྐྱབས་སུ་འགྲོ་བ་བྱས་ལ། བྱང་ཆུབ་ཆེན་པོར་སེམས་བསྐྱེད་དེ། །སེམས་ཅན་ཐམས་ཅད་ལ་ལྷ་རྫས་ཀྱི་བདེ་བ་ཉེ་བར་སྦྱོར་བའི་བྱམས་པ་དང་། སྡུག་བསྔལ་ཐམས་ཅད་ཉེ་བར་སེལ་བའི་རྣམ་པའི་སྙིང་རྗེ་དང་། བདེ་བ་དེ་དག་རྒྱུན་མི་འཆད་ [96b.7]པར་ངེས་པའི་རྣམ་པའི་དགའ་བ་དང་། ཉོན་མོངས་པ་དང་། ཉེ་བའི་ཉོན་མོངས་པ་དང་། གཟུང་བ་དང་འཛིན་པ་ལ་སོགས་པ་ཡིད་ལ་མི་བྱེད་པའི་མཚན་ཉིད་ཀྱི་བཏང་སྙོམས་བསྒོམ་མོ། །དེ་ནས་ཆོས་དང་གང་ཟག་ལ་སོགས་པའི་དྲི་མས་མ་གོས་པའི་ངོ་བོ། ཆོས་ [97a] [97a.1]ཐམས་ཅད་སྐྱེ་བ་མེད་པའི་ཚུལ་ལ་ཞུགས་པའི་སྟོང་པ་ཉིད་རྣམ་པར་བསྒོམས་ལ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་དྷཱ་ཝ་ཨཱཏྨ་ཀོ྅ཧཾ། ཞེས་བྱ་བས་བྱིན་གྱིས་བརླབ་པོ། །དེ་ནས་སད་པར་བྱས་ལ་ནམ་མཁའི་ཕྱོགས་སུ་ཉི་མའི་དཀྱིལ་འཁོར་ལ་གནས་པའི་ཧཱུཾ་ཡིག་སྟེ་དེ་ [97a.2]ཡོངས་སུ་གྱུར་པ་ལས་རྡོ་རྗེའི་ལྟེ་བ་ལ་གནས་པའི་ཧཱུཾ་ཡིག་བལྟས་ནས། དེའི་འོད་ཟེར་ལས་བྱུང་བའི་དཔལ་ཧེ་རུ་ཀའི་གཟུགས་ཀྱིས་འགྲོ་བ་མ་ལུས་པའི་དོན་བྱས་ལ་དེ་ཉིད་དུ་གཞུག་གོ། །དེ་ཡོངས་སུ་གྱུར་པ་ལས་དཔལ་ཧེ་རུ་ཀ་སྣ་ཚོགས་པདྨའི་འདབ་མ་ལ་གནས་པའི་ [97a.3]རོའི་སྟེང་དུ་ཉི་མའི་དཀྱིལ་འཁོར་ལ་བཞུགས་པ། ཕྱག་གཉིས་པ་སྤྱན་གསུམ་པ། ཕྱག་གཡས་ན་རྡོ་རྗེ། གཡོན་ན་རྡོ་རྗེས་མཚན་པའི་ཐོད་པ་བསྣམས་པ། གར་དང་བཅས་པ་སྟག་གི་པགས་པའི་ཤམ་ཐབས་ཅན། དབུ་ལ་མི་བསྐྱོད་པའི་བདག་ཉིད་མི་མགོ་ལས་ [97a.4]བྱས་པའི་འཁོར་ལོ། སྙན་ལ་འོད་དཔག་མེད་ཀྱི་བདག་ཉིད་རྣ་ཆ་གདུབ་འཁོར། མགུལ་དུ་རིན་འབྱུང་གི་བདག་ཉིད་མགུར་ཆུ། ཕྱག་ལ་རྣམ་པར་སྣང་མཛད་ཀྱི་བདག་ཉིད་གདུ་བུ་འཆང་བ། རྐེད་པ་ལ་དོན་ཡོད་གྲུབ་པའི་བདག་ཉིད་སྐ་རགས་དང་ལྡན་པ། སྐྲའི་མཆོད་ [97a.5]ཕྱིར་ཐོགས་དང་། དཔུང་རྒྱན་དང་། ཞབས་གདུབ་དང་ལྡན་པ། དབུ་སྐྲ་དམར་སེར་གྱེན་དུ་ཕྱོགས་པ། བདག་མེད་མ་ཞལ་གཅིག་ཕྱག་གཉིས་མ། གྲི་གུག་དང་ཐོད་པ་འཛིན་པས་འཁྱུད་པ་སྟེ། དེ་ལྟ་བུར་གྱུར་པར་བདག་ཉིད་རྣམ་པར་བསྒོམས་ལ། དེ་ནས་འདིའི་རྣ་བ་ལ་ [97a.6]བདག་མེད་མ། མིག་དག་ལ་རྡོ་རྗེ་མ། སྣ་ལ་གསང་བའི་དཀར་མོ། ལྕེ་ལ་ཆུའི་རྣལ་འབྱོར་མ། ལུས་ཀྱི་དབང་པོ་ལ་རྡོ་རྗེ་མཁའ་འགྲོ་མ། ཡིད་ལ་བདག་མེད་མར་མོས་པར་བྱའོ། །དེ་ནས་མགོ་བོ་ལ་པདྨ་སུམ་ཅུ་རྩ་གཉིས་པའི་སྟེང་དུ་ཧཾ་ཡིག་ཐུར་དུ་བལྟས་པའོ། །མགུལ་ [97a.7]པར་འདབ་མ་བཅུ་དྲུག་པའི་སྟེང་དུ་ཨོཾ་ཡིག་སྟེང་དུ་བལྟས་པའོ། །སྙིང་གར་འདབ་མ་བརྒྱད་པའི་སྟེང་དུ་ཐུར་དུ་ཕྱོགས་པའི་ཧཱུཾ་ཡིག་གོ། །ལྟེ་བར་འདབ་མ་དྲུག་ཅུ་རྩ་བཞི་པའི་སྟེང་དུ་ཕྱོགས་པའི་ཨཾ་ཡིག་བསམ་མོ། །དེ་ནས་དམ་ཚིག་སེམས་དཔའ་དང་འདྲ་བའི་ཡེ་ཤེས་ [97b] [97b.1]སེམས་དཔའ་སྤྱན་དྲངས་ཏེ། ཛཿ་ཧཱུཾ་བཾ་ཧོཿ། ཞེས་བྱའི་སྔགས་འདིས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ནས། འོ་མ་དང་ཆུ་བཞིན་དུ་རོ་མཉམ་པར་བྱའོ། །དེ་མ་ཐག་ཏུ་རང་གི་སྙིང་གའི་ཉི་མ་ལ་རྡོ་རྗེའི་ལྟེ་བ་ལ་གནས་པའི་ཧཱུཾ་ཡིག་ལས་བྱུང་བའི་འོད་ [97b.2]ཟེར་དེ་རྣམས་ཀྱིས། དེ་བཞིན་གཤེགས་པ་ཐམས་ཅད་ཀྱི་རང་བཞིན་ཧེ་རུ་ཀ་སྤྱན་དྲངས་ཏེ། མཆོད་པ་བྱས་ལ། དེ་བཞིན་གཤེགས་པ་ཐམས་ཅད་ཀྱིས་བདག་ལ་དབང་བསྐུར་དུ་གསོལ་ཞེས་གསོལ་བ་གདབ་པོ། །དེ་ནས་དེ་རྣམས་ཀྱིས་བདུད་རྩི་ལྔ་ཡིས་གང་བའི་ནོར་ [97b.3]བུའི་བུམ་པ་དག་གིས་དབང་བསྐུར་བ་དང་། བདག་ལ་མི་བསྐྱོད་པའི་ཅོད་པན་དུ་བསམ་མོ། །དེ་ནས་རྣལ་འབྱོར་མ་ཐམས་ཅད་ཀྱིས་ཚོགས་ཀྱི་རང་རང་གི་བྱང་ཆུབ་ཀྱི་སེམས་ལ་སོགས་པའི་རྫས་ཀྱིས་མཆོད་པ་བྱའོ། །དེ་ནས། མཆེ་བ་གཙིགས་པ་འཇིགས་ཆེན་པོ། །རྒྱུ་ [97b.4]མའི་མེ་ཏོག་ཕྲེང་བས་བརྒྱན། །ཤ་ཆེན་པོ་དག་གསོལ་མཛད་པ། །ཧེ་རུ་ཀ་དཔལ་བདག་ཕྱག་འཚལ། །ཞེས་བྱ་བ་འདིས་བསྟོད་དོ། །དེ་ནས་ནམ་མཁའ་ལ་ཧཱུཾ་ཡོངས་སུ་གྱུར་པ་ལས་རྡོ་རྗེའོ། །དེའི་འོག་ཏུ་ཡི་གེ་ཨཱཿ་ཡོངས་སུ་གྱུར་པ་ལས་པདྨའི་སྣོད་དེ། །དེའི་ནང་ [97b.5]དུ་ཨོཾ་ཡིག་གིས་མཚན་པའི་གོ་ཀུ་ད་ཧ་ན། མ་ར་མུ་ཤུ་བི་ལ་སོགས་པའི་དམ་ཚིག་གི་དངོས་པོ་རྣམས་ཏེ། རྡོ་རྗེ་དང་པདྨ་ཡང་དག་པར་སྦྱོར་བ་ལས། མེ་འབར་བ་དང་། དེའི་རྫས་རྣམས་གདུས་པ་དང་། སྨིན་ནས་ཁུ་བར་བྱས་ཏེ། དེ་བཞིན་གཤེགས་པ་ཐམས་ཅད་ཀྱི་གཟུགས་ [97b.6]སྟེན་པའི་ཡེ་ཤེས་ཀྱི་ཉི་མར་བྱེད་དེ། ཡེ་ཤེས་ཀྱི་ས་བོན་དེའི་འོད་ཟེར་རྣམས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་བདུད་རྩི་བཀུག་སྟེ། དངོས་པོ་རྣམས་དང་ལྷན་ཅིག་ཏུ་བྱས་ནས། ཨོཾ་ཨཱཿ་ཧཱུཾ། ཞེས་བྱ་བའི་ཡི་གེ་གསུམ་གྱིས་བྱིན་གྱིས་བརླབས་ཏེ། ལྕེ་ [97b.7]ཧཱུཾ་ཡིག་དཀར་པོ་ལས་བྱུང་བའི་རྡོ་རྗེའི་རང་བཞིན་དུ་བྱས་ལ་བདག་ཉིད་དེ་ཡིས་ཚིམ་པར་བྱའོ། །དེ་ནས་སྙིང་གའི་འོད་ཉི་མ་ལ་རྡོ་རྗེའི་ལྟེ་བར་གནས་པའི་ཧཱུཾ་ཡིག་ལ་ལེགས་པར་བསྐོར་ནས་གནས་པའི། ཨོཾ་ཏྲེ་ལོ་ཀྱཱ་ཀྴེ་པ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བའི་ཡི་གེ་བཅུ་གཉིས་ [98a] [98a.1]པའི་སྔགས་ཀྱི་ཕྲེང་བ་མར་མེའི་ཕྲེང་བ་བཞིན་དུ་འབར་བ་ཡིད་ཀྱིས་མངོན་པར་བྲིས་ལ། རིམ་པ་བརྗོད་པ་བཞིན་དུ་རྒྱུན་མི་འཆད་པར་བཟླས་པ་བྱའོ། །གུང་དང་ཕྱི་དྲོའི་ཐུན་མཚམས་ནི་ཡུད་ཙམ་གྱིས་དཔལ་ཧེ་རུ་ཀའི་གཟུགས་སུ་བྱས་ཏེ། དེ་ནས་མིག་ལ་ [98a.2]སོགས་པ་རྣམ་པར་དག་པ་དང་། འཁོར་བཞི་བསྒོམ་པ་དང་། མཆོད་པ་དང་། བསྟོད་པ་དང་། བདུད་རྩི་མྱང་བ་ལ་སོགས་པ་བྱའོ། །འཇིག་རྟེན་གསུམ་འཕེན་དཔའ་བོ་ཡི། །སྒྲུབ་པའི་ཐབས་མཆོག་བྱས་པ་ལས། །བསོད་ནམས་གང་ཞིག་གྲུབ་པ་དེས། །འགྲོ་ཀུན་རྡོ་ [98a.3]རྗེ་འཛིན་གྱུར་ཅིག །ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས་རྫོགས་སོ།། །།མཁས་པ་ཆེན་པོ་ཏཱ་ར་ཤྲཱིའི་ཞལ་སྔ་ནས་མཛད་པ། བལ་པོའི་པཎྜིཏ་སུ་མ་ཏི་ཀཱི་རྟི་དང་། བོད་ཀྱི་ལོ་ཙཱ་བ་མར་པ་ཆོས་དབང་གིས་བསྒྱུར་བའོ།། {T1272}༄༅༅། །རྒྱ་གར་སྐད་དུ། ཧེ་བཛྲ་སྱ་ [98a.4]ཥེ་ཀ་ནི་ཤྩ་ཡ་ནཱ་མ། བོད་སྐད་དུ། དགྱེས་པའི་རྡོ་རྗེའི་དབང་གཏན་ལ་དབབ་པ་ཞེས་བྱ་བ། བཅོམ་ལྡན་འདས་དཔལ་ཧེ་རུ་ཀ་ལ་ཕྱག་འཚལ་ལོ། །དཔའ་བོ་ཤེས་དང་ཤེས་བྱའི་བདག །ཁྱབ་བདག་འཁོར་ལོ་ཅན་བཏུད་དེ། །ཆོས་དབྱིངས་ཤིན་ཏུ་དྲི་མེད་པ། །དབང་ [98a.5]གི་དེ་ཉིད་མཆོག་བཤད་བྱ། །འཇིག་རྟེན་ཆོས་ལས་རྣམ་གྲོལ་ཞིང་། །བརྩེ་ལྡན་ང་རྒྱལ་མེད་པ་ཡིས། །སེམས་ཅན་བསམ་པའི་དབང་གིས་ནི། །རྒྱལ་བས་ཕྱི་རོལ་བྱ་བ་བསྟན། དཀྱིལ་འཁོར་རྣམས་ནི་ཇི་བཞིན་དུ། །སུ་ཡིས་ཡོངས་སུ་བརྟག་པར་ནུས། །རང་གིས་ [98a.6]ལྷག་པའི་ལྷ་སྦྱོར་བས། །གྲུབ་པ་ཡི་ནི་དཀྱིལ་འཁོར་བརྟག །དེ་ལྟར་ཡང་། རྡུལ་ཚོན་མཆོག་གིས་བྱ་བའམ། །ཡང་ན་བར་མ་དག་ཀྱང་རུང་། །རིན་ཆེན་སྣ་ལྔའི་རང་བཞིན་ཕྱེ། །ཡང་ན་འབྲས་སོགས་ཕྱེ་མས་སོ། །ཞེས་གསུངས་སོ། །ཇི་ལྟར་འབྱོར་དང་རྗེས་མཐུན་པར། ། [98a.7]དཀྱིལ་འཁོར་དག་ནི་བྲི་བྱས་ལ། །ནོར་དང་ལྡན་པས་དབང་བསྐུར་བྱ། །ནོར་མེད་བྲིས་སྐུ་ལ་དབང་བསྐུར། །དཀྱིལ་འཁོར་རྫོགས་ནས་སྔགས་པ་ཡིས། །བུམ་པ་རྣམས་ནི་ལྷག་གནས་བྱ། །སློབ་མས་པུས་བཙུགས་ཐལ་སྦྱར་ནས། །བླ་མ་ལ་ནི་གསོལ་བ་གདབ། ། [98b] [98b.1]འཁོར་བའི་འདམ་དུ་བྱིང་བའི་བདག །སྐྱབས་མེད་ཁྱབ་བདག་ཉིད་ཀྱིས་སྐྱོབས། །སློབ་མའི་སྤྱི་བོར་ལག་བཞག་ནས། །བླ་མས་སྔགས་ཀྱིས་བྱིན་གྱིས་བརླབས། །ཁྲོ་བོའི་ས་བོན་སྙིང་གར་དགོད། །དེ་འབྱུང་ཁྲོ་བོའི་ཚོགས་ཀྱིས་ནི། །སློབ་མའི་སྡིག་པའི་ཕུང་པོ་རྣམས། ། [98b.2]ཟ་བཞིན་པར་ནི་བསམ་པར་བྱ། །ལག་པས་སྲུང་སྐུད་བཅིངས་ནས་ནི། །སོ་ཤིང་ཡང་ནི་འཆའ་རུ་གཞུག །རྨི་ལམ་ཤེས་པའི་རྒྱུ་རུ་ནི། །ཀུ་ཤའི་མལ་ལ་ཉལ་དུ་གཞུག །དགེ་དང་མི་དགེ་ཅི་མཐོང་བ། །དེ་བཞིན་བླ་མ་ལ་ནི་བརྗོད། །མི་དགེ་ན་ནི་ཞི་བར་བྱ། །དགེ་ན་ཤིས་སོ་ཞེས་ [98b.3]བརྗོད་དོ། །སྡོམ་པ་མ་ལུས་གཟུང་ན་ནི། །སྔགས་ཀྱི་སྐུ་རུ་བསྐྱེད་པར་བྱ། །སྔགས་ཀྱིས་བྱིན་བརླབས་ཁྲག་གི་ནི། །དཔྲལ་བར་ཐིག་ལེ་སྦྱིན་པར་བྱ། །དེ་ནས་དཀྱིལ་འཁོར་མདུན་འདུག་སྟེ། །སྦྱོར་བདག་རང་ནི་འཇུག་པར་བྱ། །གོས་ཀྱིས་གདོང་ནི་གཡོགས་ནས་སུ། །དཀྱིལ་ [98b.4]འཁོར་དུ་ནི་གཞུག་པར་བྱ། །དད་པས་དཀྱིལ་འཁོར་ཕྱག་བྱས་ཏེ། །ཁྱད་པར་དུ་ཡང་བླ་མ་ལའོ། །བཟའ་བསྲུང་དམ་ཚིག་ཅི་གསུངས་པའི། །དམ་ཚིག་དེ་ལ་སྦྱིན་པར་བྱ། །དེ་ནས་བསྐོར་བ་བྱས་ནས་ནི། །སྦྱིན་པ་བཞི་ནི་རབ་སྦྱིན་བྱ། །སྔགས་ཀྱིས་མངོན་བསྔགས་མེ་ཏོག་ [98b.5]ཏེ། །དཀྱིལ་འཁོར་བཟང་ལ་གཏོར་བར་བྱ། །གང་དུ་མེ་ཏོག་ལྷུང་བ་ཡིས། །དེ་ཡི་རིགས་དེ་ཤེས་པར་བྱ། །སློབ་མའི་གདོང་གཡོགས་བསལ་ནས་ནི། །དཀྱིལ་འཁོར་དེ་ཉིད་རབ་བསྟན་བྱ། །ཕུང་པོ་སྐྱེ་མཆེད་ཁམས་རྣམས་ཀྱིས། །རྣམ་དག་དེ་བཞིན་ཉིད་བདག་ཅན། །ལྷ་ཡི་ [98b.6]རྣམ་པའི་སྦྱོར་བ་ལ། །བུ་ཁྱོད་ཀྱིས་ནི་སྦྱར་བར་བྱ། །ཀུན་ནས་བུམ་པ་བརྒྱད་པོ་ཡི། །རང་གི་རིག་མ་སྐྱེས་བུའི་ཆུ། །ཐུགས་རྗེའི་རྡོ་རྗེ་རབ་བསྒོམས་པས། །སློབ་མ་རྡོ་རྗེ་ཅན་དབང་བསྐུར། །རྡོ་རྗེ་ཉི་མར་རབ་བསྒོམས་པས། །དེ་ལ་ཅོད་པན་སྦྱིན་པར་བྱ། །རྡོ་རྗེའི་ཚིགས་ [98b.7]བཅད་རབ་སྦྱར་བ། །ཐམས་ཅད་སྔོན་བཞིན་སྦྱིན་པར་བྱ། །སློབ་མའི་འཇིག་རྟེན་དབང་ཆ་བྱད། །རྡོ་རྗེ་ཆེན་པོ་རྩེ་དགུ་པ། །ཉི་ཤུ་རྩ་བརྒྱད་ལྷ་ལྡན་པའི། །རྡོ་རྗེ་དབང་གིས་དབང་བསྐུར་བྱ། །སངས་རྒྱས་རྡོ་རྗེའི་དབང་གིས་ནི། །དེ་རིང་ཁྱོད་ནི་དབང་བསྐུར་ཏེ། །འདི་དེ་སངས་ [99a] [99a.1]རྒྱས་ཐམས་ཅད་ཉིད། །རབ་བསྒྲུབ་ཕྱིར་ནི་རྡོ་རྗེ་གཟུང་། །སློབ་མ་རྟ་ཡི་མཆོག་བསྒོམས་ཏེ། །སྒྲོལ་མ་ལྷན་ཅིག་ཁ་ནི་སྦྱར། །རྡོ་རྗེའི་བདག་པོས་དབང་བསྐུར་ཏེ། །རྡོ་རྗེ་དྲིལ་བུ་དཀྲོལ་བར་བྱ། །ཉི་ཤུ་རྩ་གསུམ་ལྷ་ཡི་བདག །དྲིལ་བུས་ཁྱོད་ནི་དབང་བསྐུར་རོ། ། [99a.2]ཨོཾ་བཛྲ་ཨ་དྷི་པ་ཏི་ཏིཥྛ་བཛྲ་ས་མ་ཡ་སྟྭཾ། སློབ་མ་རྣམ་སྣང་མཛད་བསྒོམས་ལ། །སྤྱན་དང་ལྷན་ཅིག་ཁ་ནི་སྦྱར། །རྡོ་རྗེ་དྲིལ་བུ་མགོར་བཞག་སྟེ། །རྡོ་རྗེ་མིང་གིས་དབང་བསྐུར་བྱ། །ཨོཾ་བཛྲ་ས་ཏྭ་ཏྭཾ་ཨ་བྷི་ཥིཉྩ་མི་བཛྲ་ནཱ་མ་ཨ་བྷི་ཥེ་ཀ་ཏ། ཀྱེ་ཁྱོད་རྡོ་རྗེ་ཆེ་གེ་མོ་རྡོ་རྗེ་ཞེས་བྱའོ། ། [99a.3]གང་དང་གང་སྣང་དེ་ཐམས་ཅད། །དེ་ཀུན་སེམས་ཀྱི་སྤྲུལ་པ་ཡིན། །ཆོས་རྣམས་རང་བཞིན་གྱིས་དག་པ། །སངས་རྒྱས་ཡེ་ཤེས་ཚུལ་འདི་དང་། །འདི་ནི་སངས་རྒྱས་ཐམས་ཅད་ཀྱི། །རྡོ་རྗེ་སེམས་དཔའི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་གཟུང་། །རྡོ་རྗེ་སེམས་ [99a.4]དཔའི་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་སྟྭཾ་དྷ་ར་ཡ་མི་ཧི་ཧི་ཧི་ཧི་ཧཱུཾ། སྒྲུབ་པ་ཀུན་གྱི་ཆོ་ག་དང་། །བླ་ན་མེད་པ་ཀུན་གྱིས་མཆོད། །དེ་ནས་རྡོ་རྗེ་ལག་གིས་ལག །རྡོ་རྗེ་བརྟུལ་ཞུགས་ཁྱོད་ལ་སྦྱིན། །ཐོག་མཐའ་མེད་པའི་སེམས་དཔའ་ནི། །རྡོ་རྗེ་ [99a.5]སེམས་དཔའ་དགའ་ཆེན་པོ། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་སྙེམས་པ་བདག་པོའི་བདག །ཤེས་རབ་ཕ་རོལ་ཕྱིན་བྱུང་བ། །དྲིལ་བུ་དེ་ལ་སྦྱིན་པར་བྱ། །རྡོ་རྗེ་དྲིལ་བུ་ཞེས་བྱ་བས། །སེམས་ཅན་ཀུན་གྱི་དོན་བྱེད་པ། །འདི་དེ་སངས་རྒྱས་ཐམས་ཅད་ཀྱི། ། [99a.6]ཤེས་རབ་དབྱངས་ཀྱི་རྗེས་འགྲོར་གསུངས། །ཁྱོད་ཀྱིས་ཀྱང་ནི་རྟག་ཏུ་ཟུང་། །བྱང་ཆུབ་མཆོག་ཏུ་རྒྱལ་བ་བཞེད། །དབུགས་དབྱུང་ཐམས་ཅད་བྱིན་ནས་ནི། །རང་ཉིད་ཤཱཀྱ་ཐུབ་གྱུར་པས། །དེ་རིང་སློབ་མ་ཁྱོད་ལུང་བསྟན། །སངས་རྒྱས་འགྱུར་བར་གདོན་མི་ཟ། །ཁྱོད་ [99a.7]ནི་མི་འཆི་མྱ་ངན་མེད། །འཇིགས་པ་དང་ནི་རིམས་མི་འབྱུང་། །བདེ་ཆེན་ཐེག་པ་འདི་ལས་ནི། །བུ་ཁྱོད་ང་ཡིས་ལུང་བསྟན་ཏོ། །རྡོ་རྗེ་སེམས་དཔའ་དེ་བཞིན་གཤེགས། །སྲིད་པ་ཤིན་ཏུ་དག་བྱའི་ཕྱིར། །སྲིད་པའི་ངན་འགྲོ་ལས་ནི་བཏོན། །ཁྱོད་ནི་ལུང་བསྟན་བརྗོད་ [99b] [99b.1]པར་བྱ། །ཁྱོད་ནི་ས་སྟེངས་མཐོ་རིས་སུ། །དགྱེས་པའི་རྡོ་རྗེ་ཞེས་བྱ་བའི། །དེ་བཞིན་གཤེགས་པ་འགྲུབ་པར་འགྱུར། །རིན་ཆེན་དབང་གི་དམ་ཚིག་ནི། །ཞེས་བྱ་བཅོམ་ལྡན་འདས་ཀྱིས་གསུངས། །རིགས་མཆོག་ལྔ་ལས་བྱུང་བ་ཡིས། །རིག་མ་དེར་ནི་གཞུག་པར་བྱ། །ཡང་ [99b.2]ན་གང་དེ་ཇི་སྙེད་པ། །དེ་བཞིན་ལོ་ནི་བཅུ་དྲུག་པའོ། །ཇི་སྲིད་ཁུ་བ་ལྡན་གྱུར་པར། །དེ་སྲིད་ཕྱག་རྒྱ་བསྟེན་པར་བྱའོ། །ཕྱག་རྒྱའི་གདོང་ནི་དགབ་པར་བྱའོ། །ཐབས་ཀྱི་གདོང་ཡང་དེ་བཞིན་ནོ། །དེ་བསྟེན་པ་ལས་གང་བྱུང་པ། །མཐེ་བོང་སྲིན་ལག་དག་གིས་ནི། །སློབ་མའི་ [99b.3]ཁར་ནི་དབབ་པར་བྱ། །དེ་ཡིས་ཚིགས་བཅད་འདི་ལྟ་སྟེ། །ཇི་ལྟར་སངས་རྒྱས་འཕགས་པ་ཡིས། །བྱང་ཆུབ་སྲས་རྣམས་དབང་བསྐུར་ལྟར། །བདག་གིས་གསང་བའི་དབང་གིས་ནི། །སེམས་ཀྱི་རྒྱུན་གྱིས་དབང་བསྐུར་རོ། །འདི་ནི་གསང་བའི་དབང་ངོ་། །བཞིན་ [99b.4]མཛེས་མིག་ནི་ཡངས་པ་དང་། །ལང་ཚོའི་གཟུགས་ཀྱིས་བརྒྱན་པ་ལ། །ཏིང་འཛིན་ཡན་ལག་གིས་སྐྱེས་པའི། །ཤེས་རབ་སློབ་མ་ལ་གཏད་བྱ། །དེ་ལ་ཚིགས་སུ་བཅད་པ་འདིའོ། །ལྷ་མོ་དགའ་སྟེར་གནས་སྟེར་མ། །སྣ་ཚོགས་གཟུགས་ཅན་ཡིད་དགའ་མ། །ཟུང་ [99b.5]ཤིག་ཟུང་ཤིག་སེམས་དཔའ་ཆེ། །བཟུང་ནས་མཆོད་པ་རབ་ཏུ་གྱིས། །རང་འདོད་ལྷ་ཡི་སྦྱོར་བ་དག །ཤེས་རབ་ཐབས་ཀྱི་སྦྱོར་རིག་པ། །ཤིན་ཏུ་སེམས་ནི་མཉམ་གཞག་པའི། །ཆོ་གས་ཕྱག་རྒྱ་མཆོད་པར་བྱ། །ཤེས་རབ་ལྡན་ཞིང་སེར་སྣ་བྲལ། །དགའ་བའི་སྐད་ཅིག་ [99b.6]ཉེར་ལོངས་སྤྱོད། །བླ་མ་ལ་ནི་བཏུད་བྱས་ཏེ། །ཇི་ལྟར་ཉམས་མྱོང་བརྗོད་པར་བྱ། །དགའ་བའི་སྐད་ཅིག་དབྱེ་རིག་པའི། །སྟོན་པས་དེ་ནས་ལུང་བསྟན་ཏེ། །སྐུ་གསུམ་ཡོངས་སུ་ཤེས་པ་ནི། །ཤེས་རབ་ཆོས་ཉིད་བཤད་ཀྱིས་ཉོན། །ཨེ་ཡིག་ཆ་བྱད་བཟང་པོ་གང་། ། [99b.7]དབུས་སུ་ཝཾ་གྱིས་རྣམ་པར་བརྒྱན། །བདེ་བ་ཐམས་ཅད་ཀྱི་ནི་གཞི། །སངས་རྒྱས་རིན་ཆེན་ཟ་མ་རྟོག །སྐད་ཅིག་དབྱེ་བས་ཕྱེ་བ་ཡིས། །དགའ་བའི་སྐད་ཅིག་དེར་སྐྱེ་འགྱུར། །སྐད་ཅིག་ཡེ་ཤེས་བདེ་ཡེ་ཤེས། །ཨེ་ཝཾ་རྣམ་པར་རབ་ཏུ་གནས། །སྣ་ཚོགས་རྣམ་པར་སྨིན་ [100a] [100a.1]པ་དང་། །རྣམ་ཉིད་མཚན་ཉིད་བྲལ་དེ་བཞིན། །ཨེ་ཝཾ་ཤེས་པའི་རྣལ་འབྱོར་པས། །སྐད་ཅིག་བཞི་ལ་ཡང་དག་འགྲོ། །སྣ་ཚོགས་རྣམ་པ་དུ་མར་བཤད། །འཁྱུད་དང་འོ་བྱེད་ལ་སོགས་པའོ། །དེ་ལས་བཟློག་པ་རྣམ་པར་སྨིན། །བདེ་བའི་ཡེ་ཤེས་ [100a.2]ལོངས་སྤྱོད་པའོ། །རྣམ་པར་ཉེད་པར་འགྲོ་བར་གསུངས། །བདག་གིས་བདེ་བ་ལོངས་སྤྱོད་དོ། །འདི་གསུམ་ལས་གཞན་མཚན་ཉིད་བྲལ། །ཆགས་དང་ཆགས་བྲལ་རྣམ་པར་སྤངས། །དང་པོ་དགའ་བ་སྣ་ཚོགས་ཏེ། །མཆོག་ཏུ་དགའ་བ་རྣམ་པར་སྨིན། །དགའ་དང་ [100a.3]བྲལ་བ་རྣམ་ཉེད་དེ། །ལྷན་ཅིག་སྐྱེས་དགའ་མཚན་ཉིད་བྲལ། །སློབ་དཔོན་གསང་བ་ཤེས་རབ་དང་། །བཞི་པ་དེ་ཡང་དེ་བཞིན་ནོ། །དབང་བཞིའི་གྲངས་ཀྱི་དབྱེ་བ་ཡིས། །དགའ་བ་ལ་སོགས་རིམ་ཤེས་བྱ། །དེ་ཡི་ཕྱིར་ནི་དགའ་བ་རྣམས། །བཞི་ཡི་བྱེ་བྲག་རབ་ཏུ་ [100a.4]ཕྱེ། །གང་ཕྱིར་ལྷན་ཅིག་སྐྱེས་རྣམ་བཞི། །རྫོགས་པའི་རིམ་པའི་ཕྱོགས་ཡིན་ནོ། །དང་པོ་དགའ་བ་དཔའ་བོ་སྟེ། །མཆོག་ཏུ་དགའ་བ་རྣལ་འབྱོར་མ། །ཤིན་ཏུ་དགའ་བ་མཐའ་དག་ཉིད། །བདེ་དེའི་ཐབས་ཀྱིས་ཐམས་ཅད་རིག །ཅུང་ཟད་དགའ་བ་བདེ་བ་ཆེ། །མཆོག་ [100a.5]ཏུ་དགའ་བ་དེ་བས་ལྷག །དགའ་བྲལ་དགའ་བ་ཆགས་བྲལ་ཡིན། །ལྷག་མ་ལྷན་ཅིག་སྐྱེས་དགའ་བའོ། །དང་པོར་རེག་པར་འདོད་པ་སྟེ། །གཉིས་པ་བདེ་བར་འདོད་པའོ། །གསུམ་པ་ཆགས་པ་སྤངས་པ་ཡིན། །བཞི་པ་དེ་ཡིས་བསྒོམ་པར་བྱ། །མཆོག་ཏུ་དགའ་བ་སྲིད་ [100a.6]པར་གསུངས། །དགའ་དང་བྲལ་བས་མྱ་ངན་འདས། །དབུ་མ་དགའ་བ་ཙམ་ཉིད་དེ། །ལྷན་ཅིག་སྐྱེས་པས་འདི་རྣམས་སྤངས། །མཁའ་མཉམ་རྡུལ་བྲལ་ཞི་བ་སྟེ། །དངོས་དང་དངོས་མེད་བདག་ཉིད་མཆོག །ཐབས་དང་ཤེས་རབ་མཉམ་འདྲེས་ཤིང་། །ཆགས་ [100a.7]དང་ཆགས་བྲལ་རྣམ་པར་འདྲེས། །དེ་ཉིད་སྲོག་ཆགས་རྣམས་ཀྱི་སྲོག །དེ་ཉིད་མཆོག་གི་ཡི་གེའོ། །ཀུན་ལ་ཁྱབ་པའི་དེ་ཉིད་འདི། །ལུས་ཀུན་ལ་ནི་རྣམ་པར་གནས། །ལྟེ་བར་གཏུམ་མོ་སྦར་བ་ཡིས། །དེ་བཞིན་གཤེགས་པ་ལྔ་བསྲེགས་ཤིང་། །སྤྱན་ལ་སོགས་ [100b] [100b.1]པ་ཡང་བསྲེགས་ཏེ། །བསྲེགས་པས་རི་བོང་ཅན་ཧཾ་འབབ། །ཀོ་ལླ་ཨི་རེ་ཊྛ་ཨ་བོ་ལ། མུ་མྨུ་ཎི་རེ་ཀཀྐོལཱ། གྷ་ཎ་ཀྲྀ་པི་ཊ་ཧོ་བཱཛྫ་ཨི། ཀ་རུ་ཎི་ཀི་ཨ་ཨི་ན་རོ་ལཱ། ཏ་ཧིཾ་བ་ལ་ཁཱཛྫ་ཨི། གཱ་ཌྷེཾ་མ་ཨ་ཎཱ་བིཛྫ་ཨི། ཧ་ལེ་ཀཱ་ལིཉྫ་ར་པ་ཎི་ཨ་ཨི། དུནྡུ་ར་བཱཛྫི་ཨ་ཨི། ཙ་ཨུ་ས་མ་ཀ་སྠུ་ [100b.2]རི་སིཧླཱ། ཀཱ་སྦུ་ར་ལཱ་ཨི་ཨ་ཨི། མཱ་ལ་ཨིནྡྷ་ན་ཤཱ་ལིཉྫ་ཏ་ཧིཾ། བྷ་རུ་ཁཱ་ཨ་ཨི། །ཕྲེཾ་ཁ་ཎ་ཁ་ཊ་ཀ་རནྟེ། ཤུདྡྷ་ཨ་ཤུདྡྷ་ན་མུ་ནི་ཨ་ཨི། ནི་རཾ་སུ་ཨཾ་གེ་ཙ་ཌཱ་ཝི། ཏ་ཧི་ཛ་ས་རཱ་ཝ་པ་ཎི་ཨ་ཨི། མཱ་ལ་ཨ་ཛེ་ཀུན་དུ་རུ་པཱ་ཊ་ཨི། ཌིཎྜ་མ་ཏ་ཧིཎྜ་བཱཛྫ་ཨ་ཨི། གང་ཕྱིར་བདེ་ཆེན་ [100b.3]ཐོས་གནས་པས། །བདེ་ཆེན་འཁོར་ལོ་ཕལ་ཆེན་པོའོ། །བདེ་བ་གང་གིས་འདིར་འཆི་བའི། །བདེ་དེས་བསམ་གཏན་ཞེས་སུ་བརྗོད། །བདེ་བ་ཆེན་པོར་བ་ཐོབ་ན། །སྣ་ཚོགས་པ་ཡིས་སྐད་ཅིག་སྤོང་། །བདེ་བ་ཆེན་པོ་གཟུང་བྱ་ཞེས། །སེམས་དཔའ་ཆེ་ལ་བླ་མ་ [100b.4]གསུང་། །ཡེ་ཤེས་འདི་ནི་ཆེས་ཕྲ་ཞིང་། །རྡོ་རྗེ་སྙིང་པོ་མཁའ་དང་མཚུངས། །རྡུལ་བྲལ་ཐར་པ་སྟེར་ཞི་བ། །ཁྱོད་ཀྱི་ཕ་ནི་ཁྱོད་རང་ཡིན། །ཤེས་རབ་ཡེ་ཤེས་ཀྱི་མངོན་པར་བྱང་ཆུབ་པའོ། །ཆགས་སོགས་རོལ་མོ་འདིར་མ་བཤད། །ཡང་བདག་མེད་མས་ [100b.5]གསོལ་བ། དགེ་སློང་དགེ་སློང་མ་རྒན་པོ། །དེ་བཞིན་མ་ནིང་ལ་སོགས་པའི། །འདི་རྣམས་ཇི་ལྟར་བྱང་ཆུབ་འབྱུར། །བཅོམ་ལྡན་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ཇི་ལྟར་སྔོན་གྱི་རྗེས་འབྲངས་ནས། །སློབ་དཔོན་གྱིས་ནི་ [100b.6]ཕུན་ཚོགས་སྦྱིན། །དགའ་འབྲལ་དང་པོ་མཆོག་གི་མཐའ། །དེ་ནས་ཡེ་ཤེས་བསྟེན་པར་བྱ། །རང་གི་ལག་པ་གཡས་གཡོན་གྱི། །མཐེ་བོང་སྲིན་ལག་དག་གིས་ནི། །ལོངས་སྤྱོད་ཀྱི་ནི་དབའ་རླབས་གཉིས། །རྣལ་འབྱོར་པ་ཡིས་གནན་པར་བྱ། །དེ་ལས་སྐྱེས་པའི་ [100b.7]ཡེ་ཤེས་ནི། །དཔེར་ན་གཞོན་ནུ་མ་ཆགས་བཞིན། །ཉམས་སུ་མྱོང་བའི་ཡེ་ཤེས་འདི། །ཚིག་གི་སྤྱོད་ཡུལ་ག་ལ་ཡིན། །དེ་ལ་ཐོག་མཐའ་དབུ་མ་མེད། །སྲིད་དང་མྱ་ངན་འདས་པ་མིན། །བདག་མེད་གཞན་ཡང་མེད་པ་སྟེ། །འདི་ནི་མཆོག་ཏུ་བདེ་ཆེན་ཡིན། ། [101a] [101a.1]དང་པོ་གཏི་མུག་འཆི་བར་འགྱུར། །མཐའ་མར་འཁོར་བའི་གཟུགས་ཅན་མ། །དབུ་མར་རྡུལ་བྲལ་ཞི་བ་ནི། །ཁྱབ་བདག་དངོས་དང་དངོས་མེད་ཟད། །ཆོས་ཀྱི་དབྱིངས་ཀྱི་མངོན་པར་བྱང་ཆུབ་པའོ། །སེམས་ཅན་མོས་པ་སྣ་ཚོགས་ལ། །ཕན་པར་ [101a.2]འཇུག་པའི་དབྱེ་བ་ཡིས། །རྡོ་རྗེ་འཛིན་ཆེན་ཐབས་བདག་གིས། །སྒྲུབ་ཐབས་དུ་མ་གསུངས་པ་ཡིན། །སྔགས་ཀྱི་ཚུལ་ནི་རྗེས་སྦས་པ། །ལམ་འདིའམ་ནི་གཞན་ཡང་རུང་། །ཤིན་ཏུ་བླ་མ་ལ་གུས་པའི། །དད་ལྡན་སྐྱེས་བུ་ལ་བཤད་བྱ། །རྣལ་འབྱོར་མའི་རྒྱུད་དགྱེས་ [101a.3]པའི་རྡོ་རྗེ་ལས་བཏུས་པའི་དབང་རྣམ་པར་གཏན་ལ་དབབ་པ་སློབ་དཔོན་ཆེན་པ་དགྲ་ལས་རྒྱལ་བས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཤྲཱི་གཡ་དྷ་ར་དང་། བོད་ཀྱི་ལོ་ཙཱ་བ་གྱི་ཇོ་ཟླ་བའི་འོད་ཟེར་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། [101a.4]{T1273}༄༅༅། །རྒྱ་གར་སྐད་དུ། ཤྲཱི་ད་ཤ་ཀྲོ་དྷ་བི་དྱ་བི་དྷི་ནཱ་མ། བོད་སྐད་དུ། དཔལ་ཁྲོ་བོ་བཅུའི་རིག་པའི་ཆོ་ག་ཞེས་བྱ་བ། དཔལ་ཁྲོ་བོ་བཅུ་ལ་ཕྱག་འཚལ་ལོ། །གྲོ་གའམ་ལོ་མ་ལ་རྩིབས་བརྒྱད་པའི་འཁོར་ལོ་བྲིའོ། །ཤར་དུ། ནམཿ་ས་མནྟ་བུ་དྡྷེ་བྷྱོ། །ན་མོ་མུངྒ་ར་ཧ་སྟཱ་ཡ་ [101a.5]ཙཎྜན་མཎྜལཱ་ཀྵེ་པ་ཀཱ་ར་ཡ་དྷཱར་ཀ་སྱ་རཀྵ་ཤྰྣྟིཾ་པུཥྚ་ཀུཾ་རུ་ཧཱུཾ་ཕཊ། ལྷོར། ན་མཿ་ས་མནྟ་བུདྡྷེ་བྷྱོ་མ་ཧཱ་དཎྜ་དྷ་ར་བི་བི་དྷ་སུ་རཱ་སུ་ར་མྲྡ་ན་བྷཱུ་ཏཱ་ན་ནི་རྨ་ཐ་རྷཱ་ར་ཀ་སྱ་རཀྵཾ་ཤཱིནྟཾ་པུཥྚིཾ་ཀུ་རུ་ཧཱུཾ་ཕཊ། ནུབ་ཏུ། ནམཿ་ས་མྣྟ་བུདྡྷེ་བྷྱོ་ཧུ་ལུ་ཧུ་ལུ་མ་ཧཱ་པདྨ་ཨ་མྲྀ་ཏཱི་ཀུ་རུ་བིཥཱ་ཎི་དྷར་ཀ་སྱ་ར་ཀྵ་ཤཱནྟིཾ་རུ་ཥྚིཾ་ཀུ་རུ་ [101a.6]ཧཱུཾ་ཕཊ། བྱང་དུ། ན་མཿ་སམནྟ་བུདྡྷེ་བྷྱོ་ན་མོ་བཛྲ་ཀྲོདྷཱ་ཡ་མ་ཧཱ་དཾ་ཤྚོ་ཏྐ་ཏ་གྷཻ་ར་བཱ་ཡ་བཛྲས་ནྡོཧད་རྦཱ་ཡ་ཨམྲྀཏ་ཀུཎྜལི་དྷཱ་ར་ཀེ་སྱ་རཀྵཾ་ཤཱ་ནྟིཾ་པུཥྚིཾ་ཀུ་རུ་ཧཱུཾ་ཕཊ། དབང་ལྡན་དུ། ན་མཿ་ས་མནྟ་དུདྡྷེ་བྷྱོ་ཨོཾ་ཡ་མ་དཎྜཱ་ཡ། ཏུ་རུ་ཏུ་རུ་མུ་རུ་སརྦ་དུཤྚཾ། མཱ་ར་ཡ་མཱ་ར་ཡ་དྷཱ་ར་ཀ་སྱ་རཀྵཾ་ [101a.7]ཤཱ་ནྟིཾ་པུཤྚིཾ་ཀུ་རུ་ཧཱུཾ་ཕཊ། མེ་རུ། ན་མཿ་ས་མནྟ་བུདྡྷེ་བྷྱོ་ན་མོ་མ་ཧཱ་བ་ལཱ་ཡ་ཨུ་ཙྪུཤམ་ཀྲོ་དྷ་རཱ་ཛཱ་ཡ་སརྦ་ནཱ་གཱ་ནཱ་ཧྲི་ད་ཡཾ་ཏཱ་ཌ་ཡ་དྷཱ་ར་ཀེ་སྱ་རཀྵཾ་ཤྰྣྟིཾ་པུཥྚིཾ་ཀུ་རུ་ཧཱུཎཾ་ཕཊ། བདེན་བྲལ་དུ། ན་མཿ་ས་མནྟ་བུ་དྡྷེ་བྷྱོ་ན་མ་ཨ་ཙ་ལ་ཀཱ་ཎཱ་ཡ། ཙེ་ཊྚ་ཙེ་ཊྚ། མོ་ཊྚ་མོཊྚ། ཏུཊྚ་ཏུཊྚ། གྷ་གྷ། གྷཱ་ཏ་ཡ། གྷཱ་ [101b] [101b.1]ཏ་ཡ་དྷཱ་ར་ཀ་སྱ་རཀྵཾ་ཤྰྣྟིཾ་པུཥྚིཾ་ཀུ་རུ་ཧཱུཾ་ཕཊ། རླུང་དུ། ན་མཿ་ས་མནྟ་བུདྡྷེ་བྷྱོ་ཨོཾ་ཊཀྐི་རཱ་ཛཱ་དྷཱ་ར་ཀ་སྱ་རཀྵཾ་ཤྰྣྟིཾ་པུཥྚིཾ་ཀུ་རུ་ཧཱུཾ་ཛཿ། འཁོར་ལོའི་ལྟེ་བར། ཨོཾ་སུམྦྷ་ནི་སུ་མབྷ་ཧཱུཾ། གྲྀཧྞ་གྲྀ་ཧྞ་ཧཱུཾ། གྲི་ཧྞཱ་པ་ཡ། གྲྀ་ཧཱ་པ་ཡ་ཧཱུཾ། ཨཱ་ན་ཡ་ཧོཿ་བྷ་ག་བཱ་ན་བིདྱཱ་རཱ་ཛ་དྷཱ་རཱ་ཀ་སྱ་རཀྵམ་ཤཱནྟིཾ་པུཥྚིཾ་ཧཱུཾ་ཕཊ། སྭཱ་ཧཱ། [101b.2]སྔགས་འདིས་འཁོར་ལོ་ཡོངས་སུ་འཁོར་བར་བྲིའོ། །ན་མཿ་སམྣྟ་བུདྡྷཱ་ནཱཾ། ན་མཿ་སམྣྟ་དྷ་རྨཱ་ནཱཾ། ན་མཿ་ས་མནྟ་སཾ་གྷཱ་ནཱཾ། ཨོཾ་སི་ཏཱ་ཏ་པ་ཏྲེ། ཨོཾ་བི་མ་ལ། ཨོཾ་ཤཾ་ཀ་ར། ཨོཾ་པྲ་ཏྱཾ་ག་རི། བཛྲེ་ཥྞཱི་ཤ་ཙྐྲི་བརྟི། སརྦྦ་ཡནྟ། མཱུ་ལ་ཀརྨ། བནྡྷ་ན། ཏཱ་ཌ་ན། ཀཱི་ལ་ན་མྦཱ། དྷཱ་ར་ཀ་སྱ་ཀྲི་ཏཾ། [101b.3]ཡེ་ན་ཀེ་ན་ཙི་ཏ། ཀྲྀ་ཏཾ་ཏ། སརྦཱ་ནྟུ། ཙྪི་ནྡ་ཙྪིནྡ། བྷིནྡ་བྷིནྡ། ཙི་རི་ཙི་རི། གི་རི་གི་རི། མ་ར་མ་ར། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། ཨཏྨརཀྵཾ་པྲ་ཡོ་གེ་ཤུ། ཡནྟྲ་མནྟྲ་དྷི་ནཱ་ཤེ་ནཾ་བཱ་ཧཱུཾ་བིདྷྱཱ་གི་ཏཾ་ཀྲྀ་ཏྭཱཾ་ཏྲཻ་ལོ་ཀྱཻ་དྣྣ་པི་ལཾ་གྷ་ཏེ། དཔལ་ཁྲོ་བོ་བཅུའི་རིག་པའི་ཆོ་ག་ཞེ་བྱ་བ་རྫོགས་སོ།། །། [101b.4]པཎྜི་ཏ་ཛཻ་རྟ་རིས་མཛད་པའོ།། །།སྒྲ་པ་ཆེན་པོ་ཛཻ་ཏ་ཀརྞྞལི་ཞལ་སྔ་ནས་ཤཱཀྱའི་དགེ་སློང་ཉི་མ་རྒྱལ་མཚན་དཔལ་བཟང་པོས། གཙུག་ལག་ཁང་ཆེན་པོ་དཔལ་ཐེར་པ་གླིང་དུ་ལེགས་པར་བསྒྱུར་བའོ།། {T1274}༄༅༅། །རྒྱ་གར་སྐད་དུ། གུ་ཧྱ་ཨ་བྷི་ཥེ་ [101b.5]ཀ་ཀྲི་པ་ནཱ་མ། བོད་སྐད་དུ། གསང་བའི་དབང་གི་རབ་ཏུ་བྱེད་པ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །རིག་མས་གསོར་བའི་རྡོ་རྗེ་རྩ་བར་རོལ་ལོངས་རྫོགས། །སོ་སོར་རེག་པ་ཆོས་དེ་གྱེན་དུ་རབ་སྤྲོས་སྤྲུལ། །སྤྲོས་པའི་ཁམས་གསུམ་སྤྲུལ་ན་ཚད་ [101b.6]མེད་མཁྱེན་གྱུར་པ། །ལུས་ངག་ཡིད་ཀྱིས་དགྱེས་པ་རྡོ་རྗེ་ལ་ཕྱག་འཚལ། །གསང་བའི་རྒྱུད་ལས་བཤད་པའོ། །དབང་བསྐུར་ལ་ནི་ཡེ་ཤེས་བཞི། །མཚན་མ་ལྔ་དང་ཡང་དག་ལྡན། །ཡང་དག་གསལ་བར་བྲི་བར་བྱ། །ཨོཾ་ཡིག་ཉིད་དང་ཨཱཾ་ཡིག་དང་། །ཀ་ཡིག་ཙ་ཏྲར་ [101b.7]ཡང་དག་ལྡན། །ཏ་ཡིག་དང་ནི་པ་ཡིག་དང་། །ཡ་དང་ཤ་ཡི་ཡི་གེའོ། །སྡེ་དགུ་ཡི་ནི་ཡི་གེའོ། །ཨོ་ཡིག་ཨཱི་ཡང་ལྷ་མོའོ། །ཁ་ཚ་ཋ་དང་བཞི་པ་གཞན། །ཐ་ཕ་དང་ནི་ར་ཤ་ཡ། །གཉིས་པའི་སྡེ་ཞེས་བྱ་བར་འདོད། །ཨུ་ཨཱུ་ཡི་གེ་ལྷ་མོ་ཆེ། །ག་ཛ་ཌ་དག་ལྷན་ཅིག་ལྡན། ། [102a] [102a.1]ད་བ་དང་ཡང་ལ་སུ་དག །འདི་ནི་གསུམ་པའི་སྡེ་ཡིན་ནོ། །ཨེ་ཨཻ་ཞེས་བྱ་སྔོན་དུ་གྱུར། །དེ་ནས་ཡང་ནི་གྷ་ཛྷ་ཌྷ། །དྷ་བྷ་ཝ་ཧ་དེ་ནས་ཡང་། །འདི་ནི་སྡེ་པ་བཞི་པའོ། །ཨོ་ཡིག་ཉིད་དང་ཨཽ་ཡིག་དང་། །ཨོཾ་ཡིག་དང་ནི་ཚེག་དྲག་བཅས། །ང་ཉ་ཎ་ན་མ་དང་ [102a.2]ལྡན། འདི་ནི་སྡེ་པ་དགུ་ཡི་བདག། །རྡོ་རྗེ་མཛེས་པ་རྡོ་རྗེ་བརྡེག་པ་བཞི། །རབ་དགྱེས་པ་ཡི་མྱུ་གུ་དང་། །ངོ་མཚར་རྡོ་རྗེ་ཡེ་ཤེས་རྡོ་རྗེ་དང་། །ཡིད་བཞིན་རྡོ་རྗེ་ལུས་མེད་རྡོ་རྗེ་དང་། །ཤེས་རབ་མྱུ་གུ་སྙིང་རྗེ་མྱུ་གུ་དང་། །དམ་པའི་དགའ་བའི་རྡོ་རྗེ་དང་། །རབ་ཏུ་དགྱེས་པའི་རྡོ་རྗེ་ [102a.3]དང་། །སྤྱན་རས་གཟིགས་ཀྱི་རྡོ་རྗེ་དང་། །དབབ་པའི་རྡོ་རྗེ་ནམ་མཁའི་རྡོ་རྗེ་དང་། །ཤེས་རབ་རྡོ་རྗེ་ཕ་རོལ་ཕྱིན་པའི་རྡོ་རྗེ་དང་། །འདོད་ཆགས་རྡོ་རྗེ་དང་མིང་འདི་རྣམས་ཀྱིས་གཙང་བའི་གནས་སུ་ཕྱག་རྒྱ་ཆེན་པོའི་དངོས་གྲུབ་པོ། །བུད་མེད་བཤད་དེ། རྡོ་རྗེ་འགྱིང་དང་མཚོན་ [102a.4]ཆ་དང་། །རྡོ་རྗེ་ཨེ་མའོ་བདེ་བ་མོ། །རྡོ་རྗེ་བདག་མེད་མ་དང་། རྡོ་རྗེ་སྤྱན་མ་དང་། རྡོ་རྗེ་མཁའ་འགྲོ་མ་དང་། རྡོ་རྗེ་དཀར་མོ་དང་། རྡོ་རྗེ་སྒྱུ་འཕྲུལ་མ་དང་། རྡོ་རྗེ་འབར་མ་དང་། རྡོ་རྗེ་འཁྲི་ཤིང་མ་དང་། རྡོ་རྗེ་ཤུགས་དང་། རྡོ་རྗེ་རོ་ལངས་མ་དང་། རྡོ་རྗེ་ལྕགས་ཀྱུ་མ་དང་། རྡོ་རྗེ་དོ་ཤལ་ [102a.5]མ་དང་། རྡོ་རྗེ་ཕྲེང་བ་མ་དང་། རྡོ་རྗེ་བཞད་མ་དང་། །རྡོ་རྗེ་སྒེག་མོ་དང་། རྡོ་རྗེ་པད་རྐན་མ་དང་། རྡོ་རྗེ་རྒྱས་མ་དང་། །རྡོ་རྗེ་པདྨ་དང་། རྡོ་རྗེ་འབྱུང་གནས་དང་། རྡོ་རྗེ་དགོད་མ་དང་། རྡོ་རྗེ་ཆགས་པ་མ་དང་། རྡོ་རྗེ་སྒྲོལ་མ་དང་། རྡོ་རྗེ་ཧ་ར་དང་། རྡོ་རྗེ་རྣམ་བསྙེམས་མ་དང་། རྡོ་རྗེ་བློ་གྲོས་མ་ [102a.6]དང་། རྡོ་རྗེ་ཀོ་ནེ་ན་མ་དང་། རྡོ་རྗེ་ཁ་ཆུ་མ་དང་། རྡོ་རྗེ་དབུགས་དང་། རྡོ་རྗེ་ལག་དང་། མཁའ་འགྲོ་མ་རྣམས་མི་བསྐྱོད་པ། ཨ་ཨཱ་ཀ་ཅ་ཊ་ཏ་པ་ཡ་ཤ་རྣམས་བཤད་པ་ལ་གཙོ་བོ་དཔའ་བོ་རྣམ་པར་སྣང་མཛད། ཨི་ཨཱི་ཁ་ཚ་ཋ་ཐ་ཕ་ར་ཥ་རྣམས་རབ་དགྱེས་རྡོ་རྗེ་ལ་སོགས་པའོ། །རིན་ [102a.7]ཆེན་དབང་ཨུ་ཨཱུ་ག་ཛ་ཌ་བ་ལས་རྣམས་ངོ་མཚར་རྡོ་རྗེ་ལ་སོགས་པའོ། །སྣང་བ་མཐའ་ཡས་ཨེ་ཨཻ་གྷ་ཛྷ་ཌྷ་དྷ་བྷ་བ་ཏ་རྣམས་རྡོ་རྗེ་པདྨའི་མྱུ་གུ་ལ་སོགས་པའོ། །དོན་ཡོད་གྲུབ་པ་ཨོ་ཨཽ་ཨཾ་ཨཱཿ་ང་ཉ་ཎ་ན་མ་རྣམས་རྡོ་རྗེ་སྤྱན་རས་གཟིགས་ལ་སོགས་པའོ། །གསང་བའི་ [102b] [102b.1]དབང་གི་མིང་གི་རབ་ཏུ་བྱེད་པ། ཡང་དག་པའི་མན་ངག་འགྲོལ་བར་དཀའ་བ་རྫོགས་སོ།། །།སློབ་དཔོན་ཕྱག་རྒྱ་ཆེན་པོའི་དངོས་གྲུབ་ཅན་བི་ན་པའི་ཞལ་སྔ་ནས་མཛད་པའོ།། {T1275}༄༅༅། །རྒྱ་གར་སྐད་དུ། མ་ཧཱ་ཨ་བྷི་ཥེ་ཀ་ཏྲི་ཀྲ་མ་ནཱ་མ། [102b.2]བོད་སྐད་དུ། དབང་ཆེན་པོ་རིམ་པ་གསུམ་པ་ཞེས་བྱ་བ། དཔལ་ཀྱེ་རྡོ་རྗེ་ལ་ཕྱག་འཚལ་ལོ། །པྲ་ཡི་ཡེ་ཤེས་སྒྲུབ་འདོད་པས། །འདོད་ཆོས་མཚན་གཉིས་ཤེས་པའི་མུ། །དེ་ཤེས་ཡུལ་དུ་བྱ་བ་ནི། །མིག་དགུག་ཤིར་མཐའ་ཟད་རྩེ། །ཆུ་སྐྱེས་དགའ་གཉིས་དབུས་སུ་ [102b.3]འདུས། །གསང་བའི་ས་བཅུར་ཤེས་པར་བྱ། །ཐབས་ཀྱི་ཟེ་འབྲུ་གསུམ་ནོར་བུ། །པྲ་རུ་འདོད་པ་སངས་རྒྱས་གཅིག །ཐུར་རླུང་ཕྲད་བཟློག་དབུས་ཞུགས་པས། །ས་གནས་གར་འདོད་ཀུན་ཀྱང་འགེངས། །རྟོག་བྲལ་སྨོན་ལམ་གཟུགས་སུ་གཉིས། །ར་ཏའི་ཏི་ལ་བཞི་ [102b.4]འགྱུར་གྱི། །སྐད་ཅིག་ཆ་ཀུན་ཤེས་བྱས་ནས། །རོ་བཞི་ཤེས་པས་རོ་བཞི་བྱ། །རླུང་གི་ས་ཡི་དུས་སུ་ནི། །ཧཱུཾ་ཕཊ་བསྐྱོད་པས་ལས་རླུང་མེ། །འབྱུང་བཞིའི་རླུང་གྲངས་འཁོར་ལོ་བཞིན། །ས་ཡི་དུས་སུ་བཟློག་ལ་བསྟུན། །ཆུ་ཚགས་རླུང་གིས་གཟུང་ཡི་གེ། །འགྲེང་ [102b.5]སྟེངས་ཡར་རླུང་དགག་པའོ། །ཏིང་འཛིན་ཁྱད་པར་གྱུར་པ་ཡིས། །གཉིས་འདུས་བྷ་གར་རླུང་བཞི་གནོན། །མི་གཡོ་བདུད་བཞི་མནན་ཞེས་བྱ། །ཅུང་ཟད་འདུས་པར་ཟིན་པ་ཡིས། །མི་རྟོག་དང་པོའི་ས་ཐོབ་བཤད། །བརྒྱད་ཕྱེད་མཐའ་ཡི་བརྒྱད་ཕྱེད་མཐར། བྲག་གདུང་ [102b.6]ལྟ་བུ་གཉིས་ཕྲད་དེ། །བསྟན་པས་ཡེ་ཤེས་བསམ་ཡས་ཤིང་། །ཀུན་ཀྱང་གསལ་བ་དུང་ལྟ་བུ། །ཡང་དག་རྫོགས་པའི་སངས་རྒྱས་ཏེ། །ཡོན་ཏན་ཆེ་བ་བརྗོད་མི་ལང་། །གལ་ཏེ་པྲ་ཡི་ཉི་མ་དག །ཐིག་ལེ་ཁ་བསྒྱུར་སྔོན་བཞིན་སྤྲད། །མར་རམ་ཆུ་ལྟར་འདྲེས་ནུས་པས། ། [102b.7]སོ་སོར་གནས་ཀྱང་རྨོངས་པ་མེད། །ཀུན་རྫོབ་སྣང་བ་མ་ཡིན་ཏེ། །དངོས་པོ་གཉིས་ཀྱང་རྟག་ཏུ་འདྲེས། །སུས་ཀྱང་མཐོང་བར་མི་ནུས་ཏེ། །ཡོན་ཏན་ལྗགས་ཀྱིས་རྫོགས་པ་མིན། །བསྐལ་པར་འཇིགས་དང་བྲལ་བ་མེད། །གཟུང་འཛིན་བྲ་ལ་བའི་ཡེ་ཤེས་སྐུ། །དུས་སུ་ [103a] [103a.1]ཆོས་རྣམས་མེ་ལོང་བཞིན། །དབང་ཆེན་པོ་རིམ་པ་གསུམ་པ་ཞེས་བྱ་བ་རྫོགས་རིམ་གྱི་མན་ངག་རྫོགས་སོ།། {T1276}༄༅༅། །རྒྱ་གར་སྐད་དུ། དྭི་བྷུ་ཛ་ཧེ་བཛྲ་སཱ་དྷ་ནཾ། བོད་སྐད་དུ། དགྱེས་པ་རྡོ་རྗེ་ཕྱག་གཉིས་པའི་སྒྲུབ་པའི་ཐབས། དཔལ་རྡོ་རྗེ་ཧེ་ [103a.2]རུ་ཀ་ལ་ཕྱག་འཚལ་ལོ། །ཨེ་ཝཾ་ཡི་གེ་ལ་བཞུགས་པས། །དགའ་བཞི་ལ་སོགས་མངའ་བདག་ནི། །དང་པོ་དབུས་མཐའ་ལས་གྲོལ་བ། །རྡོ་རྗེ་འཆང་དེ་ལ་ཕྱག་འཚལ། །བླ་མ་རྣམས་དང་སངས་རྒྱས་དང་། །ཆོས་དང་དགེ་འདུན་གུས་བཅས་ཤིང་། །རྒན་གཞོན་ [103a.3]རྡོར་སྤྱོད་ཕྱག་བྱས་ནས། །དགྱེས་པ་རྡོ་རྗེའི་སྒྲུབས་ཐབས་བཤད། །དང་པོ་གོམས་པར་བྱེད་པ་ནི། །གང་དུ་སྔགས་པས་དངོས་གྲུབ་འགྲུབ་ཅིང་། སེམས་རྩེ་གཅིག་པར་འགྱུར་བ། ཤིང་གཅིག་གམ། དུར་ཁྲོད་དམ། མ་མོའི་ཁྱིམ་མམ། དེ་བཞིན་མཚན་མོའམ། སྐྱེ་བོས་ [103a.4]དབེན་པའི་གྲོང་མཐའ་འམ། དགོན་པར་བསྔགས་པ་གསུངས་པའི་གནས་བཟང་པོ་བརྟག་གོ། །རང་གི་སྙིང་གར་རཾ་བསམས་ལ། དེ་ལས་བྱུང་བའི་ཉི་མའི་དཀྱིལ་འཁོར་དེ་ལ་ཧཱུཾ་ཡང་བསྐྱེད་ལ། ཌོཾ་བི་ནཱིས་རྗེས་སུ་ཆགས་པས་ཕྲག་ན་འཁྱུད་པའི་ཐབས་དང་ཤེས་རབ་ཀྱི་ [103a.5]བདག་ཉིད་ཅན་རྡོ་རྗེ་ལས་འཁྲུངས་པས། ཐུགས་རྗེ་དང་ལྡན་པའི་རྗེ་བཙུན་ལ། རྒྱན་ཐམས་ཅད་ཀྱིས་བརྒྱན་པའི་ལྷ་མོ་བརྒྱད་གཽ་རཱི་རི་དགས་ཀྱི་མཚན་མ་བསྣམས་པ། ཙཽ་རཱི་ཉི་མའི་སྣོད་བསྣམས་པ། བེ་ཏཱ་ལཱི་ཆུ་བསྣམས་པ། གྷསྨ་རཱི་སྨན་བསྣམས་པ། པུཀྐ་སཱི་ཕྱག་ན་རྡོ་རྗེ་ [103a.6]བསྣམས་པ། ཤ་བ་རཱི་རོ་བསྣམས་པ། ཙནྜ་ལཱི་ཌ་མ་རུ་བསྣམས་ནས། གཡུང་མོ་དེ་ཁོ་ནས་མཆོད་པས་དེ་རྣམས་ཀྱིས་གཅོ་བོ་ལ་མཆོད་པ་བྱེད་པ་ནམ་མཁའ་ལ་བལྟའོ། །དེ་ནས། དཀོན་མཆོག་གསུམ་ལ་སྐྱབས་སུ་མཆི། །སྡིག་པ་ཐམས་ཅད་བཤགས་པར་བ་གྱི། ། [103a.7]འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །དང་པོ་བྱམས་པ་བསྒོམ་པར་བྱ། །གཉིས་པ་སྙིང་རྗེ་བསྒོམ་པར་བྱ། །གསུམ་པ་དགའ་བ་བསྒོམས་ནས་ནི། །ཀུན་གྱི་མཐའ་རུ་བཏང་སྙོམས་སོ། །ཡང་སེམས་སྟོང་པ་ཉིད་དུ་དམིགས་ [103b] [103b.1]པས་ཐ་མལ་པའི་ང་རྒྱལ་སྤང་བར་བྱ་སྟེ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭཱ་བྷཱ་བ་ཨཱཏྨ་ཀོ྅ཧཾ། དང་པོར་རཾ་ལས་ཉི་མ་བསམ། །ཉི་མའི་དབུས་སུ་རབ་གནས་པའི། །ཧཱུཾ་ལས་སྣ་ཚོགས་རྡོ་རྗེར་བསམ། །རྡོ་རྗེ་དེ་ལས་ར་བ་དང་། །རྡོ་རྗེའི་གུར་གྱིས་ཕུབ་པར་བསྒོམ། །མཁའ་དབྱིངས་ [103b.2]བྷ་ག་བསྒོམས་ནས་ནི། །དེ་ནང་བསྒོམ་པར་བྱ་བ་ནི། །དང་པོར་རོ་ནི་བསམ་བྱ་སྟེ། །ཆོས་དབྱིངས་བདག་མེད་ཡིན་ཞེས་བྱ། །དེ་སྟེངས་གནས་པའི་རྣལ་འབྱོར་པས། །ཧེ་རུ་ཀ་རུ་བསྒོམ་པར་བྱ། །ཨཱ་ལི་ལས་ཟླ་ཀཱ་ལི་ཉི། །དེ་སྟེངས་ས་བོན་ཧཱུཾ་བརྟག་བྱ། །ཧཱུཾ་ལས་རྡོ་རྗེ་ [103b.3]བསམ་པར་བྱ། །རྡོ་རྗེའི་ལྟེ་བ་ཧཱུཾ་ལ་ཡང་། །དེ་ཉིད་ཧཱུཾ་ནི་གནས་པར་བསམ། །མེ་ལོང་ཡེ་ཤེས་ཟླ་བ་སྟེ། །མཉམ་ཉིད་ཡེ་ཤེས་བདུན་པར་ལྡན། །ཕྱག་མཚན་ས་བོན་སོ་སོར་རྟོག །ཐམས་ཅད་གཅིག་བསྡུས་བྱ་ནན་ཏན། །ཆོས་ཉིད་དག་པའི་རྫོགས་པའི་སྐུ། །མངོན་ [103b.4]པར་བྱང་ཆུབ་རྣམ་པ་ལྔ། །རིམ་བཞིན་མཁས་པས་བསྒོམ་པར་གསུངས། །སེམས་ཅན་ལུས་ལས་ཡང་དག་འབྱུང་། །དཀྱིལ་འཁོར་གཙོ་བོ་བསྒོམ་པར་བྱ། །ཞལ་དང་ཕྱག་མཚན་གསུངས་བཞིན་ཏེ། །ཆུ་ཤེལ་ལྟ་བུའི་འོད་མངའ་བ། །དགའ་བས་གཉིས་ནི་སྙོམས་ [103b.5]པར་ཞུགས། །བདག་མེད་མ་དང་ལྷན་ཅིག་སྦྱོར། །བསྲུབ་བྱ་བསྲུབས་པའི་སྦྱོར་བ་ཡིས། །གཽ་རཱི་ལ་སོགས་ངེས་འབྱུང་བྱ། །གཾ་ཙཾ་བཾ་གྷཾ་པཾ་སཾ་ལཾ་ཌཾ་ས་བོན་ལས་ངེས་འབྱུང་། །དབང་པོ་གཽ་རཱི་གཤིན་རྗེ་སྐུ། །ཆུ་ཡི་ཕྱོགས་སུ་བེ་ཏཱ་ལཱི། །ལུས་ངན་ཕྱོགས་སུ་གྷསྨ་རཱི། །པུཀྐ་ [103b.6]སཱི་ནི་དབང་ལྡན་འདོད། །མེ་ཡི་ཕྱོགས་སུ་ཤ་བ་རཱི། །ཙཎྜལཱི་ནི་བདེན་བྲལ་གནས། །རླུང་གི་ཕྱོགས་སུ་ཌོ་མྦིར་འདོད། །གཽ་རཱི་ཁ་དོག་ནག་པོར་འགྱུར། །ཙཽ་རཱི་བཙོད་ཀྱི་ཁ་དོག་ལྡན། །བེ་ཏཱ་ལཱི་ནི་གཙོ་མོའི་མདོག །མརྒཏ་མ་དོག་འདྲ་གྷསྨ་རཱི། །ཨིནྡྲ་ནཱི་མདོག་པུཀྐ་སཱི། །ཤ་བ་ [103b.7]རཱི་ནི་ཆུ་ཤེལ་བཞིན། །ཙནྜ་ལཱི་ནི་མཁའ་བཞིན་སྔོ། །ཌོ་མྦི་ནཱི་ནི་སྣ་ཚོགས་མདོག །རོ་ཡི་སྟེང་ན་འོད་འབར་ཞིང་། །ཕྱག་གཉིས་དབུ་སྐྲ་གྱེན་དུ་བརྫེས། །སྦྱིན་དམར་ཞལ་ནི་གཅིག་དང་བཅས། །ཕྱག་རྒྱ་ལྔ་ཡིས་རྣམ་པར་བརྒྱན། །ཕྱག་ནི་གཅིག་ན་ཀ་པཱ་ལ་བསྣམས། ། [104a] [104a.1]གཡས་ཀྱི་ཕྱག་ན་གྲི་གུག་གོ། །ཁ་ཊྭཱཾ་ག་ནི་ཕྱག་གཡོན་ན། །རྐེད་པ་སྟག་གི་པགས་པས་གཡོགས། །དེ་ནས་རྡོ་རྗེ་ཆགས་ཆེན་གྱིས། །རིག་མ་དང་བཅས་ཞུ་བར་གྱུར། །སྣ་ཚོགས་གླུ་དང་ཉེར་སྤྱོད་པས། །དེ་ནས་ལྷ་མོ་སྐུལ་བར་བྱེད། །སྙིང་རྗེའི་ཡིད་ [104a.2]ཀྱིས་ལྷ་མོ་བཞེངས། །སྦོས་མོས་བདག་ལ་ཡོངས་སུ་སྐྱོབས། །སྟོང་པའི་ཏིང་འཛིན་སྤངས་ནས་ནི། །བདེ་ཆེན་འདོད་པས་བདག་ལ་སྦྱོར། །ཁྱོད་མི་བཞུགས་ན་བདག་འགུམ་པས། །སྟོང་པའི་རང་བཞིན་སྤངས་ནས་སུ། །རི་ཁྲོད་མ་འབྲས་བསྒྲུབ་པའི་ཕྱིར། །དགྱེས་ [104a.3]པ་རྡོ་རྗེ་ཁྱོད་བཞེངས་ཤིག །འདོད་པས་འཇིག་རྟེན་སྙིང་མནན་ན། །གཙོ་བོ་ཅི་ཕྱིར་སྟོང་ཉིད་བཞུགས། །ཁྱོད་མི་བཞུགས་ན་ཕྱོགས་རྨོངས་པས། །གཏུམ་མོ་བདག་ནི་གསོལ་བ་འདེབས། །བདག་གིས་ཁྱོད་ཀྱི་ཐུགས་འཚལ་གྱིས། །སྒྱུ་འཕྲུལ་ལྟ་བུར་ཁྱོད་བཞེངས་ཤིག ། [104a.4]འགྲོ་གཙོ་སྨྲ་བས་བདག་ལེགས་ཤེས། །ཐུགས་རྗེ་རྒྱུན་ཆད་མ་མཛད་ཅིག །དང་པོ་སྟོང་ཉིད་བྱང་ཆུབ་སྟེ། །གཉིས་པ་ས་བོན་བསྡུས་པ་ཡིན། །གསུམ་པ་གཟུགས་ནི་རྫོགས་པ་སྟེ། །བཞི་པས་ས་བོན་དགོད་པ་པོ། །ཧཱུཾ་རྡོ་རྗེ་ལས་རྡོ་རྗེ་ཆེར། །ཞུ་བའི་གཟུགས་ནི་བཞེངས་ [104a.5]པར་གྱུར། །འགྲོ་བའི་དོན་ལ་འོད་ཟེར་གྱིས། །རང་གི་ལུས་ནི་རྣམ་སྤྲོས་པས། །ནམ་མཁའི་དཀྱིལ་འཁོར་ཁྱབ་བྱས་ནས། །ཚོགས་རེ་སླར་ཡང་འདུས་པ་ཡིན། །རྣལ་འབྱོར་ཞེ་སྡང་བདག་ཉིད་གྱུར། །ཁ་དོག་སྔོ་ཞིང་ཅུང་ཟད་དམར། །དབུ་སྐྲ་སེར་པོ་གྱེན་དུ་བརྗེས། །ཕྱག་ [104a.6]རྒྱ་ལྔ་ཡི་རྒྱན་གྱིས་བརྒྱན། །འཁོར་ལོ་རྣ་ཆ་མགུལ་རྒྱན་དང་། །ལག་པའི་གདུ་བུ་སྐ་རགས་རྣམས། །སངས་རྒྱས་ལྔ་ཡི་རྣམ་དག་སྟེ། །ཕྱག་རྒྱ་ལྔ་རུ་རབ་ཏུ་གྲགས། །བཅུ་དྲུག་ཆ་བྱད་ཁྲོས་པས་གཟིགས། །ཕྱག་གཡོན་རྡོ་རྗེ་ཐོད་པས་མཚན། །ཁ་ཊྭཱཾ་ག་ཡང་གཡོན་ [104a.7]པ་ནི། །རྡོ་རྗེ་འབར་བ་གཡས་པ་ན། །ཧཱུཾ་སྒྲོགས་པ་ཡི་བདག་ཉིད་ཅན། །ལྷ་མོ་བརྒྱད་ཀྱིས་ཡོངས་བསྐོར་ནས། །མགོན་པོ་དུར་ཁྲོད་ནང་ན་རོལ། །དཔལ་ནི་གཉིས་མེད་ཡེ་ཤེས་ཏེ། །ཧེ་ནི་རྒྱུ་སོགས་སྟོང་པ་ཉིད། །རུ་ནི་བཀོད་པ་སྤངས་པ་ཡིན། །ཀ་ནི་གང་དུ་མི་གནས་ [104b] [104b.1]པ། །ཆོས་ཀྱི་དབྱིངས་ལས་ངེས་འཁྲུངས་པས། །ཆོས་ཉིད་བདག་ཉིད་བསྒོམ་པ་ཡིན། །ཨོཾ་དྷ་རྨ་དྷཱ་ཏུ་སྭ་བྷཱ་བ་ཨཱཏྨ་ཀོ྅ཧཾ། །མིག་ནི་རྡོ་རྗེ་གཏི་མུག་མ། །རྣ་བ་རྡོ་རྗེ་ཞེ་སྡང་མ། །སྣ་ནི་སེར་སྣ་རྡོ་རྗེ་མ། །ལྕེ་ནི་འདོད་ཆགས་རྡོ་རྗེ་མ། །རེག་བྱ་རྡོ་རྗེ་ཕྲག་དོག་མའོ། །བདག་མེད་ [104b.2]རྣལ་འབྱོར་མ་ནི་ཡིད། །ས་སྤྱོད་མ་ནི་ལུས་རྡོ་རྗེ། །མཁའ་སྤྱོད་མ་ནི་གསུང་རྡོ་རྗེ། །ཐུགས་ནི་དབུས་ན་བཞུགས་པའི་ཕྱིར། །དེ་ཕྱིར་བདག་མེད་མ་དབུས་འཁྲུངས། །རང་སྙིང་ནས་ནི་ས་བོན་བྱུང་། །འོད་ཟེར་ནག་པོ་དང་ལྡན་ལ། །ལྕགས་ཀྱུའི་རྣམ་པ་ཅན་གྱིས་ནི། ། [104b.3]ཁམས་གསུམ་ན་བཞུགས་སངས་རྒྱས་རྣམས། །ཡུམ་བརྒྱད་དང་བཅས་བཀུག་ནས་ནི། །ཡང་དག་མཆོད་ནས་གསོལ་བ་གདབ། །ཨོཾ་ཨ་བྷི་ཥིཉྩ་ཏུ་མཾ་སརྦ་ཏ་ཐཱ་ག་ཏ་ཞེས་བྱ་བས་སོ། །ཧེ་རུ་ཀ་སྐུའི་ཆ་བྱད་ཅན། །དེ་བཞིན་གཤེགས་པ་ལྔ་རྣམས་ཀྱིས། །དེ་བཞིན་ [104b.4]གཤེགས་ལྔ་བདག་ཉིད་ཅན། །བདུད་རྩི་ལྔ་ཡིས་གང་བ་ཡི། །བུམ་པའི་དབང་བསྐུར་ཏེ། རྔ་བརྡུངས་པའི་སྒྲ་དང་ལྡན་པས་མེ་ཏོག་གི་ཆར་དང་གུར་གུམ་གྱི་ཆར་འབེབས་ཤིང་། །ཐུགས་རྗེ་ལ་སོགས་པ་མངོན་པར་བསྟོད་ཅིང་། སྤྱན་ལ་སོགས་པས་གླུ་ལེན་པས་ [104b.5]དབང་བསྐུར་བས་མགོ་ལ་རང་གི་རིགས་ཀྱི་བདག་པོ་བཞུགས་པར་འགྱུར་རོ། །འཁོར་ལོའི་གཟུགས་ནི་མི་བསྐྱོད་པ། །རྣ་བ་འོད་དཔག་མེད་ཀྱི་བདག །མགུལ་རྒྱན་རིན་ཆེན་འབྱུང་བའི་བདག །གདུ་བུ་རྣམ་པར་སྣང་མཛད་འདོད། །སྐ་རགས་ལ་ནི་དོན་གྲུབ་བཞུགས། ། [104b.6]ཤེས་རབ་རང་བཞིན་ཁ་ཊྭཱཾ་ག །འཁོར་བ་མྱ་ངན་འདས་པ་ཡི། །རྣམ་རྟོག་བཅད་པ་པདྨའི་སྣོད། །རྣམ་པར་གྲོལ་བའི་རྒྱུ་རུ་ནི། །བདུད་བཞིའི་ཁྲག་ནི་གསོལ་བ་ཡིན། །སྙིང་རྗེའི་སྤྱན་ནི་དམར་བ་ཡིན། །ཡན་ལག་ནག་པོ་བྱམས་པའི་སེམས། །པགས་པ་བྱང་ཆུབ་ཡན་ [104b.7]ལག་བདུན། །རུས་པའི་རྒྱན་ནི་བདེན་པ་བཞི། །ཁྲོ་བ་མ་རུངས་གདུལ་བྱ་ལ། །ཁྲག་ནི་ཤ་བ་རཱི་རུ་བསྟན། །ཁུ་བ་ཙཎྜལཱི་རུ་གྲགས། །ཚིལ་དང་རྐང་ནི་ཌོ་མྦི་ནཱི། །བདུད་ལ་སོགས་པ་ཉེས་པ་དྲུག །གཅོད་ཕྱིར་གྲི་གུག་ཐོགས་པས་བཞུགས། །ཐོད་པ་སྟོང་ཉིད་ངོ་བོ་སྟེ། ། [105a] [105a.1]ཐམས་ཅད་ཐབས་སུ་ཤེས་པར་བྱ། །དུས་ཚིགས་གསུམ་ལྡན་བྱིན་གྱིས་བརླབས། །ལྷ་ཡི་སྐུ་རུ་གནས་པར་བྱ། །བྱ་རྣམས་བྱེད་ཚེ་རྣལ་འབྱོར་པས། །རྣལ་འབྱོར་འདི་ནི་དྲན་པར་བྱ། །སྐད་ཅིག་ཙམ་ཡང་སེམས་གཞན་ནི། །མ་རིག་མ་རུངས་ལྡན་སེམས་ [105a.2]ཀྱིས། །དངོས་གྲུབ་འདོད་པའི་སྒྲུབ་པ་པོས། །འབད་པས་མཁས་པས་གནས་མི་བྱ། །ཟླ་དྲུག་རྣལ་འབྱོར་པས་བསྒོམས་ན། །ཐེ་ཚོམ་འདིར་མེད་དངོས་གྲུབ་ཐོབ། །དེ་ལ་སོ་མ་ཉི་མི་བྱ་སྟེ། །སངས་རྒྱས་རྫུ་འཕྲུལ་བསམ་མི་ཁྱབ། །ཡན་ལག་ཇི་སྙེད་ཡོད་པ་དང་། །གོང་ [105a.3]དུ་བརྗོད་པ་ཐམས་ཅད་ནི། །དེ་སྙེད་སྔགས་དང་ཕྱག་རྒྱ་ཡིན། །དཔལ་ལྡན་ཧེ་རུའི་གོ་འཕང་གནས། །དེ་ལ་སྔགས་ནི་འདི་ཡིན་ཏེ། །ཨོཾ་ཏྲཻ་ལོ་ཀྱཱ་ཀྵེ་པ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། གཤེགས་སུ་གསོལ་བའི་དོན་དུ་སྤྱན་དྲངས་ནས། །ཡང་དག་པར་མཆོད་ལ། །བསོད་ནམས་ [105a.4]ཡོངས་སུ་བསྔོས་ལ་བཟོད་པར་གསོལ་ལོ། །ཧེ་རུ་ཀ་རྣམ་པར་བསམས་ནས་ལྡང་བའི་བླ་མའི་མན་ངག་ཡིན་ནོ། །ཤེས་རབ་བླ་མའི་ཞོ་རྟག་ཏུ། །བླ་མ་དམ་པའི་གདམས་ངག་གི །བདུད་རྩི་མྱང་བ་གང་ཡིན་པ། །དེ་ཡིས་སངས་རྒྱས་ཐོབ་པར་འགྱུར། །དགྱེས་རྡོར་རྒྱུད་ [105a.5]ལས་གསུངས་པ་ཡི། །དེར་རྙེད་རིམ་པས་བསྡུས་ནས་ནི། །དགྱེས་པའི་སྒྲུབ་ཐབས་གསལ་བྱས་པས། །བསོད་ནམས་དཔག་མེད་གང་བསགས་པ། །དེས་ནི་ལྟས་ངན་ཉེས་མང་ཞིང་། །སྡུག་བསྔལ་གྱིས་རྨོངས་བསམ་ལྡན་འགྲོ། །མ་ལུས་ཐུབ་དབང་དཀྱིལ་འཁོར་ཆེ། ། [105a.6]དཔལ་ལྡན་རྒྱལ་པོའི་སྣོད་ཐོབ་ཤོག །གསུང་བསྡུས་པའི་དགྱེས་པ་རྡོ་རྗེའི་སྒྲུབ་ཐབས་རྫོགས་སོ།། །།རྒྱ་གར་གྱི་མཁན་པོ་སུ་མ་ཏི་ཤྲཱི་བྷ་དྲ་དང་། དགེ་སློང་ཤཱཀྱ་འོད་ཀྱིས་བསྒྱུར།། {T1277}༄༅༅། །རྒྱ་གར་སྐད་དུ། །ཤྲཱི་ཧེ་བཛྲ་ཨ་བྷི་ས་མ་ཡ་ཏི་ལ་ཀ་ནཱ་མ། ། [105a.7]བོད་སྐད་དུ། དཔལ་ཀྱེ་རྡོ་རྗེའི་མངོན་པར་རྟོགས་པའི་ཐིག་ལེ་ཞེས་བྱ་བ། བཅོམ་ལྡན་འདས་དཔལ་ཀྱེ་རྡོ་རྗེ་ལ་ཕྱག་འཚལ་ལོ། །གྲུབ་པའི་དབང་ཕྱུག་སྐུ་མདོག་སྔོན་པོ་མུན་པ་རབ་འཕྲོག་སྣ་ཚོགས་རྡོ་རྗེས་མཚན་པའི་དབུ་རྒྱན་ཅན། །དབུགས་བྲལ་འགྱེལ་བའི་བྲང་གི་སྟེང་དག་ [105b] [105b.1]ཏུ་ནི་གནས་པའི་མ་ཟླུམ་དབུས་སུ་གར་མཛད་ཟ་བྱེད་དང་། །སྤྱི་བོ་ལས་ནི་སྐྱེས་པའི་སྣོད་དང་རིག་མར་བཅས་ལ་ཕྱག་དག་རབ་སྟེར་ཕྱག་རྒྱ་དྲུག་དང་ལྡན། །མགོ་བོའི་ཕྲེང་ལྡན་འཇིགས་བྱེད་རྣམ་འགྱུར་དམར་སེར་སྐྲ་ཅན་འཇིག་རྟེན་གསུམ་བསྐྱོད་དཔའ་བོ་ཁྱོད་ལ་འདུད། །འདིར་ཆོ་ག་དང་ [105b.2]ལྡན་པས་དབང་ཐོབ་པ་སྔོན་དུ་སོང་ཞིང་། བླ་མ་ལ་གུས་ལ་དག་པའི་འཚོ་བ་དང་ལྡན་པ་བདེན་པའི་ངག་ལ་སོམ་ཉི་མེད་པས། བདུད་རྩི་ལྔ་ལ་སོགས་པས་ཁ་ཡོངས་སུ་དག་པར་བྱས་ཏེ། དུར་ཁྲོད་ལ་སོགས་པ་ཡིད་དང་རྗེས་སུ་མཐུན་པའི་གནས་འགའ་ཞིག་ཏུ། སྣ་ཚོགས་ [105b.3]རྡོ་རྗེས་མཚན་པའི་སྟན་བདེ་བ་ལ་གནས་པའི་རྣལ་འབྱོར་པས། ཨོཾ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་པའི་སྔགས་ཀྱིས་གནས་བསྲུང་བར་བྱས་ནས། རང་གི་སྙིང་གའི་ནང་དུ་རཾ་དམར་པོ་ལས་བྱུང་བའི་ཉི་མའི་དཀྱིལ་འཁོར་ལ་གནས་པའི་ཧཱུཾ་ཡིག་སྔོན་པོ་ངེས་པར་བལྟས་ལ། [105b.4]དེའི་ཡང་འོད་ཟེར་ཁ་དོག་ལྔ་པ་རྣམས་ཀྱིས་ནང་སྣང་བར་བྱས་ཏེ། བ་སྤུའི་ཁུང་བུ་སོ་སོ་ནས་ཕྱིར་འཐོན་པ། བཅོམ་ལྡན་འདས་དཔལ་འཇིག་རྟེན་གསུམ་པོ་ཀུན་དུ་བསྐྱོད་པའི་དཔའ་བོ་འཆད་པར་འགྱུར་བའི་གཟུགས་ཅན་དང་། བླ་མ་རྗེ་བཙུན་སྤྱན་དྲངས་ཏེ། མདུན་གྱི་ནམ་ [105b.5]མཁར་བཞུགས་པ་ལ་ཕྱག་བྱས་ནས། སྙིང་གའི་ས་བོན་ལས་ངེས་པར་འཐོན་པའི་ཕྱི་དང་གསང་བ་དང་། དེ་ཁོ་ན་ཉིད་ཀྱི་མཆོད་པ་རྣམས་ཀྱིས་མཆོད་པར་བྱས་ཏེ། །དེ་ལ་ལྷའི་མེ་ཏོག་དང་བདུག་སྤོས་ལ་སོགས་པ་ཉེར་སྤྱོད་ལྔས་མཆོད་པ་ནི་ཕྱིའི་མཆོད་པའོ། །ས་བོན་དེ་ཉིད་ལས་ [105b.6]མངོན་པར་སྤྲོས་པའི་གཽ་རཱི་ལ་སོགས་པའི་ལྷ་མོ་རྣམས་ཀྱིས་རང་གི་དམ་ཚིག་གི་རྫས་ཀྱིས་ཉེ་བར་མཆོད་པ་ནི་གསང་བའི་མཆོད་པ་སྟེ། དེ་ལ་བཅོམ་ལྡན་འདས་ཀྱི་ཤར་དང་ལྷོ་དང་ནུབ་དང་བྱང་གི་ཕྱོགས་སུ་དཀར་མོ་དང་ཆོམ་རྐུན་མ་དང་རོ་ལངས་མ་དང་། གྷསྨ་རཱི་རྣམས། ནག་ [105b.7]མོ་དང་བཙོད་ཀ་དང་། སེར་མོ་དང་། ལྗང་གུའི་མདོག་ཅན། ཐོད་པར་གནས་པའི་བྱང་ཆུབ་ཀྱི་སེམས་དང་། རང་བྱུང་མེ་ཏོག་དང་། རྡོ་རྗེའི་ཆུ་དང་སྨན་འཛིན་པའོ། །དབང་ལྡན་དང་མེའི་ཕྱོགས་བྲལ་དུ། པུཀྐ་སཱི་དང་རི་ཁྲོད་མ་སྔོན་མོ་དང་དཀར་མོའི་ཁ་དོག་ཅན་ཐོད་པར་ [106a] [106a.1]གནས་པའི་དངུལ་ཆུ་འཛིན་པའོ། །གང་། པུཀྐ་སཱི་ནི་རྡོ་རྗེའི་ལག །ཅེས་བརྟག་གཉིས་སུ་མངོན་པར་བརྗོད་པ་དེ་ལ་ཡང་། རྡོ་རྗེ་ཤ་ཆེན་ཉིད་དུ་རྣམ་པར་བཤད་དོ། །བདེན་བྲལ་དུ་ཙཎྜལཱི་ནམ་མཁའ་ལྟར་སྔོ་བསངས་མ་སྒྲ་དང་ལྡན་པའི་ཅང་ཏེའུའོ། །འདི་རྣམས་ [106a.2]ཀྱིས་ནི་དཀར་མོ་ལ་སོགས་པ་རྣམས་ཀྱིས་ཏེ་གསང་བའི་མཆོད་པའོ། །ཙཎྜལཱིའི་ཅང་ཏེའུས་ནི་ཕྱིའི་མཆོད་པའོ་ཞེས་ཁ་ཅིག་ཏུ་རྣམ་པར་བཤད་དོ། །རླུང་དུ་གཡུང་མོ་སྣ་ཚོགས་པའི་མདོག་ཅན་རང་གི་ལུས་ཀྱིས་འཁྱུད་པ་སྟེ། དེ་ཡང་བདག་མེད་མ་དང་ལྷན་ཅིག་ཏུ་གྱུར་ཅིང་ [106a.3]མགྲིན་པ་ནས་འཁྱུད་ནས། བདེ་བ་ཆེན་པོའི་རང་བཞིན་དང་ལྡན་པར་བྱེད་པ་ནི་དེ་ཁོ་ན་ཉིད་ཀྱི་མཆོད་པའོ། །གཞན་ཡང་དེ་འདིར་བརྗོད་པ། མངའ་བདག་གང་ཞིག་བདེ་བ་ཆེན་པོས་མཆོད་མཛད་མ། །ནང་འཁྲུངས་ལྷ་མོར་གཅིག་སྟེ་ལྷ་མོ་གཞན་མ་ཡིན། །ཞེས་པས་ཐམས་ཅད་ [106a.4]རྣལ་འབྱོར་པའི་རྒྱུད་ལས་སྤྲུལ་པ་ཉིད་ཡིན་ཏེ། བདག་ཉིད་ཀྱི་རྒྱུད་ལས་ཕྱེ་བའི་ཕྱིར་ཡང་ཡིད་ཀྱི་རང་བཞིན་གྱི་ལུས་ཅན་ཐོགས་པ་མེད་པས་ལུས་གཅིག་ལ་ངེས་པར་གནས་ཏེ་སྲིད་པ་བར་མ་པ་བཞིན་ནོ་ཞེས་མན་ངག་གོ། །སྙིང་པོའི་བདག་མེད་མ་བསལ་ནས་གཡུང་མོས་ [106a.5]གཙོ་བོའི་མགྲིན་པ་ནས་འཁྱུད་དེ་བདེ་བ་ཆེན་པོའི་རང་བཞིན་དེ་ཁོ་ན་ཉིད་ཀྱིས་མཆོད་པས་མཆོད་པར་བྱེད་པའོ་ཞེས་འདོད་པའང་མཐོང་ངོ་། །གང་ལྷ་མོ་བརྒྱད་པོ་རྣམས་ཀྱིས་གསང་བས་མཆོད་དེ་སླར་ཡང་བདག་མེད་མ་དང་ལྷན་ཅིག་རོ་གཅིག་པར་གྱུར་ནས་དེ་དང་ [106a.6]དེ་གཉིས་སུ་མེད་པར་གྱུར་པ་ནི་དེ་ཁོ་ན་ཉིད་ཀྱི་མཆོད་པའོ་ཞེས་པ་ནི་ལེགས་པ་མ་ཡིན་ཏེ། བྱ་བ་དང་རྗེས་སུ་མཐུན་པའི་རྣམ་པས་ལོགས་སུ་ཕྱེ་བའི་ཕྱིར་ཏེ། འདོད་ཆགས་ཆེན་པོའི་རྗེས་ཆགས་པ། །གཡུང་མོས་སྐུ་ལ་འཁྱུད་པ་ཉིད། །ཅེས་རྒྱུད་དུ་གསུངས་ [106a.7]པའི་ཕྱིར། དེའི་རྗེས་སུ་རང་གི་སྡིག་པ་བཤགས་པ་དང་། གཞན་གྱི་བསོད་ནམས་ལ་རྗེས་སུ་ཡི་རང་བ་དང་། རྫོགས་པའི་སངས་རྒྱས་ལ་ཆོས་ཀྱི་འཁོར་ལོ་བསྐོར་བར་བསྐུལ་བ་དང་། མྱ་ངན་ལས་འདའ་བར་བཞེད་པའི་དེ་བཞིན་གཤེགས་པ་འཁོར་བར་ [106b] [106b.1]བཞུགས་པར་གསོལ་བ་དང་། ཡིད་ཀྱིས་ལངས་ནས་ཕྱག་འཚལ་བ་ལ་སོགས་པ་ཡན་ལག་བདུན་པའི་ཆོག་བླན་མེད་པའི་རྣམ་གྲངས་ཅན་བྱས་ནས། ཁམས་གསུམ་པོ་མཐའ་དག་གི་བདག་ཉིད་ཅན་བདེ་བ་ཆེན་པོའི་འབྱུང་གནས་དཔལ་ཧེ་རུ་ཀ་རྡོ་རྗེ་ནི་སངས་རྒྱས་ [106b.2]དང་། དེས་གསུངས་པའི་སྔགས་དང་ཕྱག་རྒྱ་དང་དཀྱིལ་འཁོར་ལ་སོགས་པ་རང་བཞིན་གྱི་གཟུགས་ནི་ཆོས་དང་། དེའི་འཁོར་ལོར་གནས་པའི་རྣལ་འབྱོར་པའི་ཚོགས་དགེ་འདུན་ལ་བྱང་ཆུབ་ཀྱི་སྙིང་པོའི་བར་དུ་སྐྱབས་སུ་མཆིའོ། །སེམས་ཅན་ཐམས་ཅད་ཀྱི་དོན་བྱེད་ [106b.3]པའི་རྒྱུར་གྱུར་པ་རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་དང་མཚན་མ་མེད་པ་ཡང་དག་པར་རྫོགས་པར་རྟོགས་པའི་བདེ་བ་ཆེན་པོའི་བདག་ཉིད་ཅན་དུ་སེམས་བསྐྱེད་པར་བགྱིའོ། །བླ་ན་མེད་པའི་བྱང་ཆུབ་ཀྱི་ལམ་རྡོ་རྗེའི་ཐེག་པ་ལ་རྟག་ཏུ་གནས་པར་བགྱིའོ། ། [106b.4]དཔལ་ཧེ་རུ་ཀ་ལ་སོགས་པ་དང་། རྡོ་རྗེ་བཙུན་མོའི་ཚོགས་ལ་བདག་ཉིད་དབུལ་བར་བགྱིའོ་ཞེས་གསུམ་ལ་སྐྱབས་སུ་འགྲོ་བ་ལ་སོགས་པ་བདག་གི་དངོས་པོ་དབུལ་བའི་མཐར་ཐུག་པ་བྱས་ནས། བུ་གཅིག་པ་བཞིན་དུ་སེམས་ཅན་རྣམས་དེ་བཞིན་ཉིད་དུ་རོ་གཅིག་པའི་ [106b.5]བདེ་བ་ཆེན་པོ་ལ་སྦྱོར་བར་འདོད་པའི་བྱམས་པ་དང་། རྣམ་པར་རྟོག་པའི་རྒྱ་མཚོར་བྱིང་བའི་སེམས་ཅན་སྐྱབས་མེད་པ་མཐའ་དག་བསྒྲལ་བར་འདོད་པའི་རྣམ་པ་ཅན་གྱི་སྙིང་རྗེ་དང་། དགེ་བ་ལས་སྐྱེས་པའི་ལོངས་སྤྱོད་སྤྱོད་པ་ལ་སོགས་པ་རྣམས་ལ་མི་འབྲལ་བར་འདོད་པའི་རང་ [106b.6]བཞིན་ཅན་གྱི་དགའ་བ་དང་། ཐམས་ཅད་ལ་ཁོང་ཁྲོ་བ་རྗེས་མཐུན་དང་བཅས་པ་སྤངས་ཏེ། གཞན་ལ་ཕན་པར་འདོད་པའི་ཆོས་ཉིད་ལའང་རང་དང་གཞན་རོ་མཉམ་པར་འཇུག་པའི་མཚན་ཉིད་ཅན་གྱི་བཏང་སྙོམས་བསྒོམས་ཏེ། རྣལ་འབྱོར་པའི་བསོད་ནམས་ཀྱི་ཚོགས་ [106b.7]སྐྱེད་ཅིང་ཡེ་ཤེས་ཀྱི་ཚོགས་འཕེལ་བའི་ཆེད་དུ། ཨོཾ་སྭ་བྷཱ་བ་ཤུདྡྷཿ་སརྦ་དྷ་རྨཱཿ་སྭ་བྷཱ་བ་ཤུདྡྷོ྅ཧཾ། ཞེས་པའི་དོན་མངོན་སུམ་དུ་གྱུར་པར་བྱས་ཤིང་སྔོན་དུ་བཀླགས་ནས། བླ་མའི་མན་ངག་ལས་ཆོས་ཐམས་ཅད་སྟོང་པ་ཉིད་དུ་བསྒོམ་མོ། །ཇི་ལྟར་བསྡུ་བའི་རྣམ་པ་ནི་ [107a] [107a.1]གཉིས་སུ་འགྱུར་ཏེ། དེ་ལ་འདིའི་རྣམ་པ་དང་པོ་ནི། འཁོར་ཐམས་ཅད་དང་། བཅོམ་ལྡན་འདས་སྐད་ཅིག་གིས་འོད་གསལ་དུ་གཞུག་པ་ནི་བསྡུ་བའོ། །གཉིས་པ་ནི་མཆོད་པའི་ལྷ་མོ་ཐམས་ཅད་དང་བཅས་པའི་བཅོམ་ལྡན་འདས་ཀྱང་བདག་ཉིད་ཀྱི་ཐུགས་ [107a.2]ཀའི་ས་བོན་ལ། དེ་ཉི་མ་ལ། ཉི་མ་ཧཱུཾ་ཡིག་གི་ཨཱུ་ཡིག་ལ། ཨཱུ་ཡིག་ཧ་ཡིག་ལ། ཧ་ཡིག་མགོ་བོ་ལ། མགོ་བོ་ཟླ་ཕྱེད་ལ། ཟླ་ཕྱེད་ཐིག་ལེ་ལ། ཐིག་ལེ་ནཱ་ད་ལ་རབ་ཏུ་གཞུག་ཅིང་། མཐར་སྒོམ་པ་པོ་ཡང་སྐྲའི་རྩེ་མོ་བརྒྱ་སྟོང་གི་ཆ་ཙམ་དུ་བསྒོམས་ནས། ཨོཾ་ཤཱུ་ནྱ་ཏཱ་ཛྙཱ་ན་ [107a.3]བཛྲ་སྭ་བྷཱ་བ་ཨཱ་ཏྨ་ཀོ྅ཧཾ། ཞེས་པའི་དོན་མངོན་དུ་གྱུར་པར་བྱས་ནས། བརྗོད་མ་ཐག་པའི་ཀུན་དུ་སྤྱོད་པའི་རྣམ་རྟོག་དེ་ཡང་དོར་བར་བྱ་སྟེ། འདི་ནི་ཆོས་ཐམས་ཅད་དམིགས་སུ་མེད་པའི་རང་བཞིན་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་དེ་ཡིན་ནོ། །དེ་ནས་སྔོན་གྱི་ [107a.4]སྨོན་ལམ་གྱི་བྱེད་པའི་དབང་ལས་རང་བཞིན་གྱི་འོད་གསལ་ལས་ནམ་མཁའི་རྟོག་པ་རྣམ་པར་རྟོག་པ་ལས་སྟོང་པ་ཉིད་ཀྱི་ཏིང་ངེ་འཛིན་ལས་ལངས་ཏེ། དེ་ལ་འདིའི་ལྡང་བའི་རིམ་པ་ནི་ནམ་མཁར་ར་ལས་བྱུང་བའི་ཉི་མའི་དཀྱིལ་འཁོར་ལ་ཧཱུཾ་ཡོངས་སུ་གྱུར་པའི་སྣ་ཚོགས་རྡོ་རྗེ་རྩེ་ [107a.5]མོ་གསུམ་པ་འོད་ཟེར་ལྔ་འཕྲོ་བ་ཅན་བསྒོམ་པར་བྱས་ནས་འོད་ཟེར་བསྐལ་པ་འཇིག་དུས་ཀྱི་མེ་ལྟ་བུ་དང་ལྷན་ཅིག་ཐམས་ཅད་ནས་འཕྲོས་པས་སྡིག་པ་རྣམས་ཐལ་བར་བྱས་ནས་འབར་པ་དང་ལྡན་པའི་རྡོ་རྗེའི་རབ་ཇི་སྲིད་འདོད་པར་ཡངས་པར་བསྐྱེད་པའི་སྟེང་དུ་རྡོ་རྗེའི་གུར། [107a.6]དེའི་འོག་ཏུ་རྡོ་རྗེའི་བླ་རེ། འོག་རྡོ་རྗེའི་རང་བཞིན་གྱི་ས་གཞི་ཀུན་ནས་སའི་མཐིལ་གྱི་མཐར་ཐུག་པར་རྣམ་པར་བསམ་པར་བྱ་སྟེ། རྡོ་རྗེའི་ར་བ་ལ་སོགས་པ་དེ་རྣམས་ཀྱང་བགེགས་གཞོམ་པའི་དོན་དུ་སྟེ། འཇིག་རྟེན་པའི་རྣམ་པར་ཤེས་པ་དག་པའི་རང་བཞིན་དུ་རིག་པར་ [107a.7]བྱའོ། །དེ་ནས་རྡོ་རྗེ་གུར་གྱི་ནང་དུ་སྐུ་དང་གསུང་དང་ཐུགས་རྣམ་པར་དག་པས་ཟུར་གསུམ་པ། སྒྲིབ་པ་ཐམས་ཅད་སྤངས་ནས་སྟོན་ཀའི་ཟླ་བ་ལྟར་དཀར་བ། སྐུ་གསུམ་གྱི་བདག་ཉིད་ཅན་རྡོ་རྗེ་འཛིན་པའི་རང་བཞིན་ཆོས་ཀྱི་འབྱུང་གནས་ཆེན་པོ་སྟེ། ཆོས་ཀྱི་འབྱུང་ [107b] [107b.1]གནས་དེ་ནི་འོག་ཕྲ་བ་སྟེང་ཡངས་པ་ཁ་དོག་དཀར་བའོ། །དེའི་ནང་དུ་རྣམ་པར་ཤེས་པ་བརྒྱད་དག་པས་དུར་ཁྲོད་བརྒྱད་ཀྱི་དབུས་སུ། འཇིག་རྟེན་གྱི་ཆོས་བརྒྱད་ཀྱིས་མ་གོས་པ་རྣམ་པར་དག་པས་བཾ་ཡིག་ལས་སྐྱེས་པའི་པདྨ་འདབ་མ་སྣ་ཚོགས་པ་ཅན་གྱི་ཟེ་འབྲུ་ལ། བདག་མེད་ [107b.2]མ་ཉིད་ཀྱི་ཕྱིར་ཆོས་ཀྱི་དབྱིངས་རྣམ་པར་དག་པས་རོ་ཉལ་བའི་སྙིང་གར། རང་གི་འོད་ཀྱི་ཕྲེང་བས་སྲིད་པ་གསུམ་གྱི་གཟི་བརྗིད་སྒྲིབ་ཅིང་ཕན་པར་བྱེད་པས་ཉི་མའི་དཀྱིལ་འཁོར་དམར་སེར་ལ། ཨཱ་ལི་ཕྲག་གཉིས་ཡོངས་སུ་གྱུར་པ་ལས་མེ་ལོང་ལྟ་བུའི་ཡེ་ཤེས་ཀྱི་རང་བཞིན་ཐབས་ [107b.3]ཀྱི་ངོ་བོ་ཟླ་བ། དེའི་སྟེང་དུ་ཌ་ཌྷ་ད་དྷ་ཡ་ར་ལ་དང་ལྡན་པའི་ཀཱ་ལི་ཕྲག་གཉིས་ཡོངས་སུ་གྱུར་པ་ལས་མཉམ་པ་ཉིད་ཀྱི་ཡེ་ཤེས་ཀྱི་རང་བཞིན་ཉི་མ་ཤེས་རབ་ཀྱི་བདག་ཉིད། འགྲོ་བ་གསུམ་པོའི་སྟེང་དུ་བརྗིད་པ་དག་བཞིན་དུ་ཤེས་རབ་ལས་སྔར་དམིགས་པའི་སྐྱེས་བུ་ཡང་གནས་ [107b.4]པ་སྟེ་འདུས་པའི་བདེ་བ་ཆེན་པོར་བསམ་པར་བྱའོ། །དེ་ནས་མ་དང་ཕ་ཉི་མ་དང་ཟླ་བ་ཁ་སྦྱར་བའི་དབུས་སུ་ཞུགས་པའི་ཤེས་རབ་དང་ཐབས་ཀྱི་བདག་ཉིད་ཨཾ་ཧཱུཾ་སྔོན་པོའི་ས་བོན་གཉིས་བསམ་པར་བྱའོ། །དེ་ཡོངས་སུ་གྱུར་པ་ལས་གྲི་གུག་དང་རྡོ་རྗེ་དག་གི་ལྟེ་བ་ལ་ཟླ་བ་དང་ཉི་ [107b.5]མ་ལ་གནས་པའི་ས་བོན་གཉིས་པོ་དེ་ཉིད་སོ་སོར་རྟོག་པའི་ཡེ་ཤེས་ཀྱི་རང་བཞིན་དུ་བསྒོམ་པར་བྱས་ནས། དེའི་འོད་ཟེར་གྱི་དྲ་བས་འགྲོ་བའི་དོན་བྱས་ནས་དེ་བཞིན་གཤེགས་པ་ཐམས་ཅད་མི་སྣང་བའི་ཚུལ་གྱིས་དེ་ཉིད་ལ་རབ་ཏུ་ཞུགས་ཏེ། དེ་རྣམས་ཐམས་ཅད་གཅིག་ [107b.6]ཏུ་གྱུར་པ་བྱ་བ་གྲུབ་པའི་ཡེ་ཤེས་སུ་བསམ་པར་བྱའོ། །ཟླ་བ་དང་ཉི་མ་དང་ས་བོན་དང་མཚན་མ་ཡོངས་སུ་གྱུར་པ་ལས། བདག་ཉིད་ཤིན་ཏུ་རྣམ་པར་དག་པ་ཆོས་ཀྱི་དབྱིངས་ཀྱི་ཡེ་ཤེས་ཀྱི་བདག་ཉིད་དཔལ་མགོན་པོ་འཇིག་རྟེན་གསུམ་ཀུན་དུ་བསྐྱོད་པ་བྱམས་པ་ཆེན་པོ་རྣམ་པར་ [107b.7]དག་པས་སྐུ་མདོག་སྔོན་པོ། ཉོན་མོངས་པ་ཞེ་སྡང་གི་རྟོག་པ་ཞིག་པས་སྐུ་མདོག་ནག་པོའོ་ཞེས་ཁ་ཅིག་གོ། །གདུག་པ་ཅན་འདུལ་བས་ཁྲོས་པ། གཉིས་སུ་མེད་པའི་ཡེ་ཤེས་དག་པས་ཞལ་གཅིག་པ། ལོག་པའི་ལྟ་བ་རབ་ཏུ་བཅོམ་པས་རྣམ་པར་འགྱུར་བའི་ཞལ་ [108a] [108a.1]ཅན། བདུད་བཞི་རབ་ཏུ་འཇོམས་པས་མཆེ་བ་གཙིགས་ཤིང་འཇིགས་སུ་རུང་བ་བདུད་མངོན་པར་འཆིང་ཤིང་། འཇོམས་པས་དྲག་ཏུ་རྒོད་པ། སྐུ་དང་གསུང་དང་ཐུགས་རྣམ་པར་དག་པས་སྤྱན་གསུམ་པ། ཡང་ན་རྣམ་པར་ཐམས་ཅད་ཀྱི་ལམ་གསུམ་ [108a.2]མཐོང་བ་དག་པའོ། །བརྩེ་བ་དང་ལྡན་པས་དམར་པོའོ། །གདུག་པ་ཅན་འདུལ་བ་དག་པས་དབུ་སྐྲ་དམར་སེར་གྱེན་དུ་བརྫེས་པ། སྣ་ཚོགས་པ་རྗེས་སུ་འཛིན་པ་ཉིད་ཀྱི་ཕྱིར་སྣ་ཚོགས་རྡོ་རྗེས་མཚན་པའི་དབུ་རྒྱན་ཅན་ནོ། །རང་བཞིན་མེད་པ་ཉིད་སོ་སོར་རྟོག་པའོ་ཞེས་ [108a.3]ཁ་ཅིག་གོ །རིགས་ལྡན་རྣམ་པར་དག་པས་དཔའ་བོའི་ཐོད་པ་ལྔ་དཔྲལ་བའི་མཚམས་སུའོ། །ཚོགས་གཉིས་རྣམ་པར་དག་པས་ཕྱག་གཉིས་པ། གཡས་ཀྱིས་མི་ཤེས་པའི་རི་བོ་འབྱེད་པ་ལ་མཁས་པ་ཉིད་ཀྱི་ཕྱིར་དང་། ཡེ་ཤེས་ལྔ་རོ་མཉམ་པར་བསྒོམ་པ་དག་ [108a.4]པས་རྡོ་རྗེ་སྔོན་པོ་རྩེ་མོ་ལྔ་པ་འཛིན་པའོ། །གཡོན་པས་གཡོན་ཉིད་ནས་ཤེས་རབ་མལ་མཉམ་པར་འཁྱུད་ཅིང་བདུད་བཞིའི་ཁྲག་དག་པ་དང་། བདེ་བ་ཆེན་པོ་དང་སྙིང་རྗེའི་རོ་དག་པས་ཁྲག་གིས་གང་ཞིང་རྡོ་རྗེས་མཚན་པའི་ཐོད་པ་འཛིན་པའོ། །བདེན་པ་གཉིས་ [108a.5]རྣམ་པར་དག་པས་ཞབས་གཉིས་པ། སྣ་ཚོགས་ཆུ་སྐྱེས་ལ་གནས་པའི་རོ་ཉལ་བའི་སྙིང་གར་ཉི་མ་ལ་ཁམས་གསུམ་པོ་དམིགས་པ་མེད་ཅིང་གསལ་བ་དག་པ་དང་། ཐབས་སུ་གྱུར་པའི་བྱང་ཆུབ་ཀྱི་སེམས་སྟེང་དུ་འགྲོ་བ་དག་པས་གཡོན་པའི་བརླ་ལ་གཡས་པའི་ཞབས་ཀྱི་ [108a.6]རྩེ་མོ་གཞག་པའི་སྐྱིལ་ཀྲུང་ཕྱེད་པའི་གར་གྱིས་གནས་པ། ཐམས་ཅད་ལ་ཀུན་དུ་ཁྲོ་པ་སྤངས་པ་དང་སྙིང་རྗེ་ཆེན་པོའི་ཚོགས་དག་པས་གཡོན་པའི་ཞབས་ཀྱི་མཐེ་བོའི་རྩེ་མོས་ཡིད་སོང་བའི་སྟན་ལ་གནས་པའོ། །ཆོས་དང་ལོངས་སྤྱོད་རྫོགས་པ་དང་སྤྲུལ་པའི་སྐུ་དང་། [108a.7]གསུམ་རྣམ་པར་དག་པས་ཁྲོ་གཉེར་གསུམ་དང་ལྡན་པ་ཡི་གེ་ཨཱ་ལི་ཀཱ་ལི་ལྔ་བཅུ་དག་པས་མགོ་བོ་སར་པ་ལྔ་བཅུ་རྒྱུ་མ་རློན་པ་ལ་བརྒྱུས་པའི་ཕྲེང་བས་སྐུ་ལ་བརྒྱན་པའོ། །མི་བསྐྱོད་པ་དང་། འོད་དཔག་མེད་དང་། རིན་ཆེན་འབྱུང་ལྡན་དང་། རྣམ་པར་སྣང་མཛད་དང་། [108b] [108b.1]དོན་ཡོད་གྲུབ་པ་རྣམ་པར་དག་པས་མིའི་རུས་པ་ལས་བྱས་པའི་འཁོར་ལོ་དང་། རྣ་རྒྱན་དང་། མགུལ་རྒྱན་དང་། གདུ་བུ་དང་། སྐ་རགས་སུ་གྲགས་པའི་ཕྱག་རྒྱ་ལྔ་འཛིན་པ། རྡོ་རྗེ་སེམས་དཔའ་རྣམ་པར་དག་པས་རུས་པའི་རང་བཞིན་ལས་བྱུང་བའི་ཐལ་བས་བྱང་ཆུབ་ཀྱི་སེམས་ [108b.2]ཀྱིས་ཡན་ལག་ཐམས་ཅད་ལ་ཁྱབ་པ་མཚོན་པ་ཉིད་ཀྱིས་ལུས་ཐམས་ཅད་ལ་བྱུགས་པའི་ཕྱག་རྒྱ་དྲུག་པ་རྣམ་པར་འཛིན་པ་ཅན་ནོ། །འགྲོ་བ་མི་རྟག་པ་ཉིད་བསྲེགས་པས་ཐལ་བས་བྱུགས་པའི་སྐུའོ་ཞེས་གཞན་རྣམས་སོ། །རྣམ་པར་མི་རྟོག་པའི་ཚངས་པ་དག་པས་མི་ [108b.3]ཡི་སྐྲ་ཡི་མཆོད་ཕྱིར་ཐོགས་པ་ཅན། ཆགས་པ་ལ་སོགས་པ་རྣམ་པར་དག་པས་སྟག་གི་པགས་པའི་ཤམ་ཐབས་ཅན་ནོ། །ཨོཾ་ཡིག་ལས་སྐྱེས་པའི་བདག་མེད་མ་སྔོན་མོ། ཕྱག་གཡས་ཀྱིས་དངོས་པོ་དང་དངོས་པོ་མ་ཡིན་པའི་རྣམ་པར་རྟོག་པ་གཅོད་པས་གྲི་གུག ། [108b.4]ཅིག་ཤོས་ཀྱིས་བདེ་བ་ཆེན་པོ་དང་སྙིང་རྗེ་ཆེན་པོའི་རང་བཞིན་གྱི་རྡུལ་གྱིས་གང་བའི་ཐོད་པ་འཛིན་པའི་རྣམ་པར་འཕྲུལ་པའོ། །ཞལ་གཅིག་མ་ཅན་ཕྱག་རྒྱ་ལྔ་འཛིན་མ། སྟོང་པ་ཉིད་རྣམ་པར་དག་པས་དབྱངས་ལྔ་བཅུའི་བདག་ཉིད་ཅན་གྱི་མགོ་བོ་སྐམ་པོ་ལྔ་བཅུའི་ཕྲེང་པ་ [108b.5]ཅན་དཔྲལ་བར་ཐོད་པ་ལྔ་ཡིས་བརྒྱན་པ། དབུ་སྐྲ་དམར་སེར་གྱེན་དུ་འཁྱིལ་བའི་ཚོགས་ཅན། དམར་ལ་ཟླུམ་པའི་སྤྱན་གསུམ་དང་ལྡན་པ་མཆེ་བ་རྣམ་པར་གཙིགས་པའི་ཞལ་ཅན། སྐེ་རགས་སིལ་བུ་ཅན་མ་དང་ལྷན་ཅིག་ཡང་དག་པར་སྦྱོར་བའི་རྣལ་འབྱོར་གྱིས་གཉིས་སུ་ [108b.6]མེད་པའི་བདེ་བ་ཆེན་པོས་ལུས་ཐམས་ཅད་ལ་བགྲོད་པའི་མཐུ་ལས་བ་སྤུ་ལངས་པའི་ལུས་ཅན་ནོ། །གཡུང་མོས་སྐུ་ལ་འཁྱུད་པ་ཉིད། །ཅེས་ཁ་ཅིག་སྒྲོག་པར་བྱེད་དོ། །སྲིད་པ་གསུམ་མཛེས་པར་གནོན་པའི་རང་བཞིན་གྱིས་ལུས་ཀྱི་ལོངས་སྤྱོད་རྒྱས་ཤིང་དམ་པའི་རོལ་སྒེག་ [108b.7]གི་ཉམས་ཅན་ཉིད་ཀྱི་ཕྱིར་སྒེག་པ་དང་བཅས་པའོ། །འཇིག་རྟེན་གསུམ་མནན་པ་ཉིད་ཀྱི་ཕྱིར་དཔའ་བོའོ། །མི་ཡི་མགོ་བོའི་ཕྲེང་བ་ལ་སོགས་པའི་རྒྱན་འཛིན་པ་ཉིད་ཀྱི་ཕྱིར་དང་། མནན་པ་ཉིད་ཀྱི་ཕྱིར་མི་སྡུག་པ། སྒེག་པའི་རྗེས་སུ་བྱེད་པའི་རྩེ་འཇོ་འཕྲོ་བ་ནི་རྒོད་པ། [109a] [109a.1]བསྐལ་པ་འཇིག་པ་རྩོམ་པ་འབྱུང་བའི་ཉི་མའི་དཀྱིལ་འཁོར་ཤིན་ཏུ་གཏུམ་པ་ལ་ཡུམ་དང་རྩེ་ཞིང་རྣམ་པར་རྩེ་བས་དྲག་ཤུལ་ཅན། ལྷ་དང་ལྷ་མ་ཡིན་མཐའ་དག་སྐྲག་པར་བྱེད་པའི་ལུས་ཅན་གྱིས་འཇིགས་སུ་རུང་བ། རྟོག་པ་མཐའ་དག་གི་མཚན་མ་མེད་ [109a.2]ཅིང་བདེ་བ་ཆེན་པོའི་རང་བཞིན་ཉིད་དུ་ཡང་སྔོན་གྱི་སྨོན་ལམ་ལས་གྲུབ་པ་ཕུལ་དུ་བྱུང་བའི་སྤྲུལ་པ་མ་ལུས་པ་རྣམ་པར་སྤྲོས་ཏེ། འགྲོ་བའི་དོན་ཕུན་སུམ་ཚོགས་པ་ཇི་ལྟ་བ་བཞིན་འབྱུང་བ་ནི་སྙིང་རྗེ་ཆེན་པོ། འགྲོ་བ་ལས་འདས་ཤིང་བླ་ན་མེད་པའི་ལུས་ཅན་ཉིད་ནི་རྔམ་པ་སྟེ་རྨད་དུ་ [109a.3]བྱུང་བ། ཆགས་པ་ལ་སོགས་པའི་ཉོན་མོངས་པའི་ཕུང་པོ་ཞི་བ་ཉིད་ཀྱི་ཕྱིར་དང་། ཐོག་མ་མེད་པའི་གཏེར་ཅན་ཉིད་ཀྱི་ཕྱིར་ཞི་བར་འགྱུར་རོ། །བཅོམ་ལྡན་འདས་ཀྱི་ནང་རྣམ་པར་དག་པ་ནི། ཤ་ནི་པུཀྐ་སཱི། ཁྲག་ནི་རི་ཁྲོད་མ། གདོལ་པ་མོ་ཁུ་བ། གཡུང་མོ་རྐང་དང་ཚིལ་བུ། [109a.4]པགས་པ་རིམ་པ་བདུན་བྱང་ཆུབ་ཀྱི་ཡན་ལག་བདུན། རུས་པ་བདེན་པ་བཞིའོ། །དེ་བཞིན་དུ་དམ་ཚིག་སེམས་དཔའི་ང་རྒྱལ་དང་ལྡན་པའི་རྣལ་འབྱོར་པས་བཅོམ་ལྡན་འདས་ཀྱི་ཐུགས་ཀྱི་ནང་དུ་སོན་པའི་ཉི་མ་ལ་གནས་པའི་ཧཱུཾ་ལས་སྐྱེས་པའི་རྡོ་རྗེའི་ལྟེ་བའི་ནང་དུ་གནས་ [109a.5]པའི་ཉི་མའི་སྟེང་དུ་ཧཱུཾ་ཡིག །བཅོམ་ལྡན་འདས་མའི་ཐུགས་ཀར་གནས་པའི་ཟླ་བ་ལ་ཨཾ་ཡིག་གི་ས་བོན་ལས་སྐྱེས་པའི་གྲི་གུག་གི་ཡུ་བ་ལ་གནས་པའི་ཟླ་བ་ལ་ཨཾ་ཡིག་བལྟས་ནས། དེ་དག་གི་འོད་ཟེར་སྤྲོས་ཤིང་བསྡུས་པས། མདུན་གྱི་ལམ་དུ་ཡེ་ཤེས་སེམས་ [109a.6]དཔའ་འབད་པ་དང་བཅས་པས་སྤྱན་དྲངས་མདུན་དུ་བཞུགས་པ་ལ། སྙིང་གའི་ས་བོན་གྱི་འོད་ཟེར་ལས་འཕྲོས་པའི་གཽ་རཱི་ལ་སོགས་པའི་ལྷ་མོ་རྣམས་ཀྱིས་མཆོད་ཡོན་ཕུལ་བ་སྔོན་དུ་འགྲོ་བས་ཡང་དག་པར་མཆོད་པ་དང་། ཡང་དག་པར་བསྟོད་དེ། ཛཿ་ཡིག་གིས་སྤྱན་དྲངས། [109a.7]ཧཱུཾ་ཡིག་གིས་དམ་ཚིག་སེམས་དཔའ་བྱིན་གྱིས་བརླབས་པའི་དོན་ཆུ་ལ་ཆུ་བཞིན་དུ་བཅུག །བཾ་ཡིག་གིས་བཅིངས། ཧོཿ་ཡིག་གིས་དབང་དུ་བྱས་ཏེ། དེ་ནས་བར་མ་ཆད་པར་སྙིང་གའི་ས་བོན་གྱི་འོད་ཟེར་ལྕགས་ཀྱུའི་རྣམ་པས་སངས་རྒྱས་ཐམས་ཅད་སྤྱན་དྲངས་ཏེ། སྔར་བཞིན་མ་མོ་ [109b] [109b.1]བརྒྱད་ཀྱིས་མངོན་པར་མཆོད་ཅིང་བཀུར་སྟིར་བྱས་ཏེ། བྱང་ཆུབ་རྡོ་རྗེས་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཨ་བྷི་ཥིཉྩནྟུ་མཱཾ་སརྦ་ཏ་ཐཱ་ག་ཏ། ཞེས་སོ། །དེ་ནས་སངས་རྒྱས་དེ་རྣམས་ [109b.2]ཧེ་རུ་ཀའི་རྣམ་པས། །སངས་རྒྱས་རྣམས་ནི་ཐམས་ཅད་ཀྱི། །གསང་གསུམ་གནས་ལས་བྱུང་བ་ཡི། །ཁམས་གསུམ་པ་ཡིས་ཕྱག་བྱས་པ། །རྡོ་རྗེའི་དབང་བསྐུར་ཆེན་པོ་སྦྱིན། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཞེས་གསུངས་ཤིང་། བདུད་རྩི་ལྔ་ [109b.3]འཛིན་པའི་དེ་བཞིན་གཤེགས་པ་ལྔའི་བདག་ཉིད་ཀྱི་བུམ་པས་དེ་ལ་གནས་པའི་དྲི་མ་དང་སྒྲིབ་པ་ཐམས་ཅད་ཟད་པར་བྱས་ཏེ། ལན་པ་མེད་ཅིང་མངོན་པར་མཚམས་སྦྱོར་བ་མེད་པའི་ཡེ་ཤེས་ཀྱི་ཆུ་རྣམས་ཀྱིས་མངོན་པར་དབང་བསྐུར་བར་བྱའོ། །དབང་ [109b.4]བསྐུར་བའི་དུས་ཉིད་དུ་གུར་གུམ་དང་མེ་ཏོག་ལ་སོགས་པའི་ཆར་འབབ་ཅིང་། རྔ་བོ་ཆེའི་སྒྲ་ཡང་འབྱུང་བར་འགྱུར་རོ། །གཟུགས་རྡོ་རྗེ་མ་ལ་སོགས་པ་རྣམས་ཀྱིས་མཆོད་པར་བྱ་ཞིང་འཆད་པར་འགྱུར་བའི་རྡོ་རྗེའི་གླུས་སྤྱན་མ་ལ་སོགས་པ་རྣམས་ཀྱིས་བསྟོད་པར་བྱ་སྟེ། [109b.5]དབང་བསྐུར་བའི་ཆུ་ལྷག་མ་རང་གི་རིགས་ཀྱི་བདག་པོར་བསྒོམས་ཏེ། དེ་ལས་ཀུན་དུ་བྱང་བ་འཚོ་བ་རྣམ་པར་དག་པས་བཅོམ་ལྡན་འདས་དང་བཅོམ་ལྡན་འདས་མའི་སྤྱི་བོར་མི་བསྐྱོད་པ་བསྐྱེད་པར་བྱའོ། །དེ་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་བཛྲ་སྭ་བྷཱ་བ་ཨཱ་ཏྨ་ཀོ྅ཧཾ། ཞེས་ [109b.6]དབང་བསྐུར་བ་ལྷག་པར་བརྟན་པར་བྱའོ། །དེ་ནས་བར་མ་ཆད་པར་དབང་པོ་རྣམས་སུ་གོ་ཆ་བྱས་ཏེ། དེ་ལ་མིག་ཏུ་གཏི་མུག་རྡོ་རྗེ་མའི་མིང་ཅན་དང་མཚུངས་པ་དཀར་མོའོ། །རྣ་བ་དག་ལ་ཞེ་སྡང་རྡོ་རྗེ་མ་བདག་མེད་མའི་མིང་ཅན་དང་མཚུངས་པ་ནག་མོ། །སྣའི་བུ་ག་དག་ལ་ [109b.7]སེར་སྣ་རྡོ་རྗེ་མ་ནང་གི་གསང་བའི་དཀར་མོའི་མིང་ཅན་དང་མཚུངས་པ་སེར་མོ། ཁ་ལ་འདོད་ཆགས་རྡོ་རྗེ་མ་ནང་གི་ཆུའི་རྣལ་འབྱོར་མ་དང་འདྲ་བ་དམར་མོ། ལུས་ལ་ཕྲག་དོག་རྡོ་རྗེ་རྡོ་རྗེ་མཁའ་འགྲོ་མ་ཞེས་ཀྱང་གྲགས་པ་བཞིན་ལྗང་གུ། ཡིད་ལ་བདག་མེད་རྣལ་ [110a] [110a.1]འབྱོར་མ་བདག་མེད་མའི་མིང་ཅན་མ་བཞིན་ནག་མོའོ། །འདི་རྣམས་ཀྱང་གྲངས་ཇི་ལྟ་བ་བཞིན་དུ། ཨཱཾ་ཨཾ་ཨཱིཾ་ཨཱིཾ་ཨུཾ་གི་ས་བོན་ལས་སྐྱེས་པ། ཞལ་གཅིག་པ། སྤྱན་གསུམ་པ། གཡས་པ་དང་ཅིག་ཤོས་ཀྱི་ཕྱག་དག་གིས་གྲི་གུག་དང་ཐོད་པ་འཛིན་ [110a.2]པ། རོ་ལ་གནས་པའི་ཟླ་བ་ལ་བཞུགས་པར་བསྒོམ་པར་བྱ་ཞིང་། སྤྱི་བོ་དང་མགྲིན་པ་དང་སྙིང་ག་རྣམས་སུ་ཡང་། ཨོཾ་ཨཱཿ་ཧཱུཾ་གི་ཡི་གེ་ལས་སྐྱེས་བའི་དཀར་པོ་དམར་པོ་ནག་པོའི་མདོག་ཅན་མ། འཇིག་རྟེན་གསུམ་ལས་བྱུང་བས་སྤྱོད་མ་དང་མཁའ་སྤྱོད་མ་དང་བདག་མེད་མ་ [110a.3]བསམ་པར་བྱའོ། །ཨོཾ་ཨཾ་ཨཾ་གི་ས་བོན་ལས་སྐྱེས་པའོ་ཞེས་ཁ་ཅིག་གོ། །དབྱིབས་ནི་གཏི་མུག་རྡོ་རྗེ་མ་ལ་སོགས་པ་བཞིན་ནོ། །དེ་བཞིན་དུ་རེ་ཞིག་མཚོ་སྐྱེས་རྡོ་རྗེའི་རིམ་པས། ཡེ་ཤེས་སེམས་དཔའ་བཅུག །དབང་བསྐུར། གོ་ཆའི་རིམ་པ་ངེས་པར་མཐོང་ངོ་། །ལཱུ་ཡི་ [110a.4]པའི་ཞབས་ཀྱི་མངོན་པར་རྟོགས་པར་ནི། གོ་ཆའི་བར་མ་ཆད་པར་ཡེ་ཤེས་སེམས་དཔའ་བཅུག །དེ་ནས་དབང་བསྐུར་རོ་ཞེས་གོ་རིམས་སོ། །དེ་བཞིན་དུ་ཤཱནྟི་པའི་དགོངས་པའི་རྗེས་སུ་འབྲང་བའི་ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས་སུ་ཡང་བྲིས་སོ། །རྣམ་པར་དག་པའི་ [110a.5]གཏེར་དུ་ཡེ་ཤེས་ཀྱི་དཀྱིལ་འཁོར་བཅུག་པའི་བར་མ་ཆད་དུ་གོ་ཆ་བརྗོད་ནས་དབང་བསྐུར་བར་མངོན་པར་བརྗོད་པ་ནི་གྲུབ་པ་གཉིས་ཀྱི་བཞེད་པ་དང་མཐུན་པ་མ་ཡིན་ནོ། །དེའི་བར་མ་ཆད་དུ་མདུན་དུ་ཛཾ་ཡིག་སྔོ་པོ་ལས་སྐྱེས་པའི་རླུང་གི་དཀྱིལ་འཁོར་གཞུའི་དབྱིབས་ཅན་མཆོག་ [110a.6]མ་གཉིས་ལ་གཡོ་བའི་བ་དན་གྱིས་མཚན་པ། དེའི་སྟེང་དུ་རཾ་དམར་པོ་ལས་སྐྱེས་པའི་མེའི་དཀྱིལ་འཁོར་གྲུ་གསུམ་པ། རེ་ཕས་ཟུར་གསུམ་ལ་མཚན་པ། དེའི་སྟེང་དུ་མགོ་བོ་གསུམ་གྱི་སྐྱེད་པུ་ལ་གནས་པའི། ཨ་ཡིག་དམར་པོ་ལས་སྐྱེས་པའི་པདྨའི་སྣོད་དེ་ཐོད་ [110a.7]པའོ། །དེའི་དབུས་སུ་བྷཱུཾ་ཨཱཾ་ཁཾ་ཧཱུཾ་ཡོངས་སུ་གྱུར་པ་ལས། གོ་ཀུ་ད་ཧན། བི་ར་ཤུ་མ་མུའི་རང་གི་ངོ་བོའི་སྒྲོན་མ་ལྔ་དང་བདུད་རྩི་ལྔ་རང་རང་གི་ས་བོན་གྱིས་བྱིན་གྱིས་བརླབས་པ། དེའི་སྟེང་དུ་ཨོཾ་དཀར་པོ་བསམས་ནས་དེའི་གཟུགས་ཁྱབ་པའི་ཨཾ་ཡིག་ལས་སྐྱེས་པའི་ [110b] [110b.1]ཟླ་བའི་དཀྱིལ་འཁོར་དེའི་ཡང་སྟེང་དུ། ཧཱུཾ་ཡིག་དཀར་པོ་ལས་བྱུང་བའི་རྡོ་རྗེ་དེའི་ས་བོན་གྱིས་མཆན་པ་བལྟ་བར་བྱའོ། །དེ་ནས་རླུང་གིས་བསྐུལ་བའི་མེས་རྡོ་རྗེའི་འཁོར་དེ་ཐམས་ཅད་དང་རྡོ་རྗེ་ཡང་ཞུ། ལྔ་ཚན་བཞི་པོ་ཞུ་བ་ལས་བྱུང་བའི་བདུད་རྩིའི་སྣོད་དེ་ཉིད་ཀྱི་ནང་དུ་བསྒྲུབས་ [110b.2]ཏེ། དེ་ནས་ཇི་སྲིད་དུ་དེ་ཉིད་གང་བར་བསམ་པར་བྱའོ། །དེའི་སྟེང་དུ་ཨོཾ་ཨཱཿ་ཧཱུཾ་ཞེས་པའི་ཡི་གེ་གསུམ་བལྟས་ནས། དེའི་འོད་ཟེར་མགལ་མེའི་རྣམ་པས་སྲིད་པ་གསུམ་ན་གནས་པའི་བདུད་རྩི་དང་། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་བདུད་རྩི་སྤྱན་དྲངས་ནས་དེ་ [110b.3]ཉིད་ལ་རབ་ཏུ་བཅུག་སྟེ་རོ་མཉམ་པར་གྱུར་པས། ལྷའི་དྲི་དང་རོ་དང་ལྡན་པའི་སྟོན་ཀའི་ཟླ་བའི་འོད་ལྟར་དྲི་མ་མེད་པར་རྣམ་པར་བསམས་ནས་རང་གི་ལྕེའི་རྩེ་མོ་ལ་ཧཱུཾ་དཀར་པོ་ལས་བྱུང་བའི་རྡོ་རྗེ་ནས་འབྲུའི་ཚད་ཙམ་བསམས་ཏེ། དེའི་འོད་ཟེར་མགལ་མེ་ལྟ་བུས་བཅོམ་ལྡན་ [110b.4]འདས་ཀྱི་བདུད་རྩི་དེ་ཞལ་གྱིས་མྱང་ཞིང་། བཅོམ་ལྡན་འདས་མའི་ཞལ་དུ་བྱིན་ཏོ། །ཨོཾ་སརྦ་ཏ་ཐཱ་ག་ཏ་སྭ་ད་བཛྲ་སྭ་བྷཱ་བ་ཨཱ་ཏྨ་ཀོ྅ཧཾ། ཞེས་བརྗོད་པས་བཅོམ་ལྡན་འདས་མཉེས་པར་གྱུར་པའོ། །དེ་ནས་ཐུགས་ཀའི་ས་བོན་ལས་རྣམ་པར་འཐོན་པའི་གཟུགས་རྡོ་རྗེ་མ་ [110b.5]ལ་སོགས་པ་རྣམས་ཀྱིས་མེ་ལོང་དང་། པི་ཝང་དང་། དྲིའི་དུང་ཆོས་དང་། རོའི་སྣོད་དང་སྣ་ཚོགས་པའི་གོས་དང་། ཆོས་ཀྱི་འབྱུང་གནས་ཀྱི་ཕྱག་གིས་མཆོད་པ་བར་མ་ཆད་པར་བྱ་སྟེ། ཨོཾ་སརྦ་ཏ་ཐཱ་ག་ཏ་པཱུ་ཛྲཱ་བཛྲ་སྭ་བྷཱ་བ་ཨཱ་ཏྨ་ཀོཉ་ཧཾ། ཞེས་བརྗོད་ཅིང་། སྤྱན་མ་ལ་ [110b.6]སོགས་པ་རྣམས་ཀྱིས། །ཁྱོད་ནི་རྣལ་འབྱོར་མ་ཚོགས་ཡོངས་སུ་བསྐོར། །ཁྱོད་ནི་ཉིད་ཀྱི་ཐུགས་ཀྱི་མཆོག་བརྙེས་ཤིང་། །ཁྱོད་ཀྱིས་རྒྱུ་དང་མི་རྒྱུའི་འགྲོ་བ་ཀུན་བརྒྱན་ཏེ། །སྙིང་རྗེའི་ཐུགས་ཀྱིས་སེམས་ཅན་སད་མཛད་པ། །སྒྱུ་མ་སྤྲོས་པ་རྡོ་རྗེ་སྒྲུབ་པའི་ཡིད། །ཧེ་རུ་ཀ་ [110b.7]དཔལ་རྡོ་རྗེ་ཡིད་ཀྱིས་དགྱེས། །ཞེས་རྡོ་རྗེའི་གླུ་ཡིས་བསྟོད་པར་བྱ་སྟེ། དེ་ནས་ཨོཾ་སརྦ་ཏ་ཐཱ་ག་ཏ་སྟུ་ཏི་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་བརྗོད་དོ། །ཕྱི་ནས་འཁོར་ལོ་བཞིའི་བདག་ཉིད་ཀྱི་ཕྱག་རྒྱ་བྱ་སྟེ། དེ་ལ་ལྟེ་བའི་འོག་ཏུ་རྣམ་པར་གནས་པའི་སྤྲུལ་པའི་འཁོར་ལོ་དམར་ [111a] [111a.1]པོའམ། སྣ་ཚོགས་མདོག །པདྨ་འདབ་མ་དྲུག་ཅུ་རྩ་བཞི་འོད་ཟེར་འཕྲོ་བ་ཅན་གྱི་སྙིང་པོ་ལ། ཨཾ་ཡིག་ནག་པོ་བྱིན་གྱིས་བརླབ་ཅིང་གདོང་སྟེང་དུ་ཕྱོགས་པའོ། །སྙད་གར་ཆོས་ཀྱི་འཁོར་ལོ་དཀར་པོ་པདྨ་འདབ་མ་བརྒྱད་པ། དེའི་དབུས་སུ་ས་བོན་ཧཱུཾ་ཡིག་སྔོན་པོ་ [111a.2]ཤར་ལ་སོགས་པའི་ཕྱོགས་ཀྱི་འདབ་མ་རྣམས་སུ། རྣམ་པར་སྣང་མཛད་ལ་སོགས་པ་རྣམས་ཀྱིས་གྲངས་ཇི་ལྟ་བར། བྷྲཱུཾ་ཨཱཾ་ཛྲཱྀཾ་ཁཾ་གི་ས་བོན་ནོ། །དབང་ལྡན་ལ་སོགས་པའི་འདབ་མ་རྣམས་སུ་སྤྱན་མ་ལ་སོགས་པ་རྣམས་ཀྱི་ས་བོན་ཨེ་ཝཾ་མཱ་ཡ་སྟེ་འདི་རྣམས་ཀྱི་ཁ་འོག་ཏུའོ། ། [111a.3]མགྲིན་པར་ལོངས་སྤྱོད་རྫོགས་པའི་འཁོར་ལོ་མཚོ་སྐྱེས་དམར་པོ་འདབ་མ་བཅུ་དྲུག་པ། དེའི་ཟེའུ་འབྲུལ་ཨཾ་ཡིག་དམར་པོ། ཨཱ་ལི་ཀཱ་ལིས་ཡོངས་སུ་བསྐོར་བ་འདི་རྣམས་ཀྱི་ཁ་སྟེང་དུའོ། །སྤྱི་བོར་བདེ་བ་ཆེན་པོའི་འཁོར་ལོ་འདམ་སྐྱེས་འདབ་མ་སུམ་ཅུ་རྩ་གཉིས་པ། [111a.4]དབུས་སུ་ཧཾ་ཡིག་དཀར་པོས་བྱིན་གྱིས་བརླབས་པ་ཁ་འོག་ཏུ་བལྟ་བའོ། །འདི་རྣམས་ཐམས་ཅད་ཀྱི་ཡི་གེ་ཟླ་བ་ལ་གནས་པའོ། །དེ་ནས་འཁོར་ལོ་བཞི་པོ་དེའི་འོད་ཟེར་གྱི་ཚོགས་ནམ་མཁའ་ལ་སྤྲོས་པས་འགྲོ་བའི་དོན་བྱས་ནས། དེར་དེ་ཉིད་ནང་དུ་བསྒོམ་པར་བྱས་ཏེ། དེའི་རྗེས་སུ་ [111a.5]རིགས་ལྔའི་ཆ་ཤས་ཅན་དུ་བྱ་བའི་དོན་དུ། བཅོམ་ལྡན་འདས་མའི་སྤྱི་བོ་དང་སྙིང་ག་དང་ལྟེ་བ་དང་གསང་གནས་དང་བརླ་ཟུང་རྣམས་སུ། ཇི་ལྟ་བའི་རིམ་པས། ཨོཾ་ཧཱུཾ་སྭཱ་ཨཱཿ་ཧཱ། ཡོངས་སུ་གྱུར་པ་ལས་རྣམ་པར་སྣང་མཛད་དང་མི་བསྐྱོད་པ་དང་རིན་ཆེན་འབྱུང་ལྡན་དང་འོད་དཔག་ [111a.6]མེད་དང་དོན་ཡོད་གྲུབ་པ་བསམ་པར་བྱའོ། །ཧཱུཾ་ཡོངས་སུ་གྱུར་པ་ལས་པདྨ་དང་རྡོ་རྗེ་ཨཱཿ་དང་ཨོཾ་ཡིག་གིས་ཡོངས་སུ་རྫོགས་པའི་ཟེ་འབྲུ་དང་ནོར་བུ་བསམ་པར་བྱ་སྟེ། དེ་ནས་ཨོཾ་པདྨ་སུ་ཁ་དྷཱ་ར་མ་ཧཱ་རཱ་ག་སུ་ཁནྡ་ཙ་ཏུར་ཨཱ་ནནྡ་བྷ་ག་བི་ཤྭ་ཧཱུཾ་ཧཱུཾ་ཧཱུཾ་ཀ་རྱཾ་ཀུ་རུ་ཥྭ་མེ། ཨོཾ་བཛྲ་མ་ཧཱ་དྭེ་ཥ་ [111a.7]ཙ་ཏུར་ཨཱ་ནནྡ་དཱ་ཡ་ཀ་ཁ་ག་མུ་ཁ་ཨེ་ཀ་རཱ་སོ་ནཱ་ཐ་ཧཱུཾ་ཧཱུཾ་ཧཱུཾ་ཀ་རྱཾ་ཀུ་རུ་ཥྭ་མེ། ཞེས་པས་པདྨ་དང་རྡོ་རྗེ་བྱིན་གྱིས་བརླབས་པར་བྱས་ནས། འཛག་པ་མེད་པའི་བདེ་བ་ཆེན་པོའི་ཡེ་ཤེས་ཐོབ་པར་བྱ་བའི་ཆེད་དུ། པདྨ་དང་རྡོ་རྗེའི་སྦུ་གུ་དག་ལ་ཧཱུཾ་ཕཊ་ཀྱི་ཡི་གེ་སེར་པོ་བསམ་པར་བྱའོ། ། [111b] [111b.1]དེ་ནས་སཱིའི་ཡི་གེ་གསུམ་བརྗོད་ཅིང་། ཨོཾ་སརྦྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་པ་འདིས་རྗེས་སུ་ཆགས་པར་བྱའོ། །དམ་ཚིག་ལ་ཡང་ལས་ཀྱི་ཕྱག་རྒྱའི་སྙོམས་པར་འཇུག་པ་དང་། རིགས་ལྔའི་ཆ་ཤས་ཅན་བསྒྲུབ་པ་ལ་སོགས་པ་ཐམས་ཅད་ཡིད་ལ་ [111b.2]བྱའོ། །གཞན་ཡང་མ་དག་པའི་བདེ་བ་སྙེམས་པའི་རྣལ་འབྱོར་པས་དེ་བསྒྲུབ་པར་བྱའོ། །དེ་ནས་ཤེས་རབ་ཡེ་ཤེས་ཀྱི་དབང་བསྐུར་བའི་དུས་སུ། བླ་མ་དམ་པའི་མན་ངག་ལས་ལྷག་པར་རྟོགས་པའི་རྣམ་པ་སྣ་ཚོགས་པ་ལ་སོགས་པའི་མཚན་ཉིད་ཀྱི་དབྱེ་བས་དགའ་བ་ལ་སོགས་ [111b.3]པའི་ལས་ཀྱི་ཕྱག་རྒྱའི་སྙོམས་འཇུག་ལ་ཡང་དེ་བཞིན་ཁོ་ནར་གོམས་པའི་དབང་ལས་རིམ་པས་འཆར་བའི་མཐར། རྟོག་པ་མཐའ་དག་གི་དྲ་བ་མེད་པ་བཞི་པ་ལྷན་ཅིག་སྐྱེས་པའི་བདེ་བ་སྒོ་ཐམས་ཅད་ལ་ལན་ཅིག་གནས་པའི་ཆ་ཤས་ཅན་གྱི་རྣམ་པ་དྲི་མས་མཚན་པ་མ་ཡིན་པ་ [111b.4]འོད་གསལ་བ་ལ་རབ་ཏུ་བཞུགས་པ་ནི་རིམ་པའོ། །ཡང་ན་དེ་ལ་འདིའི་རིམ་པ་ནི། འཇིག་རྟེན་གསུམ་དུར་ཁྲོད་ལ། དུར་ཁྲོད་པདྨའི་སྟན་ལ། པདྨ་རོ་ལ། རོ་ཉི་མ་ལ། ཉི་མ་བཅོམ་ལྡན་འདས་མ་ལ། བཅོམ་ལྡན་འདས་མ་རྗེས་སུ་ཆགས་པས་ཞུ་བར་གྱུར་ཏེ་བཅོམ་ལྡན་འདས་ [111b.5]ལ། བཅོམ་ལྡན་འདས་ཐུགས་ཀའི་ཉི་མ་ལ། ཉི་མ་རྡོ་རྗེ་ལ། རྡོ་རྗེ་དེའི་ལྟེ་བར་གནས་པ་ལ། ཉི་མ་དོན་ཡོད་གྲུབ་པའི་ངོ་བོ་ཧཱུཾ་ཡིག་གི་ཨཱུ་ཡིག་ལ། ཨཱུ་ཡིག་འོད་དཔག་མེད་ཀྱི་རང་བཞིན་གྱི་ཧ་ཡིག་ལ། ཧ་ཡིག་རིན་ཆེན་འབྱུང་ལྡན་དུ་གྲགས་པའི་མགོ་བོ་ལ། མགོ་བོ་རྣམ་པར་སྣང་ [111b.6]མཛད་ཀྱི་རང་བཞིན་གྱི་ཟླ་ཕྱེད་ལ། ཟླ་བ་རྡོ་རྗེ་སེམས་དཔའི་རང་བཞིན་གྱི་ཐིག་ལེ་ལ། ཐིག་ལེ་ལྷག་མ་མི་བསྐྱོད་པའི་བདག་ཉིད་ཀྱི་ནཱ་ད་ལ་བཞུགས་པར་བྱའོ། །ཁ་ཅིག་གིས་ནི་མི་བསྐྱོད་པའི་རང་བཞིན་གྱི་ཐིག་ལེ། རྡོ་རྗེ་སེམས་དཔའི་རང་བཞིན་གྱི་ནཱ་དར་གསུངས་སོ། ། [111b.7]བློ་གྲོས་ལྷག་པ་ཙམ་གྱིས་ནི། །ནཱ་ད་ཡང་སྐྲའི་རྩེ་མོ་བརྒྱ་སྟོང་གི་ཆ་ཤས་ཙམ་དུ་བསམས་ནས་དོར་བར་བྱ་སྟེ། དེ་ཉིད་དངོས་པོ་དང་དངོས་པོ་མེད་པ་ལ་སོགས་པ་མཆོག་གི་སྟོང་པ་ཉིད་སྤྲིན་མེད་པའི་ནམ་མཁའ་ལྟར་གསལ་ཞིང་འོད་གསལ་བའི་གོ་འཕང་ལ་ཇི་ལྟར་སྔོན་གྱི་ [112a] [112a.1]སྨོན་ལམ་གྱི་ནུས་པ་གནས་པས་སྒྲུབ་པའི་དབང་ལས་དེ་བཞིན་ཁོ་ནར་བལྟ་བར་བྱའོ། །དེ་བཞིན་དུ་ཡང་དང་ཡང་དུ་ལྡང་པའི་བྱ་བ་ལ་ཞུགས་ནས། དེ་ནས་ཇི་ལྟར་དབུགས་ཀྱི་རླུང་མེ་ལོང་ལ་གནས་པ་ཀུན་ནས་སོང་བ་བཞིན་དུ་ཡང་དག་པའི་མཐའ་ལ་ [112a.2]རྣལ་འབྱོར་པས་ཡང་དང་ཡང་དུ་འཇུག་པར་བྱའོ། །རིམ་པ་འདི་ནི་བདེན་པ་གཉིས་དབྱེར་མེད་པ་འབྲས་བུ་རྡོ་རྗེ་འཛིན་པའི་རང་བཞིན་ཟུང་དང་གཉིས་མ་ཡིན་པའི་རང་བཞིན་གྱི་རྣལ་འབྱོར་མངོན་སུམ་དུ་བྱེད་པའོ། །འདི་ནི་དེ་ཁོ་ན་ཉིད་ཤེས་རབ་དང་བཅས་པའི་བསྒོམ་པ་འོད་ [112a.3]གསལ་ལ་རབ་ཏུ་འཇུག་པའི་ཐབས་སོ། །ཤེས་རབ་མེད་པའི་བསྒོམ་པ་ལ་ལྟོས་པས་ནི། ཤེས་རབ་རྣམ་པར་དག་པའི་ཁ་ཊྭཱཾ་ག་ཉིད་དོ། །ཤེས་རབ་ཁ་ཊྭཱཾ་ག་ཟུགས་ཅན་མ། ཞེས་གསུངས་པའི་ཕྱིར་རོ། །དེའི་ཕྱིར་གཏུམ་མོའི་རྣལ་འབྱོར་ལ་སོགས་པས་ལྷན་ཅིག་སྐྱེས་ [112a.4]པ་འཆར་བ་ནི་འོད་གསལ་ལ་རབ་ཏུ་འཇུག་པའོ། །དེ་ལ་རེ་ཞིག་འདིའི་གཏུམ་མོའི་རྣལ་འབྱོར་ནི། ལྷའི་རྣམ་པར་གསལ་བ་ལ། ལྟེ་བའི་འཁོར་ལོར་ཨཾ་ཡིག་ཉིད་དམ། སེམས་བརྟན་པའི་རྒྱུར། སྲོག་གི་རླུང་འབབ་པ་གཉིས་པོ་དག་ཡོངས་སུ་བསྡུས་ནས། ཨ་བ་དྷཱུ་ཏཱིར་བཅུག་སྟེ། [112a.5]ལྟེ་བའི་འོག་གི་རླུང་གིས་སྦར་བར་གྱུར་པའི་རབ་ཏུ་གཏུམ་པའི་མེ་དྲང་ཞིང་ཤིན་ཏུ་ཕྲ་བའི་རེ་ཁཱའི་གཟུགས་ཅན། མཆོག་གི་བདག་མེད་མའི་མིང་ཅན་བཅོམ་ལྡན་འདས་མ་གཏུམ་མོ་འབར་བས། སྙིང་གའི་འཁོར་ལོར་གནས་པའི་དེ་བཞིན་གཤེགས་པ་ལྔ་རྣམས་དང་། སྤྱན་མ་ལ་ [112a.6]སོགས་པའི་ལྷ་མོ་བཞི་བསྲེགས་ཏེ། ཇི་སྲིད་དུ་སྤྱི་བོའི་འཁོར་ལོར་གནས་པའི་ཡིད་འཇོམས་པ་མ་ཡིན་པ་ལ་རེག་པར་བྱའོ། །དེ་བཞིན་དུ་འབར་བ་དང་། བཅོམ་ལྡན་འདས་རི་བོང་ཅན་འཛག་སྟེ་འོང་བ་དེའི་ཚེ་ཡང་གཏུམ་མོ་མྱུར་དུ་འབར་བར་བྱེད་པའོ། །དེ་རབ་ཏུ་འབར་བ་དང་རི་བོང་ [112a.7]ཅན་ཤིན་ཏུ་མྱུར་བར་འཛག་སྟེ། ལྟེ་བའི་དཀྱིལ་འཁོར་ལ་དམིགས་བཞིན་པའི་གཏུམ་མོ་དང་ལྷན་ཅིག་གཅིག་ཏུ་གྱུར་ནས་ཡིད་ངེས་པར་འཛིན་པར་གྱུར་པའོ། །བྱང་ཆུབ་ཀྱི་སེམས་རབ་ཏུ་འཛག་པ་ཡང་སྤྲུལ་པའི་འཁོར་ལོ་ལ་སོགས་པ་རྣམས་སུ་ཉེ་བར་བསགས་པས་ [112b] [112b.1]མཆོག་ཏུ་དགའ་བའི་རིམ་པས་སྤྱི་བོ་ནས་པདྨ་དང་རྡོ་རྗེ་ནོར་བུའི་མཐར་ཐུག་པ་ལ་རྣམ་པར་མ་ཆད་པར་སྟོང་པ་ཉིད་དང་། སྙིང་རྗེ་དབྱེར་མེད་པ་རིམ་གྱིས་འཕེལ་བ་ཉེ་བར་སོན་པ་གཏུམ་མོའི་མེའི་འོད་ཀྱིས་ཡོངས་སུ་སྦྱངས་ཏེ། བདེ་བ་ཆེན་པོའི་འཁོར་ལོ་རྩ་སུམ་ཅུ་རྩ་གཉིས་ལ་ཁྱབ་པར་ [112b.2]གྱུར་ཅིང་དེ་ནས་གཞན་རྩ་སྟོང་ཕྲག་བདུན་ཅུ་རྩ་གཉིས་ཇི་སྲིད་པར་ལུས་ཐམས་ཅད་ལ་མངོན་པར་ཁྱབ་པར་བྱེད་པ་ནང་གི་ཉི་མ་དང་ཟླ་བའི་ངོ་བོ་ཤེས་རབ་དང་ཐབས་མཉམ་པར་བགྲོད་པ་དགའ་བྲལ་གྱི་བདེ་བ་ཆེན་པོའི་མཐུས་ཕུང་པོ་དང་ཁམས་ལ་སོགས་པ་བདུད་དང་བཅས་པ་ [112b.3]འདི་མཐའ་དག་མངོན་དུ་གྱུར་ཅིང་རབ་ཏུ་གྱུར་ཏོ་ཞེས་པ་གཏུམ་མོའི་རྣལ་འབྱོར་གྱིས་འོད་གསལ་ལ་རབ་ཏུ་བཞུགས་པའོ། །འདི་ཉིད་ནི་ཆོས་ཀྱི་ཕྱག་རྒྱའོ། །འདི་ཉིད་ནི་དཔྱིད་ཀྱི་ཐིག་ལེའི་སྦྱོར་བའོ། །དེ་ལྟར་ན་དཔྱིད་ནི་བཅོམ་ལྡན་འདས་ཏེ་ཟླ་བའོ། །དེའི་ཐིག་ལེ་ནི་བཅོམ་ལྡན་ [112b.4]འདས་མ་གཏུམ་མོ་སྟེ་དེ་དག་གི་སྦྱོར་བ་ཞེས་པ་འདི་ཉིད་དང་སྦྱོར་བ་སྟེ། གཏུམ་མོ་རྟག་ཏུ་གོམས་པའི་རྣལ་འབྱོར་པས་བརྟན་པར་བསྲུངས་པས་མཆོག་གི་བདེ་བ་ཆེན་པོའི་རྒྱུར་གྱུར་ལྷན་ཅིག་སྐྱེས་པ་གཏུམ་མོ་གསལ་བར་བྱའོ། །དེ་ལྟར་ཡང་རྡོ་རྗེ་ལྟ་བུའི་ཏིང་ངེ་འཛིན་ལ་ཟུང་དང་ [112b.5]གཉིས་མ་ཡིན་པར་གནས་པའི་རྣལ་འབྱོར་པས་ཕྱག་རྒྱ་ཆེན་པོའི་དངོས་གྲུབ་ལྷག་པར་རྟོགས་སོ། །རྣལ་འབྱོར་མ་ཞེས་པ་ནི་གསང་ཆེན་རྟོགས་པར་ཁ་ཅིག་སྒྲོག་པར་བྱེད་དོ། །དེའི་ལམ་ནི་ཡེ་ཤེས་ཀྱི་ཕྱག་རྒྱའམ། ཆོས་ཀྱི་ཕྱག་རྒྱ་ལ་ས་བཅུའི་རིམ་པས་གསལ་བར་བྱ་ [112b.6]སྟེ། ཕྱིས་རྡོ་རྗེ་འཛིན་པར་བསྟན་ཏོ། །ཁ་ཅིག་ཏུ་གནས་ལ་སོགས་པར་རྡོ་རྗེ་ལ་སོགས་པའི་རིགས་ལས་བྱུང་བ་ཡེ་ཤེས་ཐོབ་པའི་ནུས་པ་ཅན་ལས་ཀྱི་ཕྱག་རྒྱ་ཟླ་བ་གཅིག་ལ་སོགས་པར་ལོངས་སྤྱད་ཅིང་སྦྱར་བ་ལས། བདེ་བ་ཆེན་པོ་དང་སྙིང་རྗེའི་རང་བཞིན་མཐའ་ཡས་པར་རྒྱས་ [112b.7]ཤིང་འགོག་པ་མ་ཡིན་པའོ། །ཡན་ལག་བདུན་དང་ལྡན་པ་ལྷན་ཅིག་སྐྱེས་པའི་བདེ་བ་ཆེན་པོའི་སྟོང་པ་ཉིད་ཀྱི་ཏིང་ངེ་འཛིན་གྱི་མངོན་སུམ་དུ་བྱས་ནས་མཆོག་གི་གནས་ལ་འཇུག་པར་འགྱུར་བ་སྟེ། ཡོན་ཏན་གྱི་ཚོགས་ཀྱི་ལན་བུ་དང་རྒྱན་གྱི་དགའ་བར་བྱེད་བ་ཅན་མ་སྤྲུལ་ [113a] [113a.1]པའི་ཚོགས་ཐུན་མཚམས་སུ་ཡང་དག་པར་འགྲོ་བའི་དོན་བྱེད་པའི་རྡོ་རྗེ་འཛིན་པ་ཆེན་པོའི་ལུས་ཅན་ཟླ་བ་གཅིག་གིས་སྟེར་བར་བྱེད་དོ། །ཡང་ན་ཟླ་བ་དྲུག་གམ་བདུན་དུ་རིག་མའི་བརྟུལ་ཞུགས་སྤྱད་ནས་བདག་ཉིད་ཀྱང་ལྷའི་ཚུལ་དུ་བྱས་ནས་ཕུལ་དུ་ [113a.2]བྱུང་བའི་རྣལ་འབྱོར་རྣམ་པར་ཤེས་པ་གང་གི་ཚེ་རབ་ཏུ་འབར་བའི་སྣང་བས་ཉིན་མོ་དང་མཚན་མོ་རབ་ཏུ་འབྲེལ་པ་དང་འདྲ་བར་རྒྱུན་དུ་དེ་ཁོ་ན་ཉིད་ཀྱི་རྣལ་འབྱོར་ལ་མངོན་དུ་ཕྱོགས་པར་ནུས་པ་དེའི་ཚེ། ཕྱག་རྒྱ་དང་ལྷན་ཅིག་ཏུ་ཀྱེ་རྡོ་རྗེའི་རྣལ་འབྱོར་དང་ལྡན་པས་ལྷན་ཅིག་སྐྱེས་ [113a.3]པ་སྤྱད་པའི་ཕྱིར། སྔ་དྲོ་དང་ཐུན་མཚམས་ལ་སོགས་པར་སྙོམས་འཇུག་གི་རྩོལ་བ་བརྩམ་པར་བྱའོ། །རྣལ་འབྱོར་གྱི་རིམ་པ་སྲིད་པ་གསུམ་པོ་ཐམས་ཅད་གཅིག་པའི་རང་བཞིན་ཀུན་དུ་མཚུངས་པ་དང་ཀུན་དུ་མཚུངས་པ་མ་ཡིན་པ་གཅིག་པའི་ངོ་བོར་ལྷག་པར་སྲོལ་བ། [113a.4]རྡོ་རྗེའི་ཕྱག་རྒྱས་རྒྱས་བཏབ་པ་རོ་མཉམ་པའི་བདེ་བ་ཆེན་པོའི་མཐུས་སྣང་བ་དང་སྣང་བ་རབ་ཏུ་མཆེད་པ་དང་འདྲ་བར་ཉིན་མཚན་རྟག་ཏུ་གནས་པའོ། །དེ་ནས་རབ་ཏུ་དགའ་བའི་མཐར་རྟོགས་པ་དགའ་བ་བཞི་པའི་དེ་ཁོ་ན་ཉིད་མངོན་སུམ་དུ་བྱེད་པ་སྐྱ་རེངས་ཤར་བའི་དུས་སུ་ [113a.5]སྒྲུབ་པ་པོས་མཆོག་འགྲུབ་པར་འགྱུར་རོ། །འདུས་པ་ཕྱི་མར་ཡང་། བསྒྲུབ་བྱ་སྒྲུབ་ཐབས་ཀུན་དུ་སྦྱོར། །གང་ཞིག་བསྟེན་ལས་གསལ་བར་འགྱུར། །རྡོ་རྗེ་པདྨ་མཉམ་དུ་སྦྱོར། །ཉེ་བའི་སྒྲུབ་པར་བརྗོད་པར་བྱ། །ཧཱུཾ་ཕཊ་ཡི་གེ་ཡང་དག་ལྡན། །གཡོ་བའི་སྒྲུབ་པར་ [113a.6]རབ་ཏུ་བརྗོད། །རང་གི་བདེ་བ་ཞི་རང་བཞིན། །སྒྲུབ་པ་ཆེན་པོར་བརྗོད་པར་བྱ། །ཞེས་ཐབས་ཀྱི་ཡན་ལག་བཞི་རྣམས་ཀྱིས་དཔལ་ལྡན་རྡོ་རྗེ་འཛིན་པ་ཆེན་པོ་དང་། རྡོ་རྗེ་འཛིན་མ་ཆེན་མོའི་གོ་འཕང་གི་ཐབས་སངས་རྒྱས་ཐམས་ཅད་ཀྱི་ཆོས་དང་། བསྟེན་པར་བྱ་བའི་ [113a.7]ཆོས་སོ་ཞེས་པ་འདིས་འདི་ཉིད་མངོན་སུམ་དུ་བྱེད་པའི་རིམ་པར་འདོད་དོ། །དེ་ཉིད་གལ་ཏེ་ལས་ཀྱི་ཕྱག་རྒྱ་ལ་སྙོམས་པར་ཞུགས་ན་དེ་རྩེ་གཅིག་ཏུ་འགྱུར་བའི་ཕྱིར་སྔ་མ་དང་འདྲ་བར་གཏུམ་མོའི་མེ་ཤིན་ཏུ་འབར་བ་དེས་བཞུ་བའི་རི་བོང་ཅན་ལྷན་ཅིག་སྐྱེས་པའི་མཐུ་ལས་ [113b] [113b.1]ཏེ། འདིའི་རྣལ་འབྱོར་ནི་ལས་ཀྱི་གཏུམ་མོའི་རྣལ་འབྱོར་དུ་བརྗོད་པར་བྱ་སྟེ་ཤེས་རབ་དང་བཅས་པའོ། །ཤེས་རབ་མ་མེད་པའི་ནི་ལྷའི་རྣམ་པར་བསྒོམ་པའམ་ནང་དུ་བསྒོམ་པ་ཐམས་ཅད་དུ་བརྗོད་པ་སྟེ། རྟག་ཏུ་གཏུམ་མོ་འབར་བ་ཉིད་ཀྱི་རྒྱུས་ལྷན་ཅིག་སྐྱེས་པ་ཤར་བ། དབང་ [113b.2]བསྐུར་བའི་དུས་སུ་ཡང་ཕྱིའི་རིག་མ་དང་སྙོམས་པར་ཞུགས་པ་ལས་འབར་བ་ནི་འདིའི་གཏུམ་མོ་སྟེ་སྔ་མ་དང་འདྲ་བར་ལྷན་ཅིག་སྐྱེས་པ་ཤར་བ་ལས་ཀྱང་འཆར་བ་ནི་ལས་ཀྱི་གཏུམ་མོའི་རྣལ་འབྱོར་དུ་འདོད་དོ། །འོན་ཀྱང་ལྷན་ཅིག་སྐྱེས་པ་སྟེ། དེའི་གདོང་མཛེས་པའི་རྗེས་སུ་ [113b.3]བྱེད་པ་མ་ཡིན་ནོ་ཞེས་གསུངས་སོ། །དེའི་ཕྱིར་ལས་ཀྱི་གཏུམ་མོའི་རྣལ་འབྱོར་འདི་གདོང་ལ་མ་ཡིན་པ་ཁོ་ནའོ། །འོན་ཀྱང་ཁ་ཅིག་ནི་སླར་ཡང་སྔོན་བཞིན་དུ་རླུང་ལས་རྣམ་པར་རྒྱལ་ཞིང་གོམས་པ་ལས་སྲོག་རྩོལ་བའི་བདག་པོ་ཐོབ་པ་མ་ཡིན་ཞིང་རླུང་གི་ལམ་ཚད་མེད་ [113b.4]པའི་ལྟེ་བའི་དཀྱིལ་འཁོར་ལའམ། ཡང་ན་འཛིན་པ་ལས་གཏུམ་མོ་དེ་རབ་ཏུ་འབར་བ་ལས་བྱུང་བའི་བདེ་བ་ཆེན་པོ་འདི་ནི་ལས་ཀྱི་གཏུམ་མོའི་རྣལ་འབྱོར་དུ་གསུངས་སོ། །གལ་ཏེ་ཐིག་ལེའི་རྣལ་འབྱོར་གྱིས་སེམས་གནས་པར་བྱེད་ཅིང་གྲུབ་པ་ཐམས་ཅད་ཀྱི་སྣང་བ་ [113b.5]མཆེད་པར་འདོད་ན། དེའི་ཚེ་ལྟེ་བ་ལ་སོགས་པའི་འཁོར་ལོའི་འདུད་པའི་ཁུང་བུ་རྣམས་ལ་ཨཾ་ཡིག་ལ་སོགས་པའི་ཡི་གེ་བཞི་བལྟས་ནས། གསང་བའི་འཁོར་ལོ་ལ་གནས་པའི་རླུང་གིས་མེ་ཡང་དག་པར་བསྐུལ་བས། གཏུམ་མོའི་རང་བཞིན་ཨཾ་ཡིག་འབར་བའི་ [113b.6]འོད་ཟེར་གྱིས་ཧཱུཾ་ཡིག་ལ་སོགས་པའི་ཡི་གེ་གསུམ་ཀུན་ནས་ཞུ་བས། ཨོཾ་ཡིག་དང་ལྷན་ཅིག་དབྱེར་མེད་པ་ལྷན་ཅིག་སྐྱེས་པའི་དགའ་བའི་རང་བཞིན་གྱི་ཐིག་ལེའི་གཟུགས་སུ་བསྒོམ་ཞིང་། བསྒོམ་པ་ཡོངས་སུ་རྫོགས་པ་ན་སྤྲོ་བར་བྱ་སྟེ། དེ་ལས་དེ་ཉིད་ཕྲ་མོ་ [113b.7]འོད་ཟེར་གྱི་རེ་ཁཱ་དག་འབར་ཞིང་གཅིག་ཏུ་འབར་བ་བཞིན་དུ་གནས་པར་བལྟ་བར་བྱའོ། །དེའི་འོད་ཀྱིས་ཞུ་བའི་བདུད་རྩིས་གང་ཞིང་འཕྲོ་བའི་ཐིག་ལེར་གྱུར་ནས། དེའང་འོད་ཟེར་དཀར་པོའི་རེ་ཁཱ་ཅན་དུ་གྱུར་ཏེ། དེ་ནས་སེམས་ཐིག་ལེ་དེ་སོན་པ་དེ་སྲིད་དུ་བལྟ་ [114a] [114a.1]བར་བྱ་སྟེ། སླར་ཡང་བརྟན་པ་ཐོབ་པའི་མཚན་མ་ཉེ་བར་དམིགས་པ་ནི་སྲིད་དུའོ། །དེའི་ཉེ་བར་དམིགས་པ་དང་བརྟན་པ་ནི་འོད་ཟེར་གྱི་རེ་ཁཱ་ལས་མར་མེ་སྣ་ཚོགས་པ་འཕྲོ་བའི་སྣང་བ་ཅན་དུ་རྣམ་པར་མཐོང་ཞིང་ཐམས་ཅད་ལག་མཐིལ་གྱི་སྐྱུ་རུ་ར་ལྟ་བུར་ [114a.2]མཐོང་སྟེ། ཏིང་ངེ་འཛིན་ཐམས་ཅད་ཀྱི་སྣང་བ་མཆེད་པ་ཞེས་པ་ཐིག་ལེའི་རྣལ་འབྱོར་རོ། །ཡང་ན་སྙིང་གའི་སྔགས་ཀྱི་འོད་ཟེར་གྱི་ཚོགས་ལས་སྤྲོས་པའི་དེ་བཞིན་གཤེགས་པས་བཀུག་པར་བྱ་བའི་འཇིག་རྟེན་གསུམ་ནང་དུ་ཐིག་ལེའི་རྣམ་པའི་ཧཱུཾ་ཡིག་དེ་ལ་གཞག་པར་བྱ་སྟེ། [114a.3]ཡིད་ཇི་སྲིད་འདོད་པར་རོ། །དེའི་རྗེས་སུ་སྤྲོ་བའི་ལམ་གྱི་རིམ་པས་ལུས་དང་ངག་དང་སེམས་ཀྱི་རྡོ་རྗེའི་མཐར་ཐུག་པར་རོ། །དེའི་འོད་ཟེར་གྱི་སྣང་བ་དབུགས་འཇུག་པའི་ཚུལ་གྱིས་ཀུན་དུ་བསྡུས་ཏེ། ས་བོན་གྱི་ཐིག་ལེ་ལ་མྱུར་དུ་གཞུག་ཅིང་ཇི་ལྟར་བརྗོད་པའི་བཅོམ་ལྡན་འདས་དེའི་ [114a.4]དཀྱིལ་འཁོར་རོ། །འཁོར་ལོ་བསྒོམ་པ་ལ་ནི་དཀྱིལ་འཁོར་གྱི་འཁོར་ལོ་གཞུག་པར་བྱའོ། །སླར་ཡང་སྤྲོ་བའི་ཚུལ་གྱིས་འོད་ཟེར་འཕྲོས་པས་འཇིག་རྟེན་སྣང་བར་བྱས་ཏེ། དེ་ཉིད་ལ་བསྲེས་ཤིང་འགྲོ་བའི་དོན་བྱེད་བཞིན་པའི་དེ་བཞིན་གཤེགས་པ་རྣམས་ཀྱང་དབུགས་ [114a.5]འཇུག་པའི་ཚུལ་གྱིས་སྙིང་གར་བཅུག་ནས་ཇི་སྲིད་འདོད་པར་བསྒོམ་པར་བྱའོ་ཞེས་པ་འདི་ནི། མཆོག་གི་ཐིག་ལེའི་རྣལ་འབྱོར་རོ། །ཡང་ན་ཏིང་ངེ་འཛིན་སེམས་དཔའི་འོད་ཟེར་རྣམས་ཨ་བ་དྷཱུ་ཏཱིར་སོང་ནས་བདེ་བ་ཆེན་པོའི་ཁོར་ལོར་གནས་པའི་བྱང་ཆུབ་ཀྱི་སེམས་བཞུ་ [114a.6]སྟེ་དེ་ཉིད་ལས་འོངས་པ་སྙིང་གའི་ཧཱུཾ་ཡིག་གི་ཐིག་ལེ་ལ། དེའི་བདག་ཉིད་ཀྱི་རྡུལ་ཕྲ་རབ་ཀྱི་གཟུགས་སུ་གནས་པར་བསམ་པར་བྱའོ་ཞེས་པ་གཞན་རྣམས་ཀྱི་ཐིག་ལེའི་རྣལ་འབྱོར་རོ། །དེའི་རྗེས་སུ་ཕྲ་མོའི་རྣལ་འབྱོར་བསྒོམ་པ་ནི་མཆོག་ཏུ་སེམས་གནས་པར་བྱེད་པའི་ [114a.7]ཐབས་སོ་ཞེས་པ་སྟེ། དེ་བཞིན་ཁོ་ནར་ཨཾ་ཡིག་ལ་སོགས་པའི་ཡི་གེ་རྣམས་ཞུ་བ་རོ་གཅིག་ཏུ་གྱུར་པ་ལྷན་ཅིག་སྐྱེས་པའི་རང་བཞིན་གྱིས་བྱང་ཆུབ་ཀྱི་སེམས་ཀྱི་ཐིག་ལེ་ཡུངས་ཀར་གྱི་འབྲས་བུའི་ཚད་ཙམ་ལ་གསལ་བར་རྫོགས་པའི་བཅོམ་ལྡན་འདས་ཀྱི་སྐུ་དང་ལྡན་ [114b] [114b.1]པའོ། །དཀྱིལ་འཁོར་གྱི་འཁོར་ལོ་བསྒོམ་པ་ལ་ལྟོས་པས་ནི། དཀྱིལ་འཁོར་གྱི་འཁོར་ལོ་རྡོ་རྗེ་ནོར་བུའི་རྩེ་མོ་ལའོ། །དེ་ལས་ཟགས་ཏེ་པདྨར་གནས་པའམ། ཡང་ན་སྣའི་རྩེ་མོ་ལ་གནས་པར་བསྒོམ་པར་བྱའོ། །ཇི་ལྟར་གསུངས་པའི་བརྟན་པར་གནས་པའི་མཚན་མ་ [114b.2]མཐོང་ནས། བཅོམ་ལྡན་འདས་དེའི་དཀྱིལ་འཁོར་བསྒོམ་པའམ་དཀྱིལ་འཁོར་སྤྲོ་བར་བྱའོ་ཞེས་པ་ནི་ཕྲ་མོའི་རྣལ་འབྱོར་རོ། །དེ་ཉིད་ལྷའི་རྣམ་པར་བསྒོམས་ཏེ། བར་མ་ཆད་པར་བརྗོད་པའི་རྣལ་འབྱོར་རྣམས་ཀྱིས་སམ། གཞན་གྱི་རྣལ་འབྱོར་གྱིས་ཇི་ལྟར་ནུས་པར་འོད་གསལ་ལ་ [114b.3]གཞུག་པ་དང་། ལྡང་བ་དང་། བསྒོམ་པ་དང་། སྐྱོ་བར་གྱུར་པ་ན་སྔགས་བཟླ་བའི་ཆོ་ག་འདིས་སམ། གཞན་དུ་ཡང་སྔགས་ཀྱི་ཡི་གེ་བརྗོད་པར་བྱ་སྟེ། དེ་ལ་ཤེས་རབ་ཀྱི་ཞལ་ལས་འཐོན་པའི་འོད་ཟེར་དེ་རྣམས་རང་གི་ཞལ་དུ་ཞུགས་ཏེ། རྡོ་རྗེའི་ལམ་ནས་འཐོན་ནས་ལྷ་ [114b.4]མོའི་པདྨར་ཞུགས། སླར་ཡང་ལྷ་མོའི་ཞལ་ནས་རང་གི་ཞལ་དུ་རབ་ཏུ་ཞུགས་ཏེ། སྔགས་ཀྱི་རྒྱུན་མ་ཆད་པ་ཉིད་དུ་གཞུག་པར་བྱའོ་ཞེས་པ་ཁྱོགས་ཀྱིས་བཟླས་པར་མཚོ་སྐྱེས་ཀྱི་སྒྲུབ་ཐབས་སུ་བརྗོད་དོ། །གཞན་དུ་ནི་ཆོས་ཐམས་ཅད་མཉམ་པ་ཉིད་ཀྱི་ང་རྒྱལ་གྱིས་སྔགས་ཀྱི་ཕྲེང་ [114b.5]བ་རང་གི་ཞལ་ཉིད་དུ་ཞུགས་པ་རྡོ་རྗེའི་ལམ་ནས་པདྨར་སོར་ཨ་བ་དྷཱུ་ཏཱིའི་ལམ་ནས་བྱུང་སྟེ། བཅོམ་ལྡན་འདས་མའི་ཞལ་ནས་སྤྲོས་ནས། རང་གི་ཞལ་གྱི་སྒོར་རབ་ཏུ་ཞུགས་པ་དེ་བཞིན་ཁོ་ནར་འཁོར་བར་བསྒོམས་ཏེ་བཟླའོ་ཞེས་པ་ལྷོད་ཅིང་ཞི་བའི་ཡི་གེ་ཁྱོགས་ཀྱིས་བཟླས་ [114b.6]པར་བརྗོད་དོ། །འདི་ཉིད་བཅོམ་ལྡན་འདས་མའི་ཞལ་དུ་ཞུགས་ཏེ། རང་གི་ཞལ་དུ་འོང་བ་ཙམ་གྱི་ཁྱད་པར་གྱིས་ཡི་གེ་མཁྲེགས་ཤིང་རྩུབ་པ་ནི་ཁྲོ་བོའི་བཟླས་པ་སྟེ། སྙིང་པོ་ལ་སོགས་པ་མཆོག་ཏུ་དྲག་པོར་བརྗོད་པའི་ཕྱིར་ཁྲོ་བོའི་བཟླས་པའོ། །ཡང་ན་སྙིང་གར་ [114b.7]གནས་པའི་ཧཱུཾ་ཡིག་ལ་ཡོངས་སུ་བསྐོར་ཏེ། གནས་པའི་སྔགས་ཀྱི་ཡི་གེའི་ཕྲེང་བ་མར་མེའི་ཕྲེང་བ་ལྟ་བུ་བལྟས་ཏེ་མྱུར་བར་འཁོར་བར་དམིགས་ལ། དམ་པ་མ་ཡིན་པའི་རྟོགས་པ་སྤངས་ནས་བཟླ་བར་བྱའོ། །ཨོཾ་ཏྲཻ་ལོ་ཀྱ་ཨཱ་ཀྵེ་པ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། བཅོམ་ལྡན་འདས་ཀྱི་ [115a] [115a.1]རྩ་བའི་སྔགས་སོ། །འདིའི་ཡང་ཧཱུཾ་ཡིག་གསུམ་ཐུང་བར་བརྟག་པ་གཉིས་པའི་རྒྱུད་དང་དེའི་འགྲེལ་བར་གསུངས་སོ། །དེ་ནས་འཆད་པར་འགྱུར་བའི་གཏོར་མ་ཕུལ་ནས་སྨོན་ལམ་ཡང་བྱས་ཏེ་ཇི་ལྟར་བདེ་བར་གནས་པར་བྱའོ། །ཐུན་མཚམས་སུ་ [115a.2]གྱུར་པར་བཅོམ་ལྡན་འདས་ཀྱི་གཟུགས་ལས་ལངས་ཏེ། ཡེ་ཤེས་སེམས་དཔའ་གཞུག་པ་ལ་སོགས་པ་བྱའོ། །མཚན་ཕྱེད་ཀྱི་ཐུན་མཚམས་སུ་ཡང་ཐམས་ཅད་བྱས་ནས་གཉིད་འོད་གསལ་གྱི་རང་བཞིན་དུ་ལྷག་པར་མོས་པས་ཉལ་བར་བྱའོ། །ཐོ་རངས་ཀྱི་ཐུན་ [115a.3]མཚམས་སུ་སྤྱན་མ་ལ་སོགས་པའི་ལྷ་མོ་བཞིས་རྡོ་རྗེའི་གླུས་རབ་ཏུ་སད་དེ། །བཞེངས་པ་ལ་སོགས་པའི་བྱ་བ་ཐམས་ཅད་བྱའོ། །དེ་ནས་གྲོང་ཁྱེར་བསྐྱོད་པའི་སྔགས་ནི། ཨོཾ་ཨ་ཀ་ཙ་ཊ་ཏ་པ་ཡ་ཤ་སྭཱ་ཧཱ། འདིར་འདིའི་མན་ངག་ནི། མྱུར་བར་ཤེས་རབ་དང་བཅས་པའི་ཀྱེའི་ [115a.4]རྡོ་རྗེའི་གཟུགས་སུ་བདག་ཉིད་རྣམ་པར་བསྒོམས་ནས། དེའི་ཐུགས་ཀར་པདྨ་དམར་པོ་འདབ་མ་བརྒྱད་པ་རྣམ་པར་བསམས་ཏེ། དེའི་ཤར་ལ་སོགས་པའི་ཕྱོགས་ཀྱི་འདབ་མ་རྣམས་སུ་གཡས་སྐོར་དུ་ཇི་ལྟ་བའི་རིམ་པས་ཨ་ཀ་ཙ་ཊ་ཞེས་པའི་ཡི་གེ་དང་། དབང་ལྡན་ [115a.5]ལ་སོགས་པའི་ཕྱོགས་བྲལ་གྱི་འདབ་མ་རྣམས་སུ་ཏ་པ་ཡ་ཤ་ཞེས་སོ། །དབུས་ཀྱི་ཟེ་འབྲུ་ལ་ཤར་དུ་སྭཱ། དབུས་སུ་ཨོཾ། ནུབ་ཏུ་ཧཱ། ཐམས་ཅད་ཉི་མའི་དཀྱིལ་འཁོར་ལ་གནས་པ་ཁ་དོག་དམར་པོའོ། །འདི་རྣམས་ཀྱི་ཡང་འོད་ཟེར་ལྕགས་ཀྱུའི་རྣམ་པར་དག་པ་བ་སྤུའི་ [115a.6]ཁུང་བུ་རྣམས་ལས་འཐོན་ཏེ། བསྒྲུབ་བྱ་བཀུག་ཅིང་སྒྲུབ་པ་པོའི་རྐང་པ་དག་གི་འོག་ཏུ་བྱས་ནས་འདི་རྣམས་ཉིད་དབང་དུ་བྱའོ་ཞེས་བསམས་ནས་སྔགས་བཟླས་པར་བྱའོ། །འབུམ་བཟླས་པ་ལས་གྲོང་ཁྱེར་བསྐྱོད་པར་འགྱུར་རོ། །དབང་དུ་བྱ་བའི་སྒྲུབ་པའི་དོན་ [115a.7]དུ་ནི། བརྗོད་པའི་རིམ་པས་སྔོན་དུ་བསྙེན་པའི་དོན་དུ་འབུམ་བཟླས་པ་བྱས་ཏེ། དུར་ཁྲོད་དུ་ཚོགས་ཀྱི་འཁོར་ལོ་བྱས་ནས་ཚོགས་རྣམས་ཀྱང་མངོན་པར་འདོད་པའི་སྒྲུབ་པ་པོ་གསད་པར་འདོད་པས་དེའི་ཕྱིར་ཀ་གཟུང་བར་བྱའོ། །དེ་ནས་གནས་ཁ་ཅིག་ཏུ་ཕྱིན་ནས་ [115b] [115b.1]ཤར་དུ་མགོ་གཞག་སྟེ། མཐོ་བའི་སྔས་ལ་ཉལ་ཞིང་ཐོད་པ་མཱ་མ་ཀཱིས་གང་བ་རྐང་པའི་མཐིལ་ལ་ཀུན་དུ་རེག་པར་བྱས་ནས་གཅིག་བཟླས་པར་བྱའོ། །ཕྱིས་ལྡང་བ་ན་དེ་ཐམས་ཅད་འཐུངས་ནས་ཚོགས་ཀྱི་འཁོར་ལོའི་གནས་མཐའ་དག་ཏུ་ཉེ་བར་ཞུགས་ནས་སླར་ཡང་ཁྲི་བཟླས་པར་ [115b.2]བྱའོ། །ཀྱེ་རྡོ་རྗེ་ལ་སོམ་ཉི་མེད་པའི་རྣལ་འབྱོར་པས་ཐམས་ཅད་དུ་རྣམ་པར་སྦྱང་བར་བྱའོ། །དེ་ནས་དུས་ཀྱི་འཁོར་ལོའི་རིམ་པས་ཨཱ་ལི་ཀཱ་ལིའི་བཟླས་པ་བརྗོད་པར་བྱའོ། །ཨ་ཀ་ཙ་ཊ་ཏ་པ་ཡ་ཤའི་སྒྲས་ཨཱ་ལི་ཀཱ་ལི་དོན་གྱིས་ཐོབ་པས་བརྗོད་པར་བྱའོ། །ཨོཾ་ཨ་ཨཱ། ཨི་ཨཱི། རྀ་ [115b.3]རཱྀ། ཨུ་ཨཱུ། ལྀ་ལཱྀ། ཨ་ཨཱ། ཨེ་ཨཻ། ཨར་ཨཱར་ཨོ་ཨཽ་ཨལ་ཨཱལ་ཧ་ཧཱ་ཡ་ཡཱ་ར་རཱ་བ་བཱ་ལ་ལཱ། ཞེས་པ་སྤྲོ་བའི་རིམ་པས་དབུགས་འཇུག་པ་དང་ཨཱ་ལི་བཟླས་སོ། །ཀ་ཀཱ་ཁ་ཁཱ་ག་གཱ་གྷ་གྷཱ་ང་ངཱ་ཙ་ཙཱ་ཚ་ཚཱ་ཛ་ཛཱ་ཛྷ་ཛྷཱ་ཉ་ཉཱ་ཊ་ཊཱ་ཋ་ཋཱ་ཌ་ཌཱ་ཌྷ་ཌྷཱ་ཎ་ཎཱ་ཏ་ཏཱ་ཐ་ཐཱ་ད་དཱ་དྷ་དྷཱ་ན་ནཱ་པ་པཱ་ཕ་ཕཱ་བ་བཱ་ [115b.4]བྷ་བྷཱ་མ་མཱ་ད་དཱ་དྷ་དྷཱ་ན་ནཱ་ས་སཱ་ཉྤ་ཉྤཱ་ཥ་ཥཱ་ཋྐ་ཋྐཱ་སྭཱ་ཧཱ། ཞེས་རླུང་འགྲོ་བས་ཀཱ་ལི་བཟླས་སོ། །ཨཱ་ལི་ཀཱ་ལི་འབུམ་བཟླས་པས་འཇིག་རྟེན་གསུམ་སྐྱེས་པར་བྱེད་པའི་སྔགས་པས་གཅིག་དང་སླར་ཡང་གཅིག་གི་ཚད་ཙམ་དུ་བྱ་སྟེ། དགུག་པ་དང་། བསྲུང་པ་དང་། རྒྱས་པ་སྟེར་རོ། ། [115b.5]རིམ་པ་འདི་ཡང་དཔལ་རྡོ་རྗེ་སྙིང་པོའི་རབ་ཏུ་བྱེད་པར་མཐོང་ངོ་། །དེ་ནས་དབང་དུ་བྱ་བའི་མན་ངག་ནི་མྱུར་བར་ཆུ་སྐྱེས་དམར་པོའི་ཕུང་པོ་མཛེས་པ་ལ་ཤེས་རབ་དང་བཅས་པའི་ཧེ་རུ་ཀའི་གཟུགས་སུ་བདག་ཉིད་བལྟས་ཏེ། སྙིང་གར་འདམ་སྐྱེས་དམར་པོ་བཅུ་དྲུག་ཕྱེད་ཅན་གྱི་ [115b.6]ཟེ་འབྲུ་ལ། ཨཱ་ལི་དང་ཀཱ་ཀི་ཡང་དག་པར་བསྡུས་པའི་ངོ་བོ་སངས་རྒྱས་ཀྱི་ཡོན་ཏན་ལ་ཀུན་ནས་རྗེས་སུ་ཆགས་པའི་ཨཾ་ཡིག་དང་ཧཱུཾ་ཡིག་དག་ཡིད་ལ་མངོན་པར་བྲིས་པ་དག་ལས་ཤིན་ཏུ་དམར་ཞིང་ཡིད་དུ་འོང་བའི་འོད་ཟེར་གྱི་ཕུང་པོ་རྣམས་ངེས་པར་འཕྲོས་པས་འགྲོ་བ་སྣང་ [115b.7]པར་བྱས་ཏེ། དེ་ཡིས་གཞན་གྱི་ལུས་ངག་ཡིད་རྣམས་བཀུག་ནས་ཨཾ་ཡིག་དང་ཧཱུཾ་ཡིག་དེ་དག་ཉིད་ཀྱི་ཐིག་ལེ་ལ་གཞུག་པར་བྱའོ། །དེ་ནས་དེ་དག་ཡོངས་སུ་གྱུར་པ་དང་བུང་བ་ཡིད་སྲུབ་ཀུ་རུ་བིནྡའི་གཟུགས་བརྙན་ཅན་མཆོག་གི་སྙིང་རྗེའི་སྦྲང་རྩི་འཐུང་བས་མྱོས་ [116a] [116a.1]པའི་ཡིད་ཅན་ནོ། །དེས་བརྗོད་པའི་ཤིན་ཏུ་རིང་བའི་ཧཱུཾ་ཡིག་གི་སྒྲས་བདག་མེད་དང་ཧེ་རུ་ཀའི་གཟུགས་སུ་བསམ་པར་བྱ་ཞིང་། དེ་དང་དེའི་སྙིང་གར་ལེ་བརྒན་རྩིའི་ཚོན་གྱིས་བཙོས་པ་དང་འདྲ་བའི་ཐིག་ལེ་ཡུངས་ཀར་གྱི་འབྲུ་ཙམ་ལ། ཨཾ་ཡིག་དང་ཧཱུཾ་ཡིག [116a.2]ཕྲ་བ་ངེས་པར་བསྐྱེད་དོ། །དེ་ནས་ཡིད་སྲུབ་དེ་དབུགས་ཀྱི་རླུང་འབྱུང་བའི་ཤིང་རྟ་ལ་ཞོན་ཏེ། སྣའི་བུ་ག་ནས་འཐོན་ནས་སེམས་ཅན་རྣམས་ཀྱི་ལུས་ངག་ཡིད་རྣམས་སྦྱངས་ཤིང་བཟུང་ནས་སླར་ཡང་དབུགས་འཇུག་པ་ལ་ཞོན་ཏེ་ལམ་དེ་ཉིད་ནས་སྙིང་གའི་པདྨའི་ཟེ་འབྲུ་ལ་ [116a.3]གཞུག་པར་བྱ་ཞིང་། དེ་ནས་ཀུན་དུ་བཀུག་པའི་ལུས་ངག་ཡིད་རྣམས་རང་གི་ལུས་ངག་ཡིད་ལ་ཏིང་ངེ་འཛིན་གྱིས་བསྟིམ་པར་བྱའོ། །དེ་བཞིན་དུ་ཡང་དང་ཡང་དུ་བསྒོམ་པར་བྱ་སྟེ། ཇི་སྲིད་དུ་རྣམ་པ་གསལ་བར་གྱུར་གྱི་བར་དུ་བསྐྱེད་པར་བྱའོ། །ཕྱི་ནས་བསྒྲུབ་བྱའམ་བསྒྲུབ་ [116a.4]བྱ་མོའི་སྙིང་གར་སོན་པའི་པདྨ་དམར་པོ་འདབ་མ་བརྒྱད་པ་བསྒོམ་པར་བྱ་ཞིང་བུང་བ་ཡིད་སྲུབ་དེ་དེ་ཉིད་ཀྱིས་བཀུག་སྟེ། སྣའི་བུ་གནས་དེའི་ལུས་ངག་ཡིད་ཀྱི་རང་བཞིན་གྱི་སྙིང་གའི་པདྨ་ལ་གཞུག་པར་བྱའོ། །དེ་ནས་ཡིད་སྲུབ་དེ་དེའི་ལུས་ཀྱི་རང་བཞིན་མེ་ཏོག་གི་རྡུལ་གྱིས་བདག་ [116a.5]ཉིད་དམར་སེར་དུ་བྱས། ངག་གི་རང་བཞིན་གྱི་སྦྲང་རྩི་འཐུངས། ཡིད་ཀྱི་མེ་ཏོག་ཟོས་པར་བྱས་ཏེ། དེའི་རྗེས་སུ་ཡིད་སྲུབ་དེ་སྒྲུབ་པ་པོའི་དབུགས་ཀྱི་རླུང་གིས་བཀུག་སྟེ། བསྒྲུབ་བྱའི་སྣའི་བུ་ག་ནས་བཏོན་ལ། སྒྲུབ་པ་པོའི་སྣའི་བུ་ག་ནས་སྙིང་གའི་འདམ་སྐྱེས་ལ་བཅུག་སྟེ། གཤོག་ [116a.6]པས་གང་བྱ་བ་དེའི་ལུས་ཀྱི་མེ་ཏོག་གི་རྡུལ་སྤྲུགས། ངག་གི་སྦྲང་རྩི་དང་སེམས་ཀྱི་མེ་ཏོག་སྐྱུག་པར་བསམ་མོ། །དེ་ལྟར་ཡང་ནས་ཡང་དུ་རྗེས་སུ་ཆགས་པ་དག་ལྷག་པར་བསྒོམ་པར་བྱ་སྟེ། བསྒོམས་པའི་མཐར་བསྒྲུབ་བྱའི་མིང་སྤེལ་བའི་སྔགས་བཟླ་བར་བྱའོ། །འདི་དག་གིས་ [116a.7]ཀྱང་གང་དག་དགའ་བས་མྱོས་པར་བྱེད་པའི་རིག་པའི་ཆ་ཤས་ཏེ། བདག་ཉིད་ཀྱི་མི་དབང་དུ་བྱེད་པས་སྔ་བར་ཁྲུས་བྱས་ནས་བསྒོམ་པར་བྱ་སྟེ། གལ་ཏེ་མིའི་འདོད་པ་ལ་སྐྱོན་མཐོང་བ་དེའི་ཚེ་མི་མཐོང་བའི་སྐྱོན་དུ་འགྱུར་བས། དེའི་ཕྱིར་དང་པོ་ཁོ་ནར་དམ་པ་དང་དམ་པ་མ་ཡིན་ [116b] [116b.1]པའི་ཡུལ་ལ་རྣམ་པར་དཔྱད་དེ་བསྒོམ་པར་བྱའོ་ཞེས་པ་བུང་བ་ཡིད་སྲུབ་ཀྱི་རིམ་པའོ། །ཞི་བ་ལ་སོགས་པའི་ལས་རྣམས་སུ་སྦྱིན་སྲེག་ལ་སོགས་པའི་ཆོ་ག་རྣམས་ནི་རྒྱུད་ལ་སོགས་པའི་རྗེས་སུ་འབྲངས་པས་ལེགས་པར་ཤེས་སོ་ཞེས་པས་མ་བྲིས་སོ། །དུར་ཁྲོད་ལ་དགྱེས་པ་ཕྱག་ [116b.2]གཉིས་པ་ཀྱེ་རྡོ་རྗེའི་སྒྲུབ་ཐབས་ནི། སླར་ཡང་སྔར་བཞིན་ཐམས་ཅད་བྱས་ཏེ། སྙིང་གར་ཟླ་བ་ལ་ཧྲཱིཿ་ཡིག་སྔོན་པོ་ལས་རྡོ་རྗེ། དེའི་ལྟེ་བའི་ནང་དུ་སོན་པའི་ཟླ་བ་ལ་གནས་པའི་ཧྲཱིཿ་ཡིག་བསམས་ནས་དེ་ཐམས་ཅད་ཡོངས་སུ་གྱུར་པ་ལས་སྔར་བརྗོད་པའི་གཟུགས་ཅན་གྱི་བཅོམ་ལྡན་ [116b.3]འདས་ཉིད་གཅིག་པུ་བསྒོམ་པར་བྱ་སྟེ། རོ་ལ་གནས་པའི་ཟླ་བ་ཕྱེད་པ་ལ་གར་གྱིས་གནས་པ། མིའི་པགས་པའི་གོས་ཅན་ཏེ། ལྷག་མ་ནི་སྔོན་བཞིན་ནོ། །བཟླས་བྱའི་སྔགས་ནི་ཤྲཱི་ཧེ་རུ་ཀ་བཛྲ་ས་མ་ཡ་ཧྲཱིཿ། སརྦ་དུ་ཥྚཱན་མུ་དྲཱ་པྲ་བྷཉྫ་ཀ་ཧཱུཾ་ཕཊ། འདི་ཡང་བཅོམ་ལྡན་འདས་ [116b.4]ཀྱིས་ཁ་སྦྱོར་ཐིག་ལེའི་རྒྱུད་དུ་གསུངས་སོ། །དེ་ལྟར་སྒོམ་པ་པོ་ལ་ལྟོས་ནས་བསྡུས་ཤིང་གསལ་བ་རིག་མ་དང་བཅས་པ་ལས་ཅིག་ཤོས་སུ་གྱུར་པའི་བཅོམ་ལྡན་འདས་ཙམ་གྱི་སྒྲུབ་ཐབས་བརྗོད་ཟིན་ཏོ། །འདིའི་ཡང་རྒྱས་པ་གསལ་བ་ནི་རྡོ་རྗེ་གུར་གྱི་ནང་དུ་ཆོས་ཀྱི་འབྱུང་གནས་ [116b.5]སྐུ་གསུང་ཐུགས་དག་པས་ཟུར་གསུམ་པ། སྒྲིབ་པ་ཐམས་ཅད་སྤངས་པ་ཉིད་ཀྱིས་སྟོན་ཀའི་ཟླ་བ་ལྟར་དཀར་བ། སྐུ་གསུམ་ས་གཅིག་པ་རྡོ་རྗེའི་རང་བཞིན་ཉིད་ཀྱིས་དང་། ཆོས་ཀྱི་སྐྱེ་གནས་ཆེན་པོ་ཡིན་པའི་ཕྱིར་འོག་ཕྲ་ཞིང་སྟེང་ཡངས་པ་བསྒོམ་པར་བྱའོ། །དེའི་ནང་ [116b.6]དུ་དུར་ཁྲོད་བརྒྱད་ཀྱི་དབུས་སུ་ཟླ་ཉི་ཁ་སྦྱོར་ལ་གནས་པའི་ཧྲཱིཿ་ཡིག་སྔོན་པོ་ལས་སྐྱེས་པའི་རྡོ་རྗེའི་ལྟེ་བའི་ནང་དུ་ཟླ་བ་ལ་གནས་པའི་ཧྲཱིཿ་ཡིག་སྔོན་པོ་བསམས་ནས་ཞེས་པ་ནི་རྒྱས་པའོ། །ཆོས་ཀྱི་འབྱུང་གནས་མཛེས་པའི་ནང་དུ་གནས་པའི་སྣ་ཚོགས་པདྨའི་སྟེང་དུ་སྣ་ཚོགས་ [116b.7]རྡོ་རྗེའི་ཁ་ཁྱེར་གྱི་དབུས་སུ། ཡཾ་རཾ་བཾ་ལཾ་གི་ཡི་གེ་ལས་སྐྱེས་པ་སྔོན་པོ་དང་དམར་པོ་དང་དཀར་པོ་དང་སེར་པོའི་མདོག་ཅན། གཞུའི་དབྱིབས་ཀྱི་མཆོག་མ་གཉིས་ལ་བ་དན་གྱིས་མཚན་པ་དང་། ཟུར་གསུམ་པ་རེ་ཕས་མཚན་པ། ཟླུམ་པོ་བུམ་པས་མཚན་པ། གྲུ་བཞི་པ་ [117a] [117a.1]རྡོ་རྗེ་རྩེ་གསུམ་པས་ཟུར་བཞི་ལ་མཚན་པའི་རླུང་དང་མེ་དང་ཆུ་དང་སའི་རང་བཞིན་གྱི་འབྱུང་བ་ཆེན་པོ་བཞི་ཡོངས་སུ་གྱུར་པ་ལས་ཤེས་རབ་དང་བཅས་པའི་རྣམ་པར་སྣང་མཛད་དག་ཅིང་། སངས་རྒྱས་ཀྱི་ཞིང་ཡང་དག་པར་བསྡུས་པའི་ངོ་བོ། རིན་པོ་ཆེ་སྣ་ [117a.2]ཚོགས་པའི་རང་བཞིན་གྱི་ཁང་པ་བརྩེགས་མ། དེ་བཞིན་གཤེགས་པ་དང་སོ་སོའི་སྐྱེ་བོ་དག་གཉིས་སུ་མེད་པའི་རང་བཞིན་ཉིད་ཀྱི་གཞལ་ཡས་ཁང་པ་གྲུ་བཞི་པ། དེའི་ཤར་ལ་སོགས་པའི་སྒོ་བཞི་ནི་དྲན་པ་ཉེ་བར་གཞག་པ་དང་། ཡང་དག་པར་སྤོང་བ་དང་། རྫུ་འཕྲུལ་གྱི་ [117a.3]རྐང་པ་དང་། དབང་པོ་རྣམ་པར་དག་པའོ། །སྒོ་ཉིད་ནི་བྱང་ཆུབ་ཀྱི་ཐབས་ཉིད་དོ། །འཕགས་པའི་ལམ་ཡན་ལག་བརྒྱད་དག་པས་སྒོ་འགྲམ་བརྒྱད་དུ་ཀ་བ་སྟེ། སངས་རྒྱས་ཐམས་ཅད་ཀྱི་ཡོན་ཏན་གྱིས་ཉེ་བའི་ཀ་བའོ། །སོ་སོ་ཡང་དག་པར་རིག་པ་བཞི་དག་པས་གཞན་གྱི་ [117a.4]དོན་གྱི་ཁུར་ཁྱེར་བ་སྔར་ཐོབ་ཟིན་པའི་ཕྱིར་ཀ་བའི་སྟེང་དུ་གདུང་བཞིའོ། །དཔའ་བར་འགྲོ་བ་དང་། ནམ་མཁའ་མཛོད་དང་། དྲི་མ་མེད་པའི་ཕྱག་རྒྱ་དང་། སེང་གེ་རྣམ་པར་རོལ་པའི་ཏིང་ངེ་འཛིན་བཞི་དག་པས་བརྟན་ཞིང་མཛེས་པའི་སྟེགས་བུ་བཞི་རྣམས་སོ། །བཟོད་པ་དང་ [117a.5]ཆོས་དང་དོན་དང་སྔགས་ཀྱི་གཟུངས་རྣམ་པར་དག་པས་ངོས་སོ་སོར་རམ། བདེན་པ་སོ་སོ་ལ་ཆོས་ཤེས་པའི་བཟོད་པ་དང་། ཆོས་ཤེས་པ་དང་། རྗེས་སུ་རྟོགས་པ་ཤེས་པའི་བཟོད་པ་དང་། རྗེས་སུ་རྟོགས་པ་ཤེས་པའི་མཚན་ཉིད་ཀྱི་སྐད་ཅིག་གི་དབྱེ་བ་རྣམ་པར་དག་པས་ [117a.6]རྩ་བའི་སྒོའི་ངོས་གཉིས་གཉིས་རྣམས་སུ་གཡས་སྐོར་གྱིས་ལྷ་མོ་གཉིས་གཉིས་རིམ་པས་གནས་ཏེ། པི་ཝང་མ་དང་། གླིང་བུ་མ་དང་། རྔ་ཟླུམ་མ་དང་། རྫ་ཟླུམ་མ་དང་། རྫ་རྔ་མ་དང་། ཕྲེང་བ་མ་དང་། སྒེག་མོ་དང་། གླུ་མ་དང་། གར་མ་དང་། མེ་ཏོག་མ་དང་། བདུག་སྤོས་མ་ [117a.7]དང་། མར་མེ་མ་དང་། དྲི་ཆབ་མ་དང་། མེ་ལོང་མ་དང་། རོ་མ་དང་། རེག་བྱ་མ་དང་། ཆོས་མ་སྟེ། ལྷ་མོ་བཅུ་དྲུག་རྣམས་ནི། སེར་མོ་དང་། དམར་མོ་དང་། དཀར་པོ་དང་། དུད་ཁ་དང་། སེར་པོ་དང་། དམར་པོ་དང་། དམར་སྐྱ་དང་། སྣ་ཚོགས་དང་། དཀར་པོ་དང་། [117b] [117b.1]ནག་པོ་དང་། གསེར་མདོག་དང་། སེར་པོ་དང་། དཀར་པོ་དང་། དམར་པོ་དང་། ལྗང་གུ་དང་། དཀར་པོའི་མདོག་ཅན་མ་རྣམས། རང་རང་གི་མིང་དང་རྗེས་སུ་མཐུན་པའི་ཚུལ་ཅན། རང་རང་གི་དང་པོའི་ཡི་གེ་ལས་འཁྲུངས་པའོ། །བརྩེ་བས་བརླན་ཞིང་ཡངས་པའི་བསོད་ནམས་དང་ [117b.2]ཡེ་ཤེས་ཀྱི་ཚོགས་ཀྱི་བདུད་རྩིས་ཡོངས་སུ་གང་བ་རྣམ་པར་དག་པས་བདུད་རྩིས་གང་བའི་བུམ་པ་བརྒྱད་དོ། །བསམ་པའི་དབང་ལས་རྗེས་སུ་འཇུག་པའི་མདོ་སྡེ་དང་། དབྱངས་ཀྱིས་བསྙད་པ་དང་། ལུང་བསྟན་པ་དང་། ཚིགས་སུ་བཅད་པ་དང་། ཆེད་དུ་བརྗོད་པ་དང་། གླེང་ [117b.3]གཞི་དང་། རྟོགས་པ་བརྗོད་པ་དང་། དེ་ལྟ་བུ་བྱུང་བ་དང་། སྐྱེས་པའི་རབས་དང་། ཤིན་ཏུ་རྒྱས་པ་དང་། རྨད་དུ་བྱུང་བ་དང་། གཏན་ལ་ཕབ་པའི་སྡེར་གྲགས་པའི་ཡན་ལག་བཅུ་གཉིས་ཀྱི་དམ་པའི་ཆོས་ཀྱི་སྒྲ་ཐམས་ཅད་དུ་འགྲོ་བ་རྣམ་པར་དག་པས་རླུང་གིས་བསྐྱོད་པའི་བ་དན་ [117b.4]ལ་དྲིལ་བུའི་སྒྲ་དང་ལྡན་པ། ཇི་ལྟ་བར་སྦྱོར་ཞིང་འགྲོ་བའི་འཁོར་བར་ཀུན་ནས་གདུང་བ་ཞི་བ་དག་པས་སམ། རྣམ་པར་རྟོག་པ་མཐའ་དག་སྤངས་པས་གདུགས་དང་། ཇི་ལྟར་བསོད་ནམས་རྣམ་པར་བཀྲ་བའི་རིན་པོ་ཆེ་ལ་སོགས་པ་རྣམས་ཀྱིས་གཞན་གྱི་དོན་ཕུན་སུམ་ཚོགས་པ་ [117b.5]སྒྲུབ་པ་དག་པས་བུམ་པ་བཟང་པོ་དང་དཔག་བསམ་གྱི་ཤིང་རྣམས་སོ། །རྩ་བའི་ཉོན་མོངས་པའི་ཕྱིར་འཇིག་རྟེན་ལས་འདས་པའི་བསྒོམ་པའི་ལམ་རྣམ་པར་དག་པས་དོ་ཤལ། ཉོན་མོངས་པ་རྣམ་པར་སེལ་བའི་ཕྱིར་འཇིག་རྟེན་པའི་བསྒོམ་པའི་ལམ་རྣམ་པར་དག་པས་ [117b.6]དོ་ཤལ་ཕྱེད་པ། བྱང་ཆུབ་ཀྱི་སེམས་རྣམ་པར་དག་པས་ཟླ་བ། ཤེས་རབ་ཡེ་ཤེས་རྣམ་པར་དག་པས་ཉི་མ། དེ་བཞིན་གཤེགས་པའི་ལམ་གྱི་ཡེ་ཤེས་རྣམ་པར་དག་པས་རྔ་ཡབ། བྱང་ཆུབ་ཀྱི་ཡན་ལག་གི་མེ་ཏོག་ཕུན་སུམ་ཚོགས་པ་རྣམ་པར་དག་པས་མེ་ཏོག་གི་ཕྲེང་ [117b.7]པ། མེ་ལོང་གི་ཡེ་ཤེས་རྣམ་པར་དག་པས་མེ་ལོང་སྟེ། དེ་ལྟར་ཡང་ཐམས་ཅད་གསང་ཆེན་གྱི་རྒྱུད་དུ་གསུངས་པ། ཉོན་མོངས་ཐམས་ཅད་ངེས་འཇོམས་པའི། །དོ་ཤལ་དུ་ནི་ཡང་དག་བཤད། །ཉོན་མོངས་རྣམ་འཕྲོག་དོ་ཤལ་ཏེ། །ཀུན་དུ་གཅོད་ཅིང་རབ་འཇོམས་ [118a] [118a.1]པའོ། །རབ་ཏུ་འཇོམས་ཤིང་རྣམ་སེལ་བ། །ཚོགས་གཉིས་ཀྱི་ནི་སྦྱོར་བའོ། །ཉོན་མོངས་རྣམས་ཀྱི་ཕྱེད་འཕྲོག་པའི། །དོ་ཤལ་ཕྱེད་པ་ཞེས་བརྗོད་དོ། །རང་བཞིན་འོད་གསལ་རྣམ་དག་པ། །བྱང་ཆུབ་སེམས་ནི་བླ་ན་མེད། །སེམས་ཅན་ཀུན་དོན་ [118a.2]བྱེད་གྱུར་པའི། །ཟླ་བའི་དཀྱིལ་འཁོར་ཞེས་བརྗོད་དོ། །ཤེས་རབ་ཡེ་ཤེས་རང་བཞིན་དག །རྡོ་རྗེ་ལྟ་བུའི་ཏིང་འཛིན་སྐྱེས། །ཐར་པའི་འཇིག་རྟེན་གཟི་བརྗིད་ཆེ། །ཉི་མའི་དཀྱིལ་འཁོར་བརྗོད་པར་བྱ། །ཀུན་རྟོག་གཉིས་ལས་ངེས་གྲོལ་བའི། །ཏིང་འཛིན་ཡེ་ཤེས་རྟོག་ [118a.3]པའོ། །ལམ་གྱི་ཡེ་ཤེས་ཁྱད་པར་ནི། །རྔ་ཡབ་ཏུ་ནི་ཡང་དག་བཤད། །དེ་བཞིན་བྱང་ཆུབ་ཡན་ལག་བདུན། །ཕྲེང་བ་མེ་ཏོག་ཆུན་འཕྱང་ལྡན། །ཞེས་སོ། །བློ་གྲོས་ཕྲ་བ་དང་རགས་པ་དང་བར་མ་རྣམས་དང་ངེས་པ་དང་བྲལ་བ་རྣམས་ལ་ཇི་ལྟར་འོས་པའི་ཆོས་ [118a.4]སྟོན་པ་བསྲུང་བ་མེད་པ་དག་པས་བསྲུང་བ་མེད་པའི་བ་ཀུ་ལིའི་ཕྲེང་བ་དམར་པོ། འཇིག་རྟེན་ལས་འདས་པའི་མཆོག་ཏུ་དཀར་བའི་ཆོས་སྟོན་པ་དག་པས་ཀྲ་མ་ཤཱིཪྵ། བསམ་གཏན་བཞི་དག་པས་རྟ་བབས་བཞིའོ། །ཆོས་སྟོན་པའི་མི་མཐུན་ཕྱོགས་གཅོད་པ་དག་ [118a.5]པས་ཆོས་ཀྱི་འཁོར་ལོ་སྟེ། དེའི་རྩིབས་ནི། ཕྱོགས་གཅིག་ལ། དུཿ་ཁ་དང་། ཀུན་འབྱུང་དང་། འགོག་པ་དང་། ལམ་དང་། ཀུན་རྫོབ་དང་། དོན་དམ་པ་དང་། འཇིག་རྟེན་པ་དང་། འཇིག་རྟེན་ལས་འདས་པ་དག་པ་བརྒྱད་དོ། །ལུགས་གཞན་ལ་བཅུ་གཉིས་ཏེ། [118a.6]དུཿ་ཁ་ཤེས་པར་བྱའོ། །ཤེས་སོ། །སླར་ཤེས་པར་བྱར་མེད་དོ། །ཀུན་འབྱུང་སྤང་བར་བྱའོ། །སྤངས་སོ། །སླར་སྤང་བར་བྱར་མེད་དོ། །འགོག་པ་མངོན་དུ་བྱའོ། །བྱས་སོ། །སླར་བྱར་མེད་དོ། །ལམ་བསྒོམ་པར་བྱའོ། །བསྒོམས་སོ། །སླར་བསྒོམ་པར་བྱར་ [118a.7]མེད་དོ་ཞེས་རྣམ་པ་བཅུ་གཉིས་ཀྱི་ཆོས་ཀྱི་འཁོར་ལོ་བསྐོར་བ་ཡོངས་སུ་དག་པ་དང་། རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་དག་པའོ། །བཅོམ་ལྡན་འདས་ཀྱིས་གསུངས་པའི་ཆོས་ཚད་མ་ཡོངས་སུ་དག་པ་བསྟེན་པའི་དྲིན་ལས། མུ་སྟེགས་ངན་པའི་རི་ [118b] [118b.1]དགས་དང་རི་དགས་མོ་ཆོས་དང་དད་པའི་རྗེས་སུ་འབྲངས་ཏེ་ལམ་ལ་སྦྱོར་བ་དག་ཅིང་། ཆོས་ཀྱི་འཁོར་ལོ་ཞེས་པ་ལ་མངོན་པར་སྦྱོར་བ་དག་པས་མགྲིན་པ་བསྙེངས་པ་དང་ལྡན་པའི་རི་དགས་དང་རི་དགས་མོའོ། །ཁྲེལ་ཡོད་པ་དག་པས་ནི་བླ་རེ་དང་གོས་དང་ཕྲེང་བ་ལ་སོགས་པའོ། ། [118b.2]ཐམས་ཅད་ནས་སོ་སོར་འཆིང་བ་མེད་པས་ཡང་དག་པར་རྫོགས་པའི་སངས་རྒྱས་ཐམས་ཅད་ཀྱི་རྡོ་རྗེའི་ཚུལ་གྱི་ཆོས་ཀྱི་འཁོར་ལོ་རབ་ཏུ་བསྐོར་བ་དག་པས་རྡོ་རྗེའི་ཕྲེང་བ། ཡང་དག་པའི་ཡེ་ཤེས་ཀྱི་གཟིགས་པ་དག་པས་འོད་ཟེར་འབར་བ། རྣམ་པར་སྣང་མཛད་ལ་སོགས་པ་ [118b.3]དག་པས་སའི་ཁ་དོག་ལ་སོགས་པ་སྟེ། གཞན་ནི་གྲགས་ཟིན་པའི་ཕྱིར་མ་བྲིས་སོ། །འདི་ལྟར་ཁང་པ་བརྩེགས་པ་བསྒོམ་པར་བྱས་ནས། དེའི་དབུས་སུ་སྣ་ཚོགས་པདྨ་ལ་སོགས་པའི་རིམ་པས་སྔར་བཞིན་བདག་ཉིད་བཅོམ་ལྡན་འདས་སུ་བསྒོམ་པར་བྱ་སྟེ། སྐུ་གསུང་ཐུགས་ཀྱི་རང་ [118b.4]བཞིན་གྱི་ཨོཾ་ཨཱཿ་ཧཱུཾ་ཞེས་པའི་ཡི་གེ་གསུམ་ཧོ་ཡིག་དམར་པོ་གཉིས་ཀྱི་ཁོངས་སུ་ཆུད་པ་བར་དོའི་སེམས་ཅན་དུ་གྲགས་པ་ཀུན་དུ་དགའ་བ་བཅས་པས་བཅོམ་ལྡན་འདས་ཀྱི་ཞལ་ནས་ཞུགས་རྡོ་རྗེའི་ལམ་ནས་ལྷ་མོའི་པདྨར་ཞུགས་པ་ལྟོ་བར་ཞུ་བར་གྱུར་ཅིང་། བཅོམ་ལྡན་འདས་ [118b.5]ཀྱང་མཐར་ཤིན་ཏུ་ཆགས་པ་ཆེན་པོས་རང་གི་རིག་མ་དང་བཅས་པ་ཞུ་བར་གྱུར་ཏེ། དངུལ་ཆུ་དང་མཚུངས་པའི་བྱང་ཆུབ་ཀྱི་སེམས་ཀྱི་གཟུགས་ཀྱིས་བདེ་བ་ཆེན་པོའི་རང་བཞིན་དུ་གནས་སོ། །དེ་ནས་བར་མ་ཆད་པར་བྱམས་པ་ཆེན་པོ་ལ་སོགས་པའི་རང་བཞིན་པུཀྐ་སཱི་ [118b.6]ལ་སོགས་པའི་རྣལ་འབྱོར་མ་རྣམས་ཀྱིས་བདག་ཅག་རྣམས་མགོན་མེད་དོ་ཞེས་ཡིད་ལ་ཤིན་ཏུ་གཅགས་པས། རྗེ་བཙུན་སྙིང་རྗེའི་ཡིད་བཞེངས་ཤིག །པུཀྐ་སཱི་ནི་བདག་ལ་སྐྱོབས། །སྟོང་པའི་རང་བཞིན་ཉིད་སྤོངས་ལ། །བདག་ལ་བདེ་ཆེན་སྦྱོར་བཞེད་མཛོད། །ཁྱོད་ [118b.7]མེད་ན་ནི་བདག་འགུམ་པས། །ཀྱེ་ཡི་རྡོ་རྗེ་ཁྱོད་བཞེངས་ཤིག །སྟོང་པའི་རང་བཞིན་ཉིད་སྤོངས་ལ། །རི་ཁྲོད་མ་འབྲས་གྲུབ་པར་མཛོད། །དགའ་གཙོ་འཇིག་རྟེན་མགྲོན་གཉེར་བ། །སྟོང་པ་ཉིད་ལ་ཞུགས་སམ་ཅི། །ཁྱོད་མེད་ཕྱོགས་ནི་མ་འཚལ་བ། །གདོལ་པ་ [119a] [119a.1]མོ་དག་ཞུ་བ་བགྱིད། །བདག་གིས་ཁྱོད་ཀྱི་ཐུགས་འཚལ་གྱིས། །གཡུང་མོ་བདག་ཡིད་དྲན་ཉམས་པས། །སྙིང་རྗེ་རྒྱུན་ཆད་མ་མཛད་པར། །མི་འཕྲུལ་མངའ་བ་ཁྱོད་བཞེངས་ཤིག །ཅེས་རྡོ་རྗེའི་གླུ་ཅན་རྣམས་ཀྱིས་ཡང་དག་པར་བསྐུལ་བ་དང་། སྔོན་གྱི་ [119a.2]སྨོན་ལམ་གྱིས་བསྐུལ་བས་རྡོ་རྗེའི་གླུའི་སྒྲ་ཙམ་གྱིས་སད་པའམ། རྨི་ལམ་སད་པ་ལྟ་བུར་བཞེངས་ཏེ། དེ་ནས་ཤར་ལ་སོགས་པའི་ཕྱོགས་ཀྱི་འདབ་མ་རྣམས་སུ་ཇི་ལྟ་བའི་རིམ་པས། ཚངས་པ་དང་། དབང་པོ་དང་། ཉེ་དབང་དང་། དྲག་པོ་རྣམས་དང་། དབང་ལྡན་ལ་སོགས་ [119a.3]པའི་ཕྱོགས་བྲལ་གྱི་འདབ་མ་རྣམས་སུ་གཤིན་རྗེ་དང་། ལུས་ངན་དང་། སྲིན་པོ་དང་། ཐགས་བཟངས་རིས་རྣམས་ཀྱི་སྙིང་གར་ཟླ་བ་ལ་གནས་པའི་ཟླ་བ་དང་། ཉི་མ་ཁ་སྦྱར་བའི་དབུས་སུ་ཆོ་ག་བཞིན། །བཅོམ་ལྡན་འདས་ལས་ཉེ་བར་སྤྲོས་པའི་བྱང་ཆུབ་ཀྱི་སེམས་ཀྱི་ [119a.4]ཐིག་ལེ་བརྒྱད་ལས་སྐྱེས་པའི་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་གི་ཡི་གེ་ལ་ས་སྐྱེས་པའི་གྲི་གུག་དང་། ཅང་ཏེའུ་དང་། རུས་སྦལ་དང་། སྦྲུལ་དང་། སེང་གེ་དང་། དགེ་སློང་དང་། འཁོར་ལོ་དང་། རྡོ་རྗེ་རྣམས་ལ། ཟླ་བ་ལ་རྟག་ཏུ་གནས་པའི་གཞན་ཉིད་མ་ཡིན་པའི་ཡི་གེ་བལྟས་ [119a.5]ནས། ལྔའི་འབྱུང་གནས་ཀྱི་མངོན་པར་བྱང་ཆུབ་པའི་རིམ་པས། དེ་ཐམས་ཅད་ཡོངས་སུ་གྱུར་པ་ལས། གཽ་རཱི་ལ་སོགས་པའི་རྣལ་འབྱོར་མ་བརྒྱད་ཇི་ལྟར་གསུངས་པའི་ཁ་དོག་ཅན། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་ཀྱི་ཕུང་པོ་དང་། ས་དང་། [119a.6]ཆུ་དང་། མེ་དང་། རླུང་གི་ཁམས་ཀྱི་རང་བཞིན་ཅན་ཞལ་གཅིག་པ། དམར་ལ་ཟླུམ་པའི་སྤྱན་གསུམ་དང་ལྡན་པ། ཕྱག་གཉིས་པ། གཡས་ཀྱི་ཕྱག་གིས་གྲི་གུག་དང་། ཅང་ཏེའུ་དང་། རུས་སྦལ་དང་། སྦྲུལ་དང་། སེང་གེ་དང་། དགེ་སློང་དང་། འཁོར་ལོ་དང་། རྡོ་རྗེ་ [119a.7]རྣམས་ཏེ། དངོས་པོ་ལ་སོགས་པའི་རྣམ་པར་རྟོག་པ་གཅོད་པ་དང་། གསུང་རབ་དང་། ཕྲག་དོག་དང་། ཞེ་སྡང་དང་། ང་རྒྱལ་དང་། བྱང་ཆུབ་ཀྱི་སེམས་དང་། མི་ཤེས་པ་གཅོད་པ་དང་། ཡེ་ཤེས་རྣམས་པར་དགེ་བའི་རྣམ་འཕྲུལ་ལོ། །གཡོན་ན་རོ་ཧི་ཏ་དང་། ཕག་དང་། [119b] [119b.1]ཐོད་པ་དང་རྣལ་འབྱོར་ལྷུང་བཟེད་དང་། དགྲ་སྟ་དང་། འཁར་གསིལ་དང་། ཐོང་གཤོལ་དང་། སྡིགས་མཛུབ་ཅན་ཏེ། སར་སྣ་དང་། གཏི་མུག་དང་། སྟོང་པ་ཉིད་དང་། ཆགས་པའི་ཚོགས་ལ་སོགས་པ་གཅོད་པ་དང་། འདི་རྣམས་ཀྱི་དྲན་པ་གསོ་བ་དང་། བགེགས་དྲུངས་འབྱིན་པ་དང་། [119b.2]ཆོས་གཅིག་པའི་ངོ་བོ་ཉིད་རྣམ་པར་དག་པའི་རྣམ་པར་འཕྲུལ་པའོ། །ཚངས་པ་ལ་སོགས་པའི་སྙིང་གར་ཟླ་བ་རྣམས་ལ་སྐྱིལ་ཀྲུང་ཕྱེད་པའི་གར་གྱིས་གནས་པ། ཕྱག་རྒྱ་ལྔ་འཛིན་མ། མགོ་བོ་རློན་པའི་ཕྲེང་བ་དང་ལྡན་པ། རྣམ་པར་འགྱུར་བའི་ཞལ་ཅན། དབུ་སྐྲ་དམར་ [119b.3]སེར་གྱེན་དུ་བརྫེས་པ། ཕྱོགས་ཀྱི་གོས་ཅན་དུ་བསྒོམ་པར་བྱའོ། །ཐམས་ཅད་རྣམས་ཀྱི་སྙིང་གར་ཟླ་བ་ལ་གནས་པའི་རང་རང་གི་ཕྱག་མཚན་རྣམས་སུ་ཟླ་བ་ལ་གནས་པའི་རང་རང་གི་ས་བོན་བསམས་ཤིང་། རྐྱེན་གྱིས་སྤྲོ་བསྡུས་སྔོན་དུ་འགྲོ་བའི་དོན་བྱས་ཏེ། དེའི་རྗེས་སུ་སྙིང་གའི་ [119b.4]ས་བོན་གྱི་འོད་ཟེར་རྣམས་ཀྱིས་བཀུག་པའི་ཡེ་ཤེས་ཀྱི་འཁོར་ལོ་སྤྲོས་པའི་གཽ་རཱིས། ཨོཾ་གཽ་རཱི་ཨཱ་ཀཪྵ་ཡ་ཛཿ་ཞེས་པས་དགུག །ཨོཾ་ཙོ་རཱི་པྲ་བེ་ཤ་ཡ་ཧཱུཾ་ཞེས་པ་ཅཽ་རཱིས་བཅུག །ཨོཾ་བེཏཱ་ལཱི་བནྡྷ་ཡ་བཾ་ཞེས་བེ་ཏཱ་ལཱིས་བཅིངས། ཨོཾ་གྷསྨ་རཱི་ཏོ་ཥ་ཡ་ཧོཿ །ཞེས་དབང་དུ་བྱས་ཏ་དེ་ [119b.5]ནས་དབང་བསྐུར་བའི་མཐར། ཕྱོགས་ཀྱི་འདབ་མ་རྣམས་ལ་གནས་པའི་གོ་བོ་རཱི་ལ་སོགས་པ་རྣམས་ལ། མི་བསྐྱོད་པ་དང་། རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། འོད་དཔག་མེད་རྣམས་ཀྱིས་སོ། །པུཀྐ་སཱི་ལ་སོགས་པ་རྣམས་ཀྱི་འང་གོ་བོ་རཱི་ལ་སོགས་པ་དེ་ [119b.6]རྣམས་ཉིད་ཀྱི་རྗེས་སུ་རིམ་པས་མི་བསྐྱོད་པ་ལ་སོགས་པའི་ཕྱག་རྒྱར་རྣམ་པར་དག་པ་ནི་བརྟག་པ་གཉིས་པ་བཞིན་ནོ། །དེ་ནས་གོ་ཆ་ལ་སོགས་པ་ཐམས་ཅད་སྔོན་བཞིན་ཉིད་དོ། །བདུད་རྩི་མྱང་བ་ནི། ཆོ་ག་ཇི་ལྟ་བ་བཞིན་བཅོམ་ལྡན་འདས་ཉིད་ལ་རང་གི་ཤེས་རབ་ [119b.7]མས་དབུལ་ཏེ། འཁོར་གྱི་གཽ་རཱི་ལ་སོགས་པས་ནི་ལྕེ་རྡོ་རྗེའི་སྦྱོར་བས་མྱོང་བར་བྱའོ། །སླར་ཡང་འདིར་ཁང་པ་བརྩེགས་པ་ནི་བརྟག་པས་སོ། །དབང་བསྐུར་བ་དེ་བཞིན་གཤེགས་པ་མི་བསྐྱོད་པ། བདུད་རྩི་མྱང་བ་འོད་དཔག་མེད་ཀྱི། བསྟོད་པ་རིན་ཆེན་འབྱུང་ལྡན། [120a] [120a.1]མཆོད་པ་དོན་ཡོད་གྲུབ་པར་ཡང་དག་པར་བཤད་ཅིང་། རྗེས་སུ་ཆགས་པ་རྡོ་རྗེ་སེམས་དཔར་རྟག་ཏུ་བསམས་ཏེ། འདི་ནི་དངོས་གྲུབ་ཀྱི་ཡན་ལག་དྲུག་ཏུ་ཉེ་བར་བརྗོད་པར་བྱའོ། །འདི་རྣམས་ཀྱང་འཆད་པར་འགྱུར་བའི་དཀྱིལ་འཁོར་གསུམ་ལ་ཡང་བལྟ་བར་ [120a.2]བྱའོ། །འོད་གསལ་དུ་གཞུག་པ་ནི། འཇིག་རྟེན་གསུམ་དུས་གཅིག་ཏུ་དུར་ཁྲོད་ལ་དུར་ཁྲོད། ཁང་པ་བརྩེགས་པ་ལ་ཁང་པ་བརྩེགས་པ། གཽ་རཱི་ལ་སོགས་པ་རྣམས་ལ། གཽ་རཱི་ལ་སོགས་པ་རང་རང་གི་ཕྱོགས་ཀྱི་བཅོམ་ལྡན་འདས་ཀྱི་བ་སྤུའི་ཁུང་བུ་རྣམས་སུ་སྟེ། ལྷག་ [120a.3]མ་ནི་སྔར་བཞིན་ནོ། །དེ་ནས་བདག་མེད་མ་ལ་སོགས་པ་རྣམས་ཀྱི་སྔགས་སུ་འགྱུར་བ་ནི། ཨོཾ་ཨཾ་སྭཱ་ཧཱ། བདག་མེད་མའི་སྙིང་པོའི་སྔགས་སོ། །ཨོཾ་ལཱིཾ་སྭཱ་ཧཱ། གཽ་རཱིའིའོ། །ཨོཾ་ཨེཾ་སྭཱ་ཧཱ། ཆོམ་རྐུན་མའིའོ། །ཨོཾ་ཨཻཾ་སྭཱ་ཧཱ། རོ་ལངས་མའིའོ། །ཨོཾ་ཨོཾ་སྭཱ་ཧཱ། གྷསྨ་ [120a.4]རཱིའི་སྟེ་ལས་ཐམས་ཅད་པའི་སྔགས་སོ། །ཨོཾ་ཨཱུཾ་སྭཱ་ཧཱ། པུཀྐ་སཱིའིའོ། །ཨོཾ་རཾ་སྭཱ་ཧཱ། ཤ་བ་རཱིའིའོ། །ཨོཾ་ལཾ་སྭཱཧཱ། གཡུང་མོའིའོ། །འདིར་གང་གི་ཆོ་དམ་ཚིག་གི་བཟླས་པ་བྱེད་པར་འདོད་པ་དེའི་ཚེ། སྙིང་གའི་ས་བོན་ལས་སྙིང་པོའི་སྔགས་དང་ཉེ་བའི་སྙིང་པོའི་ [120a.5]སྔགས་འཆད་པར་འགྱུར་བ་དག་བརྗོད་པའི་ཚེ། དཀྱིལ་འཁོར་གྱི་ལྷའི་ཆོགས་ཡང་དག་པར་སྤྲོས། འགྲོ་བའི་དོན་བྱས་ནས་སྔགས་དང་ལྷན་ཅིག་པ་ཉིད་ཀྱི་ཕྲེང་བའི་ཚུལ་གྱིས་བཀུག་སྟེ། རླུང་འཇུག་པ་དེའི་ཚེ་དེ་ཉིད་སྙིང་གའི་ས་བོན་ལ་གཞུག་པར་བྱ་ཞིང་། ལྷ་རྣམས་ཀྱི་ [120a.6]སྔགས་སོ་སོར་བརྗོད་པ་ཡོངས་སུ་རྫོགས་པ་ན། རེ་རེ་ནས་སྤྲོ་ཞིང་བསྡུ་བར་བྱའོ་ཞེས་པ་དམ་ཚིག་གི་བཟླས་པའོ། །གང་ཡང་བརྟག་པ་གཉིས་པར་གསུངས་པ། རྡོ་རྗེ་མ་དང་། དཀར་མོ་དང་། ཆུ་མ་དང་། རྡོ་རྗེ་མཁའ་འགྲོ་མ་དང་། བདག་མེད་མ་དང་། མཁའ་སྤྱོད་མ་དང་། [120a.7]ས་སྤྱོད་མའི་རྣལ་འབྱོར་ལས་རེངས་པར་བྱེད་པ་ལ་སོགས་པ་བརྟུལ་ཞུགས་ཅན་གྱིས་བྱེད་དོ་ཞེས་གསུངས་པའི་ཕྱིར། འདིར་ཡང་བླ་མ་དང་ཕན་ཚུན་དབྱེར་མེད་པར་འགྲོགས་པའི་མན་ངག་ལས་ལས་རབ་ཏུ་རྒྱས་པ་བྲི་བར་བྱ་སྟེ། ཨཾ་གི་ས་བོན་ལས་སྐྱེས་པའི་རྡོ་རྗེ་མ་སེར་མོ་ [120b] [120b.1]གཡོན་པའི་ཕྱག་དག་གིས་ཐོད་པ་དང་ཁ་ཊྭཱཾ་ག །གཡས་པའི་ཕྱག་དག་གིས་རྡོ་རྗེ་དང་གྲི་གུག་འཛིན་པ་ཅན་གྱི་སྙིང་གར་ས་བོན་ཧཱུཾ་སེར་པོ་རྣམ་པར་བསྒོམས་ཏེ། ཨོཾ་ཧཱུཾ་སྭཱ་ཧཱ། ཞེས་སྔོན་དུ་བསྙེན་པ་འབུམ་བྱས་པའི་མཐར། །འཆད་པར་འགྱུར་བའི་སྤེལ་ཚིག་དང་ [120b.2]བཅས་པའི་སྔགས་ཀྱིས་ཆོ་ག་ཇི་ལྟ་བར་སྦྱིན་སྲེག་བྱ་སྟེ། འདིའི་ཡང་ལས་ཀྱི་མཐར་སོ་མ་བཏང་བའི་ཁམ་ཕོར་གཉིས་སུ། ཐོད་ལེ་ཀོར་སེར་པོས་བུམ་པས་མཚན་པའི་ཆུའི་དཀྱིལ་འཁོར་ཟླུམ་པོ་ལ་གནས་པའི་སྣ་ཚོགས་རྡོ་རྗེ་དང་། ཨོཾ་ཧཱུཾ་བཛྲེ་ཆེ་གེ་མོ་སྟཾ་བྷ་ཡ་ཧཱུཾ་སྭཱ་ཧཱ། [120b.3]ཞེས་པའི་རིག་པ་བྲིས་ནས། གཅིག་དུར་ཁྲོད་ཀྱི་ཐལ་བས་བཀང་སྟེ། ཁམ་ཕོར་གཞན་གྱིས་ཁ་སྦྱར་བར་བྱས་པའི་སྟེང་དུ། དབང་ཆེན་དཀྱིལ་འཁོར་ཟུང་ལ་ཕྱོགས་སུ་རྡོ་རྗེས་ཉེ་བར་མཚན་པ་བྲིས་ནས་ས་འོག་ཏུ་བཞག་ནས། བུད་མེད་རྐང་པ་གཡོན་དང་། སྐྱེས་པ་རྐང་པ་ [120b.4]གཡས་ཀྱིས་མནན་པའི་ཏིང་ངེ་འཛིན་གྱིས་གནས་པའི་མཐར་སྔགས་བཟླས་པར་བྱ་སྟེ། སྟོང་གིས་བསྒྲུབ་བྱ་རེངས་པར་བྱེད་དོ། །ཨིཾ་ལས་རྫོགས་པའི་དཀར་མོ་གུར་གུམ་གྱི་མདོག་ཅན་ཞགས་པ་དང་། ཁ་ཏྭཱཾ་དང་། ལྕགས་ཀྱུ་དང་། རྡོ་རྗེ་འཛིན་པ། སྙིང་གར་སོན་པའི་ཨཾ་ཡིག་ [120b.5]དམར་པོའི་ས་བོན་ཅན་བསམས་ནས། ཨོཾ་ཨཾ་སྭཱ་ཧཱ། ཞེས་སྔོན་དུ་བསྙེན་པ་འབུམ་བྱས་ཏེ། སྤེལ་ཚིག་དང་བཅས་པའི་སྔགས་ཀྱིས་ཆོ་ག་ཇི་ལྟ་བར་སྦྱིན་སྲེག་བྱ་སྟེ། འདིའི་ལས་ཀྱི་མཐར་ཡང་། བསྒྲུབ་བྱ་དམར་པོ་སྐྲ་གྲོལ་བ་མན་ན་ནས། མགྲིན་པ་ཞགས་པས་བཅིངས། [120b.6]ལྕགས་ཀྱུས་སྐྱེ་གནས་ཕུག་ནས་བཀུག་སྟེ། རྐང་པའི་འོག་ཏུ་འགྱེལ་བར་བསམས་ནས། དེའི་སྐྱེ་གནས་སུ་ཨཾ་ཡིག་དམར་པོ་དེ་ལས་མེ་འབར་ཞིང་རྣམ་པར་འབར་བར་བསམ་པར་བྱའོ། །སྐྱེས་པ་ལ་ནི་དེ་བཞིན་ཁོ་ནར་སྙིང་གར་རོ། །ཨོཾ་ཨཾ་གཽ་རཱི་ཨ་མུ་ཀཱི་མེ་བ་ཤ་མ་ [120b.7]ནཱ་ཡ་སྭཱ་ཧཱ། ཞེས་བཟླས་པས་ངེས་པར་དེ་དབང་དུ་འགྱུར་རོ། །ཨིཾ་གི་ས་བོན་ལས་སྐྱེས་པའི་ཆུ་མ་སྔོན་མོ་ཐོད་པ་དང་། ཐོ་བ་དང་། རྡོ་རྗེ་དང་། སྡིགས་མཛུབ་འཛིན་པ། སྙིང་གར་ཉི་མ་ལ་གནས་པའི་ཁཾ་ཡིག་སྔོན་པོ་ཅན་བལྟས་ནས། ཨོཾ་ཁཾ་སྭཱ་ཧཱ། ཞེས་འབུམ་ [121a] [121a.1]བཟླས་བ་བྱས་ཏེ། སྤེལ་ཚིག་དང་བཅས་པའི་སྔགས་ཀྱིས་ཇི་ལྟ་བར་སྦྱིན་སྲེག་བྱའོ། །འདིའི་ཡང་ལས་ཀྱི་མཐར་བསྒྲུབ་བྱ་སྐྲ་གྲོལ་བ་མནན་པ་རླུང་ལ་གནས་པ། རྔ་མོ་སྔོན་མོ་ལ་ཞོན་པ་ཁ་ལྷོར་ཕྱོགས་ཤིང་ཁྲོས་པས་ཐོ་བས་བསྣུན་བཞིན་པ་བསམ་པར་ [121a.2]བྱས་ནས། ཨོཾ་ཁཾ་པཱ་རི་ཡོ་གེ་ནཱི་ཨ་མུ་ཀཾ་ཨུ་ཙྪ་ཊ་ཡ་ཁཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བཟླས་ཏེ། མཚན་མོ་བདུན་གྱིས་སྐྲོད་པར་བྱེད་དོ། །ཨུ་ཡིག་ལས་སྐྱེས་པའི་རྡོ་རྗེ་མཁའ་འགྲོ་མ་ཆུ་མ་ལྟ་བུའི་སྙིང་གར་ཉི་མ་ལ་གནས་པའི་ཛྲཱྀཾ་ཡིག་སྔོན་པོ་ཅན་བསམས་ནས། ཨོཾ་ཛྲཱཾ་སྭཱ་ཧཱ། ཞེས་ [121a.3]འབུམ་བཟླས་ཏེ། སྤེལ་ཚིག་དང་བཅས་པའི་སྔགས་ཀྱིས་ལས་དང་རྗེས་སུ་མཐུན་པའི་སྦྱིན་སྲེག་བྱ་སྟེ། འདིའི་ཡང་ལས་མཐའ་བྱ་བ། བསྒྲུབ་བྱ་དག་རྟ་དང་མ་ཧེ་ལ་ཞོན་པ་ཕ་རོལ་དང་ཕ་རོལ་དག་རྩོད་པར་བྱེད་བཞིན་པ་བསམ་པར་བྱ་སྟེ། ཨོཾ་ཛྲཱྀཾ་བཛྲ་ཌཱ་ཀི་ནཱི་ཆེ་གེ་དང་ཆེ་གེ་དག་ [121a.4]བི་དྭེ་ཥཾ་ཀུ་རུ་སྭཱ་ཧཱ། ཛྲཱྀཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བཟླས་པས་རྣམ་པར་སྡང་བར་བྱེད་དོ། །ཨཾ་གི་ས་བོན་ལས་སྐྱེས་པའི་བདག་མེད་མ་སྔོན་མོ། རྣམ་པར་འགྱུར་བའི་གཟུགས་ཅན་ཐོད་པ་དང་ཁ་ཊྭཱཾ་ག་དང་། རྡོ་རྗེ་དང་། གྲི་གུག་འཛིན་པའི་སྙིང་གར་ཉི་མ་ལ་བུཾ་ཡིག་སྔོན་པོ་ [121a.5]ཅན་བསམས་ཏེ། ཨོཾ་བུཾ་སྭཱ་ཧཱ། ཞེས་འབུམ་བཟླས་པར་བྱ་སྟེ། སྤེལ་ཚིག་དང་བཅས་པའི་སྔགས་ཀྱིས་ཆོ་ག་ཇི་ལྟ་བར་སྦྱིན་སྲེག་བྱའོ། །འདིའི་ཡང་ལས་ཀྱི་མཐར། བྲམ་ཟེའི་ཐོད་པར་དུག་དང་སྐེ་ཚེ་དང་། སྡིགས་མཛུབ་ཀྱི་ཁྲག་གིས་འཁོར་ལོ་ཟུར་དྲུག་པ་ཟུར་རྣམས་ས་ཧཱུཾ་ [121a.6]དང་ལྡན་ཞིང་། དབུས་སུ་ཨོཾ་བུཾ་ནཻ་ར་ཨཱ་ཏྨྱ་ཨ་མུ་ཀ་ཛཱ་ར་ཡ་བུཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་པའམ་ཉེ་བར་འཚེ་བ་མཐའ་དག་སྤེལ་ཏེ་བྲིས་ནས་བཟླས་ཏེ། ཕུབ་མའི་མེ་མདག་ལ་གདུང་བར་བྱ་སྟེ། རིམས་ཀྱིས་འདེབས་པར་བྱེད་དོ། །ཨཾ་ལས་སྐྱེས་པའི་མཁའ་སྤྱོད་མ། དཀར་ [121a.7]མོ་ལྟ་བུའི་སྙིང་གར་ཧཱུཾ་ཡིག་དམར་པོའི་ས་བོན་ཅན་བསམ་པར་བྱས་ནས། ཨོཾ་ཧཱུཾ་སྭཱ་ཧཱ། ཞེས་འབུམ་བཟླས་པ་བྱས་ཏེ། སྤེལ་ཚིག་དང་བཅས་པའི་སྔགས་ཀྱིས་ཆོ་ག་ཇི་ལྟར་སྦྱིན་སྲེག་བྱའོ། །འདིའི་ཡང་ལས་ལ་བསྒྲུབ་བྱ་རླུང་དང་མེའི་དཀྱིལ་འཁོར་གྱི་སྟེང་དུ་རྣམ་པར་ [121b] [121b.1]འབར་བར་བསམས་ཏེ། རང་གི་སྙིང་གའི་ས་བོན་གྱི་འོད་ཟེར་གྱི་ལྕགས་ཀྱུ་སྣ་བུག་གཡོན་ནས་ངེས་པར་སོང་ནས། བསྒྲུབ་བྱ་རྣམས་ཀྱི་སྣ་གཡས་པའི་སྦུ་གུ་ནས་བཅུག །སྙིང་ག་དང་སྐྱེ་གནས་ཕུག །སྣ་གཡོན་ནས་འཐོན་ཏེ། རང་གི་སྣ་གཡས་ནས་སྙིང་གའི་ས་བོན་ལ་ [121b.2]གཞུག་པར་བྱ་ཞིང་། དབུགས་ཀྱི་རླུང་གིས་དགུག་པར་བྱ་སྟེ། ཨོཾ་ཧཱུཾ་ཁེ་ཙ་རི་ཨ་མུ་ཀཱི་ནཱ་ཨཱ་ཀཪྵ་ཡ་ཧཱུཾ་སྭཱ་ཧཱ། ཞེས་བཟླས་པས་འགུགས་པར་བྱེད་དོ། །ཨཾ་ཡིག་ལས་སྐྱེས་པའི་ས་སྤྱོད་མ་བདག་མེད་མ་དང་འདྲ་བའི་སྙིང་གར་གྷུཿ་ཡིག་སྔོན་པོ་ཅན་བསྒོམ་པར་བྱ་སྟེ། ཨཾ་ [121b.3]གྷུཿ་སྭཱ་ཧཱ། ཞེས་བསྙེན་པ་འབུམ་བྱས་ཏེ། སྤེལ་ཚིག་དང་བཅས་པའི་སྔགས་ཀྱིས་སྔོན་བཞིན་སྦྱིན་སྲེག་བྱའོ། །འདིའི་ཡང་ལས་ལ་གྷུཿ་ཡིག་ལས་སྐྱེས་པའི་འབར་བའི་རྡོ་རྗེ། བསྒྲུབ་བྱའི་འོག་སྒོ་ནས་རྐེད་པ་ཙམ་དུ་ཟུག་པར་བསམ་པར་བྱ་སྟེ། ཨོཾ་གྷུཿ་བྷུ་ཙ་རི་ [121b.4]ཨ་མུ་ཀཾ་མཱ་ར་ཡ་གྷུཿ་ཧཱུཾ་ཕཊ་སྭཱ་ཧཱ། ཞེས་བཟླས་པས་གསོད་པར་བྱེད་དོ། །རྒྱུད་དུ་གསུངས་པའི་སྔགས་ཀྱི་རིམ་པ་ལས་འདིར། ས་སྤྱོད་མ་དང་། མཁའ་སྤྱོད་མ་དག་རིམ་པ་ལས་འདས་པའོ། །རྡོ་རྗེ་མ་ལ་སོགས་པ་བདུན་པོ་འདི་རྣམས་ཀྱང་ཉི་མ་དང་རོ་ལ་གར་སྟབས་ [121b.5]ཀྱིས་གནས་པ། ཕྱག་བཞི་པ། ཕྱག་རྒྱ་ལྔ་ཡིས་བརྒྱན་པ། མགོ་སྐྱེས་དམར་པོ་གྱེན་དུ་བརྫེས་པའོ་ཞེས་སོ། །དེ་ནས་རྡོ་རྗེ་མ་ལ་སོགས་པ་རྣམས་ཀྱི་སྙིང་པོའི་སྔགས་སུ་འགྱུར་བ་ནི། ཨོཾ་ཨཱཾ་སྭཱ་ཧཱ། ཨོཾ་ཨིཾ་སྭཱ་ཧཱ། ཨོཾ་ཨཱིཾ་སྭཱ་ཧཱ། ཨོཾ་ཨཱུཾ་སྭཱ་ཧཱ། ཨོཾ་ཨཾ་སྭཱ་ཧཱ། ཨོཾ་ [121b.6]ཨཱཾ་སྭཱ་ཧཱ། ཨོཾ་ཨཽ་སྭཱ་ཧཱ། ཇི་ལྟར་བསྡུས་པ་ནི་རྒྱས་པ་ལ་ལྟོས་པ་ལས་གསལ་བར་འགྱུར་བའི་ཕྱིར་ཕྱག་གཉིས་པ་ཁོ་ན་ལ་དཀྱིལ་འཁོར་ལྡན་པའི་སྒྲུབ་ཐབས་འདི་བརྗོད་དོ། །དེ་བཞིན་དུ་ཕྱག་བཞི་པ་ལ་སོགས་པ་རྣམས་ཀྱི་ཡང་རིག་པར་བྱའོ། །འདི་དག་གི་ཁྱད་ [121b.7]པར་ནི་ཛྭ་ལཱ་ཛྭ་ལྭ་ནི་བདུད་བཞི་ལས་ངེས་པར་རྒྱལ་བ་དག་པས་ཕྱག་བཞི་པ། གཡས་པ་དང་ཅིག་ཤོས་ཀྱི་རྩ་བའི་ཕྱག་དག་གིས་རྡོ་རྗེ་དང་བདུད་ཀྱི་ཁྲག་གིས་གང་བའི་ཐོད་པ་འཛིན་པ། ཕྱག་ལྷག་མ་གཉིས་ཀྱིས་བདག་མེད་མ་དང་མཚུངས་པའི་རྡོ་རྗེ་ཕག་མོ་ལ་མཉམ་པར་ [122a] [122a.1]འཁྱུད་པ། གཞན་ནི་སྔོན་བཞིན་ནོ། །དེའི་སྔགས་ནི། ཨོཾ་ཛྭ་ལ་ཛྭ་ལ་བྷྱོ་ཧུཾ་ཧུཾ་ཧུཾ་ཕཊ་སྭཱ་ཧཱ། འདིའི་ཡང་ཧཱུཾ་ཡིག་གསུམ་ཐུང་བར་བཤད་དོ། །ཀི་ཊི་ཀི་ཊི་བཛྲ་ནི། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའམ། རྩ་གསུམ་དག་པས་ཞལ་གསུམ་ [122a.2]པ། དང་པོའི་ཞལ་ནག་པོ། གཡས་པ་དཀར་པོ། གཡོན་པ་དམར་པོའོ། །ཕ་རོལ་ཏུ་ཕྱིན་པ་དྲུག་དག་པས་ཕྱག་དྲུག་པ། གཡས་ཀྱི་རྩ་བའི་ཕྱག་གིས་རྡོ་རྗེ་གཡོན་གྱིས་སྲིད་པ་གསུམ་གྱི་ཉོན་མོངས་པ་འཇོམས་པ་དག་པས་རྩེ་གསུམ། གཞན་གྱིས་གྲི་གུག །ཅིག་ [122a.3]ཤོས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་དག་པས་དྲིལ་བུ་རྣམ་པར་འཛིན་པའོ། །ཕྱག་ལྷག་མ་གཉིས་ཀྱིས་བདག་མེད་མ་དང་འདྲ་བའི་རྡོ་རྗེ་ལུ་གུ་རྒྱུད་མ་ལ་ཀུན་དུ་འཁྱུད་པ་སྔོན་བཞིན་དུ་གནས་པའོ། །འཁོར་ནི་ཐམས་ཅད་ལ་ལྡན་པར་གསུངས་པ་ཉིད་དོ། །དེའི་སྔགས་ནི། [122a.4]ཨོཾ་ཀི་ཊི་ཀི་ཊི་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཧཱུཾ་ཡིག་གསུམ་རིང་པོར་གསུངས་སོ། །པི་ཙུ་བཛྲ་ནི་སླར་ཡང་ཧཱུཾ་ཡིག་ལས་སྐྱེས་པའི་ཐོད་པར་གནས་པའི་ཉི་མ་ལ་གནས་པའི་ཧཱུཾ་ཡིག་ལས་འཁྲུངས་པ། རྣམ་པར་ཐར་པ་བརྒྱད་རྣམ་པར་དག་པས་ཞལ་བརྒྱད་པ། དེའི་རྩ་བའི་ཞལ་ [122a.5]ནག་པོ། གཡས་དཀར་པོ། གཡོན་དམར་པོ་ཆེར་འཇིགས་པ། སྟེང་གི་ཞལ་དུད་ཀ་རྣམ་པར་གཙིགས་པ། ལྷག་མ་བུང་བའི་མདོག་ཅན་ཞལ་རེ་རེ་ཞིང་སྤྱན་གསུམ་པ། སྟོང་པ་ཉིད་བཅུ་དྲུག་རྣམ་པར་དག་པས་ཕྱག་བཅུ་དྲུག་པ། གཡས་ཀྱི་ཕྱག་བརྒྱད་ཀྱི་མ་ཐིལ་གྱི་ཐོད་ [122a.6]པ་རྣམས་སུ་སྟེང་ནས་རིམ་པས། ལུད་པ་དང་། དབུགས་དང་། སྨྱོ་བ་དང་། ཟད་པ་སྟེ་ཁོང་སྐེམས་པ་དང་། མཛེ་དང་། རྐང་བམ་དང་། མཆིན་པ་དང་། མཆེར་པ་རྣམས་ཀྱི་ནད་འཇོམས་པ་དག་པས། གླང་པོ་དང་། རྟ་དང་། བོང་བུ་དང་། བ་ལང་དང་། རྔ་མོ་དང་། མི་དང་། [122a.7]ཤ་ར་བྷ་ག་དག་གོ། དེ་བཞིན་དུ་གཡོན་གྱི་ཕྱག་ཏུ་གནས་པའི་ཐོད་པ་རྣམས་སུ་ཞི་བ་ལས་གསལ་བ་ལ་སོགས་པའི་དབང་ཕྱུག་གི་དངོས་གྲུབ་སེམས་ཅན་ཀུན་ལ་སྩོལ་བ་དག་པས། ས་དང་། ཆུ་དང་། རླུང་དང་། མེ་དང་། ཟླ་བ་དང་། ཉི་མ་དང་། མཐར་བྱེད་དང་། ནོར་གྱི་ [122b] [122b.1]དབང་ཕྱུག་རྣམས་སོ། །རྩ་བའི་ཕྱག་གཉིས་ཀྱིས་བདག་མེད་མ་ལ་འཁྱུད་པ། བསྡུ་བ་བཞི་རྣམ་པར་དག་པས་ཞབས་བཞི་པ། ཕུང་པོ་དང་། ཉོན་མོངས་པ་དང་། ལྷའི་བུ་དང་འཆི་བདག་གི་བདུད་རྣམས་རབ་ཏུ་གྲུབ་པའི་རྒྱུར་ཚངས་པ་དང་། ཁྱབ་འཇུག་དང་། བརྒྱ་བྱིན་ [122b.2]དང་། དབང་ཕྱུག་ཆེན་པོ་རྣམས་ཀྱི་སྙིང་གར་ཉི་མ་ལ་ཞབས་གཉིས་དག་གིས་སྐྱིལ་ཀྲུང་ཕྱེད་པའི་གར་གྱིས་དང་། གཞན་དག་གཡས་བརྐྱང་བའི་ཞབས་ཀྱིས་གར་མཛད་པའི་ཞབས་བཞི་རྣམས་ཀྱི་རོལ་པ་དང་ལྡན་པའོ་ཞེས་ཁ་ཅིག་གོ། །འཁོར་གྱི་ཆོ་ག་ནི་སྔོན་བཞིན་ནོ། ། [122b.3]འོད་གསལ་དུ་གཞུག་པ་ནི། འདིའི་དབྱེ་བས་གཽ་རཱི་ལ་སོགས་པའི་རྣལ་འབྱོར་མ་བརྒྱད་ཞལ་བརྒྱད་རྣམས་སུ་རབ་ཏུ་གཞུག་ཅིང་། ཞལ་བདུན་ནི་རྩ་བའི་ཞལ་ལའོ། །ཕྱག་བཅུ་བཞི་མཚན་མ་དང་བཅས་བ་རྩ་བའི་ཕྱག་གཉིས་ལ། ཞབས་གཉིས་རྩ་བའི་ཞབས་གཉིས་ [122b.4]ལའོ། །སྣ་ཚོགས་པདྨ་ལ་སོགས་པ་བསྡུ་བ་ནི་སྔོན་བཞིན་ཏེ། གཞན་དང་མཚུངས་པའོ། །དེའི་སྙིང་པོའི་སྔགས་ནི། ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། འདིའི་ཡང་ཧཱུཾ་ཡིག་གསུམ་རིང་པོར་གསུངས་སོ། །ཨོཾ་བཛྲ་ཀརྟྟ་རི་ཧེ་བཛྲཱ་ཡ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཉེ་བའི་སྙིང་པོ་ [122b.5]སྟེ་འདི་ཐམས་ཅད་ཀྱི་ཡང་ཉེ་བའི་སྙིང་པོའོ་ཞེས་པར་འགྱུར་རོ། །ཨོཾ་ཨཥྚ་ན་ནཱ་ཡ། པིངྒོ་རྷྭ་ཀེ་ཤ་བརྟྨ་ནེ། ཙ་ཏུ་རྦིཾ་ཤ་ཏི་ནེ་ཏྲཱ་ལ། ཥོ་ཌ་ཤ་བྷུ་ཛཱ་ཡ་ཀྲྀཥྞ་ཛཱྀ་མཱུ་ཏ་བ་པུ་ཥེ། ཀ་པཱ་ལ་མཱ་ལཱ་ནེ་ཀཱ་དྷཱ་རི་ཎེ། ཨཱདྷྨཱ་ཏ་ཀྲཱུ་ར་ཙིཏྟཱ་ཡ། ཨརྡྷེནྡུ་དཾཥྚི་ཎེ། མཱ་ར་ཡ་མཱ་ར་ཡ། ཀཱ་ར་ཡ་ཀཱ་ར་ [122b.6]ཡ། གརྫྫ་ཡ་གརྫྫ་ཡ། ཏཛྫ་ཡ་ཏཛྫ་ཡ། ཤོ་ཥ་ཡ་ཤོཥ་ཡ། སཔྟ་སཱ་ག་རཱན། བནྡྷ་བནྡྷ། ནཱ་གཱཥྚ་ཀཱ་ན། གྲྀཧྞ་གྲྀཧྞ། ཤ་ཏྲཱུཾ། ཧཱ་ཧཱ་ཧི་ཧཱི་ཧུ་ཧཱུ་ཧེ་ཧཻ་ཧོ་ཧཽ་ཧཾ་ཧཿ་ཕཊ་སྭཱ་ཧཱ། ཕྲེང་བའི་སྔགས་སོ། །སླང་ཡང་འདིར་དབུས་ཀྱི་བི་ཙུ་བཛྲ་ལ་ལྷག་པའི་སེམས་ཀྱི་དབྱེ་བ་ཙམ་ [122b.7]ལས་ཀྱང་ཀྱེ་རྡོ་རྗེ་བཞིར་ངེས་པར་མཐོང་ངོ་ཞེས་གསུངས་སོ། །རིམ་པའི་བར་མ་ཆད་པ་ནི་བྷྲཱུཾ་ལས་སྐྱེས་པའི་རྡོ་རྗེ་གུར་རྒྱ་ཆེ་བ་སེར་པོ་སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་དང་། ཟད་པ་དང་། མེ་སྐྱེ་བ་དང་། ཆོས་དང་། རྗེས་སུ་རྟོགས་པ་དང་། [123a] [123a.1]ཀུན་རྫོབ་དང་། ཡོངས་སུ་སྐྱེ་བ་ཤེས་པའི་ཤེས་པ་བཅུ་རྣམ་པར་དག་པས་རྩིབས་བཅུ་འཁོར་བའི་དབུས་སུ་གནས་པའི་སྣ་ཚོགས་རྡོ་རྗེའི་སྟེང་དུ་སྣ་ཚོགས་ཆུ་སྐྱེས་དང་ཉི་མ་ལ་གནས་པའི་ཟླ་བ་དང་ཉི་མ་ཁ་སྦྱར་བའི་དབུས་སུ་སོན་པའི་ཧཱུཾ་ཡིག་སྔོན་པོ་བསམས་ [123a.2]ནས་ལྔའི་འབྱུང་གནས་ཀྱི་མངོན་པར་བྱང་ཆུབ་པའི་རིམ་པས། དེ་ཐམས་ཅད་ཡོངས་སུ་གྱུར་པ་ལས། དབང་པོ་སྔོན་པོའི་མདོག་ཅན་ཞལ་གཅིག་པ། རིན་པོ་ཆེའི་ཅོད་པན་ཅན། རྡོ་རྗེ་དང་དྲིལ་བུ་འཛིན་པའི་ཕྱག་དག་གིས། རང་བཞིན་གྱི་རིག་མ་ལ་ཀུན་ནས་འཁྱུད་པ། གཡོན་ [123a.3]བརྐྱང་གི་ཞབས་ཀྱིས་འཇིགས་བྱེད་དང་དུས་མཚན་ཅན་མནན་པ། རྣམ་པར་བཀྲ་བའི་ན་བཟའ་དང་རྒྱན་གྱིས་བརྒྱན་པའི་རྡོ་རྗེ་ཧཱུཾ་མཛད་དུ་བདག་ཉིད་དུ་རྣམ་པར་བསྒོམས་ནས། རྡོ་རྗེ་ཐོད་པའི་སྦྱོར་བས། ཁྲོ་བོ་བཅུ་རྗེས་སུ་སྤྲོས་ཏེ། དེ་ལ་ཤར་ལ་སོགས་པའི་རྩིབས་ [123a.4]རྣམས་སུ་རིམ་པས། གཤིན་རྗེ་མཐར་བྱེད་དང་། ཤེས་རབ་མཐར་བྱེད་དང་། པདྨ་མཐར་བྱེད་དང་། བགེགས་མཐར་བྱེད་རྣམས་དང་། ནག་པོ་དཀར་པོ་དམར་པོ་སྔོན་པོའི་མདོག་ཅན། རྡོ་རྗེ་ཐོ་བ་དང་། དབྱུག་པ་དཀར་པོ་དང་། ཆུ་སྐྱེས་དམར་པོ་དང་། བྱེས་པའི་ [123a.5]རྡོ་རྗེ་རྣམས་འཛིན་པ། མིའུ་ཐུང་གསུས་ཁྱིམ་ཆེ་ཞིང་ཁྲོ་བ་ཀླུ་ཆེན་པོ་བརྒྱད་ཀྱིས་བརྒྱན་པ། དབུ་སྐྲ་དམར་སེར་གྱེན་དུ་བརྫེས་པ། དམར་ལ་ཟླུམ་པའི་སྤྱན་གསུམ་པ། རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། འོད་དཔག་མེད་དང་། མི་བསྐྱོད་པ་རྣམས་ཀྱི་ [123a.6]ཅོད་པན་ཅན། སྟག་གི་པགས་པའི་ཤམས་ཐབས་འཛིན་པ་རྣམས་སོ། །མེ་ལ་སོགས་པའི་རྩིབས་རྣམས་སུ། འདོད་པའི་རྒྱལ་པོ་དང་དབྱུག་སྔོན་ཅན་དང་། སྟོབས་པོ་ཆེ་དང་། མི་གཡོ་བ་རྣམས་ཆེར་གནག་པ། ལྕགས་ཀྱུ་དང་། དབྱུག་པ་དང་། རྩེ་གསུམ་དང་། རལ་གྲི་ [123a.7]འཛིན་པ་རྣམས་ཏེ། འདིར་འདོད་པའི་རྒྱལ་པོ་དང་། མི་གཡོ་བ་དག་གོས་དམ་པ་དང་། རིན་པོ་ཆེ་ལ་སོགས་པས་བརྒྱན་ཅིང་སྒེག་པ། རིན་པོ་ཆེའི་ཅོད་པན་དག་གོ། །དབྱུག་སྔོན་ཅན་དང་སྟོབས་པོ་ཆེ་དག་གཤིན་རྗེ་མཐར་བྱེད་བཞིན་རྣམ་པར་འགྱུར་བ་དག་གོ། །འོག་གི་ [123b] [123b.1]རྩིབས་སུ་གནོད་མཛེས་ནག་པོ་གཏུན་ཤིང་འཛིན་པ། མི་བསྐྱོད་པས་མཚན་པའི་རིན་པོ་ཆེའི་ཅོད་པན་ཅན་ནོ། །སྟེང་གི་རྩིབས་སུ་གཙུག་ཏོར་སེར་པོ་འཁོར་ལོ་འཛིན་པ་རྣམ་པར་སྣང་མཛད་ཀྱིས་མཚན་པའི་རིན་པོ་ཆེའི་ཅོད་པན་ཅན། འདོད་པའི་རྒྱལ་པོ་ལ་སོགས་པ་བཞི་ [123b.2]ནི་མི་བསྐྱོད་པའི་ཅོད་པན་ཅན་ནོ། །ཁྲོ་བོ་བཅུ་པོ་འདི་རྣམས་སྣ་ཚོགས་ཆུ་སྐྱེས་དང་ཉི་མ་ལ་གཡོན་བརྐྱང་གི་ཞབས་ཀྱིས་གནས་པ། གཡོན་པའི་ཕྱག་རྣམས་ཀྱི་སྙིང་གའི་ཕྱོགས་སུ་ཁུ་ཚུར་གྱི་སྡིགས་འཛུབ་ཀྱིས་ཀླུའི་ཞགས་པ་འཛིན་པ་བལྟ་བར་བྱའོ། །དེ་ལྟར་གྱུར་པའི་སྲུང་ [123b.3]བའི་འཁོར་ལོ་རྣམ་པར་བསྒོམས་ནས་དེའི་དབུས་སུ་རྡོ་རྗེ་ཧཱུཾ་མཛད་ཡོངས་སུ་གྱུར་པ་ལས། ཆོས་ཀྱི་འབྱུང་གནས་སྔར་བརྗོད་པའི་གཟུགས་ཅན་དུ་རྣམ་པར་བསམས་ཏེ། གཞན་ཐམས་ཅད་དུ་གསུངས་པའི་རིམ་པས་སྣ་ཚོགས་པདྨ་དང་། སྣ་ཚོགས་རྡོ་རྗེ་དང་། ཁང་པ་བརྩེགས་ [123b.4]པ་ལ་སོགས་པ་ཅན་གྱི་ཀྱེ་རྡོ་རྗེ་བཞི་པོ་ལ་ཡང་བལྟ་བར་བྱའོ། །དེ་ལྟར་དཀྱིལ་འཁོར་གྱི་འཁོར་ལོ་རྣམས་སུ་བསྐྱེད་པའི་རིམ་པའི་རྣལ་འབྱོར་གཅིག་གིས་རྒྱུན་དུ་ངེས་པ་བར་མ་ཆད་པར་བསྒོམ་པར་བྱས་པའི་རྣལ་འབྱོར་གྱིས་གསལ་བ་ལས་ཀྱང་གསལ་བར་གྱུར་པ་ན། [123b.5]གཟུགས་བརྙན་གྱི་མཚན་མ་རྣམས་ཀྱིས་ཇི་སྲིད་དུ་སྒྱུ་མ་ལ་སོགས་པ་དང་འདྲ་བར་སྤྲོས་པ་མེད་ཅིང་ཀུན་དུ་གསལ་བར་འགྱུར་བ་སྟེ། དེ་ལྟར་ཡང་བརྟག་པ་གཉིས་པར་གསུངས་པ། བསྐྱེད་པའི་རིམ་པའི་རྣལ་འབྱོར་གྱིས། །བརྟུལ་ཞུགས་ཅན་གྱི་སྤྲོས་པ་བསྒོམ། །སྤྲོས་པ་ [123b.6]རྨི་ལམ་ལྟར་བྱས་ནས། །སྤྲོས་པ་ཉིད་ནི་སྤྲོས་མེད་བྱེད། །ཇི་ལྟར་སྒྱུ་མ་རྨི་ལམ་དང་། །ཇི་ལྟར་བར་མའི་སྲིད་ཡིན་པར། །རྟག་ཏུ་གོམས་པའི་རྣལ་འབྱོར་གྱིས། །དཀྱིལ་འཁོར་ཉིད་དུ་ནི་དེ་བཞིན་འདོད། །དེའི་ཕྱིར་འཕྲལ་དུ་ས་བཅུའི་དབང་ཕྱུག་བདེན་པ་གཉིས་གཅིག་ [123b.7]པའི་ངོ་བོ་རྡོ་རྗེ་འཛིན་པ་ཆེན་པོའི་ས་བདུད་འཇོམས་པ་ཞེས་སོ། །བསྒོམ་པ་གཞན་གྱིས་ཀྱང་རྣལ་འབྱོར་བའི་བསོད་ནམས་ཀྱི་ཚོགས་འཕེལ་བའི་ཆེད་དང་། བགེགས་ཉེ་བར་ཞི་བའི་དོན་དུ་ཡང་ཇི་ལྟར་རྙེད་པའི་ཕྱིར་མཆོད་པས་བཅོམ་ལྡན་འདས་མཆོད་པར་བྱའོ་ཞེས་སོ། །དེ་མཆོད་ [124a] [124a.1]པའི་ཆོ་ག་བརྗོད་པར་བྱ་སྟེ། ཀྱེ་རྡོ་རྗེའི་རྣལ་འབྱོར་དང་ལྡན་པའི་སྔགས་པས་ཐོ་རངས་ཀྱི་དུས་སུ་གནས་ཇི་ལྟ་བར་ཕྱག་དར་ལ་སོགས་པ་བྱ་སྟེ། སའི་ཆ་ཤས་རྣམས་ལ་ལག་པ་རེག་སྟེ། ཨོཾ་རཀྵ་རཀྵ་ཧཱུཾ་ཧཱུཾ་ཧཱུཾ་སྭཱ་ཧཱ། ཞེས་པས་ས་གཞི་བྱིན་གྱིས་བརླབས་པ། [124a.2]དེར་བདུད་རྩི་ལྔ་དང་དྲི་བཟང་པོ་ལ་སོགས་པས་བྱུགས་ཏེ། དེ་དང་དེའི་ས་གཞིར་མོས་པས། གནས་དང་ཉེ་བའི་གནས། ཞིང་དང་ཉེ་བའི་ཞིང་། འདུན་པ་དང་ཉེ་བའི་འདུན་པ་དང་། འདུ་བ་དང་ཉེ་བའི་འདུ་བ་དང་། འཐུང་གཅོད་དང་། ཉེ་བའི་འཐུང་གཅོད་དང་། དུར་ཁྲོད་དང་། [124a.3]ཉེ་བའི་དུར་ཁྲོད་ཅེས་བརྗོད་དེ། མཎྜལ་གྲུ་བཞི་པ་བྱས་ནས། ཨོཾ་བཛྲ་རེ་ཁེ་ཧཱུཾ་ཞེས་པས་ཁོར་ཡུག་བྱིན་གྱིས་བརླབ་བོ། །ཨོཾ་སུ་རེ་ཁེ་སརྦ་ཏ་ཐཱ་ག་ཏ་ཨ་དྷི་ཏིཥྛ་ནྟུ་སྭཱ་ཧཱ། ཞེས་པས་མཎྜལ་གྱི་དབུས་སུ་མེ་ཏོག་གཅིག་གཞག་པར་བྱའོ། །དེ་ནས་སྙིང་གའི་ས་བོན་གྱི་འོད་ཟེར་གྱིས། [124a.4]བཅོམ་ལྡན་འདས་འཇིག་རྟེན་གསུམ་ཀུན་དུ་བསྐྱོད་པ་དཔའ་བོ་ལྷ་མོ་བརྒྱད་ཀྱིས་ཡོངས་སུ་བསྐོར་བ་སྤྱན་དྲངས་ཏེ། དེ་ལ་མཚུངས་པ་མེད་པའི་མཆོད་ཡོན་ལ་སོགས་པ་སྔོན་དུ་ཕུལ་ཏེ། ཧཱུཾ་ཡིག་ལས་སྐྱེས་ཤིང་ཡི་གེ་གསུམ་གྱིས་མངོན་པར་བསྔགས་པའི་མེ་ཏོག་ལ་སོགས་ [124a.5]པ། ཨོཾ་ཨཱཿ་ཧཱུཾ་ཧེ་བཛྲ་ཡ་བཛྲ་པུཥྤེ་ཧཱུཾ་སྭཱ་ཧཱ། ཞེས་པས་དང་པོར་བཅོམ་ལྡན་འདས་ལ་མེ་ཏོག་གཅིག་དབུལ་ལོ། །ཕྱི་ནས་སྙིང་པོ་དང་ཉེ་བའི་སྙིང་པོ་དག་གིས་སོ། །ཨོཾ་ཨཱཿ་ནཻ་ར་ཨཱཏྨ་ཡེ་བཛྲ་པུཥྤེ་ཨཾ་ཧཱུཾ་སྭཱ་ཧཱ། ཞེས་པས་མཆོད་པ་བྱས་ནས་ཨོཾ་ཨཾ་ཧཱུཾ་སྭཱ་ཧཱ། ཨོཾ་ཨ་ཨཱ་ཨི་ [124a.6]ཨཱི་ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ་ཨཾ་སྭཱ་ཧཱ། ཞེས་པའི་སྔགས་དག་གིས་མཆོད་པར་བྱའོ། །གཉིས་ཀའི་སྤྱི་བོར་ཨོཾ་ཨཱཿ། ཨཀྵོ་བྷྱ་ཡ་བཛྲ་པུཥྤེ་ཧཱུཾ་ཧཱུཾ་སྭཱ་ཧཱ། ཤར་ལ་སོགས་པའི་ཕྱོགས་ཀྱི་འདབ་མ་རྣམས་སུ། ཨོཾ་ཨཱཿ་གཽ་རྱི་བཛྲ་པུཥྤེ་གཾ་ཧཱུཾ་སྭཱ་ཧཱ། ཨོཾ་གཽ་རཱི་ཧཱུཾ་ཧཱུཾ་ཧཱུཾ་ [124a.7]ཕཊ་སྭཱ་ཧཱ། འདི་དག་གིས་གཽ་རཱི་མཆོད་པར་བྱའོ། །དེ་ལྟར་ཡི་གེ་གསུམ་གྱིས་རང་རང་གི་ས་བོན་གྱི་ཡི་གེ་དང་རྣམ་པར་སྤེལ་བའི་ཙཽ་རཱི་ལ་སོགས་པ་ལྷག་པར་མཆོད་པར་བྱ་སྟེ། ཕྱི་ནས་ཨོཾ་ཡིག་དང་ལྷན་ཅིག་བོད་པའི་ཚིག་གིས་ཕུལ་ནས་ཧཱུཾ་ཧཱུཾ་ཧཱུཾ་ཕཊ་ཀྱི་ཡི་གེ་དང་སྭཱ་ཧཱའི་མཐའ་ [124b] [124b.1]ཅན་གྱིས་མཆོད་པར་བྱའོ། །དེ་ལྟར་པུཥྤེའི་གནས་སུ་དྷཱུ་པེ་ལ་སོགས་རྣམས་ཀྱིས་སོ་སོའི་མིང་བཅུག་སྟེ་དབུལ་བར་བྱ་སྟེ། དེ་ནས་ཨོཾ་སརྦ་ཏ་ཐཱ་ག་ཏ་སུ་ལ་ལི་ཏ། ན་མི་ཏཻ་རེ་ན་མཱ་མི། བྷ་ག་བཱནྟཾ། ཤྲཱི་ཧེ་རུ་ཀ་ནཱ་ཐཾ་ཛཿ་ཧཱུཾ་བཾ་ཧོཿ་པྲ་ཏཱི་ཙྪ་མཾ། ཀུ་སུ་མ་ཨཉྫ་ལི་ནཱ་ཐཱཿ་ཧོ་ཞེས་པས་མེ་ཏོག་ [124b.2]སྙིམ་པས་ཕུལ་ནས་འདུད་པར་བྱའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་མེ་གྷ་པྲ་ས་ར་ས་མུ་ཧེ་སྥ་ར་ཧཱི་མཾ་ག་ག་ན་ཁཾ་ཧཱུཾ་ས་མནྟ་སྭཱ་ཧཱ། མཆོད་པ་བྱིན་གྱིས་བརླབས་པའོ། །དེ་ནས། བདུད་ཀྱི་སྒྱུ་མ་རབ་འཇོམས་ཤིང་། །སྟོང་ཉིད་སྙིང་རྗེ་དབྱེར་མེད་པ། །རྣམ་པར་འཕྲུལ་པའི་རང་བཞིན་ [124b.3]སྐུ། །ཀྱེ་ཡི་རྡོ་རྗེ་ཁྱོད་ལ་འདུད། །ཅེས་པས་ཕྱག་བྱས་ནས་ཇི་ལྟར་ནུས་པའི་སྡིག་པ་བཤགས་པ་ལ་སོགས་པ་བྱས་ཏེ། རིགས་སུ་སྐྱེ་དང་དམ་ཚིག་ཅན། །སྨྱོ་མེད་ཀྱེ་ཡི་རྡོ་རྗེ་སྟོན། །བླ་མ་ལ་གུས་སྙིང་རྗེར་ལྡན། །སྐྱེ་ཞིང་སྐྱེ་བར་འགྱུར་བར་ཤོག །ལག་པས་རྡོ་རྗེ་ [124b.4]དྲིལ་བུ་འཁྲོལ། །ཟབ་མོའི་ཆོས་ནི་ཀློག་པ་དང་། །བཙུན་མོའི་ཁུ་བ་མཉམ་ཟས་ནི། །སྐྱེ་ཞིང་སྐྱེ་བར་འགྱུར་བར་ཤོག །སྨོན་ལམ་བྱས་ནས། དེ་ནས་ཆོ་ག་ལྷག་ཆད་ཁ་བསྐང་བའི་དོན་དུ་ཡི་གེ་བརྒྱ་པའི་སྔགས་བརྗོད་དེ། ཨོཾ་བཛྲ་ས་ཏྭ་ས་མ་ཡ་མ་ནུ་པཱ་ལ་ཡ། བཛྲ་ [124b.5]ས་ཏྭ་ཏྭེ་ནོ་པ་ཏིཥྛ། དྲི་ཌྷོ་མེ་བྷ་བ། སུ་ཏོ་ཥྱོ་མེབྷ་བ། ཨ་ནུ་རཀྟོ་མེ་བྷ་བ། སུ་པོ་ཥྱོ་མེ་བྷ་བ། སརྦྦ་སིདྡྷི་མྨེ་པྲ་ཡཙྪ། སརྦ་ཀརྨྨ་སུཙྪ་མེ། ཙིཏྟཾ་ཤྲེ་ཡཿ་ཀུ་རུ་ཧཱུཾ་ཧ་ཧ་ཧ་ཧ་ཧོ། བྷ་ག་བཱན་སརྦྦ་ཏ་ཐཱ་ག་ཏ་བཛྲ་མཱ་མེ་མུཉྩ་བཛྲཱི་བྷ་བ་མ་ཧཱ་ས་མ་ཡ་སཏྭ་ཨཱཿ། ཞེས་དང་། ཨོཾ་ཁྱོད་ཀྱིས་ [124b.6]སེམས་ཅན་དོན་ཀུན་མཛད། འདི་ལྟར་རྗེས་མཐུན་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ནི། །སླར་ཡང་བྱོན་པར་མཛད་དུ་གསོལ། །ཨོཾ་བཛྲ་མུཿ་ཞེས་གཤེགས་སུ་གསོལ། དེ་ལྟར་ཕྱག་བཞི་པ་དང་། ཕྱག་དྲུག་པ་དང་། ཕྱག་བཅུ་དྲུག་པའི་དཀྱིལ་ [124b.7]འཁོར་ལ་ཡང་མཚུངས་པར་བྱ་སྟེ། དང་པོར་ཡི་གེ་གསུམ་གྱིས་མཆོད་པར་བྱས་ནས་རང་རང་གི་སྔགས་ཀྱིས་མཆོད་པར་བྱའོ། །རྡོ་རྗེ་ཕག་མོ་ལའང་བདག་མེད་མ་ཡིས་དབུལ་ལོ། །ཕྱག་བཅུ་དྲུག་པ་ལ་ནི་རྐང་པ་བརྒྱད་པའི་མཆོད་པའི་སྔགས་ཀྱིས་ཀྱང་མཆོད་པར་བྱ་ [125a] [125a.1]སྟེ། ཨོཾ་ཨཥྣཱ་ན་ནཱ་ཡ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་བི་དྒོརྡྷྭ་ཀེ་ཤ་པརྟྨ་ནེ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཙ་ཏུ་རྦིདྴ་ཏི་ནེ་ཏྲ་ཡ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཥོ་ཌ་ཤ་བྷུ་ཛཱ་ཡ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཀྲྀཤྞ་ཛཱི་མཱུ་ཏ་བ་པུ་ཥེ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཀ་པཱ་ལ་མཱ་ལཱ་ནེ་ཀཱ་དྷཱ་རི་ཎེ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ [125a.2]ཨཱདྷྨཱ་ཏ་ཀྲཱུ་ར་ཙིཏྟཱ་ཡ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཨརྡྷེ་ནྡུ་དཾ་ཥྚྲཱི་ཎེ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་པའི་སྔགས་ཀྱིས་མཆོད་པར་བྱས་ནས་སྨོན་ལམ་ལ་སོགས་པ་སྔར་བཞིན་བྱས་ཏེ་གཤེགས་སུ་གསོལ་བར་བྱའོ། །དེ་ནས་ཁ་ཟས་ཀྱི་བྱ་བ་བརྗོད་པར་བྱ་སྟེ། ཚོགས་ཀྱི་འཁོར་ལོ་ལ་དང་པོར་ [125a.3]བཟའ་བ་དང་ཐུག་པ་ལ་སོགས་པ་ལ། ཆོ་ག་བཞིན་བདུད་རྩིར་བྱས་པའི་ཆང་གཡོན་པའི་སྲིན་མཛུབ་ཀྱིས་གཏོར་ཞིང་། ཆོས་ཀྱི་འབྱུང་གནས་ཀྱི་དབུས་སུ་སྙིང་གའི་ས་བོན་གྱི་འོད་ཟེར་གྱིས་ཡེ་ཤེས་ཀྱི་འཁོར་ལོ་སྤྱན་དྲངས་པའམ། སྙིང་གའི་ས་བོན་ལས་འཕྲོས་པ་ཡང་རུང་ [125a.4]སྟེ། སྔར་བརྗོད་པའི་སྔགས་རྣམས་ལ་ཟས་ཀྱི་དངོས་པོའི་མིང་སྤེལ་བ་རྣམས་ཀྱིས་དབུལ་བར་བྱའོ། །ཕྱི་ནས་གཤེགས་སུ་གསོལ་ལ་དམ་ཚིག་གི་རྫས་རྣམས་ཀྱིས་ཁ་ཅུང་ཟད་དག་པར་བྱས་ཏེ། འཆད་པར་འགྱུར་བའི་ཆོ་གའི་རྣམ་པས་གཏོར་མ་ཕུལ་ནས། ལྟེ་བའི་ [125a.5]ཐབ་ཁུང་གི་མེས་རེག་པས་ཁ་ཟས་རྣམས་ཞུ་ཞིང་བབས་ནས། སྙིང་གར་གནས་པའི་དམ་ཚིག་སེམས་དཔའ་དང་ཏིང་ངེ་འཛིན་སེམས་དཔའ་འམ། ལྟེ་བའི་པདྨའི་ཟེ་འབྲུ་ལ་གནས་པའི་འབར་བའི་ཕྲེང་བ་ཅན་གྱི་ཨཾ་ཡིག་ལ་ཐིམ་པས་ཚིམ་པར་བྱའོ་ཞེས་པ་ཕྱིའི་དངོས་པོ་ [125a.6]རྣམས་ཀྱི་ནང་གི་བདག་ཉིད་ཀྱི་སྦྱིན་སྲེག་གི་ཆོ་གའོ། །དེ་ནས་མཐར་ཨོཾ་ཨུཙྪིཥྚ་བཛྲ་ཨ་དྷི་ཊྀཥྛ་ཨི་མཾ་བ་ལིཾ། གྲྀཧྞ་གྲྀཧྞ་ཧཱུཾ་ཧཱུཾ་ཧཱུཾ་ཕཊ། ཅེས་པས་ལྷག་མའི་གཏོར་མ་བྱིན་ནས་ཟས་དོར་བར་བྱའོ། །ཕྱིའི་དངོས་པོ་ལ་ལྟོས་པ་མེད་པའི་སླར་ཡང་ནང་གི་སྦྱིན་སྲེག་ནི། [125a.7]སྔར་བཞིན་རླུང་གིས་སྦར་ཏེ། རྟོག་པ་མཐའ་དག་གི་མུན་པ་དང་སྒྲིབ་པར་བྱེད་པ་རྣམས། ལྟེ་བའི་དཀྱིལ་འཁོར་གྱི་ཐབ་ཏུ་ཤིན་ཏུ་གཏུམ་པའི་གཏུམ་མོས་བསྲེགས་ཤིང་། བྱང་ཆུབ་ཀྱི་སེམས་ཀྱི་ཟས་ཀྱི་སྦྱིན་སྲེག་གིས་སྦྱིན་སྲེག་བྱ་སྟེ། ཤེས་རབ་དང་ཐབས་ཀྱི་བདག་ [125b] [125b.1]ཉིད་དང་། ཉི་མ་དང་ཟླ་བ་རོ་མཉམ་པར་གྱུར་པ་ཤིན་ཏུ་འབར་བས་གང་བར་གྱུར་པའོ། །གཉིས་པ་འདི་ཡང་། འཇིག་རྟེན་པའི་མངོན་པར་མཐོ་བའི་སར་གྱུར་པ་བླ་ན་མེད་པའི་སྦྱིན་སྲེག་སྟེ། སྐད་ཅིག་སོ་སོར་གོམས་པས་འཐོབ་བོ། །ད་ནི་གཏོར་མ་བརྗོད་པར་བྱ་སྟེ། དྲི་ [125b.2]དང་མེ་ཏོག་ལ་སོགས་པ་གཡས་སུ་དང་། མདུན་དུ་ཤ་ཀ་ཊ་དང་། བྷ་ར་ལ་སོགས་པའི་སྣོད་དུ་ཉ་ཤ་དང་། ཛམྦུ་ཌི་ཀ་ལ་སོགས་པ་དང་། ཟས་བཟང་པོ་དང་། ཆུ་ཁྱོར་བ་གསུམ་དང་ལྡན་པར་བྱ་ཞིང་། ཇི་ལྟར་རྙེད་པའི་དམ་ཚིག་གི་རྫས་རྣམས་ཀྱང་ལྡན་པར་བྱས་ཏེ་བཞག་ལ། [125b.3]སྔར་བཞིན་བལྟས་ཏེ། བདུད་རྩི་མྱང་བའི་ཆོ་གའི་རིམ་པས་བདུད་རྩིར་བྱས་ཏེ། དེ་ཁོ་ན་ཉིད་གསུམ་གྱི་ཆོས་ཀྱི་འབྱུང་གནས་དཀར་པོ་དམར་པོ་ནག་པོ་གསུམ་གྱི་ཁུང་བུར་གནས་པའི་པདྨ་དམར་པོ་འདབ་མ་བརྒྱད་པ་ཅན་སྟེང་ནས་སྟེང་དུ་བལྟ་བར་བྱའོ། །དེ་ནས་སྙིང་གའི་ས་བོན་ [125b.4]ལས་སྤྲོས་པའི་གཽ་རཱི། ཨོཾ་གཽ་རཱི་ཨིནྡྲ་ཨཱ་དཱི་ན་ས་པ་རི་བཱ་རཱ་ན་ཨཱ་ཀཪྴ་ཡ་ཛཿ་ཞེས་པས་བཀུག །ཨོཾ་ཙོ་རཱི་ཨིནྡྲ་ཨཱ་དཱི་ན་ས་པ་རི་ཝཱ་རཱ་ན་པྲ་བེ་ཤ་ཡ་ཧཱུཾ་ཞེས་ཙཽ་རཱི་ས་པདྨ་རྣམས་སུ་བཅུག །ཨོཾ་བེ་ཏཱ་ལཱི་ཨིནྡྲ་ཨ་དཱི་ན་ས་པ་རི་བཱ་རཱ་ན་བནྡྷ་ཡ་བཾ་ཞེས་བེ་ཏཱ་ལཱི་སྤྲོས་པས་བཅིང་བས་བཅིངས། [125b.5]ཨོཾ་གྷསྨ་རཱི་ཨིནྡྲ་ཨཱ་དཱི་ན་ས་པ་རི་བཱ་རཱན་པྲ་བེ་ཤ་ཡ་ཧོཿ་ཞེས་པས་དབང་དུ་བྱས་ཏེ། དེ་ལ་ཆོས་ཀྱི་འབྱུང་གནས་དབུས་མ་ལ་གནས་པའི་པདྨའི་འདབ་མ་ལ། ཐོག་མར་དབང་པོ། མིག་སྟོང་ལྡན་པ་དཀར་པོ་རྡོ་རྗེ་དང་སྡིགས་མཛུབ་ཅན་གྱི་ཕྱག་གཉིས་པ་གླང་པོ་ཆེ་ས་སྲུང་གི་ [125b.6]བུ་དཀར་པོ་ལ་ཞོན་པ། ལྷོའི་འདབ་མ་ལ་གཤིན་རྗེ་ནག་པོ། དབྱུག་པ་དང་སྡིགས་མཛུབ་ཅན་གྱི་ཕྱག་གཉིས་པ་མ་ཧེ་ལ་ཞོན་པ། ནུབ་ཀྱི་འདབ་མར་ཆུ་ལྷ་དཀར་པོ་ཆུ་སྲིན་ལ་ཞོན་པ། སྦྲུལ་གྱི་གདེངས་ཀ་བདུན་དང་ལྡན་པ། ཞགས་པ་དང་དུང་འཛིན་པ། བྱང་གི་ [125b.7]འདབ་མ་ལ་ལུས་ངན་སེར་པོ་ལུས་རགས་པ། གཏེར་ལ་གནས་པ་བཱི་ཛ་པཱུ་ར་དང་། ནེའུ་ལེའི་ཕྱག་ཅན། དེ་རྣམས་ཐམས་ཅད་རིན་པོ་ཆེའི་རྒྱན་དང་རིན་པོ་ཆེའི་ཅོད་པན་དང་ལྡན་པ། གཤིན་རྗེ་ཉི་མའི་གདན་དང་ཉི་མའི་འོད་ཅན་ནོ། །དབང་ལྡན་གྱི་འདབ་མར་དབང་ཕྱུག་ [126a] [126a.1]ཆེན་པོ་དཀར་པོ། སྤྱན་གསུམ་པ། རལ་པའི་ཅོད་པན་དང་ལྡན་པ། རྩེ་གསུམ་དང་ཐོད་པའི་ཕྱག་རྒྱ་ཅན། སྟག་གི་པགས་པའི་ཤམ་ཐབས་ཅན། ཁྱུ་མཆོག་ལ་ཞོན་པ། གཽ་རཱི་ལ་མཉམ་པར་འཁྱུད་པ། ཟླ་བའི་གདན་དང་འོད་ཅན་ནོ། །མེའི་འདབ་མར་མེ་ལྷ་ཤིན་ཏུ་དམར་བ་ [126a.2]ལྟོ་བ་འཕྱང་བ། ར་ལ་ཞོན་པ། སྨིན་མ་དང་རལ་པ་དམར་སེར་ཅན། བགྲང་ཕྲེང་དང་རིལ་བ་སྤྱི་བླུགས་ཀྱི་ཕྱག་ཅན། ཉི་མའི་གདན་དང་འོད་ཅན་ནོ། །བདེན་བྲལ་གྱི་འདབ་མར་སྲིན་པོའི་བདག་པོ་སྔོན་པོ་རོ་ལ་ཞོན་པ། སྐྲ་དམར་སེར་གྱེན་དུ་བརྫེས་ [126a.3]པ། སྨིན་མ་འཁྱོག་པ་དང་བཅས་པ། གྲི་གུག་དང་ཐོད་པ་འཛིན་པ། རལ་གྲི་དང་ཕུབ་འཛིན་པ་ཞེས་ཁ་ཅིག་གོ། །བདེན་བྲལ་གྱི་འདབ་མར་རླུང་ལྷ་སྔོན་པོ་རླུང་ཡབ་འཛིན་པ། རི་དགས་ལ་ཞོན་པ། རིན་པོ་ཆེའི་ཅོད་པན་ཅན། ཟླ་བའི་གདན་དང་འོད་དང་ལྡན་པ། རིན་པོ་ཆེའི་རྒྱན་ [126a.4]འཆང་བའོ། །ཟེ་འབྲུ་ལ་སའི་ལྷ་མོ་སེར་མོ་རིན་པོ་ཆེའི་གོས་དང་རྒྱན་དང་ལྡན་པ། གཡོན་དུ་བུམ་པ་འཛིན་པ། གཡས་པས་དམ་བཅས་པ་སྔོན་དུ་ཉེ་བར་འགྲོ་བའི་ཕྱག་ཅན་ཟླ་བའི་གདན་དང་ཟླ་བའི་འོད་ཅན་ཡི་དགས་དང་མུན་པ་ཅན་གྱིས་བསྐོར་ཏེ་གནས་པའོ། །སྟེང་དུ་ [126a.5]གནས་པའི་ཆོས་ཀྱི་འབྱུང་གནས་ཀྱི་པདྨའི་ཤར་གྱི་འདབ་མར། ཟླ་བ་དཀར་པོ་རྟ་དཀར་པོ་དང་ལྡན་པའི་ཀུ་མུ་ཏའི་ཤིང་རྟ་ལ་གནས་པ། ཕྱག་གཉིས་ཀྱིས་ཟླ་བས་མཚན་པའི་ཀུ་མུ་ཏ་འཛིན་པ། ཟླ་བའི་གདན་དང་འོད་ཅན་ནོ། །ལྷོར་ཉི་མ་ཉི་མས་མཚན་པའི་པདྨ་འཛིན་ [126a.6]པ། རྟ་ལྗང་གུའི་ཤིང་རྟ་ལ་གནས་པ། རང་གི་གདན་དང་འོད་ཅན་ནོ། །ནུབ་ལ་སོགས་པ་དང་དབང་ལྡན་ལ་སོགས་པའི་མཚམས་ཀྱི་འདབ་མ་རྣམས་སུ་རིམ་པས་ས་སྐྱེས་དམར་པོ་ར་ལ་ཞོན་པ། མདུང་ཐུང་འཛིན་པའོ། །གཡས་ན་ཆུ་གྲི་དང་གཡོན་པས་མི་མགོ་ཟ་ [126a.7]བའི་ཚུལ་གྱིས་འཛིན་པ་ཞེས་ཁ་ཅིག་གོ། །ལྷག་པ་ལྗང་གུ་མདའ་དང་གཞུ་འཛིན་པ། པདྨ་ལ་གནས་པ། ཕུར་བུ་སེར་པོ་བགྲང་ཕྲེང་དང་རིལ་བ་སྤྱི་བླུགས་འཛིན་པ་སྟེ། རིན་པོ་ཆེའི་པ་ཏྲ་དང་བགྲང་ཕྲེང་འཛིན་པ་ཞེས་ཁ་ཅིག་གོ། །སྦལ་པ་ལ་ཞོན་པའོ། །པ་སངས་དཀར་ [126b] [126b.1]པོ་བགྲང་ཕྲེང་དང་རིལ་བ་སྤྱི་བླུགས་འཛིན་པ། པདྨ་ལ་གནས་པའོ། །སྦེན་པ་ནག་པོ་བགྲང་ཕྲེང་དང་དབྱུག་པ་འཛིན་པ། རུས་སྦལ་ལ་ཞོན་པའོ། །སྒྲ་གཅན་དམར་ནག་ཤིང་རྟ་ལ་གནས་པའི་ཉི་མ་དང་ཟླ་བའི་གདན་ཅན། སྐྲ་དང་སྨ་ར་དམར་སེར་འབར་བ་རྣམ་པར་ [126b.2]འཇོམས་པའི་མཆེ་བ་བཞི་པ། ཉི་མ་དང་ཟླ་བའི་ཕྱག་ཅན་ནོ། །དེར་དེ་བཞིན་དུ་ཏོག་དུད་ཀ །རལ་གྲི་དང་ཀླུའི་ཞགས་པ་འཛིན་པ། ཨཙྪ་བྲི་ཏིའི་འབྲས་བུ་དང་། ཀ་ཀ་ཊི་ཏྲ་འཛིན་པའོ་ཞེས་ཁ་ཅིག་གོ། །ཟེ་འབྲུ་ལ་ཚངས་པ་སེར་པོ་ཞལ་བཞི་རྒྱས་པ། ཕྱག་བཞི་ [126b.3]པ་གཡས་པའི་ཕྱག་གིས་བགྲང་ཕྲེང་འཛིན་པ། གཞན་གྱིས་མི་འཇིགས་པའི་ཚུལ་ཅན། གཡོན་གྱིས་དབྱུ་གུ་གསུམ་པ་དང་། རིལ་བ་སྤྱི་བླུགས་འཛིན་པ། ངང་པ་ལ་ཞོན་པ་རལ་པ་ཅན་མཆོད་ཕྱིར་ཐོགས་དང་ལྡན་པ། ཚངས་པས་ཡོངས་སུ་བསྐོར་བ་མཚེ་མ་ [126b.4]དང་དགའ་ལྡན་པ་ལ་སོགས་པ་དང་། ཚངས་རིས་དང་། ཚངས་པ་མདུན་ན་འདོན་ལ་སོགས་པ་རྣམས་དང་། ལྷ་ཐམས་ཅད་གནས་པར་བལྟའོ། །ཆོས་ཀྱི་འབྱུང་གནས་འོག་མ་ལ་གནས་པའི་པདྨའི་ཤར་ལ་སོགས་པའི་འདབ་མ་རྣམས་སུ་རིམ་པས་སྟོབས་ཀྱི་རྒྱུ་དང་། [126b.5]དུང་སྐྱོང་དང་། མཐའ་ཡས་དང་ནོར་རྒྱས་རྣམས་ལྗང་གུ་དང་སེར་པོ་དང་། སྔོན་པོ་དང་དཀར་པོ་རྣམས་སོ། །དབང་ལྡན་ལ་སོགས་པའི་ཕྱོགས་བྲལ་གྱི་འདབ་མ་རྣམས་སུ་འཇོག་པོ་དང་། རིགས་ལྡན་དང་། པདྨ་ཆེན་པོ་དང་། པདྨ་རྣམས་དམར་པོ་དང་། སྣ་ཚོགས་དང་། [126b.6]དཀར་པོ་དང་། དཀར་པོ་རྣམས་ཏེ། ནོར་རྒྱས་དམར་པོ་དང་། འཇོག་པོ་དང་། རིགས་ལྡན་སེར་པོའོ་ཞེས་ཁ་ཅིག་གོ། །དེ་རྣམས་གདེངས་ཀ་བདུན་དང་ལྡན་པ་ཟེ་འབྲུ་ལ་ལྷག་མ་ཅན་དཀར་པོ་དེ་རྣམས་ཐམས་ཅད་ཀྱི་ལུས་ཕྱེད་མི་ལ་རིན་པོ་ཆེའི་ཅོད་པན་དང་། རྒྱན་ཐམས་ [126b.7]ཅད་དང་ལྡན་པ་རྣམས་ལྷག་མ་ཅན་བསྐོར་ཏེ་གནས་པ་གོ་ཆ་དང་བཅས་ཤིང་རལ་གྲི་འཛིན་པའི་ལྷ་མ་ཡིན་དང་དམྱལ་བ་པའི་སེམས་ཅན་བལྟ་བར་བྱའོ། །དབུས་དང་སྟེང་དང་འོག་གི་པདྨ་ལ་གནས་པ་རྣམས་རང་རང་གི་གཟུགས་ཡོངས་སུ་སྤངས་ཏེ། ཐུགས་དང་སྐུ་དང་ [127a] [127a.1]གསུང་གི་རང་བཞིན་ཧཱུཾ་ཨོཾ་ཨཱཿའི་ཡི་གེ་ལས་སྐྱེས་པ་རྣམས་ནག་པོ་དཀར་པོ་དམར་པོའི་མདོག་ཅན་ཞལ་གཅིག་པ། ཕྱག་གཉིས་པ་རྡོ་རྗེ་དང་དྲིལ་བུ་འཛིན་པ། རང་བཞིན་གྱི་རིག་མ་ལ་འཁྱུད་པ། གཡས་བརྐྱང་གི་སྟན་ལ་གནས་པ་རྣམས་ལ། ཧེ་རུ་ཀའི་གཟུགས་ [127a.2]ཀྱི་སངས་རྒྱས་རྣམས་ཀྱིས་དབང་བསྐུར་ཏེ། མི་བསྐྱོད་པ་དང་རྣམ་པར་སྣང་མཛད་དང་། འོད་དཔག་ཏུ་མེད་པ་རྣམས་ཀྱིས་རྒྱས་བཏབ་པར་བལྟ་བར་བྱས་ནས། གཏི་མུག་རྡོ་རྗེ་མ་ལ་སོགས་པ་རྣམས་ཀྱིས་མིག་ལ་སོགས་པ་རྣམས་སུ་བྱིན་གྱིས་བརླབས་ཏེ། དེ་ནས་བར་མ་ཆད་པར་ [127a.3]ཨོཾ་པྲ་བ་ར་སཏྐཱ་ར་ཨརྒྷཾ་པྲ་ཏཱི་ཙྪ་སྭཱ་ཧཱ། ཞེས་པའི་སྔགས་ཀྱིས་དུང་ཆོས་ཀྱི་ཕྱག་རྒྱས་མདུན་དུ་དེ་རྣམས་ལ་མཆོད་ཡོན་ཕུལ་ནས། དུང་ཆོས་ཀྱི་ཕྱག་རྒྱས་ཞབས་དག་ལ་ཞབས་བསིལ་དབུལ་བར་བྱ་སྟེ། དེ་ནས་ཨིནྡ། ཛ་མ། ཛ་ལ། ཛཀྑ། བྷཱུ་ཏ། བཧྣི། བ་ཨུ། རཀྑ། ཙནད། སུཛྫ། [127a.4]མཱ་ད། པཔྤ། ཏ་ལཱ་པཱ་ཏཱ་ལི། ཨཊྚ་སཔྤ་སྭཱ་ཧཱ། ཞེས་པ་འདིས་བོས་ཏེ། སྒེག་པ་དང་བཅས་ཤིང་དྲིལ་བུའི་སྒྲ་བྱས་ལ། སྔར་བཞིན་བདུད་རྩིར་བྱས་པའི་གཏོར་མའི་ཟས་རྣམས་བདག་ཉིད་ཀྱི་ལྕེ་རྡོ་རྗེའི་སྦྱོར་བས་ཟོས་ཤིང་བཟའ་བར་བྱ་སྟེ། དེ་རྣམས་ཀྱང་དེ་བཞིན་ཁོ་ནར་དེ་མྱོང་ [127a.5]བར་བྱེད་པའོ་ཞེས་བསམས་ཏེ། ཨི་དཾ་བ་ལིཾ། བྷུ་ཉྫ། ཛི་གྷ། ཕུལླ། དྷཱུཔྤ། མཱཾ་ས། པིངྷ། ཨམྦྷ། སཔྤ། ཀཛྫ། སཱ་ད། ཁནྟི། ཁུ་ཎེ། ཕེ་ཌ་གཱ་ད། ཞེས་པས་ཞལ་ཟས་སུ་བྱས་ནས་དྲིལ་བུ་གནས་གསུམ་རྣམས་སུ་དཀྲོལ་བར་བྱས་ཏེ། ཨོཾ་ཨ་ཀཱ་རོ་མུ་ཁཾ་སརྦ་དྷ་རྨཱ་ཎཱཾ་ཨཱ་དྱ་ནུ་ཏྤ་ནྣ་ཏྭཱ་ཏ་ [127a.6]ཨོཾ་ཨཱཿ་ཧཱུཾ་ཕཊ་སྭཱ་ཧཱ། ཞེས་པ་འདིས་ཚིམ་པར་བྱས་ནས། དྲིལ་བུའི་སྒྲ་བྱས་ཏེ། ཀོལླ་ཨི་རེ་ཌྣི་ཨི་བོ་ལཱ། མུ་མྨུ་ཎི་རེ་ཀཀྐོ་ལཱ། གྷ་ཎེ་ཀྲྀ་པི་ཊ་ཧོ་བཱ་ཛྫ་ཨི། ཀཱ་རུ་ཎེ་ཀི་ཨ་ཨི་ན་རོ་ལཱ། ཏ་ཧིཾ་བ་ལ་ཁ་ཛྫ་ཨི། གེ་དྷཾ་མ་ཨ་ཎཱ་པི་ཛྫ་ཨི། ཧ་ལེ་ཀཱ་ལིཉྫ་ར་པ་ཎི་ཨ་ཨི། དུནྡྲ་ར་བཱ་ཛྫི་ཨ་ཨི། ཙ་ཨུ་ [127a.7]ས་མ་ཀཙྪུ་རཱི་སིཧླ། ཀཱ་པྤུ་ར་ལཱ་ཨི་ཨ་ཨི། མ་ལ་ཨིནྡྷ་ཎ་ས་ལིཉྫ། ཏ་ཧིཾ་བྷ་རུ་ཁ་ཨི་ཨ་ཨི། ཕྲེཾ་ཁ་ཎ་ཁ་ཊ་ཀ་ར་ནྟེ། ཤུ་དྡྷ་ཨ་ཤུ་དྡྷ་ན་མུ་ཎི་ཨ་ཨི། ནི་རཾ་ཤུ་ཨངྒེ་ཙ་ཌཱ་བི། ཏ་ཧིཾ་ཛ་ས་རཱ་བ་པ་ཎི་ཨ་ཨི། མ་ལ་ཨ་ཛེ་ཀུནྡ་རུ་པཱ་ཊ་ཨི། ཌིན་ཌི་མ་ཏ་ཧིཾ་ན་བཛྫ་ཨ་ཨི། ཕྱི་ནས་བསང་ [127b] [127b.1]གཏོར་ཕུལ་ནས་ཡང་དག་པར་མཆོད་དེ། ཨོཾ་ཨཱཿ་བཛྲ་པུ་ཤཱེ་ཧཱུཾ་སྭཱ་ཧཱ། ཞེས་པ་འདི་ཉིད་དང་དྷཱུ་པ་ལ་སོགས་པས་ཕུལ་ནས་རང་གིས་བྱེ་བྲག་མ་ཕྱེད་པ་དང་། ཆོ་ག་དམན་དང་ལྷག་པ་སྦྱོང་བའི་དོན་དུ་སྔོན་བཞིན་ཡི་གེ་བརྒྱ་པ་བཀླག་ས་ནས་གཤེགས་སུ་གསོལ་ལོ་ཞེས་སོ། །རིམ་པའི་ [127b.2]བར་མ་ཆད་པར་ཡང་གཏོར་མ་བརྗོད་དེ། ཀྱེ་རྡོ་རྗེའི་གཟུགས་ཀྱི་ཐུགས་ཀའི་ཧཱུཾ་ཡིག་གི་འོད་ཟེར་གྱིས། ཁྲོ་བོ་བཅུ་དང་བཅས་པའི་སྲུང་བའི་འཁོར་ལོའི་ལྟེ་བར་གནས་པའི་ཆོས་ཀྱི་འབྱུང་གནས་ཀྱི་ནང་དུ་གཞལ་ཡས་ཁང་རྒྱ་ཆེ་བ་ལ་གནས་པའི་དཀྱིལ་འཁོར་དང་། སྲུང་བའི་ [127b.3]འཁོར་ལོའི་ཕྱི་རོལ་གྱི་ཕྱོགས་ལ་སོགས་པ་རྣམས་སུ་དབང་པོ་ལ་སོགས་པ་འཁོར་དང་བཅས་པ་དང་སེམས་ཅན་དཔག་ཏུ་མེད་པ་བཀུག་པ་རྣམས་འོད་གསལ་དུ་བཅུག་ནས། སླར་ཡང་ཤེས་རབ་དང་བཅས་པའི་ཧེ་རུ་ཀའི་གཟུགས་སུ་སེམས་པར་བྱེད་པ་ལ་སོགས་པ་དང་། [127b.4]ཞལ་ཟས་དབུལ་བ་ལ་སོགས་པ་སྔོན་བཞིན་ཏེ། ཐོག་མར་གཏོར་མ་སྦྱང་སྟེ། ཨོཾ་ཏྲཻ་ལོ་ཀྱ་ཨཱ་ཀྴེ་པ་ཨི་མཾ་བ་ལིཾ་གྲྀཧྣ་གྲྀཧྣ་ཨ་མུ་ཀ་སྱ་རཀྴཾ་ཤཱིནྟཾ་རཀྴཱ་ཉྩ་ཀུ་རུ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་པའི་སྔགས་ཀྱིས་བཅོམ་ལྡན་འདས་ལ་ཞལ་ཟས་དབུལ་ལ། །ཨོཾ་ཛྭ་ལ་བཛྲ་ལ་སོགས་པ་ [127b.5]རྣམས་ཀྱིས་ཀྱང་སོ་སོ་ལ་བོད་པའི་དམ་ཚིག་བྱིན་ནས་རང་རང་གི་སྔགས་ཀྱིས་ཞལ་ཟས་དབུལ་བར་བྱའོ། །ཨོཾ་ཨཱ་ནཻ་ར་ཨཱ་ཏྨྱ་ཞེས་པ་ལ་སོགས་པས་བོད་པར་བྱས་ལ། དེའི་ས་བོན་ཡང་བཀླགས་ཏེ། ཨ་མུ་ཀ་སྱ་ཤཱིནྟཾ་རཀྴཱ་ཉྩ་ཀུ་རུ་ཧཱུཾ་སྭཱ་ཧཱ། ཨོཾ་ཧཱུཾ་ཞེས་པ་འདིས་བདག་མེད་མ་ལ་ [127b.6]སོགས་པ་རྣམས་ལའོ། །ན་མཿ་སམནྟ་བུདྡྷེ་བྷྱོ། ན་མོ་བཛྲ་མུང་ག་ར་ཧ་སྟཱ་ཡ་ཙཎྜ་མཎྜལ་ཨཱ་ཀྴེ་པ་ཀ་རཱ་ཡ་ཧཱུཾ་ཕཊ། ན་མཿ་སམནྟ་བུདྡྷེ་བྷྱོ། མ་ཧཱ་དཎྜ་དྷ་ར་བི་བི་དྷ་སུ་ར་ཨ་སུ་ར། མརྡྷ་ན་བྷཱུ་ཏཱ་ནྣི་རྨ་ཐཱ་ཧཱུཾ་ཕཊ། ན་མཿ་སམནྟ་བུདྡྷེ་བྷྱོ། །ཧུ་ལུ་ཧུ་ལུ། མ་ཧཱ་པདྨ་ཨ་མྲྀ་ཏཱི་ཀུ་རུ་བི་ཥཱ་ཎི་ཧཱུྃ་ཕཊ། [127b.7]ན་མཿ་སམནྟ་བུ་དྡྷེ་བྷྱོ། ན་མོ་བཛྲ་ཀྲོ་དྷཱ་ཡ་མ་ཧཱ་དཾ་ཤྚྲོ་ཏྐ་ར་བྷཻ་ར་བ་ཡ། བཛྲ་སྣོད་ཧ་དརྤཱ་ཡ། ཨོཾ་ཨ་མྲྀ་ཏ་ཀུནྜ་ལི་རཀྴཾ་མ་མ་ཀུ་རུ་ཧཱུཾ་ཕཊ། ན་མཿ་ས་མནྟ་བུདྡྷེ་བྷྱོ། །ན་མོ་ཨ་ཙ་ལ་ཀཱ་ཎྰཾ། ཙེཊྚ་ཙེཊྚ། མོཊྚ་མོཊྚ། ཏུཊྚ་ཏུཊྚ། གྷ་གྷ། གྷཱ་ཏ་ཡ་གྷཱ་ཏ་ཡ་ཧཱུཾ་ཕཊ། ན་མཿ་ས་མ་ནྟ་བུ་དྡྷེ་བྷྱོ། ཊཀྐི་ [128a] [128a.1]ཧཱུཾ་ཛཿ ན་མཿ་སམནྟ་བུདྡྷེ་བྷྱོ། ཨོཾ་ཡ་མ་དཎྜ་ཡ། ནི་ལཱ་དཎྜ་ཡ། ཏུ་རུ་ཏུ་རུ། མུ་རུ་མུ་རུ། སརྦྦ་དུ་ཥྟཱཾ་མཱ་ར་ཡ་མཱ་ར་ཡ་ཧཱུཾ་ཕཊ། ན་མཿ་ས་མནྟ་བུདྡྷེ་བྷྱོ། ན་མོ་མ་ཧཱ་བ་ལཱ་ཡ་ཨུ་ཙྪུཤམ་ཀྲོ་དྷ་རཱ་ཛཱ་ཡ། སརྦ་ནཱ་ག་ནཱཾ། ཧྲྀ་ད་ཡཾ། ཏཱཌ་ཡ་ཧཱུཾ་ཕཊ། ན་མཿ་སམནྟ་བུདྡྷ་ནཾ། ན་མཿ་ [128a.2]སམནྟ་དྷ་རྨཱ་ནཱཾ། ན་མཿ་སམནྟ་སཾ་གྷཱ་ཎཱཾ། ཨོཾ་སི་ཏ་ཏ་པ་ཏྲ། ཨོཾ་བི་མ་ལཱ། ཨོཾ་ཤངྐར། ཨོཾ་པྲ་ཏྱ་ངྒི་ར། ཨོཾ་བཛྲ་ཨུ་ཥྟཱིཥ་ཙ་ཀྲ་བརྟི། སརྦ་ཡནྟྲ་མནྟྲ། མཱུ་ལ་ཀ་རྨྨ། བྣྡྷ་ནཱཾ། ཏཱ་ཌ་ནཱཾ་ཀཱི་ལ་ནཾ་བཱ། མ་མ་ཀྲྀ་ཏེ། ཡེ་ན་ཀེ་ན་ཙི་ཏཏ་ཀྲི་ཏཾ་ཏ། སརྦ་ནྟུ། ཙྪིནྡ་ཙྪིནྡ། བྷིནྡ་བྷིནྡ། ཙི་རི་ཙི་རི། གི་རི་གི་རི། མ་ར་མ་ར། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ [128a.3]ཧཱུཾ་ཧཱུཾ་ཕཊ་ཕཊ་ཕཊ། ཨོཾ་སུམྦྷ་ནི་སུམྦྷ་ཧཱུཾ། གྲྀ་ཧྞ་གྲྀ་ཧྞ་ཧཱུཾ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུཾ། ཨཱ་ན་ཡ་ཧོ་བྷ་ག་བཱ་ན་བཱིདྱཱ་རཱ་ཛ་ཧཱུཾ་ཕཊ། ཅེས་པ་མཁའ་འགྲོ་མ་རྡོ་རྗེ་གུར་དུ་གསུངས་པའི་སྔགས་བཅུས་ཤར་ལ་སོགས་པའི་ཕྱོགས་རྣམས་དང་དབང་ལྡན་ལ་སོགས་པ་རྣམས་སུ་ཡང་གཡས་སྐོར་གྱིས་དང་། [128a.4]སྟེང་དང་འོག་ཏུ་ཡང་གཤིན་རྗེའི་རྗེ་བོ་ལ་སོགས་པའི་ཁྲོ་བོ་བཅུ་པོ་རྣམས་ལའོ། །ཨོཾ་ཨིནྡ་ཛ་མ་ཛ་ལ། ཞེས་པ་ལ་སོགས་པ་རྣམས་ཀྱིས་དབང་པོ་ལ་སོགས་པ་རྣམས་ལ་ཡང་སྔོན་བཞིན་སྦྱིན་པར་བྱས་ཏེ། དེ་རྣམས་ཀྱིས་ཀྱང་སྔོན་བཞིན་བདུད་རྩི་མྱངས་པས་མཆོག་གི་བདེ་བ་ [128a.5]ཆེན་པོ་ཐོབ་པར་གྱུར་ནས་སྒྲུབ་པ་པོའི་མངོན་པར་འདོད་པ་སྒྲུབ་པར་བྱེད་པའོ་ཞེས་བསམས་ཏེ། སྨོན་ལམ་ལ་སོགས་པ་བྱས་ནས་སྔོན་བཞིན་གཤེགས་སུ་གསོལ་ཞེས་པའོ། །འདི་ཡང་བསྐྱེད་པའི་རིམ་པའི་གཏོར་མའི་ཆོག་གཉིས་པའོ། །བསྐྱེད་པའི་རིམ་པར་ནི་ཤེས་ [128a.6]རབ་དང་ཐབས་རྗེས་སུ་གཡོས་པའི་ཁུ་བས་ཟས་ཙམ་གྱི་རོ་མྱང་བས། ཤེས་རབ་དང་ཐབས་ཀྱི་ངོ་བོ་རྣམས་ལ་དང་། དེ་བཞིན་དུ་རང་ཇི་ལྟར་འདོད་པའི་དཀྱིལ་འཁོར་གྱི་དབང་པོ་ལ་སོགས་པའི་ལྟ་དང་ཕན་པ་དང་བཅས་པའི་དབང་པོ་ལ་སོགས་པ་རྣམས་ལ་ཡེ་ཤེས་ཀྱི་རོ་དང་ [128a.7]དབྱེར་མེད་པའི་གཏོར་མས་ཉེ་བར་མཆོད་པ་ནི་གཏོར་མའི་ཆོ་གའོ། །ཆོ་ག་ཇི་ལྟ་བར་སྦྱང་བར་བྱས་པའི་བགྲང་ཕྲེང་ཚད་ལྡན་རྣམས་ཀྱིས་སྔགས་བཟླས་པས་མྱུར་བར་དངོས་གྲུབ་སྦྱིན་པར་འགྱུར་རོ་ཞེས་པས། དེའི་ཆོ་ག་ཅུང་ཟད་བརྗོད་པར་བྱ་སྟེ། མིག་ནི་ལྷ་ལ་ལྷག་པར་མོས་པའི་ [128b] [128b.1]ཚུལ་རང་བཞིན་གྱིས་ཤེས་པའོ། །དེ་གསལ་བར་བྱེད་པའི་ཕྱིར་སྲད་བུའི་མིང་ཅན་ཏེ། ཨཀྵ་སུ་ཏྲའོ། །ཡི་གེ་རྣམས་ཀྱི་སྲད་བུ་ཡིན་པའི་ཕྱིར་དང་། གྲངས་སུ་བྱེད་པའི་ཕྱིར་ཨཀྵ་སུ་ཏྲ་སྟེ། བགྲང་ཕྲེང་ངོ་། །ཨི་ལས་བརྗོད་པ་མ་ཡིན་པའི་ཞེས་པས་རེ་ཕ་དབྱེའོ། །དེ་ལ་མུ་ [128b.2]ཏིག་དང་ཤེལ་དང་། རུས་པ་ལ་སོགས་པ་རྣམས་ལ་ཟླུམ་པོ་མཛེས་པར་བྱས་པའི་རིལ་བུ་རྣམས་ཀྱིས་ཞི་བ་དང་། དངུལ་ལ་སོགས་པ་རྣམས་ཀྱིས་རྒྱས་པ་དང་། ཙཊྣན་དམར་པོ་དང་། བྱུ་རུ་ལ་སོགས་པ་རྣམས་ཀྱིས་དབང་དང་། རུ་དྲཱ་ཀྴ་དང་། ལུང་ཏང་དང་མ་ཧེའི་རུས་པ་ལ་ [128b.3]སོགས་པ་རྣམས་ཀྱིས་མངོན་སྤྱོད་ཀྱི་ལས་དང་། བུའི་བོན་གྱི་ལས་ཐམས་ཅད་པར་ཁ་སྦྱོར་ཐིག་ལེར་གསུངས་ཤིང་བརྟག་པ་གཉིས་པར་ནི། ཤེལ་གྱིས་རེངས་པའི་བཟླས་པ་ཉིད། །ནི་རཾ་ཤུས་ནི་སྡང་བ་ལ། །རྟ་ཡི་རུས་པས་སྐྲོད་པ་ཉིད། །བྲམ་ཟེའི་རུས་པས་དགུག་པ་ལ། ། [128b.4]གླང་པོའི་རུས་པས་ཆར་འབབ་པ། །ཞེས་སོ། །རིལ་བུ་བརྒྱ་རྣམས་ཀྱིས་ཞི་བ་དང་། བརྒྱད་ལྷག་པས་རྒྱས་པ་དང་། ཉི་ཤུ་རྩ་ལྔས་དབང་དུ་བྱས་བ་དང་། དྲུག་ཅུས་མངོན་སྤྱོད་ལ་དང་རྒྱས་ལས་ཐམས་ཅད་ལའོ། །འཇམ་དཔལ་གྱི་རྒྱུད་དུ་གསུངས་པ། །བརྒྱ་དང་བརྒྱད་དམ་ཉི་ཤུ་ལྔ། ། [128b.5]ལྔ་བཅུ་དེ་བཞིན་བར་མའོ། །དེ་ཡི་ཚད་ཀྱི་ཕྲེང་རྣམས་ནི། །ཀུན་ཕན་སྔགས་པས་ཐག་པར་བརྒྱུ། །སྟོང་ཕྲག་བརྒྱད་ཀྱང་དེ་བཞིན་བྱ། །ཕྲེང་བ་རྣམས་ནི་མཐེ་བོང་ཙམ། །དེ་ལྟར་ཕྲེང་བ་རྣམ་པ་བཞི། །འདིར་ནི་སྔགས་པས་བརྒྱུ་བར་བྱ། །ཞེས་སོ། །དེ་ལ་གཞོན་ནུ་མས་བྱས་པའི་ [128b.6]སྲད་བུ་རྣམས་པདྨའི་ཕྱག་ལ་སོགས་པའི་བྱང་ཆུབ་སེམས་དཔའ་བརྒྱད་རྣམ་པར་དག་པ་ཕྱོགས་དང་ཕྱོགས་བྲལ་རྣམས་སུ་བརྒྱད་དང་། དབུས་སུ་ཀུན་ནས་རྫོགས་པའི་སངས་རྒྱས་ཀྱི་རང་བཞིན་རྡོ་རྗེ་སེམས་དཔའ་རྣམ་པར་དག་པས་གཅིག་གོ་ཞེས་ཏེ། དགུའི་ཡོན་ཏན་གྱི་སྲད་ [128b.7]བུ་བསྒྲིལ་བར་བྱས་ནས། རིམ་པས་རིལ་བུ་ཐག་པ་ལ་བརྒྱུས་ཏེ། སྲད་བུའི་གདོང་གཉིས་མདུད་པ་བྱས་པའི་སྟེང་དུ་རིལ་བུ་སྟེ། ཀུན་དུ་བསྟེན་པའི་སྟོབས་དང་། མི་འཇིགས་པ་ལ་སོགས་པ་དང་པོའི་ཆོས་ཀྱི་སྐུ་ཉིད་དོ། །དེའི་སྟེང་དུ་རིལ་བུ་གཞན་ནི་ཆོས་ཀྱི་དབྱིངས་དེ་བཞིན་ [129a] [129a.1]ཉིད་དོ། །དེ་ནས་ཞི་བ་ལ་སོགས་པའི་ལས་དང་རྗེས་སུ་མཐུན་པའི་ཁ་དོག་གི་རིལ་བུ་ཙནྡན་ལ་སོགས་པ་རྣམས་ཀྱིས་བསྒོ་བར་བྱའོ། །ཀྱེ་རྡོ་རྗེ་ལ་སོགས་པའི་སྔགས་བཟླ་བས་ནི་བདུད་རྩི་ལྔ་དང་སྒྲོན་མ་ལྔ་ཡིས་སྦྱངས་ཏེ། མྱུར་བར་ལག་པ་གཡས་ཀྱི་སོར་ [129a.2]མོ་རྣམས་རྡོ་རྗེ་རྩེ་ལྔ་པའི་ངོ་བོར་བསྒོམས་ནས། ཨ་ཡིག་ལས་སྐྱེས་པའི་ཉི་མས་དེ་བྱིན་གྱི་བརླབ་པོ། །གཡོན་པའི་སོར་མོ་པདྨའི་འདབ་མའི་རྣམ་པར་གསལ་བ་ལ། དང་པོའི་དབྱངས་ཡོངས་སུ་གྱུར་པ་ལ་རི་དགས་མཚན་པ་སྟེ། དེས་བྱིན་གྱིས་བརླབ་ཅིང་། སོ་སོར་ [129a.3]ཤེས་རབ་དང་། ཐབས་ཀྱི་རང་བཞིན་དེ་དག་གི་དབུས་སུ། བགྲང་ཕྲེང་བཟུང་ནས། ཀྱེ་རྡོ་རྗེའི་གཟུགས་ཀྱི་བར་མ་ཆད་པར་མངོན་པར་འདོད་པའི་ལྷའི་ངོ་བོར་རམ། ཐམས་ཅད་རིལ་བུར་བསྒོམ་པར་བྱའོ། །ཨཀྵ་རུ་ཀཱ་ར་ཉུ་ཏུ་ཨ་སོ་ཧི་ཨ་མནྟ་བི་ས་རུ་ག་ནི་ཨ་སཾ་ཁ་ཨ་ལི་སི་ཛྫ་ཨི་ [129a.4]ཏ་ཏུ་བི་ས་རུ་ཨོཾ་པ་དེ་པ་དེ་མ་ཧཱ་ཛྙཱ་ན་སརྦ་བུདྡྷ་མ་ཧནྡྷ་བེ་ཏ་ཧཱུཾ་ཧཱུཾ་ཧཱུཾ་ཧོཿཧོཿཧོཿཨཱ་སྭཱ་ཧཱ། ཞེས་པས་བྱིན་གྱིས་བརླབས་ལ། བརྒྱད་ལྷག་པའི་བརྒྱར་བསྒྱུར་པའི་སྔགས་བཟླས་པས་ཀྱང་བྱིན་གྱིས་བརླབ་བོ་ཞེས་པ་རབ་ཏུ་གནས་པའི་ཆོ་གའོ། །དེའི་རྗེས་སུ་སྟོང་པ་ཉིད་དང་སྙིང་རྗེ་དག་ [129a.5]དབྱེར་མེད་པར་ལྷག་པར་མོས་པས། གཡས་པའི་ལག་པས་ཞི་བ་དང་རྒྱས་པ་དང་དབང་དང་མངོན་སྤྱོད་ཀྱི་ལས་རྣམས་ལ། གྲངས་ཇི་ལྟ་བར་སྡིགས་མཛུབ་དང་། གུང་མོ་དང་། མིང་མེད་དང་། མཐེའུ་ཆུང་རྣམས་སུ་བགྲང་ཕྲེང་གི་ཕྲེང་བ་གཞག་པ་ཡང་། མ་ཐེ་བོང་གི་རྩེ་མོ་རྡོ་ [129a.6]རྗེ་ལྕགས་ཀྱུའི་ངོ་བོར་བསྒོམས་ཏེ། ལྷ་དགུག་པའི་བསམ་པས་དྲང་བར་བྱས་ནས་སྔགས་བཟླས་པར་བྱ་སྟེ། མྱུར་དུ་འགྲུབ་པར་བྱེད་དོ། །དམ་ཚིག་དག་ནི་བསྟེན་པ་དང་། །རྣལ་འབྱོར་སྒོམ་པར་བྱེད་པ་དང་། །སྔགས་བཟླས་པ་ལ་སོགས་པ་ཡིས། །མྱུར་དུ་འབྲས་བུ་ལྡན་ [129a.7]པར་འགྱུར། །ཞེས་པས། དམ་ཚིག་འགའ་ཞིག་བརྗོད་པར་བྱ་སྟེ། སེམས་ཅན་རྣམས་ལ་སྙིང་བརྩེ་བ་དོར་བར་མི་བྱ་བ་དང་། གཞན་ལ་ཚུལ་ཁྲིམས་ཕུན་སུམ་ཚོགས་པ་མེད་པར་གླེང་བར་མི་བྱ་བ་དང་། མངོན་སྤྱོད་ཀྱི་ལས་མི་བྱ་བ་དང་། འཇིགས་པ་དང་ཞུམ་པ་དང་ཁྲོ་བ་ལ་ [129b] [129b.1]སོགས་པ་ཡོངས་སུ་སྤང་བ་དང་། རྙེད་པ་དང་བཀུར་སྟི་ལ་སོགས་པའི་དོན་དུ་བདག་གི་ཡོན་ཏན་བསྒྲགས་པར་མི་བྱ་བ་དང་། ཕྱག་རྒྱ་དང་དཀྱིལ་འཁོར་དང་སྔགས་རྣམས་རང་གི་རྟོག་པ་ཙམ་གྱིས་མི་བྱ་བ་དང་། བདེ་བར་གཤེགས་པས་གསུངས་པའི་སྣ་ཚོགས་པའི་སྔགས་དང་ [129b.2]ལྷ་རྣམས་ཀྱང་དབྱེ་བ་མེད་པར་གཟུང་བར་བྱ་ཞིང་། ཡུལ་གང་དུ། བླ་མ་དང་སངས་རྒྱས་དང་བྱང་ཆུབ་སེམས་དཔའ་ལ་སོགས་པ་རྣམས་ལས་སླར་ཆོས་དང་ཆོ་ག་ཐོབ་པར་བྱ་བ་དང་། བཟའ་བྱ་དང་། བཟའ་བྱ་མ་ཡིན་པ་ལ་སོགས་པ་རྣམས་རང་བཞིན་གྱིས་ཡོངས་སུ་དག་པར་ [129b.3]མོས་པར་བྱ་བ་དང་། འཇིག་རྟེན་ལ་གནོད་པ་རྣམས་རྗེས་སུ་བསྲུང་བ་ལ་འཇུག་པར་གོམས་པར་བྱ་བ་དང་། བྱ་བ་ངན་པར་སྤྱོད་པ་རྣམས་དྲངས་ཏེ། བདག་གི་ནང་གི་ནང་དུ་ཐོབ་པར་བྱ་བ་དང་། སྒོམ་པ་པོ་བདག་རྣལ་འབྱོར་པ་དང་། རྣལ་འབྱོར་མའི་བདག་ཉིད་དུ་ཐེ་ཚོམ་ཟ་བ་དེ་ [129b.4]རྣམས་ཀྱི་མཐོང་བར་འགྱུར་བའི་དོན་སྤོང་བ་དང་། བརྡ་རྣམས་ལ་བདག་གོམས་པར་བྱ་བ་དང་། ཇི་ལྟར་ཚོགས་པའི་འདོད་པའི་ཡོན་ཏན་ལྔ་དེ་བཞིན་གཤེགས་པ་ལྔ་དག་པས་བསྟེན་པར་བྱ་བ་དང་། བུད་མེད་རྣམས་གདུང་བར་མི་བྱ་ཞིང་ཁྱད་པར་དུ་ཕྱག་རྒྱའི་གཟུངས་མ་ལ་ཚིག་ངན་ [129b.5]མི་བྱ་བ་དང་། མཚན་མའི་རྣམ་པ་དང་། བཟའ་བ་རྣམས་ལ་འགོམ་པར་མི་བྱ་བ་དང་། ཆོམ་རྐུན་གྱི་གྲོགས་སྤང་བར་བྱ་བ་དང་། བདུད་རྩི་ལྔ་དང་སྒྲོན་མ་ལྔ་ནག་པོའི་ཚེས་བརྒྱད་དམ་བཅུ་བཞི་ལ་རིལ་བུར་བྱས་ནས་གྲིབ་མ་ལ་བསྐམས་ཏེ། ཐོད་པའི་སྣོད་ཁ་སྦྱོར་དུ་གཞག་ཅིང་ཇི་ལྟ་བར་བདུད་ [129b.6]རྩིར་བྱས་ནས་ཉི་མ་སོ་སོར་བསྟེན་པར་བྱ་བ་དང་། རྩ་བའི་ལྟུང་བ་བཅུ་བཞི་དང་། སྦོམ་པོའི་ལྟུང་བ་བརྒྱད་རྣམས་འབད་པས་སྤང་བར་བྱ་སྟེ། དེ་རྣམས་ནི་རབ་ཏུ་གྲགས་པ་ཉིད་ཡིན་པས་མ་བྲིས་སོ། །དེ་རྣམས་དང་གཞན་ཡང་དམ་ཚིག་གི་ཁྱད་པར་རྨད་དུ་བྱུང་བ་རྣམ་པ་མང་པོ་ [129b.7]དེ་དང་དེ་རྣམས་བཅོམ་ལྡན་འདས་ཀྱིས་རྒྱུད་རྣམས་སུ་གསུངས་པ་རྣམས་གྲུབ་པ་རྣམས་ཀྱིས་ཀྱང་རབ་ཏུ་སྤྲོས་སོ། །དེ་ལྟར་རྟོགས་པར་བྱས་ནས་འགོམ་པར་མི་བྱས་ཞིང་། དམ་ཚིག་སྨྲ་བར་ཡང་མི་བྱའོ་ཞེས་པའོ། །བརྟག་པ་གཉིས་པ་ལ་སོགས་རྒྱུད་རྣམས་སུ། དེ་ཡི་ [130a] [130a.1]ཐབས་ནི་རྣམ་པ་དུ་མ་ཞིག །མཐོང་ནས་རྣམ་པ་སྣ་ཚོགས་མངོན་རྟོགས་དང་། སྒྲུབ་པའི་ཐབས་རྣམས་གཞན་ཡང་འབད་པར་བྱས། སྲོག་དང་འདྲ་བའི་བླ་མེད་བླ་མ་དང་། །དོན་དུ་གཉེར་བའི་སློབ་མ་རྣམས་ཀྱིས་ཀྱང་། །ཅུང་ཟད་དག་ནི་བསྐུལ་བར་གྱུར་པ་ལས། ། [130a.2]འདི་ནི་བདག་གིས་རབ་ཏུ་བཀོད་པ་ཡིན། །རང་ཉིད་གཟུགས་བརྙན་འདྲ་ཡང་བསྐུལ་བ་ལས། །ཐུབ་པའི་དགོངས་པ་ཅུང་ཟད་འཆད་པ་གང་། །དེ་ནི་ངན་པའི་སྤྱོད་པ་ཉིད་ཡིན་ཏེ། །ལྟུང་བ་དང་བཅས་དམྱལ་བ་རྣམས་སུ་འགྱུར། །མངོན་པར་རྟོགས་པའི་ཐིག་ལེ་འདི་བྱས་ལ། །བདག་ [130a.3]གིས་དགེ་བ་ཉེ་བར་བསྒྲུབས་པ་གང་། །དེ་ཡིས་མྱུར་དུ་དཔལ་ལྡན་ཀྱེ་རྡོ་རྗེའི། །རྣལ་འབྱོར་སྣོད་དུ་བདག་དང་འཇིག་རྟེན་གྱུར། །རྣམ་པར་གྲགས་པའི་མཁས་པ་གནས་བརྟན་ཤཱཀྱ་སྲུང་བའི་ཞབས་ཀྱིས་མཛད་པའི། དཔལ་ཀྱེ་རྡོ་རྗེའི་མངོན་པར་རྟོགས་པའི་ཐིག་ལེ་འདི་ [130a.4]རྫོགས་སོ།། །།ལུང་རིགས་ཀྱི་དབང་ཕྱུག་སྐད་གཉིས་སྨྲ་པའི་གཙུག་གི་ནོར་བུ། །དཔལ་ལྡན་བྱང་ཆུབ་རྩེ་མོའི་བཀའ་དྲིན་ལས། བརྡ་སྤྲོད་པའི་ཚུལ་ལ་བློའི་སྣང་བ་ཅུང་ཟད་ཐོབ་པ་ཤཱཀྱའི་བཙུན་པ་སྐྱོབ་པ་དཔལ་བཟང་པོ་ཞེས་བྱ་བས་བསྒྱུར་བའོ། །རྒྱུད་རྒྱལ་རིན་ [130a.5]ཆེན་འབྱུང་གནས་བསྲུབས་པ་ལས། འབྱུང་བའི་ནོར་བུ་རིམ་གཉིས་འོད་དཀར་ཅན། །གང་འདིས་བོད་ཡུལ་གདུལ་བྱའི་ཀུ་མུད་ཚལ། །རྒྱས་པར་བྱ་ཕྱིར་སྐྱོབ་པ་དཔལ་བཟང་པོས། །བསྒྱུར་ལས་བྱུང་བའི་དགེ་བ་རབ་དཀར་བ། །དེ་ཡིས་འགྲོ་ཀུན་རྡོ་རྗེ་འཛིན་གྱུར་ཅིག ། [130a.6]པཎྜི་ཏ་ལ་མ་གཏུགས་པ་དང་། རྒྱ་དཔེ་གཉིས་པའང་མ་རྙེད་པས་ནོངས་པའི་ཆ་མཆིས་པ་རྣམས་མཁས་པ་རྣམས་ཀྱིས་བཟོད་པར་མཛད་ནས་སླར་བཅོས་ཤིང་ཉེས་པའི་ཆ་རྣམས་འདིར་བར་བྱའོ།། {T1278}༄། །ཆོས་སྤྱོད་མདོར་བསྡུས་པའི་བྱ་བ་བཞུགསསོ། ། [130a.7]༄༅༅། །དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། །འདིའི་ལམ་དུ་འཇུག་པའི་རྣལ་འབྱོར་པས་དང་པོར་ལྷན་ཅིག་སྐྱེས་པའི་བདེ་པའི་ངང་དུ་ཉལ་ནས། ནང་པར་ཐོ་རངས་ཁར་ཚད་མེད་པའི་ལྷ་མོ་བཞིས་ཚད་མེད་པའི་གླུས་བསྐུལ་ནས་ལངས་ཏེ་ཁྲུས་བྱས་ནས་ནང་དུ་ [130b] [130b.1]གནས་ཏེ། བདུད་རྩི་དང་བའི་རྣམ་ལྔས་སེམས་དང་བས་མཎྜལ་ལེགས་པར་བྱས་ཏེ་བྱུག་པ་བྱ་ཞིང་། ངག་ཏུ་བཛྲ་རེ་ཁེ་ཧཱུཾ་ཞེས་བྱས་པས་ས་གཞི་བྱིན་གྱིས་བརླབས་ནས། དེ་ནས་མེ་ཏོག་གཅིག་མཎྜལ་གྱི་དབུས་སུ་གཞག །སྲུང་བའི་ཕུར་བུ་སྟོད་ཁྲོ་བོ་སྨད་ཕུར་པ་གཅིག་ཏུ་ [130b.2]བསམས་ལ་བསྲུང་ངོ་། །མེ་ཏོག་གཅིག་རང་གི་མགོར་བཞག་ནས་ལུས་བསྲུངས་པ་དང་དེ་ནས་ལག་པ་བཀྲུས་ནས། ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། །ཞེས་པས་མེ་ཏོག་གཅིག་དབུས་སུ་བཞག་པས་གཙོ་བོ་ཡབ་ཡུམ་དུ་བསྐྱེད། ཤར་དུ་གོ་རཱི་ན་མཿ་ཞེས་པས་མེ་ཏོག་ [130b.3]གཅིག་གཞག །དེ་བཞིན་དུ་ལྷོ་དང་ནུབ་དང་བྱང་དང་ཤར་ལྷོ་ལྷོ་ནུབ་ནུབ་བྱང་དང་བྱང་ཤར་མཚམས་སུ་རིམ་པ་བཞིན་དུ། ཙོ་བོ་རཱི་ན་མཿ། བེ་ཏཱ་ལཱི་ན་མཿ། གྷསྨ་རཱི་ན་མཿ་པུཀྐ་སཱི་ན་མཿ། ཤ་བ་རཱི་ན་མཿ། ཙཎྜལཱི་ན་མཿ། ཌོ་མྦི་ནཱི་ན་མཿ།ཞེས་པས་མེ་ཏོག་དགྲམ་པ་དང་། དེར་ལྷ་མོ་རེ་རེ་མོས་པ་ཙམ་ [130b.4]གྱིས་བསྐྱེད་དེ། མཆོད་པ་རིམ་པ་བཞིན་དུ་བཤམས་ནས། བྲིས་སྐུ་ལ་སོགས་པ་ལེགས་པར་བཀྲམ་ནས། སྟན་བདེ་བ་ལ་སོགས་པར་འདུག་སྟེ། རང་ཉིད་མོས་པའི་ལྷར་བསམས་པའི་སྙིང་གར། པཾ་ལས་པདྨ་དང་རཾ་ལས་ཉི་མའི་སྟེང་དུ་ཧཱུཾ་སྔོན་པོ་བསམས་ལ། ལུས་ [130b.5]ཀྱིས་རྡོ་རྗེ་དྲིལ་བུ་གཟུང་། ངག་ཏུ་ཨོཾ་ཧེ་བཛྲ་ཨ་དྷི་ཤྠ་ཎ་རཀྴ་རཀྴ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བརྗོད་པས་སེམས་ཀྱིས་ཧཱུཾ་ལས་འོད་ཟེར་འཕྲོས་པས་ཐམས་ཅད་རྡོ་རྗེའི་ས་གཞི་དང་། དྲ་བ་དང་། ར་བ་དང་། གུར་དུ་བསམས་ལ་ཨོཾ་ཧེ་བཛྲ་ལ་གོང་གི་སྔགས་རཀྵ་ལ་སོགས་པ་སྦྱར། [130b.6]བསམ་པས་ལུས་ཐམས་ཅད་རྡོ་རྗེའི་རྣམ་པར་བྱ་བ་དང་། ཨོཾ་བཛྲ་བཛྲ་ལ་ཛི་ཧྭ་ལ་སོགས་པ་སྦྱོར་བས་ངག་རྡོ་རྗེར་བསམས་པ་དང་། ཨོཾ་ཧེ་བཛྲ་ཡོ་ག་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བརྗོད་པས། སེམས་རྡོ་རྗེའི་རྣམ་པར་སོང་བར་བསམས་པ་ནི་སེམས་སྲུང་བའོ། །དེ་ནས་ [130b.7]མཆོད་པ་ཐམས་ཅད་ལ་དམིགས་ནས། ཨོཾ་བཛྲ་པུ་ཥྦེ་ཨཱཿ་ཧཱུཾ་ཞེས་པ་ལ་སོགས་པ་གང་དུ་བརྗོད་ཅིང་མེ་ཏོག་དང་སྤོས་དང་མར་མེ་དང་དྲི་ཆབ་དང་ལྷ་བཤོས་རྣམས་སོ་སོའི་རྫས་བསྣམས་པར་བྱིན་གྱིས་བརླབས་ལ། མཆོད་ཡོན་ལ་ཛཿ་ཧཱུཾ་བཾ་ཧོཿ་སྭཱ་ཧཱ། ཞབས་བ་སིལ་ལ་ནི་རི་ཏི་ཁཾ་ [131a] [131a.1]སྭཱ་ཧཱ། ཞེས་བརྗོད་པས་བྱིན་གྱིས་བརླབས་ནས་ཚོགས་ཀྱི་ལྷ་སྤྱན་དྲང་བ་ནི། ལུས་ཀྱིས་རྡོ་རྗེ་དྲིལ་བུ་གཟུང་ནས། ངག་ཏུ། ཁྱོད་ནི་རྣལ་འབྱོར་མའི་ཚོགས་ཀྱིས་ཡོངས་སུ་བསྐོར། །རྡོ་རྗེ་མི་ཕྱེད་ཅི་བཞེད་པ། །མཆོག་ཏུ་དགྱེས་པར་གཤེགས་ནས་ཀྱང་། །བྱིན་ [131a.2]གྱིས་བརླབ་པར་མཛད་དུ་གསོལ། །ཞེས་བརྗོད་ལ་བསམ་པས་སྙིང་གའི་པདྨའི་ཧཱུཾ་ལས་འོད་འཕྲོས་པས། འོད་ཀྱིས་བླ་མ་དང་ཀྱེའི་རྡོ་རྗེ་འཁོར་དང་བཅས་པ་སྤྱན་དྲངས་ལ། དེ་ལ་མཆོད་ཡོན་དང་ཞབས་བསིལ་དང་། གདན་རྣམས་ཕུལ་ལ་མཎྜལ་གྱི་སྟེང་དུ་བཞུགས་སུ་ [131a.3]གསོལ། །དེ་ནས་དང་པོའི་བླ་མའི་སྨིན་མཚམས་སུ་ཤེས་པ་གཏད་ལ་བླ་མ་ལ་ཕྱག་བྱ་བ་དང་། མཆོད་པ་བྱ་བའོ། །དེ་ནས་ཡིད་ཀྱིས་གཙོ་བོའི་ཞབས་ལ་སྤྱི་བོས་གཏུགས་ལ་ལུས་ངག་ཡིད་གསུམ་གྱི་སྡིག་པ་དག་པར་བསམ་པ་དང་། ལུས་ཀྱིས་ཕྱག་བྱ་གསུང་། ཚིག་བརྗོད་ [131a.4]ཅིང་ཕྱག་བྱའོ། །དེ་ནས་མཆོད་པར་དབུལ་བ་ནི། དང་པོ་མིའི་མཆོད་པ་རྫས་རིམ་པར་བཤམས་པ་ཡོད་ན་དེ་དབུལ། མེད་ན་རང་གི་སྙིང་ག་ནས་ཕྱིའི་མཆོད་པའི་ལྷ་མོ་སྤྲུལ་ལ་དབུལ། ངག་ཏུ་བརྗོད་པ་ནི། ཆུ་དང་ཐང་ལས་སྐྱེས་པ་ཡི། །ལྷ་རྫས་བཟང་པོའི་མེ་ཏོག་འདི། ། [131a.5]གུས་པ་མཆོག་གིས་བདག་འབུལ་ན། །ཅི་བདེ་བར་ནི་བཞེས་སུ་གསོལ། །ཨོཾ་ཧཱུཾ། ལྷན་ཅིག་སྐྱེས་དང་སྦྱར་བ་ཡི། །ལྷ་རྫས་བཟང་པོའི་བདུག་སྤོས་འདི། །གུས་པས་མཆོག་གིས་བདག་འབུལ་ན། །ཅི་བདེ་བར་ནི་བཞེས་སུ་གསོལ། །ཨོཾ་ཧཱུཾ། གདོན་རྣམས་རབ་འཇོམས་ [131a.6]ཤིས་པ་ཡི། །དགེ་ཞིང་མུན་སེལ་མར་མེ་འདི། །གུས་པས་མཆོག་གིས་བདག་འབུལ་ན། །ཅི་བདེ་བར་ནི་བཞེས་སུ་གསོལ། །ཨོཾ་ཧཱུཾ། ནགས་ཚལ་ཆུ་ནི་ཡིད་འོང་བའི། །དྲི་ཞིམ་ཆུ་ཡི་ལྷ་ཡི་ཆུ། །གུས་པས་མཆོག་གིས་བདག་འབུལ་ན། །ཅི་བདེ་བར་ནི་བཞེས་ [131a.7]སུ་གསོལ། །ཨོཾ་ཧཱུཾ། སྨན་རྣམས་བཅུད་ནི་ཡིད་འོང་བའི། །སྔགས་ཀྱི་ཞལ་ཟས་བཤོས་འདི་དག །གུས་པས་མཆོག་གིས་བདག་འབུལ་ན། །ཅི་བདེ་བར་ནི་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་ནཻ་ཝི་དྱེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་ཞེས་པས་མཆོད་ [131b] [131b.1]པ་དབུལ་བར་བྱའོ། །ད་ནི་ནང་གི་མཆོད་པ་ནི་རང་གི་སྙིང་ག་ནས། ལྷ་མོ་བརྒྱད་སྤྲོས་པ་ནི། གཽ་རཱི་བྱང་ཆུབ་སེམས་དཀར་པོ་ཐོགས་པ། ཙཽ་རཱི་བྱང་ཆུབ་སེམས་དམར་པོ་ཐོགས་པ། བེཏཱ་ལཱི་དྲི་ཆུ་ཐོགས་པ། གྷསྨ་རཱི་ཤ་ལྔ་འཛིན་པ། ཙཎྜལཱི་ཅང་ཏེའུ་བརྡུང་བ་སྤྲོས་ལ་མཆོད་ [131b.2]པར་བྱའོ། །གསང་བའི་མཆོད་པ་ནི་རང་གི་སྙིང་ག་ནས་ལྷ་མོ་ཌོམྦི་ནཱི་སྤྲོས་ནས། ཡུམ་བདག་མེད་མ་དང་གཉིས་མེད་དུ་བསྟིམ་ལ་མཆོད་དོ། །དེའི་དུས་སུ་ངག་ཏུ་འདི་སྐད་བརྗོད་དོ། །གཽ་རཱི་མ་ནི་རི་བོང་འཛིན། ཙཽ་རཱི་མ་ནི་ཉི་མ་འཛིན། བཻ་ཏཱ་ལཱི་ནི་རྡོ་རྗེ་ཆུ། གྷསྨ་རཱི་ནི་སྨན་འཛིན་ [131b.3]ཅིང་། །སྦོས་མོ་ཙནྡན་སྡོང་བུ་འཛིན། །རི་ཁྲོད་མ་ནི་སྦྲང་ཙི་འཛིན། །གཏུམ་མོ་ཅང་ཏེའུ་སྒྲ་བརྡུང་ཞིང་། །གཡུང་མོ་མགུལ་པ་དག་ལ་འཁྱུད། །འདོད་ཆགས་ཆེན་པོ་རྗེས་ཆགས་པ། །སྐྱེས་བུ་བཞིན་དུ་བྱེད་པར་ཤོག །ཕྱི་དང་ནང་དང་གསང་བ་གསུམ། །འདི་དག་ [131b.4]གསུམ་གྱིས་གཙོ་བོ་མཆོད། །ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ་ཧཱཾ། དེ་ནས་སྡིག་པ་བཤགས་པ་ནི། བདག་གི་སྡིག་པ་བགྱིས་པ་དང་། །རྗེས་སུ་ཡི་རང་བགྱིད་སྩལ་གང་། །རྫོགས་སངས་རྒྱས་ཀྱི་སྤྱན་སྔ་འདིར། །ཐམས་ཅད་མ་ལུས་སོ་ [131b.5]སོར་བཤགས། །སངས་རྒྱས་བྱང་ཆུབ་སེམས་རྣམས་དང་། །འཕགས་པ་རང་རྒྱལ་ཉན་ཐོས་དང་། །སོ་སོ་སྐྱེ་བོའི་ཚོགས་རྣམས་ལ། །གུས་པས་རྗེས་སུ་ཡི་རང་ངོ་། །རྫོགས་པའི་སངས་རྒྱས་རྐང་གཉིས་མཆོག །དེ་ཡིས་གསུངས་པའི་དམ་ཆོས་དང་། །བྱང་ཆུབ་ [131b.6]སེམས་དཔའི་དགེ་འདུན་ལ། །བྱང་ཆུབ་བར་དུ་སྐྱབས་སུ་མཆི། །བདག་གི་སྦྱིན་པ་ལ་སོགས་པ། །ཕ་རོལ་ཕྱིན་པ་ཀུན་རྫོགས་པ། །རྡོ་རྗེ་ཐེག་པ་བླ་མེད་པའི། །ལམ་ནི་ཡང་དག་བསྟེན་པར་བགྱི། །བདག་གི་དགེ་བ་འདི་དག་ཀུན། །བླ་མེད་བྱང་ཆུབ་ཡང་དག་རྫོགས། ། [131b.7]སེམས་ཅན་ཀུན་དོན་ཕན་པའི་ཕྱིར། །མི་གནས་མྱ་ངན་འདས་ལ་དགོད། །བདག་གི་དགེ་བ་འདི་དག་ཀུན། །ཡོངས་སུ་རྫོགས་པར་གྱུར་ནས་ནི། །སེམས་ཅན་ཀུན་དང་ཐུན་མོང་དུ། །ཡོངས་སུ་སྨིན་ཅིང་རྫོགས་པར་ཤོག །ཅེས་བརྗོད་ལ། སངས་རྒྱས་དང་བྱང་ [132a] [132a.1]ཆུབ་སེམས་དཔའ་དང་དཔལ་དགྱེས་པ་རྡོ་རྗེའི་ལྷ་ཚོགས་འཁོར་དང་བཅས་པ་ལ། བདག་ཉིད་ལུས་དབུལ་ཏེ། བདག་དུས་ཐམས་ཅད་དང་རྣམ་པ་ཐམས་ཅད་དུ་བཞེས་སུ་གསོལ། ཐུགས་རྗེ་ཆེན་པོ་དང་ལྡན་པའི་མགོན་པོ་ཁྱེད་རྣམས་ཀྱིས། དམ་ཚིག་ [132a.2]ཆེན་པོའི་དངོས་གྲུབ་སྩལ་དུ་གསོལ། དེ་ནས་སྡོམ་པ་བཟུང་ནས་བསྟོད་པ་ཉི་ཤུ་པས་བསྟོད་ལ། བཟོད་པ་གསོལ་ནས་ནི། གང་ཡང་བདག་བློ་གཏི་མུག་པས། །ཞེས་པ་ལ་སོགས་པའོ། །ཡི་གེ་བརྒྱ་པ་ལན་གསུམ་བརྗོད་ནས་སྨོན་ལམ་གདབ་པ་ནི་རིགས་སུ་སྐྱེ་ [132a.3]ཞིང་དམ་ཚིག་ཅན། །སྨྱོ་མེད་ཀྱི་ཡི་རྡོ་རྗེ་སྟོན། །བླ་མ་ལ་གུས་སྙིང་རྗེར་ལྡན། །སྐྱེ་ཞིང་སྐྱེ་བར་འགྱུར་བར་ཤོག །ལག་པ་རྡོ་རྗེ་དྲིལ་བུ་འཁྲོལ། །ཟབ་མོའི་ཆོས་ནི་ཀློག་པ་དང་། །བཙུན་མོའི་ཁུ་བ་མཉམ་ཟས་ཅན། །སྐྱེ་ཞིང་སྐྱེ་བར་འགྱུར་བར་ཤོག །དེ་ནས་གཤེགས་ [132a.4]སུ་གསོལ་བ་ནི། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་བྱོན་པར་མཛད་དུ་གསོལ། །ཞེས་བརྗོད་ལ་ཧེ་བཛྲ་མཎྜལ་མུཿ་ཞེས་པས་གཤེགས་སུ་གསོལ་བར་བྱའོ། ། [132a.5]མདོར་བསྡུས་པའི་བྱ་བ་རྫོགས་སོ།། {T1279}༄། །སཱཙྪའི་ཆོ་ག་བཞུགས་སོ།། ༄༅༅། །སཱཙྪ་བྱ་བའི་རིམ་པ་ཡང་། །ས་ལས་འཇིམ་པ་བྱས་ནས་ནི། །རང་གི་ལྷ་ཡི་རྣལ་འབྱོར་གྱིས། །འཇིམ་པ་རིན་ཆེན་སྣ་ལྔར་བསམ། །དེ་ནས་སེམས་ཅན་ཐམས་ཅད་ [132a.6]ལ། །བྱམས་དང་སྙིང་རྗེ་བསྐྱེད་བྱ་ཞིང་། །རིགས་གསུམ་ལྷ་ཡང་དྲན་པར་བྱས། །ཆོས་སྐུའི་གཟུགས་བརྙན་བཞེངས་པ་དང་། །དེ་ཡང་སེམས་ཅན་དོན་དུའོ། །དེ་ནས་འཇིམ་པ་དག་ལ་ནི། །སྔགས་ནི་ཉི་ཤུ་རྩ་ཅིག་གདབ། །ན་མོ་བྷ་ག་བ་ཏེ། བཻ་རོ་ཙ་ན། ཏ་ཐཱ་ག་ཏཱ་ཡ། [132a.7]ཨརྷ་ཏེ། སམྱ་ཀྶཾ་བུདྷཱ་ཡ། ཏདྱ་ཐཱ། ཨོཾ་སུ་ཀྵྨེ་ཀྵྨེ་ས་མ་ཡ་ས་མ་ཡེ། ཤཱནྟེ་དཱནྟེ། ཨ་ས་མ་རོ་པེ་ཨ་ན་ལམྦེ། ཏ་རཾ་བེ་ཡ་ཤོ་བ་ཏི་མ་ཧཱ་ཏེ་ཛ་ནི་ར་ཀུ་ལེ་ནི་རྦཱ་ཎི། སརྦ་ཏ་ཐཱ་ག་ཏ། ཨ་དྷི་ཥྛཱ་ན་ཨ་དྷིཥྛི་ཏེ་སྭཱ་ཧཱ། རྟེན་འབྲེལ་དག་གི་སྔགས་དག་གིས། །རབ་ཏུ་གནས་པ་བྱ་བ་ཡིན། །རྫོགས་སོ།། །། [132b] [132b.1]{T1280}༄། །བུང་བ་འདོད་པའི་སྒྲུབ་ཐབས་བཞུགས།། ༄༅༅། །བཅོམ་ལྡན་འདས་དཔལ་དགྱེས་པ་རྡོ་རྗེ་ལ་ཕྱག་འཚལ་ལོ། །དེ་ཉིད་ཡེ་ཤེས་རྒྱུས་སྐྱེས་པའི། །ལོངས་སྤྱོད་རྫོགས་སྐུ་ཕྱག་འཚལ་ནས། །ཤིན་ཏུ་བསྡུས་པར་གྱུར་པ་ཡི། །བུང་བའི་སྒྲུབ་ཐབས་བཤད་པར་ [132b.2]བྱ། དང་པོ་ཁོ་ནར་ཁམས་གསུམ་ཐམས་ཅད་སེམས་ཙམ་དུ་ཤེས་པར་བྱས་ལ། དེ་ནས་བདག་ཉིད་དཔལ་ཧེ་རུ་ཀའི་གཟུགས་ཆུ་སྐྱེས་དམར་པོ་དང་འདྲ་བ་སྐད་ཅིག་གིས་རྫོགས་པར་བྱས་ཏེ། རང་གི་སྙིང་གར་བཅུ་དྲུག་ཕྱེད་ཀྱི་པདྨ་ཤིན་ཏུ་དམར་བ་བསམས་ལ། དེ་ཡི་ལྟེ་བ་ལ་ཨཱ་ [132b.3]ལི་ཡང་དག་པར་བསྡུས་པའི་གཟུགས། སངས་རྒྱས་ཐམས་ཅད་ཀྱི་ཡོན་ཏན་རྗེས་སུ་ཆགས་པའི་ཡི་གེ་ཨཾ་དང་ཧཱུཾ་ཡང་དག་པར་ཡིད་ཀྱིས་བྲིས་ཏེ། དེ་ནས་ཧཱུཾ་དང་ཨཾ་ལས་བྱུང་བ་ཤིན་ཏུ་དམར་བའི་འོད་ཟེར་ཡིད་བཟོ་བར་བྱེད་པ་སྤྲོས་ཏེ། གུར་གུམ་ལྟ་བུའི་འོད་ཟེར་དེ་ཕྱོགས་ [132b.4]ཐམས་ཅད་ཁྱབ་སྟེ། སེམས་ཅན་ཐམས་ཅད་རང་གི་གཟུགས་སུ་བྱས་ལ་དེའི་སྐུ་གསུང་ཐུགས་ལྷན་ཅིག་ཏུ་བཀུག་སྟེ། ཧཱུཾ་དང་ཨཾ་གཉིས་ཀྱི་ཐིག་ལེ་ལ་གཞུག་པར་བྱའོ། །དེ་ནས་ཧཱུཾ་ཡོངས་སུ་གྱུར་པ་ལས། ཐབས་དང་ཤེས་རབ་ཀྱི་རང་བཞིན་བུང་བའི་གཟུགས། རིན་པོ་ [132b.5]ཆེ་ལྟ་བུའི་སྙིང་རྗེ་ཆེན་པོའི་རང་བཞིན་མེ་ཏོག་གི་རོ་འཐུངས་པས་བརྒྱལ་བ། ཧཱུཾ་གི་ངོ་བོའི་སྒྲ་རྟག་རིང་དུ་སྒྲོག་པ། བདག་མེད་མ་དང་ཧེ་རུ་ཀའི་རང་བཞིན་བསྒོམ་པར་བྱའོ། །དེ་ནས་དེའི་སྙིང་གར་ཚོན་དམར་པོ། །ཀོ་བའི་ཆུ་ལྟ་བུའི་ཐིག་ལེ་ཕྲ་མོ་ཨཾ་དང་ཧཱུཾ་གི་ཡི་གེར་བལྟས་ཏེ། [132b.6]དེ་ནས་ཐབས་དང་ཤེས་རབ་ཀྱི་བུང་བ་སྲོག་གི་རླུང་ལ་ཞོན་ཏེ། སྣའི་བུ་ག་ནས་ཕྱུང་ལ། ཁམས་གསུམ་ན་གནས་པ་སེམས་ཅན་གྱི་ལུས་ངག་ཡིད་གསུམ་རྣམ་པར་དག་པར་བྱས་ཏེ་བསྡུའོ། །ཡང་དབུགས་ཀྱི་རླུང་ལ་བརྟེན་ནས་ཇི་ལྟ་བར་བྱ་སྟེ། རང་གི་སྙིང་གའི་པདྨའི་ལྟེ་བ་ [132b.7]ལ་རབ་ཏུ་རྣམ་པར་དག་པ་ལ་གཞུག་པར་བྱ་སྟེ། གཞན་གྱི་སྐུ་གསུང་ཐུགས་དང་། རང་གི་སྐུ་གསུང་ཐུགས་གཅིག་ཏུ་མཉམ་པར་བསྒོམ་པར་བྱའོ། །དེ་ལྟར་ཡང་དང་ཡང་དུ་ཇི་སྲིད་སྐད་ཅིག་གིས་མཐོང་གི་བར་དུ། དབུགས་ལ་བརྟེན་པའི་གཟུགས་བསྒོམ་པར་བྱའོ། ། [133a] [133a.1]དེ་ལྟར་གོམས་པའི་རྟིང་ལ་སྐྱེས་པ་དང་བུད་མེད་ཀྱི་སྐད་ཅིག་པདྨ་དམར་པོ་འདབ་མ་བརྒྱད་པ་རྣམ་པར་བསམས་ལ། དེའི་རོ་བུང་བ་སྲོག་དང་རྩོལ་བ་ལ་བརྟེན་ནས་སྔ་མ་བཞིན་དུ་བྱུང་སྟེ། བདག་ཉིད་ཀྱི་སྙིང་གི་མེ་ཏོག་ལྟེ་བ་ལ་གཞུག་པར་བྱ་སྟེ། སྐྱེས་པའི་ [133a.2]སྣའི་བུ་གར་ཞུགས་ཏེ། ལུས་ངག་ཡིད་གསུམ་གྱི་གཟུགས། སྙིང་གའི་པདྨའི་ལྟེ་བ་ལ་འདུག་སྟེ་དེའི་སྙིང་གའི་པདྨའི་འདབ་མ་ལ་ལུས་ཀྱི་རང་བཞིན་གྱི་རྡུལ་ཡོད་པ་བདག་ཉིད་ཀྱི་ལུས་བསྒོམ། ངག་གི་རང་བཞིན་པདྨ་འཐུངས། །སེམས་ཀྱི་རང་བཞིན་པདྨའི་སྙིང་པོ་ཟོས་ [133a.3]ཏེ། དེ་ནས་སྒྲུབ་པ་པོས་རང་གི་དབུགས་ཀྱི་རླུང་བཀུག་སྟེ། སྐྱེས་པའི་སྣའི་བུ་ག་ནས་ཕྱུང་ལ། བདག་ཉིད་སྣའི་བུ་ག་ནས་སྙིང་གི་པདྨའི་གེ་སར་ལ་གཞུག་གོ། །དེ་ལྟར་ལུས་སྤྲུགས་དེར་ལུས་ཀྱང་རང་བཞིན་གྱི་ཆུ་སྐྱེས་ཀྱི་རྡུལ་གཉིས་གཅིག་ཏུ་བྱས། ངག་གི་རང་བཞིན་ [133a.4]གྱི་མེ་ཏོག་གི་ཁུ་བ་གཉིས་གཅིག་ཏུ་བྱས། སེམས་ཀྱི་རང་བཞིན་པདྨའི་སྙིང་པོ་གཉིས་གཅིག་ཏུ་བྱས་པར་བསམ་པར་བྱའོ། །དེ་ཡང་དེ་ལྟར་སྤྲོས་པ་དང་། དེ་ལྟར་གཞུག་པ་དང་། དེ་ལྟར་བསྟིམས་ཏེ། ཡང་དག་པར་བསམ་པར་བྱའོ། །དེ་ཡང་དང་ཡང་དུ་ཇི་སྲིད་དུ་རྗེས་སུ་ [133a.5]ཆགས་པ་མཐོང་བ་དང་། ཇི་ལྟར་བསྒོམ་པ་བཞིན་དུ་ཤེས་ནས་བྱེད་དེ། ཇི་ལྟར་མངོན་པར་འདོད་པ་གྲུབ་པར་བྱེད་དོ། །འདིར་བསྒོམ་པ་འདི་བྱས་ན། བུད་མེད་དགའ་བའི་སེམས་ཀྱིས་ཆགས་པར་བྱེད་པ་དང་། འདོད་པས་བརྒྱལ་བའི་ལུས་ཀྱིས། སྒྲུབ་པ་པོའི་སེམས་ [133a.6]བདེ་བར་བྱེད་ཅིང་དབང་དུ་འགྱུར་རོ། །ཉེས་པ་ཡོད་པར་མཐོང་ན། ཇི་ལྟར་བསྟན་པར་མི་བྱའོ། །གལ་ཏེ་བྱས་ན་ཆེན་པོའི་སྡིག་པར་འགྱུར་རོ། །དེ་བས་ན་སྔོན་དུ་ཡུལ་དང་ཡུལ་མ་ཡིན་པ་ཤེས་པར་བྱས་ལ། དེ་ཤེས་པ་དང་། ཇི་ལྟར་བསྟན་པ་བསྒོམ་པར་བྱའོ། ། [133a.7]བུང་བ་འདོད་པ་སྒྲུབ་པའི་ཐབས། །རྣམ་པར་བསྒྲུབས་པའི་བསོད་ནམས་ཀྱིས། །འདིར་ནི་འཁོར་བའི་སྐྱེ་བོ་རྣམས། །དཔལ་གྱི་སྙིང་རྗེ་ཐོབ་པར་ཤོག། །རྫོགས་སོ། །གྲུབ་པ་བརྙེས་པའི་རཏྣ་ཙནྡྲས་མཛད་པ། ལོ་ཙཱ་བ་ཁུ་དངོས་གྲུབ་པོ།། །། [133b] [133b.1]{T1281}༄༅༅། །རྒྱ་གར་སྐད་དུ། བ་ལིཾ་ཏཏྟྭ་སཾ་གྲ་ཧ། བོད་སྐད་དུ། གཏོར་མའི་དེ་ཁོ་ན་ཉིད་བསྡུས་པ། ཡེ་ཤེས་ལྡན་པ་ལ་ཕྱག་འཚལ་ལོ། །གནས་ལ་ས་ལ་བཞུགས་པ་ཡི། །བྱང་ཆུབ་སེམས་དཔའ་གྲགས་ཆེན་དང་། །གྲུབ་ཐོབ་རྣམས་ལ་ཕྱག་འཚལ་ཏེ། །གཏོར་ [133b.2]མའི་དེ་ཉིད་བཤད་པར་བྱ། །བསྐྱེད་རིམ་ལྷ་ཡི་དྲན་པ་བསྐྱེད། །མདུན་དུ་ནམ་མཁའི་དབུས་གནས་པར། །ཆོས་འབྱུང་ཨེ་ཡི་དབྱིབས་འདྲ་ལ། །པདྨ་འདབ་བརྒྱད་བསམ་པ་ནི། །སྟེང་འོག་དབུས་ཀྱི་ལྷ་ཡི་གདན། །ཇི་ལྟར་རིགས་པར་རིམ་པ་གསུམ། །ཁ་དོག་དབྱེ་བ་སོ་སོ་ཡི། ། [133b.3]སྟེང་འོག་ཕྱོགས་སྐྱོང་བརྒྱད་ཉིད་དོ། །སྤྱི་བོ་སྙིང་ག་མགྲིན་པ་རུ། །ཡི་གེ་གསུམ་ནི་སོ་སོར་དགོད། །དེ་ལས་འོད་ནི་དཀར་པོ་འབྱུང་། །གཟུགས་མེད་སྲིད་པའི་ལྷ་སོགས་ནས། །རྒྱལ་ཆེན་རིགས་བཞིའི་ལྷ་རྣམས་ནི། །འོད་ཀྱིས་བསྡུས་ནས་གཅིག་ཏུ་བྱས། །དེ་ལ་ཡི་གེ་ཉིད་དུ་ [133b.4]འགྱུར། །ཡི་གེ་ལས་ནི་མཚན་མར་རོ། །དེ་ཉིད་ཡོངས་སུ་གྱུར་པ་ལས། །སྐུ་ཡི་རྡོ་རྗེ་ངོ་བོ་ཉིད། །སྐུ་མདོག་དཀར་ཞིང་གཡས་བརྐྱང་བའི། །གཡས་ན་རྡོ་རྗེ་དྲིལ་བུ་བསྣམས། །ལྷ་མོ་སྤྱན་དང་བཞུགས་པའོ། །སྔར་གྱི་ཐུགས་ཀའི་ཡི་གེ་ལས། །སྔགས་ཀྱི་ཡེ་གེ་ཕྱུང་ནས་ནི། ། [133b.5]ཕྱོགས་སྐྱོང་བཅུ་དང་ཕ་མ་རྣམས། །བསྡུས་ཏེ་འོད་ཀྱི་གོང་བུར་རོ། །དེ་ལས་རང་གི་ས་བོན་ཉིད། །མཚན་མར་ཡང་དག་བལྟ་བའོ། །དེ་ཉིད་ལས་ནི་ལྷ་ཡི་གཟུགས། །ཐུགས་ཀྱི་རྡོ་རྗེ་སྐུ་མདོག་སྔོ། །ཕྱག་མཚན་སྐུ་ཡི་རྡོ་རྗེ་མཚུངས། །གཡས་བརྐྱང་པདྨའི་གདན་ལ་ནི། །མཱ་མ་ [133b.6]ཀཱི་དང་ལྷན་ཅིག་བཞུགས། །ཐུགས་ཀྱི་རྡོ་རྗེ་རབ་འདྲ་བའོ། །ས་སྟེངས་མི་དང་ས་འོག་ཀླུ། །བྱོལ་སོང་ཡི་དགས་དམྱལ་བ་རྣམས། །ཨ་ལས་འོད་ཟེར་བྱུང་ནས་ནི། །གཅིག་ཏུ་གྱུར་པས་ཆོས་འབྱུང་བསམ། །སྐུ་མདོག་དམར་པོ་ཕྱག་བཞི་པ། །ཕྱག་མཚན་བཛྲ་གྷཎྚེ་ [133b.7]བསྣམས། །གོས་དཀར་མོ་དང་གཉིས་མེད་སྦྱོར། །པདྨ་གར་དབང་བསྒོམ་པའོ། །དེ་ལྟར་སེམས་ཅན་ཐམས་ཅད་ནི། །ཆོས་འབྱུང་ནང་དུ་རིགས་གསུམ་དངོས། །བསམས་ལ་བདག་གི་མགྲིན་སོགས་ནས། །ཡི་གེ་ཧཱུཾ་སོགས་སོ་སོ་ལ། །ཛཿ་ཧཱུཾ་བཾ་ཧོཿ་ས་ལྕགས་ཀྱུ་ལ། །སོགས་ [134a] [134a.1]པའི་ལྷ་མོ་བཞི་པོ་ཡིས། །རྟག་པ་ལ་སོགས་རིགས་གསུམ་གྱི། །སངས་རྒྱས་བཀུག་སྟེ་གཟུགས་བརྙན་ལ། །བསྟིམས་པས་ཆུ་ལ་ཆུ་བླུགས་བཞིན། །ཐ་དད་མེད་དེ་གཅིག་ཏུ་གྱུར། །རང་སྙིང་ས་བོན་འོད་ཟེར་ལས། །ལྷ་མོ་ཕྱུང་སྟེ་དེ་རྣམས་ལས། །སྤྱི་བོར་ [134a.2]བུམ་པས་དབང་བསྐུར་བས། །སྟེང་གི་ལྷ་རྣམས་དཀར་པོ་ལ། །རྟག་པ་ཡི་ནི་དབུ་རྒྱན་བྱས། །དབུས་ཀྱི་ལྷ་ལ་ཐུགས་ཕྱག་རྒྱ། །འོག་གི་ལྷ་ལ་གསུང་ཕྱག་རྒྱ། །དེ་ལྟར་རིགས་གསུམ་དངོས་བསམས་ལ། །རང་ཉིད་ས་བོན་ཁྱད་པར་ལས། །འོད་ཟེར་ལས་ནི་ལྷ་ཡི་ཚོགས། ། [134a.3]ཕྱུང་སྟེ་ཞབས་བསིལ་ཞལ་བསིལ་དབུལ། །དེ་འོག་མཆོད་པ་རྣམ་ལྔས་མཆོད། །སྟེང་འོག་དབུས་སུ་རང་གི་རིགས། །དེའི་རྗེས་གཏོར་མ་བྱིན་བརླབས་ལ། །ཨིནྡའི་སྔགས་ཀྱིས་ལྷ་རྣམས་མཆོད། །ཨོཾ་ཨིནྡ། ཛ་མ། ཛ་ལ། ཛཀྑ། བྷཱུ་ཏ། བ་ཧྣི། བ་ཨུ། རཀྵ། ཙནད། སུཛྫ། མཱ་ད། [134a.4]པཔྤ། ཏ་ལ་པཱ་ཏཱ་ལེ་ཨཥྚ་སཔྤ་སྭཱ་ཧཱ། ཨི་དཾ་བི་ལིཾ་བྷུཉྫ། ཛི་གྷ། ཕུལླ། དྷཱུ་པ། མཱཾ་ས། པིཾ་ག །ཨམྦྷ། སཔྤ། ཀཛྫ་སཱ་དཱ། ཁནྟི། ཁུ་ཎི། ཕེ་ཊ། གཱ་ད། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱདྱ་ནུཏྤནྣ་ཏྭཱཏ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། བློ་དམན་རྣམས་ཀྱིས་གོ་ཆའི་ཕྱིར། །གཏོར་མའི་དེ་ཉིད་བསྡུས་ [134a.5]པ་འདི། །བདག་གིས་བསལ་བར་བྱས་པ་འདིས། །དགེ་བས་ཡིད་དགེར་བདེར་གྱུར་ཅིག །སློབ་དཔོན་དྷརྨཱ་པ་ཀས་མཛད་པ་རྫོགས་སོ།། {T1282}༄༅། །རྒྱ་གར་སྐད་དུ། ཤ་ཝ་སཾ་ག་བི་དྷིཿ། བོད་སྐད་དུ། རོ་སྲེག་པའི་ཆོ་ག །དཔལ་དགྱེས་པ་རྡོ་རྗེ་ལ་ཕྱག་འཚལ་ལོ། ། [134a.6]རྫོགས་པའི་བྱང་ཆུབ་བདེ་ཆེན་པོ། །དྲི་མེད་ཡིད་ཀྱིས་བཏུད་བྱས་ཏེ། །རྡོ་རྗེ་གུར་གྱི་རྒྱུད་ལ་སོགས། །བརྟེན་ཏེ་དགྱེས་པ་རྡོ་རྗེ་ཡི། །སེམས་ཅན་ཀུན་ལ་ཕན་པའི་ཕྱིར། །རོ་སྲེག་ཆོ་ག་བཤད་པར་བྱ། །དུར་ཁྲོད་དང་ནི་ཆུ་བོའི་འགྲམ། །ནགས་ཚལ་འབབ་ཆུ་དགོན་པ་རུ། །རྡོ་རྗེ་ [134a.7]སློབ་དཔོན་མཚན་ལྡན་ནི། །བརྟན་ཞིང་ཟབ་མོའི་ཆོས་དང་ལྡན། །རིག་པའི་གནས་རྣམས་ཀུན་ལ་མཁས། །རྩ་བའི་ལྟུང་བ་རབ་འཇོམས་པ། །དེ་ཡིས་ཉེ་བར་བསྟན་པའི་སྔགས། །སྒྲུབ་པ་པོ་ལ་འགྲུབ་པོ་ཀྱེ། །དེ་ལ་དང་པོར་བསྙེན་པ་ཡིས། །ཆོ་ག་བཞིན་དུ་ཤེས་བྱས་ཏེ། ། [134b] [134b.1]ལྷ་དང་རོ་ཡི་དབྱེ་བ་ཡིས། །རྣམ་པ་གཉིས་སུ་སྦྱར་བར་བྱ། །དེ་ལ་ལྷ་ཡི་ཆོ་ག་ཡང་། །བླ་མ་རྡོ་རྗེ་ཅན་མཆོད་ཅིང་། །བདུན་པོ་རྣམ་པར་དག་པར་བྱ། །བྱང་ཆུབ་ཏུ་ནི་སེམས་བསྐྱེད་དེ། །ཆོས་ཀྱི་འབྱུང་གནས་རྣམ་པར་བསྒོམ། །དེ་ལ་སངས་རྒྱས་གནས་བསམས་ཏེ། །བྱང་ [134b.2]ཆུབ་རྣམ་ལྔ་བསྒོམ་པར་བྱ། །དང་པོ་སྐྱེས་བུ་བསམས་དེ་ནས། །མཁའ་འགྲོ་མ་ཡི་འཁོར་ལོ་སྤྲོ། །དྲི་ཟ་རབ་ཏུ་ཞུགས་པ་ནི། །ལྷུང་སྟེ་ཞུ་བ་རྗེས་དྲན་པ། །མཚམས་ཀྱི་ལྷ་མོས་བསྐུལ་བར་བྱ།།བསྐུལ་ནས་འབྲས་བུ་བཞེངས་པ་ལ། །མིག་སོགས་གཉི་མུག་རྡོ་རྗེ་སོགས། ། [134b.3]རྡོ་རྗེ་གསུམ་ནི་གནས་གསུམ་དགོད། །ཡེ་ཤེས་དངོས་པོ་རབ་བཅུག་ལ། །རིག་མ་བརྒྱད་ཀྱིས་དབང་བསྐུར་བྱ། །བདུད་རྩི་ཡང་ནི་མྱང་བྱ་ཞིང་། །ལྷ་མོ་བརྒྱད་རྣམས་ཀྱིས་མཆོད་དང་། །འཁོར་ལོའི་འདྲེན་པ་ལ་བསྟོད་བྱ། །དེ་ལྟར་ཡན་ལག་དྲུག་པོ་ནི། །སྔགས་དྲུག་གིས་ནི་ང་ [134b.4]རྒྱལ་བྱ། །དེ་ནས་ཀྱང་ནི་ཡུད་ཙམ་བསམ། །དེ་ལ་མཚན་མ་མཚོན་པར་བྱ། །དེ་ནས་རོ་ཡི་ཆོ་ག་ཡང་། །སློབ་དཔོན་འདས་པའི་དུས་ན་ནི། །རྨོངས་པ་རྣམས་ནི་ཤི་ཞེས་ཟེར། །ཤི་བ་ཞེས་པ་རྣམ་རྟོག་དེ། །དག་པའི་གནས་སུ་གཤེགས་པའོ། །ཡང་ན་བདེ་བ་ཅན་དུའམ། ། [134b.5]དག་པའི་གནས་སུ་སྐྱེ་འགྱུར་བ། །རོ་སྲེག་འདི་ཡིས་རྣམ་པར་འབྱེད། །ལུས་མཐའ་ནས་ནི་ལུས་མཐར་སྐྱེལ། །དམན་པའི་སེམས་ཅན་ཐམས་ཅད་ཀྱང་། །བདེ་འགྲོ་ནས་ནི་བདེ་འགྲོར་འགྲོ། །དེ་ལ་ཆོ་ག་དང་པོར་ནི། །ཆུ་གཙང་དྲི་ཞིམ་སྦྱར་བས་བཀྲུ། །སྣ་ཚོགས་དྲི་ཡིས་བྱུགས་པ་ [134b.6]དང་། །ཚུལ་བཞིན་རྒྱན་གྱིས་གནས་བྱས་ཏེ། །བགེགས་བསྐྲད་ལྷར་བསྐྱེད་ཆོ་ག་དང་། །སྐྱེ་མཆེད་གནས་གསུམ་བྱིན་གྱིས་བརླབསདུ། །རྣམ་ཤེས་ཨ་ཡི་གཟུགས་ཀྱིས་གཞུག །རྩ་བའི་སྔགས་སོགས་ཚུལ་བཞིན་དུ། །བཟླས་པས་སྡིག་སྒྲིབ་ཐམས་ཅད་བཅོམ། །བྱང་ཆུབ་ [134b.7]སེམས་སུ་ཞུ་བྱས་ལ། །སླར་ཡང་བསྐྱེད་ཅིང་ཚུལ་བཞིན་ལྡང་། །གཏོར་མ་མཆོད་པ་རྒྱ་ཆེན་བྱ། །སྨོན་ལམ་གདབ་ཅིང་བསྲུང་ལ་གནས། །ཡི་གེ་བརྒྱ་པ་ཅི་མང་དུ། །བཟླས་བརྗོད་བྱ་བ་བསྔགས་པ་ཡིན། །དེ་ལྟར་ཐུན་གསུམ་བར་དུ་ནི། །བཟླས་བརྗོད་འབུམ་ཀྱི་ཚད་དུ་བྱ། །དེ་ནི་སྔོན་ [135a] [135a.1]གྱི་ཆོ་གའོ། །དེ་རྗེས་ས་ཡི་ཆོ་ག་སོགས། །དཀྱིལ་འཁོར་ཆོ་ག་ཚུལ་བཞིན་བྱ། །རྡོ་རྗེ་སློབ་དཔོན་དག་ལ་ནི། །རྡོ་རྗེ་དྲིལ་བུ་ལག་པར་སྦྱིན། །མགོ་བོར་དབུ་རྒྱན་བསྐོན་པར་བྱ། །རྡོ་རྗེ་སྡོམ་པ་རྣམས་བྱིན་ཏེ། །དཀྱིལ་འཁོར་དུ་འཇུག་ཚུལ་བཞིན་བྱ། །བུམ་པའི་དབང་བསྐུར་ [135a.2]རྣམས་བྱིན་ལ། །རྡོ་རྗེ་ཐབ་ཁུང་རབ་སྦྱོར་གྱིས། །འདུ་བྱེད་རབ་ཏུ་བྱ་བར་བསྟན། །སྒྲུབ་པ་པོ་ཡང་དེ་ལྟར་བྱ། །སེམས་ཅན་ཕལ་པ་ཐམས་ཅད་ཀྱིསརྗོ། །འཇུག་ཅིང་དབང་བསྐུར་སྤང་བར་བྱ། །སྦྱིན་སྲེག་ཆོ་ག་འབའ་ཞིག་གིས། །སྦྱང་བ་དག་ནི་རབ་ཏུ་བྱ། །དེ་ལ་སྦྱིན་སྲེག་གི་ཆོ་ག་ནི་ [135a.3]དཀྱིལ་འཁོར་གྱི་ཕྱོགས་གཅིག་ཏུ་སྲེག་ཁང་བརྩིག་པར་བྱ་སྟེ། ཇི་ཙམ་ལྕོགས་པའི་མཎྜལ་བྱས་ལ། དེའི་དབུས་སུ་ཞི་བའི་ཐབ་ཁུང་ཟླུམ་པོ་ཁ་གང་བར་བྱའོ། །ཁྲུ་ཕྱེད་ཐུར་དུ་བརྐོ། སོར་བཞི་ཕྱིར་བསྐྱེད། ཁ་ཁྱེར་སོར་བཞིས་བསྐོར། དེའི་ཕྱི་རིམ་གྱི་སོར་བཞི་བོར་ལ། པདྨའི་ [135a.4]ཕྲེང་བ་བྲི། ཐབ་ཁུང་གི་ནང་དུ་གཙོ་བོའི་ཕྱག་མཚན་བཞག་པ་ནི་དབུས་སུ་རྡོ་རྗེ། ཤར་དུ་འཁོར་ལོ། ལྷོར་རིན་ཆེན། ནུབ་ཏུ་པདྨ། བྱང་དུ་རལ་གྲི། ཞེང་སོར་བརྒྱད་པར་བྱའོ། །ཁ་དོག་དཀར་པོས་བྱུགས་པ་དེར། ཤིང་གང་ཇི་ལྟར་རིགས་པར་བརྩིགས་ཏེ། རོ་དེ་དཀྱིལ་འཁོར་ལ་ཁ་མངོན་ [135a.5]དུ་ཕྱོགས་པར་གཞུག་གོ། །མཆོད་རྫས་དང་སྲེག་རྫས་གཞག་པའི་རིམ་པ་ནི། སྔགས་མཁན་གྱི་གཡོན་དུ་ཡོན་ཆབ་ཀྱི་སྣོད་གསེར་ལ་སོགས་པ་ཆབ་ཀྱིས་བཀང་བ་དང་། ཞབས་བསིལ་གྱི་སྣོད་གཞག་གོ། །གཡས་ཕྱོགས་སུ་ཟངས་གཞོང་ཅིག་གི་ནང་དུ་དྲིས་བཀང་ལ། ཀུ་ཤ་ [135a.6]བཅུག་པ་པྲོཀྵ་ཎའི་སྣོད་གཞག །དེ་བཞིན་དུ་མེ་ཏོག་དང་། བདུག་སྤོས་དང་། དྲིའི་དུང་ལ་སོགས་པའི་སྣོད་དུ་གཞག་གོ། །མདུན་གྱི་མཎྜལ་ལ་གསེར་ལ་སོགས་པ་ལས་བྱས་པའི་བཟེད་ཞལ་གཞག་པར་བྱ་སྟེ། དེ་ལྟར། མེ་ཏོག་བདུག་སྤོས་དེ་བཞིན་དྲི། །དྲི་ཡི་དུང་སོགས་གཡས་ [135a.7]གནས་ཏེ། །གཡོན་དུ་སྔགས་ཀྱི་མཆོད་ཡོན་སྣོད། །མདུན་དུ་བཟེད་སྣོད་བཞག་བྱས་ལ། །ཞབས་བསེལ་སྔོན་དུ་འགྲོ་བས་དབུལ། །མེ་ཏོག་སྤོས་སོགས་གོ་རིམས་བཞིན། །སྒེག་སོགས་མཆོད་པས་མཆོད་བྱས་ན། །སྐལ་བ་ཆེན་པོར་གྱུར་པ་ཡིན། །ཞེས་གསུངས་སོ། ། [135b] [135b.1]ཡང་སྲེག་རྫས་གཞག་དུཔའི་རིམ་པ་ཡང་། མདུན་དུ་དགང་གཟར་དང་བླུགས་གཟར་དང་། ཁྱད་པར་གྱི་རྫས་ཏིལ་དང་། ཐུན་མོང་གི་རྫས་ཀྱི་གཙོ་བོ་མར་གཞག་པར་བྱའོ། །རྫས་གཞན་གཡས་ཕྱོགས་སུ་མཎྜལ་ལ་ཇི་ལྟར་འབྱོར་པར་གཞག་པར་བྱའོ། །དེ་ལྟར་ཡང་། དགང་ [135b.2]གཟར་བླུགས་གཟར་ཁྱད་པར་རྫས། །ཐུན་མོང་རྫས་ཀྱི་གཙོ་བོ་རྣམས། །སྔགས་མཁན་མདུན་དུ་བཞག་བྱས་ལ། །རྫས་གཞན་གཡས་སུ་ཅི་འབྱོར་པ། །གོ་རིམས་བཞིན་དུ་གཞག་པར་བྱ། །ཞེས་གསུངས་སོ། །དེ་ནས་བདག་ཉིད་ཁྲུས་བྱས་ལ་རྒྱན་བྱིས་བརྒྱན་ཏེ། [135b.3]མཆོད་པ་ལ་སོགས་པ་ཀུན་ཧཱུཾ་གིས་བསངས་ལ ལག་པ་གཡས་པས་རྡོ་རྗེ་བཟུང་ལ། སྣོད་ཀུན་གྱི་སྟེང་དུ་གཏུག་ཅིང་། ཨོཾ་ཏྤཧཱུཾ། ཞེས་སྔགས་པས་འཇིག་རྟེན་པའི་རྟོག་པ་ཀུན་བསལ་ནས། རྫས་དེ་ཉིད་བཟང་ཞིང་དྲི་མ་མེད་པར་བསམ་མོ། །ཡམ་ཤིང་དང་བུད་ཤིང་ [135b.4]ཡང་ཞི་བ་ལ་ཇི་ལྟར་བསྔགས་པ་ལྟར་གཟུང་ངོ་། །དེ་ནས་སློབ་དཔོན་གྱིས་ཡན་ལག་དྲུག་དང་ལྡན་པའི་བསྐྱེད་པའི་རིམ་པ་རྫོགས་པར་བྱ། སྔར་གྱིས་གསལ་ན་མ་བྱས་ཀྱང་རུང་།དེ་ནས་གཙུབས་པ་ལ་སོགས་པའི་མེ་བླངས་ཏེ། རླུང་གཡབ་ཀྱིས་མེ་སྦར་རོ། །ཨོཾ་ཛྭ་ལ་ཛྭ་ལ་ཧཱུཾ་ [135b.5]ཕཊ། མེ་སྦར་བའི་སྔགས་སོ། །ཨོཾ་བཛྲ་སཏྭ་ཨཱ་ཡུ་ཥེ་སྭཱ་ཧཱ།ཀུ་ཤ་དགྲམ་པའི་སྔགས་སོ། །ཨོཾ་ལ་ཧཱུཾ། བསང་གཏོར་གྱི་སྔགས་སོ། །དེ་ནས་ཐབ་ཏུ་སྣ་ཚོགས་པདྨ་འདབ་མ་བརྒྱད་པ་ཅིག་བསྒོམས་ལ། དེར་ཧེ་རུ་ཀ་ཡབ་ཡུམ་བྱང་ཆུབ་པ་ལྔས་བསྐྱེད་ལ། དེ་ཉིད་འདོད་ཆགས་ [135b.6]ཆེན་པོ་དངུལ་ཆུ་བཞིན་དུ་ཞུ་ནས་གནས་པ་ལས། ཡི་གེ་རེ་སྦྲེལ་མར་གྱུར་ནས། ཡི་གེ་གཉིས་གྱུར་པ་ལས་མེ་ལྷ་ཡབ་ཡུམ་ཞལ་གསུམ་ཕྱག་དྲུག་པ། གསུས་ཁྱིམ་ཆེ་བ། རལ་པའི་དབུ་རྒྱན་ཅན། མཆོད་ཕྱིར་ཐོགས་འཆང་བ། ཕྱག་དང་པོ་གཉིས་ཀྱིས་རང་དང་འདྲ་བའི་ [135b.7]ཤེས་རབ་མ་ལ་འཁྱུད་པའོ། །གཡས་ན་གུདྷེ་དང་མཆོད་ཛུཕྱིར་ཐོགས། གཡོན་ན་བུམ་པ་དང་བགྲང་ཕྲེང་ཐོགས་པ་སྐུ་མདོག་དཀར་པོར་བསམས་ལ། ཐུགས་ཀར་སྣ་ཚོགས་པདྨའི་སྟེང་དུ་མེ་གྲུ་གསུམ། ལྕེ་ལ་རེ་དམར་པོ་དྷིབསམ་མོ། །དེ་ལྟར་རྂ་ཞུ་བ་ལས་དམ་ཚིག་སེམས་དཔའི་ [136a] [136a.1]མེ་ལྷར་བསྒོམ་པ་སྟེ།དེ་ཡང་རང་གི་ལྷག་པའི་ལྷར་དམིགས་ཏེ། བཟང་པོའི་རྒྱན་གྱིས་རྣམ་པར་ཁྱེབརྒྱན་པའི་མེ་ལྷ་ཕུན་སུམ་ཚོགས་པ་ཀུན་དམིགས་ལ། ལྟོ་བའི་གནས་སུ་སྲེག་བླུགས་བྱ། །ཞེས་གསུངས་སོ། །དེ་ནས་རང་གི་སྙིང་གའི་ས་བོན་གྱིས་ཡེ་ཤེས་ [136a.2]སེམས་དཔའ་སྤྱན་དྲངས་ཏེ། མདུན་གྱི་ནམ་མཁར་བཞུགས་པ་ལ་བསང་གཏོར་དང་། ཡོན་ཆབ་དང་། ཕྱག་བྱས་ལ། ཨོཾ་ཨསྣ་ཡེ་མ་ཧཱ་ཏེ་ཛཱ་སརྦ་ཀརྨ་སཱ་དྷ་ཀ །ཀཱ་རུ་[]་ཀྲྀ་ཏྭ་སཏཱརྦཨསྨི[ནྶནྣི་ཧི]་ཏྭ་བྷ་བ། ཞེས་བྱ་བའི་སྔགས་ཀྱིས་སྤྱན་དྲངས་ལ། གཉིས་སུ་མེད་པར་བསྟེམས། དེ་ནས་ [136a.3]བྲོཀྵ་ཎི་ལ་སོགས་པ་བྱའོ། །གཟར་བུ་ལ་རང་གི་ལྷའི་ས་བོན་བསམས་ལ། གྲུ་མོ་གཉིས་སྤྲད་ལ་གཟར་བུ་བདུན་དབུལ། སྔགས་ནི། ཨོཾ་ཨསྣ་ཡེ་ཧཱུཾ། ཨོཾ་སརྦ་པཱ་པཾ་ད་ཧ་ན་བཛཱ་ཡ་བཛྲ་སཏྭ་སྱ་སརྦ་པཱ་པཾ་ད་ཧ་ན་སྭཱ་ཧཱ། ཨོཾ་བཛྲ་པུཥྚ་ཡེ་སྭཱ་ཧཱ། ཨོཾ་སརྦ་སཾ་པ་དེ་སྭཱ་ཧཱ། ཨོཾ་བཛྲ་བི་ཛཱ་ཡ་སྭཱ་ཧཱ། [136a.4]ཨོཾ་མ་ཧཱ་བེེ་གཱ་ཡ་སྭཱ་ཧཱ། ཨོཾ་མ་ཧཱ་བ་ལཱ་ཡ་སྭཱ་ཧཱ། ཨོཾ་བཛྲ་གྷསྨ་རི་ཡེ་སྭཱ་ཧཱ། ཨོཾ་བཛྲ་ཨཱ་ཡུ་ཥེ་སྭཱ་ཧཱ།ཨོཾ་བཛྲ་ཨ་པྲ་ཏི་ཧ་ཏ་བཛཱ་ཉཱ་ཡ་སྭཱ་ཧཱརྗོ། ཨོཾ་བཛྲ་བོ་དྷི་ཐྲཀྵུ་ཡ་སྭཱ་ཧཱ། ཨོཾ་པ་ཏ་ལཱ་ཡ་སྭཱ་ཧཱ། ཨོཾ་ཀུ་བེ་རཱ་ཡ་སྭཱ་ཧཱ། ཨོཾ་སརྦ་ཀ་རཱ་ཡ་སྭཱ་ཧཱ། ཨོཾ་སརྦ་པཱ་པཾ་ད་ཧ་ན་བཛཱ་ཡ་སརྦ་པཱ་པཾ་ད་ཧ་ནཱ་ [136a.5]ཡ་སྭཱ་ཧཱ། ཞེས་བྱ་བའི་སྔགས་ཀྱིས་སྲེག་རྫས་རྣམས་གོ་རིམས་བཞིན་དབུལ་ལོ། །དེ་ནས་མར་ཀྱི་དགང་བླུགས་བརྒྱའམ་སྟོང་དབུལ་བར་བྱའོ། །ཡང་བསང་གཏོར་བྱས་ནས། ཨོཾ་ཛཿཧཱུཾ་བཾ་ཧོཿཁཾ་རེ་ཞེས་པས་ཨརྒྷཾདབུལ་ལོ། །ཨོཾ་ནི་རི་ཏི་ཧཱུཾ་ཞེས་ཞལ་བསེལ་དབུལ་ལོ། ། [136a.6]དེ་ནས་མེ་ཏོག་ལ་སོགས་པ་དང་། སྒེག་མོ་ལ་སོགས་པའི་མཆོད་པས་མཆོད་ལ། ཨོཾ་བཛྲ་གྷརྦྷེ་ཨཱཿ། ཞེས་པས་དྲིལ་བུ་གཟུང་ངོ་། །ཨོཾ་མ་ཧཱ་བཛྲ་ཧཱུཾ་ཞེས་བྱ་བས་རྡོ་རྗེ་གཟུང་བར་བྱའོ། །དེ་ནས་མེ་ལྷ་ལ་བསྟོད་པ་བྱ་བ་དང་། དོན་ཆེན་པོའི་གསོལ་བ་གདབ་པ་ལ་སོགསཔ་ [136a.7]བྱའོ། །དེ་ནས་ཐབ་ཁུང་ལན་གསུམ་དུ་བསངས་ལ། མེ་ལྷའི་ཐུགས་ཀར་སོ་སོའི་སྙིང་པོ་ལས་དཀྱིལ་འཁོར་བསམས་ལ དེ་ནས་ཡེ་ཤེས་སེམས་དཔའ་ཅི་རིགས་པར་སྤྱན་དྲངས་ལ་བཞུགས་སུ་གསོལ་ལོ། །ཡང་བསང་གཏོར་ལ་སོགས་པ་བྱས་ལ། གནས་ཁང་དུ་ [136b] [136b.1]བའི་ལྕི་བས་བྱུགས་ལ་མཎྜལ་གྲུ་བཞི་པའི་སྟེགས་བུ་བརྩིགས་ཏེ། རེ་ཁཱ་དཀར་པོས་གྲུ་ཉིས་རིམ་དུ་བྱས་ལ། དབུས་སུ་གཏོར་མ་ཆ་གཅིག་བཞག །མཆོད་པ་ལྔ་ཡང་བཤམས། ཚོགས་ཀྱི་ཁ་ཟས་སྣོད་ཆེན་པོ་གཅིག་ཏུ་སྤྱི་དཔུངས་སུ་གཞག །ཆང་ཡང་སྣོད་ཆེན་པོ་གཅིག་ [136b.2]བཀང་། དེ་མི་འདེགས་པར་བཞག་ནས། དེ་ནས་མར་གཟར་བུ་ཉི་ཤུ་རྩ་གཅིག་ཏུ་དབུལ་བར་བྱའོ། །དེ་ནས་རྫས་ལྷག་མ་རྣམས་རང་གི་སྔགས་སམ། ལྷའི་སྔགས་ཀྱིས་རིམ་བཞིན་དུ་ཕུལ་ལ། ཐ་མར་ཡང་མར་གྱི་སྦྱིན་སྲེག་བརྒྱ་རྩ་བརྒྱད་དུ་དབུལ། ཡང་བསང་བ་དང་མཆོད་པ་ [136b.3]ལ་སོགས་པ་རྫོགས་པར་བྱས་ལ། དེ་ཡང་སྦྱང་བར་འོས་པའི་གནས་སྐབས་དང་སྦྱར་བ་ནི།རྡོ་རྗེ་སྒྲུབ་པ་ཐ་མ་སློབ་དཔོན་ལ། །ཡི་གེ་རྂ་ལྷའི་ཤིག་སྒྲིབ་ཀུན། །བརྒྱ་པའི་གསང་སྔགས་བསྲེག་པ་རྣམས། །བརྒྱའམ་སྟོང་དུ་བཟླས་པར་བྱ། །རྡོ་རྗེ་རང་ལྷའི་སྡིག་པ་ནི། ། [136b.4]གཟུགས་ཀྱི་གཟུགས་ནི་ཡོངས་བསྒོམས་ལ། །སྦྱང་བའི་ཆོ་གའི་མན་ངག་སྟེ། །བརྒྱུད་པའི་ཐབས་ཀྱིས་ཤེས་པར་བྱ། །དེ་ནས་གར་གྱིས་དཀྱིལ་འཁོར་གྱི་ལྷ་ལ་ཕྱག་བྱས་ལ། ཨོཾ་བྱེདཧཱུཾ་མུཿས་གཤེགས་སུ་གསོལ་ཞིང་སྨོན་ལམ་གདབ་པོ། །ཡི་གེ་བརྒྱ་པ་ལན་ [136b.5]གསུམ་བཟླས་ནས་རྫས་ཀྱི་ལྷག་མ་ཅི་འབྱོར་པས་མེ་ལྷ་མཆོད་པར་བྱའོ། །དེ་ནས་བསངས་ལ། མཆོད་པ་དང་། བསྟོད་པ་ལ་སོགས་པ་བྱའོ། །དེ་ནས་ཡང་མེ་བསངས་ལ་གཤེགས་སུ་གསོལ་བ་ནི། བདག་གི་དོན་དང་གཞན་བྱི་དོན། །བསྒྲུབས་ཀྱིས་བྱིན་ཟ་ཁྱེད་གཤེགས་ཤིག ། [136b.6]དེ་ལྟར་དུས་བཞིན་སྦར་གཤེགས་ནས། །བདག་གི་དངོས་གྲུབ་ཐམས་ཅད་མཛོད། །ཅེས་གཤེགས་སུ་གསོལ་ལོ། །དམ་ཚིག་པ་མི་དམིགས་པར་བསམ་མོ། །དེ་ནས་རུས་བུ་བསྡུས་ལ། ཤི་བ་ལ་ཕན་བཏགས་པའི་ཕྱིར་མཆོད་རྟེན་བྱའོ། །དེ་ལྟར་ཉི་མ་གསུམ་ནི་ལོན་པ་ [136b.7]དང་། །རུས་པའི་ཕྲེང་བ་བསྡུས་བྱས་ལ། །དྲི་དང་འོ་མས་བྲན་ནས་ནི། །དེ་ཡིས་མཆོད་རྟེན་དག་ཏུ་བྱའོ། །ཞེས་གསུངས་སོ། །ཡོན་ཏན་བརྗོད་ཀྱིས་མི་ལང་བའི། །སྦྱིན་སྲེག་ཆོ་ག་འདི་བྱས་པས། །བདག་གི་བསོད་ནམས་ཕུང་པོ་འདིས། །ཉམ་ཐག་རྣམས་ནི་རྒྱལ་གྱུར་ [137a] [137a.1]ཤོག །སློབ་དཔོན་མཁས་པ་ཆེན་པོ་ཡེ་ཤེས་སྙིང་པོའི་ཞལ་སྔ་ནས་མཛད་པ། རོ་སྲེག་པའི་དབང་དུ་བྱ་བ་རྫོགས་སོ།། {T1283}༄༅། །རྒྱ་གར་སྐད་དུ། ཨེ་ཀ་བཱི་ར་སྠཱ་ཏེ་རུ་ཀ་ཁོ་ཌ་ཤ་བྱུ་ཛ་སཱ་དྷ་རྨཱ་ནཱ་མ། བོད་སྐད་དུ། དཔའ་བོ་གཅིག་པ་དཔལ་ཧེ་རུ་ཀ་ཕྱག་ [137a.2]བཅུ་དྲུག་པའི་སྒྲུབ་པའི་ཐབས་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དང་པོར་རང་ཉིད་ཐུན་མོང་དང་ཁྱད་པར་གྱི་མཚན་ཉིད་དང་ལྡན་པས་བགེགས་དང་འཚེ་བ་ལ་སོགས་པ་མེད་པར་རྗེས་སུ་མཐུན་པའི་གནས་སུ་ཞུགས་ཏེ། བྱ་བའི་རིམ་པ་ནི་མཎྜལ་དང་རས་རིས་ལ་ [137a.3]སོགས་པ་དགོད་པ་དང་། མཆོད་པ་ཉེ་བར་བཤམས་ཏེ། ཁྲུས་སྔོན་དུ་སོང་བས་ལྷར་མོས་ཤིང་། སྟན་བདེ་བ་ལ་འདུག་ནས། ཨོཾ་བཛྲ་པུཥྤེ་ཨོཾ་ཨཱཿ་ཧཱུཾ་ཞེས་པ་ལ་སོགས་པས་མཆོད་པ་ལྔ་བྱིན་གྱིས་བརླབས་པ་དང་། མཆོད་པ་གཞན་དག་ཀྱང་ཨོཾ་ཨཱཿ་ཧཱུཾ་ཞེས་སོ། །དེ་ནས་རང་ [137a.4]གི་སྙིང་གར་རཾ་ཡོངས་སུ་གྱུར་པའི་ཉི་མ་ལ་ཧཱུཾ་བསམ་སྟེ། དེའི་འོད་ཟེར་བདག་གནས་པའི་ཁང་པ་ལ་ཕོག་པས་རྡོ་རྗེས་གཏམས་པར་མོས་ཤིང་། ཨོཾ་ཧེ་བཛྲ་ཨ་དྷི་ཏི་ཥྛ་སྟ་ཏ་ན་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་པས་གནས་བསྲུང་བ་དང་། དེ་བཞིན་དུ་བདག་དང་སྲོག་དང་རྣལ་འབྱོར་བསྲུང་ [137a.5]བ་ལ་ཡང་སྦྱར་ཏེ། ཨོཾ་ཨཱཏྨ་ཛི་བ་ཡོ་ག་ཞེས་པ་དག་གིས་སོ། །དེ་ནས་སྙིང་གའི་ས་བོན་ལས་འོད་ཟེར་འཕྲོས་པས། བསོད་ནམས་ཚོགས་ཀྱི་དཀྱིལ་འཁོར་སྤྱན་དྲངས་ཏེ། མངོན་སུམ་ལྟ་བུར་གསལ་བར་དམིགས་ཏེ། ཆུ་དང་ཐང་ལས་སྐྱེས་པ་ཡི། །ལྷ་རྫས་བཟང་པོའི་མེ་ཏོག་འདི། ། [137a.6]གུས་པ་མཆོག་གིས་བདག་འབུལ་ན། །ཅི་བདེ་བར་ནི་བཞེས་སུ་གསོལ། །ཨོཾ་བཛྲ་པུཥྤེ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། དེ་ལ་སོགས་པ་ཐུན་མོང་གི་མཆོད་པ་བྱས་ལ། ཡང་རང་གི་སྙིང་གའི་ས་བོན་ལས་ལྷ་མོ་བརྒྱད་ཕྱུང་སྟེ་མཆོད་དེ། དེ་ཡང་གཽ་རཱི་མ་ནི་རི་བོང་འཛིན། ཙཽ་རཱི་ [137a.7]མ་ནི་ཉི་མའོ། །རོ་ལངས་མ་ནི་འབབ་ཆུ་འཛིན། །གྷསྨ་རཱི་ནི་སྟོབས་འཛིན་བའོ། །སྦོས་མོ་ཙནྡན་སྡོང་བུ་འཛིན། །རི་ཁྲོད་མ་ནི་སྦྲང་རྩིའོ། །གཏུམ་མོ་ཅང་ཏེའུ་སྒྲ་བརྡུང་ཞིང་། །གཡུང་མོ་མགུལ་པ་ལ་སྦྱོར་བའོ། །སྐྱེས་བུ་བཞིན་དུ་བྱེད་པར་བཤད། །དེ་ནས་བཤགས་པ་བྱ་སྟེ། [137b] [137b.1]བདག་གིས་སྡིག་པ་བགྱིས་པ་དང་། །རྗེས་སུ་ཡི་རང་བགྱིས་པ་དང་། །རྫོགས་སངས་རྒྱས་ཀྱི་སྤྱན་སྔར་ནི། །ཐམས་ཅད་མ་ལུས་སོ་སོར་བཤགས། །དེ་ནས་རྗེས་སུ་ཡི་རང་བ་བྱས་ཏེ། །སངས་རྒྱས་བྱང་ཆུབ་སེམས་རྣམས་དང་། །འཕགས་པ་ཉན་ཐོས་རང་རྒྱལ་དང་། ། [137b.2]སོ་སོ་སྐྱེ་བོའི་བསོད་ནམས་དེ། །ཀུན་ལ་རྗེས་སུ་ཡི་རང་ངོ་། །དེ་ནས་བསྔོ་བ་བྱ་སྟེ། །བདག་གི་དགེ་བ་འདི་དག་ཀུན། །བླ་མེད་བྱང་ཆུབ་ཡང་དག་རྫོགས། །སེམས་ཅན་ཀུན་དང་ཐུན་མོང་དུ། །ཡོངས་སུ་སྨིན་ཅིང་རྫོགས་པར་བགྱི། །དེ་ནས་སྐྱབས་སུ་གསོལ་ཏེ། །རྫོགས་པའི་ [137b.3]སངས་རྒྱས་རྐང་གཉིས་མཆོག །དེ་ཡིས་གསུངས་པའི་དམ་ཆོས་དང་། །བྱང་ཆུབ་སེམས་དཔའི་དགེ་འདུན་ལ། །བྱང་ཆུབ་བར་དུ་སྐྱབས་སུ་མཆི། །དེ་ནས་སྨོན་པ་བྱང་ཆུབ་མཆོག་ཏུ་སེམས་བསྐྱེད་དེ། བདག་གིས་བླ་མེད་བྱང་ཆུབ་ཏུ། །ཡང་དག་རྫོགས་པར་གྱུར་ནས་ནི། །སེམས་ [137b.4]ཅན་ཀུན་དོན་ཕན་པའི་ཕྱིར། །མི་གནས་མྱ་ངན་འདས་ལ་དགོད། །དེ་ནས་འཇུག་པ་བྱང་ཆུབ་མཆོག་ཏུ་སེམས་བསྐྱེད་དེ། །བདག་གི་སྦྱིན་པ་ལ་སོགས་པ། །ཕ་རོལ་ཕྱིན་པ་ཀུན་རྫོགས་པ། །རྡོ་རྗེ་ཐེག་པ་བླ་མེད་པའི། །ལམ་ནི་ཡང་དག་བསྟེན་པར་བྱ། །དེ་ནས་སྔར་གྱི་ཧཱུཾ་ལས་ [137b.5]བྱུང་བའི་འོད་ཟེར་གྱིས་འགྲོ་བ་སེམས་ཅན་ཐམས་ཅད་བཀུག་ནས། བཤེས་དང་འབྲེལ་པ་ལྟ་བུར་གསལ་བར་དམིགས་ནས། ཚད་མེད་པ་བཞི་བརྩེ་གདུང་གི་རྣམ་པ་དང་། སྡུག་བསྔལ་དང་བྲལ་བར་བྱ་བ་དང་། ཐབས་ཐོབ་པས་དགའ་བ་དང་། མི་རྟོག་པ་ལ་འཇུག་པའི་བཏང་ [137b.6]སྙོམས་བསྒོམ་པར་བྱའོ། །དེའི་རྗེས་ལ་སྔགས་འདི་དག་བརྗོད་པས། སྟོང་པ་ཉིད་དུ་བསྒོམ་པར་བྱ་སྟེ། ཨོཾ་སྭ་བྷཱ་བ་བི་ཤུདྡྷཿ་དྷརྨཱ་ཏེ་སྭ་བྷཱ་བ་ཤུདྡྷོ྅ཧཾ། ཞེས་པ་དེས་ནི། ཆོས་ཀུན་རྣམ་པར་དག་པས་ན། །བདག་ཀྱང་རང་བཞིན་རྣམ་པར་དག །ཅེས་པར་བསྒྲུབས་ན། ཨོཾ་ཤཱུ་ནྱ་ཏཱ་ཛྙཱ་ན་ [137b.7]བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་པ་དེས་ནི། སྟོང་ཉིད་ཡེ་ཤེས་རྡོ་རྗེ་ཡི། །རང་བཞིན་ངའམ་བདག་ཡིན་ནོ། །ཞེས་པ་དེ་ལ་གནས་པར་བྱའོ། །དེ་ནས་བདག་ཉིད་སྐད་ཅིག་ཙམ་གྱིས་ནི། །ཡེ་ཤེས་དང་ལྡན་ལྷ་རུ་མོས་པ་རེ། །དེ་ཡི་མདུན་ན་ནམ་མཁའ་རེ་ཕ་ལས། །གྱུར་པ་ཉི་མའི་སྟེང་དུ་ [138a] [138a.1]ཧཱུཾ་ལས་ནི། །སྣ་ཚོགས་རྡོ་རྗེ་ཡེ་ཤེས་ལྔ་ལྡན་བསམ། །དེ་ཡི་ལྟེ་བར་ཧཱུཾ་ལས་འོད་འཕྲོས་པས། །བགེགས་བསྲེགས་ར་བ་དང་ནི་གུར་ཡང་བསམ། །དེ་ཡི་སྟེང་དུ་པདྨ་ཉི་མ་ལ། །རང་གི་སེམས་ཉིད་ཡེ་ཤེས་རྣམ་པ་ཡི། །ཧཱུཾ་གི་དེ་ཉིད་ཡོངས་སུ་གྱུར་པ་ལས། ། [138a.2]རྡོ་རྗེ་རྩེ་ལྔའི་ལྟེ་བར་ཡི་གེ་ཧཱུཾ། །ཡང་ན་དེ་ཡི་འོད་ཟེར་གྱིས་ནི་ཁམས་གསུམ་གྱི། །སེམས་ཅན་རྣམ་པར་སྦྱངས་ཏེ་འོད་ཟེར་བསྡུ། །དེ་རྗེས་རྡོ་རྗེ་ཡོངས་སུ་གྱུར་པ་ལས། །ཧེ་རུ་ཀ་དཔལ་ཟླ་བ་ཆུ་ཤེལ་འོད། །ཞལ་བརྒྱད་ཉིད་ཤུ་རྩ་བཞི་སྤྱན་གྱིས་ཆེ། །བཅུ་དྲུག་ཕྱག་ལྡན་ཞབས་བཞིས་ [138a.3]བདུད་བཞི་མནན། །རང་སྣང་མོས་པ་ཙམ་སྟེ་དངོས་སུ་མིན། །མཆེ་བ་ཅུང་ཟད་གཙིགས་ཤིང་རལ་པ་དང་། །ཐོད་པའི་དབུ་རྒྱན་ཐོད་པའི་ཕྲེང་བ་དང་། སྤྱི་གཙུག་འཁོར་ལོ་ལ་སོགས་ཕྱག་རྒྱ་ལྡན། །བརྐྱང་བསྐུམ་སྐྱིལ་ཀྲུང་ཕྱེད་པ་གར་མོས་བྱ། །དེ་ཚེ་རང་གི་སྙིང་གར་ཉི་མ་ལ། །ཧཱུཾ་གི་ [138a.4]རྣམ་པ་བདུད་རྩི་ཐིག་ལེར་བཅས། །སྲོག་དང་རྩོལ་བའི་སྦྱོར་བས་འོད་ཟེར་འཕྲོ། །ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་པ་ནི་ཅི་ནུས་པས་བཟླ་བར་བྱ་སྟེ། དེ་རྗེས་དེ་ཡང་སྨིན་པར་བྱ་བའི་ཕྱིར། །ཤིང་འབྲས་ཚོས་པ་ལྟར་གྱུར་འབྲས་བུ་ཡི། །ཧེ་རུ་ཀ་དཔལ་ཕྱག་མཚན་ཞལ་སོགས་ནི། ། [138a.5]སྔར་སོགས་མིག་སྨན་བཅག་པ་ལྟ་བུའི་མདོག །དེ་རྗེས་དེ་ཡང་རྫོགས་པར་བྱ་བའི་ཕྱིར། །རང་གི་སྙིང་གའི་ཉི་སྟེང་ས་བོན་ལས། །རྡོ་རྗེ་ས་བོན་དང་བཅས་ཡོངས་གྱུར་པ། །ཡེ་ཤེས་སེམས་དཔའ་རང་འདྲའི་སྙིང་ག་རུ། །ཏིང་འཛིན་སེམས་དཔའ་མཚན་མ་ས་བོན་བསམ། །དེ་ཡི་ [138a.6]འོད་ཀྱིས་ཡེ་ཤེས་བདག་པོ་བསྡུ། །དེ་བརྗོད་ཛཿ་ཧཱུཾ་བཾ་ཧོཿ་ས་རང་ལ་བསྟིམ། །རྫོགས་སངས་རྒྱས་ལས་གཞན་དུ་ཡང་མ་ཡིན། །བརྟན་པར་བྱ་ཕྱིར་སྐྱེ་མཆེད་དྲུག་པོ་དང་། །སྐུ་གསུང་ཐུགས་སུ་བྱིན་རླབས་དབང་བསྐུར་བྱ། །དབང་གི་སྔགས་རྣམས་དག་ནི་བརྗོད་ཀྱང་རུང་། །མཆོད་ནས་ [138a.7]བསྟོད་དང་བདུད་རྩི་མྱང་བའང་བྱ། །དེ་དག་སྔགས་བརྗོད་པ་ཡང་འདི་ཡིན་ཏེ། །ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་པྲ་སྟུ་ཏེ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་ཨ་མྲྀ་ཏ་སྭ་ད་ན་བཛྲ་སྭ་བྷཱ་བ་ཨཱ་ཏྨ་ཀོ྅ཧཾ། ད་ནི་རྫོགས་རིམ་ལ་འཇུག་པ། །ཤེས་བྱའི་ [138b] [138b.1]གཙོ་མོ་གཏུམ་མོ་སྦར། །ཡང་ནི་སྲོག་དང་རྩོལ་སྦྱར་བས། །ཡེ་ཤེས་རླུང་དང་མེ་སྦར་བས། །ཧཾ་ལས་བདུད་རྩིའི་ཐིག་ལེ་བབ། །ངལ་སོ་དབུགས་དབྱུང་དབྱེར་མེད་འགྱུར། །དེ་ལ་སེམས་བརྟན་རྩེ་གཅིག་བྱ། །ཉམས་ཆེན་གཙོ་བོའི་རྣམ་པ་ནི། །དགའ་དང་སྐད་ཅིག་རིགས་གསུམ་ལས། ། [138b.2]མཚན་ཉིད་བྲལ་བའི་ལྷན་སྐྱེས་བསྒོམ། །སེམས་བརྟན་པ་ཡི་མཚན་མ་ནི། །གཟུང་འཛིན་བྲལ་ཞིང་ཡེ་ཤེས་ཉིད། །རྟགས་ནི་སྨིག་རྒྱུ་དུ་བ་དང་། །མར་མེ་སྤྲིན་མེད་ནམ་མཁའ་འདྲ། །ངེས་པར་ཆོས་ཉིད་མངོན་སུམ་བྱེད། །དེ་ལྟར་ཅི་ནུས་བསྒོམ་བྱ་སྟེ། །སྐྱོ་བར་གྱུར་ན་སྔགས་བཟླས་བྱ། །བདག་ [138b.3]ཉིད་རིམ་གཉིས་ཚོགས་པ་གཅིག །བསྐྱེད་རིམ་འབྲས་བུ་ཧེ་རུ་ཀ །མིག་སྨན་ཆག་པ་ལྟ་བུར་མོས། །ཕྱག་མཚན་ཞལ་སོགས་སྔར་བཞིན་ནོ། །རྫོགས་རིམ་བདེ་ལ་མི་རྟོག་ཅིང་། །མི་དམིགས་པ་རུ་མོས་པས་བཟླས། །ཟླ་བ་ལྟ་བུའི་བསམ་གཏན་དང་། །ཆུ་ཟླ་ལྟ་བུའི་རྣམ་པ་སྟེ། །བྲག་ [138b.4]ཅ་ལྟ་བུའི་བཟླས་པ་ནི། །ཨོཾ་ཨཥྚཱ་ན་ནཱ་ཡ། པིངྒ་ལོ་རྡྷྭ་ཀེ་ཤ་ཝ་རྟྨ་ནེ། ཙ་ཏུ་རྦིཾ་ཤ་ཏི་ནེ་ཏྲཱ་ཡ། ཤོ་ཌ་ཤ་བྷུ་ཛཱ་ཡ། ཀྲྀ་ཥྞ་ཛཱི་མཱུ་ཏ་བ་པུ་ཤེ། ཀ་པཱ་ལ་མཱ་ལཱ་ནེ་ཀཱ་དྷཱ་རི་ཎེ། ཨདྷྨ་ཏ་ཀྲཱུ་ར་ཙི་ཏྟཱ་ཡ། བྲྡྷ་ནྟུ་དཾ་ཥྚྲཱི་ཎེ། མཱ་ར་ཡ་མཱ་ར་ཡ། ཀཱ་ར་ཡ་ཀཱ་ར་ཡ། གྲྫ་ཡ་གྲྫ་ཡ། ཏ་རྫ་ཡ་ཏ་རྫ་ཡ། ཤོ་ཥ་ཡ་ཤོ་ཥ་ཡ། [138b.5]སཔྟ་སཱ་ག་རཱན། བནྡྷ་བནྡྷ། ནཱ་གཱ་ཥྚ་ཀཱན། གྲྀཧྞ་གྲྀཧྞ། ཤ་ཏྲཱུཾ་ནཾ། ཧ་ཧཱ་ཧི་ཧཱི་ཧུ་ཧཱུ་ཧེ་ཧཻ་ཧོ་ཧཽ་ཧཾ་ཧཿ་ཧཱུཾ་ཕཊ་སྭཱ་ཧཱ། ཞེས་པ་དག་ནི་བཟླས་བྱས་ནས། །འབྱུང་པོ་ཀུན་གྱི་གཏོར་མའམ། །མཚན་ཕྱེད་ཡིན་ན་ཚོགས་འཁོར་བྱ། །དེ་ནས་ཙུད་ཟད་མཆོད་བྱས་ན། །ཨོཾ་ཨཱཿ་ཧཱུཾ་མུཿ་ཡིས་ནི། །ཡེ་ཤེས་བདག་པོ་གཤེགས་ [138b.6]སུ་གསོལ། །དམ་ཚིག་རང་གི་ཐུགས་ཀར་བསྡུ། །སྤྱོད་ལམ་ལྷག་པར་མོས་པ་ཡིས། །བསྐྱེད་རིམ་ལྷ་ཡི་ང་རྒྱལ་དང་། །རྫོགས་རིམ་གཉིས་སུ་མེད་པར་མོས། །གང་ཞིག་ཐར་པའི་ལམ་ནི་འདོད་པ་དེས། །བླ་མེད་མཆོག་གི་ཐེག་པར་ཞུགས་ནས་ཀྱང་། །བླ་མ་དམ་པའི་གདམས་པ་ལ་བརྟེན་ནས། ཚེ་འདི་ཉིད་ལ་ [138b.7]ཕྱག་རྒྱ་ཆེན་པོ་བསྒྲུབ། །དེ་ལྟར་བདག་ལ་འདི་ནི་རིམ་པར་འབྱུང་། །རྗེས་སུ་འབྲངས་པས་འདི་བཞིན་བསྒྲུབ་པར་བྱ། །དགེ་བ་གང་ཐོབ་དེས་ནི་ཐམས་ཅད་ཀྱང་། །འཕྲལ་ལ་ཡིད་ཆེས་མངོན་དུ་བྱེད་གྱུར་ཅིག །དཔའ་བོ་གཅིག་པ་དཔལ་ཧེ་རུ་ཀ་ཕྱག་བཅུ་དྲུག་པའི་སྒྲུབ་པའི་ཐབས་རྫོགས་སོ།། །། [139a] [139a.1]{T1284}༄༅། །རྒྱ་གར་སྐད་དུ། པྲ་ཏི་སྟ་བིདྷིཿ་བོད་སྐད་དུ། སྤྱན་དབྱེ་བའི་ཆོ་ག །རྣལ་འབྱོར་མ་རྣམས་ལ་ཕྱག་འཚལ་ལོ། །རྡོ་རྗེ་སློབ་དཔོན་གྱིས་རབ་ཏུ་གནས་པའི་ལས་བྱ་བའི་ཕྱིར། ཆོ་ག་གང་གིས་གང་ལ་རབ་ཏུ་གནས་པ་དེའི་མཚན་ཉིད་བཤད་པར་བྱའོ། །དེ་ཡང་ [139a.2]ཐམས་ཅད་ལ་འཐད་ཅིང་དགོས་པ་མ་ཡིན་ཏེ། སྐྱེ་བ་མེད་པ་ལ་གང་ཞིག་རབ་ཏུ་གནས་པར་བྱ། ཀུན་རྫོབ་གཙོ་བོར་སྤྱོད་པས་ཀྱང་། དེ་ཉིད་བྱིན་རླབས་ཡིན་ཤེས་ན། །རབ་གནས་ཆོ་ག་མི་འཐད་དོ། །སེམས་ཅན་དང་པོའི་ལས་ཅན་གྱིས། །རྒྱུད་རྣམས་ཡང་དག་སྨིན་ཕྱིར་ [139a.3]བྱས། །དེ་ཡང་སློབ་དཔོན་མཐུ་ཐོབ་པ་དང་། མ་ཐོབ་པའི་བྱེ་བྲག་གིས་ཆོ་ག་བསྡུས་པ་དང་། རྒྱས་པའི་བྱེ་བྲག་གིས་ཅི་རིགས་པར་བླ་མའི་མན་ངག་ལ་བརྟེན་པ་རྣམས་ཀྱིས་ཤེས་པར་བྱའོ། །དེ་ལ་ཆོ་ག་རྒྱས་པ་ནི་དང་པོ་བསྙེན་པ་གཙོ་བོའི་འབུམ་མམ། འཁོར་གྱི་ཁྲིར། དེ་ལྟར་ [139a.4]གྲངས་སམ། མཚན་མའི་བསྙེན་པ་བྱས་ལ། དཀྱིལ་འཁོར་བྲི་བའི་ཆོ་ག་དག་ཚུལ་བཞིན་དུ་བྱས་ལ། ཁྲུས་སའི་སྟེགས་བུ་བརྩིགས་ལ། བུམ་པ་རྣམས་བཀོད་ལ། བཟླས་བརྗོད་ཀྱི་ཆོ་ག་ནི་རང་གི་ཡི་དམ་གྱི་ལྷའི་སྦྱོར་བས། མཚན་ཉིད་ལྡན་པའི་བུམ་པ་ལས། །ཐམས་ཅད་ཆུ་ལས་ [139a.5]ཁམ་ཕོར་དུ། །ཅུང་ཟད་བླུགས་ཏེ་རྣམ་རྒྱལ་གྱི། །བུམ་པ་པཾ་ལས་སྐྱེས་པ་ཡི། །རིན་པོ་ཆེ་ཡི་སྟེང་དུ་གཞག །དེར་ནི་དཀྱིལ་འཁོར་བསྐྱེད་བྱ་སྟེ། །དམ་ཚིག་བདག་ཉིད་རྫོགས་པ་དང་། །ཡེ་ཤེས་དཀྱིལ་འཁོར་སྤྱན་དྲངས་ནས། །ཞལ་བསིལ་ལ་སོགས་རིམ་པར་དབུལ། །དམ་ [139a.6]ཚིག་ལྷན་ཅིག་བཅུག་བྱས་ཏེ། །མཆོད་པ་རྣམས་ཀྱིས་ཚིམ་བྱས་ལ། །མེ་ཏོག་སྤོས་སོགས་རོལ་མོ་ཡིས། །འབད་པ་ཡིས་ཀྱང་མཆོད་པར་བྱ། །དྲིལ་བུ་དག་ནི་དཀྲོལ་བ་དང་། །བསྟོད་པ་གཤེགས་ཀུན་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་བཀྲུ་ [139a.7]བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ས་བྷི་ཤེ་ཀ་ས་མ་ཡ་ཤྲི་ཡེ་ཧཱུཾ། འདི་ནི་ཁྲུས་སྔགས་སོ། །རས་སོགས་རང་རང་གསང་སྔགས་ཀྱིས། །མཉམ་པར་གཞག་པས་དབུལ་པར་བྱ། །ཡང་ན་རང་གི་སྔགས་ཀྱིས་དབུལ། །བཟླས་ཏེ་ཕྱག་འཚལ་གཙོ་བོ་ལ། །ཨོཾ་བཛྲ་བཱ་ས་སེ་སྭཱ་ཧཱ། [139b] [139b.1]མེ་ཏོག་ལ་སོགས་པའི་སྔགས་སུ་ཡང་འགྱུར་རོ། །གསེར་ལ་སོགས་པས་སྣོད་བྱས་ཏེ། །སྦྲང་རྩི་མར་སར་བྱུགས་པ་ཡི། །གསེར་གྱི་ཐུར་མ་ཡིས་ནི་མིག །དབྱེ་བའམ་ཡང་ན་བསམ་གཏན་གྱིས། །ཨོཾ་ཙཀྵུ་ས་མནྟ་ཙཀྵུ་བི་ཤོ་དྷ་ནི་སྭཱ་ཧཱ། ཇི་ལྟར་རྫོགས་པའི་སངས་རྒྱས་ཀུན། ། [139b.2]དགའ་ལྡན་ཡང་དག་རབ་བཞུགས་ནས། །ཇི་ལྟར་ལྷ་མོ་སྒྱུ་འཕྲུལ་ལྷུ་མས། །དེ་བཞིན་འདིར་གནས་བཞུགས་བྱས་ལ། །འདིར་ནི་རྒྱུན་དུ་ཞུགས་གྱུར་ནས། །མགོན་པོ་མེ་ཏོག་ལ་སོགས་འདི། །བྱང་ཆུབ་སེམས་ཀྱིས་བསྡུས་པའི་ཕྱིར། །ཆེ་གེ་མོ་ཡི་དོན་དུ་བཞེས། །ལྷ་རྣམས་ [139b.3]བརྟན་པར་འདོད་པ་ཡིས། །མགོ་བོ་སྙིང་ག་གསང་གནས་སུ། །རྡོ་རྗེ་ཡིས་ནི་བསྐོར་བྱས་ནས། །ལན་གསུམ་བསྐོར་ཏེ་རབ་གནས་བྱ། །ཆད་པའམ་ནི་ལྷག་པས་ཀྱང་། །བདག་གིས་བརྗོད་ནས་གང་བགྱིས་པ། །གང་ཕྱིར་ལུས་ཅན་སྐྱབས་མཛད་པ། །མགོན་པོ་ཁྱོད་ཀྱིས་བཟོད་ [139b.4]པར་མཛོད། །མ་རྙེད་པ་དང་མ་ཤེས་པ། །མ་ལུས་པར་ཡང་བཟོད་པར་མཛོད། །ཉུངས་པའམ་གཞན་དུ་བགྱིས་པ་གང་། །དེ་དག་བཟོད་པར་མཛད་པར་རིགས། །ཞེས་པས་བཟོད་པར་གསོལ་ལ་སྨོན་ལམ་གདབ་པོ། །མཆོད་རྟེན་གླེགས་བམ་ལ་སོགས་ལ། །ཀྱེ་ཡི་རྡོ་རྗེ་འཁོར་བཅས་ [139b.5]པས། །རབ་ཏུ་གནས་པར་བྱ་བ་དང་། །རྣམ་པ་དག་ནི་ཅི་རིགས་པར། །དེ་ནས་སློབ་མ་རྩ་བའི་དཀྱིལ་འཁོར་དུ་བཅུག་ལ། །ཅི་བདེ་བར་ནི་མཆོད་པར་བགྱིས། །ཞེས་བསྒོའོ། །དེ་ནས་གཏོར་མ་དང་སྦྱིན་སྲེག་གི་ལས་བྱ་སྟེ། དེ་རྣམས་ཀྱི་ཆོ་ག་ནི་གཞན་དུ་ཤེས་པར་བྱའོ། །མཆོད་པ་དང་བསྟོད་ [139b.6]པ་སྔོན་དུ་འགྲོ་བས། ཡེ་ཤེས་ཀྱི་ལྷ་གཤེགས་སུ་གསོལ་བ་ལ་སོགས་པ་བྱའོ། །དེ་ནི་ཆོ་ག་རྒྱས་པའོ། །རྡོ་རྗེ་སློབ་དཔོན་ནུས་དང་ལྡན་པས་ནི། །ཉིན་གཅིག་གི་རབ་ཏུ་གནས་པའི་ཆོ་ག་རྫོགས་པར་བྱ་སྟེ། རང་གི་ལྷ་བསྐྱེད་པའི་རིམ་པ་བྱས་ལ། རང་གི་ལྷའི་སྔགས་བརྒྱའམ། [139b.7]སྟོང་དུ་བཟླས་བརྗོད་བྱས་ཏེ། རབ་ཏུ་གནས་པའི་རྟེན་སྦྱང་བ་དང་། བརྟེན་པའི་ཡེ་ཤེས་སེམས་དཔའ་གཞུག་པ་བྱས་ལ། ཡིད་ཀྱིས་མཆོད་པས་མཆོད་པ་བཟླས་བརྗོད་ཅི་རིགས་པ་བྱའོ། །རྫོགས་སོ།། {T1285}༄༅༅། །རྒྱ་གར་སྐད་དུ། བི་ལཾ་བི་དྷིཿ། བོད་སྐད་དུ། གཏོར་མའི་ཆོ་ག [140a] [140a.1]དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །དཔལ་ལྡན་རྡོ་རྗེ་མཁའ་འགྲོ་ལ། །བཏུད་དེ་དང་བས་ཕྱག་འཚལ་ནས། །སེམས་ཅན་ཐམས་ཅད་བསྲུང་བའི་ཕྱིར། །གཏོར་མའི་ཆོ་ག་བྲི་བར་བྱ། །དཀོན་མཆོག་གསུམ་ལ་ཕྱག་འཚལ་ལོ། །སྐད་ཅིག་ཙམ་གྱིས་ [140a.2]སྟོང་པར་བསྒོམས་ལ། དེ་ནས་ཧཱུཾ་ཞེས་བརྗོད་དེ། ཧཱུཾ་ལས་སྐད་ཅིག་ཙམ་གྱིས་རྡོ་རྗེའི་ས་གཞི་དང་། ར་བ་དང་དྲ་བའི་ནང་དུ་ཁམས་གསུམ་གྱི་སེམས་ཅན་ཐམས་ཅད་དུར་ཁྲོད་བརྒྱད་དང་བཅས་པ་ལ་ལྷའི་དཀྱིལ་འཁོར་དུ་བསྐྱེད་ལ། བདག་ཉིད་ཀྱང་དེའི་མདུན་དུ་ཧེ་རུ་ཀའི་གཟུགས་ [140a.3]སུ་བསམས་ལ། ཡི་གེ་འབྲུ་དྲུག་དང་། འབྲུ་གསུམ་དང་། ཅོད་པན་གྱི་ལྷ་དྲན་པར་བསྲུང་པར་བྱའོ། །དེ་ནས་འོག་ཏུ་ཡཾ་རཾ་ལས་རླུང་དང་མེ་བསྐྱེད་ལ། ཨ་ལས་ཐོད་པ་བསྐྱེད། དེའི་ནང་དུ་ཤ་ལྔ་བདུད་རྩི་ལྡན་བསམ། དེའི་སྟེང་གི་བར་སྣང་ལ་ཧཱུཾ་ལས་ཟླ་བའི་སྟེང་དུ་རྡོ་རྗེ་བསྐྱེད། [140a.4]རླུང་གིས་མེ་སྦར་མེས་བདུད་རྩི་བསྐོལ་བའི་འོད་ཀྱིས་ཟླ་བ་དང་རྡོ་རྗེ་ཡང་ཐིམ་ནས་ལྷའི་བདུད་རྩིར་གྱུར་ཏེ། དེའི་སྟེང་དུ་ཨོཾ་བསམ། དེའི་འོད་ཟེར་གྱིས་ཡེ་ཤེས་ཀྱི་བདུད་རྩི་བཀུག་སྟེ་བསྟིམས་ལ། ཡི་གེ་འབྲུ་གསུམ་གྱི་སྔགས་ལན་གསུམ་བཟླས་པས། ཡིན་གྱིས་བརླབ་པོ། །དེ་ནས་ [140a.5]སྙིང་གའི་ས་བོན་གྱི་འོད་ཟེར་གྱིས་ཡེ་ཤེས་ཀྱི་ལྷ་སྤྱན་དྲངས་ནས། ཨཾ་ཤྲཱི་ཧེ་རུ་ཀ་མ་ཧཱ་བཛྲ་ཨཱ་གཙྪ་ཨ་ཨ་ཨ་གྷ་ཏ་ཨ། པྲ་བེ་ཤ་ཡ་པྲ་བེ་ཤ་ཡ། བནྡྷ་ཡ་བནྡྷ་ཡ། ཏོ་ཥ་ཡ་ཏོ་ཥ་ཡ། སརྦྦ་བཛྲ་ཌཱ་ཀི་ནཱི་ཧྲྀ་ད་ཡ་ཧཱུཾ་ཧཱུཾ་ཕཊ་ཕཊ་ཅེས་བརྗོད་ལ། དམ་ཚིག་གི་དཀྱིལ་འཁོར་ལ་བསྟིམས་ལ། ཡང་ཡིད་ [140a.6]ལས་བྱུང་བའི་མཆོད་པ་རྣམས་ཀྱིས་མཆོད་དོ། །དེ་ནས་ལྷ་རྣམས་པར་དུར་ཁྲོད་བརྒྱད་ཀྱི་བདག་པོ་རྣམས་ཀྱི་ལྕེ་ཧཱུཾ་ལས་རྡོ་རྗེ་ནས་འབྲུ་ཙམ་བསམས་ལ། དེའི་རྩེ་མོར་ཧཱུཾ་བསྒོམས་ཏེ། དེའི་འོད་ཟེར་གྱིས་བདུད་རྩི་དྲངས་ནས། གསོལ་བས་གཉིས་སུ་མེད་པའི་ཡེ་ཤེས་ཐོབ་པར་བསམ་མོ། ། [140a.7]སྔགས་ནི་ཨོཾ་ཤྲཱི་ཧེ་རུ་ཀ་བཛྲ་པྲ་ཏཱིཙྪ་མཾ་བ་ལིཾ་ཧཱུཾ་ཕཊ། ཨོཾ་བུདྡྷ་ཌཱ་ཀི་ནཱི་པྲ་ཏཱིཙྪ་མཾ་བི་ལཾ་ཨོཾ་ཕཊ། ཨོཾ་བཛྲ་ཌཱ་ཀི་ནཱི་པྲ་ཏཱིཙྪ་མཾ་ལ་ལིཾ་ཧཱུཾ་ཕཊ། ཨོཾ་རཏྣ་ཌཱ་ཀི་ནཱི་པྲ་ཏཱིཙྪ་མཾ་བ་ལིཾ་ཏྲཱཾ་ཕཊ། ཨོཾ་བི་ཤྭ་ཌཱ་ཀི་ནཱི་པྲ་ཏཱི་ཙྪ་མཾ་བ་ལིཾ་ཨ་ཕཊ། ཨོཾ་སརྦ་ཌཱ་ཀི་ནཱི་པྲ་ཏཱིཙཚ་མཾ་བ་ལིཾ་ཧཱུཾ་ཕཊ། ཨོཾ་སརྦྦ་ཡོ་གི་ནཱི་པྲ་ཏཱིཙཚ་མཾ་བ་ལིཾ་ཧཱུཾ་ [140b] [140b.1]ཧ་ཧ་ཧེ་ཧོཿ། དེ་ནས་དེ་ཉིད་ལྔ་པས་བསྟོད་པ་ནི། །མི་བསྐྱོད་པ་ནི་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་མཁའ་འགྲོ་ཕྱག་འཚལ་ལོ། །རྣམ་པར་སྣང་མཛད་རབ་ཏུ་དག །རྡོ་རྗེ་ཞི་བ་དགའ་བ་ཆེ། །རང་བཞིན་གྱིས་ནི་འོད་གསལ་ [140b.2]མཆོག །སངས་རྒྱས་མཁའ་འགྲོ་ཕྱག་འཚལ་ལོ། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མ་མེད། །དངོས་གཉིས་དག་པ་གོས་པ་མེད། །རིན་ཆེན་མཁའ་འགྲོ་ཕྱག་འཚལ་ལོ། །རྡོ་རྗེ་མི་འཆི་འདོད་ཆགས་ཆེ། །མི་རྟོག་ནམ་མཁའ་རྡོ་རྗེ་འཛིན། །འདོད་ཆགས་ཕ་རོལ་ [140b.3]ཕྱིན་པ་བརྙེས། །པདྨ་མཁའ་འགྲོ་ཕྱག་འཚལ་ལོ། །རྡོ་རྗེ་དག་པ་གདོན་མི་ཟ། །བསམ་པ་ཐམས་ཅད་ཡོངས་རྟོགས་པ། །སངས་རྒྱས་ངོ་བོ་ཉིད་ལས་བྱུང་། །སྣ་ཚོགས་མཁའ་འགྲོ་ཕྱག་འཚལ་ལོ། །ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། ། [140b.4]གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་བྱུང་། །ངོ་བོ་ཉིད་ཀྱིས་སྣེགནས་པ་མེད། །དེ་ལྟར་ཆོས་འདི་ཤེས་ནས་ཀྱང་། །སེམས་ཅན་དོན་ནི་མཉམ་མེད་བྱོས། །འོན་ཀྱང་སངས་རྒྱས་སྲས་སུ་སྐྱེ། །ཨོཾ་ཨཱཿ་ཧཱུཾ་ཡུལ་ཆེ་གེ་མོ་ཞེས་བྱ་བ་ལ་སོགས་པའི་ཀྵ་ཏྲ་པཱ་ལ་ཨི་དཾ་ [140b.5]བ་ལིཾ་གྲྀཧྣ་མ་མས་པ་རི་ཝཱ་རཱ་ན་སརྦ་སཏྭ་ཉྫ་པཱ་པཾ་བྱ་ཏི་བི་ཤྣཾ་ཤཱནྟིཾ་ཀུ་རུ་དྷ་ན་དྷ་ན། ཨཱ་ཏུ་ཨཱ་དི་པུ་ཥྚིཾ་ཀུ་རུ་སརྦ་པྲ་ཡ་ཙྪ་རཀྵ་ཀུ་རུ་སྭཱ་ཧཱ། སེམས་ཅན་ཐམས་ཅད་ནད་མེད་ཅིང་། སེམས་ཅན་ཐམས་ཅད་བདེ་གྱུར་ནས། །སངས་རྒྱས་ཉིད་དང་ཕྲད་གྱུར་པའི། །ལམ་དེ་ཉིད་ལ་འགྲོ་ [140b.6]བར་ཤོག །མ་གྲོལ་བ་རྣམས་གྲོལ་བ་དང་། །མ་བརྒལ་བ་རྣམས་སྒྲོལ་བྱེད་ཅིང་། །རྣལ་འབྱོར་བསྟན་བཅོས་གནས་པ་ནི། །ད་ལྟ་ཉིད་དུ་གནས་པར་ཤོག །དེའི་འོག་ཏུ་ཡི་གེ་འབྲུ་གསུམ་གྱིས་ཞི་བ་ལ་སོགས་པའི་ལས་བཅོལ་ལོ། །དེ་ནས་ཨོཾ་ཨཱཿ་ཧཱུཾ་བཛྲ་མུཿ་ཞེས་བརྗོད། །སེ་གོལ་ལན་ [140b.7]གསུམ་བརྡབས་ཏེ་གཤེགས་སུ་གསོལ་ལོ། །རྫོགས་སོ།། {T1286}༄། །གཏོར་མའི་ཆོ་ག་བཞུགས།། ༄༅༅། །དཀོན་མཆོག་གསུམ་ལ་ཕྱག་འཚལ་ལོ། །དང་པོ་ཐོད་པའམ་སྣོད་གང་རུང་བའི་ནང་དུ། གཏོར་མའི་ཕུད་བཀྲོས་ལ། བསང་ནན་དང་བཅས་པ་བླུགས་ལ། དེ་ནས་ [141a] [141a.1]བདག་ཉིད་ལྷག་པའི་ལྷར་བསྒོམས་ལ། གཏོར་མའི་སྟེང་དུ་ཉི་མའི་དཀྱིལ་འཁོར་གྱི་གདན་ལ་ཧཱུཾ་མཐིང་ག་གཅིག་བསམ། དེ་ཞུ་སྟེ་གཏོར་མ་ལ་ཐིམ་པས། གཏོར་མའི་རྫས་ཀྱི་དངོས་པོ་སྦྱངས་པར་བསམ་མོ། །དེ་ནས་ཡང་པདྨ་དམར་པོ་འདབ་མ་བརྒྱད་པའི་སྟེང་། ཨ་ [141a.2]དམར་པོ་གཅིག་བསམ། དེ་འོད་དུ་ཞུ་སྟེ་ཐིམ་པས། ཁ་དོག་དམར་པོ་ལ་དངས་ཤིང་དག་ལ་དྲི་མ་མེད་པ། རོ་མཆོག་དང་ལྡན་པར་བསྒོམ། དེ་ནས་ཡང་ཟླ་བའི་དཀྱིལ་འཁོར་གྱི་སྟེང་དུ། ཨོཾ་དཀར་པོ་གཅིག་བསྒོམ། དེ་འོད་དུ་ཞུ་སྟེ་ཐིམ་པས། དཀར་ལ་དང་བ་རོ་མཆོག་བརྒྱ་དང་ལྡན་པའི་ [141a.3]བདུད་རྩིའི་རང་བཞིན་དུ་གྱུར་པར་བསམ་མོ། །དེ་ནས་བདུད་རྩི་ལས་འོད་འཕྲོས་པས། དེ་བཞིན་གཤེགས་པའི་ཐུགས་མི་རྟོག་པའི་ཡེ་ཤེས་ཀྱི་བདུད་རྩི་དང་། ལྷ་ཡུལ་ན་ཡོད་པའི་བདུད་རྩི་བཀུག་སྟེ། དེ་ལ་ཐིམ་པར་བསམ། དེ་ནས་བདུད་རྩི་དེ་ཉིད་ལས་ཡང་འོད་འཕྲོས་པས། བླ་མ་དམ་པ་ [141a.4]དང་བཅས་པའི་སངས་རྒྱས་དང་བྱང་ཆུབ་སེམས་དཔའ་དང་། ཕྱི་ནང་གི་ཆོས་སྐྱོང་མཁའ་འགྲོ་མ་དང་བཅས་པ་ནམ་མཁའ་ལ་བཀུག་ལ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤནྣ་ཏྭཱ་ཏ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། ཞེས་བརྗོད་པས་གཏོར་མ་ལས་འོད་འཕྲོས་པས་སོ་སོའི་ལྕེ་ལ་རེག་པས། བདུད་ [141a.5]རྩིའི་བདེ་བ་ཆེན་པོའི་རོ་སྟོབས་ཤིང་མྱོང་བར་བསམ་མོ། །དེ་ནས་ཆོས་བཤད་པར་བྱ་སྟེ། ཆོས་རྣམས་གཟུགས་བརྙན་ལྟ་བུ་སྟེ། ཞེས་པ་ལ་སོགས་པ་བྱ། མཁའ་འགྲོ་མ་རྣམས་ལ་ཅི་འདོད་པའི་ལས་བཅོལ་ལོ། །བཟོད་གསོལ་བྱས་ལ་གཤེགས་སུ་གསོལ། རྫོགས་སོ།། །། [141a.6]{T1287}༄༅༅། །རྒྱ་གར་སྐད་དུ། ཤྲཱི་ཧེ་བཛྲ་བ་ལིཾ་བི་དྷི་ནཱ་མ། བོད་སྐད་དུ། དཔལ་ཀྱེ་རྡོ་རྗེའི་གཏོར་མའི་ཆོག་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཤེས་རབ་ཐབས་ཀྱི་བདག་ཉིད་ཅན། །ཡི་གེ་གཉིས་ལས་ཡང་དག་འབྱུང་། །སྐུ་གསུང་ཐུགས་ཀྱི་དབང་ [141a.7]ཕྱུག་གཙོ། །ཧེ་རུ་ཀ་ལ་ཕྱག་འཚལ་ལོ། །དེ་ནས་དཔལ་ཀྱེ་རྡོ་རྗེའི་དཀྱིལ་འཁོར་དང་། སྦྱིན་སྲེག་དང་། ཆོ་ག་མཆོད་པ་དང་། སྒྲུབ་པའི་དུས་སུ་རྣལ་འབྱོར་པས་ཕན་གདགས་པ་དང་། ཚར་གཅད་པའི་ཕྱིར་འདི་བརྩམས་སོ། །དེ་ལ་གཏོར་མའི་དགོས་པ་ཡང་གང་ཞིག་ཅེ་ན། གཞུང་ [141b] [141b.1]ལས། བགེགས་རྣམས་ཞི་བར་བྱ་བ་དང་། །ལྷ་རྣམས་དགོད་པར་བྱ་བ་དང་། །དམ་ཚིག་ཉམས་པ་བསྐང་བའི་ཕྱིར། །གཏོར་མའི་ལས་ནི་ཅི་ནུས་རྩོམ། །ཞེས་འབྱུང་ངོ་། །ཡང་རྒྱུད་ལས། འབྱུང་པོ་ཀུན་ལ་གཏོར་མ་འདི་དག་གིས། །རྣལ་འབྱོར་པ་ཡིས་མཆོད་པ་ལེགས་བྱས་ན། །དུས་ [141b.2]ཀུན་རྙེད་པ་བདེ་བར་གྱུར་པ་དང་། །ལྷ་རྣམས་དགའ་ཞིང་འགྲོ་བ་འབྱོར་བར་འགྱུར། །འབྱུང་པོའི་ཚོགས་ལ་གཏོར་མ་ཅིག་བྱིན་ན། དབང་དང་མངོན་སྤྱོད་དགྲ་ཡི་སྡེ་འཇོམས་ཤིང་། །དགར་དང་བསད་དང་ལྐུགས་པར་བྱེད་པ་དང་། །ཞི་ཞིང་བདེ་བར་རྒྱས་པར་བྱེད་པ་ཡིན། །ཞེས་འབྱུང་ངོ་། ། [141b.3]ཡང་སློབ་དཔོན་ཁ་ཅིག་གིས། །འཇིག་རྟེན་འཇིག་རྟེན་ལས་འདས་པའི། །དངོས་གྲུབ་མཆོག་འདོད་ཐམས་ཅད་ལ། །དཔལ་ལྡན་རྫོགས་པའི་སངས་རྒྱས་ཀྱིས། །གཏོར་མའི་ལས་ནི་ཤིན་ཏུ་བསྔགས། །ཞེས་འབྱུང་བས་གཏོར་མའི་ལས་འདི་ཤིན་ཏུ་ཕན་ཡོན་ཆེའོ། །དེ་ལ་ཐོག་ [141b.4]མར་སྔགས་པས་འབྱུང་པོ་ཉི་ཤུ་རྩ་བཞི་ལ་གཏོར་མ་སྦྱིན་དགོས་ཏེ། ལྷ་ཆེན་བརྒྱད་པོ་འཁོར་བཅས་དང་། །ཀླུ་ཆེན་བརྒྱད་དང་ཕྱོགས་སྐྱོང་བརྒྱད། །འཁོར་དུ་གཏོགས་པ་བརྒྱད་རྣམས་ལ། །རྒྱུན་དུའམ་ཡང་ན་ཟླ་བའམ། །དེ་བཞིན་ལོ་གཅིག་ཁྱུད་འཁོར་དང་། །དཀྱིལ་འཁོར་སྦྱིན་སྲེག་ [141b.5]བཟླས་པ་དང་། །དེ་བཞིན་གནོད་པ་བྱུང་དུས་སུ། །ཇི་ལྟར་འོས་ཤིང་རིགས་པ་དང་། །རང་གིས་ཅི་འབྱོར་རྗེས་མཐུན་པར། །ནན་ཏན་དུ་ནི་གཏོར་མ་སྦྱིན། །ཞེས་འབྱུང་ངོ་། །དེ་ལ་གཏོར་མའི་རྫས་ཀྱང་གང་ཞེ་ན། མེ་ཏོག་བདུག་སྤོས་མར་མེ་བྱུག་པ་དང་། །སྨན་རྣམས་དང་ནི་དྲི་དང་ལྷ་བཤོས་ [141b.6]དང་། །ཆང་སྦྱར་འབྲུ་དང་སྣ་ཚོགས་ཆང་ལ་སོགས། །ཨུ་ལོ་པི་དང་ལ་དུ་ཁུར་བ་དང་། །ཟན་དྲོན་དང་ནི་དྲུག་ཅུ་པར་བྱས་པ། །ཕྱེ་ལ་སོགས་པ་དང་བཅས་བསྲེས་ནས་ནི། །འབྲས་ཆན་འབྲས་ཀྱི་ཕྱེ་མ་འབྲུ་བདུན་དང་། །ཁྲག་དང་ཤ་འདྲེས་ཉ་ཤ་ལ་སོགས་པ། །བཙོས་དང་རྗེན་དང་ [141b.7]རྙིང་དང་བཅས་པ་རྣམས། །དེ་བཞིན་བདུད་རྩི་ལྔ་དང་བསྲེས་ནས་ནི། །དེ་དག་ཀུན་གྱིས་སྣོད་ནི་བཀང་ནས་ཀྱང་། །བུམ་པ་ཆུས་བཀང་པ་ཡི་སྟེང་དུ་གཞག །ཁུར་བའམ་ཟས་ངན་མར་མེ་སྟེང་དུ་བལྟམ། མཚན་མོའི་དུས་སུ་དེ་དག་ལ་ཡང་དབུལ། །ཞེས་འབྱུང་བས་དེ་དག་གི་སྟེང་དུ་ཞི་བའི་ [142a] [142a.1]གཏོར་མ་ནི་ཞོ་དང་། བུ་རམ་དང་། འོ་ཐུག་ལ་སོགས་པ་བསྲེའོ། །དྲག་པོ་ལ་ནི་བསྒྲུབ་བྱའི་གཟུགས་བརྙན་སྟེང་དུ་གཞག་གོ། །དེ་ལ་རིགས་ཀྱི་བུ་དག་ཚེ་རིང་བར་འདོད་པ་དང་། ནད་ཉུང་བར་འདོད་པ་དང་། གནོད་པ་ཞི་བར་འདོད་པ་དང་། དཔལ་དང་གྲགས་པ་འཕེལ་བར་འདོད་པ་ [142a.2]དང་། བུ་ལོན་ལན་ཆགས་བྲལ་བར་འདོད་པ་དང་། དུས་མ་ཡིན་པར་འཆི་བ་བཟློག་པར་འདོད་པ་དང་། ལོངས་སྤྱོད་འབྱོར་པ་འཕེལ་བར་འདོད་པ་དང་། ཕས་ཀྱི་རྒོལ་བ་ཚར་གཅད་པར་འདོད་པ་དང་། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཐོབ་པར་འདོད་པའི་མཁས་པས་ [142a.3]གཏོར་མའི་ལས་ལ་བརྩོན་པར་བྱའོ། །དེ་ལ་བདག་ཉིད་སྐུ་ཕྱག་རྒྱ་ཆེན་པོ་གསལ་བར་བསྒོམས་ལ། ཐོག་མར་ནམ་མཁའ་ལྟ་བུ་ལ་ཡཾ་ལས་རླུང་གི་དཀྱིལ་འཁོར་ཡཾ་གིས་མཚན་པ། རཾ་ལས་མེའི་དཀྱིལ་འཁོར་རཾ་གྱིས་མཚན་པ། དེ་ལས་ཨ། ཨ་ལས་ཐོད་པའི་ནང་དུ་ལྕགས་ཀྱུ་ལྔ་དང་། ས་བོན་ [142a.4]ལྔ་ལས་བདུད་རྩི་ལྔར་བསྐྱེད་དོ། །ཧཱུཾ་ལས་རྡོ་རྗེ་ཨ་ལས་ཟླ་བ་དེའི་སྟེང་དུ། ཨོཾ་གྱིས་ཡེ་ཤེས་ཀྱི་བདུད་རྩིར་སྦྱང་། ཨཱཿ་ས་གཟི་བྱིན་བསྐྱེད། ཧཱུཾ་གིས་ཡེ་ཤེས་ཀྱི་བདུད་རྩི་དང་། དམ་ཚིག་གི་བདུད་རྩི་གཉིས་སུ་མེད་པར་བྱའོ། །དེ་ནས་གཏོར་མ་བྱིན་གྱིས་བརླབས་ཏེ་འདི་བརྗོད་དོ། །བདག་ [142a.5]གི་བསོད་ནམས་སྟོབས་དང་ནི། །དེ་བཞིན་གཤེགས་པའི་བྱིན་རླབས་དང་། །གསང་སྔགས་རིག་སྔགས་མཐུ་དག་དང་། ཆོས་ཀྱི་དབྱིངས་ཀྱི་སྟོབས་ཀྱིས་སུ། །སེམས་ཅན་ཀུན་ལ་ཕན་འདོད་པས། །དོན་རྣམས་ཡང་དག་བསམ་པ་ཀུན། །སེམས་ཅན་ཁམས་ནི་མ་ལུས་ [142a.6]པར། །དེ་དག་ཐམས་ཅད་ཅི་རིགས་པར། །ཐོག་མ་མེད་པར་འབྱུང་གྱུར་ཅིག །ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤནྣ་ཏྭཱ་ཏ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། ལན་གསུམ་མམ་བདུན་བརྗོད་དོ། །དེ་ལྟར་བྱིན་གྱིས་བརླབས་ནས། གཏོར་མའི་མགྲོན་སྤྱན་དྲང་བའི་ཕྱིར། ཧེ་རུ་ཀའི་ཕྱག་རྒྱས་ཡབ་ [142a.7]ཡུམ་བཅིངས་ཏེ་སྔགས་འདི་བརྗོད་དོ། །ཨོཾ་ཨ་རལླི་ཧོཿ་ཇཿ་ཧཱུཾ་བཾ་ཧོཿ་བཛྲ་དཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོཿ་ཨོཾ་ཨཱཿ་ཧཱུཾ། ཞེས་ལན་གསུམ་བརྗོད་ལ་འབྱུང་པོ་ཉི་ཤུ་རྩ་བཞི་ལ་སོགས་པ་འཁོར་སྡེ་བརྒྱད་མདུན་དུ་བསམས་ཏེ། མཆོད་པ་ལྔ་ཡང་དབུལ། ལྷ་ཆེན་བརྒྱད་པོ་འཁོར་བཅས་དང་། ། [142b] [142b.1]ཀླུ་ཆེན་བརྒྱད་པོ་འཁོར་བཅས་དང་། །འཇིག་རྟེན་སྐྱོང་བ་བརྒྱད་པོ་དང་། གནོད་སྦྱིན་ཚོགས་རྣམས་མ་ལུས་དང་། །སྲིན་པོའི་ཚོགས་རྣམས་མ་ལུས་དང་། །འབྱུང་པོའི་ཚོགས་རྣམས་མ་ལུས་དང་། །ཡི་དགས་ཚོགས་རྣམས་མ་ལུས་དང་། །ཤ་ཟའི་ཚོགས་རྣམས་མ་ལུས་དང་། །སྨྱོ་ [142b.2]བྱེད་ཚོགས་རྣམས་མ་ལུས་དང་། །བརྗེད་བྱེད་ཚོགས་རྣམས་མ་ལུས་དང་། །མཁའ་འགྲོའི་ཚོགས་རྣམས་མ་ལུས་དང་། །དེ་ལ་སོགས་པ་འབྱུང་པོའི་ཚོགས། །མ་ལུས་ཇི་སྙེད་ཡོད་པ་རྣམས། །འདིར་གཤེགས་བདག་ལ་དགོངས་སུ་གསོལ། །མཆོད་སྦྱིན་གཏོར་མ་འདི་ [142b.3]སྣོམས་ལ། །བདག་མིང་འདི་ཞེས་བྱ་བ་དང་། ནད་མེད་ཚེ་དང་དབང་ཕྱུག་རྣམས། །དཔལ་དང་གྲགས་དང་སྐལ་བ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ [142b.4]ཀུན་གྱིས་སྟོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་ཞི་བར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་རྒྱས་པར་ཤོག །བདེ་ལེགས་ [142b.5]ཐམས་ཅད་འགྲུབ་པ་དང་། །ཡིད་ལ་འདོད་པ་ཀུན་གྲུབ་ཤོག །དེ་ནས་པདྨའི་ལག་པ་གྱེན་དུ་ཁ་ཕྱེ་སྟེ། གཏོར་མ་ལ་གཏད་དེ། སྔགས་འདིས་བསྔོའོ། །ཨོཾ་ཨིནྡ། ཛ་མ། ཛ་ལ། ཛ་ཀྑ། བྷཱུ་ཏ། བི་ཧྣི། བཱ་ཨུ། རཀྵ། ཙནྡ། སུཛྫ། མཱ་ད། པ་པྤ། ཏ་ལ་པཱ་ཏཱ་ལེ། ཨཊྚ། ས་པྤ་སྭཱ་ཧཱ། དགྲ་ [142b.6]བགེགས་མཱ་ར་ཡ་ཕཊ། ཨི་དཾ་བ་ལིཾ། བྷུཉྫ། ཛི་གྷ། ཕུ་ལླ། དྷཱུ་པྤ། མཱཾ་ས། པིཾ་གྷ། ཨཾ་བྷ། སཔྤ། ཀཛྫ། སཱ་ད། ཁིནྟ། ཁུ་ཎི། ཕེ་ཌ། གཱ་ད། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤནྣ་ཏྭཱ་ཏ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། ཞེས་པ་བརྗོད་དོ། །རིགས་ལྔ་ལ་བསྟོད་པ་བྱ། ཡི་གེ་བརྒྱ་པ་བཟླས། ཕྱིན་ལས་ [142b.7]གཞོལ། སྨོན་ལམ་གདབ། ཕན་གདགས་པའི་གཏོར་མའོ། །སྔགས་པ་གང་ཞིག་དགྲ་དང་བགེགས་ལ་སོགས་པ་ཚར་གཅོད་པའི་ལས་བྱེད་པ་རྣམས་ཀྱིས་གོང་དུ་སྨོས་པའི་གཏོར་མའི་རྫས་མདུན་དུ་བཞག་སྟེ། དགྲ་བགེགས་གང་ཡིན་པའི་རཱུ་པ་ཡང་གཏོར་མའི་ནང་དུ་དམིགས་ལ། [143a] [143a.1]འབྱུང་པོ་ཉི་ཤུ་རྩ་བཞི་ལ་སོགས་པ་སྤྱན་དྲངས་ལ་གཏོར་མ་གཏང་། ལས་གཞོལ་བ་ནི། ལྷ་ཆེན་བརྒྱད་པོ་ཞེས་པ་ནས། མཁའ་འགྲོ་ཚོགས་རྣམས་མ་ལུས་ཀུན། །དེ་ལ་སོགས་པ་གནོད་སྦྱིན་ཚོགས། །དྲག་ཅིང་གཏུམ་པའི་འབྱུང་པོ་སྤྱོན། །མ་རུངས་སེམས་ཅན་འདི་ [143a.2]དག་ལ། །དྲག་ཅིང་སྙིང་རྗེ་མེད་པ་ཡི། །རྣལ་འབྱོར་མ་དང་མ་མོ་དང་། །མཁའ་འགྲོ་གནོད་སྦྱིན་ཤ་ཟ་དང་། ལྟོ་འཕྱེ་དང་ནི་སྲིན་པོ་དང་། །གཞན་ཡང་ཤ་ཟ་ཁྲག་ཟ་བའི། །ཁྱི་དང་ཁྲ་དང་ཀང་ཀ་དང་། །འོལ་བ་བྱ་རྒོད་ལ་སོགས་པའི། །གཟུགས་ཅན་ཐམས་ཅད་འདིར་སྤྱོན་ཅིག །བདག་ [143a.3]མིང་འདི་ཞེས་བྱ་བ་ལ། གནོད་པར་བྱེད་པའི་དགྲ་བགེགས་ཀྱི། །ཆུང་མ་ནོར་དང་སྲོག་དང་ནི། །གནོད་པ་རྣམས་ནི་ཕྲོགས་པར་མཛོད། །རང་གི་ཡུལ་ནས་དབྱུང་བ་དང་། །དགར་བ་དང་ནི་བསྐྲད་པར་གྱིས། །བདག་གི་དཔུང་ནི་སྟོབས་མེད་ལ། །དགྲ་བགེགས་སྟོབས་ལྡན་ཁོ་ན་སྟེ། །འདི་ནི་ཁྱོད་ཀྱིས་ [143a.4]བཟའ་བའི་ཕྱིར། །ཤ་དང་ཁྲག་དང་ཞག་དང་རྐང་། །བཟའ་བ་བཏུང་དང་བཅས་པར་མཛོད། །གནོད་བྱེད་གསོལ་ལ་དེ་མདངས་ཕྲོག །རང་གི་རྣལ་འབྱོར་ཅི་རིགས་པར། །ལོང་ལ་བཟའ་བ་ཉིད་དུ་གྱིས། །ཐམས་ཅད་ཚིམ་པར་བཞེས་པར་མཛོད། །གང་གིས་བདག་ལ་མི་ཚུགས་ཤིང་། ། [143a.5]དགྲ་བགེགས་ཐམས་ཅད་ཆོམས་པར་མཛོད། །བདག་ལ་ལས་ཀྱི་དངོས་གྲུབ་ནི། །རྒྱ་ཆེན་ཡོངས་སུ་སྩལ་ནས་ཀྱང་། །ཉིད་ཀྱི་གནས་དང་ཡུལ་དུ་གཤེགས། །ཅི་ནུས་འབྱོར་པའི་མཆོད་པ་འདི་བཞེས་ལ། །བདག་གི་ལས་ཀྱི་འབྲས་བུ་མཆིས་པར་མཛོད། །པུས་མོའི་ལྷ་པས་ལ་བཙུགས་ [143a.6]ནས་སུ། །ཐལ་མོ་སྦྱར་ནས་ཁྱོད་ལ་གསོལ་བ་ནི། །བཙུན་མོ་དང་ནི་སྲས་དང་གཡོག་ཏུ་བཅས། །གསན་ཞིང་འདིར་གཤེགས་བདག་ལ་བཀའ་དྲིན་སྐྱོབས། །ཡང་གཏོར་མའི་སྔགས་བརྗོད། དེ་ནས་དགྲ་བགེགས་ཀྱི་ཤ་ཁྲག་དང་། །སྙིང་ལ་སོགས་པ་དང་། གཏོར་མའི་ཟས་ [143a.7]རྣམས་གཅིག་ཏུ་བསྡུས་ནས། གནོད་སྦྱིན་ལ་སོགས་པ་མི་སྡུག་པའི་གཟུགས་ཅན། གྲངས་མེད་པས་ཟོས་ཤིང་འཐུངས་པར་བསམས་ལ་གཏང་། གཏོང་བའི་དུས་སུ་རོལ་མོ་དང་དྲིལ་བུ་དང་རྔེ་ཆུང་གི་སྒྲ་དཀྲོལ་ཞིང་གཏང་ངོ་། །དེ་ནས་ནང་དུ་ཞུགས་ལ་རང་ཅི་འདོད་པའི་བཟླས་པ་བྱ། [143b] [143b.1]གཏོར་མ་གཏོང་བའི་དུས་སུ་རང་གང་འདོད་པའི་བསྐུལ་ཚིག་དང་། དམོད་བཅོལ་དང་། འོ་དོད་བོད། སུ་བ་བྱ། མཱ་ར་ཡ་དང་བཅས་པས་གཏོར་མ་གཏང་། དཔལ་ཀྱེའི་རྡོ་རྗེའི་གཏོར་མའི་ཆོ་ག་ཞེས་བྱ་བ་རྫོགས་སོ།།{T1288}༄༅༅། །རྒྱ་གར་སྐད་དུ། ཧེ་བཛྲ་བ་ལིཾ་ཏ་བིདྷི་ནཱ་མ། བོད་སྐད་དུ། [143b.2]ཀྱེའི་རྡོ་རྗེ་ཞེས་བྱ་བའི་གཏོར་མའི་ཆོ་ག །ཀྱེའི་རྡོ་རྗེ་ལ་ཕྱག་འཚལ་ལོ། །ནམ་མཁའ་ཀུན་དུ་རྒྱུ་གྲུབ་པའི། །མཁའ་འགྲོ་རྣམས་ལ་རབ་ཏུ་འདུད། །དེ་དང་དེ་ཡི་བྱ་བ་ནི། །གཏོར་མའི་ཆོ་ག་ཅུང་ཞིག་བཤད། །དེ་ལ་གཏོར་མ་རྣམས་གསུམ་སྟེ། །དཀྱིལ་འཁོར་ཆེན་པོའི་ལྷ་རྣམས་དང་། །དེ་སྤྲུལ་ [143b.3]མཁའ་འགྲོ་མ་རྣམས་དང་། །མགྲོན་གྱུར་ཕྱོགས་སྐྱོང་རྣམས་ལའོ། །དཀྱིལ་འཁོར་ཆེན་པོའི་ལྷ་ལ་ནི། །རེ་ཞིག་བྱིན་གྱིས་བརླབ་པ་ཡང་། །བདག་ཉིད་འདོད་པའི་ལྷར་མོས་པས། །སྣོད་དག་མཆོག་ཏུ་གྱུར་པ་རུ། །གཏོར་མའི་རྫས་ནི་བདུད་རྩིར་བསམ། །དེ་བསྟན་དེ་ཉིད་གསུམ་སྔགས་ [143b.4]བརྗོད། །ཡང་ན་འདོད་ཡོན་ལྔར་གྱུར་པར། །བསམ་ཞིང་བྱིན་གྱིས་བརླབས་སྔགས་བརྗོད། །དེ་རྗེས་མདུན་དུ་དཀྱིལ་འཁོར་བའི། །ལྷ་རྣམས་སྐད་ཅིག་རྡོར་འཛིན་བསམ། །དེ་རྣམས་དབུལ་བའི་རིམ་པ་ནི། །ཨོཾ་མ་ཧཱ་བྷཱུ་ཏ་ཁཱ་ཧི། གྲྀཧྣ་གྲྀ་ཧྣ་བྷུ་ཉྫ་བྷུ་ཉྫ་ཁ་ཁ་ཁཱ་ཧི། ཨི་དཾ་བི་ལིཾ་ཏ་ཁཱ་ཧི། ཨ་ [143b.5]མྲྀ་ཏ་རཱ་ས་ཁཱ་ཧི། ཀཱ་མ་གུ་ཎི་ས་མཱ་ར་ས་ཁཱ་ཧི། ཞེས་གླུ་བླངས་སོ་སོའི་མཚན་དང་སྦྱར་བ་ནི། ཨོཾ་ཧེ་བཛྲ་ནེ་ར་ཨཱཏྨཱ་ཏ་ཨི་དཾ་མ་ཧཱ་བ་ལིཾ་ཏ་ཁཱ་ཧི། དེ་བཞིན་དུ་ཨོཾ་བཛྲ་གཽ་རཱི་ཨི་དཾ་མ་ཧཱ་བ་ལིཾ་ཏ་ཁཱ་ཧི། ཞེས་བྱ་བ་ལ་སོགས་པ་བརྗོད་དོ། །དེ་ལྟར་ཚིམ་ཞིང་མཉེས་གྱུར་ནས། །བདག་ཉིད་བསྒྲུབ་པ་རྐྱེན་སྦྱོར་པའི། ། [143b.6]མཁའ་འགྲོ་མ་ཡི་གཏོར་མ་ནི། །རེ་ཞིག་བྱིན་བརླབས་སྔགས་དང་མཚུངས། །དབུལ་ཐབས་བདག་ཉིད་འདོད་ལྷ་ཡི། །མདུན་དུ་དམ་ཚིག་རྗེས་དྲན་ནས། །མཁའ་འགྲོ་མ་རྣམས་སྐད་ཅིག་གིས། །ཐ་སྙད་ཚུལ་དུ་རབ་གྱུར་ནས། །གཏོར་མའི་ལོངས་སྤྱོད་བྱ་ཕྱིར་དང་། །ལས་དང་སྒྲུབ་ [143b.7]ལ་རབ་བསྐུལ་ལ། །དེ་རྣམས་དབུལ་བའི་རིམ་པ་ནི། །ལྷག་མ་བསྡུས་པའི་རིམ་པ་ལས། །སྔགས་འདི་གླུ་རུ་བཅས་པ་བརྗོད། །ཨོཾ་ཨུ་ཙི་ཥྚ་བ་ལིཾ་ཏ་བཛྲ་ཌཱ་ཀི་ནཱི་སཾ་པ་ནི་ན། བཛྲ་ཌཱ་ཀི་ནཱི། རཏྣ་ཌཱ་ཀི་ནཱི། པདྨ་ཌཱ་ཀི་ནཱི། ཨི་དཾ་ཨུ་ཙིཥྚ་བ་ལིཾ་ཏ་ཁ་ཁ་ཁཱ་ཧི། གྲྀ་ཧྣ་གྲྀ་ཧྣ། བྷུ་ཉྫ་བྷུ་ཛྙ། པྲ་ཏཱི་ཙྪ་ཁཱ་ཧི། ཀརྨ་ [144a] [144a.1]སིདྷི་སཾ་པ་ནི་ན་སྭཱ་ཧཱ། དེ་ནས་ལས་དང་དངོས་གྲུབ་སྩོལ། །མངོན་པར་འདོད་པའི་ཕྲིན་ལས་བཅོལ། །མགྲོན་གྱུར་འབྱུང་པོའི་གཏོར་མ་ནི། །མདུན་དུ་ཆོས་འབྱུང་གྲུ་གསུམ་ལས། །སྟེང་དང་འོག་དང་བར་དག་ཏུ། །ཆུ་སྐྱེས་འདབ་བརྒྱད་རིམ་བཞིན་བསམ། །སྟེང་དུས་ [144a.2]བོན་ཨོཾ་གྱུར་ལས། །ཟླ་ཉི་ནས་གཟུང་ཚངས་སོགས་པར། །མདོག་དཀར་རྡོ་རྗེ་དྲིལ་འཛིན་པ། །དབུ་ལ་སྐུ་ཡི་མཚན་མ་དག །རང་འདྲའི་ཚོགས་པ་བརྒྱད་དུ་བསམ། །བར་གྱི་པདྨ་འདབ་བརྒྱད་ལ། །མ་ཡི་ལྷར་གྱུར་ཕྱོགས་སྐྱོང་བརྒྱད། །ས་བོན་བརྒྱད་གྱུར་མདོག་སྔོན་པོ། །རྡོ་རྗེ་དྲིལ་འཆང་ [144a.3]རང་འདྲར་ལྡན། །དབུ་ལ་ཐུགས་ཀྱིས་མཚན་པར་བསམ། །འོག་ཏུ་ཀླུ་བརྒྱད་ས་ལས་བྱུང་། །མདོག་དམར་རྡོ་རྗེ་དྲིལ་འཛིན་ཞིང་། །དབུ་ལ་གསུང་གི་རྡོ་རྗེས་མཚན། །རང་འདྲ་དང་ནི་ལྡན་པར་བསྒོམ། །དེ་ནས་རེ་ཞིག་བྱིན་བརླབས་པ། །དམ་ཚིག་བདུད་རྩིའི་སྣོད་བཅས་པ། །རླུང་དང་མེ་སོགས་ [144a.4]སྨིན་བྱེད་པ། །དེ་རྗེས་བདུད་རྩི་དང་སྲེས་ལ། །གོང་དུ་བརྗོད་པའི་ལྷ་རྣམས་ཀྱིས། །འོད་ཟེར་སྦུ་གུ་ལྷ་རྣམས་ལྕེས། །ལོངས་སྤྱོད་པས་ནི་ཚིམ་པར་བྱེད། །དེ་ཚེ་ཟེའུ་འབྲུ་རྣམ་གསུམ་ལ། །ཚངས་དང་འདོད་ལྷ་ས་ཡི་ལྷ། །རིམ་པ་བཞིན་དུ་བསམ་པར་བྱ། །དེ་ཡི་སྔགས་བརྗོད་བསྐུལ་ [144a.5]བཅས་པ། །རྡོ་རྗེ་དྲིལ་བུ་གསིལ་གསོར་བྱ། །ཨོཾ་ཨིནྡ། ཛ་མ། ཛ་ལ། ཛ་ཀྑ། བྷཱུ་ཏ། བཱ་ཧྣི། བ་ཨུ། རཀྵ། ཙནྡ། སུཛྫ། མཱ་ད། པཔྤ། ཏ་ལ་པཱ་ཏཱ་ལ། ཨཊྚ། སཔྤ་སྭཱ་ཧཱ། ཨི་དཾ་བ་ལིཾ། བྷུ་ཉྫ། ཛི་གྷ། ཕུལླ། དྷཱུ་པྤ། མཱཾ་ས། པིཾ་གྷ། ཨཾ་བྷ། སཔྤ། ཀཛྫ། སཱ་ད། ཁནྟི། ཁུ་ཎི། ཕེཌ། གཱ་ད། [144a.6]ཨོཾ་ཨ་ཀཱ་རོ་མུ་ཁཾ་སརྦྦ་དྷརྨཱ་ཎཱཾ་ཨཱ་དྱ་ནུཏྤནྣ་ཏྭཱ་ཧའ། ཨོཾ་ཨཱཿ་ཧཱུཾ་ཕཊ་སྭཱ་ཧཱ། ཕན་ཡོན་སྔོན་དུ་བསྔོ་བ་ནི། །རེས་འགའ་གཏོར་མ་བཏང་བ་དང་། །རྒྱུན་དུ་བཏང་བའི་ཕན་ཡོན་ནི། །རྒྱུད་དུ་གསུངས་པ་བཞིན་བརྗོད་དོ། །བླ་མ་དམ་པའི་རྗེས་འབྲང་ཡིད་བརྟན་ཞིང་། །འཕྲལ་ལ་མངོན་དུ་བྱེད་ཅིང་བྱིན་རློབ་པ། །དམ་ [144a.7]པ་འགའ་ཡིས་གསོལ་བཏབ་ནས། །མན་ངག་གཞུང་བཞིན་མཐུན་པར་བྲིས་པ་ཡིན། །བཅོམ་ལྡན་འདས་ཀྱེའི་རྡོ་རྗེ་ཞེས་བྱ་བའི་གཏོར་མའི་ཆོ་གའི་རིམ་པ་རྫོགས་སོ།། {T1289}༄། །ཕྱག་མཚན་གྱི་ཕན་ཡོན་བཞུགས་སོ།། ༄༅༅། །བཅོམ་ལྡན་འདས་ཀྱེའི་རྡོ་རྗེ་ལ་ཕྱག་འཚལ་ལོ། ། [144b] [144b.1]ཀྱེའི་རྡོ་རྗེ་བདག་མེད་ལྡན། །མཁའ་འགྲོ་བརྒྱད་ཀྱིས་ཡོངས་སྐོར་ལ། །ཕྱག་འཚལ་ནས་ནི་ཕྱག་མཚན་རྣམས། །བསྣམས་པའི་ཕན་ཡོན་རིམ་བཞིན་བརྗོད། །གླང་པོ་ལ་སོགས་བསྣམས་པ་ནི། །ནད་རྣམས་ཞི་བར་མཛད་པ་སྟེ། །གློ་དང་དབུགས་དང་དེ་བཞིན་སྨྱོ། །ཁྲག་སྐྱུག་མཛེ་ནད་ [144b.2]འབྲུམ་བུ་དང་། །མཆེར་པ་མཆིན་པའི་རང་བཞིན་ནོ། །གླང་པ་ལ་སོགས་རིམ་ཞེས་གྲགས། །ས་ལ་སོགས་པ་བརྒྱད་རྣམས་པ། །ཕྱུག་པོ་ཐམས་ཅད་འགྲུབ་པའོ། །ང་རྒྱལ་ལ་སོགས་སྐྱོན་དྲུག་པོ། །གཅོད་ཕྱིར་གྲི་གུག་གཡས་པས་ཏེ། །དངོས་དང་དངོས་མེད་རྟོག་པ་ལ། །གཡོན་པ་ [144b.3]ན་ནི་པད་སྣོད་དོ། །འཁོར་བའི་རྒྱ་མཚོའི་དུག་ཆུ་ལས། །ཉ་འདྲའི་འགྲོ་བ་འདོན་ཕྱིར་དང་། །བཀྲ་ཤིས་འཛིན་པ་རོ་ཧེ་ཏ། །ཉོན་མོངས་རྒྱ་འདྲ་གྲི་གུག་གཡས། །གཏི་མུག་གིས་ནི་རབ་རྨོངས་ལ། །ཕག་དང་འདྲ་བའི་སེམས་ཅན་རྣམས། །གཏི་མུག་གཉིད་ལས་བསླང་བའི་ཕྱིར། །གཡས་ན་ [144b.4]ཅང་ཏེའུའི་སྒྲ་སྒྲོགས་པ། །འདོད་ཆགས་ཀྱིས་གདུངས་རུས་སྦལ་ནི། །འགྲོ་བའི་ནད་རྣམས་བསལ་ཕྱིར་དང་། །ཆགས་ཆེན་བདུད་རྩིས་ཚིམ་བྱའི་ཕྱིར། །རུས་སྦལ་དང་ནི་པད་སྣོད་བསྣམས། །ཞེ་སྡང་དགྲ་ཡིས་ཕམ་བྱས་པ། །སྦྲུལ་དང་འདྲ་བའི་སེམས་ཅན་རྣམས། །ཞེ་སྡང་ཆེན་པོས་ [144b.5]ཚིམ་བྱའི་ཕྱིར། །ཕྱག་ན་སྦྲུལ་དང་ཐོད་པའོ། །ངན་རྟོག་པ་ཡི་རི་དགས་རྣམས། །སྐྲག་པར་བྱ་ཕྱིར་སེང་གེའམ། །སེང་འདྲ་ང་རྒྱལ་གཞོམ་ཕྱིར་རམ། །སེང་གེ་དང་ནི་སྒྲ་སྟ་བསྣམས། །བདག་ཏུ་ལྟ་བ་སོགས་པ་ཡི། །ལྟ་བ་པོ་ཡི་གཉིས་པའོ། །བདག་ཏུ་ལྟ་བའི་མདུད་པ་དང་། །སེར་སྣ་ [144b.6]དགྲོལ་བར་བྱ་བའི་ཕྱིར། །དགེ་སློང་དང་ནི་འཁོར་གསིལ་ལོ། །དཔེར་ན་ཐོད་པ་ལྟ་བུ་ཡི། །ཆོས་ནི་འཁོར་ལོ་བསྐོར་བ་ཡིས། །ཉོན་མོངས་ཐ་བ་རློག་པའི་ཕྱིར། །འཁོར་ལོ་དང་ནི་ཐོད་པ་བསྣམས། །རྣམ་པར་རྟོག་པའི་རི་(བརྙིལ་,བསྙིལ་)ཞིང་། །གདུག་པ་ཚར་གཅད་བྱ་བའི་ཕྱིར། །གཡས་པ་ [144b.7]སྡིགས་མཛུབ་བསྟན་པའོ། །བཅོམ་ལྡན་དཔལ་ཆེན་ཧེ་རུ་ཀ །མ་མོའི་ཚོགས་ཀྱིས་ཡོངས་བསྐོར་བའི། །ཕྱག་མཚན་བསྣམས་པའི་ཡོན་ཏན་རྣམས། །ཅི་ནུས་བརྗོད་ཐོབ་ཡོན་ཏན་རྣམས། །ཐབས་དང་ཤེས་རབ་གྲུ་ཆེན་དང་། །བརྟེན་ནས་མཐའ་ཡས་སེམས་ཅན་རྣམས། ། [145a] [145a.1]འཁོར་བའི་རྒྱ་མཚོ་ལས་བརྒལ་ཏེ། །ཐར་པའི་སྐམ་སར་གནས་པར་ཤོག། །ཕྱག་མཚན་གྱི་ཕན་ཡོན་རྫོགས་སོ།། {T1290}༄༅༅། །རྒྱ་གར་སྐད་དུ། མ་ཧཱ་ཏི་ལ་ཀ་ཀྲ་མ་ནཱ་མ། བོད་སྐད་དུ། ཐིག་ལེ་ཆེན་པོའི་རིམ་པ་ཞེས་བྱ་བ། དཔལ་ཀྱེའི་རྡོ་རྗེ་ལ་ཕྱག་ [145a.2]འཚལ་ལོ། །རང་བཞིན་གཉིས་བྲལ་གསེར་འདྲ་ཡོན་ཏན་འཕུངས་པའི་གཞི། །འཇུག་པར་བྱ་བའི་རྒྱུད་ཉིད་རང་གི་མངོན་དུ་བྱེད། །རང་ཉམས་དཔའ་བོའི་དཔའ་བོ་བརྟན་གཡོའི་སྐད་ཅིག་བདག །མཐའ་གནས་ནམ་མཁའ་རྟོག་བྲལ་བྱ་བ་མ་ལུས་རྫོགས། །རྒྱ་མཚོ་མཚོན་ཆ་ཚིག་གིས་མྱ་ངན་ཡེ་ [145a.3]ནས་འདས། །རང་ཉམས་ཤུགས་ཀྱིས་དབང་སྒྱུར་དེ་ལ་ཕྱག་འཚལ་འདུད། །འབྱེད་སོགས་གསུམ་གཉིས་ཐབས་ཀྱིས་རྗེས་མ་འབྲངས། །བྱ་བ་མཛུབ་མོ་དོན་གདོན་མི་བྱེད་པས། །སྐལ་མང་ངེས་མེད་ངོ་སྟོན་འདིར་དད་གང་། །ཉི་འོད་གསལ་བྱེད་དེ་ཕྱིར་ཐབས་མན་ངག །དེ་བས་སྲེག་མེ་བླུགས་ [145a.4]ཆུ་མ་རྒྱུད་ལ། །སྐལ་མེད་རང་གིས་འབྲེལ་པའི་སྐྱེས་བུ་ལ། །ཆུ་བོས་མཚོན་པའི་མིང་ཚོགས་ཅུང་ཟད་པ། །རྨོངས་པ་བདག་འདྲའི་དོན་ཕྱིར་དབྱེ་བར་བྱ། །བསྟན་བཅོས་དང་པོའི་རང་བཞིན་ནི། །ས་གསེར་ལྟ་བུར་གདོད་ནས་དག །རང་བཞིན་སྟོང་པ་ཉིད་ཀྱི་ཕྱིར། །རང་བཞིན་མ་སྐྱེས་སྟོང་པའང་ [145a.5]མིན། །རྨི་ལམ་འདོད་པ་ཚིམ་བཞིན་པ། །འཁྲུལ་པས་རང་དོན་གྲུབ་པར་བྱེད། །གཞི་མེད་སྣང་བའང་གསེར་ཤིང་བཞིན། །མི་འགོག་དེ་དོན་ཤེས་བྱ་བ། །གཟུགས་ཕུང་རྡོ་རྗེ་མ་ཡིན་ཏེ། །ཚོར་བ་དེ་ཉིད་དཀར་མོར་བརྗོད། །འདུ་ཤེས་ཆུ་ཡི་རྣལ་འབྱོར་མ། །འདུ་བྱེད་རྡོ་རྗེ་མཁའ་འགྲོ་མ། ། [145a.6]རྣམ་ཤེས་བདག་མེད་ངོ་བོ་བས། །རང་བཞིན་མྱ་ངན་འདས་ཤེས་བྱ། །གཟུགས་དཀར་སྒྲ་ལ་ཆོམ་རྐུན་མ། །དྲི་ནི་རོ་ལངས་གྷསྨ་རཱི། །རེག་ལ་མཁའ་སྤྱོད་ས་སྤྱོད་མ། །རྟག་པར་ཆོས་སུ་རང་གནས་པས། །ལོངས་སྤྱོད་མྱ་ངན་འདས་པ་རྫོགས། །མི་བསྐྱོད་ཆུ་དེ་རྣམ་སྣང་མཛད། །ཉི་མའི་འབྱུང་ [145a.7]ལྡན་མཐའ་ཡས་སེམས། །དོན་ཡོད་པས་ནི་གཙོ་བོ་ལྔ། །གཏི་མུག་ལ་སོགས་དབང་པོ་ལྔ། །རང་བཞིན་ཡེ་ནས་མ་བྱས་པ། །རྣམ་དག་ངང་གིས་འཆིང་བ་མེད། །དེ་ནས་རང་བཞིན་སྡོམ་པ་དང་། །ནང་གི་ས་བཅུ་རིམ་ཤེས་བྱ། །གནས་དང་ཉེ་གནས་ཞིང་དེ་བཞིན། །དུར་ཁྲོད་ཚད་ནྡོ་འདུ་བ་ [145b] [145b.1]སོགས། །བདག་ཉིད་ཆེན་པོ་རྒྱལ་བའི་སྐུ། །ཕྱི་རོལ་དེ་བཞིན་ནང་དེ་བཞིན། །དེ་བཞིན་གསང་བར་ཤེས་པར་བྱ། །རྐང་པ་བསྐྱོད་པ་མདོར་དྲོད་ཤེས། །འདུ་བ་རྟག་ཏུ་ཆུར་བསྟན་པས། །སྟོང་དུ་དབྱིབས་ཀྱིས་བཞིར་ཤེས་བྱ། །འཁོར་ལོ་བདེ་བ་དེ་བཞིན་གནས། །བྷ་ག་ནམ་མཁའ་ཡིན་པའོ། ། [145b.2]བཤང་ལམ་དྲག་གཏུམ་དུར་ཁྲོད་ཆེ། །གསང་གནས་དབྱིབས་ཅན་དེ་བཞིན་དུ། །རྣ་བ་རྒོད་དང་གཡེར་ཁར་བརྗོད། །ཁ་ནི་ཚང་ཚིང་འབར་བ་སྣང་། །མི་བཟད་དམྱལ་ཚོགས་མིག་ཏུ་བསྟན། །ཤི་རི་ཤིང་གི་དངོས་པོ་སྟེ། །མེ་ཏོག་འབྲས་བུ་དབང་པོར་བཅས། །ཀ་བ་གཅིག་དང་སྒོ་དགུར་ལྡན། ། [145b.3]བདག་མེད་ཧེ་རུ་ཀ་བདེ་བ། །ཐབས་དང་ཤེས་རབ་ཡེ་ནས་འབྲེལ། །ཉི་ཟླ་གཡས་དང་གཡོན་གྱི་སྟན། །གཉིས་མེད་འབྲེལ་བ་རྟག་ཏུ་ཕྲ། །མ་ཚོགས་རྡོ་རྗེ་མཁའ་འགྲོ་ནི། །མི་ཕྱེད་ཕྲ་མོ་རྡོ་རྗེ་མ། །དཀར་མོ་གཡོན་པ་བརྩེ་བ་མ། །ཐུང་ངུ་རུས་སྦལ་ཆུར་ཤེས་བྱ། །བསྒོམ་དབང་རྡོ་རྗེ་མཁའ་ [145b.4]འགྲོར་བསྟན། །སྐྱོན་ལྡན་མཇུག་མ་པུཀྐ་སཱི། །རི་ཁྲོད་མ་མོ་མཚན་མ་ཡིན། །ཚ་དང་བསིལ་ལ་གདོལ་བ་མོ། །གཡུང་མོ་གཞོལ་དང་རངས་བྱེད་མ། །དཀར་མོ་སྒོ་སྐྱོང་གཟུགས་སྤྱི་ཉིད། །རྒྱུ་སྦྱིན་སྦྱོར་བྲལ་ཆོམ་རྐུན་མ། །སྡུ་གུ་གྲུབ་མ་རོ་ལངས་མ། །ཡིད་བཟངས་ཚད་མ་གྷསྨ་རཱི། །སུམ་ [145b.5]སྒོར་འདོད་མས་སྤྱོད་མ། །མཁའ་སྤྱོད་ཁྱིམ་མ་གཏུམ་མོར་བསྟན། །མཁའ་འགྲོའི་དཀྱིལ་འཁོར་བྱས་པ་མེད། །སྐུ་དང་ཕྱག་རྒྱ་ཡུམ་གྱི་ཚོགས། །འབྲས་བུ་བདེ་བ་སྐད་ཅིག་དག །རང་བཞིན་ཉིད་དུ་རྟག་པར་བྱ། །བཞི་གཉིས་ནས་བརྩམས་དྲུག་ཅུའི་བར། །དེ་སོགས་སྟོང་ཕྲག་བདུན་ [145b.6]ཅུ་གཉིས། །དེ་ལས་རྒྱས་པར་བརྗོད་མི་ལང་། །རང་བཞིན་སྤྲུལ་པར་རྒྱལ་བས་གསུངས། །གསང་བའང་དེ་བཞིན་ཤེས་པར་བྱ། །འབྱུང་བ་རིམ་ལྡན་བྷ་གར་གནས། །བུ་གུ་འདུས་པས་ས་ཉིད་དེ། །བདེ་བ་མང་པོས་མར་ཤེས་བྱ། །སྐུ་གསུམ་རང་བཞིན་གདོད་ནས་ལྡན། །རང་བཞིན་རྣམ་ [145b.7]དག་འཇིག་རྟེན་ན། །གང་ཡང་བཅིངས་པ་ཡོད་མ་ཡིན། །དམན་པའི་བསལ་བྱ་ཇི་སྙེད་པ། །རང་བཞིན་ཉིད་ཀྱིས་དེ་ལྟའོ། །དཔལ་ཐིག་ལེ་ཆེན་པོའི་རིམ་པ་ལས་རང་བཞིན་གྱིས་གནས་པའི་རིམ་པ་སྟེ་དང་པོའོ།། །།འདུག་བྱེད་བསྐྱེད་པར་ཤེས་བྱ་བ། །ཐབས་དང་བཅས་པས་དམན་པའི་དོན། ། [146a] [146a.1]ལྷ་དག་སྒྲ་དོན་ལས་བྱུང་བ། །ཡང་དག་སྡོམ་པའང་དེར་ཤེས་བྱ། །འཁོར་ལོ་དག་ལ་རྣམ་སྦྱོང་ཞིང་། །རང་གི་བདེ་བས་རང་ཟ་བས། །རྣམ་རྟོག་ལས་གྲོལ་ས་བཅུ་སྦྱོང་། །རྡོ་རྗེ་འཛིན་པ་དགུར་ཤེས་བྱ། །ཀུན་རྫོབ་བརྗོད་པ་མ་ཡིན་ཏེ། །ལྟེ་བ་མཐའ་ཟད་ཤེས་རབ་ལ། །ཐབས་ནི་ [146a.2]ཟེ་འབྲུའི་རྩེར་ཤེས་བྱ། །རྩ་བར་འདབ་མ་དྲུག་ཅུ་བཞི། །སྡེ་ཚན་བརྒྱད་ཀྱིས་མཐའ་སྟོང་པ། །མ་སྐྱེས་པ་ཡི་སྙིང་པོ་ཅན། །དེར་ནི་དབུས་ཀྱི་གདན་ཤེས་བྱ། །འབར་གཡོ་ལས་སུ་རྣམ་བརྟགས་པས། །ལས་ཀྱི་དང་པོར་ཤེས་པར་བྱ། །ས་དབུས་ཆོས་སུ་བསྟན་པ་སྟེ། །སྔོན་ལ་བརྒྱད་ཆ་གཅིག་ [146a.3]ཡོད་པ། །རྩ་བཞི་ནང་གི་མ་མོ་བཞི། །གཞན་དག་རྒྱུད་ལས་ངེས་པར་གསུངས། །བཅུད་ནི་ཕུང་པོ་འབྱུང་བར་བཤད། །རྟག་པར་ཆོས་སུ་འདི་བསྟན་ཏེ། །སྙིང་པོ་ཆོས་ཀྱི་སྐུར་ཤེས་བྱ། །དེ་ཉིད་ཡེ་ཤེས་སྙིང་པོ་ཡིན། །འདི་ནི་འཁོར་ལོ་ནམ་མཁའི་ཁམས། །ཐམས་ཅད་ཀུན་ལ་ཁྱབ་ཆེན་པོ། ། [146a.4]དེ་ཉིད་སྟོང་དུ་ལོངས་སྤྱོད་དེ། །འབྱུང་བ་བར་བཞི་སྟོང་པ་བས། །ཡེ་ཤེས་ལྔ་ཡི་སྙིང་པོ་ཅན། །ཆགས་པས་རྟག་ཏུ་རང་འཆིང་བ། །ལོག་ལྟ་རྟག་ཏུ་གྲོལ་བར་དཀའ། །འབྱུང་འཇུག་ཐོགས་མེད་ཐར་བར་འགྱུར། །པདྨ་མཚན་ལྡན་བདེ་བ་ཆེ། །རྟག་པར་གཞོམ་མེད་དབྱིངས་མཐའ་ཅན། །རང་བཞིན་ [146a.5]ཆོས་སྐུར་ཡོངས་ཤེས་པར། །འདི་ལ་སྒོ་དྲུག་ཡོད་ཤེས་བྱ། །ཏིང་འཛིན་གོམས་པའི་ཡེ་ཤེས་ཀྱིས། །ས་གནས་ཀུན་དུ་བདེ་བ་ཆེ། །ཡེ་ཤེས་སྐྱེ་བ་ངེས་པ་མེད། །དཀྱིལ་འཁོར་ཡན་ལག་བཅས་སྤྲུལ་སྐུ། །དེ་ཉིད་བདེ་བས་བདེ་བྱས་ཏེ། །ལོངས་སྤྱོད་རྫོགས་པ་ཀྱེའི་རྡོ་རྗེ། །ལས་ཀྱི་ལམ་ལ་གཞན་ [146a.6]བཞིན་ཞུགས། །ཨོཾ་ཏྲ་གནད་ཀྱི་སྒོ་ཕྱེ་དང་། །ཕྱོགས་ཀྱི་ཡེ་ཤེས་བདག་གིས་བྱས། །འབར་འཛིན་དང་པོའི་སྒོར་ཞུགས་ཏེ། །བདུད་རྩི་འཛག་པའི་ལམ་དབུས་སུ། །ཏིང་འཛིན་རྩལ་གྱིས་དྲང་པོར་བྱེད། །རྙེད་ནས་ལོངས་སྤྱོད་མྱ་ངན་འདས། །སྐུ་གསུམ་བཞི་ཡང་མ་དམིགས་ཏེ། །སེམས་ཉིད་ [146a.7]བདེ་ལ་གང་གནས་པ། །གོམས་པས་འོད་ཀྱང་མི་དམིགས་ཤིང་། །སྐྲ་ཡི་རྩེ་མོ་བརྒྱ་ཤས་ཀྱང་། །མཐར་ནི་དམིགས་པར་མི་བྱེད་ན། །བདེ་བ་ཡིད་ཀྱིས་མི་མྱོང་ཞིང་། །མཐའ་རྣམས་ཅི་ལའང་མི་གནས་ཏེ། །སྤྱོད་ལམ་ལོངས་སྤྱོད་དེར་ཤེས་བྱ། །འགྲོ་དོན་འདོད་པའི་སྐུ་གཉིས་ཀྱང་། །སྒྲ་ཡི་ཚུལ་ [146b] [146b.1]ལས་ཐོགས་པ་མེད། །རང་བཞིན་སྣང་བ་ཡེ་ཤེས་ནི། །སྣང་སྟོང་གཉིས་སུ་མ་ཡིན་པས། །རྟག་ཏུ་ཐིག་ལེ་ཆེན་པོར་གསུངས། །དཔལ་ཐིག་ལེ་ཆེན་པོའི་རིམ་པ་ལས། ཡེ་ཤེས་ཆེན་པོ་ལ་འཇུག་པའི་རིམ་པ་སྟེ་གཉིས་པའོ།། །།རང་ཉམས་གནས་འདོད་བློ་ལྡན་པས། །ཡུལ་དུ་ཤེས་བྱ་ [146b.2]དཀའ་བ་ནི། །རང་རིགས་འགྱུར་བའི་མཚན་མ་ཅན། །བརྒྱ་དང་བཅུ་དང་དྲུག་གཉིས་དང་། །དཀར་ནག་ཕྱེད་དང་དཀར་ནག་མིན། །སྐྲ་ནག་མིག་རིང་ལྟེ་བ་ཟབ། །ཕྲ་སྦོམ་རིང་ཐུང་གཉིས་སྤངས་པ། །སྣ་དྲངས་རྐེད་ཕྲ་སྨད་ཞེང་ཆེ། །འདབ་མ་ཆེ་ཞིང་ནང་ཟབ་པ། །ནུ་སྲ་ནད་ཉུང་ག་བུར་མང་། །སི་ལ་རབ་ [146b.3]ཏུ་ལྡན་པ་དང་། །ཕྱི་ནང་ཆུ་ལུས་རླུང་དྲི་ཞིམ། །འཇམ་དེས་དང་ལྡན་མི་གཡོ་བ། །ལྷ་ཡི་རིགས་ཀྱང་བརྟག་པར་བྱ། །རྙེད་ནས་བསྟན་བཅོས་རིམ་པར་སྦྱིན། །རྒྱལ་པོའི་བུ་མོའི་ཆོས་ཞེས་བྱ། །དམ་ཚིག་རིམ་དང་ཟས་སོགས་པ། །རྟོག་པ་མེད་པར་དེ་ཤེས་ནས། །ཁུ་བ་ལེགས་པར་སྦྱིན་བྱས་ཏེ། ། [146b.4]རྣམ་བཞི་རླུང་ཡང་ཤེས་པར་བྱ། །མཚན་དང་མཚན་མཉེས་རབ་བསྐུལ་བས། །ཕོ་བྲང་བདེ་བ་སྐྱེད་པར་བྱེད། །གནས་དང་རིམ་པ་ཤེས་བྱ་བ། །སྤྲུལ་པ་ཆོས་དང་བདེ་བ་ཆེ། །དགའ་བདེ་གནས་པར་ཤེས་པར་བྱ། །དགའ་བ་མཆོག་བྲལ་ལྷན་ཅིག་སྐྱེས། །བསྟན་བཅོས་ངོ་བོར་དེ་ཤེས་བྱ། །སྐད་ [146b.5]ཅིག་དེ་སྐད་ཐང་ཅིག་ཡུད། །རླུང་གི་ལས་ཀྱིས་གོ་ཕྱེ་བའོ། །སྣ་ཚོགས་ཉིད་དང་ཉིན་མཚན་བྲལ། །ལས་ཀྱི་རིམ་པ་ཉིད་དུ་གསུངས། །སྣང་བ་མཆེད་དང་ཐོབ་པ་དང་། །ཡང་དག་དྲི་མེད་འོད་ལས་བྱུང་། །ཉིན་མཚན་བར་དང་གཉི་ཀ་མིན། །དངོས་པོ་རྣམ་གཉིས་ཕྲད་པའི་མིང་། །སྡེ་པ་ཕྱག་རྒྱ་འབྱུང་ [146b.6]བའི་ཡུམ། །མཆོག་ལ་སོགས་པའང་སྐབས་མིང་གསུངས། །རྐྱང་མ་རོ་མ་ཀུན་འདར་མ། །རིགས་གསུམ་གནས་པའང་བདེ་བའི་ལམ། །ཉི་ཟླ་ཐབས་དང་ཤེས་རབ་ཀྱིས། །རང་གི་དགོས་པའང་དེས་ལེན་ཏེ། །ཀུན་རྫོབ་པ་ཡང་གཉིས་སུ་སྣང་། །ཡོངས་གྲགས་སྲོག་ནང་དེ་བདག་ཉིད། །མདུད་ [146b.7]པའི་མཚན་ཉིད་ནང་དུ་སྟེ། །དགའ་བ་ཆར་ཡང་སྟོན་པས་གསུངས། །རྩེ་མོ་སོར་མོ་བཅུ་གཉིས་ཐིག །དེ་ཞབས་ལོངས་སྤྱོད་ཤེས་པར་བྱ། །བརྒྱད་བརྒྱད་རིམ་པ་ངོ་བོར་སྦྱོར། །དེ་ནི་རང་བཞིན་དོན་དུ་བསྟན། །སྣང་བས་བདེ་བ་དགའ་བ་ཡིན། །ཕྱི་རོལ་རེག་བྱ་གཉིས་པར་གསུངས། །ཕྲད་ [147a] [147a.1]པས་བདེ་བ་བྲལ་བ་སྟེ། །གནས་སུ་ལྷན་ཅིག་སྐྱེས་པ་འབྱུང་། །ཐུན་མོང་རིམ་པར་དེ་ཤེས་བྱ། །འཁོར་ལོ་རིམ་པར་རིམ་གནས་པ། །ཕྱི་རོལ་དོན་དེ་ནང་ཡང་ཡིན། །བ་གམ་ནང་དུ་འབྲུ་གསུམ་གཉིས། །རྩེ་མོར་བར་མེད་དེ་བཞིན་རིམ། །ནོར་བུའི་ནང་དུ་དེ་ཤེས་ནས། །དེ་ནི་ཟེ་ [147a.2]འབྲུའི་རིམ་བཅུ་དྲུག །བདག་གི་ཐིག་ལེ་མཐར་གནས་པའོ། །བློ་ཡི་ཡུལ་དུ་དེ་ཤེས་ནས། །གནས་སོགས་ནང་གི་ས་ཤེས་བྱ། །གསང་བའི་ས་རིམ་དགའ་བའི་མཐར། །ཐབས་དང་ཤེས་རབ་སངས་རྒྱས་ས། །པ་ཤང་མཐར་ཕྱིན་རྡོ་རྗེ་འཛིན། །སྣང་བ་གཉིས་ལས་རྣམ་པར་འདས། །དེ་ལྟར་ [147a.3]ས་ལས་རིམ་ཤེས་ནས། །དཔེར་ན་མེ་ཡིས་ཚིག་པའི་ལུས། །མེ་ཉིད་ཀྱིས་ནི་གདུང་བར་བྱ། །དེ་བཞིན་འདོད་ཆགས་མེས་ཚིག་པ། །ཆགས་པ་ཉིད་ཀྱིས་རབ་ཏུ་སེལ། །སྐྱེ་བོ་མི་བཟད་པ་ཡི་ལས། །གང་དང་གང་གིས་འཆིང་འགྱུར་བ། །ཐབས་དང་བཅས་ན་དེ་ཉིད་ཀྱིས། །སྲིད་པའི་ [147a.4]འཆིང་བ་ལས་གྲོལ་འགྱུར། །ལོག་ལྟ་ཉན་ཐོས་སྐལ་མེད་སྐུར། །དེས་ན་ཐར་པ་རིང་བར་གསུངས། །རྡོ་རྗེ་པདྨ་རབ་སྦྱོར་བས། །སྲ་བས་སྤྲུལ་པ་ས་རུ་བཤད། །གཤེར་བའི་གྲངས་ཆོས་མཱ་མ་ཀཱི །བསྐྱོད་པས་གོས་དཀར་ལོངས་སྤྱོད་རྫོགས། །འགུགས་པ་སྒྲོལ་མ་བདེ་བ་ཆེ། །ཧཱུཾ་ཕཊ་རང་གི་ [147a.5]རླུང་མཐུ་ཡིས། །མཆོག་གི་མཐའ་ནས་བརྟག་པར་བྱ། །དངོས་པོ་འདུས་པས་གང་ཤེས་པ། །འདུས་པ་མ་ཡིན་བྲལ་བའང་མིན། །ཉི་ཟླའི་སེམས་དང་བཅས་པའི་དངོས། །དངོས་པོ་ལྷན་ཅིག་སྐྱེས་པར་བརྗོད། །ལྟུང་བ་མེད་པར་གང་འདྲེས་པ། །དེ་བདེ་ཐབས་ལས་ཐམས་ཅད་རིག །རང་ [147a.6]བཞིན་ལྷན་ཅིག་སྐྱེས་ཞེས་བྱ། །དེ་བཞིན་ཉིད་ཀྱི་དགའ་ཡིན་ཕྱིར། །དགྱེས་པ་ཆེན་པོར་དེ་བརྗོད་དོ། །ཆོས་ཐམས་ཅད་ཀྱི་སྡོམ་ཅིག་པས། །སྡོམ་པའང་ཐིག་ལེ་ཆེན་པོར་བརྗོད། །སྡོམ་པ་ཆེ་ལ་སུ་གནས་པ། །བསྲུང་བ་མེད་དེ་འདའ་བའང་མེད། །ཐབས་དང་ཤེས་རབ་ཡོད་མིན་པས། །འདོད་ [147a.7]ཆགས་མེད་ཅིང་ཆགས་བྲལ་མེད། །དབུ་མའང་དམིགས་པར་མི་འགྱུར་ཏེ། །ཡོ་ག་སཾ་པུ་ཊ་ཡར་བཤད། །གཏན་ཚིགས་ཞིབ་པར་གསལ་བྱེད་པ། །དེ་ཉིད་རང་གི་སེམས་རྟོག་ཡིན། །བླ་མའི་དུས་ཐབས་ཕྱག་རྒྱ་དང་། །རང་གི་བསོད་ནམས་ལས་ཤེས་འགྱུར། །སྔོན་གྱི་ཡེ་ཤེས་དེ་རྙེད་ནས། ། [147b] [147b.1]ལས་ཀྱི་ལུས་ཉིད་མི་སྣང་སྟེ། །ཐབས་ཤེས་དངོས་པོ་འདྲེས་པར་འགྱུར། །སྐད་ཅིག་གཅིག་གིས་རྫོགས་བྱང་ཆུབ། །འདི་ལས་རིམ་པ་ཡོད་མ་ཡིན། །གལ་ཏེ་དག་པར་མི་འགྱུར་ཡང་། །ཨ་ནུ་ཡོ་གའི་དམིགས་པ་ཡིས། །རྟག་ཏུ་རང་ཉམས་འཇུག་པར་ལྡན། །བརྟུལ་ཞུགས་ཟད་པར་མི་དགོས་ན། ། [147b.2]མི་གང་མུན་སེལ་རྙེད་པ་བཞིན། །བཞི་ཡི་ཕྱག་རྒྱ་སྤངས་ཀྱང་རུང་། །བདེ་བ་ཉམས་པར་ཡོངས་མི་འགྱུར། །མཐར་ཕྱིན་བྱ་བ་མེད་པར་འགྲུབ། །ཡོན་ཏན་སྤྲོས་པ་བརྗོད་མི་ལང་། །དཔལ་ཐིག་ལེ་ཆེན་པོའི་རིམ་པ་ལས་རང་ཉམས་ཡེ་ཤེས་ཆེན་པོའི་རིམ་པ་སྟེ་གསུམ་པའོ།། །།ཡེ་ཤེས་མཐར་ [147b.3]ཕྱིན་རྣལ་འབྱོར་པ། །རང་བཞིན་ཡེ་ཤེས་དེ་རྙེད་པས། །རང་བཞིན་དུ་མ་གཅིག་མཐར་བྲལ། །ཡོད་མེད་དབུས་ལས་འདས་པའི་སྐུ། །བདག་མེད་གཞན་མེད་དེར་ཤེས་མེད། །དམན་པ་འབྲིང་དང་མཆོག་དག་དང་། །གཞན་དང་གང་རྣམས་དེ་རྣམས་ཀྱང་། །བདག་ཏུ་རོ་མཉམ་གཅིག་ཏུ་ཤེས། །ལྷན་ [147b.4]ཅིག་སྐྱེས་པའི་ཡེ་ཤེས་ལས། །བརྟན་གཡོའི་རང་བཞིན་གཞན་མི་མཐོང་། །ཇི་ལྟར་བྱས་པ་དེ་ཉིད་ཡིན། །ཁ་དོག་དབྱིབས་དང་སྟོང་བསྒོམས་པས། །དོན་འདི་ནམ་ཡང་རྙེད་མི་ནུས། །ལས་ཀྱི་རིམ་པར་གསུངས་པའི་ཕྱིར། །ཕྱག་རྒྱ་ཆེན་པོ་རྒྱུ་དང་བྲལ། །རང་རིག་གསལ་བའི་ཡེ་ཤེས་ནི། ། [147b.5]ཅིས་ཀྱང་སྟོང་པ་མ་ཡིན་པས། །བསྒྲུབ་བྱའི་རྣམ་གྲངས་ཅི་རྙེད་པ། །རང་བཞིན་ལྷུན་གྱིས་གྲུབ་ཅེས་གསུངས། །ནོར་བུ་རིན་ཆེན་ཡོན་ཏན་བཞིན། །རྟག་ཏུ་ཅིར་ཡང་དགའ་བ་མེད། །ཡུལ་དུ་སྣང་བ་མ་ཡིན་པས། །དུས་གསུམ་མ་འགགས་ཡེ་ཤེས་མཆོག །སྦྱིན་སྲེག་སློབ་སོགས་ [147b.6]ལས་གྲོལ་བ། །རང་ཉམས་རིག་ལ་གནས་པར་རྙེད། །དེ་ཉིད་སྟོན་པས་ཡང་གསུངས་པ། །རིག་པ་སྐྱེས་བུ་གྲུབ་པའི་རྡོ་རྗེ་འཛིན་པ་དེ་ནི་ཐམས་ཅད་སྤངས་ཤིང་ཐམས་ཅད་དུ་གནས་པ་ཡིན། བྱ་བ་ཐམས་ཅད་སྤངས་པ། བྱེད་པ་གང་ཡང་མི་འགོག་པ། ཅི་ཡང་མ་ཡིན་པ། ཡོན་ཏན་གང་ [147b.7]ཡང་མཚུངས་པ་མེད་པ། གང་དུ་ཡང་མི་འགྲོ། གར་ཡང་མི་གནས། ཐོག་མ་དང་ཐ་མ་ལ་སོགས་པ་རྣམ་པར་སྤངས་པ། བསྙེན་པའི་ཡན་ལག་གསུམ་དུ་སྣང་བ། ཐམས་ཅད་དུ་གཤེགས་པ། ཐམས་ཅད་དུ་མཁྱེན་པ། ཐམས་ཅད་པ། ཐམས་ཅད་ཀྱི་དོན། ཐམས་ཅད་ཀྱི་སེམས་ལ་གནས་ [148a] [148a.1]པ། ངན་སོང་ཐམས་ཅད་ལས་རྣམ་པར་གྲོལ་བ། ཡོན་ཏན་ཐམས་ཅད་ཀྱིས་རྣམ་པར་བརྒྱན་པ། ཁ་དོག་དང་དབྱིབས་ཐམས་ཅད་པ། ཐམས་ཅད་ལ་ཕན་པ། དགེ་བ་མཚུངས་པ་མེད་པ། ལན་ཅིག་མ་ཡིན་པར་འབྱུང་བ། མགོན་པོ་སྐྱོབ་པ། ཀུན་དུ་རྟོག་པ་སྤངས་པ། ཁ་དོག་ [148a.2]དང་དབྱིབས་ཐམས་ཅད་དང་བྲལ་བ། ཟབ་པའི་ཕྱིར་སྐྱེ་བོའི་ཡུལ་མ་ཡིན་པ། ཐམས་ཅད་ཀྱི་བདག་པོའི་ཕྱིར་རྒྱལ་པོ། དབྱེ་བར་དཀའ་བའི་ཕྱིར་རྡོ་རྗེ། ཉོན་མོངས་པའི་ཉེ་བར་གདུང་བ་ལས་གྲོལ་བའི་ཕྱིར་ཟླ་བ། ཐམས་ཅད་སྣང་བའི་ཕྱིར་ཉི་མ། དོགས་པ་མེད་པའི་ཕྱིར་སེང་གེ །གཏིང་དཔག་ [148a.3]དཀའ་བའི་ཕྱིར། ཆུའི་ཕུང་པོ་ཆེན་པོ། ཐམས་ཅད་ཀྱི་གཞིའི་ཕྱིར་ནམ་མཁའ་ཐམས་ཅད། ལྷུན་གྱིས་གྲུབ་པའི་ཕྱིར་ངོ་བོ་ཉིད་ཀྱི་སྐུ་ཞེས་བྱ་བ་ལ་སོགས་པ་རྒྱས་པར་གསུངས་སོ། །དཔལ་ཐིག་ལེ་ཆེན་པོའི་རིམ་པ་ལས་མཐར་ཕྱིན་པའི་དོན་ལ་གནས་པའི་རིམ་པ་སྟེ་བཞི་པའོ།། །། [148a.4]ཀྱེའི་རྡོ་རྗེའི་རྒྱ་མཚོ་རྒྱུད་ཆེན་ལས། །རང་བཞིན་འཇུག་ཉམས་འབྲས་བུ་ལོ་ཐོག་བཞིན། །མཐའ་འཁོབ་རྒྱལ་འདྲ་གཟུ་ལུམས་དོན་མཛད་པ། །ངང་པའི་ཆུ་བཞི་ཕྲེང་བས་མཐར་ཕྱིན་ཤོག །དཔལ་ཐིག་ལེ་ཆེན་པོའི་རིམ་པ་ཞེས་བྱ་བ་རྫོགས་པའི་རིམ་པ་ཞེས་བྱ་བའི་མན་ངག །རྒྱ་གར་གྱི་མཁན་ [148a.5]པོ་བླ་མ་སྒེག་པའི་རྡོ་རྗེས་མཛད་པ་རྫོགས་སོ།། {T1291}༄༅༅། །རྒྱ་གར་སྐད་དུ། བྷ་ག་བཱན་ཧེ་བཛྲ་སཱ་དྷ་ནཾ་ཨ་བྷི་ས་མ་ཡ་ཀྲ་མཱརྛ་པྲ་ས་ན་ནཱ་མ། བོད་སྐད་དུ། བཅོམ་ལྡན་འདས་ཀྱེའི་རྡོ་རྗེའི་སྒྲུབ་པའི་ཐབས་མངོན་པར་རྟོགས་པའི་རིམ་པ་དོན་རབ་ཏུ་གསལ་བ་ཞེས་བྱ་བ། བཅོམ་ལྡན་ [148a.6]འདས་དཔལ་ཀྱེའི་རྡོ་རྗེ་ལ་ཕྱག་འཚལ་ལོ། །གང་གི་ཡེ་ཤེས་མེ་ལྟ་བུས། །རྣམ་རྟོག་མ་ལུས་སྲེག་མཛད་ཅིང་། །སྙིང་རྗེ་ཆུ་ཡིས་སྡུད་མཛད་པ། །ཀྱེའི་རྡོ་རྗེ་ལ་ཕྱག་འཚལ་ཏེ། །བདག་པས་བློ་དམན་རྣམས་དོན་དུ། །སྒྲུབ་ཐབས་དོན་རབ་གསལ་བ་བརྩམ། །དེ་ལ་རྣལ་འབྱོར་པས་དང་པོ་ [148a.7]དུར་ཁྲོད་ལ་སོགས་པའི་གནས་ཡིད་དུ་འོང་བར་སྟན་བདེ་བ་ལ་འདུག་སྟེ། བདག་ཉིད་ཀྱེའི་རྡོ་རྗེར་གསལ་བའི་སྙིང་གར་པཾ་ལས་པདྨ། དེའི་སྟེང་དུ་རཾ་ལས་ཉི་མའི་དཀྱིལ་འཁོར། དེའི་སྟེང་དུ་ཧཱུཾ་སྔོན་པོ་བསམས་ལ། དེ་ལས་འོད་འཕྲོས་པས་སྣ་བུག་གཡས་ནས་བྱུང་བས་ཀྱེའི་རྡོ་རྗེ་འཁོར་དང་ [148b] [148b.1]བཅས་པ་སྤྱན་དྲངས་ཏེ། མདུན་གྱི་ནམ་མཁའ་ལ་བཞུགས་པ་ལ། ཕྱིའི་མཆོད་པ་སྣ་ཚོགས་ཀྱིས་མཆོད་ནས་གཽ་རཱི་བྱང་ཆུབ་ཀྱི་སེམས་ཀྱི་སྣོད་ཅན་དང་། ཆོམ་རྐུན་མ་རང་བྱུང་གི་མེ་ཏོག་གི་སྣོད་ཅན་དང་། རོ་ལངས་མ་དྲི་ཆུའི་སྣོད་ཅན་དང་། ཟ་ཕོད་མ་དྲི་ཆེན་གྱི་སྣོད་ཅན་དང་། པུཀྐ་སཱི་ཤ་སྣ་ཚོགས་ཀྱི་སྣོད་ [148b.2]ཅན་དང་། རི་ཁྲོད་མ་ཆང་གི་སྣོད་ཅན་དང་། གཏུམ་མོ་ཅང་ཏེའུ་བརྡུང་བ་དང་། གཡུང་མོ་འཁྱུད་པ་དང་ལྡན་པས་མཆོད་པར་བྱའོ། །དེ་ནས་སྡིག་པ་བཤགས་པ་ལ་སོགས་པ་བྱ་སྟེ། འཁོར་བ་ཐོག་མ་མེད་དུས་ནས། །ལོག་པའི་རྣམ་པར་རྟོག་པ་ཡིས། །ལུས་ངག་ཡིད་ཀྱིས་བགྱིས་པ་གང་། །སོ་སོར་ [148b.3]བཤགས་བགྱིད་སླན་ཆད་སྡོམ། །འགྲོ་བ་གང་གིས་ཐར་པའི་ཕྱིར། །བསོད་ནམས་ཡེ་ཤེས་ཚོགས་བསགས་པ། །དེ་ལ་ཡང་དག་ཡི་རང་ཞིང་། །དེ་དག་བྱང་ཆུབ་མཆོག་ཏུ་བསྔོ། །ཐམས་ཅད་རང་བཞིན་ཀྱེའི་རྡོར་དང་། །དེ་ཡིས་བསྟན་པའི་ལམ་མཆོག་དང་། །ཚོགས་མཆོག་དེ་ཡི་འཁོར་འདུས་ [148b.4]ལ། །བདག་ནི་རྟག་ཏུ་སྐྱབས་སུ་མཆི། །སྐྱོན་རྣམས་མ་ལུས་སེལ་བྱེད་ཅིང་། །ཡོན་ཏན་ཐམས་ཅད་རྒྱས་བྱེད་པ། །ཡིད་བཞིན་ནོར་ལ་སོགས་མཚུངས་པ། །བྱང་ཆུབ་སེམས་མཆོག་བསྐྱེད་པར་བགྱི། །དེང་ནས་ཀུན་མཁྱེན་མ་ཐོབ་པར། །བདག་གི་ལུས་ནི་བདེར་གཤེགས་དང་། །དེ་སྲས་ [148b.5]རྣམས་ལ་དབུལ་བར་བགྱི། །དམ་པའི་ལམ་ལ་གནས་པར་བགྱི། །དེ་ནས་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་བསྒོམ་པར་བྱའོ། །དེའི་འོག་ཏུ་སྟོང་པ་ཉིད་བསྒོམས་ལ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ་ཞེས་བརྗོད་པར་བྱའོ། །དེ་ལྟར་སྟོང་པར་བསྒོམས་པ་ལས་པཾ་ [148b.6]ལས་སྣ་ཚོགས་པདྨ་དེའི་སྟེང་དུ་རཾ་ལས་ཉི་མའི་དཀྱིལ་འཁོར། དེའི་སྟེང་དུ་ཧཱུཾ་ལས་སྣ་ཚོགས་རྡོ་རྗེ། དེའི་ལྟེ་བ་ལ་ཧཱུཾ། དེ་ལས་འོད་འཕྲོས་པ་ལས་རྡོ་རྗེའི་ར་བ་དང་བླ་རེར་གྱུར་པ་ལ་ཨོཾ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བས་བྱིན་གྱིས་བརླབ་པར་བྱའོ། །དེའི་ནང་དུ་ཆོས་ཀྱི་འབྱུང་གནས་དཀར་པོ་གྱེན་ཁར་ [148b.7]གནས་པར་བསམ། དེའི་ནང་དུ་ཡཾ་ལས་རླུང་གི་དཀྱིལ་འཁོར་སྔོན་པོ་གཞུའི་དབྱིབས་ལ་བ་དན་གྱིས་མཚན་པ་དེའི་སྟེང་དུ་རཾ་ལས་མེའི་དཀྱིལ་འཁོར་དམར་པོ་གྲུ་གསུམ་པ་རྡོ་རྗེས་མཚན་པ། དེའི་སྟེང་དུ་བཾ་ལས་ཆུའི་དཀྱིལ་འཁོར་དཀར་པོ་ཟླུམ་པོ་བུམ་པས་མཚན་པ། དེའི་སྟེང་དུ་ལཾ་ལས་ས་ཡི་ [149a] [149a.1]དཀྱིལ་འཁོར་སེར་པོ་གྲུ་བཞི་རྡོ་རྗེས་མཚན་པ། དེའི་སྟེང་དུ་བྷཱུཾ་ལས་འཁོར་ལོ། དེའི་བདག་ཉིད་སྲིད་པ་བར་མའི་བག་ཆགས་བསམ་པར་བྱའོ། །དེ་རྣམས་འོད་དུ་ཞུ་བ་ལས་གཞལ་ཡས་ཁང་ངོས་བཞི་དང་། སྒོ་བཞི་དང་རྟ་བབས་བཞིས་བརྒྱན་པ། [149a.2]དྲ་བ་དང་དྲ་བ་ཕྱེད་པས་བརྒྱན་པ། ཀ་བ་བརྒྱད་ཀྱིས་ཉེ་བར་མཛེས་པའོ། །དེའི་དཀྱིལ་དུ་པཾ་ལས་པདྨ་འདབ་བརྒྱད་དམར་པོ། དེའི་སྟེང་དུ་རཾ་ལས་ཉི་མའི་དཀྱིལ་འཁོར་དེའི་སྟེང་དུ་བདུད་བཞིའི་གཟུགས་བསྣོལ་བ་བསྒོམ་པར་བྱའོ། །ཕྱོགས་བཞིར་ཚངས་པ་དང་། དབང་པོ་དང་། ཉེ་དབང་དང་། དྲག་པོ་བཞི་དགོད་པར་བྱའོ། ། [149a.3]མཚམས་བཞིར་གཤིན་རྗེ་དང་ནོར་སྦྱིན་དང་བདེན་བྲལ་དང་ཐགས་བཟངས་རིས་རྣམས་བཀོད་ལ། འདིས་བྱིན་གྱིས་བརླབས་ཏེ། ཨོཾ་སརྦ་ཏ་ཐཱ་ག་ཏ་ཨ་ལ་ཡ་བཛྲ་སྭ་བྷཱ་བ་ཨཱ་ཏྨ་ཀོ྅ཧཾ། དེ་ནས་བདུད་བཞིའི་སྙིང་གར་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཨཿ་རྣམས་ལས་ཟླ་བའི་དཀྱིལ་འཁོར་ [149a.4]ཏེ་མེ་ལོང་ལྟ་བུའི་ཡེ་ཤེས་སོ། །དེའི་སྟེང་དུ་ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵཿ་དང་དྷ་ཡ་ར་རྣམས་ལས་ཉི་མའི་དཀྱིལ་འཁོར་ཏེ། མཉམ་པ་ཉིད་ཀྱི་ཡེ་ཤེས་སོ། །ཟླ་བ་དང་ཉི་མའི་བར་དུ་ཧཱུཾ་དང་། ཨ་ལས་རྡོ་རྗེ་གྲི་གུག་སྟེ། སོ་སོར་ [149a.5]རྟོག་པའི་ཡེ་ཤེས་སོ། །དེ་དག་ཆུ་དང་འོ་མ་ལྟ་བུར་འདྲེས་པ་ནི་བྱ་བ་ནན་ཏན་གྱི་ཡེ་ཤེས་སོ། །དེ་ལས་ཨོཾ་དང་ཧཱུཾ་ངོ་། །དེ་གཉིས་རྡོ་རྗེ་དང་གྲི་གུག་གོ། །དེ་ལས་བཞེངས་པའི་བཅོམ་ལྡན་འདས་ཞལ་བརྒྱད་ཕྱག་བཅུ་དྲུག་པ། ཞབས་བཞི་དང་ལྡན་པ། དབུ་ལ་ཐོད་པའི་ཕྲེང་བས་བསྐོར་བ། [149a.6]བདག་མེད་མས་མགུལ་ནས་འཁྱུད་པ། ཕྱག་རྒྱ་ལྔ་དང་ལྡན་པ་སྐུ་མདོག་དཀར་པོ་གཡས་སྔོ་བ་གཡོན་དམར་བ་ལྟག་པའི་ཞལ་གནག་པའོ། །ཕྱག་གཡས་ཀྱི་ཐོད་པ་བརྒྱད་ན་རིམ་པར་གླང་པོ་ཆེ་དང་རྟ་དང་བོང་བུ་དང་གླང་དང་རྔ་མོ་དང་མི་དང་སེང་གེ་དང་བྱི་ལ་རྣམས་འཛིན་པ། ཕྱག་གཡོན་ [149a.7]གྱི་ཐོད་པ་བརྒྱད་ན་སའི་ལྷ་དང་ཆུའི་ལྷ་དང་མེའི་ལྷ་དང་། རླུང་གི་ལྷ་དང་ཟླ་བ་དང་ཉི་མ་དང་གཤིན་རྗེ་དང་ནོར་སྦྱིན་རྣམས་འཛིན་པའོ། །ལྷ་མོ་ཞལ་གཅིག་ཕྱག་གཉིས་པ་ཁ་དོག་གནག་པ་སྐྲ་སེར་པོ་གྱེན་དུ་བ་གྲེང་བ་ཕྱག་གཡས་ན་གྲི་གུག་གཡོན་ན་ཐོད་པ་འཛིན་པ་སྟེ། དེ་ནི་ཆོས་ཀྱི་དབྱིངས་རྣམ་པར་དག་པའི་ [149b] [149b.1]ཡེ་ཤེས་སོ། །དེ་ནས་ལྷ་མོའི་གནས་གསུམ་དུ་བྱིན་གྱིས་བརླབ་པར་བྱ་སྟེ། དཔྲལ་བར་ཨོཾ། ཐུགས་ཀར་ཧཱུཾ། གསང་བའི་གནས་སུ་ཨཱཿ་པདྨ་བྱིན་གྱིས་བརླབ་པའི་སྔགས་ནི། ཨོཾ་པདྨ་སུ་ཁ་དྷ་ར་མ་ཧཱ་རཱ་ག་སུ་ཁཾ་ད་ཏ་ཙ་ཏུར་ཨཱ་ནནྡྷ་བྷ་ག་བི་སྭ་ཧཱུཾ་ཧཱུཾ་ཧཱུཾ་ཀརྱཾ་ཀུ་རུ་ཥྭ་མེ། རྡོ་རྗེ་བྱིན་གྱིས་བརླབ་པའི་སྔགས་ [149b.2]ནི། ཨོཾ་བཛྲ་མ་ཧཱ་དྭེ་ཥ་ཙ་ཏུར་ཨཱ་ནནད་ད་ཡ་ཀ་ཁ་ག་མུ་ཁེ་ཀ་རཱ་ཤོ་ནཱ་ཐ་ཧཱུཾ་ཧཱུཾ་ཧཱུཾ་ཀརྱཾ་ཀུ་རུ་ཥྭ་མེ། དེ་ནས་ཡབ་ཡུམ་ཆགས་པ་ཆེན་པོའི་རོལ་པ་ལས་དེའི་སྒྲས་བསྐུལ་བས། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཡི་གེ་ལྔ་པོ་བྷྲཱུཾ་ཨོཾ་ཛྲཱིཾ་ཁཾ་ཧཱུཾ་རྣམས་བྱང་ཆུབ་ཀྱི་སེམས་ཀྱི་རྣམ་པར་ཡབ་ཀྱི་ཞལ་ནས་རྡོ་རྗེའི་ [149b.3]ལམ་ནས་བྱུང་སྟེ། ཐིག་ལེ་བརྒྱད་དུ་གྱུར་ནས་པདྨ་འཕྲོ་བའི་དུས་སུ་སྔགས་འདི་བརྗོད་པར་བྱ་སྟེ། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭཱ་བྷཱ་བ་ཨཱ་ཏྨ་ཀོ྅ཧཾ། ཐིག་ལེ་བརྒྱད་ལས་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ས་བོན་དེ་དག་ལས་ཕྱག་གཡས་ཀྱི་ཕྱག་མཚན་བརྒྱད་དུ་གྱུར། དེ་དག་ལས་ལྷ་མོ་བརྒྱད་དུ་གྱུར་ཏེ། གཽ་ [149b.4]རཱི་ནག་མོ་གཡས་ན་གྲི་གུག་གཡོན་ན་ཉ་བསྣམས་པ། ཤར་ཕྱོགས་སུ་ཚངས་པའི་སྟེང་དུ་གདོན་པར་བྱ་སྟེ། དེ་བཞིན་དུ་ལྷོ་ཕྱོགས་སུ་ཆོམ་རྐུན་མ་བཙོད་ཀྱི་ཁ་དོག་ཅན་ཕྱག་གཡས་ན་ཅང་ཏེའུ་གཡོན་ན་ཕག་པ་ཅན་དབང་པོའི་སྟེང་དུའོ། །རོ་ལངས་མ་དམར་སེར་གསེར་བསྲེགས་པའི་མདོག་ཅན་ཕྱག་ [149b.5]གཡས་ན་རུས་སྦལ་གཡོན་ན་ཐོད་པ་བསྣམས་པ། ནུབ་ཕྱོགས་སུ་ཉེ་དབང་གི་སྟེང་དུའོ། །ཟ་ཕོད་མ་ཁ་དོག་ལྗང་གུ་ཕྱག་གཡས་ན་སྦྲུལ་གཡོན་ན་ཐོད་པ་བསྣམས་པ། བྱང་ཕྱོགས་སུ་དྲག་པོའི་སྟེང་དུའོ། །པུཀྐ་སཱི་ཁ་དོག་སྔོན་མོ་ཕྱག་གཡས་ན་སེང་གེ་གཡོན་ན་དགྲ་སྟ་བསྣམས་པ། བྱང་ཤར་གྱི་ [149b.6]མཚམས་ན་གཤིན་རྗེའི་སྟེང་དུའོ། །རི་ཁྲོད་མ་སྐུ་མདོག་དཀར་མོ་ཕྱག་གཡས་ན་དགེ་སློང་གཡོན་ན་གསིལ་བྱེད་བསྣམས་པ། ཤར་ལྷོའི་མཚམས་སུ་ནོར་སྦྱིན་གྱིས་སྟེང་དུའོ། །གཏུམ་མོ་ནམ་མཁའི་ཁ་དོག་ཅན་ཕྱག་གཡས་ན་འཁོར་ལོ། གཡོན་ན་ཐོད་པ་བསྣམས་པ། ལྷོ་ནུབ་ཀྱི་མཚམས་སུ་ [149b.7]བདེན་བྲལ་གྱི་སྟེང་དུའོ། །གཡུང་མོ་སྣ་ཚོགས་པའི་མདོག་ཅན་ཕྱག་གཡས་ན་རྡོ་རྗེ་གཡོན་ན་སྡིགས་མཛུབ་དང་ལྡན་པ་ནུབ་བྱང་མཚམས་སུ་ཐགས་བཟངས་རིས་ཀྱི་སྟེང་དུ་གདོན་པར་བྱའོ། །ལྷ་མོ་དེ་དག་སྐྱིལ་ཀྲུང་ཕྱེད་པ་གར་གྱིས་གནས་པ། སྤྱན་གསུམ་པ་ཕྱག་རྒྱ་ལྔས་བརྒྱན་པའོ། །དེ་ནས་ [150a] [150a.1]ཡབ་ཡུམ་གྱི་རོལ་པའི་སྒྲས་བསྐུལ་བས་སྲིད་པ་བར་མའི་བག་ཆགས་ཀྱིས་ཡི་གེ་ལྔ་པོ་ཧོ། །ཨོཾ་ཨཱཿ་ཧཱུཾ་ཧོཿ་རྣམས་ཞལ་ནས་ཞུགས་ཏེ། པདྨར་ཕྱིན་པ་ཙམ་གྱིས་ཡབ་ཡུམ་གཉིས་འོད་ཀྱི་གོང་བུར་གྱུར་པ་ལ། མཚམས་ཀྱི་ལྷ་མོ་རྣམས་ཀྱིས་གླུས་སྐུལ་བར་བྱེད་དེ། སྙིང་རྗེའི་ [150a.2]ཐུགས་ཀྱིས་རྗེ་བཙུན་བཞེངས། །པུཀྐ་སཱི་ནི་བདག་སྐྱབས་མཛོད། །སྟོང་པའི་རང་བཞིན་སྤངས་ནས་ནི། །བདག་ལ་བདེ་ཆེན་རྣལ་འབྱོར་སྦྱོར། །ཁྱོད་དང་བྲལ་ན་བདག་འགུམ་པས། །ཀྱེ་ཡི་རྡོ་རྗེ་ཁྱོད་བཞེངས་ཤིག །སྟོང་བའི་རང་བཞིན་སྤོངས་མཛོད་ལ། །རི་ཁྲོད་མ་ནི་བདག་དོན་སྒྲུབ། །འཇིག་རྟེན་ [150a.3]མགྲོན་གཉེར་འདོད་པའི་གཙོ། །སྟོང་པ་ཉིད་ལ་ཅི་ཕྱིར་བཞུགས། །གཏུམ་མོ་བདག་ནི་ཞུ་བ་བགྱིད། །ཁྱོད་མ་ལངས་ན་ཕྱོགས་མི་འཚལ། །བདག་གིས་ཉིད་ཀྱི་ཐུགས་འཚལ་གྱི། །དབང་པོའི་དྲན་ལྡན་ཁྱོད་བཞེངས་ཤིག །གཡུང་མོ་བདག་ནི་དྲན་ཉམས་པས། །ཐུགས་རྗེས་རྒྱུན་ཆད་མ་མཛད་ [150a.4]ཅིག །དེ་ལྟར་བསྐུལ་བས་སྔོན་གྱི་སྨོན་ལམ་རྗེས་སུ་དྲན་ནས། ཁུ་བའི་གཟུགས་ལས་བཞེངས་པ་ནི་གོང་དུ་སྨོས་པ་ལྟ་བུ་ལ། སྐུ་མདོག་གནག་པ་གཡས་དཀར་བ་གཡོན་དམར་བ། །ཞབས་ཕྱེད་ཀྲུང་དུ་བཞུགས་པ། མགོ་བོའི་ཕྲེང་བའི་དོ་ཤལ་ཅན། སྣ་ཚོགས་རྡོ་རྗེ་སྤྱི་བོར་འཛིན་པའོ། ། [150a.5]དེ་ནས་སྙིང་གར་པཾ་ལས་པདྨ། དེའི་སྟེང་དུ་རཾ་ལས་ཉི་མའི་དཀྱིལ་འཁོར། དེའི་སྟེང་དུ་ཧཱུཾ་ལས་རྡོ་རྗེ། དེ་ལས་རང་དང་འདྲ་བའི་ཡེ་ཤེས་སེམས་དཔའ། དེའི་ཐུགས་ཀར་ཡང་པདྨ་དང་ཉི་མ་དང་ཧཱུཾ་ལས་རྡོ་རྗེ། དེའི་ལྟེ་བ་ལ་ཧཱུཾ་བསམ་པར་བྱའོ། །དེ་ནས་ཨོཾ་བཛྲ་གཽ་རཱི་ཨཱ་ཀཪྵ་ཡ་ཛཿ་ཞེས་བརྗོད་པས་ཡེ་ [150a.6]ཤེས་ཀྱི་དཀྱིལ་འཁོར་མདུན་གྱི་ནམ་མཁའ་ལ་སྤྱན་དྲངས་ཏེ། ཕྱི་ནང་གསང་བའི་མཆོད་པས་མཆོད་ལ། ཨོཾ་བཛྲ་ཙཽ་རཱི་པྲ་བེ་ཤ་ཡ་ཧཱུཾ། ཞེས་བརྗོད་པས་གཞུག་པར་བྱའོ། །ཨོཾ་བཛྲ་བེ་ཏཱ་ལཱི་སྥོ་ཊ་ཡ་བཾ་ཞེས་བརྗོད་པས་བཅིང་བར་བྱའོ། །ཨོཾ་བཛྲ་གྷསྨ་རཱི་ཝ་ཤཾ་ཀུ་རུ་ཧོཿ་ཞེས་བརྗོད་པས་དགྱེས་པ་ [150a.7]བསྐྱེད་པར་བྱའོ། །དེ་ལྟར་ཡེ་ཤེས་ཀྱིས་བསྟིམས་པ་ལ་སྐྱེ་མཆེད་བྱིན་གྱིས་བརླབ་པར་བྱ་སྟེ། གཏི་མུག་རྡོ་རྗེ་མ་དང་། འདོད་ཆགས་རྡོ་རྗེ་མ་དང་། ཕྲག་དོག་རྡོ་རྗེ་མ་དང་། བདག་མེད་རྣལ་འབྱོར་མ་རྣམས་མིག་དང་རྣ་བ་དང་སྣ་དང་ལྕེ་དང་ལུས་དང་ཡིད་ལ་མིང་གི་ཡི་གེ་དང་པོ་མཾ་དཾ་མཾ་རཾ་སཾ་ནཾ་རྣམས་ [150b] [150b.1]ལས་བསྐྱེད་པར་བྱ་སྟེ། ཞལ་གཅིག་ཕྱག་གཉིས་སྣ་ཚོགས་མདོག་ཅན་ཕྱག་གཡས་ན་གྲི་གུག་གཡོན་ན་ཐོད་པ་རོའི་གདན་ཅན་ནོ། །ཨོཾ་ཨཱཿ་ཧཱུཾ་གསུམ་ལས་མཁའ་སྤྱོད་མ་དང་ས་སྤྱོད་མ་དང་ས་འོག་མ་གསུམ་དཀར་བ་དང་དམར་བ་དང་གནག་པའོ། །ལྷ་མོ་སྐུ་ཡི་རིགས་ལས་བྱུང་། །རྣལ་འབྱོར་ [150b.2]མ་ནི་མཁའ་སྤྱོད་མ། །དེ་དག་བྱིན་གྱིས་བརླབས་ནས་སུ། །བྱིན་གྱིས་བརླབ་པ་མཛད་དུ་གསོལ། །ཨོཾ་སརྦ་ཏ་ཐཱ་ག་ཏ་པཱུ་ཛ་རི་བཛྲ་སྭ་བྷཱ་བ་ཨཱཏྨ་ཀོ྅ཧཾ། ལྷ་མོ་ཐུགས་ཀྱི་རིགས་ལས་བྱུང་། །རྣལ་འབྱོར་མ་ནི་ས་འོག་མས། །དེང་བདག་བྱིན་བརླབ་གནས་སུ་གསོལ། །ཨོཾ་སརྦ་ཏ་ཐཱ་ག་ཏ་བཏྟཱ་ལཱི་ [150b.3]བཛྲ་སྭ་བྷཱ་བ་ཨཱཏྨ་ཀོ྅ཧཾ། །དེ་ནས་རང་གི་སྙིང་གའི་ས་བོན་ལས་འོད་ཟེར་ལྕགས་ཀྱུ་ལྟ་བུས་ཕྱོགས་བཅུའི་སངས་རྒྱས་ཐམས་ཅད་སྤྱན་དྲངས་ཏེ། ཕྱི་ནང་གསང་བ་གསུམ་གྱི་མཆོད་པས་མཆོད་ལ་དབང་བསྐུར་བ་བླང་བར་བྱའོ། །བཅོམ་ལྡན་དེ་བཞིན་གཤེགས་པ་རྣམས། །མགོན་པོས་བདག་ལ་ [150b.4]དབང་བསྐུར་ཅིག །དེ་ནས་དེ་བཞིན་གཤེགས་པ་དེ་དག་ཧེ་རུ་ཀའི་གཟུགས་སུ་བྱ་སྟེ་བདུད་རྩི་ལྔས་བཀང་བའི་བུམ་པས་དབང་བསྐུར་བས། ཙཽ་རཱི་དང་གཽ་རཱི་དང་། པུཀྐ་སཱི་རྣམས་ཀྱི་དབུ་རྒྱན་ལ་མི་བསྐྱོད་པའོ། །ཆོམ་རྐུན་མ་དང་རི་ཁྲོད་མ་ལ་རྣམ་པར་སྣང་མཛད་དོ། །རོ་ལངས་མ་དང་གཏུམ་མོ་ནི་རིན་ [150b.5]ཆེན་འབྱུང་ལྡན་ནོ། །ཟ་ཕོད་མ་དང་གཡུང་མོ་ལ་སྣང་བ་མཐའ་ཡས་བསམ་པར་བྱའོ། །ཨོཾ་སརྦ་ཏ་ཏཱ་ག་ཏ་ཨ་བྷི་ཥེ་ཀ་ཏ་བཛྲ་སྭ་བྷཱ་བ་ཨཱཏྨ་ཀོ྅ཧཾ། དེ་ནས་ཡཾ་ལས་རླུང་དང་རཾ་ལས་མེའི་སྟེང་དུ་ཨ་ལས་ཐོད་པའོ། །དེའི་ནང་དུ་ཟླ་བ་དང་ཉི་མའི་དཀྱིལ་དུ་ཧཱུཾ་ལས་རྡོ་རྗེ། དེའི་ལྟེ་བ་ལ་ཧཱུཾ་ཟླ་བའི་བར་དུ་བྷྲཱུཾ་ཨཱཾ་ཛྲཱཾ་ཁཾ་ [150b.6]ཧཱུཾ་རྣམས་ལས་སངས་རྒྱས་ལྔ་བསྐྱེད། གོ་ཀུ་ད་ཧ་ན་རྣམས་ལས་སེམས་ཅན་ལྔ་བསྐྱེད་དེ། མེ་སྦར་བ་དེ་དག་འོད་དུ་ཞུ་བ་ལ་རྡོ་རྗེའི་ལྟེ་བའི་ཧཱུཾ་ལས་འོད་འཕྲོས་པས་ཕྱོགས་བཅུའི་བདུད་རྩི་བཀུག་ནས་ཐིམ་པར་གྱུར་པ་ལ། ཨོཾ་ཨཱཿ་ཧཱུཾ་གསུམ་གྱིས་བྱིན་གྱིས་བརླབས་ཏེ། ལྷ་རྣམས་ཀྱི་ལྕེ་ལ་རྡོ་རྗེ་ནས་ [150b.7]ཀྱི་འབྲས་བུ་ཙམ་བསམས་ལ་བདུད་རྩི་མྱང་བར་བྱའོ། །ཨོཾ་སརྦ་ཏ་ཐཱ་ག་ཏ་ཨ་མྲྀ་ཏ་སྭ་ད་ན་བཛྲ་སྭ་བྷཱ་བ་ཨཱཏྨ་ཀོ་ཉྷཾ། དེ་ནས་ལྷ་མོ་བརྒྱད་འཕྲོས་པ་ལས་བྱང་ཆུབ་ཀྱི་སེམས་ལ་སོགས་པ་གོང་དུ་བརྗོད་པ་ལྟ་བུར་བསྡུས་ཏེ་གཙོ་བོ་ནས་བརྩམས་ཏེ་དཀྱིལ་འཁོར་མཆོད་པར་བྱའོ། །ཨོཾ་སརྦྦ་ཏ་ཐཱ་ག་ཏ་པཱུ་ཛ་ [151a] [151a.1]བཛྲ་སྭ་བྷཱ་བ་ཨཱཏྨ་ཀོ྅ཧཾ། དེ་ནས་ལྷ་མོ་དེ་དག་གིས་བསྟོད་པ། ཁྱོད་ནི་རྣལ་འབྱོར་མ་རྣམས་ཡོངས་སུ་བསྐོར། །ཉིད་ཀྱི་ཐུགས་ཀྱིས་ཁྱོད་ཀྱི་དགོངས་པ་འགྲུབ། །གཡོ་དང་མི་གཡོ་འཁོར་བ་ཀུན་སྒྲུབ་ཁྱོད། །སྙིང་རྗེའི་ཐུགས་ཀྱིས་སེམས་ཅན་བྱང་ཆུབ་བསྒྲུབ། །སྒྱུ་མ་སྤྲོས་པའི་ཐུགས་ནི་ [151a.2]སྒྲུབ་མཛད་པ། །རྡོ་རྗེ་ཧེ་རུ་ཀ་དཔལ་དགྱེས་པའི་ཐུགས། །ཨོཾ་སརྦ་ཏ་ཐཱ་ག་ཏ་སྟུ་ཏི་བཛྲ་སྭ་བྷཱ་བ་ཨཱཏྨ་ཀོ྅ཧཾ། དེ་ལྟར་བསྒོམས་པ་ལས་དང་པོ་སྤྲིན་ལྟ་བུ་དང་། གཉིས་པ་དུ་བ་ལྟ་བུ་དང་། གསུམ་པ་གློག་གི་རྣམ་པ་ལྟ་བུ་དང་། བཞི་པ་མར་མེ་ལྟ་བུ་དང་། ལྔ་པ་ཐམས་ཅད་གསལ་བའི་སྤྲིན་མེད་པའི་ [151a.3]ནམ་མཁའ་ལྟ་བུ་སྟེ། ཕྱིས་སྒྱུ་མ་དང་། རྨི་ལམ་དང་མཚུངས་པར་འགྱུར་རོ། །དེ་ནས་འཁོར་ལོ་བཞི་ལ་གནས་པར་བྱ་སྟེ། ལྟེ་བར་གཏུམ་མོ་སྦར་བ་ཡིས། །དེ་བཞིན་གཤེགས་པ་ལྔ་བསྲེགས་ཏེ། །སྤྱན་ལ་སོགས་པ་ཡང་བསྲེགས་ནས། །བསྲེགས་པས་ཧཾ་ལས་རི་བོང་འཛག །དེ་ནི་བླ་ [151a.4]མའི་ཞལ་ལས་ཤེས་པར་བྱའོ། །དེ་ནས་དག་པ་རྗེས་སུ་དྲན་པར་བྱ་སྟེ། སྤྱན་དམར་པ་ནི་སྙིང་རྗེའོ། །ཡན་ལག་གནག་པ་ནི་བྱམས་པའོ། །ཞབས་བཞི་ནི་བསྡུ་བའི་དངོས་པོ་བཞིའོ། །ཞལ་བརྒྱད་ནི་རྣམ་པར་ཐར་པ་བརྒྱད་དོ། །ཕྱག་བཅུ་དྲུག་ནི་སྟོང་པ་ཉིད་བཅུ་དྲུག་གོ། །འཁོར་ལོ་དང་རྣ་ཆ་དང་ [151a.5]མགུར་ཆུ་དང་གདུ་བུ་དང་། སྐ་རགས་ནི་མི་བསྐྱོད་པ་དང་སྣང་བ་མཐའ་ཡས་དང་རིན་ཆེན་འབྱུང་ལྡན་དང་རྣམ་པར་སྣང་མཛད་དང་དོན་ཡོད་གྲུབ་པ་རྣམས་གོ་རིམས་བཞིན་ནོ། །ཁྲོ་བོ་ནི་གདུག་པ་འདུལ་བའོ། །སྤྱན་གསུམ་ནི་སྐུ་གསུམ་མོ། །རུས་པ་ནི་བདེན་པ་བཞིའོ། །གཟུགས་དང་ཚོར་བ་དང་འདུ་ [151a.6]ཤེས་དང་འདུ་བྱེད་དང་རྣམ་པར་ཤེས་པའི་ཕུང་པོ་ནི་རྡོ་རྗེ་མ་དང་། གསང་བའི་གཽ་རཱི་དང་ཆུ་མ་དང་རྡོ་རྗེ་མཁའ་འགྲོ་མ་དང་བདག་མེད་མའོ། །ས་དང་ཆུ་དང་མེ་དང་རླུང་ནི་པུཀྐ་སཱི་དང་རི་ཁྲོད་མ་དང་གཏུམ་མོ་དང་གཡུང་མོའོ། །གཟུགས་དང་སྒྲ་དང་དྲི་དང་རོ་དང་རེག་བྱ་དང་ཆོས་ནི་གཽ་རཱི་དང་ཆོམ་རྐུན་མ་དང་ཟ་ [151a.7]ཕོད་མ་དང་ས་སྤྱོད་མ་དང་མཁའ་སྤྱོད་མའོ། །ཕྱག་གཡོན་གྱི་ཐོད་པ་བརྒྱད་ན་ས་ལ་སོགས་པ་བརྒྱད་འཛིན་པ་ནི་ཡོ་བྱད་ཕུན་སུམ་ཚོགས་པར་མཛད་པའོ། །ཕྱག་གཡས་ཀྱི་ཐོད་པ་ན་གླང་པོ་ལ་སོགས་པ་འཛིན་པ་ནི་གློ་ནད་དང་དབུགས་མི་བདེ་བ་དང་སྨྱོ་བ་དང་ཁྲག་སྐྱུག་པ་དང་། མཛེ་ནད་དང་འབྲུམ་ [151b] [151b.1]པ་དང་། མཆེར་བའི་ནད་དང་མཆིན་པའི་ནད་རྣམས་ཞི་བར་བྱེད་པའོ། །བསམ་གཏན་གྱིས་དུབ་ན་སྔགས་ཀྱི་བཟླས་པ་བྱ་སྟེ། ཨོཾ་ཨཥྚཱ་ན་ནཱ་ཡ། པིཾ་ག་ལོརྡྷྭ་ཀེ་ཤ་ཝ་རྟ་མ་ནེ། ཙ་ཏུ་རྦིཾ་ཤ་ཏི་ནེ་ཏྲཱ་ཡ། ཥོ་ཌ་ཤ་བྷུ་ཛཱ་ཡ། ཀྲྀཥྞ་ཛཱི་མཱུ་ཏ་ཝ་པུ་ཥེ། ཀ་པཱ་ལ་མཱ་ལཱ་ནེ་ཀཱ་དྷཱ་རི་ཎེ། ཨདྷ་མཱ་ཏ་ཀྲཱུ་ར་ཙིཏྟཱ་ཡ། ཨརྡྷེན་དུ་ [151b.2]དཾ་ཥྚྲཱི་ཎེ། མཱ་ར་ཡ་མཱ་ར་ཡ། ཀཱ་ར་ཡ་ཀཱ་ར་ཡ། ག་རྫ་ཡ་ག་རྫ་ཡ། ཏ་རྫ་ཡ་ཏ་རྫ་ཡ། ཤོ་ཥ་ཡ་ཤོ་ཥ་ཡ། ས་བྷ་སཱ་ག་རཱན། བནྡྷ་བནྡྷ་ནཱ་གཱ་ཥྚ་ཀཱན། གྲྀཧྣ་གྲྀཧྣ། ཤ་ཏྲཱུཾ་ནཾ། ཧ་ཧཱ་ཧི་ཧཱི་ཧུ་ཧཱུ་ཧེ་ཧཻ་ཧོ་ལཽ་ཧཾ་ཧཿ་ཕཊ་སྭཱ་ཧཱ། ཡང་ན་ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་རྒྱུན་དུ་བཟླས་པ་བྱའོ། །དེ་ནས་ [151b.3]གཏོར་མ་གོང་མ་ལྟར་བདུད་རྩིར་བྱིན་གྱིས་བརླབས་ལ། མདུན་གྱི་ནམ་མཁའ་ལ་ཆོས་ཀྱི་འབྱུང་གནས་ཀྱི་ནང་དུ། པདྨ་འདབ་མ་བརྒྱད་སུམ་བརྩེགས་སུ་དཀར་པོ་དང་ནག་པོ་དང་དམར་པོ་ལ་ཨོཾ་དང་ཧཱུཾ་དང་ཨཱཿ་རྣམས་ལས་ལྷ་བརྒྱད་དང་། ཕྱོགས་སྐྱོང་བརྒྱད་དང་ཀླུ་བརྒྱད་བཀོད་ལ་དེ་ལ་ཡེ་ཤེས་ཀྱི་ལྷ་ [151b.4]བསྟིམ་པ་དང་སྐུ་གསུང་ཐུགས་བྱིན་གྱིས་བརླབས་ལ། ལྕེ་ལ་རྡོ་རྗེ་བསམས་ཏེ་སྔགས་འདིས་བཏང་ངོ་། །ཨོཾ་ཨིནྡ། ཛ་མ། ཛ་ལ། ཛཀྑ། བྷཱུ་ཏ། པཧྣི། བ་ཨུ། རཀྵ། ཙནྡ། སུཛྫ། མཱ་ད། པ་པྤ། ཏ་ལ་པཱ་ཏཱ་ལེ། ཨཊྚ་སཔྤ་སྭཱ་ཧཱ། ཨི་དཾ་བ་ལིཾ། བྷུཉྫ། ཛི་གྷ། ཕུལླ། དྷཱུ་པྤ། མཱཾ་ས། པིཾ་གྷ། ཨམྦྷ། [151b.5]སཔྤ། ཀཛྫ། སཱ་ད། ཁནྟི། ཁུ་ཎི། ཕེ་ཌ། གཱ་ད། ཨོཾ་ཨ་ཀཱ་རོ་མུ་ཁཾ་སརྦྦ་དྷ་རྨཱ་ཎཱཾ། ཨཱ་དྱ་ནུཏྤནྣ་ཏྭཱ་ཏ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། བསྒོམ་པའི་མཐར་སྨོན་ལམ་ནི། རིགས་བཟང་སྐྱེ་དང་སྨྱོ་མིན་པ། །དམ་ཚིག་ལྡན་ཞིང་ཀྱེའི་རྡོར་འཆང་། །བླ་མ་བསྙེན་བཀུར་སྙིང་རྗེ་ལྡན། །བདག་ནི་སྐྱེ་ཞིང་སྐྱེ་གྱུར་ཅིག །ལག་ [151b.6]པས་རྡོ་རྗེ་དྲིལ་བུ་འཁྲོལ། །ཟབ་མོའི་ཆོས་འདི་འདོན་པ་དང་། །བཙུན་མོའི་ཁུ་བ་ཡང་དག་ཟ། །བདག་ནི་སྐྱེ་ཞིང་སྐྱེ་གྱུར་ཅིག །བདག་ནི་ཤེས་རབ་ལྡན་པ་མ་ཡིན་ཡང་། །འདུ་བྱེད་རྒྱ་མཚོས་གཡེངས་དང་བློ་ཆུང་ཡང་། །ཕན་པར་བསམས་ནས་སྒྲུབ་ཐབས་འདི་བརྩམས་པས། །འགྲོ་ཀུན་ [151b.7]ཀྱེ་ཡི་རྡོ་རྗེ་མྱུར་ཐོབ་ཤོག །བཅོམ་ལྡན་འདས་ཀྱེའི་རྡོ་རྗེའི་སྒྲུབ་པའི་ཐབས། མངོན་པར་རྟོགས་པའི་རིམ་པ་དོན་རབ་ཏུ་གསལ་བ་ཞེས་བྱ་བ་རྫོགས་སོ།། {T1292}༄༅༅། །རྒྱ་གར་སྐད་དུ། ཤྲཱི་ཧེ་བཛྲ་སཱ་དྷ་ན། བོད་སྐད་དུ། དཔལ་དགྱེས་པ་རྡོ་རྗེའི་སྒྲུབ་ཐབས། རྡོ་རྗེ་སེམས་ [152a] [152a.1]དཔའ་ལ་ཕྱག་འཚལ་ལོ། །ཀུན་ནས་དང་བས་རྗེ་བཙུན་གྱི། །ཞབས་ཀྱི་པདྨར་གུས་བཏུད་དེ། །བློ་དམན་རྣམས་ལ་ཕན་པའི་ཕྱིར། །དགྱེས་པ་རྡོ་རྗེ་སྒྲུབ་ཐབས་བྲི། །འདིར་རྟེན་གྱི་ཁྱད་པར་ཐུན་མོང་དང་། ཐུན་མོང་མ་ཡིན་པའི་སྡོམ་པ་དང་ལྡན་པས། གནས་དུར་ [152a.2]ཁྲོད་ལ་སོགས་པར། ནམ་གྱི་བརྒྱད་ཆ་ལ་ལངས་ཏེ། ཁྲུས་དང་། ཆུ་སྦྱིན་བྱས་ནས་མཎྜལ་ཕུལ་ནས་དེ་ནས་མཆོད་པ་དང་གཏོར་མ་ལ་སོགས་པ་བཤམས་ལ། སྟན་ནང་ཚངས་ཅན་ལ་རྡོ་རྗེ་སྐྱིལ་མོ་ཀྲུང་གིས་འདུག་སྟེ། ཧེ་བཛྲ་ཞེས་བརྗོད་པས་སྐད་ཅིག་གིས་རང་ཉིད་ཧེ་རུ་ཀ་ཞལ་གཅིག་ཕྱག་ [152a.3]གཉིས་པར་བསྒོམས་པའི་རྗེས་ལ། རང་གི་སྙིང་གར་རེ་ཕ་བསྒོམ། །དེ་ལས་བྱུང་བའི་ཉི་དཀྱིལ་འཁོར། །དེར་ནི་ཧཱུཾ་གི་རྣམ་པ་ཉིད། །ཐབས་དང་ཤེས་རབ་རང་བཞིན་ཅན། །དེ་ལས་འོད་ཟེར་འཕྲོས་པ་ཡིས། །ནམ་མཁར་རྗེ་བཙུན་བལྟས་ནས་ནི། །རྡོ་རྗེ་སྐྱེ་བ་སྙིང་རྗེ་ཆེ། །རྒྱན་རྣམས་ཐམས་ [152a.4]ཅད་འཛིན་པ་ཡི། །ལྷ་མོ་བརྒྱད་པོ་རྣམས་ཀྱིས་མཆོད། །དཀར་མོ་རི་དགས་མཚན་མ་འཛིན། །ཆོམ་རྐུན་བདུད་ལས་རྒྱལ་བའི་སྣོད། །རོ་ལངས་མ་ནི་ཆུ་ལག་མ། །གྷསྨ་རཱི་ནི་སྨན་འཛིན་ཅིང་། །པུཀྐ་སཱི་ནི་རྡོ་རྗེའི་ལག །དེ་བཞིན་རི་ཁྲོད་མ་རོ་འཛིན། །གདོལ་པ་མོ་ནི་ཅང་ཏེའུ་བརྡུང་། །འདི་ [152a.5]རྣམས་ཀྱིས་ནི་གཙོ་བོ་མཆོད། །འདོད་ཆགས་ཆེན་པོ་རྗེས་ཆགས་ནས། །གཡུང་མོ་སྐུ་ལ་འཁྱུད་པ་ཉིད། །དེ་ལྟ་བུའི་ཚོགས་རྟེན་བློས་མངོན་སུམ་ལྟ་བུར་དམིགས་ལ། ཕྱག་བཙལ་བ་དང་། ཕྱི་ནང་གསང་བ་དང་དེ་ཁོ་ནའི་མཆོད་པ་དང་། སྡིག་པ་བཤགས་པ་དང་། བསོད་ནམས་ལ་རྗེས་སུ་ [152a.6]ཡི་རང་བ་དང་། སྐྱབས་སུ་འགྲོ་བ་དང་། ལམ་སྟོན་པ་དང་། ཀུན་རྫོབ་དང་དོན་དམ་གྱི་བདག་ཉིད་ཀྱི་སེམས་བསྐྱེད་པ་དང་། དགེ་བའི་རྩ་བ་བསྔོས་ལ། ཚོགས་རྟེན་རྣམས་ལ་བློས་བཏང་བའམ། གཤེགས་སུ་གསོལ་བར་བྱའོ། །དེ་ནས་དང་པོ་བྱམས་པ་བསྒོམ་པར་བྱ། །གཉིས་པར་སྙིང་རྗེ་རྣམ་ [152a.7]བསྒོམ་ཞིང་། །གསུམ་པར་དགའ་བ་བསྒོམ་པ་དང་། །ཀུན་གྱི་མཐར་ནི་བཏང་སྙོམས་སོ། །ཡང་ནི་སྟོང་པའི་བྱང་ཆུབ་སྟེ། །དེ་ཡང་སྤྲོ་བསྡུ་སྔོན་དུ་འགྲོ་བས། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་བརྗོད་ལ། ཆོས་ཐམས་ཅད་སྒྱུ་མ་ཙམ་དུ་བསྒོམ་མོ། །རེ་ཕས་ཉི་མ་སྔོན་དུ་རྣམ་ [152b] [152b.1]བསྒོམས་ནས། །ཉི་དེར་ཧཱུཾ་བྱུང་སྣ་ཚོགས་རྡོ་རྗེ་སྟེ། །རྡོ་རྗེ་དེ་ཉིད་ཀྱི་ནི་ར་བ་དང་། །གུར་བཅིངས་པ་ཡང་རྣམ་པར་བསྒོམ་པ་ཉིད། །དེ་ཡི་ནང་དུ་བྷྲཱུཾ་ལས་བྱུང་བ་ཡིས། །ཕྱིར་ལོག་འཁོར་ལོ་ལྟ་བུ་ཡི། །འཁོར་ལོ་རྩིབས་བཅུ་རྒྱ་ཆེ་ཞིང་། །ཁོང་སྟོང་མི་གཡོ་འཁོར་བར་བསྒོམ། །ནམ་མཁའི་ཁམས་སུ་ [152b.2]བྷ་ག་བསམ། །དབུས་སུ་རྣམ་པར་བསྒོམ་པ་ནི། །འཁོར་ལོའི་སྔོན་དུ་ཅི་རིགས་པར། །ལྷ་རྣམས་ཇི་ལྟར་འབྱུང་བ་ཉིད། །འཁོར་ལོས་དང་ཆུ་ནི་སྔོན། །ཇི་ལྟར་རིགས་པར་བྱིན་ཟ་དང་། །ལྷ་རྣམས་ཀྱི་ནི་རླུང་ཆེན་དང་། །དེ་སྟེང་བྷྲཱུཾ་ལས་འཁོར་ལོ་དང་། །ཐིག་ལེར་གྱུར་པས་གཞལ་ཡས་ཁང་། །གྲུ་བཞི་ [152b.3]པ་ལ་སྒོ་བཞི་པ། །པདྨ་འདབ་བརྒྱད་འཕར་མ་གཅིག །ཀ་བ་བརྒྱད་ཀྱིས་ཉེ་བར་བརྒྱན། །དྲ་བ་དྲ་ཕྱེད་པ་དང་། །དུར་ཁྲོད་བརྒྱད་དང་ཡང་དག་ལྡན། །ཕྱི་ནང་རྡོ་རྗེའི་ཐིག་གིས་སྤྲས། །ལྟེ་བར་རོ་ནི་རྣམ་བསྒོམ་པ། །ཆོས་ཀྱི་དབྱིངས་ཀྱི་རང་བཞིན་བརྗོད། །འདབ་མ་བརྒྱད་ལ་བསམ་པ་ནི། །ཚངས་པ་དབང་ [152b.4]པོ་ཉེ་དབང་དྲག །གཤིན་རྗེ་དང་ནི་ནོར་བདག་དང་། །བདེན་བྲལ་དང་ནི་ཐགས་བཟངས་རིས། །གཽ་རཱི་ལ་སོགས་རྣམས་ཀྱི་གདན། །ཉི་མར་བཅས་པའི་རོ་དགུ་བསམ། །ཨཱ་ལི་ཟླ་བ་ཀཱ་ལི་ཉི། །དགུང་གཉིས་རྣལ་འབྱོར་མ་ཡིས་བསྒོམ། །དབུས་ཀྱི་ཉི་ཟླ་ཁ་སྦྱར་བར། །ནཱ་ད་ལྷུང་བས་ཧཱུཾ་དུ་གྱུར། ། [152b.5]ཧཱུཾ་ལས་གཾ་སོགས་སྤྲོ་བར་བྱ། །གཾ་ཙཾ་བཾ་གྷཾ་པཾ་ཤཾ་ལཾ་ཌཾ་གཽ་རཱི་ལ་སོགས་པའོ། །དེ་ལས་སྤྲོས་ཤིང་བསྡུས་པ་ལས། །དབུས་ཀྱི་གཙོ་བོའི་ཕྱག་མཚན་ནི། །ཧཱུཾ་ལས་བྱུང་བའི་རྡོ་རྗེ་སྟེ། །ཁ་དོག་ནག་པོ་འཇིགས་ཆེན་པོ། །རྡོ་རྗེ་ལྟེ་བའི་དབུས་གནས་པར། །ཡང་ནི་ཧཱུཾ་གིས་དེ་ཉིད་བསྒོམ། །འཁོར་ [152b.6]རྣམས་གྲི་གུག་རྡེ་ཆུང་དང་། རུས་སྦལ་སྦྲུལ་ནི་ཕྱོགས་སུའོ། །སེང་གེ་དང་ནི་དགེ་སློང་དང་། །འཁོར་ལོ་རྡོ་རྗེ་མཚམས་སུའོ། །རང་རང་ས་བོན་དག་གིས་མཚན། །ཡང་ནི་སྤྲོ་བསྡུས་ས་བོན་བསྡུ། །དེ་ལས་ལྔ་པ་གཟུགས་བརྙན་རྫོགས། །ཧཱུཾ་གི་རྣམ་པར་གྱུར་བལྟས་ནས། །ཞེ་སྡང་བདག་ཉིད་ [152b.7]རྣམ་པར་བསྒོམ། །རྡོ་རྗེ་སྐྱེ་བ་ནག་པོ་ཆེ། །འདམ་སྐྱེས་སྔོན་མོ་འདྲ་བའི་མདོག །ཡང་ན་སྔོན་དང་ཉི་མའི་མདོག །དད་པས་ངེས་པར་རྣམ་པར་བསྒོམ། །སྔོ་དང་ཉི་མ་མཚུངས་པའི་མདོག །པནྡུ་དམར་པོའི་སྤྱན་དང་ལྡན། །སྐྲ་སེར་གྱེན་དུ་འཁྱིལ་བ་དང་། །ཕྱག་རྒྱ་ལྔས་ནི་རྣམ་པར་བརྒྱན། །འཁོར་ལོ་ [153a] [153a.1]རྣ་ཆ་གདུ་བུ་དང་། །ལག་གདུབ་དང་ནི་སྐ་རགས་ཉིད། །སངས་རྒྱས་ལྔ་ནི་རྣམ་དག་པ། །འདི་རྣམས་ཕྱག་རྒྱར་རབ་ཏུ་གྲགས། །སྡང་མིག་བརྒྱད་གཉིས་ལོན་པའི་ཚུལ། །གཡོན་ན་རྡོ་རྗེ་ཐོད་པ་དང་། །གཡོན་པ་ནས་ཀྱང་ཁ་ཊྭཱཾ་ག །གཡས་ན་རྡོ་རྗེ་ནག་པོ་ཉིད། །ཧཱུཾ་གི་ཡི་གེ་འདོན་ [153a.2]པའི་བདག །རྣལ་འབྱོར་མ་བརྒྱད་ཡོངས་བསྐོར་ནས། །དུར་ཁྲོད་དུ་ནི་མགོན་པོ་རོལ། །དབང་དཀར་གཤིན་རྗེ་ཆོམ་རྐུན་མ། །ཆུ་བདག་ཕྱོགས་སུ་རོལ་པ་མོ། །ལུས་ངན་པོར་ནི་གྷསྨ་རཱི། །དབང་ལྡན་དུ་ནི་པུཀྐ་སཱི། །མེར་ནི་དེ་བཞིན་རི་ཁྲོད་མ། །བདེན་བྲལ་གདོལ་པ་མོ་གཞག་ཅིང་། ། [153a.3]རླུང་དུ་གཡུང་མོ་རྣམ་པར་བཞག །དཀར་མོ་གཡས་ན་གྲི་གུག་སྟེ། །དེ་བཞིན་གཡོན་ན་རོ་ཧི་ཏ། །ཆོམ་རྐུན་མ་གཡས་ཅང་ཏེའུ། །གཡོན་པའི་ཕྱག་ན་ཕྱག་པ་ཉིད། །རོ་ལངས་མ་གཡས་རུས་སྦལ་ཏེ། །གཡོན་པ་ཡིས་ནི་པདྨའི་སྣོད། །གྷསྨ་རཱི་ནི་གཡས་ན་སྦྲུལ། །གཡོན་པར་རྣལ་ [153a.4]འབྱོར་ལྷུང་བཟེད་ཉིད། །པུཀྐ་སཱི་གཡས་སེང་གེ་སྟེ། །གཡོན་པས་དགྲ་སྟ་དེ་བཞིན་ནོ། །རི་ཁྲོད་མ་གཡས་དགེ་སློང་སྟེ། །གཡོན་ན་གསིལ་བྱེད་དེ་བཞིན་ནོ། །གདོལ་པ་མོ་གཡས་འཁོར་ལོ་སྟེ། །གཡོན་པས་ཐོད་པ་དེ་བཞིན་ནོ། །གཡུང་མོ་གཡས་ན་རྡོ་རྗེ་སྟེ། །གཡོན་ན་སྡིགས་མཛུབ་ [153a.5]དེ་བཞིན་ནོ། །སྐྱིལ་ཀྲུང་ཕྱེད་པའི་གར་གྱིས་གནས། །དཀར་མོ་ལ་སོགས་ཕྱག་གཉིས་བརྗོད། །སྤྱན་གསུམ་སྐྲ་ནི་གྱེན་དུ་སྟེ། །ཕྱག་རྒྱ་ལྔ་ཡིས་རྣམ་པར་བརྒྱན། །གཽ་རཱི་ཁ་དོག་ནག་པོར་གྱུར། །ཆོམ་རྐུན་མ་ནི་བཙོད་དང་མཚུངས། །རོ་ལངས་མ་ནི་གསེར་བཙོས་བཞིན། །གྷསྨ་རཱི་ནི་མ་རྐ་ཏ་ [153a.6]མཚུངས། །པུཀྐ་སཱི་ནི་དབང་སྔོན་མཚུངས། །རི་ཁྲོད་མ་ནི་ཟླ་ནོར་འོད། །གཏུམ་མོ་ནམ་མཁའི་སྔོ་བསངས་མ། །གཡུང་མོ་སྣ་ཚོགས་པ་ཞེས་བརྗོད། །དེ་ནས་ཞི་བའི་ཡིག་འབྲུ་དགོད། །མིག་ལ་གཏི་མུག་རྡོ་རྗེ་མ། །རྣ་བར་ཞེ་སྡང་རྡོ་རྗེ་མ། །སྣ་ལ་སེར་སྣ་མ་ཞེས་བཤད། །ཁ་ལ་འདོད་ [153a.7]ཆགས་རྡོ་རྗེ་མ། །ལུས་ལ་ཕྲག་དོག་རྡོ་རྗེ་མ། །ཡིད་ལ་བདག་མེད་རྣལ་འབྱོར་མ། །དབང་པོ་རྣམས་ནི་དག་པའི་ཕྱིར། །འདིས་ནི་ཆོ་ག་སེམས་དཔའ་ཆེ། །དེ་ནས་གནས་གསུམ་བྱིན་གྱིས་བརླབ། །སྤྱི་བོར་ས་སྤྱོད་མགྲིན་པར་མཁའ། །སྙིང་གར་བདག་མེད་རྣལ་འབྱོར་མའོ། །སྤྲོ་ [153b] [153b.1]བསྡུ་སེམས་དཔའ་སུམ་བརྩེགས་བསྡུ། །ཡེ་ཤེས་འཁོར་ལོ་སྤྱན་དྲངས་ཏེ། །མཆོད་བསྟོད་དགུག་གཞུག་དབང་དུ་བྱ། །རིགས་ལྔ་ལ་སོགས་སྤྱན་དྲངས་ཏེ། །མཆོད་ཅིང་གསོལ་གདབ་དབང་བསྐུར་བས། །ཞེ་སྡང་ཕྱག་རྒྱ་གཙོ་བོ་ལ། །ཞེ་སྡང་ཕྱག་རྒྱ་པུཀྐ་སཱི། །གཏི་མུག་ཕྱག་རྒྱས་རི་ཁྲོད་མ། ། [153b.2]སེར་སྣའི་ཕྱག་རྒྱས་གདོལ་པ་མོ། །འདོད་ཆགས་ཕྱག་རྒྱས་གཡུང་མོ་ཉིད། །ཡང་ནི་དཀར་མོ་ཞེ་སྡང་རྒྱས། །གཏི་མུག་ཕྱག་རྒྱས་ཆོམ་རྐུན་མ། །སེར་སྣའི་ཕྱག་རྒྱས་རོ་ལངས་མ། །འདོད་ཆགས་ཕྱག་རྒྱས་གྷསྨ་རཱི། །ཁ་ཊྭཱཾ་ག་དང་རྗེས་ཆགས་བྱའོ། །བདག་བྱིན་བརླབ་སོགས་རྫོགས་རིམ་བསྒོམ། ། [153b.3]དེ་ནས་རྣལ་འབྱོར་མ་བརྒྱད་པོ། །ཐུགས་ཀའི་ཧཱུཾ་ལ་བསྡུ་བྱས་ལ། །དེ་ཡི་ནང་གི་རྒྱས་གདབ་བསྒོམ། །དེ་རྗེས་དག་པ་རྗེས་དྲན་བྱ། །བཟླས་ཐབས་བཞི་ཡི་རིམ་པ་ཡིས། །ངག་གི་སྒྲིབ་སྦྱོང་གསང་སྔགས་བཟླས། །ཨོཾ་ཏྲཻ་ལོ་ཀྱ་ཨཱཀྵེ་པ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བའི་སྔགས་ཀྱི་བཟླས་པ་བྱའོ། ། [153b.4]གཏོར་མ་དེ་ཉིད་བཞི་ལྡན་བཏང་། །སྨོན་ལམ་བཏབ་ལ་སྤྱོད་ལམ་བྱའོ། །རྒྱུན་དུ་ཐུན་བཞིའི་རྣལ་འབྱོར་བསྒོམ། །ཆོ་གའི་རིམ་པ་དེ་ཉིད་ཀྱིས། །ཕྱག་བཞི་ནི་བདུད་བཞི་ལས་རྣམ་པར་རྒྱལ་བའི་རྣམ་པར་དག་པ་སྟེ། གོང་དུ་བརྗོད་པའི་གཟུགས་དང་སྐུ་མདོག་དང་ཧཱུཾ་ལས་བྱུང་བའོ། །ཕྱག་ [153b.5]གཡོན་གྱི་དང་པོ་ན་སྐྱེས་པའི་ཐོད་པ་ལྷ་དང་ལྷ་མ་ཡིན་གྱི་ཁྲག་གིས་བཀང་བ། དེ་བཞིན་དུ་གཡས་ཀྱི་ཕྱག་ན་རྡོ་རྗེ་དང་། ཕྱག་ལྷག་མ་གཉིས་ཀྱིས་ཤེས་རབ་མ་ལ་འཁྱུད་པ། ཤེས་རབ་མ་རྡོ་རྗེ་ཕག་མོ་ནི་བཅོམ་ལྡན་འདས་ཀྱི་གཟུགས་ཅན་ནོ། །དེའི་སྔགས་ནི་ཨོཾ་ཛྭ་ལ་ཛྭ་ལ་བྷྱོ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། [153b.6]ཕྱག་དྲུག་པ་ཞལ་གསུམ་པ། གཡོན་དམར་བ། གཡས་པ་ཟླ་བ་དང་ཉི་མ་ལྟ་བུ། དང་པོ་སྔོན་པོ། །གཅེར་བུ་གོང་དུ་གསུངས་པའི་སྐུ་མདོག་དང་གཟུགས་ཅན་ནོ། །ཕྱག་རྣམས་ནི་ཕ་རོལ་ཏུ་ཕྱིན་པ་རྣམ་པར་དག་པའོ། །ཕྱག་གཡོན་གྱི་དང་པོ་ན་རྩེ་གསུམ་པ། གཡས་ཀྱི་དང་པོ་ནི་ [153b.7]རྡོ་རྗེ། གཡོན་གྱི་གཉིས་པ་ན་དྲིལ་བུ། ཕྱག་གཡས་ཀྱི་གཉིས་པ་ན་གྲི་གུག །ཕྱག་ལྷག་མ་གཉིས་ཀྱིས་ཡུམ་ལུ་གུ་རྒྱུད་མ་དང་སྙོམས་པར་འཇུག་པའི་ཚུལ་གྱིས་འཁྱུད་པའོ། །དེ་ཡང་བཅོམ་ལྡན་འདས་ཇི་ལྟ་བ་བཞིན་དུ་ཤེས་རབ་མ་སྟེ། གཡས་པ་དང་གཡོན་པ་ན་གྲི་གུག་དང་ཐོད་པ་ [154a] [154a.1]བསྣམས་པ། ཁམས་གསུམ་གྱི་བདག་ཉིད་ཅན་གྱི་རོ་མནན་པའོ། །དེའི་སྔགས་ནི། ཨོཾ་ཀི་ཊི་ཀི་ཊི་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། དཔལ་ལྡན་འབུམ་ལྔ་ལ་བརྟེན་རྡོ་རྗེ་སེམས་དཔའ་ཡི། །བླ་མའི་གསུང་གིས་གསལ་བར་བྱས་ནས་རྣམ་སྤྲས་པའི། །དེ་དགེས་འགྲོ་བ་འདི་ཀུན་སྲིད་མཚོ་ [154a.2]བརྒལ་གྱུར་ནས། །བདེ་མཐའ་གཅིག་བུ་དགྱེས་པའི་རྡོ་རྗེ་ཉིད་གྱུར་ཅིག །དཔལ་དགྱེས་པ་རྡོ་རྗེའི་གཙོ་བོ་སེམས་དཔའ་གསུམ་གྱི་སྒྲུབ་ཐབས་རྗེ་ནཱ་རོ་པའི་ཞལ་གྱི་ལུང་སྦྱར་བ་རྫོགས་སོ།།{T1293}༄༅༅། །རྒྱ་གར་སྐད་དུ། ཏ་ཏྟྭཱ་ལེ་ཀ་ནཱ་མ། བོད་སྐད་དུ། དེ་ཁོ་ན་ཉིད་ཀྱི་སྣང་བ་ཞེས་ [154a.3]བྱ་བ། དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། །ཀེང་རུས་མཐའ་ནི་འཁོར་བྱེད་སྤྲིན་ཚོགས་འདྲལ་ཞིང་དྲི་མེད་ནམ་མཁའི་ལམ་ཡིན་པ། །རྡོ་རྗེའི་འོད་ཟེར་སྤྲོ་བྱེད་སེང་གེ་དབང་པོ་ཚངས་པ་སྐྲག་འགྱུར་བསྟོད་འོས་པ། །བསྐལ་མཐའི་ཆུ་སྦྱིན་སྒྲ་བཞིན་སྒྲ་སྙན་འཇམ་འགྱུར་ཧཱུཾ་གི་ཡི་གེ་སྒྲར་ [154a.4]འགྱུར་བ། །འཇིགས་པས་བདུད་བཞི་སྐྲག་ཅིང་སྲིད་གསུམ་གྱིས་ནི་ཕྱག་བྱས་ཧེ་རུ་ཀ་ཡི་གར་ཁྱོདསྐྱོང་གྱུར་ཅིག །ནག་འགྱུར་ས་འཛིན་དང་འདྲ་འཇམ་པའི་ཛན་ན་ཛན་སྒྲར་འགྱུར་བའི་པུས་མོའི་ཟུང་དགོད་དང་། །དཔུང་པར་འཇིགས་པའི་སྤྱན་གསུམ་གྱིས་ནི་བལྟ་བས་ལྷ་རྣམས་སྐྲག་ [154a.5]པར་མཛད་པ་དང་། །སྤྲོས་འགྱུར་རེངས་པའི་ཁྲོ་གཉེར་འཇོམས་པ་བསྟན་ཏེ་ཞལ་ནི་མི་བཟད་པ། །དཔལ་ལྡན་རྡོ་རྗེ་མཁའ་འགྲོ་ཨུཏྤལ་སྔོ་འདྲ་རང་སྐུས་ལུས་ཅན་སྐྱོབ་གྱུར་ཅིག །རྡོ་རྗེ་སེམས་དཔའ་གནང་བ་ཡིས། །སྙིང་རྗེས་སེམས་ཅན་རྣམས་ལ་ནི། །དེ་ཉིད་སྣང་བ་ཞེས་བྱ་བ། ། [154a.6]དེ་ནི་བདག་གིས་བྲི་བར་བྱ། །གདུལ་བར་དཀའ་བར་གྱུར་པ་ཡིས། །སེམས་ནི་ལམ་ལ་གཞུག་པའི་ཕྱིར། །བདག་གིས་ནན་ཏན་བྱེད་པ་ལ། །དེ་ཉིད་རིག་མཁན་བཟོད་པར་མཛོད། །རྒྱུད་ནི་དགྱེས་པའི་རྡོ་རྗེ་རྒྱུད་སོགས་སྙིང་པོ་སྟེ། །བདེ་གཤེགས་ཀྱིས་བསྟན་ནན་ཏན་གྱིས་ནི་བཟུང་ནས་སུ། ། [154a.7]སྣ་ཚོགས་སྐྱེད་བྱེད་བསྟན་བཅོས་དེ་ཉིད་སྣང་བ་ནི། །འགྲོ་ལ་ཕན་ཐོགས་ཕྱིར་ནི་བདག་གིས་བསྟན་པར་བྱ། །དང་པོར་རེ་ཞིག་སློབ་མས་བླ་མའི་ཕྱོགས་སུ་བལྟ་ཞིང་མཎྜལ་གྱི་ཆོ་ག་བྱས་ལ། དེ་ནས་སེམས་ཅན་རྣམས་སྐྱོ་བར་འགྱུར་བའི་ཕྱིར། །འགྲོ་ལ་ཕན་ཐོགས་དོན་དུ་སངས་རྒྱས་ [154b] [154b.1]འགྱུར་བར་ཤོག །ཅེས་བྱ་བ་སྟེ། དམ་བཅའ་བར་བྱའོ། །དེ་ནས་བདག་ཉིད་བླ་མ་ལ་དབུལ་བྱ། །ཞེས་བྱ་བ་ནི་སྦྱིན་པའོ། དམ་པ་མིན་པའི་ལམ་ལ་སེམས་འཇུག་པར་འགྱུར་བ་ལས་ལྡོག་པ་ཞེས་བྱ་བའི་ཚུལ་ཁྲིམས་སོ། །ལུས་དང་ངག་དང་སེམས་འབྱུང་བ་ཞེས་བྱ་བ་ནི་བཟོད་པའོ། །སྔོན་གྱི་ [154b.2]དམ་བཅའ་བ་ཡོངས་སུ་རྫོགས་པའི་གྲུབ་པ་ཞེས་བྱ་ནི་བརྩོན་འགྲུས་སོ། །སེམས་རྩེ་གཅིག་ཏུ་གྱུར་པ་ཞེས་བྱ་བ་ནི་བསམ་གཏན་ནོ། །འདི་དག་ཐམས་ཅད་རང་བཞིན་མེད་པ་ཉིད་ཀྱིས་ངེས་པར་ཤེས་པ་ཞེས་བྱ་བ་གང་ཡིན་པ་དེ་ནི་ཤེས་རབ་ཀྱི་མིང་ཐོབ་པའོ། །དེ་བས་ན་ཤེས་རབ་དང་ལྡན་ [154b.3]པའི་སྦྱིན་པ་ལ་སོགས་པའི་ཕ་རོལ་ཏུ་ཕྱིན་པ་ལྔས་མིང་ཐོབ་པར་འགྱུར་ཞེས་བྱ་བ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོས་ཕ་རོལ་ཏུ་ཕྱིན་པ་དྲུག་ལ་རྟེན་པར་བྱེད་ཅིང་མི་དགེ་བའི་ལས་བཅུ་ཡོངས་སུ་སྤང་བར་བྱའོ། །དེ་རྣམས་ཀྱང་ལུས་དང་ངག་དང་སེམས་ལ་བརྟེན་པར་གྱུར་པའོ། །ལུས་ [154b.4]ནི་ངག་ལ་བརྟེན་པ་དང་། ངག་ནི་སེམས་ལ་བརྟེན་པ་དང་། སེམས་ནི་ནམ་མཁའ་ལ་བརྟེན་པ་སྟེ། ནམ་མཁའ་ནི་གང་ལ་ཡང་བརྟེན་པར་མ་གྱུར་པའོ། །དེ་བས་ན་འབད་པ་ཐམས་ཅད་ཀྱིས། གསུམ་པོ་འདི་ཉིད་དྲི་མ་མེད་པར་བྱས་ལ། སླར་ཡང་གསུམ་པོ་འདི་ཉིད་ལ་རྣམ་པར་བཤད་པར་ [154b.5]བརྗོད་པར་བྱའོ། །འདི་ལྟ་སྟེ་ལུས་ནི་གཟུགས་བརྙན་དང་འདྲ་བའོ། །ངག་ནི་སྒྲ་བརྙན་བཞིན་དུའོ། །སེམས་ནི་ནམ་མཁའ་དང་མཉམ་པ་སྟེ། གསུམ་པོ་དེ་ནི་ཤེས་རབ་དང་ལྡན་པས་རྣམ་པར་དག་པར་འགྱུར་ཞེས་བྱ་བའོ། །དེ་ལྟ་བས་ན་མི་དགེ་བ་བཅུས་གནོད་པར་མི་བྱེད་ཅེས་བྱ་བ་ནི། [154b.6]བྱང་ཆུབ་སེམས་དཔའ་སྔོན་དུ་ལས་རྗེས་སུ་དྲན་པར་སྤྱད་པར་བྱ་བ་ཡིན་ནོ། །ལས་དང་པོ་པའི་དུམ་བུ་སྟེ་དང་པོའོ།། །།དེ་ནས་སྔགས་བསྟན་པའི་རྒྱུད་རྣམ་པ་བཞི་ལས་སྔགས་ཀྱི་དངོས་གྲུབ་བསྒྲུབ་པ་ལ་སོགས་པ་ནི། གང་བཅོམ་ལྡན་འདས་ཀྱིས་གསུངས་པ་དེ་ཐམས་ཅད། [154b.7]ངན་སོང་དུ་གནས་པའི་སེམས་ཅན་རྣམས་བཀུག་ནས་དམ་པའི་ལམ་ལ་དགོད་པའི་ཕྱིར་བསྟན་ཏོ། །བསྟན་པ་ཡང་ཐ་མ་དང་འབྲིང་དང་རབ་དང་སེམས་ཅན་གྱི་བསམ་པ་རབ་ཏུ་དབྱེ་བས་སྣ་ཚོགས་པར་འགྱུར་ཏེ། དཔེར་ན་གཅིག་པུ་ནི་གཅིག་མིན་འགྱུར་བ་བཞིན་དུའོ། །ཅི་ལྟར་འགྱུར་ཞེ་ན། [155a] [155a.1]དཔེར་ན་ཆུས་གང་བར་གྱུར་པའི་ཆུ་སྣོད་རྣམས་ལ་ཟླ་བ་གཅིག་ཡིན་ཡང་གཟུགས་བརྙན་དུ་མར་གྱུར་པ་བཞིན་དུ་ཞེས་བྱ་བའོ། །དེ་བས་ན་ཐེག་པ་ཐམས་ཅད་ལས་དེ་ཁོ་ན་ཉིད་གཅིག་པུ་ཡིན་གྱི་གཞན་ནི་མ་ཡིན་པར་རྟོགས་པར་གྱིས་ཞེས་བྱ་བའོ། །དེ་ལྟར་གཏན་ལ་ཕེབས་ནས་སྔོན་ [155a.2]གྱི་དམ་བཅའ་ཡོངས་སུ་རྫོགས་པར་བྱ་བའི་ཕྱིར། སྐྱེ་བ་འདི་ལ་ཉིན་མཚན་དུ་བྱང་ཆུབ་བསྒྲུབ་པར་བྱའོ། །དེ་ནས་གལ་ཏེ་བསྒྲུབ་པར་མ་ནུས་ན་དེ་ལྟ་ན་ནི། བསོད་ནམས་ལ་སྤྱད་པར་བྱ་སྟེ། བསོད་ནམས་ཀྱི་མཐུ་དེས་མ་འོངས་པའི་དུས་སུ་གཞན་ལ་བྱང་ཆུབ་བསྒྲུབ་པར་འགྱུར་ཞེས་བྱ་བའོ། །ཁྲོ་ [155a.3]བ་དང་སེར་སྣ་དང་ང་རྒྱལ་དང་ལྡན་པ་དང་ཆང་དང་ཤ་ལ་སོགས་པ་ལ་རྗེས་སུ་ཆགས་པར་གྱུར་པ་གང་རྣམས་ཀྱིས་བསྟན་པ་སོ་སོ་རུ་གོ་བར་བྱེད་པ་དེ་རྣམས་ཀྱིས་ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་དང་འབྲས་བུའི་མཚན་ཉིད་བསྟན་པར་མི་ནུས་ཏེ། ལོངས་སྤྱོད་ཀྱི་དོན་དུ་དེ་ [155a.4]རྣམས་ཀྱི་སློབ་མ་གཟུང་བར་བྱེད་པ་དང་། དམ་པའི་ཆོས་འཚོང་བ་དང་། ལོག་པར་འཚོ་བར་བྱེད་པ་དང་། བྱིན་གྱིས་བརླབས་པ་དང་བྲལ་བས་དམྱལ་བར་ལྟུང་བར་འགྱུར་བ་དང་། དོན་མེད་པར་འགྱུར་བ་ཞེས་བྱ་བའོ། །དེ་ནས་འབྱུང་བ་ལྔ་དང་ཁམས་ལྔ་ལ་སོགས་པ་གང་ཡིན་པ་དེ་རྣམས་སེམས་ [155a.5]ཀྱི་ཕུན་སུམ་ཚོགས་པ་ཡིན་གྱི་གཞན་ནི་མ་ཡིན་ནོ། །དཔེར་ན་རྨི་ལམ་དུ་བདག་དང་བྲལ་བར་གྱུར་པའི་འགྱུར་བ་རྣམས་གང་སྐྱེས་པ་དང་། གཟུང་བ་དང་འཛིན་པ་ལས་འདས་པར་གྱུར་པའི་ཟླ་བའི་གཟུགས་བརྙན་དང་འདྲ་བ་དང་། སྒྲ་བརྙན་དང་འདྲ་བ་དང་། དྲི་ཟའི་གྲོང་ཁྱེར་བཞིན་དུ་རྟོགས་པར་བྱའོ། ། [155a.6]སེམས་ཀྱང་སྐྱེ་བ་དང་གནས་པ་དང་འཇིག་པ་དང་སོང་བ་དང་འོངས་པ་ལས་འདས་པ་དང་། ཐོག་མ་དང་བར་དང་ཐ་མ་ལས་རྣམ་པར་གྲོལ་བ་ཡིན་ལ། གནས་པ་གང་ལས་ཀྱང་ཐོབ་པར་མི་འགྱུར་ཏེ། ཤེས་རབ་དང་ལྡན་པར་གྱུར་པ་འདི་ཉིད་འདི་ནི་སྲིད་པ་གསུམ་ལ་རོལ་བར་མཛད་པ་དེ། དཔེར་ [155a.7]ན་རྫུ་འཕྲུལ་མཁན་སྐྱེས་བུ་གང་ཞིག་གིས། སྐྱེ་བ་དང་། གནས་པ་དང་། འཇིག་པའི་ཚུལ་གྱིས་མི་རྣམས་ལ་ངོ་མཚར་བར་སྟོན་པར་བྱེད་པ་ཇི་ལྟ་བ་དེ་བཞིན་དུ་སེམས་ཀྱང་ཤེས་པར་བྱའོ། །དེ་ལྟར་བརྗོད་པར་གྱུར་པའི་ཐབས་རྣལ་འབྱོར་བས་རིག་ན། སེམས་ཀྱི་ས་ལ་གནོད་པར་མི་འགྱུར་ [155b] [155b.1]ཏེ། རྣལ་འབྱོར་པས་སེམས་ཤེས་པར་གྱུར་ན་ཆགས་པ་དང་བྲལ་བར་ནམ་མཁའ་བཞིན་དུ་འགྱུར་ཏེ། ཡིད་བཞིན་གྱི་ནོར་བུ་རིན་པོ་ཆེ་བཞིན་དུ་སྤྲོ་བ་དང་བསྡུ་བའི་བདག་ཉིད་འཆི་བར་གྱུར་ན་ཡང་རུང་སྐད་ཅིག་གིས་འཚོ་བར་གྱུར་ན་ཡང་རུང་སྟེ། དུས་ཀྱིས་མི་འཚོ་བ་ལ་སྨོས་ཅི་དགོས། དེ་ལྟར་ཉམས་སུམ་མྱོང་ [155b.2]བར་ཐོས་པ་ཙམ་གྱིས་དོན་མེད་དེ། དཔེར་ན་སྨན་དཔྱད་བཀླགས་པ་ཙམ་གྱིས་ནད་པ་ལ་ནད་ཞི་བར་མི་འགྱུར་བ་བཞིན་དུའོ། །དེ་བས་ན་ཉམས་སུ་མྱོང་བའི་སྦྱོར་བས་འབྲས་བུ་རྫོགས་པར་འགྱུར་ཏེ། རྒྱུ་དེའི་ཕྱིར་སེམས་རྟོགས་པར་གྱུར་ན་ཐམས་ཅད་སྐྱེ་བར་འགྱུར་རོ། །ཤེས་རབ་དང་སེམས་ཀྱི་མཚན་ཉིད་ནི་ [155b.3]དབང་དང་བླ་མའི་དྲིན་གྱིས་ཤེས་པར་འགྱུར་ཞེས་བྱའོ། །སྤྱིའི་གླེང་གཞིའི་དུམ་བུ་སྟེ་གཉིས་པའོ།། །།དེ་ནས་སློབ་མ་རྣམས་ལ་དབང་ཡང་དག་པར་སྦྱིན་པ་བརྗོད་པར་བྱ་སྟེ།རྡུལ་ཚོན་དགྱེ་བཞེས་བྱ་བ་ནི་ངེས་པའི་དོན་གྱིས་ཤེས་རབ་ཡིན་ལ། འགྲོ་བ་ཐམས་ཅད་མཚོན་པར་བྱེད་པའི་ཕྱིར་རོ། །དེ་ལ་ [155b.4]དགྱེ་བ་ཞེས་བྱ་བ་ནི་ཡོངས་སུ་འཛིན་པས་ན་ར་ཛ་བ་དའོ། །དེ་ཉིད་ལྷའི་དཀྱིལ་འཁོར་ཡིན་གྱི། ལྷ་རྣམས་ལ་སྤྱན་འདྲེན་པ་དང་། གཤེགས་སུ་གསོལ་བ་ལ་སོགས་པ་ནི་མ་ཡིན་ནོ། ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་བྱོན་པ་དང་གཤེགས་པ་མི་ཤེས་པའི་ཕྱིར་རོ། །དཔེར་ན་རྨི་ལམ་ན་སྐྱེ་བ་ [155b.5]དང་གནས་པ་དང་འགག་པ་མེད་པ་བཞིན་དུའོ། །རྒྱུ་དེའི་ཕྱིར་ལྷ་རྣམས་ལ་སྤྱན་འདྲེན་པ་དང་གཤེགས་སུ་གསོལ་བ་ལ་སོགས་པ་མི་བྱ་སྟེ། དམིགས་པ་དང་བཅས་པའི་བསམ་གཏན་གྱིས་འཁོར་བའི་འཆིང་བ་ལས་གྲོལ་བར་མི་འགྱུར་རོ། །མེད་པའི་དངོས་པོ་ལ་སྨོས་ཅི་དགོས་ཞེས་བྱ་བའོ། ། [155b.6]དེ་བས་ན་དངོས་པོ་ཐམས་ཅད་ལ་མི་དམིགས་པས་ཐམས་ཅད་ལའོ། །དངོས་པོ་དང་དངོས་པོ་མིན་པ་ལས་གྲོལ་བར་གྱུར་པའི་སེམས་ནི་སངས་རྒྱས་ཞེས་བྱ་བར་བརྗོད་དོ། །ཐབས་དང་ཤེས་རབ་ཀྱི་བདག་ཉིད་གཙོ་བོ་དེ་ལྟ་བུ་ལས། སྔགས་དང་ཕྱག་རྒྱ་ལ་སོགས་པས་མཆོད་པར་བྱའོ། ། [155b.7]ཇི་ལྟར་མཆོད་པར་བགྱི་ཞེ་ན། དག་པ་དང་མ་དག་པའི་སེམས་གཅིག་ཏུ་བྱ་བ་ནི་སྔགས་སོ། །དེ་བཞིན་དུ་སྐྱེ་དགུ་རྣམས་ཀྱི་སྐྱེ་བ་ནི་བཟླས་པ་ཡིན་ལ་འཇིག་རྟེན་གསུམ་པོ་རྒྱས་གདབ་པར་བྱེད་པས་ན་ཕྱག་རྒྱ་ཡིན་ལ་དེ་ཤེས་རབ་ཏུ་བརྗོད་དེ། ཤེས་རབ་ཀྱི་མཎྜལ་དེ་མདུན་དུ་བྱས་ནས། སློབ་མ་རྣམས་ [156a] [156a.1]ལ་དབང་སྣ་ཚོགས་པ་སྦྱིན་པར་བྱའོ། །དབང་ལས་མ་གཏོགས་པར་དངོས་གྲུབ་མེད་དེ། དེ་བས་ན་སངས་རྒྱས་ཉིད་ཀྱི་འབྲས་བུ་འདོད་པ་ལས་དབང་སྦྱིན་པར་བྱའོ། །སློབ་མས་ཀྱང་ཞུ་བ་འདི་ལྟར་བྱ་སྟེ། འཁོར་བའི་འདམ་དུ་བྱིང་གྱུར་བ། །མི་བཟད་སྡིག་པ་བྱས་པས་གཡོགས། ། [156a.2]དེ་ལྟར་བདག་ནི་འབྱུང་བའི་ཕྱིར། །དེ་བཞིན་གཤེགས་པས་སྐྱོབ་པར་མཛོད། །ཅེས་བྱའོ། །དེ་ནས་སློབ་མ་ལ་བླ་མས་དབང་བདུན་པོ་སྦྱིན་པར་བྱ་སྟེ། ཆུའི་དབང་སྦྱིན་པ་དང་ཅོད་པན་གྱི་དབང་དང་། །རྡོ་རྗེའི་དབང་དང་། བདག་པོའི་དབང་དང་། མིང་གི་དབང་དང་། གསང་བའི་དབང་དང་། ཤེས་རབ་ [156a.3]ཡེ་ཤེས་ཀྱི་དབང་ངོ་། །དང་པོར་རེ་ཞིག་མེ་ལོང་ལྟ་བུའི་ཡེ་ཤེས་ཀྱི་བདག་ཉིད་རྣམ་པར་སྣང་མཛད་ཡིན་ལ། ཆགས་པ་མེད་པར་གྱུར་པས་ན་རྣམ་པར་སྣང་མཛད་དོ། །དེ་དབང་བསྐུར་བ་ཞེས་བྱ་སྟེ་ཆུའི་དབང་ངོ་། །དེ་ནས་ཆོས་ཀྱི་དབྱིངས་ཤིན་ཏུ་རྣམ་པར་དག་པའི་བདག་ཉིད་མི་བསྐྱོད་པ་སྟེ། བསྐྱོད་ [156a.4]པར་མི་འགྱུར་བས་ན་མི་བསྐྱོད་པ་ཡིན་ལ། དེ་མགོ་བོ་ལ་གཟུང་བར་བྱ་སྟེ། ཅོད་པན་གྱི་དབང་ངོ་། །དེ་ནས་མཉམ་པ་ཉིད་ཀྱི་ཡེ་ཤེས་ཀྱི་བདག་ཉིད་རིན་ཆེན་འབྱུང་ལྡན་ཡིན་ལ། གཉིས་པོ་མ་ལུས་པའི་ཆགས་པ་མེད་པར་འབྱུང་བར་འགྱུར་བས་ན་རིན་ཆེན་འབྱུང་ལྡན་ཏེ། དེས་དབང་བསྐུར་བ་ནི་རྡོ་རྗེའི་ [156a.5]དབང་ངོ་། །དེ་ནས་སོ་སོར་རྟོག་པའི་ཡེ་ཤེས་ཀྱི་བདག་ཉིད་སྣང་བ་མཐའ་ཡས་ཡིན་ལ། མཐའ་ཡས་ན་ཚད་མེད་པ་སྟེ། སྣང་བ་ནི་འོད་ཟེར་གང་ལ་ཡོད་པ་དེ་སྣང་བ་མཐའ་ཡས་སོ། །དེས་དབང་བསྐུར་བས་ནི་བདག་པོའི་དབང་ཞེས་བྱའོ། །དེ་ནས་བྱ་བ་གྲུབ་པའི་ཡེ་ཤེས་ཀྱི་བདག་ཉིད་དོན་ཡོད་གྲུབ་ [156a.6]པ་ཡིན་ཏེ། དོན་གྲུབ་ཅེས་བྱ་བ་ནི་འབྲས་བུ་དང་བཅས་པའི་གྲུབ་པ་ཡིན་ལ། དེས་མིང་གི་དབང་བསྐུར་བ་མིང་གི་དབང་ཞེས་བྱ་བ་སྟེ། ཡེ་ཤེས་ལྔའི་བདག་ཉིད་རྡོ་རྗེ་སེམས་དཔའོ། །རྡོ་རྗེ་ཞེས་བྱ་བ་ནི། མི་ཕྱེད་པའི་སྟོང་པ་ཉིད་ཡིན་ལ། སེམས་དཔའ་ཞེས་བྱ་བ་ནི་སྲིད་པ་གསུམ་གྱི་གཅིག་པ་ [156a.7]ཉིད་སྙིང་རྗེ་སྟེ། རྡོ་རྗེ་སེམས་དཔའོ། །གསང་བ་ནི་གཉིས་པོ་མ་ལུས་པ་སྐྱེད་པར་བྱེད་པའི་ཕྱིར་གཉིས་སུ་མེད་པའི་ཡེ་ཤེས་གཏན་ལ་འབེབས་པ་ཡིན་ལ། དེས་དབང་བསྐུར་བ་ནི་གསང་བའི་དབང་ངོ་། །ཤེས་རབ་ཡེ་ཤེས་ཞེས་བྱ་བ་ནི་རང་བཞིན་མེད་པའི་ཆོས་ཀྱི་དབྱིངས་ནམ་མཁའི་ཁམས་ [156b] [156b.1]ཡིན་ལ། ཡེ་ཤེས་ནི་གཟུང་བ་དང་འཛིན་པ་ལས་འདས་པ་སྟེ། དེས་དབང་བསྐུར་བ་ནི་ཤེས་རབ་ཡེ་ཤེས་ཀྱི་དབང་ངོ་། །སྟོང་ཉིད་ཡེ་ཤེས་བརྗོད་པ་དང་། སྙིང་རྗེ་གསལ་བ་ཐབས་ཡིན་ནོ། །གཉིས་ཀ་གཅིག་ཏུ་སྦྱོར་བ་ལས། བདུད་རྩིའི་མཆོག་ནི་འཛག་པར་འགྱུར། །ཞེས་བྱ་བའོ། །དབང་གཞན་ [156b.2]མ་གང་རྣམས་ཡོད་པ་དེ་རྣམས་དེ་ཉིད་དུ་ཤེས་པར་བྱའོ། །ལན་ཅིག་ཕྱིའམ་ནང་དུ་དེ་རྣམས་ཀྱི་དོན་ནི་ཡང་དག་པར་སྦྱིན་པས་གཏན་ལ་ཕེབས་པར་བྱ་ཞེས་བྱ་བའོ། །དབང་གི་དུམ་བུ་སྟེ་གསུམ་པའོ།། །།ད་ནི་དེའི་དོན་གཏན་ལ་འབེབས་པར་གྱུར་པའི་ཕྱིར། རྩ་གསུམ་གྱི་དབྱེ་བ་བྲི་བར་ [156b.3]བྱ་སྟེ། ལ་ལ་ནཱ་ནི་གཡོན་ནས་འབབ་པར་བྱེད་པ་ཨཱ་ལིའི་རང་བཞིན་ཐབས་སོ། །ར་ས་ནཱ་ནི་གཡས་ནས་འབབ་པར་བྱེད་པ་ཀཱ་ལིའི་རང་བཞིན་ཤེས་རབ་བོ། །གཉིས་ཀ་གཅིག་པ་ཉིད་ཀྱི་དབུས་སུ་ཨ་ཝ་དྷཱུ་ཏཱིའོ། །ལ་ལ་ནཱ་ཆོས་དང་། ར་ས་ནཱ་ལ་ལོངས་སྤྱོད་རྫོགས་པ་དང་། ཨ་ཝ་དྷཱུ་ཏཱི་ལ་སྤྲུལ་པའི་སྐུ་སྟེ། ལུས་དང་ [156b.4]ངག་དང་སེམས་ཀྱི་དབྱེ་བས་སོ། །རྩ་གསུམ་དང་འཁོར་ལོ་བཞི་ལ་གཉིས་སུ་མེད་པའི་སྦྱོར་བས་བདེ་བ་ཆེན་པོའོ། །བཞི་པོ་འདི་རྣམས་ལས་སྤྲུལ་པ་ལ་བྱམས་པའོ། །ཆོས་ལ་སྙིང་རྗེའོ། །ལོངས་སྤྱོད་རྫོགས་པ་ལ་དགའ་བའོ། །བདེ་བ་ཆེན་པོ་ལ་བཏང་སྙོམས་སོ། །དེ་བཞིན་དུ་སྐད་ [156b.5]ཅིག་བཞིས་སྐྱེ་བར་འགྱུར་ཏེ། རྣམ་པ་སྣ་ཚོགས་པ་དང་། རྣམ་པར་སྨིན་པ་དང་། རྣམ་པར་ཉིད་པ་དང་། མཚན་ཉིད་དང་བྲལ་བའོ། །བདེན་པ་བཞི་སྟེ། སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་མོ། དེ་ཁོ་ན་ཉིད་བཞི་སྟེ། བདག་གི་དེ་ཁོ་ན་ཉིད་དང་། སྔགས་ཀྱི་དེ་ [156b.6]ཁོ་ན་ཉིད་དང་། ལྷའི་དེ་ཁོ་ན་ཉིད་དང་། ཡེ་ཤེས་ཀྱི་དེ་ཁོ་ན་ཉིད་དོ། །དགའ་བ་བཞི་སྟེ། དགའ་བ་དང་། མཆོག་ཏུ་དགའ་བ་དང་། དགའ་བྲལ་གྱི་དགའ་བ་དང་། ལྷན་ཅིག་སྐྱེས་པའི་དགའ་བའོ། །སྡེ་པ་བཞི་སྟེ། གནས་བརྟན་པ་དང་། ཐམས་ཅད་ཡོད་པར་སྨྲ་བ་དང་། མང་པོས་བཀུར་བ་དང་། [156b.7]ཕལ་ཆེན་ནོ། །བྱམས་པ་ལ་སོགས་པ་འདི་རྣམས་ཇི་ལྟར་འགྱུར་ཞེ་ན། ཐམས་ཅད་དུ་རོ་མཉམ་པ་ཉིད་ཀྱི་གང་བློ་གནས་པར་འགྱུར་བ་དེ་བྱམས་པའོ། །སྔོན་གྱི་སྨོན་ལམ་གྱི་བདག་ཉིད་གང་སེམས་ཡིན་པ་དེ་སྙིང་རྗེའོ། །འདི་དག་ལ་གཅིག་པ་དེ་ཉིད་གང་ཡིན་པ་དེ་དགའ་བའོ། ། [157a] [157a.1]ཐམས་ཅད་ལ་ལྟོས་པ་མེད་པའི་བློ་གང་ཡིན་པ་དེ་བཏང་སྙོམས་སོ། །སྤྲུལ་པ་ལ་སོགས་པ་ཇི་ལྟ་བུ་ཡིན་ཞེ་ན། སེམས་ཅན་མ་ལུས་པ་རྣམས་ནི། གང་དུ་སྐྱེ་བར་བརྗོད་པ་དེ། །དེ་རུ་སྤྲུལ་པའི་སྐུ་ཡིན་ཏེ། །དེ་ནི་སྤྲུལ་པར་བརྗོད་པར་འགྱུར་རོ། །ཡང་ན་སྤྲོ་བར་བྱེད་པས་ན་སྤྲུལ་པའོ། ། [157a.2]ཆོས་ནི་རང་གི་མཚན་ཉིད་འཛིན་པའི་ཕྱིར་སེམས་ཀྱི་མཚན་ཉིད་དོ། །ལོངས་སྤྱོད་རྫོགས་པ་ནི་མངར་བ་ལ་སོགས་པ་རོ་དྲུག་ལ་སྤྱོད་པའི་ཕྱིར་རོ། །སྐུ་གསུམ་གྱི་དབྱེ་བས་འདི་རྣམས་སུ་འགྱུར་ཏེ། དེ་རྣམས་ཡོངས་སུ་ཤེས་པར་བྱེད་པས་བདེ་བ་ཆེན་པོའོ། འཁོར་ལོ་འདི་རྣམས་ལ་རྣམ་པ་སྣ་ [157a.3]ཚོགས་པ་ལ་སོགས་པའི་སྐད་ཅིག་རྣམས་ཤེས་པར་བྱའོ། །རྣམ་པ་སྣ་ཚོགས་པ་ལ་སོགས་པ་ཇི་ལྟ་བུ་ཡིན་ཞེ་ན། འཁྱུད་པ་དང་ཙུམྦ་ན་ལ་སོགས་པ་སྣ་ཚོགས་པར་བྱེད་པས་ན་རྣམ་པ་སྣ་ཚོགས་པའོ། །ཡེ་ཤེས་ཀྱི་བདེ་བ་ལ་སྤྱོད་པས་ནི་རྣམ་པར་སྨིན་པའོ། །ཐམས་ཅད་མཉེས་པར་བྱེད་ [157a.4]པས་ན་རྣམ་པ་མེད་པ་སྟེ་རང་བཞིན་མེད་པ་ཉིད་དོ། །ཆགས་པ་དང་བྲལ་བར་གྱུར་པས་ནི་མཚན་ཉིད་དང་བྲལ་བའོ། །སྐད་ཅིག་འདི་རྣམས་ལས་དགའ་བ་ལ་སོགས་པ་སྐྱེ་བར་འགྱུར་རོ། །རྣམ་པ་སྣ་ཚོགས་ལ་དགའ་བའོ། །རྣམ་པར་སྨིན་པ་ལ་མཆོག་དགའོ། །རྣམ་པར་ཉེད་པ་ལ་སྣ་ [157a.5]ཚོགས་དགའ་བའོ། །མཚན་ཉིད་དང་བྲལ་བ་ལ་ལྷན་ཅིག་སྐྱེས་པའི་དགའ་བའོ། །དགའ་བས་བདེ་བ་ཅུང་ཟད་བསྐྱེད་པར་འགྱུར་ཏེ། མཆོག་གི་དགའ་བས་དེ་ལས་ལྷག་པར་འགྱུར་བའི་བདེ་བའོ། །སྣ་ཚོགས་དགའ་བས་ཆགས་པ་སྣ་ཚོགས་པ་ཉིད་དོ། །ཐམས་ཅད་ཀྱི་ལྷག་མ་ནི་ལྷན་ [157a.6]ཅིག་སྐྱེས་པའི་དགའ་བའོ། །སྔོན་མས་ནི་རེག་བྱ་ལ་འདོད་པ་དང་། གཉིས་པས་བདེ་བ་ལ་ཆགས་པ་དང་། གསུམ་པས་ཆགས་པ་ཉམས་པ་དང་། བཞི་པས་མཆོག་ཏུ་བདེ་བའོ། །མཆོག་དང་སྣ་ཚོགས་པའི་བར་དུ་ནི་ལྷན་ཅིག་སྐྱེས་པ་སྟེ། གསུམ་པོ་འདི་དག་དང་བྲལ་བ་ཡིན་ལ་ [157a.7]གང་གིས་ཀྱང་བསྟན་པར་མི་ནུས་ཏེ། གང་ལས་ཀྱང་ཐོབ་པར་མི་འགྱུར་རོ། །བླ་མ་ལ་ནི་བརྟེན་པ་དང་། རང་གི་བསོད་ནམས་ཀྱིས་ཤེས་ཏེ། །ཞེས་བྱ་བའོ། །དགའ་བ་འདི་རྣམས་ལ་སྡུག་བསྔལ་ལ་སོགས་པའི་བདེན་པ་བཞི་ཤེས་པར་བྱའོ། །དེ་རྣམས་ཀྱང་ཇི་ལྟར་ཤེས་ཤེ་ན། སྔོན་དུ་ [157b] [157b.1]སྐྱེ་བ་ལ་སྡུག་བསྔལ་གྱི་བདེན་པའོ། །མཆོག་ཏུ་འབྱུང་བ་ལ་ཀུན་འབྱུང་གི་བདེན་པའོ། །རྣམ་པར་ཉེད་པ་ལ་རང་བཞིན་མེད་པ་ཉིད་ཀྱིས་འགོག་པའི་བདེན་པའོ། །དེ་བས་ན་ལྷན་ཅིག་སྐྱེས་པ་ཉིད་ཀྱིས་ལམ་གྱི་བདེན་པའོ། །དེ་ནས་དེ་ཁོ་ན་ཉིད་བཞི་ནི། དགའ་བ་སྐྱེས་པའི་ཕྱིར་ [157b.2]བདག་གི་དེ་ཁོ་ན་ཉིད་དོ། །གསང་བར་སྨྲ་བར་བྱེད་པས་ན་མཆོག་ལ་སྔགས་ཀྱི་དེ་ཁོ་ན་ཉིད་དོ། །སྟོང་པ་ཉིད་ཀྱི་རང་བཞིན་རྟོག་པར་བྱེད་པས་ན་རྣམ་པར་ཉེད་པ་ལ་ལྷའི་དེ་ཁོ་ན་ཉིད་དོ། །ལྷན་ཅིག་སྐྱེས་པ་རྣམ་པར་འཆར་བར་བསྒོམས་པ་ཉིད་ཀྱིས་ཡེ་ཤེས་ཀྱི་དེ་ཁོ་ན་ཉིད་དོ། །དེ་ནས་སྡེ་པ་ [157b.3]བཞི་ནི། དགའ་བ་དང་པོ་ལ་གནས་བརྟན་པའོ། །དགའ་བ་གཉིས་པ་ལ་ཐམས་ཅད་ཡོད་པར་སྨྲ་བའོ། །སྣ་ཚོགས་པའི་བདག་ཉིད་མང་པོས་བཀུར་བའོ། །ལྷན་ཅིག་སྐྱེས་པའི་རང་བཞིན་ཕལ་ཆེན་ཞེས་བྱ་བ་སྟེ། དེ་དག་ཐམས་ཅད་དགའ་བ་རྣམས་ལས་བསྐྱེད་པར་འགྱུར་བའོ། །དེ་རྣམས་ [157b.4]ཀྱང་སྤྲུལ་པ་དང་ལོངས་སྤྱོད་རྫོགས་པ་དང་། མཉམ་པ་ཉིད་དང་། བདེ་བ་ཆེན་པོའི་འཁོར་ལོ་རྣམས་ལ་ཤེས་པར་བྱའོ། །སྤྲུལ་པ་དང་། ཆོས་དང་ལོངས་སྤྱོད་རྫོགས་པ་ནི་ལ་ལ་ནཱ་དང་ར་ས་ནཱ་དང་ཨ་ཝ་དྷཱུ་ཏཱིའོ། །འདི་དག་ཐམས་ཅད་རོ་མཉམ་པ་ཉིད་ཀྱིས་བདེ་བ་ཆེན་པོའོ། །དེ་ཡང་ཕྱི་དང་ [157b.5]ནང་དུ་སེམས་ཀྱི་རྒྱལ་པོའི་རྣམ་པར་རོལ་པར་ཤེས་པར་བྱའོ། །བླ་མས་མཛེས་པའི་ཡེ་ཤེས་ནི། །སློབ་མ་ལ་ནི་བསྟན་པར་བྱ། །དོན་དམ་པ་ཡིས་དབྱེ་བས་ནི། །རྩ་གཉིས་པོ་ཡི་བར་དུའོ། །མ་བཅོས་པ་དང་མི་རྟག་མིན། །དངོས་དང་དངོས་མེད་ཟག་མེད་དང་། །གཟུང་དང་འཛིན་པ་ལས་འདས་པ། ། [157b.6]གང་ལ་ཁམས་གསུམ་སྐྱེ་བ་དང་། །ཁམས་གསུམ་པོ་ལ་ཕན་ཐོགས་པས། །ཚིག་ཏུ་བརྗོད་པ་ཀུན་ལས་འདས། །དབང་ནི་ཐོབ་པར་གྱུར་པ་ཡི། །སྐྱེས་བུས་ཡེ་ཤེས་ཤེས་པར་བྱ། །དེ་ནས་དེ་ཉིད་རྟོགས་པའི་ཕྱིར། །རབ་ཏུ་སྦྱོར་བ་བརྗོད་པར་བྱ། །ཤེས་རབ་རང་བཞིན་ཕྱག་རྒྱལ་ཆགས་ [157b.7]པས་གང་སེམས་ལ་བདེ་བ་འབྱུང་བ་དེ་དགའ་བ་དང་པོར་སྐྱེ་བར་འགྱུར་རོ། །དེ་དག་ལ་འཁྱུད་པས་དབང་པོ་རྣམས་གཅིག་ཏུ་གྱུར་ནས་ལྷག་པར་འགྱུར་བ་མཆོག་གི་དགའ་བའོ། །ཐམས་ཅད་མཉེས་པར་འགྱུར་པའི་རང་བཞིན་མེད་པ་ཉིད་ཀྱིས་ནམ་མཁའ་བཞིན་དུ་མཚན་ཉིད་དང་བྲལ་བ་ནི་སྣ་ཚོགས་ [158a] [158a.1]དགའ་བའོ། །གསུམ་པོ་འདི་དག་ལས་འདས་པར་གྱུར་པ་ལྷན་ཅིག་སྐྱེས་པ་ཞེས་བྱ་བའི་དགའ་བ་སྟེ། དེ་ཡང་དེ་བཞིན་ཉིད་ཀྱི་གནས་སྐབས་སུ་རྣལ་འབྱོར་པས་རིག་པར་བྱའོ། །དེ་ནས་དབང་པོ་རྟུལ་པོར་གྱུར་པ་རྣམས་སངས་རྒྱས་པའི་ཕྱིར། ཕྱི་རོལ་གྱི་ཤེས་རབ་སྦྱོར་བས་ཡེ་ཤེས་ [158a.2]ཀྱི་མཚན་ཉིད་ནི་བླ་མས་བསྟན་པར་བྱའོ། །ཡང་ན་ལྟེ་བ་ལས་འབར་ཙཎྜལཱི། །བདེ་གཤེགས་ལྔ་ནི་སྲེག་པར་བྱེད། །སྤྱན་མ་ལ་སོགས་བསྲེགས་ནས་ནི། །ཧཾ་བསྲེགས་རི་བོང་ཅན་འཛག་བྱེད། །ཅེས་བྱ་བ་ལ་ཙཎྜ་ཞེས་བྱ་བ་ནི་ཤེས་རབ་ཡིན་ལ། ཨཱ་ལི་ཞེས་བྱ་བ་ནི་ཐབས་ཏེ། ཨཱ་ལི་དང་ཀཱ་ལིའི་རང་ [158a.3]བཞིན་ལ་ལ་ནཱ་དང་རས་ནཱའི་བདག་ཉིད་དོ། །ཐབས་དང་ཤེས་རབ་ཀྱི་བདག་ཉིད་འདི་དག་ནི་ཙཎྜ་ལཱིའོ། །ལྟེ་བ་ལ་ཞེས་བྱ་བ་ནི་ནམ་མཁའ་ལ་ཡིན་ལ་གཉིས་ཀའི་དབུས་སུ་ཨ་ཝ་དྷཱུ་ཏཱི་ལ་ཞེས་བྱ་བའི་དོན་ཏོ། །དེ་འབར་བར་གྱུར་ན་བདེ་གཤེགས་ལྔ་ཞེས་བྱ་བ་ནི་ཕུང་པོ་ལྔ་ཡིན་ལ་སྲེག་པར་བྱེད་ཅེས་བྱ་བའོ། ། [158a.4]དེ་ནས་སྤྱན་མ་ལ་སོགས་ཞེས་བྱ་བ་ནི་འབྱུང་བ་ལྔ་བསྲེགས་ནས་རྣམ་པ་མེད་པར་འགྱུར་ཏེ། ཧཾ་བསྲེགས་ཞེས་བྱ་བ་ནི་བདག་དང་བདག་གི་བསྲེགས་ནས་སོ། །དེ་ལྟར་གྱུར་པས་རི་བོང་ཅན་ཞེས་བྱ་བ་ནི། བྱང་ཆུབ་ཀྱི་སེམས་ཡིན་ལ། སེམས་ཅན་ཐམས་ཅད་ཀྱི་དོན་དུ་འཛག་པར་བྱེད་དེ། དེ་ [158a.5]ཡང་རང་གིས་ཉེ་བར་ཐོབ་པར་འགྱུར་རོ། །དཔེར་ན་མེ་ཏོག་ནི་སྣས་སྣོམས་པ་ཙམ་གྱིས་འཛིན་ཀྱང་གང་དུ་ཡང་མི་མཐོང་ཞིང་རྣམ་པ་གང་གིས་ཀྱང་ཉེ་བར་མི་འགྱུར་རོ། །འོ་ན་ཅི་ཡིན་ཞེ་ན། རང་རིག་པར་འགྱུར་བ་ཇི་ལྟ་བ་དེ་བཞིན་དུ། ལྷན་ཅིག་སྐྱེས་པ་ཡང་དེ་བཞིན་དུ་བསྟན་ཞེས་བྱའོ། །དེ་ [158a.6]ལྟ་བུར་གྱུར་པའི་ལྷན་ཅིག་སྐྱེས་པ་ལ་གནས་པའི་སེམས་ནི་དྲི་ཟའི་གྲོང་ཁྱེར་བཞིན་དང་། སྒྱུ་མ་དང་རྫུ་འཕྲུལ་དང་འདྲ་བ་དང་། མེ་ལོང་དང་གཟུགས་བརྙན་བཞིན་དང་། སྒྲ་བརྙན་བཞིན་དུ་སྤྲོ་བ་དང་། བསྡུ་བ་རྣམ་པར་སྣ་ཚོགས་པ་ལ་སོགས་པ་སྟོན་༷པར་བྱེད་ཅེས་བྱ་བའོ། །ཡང་དག་པའི་ [158a.7]སྦྱིན་པའི་དུམ་བུ་སྟེ་བཞི་པའོ།། །།ད་ནི་ཤེས་རབ་མ་རྣམས་སྦྱིན་པར་བྱ་སྟེ། རང་བཞིན་མེད་པ་ཉིད་ཀྱིས་རྣམ་པར་དབྱེ་བ་སྟོན་པར་བྱེད་པས་ན་སྲིང་མོ་སྟེ་མིག་ལའོ། །མ་རེག་པའི་ཕྱིར་མནའ་མ་སྟེ་རྣ་བ་ལའོ། །རྨི་ལམ་ལས་སྐྱེས་པའི་འགྱུར་བ་བཞིན་དུ་འགྲོ་བ་སྐྱེད་པར་བྱེད་པས་ན་ [158b] [158b.1]མ་ཡིན་ཏེ་སྣ་ལའོ། །དངོས་པོ་ཐམས་ཅད་འཇོམས་པར་བྱེད་པས་ན་བུ་མོ་སྟེ་ལྕེ་ལའོ། །སྲ་བའི་སེམས་སྨྱུག་མ་བཞིན་དུ་འགུགས་པར་བྱེད་པས་ན་སྨྱུག་མ་མཁན་ཏེ་རེག་བྱ་ལའོ། །བདེ་བ་བསྙེན་པར་བྱེད་པས་ན་ཆུང་མ་སྟེ་ཕྲ་མ་ལའོ། །རྡོ་རྗེ་ཆོས་ལ་སྒྲིབ་པ་མེད་པར་བྱེད་པས་ན་ཀོ་མཁན་མ་ [158b.2]སྟེ་ཕྲག་དོག་ལའོ། །ཀཾ་ཞེས་བྱ་བ་ནི་ནམ་མཁའ་ཡིན་ལ་འདི་ལ་སྐྱོང་བར་བྱེད་པའི་ཚུལ་ཁྲིམས་ཡོད་པས་ན་ཀ་པཱ་ལི་ནི་སྟེང་ལའོ། །རྣམ་པར་རྟོག་པ་མ་ལུས་པའི་མཐའ་གོས་སུ་བྱས་ནས་འཁོར་བར་བྱེད་པས་ན་རི་ཁྲོད་མ་སྟེ་ཆུ་ལའོ། །ཙཎྜ་ཞེས་བྱ་བ་ནི་ཤེས་རབ་སྟེ་ཨཱ་ལི་ཞེས་བྱ་བ་ནི་ཆོས་ཐམས་ [158b.3]ཅད་ཀྱི་འབྱུང་གནས་ཡིན་ལ། ཙཎྜལཱི་ཞེས་བྱ་བ་སྟེ་མེ་ལའོ། །མི་རིག་པའི་ཕྱིར་རིགས་ངན་མ་སྟེ་རླུང་ལའོ། །བརྫུན་གྱི་རི་མོ་བཞིན་དུ་འགྲོ་བ་གསུམ་པ་གཏན་ལ་འབེབས་པར་བྱེད་པས་ན་རོལ་མོ་མཁན་མ་སྟེ་ན་མ་མཁའ་ལའོ། །འགྲོ་བ་སྣ་ཚོགས་པ་བརྫུན་དུ་བྱེད་པས་ན་རི་མོ་མཁན་ཏེ་གཟུགས་ [158b.4]ལའོ། །ཉོན་མོངས་པ་མ་ལུས་པར་འདྲལ་བར་བྱེད་པས་འདྲེག་མཁན་མ་སྟེ་ཚོར་བ་ལའོ། །གླང་པོ་ཆེའི་སེམས་ཀྱི་སོ་ལ་རྒྱུན་དུ་བྱེད་པས་ན་སོ་མཁན་ཏེ་འདུ་ཤེས་ལའོ། །དམིགས་པ་མེད་པའི་གདུགས་ཀྱིས་འགྲོ་བ་བཀབ་པར་བྱེད་པས་ན་གདུགས་མཁན་མ་སྟེ་འདུ་བྱེད་ལའོ། ། [158b.5]མ་རིག་པ་གསོད་པར་བྱེད་པས་ན་ཤན་མཁན་མ་སྟེ་རྣམ་པར་ཤེས་པ་ལའོ། །མདའ་ཞེས་བྱ་བ་ནི་དབང་པོ་ལྔ་ཡིན་ལ། དེ་རྣམས་གཅིག་པ་ཉིད་དུ་བྱེད་པས་མདའ་མཁན་མ་སྟེ་སྦྱིན་པ་ལའོ། །རྣམ་པར་རྟོག་པ་མ་ལུས་པ་སྐུམ་པར་བྱེད་པས་ཚུལ་ཁྲིམས་འདི་ལ་ཡོད་པས་ན་ཀུ་ཙི་ནི་སྟེ་ཚུལ་ [158b.6]ཁྲིམས་ལའོ། །དགའ་བར་བྱེད་པས་ན་ནནྡི་སྟེ་བཟོད་པའོ། །གཉིས་པོ་མ་ལུས་པར་བྱེད་པས་ན་ཚ་མོ་སྟེ་བརྩོན་འགྲུས་ལའོ། །གཟུགས་བརྙན་བཞིན་དུ་སྣ་ཚོགས་པ་སྟོན་པར་བྱེད་པས་ན་གར་མཁན་མ་སྟེ་བསམ་གཏན་ལའོ། །རང་བཞིན་མེད་པའི་དྲ་བས་སྤྲོ་བའི་རྣམ་པར་རྟོག་པའི་ཡིད་ [158b.7]འཆིང་བར་བྱེད་པས་ན་ཉ་བ་མོ་སྟེ་ཤེས་རབ་ལའོ། །བདེན་པའི་ཆོས་རྣམས་ལ་རྒྱས་གདབ་པར་བྱེད་པས་ན་མའི་སྒྱུག་མོ་སྟེ་བྱམས་པ་ལའོ། །དམིགས་པ་མེད་པའི་སྐུད་པ་ལ་སྣ་ཚོགས་པའི་མེ་ཏོག་འཆིང་བར་བྱེད་པས་ན་ཕྲེང་བ་མཁན་མ་སྟེ་སྙིང་རྗེ་ལའོ། །རྣམ་པར་རྟོག་པའི་ཤིང་གཅོད་པར་ [159a] [159a.1]བྱེད་པས་ན་ཤིང་མཁན་མ་སྟེ་དགའ་བ་ལའོ། །མ་ལུས་པའི་སྒྲིབ་པ་མེད་པས་ན་ལྷག་མ་ཟ་མཁན་མ་སྟེ་བཏང་སྙོམས་ལའོ། །ཕྱོགས་གཉིས་སྲུབ་ཤིང་གིས་གཟུང་བར་བྱེད་པས་ན་རྫ་མཁན་མ་སྟེ་ལུས་ལའོ། །རང་གི་རོས་འགྲོ་བ་སྨིན་པར་བྱེད་པས་ན་ཆང་འཚོང་མ་སྟེ་ངག་ [159a.2]ལའོ། །བྲམ་ཟེ་ནི་དྷིདེ་བཞིན་ཉིད་ཀྱི་ཡེ་ཤེས་ཏེ་ཤེས་རབ་བྱེད་པས་ན་བྲམ་ཟེ་མོ་སྟེ་སེམས་ལའོ་ཞེས་བྱ་བའོ། །ཕྱག་རྒྱ་འདི་རྣམས་ཀྱི་བདག་ཉིད་མཁའ་འགྲོ་མ་རྣམས་སུ་འགྱུར་ཏེ་དེ་རྣམས་བྲི་བར་བྱའོ། །གཟུགས་ལ་དཀར་མོའོ། །སྒྲ་ལ་ཆོམ་རྐུན་མོའོ། །དྲི་ལ་རོ་ལངས་མའོ། །རོ་ལ་གྷསྨ་རཱིའོ། ། [159a.3]རེག་བྱ་ལ་ས་སྤྱོད་མའོ། །ཡིད་ལ་མཁའ་སྤྱོད་མའོ། །ས་ལ་རོ་སྲེག་མའོ། །ཆུ་ལ་རི་ཁྲོད་མའོ། །མེ་ལ་ཙཎྜལཱིའོ། །རླུང་ལ་རིགས་ངན་མའོ། །ནམ་མཁའ་ལ་བདག་མེད་མའོ། །འདོད་ཆགས་ལ་རོ་ལངས་མའོ། །ཞེ་སྡང་ལ་རྡོ་རྗེ་ཅན་མའོ། །གཏི་མུག་ལ་རྡོ་རྗེ་མའོ། །ཕྲ་མ་ལ་གསང་ [159a.4]བའི་དཀར་མོའོ། །ཕྲག་དོག་ལ་རྡོ་རྗེ་མཁའ་འགྲོ་མའོ། །གཟུགས་ལ་རྡོ་རྗེ་མའོ། །ཚོར་བ་ལ་ཆོམ་རྐུན་མའོ། །འདུ་ཤེས་ལ་ཆུའི་རྣལ་འབྱོར་མའོ། །འདུ་བྱེད་ལ་རྡོ་རྗེ་མཁའ་འགྲོ་མའོ། །རྣམ་པར་ཤེས་པ་ལ་བདག་མེད་མའོ། །སྦྱིན་པ་ལ་དཀར་མོའོ། །ཚུལ་ཁྲིམས་ལ་ཆོམ་རྐུན་མའོ། ། [159a.5]བཟོད་པ་ལ་རོ་ལངས་མའོ། །བརྩོན་འགྲུས་ལ་གྷསྨ་རཱིའོ། །བསམ་གཏན་ལ་ས་སྤྱོད་མའོ། །ཤེས་རབ་ལ་མཁའ་སྤྱོད་མའོ། བྱམས་པ་ལ་སྤྱན་མའོ། །སྙིང་རྗེ་ལ་མཱ་མ་ཀཱིའོ། །དགའ་བ་ལ་གོས་དཀར་མོའོ། །བཏང་སྙོམས་ལ་སྒྲོལ་མའོ། །ལུས་ལ་ས་སྤྱོད་མའོ། །ངག་ལ་མཁའ་ [159a.6]སྤྱོད་མའོ། །སེམས་ལ་བདག་མེད་མ་ཞེས་བྱ་བ་སྟེ། ལྷ་མོ་འདི་རྣམས་ལ་མཁའ་འགྲོ་མ་སྣ་ཚོགས་པའི་རིགས་བསྟན་ནས་དེ་རྣམས་ཀྱི་དེ་བཞིན་གཤེགས་པ་རྣམས་བརྗོད་པར་བྱ་སྟེ། གཟུགས་ལ་སོགས་པ་རྣམས་ལ་རྣམ་པར་སྣང་མཛད་དང་། མི་བསྐྱོད་པ་དང་། སྣང་བ་མཐའ་ཡས་ [159a.7]དང་། དོན་ཡོད་གྲུབ་པ་དང་། རིན་ཆེན་འབྱུང་ལྡན་དང་། རྡོ་རྗེ་སེམས་དཔའོ། །ས་ལ་སོགས་པ་རྣམས་ལ་རྣམ་པར་སྣང་མཛད་ལ་སོགས་པའོ། །འདོད་ཆགས་ལ་སོགས་པ་ལ་སྣང་བ་མཐའ་ཡས་དང་། མི་བསྐྱོད་པ་དང་། རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། དོན་ཡོད་ [159b] [159b.1]གྲུབ་པའོ། །གཟུགས་དང་། ཚོར་བ་ལ་སོགས་པ་ལ། རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། སྣང་བ་མཐའ་ཡས་དང་། དོན་ཡོད་གྲུབ་པ་དང་། དེ་བཞིན་གཤེགས་པ་མི་བསྐྱོད་པའོ། །སྦྱིན་པ་ལ་སོགས་པ་ལ་རྣམ་པར་སྣང་མཛད་དང་། མི་བསྐྱོད་པ་དང་། སྣང་བ་མཐའ་ཡས་དང་། [159b.2]དོན་ཡོད་གྲུབ་པ་དང་། རིན་ཆེན་འབྱུང་ལྡན་དང་། །རྡོ་རྗེ་སེམས་དཔའོ། །བྱམས་པ་ལ་སོགས་པ་ལ། རྣམ་པར་སྣང་མཛད་དང་། མི་བསྐྱོད་པ་དང་། སྣང་བ་མཐའ་ཡས་དང་། དོན་ཡོད་གྲུབ་པའོ། །ལུས་ལ་སོགས་པ་ལ་རྣམ་པར་སྣང་མཛད་དང་། སྣང་བ་མཐའ་ཡས་དང་། མི་བསྐྱོད་པ་ [159b.3]ཞེས་བྱ་བའོ། །ད་ནི་མཁའ་འགྲོ་མ་རྣམས་ལ་རྒྱས་གདབ་པ་བརྗོད་པར་བྱ་སྟེ། གཽ་རཱི་དང་རོ་སྲེག་མ་ལ་མི་བསྐྱོད་པས་རྒྱས་གདབ་པའོ། །རི་ཁྲོད་མ་དང་ཆོམ་རྐུན་མ་ལ་རྣམ་པར་སྣང་མཛད་ཀྱིས་སོ། །རོ་ལངས་མ་དང་ཙཎྜལཱི་ལ་རིན་ཆེན་འབྱུང་ལྡན་གྱིས་སོ། །གྷསྨ་རཱི་དང་རིགས་ངན་མ་ལ་སྣང་ [159b.4]བ་མཐའ་ཡས་ཀྱིས་སོ། །དོན་ཡོད་གྲུབ་པ་དང་རིན་ཆེན་འབྱུང་ལྡན་ལ་སྣང་བ་མཐའ་ཡས་ཀྱིས་རྒྱས་གདབ་པོ། །རྣམ་པར་སྣང་མཛད་དང་སྣང་བ་མཐའ་ཡས་ལ་མི་བསྐྱོད་པས་རྒྱས་གདབ་པའོ། །དེ་ལ་རྡོ་རྗེ་སེམས་དཔས་རྒྱས་གདབ་པའོ། །མཁའ་འགྲོ་མ་ཐམས་ཅད་དེ་བཞིན་གཤེགས་ [159b.5]པའི་སྦྱོར་བས་ཕན་ཚུན་དུ་རྒྱས་གདབ་པའོ། །དེ་ནས་བདག་མེད་མ་ནི་རང་བཞིན་གྱིས་རྡོ་རྗེ་སེམས་དཔའ་དང་མཉམ་པའོ། །འདི་དག་དངོས་པོ་གཅིག་པ་ཉིད་ནི། དཔལ་ལྡན་དཔའ་བོ་ཧེ་རུ་ཀ་འབྱུང་བ་ཆེན་པོ་ལྔའི་གཟུགས་ཅན། འདོད་ཆགས་ལ་སོགས་པ་གཟུགས་ཀྱི་བདག་ཉིད་དེ་བཞིན་ [159b.6]གཤེགས་པ་ལྔ་ཕྱག་རྒྱ་འཛིན་པ་ཡུལ་དྲུག་ལ་ཁྱབ་པའོ། །ཡུལ་དྲུག་གི་རང་བཞིན་དུ་གྱུར་པ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་པ། སྟོང་པ་ཉིད་བཅུ་དྲུག་གིས་ཡོངས་སུ་བསྐོར་བ། དགེ་བ་བཅུ་རྒྱན་དུ་གྱུར་པ། བདུད་བཞི་མནན་པར་མཛད་པ། བདེན་པ་བཞི་བསྟན་པར་ [159b.7]མཛད་པ། སྐུ་བཞིའི་བདག་ཉིད་དུ་གྱུར་པ། དེ་ཁོ་ན་ཉིད་བཞི་དབུས་སུ་ཞུགས་པ། དགའ་བ་བཞི་གནང་བར་མཛད་པ། སྐད་ཅིག་བཞིའི་རང་བཞིན་དུ་གྱུར་པ། ཚངས་པའི་གནས་བཞི་ལ་ཞུགས་པ། བདག་མེད་མའི་སྦྱོར་བ་དང་ལྡན་པའི་མངའ་བདག །སྲིད་པ་གསུམ་ལ་རོལ་པར་མཛད་པ་ [160a] [160a.1]ཞེས་བྱའོ། །ཐབས་དང་ཤེས་རབ་གཏན་ལ་འབེབས་པའི་དུམ་བུ་སྟེ་ལྔ་པའོ།། །།ད་ནི་བདག་མེད་མའི་འཁོར་ལོ་བསྐྱེད་པའི་རིམ་པ་བྲི་བར་བྱ་སྟེ། རེ་ཕས་ཉི་མ་མདུན་དུ་བསྒོམས་ནས་སུ། །ཉི་དེར་ཧཱུཾ་སྐྱེས་སྣ་ཚོགས་རྡོ་རྗེ་སྟེ། །རྡོ་རྗེ་དེ་ཉིད་ཀྱིས་ནི་ར་བ་དང་། །དྲ་བ་བཅིང་བ་ [160a.2]རྣམ་པར་བསྒོམ་པར་བྱ། །དང་པོར་རེ་ཞིག་ཆོས་ཀྱི་དབྱིངས་ཀྱི་བདག་ཉིད་རོ་བསྒོམས་ལ། དེ་ནས་ཧེ་རུ་ཀ་ཉིད་བསྒོམ་པར་བྱའོ། །མེའི་དཀྱིལ་འཁོར་གྱི་རྣམ་པ་ཁ་སྦྱོར་དུ་གྱུར་པ་ཆོས་ཀྱི་འབྱུང་གནས་ལས་སྐྱེས་པའི་འཁོར་ལོ་སྟེ། དེའི་དབུས་སུ་གདན་བཅོ་ལྔའི་བདག་ཉིད་དུ་གྱུར་པར་རོ་བསྒོམ་ [160a.3]པར་བྱའོ། །དེའི་སྟེང་དུ་དབྱངས་དང་པོ་ལས་སྐྱེས་པའི་ཟླ་བའི་དཀྱིལ་འཁོར་ཏེ། དེའི་སྟེང་དུ་རེ་ཕ་ལས་སྐྱེས་པའི་ཉི་མའི་དཀྱིལ་འཁོར་བསམ་པར་བྱའོ། །འདི་དག་ནི་མེ་ལོང་ལྟ་བུ་དང་། མཉམ་པ་ཉིད་ཀྱི་ཡེ་ཤེས་ཀྱི་རང་བཞིན་དུ་གྱུར་པ་ཐབས་དང་ཤེས་རབ་ཀྱི་བདག་ཉིད་དག་གོ། །འདི་དག་ [160a.4]ཡང་དག་པར་སྦྱོར་བས་རྡོ་རྗེ་སེམས་དཔའི་གདན་ཡིན་ནོ། །དཀྱིལ་འཁོར་དེ་ལ་རིམ་པ་དེ་ཉིད་ཀྱིས་ཡི་གེ་ཧཱུཾ་ལས་སྐྱེས་པའི་བཅོམ་ལྡན་འདས་ཞལ་གཅིག་པ་ལ་ཕྱག་གཡས་པ་ན་རྡོ་རྗེ་དང་ཕྱག་གཡོན་པ་ན་ཐོད་པ་སྟེ། མགོ་བོའི་ཕྲེང་བས་བརྒྱན་པར་གྱུར་པ། སྐུ་མདོག་ཆུ་ཤེལ་དང་འདྲ་བར། [160a.5]བདག་མེད་མའི་སྐུ་ལ་འཁྱུད་པར་བསྒོམ་པར་བྱའོ། །དེ་ནས་སྔོན་བཞིན་དུ་ཟླ་བ་ཉི་མ་འབྱུང་བའི་རིམ་པས། ཡི་གེ་ཨ་ལ་སོགས་པའི་ཡི་གེ་འབྲུ་བཅོ་ལྔ་བདག་མེད་མ་ལ་སོགས་པར་གྱུར་ཏེ། དབུས་སུ་བདག་མེད་མའོ། །ཤར་དུ་རྡོ་རྗེ་མའོ། །གཤིན་རྗེ་དཀར་མོའོ། །ཆུ་རུ་རོ་ལངས་ [160a.6]མའོ། །གནོད་སྦྱིན་དུ་རྡོ་རྗེ་མཁའ་འགྲོ་མའོ། །ཕྱི་རོལ་གྱི་ཤར་གྱི་སྒོ་ལ་དཀར་མོའོ། །ལྷོ་རུ་ཆོམ་རྐུན་མའོ། །ནུབ་ཏུ་རོ་ལངས་མའོ། །བྱང་དུ་གྷསྨ་རཱིའོ། །དབང་ལྡན་དུ་རོ་སྲེག་མའོ། །མེ་རུ་རི་ཁྲོད་མའོ། །བདེན་བྲལ་དུ་ཙཎྜལཱིའོ། །རླུང་དུ་རིགས་ངན་མའོ། །སྟེང་དུ་མཁའ་སྤྱོད་མའོ། [160a.7]འོག་ཏུ་ས་སྤྱོད་མ་སྟེ་ལྷ་མོ་འདི་རྣམས་ཞལ་གཅིག་ཕྱག་གཉིས་པ་སྐུ་མདོག་ནག་པོ་མི་བཟད་པ། སྤྱན་དམར་བ་ཕྱག་རྒྱ་ལྔ་འཛིན་པ། ཕྱག་གཡས་པ་ན་གྲི་གུག་དང་། གཡོན་པ་ན་ཐོད་པ་དང་ཁ་རྭཱཾ་གའོ། །སྟག་གི་པགས་པ་གོས་སུ་མཛད་པ། སྐྲ་སེར་ལ་གྱེན་དུ་གྱུར་པར་བསྒོམ་ [160b] [160b.1]པར་བྱའོ། །བདུད་ལ་སོགས་པའི་སྐྱོན་རྣམས་གཅོད་པར་བྱེད་པའི་གྲི་གུག་གོ། །བསྒོམ་པ་དང་སྒོམ་པ་པོའི་དུརྣམ་པར་རྟོག་པ་ཉམས་པར་བྱེད་པ་ནི་ཐོད་པ་སྟེ། བདུད་བཞི་ཟ་བར་བྱེད་པ་ནི་ཁྲག་གིས་གང་བའོ། །ཁ་ཊྭཱཾ་ག་ནི་སྟོང་པ་ཉིད་ཡིན་ལ། རོ་ནི་ཐབས་སོ། །འདོད་ཆགས་དང་། ཞེ་སྡང་ལ་ [160b.2]སོགས་པའི་བདག་ཉིད་འགྲོ་བ་གསུམ་པོ་ཟ་བར་བྱེད་པས་ན་སྟག་སྟེ་དེའི་པགས་པ་གོས་སུ་མཛད་པའོ། །དེ་ལྟ་བུར་གྱུར་པའི་འཁོར་ལོ་རྣལ་འབྱོར་པ་གང་གིས་བསྒོམ་པ་དེས་མྱུར་བར་དངོས་གྲུབ་ཐོབ་པར་འགྱུར་ཞེས་བྱ་བའོ། །ལྷ་མོ་དེ་ཐམས་ཅད་ཇི་ལྟར་བརྗོད་པའི་རིམ་པས་རྫོགས་ནས་རྗེ་ [160b.3]བཙུན་བཅོམ་ལྡན་འདས་རྡོ་རྗེ་སེམས་དཔའ་ལ་ཐིམ་ནས་དེའི་བདག་ཉིད་དུ་འགྱུར་རོ། །དེ་ཉིད་ཆ་བཅོ་ལྔའི་བདག་ཉིད་ཟླ་བ་སྟེ་བྱང་ཆུབ་ཀྱི་སེམས་ཡིན་ལ། ཀུན་རྫོབ་དང་དོན་དམ་པའི་བདག་ཉིད་བྱང་ཆུབ་ཀྱི་སེམས་དེ་ནི། དཀྱིལ་འཁོར་གྱི་འཁོར་ལོ་ལ་སོགས་པའི་ཐབས་དང་། བྱིན་ [160b.4]གྱིས་བརླབས་པའི་རིམ་པས་སྐྱེ་བར་འགྱུར་རོ། །དེའི་ཆ་བཅོ་ལྔས་རྣལ་འབྱོར་མ་བཅོ་ལྔར་ཡང་དག་པར་འདོད་དོ། །དེ་རྣམས་ཇི་ལྟར་འགྱུར་ཞེ་ན། བྱ་བ་བྱེད་པའི་ཕྱིར་ཟླ་བ་ནི་བྱང་ཆུབ་ཀྱི་སེམས་ཏེ། ཨཱ་ལིའི་གཟུགས་ཀྱི་བདེ་བ་ཆེན་པོར་བརྗོད་དོ། །དེ་བས་ན་ལྷ་མོ་རེ་རེ་ནི་ཐབས་ཤེས་ [160b.5]རབ་ཀྱི་བདག་ཉིད་བསྐྱེད་པའོ། །ཀུན་རྫོབ་ནི་འདུས་པ་སྟེ། དེ་བས་ན་ཀུནྡ་དང་འདྲ་ཞེས་པ་ནི་ཐབས་ཉིད་ཀྱི་གནས་པའོ། །དོན་དམ་པར་ནི་དཔྱོད་པ་སྟེ། བདེ་བའི་གཟུགས་ཤེས་རབ་མ་མངོན་པར་བརྗོད་ཅེས་བྱ་བའོ། །བདག་མེད་མའི་དུམ་བུ་སྟེ་དྲུག་པའོ།། །།དེ་ནས་གཉིས་སུ་ [160b.6]མེད་པའི་བདག་ཉིད་དུ་གྱུར་པའི་བཅོམ་ལྡན་འདས་ཕྱག་བཅུ་དྲུག་པའི་སྒྲུབ་པ་བརྗོད་པར་བྱ་སྟེ། ཕྱག་རྣམས་ནི་སྟོང་པ་ཉིད་བཅུ་དྲུག་ཏུ་བསྟན་ཏེ། དེ་རྣམས་གང་ཡིན་ཞེ་ན། ནང་སྟོང་པ་ཉིད་དང་། ཕྱི་སྟོང་པ་ཉིད་དང་། ཕྱི་ནང་སྟོང་པ་ཉིད་དང་། སྟོང་པ་ཉིད་སྟོང་པ་ཉིད་དང་། ཆེན་པོ་སྟོང་པ་ཉིད་ [160b.7]དང་། དོན་དམ་པ་སྟོང་པ་ཉིད་དང་། འདུས་བྱས་སྟོང་པ་ཉིད་དང་། འདུས་མ་བྱས་སྟོང་པ་ཉིད་དང་། མཐའ་ལས་འདས་པ་སྟོང་པ་ཉིད་དང་། ཐོག་མ་དང་ཐ་མ་མེད་པ་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་དང་། མི་དམིགས་པ་སྟོང་པ་ཉིད་དང་། [161a] [161a.1]དངོས་པོ་མེད་པ་སྟོང་པ་ཉིད་དང་། ངོ་བོ་ཉིད་སྟོང་པ་ཉིད་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཅེས་བྱ་བ་སྟེ། སྟོང་པ་ཉིད་བཅུ་དྲུག་ནི་ཕྱག་བཅུ་དྲུག་ཏུ་བརྗོད་དོ། །ཡང་དག་པར་བསྡུ་བ་བཞི་ནི་ཞབས་བཞི་ཡིན་ལ། དེ་རྣམས་གང་ཡིན་ཞེ་ན་སྦྱིན་པ་དང་ཚིག་ [161a.2]སྙན་པ་དང་། དོན་སྤྱོད་པ་དང་། དོན་མཐུན་པ་སྟེ། དེ་རྣམས་ནི་ཞབས་རྣམས་སོ། །བྱང་ཆུབ་ཀྱི་ཡན་ལག་བདུན་ནི་པགས་པ་སྟེ། དེ་རྣམས་གང་ཡིན་ཞེ་ན། དྲན་པ་དང་བརྩོན་འགྲུས་དང་། དགའ་བ་དང་། ཤིན་ཏུ་སྦྱངས་པ་དང་། ཏིང་ངེ་འཛིན་དང་། བཏང་སྙོམས་དང་། ཆོས་རྣམ་ [161a.3]པར་འབྱེད་པ་སྟེ། དེ་རྣམས་ནི་པགས་པའོ། །ཤ་ལ་རོ་སྲེག་མ་དང་། ཁྲག་ལ་རི་ཁྲོད་མ་དང་། ཤུ་ཀྲ་ལ་ཙཎྜལཱི་དང་། རྐང་དང་ཀླད་པ་ལ་རིགས་ངན་མ་སྟེ། དེ་རྣམས་ནི་ཤ་དང་ཁྲག་དང་ཤུ་ཀྲ་དང་། རྐང་དང་ཀླད་པར་བརྟགས་སོ། །རུས་པ་རྣམས་ནི་བདེན་པ་བཞི་སྟེ། སྡུག་བསྔལ་ [161a.4]དང་། ཀུན་འབྱུང་དང་། འགོག་པ་དང་། ལམ་ནི་རུས་པ་རྣམས་སུ་འགྱུར་རོ། །རྣམ་པར་ཐར་པ་བརྒྱད་ནི་ཞལ་བརྒྱད་དེ། དེ་རྣམས་གང་ཡིན་ཞེ་ན། ཕྱིའི་གཟུགས་སྟོང་པར་མཐོང་བ་དང་། ནང་གི་གཟུགས་སྟོང་པར་མཐོང་བ་དང་། དགེ་བ་དང་མི་དགེ་བའི་ལྟ་བས་བྱས་པའི་སྟོང་པར་ [161a.5]མཐོང་བ་དང་། ནམ་མཁའ་མཐའ་ཡས་སྐྱེ་མཆེད་སྟོང་པར་མཐོང་བ་དང་། རྣམ་ཤེས་མཐའ་ཡས་སྐྱེ་མཆེད་སྟོང་པར་མཐོང་བ་དང་། ཅི་ཡང་མེད་པའི་སྐྱེ་མཆེད་སྟོང་པར་མཐོང་བ་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་སྟོང་པར་མཐོང་བ་དང་། འདུ་ཤེས་ཀྱིས་རིག་པའི་འགོག་ [161a.6]པ་སྟོང་པར་མཐོང་བ་ཞེས་བྱ་བ་སྟེ། རྣམ་པར་ཐར་པ་བརྒྱད་ནི་ཞལ་བརྒྱད་དོ། །འདོད་ཆགས་ཆེན་པོ་ལས་བྱུང་བའི་ཞལ་ནི་གཡོན་པ་དམར་པོའོ། །གཏི་མུག་ཆེན་པོའི་བདག་ཉིད་གཡས་པ་སྟེ་དཀར་པོའོ། །ཉོན་མོངས་པ་ཐམས་ཅད་ཞི་བར་བྱེད་པའི་ཕྱིར་ཞེ་སྡང་ཆེན་པོ་ལས་བྱུང་བའི་ནུབ་ [161a.7]ཀྱི་ཞལ་ནི་མཆེ་བ་གཙིགས་པ་སྟེ་བདུད་བཞི་ཉམས་པའི་དོན་དུའོ། །ཞེ་སྡང་ཆེན་པོ་དང་གཏི་མུག་ཆེན་པོ་དང་། འདོད་ཆགས་ཆེན་པོ་ལས་འབྱུང་བའི་གར་གྱི་རོ་དགུ་འབབ་པར་བྱེད་པ་རྩ་བའི་ཞལ་ཤེས་པར་བྱའོ། །སྟེང་གི་ཞལ་ནི་མི་བཟད་པའི་འཇིགས་སུ་རུང་བའོ། །ཞལ་གཞན་མ་ [161b] [161b.1]རྣམས་ནི། ཤིན་ཏུ་མི་བཟད་པ་དང་འཇིགས་པར་མཛད་པའོ། །གར་གྱི་རོ་དགུ་ནི་རོལ་པ་དང་། དཔའ་བ་དང་། གཤེ་བ་དང་། དགོད་པ་དང་། མི་བཟད་པ་དང་། འཇིགས་བྱེད་དང་། གཤིན་རྗེ་དང་། ངོ་མཚར་བ་དང་། ཞི་བ་སྟེ་གར་གྱི་རོ་དགུ་དང་ལྡན་པའོ། །ལོག་པར་ལྟ་བ་ཉམས་པར་བྱེད་པའི་ཕྱིར་ [161b.2]མཆེ་བ་གཙིགས་པའོ། །སྤྱན་ནི་སྡང་བར་མཛད་པས་ལོག་པར་ལྟ་བ་ཉམས་པའི་ཕྱིར་རོ། །རྣམ་པར་ཐར་པ་གསུམ་ནི་སྤྱན་གསུམ་སྟེ། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའོ། །རིམ་པ་འདི་ཉིད་ཀྱིས་ཞལ་བརྒྱད་ལ་སྤྱན་ཉི་ཤུ་རྩ་བཞིར་འགྱུར་རོ། །སེམས་ཅན་རྣམས་ལ་ [161b.3]སྙིང་རྗེའི་ཕྱིར་དེ་རྣམས་དམར་པོའོ། །ཕྱག་རྒྱ་རྣམ་པ་ལྔ་སངས་རྒྱས་ལྔར་འགྱུར་ཏེ། དབུ་ལ་འཁོར་ལོའི་ཚུལ་གྱིས་མི་བསྐྱོད་པའོ། །ཕྱག་ལ་ཕྱག་གདུབ་ཀྱི་གཟུགས་ཀྱིས་རྣམ་པར་སྣང་མཛད་དོ། །སྙན་ཆའི་བདག་ཉིད་སྙན་ལ་སྣང་བ་མཐའ་ཡས་སོ། །མགུལ་ལ་མགུལ་ནོར་ [161b.4]གྱི་རང་བཞིན་གྱིས་རིན་དབང་ངོ་། །སྐ་རགས་ཀྱི་ཡོན་ཏན་གྱི་ཚུལ་གྱིས་སྐུ་རྐེད་ལ་དོན་ཡོད་གྲུབ་པའོ་ཞེས་བྱ་སྟེ། སངས་རྒྱས་ལྔ་ནི་ཞེ་སྡང་ལ་སོགས་པའི་གཟུགས་ཀྱི་བདག་ཉིད་ཕྱག་རྒྱར་འགྱུར་རོ། །བདུད་བཞི་ནི་ཕུང་པོའི་བདུད་དང་། ཉོན་མོངས་པའི་བདུད་དང་། འཆི་བདག་གི་བདུད་དང་། [161b.5]ལྷའི་བུའི་བདུད་དེ། འདི་རྣམས་ཞབས་ཀྱིས་མནན་པར་མཛད་དེ། ཚངས་པ་དང་། དྲག་པོ་དང་། ཁྱབ་འཇུག་དང་། འདོད་པའི་ལྷ་ཡིན་ལ། གཏི་མུག་དང་། ཕྲག་དོག་དང་། ཞེ་སྡང་དང་། འདོད་ཆགས་ཞེས་བྱ་བའི་དོན་ཏོ། །མི་དགེ་བ་བཅུས་མགོ་བོའི་ཕྲེང་བ་ [161b.6]མཛད་དེ། དེ་རྣམས་གང་ཡིན་ཞེ་ན། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། བརྫུན་དུ་སྨྲ་བ་དང་། ཚིག་འཁྱལ་པ་དང་། ཕྲ་མ་དང་། ཚིག་རྩུབ་པ་དང་། གནོད་སེམས་དང་། མནར་སེམས་དང་། ལོག་པར་ལྟ་བ་ཞེས་བྱ་བ་སྟེ། དེ་རྣམས་ཀྱིས་ཕྲེང་བ་ [161b.7]མཛད་དོ། །དཔུང་པ་ལ་རྫུ་འཕྲུལ་གྱི་རྐང་པ་བཞིས་དཔུང་རྒྱན་དུ་མཛད་དེ། འདུན་པ་དང་། བརྩོན་འགྲུས་དང་། སེམས་དང་། དཔྱོད་པའོ། །ཞབས་ལ་ཞབས་གདུབ་ནི་འཇིག་རྟེན་ལས་འདས་པའི་ཕུང་པོ་ལྔ་སྟེ། ཚུལ་ཁྲིམས་དང་། བསམ་གཏན་དང་། ཤེས་རབ་དང་། རྣམ་པར་ [162a] [162a.1]གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བའོ། །ལོག་པའི་འདོད་ཆགས་ཉམས་པར་བྱེད་པའི་ཕྱིར། རྣལ་འབྱོར་མའི་དྲ་བ་ཉེ་བར་བསྟན་ཏོ། །སྐྲག་པ་ཉམས་པར་བྱེད་པའི་ཕྱིར་སྐུ་ལ་ཐལ་བས་བྱུགས་པར་མཛད་པ། འཁོར་བ་རང་བཞིན་མེད་པའི་སྒོམ་པ་ཉིད་ཀྱིས་ [162a.2]གྲི་གུག་དང་ཐོད་པ་འཛིན་པའི་ཕྱག་རྒྱས་འཁྱུད་པའོ། །ཐབས་དང་ཤེས་རབ་ཀྱི་རང་བཞིན་གྱིས་ཐོད་པ་རྣམས་ཡོངས་སུ་བརྗོད་དོ། །ཐོད་པ་དེ་རྣམས་ཀྱི་ནང་ནས་གཡས་པའི་ཐོད་པ་བརྒྱད་ལ་གླང་པོ་ཆེ་དང་། རྟ་དང་། བོང་བུ་དང་། བ་ལང་དང་། རྔ་མོ་དང་། མི་དང་། ཤ་ར་བྷ་དང་། བྱི་ལའོ། །དེ་ [162a.3]བཞིན་དུ་གཡོན་པའི་ཐོད་པ་བརྒྱད་ལ། ས་དང་། ཆུ་དང་། མེ་དང་། རླུང་དང་། ཟླ་བ་དང་། ཉི་མ་དང་། གཤིན་རྗེ་དང་། གནོད་སྦྱིན་ནོ། །འདི་རྣམས་ཀྱང་འདོད་ཆགས་དང་། ཞེ་སྡང་དང་། གཏི་མུག་དང་། ཕྲ་མ་དང་། ཕྲག་དོག་དང་། ངར་འཛིན་པ་དང་། ང་རྒྱལ་དང་། སེར་སྣར་བརྗོད་དོ། ། [162a.4]གང་གི་ཡེ་ཤེས་བླ་མེད་ནི། །ཐམས་ཅད་དབང་གིས་ཐོབ་པ་སྟེ། །དེ་ཡི་ཅོད་པན་མི་བསྐྱོད་པ། །བླ་མ་དམ་པས་འཛིན་པ་ཡིན། །ཡེ་ཤེས་སྣང་བར་གྱུར་པའི་ཕྱིར། །འོད་ཟེར་འབར་བས་བརྟགས་པའོ། །ཐེག་ཆེན་པོ་ལ་ཞོན་པ་སྟེ། །ཡིན་པ་དང་མིན་པའི་བརྟག་པ་ཐམས་ཅད་ཕྱོགས་ [162a.5]ལས་འདས་པའི་ཕྱིར་རོ། །ཐེག་པ་ཆེན་པོ་དེ་ཕ་རོལ་ཏུ་ཕྱིན་པ་དྲུག་ལ་གནས་པའོ། །དེ་རྣམས་ཀྱང་གང་ཡིན་ཞེ་ན། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་པོ། །འདི་རྣམས་ཀྱི་གནས་པ་མེད་པའི་སྦྱོར་བས། ཐམས་ཅད་མཁྱེན་པ་ཉིད་ལ་བཞུགས་ཏེ་ཞེས་བྱ་བ་ནི་བཅོམ་ལྡན་ [162a.6]འདས་ཐེག་པ་ཆེན་པོ་ཉིད་ལ་བཞུགས་པའོ། །བཅོམ་ལྡན་འདས་ཕྱག་བཅུ་དྲུག་པའི་དུམ་བུ་སྟེ་བདུན་པའོ།། །།དེ་ནས་དཀྱིལ་འཁོར་གྱི་རིམ་པ་བརྗོད་པར་བྱ་སྟེ། དཀྱིལ་འཁོར་ཆེན་པོ་འདི་ཉིད་ནི། །ཟུར་བཞི་པོས་ནི་ཡང་དག་མཛེས། །སྒོ་བཞི་པ་དང་འོད་ཟེར་ཆེ། །དྲ་བ་དྲ་བ་ཕྱེད་ཀྱིས་བརྒྱན། །ཕྲེང་བ་ [162a.7]སྣ་ཚོགས་རྔ་མར་ལྡན། །ཀ་པ་བརྒྱད་ཀྱིས་ཉེ་བར་མཛེས། །མར་མེ་སྤོས་དང་དེ་བཞིན་དྲི། །ཕྲེང་མ་ལ་སོགས་ལྷ་མོས་བསྐོར། །མགྲིན་པ་ལ་ནི་མགུལ་ཆིངས་དང་། །རིན་པོ་ཆེ་ནི་སྣ་ལྔ་དགོད། །ཁ་རྒྱན་གྱིས་ནི་བརྒྱན་པ་སྟེ། །བུམ་པ་བརྒྱད་ཀྱིས་ཡང་དག་ལྡན། །རྟ་བབས་བཞིས་ནི་མཛེས་པར་ [162b] [162b.1]གྱུར། །རྒྱལ་མཚན་ཚོགས་དང་ལྡན་པའོ། །བླ་རེ་སྣ་ཚོགས་ཀྱིས་མཛེས་པ། །དཀྱིལ་འཁོར་དེ་ནི་གྲུ་བཞི་པ། །ཕྱི་རོལ་དུར་ཁྲོད་བརྒྱད་ཀྱིས་བརྒྱན། །ཞེས་བྱ་བའོ། །ཅིའི་ཕྱིར་དཀྱིལ་འཁོར་ཞེ་ན། ལུས་དང་ངག་དང་སེམས་བདེན་པར་བྱེད་པས་ན་དཀྱིལ་འཁོར་དུ་བརྗོད་དོ། །བདེན་པ་བཞི་ཡི་རྣམ་པ་ [162b.2]ཡིས། །གྲུ་བཞི་པ་ནི་རྣམ་པར་བརྟགས། །བདུད་བཞི་པོ་ལ་འཇིགས་བྱེད་ཕྱིར། །དྲི་མ་མེད་པའི་སྒོ་བཞི་པའོ། །ཚངས་པའི་གནས་ནི་བཞི་ཡི་ཕྱིར། །ཟུར་བཞི་པ་ནི་ཡོངས་སུ་བརྟགས། །རྣམ་ཤེས་བརྒྱད་ནི་རྟོག་པའི་ཕྱིར། །ཀ་བ་བརྒྱད་ནི་བཤད་པ་ཡིན། །ཕྱི་རོལ་དུ་ནི་དཀྱིལ་འཁོར་ [162b.3]ཏེ། །ཚོགས་གྲུ་བཞི་པ་རུ་བཤད། །རྣམ་པར་ཤེས་པ་བརྒྱད་གང་ཡིན་ཞེ་ན། །མིག་གི་རྣམ་པར་ཤེས་པ་དང་། རྣ་བའི་རྣམ་པར་ཤེས་པ་དང་། སྣའི་རྣམ་པར་ཤེས་པ་དང་། ལྕེའི་རྣམ་པར་ཤེས་པ་དང་། ལུས་ཀྱི་རྣམ་པར་ཤེས་པ་དང་། ཡིད་ཀྱི་རྣམ་པར་ཤེས་པ་དང་། ཉོན་མོངས་པ་ཅན་གྱི་ [162b.4]རྣམ་པར་ཤེས་པ་དང་། ཀུན་གཞིའི་རྣམ་པར་ཤེས་པའོ། །ཐོད་པ་བརྒྱད་ནི་གཟུགས་ཅན་བརྒྱད་དེ། དེ་རྣམས་གང་ཡིན་ཞེ་ན། ས་དང་ཆུ་དང་མེ་དང་རླུང་དང་གཟུགས་དང་དྲི་དང་རོ་དང་རེག་བྱའོ། །ཁ་བརྒྱད་ནི་འཕགས་པའི་ལམ་ཡན་ལག་བརྒྱད་པ་སྟེ། དེ་རྣམས་གང་ཡིན་ཞེ་ན། ཡང་དག་པའི་ [162b.5]ལྟ་བ་དང་། ཡང་དག་པའི་རྟོག་པ་དང་། ཡང་དག་པའི་ངག་དང་། ཡང་དག་པའི་ལས་ཀྱི་མཐའ་དང་། ཡང་དག་པའི་འཚོ་བ་དང་། ཡང་དག་པའི་བརྩོན་འགྲུས་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་ནོ། །རིན་པོ་ [162b.6]ཆེ་སྣ་ལྔ་དགོད་པའི་བུམ་པ་རྣམས་སོ། །རིན་པོ་ཆེ་སྣ་ལྔ་ནི་སྟོབས་ལྔ་སྟེ། དད་པའི་སྟོབས་དང་། བརྩོན་འགྲུས་ཀྱི་སྟོབས་དང་། དྲན་པའི་སྟོབས་དང་། བསམ་གཏན་གྱི་སྟོབས་དང་། ཤེས་རབ་ཀྱི་སྟོབས་སོ། །ཉོན་མོངས་པ་བཞི་བཅོམ་པར་མཛད་པས་ན་ཧ་ར་སྟེ། ཉོན་མོངས་པ་བཞི་ནི། འདོད་ཆགས་དང་། ཞེ་སྡང་དང་། [162b.7]གཏི་མུག་དང་། ང་རྒྱལ་ལོ། །ཧ་ར་ཕྱེད་ནི་ཉོན་མོངས་པ་ཕྱེད་ཟད་པའི་ཕྱིར་ཞེས་བྱ་བ་ནི། དྲ་བ་དང་དྲ་བ་ཕྱེད་དོ། །བླ་བྲེས་རྒྱས་པར་བྱེད་པའི་སེམས། །གང་ཕྱིར་དངོས་པོ་ཀུན་ལའོ། །དེ་ནས་བླ་བྲེ་སེམས་ཡིན་པར། །དོན་དམ་བདེན་པས་བཤད་པའོ། །ཏིང་ངེ་འཛིན་གྱི་ཡན་ལག་ [163a] [163a.1]ནི་ཏིང་ངེ་འཛིན་གསུམ་སྟེ། དཀྱིལ་འཁོར་རྒྱལ་པོ་མཆོག་དང་། ཐིག་ལེའི་རྣལ་འབྱོར་ཏེ། ཕྲ་མོའི་རྣལ་འབྱོར་རོ། །ཏིང་ངེ་འཛིན་གསུམ་པོ་འདི་ལ་ཡན་ལག་རེ་རེ་ནི། བསྙེན་པ་དང་ཉེ་བའི་བསྙེན་པ་དང་སྒྲུབ་པ་དང་སྒྲུབ་པ་ཆེན་པོ་སྟེ། ཏིང་ངེ་འཛིན་གྱི་ཡན་ལག་ནི་རྟ་བབས་ [163a.2]རྣམས་སོ། །འཕགས་པའི་ལམ་ཡན་ལག་བརྒྱད་པ་ནི་སྔ་མ་རྣམས་སུ་བཤད་དོ། །བྱམས་པ་ལ་སོགས་པ་ཡི་སེམས། །ཆོས་ཀྱི་དྲན་པ་སྦྱོར་བ་སྟེ། །བདེར་གཤེགས་ཡེ་ཤེས་སྨྲ་བ་སྟེ། །རྡོ་རྗེ་ཐིག་སྐུད་བརྗོད་པ་ཡིན། །ཆོས་ཀྱི་སྦྱིན་པ་བཞི་སྟེ། ཆོས་ཐམས་ཅད་མི་རྟག་པ་དང་། ཆོས་ [163a.3]ཐམས་ཅད་སྡུག་བསྔལ་བ་དང་། ཆོས་ཐམས་ཅད་བདག་མེད་པ་དང་། ཞི་བ་དང་མྱ་ངན་ལས་འདས་པ་ཞེས་བྱ་བ་སྟེ། ཆོས་ཀྱི་སྦྱིན་པ་བཞིའོ། །ཕྱི་རོལ་དུ་ནི་མེ་ཏོག་དང་། སྤོས་དང་། མར་མེ་དང་། དྲིར་འགྱུར་ཞེས་བྱ་བའོ། །དཀྱིལ་འཁོར་འདི་ཉིད་ནི་ཕྱི་དང་ནང་དུ་ཤེས་པར་བྱའོ། །དེ་ལྟར་ [163a.4]ཤེས་རབ་མ་དང་། ལྷན་ཅིག་ཏུ་བདེ་བས་རྡོ་རྗེ་སེམས་དཔའ་གཉིས་སུ་མེད་པར་འགྱུར་ཏེ། བཅོམ་ལྡན་འདས་དེ་ཉིད་ཀྱིས་རྣལ་འབྱོར་མའི་འཁོར་ལོ་བསྟན་པར་མཛད་དེ། བདག་མེད་ལྷན་ཅིག་སྦྱོར་བ་ཡིས། །གཉིས་ཀས་བདེ་བ་ཐོབ་འགྱུར་ཏེ། །སོ་མ་ཉི་མེད་པའི་བདེ་ཐོབ་ནས། །སོམ་ཉི་ [163a.5]མེད་པའི་གཟུགས་ཅན་ཡིན། །ལྷ་དང་ལྷ་མོའི་གྲོང་ཁྱེར་དུ། །རྒྱུན་མི་འཆད་པར་བདེ་བར་རོལ། །ཤར་ཕྱོགས་ཤར་གྱི་སྒོ་ལ་ནི། །དཀར་མོ་ཕྱུང་ནས་གནས་པ་ཡིན། །སྲུབ་ཅིང་བསྲུབ་པའི་སྦྱོར་བ་ཡིས། །དེ་ནས་ཆོམ་རྐུན་མ་ནི་ཕྱུང་། །ཕྱུང་ནས་ལྷོ་ཡི་སྒོ་ལ་ནི། །ཆོམ་རྐུན་ [163a.6]མས་ནི་སྒོ་སྲུང་བྱེད། །བོ་ལ་ཀཀྐོལ་སྦྱོར་བ་ཡིས། །དེ་ནས་རོ་ལངས་མ་ནི་དབྱུང་། །ཕྱུང་ནས་ནུབ་ཀྱི་སྒོ་ལ་ནི། །དྲག་མོའི་གཟུགས་ཅན་མ་གནས་པའོ། །སྲུབ་ཅིང་བསྲུབ་པའི་སྦྱོར་བ་ཡིས། །བདུད་འཇོམས་མ་ནི་གནས་པ་ཡིན། །གཉིས་མེད་སྙོམས་པར་ཞུགས་པ་ལས། །ཕྱི་ནས་ [163a.7]གྷསྨ་རཱི་ཕྱུང་སྟེ། །ཕྱུང་ནས་བྱང་གི་སྒོ་ལ་ནི། །མི་བཟད་གཟུགས་ཅན་མ་གནས་སོ། །གཉི་ག་མཉེས་པའི་སྦྱོར་བ་ལས། །ཕྱི་ནས་རོ་སྲེག་མ་ཕྱུང་སྟེ། །ཕྱུང་ནས་དབང་ལྡན་མཚམས་སུ་ནི། །དྲག་མོའི་གཟུགས་ཅན་མ་གནས་པའོ། །སྲུབ་ཅིང་བསྲུབ་པའི་སྦྱོར་བ་ཡིས། །དེ་བཞིན་ [163b] [163b.1]མེ་ལ་རི་ཁྲོད་མའོ། །སྲིན་མོ་ལ་ནི་ཙཎྜལཱི། །རླུང་གི་མཚམས་ལ་རིགས་ངན་མའོ། །བརྫུན་གྱི་རྣམ་པར་རྟོག་པ་གཅོད་པའི་ཕྱིར་དཀར་མོའི་ཕྱག་གཡས་པའི་གྲི་གུག་ཏུ་བརྗོད་དོ། །ཕྱག་གཡོན་པ་ལ་འཁོར་བའི་བག་ཆགས་འཇོམས་པའི་རོ་ཧི་ཏར་འདོད་དོ། །ཆོམ་རྐུན་མའི་གཡས་ན་ཐབས་དང་ [163b.2]ཤེས་རབ་ཀྱི་རང་བཞིན་གཏན་ལ་འབེབས་པར་བྱེད་པའི་ཅང་ཏེའུ་སྟེ། གཡོན་པ་ལ་གཏི་མུག་གི་བདག་ཉིད་ཕག་གོ། །རོ་ལངས་མའི་གཡས་པ་ལ་སྟོང་པ་ཉིད་ཀྱི་རང་བཞིན་དུ་སྦལ་པ་སྟེ། གཡོན་པ་ལ་སྙིང་རྗེའི་བདག་ཉིད་པདྨའི་སྣོད་དོ། །གྷསྨ་རཱིའི་གཡས་པ་ནི་ཞེ་སྡང་གི་བདག་ཉིད་དུ་གྱུར་ [163b.3]པ་སྤྲུལ་ཏེ། གཡོན་པ་ལ་ཐབས་དང་ཤེས་རབ་ཉིད་ཀྱི་རྣལ་འབྱོར་གྱི་སྣོད་དོ། །རོ་སྲེག་མའི་གཡས་པ་ན་མ་ལུས་བདུད་ཀྱི་སྡེ་གླང་པོ་ཆེའི་སྣ་འདྲལ་བར་བྱེད་པའི་ཕྱིར་སེང་གེ་ཡོངས་སུ་བརྗོད་དོ། །གཡོན་པ་ལ་རྟོག་པ་གཉིས་འཛིན་མ་ལུས་པ་གཅོད་པར་བྱེད་པས་ན་དགྲ་སྟའོ། །རི་ཁྲོད་ [163b.4]མའི་གཡས་པ་ལ་རྣམ་པ་ལྔའི་རང་བཞིན་ཉིད་ཀྱི་དགེ་སློང་སྟེ། གཡོན་པ་ལ་གཉིས་སུ་མེད་པའི་ཡེ་ཤེས་རྟོག་པར་བྱེད་པས་ན་འཁར་གསིལ་དུ་བརྗོད་དོ། །ཙཎྜལཱིའི་གཡས་པ་ན་ལོག་པའི་ལྟ་བ་གཅོད་པར་བྱེད་པས་ན་འཁོར་ལོ་སྟེ། མི་ཤེས་པ་དབྱུང་བར་བྱེད་པས་ན་ཐོང་གཤོལ་ལོ། །རིགས་ [163b.5]ངན་མའི་གཡས་པ་ནི་མི་ཕྱེད་པའི་རྣམ་པས་ཡེ་ཤེས་རྟོགས་པར་བྱེད་པས་ན་རྡོ་རྗེ་སྟེ། གཡོན་པ་ནི་གདུག་པ་ཐམས་ཅད་བསྡིགས་པར་བྱེད་པས་སྡིགས་མཛུབ་ཏུ་བརྗོད་དོ། །ལྷ་མོ་ཐམས་ཅད་སྤྱན་གསུམ་པ། །ཕྱག་གཉིས་པ་གར་ཕྱེད་ཀྱི་བཞུགས་སྟབས་ཀྱིས་བཞུགས་པ། སྐྲ་ [163b.6]གྱེན་དུ་གྱུར་པ། ཕྱག་རྒྱ་ལྔས་མཛེས་པར་གྱུར་པའོ། །རིམ་པ་ཇི་ལྟ་བས་ལྷ་མོ་དཀར་མོ་ལ་སོགས་པའི་སྐུ་མདོག་ནི་ནག་མོ་དང་། བཙོད་དང་འདྲ་བ་དང་། གསེར་ཞུ་ན་མ་བཞིན་དང་། དམར་པོ་དང་། ཨིནྡྲ་ནཱི་ལ་དང་། ཆུ་ཤེལ་དང་། སྔོན་པོ་དང་། ཁ་དོག་བསྲེས་པར་གྱུར་པའོ། ། [163b.7]འདི་རྣམས་ཀྱི་གདན་ནི། ཚངས་པ་དང་། དབང་པོ་དང་། ཉེ་བའི་དབང་པོ་དང་། དྲག་པོ་དང་། གཤིན་རྗེ་དང་། གནོད་སྦྱིན་དང་། བདེན་བྲལ་དང་རླུང་ངོ་། །འདས་པ་དང་། མ་འོངས་པ་དང་། ད་ལྟར་བྱུང་བའི་དུས་གསུམ་མཐོང་བའི་ཕྱིར། སྤྱན་གསུམ་པའོ། །གཟུགས་མེད་ [164a] [164a.1]པ་གཉིས་སྦྱར་བའི་ཕྱིར་རྣལ་འབྱོར་མ་རྣམས་ལ་ཕྱག་གཉིས་གཉིས་སོ། །གཟུགས་མེད་པ་གཉིས་གང་ཡིན་ཞེ་ན། ནམ་མཁའ་དང་རྣམ་པར་ཤེས་པ་སྟེ། དེ་དག་ནི་ཕྱག་གཉིས་སོ། །འདོད་ཆགས་དང་། ཞེ་སྡང་དང་། གཏི་མུག་དང་། ཕྲ་མ་དང་། ཚིག་རྩུབ་པ་དང་། [164a.2]ཕྲག་དོག་དང་། སེར་སྣ་དང་། ངར་འཛིན་པ་ནི་ཚངས་པ་ལ་སོགས་པའི་གདན་རྣམས་སོ། །ཕྱག་རྒྱ་ལྔ་ནི་ལྟ་བ་ལྔ་སྟེ། འཇིག་ཚོགས་ལ་ལྟ་བ་དང་། ལོག་པའི་ལྟ་བ་དང་། མཐར་འཛིན་པར་ལྟ་བ་དང་། ལྟ་བ་མཆོག་ཏུ་འཛིན་པ་དང་། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་ [164a.3]པའི་ལྟ་བ་སྟེ། ཕྱག་རྒྱ་ལྔར་འགྱུར་རོ། །གདུག་པའི་སེམས་ཉམས་པར་བྱེད་པའི་ཕྱིར་འཇིགས་སུ་རུང་བ་དང་སྐྲ་གྱེན་དུ་གྱུར་པའོ། །རྣལ་འབྱོར་མ་འདི་རྣམས་ཀྱིས་ཡོངས་སུ་བསྐོར་བའི་བཅོམ་ལྡན་འདས་བསྒོམ་པར་བྱ་ཞེས་བྱ་བའོ། །དཀྱིལ་འཁོར་གྱི་འཁོར་ལོ་རྣལ་འབྱོར་མ་ [164a.4]རྣམས་ཡོངས་སུ་རྫོགས་པའི་དུམ་བུ་སྟེ་བརྒྱད་པའོ།། །།ད་ནི་དུར་ཁྲོད་རྣམས་བརྗོད་པར་བྱ་སྟེ། ཤར་སྒོ་ལ་གཏུམ་བྱེད་ཅེས་བྱ་བ་ནི་དུར་ཁྲོད་དོ། །བརྒྱ་བྱིན་ནི་ཞིང་སྐྱོང་ངོ་། །ཀླུ་ནི་ནོར་རྒྱས་ཀྱི་བུའོ། །ཤིང་ནི་ཤི་རི་ཤའོ། །སྤྲིན་ནི་སྒྲ་སྒྲོགས་བྱེད་པའོ། །མེའི་མཚམས་སུ་ [164a.5]དུར་ཁྲོད་ནི་ཨ་ཏ་ཏའི་གད་མོའོ། །ཞིང་སྐྱོང་ནི་མེའོ། །ཀླུ་ནི་པདྨ་ཆེན་པོའོ། །ཤིང་ནི་ཀ་ར་ཉྫའོ། །སྤྲིན་ནི་མཐུག་པོའོ། །ལྷོ་རུ་དུར་ཁྲོད་ནི་ཀེང་རུས་འཇིགས་བྱེད་པའོ། །ཞིང་སྐྱོང་ནི་གཤིན་རྗེའོ། །ཀླུ་ནི་པདྨའོ། །ཤིང་ནི་ཙུ་ཏའོ། །སྤྲིན་ནི་འཁོར་བྱེད་དོ། །བདེན་བྲལ་དུ་དུར་ཁྲོད་ནི་ཀཱི་ལི་ [164a.6]ཀཱི་ལའི་སྒྲའོ། །ཞིང་སྐྱོང་ནི་སྲིན་པོའི་དབང་པོའོ། །ཀླུ་མཐའ་ཡས་སོ། །ཤིང་ནི་བརྐཏིའོ། །སྤྲིན་ནི་གར་བྱེད་དོ། །ནུབ་ཏུ་དུར་ཁྲོད་ནི་འབར་བས་བསྐོར་བའོ། །ཞིང་སྐྱོང་ནི་ཆུ་ལྷའོ། །ཀླུ་ནི་སྟོབས་ཀྱི་རྒྱུའོ། །ཤིང་ནི་ཨ་ཤོ་ཀའོ། །སྤྲིན་ནི་མི་བཟད་པའོ། །རླུང་དུ་དུར་ཁྲོད་ནི་མུན་པ་ [164a.7]མི་བཟད་པའོ། །ཞིང་སྐྱོང་ནི་རླུང་ངོ་། །ཀླུ་རིགས་ལྡན་ནོ། །ཤིང་ཨ་རྫ་གའོ། །སྤྲིན་ནི་ཆུ་འཛག་པའོ། །གནོད་སྦྱིན་ལ་དུར་ཁྲོད་ནི་ཚང་ཚིང་ངོ་། །ཞིང་སྐྱོང་ནི་གནོད་སྦྱིན་ནོ། །ཀླུ་འཇོག་པོའོ། །ཤིང་ཨ་ཤྭ་ཏྠའོ། །སྤྲིན་རྒྱལ་གྱུར་པའོ། །དབང་ལྡན་དུ་དུར་ཁྲོད་ནི་དཔལ་འཕེལ་ [164b] [164b.1]བའོ། །ཞིང་སྐྱོང་ནི་དབང་ཕྱུག་གོ། །ཀླུ་དུང་སྐྱོང་ངོ་། །ཤིང་ནི་འབའ་ཏའོ། །སྤྲིན་ནི་གཏུམ་བྱེད་གདུག་པར་གནས་པའོ། །དུར་ཁྲོད་ནི་འཇིགས་བྱེད་འཇིགས་སུ་རུང་བ་སྟེ། ཉལ་བ་དང་གར་བྱེད་པ་ལ་སོགས་པའི་འདྲེ་དང་རོའི་ཚོགས་ཀྱིས་བསྐོར་བ་དང་། ཤིང་དང་ཤིང་ཏོག་རྣམས་ཀྱིས་མཛེས་ [164b.2]པར་གྱུར་པའོ། །བརྒྱ་བྱིན་ལ་སོགས་པའི་ཞིང་སྐྱོང་རྣམས་ཀྱི་ཁ་དོག་ནི་སེར་པོ་དང་། དམར་པོ་དང་། སྔོན་པོ་དང་། ནག་པོ་དང་། དཀར་པོ་དང་། ལྗང་གུ་དང་། ཁ་དོག་དཀར་སེར་དུ་གྱུར་པའོ། །གླང་པོ་ཆེ་དང་། སྤྲིན་དང་ར་སྐྱེས་དང་མ་ཧེ་དང་ལུག་དང་འུག་པ་དང་ཆུ་སྲིན་དང་། ཤ་བ་དང་། [164b.3]མི་དང་། གླང་གི་གདོང་པ་རྣམས་ཏེ། ལུས་པོ་ནི་མིའི་རྣམ་པ་བཞིན་དུ་ཡིན་ལ། དེ་རྣམས་ཤིང་རྣམས་ཀྱི་སྟེང་དུ་གནས་པར་འགྱུར་རོ། །ཀླུ་ནོར་རྒྱས་ཀྱི་བུ་ལ་སོགས་པའི་ཁ་དོག་ནི་དཀར་པོ་དང་། སྔོན་པོ་དང་། སེར་པོ་དང་། དམར་པོ་དང་། བསྲེས་པ་དང་། སྔོན་པོ་དང་། རིམ་པ་ཇི་ལྟ་བ་བཞིན་ [164b.4]ཁ་དོག་སྔོན་པོའོ། །སྤྲིན་རྣམས་ནི་སྣ་ཚོགས་པར་ཤེས་པར་བྱའོ། །འདི་རྣམས་ནི་འཁོར་ལོའི་ཕྱི་རོལ་དུ་རྡོ་རྗེ་གུར་གྱི་མཐར་བྲི་བའམ། བསྒོམ་པར་བྱའོ། །དུར་ཁྲོད་བརྒྱད་པོ་འདི་རྣམས་ལ་མི་བཟད་པའི་གཟུགས་དང་ལྡན་པ་གྲངས་མེད་པ་སྣ་ཚོགས་པ་གར་གྱི་རོ་དགུ་དང་ལྡན་པའོ། ། [164b.5]ཁ་དོག་སྔོན་པོ་དང་སེར་པོ་ལ་སོགས་པ་དང་རྣམ་པ་སྣ་ཚོགས་བསྒོམ་པར་བྱའོ། །དུར་ཁྲོད་ཅེས་བྱ་བ་ནི་ལུས་པོ་སྟེ། དབུགས་བྱུང་བས་ན་དུར་ཁྲོད་ཡིན་ལ་སའོ། །དེ་ནས་ཞིང་སྐྱོང་བར་བྱེད་པས་ན་ཞིང་སྐྱོང་སྟེ་རླུང་ངོ་། །བསྲེག་པའི་བདག་ཉིད་ཀླུ་སྟེ་མེའོ། །ཁྱབ་པར་བྱེད་པས་ན་ཤིང་སྟེ་ [164b.6]ནམ་མཁའི་མཚན་ཉིད་དོ། །ཆུའི་བདག་ཉིད་ནི་སྤྲིན་ནོ། །དེ་ལྟར་དུར་ཁྲོད་བརྒྱད་ལ་ཞིང་སྐྱོང་དང་། ཀླུ་དང་། ཤིང་དང་། སྤྲིན་རྣམས་སུ་འགྱུར་རོ། །འདི་དག་ནི་དབུས་སུ་མཆོག་གི་དགའ་བ་གནང་བར་མཛད་པ་དགའ་བ་དང་བཅས་པའི་རྣལ་འབྱོར་མའི་ཚོགས་ཀྱིས་བསྐོར་བའོ། ། [164b.7]རོ་ལ་སོགས་པའི་གར་གྱི་རོ་དགུ་དང་ལྡན་པའི་བཅོམ་ལྡན་འདས་རྡོ་རྗེ་མཁའ་འགྲོ་བཞུགས་པར་ཤེས་པར་བྱའོ། །རང་གི་མིང་གི་ཡི་གེ་ལས་སྐྱེས་པའི་རྣལ་འབྱོར་མ་རྣམས་ཀྱིས་ཡོངས་སུ་བསྐོར་བའི་བཅོམ་ལྡན་འདས་རྣལ་འབྱོར་གྱི་བདག་ཉིད་བསྒོམ་པར་བྱ་ཞེས་པའོ། །དུར་ཁྲོད་ [165a] [165a.1]ཀྱི་དུམ་བུ་སྟེ་དགུ་པའོ།། །།ཕྱི་དང་ནང་གི་གཟུགས་ཅན་པའི། །སེམས་ཀྱི་དེ་དག་ཐམས་ཅད་ཡིན། །རྣམ་རྟོག་སྦྱོར་བ་བྲལ་བའི་ཕྱིར། །སྲིད་པ་གསུམ་ལ་རོལ་པ་ཡིན། །ཕྱག་རྒྱའི་རྒྱུ་ནི་བྲལ་བའི་ཕྱིར། །རྣལ་འབྱོར་པས་ནི་སྙིང་རྗེ་བསྒོམ། །སྟོང་ཉིད་སྙིང་རྗེ་དབྱེར་ [165a.2]མེད་པ། །བྱང་ཆུབ་སེམས་ཞེས་དྲན་པའོ། །འཇིག་རྟེན་ཁམས་ནི་གང་ཞིག་དང་། །གཞན་དུ་སངས་རྒྱས་མཐོང་མི་འགྱུར། །སེམས་ཉིད་རྫོགས་པའི་སངས་རྒྱས་ཏེ། །གཞན་དུ་སངས་རྒྱས་མ་བསྟན་ཏོ། །གདོལ་པ་སྨྱིག་མཁན་ལ་སོགས་གང་། །གསོད་པའི་དོན་ཕྱིར་བསམས་ [165a.3]པས་སོ། །དགྱེས་རྡོར་དེ་རྣམས་ཀྱིས་ཐོས་ནས། །འགྲུབ་འགྱུར་དེ་ལ་ཐེ་ཚོམ་མེད། །ལམ་འདི་དག་ནི་མ་ཤེས་པར། །བྱིས་པ་མི་ཤེས་པས་གཡོགས་ཏེ། །འགྲོ་དྲུག་འཁོར་བའི་བཙོན་ཁང་དུ། །རྨོངས་པ་དེ་རྣམས་འཁྱམས་པར་འགྱུར། །ཚིག་ཏུ་བརྗོད་པ་ལས་འདས་པའི། ། [165a.4]དབང་པོ་ཀུན་ལ་སྤྱོད་ཡུལ་མིན། །ཡིད་ཀྱི་རྣམ་ཤེས་སྤྱོད་ཡུལ་བ། །ཡེ་ཤེས་འདི་ནི་རང་རིག་པའོ། །བྱིན་གྱིས་བརླབ་པའི་རིམ་པ་འདི། །ཀུན་མཁྱེན་ཡེ་ཤེས་བདག་ཉིད་ཡིན། །མཐོ་རིས་མི་དང་ས་འོག་ཏུ། །སྐད་ཅིག་གིས་ནི་རྣམ་གཅིག་འགྱུར། །རང་བཞིན་དབྱེ་བའི་རྟོག་པ་ནི། ། [165a.5]གནོད་པར་བྱེད་པར་མི་ནུས་ཏེ། །ལྷ་མིན་དབང་པོ་དང་འདྲ་གང་། །ངེས་པར་དྲུང་དུ་གནས་གྱུར་ན། །དེ་ལ་འཇིགས་པར་མི་བྱ་སྟེ། །སེང་གེའི་ཚུལ་བཞིན་སྤྱོད་པར་བྱའོ། །ཆུ་ཀླུང་གི་ནི་རྒྱུ་བ་བཞིན། །མར་མེའི་འོད་ཟེར་བཞིན་དུ་སྟེ། །དེ་ཉིད་སྦྱོར་བར་རྟག་ཏུ་ནི། །ཉིན་དང་མཚན་ [165a.6]དུ་གཞག་པར་བྱ། །སེམས་ཅན་ཐམས་ཅད་རྒྱུ་བའི་ཕྱིར། །རྟག་ཏུ་སྙིང་རྗེ་བཏུང་བར་བྱ། །སྦྱོར་བཏུང་དགའ་བྱ་རྣལ་འབྱོར་པས། །བཏུང་གཞན་ལ་ནི་ཆགས་མི་བྱ། །ཞེས་བྱ་བའོ། །དེ་ནས་དགོངས་པའི་སྐད་བྲི་བར་བྱ་སྟེ། ཆང་ནི་སྨྱོ་བྱེད་སྟོབས་ནི་ཤ་།དེ་བཞིན་འདུས་པ་མ་ལ་ཡ་ཛ། །འགྲོ་བ་ [165a.7]ཁྱི་དང་འཛག་པ་རོ། །རྡུལ་མེད་བསྡུས་པའི་རྒྱན་ཡིན་ཏེ། །འོངས་པ་བྲི་མཁན་བརྗོད་པའོ། །ཅང་ཏེའུ་ཀྲྀ་པི་ཊར་འདོད་དང་། །དུན་དུར་སྐལ་བ་མི་ལྡན་བརྗོད། །སྐལ་ལྡན་ཀ་ལེཾ་ཛ་རར་བརྗོད། །ཌིཎྜི་མ་ནི་མི་རེག་བརྗོད། །པདྨའི་སྣོད་ནི་ཐོད་པའོ། །ཟན་ནི་འགྲངས་བྱེད་ཤེས་པར་བྱ། །ཆོད་ [165b] [165b.1]མ་མཱ་ལ་ཏིནྟའོ། །དྲི་ཆེན་བཞི་མཉམ་བརྗོད་པ་དང་། །དྲི་ཆུ་གླ་རྩིར་བརྗོད་པའོ། །རང་བྱུང་སི་ཧཱ་ལར་ཞེས་བྱ། །ས་བོན་ག་བུར་འདོད་པ་དང་། །ཤ་ཆེན་སཱ་ལུ་ལས་སྐྱེས་བརྗོད། །དབང་པོ་གཉིས་སྦྱོར་ཀུན་དུ་རུ། །རྡོ་རྗེ་བོ་ལར་བརྗོད་པར་བྱ། །པདྨ་ཀཀྐོལ་འདོད་པའོ། །རིགས་ཀྱི་དབྱེ་བས་ཕྱེ་བ་ཡིས། ། [165b.2]རིགས་ནི་རྣམ་པ་ལྔ་རུ་བཤད། །དགོངས་པའི་སྐད་ནི་འདི་ཡིན་ཏེ། །རིགས་ཅན་སངས་རྒྱས་ལྔ་ཡིན་ནོ། །རྡོ་རྗེ་རིགས་ཅན་རིགས་ངན་བརྗོད། །དེ་བཞིན་གར་མཁན་མ་ཡི་རིགས། །རིན་ཆེན་རིགས་ཅན་ཙཎྜ་ལཱི། །དེ་བཞིན་རིགས་ཅན་གཉིས་སྐྱེས་མའོ། །ལས་ཀྱི་རིགས་ཅན་ཚོས་མཁན་ [165b.3]མའོ། །ཕྱག་རྒྱ་དེ་རྣམས་གྲུབ་བཟངས་ཏེ། །རྡོ་རྗེ་མཆོད་བྱས་བརྟུལ་ཞུགས་ཅན། །དེ་རྣམས་ཀྱི་ནི་ཤུ་ཀྲ་བཏུང་། །དེ་ནས་དོན་ལ་དཔྱད་པར་བྱ། །མང་ན་ཞེས་བྱ་བ་ནི། །གསུམ་ཀ་རྨོངས་པར་གྱུར་པ་དང་། །དབང་པོ་ལྔ་པོ་འདི་དག་གཅིག་ཏུ་གྱུར་པའོ། །སྟོབས་ནི་འདོད་ཆགས་ལ་སོགས་ [165b.4]པའི་སྡེའོ། །ཤ་ནི་བསམ་པ་རླག་པའི་སེམས་ངན་ནོ། །མ་ལ་ཡ་ཛ་ནི་ཐབས་དང་ཤེས་རབ་གཅིག་པ་ཉིད་དུ་བྱེད་པ་ཡིན་པ་ལ་དེ་ཉིད་འདུས་པའོ། །ཁྱི་འདི་རང་བཞིན་མེད་པའི་ལམ་ལ་འཇུག་པའོ། །རོ་ནི་སེམས་ཡིན་ལ་འཛག་པ་ནི་ཤེས་རབ་ཀྱི་བསམ་པས་འཛག་ཅེས་བྱའོ། །རུས་པའི་ [165b.5]རྒྱན་ནི་རྣམ་པར་མཛེས་པའོ། །རྡུལ་མེད་ནི་བག་ཆགས་ཀྱི་རྡུལ་དང་བྲལ་བའི་སེམས་སོ། །འོང་བ་ནི་དངོས་དང་དངོས་མེད་ལས་འདས་པའོ། །ཕྲེཾ་ཁ་ཎ་དད་ཅང་ཏེའུ་ནི་རང་བཞིན་མེད་པ་ཉིད་ཀྱིས་ཐབས་དང་ཤེས་རབ་གཏན་ལ་འབེབས་པ་སྟེ་ཅང་ཏེའུ་འདོད་དོ། །སྐལ་བར་མི་ལྡན་ནི་གདུལ་བར་ [165b.6]དཀའ་པའི་སེམས་ཡིན་ལ། དུནྡུ་རར་བརྗོད་དོ། །སྐལ་ལྡན་ནི་འོད་གསལ་བའི་སེམས་སོ། །ཀ་ལིཾ་ཛ་ནི་ཤེས་རབ་ཡིན་ལ་སེམས་གང་ལ་ཆགས་པར་གྱུར་པ་དེ་ཀ་ལི་ཛ་རའོ། །མི་རེག་པ་ནི་ཐུགས་ཀྱིས་རྡོ་རྗེའོ། །ཌིཎྜི་མ་ནི་སྒྲའི་རྡོ་རྗེ་དང་ལྡན་པའོ། །བྷཉྫ་མ་ནི་དྲི་མ་དང་བྲལ་བའོ། ། [165b.7]མ་ལ་ཏིནྡ་ན་ནི་ཤེས་རབ་ཀྱི་བདག་ཉིད་ཡིན་ལ་སེམས་ཀྱི་དྲི་མ་བསྲེག་པའོ། །ཟན་ནི་ཚུལ་ཁྲིམས་ཀྱི་སེམས་ལ་རྙེད་པའོ། །འགྲངས་པར་བྱེད་པ་ནི་ཤེས་རབ་པོ། །ཀ་པཱ་ལ་ཞེས་བྱ་བ་ལ་ཀ་ཞེས་བྱ་བ་ནི་ནམ་མཁའ་སྐྱོང་བར་བྱེད་པའོ། །པདྨའི་སྣོད་ནི་ཤེས་རབ་ལ་སྣོད་དུ་གྱུར་པའོ། །དྲི་ [166a] [166a.1]ཆེན་ནི་བྱམས་པ་ལ་སོགས་པ་བཞི་རོ་མཉམ་པ་ཉིད་དུ་བྱེད་པའི་ཕྱིར་བཞི་མཉམ་པའོ། །དྲི་ཆུ་ནི་སྙིང་རྗེའོ། །གླ་རྩི་ནི་རང་བྱུང་བའོ། །སིཧླ་ནི་དགའ་བའོ། །ཤུ་ཀྲ་ནི་བཏང་སྙོམས་སོ། །ག་པུར་ནི་ཤ་ཆེན་ནོ། །སཱ་ལུ་ལས་སྐྱེས་པ་ནི་གཉིས་ཀའི་ཡན་ལག་གི་ཆ་ཤས་ [166a.2]ཀྱི་རྟོག་པ་གང་དུ་མེད་དེ་སྒྲིབ་པ་མེད་པའོ། །དབང་པོ་གཉིས་ཀྱིས་སྦྱོར་བ་ནི་སྟོང་པ་ཉིད་དང་སྙིང་རྗེ་ཡང་དག་པར་སྦྱོར་བའོ། །ཀུན་དུ་རུ་ནི་མི་ཕྱེད་པའི་ཚུལ་གྱིས་ཕྱེ་བའོ། །བོ་ལ་ཀ་ནི་ཤེས་རབ་བརྙེས་པའོ། །པདྨོ་ནི་ནམ་མཁའི་རང་བཞིན་དུ་གྱུར་པའི་སིཧླའོ། །ཀཀྐོལཱ་ནི་བདེ་བ་མཆོག་ཏུ་ [166a.3]སྦྱིན་པ་ཞེས་བྱའོ། །སནྡི་ནི་ཉེ་བར་སྡུད་པ་སྟེ། ཨ་པ་ཤ་ཞེས་བྱ་བ་ནི་དེ་སྐྱེད་པར་བྱེད་པ་སྟེ། ས་ན་དྷྱ་བ་ཤ་ཞེས་བྱ་བའོ། །དེ་ལྟར་བདག་གིས་སྙིང་རྗེ་མཆོག་གི་སྦྱོར་བ་དེ་ཉིད་སྣང་བ་ནི། སྣ་ཚོགས་ལ་ནི་ཕན་ཐོགས་བྱེད་པའི་བསྟན་བཅོས་ལེགས་པར་བརྗོད་ནས་སུ། བདུད་རྩིའི་བདག་ཉིད་གྱུར་ [166a.4]པ་གང་ཐོབ་དེ་ཡིས་འགྲོ་གསུམ་པོ། །སྐད་ཅིག་ཕྱེད་ཀྱིས་དགྱེས་རྡོར་གོ་འཕང་བླ་ན་མེད་པར་འགྱུར་བར་ཤོག །དགོངས་པའི་དུམ་བུ་བཅུ་པའོ།། །།སྙིང་རྗེས་ཐུགས་ནི་བརླན་གྱུར་པའི། །དཔལ་ལྡན་འཇིག་རྟེན་མགོན་པོ་ཡིས། །སྣ་ཚོགས་ལ་ནི་ཕན་པའི་ཕྱིར། །དེ་ཉིད་སྣང་བར་ [166a.5]མཛད་པ་ཡིན། །ཞེས་བྱ་བའོ། །དེ་ཁོ་ན་ཉིད་ཀྱི་སྣང་བ་རྫོགས་སོ། །ཁ་ཆེའི་པཎྜི་ཏ་སོ་མ་ནཱ་ཐས་བསྒྱུར་ཏེ་གཏན་ལ་ཕབ་པའོ། །ལེའུ་སྟོན་རྒྱ་ནག་གིས་ནན་གྱིས་ཞུས་པའོ།། {T1294}༄༅༅། །རྒྱ་གར་སྐད་དུ། ཧེ་བཛྲ་སྱ་ཧ་སྟ་བྱ་བར་ཀྲ་མ་ནཱ་མ། བོད་སྐད་དུ། དགྱེས་པ་རྡོ་རྗེའི་ [166a.6]ལག་ཏུ་བླང་བའི་རིམ་པ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དེ་ལ་དང་པོར་བདག་ཉིད་སྒྲུབ་པ་པོ་བློ་ཕུན་སུམ་ཚོགས་པ་དང་ལྡན་པས་བསམ་གཏན་གྱི་ཁང་པར་ཞུགས་ཤིང་། ཆོས་ཐམས་ཅད་བདག་མེད་པར་མོས་ཏེ། ཕྱིའི་ཁྲུས་དང་། ནང་བདུད་རྩིའི་ཁྲུས་ [166a.7]བྱའོ། །དེ་ནས་ཅི་འབྱོར་པའི་ཡོ་བྱད་བསོགས་པ་དང་། མཎྜལ་བྱ་བ་དང་། རས་རིས་དགྲམ་པ་དང་། དྲི་ཆབ་ལ་འཐོར་འཐུང་དང་ཉེ་རེག་བྱས་ཤིང་། ཨོཾ་ཧེ་བཛྲ་ཨ་ཏིཥྛཱ་ན་མ་མ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བརྗོད་པས་བདག་ལ་སོགས་པ་བསྲུང་བར་འགྱུར་རོ། །དེ་ནས་སྟན་བཟང་པོ་ལ་འདུག་སྟེ། [166b] [166b.1]མཆོད་པའི་ཡོ་རྣམས་བྱིན་གྱིས་བརླབ་པ་དང་། ཨོཾ་བཛྲ་པུཥྤེ་ཨོཾ་ཨཱཿ་ཧཱུཾ། ཨོཾ་བཛྲ་དྷཱུ་པེ་ཨོཾ་ཨཱཿ་ཧཱུཾ། ཨོཾ་བཛྲ་ཨཱ་ལོ་ཀེ་ཨོཾ་ཨཱཿ་ཧཱུཾ། ཨོཾ་བཛྲ་གནྡྷེ་ཨོཾ་ཨཱཿ་ཧཱུཾ། ཨོཾ་བཛྲ་ནཻ་ཝི་དྱེ་ཨོཾ་ཨཱཿ་ཧཱུཾ་ཞེས་པས་སོ། །མཆོད་རྫས་གཞན་དག་ནི་ཨོཾ་ཨཱཿ་ཧཱུཾ། ཞེས་པས་བདུན་ནམ་ཉི་ཤུ་རྩ་གཅིག་གིས་སོ། །དེ་ནས་ [166b.2]རང་གི་སྙིང་གའི་ཧཱུཾ་གི་འོད་ཀྱིས་བཅོམ་ལྡན་འདས་འཁོར་དང་བཅས་པ་སྤྱན་དྲངས་ཏེ། ཧཱུཾ་ཁྱོད་ནི་རྣལ་འབྱོར་མ་རྣམས་བསྐོར། །རྡོ་རྗེ་མི་ཕྱེད་ཅིག་བཞེད་པ། །མཆོག་ཏུ་དགྱེས་པས་གཤེགས་ནས་ཀྱང་། །བྱིན་གྱིས་བརླབ་པར་མཛད་དུ་གསོལ། །ཨོཾ་བཛྲ་གཽ་རཱི་ཛཿ་ཨོཾ་བཛྲ་ཙཽ་རཱི་ཧཱུཾ། ཨོཾ་བཛྲ་བེ་ཏཱ་ལཱི་ [166b.3]བཾ། ཨོཾ་བཛྲ་གྷསྨ་རཱི་ཧོཿ་ཞེས་བརྗོད་པས་མངོན་སུམ་དུ་གསལ་བར་བལྟས་ལ་མཆོད་པར་བྱའོ། །ཆུ་དང་ཐང་ལས་སྐྱེས་པ་ཡི། །ལྷ་རྫས་བཟང་པོའི་མེ་ཏོག་འདི། །གུས་པ་མཆོག་གིས་བདག་འབུལ་ན། །ཅི་བདེ་བར་ནི་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་པུཥྤེ་པཱུ་ཛ་མི་གྷ་ས་མུ་དྲ་སྥ་ར་ཎ་ས་ [166b.4]མ་ཡེ་ཧཱུཾ། ལྷ་ཅིག་སྐྱེས་དང་སྦྱར་བ་ཡི། །ལྷ་རྫས་བཟང་པོའི་བདུག་སྤོས་འདི། །གུས་པ་མཆོག་གིས་བདག་འབུལ་ན། །ཅི་བདེ་བར་ནི་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་དྷཱུ་པེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། གདོན་རྣམས་འཇོམས་ཤིང་བཀྲ་ཤིས་ལ། །དགེ་ཞིང་མུན་སེལ་ [166b.5]མར་མེ་འདི། །གུས་པ་མཆོག་གིས་བདག་འབུལ་ན། །ཅི་བདེ་བར་ནི་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་ཨཱ་ལོ་ཀེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ནགས་ཚལ་བཅུད་ནི་ཡིད་དུ་འོང་། །དྲི་ཞིམ་སྦྱར་བ་ལྷ་ཡི་ཆུ། །གུས་པ་མཆོག་གིས་བདག་འབུལ་ན། །ཅི་བདེ་བར་ནི་བཞེས་ [166b.6]སུ་གསོལ། །ཨོཾ་སརྦ་ཏ་ཐཱ་ག་ཏ་གནྡྷེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། སྨན་རྣམས་བཅུད་ནི་ཡིད་དུ་འོང་། །སྔགས་ཀྱི་ཞལ་ཟས་བཤོས་འདི་དབ། །གུས་པ་མཆོག་གིས་བདག་འབུལ་ན། །ཅི་བདེ་བར་ནི་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་ནེ་ཝི་ཏྱེ་པྲུ་ཛ་མེ་གྷ་ས་མུ་དྲ་སྥ་ར་ཎ་ས་མ་ [166b.7]ཡེ་ཧཱུཾ། དེ་ནས་ལྷ་མོ་བརྒྱད་ཀྱིས་མཆོད་དེ། །གཽ་རཱི་མ་ནི་རི་བོང་འཛིན། །ཙཽ་རཱི་མ་ནི་ཉི་མ་འཛིན། །བེ་ཏཱ་ལཱི་ནི་རྡོ་རྗེ་ཆུ། །གྷསྨ་རཱི་ནི་སྨན་འཛིན་ཅིང་། །སྤོས་མོ་ཙནྡན་སྡོང་བུ་འཛིན། །རི་ཁྲོད་མ་ནི་སྦྲང་རྩི་འཛིན། །གཏུམ་མོ་ཅང་ཏེའུའི་སྒྲ་སྒྲོགས་ཤིང་། །འདོད་ཆགས་ཆེན་པོའི་རྗེས་ཆགས་ [167a] [167a.1]པས། །གཡུང་མོས་མགུལ་པ་ནས་འཁྱུད་པ། །སྐྱེས་བུ་བཞིན་དུ་བྱེད་པར་བཤད། །ཕྱི་དང་ནང་དང་གསང་བ་དང་། །འདི་རྣམས་ཀྱིས་ནི་གཙོ་བོ་མཆོད། །ཨོཾ་སརྦ་ཏ་ཐཱ་ག་ཏ་ཨ་ནུཏ་ར་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། དེ་ནས་བཤགས་པ་བྱ་སྟེ། བདག་གི་སྡིག་ [167a.2]པ་བགྱིས་པ་དང་། །རྗེས་སུ་ཡི་རང་བགྱིད་སྩལ་གང་། །རྫོགས་སངས་རྒྱས་ཀྱི་སྤྱན་སྔར་ནི། །ཐམས་ཅད་མ་ལུས་སོ་སོར་བཤགས། །དེ་ནས་རྗེས་སུ་ཡི་རང་བ་བྱས་ཏེ། སངས་རྒྱས་བྱང་ཆུབ་སེམས་རྣམས་དང་། །འཕགས་པ་ཉན་ཐོས་རང་རྒྱལ་དང་། །སོ་སོའི་སྐྱེ་བོའི་བསོད་ནམས་དེ། ། [167a.3]ཀུན་ལ་རྗེས་སུ་ཡི་རང་ངོ་། །དེ་ནས་བསྔོ་བ་བྱ་སྟེ། བདག་གི་དགེ་བ་འདི་དག་ཀུན། །བླ་མེད་བྱང་ཆུབ་ཡང་དག་རྫོགས། །སེམས་ཅན་ཀུན་དང་ཐུན་མོང་དུ། །ཡོངས་སུ་སྨིན་ཅིང་རྫོགས་པར་བགྱི། །དེ་ནས་སྐྱབས་སུ་གསོལ་ཏེ། རྫོགས་པའི་སངས་རྒྱས་རྐང་གཉིས་མཆོག །དེ་ཡིས་ [167a.4]གསུངས་པའི་དམ་ཆོས་དང་། །བྱང་ཆུབ་སེམས་དཔའི་དགེ་འདུན་ལ། །བྱང་ཆུབ་བར་དུ་སྐྱབས་སུ་མཆི། །དེ་ནས་སྨོན་པ་བྱང་ཆུབ་མཆོག་ཏུ་སེམས་བསྐྱེད་དེ། བདག་གིས་བླ་མེད་བྱང་ཆུབ་ཏུ། །ཡང་དག་རྫོགས་པར་གྱུར་ནས་ནི། །སེམས་ཅན་ཀུན་དོན་ཕན་བྱའི་ཕྱིར། །མི་གནས་ [167a.5]མྱ་ངན་འདས་ལ་དགོད། །དེ་ནས་འཇུག་པ་བྱང་ཆུབ་མཆོག་ཏུ་སེམས་བསྐྱེད་དེ། བདག་གིས་སྦྱིན་པ་ལ་སོགས་པ། །ཕ་རོལ་ཕྱིན་པ་ཀུན་རྫོགས་པས། །རྡོ་རྗེ་ཐེག་པ་བླ་མེད་པའི། །ལམ་ནི་ཡང་དག་བསྟེན་པར་བྱའོ། །དེ་ནས་ཚད་མེད་པ་བཞི་རིམ་པ་བཞིན་དུ་བསྒོམས་ལ། ཡེ་ཤེས་ [167a.6]ཀྱི་ཚོགས་སྟོང་པའི་བྱང་ཆུབ་ཏུ་བསམས་ཏེ། ར་བ་དང་གུར་ལ་སོགས་པའི་ནང་དུ་འབྱུང་བཞི་ཡོངས་སུ་གྱུར་པའི་གཞལ་ཡས་ཁང་གྲུ་བཞི་སྒོ་ཁྱུང་དང་ལྡན་པའི་ནང་དུ་སོ་སོའི་གདན་དབུས་སུ་བདུད་བཞི། ཤར་ཕྱོགས་སུ་ཚངས་པ། ལྷོ་ཕྱོགས་སུ་དབང་པོ། ནུབ་ཕྱོགས་སུ་ཉེ་དབང་། [167a.7]བྱང་ཕྱོགས་སུ་དྲག་པོ། བྱང་ཤར་དུ་གཤིན་རྗེ། ཤར་ལྷོར་ནོར་བྱིན། ལྷོ་ནུབ་ཏུ་བདེན་བྲལ། ནུབ་བྱང་དུ་ཐགས་བཟངས་རིས་ཀྱི་སྟེང་དུ་ཉི་མའི་དཀྱིལ་འཁོར་བསམས་ལ། ཨོཾ་སརྦ་ཏ་ཐཱ་ག་ཏ་ཨ་ནི་ལ་ཡ་བཛྲ་སྭ་བྷཱ་བ་ཨཱ་ཏྨ་ཀོ྅ཧཾ་ཞེས་བརྗོད་དོ། །དེ་ནས་དེའི་དབུས་སུ་མངོན་པར་བྱང་ [167b] [167b.1]ཆུབ་པ་རྣམ་པ་ལྔ། ཟླ་བ་མེ་ལོང་ཡེ་ཤེས་ལྡན། །བདུན་གྱི་བདུན་པ་མཉམ་ཉིད་ལྡན། །རང་ལྷའི་ས་བོན་ཕྱག་མཚན་ནི། །སོ་སོར་རྟོག་པ་ཉིད་དུ་བརྗོད། །ཐམས་ཅད་གཅིག་གྱུར་བྱ་ནན་ཏན། །རྫོགས་པ་ཆོས་དབྱིངས་དག་པའོ། །ཞེས་པས་རྒྱུའི་རྡོ་རྗེ་འཆང་སྐུ་མདོག་དཀར་པོ་རིག་མ་ [167b.2]སྔོན་མོ་དང་བཅས་པ། ཞལ་ཕྱག་བཅུ་དྲུག་པ་ཕྱག་རྒྱ་ལྔ་དང་ཐལ་ཆེན་གྱིས་ལུས་ལ་བརྒྱན་པ་བསྐྱེད་ལ། གསང་བའི་གནས་པདྨ་སུ་ཁ་དྷ་ར་ཞེས་པ་ལ་སོགས་པ་དང་། ཨོཾ་བཛྲ་མ་ཧཱ་དེ་ཤྭ་ལ་སོགས་པས་བྱིན་གྱིས་བརླབས་ལ། །སིཾ་སིཾ་ཞེས་པ་ལ་སོགས་པའི་རྟེན་ཅིང་འབྲེལ་བར་ [167b.3]འབྱུང་བས་བསྐྱོད་ལ། ཨོཾ་སརྦ་ཏ་ཐཱ་ག་ཏ་ཨུ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོ྅ཧཾ་ཞེས་པས་རྗེས་སུ་ཆགས་པའི་ཞུ་བ་ལས། རྗེས་སུ་མཐུན་པའི་མངོན་པར་བྱང་ཆུབ་པ་རྣམ་པ་ལྔས་ལྷ་མོའི་འཁོར་ལོ་སྤྲོ་བར་བྱའོ། །དེ་ལ་གཽ་རིའི་མ་ནི་ཤར་གྱི་གདན་གྱི་སྟེང་དུ་སྔར་གྱི་བསོད་ནམས་དང་ཡེ་ཤེས་ [167b.4]ལས་ཨཱ་ལི་ཀཱ་ལི་ར་སྣང་ལ། དེ་དག་གྱུར་པ་ལས་ཟླ་བ་དང་ཉི་མ་སྟེ་མངོན་པར་བྱང་ཆུབ་པ་གཉིས་པའོ། །དེ་དག་གི་ནང་དུ་ཞུ་བར་གྱུར་པའི་གྷཾ། ཞགས་པ་གྲི་གུག་ཏུ་གྱུར། དེ་ལ་གྷཾ་གིས་མཚན་པ་ཟླ་ཉིའི་སྟེང་དུ་གནས་པ་ནི་བྱང་ཆུབ་པ་གསུམ་པའོ། །དེ་ནས་ས་བོན་གྷཾ་ལས་འོད་ཟེར་ [167b.5]རྣལ་འབྱོར་མའི་རྣམ་པའི་གཟུགས་སུ་བྱུང་སྟེ། སེམས་ཅན་ཐམས་ཅད་ཀྱི་དོན་བྱས་ནས་སླར་བསྡུས་པས་ཉི་ཟླ་ལ་སོགས་པ་ཞུ་བ་ནི་བྱང་ཆུབ་པ་བཞི་པའོ། །དེ་ལ་གཽ་རཱིའི་གཟུགས་སྐུ་མདོག་ནག་པོ་དྲག་ཆེན་མོ་ལ་སོགས་པ་རྫོགས་པ་ནི་བྱང་ཆུབ་པ་ལྔ་པའོ། །དེ་བཞིན་དུ་ཙཽ་རཱི་ལ་ [167b.6]སོགས་པ་གཞན་དག་ལ་ཡང་སྦྱར་རོ། །དེ་ལྟར་འཁོར་བསྐྱེད་པའི་བྱ་བ་རྫོགས་པ་དང་། དེའི་དབུས་སུ་གཙོ་བོ་རྒྱུས་འགྱུར་བ་ནི་སྲིད་པ་བར་དོ། །ཡི་གེ་ཨོཾ་ཨཱཿ་ཧཱུཾ་ཧོ་དམར་པོ་གཉིས་ཀྱི་བར་དུ་བཅུག་པ་སྲིད་པ་པར་དོ་དྲི་ཟ་ཉེ་བར་འཁོར་གྱི་ཚུལ་དུ་གནས་པ་སྟེ། དགའ་ལྡན་དེའི་ཞལ་དུ་ཞུགས་པས་ [167b.7]པདྨའི་མཐའ་རུ་ཆགས་ཤིང་ཞུ་བས་དྲན་པ་དང་ལྡན་པར་གྱུར་ཏེ། དེ་ཉིད་ཀྱི་ཚེ་གཙོ་བོ་རིག་མ་དང་བཅས་པར་ཡང་ཞུ་བར་གྱུར་ཏོ། །དེ་ལྟར་རྒྱུ་རྫོགས་ནས་རྐྱེན་གླུས་བསྐུལ་བ་ནི། གྲྭ་བཞིན་གནས་པའི་ལྷ་མོ་བཞིས་བསྐུལ་བའི་ལས་བྱེད་པས་ན། བྱམས་པ་ལ་སོགས་པའི་གླུ་བཞི་ [168a] [168a.1]བླང་བར་བྱ་སྟེ། བཞེངས་ཤིག་རྗེ་བཙུན་སྙིང་རྗེའི་ཡིད། །པུཀྐ་སཱི་ནི་བདག་ལ་སྐྱོབས། །སྟོང་པའི་རང་བཞིན་ཉིད་སྤོངས་ལ། །བདག་ལ་བདེ་ཆེན་སྦྱོར་བཞེད་མཛོད། །ཁྱོད་མི་བཞུགས་ན་བདག་འགུམ་པས། །དགྱེས་པའི་རྡོ་རྗེ་ཁྱོད་བཞེངས་ཤིག །སྟོང་པའི་རང་བཞིན་ཉིད་ [168a.2]སྤོངས་ལ། །རི་ཁྲོད་མ་འབྲས་གྲུབ་པར་མཛོད། །དགའ་གཙོ་འཇིག་རྟེན་མགྲོན་གཉེར་ནས། །སྟོང་པ་ཉིད་ལ་བཞུགས་སམ་ཅི། །ཁྱོད་མེད་ཕྱོགས་ནི་མི་འཚལ་བས། །གདོལ་པ་མོ་བདག་ཞུ་བ་བགྱིད། །བདག་གིས་ཁྱོད་ཀྱི་ཐུགས་འཚལ་གྱིས། །མིག་འཕྲུལ་མངའ་བ་ཁྱོད་བཞེངས་ [168a.3]ཤིག །གཡུང་མོ་བདག་ཡིད་དྲན་ཉམས་པས། །སྙིང་རྗེའི་རྒྱུན་ཆད་མ་མཛད་ཅིག །ཅེས་པའི་རྐྱེན་གྱིས་བསྐུལ་བས། །འབྲས་བུའི་ཧེ་རུ་ཀ་ཡུད་ཙམ་གྱིས་མངོན་པར་བྱང་ཆུབ་པ་ལྔས་རྫུས་སྐྱེས་དང་ཆོས་མཐུན་པར་བསྐྱེད་པར་བྱ་སྟེ། དེ་ཡང་ཞུ་སྟེ། གོང་བུ་གཉིས་སུ་གྱུར་ཏེ། གོང་བུ་གཅིག་ནི་ [168a.4]སྟེང་འོག་གི་ཉི་ཟླ་གཉིས་དང་། བར་དུ་ས་བོན་ཧཱུཾ་ལས་རྡོ་རྗེ་གྱུར། དེ་ལས་ས་བོན་གྱིས་མཚན། དེ་ལས་འོད་ཟེར་རྣལ་འབྱོར་མའི་གཟུགས་སྤྲོས་བསྡུས་པ་ལས་གཅིག་ཏུ་གྱུར་པ་ལས་སྐུ་མདོག་ནག་པོ་ལ་སོགས་པའི་མཚན་ཉིད་དུ་གྱུར་ཏོ། །དེ་བཞིན་དུ་བདག་མེད་མ་ལ་ཡང་ཨོཾ་དང་ [168a.5]གྲི་གུག་ལ་སོགས་པ་བྱང་ཆུབ་པ་ལྔ་ལས་གྱུར་ཏོ། །དེ་མ་ཐག་ཏུ་ཞབས་རྣམས་ཀྱི་སྟང་སྟབས་ལ་སོགས་པ་གྱུར་པའི་རྗེས་ལ། དབུས་ཀྱི་གནས་སུ་དཀྱིལ་འཁོར་གྱི་བདག་པོར་གྱུར་ཏོ། །དེ་ནས་ཡང་འཁོར་རྣམས་ཀྱི་སྐུ་མདོག་དང་། མཚན་མ་ལ་སོགས་པ་གསལ་བར་བྱས་པ་དང་། [168a.6]སེམས་དཔའ་སུམ་བརྩེགས་བྱ་སྟེ། དེ་ལ་དཔའ་བོའི་ཐུགས་ཀར་པཾ་ལས་པདྨ་འདབ་མ་བརྒྱད་པ་དང་། རཾ་ལས་ཉི་མའི་སྟེང་དུ་ཧཱུཾ་ལས་རྡོ་རྗེའོ། །དེ་ལ་ཧཱུཾ་གིས་མཚན་པར་གྱུར་པ་ལས་བསྐྱེད་པའི་ཡེ་ཤེས་པ་རང་དང་འདྲ་བའོ། །དེའི་ཡང་ཐུགས་ཀར་པདྨ་དང་ཉི་མ་ལ་ཧཱུཾ་ཡོངས་སུ་གྱུར་པའི། [168a.7]རྡོ་རྗེ་ལ་ཧཱུཾ་གིས་མཚན་པའོ། །དེ་བཞིན་དུ་གཞན་དག་ལ་ཡང་ཧཱུཾ་དང་རྡོ་རྗེ་སེམས་དཔའ་སུམ་བརྩེགས་བྱ་བ་ཉིད་དོ། །དེ་ནས་གཙོ་བོའི་ཏིང་ངེ་འཛིན་སེམས་དཔའ་ལས་ཡེ་ཤེས་ཀྱི་འཁོར་ལོ་མདུན་གྱི་ནམ་མཁར་སྤྱན་དྲངས་ཏེ་གསལ་བ་དེ་ལས་བྱུང་བའི་ཡིད་ཀྱིས་མཆོད་པས་མཆོད་ནས། [168b] [168b.1]ཨོཾ་སརྦ་ཏ་ཐཱ་ག་ཏ་ཨནུཏྟ་ར་པཱུ་ཛ་མེ་གྷ་ས་མུ་དྲ་སྤ་ར་ཎ་མ་ཡེ་ཧཱུཾ་ཞེས་བརྗོད་དོ། །དེ་ནས་རྡོ་རྗེ་གླུ་དང་ཕྱག་རྒྱར་བཅས་པས། ཨོཾ་བཛྲ་གཽ་རཱི་བཛྲ་ཨཾ་ཀུ་ཤ་ཛཿ། ཨོཾ་བཛྲ་ཙཽ་ཏཱི་བཛྲ་པཱ་ཤ་ཧཱུཾ། ཨོཾ་བཛྲ་བེ་ཏཱ་ལཱི་བཛྲ་སྥོ་ཊ་བཾ། ཨོཾ་བཛྲ་གྷསྨ་རཱི་བཛྲ་གྷ་ཎྜེ་ཧོཿ་ཞེས་པས་དགུག་པ་དང་གཞུག་པ་དང་། བཅིང་བ་དང་། དབང་དུ་ [168b.2]བྱེད་ཅིང་། དམ་ཚིག་གི་འཁོར་ལོ་དང་དབྱེར་མེད་དུ་གྱུར་ཏོ། །དེ་ནས་དམ་ཚིག་ལ་ཡེ་ཤེས་ཀྱི་འཁོར་ལོ་བརྟེན་ཞིང་ནུས་པ་བསྐྱེད་པའི་དོན་དུ་ལྷ་ཀུན་གྱི་སྐྱེ་མཆེད་བྱིན་གྱིས་བརླབས་པ་དང་། སྐུ་གསུང་ཐུགས་སོ། །དེ་ལ་གཙོ་བོའི་མིག་ལ་མཾ་གྱི་ས་བོན་ནོ། །དེ་ཡང་ཡོངས་སུ་གྱུར་པ་ལས་གཏི་ [168b.3]མུག་རྡོ་རྗེ་མ་གསལ་བར་བསམ་ཞིང་། མཾ་མོ་ཧ་བཛྲི་ཨོཾ་ཨཱཿ་ཧཱུཾ་ཞེས་བརྗོད་དོ། །རྣ་བར་ས་བོན་ཌཾ་ལས་ཞེ་སྡང་རྡོ་རྗེ་མ་བསམ་ཞིང་། དཾ་དྭེ་ཤ་བཛྲི་ཨོཾ་ཨཱཿ་ཧཱུཾ་ཞེས་བརྗོད་དོ། །སྣ་ལ་པཾ་ཡོངས་སུ་གྱུར་པ་ལས་སེར་སྣ་རྡོ་རྗེ་མ་བསམ་ཞིང་། པཾ་བེ་ཤུ་ན་བཛྲི་ཨོཾ་ཨཱཿ་ཧཱུཾ་ཞེས་བརྗོད་དོ། །ཁ་ལ་རཾ་ [168b.4]ཡོངས་སུ་གྱུར་པ་ལས། འདོད་ཆགས་རྡོ་རྗེ་མ་བསམ་ཞིང་། རཱ་ག་བཛྲེ་ཨོཾ་ཨཱཿ་ཧཱུཾ་ཞེས་བརྗོད་དོ། །ལུས་ལ་ཨོཾ་ཡོངས་སུ་གྱུར་པ་ལས་ཕྲག་དོག་རྡོ་རྗེ་མ་བསམ་ཞིང་། ཨོཾ་ཨིརཥྱ་བཛྲ་ཨོཾ་ཨཱཿ་ཧཱུཾ་ཞེས་བརྗོད་དོ། །སྙིང་གར་ཡིད་ལ་ཡང་ས་བོན་ནཾ་ཡོངས་སུ་གྱུར་པ་ལས་བདག་མེད་པར་ [168b.5]བསམ་ཞིང་། ནཾ་ནཻ་ར་ཨཱཏྨ་བཛྲ་ཨོཾ་ཨཱཿ་ཧཱུཾ་ཞེས་བརྗོད་དོ། །དེ་བཞིན་དུ་གཙོ་བོའི་སྙིང་ག་དང་། ལྐོག་མ་དང་། སྤྱི་བོར་ཨོཾ་ཨཱཿ་ཧཱུཾ་གི་ས་བོན་ལས། མཁའ་སྤྱོད་སྐུའི་རྡོ་རྗེ་མ། ས་སྤྱོད་གསུང་གི་རྡོ་རྗེ་མ། ཞབས་འོག་གནས་པ་ཐུགས་ཀྱི་རྡོ་རྗེ་མར་གསལ་བར་བསྐྱེད་ཅིང་། ཨོཾ་སརྦ་ [168b.6]ཏ་ཐཱ་ག་ཏ་ཁེ་ཙ་རི་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་བྷཱུ་ཙ་རི་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་པཱ་ཏཱ་ལ་ཝ་སི་ནི་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་བརྗོད་དེ། དེ་བཞིན་དུ་ལྷ་ཀུན་ལ་ཡང་རིམ་པ་བཞིན་དུ་སྦྱར་རོ། །དེ་ནས་གཙོ་བོའི་ཐུགས་ཀ་ནས་བྱུང་བའི་འོད་ཟེར་གྱིས་མདུན་ [168b.7]གྱི་ནམ་མཁར་བྱང་ཆུབ་སེམས་དཔའ་ཐམས་ཅད་སྤྱན་དྲངས་ལ། ཡང་འོད་ཟེར་གྱིས་མཆོད་ཅིང་། ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། ཞེས་བརྗོད་པས་མཉེས་པར་གྱུར་པ་དེ་ལས། ཨོཾ་སརྦ་ཏ་ཐཱ་ག་ཏ་ཨ་བྷི་ཤི་ཉྩ་ཏུ་མཾ། ཞེས་གསོལ་བ་བཏབ་ [169a] [169a.1]པས་སངས་རྒྱས་དང་བྱང་ཆུབ་སེམས་དཔའ་དེ་དག་དཔལ་ཧེ་རུ་ཀ་ཞལ་བརྒྱད་ཕྱག་བཅུ་དྲུག་པར་གྱུར་ཏེ། དེ་བཞིན་གཤེགས་པ་ལྔ་ཞུ་བའི་བུམ་པས་ལྷ་ཀུན་ལ་དབང་བསྐུར་ནས། སོ་སོར་རིགས་ཀྱི་བདག་པོ་དབུལ་བསྐྱེད་ཅིང་། མེ་ཏོག་གི་ཆར་ལ་སོགས་པ་བྱུང་བ་དང་། [169a.2]ཨོཾ་སརྦ་ཏ་ཐཱ་ག་ཏ་ཨབྷི་ཥེ་ཀ་བཛྲ་སྭ་བྷཱ་བ་ཨཱཏྨ་ཀོ྅ཧཾ་ཞེས་བརྗོད་དོ། །དེ་ནས་ཡང་རང་གི་སྙིང་གའི་ས་བོན་གྱི་འོད་ཟེར་ལས་མཆོད་པའི་ལྷ་མོའི་ཚོགས་སྤྲོས་ནས་བདག་ཉིད་གཙོ་བོ་དང་བཅས་པའི་འཁོར་ལོ་ལ་མཆོད་དེ། ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ཨཱཏམ་ཀོ྅ཧཾ་ཞེས་བརྗོད་དོ། །དེ་ནས། [169a.3]ཐམས་ཅད་དངོས་པོའི་རང་བཞིན་མཆོག །ཅེས་བྱ་བ་ལ་སོགས་པ་འམ། ཁྱོད་ནི་རྣལ་འབྱོར་མ་རྣམས་ཡོངས་སུ་བསྐོར། །ཞེས་བྱ་བ་ལ་སོགས་པས་འཁོར་གྱིས་གཙོ་བོ་ལ་བསྟོད་པར་བསམ་ཞིང་། བདག་ཉིད་ཀྱང་གླུ་བླང་ཞིང་། ཨོཾ་སརྦ་ཏ་ཐཱ་ག་ཏ་པྲ་སྟུ་ཏེ་བཛྲ་སྭ་བྷཱ་བ་ཨཱཏྨ་ཀོ྅ཧཾ་ཞེས་ [169a.4]བརྗོད་དོ། །དེ་ནས་བདུད་རྩི་མྱང་བའི་ཆོག་བྱ་སྟེ། བདག་ཉིད་གཙོ་བོའི་ང་རྒྱལ་དང་ལྡན་པས་དཀྱིལ་འཁོར་གྱི་ལྷ་རྣམས་རང་གི་ཡེ་ཤེས་ཀྱི་སྣང་བ་ལས་གྱུར་པ་ཡིན་པས་ན་རང་དང་ཐ་མི་དད་པའི་ང་རྒྱལ་བྱའོ། །དེ་ནས་རང་གི་མདུན་དུ་འཇིག་རྟེན་པའི་གཡོས་བྱེད་པའི་ཚུལ་དུ་ཀཾ་ཡོངས་སུ་གྱུར་པ་ལས་ [169a.5]ཐོད་པ་གསུམ་དང་། ཡཾ་ལས་རླུང་ངོ་། །དེ་ནས་རཾ་ཡོངས་སུ་གྱུར་པའི་མེའི་སྟེང་དུ། ཨ་ཡོངས་སུ་གྱུར་པའི་ཐོད་པའོ། །ནང་དུ་བདུད་རྩིའི་རི་ལུའམ་ཕྱེ་མ་མྱོས་བྱེད་དང་སྦྱར་བ་ལ། བི་ར་ཤུ་མ་མུ་དང་། གོ་ཀུ་ད་ཧ་ན་ལས་བདུད་རྩི་ལྔ་དང་། སྒྲོན་མ་ལྔའི་ངོ་བོར་གྱུར་ཏོ། །དེའི་སྟེང་དུ་ཧཱུཾ་ཡོངས་སུ་ [169a.6]གྱུར་པ་ལས་རྡོ་རྗེ་རྒྱ་གྲམ་ཁ་ཆོད་ལྟ་བུར་བསམ་མོ། །དེ་ནས་རླུང་གིས་མེ་བསྐྱོད་པས་ཐོད་པར་བདུད་རྩི་དང་སྒྲོན་མ་འདྲེས་ཤིང་ཁོལ་བས་རླངས་པ་ལྟ་བུའི་འོད་ཟེར་བྱུང་བས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་བཀུག་སྟེ། དེ་རྡོ་རྗེ་ལ་ཐིམ་པས་ཞུ་ནས་ [169a.7]དམ་ཚིག་གི་བདུད་རྩི་ལ་ཐིམ་ཞིང་འདྲེས་པར་གྱུར་ཏོ། །ཨོཾ་ཨཱཿ་ཧཱུཾ་ཞེས་ལན་བདུན་ནམ་ཉི་ཤུ་རྩ་གཅིག་བརྗོད་པས་བྱིན་གྱིས་བརླབ་པར་བྱ་སྟེ། དེ་ནས་དཀྱིལ་འཁོར་གྱི་ལྷ་ཀུན་རང་གི་གཙོ་བོ་ར་གསལ་བའི་ཐུགས་ཀར་བསྐྱེད་ཅིང་དམིགས་པའམ། ཡང་ན་རང་ཉིད་ལས་གྱུར་པའི་ [169b] [169b.1]འོད་ཟེར་ལྟ་བུའི་སྣང་བར་བསམས་ཏེ། རང་གི་ལྕེ་ལ་ཧཱུཾ་ལས་གྱུར་པའི་རྡོ་རྗེ་ནས་འབྲུ་ཙམ་བསམ་མོ། །དེའི་འོད་ཟེར་སྦུ་གུས་བདུད་རྩིའི་རོ་མྱང་ཞིང་། ཨོཾ་སརྦ་ཏ་ཐཱ་ག་ཏ་ཨ་མྲྀ་ཏ་སུ་སཏྭ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་བརྗོད་དོ། །དེ་ལྟར་ཡན་ལག་དྲུག་པོ་དག །འཁོར་ལོས་སྒྱུར་བ་དྲུག་ [169b.2]རྣམས་སུ། །མོས་དང་ལྡན་པས་བསྒོམས་གྱུར་ན། །མྱུར་དུ་བྱང་ཆུབ་ཐོབ་པར་འགྱུར། །དེ་ཡི་རྟགས་ནི་འདི་ཡིན་ཏེ། །དང་པོ་སྤྲིན་དང་འདྲ་བ་ནི། །སྤྲིན་མེད་ནམ་མཁའི་བར་དུའོ། །དེ་ནས་རྫོགས་དེ་ཁོ་ན་ཉིད། །གཏུམ་མོ་སྦར་བ་ལ་སོགས་བྱ། །རྣལ་འབྱོར་དེ་ཡིས་ངལ་གྱུར་ནས། ། [169b.3]དེ་ཉིད་རྗེས་སུ་དྲན་པ་དང་། །སྔགས་བཟླས་གཏོར་མ་གཏང་བ་དང་། །སྤྱོད་ལམ་ལྷག་པར་མོས་པ་བྱ། །དེ་དག་གི་དོན་ནི་འདི་ཡིན་ཏེ། ཡན་ལག་དྲུག་པོ་ཞེས་པ་ནི། །གཞི་དང་རྗེས་སུ་ཆགས་པ་དང་། །དབང་བསྐུར་མཆོད་བསྟོད་བདུད་རྩི་མྱང་། །འཁོར་ལོས་སྒྱུར་དྲུག་ཅེས་པ་ནི། །རྟག་ [169b.4]པ་རྡོ་རྗེ་འཆང་བ་དང་། །མི་བསྐྱོད་དོན་ཡོད་རིན་ཆེན་འབྱུང་། །འོད་དཔག་མེད་པའམ་ཡེ་ཤེས་རྣམས། །ཆོས་ལྡན་བསྒོམ་པ་ཞེས་པ་ནི། །རྣམ་པ་དེ་དག་བསྒོམ་པའི་ཚེ། །མོས་པ་སངས་རྒྱས་རང་བཞིན་ནོ། །མྱུར་དུ་བྱང་ཆུབ་འཐོབ་ཅེས་པ་ནི། མཆོག་ཏུ་གྱུར་པའི་རྟེན་འབྲེལ་མཐུ། ། [169b.5]རྡོ་རྗེ་སེམས་དཔའ་མཁྱེན་ཕྱིར་རོ། །དེའི་རྟགས་ཞེས་པ་ནི། སེམས་བརྟན་དེ་ཉིད་ལ་འཇུག་དང་། །དངོས་གྲུབ་འགྲུབ་པའི་མཚན་མའོ། །དང་པོ་སྤྲིན་དང་འདྲ་ཞེས་པ་ནི། དབང་སྟོབས་ལྷན་སྐྱེས་བུ་མོ་འམ། །ལས་ཀྱི་ཕྱག་རྒྱ་མངོན་དུ་སྣང་། །སྤྲིན་མེད་ནམ་མཁའི་བར་དུའོ། ། [169b.6]ཞེས་པ་ནི། སྒོམ་དང་སྤྱོད་པ་འབྲས་བུའི་སྟོབས། །ཕྱག་རྒྱལ་སོགས་རིམ་བཞིན་སྦྱར། །རྫོགས་རིམ་དེ་ཁོ་ན་ཞེས་པ་ནི། །རིམ་གཉིས་ཚོགས་པ་གཅིག་པའམ། །བརྟེན་ཏེ་བྱིན་གྱིས་བརླབ་ཕྱིར་རོ། །གཏུམ་མོ་སྦར་བ་ལ་སོགས་ཞེས་པ་ནི། །མཚན་མ་རྣམ་རྟོག་འཇོམས་ [169b.7]པ་ཡིས། །ཡི་གེ་ཨ་མ་ཐིག་ལེ་ལས། །འབར་བའི་འོད་ཟེར་བྱུང་བས་སོ། །སོགས་པ་རྫོགས་རིམ་གཞན་ཡང་བསྒོམ། །རྣལ་འབྱོར་དེ་ཡིས་ངལ་ཞེས་པ་ནི། རིམ་པ་གཉིས་ཀྱིས་ངལ་གྱུར་ན། དབུགས་དབྱུང་བ་ནི་རྣམ་པ་གསུམ། །དེ་ཉིད་རྗེས་སུ་དྲན་ཞེས་པ་ནི། བདག་ [170a] [170a.1]ཉིད་ལྷ་ཡི་ཕུང་པོ་དང་། །སྐྱེ་མཆེད་ལ་སོགས་ལྷ་མོར་དྲན། །ཧེ་རུ་ཀ་ཡི་ཆ་བྱད་ནི། །ཕ་རོལ་ཕྱིན་པའི་རྣམ་དག་དྲན། །སྔགས་བཟླས་ཞེས་པ་ནི། དེ་ལ་སྔགས་ཀྱི་བཟླས་པའི་ཚེ། །བདག་ཉིད་རིམ་པ་གཉིས་པོ་དག །ཚོགས་པ་གཅིག་ཏུ་སྣང་བྱས་ནས། །བདག་ཉིད་ [170a.2]ནམ་མཁའི་ངོས་གནས་པའི། །ཟླ་བ་ལྟ་བུའི་བསམ་གཏན་མོས། །དཀྱིལ་འཁོར་འཁོར་ལོའི་བདག་ཉིད་ནི། །ཆུ་ཟླ་ལྟ་བུར་གྱུར་པའོ། །དེ་ལ་སྔགས་ཀྱི་བཟླས་པ་ཡང་། །བདག་ཉིད་ཚོགས་པ་གཅིག་གྱུར་པས། །སྒྲ་རིངས་གསལ་བ་ཁྲི་འབུམ་བཟླས། །དེ་ཚེ་དཀྱིལ་འཁོར་ [170a.3]པ་དག་ཀྱང་། །སྒྲ་བརྙན་བྲག་ཅའི་ཚུལ་དུ་ཟློས། །གཏོར་མ་བཏང་ཞེས་པ་ནི། དེ་ལ་གཏོར་མའི་བྱ་བ་སྟེ། བཤད་རྒྱུད་ལུང་དང་མན་ངག་གོ། །བདག་ཉིད་ཚོགས་པ་གཅིག་གྱུར་པས། །མདུན་གྱི་ཆོས་འབྱུང་གྲུ་གསུམ་དུ། །སྟེང་འོག་པདྨ་རིམ་གསུམ་བྱ། །སྟེང་དུ་ཚངས་ [170a.4]པ་ལ་སོགས་ལྷ། །ཨོཾ་སྐྱེས་མདོག་དཀར་རྟག་པས་མཚན། །རྡོ་རྗེ་དྲིལ་བུ་འཛིན་པ་ཡིས། །རང་མཚུངས་རིག་ལ་དང་ལྡན་པའོ། །བར་གྱི་པདྨ་ཧཱུཾ་ལས་བྱུང་། །མདོག་སྔོན་མི་བསྐྱོད་པ་ཡིས་མཚན། །རྡོ་རྗེ་དྲིལ་བུ་འཛིན་པ་ཡིས། །རང་མཚུངས་རིག་མ་དང་ལྡན་པའོ། །འོག་གི་ [170a.5]པདྨར་ཨ་ལས་བྱུང་། །མདོག་དམར་འོད་དཔག་མེད་པས་མཚན། །རྡོ་རྗེ་དྲིལ་བུ་འཛིན་པ་ཡིས། །རང་མཚུངས་རིག་མ་དང་ལྡན་པའོ། །ཡཾ་ལས་རླུང་དང་རཾ་ལས་མེ། །ཨ་ལས་ཐོད་པར་བདུད་རྩི་བསམ། །བདུད་རྩི་སྒྲོན་མའི་ས་བོན་ལས། །རིམ་བཞིན་བསྐོལ་བས་འོད་ཟེར་བྱུང་། ། [170a.6]དེ་ཡིས་ཡེ་ཤེས་བཀུག་བྱས་ཏེ། །དེ་ཉིད་གསུམ་གྱི་སྔགས་ཀྱིས་བརྟན། །དེ་ལ་སྔར་གྱི་མགྲོན་རྣམས་ཀྱི། །ལྕེ་ཡི་འོད་ཟེར་སྦུ་གུ་ཡིས། །བདུད་རྩི་རོ་རུ་གསོལ་བར་བྱེད། །ཨོཾ་ཨིནྡ། ཛ་མ། ཛ་ལ། ཛཀྑ། བྷྲ་ཏ། བཧྣི། བ་ཨུ། རཀྵ། ཙནྡ། སུཛྫ། མ་ད། པ་པྤ། ཏ་ལ་པཱ་ཏཱ་ལེ། ཨཊྚ་སཔྤ་ [170a.7]སྭཱ་ཧཱ། ཨི་དཾ་བ་ལིཾ། བྷུཉྫ། ཛིཾ་གྷ། ཕུལླ། དྷཱུ་པ། མཱཾ་ས། པིཾ་གྷ། ཨམྦྷ། སཔྤ། ཀཛྫ། སཱ་ད། ཁནྟི། ཁུ་ཎི། ཕེ་ཌ། གཱ་ད། ཨོཾ་ཨ་ཀཱ་རོ་མུ་ཁཾ་སརྦ་དྷ་རྨཱ་ཎཱཾ། ཨཱ་དྱ་ནུ་ཏྤ་ནྣ་ཏྭཱ་ཏ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། གལ་ཏེ་མཚན་ཕྱེད་ཚོགས་འཁོར་ལོ། །བྱེད་ན་དབུགས་དབྱུང་བཞི་པ་སྟེ། །གཉིས་འོག་ [170b] [170b.1]གཏོར་མའི་སྔོན་དུ་བྱ། །དང་པོར་ཀུན་གྱིས་ཁྲུས་ལ་འཇུག །བདུད་རྩི་ལྔ་དང་དྲི་ཞིམ་བྱུགས། །གོས་བཟང་རུས་སོགས་རྒྱན་གྱིས་བརྒྱན། །སོ་སོའི་མགོ་ལ་མེ་ཏོག་གཞག །ཡང་ན་མེ་ཏོག་ཕྲེང་བས་བཅིང་། །ཐིག་གདབ་ལེ་ཚེར་བྱ་བ་དང་། །རང་རང་སྟན་ལ་བདེ་བར་འདུག །ཀུན་གྱི་རྣལ་ [170b.2]འབྱོར་གསལ་བ་རུ། །ཕྱོགས་དང་མཚམས་སུ་ལྷ་རུ་གསལ། །དེ་ནས་ཀརྨ་བཛྲ་ཡིས། །མེ་ཏོག་ལ་སོགས་མཆོད་པ་ལྔ། །རྣལ་འབྱོར་ཀུན་ལ་རིམ་བཞིན་བྲི། །དེ་ནས་དཀྱིལ་འཁོར་ལྷ་རྣམས་ལ། །བ་ལིཾ་ཆེན་པོའི་གཏོར་མ་བསྟབ། །བཟའ་དང་བཏུང་བའི་ཕུད་བསྡུས་ལ། །ལག་ཏུ་ [170b.3]ཐོགས་ནས་འདི་སྐད་བརྗོད། །ཨོཾ་བཛྲ་གཽ་རཱི་ག་ཎ་ཙ་ཀྲ་ཨ་དྷི་ཁྵྲཱ་ན། ཞེས་པའི་གླུ་ནི་དྲུག་འགྱུར་དུ། །ལྷ་མོ་བརྒྱད་པོ་རིམ་བཞིན་དུ། །དེ་ལྟར་བྱིན་གྱིས་བརླབ་བྱས་ལ། །ཀརྨ་བཛྲ་ཕུད་དེ་རྣམས། །གཏོར་ཆེན་བསྐྱེད་གསུམ་ལྡན་པར་ནི། །ར་མགོ་ལུག་མགོ་མི་མགོ་ཅན། །འཕན་དང་བ་ [170b.4]དན་བརྒྱན་པས་དབུལ། །ཨོཾ་ཧེ་བཛྲཱ་དྷི་ཤྛཱ་ན། མ་ཧཱ་བ་ལིཾ་ཏ་པྲ་ཏཱི་ཙྪ་ཧོ། །ཁ་ཁ་ཁཱ་ཧི་ཁཱ་ཧི། གྲིཧྞ་གྲིཧྞ། བྷུཉྫ་བྷུཉྫ་པྲ་ཏཱི་ཙྪ་ཧོཿ་ཞེས་པས་གླུ་བླང་ཞིང་། ཨོཾ་བཛྲ་ནཻ་ར་ཨཱཏྨ། ཨོཾ་བཛྲ་གཽ་རཱི་ཞེས་པའི་མིང་ཀུན་དང་སྦྱར་ཞིང་དབུལ་ལོ། །དེ་ནས་ཀརྨ་བཛྲ་ཡིས། །རྡོ་རྗེ་སློབ་དཔོན་ལ་སོགས་པ། །ཀུན་ [170b.5]གྱི་མདུན་དུ་མཎྜལ་བྱ། །རྡོ་རྗེ་ལག་ཀོར་གར་བྱ་ཞིང་། །རྡོ་རྗེ་གླུ་ཡིས་འདི་སྐད་བརྗོད། །ཁྱོད་ནི་རྣལ་འབྱོར་དམ་པ་མཆོག །བདེ་བ་ཆེན་པོའི་རོས་གང་བ། །དེ་ཡི་རྐྱེན་དུ་དབུལ་ལགས་ཀྱིས། །དགྱེས་པའི་མདངས་ཀྱིས་བཞེས་སུ་གསོལ། །དེ་ནས་བཟའ་དང་བཅའ་ལ་སོགས། །ཁྱད་ [170b.6]པར་དང་ནི་ཐུན་མོང་དུ། །སོ་སོར་ཚིམ་པར་གྱུར་ནས་ཀྱང་། །རྡོ་རྗེ་གར་དུ་གླུ་བླངས་ཏེ། །ཚོགས་ཀྱི་བདག་པོས་སྔར་བྱས་པའོ། ཡང་ན་གཞན་དག་གིས་ཀྱང་ངོ་། །ཨོཾ་བཛྲ་གཽ་རཱི་ཧཱུཾ། བཛྲ་པཱུ་ཛ་ཨ་ནུཏྟ་ར་ཞེས་པ་རྐང་པ་གསུམ་གྱི་གླུས་ལྷ་མོ་བརྒྱད་ཅར་ལ་སྦྱར་བར་བྱའོ། །གཞན་ [170b.7]ཡང་སྐད་ཅིག་དགའ་བའི་གླུ། །རྣམ་པ་སྣ་ཚོགས་དུ་མ་ཡི། །འོ་དང་འཁྱུད་པ་ལ་སོགས་པ། །རྣམ་པ་སྣ་ཚོགས་སྐད་ཅིག་མ། །དགའ་བའི་ལོངས་སྤྱོད་རབ་ཏུ་འབུལ། །རྣམ་པ་སྣ་ཚོགས་དུ་མ་ཡི། །སྒེག་དང་དཔའ་ལ་སོགས་པ་རྣམས། །རྣམ་པར་སྨིན་པའི་སྐད་ཅིག་མ། [171a] [171a.1]མཆོག་དགའི་ལོངས་སྤྱོད་རབ་ཏུ་འབུལ། །རྣམ་པ་སྣ་ཚོགས་དུ་མ་ཡི། །བདེ་བའི་སྟོན་མོ་ལ་སོགས་པའི། །རྣམ་པ་མེད་པའི་སྐད་ཅིག་མ། །དགའ་བྲལ་ལོངས་སྤྱོད་རབ་ཏུ་འབུལ། །རྣམ་པ་སྣ་ཚོགས་དུ་མ་ཡི། །བདེ་མཆོག་ཆེན་པོ་ལ་སོགས་པ། །མཚན་ [171a.2]ཉིད་བྲལ་བའི་སྐད་ཅིག་མ། །ལྷན་སྐྱེས་ལོངས་སྤྱོད་རབ་ཏུ་འབུལ། །འཇིག་རྟེན་མ་ལུས་ཐམས་ཅད་ཀྱང་། །ནམ་མཁའ་ཀུན་གྱི་རྣལ་འབྱོར་གྱིས། །ནམ་མཁའི་དམ་ཚིག་ལ་ཞུགས་ཏེ། ཐམས་ཅད་ནམ་མཁར་ལོངས་སྤྱོད་པའོ། །ཞེས་པ་ཡིས་ནི་གླུ་བླངས་ལ། །གལ་ཏེ་ [171a.3]སློབ་མ་འཇུག་འདོད་ལ། །ཚོགས་ཀྱི་འཁོར་ལོ་སྔོན་ཉིད་དུ། །ཅུང་ཟད་བཟླས་པའི་རྗེས་ལ་བྱ། །དེ་ཡང་རྡོ་རྗེ་སློབ་དཔོན་གྱི། །ལས་སུ་བྱ་བ་འདི་ཡིན་ཏེ། །སྔོན་དུ་གྲངས་དང་མཚན་མའོ། །དུས་ཀྱི་བསྙེན་པས་སྦྱང་བར་བྱ། །འབུམ་དང་ཁྲི་ཡིས་གཙོ་འཁོར་ལོ། །དེ་བཞིན་ཟླ་ [171a.4]དྲུག་གོམས་པ་དང་། །སྔགས་ཀྱི་རབ་མཐོང་ཕ་རོལ་སོན། །གསལ་བར་ནུས་པའི་རྣལ་འབྱོར་རོ། །དེར་ནི་བསྙེན་པས་མཐུ་བསྐྱེད་ནས། །ས་ཡི་ཆོ་ག་བརྟག་པ་ནི། །ཕྱི་དང་ནང་དུ་ཤེས་པར་བྱ། །ཕྱི་ནི་ཚྭ་སྒོ་ཅན་ལ་སོགས། །ངན་པའི་སྐྱོན་དག་སྤང་བྱས་ནས། །གྲོང་ཁྱེར་བྱང་ [171a.5]ངམ་ཤར་དུ་གཞོལ། །མཉམ་ལ་སོགས་པའི་ཡོན་ཏན་ལྡན། །ནད་ནི་མཚན་མ་རྨི་ལམ་སོགས། །རྣལ་འབྱོར་ནུས་པས་རབ་ཏུ་བརྟག །སྦྱང་བ་དེ་བཞིན་ཕྱི་དང་ནང་། །ཕྱི་ནི་འདོམ་གང་ལྟེ་བ་དང་། །པུས་ནུབ་ཙམ་དུ་བརྐོ་བྱས་ཏེ། །འབྱོར་པ་རབ་འབྲིང་ཐ་མ་ཡིས། །རྡོ་དང་གྱོ་མོ་ [171a.6]སོལ་དུ་མ་བསལ། །དེ་ནས་ནང་གི་སྦྱང་བ་ནི། །ཏིང་འཛིན་སྔགས་དང་ཕྱག་རྒྱས་སོ། །དེ་ནས་བྱིན་གྱིས་བརླབ་བྱ་སྟེ། །འོག་གཞི་རི་རབ་རྩེ་མོའམ། །ཤྲཱི་དྷ་ན་ལ་སོགས་པ་ཡི། །བདེ་བ་ཅན་གྱི་གནས་སུ་བསམ། །དེར་གནས་པ་ཡི་རྣལ་འབྱོར་ནི། །ཡན་ལག་དྲུག་པོ་སྔར་ [171a.7]བཞིན་བྱ། །དེ་ནས་ས་ཡི་ལྷ་མོ་ནི། །བསྐྱེད་ཅིང་སྤྱན་དྲངས་བཞུགས་པ་ལ། །མ་མ་རིན་ཆེན་སྣ་ཚོགས་འཛིན། །ཞེས་སོགས་ཚིག་གིས་དཔང་པོར་གསོལ། །དེ་རྗེས་རྣལ་འབྱོར་ལྡན་པ་ཡི། །སློབ་དཔོན་ལ་ནི་གྲོགས་མཆོག་གིས། །ཕྱོགས་བཞི་ནས་བསྟོད་གསོལ་ [171b] [171b.1]བ་གདབ། །དེ་ཡི་དོར་བྱས་ལངས་ཏེ་བསྲུང་། །རྡོ་རྗེ་ལྟ་སྟངས་རྡོ་རྗེ་འགྲོས། །དེངས་ཤིག་པ་དང་སྟང་སྟབས་སོགས། །དཀྱིལ་འཁོར་ཆོ་གའི་གཞུང་བཞིན་བྱ། །དེ་ཡི་མཚན་མོ་སྟ་གོན་ནི། །ལྷ་དང་བུམ་པ་སློབ་མའོ། །དེ་ལ་ལྷ་ཡི་བྱ་བ་ནི། །དང་པོར་ཀརྨ་བཛྲ་ཡིས། །བྱ་བ་ལ་ནི་འཇུག་ [171b.2]པ་དང་། །ཚོགས་བསགས་པ་དང་རྣལ་འབྱོར་ནི། །ཡན་ལག་དྲུག་པོ་སྔར་བཞིན་བྱ། །དེ་ནས་བདག་ཉིད་ཕུན་སུམ་ཚོགས། །ལྡན་པའི་བླ་མ་ལ་ནི་འཕོ། །དེ་ཚེ་དྲི་ཡི་ཐིག་ལེ་དང་། །མེ་མར་དགུ་སོགས་ཕུན་ཚོགས་བྱ། །དེ་ནས་བླ་མའི་རྣལ་འབྱོར་ནི། །གཟུགས་བརྙན་མེ་ཏོག་ཚོམ [171b.3]བུལ། །ཏིང་འཛིན་ས་བོན་བདག་གིས་བསྐྱེད། །ཡེ་ཤེས་བཀུག་ལ་སུམ་བསྲེག་བྱ། །དེ་ཡང་རང་གི་སྙིང་ག་ཡི། །ས་བོན་འོད་ཟེར་ལྕགས་ཀྱུ་ཡིས། །མདུན་དུ་ཡེ་ཤེས་འཁོར་ལོ་བསྡུ། །ཡིད་ལས་བྱུང་བའི་མཆོད་པ་ཡིས། །ཅི་རིགས་མཆོད་ཅིང་སྔགས་འདི་བརྗོད། །ཨོཾ་ [171b.4]སརྦ་ཏ་ཐཱ་ག་ཏ་ཨ་ནུཏྟ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། དེ་ནས་གཽ་རཱི་ལ་སོགས་པའི། །ཛཿ་ཧཱུཾ་བཾ་ཧོཿའི་སྔགས་དང་ནི། །གླུར་བཅས་པ་ཡི་ཕྱག་རྒྱ་ནི། །དགུག་སོགས་ཐིམ་པས་ཡེ་ཤེས་འབར། །སངས་རྒྱས་བྱང་ཆུབ་སེམས་དཔའ་ནི། །སྒྲུབ་སྟེ་གཞན་ལ་ཡང་མ་ཡིན། ། [171b.5]སྐྱེ་མཆེད་དྲུག་དང་སྐུ་གསུང་ཐུགས། །བྱིན་གྱིས་བརླབ་དང་དབང་བསྐུར་བ། །སྔར་བཞིན་བྱས་ཏེ་མཆོད་པའི་ཚོགས། །འདིར་ནི་རབ་ཏུ་རྒྱས་པར་བྱ། །བསྟོད་དང་བདུད་རྩི་མྱང་བ་དང་། །སྔགས་དང་བཅས་པ་སྔར་བཞིན་བྱ། །དེ་ནས་ཡང་ནི་འདི་སྐད་བརྗོད། །གཉིས་མེད་ཡེ་ཤེས་ [171b.6]ལས་བྱུང་བའི། །ཁྱབ་བདག་དངོས་གྲུབ་བདག་ཉིད་ཅན། །སྟོན་པ་གཙོ་བོ་ཁྲག་འཐུང་ལ། །བདག་མེད་མ་དང་ཡང་དག་ལྡན། །ཕྱོགས་མཚམས་རྣམས་ཀྱི་མཁའ་འགྲོ་དང་། །རིག་པའི་ལྷ་མོ་སྒྱུ་འཕྲུལ་དང་། །བྱང་ཆུབ་སེམས་དཔའ་ལ་སོགས་ཀུན། །མ་ལུས་བདག་ལ་ [171b.7]དགོངས་སུ་གསོལ། །སློབ་མ་ལ་ཡང་ཕན་པ་དང་། །ཁྱེད་རྣམས་ལ་ཡང་མཆོད་པའི་ཕྱིར། །རྡོ་རྗེ་ཅན་དག་འདི་ཞེས་པས། །ནང་པར་དཀྱིལ་འཁོར་བྲི་བར་འཚལ། །རྗེས་སུ་བརྩེ་བར་ཉེར་དགོངས་ཏེ། །བྱིན་གྱིས་བརླབ་པར་མཛད་དུ་གསོལ། །ཞེས་པས་ལྷ་ལ་གསོལ་བ་ [172a] [172a.1]གདབ་པར་བྱའོ། །དེ་ནས་ལས་ཀྱི་རྡོ་རྗེ་ཡིས། །བུམ་པའི་བྱ་བ་རབ་ཏུ་བརྩམ། །དེ་ཡང་རྒྱུ་དང་མཚན་ཉིད་དང་། །སྦྱང་དང་བྱིན་བརླབ་བྱ་བ་ལྔ། །དེ་སྡོམ་པ་ཡི་ཚིག་ཡིན་ནོ། །དེ་ལ་རྒྱུ་ཞེས་པ་ནི། གསེར་དངུལ་ཟངས་མ་ལ་སོགས་པའི། །རིན་ཆེན་ལས་སམ་འཇིམ་པའང་ [172a.2]རུང་། །མཚན་ཉིད་ཅེས་པ་ནི། ལྟོ་ཆེ་མགྲིན་པ་རིང་བ་དང་། །མཆུ་འཕྱང་ལ་སོགས་ར་རི་མེད། །སྦྱང་ཞེས་པ་ནི། ལེགས་པར་བཀྲུ་ཞིང་དཀར་པོས་བྱུག །ས་བོན་ཡང་ན་མཚན་མ་དགོད། །ཡུངས་ཀར་བརྡེག་དང་སྤོས་ཀྱིས་བདུག །བདུད་རྩི་འཁྱིལ་པའི་སྔགས་ཀྱིས་བསྲུང་། །རས་ [172a.3]བཟང་མགུལ་ཆིངས་ཁ་རྒྱན་ལ། །གཟུངས་ཐག་བཏགས་པའི་རྡོ་རྗེ་གཞག །དེ་ཡི་ནང་དུ་ཆུ་བཟང་པོ། །འོ་མ་ལྡན་པ་གཞུག་པར་བྱ། །སྨན་ལྔ་ཧ་ས་དེ་བ་དང་། །དཎྜ་ཨུཏྤལ་ཀཎྜ་ཀར། །ཤ་ཏ་པྲྀ་ཧ་པ་རྩིད། །བྱང་ཆུབ་ལྔ་ནི་རྟེན་དུ་གཞུག །འབྲུ་ལྔ་འབྲས་དང་མ་ཤ་སྲན། །ནས་དང་གྲོ་དང་ [172a.4]ཏིལ་དཀར་ནས། །ལྷ་རྣམས་ཀྱི་ནི་རང་བཞིན་ནོ། །རིན་ཆེན་ལྔ་ནི་གསེར་དང་དངུལ། །མུ་ཏིག་གམ་ནི་མུ་མེན་ཏེ། །བྱི་རུ་གཡས་སུ་འཁྱིལ་པའི་དུང་། །ལྷ་རྣམས་ཆེ་བའི་བདག་ཉིད་དོ། །དེ་བཞིན་བདུད་རྩི་སྒྲོན་མ་དང་། །སྙིང་པོ་ལྔ་ཡང་ནང་དུ་གཞུག །དེ་ཉིད་གསུམ་དང་མིང་ [172a.5]སྤེལ་བའི། །སྔགས་ཀྱིས་སོ་སོའི་རྫས་ལ་གདབ། །ཨོཾ་ཀལྤ་བྲྀ་ཀྵ་ཨཱཿ་ཧཱུཾ། ཨོཾ་པཉྩ་ཨཉྩ་ཨཱཿ་ཧཱུཾ། ཨོཾ་པཉྩ་བེ་ཤ་ཨཱཿ་ཧཱུཾ། ཨོཾ་པཉྩ་གརྦྷ་ཨཱཿ་ཧཱུཾ། ཨོཾ་པཉྩ་མཾ་ས་ཨཱཿ་ཧཱུཾ། ཨོཾ་པཉྩ་ཨ་མྲྀ་ཏ་ཨཱཿ་ཧཱུཾ། ཞེས་པ་སྟེ། གཞན་ལ་ཡང་དེ་ཉིད་གསུམ་ཙམ་བརྗོད། །བྱིན་བརླབས་ཞེས་པ་ནི། [172a.6]བདག་ཉིད་ལྷར་གསལ་སྙིང་ག་ཡི། །འོད་ཟེར་འཕྲོ་འདུས་བུམ་པ་སྦྱང་། །དེ་ནས་ཡི་གེ་བྷྲཱུཾ་དུ་གྱུར། །དེ་ལས་གཞལ་ཡས་ཁང་དུ་གྱུར། །ཁཾ་གི་ཡི་གེ་དཀར་པོ་ལས། །བུམ་པའི་ནང་ནི་སྟོང་པར་བསམ། །དེ་ནས་བཾ་ཡིག་དམར་པོ་ལས། །ལྷ་སྣམ་པདྨ་འདབ་མ་བརྒྱད། །རེ་ཕས་ [172a.7]ཉི་མའི་གདན་བསམ་བྱ། །དབུས་སུ་ཧཱུཾ་ལས་གཙོ་བོ་ནི། །རིག་མར་བཅས་པ་གསལ་བར་བསྐྱེད། །གཾ་ཙཾ་བཾ་གྷཾ་བཞི་ལས་ནི། །གཽ་རཱི་ལ་སོགས་ཕྱོགས་སུའོ། །པཾ་སཾ་ལཾ་ཌཾ་བཞི་པོ་ནི། །ཡོངས་གྱུར་མཚམས་སུ་སྦོས་མོ་སོགས། །དེ་ནས་ཡེ་ཤེས་འཁོར་ལོ་ཡང་། ། [172b] [172b.1]གཙོ་བོའི་ཐུགས་ཀ་ནས། །འོད་ཟེར་གྱིས་ནི་མདུན་དུ་དགོད། །དེ་ལ་མཆོད་ཡོན་མཆོད་པར་བྱ། །ཅུང་ཟད་སྔགས་དང་བཅས་པར་བརྗོད། །དེ་ནས་གཽ་རཱི་ལ་སོགས་པ། །དབྱེར་མེད་བསྟིམ་པར་བྱ་བ་དང་། །མཆོད་ཅིང་བསྟོད་པ་སྔར་བཞིན་བྱ། །བདུད་རྩི་མྱང་བ་འདིར་མི་དགོས། །བྱ་བ་ [172b.2]ཞེས་པ་ནི། དེ་ནས་བཟླས་པ་བྱ་བ་སྟེ། དང་པོ་ལྷ་མོ་བཞི་ཡི་སྔགས། །རུ་རུ་སྥུ་རུ་ལ་སོགས་པས། །བུམ་ནང་ཆུ་ལ་སོགས་པའི་རྫས། །འབྱུང་བ་བཞི་ཡིས་བསྡུས་པ་ཀུན། །ལྷ་མོ་བཞི་རུ་བྱིན་གྱིས་བརླབ། །དེ་ནས་ལྷ་ཡི་བཟླས་པ་ཡང་། །བརྒྱའམ་སྟོང་རྩ་བརྒྱད་དུ་བཟླས། །དེ་ཚེ་ [172b.3]བདག་གིས་བསམ་རྒྱུད་ནི། །སྙིང་གར་གཟུང་བའི་སྐུད་པ་ནས། །ཡི་གེ་ཧཱུཾ་ལ་ལག་པ་སྦྱོར། །དེ་ཡི་འོད་ཀྱིས་པདྨ་ནས། །བྱང་སེམས་གྱེན་དུ་དྲངས་གྱུར་ཏེ། །སྐུད་པའི་གཟུགས་ཀྱིས་རྡོ་རྗེར་ཐིམ། །རྡོ་རྗེ་བུམ་ནང་ལྷ་ལ་ཐིམ། །ལྷ་ཀུན་ཞུ་བས་བུམ་པ་གང་། །དེ་ནས་རོལ་མོར་ [172b.4]བཅས་པ་ཡིས། །རས་བཟང་མེ་ཏོག་གཅལ་བཀྲམ་པའི། །སྟེང་དུ་བྱིན་གྱིས་བརླབས་ལ་གཞག །དེ་ལྟར་རྣམ་རྒྱལ་བུམ་པ་བཞིན། །བུམ་པ་གཞན་ལའང་ལྷ་རེར་ཞུ། །ཅི་རིགས་པ་ཡི་ཚོགས་མཆོད་བྱ། །དེ་ནས་བླ་མ་སློབ་དཔོན་གྱིས། །སློབ་མ་ལྷག་པར་གནས་པར་བྱ། ། [172b.5]སྡོམ་ནི་མཚན་ཉིད་བྱ་བ་དང་། །ཆོ་ག་སྨིན་པ་རྣམ་བཞིའོ། །དེ་ལ་མཚན་ཉིད་ཅེས་པ་ནི། །ང་རྒྱལ་མེད་ཅིང་དབང་དུལ་ལ། །རིགས་བཟང་དགེ་བ་བཅུ་དང་ལྡན། །རྒྱལ་པོའམ་རང་གི་བུ་མེད་པ། །དེ་ནས་མཚན་ཉིད་ལྡན་པ་གཞུག །བྱ་བ་ཞེས་པ་ནི། སྔ་བར་ཁྲུས་དང་མཎྜལ་བྱ། །དེ་ལ་ [172b.6]སེམས་བསྐྱེད་སྡོམ་པ་སྦྱིན། །དེ་ཡི་ཉིན་པར་སློབ་མ་ནི། །བསམ་པ་བཟང་པོ་ལྡན་བཞིན་དུ། །རྫས་འདི་དག་ནི་ཉེར་བསག་བྱ། །བུམ་པའི་སྨན་ལ་སོགས་པ་དང་། །ཀུ་ཤ་སྲུང་སྐུད་ལ་སོགས་དང་། །གཞན་ཡང་མཆོད་པའི་རྫས་རྣམས་དང་། །ཚོགས་ཀྱི་ལོངས་སྤྱོད་ལ་སོགས་ [172b.7]པའོ། །ཆོ་ག་ཞེས་པ་ནི། དང་པོར་ལས་ཀྱི་རྡོ་རྗེ་ཡིས། །ཚོགས་བསགས་པ་དང་ཡན་ལག་དྲུག །བདག་ཉིད་ལྡན་པ་ཕུན་སུམ་ཚོགས། །སྔར་བཞིན་བྱས་ནས་བླ་མ་ལ། །མོས་པའི་དབང་གིས་འཕོ་བྱས་ལ། །དེ་ནས་བླ་མ་མོས་ལྡན་ལ། །སློབ་མས་མཎྜལ་ཕྱག་ལ་ [173a] [173a.1]སོགས། །བྱས་ཏེ་གསོལ་བ་གདབ་པར་བྱ། །དགའ་ཆེན་ཁྱོད་བདག་སྟོན་པ་བས། །སློབ་དཔོན་ཁྱོད་ནི་དགོངས་སུ་གསོལ། །མགོན་པོ་ཆེན་པོ་ཚུལ་བསྟན་པ། །དམ་ཚིག་དེ་ཉིད་བདག་ལ་གསོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ [173a.2]ཀྱང་བདག་ལ་གསོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་འཇུག་པར་བགྱི། །བུ་ཚུར་ཐེག་པ་ཆེན་པོ་ཡི། །ཁྱོད་ནི་ཚུལ་ཆེན་སྣོད་ཡིན་ཏེ། །གསང་སྔགས་སྤྱོད་ཚུལ་ཆོག་འདི། །ཁྱོད་ལ་ཡང་དག་བཤད་པར་བྱ། །རྫོགས་པའི་སངས་རྒྱས་གང་འདས་དང་། །དེ་ [173a.3]བཞིན་གང་དག་མ་བྱོན་དང་། །ད་ལྟར་བྱུང་བའི་རྫོགས་སངས་རྒྱས། །འགྲོ་ལ་ཕན་ཕྱིར་བཞུགས་པ་རྣམས། །དེ་དག་རྣམས་ཀྱིས་གསང་སྔགས་ཀྱི། །ཆོ་ག་བཟང་པོ་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པའི་མཚན་མ་རྙེད། །གསང་སྔགས་སྤྱོད་ [173a.4]པ་མཉམ་མེད་དེ། །སྐྱོབ་པ་དཔལ་ལྡན་ཧེ་རུ་ཀས། །བདུད་སྡེ་ཤིན་ཏུ་མི་བཟད་རྣམས། །དཔུང་ཆེན་དག་ཀྱང་དེ་ཡིས་བཅོམ། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །རྣལ་འབྱོར་ [173a.5]གསང་སྔགས་མཁའ་འགྲོ་མ། །འཁོར་ལོར་བཞུགས་པའི་བདག་ཉིད་ཅན། །ཀུན་ལའང་རྟག་ཏུ་སྐྱབས་སུ་མཆི། །དཔའ་བོ་དཔའ་མོ་དབང་ལྷ་མོ། །བྱང་ཆུབ་སེམས་དཔའ་བདག་ཉིད་ཆེ། །ཁྱད་པར་དུ་ཡང་སློབ་དཔོན་ལ། །རྟག་ཏུ་བདག་ནི་སྐྱབས་སུ་མཆི། །དཔལ་ལྡན་ཁྲག་འཐུང་ [173a.6]དཔའ་བོ་དང་། །རྣལ་འབྱོར་མ་དང་རྣམ་སྣང་སོགས། །བྱང་ཆུབ་སེམས་དཔའ་དཔག་མེད་པ། །ཐམས་ཅད་བདག་ལ་དགོངས་སུ་གསོལ། །ཆེ་གེ་དུས་འདི་ནས་བཟུང་སྟེ། །ཇི་སྲིད་བདག་མེད་པར་གནས་པ། །དེ་ཡི་ཚངས་སྤྱོད་གཉིས་མེད་པར། །བདག་ཉིད་སྡོམ་པའི་ལེགས་པར་ [173a.7]བཟུང་། །དེ་ནས་བཤགས་པ་ལ་སོགས་པ། །གཞན་ལས་བྱུང་བཞིན་ཚིག་ཏུ་ཡང་། །སློབ་མ་དག་ནི་བརྗོད་དུ་གཞུག །དེ་ནས་བདག་གིས་ཚིག་བཅད་འདི། །རྣ་རུ་འབབ་པ་དབྱངས་སུ་བརྗོད། །བདག་གིས་སྡིག་པ་བགྱིས་པ་དང་། །བགྱིད་དུ་སྩལ་དང་ཡི་རང་བ། །སངས་རྒྱས་སྤྱན་ [173b] [173b.1]སྔར་མཆིས་ནས་སུ། །དེ་དག་ཐམས་ཅད་བཤགས་པར་བགྱི། །སངས་རྒྱས་བྱང་སེམས་དཔའ་དང་། །རང་རྒྱལ་དགྲ་བཅོམ་འགྲོ་རྣམས་ཀྱི། །བསྒོམ་དང་བཟླས་བརྗོད་བསོད་ནམས་ཚོགས། །དེ་ལ་བདག་ནི་ཡི་རང་ངོ་། །སེམས་བསྐྱེད་མངོན་པར་སངས་རྒྱས་དང་། །ཆོས་ཀྱི་འཁོར་ལོ་ [173b.2]བསྐོར་བ་དང་། །བྱང་ཆུབ་སེམས་དཔའི་ཚོགས་མཆོག་ལ། །དེ་ལ་བདག་ནི་སྐྱབས་སུ་མཆི། །སངས་རྒྱས་འབྱུང་བ་ཇི་ལྟ་བར། །སངས་རྒྱས་བྱང་ཆུབ་སེམས་དཔའ་ཡིས། །བྱང་ཆུབ་སེམས་ནི་བསྐྱེད་པ་ལྟར། །འདི་ཉིད་དུ་ནི་སེམས་བསྐྱེད་དོ། །དེ་ནས་སློབ་མས་འདི་སྐད་བརྗོད། །གཙོ་བོ་ [173b.3]བདག་ལ་སྡོམ་པ་གསོལ། །ཐུབ་པ་ཉི་མ་མ་ལུས་པའི། །སངས་རྒྱས་རྣམས་ནི་བདག་ལ་དགོངས། །བདག་མིང་འདི་ཞེས་བགྱི་བ་ནི། །སློབ་དཔོན་དཔང་དུ་གནས་པ་ལ། །སངས་རྒྱས་རོལ་པ་ལས་བྱུང་བའི། །མི་ལྡོག་པ་ཡི་འཁོར་ལོར་སྦྱོར། །ཐར་པའི་རང་བཞིན་གྲོང་ཁྱེར་ཆེ། །སློབ་ [173b.4]དཔོན་བདག་ནི་འཇུག་པར་མཛོད། །དེ་ནས་བླ་མས་འདི་སྐད་བརྗོད། །རྟོག་པ་རྣམས་ནི་ལེགས་པར་བསྡུས་ནས་ཀྱང་། །ཤིན་ཏུ་བསམ་པ་བཟང་པོ་ལྡན་པས་ཉོན། །བརྗེད་ངས་བློ་ལ་རྡོ་རྗེ་སེམས་སོགས་པའི། །བདེ་བར་གཤེགས་པ་རྣམས་ཀྱིས་བྱིན་མི་རློབ། །སངས་རྒྱས་ཆོས་དང་དགེ་ [173b.5]འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་སྐྱབས་སུ་སོང་། །འདི་ནི་སངས་རྒྱས་རིགས་དག་པའི། །སྡོམ་པ་དམ་ཚིག་ཡིན་པར་གསུངས། །རྡོ་རྗེ་དྲིལ་བུ་ཕྱག་རྒྱ་ཡང་། །བླ་ཆེན་ཁྱོད་ཀྱིས་གཟུང་བར་གྱིས། །བྱང་ཆུབ་སེམས་གང་རྡོ་རྗེ་དེ། །ཤེས་རབ་དྲིལ་བུ་ [173b.6]ཞེས་བཤད་དོ། །སློབ་དཔོན་དག་ཀྱང་གཟུང་བར་བགྱི། །འདི་ནི་རྡོ་རྗེའི་རིགས་དག་པའི། །དམ་ཚིག་སྡོམ་པ་ཡིན་པར་གསུངས། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རྟག་ཏུ་སྦྱིན། །པདྨའི་རིགས་ [173b.7]མཆོག་ཆེན་པོ་ལ། །ཕྱི་ནང་གསང་བའི་ཐེག་པ་གསུམ། །དམ་ཆོས་ཁྱོད་ཀྱིས་གཟུང་བར་གྱིས། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་གྱིས། །མཆོད་པའི་ལས་ཀྱང་ཅི་ནུས་ཀྱིས། །གཞན་ཡང་བཅུ་བཞི་འདི་དག་ནི། ། [174a] [174a.1]ཕས་ཕམ་པར་ནི་རབ་ཏུ་བཤད། །རྩ་བའི་ལྟུང་བ་ཞེས་བཤད་དེ། །ཁ་ན་མ་ཐོ་སྦོམ་པོར་འགྱུར། །ཁྱོད་ཀྱིས་སྲོག་ཆགས་གསད་མི་བྱ། །མ་བྱིན་པར་ཡང་མི་བླང་ངོ་། །འདོད་པ་ལོག་པར་མི་སྤྱོད་ཅིང་། །བརྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩར་གྱུར་པའི། །ཆང་ན་ [174a.2]རྣམ་པར་སྤང་བར་བྱ། །སེམས་ཅན་གདུལ་ཕྱིར་མ་གཏོགས་པར། །བྱ་བ་མ་ཡིན་ཐམས་ཅད་སྤང་། །དམ་པ་ཉེ་བར་བསྟེན་བྱ་ཞིང་། །རྣལ་འབྱོར་པ་རྣམས་བཀུར་བར་བྱ། །ལུས་ཀྱི་ལས་ནི་རྣམ་གསུམ་དང་། །ངག་གི་རྣམ་པ་བཞི་དག་དང་། །ཡིད་ཀྱི་རྣམ་པ་གསུམ་དག་ [174a.3]ནི། །ཅི་ནུས་པར་ནི་རྗེས་སུ་སྤོངས། །ཐེག་པ་དམན་ལ་འདོད་མི་བྱ། །འགྲོ་བའི་དོན་ལ་རྒྱབ་ཕྱོགས་མིན། །འཁོར་བདག་ཀྱང་མི་སྤང་ཞིང་། །རྟག་ཏུ་མྱ་ངན་འདས་མི་ཆགས། །ལྷ་དང་ལྷ་མིན་གསང་བ་པ། །ཁྱོད་ཀྱིས་བརྙས་པར་མི་བྱ་ཞིང་། །ཕྱག་རྒྱ་བཞོན་པ་མཚོན་ཆ་དང་། ། [174a.4]མཚན་མ་འགོམ་པར་མི་བྱའོ། །འདི་དག་དམ་ཚིག་ཡིན་པར་གསུངས། །ཁྱོད་ཀྱིས་ཀྱང་ནི་བསྲུང་བར་གྱིས། །དེ་ནས་སློབ་མས་འདི་སྐད་བརྗོད། །མགོན་པོ་བདག་ལ་དགོངས་སུ་གསོལ། །མ་ལུས་བཞུགས་པའི་སངས་རྒྱས་རྣམས། །དུས་འདི་ཉིད་ནས་སངས་རྒྱས་ [174a.5]པར། །བླ་མེད་བདག་ལ་དགོངས་སུ་གསོལ། །ཇི་ལྟར་དུས་གསུམ་མགོན་པོ་ནས། །སེམས་ཅན་མྱ་ངན་ལས་འདས་དགོད། །ལན་གསུམ་དུ་ནི་བརྗོད་པར་བྱ། །དེ་ལྟར་ཕྱི་ཚུལ་བྱིན་བརླབས་ནས། །མན་ངག་གིས་ནི་ནང་བྱིན་བརླབ། །དེ་ཡང་སློབ་མས་འདི་སྐད་བརྗོད། ། [174a.6]བདག་ནི་དགེ་བའི་ལས་རྣམས་འདི་དག་གིས། །འཇིག་རྟེན་མི་རིང་སངས་རྒྱས་མྱུར་བསྒྲུབས་ནས། །སེམས་ཅན་འཁོར་བའི་རྒྱ་མཚོར་བྱིང་བ་རྣམས། །བླ་མེད་བྱང་ཆུབ་ཏུ་ནི་བསྒྲལ་བར་བགྱི། །ཡང་ན་འདི་སྐད་བརྗོད་དུ་གཞུག །དེ་བཞིན་གཤེགས་པ་ཀུན་ཞི་བ། །དེ་བཞིན་ [174a.7]གཤེགས་པ་ཀུན་གྱི་གནས། །རྡོ་རྗེ་སེམས་དཔའ་ཀུན་གྱི་མཆོག །འདྲེན་པ་བདག་ལ་བྱིན་གྱིས་རློབས། །མཚན་ཉིད་ཐམས་ཅད་ཡོངས་སུ་བརྗོད། །མཚན་མིན་ཐམས་ཅད་དག་པ་ཡང་། །ཀུན་དུ་བཟང་པོ་སངས་རྒྱས་མཆོག །འདྲེན་པ་བདག་ལ་བྱིན་གྱིས་རློབས། ། [174b] [174b.1]ཡང་དག་སངས་རྒྱས་མཆོག་ཞི་བ། །ཡེ་ཤེས་སྤྱོད་པ་རྣམ་པར་སྦྱོང་། །ཀུན་དུ་རྡོ་རྗེ་གསུམ་འབྱུང་བ། །འདྲེན་པ་བདག་ལ་བྱིན་གྱིས་རློབས། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པའི་དྲི་མ་མེད། །རྣམ་པར་སྣང་མཛད་ཆེར་འབྱུང་། །འདྲེན་པ་བདག་ལ་བྱིན་ [174b.2]གྱིས་རློབས། །དེ་དག་གླུར་བཅས་སྔགས་འདི་བརྗོད། །ཨོཾ་སརྦ་ཏ་ཐཱ་ག་ཏ་སཱི་ཏཾ། སརྦ་ཏ་ཐཱ་ག་ཏཱ་ལ་ཡཾ། བཛྲ་ས་ཏྭ་ས་མུདྦྷ་བ་ཧཾ། མ་མཱ་དྷི་ཏ་ཥྛ་ན་ཡ་ཀཾ །སརྦ་ཀ་ལ་ཀྵ་སཾ་པཱུ་རཿ། སརྦཱ་ལཀྵ་ན་བི་བརྫི་ཏ། ས་མནྟ་བྷ་དྲ་བུདྡྷ་བ་ཧཾ། མ་མཱ་དྷི་ཏི་ཥྛཱ་ན་ཡ་ཀཾ །ཤཱནྟ་བྷ་རྨོཏྟ་ལོདྦྷ་བ། ཛྙཱ་ན་ཙ་ར་ [174b.3]བི་ཤོདྷ་ཀཾ །བཛྲ་ར་ལི་ས་མུདྦྷ་ཏཾ། མ་མཱ་ཨ་དྷི་ཏི་ཥྛཱ་ན་ཡ་ཀཾ །སརྦ་སཏྭ་མ་ཧཱ་ཙི་ཏྟཾ། ཤུདྡྷཿ་པྲ་ཀྲྀ་ཏི་ནི་རྨ་ལཾ། མ་ཧཱ་བཻ་རོ་ཙ་ཎ་བུདྡྷཾ། མ་མ་ཨ་དྷི་ཏི་ཥྛཱ་ན་ཡ་ཀཾ །དེ་སྐད་བརྗོད་ཅིང་སྨད་ལྔ་གཏུགས། །བརྐྱང་ཕྱག་བཙལ་ཏེ་ཞུས་པ་དང་། །བླ་མས་རང་སྣང་རིག་མ་དང་། །སྙོམས་པར་ [174b.4]འཇུག་པའི་འོད་ཟེར་གྱིས། །སློབ་མའི་སྒོ་གསུམ་དག་པར་སྦྱང་། །སློབ་མ་བུ་རུ་བྱ་བའི་ཕྱིར། །དེ་ནས་གསང་བའི་གནས་སུ་གཞུག །ཅི་རིགས་དབང་ཡང་བསྐུར་བྱ་སྟེ། །སླར་བྱུང་ལུས་འདུད་སྤྱན་སྔར་ནི། །དེ་ལ་ལས་ཀྱི་རྡོ་རྗེ་ཡིས། །དྲི་ཆབ་རཀྵའི་སྔགས་ཀྱིས་བསྲུང་། །སྤོས་ [174b.5]སུ་ལྡན་པའི་ལག་པ་ཡིས། །སྤྱི་བོར་རེག་ནས་གནས་གསུམ་དུ། །དེ་ཉིད་གསུམ་གྱི་གནས་ཀྱིས་བརྗོད། །ཨོཾ་བོ་དྷི་ཙི་ཏྟ་ཨུཏྤཱ་ད་ཡཱ་མི། །དེ་ནི་སྔར་གྱི་ཐུན་མོང་ལའོ། །ཨོཾ་ཡོ་ག་ཙི་ཏྟ་ཨུཔཱ་ད་ཡཱ་མི་སུ་ར་སྟྭཾ། ཡ་ཐཱ་སུ་ཁཾ། སློབ་མ་ཀུན་ལ་དེ་བཞིན་བྱ། །དེ་ལྟར་སེམས་བསྐྱེད་དང་པོ་ [174b.6]དང་། །ཁྱད་པར་རྡོ་རྗེ་འཆང་བའི་རིགས། །ཇི་ལྟར་བདེ་ལས་གྱུར་པ་དེ། །སངས་རྒྱས་ཉིད་དང་སངས་རྒྱས་སྲས། །དེ་བཞིན་གཤེགས་པ་ཀུན་གྱི་ཡབ། །དེ་བཞིན་གཤེགས་པ་ཀུན་གྱི་སྲས། །བདེ་གཤེགས་སྲས་ཀྱི་ཐུ་བོའོ། །བདེ་གཤེགས་བཀའ་བཞིན་བྱེད་ལ་ [174b.7]སོགས། །སེམས་བསྐྱེད་ཡོན་ཏན་ལྡན་དག་ལ། །མགོ་ལ་མེ་ཏོག་སྦྱིན་པར་བྱ། །མདུན་དུ་སྤོས་སྦྱིན་མར་མེ་དང་། །དྲི་ཡི་མཆོད་པ་སྙིང་གར་སྦྱིན། །དེ་བཞིན་བཤོས་གཙང་ལ་སོགས་པ། །ཅི་རིགས་སྔགས་དང་ཕྱག་རྒྱས་དབུལ། །དེ་ནས་སོ་ཤིང་ཡིད་དུ་འོང་། །ཨུ་དུམྺཱ་ [175a] [175a.1]ར་ཨ་ཤྭ་ཏྠ། །བྷ་བ་ཏ་སོགས་ཤིང་བཟང་པོས། །མི་ཡོ་མ་ཆག་འབུས་མ་ཟོས། །མ་རྙིངས་སྲོག་ཆགས་སྤངས་པ་ནི། །སོར་ནི་བཅུ་གཉིས་ཚད་དུ་བྱ། །རྩེ་མོར་མེ་ཏོག་ལྡན་བཅིངས་ལ། །ལྕི་བ་ལ་སོགས་བ་བྱུང་ལྔས། །ས་གཞི་བྱུགས་པ་བ་ཀོ་ཙམ། །མཎྜལ་དེ་ཡི་དྲུང་ [175a.2]དུ་ནི། །སློབ་མ་ལངས་ཏེ་འདུག་བྱས་ནས། །ལངས་ཏེ་ཁ་ཏོན་དག་བྱས་ནས། །ལྟོས་པ་མེད་པར་ཐལ་སྦྱར་གཟུང་། །ཤར་བལྟས་མི་དམའ་ལུས་མི་ཡོ། །ཕན་ཚུན་མི་དོར་མདུན་དྲང་པོར། །དོར་བ་དེ་ལ་མཚན་མ་བརྟག །དེ་ཡང་བླ་མའི་གདམས་ངག་གིས། །དངོས་གྲུབ་ཕྲིན་ལས་ [175a.3]བར་ཆོད་གསུམ། །དངོས་གྲུབ་རབ་འབྲིང་ཐ་མ་གསུམ། །དངོས་གྲུབ་རབ་ནི་ཤར་ཕྱོགས་དང་། །རང་ལ་བལྟས་པ་ལས་ཤེས་བྱ། །འབྲིང་པོ་གཞན་དག་ཐ་མ་ཡང་། །འོག་བལྟས་འདམ་ལ་མེ་ཏོག་ཟུག །དེ་བཞིན་གཉིས་པོ་བླ་མ་ཡི། །ཞལ་གྱི་གདམས་ངག་ལས་ཤེས་བྱའོ། །དེ་ནས་ཁ་ཡི་ཉེས་ [175a.4]བསལ་བ། །དྲི་ཆུ་ལག་པའི་ཁྱོར་མོར་སྦྱིན། །ཨོཾ་དེ་བི་ཤོདྷ་ན་དྷརྨཱ། སརྦ་པཱ་པ་ནི་ཤྩ་སཾ་ཤོ་དྷ་ཡ། སརྦ་བི་ཀལྤ་ན་ཡ་ཧཱུཾ། ཞེས་པའི་སྔགས་བརྗོད་ཧུབ་གསུམ་བཏུང་། དེ་རྗེས་སློབ་མས་སེམས་སྤུངས་བསྐྱེད། །ཟབ་ཅིང་རྒྱ་ཆེ་བ་ཡི་ཆོས། །བཤད་ཅིང་བླ་མས་འདི་སྐད་བརྗོད། །འཇིག་རྟེན་ཁམས་རྣམས་ [175a.5]ཐམས་ཅད་དུ། །ཐམས་ཅད་མཁྱེན་པ་འབྱུང་མི་འགྱུར། །མེ་ཏོག་ཨུ་མྺཱ་ར་བཞིན། །བརྒྱ་ལམ་ན་ནི་རེས་འགའ་འབྱུང་། །དེ་སྲིད་ཕྲད་དཀའ་འབྱུང་བ་ཡི། །གཉིས་མེད་ཟབ་མོའི་སྤྱོད་ཚུལ་འདི། །སེམས་ཅན་སངས་རྒྱས་བྱེད་པ་ཡི། །བསྐལ་པ་གྲངས་མེད་མང་པོར་ནི། །སྔོན་དུ་བྱས་ [175a.6]པའི་རྣམ་སྨིན་གང་། །དེ་ཀུན་ཟད་པར་གྱུར་པ་ནི། །ཟབ་མོའི་དཀྱིལ་འཁོར་མཐོང་བས་སོ། །དེ་བཞིན་གཞན་ལས་གསུངས་པའང་བརྗོད། །དེ་ནས་ཨོཾ་ཨཱཿ་ཧཱུཾ་ཞེས་པས། ཀུ་ཤ་བྱིན་གྱིས་བརླབས་བྱས་ལ། །སྔས་དང་སྟན་དུ་བྱ་བའོ། །དེ་ནས་སྲུང་སྐུད་གདགས་པ་ནི། །སྲུང་ [175a.7]སྐུད་དཀར་པོའམ་དམར་པོའམ། །རཀྵའི་སྔགས་བརྗོད་མདུད་པ་དྲུག །དཔུང་པ་གཡས་སམ་གཡོན་དུ་བཅིང་། །དེ་ནས་མེ་ཡི་མཆོད་སྦྱིན་ཏེ། །སྦྱིན་སྲེག་ཆོ་གའི་རིམ་པ་ནི། །བླ་མའི་གདམས་ངག་ལ་བརྟེན་པའི། །ཡི་གེར་བྲིས་པ་གཞན་དུ་བལྟའོ། །དེ་ནས་ཚོགས་མཆོད་ [175b] [175b.1]སྔར་བཞིན་བྱའོ། །བ་ལིཾ་ཆེན་པོའང་དེ་བཞིན་ནོ། །གདོལ་པ་ཁྱི་དང་བྲམ་ཟེ་སོགས། །མཉམ་པོར་གསོལ་བའི་ལྷག་མ་བསྡུ། །ཕུད་དང་བ་སྲེས་ལ་མཁའ་འགྲོ་མའི། །ཕྱི་རོལ་དཀྱིལ་འཁོར་ཚིམ་པར་བྱ། །ལག་པ་གཡས་གཡོན་པདྨའམ། །འཁོར་ལོ་ལྟ་བུར་བཅིངས་བྱས་ལ། ། [175b.2]རྐང་པས་མནན་ཅིང་སྟེང་དུ་བལྟ། །གྱེན་དུ་ཕེཾ་གྱི་སྒྲ་སྒྲོགས་ཤིང་། །སྤྱན་དྲངས་དབྱངས་དང་སྔགས་ཀྱིས་སོ། །ཨོཾ་ཤིང་གཅིག་དང་ནི་དུར་ཁྲོད་དང་། །རི་བོ་དང་ནི་རི་སུལ་དང་། །གྲོང་དང་བཞི་མདོ་ཞིང་དང་ནི། །ཁྱད་པར་དུ་ནི་ཁང་སྟོང་དང་། །སེམས་ཅན་གནོད་དང་ཐང་དང་ནི། ། [175b.3]ཁྱད་པར་དུ་ནི་ཆུ་ལ་གནས། །ནག་པོ་དྲག་པོ་དྲག་ཆེན་པོ། །ལྷ་སྦྱིན་མཉམ་དུ་བསྟེན་པ་དང་། །ནག་པོ་འཇིགས་དང་འཇིགས་བྱེད་པ། །བཀའ་ལས་འདས་དང་ལོག་འདྲེན་རྣམས། །རྒན་བྱད་མ་དང་དྲག་མོ་དང་། །འཇིགས་བྱེད་མ་དང་ཨུ་མ་དང་། །རྒྱལ་དང་རྣམ་པར་རྒྱལ་ [175b.4]མ་དང་། །མི་ཐུབ་གཞན་གྱིས་མི་ཐུབ་པ། །ནག་མོ་བཟང་མོ་དྲག་ཆེན་མོ། །ནག་སྦོམ་མ་དང་རྣལ་འབྱོར་མ། །དབང་མོ་དང་ནི་ཟླ་བ་མོ། །དྲག་མོ་སྡང་མོ་ཟ་བ་མོ། །སུམ་ཅུའི་དབང་མོ་འཕྲོག་བྱེད་མོ། །མར་མེ་འཛིན་བྱེད་རྣལ་འབྱོར་མ། །དྲག་མོའི་གཟུགས་དང་གཟུགས་ [175b.5]ཅན་མོ། །མཆེ་བ་གཙིགས་དང་ཐོད་ཆེན་མ། །ཐོད་པའི་ཕྲེང་ཅན་ཁ་ཊྭཱཾ་མ། །སྦྲུལ་ཆེན་རལ་གྲི་དགྲ་སྟ་མ། །རྡོ་རྗེ་དེ་བཞིན་གཞུ་ཅན་མ། །དེ་ཉིད་ཆེན་མོ་མཁའ་འགྲོ་མ། །ལས་ཀུན་རྗེས་སུ་སྒྲུབ་བྱེད་མ། །སྦྱོར་བའི་དཀྱིལ་འཁོར་རྒྱལ་ཆེན་མོ། །དེ་བཞིན་རྡོ་རྗེ་དབང་ཕྱུག་གཙོ། ། [175b.6]དེ་བཞིན་གཤེགས་པའི་སྐུ་ཆེན་ཏེ། །རྡུལ་མེད་རྣལ་འབྱོར་འབྱིན་མ་མོ། །རྡོ་རྗེ་དབང་མོ་བཀའ་འདི་ཡིས། །ཐམས་ཅད་ཀུན་ནས་འདིར་སྤྱོན་ཅིག །ཨོཾ་ཀ་ཀྐ་ཌྷ་ན། བབྦནྡྷ་ན། ཁ་ཁྑཱ་ད་ན། སརྦ་དུ་ཥྚཱ་ན་ཧ་ན་ཧ་ན་གྷ་གྷ་གྷཱ་ཏ་ཡ། ཨ་མུ་ཀ་ཤཱནྟིཾ་ཀུ་རུ་ཧཱུཾ་ཧཱུཾ་ཧཱུཾ་ཕཊ་བཛྲ་སྭཱ་ཧཱ། དེ་ནས་ཧ་ཧོ་ཧྲིཿ་ཞེས་ [175b.7]བརྗོད། ཧ་ཡིས་མདངས་དང་ཁ་དོག་འཕྲོག །ཧོ་ཡིས་དྲི་ནི་ཞིམ་པ་བསྡུས། །ཧྲཱིཿ་ཡིས་ཕ་རོལ་ནུས་པ་འཇོམས། །ཀྱེའི་རྡོ་རྗེ་མཁའ་འགྲོ་མའི་ཚོགས། །ལས་འདི་དག་ལ་བརྩོན་པར་གྱིས། །བདག་ལ་བདེ་ལེགས་སྡུད་པ་དང་། །ཚེ་རིང་བདེ་བ་ཕུན་སུམ་ཚོགས། །ཕན་ [176a] [176a.1]དང་ཡིད་ལ་བདེ་བ་དང་། །གྲོང་དང་ཡུལ་འཁོར་ཤིས་པར་གྱིས། །བུ་དང་ཚ་བོ་རྣམས་འཕེལ་ཏེ། །རང་རང་གནས་སུ་ལེགས་པར་སྡུད། །གཞན་ཡང་ཕ་རོལ་རྒོལ་བ་དག །ཞི་ཞིང་དབང་དུ་བྱ་བའམ། །དགུག་དང་དབྱེ་དང་བསྐྲད་པ་དང་། །གསད་པ་ཚར་གཅད་ལ་ [176a.2]སོགས་པ། །ཅི་རིགས་པ་ཡིས་ཚར་གཅོད་བརྗོད། །ཀྱེའི་རྡོ་རྗེ་མཁའ་འགྲོ་མའི་ཚོགས། །དུས་ནི་མྱུར་བ་ཉིད་དུ་བརྗོད། །ཨོཾ་བཛྲ་ཌཱ་ཀི་ནཱི། །ཨ་ཀ་ལོ་བ་སི་མ་ས། ཏྲ་ཡོ་རཏྣ་ཨཱ་པ་ཀ་རི་ཎོ། །སརྦ་ཤ་ཏྲཱུཾ། གྲྀ་ཧྞ་གྲྀ་ཧྞ་ཧཱུཾ་མཱ་ར་ཡ་མཱ་ར་ཡ། ཧ་ན་ཧ་ན་ཧཱུཾ། མཱ་ར་ན་མཱ་ར་ན་ཕཊ། ཧེ་ཧེ་བཛྲ་ཌཱ་ཀི་ནཱི [176a.3]དུཥྚཱ་ན། ཁ་ཁ་ཁཱ་ཧི་ཞེས་པས་མངོན་སྤྱོད་བྱས་ནས་བསྡུ། །སྔགས་འདིས་གཏོར་མ་དབུལ་བར་བྱ། །ཨོཾ་བཛྲ་ཌཱ་ཀི་ནཱི་བི་ལིཾ་ཏ་པྲ་ཏཱི་ཙྪ། ཁ་ཁ་ཁཱ་ཧི་ཁཱ་ཧི་བྷུཉྫ་བྷུ་ཉྫ་ཧོཿ། དེ་བཞིན་གཞན་ཡང་སྦྱར་བར་བྱའོ། །ཕྱོགས་སྐྱོང་གཏོར་མ་སྔར་བཞིན་དུ། །བཏང་སྟེ་སྨོན་ལམ་གདབ་པར་བྱ། དགེ་འདིས། [176a.4]སེམས་ཅན་ཐམས་ཅད་སྡིག་མེད་ཅིང་། །སངས་རྒྱས་ཉིད་དང་ཕྲད་འགྱུར་བའི། །ལམ་དེ་ཉིད་ནས་ཞུགས་ནས་ཀྱང་། །མ་བརྒལ་བ་རྣམས་བསྒྲལ་བ་དང་། །མ་གྲོལ་བ་རྣམས་དགྲོལ་བར་ཤོག །རྣལ་འབྱོར་གཙུག་ལག་དམ་ཚིག་ལ། །ད་ལྟ་ཉིད་དུ་གནས་པར་ཤོག །དེ་བཞིན་ [176a.5]གཞན་ལ་འདི་སྐད་བརྗོད། །དགེ་བ་གང་ཐོབ་དེ་དག་གིས། །སངས་རྒྱས་ཀུན་དོན་ཐམས་ཅད་ནི། །རྡོ་རྗེ་འཆང་གི་གོ་འཕང་དེ། །སེམས་ཅན་ཀུན་གྱིས་ཐོབ་པར་ཤོག །བྱང་ཆུབ་རྡོ་རྗེའི་བསྔགས་པ་ཡང་། །རྫོགས་པའི་སངས་རྒྱས་སེམས་སྤྱོད་དང་། །རྫོགས་པའི་བྱང་ཆུབ་སྤྱོད་པ་ [176a.6]དང་། །རྫོགས་སངས་རྒྱས་ཀྱི་སྤྱོད་པ་གང་། །བདག་ནི་དེ་གཉིས་སྤྱོད་པར་ཤོག །གང་དང་གང་དུ་སྐྱེ་བ་དེར། །མ་ཉམས་ཀྱེ་ཡི་རྡོ་རྗེ་སྟོན། །བླ་མ་ལྷ་དང་མཆོག་གསུམ་དང་། །ཟླ་བའི་རིགས་ལ་དགའ་བ་དང་། །དེ་དང་དེར་ནི་སྐྱེ་གྱུར་ཅིག །ཡེ་ཤེས་འཁོར་ལོ་གཤེགས་པ་ན། །ཨོཾ་ [176a.7]ཛྙཱ་ན་མཎྜལ་མུཿ། ཞེས་པ་ལན་གསུམ་བརྗོད་བྱ་ཞིང་། །ཁུ་ཚུར་གཡོན་པ་སྙིང་གར་གཞག །ལག་པ་གཡས་པ་ས་ལ་བརྐྱང་། །སེ་གོལ་ལན་གསུམ་བརྔབས་པ་ཡིས། །ཕྱི་རོལ་ལྷ་རྣམས་གཤེགས་སུ་གསོལ། །དེ་ནས་དམ་ཚིག་བདག་ལ་བསྡུ། །བརྟེན་པའི་འཁོར་ལོ་ [176b] [176b.1]གཞལ་ཡས་ཁང་། །འབྱུང་བཞི་དེ་ལ་ནམ་མཁའ་ཐིམ། །ལྷ་མོ་བརྒྱད་ནི་སྙིང་གའི་ཧཱུཾ། །ཐིམ་ནས་ལྷ་ཡི་ང་རྒྱལ་གནས། །དེ་ནས་བླ་མས་དཀྱིལ་འཁོར་གྱི། །ནང་དུ་ཞུགས་ལ་ལྷ་རྣམས་མཆོད། །ཕྱོགས་སྐྱོང་རྣམས་ལ་གཏོར་མ་སྦྱིན། །སློབ་མ་རྣམས་ལ་སྟ་གོན་གྱི། ། [176b.2]གནས་དེའམ་ཉལ་ཁང་གཞན་ཡང་རུང་། །སེང་གེའི་ཉལ་སྟབས་རྨི་ལམ་བརྟག །སྨྲ་བརྗོད་གཞན་དག་མི་བྱ་བར། །དགྱེས་རྡོར་ཡིད་ལ་བྱས་ཏེ་ཉལ། །དེ་ནས་སྔར་ལངས་མཎྜལ་བྱ། །བླ་མས་དྲི་ཞིང་སློབ་མས་བརྗོད། །བཟང་ངན་རབ་འབྲིང་ཐ་མ་ནི། །བླ་མས་ཤེས་པར་ [176b.3]བྱས་པ་སྟེ། །ངན་ན་རྟོག་པ་ཞི་ཐབས་བྱ། །བཟང་ན་ཡིད་དགའ་སྤྲོ་བསྐྱེད་དོ། །དེ་དག་ནི་ལྷག་པར་གནས་པ་སྟ་གོན་གྱི་ཆོ་གའོ། །དེ་ནས་ནུབ་གསུམ་པ་ལ་འཇུག །འཇུག་པའི་ཡན་ལག་འཇུག་དངོས་ཉིད། །ཡན་ལག་དང་པོ་ཐིག་གདབ་པོ། །སློབ་མར་བཅས་པས་སྔར་ [176b.4]ལངས་ཏེ། །ཞི་བའམ་རྒྱས་པའི་སྦྱིན་སྲེག་བྱ། །དེ་ཡང་སློབ་དཔོན་མཚན་ཉིད་ནི། །ཡང་དག་དེ་ཡི་དེ་ཉིད་ཤེས། །ཁྲོ་བ་མེད་ཅིང་སྐྱོ་བ་བཟོད། །རིག་བཅས་ཕྱག་རྒྱར་ལྡན་པ་ཡིས། །ལྷ་རྣམས་བདུན་དུ་ནམ་མཁའ་ལ། །ཟླ་བ་ཁ་སྦྱར་ནང་དུ་གཞུག །དབྱངས་ཡིག་བཅུ་ [176b.5]དྲུག་རྒྱ་ཡིས་གདབ། །དེ་ལྟར་བར་གྱི་མཚམས་སྦྱར་ནས། །ཐིག་གདབ་པ་ཡི་ལས་བརྩམ་བྱ། །རིན་ལ་མ་རྩེག་རས་བལ་གཟུང་། །ཤེས་རབ་མཚན་དང་ལྡན་པས་བཀལ། །འཇུར་མདུད་མེད་ཅིང་གྲོག་རྐེད་སྤང་། །རིང་ཐུང་དཀྱིལ་འཁོར་ཉིས་འགྱུར་ལ། །སྦོམས་སུ་ [176b.6]སྒོ་ཡི་ཉི་ཤུ་ཆ། །སྲད་བུ་བརྐྱང་བ་སོ་སོར་བསོག །པད་སྣོད་དྲི་ཞིམ་ནང་དུ་གཞག །དེ་ནས་དང་པོར་སྲད་བུ་ནི། །སོ་སོ་རང་བཞིན་མེད་པར་སྒོམ། །དེ་ལ་བྷྲཱུཾ་ཁཾ་ལ་སོགས་པ། །ཡིག་འབྲུ་ལྔར་གྱུར་དེ་དག་ལ། །རིགས་ལྔའི་རྒྱུའམ་ངོ་བོར་བསམ། །དེ་ནས་རྣལ་འབྱོར་ཉི་ཟླའི་མིག ། [176b.7]འབར་བའི་ལྕགས་ཀྱུའི་འོད་ཟེར་གྱིས། །ཡེ་ཤེས་ལྷ་ཡི་ཐུགས་ཀ་ནས། །ཡེ་ཤེས་སྐུད་པ་གནས་པ་རྣམས། །གཙོ་བོ་དགྱེས་པའི་རྡོ་རྗེ་དང་། །ལྷ་རྣམས་སྔགས་དང་གཉིས་མེད་བཞུགས། །སྤྱན་དྲངས་ཐིམ་པས་ཐིག་སྐུད་བསྐྱེད། །བྷྲཱུཾ་ཁཾ་ལ་སོགས་ས་བོན་ལྔ། །ཨོཾ་ཧཱུཾ་ [177a] [177a.1]སོགས་ཀྱིས་སྔགས་བརྗོད་ལ། །ལག་པར་ཕྱག་རྒྱ་དང་བཅས་པས། །ཨོཾ་ཨ་ནྱོ་ནྱཱ་ནུ་ག་ཏ་པ་ར་སྤ་ར་སརྦ་དྷམཱ། ཨ་ནྱོ་ནྱཱ་ནུ་ག་ཏ་པྲ་བིཥྚ་སརྦ་དྷརྨཱ། ཨ་ཏྱ་ནྟ་ཨ་ནུཏྟ་ར་སརྦ་དྷརྨཱ་ཞེས་པ་བརྗོད་ཅིང་བསྒྲིལ་བར་བྱའོ། །དེ་ནས་ཐིག་སྐུད་མཐའ་གཉིས་དབུས། །ཨོཾ་ཨཱཿ་ཧཱུཾ་གསུམ་ [177a.2]བཀོད་པ་ཡིས། །བྱིན་བརླབས་ནས་ནི་སྔགས་འདི་བརྗོད། །ཨོཾ་བཛྲ་ས་མ་ཡ་སཱུ་ཏྲ་མ་ཏི་ཀྲ་མ་ཧཱུཾ་ཞེས་པའི་བཟླས་བརྗོད་བརྒྱ་རྩ་བརྒྱད། །གུང་མོ་གཉིས་སྦྱར་གཟུང་སྟེ་བཟླས། །དེ་ལྟར་ཐིག་སྐུད་བསྐྱེད་པ་དང་། །དེ་ནས་བླ་མས་གཙོ་བོར་བསམ། །གྲོགས་མཆོག་དེ་ཡི་ཐུགས་ཀ་ནས། ། [177a.3]གཽ་རཱིའམ་རིག་མ་ཡུམ་དུ་སྤྲུལ། །དེ་ནས་བླ་མས་ཐིག་སྐུད་ནི། །ཛྫཿ་ཛྫཿ་ཞེས་བརྗོད་དེ་ལ་གཏད། །དེས་ཀྱང་ཛྫཿ་ཛྫཿ་བརྗོད་བླང་བར་བྱ། །དེ་ནས་གནམ་ཐིག་གདབ་པར་བྱ། །སྟེང་ནས་བཟུང་ཞིང་གྱེན་དུ་བཟློག །ཚངས་ཐིག་དང་པོ་ཟུར་ཐིག་སོགས། །ཅི་རིགས་པ་རུ་གདབ་པར་བྱ། ། [177a.4]དེ་ཚེ་ངག་ཏུ་སྔར་གྱི་སྔགས། །བརྗོད་པའམ་ཡང་ན་ཚིག་བཅད་འདིའོ། །འཇིག་རྟེན་ཁམས་ནི་མ་ལུས་པའི། །སངས་རྒྱས་སྲས་དང་བཅས་ལ་སོགས། །འགྲོ་བའི་དོན་དུ་རྣམ་པར་སྤྲུལ། །ཁྱེད་རྣམས་ཀྱི་ནི་ཐུགས་ཉིད་ཡིན། །ཞེས་པ་བརྗོད་ནས་ས་ཐིག་གདབ། །དེ་རྗེས་ [177a.5]དཀར་པོས་གཞལ་བྱ་སྟེ། །ཚངས་ཐིག་དང་པོར་གདབ་པ་ཡང་། །སློབ་དཔོན་ཤར་བལྟས་སློབ་མ་ནུབ། །བལྟས་ཏེ་ཚངས་ཐིག་དང་པོ་གདབ། །སློབ་དཔོན་བྱང་བལྟས་ཚངས་ཐིག་གཉིས། །སློབ་དཔོན་ཤར་ལྷོའི་མཚམས་སུ་གནས། །སློབ་མ་བྱང་ཤར་ཤར་ངོས་ [177a.6]གདབ། །དེ་བཞིན་བླ་མ་བྱང་ནུབ་གནས། །སློབ་མ་ལྷོ་ནུབ་ནུབ་ངོས་གདབ། །བླ་མ་རླུང་མཚམས་དེ་ཉིད་གནས། །སློབ་མ་བྱང་ཤར་བྱང་ངོས་གདབ། །དེ་བཞིན་སྐོར་ཕྱོགས་རིམ་གྱིས་གདབ། །བླ་མ་ཤར་ལྷོ་སློབ་མ་སྲིན། །གནས་ལ་ལྷོ་ཡི་ངོས་ཐིག་གདབ། །དེ་བཞིན་ [177a.7]ཟུར་ཐིག་རིམ་བཞིན་གདབ། །དེ་ལ་ཐིག་གི་ཆ་བགོ་བ། །སྐུད་པས་བགོ་བར་མི་བྱ་སྟེ། །འཕེལ་འགྲིབ་གཉིས་ཀྱི་ཉེན་ཡོད་པས། །ཤིང་བུ་ལ་སོགས་དྲང་ཞིང་སྲ། །ཁ་ཏི་ཁ་ཡི་རི་མོས་གདོད། །ཕྱོགས་བཞིར་བཞི་བཅུ་རྩ་གཉིས་པའི། །ཐིག་རྐང་ལས་ནི་རེའུ་མིག་གོ། ། [177b] [177b.1]སྒོ་ཁྱུད་ཐིག་གི་ནང་རོལ་དུ། །པདྨ་འདབ་མ་བརྒྱད་པར་བཅས། །ལྷ་ཡི་སྣམ་བུས་ཅི་རིགས་བསྐོར། །ཆ་རེ་རྡོ་རྗེ་ར་བ་དང་། །མེ་འོད་ལ་ནི་བསྐོར་བའོ། །དེ་ཡི་ནང་དུ་རྟ་བབས་དང་། །འདོད་ཡོན་སྣམ་བུ་ལ་སོགས་པས། །ཅི་རིགས་པར་ནི་བྲི་བར་བྱ། །དེ་ལྟར་ཐིག་ཟིན་ཐིག་སྐུད་ [177b.2]མཆོད། །འབར་བའི་ལྟ་བས་སྒོ་དབྱེ་ཞིང་། །ལྷ་རྣམས་བཅས་པ་གཤེགས་སུ་གསོལ། །དེ་དག་ནི་ཐིག་གདབ་པའི་ཆོ་གའོ། །དེ་ནས་ཚོན་ནི་རབ་འབྲིང་ཐ། །རིན་ཆེན་ལྔའམ་འབྲས་ལ་སོགས། །ཚོན་བསྒྱུར་དུར་ཁྲོད་སོ་ཕག་གམ། །སོལ་བ་རུལ་པའི་ཕྱེ་མ་སོགས། ། [177b.3]བྷྲཱུཾ་ཁཾ་སོགས་པའི་ཡིག་འབྲུ་ལྔ། །ཡོངས་གྱུར་ཚོན་རྩི་ལྔ་རུ་བསམ། །དེ་ནས་འབར་བའི་ལྟ་བ་ཡིས། །དགྱེས་པ་རྡོ་རྗེ་འཁོར་བཅས་ལ། །སྤྱན་དྲངས་མཆོད་པ་ཐིམ་པར་བྱ། །ཨོཾ་བཛྲ་ཙི་ཏྲ་ས་མ་ཡ་ཧཱུཾ། ཞེས་པའང་མང་དུ་བཟླས་པས་ཚོན། །བྱིན་གྱིས་བརླབས་ལ་མཆོད་པ་ [177b.4]འབུལ། །ཤིས་པར་བྱ་ཕྱིར་དབང་ལྡན་མཚམས། །བླ་མས་རེ་ཁཱ་མཛུབ་གང་རང་། །དཀར་དང་སེར་དང་དམར་དང་ལྗང་། །སྔོན་པོ་ནང་དུ་མཉམ་ཞིང་དྲང་། །དེ་མཆོད་མེ་ཏོག་སིལ་མ་གཏོར། །དེ་ཚེ་བླ་མས་འདི་སྐད་བརྗོད། །འདི་ནི་ཆོས་དབྱིངས་དག་པ་སྟེ། །སེམས་ཅན་ [177b.5]ཁམས་ནི་སྒྲོལ་མཛད་པ། །དཔལ་ལྡན་ཁྲག་འཐུང་རྒྱལ་པོ་ཉིད། །དེ་བཞིན་གཤེགས་པ་ཀུན་གྱི་གནས། །ཞེས་སོ། །དེ་ལྟར་བྱ་བའི་རིམ་པ་ནི། །གཞུང་ལས་འདི་སྐད་འབྱུང་བ་སྟེ། །ཉེས་པ་ཀུན་ལས་རྣམ་གྲོལ་བས། །ཚོན་གྱི་ལས་ནི་ཡང་དག་བརྩམ། །སློབ་དཔོན་གྱིས་ནི་ [177b.6]དང་པོར་དགྱེ། །ཕྱི་ནས་ཀུན་ནས་སློབ་མས་སོ། །ཞེས་པས་སོ། །རེ་ཁཱ་དྲང་བའི་རིམ་པ་ཡང་། །མཉམ་དང་དྲང་དང་མ་ཆད་སོགས། །དེ་བཞིན་རིགས་པས་ཤེས་པར་བྱའོ། །དེའང་ལུང་ལས་འདི་སྐད་དུ། །བར་ཆད་ཐམས་ཅད་རབ་འཇོམས་པ། །ཞེས་པ་དང་། གཞན་ [177b.7]ཡང་། །མཐེ་བོང་དང་ནི་མཐེའུ་ཆུང་དཔངས། །དྲང་ལ་མཐོ་བར་ཡང་དག་བྲི། །གལ་ཏེ་རི་མོ་མི་མཉམ་ན། །ཡོ་ཞིང་དམའ་དང་བཅས་པ་དང་། །རི་མོ་དམའ་བས་མི་འགྲུབ་ཅིང་། །ཡོན་པོས་སྡུག་བསྔལ་སྐྱེད་བྱེད་ལ། །ཆད་པས་སློབ་དཔོན་སློབ་མ་དག །གཉི་ག་འཆི་ [178a] [178a.1]བར་ཤེས་པར་བྱ། །ཞེས་པའོ། །ཕྱོགས་དང་སྒོ་ཡི་རིམ་པ་ཡང་། །ཤར་དུ་དཀར་དང་ལྷོར་སེར་པོ། །ནུབ་དམར་བྱང་དུ་ལྗང་གུ་སྟེ། །དབུས་སྔོ་རྒྱུད་གཞན་དག་ལས་གསལ། །དབུས་སུ་པདྨ་འདབ་བརྒྱད་ནི། །དམར་པོ་གདན་དང་བཅས་པ་བྲི། །འདབ་མ་འཕར་མ་ [178a.2]གཅིག་པ་ལ། །སྒོ་དང་གྲྭ་རུ་ཁྱབ་པ་རུ། །ལྷ་ཡི་སྣམ་བུ་བྲི་བར་བྱ། །ཕྱི་རོལ་རྟ་བབས་ལ་སོགས་པ། །དཀྱིལ་འཁོར་གཞན་དང་ཐུན་མོང་བས། །གཞན་དང་འདྲ་བར་ཅི་རིགས་བྱ། །དེ་ལྟར་དཀྱིལ་འཁོར་བྲི་བྱས་ནས། །འཇུག་པའི་རྟེན་དུ་ཕྱག་མཚན་དགོད། །དེ་ཡང་དང་པོར་སློབ་དཔོན་ [178a.3]གྱིས། །དགོངས་མོའི་དུས་སུ་འཆག་སར་འགྲོ། །སླར་ལོག་ཁྲུས་དང་བྱུག་པ་དང་། །གོས་དང་རྒྱན་ནི་ལྷ་མོས་བསྐྱེད། །རོལ་མོའི་སྒྲ་དང་བཅས་པ་ཡིས། །སྟ་གོན་ཟླ་བ་ཁ་སྦྱར་ཏེ། །དབྱངས་ཡིག་རྒྱ་བཀྲོལ་ནམ་མཁའ་ནས། །སྔགས་ནི་སོ་སོའི་སྔགས་བརྗོད་ཅིང་། ། [178a.4]དེ་ལ་དབུས་ཀྱི་གདན་སྟེང་དུ། །སྐྱེས་པའི་ཐོད་པའི་རྒྱ་གྲམ་བྲི། །སྒོ་བཞིར་པདྨ་འདབ་མ་ལ། །གྲི་གུག་ཅང་ཏེའུ་རུས་སྦལ་སྦྲུལ། །སྔོ་དང་དམར་སེར་ལྗང་གོ་རིམས། །མཚམས་བཞིའི་པདྨ་འདབ་མ་རུ། །སེང་གེ་དགེ་སློང་འཁོར་ལོ་རྡོ་རྗེ་ནི། །སྔོ་དཀར་ལྗང་ཁྲ་རིམ་བཞིན་ [178a.5]དགོད། །དེ་ཚེ་ཀུན་ལ་སྔགས་བརྗོད་ཅིང་། །བཀོད་པས་དཀྱིལ་འཁོར་ཉིས་བསྲེས་འགྱུར། །དེ་ནས་བླ་རེ་རྒྱལ་མཚན་གདུགས། །བ་དན་རྒྱན་སོགས་འཕེན་རྣམས་བྲི། །ཕྱི་རོལ་མཚམས་དང་རོལ་མོ་བརྡུང་། །སྤོས་དང་བཅས་པས་བུམ་པ་རྣམས། །སྟ་གོན་གནས་ནས་ [178a.6]སྤྱན་དྲངས་ཏེ། །ཆུ་དང་རིན་ཆེན་སྨན་ལ་སོགས། །བསམ་པ་གཞུག་ཅིང་ཏིང་འཛིན་བསྐྱེད། །རོལ་མོར་བཅས་པས་དཀྱིལ་འཁོར་ལ། །ལག་ཏུ་ཐོགས་ཏེ་ལན་གསུམ་བསྐོར། །རྣམ་རྒྱལ་བུམ་པ་གཙོ་བོའི་མདུན། །ཤར་སྒོའི་གཡས་སུ་ལས་ཐམས་ཅད། །གཞན་དག་ [178a.7]སྒོ་དང་མཚམས་བཞིར་དགོད། །དེ་ནས་བསྐོར་བ་ལན་གསུམ་རྗེས། །མེ་ཏོག་ཕྲེང་བ་ལྷ་ལ་དབུལ། །ནང་པར་ལྷས་སྦྱིན་མེ་ཏོག་ཕྲེང་། །དེ་ཉིད་དཀར་བཅས་མགོ་ལ་བཅིངས། །ལས་ཀྱི་བྱེད་པའམ་ཁང་སྐྱོང་གིས། །དཀྱིལ་འཁོར་ཉེ་བའི་ས་ཕྱོགས་སུ། །ཆག་ཆག་ [178b] [178b.1]མེ་ཏོག་སིལ་མ་དཀྲམ། །སྤོས་སོགས་མཆོད་ཡོན་ཐམས་ཅད་དགོད། །རྟག་ཏུ་བླ་མ་ལ་གསོལ་གདབ། །དེ་ནས་བླ་མས་ཉེ་རེག་དང་། །བདུད་རྩི་རི་ལུ་ཁ་རུ་གཞུག །སྟན་དེར་འདུག་ནས་དཀྱིལ་འཁོར་བསྒྲུབ། །རིག་དང་བཅས་པས་ཡན་ལག་དྲུག །བསམ་རྒྱུད་ཏིང་འཛིན་ [178b.2]གསལ་བ་དང་། །ལས་ཀྱི་རྡོ་རྗེས་སྔར་བཞིན་དུ། །རཀྵས་བསྲུང་བ་ནས་བཟུང་ནས། །མཆོད་བསྟོད་བདུད་རྩི་མྱང་བའི་བར། །བདག་ཉིད་ལྡན་པ་ཕུན་སུམ་ཚོགས། །བླ་མས་ཀྱང་ནི་སྔར་བཞིན་དུ། །མོས་པས་འཕོ་དང་ཏིང་འཛིན་ནི། །གཟུགས་བརྙན་ལ་བརྟེན་ས་བོན་ནམ། ། [178b.3]ཕྱག་མཚན་ཙམ་གྱིས་ལྷ་རྣམས་བསྐྱེད། །དེ་ལྟར་དཀྱིལ་འཁོར་སུམ་བསྲེས་ལ། །རང་གི་སྙིང་གའི་ས་བོན་ལས། །འོད་ཟེར་ཕྱུང་སྟེ་ལྷ་རྣམས་བསྡུ། །དེ་ལ་མཆོད་དགུག་གཞུག་ལ་སོགས། །སྔར་བཞིན་ཐིམ་པས་ཡེ་ཤེས་འབར། །ཆུ་དང་འོ་མ་འདྲེས་པ་བཞིན། ། [178b.4]སངས་རྒྱས་བྱང་ཆུབ་སེམས་དཔའ་ནི། །བསྒྲུབས་ཏེ་གཞན་དུ་ཡང་མ་ཡིན། །དེ་ལྟར་དཀྱིལ་འཁོར་བཞི་བསྲེས་ལ། །བླ་མས་མཆོད་དང་བསྟོད་པ་དང་། །བདུད་རྩི་མྱང་དང་བཟླས་བརྗོད་བྱ། །དེ་ཚེ་བླ་མས་བཟླས་དང་བསྒོམ། །རྣལ་འབྱོར་ལྡན་ལ་སློབ་མ་ཡིས། །མཎྜལ་ [178b.5]སྔོན་འགྲོ་གསོལ་བ་གདབ། །དེ་ཡི་ངོར་བྱས་བླ་མ་ཉིད། །ཇི་ལྟར་སློབ་མས་འཇུག་པ་བཞིན། །རིམ་གྱིས་བྱས་ཏེ་དབང་ཡང་ཡིན། །ཆུ་དང་དབུ་རྒྱན་ལ་སོགས་པ། །རྗེས་གནང་མཐར་ཐུག་རིམ་བཞིན་ནོ། །ལྷ་ཡིས་རྗེས་གནང་བྱིན་པ་ཡང་། །ཁྱོད་ཀྱིས་སེམས་ཅན་བསྡུ་བ་དང་། ། [178b.6]ཕན་འདོགས་དཀྱིལ་འཁོར་འཇུག་པ་དང་། །དབང་བསྐུར་དམ་ཚིག་ལྡན་པར་གྱིས། །ཞི་སོགས་ལས་ཀྱིས་རྗེས་གཟུང་དང་། །ཚར་གཅོད་པ་ཡི་སེམས་ཅན་ཀུན། །དོན་རྣམས་མ་ལུས་ཀུན་གྱིས་ཤིག །དམན་དང་མཆོག་གི་དངོས་གྲུབ་ལ། །སྐལ་བ་བཞིན་དུ་རིམ་པར་སྦྱོར། ། [178b.7]དེ་ནས་སྔོན་དུ་བརྟགས་པ་ཡི། །སློབ་མ་མཚན་ཉིད་ལྡན་པ་ཡིས། །འཇུག་དང་དབང་ཐོབ་བྱ་ཕྱིར་བརྗོད། །དགའ་ཆེན་ཁྱོད་བདག་སྟོན་པ་པོས། །ཞེས་སོགས་སྔར་བཞིན་བརྗོད་པ་དང་། །བླ་མས་བརྩེ་དང་ལྡན་པ་ཁྱོད། །སུ་ཡིན་ཅི་འདོད་གང་ལ་དགའ། །ཞེས་པ་བརྗོད་ [179a] [179a.1]ནས་སློབ་མ་ཡིས། །སྐལ་ལྡན་བདག་ལགས་རྣམ་གྲོལ་འཚལ། །བདེ་བ་ཆེ་ལ་བདག་དགའོ། །ཞེས་བརྗོད་ཡང་ནི་འདི་སྐད་བརྗོད། །སངས་རྒྱས་ཀུན་གྱི་ཡེ་ཤེས་སྐུ། །སློབ་དཔོན་ལ་ནི་སྐྱབས་སུ་མཆི། །གཙོ་བོ་ལྷ་མོར་བཅས་པ་ཡི། །ལྷ་རྣམས་ལ་ཡང་ཕྱག་ [179a.2]འཚལ་ལོ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་འཇུག་པར་གསོལ། །ཞེས་པས་སློབ་དཔོན་ལ་གསོལ་བ་གདབ་པར་བྱའོ། །དེ་ནས་སློབ་དཔོན་གྱིས་འདི་སྐད་བརྗོད་པར་བྱའོ། །དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་ཁྱེར་མཆོག །སྙིང་ [179a.3]པོའི་དཀྱིལ་འཁོར་འདི་རུ་ནི། །བདག་གིས་སློབ་མ་གཞུག་པར་བགྱི། །དེ་ནས་དཀྱིལ་འཁོར་གྱི་ལྷ་ལ་ལུས་ངག་ཡིད་གསུམ་གྱི་སྒོ་ནས་ཕྱག་བྱ་སྟེ། ཨོཾ་ན་མ་ཏེ་ཧཱུཾ། ཨོཾ་ན་མ་མི་ཧཱུཾ། ཨོཾ་ན་མོ་ན་མ་ཧཱུཾ། ཞེས་བྱ་བ་དང་། ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀ་ཙི་ཏྟ་པྲ་ཎ་མེ་ན་བཛྲ་བནྡྷ་ནཾ་ཀ་རོ་མི། ཞེས་ [179a.4]པས་ཀྱང་། སྒོ་གསུམ་གུས་པས་ཕྱག་བྱས་ལ། །དེ་ནས་སྔར་བཞིན་སློབ་མ་ཡིས། །གཙོ་བོ་བདག་ལ་སྡོམ་པ་གསོལ། །ཐུབ་པ་ཉི་མ་ལ་སོགས་བརྗོད། །དེ་བཞིན་སྡོམ་པ་དམ་ཚིག་ནི། །སྟ་གོན་གནས་པ་སྔར་བཞིན་བྱ། །དེ་ནས་བླ་མས་འདི་སྐད་བརྗོད། །དེང་ཁྱོད་དཔའ་བོ་ [179a.5]དང་རྣལ་འབྱོར་མ་རྣམས་ཀྱི་ནང་དུ་ཞུགས་ཀྱི། ངས་ཁྱོད་ལ་དཔལ་ཧེ་རུ་ཀའི་ཡེ་ཤེས་བསྐྱེད་པར་བྱ་སྟེ། ཁྱོད་དེ་བཞིན་གཤེགས་པ་ཐམས་ཅད་དང་། དཔའ་བོ་དང་། རྣལ་འབྱོར་མ་ཐམས་ཅད་ཀྱི་དངོས་གྲུབ་ཐོབ་པར་འགྱུར་ན། དངོས་གྲུབ་གཞན་སྨོས་ཀྱང་ཅི་དགོས། [179a.6]དེ་ལྟ་བུའི་ཡེ་ཤེས་བསྐྱེད་པར་བྱ་ཡི། ཁྱོད་ཀྱིས་དཀྱིལ་འཁོར་མ་མཐོང་བའི་མདུན་དུ་སྨྲ་བར་མི་བྱ་སྟེ། དམ་ཚིག་ཉམས་པར་གྱུར་ཏ་རེ། ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་གཞུག་པ་ནི། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །དེ་ནས་ [179a.7]ཀ་པཱ་ལའི་ནང་དུ་བདུད་རྩི་ལྔ་དང་ལྡན་པའི་དམ་ཚིག་གི་ཆུ་བླུད་པ་ནི་ཀྱེའི་རྡོ་རྗེ་གཟི་མདངས་དང་ལྡན་པས་འདི་སྐད་བརྗོད་དོ། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་གྲུབ། །ཨོཾ་སརྦ་བཛྲ་པཉྩ་ཨ་མྲྀ་ཏ་ཨུ་ད་ཀ་ཧཱུཾ། དེང་ [179b] [179b.1]ནས་བརྩམས་ནས་ཁྱོད་ཀྱི་དཔལ་ཧེ་རུ་ཀ་ང་ཡིན་གྱི་གང་ངས་འདི་བྱོས་ཤིག་ཅེས་བསྒོ་བ་དེ་ཁྱོད་ཀྱིས་བྱ་དགོས་ཏེ། ད་ཁྱོད་ངལ་བརྙས་པའི་ལས་མ་བྱེད་ཅིག །བྱས་ན་ཁྱོད་ཀྱི་མི་བདེ་བ་མ་སྤངས་པར། ཚེའི་དུས་བྱས་ནས་དམྱལ་བར་ལྷུང་བར་གྱུར་ཏ་རེ། དེ་ནས་འདི་སྐད་བརྗོད་དོ། ། [179b.2]དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱང་འགྲུབ་པར་དཀའ་བ་མ་ལགས་ན། དངོས་གྲུབ་གཞན་ལྟ་སྨོས་ཀྱང་ཅི་དགོས་ཞེས་པས་ཡོལ་བའི་ནང་དུ་དྲངས་ཏེ། ཡེ་ཤེས་དབབ་པ་བླ་མའི་མན་ངག་བཞིན་བྱའོ། དེ་ནས་མཐོང་བ་དྲི་བ་དང་མེ་ཏོག་གི་ཕྲེང་བ་ཐོགས་ [179b.3]ཏེ། པྲ་ཏཱིཙྪ་བཛྲ་ཧོ། །ཞེས་བརྗོད་ཅིང་ཕྲེང་བ་དོར་བ་དང་། མིག་དབྱེ་བར་བྱ་སྟེ། ཨོཾ་རྡོ་རྗེ་སེམས་དཔའ་དེང་ཁྱོད་ཀྱི། །མིག་འབྱེད་པ་ནི་བརྩོན་པ་སྟེ། །མིག་ནི་ཐམས་ཅད་འབྱེད་མཛད་པས། །རྡོ་རྗེའི་མིག་ནི་བླ་ན་མེད། །ཧེ་བཛྲ་པ་ཤྱ། དེ་ཉིད་སྔགས་སུ་བརྗོད་པ་ནི། །ཨོཾ་བཛྲ་ [179b.4]སཏྭ་སྭ་ཡཾ་དྱ་ཡ། ཙཀྵཱ་དྒྷ་ཊྟ་ཡ་ཏ་ཏྤ་ར། ཨུདྒྷ་ཊ་ལ་ཏི་སརྦཱ་ཀྵོ། བཛྲ་ཙ་ཀྵུ་རཱ་ནུཏྟ་ར། ཧེ་བཛྲ་པྲེ་བེ་ཤ་།དེ་ནས་གདོང་གཡོགས་ཕུད་ཅིང་འདི་སྐད་བརྗོད་དོ། །ད་ནི་དད་པ་རབ་ཏུ་བསྐྱེད། །དཀྱིལ་འཁོར་བཟང་པོ་འདི་ལ་ལྟོས། །ཁྱོད་ནི་རྣལ་འབྱོར་མ་རིག་སྐྱེས། །སྔགས་དང་ཕྱག་རྒྱས་བྱིན་ [179b.5]གྱིས་བརླབས། །འགྲོ་བའི་ཕུན་སུམ་ཚོགས་ཀུན་དང་། །དངོས་གྲུབ་ཐམས་ཅད་མངོན་དུ་གྱུར། །དམ་ཚིག་ཐམས་ཅད་བསྐྱེད་པ་དང་། །གསང་སྔགས་ལ་ཡང་བརྩོན་པར་གྱིས། །ཞེས་བརྗོད་པ་དང་། མེ་ཏོག་གང་ལ་ལྟུང་བའི་ལྷ་ངོ་བསྟན་ཅིང་ལྷག་པར་དབོག །སྔགས་བསླབ་ཅིང་ [179b.6]དེ་ཁོ་ན་ཉིད་བཤད་པར་བྱའོ། །དེ་ལ་གཞལ་ཡས་ཁང་གྲུ་བཞིར་བྱུང་བ་ནི་ཚད་མེད་པའི་རང་བཞིན་གྱིས་རྣམ་པར་དག་པའོ། །སྒོ་བཞི་ནི་དྲན་པ་ཉེ་བར་གཞག་པ་བཞི་རྣམ་པར་དག་པའི་རང་བཞིན་ནོ། །རྟ་བབས་བཞི་ནི་ཡང་དག་པར་སྤོང་བ་བཞི་རྣམ་པར་དག་པའི་རང་བཞིན་ནོ། ། [179b.7]དྲ་བ་ནི་ཉོན་མོངས་པ་ཆེན་པོ་རྣམ་པར་དག་པའོ། །དྲ་བ་ཕྱེད་པ་ནི་ཉོན་མོངས་པ་ཆུང་ངུ་རྣམ་པར་དག་པའོ། །ཀ་བ་བརྒྱད་ནི། འཕགས་པའི་ལམ་ཡན་ལག་བརྒྱད་རྣམ་པར་དག་པའོ། །དར་གྱི་པ་ཏི་ལ་སོགས་པའི་རྒྱན་རྣམས་ནི་ཚུལ་ཁྲིམས་རྣམ་པར་དག་པའི་མཚན་ཉིད་དོ། ། [180a] [180a.1]འདོད་པའི་ཡོན་ཏན་ལྔ་རྣམས་ནི་གཟུགས་དང་སྒྲ་ལ་སོགས་པ་རྣམ་པར་དག་པའོ། །རྡོ་རྗེར་བ་ནི་ཟབ་མོའི་ཆོས་ཀྱི་འཁོར་ལོ་བསྐོར་བའི་རྟགས་སོ། །མེ་འོད་ནི་ཕྱི་རོལ་གྱི་བགེགས་ལ་སོགས་པས་མི་ཚུགས་པའི་རྟགས་སོ། །བུམ་པ་བརྒྱད་ནི་ཆེ་བའི་ཡོན་ཏན་གྱིས་རྒྱས་ཤིང་ [180a.2]ཐུགས་རྗེ་ཆེན་པོའི་ངོས་ཡོངས་སུ་གང་བའི་རྟགས་སོ། །དེ་ནས་ལྷའི་དེ་ཁོ་ན་ཉིད་བསྟན་ཏེ། དེ་ལ་བཅོམ་ལྡན་འདས་དགྱེས་པའི་རྡོ་རྗེ་ནི་རྣམ་པར་ཤེས་པའི་ཕུང་པོ་དང་ཞེ་སྡང་རྣམ་པར་དག་པའི་རང་བཞིན་ནོ། །གཽ་རཱི་ནི་ཞེ་སྡང་དང་གཟུགས་རྣམ་པར་དག་པའི་རང་བཞིན་ནོ། །ཆོམ་རྐུན་མ་ནི་ [180a.3]གཏི་མུག་དང་སྒྲ་རྣམ་པར་དག་པའི་རང་བཞིན་ནོ། །རོ་ལངས་མ་ནི་ང་རྒྱལ་དང་དྲི་རྣམ་པར་དག་པའི་རང་བཞིན་ནོ། །གྷསྨ་རཱི་ནི་འདོད་ཆགས་དང་རོ་རྣམ་པར་དག་པའི་རང་བཞིན་ནོ། །པུཀྐ་སཱི་ནི་ཞེ་སྡང་དང་ས་རྣམ་པར་དག་པའི་རང་བཞིན་ནོ། །རི་ཁྲོད་མ་ནི་གཏི་མུག་དང་ཆུ་རྣམ་པར་ [180a.4]དག་པའི་རང་བཞིན་ནོ། །གཏུམ་མོ་ནི་ང་རྒྱལ་དང་མེ་རྣམ་པར་དག་པའི་རང་བཞིན་ནོ། །གཡུང་མོ་ནི་འདོད་ཆགས་དང་རླུང་རྣམ་པར་དག་པའི་རང་བཞིན་ནོ། །བདག་མེད་རྣལ་འབྱོར་མ་ནི་ཡབ་དང་མཐུན་ནོ། །དེ་ལྟར་དེ་ཁོ་ན་ཉིད་བཤད་ནས་སློབ་མས་མཎྜལ་སྔོན་དུ་འགྲོ་བས་བླ་མའི་ [180a.5]ཞབས་ལ་གཏུགས་ཤིང་ཡོན་གྱི་མཆོག་ཕུལ་ནས་དབང་བསྐུར་བའི་དོན་དུ་གསོལ་བ་གདབ་པར་བྱའོ། །དེ་ཡང་ཐུན་མོང་གི་དབང་ནོད་པ་ཡིན་ན། འདི་སྐད་བརྗོད་དོ། །བྱང་ཆུབ་རྡོ་རྗེ་སངས་རྒྱས་ལ། །མཆོད་ཆེན་ཇི་ལྟར་མཛད་པ་བཞིན། །བདག་ཀྱང་རབ་ཏུ་བསྒྲལ་སླད་དུ། ། [180a.6]ནམ་མཁའི་རྡོ་རྗེ་བདག་ལ་གསོལ། །འཁོར་བ་འདམ་གྱི་ཚོགས་དག་ཏུ། །བྱིང་བ་སྐྱབས་མེད་བདག་ལ་སྐྱོབས། །མགོན་པོ་ཁྱོད་ཀྱི་བཀའ་དྲིན་གྱིས། །རིག་པའི་དབང་བསྐུར་བདག་ལ་གསོལ། །ཞེས་པ་དང་། ཁྱད་པར་སློབ་དཔོན་གྱི་དབང་ཡིན་ན་འདི་སྐད་བརྗོད་པར་བྱ་སྟེ། [180a.7]ཧེ་རུ་ཀ་དཔལ་དབང་བསྐུར་བ། །འགྲོ་བ་བསྐྱབ་ཕྱིར་གཟི་བརྗིད་ཅན། །ཅི་ལྟར་ཡོན་ཏན་འབྱུང་གནས་སོགས། །དེ་བཞིན་བདག་ལ་དེ་གསོལ་ཅིག །དཔའ་བོ་ཆེན་པོ་མི་ལྡོག་པའི། །དབང་བསྐུར་བ་ནི་བདག་ལ་གསོལ། །སེམས་ཅན་ཀུན་གྱི་དོན་གྱི་ཕྱིར། །བདག་ནི་རྟག་ཏུ་ [180b] [180b.1]སློབ་དཔོན་བགྱིས། །ཞེས་པའོ། །དེ་ནས་ཐུན་མོང་དང་ཁྱད་པར་གྱི་སློབ་མ་རྣམས་ཐ་མལ་གྱི་སྟན་དང་། ཁྱད་པར་གྱི་གདན་སེང་གེའི་ཁྲིའམ། པདྨས་མཚན་པ་གཞག་པར་བྱའོ། །གདུགས་དཀར་པོ་གསེར་གྱི་ཡུ་བ་ཅན་ཕུབ་ནས། སློབ་དཔོན་གྱིས་ཀྱང་ལྷ་རྣམས་ཅི་རིགས་ [180b.2]པར་མཆོད་ནས། བདུད་རྩི་དང་དྲིའི་ཆུ་དང་ཉུངས་ཀར་ལག་ཏུ་ཐོགས་ནས་བདག་ཉིད་ང་རྒྱལ་དང་བཅས་པས་འདི་སྐད་བརྗོད། །ཉོན་ཅིག་བར་ཆད་བགེགས་ཀྱི་ཚོགས། །ང་ནི་དཔལ་ལྡན་རྡོ་རྗེ་འཆང་། །མཚོན་ཆ་སྣ་ཚོགས་འབར་བའི་བདག །གདུག་པ་མ་ལུས་འཇོམས་པར་ [180b.3]བྱེད། །དེངས་ཤིག་བར་ཆད་བགེགས་ཀྱི་ཚོགས། །ང་ཡི་བཀའ་ལས་འདའ་མ་བྱེད། །ཅི་སྟེ་བཀའ་ལས་འདས་གྱུར་ན། །རྡུལ་ཕྲན་བཞིན་དུ་རླག་པར་བྱེད། །ཅེས་དང་། བདག་ཉིད་བདུད་རྩི་འཁྱིལ་པའི་སྔགས་དང་ཏིང་ངེ་འཛིན་དུ་གནས་པས་བསྐྲད་པའམ། །རཀྵ་ལ་ [180b.4]སོགས་པའི་སྔགས་བརྗོད་ཅིང་ར་བ་དང་གུར་ལ་སོགས་པས་བསྲུང་བའོ། །དེ་ནས་སློབ་མས་ཁྲུས་བྱས་ཤིང་། སྟོད་གཡོགས་ལ་སོགས་གོས་བཟངས་ལྡན། །དྲུག་པ་རྫོགས་སངས་རྒྱས་ཀྱི་དབང་། །ནོད་ཕྱི་སྙིམ་པ་མེ་ཏོག་གིས། །དཀྱིལ་འཁོར་ལྷ་ཡི་གཙོ་ལ་འབུལ། ཨོཾ་ [180b.5]པྲ་ཏཱི་ཙྪ་བཛྲ་ཧོ། །ཞེས་པའི་སྔགས་བརྗོད་པས་སོ། །དེ་རྗེས་བླ་མས་མེ་ཏོག་བླངས། །སློབ་མའི་མགོ་ལ་བཅིངས་བྱས་ལ། །ཨོཾ་དྷརྨཱཿ་ཀུཎྜ་ཨ་བྷི་ཥིཉྩ་ཞེས་བརྗོད་པར་ནི། །ཆོས་ཀུན་བསྡུས་ཤིང་འཁྱིལ་བས་ནི། །ལྷག་པའི་ལྷ་ཡིན་དེ་སྐད་དུ། །ཕྲེང་བ་ཡི་དམ་རྒྱལ་བའི་དབང་། ། [180b.6]སྒོམ་ཕྱིར་དབང་བསྐུར་དམ་ཚིག་ལྡན། །དེ་རྗེས་ལས་ཀྱི་རྡོ་རྗེ་ཡིས། །བུམ་པའི་ཆུ་རྣམས་བསྡུས་ནས་ནི། །བཟང་པོ་རྣམ་རྒྱལ་བུམ་པར་བསྡུས། །དེ་རྗེས་དུང་ཆོས་ཉིད་དུའོ། །དེ་ནས་རྣམ་རྒྱལ་ཆུ་རྒྱུན་གྱིས། །དྲིལ་བུའི་སྒྲ་དང་དབྱངས་བཅས་པས། །དབང་སྐུར་བ་ནི་འདི་སྐད་བརྗོད། ། [180b.7]གསང་གསུམ་གནས་ལས་བྱུང་བ་ཡི། །ཁམས་གསུམ་པ་ཡིས་དབང་བསྐུར། །སངས་རྒྱས་ཀུན་གྱི་ཆུ་ཡི་དབང་། །དེང་འདིར་ཁྱོད་ལ་སྦྱིན་པར་བྱ། །སངས་རྒྱས་ཀུན་ནི་རབ་བསྒྲུབ་ཕྱིར། །ཆུ་དབང་དམ་པ་ཁྱེད་ཀྱིས་ལོང་། །ཨོཾ་སརྦ་ཏ་ཐཱ་ག་ར་ཨུ་ད་ཀ་ཨ་བྷི་ཥིཉྩཱ་མི་བཛྲ་སྭ་བྷཱ་བ་ [181a] [181a.1]ཨཱ་ཏྨ་ཀོ྅ཧཾ། དེས་ནི་རྣམ་པར་རྟོག་པ་དང་། །ཉོན་མོངས་པའི་དྲི་མ་འཁྲུ་བར་བྱེད་དོ། །དེ་ནས་གསེར་ལ་སོགས་པའི་རིན་པོ་ཆེ་དང་ཤིང་དང་བ་སོ་ལ་སོགས་པའི་འབུར་མར་བརྐོས་པའམ། །ཐང་ཀའི་རི་མོའམ་དབུ་རྒྱན་དུ་བྱས་ཏེ། ཏྲཱཾ་ལས་རིན་ཆེན་འབྱུང་ལྡན་དུ་ [181a.2]བསམ་ཞིང་དགུག་པ་དང་གཞུག་པ་ལ་སོགས་པས་ཡེ་ཤེས་སེམས་དཔའ་བསྟིམས་ལ། མཆོད་པ་དང་བསྟོད་པ་དང་སྔགས་བཟླས་པ་བྱས་ལ་འདི་སྐད་བརྗོད་དོ། །གསང་གསུམ་གནས་ལས་བྱུང་བ་ཡི། །ཁམས་གསུམ་པ་ཡིས་དབང་བསྐུར་བ། །སངས་རྒྱས་ཀུན་གྱི་དབུ་རྒྱན་ [181a.3]དབང་། །ཐོར་ཚུགས་ཅོད་པན་གྱིས་བརྒྱན་པའི། །སངས་རྒྱས་ཀུན་གྱིས་བསྔགས་པ་ཡི། །རིན་ཆེན་དག་གི་དབུ་རྒྱན་དང་། །དར་དཔྱངས་དབང་བསྐུར་སྦྱིན་པར་བྱ། །ཨོཾ་བཛྲ་པ་རཱ་ཧ་ཀ་བཛྲ་ཨ་རལླི་ཧོཿ། །དེ་ནས་ཡང་རྡོ་རྗེ་ཨཱཿ་ལས་སྣང་བ་མཐའ་ཡས་སུ་བསྐྱེད་ལ་འདི་སྐད་བརྗོད་དོ། ། [181a.4]འདི་ནི་སངས་རྒྱས་ཐམས་ཅད་ཀྱི། །ཧེ་རུ་ཀ་དཔལ་རྒྱལ་པོ་དང་། །མཁའ་འགྲོ་རྣམས་ཀྱི་དབང་མཆོག་ནི། །དེ་རིང་ཁྱོད་ལ་དབང་སྐུར་རོ། །ཨོཾ་ཤྲཱི་ཧེ་རུ་ཀ་ཨ་དྷི་པ་ཏི་སྟྭཾ་ཨ་བྷི་ཥིཉྩ་ཏིཥཐ་བའི་ར་ས་མ་ཡ་སྟྭཾ། དེ་ནས་དེ་ཉིད་བརྗོད་པ་ནི། །ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ [181a.5]ཆེ། །ཀུན་དུ་བཟང་པོ་ཀུན་གྱི་བདག །རྡོ་རྗེ་བསྙེམས་ཚུལ་བདག་པོའི་བདག་ཅེས་པ་སྟེ། །རྡོ་རྗེའི་དབང་བསྐུར་བ་ལག་པ་གཡས་པར་སྦྱིན་ནོ། །དེ་ནས་དྲིལ་བུ་ཁཾ་ལས་དོན་ཡོད་གྲུབ་པར་བསྐྱེད་ལ་འདི་སྐད་བརྗོད་དོ། །འདི་ནི་རྣལ་འབྱོར་མ་ཀུན་གྱི། །ཤེས་རབ་དབྱངས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་ [181a.6]ནི་རྟག་ཏུ་ཟུང་། །བྱང་ཆུབ་མཆོག་ཏུ་རྒྱལ་བས་བཞེད། །དེ་ཡི་དེ་ཉིད་བཤད་པ་ནི། །སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་དངོས་མེད་བྱས། །དེ་བཞིན་དག་པའི་སེམས་དཔའ་ནི། །སྲིད་པའི་དམ་པ་བྱེད་པར་འགྱུར། །བཛྲ་ས་ཏྭ་སྟྭཾ་ཨ་བྷི་ཥིཉཐ་མི། ཞེས་པས་ལག་པ་གཡོན་པར་དུང་བྱིན་ལ། དེ་ནས་མིང་ [181a.7]གི་དབང་བསྐུར་བར་བྱ་སྟེ། བྷྲཱུཾ་ལས་རྣམ་པར་སྣང་མཛད་དུ་བསམ། སངས་རྒྱས་ཀུན་གྱི་མིང་གི་དབང་། །ཞེས་པ་ལ་སོགས་པ་བརྗོད་ལ། ཨོཾ་བཛྲ་ཤྲཱི་ཧེ་རུ་ཀ་ཨ་དྷི་བ་ཏི་སྟྭཾ་ཨ་བྷི་ཥིཉྩ་མི། ཤྲཱི་ཧེཏེ་རུ་ཀ་ནཱ་མ་ཨ་བྷི་ཥེ་ཀ་ཏ། ཞེས་བརྗོད་ཅིང་རྡོ་རྗེ་དྲིལ་བུ་མགོའི་ཐད་ཀར་སྦྱིན་ནོ། །དེ་ནས་བརྟུལ་ཞུགས་ཀྱིས་བརྟན་ [181b] [181b.1]པར་བྱའོ། །འདི་དེ་སངས་རྒྱས་ཐམས་ཅད་ཉིད། །ཧེ་རུ་ཀ་དཔལ་ཕྱག་ན་བསྣམས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཧེ་རུ་ཀ་དཔལ་བརྟུལ་ཞུགས་བརྟན། །རྡོ་རྗེའི་རྩེ་མོ་ནས་སློབ་མ་འཛིན་དུ་བཅུག་ལ་སྔགས་འདི་བརྗོད་དོ། །ཨོཾ་སརྦ་ཏ་ཐཱ་ཏ་སིདྡྷ་བཛྲ་ས་མ་ཡ་སྟྭཾ། ཨེ་ཥ་སྟྭཾ་དྷ་ར་ཡཱ་མི་ཧཱུཾ་སྭཱ་ཧཱ་ཧ་ཧ་ཧི་ཧི་ [181b.2]ཞེས་བརྗོད་ལ་ལག་པར་རྡོ་རྗེ་རྒྱ་གྲམ་སྦྱིན་ནོ། །དེ་ནས་ཧེ་རུ་ཀ་དཔལ་གཟུགས། །རང་གི་དཀྱིལ་འཁོར་ཆོ་གས་སྦྱིན། །རྡོ་རྗེ་སློབ་དཔོན་གོ་འཕང་ཐོབ། །ཧེ་རུ་ཀ་དཔལ་ཁ་ཊྭཱཾ་ག །རྣལ་འབྱོར་མ་ནི་ཌ་མ་རུ། །རྡོ་རྗེ་ཁ་ཊྭཱཾ་རྡོ་རྗེར་བཅས། །དྲིལ་བུ་སིལ་སིལ་སྒྲ་སྒྲོགས་ཤིང་། །ཚངས་པའི་སྐུད་ཐོགས་རྣལ་ [181b.3]འབྱོར་བདག །གྲི་གུག་དང་ནི་ཀ་པཱ་ལ། །དཔའ་བོ་ཆེན་པོས་བླང་བར་གྱིས། །ཞེས་བརྗོད་ལ། སློབ་མ་དེ་གཡས་བརྐྱང་གཡོན་བསྐུམ་པས་གནས་ལ། རྡོ་རྗེ་གྲི་གུག་གཡས་སུ་སྦྱིན་ཞིང་། དྲིལ་བུ་དང་ཌ་མ་རུ་དང་ཀ་པཱ་ལ་གཡོན་དུ་སྦྱིན་ཞིང་། ཁ་ཊྲཱཾ་ག་གཡས་ཕྱོགས་སུ་བརྟེན་པ་སྦྱིན་པར་བྱ་སྟེ། [181b.4]དེ་ལྟ་བུའི་ཆེ་བའི་བདག་ཉིད་དག་དང་ལྡན་པར་བརྗོད་དོ། །འདིས་ནི་རྡོ་རྗེ་སློབ་དཔོན་གྱི་དབང་རྗེས་སུ་གནང་བ་དང་། ལུང་བསྟན་པ་དང་། དབུགས་དབྱུང་བ་དང་ལྡན་ཞིང་ཕྲིན་ལས་ཀྱང་རྫོགས་པར་འགྱུར་ཏེ། ཞི་བ་དང་། རྒྱས་པ་དང་། དབང་དང་། དྲག་པོ་དང་། རེངས་པ་དང་། བསྒྲག་པ་དང་། མྱོས་པར་ [181b.5]བྱ་བ་དང་། གསད་པ་ལ་སོགས་པ་དང་། དེ་རྣམས་ལ་ཐོགས་པ་མེད་པར་འགྲུབ་པར་བསླབ་པར་བྱོས་ཤིག །དངོས་གྲུབ་འདི་དག་རྫོགས་པར་འགྱུར་ཏེ། མཆིལ་ལྷམ་བགོ་བ་དང་། ཆར་དབབ་པ་དང་། ཉི་ཟླ་གཟུང་བ་ལ་སོགས་པ་འཇིག་རྟེན་པའི་དངོས་གྲུབ་དང་། འཇིག་རྟེན་ལས་འདས་པའི་དངོས་ [181b.6]གྲུབ་ཐམས་ཅད་འགྲུབ་པར་བྱོས་ཤིག་ཅེས་རྗེས་གནང་སྦྱིན་ནོ། །དེ་དག་ནི་བུམ་པའི་དབང་ངམ། རྡོ་རྗེ་སློབ་དཔོན་གྱི་དབང་རྫོགས་པ་སྟེ། ལུས་ཀྱི་དྲི་མ་དག་པར་བྱེད་ཅིང་བྱང་ཆུབ་སེམས་དཔའ་ཚོགས་ཀྱི་ལམ་མཐར་ཕྱིན་པ་དང་སྐལ་བ་མཉམ་པར་འགྱུར་རོ། །དེ་ནས་དབང་བསྐུར་བ་གཉིས་པས་ནི་ [181b.7]ངག་དྲི་མ་དག་པར་བྱེད་པ་དང་། སྦྱོར་བའི་ལམ་གྱི་ནུས་པ་འཇོག །དབང་བསྐུར་གསུམ་པས་སེམས་ཀྱི་དྲི་མ་དག་ཅིང་མཐོང་ལམ་གྱི་ནུས་པ་འཇོག །དབང་བསྐུར་བ་བཞི་པས་ནི་ཉོན་མོངས་པ་དང་། ཉེ་བའི་ཉོན་མོངས་པ་དག་བསྒོམ་པའི་ལམ་དང་ཁྱད་པར་གྱི་ལམ་ལ་གནས་པའི་ནུས་པ་ [182a] [182a.1]འཇོག །དབང་བསྐུར་བ་དེ་དག་གིས་དབང་བསྐུར་བའི་རིམ་པ་ནི་བླ་མའི་ཞལ་ལ་ལྟོས་པར་བྱ་བའི་ཕྱིར་དེ་བཞིན་གཤེགས་པས་ཀྱང་དགོངས་པ་སྦས་པ་ཡིན་ལ། དེ་བས་ནི་དགོངས་དོན་ཉམས་པ་སྤང་བའི་ཕྱིར། བདག་གིས་ཀྱང་འདིར་ཡི་གེར་བཀོད་པ་མ་ཡིན་སྙམ་དུ་ [182a.2]དགོངས་སོ། །དེ་དག་གིས་དབང་བསྟན་ནས། གང་གི་ཚེ་རབ་ཏུ་གནས་པར་བྱེད་པར་འདོད་ན། དེའི་དོན་ཡང་འདི་ཡིན་ཏེ། སྡོམ་ནི། ཤེས་པར་བྱ་དང་ཉམས་སུ་བླང་། །འབྲས་བུ་དང་ནི་རྣམ་པ་གསུམ། །དེ་ལ་ཤེས་པར་བྱ་བ་ནི་འདི་ཡིན་ཏེ། རབ་ཏུ་གནས་པ་ཐུན་མོང་དང་ཁྱད་པར་དུ་ཤེས་པར་ [182a.3]བྱའོ། །མངའ་དབུལ་ལྷ་ལྟར་མཆོད་པ་དང་། །སློབ་མ་ལྟ་བུར་དབང་བསྐུར་བ། །སྤྱན་དབྱེ་ཐུན་མོང་གསེར་ཐུར་གྱིས། །ཚིགས་བཅད་སྔགས་དང་བཅས་པར་བརྗོད། །ཁྱད་པར་སྤྱན་ནི་དབྱེ་བའོ། །ཞལ་བསྲོ་བ་ནི་སྦྱིན་སྲེག་གིས། །སློབ་མ་ཤིས་པར་བྱ་ཕྱིར་དང་། །ལྷ་རྣམས་ཚིམ་པའི་ [182a.4]དོན་དུའོ། །དེའི་རྗེས་ལ་ཉམས་སུ་བླང་བ་ནི་འདི་ཡིན་ཏེ། སྔར་བཞིན་བླ་མར་འོས་པ་ལ། སློབ་དཔོན་མཚན་ཉིད་དང་ལྡན་པས་གསོལ་བ་གདབ་པ་དང་། བསྙེན་པ་དང་། ས་ཆོག་སྔར་བཞིན་བྱས་ལ། དཀྱིལ་འཁོར་མེ་ལོང་གི་ངོས་ལྟར་མཉམ་པའི་སྟེང་དུའམ། སྟེགས་བུ་གྲུ་བཞིའི་སྟེང་དུའོ། ། [182a.5]ལྟ་གོན་ཡོ་བྱད་ཐམས་ཅད་ཉེ་བར་བསགས་ལ། དེ་ལ་སློབ་དཔོན་དུ་འོས་པ་ནི་འདི་ཡིན་ཏེ། བརྟན་ཞིང་དུལ་བ་བློ་གྲོས་ལྡན། །བཟོད་ལྡན་དྲང་ལ་གཡོ་སྒྱུ་མེད། །སྔགས་དང་རྒྱུད་ཀྱི་སྦྱོར་བ་ཤེས། །དཀྱིལ་འཁོར་བྲི་བའི་ལས་ལ་མཁས། །དེ་ཉིད་བཅུ་ནི་ལེགས་པར་ཤེས། །འདི་ནི་སློབ་ [182a.6]དཔོན་ཡིན་ཞེས་བྱ། །དེ་ཡིས་བསྟན་པའི་གསང་སྔགས་རྣམས། །འགྲུབ་འགྱུར་འདི་ལ་ཐེ་ཚོམ་མེད། །ཅེས་པ་ནི། དེས་ཀྱང་ཆོ་ག་ཆད་པ་མེད་པར་ཕུན་སུམ་ཚོགས་པར་བྱ་སྟེ། འདི་སྐད་དུ། ཆོ་ག་ཉམས་པར་མི་བྱ་སྟེ། །རབ་གནས་རྟག་ཏུ་སྨད་པ་དང་། །ཚེ་འདིའི་སྡུག་བསྔལ་ཆེན་པོ་ [182a.7]དང་། །འཇིག་རྟེན་གཞན་དུ་འཇིགས་ཆེན་འབྱུང་། །དེ་བས་དངོས་གྲུབ་འདོད་པ་ཡིས། །བདག་ཉིད་ཀྱིས་ནི་ཅི་ནུས་ལས། །དེ་བཞིན་ཆོ་གར་གསུངས་ཚུལ་དུ། །ཀུན་ནས་རབ་ཏུ་འབད་དེ་བྱ། །ཞེས་པ་དང་། དེ་ནས་དང་པོ་སློབ་མའམ། སྒྲུབ་པའི་གྲོགས་པོ་རང་ཉིད་རྒྱན་དང་བྱུག་པ་ [182b] [182b.1]ལ་སོགས་པ་དང་། མཆོད་ཡོན་བྱིན་གྱིས་བརླབ་པ་དང་། ཡན་ལག་དྲུག་གི་རྣལ་འབྱོར་བདུད་རྩི་མྱང་བའི་བར་དུ་བདག་ཉིད་ལ་ལྡན་པ་ཕུན་སུམ་ཚོགས་པ་བྱས་ལ། དེ་ནས་བླ་མས་ཀྱང་ཕུན་སུམ་ཚོགས་མོས་པ་འཕོ་བ་དང་ལྡན་པས་རྣལ་འབྱོར་སྒྲུབ་པའི་གྲོགས་མཆོག་བཞིན་དུ་ཏིང་ངེ་འཛིན་ [182b.2]བསྐྱེད་པ་དང་། རང་བཞིན་སྤྱན་དྲངས་པ་གཉིས་བསྲེས་སམ་གསུམ་བསྲེས་བྱས་ལ། མཆོད་པ་དང་བསྟོད་པ་དང་བདུད་རྩི་མྱང་བའི་བར་དུ་སྔར་བཞིན་བྱས་ནས་སྐུ་གཟུགས་ལ་སོགས་པ་དག་ཀྱང་བྱི་དོར་བྱས་ལ་སྔར་བྱི་གནས་སུ་གཞག་གོ། །དེ་ནས་མེ་དང་ཆུ་ནང་དུ་ཡུངས་ཀར་བླུགས་ [182b.3]ཤིང་སྔགས་འདི་བཟླས། ལན་གསུམ་བསྐོར་ཞིང་གཏོར་བར་བྱ། །སྦྱང་ཞིང་བསྲུང་བ་དག་ཏུ་བྱ། །ཨོཾ་ཧེ་བཛྲ་ཨ་དྷི་ཏིཥྠ་ན་བརྦ་པཱ་པཾ་ད་ཧ་ན་ཧེ་བཛྲཱ་ཡ་ཧཱུཾ་ཕཊ་སྭཱ་ཧཱ། དེ་ནས་འབྲུ་མར་ལ་དཱུར་བའི་པིར་གྱིས་བྱུག་ཅིང་། ཨོཾ་སརྦ་ཏ་ཐཱ་ག་ཏ་ཀཱ་ཡ་བི་ཤོ་དྷ་ནི་སྭཱ་ཧཱ། རཀྵ་རཀྵ་ཧཱུཾ་ཧཱུཾ་ཕཊ་སྭཱ་ཧཱ། [182b.4]དེ་ནས་ཤུན་ལྤགས་ལྔས་དྲིལ་ཕྱིས་དང་། ཁྲུས་ལ་སོགས་པ་བྱས་ཀྱང་རུང་། མ་བྱས་ཀྱང་རུང་སྔར་གྱི་དེ་དག་གིས་རྟེན་སྦྱང་བའོ། །བདུག་སྤོས་ཐོགས་ཤིང་རོལ་མོ་དབྱངས་དང་བཅས་པས་སངས་རྒྱས་ཐམས་ཅད་མདུན་གྱི་ནམ་མཁའ་ལ་དཀྱིལ་འཁོར་ལྷའི་རྣམ་པར་བསྡུས་ལ་འདི་སྐད་ [182b.5]བརྗོད་དོ། །དགྱེས་མཛད་རྡོ་རྗེ་བཅོམ་ལྡན་འདས། །རིག་སྔགས་རྒྱལ་ལ་ཕྱག་འཚལ་ལོ། །སློབ་མ་ལ་ཡང་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །ཐུགས་རྗེའི་བདག་ཉིད་ཅན་རབ་གནས། །མགོན་པོ་བདག་ནི་བགྱིད་པར་འཚལ། །བཅོམ་ལྡན་བདག་ནི་གུས་པ་ལ། ། [182b.6]དེ་བས་གནང་བ་མཛད་པར་རིགས། །བདག་གི་མིང་བརྗོད་འདི་ཞེས་པས། །རིག་པའི་རྒྱལ་པོ་འདི་ཞེས་བྱ། །ཡོ་བྱད་ཅི་འབྱོར་པ་ཡིས་ནི། །ནང་པར་རབ་གནས་བགྱིད་པར་འཚལ། །བདག་དང་སློབ་མར་བཅས་པ་ལ། །ཐུགས་བརྩེ་བར་ནི་ཉེར་དགོངས་ནས། །ཚོགས་པ་ཐམས་ཅད་རབ་ [182b.7]གནས་ལ། །བྱིན་གྱིས་བརླབ་པ་མཛད་དུ་གསོལ། །ཞེས་པ་དང་། ཡང་ན། ཕྱོགས་བཅུར་བཞུགས་པའི་སངས་རྒྱས་དང་། །སྲས་བཅས་འཇིག་རྟེན་རྣམ་གྲངས་དང་། །ཞེས་པ་ལ་སོགས་པས་གསོལ་བ་གདབ་ཅིང་སྙིམ་པའི་མེ་ཏོག་གཏོར་ཞིང་འདི་སྐད་དོ། །ནམ་མཁར་བཞུགས་ [183a] [183a.1]པའི་རྫོགས་སངས་རྒྱས། །མེ་ཏོག་བཟང་པོ་རིན་ཆེན་ཆར། །སྐུ་ལ་རབ་ཏུ་འབབ་འགྱུར་བས། །ཀྱེ་ཀྱེ་སོ་སོར་བཞེས་སུ་གསོལ། ཨོཾ་པ་ར་མ་སུ་ཁཱ་ཤ་ཡ་སུ་ལ་ལི་ཏི་བི་ལཱ་ས་མི་ཏེ། ན་མཱ་མི་བྷ་ག་ཝཱན་ཛཿ་ཧཱུཾ་བཾ་ཧོཿ་ཧི་ཧི་ཧི་ཧི། པྲ་ཏཱི་ཙྪ་བཛྲ་ཀུ་སུ་མཱ་ཉྫ་ལི་ནཱ་ཐ་ཧོ། །ཇི་ལྟར་སངས་རྒྱས་ [183a.2]ཐམས་ཅད་ནི། །དགའ་ལྡན་ན་ནི་བཞུགས་པ་ལས། །ལྷ་མོ་སྒྱུ་འཕྲུལ་ལྷུམས་ཞུགས་ལྟར། །དེ་བཞིན་གཟུགས་འདིར་ཁྱོད་བཞུགས་མཛོད། །འདིར་བཞུགས་རྟག་ཏུ་མགོན་པོ་ནི། །གྱུར་ནས་མེ་ཏོག་ལ་སོགས་འདི། །བྱང་ཆུབ་སེམས་ནི་འཕེལ་བའི་ཕྱིར། །བདག་ཅག་དོན་དུ་བཞེས་སུ་ [183a.3]གསོལ། །ཞེས་བརྗོད་དེ། དེ་ཡང་དཀྱིལ་འཁོར་དུ་འཇུག་ཅིང་དབང་ནོད་པ་ཡིན་ན། སྔར་བཞིན་དུ་ལྷ་སྟ་གོན་དུ་གནས་པ་ཉིད་བྱས་པ་མ་ཡིན་ན། དགོན་པོ་བསྡུ་བ་དག་ཙམ་གྱིས་བྱའོ། །དེ་བཞིན་དུ་དབང་ཡིན་ན་སློབ་མ་ལྷག་གནས་ལ་སྔར་བཞིན་དུ་བྱ་བ་ཡིན་ལ། མ་ཡིན་ན་འདི་ཙམ་གྱིས་ [183a.4]སློབ་མ་ལྷག་པར་གནས་པར་བྱ་སྟེ། དེང་དུས་བདག་ཚེ་འབྲས་བུ་ཡོད། །བདག་གི་གསོན་པའང་འབྲས་བུར་བཅས། །ལྷ་དང་དམ་ཚིག་མཉམ་པ་རུ། །འབྱུང་བར་བདག་ཉིད་ཐེ་ཚོམ་མེད། །བྱང་ཆུབ་སེམས་དང་སེམས་གཅིག་ལས། །མི་ལྡོག་པར་ནི་བདག་གྱུར་ཏེ། །དེ་བཞིན་གཤེགས་ [183a.5]པའི་རིགས་སུ་ནི། །དེང་བདག་སྐྱེ་བར་ཐེ་ཚོམ་མེད། །དེང་བདག་ཉིད་མ་དམ་པ་སྟེ། །བདག་གིས་མཆོད་སྦྱིན་བླ་ན་མེད། །སངས་རྒྱས་ཐམས་ཅད་སྤྱན་འདྲེན་པས། །དེང་བདག་འདུས་པའི་མཆོག་ཡིན་ནོ། །ཞེས་བརྗོད་དོ། །དེ་ནས་གལ་ཏེ་རྡུལ་ཚོན་མ་བྲིས་པའི་ལྷག་གནས་ཡིན་ན་ཤིན་ཏུ་ [183a.6]སྔ་བར་ཐིག་དང་ཚོན་ལ་སོགས་པ་སྔར་བཞིན་དུ་བྱས་ལ། ཉི་མ་བཟང་པོ་ལ་རབ་གནས་འདི་ལྟར་བྱ་སྟེ། ཡང་སློབ་དཔོན་གྲོགས་དང་བཅས་པས་ཆོ་ག་ཉམས་པར་མི་བྱ་སྟེ་ཞེས་བྱ་བ་ལ་སོགས་པ་ཚིགས་སུ་བཅད་པས་ཡོ་བྱད་ཐམས་ཅད་བསོག་ཅིང་བསྟར་བ་དང་། རྒྱན་ཐམས་ཅད་བྲི་བ་ [183a.7]དང་། ཡང་རང་ཉིད་གྲོགས་དང་བཅས་པས་ཁྲུས་དང་བྱུག་པ་ནས་གཟུང་སྟེ། བདུད་རྩི་མྱང་བའི་བར་དུ་བདག་ཉིད་ལ་ལྡན་པ་ཕུན་སུམ་ཚོགས་པ་སྔར་བཞིན་དུ་བྱ་ཞིང་། སྐུ་གཟུགས་ལ་སོགས་བྱི་དོར་བྱ་བ་ནས། ཤུན་ལྤགས་ལྔ་སྟེ། ཛམྦུ་ཀ་དང་། ཀ་ཏ་དང་། བིལ་བ་དང་། ཨ་མྲ་དང་། [183b] [183b.1]པི་ཙུ་པུ་རི་ལས་བྱུང་བའི་དྲིལ་ཕྱིས་བྱ་བ་དང་། དེ་བཞིན་དུ་སྔར་གྱི་ཚིགས་སུ་བཅད་པ་དང་། དེ་རིང་རབ་གནས་བགྱིད་པར་འཚལ། །ཞེས་པ་བཅུག་ལ། དེང་བདག་འདུས་པའི་མཆོག་ཡིན་ནོ། །ཞེས་པའི་བར་དུའོ། །ཞེས་བརྗོད་དོ། །དེ་ནས་བ་བྱུང་རྣམ་པ་ལྔ་དང་ལྡན་པའི་བུམ་པའི་ཆུ་ལ། [183b.2]ཨོཾ་བི་ཤུ་དྡྷེ་བཛྲ་གྲོ་དྷ་ཧཱུཾ་ཨཱཾ་བྷྲཱུཾ་ཛྲཱྀཾ་ཁཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་པས་མངོན་པར་བཟླས་པའི་ཆུས་ཁྲུས་བྱ་ཞིང་། རོལ་མོ་དབྱངས་དང་བཅས་པས་འདི་སྐད་བརྗོད་པར་བྱའོ། །ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་ [183b.3]གིས་ཁྲུས་གསོལ་ལོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་སྭཱ་ཧཱ། གཞན་ཡང་སྤྱན་ལ་སོགས་པའི་སྔགས། ཨོཾ་རུ་རུ་སྥུ་རུ་ལ་སོགས་པ་ཡང་བརྗོད་ཅིང་། བཀྲ་ཤིས་ཀྱི་ཚིགས་སུ་བཅད་པ་གང་ཡང་རུང་བ་ཅིག་གིས་དབྱངས་སུ་བརྗོད་དོ། །དེ་ནས་རས་ཀྱིས་སྐུ་ཕྱི་བར་བྱ་སྟེ། [183b.4]བདེ་གཤེགས་སྐུ་གཟུགས་དཔེ་དང་བྲལ་གྱིས་ཀྱང་། །འགྲོ་བའི་དོན་དུ་སྐུ་གཟུགས་ཅིར་ཡང་གདའ། །རིན་ཆེན་དབྱིག་ལྟར་ཉེས་པའི་སྐྱོན་བྲལ་ཞིང་། །འཇིག་རྟེན་བསྙེན་བཀུར་རི་མོའི་ཚུལ་གྱིས་ནི། །དྲི་མེད་རྒྱལ་བ་རྣམས་ཀྱིས་རབ་བསྔགས་པའི། །རས་མཆོག་འདི་ཡིས་རྒྱལ་བའི་སྐུ་ཕྱི་ [183b.5]བས། །ཉོན་མོངས་སྒྲིབ་པ་མ་ལུས་ཀུན་བྱང་ནས། །སྐུ་གསུམ་ངང་དུ་བདག་ཅག་གྲུབ་པར་ཤོག །ཨོཾ་སརྦ་ཏ་ཐཱ་ག་ཏ་བཛྲ་ཝ་སྟྲ་ཡེ་སྭཱ་ཧཱ། ཨོཾ་ཙ་ཏྲི་གནྡྷེ་སྭཱ་ཧཱ། ཨོཾ་བཛྲ་ཨ་བྷི་ཥིཉྩ་ནི་སྭཱ་ཧཱ། དེ་རབ་ཏུ་གནས་པའི་དངོས་གཞི་ཉིད་ཡིན་ཏེ། དེ་ཡང་སངས་རྒྱས་ཐམས་ཅད་གཅིག་བསྡུས་དང་། ། [183b.6]རབ་གནས་མཚན་ཉིད་བཟང་པོ་ཉིད། །ཅེས་པ་དང་། སྐུ་གཟུགས་སྙིང་གར་རབ་ཏུ་གཞུག །ཅེས་པ་དང་། བསྡུ་བའི་ཚིག་འདིས་ཤེས་པར་བྱ་སྟེ། ཏིང་འཛིན་ཡེ་ཤེས་བྱིན་བརླབས་དང་། །དབང་བསྐུར་བ་ཡི་རབ་གནས་བཟང་། །དེ་ལ་དཀྱིལ་འཁོར་གྱི་ཏིང་ངེ་འཛིན་ནི། སྐུ་གཟུགས་ས་བོན་ [183b.7]ཕྱག་མཚན་ནམ། །སྐད་ཅིག་སོགས་ཀྱིས་ལྷ་ཡི་སྐུ། །དཀྱིལ་འཁོར་ལྷ་རྣམས་ལུགས་བཞིན་བསྐྱེད། །སྙིང་གའི་ས་བོན་འོད་ཟེར་གྱིས། །ནམ་མཁར་བསྡུས་ལ་མཆོད་ཅིང་བསྟིམ། །དེ་ནས་བྱིན་གྱིས་བརླབ་པ་ནི། །སྐྱེ་མཆེད་དྲུག་དང་སྐུ་གསུང་ཐུགས། །བྱིན་གྱིས་བརླབ་པ་སྔར་ [184a] [184a.1]བཞིན་བྱ། །དེ་ནས་དབང་བསྐུར་བ་ནི། ཆུ་དང་དབུ་རྒྱན་ནས་གཟུང་སྟེ། །རྗེས་སུ་གནང་བའི་བར་དུ་སྦྱིན། །གཞན་ཡང་རིན་ཆེན་བདུན་ལ་སོགས། །ཅི་རིགས་པར་ཡང་དབང་བསྐུར་བྱ། །མངའ་དབུལ་བ་ཡང་དབང་དེར་གཏོགས། །དེ་ནས་སྤྱན་དབྱེ་བའི་ཆོ་ག་བྱ་སྟེ། [184a.2]གསེར་གྱི་ཐུར་མ་ལ་སོགས་པ་མར་དང་སྦྲང་རྩི་ལ་བསྲེས་ཏེ། སྤྱན་དབྱེ་ཞིང་འདི་སྐད་ཅེས་བརྗོད་དོ། །ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་ལིང་ཏོག་བསལ་བ་ལྟར། །ཁྱོད་ཀྱིས་ཀྱང་ནི་མི་ཤེས་པའི། །རབ་རིབ་རྒྱལ་བ་རྣམས་ཀྱིས་བསལ། །ཞེས་བ་དང་། ཨོཾ་སརྦ་ཏ་ཐཱ་ག་ཏ་ཙཀྵུ་ [184a.3]ཙཀྵུ་བི་ཤོ་དྷ་ཡ་སྭཱ་ཧཱ། ཁྱད་པར་དུ་སྤྱན་དབྱེ་བ་ནི་སློབ་མ་ལ་ཡེ་ཤེས་འབེབས་པ་ལྟར་འདིར་བྱའོ། །དེ་ནས་མདའ་དབུལ་བར་བྱ་སྟེ། དང་པོར་གདུགས་དང་རྒྱལ་མཚན་དབུལ་བར་བྱ་སྟེ། འདི་སྐད་དོ། །བདེ་བར་གཤེགས་པའི་སྐུ་གསུང་ཐུགས་རྣམ་པར་དག་པའི་གཟུགས་བརྙན་ [184a.4]ལ་གདུགས་ཕུལ་བས་བདེ་བར་གཤེགས་པའི་སྐུ་གསུང་ཐུགས་རྣམ་པར་དག་པ་ནི་ཞལ་དྲོ་ཞིང་བྱིན་ཆེ། འགྲོ་བ་སྐྱོབ་པའི་ནུས་པ་དང་ལྡན་པ་ཡིན་གྱི་བདག་པོ་ལ་སོགས་པ་ཁམས་གསུམ་གྱི་སེམས་ཅན་ཐམས་ཅད་ཉོན་མོངས་པ་དང་། ཉེ་བའི་ཉོན་མོངས་པ་ཐམས་ཅད་ཀྱིས་གདུངས་པ་ [184a.5]སེལ་ཞིང་འགྲོ་བ་སྐྱོབ་པའི་སྐལ་བ་དང་ལྡན་པར་གྱུར་ཅིག །ཇི་ལྟར་སྔོན་གྱི་སངས་རྒྱས་ལ། །གདུགས་མཛེས་གསེར་གྱི་ཡུ་བར་ལྡན། །ཕུལ་བ་དེ་བཞིན་བདག་འབུལ་གྱི། །ཅི་བདེ་བར་ནི་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་ཚ་ཏྲཾ་ཤྲི་ས་མ་ཡེ་ཧཱུཾ་ཞེས་གསུམ་མམ་བདུན་གྱི་ [184a.6]བར་དུ་བརྗོད་དོ། །དེ་བཞིན་དུ་གཞན་དག་ལ་ཡང་བསྒྲེ་ཞིང་སྦྱར་བར་བྱའོ། །རྒྱལ་མཚན་ཡང་སྔར་བཞིན་མཛད་ནས། ཇི་ལྟར་སྔོན་གྱི་སངས་རྒྱས་ལ། །བར་ཆོད་བདུད་ལས་རྒྱལ་བའི་རྟགས། །ཕུལ་བ་དེ་བཞིན་བདག་འབུལ་གྱི། །ཅི་བདེ་བར་ནི་བཞེས་སུ་གསོལ། །ཨོཾ་ [184a.7]སརྦ་ཏ་ཐཱ་ག་ཏ་དྷྭ་ཛ་ཀེ་ཏུ་ཤྲཱི་ས་མ་ཡེ་ཧཱུཾ། དེ་ནས་འཕན་དང་བ་དན་དབུལ་ཏེ། །ཇི་ལྟར་སྔོན་གྱི་སངས་རྒྱས་ལ། །སྙན་པའི་བ་དན་ཕྱོགས་བཅུར་སྒྲོགས། །ཕུལ་བ་དེ་བཞིན་བདག་འབུལ་གྱི། །ཅི་བདེ་བར་ནི་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་པ་ཏཱ་ཀ་ཤྲཱི་ས་མ་ཡེ་ཧཱུཾ། [184b] [184b.1]དེ་བཞིན་བླ་རེ་ལ་སོགས་པ་ལ་ཡང་ངོ་། །ཡང་ཁྲུས་བྱས་ཏེ་མཆོད་པ་རྣམ་པ་ལྔ་འབུལ་ལོ། །དེ་ནས་ཞལ་ཟས་འབུལ་ལོ། །དེ་ནས་མཆོད་པའི་ཚིག་སྔར་བཞིན་སྦྱར་ལ། སེམས་ཅན་ཐམས་ཅད་བཀྲེས་སྐོམ་དང་། མུ་གེ་ལ་སོགས་པའི་བསྐལ་པ་ལས་ཐར་བར་གྱུར་ཅིག །ཨོཾ་སརྦ་ཏ་ཐཱ་ [184b.2]ག་ཏ་ཨ་ཧ་ར་བྲུཾ་ཛ་ཤྲཱི་ས་མ་ཡེ་ཧཱུཾ། དེ་ནས་ན་བཟའ་དབུལ་ཏེ། སེམས་ཅན་ཐམས་ཅད་གོས་དང་བགོ་བ་ལ་སོགས་པའི་སྡུག་བསྔལ་དང་བྲལ་ཏེ། ལྷའི་ན་བཟའ་པཉྩ་ལི་ཀ་རེག་ན་བདེ་བ་གྱོན་པའི་སྐལ་བ་དང་ལྡན་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་ཝ་སྟྲ་ནཱ་ནཱ་ཤྲཱི་ས་མ་ཡེ་ཧཱུཾ་དེ་ནས་ཞལ་བསྲོ་ [184b.3]བྱ་སྟེ། དེ་ཡང་སྦྱིན་སྲེག་གིས་བྱའོ། །སློབ་མ་ཤིས་པར་བྱ་ཕྱིར་དང་། །ལྷ་རྣམས་ཚིམ་པའི་དོན་དུ་སྟེ། །དེ་ཡང་སྔར་བཞིན་ཆོ་ག་ལྟར། །དེ་ནས་ཁྱད་པར་དུ་ཡང་ནང་གི་སྐུ་གཟུགས་ལ་སོགས་ཀྱི་མཆོད་པ་དང་ཙཱརུའི་སྟོན་མོ་ཡང་བྱའོ། །དེའི་རྗེས་ལ་མཆོད་གནས་སུ་གཏད་པ་ནི། །ཁྱོད་ [184b.4]ཀྱིས་ང་ལ་གསོལ་བཏབ་པ། །སྐུ་གཟུགས་དག་ནི་ཁྱད་པར་དུ། །ཇི་སྐད་གསུངས་བཞིན་རབ་གནས་པ། །དེ་ནི་ངས་བྱས་བྱེད་དུ་བཅུག །ཁྱེད་ཀྱིས་དེ་ནི་ཀུན་རྫོགས་པར། །ཅི་བདེ་བར་ནི་མཆོད་པར་གྱིས། །དེ་ནས་སྲུང་མ་བསྒོ་བ་ནི། །བདག་ཉིད་ལྷག་པའི་ལྷར་སྦྱོར་བས། །ནག་ [184b.5]པོ་ཆེན་པོ་དགུག་པ་དང་། །གཞུག་དང་བཅིང་དང་དབང་དུ་བྱ། །དེ་ལ་མཆོད་དང་གཏོར་མ་སྦྱིན། །དེ་ལ་བཀའ་ལུང་བསྒོ་བྱ་བ། །ང་ཡིས་རབ་གནས་བྱས་པ་ཡི། །གཙུག་ལག་ཁང་ལ་སོགས་པ་འདི། །ཇི་སྲིད་གནས་པ་དེ་སྲིད་དུ། །བསྲུང་ཞིང་ཁྱོད་ཀྱིས་ལེགས་པར་སྐྱོངས། ། [184b.6]དཀོན་མཆོག་འཕགས་པའི་དགེ་འདུན་གྱི། །བཀའ་སྩལ་ཁྱོད་ཀྱིས་བསྲུང་བ་དང་། །སྟོན་པའི་བཀའ་དང་སློབ་དཔོན་གྱི། །བཀའ་ལུང་བསྒོ་བ་ལེགས་པར་སྲུངས། །དེ་ནས་བཟོད་གསོལ་བྱ་སྟེ། རྫོགས་སངས་རྒྱས་དང་ལྷ་རྣམས་དང་། །དེ་སྲས་ཚངས་སོགས་ལྷ་ཚོགས་ཀུན། ། [184b.7]གང་ཞིག་ཆོ་ག་བྱས་པ་ནི། །ནོངས་གྱུར་དེ་དག་བཟོད་མཛད་རིགས། །དེ་ནས་གཤེགས་གསོལ་བྱེད་འདོད་ན། འདི་ཙམ་བརྗོད་པར་བྱ་བ་སྟེ། །སྦྱིན་བདག་རྣམས་ལ་ཞི་བ་དང་། །བདེ་ལེགས་ཆེན་པོ་ཀུན་མཛད་པར། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་ [185a] [185a.1]འགྲོ་བའི་དོན་ལ་གཤེགས། །དེ་ནས་བྱིན་བརླབས་བརྟན་པ་བརྗོད། །གང་འདི་སྐུ་གཟུགས་བསྐལ་བ་འམ། །བསྐལ་བ་བརྒྱ་ལས་ལྷག་གནས་ཤིང་། །ས་དང་མེ་དང་ཆུ་དང་ནི། །རླུང་ལས་ལྷ་རྣམས་ཀུན་གྱིས་སྲུངས། །སློབ་དཔོན་སློབ་མར་བཅས་པ་དང་། །བུ་དང་ཚ་བོ་ [185a.2]རྣམས་འཕེལ་ཏེ། །རབ་དགའ་ཡིད་བདེར་གྱུར་ནས་ནི། །རང་གནས་བཟང་པོར་རྟག་ཏུ་བཞུགས། །རབ་གནས་སྤྱི་ཡི་ཤེས་བྱས་ན། །གལ་ཏེ་གླེགས་བམ་རས་རིས་སོགས། །ཡིན་ན་གཞན་ལས་གསུངས་པ་བཞིན། །ཡིག་འབྲུར་སྒྱུར་དང་ཁྲུས་ལ་སོགས། །སྔགས་ལ་སོགས་པ་ [185a.3]ཅི་རིགས་བྱ། །གཞུང་མངས་དོགས་ནས་འདིར་མ་བརྗོད། །དེ་རྗེས་གཞུང་རྫོགས་ཚིགས་བཅད་བརྗོད། །གང་གིས་འདི་རྩོམ་པ་ཡང་བདག་མིང་ནི། །མི་མཐུན་ཕྱོགས་ཀྱིས་ཐུབ་དཀའ་མི་བསྐྱོད་ལ། །མཐའ་ན་རྡོ་རྗེ་ལྡན་པས་བཙས་པའི་མིང་། །མ་བཙས་གྲགས་པས་བསོད་ནམས་ཀུན་ [185a.4]ལ་ཁྱབ། །མཐའ་ན་རྒྱལ་མཚན་ལྡན་པས་སྙན་པའི་གསུང་། །གང་བརྩམས་གཞུང་དེ་རབ་ཏུ་གྲུབ་པ་ཡང་། །སྒྲུབ་བ་པོ་ཡི་ལག་ཏུ་བྱ་བ་ཡང་། །མཐའ་རུ་བླང་བ་ལྡན་པས་དོན་ཀུན་རྫོགས། །ཚིགས་བཅད་རྐྱང་བ་རྣམས་སྤྲས་རིམ་པ་ལ། །མཐའ་ན་ཞེས་བྱ་ལྡན་པས་གྲགས་ཆེན་པོ། ། [185a.5]གང་ལྟར་དོན་དེ་རབ་ཏུ་རྫོགས་པ་ཡང་། །མངོན་རྟོགས་སྒྲུབ་ཐབས་དབང་དང་རབ་གནས་ཡིན། །སྒྲུབ་ཐབས་དང་མཐུན་བླ་མའི་མངོན་རྟོགས་ལ། །མཐའ་རུ་སྒྲུབ་པ་དང་ལྡན་དཀྱིལ་འཁོར་ཆོ་ག་རྫོགས། །དྲི་མ་དག་ཅིང་ནུས་འཇོག་དབང་ལ་ཡང་། །མཐའ་རུ་རབ་གནས་ལྡན་པས་གཞན་དོན་ [185a.6]རྫོགས། །གང་ཕྱིར་སྦྱིན་པའི་འབྲས་བུ་འགྲུབ་པ་ཡང་། །ཕྲིན་ལས་དངོས་གྲུབ་རང་གཞན་དོན་དུ་ཡིན། །དེ་ལས་ཅུང་ཞིག་གོ་བཟློག་འདི་ཤེས་བྱ། །བསྟེན་པ་མངོན་རྟོགས་རིམ་པར་རང་དོན་ལས། །མཐའ་ནས་གཞན་དོན་ལྡན་པས་སྒྲུབ་པའི་དོན། །དབང་བསྐུར་བ་ལས་འབྱུང་བའི་དངོས་གྲུབ་ [185a.7]ལ། །ཕྲིན་ལས་ལྡན་པས་རབ་གནས་བཟང་པོ་ཡིན། །བོད་ཀྱི་ལོ་ཙཱ་བསོད་ནམས་རྒྱལ་མཚན་གྱིས། །གཞུང་དག་ལས་ནི་གསུངས་པ་ཡིན་མོད་ཀྱང་། །བླ་མས་རང་ལ་རང་གིས་གཞན་ལ་སྟེ། །མཛད་པའི་རིམ་པ་བསྡུས་ཤིང་ལེགས་པར་བསྒྱུར། །རྫོགས་སོ།། །། [185b] [185b.1]{T1295}༄༅། །གཏོར་མའི་ཆོ་ག#༄༅༅། །རྒྱ་གར་སྐད་དུ། བ་ལིཾ་བི་དྷིཿ་བོད་སྐད་དུ། གཏོར་མའི་ཆོ་ག །བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །བགེགས་རྣམས་འཚེ་བ་ཞི་བྱ་དང་། །ལས་རྣམས་ཐམས་ཅད་བསྒྲུབ་པའི་ཕྱིར། །འབྱུང་པོ་ཐམས་ཅད་གཏོར་མ་ [185b.2]དག །སྦྱིན་པའི་ཆོ་ག་ཡང་དག་བྲི། །དེ་ལ་དང་པོ་རྣལ་འབྱོར་པ་སྟན་བདེ་བ་ལ་འདུག་སྟེ། ཨོཾ་སྭ་བྷཱ་བ་ཤུདྷཿསརྦ་དྷརྨཱཿསྭ་བྷཱ་བ་ཤུ་དྡྷོ྅ཧཾ། ཞེས་བྱ་བའི་སྔགས་འདི་ལན་གསུམ་དུ་ཡོངས་སུ་བཟླས་ཏེ། ཆོས་ཐམས་ཅད་རང་བཞིན་གྱིས་ཡོངས་སུ་དག་པ་ལ་ལྷག་པར་མོས་པར་#བྱའོ། ། [185b.3]ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་བྱ་བའི་སྔགས་བརྗོད་དོ#། །ཁམས་གསུམ་པོ་ཐོག་མ་ནས་མ་སྐྱེས་ཤིང་རང་བཞིན་གྱིས་འོད་གསལ་བ་རྣམ་པར་མི་རྟོག་པ། གཉིས་སུ་#མེད་པའི་དེ་བཞིན་ཉིད་ཀྱི་རང་གི་སེམས་ཀྱི་སྣང་བ་ཙམ་དུ་དམིགས་ལ། ནམ་མཁའི་ཁམས་རྒྱ་ཆེན་པོའི་ [185b.4]དབུས་སུ། ཆོས་འབྱུང་གི་ཕྱག་རྒྱ་#གྱེན་དུ་གནས་པར་རྣམ་པར་བསྒོམ་ཞིང་། #དེའི་དབུས་ན་སྣ་ཚོགས་པདྨ་རྒྱ་ཆེན་པོ་དང་། ཟླ་བ་ལ་སོགས་པའི་དཀྱིལ་འཁོར་གྱི་སྟེང་དུ་རང་གི་ཡི་དམ་གྱི་ལྷའི་རྣལ་འབྱོར་བསྐྱེད་པར་བྱའོ། །དེའི་འོག་ཏུ་སྙིང་གའི་ས་བོན་ལས་བྱུང་བའི་འོད་ཟེར་གྱིས། འགྲོ་བ་ [185b.5]མ་ལུས་པ་སྣང་བར་བྱས་པ་སྔོན་དུ་འགྲོ་བ་#ཅན་གྱིས་སྟོང་གསུམ་གྱི་སྟོང་ཆེན་པོའི་བདག་པོ་གཟུགས་ན་སྤྱོད་པ་ཚངས་པ་ལ་སོགས་པ་དང་། དབང་བསྒྱུར་གྱི་ལྷའི་རྒྱལ་པོ་ལ་སོགས་པ་དང་། ཟླ་བ་དང་ཉི་མ་དང་ཉེ་དབང་ལ་སོགས་འཇིག་རྟེན་སྐྱོང་བ་ཐམས་ཅད་དང་། མི་དང་མི་མ་ཡིན་པ་ [185b.6]ཐམས་ཅད་དང་། ཐགས་བཟངས་#རིས་དང་སའི་ལྷ་ལ་སོགས་པ་དང་། ཀླུ་ལ་སོགས་པ་སེམས་ཅན་ཡང་དག་པར་དྲངས་ཏེ། ཆོས་འབྱུང་གི་དབུས་སུ་རྣམ་པར་བསམ་མོ། །དེ་ལ་དང་པོར་སྟེང་གི་ཕྱོགས་ཀྱི། གཟུགས་ཀྱི་ཁམས་ན་གནས་པའི་ལྷ། །རལ་པ་ཅོད་པན་དག་དང་དཀར། །ཏིང་ངེ་འཛིན་ [185b.7]གྱི་ཕྱག་རྒྱ་དང་། །འོད་ཟེར་དཀར་པོ་ཕྲེང་བར་ལྡན། །འདོད་པའི་ཁམས་ན་གནས་པ་ཡི། །འདོད་པའི་ཁམས་ཀྱི་དབང་ཕྱུག་སོགས། །ལྷ་རྣམས་རིན་ཆེན་ཅོད་པན་འཆང་། །སྣ་ཚོགས་རྒྱན་དང་འོད་ལྡན་པའོ། །སྟེང་གི་ཉི་ཟླ་སོགས་དེ་བཞིན། །རང་རང་ཕྱོགས་ཀྱི་#ཕྱོགས་བདག་པོ། ། [186a] [186a.1]རང་རང་མདོག་དང་ཕྱག་མཚན་སོགས། །ལྡན་པ་གོ་རིམས་བཞིན་དུ་བསྒོམ། །ཐགས་བཟངས་རིས་དང་ས་ལ་སོགས། །ཀླུ་ཡི་བདག་པོ་བརྒྱད་རྣམས་ཀྱང་། །རང་གི་ཡེ་ཤེས་སེམས་སྙིང་གའི། །ས་བོན་ལས་བྱུང་རིགས་གསུམ་གྱིས། །ཡེ་ཤེས་རྣམ་ [186a.2]པར་སྣང་མཛད་སོགས། །གཟུགས་སུ་རིམ་གྱིས་བསྒྲུབ་པར་བྱ། །དེ་ལ་ད་ནི་སེམས་ཅན་ཐམས་ཅད་ཡོངས་སུ་སྦྱོང་བར་བྱེད་པའི་ཆོ་ག་བསྟན་པར་བྱ་སྟེ། རང་གིས་#ཡེ་ཤེས་སེམས་དཔའི་ཐུགས་ཀའི་ས་བོན་ལས་ཟླ་བ་བྱེ་བའི་འོད་དང་མཚུངས་པའི་ཡི་གེ་ཨོཾ་མདོག་དཀར་པོ་ཟླ་བའི་དཀྱིལ་ [186a.3]འཁོར་ལ་གནས་པ། འོད་ཀུན་ནས་འཕྲོ་བ་མགོ་བོའི་སྟེང་དུ་རྣམ་པར་བསམས་ལ། དེའི་འོད་ཟེར་གྱིས་ཚངས་པ་ལ་སོགས་པ་གཟུགས་ན་སྤྱོད་པའི་ལྷ་རྣམས་རྣམ་པར་སྣང་མཛད་ཀྱི་རྣམ་པར་བསྒྲུབ་པར་བྱའོ། །དེའི་འོག་ཏུ་རང་གི་ཡེ་ཤེས་སེམས་དཔའི་ཐུགས་གའི་ས་བོན་དེ་ཉིད་ལས་རྣལ་ [186a.4]འབྱོར་པའི་ཡི་གེ་ཧཱུཾ་ནོར་བུ་མཐོན་ཀའི་མདོག་ཅན་ལ་ནོར་བུ་མཐོན་ཀའི་འོད་འཕྲོ་བ། ཟླ་བའི་དཀྱིལ་འཁོར་དབུས་གནས་པའི། །དེ་ལ་འོད་འཕྲོས་རྣམ་བསམས་ཏེ། །འོད་ཟེར་སྤྲིན་དེས་བཀུག་ནས་ནི། །འདོད་ན་སྤྱོད་པའི་ལྷ་རྣམས་དང་། །འཇིག་རྟེན་སྐྱོང་བ་སྦྱང་བྱས་ཏེ། ། [186a.5]སངས་རྒྱས་མི་བསྐྱོད་གཟུགས་དག་ཏུ། །གྲུབ་པར་ཡོངས་སུ་བསྒོམ་པར་བྱ། །དེ་མ་ཐག་ཏུ་རང་གིས་#ཡེ་ཤེས་སེམས་དཔའི་ཐུགས་ཀ་དེ་ཉིད་ལས་ཡི་གེ་ཨ་དམར་པོ་འོད་ཟེར་དམར་པོའི་ཚོགས་རབ་ཏུ་འཕྲོ་བ་ཟླ་བའི་དཀྱིལ་འཁོར་ལ་གནས་པ། ཀུན་ནས་སྤྲོས་པ་དེའི་འོད་ཟེར་དམར་པོ་སྤྲོས་པས་ [186a.6]ཐགས་བཟངས་#རིས་དང་། སའི་ལྷ་དང་། ཀླུའི་རྒྱལ་པོ་བརྒྱད་ཡོངས་སུ་སྦྱངས་ཏེ། དེ་བཞིན་གཤེགས་པ་འོད་དཔག་ཏུ་མེད་པའི་རྣམ་པར་བསྒྲུབ་པར་བྱའོ། །འཇིག་རྟེན་སྐྱོང་བ་ལ་སོགས་པ་འཁོར་དང་བཅས་པ་དེ་དག་ཐམས་ཅད་རང་གི་རིགས་ཀྱི་དེ་བཞིན་གཤེགས་པའི་གཟུགས་ [186a.7]སུ་བསྒྲུབ་#པ་དེ་ལ་གཟུགས་ན་སྤྱོད་པ་རྣམས་ནི་དེ་བཞིན་གཤེགས་པ་རྣམ་པར་སྣང་མཛད་ཀྱི་རིགས་སོ། །འདོད་པ་ན་སྤྱོད་པའི་ལྷ་རྣམས་དང་། འཇིག་རྟེན་#རྣམས་ནི་མི་བསྐྱོད་པའི་རིགས་སོ། །ཐགས་བཟངས་#རིས་ལ་སོགས་པ་རྣམས་ནི་འོད་དཔག་ཏུ་མེད་པའི་རིགས་སོ། །དེ་བས་ན་ [186b] [186b.1]གཟུགས་ན་སྤྱོད་པ་ལ་སོགས་པ་ནས་ཀླུའི་རྒྱལ་པོ་བརྒྱད་ཀྱི་བར་དེ་དག་རང་རང་གི་རིགས་ཀྱི་དེ་བཞིན་གཤེགས་པའི་གཟུགས་སུ་བསྒྲུབས་ལ། དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བས་དབང་བསྐུར་ཏེ། མགོ་བོ་ལ་རྡོ་རྗེ་སེམས་དཔའི་ཕྱག་རྒྱར་བྱས་ལ། དེ་དག་གིས་#ལུས་དང་ངག་ [186b.2]དང་ཡིད་བྱིན་གྱིས་བརླབ་པར་བྱའོ། །དེ་ནས་དེ་རྣམས་ཀྱི་མདུན་དུ་བཟའ་བ་དང་བཅའ་བ་ལ་སོགས་པའི་དངོས་པོ་ཅི་འབྱོར་བ་བཙལ་ལ། དང་པོར་ཡཾ་ཡོངས་སུ་གྱུར་པའི་རླུང་གི་དཀྱིལ་འཁོར་གཞུའི་དབྱིབས་ལྟ་བུ་རྒྱལ་མཚན་གྱིས་མཚན་པ་རྣམ་པར་བསམས་ལ། དེའི་སྟེང་དུ་རཾ་དམར་པོ་ [186b.3]ཡོངས་སུ་གྱུར་པའི་མེའི་དཀྱིལ་འཁོར་ཟུར་གསུམ་རབ་ཏུ་འབར་བའི་གཟུགས་ཅན་དང་། དེའི་སྟེང་དུ་ཡི་གེ་ཨ་ཡོངས་སུ་གྱུར་པའི་ཀ་པཱ་ལ་ཡོངས་སུ་བསྒོམས་ལ། ཀ་པཱ་ལ་དེའི་དབུས་སུ་བདུད་རྩི་ལྔ། བྷྲཱུཾ་ཨཱཾ་ཛྲཱྀཾ་#ཁཾ་ཧཱུཾ་ཞེས་དེ་བཞིན་གཤེགས་པ་ལྔའི་ས་བོན་བྱིན་གྱིས་བརླབ་པར་#བསམས་ [186b.4]ལ། དེའི་འོག་ཏུ་སྦར་བ་དང་དྲོས་པ་ལ་སོགས་པའི་ཚོགས་ཡང་དག་པར་བསྒྲུབས་ལ། ཡི་གེ་ཨོཾ་གྱིས་བྱིན་གྱིས་བརླབས་པར་བལྟའོ། །དེའི་སྟེང་དུ་ཡི་གེ་ཧཱུཾ་ལས་གྲུབ་པའི་རྡོ་རྗེ་བསམས་ལ། དེ་ནས་ཡི་གེ་ཨོཾ་གྱི་འོད་ཟེར་གྱིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་བདུད་རྩི་ [186b.5]དྲངས་ནས། བདུད་རྩི་ལྔ་པོ་དེའི་སྟེང་དུ་རབ་ཏུ་བསྟིམས་ལ། དེ་མ་ཐག་ཏུ་འབར་བ་དང་དྲོས་པ་དང་། ཡི་གེ་ཨོཾ་དང་རྡོ་རྗེ་དེ་ཉིད་དུ་ཞུ་བར་གྱུར་པར་བསམས་ལ། ཨརྒྷཾ་#ལ་སོགས་པ་འབུལ་ཞིང་། དེ་ལྟར་བསྒྲུབས་པའི་བདུད་རྩི་དེ་བཞིན་གཤེགས་པའི་ཚོགས་ཐམས་ཅད་ཀྱི་ལྗགས་རྡོ་རྗེ་ལས་འཕྲོས་ [186b.6]པའི་འོད་ཟེར་གྱི་སྦུ་གུས་རབ་ཏུ་དྲངས་པས་ཚིམ་པར་བྱའོ། །དེ་ནས་རྡོ་རྗེ་དང་དྲིལ་བུ་ཡང་དག་པར་བླངས་ཏེ། འབྱུང་པོ་ཐམས་ཅད་པའི་གཏོར་མའི་སྔགས་ཀྱིས་དངོས་པོ་དེ་དག་ལན་བདུན་གྱི་བར་དུ་བྱིན་གྱིས་བརླབས་ལ། དེ་ནས་དེ་རྣམས་ལ་དབུལ་ཏེ། རྡོ་རྗེ་མྱུར་དུ་གསོར་བྱས་ནས། །རྡོ་རྗེ་སྦྱོར་ [186b.7]ནས་ཀུན་བརྟགས་ཀྱི#། །རི་བོ་ཐམས་ཅད་ངེས་བསལ་བྱ། །དེ་ནས་དྲིལ་བུ་གསིལ་བྱས་ལ། །རྒྱལ་བས་སྟོང་ཉིད་རྟོགས་འགྱུར་བའི། །མཆོག་ཏུ་དགྱེས་པའི་སྒྲ་ཡིས་ནི། །ཚིགས་བཅད་འདི་ནི་ལན་གསུམ་བརྗོད། །སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་ [187a] [187a.1]བཞིན་དག་པའི་སེམས་དཔའ་མཆོག །སྲིད་པའི་མཆོག་ནི་སྒྲུབ་པར་བྱེད། །དེ་ལ་གཏོར་མ་བྱིན་གྱིས་བརླབ་#པའི་སྔགས་ནི་འདི་ཡིན་ཏེ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤནྣ་ཏྭཱ་ཏ། ཨོཾ་ཨཱཿ་ཧཱུཾ་ཕཊ་སྭཱ་ཧཱ། དེ་ཁོ་ན་ཉིད་ཀྱི་སྔགས་འདི་ལན་གསུམ་མམ་བདུན་བརྗོད་དོ། ། [187a.2]རྫོགས་པའི་བྱང་ཆུབ་སེམས་དག་ནི། །རྗེས་དྲན་གཏོར་མ་བྱིན་གྱིས་བརླབས#། །ཇི་ལྟར་བདུད་རྩི་རོ་དག་གིས། །དེ་ལྟར་ཐམས་ཅད་ཚིམ་པར་བྱ། །ཡང་དག་འཐོར་འཐུང་བྱིན་ནས་ནི། །བཟོད་བྱ་གཤེགས་སུ་གསོལ་བར་བྱ། །དེ་ལ་གཤེགས་སུ་གསོལ་བའི་སྔགས་ནི་འདི་ཡིན་ཏེ། ཨོཾ་ [187a.3]ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ནི། །སླར་ཡང་གཤེགས་པར་མཛད་དུ་གསོལ། །ཨོཾ་ཨཱཿ་ཧཱུཾ་མུཿ། སྐྱེ་བ་མེད་དང་འགག་པ་མེད། །ཐོག་མ་ནས་ནི་རང་བཞིན་དག །འགྲོ་ཀུན་འདི་དག་མཐོང་ནས་ནི། །གཤེགས་ [187a.4]ཆེན་འདི་ནི་བྱ་བ་ཡིན། །གཏོར་སྦྱིན་ཆོ་ག་ལེགས་བྲིས་ནས། །བདག་གིས་བསོད་ནམས་གང་གཉེར་བསགས། །དེས་ནི་འགྲོ་བ་འདི་དག་ཀུན། །རྫོགས་པའི་བྱང་ཆུབ་སྣོད་འགྱུར་ཤོག །བྷཾ་ག་ལར་སྐྱེས་དགེ་སློང་ནི། །མར་མེ་མཛད་དཔལ་ཡེ་ཤེས་ཀྱིས། །བླ་མ་མཉེས་ལས་ཐོབ་གྱུར་པ། ། [187a.5]གཏོར་མ་འདི་ཉིད་རབ་ཏུ་བཤད། །འབྱུང་པོ་ཐམས་ཅད་པའི་གཏོར་མའི་ཆོ་ག །སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ་རྫོགས་སོ།། །{T1296}༄༅༅། །རྒྱ་གར་སྐད་དུ། ཤྲཱི་ཧེ་བཛྲ་མཎྜལ་བི་དྷི་ནཱ་མ། བོད་སྐད་དུ། དཔལ་དགྱེས་པ་རྡོ་རྗེའི་དཀྱིལ་ [187a.6]འཁོར་གྱི་ཆོ་ག་ཞེས་བྱ་བ། དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། །བཅོམ་ལྡན་འདས་དགྱེས་མཛད་རྡོ་རྗེའི་བསྙེན་པ་འབུམ་དང་ཁྲི་སོང་བས། གནས་དབེན་པར་རིགས་ཅན་སྨིན་པར་བྱས་ཏེ། དེར་མཎྜལ་འདབ་བརྒྱད་དམར་པོ་རྡོ་རྗེས་བསྐོར་བ། ཁྱམས་དང་བཅས་པ་བྱས་ནས་མེ་ཏོག་གི་ཚོམ་བུ་ [187a.7]དགུ་དགོད་དོ། །བུམ་པ་གཉིས་ལ་རྫས་དང་། རྒྱན་ཆ་དང་ལྡན་པའི་དབུས་དང་བྱང་ཤར་དུ་བཀོད་ནས། དེ་ལ་བླ་རེ་དང་ཡོལ་བ་ལ་སོགས་པས་བརྒྱན་ནོ། །དཀྱིལ་འཁོར་གྱི་ཕྱོགས་བཞིར་མཆོད་པ་ལྔ་ཚན་བཞི་དང་། གཏོར་མ་ལྔ་དང་། ཚོགས་ཀྱི་ཡོ་བྱད་ཀྱིས་བསྐོར་བར་བྱའོ། །དེ་ནས་ [187b] [187b.1]རྡོ་རྗེ་སློབ་དཔོན་ཁྲུས་བྱས། སྟན་བདེ་བ་ལ་བསྐྱེད་རྫོགས་བསྒོམས་ནས། སྐད་ཅིག་གིས་བུམ་པ་སྟོང་པའི་ངང་ལས་ཧཱུཾ་ལས་གཞལ་ཡས་ཁང་གི་དབུས་སུ། པཾ་ལས་བྱེད་པདྨའི་སྡོང་པོའི་སྟེང་དུ། པདྨ་དམར་པོ་འདབ་བརྒྱད། དེའི་ལྟེ་བ་ལ་ཉི་མ་དང་བདུད་བཞིའི་རོའི་སྟེང་དུ་ཆོ་ག་ལྔའམ། [187b.2]གསུམ་མམ། སྐད་ཅིག་གིས་ཧེ་རུ་ཀ་ཞལ་བརྒྱད་ཕྱག་བཅུ་དྲུག་པའམ། ཞལ་གཅིག་ཕྱག་གཉིས་པ་ཡུམ་དང་བཅས་པ་བསྐྱེད། པད་འདབ་བརྒྱད་ལ་ཨ་ལས་བདག་མེད་མ་ཞལ་གཅིག་ཕྱག་གཉིས་པ་བརྒྱད་བསྐྱེད་དོ། །དེ་ནས་རང་གི་ཧཱུཾ་གི་འོད་ཀྱིས་ཡེ་ཤེས་པ་སྤྱན་དྲངས་ལ། མཆོད་བསྟོད་ [187b.3]དང་ཡབ་ཡུམ་གྱི་སྔགས་བཞི་ལ་བསྙེན་པ་ཅི་འགྲུབ་བྱས་ནས་ཡང་མཆོད་དེ། ལྷ་རྣམས་བདུད་རྩིར་བཞུའོ། །ལས་བུམ་དུ་བདུད་རྩི་འཁྱིལ་པ་བསྐྱེད་ནས། བསྙེན་པ་བྱས་ལ་དེས་སློབ་མ་ལ་ཁྲུས་བྱའོ། །དེ་ནས་སློབ་མ་གྲལ་ལ་འཁོད་པ་ལ་སྐྱབས་འགྲོ་སེམས་བསྐྱེད། གསོལ་བ་གདབ་པ། [187b.4]གནང་བ་སྦྱིན་པ་རྟོག་པ་བསྡུ་བ། ཡན་ལག་ལྔ་བྱ་བ། སྡོམ་པ་གཟུང་བ་དང་། དམ་པ་བསྒྲག་པ་རྣམས་གཞུང་བཞིན་བྱས་ལ་ཡེ་ཤེས་དབབ་པར་བྱའོ། །དེ་ནས་བླ་མ་ལ་དབང་བསྐུར་ཞུ་བའི་གསོལ་བ་གདབ་པ་ནི། ཧེ་རུ་ཀ་དཔལ་དབང་བསྐུར་བ། །འགྲོ་སྐྱོབ་ཕྱིར་ན་གཟི་བརྗིད་ཅན། །དེ་ལྟར་ [187b.5]ཡོན་ཏན་འབྱུང་གནས་རྫོགས། །དེ་བཞིན་བདག་ལ་དེང་གསོལ་ཅིག །བྱང་ཆུབ་རྡོ་རྗེ་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་སྐྱོབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཅེས་གསོལ་བ་བཏབ་པ་དང་། དཀྱིལ་འཁོར་དང་ནམ་མཁའི་ལྷ་ [187b.6]ཚོགས་ཀྱི་ཐུགས་ཀ་ནས་ལྷ་མོ་བདུད་རྩིའི་བུམ་ཆུ་ཐོགས་པ་དང་། གསང་བའི་ཆུ་རྒྱུན་གྱིས་དབང་བསྐུར་བས། ལུས་ཀྱི་སྡིག་སྒྲིབ་དག་པར་བསམས་ནས། དབང་བསྐུར་རྡོ་རྗེ་ཆེན་པོ་ལ། །ཁམས་གསུམ་ཀུན་གྱིས་ཕྱག་བྱས་པའི། །སངས་རྒྱས་ཀུན་གྱི་གསང་གསུམ་ལས། །རབ་ཏུ་ [187b.7]བྱུང་བས་སྦྱིན་པར་བྱ། །ཞེས་བརྗོད་པས་བུམ་དབང་ཐོབ་པར་བསམ། དེ་བཞིན་མགྲིན་པར་གསང་དབང་། སྙིང་གར་ཤེས་རབ་ཡེ་ཤེས། ལྟེ་བར་དབང་བཞི་པའོ། །གཞན་དོན་འབའ་ཞིག་གི་དབང་ངོ་། །དེ་ནས་རང་གཞན་རྣམས་ལ་རྒྱུན་དུ་དབང་བཞི་བསྐུར་བ་བཤད་པར་བྱ་སྟེ། [188a] [188a.1]རང་གི་སྤྱི་བོར་པཾ་ལས་གྱུར་པའི་པདྨའི་སྡོང་པོའི་སྟེང་དུ། པདྨ་དམར་པོ་འདབ་བརྒྱད་ཀྱི་ལྟེ་བར་ཉི་མ་དང་། རོའི་སྟེང་དུ་ཆོ་ག་གསུམ་མམ། སྐད་ཅིག་ལ་ཧེ་བཛྲ་ཡུམ་མེད་ཅིག་བསམ། པདྨ་འདབ་བརྒྱད་ལ་ཉི་མ་དང་རོའི་སྟེང་དུ། ཨ་ལས་བདག་མེད་མ་བདེ་བ་རྒྱས་པ་ [188a.2]བརྒྱད་བསམ་མོ། །དེ་ནས་གོང་བཞིན་གསོལ་བ་བཏབ་ལ། སྤྱི་བོའི་ལྷ་ཚོགས་རྣམས་ལས་འོད་ཟེར་དཔག་ཏུ་མེད་པ་བྱུང་ནས། རང་གི་ལུས་ཕྱི་ནང་ཐམས་ཅད་འོད་ཀྱིས་ཁྱབ་པ་ལས། ལས་དང་ཉོན་མོངས་པའི་སྒྲིབ་པ་ཐམས་ཅད་སངས་དག་ནས། ལུས་འོད་ཀྱི་རང་བཞིན་དུ་བསམ། [188a.3]དེས་བདག་ཉིད་ཧེ་བཛྲ་ཡུམ་མེད་པ་ཅིག་ཏུ་གྱུར་པ་ནི་བུམ་པའི་དབང་ངོ་། །དེ་ནས་ཡང་གསོལ་བ་བཏབ་པས། སྤྱི་བོའི་ལྷ་མོ་བདེ་བ་རྒྱས་ནས་འོད་དུ་འདུས་ཏེ། ཡབ་ལ་འཁྱུད་ནས་ཡབ་ཡུམ་གཉིས་སྦྱོར་བ་བྱས་པས། སྦྱོར་མཚམས་ནས་བྱང་སེམས་དཀར་དམར་གཉིས་བདེ་ཕྲི་ལི་ལི་བྱུང་ [188a.4]ནས་ལྕེ་ཐོག་ཏུ་བབས་པས། བདེ་བ་སྐྱེས་པ་ནི་གསང་བའི་དབང་ངོ་། །ལྷ་ཚོགས་ལ་ཡང་གསོལ་བ་བཏབ་པས། །གཙོ་བོའི་ཡུམ་ལས་བདག་མེད་མ་ཅིག་ཆད་ནས་བྱུང་སྟེ། རང་ཧེ་བཛྲ་ལ་འཁྱུད་ནས་བསྲུབ་པའི་སྦྱོར་བ་བྱས་པས། ལུས་ལ་ཟག་མེད་ཀྱི་བདེ་བ་ཆེན་པོ་སྐྱེས་པ་ [188a.5]ནི། ཤེས་རབ་ཡེ་ཤེས་ཀྱི་དབང་ངོ་། །དེ་ནས་སྤྱི་བོའི་ལྷ་ཚོགས་ལ་མཆོད་པས་ལྷ་གདན་དང་བཅས་པ་སྤྱི་བོར་ཐིམ་ནས། ལྷ་སྐུ་མངའ་བས་གསལ་བའི་གསལ་སྟོང་འཛིན་མེད་བདེ་བ་ཆེན་པོ་ལ་མཉམ་པར་གཞག་གོ། །མདོར་ན་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་ཀྱི་ངོ་ [188a.6]བོ་རྣམ་པར་དག་པ། སྤྲོས་པ་ཐམས་ཅད་དང་བྲལ་བ། རང་བཞིན་གྱིས་འོད་གསལ་བའི་ཕྱག་རྒྱ་ཆེན་པོ་འབའ་ཞིག་ལ་གཞག་པར་བྱའོ། །དེ་ནི་དབང་བཞི་པའོ། །དེ་ནས་ཡཾ་རཾ་ཀཾ །ཨ་ལས་བྱུང་བའི་ནང་དུ་སྣ་ཚོགས་རྫས་རྣམས་ཤ་ལྔ་བདུད་རྩི་ལྔར་ལེགས་པར་སྦྱངས་ནས། ལྷ་ཚོགས་ [188a.7]རྣམས་མཆོད་ཅིང་། རྣལ་འབྱོར་པ་རྣམས་རོལ་པར་བྱའོ། །གཏོར་མ་ལྔ་ནི་གོང་བཞིན་སྦྱངས་ལ་འབྱུང་པོ་ཐམས་ཅད་པའི་སྔགས་ཀྱིས་བླ་མ་དང་། དགྱེས་མཛད་དང་། ཆོས་སྐྱོང་དང་། གཞི་བདག་དང་། གནོད་བྱེད་རྣམས་ཚིམ་པར་བྱས་ནས། རྡོ་རྗེའི་གླུ་བླང་། ལྷ་ཚོགས་ལ་མཆོད་ [188b] [188b.1]བསྟོད་དང་བཤགས་པ་བྱས་ནས། བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །བཅོམ་ལྡན་དགྱེས་མཛད་རྡོ་རྗེ་མཉེས་བྱས་ཏེ། །ཕ་རོལ་ཕྱིན་དྲུག་ཡོངས་སུ་རྫོགས་བྱས་ནས། །འགྲོ་ཀུན་རྡོ་རྗེ་རྒྱལ་པོ་ཐོབ་པར་ཤོག །ཅེས་པ་བསྔོ་བ་བྱའོ། །དེ་ནས་སློབ་དཔོན་དང་ཐམས་ [188b.2]ཅད་མགྲིན་གཅིག་ཏུ་སྨོན་ལམ་གདབ་པ་ནི། རིགས་སུ་སྐྱེ་དང་དམ་ཚིག་ཅན། །མཉམ་མེད་ཀྱེ་ཡི་རྡོ་རྗེ་སྟོན། །བླ་མ་ལ་གུས་སྙིང་རྗེར་ལྡན། །སྐྱེ་ཞིང་སྐྱེ་བར་འགྱུར་བར་ཤོག །ལག་པ་རྡོ་རྗེ་དྲིལ་བུ་འཁྲོལ། །ཟབ་མོའི་ཆོས་ནི་ཀློག་པ་དང་། བཙུན་མོའི་ཞུ་བ་མཉམ་ཟ་ཞིང་། །སྐྱེ་ཞིང་ [188b.3]སྐྱེ་བར་འགྱུར་བར་ཤོག །ཅེས་བརྗོད་དོ། །དེ་ནས་དཀྱིལ་འཁོར་ལ་བསྐོར་བ་བྱ་ཞིང་བཟོད་གསོལ་བྱ། བཀྲ་ཤིས་བརྗོད། ཡེ་ཤེས་པ་གཤེགས། དམ་ཚིག་པ་སྤྱི་བོར་བསྡུ། རྡོ་རྗེ་སློབ་དཔོན་ཡོན་གྱིས་མཉེས་པར་བྱའོ། །དཔལ་དགྱེས་མཛད་རྡོ་རྗེས་དབང་བསྐུར་བའི་ཆོ་ག་མདོར་ [188b.4]བསྡུས་པ། ཡེ་ཤེས་ཀྱི་མཁའ་འགྲོ་མ་ནི་གུ་མས་མཛད་པ་རྫོགས་སོ། །རྡོ་རྗེ་ཡེ་ཤེས་མཁའ་འགྲོ་མ་དེ་ཉིད་དང་། ལོ་ཙཱ་བ་རླན་དར་མ་བློ་གྲོས་ཀྱིས་བསྒྱུར་བའོ།། {T1297}༄༅། །རྒྱ་གར་སྐད་དུ། ཧེ་བཛྲ་ཥོ་ཌས་བྷུ་ཛ་སཱ་དྷ་ནི། བོད་སྐད་དུ། ཀྱེའི་རྡོ་རྗེ་ཕྱག་བཅུ་དྲུག་ [188b.5]པའི་སྒྲུབ་པའི་ཐབས། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །རྡོ་རྗེ་མཁའ་འགྲོ་ལ་ཕྱག་འཚལ་ལོ། །གང་ཞིག་གོམས་པའི་རོ་མྱོང་བ། །ཙམ་ཀྱིས་དངོས་པོར་འཛིན་པ་འདི། །རིང་དུ་སྤོང་ཞིང་ཡོན་ཏན་རྣམས། །འོད་གྱུར་ཧེ་རུ་ཀ་དེ་འདུད། །ཐོ་རངས་མལ་ནས་ལངས་ [188b.6]ལ། སྙིང་གར་རཾ་ལས་བྱུང་བའི་ཉི་མའི་དཀྱིལ་འཁོར་བལྟས་ལ། དེའི་འོད་ཀྱིས་བདག་ཉིད་དྲི་མ་མེད་པར་བྱས་ནས། ཨོཾ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་ལན་གསུམ་བརྗོད་ནས། གནས་དང་། བདག་ཉིད་དང་། རྣལ་འབྱོར་སྲུང་བ་བྱས་ལ། བསམ་གཏན་གྱི་ཁང་པར་ཞུགས་ནས། [188b.7]སྟན་བདེ་བ་ལ་འདུག་སྟེ། ཨོཾ་བཛྲ་རེ་ཁེ་ཧྲི་ཞེས་བྱ་བས་མཎྜལ་བྱས་ལ། ཨོཾ་བཛྲ་མི་དི་ནཱི་བཛཱི་བྷ་བ་བཛྲ་བནྡྷ་ཧཱུཾ་ཞེས་བྱ་བས་བྱིན་གྱིས་བརླབས་པའི་དཀྱིལ་དུ། ཨོཾ་ཨཱཿཧཱུཾ། ཞེས་བྱ་བ་བརྗོད་ནས་མེ་ཏོག་གཞག་པར་བྱའོ། །ཤར་དུ་ནི་གི་གོ་རཱི་ན་མཿཞེས་བྱ་བས་སོ། །ལྷོར་ནི་རྩཾ་ཙོ་རཱི་ན་མཿཞེས་བྱ་ [189a] [189a.1]བས་སོ། །ནུབ་ཏུ་ནི་བཾ་བེ་ཏཱ་ལཱི་ན་མཿཞེས་བྱ་བས་སོ། །བྱང་དུ་ནི་ཧཱུཾ་གྷསྨ་རཱི་ན་མཿཞེས་བྱ་བས་སོ། །དབང་ལྡན་དུ་ནི་པཾ་པུཀྐ་སཱི་ན་མཿཞེས་བྱ་བས་སོ། །མེའི་མཚམས་སུ་ཤཾ་ཤ་བ་རཱི་ན་མཿཞེས་པས་སོ།།བདེན་བྲལ་དུ་ནི་རྩཾ་ཙཎྜ་ལཱི་ན་མཿཞེས་བྱ་བས་སོ། །རླུང་མཚམས་ [189a.2]སུ་ནི་ཌི་ཌོམྦི་ཎི་ན་མཿཞེས་བྱ་བས་སོ། །ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བས་བཅོམ་ལྡན་འདས་ཡང་དག་པར་མཆོད་ལ། བདག་མེད་མ་ལ་ཡང་། ཨོཾ་ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ་ཨཾ་སྭཱ་ཧཱ། ཞེས་བྱ་བའི་སྔགས་ཀྱིས་མཆོད་དོ། །ཡང་བཅོམ་ [189a.3]ལྡན་འདས་ལ། ཨོཾ་ཨཥྚན་ནཱ་ཡ་ན་མཿ། ཨོཾ་པིངྒ་ཨུཛྙ་ཀེ་ཤ་བརྟ་ས་ནེ་ནམཿ། ཨོཾ་ཙ་ཏུར་བིཾ་ཤ་ཏི་ནེ་ཏཱ་ཡ་ན་མཿ། ཨོཾ་ཥེ་ཌ་ཤ་བྷུ་ཛཱ་ཡ་ན་མཿ། ཨོཾ་ཀྲྀ་ཥྞ་ཛི་མཱུ་ཏ་ཝ་པུ་ཥེ་ན་མཿ། ཨོཾ་ཀ་པཱ་ལ་མཱ་ལཱ་ཨ་ནེ་ཀ་དྷ་རི་ཎི་ན་མཿ། ཨོཾ་ཨཱདྡྷཱ་ཏ་ཀྲཱུ་ར་ཅིཏྟཱ་ཡ་ན་མཿ། ཨརྦྷན་དུ་དཾཥྚི་ཎེ་ན་མཿ། ཞེས་བྱ་བའི་ [189a.4]ཚིག་བརྒྱད་ཀྱིས་མཆོད་པར་བྱ་སྟེ། ཨོཾ་བཛྲ་པུ་ཥྦེ་ཨཱཿཧཱུཾ། ཨོཾ་བཛྲ་དྷཱུ་པེ་ཨཱཿཧཱུཾ། ཨོཾ་བཛྲ་གྷནྣ་ཨཱཿཧཱུཾ། ཨོཾ་བཛྲ་ནེ་བི་དྱེ་ཨཱཿཧཱུཾ།ཞེས་བྱ་བས་བྱིན་གྱིས་བརླབས་པའི་མེ་ཏོག་ལ་སོགས་པ་ཕུལ་ལ། ལན་གསུམ་གྱི་བར་དུ་སྐྱབས་གསུམ་གྱི་ཚིགས་སུ་བཅད་པ་བརྗོད་དོ། །ཡང་མཆོད་པ་བྱས་ [189a.5]ནས་ཕྱག་བཙལ་ལ། གཏོར་མ་བྱིན་ནས་བཛྲ་མུཿཞེས་བྱ་བས་གཤེགས་སུ་གསོལ་བར་བྱའོ། །དེའི་རྗེས་ལ་སེམས་ཅན་ཐམས་ཅད་ལྷའི་བདེ་བ་ལ་དགོད་པར་འདོད་པའི་བྱམས་པ་དང་། སྡུག་བསྔལ་ཐམས་ཅད་བསལ་བར་འདོད་པའི་སྙིང་རྗེ་དང་། ལྷའི་བདེ་བ་རྒྱུན་མི་འཆད་པར་ངེས་ [189a.6]པར་འདོད་པའི་དགའ་བ་དང་། བླ་ན་མེད་པའི་ལམ་ཉེ་བར་དགོད་པར་འདོད་པའི་བཏང་སྙོམས་བསྒོམ་པར་བྱའོ། །ཡང་ཡིད་ཀྱིས་ཆོས་ཐམས་ཅད་ལ་དམིགས་ནས་དཔྱད་ན་སྟོང་པ་འོད་གསལ་བའི་ངོ་བོར་བལྟས་ལ། ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨ་ཀོནཧཾ། ཞེས་བྱ་བ་འདིས་བྱིན་ [189a.7]གྱིས་བརླབ་པར་བྱའོ། །དེ་མ་ཐག་ཏུ་རཾ་ལས་བྱུང་བའི་ཉི་མ་ལ་ཨཾ་དང་ཧཱུཾ་བལྟས་ལ། དེའི་འོད་ཀྱིས་དཔག་ཏུ་མེད་ཅིང་མཐའ་ཡས་པའི་འཇིག་རྟེན་གྱི་ཁམས་ན་གནས་པའི་སེམས་ཅན་རྣམས་ཡང་དག་པར་རྫོགས་པའི་བྱང་ཆུབ་ཏུ་བཀོད་ནས། ཡི་གེ་གཉིས་པོ་དེ་ཉིད་དུ་ཡང་དག་ [189b] [189b.1]པར་བསྡུས་ནས་ཞུགས་པར་བསམས་པས། ཡུད་ཙམ་གྱིས་ཡོངས་སུ་རྫོགས་པར་བཅོམ་ལྡན་འདས་མ་དང་བཅས་པའི་བཅོམ་ལྡན་འདས་ཕྱག་བཅུ་དྲུག་པ། ཞལ་བརྒྱད་པ། ཕྱག་རྒྱ་ལྔ་འཛིན་པ། ཞབས་བཞིས་གཤེགས་པ། བདུད་བཞིའི་སྙིང་གར་བྱས་ཀྲུང་ཕྱེད་པའི་གར་གྱིས་ [189b.2]མནན་པ། མགོ་བོའི་ཕྲེང་བ་འཕྱང་བ། འཇིག་པའི་དུས་ཀྱི་སྤྲིན་སྔོན་པོའི་མདོག་གི་ལུས་ཅན་ཁྲོ་བ་དང་བཅས་པ། དབུ་སྐྲ་དམར་སེར་གྱེན་དུ་འབར་བ། སྤྱན་ཉི་ཤུ་རྩ་བཞི་མངའ་བ། ཕྱག་བཅུ་དྲུག་ན་བསྣམས་པའི་ཐོད་པ། གཡས་ཀྱི་རྣམས་ན་གླང་པོ་ཆེ་དང་། རྟ་དང་། བོང་བུ་དང་། [189b.3]གླང་དང་། རྔ་མོ་དང་། མི་དང་། ཤ་ར་བ་དང་། བྱི་ལ་རྣམས་གནས་པའོ། །གཡོན་པའི་བརྒྱད་ན། ས་དང་། ཆུ་དང་། རླུང་དང་། མེ་དང་།ཟླ་བ་དང་། ཉི་མ་དང་། གཤིན་རྗེ་དང་། ནོར་སྦྱིན་རྣམས་འཛིན་པའོ། །སྤྱི་བོར་སྣ་ཚོགས་རྡོ་རྗེ་འཛིན་པ། འཁོར་བའི་སྡུག་བསྔལ་འཕྲོག་པ། [189b.4]གྲི་གུག་དང་ཐོད་པ་བསྣམས་པའི་བདག་མེད་མས་འཁྱུད་པའི་བདག་ཉིད་ཅན་བསྒོམ་པར་བྱའོ། །དེའི་རྗེས་སྙིང་གར་ཉི་མ་ལ་ཧཱུཾ་བལྟས་ལ། བདག་མེད་མའི་སྙིང་གར་ཡང་ཟླ་བ་ལ་ཡི་གེ་ཨེ་བལྟ་ཞིང་སྤྱི་བོར་ནི་ཡི་གེ་ཨོཾ་མོ། །མགྲིན་པར་ནི་བྱེདའོ། །སྙིང་གར་ཡི་གེ་ཧཱུཾ་བཀོད་ལ། མིག་ [189b.5]ལ་གཏི་མུག་རྡོ་རྗེ་མ། རྣ་བ་ལ་ཞེ་སྡང་རྡོ་རྗེ་མ། སྣ་ལ་སེར་སྣ་རྡོ་རྗེ་མ། ཁ་ལ་འདོད་ཆགས་རྡོ་རྗེ་མ། ལུས་ལ་ཕྲག་དོག་རྡོ་རྗེ་མ། ཡིད་ལ་བདག་མེད་མ་བཀོད་ལ། སྙིང་གའི་འོད་ཀྱིས་སངས་རྒྱས་རྣམས་སྤྱན་དྲངས་ནས། ཨོཾ་ཨ་བྷི་ཥིཉྩ་ཏུ་རྨཱ་སརྦ་ཏ་ཐཱ་ག་ཏ་ཞེས་བྱ་བས་དབང་བསྐུར་བར་གསོལ་ [189b.6]བ་གདབ་པར་བྱའོ། །དེ་ནས་སངས་རྒྱས་རྣམས་ཀྱིས་དབང་བསྐུར་བས། མེ་ཏོག་དང་། གུར་གུམ་གྱེ་ཆར་ཡང་དབབ་པར་བསམ། ལྷ་མོ་རྣམས་ཀྱིས་ཀྱང་བདག་ཉིད་ལ་བསྟོད་པ་བསྒོམ་པར་བྱའོ། །བསྒོམས་པས་དུབ་པར་གྱུར་ན་ཡང་སྔགས་བཟླས་པར་བྱ་སྟེ། ཨོཾ་དེ་ཝ་པི་ཙུ་བཛྲ་ཧཱུཾ་ [189b.7]ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱའོ། །ལངས་པའི་དུས་སུ་ལྷ་མོ་རང་གི་སྙིང་གའི་ས་བོན་གྱི་ནང་དུ་བསྒོམས་ལ། ལྷའི་གཟུགས་ཀྱིས་གནས་པར་བྱའོ། །བསྒོམ་པའི་དང་པོར་ཡང་གཏོར་མ་སྦྱིན་པར་བྱའོ། །དེའི་རིམ་པ་ནི་འདི་ཡིན་ཏེ། ཡི་ལས་རླུང་གི་དཀྱིལ་འཁོར་བསམས་ལ། [190a] [190a.1]དེའི་སྟེང་དུ་རཾ་ལས་མེའི་དཀྱིལ་འཁོར་རོ། །དེའི་སྟེང་དུ་ཨ་ལས་ཐོད་པའོ། །དེའི་སྟེང་དུ་གོ་ཀུ་ད་ཧ་ན། མ་ར་མུ་སུ་བི།ཞེས་བྱ་བའི་རྫས་རྣམས་ཨོཾ་གྱེས་བྱིན་གྱིས་བརླབས་ལ་བསྒོམས་ནས། སྟེང་དུ་ཡི་གེ་ཧཱུཾ་ཡོངས་སུ་གྱུར་པ་ལས་རྡོ་རྗེ་དཀར་པོ་སྟེ། རྡོ་རྗེ་དང་པདྨ་ [190a.2]སྙོམས་པར་ཞུགས་པ་ལས་མེ་འབར་བས་ཚོས་ཤིང་ཁུ་བར་གྱུར་པ་དེའི་འོད་ཀྱིས། དེ་བཞིན་གཤེགས་པ་ཐམས་ཅད་ཀྱི་གཟུགས་མཐོང་བ་ལས། དེ་དག་གི་ཐུགས་ཀྱི་ས་བོན་གྱི་བདུད་རྩི་བསྡུས་ནས། དེར་ཆུད་པར་བྱས་ནས། ཨོཾ་ཨཱ་ཧཱུཾ་ཞེས་པའི་སྔགས་ཀྱིས་བྱིན་གྱིས་བརླབ་པར་བྱའོ། ། [190a.3]འདི་ལྟ་བུ་ནི་གཏོར་མ་ལ་སོགས་པའི་རྫས་དག་པར་བྱ་བའི་ཆོ་གའོ། །ནམ་མཁའ་ལས་ཆོས་འབྱུང་གི་ནང་དུ་པདྨ་འདབ་མ་བརྒྱད་པའི་ལྟེ་བ་ལ། བཅོམ་ལྡན་འདས་ཀྱི་དཀྱིལ་འཁོར་གྱི་འཁོར་ལོའམ།དཔའ་བོ་གཅིག་པུའམ། ཕྱོགས་ཀྱི་འདབ་མ་ལ་དབང་པོ་ལ་སོགས་པ་རང་རང་གི་རིག་ [190a.4]མས་མགུལ་ནས་འཁྱུད་པ། ཞབས་གཡོན་བརྐྱང་བས་གནས་པ། ཁ་དོག་ནག་པོ་མི་བསྐྱོད་པའི་ཅོད་པན་ཅན། རྡོ་རྗེ་དང་དྲིལ་བུ་བསྣམས་པ་བལྟས་ལ། དེའི་སྟེང་དུ་ཚངས་པ་དེ་བཞིན་དུ་ཁ་དོག་དཀར་པོ། རྣམ་པར་སྣང་མཛད་ཅོད་པན་དུ་འཛིན་པར་བལྟ་བར་བྱའོ། །འོག་ཏུ་ས་འོག་ན་ [190a.5]གནས་པའི་ཀླུ་ལ་སོགས་པ་རྣམས་ལ། ཁ་དོག་དམར་པོ་སྣང་བ་མཐའ་ཡས་ཀྱི་ཅོད་པན་བྱས་ལ་བལྟ་བར་བྱའོ། །ཐམས་ཅད་ཀྱི་ལྕེ་པདྨའི་འདབ་མ་ལ་ཧཱུཾ་ལས་རྡོ་རྗེ་དཀར་པོར་བསྒོམས་ལ། སྙིང་གའི་ས་བོན་ལས་བྱུང་བའི་གོ་རཱི་ལ་སོགས་པའི་ལྷ་མོ་རྣམས་ཀྱིས་ཡོངས་སུ་དག་ [190a.6]པའི་བདུད་རྩིས་དགང་བར་བྱའོ། །དེའི་སྔགས་ནི་འདི་ཡིན་ཏེ། ཨིནྡ་ཛ་མ་ཛ་ལ་ཛཀྵ་བྷཱུ་ཏ་བཧྣི་བ་ཡུ་རཀྵ་ཙནྡ་སྲུཛྫ་མཱ་ད་པ་པྤ་ཏཱ་ལེ། ཨ་ཋ་སབྦ་སྭཱ་ཧཱ། ཨཾ་དེ་བ་ལིཾ་བྷུཾ་ཛ་ཛི་གྷ་ཕུལླ་དྷཱུ་པམཱས་པིཾ་གྷ་ཨ་མཱས་པྤ་ཀཱ་ཛཱས་སཱ་དྷ་ཁཱ་ནྟི་ཁུ་ཎེ་ཕེ་ཌ་གཱ་ད། ཨོཾ་ཨ་ཀཱ་རོ་མུ་ཁཾ་སརྦ་དྷརྨྨཱ་ཎཱཾ་ཨཱརྱ་ནུཏྤནྡ་ [190a.7]ཏཱཏ་ཨོཾ་ཨཿཧཱུཾ་ཕཊ་སྭཱ་ཧཱ། ཞེས་ལན་གསུམ་བརྗོད་ནས། བསང་གཏོར་སྦྱིན་པར་བྱ་སྟེ། ཨོཾ་ཧྲཱིབི་ཤུདྷྷཱཿདྷརྨཱ་སྶ་རྦཔཱ་པཾ་བི་ཤོ་དྷ་ཡ་སརྦ་བི་ཀལྤ་ན་ཡ་ཧཱུཾ། ཞེས་བྱ་བའི་སྔགས་འདིས་སོ། །ཡིད་ཀྱིས་མཆོད་པ་བྱས་ལ། ཨོཾ་བཛྲ་མུཿཞེས་བྱ་བ་འདིས་གཤེགས་སུ་གསོལ་ལོ། ། [190b] [190b.1]ཟས་ཀྱི་དུས་སུ་ཡང་དེ་བཞིན་དུ་ཟས་ཀྱི་རྫས་རྣམས་སྦྱར་ནས། བདག་ཉིད་ཀྱི་ལྕེ་ལ་ཧཱུཾ་ལས་རྡོ་རྗེ་དཀར་པོར་བྱས་ལ། སྙིང་གར་བཅོམ་ལྡན་འདས་བལྟས་ལ་དེ་ཉིད་དུ་དེ་བཞིན་གཤེགས་པ་ཐམས་ཅད་བསྡུས་ནས། ཡེ་ཤེས་སེམས་དཔའི་ཐུགས་ཀའི་ས་བོན་ལས་བྱུང་བའི་མེས། ཁ་ [190b.2]ཟས་ཀྱི་རྫས་རྣམས་སྦྱངས་ཤིང་སྦྱིན་སྲེག་བྱེད་དོ། །ཆགས་པའི་དུས་སུ་ཡང་ཤེས་རབ་མ་བདག་མེད་མའི་གཟུགས་སུ་མོས་པ་བྱས་ནས། དེའི་མགོ་བོ་ལ་ཨོཾ། སྙིང་གར་ཧཱུཾ། པདྨའི་ལྟེ་བ་ལ་ཨཱཾ་བསམས་ནས། ཨོཾ་པདྨ་སུ་ཁ་དྷ་ར་མ་ཧཱ་རཱ་ག་སུ་ཁཾ་དཏྟ་ཙ་ཏུར་ཨཱ་ནནྡ་བྷ་ག་བི་ཤྭ་ཧཱུཾ་ཧཱུཾ་ཧཱུཾ་ཀརྱཾ་ཀུ་ [190b.3]རུ་ཥྭ་མེ་ཞེས་བྱ་བ་འདིས་པདྨ་བྱིན་གྱིས་བརླབས་ལ། བདག་ཉིད་ལ་ཡི་གེ་གསུམ་བཀོད་ལ། ཧཱུཾ་ལས་རྡོ་རྗེ་བསྒོམས་ནས། ཨོཾ་ལས་དེའི་ནོར་བུའོ། །ཨོཾ་བཛྲ་མ་ཧཱ་དཱི་ཥ་ཙ་ཏུར་ཨཱ་ནནྡ་ད་ཡ་ཀ་ཁ་ག་མུ་ཁེ་ཨེ་ཀ་རཱ་སོ་ནཱ་ཐ་ཧཱུཾ་ཧཱུཾ་ཧཱུཾ་ཀ་ཏྲྂ་ཀུ་རུ་ཥྚ་མེ། ཞེས་བྱ་བ་འདིས་རྡོ་རྗེ་བྱིན་གྱིས་བརླབས་ནས། སིཾ་ [190b.4]སིཾསིཾ། ཧ་ཧ་ཧ་ཞེས་བྱ་བས་ཆགས་པ་བརྩམ་པར་བྱའོ། །བླ་མའི་མན་ངག་གིས་སྐད་ཅིག་མ་མཚོན་པར་བྱས་ནས། རྫོགས་པ་དང་བདུད་རྩི་ལེན་གྱིས་བླངས་ལ་བདག་ཉིད་ཚིམ་པར་བྱའོ། །ཉལ་བའི་དུས་སུ་ལྷན་ཅིག་སྐྱེས་པའི་རང་བཞིན་དུ་སྣ་ཚོགས་འདིས་མོས་པར་བྱས་ལ་གཉིད་ལོག་ [190b.5]པར་བྱའོ། །བྱིས་པ་རྣམས་ཀྱིས་རྟོགས་བྱའི་ཕྱིར། །སྟོན་པ་མགོན་པོ་ཞལ་བརྒྱད་པའི། །བདག་གིས་སྒྲུབ་ཐབས་བྱས་པ་དེས། །འགྲོ་ཀུན་རྡོ་རྗེ་འཛིན་གྱུར་ཅིག །དཔལ་དགྱེས་པ་རྡོ་རྗེ་ཕྱག་བཅུ་དྲུག་པའི་སྒྲུབ་ཐབས། པཎྜི་ཏ་ཨཱ་ཙརྱ་ཀྲྀཥྚའི་ཞལ་སྔ་ནས་མཛད་པ་རྫོགས་སོ།། །། [190b.6]{T1298}༄༅། །རྒྱ་གར་སྐད་དུ། ཤྲཱི་ཧེ་བཛྲ་བ་ལོ་ཀྲ་མ། བོད་སྐད་དུ། དཔལ་དགྱེས་པའི་རྡོ་རྗེའི་གཏོར་མའི་རིམ་པ། དཔལ་ངག་གི་དབང་ཕྱུག་ལ་ཕྱག་འཚལ་ལོ། །ཐབས་དང་ཤེས་རབ་བདག་ཉིད་ཅན། །ཡི་གེ་གཉིས་ལས་ཡང་དག་འབྱུང་། །སྐུ་གསུང་ཐུགས་ཀྱི་དབང་ཕྱུག་ [190b.7]གཙོ། །ཏེ་རུ་ཀ་ལ་ཕྱག་འཚལ་ཏེ། །སྐུ་གསུང་ཐུགས་ཀྱི་དབྱེ་ལྡན་པའི། །དགྱེས་པའི་རྡོ་རྗེའི་དཀྱིལ་འཁོར་ལ། །བདུད་རྩི་གཏོར་མ་དབུལ་བ་ཡི། །ཆོ་གའི་ཐབས་ཀྱི་རིམ་པ་བཤད། །དེ་ལ་གཏོར་མའི་དགོས་པ་ནི། །དཔལ་ཀྱེའི་རྡོ་རྗེའི་དཀྱིལ་འཁོར་དང་། སྦྱིན་སྲེག་དང་མཆོད་ [191a] [191a.1]པ་དང་། སྒྲུབ་པའི་དུས་སུ་རྣལ་འབྱོར་པས་ཕན་གདགས་པ་དང་། ཚར་གཅད་པ་དང་། རིགས་ཀྱི་བུ་དག་ཚེ་རིང་བར་འདོད་པ་དང་། ཡམས་དང་ནད་མེད་པར་འདོད་པ་དང་། མུ་གེ་ཞི་བར་འདོད་པ་དང་། གནོད་པ་ཞི་བར་འདོད་པ་དང་། དཔལ་དང་གྲགས་པ་འཕེལ་བར་ [191a.2]འདོད་པ་དང་། དུས་མ་ཡིན་པར་འཆི་བ་ཟློག་པར་འདོད་པ་དང་། ལོངས་སྤྱོད་དང་འབྱོར་པ་འདོད་པ་དང་། ཕས་ཀྱི་རྒོལ་བ་བཟློག་པར་འདོད་པ་དང་། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཐོབ་པར་འདོད་པ་མཁས་པས་གཏོར་མའི་ལས་ལ་བརྩོན་པར་བྱའོ། །དེ་ཡང་གང་ [191a.3]ཞིག་ཅེ་ན་གཞུང་ལས། བགེགས་རྣམས་ཞི་བར་བྱ་བ་དང་། ལྷ་རྣམས་འགོ་བར་བྱ་བ་དང་། དམ་ཚིག་ཉམས་པ་བསྐང་བའི་ཕྱིར། །གཏོར་མའི་ལས་འདི་ཅི་ནུས་བརྩམ། །ཞེས་འབྱུང་ངོ་། །ཡང་ཁ་ཅིག་ལས། འབྱུང་པོ་ཀུན་ལ་གཏོར་མ་འདི་དག་གིས། །རྣལ་འབྱོར་པ་ཡིས་མཆོད་ [191a.4]པ་ལེགས་བྱས་ནས། །དུས་ཀུན་རྙེད་པས་བདེ་བར་འགྱུར་བ་དང་། །ལྷ་རྣམས་དགའ་ཞིང་འགྲོ་བ་འབྱོར་བར་འགྱུར། །འབྱུང་པོའི་ཚོགས་ལ་གཏོར་མ་གཅིག་སྦྱིན་ན། །སྡང་དང་མངོན་སྤྱོད་དགྲ་ཡི་སྡེ་འཇོམས་ཤིང་། །དགར་དང་གསད་དང་དགུག་པར་བྱེད་པ་དང་། །ཞི་ཞིང་ [191a.5]བདེ་དང་རྒྱས་པར་བྱེད་པ་ཡིན། །ཞེས་འབྱུང་ངོ་། །ཡང་སློབ་དཔོན་ཁ་ཅིག་གིས། །འཇིག་རྟེན་འཇིག་རྟེན་ལས་འདས་པའི། །དངོས་གྲུབ་ཆོག་ཐམས་ཅད་ལ། །དཔལ་ལྡན་རྫོགས་པའི་སངས་རྒྱས་ཀྱིས། །གཏོར་མའི་ལས་འདི་ཤིན་ཏུ་བསྔགས། །ཞེས་འབྱུང་བས། [191a.6]གཏོར་མའི་ལས་འདི་ཤིན་ཏུ་ཕན་ཡོན་ཆེའོ། །དེ་ལ་འདིར་ནི་སྔགས་པས་འབྱུང་པོ་ཉི་ཤུ་རྩ་བཞི་ལ་གཏོར་མ་སྦྱིན་དགོས་ཏེ། ལྷ་ཆེན་བརྒྱད་པོ་འཁོར་དང་བཅས། །ཀླུ་ཆེན་བརྒྱད་དང་ཕྱོགས་སྐྱོང་བརྒྱད། །འཁོར་དུ་གཏོགས་པའི་བརྒྱད་པོ་རྣམས། །རང་རང་འཁོར་དང་བཅས་རྣམས་ [191a.7]ལ། །རྒྱུན་དུ་འམ་ནི་ཟླ་བའམ། །དེ་བཞིན་ལོ་གཅིག་རྒྱུན་འཁོར་རམ། །ཟླ་བ་ཡར་ངོའི་ཚེས་བཅུ་དང་། །མར་ངོ་ཡི་ནི་ཚེས་བཅུ་ལ། །དཀྱིལ་འཁོར་སྦྱིན་སྲེག་བཟླས་པ་དང་། །དེ་བཞིན་གནོད་བྱུང་དུས་དག་གམ། །ཇི་ལྟར་འོས་ཤིང་རིགས་པ་དང་། །རང་གིས་ཇི་ལྟར་རྗེས་མཐུན་པར། ། [191b] [191b.1]ཅི་འབྱོར་པ་ཡི་ཡོ་བྱད་ཀྱིས། །ནན་ཏན་དུ་ནི་གཏོར་མ་སྦྱིན། །ཞེས་འབྱུང་ངོ་། །དེ་ལ་གཏོར་མའི་གཡོས་ཀྱང་ཇི་ལྟར་ཞེ་ན། མེ་ཏོག་བདུག་སྤོས་མར་མེ་བྱུག་པ་དང་། །སྨན་རྣམས་དང་ནི་དྲི་དང་ལྷ་བཤོས་དང་། །ཚོད་མ་དག་དང་ལ་དུ་ཁུར་བ་དང་། །ཟས་དྲོན་དང་ནི་དྲུག་ཅུ་པར་བཅས་དང་། [191b.2]ཕྱེ་སོགས་བྱས་པ་བསྲེས་ནས་ནི། །འབྲས་ཆན་འབྲས་ཀྱི་ཕྱི་ནང་འབྲུ་བདུན་དང་། །ཞོ་དང་འབྲུ་མར་འོ་ཐུག་སོགས་པ་བསྲེ། །ཁྲག་དང་ཤ་དང་སྲན་མ་ཉ་ཤ་སོགས། །སྦྱར་ཆང་འབྲུ་ཆང་སྣ་ཚོགས་ཆན་ལ་སོགས། །བཙོས་དང་རྗེན་དང་རྙིང་དང་བཅས་པ་རྣམས། །ཇི་བཞིན་བདུད་ [191b.3]རྩི་ལྔ་དང་བསྲེས་བྱས་ནས། །དེ་དག་ཀུན་གྱིས་སྣོད་རྣམས་བཀང་ནས་སུ། །བུམ་པ་ཆུས་བཀང་བ་ཡི་སྟེང་དུ་གཞག །ཁུར་བ་ཟན་དུ་མར་མེ་སྟེང་དུ་བལྟམ། །མཚན་མོའི་དུས་སུ་དེ་དག་ལ་ཡང་དབུལ། །ཞེས་འབྱུང་བས། དྲག་པོ་ལ་ནི་དགྲ་བོའི་གཟུགས་བརྙན་སྟེང་དུ་གཞག་གོ། ། [191b.4]གཏོར་མ་ཁ་དོག་ལས་ཀྱིས་བསྒྱུར་རོ། །དེ་ནས་གཏོར་མ་བྱིན་གྱིས་བརླབ་པའི་རིམ་པ་ནི། དེ་དང་པོར་བདག་ཉིད་ལྷའི་སྐུ་ཕྱག་རྒྱ་ཆེན་པོར་གསལ་བར་བསྒོམས་ནས། ཐོག་མ་ནམ་མཁའ་ལྟ་བུ་ལ། །ཡཾ་ལས་རླུང་གི་དཀྱིལ་འཁོར་ཡཾ་གྱིས་མཚན་པ། རཾ་ལས་མེའི་དཀྱིལ་འཁོར་རཾ་ [191b.5]གྱིས་མཚན་པ། དེའི་སྟེང་དུ་ཨ་ལས་ཐོད་པ། དེའི་ནང་དུ་ཉི་མའི་སྟེང་དུ་ཧཱུཾ་བྷྲཱུཾ་ཨཱཾ་ཛྲིའཾ་ཁཾ་དང་གོ་ཀུ་ད་ཧ་ན་ལས། ལྕགས་ཀྱུ་ལྔ་དང་། བདུད་རྩི་ལྔར་བསྐྱེད་དོ། །དེའི་སྟེང་དུ་ཧཱུཾ་ལས་རྡོ་རྗེ་ཨ་ལས་ཟླ་བ་ལ་ཕྱེད་ནུབ་པའོ། །དེའི་སྟེང་དུ་ཨོཾ་གྱིས་ཡེ་ཤེས་ཀྱི་བདུད་རྩི་སྤྱན་དྲངས། ཨཱཿ་ས་ [191b.6]གཟི་བརྗིད་བསྐྱེད། ཧཱུཾ་གྱིས་ཡེ་ཤེས་ཀྱི་བདུད་རྩི་དང་། དམ་ཚིག་གི་བདུད་རྩི་གཉིས་སུ་མེད་པར་བྱའོ། །དེ་ལྟར་བྱིན་གྱིས་བརླབས་ནས་མདུན་དུ་གྲུ་གསུམ་ཆོས་འབྱུང་ནང་དུ་པདྨ་སུམ་བརྩེགས་བསམ་སྟེ། དང་པོ་པདྨ་དཀར་པོའི་དབུས་སུ་དགྱེས་པའི་རྡོ་རྗེ་དཀར་པོ་ལས་ལྷ་བརྒྱད་ [191b.7]ཨོཾ་ལས་བསྐྱེད་པས་བསྐོར། བར་དུ་པདྨ་སྔོན་པོའི་དབུས་སུ་དགྱེས་པའི་རྡོ་རྗེ་སྔོན་པོ་ལ་ཧཱུཾ་ལས་བསྐྱེད་པའི་ཕྱོགས་སྐྱོང་བཅུ་སྔོན་པོས་བསྐོར། འོག་ཏུ་པདྨ་དམར་པོའི་དབུས་སུ་དགྱེས་པའི་རྡོ་རྗེ་དམར་པོ་ལ་ཨ་ལས་བསྐྱེད་པའི་ཀླུ་ཆེན་པོ་བརྒྱད་ཀྱིས་བསྐོར་རོ། །མགྲོན་སྤྱན་དྲང་ [192a] [192a.1]བའི་ཕྱིར་རྡོ་རྗེ་པདྨའི་ཕྱག་རྒྱ་བཅིངས་ཏེ། ཨོཾ་ཨེ་ཨ་ར་ལི་ཧོཿ། ཧྲིཾ་ཧྲིཾ་ཧྲིཾ། ཛཿ་ཧཱུཾ་བཾ་ཧོཿ། བཛ་ཌཱ་ཀ་ཌཱ་ཀི་ནཱི། བཛྲ་དྲྀ་ཤྱ་ཧོཿ། བཛྲ་ས་མ་ཡ་ཧོཿ། བཛྲ་ས་མ་ཡ་སྟྭཾ། ཕེཾ་གསུམ་བརྗོད་པ་དང་བཅས་པ་ལས། སྙིང་གའི་ས་བོན་འོད་ཟེར་གྱིས་བཀུག་ལ། ཨོཾ་ཨཱཿ་ཧཱུཾ་ལྷ་ [192a.2]བརྒྱད་འཁོར་དང་བཅས་པ་དང་། ཕྱོགས་སྐྱོང་བརྒྱད་དང་ཀླུ་ཆེན་བརྒྱད། །བཀའ་བཞིན་འཁོར་དུ་གཏོགས་པ་རྣམས། །དམ་ཚིག་དགོངས་ཏེ་གནས་འདིར་གཤེགས། །གཞན་ཡང་གྲུ་གསུམ་ཁོངས་གཏོགས་པའི། །ཞིང་སྐྱོང་ཚོགས་ལ་འདི་ལྟ་སྟེ། །ཨོཾ་ཤིང་གཅིག་དང་ [192a.3]ན་དུར་ཁྲོད་དང་། །རི་བོ་དང་ནི་རི་སུལ་ཕུག །གྲོང་དང་བཞི་མདོ་ཞིང་དང་ནི། །ཁྱད་པར་དུ་ནི་ཁང་སྟོང་དང་། །གདོལ་པའི་སྣོད་དང་ཐང་དང་ནི། །ཁྱད་པར་དུ་ནི་མཚོ་ལ་གནས། །མ་མོ་ཡི་ནི་གནས་རྣམས་ནས། །ནག་པོ་དྲག་པོ་དྲག་ཆེན་པོ། །ལྷ་སྦྱིན་མཉམ་དུ་བསྟེན་པ་དང་། ། [192a.4]ནག་པོ་གཙིགས་དང་མི་སྡུག་དང་། །བཀའ་ལས་འདས་དང་ལོག་འདྲེན་རྣམས། །རྒན་བྱེད་མེ་དང་དྲག་མོ་དང་། །བརྗེད་བྱེད་མ་དང་ཨུ་མ་དང་། །རྒྱལ་དང་རྣམ་པར་རྒྱལ་བ་དང་། །མི་ཐུབ་གཞན་གྱིས་མི་ཐུབ་མ། །ནག་མོ་བཟང་མོ་ནག་ཆེན་མོ། །ནག་སྦོམ་མ་དང་རྣལ་འབྱོར་ [192a.5]མ། །དབང་མོ་དང་ནི་ཟླ་བ་མོ། །དྲག་མོ་སྡང་མོ་འཆང་བ་མོ། །འཕྲོག་བྱེད་མ་དང་མར་མེ་མོ། །སུམ་ཅུ་མ་དང་དབང་མོ་དང་། །འཇིགས་བྱེད་གྲོང་གནས་རྣལ་འབྱོར་མ། །དྲག་མོའི་གཟུགས་དང་གཟུགས་ཆེན་མོ། །མཆེ་བ་གཙིགས་དང་ཐོད་ཆེན་མ། །ཐོད་ཕྲེང་ཕྲེང་ཆེན་ཁ་ཊྭཱཾ་མ། ། [192a.6]སྦྲུལ་ཆེན་རལ་གྲི་དགྲ་སྟ་ཅན། །རྡོ་རྗེ་དེ་བཞིན་གཞུ་ཆེན་མ། །དེ་བཞིན་ཆེན་མོ་མཁའ་འགྲོ་ལྔ། །དེ་བཞིན་རྡོ་རྗེ་དབང་ཕྱུག་གཙོ། །ལས་ཀུན་རྗེས་སུ་སྒྲུབ་བྱེད་མ། །སྦྱོར་བའི་དཀྱིལ་འཁོར་རྒྱལ་ཆེན་མོ། །དེ་བཞིན་རྡོ་རྗེ་དབང་ཕྱུག་གཙོ། །དེ་བཞིན་གཤེགས་པའི་སྐུ་ཆེན་ཏེ། ། [192a.7]རྡུལ་མེད་རྣལ་འབྱོར་འབྱིན་བ་མོ། །རྡོ་རྗེ་དབང་མོའི་བཀའ་འདི་ཡིས། །ཐམས་ཅད་མ་ལུས་འདིར་འདུས་ཤིག །ཨོཾ་ཀཀྐ་ཌྷ་ན། བབྦ་ནྟཱ་ན། ཁཁྑ་དཱ་ན་སརྦ་དུཥྚ་ནཾ་ཧ་ན་ཧ་ན། གྷཱ་ཏ་ཡ། གྷཱ་ཏ་ཡ། ཧེ་བཛྲ་མཎྜལ་ས་བ་རི་ཝཱ་རེ་བྷྱོ་ཨཱ་ཀཪྵ་ཡ་ཧཱུཾ་ཛཿ། ཞེས་པས་བཀུག་ལ་པདྨའི་ [192b] [192b.1]གདན་ལ་བཞུགས་པར་བསམས་ལ། དེ་ནས་མཆོད་པས་མཆོད་དེ། །ཨོཾ་ཀུ་རུ་ཀུ་རུ་ཨ་དྷི་པ་ཏི་ཏིཥྛ་ས་མ་ཡ་ཧཱུཾ་ཛཿ། གཉིས་སུ་མེད་པར་བྱའོ། །དེ་ནས་དམ་ཚིག་གི་ལྷ་ལ་ཐིམ་པའི་རྗེས་སུ། ལྕེ་པདྨའི་སྟེང་དུ་ཧཱུཾ་ལས་རྡོ་རྗེར་བྱིན་གྱིས་བརླབ་པོ། །དེ་ནས་པདྨའི་ལག་པ་ཁ་ཕྱེ་སྟེ། [192b.2]གཏོར་མ་ལ་གཏད་ནས་གཏོར་མ་འབུལ་བའི་སྔགས་བརྗོད་དོ། །ཨོཾ་ཨཱཿ་ཧཱུཾཿ་ཧོཿ་བཛྲ་བྷཻ་ར་བཱ་ཡ། བཛྲ་བྷཻ་ར་བི་ཡ། ཛོ་ག་ཛོ་གི་ནི། སརྦ་ལོ་ཀི་ཀ་ལོ་ཀོཏྟ་ར། སརྦ་ཌཱ་ཀ་ཌཱ་ཀི་ནཱི་ཤྩ་བྷོ། བཛྲ་གཽ་རཱི། བཛྲ་ཙཽ་རཱི། བཛྲ་བི་ཏཱ་ལཱི། བཛྲ་གྷསྨ་རཱི། བཛྲ་པུཀྐ་སཱི། བཛྲ་ས་བ་རཱི། བཛྲ་ཙཎྜལཱི། བཛྲ་ [192b.3]ཌོཾ་བི་ནཱི། ཨ་ཏི་ཀཾ །ས་པ་རི་ཝཱ་རེ་བྷྱོ། ཨི་དཾ་བ་ལིཾ། གནྡྷ། པུཥྤ། དྷཱུ་པ། དཱི་པ། ཨཀྵ་ཏཾ། ད་ད་མ་ཧི་ཏེ་ཛ། ཨ་ཀ་སྟྱ། ས་པ་རི་ཝཱ་རེ་བྷོ། ཨི་དཾ་བ་ལིཾ། གྲྀཧྣན་ཏུ་ཛཿ་ཧཱུཾ་བཾ་ཧོཿ། སཾ་ཏྲི་པྟ། སརྦ་སྟྭཱ་ནི་ཤཱནྟིཾ་ཀུ་རུ། པུཥྚིམ་ཀུ་རུ། རཀྵ་ཧཾ་ཀུ་རུ། ཨ་བ་ན་ཀུ་རུ། གུབྷོ་ཀ་རོ་དུ། ཀུརྦནྡྲ་ཧཱུཾ་ཧཱུཾ་ཕཊ་ [192b.4]སྭཱ་ཧཱ། ཨི་དཾ་བ་ལིཾ་ཁ་ཁ་ཁཱ་ཧི་ཁཱ་ཧི། བྷྱོ་བྷྱོ་བྷྱོ་བྷྱོ། ཛ་ཛ་ཛ་ཛ། བཛྲ་དྷ་རོ་ཏཱ་ཛྙཱ་པ་ཡ་ཏི་སྭཱ་ཧཱ། ཨོཾ་ཨཱཿ་ཧཱུཾ་ཧོཿ། སརྦ་དེ་བ། ནཱ་ག །ཡཀྵ། རཱཀྵ་ས། མ་ནུ་ཥ། ཨ་མ་ནུ་ཥ། ཨ་སུ་ར། གནྡྷ་རྦྷ། ཀུཾ་བྷི་ར། གྷི་དྷ་རི། ག་རུ་ཌ། བྷཱུ་ཏ། པྲེ་ཏ། པི་ཥཱ་ཙ། ཨ་པསྨ་ར། ཨུ་མནྟ། སརྦ་ལོ་ཀི་ཀ་ལོ་ཀོཏྟ་ར། [192b.5]བཛྲ་ཌཱ་ཀ་ཌཱ་ཀི་ནི་ས་པ་རི་ཝཱ་རེ་བྷྱོ། །ཨི་མཾ་སརྦ་པཱུ་ཛ་གནྡྷ། པུཥྤ། དྷཱུ་པ། དཱི་པཾ། ནཻ་བི་དྷྱཾ། ཨཀྵ་ཏཾ་ད་ད་མ་ཧི་ཏེ་ཙམ། ཨ་གཏྟྱཱ་ས་པ་རི་ཝཱ་རེ་བྷྱོཿ། ཨི་དཾ་བ་ལིཾ་གྲྀཧྣནྡུ། ཁ་དནྡུ། པི་བནྟུ། ཛཿ་ཧཱུཾ་བཾ་ཧོཿ། ས་མ་ཡ་རཀྵནྟུ། མ་མ་སིདྡྷི་མྨེ་པྲེ་ཡ་ཙྪནྟུ། ཡ་ཐེ་བཾ། ཡ་ཐེཥྚཾ་བྷུཉྫ་ཧོ། །མཱ་ཏི་ཀྲ་མ་ཐ། [192b.6]མ་མ་སརྦ་ཀརྟྱ་སད་སུ་ཁཾ། བི་ཤུདྡྷ་ཡེ་ས་ཧ་ཀ་ཡི་ཀ །བྷ་བནྟུ། ཧཱུཾ་ཧཱུཾ་ཕཊ། བཛྲ་དྷ་རོ་ཨཱ་ཛྙཱ་པ་ཡ་ཏི། ཨོཾ་ཨིནྡ། ཛ་མ། ཛ་ལ། ཇཀྑ། བྷཱུ་ཏ། བཧྣི། བ་ཨུ། རཀྑ། ཙནྡྲ། སཱུཛྫ། མ་ཏ། པ་པྤ། ཏ་ལ། པཱ་ཏཱ་ལ། ཨ་ཋ། ས་པྤ། སཱ་དྷ། ཨི་དཾ་བ་ལིཾ་བྷུཉྫ། ཛི་གྷཾ། པུཥྤ། དྷཱུ་པ། དཱི་པཾ། མཱཾ་ས། [192b.7]ཨམྦ། ཀཱ་ཙྪ། སཱ་དྷ། ཁནྟི། ཁུ་ཎི། ཕེ་ཊ། གཱ་ད། ཨོཾ་ཨ་ཀཱ་རོ་མུ་ཁཾ་སརྦྦ་དྷརྨཱ་ཎཱཾ་ཨཱདྱ་ནུཏྤནྣ་ཏྭཱ་ཏ། ཨོཾ་ཨཱཿ་ཧཱུཾ་ཕཊ་སྭཱ་ཧཱ། དེ་ནས་ཚིགས་སུ་བཅད་པ་འདིས་ཡང་བསྔོ་བ་ནི། ཨོཾ་ལྷ་ཆེན་བརྒྱད་པོ་འཁོར་བཅས་དང་། །འཇིག་རྟེན་སྐྱོང་བ་འཁོར་བཅས་དང་། །ཀླུ་ཆེན་བརྒྱད་ [193a] [193a.1]པོ་འཁོར་བཅས་དང་། །གནོད་སྦྱིན་ཚོགས་རྣམས་མ་ལུས་དང་། །སྲིན་པོའི་ཚོགས་རྣམས་མ་ལུས་དང་། །འབྱུང་པོའི་ཚོགས་རྣམས་མ་ལུས་དང་། །ཡི་དགས་ཚོགས་རྣམས་མ་ལུས་དང་། །ཤ་ཟའི་ཚོགས་རྣམས་མ་ལུས་དང་། །སྨྱོ་བྱེད་ཚོགས་ [193a.2]རྣམས་མ་ལུས་དང་། །བརྗེད་བྱེད་ཚོགས་རྣམས་མ་ལུས་དང་། །མཁའ་འགྲོའི་ཚོགས་རྣམས་མ་ལུས་དང་། །དེ་ལ་སོགས་པའི་འབྱུང་པོའི་ཚོགས། །མ་ལུས་ཚོགས་བཅས་ཇི་སྙེད་རྣམས། །འདིར་གཤེགས་བདག་ལ་དགོངས་སུ་གསོལ། །མཆོད་སྦྱིན་གཏོར་མ་ [193a.3]འདི་སྣོམས་ལ། །བདག་མིང་འདི་ཞེས་བྱ་བ་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་བ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། ། [193a.4]དངོས་གྲུབ་ཀུན་གྱིས་བསྟོད་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་ཞི་བར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་ཞི་བར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་རྒྱས་ཤིང་འཕེལ་བར་མཛོད། །བདེ་ [193a.5]ལེགས་ཐམས་ཅད་འགྲུབ་པ་དང་། །ཡིད་ལ་འདོད་པ་འགྲུབ་པར་ཤོག །མཁའ་འགྲོའི་ཚོགས་རྣམས་མ་ལུས་ཀུན། །དེ་ལ་སོགས་པའི་གནོད་སྦྱིན་ཚོགས། །དྲག་ཅིང་གཏུམ་པའི་འབྱུང་པོའི་ཚོགས། །མ་རུངས་སེམས་ཅན་མིང་འདི་ལོང་། །དག་ཅིང་སྙིང་རྗེ་མེད་པ་ཡི། །རྣལ་འབྱོར་ [193a.6]མ་དང་མ་མོ་དང་། །མཁའ་འགྲོ་གནོད་སྦྱིན་ཤ་ཟ་དང་། །ལྟོ་འཕྱེ་དང་ནི་སྲིན་པོ་དང་། །གཞན་ཡང་ཤ་ཟ་ཁྲག་འཐུང་བའི། །ཁྱི་དང་ཁྲ་དང་ཀཾ་ཀ་དང་། །འོལ་བ་བྱ་རྒོད་ལ་སོགས་པའི། །གཟུགས་ཅན་ཐམས་ཅད་འདིར་གཤེགས་ཤིག །བདག་མིང་འདི་ཞེས་བྱ་བ་ལ། །གནོད་ [193a.7]པར་བྱེད་པ་འདི་ཞེས་པ། །ཆུང་མ་ནོར་དང་སྲོག་དང་ནི། །འདོད་པ་རྣམས་ནི་འཕྲོག་པར་མཛོད། །རང་གི་ཡུལ་ནས་འབྱུང་བ་དང་། །དགར་བ་དང་ནི་བསྐྲད་པར་བགྱིས། །བདག་གི་དཔུང་ནི་སྟོབས་མེད་ལ། །དགྲ་ནི་སྟོབས་ལྡན་ཁོ་ན་སྟེ། །འདི་ཉིད་ཁྱོད་ཀྱིས་བཟའ་བའི་ཕྱིར། །ཤ་དང་ [193b] [193b.1]ཁྲག་དང་ཞག་དང་རྐང་། །བཟའ་བ་སྐོམ་དང་བཅས་པ་མཛོད། །དགྲ་ལུས་གསོལ་བ་དགྲ་མདངས་ཕྲོགས། །རང་གི་རྣལ་འབྱོར་ཅི་རིགས་པར། །ལོང་ལ་ཟབ་ཉིད་དུ་གྱིས། །ཐམས་ཅད་ཚིམ་པར་བཞེས་སུ་གསོལ། །གང་གིས་བདག་ལ་མི་ཚུགས་ཤིང་། །དགྲ་འདི་ཐམས་ཅད་ [193b.2]ཆོམས་པར་མཛོད། །བདག་ལ་ལས་ཀྱི་དངོས་གྲུབ་ནི། །རྒྱ་ཆེན་ཡོངས་སུ་སྩལ་ནས་ཀྱང་། །ཉིད་ཀྱི་གནས་དང་ཡུལ་དུ་གཤེགས། །ཅི་ནུས་འབྱོར་པའི་མཆོད་པ་འདི་བཞེས་ལ། །བདག་གི་ལས་འདི་འབྲས་བུ་མཆིས་པར་མཛོད། །པུས་མོ་ལྷ་ང་ས་ལ་བཙུགས་ནས་ནི། །ཐལ་མོ་ [193b.3]སྦྱར་ནས་ཁྱོད་ལ་གསོལ་བ་ནི། །བཙུན་མོ་དང་ནི་སྲས་དང་གཡོག་ཏུ་བཅས། །གསན་ཅིང་འདིར་གཤེགས་བདག་ལ་བཀའ་དྲིན་སྐྱོབས། །བདག་གི་བསོད་ནམས་སྟོབས་དང་ནི། །དེ་བཞིན་གཤེགས་པའི་བྱིན་རླབས་དང་། །གསང་སྔགས་རིག་སྔགས་མཐུ་དག་དང་། །ཆོས་ཀྱི་ [193b.4]དབྱིངས་ཀྱི་སྟོབས་ཀྱི་མཐུས། །སེམས་ཅན་རྣམས་ལ་ཕན་གདགས་པས། །དོན་རྣམས་ཡང་དག་བསམས་པ་ཀུན། །སེམས་ཅན་ཁམས་ནི་མ་ལུས་པར། །དེ་དག་ཐམས་ཅད་ཅི་རིགས་པར། །ཐོགས་པ་མེད་པར་འབྱུང་གྱུར་ཅིག །སྔགས་པ་གང་ཞིག་དགྲ་བགེགས་ཚར་ [193b.5]གཅད་པར་འདོད་པ་དེས། གཟུགས་གཏོར་མའི་སྟེང་དུ་བཞག་ལ། གནོད་སྦྱིན་མ་ལ་སོགས་པ་མི་སྡུག་པའི་གཟུགས་ཅན། ཕོ་ཉ་གྲངས་མེད་པས་ཟོས་འཐུངས་པར་བསམ་ཞིང་། གཏོར་མ་བསྟབས་ཤིང་འདི་སྐད་ལས་བཅོལ་ལོ། །ཨོཾ་མ་ལུས་ཞིང་ན་བཞུགས་པའི་རྒྱལ་བ་དང་། [193b.6]དཔལ་ཆེན་ཁྲག་འཐུང་ཁྲོ་རྒྱལ་འཇིགས་བྱེད་ཚོགས། །ཡེ་ཤེས་མཁའ་འགྲོ་མཁའ་འགྲོ་མ་ཡི་ཚོགས། །དམ་ཅན་རྒྱ་མཚོ་མ་ལུས་དགོངས་སུ་གསོལ། །ཐུགས་རྗེ་ཆེན་པོས་འགྲོ་བའི་དོན་མཛད་ཅིང་། །གདུལ་དཀའ་དྲག་པོའི་ཚོགས་རྣམས་འདུལ་བའི་ཕྱིར། །སྒྱུ་མ་ལྟ་བུར་ [193b.7]ཅིར་ཡང་སྟོན་མཛད་པ། །གཏུམ་ཆེན་རབ་རྔམ་ཚོགས་ལ་ཕྱག་འཚལ་ལོ། །སྙིགས་མ་ལྔ་ལྡན་བསྟན་པ་འཇིག་དུས་འདིས། །བདུད་དང་མུ་སྟེགས་ལོག་པར་ལྟ་བ་རྣམས། །ཞི་བའི་ལས་ཀྱིས་འདུལ་བར་མི་འགྱུར་བས། །ཚམ་ངམ་དྲག་པོའི་ཕྲིན་ལས་མྱུར་དུ་མཛོད། ། [194a] [194a.1]རྒྱལ་བའི་སྤྱན་སྔར་ཁས་བླངས་ཤིང་། །བསྟན་པ་བསྲུང་བར་ཞལ་བཞེས་པ། །འཇིགས་བྱེད་ཆེན་པོའི་བཀའ་བཞིན་དུ། །ཤིན་ཏུ་གདུག་པ་འདུལ་མཛད་པའི། །ཚངས་པ་དབང་ཕྱུག་ཆེན་པོ་དང་། །ལྷ་ཡི་དབང་པོ་འདོད་པའི་ལྷ། །ཁྱབ་འཇུག་ཚོགས་ཀྱི་ [194a.2]བདག་པོ་དང་། །བྷྲྀཾ་གི་རི་ཏི་གཞོན་ནུ་དང་། །དགའ་བྱེད་དབང་ཕྱུག་འདོད་ལྷ་དང་། །ཉི་མ་ཟླ་བ་གཟའ་ཆེན་དང་། །སྨིན་དྲུག་ལ་སོགས་པ་ཁྱུང་གི་མགོ །མགྱོགས་པའི་གཤོག་པས་གདེངས་ཀ་བྱས། །རྡོ་རྗེ་སྐུ་ཡི་དམ་ཚིག་ཅན། །དཀར་པོ་རྟག་པའི་དབུ་རྒྱན་ཅན། །ཞལ་གཅིག་པ་ལ་ [194a.3]ཕྱག་གཉིས་ཏེ། །འཁོར་ལོ་དང་ནི་དྲིལ་བུས་བྲེལ། །རིག་མ་དང་ནི་མཉམ་དུ་སྦྱོར། །འཇིགས་པའི་ཚུལ་གྱིས་བརྐྱང་བསྐུམ་གནས། །ཕྱག་རྒྱ་དྲུག་གིས་ལུས་ལ་བརྒྱན། །དུས་མཐའི་མེ་ཆེན་ཀློང་དཀྱིལ་ན། །ཧཱུཾ་ཕཊ་ཕེཾ་ཕེཾ་འཇིགས་པར་སྒྲོགས། །སྟེང་གི་ལྷ་ཚོགས་བཅས་པ་ཡི། ། [194a.4]ནམ་མཁའི་རོ་ཞོན་ཁྱོད་ཀྱིས་ནི། །དམ་ཚིག་ཕྲིན་ལས་དུས་ལ་བབ། །ཧཱུཾ་ཧེ་རུ་ཀ་ཡི་བཀའ་བཞིན་དུ། །ཨིནྡྲ་རུ་དྷི་རཀྟ་དང་། །ཡེ་ཤེས་དམ་ཚིག་བདུད་རྩི་དང་། །སྣ་ཚོགས་གཏོར་མ་འདི་ལོང་ལ། །བདག་ཅག་རྣལ་འབྱོར་སྒྲུབ་པ་པོ། །རྡོ་རྗེ་སློབ་དཔོན་སློབ་མ་དང་། །རྡོ་རྗེ་སྤུན་དང་མིང་ [194a.5]སྲིང་ལ། །གནོད་པར་བྱེད་པའི་དགྲ་བགེགས་ནི། །སྔགས་རྒྱུད་ཡེ་ཤེས་སུན་འབྱིན་ཅིང་། །སློབ་དཔོན་སྨོད་ཅིང་སྤུན་ལ་འཁུ། །བྱང་ཆུབ་སེམས་སྤོང་དམ་ཚིག་ཉམས། །ཞི་བའི་ལས་ཀྱིས་མི་འདུལ་བས། །གདུག་ཅིང་སྡང་སེམས་ལྡན་པ་རྣམས། །རབ་ཏུ་དྲོངས་ཤིག་འདིར་ཁུག་ལ། ། [194a.6]རྡུལ་དང་ཐལ་བ་བཞིན་དུ་ལྷོགས། །མངོན་སྤྱོད་ཕྲིན་ལས་དུས་ལ་བབ། །ཤ་དང་ཁྲག་དང་རུས་པ་རོལ། །རྒྱུ་མ་གློ་སྙིང་ནང་གྲོལ་དྲོངས། །སྔོན་གྱི་དམ་ལས་མ་འདའ་བར། །བཅོལ་བའི་ལས་རྣམས་གྲུབ་པར་མཛོད། །རྒྱལ་བའི་སྤྱན་སྔར་ཁས་བླངས་ཤིང་། །བསྟན་པ་བསྲུང་བར་ཞལ་ [194a.7]བཞེས་པ། །འཇིགས་བྱེད་ཆེན་པོའི་བཀའ་བཞིན་དུ། །ཤིན་ཏུ་གདུག་པ་འདུལ་མཛད་པའི། །བརྒྱ་བྱིན་གཤིན་རྗེ་ཆུ་བདག་དང་། །གནོད་སྦྱིན་དབང་བདག་མེ་ཡི་ལྷ། །སྲིན་པོ་རླུང་ལྷ་ལ་སོགས་པ། །སྲིན་པོའི་མགོ་ཅན་འཇིགས་པའི་གཟུགས། །མགྱོགས་པའི་གཤོག་པས་གདེངས་ [194b] [194b.1]ཀ་བྱས། །རྡོ་རྗེ་ཐུགས་ཀྱི་དམ་ཚིག་ཅན། །ནག་པོ་མི་བསྐྱོད་དབུ་རྒྱན་ལྡན། །ཞལ་གཅིག་ཕྱག་ནི་གཉིས་པ་སྟེ། །རྡོ་རྗེ་དང་ནི་དྲིལ་བུས་བྲེལ། །རིག་མ་དང་ནི་མཉམ་དུ་སྦྱོར། །འཇིགས་པའི་ཚུལ་གྱིས་བརྐྱང་བསྐུམ་གནས། །ཕྱག་ཅུ་དྲུག་གིས་ལུས་ལ་བརྒྱན། །དུས་མཐའི་མེ་ཆེན་ཀློང་དཀྱིལ་ [194b.2]ན། །ཧཱུཾ་ཕཊ་ཕེཾ་ཕེཾ་འཇིགས་པར་སྒྲོགས། །བར་གྱི་མི་ཚོགས་བཅས་པ་ཡིས། །བར་སྣང་རོ་ཞོན་ཁྱོད་ཀྱི་ནི། །དམ་ཚིག་ཕྲིན་ལས་དུས་ལ་བབ། །ཧཱུཾ་ཧེ་རུ་ཀ་ཡི་བཀའ་བཞིན་དུ། །ཨིནྡྲ་རུ་དྷི་རཀྟ་དང་། །ཡེ་ཤེས་དམ་ཚིག་བདུད་རྩི་དང་། །སྣ་ཚོགས་གཏོར་མ་འདི་ལོང་ལ། །བདག་ཅག་རྣལ་ [194b.3]འབྱོར་སྒྲུབ་པ་པོ། །རྡོ་རྗེ་སློབ་དཔོན་སློབ་མ་དང་། །རྡོ་རྗེ་སྤུན་དང་མིང་སྲིང་ལ། །གནོད་པར་བྱེད་པའི་དགྲ་བགེགས་ནི། །སྔགས་རྒྱུད་ཡེ་ཤེས་སུན་འབྱིན་ཅིང་། །སློབ་དཔོན་སློད་ཅིང་སྤུན་ལ་འཁུ། །བྱང་ཆུབ་སེམས་སྤོང་དམ་ཚིག་ཉམས། །ཞི་བའི་ལས་ཀྱིས་མི་འདུལ་བས། །གདུག་ [194b.4]ཅིང་སྡང་སེམས་ལྡན་པ་རྣམས། །རབ་ཏུ་དྲོངས་ཤིག་འདིར་ཁུག་ལ། །རྡུལ་དང་ཐལ་བ་བཞིན་དུ་ལྷོགས། །མངོན་སྤྱོད་ཕྲིན་ལས་དུས་ལ་བབ། །ཤ་དང་ཁྲག་དང་རུས་པར་རོལ། །རྒྱུ་མ་གློ་སྙིང་ནང་གྲོལ་དྲོངས། །སྔོན་གྱི་དམ་ལས་མ་འདའ་བར། །བཅོལ་བའི་ལས་རྣམས་གྲུབ་ [194b.5]པར་མཛོད། །རྒྱལ་བའི་སྤྱན་སྔར་ཁས་བླངས་ཤིང་། །བསྟན་པ་བསྲུང་བར་ཞལ་བ་ཞེས་པ། །འཇིགས་བྱེད་ཆེན་པོའི་བཀའ་བཞིན་དུ། །ཤིན་ཏུ་གདུག་པ་འདུལ་མཛད་པ། །སྟོབས་རྒྱུ་དུང་སྐྱོང་མཐའ་ཡས་དང་། །ནོར་རྒྱས་བུ་དང་འཇོག་པོ་དང་། །རིགས་ལྡན་པདྨ་ཆེན་པོ་ [194b.6]དང་། །པདྨ་ལ་སོགས་ཆུ་སྲིན་མགོ །མགྱོགས་པའི་གཤོག་པས་གདེངས་ཀ་བྱས། །རྡོ་རྗེ་གསུང་གི་དམ་ཚིག་ཅན། །དམར་པོ་གར་དབང་དབུ་རྒྱན་ལྡན། །ཞལ་གཅིག་པ་ལ་ཕྱག་གཉིས་ཏེ། །པདྨ་དང་ནི་དྲིལ་བུས་བྲེལ། །རིག་མ་དང་ནི་མཉམ་དུ་སྦྱོར། །འཇིགས་པའི་ [194b.7]ཚུལ་གྱིས་བརྐྱང་བསྐུམ་གནས། །ཕྱག་རྒྱ་དྲུག་གིས་ལུས་ལ་བརྒྱན། །དུས་མཐའི་མེ་ཆེན་ཀློང་དཀྱིལ་ན། །ཧཱུཾ་ཕཊ་ཕེཾ་ཕེཾ་འཇིགས་པར་སྒྲོགས། །འོག་གི་ཀླུ་ཚོགས་བཅས་པ་ཡིས། །ས་འོག་རོ་ཞོན་ཁྱོད་ཀྱི་ནི། །དམ་ཚིག་ཐུགས་དམ་དུས་ལ་བབ། །ཧཱུཾ་ཧེ་རུ་ཀ་ཡི་བཀའ་བཞིན་དུ། ། [195a] [195a.1]ཨིནྡྲ་རུ་དྷི་རཀྟ་དང་། །ཡེ་ཤེས་དམ་ཚིག་བདུད་རྩི་དང་། །སྣ་ཚོགས་གཏོར་མ་འདི་ལོང་ལ། །བདག་ཅག་རྣལ་འབྱོར་སྒྲུབ་པ་པོ། །རྡོ་རྗེ་སློབ་དཔོན་སློབ་མར་བཅས། །རྡོ་རྗེ་སྤུན་དང་མིང་སྲིང་ལ། །གནོད་པར་བྱེད་པའི་དགྲ་བགེགས་ནི། །སྔགས་རྒྱུད་ཡེ་ཤེས་ [195a.2]སུན་འབྱིན་ཅིང་། །སློབ་དཔོན་སྨོད་ཅིང་སྤུན་ལ་འཁུ། །བྱང་ཆུབ་སེམས་སྤོང་དམ་ཚིག་ཉམས། །ཞི་བའི་ལས་ཀྱིས་མི་འདུལ་བས། །གདུག་ཅིང་སྡང་སེམས་ལྡན་པ་རྣམས། །རབ་ཏུ་དྲོངས་ཤིག་འདིར་ཁུག་ལ། །རྡུལ་དང་ཐལ་བ་བཞིན་དུ་ལྷོགས། །མངོན་སྤྱོད་ཕྲིན་ལས་དུས་ [195a.3]ལ་བབ། །ཤ་དང་ཁྲག་དང་རུས་པར་རོལ། །རྒྱུ་མ་གློ་སྙིང་ནང་གྲོལ་དྲོངས། །སྔོན་གྱི་དམ་ལས་མ་འདའ་བར། །བཅོལ་བའི་ལས་རྣམས་གྲུབ་པར་མཛོད། །རྒྱལ་བའི་སྤྱན་སྔར་ཁས་བླངས་ཤིང་། །བསྟན་པ་བསྲུང་བར་ཞལ་བཞེས་པ། །འཇིགས་བྱེད་ཆེན་པོའི་བཀའ་བཞིན་ [195a.4]དུ། །ཤིན་ཏུ་གདུག་པ་འདུལ་མཛད་པ། །ཕྱི་རོལ་དུར་ཁྲོད་འཇིགས་པ་ན། །དཔའ་བོ་དཔའ་མོ་རྣལ་འབྱོར་ཚོགས། །ཞིང་སྐྱོང་དྲག་པོ་རོ་ལངས་དང་། །མ་མོ་མཁའ་འགྲོ་ལ་སོགས་པ་ཚོགས། །ཤ་ཟ་བརྗེད་བྱེད་སྲུལ་པོ་དང་། །ནམ་གྲུ་ལོག་འདྲེན་ལ་སོགས་པ། །གནོད་སྦྱིན་ས་ [195a.5]བདག་གདུག་པའི་འདྲེ། །ལ་ལ་སྲིན་པོའི་ཞལ་ཅན་ལ། །མི་ཡི་ལུས་ཅན་འཇིགས་པའི་གཟུགས། །ལ་ལ་སྟག་གི་མགོ་ཅན་ལ། །མི་ཡི་ལུས་ཅན་རྔམ་པའི་གཟུགས། །ལ་ལ་སེང་གེའི་མགོ་ཅན་ལ། །སྲིན་པོའི་གཟུགས་ཅན་ཤིན་ཏུ་ཁྲོ། །ལ་ལ་མཁའ་ལྡིང་མགོ་ཅན་ལ། །ཀླུ་ [195a.6]ཡི་ལུས་ཅན་འཇིགས་པའི་གཟུགས། །དེ་བཞིན་བྱ་ཡི་མགོ་ཅན་དང་། །གཅན་གཟན་ལུས་ཅན་སྣ་ཚོགས་རྣམས། །ལ་ལ་ཁྲོ་ཞིང་ལ་ལ་རྔམ། །ལ་ལ་ཞི་ཞིང་ལ་ལ་གཏུམ། །ལ་ལ་འགྱིང་ཞིང་ལ་ལ་ལྡིང་། །ལ་ལ་ཤ་ཟ་ཁྲག་འཐུང་བརྩོན། །ལ་ལ་ཁྲོ་གཏུམ་འཇིགས་པའི་གཟུགས། ། [195a.7]ལ་ལ་རབ་བརྩོན་ཁྲོ་གཉེར་ཅན། །ལ་ལ་བཞད་གད་ཧ་ཧ་སྒྲོག །ལ་ལ་འབྲུག་སྐད་བཞིན་དུ་ལྡིར། །ལ་ལ་རྔམ་སྐད་ཕེཾ་ཕེཾ་སྒྲོགས། །ལ་ལ་མཁའ་སྟོང་གར་གྱིས་འགེངས། །ལ་ལ་རྩུབ་ཅིང་ལ་ལ་གནག །ལ་ལ་དཀར་ཞིང་རྣམ་པར་གསལ། །ལ་ལ་དམར་ཞིང་ཆགས་པའི་ [195b] [195b.1]མདོག །ལ་ལ་སྔོ་ཞིང་སྡང་བའི་ཚུལ། །ལ་ལ་སེར་པོ་དབྱིབས་མདོག་རྒྱས། །ལ་ལ་ཁྲོ་གཉེར་སྨིན་བུ་རྩུབ། །ལ་ལ་སྨིན་བུ་གྱེན་དུ་འཁྱིལ། །སྐྲ་འཁྱིལ་ནམ་མཁའི་དབྱིངས་སུ་ཁྱབ། །ཞལ་གདངས་མཆེ་གཙིགས་ཁྲག་འཐུང་བའི། །ལྗགས་དྲིལ་མཆེ་བ་དམར་པོ་གཙིགས། །སྤྱན་ [195b.2]གསུམ་སྡང་མིག་ཁྲོ་གཉེར་ཅན། །རུས་པའི་བསྟར་ཕྲེང་སྦྲུལ་གྱིས་བརྒྱན། །ཁྲག་ཞག་ཚིལ་གྱི་ཚོམ་བུས་བརྒྱན། །གླང་ཆེན་ཀོ་རློན་རྣམ་པར་བཤལ། །སྟག་གི་པགས་པས་ཤམ་ཐབས་བྱས། །ན་བཟའ་མི་ཡི་ལྤགས་རློན་གསོལ། །ལ་ལ་རྡོ་རྗེ་གཏུན་ཤིང་དང་། །རལ་གྲི་ཆུ་གྲི་ལ་སོགས་ [195b.3]པའི། །ལག་ན་མཚོན་ཆ་སྣ་ཚོགས་འཛིན། །ལ་ལ་གར་གྱི་ཕྱག་རྒྱས་སྦྱོར། །ཕྱི་ཡི་དཀྱིལ་འཁོར་ཆེན་པོ་འདིར། །ཕྱི་རོལ་འབྱུང་པོའི་ཚོགས་བཅས་རྣམས། །ས་སྟེང་ས་རོ་ཞོན་ཐམས་ཅད་ཀྱི། །དམ་ཚིག་ཕྲིན་ལས་དུས་ལ་བབ། །ཧཱུཾ་ཧེ་རུ་ཀ་ཡི་བཀའ་བཞིན་དུ། །ཨིནྡྲ་རུ་དྷི་རཀྟ་དང་། །ཡེ་ཤེས་ [195b.4]དམ་ཚིག་བདུད་རྩི་དང་། །སྣ་ཚོགས་གཏོར་མ་འདི་ལོང་ལ། །བདག་ཅག་རྣལ་འབྱོར་སྒྲུབ་པ་པོ། །རྡོ་རྗེ་སློབ་དཔོན་སློབ་མ་དང་། །རྡོ་རྗེ་སྤུན་དང་མིང་སྲིང་ལ། །གནོད་པར་བྱེད་པའི་དགྲ་བགེགས་ནི། །སྔགས་རྒྱུད་ཡེ་ཤེས་སུན་འབྱིན་ཅིང་། །སློབ་དཔོན་སྨོད་ཅིང་སྤུན་ལ་འཁུ། ། [195b.5]བྱང་ཆུབ་སེམས་སྤོང་དམ་ཚིག་ཉམས། །ཞི་བའི་ལས་ཀྱིས་མི་འདུལ་བས། །གདུག་པའི་སྡང་སེམས་ལྡན་པ་རྣམས། །རབ་ཏུ་དྲོངས་ཤིག་འདིར་ཁུག་ལ། །རྡུལ་དང་ཐལ་བ་བཞིན་དུ་ལྷོགས། །མངོན་སྤྱོད་ཕྲིན་ལས་དུས་ལ་བབ། །ཤ་དང་ཁྲག་དང་རུས་ལ་རོལ། །རྒྱུ་མ་གློ་སྙིང་ནང་གྲོལ་ [195b.6]དྲོངས། །སྔོན་གྱི་དམ་ལས་མ་འདའ་བར། །བཅོལ་བའི་ལས་རྣམས་གྲུབ་པར་མཛོད། །དེ་ནས་གསད་པའི་ལས་བཞི་བྱ། དེ་ནས་རྡོ་རྗེའི་གླུ་བརྗོད། དེ་ནས་ཆོས་བཤད་དེ། ཨོཾ་ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །རྒྱུ་དང་ལས་ལས་ཀུན་དུ་ [195b.7]འབྱུང་། །དེ་བཞིན་ཉིད་ལས་ངེས་པར་སྐྱེས། །བདེན་པ་འདིས་ནི་དཀྱིལ་འཁོར་དུ། །ཀུན་གྱིས་དྲི་མ་མེད་མཐོང་ཤོག །སེམས་ཅན་ཐམས་ཅད་བདེ་གྱུར་ཅིག །གང་གི་ལམ་ནས་འགྲོ་བ་དེར། །སངས་རྒྱས་ཉིད་དང་ཕྲད་པར་ཤོག །དེ་ནས་སྨོན་ལམ་གདབ་པ་ནི། །ཨོཾ་ཤཱི་ལ་ [196a] [196a.1]ཙཎྜན་ལེ་པེ་ཏཾ་ཨ་གངྡྱ་ནཾ་པྲ་བྷ་ར་ཎ། པོ་ཏཾ་ཀ་ཀུ་མུ་མི་ཀཱི་ར་ཎཾ་བི་ཧ་ར་ཏཾ། བུདྡྷ་བི་ཤ་ཡ། པུ་ན་རཱ་ག་མ་ན་ཡ་མུཿ། ཨོཾ་བཛྲ་ས་ཏྭ་ས་མ་ཡ། མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོཥྱོ་མེ་བྷ་བ། སརྦ་སིདྡྷི་མྨེ་པྲ་ཡཙྪ། སརྦ་ཀ་རྨ་སུ་ཙྪ་ [196a.2]མེ། ཙི་ཏྟཾ་ཤྲེ་ཡཿ། ཀུ་རུ་ཧཱུཾ། ཧ་ཧ་ཧ་ཧ་ཧོཿ་བྷ་ག་བཱན། སརྦ་ཏ་ཐཱ་ག་ཏ་བཛྲ་མཱ་མེ་མུཉྩ། བཛྲཱི་བྷ་བ་མ་ཧཱ་ས་མ་ཡ་ས་ཏྭ་ཨཱཿ། དེ་ནས་བཀྲ་ཤིས་བརྗོད། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ [196a.3]ཀྱང་། །སླར་ཡང་འབྱོན་པར་མཛད་དུ་གསོལ། །ཞེས་པས་རང་བཞིན་གྱི་མགྲོན་གཤེགས་སུ་གསོལ་ལོ། །དམ་ཚིག་གི་མགྲོན་ཡི་གེ་གསུམ་དུ་བྱས་ནས་བདག་གི་སྙིང་གའི་ས་བོན་ལ་བསྡུའོ། །རྣལ་འབྱོར་པ་ཡི་སེར་སྣ་དང་། །དབུལ་བའི་དྲི་མ་སྦྱང་བ་དང་། །དངོས་གྲུབ་མྱུར་དུ་ཐོབ་ [196a.4]པ་དང་། །འགྲོ་རྣམས་བཀོད་པར་འཕེལ་ཕྱིར་བྱས། །དགེ་བས་འགྲོ་ཀུན་བྱང་ཆུབ་མཆོག །རིན་ཆེན་གླིང་དུ་མྱུར་འགྲོ་ཤོག །དཔལ་དགྱེས་པའི་རྡོ་རྗེའི་གཏོར་མའི་ཆོ་གའི་རིམ་པ། སློབ་དཔོན་ཆེན་པོ་ཨ་ལ་ལ་བཛྲས་མཛད་པ་རྫོགས་སོ།། །།པཎྜི་ཏ་ཀསྠ་པ་ག་ཐཱ་ག་ [196a.5]ཡ་དྷ་ར་དང་། བོད་ཀྱི་ལོ་ཙཱ་བ་གྱི་ཇོ་ཟླ་བའི་འོད་ཟེར་གྱིས་བསྒྱུར་བའོ།། {T1299}༄༅༅། །རྒྱ་གར་སྐད་དུ། བ་ལིཾ་ཀརྨ་ཀྲ་མ་ནཱ་མ། བོད་སྐད་དུ། གཏོར་མའི་ལས་ཀྱི་རིམ་པ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །བླ་མེད་དཀོན་མཆོག་གསུམ་པོ་དང་། །དེ་ཡི་ [196a.6]ཆོས་སྐྱོང་སྲུང་མ་ལ། །བཟོད་གསོལ་དོན་དུ་འདུད་པ་དང་། །རྒྱུ་ཡི་ཕྱིར་ཀྱང་ཕྱག་འཚལ་ལོ། །ཚོགས་གཉིས་རྫོགས་པར་བྱ་བ་དང་། །སྔ་མའི་ལན་ཆགས་བྲལ་བ་དང་། །འཕྲལ་གྱི་བར་ཆད་ཉེར་ཞིའི་ཕྱིར། །གཏོར་མ་རྒྱུན་དུ་གཏང་བར་བྱ། །ཚོགས་ཀྱི་འཁོར་ལོ་ཆེན་པོ་དང་། ། [196a.7]ཕྲིན་ལས་རྣམ་བཞི་རྩོམ་པ་དང་། །དབང་བསྐུར་ཆེན་པོ་བྱེད་པའི་ཚེ། །གཏོར་མའི་རིམ་པ་འདི་ལྟར་བྱ། །ཡོ་བྱད་དང་ནི་བཅའ་ཐབས་དང་། །དགོད་རིམ་དང་ཡང་བྱིན་རླབས་དང་། །དབུལ་དང་དབང་བསྐུར་དགྱེ་བ་བདུན། །ལས་ཀྱི་རིམ་པ་མདོར་བསྡུས་པའོ། །ཤ་དང་བདུད་རྩི་ཟས་ལྔ་དང་། ། [196b] [196b.1]གཞན་ཡང་བཟའ་བཏུང་སྣ་ཚོགས་ཏེ། །གྲོ་ག་འམ་རས་སམ་ཤིང་ཤུན་ལ། །མཆོད་པའི་བྱེ་བྲག་སྣ་ཚོགས་བྱ། །མདོར་ན་སྣ་ཚོགས་པ་ཡི་རྫས། །སྡིག་པ་མེད་ཅིང་གནོད་པ་མེད། །ཡོ་བྱད་དམ་པར་འདི་བཤད་དོ། །གཞན་ཡང་གཏོར་མ་ཆེན་པོ་ནི། །ཤིན་ཏུ་ཆེ་བའི་སྣོད་དག་ཏུ། ། [196b.2]མཆོད་པའི་བྱེ་བྲག་ཁ་ཟས་ཀྱིས། །ཁེངས་པར་བཀང་བའི་སྟེང་དག་ཏུ། །ཨ་ཤྭདྠ་ཡི་ཤིང་དག་ལ། །གྲུ་གསུམ་ཕྱག་རྒྱ་བྱས་ཏེ་གཞག །གྲུ་གསུམ་རྩེ་ལ་མར་མེ་གསུམ། །ཉིན་མཚན་རྟག་ཏུ་གཏང་བར་བྱ། །དེ་རུ་འཕན་དང་རྒྱལ་མཚན་དང་། །གདུགས་དང་ཕྱག་རྒྱ་སྣ་ཚོགས་གཞག། [196b.3]དེ་ཡི་དབུས་སུ་ཟན་ཁམ་གསུམ། །སྟེང་དུ་བྷ་ནྡྷ་མཚན་བཟངས་དག །ཁྲག་ཆེན་དག་གིས་གང་བ་གཞག །གཞན་ཡང་མཛེས་པའི་སྣོད་དག་ཏུ། །ཁེངས་པར་བཀང་བའི་སྟེང་དག་ཏུ། །འཕན་དང་རྒྱལ་མཚན་གདུགས་རྣམས་གཟུགས། །མར་མེ་གཅིག་ཀྱང་རྟག་ཏུ་གཏང་། །མཁའ་ [196b.4]འགྲོ་མ་དང་ཕྱོགས་སྐྱོང་ནི། །མཛེས་པའི་སྣོད་དུ་རྫས་རྣམས་ཀྱིས། །ལེགས་པར་བཀང་སྟེ་གཞག་པར་བྱ། །ཚོགས་དང་ཚོགས་ཀྱི་རོལ་པ་ཡིན། །ལྷག་མ་དག་ལ་ལྷག་མ་བྱ། །ཀུན་ཀྱང་གཅན་གཟན་རྗེས་བཞིན་ནམ། །ལས་ཀྱི་དབྱིབས་དང་སྦྱར་བར་བྱ། །ཆང་དང་ཁྲག་དང་ཆུ་ཡིས་ [196b.5]སྦྱང་། །གཏོར་ཆེན་རྩ་བའི་དབུས་སུ་གཞག །ཡང་ན་བྱང་ཤར་མཚམས་སུ་གཞག །ལྷག་མ་ལྷོ་ཡི་ཕྱོགས་སུའོ། །ཕྱོགས་སྐྱོང་ཤར་ཏེ་མཁའ་འགྲོ་ནུབ། །ཤིན་ཏུ་ལྷག་མ་མདུན་ནམ་བྱང་། །ཡཾ་ལས་རླུང་དང་རཾ་ལས་མེ། །ཨ་ལས་སྣོད་ཀྱི་ནང་དག་ཏུ། །ཨཾ་ལས་ཉི་མའི་དཀྱིལ་ [196b.6]འཁོར་བསམ། །དེ་ཡི་དབུས་དང་ཕྱོགས་མཚམས་སུ། །ཧཱུཾ་བྷྲཱུཾ་ཨཱཾ་ཛྲཱྀཾ་ཁཾ། ན་གོ་ཀུ་ད་ཧ། དྲི་ཆུ་དྲི་ཆེན་ཁྲག་དང་ག་བུར་ཤེལ། །མི་དང་བ་ལང་ཁྱི་གླང་རྟ། །དེ་ཡི་སྟེང་དུ་ཡིག་འབྲུ་བསམ། །དེ་ལས་རིགས་ལྔ་ཡབ་ཡུམ་བསམ། །དེ་སྟེང་ཨོཾ་ལས་ཟླ་བ་སྟེ། །དེ་སྟེང་ཧཱུཾ་ལས་རྡོ་རྗེ་བསམ། ། [196b.7]ཕཊ་ཀྱིས་བུད་ཅིང་འབར་བ་དང་། །བསྲོས་ཏེ་དྲོས་པས་ཡབ་ཡུམ་རོལ། །བྱང་ཆུབ་སེམས་ཀྱི་འོད་ཟེར་གྱིས། །ཕྱོགས་བཅུ་དག་ན་གནས་པ་ཡི། །བདེ་གཤེགས་ཡེ་ཤེས་བྱང་ཆུབ་སེམས། །སེམས་ཅན་རྣམས་ཀྱི་བཀྲག་གཟི་མདངས། །རྩི་ཤིང་ནགས་ཚལ་བཅུད་བསྡུས་ཏེ། ། [197a] [197a.1]སླར་ཡང་ཇི་བཞིན་དགུག་པར་བྱ། །ཐིམ་ནས་ཐམས་ཅད་འོད་དུ་ཞུ། །ཨོཾ་ཨཱཿ་ཧཱུཾ་གིས་བྱིན་གྱིས་བརླབ། །ལས་ཀྱི་སྐབས་ལ་བབ་པ་དང་། །གཏོར་ཆེན་བྷནྡྷའི་ནང་དུ་ནི། །སྒྲུབ་ཐབས་གཞུང་བཞིན་བསྒོམས་ནས་སུ། །དེ་ཡི་ཕྱི་རིམ་བར་ཁྱམས་ལ། །ལྷ་བརྒྱད་ [197a.2]འཁོར་བཅས་མོས་པས་བསྒོམ། །གཉིས་པ་ལ་ནི་ཕྱོགས་སྐྱོང་དང་། །དེ་བཞིན་གསུམ་པར་ཀླུ་ཆེན་བརྒྱད། །འཁོར་དང་བཅས་པ་མོས་པས་སོ། །ཚོགས་ཀྱི་རྫས་རྣམས་དྲངས་པ་ལ། །བསང་གཏོར་བྱས་ཏེ་བྱིན་གྱིས་བརླབ། །ཕུད་སྤྲོས་པདྨའི་ཕྱག་རྒྱས་བླང་། །སྔགས་འདི་བརྗོད་ཅིང་ [197a.3]དབུལ་བར་བྱ། །ཨོཾ་ཨེ་ཧྱེ་ཧི་བཛྲ་ཨི་དཾ་བ་ལིཾ་ཁཱ་ཧི། ལྷ་རྣམས་ཀུན་ལ་དེ་བཞིན་དབུལ། །བསྲུང་བའི་དབང་སྔགས་བརྗོད་ཅིང་དབུལ། །བསྟོད་ཅིང་རྡོ་རྗེ་གླུ་ཡང་བླང་། །དེ་ནས་ལྷག་མའི་ཕུད་སྤྲོས་ཏེ། །གྲུ་གསུམ་ཟླ་བའི་སྟེང་དག་ཏུ། །བདག་ཉིད་ཀྱེ་ཡི་རྡོ་རྗེར་བསྒོམ། །དེ་ཡི་ཁྱམས་ [197a.4]ལ་མཁའ་འགྲོ་མ། །འཁོར་དང་བཅས་པ་མོས་པས་བསམ། །གཉིས་པ་ལ་ནི་དབང་ཕྱུག་མ། །གཞན་ཡང་འགྲོ་བ་རིས་དྲུག་དང་། །དམིགས་ཀྱི་ཡུལ་གྱི་ལྷ་འདྲེ་རྣམས། །ལྕགས་ཀྱུའི་ཕྱག་རྒྱ་བཅས་ནས་སུ། །ཨོཾ་ཨེ་ཧྱེ་ཧི། སརྦ་ཡོ་གི་ནི། སརྦ་ཌཱ་ཀི་ནི། པྲཧྨ་ཎི། རུ་ཏྲ་ནི། [197a.5]མ་ཧེ་ཤྭ་རི། བེཥྞ་བེ། །བཱ་རཱ་ཧི། ན་ཡ་སིཾ་ག །ཨ་ཡ་ཏེ། ཨགྣ་ཡེ། བ་རུ་ཎ་ཡེ། བ་ཡ་བེ། ཀུ་མཱ་རི། ཀོ་བེ་ར། ག་རུ་ཎི། པསྣ་ཀི །བྱི་ན་ཡ་ཀི །བྷི་པ་ས་ཏྲི། བྷེ་པྲ་མ་ནི། བྷེ་སྐ་རི། ཙ་མུཎྜི། སརྦ་དེ་བ། སརྦ་ཨ་སུ་ར། སརྦ་མ་ནུ་ཥ། སརྦ་ཏིརྱ་ཀ །སརྦ་པྲེ་ཏ་ཀ ། [197a.6]སརྦ་ན་ར་ཀ། །སརྦ་གྷཱུ་ཏ། པི་ཤཱ་ཅ། ཨཱུ་ཤྨ་ནྡ། ཨ་སྨ་ར་ཏ་ཡ། མོས་པའི་ཚུལ་དུ་སྤྱན་དྲངས་མཆོད། །པདྨའི་ཕྱག་རྒྱས་བླངས་ལ་དབུས། །པུཥྤ། དྷཱུ་པ། དཱི་པ། གནྡྷ། ནཻ་བི་ཏྱེ། པཉྩ་ཨ་མྲྀ་ཏེ། མ་ཐ། དྲ་རྩ་བ་ཏ་ག་ཏེ། ཙ་ཏྲ་ཙ་མ་ར། ས་ཡོ་ཐ། མ་ཙ་མ་ས། མ་ཧཱ་ར་ཀྟ། ན་ན་ཁཱ་ཧི། སཾ་བུརྞཾ། ཨི་དཾ་བ་ [197a.7]ལིཾ་བྷུཾ་ཛ་ཐ། གྲྀ་ཧྞ་ཐ་ས་མ་ཡ་རཀྵ་ཐ་མ་མ་སརྦ་ཨ་ཐེ། ཧ་ས་ཡཾ། ཀུ་རོ་ཐ། ཨ་ཏྲ། སཱ་དྷ་ནི། ཡི་ཤྲ་ཏྲཥྚ་ཤཾ། རཀྵ་སརྦཾ། ཨརྠཾ། ཡ་ཐཻ་བཾ། ཡ་ཐེཥྚཾ། བྷུཾ་ཇ་ཐ། ཧཱུཾ་ཧཱུཾ་ཕཊ་ཕཊ་སྭཱ་ཧཱ། པི་བ་ཐ། མ་ཏི་ཀྲ་མ་ཐ། མ་མ་སརྦ་ས་པ་རི། ས་ཏ་སུ་ཁཾ་བི་ཤོ་དྷ་ན་ཡེ་སྭཱ་ཧཱ། ཡི་ཀ་བྷ་བནྟུ། ཨོཾ་ཨཱཿ་ཧཱུཾ། [197b] [197b.1]ཧཱུཾ་ཧཱུཾ་ཕཊ་ཕཊ་སྭཱ་ཧཱ། རོལ་མོའི་སྒྲ་དང་རྡོ་རྗེ་གླུ་བླངས་ཏེ། ལྷག་མའི་གཏོར་མ་དབུལ་བར་བྱའོ། །བདག་ཉིད་དགྱེས་རྡོར་རྣལ་འབྱོར་གྱིས། །ཆོས་འབྱུང་ནང་དུ་འདབ་བརྒྱད་གསུམ། །རིམ་པར་དཀར་ནག་དམར་པོའོ། །དེ་ཡང་ཡིག་འབྲུ་གསུམ་ལས་བསྒོམ། །ལྷ་དང་ཕྱོགས་སྐྱོང་ [197b.2]ཀླུ་ཆེན་བརྒྱད། །ཨོཾ་ཨཱཿ་ཧཱུཾ་ལས་པད་མདོག་བཞིན། །ཞལ་གཅིག་ཕྱག་གཉིས་རྡོར་དྲིལ་འཆང་། །རང་གི་ཡུམ་ཡང་དེ་བཞིན་ཏེ། །བརྐྱང་བསྐུམ་ཚུལ་གྱིས་ཀུན་ཀྱང་གནས། །ས་བོན་ལས་ནི་འོད་ཟེར་སྤྲོ། །གཟུགས་དང་གཟུགས་མེད་ལྷ་བརྒྱད་ལ། །འདོད་ཁམས་ལྷ་མི་ཕྱོགས་ [197b.3]སྐྱོང་སྟེ། །ངན་སོང་གསུམ་དང་ལྷ་མ་ཡིན། །ཀླུ་ཆེན་བརྒྱད་ལ་བསྟིམ་པར་བྱ། །བདག་གི་ཐུགས་ཀའི་ས་བོན་ལས། །ཕྱག་རྒྱ་བཞི་ཡིས་སྐུ་གསུང་ཐུགས། །རང་བཞིན་གནས་ནས་སྤྱན་དྲངས་ཏེ། །ཕྱི་ནང་གསང་བས་མཆོད་བྱ་སྟེ། །ལྷ་དང་ཕྱོགས་སྐྱོང་ཀླུ་བརྒྱད་ལ། །རྣམ་སྣང་ [197b.4]མི་བསྐྱོད་མཐའ་ཡས་ཀྱིས། །རིམ་པ་ཇི་བཞིན་དབང་བསྐུར་བྱ། །དེ་ལ་སྔགས་འདིས་རབ་ཏུ་འབུལ། །པདྨའི་ཕྱག་རྒྱས་བླངས་ནས་སུ། །ཨོཾ་ཨིནྡ་ཡ་མ་ཛ་ལ། ཡཀྵ་ཛཿ་ཧཱུཾ་བཾ་ཧོཿ་བྷཱུ་ཏ་བཧྣི། བཱ་ཡུ། རཀྵ། ཙནྡ། སུརྫ་མཱ་ཏ། པཔྤ། ཏ་ལ། པཱ་ཏཱ་ལ། ཨ་ཋ་སཔྤ་སྭཱ་ཧཱ། ཨི་དཾ་བ་ [197b.5]ལིཾ་བྷུཾ་ཛ། ཛི་གྷ་མཾ་ས་དྷཱུ་པཾ་པུཥྤེ་དཱི་པཾ། གནྡྷེ། པིཾ་གྷ། ཨཾ་བ། ཀཙྪ། ཁནྟི། ཁུ་ཎི། ཕེ་ཊ། ག་ད། ཨོཾ་ཨ་ཀཱ་རོ་མུ་ཁཾ། སརྦ་དྷརྨཱཎཱ། ཨཱདྱ་ནུཏྤནྣ་ཏྭཱཏ། ཨོཾ་ཨཱཿ་ཧཱུཾ་སྭཱ་ཧཱ། རྡོ་རྗེ་གླུ་དང་རོལ་མོའི་སྒྲས། །མཆོད་དེ་ཉིན་མོ་ལན་གསུམ་གཏང་། །ཡི་དམ་ལྷ་ཡི་རྣལ་འབྱོར་གྱིས། །མཆོད་ [197b.6]པའི་རྫས་ལ་བསང་གཏོར་བརླབ། །འདབ་བརྒྱད་དབུས་ཀྱི་ལྟེ་བ་ལ། །མཁའ་འགྲོ་འཁོར་བཅས་དམིགས་བྱས་ཏེ། །བཛྲ་ཌཱ་ཀི་ནི། སིཾ་གི་ནི། བྱཱ་གྷྲི་ནི། ཛཾ་བུ་གི་ནི། ལུ་ཀི་ནི། ཌཱ་ཀི་ནི། དཱི་པི་ནི། ཙུ་པི་ནི། ཀཾ་པོ་ཛི་ནི། བརྗོད་པ་ཙམ་གྱིས་དམིགས་བྱས་ཏེ། །འདབ་བརྒྱད་ལ་ནི་ [197b.7]མཁའ་འགྲོ་མ། །གྲུ་ཆད་ལ་ནི་ཁམས་གསུམ་གྱི། །གཙོ་བོ་ཐམས་ཅད་བསམ་པར་བྱ། །ཁྱམས་ལ་འཁོར་རྣམས་ཐམས་ཅད་དོ། །ཨོཾ་ཨཱཿ་ཧཱུཾ། ཀུན་ཀྱང་སྐུ་གསུང་ཐུགས་དང་ལྡན། །བྷ་གའི་ཕྱག་རྒྱ་མགོ་སྟེང་བཅའ། །ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱདྱ་ནུ་ཏྤནྣ་རྭཱཏ། སྤྱན་ [198a] [198a.1]དྲངས་བསྟིམས་ལ་བར་ཆོད་བགེགས། །འོང་བ་བསྲུང་ཕྱིར་འདི་སྐད་དོ། །ཨོཾ་ན་མཿ་སམནྟ་ཀཱ་ཡ་ཝཱ་ཀ་ཙིཏྟ་བཛྲ་ཎཾ། ན་མོ་བཛྲ་ཀྲོ་དྷ་ཡ། མ་ཧཱ་དཾ་ཥོཊྚྸ་ཀ་ཊ། བྷཻ་ར་བཱ་ཡ། ཨ་སི་མུ་ཤཱུ་ལ་པཪྴུ་པཱ་ཤ་ཧསྟཱ་ཡ། ཨོཾ་ཨ་མྲྀ་ཏ་ཀུ་ཎྜ་ལི། ཁ་ཁ། ཁཱ་ཧི་ཁཱ་ཧི། ཏིཥྛ་ཏིཥྛ། [198a.2]བནྡྷ་བནྡྷ། ཧ་ན་ཧ་ན། མ་ཐ་མ་ཐ། གརྫ་གརྫ། སྥོ་ཊ་ཡ་སྥོ་ཊ་ཡ། བི་སྥོ་ཊ་ཡ་བི་སྥོགྶ་ཡ། སརྦ་བིགྷྣཱ་ན་བི་ནཱ་ཡ་ནཱཾ། མ་ཧཱ་ཀ་བི་དེ། བི་བི་ཏནྟ་ཀ་རཱ་ཡ། སརྦ་གཽ་རཱི་ཨུ་པ་ཐ་བ་ས་མ་ནཾ། ཀུ་རུ་ཀུ་རུ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། དེ་ལྟར་བདུད་རྩིས་མཚམས་བཅད་ནས། །པདྨའི་ཕྱག་རྒྱས་གཏོར་མ་ [198a.3]དབུལ། །བ་ལིཾ་ག་ཐ། ཨོཾ་ཨཱ་ར་ལི་ཧོཿ་ཛཿ་ཧཱུཾ་བཾ་ཧོཿ། བཛྲཌཱ་ཀི་ན་མཿ་ས་མ་ཡ་སྟྭཾ། དྲྀ་ཤྱ་ཧོཿ། ཨོཾ་ཁ་ཁ་ཁཱ་ཧི་ཁཱ་ཧི། སརྦ་བྷཱུ་ཏ། པྲེ་ཏ་རཱཀྵ་ས། པི་ཤཱ་ཙ་ཨུཥྨ་ནྡ་ཨ་པ་སྨར། ཌཱ་ཀི་ནྱེ་ད་ཡ། ཨི་དཾ་བ་ལིཾ་གྲྀ་ཧྞནྟུ། སརྦ་སིདྡྷི་མྨེ་པྲ་ཡ་ཙྪནྡུ། ས་མ་ཡར་ཀྵ་ནྟུ། ས་མ་ཡ་རཀྵྣྟུ། ཡ་ཐ་བཾ། ཡ་ཐེཥེཊ། བྷུཉྫ་ཐ། བི་བ་ཐ། [198a.4]མ་ཏི་ཀྲ་མ་ཐ། མ་མ་སརྦ་པ་རི་པུ་ཀ །ཏ་ཏ་སུ་ཀ་བི་ཤོ་དྷ་ཡ་སྭཱ་ཧཱ། ཨོཾ་ཨ་ཀྲ་བི་ཀྲེ། སྨ་ཤ་ནེ་པ། པརྦ་དེ། ཀནྡྷ་རེ། གྷུ་ཧེ་གྲ་མེ། པརྦ་སྱེ། པ་ཐེ། ཁེ་དྲ། སོརྞ་མ་ཀ་ར། བི་སེ་ས་ཏ་བ་ཛ་ནི། ཐང་ལ་ག་ཏེ་བུ་མོ། མ་ཏཾ་ག་ཏ། བི་སེ་སྭཱ་ཧཱ། ཀྲྀཥྞ་རུ་ཏྲ། མ་ཧཱ་རུ་ཏྲ། དེ་བ་ཏྭཏ་ཏྲ། ས་མ་སྲེད་ཏ། ཀྲེ་ན་ཀར་ [198a.5]ལ་པི་པ་ཛི། ནན་ཏ་ཏི་ཏ། བི་ན་ཡ་ཀ །ཙ་མུཎྜི། གོ་ར་པི་པ་ཙི། ཨུ་མ་དེ་བི་ཏུ། སྟ་པ་ཛ་ཡཤྩ། བི་ཛ་ཡ། ཙི་བུ་བ། ཨ་ཙི་ཏ། ཨ་པ་ར་ཙི་ཏ། ཛི་ཀ་ལི། ཀཱ་ཡ་བྷ་བཱནྟུ། ཨོཾ་ཨཱཿ་མཾ་ཧཱུཾ་ཕཊ་སྭཱ་ཧཱ། དེ་ལྟར་ཕུལ་ཏེ་གསོལ་བ་དང་། །སེ་གོལ་བརྡབ་ཅིང་གཤེགས་སུ་གསོལ། །ཨོཾ་ཀྲྀ་ཏོ་བ་སརྦྦ་ས་ཏྭཱརྠ། [198a.6]སིདྡྷི་མ་དཏྟཱ་ཐཱ་ནུ་ག། གཙྪ་ཏྭཱཾ་བུ་དྡྷཱ་བི་ཥ་ཡཾ། པུ་ནེ་རེ་ག་མ་ན་ཡཙྪ། རང་རང་གནས་སུ་ཡུད་ཙམ་གྱིས། །ཕྱིན་ཏེ་རྣལ་འབྱོར་བསྒོ་བ་ཉན། །དེ་ལྟར་མཚན་མོ་ལན་གསུམ་གཏང་། །ཡི་དམ་ལྷ་ཡི་རྣལ་འབྱོར་གྱིས། །ལྕེ་ལ་རྡོ་རྗེ་བསྒོམ་བྱས་ཏེ། །ལྷའམ་ཆོས་ཉིད་རོལ་བསམས་ན། ། [198a.7]དངོས་གྲུབ་རིམ་པར་འགྲུབ་པར་འགྱུར། །རྣལ་འབྱོར་རོལ་པའི་ལྷག་མ་ལ། །ཤིན་ཏུ་ལྷག་མའི་གཏོར་མ་བྱ། །ལྟེ་བར་བདག་ཉིད་ཡི་དམ་བསྒོམ། །པྲེ་ཏ་བརྗོད་ཅིང་ཟུར་དྲུག་ལ། །ཡི་དགས་ཐམས་ཅད་བསྡུ་བར་བྱ། །ཨོཾ་ཨུ་ཙིཥྚ་ཨ་དྷི་ཏིཥྚ་བྷཱུ་ཛ་དེ་བི་ཐ་ཧཱུཾ་ཧཱུཾ་ཕཊ། སྡུག་བསྔལ་ [198b] [198b.1]བྲལ་ཞིང་ཚིམ་པར་བསམ། །སྒྲུབ་པའི་ཞག་གྲངས་ཐོན་པ་དང་། །སློབ་མའི་མགོ་སྟེང་གཏོར་མ་གཞག །རྟག་ཏུ་བསྲུང་ཞིང་སྐྱོབ་པ་དང་། །ཕྲིན་ལས་བཞི་ཡི་དབང་ཐོབ་བསམ། །སུམ་མདོའམ་ལམ་ཀའི་བཞི་མདོའམ། །དུར་ཁྲོད་ཡང་ན་ཆུ་འགྲམ་དུ། །ནམ་ཕྱེད་ན་ནི་གཏོར་མ་ [198b.2]གཏང་། །བྱང་ཤར་མཚམས་སུ་གཏོར་ཆེན་བསྐྱལ། །མདོར་ན་གནས་པའི་གོ་རིམས་ཀྱིས། །སྐྱེལ་བའི་ས་རུ་ཕྱིན་པ་དང་། །ཕྱོགས་ཕྱོགས་གདོན་རྣམས་ཟིལ་མནན་ཕྱིར། །ཕྱོགས་བཞི་དག་ཏུ་ཁ་བལྟས་ཏེ། །རྡོ་རྗེ་གསོར་ཞིང་དྲིལ་བུ་དཀྲོལ། །ལག་པ་གཡོན་ནས་གཡས་སུ་ [198b.3]བསྒྱུར། །རྐང་པ་གཡོན་ནས་གཡས་སུ་བརྡབ། །ལག་པ་བརྐྱང་སྟེ་འཕྱང་ཞིང་འཕུར། །ལོང་མོ་གཤིབས་ཏེ་འགྱིང་བག་གིས། །འགྱུར་ཞིང་གཡོན་དུ་བགྲད་ཅིང་བལྟ། །རང་སྔགས་གདོན་ཅིང་དགྱེ་བར་བྱའོ། །རྡོ་རྗེའི་གླུ་ཡང་དྲག་ཏུ་བླང་། །རོལ་མོའི་སྒྲ་ཡང་དྲག་ཏུ་བརྡུང་། །འདི་ [198b.4]ནི་མཁས་པ་རྣམས་ཀྱི་གཞུང་། །རྒྱུད་རྣམས་དང་ནི་འགལ་བ་མེད། །གདམས་ངག་རིམ་པ་འདི་བྲིས་པས། །ལྷག་ཆད་ནོར་བ་ཅི་མཆིས་པ། །དཀོན་མཆོག་བླ་མ་ཆོས་སྐྱོང་དང་། །མཁས་པ་རྣམས་ལ་བཟོད་པར་གསོལ། །རྨོངས་པ་རྣམས་ལ་མིག་ཕྱེ་བས། །ལས་ཀྱི་གཞུང་བསྲངས་ [198b.5]དགེ་རྩ་གང་། །བདག་དང་རྣལ་འབྱོར་ཐམས་ཅད་དང་། །སེམས་ཅན་ཀུན་གྱི་དོན་དུ་བསྔོ། །སློབ་དཔོན་ཆེན་པོ་ཁ་ཆེ་རིན་ཆེན་རྡོ་རྗེས་མཛད་པ་རྫོགས་སོ།། {T1300}༄༅༅། །རྒྱ་གར་སྐད་དུ། སརྦ་བྷཱུ་ཏ་བ་ལིཾ་བི་དྷི་ནཱ་མ། བོད་སྐད་དུ། འབྱུང་པོ་ཐམས་ཅད་ཀྱི་གཏོར་མའི་ཆོ་ག་ [198b.6]ཞེས་བྱ་བ། དཔལ་ཀྱེའི་རྡོ་རྗེ་ལ་ཕྱག་འཚལ་ལོ། །ཨེ་ཝཾ་རྣམ་པར་ངེས་བཞུགས་པའི། །རྡོ་རྗེ་སེམས་དཔར་ཕྱག་བྱ་སྟེ། །རྣམ་འཚེ་ལོག་འདྲེན་ལ་སོགས་ལས། །སེམས་ཅན་བསྲུང་ཕྱིར་གཏོར་མ་བརྩམ། །ཀྱེ་ཡི་རྡོ་རྗེར་ལྡན་པ་ཡི། །རྣལ་འབྱོར་པ་ཡིས་བསྒོམ་བྱ་བ། །ཆོས་ཀྱི་ [198b.7]འབྱུང་གནས་ནང་དུ་ནི། །པདྨ་འདབ་བརྒྱད་སུམ་བརྩེགས་ལ། །དཀར་ནག་དམར་པོའི་ཨོཾ་ཧཱུཾ་ཨཱཿ། །རིམ་པར་ལྷ་ཆེན་བརྒྱད་དང་ནི། །ཕྱོགས་སྲུང་བརྒྱད་དང་ཀླུ་ཆེན་བརྒྱད། །པདྨའི་འདབ་ལྟར་བསྐྱེད་བྱ་སྟེ། །མདུན་དུ་དབང་ཕྱུག་ཆེན་པོ་བསྐྱེད། །གཡས་སུ་ལྷ་ཡི་དབང་བོ་བསམ། ། [199a] [199a.1]རྒྱབ་ཏུ་ཚངས་པ་བསྐྱེད་བྱ་སྟེ། །གཡོན་གྱི་ཕྱོགས་སུ་ཁྱབ་འཇུག་གོ། །མེ་རུ་འདོད་པའི་དབང་ཕྱུག་བསྐྱེད། །སྲིན་པོར་ཚོགས་ཀྱི་བདག་པོ་སྟེ། །བྷྲྀཾ་གི་རི་ཏི་རླུང་མཚམས་སུ། །དབང་ལྡན་མཚམས་སུ་ཀརྟི་ཀ །མདུན་གྱི་འདབ་མར་བརྒྱ་བྱིན་བསམ། །གཡས་སུ་མཐར་ [199a.2]བྱེད་དགོད་པར་བྱའོ། །ཆུ་ལྷ་རྒྱབ་ཀྱི་འདབ་མ་ལའོ། །དེ་ལྟར་གཡོན་དུ་ནོར་སྦྱིན་དགོད། །མེ་ཡི་མཚམས་སུ་མེ་ལྷ་ཆེ། །བདེན་བྲལ་དུ་ནི་སྲིན་པོའོ། །རླུང་གི་མཚམས་སུ་རླུང་ལྷའོ། །དབང་ལྡན་མཚམས་སུ་འབྱུང་པོའི་བདག །སྟོབས་ཀྱི་རྒྱུ་དང་དུང་སྐྱོང་དང་། །མཐའ་ཡས་ནོར་རྒྱས་ [199a.3]དེ་བཞིན་ཏེ། །འཇོག་པོ་དང་ནི་རིགས་ལྡན་དང་། །པད་ཆེན་ཤིན་ཏུ་པད་ཆེན་པོ། །ཐམས་ཅད་ཞལ་གཅིག་ཕྱག་གཉིས་ཏེ། །རྡོ་རྗེ་དྲིལ་བུ་ཕྱག་ན་འཆང་། །རང་འོད་རིག་མས་ཡང་དག་འཁྱུད། །གདན་ལ་གཡས་བརྐྱང་པ་ཡིས་བཞུགས། །རང་རང་ཐུགས་ཀའི་ས་བོན་ལས། །འོད་ཟེར་ [199a.4]ལྕགས་ཀྱུ་ལྟར་འཕྲོས་པས། །ལྷ་ཆེན་བརྒྱད་ལ་གཟུགས་ཁམས་དང་། །གཟུགས་མེད་གནས་པའི་ལྷ་བསྡུའོ། །འདོད་པའི་ཁམས་ཀྱི་ལྷ་དང་མི། །ཕྱོགས་སྲུང་བརྒྱད་ལ་རབ་ཏུ་བསྡུ། །ངན་འགྲོ་གསུམ་དང་ལྷ་མ་ཡིན། །ཀླུ་ཆེན་བརྒྱད་ལ་བསྡུ་བར་བྱ། །རང་བཞིན་གནས་ལ་ [199a.5]བཞུགས་པ་ཡི། །དཀྱིལ་འཁོར་བ་རྣམས་སྤྱན་དྲང་ཕྱིར། །གཽ་རཱི་ཡིས་ནི་དགུག་བྱས་ལ། །ཙཽ་རཱི་ཡིས་ནི་ཞགས་པས་བཅིངས། །བེ་ཏཱ་ལཱི་ཡིས་ལྕགས་སྒྲོག་བསྡམ། །དྲིལ་བུས་མཉེས་བྱེད་གྷསྨ་རཱི། །རྣལ་འབྱོར་པ་ཡི་ཐུགས་ཀ་ནས། །འོད་ཟེར་ལྕགས་ཀྱུ་ལྟར་འཕྲོས་ནས། །ཕྱོགས་ [199a.6]བཅུའི་རྒྱལ་བ་སྲས་བཅས་དགུག །དེ་ལ་ཕྱི་ནང་གསང་མཆོད་དེ། །དེ་རྣམས་ཀྱིས་ནི་དབང་བསྐུར་མཐར། །རང་རང་བདག་པོས་དབུ་ལ་བརྒྱན། །ལྷ་ཆེན་བརྒྱད་ལ་རྟག་པ་ཡིས། །རྡོ་རྗེ་ཡིས་ནི་ཕྱོགས་སྐྱོང་བརྒྱད། །གར་དབང་གིས་ནི་ཀླུ་ཆེན་བརྒྱད། །དེ་ལ་ཆོ་གས་གཏོར་མ་བསྒྲུབ། ། [199a.7]རླུང་དང་མེ་ཡི་དཀྱིལ་འཁོར་ལས། །ཨཱཿ་ལས་བྱུང་བའི་པད་སྣོད་བསམ། །དེར་ནི་བྷྲཱུཾ་ཨཱཾ་ཛྲཱྀཾ་ཁཾ་ཧཱུཾ། །གོ་ཀུ་ད་ཧ་ན་ལས་ནི། །སངས་རྒྱས་ལྔ་དང་སེམས་ཅན་ལྔ། །ཟླ་བ་ཉི་མའི་བར་དུ་བསམ། །ཉི་དབུས་ཧཱུཾ་བྱུང་རྡོ་རྗེ་སྟེ། །འབར་བ་དང་ནི་སྤྲོས་པ་ཡིས། །འཆི་མེད་རབ་ཏུ་བསྒྲུབ་ [199b] [199b.1]པར་བྱ། །ནང་གི་རང་བཞིན་འདི་བསྒོམས་ནས། །ཨོཾ་ཨཱཿ་ཧཱུཾ་གིས་བྱིན་བརླབས་དབུལ། །དེ་ནས་གཏོར་མ་གཏང་བའི་སྔགས། །ཨོཾ་ཨིནྡ། ཛ་མ། ཛ་ལ། ཛཀྵ།བྷཱུ་ཏ། བཧྣི། བ་ཨུ། རཀྵ། ཙནྡ། སྲུ་ཛྫ། མཱ་མ། པཔྤ། ཏ་ལ། པཱ་ཏཱ་ལི། ཨཱཿ་གྷ་སྲཱ་ཧཱ། དེ་ནི་གཏོར་མའི་མགྲོན་ནོ། ། [199b.2]ཨི་དཾ། བ་ལིཾ། བྷུ་ཉྫ། ཛི་གྷ། ཕུལླ། དྷཱུ་པྤ། མཱཾ་ས། བཾ་གྷ། དེ་ནི་གསོལ་བར་ཞུ་བའོ། །ཨམྦ་སརྦ་ཀཱཛྫ་སཱ་དྷ་ཁནྟི་ཁུ་ཎྞི་ཕེཊ་གང་། དེ་ནི་དོན་ཞུ་བའོ། །ཨོཾ་ཨ་ཀཱ་རོ་མུ་ཁཾ་སརྦ་དྷ་རྨཱ་ཎཱཾ། ཨཱདྱ་ནུ་ཏྤནྣ་ཏཱ་ཏ། ཨོཾ་ཨཱཿ་ཧཱུཾ་ཕཊ་སྭཱ་ཧཱ། དེ་ནི་བྱིན་གྱིས་བརླབས་པའི་སྔགས་སོ། །དེ་ནས་དགྱེས་པར་ [199b.3]བྱས་ནས་གཤེགས་སུ་གསོལ། ཡི་གེ་བརྒྱ་པ་བརྗོད་པར་བྱ་སྟེ། ཨོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་ས་ཏྲ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་བ། སུ་ཏོ་ཥྱ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོཥྱ་མེ་བྷ་བ། སརྦ་སིདྡྷི་མྨེ་པྲ་ཡཙྪ། སརྦ་ཀརྨསུ་ཙྪ་མེ། ཙིཏྟཾ་ཤྲེ་ཡཿ། ཀུ་རུ་ཧཱུཾ། ཧ་ཧ་ཧ་ཧ་ཧོཿ་བྷ་ག་བཱན། [199b.4]སརྦ་ཏ་ཐཱ་ག་ཏ་བཛྲ་མཱ་མེ་མུཉྩ། བཛྲཱི་བྷ་བ་མ་ཧཱ་ས་མ་ཡ་སཏྭ་ཨཱཿ། གཏོར་མ་འདི་སྦྱིན་ཞིང་རབ་ཏུ་མཆོད་པར་བྱེད་ན། རྣལ་འབྱོར་བ་ལ་འབྱུང་པོ་ཐམས་ཅད་ཀྱིས་ལེགས་པར་བྱེད་པར་འགྱུར་རོ། །དེ་ཚེ་དེ་ལ་བདེ་བ་རྙོག་པ་མེད་པ་ཉིད་དང་། ལྷ་མཉེས་པ་དང་། འཁོར་དགེ་བར་འགྱུར་རོ། །གལ་ [199b.5]ཏེ་འབྱུང་པོའི་ཚོགས་དེ་ལ་གཏོར་མ་བྱིན་ན། དབང་དང་མངོན་སྤྱོད་དང་དགྲའི་སྡེ་གཞིག་པ་དང་། བསྐྲད་པ་དང་། དགུག་པ་དང་། ཞི་བ་དང་། བདེ་བ་དང་། རྒྱས་པར་བྱེད་པར་འགྱུར་རོ། །འབྱུང་པོ་ཐམས་ཅད་ཀྱི་གཏོར་མའི་ཆོ་ག་སློབ་དཔོན་ནག་པོ་ཞབས་ཀྱིས་མཛད་པ་རྫོགས་སོ།། །། [199b.6]ལོ་ཙཱ་བ་ཤཱ་ཀྱའི་དགེ་སློང་ཉི་མ་རྒྱལ་མཚན་དཔལ་བཟང་པོས། དཔལ་ཐར་པ་གླིང་གི་གཙུག་ལག་ཁང་ཆེན་པོར་ལེགས་པར་བསྒྱུར་ཅིང་གཏན་ལ་ཕབ་པའོ།། {T1301}༄༅༅། །རྒྱ་གར་སྐད་དུ། ཧེ་བཛྲ་སཱ་དྷ་ནོ་པི་ཀ །བོད་སྐད་དུ། ཀྱེའི་རྡོ་རྗེའི་སྒྲུབ་པའི་ཐབས། དཔལ་ཧེ་རུ་ཀ་ལ་ [199b.7]ཕྱག་འཚལ་ལོ། །ཡེ་ཤེས་གཉིས་མེད་རྒྱུ་དང་བྲལ། །དེ་བཞིན་ཚོགས་བྲལ་གང་གི་གནས། །དཔལ་ལྡན་ཁྲག་འཐུང་ཕྱག་འཚལ་ཏེ། །དེ་བསྟེན་ཆོ་ག་བསྟན་པར་བྱ། །གསང་བའི་དོན་ལྡན་སྒྲུབ་པ་པོས། །ཡང་དག་དོན་ལྡན་དམ་ཚིག་དང་། །ཕྱི་ནང་གསང་བའི་སྡོམ་པ་ཤེས། [200a] [200a.1]སློབ་དཔོན་གསང་དང་ཤེས་རབ་དང་། །དེ་བཞིན་བཞི་པའི་དབང་ལྡན་པས། །བསྒོམ་པའི་མཆོག་ནི་བསྒྲུབ་པར་འགྱུར། །ཤིང་གཅིག་དྲུང་ངམ་དུར་ཁྲོད་དུ། །བསྒོམ་པ་དག་ནི་དགེ་བར་གསུངས། །ཡང་ན་དབེན་ཞིང་དགོན་པ་དང་། །མ་མོའི་གནས་ལ་སོགས་དེ་ [200a.2]བཞིན། །ཡང་ན་བདེ་ཞིང་ཉམས་དགའ་བར། །རང་གི་འདོད་པ་བསྒྲུབ་པར་བྱ། །དེར་ནི་བདེ་ཞིང་རྒྱ་ཆེ་བའི། །སྟན་ལ་རྣམ་པར་འདུག་ནས་ནི། །མེ་ཏོག་ལ་སོགས་བྱེ་བྲག་དང་། །བདུད་རྩི་ཡིས་ནི་བསང་གཏོར་བྱ། །རྡོ་རྗེས་མཁའ་སྙིང་དབུས་གནས་པར། །ཉི་མའི་དཀྱིལ་འཁོར་བསམ་ [200a.3]པར་བྱ། །དེ་ལ་ཧཱུཾ་ཡིག་འབར་བ་ཡིས། །མཚོན་ཆ་མཆོག་ནི་སྤྲོ་བར་བྱ། །མཁའ་དབྱིངས་ཏིལ་གང་བཞིན་རྒྱས་པའི། །རང་གི་དཀྱིལ་འཁོར་མཆོག་བཀུག་སྟེ། །རང་སྙིང་ས་བོན་མཆོག་སྐྱེས་པའི། །ལྷ་མོ་རྣམས་ཀྱིས་མཆོད་པར་བྱ། །གཽ་རཱི་ཟླ་བའི་མཚན་མ་དང་། །ཙཽ་རཱི་ཉི་མའི་སྣོད་ [200a.4]འཛིན་ཏེ། །བེ་ཏཱ་ལཱི་ཡི་ལག་ན་ཆུའོ། །གྷསྨ་རཱི་ནི་སྨན་འཛིན་ཏེ། །པུཀྐ་སཱི་ནི་རྡོ་རྗེའོ། །ས་བ་རཱི་ནི་དེ་བཞིན་བཅུད། །ཙཎྜལཱི་ནི་རྔེ་ཆུང་འཁྲོལ། །ཌོམྦི་ཆགས་ཆེན་རྗེས་ཆགས་པས། །སྙིང་གར་ཡོངས་སུ་འཁྱུད་པ་སྟེ། །འདི་རྣམས་ཀྱིས་ནི་གཙོ་བོ་མཆོད། །དེ་རྗེས་བསོད་ནམས་ཡན་ [200a.5]ལག་གོ། །གསུམ་གྱི་སྐྱབས་འགྲོ་སོགས་བྱ་སྟེ། །འདི་ལྟར་ཕྱག་འཚལ་སྐྱབས་འགྲོ་དང་། །སྡིག་བཤགས་བསོད་ནམས་རྗེས་ཡི་རང་། །བྱང་ཆུབ་མཆོག་ཏུ་སེམས་བསྐྱེད་དང་། །དམ་བཅའ་བདག་ལུས་དབུལ་བར་བྱ། །དེ་ནས་དང་པོར་བྱམས་པ་སྟེ། །དེ་རྗེས་སྙིང་རྗེ་རྣམ་པར་ [200a.6]བསྒོམ། །གསུམ་པར་དགའ་བ་བསྒོམ་པར་བྱ། །ཀུན་གྱི་ཐ་མར་བཏང་སྙོམས་སོ། །དེ་ནས་ཡེ་ཤེས་བལྟ་བའི་ཕྱིར། །ཕྱི་དང་ནང་གི་དངོས་འདི་ཀུན། །རྣམ་དག་སྟོང་པར་རྣམ་དཔྱད་དེ། །སྤྲིན་མེད་ནམ་མཁའ་ལྟར་བསམས་ནས། །གསང་སྔགས་འདི་ནི་བརྗོད་པར་བྱ། །ཨོཾ་ཤཱུ་ནྱ་ཏཱ་ [200a.7]ཛྙཱ་ན་བཛྲ་སྭ་བྷཱ་ཨཱཏྨ་ཀོ྅ཧཾ། །སེམས་བརྟན་བྱེད་པའི་གསང་སྔགས་འདིས། །སྟོང་པ་ཉིད་ལས་སེམས་ཀྱི་དངོས། །ཨ་ཧཾ་ཨོ་དང་ལྡན་པ་ནི། །ཨོཾ་དབུས་ཧཾ་གིས་འབྲེལ་པ་ལས། །རཾ་ལ་ཉི་མ་བདུན་བསམས་ཏེ། །དེ་ལ་ཧཱུཾ་ལས་བྱུང་བ་ཡི། །སྣ་ཚོགས་རྡོ་རྗེ་བསྒོམ་པར་བྱ། །རྡོ་རྗེ་དེས་ཀྱང་ར་ [200b] [200b.1]བ་དང་། །དྲ་བ་འཆིང་བའང་བསྒོམ་པར་བྱ། །དེ་དབུས་མཁའ་དབྱིངས་བདག་ཉིད་ཀྱིས། །ཤེས་རབ་ཨེ་གཟུགས་བསྒོམ་པར་བྱ། །དེ་སྟེང་ས་དང་ཆུ་དང་ནི། །མེ་དང་རླུང་གི་དཀྱིལ་འཁོར་རྣམས། །ལྗང་གུ་དཀར་པོ་དམར་པོ་དང་། །དུ་བའི་མདོག་ཏུ་བསམ་པར་བྱ། །གྲུ་བཞི་ཟླུམ་པོ་གྲུ་ [200b.2]གསུམ་དང་། །ཟླ་ཁམ་དབྱིབས་སུ་རྣམ་པར་བསམ། །དེ་སྟེང་ཨོཾ་ལྡན་ཨ་ཧཾ་ནི། །བདག་ཉིད་ངོ་བོ་གནས་བསམས་ཏེ། །ཨེ་གཟུགས་ནས་ནི་ཨ་ཧཾ་བར། །ཐམས་ཅད་འདྲེས་གྱུར་འཁོར་ལོར་འགྱུར། །གྲུ་བཞི་པ་ལ་སྒོ་བཞི་པ། །ཀ་བ་བརྒྱད་ཀྱིས་ཉེ་བར་བརྒྱན། །དྲ་བ་དྲ་ཕྱེད་ [200b.3]ཡང་དག་ལྡན། །རྡོ་རྗེ་ཐིག་གིས་ཡོངས་བརྒྱན་པའོ། །དེ་སྟེངས་ཆོས་དབྱིངས་བདག་ཉིད་ཀྱི། །རོ་ནི་མཁས་པས་རབ་བསྒོམས་ཏེ། །དེ་ལ་ཨཱ་ལི་ཀཱ་ལི་ལས། །འབྱུང་བ་ཉི་མ་ཟླ་བ་བསམ། །དེ་དག་རབ་ཏུ་ས་བོན་ནི། །ཨ་དང་ཧཱུཾ་ལས་གྱུར་པ་ཡི། །རྡོ་རྗེ་གྲི་གུག་བསྒོམ་པར་བྱ། ། [200b.4]དེ་ལ་རང་སེམས་བདག་ཉིད་ཀྱི། །ཨ་ཧཾ་ཡོངས་སུ་ཞུགས་པ་ནི། །དམ་པའི་དགའ་བའི་རང་བཞིན་གྱིས། །སེམས་དཔར་འདི་དེ་བརྗོད་པའོ། །དེ་རྣམས་གཅིག་ཏུ་འདྲེས་པ་ལས། །ཡེ་ཤེས་ལྔ་ཡི་བདག་ཉིད་ཀྱི། །ཧེ་རུ་ཀར་ནི་རྣམ་པར་བསྒོམ། །ཟླ་བ་མེ་ལོང་ཡེ་ཤེས་ཏེ། །དེ་ [200b.5]བཞིན་ཉི་མ་མཉམ་པ་ཉིད། །ས་བོན་ལས་བྱུང་མཚན་མ་ནི། །སོ་སོར་རྟོག་པར་གསུངས་པའོ། །དབྱེར་མེད་འདྲེས་པ་ནན་ཏན་ཏེ། །སྐུར་གྱུར་ཆོས་དབྱིངས་ཡེ་ཤེས་ཡིན། །སྐུ་མདོག་སྔོ་རེངས་ཤར་བའི་འོད། །བིནྡུ་དམར་པོ་འདྲ་བའི་སྤྱན། །དབུ་སྐྲ་ཁམ་པ་གྱེན་དུ་འཁྱིལ། །ཕྱག་ [200b.6]རྒྱ་ལྔ་ཡིས་རྣམ་པར་བརྒྱན། །འཁོར་ལོ་སྙན་ཆ་ཕྱག་གདུབ་དང་། །མགུར་ཆུ་དང་ནི་སྐེ་རགས་རྣམས། །སངས་རྒྱས་ལྔར་ནི་དག་པ་ཡིས། །འདི་རྣམས་ཕྱག་རྒྱར་རབ་ཏུ་བསྒྲགས། །ལོ་གྲངས་བཅུ་དྲུག་ལྟ་བུ་ལ། །རབ་ཏུ་ཁྲོས་པའི་ལྟ་སྟངས་ཅན། །གཡོན་ན་རྡོ་རྗེ་ཐོད་པ་དང་། །གཉིས་ [200b.7]པ་ཡུམ་གྱི་བདག་ཉིད་ཀྱིས། །ཁ་ཊྭཱཾ་ག་ཡང་འཁྱུད་པའོ། །གཡས་ན་རྡོ་རྗེ་ནག་པོ་སྟེ། །ཧཱུཾ་གི་སྒྲ་འབྱིན་བདག་ཉིད་ཅན། །ཞེ་སྡང་བདག་ཉིད་བསྒོམ་པར་བྱ། །གལ་ཏེ་ཕྱག་རྒྱ་བྱེད་འདོད་ན། །གཡོན་གྱི་དང་པོ་ཀ་པཱ་ལ། །ལྷ་དང་ལྷ་མིན་ཁྲག་གིས་བཀང་། །གཡས་ཀྱི་དང་པོ་རྡོ་རྗེ་སྟེ། ། [201a] [201a.1]ལྷག་པའི་ཕྱག་གཉིས་ཇི་ལྟ་བ། །རང་དང་འདྲ་བའི་ཕག་མོས་འཁྱུད། །གཞན་ཡང་སྔོན་ཉིད་ཇི་ལྟ་བའོ། །གཞན་ཡང་ཞལ་གསུམ་ཕྱག་དྲུག་སྟེ། །གཡས་པའི་ཞལ་ནི་སྐྱ་རེངས་འདྲ། །གཡོན་པ་དམར་པོ་གཅེར་བུ་སྟེ། །གཡོན་གྱི་དང་པོ་ཏྲི་ཤཱུ་ལ། །གཡས་ཀྱི་དང་པོ་ [201a.2]རྡོ་རྗེའོ། །གཡོན་པ་གཉིས་པ་དྲིལ་བུ་དང་། །གཡས་པ་གཉིས་པ་ཀརྟ་རི། །ལྷག་མས་རྡོ་རྗེ་ལུ་གུ་རྒྱུད། །གྲི་དང་ཐོད་པ་བསྣམས་པས་འཁྱུད། །གཞན་ནི་སྔོ་བཞིན་ཡུམ་དེ་བཞིན། །གཞན་ཡང་བསྒོམ་པར་བྱ་བ་ནི། །ཞལ་བརྒྱད་པ་ལ་ཞབས་བཞི་པ། །བཅུ་དྲུག་ཕྱག་གིས་རྣམ་པར་ [201a.3]བརྒྱན། །བདུད་བཞི་ཞབས་ཀྱིས་རྣམ་པར་མནན། །འཇིགས་པ་དག་ཀྱང་འཇིགས་པར་བྱེད། །མགོ་བོའི་ཕྲེང་བས་རྣམ་བརྒྱན་ཅིང་། །ཉི་མ་ལ་བཞུགས་གར་གྱིས་སྟབས། །སྣ་ཚོགས་རྡོ་རྗེ་སྤྱི་བོར་འཆང་། །ཁ་དོག་ནག་པོ་འཇིགས་པར་བྱེད། །རང་ཞལ་ནས་ནི་ཧཱུཾ་འཕྲོ་ཞིང་། །སྐུ་ [201a.4]ལ་ཐལ་བས་རྣམ་པར་བྱུགས། །བདག་མེད་མ་དང་མཉམ་ལྡན་པའི། །དགའ་བའི་སྦྱོར་བས་སྙོམས་པར་འཇུག །རྣམ་པར་མི་རྟོག་བདེ་བ་ཡི། །མི་རྟོག་རང་བཞིན་བདེ་བར་གནས། །དང་པོའི་ཞལ་ནི་ནག་པོ་ཆེ། །གཡས་པ་མེ་ཏོག་ཀུནྡ་འདྲ། །དཔའ་བོ་གཡོན་པ་དམར་བ་ཆེ། །སྟེང་གི་ [201a.5]ཞལ་ནི་རྣམ་པར་གཙིགས། །ཉི་ཤུ་རྩ་བཞིའི་སྤྱན་དང་ལྡན། །ལྷག་མའི་ཞལ་ནི་བུང་བ་འདྲ། །གཡས་ཀྱི་འབར་བའི་ཕྱག་བརྒྱད་ན། །པདྨ་བྷནྡྷ་བརྒྱད་ནང་དུ། །གླང་པོ་རྟ་དང་བོང་བུ་དང་། །བ་ལང་རྔ་མོ་མི་དག་དང་། །བྱི་ལ་དང་ནི་སེང་གེ་རྣམས། །རིམ་པ་བཞིན་དུ་ཤེས་པར་བྱ། །ས་དང་ [201a.6]ཆུ་དང་རླུང་དང་མེ། །ཟླ་བ་ཉི་མ་དེ་བཞིན་ཡང་། །གཤིན་རྗེ་དང་ནི་གནོད་སྦྱིན་རྣམས། །གཡོན་གྱི་བྷནྡྷ་བརྒྱད་དུའོ། །སྒེག་དང་དཔའ་དང་མི་སྡུག་དང་། །རྒོད་དང་ཁྲོ་དང་འཇིགས་པར་བྱེད། །སྙིང་རྗེ་ངོ་མཚར་ཞི་ལ་སོགས། །འབར་བའི་གར་དགུ་ཉམས་དང་ལྡན། །ཞབས་ཀྱིས་ས་ལ་ [201a.7]བརྡབས་མཛད་ཅིང་། །ལྷ་མིན་ལྷ་ལ་བསྡིགས་མཛད་པའི། །རང་གི་སྙིང་གར་ར་ཡིག་ལས། །བྱུང་བའི་ཉི་མའི་དཀྱིལ་འཁོར་བསྒོམ། །དེ་ནས་ཐབས་དང་ཤེས་རབ་ཀྱི། །ངོ་བོ་ཉིད་ཀྱི་ཧཱུཾ་ཡིག་གོ། །རྡོ་རྗེ་ཡི་གེ་ཧཱུཾ་ལས་བྱུང་། །ཁ་དོག་ནག་པོ་དྲག་པོ་ཆེ། །རྡོ་རྗེ་ལྟེ་བའི་དབུས་གནས་པར། ། [201b] [201b.1]དེ་ཉིད་ཧཱུཾ་དུ་བསྒོམ་པར་བྱ། །གཞན་ཡང་ཧཱུཾ་ཡིག་ཡོངས་གྱུར་པའི། །ཞེ་སྡང་བདག་ཉིད་རྣམ་པར་བསྒོམ། །རྡོ་རྗེ་ལས་བྱུང་ནག་པོ་ཆེ། །འདམ་སྐྱེས་སྔོན་པོ་རབ་འདྲ་བའི། །ཡང་ན་སྔོ་རེངས་ཤར་བ་འདྲ། །དད་པས་ངེས་པར་བསྒོམ་པར་བྱ། །དེ་ནས་གཞལ་ཡས་ཡིད་འོང་པའི། ། [201b.2]མ་མོའི་འཁོར་ལོ་བསྒོམ་བྱ་སྟེ། །ཡབ་ཡུམ་གཉིས་སུ་མེད་པ་ཡི། །ཡིད་འོང་སྦྱོར་བའི་དགྱེས་པ་ལས། །བྱུང་བའི་གཽ་རཱི་དབང་པོའི་ཕྱོགས། །ཤར་གྱི་སྒོར་ནི་རྣམ་པར་གནས། །གཉིས་སུ་མེད་པའི་སྦྱོར་བ་ལས། །བྱུང་བའི་ཙཽ་རཱི་ཡང་སྤྲོས་ཏེ། །ལྷོ་ཕྱོགས་སྒོ་སྐྱོང་ཙཽ་རཱི་གནས། །འཇམ་ [201b.3]པོ་འཇུག་པ་སྦྱོར་བ་ལས། །བེ་ཏཱ་ལཱི་ཡང་དབྱུང་བར་བྱ། །སྤྲོས་ནས་བདུད་འཇོམས་ནུབ་སྒོར་རོ། །སྙོམས་འཇུག་སྦྱོར་བ་ཆེན་པོ་ལས། །གྷསྨ་རཱི་ཡང་དབྱུང་བར་བྱ། །སྤྲོས་ནས་བྱང་གི་སྒོ་རུ་ནི། །ཁྲོ་མོའི་གཟུགས་སུ་རྣམ་པར་གནས། །གཉིས་སྤྲད་པ་ཡི་སྦྱོར་བ་ཡིས། །པུཀྐ་སཱི་ཡང་ [201b.4]དབྱུང་བར་བྱ། །སྤྲོས་ནས་དབང་ལྡན་གྲྭ་རུ་ནི། །འཁྲུག་པའི་གཟུགས་སུ་རྣམ་པར་གནས། །གཞན་ཡང་གཉིས་མེད་སྦྱོར་བ་ལས། །ཤ་བ་རཱི་ནི་མེ་ཡི་གྲྭ་།ཙཎྜལཱི་ནི་སྲིན་པོའི་ཕྱོགས། །ཌོམྦི་རླུང་གི་གྲྭ་རུའོ། །གཽ་རཱི་གཡས་ན་གྲི་གུག་སྟེ། །གཡོན་པ་ན་ནི་དེ་བཞིན་ཉ། །ཙཽ་རཱི་གཡས་ [201b.5]ན་རྔེའུ་ཆུང་སྟེ། །གཡོན་པའི་ཕྱག་ན་ཕག་པའོ། །པེ་ཏཱ་ལཱི་གཡས་རུས་སྦལ་ཏེ། །གཡོན་ན་པདྨ་བྷནྡྷའོ། །གྷསྨ་རཱི་ནི་གཡས་ན་སྦྲུལ། །གཡོན་པ་ན་ནི་རྣལ་འབྱོར་སྣོད། །པུཀྐ་སཱི་གཡས་སེང་གེ་སྟེ། །གཡོན་ན་དེ་བཞིན་དགྲ་སྟའོ། །ས་བ་རཱི་གཡས་དགེ་སློང་སྟེ། །གཡོན་ན་དེ་བཞིན་ [201b.6]བསྲེག་ཤང་ངོ་། །ཙཎྜལཱི་གཡས་འཁོར་ལོ་སྟེ། །གཡོན་པ་ན་ནི་དེ་བཞིན་གཤོལ། །ཌོམྦི་གཡས་ན་རྡོ་རྗེ་སྟེ། །གཡོན་ན་དེ་བཞིན་སྡིགས་འཛུབ་པོ། །གཽ་རཱི་ལ་སོགས་ཕྱག་གཉིས་གསུངས། །སྐྱིལ་ཀྲུང་ཕྱེད་མ་གར་གྱི་སྟབ་ས། །སྤྱན་གསུམ་སྐྲ་ནི་གྱེན་དུ་བརྫེས། །ཕྱག་རྒྱ་ལྔ་ [201b.7]ཡིས་རྣམ་པར་བརྒྱན། །གཽ་རཱི་སྐུ་མདོག་ནག་པོར་འགྱུར། །ཙཽ་རཱི་བཙོད་དང་འདྲ་བ་སྟེ། །བེ་ཏཱ་ལཱི་ནི་གསེར་བཙོ་མ། །གྷསྨ་མརྐཏ་ལྟ་བུ་སྟེ། །པུཀྐ་ཨིནྡྲ་ནཱི་ལ་འདྲ། །ཟླ་འོད་ལྟ་བུའི་ས་པ་རཱི། །ཙཎྜལཱི་ནི་ནམ་མཁའི་མདོག །ཌོམྦི་སྣ་ཚོགས་དག་ཏུ་བཤད། །ཚངས་དང་དབང་བོ་ཉེ་ [202a] [202a.1]དབང་པོ། །དྲག་པོ་གཤིན་རྗེ་གནོད་སྦྱིན་དང་། །བདེན་བྲལ་ན་ནི་ཐགས་བཟངས་རིས། །གཽ་རཱི་ལ་སོགས་ལྷ་མོ་ཡི། །རིམ་བཞིན་གདན་དུ་ཤེས་པར་བྱ། །དེ་རྣམས་ས་བོན་འདི་ཡིན་ནོ། །གཾ་ཙཾ་བཾ་གྷཾ་པཾ་སཾ་ལཾ་ཌཾ། །བདག་པོས་ས་བོན་འདི་དག་ལས། །དེ་ [202a.2]རྣམས་གདོན་པ་ཉིད་དུ་བྱ། །དེ་ནས་རང་གི་རིག་མ་དང་། །རྡོ་རྗེ་འཛིན་མ་འདོད་ཆགས་ཆེས། །འོད་དུ་ཞུ་བར་གྱུར་པ་ལས། །མཚམས་ཀྱི་ལྷ་མོ་བཤེས་གཉེན་མོས། །སྣ་ཚོགས་གླུ་ཡིས་མཆོད་དེ་བསྐུལ། །ཀྱེ་ཡི་རྡོ་རྗེ་ཐུགས་རྗེས་གཟིགས་ཏེ་པུཀྐ་བདག་ལ་སྐྱོབས། །བདེ་བ་ཆེན་པོ་སྦྱར་ [202a.3]བ་བདག་འདོད་སྟོང་པའི་རང་བཞིན་བསལ་ཏེ་བཞེངས་སུ་གསོལ། །སྟོང་པའི་རང་བཞིན་བསལ་ནས་ས་ཡི་དངོས་གྲུབ་དགོས་དོན་དུ། །གལ་ཏེ་གསོན་པར་མཆིས་བཞེད་ཀྱེ་ཡི་རྡོ་རྗེ་བཞེངས་སུ་གསོལ། །ཙཎྜ་བདག་གིས་ཁྱོད་མེད་ཕྱོགས་མ་མཐོང་ནས་གསོལ་འདེབས་ན། །ལྷ་ལ་སོགས་ [202a.4]པའི་འཇིག་རྟེན་བསྒྲལ་བར་དམ་བཅས་ཅི་སླད་བཞུགས། །བདག་ནི་ཌོ་མྦིའི་མཚན་མ་མེད་པ་ཁྱོད་ཀྱི་སེམས་ནི་ཤེས་པ་སྟེ། །ཐུགས་རྗེ་མེད་པ་དེ་མི་རུང་བས་རྫུ་འཕྲུལ་ལྟ་བུར་བཞེངས་སུ་གསོལ། །དེ་དག་གསན་ནས་སྔོན་བཞིན་དུ། །ཨཱཿ་ཧཱུཾ་དག་ལས་རྡོ་རྗེ་འཛིན། །ཆེན་པོ་འོད་དུ་ཞུ་ལས་ [202a.5]བཞེངས། །དེ་ནས་ཞེ་སྡང་བདག་ཉིད་ཀྱི། །རང་སྙིང་ས་བོན་ལས་བྱུང་བའི། །འབར་བ་ནག་པོ་ལྕགས་ཀྱུ་ཡིས། །ཁམས་གསུམ་གནས་པའི་སངས་རྒྱས་རྣམས། །སྤྱན་དྲངས་མ་མོ་བརྒྱད་རྣམས་ཀྱིས། །སྔོན་བཞིན་མཆོད་དེ་གསོལ་བ་གདབ། །བདག་ཉིད་ཆེན་པོ་བཅོམ་ལྡན་ [202a.6]འདས། །བཅོམ་ལྡན་རྣམས་ཀྱིས་དབང་བསྐུར་བ། །དེ་བཞིན་གཤེགས་པ་ཐམས་ཅད་ཀྱིས། །བདག་ལ་དབང་བསྐུར་རབ་ཏུ་སྩོལ། །ཨོཾ་ཨ་བྷི་ཥིཉྩ་ཏུ་མཱཾ་ས་རྦ་བཛྲ་ཏ་ཐཱ་ག་ཏ་ཨ་དྷིཥྛཱ་ན། དེ་སྐད་གསོལ་བ་བཏབ་པ་ཡིས། །བདེ་གཤེགས་དེ་དག་ཐམས་ཅད་ཀུན། །ཧེ་རུ་ཀ་ཡི་སྐུར་གྱུར་ [202a.7]ཏེ། །བདེ་གཤེགས་ལྔ་ཡི་བདག་ཉིད་ཀྱི། །བདུད་རྩི་བུམ་པས་དབང་བསྐུར་ཏེ། །དེ་ཚེ་མེ་ཏོག་གུར་གུམ་ཆར། །འབབ་དང་རྔ་ཡི་སྒྲ་གྲག་ཅིང་། །གཟུགས་ཀྱི་རྡོ་རྗེ་མ་སོགས་དང་། །སྤྱན་སོགས་རྡོ་རྗེ་དབྱངས་རྣམས་ཀྱིས། །དབང་བསྐུར་རབ་ཏུ་བྱས་པ་ཡིས། །ཐུགས་ཀྱི་དབང་ཕྱུག་ [202b] [202b.1]སོགས་སངས་རྒྱས། །དབུ་རྒྱན་དུ་ནི་གྱུར་པར་བྱ། །མི་བསྐྱོད་རྟག་དང་རིན་ཆེན་དབང་། །མཐའ་ཡས་དེ་བཞིན་གཤེགས་རྣམས་ཀྱིས། །པུཀྐ་སཱི་སོགས་མཚམས་གནས་པ། །རིམ་པ་བཞིན་དུ་རྒྱ་ཡིས་གདབ། །ཞེ་སྡང་གཏི་མུག་སེར་སྣ་དང་། །འདོད་ཆགས་རྡོ་རྗེ་མ་ཡིས་ནི། །སྒོ་ [202b.2]གནས་ཀཻ་རི་ལ་སོགས་པ། །རིམ་བཞིན་དུ་ནི་གདབ་པར་བྱ། །རྒྱ་ཡི་གདབ་ཅིང་མཚན་པས་ན། །དེས་འདིར་རྒྱས་ཞེས་བྱ་བ་ཡིན། །རང་སྙིང་ས་བོན་འོད་ཟེར་གྱིས། །སངས་རྒྱས་རྣམས་ནི་གཞུག་བྱས་ཏེ། །བདུད་རྩི་མྱང་བའི་སྦྱོར་བ་ཡིས། །དེ་དག་ཚིམ་པ་ཉིད་དུ་བྱ། །རླུང་དང་ [202b.3]མེ་ཡི་དཀྱིལ་འཁོར་ནི། །ཟླ་གམ་གྲུ་གསུམ་ཁ་དོག་གཉིས། །ཡི་གེ་ཡཾ་དང་རཾ་གྱིས་མཚན། །བ་དན་དང་ནི་རྡོ་རྗེས་མཛེས། །དེ་སྟེང་བྷནྡྷ་ཨ་ལས་བྱུང་། །དེར་ནི་ཡེ་ཤེས་བདུད་རྩིས་བཀང་། །ཡི་གེ་ཧཱུཾ་ལས་རབ་བསྐྱེད་པའི། །རྡོ་རྗེ་ལས་བྱུང་ཨོཾ་གྱིས་མཚན། །དེ་ཉིད་གསུམ་གྱིས་ [202b.4]བྱིན་བརླབས་པའི། །བདུད་རྩི་ལྷ་ཡི་སྦྱོར་བས་བསང་། །མཆོད་དང་བསྟོད་པ་ཉིད་དུ་བྱ། །དག་པའི་རང་བཞིན་ཤེས་པར་བྱ། །གཟུགས་དང་ཚོར་བ་འདུ་ཤེས་དང་། །འདུ་བྱེད་རྣམ་ཤེས་ཕུང་པོར་ནི། །རྡོ་རྗེ་མ་དང་གཽ་རཱི་དང་། །ཆུ་ཡི་ལྷ་མོ་མཁའ་འགྲོ་མ། །བདག་མེད་རྣལ་འབྱོར་མར་དག་ [202b.5]གོ། །ས་ཆུ་མེ་རླུང་འབྱུང་བ་བཞི། །པུཀྐ་སཱི་ལ་སོགས་པའི་དངོས། །གཟུགས་སྒྲ་དྲི་རོ་རེག་བྱ་ཆོས། །གཽ་རཱི་ཙཽ་རཱི་བེ་ཏཱ་ལཱི། །གྷསྨ་ས་སྤྱོད་མཁའ་སྤྱོད་དོ། །མིག་དང་རྣ་བ་སྣ་དང་ལྕེ། །ལུས་དང་ཡིད་ཀྱི་དབང་པོ་ནི། །གཏི་མུག་ཞེ་སྡང་སེར་སྣ་དང་། །འདོད་ཆགས་ཕྲག་དོག་རྡོ་རྗེ་དང་། ། [202b.6]བདག་མེད་རྣལ་འབྱོར་མར་ཤེས་བྱ། །འཁོར་ལོ་སྙན་ཆ་མགུར་ཆུ་དང་། །ཕྱག་གདུབ་སྐ་རགས་ཕྱག་རྒྱ་ལྔ། །མི་བསྐྱོང་མཐའ་ཡས་རིན་ཆེན་དབང་། །སྣང་མཛད་དོན་གྲུབ་བདག་ཉིད་དོ། །ཕྱག་གཉིས་ཐབས་དང་ཤེས་རབ་སྟེ། །ཕྱག་བཞི་བདུད་བཞི་རྣམ་པར་དག །ཕྱག་དྲུག་ཕ་རོལ་ [202b.7]ཕྱིན་དྲུག་གོ། །བཅུ་དྲུག་ཕྱག་ཏུ་གསུངས་པ་ནི། །སྟོང་པ་བཅུ་དྲུག་བདག་ཉིད་དོ། །ཞལ་གཅིག་སྟོང་པ་ཉིད་ཀྱི་སྒོ། །ཞལ་གསུམ་རྣམ་པར་ཐར་པ་གསུམ། །ཞལ་བརྒྱད་རྣམ་པར་ཐར་པ་བརྒྱད། །ཞབས་བཞི་བདུད་བཞི་དག་པ་ཉིད། །སྤྱན་ནི་དག་པའི་རྡོ་རྗེ་གསུམ། །དབང་པོ་དྲུག་ [203a] [203a.1]དང་ཕུང་པོ་ལྔ། །སྐྱེ་མཆེད་དྲུག་དང་འབྱུང་བ་རྣམས། །ངོ་བོ་ཉིད་ཀྱིས་རྣམ་དག་པས། །སྣ་ཚོགས་དག་ཅིང་རྣམ་པར་གྲོལ། །གཟུགས་ཡུལ་ལ་སོགས་གང་གི་ཡང་། །རྣལ་འབྱོར་པ་ཡིས་མིག་ཡོར་ཚུལ། །ཐམས་ཅད་རང་བཞིན་གྱིས་དག་ཕྱིར། །སངས་རྒྱས་རྫུ་ [203a.2]འཕྲུལ་སྣ་ཚོགས་སོ། །རྣམ་པར་དག་པ་བྱས་ནས་ནི། །རྣལ་འབྱོར་སྡོམ་པའི་བདག་ཉིད་དང་། །ཕྱི་ནང་བཟླས་པ་བརྩམ་པར་བྱ། །དེ་ལ་འདི་ནི་སྡོམ་པ་སྟེ། །ཨེ་ཝཾ་མ་ཡཱའི་བདག་ཉིད་ཀྱིས། །འཁོར་ལོ་བཞི་ནི་ལུས་ལ་གནས། །འདི་ལྟར་སྤྲུལ་པའི་ཆོས་དང་ནི། །ལོངས་སྤྱོད་བདེ་ཆེན་ [203a.3]འཁོར་ལོ་རྣམས། །ལྟེ་བ་སྙིང་ག་མགུལ་པ་དང་། །སྤྱི་བོར་རིམ་བཞིན་ཤེས་པར་བྱ། །འཁོར་ལོ་རྣམས་ཀྱི་པདྨ་ནི། །དྲུག་ཅུ་རྩ་བཞི་དེ་བཞིན་བརྒྱད། །བཅུ་དྲུག་སུམ་ཅུ་གཉིས་སུ་ཤེས། །ས་བོན་ཨོཾ་དང་ཧཱུཾ་དང་ནི། །ཨོཾ་དང་ཧཾ་སྟེ་རིམ་བཞིན་ནོ། །ཨཱ་ལི་ཀཱ་ལི་སྤྲུལ་པ་ལ། །ཡོངས་སུ་ [203a.4]བསྐོར་བར་ཤེས་པར་བྱ། །བདེ་གཤེགས་ཡབ་ཡུམ་ས་བོན་གྱིས། །ཆོས་ཀྱི་འཁོར་ལོ་དེ་བཞིན་བསྐོར། །ཡི་གེ་ཨི་ཨེ་འདྲེན་བཅས་པས། །ལོངས་སྤྱོད་འཁོར་ལོ་བསྐོར་པ་ཡིན། །སྤྲུལ་པའི་སྐུ་དང་ཆོས་ཀྱི་སྐུ། །དེ་བཞིན་ལོངས་སྤྱོད་རྫོགས་པ་དང་། །སྐུ་གསུམ་ཡོངས་སུ་ཤེས་པ་ [203a.5]རྣམས། །འཁོར་ལོ་བཞི་རུ་འདོད་པ་ཡིན། །འཁོར་ལོ་འདི་རྣམས་རང་བཞིན་ནི། །ལྷ་མོ་བཞི་དང་ཕྱག་རྒྱ་བཞི། །ཡི་གེ་འབྲུ་བཞིར་འདོད་པ་སྟེ། །སངས་རྒྱས་སྤྱན་དང་མཱ་མ་ཀཱི། །དཀར་མོ་སྒྲོལ་མ་དེ་བཞིན་དུ། །ལས་དང་ཆོས་དང་དམ་ཚིག་དང་། །ཕྱག་རྒྱ་ཆེན་པོར་བརྗོད་པའོ། །ཡི་གེ་ [203a.6]ཨེ་དང་ཝཾ་དག་དང་། །མ་དང་ཡཱ་ཡང་འདི་ཡི་དངོས། །དེ་བཞིན་སྐུ་གསུང་ཐུགས་རྣམས་དང་། །ཨཱ་ལི་ཀཱ་ལིའང་འདི་ཉིད་ཡིན། །ཡེ་ཤེས་སྐད་ཅིག་བཞིར་གྲགས་པ། །སྣ་ཚོགས་དང་ནི་རྣམ་སྨིན་དང་། །རྣམ་པར་འཇོམས་དང་མཚན་ཉིད་བྲལ། །འཁྱུད་དང་མྱོང་དང་སྤྱོད་པ་དང་། །ཅི་ཡང་ [203a.7]མ་ཡིན་པ་ཡི་སེམས། །འཁོར་ལོ་བཞི་ལ་གནས་པ་ཡིན། །སྡུག་བསྔལ་ཀུན་འབྱུང་འགོག་པ་ལམ། །ཕུང་པོ་ཉོན་མོངས་བཞི་འབྱིན་པ། །བདེན་པ་བཞི་ཡང་འདི་ཉིད་དོ། །བདག་དང་སྔགས་དང་ལྷ་དང་ནི། །ཡེ་ཤེས་རྣམས་ཀྱི་དེ་ཉིད་རྣམས། །རང་རང་ཡང་དག་གང་ཡིན་པའམ། ། [203b] [203b.1]འཁོར་ལོ་བཞི་ཡི་ངོ་བོའོ། །དགའ་དང་དམ་པའི་དགའ་བ་དང་། །བྲལ་དང་རང་བཞིན་དགའ་བ་རྣམས། །བདེ་བའི་ཡེ་ཤེས་ཆ་བཞི་སྟེ། །དྲོད་ཐོབ་པ་དང་འཕེལ་བ་དང་། །ཆགས་བྲལ་བདེ་དང་མི་གཉིས་བདེ། །དེ་ཡང་འཁོར་ལོ་བཞི་ལ་གནས། །གནས་བརྟན་ཐམས་ཅད་ཡོད་པར་སྨྲ། ། [203b.2]དེ་བཞིན་མང་པོས་བཀུར་བ་དང་། །དགེ་འདུན་ཕལ་ཆེན་སྡེ་ཞེས་པ། །སྡེ་པ་བཞི་ཡང་དེ་ཉིད་ཡིན། །རྣལ་འབྱོར་གསང་སྔགས་སྡོམ་པ་དང་། །ཡེ་ཤེས་སྡོམ་པའང་བསྟན་པར་བྱ། །སྨེ་ཤ་ལྟེ་བར་འབར་བ་ཡིས། །དེ་བཞིན་གཤེགས་ལྔ་བསྲེགས་པ་དང་། །སྤྱན་ལ་སོགས་པ་བསྲེགས་པ་ [203b.3]དང་། །ཧཾ་བསྲེགས་ཟླ་བ་འབབ་པའོ། །དེ་ནི་འདི་ལྟར་ཤེས་བྱ་སྟེ། །རྣལ་འབྱོར་གསང་སྔགས་སྡོམ་པ་ཡིས། །བསྲེག་པའི་མཚན་ཉིད་ཤེས་པར་བྱ། །བསྲེག་པ་མེ་དང་རླུང་ཡིན་ཏེ། །ཡེ་ཤེས་མེ་ཡི་སྣང་བ་གང་། །ལས་ཀྱི་རླུང་གིས་བསྐུལ་བ་ཡིན། །ལས་ཀྱང་བཅོམ་ལྡན་ཤེས་རབ་མའི། ། [203b.4]རླུང་གི་དེ་ཉིད་འདི་ཡིན་ཏེ། །ལྟེ་བའི་དབུས་ལས་འཕྲོ་ཞིང་ཕྲ། །ཆོས་དང་ལོངས་སྤྱོད་བདེ་ཆེན་བཞི། །བརྟན་དང་གཡོ་བ་ཀུན་གྱི་བདག །ཡི་གེ་ཨཾ་གི་བདག་ཉིད་ནི། །ལས་ཀྱི་རླུང་གི་གཞི་ཡིན་ཏེ། །འདི་ལས་ཀུན་དུ་འབྱུང་བ་ཡིན། །འདི་དག་རྒྱུ་བའི་རིམ་པ་ནི། །ཉི་མ་གཅིག་ལ་ཐུན་བཞི་སྟེ། །དེ་བཞིན་ཆུ་ཚོད་སུམ་ཅུ་གཉིས། ། [203b.5]རིམ་པ་བཅུ་དྲུག་དེ་བཞིན་དུ། །དྲུག་ཅུ་རྩ་བཞིའི་ཆ་དང་ལྡན། །ཟླ་བ་ཉི་མ་ཞེས་བྱ་བའི། །ཨཱ་ལི་ཀཱ་ལིའི་ངོ་བོ་ནི། །སྣ་བུག་གཡས་དང་གཡོན་དུ་རྒྱུ། །དེ་ཡང་ས་དང་ཆུ་དང་ནི། །མེ་དང་རླུང་གི་བདག་ཉིད་ཅན། །འབྱུང་བ་བཞི་ཡི་ངོ་བོར་འདོད། ། [203b.6]འདི་རྣམས་དུས་སུ་རྒྱུ་བ་སྟེ། །ནམ་མཁའི་རང་བཞིན་དུ་ས་མ་ཡིན། །ལྕི་ཞིང་མཁྲང་བ་ས་ཡི་ཁམས། །ཐུར་དུ་རྒྱུ་བ་དང་པོར་འདོད། །གྲང་ཞིང་རྩུབ་པ་ཆུ་ཡི་ཁམས། །མདུན་དུ་རྒྱུ་བ་གཉིས་པ་ཡིན། །དྲོ་ཞིང་འཇམ་པ་མེ་ཡི་ཁམས། །འདི་ནི་ཕྱིར་ལ་ཉེ་བར་རྒྱུ། །ཡང་ཞིང་སྟོབས་ཅན་རླུང་ [203b.7]གི་ཁམས། །གྱེན་དུ་རྒྱུ་བར་ཤེས་པར་བྱ། །དེ་བཞིན་ཆུ་ཚོད་རིམ་པ་དང་། །ཐུན་ཞེས་བྱ་བར་གྲགས་པ་ཡང་། །འདིར་ནི་འདི་ཉིད་གཟུང་བྱ་སྟེ། །གཡས་སུ་ཇི་བཞིན་གཡོན་དེ་བཞིན། །དེ་ནས་ཀྱང་ནི་གཡས་ཡིན་ཏེ། །བར་ཆད་ཡོད་པ་མ་ཡིན་ནོ། །དུས་མིན་རྒྱུ་བ་གང་ཞེ་ན། ། [204a] [204a.1]གང་ཞིག་འཆི་བའི་དུས་ཉིད་དང་། །བྱང་ཆུབ་སེམས་རྒྱུན་འབབ་པ་དང་། །ནད་ཆེན་འབྱུང་བའི་སྔ་ལྟས་ལ། །དེ་དག་དུས་གཅིག་འབྱུང་བ་སྟེ། །འདི་ནི་ནམ་མཁའི་ཁམས་སུ་བརྗོད། །རླུང་དང་ཡེ་ཤེས་རྣམ་ཤེས་དང་། །དུག་རྣམས་ལྷན་ཅིག་རྒྱུ་བ་སྟེ། །ནམས་ཀྱང་ [204a.2]འབྲལ་བ་མ་ཡིན་ནོ། །རེག་པའི་རླུང་ཞེས་བྱ་བ་ནི། །ལུས་ལས་ནམ་ཡང་མི་འདའ་སྟེ། །གལ་ཏེ་འདས་ན་འཆི་བར་འགྱུར། །རླུང་གི་དེ་ཉིད་ཤེས་པ་ཡིས། །མེ་ཡི་དེ་ཉིད་བསྐུལ་བར་བྱ། །དབུགས་དང་དྲོད་ཀྱི་ཁམས་དག་ཀྱང་། །ཐ་དད་འཇུག་པ་མ་ཡིན་ནོ། །དེ་ལ་མེ་ཡི་དེ་ཉིད་ནི། ། [204a.3]དབང་པོ་གཙུབས་པའི་སྦྱོར་བ་ལས། །ཡེ་ཤེས་མེ་ནི་འབྱུང་འགྱུར་ཏེ། །ཇི་ལྟར་ཕྱི་རོལ་མེ་བཞིན་ནོ། །དེ་ཡང་དབང་པོའི་ལམ་ནས་ནི། །ལྟེ་བའི་རྩ་རུ་རབ་ཏུ་འབར། །འོད་ཆེན་དུ་བར་བཅས་པ་ཡིས། །ཙཎྜལཱི་ནི་འབར་བར་འགྱུར། །ཡེ་ཤེས་མེ་ཡི་སྣང་བ་དེ། །ཤིན་ཏུ་འབར་བར་གྱུར་པ་དང་། ། [204a.4]ཆོས་ཀྱི་འཁོར་ལོ་ལ་གནས་པའི། །བདེ་གཤེགས་ལྔ་དང་དེ་བཞིན་དུ། །ལྷ་མོར་བཅས་པ་ཚིག་པར་འགྱུར། །ལོངས་སྤྱོད་འཁོར་ལོ་བྱུང་ནས་ནི། །གཡས་ནས་བསྐོར་བ་ལན་གསུམ་བྱས། །སྨིན་ཕྲག་མཛོད་སྤུར་བྱུང་ནས་ཀྱང་། །དེ་ནས་རྣ་བ་གཡས་སུ་བྱུང་། །ཕྱོགས་བཅུའི་ [204a.5]སངས་རྒྱས་བསྐུལ་བྱས་ནས། །སྤྱི་བོའི་གཙུག་ཏུ་ཞུགས་པར་གྱུར། །ཆོས་ཀྱི་འཁོར་ལོ་ལ་བབས་ཏེ། །ཤིན་ཏུ་ཚིག་པར་གྱུར་པ་འདི། །སྔགས་ཀྱི་སྡོམ་པར་འདོད་པ་ཡིན། །ཡེ་ཤེས་སྡོམ་པའི་བྱེ་བྲག་ནི། །སྙིང་གར་སངས་རྒྱས་བཀའ་བ་གྲོས་ནས། །རྣམ་དག་བདུད་རྩི་བསྡུས་བྱས་ཏེ། ། [204a.6]སྔོན་གྱི་ལམ་ནས་བྱུང་ནས་ཀྱང་། །ཕྱོགས་བཅུ་བདུད་རྩི་བསྡུ་བྱས་ཏེ། །སྔོན་བཞིན་ཧཾ་ལ་ཞུགས་གྱུར་པས། །སེམས་ཀྱི་ཟླ་བ་ཞུ་ནས་ནི། །སོ་ཡི་སྦུ་གུ་ནས་བྱུང་ནས། །ལོངས་སྤྱོད་འཁོར་ལོར་བབས་པར་གྱུར། །དེར་ནི་ཅུང་ཟད་ངལ་སོ་ནས། །སྔོན་བཞིན་ཕྱིར་ཡང་བསྐོར་ནས་ནི། །ཆོས་ཀྱི་ [204a.7]འཁོར་ལོར་བབས་པར་གྱུར། །བདེ་བར་གཤེགས་རྣམས་གང་བར་བྱས། །སྔོན་བཞིན་ཕྱིར་ཡང་བསྐོར་ནས་ནི། །སྤྲུལ་པའི་འཁོར་ལོར་བབས་པར་གྱུར། །དེ་བཞིན་ཀུན་དུ་འགྲོ་བར་བྱེད། །སྐྲ་ཡི་རྩེ་མོ་འབུམ་གྱི་ཆ། །ཡེ་ཤེས་སྣང་བའི་བྱེ་བྲག་དག །མིག་གིས་མཐོང་བ་མ་ཡིན་ནོ། །འདི་ནི་ [204b] [204b.1]སྡོམ་པར་བརྗོད་པའོ། །ནང་གི་བཟླས་པ་བསྟན་པ་ནི། །འོག་ཏུ་རླུང་གི་དཀྱིལ་འཁོར་ཏེ། །གྲུ་གསུམ་གནས་ནི་དེ་བཞིན་མེ། །ལྟོ་བ་ཆུ་ཡི་དཀྱིལ་འཁོར་ཏེ། །དེ་སྟེང་དབང་ཆེན་རི་རབ་བཅས། །རླུང་གི་དཀྱིལ་འཁོར་སྟེང་དུ་ནི། །རྟག་པའི་འཁོར་ལོ་བསྒོམ་བྱ་སྟེ། །དེ་ལ་མི་གཉིས་བདག་ཉིད་ [204b.2]ཀྱི། །ཡི་གེ་ཨ་ཡི་སྡོམ་པ་གཟུང་། །བྱང་ཆུབ་སེམས་ཀྱི་རང་བཞིན་འདི། །ལུས་དང་ངག་ཡིད་གང་ཡང་མིན། །འདོད་ཆགས་ཞེ་སྡང་གཏི་མུག་མིན། །ཁ་དོག་དབྱིབས་སོགས་མ་ཡིན་ཞིང་། །ཁྲོ་ཞི་ལ་སོགས་རྣམ་པར་སྤངས། །མཚན་མ་ཀུན་དང་བྲལ་བ་ཡི། །དབུ་མ་ཆེན་པོ་བསྒོམ་པར་བྱ། ། [204b.3]གཞན་ནི་སྡོམ་པ་ཇི་ལྟ་བའོ། །འདི་ནི་ཅི་ཡང་མ་ཡིན་ཕྱིར། །མ་ནིང་བཟླས་པ་ཞེས་འདོད་དེ། །བཟླས་པའི་མཆོག་ཏུ་གྱུར་པ་ཡིན། །གལ་ཏེ་སྐྱོ་བར་གྱུར་ན་ནི། །ཕྱི་རོལ་བཟླས་པ་བརྩམ་པར་བྱ། །རང་སྙིང་ས་བོན་འོད་ཟེར་གྱིས། །ཡེ་ཤེས་སེམས་དཔའི་གནས་ཉིད་དང་། །སྐུ་གསུང་ཐུགས་ [204b.4]ཀྱི་གནས་རྣམས་ནས། །ཇི་ལྟར་འདོད་པ་སྤྲོ་བར་བྱ། །ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཧེ་བཛྲ་གྱི་སྙིང་པོའོ། །ཨོཾ་ཏྲཻ་ལོཀྱཱ་ཀྵེ་པ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཕྱག་གཉིས་པའོ། །ཨོཾ་ཛྭ་ལ་ཛྭ་ལ་བྷྱོ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཕྱག་བཞི་པའིའོ། །ཨོཾ་ཀི་ཊི་ཀི་ཊི་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཕྱག་དྲུག་པའིའོ། །ཨོཾ [204b.5]ཨཥྚཱ་ན་ནཱ་ཡེ། ཕིཾ་གོརྡྷ་ཀེ་ཤ་བརྟ་མ་ནེ། ཙ་ཏུ་རྦིཾ་ཤ་ཏི་ནི་ཏྲཱ་ཡ་ཤོ་ཌ་ཤ་བྷུ་ཛཱ་ཡ་ཀྲྀཤྞ་ཛཱི་མཱུ་ཏ་ཝ་པུ་ཥེ་ཀ་པཱ་ལཱ་མཱ་ལ་ཨ་ནེ་ཀཾ་དྷ་རི་ཎེ་ཨཱ་དྷམ་ཏ་ཀྲཱུ་ར་ཙིཊྚའ་ཡ། །ཨརྡྷེན་དུ་དཾ་ཤྚཱི་ཎེ་མཱ་ར་ཡ་མཱ་ར་ཡ། །ཀཱ་ར་ཡ་ཀཱ་ར་ཡ། གརྫ་ཡ་གརྫ་ཡ། །ཏརྫ་ཡ་ཏརྫ་ཡ། །ཤོ་ཥ་ཡ་ཤོ་ཥ་ཡ། ས་ཕ་སཱ་ག་རཱ་ན། བནྡྷ་བནྡྷ། །ནཱ་ག་ [204b.6]ཨཥྚ་ཀཱན། གྲྀཧཎ་གྲྀཧཎ། ཤ་ཏྲཱུཾ་ཧ་ཧཱ་ཧི་ཧཱི་ཧུ་ཧཱུ་ཧེ་ཧཻ་ཧོ་ཧཽ་ཧཾ་ཧཿ་ཕཊ་སྭཱ་ཧཱ། །ཕྱག་བཅུ་དྲུག་པའིའོ། །བཟླས་པས་སྐྱོ་བར་གྱུར་པ་ན། །རྡོ་རྗེ་དྲིལ་བུ་གསིལ་བྱས་ཏེ། །མཆོད་དང་བསྟོད་དང་སྨོན་ལམ་དག། །ལེགས་པར་བཏབ་སྟེ་ཕྱག་རྒྱ་དགྲོལ། །དབྱིངས་སུ་བསྡུ་དང་གཤེགས་གསོལ་བ། ། [204b.7]ཇི་ལྟ་ཇི་བཞིན་བྱ་བ་ཡིན། །དེ་ནས་རྣལ་འབྱོར་ཆེན་པོ་ཡིས། །སྤྱོད་ལམ་ཀུན་དུ་ལྷ་ཉིད་ཀྱི། །ཏིང་ངེ་འཛིན་ལས་ཉམས་མི་བྱ། །འདི་ལྟར་ཉལ་བའི་ཚེ་ན་ཡང་། །རྡོ་རྗེ་འཛིན་ཆེན་ཏིང་འཛིན་གྱིས། །ཆགས་ཆེན་རྗེས་སུ་ཆགས་བྱས་ཏེ། །ཡེ་ཤེས་མེ་ཡིས་ལུས་ཞུ་ནས། །ཆོས་སྐུ་སེམས་ [205a] [205a.1]སུ་གྱུར་པར་ཉལ། །གང་ཚེ་ལྡང་བའི་ཚེ་ན་ཡང་། །ཚད་མེད་བཞི་ཡིས་བསྐུལ་བ་ཡིས། །སྔོན་གྱི་སྨོན་ལམ་རྗེས་དྲན་ནས། །སྒྱུ་མ་ལྟ་བུའི་སྦྱོར་བ་ཡིས། །ཏིང་འཛིན་རིམ་པར་ལྡང་བར་བྱ། །གང་ཞིག་ཟ་བའི་ཚེ་ན་ཡང་། །སྡོམ་པའི་དངོས་པོ་ཇི་ལྟ་བའི། །ལུས་ [205a.2]ནི་ལྷ་ཡི་དཀྱིལ་འཁོར་ཏེ། །ཟས་ནི་བདུད་རྩིར་བྱིན་བརླབ་བྱ། །ཟོས་པས་དབྱེར་མེད་ཚིམ་པར་བྱ། །ཡང་ན་སྦྱིན་སྲེག་མཆོད་པ་བྱ། །ར་ས་ཡ་ན་མེ་ཡི་ཁམས། །གཡས་སུ་འབར་ཞིང་འཕྲོ་བ་སྟེ། །ཨཱ་ལིའི་ངོ་བོར་ཤེས་པར་བྱ། །ལ་ལ་ནཱ་ནི་རླུང་གི་ཁམས། །གཡོན་དུ་གཙུབས་ཤིང་གཡོ་བ་ [205a.3]སྟེ། །ཀཱ་ལིའི་ངོ་བོར་ཤེས་པར་བྱ། །དེ་དབུས་ལུས་ཀྱི་བདག་ཉིད་ལ། །བཟའ་སོགས་འོ་མའི་སྦྱིན་སྲེག་བྱ། །གལ་ཏེ་འགྲོ་འཆག་བྱེད་པ་ན། །རིགས་ལྔ་རྣམས་ལ་བསླང་བ་དང་། །ཕྱག་རྒྱ་ལ་སོགས་རྒྱན་རྣམས་དང་། །རྡོ་རྗེ་ཐོས་པའི་སྤྱོད་པ་དག །ཇི་སྐད་གསུངས་པ་དེ་བཞིན་བྱ། ། [205a.4]འདིས་ནི་བྱང་ཆུབ་རྙེད་མི་དཀའ། །གལ་ཏེ་གཏོར་མ་གཏོང་འདོད་ན། །ཧེ་རུ་ཀ་ཡི་སྦྱོར་བ་ཡིས། །འབྱུང་པོ་ལ་ནི་མངོན་དམིགས་ཏེ། །ཟས་རྣམས་བདུད་རྩིར་བྱིན་བརླབས་ནས། །སྔགས་འདི་ཡིས་ནི་ཚིམ་པར་བྱ། །ཨོཾ་ཨིནྡ། ཛམ། ཛལ། ཛྐཁ། བྷཱུ་ཏ། བཧྣི། བ་ཨུ། རཀྴ། ཙནད། [205a.5]སུཛྫ། མཱ་ད། པཔྤ། པཱཏཱ་ཡེ། ཨཥྛ་སཔྤ་སྭཱ་ཧཱ། ཨེ་དཾ། བ་ལིཾ། བྷུཾ་ཛ། ཛི་གྷ། ཕུལླ། དྷཱུཔྤ། མཱཾ་ས། བིཾ་གྷ། ཨམྦ། ཀཛྫ། སཱ་དྷ། ཁཱནྟི། ཁུ་ཎི། ཕེཊ། གཱ་ད། ཨོཾ་ཨ་ཀཱ་རོ་མུ་ཁཾ་སརྦ་དྷ་རྨཱ་ཎཱཾ། ཨཱ་ནྱ་ནུ་ཏྤནྣ་ཏྭཱ་ཏ། ཨོཾ་ཨཱཿ་ཧཱུཾ་ཕཊ་སྭཱ་ཧཱ། གང་ཞིག་རྟག་ཏུ་འདུ་བྱེད་པ། །ལས་རྣམས་ཐམས་ཅད་ [205a.6]འགྲུབ་པ་དང་། །འབྱུང་པོའི་ཚོགས་རྣམས་དགའ་ནས་ནི། །དེ་ལ་དངོས་གྲུབ་མྱུར་བར་འགྱུར། །ལས་རྣམས་དག་གི་མཇུག་ཏུ་ཡང་། །མཆོད་དང་བསྟོད་ཅིང་སྨོན་ལམ་གདབ། །དེ་ལ་སྨོན་ལམ་འདི་ཡིན་ཏེ། །རིགས་ལྡན་སྐྱེ་ཞིང་བློ་གྲོས་རྗེས་སུ་ལྡན། །དམ་ཚིག་ལྡན་ཞིང་ཀྱེ་ཡི་རྡོ་རྗེ་སྟོན། ། [205a.7]སྙིང་རྗེ་ལྡན་ཞིང་བླ་མ་རྣམས་ལ་གུས། །སྐྱེ་བ་ཀུན་དུ་འདི་ལྟར་སྐྱེ་གྱུར་ཅིག །རྡོ་རྗེ་དྲིལ་བུ་ལག་གིས་འཁྲོལ་བྱེད་ཅིང་། །ཟབ་མོའི་དམ་ཆོས་རབ་ཏུ་ཀློག་པ་དང་། །དམ་ཚིག་བཙུན་མོའི་ཁུ་བ་ཟ་བྱེད་པར། །སྐྱེ་བ་ཀུན་དུ་འདི་ལྟར་སྐྱེ་གྱུར་ཅིག །དེ་ནས་སྤྲུལ་པ་རང་ལ་བསྡུ། །ཡེ་ཤེས་དཀྱིལ་འཁོར་ [205b] [205b.1]སླར་གཤེགས་གསོལ། །སྤྱོད་ལམ་ལ་སོགས་སྔོན་བཞིན་དུའོ། །སློབ་དཔོན་ཆེན་པོ་འཇམ་དཔལ་ཡེ་ཤེས་ཞབས་ཀྱིས་མཛད་པ། ཧེ་བཛྲའི་སྒྲུབ་ཐབས་ཧེ་རུ་ཀ་མཉེས་པར་བྱ་བའི་ཆོ་ག་རྫོགས་སོ།། རྒྱ་གར་གྱི་མཁན་པོ་མཉྫུ་ཤྲཱི་ཛྙཱ་ན་དང་། རོང་ཟོམ་དྷརྨ་བྷ་དྲས་བསྒྱུར་ཅིང་ཞུས་ཏེ་གཏན་ལ་ [205b.2]ཕབ་པའོ།། {T1302}༄༅༅། །རྒྱ་གར་སྐད་དུ། ཤྲཱི་ཧེ་བཛྲ་ནཱ་མ་སཱ་དྷ་ནོ་པི་ཀ །བོད་སྐད་དུ། དཔལ་ཀྱེའི་རྡོ་རྗེའི་སྒྲུབ་པའི་ཐབས་ཀྱི་མན་ངག །འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཤེས་རབ་ཐབས་དག་བདག་ཉིད་ཅན། །ཀྱེ་རྡོར་བདག་མེད་མ་ལ་ཡང་། །བླ་ [205b.3]མར་བཅས་ལ་ཕྱག་འཚལ་ནས། །རིམ་པ་གསུམ་པའི་སྒྲུབ་ཐབས་བརྩམ། །མི་ཉིད་རྙེད་དཀའ་དེ་བས་ཀྱང་། །བླ་མ་དགའ་བསྟེན་རྙེད་པར་དཀའ། །བདག་གཞན་དོན་འབྱུང་སྔགས་ཀྱི་ཚུལ། །འགྲོ་ཕན་ལམ་ལ་བརྟེན་པར་གྱིས། །ཡོན་ཏན་ལྡན་ཞིང་བརྩོན་པར་ལྡན། །བླ་མར་གུས་ཤིང་ [205b.4]དད་ལྡན་པ། །རྒྱལ་བའི་ཆོས་ལ་ཐེ་ཚོམ་མེད། །དབང་དང་དབྱེ་བ་ངེས་ཚིག་ལས། །སྣོད་ཡིན་ཕྱིར་ན་དྲིན་སྦྱིན་བྱ། །ཆུ་སོགས་བུམ་པའི་དབང་བསྐུར་དང་། །རིམ་བཞིན་གསང་བའི་དབང་བསྐུར་དང་། །ཤེས་རབ་ཡེ་ཤེས་དབང་བསྐུར་ལ། །དེ་སྲིད་བླ་མའི་མན་ངག་མཐའ། །ཡིད་དུ་ [205b.5]འོང་བའི་ས་ཕྱོགས་སུ། །རི་དང་ནགས་ཚལ་དང་ནི་ཕུག །ཆུ་འགྲམ་བཞི་མདོ་མཚོ་དང་ནི། །ཤིང་གཅིག་དབེན་པ་དུར་ཁྲོད་རྣམས། །བསམ་གཏན་ཁང་པ་བྱས་ནས་ནི། །བདུད་རྩི་སོགས་ཀྱིས་བྱུག་པར་བྱ། །བྲིས་སྐུ་སོགས་མཆོད་དགྲམ་བྱས་ལ། །ནང་པར་སྔར་ལངས་སེམས་ [205b.6]བདག་ཉིད། །ཕྱི་རོལ་ཁྲུས་སོགས་ཀུན་བྱས་ལ། །བདེ་བའི་སྟན་ལ་ཉེར་འདུག་སྟེ། །སྦྱོང་བྱེད་དག་པ་ལ་སོགས་ཀྱིས། །འདོད་པའི་ལྷ་ནི་བསྒྲུབ་པར་བྱ། །བླ་མ་རྡོ་རྗེ་ཅན་བསམས་ནས། །སེམས་ཀྱི་རིན་ཆེན་ལས་བྱུང་བའི། །མཆོད་པའི་སྤྲིན་ནི་སྤྲོས་བྱས་ལ། །དེ་ནས་རིམ་བཞིན་ [205b.7]དབུལ་བར་བྱ། །དེ་ནས་ལྷ་མོ་བརྒྱད་ཀྱིས་མཆོད། །གཽ་རཱི་བྱང་ཆུབ་སེམས་ཀྱིས་མཆོད། །ཙཽ་རཱི་རང་བྱུང་མེ་ཏོག་གིས། །མི་བསྐྱོད་འཛིན་པ་བེེ་ཏཱ་ལཱི། །སྣང་མཛད་ཀྱིས་མཆོད་གྷསྨ་རཱི། །པུཀྐ་སཱི་ཡིས་ལྕགས་ཀྱུས་མཆོད། །སཱ་བ་རཱི་ནི་རོ་འཛིན་ཏེ། །ཙཎྜལཱི་ནི་རྔེ་ཆུང་འཛིན། །ཌོམྦིས་ [206a] [206a.1]གཉིས་མེད་སྦྱོར་བ་བྱེད། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །ཀྱེ་རྡོར་ཤེས་རབ་བདག་ཉིད་ཅན། །སློབ་དཔོན་ལ་ནི་སྐྱབས་སུ་མཆི། །སྡིག་པ་བདག་གིས་གང་བྱས་པ། །བདག་གཞན་དོན་དུ་མ་ལུས་པར། །སོ་སོར་བཤགས་ [206a.2]ཤིང་སླར་ཡང་ནི། །མི་བགྱིད་པ་ཡི་སྡོམ་པ་ནོད། །བདེ་གཤེགས་ཀུན་གྱི་བསོད་ནམས་དང་། །བྱང་ཆུབ་སེམས་དཔའ་རྣམས་དང་ནི། །འགྲོ་བ་ཀུན་གྱི་བསོད་ནམས་ལ། །ཡང་དག་ཉིད་དུ་ཡི་རང་ངོ་། །ཕྱོགས་བཅུར་བཞུགས་པའི་སངས་རྒྱས་ལ། །བདག་གིས་དེ་ལ་བསྐུལ་བ་ནི། །སེམས་ [206a.3]ཅན་སྡུག་བསྔལ་མུན་འཐོམས་ལ། །ཆོས་ཀྱི་འཁོར་ལོ་བསྐོར་བར་བསྐུལ། །སེམས་ཅན་སངས་རྒྱས་ཐོབ་བར་དུ། །རྒྱལ་བ་དེ་ཉིད་བཞུགས་ནས་ནི། །ནམ་ཡང་མྱ་ངན་མི་འདའ་བར། །ཐལ་མོ་སྦྱར་ནས་གསོལ་བར་འཚལ། །སྟོང་ཉིད་སྙིང་རྗེ་དབྱེར་མེད་ལ། །བྱང་ཆུབ་ལམ་ནི་སྟོན་པ་པོ། ། [206a.4]བསོད་ནམས་ཀུན་གྱི་འབྱུང་གནས་ཆེ། །བྱང་ཆུབ་རྣམས་ཀྱང་དེ་བཞིན་བསྐྱེད། །ལུས་ངག་ཡིད་ཀྱི་བསོད་ནམས་ནི། །བགྱིས་སམ་བགྱིད་དུ་སྩལ་བ་དང་། །རྗེས་སུ་ཡི་རང་གང་ཅིའང་རུང་། །དེས་ན་འཇིག་རྟེན་ཀུན་མཁྱེན་ཤོག །སྙིང་རྗེ་རླན་གྱིས་བརླན་སེམས་ཀྱིས། །ཚངས་པ་ཡི་ནི་གནས་ [206a.5]བཞི་ནི། །དང་པོ་བྱམས་པ་བསྒོམ་པར་བྱ། །གཉིས་པར་སྙིང་རྗེ་རྣམ་པར་བསྒོམ། །གསུམ་པར་དགའ་བ་བསྒོམ་པར་བྱ། །ཀུན་གྱི་མཐའ་ནས་བཏང་སྙོམས་སོ། །དངོས་རྣམས་བདག་ལ་བསྡུ་བར་བྱ། །བདག་ཀྱང་ཡེ་ཤེས་སེམས་དཔའོ། །ཡེ་ཤེས་སེམས་དཔའ་ནཱ་དའི་བར། །དེ་ [206a.6]ཉིད་སྨིག་རྒྱུ་སྒྱུ་མར་མཚུངས། །ཨོཾ་ཤཱུ་ནྱ་ཏཱ་ཛྙཱ་ན་སྭ་བྷཱ་བ་ཨཱཏྨ་ཀོ྅ཧཾ། ཨོཾ་ཨཱ་ནི་མི་ཏ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨོཾ་ཨ་པྲ་ཎི་ཧི་ཏ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། དེ་ནས་སྐྱེ་བ་མེད་པའི་རང་བཞིན་ལས། །སྐྱེ་བ་ཉིད་དུ་མོས་པར་བྱའོ། །ཀཾ་ལས་ཉི་མའི་དཀྱིལ་འཁོར་དེའི་སྟེང་དུ་ཧཱུཾ་ལས་ [206a.7]སྣ་ཚོགས་རྡོ་རྗེ་ས་བོན་དང་ལྡན་པ་དེ་ལས་འོད་ཟེར་འཕྲོས་པས་ཕྱོགས་བཅུའི་བདུད་རྣམས་བཏུལ་ནས། དྲ་བ་དང་ར་བ་དང་ས་གཞིར་གྱུར་པར་བསམ་པར་བྱའོ། །དེའི་དབུས་སུ་ཆོས་ཀྱི་འབྱུང་གནས་གྲུ་གསུམ་པ་དཀར་པོ་བསམས་ལ། དེའི་སྟེང་དུ་པཾ་ལས་སྣ་ཚོགས་པདྨ། ཁཾ་ལས་སྣ་ཚོགས་ [206b] [206b.1]རྡོ་རྗེ། དེའི་སྟེང་དུ་ལཾ་ལས་སའི་དཀྱིལ་འཁོར་གྲུ་བཞི་པ་ལྗང་གུ། དེར་བཾ་ལས་ཆུའི་དཀྱིལ་འཁོར་ཟླུམ་པོ་དཀར་པོ། དེ་ལས་རཾ་ལས་མེའི་དཀྱིལ་འཁོར་གྲུ་གསུམ་དམར་པོ། དེར་ཡཾ་ལས་རླུང་གི་དཀྱིལ་འཁོར་གཞུའི་དབྱིབས་འདྲ་བ་ནག་པོ། དེ་ལ་ཐིག་ལེ་དང་ལྡན་པར་བསམས་ནས། [206b.2]དེ་རྣམས་གཅིག་ཏུ་གྱུར་པས། གཞལ་ཡས་ཁང་གྲུ་བཞི་སྒོ་བཞི་པ། རྟ་བབས་བཞི་དང་། ཀ་བ་བརྒྱད་དང་། དྲ་བ་དང་དྲ་བ་ཕྱེད་པ་དང་། རིན་པོ་ཆེ་དང་འདོད་པའི་ཡོན་ཏན་ལ་སོགས་པས་སྤྲས་པ། དེའི་དབུས་སུ་པདྨ་འདབ་བརྒྱད་པ། ཉི་མའི་དཀྱིལ་འཁོར་དེར་སྲོག་སོང་བ་དང་བཅས་པས་ [206b.3]སེམས་ལས་གྲུབ་པར་བསམ་པར་བྱའོ། །དེའི་ལྟེ་བར་ཨཱ་ལི་ལས་ཟླ་བའི་དཀྱིལ་འཁོར་མེ་ལོང་ལྟ་བུའི་ཡེ་ཤེས། དེར་ཀཱ་ལི་ལས་མཉམ་པ་ཉིད་ཀྱི་ཡེ་ཤེས། དེའི་དབུས་སུ་ཧཱུཾ་དང་ཨཾ་ལས་རྡོ་རྗེ་དང་། གྲི་གུག་ས་བོན་གྱིས་མཚན་པ་སོ་སོར་ཀུན་དུ་རྟོག་པའི་ཡེ་ཤེས། ཐམས་ཅད་གཅིག་ཏུ་གྱུར་ [206b.4]པ་བྱ་བ་ནན་ཏན་གྲུབ་པའི་ཡེ་ཤེས། སྐུ་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས་ཏེ། སྐུ་མདོག་སྔོན་པོ་ཞལ་གཅིག་ཕྱག་གཉིས་ཀྱིས་རྡོ་རྗེ་དང་ཐོད་པ་བསྣམས་པས་ཤེས་རབ་མ་ལ་འཁྱུད་པ། ཕྱག་རྒྱ་ལྔ་དང་ལྡན་པ་སྤྱན་གསུམ་པ་དབུ་ལ་ཐོད་པ་ལྔས་བརྒྱན་ཅིང་། སྣ་ཚོགས་རྡོ་རྗེས་མཚན་པ་དབུ་ [206b.5]སྐྲ་ཁམ་པ་གྱེན་དུ་བརྫེས་པ། ཐོད་པ་རློན་པ་ལྔ་བཅུ་རྩ་བཞིས་དོ་ཤལ་བྱས་པ། གཅེར་བུ་གཡས་བརྐྱང་བས་བཞུགས་པར་བསམ་པར་བྱའོ། །བདག་མེད་མ་ནི་གྲི་གུག་དང་ཐོད་པ་བསྣམས་ཤིང་སྐུ་ལ་འཁྱུད་པ། སྐྱེས་པའི་ཐོད་པས་དོ་ཤལ་བྱས་ཤིང་གཡོན་བརྐྱང་བས་བཞུགས་པར་བསམ་ [206b.6]པར་བྱ་སྟེ། གཞན་ནི་ཐབས་དང་འདྲ། ནང་དུ་ཡང་དེ་བཞིན་དུ་བསམ་པར་བྱའོ། །མིག་ལ་གཏི་མུག་རྡོ་རྗེ། རྣ་བ་ལ་ཞེ་སྡང་རྡོ་རྗེ། སྣ་ལ་སེར་སྣ་རྡོ་རྗེ། ལྕེ་ལ་འདོད་ཆགས་རྡོ་རྗེ། ལུས་ལ་ཕྲག་དོག་རྡོ་རྗེ། ཡིད་ལ་བདག་མེད་མ་བསམ་པར་བྱའོ། །དེ་ནས་རང་གི་སྙིང་གའི་ས་བོན་ལས་འོད་ [206b.7]ཟེར་ནག་པོ་ལྕགས་ཀྱུའི་དབྱིབས་ཅན་སྤྲོས་ཏེ། རང་བཞིན་གྱི་གནས་ནས་ཡེ་ཤེས་སེམས་དཔའ་སྤྱན་དྲངས་ལ། མཆོད་ཡོན་ལ་སོགས་པས་མཆོད་ནས། དམ་ཚིག་གི་འཁོར་ལོ་ལ་བཅུག་སྟེ་གཉིས་སུ་མེད་པར་བསམ་པར་བྱའོ། །ཡང་འོད་ཟེར་དེས་དེ་བཞིན་གཤེགས་པ་ཐམས་ཅད་ཧེ་རུ་ [207a] [207a.1]ཀའི་གཟུགས་ཀྱིས་སྤྱན་དྲངས་ནས། དེ་ལ་མཆོད་པ་ལ་སོགས་པ་བྱ་སྟེ། བདག་ལ་བྱང་ཆུབ་ཀྱི་སེམས་ཀྱིས་དབང་བསྐུར་ནས། མི་བསྐྱོད་པས་དབུ་བརྒྱན་པར་བསམ་པར་བྱ་སྟེ། ཇི་སྲིད་དུ་མི་སྐྱོའི་བར་དུ་རྣལ་འབྱོར་དུ་བྱའོ། །སྐྱོན་བཟླས་པ་བྱ་སྟེ། རིག་མའི་སྙིང་གར་ཉི་ [207a.2]མའི་དཀྱིལ་འཁོར་དེའི་དབུས་སུ་གྲི་གུག་ས་བོན་དང་བཅས་པར་བསམས་ལ། དེ་ལ་སྔགས་ཀྱི་ཕྲེང་བ་ཀུན་ད་འདྲ་བ་འོད་ཟེར་དང་ལྡན་པ་བྱུང་ནས་རང་གི་ཞལ་དུ་ཞུགས་ཏེ། གསང་བའི་རྡོ་རྗེར་བྱུང་ནས། ལྷ་མོའི་པདྨར་བབས་ཏེ། ལྷ་མོའི་ཞལ་ནས་རང་གི་ཞལ་དུ་ཞུགས་པར་བསམ་པར་བྱའོ། །དེ་ [207a.3]བཞིན་དུ་ཡང་ནས་ཡང་དུ་བསམ་པར་བྱའོ། །ཨོཾ་དེ་བ་པི་ཙུ་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཡང་ན་བླ་མའི་མན་ངག་གིས་གསང་བའི་རྡོ་རྗེ་དང་པདྨར་བཟླས་པ་བྱའོ། །བརྟག་པ་བཅུ་དྲུག་པ་ལས། མ་ཕུག་པས་ནི་སྦྱོར་བྲལ་འགྱུར། །ཕུག་པས་དགའ་བ་སྦྱིན་པའོ། །དེ་ལྟར་འཁོར་བར་འདོད་པ་ཡི། ། [207a.4]ཡོན་ཏན་ལྔ་ལྡན་རིན་ཆེན་ཉིད། །ཅེས་གསུངས་སོ། །དེ་ནས་ཡང་རྫོགས་པའི་རྣལ་འབྱོར་བཤད་པར་བྱ་སྟེ། ལྟེ་བར་སྤྲུལ་པའི་འཁོར་ལོ་འདབ་མ་བཅུ་དྲུག་པ་དཀར་པོའི་དབུས་སུ་རང་རིག་པའི་བདག་ཉིད་རིན་པོ་ཆེའི་ཟ་མ་ཏོག་གི་ནང་ན་གནས་པར་བསམ་མོ། །སྙིང་གའི་ཆོས་ཀྱི་འཁོར་ལོ་ [207a.5]འདབ་མ་བཅུ་དྲུག་པ་ཐིག་ལེ་དང་ལྡན་པ། མགྲིན་པར་ལོངས་སྤྱོད་ཀྱི་འཁོར་ལོ་འདབ་མ་བཅུ་དྲུག་པ་དཀར་པོ། བྱང་ཆུབ་ཀྱི་སེམས་དང་ལྡན་པའོ། །མགོ་བོར་བདེ་བ་ཆེན་པོའི་འཁོར་ལོ་འདབ་མ་བཅུ་དྲུག་པ་དཀར་པོ་དེའི་དབུས་སུ་ལྷག་པའི་བྱང་ཆུབ་ཀྱི་སེམས་འོད་དང་ལྡན་པར་བསམ་པར་བྱས་ [207a.6]ནས། སྤྲུལ་པའི་འཁོར་ལོ་ལས་འོད་ཟེར་འཕྲོས་ནས་ཆོས་ཀྱི་འཁོར་ལོ་དང་ལོངས་སྤྱོད་ཀྱི་འཁོར་ལོ་ནས་ཡར་སོང་སྟེ། བདེ་བ་ཆེན་པོ་ལ་ལན་གསུམ་བསྐོར་བ་བྱས་ནས། མཛོད་སྤུ་ནས་ཕྱུང་སྟེ། སེམས་ཅན་ཐམས་ཅད་སྦྱངས་ནས་བདེ་བར་གཤེགས་པའི་ཐུགས་ཀར་ཞུགས་ཏེ་ཡེ་ཤེས་ [207a.7]ཀྱི་བདུད་རྩི་དྲངས་ནས། ཚངས་པའི་སྒོར་ཞུགས་ཏེ་གཟུང་འཛིན་དང་བྲལ་ནས། ཟ་མ་ཏོག་ཏུ་བབས་པར་བསམ་པ་སྟེ། དེ་ལ་རྩེ་གཅིག་ཏུ་བྱའོ། །མི་གསལ་ན་ཡང་དེ་བཞིན་དུ་བྱའོ། །ཡང་ན་བདག་མེད་མ་རང་གི་སྙིང་གར་བསྡུ། རང་ཡང་ཧཱུཾ་ལ་བསྡུ། དེ་ཡང་ཐིག་ལེ་འོད་དང་ལྡན་པར་བསམ་ [207b] [207b.1]པར་བྱ་སྟེ། གསང་སྔགས་དམ་པ་ཐིག་ལེའི་གཟུགས་སུ་ནི། །རང་ཡིད་འོད་དང་ལྡན་པར་ཡོངས་སུ་བསྒོམ། །དངོས་ཀུན་བདག་ཉིད་རང་གི་སེམས་ངོ་བོ། ལྡང་བ་ན་ཡང་བདག་དང་གཞན་འཁོར་ལོ་འམ། ཙཎྜལཱིར་མོས་པར་བྱ་སྟེ། མཆོད་པ་ལ་སོགས་པ་ཡང་མི་བྱའོ། །དེ་ཡང་། [207b.2]ཕྱག་རྒྱ་བཅིང་བ་རྣམ་པར་སྤངས། །མཆོད་རྟེན་ལས་ནི་མི་བྱ་ཞིང་། །རྡོ་རྗེ་གསུམ་མཆོག་ཕྱག་མི་འཚལ། །དཀྱིལ་འཁོར་ལ་སོགས་ལུས་ཀྱི་ལས། །རྨི་ལམ་དུ་ཡང་མི་བྱའོ། །ཞེས་གུར་ལས་གསུངས་སོ། །མཆོད་རྟེན་བརྩིག་པར་མི་བྱ་སྟེ། །དེ་བཞིན་མཆོད་སོགས་མི་བྱའོ། །གཙུག་ [207b.3]ལག་དག་ནི་རྙེད་སླ་སྟེ། །དེ་ཡི་དགོས་པ་རྙེད་པར་དཀའ། །ཞེས་གདན་བཞི་པ་ལས་གསུངས་སོ། །དེ་ནས་ཡང་ལྷན་ཅིག་སྐྱེས་པའི་རྣལ་འབྱོར་བཤད་པར་བྱའོ། །གང་ཚེ་ཡེ་ཤེས་རླུང་གིས་ནི། །རང་རིག་དག་ནི་བསྐྱོད་ནས་སུ། །སངས་རྒྱས་རྣམས་ནི་བསྲེགས་པ་ཡིས། །དགའ་བ་ལ་སོགས་ [207b.4]རིམ་བཞིན་སྐྱེ། །ཅི་འདྲ་བ་ནི་སྐྱེ་ཞེ་ན། །གཞོན་ནུའི་དགའ་བ་ཇི་ལྟ་བ། །ལྐུགས་པའི་དགའ་བ་ཇི་ལྟ་བའོ། །གཉིས་མེད་ཡེ་ཤེས་སྐྱེ་བར་འགྱུར། །ཐོག་མ་ཐ་མ་དབུས་མེད་ཅིང་། །འཁོར་མིན་མྱ་ངན་འདས་པ་མིན། །བདག་ཉིད་གཞན་ཉིད་ཡོད་མ་ཡིན། །འདི་ནི་མཆོག་ཏུ་བདེ་བ་ཡིན། །བདག་མེད་ [207b.5]ཡེ་ཤེས་ཉིད་དུ་འགྱུར། །བདག་གཞན་ངེས་པར་རིག་པ་སྤངས། །མཁའ་མཉམ་སྐྱོན་བྲལ་ལྷན་ཅིག་སྐྱེས། །ཐམས་ཅད་ལུས་ལ་རང་བཞིན་གནས། །དགའ་བ་དང་པོ་འཁོར་བའི་གཟུགས། །དེ་བཞིན་མཆོག་དགའ་འཁོར་བ་ཉིད། །དགའ་བྲལ་དགའ་བ་འཁོར་བདག་ཉིད། །གསུམ་ལ་ [207b.6]ལྷན་ཅིག་སྐྱེས་པ་མེད། །དགའ་བ་དང་ནི་མཆོག་དགའ་ཉིད། །དགའ་བྲལ་དགའ་བ་ལ་སོགས་པ། །གསུམ་པ་སྤངས་པར་གྱུར་ན་ནི། །བཞི་པ་གང་ལས་སྐྱེ་བར་འགྱུར། །དེ་བས་གསུམ་པོ་ཐབས་བྱས་ཏེ། །བཞི་པ་བསྒོམ་པར་བྱ་བ་ཡིན། །རྩ་བའི་རྒྱུ་ནི་གསུམ་དུ་གྱིས། །དེ་ཡི་འབྲས་བུ་ [207b.7]བཞི་པ་ཡིན། །ཡང་ན་འབྲས་བུ་གསུམ་གྱིས་སྤངས། །ཡང་ན་རང་གིས་གསུམ་པ་ཡིན། །དགའ་བའི་བྱེ་བྲག་ཏུ་ཤེས་བྱ། །འཁོར་ལོ་རྣམས་ཀྱི་རིམ་པའོ། །ཞེས་རྒྱུད་ཕྱི་མ་ལས་གསུངས་སོ། །དང་པོ་བུམ་པའི་དབང་ཡིན་ཏེ། །མཆོག་གི་དགའ་བ་གསང་བའི་དབང་། །གསུམ་པ་ཤེས་ [208a] [208a.1]རབ་ཡེ་ཤེས་དབང་། །བཞི་པ་ཕྱག་རྒྱ་ཆེན་པོ་ཡིན། །མཉམ་པར་མ་བཞག་དུས་སུ་ཡང་། །བྱ་བ་གང་ལ་འཇུག་པ་ན། །ལྷན་ཅིག་སྐྱེས་ལས་མ་གཏོགས་པར། །གཞན་གྱི་སེམས་ཀྱིས་མི་གནས་སོ། །དེ་ཡང་བརྟག་པ་བཅུ་དྲུག་པ་ལས། །བདེ་བ་གནག་ཅིང་བདེ་བ་ [208a.2]སེར། །བདེ་བ་དམར་པོ་བདེ་བ་དཀར། །བདེ་བ་ལྗང་གུ་བདེ་བ་སྔོ། །བདེ་བ་རྒྱུ་དང་མི་རྒྱུ་ཀུན། །བདེ་བ་ཐབས་དང་ཤེས་རབ་སྟེ། །དེ་བཞིན་མཉམ་པར་གཞག་པ་སྟེ། །བདེ་བ་དངོས་པོ་དངོས་མེད་བདེ། །རྡོ་རྗེ་སེམས་དཔའ་བདེ་བར་བརྗོད། །ཅེས་གསུངས་སོ། །དེ་ནས་བསྐྱེད་པའི་རིམ་པ་ལ་ [208a.3]གནས་པས། བར་ཆད་ཐམས་ཅད་ཉེ་བར་ཞི་བར་བྱ་བའི་ཕྱིར་འབྱུང་པོ་ཐམས་ཅད་ཀྱི་གཏོར་མ་ནི། སྲུང་བའི་འཁོར་ལོ་རྫོགས་པར་བྱས་ནས། དེའི་དབུས་སུ་ཆོས་ཀྱི་འབྱུང་གནས་བསམས་ལ། དེའི་སྟེང་དུ་པཾ་ལས་པདྨ་འདབ་མ་བརྒྱད་པ་ཉི་མའི་དཀྱིལ་འཁོར་དང་བཅས་པ་བསམས་ལ། དེའི་སྟེང་དུ་ [208a.4]ཨོཾ་ལས་འཁོར་ལོ་ས་བོན་དང་ལྡན་པ་ལས་འོད་ཟེར་འཕྲོས་པས། གཟུགས་མེད་པ་དང་། གཟུགས་ཅན་དང་། འདོད་པའི་ལྷ་ལ་སོགས་པ་ཐམས་ཅད་འོད་ཟེར་དེས་སྐུ་རྡོ་རྗེ་བྱས་ནས། དེར་བསྡུས་ཏེ་གཅིག་ཏུ་གྱུར་པ་ལས། སྐུ་རྡོ་རྗེ་ཞལ་གཅིག་ཕྱག་གཉིས་པ་སྐུ་མདོག་དཀར་པོ་རྡོ་རྗེ་དང་དྲིལ་བུས་ཤས་ [208a.5]རབ་མ་ལ་འཁྱུད་པ། ཕྱག་རྒྱ་ལྔ་དང་ལྡན་པ་གཡས་བརྐྱང་བས་བཞུགས་པར་བསམ་པར་བྱའོ། །ཤེས་རབ་མ་ཡང་ཐབས་དང་འདྲ། བར་དུ་ཧཱུཾ་ལས་རྡོ་རྗེ། དེ་ལས་ཕྱོགས་སྐྱོང་ཐམས་ཅད་དེར་བསྡུས་ནས་གཅིག་ཏུ་གྱུར་པ་ལས། ཐུགས་རྡོ་རྗེ་སྔོན་པོར་བསམ་པར་བྱའོ། །དེའི་འོག་ཏུ་ཨ་ [208a.6]ལས་པདྨ་དེས་ལྷ་མ་ཡིན་ལ་སོགས་པ་ཐམས་ཅད་གསུང་རྡོ་རྗེ་སྐུ་མདོག་དམར་པོར་བསམ་པར་བྱའོ། །གཞན་སྐུ་རྡོ་རྗེ་དང་འདྲའོ། །དེ་ནས་ཡེ་ཤེས་སེམས་དཔའ་སྤྱན་དྲངས་ལ་མཆོད་པ་ལ་སོགས་པ་བྱས་ཏེ་གཅིག་ཏུ་གྱུར་པར་བསམ་པར་བྱའོ། །དེ་ནས་ཡང་དེ་བཞིན་གཤེགས་པ་ལ་སོགས་པ་ [208a.7]སྤྱན་དྲངས་ནས། བྱང་ཆུབ་ཀྱི་སེམས་ཀྱི་དབང་བསྐུར་ནས། སྐུ་རྡོ་རྗེ་ལ་རྣམ་པར་སྣང་མཛད་ཀྱིས། ཐུགས་རྡོ་རྗེ་ལ་མི་བསྐྱོད་པས། གསུང་རྡོ་རྗེ་སྣང་བ་མཐའ་ཡས་ཀྱིས་དབུ་བརྒྱན་པར་བསམ་པར་བྱའོ། །དེ་ནས་གཏོར་མ་བྱིན་གྱིས་བརླབ་པར་བྱ་སྟེ། ཡཾ་ལས་རླུང་གི་དཀྱིལ་འཁོར། [208b] [208b.1]དེའི་སྟེང་དུ་རཾ་ལས་མེའི་དཀྱིལ་འཁོར། དེར་ཨ་ལས་ཐོད་པ་དེའི་ནང་དུ། བྷྲཱུཾ་ཨཱཾ་ཛྲཱཾ་ཁཾ་ཧཱུཾ། དེ་ནས་བདུད་རྩིར་བསམས་ལ། དེ་ཉིད་ཀྱིས་མཚན་པར་བསམ་པར་བྱ་སྟེ། དེའི་སྟེང་དུ་ཨ་ལས་ཟླ་བའི་དཀྱིལ་འཁོར་དེའི་དབུས་སུ་ཧཱུཾ་ལས་རྡོ་རྗེ་ས་བོན་གྱིས་མཚན་པར་བསམས་ལ། དེའི་སྟོབས་ཀྱིས་ [208b.2]བསྐོལ་ལ། དེའི་སྟེང་དུ་ཨཾ་དེས་ཡེ་ཤེས་ཀྱི་བདུད་རྩི་དྲངས་ལ། གཅིག་ཏུ་གྱུར་པར་བསམ་པར་བྱའོ། །དེ་ཁོ་ནའི་སྙིང་པོ་གསུམ་གྱིས་བྱིན་གྱིས་བརླབ་པ་བྱས་ནས། འདིས་དབུལ་བར་བྱའོ། །ཨོཾ་ཀཱ་ཡ་བཱ་ཀ་ཙིཏྟ། ཨི་དཾ། པ་ལིཾ། བྷུཾ་ཛ། ཛི་གྷ། ཕུལླ། དྷཱུ་པ། མཱཾ་ས། བིཾ་གྷ། ཨམྦ་སརྦ་ཀཛྫ། [208b.3]སརྦ་སཱ་དྷ། ཁཱནྟི། ཁུ་ཎི། ཕེ་ཊ། གཱ་ད། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱདྱ་ནུ་ཏྤནྣ་ཏྭཱ་ཏ། ཨོཾ་ཨཱཿ་ཧཱུཾ་ཕཊ་སྭཱ་ཧཱ། འདིས་གཤེགས་སུ་གསོལ་བར་བྱ་སྟེ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་གསོལ། །སངས་རྒྱས་ཡུལ་དུ་གཤེགས་ནས་ནི། ། [208b.4]སླར་ཡང་འབྱོན་པར་མཛད་དུ་གསོལ། །མུཿ། ཁ་ཟས་ལ་ཡང་དེ་བཞིན་དུ་བྱིན་གྱིས་བརླབས་ལ་མཆོད་པར་བྱའོ། །རྣལ་འབྱོར་གྱིས་ནི་དྭ་བ་གྱུར་ན། །དེ་ནས་སྨོན་ལམ་གདབ་པར་བྱ། །རིགས་སུ་སྐྱེ་དང་དམ་ཚིག་ཅན། །སྨྱོ་མེད་དགྱེས་པའི་རྡོ་རྗེ་དང་། །བླ་མར་གུས་ཤིང་སྙིང་རྗེར་ལྡན། །སྐྱེ་ [208b.5]ཞིང་སྐྱེ་བར་འགྱུར་བར་ཤོག །ལག་ན་རྡོ་རྗེ་དྲིལ་བུ་འཁྲོལ། །ཟབ་མོ་ཆོས་ནི་གློག་པ་དང་། །བཙུན་མོའི་ཁུ་བ་མཉམ་ཟས་ཅན། །སྐྱེ་ཞིང་སྐྱེ་བར་འགྱུར་བར་ཤོག །འདིས་ནི་བདག་ལ་རྗེས་སུ་དྲན། །སྙིང་རྗེའི་སྤྱན་ནི་དམར་པོ་ལ། །ཡན་ལག་ནག་པོ་བྱམས་པའི་ཐུགས། །ཕྱག་གཉིས་ཐབས་ [208b.6]དང་ཤེས་རབ་ཡིན། །ཞལ་གཅིག་གཉིས་མེད་ཡེ་ཤེས་ཡིན། །ཞབས་གཉིས་བདེན་པ་གཉིས་སུ་དྲན། །ཕྱག་རྒྱ་ལྔ་ནི་སངས་རྒྱས་ལྔ། །གདུག་པ་འདུལ་ཕྱིར་ཁྲོ་བོ་ཡིན། །སྔགས་པས་དེ་ལྟར་མོས་བྱས་ནས། །ལྷ་ཡི་རྣལ་འབྱོར་པས་རྒྱུ་བར་བྱའོ། །རྟག་ཏུ་བརྟག་པར་སྔགས་བཟླས་དང་། ། [208b.7]བསམ་གཏན་ཉིད་དང་བྲལ་མི་བྱ། །རྟག་ཏུ་སློབ་མ་བསྡུ་བྱ་ཞིང་། །རྟག་ཏུ་བཤད་པར་བྱ་བ་ཡིན། །སེམས་ཅན་རྣམས་ནི་རྟག་བསྐྱང་ཞིང་། སངས་རྒྱས་རྣམས་ལ་རྟག་མཆོད་བྱ། །ཛཾ་བྷ་ལ་ལ་ཆུ་སྦྱིན་དང་། །ལས་རྣམས་ཐམས་ཅད་རབ་ཏུ་སྤྱད། །མཆོད་རྟེན་ལས་ནི་བྱེ་མ་ལས། །མཁས་ [209a] [209a.1]པས་ཆོ་ག་བཞིན་དུ་བྱ། །སྒྲུབ་ཐབས་རྩོམ་དང་མི་ལྡན་ཡང་། །བླ་མ་དུ་མའི་མན་ངག་བཞིན། །སྒྲུབ་ཐབས་བྱས་ལས་འགལ་བ་གང་། །དེ་ཉིད་མཁྱེན་པས་བཟོད་པ་མཛོད། །ཐ་མ་འབྲིང་དང་རབ་དོན་དུ། །རིམ་པ་གསུམ་ལྡན་བྱས་པ་ལས། །དགེ་བ་དྲི་མེད་ཐོབ་པ་དེས། ། [209a.2]དེ་ཉིད་རིན་ཆེན་རབ་གསལ་ཤོག །དགྱེས་པའི་རྡོ་རྗེ་ལྷན་ཅིག་སྐྱེས་པའི་སྒྲུབ་པའི་ཐབས། །སློབ་དཔོན་ཆེན་པོ་ཤྲཱི་ཨཱ་ནནྡ་བཛྲས་མཛད་པ་རྫོགས་སོ།། {T1303}༄། །སྦྱིན་སྲེག་གི་ལས་ཀྱི་རིམ་པ་བཞུགས་སོ།། ༄༅། །བཅོམ་ལྡན་འདས་ཀྱེའི་རྡོ་རྗེ་ལ་ཕྱག་འཚལ་ལོ། །སྦྱིན་སྲེག་གི་ [209a.3]ལས་ཀྱི་རིམ་པ་ལ། དབང་བསྐུར་བའི་སྔོན་རོལ་དུ་རྒྱས་པའི་ལས་བྱས་ཏེ། དཔངས་ཁྲུ་གང་ལ་ཁྲུ་ཕྱེད་ཐུར་དུ་བརྐོའོ། །སོར་བཞི་ཕྱིར་དགྱེད། ཁ་ཁྱེར་སོར་བཞིས་བསྐོས། ཞེང་དང་དཔངས་སོར་བཞི་བྱ། དེའི་ཕྱི་རོལ་གྱི་སོར་བཞི་བོར་ལ། པདྨའི་ཕྲེང་བ་གཏང་། དབུས་ཀྱི་ཁ་ཁྱེར་ལ་རྡོ་རྗེ་ར་བ་གཏང་། [209a.4]སྤྱིར་གྲུ་བཞི་ལ་ཞེང་ཕྱི་རོལ་གྱི་རྒྱ་ཁྲུ་གསུམ་གཏང་། ཐབ་ཁུང་ནང་དུ་གཙོ་བོའི་ཕྱག་མཚན་གཞག་པ་ནི་འཇིམ་པ་ལ་སོགས་པ་ལ་ཞེང་སོར་བརྒྱད་དཔངས་སོར་གཅིག་གཏང་། དབུས་སུ་རིན་པོ་ཆེ། ཤར་རྡོ་རྗེ། ལྷོར་འཁོར་ལོ། ནུབ་ཏུ་པདྨ། བྱང་དུ་རལ་གྲི། ཁ་དོག་སེར་པོར་བྱུག་གོ། །རྒྱས་པའི་ [209a.5]ལས་ལ་ཁ་ཤར་དུ་བལྟའོ། །ཞི་བའི་ཐབ་ཁུང་ཟླུམ་པོ་ཁྲུ་གང་དུ་བྱས། ཁྲུ་ཕྱེད་ཟབས་སུ་བརྐོ། ཁ་ཁྱེར་རྒྱས་པ་ལ་སོགས་པ་དང་མཐུན་པར་བྱའོ། །དབུས་ཀྱི་ཁ་ཁྱེར་ལ་རྡོ་རྗེ་ཕྲེང་བ་གཏང་། དེའི་ཕྱི་རོལ་དུ་པདྨ་གཏང་། ཐབ་ཁུང་དུ་གཙོ་བོའི་ཕྱག་མཚན་གཞག་པ་ནི་དབུས་སུ་རྡོ་རྗེ། ཤར་དུ་ [209a.6]འཁོར་ལོ། །ལྷོར་རིན་པོ་ཆེ། ནུབ་ཏུ་པདྨ། བྱང་དུ་རལ་གྲི། ཞེང་སོར་བརྒྱད་པ་བྱའོ། །ཁ་དོག་དཀར་པོར་བྱུག །བླ་མ་ཁ་བྱང་དུ་བལྟ། དབང་གི་ལས་ལ་ཐབ་ཁུང་ཟླ་གམ་སྟེ། ཟླ་གམ་བཤུལ་ལ་བཞི་བཅུ་བཏང་། ཁ་ཁྱེར་ལ་སོར་བཞི་བཅུ་ཐམ་པ། ཟབས་སུ་སོར་བཅུ་བརྐོ་བར་བྱ། ཁ་ཁྱེར་ [209a.7]སྤྱིར་མཐུན། ཁ་ཁྱེར་རྡོ་རྗེའི་ར་བ་གཏང་། ཕྱི་རིམ་དུ་མེ་རི་གཏང་། ཁ་དོག་དམར་པོར་བྱུག །ཙནྡན་སྨུག་པོས་བྱུག །དབུས་སུ་གཙོ་བོའི་ཕྱག་མཚན་བཏང་བ། པདྨ་ཕྱི་མ་སྤྱིར་མཐུན། དབང་དང་བསྐྲད་པ་ལ་ཁ་ནུབ་ཏུ་བལྟ། དྲག་པོའི་ལས་ཀྱི་རིམ་པ་ལ། ཐབ་ཁུང་ཟུར་གསུམ་ལ། [209b] [209b.1]སོར་ཉི་ཤུ་ཉི་ཤུ་བྱའོ། །ཁ་ཁྱེར་སོར་གསུམ་ཕྱིར་དགྱེད། ཁ་ཁྱེར་སོར་གསུམ་བསྐོར། །ཞེང་སོར་གསུམ་གཏང་། དེའི་ཕྱི་རོལ་དུ་སོར་གསུམ་གཏང་། ཁ་ཁྱེར་ལ་རྡོ་རྗེ་རྩེ་གསུམ་པ་གཏང་། དེའི་ཕྱི་རིམ་དུ་ཐོད་པ་དང་། མདའ་གཞུ་དང་། མདུང་རྩེ་གསུམ་པ་ལ་སོགས་པ་དྲག་པོའི་ཕྱག་ [209b.2]མཚན་གཏང་། གཙོ་བོའི་ཕྱག་མཚན་དབུས་སུ་རལ་གྲི། ཕྱི་མ་ལས་ཀྱི་མཚན་ཉིད་དང་། བླ་མའི་ཁ་ལས་ཤེས་པར་བྱའོ། །ཁ་དོག་ནག་པོས་བྱུག །ཁ་ལྷོར་བལྟའོ། །རྒྱས་པ་ནང་པར་བྱའོ། །ཞི་བ་ཉི་མ་ཕྱེད་ན་བྱའོ། །དབང་ཉི་མ་ནུབ་ན་བྱའོ། །དྲག་པོ་ནམ་ཕྱེད་ན་བྱའོ། །མེ་ཐབ་ [209b.3]ཀྱི་རིམ་པའོ། །མཆོད་རྫས་དང་སྲེག་རྫས་ཀྱི་རིམ་པ་ལ། སྔགས་མཁན་གྱི་གཡོན་དུ་དྲི་དང་མེ་ཏོག་གིས་བཀང་བའི་དུང་ཕོར་གཞག །ཡོན་ཆབ་ཀྱི་སྣོད་གསེར་ལ་སོགས་པ་ལས་ཀྱི་བྱེ་བྲག་དང་མཐུན་པ་ཆབ་ཀྱིས་བཀང་ལ་གཞག །མ་འབྱོར་ན་ས་ལས་བྱས་པ་ཡང་རུང་ངོ་། །དགང་ [209b.4]གཟར་དང་བླུགས་གཟར་དང་མར་མདུན་དུ་གཞག །གཡས་སུ་ཟངས་གཞོང་གི་ནང་དུ་དྲིས་བཀང་ལ་ཀུ་ཤ་བཅུག་ལ་པྲོ་ཀྵ་ཎའི་སྣོད་གཞག་གོ། །ལས་ཀྱི་བུམ་པ་གཅིག་ཀྱང་གཞག་གོ། །ཏིལ་ལ་སོགས་པ་སྲེག་རྫས་ཀྱང་གཞག་གོ། །དེ་ལ་རྫས་ཀྱི་རིམ་པ་རྒྱས་པ་ལ་ཞོ། ཞི་ [209b.5]བ་ལ་ཏིལ། དབང་ལ་ཨུཏྤལ་དམར་པོ། དྲག་པོ་ལ་ཚེར་མ་ཅན་གྱི་ཤིང་། ཕྱི་མ་རིམ་པ་བཞིན་ནོ། །ཀུན་གྱི་སྔོན་དུ་མར། ཐ་མར་ཡང་མར་རོ། །རྫས་དགྲམ་པའི་རིམ་པའོ། །རྫས་བྱིན་གྱིས་བརླབ་པ་ནི། གཞོང་བུ་ཀུན་གྱི་སྟེང་དུ་རྡོ་རྗེ་བཞག་ལ། དེ་ཉིད་གསུམ་གྱི་སྔགས་བརྗོད་པས། [209b.6]འཇིག་རྟེན་ཀུན་གྱི་རྟོག་པ་ཀུན་བསལ་ནས། རྫས་དེ་ཉིད་བཟང་པོར་བསམ་མོ། །ཡམ་ཤིང་གི་རིམ་པ་ལ། ཞི་བའི་ཡམ་ཤིང་ནི་འོ་མ་ཅན་གྱི་ཤིང་དང་རློན་པ་རྩེ་མོ་དང་བཅས་པ་བྱུང་བ། སྲིད་དུ་མཛུབ་གང་བ་སྦོམས་སུ་ཆག་པ་གང་ཡོད་པ་སྦྲང་རྩི་དང་འོ་མ་དང་། ཙནྡན་དཀར་པོའི་ཆུས་སྦངས་ [209b.7]པ། རྩེ་གཅིག་ཏུ་ཞི་བའི་ལས་ལ་དབུལ་ལོ། །རྒྱས་པའི་ཡམ་ཤིང་ནི། སྲིད་དུ་ཁྲུ་གང་བ་སྦོམས་སུ་ཞི་བ་དང་མཐུན་ནོ། །ཡལ་ག་དང་དབུས་ཀྱི་ཆ་ལས་བྱུང་བ། ཞོ་དང་མར་དང་སེར་པོའི་དྲི་ལས་སྦངས་པ། རྩེ་གཅིག་ཏུ་རྒྱས་པའི་ལས་ལ་དབུལ་ལོ། །དབང་གི་ཡམ་ཤིང་ལ། སྲིད་དུ་ [210a] [210a.1]སོར་ལྔ་པ་འདབ་མ་དང་སྦོམས་སུ་ཆག་གང་བ་ཡུངས་མར་དང་བདུད་རྩི་ལ་སོགས་ཀྱིས་སྦངས་ལ། དབང་གི་ལས་ལ་དབུལ་ལོ། །དྲག་པོའི་ཡམ་ཤིང་ནི། སྲིད་དུ་སོར་བཞི་པ། རྩེ་མོ་ཅན་གྱི་ཤིང་ལས་བྱུང་བ། གསོད་པའི་ལས་ལ་རབ་ཏུ་ཤིས་པ། མི་རུས་དང་དུར་ཁྲོད་ཀྱི་ [210a.2]སོལ་བ་དང་། ཐལ་ཆེན་ལན་ཚྭ་ཁ་བ་དང་། ཚ་བའི་རྫས་རྣམས་ཆུ་ལ་སྦངས་ལ། རབ་ཏུ་བསྒྲིམས་ལ་མངོན་སྤྱོད་ཀྱི་ལས་ལ་དབུལ་བར་བྱའོ། །ཡམ་ཤིང་གི་རིམ་པའོ། །བུད་ཤིང་གི་རིམ་པ་ལ། པ་ལ་ཤ་དང་ནྱ་གྲོ་དྷ་ལ་སོགས་པ་ལས་བྱའོ། །དེ་མེད་ན་འོ་མ་ཅན་གྱི་ཤིང་སྐམ་པོ་ལས་བྱས་ [210a.3]ལ་ལས་ཀྱི་རྗེས་སུ་མཐུན་པར་བྱའོ། །དེ་ནས་སློབ་དཔོན་གྱིས་ཡི་དམ་ལྷའི་ཏིང་ངེ་འཛིན་རྫོགས་པ་དང་། ཀུ་ཤས་པྲོཀྵ་ཎཾ་བྱའོ། །ཨཉྩ་མཱ་ནཾ་ཨ་རྒྷ་བི་དྷི་དང་། མཆོད་པ་རྣམ་པ་ལྔ་དབུལ་བ་དང་། ནང་གི་ཕྱག་རྒྱའི་མཆོད་པ་བྱ། ཕྱག་བཙལ། དེ་ནས་ཀུ་ཤས་ཐམས་ཅད་ལ་པྲོ་ཀྵ་ཎཾ་བྱའོ། །དེ་ནས་ [210a.4]ལྕགས་ལ་སོགས་པའི་སྣོད་སར་པར་ཤིང་བརྩིགས་ལ། གཙུབས་པ་ལ་སོགས་པའི་མེ་བླངས་ལ། རླུང་ཡབ་ཀྱིས་གཡབས་ལ་མེ་སྦར་རོ། །དེ་ལ་སྦར་བའི་སྔགས་ནི། ཨོཾཛ་ལ་ཛྭ་ལ་ཧཱུཾ་ཕཊ་ཅེས་སོ། །དེ་ནས་དུ་བ་མེད་ཅིང་ལེགས་པར་འབར་བ་དང་། ཐབ་ཁུང་གི་ཤིང་བ་རྩིགས་པ་ལ་བླུགས་ [210a.5]སོ། །མེ་སྦར་བའི་རིམ་པའོ། །དེ་ནས་ཀུ་ཤ་འབྲིང་གཉིས་ཤར་ཕྱོགས་སུ་ཁ་བསྟན་ལ་གཞག །ལྷོ་དང་ནུབ་དང་བྱང་དུ་ཡང་དེ་བཞིན་བསྟན། ཀུ་ཤ་དགྲམ་པའི་སྔགས། ཨོཾ་བཛྲ་ས་ཏྭ་ཨཱ་ཨུ་ཥེ་སྭཱ་ཧཱ། ཀུ་ཤ་དགྲམ་པའི་རིམ་པའོ། །དེ་ནས་སློབ་དཔོན་ཡི་དམ་བསྒོམ་པ་དང་ལྡན་པས་ཐབ་ཀྱི་ [210a.6]ནང་དུ་སྣ་ཚོགས་པདྨ་འདབ་བརྒྱད་པ་ཅིག་བསམས་ལ། དེའི་དབུས་སུ་མངོན་པར་བྱང་ཆུབ་པ་ལྔ་དང་ལྡན་པས་ཀྱེའི་རྡོ་རྗེ་ཡབ་ཡུམ་བསྒོམ་མོ། །འདོད་ཆགས་ཆེན་པོ་སྐྱེས་པའི་སྟོབས་ཀྱིས་ཞུ་ནས་དངུལ་ཆུ་བཞིན་དུ་གནས་པ་ལས། དེ་ཉིད་ཡི་གེ་ཧཱུཾ་དང་ཛཾ་གཉིས་སུ་གྱུར། ཡི་གེ་གཉིས་ [210a.7]ཡོངས་སུ་གྱུར་པ་ལས་མེ་ལྷ་ཡབ་ཡུམ་དུ་བསྐྱེད་དེ། མེ་ལྷ་ཞལ་གསུམ་ཕྱག་དྲུག་པ་གསུས་པ་ལྡིར་བ་རལ་པའི་ཐོར་ཅོག་ཅན། མཆོད་ཕྱིར་ཐོགས་འཆང་བ། རང་དང་འདྲ་བའི་ཤེས་རབ་མ་ལ་འཁྱུད་པའོ། །གཡས་ཀྱི་བར་མ་ནི་གུནྡྷེའོ། །ཐམ་མཆོད་སྦྱིན། གཡོན་བར་མ་ན་ཟེ་འབྲུ། [210b] [210b.1]ཐ་མ་ན་བགྲང་ཕྲེང་སྐུ་མདོག་ལས་ཀྱི་བྱེ་བྲག་དང་མཐུན་པའོ། །དེ་ལྟར་བསམས་པའི་ཐུགས་ཀར་སྣ་ཚོགས་པདྨ་དེའི་སྟེང་དུ་གྲུ་གསུམ་མེ། དེའི་སྟེང་དུ་བྷྲཱུཾ་བསམ། ཛཾ་བསམ། ལྕེ་ལ་རཾ་བསམ། མེ་ལྷ་དམ་ཚིག་སེམས་དཔའ་བསྒོམ་པའི་རིམ་པའོ། །དེ་ལ་ཡང་པྲོཀྵ་ཎཾ་ལ་སོགས་པ་གར་ཡན་ [210b.2]ཆད་བྱའོ། །དེ་ནས་ཡེ་ཤེས་སེམས་དཔའ་སྤྱན་དྲངས་ཏེ། སློབ་དཔོན་གར་དང་ལྡན་པས། ཛཿ་ལྕགས་ཀྱུའི་ཕྱག་རྒྱས་སྤྱན་དྲང་ངོ་། །དེ་ནས་མདུན་གྱི་ནམ་མཁའ་ལས་ཀྱང་བཀུག་ལ་ཐབ་ཀྱི་ཁར་བཞག །དེ་ནས་པྲོཀྵ་ཎཾ་དང་ཨ་ཉྩ་མཱ་ནཾ་ལ་སོགས་པ་ཕྱག་བྱ་བ་ཡན་ཆད་བྱ། དེ་ནས་ཡང་པྲོཀྵ་ཎཾ་ལ་ [210b.3]སོགས་པ་གསུམ་བྱའོ། །གར་དང་ལྡན་པས་ཞགས་པས་གཉིས་སུ་མེད་པར་བསྟིམ། ལྕགས་སྒྲོག་གིས་བཅིང་། དྲིལ་བུས་མཉེས་པར་བྱ། དེ་ནས་ཡང་པྲོ་ཀྵ་ཎཾ་ལ་སོགས་པ་གསུམ་བྱའོ། །དེ་ནས་གཟར་བུ་གཉིས་ཀྱི་ནང་དུ་ཡི་དམ་གྱི་ལྷའི་སྙིང་པོའི་ཡི་གེ་ཧཱུཾ་རེ་རེ་བསམ་མོ། །དེ་ནས་ [210b.4]གྲུ་མོ་གཉིས་སྤྲད་ལ། མར་གཟར་བུ་བདུན་དབུལ། ཨོཾ་ན་མཿ་ས་མནྟ་བུདྡྷཱ་ནཱཾ། ཨགྣ་ཡེ་སྭཱ་ཧཱ། པུརྞ་ཏི་ཏི་མནྟྲ། ཨོཾ་ཨགྣ ་ཡེ་པུཥྚིཾ་ཀུ་རུ་སྭཱ་ཧཱ། དེ་ནས་བླུགས་གཟར་གྱིས་དབུལ་བར་བྱ་སྟེ། དགང་གཟར་གཞག །ཨོཾ་སརྦ་སཾ་པ་དེ་སྭཱ་ཧཱ། ཞོ་དང་ཟན་གྱིའོ། །དེ་ནས། ཨོཾ་སརྦ་པཱ་པཾ་ད་ཧ་ན་ [210b.5]བཛྲཱ་ཡ་ཨ་མུ་ཀ་སརྦ་པཱ་པཾ་ད་ཧ་སྭཱ་ཧཱ། ཏིལ་གྱིའོ། །ཨོཾ་བཛྲ་ཨཱ་ཡུ་ཥེ་སྭཱ་ཧཱ། དཱུར་བའིའོ། །ཨོཾ་བཛྲ་པུཥྚ་ཡེ་སྭཱ་ཧཱ། ཆག་པ་མེད་པའི་འབྲས་ཀྱིའོ། །ཨོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། ཀུ་ཤའི་སྔགས་སོ། །ཨོཾ་བཛྲ་བི་ཛཱ་ཡ་སྭཱ་ཧཱ། འབྲས་ཀྱི་ལག་པན་གྱིའོ། །མ་ཧཱ་བེ་གཱ་ཡ་སྭཱ་ཧཱ། ནས་ཀྱིའོ། ། [210b.6]ཨོཾ་མ་ཧཱ་བ་ལཱ་ཡ་སྭཱ་ཧཱ། ཆན་གྱིའོ། །ཨོཾ་བཛྲ་གྷསྨ་རི་ཡེ་སྭཱ་ཧཱ། གྲོའིའོ། །ཡམ་ཤིང་གི་ལ། ཨོཾ་བཛྲ་ཡཛྙཱ་ཡ་སྭཱ་ཧཱ། ཨུ་དུཾ་ཝཱ་རའིའོ། །ཨོཾ་བོ་དྷི་པྲིཀྵཱ་ཡ་སྭཱ་ཧཱ། བྱང་ཆུབ་ཤིང་གིའོ། །ཨོཾ་བཛྲ་རྟ་ཏཱ་ཡ་སྭཱ་ཧཱ། ནྱ་གྲོ་དྷའིའོ། །ཨོཾ་བཛྲ་ས་ཧ་ཀ་རཱ་ཡ་སྭཱ་ཧཱ། ཨ་མྲའིའོ། །དེ་ནས་ [210b.7]ཡང་མར་དགང་གཟར་ཁེངས་པ་སྟོང་མན་ཆོད་དབུལ་ལོ། །དེ་ནས་ཡང་པྲོ་ཀྵ་ཎཾ་ལ་སོགས་པ་བྱ། དེ་ཀུན་རྫོགས་པ་དང་། རྡོ་རྗེ་དཀུར་བརྟེན་དྲིལ་བུ་གསིལ་ལ། སྲིད་པ་རང་བཞིན་གྱིས་དག་པའི་ཚིགས་བཅད་བརྗོད་དོ། །དེ་ནས་མེ་ལྷ་ལ་བསྟོད་པ་བྱ། ཕྱག་བྱ། དེ་ནས་ལས་ཀྱི་བུམ་པའི་ [211a] [211a.1]ཆུས་ཐབ་ཁུང་དུ་ལན་གསུམ་ཀུ་ཤས་གཏོར་ལ་བསང་བར་བྱའོ། །དེ་ནས་མེ་ལྷའི་ཐུགས་ཀར་དཀྱིལ་འཁོར་གྱི་ལྷའི་འཁོར་ལོ་བསམས་ལ། མེ་ལྷའི་ཁ་ཧོམ་ཁུང་དུ་བསམས། དེ་ནས་ཡེ་ཤེས་སེམས་དཔའ་གར་དང་ལྡན་པར་ཛཿ་ས་སྤྱན་དྲངས་མདུན་གྱི་ནམ་མཁའ་ལ་ [211a.2]བཞུགས་སུ་གསོལ། པྲོཀྵ་ཎཾ་ལ་སོགས་པ་ཀུན་རྫོགས་པ་དང་། ཡང་ཕྱག་རྒྱ་བཞིས་དགུག་པ་དང་། གཞུག་པ་དང་། བཅིང་བ་དང་། དགྱེས་པ་བསྐྱེད་ནས་གཉིས་སུ་མེད་པར་བསྟིམས་ལ། དེ་ནས་ཡང་པྲོཀྵ་ཎཾ་ལ་སོགས་པ་ཕྱག་བྱ་བ་ཡན་ཆད་བྱའོ། །དེ་ནས་མར་གཟར་བུ་ཉི་ཤུ་རྩ་གཅིག་ [211a.3]མན་ཆད་དབུལ་ལོ། །དེ་ནས་ཞོ་ལ་སོགས་པའི་རྫས་ཀྱི་རིམ་པ་ལྷ་ལ་དབུལ་ལོ། །ཡང་མར་གྱི་སྦྱིན་སྲེག་བརྒྱ་རྩ་བརྒྱད་མན་ཆད་དབུལ་ལོ། །ཡང་པྲོཀྵ་ཎཾ་ལ་སོགས་པ་བྱ། རྡོ་རྗེ་དཀུར་བརྟེན་དྲིལ་བུ་གསིལ་ལ། སྲིད་པ་རང་བཞིན་གྱིས་དག་པའི། །ཚིགས་བཅད་བརྗོད། བསྟོད་པ་བྱ། [211a.4]དེ་ནས་གར་གྱི་དཀྱིལ་འཁོར་གྱི་ལྷ་ལ་ཕྱག་བྱའོ། །ཨོཾ་བཛྲ་མུཿ་ས་གཤེགས་སུ་གསོལ། བཟོད་པར་གསོལ། དེ་ནས་རྫས་ལྷག་མ་ཅི་ཡོད་པས་མེ་ལྷ་ལ་མཆོད་པ་དབུལ་ལོ། །ཨོཾ་བཛྲ་ཨགྣ་ཡེ་སྭཱ་ཧཱ། ཞེས་རྫས་ཀུན་ཟད་པར་བླུགས་གཟར་གྱིས་དབུལ་ལོ། །དེ་ནས་སློབ་མ་ཀུན་མེ་ཏོག་ལག་ཏུ་ [211a.5]ཐོགས་ལ་རྗེས་སུ་ཡི་རང་བ་བགྱི་སྟེ། སློབ་དཔོན་གྱིས་དགང་གཟར་མར་གྱིས་བཀང་བའི་ནང་དུ་སློབ་མ་ཀུན་གྱིས་མེ་ཏོག་བླུགས་ཏེ། སློབ་དཔོན་གྱིས་ཀྱང་བཛྲ་ཨགྣ་ཡེ་སྭཱ་ཧཱ། ཞེས་བརྗོད་ཅིང་འབུལ་ལོ། །སློབ་མས་ཀྱང་རྒྱས་པར་གྱུར་ཅིག་གམ། ཞི་བར་གྱུར་ཅིག་པའི་རྗེས་སུ་ཡི་རང་བ་བྱའོ། །ཞི་བ་ [211a.6]ཡིན་ན་རུ་རུ་སྥུ་རུའི་སྔགས་ཀྱིས་མར་ལ་སྦྱིན་སྲེག་བརྒྱ་རྩ་བརྒྱད་ལ་རྗེས་སུ་ཡི་རང་བར་བགྱིའོ། །རྗེས་དབུལ་བའི་རིམ་པ་ལ། པྲོཀྵ་ཎས་ནི་སྤྱིར་བསང་བར་བྱའོ། །ཨཉྩ་མཱ་ནས་ནི་མེ་ཏོག་མཐེབ་མཛུབ་གྱིས་བླངས་ལ། ཞལ་དང་ཐུགས་དང་ཕྱག་ཏུ་དབུལ་བར་བྱའོ། །ཨརྒྷ་ནི་དུང་ཕོར་ནས་སྐྱོར་ [211a.7]མོས་ལན་གསུམ་མདུན་དུ་དབུལ་ལོ། །པཱ་དྱཾ་ནི་དུང་ཕོར་ནས་མཐེབ་མཛུབ་གཉིས་ཀྱིས་མེ་ཏོག་བླངས་ལ། སྨད་དེ་ཐབ་ཀྱི་ཞབས་ལ་ཕོག་པར་བྱས་ལ་ལན་གསུམ་ཞལ་བསིལ་དབུལ་ལོ། །ལས་ཀྱི་བུམ་པ་ནི་བསང་བའོ། །སླ་བའི་རྫས་ནི་ཞལ་དུ་དབུལ་ལོ། །ཤིང་བུ་འོད་ལ་དབུལ། འབྲས་ [211b] [211b.1]ལ་སོགས་པ་རྣམས་ནི་ཕྱག་ཏུ་དབུལ། དྲི་སྙིང་གར་དབུལ། མེ་ཏོག་དབུལ་དབུལ། བདུག་སྤོས་ཤངས་ལ་དབུལ། དྲི་ཆབ་ཞབས་ལ་དབུལ། ཨརྒྷ་དང་མར་མེ་མདུན་དུ་དབུལ། མེའི་དེ་ཁོ་ན་ཉིད་ནི་བླ་མའི་ཞལ་ལས་ཤེས་པར་བྱའོ། །ལྷ་རྣམས་མཉེས་པར་བྱ་བ་དང་། སྔགས་རྣམས་ [211b.2]གཟི་བྱིན་སྐྱེ་བ་དང་། སྡིག་པ་རྣམས་ནི་བསྲེག་པའི་ཕྱིར། །བཟླས་པ་བས་ཀྱང་སྦྱིན་སྲེག་ཤིས། རྣལ་འབྱོར་གྱི་དབང་ཕྱུག་དཔལ་གྱིས་ཞབས་ཀྱིས་བཤད་པ་རྫོགས་སོ།། {T1304}༄༅༅། །རྒྱ་གར་སྐད་དུ། ཤྲཱི་ཧེ་བཛྲ་སྟོ་ཏྲ། བོད་སྐད་དུ། དཔལ་དགྱེས་པ་རྡོ་རྗེ་ལ་བསྟོད་ [211b.3]པ། བཅོམ་ལྡན་འདས་རྡོ་རྗེ་མཁའ་འགྲོ་ལ་ཕྱག་འཚལ་ལོ། །དངོས་པོ་དངོས་མེད་གཉིས་ལས་བྱུང་། །རྨད་བྱུང་ཆེན་པོ་སྐུ་ཆེ་བ། །སྐུ་ལས་འདས་པ་བདེ་བ་ཆེ། །འགྲོ་བའི་མགོན་ལ་ཕྱག་འཚལ་ལོ། །ཐུགས་རྗེ་ཆེན་པོ་ཁྲོ་བ་ཆེ། །བདུད་ཀུན་རྣམ་པར་འཇོམས་མཛད་པ། །བདག་མེད་མ་ [211b.4]ཡི་ཡིད་འོང་ཞིང་། །ལྷ་མོའི་ཚོགས་ཀྱིས་རྣམ་པར་སད། །རྣམ་དག་དགའ་བ་སྐྱེད་མཛད་ཅིང་། །འཇིགས་ཆེན་འཇིགས་པར་མཛད་པ་པོ། །ཞལ་བརྒྱད་འཁོར་ནི་བརྒྱད་ལྡན་ཞིང་། །བརྒྱད་གཉིས་གྱུར་པའི་ཕྱག་དང་ལྡན། །རྣམ་པར་སྐྲག་བྱེད་མ་ལུས་ནད། །གསོལ་བར་མངོན་དུ་ [211b.5]ཕྱོགས་པའི་ཞལ། །ཧཱུཾ་ནི་སྤྲོ་དང་སྡུད་མཛད་པའི། །མི་བཟད་རྣམ་པར་འདྲེན་པ་པོ། །དུས་མཐའི་ཆུ་འཛིན་འབྲུག་སྒྲ་ཡིས། །ཉོན་མོངས་ཉེ་བར་འཇོམས་པ་པོ། །གློག་འགྱུ་ཐུགས་རྗེའི་རླན་གྱིས་བརླན། །དམ་ཆོས་ཆར་གྱི་རྒྱུན་འབེབས་མཛད། །མ་རིག་གཉིད་ཀྱིས་ནོན་པ་ཡི། །ཁམས་ [211b.6]གསུམ་པ་དག་རྣམ་སད་མཛད། །ཐར་པའི་ལམ་ནི་རབ་སྟོན་པའི། །འཇིག་རྟེན་རྣམས་ལ་སྣང་བ་སྩོལ། །ལོག་པར་ལྷུང་བའི་འགྲོ་ཀུན་ལ། །ཕྱག་མང་པོ་རྣམས་རབ་བརྐྱང་ཞིང་། །ལྷ་ཡི་སྤྱན་ནི་རབ་འཇུག་པས། །རྨོངས་པའི་རབ་རིབ་སེལ་བར་མཛད། །རབ་ཏུ་གསལ་བའི་གསང་ཆེན་ [211b.7]པོ། །དོན་ཀུན་སྐད་ཅིག་གིས་བསྒྲུབ་པ། །གསང་སྔགས་མི་ལས་རྣམ་པར་གྲོལ། །སེམས་ཅན་ཀུན་ལ་རྗེས་བརྩེ་བ། །རྡོ་རྗེ་སྙིང་པོ་བྱང་ཆུབ་པའི། །སྟོང་ཉིད་སྙིང་རྗེའི་བདག་ཉིད་ཅན། །ཆར་སྤྲིན་སྔོན་པོ་དང་འདྲ་བ། །དུར་ཁྲོད་གནས་སུ་གར་ཐབས་བཞུགས། །བདུད་བཞི་པོ་ཡི་ཁྲག་ [212a] [212a.1]ཆེན་གྱིས། །ལྷ་མོའི་ཞལ་དང་བཅས་པར་མྱོས། །ཟླ་ཚེས་རྩེ་འདྲའི་མཆེ་བ་མཆོག །མཛེས་པའི་དཀྱིལ་འཁོར་ལོངས་སྤྱོད་པ། །ཐོད་ཆེན་རྒྱུ་མ་ལས་བརྒྱུས་པའི། །ཕྲེང་བས་སྐུ་ནི་རྣམ་པར་བརྒྱན། །རོལ་པར་མཛད་པའི་བཞད་ཆེན་གྱིས། །འཇིགས་བྱེད་རྣམས་ནི་འབྱེར་ [212a.2]བར་མཛད། །ཡང་དག་དྲན་པས་འགྲོ་བའི་ཚོགས། །ཡིད་ལ་འདོད་པ་ཡོངས་རྫོགས་མཛད། །ཡིད་བཞིན་ནོར་བུ་ལས་ལྷག་པའི། །མང་ཞིང་རྒྱ་ཆེའི་བསྟོད་མཆོག་གིས། །ངག་གི་དབང་ཕྱུག་ཆེན་པོས་བསྟོད། །སྒྲ་ཡི་ཡུལ་ལས་ངེས་འདས་ཤིང་། །རྟོག་པའི་དྲ་བ་རྣམ་པར་སྤངས། །གཏི་ [212a.3]མུག་ཆེན་པོ་ཡོངས་འཇོམས་ཤིང་། །སྐྱེས་བུ་ཆེན་པོའི་མཚན་རྣམས་དང་། །དཔེ་བྱད་ཡན་ལག་ཐམས་ཅད་ལྡན། །མཐོང་བས་དགའ་བ་འཕེལ་བར་མཛད། །མཆོག་ཏུ་གྲུབ་པའི་རྒྱུད་རྣམས་ནི། །ཡང་དག་ཚིམ་མཛད་ཟླ་འོད་བཟང་། །ཐོག་མ་བར་དང་མཐའ་མེད་པ། །དུས་གསུམ་རྫོགས་སངས་ [212a.4]རྒྱས་ཉི་མ། །ཉོན་མོངས་བུད་ཤིང་ངེས་བསྲེགས་པའི། །མེ་ཆེན་སྡིག་པ་ཕམ་མཛད་པའི། །ཉི་ཟླ་མེ་ཡི་འོད་ཟེར་གྱི། །ཞལ་རེ་ཞིང་ནི་སྤྱན་གསུམ་པ། །སྤྱན་ནི་ཉི་ཤུ་རྩ་བཞིའི་ཚོགས། །རྨོངས་པའི་དབྱེ་བ་རྣམས་གསུམ་འཇོམས། །ཆགས་དང་ཆགས་བྲལ་རྣམ་པར་སྤངས། །ཆགས་པ་ [212a.5]ཆེན་པོས་རབ་གྲོལ་མཛད། །རང་རིག་གྲུབ་པ་མཆོག་ལྡན་པའི། །བདེ་བའི་ཐབས་ནི་ཉེ་བར་སྟོན། །སྲིད་དང་མྱ་ངན་འདས་ལས་རྒལ། །སྲིད་དང་མྱ་ངན་འདས་ནང་བཞུགས། །ཕྱག་རྒྱ་ཆེན་པོའི་མཆུ་མྱང་ཞིང་། །ཕྱག་རྒྱ་ལྔས་ལེགས་རྒྱས་བཏབ་ལ། །ཤིན་ཏུ་འཁྱུད་པའི་ལོངས་སྤྱོད་ [212a.6]ཀྱིས། །རབ་བསྒྲུབ་དགའ་བས་རོལ་པར་མཛད། །རོ་ཡི་ཐལ་བས་ཡང་དག་བྱུགས། །རུས་པའི་རྒྱན་གྱིས་རྣམ་པར་བརྒྱན། །མཚན་མོའི་དུས་སུ་རོལ་པ་ཆེ། །དཔལ་ལྡན་ཧེ་རུ་ཀ་ལ་འདུད། །གང་ཞིག་གཙོ་བོ་སྤངས་ནས་ནི། །སྐད་ཅིག་ཙམ་ཡང་རོལ་མི་མཛད། །སྐལ་བཟང་ཡིད་ [212a.7]འོང་སྐལ་བ་བཟང་། །བདག་མེད་རྣལ་འབྱོར་མ་ལ་འདུད། །དབང་པོའི་ཕྱོགས་སུ་ཚངས་པ་ནི། །ཞབས་བརྡབས་གནོན་པས་ཡང་དག་ཞུགས། །ཡིད་འོང་སྐུ་མདོག་སྔོན་པོར་ལྡན། །གཽ་རཱི་ལ་ནི་སྤྱི་བོས་འདུད། །གཡས་ཀྱི་ཕྱོགས་སུ་དབང་པོ་ནི། །རྣམ་པར་ཉེད་པས་སྟེང་བཞུགས་ཤིང་། ། [212b] [212b.1]ཅང་ཏེའུ་སྒྲ་སྒྲོགས་ཡན་ལག་ཀུན། །བཙོད་མདོག་ཙཽ་རཱི་དེ་ལ་འདུད། །ནུབ་ཀྱི་ཕྱོགས་སུ་ཉེ་དབང་གིས། །སྟེང་དུ་གར་གྱིས་བཞུགས་མཛད་པ། །བཙོ་མོའི་གསེར་མདོག་རྣལ་འབྱོར་མ། །མཆོག་གྱུར་པེ་ཏཱ་ལཱི་ལ་འདུད། །བྱང་ཕྱོགས་དྲག་པོའི་སྟེང་བཞུགས་ཤིང་། །འཇིགས་པའི་སྦྲུལ་ནི་ཕྱག་ན་ [212b.2]བསྣམས། །རིན་ཆེན་མར་ཀཏ་མདོག་འདྲ་བའི། །དྲག་གསོལ་གྷསྨ་རཱི་ལ་འདུད། །དབང་ལྡན་ཕྱོགས་སུ་གཤིན་རྗེ་ཡི། །རྒྱལ་པོ་ཡང་དག་གནོན་པས་བཞུགས། །ཨིནྡྲ་ནཱི་ལ་འབར་འདྲ་བའི། །སྐལ་ལྡན་པུཀྐ་སཱི་ལ་འདུད། །མེ་ཡི་ཕྱོགས་སུ་གནོད་སྦྱིན་གྱི། །སྟེང་དུ་གར་གྱིས་བཞུགས་ [212b.3]མཛད་ཅིང་། །སྟོན་ཟླ་ལྟར་དཀར་དབང་ཕྱུག་མ། །མཆོག་གྱུར་ཤ་བ་རཱི་ལ་འདུད། །བདེན་བྲལ་ཕྱོགས་སུ་བདེན་བྲལ་ལྷ། །གནོན་ཅིང་ཕྱག་མཆོག་འཁོར་ལོས་མཚན། །སྤྲིན་མེད་ནམ་མཁའ་ལྟ་བུ་ཡི། །སྐུར་ལྡན་ཙཎྜལཱི་ལ་འདུད། །རླུང་ཕྱོགས་ཐགས་བཟངས་རིས་སྟེང་དུ། །སྐྱིལ་ཀྲུང་ཕྱེད་ [212b.4]པའི་གར་གྱིས་བཞུགས། །ཡིད་འོང་སྣ་ཚོགས་སྐུ་མདོག་ལྡན། །ཌོམྦི་ནཱི་ལའང་གུས་པས་འདུད། །གང་ཞིག་མཆོག་ཏུ་ཟབ་འདི་ལ། །གང་དུ་བདག་གི་འདི་འདྲའི་ཚིག །གང་ཞིག་མགོན་མཆོག་རྒྱ་ཆེན་ལ། །གང་དུ་ཉུང་སྦྱར་འདི་ཡིས་བསྟོད། །འོན་ཀྱང་གང་ཕྱིར་བདག་གི་བུ། །གཞོན་ནུ་སོ་ཐར་ཞེས་ [212b.5]བྱ་བས། །གསོལ་བ་བཏབ་པ་དེ་ཡི་ཕྱིར། །འདི་འདྲའི་བསྟོད་པ་བྱས་པ་ཡིན། །མགོན་པོ་ལྷ་མོ་བརྒྱད་བཅས་ལ། །བདག་གིས་མདོར་བསྡུས་བསྟོད་པ་ཡིས། །དགེ་བ་གང་ཞིག་ཐོབ་གྱུར་པ། །དེ་ཡིས་བདག་ཀྱང་དེ་འདྲར་ཤོག །དཔལ་རྗེ་བཙུན་དགྱེས་པའི་རྡོ་རྗེ་ལ་བསྟོད་པ་རིག་པའི་གནས་ [212b.6]མ་ལུས་པ་ལ་མཁས་པ་གྲུབ་པའི་སློབ་དཔོན་ཁ་ཆེའི་ཡུལ་དུ་འཁྲུངས་པ་དཔལ་རིན་ཆེན་རྡོ་རྗེའི་ཞལ་སྔ་ནས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཀུ་མཱ་ར་ཀ་ལ་ཤ་དང་། ལོ་ཙཱ་བ་དགེ་སློང་བྱང་ཆུབ་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།། །། [212b.7]{T1305}༄༅༅། །རྒྱ་གར་སྐད་དུ། ནཻ་རཱཏྨ་ཡོ་གི་ནི་སཱ་དྷ་ནཾ། བོད་སྐད་དུ། བདག་མེད་རྣལ་འབྱོར་མའི་སྒྲུབ་ཐབས། རྡོ་རྗེ་སེམས་དཔའ་ལ་ཕྱག་འཚལ་ལོ། །ཌོམྦི་ཧེ་རུ་ཀའི་ཞལ་སྔ་ནས། ཀྱེ་ཡི་རྡོ་རྗེ་རྣལ་འབྱོར་མ་རྒྱུད་ལས། །དེ་ཉིད་ཐམས་ཅད་ཡང་དག་བསྡུས་པ་ཡི། །ལྷ་མོའི་འཁོར་ལོ་ [213a] [213a.1]བསྒོམ་པ་གསུངས་པའོ། །ནམ་མཁར་རྗེ་བཙུན་བླ་མ་དང་། །མི་བསྐྱོད་པ་ཡི་སྐུ་ལྟ་བུའི། །མངའ་བདག་རྡོ་རྗེ་དབང་དམིགས་ཏེ། །བློ་དང་ལྡན་པས་ཕྱག་འཚལ་མཆོད། །སྙིང་གར་རང་གི་ས་བོན་བསམ། །མཆོད་པའི་སྤྲིན་ནི་རབ་ཏུ་དབུལ། །རྟག་ཏུ་ལྷ་མོ་བརྒྱད་ [213a.2]རྣམས་ཀྱིས། །བདུད་རྩི་ལྔ་ཡི་སྦྱོར་བ་ལས། །རྣལ་འབྱོར་མ་ལྔ་དཀར་མོ་སྩོགས། །བདུད་རྩི་ལྔ་ནི་འཛིན་པར་བརྗོད། །སྔོན་མོ་གཏུམ་མོ་ཌོམྦི་ནཱི། །རོ་དང་བཅས་ཏེ་འཁྱུད་པར་ལྡན། །རྟག་ཏུ་སྡིག་པ་བཤགས་པ་དང་། །བསོད་ནམས་ཉིད་ལ་རྗེས་ཡི་རང་། །དཀོན་མཆོག་གསུམ་ [213a.3]ལ་སྐྱབས་སུ་འགྲོ། །བྱང་ཆུབ་སེམས་ནི་རྣམ་པར་གཟུང་། །དང་པོར་བྱམས་པ་བསྒོམ་པར་བྱ། །གཉིས་པ་སྙིང་རྗེ་རྣམ་པར་བསྒོམ། །གསུམ་པ་དགའ་བ་བསྒོམ་པར་བྱ། །ཀུན་གྱི་མཐའ་ནས་བཏང་སྙོམས་སོ། །དེ་རྗེས་རྒྱལ་བའི་སྔགས་བརྗོད་དེ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ [213a.4]ཨཱ་ཏྨ་ཀོ྅ཧཾ། །རང་བཞིན་སྟོང་པ་ཉིད་དུ་རྣམ་བསྒོམས་སྔོན་གྱི་ནི། །རྣལ་འབྱོར་པས་ནི་སྨོན་ལམ་རྗེས་སུ་དྲན་པར་བྱ། །དང་པོར་རེ་ཕ་ལས་ནི་ཉི་མ་རྣམ་པར་བསྒོམ། །ཉི་མ་དེར་ནི་ཧཱུཾ་བྱུང་སྣ་ཚོགས་རྡོ་རྗེ་སྟེ། །རྡོ་རྗེ་དེ་ཉིད་ཀྱིས་ནི་རྣམ་པར་བསྒོམ་བྱ་བ། །ར་བ་དང་ནི་གུར་ཡང་རབ་ཏུ་བཅིང་བར་ [213a.5]བྱ། །ཤེས་རབ་ཨེ་ཡི་གཟུགས་ཅན་མ། །བློ་ལྡན་ནམ་མཁའི་ཁམས་བསམ་བྱ། །དེར་ནི་ས་གཞི་གྲུ་བཞི་པ། །ལྗང་གུ་རྣམ་པར་བསྒོམ་པར་བྱ། །ས་ཡི་དཀྱིལ་འཁོར་ནང་གནས་པར། །ཆུ་ཡི་དཀྱིལ་འཁོར་བསྒོམ་པར་བྱ། །ཆུ་ཡི་དཀྱིལ་འཁོར་དབུས་གནས་པར། །མེ་ཡི་ [213a.6]དཀྱིལ་འཁོར་བསྒོམ་པར་བྱ། །དེ་ལ་རླུང་གི་དཀྱིལ་འཁོར་ལོ། །རླུང་གི་དཀྱིལ་འཁོར་ནང་གནས་པར། །བདག་ཀྱང་བསམ་པར་བྱ་བ་སྟེ། །ཨེ་ཝཾ་ཉིད་དུ་བདག་དང་ནི། །འདྲེས་པར་གྱུར་པ་འཁོར་ལོ་ཡིན། །གྲུ་བཞི་པ་ལ་སྒོ་བཞི་པ། །ཀ་བ་བརྒྱད་ཀྱིས་ཉེ་བར་བརྒྱན། །དྲ་བ་དྲ་ཕྱེད་ཡང་ [213a.7]དག་ལྡན། །རྡོ་རྗེ་ཐིག་གིས་རྣམ་པར་བརྒྱན། །འཁོར་ལོ་དེར་ནི་སྲོག་སོང་བ། །བཅོ་ལྔ་རྣམ་པར་བསྒོམ་པར་བྱ། །རྣལ་འབྱོར་མ་ཡི་ཕྱོགས་མཚམས་ལས། །གདན་ནི་བཅོ་ལྔ་ཉིད་དུ་བརྗོད། །གདན་གྱི་སྟེང་དུ་ཟླ་བ་ཡིན། །ཟླ་སྟེང་རྣམ་འབྱེད་བློ་ལྡན་པས། །དེ་དག་ནང་སོང་ས་བོན་ནི། ། [213b] [213b.1]རྩ་བའི་དབྱངས་ཡིག་ལ་སོགས་བསམ། །མེ་ལོང་མཉམ་ཉིད་ཡེ་ཤེས་དག །ཟླ་བ་ཉི་མ་རབ་ཏུ་གྲགས། །ཨཾ་ལས་བྱུང་བའི་གྲི་གུག་ནི། །སོ་སོར་རྟོག་པ་ཉིད་དུ་བརྗོད། །འདི་རྣམས་གཅིག་གྱུར་ནན་ཏན་ཏེ། །རྫོགས་པ་ཆོས་དབྱིངས་དག་པ་སྟེ། །རྣལ་འབྱོར་མ་ནི་རྣམས་ཀྱི་ལུས། ། [213b.2]ཡེ་ཤེས་ལྔ་ཡི་བདག་ཉིད་གྲགས། །ཉི་ཟླ་དག་དང་གྲི་གུག་གིས། །ཇི་ལྟར་ཆུ་ནི་འདྲེས་འགྱུར་བ། །ཡང་ནི་འདྲེས་པར་གྱུར་ནས་ཕྱིས། །བདག་མེད་རྣལ་འབྱོར་མ་བསྐྱེད་དེ། །ཁ་དོག་ནག་མོ་གྲགས་ཆེན་མོ། །ཕྱག་རྒྱ་ལྔས་ནི་རྣམ་པར་བརྒྱན། །གཡས་ན་གྲི་གུག་འཇིགས་ཆེན་མ། །གཡོན་ [213b.3]པ་ཉིད་ནི་པདྨའི་སྣོད། །གཡས་མིན་པར་ནི་ཁ་ཊྭཱཾ་ག །སྟག་གི་པགས་པས་སྨད་དཀྲིས་སོ། །ཨ་ཨཱ་ཨི་ཨཱི་ཨུ། བདག་མེད་རྣལ་འབྱོར་མ་ལ་སོགས་པ་རྣམས་ཀྱི་བརྗོད་དོ། །ཨཱུ་རྀ་རཱྀ་ལྀ། པུཀྐ་སཱི་ལ་སོགས་པ་རྣམས་ཀྱིའོ། །ལཱྀ་ཨེ་ཨཻ་ཨོ། །ས་བོན་རྣམས་ནི་དཀར་མོ་ལ་སོགས་པ་ [213b.4]རྣམས་ཀྱི་བརྗོད་དོ། །ཨཽ་ཨཾ་ས་བོན་དག་ན་འོག་དང་སྟེང་གི་གནས་པ་དག་གིར་ཡང་བརྗོད་དོ། །སེམས་དང་ཕན་པ་རིན་ཆེན་བདག །ཚེ་དཔག་མེད་དང་དོན་གྲུབ་ཀྱིས། །བདག་མེད་ལ་སོགས་ཕྱག་རྒྱ་གདབ། །ཤེས་རབ་འཕར་མར་རྣམ་པར་གནས། །སེམས་དང་ཕན་པའི་རིན་ཆེན་བདག ། [213b.5]ཚེ་དཔག་མེད་པ་བདེ་གཤེགས་ཀྱིས། །མཚམས་ནས་པུཀྐ་སཱི་ལ་སོགས། །རིམ་པའི་རྗེས་ལ་ཕྱག་རྒྱས་གདབ། །རྣལ་འབྱོར་མ་ནི་བཞི་རྣམས་ཀྱིས། །རྟག་ཏུ་བསྒོམས་གནས་ཉིད་ལ་ནི། །ཞེ་སྡང་གཏི་མུག་སེར་སྣ་དང་། །འདོད་ཆགས་རྡོ་རྗེ་ཕྱག་རྒྱས་གདབ། །འོག་དང་སྟེང་དང་སྐུ་གསུང་ [213b.6]གི །ཕྱག་རྒྱས་བྱེད་པས་རྫོགས་པའོ། །ཕྱག་རྒྱས་གདབ་དང་རྟག་པ་འདིས། །དེ་ནས་ཕྱག་རྒྱ་ཉི་ཤུ་བརྗོད། །དབང་པོར་རྡོ་རྗེ་གཤིན་གཽ་རཱི། །ཆུ་བདག་ཆུ་ཡི་རྣལ་འབྱོར་མ། །ལུས་ངན་རྡོ་རྗེ་མཁའ་འགྲོ་མ། །དབུས་སུ་བདག་མེད་རྣལ་འབྱོར་མ། །དབང་ལྡན་དུ་ནི་པུཀྐ་སཱི། །དེ་བཞིན་ [213b.7]འཚེད་མེར་རི་ཁྲོད་མ། །བདེན་བྲལ་དུ་ནི་གཏུམ་མོ་སྟེ། །རླུང་དུ་ཌོམྦིར་བརྗོད་པའོ། །ཡང་ནི་ཤར་སྒོར་དཀར་མོ་སྟེ། །དེ་བཞིན་ལྷོར་ནི་ཆོམ་རྐུན་མ། །ནུབ་ཀྱི་སྒོ་ལ་རོ་ལངས་མ། །དེ་བཞིན་བྱང་དུ་གྷསྨ་རཱི། །འོག་ཏུ་ས་སྤྱོད་མར་བཤད་དེ། །སྟེང་དུ་མཁའ་སྤྱོད་མར་བརྗོད་དོ། །ཇི་ལྟར་ [214a] [214a.1]བདག་མེད་རྣལ་འབྱོར་མ། །ཐམས་ཅད་དམ་པར་དགའ་བའོ། །སྙིང་གར་རང་གིས་བོན་བསམ། །འོད་ཟེར་ཕྱུང་སྟེ་དེ་ནས་ནི། །སངས་རྒྱས་རྣམས་ནི་སྤྱན་དྲངས་ཏེ། །ལྷ་མོ་བརྒྱད་ཀྱིས་མཆོད་པར་བྱ། །ཕྱི་ནས་གསོལ་བ་གདབ་པ་ནི། །བཅོམ་ལྡན་བདག་ཉིད་ཆེན་པོ་ [214a.2]རྣམས། །བཅོམ་ལྡན་དེ་བཞིན་གཤེགས་པ་ཀུན། །བདག་ལ་དབང་བསྐུར་ལ་སོགས་གསོལ། །བུམ་པ་བདུད་རྩི་ལྔས་གང་བ། །མཁས་པས་སངས་རྒྱས་ཀྱིས་དབང་བསྐུར། །སངས་རྒྱས་ཀུན་གྱིས་བསྐུར་ནས་ནི། །དབུ་རྒྱན་ལ་ནི་ཐུགས་བདག་ཡིན། །དང་པོར་ནག་པོ་བསྒོམ་པར་བྱ། ། [214a.3]གཉིས་པ་དམར་པོ་བསྒོམ་པར་བྱ། །གསུམ་པ་ལ་ནི་སེར་པོར་བསྒོམ། །དེ་བཞིན་བཞི་པར་ལྗང་གུ་སྟེ། །ལྔ་པ་ཁ་དོག་སྔོན་པོ་ཉིད། །དྲུག་པ་དཀར་པོའི་ཚུལ་ཅན་དེ། །ཡན་ལག་དྲུག་སྒོམ་རྣལ་འབྱོར་པས། །ཕྱི་ནས་ཁ་དོག་རྣམ་པར་སྤངས། །གཟུགས་ཕུང་ལ་ནི་རྡོ་རྗེ་མ། །ཚོར་བ་ [214a.4]ལ་ནི་དཀར་མོར་བརྗོད། །འདུ་ཤེས་ཆུ་ཡི་རྣལ་འབྱོར་མ། །འདུ་བྱེད་རྡོ་རྗེ་མཁའ་འགྲོ་མ། །རྣམ་ཤེས་ཕུང་པོའི་རང་བཞིན་གྱིས། །བདག་མེད་རྣལ་འབྱོར་མ་རྣམས་སོ། །དཀྱིལ་འཁོར་བདག་མོ་འཇིགས་གཟུགས་གནས། །འཇིགས་པ་དང་ནི་འཇིགས་པ་མཛད། །ས་ནི་པུཀྐ་སཱི་རུ་ [214a.5]བཤད། །དེ་བཞིན་ཆུ་ཁམས་རི་ཁྲོད་མ། །མེ་ནི་གཏུམ་མོར་ཤེས་པར་བྱ། །རླུང་ནི་གཡུང་མོར་རབ་ཏུ་གྲགས། །གཟུགས་ལ་དཀར་མོར་རྟག་ཏུ་བཤད། །སྒྲ་ལ་ཆོམ་རྐུན་མ་རབ་གྲགས། །དྲི་ཡི་ཆ་ལ་རོ་ལངས་མ། །རོ་ལ་གྷསྨ་རཱི་རབ་བརྗོད། །རེག་བྱ་ས་སྤྱོད་མར་བཤད་དེ། །ཆོས་ཀྱི་ [214a.6]དབྱིངས་ལ་མཁའ་སྤྱོད་མ། །རྟག་ཏུ་འདི་དག་རྣམ་དག་པས། །དེ་ཉིད་རྣལ་འབྱོར་པ་ཡིས་འགྲུབ། །མིག་དག་གཏི་མུག་རྡོ་རྗེ་ཡིན། །རྣ་བར་ཞེ་སྡང་རྡོ་རྗེ་མ། །སྣ་ལ་སེར་སྣ་མར་བཤད་དེ། །ཁལ་འདོད་ཆགས་རྡོ་རྗེ་མ། །ལུས་ལ་ཕྲག་དོག་རྡོ་རྗེ་མ། །ཡིད་ལ་བདག་མེད་རྣལ་འབྱོར་མ། །གོ་ [214a.7]ཆ་འདི་རྣམས་ཆེས་དག་པས། །དབང་པོ་རྣམས་ཀྱི་རྣམ་པར་སྦྱོར། །སྐྱེས་པའི་ཐོད་པའི་ཕྲེང་བས་བསྐོར། །གྲི་གུག་ལྟ་ནི་གཅོད་པ་སྟེ། །ཐོད་པ་ཉོན་མོངས་མགོ་བོ་ཡི། །ཕྲེང་བའི་སྟེང་དུ་གནས་པའོ། །བླ་མ་སློབ་དཔོན་འདོད་ལྷ་ལ། །ཕྱག་འཚལ་དོན་དུ་འཁོར་ལོ་གཟུང་། །བླ་མ་ [214b] [214b.1]རྡོ་རྗེ་འཛིན་པ་ལ། །སྨོད་ཚིག་མི་མཉན་པ་ཡི་ཕྱིར། །ཉན་པ་དག་ཏུ་རྣ་ཆ་འཛིན། །སྔགས་ཟློས་ཕྱིར་ནི་མགུལ་དོ་སྟེ། །ལག་གདུབ་སྲོག་ཆགས་གསོད་པ་སྤངས། །ཕྱག་རྒྱ་བསྟེན་ཕྱིར་སྐ་རགས་ཏེ། །སངས་རྒྱས་ལྔ་ཡི་ཕྱག་རྒྱ་ཡིས། །རྟག་ཏུ་ལུས་ལ་གདབ་པར་བྱ། །སྔགས་ནི། ཨོཾ་ཨ་ཨཱ་ [214b.2]ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཱཾ་སྭཱ་ཧཱ། ཕྱག་རྒྱའི་རྣམ་དག་བཤད་བྱ་བ། །འཁོར་ལོའི་གཟུགས་ཀྱིས་མི་བསྐྱོད་པ། །འོད་དཔག་མེད་པ་རྣ་ཆའི་བདག །མགུལ་གྱི་ཕྲེང་བ་རིན་ཆེན་བདག །ལག་པ་ལ་ནི་རྣམ་སྣང་བརྗོད། །སྐ་རགས་ལ་ནི་དོན་ཡོད་གནས། །འདི་རྣམས་དག་ལ་ [214b.3]ཕྱག་རྒྱ་ལྔ། །སྐྱོན་ནི་ཡོངས་འཇོམས་འཛིན་པ་ནི། །རྣལ་འབྱོར་མས་ནི་རབ་ཏུ་བཟུང་། །ནང་གི་རྣལ་འབྱོར་བཤད་པར་བྱ། །མོ་གཟུགས་འཇིག་རྟེན་དབང་དུ་བྱེད། །ཁྲོ་བོའི་གཟུགས་ཀྱིས་སྲེག་པར་བྱེད། །ཨཱ་ལི་ཀཱ་ལི་སྙོམས་ཞུགས་པས། །ཕྱི་རོལ་གྱི་ནི་གཉིས་གཉིས་བཀབ། །གྲོང་ཁྱེར་ [214b.4]དཀྲུག་པའི་སྔགས་ནི། །ཨོཾ་ཨ་ཀ་ཙ་ཊ་ཏ་པ་ཡ་ཤ་སྭཱ་ཧཱ། །འབྱུང་པོ་ཐམས་ཅད་པའི་གཏོར་མའི་སྔགས་ནི། །ཨོཾ་ཨཱ་ཀ་རོ་མུ་ཁཾ་སརྦ་དྷ་རྨཱ་ཎཱཾ། ཨཱ་དྱཱ་ནུ་ཏྤནྣ་ཏྭཱ་ཏ། ཨོཾ་ཨཱཿ་ཧཱུཾ་ཕཊ་སྭཱ་ཧཱ། རྣལ་འབྱོར་མ་ནི་བདག་མེད་མའི། །སྡོམ་པའི་དབྱེ་བ་བཤད་པར་བྱ། །ལྟེ་བར་ཕྱག་རྒྱ་ཆེན་པོ་གནས། །རྟག་ [214b.5]ཏུ་བདེ་བ་ཆེན་པོ་འཛག །རྣོ་ཕྱིར་མེ་ཡི་གཟུགས་སུ་ནི། །དེ་ཡང་མ་མོ་རྣམས་ཀྱིས་བརྟགས། །དང་པོར་དབྱངས་ཡིག་རང་བཞིན་ཏེ། །གློར་ནི་སངས་རྒྱས་རྣམས་ཀྱིས་བརྟགས། །འཇིག་རྟེན་གསུམ་དུ་ཁྱབ་གནས་ཀྱང་། །སོ་སོའི་སྐྱེ་བོས་མི་ཤེས་སོ། །བདག་མེད་ལུས་ཀྱི་ནང་ན་གནས། ། [214b.6]གཞོམ་མེད་པ་ནི་ཁ་འོག་ཏུ། །རྒྱུན་མི་འཆད་པར་བྱང་ཆུབ་སེམས། །སྦྱོར་བས་རྟག་པར་འཛིན་པ་ཉིད། །དེ་ཕྱིར་ལུས་ལ་རྩ་གསུམ་གནས། །རྐྱང་མོར་མ་ཀུན་འདར་མ། །སྐུ་གསུང་ཐུགས་ཀྱི་གཟུགས་ཀྱི་ནི། །ལས་ཀྱི་ཕྱག་རྒྱ་ཉིད་དུ་བཅས། །རྐྱང་མ་ཤེས་རབ་རང་བཞིན་དང་། །རོ་མ་ [214b.7]ཐབས་ཀྱི་ཡན་ལག་གནས། །ཨ་བ་དྷཱུ་ཏཱི་དབུས་གནས་སུ། །གཟུང་དང་འཛིན་པ་སྤངས་པ་སྟེ། །བདེ་ཆེན་བྱེད་པའི་གཟུགས་ཅན་མ། །མི་བསྐྱོད་འབབ་པ་རྐྱང་མ་སྟེ། །རོ་མ་ཁྲག་ནི་འབབ་པའོ། །ཀུན་འདར་མགོན་པོ་དཔག་མེད་ཀྱི། །རྟག་ཏུ་གནས་ཀྱི་དངོས་པོ་མ། །ལས་ཀྱི་ཕྱག་ [215a] [215a.1]རྒྱ་བདེ་བ་ཅན། །རང་གི་ལུས་ལ་རྩ་རྣམ་གསུམ། །རྡོ་རྗེ་རིན་ཆེན་ཆུ་སྐྱེས་ཀྱིས། །སྐུ་གསུང་ཐུགས་ནི་འཛག་པ་སྟེ། །གཅིག་པའི་དུས་ནི་རྡོ་རྗེ་ཡི། །རིན་ཆེན་འཛིན་པས་དཔྱིད་ཉིད་དོ། །དཔག་མེད་མགོན་གྱི་མངོན་རྫོགས་པའི། །སངས་རྒྱས་རང་བཞིན་བརྗོད་པ་སྟེ། ། [215a.2]མཚན་མོའང་ཉིན་པར་དག་ཏུ་ཡང་། །རྟག་ཏུ་ཡེ་ཤེས་སྐྱེ་བ་ཉིད། །ལྷན་ཅིག་སྐྱེས་པ་མཆོག་དགའ་བ། །ཕ་ཡི་བདེ་བ་བཟང་པོ་འབབ། །དཔེར་ན་གང་ཡང་མཚན་མོའི་ཁྱིམ་ནང་དུ། །ཟས་ཟ་ལུས་ཀྱིས་ཡོངས་སུ་བྱེད་འདོད་པ། །སྦར་བ་མར་མེ་ཡིས་ནི་མུན་རུམ་ལྟས། །དེ་བཞིན་གཏི་མུག་ [215a.3]མུན་པས་བདེ་བ་ཡིན། །འདི་ལྟར་ཤེས་བྱ་སྲིད་པའི་མཚོ་དུག་ཆུ། །འདོད་ཆགས་ལ་སོགས་སྣ་འཐུང་ཁྱབ། །བཀྲེས་པས་གདུངས་པ་རླབས་དང་འཁྲིལ་ཤིང་རྣམ་འཁྲིལ་མྱ་ངམ་གཅིག་པུ་འགྲམ་ཆེན་པོ། །གང་ཕྱིར་བྱང་ཆུབ་བློ་ལྡན་སྐྱེ་བོ་སྐད་ཅིག་ཀྱང་ནི་རང་དོན་གཅིག་གཉེར་བ། །གཏི་མུག་ [215a.4]ཞགས་པའི་གོས་ནི་སྤངས་ནས་ཕ་རོལ་མི་འགྲོ་བདག་གིས་ངོ་མཚར་ཆེ། །བློ་བཟངས་དང་པོ་བསྐྱེད་པའི་རིམ་པ་སྒོམ་པར་བྱེད་དང་ཕན་པའི་ཕྱག་རྒྱ་དང་། །སྔགས་ནི་རྣམ་དག་གུག་སྐྱེད་གོ་ཆ་ཐམས་ཅད་ངེས་པར་དྲན་པ་བྲལ་མི་བྱ། །ཕྱི་ནས་བློ་བཟངས་རངས་ཤིང་སྐད་ཅིག་རྒྱུན་དུ་དེ་ཉིད་ [215a.5]གཅིག་གིས་སེམས་དང་ལྡན། །རྫོགས་པའི་རིམ་པ་བསྒོམ་པ་སྲིད་པ་ལས་བྱུང་ལྷན་ཅིག་སྐྱེས་པ་རྟག་ཏུ་བསམ། །ར་དྷ་ལོངས་སྤྱོད་ཚོང་འདུས་སྣ་ཚོགས་སྦྲང་ལྡན་ཀང་ཁའི་ཁབ་ཅེས་བྱ་མིང་དུ། །སྟག་ཞོན་སྣ་ཚོགས་སྦྲུལ་མགོ་གདེངས་པས་བརྒྱན་ཅིང་གང་ཞིག་བཟོད་ལྡན་སྤྱོད་པ་ [215a.6]གང་། །དེ་ནས་གཞན་ཕན་འདོད་ཕྱིར་འཇིག་རྟེན་དོན་དུ་གང་བཤད་སྒྲུབ་ཐབས་དབང་པོ་འདི། །གསང་བའི་ཤེས་རབ་ཡན་ལག་འདུ་བ་བདག་གིས་གང་བཤད་རྒྱལ་སྲས་བཟོད་པར་མཛོད། །བདུད་རྩི་འོད་ཀྱི་སྒྲུབ་པའི་ཐབས་རྫོགས་སོ།། །།རྒྱ་གར་གྱི་མཁན་པོ་ག་ཡ་དྷ་ར་ [215a.7]དང་། བོད་ཀྱི་ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། {T1306}༄༅༅། །རྒྱ་གར་སྐད་དུ། ནཻ་ར་ཨཱ་ཏྨ་སཱ་དྷ་ནཾ་ནཱ་མ། བོད་སྐད་དུ། །བདག་མེད་མ་ཞེས་བྱ་བའི་སྒྲུབ་པའི་ཐབས། བཅོམ་ལྡན་འདས་བདག་མེད་མ་ལ་ཕྱག་འཚལ་ལོ། །འཁོར་བ་བུད་མེད་གདུལ་ [215b] [215b.1]གཟིགས་ནས། །བདག་མེད་རྣལ་འབྱོར་མར་བསྒྱུར་གང་། །ཐུབ་པས་ཕ་རོལ་ཕྱིན་ཕྱག་འཚལ། །སྒྱུ་མའི་ཕྱག་རྒྱ་ཕྱག་འཚལ་འདུད། །རྣལ་འབྱོར་དང་པོ་སློབ་དུས་ན། །ངེས་པའི་གནས་བཟང་བརྟག་བྱས་ཏེ། །གར་གནས་སྔགས་པས་སྒྲུབ་པ་ཡི། །སེམས་ནི་གཅིག་བུ་མཉམ་གཞག་ [215b.2]པའི། །རི་དང་ཚང་ཚིང་བྱ་སྐྱིབས་ནི། །མེ་ཏོག་འབྲས་བུ་སོགས་བརྒྱན་པའི། །རྡོ་རྗེ་སྐྱིལ་ཀྲུང་བཅས་བྱས་ལ། །སྙིང་གར་པཾ་ལས་པདྨ་སྟེ། །དེ་སྟེང་རཾ་ལས་ཉི་དཀྱིལ་འཁོར། །དེར་ནི་གསལ་བར་ཨ་བསམས་ཏེ། །དེ་ལས་འོད་ཟེར་རབ་འཕྲོས་པས། །རྡོ་རྗེ་ལས་བྱུང་ཐུགས་རྗེ་ཆེ། ། [215b.3]ནམ་མཁར་རྗེ་བཙུན་དམིགས་བྱས་ལ། །རྒྱན་རྣམས་ཐམས་ཅད་འཛིན་པ་ཡི། །ལྷ་མོ་བརྒྱད་ཀྱིས་མཆོད་པར་བྱ། །གཽ་རཱི་རི་བོང་ཅན་འཛིན་ཅིང་། །ཆོམ་རྐུན་མ་ནི་ཉི་མའི་སྣོད། །རོ་ལངས་མ་ནི་ལག་ན་ཆུ། །ཟ་ཕོད་མ་ནི་སྨན་འཛིན་ཅིང་། །པུཀྐ་སཱི་ལག་རྡོ་རྗེ་སྟེ། །དེ་བཞིན་རི་ཁྲོད་ [215b.4]མ་རོ་འཛིན། །གཏུམ་མོ་ཅང་ཏེའུ་བརྡུང་བྱས་ཏེ། །འདི་རྣམས་ཀྱིས་ནི་གཙོ་བོ་མཆོད། །འདོད་ཆགས་ཆེན་པོའི་རྗེས་ཆགས་པས། །གཡུང་མོས་ཕྲག་ནས་འཁྱུད་པ་ཉིད། །བླ་མས་སངས་རྒྱས་རབ་ཏུ་མཆོད། །བླ་མ་རྡོ་རྗེ་མཆོད་ནས་ནི། །བདུན་པོ་ཡོངས་སུ་དག་པ་བྱ། །སྡིག་པ་བྱས་པ་ [215b.5]བཤགས་པ་དང་། །བྱེད་པ་ཡང་ནི་སྡོམ་པ་དང་། །བསོད་ནམས་དག་ལ་རྗེས་ཡི་རང་། །དེ་ནས་ཡོངས་སུ་བསྔོ་བར་གྱིས། །དཀོན་མཆོག་གསུམ་ལ་སྐྱབས་སུ་འགྲོ། །བྱང་ཆུབ་མཆོག་སེམས་བསྐྱེད་པ་དང་། །ལམ་ལ་གནས་ཤིང་བདག་ཀྱང་ནི། །གཞན་གྱི་དོན་དུ་འབུལ་བ་དང་། ། [215b.6]གནང་ནོད་ཡང་ནི་ཚངས་པ་ཡི། །གནས་བཞིས་སེམས་ནི་དབུགས་ཕྱུང་སྟེ། །དང་པོ་བྱམས་པ་བསྒོམ་པར་བྱ། །གཉིས་པ་སྙིང་རྗེའི་བྱེ་བྲག་བསྒོམ། །གསུམ་པ་དགའ་བ་བསྒོམ་པར་བྱ། །ཐམས་ཅད་ཐ་མ་བཏང་སྙོམས་སོ། །ཕྱིས་ནི་བྱང་ཆུབ་སེམས་བརྟན་བྱ། །དེ་ནས་བསྲུང་ [215b.7]པའི་དམ་ཚིག་གོ། །དད་པོ་བདེན་བརྫུན་རྣམ་དཔྱད་ནས། །རྟོག་པ་བྱ་ན་བསྒོམ་མི་ནུས། །བསྐྱེད་པ་མེད་པར་རབ་སྦྱོར་བས། །བསྐྱེད་པ་འདི་ནི་རབ་བཤད་དོ། །ཨོཾ་ཤཱུ་ཉ་ཏཱ་ཛྙའ་ན་བཛྲ་སྭ་བྷཱ་བ་ཨཱ་ཏམ་ཀོ྅ཧཾ། །སྟོང་པར་རབ་བསྐྱེད་ཧཱུཾ་སྔོན་ལས། །སྣ་ཚོགས་རྡོ་རྗེའི་བསམ་གཏན་བྱ། ། [216a] [216a.1]འགྲོ་བའི་བདུད་རྣམས་སེལ་བྱེད་པ། །ཧཱུཾ་ལས་གསལ་བར་སྤྲོ་བར་བྱ། །ཨོཾ་རཀྵ་རཀྵ་ཧཱུཾ་ཧཱུཾ་ཞེས་བརྗོད་དོ། །འདི་ལས་རྡོ་རྗེས་བསྐོར་བའི་གུར། །བླ་རེ་ཡང་ནི་བསྒོམ་པར་བྱ། །ནམ་མཁའི་ཁམས་སུ་བྷ་ག་བསམ། །དེ་ཡི་དབུས་སུ་བསྒོམ་པ་ནི། །ཡཾ་བྱུང་རླུང་གི་ [216a.2]དཀྱིལ་འཁོར་ཏེ། །སྔོན་པོ་གཞུ་བདུངས་བ་དན་མཚན། །རཾ་བྱུང་མེ་ཡི་དཀྱིལ་འཁོར་ནི། །རྡོ་རྗེའི་ཕྲེང་བསྐོར་གྲུ་གསུམ་དམར། །བཾ་ལས་བྱུང་བའི་དཀྱིལ་འཁོར་ཟླུམ། །དཀར་པོ་བུམ་པས་བསྐོར་བ་མཚན། །ལཾ་བྱུང་དཀྱིལ་འཁོར་གྲུ་བཞི་སྟེ། །སེར་པོ་རྡོ་རྗེའི་ཕྲེང་བས་བསྐོར། །བྷྲཱུཾ་ལས་འཁོར་ [216a.3]ལོའི་སྟེང་དུ་བདག །སྲིད་པ་བར་མ་བསམ་བྱས་ནས། །ཨེ་ཝཾ་ཉིད་དུ་རབ་ཏུ་འདྲེས། །འདྲེས་གྱུར་དེ་ལས་བྱུང་བ་ནི། །སངས་རྒྱས་ཕོ་བྲང་ཐུན་མོང་ཡིན། །ངོས་བཞི་པ་དང་སྒོ་བཞི་དང་། །རྟ་བབས་བཞི་ཡིས་བརྒྱན་བྱས་ཏེ། །དྲ་བ་དྲ་ཕྱེད་ཡང་དག་ལྡན། །ཀ་བ་བརྒྱད་ཀྱིས་ཉེ་བར་མཛེས། ། [216a.4]ཆོས་འབྱུང་ལས་སྐྱེས་འཁོར་ལོ་ནི། །ཁ་སྦྱོར་གཉིས་དང་སྐྱོན་མེད་པར། །ཟེ་འབྲུ་ལ་ནི་གཅིག་ཉིད་དེ། །གྲུ་གསུམ་ལས་ནི་གཞན་དུ་བརྗོད། །དེ་ཡི་དབུས་སུ་རོ་བསམས་ལ། །བཅོ་ལྔའི་གདན་ནི་བདག་ཉིད་དོ། །དེ་ཡི་སྟེང་དུ་ཟླ་བ་ཡིན། །ཟླ་བའི་སྟེང་དུ་ས་བོན་ཏེ། །ཕྱིས་ནི་ཉི་མས་མནན་ [216a.5]པས་སོ། །གཉིས་སུ་འདུས་པའི་བདེ་ཆེན་པོ། །ཨཱ་ལི་ཟླ་བའི་གཟུགས་སུ་གནས། །ཀཱ་ལི་ཉི་མའི་གཟུགས་གནས་ཏེ། །ཟླ་བ་ཉི་མ་གཉིས་འདུས་ལས། །གཽ་རཱི་ལ་སོགས་ས་བོན་ནི། །ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ། ཨཱ་ལི་དང་པོ་བདག་མེད་མ། །ཨཱ་ལི་ [216a.6]གཉིས་པ་རྡོ་རྗེ་སྟེ། །ཨཱ་ལི་གསུམ་པ་གཽ་རཱི་སྟེ། །བཞི་པ་ཆུ་ཡི་རྣལ་འབྱོར་མ། །ལྔ་པ་རྡོ་རྗེ་མཁའ་འགྲོ་མ། །དྲུག་པ་པུཀྐ་སཱི་ཞེས་བརྗོད། །རི་ཁྲོད་མ་ནི་བདུན་པ་སྟེ། །གཏུམ་མོ་བརྒྱད་པར་ཤེས་པར་བྱ། །དགུ་པ་དང་ནི་གཡུང་མོ་ཉིད། །ཡང་ནི་གཽ་རཱི་ལྔ་གཉིས་པ། །ཆོམ་རྐུན་མ་ [216a.7]ནི་བཅུ་གཅིག་སྟེ། །བཅུ་གཉིས་རོ་ལངས་མ་ཞེས་བྱ། །བཅུ་གསུམ་པ་ནི་ཟ་ཕོད་མ། །བཅུ་བཞི་ས་སྤྱོད་མ་ཞེས་བྱ། །བཅོ་ལྔ་པ་ནི་མཁའ་སྤྱོད་མ། །རྣལ་འབྱོར་མ་རྣམས་ས་བོན་ནོ། །ཟླ་བ་མེ་ལོང་ཡེ་ཤེས་ལྡན། །མཉམ་ཉིད་ལྡན་པ་རྟ་བདུན་པ། །རང་ལྷའི་ས་བོན་ཕྱག [216b] [216b.1]མཚན་ནི། །སོ་སོར་རྟོག་པ་ཡིན་ཞེས་བརྗོད། །ཐམས་ཅད་གཅིག་གྱུར་ནན་ཏན་ཏེ། །རྫོགས་པ་ཆོས་དབྱིངས་དག་པ་སྟེ། །འདི་དག་ཐམས་ཅད་རྫོགས་པ་ནི། །ཤེས་རབ་ཐབས་ཀྱི་རང་བཞིན་ཏེ། །ཟླ་བ་ཉི་མ་རབ་ཕྱེ་བས། །ཨཱ་ལི་ཤེས་རབ་ཀཱ་ལི་ཐབས། །གཽ་རཱི་ལ་སོགས་འདི་ [216b.2]ལས་བྱུང་། །དང་པོ་ནང་གི་ཁ་སྦྱར་བ། །ངེས་པར་རྣལ་འབྱོར་མ་ལྔ་གནས། །དབང་པོ་རྡོ་རྗེ་གཤིན་གཽ་རཱི། །ཆུ་བདག་ཆུ་ཡི་རྣལ་འབྱོར་མ། །ལུས་ངན་རྡོ་རྗེ་མཁའ་འགྲོ་མ། །དབུས་སུ་བདག་མེད་རྣལ་འབྱོར་མའོ། །ཕྱི་རོལ་གྱི་ནི་ཁ་སྦྱོར་ལ། །དབང་ལྡན་དུ་ནི་པུཀྐ་སཱི། །བྱིན་ཟའི་གྲྭར་ནི་ [216b.3]རི་ཁྲོད་མ། །བདེན་བྲལ་དུ་ནི་གཏུམ་མོ་སྟེ། །རླུང་གི་མཚམས་སུ་གཡུང་མོ་ཉིད། །འདི་དག་མཚམས་ཀྱི་རྣལ་འབྱོར་མ། །ཤར་གྱི་ཕྱོགས་སུ་གཽ་རཱི་སྟེ། །ལྷོ་དང་ནུབ་དང་བྱང་དུ་ནི། །ཆོམ་རྐུན་རོ་ལངས་ཟ་ཕོད་མའོ། །འདི་དག་ཕྱོགས་ཀྱི་རྣལ་འབྱོར་མའོ། །སྟེང་ཞལ་མ་དང་འོག་ [216b.4]ཞལ་མ། །ལྷ་མོ་ས་སྤྱོད་མཁའ་སྤྱོད་མའོ། །ཁ་དོག་ནག་མོ་དྲག་ཆེན་མོ། །འཁོར་ལོ་བདག་པོ་བདག་མེད་མ། །ཞལ་གཅིག་མ་ལ་སྤྱན་གསུམ་དམར། །ཕྱག་གཉིས་སྐྲ་སེར་གྱེན་དུ་འགྲེང་། །གཡོན་པ་ཐོད་པ་ཁ་ཊྭཱཾ་ག །གཡས་པའི་ཕྱག་གིས་གྲི་གུག་འཛིན། །འཁོར་ལོ་རྣ་ཆ་མགུར་ [216b.5]ཆུ་དང་། །ལག་གདུབ་དང་ནི་སྐ་རགས་འཛིན། །སྐྱིལ་ཀྲུང་ཕྱེད་པས་རོ་མནན་ནས། །སྟག་གི་པགས་པས་སྨད་དཀྲིས་ཤིང་། །བདག་མེད་རྣལ་འབྱོར་ཇི་བཞིན་དུ། །འདི་དག་ཐམས་ཅད་མཚུངས་པར་བཤད། །རང་སྙིང་པད་སྙིང་ས་བོན་བསམ། །ཡེ་ཤེས་སྙིང་གར་ཡེ་ཤེས་བསྒོམ། །དགུག་ [216b.6]པར་བྱས་ཏེ་ཡང་དག་མཆོད། །ཡེ་ཤེས་འཁོར་ལོ་བསྒོམ་པར་བྱ། །མིག་ལ་སོགས་པར་གཏི་མུག་སོགས། །རྡོ་རྗེ་གསུམ་ནི་གནས་གསུམ་དགོད། །གཏི་མུག་རྡོ་རྗེ་མིག་གཉིས་ལ། །རྣ་བར་ཞེ་སྡང་རྡོ་རྗེ་མ། །སྣ་ལ་སེར་སྣ་མ་ཞེས་བརྗོད། །ཁ་ལ་འདོད་ཆགས་རྡོ་རྗེ་མ། །རེག་ལ་ [216b.7]ཕྲག་དོག་རྡོ་རྗེ་མ། །ཡིད་ལ་རྣལ་འབྱོར་བདག་མེད་མ། །སྐུ་གསུང་དེ་བཞིན་ཐུགས་ཀྱི་ནི། །ཨོཾ་དང་ཨཱཿ་ཧཱུཾ་སྔགས་འདི་ལས། །མཁའ་སྤྱོད་མ་དང་ས་སྤྱོད་མ། །ས་འོག་གནས་པའི་བསམ་གཏན་བྱ། །སྣ་ཚོགས་གཟུགས་སུ་ཡང་དག་བརྗོད། །འདི་ལྟར་རྣམ་པར་སྣང་མཛད་ [217a] [217a.1]སོགས། །སྙིང་གའི་ས་བོན་འོད་ཟེར་ནི། །ལྕགས་ཀྱུའི་རྣམ་པས་བདེ་གཤེགས་བཀུག །ལྷ་མོ་བརྒྱད་ཀྱིས་མཆོད་བྱས་ན། །དབང་བསྐུར་བ་ནི་བླང་བའོ། །བཅོམ་ལྡན་དེ་བཞིན་གཤེགས་པ་ཀུན། །བདག་ལ་དབང་བསྐུར་ལ་སོགས་གསོལ། །དེ་ནས་ཧེ་རུ་ [217a.2]ཀ་ཡི་གཟུགས། །དེ་ནས་བདག་ལ་དབང་བསྐུར་བསམ། །སེམས་དང་རྟག་པ་རིན་ཆེན་བདག །སྣང་བ་མཐའ་ཡས་དོན་གྲུབ་རྣམས། །བདག་མེད་ཤར་གྱི་རྡོ་རྗེ་སོགས། །རྣལ་འབྱོར་མ་ལྔས་རྒྱ་ཡིས་གདབ། །སེམས་དང་རྟག་པ་རིན་ཆེན་བདག །སྣང་མཐའ་མཚམས་ཀྱི་རྣལ་ [217a.3]འབྱོར་མ། །ཞེ་སྡང་གཏི་མུག་ང་རྒྱལ་ཆེ། །འདོད་ཆགས་རྡོ་རྗེ་ཕྱོགས་གནས་མ། །རྒྱས་གདབ་སྐུ་དང་གསུང་ཉིད་ཀྱིས། །མཁའ་སྤྱོད་མ་དང་ས་སྤྱོད་མ། །དང་པོ་ནག་པོ་བསྒོམ་པར་བྱ། །གཉིས་པ་དམར་པོ་བསྒོམ་པ་སྟེ། །གསུམ་པ་སེར་པོ་བསྒོམ་པའོ། །དེ་བཞིན་བཞི་པ་ [217a.4]ལྗང་གུའོ། །ལྔ་པ་ཁ་དོག་སྔོན་པོའོ། །དྲུག་པ་དཀར་པོར་རྣམ་པར་བསྒོམ། །རྣལ་འབྱོར་ཡན་ལག་དྲུག་བསྒོམ་བྱ། །ལྟེ་བར་གཏུམ་མོ་འབར་བ་ཡིས། །དེ་བཞིན་གཤེགས་པ་ལྔ་བསྲེགས་ཏེ། །སྤྱན་ལ་སོགས་པ་ཡང་བསྲེགས་པས། །བསྲེག་པས་ཧཾ་ལས་རི་བོང་འཛག །བསམ་ [217a.5]གཏན་གྱིས་དུ་བ་རྣལ་འབྱོར་གང་། །དེ་ནི་དག་པ་རྗེས་དྲན་བྱ། །གཟུགས་ཕུང་རྡོ་རྗེ་མ་ཡིན་ཏེ། །ཚོར་བ་གསང་བ་གཽ་རཱི་སྟེ། །དེ་བཞིན་ཆུ་ལྷ་འདུ་ཤེས་མ། །འདུ་བྱེད་རྡོ་རྗེ་མཁའ་འགྲོ་མ། །རྣམ་ཤེས་ཕུང་པོ་གཟུགས་སུ་ནི། །བདག་མེད་རྡོ་རྗེ་མ་གནས་སོ། །ས་ཁམས་པུཀྐ་སཱི་རུ་བརྗོད། ། [217a.6]ཆུ་ཁམས་རི་ཁྲོད་མ་རུ་བརྗོད། །དྲོད་ནི་གཏུམ་མོ་རབ་ཏུ་བརྗོད། །རླུང་ནི་གཡུང་མོར་རབ་ཏུ་གྲགས། །གཟུགས་ལ་གཽ་རཱི་རབ་ཏུ་གྲགས། །སྒྲ་ལ་ཆོམ་རྐུན་རབ་ཏུ་གྲགས། །དྲི་ཡི་ཆ་ལ་རོ་ལངས་མ། །རོ་ལ་དེ་བཞིན་ཟ་ཕོད་མ། །རེག་བྱ་ལ་ནི་ས་སྤྱོད་དེ། །ཆོས་ཀྱི་ཁམས་ལ་མཁའ་སྤྱོད་ [217a.7]མ། །ཞེ་སྡང་རྡོ་རྗེ་མར་བཤད་དོ། །འདོད་ཆགས་ཆུ་ཡི་རྣལ་འབྱོར་མ། །ཕྲག་དོག་རྡོ་རྗེ་མཁའ་འགྲོ་སྟེ། །སེར་སྣ་གསང་བའི་གཽ་རཱི་མ། །དེ་བཞིན་གཏི་མུག་རྡོ་རྗེ་སྟེ། །ཡིད་ལ་རྡོ་རྗེ་མཁའ་འགྲོ་མ། །ཞེ་སྡང་ལ་སོགས་དག་པའོ། །སྐྱེས་པའི་བདུད་ནི་མགོ་བོ་འཛིན། །གྲི་གུག་ [217b] [217b.1]ལྷ་ནི་གཅོད་པའོ། །ཐོད་པ་ཉོན་མོངས་མགོ་བོ་ཡི། །ཕུང་པོའི་བདུད་ནི་རོར་བརྗོད་དོ། །མི་བསྐྱོད་པ་ནི་འཁོར་ལོའི་གཟུགས། །སྣང་བ་མཐའ་ཡས་རྣ་ཆའི་བདག །མགུར་ཆུ་ལ་ནི་རིན་ཆེན་བདག །ལག་གདུབ་ལ་ནི་རྟག་པར་བརྗོད། །སྐ་རགས་ལ་ནི་དོན་ཡོད་གནས། །ཕྱག་རྒྱ་ལྔ་ནི་ [217b.2]རྣམ་པར་དག །བསམ་གཏན་གྱིས་དུབ་གསང་སྔགས་བཟླས། །ཨཱ་ལི་མཐའ་ཡི་ཨ་སྤངས་པ། །ཨོཾ་ཡིག་ཧཱུཾ་ཕཊ་དང་ལྡན་པའི། །སྭཱ་ཧཱ་མཐར་གཞག་གསང་སྔགས་སོ། །ཨོཾ་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཧཱུཾ་ཕཊ་སྭཱ་ཧཱ། འདོད་པའི་དོན་ཀུན་སྒྲུབ་པ་དང་། ། [217b.3]བགེགས་ནི་ཟད་ཅིང་ཞི་བའི་ཕྱིར། །འོག་ནས་བཤད་པའི་ཆོ་ག་ཡིས། །མི་གཡོ་བས་ནི་གཏོར་མ་སྦྱིན། །རླུང་མེ་ཐོད་པ་ལ་གནས་པ། །འབར་བས་བསྲོ་བ་ལ་སོགས་པས། །ཤ་ཆེན་བདུད་རྩི་ལྔ་བསྒྲུབ་པོ། །ཡི་གེ་གསུམ་གྱིས་བྱིན་བརླབས་པའི། །ཨོཾ་ཨིནྡ། ཛ་མ། ཛ་ལ། [217b.4]ཛཀྑ། བྷཱུ་ཏ། བཧྣི། བ་ཨུ། རཀྑ། ཙནད། སཱུ་ཛྫ། མཱ་ད། པཔྤ། ཏ་ལ་པ་ཏཱ་ལཱ། ཨཥྚྭ། སཔྤ་སྭཱ་ཧཱ། ཨི་དཾ་བ་ལིཾ། བྷུཉྫ། ཛིཾ་གྷ། ཕུལླ། དྷཱུ་པྤ། པུཥྦ། མཱཾ་ས། པིང་གྷ། ཨམྦ། སརྦྦ། ཀཛྡ། སཱ་དྷ། ཁནྟི། ཁུ་ཎི། ཕེ་ཌ། ག་ད། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱ་དྱ་ནུ་ཏྤནྣ་ཏྭཱ་ཏ། ཨོཾ་ཨཱཿ་ཧཱུཾ་ཕཊ་སྭཱ་ཧཱ། [217b.5]མཁས་པ་ཆེན་པོ་དཔལ་མི་ཐུབ་ཟླ་བས་མཛད་པའི་བདག་མེད་མའི་སྒྲུབ་ཐབས་རྫོགས་སོ།། །།རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། {T1307}༄༅༅། །རྒྱ་གར་སྐད་དུ། ནཻ་རཱཏྨ་དེ་པི་པཉྩ་ད་ཤ་སྟོ་ཏྲ། བོད་སྐད་དུ། བདག་ [217b.6]མེད་མ་ལྷ་མོ་བཅོ་ལྔ་ལ་བསྟོད་པ། བཅོམ་ལྡན་འདས་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། །མོས་པ་སྣ་ཚོགས་གདུལ་དཀའ་འདུལ་བའི་ཕྱིར། །ཆོས་དབྱིངས་མི་བསྐྱོད་འགག་པ་མེད་པ་ལས། །ཐབས་ཀྱིས་སྤྲུལ་པ་སྣ་ཚོགས་སྟོན་མཛད་པ། །ཡེ་ཤེས་ཐུགས་རྗེ་ཅན་ལ་ཕྱག་ [217b.7]འཚལ་ལོ། །འཁོར་ལོ་བཞི་ཡི་བདག་ཉིད་ཨ་ལས་སྐྱེས། །བདུད་བཞི་ཟིལ་གྱིས་གནོན་པ་འཇིགས་པའི་སྐུ། །མི་བསྐྱོད་དབུ་བརྒྱན་བདེ་བ་ཆེན་པོའི་ངང་། །ཡེ་ཤེས་མཁའ་འགྲོའི་ཚོགས་ལ་ཕྱག་འཚལ་ལོ། །ཨཱ་ལས་སྐྱེས་པའི་མཛེས་མ་རྡོ་རྗེ་མ། །རྟག་ཏུ་དགྱེས་པས་ཁ་ཊྭཱཾ་ [218a] [218a.1]ག་ལ་གཟིགས། །གདུག་པ་རྣམ་སྐྲག་རྣམ་སྣང་ཅོད་པན་ཐོགས། །དུར་ཁྲོད་རྒྱན་དང་ལྡན་ལ་ཕྱག་འཚལ་ལོ། །ཨི་ལས་བྱུང་བའི་གསང་བའི་གཽ་རཱི་མ། །གཟི་བརྗིད་མི་མཚུངས་གར་ལྡན་རོ་མཆོག་མྱང་། །དོན་དམ་ཐུགས་ཆུད་དབུ་རྒྱན་རིན་ཆེན་ཏོག །སྤྱན་གསུམ་ཐོད་ [218a.2]རློན་ཅན་ལ་ཕྱག་འཚལ་ལོ། །ཨཱ་ལི་ཀཱ་ལིའི་སྙོམས་འཇུག་རྣལ་འབྱོར་མ། །བདེ་ལ་རྟག་དགྱེས་བྱང་ཆུབ་སེམས་ཀྱི་ངང་། །འོད་དཔག་མེད་ཀྱིས་དབུ་བརྒྱན་ཨཱི་ལས་སྐྱེས། །གར་གྱིས་དགྱེས་པ་དེ་ལ་ཕྱག་འཚལ་ལོ། །ཨུ་ལས་བྱུང་བའི་རྡོ་རྗེ་མཁའ་འགྲོ་མ། །ཁམས་གསུམ་དག་ [218a.3]བྱེད་སྒྲོལ་མ་ལས་ཀྱི་མཆོག །དོན་གྲུབ་དབུ་བརྒྱན་ཆགས་པའི་སྤྱན་དང་ལྡན། །མཚུངས་མེད་ཆགས་པར་ལྡན་ལ་ཕྱག་འཚལ་ལོ། །སྐྱེ་མེད་ཆོས་དབྱིངས་རྣམ་དག་པུཀྐ་སཱི། །མི་བསྐྱོད་དབུ་བརྒྱན་དྲི་མ་དག་མཛད་ཅིང་། །ཨུ་ལས་སྐྱེས་པ་བརྒྱ་ཕྱེད་ཕྲེང་བ་འཛིན། །འཇིག་རྟེན་ཞི་མཛད་ [218a.4]དེ་ལ་ཕྱག་འཚལ་ལོ། །དུས་གསུམ་འདུས་མ་བྱས་པའི་རི་ཁྲོད་མ། །སྤྲོས་བྲལ་དྲི་མེད་རྣམ་སྣང་དབུ་ལ་བཞུགས། །རྀ་ལས་འཁྲུངས་པ་གར་གྱིས་ཕྱོགས་བཅུར་གཟིགས། །ཆུ་ཟླ་དང་མཚུངས་ཁྱོད་ལ་ཕྱག་འཚལ་ལོ། །གནས་དང་ཉེ་གནས་ལ་སོགས་བགྲོད་མཛད་ཅིང་། །འདུ་བྱེད་ [218a.5]མ་ལུས་སྲེག་མཛད་ཙཎྜལཱི། །རིན་ཆེན་དབུ་བརྒྱན་བརྗིད་པས་རཱྀ་ལས་སྐྱེས། །འཛག་པ་གསལ་མཛད་མ་ལ་ཕྱག་འཚལ་ལོ། །མི་གནས་མྱ་ངན་འདས་པའི་བདག་ཉིད་ལས། །ཐུགས་རྗེ་སྐྱེད་མཛད་གཡོ་བའི་ཌོམྦི་ནཱི། །སྒེག་མོ་སྣང་མཐས་དབུ་བརྒྱན་ལྀ་ལས་བྱུང་། །མཁའ་ [218a.6]ལྟར་དྲི་མེད་སྐུ་ལ་ཕྱག་འཚལ་ལོ། །ཤིན་ཏུ་གྲག་པའི་བརྡ་ཡི་སྐད་སྦྱོར་ཞིང་། །རུ་དྷི་ར་དང་ཨནྟྲ་ལ་རྟག་དགྱེས། །ཞེ་སྡང་རྡོ་རྗེས་དབུ་བརྒྱན་ལཱྀ་ལས་སྐྱེས། །གཽ་རཱི་ཕྱོགས་བཅུར་གཟིགས་ལ་ཕྱག་འཚལ་ལོ། །ཆོས་ཉིད་གསལ་བའི་ཡུམ་གྱུར་ཆོམ་རྐུན་མ། །མི་རྟོག་མཉམ་ [218a.7]ཉིད་འགྲོ་བའི་དོན་ལ་བརྩོན། །དབུ་རྒྱན་གཏི་མུག་རྡོ་རྗེ་མི་འགྱུར་རྟགས། །ཨེ་ལས་བསྐྱེད་པ་དེ་ལ་ཕྱག་འཚལ་ལོ། །འཇིག་རྟེན་མ་ལུས་ཆགས་ལས་དབང་དུ་མཛད། །དཔལ་ལྡན་གཟི་བརྗིད་སྐྱེད་མཛད་བེ་ཏཱ་ལཱི། །ང་རྒྱལ་རྡོ་རྗེས་དབུ་བརྒྱན་ཨཻ་ལས་སྐྱེས། །སྙོམས་འཇུག་མི་གནས་ [218b] [218b.1]ངང་ལ་ཕྱག་འཚལ་ལོ། །ཤེས་རབ་ཐབས་སུ་ལྡན་པའི་གྷ་སྨ་རཱི། །དེ་ཉིད་ལས་སྐྱེས་འདོད་ཆགས་རྡོ་རྗེས་བརྒྱན། །ཨོ་ལས་བྱུང་བ་དྲག་པོ་ལས་ལས་སྐྱེས། །སྐྱེ་མེད་སྐྱེ་བར་བསྟན་ལ་ཕྱག་འཚལ་ལོ། །སྒྱུ་མ་སྨིག་རྒྱུ་བཞིན་དུ་མཁའ་ལ་སྤྱོད། །བར་སྣང་མངའ་མཛད་ཧེ་རུ་ཀ་ཡི་ [218b.2]ངང་། །ཅོད་པན་སྣང་བ་མཐའ་ཡས་ཨཽ་ལས་སྐྱེས། །ཐམས་ཅད་མཁྱེན་ཅིང་གཟིགས་ལ་ཕྱག་འཚལ་ལོ། །རྣམ་སྣང་མཛད་ཀྱིས་དབུ་བརྒྱན་ས་འོག་སྤྱོད། །འོག་གི་འཇིག་རྟེན་མ་ལུས་སྒྲོལ་མཛད་མ། །ཨཾ་ལས་བྱུང་བའི་དུར་ཁྲོད་འཇིགས་པས་བརྒྱན། །ཐབས་མཁས་ཐུགས་རྗེ་ཅན་ལ་ [218b.3]ཕྱག་འཚལ་ལོ། །ཨཱ་ལི་ཀཱ་ལི་ཟླ་བ་ཉི་མ་ཁ་སྦྱོར་ས་འོག་རྣམ་པར་དག་པ་ལས། །གྲི་གུག་ཐོད་པ་ལ་སོགས་ཕྱག་རྒྱ་ལྔ་ཡིས་བརྒྱན་པ་མཛེས་མཛད་ཅིང་། །སྐྱིལ་ཀྲུང་ཕྱེད་པའི་གར་ལྡན་གཅེར་བུ་སྤྱན་གསུམ་སྟག་ལྤགས་ཤམ་ཐབས་ཅན། །ཕྱག་རྒྱ་ཆེན་པོའི་སྐུ་ལ་རྩ་གསུམ་སྤྲུལ་ [218b.4]མཛད་དེ་ལ་ཕྱག་འཚལ་ལོ། །བསོད་ནམས་ཡེ་ཤེས་ཆེན་པོ་ལས་བྱུང་སྐུ་ལྔ་ཡེ་ཤེས་ལྔར་ལྡན་འཇིགས་པའི་གཟུགས་ཅན་མ། །བདག་ཉིད་དད་པའི་མཐུ་ཡིས་རྒྱུ་ཡི་ཡོན་ཏན་ཤས་ཙམ་མཐོང་ནས་དད་པའི་དབྱངས་ཀྱིས་བསྟོད་པ་ཡིས། །ཁམས་གསུམ་འཁོར་བའི་རྒྱ་མཚོར་ [218b.5]གནས་པའི་རྣམ་རྟོག་རླུང་གིས་རྒྱ་མཚོ་ཕྱོགས་བཅུར་གཡེང་བ་རྣམས། །སྐྱེ་རྒ་ན་འཆི་སྤངས་ནས་འཁོར་བའི་རྒྱ་མཚོ་ལས་བརྒལ་བླ་མེད་བྱང་ཆུབ་ཐོབ་པར་ཤོག། །སློབ་དཔོན་མི་ཐུབ་ཟླ་བས་མཛད་པའོ།། {T1308}༄༅༅། །རྒྱ་གར་སྐད་དུ། ནཻ་རཱཏྨ་པྲཱ་ཀཱ་ས། བོད་སྐད་དུ། [218b.6]བདག་མེད་མའི་རབ་ཏུ་གསལ་བ། དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། །ཀུན་དུ་རྟོག་པ་ཡོངས་སྤངས་ཆོས་སྐུར་གང་བརྗོད་པ། །དཔེ་མེད་བདེ་བ་ཙམ་མཛེས་ལོངས་སྤྱོད་རྫོགས་པའི་སྐུ། །ས་ཡི་ཕན་པའི་རྒྱུར་གྱུར་གང་གི་སྤྲུལ་པའི་སྐུ། །བཅོམ་ལྡན་རྡོ་རྗེ་སེམས་དཔའ་ [218b.7]ཁྱོད་དེས་དགེ་བར་ཤོག །གཅིག་ཏུ་གསལ་ལ་རྒྱས་པ་ཡིས། །མི་རྟོག་ཉུང་ལ་རྒྱས་པ་དག །ཇི་ལྟར་བློ་བཞིན་ལུང་ཇི་བཞིན། །བདག་མེད་མ་ཡི་སྒྲུབ་ཐབས་བཤད། །རྣལ་འབྱོར་པས་ཡང་དུར་ཁྲོད་ལ་སོགས་པ་ཡིད་དུ་འོང་བའི་གནས་སུ་བདུད་རྩི་ལ་སོགས་པའི་དམ་ཚིག་བསྟེན་ [219a] [219a.1]ནས་བདེ་བའི་སྟན་ལ་ཉེ་བར་འདུག་སྟེ། ཞེན་པ་མེད་ཅིང་དོགས་པ་དང་བྲལ་བས་སེམས་ཅན་གྱི་དོན་དུ་བློ་བསྐྱེད་དེ་བདག་མེད་མའི་ང་རྒྱལ་བསྐྱེད་པར་བྱའོ། །སྙིང་གར་ཉི་མའི་དཀྱིལ་འཁོར་ལ་ཡི་གེ་ཧཱུཾ་སྔོན་པོ་བསྒོམས་ཏེ། དེ་ནས་དེའི་གསལ་བའི་འོད་ཟེར་རྣམས་ཀྱིས་ཁམས་གསུམ་ [219a.2]སྣང་བར་བྱས་ནས་འོག་མིན་གྱི་གནས་ན་བཞུགས་པ་རྣམས་བཀུག་སྟེ། རྣལ་འབྱོར་མ་བརྒྱད་ཀྱིས་ཡོངས་སུ་བསྐོར་བ་ཕྱག་བཅུ་དྲུག་པ་ཞལ་བརྒྱད་པ། ཐོད་པའི་ཕྲེང་བས་རྣམ་པར་སྤྲས་པའི་ཐོད་ཅན་ཞབས་བཞི་ཡིས་བདུད་བཞི་མཉམ་པར་མནན་པ་ཁ་དོག་སྔོན་པོ། གཡས་པའི་ཕྱག་ [219a.3]གི་ཚོགས་རྣམས་ཀྱིས་བསྣམས་པའི་ཐོད་པ་རྣམས་སུ་གནས་པ་ནི་གླང་པོ་ཆེ་དང་། རྟ་དང་། བོང་བུ་དང་། གླང་དང་། རྔ་མོ་དང་། སྐྱེས་པ་དང་། སེང་གེ་དང་། བྱི་ལ་རྣམས་སོ། །ཅིག་ཤོས་ཀྱི་ཕྱག་གི་ཚོགས་རྣམས་སུ་སོན་པའི་པདྨའི་སྣོད་རྣམས་སུ་གནས་པ་ནི། །འཛིན་པ་དང་། ཆུ་དང་། [219a.4]སྐུལ་བྱེད་དང་། འབར་བ་དང་། མཚན་མོའི་མགོ་དང་། ཉི་མ་དང་། གཤིན་རྗེ་དང་། གནོད་སྦྱིན་རྣམས་སོ། །ཞལ་གྱི་གཙོ་བོ་ནི་ནག་པོའོ། །གཡས་པའི་ཞལ་ནི་ཟླ་བ་དང་། ཀུན་ད་ལྟ་བུའོ། །གཡོན་པའི་ཞལ་ཤིན་ཏུ་དམར་བའོ། །སྟེང་གི་ཞལ་དུབ་ལྟ་བུ་ཤིན་ཏུ་གཙིགས་པའོ། །ཞལ་གཞན་ [219a.5]མཐའ་དག་ནི་ཤིན་ཏུ་གནག་པའོ། །བརྒྱ་ཕྱེད་ཀྱི་ཐོད་པའི་ཕྲེང་བས་བརྒྱན་པའོ། །བདག་མེད་མས་མགུལ་ནས་འཁྱུད་པ། ནམ་མཁའི་དཀྱིལ་ན་བཞུགས་པ་མདུན་དུ་བསྒོམ་པར་བྱའོ། །དེའི་རྗེས་སུ་ཕྱི་དང་། གསང་བ་དང་། དེ་ཁོ་ན་ཉིད་རྣམས་ཀྱིས་མཆོད་པ་ལྷ་མོ་བརྒྱད་པོ་རྣམས་ཀྱིས་ [219a.6]མཆོད་པར་བྱའོ། །འདི་ལ་ཡང་ཐབས་དང་ཤེས་རབ་དག་གིས་དེའི་བདག་ཉིད་རྟོགས་པར་བྱ་བའི་ཕྱིར་པི་ཙུ་བཛྲའི་མཆོད་པའོ། །དེ་ནས་ཕྱག་འཚལ་བ་དང་། སྡིག་པ་བཤགས་པ་དང་། སྡིག་པ་སླན་ཆད་སྡོམ་པ་དང་། བསོད་ནམས་ལ་རྗེས་སུ་ཡི་རང་བ་དང་། བསོད་ནམས་ཡོངས་སུ་ [219a.7]བསྔོ་བ་དང་། གསུམ་ལ་སྐྱབས་སུ་འགྲོ་བ་དང་། བྱང་ཆུབ་ཏུ་སེམས་བསྐྱེད་པ་དང་། བདག་ཉིད་ཀྱི་དངོས་པོ་དབུལ་བ་དང་། གསོལ་བ་གདབ་པ་བྱས་ཏེ། ཚངས་པའི་གནས་བཞི་བསྒོམ་པར་བྱའོ། །དངོས་པོ་མཐའ་དག་གི་དེ་ཁོ་ན་ཉིད་ཀྱི་དངོས་པོ་བསྡུས་པ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ [219b] [219b.1]ཨཱཏྨ་ཀོ྅ཧཾ། སྟོང་པ་ཉིད་ཀྱི་ཡེ་ཤེས་རྡོ་རྗེ་རང་བཞིན་གྱི་བདག་ཉིད་ལ་ཆོས་ཐམས་ཅད་ཅེས་བྱ་བའི་སྔགས་ཀྱི་དོན་བསྒོམས་པས་རབ་ཏུ་མི་གནས་པའི་ངོ་བོར་གནས་སོ། །དེ་ནས་སྨོན་ལམ་གྱིས་དྲན་པས་ལངས་ཏེ། རཾ་ལས་མདུན་དུ་ཉི་མའི་དཀྱིལ་འཁོར་བལྟའོ། །དེ་ལ་ཡི་གེ་ཧཱུཾ་ལས་སྣ་ [219b.2]ཚོགས་རྡོ་རྗེ་བསམ་མོ། །དེ་ནས་དེའི་སྣ་ཚོགས་རྡོ་རྗེའི་འོད་ཟེར་གྱི་རྡུལ་ཕྲ་རབ་ཀྱི་ཚོགས་འཕྲོས་པ་དེས་རྡོ་རྗེ་ར་བ་དང་དྲ་བ་བཅིང་ངོ་། །འོག་ཏུ་རྡོ་རྗེའི་རང་བཞིན་གྱི་ས་གཞི་དང་། འོབས་བསམ་པར་བྱའོ། །ཉི་མ་དང་སྣ་ཚོགས་རྡོ་རྗེ་དག་ལས་འོད་ཟེར་དཔག་ཏུ་མེད་པ་བྱུང་བས་དེ་ལྟར་དེ་དག་ཐམས་ [219b.3]ཅད་བརྟན་པར་བྱའོ། །དེའི་རྗེས་སུ་ནམ་མཁའི་དབྱིངས་ཆོས་འབྱུང་གི་རྣམ་པ་ནང་ཁོང་སྟོང་ཤིན་ཏུ་དཀར་པོ་སྟེང་ཡངས་པའི་ཤེས་རབ་བལྟ་བར་བྱའོ། །དེ་ནས་དེའི་སྟེང་དུ་ཁ་དོག་སྣ་ཚོགས་པའི་པདྨ་འདབ་མ་བརྒྱད་པ་བསྒོམ་པར་བྱའོ། །དེ་ནས་དེའི་སྟེང་དུ་རཾ་ལས་བྱུང་བའི་ཉི་མའི་དཀྱིལ་ [219b.4]འཁོར་ལ་གནས་པའི་ཡི་གེ་ཧཱུཾ་ཡོངས་སུ་གྱུར་པ་ལས་སྣ་ཚོགས་རྡོ་རྗེ་བསམ་པར་བྱའོ། །སྣ་ཚོགས་རྡོ་རྗེའི་དབུས་སུ་ཡང་རླུང་དང་། མེ་དང་། ཆུ་དང་། ས་རྣམས་ནི་དུ་བ་དང་། དམར་པོ་དང་། དཀར་པོ་དང་། ལྗང་གུ་རྣམས། གཞུ་དང་། ཟུར་གསུམ་པ་དང་། ཟླུམ་པོ་དང་། གྲུ་བཞི་རྣམས། [219b.5]ཡཾ་རཾ་བཾ་ལཾ་རྣམས་ཡོངས་སུ་གྱུར་པ་ལས་སྟེང་ནས་སྟེང་དུ་བལྟའོ། །དེ་དག་ཐམས་ཅད་ཡེ་ཤེས་ཙམ་དུ་བཏགས་ཏེ། དེ་དག་ཡོངས་སུ་གྱུར་པ་ལས། གྲུ་བཞི་པ། སྒོ་བཞི་པ། རྟ་བབས་བཞི་པ། ཀ་བ་བརྒྱད་ཀྱིས་ཉེ་བར་མཛེས་པ། དྲ་བ་དང་དྲ་བ་ཕྱེད་པས་བརྒྱན་པའི་གཞལ་ཡས་ [219b.6]ཁང་བལྟ་བར་བྱའོ། །དེ་ནས་རྡོ་རྗེ་ར་བའི་ནང་རོལ་དུ་དུར་ཁྲོད་བརྒྱད་བསམ་པར་བྱའོ། །ཤར་ཕྱོགས་སུ་དབང་པོ་དང་། ཨ་རུ་རའི་ཤིང་དང་། གླང་པོ་ཆེའི་གདོང་ཅན་སེར་པོའོ། །ལྷོ་ཕྱོགས་སུ་གཤིན་རྗེ་དང་། ཙུ་ཏའི་ཤིང་དང་། མ་ཧེའི་གདོང་ཅན་ཁ་དོག་དཀར་པོའོ། །ནུབ་ཕྱོགས་སུ་ཨ་ [219b.7]ཤོ་ཀའི་ཤིང་དང་། ཆུ་ལྷ་ཁ་དོག་དམར་བ་དང་། སེང་གེའི་གདོང་ཅན་ནོ། །བྱང་ཕྱོགས་སུ་བྱང་ཆུབ་ཀྱི་ཤིང་དང་། ལུས་ངན་སེར་པོ་དང་། །མིའི་གདོང་ཅན་ནོ། །མེའི་མཚམས་སུ་ཤིང་ཀ་རཉྫ་དང་། མེ་ལྷ་དཀར་པོ་རའི་གདོང་པ་ཅན་ནོ། །བདེན་བྲལ་དུལ་ད་ཛ་བ་ཌུའི་ཤིང་དང་། མིའི་གདོང་ [220a] [220a.1]ཅན་དང་། བདེན་བྲལ་དཀར་པོའོ། །རླུང་གི་མཚམས་སུ་ཀ་ཀུ་པའི་ཤིང་དང་། རླུང་ལྷ་དང་། རི་དགས་ཀྱི་གདོང་ཅན་སེར་པོའོ། །དབང་ལྡན་གྱི་མཚམས་སུ་འབྱུང་པོ་དང་། ཁྱུ་མཆོག་གི་གདོང་ཅན་ནོ། །ནྱ་གྲོ་དྷ་སྣ་ཚོགས་པ་བསྒོམ་མོ། །འདི་དག་ཐམས་ཅད་ལག་པ་ [220a.2]གཡོན་པར་ཐོད་པ་འཛིན་པ། ཕྱག་གཡས་པར་རང་རང་གི་མཚོན་ཆ་སྣ་ཚོགས་འཛིན་པའོ། །ལུས་ཀྱི་སྟོད་བསྟན་པའོ། །དེ་བཞིན་དུ་ཤར་ཕྱོགས་ལ་སོགས་པ་ཚོགས་བརྒྱད་དུ་གོ་རིམས་ཇི་ལྟ་བ་བཞིན་དུ། མཐའ་ཡས་དང་། པདྨ་དང་། ནོར་རྒྱས་དང་། པདྨ་ཆེན་པོ་དང་། འཇོག་པོ་ [220a.3]དང་། དུང་སྐྱོང་དང་། ཀརྐོ་ཊ་དང་། རིགས་ལྡན་རྣམས་སོ། །སྤྲིན་བརྒྱད་ནི། སེར་པོ་དང་། སྐྱ་བོ་དང་། དཀར་པོ་དང་། སྐྱ་སེར་དང་། དམར་པོ་དང་། སེར་པོ་དང་། ལྗང་གུ་དང་། ཁ་དོག་སྣ་ཚོགས་པ་རྣམས་སོ། །དེ་ལྟར་ཕྱོགས་སྐྱོང་བརྒྱད་ཀྱི་ཁ་དོག་ནི་གྲགས་པར་ཟད་དོ། །མཆོད་རྟེན་ [220a.4]བརྒྱད་ཀྱི་ཁ་དོག་ཀྱང་རྟོགས་པར་བྱའོ། །དེ་ནས་དཀྱིལ་འཁོར་གྱི་འཁོར་ལོའི་ནང་དུ་པདྨ་འདབ་མ་བརྒྱད་པ་དམར་པོ་བསམས་ཏེ། པདྨའི་ནང་ཤར་ཕྱོགས་ལ་སོགས་པའི་འདབ་མ་བཞི་དང་། དེ་བཞིན་དུ་གཞལ་ཡས་ཁང་གི་ཟུར་བཞི་དང་། སྒོ་བཞི་དང་། སྟེང་དང་འོག་རྣམས་སུ་རོ་བཅོ་ལྔ་དང་ [220a.5]ལྡན་པར་བལྟ་བར་བྱའོ། །དེའི་རྗེས་སུ་རོ་མནན་པའི་ཨཱ་ལི་དང་ཀཱ་ལི་ཡོངས་སུ་གྱུར་པ་ལས། ཟླ་བ་དང་ཉི་མའི་ནང་དུ་སོན་པའི་ཨ་ལ་སོགས་པའི་དབྱངས་བཅོ་ལྔ་བསྒོམ་པར་བྱའོ། །དེ་ནས་ཨ་ལ་སོགས་པའི་ཡི་གེ་ཡོངས་སུ་གྱུར་པ་ལས་ཐམས་ཅད་ལས་ས་བོན་དང་བཅས་པའི་གྲི་གུག་གོ། །དེ་ནས་ [220a.6]ཟླ་བ་དང་། ཉི་མ་དང་། གྲི་གུག་ཡོངས་སུ་གྱུར་པ་ལས་བདག་མེད་མ་ལ་སོགས་པ་རྣལ་འབྱོར་མ་བཅོ་ལྔ་བསྒོམ་པར་བྱའོ། །དེ་ལ་མེ་ལོང་ལྟ་བུའི་ཡེ་ཤེས་དང་ལྡན་པ་ནི་ཟླ་བའོ། །མཉམ་པ་ཉིད་དང་ལྡན་པ་ནི་ཉི་མའོ། །དེ་དག་གི་ནང་དུ་སོན་པ་ནི་སོ་སོར་རྟོག་པའོ། །ཐམས་ཅད་གཅིག་པ་ནི་བྱ་བ་ནན་ [220a.7]ཏན་ནོ། །གཟུགས་བརྙན་རྫོགས་པ་ནི་ཆོས་ཀྱི་དབྱིངས་ཤིན་ཏུ་རྣམ་པར་དག་པའོ། །དེ་ལྟ་ལྟེ་བའི་ནང་དུ་དབྱངས་ཀྱི་ཡི་གེ་ཨ་ལས་བྱུང་བའི་མི་བསྐྱོད་པས་རྒྱས་བཏབ་པ། ཞེ་སྡང་དང་། རྣམ་པར་ཤེས་པའི་ཕུང་པོའི་བདག་ཉིད་ཐབས་དང་ཤེས་རབ་ཀྱི་ངོ་བོའི་གཟུགས་ཁ་ཊྭཱཾ་གས་གཟུགས་ [220b] [220b.1]འཁྱུད་པའོ། །ཤར་ལ་སོགས་པའི་འདབ་མ་རྣམས་ལ། ཨ་ཨི་ཨཱི་ཨཱུའི་དབྱངས་ལས་བྱུང་བ། གཏི་མུག་དང་། ཕྲ་མ་དང་། འདོད་ཆགས་དང་། ཕྲག་དོག་གི་རང་བཞིན། རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། འོད་དཔག་མེད་དང་། དོན་ཡོད་གྲུབ་པ་རྣམས་ཀྱིས་རྒྱས་བཏབ་པ། [220b.2]གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་ཀྱི་ཕུང་པོའི་བདག་ཉིད། རྡོ་རྗེ་མ་དང་། གཽ་རཱི་མ་དང་། ཆུ་མ་དང་། རྡོ་རྗེ་མཁའ་འགྲོ་མ་རྣམས་བསྒོམ་པར་བྱའོ། །དེ་ནས་ཕྱི་རོལ་གྱི་རིམ་པ་ལ་དབང་པོ་ལ་སོགས་པའི་མཚམས་རྣམས་སུ་ཨཱུ་རྀ་རཱྀ་ལྀ་དབྱངས་ལ་སོགས་པའི་མི་བསྐྱོད་པ་དང་། [220b.3]རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། འོད་དཔག་མེད་པས་རྒྱས་བཏབ་པ། ས་དང་། ཆུ་དང་། མེ་དང་། རླུང་རྣམས་ཀྱི་རང་བཞིན། པུཀྐ་སཱི་དང་། ཤ་བ་རཱི་དང་། ཙཎྜལཱི་དང་། ཌོམྦི་མ་རྣམས་བསྒོམ་པར་བྱའོ། །དེ་ནས་ཤར་ཕྱོགས་ལ་སོགས་པའི་སྒོ་རྣམས་སུ། ལཱྀ་ཨེ་ཨཻ་ཨོའི་དབྱངས་ [220b.4]ལས་བྱུང་བ་པུཀྐ་སཱི་ལ་སོགས་པའི་རང་བཞིན་དུ་རྒྱས་བཏབ་པ། གཟུགས་དང་། སྒྲ་དང་། དྲི་དང་། རོ་རྣམས་ཀྱི་རང་བཞིན། གཽ་རཱི་དང་། ཙཽ་རཱི་དང་། བེ་ཏཱ་ལཱི་དང་། གྷསྨ་རཱི་རྣམས་བསྒོམ་པར་བྱའོ། །དེའི་རྗེས་སུ་སྟེང་དང་འོག་ཏུ་གཏི་མུག་དང་འདོད་ཆགས་ཀྱིས་རྒྱས་བཏབ་པ། ཨཽ་ཨཾ་ལས་བྱུང་བ། [220b.5]རེག་བྱ་དང་། ཆོས་ཀྱི་དབྱིངས་ཀྱི་རང་བཞིན་ཏེ། འཁོར་བ་དང་མྱ་ངན་ལས་འདས་པའི་རང་བཞིན་ས་སྤྱོད་དང་། མཁའ་སྤྱོད་དག་བསྒོམ་པར་བྱའོ། །འདིར་ཡང་ལྷ་མོ་རྣམས་བསྐྱེད་པའི་རྗེས་སུ་རང་གི་རིགས་དང་བཅས་པའི་དབང་བསྐུར་ཏེ། རང་གི་རིགས་ཀྱིས་རྒྱས་བཏབ་པར་རྟོགས་པར་ [220b.6]བྱའོ། །དེ་དག་ནི་རྣལ་འབྱོར་མ་བཅོ་ལྔའོ། །ལོ་བཅུ་དྲུག་པའི་ཚུལ་ཟླ་བའི་དཀྱིལ་འཁོར་ལ་གནས་པའི་དབྱེར་མེད་པའི་མིག་སྨན་ནག་པོའི་མདོག་ལྟ་བུ་སྟེ། བྱང་ཆུབ་སེམས་ཀྱི་རང་བཞིན་སྐྲ་འབར་བ་གྱེན་དུ་བརྫེས་པ། སྤྱི་བོར་རྡོ་རྗེ་སེམས་དཔའི་རང་བཞིན་ཐོད་པ་དུམ་བུ་སོར་བཞི་པ་འཛིན་པ། [220b.7]མགོ་ལ་ཡང་སངས་རྒྱས་ལྔའི་རང་བཞིན་ཐོད་པ་སྐམ་པོ་ལྔ་འཛིན་པའོ། །སྤྱན་ཟླུམ་པོ་དམར་པོ་གསུམ་པ་ཞལ་མཆེ་བ་གཙིགས་པ། མ་མོ་བཅོ་ལྔའི་བདག་ཉིད་ཀྱི་མགོ་བོ་སྐམ་པོ་བཅོ་ལྔའི་ཕྲེང་བས་བརྒྱན་པ། སྟག་གི་པགས་པའི་ཤམ་ཐབས་ཅན། སྐྱིལ་ཀྲུང་ཕྱེད་པའི་གར་གྱིས་ [221a] [221a.1]བཞུགས་པ་རོ་ལ་བཅིབས་པ། ཕྱག་རྒྱ་ལྔ་འཛིན་པའོ། །དེ་ལ། འཁོར་ལོར་གཟུགས་ཀྱིས་མི་བསྐྱོད་པ། །རྣ་ཆའི་བདག་ཉིད་འོད་དཔག་མེད། །མགུལ་པའི་ཕྲེང་བར་རིན་ཆེན་བདག །ལག་རྒྱན་རྣམ་པར་སྣང་མཛད་བརྗོད། །སྐེ་རགས་ལ་ནི་དོན་ཡོད་གནས། ། [221a.2]ལུས་ཀུན་རྡོ་རྗེ་འཛིན་བཞིན་ནོ། །བླ་མ་སློབ་དཔོན་འདོད་ལྷ་ལ། །ཕྱག་འཚལ་སྤྱི་བོར་འཁོར་ལོ་འཛིན། །བླ་མ་རྡོ་རྗེ་འཛིན་པ་ལའང་། །སྨོད་ཚིག་མི་ཉན་པ་ཡི་ཕྱིར། །རྣ་བ་དག་ལ་རྣ་ཆ་འཛིན། །སྔགས་བཟླས་ཕྱིར་ནི་མགུལ་བའི་ཕྲེང་། །ཕྱག་རྒྱ་བསྟེན་པ་སྐེ་རགས་ཏེ། །སྲོག་ [221a.3]གཅོད་སྤངས་པ་གདུ་བུ་སྟེ། །རྐང་རྒྱན་དང་ནི་དཔུང་རྒྱན་འཛིན། །བྱམས་པའི་ཐུགས་ནི་ཡན་ལག་གནག །དམར་སེར་གྱི་ནི་སྐྲ་དག་ནི། །འདོད་ཆགས་ཆེན་པོར་སྟོན་པ་དང་། །ཁྲོ་བོར་རྟོགས་ཕྱིར་སྟེང་དུ་བརྫིས། །སྐུ་དང་གསུང་དང་ཐུགས་ཤིན་ཏུ་ཆགས་པའི་རང་བཞིན་གྱི་ཕྱིར། རང་བཞིན་ [221a.4]གྱིས་སྤྱན་དམར་པོ་ཆེན་པོའོ། །སྲིད་པ་དང་མྱ་ངན་ལས་འདས་པའི་རང་བཞིན་དག་ནི་ཕྱག་དག་གོ། །ང་རྒྱལ་ལ་སོགས་པའི་སྐྱོན་གཅོད་པ་ནི་གྲི་གུག་གོ། །ཁམས་གསུམ་པ་རྣམ་པར་དག་པ་ཕུང་པོ་ལ་སོགས་པའི་བདུད་བཞི་ལ་སོགས་པའི་ཁྲག་གིས་བཀང་བ་རྣམ་པར་རྟོག་པ་མཐའ་ [221a.5]དག་གིས་ལུས་ཐོད་པ་དུམ་བུ་གསུམ་མོ། །ཆོས་དང་ལོངས་སྤྱོད་དང་སྤྲུལ་པ་རྣམ་པར་དག་པ་ནི་གཉེར་མ་གསུམ་མོ། །ངོ་བོ་ཉིད་གཅིག་པུའི་སྐུའི་རྣམ་པར་དག་པ་ནི་ལུས་ཀྱི་རིལ་པོ་དག་གོ། །སྒྲིབ་པ་དང་བྲལ་བར་སྟོན་པའི་ཕྱིར་སྟག་གི་པགས་པའི་ན་བཟའོ། །ཁམས་གསུམ་པ་དམིགས་ [221a.6]པ་མེད་པར་སྟོན་པའི་ཕྱིར་ཞབས་མ་སྦྱངས་པའོ། །རོ་གཅིག་པའི་རང་བཞིན་དུ་བསྟན་པའི་ཕྱིར་ཞབས་གཅིག་གིས་སའི་དཀྱིལ་འཁོར་དུ་མནན་པའོ། །དེའི་རྗེས་སུ་སྙིང་གའི་ས་བོན་ལས་བྱུང་བའི་འོད་ཟེར་རྣམ་པ་ལྔས་འོག་མིན་ན་བཞུགས་པའི་ཡེ་ཤེས་སེམས་དཔའི་རང་གི་བདག་མེད་ [221a.7]མའི་འཁོར་ལོ་ལ་བཀུག་ལ། །སྙིང་གའི་ས་བོན་ལ་གཞུག་པར་བྱའོ། །ཡེ་ཤེས་དང་དམ་ཚིག་སེམས་དཔའ་དག་གཅིག་ཏུ་བྱས་ནས་བདག་མེད་མའི་ང་རྒྱལ་དང་ལྡན་པས་བདག་མེད་མ་དང་མཉམ་པར་འགྱུར་ཏེ། འདིར་སྦྱོར་བའི་ཡན་ལག་དྲུག་རྣམ་པར་གཞག་པའི་ཕྱིར་རིམ་པས། [221b] [221b.1]ནག་པོ་དང་། དམར་པོ་དང་། སེར་པོ་དང་། ལྗང་གུ་དང་། སྔོན་པོ་དང་། དཀར་པོ་རྣམས་བསྒོམ་པར་བྱའོ། །དེ་ལ་བསྒོམ་པ་ཕུལ་དུ་བྱུང་བའི་རིམ་གྱིས་དང་པོར་སྤྲིན་གྱིས་བསྒྲིབས་པའི་ཟླ་བའི་དཀྱིལ་འཁོར་ལྟ་བུར་སྣང་ངོ་། །དེ་ཡང་ [221b.2]རབ་ཀྱི་ཕུལ་དུ་ཕྱིན་པ་ལས་ནི་སྒྱུ་མ་ལྟ་བུར་སྣང་ངོ་། །དེའི་རྗེས་སུ་རབ་ཀྱི་ཕུལ་དུ་ཕྱིན་པ་ཡོངས་སུ་སྨིན་པ་ལས་ནི་རྨི་ལམ་དང་སད་པ་འདྲ་བའི་དུས་སུ་གཉིས་སུ་མེད་པར་གང་གིས་མཐོང་བས་ཕྱག་རྒྱ་ཆེན་པོ་ཐོབ་པར་འགྱུར་རོ་ཞེས་བྱ་བས་ནི་བསྐྱེད་པའི་རིམ་པའོ། །གཞན་དུ་བོ་ལ་དང་ཀཀྐོལ་དང་ [221b.3]ཡང་དག་པར་སྦྱོར་བ་ལས། གང་བདེ་བ་ཆེན་པོའི་རང་བཞིན་མཆོག་དང་བྲལ་བའི་ནང་དུ་སོན་པའི་བྱང་ཆུབ་ཀྱི་སེམས་སྐྱེ་སྟེ། དེ་ཉིད་བཅོ་ལྔའི་ཆའི་བདག་ཉིད་ཅན་སྐད་ཅིག་གིས་སྔོན་དུ་བསྟན་པའི་ཕྱག་མཚན་དང་ཁ་དོག་དང་དབྱིབས་ཏེ། རྣལ་འབྱོར་མ་བཅོ་ལྔའི་དཀྱིལ་འཁོར་གྱི་འཁོར་ལོར་ [221b.4]བལྟ་བར་བྱའོ། །དེ་ཡང་ཕུང་པོ་ལྔ་དང་། ཁམས་བཞི་དང་། ཡུལ་དྲུག་སྟེ། སྐུ་དང་གསུང་དང་ཐུགས་ཀྱི་རང་བཞིན་ཏེ། འདི་ནི་ཟབ་མོ་བསྐྱེད་པའི་རིམ་པའོ། །སྐད་ཅིག་ཉིད་ལས་རྣལ་འབྱོར་མ་བཅོ་ལྔའི་བདག་ཉིད་ཀྱི་དཀྱིལ་འཁོར་གྱི་འཁོར་ལོ་བལྟའོ། །འདི་ནི་རྫོགས་པའི་རིམ་པའོ། ། [221b.5]རྡོ་རྗེའི་ལུས་ཀྱང་ཡེ་ཤེས་ལྔས་བྱིན་གྱིས་བརླབས་པའི་རྩ་སུམ་ཅུ་རྩ་གཉིས་ཏེ། བདེ་བ་ཆེན་པོའི་གནས་ནས་འཛག་པའོ། །དེ་ཡང་རྣལ་འབྱོར་མ་བཅོ་ལྔའི་བདག་ཉིད་དེ། ལུས་ཉིད་བདག་མེད་མའི་འཁོར་ལོའོ། །ཡོངས་སུ་རྫོགས་པའི་རིམ་པའོ། །དེ་བཞིན་དུལ་ལ་ནཱ་དང་ར་ས་ནཱ་དག་མགྲིན་ [221b.6]པ་ནས་བརྩམས་ཏེ། ལྟེ་བའི་བར་དུ་གཡོན་པ་དང་ཅིག་ཤོས་ཀྱི་ངོས་སུ་གནས་པ་ཟླ་བ་དང་ཉི་མ་ཞེས་བྱ་བས། ལྟེ་བའི་ནང་དུ་དེ་ཉིད་སྐྱེ་གནས་ཀྱི་རྩ་ལ་ལ་ནཱ་དང་ར་ས་ནཱ་ཡིན་ཏེ། མི་བསྐྱོད་པ་དང་ཁྲག་འབབ་པའོ། །ཨ་བ་དྷཱུ་ཏཱི་ནི་མགོ་དང་མགྲིན་པ་དང་ལྟེ་བ་དང་སྐྱེ་གནས་ཀྱི་ནང་དུ་གནས་པ་ [221b.7]བྱང་ཆུབ་ཀྱི་སེམས་འབབ་པའོ། །རྩ་དེ་དག་བདག་མེད་མའོ། །མི་ཕྱེད་མ་དང་ཕྲ་གཟུགས་མ་ནི་སྤྱི་བོར་གནས་པ་སྟེ། གྲངས་བཞིན་དུ་སེན་མོ་དང་། སོ་དང་། སྐྲ་དང་བ་སྤུའི་མཚན་ཉིད་རྣམས་ཟུང་ངུ་འབབ་པ་ནི་རྡོ་རྗེ་མའོ། །གསལ་མ་ནི་རྣ་བ་གཡས་པའི་པགས་པ་དང་། དྲི་མ་འབབ་པ་ [222a] [222a.1]དང་། གཡོན་མ་ནི་རྒྱབ་ཀྱི་སྒལ་ཚིགས་ཀྱི་ཤ་འབབ་པ་དག་ནི་གཽ་རཱིའོ། །ཡ་མི་ནི་དང་། རུས་སྦལ་སྐྱེས་དག་ནི་རྣ་བ་གཡོན་པ་དང་། སྨིན་མའི་དབུས་ན་གནས་པ་སྟེ། རྒྱུས་པ་དང་། རུས་པ་དང་། དྲི་འབབ་བ་དག་ནི་ཆུ་མའོ། །དངོས་པོ་མ་དང་དབང་བསྐུར་མ་དག་ནི། མིག་ [222a.2]དང་ལག་པའི་རྩ་བར་གནས་ཏེ། གློ་བ་དང་སྙིང་འབབ་པ་སྟེ། རྡོ་རྗེ་མཁའ་འགྲོ་མའོ། །སྐྱོན་ལྡན་མ་དང་མ་ཧཱ་ནི་ཡེ་དག་ནི་མཆན་ཁུང་དང་ནུ་མ་དག་ལ་གནས་པ་སྟེ། མིག་དང་མཁྲིས་པ་འབབ་པ་སྟེ། པུཀྐ་སཱིའོ། །མ་མོ་དང་མཚན་མོ་དག་ནི་ལྟེ་བ་དང་སྣ་རྩེ་དག་ལ་གནས་པ་སྟེ། མཆིན་པ་ [222a.3]དང་རྒྱུ་མ་དང་དྲི་འབབ་པ་ཤ་པ་རཱིའོ། །བསིལ་སྟེར་དང་ཚ་བ་མ་དག་ནི་ཁ་དང་མགྲིན་པར་གནས་ཏེ། ངོས་ཀྱི་སྐུད་པ་དང་ལྟོ་བ་འབབ་པ་སྟེ། ཙཎྜལཱིའོ། །ཕྲ་མ་ན་ནི་སྙིང་དང་བཤང་བ་འབབ་པའོ། །མདོག་ནག་མ་ནི་མཚམས་མཐར་གནས་པ་སྟེ། ཌོམྦི་ནཱིའོ། །ཕྲ་གཟུགས་མ་དང་སྤྱི་མ་དག་ནི་ [222a.4]མདོམས་དང་བཤང་བའི་ལམ་དང་བད་ཀན་དང་མཁྲིས་པ་འབབ་པ་སྟེ། གཽ་རཱིའོ། །རྒྱུ་སྦྱིན་མ་དང་བྲལ་བ་དག་ནི་བརླ་དང་བྱིན་པ་དག་ལ་གནས་པ་ཁྲག་དང་རྡུལ་འབབ་པ་སྟེ། ཙཽ་རཱིའོ། །སྡུག་མ་དང་དངོས་གྲུབ་མ་དག་ནི་རྐང་པའི་སོར་མོ་དང་རྐང་པའི་རྒྱབ་ཏུ་ཚིལ་དང་མཆིན་པ་འབབ་པ་སྟེ། བེ་ཏཱ་ལཱིའོ། ། [222a.5]འཚེད་པ་དང་། ཡིད་བཟངས་མ་དག་ནི། མཐེ་བོ་དང་པུས་མོ་གཉིས་ལ་གནས་ཏེ། དེ་ལ་སྔ་མ་ནི་བད་ཀན་འབབ་པ། ཕྱི་མ་ནི་སྟོབས་དང་སྣབས་འབབ་པ་སྟེ། འདི་ནི་གྷསྨ་རཱིའོ། །སྙིང་གའི་པདྨའི་ལྟེ་བའི་ཤར་ལ་སོགས་པའི་འདབ་མ་རྣམས་ལ་གོ་རིམས་བཞིན་དུ་གསུམ་སྐོར་མ་དང་། འདོད་མ་ [222a.6]དང་། ཁྱིམ་མ་དང་། གཏུམ་མོ་དང་། བདུད་སྦྱིན་མ་རྣམས་སོ། །དེ་ལ་རྩ་དང་པོ་གཉིས་ནི་ས་སྤྱོད་མའོ། །ལྷག་མ་རྣམས་ནི་མཁའ་སྤྱོད་མའོ། །འདི་ཡང་རྩ་ནས་རབ་ཏུ་འཛག་པས། རྒྱས་པར་བྱེད་པ་དང་། འགྲོ་བར་བྱེད་པ་དང་། དེ་ནས་ཅུང་ཟད་འབབ་པའོ། །སྐུ་དང་གསུང་དང་ཐུགས་ [222a.7]དང་། ཆོས་དང་ལོངས་སྤྱོད་རྫོགས་པ་དང་། སྤྲུལ་པའི་ངོ་བོ་ཉིད་ནི་འཁོར་ལོ་བཞིར་ལུས་ལ་རྣམ་པར་གནས་པའོ། །དེ་ལ་སྤྲུལ་པའི་འཁོར་ལོ་ནི་ཁ་དོག་སྣ་ཚོགས་པ་པདྨ་འདབ་མ་དྲུག་ཅུ་རྩ་བཞི་པའི་ལྟེ་བའི་འོག་ཏུ་ཡི་གེ་ཨ་ནག་པོ་སྟེང་དུ་ཁ་བལྟས་པས་རྣམ་པར་གནས་པའོ། །ཆོས་ཀྱི་ [222b] [222b.1]འཁོར་ལོ་ནི་པདྨ་འདབ་མ་བརྒྱད་པ་ལ་ཡི་གེ་ཧཱུཾ་ནག་པོ་སྙིང་གར་རྣམ་པར་གནས་པའོ། །མགྲིན་པར་ལོངས་སྤྱོད་ཀྱི་འཁོར་ལོ་དམར་པོ་འདབ་མ་བཅུ་དྲུག་པ་ལ་པྲ་ན་བ་ས་བོན་དམར་པོའོ། །སྤྱི་བོར་འདབ་མ་སུམ་ཅུ་རྩ་གཉིས་པ་དཀར་པོ་ལ་ཡི་གེ་ཧཾ་དཀར་པོའི་ས་བོན་ཁ་ཐུར་དུ་ [222b.2]བལྟས་པ་ལས་བདུད་རྩིའི་རྒྱུན་འབབ་པ་བདེ་བ་ཆེན་པོའི་འཁོར་ལོའོ། །འདི་དག་དགའ་བ་དང་སྐད་ཅིག་མའི་རྣམ་པར་གཞག་པ་ནི་བླ་མའི་མན་ངག་ལས་རྟོགས་པར་བྱའོ། །འབད་པ་མེད་པར་ཟུང་དུ་འཇུག་པ་གཉིས་མེད་བར་འབྱུང་བའི་བྱང་ཆུབ་ཀྱི་སེམས་མངོན་དུ་བྱེད་པའི་ [222b.3]རྒྱུའོ། །ངོ་བོ་ཉིད་ཀྱི་རིམ་པའོ། །དེ་ནས་བསྒོམ་པས་དུབ་ན་བདག་མེད་མའི་ང་རྒྱལ་དང་ལྡན་པས་སྔགས་བཟླས་པར་བྱའོ། །དེ་ལ་འདིར་ལྷན་ཅིག་སྐྱེས་པར་གྲུབ་པ་ཕྲ་བ་དང་པོ་ཧཱུཾ་ཕཊ་མཐར་གནས་པའི་དབྱངས་བཅོ་ལྔའི་རང་བཞིན་གྱི་ཨ་ལ་སོགས་པའི་སྔགས་སོ། །འདི་ལྟ་སྟེ། [222b.4]ཨོཾ་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཧཱུཾ་ཕཊ་སྭཱ་ཧཱ། བདག་མེད་མ་དམར་མོའི་ང་རྒྱལ་དང་ལྡན་པས་གྲོང་ཁྱེར་དཀྲུག་པའི་སྔགས་བཟླས་པར་བྱའོ། །དེ་ལ་འདིར་སྔགས་ནི། ཨོཾ་ཨ་ཀ་ཙ་ཊ་ཏ་པ་ཡ་ཤ་སྭཱ་ཧཱ། ཞེས་པའོ། །ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱ་དྱ་ནུཏྤནྣ་ཏྭཱ་ཏ། [222b.5]ཨོཾ་ཨཱཿ་ཧཱུཾ་ཕཊ་སྭཱ་ཧཱ། ཞེས་པ་ནི་གཏོར་མའི་སྔགས་སོ། །ཨོཾ་ཨཱཿ་ཧཱུཾ་ཞེས་བྱ་བ་ནི་དམ་ཚིག་བྱིན་གྱིས་བརླབ་པའི་སྔགས་སོ། །དེའི་རྗེས་སུ་དཀྱིལ་འཁོར་གྱི་འཁོར་ལོ་མངོན་དུ་བྱས་པའི་དུས་སུ་ནི་ནུ་མ་སྤངས་པས་རང་གི་ཡན་ལག་གི་ཀཀྐོལའི་ནང་དུ་གནས་པའི་བོ་ལར་བྱའོ། །འགྲམ་པ་གཉིས་ [222b.6]ནི་དྲིལ་བུར་འགྱུར་བའོ། །གསང་སྔགས་ཚུལ་གྱི་བསྟན་བཅོས་སྙིང་། །བླ་མ་དམ་པའི་འབད་པ་ལས་ཤེས་པ། །བདག་མེད་མ་ནི་རབ་ཏུ་གསལ་བ་ནི། །བདག་གི་སྙིང་རྗེ་ཡིས་ནི་སེམས་ཀྱིས་བྱས། །དཀྱིལ་འཁོར་འཁོར་ལོ་ཟབ་མོ་ཡི། །རྣམ་པར་ངེས་པར་འགྱུར་བ་ནི། །ཇི་ལྟར་ [222b.7]འདིར་ནི་ལུས་ཅན་རྣམས། །རི་ཁྲོད་མགོན་གྱི་ཞབས་ཀྱི་ཆུ་སྐྱེས་ཀྱི། །རྡུལ་རྣམས་སྤྱི་བོས་མ་བླངས་པ། །དེ་དག་ངེས་པར་ཇི་ལྟར་འགྱུར། །མངོན་པར་རྟོགས་པ་འདི་ཡིས་ཐོབ་པ་ཡིས། །དགེ་བ་འདི་ཡིས་འཇིག་རྟེན་མཐའ་དག་ནི། །སྲིད་པ་གསུམ་གྱི་སྡུག་བསྔལ་ཡིད་མི་བདེ་སྤངས་ཏེ། ། [223a] [223a.1]རྡོ་རྗེ་འཛིན་པའི་གོ་འཕང་རབ་གནས་ཤོག །དཔལ་པཎྜི་ཏ་གཉིས་སུ་མེད་པའི་རྡོ་རྗེས་མཛད་པའི་བདག་མེད་མའི་སྒྲུབ་ཐབས་རྫོགས་སོ།། །།རྒྱ་གར་གྱི་མཁན་པོ་བཛྲ་པཱ་ཎི་ལས་མཉན་ཏེ་སླད་ཀྱི་དགེ་སློང་མཚུར་ཛྙཱ་ན་ཨཱ་ཀ་རས་བསྒྱུར་བའོ།། །། [223a.2]{T1309}༄༅༅། །རྒྱ་གར་སྐད་དུ། ནཻ་རཱཏྨ་སཱ་དྷ་ན་པཽཥྚི་ཀ་ནི་རྡེ་ཤ །བོད་སྐད་དུ། བདག་མེད་མའི་སྒྲུབ་ཐབས་རྒྱས་པར་བསྟན་པ་ཞེས་བྱ་བ། བཅོམ་ལྡན་འདས་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ། །སྤྱིར་དེ་ཁོ་ན་ཉིད་བཙལ་བའི་ཐབས་མང་ན་ཡང་གནས་སྐབས་འདིར་བསྒོམ་ [223a.3]པར་བྱ་བའི་སྣོད་དུ་རུང་བར་བྱས་པའི་སྔགས་པས་ནང་པར་སྔར་ལངས་ཏེ། རང་གི་སྙིང་གར་ཟླ་བའི་དཀྱིལ་འཁོར་ལ་བདག་མེད་མའི་ས་བོན་འོད་ཀྱི་ཕྲེང་བ་དང་ལྡན་པར་བལྟས་ལ། གདོང་བཀྲུ་བ་ལ་སོགས་པ་བྱས་ཏེ། རྣལ་འབྱོར་དང་གནས་དང་བདག་ཉིད་བསྲུང་བ་བྱས་ལ་བསམ་གཏན་གྱི་ [223a.4]གནས་སུ་རབ་ཏུ་ཞུགས་ནས་བདེ་བའི་སྟན་ལ་འདུག་སྟེ། རང་གི་སྔགས་ཀྱིས་མཆོད་ཡོན་ལ་ཡོངས་སུ་བཟླས་པར་བྱའོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ཡང་དག་པར་བསྡུས་པའི་ངོ་བོ་བདག་མེད་མའི་དཀྱིལ་འཁོར་མདུན་གྱི་ནམ་མཁའ་བར་སྣང་ལ་གནས་པར་བལྟས་པ་ལ་རང་ [223a.5]གི་སྙིང་གའི་ས་བོན་ལས་མངོན་དུ་བཏོན་པའི་མཆོད་པའི་ལྷ་མོ་བརྒྱད་པོ་རྣམས་ཀྱིས་མཆོད་པར་བྱས་ཏེ། རི་དགས་ཅན་འཛིན་སེར་མོ་སྟེ། །ཉི་མ་འཛིན་པ་ཆོམ་རྐུན་མའོ། །ལག་ན་ཆུ་འཛིན་རོ་ལངས་མ། །ཟ་ཕོད་མ་ནི་སྨན་སྣོད་འཛིན། །སྦོས་མོ་ལག་ན་རྡོ་རྗེ་འཛིན། །རོ་མཆོག་འཛིན་ [223a.6]པ་རི་ཁྲོད་མ། །དེ་བཞིན་གཏུ་མ་མོ་ཅང་ཏེའུ་ཅན། །སྨེ་མོ་མགུལ་པར་འཁྱུད་ཅིང་འཛིན། །ཞེས་པ་དེ་དག་གིས་ཡང་དག་པར་མཆོད་ལ། དེ་དག་གི་མདུན་དུ་སྡིག་པ་བཤགས་པ་ལ་སོགས་པ་འདི་ལྟར་བྱ་སྟེ། བདག་གི་སྡིག་པ་ནི་ཐམས་ཅད་དུ་སོ་སོར་འཆགས་ལགས་སོ། །སོ་སོའི་ [223a.7]སྐྱེ་བོ་རྣམས་དང་། འཕགས་པ་རྣམས་ཀྱི་དགེ་བ་ཐམས་ཅད་ལ་ནི་རྗེས་སུ་ཡི་རང་ལགས་སོ། །བདག་ཇི་སྲིད་བྱང་ཆུབ་ཀྱི་བར་དུ་སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །སེམས་ཅན་ཐམས་ཅད་ལ་བདེ་བ་དང་ཕན་གདགས་ [223b] [223b.1]པ་དང་། ཇི་ལྟར་བྱང་ཆུབ་རྣམ་པ་གསུམ་པོའི་སྐལ་པ་དང་ལྡན་པ་དེ་རྣམས་བྱང་ཆུབ་གསུམ་པོ་ཐོབ་པར་བྱ་བའི་དོན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མཆོག་ཏུ་སེམས་བསྐྱེད་པར་བགྱིའོ། །དེ་ནས་སེམས་ཅན་ཐམས་ཅད་ལ་བདེ་བ་བཟང་པོ་ཉེ་བར་སྦྱར་བར་བྱ་བའི་ཕྱིར་བྱམས་པ་བསྒོམ་ [223b.2]པར་བྱའོ། །དེ་ནས་སེམས་ཅན་ཐམས་ཅད་ཀྱི་སྡུག་བསྔལ་ཉེ་བར་སེལ་བའི་རྣམ་པ་སྙིང་རྗེའོ། །དེ་ནས་འདི་ལྟར་སེམས་ཅན་ཐམས་ཅད་བདེ་བ་དང་མི་འབྲལ་བའི་རྣམ་པ་དགའ་བའོ། །དེ་ནས་སེམས་ཅན་ཐམས་ཅད་འཇིག་རྟེན་དང་འཇིག་རྟེན་ལས་འདས་པའི་དགེ་བ་རྣམས་སུ་ཉེ་ [223b.3]བར་སྦྱོར་བའི་རྣམ་པ་བཏང་སྙོམས་སོ། །དེ་ནས་ཆོས་ཐམས་ཅད་སེམས་ལས་སྐྱེ་ཞིང་སྣང་བ་ལས་བདེ་བ་མ་ཡིན་པ་འདི་ལྟ་བུ་སེམས་གཟུང་བ་དང་འཛིན་པའི་དོན་དུ་སྣང་བ་འཁྲུལ་པ་རྣམ་པར་བསལ་བ་སྟེ། དཔེར་ན་རྨི་ལམ་ལྟ་བུ་འདི་ནི་ངེས་པ་མ་ཡིན་ནོ། །འཁྲུལ་པ་ཡོངས་སུ་བསལ་ [223b.4]བའི་ཕྱིར་ན་སྔོན་པོ་དང་སེར་པོ་ལ་སོགས་པ་དོན་དུ་སྣང་བ་ཡོངས་སུ་བསལ་བར་བྱའོ། །རྒྱུ་དེས་ན་སོ་སོར་སྣང་བ་རྣམས་ནི་བདག་ཉིད་ཀྱི་སེམས་ཏེ། དེ་ཡང་སྟོན་ཀའི་ཉི་མའི་གུང་ལ་ནམ་མཁའ་དྲི་མ་མེད་ཅིང་སྣང་བ་མེད་པ་གསལ་བ་ཙམ་མཐའ་ཡས་པ་ལྟར་བལྟའོ། །འདི་ནི་དོན་དམ་པ་བྱང་ཆུབ་ [223b.5]ཀྱི་སེམས་སོ། །འདིར་ནི་གདོད་མའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེ་ལྟ་བུ་འདི་སྟོང་པ་ཉིད་ཀྱི་ཡེ་ཤེས་དམ་པའོ། །འདི་རུ་སྔགས་ཀྱིས་བྱིན་གྱིས་བརླབ་ཅིང་བསྒོམ་པར་བྱའོ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ་ཞེས་པའོ། །དེའི་རྗེས་ལ། རེ་ཕས་ཉི་མ་མདུན་དུ་རྣམ་པར་བསྒོམ། [223b.6]ཉི་མ་དེར་ཧཱུཾ་སྣ་ཚོགས་རྡོ་རྗེའི་དངོས། །རྡོ་རྗེ་དེ་ཡིས་རྣམ་པར་བསྒོམ་བྱ་བ། །ར་བ་དང་ནི་དྲ་བ་བཅིང་བའོ། །དེ་ནས་སྟོན་ཀའི་ཟླ་བ་ལྟར་དཀར་པོ་གྱེན་ཀར་གནས་པའི་གྲུ་གསུམ་པ། ནང་རོལ་སྟོང་པ་ཆེན་པོའི་ཁམས་སུ་གནས་པའི་ཆོས་ཀྱི་འབྱུང་གནས་ཀྱི་ཕྱག་རྒྱ་རུ་རྣམ་པར་བསྒོམ་ [223b.7]པར་བྱའོ། །དེའི་དཀྱིལ་དུ་དབང་ཆེན་གྱི་དཀྱིལ་འཁོར་གྲུ་བཞི་པ་སེར་པོའོ། །དེའི་སྟེང་དུ་ཆུའི་དཀྱིལ་འཁོར་ཟླུམ་པོ་དཀར་པོའོ། །དེའི་སྟེང་དུ་མེ་གྲུ་གསུམ་པ་དམར་པོའོ། །དེའི་སྟེང་དུ་རླུང་གཞུའི་རྣམ་པ་སྔོན་པོའོ། །དེ་རྣམས་ཡོངས་སུ་གྱུར་པ་སྣ་ཚོགས་པདྨ་ཆེན་པོ་གེ་སར་དང་ལྡན་པ་ [224a] [224a.1]སྣ་ཚོགས་རྡོ་རྗེས་མཚན་པ་ལ་གཞལ་ཡས་ཁང་བརྩེགས་པ་བསྒོམ་པར་བྱའོ། །དེ་ཡང་རིན་པོ་ཆེ་སྣ་ལྔ་མཆོག་ཏུ་འབར་བའི་རང་བཞིན་ལས་གྱུར་པ། གྲུ་བཞི་པ་དང་། སྒོ་བཞི་པ་དང་། ཏྭ་ར་ན་བཞིས་བརྒྱན་པ། མུ་ཁྱུད་ལ་མཆོད་པའི་ལྷ་མོ་བརྒྱད་ཕྲག་གཉིས་ཀྱིས་མཆོད་པ་བྱེད་པ་ [224a.2]ཅན་དྲ་བ་དྲ་ཕྱེད་ཀྱིས་མཛེས་པ། རྡོ་རྗེ་སྐུད་པས་བརྒྱན་པ་དང་། རླུང་གིས་རླབས་པས་སྣ་ཚོགས་པའི་སྟེང་ལོགས་སུ་བསྐྱོད་པའི་ཅོད་པན་དྲིལ་བུའི་སྒྲ་དང་ལྡན་པ་ཅན་ནོ། །དེའི་དཀྱིལ་གྱི་རིམ་པ་ལ་པདྨ་འདབ་མ་བརྒྱད་པ་རྣམ་པར་བསྒོམ་པར་བྱའོ། །དེའི་གེ་སར་དང་ཕྱོགས་བཞི་རུ་ཞིང་ལྔའི་ [224a.3]གདན་རྣམས་སུ་བསམ་པར་བྱའོ། །ཕྱི་རིམ་གྱི་གྲྭ་རྣམས་སུ་བ་ཞི་དང་། སྒོ་རྣམས་སུ་བཞི་དང་། འོག་ཏུ་གཅིག་དང་སྟེང་དུ་གཅིག་གོ། །དེ་ནས་ཞིང་གི་གདན་དབུ་མའི་སྙིང་གར་སྔོན་དུ་བསྒོམས་པའི་སྒོམ་པ་པོའི་སེམས་མཐའ་ཡས་ཤིང་གསལ་བ་ཤེལ་ལྟ་བུ་དེ་དབྱངས་ཀྱི་ཡི་གེ་བཅོ་ལྔ་པོ་ཕྲེང་ [224a.4]བའི་གཟུགས་ཀྱིས་བསྡུས་ཏེ་དེ་ཡོངས་སུ་ཞུ་བ་ཟླ་བ་གང་བའི་རྣམ་པར་བསྒོམ་པར་བྱའོ། །དེའི་སྟེང་དུ་སྡེ་ཚན་སུམ་ཅུ་རྩ་བཞིའི་ཕྲེང་བ་ཡོངས་སུ་ཞུ་བས་ཉི་མའི་དཀྱིལ་འཁོར་རོ། །དེའི་སྟེང་དུ་ཡི་གེ་ཨ་དེས་གྲི་གུག་གོ། །དེའི་དཀྱིལ་འཁོར་ཡི་གེ་ཨའོ། །ཡི་གེ་ཨ་དེ་ལས་དེ་བཞིན་གཤེགས་ [224a.5]པ་ཐམས་ཅད་རྣལ་འབྱོར་མ་བཅོ་ལྔའི་གཟུགས་ཀྱིས་སྤྲོས་ཏེ། སླར་དེ་ལ་ཡང་དག་པར་བསྡུས་པས་ཟླ་བ་དང་ཉི་མ་དང་གྲི་གུག་དང་། ས་བོན་ཡོངས་སུ་ཞུ་བས་བཅོམ་ལྡན་འདས་བདག་མེད་མའི་རྣལ་འབྱོར་བསྒོམ་པར་བྱའོ། །དེ་ནི་ཁ་དོག་ནག་མོ་དྲག་ཆེན་མོ། །ཕྱག་རྒྱ་ལྔ་ཡིས་རྣམ་པར་བརྒྱན། ། [224a.6]འཁོར་ལོ་སྙན་ཆ་མགུལ་དོ་དང་། །ཕྱག་གདུབ་དང་ནི་སྐུ་རེགས་དང་། །སྟག་ལྤགས་སྨད་གཡོགས་འོད་འབར་བ། །དབུ་སྐྲ་དམར་སེར་གྱེན་དུ་སྐྱེས། །ཕྱག་གཉིས་ཞལ་ནི་གཅིག་མ་སྟེ། །ཁྲོ་གཉེར་བསྡུས་ཤིང་སྤྱན་དམར་མ། །གཡོན་ན་ཐོད་པ་ཁ་ཊྭཱཾ་ག །གཡོན་མིན་ན་ནི་གྲི་གུག་བསྣམས། ། [224a.7]སྐྱིལ་ཀྲུང་ཕྱེད་པའི་གར་གྱིས་བཞུགས། །རི་བོང་ཅན་འོད་ཟླ་བའི་གདན། །འཁོར་ལོ་བཞི་ཡི་ཆུ་སྐྱེས་ལ། །ཡི་གེ་བཞི་ཡིས་བརྒྱན་པའོ། །ནུ་བར་ཟླ་བའི་གྲི་གུག་ལ། །ས་བོན་འོད་ཀྱིས་རྣམ་མཛེས་གནས། །ཞེས་བྱ་བ་ཡིན་ནོ། །འདི་དག་ནི་དང་པོའི་རྣལ་འབྱོར་དང་། དང་པོའི་ཏིང་ངེ་འཛིན་ [224b] [224b.1]དང་། ངོ་བོ་ཉིད་ཀྱི་སྐུའོ། །དེ་ནས་དེའི་རྗེས་སུ་སྙིང་གའི་མཚན་མ་ལ་གནས་པའི་ས་བོན་ལས་ཟླ་བའི་གདན་བཅུ་བཞི་ངེས་པར་བཏོན་ཏེ། རོའི་གདན་རྣམས་རེ་རེའི་སྙིང་གར་དགོད་དོ། །དེ་ནས་ཡང་ས་བོན་དེ་ཉིད་ལས་ཉི་མའི་གཟུགས་བཅུ་བཞི་པོ་བཏོན་ཏེ། ཟླ་བ་དེ་དག་ཉིད་ཀྱི་སྟེང་དུ་གཞག་ [224b.2]པར་བྱའོ། །ཟླ་བ་དང་ཉི་མ་མཉམ་པར་སྦྱར་བ་ལས་ཉི་མའི་སྟེང་དུ་ས་བོན་རྣམས་སྐྱེས་སོ། །དེ་ལ་ནང་གི་རིམ་པའི་ཤར་ལ་སོགས་པའི་ཕྱོགས་ཀྱི་ཉི་མ་རྣམས་ལ་རིམ་བཞིན་དུ་ཨཱ་ཨི་ཨཱི་ཨུའོ། །ཕྱིའི་རིམ་པའི་དབང་ལྡན་ལ་སོགས་པའི་གྲྭ་རྣམས་ཀྱི་ཉི་མ་རྣམས་ལ་རིམ་བཞིན་དུ་ཨཱུ་རྀ་རཱྀ་ [224b.3]ལྀའོ། །ཤར་ལ་སོགས་པའི་སྒོའི་ཉི་མ་རྣམས་ལ་ལཱྀ་ཨེ་ཨཻ་ཨོའོ། །འོག་གི་ཉི་མ་ལ་ཨཽ་ཡིན་ནོ། །སྟེང་གི་ཉི་མ་ལ་ཨཾ་ངོ་། །སོ་སོའི་ས་བོན་ལས་གྲི་གུག་དང་། །ས་བོན་ཡོངས་སུ་ཞུ་བ་རྣམས་ལྷ་མོ་བཅུ་བཞིར་བྱུང་སྟེ། ཐམས་ཅད་ཀྱང་ཇི་ལྟར་བདག་མེད་རྣལ་འབྱོར་མ་དེ་བཞིན་ནོ། ། [224b.4]ཕྱོགས་ཀྱི་འདབ་མ་རྣམས་ལ་རྡོ་རྗེ་མ་དང་། སེར་མོ་དང་། ཆུའི་རྣལ་འབྱོར་མ་དང་། རྡོ་རྗེ་མཁའ་འགྲོ་མའོ། །གྲྭ་རྣམས་སུ་སྦོས་མོ་དང་། རི་ཁྲོད་མ་དང་། གཏུམ་མོ་དང་། སྨེ་མོའོ། །སྒོ་རྣམས་སུ་སེར་མོ་དང་། ཆོམ་རྐུན་མ་དང་། རོ་ལངས་མ་དང་། ཟ་ནུས་མའོ། །ལྷ་མོ་བཅུ་གཉིས་པོ་ [224b.5]དེ་རྣམས་ནི་བདག་མེད་མ་ལ་མངོན་དུ་ཕྱོགས་པའོ། །འོག་ཏུ་ནི་ས་སྤྱོད་མ་སྟེ་ཞལ་འོག་ཏུ་གཟིགས་པའོ། །སྟེང་དུ་ནི་ནམ་མཁའ་སྤྱོད་མ་སྟེ་ཞལ་སྟེང་དུ་གཟིགས་པའོ། །ཐམས་ཅད་ཀྱི་སྙིང་གར་ཟླ་བ་ལ་གྲི་གུག་གནས་པའི་དཀྱིལ་ན་རང་རང་གི་ས་བོན་ཅན་ནོ། །དེའི་རྗེས་སུ་སྔགས་ཀྱི་འོད་ [224b.6]ཟེར་གྱིས་ཡེ་ཤེས་ཀྱི་འཁོར་ལོ་བཀུག་སྟེ། ཡི་གེ་ཧཱུཾ་གིས་བགེགས་རྣམས་བསྐྲད་ཅིང་ནམ་མཁའི་སྟེང་ན་བཞུགས་པ་དག་མཉེས་པར་བྱ་བའི་ཆེད་དུ་སྔོན་དུ་ཡོངས་སུ་བཟླས་པའི་མཆོད་ཡོན་དང་ཞབས་བསིལ་དང་ཞལ་བསིལ་དག་རང་གི་སྔགས་ཀྱིས་དབུལ་བར་བྱའོ། །དེ་ནས་ཛཿ་ཧཱུཾ་བཾ་ཧོཿ་ཞེས་ [224b.7]བརྗོད་དེ། དམ་ཚིག་གི་དཀྱིལ་འཁོར་ལ་ཡེ་ཤེས་ཀྱི་དཀྱིལ་འཁོར་མངོན་དུ་བཀུག་ཅིང་བཅིངས་ནས་དབང་དུ་བྱས་ལ་ཆུ་དང་འོ་མ་འདྲེས་པ་བཞིན་དུ་རོ་གཅིག་ཏུ་གྱུར་པར་བསམ་པར་བྱའོ། །དེ་ནས་བདག་ཉིད་ཀྱི་གཟུགས་ཀྱི་ཕུང་པོ་དེའི་བདག་ཉིད་ལ་རྡོ་རྗེ་མ་གནས་པར་བལྟའོ། །ཚོར་བའི་ཕུང་པོ་ [225a] [225a.1]ལ་སེར་མོའོ། །འདུ་ཤེས་ཀྱི་ཕུང་པོ་ལ་ཆུའི་རྣལ་འབྱོར་མའོ། །འདུ་བྱེད་ཀྱི་ཕུང་པོ་ལ་རྡོ་རྗེ་མཁའ་འགྲོ་མའོ། །རྣམ་པར་ཤེས་པའི་ཕུང་པོ་ལ་བདག་མེད་མའོ། །སའི་ཁམས་ལ་སྦོས་མོའོ། །ཆུའི་ཁམས་ལ་རི་ཁྲོད་མའོ། །མེའི་ཁམས་ལ་དྲག་འཛིན་མའོ། །རླུང་གི་ [225a.2]ཁམས་ལ་སྨེ་མོའོ། །གཟུགས་ཀྱི་སྐྱེ་མཆེད་ལ་སེར་མོའོ། །སྒྲའི་སྐྱེ་མཆེད་ལ་ཆོམ་རྐུན་མའོ། །དྲིའི་སྐྱེ་མཆེད་ལ་རོ་ལངས་མའོ། །རོའི་སྐྱེ་མཆེད་ལ་ཟ་ནུས་མའོ། །རེག་བྱའི་སྐྱེ་མཆེད་ལ་ས་སྤྱོད་མའོ། །ཆོས་ཀྱི་སྐྱེ་མཆེད་ལ་མཁའ་སྤྱོད་མའོ། །ཡང་མིག་གི་སྐྱེ་མཆེད་ལ་རྡོ་རྗེ་མའོ། །རྣ་བའི་ [225a.3]སྐྱེ་མཆེད་ལ་བདག་མེད་མའོ། །སྣའི་སྐྱེ་མཆེད་ལ་སེར་མོའོ། །ལྕེའི་སྐྱེ་མཆེད་ལ་ཆུའི་རྣལ་འབྱོར་མའོ། །ལུས་ཀྱི་སྐྱེ་མཆེད་ལ་རྡོ་རྗེ་མཁའ་འགྲོ་མའོ། །ཡིད་ཀྱི་སྐྱེ་མཆེད་ལ་བདག་མེད་མའོ། །ཞེ་སྡང་ལ་བདག་མེད་མའོ། །གཏི་མུག་ལ་རྡོ་རྗེ་མའོ། །འདོད་ཆགས་ལ་ཆུའི་རྣལ་འབྱོར་མའོ། ། [225a.4]ང་རྒྱལ་ལ་སེར་སྣ་མའོ། །ཕྲག་དོག་ལ་རྡོ་རྗེ་མཁའ་འགྲོ་མའོ། །ཐམས་ཅད་ཀྱི་མགོ་བོར་ཡི་གེ་ཨོཾ་གྱིས་སྐུ་བྱིན་གྱིས་བརླབ་པར་བྱའོ། །མགྲིན་པར་ཡི་གེ་ཨཱཿ་ཡིས་ངག་བྱིན་གྱིས་བརླབ་པའོ། །སྙིང་གར་ཡི་གེ་ཧཱུཾ་གིས་ཐུགས་བྱིན་གྱིས་བརླབ་པར་བྱའོ། །དེ་ལྟ་བུའི་གཞན་རྣམས་ཀྱི་ཡང་ཕུང་ [225a.5]པོ་དང་། ཁམས་དང་། སྐྱེ་མཆེད་དང་། ཉོན་མོངས་པ་དང་། ཉེ་བའི་ཉོན་མོངས་པ་རྣམས་རྣམ་པར་དག་པར་ལྷག་པར་མོས་པར་བྱའོ། །དེ་ནས་རང་གི་སྙིང་གའི་ས་བོན་གྱི་འོད་ཟེར་གྱིས་དེ་བཞིན་གཤེགས་པ་ཐམས་ཅད་བཀུག་སྟེ། ནམ་མཁར་གཞག་པ་ལ་རང་གི་སྙིང་གའི་ས་བོན་ལས་མངོན་པར་ [225a.6]སྤྲོས་པའི་མ་མོ་བརྒྱད་པོ་རྣམས་ཀྱིས་ཡང་དག་པར་མངོན་པར་མཆོད་ལ་དབང་བསྐུར་བ་བླང་བར་བྱའོ། །དེ་ནས་དེ་རྣམས་ཡེ་ཤེས་ལྔའི་རང་བཞིན་གྱིས་གང་བའི་ནོར་བུ་རིན་པོ་ཆེ་རྣམས་ཀྱི་བུམ་པས་དཀྱིལ་འཁོར་གྱི་བདག་པོ་དང་། དེ་ཉིད་ཀྱི་དཀྱིལ་འཁོར་བ་རྣམས་ལ་དབང་བསྐུར་བར་རྣམ་པར་བསམ་མོ། ། [225a.7]དབང་བསྐུར་བའི་ཆུ་ལས་བྱུང་བའི་རིགས་ལྔ་རྣམས་ཀྱིས་རྒྱས་གདབ་པར་བྱའོ། །ཐུགས་དང་རྟག་པ་རིན་ཆེན་དང་། །འཇིག་རྟེན་དབང་དོན་གྲུབ་པས་སོ། །ཐུགས་རྟག་རིན་ཆེན་འཇིག་རྟེན་དབང་། །རྣམས་ཀྱི་མཚམས་ན་བཞུགས་རྣམས་ལའོ། །སྒོ་སྐྱོང་རྣམས་ལའང་དེ་བཞིན་ནོ། །རྨོངས་ [225b] [225b.1]དང་ཆགས་པས་འོག་བླ་མའོ། །དེ་ནས་རང་གི་སྙིང་གའི་སྔགས་ལས་མཆོད་པའི་ལྷ་མོ་བརྒྱད་པོ་རྣམས་ངེས་པར་བཏོན་ཏེ་སྤྲོས་ལ་ཡང་དག་པར་བསྡུས་ཏེ་མཆོད་པར་བྱའོ། །དེ་ལ་དང་པོའི་དྲུག་པོ་རྣམ་ས་ནི་ཅུང་ཟད་བྱ་བར་ལག་ན་གནས་པའི་སྣོད་ཀྱིས་མཆོད་པར་བྱ་བ་རྣམས་ཀྱི་ཕྱག་ན་ཐོགས་པའི་ [225b.2]ཐོད་པ་རྣམས་སུ་མཆོད་རྫས་རྣམས་སོ་སོར་རབ་ཏུ་གསལ་བར་སྣང་བ་ལས་རབ་ཏུ་བཞེས་པར་བྱའོ། །དེས་དེ་རྣམས་ཡོངས་སུ་ལོངས་སྤྱོད་ཅིང་ཚིམ་པར་བལྟའོ། །བརྒྱད་པ་སྨེ་མོ་ནི་འཁོར་ལོའི་བདག་མོའི་མགྲིན་པ་ལ་འཁྱུད་པའོ། །འདི་ལས་མ་གཏོགས་པ་གཞན་དཀྱིལ་འཁོར་གྱི་རྣལ་འབྱོར་ [225b.3]མ་བདུན་པོ་རྣམས་ནི་དེར་རབ་ཏུ་འཇུག་པའོ། །དེས་ན་དེ་ཐམས་ཅད་ལ་བཅོམ་ལྡན་འདས་ཡུམ་ཉིད་ཀྱི་པདྨར་གནས་པ་ལས་སྐྱེས་པའི་རྡོ་རྗེས་ཡོངས་སུ་ལོངས་སྤྱོད་པའོ། །ནག་པོ་དམར་པོ་དེ་ནས་སེར། །ལྗང་གུ་སྔོན་པོ་དཀར་པོ་རིམ། །རང་བཞིན་དགའ་བ་ཙམ་དུ་ནི། །བསམ་བྱ་འཁོར་ལོའི་ [225b.4]གཙོ་མོ་ལའོ། །འདི་དག་ནི་དཀྱིལ་འཁོར་རྒྱལ་པོ་མཆོག་ཅེས་བྱ་བ་སྟེ། ཏིང་ངེ་འཛིན་གཉིས་པ་དང་། ལོངས་སྤྱོད་རྫོགས་པའི་སྐུའོ། །དེའི་རྗེས་སུ་འཁོར་ལོའི་བདག་པོས་ལྷ་མོ་ཐམས་ཅད་བསྐུལ་བས་རིམ་པ་བཞིན་དུ་རང་རང་གི་སྐུ་ལས་རྗེས་སུ་མཐུན་པའི་གཟུགས་སྤྲིན་ཙམ་སྤྲོས་པས་འགྲོ་ [225b.5]བ་རྣམས་ཀྱི་དོན་ལ་ནན་ཏན་བྱས་ཏེ་རང་རང་གི་སྐུ་སྤྲིན་ཙམ་མོ། །དེ་རྣམས་རྩ་བའི་སྐུ་རྣམས་ལ་བསྡུའོ། །དེ་ལ་སྒོ་སྐྱོང་མ་རྣམས་དང་། ས་སྤྱོད་མས་ནི་རིམ་བཞིན་དུ་དད་པ་དང་། བརྩོན་འགྲུས་དང་། དྲན་པ་དང་། ཏིང་ངེ་འཛིན་དང་། ཤེས་རབ་ཀྱི་དབང་པོ་རྣམས་ལ་སེམས་ཅན་རྣམས་འཇོག་གོ། ། [225b.6]མཁའ་སྤྱོད་མས་ནི་དད་པ་དང་བརྩོན་འགྲུས་དང་དྲན་པ་དང་ཏིང་ངེ་འཛིན་དང་ཤེས་རབ་ཀྱི་སྟོབས་རྣམས་ལའོ། །སྦོས་མོ་ནི་རབ་ཏུ་དགའ་བ་དང་། དྲི་མ་མེད་པ་དང་། འོད་བྱེད་པ་རྣམས་ལའོ། །རི་ཁྲོད་མས་ནི་འོད་འཕྲོ་བ་དང་། སྦྱང་དཀའ་བ་དང་། མངོན་དུ་གྱུར་པ་རྣམས་ལའོ། །དྲག་འཛིན་ [225b.7]མས་ནི་རིང་དུ་སོང་བ་དང་། མི་གཡོ་བ་རྣམས་ལའོ། །སྨེ་མོས་ནི་ལེགས་པའི་བློ་གྲོས་དང་། ཆོས་ཀྱི་སྤྲིན་དག་ལའོ། །ལྷག་མ་གཞན་རྣམས་ནི་སངས་རྒྱས་ལྔའི་ས་རྣམས་ལ་སྟེ། དེ་ལ་ཕྱོགས་ཀྱི་ལྷ་མོ་བཞི་པོས་ནི་མེ་ལོང་ལྟ་བུ་ལ་སོགས་པའི་ཡེ་ཤེས་བཞི་རྣམས་ལའོ། །བཅོམ་ [226a] [226a.1]ལྡན་འདས་ཡུམ་བདག་མེད་མ་ཉིད་ནི་ཤིན་ཏུ་རྣམ་པར་དག་པ་ཆོས་ཀྱི་དབྱིངས་ཀྱི་ཡེ་ཤེས་ལའོ། །འདི་དག་ནི་ལས་ཀྱི་རྒྱལ་པོ་མཆོག་ཅེས་བྱ་བའི་ཏིང་ངེ་འཛིན་གསུམ་པ་དང་སྤྲུལ་པའི་སྐུའོ། །སྐྱོན་ནི་ཐང་ཅིག་ངལ་བསོ་ལ་འབར་བའི་སྔགས་ཀྱི་ཡི་གེ་རྣམས་སྙིང་གའི་ཟླ་བ་ལ་ [226a.2]ཡི་གེའི་ཕྲེང་བའི་དངོས་པོར་ཡིད་ཀྱིས་མངོན་དུ་བྲིས་པ་རྣམས་ལ་རིམ་པར་བརྗོད་ཅིང་ཇི་སྲིད་སྐྱོ་བར་མི་འགྱུར་གྱི་བར་དུ་དལ་བུས་བཟླས་སོ། །སྔགས་ནི་དབྱངས་ཡིག་བཅོ་ལྔ་པོ་སྭཱ་ཧཱ་མཐར་བཞག་པའོ། །དེ་ནས་ཚིགས་བཅད་གཉིས་ཀྱིས་བསོད་ནམས་ཡོངས་སུ་བསྔོ་བར་བྱས་ཏེ། སངས་རྒྱས་ [226a.3]ཀུན་གྱི་ནོར་རྣམས་ཀུན། །རྡོ་རྗེ་འཆང་ཆེན་གོ་འཕང་ནི། །བདག་གིས་དགེ་བ་འདི་ཐོབ་སྟེ། །འགྲོ་རྣམས་ཀྱང་ནི་དེར་ཐོབ་ཤོག །ཡང་དག་བྱང་ཆུབ་ཆེད་དུ་གང་སྤྱོད་དང་། །ཡང་དག་རྫོགས་པའི་སངས་རྒྱས་རྣམས་ཀྱི་ཡང་། །བྱང་ཆུབ་རྡོ་རྗེ་ཡིས་ནི་གང་བརྗོད་པ། །སྤྱོད་པ་དེ་གཉིས་བདག་ [226a.4]གིས་སྤྱོད་པར་ཤོག །ཅེས་བརྗོད་དོ། །རང་གི་སྙིང་གའི་ས་བོན་གྱི་ཐིག་ལེ་ལོ་དཀྱིལ་འཁོར་པ་རྣམས་བཅུག་སྟེ། ལངས་ལ་ཇི་ལྟར་བདེ་བར་རང་གི་ལྷའི་ང་རྒྱལ་དུ་བྱས་པ་དང་། མི་འབྲལ་བར་སྤྱོད་ལམ་ཐམས་ཅད་བྱའོ། །གུང་གི་ཐུན་མཚམས་སུ་ནི་ལྷའི་ཁང་པར་ཞུགས་ནས་སྟན་བདེ་བ་ལ་འདུག་སྟེ་ [226a.5]བདག་ཉིད་བདག་མེད་མ་རྣལ་འབྱོར་མར་བལྟས་ལ་རང་གི་སྙིང་གའི་སྔགས་ལས་ལྷ་མོ་བཅུ་བཞི་པོ་རྣམས་ཕྱུང་ནས་ཇི་ལྟ་བའི་གནས་རྣམས་ལ་བཞུགས་པར་བལྟའོ། །བདག་ཉིད་དང་དེ་རྣམས་ཀྱི་ཕུང་པོ་ལ་སོགས་པ་རྣམ་པར་དག་པ་དང་། ཡི་གེ་གསུམ་གྱིས་བྱིན་གྱིས་བརླབས་པ་ཡུད་ཙམ་ [226a.6]ཞིག་གིས་ལྷག་པར་མོས་པར་བྱ་བ་དང་། སྔོན་བཞིན་དུ་དབང་བསྐུར་བ་དང་། ཡོངས་སུ་བསྔོ་བའི་མཐར་ཐུག་པར་བྱའོ། །དེ་བཞིན་དཀྱིལ་འཁོར་ཉེ་བར་བསྡུས་ཏེ་ཡང་དག་པར་ལངས་ལ་རང་གི་ལྷའི་ང་རྒྱལ་དུ་བྱས་པས་ཐམས་ཅད་བྱའོ། །གཏོར་མ་ཡང་འདིས་སྦྱིན་པར་བྱ་སྟེ། ཨོཾ་ཨ་ཀཱ་རོ་ [226a.7]མུ་ཁཾ་སརྦ་དྷརྨཱ་ཎཱཾ། ཨཱདྱ་ནུཏྤནྣ་ཏྭཱཏ། ཨོཾ་ཨཱཿ་ཧཱུཾ་ཕཊ་སྭཱ་ཧཱ། ཞེས་པས་སོ། །སྲོད་ཀྱི་ཐུན་མཚམས་སུ་ནི་མཐར་མཆོད་ཡོན་ཕུལ་ལ་ཡེ་ཤེས་ཀྱི་དཀྱིལ་འཁོར་གཤེགས་སུ་གསོལ་ཏེ། ཨོཾ་ཁྱེད་ཀྱིས་སེམས་ཅད་དོན་ཀུན་མཛད། །ཇི་ལྟར་དངོས་གྲུབ་རྗེས་འགྲོ་སྩོལ། །སངས་རྒྱས་ཡུལ་དུ་ [226b] [226b.1]གཤེགས་གསོལ་ཏེ། །སླར་ཡང་གཤེགས་ཤིང་འབྱོན་འཚལ་ལོ། །ཞེས་བརྗོད་པའི་རྗེས་སུ་ཨོཾ་མུཿ་ཞེས་བྱ་བས་ཀྱང་བསྐུལ་ལོ། །དེ་ནས་དམ་ཚིག་གི་དཀྱིལ་འཁོར་ནང་དུ་བསྟིམས་ཏེ། གནས་དང་བདག་ཉིད་རྣལ་འབྱོར་གྱིས་བསྲུང་བར་བྱའོ། །གཉིད་ལོག་པའི་དུས་སུ་ནི་རང་བཞིན་གྱི་དགའ་བཙམ་དུ་ལྷག་པ [226b.2]ར་མོས་པར་བྱས་ལ་ཉལ་བར་བྱའོ། །དེ་ལྟ་བུར་ཡང་ནས་ཡང་དུ་རྒྱུན་དུ་བྱའོ། །མུ་ཏིག་ཕྲེང་ལྟར་ཡིད་འོང་སྒྲུབ་ཐབས་འདི། །བསྟན་པའི་དགེ་བ་ཇི་ལྷད་ཡོད་པའི་མཐུས། །ང་དང་བདག་ཏུ་ཞེན་པའི་སེམས་ཅན་ཀུན། །བདག་མེད་མ་ཡི་ངོ་བོར་ལྷུན་གྲུབ་ཤོག །བདག་མེད་མ་སྒྲུབ་པའི་ཐབས་རྒྱས་པར་ [226b.3]བསྟན་པ། དཔལ་དཀོན་མཆོག་འབྱུང་གནས་ཀྱིས་མཛད་པ་རྫོགས་སོ།། {T1310}༄༅། །དཔའ་གཅིག་མའི་སྒྲུབ་ཐབས་བཞུགས།། ༄༅༅། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཆོས་དབྱིངས་ཡེ་ཤེས་ལྷན་ཅིག་སྐྱེས། །ཞལ་གཅིག་ཕྱག་གཉིས་གཡོན་བརྐྱང་སྔོ། །རྒྱན་ [226b.4]ལྔ་ཐོད་ཕྲེང་མགོ་སྐྱེས་སེར། །གྲི་གུག་ཐོད་ཕྱག་ཁྱོད་ལ་འདུད། །བློ་དམན་བུད་མེད་རྣམས་ཀྱི་ཕྱིར། །མདོར་བསྡུས་རྒྱས་པ་མ་ཡིན་པ། །བསྐྱེད་པ་དང་ནི་རྫོགས་པ་ཡིས། །དཔའ་མོ་གཅིག་པ་བྲི་བར་བྱ། །དང་པོ་རེ་ཞིག་རྣལ་འབྱོར་པས། དབེན་པའི་གནས་སུ་སེམས་དཔའི་སྐྱིལ་མོ་ཀྲུང་ [226b.5]གིས་གནས་ལ། ཇི་སྐད་གསུངས་པའི་རིམ་པས་བླ་མ་མཆོད་ནས་ཚངས་པའི་སྒོམ་པ་བྱས་ལ། དེ་ནས་ཨོཾ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་རྗེས་སྨོན་ལམ་སྟོབས་ལས་ནི། །ཆུ་སྐྱེས་དམར་པོ་ཉི་དབུས་སུ། །མ་སྐྱེས་མཆོག་གི་ས་བོན་ལས། །ནག་པོ་ཞལ་གཅིག་ཕྱག་གཉིས་ [226b.6]མ། །གཡས་པར་གྲི་གུག་འཇིགས་ཆེན་མ། །གཡོན་པ་ན་ནི་པདྨའི་སྣོད། །གཡས་པ་མིན་པར་ཁ་ཊྭཱཾ་ག །སྟག་གི་པགས་པས་སྨད་དཀྲིས་པ། །སྲོག་སོང་སྟེང་ན་གཡོན་བརྐྱང་གནས། །སྐྲ་སེར་གྱེན་འགྲེང་ཕྱག་རྒྱ་ལྔ། །ཐོད་ཕྲེང་ཐལ་བས་རྣམ་བརྒྱན་ལ། །དེ་རྗེས་ཡེ་ཤེས་ [226b.7]སེམས་དཔའ་གཞག །སྐྱེ་མཆེད་དྲུག་དང་སྐུ་གསུང་ཐུགས། །དབང་བསྐུར་བདུད་རྩི་མཆོད་པར་བྱ། །ཨོཾ་ཨཱཿ་ཨཾ་ཧཱུཾ་སྭཱ་ཧཱ། བཟླས་པའི་སྔགས་སོ། །ཨོཾ་ཨ་ཀཱ་རོ་མུ་ཁཾ་སརྦ་དྷ་རྨཱ་ཎཱཾ། ཨཱ་དྱ་ཎུཏྤནྣ་ཏྭཱ་ཏ། ཨོཾ་ཨཱཿ་ཧཱུཾ་ཕཊ་སྭཱ་ཧཱ། གཏོར་མའི་སྔགས་སོ། །ལྷ་མོའི་ལྟེ་བར་ཟླ་རྒྱས་འབར། །ཨོཾ་ཡིག་ཡེ་ [227a] [227a.1]ཤེས་ལྔ་ཡི་དངོས། །སྲིད་དང་མྱ་ངན་འདས་པའི་རྒྱུ། །དེ་ཉིད་འཁོར་བ་ཞེས་བྱ་སྟེ། །དེ་ཉིད་མྱ་ངན་འདས་པ་ཡིན། །འཁོར་བ་ཡོངས་སུ་ཤེས་གྱུར་ན། །མྱ་ངན་འདས་ཞེས་དེ་ལ་བརྗོད། །ཇི་ལྟར་ནོར་བུ་རིན་པོ་ཆེ། །མ་ཕུག་པས་ནི་སྦྱོར་བྲལ་འགྱུར། །རྣམ་པར་ [227a.2]ཕུག་པས་སྦྱོར་ལྡན་པ། །འཁོར་བའི་རྣམ་པ་དེ་ལྟ་བུ། །བླ་མ་རྣམས་ཀྱིས་གསུངས་པར་འགྱུར། །དཔའ་གཅིག་མའི་སྒྲུབ་པའི་ཐབས་བསྐྱེད་པ་དང་རྫོགས་པར་ལྡན་པ་ཞེས་བྱ་བ་སློབ་དཔོན་བསོད་སྙོམས་པ་སྒྲ་གཅན་འཛིན་གྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་པྲཛྙཱ་ [227a.3]ཨིནྡྲ་རུ་ཙི་དང་། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཏེ་གཏན་ལ་ཕབ་པའོ།། {T1311}༄༅༅། །རྒྱ་གར་སྐད་དུ། ནཻརཱཏྨ་སཱ་དྷ་ནཾ། བོད་སྐད་དུ། བདག་མེད་མའི་སྒྲུབ་པའི་ཐབས། རྡོ་རྗེ་སེམས་དཔའ་ལ་ཕྱག་འཚལ་ལོ། །འཁོར་མིན་མྱ་ངན་འདས་མིན་གང་། ། [227a.4]གཟུགས་ཅན་མ་ཡིན་གཟུགས་མེད་མིན། །དེ་ཡི་རང་དངོས་ཀུན་རྫོབ་ཏུ། །བྱིས་པ་རྣམས་ཕྱིར་ད་ལྟར་བྲི། །བསྒོམ་པ་འདི་ལ་དབང་བར་གྱུར་པའི་རྣལ་འབྱོར་པ་ཐོ་རངས་ཀྱི་ཆ་ལ་མལ་ནས་ལངས་ནས་སྙིང་གར་ཟླ་བ་ལ་བདག་མེད་མའི་ས་བོན་བལྟས་ལ། ཨོཾ་རཀྵ་རཀྵ་ཧཱུཾ་ཧཱུཾ་ཕཊ་སྭཱ་ཧཱ་ཞེས་ [227a.5]ལན་གསུམ་བརྗོད་ནས་གནས་དང་བདག་ཉིད་དང་རྣལ་འབྱོར་བསྲུང་བར་བྱའོ། །ཧཱུཾ་གིས་ལྕི་བ་མངོན་པར་བསྔགས་ལ། ཨོཾ་ཨཱཿ་ཧཱུཾ་སརྦ་ཏ་ཐཱ་ག་ཏ་བི་ཤོ་དྷ་ན་བཛྲེ་སྭཱ་ཧཱ། ཞེས་བྱ་བས་ཆུ་ལ་བསྔགས་ལ་བཟླས་པའི་དཀྱིལ་འཁོར་བྱས་ནས། ཨོཾ་མེ་དི་ནཱི་བཛྲ་བནྡྷ་ཧཱུཾ་ཞེས་ [227a.6]བྱ་བས་ས་གཞི་རྡོ་རྗེའི་རང་བཞིན་དུ་བལྟས་ལ་མེ་ཏོག་དོར་བར་བྱའོ། །དཀྱིལ་འཁོར་གཞལ་ཡས་ཁང་དུ་ཡིད་ཀྱིས་དམིགས་ལ། ཨོཾ་བཛྲ་པུཥྤེ་ཨཱཿ་ཧཱུཾ་ཞེས་བྱ་བ་མེ་ཏོག་ལ་བསྔགས་ལ། དབུས་ན་གནས་པའི་པདྨ་འདབ་མ་བཞི་པའི་དབུས་ཀྱི་ལྟེ་བ་ལ། ཨོཾ་ནཻ་རཱ་ཏཻམ་བཛྲ་པུཥྤེ་ཨཱཿ་ཧཱུཾ་སྭཱ་ཧཱ། ཞེས་བྱ་བས་སོ། །ཤར་གྱི་ [227a.7]འདབ་མ་ལ་ཨ་བཛྲི་ཞེས་བྱ་བས་སོ། །ལྷོའི་འདབ་མ་ལ་ཨི་གཽ་རཱི་ཞེས་བྱ་བས་སོ། །ནུབ་ཀྱི་འདབ་མ་ལ་ཨཱི་བ་རི་ཡོ་གི་ནཱི་ཞེས་བྱ་བས་སོ། །བྱང་གི་འདབ་མ་ལ་ནི་ཨུ་བཛྲ་ཊཱ་ཀི་ཞེས་བྱ་བས་སོ། །དབང་ལྡན་མཚམས་སུ་ཨཱུ་པུཀྐ་སཱི་ཞེས་བྱ་བས་སོ། །མེའི་མཚམས་སུ་རྀ་ཤ་བ་རཱི་ཞེས་ [227b] [227b.1]བྱ་བས་སོ། །བདེན་བྲལ་མཚམས་སུ་རཱྀ་ཙཎྜལཱི་ཞེས་བྱ་བས་སོ། །རླུང་གི་མཚམས་སུ་ལྀ་ཌོམྦི་ནཱི་ཞེས་བྱ་བས་སོ། །ཤར་གྱི་སྒོར་ནི་ལཱྀ་གཽ་རཱི་ཞེས་བྱ་བས་སོ། །ལྷོའི་སྒོར་ནི་ཨེ་ཙཽ་རཱི་ཞེས་བྱ་བས་སོ། །ནུབ་ཀྱི་སྒོར་ནི་ཨཻ་བེ་ཏཱ་ལཱི་ཞེས་བྱ་བས་སོ། །བྱང་གི་སྒོར་ནི་ཨོ་གྷསྨ་རཱི་ཞེས་བྱ་བས་སོ། ། [227b.2]འོག་ཏུ་ནི་ཨཽ་བཧཱུ་ཙཪྻཱི་ཞེས་བྱ་བས་སོ། །སྟེང་དུ་ནི་ཨཱ་ཁེ་ཙཪྻཱི་ཞེས་བྱ་བས་བཞག་ལ་ཡང་དག་པར་མཆོད་པ་བྱ་སྟེ། ཨོཾ་བཛྲ་དྷཱུ་པེ་ཨཱཿ་ཧཱུཾ་ཞེས་བྱ་བས་མཆོད་པ་ཉེ་བར་བཀོད་པས་མཆོད་པ་བྱས་ལ། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་ [227b.3]བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །ཞེས་བྱ་བ་ལན་གསུམ་བརྗོད་པས་ཕྱག་བྱས་ནས། དཀྱིལ་འཁོར་ལ་ལག་པས་བཞག་ལ། །འགྲོ་བ་ཞེ་སྡང་མནན་མཐོང་ནས། འགྲོ་བ་ཞེ་སྡང་ཞི་བྱའི་ཕྱིར། །མགོན་པོ་བདག་མེད་མ་གཟུགས་ལྡན། །དེ་ཕྱིར་བདག་ [227b.4]མེད་མ་ཕྱག་འཚལ། །ཞེས་པས་བསྟོད་ལ། ཨོཾ་བཛྲ་མུཿ་ཞེས་བྱ་བས་གཤེགས་སུ་གསོལ་ལོ། །དེའི་རྗེས་ལ་སེམས་ཅན་ཐམས་ཅད་ལ་ལྷའི་བདེ་བ་སྦྱར་བར་འདོད་པའི་བྱམས་པ་དང་། སྡུག་བསྔལ་ཐམས་ཅད་བསལ་བར་འདོད་པའི་སྙིང་རྗེ་དང་། ལྷའི་བདེ་བ་རྒྱུན་མི་འཆད་པར་འདོད་ [227b.5]པའི་དགའ་བ་དང་། བླ་ན་མེད་པའི་ལམ་ཉེ་བར་བསྡུ་བར་འདོད་པའི་བཏང་སྙོམས་བསྒོམ་པར་བྱའོ། །དེའི་རྗེས་ལ་ཡིད་ཀྱིས་ཆོས་ཐམས་ཅད་ལ་དམིགས་ལ་འདི་དག་སེམས་ཉིད་དེ་ཕྱི་རོལ་གྱི་བདེན་པ་མ་ཡིན་ན་ཡང་། དོན་གྱི་རྣམ་པ་ལྟར་འཁྲུལ་པ་མ་ཡིན་ཏེ། དཔེར་ན་རྨི་ལམ་ལྟ་བུའོ་ [227b.6]ཞེས་ངེས་པར་བྱས་ནས་འཁྲུལ་པས་སྒྲོ་བཏགས་པའི་ཆོས་ཐམས་ཅད་ཀྱི་རྣམ་པ་སྤངས་ལ། སྟོན་ཀའི་ཉི་མ་གུང་གི་དྲི་མ་མེད་པའི་ནམ་མཁའི་དཀྱིལ་ལྟ་བུའི་འོད་གསལ་བ་མངོན་སུམ་དུ་བྱས་ནས་སྔགས་འདིས་བྱིན་གྱིས་བརླབ་པར་བྱའོ། །ཨོཾ་ཤཱུནྱ་ཏཱ་ཛྙ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཡུད་ [227b.7]ཙམ་སྟོང་པའི་ཡེ་ཤེས་ལ་ངལ་བསོས་ལ། དབྱངས་ཡིག་བཅོ་ལྔའི་ཕྲེང་བ་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་གསལ་པོར་བསྒོམས་ལ། ས་བོན་ཨའི་འོད་ཀྱིས་དཔག་ཏུ་མེད་ཅིང་མཐའ་མེད་པའི་འཇིག་རྟེན་གྱི་ཁམས་གསལ་བར་བྱས་ནས་འགྲོ་བ་ཀུན་སངས་རྒྱས་ཀྱི་རང་བཞིན་དུ་ [228a] [228a.1]བྱས་ནས་བཀུག་ལ་ས་བོན་གྱི་ཡི་གེར་ཞུགས་པར་བལྟས་ནས། བདག་མེད་མ་རྫོགས་པར་ཡུད་ཙམ་གྱིས་བསྒོམ་པར་བྱའོ། །ཆོས་དབྱིངས་རོ་ཡི་སྟེང་ན་གནས། །མགོ་སྐྱེས་སེར་པོ་གྱེན་དུ་བརྫེས། །ལྷ་མོ་ཕྱག་རྒྱ་ལྔ་འཛིན་མ། །མགོ་བོའི་ཕྲེང་བའི་རྒྱན་གྱིས་བརྒྱན། ། [228a.2]སྐྱིལ་ཀྲུང་ཕྱེད་པའི་གར་གྱིས་གནས། །སྟག་གི་པགས་པའི་ན་བཟའ་མན་བས། །ཞལ་ནི་མཚེ་བ་གཙིགས་པ་ཅན། །དྲག་པོའི་གཟུགས་ཅན་སྤྱན་གསུམ་པ། །གཡོན་ན་ཐོད་པ་ཁ་ཊྭཱཾ་ག །གཡས་པ་ན་ནི་གྲི་གུག་གོ། །མི་ཡི་རུས་པའི་རྒྱན་གྱིས་བརྒྱན། །རི་བོང་ཅན་འོད་ [228a.3]ཟླ་བའི་གདན། །དེའི་རྗེས་ལ་བཅོམ་ལྡན་འདས་མའི་ཐུགས་ཀའི་ཟླ་བ་ལ་གྲི་གུག་དེ་ལ་ཡང་ཡི་གེ་ཨའོ། །མགོ་བོ་ལ་པདྨ་འདབ་མ་སུམ་ཅུ་རྩ་གཉིས་པའི་ལྟེ་བ་ལ་ཧཾ་ངོ་། །མགྲིན་པར་འདབ་མ་བཅུ་དྲུག་པ་ལ་ཨོཾ་མོ། །སྙིང་གར་པདྨ་འདབ་མ་བརྒྱད་པ་ལ་ཧཱུཾ་ངོ་། །ལྟེ་བར་འདབ་མ་ [228a.4]དྲུག་ཅུ་རྩ་བཞི་པ་ལ་ཨེཾ་བསྒོམ་པར་བྱའོ། །དེའི་རྗེས་ལ་སྙིང་གའི་ས་བོན་གྱི་འོད་ཀྱིས་བཀུག་པའི་སངས་རྒྱས་ཐམས་ཅད་ནམ་མཁའི་དཀྱིལ་དུ་བལྟས་ལ། དེ་བཞིན་གཤེགས་པ་ཐམས་ཅད་ཀྱིས་བདག་ལ་དབང་བསྐུར་དུ་གསོལ་བ་གདབ་པར་བྱའོ། །དེ་ནས་དེ་དག་གིས་དེ་བཞིན་གཤེགས་ [228a.5]པ་ལྔའི་རང་བཞིན་གྱི་བུམ་པས་དབང་བསྐུར་བར་བྱའོ། །མེ་ཏོག་གི་ཆར་དང་རྔ་སྒྲ་དང་གུར་ཀུམ་གྱི་ཆར་ཡང་འབབ་པར་འགྱུར་རོ། །སྤྱི་བོར་ནི་མི་བསྐྱོད་པ་འབྱུང་བར་འགྱུར་རོ། །དེའི་རྗེས་ལ་མིག་ལ་རྡོ་རྗེ་མའོ། །རྣ་བ་ལ་ནི་བདག་མེད་མའོ། །སྣ་ལ་ནི་གསང་བའི་གཽ་རཱི་མའོ། །ལྕེ་ལ་ [228a.6]ནི་ཆུའི་རྣལ་འབྱོར་མའོ། །ལུས་ལ་ནི་རྡོ་རྗེ་མཁའ་འགྲོ་མའོ། །ཡིད་ལ་འང་བདག་མེད་མ་སྟེ་དེའི་བདག་ཉིད་དུ་བསམ་པར་བྱའོ། །ཡང་ཨོཾ་མགོ་བོ་ལའོ། །མགྲིན་པར་ཨཱཿ་འོ། །སྙིང་གར་ཧཱུཾ་བསམ་པར་བྱའོ། །གལ་ཏེ་བསྒོམས་པས་སྐྱོ་བར་གྱུར་ན་སྔགས་བཟླ་བར་བྱའོ། ། [228a.7]དེའི་རིམ་པ་ནི་འདི་ཡིན་ཏེ། སྙིང་གའི་ཟླ་བ་ལ་ས་བོན་གྱི་ཡི་གེ་བཅོ་ལྔ་མར་མེའི་ཕྲེང་བ་བཞིན་དུ་འབར་བ་ཡིད་ཀྱིས་བྲིས་ལ་རིམ་གྱིས་ཀློག་པ་ལྟར་བསྔགས་ནས་བཟླས་པར་བྱའོ། །ལྡང་བར་འདོད་ན་སྨོན་ལམ་གདབ་པར་བྱ་སྟེ། སངས་རྒྱས་ཀུན་གྱིས་ཐམས་ཅད་ཀྱི། །རྡོ་རྗེ་འཆང་བ་ཆེན་ [228b] [228b.1]པོའི་གནས། །དགེ་བ་འདིས་ནི་ཐོབ་གྱུར་ནས། །འགྲོ་རྣམས་ཀྱིས་ཀྱང་ཐོབ་པར་ཤོག །བྱང་ཆུབ་དག་ཏུ་གང་སྤྱོད་དང་། །གང་ཡང་རྫོགས་པའི་བྱང་ཆུབ་སྤྱོད། །བྱང་ཆུབ་རྡོ་རྗེས་གང་བསྔགས་པ། །གཉིས་མེད་སྤྱོད་དེ་བདག་འགྲུབ་ཤོག །ཅེས་བྱ་བས་སོ། །དེ་བཞིན་དུ་ཐུན་གཞན་ལ་ [228b.2]ཡང་ལྷའི་གཟུགས་ཀྱིས་གནས་པར་བྱའོ། །ཉལ་བའི་དུས་སུ་ཡང་ལྷན་ཅིག་སྐྱེས་པའི་དགའ་བ་མངོན་སུམ་དུ་བྱས་ལ་ཉལ་བར་བྱའོ། །དེ་ལྟར་ཉིན་རེ་ཞིང་ཇི་སྲིད་འགྲུབ་པའི་མཚན་མ་མཐོང་གི་བར་དུ་བྱའོ། །དེ་ནས་རྒྱུད་ནས་ཇི་སྐད་བསྟན་པ་བཞིན་བསྒྲུབ་པར་བྱའོ། །བུད་མེད་སོགས་ཀྱིས་ [228b.3]རྒྱས་པ་དག །ཕལ་ཆེར་གཟུང་བར་དཀའ་བསམས་ནས། །ཞི་བའི་ཞབས་སོགས་ཀྱིས་བསྟན་པའི། །རྣལ་འབྱོར་བསྡུས་པ་བདག་གིས་བྱས། །བདག་མེད་མའི་སྒྲུབ་པའི་ཐབས་མདོར་བསྡུས་པ་སློབ་དཔོན་ཀྲྀཥྞ་པཎྚི་ཏས་མཛད་པ་རྫོགས་སོ།། །། [228b.4]{T1312}༄༅༅། །རྒྱ་གར་སྐད་དུ། ནཻརཱཏྨ་ཀོ་པ་དེ་ཤ་ནཱ་མ། བོད་སྐད་དུ། བདག་མེད་མའི་མན་ངག་ཅེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །གཡོན་གནས་མིང་གི་བརྐྱང་མ་ཆུ་འབབ་སྟོང་ཉིད་ཤེས་རབ་ཆ། །གཡས་གནས་མིང་གི་རོ་མ་ཁྲག་འབབ་སྙིང་རྗེ་དངོས་པོའི་བདག་ [228b.5]ཉིད་ཅན། །དབུས་སུ་གནས་པ་ཀུན་འདར་མ་ནི་ཞུ་བ་འབབ་ཅིང་མི་ཕྱེད་གཟུགས་ཅན་གཉིས་མེད་པ། དེ་ནི་རྩ་གསུམ་གཟུགས་ཀྱིས་བཅོམ་ལྡན་འདས་མ་ཁྱེད་སྲུངས་ཤིག །བདག་མེད་མས་ནི་ནམ་མཁའི་མཐར་ཐུག་ཁྱབ། །དཔལ་ལྡན་བདག་མེད་མ་ལ་ཕྱག་འཚལ་ནས། །ཡང་དག་ [228b.6]བདེ་བའི་གནས་སུ་བདག་གིས་ནི། །བདག་མེ་མ་ཡི་མན་ངག་བཤད་པར་བྱ། །འདིར་བཟླས་པ་དང་བསྒོམ་པའི་དབང་དུ་བྱས་པ་སྙིང་རྗེའི་རོས་བྱུགས་པའི་སེམས་ཀྱི་རྒྱན་ཅན། བྱང་ཆུབ་ཀྱི་སེམས་རིན་པོ་ཆེ་ལེགས་པར་གཟུང་བ། བླ་མ་དང་བདག་མེད་མ་གཉིས་མི་ཕྱེད་པར་བསྙེན་བཀུར་ [228b.7]བས། དབེན་ཞིང་འཚེ་བ་མེད་པའི་བསམ་གཏན་གྱི་ཁང་པར་ཞུགས་ལ། ཨོཾ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། འདིས་ནི་ཁྲོ་བོའི་ངག་བར་ཆད་སེལ་བའི་སྔགས་བརྗོད་པ་སྟེ། གནས་ལ་སོགས་པ་སྲུང་བར་བྱེད་པའོ། །དེ་ནས་ཁྱད་པར་དུ་གྱུར་པའི་སྟན་ལ་འདུག་ཅིང་ཅི་འབྱོར་པའི་བདུད་རྩི་ [229a] [229a.1]ལྔ་ལ་སོགས་པས་བྱུགས་ལ། དེར་མེ་ཏོག་དགྲམ་པར་བྱ་ཞིང་རས་རིས་ལ་སོགས་པར་གནས་པའི་བཅོམ་ལྡན་འདས་མ་ལ་མཆོད་པ་ལྔས་མཆོད་ཅིང་སྟོབས་ཆེན་པོ་ལས་བྱས་པའི་སྤོས་ཀྱིས་རབ་ཏུ་བདུགས་ཤིང་རྣམ་པར་དག་པའི་སྔགས་བཟླས་ཏེ་བདག་ཉིད་བདག་མེད་མར་མོས་པར་ [229a.2]བྱའོ། །དེའི་རྗེས་ལ་སྤྲུལ་པ་ཤིང་རྟའི་ཡན་ལག་འཁོར་ལོའི་འདབ་མའི་གདན་ཅན་འདབ་མ་བཞི་པའི་ཟེའུ་འབྲུར་སོང་བ། སྲོག་སོང་བའི་སྙིང་གར་བསིལ་བའི་འོད་ཟེར་ཅན་གྱི་དཀྱིལ་འཁོར་ལ་སུ་གནྡྷེ་ལས་སྐྱེས་པ། པདྨ་རཱ་གའི་འོད་ཟེར་བླངས་ལ་འབར་བའི་མེ་ལྟ་བུར་འོད་འབར་བའི་མགོ་ [229a.3]སྐྱེས་ཅན་དྲི་མ་མེད་པའི་ཐོད་པའི་ཕྲེང་བ་བྱས་པའི་ཐོད་ཅན་ཅུང་ཟད་ཁྲོ་ཞིང་དམར་བ་གཡོ་ཞིང་ཟླུམ་པའི་སྤྱན་གསུམ་པ། མི་མགོ་ཁྲག་དང་བཅས་པའི་ཕྲེང་བ་བརྒྱའི་ཕྱེད་ཀྱིས་ལུས་ལ་རྒྱན་བྱས་པ། ཡིད་དུ་འོང་བའི་ཕྱག་རྒྱ་ལྔས་ལུས་ལ་བརྒྱན་པ། ཁྲག་གིས་གང་བའི་ཐོད་པ་དང་རྒྱལ་མཚན་ [229a.4]གཡོན་གྱིས་འཛིན་ཅིང་། གཡས་ཀྱིས་གྲི་གུག་འཛིན་པའི་ཕྱག་ནི་པ་ལ་ཤའི་ལོ་མ་རྒྱས་ཤིང་འོ་མ་འཛིན་པའི་ཁུར་གྱིས་མནན་པ་ལྟ་བུ། དབུས་སུ་གཉེར་མ་གསུམ་པ་གཅེར་བུ་རྒྱས་ཤིང་སྐབས་ཕྱེད་པའི་འཕོངས་ཀྱི་ཆ་ཅན་གར་དགུའི་རོ་དང་ལྡན་པ་སྐྱིལ་ཀྲུང་ཕྱེད་པའི་གར་གྱིས་མནན་པ་ [229a.5]འགྱིང་ཞིང་རོལ་པར་ལྡན་པ་ལེགས་པའི་ན་ཚོད་ཅན། ཡིད་དགའ་བའི་གནས་ནས་འོད་ཟེར་གྱི་ཚོགས་འཆར་བ་ཆོས་ཀྱི་སྒོ་ལས་བྱུང་བ་ཡང་དག་པའི་ཡེ་ཤེས་ཀྱི་གཟུགས་ཅན་དུ་བདག་མེད་མ་བལྟ་བར་བྱའོ། །དེ་ནས་ཆོས་ཇི་ལྟ་བས་དམ་ཚིག་ལ་ཡེ་ཤེས་གཞུག་པ་བྱས་ལ་དེའི་མིག་དང་སྐུ་ [229a.6]ལ་སོགས་པ་རྣམ་པར་དག་པར་མོས་སོ། །དེའི་རྩིབས་དང་ལྡན་པ་ནི་རྡོ་རྗེ་འཆང་གི་ངོ་བོ་བདེ་བའི་སྙིང་པོའི་གཞི་སྟེ། སིནྡྷུ་རའི་ཚོགས་སམ་སྔ་དྲོའི་མཚམས་ལྟར་དམར་བ་དང་པོ་མཆོག་གི་སྙིང་པོར་བདེ་བ་ཆེན་པོའི་རྩིབས་དང་ལྡན་པ་ནས་འབབ་པ། དབུས་ཀྱི་རྩ་ནས་ཞུ་བ་འབབ་པའི་རྒྱུན་ [229a.7]གྱི་དབྱིབས་ཅན་སྐྱེས་པ། རྡོ་རྗེའི་མཆོད་རྟེན་ཡན་ལག་ལ་རྟེན་ཅིང་འབྲེལ་བར་འབྱུང་བ་སྐྱེ་མཆེད་ཀྱི་ངོ་བོ་རྣམས་གཡས་དང་གཡོན་དང་འོག་གཞིའི་ཕྱོགས་སུ་སོང་བ་རྣམས། སྐར་ཁུང་དྲ་བའི་རྣམ་པ་ཅན་གྱི་གནས་བཅུ་གཉིས་སུ་སྐད་ཅིག་མ་དང་དགའ་བ་དང་དབང་དུ་སྟོན་པ་ཟླུམ་ཞིང་ [229b] [229b.1]དང་བའི་མུ་ཏིག་དམར་པོའི་རྡོག་མའི་རྣམ་པ་ལྟ་བུ་ཐིག་ལེ་བཅུ་གཉིས་རྣམ་པར་བསྒོམས་ལ། རྣམ་པར་ཐར་པའི་སྒོ་བཞིའི་ངོ་བོ་རྣམས་ཀྱི་གནས་བཞི་དང་། རྡོ་རྗེ་བཞིའི་བདག་ཉིད་དང་ཡི་གེ་བཞིའི་རྣམ་པ་དང་སྐུ་བཞིར་བསྒོམ་པར་བྱའོ། །དེ་ལ་སྟེང་གི་གནས་ནི་རྡོ་རྗེ་རིན་པོ་ཆེའི་ [229b.2]རྣམ་པ་སྐུ་རྡོ་རྗེར་བསྐྱེད་པའི་སྐྱེ་བ་ཅན་སྟོན་ཀའི་རི་བོང་ཅན་ལྟ་བུའོ། །གཡོན་པའི་གནས་ནི་ཟླ་བ་ཕྱེད་པའི་རྣམ་པ་གསུང་རྡོ་རྗེའི་མྱུ་གུ་སྐྱེད་པར་བྱེད་པ་རིན་པོ་ཆེ་པདྨ་རཱ་ག་ལྟ་བུའོ། །གཡས་པའི་ཁྱིམ་ཡང་ཟླ་བ་ཕྱེད་པའི་རྣམ་པ་ཐུགས་ཀྱི་རྡོ་རྗེའི་ལྕུག་ཕྲན་སྐྱེད་པར་བྱེད་པའི་ཨིནྡྲ་ནཱི་ལ་ལྟ་བུའོ། ། [229b.3]དབུས་ཀྱི་གནས་ནི་ཆོས་འབྱུང་བའི་རྣམ་པ་དམ་ཚིག་རྡོ་རྗེ་སྐྱེ་བའི་རྒྱུ་ཅན་རིགས་བཟང་པོའི་རྡོ་རྗེ་སྙིང་པོ་ལྟ་བུ་འོད་ཟེར་ལྔ་དང་ལྡན་པ་ཆོས་ཐམས་ཅད་ཀྱི་གཞིར་བསམ་པར་བྱའོ། །དེ་ནས་སྐད་ཅིག་མའི་ཐིག་ལེ་རྣམས་ནི་དགའ་བའི་ཐིག་ལེ་རྣམས་ལའོ། །དགའ་བའི་ཐིག་ལེ་རྣམས་ནི་ [229b.4]དབང་གི་ཐིག་ལེ་རྣམས་ལའོ། །དབང་གི་ཐིག་ལེ་རྣམས་ནི་སྐུ་རྣམས་ལ་ཞུགས་པར་བསྒོམ་པར་བྱའོ། །དེའི་རྗེས་ལ་སྐུ་བཞི་པ་གོང་ནས་གོང་དུ་རིམ་པ་བཞིན་ཞུགས་པ་ཡང་རྒྱུ་སྐར་གྱི་སྦྱོར་བ་ལྟ་བུར་དབུས་ཀྱི་ཐིག་ལེ་ལས་ཞུ་ནས་ནང་དུ་ཐིམ་པར་ཡིད་མཉམ་པར་གཞག་པར་བསམ་མོ། ། [229b.5]དེའི་རྗེས་ལ་དེ་ཉིད་ཆོས་ཀྱི་དབྱིངས་ཀྱི་གཟུགས་འོད་ཟེར་གྱི་ཕྲེང་བ་རྣམ་པར་འཕྲོ་བ་ཅན་བདུད་རྩིའི་ཆར་ལྟ་བུའི་ཐིག་ལེའོ། །ཐིག་ལེར་ཞུགས་པའི་ཆོས་ཀྱི་ཡི་གེ་ལས་ནཱ་དའི་སྐུད་པས་བཀུག་སྟེ། ཇི་སྐད་གསུངས་པའི་རྩའི་ལམ་ནས་སྟེང་དུ་སོང་ནས་ཆུ་དང་འོ་མ་ལྟར་ཆོས་དང་ཐིག་ལེ་ལྷན་ཅིག་ཏུ་ [229b.6]རོ་གཅིག་ཏུ་གྱུར་པ་དང་། སྟོང་པ་ཉིད་དང་སྙིང་རྗེ་མི་ཕྱེད་པའི་གཟུགས་ཅན་འཇིག་རྟེན་ལས་འདས་པ་ལྷན་ཅིག་སྐྱེས་པ་ཕུན་སུམ་ཚོགས་པ་རྫ་མཁན་གྱི་འཁོར་ལོ་བསྐོར་བའི་ཤུགས་ལྟར་འཁོར་བར་བསྒོམ་པར་བྱའོ། །དེ་དག་ནི་བདག་མེད་མའི་མན་ངག་ལས་ཐིག་ལེ་སྣ་ཚོགས་གཅིག་ [229b.7]ཏུ་བསྒོམ་པའི་ཆོ་ག་སྟེ་དང་པོའོ།། །།དེ་ནས་སྔར་གསུངས་པའི་མཚན་ཉིད་ཅན་གྱི་སྔགས་པས་སྔར་བརྗོད་པའི་བསམ་གཏན་གྱི་ཁང་པར་ཞུགས་ལ་སྟན་བདེ་བ་ལ་འདུག་སྟེ། བསྲུང་བའི་སྔགས་བརྗོད་ཅིང་དཀྱིལ་འཁོར་མཆོད་པ་ལ་སོགས་པ་ཡང་བྱས་ལ། ཨོཾ་སྭ་བྷཱ་ཝ་ཤུདྡྷཿ་ [230a] [230a.1]༄༅། །སརྦ་དྷརྨཱཿ་སྭ་བྷཱ་ཝ་ཤུདྡྷོ྅ཧཾ། འདིས་ནི་བདག་མེད་མ་རུ་ལྷག་པར་མོས་པར་བྱའོ། །དེ་ནས་འོག་གཞི་ཤིང་རྟའི་ཡན་ལག་ཅན་གྱི་ཆུ་སྐྱེས་ལ་གནས་ཏེ་སྲོག་སོང་བའི་སྙིང་གར་རི་བོང་ཅན་གྱི་དཀྱིལ་འཁོར་ལ་སྔོན་པོ་འམ་དམར་ནག་གམ་དམར་པོ་ལྟ་བུ་གང་འདོད་པ་ཇི་སྐད་ [230a.2]གསུངས་པའི་མཚན་ཉིད་ཅན་གྱི་བདག་མེད་མའི་རྣམ་པར་བསྒོམ་པར་བྱས་ལ། ཡེ་ཤེས་དང་མིག་དང་སྐུ་ལ་སོགས་པ་བྱིན་གྱིས་བརླབ་པ་བལྟ་བར་བྱའོ། །དེ་ནས་དེའི་འོག་གཞིའི་རྩིབས་ཅན་ལ་དང་པོ་མཆོག་གི་སྙིང་པོ་མཚན་ཉིད་ནམ་མཁའི་ཁམས་ཀྱི་རང་བཞིན་ཅན། མཚལ་དང་འདའ་དི་མའི་ [230a.3]མེ་ཏོག་ལྟ་བུ་གྲུ་གསུམ་གྱི་འཁོར་ལོ་ལ་སའི་ཁམས་ཀྱི་རང་བཞིན་སྟོབས་དང་བྲལ་བའི་མགོ་བོའི་དུམ་བུ་བསྒོམ་པར་བྱའོ། །དེའི་ནང་དུ་ཆུའི་ཁམས་ཀྱི་རང་བཞིན་འོ་མ་ལས་སྐྱེས་པ་དཀར་པོ་རིལ་པོར་བསམ་མོ། །དེ་ནས་དེའི་དབུས་སུ་མེའི་ཁམས་ཀྱི་རང་བཞིན་གློག་ལྟར་འཁྱུག་པའི་མཚོན་ [230a.4]བསམས་ལ། མེའི་དཀྱིལ་འཁོར་དང་ལྡན་པ་ལྟེ་བ་ལ་རླུང་གི་ཁམས་ཀྱི་རང་བཞིན་ཟླ་བ་ཕྱེད་པ་འབར་བ་བསམ་མོ། །དེའི་སྟེང་དུ་འབྱུང་བ་ལྔའི་བདག་ཉིད་ཟླ་བ་ཕྱེད་ཐིག་ལེས་རྣམ་པར་བརྒྱན་པའི་ས་བོན་དགའ་བའི་ཚོགས་ཅན་འོད་གསལ་བར་བལྟའོ། །དེ་ནས་མེའི་དཀྱིལ་འཁོར་ [230a.5]དེ་ལ་ཆགས་པ་ཆེན་པོ་སྟོན་པ་གསལ་བར་འབར་བའི་ཡི་གེ་གསུམ་བསྒོམ་པར་བྱ་སྟེ། དེ་ལ་སྟེང་གི་གྲྭར་དོན་གྱི་རྣམ་པར་སྟོང་པའི་ཡིད་ཙམ་དུ་གསལ་བའོ། །གཡོན་གྱི་གྲྭར་ཡང་དག་པར་འདོད་པའི་འབྲས་བུ་བསྐྱེད་པ་ཅན་ནོ། །གཡས་ཀྱི་གྲྭར་དགྱེས་པ་བསྐྱེད་པ་ཅན་ནོ། །དེ་དག་ [230a.6]ཀྱང་ཡི་གེ་གསུམ་སྟེ་སྦྱོར་བ་དང་དངོས་དང་མཇུག་གི་བདེ་བའི་རྒྱུར་ངེས་པའི་ཚིག་ཏུ་གྲུབ་པར་རྟོགས་པར་བྱའོ། །དེ་ནས་དེའི་འོད་ཟེར་གྱིས་རེག་པའི་སྟོབས་ཀྱིས་ཆགས་པ་ཆེན་པོའི་རླུང་གིས་བསྐྱོད་ནས་རྗེས་སུ་ཆགས་པ་འདོད་པ་མོ་མཚོན་པ་ལྟར། བཅུག་པའི་ཁྱིམ་གྱི་སྒོར་བ་ཐག་ཤིན་ [230a.7]ཏུ་ཕྲ་བ་ལྟ་བུའི་ས་བོན་གྱི་ཡི་གེ་ཐིག་ལེ་ཅན་ནཱ་དའི་རོ་མའི་གཟུགས་སྟེང་དུ་སོང་ཡང་རུང་མ་མོ་ལྟར་སོང་བ་སྟེ། ཡང་འཁྱོག་པོར་འགྲོ་བར་མགྲིན་པའི་ཁྲོད་ཀྱི་བུ་གའི་ཕུག་ནི་ཁྱིམ་སྟེ་ལྕེ་ཆུང་འཕྱང་བའི་རྩེར་གནས་པ་དཔལ་ཧེ་རུ་ཀའི་ངོ་བོ་ཧཾ་ཡིག་ལ་བདག་མེད་མས་རེག་པར་བལྟའོ། ། [230b] [230b.1]དེ་ནས་དེར་རེག་པའི་བདེ་བ་རྒྱས་པའི་བདེ་བ་ཅན་མི་ཤིགས་པའི་ཐིག་ལེ་ལས་འཐིགས་པ་དྲི་མ་མེད་ཅིང་དགའ་བའི་ཆུའི་བདུད་རྩི་ཆར་གྱི་སྙིང་པོའི་དབང་བསྐུར་བས། ཡང་དག་པར་ཚིམ་པ་དང་དགའ་བ་དང་བཅས་ཤིང་ལྷག་པར་དགའ་བས་གང་ཞིག་མྱོས་པ་ནི་འཕང་ལོ་བསྐོར་བ་ལྟར་བཅོམ་ [230b.2]ལྡན་འདས་མ་དེ་ལྷུན་གྱིས་གྲུབ་པར་བསྒོམ་པར་བྱའོ། །ཡང་དེའི་རྡོ་རྗེ་གསུམ་དབྱེར་མི་ཕྱེད་པ་དང་སྐུ་གསུམ་གྱི་བདག་ཉིད་ཅན་དང་། ཐབས་དང་ཤེས་རབ་མི་ཕྱེད་པའི་བླ་མ་དམ་པའི་མན་ངག་ལས་རིག་པར་བྱའོ། །དེ་དག་ནི་བདག་མེད་མའི་མན་ངག་ལས་འབྱུང་བ་ཆེན་པོ་ལྔ་དང་རྡོ་རྗེ་ [230b.3]གསུམ་དང་སྐུ་གསུམ་གྱི་བདག་ཉིད་ཅན་དོན་དམ་པའི་ཡི་གེའི་གཟུགས་ཀྱིས་འཁོར་བར་བསྒོམ་པའི་ཆོ་ག་སྟེ་གཉིས་པའོ།། །།དེ་ནས་རྣལ་འབྱོར་བས་ཇི་ལྟ་བ་དེ་བཞིན་པས་བགེགས་བསལ་བར་བྱ་སྟེ། ཆོ་ག་ནི་དབེན་པའི་ཁྱིམ་ལ་སོགས་པར་སྟན་འཇམ་ཞིང་བདེ་བར་འདུག་སྟེ་བདག་ཉིད་ [230b.4]བདག་མེད་མར་མོས་པར་བྱས་ལ་དག་པའི་སྔགས་བརྗོད་དོ། །འོག་གཞིའི་རྩིབས་དང་ལྡན་པ་ནི་མྱ་ངན་མེ་དང་རྒྱ་སྐྱེགས་ཤིང་དང་ཀུ་སུ་མའི་མེ་ཏོག་ལྟ་བུ་ལ་ཤིང་རྟའི་ཡན་ལག་ཅན་གྲུ་གསུམ་པར་སྣ་ཚོགས་རྡོ་རྗེ་ལ་ཆུ་སྐྱེས་ཀྱི་ཟེའུ་འབྲུར་ཟླ་བའོ། །དེར་རྡོ་རྗེ་རྣོན་པོ་རྩེ་གཅིག་པས་འོག་གི་ཆ་བརྒྱན་པ་དབུས་ཀྱི་ཆར་ [230b.5]སྣ་ཚོགས་རྡོ་རྗེས་མཚན་པ་རབ་ཏུ་འཕྱང་བ་སྒྲ་དང་ལྡན་པ་དྲིལ་བུའི་ཕྲེང་བ་དང་སྣ་ཚོགས་པའི་ཕྲེང་བ་དང་ལྡན་པ་སྐེའི་ཆར་རོ། །སྟེང་གི་ཆར་ཕུལ་དུ་བྱུང་བའི་རྡོ་རྗེ་རྩེ་མོ་ལྔ་པས་མཚོན་པ་ལངས་ནས་གནས་པའི་ཁ་ཊྭཱཾ་ག་ནི་ཆོས་ཀྱི་དབྱིངས་ཀྱི་བདག་ཉིད་བདག་མེད་མའི་ངོ་བོར་ས་བོན་ཡོངས་སུ་གྱུར་པ་ལས་བལྟ་བར་བྱའོ། ། [230b.6]དེ་ནས་དེའི་འོག་དང་བར་དང་མགྲིན་པ་དང་སྟེང་གི་ཆར་ལས་དང་ཆོས་དང་དམ་ཚིག་དང་ཕྱག་རྒྱ་ཆེན་པོའི་ངོ་བོ་ནི། ཆོས་ཀྱི་སྒོ་དང་དྲག་པོ་དང་ཡེ་ཤེས་རྒྱ་མཚོ་དང་མགོ་མེད་དོ། །དེ་ཡང་སྣ་ཚོགས་དང་ནག་པོ་དང་དམར་པོ་དང་དཀར་པོའི་ཁ་དོག་ཏུ་རྣམ་པར་བསྒོམ་མོ། །ཉི་ཟླ་འགགས་པ་ལས་སྐྱེས་པའི་ལས་ཀྱི་རླུང་གིས་ [230b.7]བསྐུལ་བས་འཇིག་པའི་དུས་ཀྱི་མེའི་ཕུང་པོ་ཤིན་ཏུ་འབར་བ་ལྟར་རྣམ་པར་བསྒོམ་པར་བྱའོ། །དེ་ནས་དེའི་སྟེང་དུ་གྱུར་པའི་རྡོ་རྗེའི་དབུས་ཀྱི་རའི་རྩེ་མོ་ནས་འཇིག་པའི་དུས་ཀྱི་མེ་འབར་བ་ལྟར་ལངས་པ་དང་། འབར་བས་བསྲེག་པའི་རྣམ་པར་འཁྲུགས་པར་བྱ་སྟེ། འཁོར་ལོ་གནས་པའི་སངས་རྒྱས་དང་རིག་ [231a] [231a.1]མའི་ཚོགས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་དང་ཡེ་ཤེས་ཀྱི་བདག་ཉིད་དུ་འཁོར་ལོ་གསུམ་བསྡུས་པའི་མཚན་ཉིད་ངོ་བོ་བདེ་བའི་འཁོར་ལོར་མེ་འབར་བས་མར་ཞུ་བ་ལྟར་ཡང་དག་པར་བསྒོམ་པའོ། །དེ་ནས་འཛག་པའི་བདུད་རྩི་འཛིན་པ་གསོས་པ་དང་། སངས་རྒྱས་ [231a.2]དང་རིག་མའི་ཚོགས་བསྲེགས་ཤིང་མྱ་ངན་ལས་འདས་པའི་གཟུགས་ཅན་བརླན་པ་ཡང་ཇི་ལྟར་ཆུ་འཛིན་གྱི་ཚོགས་ལས་ཆུ་འབབ་པའི་ཐིག་ལེས་ཚིམ་པ་ནི་རྨ་བྱ་མྱོས་པ་ལྟ་བུ་སྟེ། ཤིན་ཏུ་དགའ་བས་གཞན་གྱི་འདོད་པས་ཚིམ་པ་བདེ་བ་ཆེན་པོར་ཞུགས་པ་ཤེས་རབ་ཀྱི་རང་བཞིན་ལས་ནམ་མཁའི་ཁམས་ [231a.3]ཐམས་ཅད་དུ་སྤྲོས་བས་དགའ་བའི་ཚོགས་ཀྱིས་གདུངས་པའི་གར་དེ། དེར་ཡིད་སོང་བའི་སྔགས་པས་ཇི་སྲིད་འདོད་པ་ལྷུན་གྱིས་གྲུབ་པར་བསྒོམ་པར་བྱའོ། །དེ་དག་ནི་བདག་མེད་མའི་མན་ངག་ལས་ཤེས་རབ་མཆོག་གི་བདག་ཉིད་ཁ་ཊྭཱཾ་ག་རོལ་པ་བསྒོམ་པའི་ཆོ་ག་སྟེ་གསུམ་པའོ།། །།དེ་ནས་ [231a.4]རྣལ་འབྱོར་མའི་མཚན་ཉིད་གང་དུ་གསུངས་པས་ཇི་ལྟ་བུའི་བསྲུང་བའི་སྔགས་བྱ་སྟེ། འཚེ་བ་མེད་པའི་ཁང་པ་ལ་སོགས་པ་རུ་སྟན་བདེ་བ་ལ་རྡོ་རྗེ་སྐྱིལ་མོ་ཀྲུང་བསྡམས་པས་བདག་མེད་མར་མོས་ལ་རྣམ་པར་དག་པའི་སྔགས་བརྗོད་དོ། །དེ་ནས་སྤྲུལ་པའི་འཁོར་ལོའི་དབུས་སུ་སྲོག་སོང་བའི་སེམས་ཀྱི་ [231a.5]གཞིར་ཟླ་བའི་དཀྱིལ་འཁོར་ལ་སྔར་གསུངས་པའི་རང་གི་མཚན་ཉིད་ཅན་གྱི་བདག་མེད་མ་རྣམ་པར་བསྒོམས་ལ། དེའི་འོག་གཞི་ལ་ཤིང་རྟའི་ཡན་ལག་ཅན་ཡོངས་སུ་སྨིན་པའི་ཀིམྤ་ཀའི་འབྲས་བུ་ལྟ་བུ། དེ་ཡང་མེའི་འཁོར་ལོ་གྲུ་གསུམ་པ་དེའི་ནང་དུ་པདྨ་འདབ་མ་བཞི་པ་བསམ་པར་བྱའོ། །དེ་ནས་ [231a.6]དེའི་འདབ་མ་དང་ཟེ་འབྲུལ་མཁའ་འགྲོ་མ་ལྔའི་རང་བཞིན་ཡུངས་ཀར་ཕྲ་མོའི་བདེ་བའི་ཐིག་ལེར་བསྒོམ་པར་བྱའོ། །དེ་ལ་ཤར་ཕྱོགས་ཀྱི་འདབ་མ་ལ་མེ་ལོང་ལྟ་བུའི་ཡེ་ཤེས་དང་སངས་རྒྱས་སའི་རང་བཞིན་རྡོ་རྗེ་མའི་རང་བཞིན་རབ་ཏུ་སྦྱོར་བའི་བདེ་བའི་ཐིག་ལེའོ། །ལྷོ་ཕྱོགས་ཀྱི་འདབ་མ་ལ་མཉམ་པ་ [231a.7]ཉིད་ཀྱི་ཡེ་ཤེས་དང་སངས་རྒྱས་སའི་རང་བཞིན་དཀར་མོའི་རང་བཞིན་ཅན་རྩ་བའི་བདེ་བའི་ཐིག་ལེའོ། །ནུབ་ཕྱོགས་ཀྱི་འདབ་མ་ལ་སོ་སོར་རྟོག་པའི་ཡེ་ཤེས་དང་སངས་རྒྱས་སའི་རང་བཞིན་ཆུའི་རྣལ་འབྱོར་མའི་བདག་ཉིད་ཅན་ཡོངས་སུ་བཅད་པའི་བདེ་བའི་ཐིག་ལེའོ། །བྱང་ཕྱོགས་ཀྱི་འདབ་མ་ལ་བྱ་བ་གྲུབ་ [231b] [231b.1]པའི་ཡེ་ཤེས་དང་། སངས་རྒྱས་སའི་རང་བཞིན་རྡོ་རྗེ་མཁའ་འགྲོ་མའི་རང་བཞིན་ཅན་གྱི་དོན་གྱི་བདེ་བའི་ཐིག་ལེའོ། །ཟེའུ་འབྲུ་ལ་ཤིན་ཏུ་རྣམ་པར་དག་པ་ཆོས་ཀྱི་དབྱིངས་ཀྱི་ཡེ་ཤེས་དང་སངས་རྒྱས་སའི་རང་བཞིན་བདག་མེད་མའི་རང་བཞིན་ཅན་ཆོས་ཐམས་ཅད་དོན་དམ་པ་མཆོག་ཏུ་བདེ་བའི་ [231b.2]ཐིག་ལེར་ཡིད་མཉམ་པར་བཞག་པའི་སྔགས་པས་དུས་རིང་པོར་བསམ་མོ། །དེའི་རྗེས་ལ་དབུས་ཀྱི་ཐིག་ལེ་ལས་རྣམ་པར་སྤྲོས་ཏེ་དྲི་མ་མེད་པའི་བརྒྱད་ཀྱི་ཕྱེད་ཀྱི་འོད་ཟེར་ལྕགས་ཀྱུ་རྣམས་ཀྱིས་ཕྱོགས་ཀྱི་ཐིག་ལེ་བཀུག་པ་རྣམས་ཀྱང་དབུས་ཀྱི་ཐིག་ལེ་ལ་ཞུགས་པར་བལྟ་བར་ [231b.3]བྱའོ། །དེ་ནས་ཡེ་ཤེས་ལྔའི་བདག་ཉིད་ཅན་དོན་དམ་པའི་ཤེས་རབ་ཀྱི་རང་བཞིན་དུ་ཐིག་ལེའི་གཙོ་བོ་འབར་བར་ཇི་ཙམ་འདོད་པ་བསྒོམ་མོ། །དེ་ནས་འོད་ཟེར་དམར་པོ་བྱུང་བ་ནི་དཔག་བསམ་གྱི་ཤིང་གི་ཡལ་ག་ལྟར་མངོན་པར་འདོད་པའི་དོན་བསྐྱེད་ཅིང་། སྐྱེད་པར་བྱེད་ [231b.4]པའི་མེ་ལྟར་བདེ་བ་སྐྱེད་པར་བྱེད་པའོ། །དེ་ནས་སྣའི་རྩེ་མོའི་གཙུག་ཏོར་དུ་ཁྱེར་ལ་དུས་རིང་མོར་བདེ་བར་གནས་པར་བསམ་པར་བྱའོ། །དེ་ནས་དེའི་ཐིག་ལེ་བ་ཐག་ལྟར་རང་ལས་བྱུང་བའི་སྐུད་པའི་རི་མོའི་རྒྱུན་གྱིས་སྐས་ཀྱི་ཁྲེམ་གཉེར་གྱི་ལམ་ལ་སོང་བ་དང་། ཡིད་བཞིན་ [231b.5]གྱི་ནོར་བུ་རིན་པོ་ཆེ་ལྟར་བསམ་པ་ཐམས་ཅད་ཡོངས་སུ་རྫོགས་པ་རི་བོང་ཅན་གྱི་དཀྱིལ་འཁོར་ལྟར་བདུད་རྩིའི་རང་བཞིན་གྱི་འོད་ཟེར་གྱི་ཚོགས་ཀྱིས་ནམ་མཁའ་མ་ལུས་པར་ཁྱབ་སྟེ། མཆོག་ཏུ་བདེ་བའི་རང་བཞིན་དང་ཆོས་ཀྱི་སྐུའི་བདག་ཉིད་དང་བདག་མེད་མའི་རང་བཞིན་དུ་སྣའི་ [231b.6]རྩེ་མོར་གནས་པར་གྱུར་ཅིང་འབར་བ་དང་བསྒོམ་པར་བྱ་བ་དང་སྒོམ་པར་བྱེད་པ་དང་བསྒོམ་པའི་རྣམ་པར་རྟོག་པའི་སྐྱོན་གྱིས་བྱུགས་པ་དང་བྲལ་བར་གྱུར་པའི་སྔགས་པས་ཅི་ཙམ་བརྟན་པར་ནུས་པའི་བར་དུ་བསྒོམ་པར་བྱའོ། །དེ་དག་ནི་བདག་མེད་མའི་མན་ངག་ལས་མཆོག་ཏུ་བདེ་ [231b.7]བའི་ཐིག་ལེ་བསྒོམ་པའི་ཆོ་ག་སྟེ་བཞི་པའོ།། །།དེ་ནས་སྔགས་པ་དབང་དང་དམ་ཚིག་དང་ལྡན་ཞིང་སྙིང་རྗེ་ལ་སོགས་པའི་ཡོན་ཏན་དང་ལྡན་པས་ཚོགས་བསགས་ཏེ། ཡིད་དང་མཐུན་པའི་ཕྱོགས་སུ་སྔགས་པས་སྟན་ལ་འདུག་སྟེ། བསྲུང་བ་དང་དཀྱིལ་ [232a] [232a.1]འཁོར་མཆོད་པའི་ཆོ་གས་བདག་ཉིད་བདག་མེད་མར་མོས་ལ། རང་གི་སྤྲུལ་པའི་རྩིབས་དང་ལྡན་པར་བདག་མེད་མ་སྔར་བསྐྱེད་པ་གསུངས་པ་བཞིན་བསྐྱེད་ལ། དེའི་ལྟེ་བ་ལ་མེ་ཏོག་མནྡ་ར་བ་ཁ་ཕྱེ་བ་ལྟ་བུ་གྲུ་གསུམ་པ་ཐུབ་པའི་དབང་པོའི་གནས་མཆོག་ཏུ་ལྷག་ [232a.2]པར་ཡུམ་དང་བཅས་པ་དང་། དང་པོའི་མཆོག་གི་རང་བཞིན་ཅན་འོད་གསལ་བར་བཅུ་དྲུག་ཆ་ཞག་གི་གཙོ་བོ་དང་། རྟ་བདུན་པའི་རིའི་ཕུར་བ་ལྟར་ཁ་སྦྱོར་དུ་གསལ་བར་བལྟའོ། །དེ་ལས་བྱུང་བའི་ཡོངས་སུ་རྩོམ་པ་དང་སོ་སོར་འབྱེད་པ་དང་རྣམ་པར་སྤྱོད་པ་རྣམས་སུ་སྟོན་པ་ཁབ་ [232a.3]ལྟ་བུ་ཤིན་ཏུ་རྣོ་བའི་ཉི་མའི་འོད་ཟེར་ལྟར་ཕྲ་བ་ལྟ་བུ་ཤིན་ཏུ་དམར་པོ་དེ་ཁ་སྦྱོར་ལན་གསུམ་དུ་དགྲོལ་ཏེ་དེར་ནང་དུ་སོང་བར་བསམ་པར་བྱའོ། །དེ་ནས་དེའི་སྦྱོར་བ་ལས་སྐྱེས་པ་ནི་འབར་ཞིང་དགའ་བ་ལས་བསྐྱེད་པ་སྐྱེ་བ་ཅན་ལྟ་བུའི་རྒྱལ་བ་རྣམས་དོན་དམ་པའི་ཡེ་ཤེས་ཀྱི་ཐིག་ལེ་རྣམ་ [232a.4]པར་བསམ་པར་བྱའོ། །དེ་ནས་དེ་ལས་བྱུང་ནི་སྤྲུལ་པའི་རི་མོའི་རང་བཞིན་ལྷའི་དབང་པོ་ཡང་དབང་ཕྱུག་བདེ་བ་ལ་དམིགས་པའི་མཆོག་གཞན་གྱི་དོན་བྱེད་པ་ནི་གླང་པོ་ཆེ་མོ་ལྟར་རོལ་ཞིང་སྒེག་པར་འགྲོ་བ་སྟེ། ཡིད་བཞིན་གྱི་ནོར་བུ་དམར་པོའི་ཐུར་མ་ཕྲ་མོ་ལྟར་རིང་བས་སཱ་ལའི་ཡལ་ག་ [232a.5]ལྟ་བུ་ལེགས་པར་འབར་བ་བདག་མེད་མའི་གཟུགས་བརྙན་གྱིས་བདེ་བ་ཆེན་པོའི་འཁོར་ལོའི་དབུས་སུ་གནས་པའི་དེ་བཞིན་གཤེགས་པ་ཐམས་ཅད་བསྡུས་པའི་དཔལ་དགྱེས་པའི་རྡོ་རྗེའི་བདག་ཉིད་མགོ་མེད་ཀྱི་གཟུགས་ཀྱི་བཅོམ་ལྡན་འདས་ཀྱི་ལུས་ལ་རེག་པར་བསམ་པར་ [232a.6]བྱའོ། །དེ་ནས་དེ་དག་དགའ་བས་བསྐྱོད་པས་གཟུགས་བརྙན་རེག་པ་ལས་བྱུང་བའི་ཆགས་པས་ཞུ་བར་གྱུར་ཏེ། དགའ་བ་དང་རྗེས་སུ་མཐུན་པའི་ཚུལ་གྱིས་འབབ་ཅིང་རྗེས་སུ་འགྲོ་བའི་ཐིག་ལེའི་གཟུགས་ཅན་དགའ་བའི་འདོད་པ་བསྟེན་པར་བྱའོ། །དེ་ཡང་དེའི་སྦྱོར་ [232a.7]བ་ལས་ཡང་དག་པར་བྱུང་བའི་བདེ་བའི་བདུད་རྩི་མྱངས་པ་བཅུད་དང་། སྟོབས་སུ་སྨིན་པས་རྒྱས་པ་ལས་སྤྲོ་ཞིང་མ་རྒུད་ཅིང་ལེགས་པ་མཆོག་གི་དགའ་བ་ཚོགས་བསྡུ་བ་བྱས་པས། ནམ་མཁའི་ཕྱོགས་མ་ལུས་པར་གནས་པའི་རྒྱུ་བ་དང་མི་རྒྱུ་བ་དེ་ཡིད་གཏད་པའི་སྔགས་ [232b] [232b.1]པས་ཇི་ཙམ་ནུས་པ་དེ་ཙམ་དུ་བསྒོམ་པར་བྱའོ། །དེ་དག་ནི་བདག་མེད་མའི་མན་ངག་ལས་ཡེ་ཤེས་ཀྱི་ཐིག་ལེ་བསྒོམ་པའི་ཆོ་ག་སྟེ་ལྔ་པའོ།། །།དེ་ནས་བསམ་གཏན་གྱི་ཁང་པར་བདེ་བར་འདུག་པས་བྱ་བ་དག་བྱས་ནས། རྣལ་འབྱོར་མའི་མཚན་ཉིད་ཇི་སྐད་ [232b.2]གསུངས་པའི་བདག་མེད་མའི་རྣལ་འབྱོར་ཅན་གྱིས་སྔར་གསུངས་པའི་སྤྲུལ་པའི་འཁོར་ལོ་ལ་ཨཱ་ལི་བསྡུས་པའི་རང་བཞིན་གྱི་གཟུགས་ཅན་ཆོས་ཀྱི་སྐུའི་བདག་ཉིད་ཤེས་རབ་ཀྱི་ངོ་བོ་སྟོང་པ་ཉིད་ཀྱི་ཚུལ་ཅན། རྣལ་འབྱོར་མ་མ་ལུས་པའི་བསྡུས་པའི་ཚུལ་ཅན་གཟུགས་ [232b.3]བདག་མེད་མ་ཨོཾ་ཡིག་འབར་བ་མངོན་པར་བལྟའོ། །ཆོས་ཀྱི་འཁོར་ལོར་གནས་པ་ཡང་ཀཱ་ལི་བསྡུས་པའི་གཟུགས་ཅན་ལོངས་སྤྱོད་རྫོགས་པའི་སྐུའི་བདག་ཉིད་ཐབས་ཀྱི་ངོ་བོ་སྙིང་རྗེའི་ཚུལ་ཅན་ཏེ། དེ་བཞིན་གཤེགས་པ་ཐམས་ཅད་བསྡུས་པའི་རང་བཞིན་དཔལ་ཧེ་རུ་ [232b.4]ཀའི་ངོ་བོ་ཧཱུཾ་ཡིག་འབར་བ་རྣམ་པར་བསྒོམ་པར་བྱའོ། །དེ་ནས་དེ་ལས་བྱུང་བའི་འོད་ཟེར་གྱི་ཕྲེང་བ་ཕོ་ཉ་མོ་ལྟ་བུས་གཉི་གའི་འདོད་པའི་དོན་ཉི་མ་ལྟ་བུ་བསྒྲུབ་པས་བཀུག་སྟེ། དེ་ཉིད་དུ་རྗེས་སུ་ཆགས་པ་བསྒོམ་མོ། །དེ་ནས་ཡང་དེར་སྦྱོར་བའི་རྗེས་སུ་ཆགས་པ་དང་ཤིན་ [232b.5]ཏུ་ཞེན་པ་དེ་དང་མི་ཕྱེད་པའི་ཟེའུ་འབྲུ་རིན་པོ་ཆེ་རྩེ་མོར་ཕྱིན་ཅིང་གནས་པར་དུས་རིང་པོར་བསྒོམ་པར་བྱའོ། །དེ་ནས་དེའི་རྗེས་ལ་མ་ན་སའི་གནས་ཤིང་རྟ་དྲང་སྲོང་རྟ་བདུན་པ་ཆེར་འཚེར་བའི་སྟོབས་ལས་བྱུང་བའི་རླུང་དང་། མེའི་སྦྱོར་བས་ཞུ་བར་གྱུར་པ་དང་། དངོས་པོ་ཐམས་ [232b.6]ཅད་ཀྱི་སྟོང་པ་ཡང་དག་པ་སྟོང་པ་ཉིད་དང་། སྙིང་རྗེ་མི་ཕྱེད་པའི་བྱང་ཆུབ་ཀྱི་སེམས་རྣལ་འབྱོར་པ་རང་གི་མཚན་ཉིད་བུམ་པ་བཟང་པོ་ལྟར་འདོད་པའི་དོན་ཐམས་ཅད་གྲུབ་པ་རྣམ་པར་སྤྲོས་ཏེ། བདེ་བའི་རྒྱུན་དུ་མཉམ་པར་སྣང་བར་བྱས་པས་སྣང་བ་དང་ནི་སྣང་བ་སེམས་ [232b.7]ཅན་མ་ལུས་པ་སྣོད་དུ་བྱས་པ་ཐིག་ལེའི་གཟུགས་དེར་ཡིད་སོང་བའི་སྔགས་པས་བསམ་པར་བྱའོ། །དེ་དག་ནི་བདག་མེད་མའི་མན་ངག་ལས་ལྷན་ཅིག་སྐྱེས་པའི་ཡི་གེ་མི་འགྱུར་བའི་ཐིག་ལེར་བསྒོམ་པའི་ཆོ་ག་སྟེ་དྲུག་པའོ།། །།དེ་ནས་བདག་མེད་མའི་རྣལ་ [233a] [233a.1]འབྱོར་པས་སྔར་བཞིན་པའི་སྤྲུལ་པའི་འཁོར་ལོ་ལ་བདག་མེད་མར་ཡིད་ཀྱིས་བསྐྱེད་ལ། དེ་ཡང་སྤྲུལ་པའི་འཁོར་ལོར་པདྨ་འདབ་མ་ནང་དུ་བཞི་ཕྱིར་བཅུ་བསྒོམ་མོ། །དེ་ནས་དེའི་ཟེ་འབྲུལ་རྣམ་པར་ཤེས་པ་ཡིད་ཞེ་སྡང་སངས་རྒྱས་ཀྱི་ས་ཤིན་ཏུ་རྣམ་པར་དག་པའི་ཡེ་ཤེས་ [233a.2]ཀྱི་བདག་ཉིད་ཅན་བདག་མེད་མའི་ངོ་བོ་དབྱངས་ཡིག་དང་པོ་ཐིག་ལེ་དང་བཅས་པ་རྣམ་པར་བསྒོམས་ལ་འདབ་མ་དག་ལ་དེ་ལས་སྤྲོས་པ་ནི་རྣལ་འབྱོར་མ་བཅུ་བཞིའི་རང་བཞིན་ཅན་དབྱངས་ཡིག་བཅུ་བཞི་བསྒོམ་པར་བྱའོ། །དེ་ལ་ནང་གི་ཤར་ཕྱོགས་ཀྱི་འདབ་མ་ལ་གཟུགས་མིག་གཏི་མུག་ [233a.3]སངས་རྒྱས་ཀྱིས་མེ་ལོང་ལྟ་བུའི་བདག་ཉིད་རྡོ་རྗེ་མའི་རང་བཞིན་དབྱངས་ཡིག་གཉིས་པའོ། །ལྷོ་རུ་ཚོར་བ་སྣ་ང་རྒྱལ་སངས་རྒྱས་ཀྱིས་མཉམ་པ་ཉིད་ཀྱི་བདག་ཉིད་དཀར་མོའི་དབྱངས་ཡིག་གསུམ་པའོ། །ནུབ་ཏུ་འདུ་ཤེས་ལྕེ་འདོད་ཆགས་སངས་རྒྱས་ཀྱི་སོ་སོར་རྟོག་པའི་བདག་ཉིད་ཆུའི་རྣལ་ [233a.4]འབྱོར་མ་ངོ་བོ་དབྱངས་ཡིག་བཞི་པའོ། །བྱང་དུ་འདུ་བྱེད་ལུས་ཕྲག་དོག་སངས་རྒྱས་ཀྱི་བྱ་བ་གྲུབ་པའི་བདག་ཉིད་ཅན་རྡོ་རྗེ་མཁའ་འགྲོ་མའི་ངོ་བོ་དབྱངས་ཡིག་ལྔ་པའོ། །ཕྱི་རོལ་གྱི་དབང་ལྡན་དུ་དགའ་བ་ལ་སོགས་པས་གསུམ་གྱི་བདག་ཉིད་ཅན་སྦོས་མོའི་རྣག་བཞིན་ཅན་དབྱངས་ཡིག་དྲུག་པའོ། ། [233a.5]མེའི་མཚམས་སུ་འོད་འཕྲོ་བ་ལ་སོགས་པས་གསུམ་གྱི་བདག་ཉིད་ཅན་རི་ཁྲོད་མའི་རང་བཞིན་དབྱང་ཡིག་བདུན་པའོ། །བདེན་བྲལ་དུ་རིང་དུ་སོང་བ་དང་མིག་གཡོ་བའི་རང་བཞིན་ཅན་གཏུམ་མོའི་ངོ་བོ་དབྱངས་ཡིག་བརྒྱད་པའོ། །རླུང་ལེགས་པའི་བློ་གྲོས་དང་ཆོས་ཀྱི་སྤྲིན་གྱི་བདག་ཉིད་ཅན་གཡུང་མོའི་ [233a.6]ངོ་བོ་དབྱངས་ཡིག་དགུ་པའོ། །ཤར་ལ་སོགས་པའི་འདབ་མ་ལ་དད་པ་ལ་སོགས་པ་དབང་པོ་བཞིའི་བདག་ཉིད་ཅན་སྒོ་སྐྱོང་གི་ངོ་བོ་དབྱངས་ཡིག་བཅུ་པ་བཅུ་གཅིག་པ་བཅུ་གཉིས་པ་བཅུ་གསུམ་པའོ། །ནུབ་དང་བདེན་བྲལ་གྱི་མཚམས་སུ་རེག་པ་དང་ཤེས་རབ་དང་དབང་པའི་བདག་ཉིད་ཅན་ས་སྤྱོད་མའི་ [233a.7]རང་བཞིན་དབྱངས་ཡིག་བཅུ་བཞི་པའོ། །དབང་ལྡན་དང་ཤར་གྱི་མཚམས་སུ་ཆོས་དང་དད་པ་ལ་སོགས་པ་སྟོབས་ལྔའི་བདག་ཉིད་ཅན་མཁའ་སྤྱོད་མའི་ངོ་བོ་དབྱངས་ཡིག་བཅོ་ལྔ་པའོ། །དབྱངས་ཡིག་དེ་དག་ཀྱང་འོད་གསལ་བ་བདུད་རྩིའི་ཆར་བབ་པར་བསམ་པར་བྱའོ། །དེ་ནས་དབྱངས་ཡིག་དང་ [233b] [233b.1]པོ་འོད་ཟེར་གྱི་ཕྲེང་བས་ཁྱབ་སྟེ་ལྷག་པའི་འོད་ཟེར་སྐར་མདའི་རྣམ་པས་རྙེད་པར་རབ་ཏུ་བལྟའོ། །དེ་ནས་ཉི་མའི་འོད་དམར་པོ་སྤྲོས་པས་མཐོང་བས་གསལ་ཏེ་ཐོ་རངས་ཀྱི་སྐར་མ་ལྟར་ཐིམ་པར་དབྱངས་ཡིག་བཅུ་བཞི་པོ་དེ་དག་རྣམ་པར་བསྒོམ་མོ། །དང་པོ་དབྱངས་ཡིག་ཀྱང་ཉིན་མོས་འཇིགས་པ་ལྟར་ཐིག་ལེ་ [233b.2]ཕུག་ཏུ་ཞུགས་པར་བསམ་མོ། །དེ་ཡང་ཐིག་ལེ་ཕུག་གི་བུར་པར་ཞུགས་པ་དང་ཉི་མའི་འོད་ཀྱིས་གདུངས་པས་བསྲེག་པར་བྱ་སྟེ། ནཱ་ད་རིང་པོ་ལེགས་པའི་དབྱངས་ཡིག་རྣམ་པར་བསམ་པར་བྱའོ། །དེ་ནས་དེའི་ནཱ་དས་བསྐུལ་བས་སྔགས་དང་ཁྱུ་མཆོག་གི་རྭ་ཡིས་བརྡུངས་པས་ཞུ་བ་ཐག་པ་འཕྱང་བ་ [233b.3]ལྟར་ངང་པ་སྐྱུགས་པ་སྟེ། ལྷན་ཅིག་སྐྱེས་པའི་རླུང་གིས་བསྐྱོད་པ་ཚ་བས་གདུངས་པ་ཞི་བ་ལྟར་དོན་དམ་པར་མཆོག་གི་གཟུགས་ལས་རྣམ་པར་འཕྲོས་ཏེ། བདེ་བ་ཆེན་པོའི་རྒྱུན་གྱིས་སྲིད་པ་མ་ལུས་པ་ལ་ཁྱབ་པ་དེར་སོང་བའི་ཡིད་ཅན་གྱི་སྔགས་པས་ཇི་ཙམ་ནུས་པའི་བར་དུ་བསྒོམ་པར་བྱའོ། །དེ་དག་ནི་ [233b.4]བདག་མེད་མའི་མན་ངག་ལས་ཡི་གེ་ཆའི་སྦྱོར་བ་ཐིག་ལེར་བསྒོམ་པའི་ཆོ་ག་སྟེ་བདུན་པའོ།། །།དེ་ནས་མཚན་ཉིད་ཇི་ལྟ་བ་བརྗོད་པའི་སྔགས་པས་སྔར་གསུངས་པའི་བྱ་བ་ཐམས་ཅད་བྱ་སྟེ། བདག་ཉིད་བདག་མེད་མར་མོས་ཤིང་སྤྲུལ་པའི་འཁོར་ལོ་ལ་མཆོག་གི་ཐབས་དང་ཤེས་རབ་ཀྱི་བདག་ཉིད་ [233b.5]ཟླ་བ་ཉི་མའི་སྦྱོར་བ་ལས་ཡང་དག་པར་བྱུང་བ་རླུང་མེད་པའི་མར་མེ་མི་གཡོ་བ་ལྟར་གྱེན་དུ་འབར་བས་མུན་པའི་ཚོགས་མ་ལུས་པ་ཞི་ཞིང་ཡུལ་དང་དབང་པོའི་གྲོང་ཁྱེར་བསྲེགས་ཏེ། གཞན་གྱི་རྣལ་འབྱོར་མ་རབ་ཏུ་འཇུག་པ་ཡང་འགོག་ཅིང་རྣམ་པར་རྟོག་པ་ཉུང་བ་མ་ཡིན་པ་ཟད་པར་བྱེད་དེ། ཤིང་སྐམ་པོའི་ཡལ་ [233b.6]གའི་ཚོགས་ལ་ཕུལ་དུ་གྱུར་པའི་ཤེས་རབ་མེའི་ཚོགས་སུ་འབར་བས་ཡང་བདག་མེད་མའི་རང་བཞིན་གཏུམ་མོ་ལྟར་མི་རེག་པ་གཏུམ་ཞིང་རབ་ཏུ་གཏུམ་པ་བལྟའོ། །དེ་ཡང་ཡིད་ཆགས་པར་གྱུར་པ་དང་བདེ་བའི་འཁོར་ལོ་ནམ་མཁར་གནས་པའི་ངང་པ་ཕྱེ་མ་ལེ་བ་ལྟར་ལེགས་པར་སྣུམ་ཞིང་མར་ཁུའི་ [233b.7]མེར་སྣང་བའི་སྲེད་པས་བལྟ་བ་དང་ཆགས་པས་ཞུ་སྟེ་དེར་ཐིམ་པར་རྣམ་པར་བྱའོ། །དེ་ནས་དེའི་མེ་ལ་མར་བཅུག་པ་ལྟར་རབ་ཏུ་འབར་ཞིང་སྡིག་པ་དང་ཉོན་མོངས་པས་གདུངས་པ་མ་ལུས་པ་བསལ་ཏེ་རྣམ་པར་སྤྲོས་པས་བདེ་བ་ཆེན་པོ་རྒྱས་པར་སྤྲོ་བ་གཟེར་ལྟར་དམིགས་པ་ཐམས་ཅད་ཞི་སྟེ། [234a] [234a.1]མི་དམིགས་པ་དང་བསམ་དུ་མེད་པ་དང་བརྗོད་དུ་མེད་པར་གྱུར་ཏེ་དེར་ཅི་ནུས་ཙམ་གྱི་བར་དུ་བསྒོམ་མོ། །དེ་དག་ནི་བདག་མེད་མའི་མན་ངག་ལས་གཏུམ་ཞིང་རབ་ཏུ་གཏུམ་པའི་ཆོག་སྟེ་བརྒྱད་པའོ།། །།དེ་ནས་སྔགས་པ་དབང་དང་ལྡན་པས་སྔར་གསུངས་པའི་བསམ་གཏན་གྱི་ཁང་ [234a.2]པར་སྟན་བདེ་བ་ལ་འདུག་ནས་བསྲུང་བ་དང་དཀྱིལ་འཁོར་མཆོད་པ་ལ་སོགས་པའི་ཆོ་ག་བྱས་ལ། རང་གི་ལུས་ཉིད་ས་དང་ཕ་རོལ་ཏུ་ཕ་ཕྱིན་པ་བསྡུས་པའི་རང་བཞིན་གནས་ལ་སོགས་པ་བསྡུས་ཏེ། རྣམ་པ་སྣ་ཚོགས་འབར་བ་ནོར་བུའི་རང་བཞིན་ཐར་པ་ཆེན་པོ་ཁང་པའི་གཞལ་ཡས་ཁང་དུ་རང་གི་ལུས་ཉིད་ [234a.3]མོས་པར་བྱས་ལ། དེར་གནས་པའི་རྩ་ཀུན་ཡང་དག་པར་བརྟེན་པའི་རྩ་གསུམ་པ་ནི་བདག་མེད་མར་མོས་སོ། །དེ་ལ་མགྲིན་པ་ན་བརྩམས་ཏེ་གཡོན་ན་གནས་པའི་ཁ་འོག་ཏུ་བལྟས་ནས་ལྟེ་བའི་འཁོར་ལོར་སོང་ཞིང་ཆུ་འབབ་བརྐྱང་མ་ཞེས་བྱ་བའི་རྩ་སྟེ། སྐུ་དང་ཟླ་བ་དང་ཨཱ་ལི་དང་སྟོང་པ་ཉིད་དང་ལམ་དུ་ [234a.4]འཇུག་པ་དང་མཚན་མོ་དང་ནུབ་པ་དང་བྱང་དུ་རྒྱུ་བ་རྨི་ལམ་དང་གཟུང་བ་དང་ཤེས་བྱ་དང་དོན་དམ་པ་དང་ཕྲ་བ་དང་ཨེ་ཡིག་དང་དངོས་པོ་མེད་པས་བསྡུས་པའི་རང་བཞིན་བདག་ཉིད་ལོངས་སྤྱོད་རྫོགས་པའི་སྐུའི་རང་བཞིན་དུ་མོས་པར་བྱའོ། །ལྟེ་བ་ནས་བཟུང་སྟེ་ཁ་སྟེང་དུ་བལྟས་ཏེ་གཡས་ནས་རྒྱུ་བའི་མགྲིན་ [234a.5]པའི་མཐར་ཐུག་གི་བར་དུ་སོང་ནས་ཁྲག་འབབ་པ་རོ་མ་ཞེས་པའི་རྩ་སྟེ། གསུང་དང་ཉི་མ་དང་ཀཱ་ལི་དང་སྙིང་རྗེ་དང་ལམ་ནས་འབྱུང་བ་དང་ཉིན་པར་འཆར་པ་དང་ལྷོ་ནས་རྒྱུ་བ་དང་སད་པ་དང་འཛིན་པ་དང་ཤེས་བྱེད་དང་ཀུན་རྫོབ་དང་རགས་པ་དང་། བཾ་ཡིག་དངོས་པོར་བསྡུས་པའི་རང་བཞིན་ཐམས་ཅད་ཀྱི་བདག་ཉིད་ [234a.6]ཅན་སྤྲུལ་པའི་སྐུའི་ངོ་བོར་མོས་པར་བྱའོ། །དེ་ནས་དབུས་ནས་རྒྱུ་བ་ཁ་འོག་ཏུ་བལྟས་པ་ཆུ་ཤིང་གི་མེ་ཏོག་ལྟར་འཕྱང་བ་སྣུམ་པ་དང་ལྡན་པའི་མར་མེ་ལྟ་བུར་བྱང་ཆུབ་ཀྱི་སེམས་འབབ་པ་ཀུན་འདར་མ་ཞེས་བྱ་བའི་རྩ་སྟེ། ཐམས་ཅད་བསྡུས་པའི་ངོ་བོ་སྟོང་པ་ཉིད་དང་སྙིང་རྗེ་མི་ཕྱེད་པ་བྱང་ཆུབ་སེམས་ཀྱི་བདག་ [234a.7]ཉིད་ཅན་ཆོས་ཀྱི་སྐུའི་ངོ་བོ་གཉིས་སུ་མེད་པ་རྣམ་པར་ཤེས་པ་ཙམ་གྱི་རང་བཞིན་དུ་མོས་པར་བྱའོ། །སྤྲུལ་པའི་འཁོར་ལོར་སོན་པའི་རྩ་གསུམ་པོ་གཅིག་གི་རང་བཞིན་དེ་ཁོར་སྟོང་ཆ་གསུམ་པ་ལྟ་བུའི་བུ་གུ་ཅན་རྭ་བསྡོམས་པ་ལྟ་བུ་རྡོ་རྗེའི་རྣམ་པ་ལྟ་བུ་འམ། ཡང་ན་བྱ་རོག་གདོང་ཅན་ལྟ་བུ་སྟེ་རྩའི་གཙོ་བོ་སྐུ་ [234b] [234b.1]གསུང་ཐུགས་གཅིག་པའི་རང་བཞིན་ཅན་ནམ་མཁའ་ལྟར་སྤྲོས་པ་མེད་ཅིང་མ་གོས་པ་བདེ་བ་ཆེན་པོའི་སྐུའི་རང་བཞིན་དུ་བདག་མེད་མ་རྣམ་པར་བསྒོམ་པར་བྱའོ། །བསྒོམས་པའི་སྟོབས་ཀྱིས་ཀྱང་དོན་དམ་པར་མངོན་སུམ་དུ་བྱེད་དོ། །དེ་དག་ནི་བདག་མེད་མའི་མན་ངག་ལས་རྩའི་གཙོ་བོ་བསྒོམ་པའི་ཆོ་ག་ [234b.2]སྟེ་དགུ་པའོ།། །།དེ་ནས་སྔགས་པ་དབང་དང་ལྡན་པས་སྔར་གསུངས་པའི་བསམ་གཏན་གྱི་གནས་སུ་ཞུགས་ཤིང་སྟན་བདེ་བ་ལ་འདུག་སྟེ། བསྲུང་བ་དང་དཀྱིལ་འཁོར་ལ་སོགས་པའི་ཆོ་ག་བྱས་ནས་མཉམ་པར་གཞག་པའི་ཡིད་ཀྱིས་བདག་མེད་མར་མོས་པར་བྱའོ། །དེ་ནས་སྤྲུལ་པའི་ཁང་པ་རྒྱུན་ [234b.3]དུ་གནས་པ་ཅན་རང་གི་འོད་ཀྱི་དཀྱིལ་འཁོར་གྱིས་བསྐོར་བ་བརྩེ་བ་དང་བྲལ་བས་གདུངས་ཏེ། བརྩེ་བ་དང་ཕྲད་པས་འདོད་པའི་ཡི་གེ་མཆོག་གི་རང་བཞིན་དུ་བཙུན་མོ་ཆེན་མོ་བདག་མེད་མ། ཞེས་བྱ་བ་རྣམ་པར་བསྒོམས་ལ། དེ་ལ་ཆོས་ཀྱི་ཁང་པ་རྒྱུན་དུ་གནས་པའི་གནས་ལ་གནས་པ་ཡང་། ཉི་མ་ལྟ་བུ་ [234b.4]འབར་བ་དང་ལྡན་པས་འདོད་པ་ལྟ་བུར་འཁྱུད་པ་དང་འདོད་པའི་མཆོག་ཏུ་གྱུར་པའི་རྗེ་བཙུན་དཔལ་ཧེ་རུ་ཀ་ཞེས་བྱ་བའི་རྒྱལ་པོ་ཆེན་པོ་དེས་འོད་ཟེར་གྱི་ཕོ་ཉ་བཏང་སྟེ་ལྟ་བར་བྱེད་དོ། །དེ་ནས་འོད་ཟེར་གྱི་ཕོ་ཉ་བཀུག་ནས་ཁྱེར་བ་དང་ཆགས་པ་ལྟ་བུར་རྗེས་སུ་ཆགས་པའི་དགའ་བས་རྙེད་དེ་འཁྱུད་པས་ [234b.5]ཀྱང་ཐོབ་པ་ནི་དབུལ་མོས་གཏེར་རྙེད་པ་ལྟ་བུའམ། བཀྲེན་པས་དགོས་པ་ཁྱད་པར་ཅན་གྱི་སྟོན་མོ་ཟོས་པ་ལྟ་བུའམ། སོས་ཀའི་ཚད་པས་གདུངས་པ་ལ་ཆུ་བསིལ་བས་དབང་བསྐུར་བ་ལྟ་བུ་སྟེ། མཆོག་གི་བདེ་བ་ཐོབ་པར་གྱུར་པས་བསྒོམས་པའི་སྟོབས་ཀྱིས་དོན་དམ་པ་མངོན་དུ་བྱའོ། །དེ་དག་ནི་བདག་ [234b.6]མེད་མའི་མན་ངག་ལས་ལྷན་ཅིག་སྐྱེས་པའི་བཙུན་མོ་བསྒོམ་པའི་ཆོ་ག་སྟེ་བཅུ་པའོ།། །།དེ་ནས་སྔར་བརྗོད་པའི་མཚན་ཉིད་ཅན་གྱི་སྔགས་པས་ཇི་སྐད་གསུངས་པའི་བསམ་གཏན་གྱི་གནས་སུ་སྟན་བདེ་བ་ལ་འདུག་ནས་བསྲུང་བའི་འཁོར་ལོ་ལ་སོགས་པའི་ཆོ་ག་བྱ་སྟེ། བདག་ཉིད་བདག་མེད་མར་མོས་ [234b.7]ལ་ལྟེ་བར་སྦྲུལ་ལྟ་བུར་འཁྱིལ་བའི་རྣམ་པར་གནས་པ་གཉིད་ལོག་པ་ལྟར་མ་སད་པ་ཆོས་ཀྱི་སྐུའི་བདག་ཉིད་ཅན་བདག་མེད་མའི་ངོ་བོ་ཤེས་རབ་ལ་ལོངས་སྤྱོད་རྫོགས་པའི་སྐུའི་བདག་ཉིད་ཅན་ཐམས་ཀྱི་རང་བཞིན་དཔལ་ཧེ་རུ་ཀའི་ངོ་བོ་སྣའི་ལམ་ནས་ཞུགས་ནས་རླུང་གིས་རབ་ཏུ་མནན་པས་སད་པར་བྱའོ། ། [235a] [235a.1]དེ་ནས་དེ་དབྱུག་པས་རེག་པའི་སྦྲུལ་མོ་ལྟར་དབྱུ་གུའི་རྣམ་པ་ལྟར་ལངས་ཏེ་ཁའི་བུ་ག་ནས་མེ་འབར་བ་ལྟར་བལྟའོ། །དེ་ནས་དེས་ཤིན་ཏུ་ཡང་འབར་བ་དང་འཇིག་རྟེན་གསུམ་ཡང་བསྲེགས་པར་བསམས་ཏེ། དེའི་སྟོབས་དེ་ལྟ་བུས་བདུད་རྩིའི་རང་བཞིན་རི་བོང་ཅན་དུ་དེ་མ་ཐག་ཏུ་ཞུ་བར་གྱུར་པས་ [235a.2]རྒྱུན་གྱི་རྣམ་པར་བླུགས་པར་བསྒོམས་ལ། དེ་ནས་བསྒོམས་པའི་སྟོབས་ཀྱིས་དོན་དམ་པ་མངོན་སུམ་དུ་བྱ་ཞིང་ནམ་མཁའི་ཕྱོགས་ཐམས་ཅད་དུ་སྤྲོའོ། །དེ་དག་ནི་བདག་མེད་མའི་མན་ངག་ལས་རླུང་གི་ཤེས་རབ་བསྒོམ་པའི་ཆོ་ག་སྟེ་བཅུ་གཅིག་པའོ།། །།དེ་ནས་སྔགས་པས་དབང་དུ་གྱུར་པ་བསམ་ [235a.3]གཏན་གྱི་གནས་སུ་རབ་ཏུ་ཞུགས་ནས་གནས་དང་བདག་དང་རྣལ་འབྱོར་བསྲུང་བའི་ཆོ་ག་བྱ་ཞིང་དཀྱིལ་འཁོར་མཆོད་པའི་ཆོ་ག་ཡང་བྱ་སྟེ། ཆོས་ཐམས་ཅད་རང་བཞིན་གྱིས་རྣམ་པར་དག་པ་ཨོཾ་པྲ་ཀྲྀ་ཏི་པ་རི་ཤུདྡྷོ྅ཧཾ་ཞེས་བརྗོད་དེ་བདག་མེད་པར་བལྟའོ། །དེ་ནས་བདག་མེད་མ་དེ་ནུ་མ་ནང་དུ་ཐིམ་པར་གྱུར་ཅིང་རང་ [235a.4]གི་པདྨའི་ཟེ་འབྲུ་ལས་སྐྱེས་པ་རྡོ་རྗེ་འགྲམ་གཉིས་ནི་དྲིལ་བུ་སྟེ་ཆགས་པ་དང་བཅས་ཤིང་ཆགས་པའི་ལྟ་བས་བལྟས་པས་གང་ཡང་རུང་བ་སྟེ་ཌོམྦི་ནཱིར་བལྟའོ། །དེ་ཡང་སྦྱོར་བ་དང་མཐོང་བ་དང་བསྒོམ་པ་དང་ཁྱད་པར་དང་མཐར་ཕྱིན་པའི་ལམ་གྱི་ངོ་བོ་སྟེ། རྣམ་པ་སྣ་ཚོགས་ལ་སོགས་པའི་སྐད་ཅིག་མའི་ཁྱད་པར་ [235a.5]ལས་སོ། །ཟླ་བ་གང་བ་ལྟ་བུ་ལོངས་སྤྱོད་རྫོགས་པའི་སྐུའི་རང་བཞིན་ཅན་ལྷན་ཅིག་སྐྱེས་པ་ཐམས་ཅད་ཀྱི་རང་བཞིན་དཔལ་ཧེ་རུ་ཀ་ལ་འཁྱུད་པ་ནི་ན་མ་མཁའ་ལྟ་བུའི་ཆོས་ཀྱི་སྐུའི་རང་བཞིན་ལྷན་ཅིག་སྐྱེས་པ་ཤེས་རབ་ཀྱི་ངོ་བོར་བདག་མེད་མ་མངོན་སུམ་དུ་བྱའོ། །མངོན་དུ་བྱས་ [235a.6]པ་དང་། །ཡན་ལག་དང་། ཉིན་ལག་ཐམས་ཅད་ལའོ། །དེ་ལས་ཕྱོགས་བཅུའི་དངོས་པོ་ཐམས་ཅད་དུ་སྤྲོས་ཏེ། རྣམ་པར་སྤྲོས་པ་ཐམས་ཅད་བདག་གི་རང་བཞིན་དུ་བྱའོ། །དེས་བདག་ཏུ་བྱས་པ་དང་། སེམས་ཙམ་གྱི་བདག་ཉིད་དུ་རྣམ་པར་བསམ་མོ། །དེ་བསམས་པ་དང་ [235a.7]རྟོག་པ་མེད་པར་བྱའོ། །དེ་ལྟར་ཡང་བསྒོམ་པ་ཐམས་ཅད་ལ་ཆོ་ག་འདིས་བསྒོམ་མོ། །དེ་དག་ནི་བདག་མེད་མའི་མན་ངག་ལས་ལྷན་ཅིག་སྐྱེས་པ་གཉིས་བསྒོམ་པའི་ཆོ་ག་སྟེ་བཅུ་གཉིས་པའོ།། །།དེ་ནས་ཚོགས་བསགས་པའི་སྔགས་པས་ཕྱག་རྒྱ་ཆེན་པོའི་དངོས་ [235b] [235b.1]གྲུབ་འདོད་པས་ཇི་སྐད་གསུངས་པའི་རྣལ་འབྱོར་གང་ཡང་རུང་བའི་སྦྱོར་བ་ལ་དམིགས་ཤིང་སེམས་བརྟན་པར་བྱ་སྟེ། བརྟན་པར་གྱུར་པ་དང་སེམས་ཀྱི་མཚན་མ་བརྟག་སྟེ་མཚན་མ་ཡང་ལྷུན་གྱིས་གྲུབ་པར་སྐྱེས་པའི་དགའ་བའི་ཤུགས་ཀྱིས་རྒྱུན་གང་གི་ཚེ་མངོན་སུམ་དུ་གསལ་བར་སྣང་བར་གྱུར་པ་དེ་ [235b.2]ཡིན་ཏེ། རྔ་དང་རྔ་བོ་ཆེ་དང་རྔ་ཟླུམ་དང་ཟངས་དུང་ལ་སོགས་པའི་གསལ་བར་གྲག་པའི་སྒྲ་རྣམས་ཀྱིས་རིག་པ་མི་འབྱུང་བ་ཡང་ཡིན་ནོ། །ལྕག་དང་ཐལ་མོ་དང་ཁུ་ཚུར་ལ་སོགས་པས་ཚོར་བ་མི་འབྱུང་བའོ། །སྦྲང་བུ་དང་སྦྲང་མ་ལ་སོགས་པས་ཀྱང་གནོད་པ་མི་འབྱུང་བའོ། །དེའི་ཚེ་སེམས་ [235b.3]བརྟན་པར་གྱུར་པར་ཤེས་པར་བྱའོ། །དེ་ནས་བརྟན་པར་གྱུར་པའི་རྣལ་འབྱོར་པས་རི་ཕུག་གམ་ཆུ་འགྲམ་མམ། རྒྱ་མཚོའི་འགྲམ་མམ་དུར་ཁྲོད་དམ་བཞི་མདོའམ་མ་མོའི་ཁྱིམ་མམ་ལྷ་ཁང་ངམ་ལྷ་གནས་རྙིང་པའམ་ལྡུ་མ་ར་དག་སྟེ། རྗེས་སུ་མཐུན་ཞིང་དབེན་པ་འཚེ་བ་མེད་པ་དྲི་མ་མེད་པའི་ [235b.4]ཆུ་དང་ལྡན་པ་མེ་ཏོག་དང་འབྲས་བུའི་ཚོགས་ཀྱིས་བརྒྱན་པའི་ཤིང་གི་ཕྲེང་བས་བསྐོར་བའི་ནགས་ཚལ་གྱི་གནས་སུ་གནས་ཏེ་ཡི་དམ་གྱི་རྣལ་འབྱོར་ལ་དམིགས་ཤིང་དངོས་གྲུབ་ཐམས་ཅད་བསྒྲུབ་པར་བྱའོ། །གྲུབ་པ་དང་ས་ལ་སོགས་པ་འབྱུང་བ་ཆེན་པོ་རྣམས་རིམ་བཞིན་དུ་གཅིག་ལ་ [235b.5]གཅིག་ཐིམ་སྟེ་དེས་ཀྱང་མཚན་མ་ཉེ་བར་མཚོན་ཏོ། །མཚན་མ་རྣམ་པར་ལྔ་ཡིན་ཏེ། དེ་བཞིན་དུ་ས་ཐིམ་པས་སྨིག་རྒྱུའི་རྣམ་པའི་མཚན་མ་སྐྱེ་བར་བྱེད་དོ། །ཆུ་ཐིམ་པས་ནི་དུ་བའི་རྣམ་པའོ། །མེ་ཐིམ་པས་ནི་སྲིན་བུ་མེ་ཁྱེར་གྱི་རྣམ་པའོ། །རླུང་གིས་ནི་མར་མེ་ལྟ་བུའོ། །དེ་ན་ [235b.6]སྟོན་ཀའི་ནམ་མཁའི་དཀྱིལ་ལྟ་བུ་འོད་གསལ་བ་སྣང་བ་མེད་པ་གསལ་བ་ཙམ་དུ་གསལ་ལོ། །དེ་ཡང་གསུངས་པ། དང་པོ་སྨིག་རྒྱུ་ལྟ་བུ་སྟེ། །གཉིས་པ་དུ་བའི་རྣམ་པ་ཡིན། །གསུམ་པ་སྲིན་བུ་མེ་ཁྱེར་འདྲ། །བཞི་པ་མར་མེ་འབར་བའོ། །ལྔ་བ་ཡང་ནི་གསལ་ [235b.7]བར་ལྡན། །སྤྲིན་མེད་ནམ་མཁའ་ལྟ་བུའོ། །དེ་ནི་ཐིམ་པའི་མཚན་མ་སྟེ། །འབྱུང་བ་རྣམས་ནི་ཡེ་ཤེས་སོ། །ཞེས་པའོ། །དེ་ལྟར་ཤེས་ཤིང་མཚན་མ་རྙེད་པ་མཉམ་པར་གཞག་པའི་སྔགས་པས་ས་བོན་གྱི་གཟུགས་སམ་ཐིག་ལེའི་གཟུགས་སམ་མཚན་མ་ཕྲ་མོའི་གཟུགས་ [236a] [236a.1]ཏེ། ལུས་དང་ཡན་ལག་ལ་སེམས་བརྟན་པར་གྱུར་པས་བཞག་ན་འགྲུབ་པའོ། །དེ་ལ་སེམས་ལྷ་མོའི་མཁར་དུ་བཀོད་དེ་ཁམས་གསུམ་དུ་སོང་བས་ཁ་དོག་ལེགས་པའམ་མི་ལེགས་པའི་གཟུགས་མངོན་སུམ་དུ་མཐོང་བར་འགྱུར་རོ། །ཨོ་དྱ་ན་ནམ་གོ་དཱ་བ་རཱིར་འཇིག་རྟེན་གསུམ་དུ་གནས་ [236a.2]པའི་ཟིན་པ་དང་། མ་ཟིན་པ་དང་། གཉི་གའི་དབྱེ་བས་ཕྱེ་བའི་སྒྲ་ཐམས་ཅད་ཐོས་ཤིང་སྒྲ་མ་ལུས་པ་གང་གི་ཡིན་པ་ཤེས་པར་འགྱུར་རོ། །ཀོ་ས་ལ་རུ་ཞིམ་པོ་ལ་སོགས་པའི་དབྱེ་བས་ཕྱེ་བའི་དྲི་ལྷན་ཅིག་པ་དང་སྦྱར་བ་ཅན་སྣོམ་པར་འགྱུར་རོ། །ཀ་ལིངྒ་ར་མངར་བ་ལ་སོགས་པའི་དབྱེ་བས་ཕྱེ་བའི་ [236a.3]རོམ་ལུས་པ་མྱོང་བར་བྱེད་དོ། །བྱང་ཆུབ་ཀྱི་ཡན་ལག་ལ་རྩུབ་པ་ལ་སོགས་པའི་དབྱེ་བས་ཕྱེ་བའི་རེག་བྱ་མ་ལུས་པ་ལ་རེག་པར་འགྱུར་རོ། །དེ་བཞིན་ཏྲི་ཤ་ཀུ་ནེར་ལྷའི་བཙུན་མོ་དགུག་པ་སྤྲུལ་པ་ལོངས་སྤྱོད་དོ། །ཀཱཉྩི་རུ་སྔོན་གྱི་གནས་དང་ཕ་རོལ་གྱི་སེམས་ཤེས་པའོ། །ལམྦཱ་ཀ་རུ་བསྟན་བཅོས་ [236a.4]ཐམས་ཅད་རིག་པ་དང་ལྷའི་སྐད་དང་སྔགས་ཀྱི་ཡང་སྐད་རྣམས་སོ། །རཱ་མེ་དབང་ཕྱུག་ཏུ་ཉི་མ་རེངས་པ་དང་འཆར་བ་ཡང་ནུབ་པར་བྱེད་དོ། །དེའི་སྟེང་དུ་ཟླ་བའོ། །དེའི་སྟེང་དུ་སྐར་མའི་འཁོར་ལོ་རྣམས་སོ། །པོ་ལ་གི་རི་རུ་ལྷ་ཐམས་ཅད་མཐོང་ཞིང་བདག་གི་བཀའ་བསྒོ་བ་ཡང་འགྲུབ་པར་བྱེད་དོ། །ཛཱ་ལནྡྷ་ར་རུ་ [236a.5]དུས་གསུམ་དུ་མཐོང་བར་འགྱུར་རོ། །དེ་བཞིན་དུ་སྤྲུལ་པའི་འཁོར་ལོར་སྤྲུལ་པའི་སྐུ་ལ་ཐོབ་ཅིང་ཆོས་ཀྱི་འཁོར་ལོར་ནི་ཆོས་ཀྱི་སྐུའོ། །ལོངས་སྤྱོད་ཀྱི་འཁོར་ལོར་ནི་ལོངས་སྤྱོད་རྫོགས་པའི་སྐུའོ། །བདེ་བ་ཆེན་པོའི་འཁོར་ལོར་ནི་བདེ་བ་ཆེན་པོའི་སྐུ་འཐོབ་པར་བྱེད་དོ། །དེ་ལྟར་སྐུ་བཞི་རྙེད་པས་སངས་རྒྱས་རྡོ་རྗེ་ [236a.6]འཛིན་པ་དང་། བདག་མེད་མའི་གོ་འཕང་ཐོབ་པར་འགྱུར་ཏེ། ཡང་དག་པའི་བྱང་ཆུབ་ཐོབ་པས་སྒྲིབ་པ་ཐམས་ཅད་རབ་ཏུ་ཞི་ཞིང་གཟུངས་ཐམས་ཅད་དང་ས་དང་ཕ་རོལ་ཏུ་ཕྱིན་པ་དང་། འཇིག་རྟེན་དང་། འཇིག་རྟེན་ལས་འདས་པའི་དངོས་གྲུབ་མངོན་སུམ་དུ་བྱེད་པར་འགྱུར་ལ་དངོས་གྲུབ་ [236a.7]མངོན་དུ་གྱུར་པས་གཞན་གྱི་དོན་མཐར་ཕྱིན་པར་འགྱུར་རོ། །དེ་དག་ནི་བདག་མེད་མའི་མན་ངག་ལས་ས་བོན་ལ་སོགས་པའི་ཕན་ཡོན་རྣམ་པར་གཞག་པའི་ཆོ་ག་སྟེ་བཅུ་གསུམ་པའོ།། །།དེ་དག་འདོད་པའི་དོན་བསྒྲུབ་པའི་ཕྱིར་བར་ཆད་ཞི་བར་བྱ་བ་དང་མར་ངོའི་བཅུ་བཞི་ལ་འཁོར་ [236b] [236b.1]ལོ་ལ་ཡི་གེ་དང་ཐིག་ལེའི་གཟུགས་སུ་བཅོམ་ལྡན་འདས་མ་མཆོད་དེ། །དེ་ལ་མདུན་དུ་དག་པར་སྦྱངས་པའི་བདུད་རྩིས་མཎྜལ་བྱུགས་ལ་མེ་ཏོག་གི་ཚོམ་བུ་བྱས་ལ་དེའི་དབུས་སུ་མཆོག་གི་སྣོད་གཞག་པར་བྱའོ། །དེའི་སྟེང་ནས་མཉམ་པའི་སྣོད་ཆེ་བས་ཁ་བཅད་དེ་དབུས་སུ་བདེ་བྱེད་ཀྱི་མིག་གི་གྲྭའི་འཁོར་ [236b.2]ལོའི་རྣམ་པ་ལ་བདུད་རྩི་དང་སྒྲོན་མའི་ཕྱེ་མ་ཆོ་གས་སྦྱངས་ཏེ་བཏབ་ལ། དེར་ལྕགས་གསུམ་ལས་བྱས་པའི་ཐུར་མས་ཆོས་འབྱུང་གི་ནང་དུ་སྣ་ཚོགས་རྡོ་རྗེས་བྲིས་པས་བསྐོར་ཏེ། བདག་མེད་མའི་རང་བཞིན་ཡི་གེ་དང་ཐིག་ལེར་བཅས་པ་རྡོ་རྗེའི་མཆོད་རྟེན་སྔགས་པས་བླ་མའི་མན་ངག་གིས་ཁ་ནུབ་ཏུ་བལྟས་ [236b.3]ལ་བྲི་བར་བྱའོ། །དེ་ནས་དམ་ཚིག་ལ་ཡེ་ཤེས་གཞུག་པར་བྱ་སྟེ་མཆོད་པའི་རྫས་ལྔ་དང་འདོད་པའི་ཡོན་ཏན་ལྔ་ཁྱད་པར་དུ་གྱུར་པ་དང་། མཆོག་ཏུ་གྱུར་པའི་སྒྲོན་མ་དང་སྦྱངས་པའི་བདུད་རྩི་རྣམས་བཟའ་བ་དང་གསོལ་བ་དང་ཕྱོག་པ་དང་འཇིབ་པའོ། །ཡང་གླུ་དང་གར་དང་རོལ་མོའི་ཁྱད་པར་གྱིས་ [236b.4]བསྐོར་བ་དང་ཕྱག་དང་བསྟོད་པས་ཀྱང་ཅི་ནུས་པས་ཡོངས་སུ་མཆོད་དོ། །དེའི་རྗེས་ལ་གཞོན་ནུ་མའམ། རྡོ་རྗེ་རྣལ་འབྱོར་མ་སྟེ་ནག་པོ་འམ་པྲི་ཡང་ཀུ་སྔོན་མོ་སྟེ་ཆོ་ག་བཞིན་མཆོད་ནས་མཆོག་ཏུ་གྱུར་པའི་སྟོན་མོ་དང་ཆང་ཡང་བཏུང་བར་བྱའོ། །དེ་ནས་འཐོར་འཐུང་བྱས་ལ་གོ་ལ་དང་ཡོན་ཕུལ་ལ་མཉམ་ [236b.5]པར་བྱས་ལ་བཟོད་པ་མཛོད་ཅིག་ཅེས་བརྗོད་ལ་གཤེགས་པ་དང་། བཅོམ་ལྡན་འདས་མའི་འཁོར་ལོ་ཡང་མུཿ་ཞེས་བརྗོད་ལ་གཤེགས་སུ་གསོལ་ཏེ་རང་ཉིད་སྟོན་མོ་བྱའོ། །དེ་དག་ནི་བདག་མེད་མའི་མན་ངག་ལས་ཕྱི་རོལ་མཆོད་པའི་ཆོ་ག་སྟེ་བཅུ་བཞི་པའོ།། །། [236b.6]དེ་ནས་དད་པ་དང་བསྙེན་བཀུར་དུ་ལྡན་པའི་སློབ་མས་མཎྜལ་དང་ཕྱག་བྱས་ཏེ། སྙིང་རྗེ་དང་ལྡན་པའི་སློབ་དཔོན་ལ་ལན་དུ་མར་གསོལ་བ་བཏབ་པ་དང་། མར་ངོའི་དུས་གཉིས་ལས་གང་ཡང་རུང་བ་ཅིག་ལ་སློབ་མ་རྗེས་སུ་གཟུང་བར་བྱའོ། །དེ་ལ་ཇི་ལྟ་བའི་ཆོ་གས་ཇི་སྐད་གསུངས་ [236b.7]པའི་བཅོམ་ལྡན་འདས་མ་ཡང་དག་པར་མཆོད་དེ། ཡི་དམ་གྱི་རྣལ་འབྱོར་ཡང་བྱས་ལ་སློབ་མའི་དྲུང་དུ་འདུག་གོ། །དེ་ནས་སློབ་མས་མཎྜལ་ལྔ་བྱ་ཞིང་ཡོན་ཕུལ་ལ་མེ་ཏོག་གི་ཕྲེང་བ་བཟུང་ནས་ཐལ་མོ་སྦྱར་ལ་ལངས་ཤིང་བླ་མ་མགོ་བོའི་སྟེང་དུ་གནས་པར་མཐོང་བར་བསམས་པ་དང་། [237a] [237a.1]དེའི་ལུས་ལ་གཡོ་བའི་རྣལ་འབྱོར་གང་རུང་བ་ཅིག་བྱའོ། །དེ་ནས་དེ་ཁོ་ན་ཉིད་གསུམ་བཟླས་པའི་མཆོག་ཏུ་གྱུར་པས་མཆོད་པར་བསམ་ཞིང་མར་མེ་ཆེན་པོ་དང་བདུག་སྤོས་ཀྱིས་ཀྱང་རབ་ཏུ་བདུག །བསྒྱིངས་པའི་སྔགས་ཀྱིས་དྲིལ་བུའི་སྒྲ་དང་ལྡན་པར་དཀྲོལ་ཞིང་། ཨོཾ་ལོ་ལེ་ལེ་ཧཱུཾ་ཨ་ཞེས་བསྒྱིངས་ [237a.2]པའི་སྔགས་ཀྱིས་ཇི་སྲིད་མ་ཕེབས་ཀྱི་བར་དུ་དབབ་བོ། །ཕེབས་པ་དང་རིམ་གྱིས་སམ་ཅིག་ཅར་དུ་བ་མོས་རེག་པ་ལྟ་བུའམ་བ་སྤུ་ལྡང་བ་དང་གཡོ་བ་དང་མཆི་མ་འབྱུང་བར་འགྱུར་རོ། །ཡང་ན་ཆང་གི་སྟོབས་ཀྱིས་ཕོག་པ་ལྟ་བུ་འགྱེལ་བ་དང་མཆོག་གི་མྱ་ངན་ལས་འདས་པ་ཐོབ་པ་ལྟར་ཡང་བདེ་བ་བསྐྱེད་ [237a.3]པའོ། །དེ་ནས་བསླང་ལས་དཔར་གྱུར་པ་དང་སློབ་མས་མཎྜལ་བྱས་ལ་རྣལ་འབྱོར་དང་། མཆོད་པ་དང་སྔགས་དང་ཆོ་ག་རྣམས་རིམ་གྱིས་བསྟན་ནོ། །དད་པ་དང་བྲལ་བ་རྣམས་ལ་ནི་མ་ཡིན་ནོ། །དེས་ཀྱང་བླ་མའི་བཀའ་ལུང་མེ་ཏོག་དྲི་མ་མེད་པ་ལྟ་བུ་མགོ་ཐོག་ཏུ་བཀུར་ཏེ། དེ་ནས་བཟུང་སྟེ་ [237a.4]བཅོམ་ལྡན་འདས་མ་དང་བླ་མ་དང་རྣལ་འབྱོར་མ་རྣམས་ལ་མཉམ་པར་གུས་པས་བསྙེན་བཀུར་བྱའོ། །དེ་དག་ནི་བདག་མེད་མའི་མན་ངག་ལས་སློབ་མ་རྗེས་སུ་གཟུང་བའི་ཆོ་ག་སྟེ་བཅོ་ལྔ་པའོ།། །།བདག་མེད་མན་ངག་བྱས་པ་ཡི། །བདག་གི་བསོད་ནམས་གང་བྱུང་བ། །དེས་ [237a.5]ནི་འགྲོ་རྣམས་མྱུར་བ་རུ། །བདག་མེད་རྒྱལ་བའི་ཡུམ་འགྱུར་ཤོག །བདག་བྱིན་གྱིས་བརླབ་པའི་རིམ་པ་བདག་མེད་མའི་མན་ངག་རྫོགས་སོ།། །།འདི་ཡང་དཔལ་ཨུ་རྒྱན་གྱི་གནས་ན་གནས་པའི་ལྷན་ཅིག་སྐྱེས་པའི་རྣལ་འབྱོར་མ་རྣམས་ཀྱི་ཞལ་ནས་བྱུང་བ། །རྣལ་འབྱོར་ [237a.6]མ་ཀུན་གྱི་ཐུགས་མཆོག་ཏུ་གསང་བའི་གཟུགས་ཅན་སྙིང་པོ་ལས་ཤིན་ཏུ་སྙིང་པོ། དགེ་བའི་རྩ་བ་མ་བྱས་པ་རྣམས་ནི་མ་དད་ཅིང་བླ་མའི་ཞབས་ཀྱི་པདྨ་ལ་མ་བསྙེན་པ་དག་གིས་མི་ཐོབ་སྟེ། འདིའི་ཡོན་ཏན་མཐའ་ཡས་པའི་གཞི་དང་། བདེན་པར་ཡིད་ཆེས་པར་བྱེད་པའི་ཡིད་བཞིན་གྱི་ [237a.7]ནོར་བུ་ལྟར་འདོད་པའི་དོན་གྲུབ་པ། ཆུའི་རྒྱུན་ལྟར་བསྟེན་པས་འབྲས་བུ་སྟེར་བ་ཅན། ནམ་མཁའ་ལྟར་རོ་མཉམ་པ་འདི་རྣ་བ་གཅིག་ནས་གཅིག་ཏུ་བྱུང་བས་ན་བླ་མ་དམ་པའི་མན་ངག་ལས། བརྗེད་པར་དོགས་པས་རང་དྲན་པའི་དོན་དུ་བདག་གིས་བྲིས་པས་དེའི་ཕྱིར་དཔའ་བོ་དང་རྣལ་འབྱོར་མ་ [237b] [237b.1]རྣམས་ལ་བཟོད་པར་གསོལ་ཞིང་། གཞན་ཡང་དེ་ཉིད་རིག་པ་རྣམས་ལ་ཡང་བཟོད་པར་གསོལ་ལོ་ཞེས་པའོ། །འདི་མཛད་པའི་སློབ་དཔོན་ཡང་བརྟན་པའི་འཁོར་ལོ་དཔལ་འཇམ་པའི་དབྱངས་ཀྱིས་བྱིན་གྱིས་བརླབས་པའི་པཎྜི་ཏ་ཆེན་པོ། །དཔལ་བཟང་པོའི་ཞབས་ཀྱི་པདྨ་ལས་སྐྱེས་པ། [237b.2]ཞབས་ཀྱི་རྡུལ་ལ་བརྩེ་བ་མཆོག་ཏུ་གྱུར་པའི་རྡོ་རྗེ་རྣལ་འབྱོར་མའི་བཀའ་དྲིན་ལས་སྐྱེས་པ་པཎྜི་ཏ་དཔལ་ཏིང་ངེ་འཛིན་རྡོ་རྗེ་ཞབས་ཞེས་བྱ་བས་མཛད་པ་རྫོགས་སོ།། །།རྒྱ་གར་གྱི་མཁན་པོ་དེ་བ་ཨ་ཀ་ར་ཙནྡྲ་དང་། བོད་ཀྱི་ལོ་ཙཱ་བ་དཔལ་སེར་རྩ་བསོད་ནམས་རྒྱལ་མཚན་གྱིས་བསྒྱུར་ [237b.3]པའོ།། །།མཆོག་ཏུ་གསང་བའི་ཚུལ་འདི་ནི། །དམན་པའི་སྤྱོད་ཡུལ་མ་ཡིན་པས། །དྲི་མ་མེད་པའི་བློ་ཡིས་ནི། །དམ་པ་འགའ་ཡི་དོན་དུ་བསྒྱུར། །བདག་མེད་མའི་མན་ངག་རྫོགས་སོ།།{T1313}༄༅། །རྒྱ་གར་སྐད་དུ། ནཻ་རཱཏྠ་མཎྜ་ལ་ཙཀྲ་སཱ་དྷ་ནཾ། བོད་སྐད་དུ།བདག་མེད་ [237b.4]མའི་དཀྱིལ་འཁོར་གྱི་འཁོར་ལོའི་སྒྲུབ་ཐབས། རྡོ་རྗེ་བདག་མེད་མ་ལ་ཕྱག་འཚལ་ལོ། །བླ་མའི་རང་བཞིན་དཀྱིལ་འཁོར་རྩེ་མོ་ལ། །དང་བའི་སེམས་ཀྱིས་གུས་པས་རབ་བཏུད་དེ། །འབུམ་ལྔ་ལས་བཏུས་ལྷ་མོའི་འཁོར་ལོ་ནི། །ཟབ་མོའི་དོན་ལ་བག་ཆགས་སྐྱེས་ཕྱིར་བྲི། །འདིར་རྟེན་གྱི་གང་ [237b.5]ཟག་ནི་སོ་སོར་ཐར་པའི་སྡོམ་པ་དང་། བྱང་ཆུབ་སེམས་དཔའི་སྡོམ་པ་དང་། རིག་པ་འཛིན་པའི་སྡོམ་པ་དང་ལྡན་པས། གནས་ཉིན་མོ་དུར་ཁྲོད། མཚན་མོ་རང་གི་ཁྱིམ་དུ་བསྒོམ་པར་བྱའོ། །དེ་ཡང་ཤིས་པའི་དུས་ནམ་གྱི་བརྒྱད་ཆ་ལ་ལངས་ཏེ། ཁྲུས་དང་། ཆུ་སྦྱིན་བྱས་ནས། མཎྜལ་ཕུལ་ཏེ་དེ་ [237b.6]ནས་མཆོད་པ་དང་། གཏོར་མ་ལ་སོགས་པ་བཤམས་ཏེ། འབོལ་བའི་སྟན་ལ་རྡོ་རྗེ་སྐྱིལ་མོ་ཀྲུང་གིས་འདུག་སྟེ། བཛྲ་ནཻ་རྭ་དྨ་ཞེས་བརྗོད་པས་རང་ཉིད་སྐད་ཅིག་གིས་བདག་མེད་མར་བསྒོམས་ཏེ། དེ་ཡང་སྐུ་མདོག་སྔོན་མོ་ཞལ་གཅིག་ཕྱག་གཉིས་མ། ཕྱག་གཡས་གྲི་གུག་ཡུ་བ་ལྕགས་ལས་སམ་ [237b.7]ཟངས་ལས་བྱས་པ། གཡོན་པས་ཐོད་པ་ཕྱི་དཀར་བ་ལ་ནང་དམར་བ་ཁྲག་གིས་བཀང་བ་ཁ་ཊཱི་ག་དང་བཅས་པ་བསྣམས་པ་ལ། ཕྱག་རྒྱ་ལྔས་བརྒྱན་པར་བསམས་པའི་སྙིང་པདྨ་འདབ་བརྒྱད་ཁ་བྱེ་བའི་ནང་དུ། རཾ་ལས་ཉི་མའི་དཀྱིལ་འཁོར་ཀྱི་སྟེང་དུ་ཨེ་སྔོན་པོ་བསམས་ལ། དེའི་འོད་ཟེར་གྱིས་ [238a] [238a.1]བླ་མ་རྗེ་བཙུན་མི་བསྐྱོད་པའི་སྐུ་ལྟ་བུ་རྡོ་རྗེ་འཆང་དང་ལྷ་མོ་རྣམས་གཉིས་སུ་མེད་པ་ཐ་མི་དད་པར་རང་བཞིན་གྱིས་བཞུགས་པ་གསལ་བའམ། འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས་སྤྱན་དྲངས་ཏེ་དམིགས་ལ། དེ་ལ་ཕྱག་འཚལ་བ་དང་། ཕྱི་དང་གསང་བ་དང་དེ་ཁོ་ན་ཉིད་ཀྱི་མཆོད་པ་དང་། སྡིག་པ་ [238a.2]བཤགས་པ་དང་།བསོད་ནམས་ལ་རྗེས་སུ་ཡི་རང་བ་དང་། གསུམ་ལ་སྐྱབས་སུ་འགྲོ་བ་དང་། ལམ་བསྟེན་པ་དང་། ཀུན་རྫོབ་དང་དོན་དམ་བྱང་ཆུབ་མཆོག་ཏུ་སེམས་བསྐྱེད་པ་དང་། དགེ་བའི་རྩ་བ་བྱང་ཆུབ་ཏུ་བསྔོས་ལ། ཚོགས་བརྟེན་པ་བློས་བཏང་ལ་གཤེགས་སུ་གསོལ་བར་བྱའོ། །དེ་ཡང་། བླ་མ་རྡོ་རྗེ་ཅན་ [238a.3]མཆོད་ཅིང་། །བདུན་པོ་ཡོངས་སུ་དག་པར་བྱ། །ཞེས་གུར་ལས་གསུངས་སོ། །དེའི་རྗེས་ལ། དང་པོར་བྱམས་པ་བསྒོམ་པར་བྱ། །གཉིས་པ་སྙིང་རྗེ་རྣམ་བསྒོམ་ཞིང་། །གསུམ་པ་བདེ་བ་བསྒོམ་པ་དང་། །ཀུན་གྱི་མཐར་ནི་བཏང་སྙོམས་སོ། །དེ་ནས་སྤྲོ་བ་དང་བསྡུ་བ་སྔོན་དུ་འགྲོ་བས་སྣོད་བཅུད་ཐམས་ཅད་སྟོང་ [238a.4]པ་ཉིད་དུ་བསྒོམས་ལ། ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོལྷཧཾ་ཞེས་བརྗོད་པས། སྟོང་པ་ཉིད་བརྟན་པར་བྱའོ། །དེ་ནས། རེ་ཕས་ཉི་མ་སྔོན་དུ་རྣམ་བསྒོམས་ནས། །ཉི་དེར་ཧཱུཾ་འབྱུང་སྣ་ཚོགས་རྡོ་རྗེ་སྟེ། །རྡོ་རྗེ་དེ་ཉིད་ཀྱིས་ནི་ར་བ་དང་། །གུར་བཅིང་བ་ཡང་རྣམ་པར་བསྒོམ་པ་ཉིད། །དེ་ཡི་ནང་དུ་བསམ་ [238a.5]བྱ་ནི། །ཧཱུཾ་ལས་འཁོར་ལོ་རྩིབས་བཅུ་པ། །རྒྱ་ཆེ་ཁོང་སྟོང་མི་གཡོ་བ། །འཁོར་བའི་བདག་ཉིད་བསྒོམ་པར་བྱ། །ནམ་མཁའི་ཁམས་སུ་བྷ་ག་བསམ། །དབུས་སུ་རྣམ་པར་བསྒོམ་པ་ནི། །འཁོར་ལོ་སྔོན་དུ་ཅི་རིགས་པར། །ལྷ་རྣམས་ཇི་ལྟར་འབྱུང་བ་ཉིད། །འཁོར་ལོ་ས་དང་ཆུ་ནི་སྔོན། །ཇི་ལྟར་རིགས་པར་ [238a.6]བྱིན་ཟ་དང་། །ལྷ་རྣམས་ཀྱི་ནི་རླུང་ཆེན་དང་། །ཧཱུཾ་ལས་འཁོར་ལོའི་ཐིག་ལེ་ནི། །ཇི་ལྟར་བསྒོམ་པ་འབྱུང་བ་ལས། །ཆོས་འབྱུང་ལས་སྐྱེས་འཁོར་ལོ་ཉིད། །འཕར་མ་གཉིས་དག་སྐྱོན་མེད་པ། །ཟེ་འབྲུ་ལས་ནི་གཅིག་འགྱུར་ཏེ། །གྲུ་གསུམ་ཀྱིས་ནི་ཕྱི་མར་བརྗོད། །གྲུ་བཞི་པ་ལ་སྒོ་བཞི་པ། །ཀ་བ་བརྒྱད་ཀྱིས་ཉེ་བར་བརྒྱན། །དྲ་བ་ [238a.7]དྲ་བ་བྱེད་པར་ལྡན། །དུར་ཁྲོད་བརྒྱད་དང་ཡང་དག་ལྡན། །རྡོ་རྗེའི་ཐིག་གིས་རྣམ་པར་སྤྲས། །དེ་དབུས་ཤི་བ་བཅོ་ལྔའི་རོ། །གདན་གྱི་བདག་ཉིད་རྣམ་པར་བསམ། །ཨ་ལ་བཛྲ་ང་རྒྱལ་བྱའོ། །རོ་སྟེང་ལྔ་གསུམ་ཟླ་སྟེང་དུ། །ཨཱ་ལི་ལྔ་གསུམ་ཞུ་བ་ལས། །དེས་མཚན་ཟླ་བ་ལྔ་གསུམ་བསྐྱེད། །དེ་རྗེས་བརྗོད་པ་གཉིས་བསྣན་ [238b] [238b.1]པའི། །ཀཱ་ལི་ལྔ་གསུམ་ཞུ་བ་ལས། །དེས་མཚན་སྣང་བྱེད་ལྔ་གསུམ་བསྐྱེད། །དབུས་ཀྱི་ཉི་ཟླའི་བར་དུ་ནི། །ནཱ་ད་ལྷུང་བས་ཨ་རུ་བསམ། །དེ་ལས་ཨཱ་ལི་བཅུ་བཞི་ནི། །ཕྱོགས་མཚམས་ཉི་ཟླའི་བར་དུ་སྤྲོ། །ཨཱ་ཨི་ཡཱི་ཨུ་འཕར་མའི་ཤར་ལ་སོགས་པར་སྤྲོའོ། །ཁྲུ་རྀ་ཛཱ་ལོ་ཕྱིའི་འཕར་མའི་པུཀྐ་སཱི་ལ་སོགས་པའི་མཚམས་ཀྱིའོ། ། [238b.2]ཐཱྀ་ཨེ་ཨེ་ཨོ་གོ་རཱི་ལ་སོགས་ཕྱོགས་ཀྱིའོ། །ཡོསཾ་འོག་དང་སྟེང་གི་ས་བོན་ནོ། །དེ་ལས་སྤྲོ་ཞིང་བསྡུ་བ་ལས། །གྲི་གུག་བཅོ་ལྔ་ས་བོན་བསམ། །དེ་ལས་སྤྲོ་བསྡུས་གཅིག་ཏུ་འདྲེས། །དེ་ལས་ལྷ་མོ་བཅོ་ལྔའི་སྐུ། །ཀུན་ཀྱང་ཁ་དོག་ནག་པོར་བསྐྱེད། །ཟླ་བ་མེ་ལོང་ཡེ་ཤེས་ལྡན། །རྟ་བདུན་པ་ནི་མཉམ་པ་ཉིད། །རང་ལྷའི་ས་ [238b.3]བོན་ཕྱག་མཚན་ནི། །སོ་སོར་རྟོག་པར་ཤེས་པར་བྱ། །ཐམས་ཅད་གཅིག་གྱུར་བྱ་ནན་ཏན། །རྫོགས་པ་ཆོས་དབྱིངས་དག་པ་སྟེ། །མཁས་པས་ཆོ་ག་གསུངས་པ་ཡིས། །རྣམ་པ་ལྔ་པོ་བསྒོམ་པ་ཉིད། །དེ་ལ་བདག་མེད་རྣལ་འབྱོར་མ། །ཁ་དོག་ནག་མོ་དྲག་ཆེན་མོ། །ཕྱག་རྒྱ་ལྔ་ཡིས་རྣམ་པར་བརྒྱན། །གཡས་ [238b.4]པར་གྲི་གུག་རྣམ་པར་བསྣམས། །གཡོན་པ་ཉིད་ནི་པདྨའི་སྣོད། །གཡས་མིན་བར་ནི་ཁ་ཊཱི་ག །སྟག་གི་པགས་པས་སྨད་དཀྲིས་པའོ། །རེ་ཞིག་ནང་གི་འཕར་མ་ལ། །རྣལ་འབྱོར་མ་ལྔ་ངེས་གནས་པ། །ཕུང་པོ་ལྔ་ཡི་རང་བཞིན་གྱིས། །རྣལ་འབྱོར་རིག་པས་རྟག་ཏུ་བསྒོམ། །དང་པོར་རྡོ་རྗེ་གཤིན་རྗེ་དཀར། །ཆུ་བདག་ཆུ་ [238b.5]ཡི་རྣལ་འབྱོར་མ། །ལུས་ངན་རྡོ་རྗེ་མཁའ་འགྲོ་མ། །དབུས་སུ་བདག་མེད་རྣལ་འབྱོར་མ། །དེ་ནས་ཕྱི་ཡི་འཕར་མར་བཤད། །དབང་དཀར་གཤིན་རྗེ་ཆོམ་རྐུན་མ། །ཆུ་བདག་ཕྱོགས་སུ་རོ་ལངས་མ། །ལུས་ངན་པོར་ནི་གྷསྨ་རཱི། །དབང་ལྡན་དུ་ནི་པུཀྐ་སཱི། །མེར་ནི་དེ་བཞིན་རི་ཁྲོད་མ། །བདེན་བྲལ་གདོལ་པ་ [238b.6]མོ་གཞག་ཅིང་། །རླུང་དུ་གཡུང་མོ་རྣམ་པར་གཞག །འོག་ཏུ་ས་སྤྱོད་མར་བཤད་དེ། །སྟེང་དུ་མཁའ་སྤྱོད་མ་ཞེས་བརྗོད། །བསྐྱེད་པའི་རིམ་པ་ཉིད་ཀྱི་ཕྱོགས། །སྲིད་དང་ཞི་བའི་རང་བཞིན་གྱིས། །ལྷ་མོ་འདི་གཉིས་རྣམ་པར་གནས། །ལྷ་མོ་ཐམས་ཅད་ཁ་དོག་གནག །དྲག་ཆེན་ཕྱག་རྒྱ་ལྔ་ཡིས་བརྒྱན། ། [238b.7]ཞལ་གཅིག་སྤྱན་ནི་དམར་བ་རྣམས། །ལག་པར་གྲི་གུག་ཐོད་པས་ཁྱབ། །འཁོར་ལོ་རྣ་ཆ་མགུལ་རྒྱན་དང་། །ལག་པར་ལག་གདུབ་སྐ་རགས་ནི། །སངས་རྒྱས་ལྔ་ནི་རྣམ་དག་པས། །འདི་ལྔ་ཕྱག་རྒྱ་དག་པ་ཡི། །ཇི་ལྟར་བདག་མེད་རྣལ་འབྱོར་མ། །དེ་ལྟར་ཐམས་ཅད་རྣམ་པར་བཤད། །ལག་པ་གཅིག་ [239a] [239a.1]ནི་ཐོད་པས་བྱེལ། །གཡས་པ་ན་ནི་གྲི་གུག་འཛིན། །གཡོན་པས་ཁ་ཊཱི་ག་ཉིད་དོ། །སྟག་གི་པགས་པས་སྨད་དཀྲིས་ཤིང་། །རོ་ལ་ཞོན་ཞིང་གཟི་བརྗིད་འབར། །ཕྱག་གཉིས་གྱེན་དུ་དབུ་སྐྲ་སེར། །ང་རྒྱལ་ལ་སོགས་སྐྱོན་དྲུག་རྣམས། །གཅོད་ཕྱིར་གྲི་གུག་རྣམ་པར་བསྣམས། །དངོས་དང་དངོས་མེད་རྣམ་ [239a.2]རྟོག་གི །མགོ་བོའི་པདྨའི་སྣོད་དུ་ནི། །བདུད་རྣམས་རྣམ་པ་བཞི་ཡི་ཁྲག །དངོས་གྲུབ་ཕྱིར་ནི་བཏུང་བར་བྱ། །སྟོང་པའི་རྣམ་པས་ཁ་ཊཱི་ག །ཐབས་ཀྱི་རོ་ནི་རྣམ་པར་བརྟག །འདིས་ནི་འཁོར་ལོ་རྣམ་བསྒོམས་ན། །དངོས་གྲུབ་མྱུར་དུ་ཐོབ་པར་འགྱུར། །དེ་རྗེས་གོ་ཆའི་རྣལ་འབྱོར་བསྒོམ། །དང་པོར་ནག་ [239a.3]པོར་རབ་ཏུ་བསྒོམ། །གཉིས་པ་དམར་པོར་རྣམ་པར་བསྒོམ། །གསུམ་པ་ལ་ནི་སེར་པོར་བསྒོམ། །བཞི་པ་ལྗང་གུ་དེ་བཞིན་ནོ། །ལྔ་པར་ཁ་དོག་སྔོན་པོ་དང་། །དྲུག་པར་དཀར་པོའི་ལུས་ཅན་ཏེ། །ཡན་ལག་དྲུག་བསྒོམ་རྣལ་འབྱོར་པས། །ལྷན་ཅིག་སྐྱེས་པའི་རང་བཞིན་བསྒོམ། །དེ་ནས་སྔགས་གསུམ་ [239a.4]དུ་བྱིན་གྱིས་བརླབ་པ་དང་། ཡེ་ཤེས་སེམས་དཔའི་འཁོར་ལོས་བྱིན་གྱིས་བརླབ་པ་དང་། དེ་ནས་དབང་བསྐུར་བར་བྱིན་གྱིས་བརླབ་པར་བྱ་བའི་མཐར་ཨ་རྙི་ཥེ་ཀཻཿཀུ་ལ་པ་ཏིས་ང་རྒྱལ་བྱའོ། །ཞེ་སྡང་ཕྱག་རྒྱས་བདག་མེད་མ། །གཏི་མུག་ཕྱག་རྒྱས་རྡོ་རྗེ་མ། །སེར་སྣའི་ཕྱག་རྒྱས་དཀར་མོ་ཉིད། ། [239a.5]ཆགས་པས་ཆུ་མ་ཕྱག་རྒྱས་གདབ། །ཕྲག་དོག་ཕྱག་རྒྱས་མཁའ་འགྲོ་མ། །ཞེ་སྡང་ཕྱག་རྒྱས་པུཀྐ་སྦོ། །གཏི་མུག་ཕྱག་རྒྱས་རི་ཁྲོད་མ། །སེར་སྣའི་ཕྱག་རྒྱས་གདོལ་པ་མོ། །འདོད་ཆགས་ཕྱག་རྒྱས་གཡུང་མོ་ཉིད། །ཡང་ནི་དཀར་མོ་ཞེ་སྡང་རྒྱས། །གཏི་མུག་ཕྱག་ [239a.6]རྒྱས་ཆོས་རྐུན་མ། །སེར་སྣའི་ཕྱག་རྒྱས་རོ་ལངས་མ། །འདོད་ཆགས་ཕྱག་རྒྱས་གྷསྨ་རཱི། །གཏི་མུག་ཕྱག་རྒྱས་ས་སྤྱོད་མ། །འདོད་ཆགས་ཕྱག་རྒྱས་མཁའ་སྤྱོད་མའོ། །དེ་ནས་ཁ་ཊཱི་ག་དང་སྙོམས་པར་འཇུག་པའམ། དྲན་པ་ཙམ་རྨིས་རྗེས་སུ་ཆགས་པའི་ [239a.7]མཆོད་པ་བྱས་ལ། །ཨ་ནུ་ར་གས་ང་རྒྱལ་བྱའོ། །དེ་ནས་གཏོར་མ་ཇི་ལྟ་བ་བཞིན་དུ་བདུད་རྩི་བྱིན་གྱིས་བརླབས་ཏེ་མྱངས་ལ། ཨ་མྲྀ་ཏ་བཛྲས་ང་རྒྱལ་བྱའོ། །དེ་ནས་མཆོད་པ་ཕྱི་དང་། གསང་བ་དང་། དེ་ཁོ་ན་ཉིད་ཀྱིས་མཆོད་དེ། པཱུ་ཛ་བཛྲས་ང་རྒྱལ་བྱའོ། ། [239b] [239b.1]དེ་ནས། མོས་པ་སྣ་ཚོགས་གདུལ་དཀའ་འདུལ་བའི་ཕྱིར། །ཞེས་བྱ་བ་ལ་སོགས་པས་བསྟོད་པ་བྱ་སྟེ། སྟུ་ཏི་བཛྲས་ང་རྒྱལ་བྱའོ། །དེ་ནས་རང་བྱིན་གྱིས་བརླབ་པ་ནི། ལམ་ཅིག་ཅར་པའམ། ལམ་རིམ་གྱིས་པའམ། ལམ་ཉེ་བར་བསྒྲུབ་པ་གསུམ་གང་མོས་དང་། [239b.2]ལྷན་ཅིག་སྐྱེས་པའི་རྣལ་འབྱོར་གྱིས་རྒྱས་བཏབ་ལ་གསུམ་ཚོགས་པ་གཅིག་ཏུ་བསྒོམ་སྟེ་བླ་མ་ལས་བླང་བར་བྱའོ། །དེ་ནས་འཁོར་རྣལ་འབྱོར་མ་བཅུ་བཞི་ནི།རང་གཙོ་མོའི་ས་བོན་ལས་བསྡུས་ཏེ། དེ་ནས་ནང་གིས་ས་གདབ་བསྒོམ་མོ། །དེས་སྐྱོན་རྣམ་དག་དྲན་པ་ནི། ། [239b.3]གཟུགས་ཕུང་རྡོ་རྗེ་མ་ཡིན་ཏེ། །ཚོར་བ་ལ་ཡང་དཀར་མོ་བརྗོད། །འདུ་ཤེས་ཆུ་ཡི་རྣལ་འབྱོར་མ། །འདུ་བྱེད་རྡོ་རྗེ་མཁའ་འགྲོ་མ། །རྣམ་ཤེས་ཕུང་པོའི་རང་བཞིན་གྱིས། །བདག་མེད་རྣལ་འབྱོར་མར་གནས་སོ། །གཟུགས་ལ་དཀར་མོར་རྟག་ཏུ་བཤད། །སྒྲ་ལ་ཆོས་རྐུན་ [239b.4]མར་རབ་གྲགས། །དྲི་ཡི་ཆ་ལ་རོ་ལངས་མ། །རོ་ལ་གྷསྨ་རཱི་རབ་གྲགས། །རེག་ལ་ས་སྤྱོད་མ་ཞེས་བརྗོད། །ཆོས་ཀྱི་དབྱིངས་ལ་མཁའ་སྤྱོད་མ། །རྟག་ཏུ་འདི་རྣམས་རྣམ་དག་པས། །དེ་ཉིད་རྣལ་འབྱོར་པས་འགྲུབ་འགྱུར། །མིག་ལ་གཏི་མུག་རྡོ་རྗེ་མ། །རྣ་བར་ཞེ་སྡང་རྡོ་རྗེ་མ། ། [239b.5]སྣ་ལ་སེར་སྣ་མ་ཞེས་བཤད། །ལྕེ་ལ་འདོད་ཆགས་རྡོ་རྗེ་མ། །ལུས་ལ་ཕྲག་དོག་རྡོ་རྗེ་མ། །ཡིད་ལ་བདག་མེད་རྣལ་འབྱོར་མ། །ས་ནི་པུཀྐ་སཱི་ཞེས་བཤད། །ཆུ་ཁམས་རྔོན་པ་མོ་ཞེས་བརྗོད། །མེ་ནི་གཏུམ་མོར་ཤེས་པར་བྱ། །རླུང་ནི་གཡུང་མོར་རབ་ཏུ་གྲགས། །ཞེ་སྡང་ [239b.6]ཞེས་བཤད་རྡོ་རྗེ་མ། །འདོད་ཆགས་ཆུ་ཡི་རྣལ་འབྱོར་མ། །ཕྲག་དོག་རྡོ་རྗེ་མཁའ་འགྲོ་མ། །སེར་སྣ་གསང་བའི་དཀར་མོ་ཉིད། །གཏི་མུག་དེ་བཞིན་རྡོ་རྗེར་བཤད། །ཞེ་སྡང་ལ་སོགས་རྣམ་སྦྱོང་བ། །བསྐྱེད་པའི་རིམ་པའི་ཕྱོགས་ལས་ནི། །འདིས་ནི་ཕུང་པོ་སྦྱང་བར་བྱ། ། [239b.7]བླ་མ་སློབ་དཔོན་འདོད་ལྷ་ལ། །ཕྱག་འཚལ་དོན་དུ་འཁོར་ལོ་འཛིན། །བླ་མ་རྡོ་རྗེ་འཛིན་པ་ལ། །སྤྱོད་ཚིག་མི་མཉན་པ་ཡི་ཕྱིར། །རྣ་བ་དག་ལ་རྣ་ཆ་འཛིན། །སྔགས་བཟླས་ཕྱིར་ནི་མགུལ་རྒྱན་ཏེ། །ལག་གདུབ་སྲོག་ཆགས་གསོད་པ་སྤངས། །ཕྱག་རྒྱ་བསྟན་ཕྱིར་སྐ་རགས་ [240a] [240a.1]ཉིད། །སངས་རྒྱས་ལྔ་ཡི་ཕྱག་རྒྱ་ཡིས། །རྟག་ཏུ་ལུས་ལ་ཕྱག་རྒྱས་གདབ། །ཕྱག་རྒྱའི་རྣམ་དག་བཤད་པར་བྱ། །འཁོར་ལོའི་གཟུགས་ཀྱིས་མི་བསྐྱོད་པ། །རྣ་ཆ་འོད་དཔག་མེད་ཀྱི་བདག །མགུལ་གྱི་ཕྲེང་བ་རིན་ཆེན་བདག །ལག་གདུབ་ལ་ནི་རྣམ་སྣང་ [240a.2]མཛད། །སྐ་རགས་ལ་ནི་དོན་ཡོད་གནས། །འདི་རྣམ་དག་པ་ཕྱག་རྒྱ་ལྔ། །དེ་ནས་ངག་གིས་བཟླས་པ་ནི། །ཨོཾ་ཨཿཨ་ཨཱ་ཨི་ཡཱི་ཨུ་བེེ་རྀ་ཛཱ་ལོ་དྲྭ་ཨེ་ཨི་ཨོ་སྣ་ཨེ་ཧཱུཾ་སྭཱ་ཧཱ། ཞེས་སྤྱི་དང་བྱེ་བྲག་གི་མཚམས་སུ་བཟླས་པར་བྱའོ། །ངག་གི་བརྗོད་པས་ཀྱང་སྐྱོན་དེ་ཉིད་བཞི་དང་ [240a.3]ལྡན་པས་གཏོར་མ་བཏང་ངོ་། །དེ་ནས་སྨོན་ལམ་གདབ་པ་ནི། རིགས་སུ་སྐྱེ་དང་དམ་ཚིག་དང་ལ་སོགས་པས་བྱའོ། །དེ་ནས་སྤྱོད་ལམ་གྱི་རྣལ་འབྱོར་བྱའོ། །ཐུན་དང་པོའི་དེ་བཞིན་དུ་ཐུན་འོག་མ་རྣམས་ཀྱི་བྱ་བ་ལ་ཤེས་པར་བྱའོ། །འདི་ལྟ་བུའི་ལྷ་བཅོ་ལྔ་ལས་ཉུང་བར་འདོད་ན་སྟེང་ [240a.4]འོག་གི་དོར་བ་བཅུ་གསུམ་བསྒོམ། དེ་ཡང་མངས་ན་ནང་གི་བཞི་བཞག་ལ་ལྷ་དགུ་བསྒོམ་མོ། །དེ་ཡང་མངས་ན་ཕྱི་རོལ་བརྒྱད་དོར་ལ་ལྷ་ལྔ་བསྒོམ་མོ། །དེ་ཡང་མངས་ན་དཀྱིལ་འཁོར་གྱི་ལྟེ་བར་གཙོ་མོ་རྐྱང་པ་བསྒོམ་པ་ནི་བླ་མ་ན་རོ་པ་ཆེན་པོའི་ཞལ་གྱི་ལུང་ངོ་། །ལྷ་མོའི་འཁོར་ལོ་བྲིས་ [240a.5]པའི་དགེ་བས་ནི། །སྲིད་པ་གསུམ་གྱི་ཁོངས་སུ་གཏོགས་པ་ཡི། །སེམས་ཅན་བདག་མེད་མ་ཡི་དོན་རྟོགས་ནས། །སྡིག་བྲལ་མཁའ་སྤྱོད་གནས་སུ་འགྲོ་བར་ཤོག །བདག་མེད་མའི་དཀྱིལ་འཁོར་གྱི་ཙཀྲའི་སྒྲུབ་ཐབས་རྫོགས་སོ།། {T1314}༄༅། །རྒྱ་གར་སྐད་དུ། [240a.6]ཤྲཱི་ཏེ་བཛྲ་ཏནྡྲ་མེ་ན་སྭཱ་ཏིཥྛ་ན་ཀུ་རུ་ཀུལླེ་སཱ་དྷ་ནཾ། བོད་སྐད་དུ། དཔལ་ཀྱེའི་རྡོ་རྗེའི་རྒྱུད་ཀྱི་རིམ་པ་ལས། བདག་བྱིན་གྱིས་བརླབ་པ་ཀུ་རུ་ཀུལླེའི་སྒྲུབ་ཐབས། དགྱེས་རྡོར་རྒྱུད་དང་རྗེས་འབྲེལ་པའི། །འཇིག་རྟེན་གསུམ་དབང་སྡུད་མཛད་མ། །ཀུ་རུ་ཀུལླེ་ལ་བཏུད་དེ། །དེ་ཡི་སྒྲུབ་ཐབས་ [240a.7]གསལ་བར་བཤད། །རྒྱུད་འདིར་སྒོམ་པའི་སྐལ་བ་དང་ལྡན་པའི་སྔགས་པས། སྔ་དྲོ་མལ་ནས་ལངས་ཏེ། སྙིང་གར་ཡི་གེ་རཾ་ཡོངས་སུ་གྱུར་པ་ལས། ཉི་མའི་དཀྱིལ་འཁོར་ལ་ཡི་གེ་ཏྲཱིཿདམར་པོ་བལྟས་ལ་དེའི་འོད་ཟེར་གྱིས་འོག་ཏུ་འཆད་པའི་བཅོམ་ལྡན་འདས་མ་ཀུ་རུ་ཀུལླེ་ [240b] [240b.1]མདུན་དུ་དམིགས་ལ། མཆོད་པ་ལྔའི་སྤྲིན་ཕུང་གིས་ཡང་དག་པར་མཆོད་དེ། དེའི་མདུན་དུ། དཀོན་མཆོག་གསུམ་ལ་བདག་སྐྱབས་མཆི། །ཞེས་བྱ་བ་ལ་སོགས་པའི་ཚིགས་བཅད་ལན་གསུམ་དུ་བརྗོད་པར་བྱའོ། །དེ་ནས་སྡུག་བསྔལ་གསུམ་གྱིས་སྡུག་བསྔལ་བའི་སེམས་ཅན་ [240b.2]རྣམས་ཡིད་ཀྱིས་དམིགས་ལ། སྡུག་བསྔལ་ལས་ལྡོག་པའི་མཚན་ཉིད་ཅན་གྱི་སྙིང་རྗེ་ཆེན་པོ་བསྒོམ་པར་བྱའོ། །དེ་ནས་ཆོས་དང་གང་ཟག་གི་ངོ་བོ་གཟུང་བ་དང་འཛིན་པ་གཉིས་རང་བཞིན་མེད་པར་ཤེས་པའི་མཚན་ཉིད་ཅན་གྱི་སྟོང་པ་ཉིད་བསྒོམས་ལ། དེ་སྔགས་ཀྱིས་བྱིན་གྱིས་བརླབ་ [240b.3]པར་བྱ་སྟེ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ། ཞེས་པས་སོ། །དེ་ནས་གཉིས་སུ་མེད་པའི་ཡེ་ཤེས་དེ་ཉིད་ཀྱིས་ནམ་མཁར་ཉི་མའི་དཀྱིལ་འཁོར་བལྟས་ལ། དེའི་དབུས་སུ་ཡི་གེ་ཧྲཱིཿ་དམར་པོར་གྱུར་པ་ལས་ཨུཏྤལ་དམར་པོའི་ལྟེ་བར་ཉི་མ་ལ་ས་བོན་དེ་ཉིད་དོ། །ཧྲཱིཿ་དེ་ལས་སྤྲོ་བ་དང་ [240b.4]བསྡུ་བ་བྱས་ནས་དེ་ཉིད་དུ་རབ་ཏུ་བསྟིམས་ཏེ། དེ་ཐམས་ཅད་ཡོངས་སུ་གྱུར་པ་ལས་བདག་ཉིད་ཀུ་རུ་ཀུ་ལླེར་བལྟ་སྟེ། པདྨ་དམར་པོ་འདབ་མ་བརྒྱད་པའི་དབུས་སུ་རོའི་སྙིང་གར་ཉི་མའི་དབུས་སུ་སྐྱིལ་ཀྲུང་ཕྱེད་པའི་གར་གྱིས་གནས་མ། ཉི་མའི་འོད་ཀོར་ཅན། ཕྱོགས་དང་མཚམས་རྣམས་སུ་ [240b.5]དུར་ཁྲོད་བརྒྱད་ཀྱིས་བསྐོར་བ། སྐུ་མདོག་དམར་མོ་ལོ་བརྒྱད་གཉིས་ལོན་མ། སྐྲ་ཁམ་པ་གྱེན་དུ་བརྫེས་མ། དབུ་ལ་རྒྱལ་བ་ལྔའི་རང་བཞིན་གྱི་ཐོད་པ་ལྔ་འཛིན་པ། མི་མགོ་རློན་པའི་དོ་ཤལ་ཅན། ཞལ་མཆེ་བ་གཙིགས་ཤིང་ལྗགས་འདྲིལ་བ། དམར་ལ་ཟླུམ་པའི་སྤྱན་གསུམ་གཡོན་དུ་ཡོ་བ། ཁྲོ་བ་དང་ [240b.6]སྒེག་པའི་ཉམས་ཅན་མིའི་རུས་པའི་འཁོར་ལོ་དང་། རྣ་རྒྱན་དང་། མགུལ་རྒྱན་དང་། གདུ་བུ་དང་། སྐར་རགས་དང་། དཔུང་རྒྱན་དང་ཞབས་གདུབ་ཀྱིས་བརྒྱན་མ། རྩ་བའི་ཕྱག་གཉིས་ཀྱིས་རྣ་བའི་དྲུང་དུ་ཨུཏྤལའི་མྱུ་གུའི་མདའ་དང་བཅས་པའི་མེ་ཏོག་དམར་པོའི་གཞུ་འགེངས་པ། ཕྱག་ལྷག་མ་དག་གིས་ཨུཏྤ་ [240b.7]ལ་དམར་པོའི་ཞགས་པ་དང་ལྕགས་ཀྱུ་བསྣམས་པ་བསམ་པར་བྱའོ། །དེའི་སྤྱི་བོ་དང་། མགྲིན་པ་དང་། སྙིང་གར་ཨོཾ་ཨཱཿ་ཧཱུཾ་བལྟས་ཏེ། དེ་ནས་རང་གི་སྙིང་གའི་ཉི་མ་ལ་གནས་པའི་ཨུཏྤལ་དམར་པོའི་ལྟེ་བའི་ཉི་མ་ལ་ཧྲཱིཿ་དམར་པོ་བལྟས་ལ། དེའི་འོད་ཟེར་གྱིས་དེ་བཞིན་གཤེགས་པ་ཐམས་ཅད་བསྐུལ་ནས་ [241a] [241a.1]སྤྱན་དྲངས་ཏེ། གསོལ་བ་བཏབ་པས། དེ་དག་གིས་རིན་པོ་ཆེའི་བུམ་པ་བདུད་རྩི་ལྔ་ཡིས་གང་བ་རྣམས་ཀྱིས་དབང་བསྐུར་བས། བཅོམ་ལྡན་འདས་འོད་དཔག་ཏུ་མེད་པས་དབུ་བརྒྱན་ཏེ་རྒྱས་གདབ་པའོ། །དེ་ནས་རང་གི་སྙིང་གའི་ས་བོན་ལས་ལྷ་མོ་བརྒྱད་སྤྲོས་ལ། རང་རང་གི་ [241a.2]བྱང་ཆུབ་ཀྱི་སེམས་ལ་སོགས་པས་ཡང་དག་པར་མཆོད་དེ། ས་བོན་དེ་ཉིད་ལ་བསྡུ་བར་བྱའོ། །ཨཀྵ་ར་མནྟ་བཛྲི་ཨ་ཨོ། ན་ཨུ་སོ་བིནྡུ་ན་ཙི་ཏ། ཨེ་སོ་བ་ར་མ་ཧཱ་སུ་ཁ་ཧེ་ཨོ། ན་ཨུ་ཕེ་ཊི་ཨ་ན་ཨུ་ཀི་ར་ཏ། ཞེས་བྱ་བ་འདིས་བསྟོད་པར་བྱའོ། །དེ་ནས་བདུད་རྩི་མྱང་བའི་ཆོ་གས་བདུད་རྩི་ལྔ་དང་སྒྲོན་མ་ [241a.3]ལྡར་བྱས་ལ། ཡི་གེ་ཧཱུཾ་དཀར་པོ་ལས་བྱུང་བའི་ལྗགས་རྡོ་རྗེའི་རང་བཞིན་དུ་བསྒོམས་ཏེ། ཡི་གེ་གསུམ་གྱིས་བྱིན་གྱིས་བརླབས་ལ། དེ་ལྟ་བུས་བདག་ཉིད་ཀུ་རུ་ཀུལླེའི་ངོ་བོ་མཉེས་པར་བྱའོ། །བསམ་གཏན་དང་མ་བྲལ་བས་སྔགས་བཟླ་བར་བྱ་སྟེ། ཡི་གེ་ཧྲཱིཿ་ལས་བསྐོར་ནས་གནས་པའི་ཨོཾ་ [241a.4]ཀུ་རུ་ཀུལླེ་ཧྲཱིཿ་སྭཱ་ཧཱ། ཞེས་བྱ་བ་ཡི་གེ་བརྒྱད་ཀྱི་སྔགས་ཀྱི་ཕྲེང་བ་མར་མེའི་ཕྲེང་བ་འབར་བ་ལྟར་ཡིད་ཀྱིས་མངོན་པར་བསམ་ཞིང་། མྱུར་བ་དང་བུལ་བ་ལ་སོགས་པའི་སྐྱོན་མེད་པར་ཙནྡན་དམར་པོའི་ཕྲེང་བ་བགྲང་བར་བྱའོ། །ས་ཡ་གཅིག་བཟླས་པས་རིགས་དྲུག་གི་འཁོར་ལོར་ [241a.5]གཏོགས་པའི་སེམས་ཅན་རྣམས་དབང་དུ་འགྱུར་རོ། །ཐུན་གཞན་ལ་ནི་བདག་ཉིད་ཀུ་རུ་ཀུ་ལླེར་བསམས་ལ། མཆོད་པ་དང་བསྟོད་པ་ལ་སོགས་པ་བྱ་སྟེ། ཉན་བཤད་ལ་སོགས་པའི་བྱ་བ་ཐམས་ཅད་བཅོམ་ལྡན་འདས་མའི་ང་རྒྱལ་གྱིས་བྱའོ། །དེ་ནས་བསམ་པ་ཇི་ལྟ་བ་ [241a.6]བཞིན་དུ་སྨོན་ལམ་གདབ་པར་བྱའོ། །འདིར་ཡང་བླ་མ་བརྒྱུད་པ་ལས་བྱུང་བའི་མན་ངག་བྲི་བར་བྱ་སྟེ། རང་གི་སྙིང་གའི་ས་བོན་བདུད་རྩིའི་ཁུ་བ་འབའ་ཞིག་སྙིང་ལས་ལངས་ཏེ། མགོའི་གཡོན་ནས་བསྐོར་ནས་རྣ་བ་གཡས་པའི་བུ་གནས་འཐོན་ནས། ལག་པ་གཡས་པའི་གཞུའི་ [241a.7]རྒྱུད་ལ་གནས་པའི་མདའི་ལྟོང་གི་བུ་གནས། ཨུཏྤལའི་མེ་ཏོག་གི་ལྟེ་བར་ཞུགས་ཏེ། དེའི་འོད་ཟེར་གྱིས་དེ་རྒྱས་པར་བྱས་ཤིང་སྤྲོས་པས་སྲིད་པ་གསུམ་གྱི་སེམས་ཅན་གྱི་སྙིང་གར་ཞུགས་ནས་དེའི་པདྨ་རྣམས་བསྐུལ་ཏེ། བཀུག་ནས་ཡང་དེ་ཉིད་དུ་གཞུག་པར་བྱ་སྟེ། ཁ་ཟུམ་ནས་ [241b] [241b.1]མདའ་ནས་རྣ་བའི་བུ་ག་ནས། མགོ་བོའི་གཡས་སུ་བསྐོར་ནས་དཔྲལ་བའི་དབུས་སུ་གནས་པ་ཨ་ཝ་དྷཱུ་ཏཱིའི་ལམ་ནས་མགྲིན་པ་སྙིང་ག །ལྟེ་བའི་མཐར་བདེ་བ་ཆེན་པོའི་གནས་སུ་མན་ངག་བཞིན་དུ་རབ་ཏུ་བཅུག་སྟེ། དེ་ནས་ཤེས་རབ་དང་ཐབས་ཀྱི་ཏིང་ངེ་འཛིན་དྲི་མ་མེད་པ་ལས་བྱུང་བའི་བདེ་བ་ [241b.2]དམ་པས། རང་གི་ལུས་དང་འཇིག་རྟེན་གསུམ་གང་བར་བལྟས་ལ། དེའི་སྐད་ཅིག་ལ་ཚིགས་སུ་བཅད་པ་དྲན་པར་བྱའོ། །གང་ལ་ཐོག་མཐའ་བར་མ་མེད། །སྲིད་དང་མྱ་ངན་འདས་པ་མེད། །འདི་ནི་བདེ་ཆེན་མཆོག་གྱུར་པ། །བདག་མེད་གཞན་ཡང་ཡོད་མ་ཡིན། །ཡང་དེ་ [241b.3]ལྟར་སེམས་ཅན་དབང་དུ་གྱུར་པར་བྱ་སྟེ། དེ་དག་ཕྱག་རྒྱ་ཆེན་པོ་ལ་མངོན་སུམ་ཉིད་དུ་དགོད་པར་ནུས་ཀྱི་བར་དུའོ། །དེ་བཞིན་དུ་བསྒྲུབ་བྱ་འམ་བསྒྲུབ་བྱ་མོ་ཀུ་རུ་ཀུལླེའི་རང་བཞིན་དུ་བསྒོམས་ནས། །ས་བོན་དེ་སྔར་བཞིན་བསྒྲུབ་པོའི་མདའ། བསྒྲུབ་བྱའི་ལག་པར་གནས་པའི་མེ་ཏོག་དེའི་ [241b.4]འོད་ཟེར་བྱིས་རྒྱས་པར་བྱས་ལ་རྣ་བའི་བུ་ག་གཡས་པར་ཞུགས་ཏེ། དེ་ལྟར་སོང་ནས་དེར་གནས་ཏེ། དེ་ཁོ་ན་བཞིན་དུ་རབ་ཏུ་ཞུགས་ནས་གནས་དེར་ཕྱིན་ལ་དེ་བཞིན་དུ་གནས་པར་བྱའོ། །ཀུ་རུ་ཀུལླེའི་གཟུགས་ལ་ཡང་། །ཡི་གེ་ཧྲཱིཿ་ནི་མྱོས་པར་བྱེད་པའི་གདུགས་ལ་གཞག་པས་བུད་མེད་འཇུ་ [241b.5]བར་འགྱུར། ལྕེ་ལ་དེ་ཉིད་རྫས་ཀྱིས་བྲིས་ན་བློ་གྲོས་བསྐྱེད་དེ་སྙིང་གི་དབུས་སུ་ནི། །སྦྲུལ་གྱིས་ཟིན་པ་ལ་ནི་ཡོངས་སུ་བསྒོམས་པས་ཆོས་ཀྱི་ཡི་གེས་དུག་སྤྱོད་འགྱུར། །སྒྲོལ་མའི་སྙིང་པོས་འཇིག་རྟེན་གསུམ་ལས་རྒྱལ་བ་གསེར་ལྡན་རྣམས་ཀྱིས་ཤེས་པར་བྱ། །དེ་ནས་གདོན་མི་ཟ་བར་བསྒྲུབ་བྱ་ [241b.6]སྒྲུབ་པ་པོའི་དབང་དུ་གྱུར་ནས་དོན་རྣམས་ཐམས་ཅད་བྱེད་པར་འགྱུར། ཀུ་རུ་ཀུལླེའི་སྒྲུབ་པའི་ཐབས། །བྱས་པའི་བསོད་ནམས་གང་ཡོད་དེས། །སྐྱེ་བོ་ཐམས་ཅད་བྱང་ཆུབ་ལ། །དགོད་པའི་དབང་དུ་འགྱུར་བར་ཤོག །བདག་བྱིན་གྱིས་བརླབས་པ་ཀུ་རུ་ཀུལླེའི་སྒྲུབ་ཐབས་སློབ་དཔོན་ [241b.7]ལྷན་ཅིག་སྐྱེས་པའི་རོལ་པས་མཛད་པ་རྫོགས་སོ།། །།{T1314a}ཨོཾ་ཀུ་རུ་ཀུལླེའི་ཧྲཱིཿ་སྭཱ་ཧཱ་ནུས་པ་མ་ཉམས་པས་ཁམས་གསུམ་དབང་དུ་བྱེད་པར་གྲགས། སྔར་གསུངས་པའི་ཏིང་ངེ་འཛིན་ལ་གནས་པས། ཡི་གེ་གྲངས་ཀྱི་འབུམ་བཟླས་པར་བྱ་སྟེ། མེ་ཏོག་དང་། བདུག་ [242a] [242a.1]པ་དང་། བྱུག་པ་དང་། དྲི་དང་། ཕྱེ་མ་དང་། གོས་ལ་སོགས་པ་གང་ལ་བསྔགས་ནས་བྱིན་པ་དེ་དབང་དུ་འདུས་པར་འགྱུར་རོ། །དྲི་བཟང་པོའི་བདུག་སྤོས་ཀྱིས་བདག་ལ་བདུགས་ན། སྐྱེ་བོ་ཐམས་ཅད་དགའ་བར་འགྱུར་རོ། །གང་གི་མིང་གིས་མེ་ཏོག་དམར་པོ་ [242a.2]ལ་སོགས་པས་སྦྱིན་སྲེག་བྱས་ན་དེ་དབང་དུ་འགྱུར་རོ། །བཟའ་བ་དང་བཏུང་བ་ལ་མངོན་པར་བསྔགས་ཏེ་བྱིན་ན་དེ་དབང་དུ་འགྱུར་རོ། །སྐྱེས་བུ་ཆེན་པོ་དབང་དུ་བྱེད་པ་ན། ཡུངས་ཀར་གྱི་སྦྱིན་སྲེག་བྱས་ནས། དེ་ནས་ཚེས་གྲངས་རྒྱུ་སྐར་བཟང་པོ་ལ་བཅོམ་ལྡན་འདས་མའི་མཆོད་ [242a.3]པ་བྱས་ནས་གུར་ཀུམ་དང་། གི་ཝང་དང་། ག་པུར་ལ་སོགས་པས་གོས་སམ་གྲོ་ག་ལ་ཨུཏྤལའི་འདབ་མའི་རྣམ་པ་ཅན་གྱི་འཁོར་ལོ་རྩིབས་བཅུ་དྲུག་པ་བྱས་ཏེ། འཁོར་ལོའི་དབུས་སུ་སྔགས་དང་བཅས་པའི་བསྒྲུབ་བྱ་འམ་བསྒྲུབ་བྱ་མོའི་མིང་བྲི་ཞིང་། འདབ་མ་རྣམས་ལ་ [242a.4]ཀུ་རུ་ཀུལླེ་ཞེས་བྱ་བའི་ཡི་གེ་བཞིས་བསྐོར་བའི་བསྒྲུབ་བྱ་འབའ་ཞིག་གི་མིང་བྲི་བར་བྱའོ། །ཕྱི་རོལ་དུ་ཨོཾ་ཡིག་གིས་ལན་གསུམ་བསྐོར་བའི་འཁོར་ལོ་སྐུད་པ་དམར་པོས་དཀྲིས་ལ། སྤྲ་ཚིལ་ལས་བྱས་པའི་ལིངྒའི་སྙིང་གི་དབུས་སུ་བཅུག་སྟེ་སེང་ལྡེང་གི་མེ་ལ་གདུང་བར་བྱས་ན། [242a.5]རྐང་པ་འགུགས་པར་བྱེད་དོ། །སྐྱེས་པའམ་བུད་མེད་དབང་དུ་བྱེད་ན། ཟངས་ཀྱི་ཁབ་ཀྱིས་རྐང་པ་གཉིས་སམ། སྐྱེ་གནས་སུ་ཕུག་སྟེ་གདུང་བར་བྱས་ན་དབང་དུ་འགྱུར་བར་ཐེ་ཚོམ་མེད་དོ། །དད་པ་ཆེན་པོས་བཅོམ་ལྡན་འདས་མ་ལ་མཆོད་ལ། སྔགས་ཀྱི་རྒྱལ་པོ་བཟླས་ [242a.6]ཏེ། དེ་ལྟ་བུའི་རིམ་པས་ཐམས་ཅད་འགྲུབ་པར་འགྱུར་རོ། །བླ་མའི་མན་ངག་རྫོགས་སོ།། །།པཎྜི་ཏ་དོན་ཡོད་རྡོ་རྗེ་དང་། ལོ་ཙཱ་བ་བ་རི་རིན་ཆེན་གྲགས་པས་བསྒྱུར་བའོ།། {T1315}༄༅༅། །རྒྱ་གར་སྐད་དུ། ཧེ་བཛྲེ་དྷ་བ་ཀུ་རུ་ཀུལླེ་སཱ་དྷ་ནཾ། བོད་སྐད་དུ། དགྱེས་ [242a.7]པའི་རྡོ་རྗེ་ལས་བྱུང་བའི་ཀུ་རུ་ཀུལླེའི་སྒྲུབ་ཐབས། ལྷ་མོ་ཀུ་རུ་ཀུལླེ་ལ་ཕྱག་འཚལ་ལོ། །སྔགས་པས་དང་པོར་རེ་ཞིག་རང་གི་སྙིང་གར་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་བྱཱཿདམར་པོར་བསམས་ཏེ། དེའི་འོད་ཀྱིས་ལྷ་མོས་ཐོག་དྲངས་པའི་སངས་རྒྱས་དང་བྱང་ཆུབ་སེམས་ [242b] [242b.1]དཔའ་དུ་མ་མདུན་གྱི་ནམ་མཁར་སྤྱན་དྲངས་ལ། དེ་དག་ལ་ཡིད་ལས་བྱུང་བའམ་དངོས་སུ་འབྱོར་པའི་མཆོད་པས་ཅི་རིགས་སུ་མཆོད་ནས་སྐྱབས་སུ་འགྲོ་བ་ལ་སོགས་པའི་སྒོ་ནས་ཡན་ལག་བདུན་པ་བྱའོ། །དེའི་རྗེས་ལ་ཚད་མེད་པ་བཞི་སེམས་ཅན་ཐམས་ཅད་ལ་གཡོག་པར་ [242b.2]བྱ་སྟེ། དེ་ནས་སྭ་བྷཱ་བའི་སྔགས་ཀྱིས་སྣོད་བཅུད་ཐམས་ཅད་སྟོང་པ་ཉིད་དུ་རྒྱས་བཏབ་སྟེ། དེའི་རྗེས་སུ་སྟོང་པ་ཉིད་ཀྱི་ངང་ལས་ཡི་གེ་རེ་ལས་ཉི་མའི་དཀྱིལ་འཁོར་བསམས་པའི་སྟེང་དུ་ཧཱུཾ་སྔོན་པོ་བསྒོམ་པར་བྱའོ། །དེ་ཡོངས་སུ་གྱུར་པ་ལས་སྣ་ཚོགས་རྡོ་རྗེ། དེ་ཡོངས་སུ་ [242b.3]གྱུར་པ་ལས་སྟེང་དང་འོག་དང་ཕྱོགས་དང་ཕྱོགས་མཚམས་ཐམས་ཅད་རྡོ་རྗེའི་ས་གཞི་དང་རྡོ་རྗེའི་ར་བ་དང་རྡོ་རྗེའི་གུར་གྱིས་བཅིང་སྟེ། དེ་ནས་སྔགས་འདི་བརྗོད་པར་བྱའོ། །ཨོཾ་རཀྵ་རཀྵ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེ་ནས་རང་གི་སྙིང་གར་པདྨ་དམར་པོའི་སྟེང་དུ་ཟླ་བའི་དཀྱིལ་འཁོར་ [242b.4]བསམ། དེའི་སྟེང་དུ་ས་བོན་རྨི་ཡི་གེ་སྤྱོཿདམར་པོ་བསྒོམ། ཇིཿཡོངས་སུ་གྱུར་པ་ལས་ཨུཏྤ་ལ་དམར་པོ་བལྟ་ཞིང་། དེའི་སྟེང་དུ་ཟླ་བ་ཁ་དོག་དམར་པོའི་དཀྱིལ་འཁོར་རྒྱས་པར་བསྒོམ། དེ་ཡོངས་སུ་གྱུར་པ་ལས་བདག་ཉིད་ལྷ་མོ་ཀུ་རུ་ཀུསྟེ་སྐུ་མདོག་དམར་མོར་བསྐྱེད་པར་ [242b.5]བྱའོ། །དེ་ཡང་ཞལ་གཅིག་ཕྱག་བཞི་ཕྱག་རྒྱ་ལྔ་དང་ལྡན་མ་སྟག་གི་པགས་པའི་སྨད་གཡོགས་ཅན། སྐྱིལ་ཀྲུང་ཕྱེད་པའི་བཞུགས་སྟངས་ཀྱིས་གནས་པ། དབུ་སྐྲ་སེར་པོ་གྱེན་དུ་བཛེེས་པ།སངས་རྒྱས་འོད་དཔག་མེད་ཀྱིས་དབུ་བརྒྱན་པ་ཅན། གཞུ་དང་མདའ་བྱེད་ལའི་ཞགས་པ་ [242b.6]དང་ལྕགས་ཀྱུའི་ཕྱག་མཚན་བསྣམས་པའོ། །དེ་ལྟར་བསྒོམས་པའི་རྣལ་འབྱོར་པས་སྔགས་ཀྱི་བཟླས་པ་བྱ་སྟེ། ཨོཾ་ཀུ་རུ་ཀུལླེ་ཧྲཱིཿསྭཱ་ཧཱ། ཞེས་མི་གྲག་པའི་ཚད་དུ་བཟླས་པར་བྱའོ། །ཟླ་བ་ཕྱེད་ཀྱིས་རྒྱལ་པོ་འདུ། །ཁྲི་ཡིས་ཕལ་པ་དབང་དུ་བྱེད། །བྱེ་བས་ཕྱུགས་དང་གནོད་སྦྱིན་སོགས། །ལྷ་མིན་ [242b.7]འབུམ་ཕྲག་བདུན་གྱིས་སོ། །དཔལ་དགྱེས་པའི་རྡོ་རྗེ་ལ་བརྟེན་པའི་ལྷ་མོ་ཀུ་རུ་ཀུལླེའི་སྒྲུབ་ཐབས། སློབ་དཔོན་ཆེན་པོ་ལྷན་སྐྱེས་སྒེག་པས་མཛད་པ་རྫོགས་སོ།། །།དཱ་ན་ཤཱི་ལ་ཉིད་ཀྱིས་བསྒྱུར།། #{T1316}༄༅༅། །རྒྱ་གར་སྐད་དུ། ཧེ་བཛྲོ་དྦྷ་བ་ཀུ་རུ་ཀུལླེ་ཡཱ་པཉྩ་མ་ཧོ་པ་དེ་ [243a] [243a.1]ཤཿ། །བོད་སྐད་དུ། ཀྱེའི་རྡོ་རྗེ་ལས་བྱུང་བའི་ཀུ་རུ་ཀུལླེའི་མན་ངག་ཆེན་པོ་ལྔ། བཅོམ་ལྡན་འདས་ཀྱེའི་རྡོ་རྗེ་ལ་ཕྱག་འཚལ་ལོ། །སྙིང་གི་དབུས་ལས་སྲོག་རླུང་མཆོག་གིས་བསྐུལ་བས་རྩ་དབུས་མཆོག་གི་ནང་ཞུགས་གྱེན་སོང་ཞིང་། །མྱུར་དུ་སྤྱི་བོའི་ཟླ་དབུས་ [243a.2]ལས་འཐོན་རིམ་གྱིས་གསལ་བར་འགྲོ་ཅན་མགོ་ཡི་གཡོན་སྐོར་ཏེ། །གཡས་ཀྱི་རྣ་བུག་ལས་འཐོན་མྱུར་དུ་ལག་མདའི་བུ་གར་ཞུགས་ཤིང་ཕྱག་རྒྱ་ཆེར་བསྒོམས་ནས། །རྡོ་རྗེས་རབ་མྱུར་ས་བོན་རྒྱལ་པོ་བདག་ཉིད་འོད་ཟེར་དམར་པོ་འབར་བས་བསྒྲུབ་བྱ་ཡི། །ལག་མདའི་ [243a.3]རྩེ་མོའི་བུ་ག་རྒྱས་བྱེད་སྔོན་དུ་འགྲོ་བས་སྒྲ་འཛིན་#བུ་གར་རབ་ཞུགས་ཤིང་། །མགོ་ཡི་གཡས་ཀྱི་སྣ་བུག་གསལ་བར་འགྲོ་བ་ཅན་གྱིས་སྙིང་གི་མཚོ་སྐྱེས་དབུས་གནས་པའི། །ཧྲཱིཿ་སེམས་མྱུར་དུ་ཁྱེར་ནས་རིམ་བཞིན་རྗེས་སུ་ལམ་དེ་དང་ནི་དེ་ནས་འཐོན་ནས་ནི། །བརྟན་པར་སྙིང་ [243a.4]དབུས་ལ་གནས་ཁྱོད་ཀྱིས་ས་ཡི་འཁོར་ལོ་དང་བཅས་ལྷ་ནི་དབང་དུ་སྡུད། །གོང་བུ་དགུག་#པའོ།། །།སྔར་བཞིན་མདའ་ལས་འཐོན་ནས་བསྒྲུབ་བྱའི་མཚོ་སྐྱེས་གཡོན་གྱི་ངོས་ཞུགས་ཤིང་། །གྱེན་དུ་སོང་སྟེ་སྤྱི་བོའི་ཟླ་བ་རིམ་བཞིན་འཛག་བྱས་སྔར་བཞིན་ཞུགས། ། [243a.5]མཚོ་སྐྱེས་ཟེ་འབྲུ་ལ་གནས་རྣལ་འབྱོར་པས་ནི་བརྟན་པར་བསྒོམས་པ་ཡིས། །ཆགས་པས་འཛག་པའི་ལས་ཀྱིས་རྒྱལ་ཅན་མ་ཡི་སྐྱེ་བོ་མྱོས་པར་བྱེད། །རྐང་པ་དགུག་#པའོ།། །།སྤྲུལ་གྱིས་བཟུང་བའི་སྙིང་གའི་ཟླ་དབུས་གནས་པ་གསལ་བར་མཐོང་ནས་དེའི། །འོད་ཟེར་ [243a.6]བདུད་རྩི་མང་པོའི་རྒྱུན་གྱི་ཁྲུས་ཀྱིས་སྤྲུལ་གྱི་དུག་སེལ་ཞིང་། །རྩ་བུག་འོད་ཟེར་གང་བ་ལས་ཀྱང་དུག་འཇོམས་འོད་ལྡན་ཟླ་དབུས་གནས། །དེ་ལྟར་སྦྲུལ་གྱིས་གཟུང་#བ་ལ་ནི་བྱམས་པས་ལྷ་ཁྱོད་དུག་ནི་འཇོམས། །སྦྲུལ་གྱི་དུག་སེལ་བའོ།། །།མར་མེ་བརྟན་པའི་རྣམ་པ་ཅན། ། [243a.7]བརྟན་པོར་དམིགས་པའི་སེམས་ཀྱིས་སུ། །ལྕེ་ཡི་རྩེ་མོར་བསམ་བྱས་ན། །མི་ཤེས་རབ་རིབ་སེལ་བར་འགྱུར། །ཤེས་རབ་འཕེལ་བའོ།། །།གསལ་བར་རླུང་གི་དཀྱིལ་འཁོར་གནས་ཤིང་ལྕགས་ཀྱུས་སྙིང་ལ་ཕུག །སྐེ་ལ་ཞགས་པས་བཅིངས་ཤིང་སྐྲ་གྲོལ་གཅེར་བུས་གཡེངས་ [243b] [243b.1]པ་ཅན། །ལྷ་མོ་ཁྱོད་ནི་རྣལ་འབྱོར་སྟོབས་ཀྱིས་ནོར་འཛིན་བཀུག་ནས་ནི། །བདག་གི་རྐང་དྲུང་འགྱེལ་ཞིང་རྟག་ཏུ་ཁོལ་པོའི་གནས་སྐབས་འཛིན། །དམར་པོའི་རྣམ་ཅན་སྤྲོས་པའི་འོད་ཀྱི་དྲ་བས་རྣམ་པར་བཅིངས། །བདག་གི་རྐང་དྲུང་འགྱེལ་ཞིང་སྐྲ་གྲོལ་ལག་གི་མདའ་བསྣུན་ནས། ། [243b.2]གཡོན་པའི་རླུང་གིས་བཀུག་སྟེ་བཅིངས་ཤིང་མཚོ་སྐྱེས་ནང་དུ་བཅུག །ལྟེ་བའི་མཚོ་སྐྱེས་དབུས་སུ་ཞུགས་ཏེ་མོས་ཤིང་ཐལ་མོ་སྦྱར། །སེམས་དཔའ་པདྨ་ལས་འཛག་ཁྲག་གིས་སྤྱི་བོར་ཁྲུས་བྱས་ལ། །རྣལ་འབྱོར་པ་དེས་བསྒོམས་ན་ལྷ་དབང་ཡང་ནི་དབང་དུ་འགྱུར། ། [243b.3]དབང་དུ་བསྡུ་བའོ།། །།ཀྱེའི་རྡོ་རྗེ་ལས་བྱུང་བའི་ཀུ་རུ་ཀུལླེའི་མན་ངག་ཆེན་པོ་ལྔ་སློབ་དཔོན་ཞི་བ་འཚོས་མཛད་པ་རྫོགས་སོ།། །།པཎྜི་ཏ་ཧཱ་ན་ཤཱི་ལ་ཉིད་ཀྱིས་བསྒྱུར་རོ།། །།ཨོཾ་ཀུ་རུ་ཀུལླེ་ཧྲཱིཿ་སྭཱ་ཧཱ། ཨོཾ་ཀུ་རུ་ཀུལླེ་ཨ་མུ་ཀྱཱཿ་པཎྜི་མ་ཨཱ་ཀཪྵ་#ཡ་ཧྲཱིཿ་སྭཱ་ཧཱ། ཨ་མུ་ཀིཾ་ [243b.4]སཱ་དྷྱཱཾ་ཨཱ་ཀཪྵ་#ཡ། ཨ་མུ་ཀིཾ་བ་ཤཱིཾ་ན་ཡ། ཨ་མུ་ཀཾ་བ་ཤྱཾ་ཀུ་རུ། ཨ་མུ་ཀ་བ་ཤྱ་ཀུ་རུ། མ་མ་ཨཱ་ཀྲྀ་ཥྚཾ་ཀུ་རུ། མེ་ཨཱ་ཀྲྀ་ཥྚི་ཀུ་རུ། ཨཱཏྨ་ཀཾ་ཨཱ་#ཀྲྀ་ཥྚཾ་ཀུ་རུ། ན་མོ་མཱཾ་རཀྵ། ན་མོ་མེ་རཀྵ་ཀུ་རུ་ན་མཿ་ན་མོ་མེ་ཤཱཾ་ཏིཾ་ཀུ་རུ་ན་མཿ། བཽ་ཥཊ་#མེ་པུཥྚི་ཀུ་རུ་བཽ་ཥྚ། ཧོ་དེ་བ་དཏྟཾ་#མེ་བ་ཤྱཾ་ཀུ་རུ་ཧོཿ་ [243b.5]ཧྲཱིཿ་དེ་བ་ད་ཏྟཾ་མེ་ཨཱ་ཀཪྵ་ཡ་ཧཱིཿ་ཛཿ་དེ་བ་ད་མེ་ཨཱ་ཀཪྵ་ཡ་ཛཿ་མེ་ཌཱ་ཀི་མ་མ་ཌཱ་ཀི་ཨཱཏྨ་ཀཾ།། {T1317}༄༅༅། །རྒྱ་གར་སྐད་དུ། ཨཱ་རྱ་ཏཱ་ར་ཀུ་རུ་ཀུ་ལླེ་སྟོ་ཏྲ། བོད་སྐད་དུ། འཕགས་མ་སྒྲོལ་མ་ཀུ་རུ་ཀུ་ལླེའི་བསྟོད་པ། འཕགས་མ་སྒྲོལ་མ་སྟོབས་པོ་ཆེ་ལ་འཕྱག་འཚལ་ལོ། །མི་འགྱུར་ [243b.6]མཉམ་པའི་ངང་ལས་གཡོས་ཀྱང་། །སོ་སོར་རྟོགས་པས་འགྲོ་བའི་དོན་མཛད་པ། །དམར་བའི་འོད་འཕྲོ་ཉི་མ་སྟོང་གི་གཟི། །ཞལ་གཅིག་ཕྱག་བཞི་མ་ལ་འཕྱག་འཚལ་ལོ། །ཧྲཱིཿལས་བྱུང་བའི་ལྷ་མོ་ནི། །ཁ་དོག་དམར་ཞིང་ཕྱ་ག་གཞི་མ། །མདའ་དང་གཞུ་ཡི་ལག་པ་མ། །ལྕགས་ཀྱུ་ [243b.7]འཛིན་ལ་འཕྱག་འཚལ་བསྟོད། །བསྐལ་བའི་མེ་དཔུང་ལྟར་འབར་འོད། །ཞལ་གཅིག་སྤྱན་ནི་གསུམ་པ་སྟེ། །དབུ་སྐྲ་དམར་གྱེན་དུ་འབར། །ཨུ་ཏྤལ་འཛིན་པ་ཕྱག་འཚལ་བསྟོད། །ཕྱེད་ཀྲུང་བཅས་པའི་གར་གྱིས་བཞུགས། །གཏུམ་པའི་ཁྲོ་ཚུལ་འགྱིང་བག་ཅན། །ཐོད་པ་ [244a] [244a.1]ལྔ་ཡི་དབུ་རྒྱན་ཅན། །སྟག་ལྤགས་བསྣམས་ལ་འཕྱག་འཚལ་བསྟོད། །མཆེ་གཙིགས་དམར་པོ་མི་བཟད་སྐུ། །དྲག་ཆེན་ཕྱ་རྒྱ་ལྔ་ཡིས་བརྒྱན། །བརྒྱ་ཕྱེད་ཕྲེང་བའི་དོ་ཤལ་ཅན། །བདུད་འཛོམས་མ་ལ་བདག་འཚལ། །ཨཱ་ལི་ཀཱི་སྙོམས་འཇུག་ལས། ། [244a.2]བདེ་ལ་རྟག་དགྱེས་བྱང་ཆུབ་དང་། །འོད་དཔག་མེད་ཀྱིས་དབུ་ལ་བརྒྱན། །གར་གྱིས་དགྱེས་ལ་བདག་འཚལ། །མདའ་དང་གཞུ་ཡིས་བསྡིགས་པར་མཛད། །ཨུ་ཏྤལ་ཡིས་དབང་དུ་བྱེད། །ལྕགས་ཀྱུས་ཉོན་མོངས་འདམ་ལས་འདྲེན། །བདུད་དག་ཕྱག་བཞི་ལ་ཕྱག་འཚལ། །འཕགས་ [244a.3]མ་སྒྲོལ་མ་ལྷ་མོ་ཀུ་རུ་ཀུ་ལླེའི་བསྟོད་པ། །སློབ་དཔོན་ཆེན་ཌོ་མྦི་ཧེ་རུ་ཀས་མཛད་པ་རྫོགས་སོ།། {T1318}༄༅༅། །རྒྱ་གར་སྐད་དུ། ཀུ་རུ་ཀུ་ལླེ་སཱ་དྷ་ནཾ། བོད་སྐད་དུ། ཀུ་རུ་ཀུལླེའི་སྒྲུབ་པའི་ཐབས། ཨོཾ་བཅོམ་ལྡན་འདས་འཕགས་མ་ལྷ་མོ་སྒྲོལ་མ་ལ་ཕྱག་འཚལ་ལོ། །རེ་ཞིག་དང་པོ་ཁོ་ནར་སེམས་ [244a.4]དཔའི་སྐྱིལ་ཀྲུང་བཅས་ལ། བགེགས་བསལ་བར་བྱའོ། །སྔགས་ནི་འདི་ཡིན་ཏེ། ཨོཾ་ཨ་མྲྀ་ཏི་ཧཱུཾ་ཕཊ་སྭཱ་ཧཱ། དེ་ནས་སངས་རྒྱས་དང་བྱང་ཆུབ་སེམས་དཔའ་ནམ་མཁའི་དཀྱིལ་དུ་དམིགས་ལ། དེ་མ་ཐག་ཏུ་སྐྱབས་སུ་འགྲོ་བར་བྱ་སྟེ། ཨོཾ་རཏྣ་ཏྲ་ཡཾ་སྨ་ཤ་ར་ནཾ་ཀྲི་ཏྭ། ཨོཾ་སྭ་བྷཱ་བ་ཤུདྡྷཿ་སརྦ་ [244a.5]དྷརྨཱཿ་སྭ་བྷཱ་ཝ་ཤུདྷོ྅ཧཾ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་ནས་ཡི་གེ་པཾ་ལས་པདྨ། དེའི་སྟེང་དུ་ཡི་གེ་ཨ་ལས་ཟླ་བའི་དཀྱིལ་འཁོར། དེ་ལ་ཡི་གེ་ཏཱཾ་དེ་ཡོངས་སུ་གྱུར་པ་ལས་ཨུཏྤལ། དེའི་རྗེས་ལ་སྤྱན་དྲང་བར་བྱ་སྟེ། ཨོཾ་བྷ་ག་ཝ་ཏི་ས་མ་ཡ་ཤྭ་རེ་སརྦོ་ཏྟ་མ་ཏི་ཏ་ཛཿ་ཨ་དྷི་ཥྛ་ནཾ་ [244a.6]མི་ཀུ་རུ་སྭཱ་ཧཱ། དེ་ལས་བཅོམ་ལྡན་འདས་མ་ཞལ་གསུམ་པ་ཕྱག་དྲུག་མ། གཡས་པ་དང་གཡོན་པ་ཡང་རྩ་བའི་ཞལ་ནི་གནག་པ་དང་སེར་བ་དང་དམར་བའོ། །གཡས་པའི་ཕྱག་རྣམས་ཀྱི་དང་པོ་མི་འཇིགས་པ་སྦྱིན་པ་ལ་འཁོར་ལོ་དཀར་པོས་མཚན་པའོ། །གཉིས་པ་ལ་མདའ། གསུམ་པ་ལ་ [244a.7]ལྕགས་ཀྱུའོ། །ཕྱག་གཡོན་པ་རྣམས་ཀྱི་དང་པོ་ལ་ཨུཏྤལ་དམར་པོ་རིན་པོ་ཆེའི་སྙེ་མ་དང་བཅས་པའོ། །གཉིས་པ་ལ་གཞུ། གསུམ་པ་ལ་ཞགས་པའོ། །སྐུ་མདོག་དམར་པོ་པདྨ་དམར་པོའི་གདན་ལ་བཞུགས་པ། དེ་བཞིན་གཤེགས་པ་ལྔའི་ཅོད་པན་ཅན། སྐུ་ལ་རྒྱན་ཐམས་ཅད་ཀྱིས་ [244b] [244b.1]བརྒྱན་པ། ཤར་གྱི་ཕྱོགས་སུ་གསལ་བའི་སྒྲོལ་མ། ལྷོ་རུ་རྫོགས་བྱེད་སྒྲོལ་མ། ནུབ་ཏུ་སྣང་བྱེད་སྒྲོལ་མ། བྱང་དུ་ཀརྞ་སྒྲོལ་མ། མེའི་མཚམས་སུ་རིན་ཆེན་སྒྲོལ་མ། བདེན་བྲལ་གྱི་མཚམས་སུ་རྒྱལ་བ་སྒྲོལ་མ། རླུང་གི་མཚམས་སུ་དཀར་མོ་སྒྲོལ་མ། དབང་ལྡན་གྱི་མཚམས་སུ་དཔའ་བོའི་ [244b.2]སྒྲོལ་མའོ། །འདི་རྣམས་ནི་ཕྱག་བཞི་པ་མཆོག་སྦྱིན་པ་དང་། ཨུཏྤལ་དང་མདའ་དང་གཞུ་བསྣམས་པའོ། །སྐུ་མདོག་དམར་པོ་པདྨ་དམར་པོའི་གདན་ལ་བཞུགས་པ། དེ་བཞིན་གཤེགས་པ་ལྔའི་ཅོད་པན་ཅན། སྐུ་ལ་རྒྱན་ཐམས་ཅད་ཀྱིས་བརྒྱན་པའོ། །དེ་རྣམས་ཀྱི་སྔགས་ནི། ཨོཾ་ཀུ་རུ་ [244b.3]ཀུལླེ་ཧཱུཾ་ཧྲཱིཾ་སྭཱ་ཧཱ། ཨོཾ་པྲ་སནྣ་ཏཱ་རི་ཧཱུཾ་ཧྲཱིཾ་སྭཱ་ཧཱ། ཨོཾ་ནེ་སནྣ་ཏཱ་རི་ཧཱུཾ་ཧྲཱིཾ་སྭཱ་ཧཱ། ཨོཾ་དཱི་པ་ཏཱ་རི་ཧཱུཾ་ཧྲཱིཾ་སྭཱ་ཧཱ། ཨོཾ་ཀརྞ་ཏཱ་རི་ཧཱུཾ་ཧྲཱིཾ་སྭཱ་ཧཱ། ཨོཾ་མ་ཎི་ཏཱ་རི་ཧཱུཾ་ཧྲཱིཾ་སྭཱ་ཧཱ། ཨོཾ་ཛ་ཡ་ཏཱ་རི་ཧཱུཾ་ཧྲཱིཾ་སྭཱ་ཧཱ། ཨོཾ་གཽ་རཱི་ཏཱ་རི་ཧཱུཾ་ཧྲཱིཾ་སྭཱ་ཧཱ། ཨོཾ་ཝཱི་ར་ཏཱ་རི་ཧཱུཾ་ཧྲཱིཾ་སྭཱ་ཧཱ། ཤར་ཕྱོགས་ཀྱི་སྒོར་ནི་རྡོ་རྗེ་རོ་ལངས་མ། །མཆེ་བ་ [244b.4]རྣམ་པར་གཙིགས་པ། ཞལ་རྣམ་པར་འགྱུར་བ། འཇིགས་སུ་རུང་པའི་ཆ་བྱད་ཅན། །ཕྱག་བཞི་པ་ལ། མདའ་དང་གཞུ་དང་རྡོ་རྗེ་ལྕགས་ཀྱུ་དང་ཞགས་པ་པི་ཝང་བསྣམས་པ། མི་བསྐྱོད་པའི་ཅོད་པན་ཅན། ལྷོའི་སྒོར་ནི་རྡོ་རྗེ་དྲི་འཛིན་མ། །ཞལ་རྣམ་པར་གཙིགས་པ། དབུ་སྐྲ་ [244b.5]འཁྱིལ་བ། གསུས་པ་འཕྱང་བ། ཕྱག་བཞི་པ། རྡོ་རྗེ་དང་དྲིལ་བུ་དང་ལྕགས་ཀྱུ་དང་ཞགས་པ་བསྣམས་པ། རིན་ཆེན་འབྱུང་ལྡན་གྱི་ཅོད་པན་ཅན་ནོ། །ནུབ་ཀྱི་སྒོ་རུ་གཞན་གྱིས་མི་ཐུབ་པ། དབུ་སྐྲ་གྱེན་དུ་བརྫེས་པ། གསུས་པ་འཕྱང་བ། ཕྱག་བཞི་པ། སྡིགས་མཛུབ་དང་། ལྕགས་ཀྱུ་ [244b.6]དང་། ཞགས་པ་བསྣམས་པ། སྣང་བ་མཐའ་ཡས་ཀྱི་དབུ་རྒྱན་ཅན། བྱང་གི་སྒོར་ནི་རལ་པ་གཅིག་མ། དབུ་སྐྲ་གྱེན་དུ་བརྫིས་པ། གསུས་པ་འཕྱང་བ། ཕྱག་བཞི་པ། ཐོ་བ་དང་། རྡོ་རྗེ་དང་། དགྲ་སྟ་དང་། ཞགས་པ་བསྣམས་པ། དོན་ཡོད་གྲུབ་པའི་དབུ་རྒྱན་ཅན། གཡས་བརྐྱང་ [244b.7]གཡོན་བསྐུམ་གྱིས་གནས་པས་བཞུགས་པ། སྒོ་མ་བཞི་པོ་རྣམས་སྐུ་མདོག་དམར་བ་པདྨའི་གདན་ལ་བཞུགས་པའོ། །འདི་རྣམས་ཀྱི་སྔགས་ནི། ཨོཾ་བཛྲ་ཝ་ཏི་ལི་ཧཱུཾ་ཕཊ། ཨོཾ་བཛྲ་གྷནྡྷ་རི་ཧཱུཾ་ཕཊ། ཨོཾ་བཛྲ་ཨ་པ་རཱི་ཛི་ཏ་ཧཱུཾ་ཕཊ། ཨོཾ་བཛྲ་ཨེ་ཀ་ཛ་ཊཱ་ཧཱུཾ་ཕཊ། ཨོཾ་ཨཱརྱཱ་བ་ལོ་ཀི་ཏེ་ཤྭ་རཱ་ཡ་བོ་དྷི་ས་ཏྭཱ་ [245a] [245a.1]ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏ་དྱ་ཐཱ། ཨོཾ་ཨཱ་གཙྪ་ཨཱ་གཙྪ། བྷ་ག་ཝ་ཏི་ཏཱ་རི་ཨཱརྱཱ་བ་ལི་ཀི་ཏེ་ཤྭ་ར་ས་ཏྱེ་ན་སྭཱ་ཧཱ། གུ་གུལ་གྱི་སྤོས་ལ་ལན་བདུན་ཡོངས་སུ་བཟླས་ནས་སྤྱན་དྲང་བར་བྱའོ། །ན་མཿ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། ཏ་དྱ་ཐཱ། ཨོཾ་སོ་རི་སོ་ར་བ་ཏེ་ཧེ་ར་ཧེ་ར་ [245a.2]སྭཱ་ཧཱ། ཨརྒྷའི་སྔགས་སོ། །ན་མཿ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། ཏ་དྱ་ཐཱ། ཨོཾ་ཏ་རི་ཏ་རི་བ་ཏི་སརྦ་ཙ་ཏུརྠ་སཱ་དྷ་ནེ་ཏ་ཥྛ་ཏིཥྛ། ཡད་ཀརྱཱཾ་སིདྡྷི་མེ་ཀུ་རུ་སྭཱ་ཧཱ། མེ་ཏོག་གི་སྔགས་སོ། །ན་མཿ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། ཏདྱ་ཐཱ། མེ་གྷ་མེ་གྷ་སྭཱ་རི་དོ་ག་སྭཱ་ཀུ་རུ་ཀུ་རུ་བྷ་ར་བྷ་ར་སྭཱ་ཧཱ། བདུག་སྤོས་ཀྱི་སྔགས་སོ། ། [245a.3]ན་མཿ་ཨཱརྱཱ་པ་ལི་ཀི་ཏེ་ཤྭ་རཱ་ཡ། ཏ་དྱ་ཐཱ། ཨོཾ་བོཀྐ་བོཀྐ་བྷ་མ་ནེ་ཛྭཱ་ལ་ཛཱ་ལ་དཱི་པ་སྭཱ་ཧཱ། མར་མེའི་སྔགས་སོ། །ན་མཿ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། ཏ་དྱ་ཐཱ། ཨོཾ་ཧ་ར་ཧ་ར་ཧོ་རུ་ཧོ་རུ་གནྡྷ་བ་ས་ནི་སྭཱ་ཧཱ། དྲིའི་སྔགས་སོ། །ན་མཿ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། ཏ་དྱ་ཐཱ། ཨོཾ་སྭ་བྷཱ་བ་དི་ཧ་དི་ཧ་ཀུ་རུ་ཀུ་རུ་དེ་ཤཾ་བ་ལིཾ་ཧཱུཾ་ཕཊ་སྭཱ་ཧཱ། [245a.4]གཏོར་མའི་སྔགས་སོ། །ན་མཿ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། ཏ་དྱ་ཐཱ། ཧེ་རེ་ཧེ་རེ་ཧ་ར་ཧ་ར་སརྦ་ས་ཏྭ་ཀཱ་རུ་ཎི་ཤཱི་གྷྲཾ་ཨཱ་གཙྪ་དེ་བ་ཏཱ་བྷ་ག་ཝཱན་ཨཱརྱཱ་བ་ལོ་ཀེ་ཏེ་ཤྭ་ར་ས་མ་ཡ་མ་ནུ་སྨ་ར་ན་སྭཱ་ཧཱ། མེ་ཏོག་གི་ཐལ་མོ་སྦྱར་ལ་གཏོར་མར་གཞུག་པར་བྱའོ། །གཤེགས་སུ་གསོལ་བའི་སྔགས་ནི། ཨོཾ་པྲ་ [245a.5]སནྣ་ནེ་སྤན་པྲ་ཏི་པྲ་ཀ་ར་ན་མ་ནེ་ཛ་ཡ་གུ་རེ་ས་ཝི་རེ་ཏ་ར་ཝེ་ཏ་ལེ་གནྡྷ་རེ་ས་བཛྲ་ཧ་སྟ། ཨ་པ་རཱ་ཛི་ཏ་ཨེ་ཀ་ཛཱ་ཊཾ་ན་མ་མིཿ་ཨོཾ་ཏ་ར་ཏ་ར་ཎེ་ཧཱུཾ་ཧ་ར་ཧ་ར་སྭཱ་ཧཱ། ཁྱུ་མཆོག་གི་རྭའི་འཇིམ་པ་ལ་ལག་པ་གཡོན་པ་ཉིད་ཀྱིས་ལན་ཉི་ཤུ་རྩ་གཅིག་ཡོངས་སུ་བཟླས་ནས་བཏབ་ན་དབང་དུ་བྱེད་པར་འགྱུར་རོ། ། [245a.6]བཅོམ་ལྡན་འདས་མ་ཀུ་རུ་ཀུལླེའི་སྒྲུབ་པའི་རྫོགས་སོ།། །།པཎྜི་ཏ་བིམ་པ་དང་། ལོ་ཙཱ་བ་གཞོན་ནུ་འོད་ཀྱིས་བསྒྱུར་བ།། {T1319}༄༅༅། །རྒྱ་གར་སྐད་དུ། ཀུ་རུ་ཀུལླེ་སཱ་དྷ་ནཾ། བོད་སྐད་དུ། མྱུར་མཛད་མའི་སྒྲུབ་ཐབས། ལྷ་མོ་ཀུ་རུ་ཀུལླེ་ལ་ཕྱག་འཚལ་ལོ། །དེ་ཞིག་བསྒོམ་པར་བྱ་ [245a.7]བའི་གནས་ས་ཕྱོགས་དབེན་ཞིང་སེམས་ཉམས་དགའ་བར་དྲི་རྣམ་པ་ལྔས་བྱུགས་ཏེ། སྟན་འཇམ་ཞིང་རྒྱ་ཆེ་བ་ལ་བརྟུལ་ཞུགས་ཅན་གྱིས་མཉམ་པར་གཞག་པར་བྱའོ། །དེ་ནས་སྙིང་གར་ཡི་གེ་རཾ་ལས་ཡོངས་སུ་གྱུར་པའི་ཉི་མའི་དཀྱིལ་འཁོར་འབར་བའི་ཕྲེང་བས་འཁྲིགས་པ་རྣམ་པར་ [245b] [245b.1]བསྒོམ་སྟེ། དེའི་ལྟེ་བ་ལ་ཡི་གེ་ཧྲཱིཿ་དམར་པོ་རྣམ་པར་བསམ་མོ། །ཡི་གེ་ཧྲཱིཿ་དེ་ལས་འོད་ཟེར་གྱི་དྲ་བ་བྱུང་བས་ཕྱོགས་བཅུ་ན་གནས་པའི་སེམས་ཅན་གྱི་ཁམས་ལ་ཕོག་སྟེ། དཔལ་ཀུ་རུ་ཀུལླེའི་གཟུགས་སུ་མངོན་པར་བྱས་ནས། འོད་ཟེར་གྱི་ཕྲེང་བ་དེ་དག་ཀྱང་ཡང་འདུས་ཏེ། དེ་ཉིད་དུ་ཞུགས་པར་ [245b.2]བསྒོམ་པར་བྱའོ། །དེ་ནས་མདུན་གྱི་ནམ་མཁའ་ལ་ལྷ་མོ་ཀུ་རུ་ཀུལླེ་མ་ལོ་བཅུ་དྲུག་པ་ལྟ་བུ་འབར་བའི་དབུ་སྐྲ་ཁམ་པ་གྱེན་དུ་བརྗེས་པ། ཐོད་པ་ལྔས་དབུ་ལ་བརྒྱན་པ། རོའི་སྟེང་དུ་སྐྱིལ་མོ་ཀྲུང་ཕྱེད་མར་གར་ཀྱི་སྟབས་སུ་བཞུགས་པ། མཆེ་བ་ཅུང་ཟད་གཙིགས་ཤིང་ལྕེ་ལྕིབ་པར་མཛད་པ། འཁོར་ [245b.3]ལོ་དང་། སྙན་ཆ་དང་། མགུལ་ཆུ་དང་། དཔུང་རྒྱན་དང་། ཕྱག་གདུབ་དང་། སྐ་རགས་དང་། ཞབས་གདུབ་ཀྱིས་བརྒྱན་པ། སྟག་གི་ཤམ་ཐབས་ཅན་སྤྱན་དམར་པོ་གཡོ་ཞིང་འདྲིལ་བ། མཐའ་ཡས་མགོན་གྱིས་དབུ་ལ་བརྒྱན་པ། ཕྱག་བཞི་ལ་གཉིས་ཀྱིས་ཨུཏྤལ་དམར་པོ་ཁ་མ་བྱེ་བའི་ [245b.4]མདེའུ་དང་ལྡན་པའི་མདའ་དང་། མེ་ཏོག་དམར་པོའི་གཞུའི་མདའ་གཞུ་འགེངས་པ། ལྷག་མའི་ཕྱག་གཉིས་ན་མེ་ཏོག་དམར་པོའི་ལྕགས་ཁྱུ་དང་ཨུཏྤལ་བསྣམས་པ་རྣམ་པར་བསམ་པར་བྱའོ། །དེ་ནས་བཅོམ་ལྡན་འདས་ཀུ་རུ་ཀུལླེ་མ་ལ་མཆོད་པ་བྱ་བའི་ཕྱིར། རང་གི་སྙིང་གར་ཉི་མའི་དཀྱིལ་འཁོར་ལ་ [245b.5]གནས་པའི་ཡི་གེ་ཧྲཱིཿ་ལས་བྱུང་བའི་མཆོད་པའི་མེ་ཏོག་དང་བདུག་སྤོས་དང་མར་མེ་དང་དྲི་དང་ལྷ་བཤོས་རྣམ་པ་ལྔས་མཆོད་པར་བྱའོ། །འདི་ནི་མཆོད་པའོ། །མཆོད་པ་བྱས་ནས་དམ་པའི་སྙིང་རྗེ་དང་ལན་པའི་རྣལ་འབྱོར་པས། ལུས་ངག་ཡིད་གསུམ་གྱིས་གུས་པས་བཏུད་དེ་ཕྱག་བྱའོ། །འདི་ནི་ཕྱག་བཙལ་ [245b.6]བའོ། །ཕྱག་བཙལ་ནས་སྡིག་པ་བཤགས་པར་བྱ་སྟེ། སྡིག་པ་གང་བགྱིས་བགྱིད་དུ་སྩལ་བ་དང་། བགྱིད་པ་ལ་རྗེས་སུ་ཡི་རང་བ་ལ་སོགས་པ་དེ་དག་བཅོམ་ལྡན་འདས་མའི་སྤྱན་སྔར་མངོན་སུམ་དུ་བཤགས་པར་བགྱིའོ། །འདི་ནི་སྡིག་པ་བཤགས་པའོ། །དེ་ནས་བསོད་ནམས་ལ་རྗེས་སུ་ཡི་རང་བར་བྱ་སྟེ། བརྟུལ་ [245b.7]ཞུགས་ཅན་གྱིས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་བསོད་ནམས་གང་ལགས་པ་དེ་དག་ལ་བདག་རྗེས་སུ་ཡི་རང་ངོ་། །དེ་ནི་བསོད་ནམས་ལ་རྗེས་སུ་ཡི་རང་བའོ། །དེ་ནས་དཀོན་མཆོག་གསུམ་ལ་སྐྱབས་སུ་འགྲོ་སྟེ། སངས་རྒྱས་དཀོན་མཆོག་དང་། ཆོས་དཀོན་མཆོག་དང་། དགེ་འདུན་དཀོན་ [246a] [246a.1]མཆོག་རྣམས་ལ་གང་དུ་འཁོར་བ་ནས་འཁོར་བའི་ཚེ་བདག་སྐྱབས་སུ་མཆི་བར་བགྱིའོ། །འདི་ནི་དཀོན་མཆོག་གསུམ་ལ་སྐྱབས་སུ་འགྲོ་བའོ། །དེ་ནས་བྱང་ཆུབ་ཏུ་སེམས་བསྐྱེད་པར་བྱ་སྟེ། གང་དག་སྲིད་པའི་འཁོར་བ་ན་གནས་པའི་སེམས་ཅན་རྣམས་དྲང་པར་བྱ་བ་དེའི་ཕྱིར། བདག་གི་གཙོ་ [246a.2]བོ་ཐུགས་རྡོ་རྗེ་བྱའོ། །ཞེས་བྱ་བ་ནི་བྱང་ཆུབ་ཏུ་སེམས་བསྐྱེད་པའོ། །དེ་ནས་ཚངས་པའི་གནས་བཞི་བསྒོམ་པར་བྱ་སྟེ། སེམས་ཅན་ཐམས་ཅད་ལ་བུ་གཅིག་བ་ལྟར་གདུང་བར་སེམས་པ་གང་ཡིན་པའི་སེམས་སུ་བསྒོམ་པ་འདི་ནི་བཏང་སྙོམས་བསྒོམ་པའོ། །དེ་ནས་དེ་རྣམས་ཐམས་ཅད་རང་བཞིན་གྱིས་མི་ [246a.3]དམིགས་ཤིང་ལུས་དང་བྲལ་བར་བྱེད་པ་འདི་ནི་སྟོང་པ་ཉིད་སྒོམ་པའོ། །དེ་ནས་སེམས་ཙམ་དུ་ནི་བྱིན་གྱིས་བརླབ་པའི་གསང་སྔགས་ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྲ་བྷཱ་ཝ་ཨཱ་ཏྨ་ཀོཉཾ་ཞེས་བྱ་བ་འདིས་སེམས་བྱིན་གྱིས་བརླབ་པའོ། །དེ་ནས་སྔོན་གྱི་སྨོན་ལམ་གྱི་སྟོབས་ཀྱིས་སེམས་ཅན་གྱི་དོན་ལ་བློ་ཡིས་གཟིགས་ནས་ [246a.4]སྔགས་པ་ལྷའི་སྐུར་བསྐྱེད་དེ། གསང་སྔགས་སྦས་པའི་རིམ་པ་འདི་ནི་ལྷའི་སྐུ་ཞེས་བྱའོ། །དེ་ནས་ནམ་མཁའི་ངོས་སུ་ཡི་གེ་རཾ་ལས་ཉི་མའི་དཀྱིལ་འཁོར་འོད་ཟེར་དྲ་བའི་ཕྲེང་བས་འཁྲིགས་པ་བསྒོམ་པར་བྱའོ། །འདི་ནི་ཉི་མ་ཤར་བའོ། །དེའི་སྟེང་དུ་ཡི་གེ་ཧཱུཾ་ཁ་དོག་ནག་པོ་ཡོངས་སུ་གྱུར་པ་ལས། སྣ་ [246a.5]ཚོགས་རྡོ་རྗེ་ལས་རྡོ་རྗེ་ར་བ་དང་། རྡོ་རྗེ་གུར་དང་། རྡོ་རྗེ་བཅིང་བ་དང་། ས་གཞི་རྡོ་རྗེ་ར་རྣམ་པར་བསམ་པར་བྱའོ། །འདི་ནི་བསྲུང་བའི་འཁོར་ལོའོ། །དེའི་དབུས་སུ་ཆོས་ཀྱི་འབྱུང་གནས་ཀྱི་ཡེ་ཤེས་ཡི་གེ་ཨེ་ལྟ་བུ་ཁ་དོག་དཀར་པོ་བསྒོམ་པར་བྱའོ། །དེའི་དབུས་སུ་ཡི་གེ་ཧྲཱིཿ་དམར་པོ་ལས་བྱུང་བའི་པདྨ་ [246a.6]དམར་པོ་འདབ་བརྒྱད་པ། དེའི་སྙིང་པོའི་སྟེང་དུ་ཡི་གེ་རཾ་ལས་ཡོངས་སུ་གྱུར་པའི་ཉི་མ་དང་རོའོ། །གཞན་ཡང་དེ་དག་གི་སྟེང་དུ་མཚན་སུམ་ཅུ་རྩ་གཉིས་དང་ལྡན་པའི་ཟླ་བ་ཉ་གང་ཞིང་ཡོངས་སུ་རྫོགས་པ་དཀར་པོའོ། །དེའི་སྟེང་དུ་ཉི་མའི་དཀྱིལ་འཁོར་དཔེ་བྱད་བཟང་པོ་བརྒྱད་ཅུའི་ངོ་བོ་ཁ་དོག་དམར་ [246a.7]པོའོ། །དེ་དག་གི་བར་དུ་ཡི་གེ་ཧྲཱིཿ་ཁ་དོག་དམར་པོ་ཡོངས་སུ་གྱུར་པའི་ཨུཏྤལ་དམར་པོ་ཁ་མ་འབུས་པའི་ནང་དུ་རང་གི་སེམས་ཉིད་ཞུགས་པར་བསྒོམ་པར་བྱའོ། །དེ་ནས་ཟླ་བ་དང་དབྱངས་དང་ཉི་མ་རྣམས་གཅིག་ཏུ་ཞུ་བའི་བདག་ཉིད་ལས་སྔོན་དུ་བརྗོད་པ་ལྟ་བུའི་ལྷ་མོ་ཀུ་རུ་ཀུལླེའི་སྐུ་བསྒོམ་པར་ [246b] [246b.1]བྱའོ། །རྣམ་པར་བསྒོམས་ནས། སྙིང་གར་ཡི་གེ་རཾ་ལས་ཉི་མའི་དཀྱིལ་འཁོར་དེའི་ལྟེ་བར་ཧྲཱིཿ་ཡང་བསྒོམ་པར་བྱའོ། །དེའི་འོད་ཟེར་རྣམས་ཀྱིས་མགོན་པོ་མཐའ་ཡས་བཀུག་སྟེ། སྤྱན་དྲངས་ནས་མཆོད་པ་འཛིན་པ་རྣམས་ཀྱིས་ཡང་དག་པར་མཆོད་དེ། དབང་བསྐུར་བར་གསོལ་བ་གདབ་པོ། ། [246b.2]གསོལ་བ་གདབ་པ་ནི་ཨ་བྷི་ཥིཉྩ་ཏུ་མཱཾ་ཨ་མྲྀ་ཏ་ནཱ་ཐ་ཞེས་བྱ་བ་དེས་མཐའ་ཡས་ཀྱི་ས་བོན་གྱི་བདུད་རྩི་ལྔས་ཡོངས་སུ་གང་བའི་བུམ་པ་ཐུགས་ཀ་ནས་འཕྲོ་བར་བསྒོམས་ཏེ། དེ་ནས་བདུད་རྩི་ལྔས་གང་བའི་བུམ་པས་དབང་བསྐུར་ཞིང་བླུགས་པས་བདག་གི་སྙིང་གར་བུམ་པ་རྣམས་ཞུགས་ཏེ། ཞུགས་ [246b.3]པའི་རྣལ་འབྱོར་པའི་སྤྱི་བོར་མཐའ་ཡས་བསྒོམ་མོ། །དུས་གསུམ་དུ་འདི་བསྒོམ་ཞིང་ལྷ་མོའི་གསང་སྔགས་བ་ཟླས་བརྗོད་བྱའོ། །དེ་ལ་གསང་སྔགས་ནི་ཨོཾ་ཀུ་རུ་ཀུལླེ་ཧྲཱིཿ་སྭཱ་ཧཱ། ལྷག་པར་ཡང་ཙནྡན་དམར་པོའི་ཕྲེང་བས་བཟླས་བརྗོད་བྱའོ། །ཁ་ཟས་རྣམས་ཡེ་ཤེས་རྣམ་པ་ལྔའི་བདུད་རྩིས་ནན་ཏན་ [246b.4]གྱིས་སྦྱོང་སྟེ། ཨོཾ་ཨཱཿ་ཧཱུཾ་དེ་ཉིད་གསུམ་པ་འདིས་ཁ་ཟས་དང་ཞལ་བྱིན་གྱིས་བརླབས་ན་འདིས་ཞལ་གྱི་གསང་སྔགས་འགྲུབ་པོ། །དེ་ནས་སྔགས་པས་སྐྱེས་པའམ་བུད་མེད་དབང་དུ་བྱ་བར་འདོད་ན། ཡར་གྱི་ངོའི་ཚེས་གཅིག་ནས་བརྩམས་ཏེ་བཟླས་བརྗོད་ཁྲི་བྱ་སྟེ། དུས་གསུམ་དུ་བཅོམ་ [246b.5]ལྡན་འདས་མའི་སྐུར་དམིགས་ཏེ། སྨད་དཀྲིས་རས་དམར་པོ་དང་། ལུས་ལ་རས་དམར་པོ་གྱོན་ནས་རང་གི་སྙིང་གར་ཉི་མའི་དཀྱིལ་འཁོར་ལ་གནས་པའི་ཡི་གེ་ཧྲཱིཿ་དམར་པོ་ཡོངས་སུ་གྱུར་པ་ལས་པདྨ་དམར་པོ་འདབ་མ་བརྒྱད་པ་རྩ་བ་འདམ་ནས་སྐྱེས་པ་བསམ་པར་བྱའོ། །འདབ་མ་དེ་ [246b.6]རྣམས་ལ་དབྱངས་ཀྱི་ཡི་གེ་དང་པོ་བརྒྱད་ལས་ཡོངས་སུ་གྱུར་པའི་བུང་བ་བརྒྱད་ཁྲོ་ཞིང་རྒྱས་པ་དགའ་ཞིང་ཆགས་པར་རིམ་པ་བཞིན་བསམས་ནས་དབུགས་ཀྱིས་བསྐྱོད་དེ། སྣ་བུག་ནས་བྱུང་ནས་བསྒྲུབ་བྱའི་སྣ་བུག་གཡས་པར་ཞུགས་ནས་སྒྲ་སྒྲོགས་ཤིང་གར་བྱས་ཏེ་གདུངས་ཤིང་པདྨའི་ [246b.7]འདབ་མ་ལ་ཡང་དབྱངས་ཡིག་དང་པོ་བརྒྱད་ཁ་དོག་ཅུང་ཟད་དམར་བ་དང་ལྡན་པ་རྣམ་པར་བལྟ་བར་བྱའོ། །དེ་ལྟར་བལྟས་ནས་དེ་ནས་རྣལ་འབྱོར་པས་ཨུཏྤལ་ཁ་མ་འབུས་པའི་མདེའུ་དང་ལྡན་པའི་མདའ་ལྟ་སྟངས་དང་བཅས་པའི་ཁུ་ཚུར་གྱིས་རྫོགས་པར་བཀང་སྟེ། པདྨའི་ཟེ་བ་ལ་ [247a] [247a.1]བརྡེག་གོ། །དེས་བུང་བ་དེ་རྣམས་རང་གི་དམ་ཚིག་གིས་བསྐུལ་ནས། དབྱངས་ཡིག་རེ་རེ་ཁྱེར་ཏེ་སྣ་བུག་གཡོན་པ་ནས་བྱུང་ནས་རྣལ་འབྱོར་པའི་སྣ་བུག་གཡས་པར་ཞུགས་ཏེ། སྙིང་གར་རང་དང་གཞན་གྱི་རྣམ་པར་ཤེས་པ་གཅིག་ཏུ་གྱུར་པར་བྱའོ། །དེ་ནས་ཨུཏྤལའི་རྩ་བས་མགྲིན་པ་ནས་ [247a.2]བཅིངས་ཏེ། ལྕགས་ཀྱུས་མངལ་ནས་བཟུང་ནས་དྲངས་པས་མི་བཟོད་པར་བསམས་ཏེ། འབར་བས་དབང་དུ་བསྡུ་ཞིང་རླུང་གི་འཁོར་ལོ་ལ་བཞག་སྟེ། རྣལ་འབྱོར་པ་དགའ་བའི་སེམས་ཀྱིས་གསང་སྔགས་བཟླས་བརྗོད་བྱ་ཞིང་འདི་ལྟར་རྣམ་པར་བསྒོམ་པར་བྱའོ། །གསང་སྔགས་ནི་ཨོཾ་ཀུ་རུ་ཀུལླེ་ [247a.3]ཧྲཱིཿ་ཆེ་གེ་མོ་མེ་བ་སཱ་མཱ་ན་ཡ་སྭཱ་ཧཱ། འདི་ལྟར་ཟླ་བ་ཉ་བའི་བར་དུ་མཚན་མོ་ཀུན་དུ་བཟླས་བརྗོད་བྱའོ། །དེ་ནས་ནང་པར་དེ་འོང་བར་འགྱུར་ཏེ། ཆགས་པ་དང་བཅས་ཤིང་གཅེར་བུ་སྐྲ་བཤིག་པར་འགྱུར་རོ། །གསང་སྔགས་ཀྱི་རྒྱལ་པོ་འདིས་བསྐུལ་བས་ཤིན་ཏུ་རྒྱས་པའི་དངོས་གྲུབ་ཀྱང་ཐོབ་ [247a.4]པར་འགྱུར་རོ། །ཨུ་རྒྱན་གྱི་ཡུལ་ནས་བྱུང་བའི་ལྷ་མོ་ཀུ་རུ་ཀུལླེའི་སྒྲུབ་ཐབས་རྫོགས་སོ།། །།རྒྱ་གར་གྱི་མཁན་པོ་ཡུལ་མ་ག་དྷཱར་སྐྱེས་པ་དཔལ་བྱང་ཆུབ་ཆེན་པོར་རབ་ཏུ་བྱུང་བའི་གནས་བརྟན་མཉྫུ་ཤྲཱི་ཛྙཱ་ན་དང་། བོད་ཀྱི་ལོ་ཙཱ་བ་རོང་ཟོམ་ཆོས་ཀྱི་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་ [247a.5]པའོ།། {T1320}༄༅༅། །རྒྱ་གར་སྐད་དུ། ཏྲ་ཡོད་ཤ་ཨཱཏྨ་ཀུ་རུ་ཀུལླེ་སཱ་དྷ་ནཾ། བོད་སྐད་དུ། མྱུར་མཛད་མའི་སྒྲུབ་ཐབས་བཅུ་གསུམ་པའི་བདག་ཉིད། ལྷ་མོ་ཀུ་རུ་ཀུལླེ་ལ་ཕྱག་འཚལ་ལོ། །ཀུ་རུ་ཀུལླེའི་རྟོག་པ་བཤད་པར་བྱ་སྟེ། རེ་ཞིག་དང་པོར་སྔོན་དུ་བསྙེན་པ་འབུམ་བཟླས་བརྗོད་བྱས་ན། དེ་ [247a.6]ནས་དངོས་གྲུབ་ཏུ་འགྱུར་རོ། །བྲིས་སྐུའི་ཆོ་ག་རབ་ཏུ་བསྟན་པར་བྱ་སྟེ། གྲུ་བཞི་པ་སྒོ་བཞི་པ་ཏྭ་ར་ན་བཞིས་བརྒྱན་པ། དེའི་དབུས་སུ་ཀུ་རུ་ཀུལླེ་དྲི་བར་བྱ་སྟེ། སྐུ་མདོག་དམར་པོ་ཕྱག་བརྒྱད་པ། དང་པོའི་ཕྱག་གཉིས་ཀྱིས་ཁམས་གསུམ་རྣམ་པར་རྒྱལ་བའི་ཕྱག་རྒྱ་བཅིངས་པ། གཡས་ [247a.7]ཀྱི་ཕྱག་ན་ལྕགས་ཀྱུ་དང་། མདའ་འགེངས་པ་དང་། མཆོག་སྦྱིན་མཛད་པ་དང་། གཡོན་པའི་ཕྱག་ན་ཞགས་པ་དང་། གཞུ་དང་། ཨུཏྤལ་བསྣམས་པ་བྲི། ཤར་དུ་ཞུ་བའི་སྒྲོལ་མ་བྲི། ལྷོར་གྲུབ་པའི་སྒྲོལ་མ་བྲི། བྱང་དུ་སྙན་སྒྲོལ་མ་བྲི། མེའི་ཕྱོགས་སུ་གཞན་གྱིས་མི་ཐུབ་པའི་སྒྲོལ་ [247b] [247b.1]མ། སྲིན་པོའི་ཕྱོགས་སུ་རབ་ཏུ་སྣང་བའི་སྒྲོལ་མ། རླུང་གི་ཕྱོགས་སུ་དཔའ་བོའི་སྒྲོལ་མ། དབང་ལྡན་གྱི་ཕྱོགས་སུ་སྐུལ་བྱེད་མ་བྲིའོ། །ལྷ་མོ་འདི་རྣམས་ནི་སྐུ་མདོག་དམར་པོ། དེ་བཞིན་གཤེགས་པ་ལྔས་དབུ་བརྒྱན་པ། རྒྱན་ཐམས་ཅད་ཀྱིས་བརྒྱན་པ་ཕྱག་བཞི་པ། གཡས་པའི་ཕྱག་མཆོག་ [247b.2]སྦྱིན་པ་དང་མདའ་འགེངས་པ། གཡོན་པའི་ཕྱག་ན་ཨུཏྤལ་དང་གཞུ་འཛིན་པའོ། །ཤར་ཕྱོགས་ཀྱི་སྒོར་རྡོ་རྗེ་རོ་ལངས་མ་གསུས་ཁྱིམ་ཆེ་བ་འཇིགས་པའི་ཞལ་ལྕེ་འཇིབ་པ། མི་བསྐྱོད་པས་དབུ་བརྒྱན་པ། ཕྱག་གཡས་ན་སྡིགས་མཛུབ་དང་ལྕགས་ཀྱུ་དང་། གཡོན་ན་རྡོ་རྗེ་དྲིལ་བུ་དང་ཐོད་པ་བསྣམས་ [247b.3]པ། ཞབས་གཡས་བརྐྱང་བར་བྲིའོ། །ལྷོ་ཕྱོགས་ཀྱི་སྒོར་རྡོ་རྗེ་ཕག་མོ་གསུས་ཁྱིམ་ཆེ་བ། སྐྲ་གྱེན་དུ་བརྫེས་པའི་འཇིགས་པའི་ཞལ་ལྕེ་འཇིབ་པ། སྐུ་མདོག་དམར་པོ་རིན་ཆེན་འབྱུང་ལྡན་གྱིས་དབུ་བརྒྱན་པ། ཕྱག་གཡས་ན་རྡོ་རྗེ་དང་ལྕགས་ཀྱུ། གཡོན་དྲིལ་བུ་དང་ཞགས་པ། ཞབས་གཡས་ [247b.4]བརྐྱང་བའོ། །ནུབ་ཕྱོགས་ཀྱི་སྒོར་རལ་གཅིག་མ་སྐྲ་ཐོར་ཚུགས་སུ་བཅིངས་པ། གསུམ་ཁྱིམ་ཆེ་བ། མ་མཆུ་ཚེམས་ཀྱིས་མནན་པ། སྣང་བ་མཐའ་ཡས་ཀྱིས་དབུ་བརྒྱན་པ། ཕྱག་གཡས་ན་རྡོ་རྗེ་དང་ལྕགས་ཀྱུ། གཡོན་ན་རྡོ་རྗེ་དང་དྲིལ་བུ་དང་ཞགས་པ་བསྣམས་པ། ཞབས་གཡས་བརྐྱང་ [247b.5]བ་བྲིའོ། །བྱང་ཕྱོགས་ཀྱི་སྒོར་རྡོ་རྗེ་དབྱངས་ལེན་མ། དོན་ཡོད་གྲུབ་པས་དབུ་བརྒྱན་པ། ཞལ་འཇིགས་པ་གསུས་ཁྱིམ་ཆེ་བ། ཕྱག་གཡས་ན་རལ་གྲི་དང་ལྕགས་ཀྱུ། གཡོན་ན་རྡོ་རྗེ་དྲིལ་བུ་དང་ཞགས་པ་ཞབས་གཡས་བརྐྱང་བའི་བདག་ཉིད་སྐུ་བྲི་བར་བྱའོ། །རིམ་པ་ཇི་ལྟ་བ་བཞིན་དུ་རབ་ཏུ་གནས་པར་ [247b.6]བྱའོ། །འདི་རྣམས་བསྒོམ་པའི་རིམ་པ་ནི་བཅོམ་ལྡན་འདས་མའི་སྐུ་དེ་བཞིན་དུ་རབ་ཏུ་བསྟན་ཏེ། དེ་ལ་ཉི་མའི་དཀྱིལ་འཁོར་ལ་གནས་པའི་ཡི་གེ་ཧྲཱིཿ་དམར་པོ་ལས་ཡོངས་སུ་གྲུབ་པར་གྱུར་པའོ། །ཁ་དོག་དམར་པོ་མོས་པར་གྱུར་པའི་རྐང་པའི་དྲུང་དུ་འདུག་པར་དམིགས་པར་བྱ་སྟེ། བདག་གི་ [247b.7]འོད་ཟེར་རྣམས་ཀྱིས་འཇིག་རྟེན་གསུམ་གང་བར་བྱ་སྟེ། ཡི་གེ་ཡཾ་སྔོན་པོ་ལས་ཡོངས་སུ་གྱུར་པའི་རླུང་གི་དཀྱིལ་འཁོར་གཞུ་ལྟ་བུ་རྒྱལ་མཚན་གྱིས་བརྒྱན་པ་དེའི་སྟེང་དུ་བསྒྲུབ་བྱ་བཞག་ན་དབང་དུ་བྱེད་དོ། །འཇིག་རྟེན་གསུམ་ཡང་དབང་དུ་འགྱུར་རོ། །འཇིག་རྟེན་གསུམ་ལས་རྣམ་པར་ [248a] [248a.1]རྒྱལ་བའི་ཕྱག་རྒྱར་གྱུར་པ་ནི། ལག་མཐིལ་གཉིས་རྒྱབ་སྦྱར་ཏེ། སྲིན་ལག་གཉིས་མདུད་པ་བཅིང་། མཐེའུ་ཆུང་དང་གུང་མོ་དང་། མཐེ་བོང་རྩེ་སྤྲད། མཛུབ་མོ་ལྕགས་ཀྱུ་ལྟར་བྱས་པ་འདི་དཔྲལ་བའི་གནས་སུ་གཞག་པ་ནི་འཇིག་རྟེན་གསུམ་ལས་རྒྱལ་བའི་ཕྱག་ [248a.2]རྒྱའོ། །འདི་ལྟར་བསྒོམ་པའི་དུས་སུ་གསང་སྔགས་བཟླས་པ་ནི། ཨོཾ་ཀུ་རུ་ཀུལླེ་ཧཱུཾ་ཧྲཱིཿ་སྭཱ་ཧཱ། ཁྲིར་བཟླས་བརྗོད་བྱས་ན་འགྲོ་བ་ཐམས་ཅད་དབང་དུ་འགྱུར་རོ། །ཁྲག་ཁྲིག་གིས་སྔགས་པའོ། །འབུམ་གྱིས་རྒྱལ་པོ་དབང་དུ་འགྱུར་རོ། །མེ་ཏོག་ཨུཏྤལ་དང་ཤིང་ཨརྐས་སྦྱིན་སྲེག་བྱས་ན་ [248a.3]འདོད་པའི་དོན་འཐོབ་པོ། །བྷེ་ཏའི་མེ་སྦར་ལ། མ་དུ་བ་དང་འབྲས་ཀྱི་ལག་པན་གྱིས་ལན་བརྒྱ་སྟོང་དུ་སྦྱིན་སྲེག་བྱས་ན། རྒྱལ་པོའི་བློན་པོ་ཡང་དབང་དུ་འགྱུར་རོ། །ཨུཏྤལ་སྟོང་གིས་བློན་པོ་ཆེན་པོ་ཡང་དབང་དུ་འགྱུར་རོ། །རྩི་མར་གྱི་མར་མེ་སྟོང་ལྷ་མོ་ལ་ཕུལ་བས་རྒྱལ་པ་ཡང་དབང་དུ་འགྱུར་ [248a.4]རོ། །ལྷ་མོ་ཀུ་རུ་ཀུལླེ་བདག་ཉིད་བཅུ་གསུམ་པ་རྫོགས་སོ།། {T1321}༄༅༅། །བཅོམ་ལྡན་འདས་མ་ཀུ་རུ་ཀུརྤཱ་ལ་ཕྱག་འཚལ་ལོ། །ལྷ་མོ་ཆེན་མོ་ཀུ་རུ་ཀུལྕེ། །མཆོག་ཏུ་དགའ་བའི་གཟུགས་ཅན་མ། །འདོད་དོན་ཐམས་ཅད་བསྒྲུབ་པ་ལ། །ཡང་དག་གུས་པས་ཕྱག་འཚལ་ལོ། །ཡེ་ཤེས་འདོད་པའི་བླ་ [248a.5]མ་ཡིས། །སློབ་མའི་བསོད་ནམས་དོན་དུ་ནི། །དེ་ཡི་སྒྲུབ་ཐབས་མདོར་བསྡུས་པ། །རྒྱུད་ཀྱི་རིམ་བཞིན་བདག་གིས་བཤད། །དང་པོ་ཁོ་ནར་རྣལ་འབྱོར་པས་ལྷའི་ཁང་པར་ཉེ་བར་འདུག་སྟེ། ས་གཞི་ཀུན་དུ་དྲི་བཟང་པོའི་མཎྜལ་བྱས་ལ། མདུན་དུ་བླ་མ་དང་། སངས་རྒྱས་དང་བྱང་ཆུབ་སེམས་ [248a.6]དཔའ་དང་། ལྷ་མོའི་སྐུ་བསམས་ལ། མེ་ཏོག་དམར་པོ་དང་། མར་མེ་ལ་སོགས་པས་ཡང་དག་པར་མཆོད་དེ། སྡིག་པ་བཤགས་པ་ལ་སོགས་པ་བྱའོ། །སྡིག་བྱས་ཐམས་ཅད་བདག་གིས་བཤགས། །དཀོན་མཆོག་གསུམ་ལ་སྐྱབས་འགྲོ་བྱ། །འགྲོ་བའི་བསོད་ནམས་རྗེས་ཡི་རང་། །སངས་ [248a.7]རྒྱས་བྱང་ཆུབ་ཡོངས་སུ་བསྔོ། །དང་པོ་བྱམས་པའི་བསམ་གཏན་བྱ། །དེ་བཞིན་གཉིས་པ་སྙིང་རྗེ་བསྒོམ། །གསུམ་པ་དགའ་བ་བསྒོམ་པར་བྱ། །ཐམས་ཅད་རྗེས་ལ་བཏང་སྙོམས་སོ། །དེ་རྗེས་སྔགས་འདི་བརྗོད་པར་བྱ། །ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱདྨཀོ྅ཧཾ། རང་བཞིན་སྟོང་པར་རྣམ་པར་བསྒོམ། ། [248b] [248b.1]སྔོན་གྱི་སྨོན་ལམ་རྗེས་སུ་དྲན། །ཤེས་རབ་ཨེ་ཡི་གཟུགས་ཅན་མ། །ནམ་མཁའི་ཁམས་སུ་བསམ་པར་བྱ། །པདྨ་དམར་པོ་འདབ་བརྒྱད་བཟང་། །དེ་ཡི་སྟེང་དུ་རྣམ་པར་བསྒོམ། །ཉི་མའི་དཀྱིལ་འཁོར་ཡང་དག་ལྡན། །དེ་སྟེང་ཡོངས་སུ་བསྒོམ་པ་ནི། །མཆོག་གི་ས་བོན་ཡི་གེ་ཧྲཱིཿ། །མཆོག་ཏུ་དགའ་ [248b.2]བའི་གཟུགས་ཅན་མ། །སྐུ་མདོག་དམར་པོ་འོད་ཟེར་འབར། །ཕྱག་བཞིས་རྣམ་པར་བརྒྱན་པའི་སྐུ། །གཡས་ན་མདའ་དང་ལྕགས་ཀྱུ་བསྣམས། །དེ་བཞིན་གཡོན་ན་ཨུཏྤལ་གཞུ། །ལྷ་མོ་ཐོད་པའི་དབུ་རྒྱན་ཅན། །རྒྱན་རྣམས་ཀུན་གྱིས་བརྒྱན་པའི་སྐུ། །དེ་ཡི་གཟུགས་ཀྱི་བདག་ཉིད་ནི། །ཡང་དག་རྣལ་ [248b.3]འབྱོར་རྣམ་པར་བསྒོམ། །མཆོག་ཏུ་དགའ་བའི་གཟུགས་ཅན་མ། །གར་མཁན་ཡིད་ཀྱིས་རྣམ་པར་བསམ། །གསང་བའི་མཆོད་པ་ཁཱ་སུ་སོགས། །ཡོངས་སུ་བསྐོར་བ་དབུས་མ་ལ། །ཨརྒྷཾ་ལ་སོགས་སྦྱིན་པ་དང་། །སྣ་ཚོགས་མཆོད་པ་ཆོ་གས་བྱ། །སྙིང་གའི་ས་བོན་འོད་ཟེར་གྱིས། །ཕྱོགས་ཐམས་ཅད་དུ་ [248b.4]ཡོངས་སུ་དགང་། །འགྲོ་བ་རང་གི་གཟུགས་སུ་བྱས། །དེ་བཞིན་རང་ལ་གཞུག་པར་བྱ། །དེ་ནས་སྔགས་ཀྱིས་བཟླས་པར་བྱ། །ཕྲེང་བ་རང་གི་ཁ་དོག་ཅན། །ཕྱི་དང་དེ་བཞིན་རང་བདག་ནང་། །སྤྲོ་དང་བསྡུ་བ་བསྒོམ་པར་བྱ། །ཨོཾ་ཀུ་རུ་ཀུལླེ་སརྦ་སཏཱ་ན་མེ་ཝ་ས་མཱ་ན་ཡ་སྤྱོཿསྭཱ་ཧཱ། འདི་ཉིད་བསྒོམ་པ་བྱས་པ་ཡིས། ། [248b.5]འཇིག་རྟེན་གསུམ་པོ་དབང་དུ་འགྱུར། །འབུམ་གྱིས་རྒྱལ་པོ་དབང་དུ་འགྱུར། །ཁྲི་ཡིས་འཇིག་རྟེན་དབང་དུ་འགྱུར། །བྱ་དང་ཕྱུགས་ནི་བྱེ་བས་སོ། །བདུན་འབུམ་གྱིས་ནི་ལྷ་མ་ཡིན། །ཉིས་འབུམ་གྱིས་ནི་ལྷ་རྣམས་སོ། །བརྒྱ་ཡིས་བློན་པོ་དབང་དུ་འགྱུར།།འདི་ལྟར་རིག་པ་ཆེན་པོའི་འཛབ། །ཉིན་མཚན་སྤྱོད་ལམ་ [248b.6]ཐམས་ཅད་བྱ། །མེ་ཏོག་ལ་སོགས་བྱེ་བྲག་གིས། །རང་ཉིད་ཡང་དག་མཆོད་པར་བྱ། །བྱང་ཆུབ་ཡོངས་སུ་བསྔོ་བར་བྱ། །བདག་ཉིད་དེ་ཡི་ང་རྒྱལ་བྱ། །རང་ལས་ཇི་ལྟར་བདེ་བར་སྤྱད། །ཀུ་རུ་ཀུལླེའི་སྒྲུབ་པའི་ཐབས། །རྡོ་རྗེ་བརྩེ་བ་མཁས་པ་ཡིས། །སེམས་ཅན་དོན་ནི་བསྒྲུབ་པ་དང་། །རྡོ་རྗེ་མཚན་གྱིས་ཞུས་ཕྱིར་ [248b.7]བྱས། །དེ་ལྟར་བྱས་པའི་བསོད་ནམས་ཀྱིས། །འཁོར་བའི་རྒྱ་མཚོ་འཇིག་རྟེན་ཀུན། །མཆོག་ཏུ་དགའ་བའི་གཟུགས་ཅན་མ། །ཡང་དག་བདེ་བ་ཐོབ་པར་ཤོག །ཀུ་རུ་ཀུལླེའི་སྒྲུབ་པའི་ཐབས་སློབ་དཔོན་ཆེན་པོ་ཀྲྀཥྣ་བཛྲས་མཛད་པ་རྫོགས་སོ།། །།ཡེ་ཤེས་རྒྱལ་མཚན་གྱིས་བསྒྱུར།། །། [249a] [249a.1]{T1321a}༄༅༅། །རྒྱ་གར་སྐད་དུ། ཌཱ་ཀི་ནཱི་བཛྲ་པཉྫ་ར་པཉྩ་ཌཱ་ག་སཱ་དྷ་རྣ་ནཱ་མ། བོད་སྐད་དུ། མཁའ་འགྲོ་མ་རྡོ་རྗེ་གུར་གྱི་མཁའ་འགྲོ་རྣམ་པ་ལྔའི་སྒྲུབ་པའི་ཐབས་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འཁོར་བ་གང་ཞིག་ཤིང་ཆེན་པོ་ཡི་ཡལ་གའི་ཚོགས་དང་མཚུངས་པ་ [249a.2]འདི་རྣམས་ནི། །ཞེ་སྡང་གཙོ་བོའི་ཉོན་མོངས་རྣམས་ཏེ་འགྲོ་དྲུག་རྣམས་ཀྱི་སྐྱེ་ལས་རྒྱལ། །གང་དེ་ཐུབ་དཀའི་བརྩོན་འགྲུས་ལ་གནས་རྣམ་པ་ལྔ་ཡི་སྐུ་འཆང་བ། །དུས་དགྲ་རྡོ་རྗེ་སེམས་དཔའ་བཅོམ་ལྡན་འདས་ལ་རྟག་ཏུ་འདུད། །འགྲོ་བ་མ་ལུས་པ་ཡི་འདོད་པ་མི་གཅོད་ཅིང་། །བྱང་ཆུབ་ལ་ནི་ [249a.3]ངེས་པར་འཇུག་པ་ལྔའི། །འཁོར་ལོ་རྣམས་ནི་དྲང་བར་ལྡན་པ་བྲི། །དེ་དག་ཀྱང་ནི་བསོད་ནམས་ལྡན་པའི་རྒྱུར། །ཆུ་དང་འབྲས་བུ་རྙེད་སླ་བ་དང་ཕུག་རྣམས་དང་། །གང་ཡང་རུང་བར་འཇམ་པའི་སྟན་གནས་ཏེ། །སྔགས་པས་གཞན་གྱི་དབང་དུ་རྒྱལ་བ་བསྒོམ། །བློ་ཡི་བསམ་བྱ་བསམ་པར་ [249a.4]བྱ་བ་ནི། །ཧཱུཾ་ཨོཾ་ཏྲཾ་ཡ་ཁཾ་འདི་དག་ནི། །སྙིང་གར་ཇི་ལྟའི་གདན་ལ་བསམ། །བླ་མ་རྡོ་རྗེ་མཆོད་པ་དང་། །བདུན་པོ་རྣམ་པར་དག་པར་བྱ། །སྡིག་པ་བཤགས་པར་བྱ་བ་དང་། །ཡང་ན་བྱེད་པར་སྡོམ་པའོ། །སངས་རྒྱས་བྱང་ཆུབ་སེམས་དཔའ་ཡི། །བསོད་ནམས་དག་ལ་རྗེས་ཡི་རང་། ། [249a.5]དེ་དག་ཡོངས་སུ་བསྔོ་བར་བྱ། །དཀོན་མཆོག་གསུམ་ལ་ཡང་དག་བརྟེན། །བྱང་ཆུབ་སེམས་ནི་བསྐྱེད་པ་དང་། །ལམ་ལ་བརྟེན་ཏེ་དེ་ནས་ནི། །ཚང་པའི་གནས་བཞི་རྣམ་བསྒོམས་ནས། །སྣ་ཚོགས་སྟོང་པར་བསྒོམ་པར་བྱ། །དངོས་པོ་བདེན་བརྫུན་རྣམ་དཔྱད་པས། །བརྟགས་ [249a.6]པས་དམིགས་སུ་མེད་པ་སྟེ། །དེས་ནི་འདི་ལྟར་གཟུགས་བརྙན་བཞིན། །དངོས་པོ་ཐམས་ཅད་བསྒོམ་པར་བྱ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། མདུན་དུ་ར་ཕ་ལས་ནི་ཉི་མ་རྣམ་པར་བསྒོམ། །ཉི་མ་དེར་ནི་ཧཱུཾ་བྱུང་སྣ་ཚོགས་རྡོ་རྗེ་སྟེ། རྡོ་རྗེ་དེ་ཉིད་ཀྱིས་ནི་རབ་དང་གུར་བཅིང་པ་ཡང་ [249a.7]ངོ་། །ནམ་མཁའི་ཁམས་ཀྱི་དབུས་གནས་པར། །སྣ་ཚོགས་རྡོ་རྗེ་བསྒོམ་པར་བྱ། །དེར་ནི་ཧཱུཾ་ཡིག་ལས་བྱུང་བ། །སྲུང་བའི་འཁོར་ལོ་བསམ་པར་བྱ། །འཁོར་ཞིང་རབ་ཏུ་མི་གཡོ་བ། །འཇིག་པའི་དུས་ཀྱི་མེ་དང་མཚུངས། །ཧཱུཾ་ཡིག་བཅུ་ཡི་སྦྱོར་བ་ལས། །ཁྲོ་བོ་བཅུ་ནི་རིམ་བཞིན་ [249b] [249b.1]དགོད། །ཤར་དུ་གཤིན་རྗེ་གཤེད་པོ་བསམ། །ཤེས་རབ་མཐར་བྱེད་ཡང་ནི་ལྷོར། །པདྨ་མཐར་བྱེད་ཆུ་བདག་སྟེ། །བྱང་དུ་བདུད་རྩི་འཁྱིལ་པའོ། །འདོད་པའི་རྒྱལ་པོ་དབང་ལྡན་དུའོ། །མེ་ཉིད་དུ་ནི་དབྱུག་སྔོན་ཅན། །བདེན་བྲལ་དུ་ནི་མི་གཡོ་བསམ། །རླུང་ཉིད་དུ་ཡང་སྟོབས་པོ་ཆེ། ། [249b.2]གཙུག་ཏོར་སྟེང་དུ་བསམ་པར་བྱ། །འོག་ཏུ་གནོད་མཛེས་རྣམ་པར་བསྒོམ། །ཀུན་ཀྱང་ཞལ་གཅིག་ཕྱག་གཉིས་ཏེ། །རྡོ་རྗེ་ཁྲོ་བོ་དྲག་ཆེན་པོ། །སྙིང་གར་ཁུ་ཚུར་སྡིགས་མཛུབ་སྟེ། །གཡས་པ་རང་གི་མཚོན་ཆ་འཕྱར། །གཤིན་རྗེ་འཇོམས་པའི་ཐོ་བ་སྟེ། །དབྱུག་པ་རྡོ་རྗེ་གཞན་མི་ [249b.3]ཐུབ། །རྟ་མགྲིན་གྱི་ནི་པདྨ་དམར། །བདུད་རྩི་འཁྱིལ་པའི་རྡོ་རྗེའོ། །འདོད་པའི་རྒྱལ་པོ་ལྕགས་ཀྱུ་སྟེ། །དབྱུག་པ་སྔོན་པོ་རང་མིང་ཅན། །སྟོབས་རྒྱལ་གྱི་ནི་ཏྲི་ཤཱུ་ལ། །མི་གཡོ་བ་ཡི་རྡོ་རྗེའོ། །གཙུག་ཏོར་འཁོར་ལོས་སྒྱུར་རྒྱལ་གྱི། །ཆོས་ཀྱི་འཁོར་ལོ་བསམ་པར་བྱ། །གཏུན་ཤིང་ [249b.4]རྡོ་རྗེས་འོག་གིའོ། །གཡོན་བརྐྱང་བ་ཡི་ཞབས་ཀྱིས་གནས། །ཨིནྡྲ་ནཱི་ལ་མཚུངས་པའི་མདོག །གཤིན་རྗེ་གཤེད་པོ་བསྒོམ་པར་བྱ། །གཞན་གྱིས་མི་ཐུབ་ཅེས་བྱ་བ། །ཟླ་བའི་འོད་ཟེར་དང་མཚུངས་པའོ། །པདྨའི་ཁྲོ་བོ་དམར་ཆེན་པོ། །བདུད་རྩི་འཁྱིལ་པ་ནག་པོ་སྟེ། །མཚམས་ [249b.5]ཀྱི་ཁྲོ་བོ་ནག་པོ་ཆེ། །སྤྱི་བོར་རྡོ་རྗེ་འཆང་བ་འཛིན། །གཤིན་རྗེ་རྣམ་པར་སྣང་མཛད་ཉིད། །རྡོ་རྗེ་སེམས་དཔའ་དབྱུག་པ་ལའོ། །པདྨ་ཞེས་བྱ་འཇིག་རྟེན་སྤྱན། །བདུད་རྩི་འཁྱིལ་པ་སེམས་དཔའོ། །ཁྲོ་བོའི་འཁོར་ལོ་དབུས་གནས་སུ། །བདུད་ལས་རྒྱལ་བ་བསམ་པར་བྱ། །འོག་ [249b.6]ཏུ་པདྨ་བསམ་བྱས་ལ། །ཁྲོ་བོ་བཅུ་ནི་བསྒོམ་པར་བྱ། །དཔག་ཚད་བརྒྱར་ནི་འཇུག་པ་ཡིས། །བགེགས་རྣམས་སྐྲོད་པར་བསམ་པར་བྱ། །ནམ་མཁའི་ཁམས་ཀྱི་དབུས་གནས་པར། །རླུང་གི་དཀྱིལ་འཁོར་བསྒོམ་པར་བྱ། །རླུང་གི་དཀྱིལ་འཁོར་དབུས་གནས་པར། །མེ་ཡི་དཀྱིལ་འཁོར། [249b.7]བསྒོམ་པར་བྱ། མེ་ཡི་དཀྱིལ་འཁོར་དབུས་གནས་པར། །བརྟུལ་ཞུགས་ཅན་གྱིས་ཆུ་བསམ་བྱ། །དབང་ཆེན་གྱི་ནི་དཀྱིལ་འཁོར་ཉིད། །དེ་ཡི་སྟེང་དུ་བསམ་པར་བྱ། །དབང་ཆེན་དཀྱིལ་འཁོར་སྟེང་དུ་ནི། །དབང་ཉིད་བསམ་པར་བྱ་བ་ཡི། །བུཾ་ཡིག་སངས་རྒྱས་རྣམ་པར་ལྔ། ། [250a] [250a.1]གནས་ལྔ་རུ་ནི་བསམ་པར་བྱ། །རྡོ་རྗེ་ཅན་དང་རྟག་པ་ཉིད། །གསུམ་པ་རྡོ་རྗེ་ཉི་མའོ། །བཞི་པ་འདོད་ཆགས་རྡོ་རྗེ་ཡི། །ལྔ་པ་རྟ་མཆོག་རྒྱལ་པོའོ། །སངས་རྒྱས་དཀྱིལ་འཁོར་ཟླུམ་པོ་སྟེ། །རྡོ་རྗེ་ཅན་གྱི་ཟླ་ཕྱེད་འདྲ། །ཆོས་ཀྱི་རྡོ་རྗེ་པདྨ་མཚུངས། །ཉི་མ་ཡིད་བཞིན་ནོར་བུ་ [250a.2]མཚུངས། །རྟ་མཆོག་དཔལ་ནི་ཞེས་བྱ་སྟེ། །གྲུ་གསུམ་ཀུན་དུ་དེ་ཡིའོ། །རྡོ་རྗེ་ཅན་གྱི་ཁྲུ་གསུམ་སྟེ། །ཁྲུ་བཞི་སངས་རྒྱས་དཀྱིལ་འཁོར་རོ། །སྣང་བྱེད་ཀྱི་ཡང་ཁྲུ་ལྔའོ། །པདྨ་གར་དབང་གི་ནི་དྲུག །རྟ་མཆོག་རྒྱལ་པོ་དཀྱིལ་འཁོར་ནི། །ཁྲུ་བདུན་པ་ཡི་ཚད་ཡིན་ནོ། །ཆ་ནི་བརྒྱད་པ་ [250a.3]ཉིད་ཀྱིས་ན། །འཁོར་ལོའི་སྒོ་རུ་རབ་ཏུ་གྲགས། །ཁྱུད་དང་ལྷ་ཡི་སྣམ་བུ་ནི། །སྒོ་ཡི་ཚད་དུ་གཞལ་བར་བྱ། །སྒོ་ཡི་ཕྱེད་ཀྱི་ཆ་ཡིས་ནི། །ལོགས་དང་འགྲམ་ནི་ཉིད་ཡིན་ནོ། །མཆོད་སྣམ་ཉིད་ཀྱང་དེ་བཞིན་བྱ། །དྲ་བ་དྲ་ཕྱེད་སྣམ་བུ་ཡང་། །ཚངས་པའི་སྐུད་ལས་ཆ་གཉིས་བོར། །ཆ་དྲུག་པར་ནི་ [250a.4]བྱ་བའོ། །སྒོ་ཡི་ཚད་ཙམ་དེ་བཞིན་དོར། །ཆ་དགུ་རུ་ནི་རབ་བརྟགས་པའོ། །སངས་རྒྱས་མགོན་པོའི་དཀྱིལ་འཁོར་ནི། །ཤར་གྱི་ཤར་ནི་རབ་ཏུ་བསྟན། །ལྷོར་ནི་སངས་རྒྱས་ཉི་མ་ཡི། །ནུབ་ཏུ་རྡོ་རྗེ་འདོད་ཆགས་སོ། །བྱང་དུ་རྟ་ཡི་རྒྱལ་པོའོ། །རྡོ་རྗེ་སེམས་དཔའ་དབུས་སུའོ། །ཤར་ [250a.5]དུ་དཀར་པོ་ཆེན་པོ་སྟེ། །ལྷོ་རུ་གསེར་དང་འདྲ་བའོ། །ནུབ་ཏུ་དམར་པོར་ཤེས་པར་བྱ། །དེ་ཡི་བྱང་དུ་ལྗང་གུའོ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །ཐམས་ཅད་ཀྱི་ནི་གྲྭ་ཡི་ཆར། །སྒོ་དང་སྒོ་ཁྱུད་གྲྭ་རྣམས་སུ། །རྡོ་རྗེ་རིན་ཆེན་གྱིས་སྤྲས་པའོ། །དབུས་ [250a.6]སུ་པདྨ་དཀར་དམར་ཏེ། །ཨཱ་ལི་ཀཱ་ལི་མཉམ་སྦྱོར་པར། །རྡོ་རྗེ་སེམས་དཔའ་ཡི་ནི་གདན། །རང་གི་ས་བོན་ལེགས་བལྟས་ལ། །འཁོར་ལོའི་རྣམ་པར་བསམ་པར་བྱ། །སངས་རྒྱས་ཀུན་གྱི་ཡོན་ཏན་ནི། །ཨཱ་ལི་གཟུགས་དེར་དེ་གཞུག་གོ། །ལྷ་མོ་གཟུགས་ཀྱི་ཡན་ལག་ནི། །གྲུ་ [250a.7]གསུམ་དུ་ནི་ཟླ་བ་བལྟ། །སྐར་མའི་རྣམ་པའི་གཟུགས་ཀྱིས་ནི། །ཀ་ལ་སོགས་པ་རབ་ཏུ་གཞུག །ཟླ་བའི་དཀྱིལ་འཁོར་དབུས་སུ་ཡང་། །བྱང་ཆུབ་ཟླ་བ་གཉིས་པའོ། །ཧཱུཾ་བྱུང་རྡོ་རྗེ་བསྒོམ་པར་བྱ། །འོད་ཟེར་དཀར་པོའི་ཕྲེང་བའོ། །དེ་ལྟར་སོ་སོར་ངེས་པར་ནི། །ཕྱག་མཚན་ལྔ་ [250b] [250b.1]ལ་ལྔ་རབ་དབྱེ། །རྡོ་རྗེ་སེམས་ལ་མི་ཕྱེད་པ། །རྣམ་སྣང་ལ་ནི་ཆོས་འཁོར་ལོ། །རིན་ཆེན་རྒྱལ་པོའི་རིན་ཆེན་ཏེ། །པདྨ་བཟང་པོའི་པདྨ་དམར། །དོན་གྲུབ་ཤེས་རབ་རལ་གྲི་ནི། །ཤེས་རབ་རྣོན་པོའི་རང་བཞིན་ནོ། །སེམས་དཔའི་གཟུགས་སུ་ཡང་དག་འབྱུང་། །དཀྱིལ་འཁོར་བདག་པོར་རྣམ་ [250b.2]བསྒོམ་བྱ། །མཁའ་འགྲོ་ཅན་གྱི་ཕྱག་རྒྱ་སོགས། །ཟླ་བའི་འོད་ཟེར་ནོར་བུའི་འོད། །མཱ་མ་ཀཱི་སོགས་ཡང་དག་འཁྱུད། །དཀྱིལ་འཁོར་ལྔ་ཡི་དབུས་ཉིད་དོ། །འདོད་ཆགས་ཆེན་པོའི་ཚུལ་མིང་ཅན། །ཏིང་ངེ་འཛིན་ལ་སྙོམས་པར་ཞུགས། །རང་གི་ལུས་ལ་ཞུགས་པ་དང་། །དེ་བཞིན་ [250b.3]གཤེགས་པ་ཀུན་གཙོ་བོའི། །སྲོག་དང་རྩོལ་དང་མཉམ་ཞེས་དང་། །འབྱུང་དང་འཇུག་པའི་མིང་ཅན་དང་། །ཀླུ་དང་རུས་སྦལ་ཀྲི་ལག་ཅན། །ལྷ་སྦྱིན་དང་ནི་ནོར་ལས་རྒྱལ། །སངས་རྒྱས་འཁོར་ལོ་སོ་སོར་ཞུ། །ས་བོན་བརྒྱད་ནི་བསམ་པར་བྱ། །མིང་གི་དང་པོ་གཾ་ཅཾ་སོགས། ། [250b.4]ཡི་གེ་ལས་ནི་ལྷ་མོ་འབྱུང་། །རྡོ་རྗེ་མཁའ་འགྲོའི་དཀྱིལ་འཁོར་དུ། །དཀར་མོ་ཆོམ་རྐུན་རོ་ལངས་མ། །ཟ་ཕོད་སྦོས་མོ་དེ་བཞིན་དུ། །རི་ཁྲོད་གཏུམ་མོ་གཡུང་མོའོ། །རྡོ་རྗེ་རྟག་པའི་དཀྱིལ་འཁོར་དུ། །སྐམ་པ་ཞགས་པ་མ་ཉིད་དང་། །རྡ་ཟླུམ་མ་དང་ལྕགས་ཀྱུ་འཛིན། །མེ་ཏོག་ [250b.5]ལ་སོགས་མཚམས་ཀྱི་ཆར། །རྡོ་རྗེ་ཉི་མའི་དཀྱིལ་འཁོར་དུ། །ཉི་ལག་མ་དང་མར་མེ་མ། །རིན་ཆེན་སྒྲོལ་མ་གློག་ལག་མ། །སྒེག་མོ་ལ་སོགས་མཚམས་ཆར་རོ། །པདྨ་ཆོས་འབྱུང་ལྕགས་སྒྲོག་དང་། །འཁྱུད་མ་གར་གྱི་དཀྱིལ་འཁོར་དུ། །གླིང་བུམ་སོགས་ཕྱོགས་ཀྱི་ཆར། ། [250b.6]བདག་ཉིད་ཆ་བྱད་སྦྱོར་བས་སོ། །རྟ་ཡི་རྒྱལ་པོའི་དཀྱིལ་འཁོར་དུ། །རྡོ་རྗེ་སྒོ་ལྕགས་ལྡེ་མིག་མ། །སྒོ་གླེགས་མ་དང་གོས་འཛིན་མ། །དེ་བཞིན་མཚམས་སུ་སྤྱན་སོགས་སོ། །བསྡུས་པའི་དཀྱིལ་འཁོར་ཇི་ལྟ་བར། །སྒོ་སྐྱོང་སྒོར་རུ་དགོད་པ་སྟེ། །ལྕགས་ཀྱུ་ཞགས་པ་ལྕགས་སྒྲོག་ [250b.7]དང་། །དེ་བཞིན་རྡོ་རྗེ་འབེབས་པའོ། །རྡོ་རྗེ་མཁའ་འགྲོ་དེ་དག་ཀུན། །རྐང་པ་གཡོན་པ་བརྐྱང་བས་གནས། །སྙིང་གར་གཡོན་བཅངས་སྡིགས་མཛུབ་སྟེ། །ཟླ་བ་ཉི་མ་རོ་སྟེང་དུ། །མི་བསྐྱོད་དཀྱིལ་འཁོར་ཕྱོགས་སུ་ནི། །དཀར་མོ་ལྕགས་ཀྱུ་སྡིགས་མཛུབ་སྟེ། །ཆོམ་རྐུན་རྡོ་རྗེ་ [251a] [251a.1]ཞགས་པ་བཅས། །རོ་ལངས་རྡོ་རྗེ་ལྕགས་སྒྲོག་གོ། །ཟ་ཕོད་རྡོ་རྗེ་དྲིལ་བུ་ཅན། །དཀར་དང་སེར་དང་དམར་དང་ལྗང་། །སངས་རྒྱས་དབང་གྱུར་གཞན་དུ་ནི། །གཅིག་ལས་རིམ་པ་བཟློག་པའོ། །པུཀྐ་སཱི་སོགས་ལྷ་མོ་རྣམས། །མཚན་མ་དང་ནི་མདོག་བཤད་བྱ། །བྱང་ [251a.2]སེམས་བུམ་པ་རི་རབ་དང་། །མེ་ཐབ་རྒྱལ་མཚན་ཆེན་པོའོ། །ནག་པོ་དཀར་པོ་ནམ་མཁའ་མཚུངས། །ཁྲོ་བོ་མི་བསྐྱོད་དཀྱིལ་འཁོར་དུའོ། །མེ་ཏོག་དཀར་པོ་ཡིན་ཏེ་སྤོས། །དུ་བ་མར་མེ་སེར་པོའི་འོད། །བྱུག་པ་དམར་པོ་ལཱ་སྱེ་དག །ཀླུ་མ་སེར་མོ་གར་མ་ལྗང་། །བཞད་མ་དམར་མོ་གླིང་བུ་ [251a.3]ནི། །སེར་པོ་པི་ཝང་དཀར་དམར་རོ། །རྔ་འཛིན་ལྗང་གུ་རྫ་རྔ་ནི། །དཀར་མོ་རང་གི་ཕྱག་མཚན་སྦྱོར། །ཧོ་ཡིག་དམར་པོ་འོད་ཟེར་བཅས། །གཉིས་ཀྱི་དབུས་སུ་ཡི་གེ་གསུམ། །དྲི་ཡང་ན་ནི་མཉམ་པར་ཞུགས། །ཞུ་བར་གྱུར་པས་རྗེས་སུ་དྲན། །མཚམས་ཀྱི་ལྷ་མོ་རྣམས་ཀྱིས་ཀྱང་། ། [251a.4]གཙོ་བོ་ལ་ནི་གླུ་འདིས་བསྐུལ། །ཁྱོད་ནི་ཞེ་སྡང་རྡོ་རྗེ་ཡོངས་སྐྱོང་ཐུགས་དག་ཅིང་། །ཤིན་ཏུ་རྣམ་པར་དག་པའི་ཆོས་ཀྱིས་ལྷའི་ལུས་ཡང་དག་བརྒྱན་མཛད་པ། །པུཀྐ་སཱི་ནི་བདག་ལ་མྱུར་དུ་གཟིགས་ལ་སྟོང་པ་ཉིད་སྤོངས་ཤིག །ཁྱོད་ནི་གཏི་མུག་རྡོ་རྗེ་ཡོངས་སྐྱོང་སྐུ་དག་ཅིང་། །གཟུགས་བརྙན་ཆོས་ཀྱིས་ [251a.5]ལྷ་ཡི་ལུས་ནི་ཡང་དག་བརྒྱན་མཛད་པ། །རི་ཁྲོད་མ་ནི་བདག་ལ་མགོན་པོས་མྱུར་གཟིགས་སྟོང་ཉིད་སྤོངས། །རྣམ་པར་འདྲེན་པས་འཇིག་རྟེན་དོན་ཕྱིར་སྐྱེ་བ་གཟིགས་པར་མཛོད། །ཁྱོད་ནི་འདོད་ཆགས་རྡོ་རྗེ་ཡོངས་སྐྱོང་གསུང་དག་ཅིང་། །མཆོག་ཏུ་སོ་སོར་རྟོགས་པས་ལྷ་ཡི་ལུས་ནི་ཡང་དག་ [251a.6]བརྒྱན་མཛད་པ། །གཏུམ་མོ་བདག་ལ་མྱུར་དུ་གཟིགས་ནས་སྟོང་པ་ཉིད་སྤོངས་ལ། །རྣམ་པར་འདྲེན་པས་འཇིག་རྟེན་དོན་ཕྱིར་སྐྱེ་པ་བཞེས་པར་མཛོད། །ཁྱོད་ནི་སངས་རྒྱས་ཐམས་ཅད་ཡོངས་སྐྱོང་གཟུགས་སྐུ་བ། །བྱ་བ་གྲུབ་པས་ཐམས་ཅད་མཉམ་པས་བདག་ཉིད་བརྒྱན་མཛད་པ། །གཡུང་མོ་ [251a.7]བདག་ལ་མྱུར་དུ་གཟིགས་ལ་སྟོང་པ་ཉིད་སྤོངས་ཤིག །རྣམ་པར་འདྲེན་པས་འཇིག་རྟེན་དོན་ཕྱིར་སྐྱེ་བ་བཞེས་པར་མཛོད། །སྦོས་མོ་སོགས་ཀྱི་གནས་འདུག་པའི། །མེ་ཏོག་ལ་སོགས་རང་གིས་གླུས། །མཚམས་ཀྱི་ལྷ་མོ་རྣམས་ཀྱིས་བསྐུལ། །དེ་ལྟར་གཙོ་མོ་གཞན་དག་ལའང་། །བསྐུལ་ [251b] [251b.1]ཏེ་སད་པས་སྔོན་གྱི་ནི། །སྨོན་ལམ་དྲན་པའི་སྟོབས་ཀྱིས་ཏེ། །ཧཱུཾ་མཾ་དག་ལས་ལངས་པར་བསམ། །ཐུགས་ཀྱེ་མཁའ་འགྲོ་སྟོབས་ཆེན་པོ། །ཞལ་བརྒྱད་ཞབས་ནི་བཞི་པ་སྟེ། །ཕྱག་ནི་བཅུ་དྲུག་དག་གིས་བརྒྱན། །དབང་སྔོན་ལྟ་བུའི་འཇིགས་པ་དང་། །སྒེག་ཅིང་ཁྲོ་བོའི་གཟུགས་དག་ [251b.2]སྟེ། །སྐྱིལ་ཀྲུང་ཕྱེད་པའི་གར་གྱིས་གནས། །རུས་པའི་རྒྱན་གྱིས་རྣམ་པར་བརྒྱན། །དང་པོའི་ཞལ་ནི་ནག་པོ་སྟེ། །གཉིས་ནི་དཀར་དང་དམར་པའོ། །སྤྱི་བོའི་དབུས་མ་གཙིགས་པ་སྟེ། །ལྷག་མའི་ཞལ་ནི་བུང་བ་མཚུངས། །བདུད་བཞི་པོ་ནི་མཉམ་པར་མནན། །སྤྱི་བོར་རྡོ་རྗེ་ནག་པོ་ [251b.3]འཛིན། །གླང་པོ་རྟ་བོང་གླང་རྔ་མོ། །མི་དང་དེ་བཞིན་སེང་བྱི་ལ། །གཡས་པའི་ཐོད་པ་བརྒྱད་རྣམས་ལ། །གཉིས་འཐུང་ལ་སོགས་རིམ་ཤེས་བྱ། །ས་དང་ཆུ་དང་མེ་དང་རླུང་། །ཉི་མ་ཟླ་བ་ཉིད་དང་ནི། །མཐར་བྱེད་དང་ནི་ནོར་སྦྱིན་ཉིད། །གཡོན་པའི་ཐོད་པ་བརྒྱད་རྣམས་ལའོ། །གྲི་ [251b.4]གུག་ཐོད་པ་ཕྱག་མཚན་པའི། །མཱ་མ་ཀཱི་དང་གཉིས་མེད་སྦྱོར། །ཨཾ་ལཾ་དག་ལས་ལྟག་པར་དཀར། །ཞལ་གཉིས་གནག་དང་དམར་བའོ། །ཟླ་བའི་གདན་ལ་ཡང་དག་བཞུགས། །སངས་རྒྱས་སྤྱན་གྱིས་མགུལ་ནས་འཁྱུད། །ཞབས་བཞི་ལ་སོགས་ཐུན་མོང་བས། །ཞལ་ [251b.5]བརྒྱད་ལ་སོགས་མ་བསྟན་ཏོ། །ཁྱད་པར་སྤྱི་གཙུག་འཁོར་ལོ་སོགས། །ཕྱག་མཚན་དག་ཀྱང་བརྗོད་པའོ། །སྤྱི་བོར་ཆོས་ཀྱི་འཁོར་ལོ་འཛིན། །འཇིགས་སུ་རུང་ཞིང་འཇིགས་པར་མཛད། །རྨ་བྱ་མ་ཧེ་ཆུ་སྲིན་དང་། །ཉ་ཡི་རྒྱལ་པོ་རུས་སྦལ་དང་། །ལྷག་པའི་ཀླུ་དང་ངང་པ་དང་། ། [251b.6]རི་བོང་ལྟག་པའི་གཡས་རྣམས་ལའོ། །རྩངས་པ་ཐུ་བོ་སྦྲིན་ཤུགས་དང་། །མིག་སྨན་འདྲ་དང་བྱི་བ་དང་། །གཡག་དང་དྲི་ལྡན་ས་ར་ས། །གཡོན་པའི་ཐོད་པ་བརྒྱད་ལའོ། །ཏྲཾ་ཏཾ་དག་ལ་རིན་རྒྱལ་མིང་། །སྐུ་མདོག་སེར་པོ་བསྒོམ་པར་བྱ། །གཡས་དང་གཡོན་གྱི་ཞལ་ནག་ [251b.7]པོ། །དམར་པོ་སྤྱི་བོར་རིན་ཆེན་འཛིན། །ཀ་རཎྜ་དང་འཁོར་ལོ་དག །ནེ་ཙོ་དང་ནི་ཙ་ཀོ་ར། །བྱིའུ་ཁྲ་ཧོར་མོ་འོལ་བ་དང་། །རི་སྐེགས་རིན་ཆེན་གཡས་དག་ནའོ། །སྟོབས་ཀྱི་རྒྱུ་དང་དུང་སྐྱོང་དང་། །རིགས་ལྡན་པདྨ་ཆེ། །འཇོག་པོ་དང་ནི་ནོར་རྒྱས་དང་། །མཐའ་ཡས་གཡོན་ [252a] [252a.1]པ་དག་ནའོ། །ཤིན་ཏུ་སྦྱངས་པའི་གསེར་བསྲེགས་བཞིན། །སྒྲོལ་མ་ཡིས་ནི་མགུལ་ནས་འཁྱུད། །ཨཾ་པཾ་དག་ལས་བཞེངས་ཤིང་དམར། །རྟ་མགྲིན་རྣམ་པར་བསྒོམ་པར་བྱ། །གཡས་པའི་ཞལ་ནི་ནག་པོ་སྟེ། །གཡོན་པ་ཟླ་འོད་དྲི་མ་མེད། །སྤྱི་བོར་པདྨ་དམར་པོ་འཛིན། །གོས་ད [252a.2]ཀར་མོ་དང་གཉིས་མེད་སྦྱོར། །དོམ་དང་བྱ་རྒོད་དེ་བཞིན་བསེ། །བ་མེན་དང་ནི་སྟག་ཉིད་དང་། །སྤྲེ་དང་ཆུ་སྲིན་ཅེ་སྤྱང་དག །རྡོ་རྗེ་ཆོས་ཀྱི་གཡས་དག་ལའོ། །བྱ་རོག་འུག་པ་ཆུ་སྐྱར་སེར། །ས་ར་ས་དང་དེ་བཞིན་ར། །རི་དགས་ཕག་པ་ཐོད་པ་རྣམས། །གཡོན་པ་དག་ཏུ་རྟག་ཏུ་གནས། ། [252a.3]ཏཾ་ཁཾ་དག་ལས་བཞེངས་ཤིང་ལྗང་། །རྟ་རྒྱལ་རྟ་གདོང་དྲན་པར་བྱ། །སྤྱི་བོར་རལ་གྲི་དཀར་པོ་འཆང་། །སྒྲོལ་མ་ཡིས་ནི་མགུལ་ནས་འཁྱུད། །གཡས་པའི་ཞལ་ནི་ནག་པོ་སྟེ། །གཡོན་པའི་ཟླ་འོད་དྲི་མ་མེད། །གཟའ་ལྷག་ཕུར་བུ་མཇུག་རིངས་དང་། །སྒྲ་གཅན་མིག་དམར་ཉི་མ་དང་། །སྤེན་ [252a.4]པ་ཟླ་བ་ཐོད་རྣམས་སུ། །རྟ་ཡི་རྒྱལ་པོ་གཡས་དག་ཏུའོ། །དབང་པོ་ཚངས་པ་དེ་བཞིན་དྲག །འདོད་ལྷ་དང་ནི་ཐོད་པ་འཛིན། །གཅེར་བུ་དང་ནི་ཐགས་བཟངས་རིས། །སྟོབས་ལྡན་ཞེས་བྱ་གཡོན་ནའོ། །ལྷ་མོ་རྣམས་ནི་ཕྱག་གཉིས་བརྗོད། །གྲི་གུག་ཐོད་པ་ཉིད་ཡིན་ནོ། །རྡོ་རྗེ་ཉིད་ཀྱི་ [252a.5]ཐམས་ཅད་ཀྱི། །སྙིང་གར་ཡེ་ཤེས་གནས་དགོད་བྱ། །ཡེ་ཤེས་སེམས་དཔའི་སྦྱོར་བ་ཡིས། །སངས་རྒྱས་བྱང་ཆུབ་རབ་བསྒྲུབ་བྱ། །རང་སྔགས་ཡི་གེ་མཚན་མ་དང་། །ཕྱག་རྒྱར་བཏགས་པ་ལས་བྱུང་པ། །དམ་ཚིག་སྙིང་གར་ཡེ་ཤེས་ཏེ། །བསྙེན་པའི་སྦྱོར་བར་རབ་བཏགས་པའོ། ། [252a.6]ཨོཾ་དྷརྨྨ་དྷཱ་ཏུ་སྭ་བྷཱ་ཝ་ཨཱཏྨ་ཀོ྅ཧཾ། ཡེ་ཤེས་འཁོར་ལོ་རང་དཀྱིལ་ལ། །ལྕགས་ཀྱུ་ལ་སོགས་པས་དགུག་ཅིང་། །གཞུག་པ་དང་ནི་བཅིང་བ་དང་། །མཉེས་པ་ཉིད་དུ་བསྒོམ་པར་བྱ། །སྤྱན་ལ་གཏི་མུག་རྡོ་རྗེ་དགོད། །ཞེ་སྡང་རྡོ་རྗེ་རྣ་བ་གཉིས། །སྣ་ལ་སེར་སྣ་རྡོ་རྗེ་དང་། །ངག་ [252a.7]ལ་འདོད་ཆགས་རྡོ་རྗེ་ཅན། །ཕྲག་དོག་རྡོ་རྗེ་དེ་བཞིན་ལུས། །ཡིད་ལ་བདག་མེད་རྣལ་འབྱོར་མ། །ཕྱག་གཉིས་ཞལ་ནི་གཅིག་པ་ཡིན། །སྣ་ཚོགས་གཟུགས་ཅན་བཙུན་མོ་རྣམས། །ཕྱག་གཉིས་གྲི་གུག་མགོ་བོ་སྟེ། །སྲོག་སོང་སྟེང་དུ་ཡང་དག་གནས། །མཁའ་སྤྱོད་དང་ནི་ས་སྤྱོད་གཉིས། ། [252b] [252b.1]དེ་བཞིན་ཞབས་འོག་གནས་པ་མོ། །ཐུགས་དང་གསུང་དང་སྐུ་དག་ལ། །སྐུ་གསུང་ཐུགས་ཀྱི་ཡི་གེར་དྲན། །ཨོཾ་ཁེ་ཙ་རི་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་བཞིན་དུ་བྷཱུ་ཙ་རི་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་བཞིན་དུ་པཱ་ཏཱ་ལ་བཱ་སི་ཏི་སྭ་བྷཱ་ཝ་ཨཱཏྨ་ཀོ྅ཧཾ། སྐུ་གསུང་ཐུགས་ཀྱི་རྡོ་རྗེ་མ། །གསུམ་ [252b.2]དང་རྡོ་རྗེ་མ་སོགས་ལྔ། །རིག་མ་བརྒྱད་པོ་དེ་རྣམས་ཀྱིས། །མཁའ་འགྲོ་དབང་བསྐུར་རབ་ཏུ་གྲགས། །མཁའ་འགྲོ་ལྔ་དང་ཡང་དག་ལྡན། །དམ་ཚིག་ལྔ་ཡིས་གང་བ་ཡིན། །བུམ་པས་རིག་མ་བརྒྱད་པ་ཡིས། །མཁའ་འགྲོ་ལྔ་ལ་དབང་བསྐུར་ཏེ། །བཞི་པ་སྤྱི་བོར་འཁོར་ལོ་ [252b.3]དང་། །རིན་ཆེན་པདྨ་རལ་གྲི་འཛིན། །ཐུགས་ཀྱི་མཁའ་འགྲོའི་སྤྱི་བོར་ནི། །སངས་རྒྱས་ལྔ་ནི་འཛིན་པར་བསྒོམ། །དེ་རྣམས་ཀྱི་ནི་དཀྱིལ་འཁོར་པ། །རྡོ་རྗེའི་རྗེས་རིམ་དཀྱིལ་འཁོར་ཀུན། །ཐུགས་དང་རྟག་པ་རིན་ཆེན་དང་། །དཔག་མེད་ལྷ་མོའི་སྤྱི་བོར་འཛིན། །ཨོཾ་སརྦ་ཏ་ཐཱ་ [252b.4]ག་ཏ་ཨ་བྷི་ཥེ་ཀ་སྭ་བྷཱ་ཝ་ཨཏྨ་ཀོ྅ཧཾ། གཡོ་ཞིང་འབར་བས་ཐོད་པ་རུ། །ལྕགས་ཀྱུའི་ས་བོན་ལྔ་ལས་བྱུང་། །ལྕེ་ལ་རྡོ་རྗེ་ནས་འབྲས་ཙམ། །རྡོ་རྗེ་བདུད་རྩི་མྱོང་བའོ། །ཨོཾ་སརྦྦ་ཏ་ཐཱ་ག་ཏ་ཨ་མྲྀ་ཏ་སྭ་ད་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། །ཡེ་ཤེས་ལས་ནི་མཆོད་སྣ་ཚོགས། །བརྒྱད་ [252b.5]པོ་ངེས་པར་ཕྱུང་བ་ཡིས། །ལྷ་མོས་འཁོར་ལོ་ལ་ནི་མཆོད། །འཁོར་ལོའི་བདག་ཉིད་གཙོ་བོ་ལའོ། །ཨོཾ་སརྦྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཁྱོད་ནི་རྣལ་འབྱོར་མ་རྣམས་ཡོངས་སུ་བསྐོར། །ཁྱོད་ནི་ཉིད་ཀྱི་ཐུགས་ཀྱིས་མཆོག་ནི་ཡོངས་བརྙེས་ཏེ། །ཁྱོད་ཀྱིས་རྒྱུ་དང་མི་རྒྱུ་ [252b.6]འགྲོ་བ་ཀུན་སྒྲུབ་ཅིང་། །སྙིང་རྗེའི་ཐུགས་ཀྱིས་སེམས་ཅན་སད་པར་མཛད། །སྒྱུ་མའི་སྤྲོས་པས་དགོས་པ་སྒྲུབ་པ་པོ། །ཧེ་རུ་ཀ་དཔལ་ཐུགས་ནི་དགྱེས་པ་སྟེ། །ཨོཾ་སརྦྦ་ཏ་ཐཱ་ག་ཏ་སྟུ་ཏི་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། གཞལ་ཡས་སངས་རྒྱས་རྣམ་སྣང་མཛད། །དབང་ནི་མི་བསྐྱོད་དེ་ [252b.7]བཞིན་གཤེགས། །བདུད་རྩི་མྱང་བ་སྣང་མཐའ་ཡས། །བསྟོད་པ་རིན་ཆེན་འབྱུང་ལྡན་དཔལ། །མཆོད་པ་དོན་ཡོད་གྲུབ་པར་བརྗོད། །རྗེས་སུ་ཆགས་པ་རྡོ་རྗེ་སེམས། །ཡན་ལག་དྲུག་བསྒོམ་རྣལ་འབྱོར་པ། །རང་བྱིན་བརླབས་པ་རབ་ཏུ་གྲུབ། །གྲུབ་པའི་སྔོན་དུ་མཚན་མ་རྣམས། ། [253a] [253a.1]རིམ་པ་མངོན་དུ་མཚོན་པར་བྱ། །དང་པོ་སྤྲིན་དང་འདྲ་བར་སྣང་། །གཉིས་པ་དུ་བ་ལྟ་བུ་སྟེ། །གསུམ་པ་མེ་ཁྱེར་རྣམ་པ་ལ། །བཞི་པ་མར་མེ་གསལ་བའོ། །ལྔ་པ་རྟག་ཏུ་སྣང་བ་ནི། །སྤྲིན་མེད་ནམ་མཁའ་ལྟ་བུའོ། །ཕྱི་ནས་སྒྱུ་མའི་རྣམ་པ་སྟེ། །རྨི་ལམ་རྣམ་པ་སྐད་ཅིག་ [253a.2]ཡིན། །སྙིང་གའི་ནང་སོང་ཟླ་བ་ནི། །ཟླ་བའི་གཟུགས་ལ་མི་ཤིགས་པ། །སྣ་ཚོགས་འོད་ཟེར་གྱིས་ནི་བསྐོར། །དེ་ལས་རྡོ་རྗེ་བསྒོམ་པར་བྱ། །རྡོ་རྗེས་བདག་མེད་མཁའ་འགྲོ་མ། །བསྒོམས་ཏེ་ཆོ་ག་ཡིས་ནི་བསྐུལ། །མཁའ་འགྲོ་མ་ཡི་སྣ་ཡི་མཐར། །ཡུངས་ཀར་རྣམ་པ་བསྒོམ་པ་ནི། ། [253a.3]འགྲོ་བ་ཐམས་ཅད་ཡུངས་ཀར་ལ། །ཁམས་གསུམ་རྒྱུ་དང་མི་རྒྱུ་བ། །དེ་ལྟར་ཡིད་ཀྱིས་སྒོམ་བྱེད་པའོ། །རང་བྱིན་བརླབ་པར་རབ་གྲུབ་པའོ། །རུ་དྲཱཀྵ་དུང་བསེ་རུ་དང་། །བོ་དེ་ཙེ་དང་བད་འབྲས་བུ། །མུ་ཏིག་སོགས་དང་བྱི་རུ་ལ། །བསམ་གཏན་ལྡན་པས་སྔགས་བཟླས་བྱ། །ཨོཾ་དྷ་ར་དྷ་ར་དྷཱ་ར་ [253a.4]ཡ་དྷཱ་ར་ཡ། །མརྡྷ་མརྡྷ། །བཛྲ་དྷྲྀ་ཀ་ཕཊ་སྭཱ་ཧཱ། ཨོཾ་སཱ་སྭ་ཏ། ཨེ་ཧི་ཨེ་ཧི་ཛིན་ཛི་ཀ་ཕཊ་སྭཱ་ཧཱ། ཨོཾ་བཛྲ་སཱུ་ཪྻ་ཏ་མོ་བ་ཏི་མ་ན་ས་མ་ཡ་སྟྭཾ་ཨ་ཧཾ། །རཏྣ་དྷྲྀ་ཀ་ཕཊ་སྭཱ་ཧཱ། ཨོཾ་བཛྲ་དྷ་རྨཱ་ས་མ་ཡ་སྟཱཾ་ཧུ་ལུ་ཧུ་ལུ་ཨཱ་རོ་ལྀ་ཀ་ཕཊ་སྭཱ་ཧཱ། ཨོཾ་ཕུ་ཕུ་ཕུ་ཧི་ཧི་པྲ་ཛྙཱ་དྷྲྀ་ཀ་ཕཊ་སྭཱ་ཧཱ། གང་ཚེ་རྣལ་འབྱོར་བསམ་ [253a.5]གཏན་དུ་བེ། །དེ་ཚེ་དག་པ་རྗེས་སུ་དྲན། །སྙིང་རྗེ་ཡིས་ནི་སྤྱན་དག་དམར། །སྤྱན་གྱི་རྣམ་དག་རྡོ་རྗེ་གསུམ། །ཞལ་རྣམས་རྣམ་ཐར་བརྒྱད་པོ་ཡིན། །ཕྱག་ནི་སྟོང་པ་བཅུ་དྲུག་གོ། །བསྡུ་བའི་དངོས་པོ་བཞི་པོས་ནི། །ཞབས་ནི་བཞི་པོ་བརྗོད་པའོ། །ཕྱག་རྒྱ་ཡིས་ནི་སངས་རྒྱས་ལྔ། །ཁྲོ་བོ་ [253a.6]གདུག་བ་འདུལ་བའོ། །བདེན་པ་རྣམ་པ་བཞི་པོས་ནི། །རུས་པ་རུ་ནི་ཡོངས་གྱུར་པའོ། །གཟུགས་པུང་རྡོ་རྗེ་མ་རུ་གྱུར། །ཚོར་བར་གསང་བའི་གཽ་རཱི་མ། །འདུ་ཤེས་དེ་བཞིན་ཆུ་མ་སྟེ། །འདུ་བྱེད་རྡོ་རྗེ་མཁའ་འགྲོ་མའོ། །རྣམ་ཤེས་ཉིད་ནི་བདག་མེད་མ། །ཕུང་པོ་དོན་དམ་པར་ནི་མེད། ། [253a.7]སྐྱེ་མཆེད་དྲུག་ཏུ་འགྱུར་བ་ནི། །ཞེ་སྡང་རྡོ་རྗེ་རྡོ་རྗེ་མ། །ཆུ་མ་རོ་ཡི་རྡོ་རྗེ་ཡིན། །ཕྲག་དོག་རྡོ་རྗེ་གཏི་མུག་མ། །རྡོ་རྗེ་རྡོ་རྗེ་མཁའ་འགྲོ་མ། །སེར་སྣ་གསང་པའི་གཽ་རཱི་མ། །ཡིད་ལ་བདག་མེད་རྣལ་འབྱོར་མའོ། །ས་ནི་པུཀྐ་སཱི་རུ་བརྗོད། །ཆུ་ཁམས་རི་ཁྲོད་མ་རུའོ། །མེ་ནི་གཏུམ་མོར་ [253b] [253b.1]ཤེས་བྱ་སྟེ། །རླུང་ནི་གཡུང་མོར་རབ་ཏུ་གྲགས། །གཟུགས་ནི་དཀར་མོར་རྟག་ཏུ་བཤད། །སྒྲ་ལ་ཆོམ་རྐུན་མ་རབ་གྲགས། །དྲི་ཡི་ཆ་ལ་རོ་ལོངས་མ། །རོ་ལ་གྷསྨ་རཱི་ཡི་གཟུགས། །རེག་ལས་སྤྱོད་མ་རུ་བརྗོད། །ཆོས་ཀྱི་ཁམས་ལ་མཁའ་སྤྱོད་མའོ། །གློ་དང་དབུགས་དང་དེ་བཞིན་ [253b.2]སྨྱོ། །ཁོང་སྐྲན་མཛེ་དང་རྐང་ཤུ་དང་། །མཆིན་པ་མཆིར་པའི་རང་བཞིན་ཀྱང་། །གླང་པོ་ལ་སོགས་རབ་ཏུ་གྲགས། །རྫི་མ་འབྱི་དང་སོ་ནད་དང་། །མཁྲིས་པ་ཁྲག་དང་དེ་བཞིན་རླུང་། །བད་ཀན་འཛག་དང་ལུས་གས་དང་། །སྐྱ་རྦབ་འབྲས་ནི་རྨ་བྱ་སོགས། །རྐང་བམ་ཚིལ་ནད་རླིག་སྐྲངས་ [253b.3]དང་། །རྒྱུ་མ་འཕེལ་དང་ལྷོག་པ་དང་། །འཁྲུ་དང་རིམས་དང་རབ་འགས་དང་། །ཀ་རནྡ་སོགས་རབ་ཏུ་གྲགས། །བརྗེད་བྱེད་དང་ནི་ཕོ་མཚན་ལྕགས། །ཆུ་སྲི་བ་དང་རྡོ་ཆུ་ཅན། །བཤང་ནད་སྐྲན་དང་སྒྲོ་ནད་དང་། །མིག་སེར་ངོམ་ལ་སོགས་པའོ། །རླུང་དང་མཁྲིས་པ་མ་ཞུ་བ། །སྐྱ་ [253b.4]རིམ་རབ་རིབ་མཆིལ་མས་གང་། །གཞོག་ཕྱེད་ན་དང་ལྐོག་འབྲས་དང་། །རླུང་རྒྱས་གཟའ་ལག་ལ་སོགས་པའོ། །ལྷག་མ་རྣལ་འབྱོར་མ་ཡི་ཚོགས། །བསྡུས་པ་རུ་ནི་བསམ་པར་བྱ། །འདོད་དོན་གྲུབ་པར་བྱེད་དང་བགེགས། །ཞི་བར་བྱེད་དང་དགེ་བར་རོ། །སྔགས་དང་ཕྱག་རྒྱས་ཡང་ [253b.5]དག་དགུག །ལྷ་སོགས་ཕྱིར་ན་གཏོར་མ་བྱ། །ནམ་མཁའི་ཁམས་ཀྱི་དབུས་གནས་པར། །པདྨ་འདབ་བརྒྱད་བསྒོམ་པར་བྱ། །དབང་པོ་ཤར་གྱི་འདབ་མར་བསམ། །མཐར་བྱེད་ལྷོ་རུ་དགོད་པའོ། །ཆུ་བདག་ནུབ་ཀྱི་འདབ་མ་ལ། །བྱང་དུ་གནོད་སྦྱིན་དགོད་པར་བྱ། །མེར་ནི་བྱིན་ཟ་ཆེན་ [253b.6]པོ་ཉིད། །བདེན་བྲལ་མཚམས་སྐྱོང་དེ་བཞིན་ནོ། །རླུང་དུ་གནས་མེད་བསམ་པར་བྱ། །དབང་ལྡན་དུ་ནི་འབྱུང་པོའི་གཙོ། །ཟླ་ཉི་ཚངས་པ་ལྷ་ཚོགས་དང་། །ཚངས་པ་ཡི་ནི་རིག་པ་མཆོག །ཚངས་པ་མདུན་ན་འདོན་ཉིད་དང་། །དགའ་ལྡན་འཐབ་བྲལ་གནས་པ་དང་། །རྒྱལ་པོ་ [253b.7]ཆེན་པོར་གྱུར་པ་དང་། །གཞན་འཕྲུལ་དབང་བྱེད་གནས་ཉིད་དང་། །གང་ཞིག་འཕྲུལ་དགའི་ལྷ་རྣམས་དང་། །དག་པའི་གནས་སུ་གང་གནས་དང་། །བདེ་བ་ཅན་དུ་ཡང་དག་གནས། །འོག་མིན་གནས་སུ་གནས་པ་དང་། །འོད་ཟེར་ཅན་གྱི་འཇིག་རྟེན་དང་། །སུམ་ཅུ་རྩ་གསུམ་ [254a] [254a.1]གནས་པ་རྣམས། །དེ་ཀུན་སྟེང་དུ་བསམ་པ་སྟེ། །ཆོས་འབྱུང་གི་ནི་ནང་སོང་བའོ། །སྟོབས་ཀྱི་རྒྱུ་དང་དུང་སྐྱོང་དང་། །དེ་བཞིན་མཐའ་ཡས་ནོར་རྒྱས་བུ། །འཇོག་པོ་དང་ནི་རིགས་ལྡན་དང་། །པདྨ་པདྨ་བཟང་པོ་རྣམས། །ལྷ་མིན་དམྱལ་བ་ཐམས་ཅད་དེ། །ཆོས་འབྱུང་གི་ནི་ [254a.2]འོག་ཏུའོ། །ཨོཾ་ལས་ཚངས་པ་ལ་སོགས་ལྷ། །ཧཱུཾ་ཡིག་ལས་ནི་མ་ཆགས་སོགས། །ཨ་ལས་སྟོབས་ཀྱི་རྒྱུ་ལ་སོགས། །ཞལ་གཅིག་ཕྱག་ནི་གཉིས་རྣམས་སོ། །སྟེང་གི་ལྷ་རྣམས་དཀར་པོ་ཆེ། །དབང་པོ་ལ་སོགས་ནག་པོ་མཚུངས། །སྟོབས་ཀྱི་རྒྱུ་སོགས་དམར་པོ་ཆེ། །རང་མཚུངས་ [254a.3]རིག་མས་ལུས་སྤྲད་ལྡན། །ལག་གཉིས་རྡོ་རྗེ་དྲིལ་བུར་འབྲེལ། །གཡས་བརྐྱང་བ་ཡི་སྟན་ལ་གནས། །ཚངས་སོགས་རྟག་པའི་ཕྱག་རྒྱས་གདབ། །མཆོད་སྦྱིན་བརྒྱ་སོགས་རྡོ་རྗེ་ཡིས། །སྟོབས་ཀྱི་རྒྱུ་སོགས་གར་དབང་སྟེ། །ཀུན་ཀྱང་རིགས་གསུམ་ལས་སྐྱེས་སོ། །དཀར་མོ་ཡིས་ནི་དགུག་ [254a.4]པ་ཉིད། །ཆོམ་རྐུན་མ་ཡི་ཞགས་པ་གཞུག །རོ་ལངས་མ་ནི་ལྕགས་སྒྲོག་འཆིང་། །ཟ་ཕོད་དྲིལ་བུས་དབང་དུ་བྱེད། །དེ་ནས་མཆོད་ཡོན་ཞལ་བསིལ་སྦྱིན། །སྔགས་འདི་ཡིས་ནི་དབུལ་བར་བྱ། །ཨོཾ་ཨཱཿ་ཧཱུཾ། ཕྱི་ནས་འཐོར་འཐུང་སྦྱིན་པ་སྟེ། །སྔགས་འདིས་གཤེགས་སུ་གསོལ་བར་བྱ། ། [254a.5]ཨོཾ་བཛྲ་སྟྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཤྠ། དྲྀ་ཌྷོ་མེ་བྷ་ཝ། སུ་ཏོ་ཥྱོ་མེ་བྷ་ཝ། སུ་པོ་ཥྱོ་མེ་བྷ་ཝ། ཨ་ནུ་ར་ཀྟོ་མེ་བྷ་ཝ། ཧྲྀ་ད་ཡ་མྨེ་ཨ་དྷི་ཏི་ཥྛ་སརྦྦ་སིདྡྷིཾ་མེ་པྲ་ཡ་ཙྪ། སརྦྦ་ཀ་རྨ་སུ་ཙ་མེ་ཙི་ཏཏཾ་ཤྲེ་ཡཿ་ཀུ་རུ་ཧཱུཾ་ཧ་ཧ་ཧ་ཧ་ཧོཿ་བྷག་ཝའྣ་སརྦྦ་ཏ་ཐཱ་ག་ཏ་བཛྲ་མཱ་མེ་མུ་ཉྟ་བཛྲཱི་བྷ་ཝ་མ་ཧཱ་ས་མ་ཡ་ [254a.6]སཏྭ་ཨཿ་མུཿ། ཉི་ཤུ་གཉིས་ཀྱི་ལྷ་རྣམས་ཚོགས་དག་དང་། །དཀྱིལ་འཁོར་ལྔ་ཡི་གཙོ་བོ་མཁའ་འགྲོ་ལྔ། །བྱས་པའི་བསོད་ནམས་ཐོབ་པས་དགེ་བ་རྣམས། །དེས་ནི་འགྲོ་རྣམས་མཁའ་འགྲོ་ལྔར་བྱེད་ཤོག །མི་ཐུབ་ཟླ་བའི་གསུང་གིས་རྣམ་སྤྲས་པས། །དཀྱིལ་འཁོར་རྣམ་པ་ལྔ་ཡི་ [254a.7]རྒྱ་མཚོ་རྣམས། །དབའ་རླབས་ཆེན་པོ་བཅོམ་པར་གྱུར་པ་ནི། །རྨོངས་པའི་ཡུལ་རྣམས་མེད་པ་རུ་ནི་གྱུར། །མི་ཐུབ་ཟླ་བས་རྣམ་པར་སྤྲས་པའི་མཁའ་འགྲོ་ལྔའི་སྒྲུབ་པའི་ཐབས་ཞེས་བྱ་བ་རྫོགས་སོ།། །།རྒྱ་གར་མཁན་པོ་ལི་ལ་བཛྲ་དང་། བོད་ཀྱི་ལོ་ཙཱ་བསོད་ནམས་ [254b] [254b.1]རྒྱལ་མཚན་གྱིས། །རང་གི་དམ་ཆོས་གསལ་བར་བྱེད་པས་ན། །རང་དང་གཞན་གྱི་དོན་དུ་ལེགས་པར་བསྒྱུར།། {T1322}༄༅༅། །རྒྱ་གར་སྐད་དུ། ཤྲཱི་ཌཱ་ཀི་ནཱི་བཛྲ་པཉྫ་ར་སཾ་ཧ་ར་ཎ་མཎྜལ་ཨ་ནུ་རེ་ནཱ་སཱ་དྷ་ནཾ། བོད་སྐད་དུ། དཔལ་མཁའ་འགྲོ་མ་རྡོ་རྗེ་གུར་གྱི་དཀྱིལ་འཁོར་བསྡུས་ [254b.2]པ་ཞེས་བྱ་བའི་རྗེས་སུ་འབྲང་བའི་སྒྲུབ་ཐབས། བཅོམ་ལྡན་འདས་རྡོ་རྗེ་མཁའ་འགྲོ་ལ་ཕྱག་འཚལ་ལོ། །གཅིག་དང་དུ་མར་སྤྱད་པའི་སྙིང་པོས་ཉིད་ཀྱི་དངོས་གྲུབ་ལ་འཁྲུལ་ཞི་མཛད་པ། །ཤེས་རབ་ཡན་ལག་འདུས་པས་བསྐྱེད་པ་རྡོ་རྗེའི་རྩེ་མོའི་བུ་གར་གསལ་ཞིང་འོད་འབར་ལྡན། ། [254b.3]ཐུགས་རྗེ་ཤར་པར་དག་པའི་འཁོར་ལོར་མཛད་པས་སེམས་ཅན་དོན་ལ་བརྟུལ་བས་བཅིངས་པའོ། །བདེན་པའི་མཚན་ཉིད་ཀྱི་བརྒྱན་ཀྱེ་རྡོ་རྗེ་ལ་བདག་གི་སྤྱི་བོས་ཕྱག་འཚལ་ལོ། །རོལ་བཅས་ཞབས་ནི་འདམ་སྐྱེས་ལྡན། །རྡོ་རྗེ་མཁའ་འགྲོ་མ་ཕྱག་འཚལ། །སྒྲུབ་པའི་ཐབས་ [254b.4]ཀྱི་མན་ངག་ནི། །རང་དྲན་ཕྱིར་ན་བྲི་བར་བྱ། །དེ་ནས་གཞན་ཡང་སྡུག་བསྔལ་བའི་སེམས་ཅན་མང་པོ་ལ་དམིགས་ནས། སྙིང་རྗེའི་རོ་ཤིན་ཏུ་རྒྱས་པ་ལ་འཇུག་པར་བྱེད་པ་དང་། བདག་དང་གཞན་རྣམ་པར་བརྟགས་པས་སེམས་ཅན་རྣམ་པར་རྒྱས་པར་གྱུར་པ་དང་། །སྦྱིན་པ་ལ་སོགས་ [254b.5]པའི་རྣམ་པ་བཅུ་པོར་སེམས་ཀྱི་རྒྱུན་ཡོངས་སུ་དག་པ་ཅན་དང་། རྣམ་པ་གསུམ་གྱི་སྒོ་ནས་བླ་མ་མཉེས་པར་བྱེད་པའི་སྐྱོན་རྣམས་ལ་སོགས་པ་དང་བྲལ་བ་དང་། ཡང་དག་པར་རྫོགས་པའི་བྱང་ཆུབ་བསྒྲུབ་པ་ལ་བརྩོན་འགྲུས་ཀྱི་མཐུ་ཡིས་སེམས་རྟག་ཏུ་ནོན་པ་དང་། དཔལ་དང་ལྡན་པའི་ [254b.6]མཁའ་འགྲོ་མ་གུར་གྱི་དཀྱིལ་འཁོར་དུ་དབང་བསྐུར་ཞིང་ཆོ་ག་བཞིན་དུ་རྗེས་སུ་གནང་བ་ཐོབ་པའི་སྔགས་ཐུན་མཚམས་ཀྱི་དང་པོར་ལངས་ཏེ། རང་གི་སྙིང་གར་རེ་ཕ་ལས་བྱུང་བའི་ཉི་མའི་དཀྱིལ་འཁོར་ལ་དམ་པའི་དང་པོ་ས་བོན་རྣམ་པར་བཀོད་དེ་བཞག་ལ། དུར་ཁྲོད་ལ་སོགས་པའི་ [254b.7]ཕྱོགས་ལ་ལར་ཙནྡན་ལ་སོགས་པའི་དཀྱིལ་འཁོར་གྲུ་བཞི་པ་བྱས་ཏེ། མེ་ཏོག་རྣམ་པས་ཉེ་བར་མཛེས་པ་བྱས་པའི་སའི་ཆར་ཞིང་ཆེན་ལ་སོགས་པར་རྡོ་རྗེ་སྐྱིལ་མོ་ཀྲུང་གིས་ཉེ་བར་འདུག་སྟེ། ལག་པའི་ལོ་མ་དག་ཏིང་ངེ་འཛིན་གྱི་ཕྱག་རྒྱར་ཡང་དག་པར་བསྡུས་ཏེ་འདུག་ནས་ [255a] [255a.1]ཡི་གེ་ཧཱུཾ་ལས་འོད་ཟེར་གྱི་ཚོགས་ཀྱིས་བླ་མ་དང་སངས་རྒྱས་དང་བྱང་ཆུབ་སེམས་དཔའ་རྣམས་ནམ་མཁའི་བར་སྣང་གི་དཀྱིལ་འཁོར་དུ་བཞུགས་པར་དམིགས་ལ་མཆོད་པ་ལ་སོགས་པ་བྱའོ། །དེ་ལ་མཆོད་པ་ནི་འདི་ལྟ་སྟེ། འོད་ཀྱི་སྒོ་ནས་ངེས་སྟོན་པའི། །པདྨའི་ལག་ [255a.2]ལྡན་རྣམ་པར་སྒེག །སྒེག་སོགས་ལྷ་མོ་རྣམས་ཀྱིས་ནི། །ཡང་དག་པར་ནི་མཆོད་པར་བྱ། །ཐོག་མེད་སྲིད་པར་སྐྱེས་པ་ཡི། །སྡིག་སོགས་ཆོ་ག་བཞིན་བཤགས་བྱ། །བདེ་གཤེགས་ཚོགས་ཀྱི་སྤྱན་སྔར་ནི། །བདག་གི་སྡིག་པའི་ཕུང་པོ་བཤགས། །ཐུབ་སོགས་སྲས་དང་ [255a.3]བཅས་རྣམས་ཀྱི། །སྲིད་གསུམ་སྐྱེ་བོ་དངོས་རྣམས་ཀྱི། །བསོད་ནམས་ཕུན་སུམ་ཚོགས་པ་ལ། །དད་པས་རྗེས་སུ་ཡི་རང་ངོ་། །རྣམ་རྟོག་ཀུན་ནི་རབ་བཅོམ་པའི། །རྒྱལ་བ་རྣམས་ལ་བདག་དབུལ་ལོ། །སྲིད་པ་བྱེད་པར་ངེས་འཇོམས་པའི། །བྱང་ཆུབ་སེམས་སུ་སེམས་གཅིག་སྟེ། །ཕྱོགས་ [255a.4]བཅུ་ཀུན་ཏུ་ངེས་པར་ནི། །ཆོས་ཀྱི་འཁོར་ལོ་བསྐོར་བར་བགྱི། །ཞི་བའི་དཀོན་མཆོག་གསུམ་འདི་ལ། །ད་ལྟ་ཉིད་ནས་སྐྱབས་སུ་མཆིའོ། །སྲིད་གསུམ་སྐྱེ་བོ་ལ་ཕན་པའི། །རིན་ཆེན་ལམ་ནི་བདག་གིས་བསྟེན། །དངོས་རྣམས་རང་བཞིན་གྱིས་སྟོང་ཞིང་། །མཚན་མ་མེད་ཅིང་རྒྱུ་མེད་ [255a.5]པར། །གང་ཕྱིར་བརྟགས་པས་རྣམ་གྲོལ་བས། །སྨོན་པ་དང་ནི་དྲལ་བར་འགྱུར། །དེ་ལྟར་ཀུན་གྱི་རྣམ་གསལ་ཞིང་། །སྒྱུ་མ་ལྟ་བུར་རྣམ་བསམས་ནས། །མ་རིག་ལ་སོགས་སྐྱོན་སོགས་པ། །དེ་འགོག་པས་ནི་འགོག་པར་འགྱུར། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་ [255a.6]བརྗོད་ལ་ང་རྒྱལ་བྱའོ། །བསོད་ནམས་ཡེ་ཤེས་དག་གིས་བརྟགས་པས་བསགས་པའི་དབང་ལ་སྐུ་གསུང་ཉིད་འདོད་ན། །ཉི་མ་ལ་གནས་སྣ་ཚོགས་རྡོ་རྗེ་ཁ་གྱེས་འཇིགས་པས་ས་བོན་ཧཱུཾ་ལས་སྐྱེས་མཚན་པའི། །འདི་ལས་ར་བ་ལ་སོགས་བཞི་པོ་རྣམས་ནི་སྐྱེས་བར་རབ་ཏུ་བསམ་བྱས་པར། ། [255a.7]བྷྲུཾ་ཟེར་ལས་བྱུང་རྩིབས་བཅུ་ལྡན་པའི་འཁོར་ལོ་མི་གཡོ་ལྟ་བུར་འཁོར་བ་བྱས་ནས་ནི། །དེ་ལ་ཆུ་སྐྱེས་ཉི་མར་མཉམ་མེད་གཤིན་རྗེ་མཐར་བྱེད་ལ་སོགས་ཧཱུཾ་དང་མཚན་མས་བསྐྱེད། །གཡོན་བརྐྱང་པ་ཡི་ཞབས་ཀྱིས་རྣམ་པར་རོལ་ཅིང་གཡོ་ཅན་རྣམས་ནི་མནན་པར་བསམ། །དེ་ཡི་དབུས་སུ་ [255b] [255b.1]ཧཱུཾ་དང་རྡོ་རྗེ་ལས་སྐྱེས་རྡོ་རྗེ་ཧཱུཾ་མཛད་དེ། །ཨནྡ་རྙིལ་འོད་འདྲ་བའི་གོང་བུ་ལྟ་བུར་སྐུ་མཛེས་གྱུར། །སྣ་ཚོགས་ན་བཟའི་རྒྱན་གྱིས་བརྒྱན། །རྣམ་པར་འཇིགས་ཤིང་སྒེག་པའོ། །པདྨའི་ཕྱག་ནི་རབ་སྤྲེལ་ཏེ། །ཕྱག་རྒྱའི་མཆོག་ནི་ཐུགས་ཀར་མཛད། །རིན་ཆེན་དབུ་རྒྱན་དང་ལྡན་པར། །ཐུགས་ [255b.2]ཀྱི་རྡོ་རྗེ་རབ་ཏུ་བཞུགས། །ལྷ་མོ་དཀའ་ཟློག་མ་ཡི་ནུ་མ་རྒྱས་པའི་དཀྱིལ་འཁོར་དང་། །མོས་པ་མེད་པའི་དགྲ་བོའི་རི་བོས་མཚན་མ་ཅན་གྱི་ཡན་ལག་གི། །དམ་པར་རབ་ཏུ་བསྡུས་པའི་གནས་སུ་མཚན་མ་ཅན་གྱི་ཞེ་སྡང་ལ། །གཡོན་བརྐྱང་བ་ཡི་ཆུ་སྐྱེས་ཞབས་ཀྱིས་རབ་ཏུ་མནན་ཅིང་རྣམ་ [255b.3]པར་སྒེག་པ་སྟེ། །ཇི་སྐད་བཤད་པའི་ཡེ་ཤེས་རྣམ་པར་དག་པའོ། །གཤིན་རྗེ་མཐར་བྱེད་དང་། གཞན་གྱིས་མི་ཐུབ་པ་དང་། རྟ་མགྲིན་དང་བདུད་རྩི་འཁྱིལ་པ་སྟེ། དཔའ་བོ་འདི་རྣམས་སྔོན་པོ་དང་། དཀར་པོ་དང་། དམར་པོ་དང་། མིག་སྨན་ལྟ་བུ་ལ་སྨ་ར་དམར་སེར་དང་། སྨིན་ [255b.4]མ་རབ་ཏུ་འཁྱུག་པ་དང་། དབུ་སྐྲ་གྱེན་དུ་བརྫེས་པ་དང་། ནགས་ཚལ་ཆེན་པོ་ལྟ་བུས་ལུས་བརྒྱན་པ། གསུས་པ་ལྡིར་ཞིང་སྐུ་ཐུང་བ་དང་། སྨད་སྟག་གི་པགས་པས་དཀྲིས་ཤིང་སེང་གེའི་པགས་པ་བསྣམས་པ་ཁ་ནས་འབར་བའི་དུག་འཕྲོ་བ་ཅན་གྱི་ཀླུ་རྣམས་ཀྱིས་སྐུ་ལ་མཛེས་པའོ། ཐོ་བ་ [255b.5]དང་དབྱུག་པ་དང་། མཚོ་ལས་སྐྱེས་པ་དང་། རྡོ་རྗེ་རྣམ་པར་གྱེས་པ་ནི་ཕྱག་གི་པདྨ་རྣམས་ནའོ། །རྣམ་པར་སྣང་མཛད་དང་། ཐུགས་དང་ཚེ་དཔག་ཏུ་མེད་པ་དང་། དོན་ཡོད་གྲུབ་པ་རྣམས་ཀྱིས་ཡན་ལག་གི་མཆོག་ལ་བརྒྱན་པའོ། །དེ་རྣམས་ཤར་དང་། ལྷོ་དང་། ནུབ་དང་། བྱང་དུ་ [255b.6]བསམ་པར་བྱའོ། །མེ་དང་། བདེན་བྲལ་དང་། རླུང་དང་། དབང་ལྡན་གྱི་གྲྭ་རྣམས་སུ་ནི། འདོད་པའི་རྒྱལ་པོ་དང་། དབྱུག་པ་སྔོན་པོ་དང་། སྟོབས་པོ་ཆེ་དང་མི་གཡོ་བ་རྣམས་མདོག་སྔོན་པོར་རོ། །ལྕགས་ཀྱུ་དང་། དབྱུག་པ་སྔོན་པོ་དང་། རྩེ་གསུམ་པ་དང་། རལ་གྲི་རྣམས་ནི་ [255b.7]རིམ་པ་བཞིན་དུ་ཕྱག་གི་ལོ་མ་རྣམས་ལའོ། །མི་བསྐྱོད་པ་ལ་སོགས་པས་དབུ་བརྒྱན་ཅིང་རིན་པོ་ཆེ་བཟང་པོ་རྣམས་ཀྱིས་བརྒྱན་པའོ། །སྟོབས་པོ་ཆེ་དང་དབྱུག་པ་སྔོན་པོ་ཡང་གཤིན་རྗེ་གཤེད་པོ་ཇི་ལྟ་བར་ཁྲོ་བ་རྣམ་པར་གཙིགས་པའོ། །སྟེང་དུ་ནི་བྷྲཱུཾ་དང་འཁོར་ལོ་ལས་ཕྱུང་བའི་ [256a] [256a.1]གཙུག་ཏོར་འཁོར་ལོས་སྒྱུར་བ་གསེར་བཙོ་མའི་ཁ་དོག་དང་མཉམ་པ། ཕྱག་ན་འཁོར་ལོས་རྣམ་པར་མཛེས་པ། རིན་པོ་ཆེ་ལ་སོགས་པས་བརྒྱན་ཅིང་རིན་པོ་ཆེའི་དབུ་རྒྱན་ལ་རྣམ་པར་སྣང་མཛད་གནས་པའོ། །འོག་ཏུ་གནས་པ་ནི་གནོད་མཛེས་ཏེ། སྔོན་པོ་གསལ་ཤིང་འཛིན་པ། རིན་ [256a.2]པོ་ཆེས་དབུ་བརྒྱན་པ་ལ་མི་བསྐྱོད་པ་གནས་པ། རྣམ་པ་སྣ་ཚོགས་པའི་རྒྱན་དང་ལྡན་པའོ། །ཐམས་ཅད་ཀྱང་ཉི་མའི་དཀྱིལ་འཁོར་གྱི་འོད་དང་ལྡན་པ། སྡུག་བསྔལ་ལ་སོགས་པ་ཤེས་པ་བཅུ་པོ་རྣམ་པར་དག་པ་སྟེ། བདུད་ཀྱི་དཀྱིལ་འཁོར་རྣམ་པར་གནོན་པའོ། །ཐམས་ཅད་ཀྱི་ཕྱག་གཡོན་ [256a.3]པ་རྣམས་ནི་ཀླུའི་ཞགས་པ་དང་ལྡན་པའི་སྡིགས་མཛུབ་སྙིང་གར་བཀོད་པ་ཅན་དུ་བསམ་མོ། །འདི་ནི་སྲུང་བའི་འཁོར་ལོའི་གཙོ་བོ་གང་འདོད་པས་སྲུང་བའི་འཁོར་གཙོ་བོ་བྱའོ། །དེ་ནས་སྲུང་བའི་འཁོར་ལོའི་གཙོ་བོ་ཞུ་སྟེ། རི་བོང་འཛིན་གྱི་གོང་བུར་གྱུར་པའི་གྱེན་དུ་གནས་པ་གྲུ་གསུམ་ [256a.4]པས་ཉེ་བར་མཛེས་ཤིང་ཕྱོགས་ཀྱི་སྒོ་ཀུན་དུ་རབ་ཏུ་གསལ་བ་ཅན། ནང་གི་ནམ་མཁའི་རང་གི་ངོ་བོ་རྣམ་པར་དག་པར་རྡོ་རྗེ་པདྨོ་ཆོས་ཀྱི་འབྱུང་གནས་རྣམ་པར་བསམ་མོ། །དེར་ཡཾ་རཾ་བཾ་ལཾ་ཞེས་བྱ་བའི་ས་བོན་རྣམས་ཀྱིས་རིམ་པ་ཇི་ལྟ་བར་རླུང་དང་མེ་དང་ཆུ་དང་ས་འཛིན་པའི་དཀྱིལ་འཁོར་རྣམས་ [256a.5]སུ་སོ་སོར་བྱ་བའི་དོན་ཏེ། འབྱུང་པོ་དང་། དབང་པོ་རྣམས་རྣམ་པར་དག་པར་བསམ་པའོ།དེར་བྷྲཱུཾ་དང་འཁོར་ལོ་ལས་བྱུང་བའི་རྣམ་པར་སྣང་མཛད་བསམས་ཏེ། རླུང་ལ་སོགས་པའི་དཀྱིལ་འཁོར་རྣམས་གཅིག་ཏུ་གྱུར་པའི་གོང་བུ་ལས། དེ་བཞིན་གཤེགས་པ་ཀུན་གྱི་ཡོན་ཏན་རྣམ་པར་དག་ [256a.6]པ་དང་། །ཁམས་གསུམ་ཐམས་ཅད་རོ་གཅིག་པའི་གཟུགས་བསོད་ནམས་དང་ཡེ་ཤེས་ཀྱི་ཚོགས་ཕུན་སུམ་ཚོགས་པའི་གནས་སུ་འགྱུར་རོ། །ཨོཾ་སརྦ་ཏ་ཐཱ་ག་ཏ་ཛྙཱ་ན་ཨ་ལ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་འདིས་ང་རྒྱལ་དང་ལྡན་པར་བྱ་སྟེ། གཞལ་ཡས་ཁང་བརྩེགས་པ་བསྒོམ་པར་ [256a.7]བྱའོ། །དེའི་སྟེང་དབུས་སུ་ཨཱ་ལི་དང་ཀཱ་ལི་ཉིས་འགྱུར་དུ་བལྟས་ལ། དེ་ཡོངས་སུ་ཞུ་བས་ཟླ་བ་དང་ཉི་མའི་དཀྱིལ་འཁོར་ཏེ། མེ་ལོང་ལྟ་བུའི་ཡེ་ཤེས་དང་། མཉམ་པ་ཉིད་ཀྱི་ཡེ་ཤེས་དང་། སྐྱེས་བུ་ཆེན་པོའི་མཚན་སུམ་ཅུ་སོ་གཉིས་དང་། དཔེ་བྱད་བཟང་པོ་བརྒྱད་ཅུ་རྣམ་པར་དག་པའི་རང་ [256b] [256b.1]བཞིན་དུ་རབ་ཏུ་གོ་བར་བྱའོ། །དེ་ས་བོན་ཧཱུཾ་དང་ཨ་ལས་སྐྱེས་པའི་སྣ་ཚོགས་རྡོ་རྗེ་དམ་པས་མཚན་པའི་མཚོ་ནས་སྐྱེས་པའི་སྣོད་དག་ལ་དེས་མཚན་པ་ནི་དོན་གྱི་དངོས་པོ་ཐམས་ཅད་སོ་སོར་རྟོག་པའི་རང་བཞིན་ནོ། །དེའི་འོད་ཟེར་གྱིས་ཐུབ་པའི་ཚོགས་རྣམས་སུ་འཐོན་ནས་འགྲོ་བ་ཀུན་གྱི་ཤིན་ [256b.2]ཏུ་སྡུག་བསྔལ་ཞི་བར་མཛད་དེ་བྱོན་པས་རབ་ཏུ་ཞུགས་པ་ནི་བྱ་བ་ནན་ཏན་གྱི་ཡེ་ཤེས་སོ། །ཤིན་ཏུ་རྣམ་པར་དག་པའི་བདག་ཉིད་ནི། བཛྲ་ཨཱཏྨ་ཀོ྅ཧཾ། ཞེས་ང་རྒྱལ་དང་ལྡན་པར་བྱའོ། །དེ་དག་ནི་འབྱུང་བ་རྣམས་དང་། དབང་པོ་ལྔའི་རང་བཞིན་ཡན་ལག་དག་པར་ཁོང་དུ་ཆུད་པར་བྱའོ། [256b.3]དེ་སྐད་དུ་ཡང་གསུངས་པ། སངས་རྒྱས་གནས་བཞི་རྫོགས་ནས་ནི། །རྣམ་པ་ལྔ་པོ་བསྒོམ་པར་བྱ། །ཞེས་པ་སྟེ། ཚིག་འདིས་ནི་དབང་པོ་ལྔ་ནི་མཚན་མ་ལ་སོགས་པ་ལྡན་པ་ལ་བཤད་དོ། །དེ་ལྟ་བུའི་བཅོམ་ལྡན་འདས་ནི་དཔེ་མེད་པ་རྒྱལ་བའི་ཚོགས་ཀྱི་རྡུལ་ཕྲ་རབ་ཡོངས་སུ་བསྡུས་པའི་ [256b.4]སྐུའི་ཡན་ལག་གི་མདངས་སྟོན་ཀའི་ཟླ་བ་ལྟ་བུ། ཀུན་དུ་ནམ་མཁའ་དང་མཉམ་པ། སྟོང་པ་དང་སྙིང་རྗེ་དབྱེར་མེད་པའི་རང་བཞིན་ལས་བྱུང་བ་སྟེ། ཞལ་གསུམ་ནི་སྔོན་པོ་དང་། དམར་པོ་དང་དཀར་པོ་ལ། ལྷ་མོ་ལྔ་པོ་ནི་ནག་པོར་རོ། །དེ་དག་ནི་མཆོག་བདེ་བའི་དངོས་པོ་རྡོ་རྗེ་འཛིན་པ་ཆེན་ [256b.5]པོ་བསམ་པའོ། །དེའི་ཐུགས་ཀའི་འོད་ཀྱི་ཚོགས་རྣམས་ཀྱིས་དེ་བཞིན་གཤེགས་པའི་ཚོགས་རྣམས་དྲངས་ཏེ་བཅུག་ལ་གཟུགས་ལ་སོགས་པའི་ལྷ་མོ་རྣམས་སུ་ཕྱུང་སྟེ། རང་གི་ལྷ་མོར་བཅུག་པར་བྱའོ། །དེའི་པདྨའི་ལྟེ་བར་དཔལ་ཧེ་རུ་ཀའི་དཀྱིལ་འཁོར་རྫོགས་པར་བྱས་ཏེ། [256b.6]གྲིབ་མ་དང་སྒྱུ་མ་ལྟ་བུར་འཇིག་རྟེན་ན་གྲགས་པའི་དྲི་ཟའི་སྐྱེས་བུ་དྲངས་ཏེ་བཅུག་པས་དབང་བསྐུར་ཏེ། ཐབས་ཅིག་ལྷ་མོའི་པདྨའི་ལྟེ་བར་འདུག་ནས། ཡི་གེ་ཧོཿ་འབར་བ་གཉིས་ཀྱི་བར་དུ་བཅུག་པའི་ཡི་གེ་གསུམ་པོ་རྣམ་པར་བསམས་ལ། འདོད་ཆགས་ཆེན་པོའི་ཡི་གེ་རྣམས་འོད་དུ་ [256b.7]ཞུ་བས་ད་དངུལ་ཆུ་ལྟ་བུར་སོང་བར་བལྟས་ལ། ཐོག་མ་མེད་པར་གྲུབ་པའི་སྤོས་བྱེད་མ་ལ་སོགས་པས་རྨི་ལམ་དང་སྒྱུ་མ་ལྟ་བུ་རྣམས་ཀྱིས་བསྐུལ་བར་བསམ་མོ། །ཁྱོད་ནི་རྡོ་རྗེའི་སྐྱོན་རྣམས་ཡོངས་སུ་སྐྱོང་མཛད་དག་པའི་ཐུགས། །ཤིན་ཏུ་རྣམ་པར་ཆོས་ཀྱིས་རབ་ཏུ་བརྒྱན་བྱས་བཟང་ [257a] [257a.1]པོའི་སྐུ། །སྤོས་མོ་བདག་ལ་དི་རིང་གཟིགས་ཏེ་སྟོང་པ་དོར་མཛོད་ལ། །འདྲེན་པ་འཇིག་རྟེན་པ་ཡི་རྒྱུ་ལས་སྐྱེས་པ་བཞེངས་མཛོད་ཅིག །ཁྱོད་ནི་རྡོ་རྗེ་གཏི་མུག་ཡོངས་དག་མཛད་པའི་སྐུ། །གཟུགས་བརྙན་ལྟ་བུའི་ཆོས་ཀྱིས་རབ་ཏུ་བརྒྱན་པ་ཆོས་ཀྱི་སྐུ། །རི་ཁྲོད་མ་བདག་ [257a.2]ལ་གཟིགས་མགོན་པོ་སྟོང་པ་དོར་མཛད་ལ། །མགོན་པོ་འདྲེན་པ་འཇིག་རྟེན་པ་ཡི་རྒྱུ་ལས་སྐྱེས་པ་བཞེངས་མཛོད་ཅིག །ཁྱོད་ནི་རྡོ་རྗེ་ཆགས་པ་ཡོངས་སུ་སྐྱོང་མཛད་དག་པའི་གསུང་། །ངེས་པར་སོ་སོར་རྟོག་པས་རབ་ཏུ་བརྒྱན་པ་བཟང་པོའི་སྐུ། །གཏུམ་མོ་བདག་ལ་དི་རིང་། [257a.3]གཟིགས་ཏེ་སྟོང་པ་དོར་མཛད་ལ། །མགོན་པོ་འདྲེན་པ་འཇིག་རྟེན་རྒྱུ་ལས་སྐྱེས་པ་བཞེངས་མཛོད་ཅིག །ཁྱོད་ནི་སངས་རྒྱས་སྐྱོང་མཛད་ཐམས་ཅད་གཟུགས། །ཐམས་ཅད་མཉམ་པ་ཉིད་ཀྱིས་རབ་ཏུ་བརྒྱན་མཛད་ཅིང་། །སྨེ་མོ་བདག་ལ་དི་རིང་གཟིགས་ཏེ་སྟོང་པ་དོར་མཛད་ལ། །འདྲེན་ [257a.4]པ་འཇིག་རྟེན་པ་ཡི་རྒྱུ་ལས་སྐྱེ་བ་བཞེངས་མཛོད་ཅིག །ཅེས་སོ། །དེ་ལྟ་བུའི་སྙིང་རྗེ་ཆེན་པོ་སྔོན་དུ་བསྐྱེད་པའི་བསམ་པའི་ཐུགས་ཀྱིས་རྣལ་འབྱོར་པ་ཐིག་ལེ་ལས་ཉམས་པར་གཟིགས་ནས། ཧཱུཾ་དང་ཨཾ་གི་ས་བོན་དག་གིས་མཚན་པའི་མཚོ་ལས་སྐྱེས་པའི་སྣོད་ལ་སྣ་ཚོགས་རྡོ་རྗེས་མཚན་ [257a.5]པར་གྱུར་པར་བསམས་ཏེ། རྣམ་པར་རྟོག་པ་དང་བཅས་པ་ཏིང་ངེ་འཛིན་ལ་སོགས་པ་རྣམ་པ་ལྔ་པོ་རང་གི་ངོ་བོས་སྤྲོ་བ་དང་བསྡུ་བའི་དངོས་པོ་སྔོན་དུ་གནས་ཏེ་དེར་བརྟན་པར་བྱས་པས། དེ་བཞིན་གཤེགས་པ་ཐམས་ཅད་རྣམ་པར་དག་པའི་སྐུ་དཔལ་ཧེ་རུ་ཀ་སྟེ་ཞབས་བཞི་པོས་བདུད་ [257a.6]བཞི་མནན་པ། ནགས་ཀྱི་ཡན་ལག་ལྟ་བུའི་ཕྱག་བཅུ་དྲུག་པོ་རྣམས་ནི་ཐོད་པའི་ཚོགས་རྣམས་བསྣམས་པ། སྐུ་དང་རྩ་བའི་ཞལ་ནི་འཇིག་པའི་དུས་ཀྱི་ཆར་སྤྲིན་ལྟར་སྔོ་བའོ། །ཆུ་སྐྱེས་ཀྱི་ཞལ་གཡས་པ་དང་གཡས་པ་མ་ཡིན་པ་དག་ནི་རི་བོང་འཛིན་པ་ཡོངས་སུ་རྫོགས་པ་ལྟ་བུ་དང་། [257a.7]ཉིན་མོ་བྱེད་པ་གསར་དུ་ཤར་བ་ལྟ་བུའི་འོད་དང་མཚུངས་པར་ལྡན་པའོ། །སྟེང་མ་ཉིད་ནི་རབ་ཏུ་རྣམ་པར་གཙིགས་པའོ། །ལྷག་མ་བཞི་པོ་རྣམས་ནི་བུང་བའི་ཡན་ལག་ལྟར་ཤིན་ཏུ་འཇིགས་པའོ། །སྤྱན་ཉི་ཤུ་རྩ་བཞིའི་ཕྲེང་བས་རྣམ་པར་མཛེས་ཤིང་སྐྱིལ་ཀྲུང་ཕྱེད་པའི་གར་གྱིས་ [257b] [257b.1]བཞུགས་པ། སྟག་གི་པགས་པའི་སྨད་དཀྲིས་ཅན་དབུའི་ལྕང་ལོ་དམར་སེར་འབར་བ་གྱེན་དུ་བརྫེས་པ་ནགས་ཚལ་ལྟ་བུ་ཅན་མཆོག་ཏུ་བཟང་པོའི་རྡོ་རྗེ་འཆང་བ། ཕྱག་རྒྱ་ལྔ་ཡིས་རྣམ་པར་བརྒྱན་པའི་ཤིན་ཏུ་མཛེས་པར་བསམ་པར་བྱའོ། །གློ་དང་དབུགས་དང་རིམས་ནད་དང་། །གློ་ཁྲག་མཛེ་ནད་ [257b.2]འབྲུམ་བུ་དང་། །སྤོས་ནད་མཆིན་ནད་རང་བཞིན་ཏེ། །གླང་པོ་རྟ་བོང་བན་གླང་དང་། །རྔ་མོ་མི་དང་སེང་རྒྱལ་དང་། །དེ་བཞིན་དུ་ནི་བྱི་ལ་རྣམས། །གཡས་པའི་ཐོད་པ་བརྒྱད་རྣམས་ནི། །གཉིས་འཐུང་ལ་སོགས་རིམ་བཞིན་ཤེས། །ས་དང་ཆུ་དང་རླུང་དང་ནི། །མེ་དང་ཟླ་བ་ཉི་མ་ཉིད། ། [257b.3]མཐར་བྱེད་ནོར་སྦྱིན་ཉིད་རྣམས་ནི། །གཡོན་པའི་ཐོད་པ་བརྒྱད་རྣམས་ལ། །ས་སོགས་རིམ་བཞིན་ཤེས་བྱ་སྟེ། །དབང་ཕྱུག་ལ་སོགས་རྣམ་དག་པའོ། །ཀུན་བཟང་ཡང་དག་བསྒོམ་པ་ནི། །རང་ལྷག་ལྷ་ཡི་སྒྲུབ་པའི་ཐབས། །ཞེས་གསུངས་པ་འདིས་ནི་རྟོག་པ་དང་བཅས་ [257b.4]པ་ལ་སོགས་པའི་བསམ་གཏན་ལྔ་པོ་དམིགས་པར་བྱའོ། །སྲིད་པ་དང་མྱ་ངན་ལས་འདས་པའི་ཚོགས་རྣམ་པར་སྤངས་པར་སྟོང་པ་ཉིད་སྙིང་རྗེ་དབྱེར་མི་ཕྱེད་པས་ན་ཆོས་ཀྱི་དབྱིངས་སུ་ང་རྒྱལ་བྱའོ། །ཨོཾ་དྷརྨ་དྷ་ཏུ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་པས་སོ། །དེའི་རྗེས་སུ་མིག་དང་། རྣ་བ་དང་། སྣ་ [257b.5]དང་། །ལྕེ་དང་། ལུས་དང་སྙིང་ག་རྣམས་སུ་རི་བོང་འཛིན་གྱི་དཀྱིལ་འཁོར་རོ། །དེ་རྣམས་ཀྱི་སྟེང་དུ་ཨོཾ་ཧཱུཾ་ཏྲཱཾ་ཧྲཱིཿ་ཁཾ་ཧཱུཾ་ས་བོན་དང་གྲི་གུག་ཡོངས་སུ་ཞུབ་ལས། དཀར་པོ་དང་། སྔོན་པོ་དང་། སེར་པོ་དང་། དམར་པོ་དང་། ལྗང་གུ་དང་། ནམ་མཁའི་མདོག་ཅན། གཏི་མུག་དང་། ཞེ་སྡང་ [257b.6]དང་། སེར་སྣ་དང་། ཕྲ་མ་དང་། འདོད་ཆགས་དང་། ཕྲག་དོག་དང་། རྡོ་རྗེ་བདག་མེད་རྣམས་ཏེ། གྲི་གུག་དང་ཐོད་པ་འཛིན་པ་སྲོག་ཐུང་བའི་སྟེང་དུ་གནས་པར་དགོད་དོ། །སྙིང་ག་དང་། མགྲིན་པ་དང་། སྤྱི་བོར་ནི་ཧཱུཾ་ཨཾ་ཨོཾ་ཞེས་པའི་ས་བོན་ཏེ། དེ་རྣམས་ལས་སྐྱེས་པའི་མཁའ་སྤྱོད་མ་ [257b.7]དང་། ས་སྤྱོད་མ་དང་། ས་འོག་ན་སྤྱོད་པ་རྣམས་ཁ་དོག་སྔོན་པོ་དང་། དམར་པོ་དང་། དཀར་པོ་རྣམས་རྣམ་པར་བཀོད་དེ་སྤྲོ་བ་ལ་སོགས་སྔོན་དུ་བྱས་ནས་བྱིན་གྱིས་བརླབ་པར་བྱའོ། །ཨོཾ་ཁེ་ཙ་རི་ཙིཏྟ་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨོཾ་བྷཱུ་ཙ་རི་ཝཱ་ཀ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཨོཾ་པཱ་ཏཱ་ལ་ཝཱ་ [258a] [258a.1]སི་ནི་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་པ་འདིས་ང་རྒྱལ་བྱས་ལ། དེ་ནས་རང་གི་སྙིང་གར་དམ་ཚིག་སེམས་དཔའ་ཇི་བཞིན་པའོ། །ཡེ་ཤེས་སེམས་དཔའི་ཐུགས་ཀའི་མཚན་མ་དང་ས་བོན་འོད་ཀྱི་ཚོགས་ཀྱིས་ཐུབ་པའི་ཚོགས་ལ་མཆོད་དེ། དེ་ལས་རྣམ་པར་སྤྲོས་པའི་ [258a.2]འོད་ལས་ལྷ་མོའི་ཚོགས་རྣམས་པདྨའི་ལག་པ་ན་བུམ་པར་བྱང་ཆུབ་ཀྱི་སེམས་ཀྱི་ཆུས་གང་བ་བསྣམས་པ་རྣམས་ཕྱུང་སྟེ། བདག་ཉིད་ལ་དབང་བསྐུར་བ་འདི་ལྟར་ང་རྒྱལ་བྱའོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཤེ་ཀ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ་ཞེས་བརྗོད་དོ། །དེ་བཞིན་གཤེགས་པ་ལྔ་རྣམས་ཀྱིས་དབུ་ [258a.3]རྒྱན་དུ་དབང་བསྐུར་བར་བསམ་པར་བྱའོ། །དགའ་བ་དང་མཆོག་ཏུ་དགའ་བ་དང་། བྲལ་བའི་དགའ་བ་དང་། རང་བཞིན་གྱི་དགའ་བ་དང་། ཡན་ལག་བཞི་པོ་རྣམས་ཀྱི་སྐུ་སྟེ། རྣམ་པ་སྣ་ཚོགས་དང་རྣམ་པར་བཙིར་བ་དང་མཚན་ཉིད་དང་བྲལ་བ་རྣམས་ནི། བློ་དམན་པ་ལ་སོགས་པའི་གཟུགས་ [258a.4]ཀྱི་རྣམ་པར་གྲོལ་བའོ། །དེ་ཉིད་ཀྱི་མདུན་དུ་དབུ་མར་གྱུར་པའི་རྡོ་རྗེ་བདག་མེད་མ་སྟེ། གཡས་པ་ལྕུག་མའི་ཕྱག་ན་གདུག་པ་ཅན་ལ་བསྡིགས་པའི་མཛུབ་མོ་དང་གྲི་གུག་གོ། །ལྷ་དང་ལྷ་མ་ཡིན་གྱི་ཁྲག་གིས་གང་བའི་ཐོད་པ་བསྣམས་པའི་ལྕུག་མ་གཡོན་པས་ནི་རྒྱལ་བའི་བདག་པོའི་མགུལ་ [258a.5]པ་ནས་འཁྱུད་པ་སྟེ། ཞལ་གཅིག་མའོ། །དེ་ཡོངས་སུ་སྦྱང་བ་ནི། ཨོཾ་ཧཱུཾ་ཨཾ་སྭཱ་ཧཱ་ཞེས་བྱ་བ་རྣམས་ནི་སྐུ་དང་ཐུགས་དང་རིན་པོ་ཆེ་དང་པདྨ་དམར་པོ་དང་ལས་ཀྱི་རིགས་རྣམས་ཀྱི་བདག་ཉིད་དེ་མགོ་བོ་དང་། སྙིང་ག་དང་། ལྟེ་བ་དང་། གསང་བ་དང་། བརླ་གཉིས་པོ་དང་། ཡན་ལག་རྣམས་ [258a.6]བྱིན་གྱིས་བརླབ་པར་བྱའོ། །ཧཱུཾ་ཨཾ་ཞེས་པའི་ས་བོན་དག་གིས་པདྨ་དང་ལྟེ་བ་དག་པར་བྱའོ། །ཧཱུཾ་ཨཾ་ཞེས་པས་ནི་རྡོ་རྗེ་དང་རིན་པོ་ཆེ་བསྐྱེད་དོ། །ཕཊ་སེར་པོ་དག་ནི་བུ་ག་དག་ཏུའོ། །དེ་ནས་ཨོཾ་སརྦ་ཏ་ཐཱ་ག་ཏཱ་ནུ་རཱ་ག་ཎ་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ་ཞེས་པ་འདིས་ང་རྒྱལ་དང་ལྡན་པར་བྱ་སྟེ། བདེ་ [258a.7]བར་གཤེགས་པ་རྣམས་བདག་ཉིད་ལ་ཞུགས་པའི་ཆོ་གས་རྗེས་སུ་ཆགས་པར་བྱའོ། །དེ་དག་ནི་དང་པོ་རྣལ་འབྱོར་རོ། །སྙིང་གའི་ས་བོན་གྱི་འོད་ཀྱི་དྲ་བས་ཐུབ་པའི་ཚོགས་རྣམས་དྲངས་ཏེ། བདག་ཉིད་ལ་བཅུག་ལ་ལྷ་མོའི་པདྨའི་ལྕེ་བར་གཙུབ་ཤིང་གཙུབས་པས་བསྐྱེད་པའི་རྣལ་འབྱོར་མའི་ [258b] [258b.1]འཁོར་ལོ་ལ་བརྟན་པར་བྱས་ནས་བླ་མའི་མན་ངག་རྗེས་སུ་ཤེས་པས་བཟུང་སྟེ་ཀུན་དུ་སྤྲོ་བར་བྱའོ། །དེ་ལ་ས་བོན་གཾ་ཡོངས་སུ་ཞུ་བ་ལས་རི་བོང་འཛིན་པ་དང་འདྲ་བ་ལ། གཡས་པས་ལྕགས་ཀྱུ་བསྣམས་ཤིང་། པདྨའི་ཕྱག་གཡོན་ན་གདུག་པ་རྣམས་ལ་སྡིགས་མཛུབ་བརྩོན་པར་མཛད་མ་སྟེ། [258b.2]མེ་ལོང་ལྟ་བུའི་ཡེ་ཤེས་དང་། གཟུགས་ཀྱི་ཕུང་པོ་དང་། དད་པ་རྣམ་པ་གསུམ་དག་པའི་སེར་མོ་ཤར་སྒོར་གཞག་པར་བྱའོ། །དེ་བཞིན་དུ་ས་བོན་ཙཾ་ལས་གསེར་བཙོ་མ་དང་མཚུངས་ཤིང་གཡས་པ་ན་ཚེ་ཆེན་པོའི་རྡོ་རྗེ་ཞགས་པ་ཅན་གྱི་ཆོམ་རྐུན་མ་ལྷོ་ཕྱོགས་ཀྱི་སྒོར་བཞག་སྟེ། མཉམ་པ་ཉིད་ཀྱི་ [258b.3]ཡེ་ཤེས་དང་། ཚོར་བའི་ཕུང་པོ་དང་། བརྩོན་འགྲུས་རྣམ་པར་དག་པའི་གཟུགས་ཅན་བསམ་པར་བྱའོ། །ས་བོན་བཾ་ལས་རོ་ལངས་མ་ཉི་མ་འཆར་ཀ་དང་འདྲ་བ་མ་སྐུ་མཛེས་མ་སྟེ། འདུ་ཤེས་ཀྱི་ཕུང་པོ་དང་། སོ་སོར་རྟོག་པའི་ཡེ་ཤེས་དང་འདྲ་བ་རྣམ་པར་དག་པའི་རང་བཞིན་ཅན། གཡས་པའི་ [258b.4]ཕྱག་གི་ལོ་མ་ནི་རྡོ་རྗེ་ལྕགས་སྒྲོག་བསྣམས་པ། ཡང་དག་པར་རྫོགས་པའི་བྱང་ཆུབ་འཆིང་བར་མཛད་པ་མོ་ནུབ་ཀྱི་སྒོར་རོ། །ས་བོན་གྷཾ་ལས་ནོར་བུ་ལྗང་སེར་ལྟར་གསལ་བའི་སྐུ་རབ་ཏུ་མཛེས་མའི་ཟ་ནུས་མ། ཕྱག་གཡས་པའི་ལོ་མ་ན་རྡོ་རྗེ་དྲིལ་བུ་འཁྲོལ་མ་སྟེ། འདུ་བྱེད་ཀྱི་ཕུང་པོ་དང་། བྱ་བ་ [258b.5]ནན་ཏན་གྱི་ཡེ་ཤེས་དང་། ཏིང་ངེ་འཛིན་རྣམ་པར་དག་པའི་རང་བཞིན་མ་བྱང་གི་སྒོར་རོ། །དབང་ལྡན་དང་མེ་དང་བདེན་བྲལ་དང་། རླུང་གི་མཚམས་སུ་ནི་སྤོས་བྱེད་མ་དང་། རི་ཁྲོད་མ་དང་། དྲག་འཛིན་མ་དང་། སྨེ་མོ་རྣམས་ཏེ། ཁ་དོག་ནི་སྔོན་པོ་དང་། དཀར་མོ་དང་། སྔོ་བསངས་དང་། [258b.6]སྣ་ཚོགས་ཀྱི་མདོག་ཅན་ནོ། །དེ་ལས་ས་བོན་པཾ་ལས་སྤོས་བྱེད་མ། སེང་གེ་རྒྱལ་མོ་དང་། ཡང་དག་པར་རྫོགས་པའི་བྱང་ཆུབ་ཀྱི་སེམས་ཀྱི་དྲིལ་བུ་འཛིན་མ་སྟེ། སའི་ཁམས་དང་། སྙིང་རྗེ་ཆེན་པོ་ལ་སོགས་པའི་རང་བཞིན་ནོ། །ས་བོན་ཤཾ་ལས་རི་ཁྲོད་མ་ཕྱག་གཉིས་ན་མཚོ་ལས་ [258b.7]སྐྱེས་པའི་སྣོད་ལ་དགེ་སློང་གནས་པ་དང་། རི་བོང་བསྣམས་པ་སྟེ། ཆུའི་ཁམས་དང་བྱམས་པ་ཆེན་པོ་ལ་སོགས་པའི་རང་བཞིན་ནོ། །ས་བོན་ཙཾ་ལས་དྲག་འཛིན་མ་རོལ་པ་དང་བཅས་ལ། ཕྱག་དག་གི་ལོ་མ་ན་འཁོར་ལོ་དང་མེ་ཐབ་བསྣམས་པ་སྟེ། མེའི་ཁམས་དང་དགའ་བ་ཆེན་ [259a] [259a.1]པོ་རྣམ་པར་དག་པའི་རང་བཞིན་ནོ། །ས་བོན་ཌཾ་གིས་སྨེ་མོ་ཕྱག་གཡས་པ་དང་གཡོན་པ་གཉིས་ན་རྡོ་རྗེ་རྒྱལ་མཚན་ཆེན་པོ་བསྣམས་པའོ། །རླུང་གི་ཁམས་དང་བཏང་སྙོམས་ཆེན་པོ་ལ་སོགས་པ་རྣམ་པར་དག་པའི་གཟུགས་ཅན་ནོ། །དེ་དག་སྣ་ཚོགས་པའི་མཚོ་ལས་སྐྱེས་ [259a.2]པ་ཉིན་མོར་བྱེད་པའི་དཀྱིལ་འཁོར་གྱི་སྟེང་དུ། ཚངས་པ་དང་། བརྒྱ་བྱིན་དང་། ཁྱབ་འཇུག་དང་། དྲག་པོ་དང་། གཤིན་རྗེ་དང་། ཀུ་བེ་ར་དང་། བདེན་བྲལ་དང་། ཐགས་བཟངས་རིས་རྣམས་ཀྱི་རང་བཞིན་མཐིལ་དུ་འདམ་སྐྱེས་ཀྱི་ཞབས་རྣམས་གཡོན་བརྐྱང་པའི་རོལ་པས་ནོན་པ་དང་། མིའི་ [259a.3]རུས་པའི་རྒྱན་གྱིས་བརྒྱན་པ་དང་། དབུ་སྐྲ་དམར་སེར་གྱེན་དུ་འབར་ཞིང་དབུ་ལ་ཐོད་དང་ལྡན་པས་སེམས་ཅན་གྱི་དོན་ལ་ཐུགས་རྗེ་ཆེན་པོས་མཆོག་ཏུ་བརྩོན་པ་མཆོག་ཏུ་དགའ་བས་རྣམ་པར་སྒེག་པ་སྤྱན་གསུམ་པ་ཅན་ནོ། །དེ་ལྟ་བུར་ཀུན་དུ་རྫོགས་པའི་དཀྱིལ་འཁོར་ལ་རྣམ་པར་ [259a.4]བལྟས་ཏེ། སྙིང་གའི་ས་བོན་གྱི་འོད་ཀྱི་ལྕགས་ཀྱུས་རྒྱལ་བའི་ཚོགས་རྣམས་ཀྱི་དཀྱིལ་འཁོར་གྱི་གཟུངས་དྲངས་ནས། ཤར་གྱི་སྒོའི་གློར་བལྟས་ལ། ཨོཾ་ཨརྒྷཾ། པྲ་ཏཱི་ཙྪ་སྭཱ་ཧཱ་ཞེས་པས་མཆོད་ཡོན་དབུལ་བར་བྱའོ། །ཨོཾ་པཱ་དྱཾ་པྲ་ཏཱི་ཙྪ་སྭཱ་ཧཱ་ཞེས་པས་ཞབས་བསིལ་དབུལ་ཏེ། གདན་དུ་མེ་ [259a.5]ཏོག་ཕུལ་ལ་ཡང་དག་པར་མཆོད་པར་བྱའོ། །དེ་ནས་ཨོཾ་བཛྲ་གཽ་རཱི་ཨཱ་ཀཪྵ་ཡ་ཛཿ། ཨོཾ་བཛྲ་ཙཽ་རཱི་པྲ་བེ་ཤ་ཡ་ཧཱུཾ། ཨོཾ་བཛྲ་བེ་ཏཱ་ལཱི་བནྡྷ་བཾ། ཨོཾ་བཛྲ་གྷསྨ་རཱི་ཏོ་ཤ་ཡ་ཧོཿ། འདི་རྣམས་ཀྱིས་དགུག་པ་དང་། གཞུག་པ་དང་། བཅིང་བ་དང་། མཉེས་པར་བྱས་ཏེ། མིག་ལ་སོགས་པ་བྱིན་གྱིས་བརླབས་ [259a.6]པ་དང་། སྐུ་གསུང་ཐུགས་བྱིན་གྱིས་བརླབ་པ་བྱས་ནས། དབང་བསྐུར་བའི་ཕྱིར་ན། རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། འོད་དཔག་མེད་དང་། རྡོ་རྗེ་ཅན་རྣམས་དང་། སྤོས་བྱེད་མ་ལ་སོགས་པ་རྣམས་ཀྱི་དབུ་རྒྱན་ལ་ཡང་ཐུགས་དང་སྐུ་དང་རྡོ་རྗེ་རིན་པོ་ཆེ་དང་། རྡོ་རྗེ་ཚེ་ [259a.7]དཔག་ཏུ་མེད་པ་རྣམས་དབུ་རྒྱན་དུ་བསམ་པར་བྱའོ། །དེ་ནས་སྙིང་གའི་ས་བོན་གྱི་འོད་ཟེར་གྱི་ལྕགས་ཀྱུས་སེར་མོ་ལ་སོགས་པ་རྣམས་བཀུག་སྟེ་དྲངས་ནས། རང་གི་ལྷ་མོའི་པདྨའི་དཀྱིལ་དུ་ཡིད་བཞིན་གྱི་ནོར་བུ་ལྟ་བུར་བསམ་ཞིང་ཅུང་ཞིག་སྲོག་བསྡམས་ཏེ་རྣམ་པར་བསམ་མོ། ། [259b] [259b.1]དེ་ལྟར་རང་གི་རིག་མའི་བ་སྤུའི་བུ་གནས་སེར་མོ་ལ་སོགས་པ་ལྷ་མོའི་ཚོགས་འཐོན་པ་རྣམས་ཀྱིས་ཟླ་བ་ལ་སོགས་པ་རྣམས་ཀྱིས་གང་བའི་སྣོད་རྣམ་པར་འགྱུར་བའི་ཕྱག་གི་པདྨོར་བསྣམས་པ་རྣམས་ཀྱིས་ནམ་མཁའི་དཀྱིལ་ཀུན་དུ་རབ་ཏུ་གང་སྟེ་སྒྱུ་མ་ལྟ་བུ་ལ་སོགས་པར་མཁས་པ་རྣམས་ཀྱིས་ [259b.2]བལྟས་ལ། དབྱེ་བའི་རྣམ་པར་རྟོག་པ་ལས་རྣམ་པར་གྲོལ་བར་བྱའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ་ཞེས་པས་དེའི་ང་རྒྱལ་དུ་བྱའོ། །དེ་ནས་སྒྲ་བརྙན་ལྟ་བུའི་ཚོགས་ཀྱིས་ཐམས་ཅད་བསྟོད་པ་བྱེད་པར་བལྟ་སྟེ། ཁྱེད་ནི་རྣལ་འབྱོར་མ་ཡི་ཚོགས་ཀྱིས་ཡོངས་སུ་བསྐོར། །ཁྱོད་ [259b.3]ནི་རང་གི་ཐུགས་ཀྱིས་ཡོངས་སུ་བརྙེས་ལྡན་པ། །ཁྱོད་ནི་རྒྱུ་དང་མི་རྒྱུ་འགྲོ་བ་ཀུན་སྦྱངས་ཤིང་། །སེམས་ཅན་རྣམས་ལ་ཐུགས་རྗེའི་ཐུགས་སྟོབས་མཛད་པའོ། །སྒྱུ་མའི་སྤྲོས་པ་རྣམས་ལ་རྡོ་རྗེ་འཕེལ་མཛད་ཅིང་། །ཨེ་མའོ་བརྙེས་ལྡན་ཐུགས་ཀྱི་རྡོ་རྗེ་ཧེ་རུ་ཀ་དཔལ་བསྟོད། །ཅེས་པའོ། ། [259b.4]ཨོཾ་སརྦ་ཏ་ཐཱ་ག་ཏ་སྟུ་ཏི་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ་ཞེས་པས་ང་རྒྱལ་དུ་བྱའོ། །དེའི་རྗེས་སུ་ཨཾ་ལས་སྐྱེས་པ་རླུང་གི་དཀྱིལ་འཁོར་ཡཾ་གིས་མཚན་པའོ། །དེའི་སྟེང་དུ་རཾ་ལས་སྐྱེས་པའི་མེའི་དཀྱིལ་འཁོར་རཾ་གྱིས་མཚན་པའོ། །དེའི་སྟེང་དུ་ཨ་ལས་བྱུང་བའི་པདྨའི་སྣོད་ཡཾ་གིས་མཚན་པའོ། ། [259b.5]དེའི་སྟེང་དུ་བདུད་རྩི་ལྔ་དང་སྒྲོལ་མ་རྣམས་ལ་དེ་བཞིན་གཤེགས་པ་རྣམས་ཀྱིས་མཚན་པ་སྦར་ཞིང་སྤྲོས་པས་དྲི་མ་རྣམས་དང་བྲལ་ཏེ། དེ་ནས་ཧཱུཾ་ལས་དྷཾ་ཧཱུཾ་གིས་མཚན་པ། ཤེལ་གྱི་རྣམ་པ་ལྟ་བུས་བྱིན་གྱིས་བརླབ་པའོ། །ད་ལ་ཡི་གེ་ཨོཾ་གྱིས་ཡེ་ཤེས་ཀྱི་བདུད་རྩིའི་རང་བཞིན་དྲངས་པ་དབྱེར་ [259b.6]མེད་པའི་སྔགས་ཀྱི་རོ་མཆོག་དང་ལྡན་པ་རྣམ་པ་སྨིན་པ་ནུས་པའི་རང་བཞིན་དུ་བལྟས་ཏེ། ལྕེ་ལ་རྡོ་རྗེ་ཧཱུཾ་གིས་མཚན་པ་བསམས་ནས་སྙིང་གར་ས་བོན་གྱི་ཐིག་ལེར་དཀྱིལ་འཁོར་རབ་ཏུ་བཀོད་ལ་རབ་ཏུ་ཚིམ་པར་བྱའོ། །ཨོཾ་བཛྲ་ཛི་ཧྭ་ཧཱུཾ་ཞེས་པའི་སྔགས་ཀྱིས་ལྕེ་བྱིན་གྱིས་བརླབ་ [259b.7]པོ། །ཨོཾ་སརྦ་ཏ་ཐཱ་ག་ཏ་ཨ་མྲྀ་ཏ་ཨཱ་སཏྭ་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ་ཞེས་པས་ང་རྒྱལ་དང་ལྡན་པར་བྱའོ། །དེ་དག་ནི་དཀྱིལ་འཁོར་རྒྱལ་པོ་མཆོག་གི་ཏིང་ངེ་འཛིན་ཏོ། །སྙིང་གའི་འོད་ཟེར་རྣམས་ཀྱིས་དེ་བཞིན་གཤེགས་པ་ཐམས་ཅད་དཔལ་ཧེ་རུ་ཀའི་གཟུགས་སུ་བྱས་ཏེ། དཀྱིལ་ [260a] [260a.1]འཁོར་ལ་ཐིམ། དཀྱིལ་འཁོར་པ་ནི་བདག་ལ་ཐིམ། བདག་ནི་ཡེ་ཤེས་སེམས་དཔའ་ལ་ཐིམ། ཡེ་ཤེས་སེམས་དཔའ་ནི་མཚན་མ་ལའོ། །མཚན་མ་ནི་ས་བོན་ལའོ། །ས་བོན་ནི་ཐིག་ལེ་ལའོ། །ཐིག་ལེ་ནི་དཀྱིལ་འཁོར་གྱི་འཁོར་ལོ་སྐད་ཅིག་ཙམ་གྱིས་ཡོངས་སུ་རྫོགས་ [260a.2]པར་བསམས་ལ། སྤྲོ་བ་ལ་སོགས་པ་དེ་བཞིན་དུ་བྱ་སྟེ། འདི་ནི་ཐིག་ལེའི་རྣལ་འབྱོར་རོ། །སེམས་ཅན་ཐམས་ཅད་ནི་དེ་བཞིན་གཤེགས་པ་ཐམས་ཅད་བཅུག་སྟེ་ཞུ་བ་ལ་པདྨའི་ལྟེ་བའི་རྩེ་མོར་རང་གི་མཚན་མའི་དབུས་སུ་རིན་པོ་ཆེ་སྣ་ལྔ་ལ་ཉུངས་ཀར་ལྟ་བུའི་ཚད་ཙམ་གྱི་ནང་དུ་དཀྱིལ་འཁོར་ [260a.3]གྱི་འཁོར་ལོ་རྫོགས་པར་བྱས་པ་ལས་བརྟན་ཞིང་བརྟན་ལ་ཇི་སྲིད་དུ་མཚན་མ་ལྔ་པོ་སྐྱེས་པའི་བར་དུ་བསམ་པར་བྱའོ། །དེ་ནས་ཕྱིས་ནི་རྗེས་སུ་རྣལ་འབྱོར་གྱིས་སྤྲོ་ཞིང་བསྡུ་བ་ལ་སོགས་པ་སྟེ། འདི་ནི་ཕྲ་མོའི་རྣལ་འབྱོར་རོ། །ཡེ་ཤེས་ཡུད་ཙམ་གྱིས་བསྒྲུབས་ལ་འོད་ཟེར་མཐའ་ཡས་པའི་ [260a.4]ཚོགས་རྣམས་སྤྲོ་ཞིང་རང་གཞན་རྣམས་མཐོང་བར་འགྱུར་བ་འདིར་ཡང་དག་པར་རྫོགས་པར་གྱུར་པའི་བར་དེ་སྲིད་དུ་བསྒོམ་པར་བྱའོ། །སྐྱོན་ནི་ཉིན་དང་མཚན་མེད་པར་སྔགས་ཀྱི་བཟླས་པ་མན་ངག་ཇི་ལྟ་བ་བཞིན་བྱའོ། །སྔགས་ཀྱི་བཟླས་པ་དེ་ཡང་མི་ནུས་ན། ཨོཾ་དྷ་ར་དྷཱ་ར་ཡ། མརྡ་མ་རྡ། [260a.5]བཛྲ་དྷྲྀ་ཀ་ཧཱུཾ་ཕཊ་ཅེས་པས་སྔགས་ཀྱི་བཟླས་པར་བྱའོ། །སྐྱོ་ན་ཉམས་དང་ལྡན་པར་བྱ་སྟེ། སྤྱི་བོར་ཟླ་བ་ལ་གནས་པའི་ཡི་གེ་ཨོཾ་ལས་བདུད་རྩིའི་རྒྱུན་འཛག་པས་ཉེ་བར་ཚིམ་པར་བྱའོ། །ལྷ་མོའི་གླུ་ཡིས་བདེ་ཞིང་རབ་སྤྲོ་རོལ་བྱས་ནས། །མཆོད་པ་ལ་སོགས་པ་ནི་བསམ་ [260a.6]པར་བྱའོ། །གང་གི་ཚེ་ན་ལྡང་བར་འདོད་པ་ན། །ངག་དང་ལུས་ཀྱི་གཡེང་བ་མེད་པར་ནི། །འཁོར་ལོ་འདི་ནི་མཆོད་ཅིང་བསྟོད་ནས་ནི། །མཁས་པས་ལངས་ཏེ་འགྲོ་བའི་དོན་བྱས་ནས། །འདོད་པའི་ཡོན་ཏན་ལྔ་པོ་གདོད་ནས་དག་ཅིང་དྲི་མ་མེད་པར་ནི། །གཟུགས་སོགས་ལྷ་མོའི་ [260a.7]དངོས་སམ་ཡི་དམ་ལྷ་ལ་རྡོར་འཛིན་ནམ། །སྐུ་རྡོ་རྗེ་ལ་སོགས་པ་བདེ་གཤེགས་གནས་སུ་འདིར་ནི་འཇུག་པར་བྱ། །སྙིང་རྗེའི་ངོ་བོ་བདུད་རྩིའི་མཆོག་འཐུངས་རྟག་ཏུ་ཡང་དག་བདེ། །མྱ་ངན་འདས་པའི་ཡང་དག་ཁྱེར་བར་བྱ་བ་འདི་ཀུན་མ་ནོར་བྱ། །ཉེས་པ་ཟད་པ་བྱ་ཕྱིར་རང་ཉིད [260b] [260b.1]ཐུགས་རྗེའི་རོ་དབང་གྱུར་པས་དཔལ་ལྡན་ལས་ཀྱི་རྡོ་རྗེ་བསྒོམ། །སྙིང་གར་ཟླ་བར་ཡི་གེ་ཁཾ་ལས་སྐྱེས་ཤིང་དེ་ཡིས་མཚན་པའི་སྣ་ཚོགས་རྡོ་རྗེ་བསམ་བྱས་ཏེ། །དེ་ལས་འཐོན་པའི་འོད་ཟེར་རྣམས་ཀྱི་ཚོགས་ལས་བྱུང་བའི་ལྷ་མོ་རྣམས་ཀྱིས་དབང་བསྐུར་བྱ། །དེ་བཞིན་གཤེགས་སྒྲའི་གཟུགས་ [260b.2]སུ་འཁོར་ལོར་གནས་དེ་བགེགས་རྣམས་ཀུན་ནི་རབ་ཏུ་གཞིག་པར་བྱ། །མངའ་བདག་ཐོ་རངས་ལངས་ཏེ་མཆོད་པ་ལ་སོགས་བཟླས་པ་དང་ནི་བསྒོམ་པ་ཆོ་ག་བཞིན་དུ་བྱའོ། །ཕྱི་འབྲེད་འཁོར་ལོ་སེམས་ལ་བཙུད་ནས་རིག་པ་དང་ནི་བཅས་པར་རྟག་ཏུ་ཉལ་བར་བྱ། སེམས་ཅན་རྣམས་ནི་ [260b.3]རྫོགས་པའི་བྱང་ཆུབ་རྒྱུ་རུ་རྟག་ཏུ་དགེ་བ་འང་ཐམས་ཅད་བསྔོ་བ་ཡིན། །ཉིན་རང་དང་ནི་མཚན་དག་ཕྱེད་དུ་ཡང་ནི་ལངས་ལ་དེ་བཞིན་རྒྱ་ཆེན་པོར་ནི་བསམ་པར་བྱའོ། །ཡན་ལག་དྲུག་དང་ཏིང་འཛིན་གསུམ་ནི་དེ་ལྟར་བསྒོམ་པར་བྱའོ། །ཡན་ལག་དྲུག་པོ་ཇི་ལྟར་བསྒོམ་ཞེ་ན། འདི་ [260b.4]སྐད་གསུངས་པ། སངས་རྒྱས་གནས་བཞི་རྫོགས་ནས་ནི། །རྣམ་པ་ལྔ་པོ་བསྒོམ་པར་བྱ། །རྣམ་པ་ལྔ་པོ་བསྒོམ་བྱས་ཏེ། །ཀུན་དུ་བཟང་པོ་བསྒོམ་པར་བྱ། །རང་ལྷག་ལྷ་ཡི་སྒྲུབ་པའི་ཐབས། །དཀྱིལ་འཁོར་དེ་བཞིན་དགོད་བྱ་སྟེ། །མཆོད་བསྟོད་བདུད་རྩི་མྱང་སོགས་རྣམས། ། [260b.5]རིམ་པ་རུ་ནི་སྒོམ་བྱེད་པ། །རྣལ་འབྱོར་ཡན་ལག་དྲུག་ཏུ་འདོད། །ཅེས་གསུངས་པས་སོ། །འདིར་ཡང་ཁ་ཅིག་ཏུ་ནི་ཀུན་དུ་བཟང་པོའི་དཀྱིལ་འཁོར་གྱི་བདག་ཉིད་དུ་བཞེངས་པར་འདོད་དོ། །གཞན་གྱིས་ནི་ཁུ་བ་ལས་སྐྱེས་པར་འདོད་དོ། །ཁ་ཅིག་ནི་འབྲས་བུའི་དངོས་པོ་ [260b.6]དཀྱིལ་འཁོར་གྱི་བདག་ཉིད་དུ་འདོད་དོ། །ཏིང་ངེ་འཛིན་གསུམ་པོ་འདིར་གོ་བར་བྱའོ། །དེ་ནས་རྣལ་འབྱོར་པ་གང་ཞིག་བསྡུས་པའི་དཀྱིལ་འཁོར་མཐའ་དག་བསྒོམ་པར་འདོད་ན་ནི་རྣམ་པར་སྣང་མཛད་ཞུ་བ་ལས་དཀྱིལ་འཁོར་ལྔ་པོ་སོ་སོའི་དབྱིབས་དང་གདན་དུ་བཅས་པ་བསྒོམ་ [260b.7]པ་ལ། གཙོ་བོ་ལྔའི་གནས་རྣམས་སོ་སོར་མངོན་པར་བྱང་ཆུབ་བ་རྣམ་པ་ལྔ་ལྔའི་ཚུལ་ནི་མཐུན་ལ། རང་རང་གི་ས་བོན་དང་། མཚན་མ་དང་། དེའི་ཁ་དོག་རྣམས་མི་མཐུན་པ་ལས་རྒྱུའི་བཅོམ་ལྡན་འདས་ལྔ་བསྐྱེད་དེ། ཆོ་ག་བཞིན་དུ་ཞུ་བ་ལས་སོ་སོའི་མཚམས་རྣམས་ཀྱི་ལྷ་ [261a] [261a.1]མོ་རྣམས་ཀྱི་རྒྱུད་ལས་འབྱུང་བའི་གླུའི་ཚིག་གིས་བསྐུལ་ནས། ཡང་སོ་སོའི་མཚན་མ་དང་ས་བོན་ལས་སོ་སོའི་སྐུ་རྣམས་ཇི་ལྟར་གསུངས་པ་བཞིན་དུ་རྫོགས་པ། དེ་ལ་པདྨ་ལ་སོགས་པ་བྱིན་གྱིས་བརླབས་པ་དང་། གསང་གནས་བྱིན་གྱིས་བརླབས་པའི་ཡན་ལག་སོ་སོར་ [261a.2]བྱས་ཏེ། དབུས་མའི་དཀྱིལ་འཁོར་གདོན་པ་ལུགས་དང་མཐུན་པར་རང་རང་གི་དཀྱིལ་འཁོར་གྱི་ལྷ་མོ་རྣམས་ཀྱི་རང་རང་གི་མིང་གི་ཡི་གེ་དང་པོ་རྣམས་ཀྱིས་ཕྱག་མཚན་དང་ཁ་དོག་དང་དབྱིབས་སུ་ལྡན་པ་ཇི་སྐད་གསུངས་པ་བཞིན་དུ་རྫོགས་པར་བྱས་ཏེ། རང་རང་གི་གནས་སུ་དགོད་པར་བྱའོ། ། [261a.3]དེ་རྣམས་ལ་ཡེ་ཤེས་ཀྱི་དཀྱིལ་འཁོར་བསྟིམས་ནས་མིག་བྱིན་གྱིས་བརླབ་པ་ལ་སོགས་པ་ནས། བདུད་རྩི་མྱང་བ་ཡན་ཆད་སྤྱིར་མཐུན། ཡང་ན་ཞེ་སྡང་ཧེ་རུ་ཀའི་རིག་མའི་གསང་བ་ནས། སོ་སོའི་གཙོ་བོ་དང་བཅས་པ་རང་རང་གི་ས་བོན་ལས་བཏོན་ལ་གཞན་ནི་གོང་མ་དང་མཐུན། ས་བོན་རྣམས་ [261a.4]ནི་བྷྲཱུཾ་ཨཱཾ་ཛྲཱིཾ་ཁཾ་གཙོ་བོ་བཞིའོ། །སཾ་པཾ་བཾ་ཨཾ་སྒོམ་བཞིའོ། །པཾ་དུཾ་དཾ་མཾ་མཚམས་མ་རྣམས་ཀྱིའོ། །སུཾ་དུཾ་རཾ་ཏཾ་རྡོ་རྗེ་ཉི་མའི་སྒོ་མ་རྣམས་ཀྱིའོ། །ལཾ་ཧཾ་ནྲཾ་གྲིཾ་མཚམས་མ་རྣམས་ཀྱིའོ། །པཾ་དཾ་ཡ་ཥླཾ་པདྨ་གར་གྱི་དབང་ཕྱུག་གི་སྒོ་མ་བཞིའོ། །བཾ་བིཾ་མུཾ་མུཾ་མཚམས་རྣམས་ཀྱིའོ། །ཏཾ་ཀུཾ་ཀཾ་པཾ་ [261a.5]རྟ་མཆོག་གི་སྒོ་མ་རྣམས་ཀྱིའོ། །ལཾ་མཾ་པཾ་ཏཾ་མཚམས་ཀྱིའོ། །ཀྱེའི་རྡོ་རྗེ་ནི་ཤིན་ཏུ་གསལ་ལོ། །སྔགས་ཀྱི་ཕྲེང་བ་ཟློས་ན་སྙིང་པོ་དང་ཉེ་བའི་སྙིང་པོ་རྣམས་ཏེ་རྒྱུད་ལས་གསུངས་སོ། །བདག་དང་བདག་གི་ལྟ་བའི་ཚོགས་དང་ཉོན་མོངས་ལ་སོགས་ཆུ་ན་གནས་པ་ལྟ་བུས་གཡེང་པ་ [261a.6]རྣམས། །འཁོར་བའི་ཆུ་བོའི་དབུས་ན་གནས་ཤིང་སྲོག་མཐའ་ལྟ་བུར་སྡུག་བསྔལ་སྐྱེ་བ་ཀུན། །མགོན་པོ་ཧེ་རུ་ཀ་ཡི་སྒྲུབ་ཐབས་བརྗོད་ཅིང་བྱས་པས་བསོད་ནམས་སྐྱེས་པ་གང་ཡིན་པ། །དེ་ཡིས་འཇིག་རྟེན་པ་རྣམས་དེ་བཞིན་ཉིད་དུ་རྟག་ཏུ་ཁྱེར་ཞིང་གྲོལ་བར་འགྱུར་བར་ཤོག། ། [261a.7]རྒྱུད་རྒྱལ་རྡོ་རྗེ་གུར་གྱི་སྒྲུབ་པའི་ཐབས། །དད་དང་བརྩོན་འགྲུས་གཉིས་ཀྱིས་འགྲོ་ཀུན་ལ། །ཕན་པའི་བསམ་པས་བསྒྱུར་བའི་བསོད་ནམས་ཀྱིས། །འགྲོ་ཀུན་རྡོ་རྗེ་གུར་དུ་འཇུག་པར་ཤོག། །མཁའ་འགྲོ་མ་རྡོ་རྗེ་གུར་གྱི་སྒྲུབ་ཐབས་དཀྱིལ་འཁོར་བསྡུས་པའི་རྗེས་སུ་འབྲང་བ་ཞེས་བྱ་བ། [261b] [261b.1]སློབ་དཔོན་ཆེན་པོ་ལྷའི་བརྟུལ་ཞུགས་ཞེས་བྱ་བས་མཛད་པ་རྫོགས་སོ།། །།མར་པ་ཆོས་ཀྱི་བློ་གྲོས་ཀྱིས་བསྒྱུར་བའོ།། །།སྟོན་པ་ཤཱཀྱ་ཐུབ་པ་ཡིས། །རྒྱ་གར་རྡོ་རྗེ་གདན་དྲུང་དུ། །རཱ་ཛ་ཟས་གཙང་སྲིད་བོར་ནས། །དམ་ཆོས་མེ་བཞིན་རབ་སྦར་ཏེ། །བརྩོན་པར་བྱས་དེ་ཐུགས་ [261b.2]ལ་ཞོག །{T1323}༄༅༅། །རྒྱ་གར་སྐད་དུ། ད་ཤ་ཏཏྟྭཱ། བོད་སྐད་དུ། དེ་ཁོ་ན་ཉིད་བཅུ་པ། བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཧེ་རུ་ཀ་དཔལ་མགོན་པོ་དང་། །བླ་མ་ལ་གུས་ཕྱག་བྱས་ཏེ། །དགྱེས་པའི་རྡོ་རྗེ་ལས་གསུངས་པ། ། [261b.3]དེ་ཉིད་བཅུ་ནི་མདོར་བསྡུས་བཤད། །སྲུང་བ་དབང་བསྐུར་གཏོར་མ་བཟླས་དགར་དང་། །ཕྱིར་བཟློག་དག་དང་དཀྱིལ་འཁོར་སྒྲུབ་པ་དང་། །སྡིག་སྦྱོང་བ་དང་གཤེགས་སུ་གསོལ་བ་སྟེ། །དེ་ཉིད་བཅུ་ཞེས་སངས་རྒྱས་རྣམས་ཀྱིས་གསུངས། །དེ་ལ་དོན་ནི་འདི་ཡིན་ཏེ། སྲུང་པའི་ [261b.4]འཁོར་ལོ་ཞེས་བྱ་བ་ནི། ཡི་གེ་པཾ་སེར་པོའི་ས་བོན་ལས་བྱུང་བའི་སྣ་ཚོགས་པདྨ་ལ། ཡི་གེ་ཨ་ལས་ཉི་མ་ལ་གནས་པའི་ས་བོན་བྷྲཱུཾ་སེར་པོ་དེ་ཡོངས་སུ་གྱུར་པའི་འཁོར་ལོ་རྩིབས་བཅུ། དེའི་དབུས་ཀྱི་ལྟེ་བ་ལ་གནས་པའི་ཉི་མའི་དཀྱིལ་འཁོར་གྱི་སྟེང་དུ་ཧཱུཾ་སྔོན་པོ་ཡོངས་སུ་གྱུར་པ་ [261b.5]ལས་རྡོ་རྗེ་ཧཱུཾ་མཛད་དང་། ཆོ་ག་བཞིན་དུ་ས་བོན་གྱི་ཡི་གེ་བཅུ་རྩིབས་བཅུ་ལ་གནས་པ་དེ་ལས་བསྐྱེད་པའི་ཁྲོ་བོ་བཅུ་པོ་ཡིན་ནོ། །དེ་ལ་ཤར་གྱི་རྩིབས་ལ་གཤིན་རྗེ་གཤེད་སྔོན་པོ་ཐོ་བ་བསྣམས་པའོ། །ལྷོའི་རྩིབས་ལ་ཤེས་རབ་མཐར་བྱེད་བེ་ཅོན་དཀར་པོ་བསྣམས་པའོ། །ནུབ་ཀྱི་རྩིབས་ [261b.6]ལ་པདྨ་མཐར་བྱེད་པདྨ་དམར་པོ་བསྣམས་པའོ། །བྱང་གི་རྩིབས་ལ་བགེགས་མཐར་བྱེད་རྡོ་རྗེ་ནག་པོ་འཛིན་པའོ། །དབང་ལྡན་གྱི་རྩིབས་ལ་འདོད་པའི་རྒྱལ་པོ་ནག་པོ་ལྕགས་ཀྱུ་འཆང་བའོ། །མའི་རྩིབས་ལ་དབྱུག་པ་སྔོན་པོ་ཕྱག་ན་དབྱུག་པ་ནག་པོ་བསྣམས་པའོ། །བདེན་ [261b.7]བྲལ་གྱི་རྩིབས་ལ་སྟོབས་པོ་ཆེ་ཕྱག་ན་རྩེ་གསུམ་བསྣམས་པའོ། །རླུང་གི་རྩིབས་ལ་མི་གཡོ་བ་རལ་གྲི་ནག་པོ་འཆང་བའོ། །སྟེང་གི་རྩིབས་ལ་གཙུག་ཏོར་འཁོར་ལོས་སྒྱུར་བ་རྣམ་པར་སྣང་མཛད་ཀྱི་ཅོད་པན་ཅན་འཁོར་ལོ་དཀར་པོ་བསྣམས་པའོ། །འོག་གི་རྩིབས་ལ་ [262a] [262a.1]གནོད་མཛེས་རྒྱལ་པོ་མི་བསྐྱོད་པའི་ཅོད་པན་ཅན་ཕྱག་ན་རྡོ་རྗེ་ནག་པོ་བསྣམས་པའོ། །རྡོ་རྗེ་ཧཱུཾ་མཛད་ཀྱི་དབུ་ལ་མི་བསྐྱོད་པས་བརྒྱན་པ། རྡོ་རྗེ་ནག་པོ་བསྣམས་པའོ། །ཤར་ལ་སོགས་པའི་ཁྲོ་བོ་བཞི་པོ་དག་ལ་ནི། གོ་རིམས་བཞིན་དུ་རྣམ་པར་སྣང་མཛད་དང་། མི་བསྐྱོད་པ་དང་། [262a.2]སྣང་བ་མཐའ་ཡས་དང་། དོན་ཡོད་གྲུབ་པའི་ཅོད་པན་ཅན་ནོ། །རིམ་པ་དེ་བཞིན་ཉིད་དུ་དབང་ལྡན་ལ་སོགས་པའི་འདོད་པའི་རྒྱལ་པོ་དང་། དབྱུག་པ་སྔོན་པོ་དང་། སྟོབས་པོ་ཆེ་དང་། མི་གཡོ་བ་དག་ལ་ནི། མི་བསྐྱོད་པ་དང་། རྣམ་པར་སྣང་མཛད་དང་། འོད་དཔག་མེད་དང་། དོན་ [262a.3]ཡོད་གྲུབ་པའི་ཅོད་པན་ཅན་ནོ། །ཁྲོ་བོ་ཐམས་ཅད་ཞལ་གཅིག་ཕྱག་གཉིས་པ་སྟེ། གཡོན་གྱི་མཛུབ་མོ་དག་ནི་སྡིགས་མཛུབ་དང་བཅས་པ་དང་། གཡས་པ་རང་གི་ཕྱག་མཚན་འཆང་བ་ཁྲོ་བ་དང་བཅས་པའི་ཞལ་གདངས་སྤྱན་ཟླུམ་པ་དམར་བ། སྐྲ་སེར་ལ་གྱེན་དུ་བརྫེས་པ། གཟུགས་ [262a.4]ཁྲོ་བ་བདུད་རྣམས་བསྡིགས་པར་མཛད་པ། ཉི་མ་ལ་བཞུགས་ཤིང་། ཉི་མའི་དཀྱིལ་འཁོར་གྱི་འོད་ཅན་དག་གོ། །གཤིན་རྗེ་མཐར་བྱེད་དང་ཤེས་རབ་མཐར་བྱེད་དང་། པདྨ་མཐར་བྱེད་དང་། བགེགས་མཐར་བྱེད་དག་ནི་སྦོམ་ལ་གསུས་པ་ལྡིར་བ། སྦྲུལ་གྱིས་བརྒྱན་པ། སྨིན་མ་སེར་པོ་གྱེན་དུ་ [262a.5]བརྫེས་པ་ཡིན་ལ། གཞན་རྣམས་རོལ་པའི་སྐུ་མདོག་ཡིན་ནོ་ཞེས་བྱ་བ་ནི་དེ་ཁོ་ན་ཉིད་དང་པོའོ།། །།ད་ནི་དབང་བསྐུར་བ་དེ་བརྗོད་པར་བྱ་སྟེ། གོ་རིམས་བཞིན་དུ་དཀྱིལ་འཁོར་གྱི་ཁང་པར་དཀྱིལ་འཁོར་བྱས་ལ། དཀྱིལ་འཁོར་དུ་འཇུག་པའི་ཆོ་ག་དང་། དཀྱིལ་འཁོར་བསྒྲུབས་ལ། [262a.6]རྒྱགས་པ་དང་ང་རྒྱལ་དང་དྲེགས་པ་ཅུང་ཟད་མེད་པ། ཤིན་ཏུ་དད་པས་བལྟ་བ་ལ། ཆུ་དང་། ཅོད་པན་དང་། རྡོ་རྗེ་དང་། བདག་པོ་དང་མིང་ལ་སོགས་པ་བདུན་པོས་དབང་བསྐུར་བའི་སློབ་མ་ལ་ཆོ་ག་བཞིན་དུ་གསང་བའི་དབང་སྦྱིན་པར་བྱའོ། །དེའི་རྗེས་ལ་ཤེས་རབ་ཡེ་ཤེས་ཀྱི་དབང་བསྐུར་ [262a.7]གྱི་ཆོ་ག་དང་ལྡན་པ་བདུན་པོ་ཐོབ་པ་དང་། གསང་བའི་དབང་བསྐུར་པ་ཐོབ་པ་དང་། ཤེས་རབ་ཡེ་ཤེས་ལ་སེམས་རབ་ཏུ་དགའ་བ་དང་། ཤེས་རབ་དང་སྦྱོར་བའི་བདེ་བའི་བརྡས་བསྟན་པ་ལ། ཤེས་རབ་ཡང་དག་པར་གཏད་པའི་ཆོ་གས་ལུང་ལས་གསུངས་པ་བཞིན་ཤེས་རབ་གཏད་ [262b] [262b.1]པར་བྱའོ། །ཤེས་རབ་ཡེ་ཤེས་ཡང་དག་པར་གཏད་པ་བླངས་པའི་བདེ་བའི་བརྡ་གང་ཡིན་པ་དེ་ནི་ཤེས་རབ་ཡེ་ཤེས་ཀྱི་དབང་བསྐུར་བའོ། །དེ་ནས་ཀྱང་འོག་ཏུ་བླ་མ་དམ་པས་བསྟན་པས་རིག་པར་བྱ་བ་དེ་ནི་དབང་བསྐུར་བ་བཞིན་ཡིན་ནོ། །དེ་ཁོ་ན་ཉིད་གཉིས་པའོ།། །།ད་ནི་དེ་ཁོ་ན་ཉིད་གསུམ་པ་ [262b.2]གཏོར་མ་བཤད་པར་བྱ་སྟེ། གསང་སྔགས་ཧཱུཾ་བརྗོད་པས་དཔལ་ཧེ་རུ་ཀའི་རྣམ་པར་གྱུར་པ་དང་། ཐམས་ཅད་དུ་བསྲུང་བ་དེའི་གནས་དང་། དཀྱིལ་འཁོར་མདུན་དུ་བསམ་མོ། །གོང་མ་གོང་མའི་རིམ་པས་ཆོས་འབྱུང་སུམ་བརྒྱུད་ཀྱི་དབུས་སུ་ཆུད་པ། པདྨ་དམར་པོ་འདབ་མ་བརྒྱད་པ་ [262b.3]བསམས་ལ་དེའི་སྟེང་དུ་གཽ་རཱི་ལ་སོགས་པ་ལ་དཔག་ཏུ་མེད་པའི་འཇིག་རྟེན་ན་གནས་པའི་ཁྱབ་འཇུག་དང་། ལྷ་ཆེན་པོ་དང་། དབང་ཕྱུག་ཆེན་པོ་དང་། ཉི་མ་དང་། ཟླ་བ་ལ་སོགས་པ་འཇིག་རྟེན་མཐའ་ཡས་པ་རྣམ་པར་ཉམས་པར་བྱེད་པའི་སྐྱེ་གནས་ཐམས་ཅད་འཁོར་དང་བཅས་པ་ཐམས་ [262b.4]ཅད་སྤྱན་དྲངས་ལ་ས་བོན་གྱི་ཡི་གེ་ཨཾ་ཡོངས་སུ་གྱུར་པ་ལས། ཕྱག་གཉིས་པ་རྡོ་རྗེ་དང་དྲིལ་བུ་བསྣམས་པ། སྐུ་མདོག་དཀར་པོ་རང་གི་ཤེས་རབ་ཀྱིས་འཁྱུད་པའི་ལུས་ཅན་གཡས་བརྐྱང་པས་བཞུགས་པ། ཡན་ལག་བཞིས་བྱིན་གྱིས་བརླབས་པ། རྣམ་པར་སྣང་མཛད་ཀྱི་ཅོད་ [262b.5]ཕན་ཅན། ཨརྒྷ་དང་བཏུང་བ་ལ་སོགས་པས་བསྟབས་པ། ཟས་ལ་ཆགས་པ་མེད་པའི་སེམས་ཀྱིས་བསྒོམ་པར་བྱའོ། །དབུས་སུ་ཕྱོགས་སྐྱོང་བ་རང་གི་ཕྱོགས་སུ་གྱུར་པའི་འདབ་མར་ཆུད་པ་རྣམས་ས་བོན་གྱི་ཡི་གེ་ཧཱུཾ་ཡོངས་སུ་གྱུར་པ་ལས། ནག་པོ་ཆེན་པོ་མི་བསྐྱོད་པའི་ཅོད་པན་ [262b.6]ཅན་ནོ། །འོག་ཏུ་སྟོབས་ཀྱི་རྒྱུ་དང་། མཐའ་མེད་དང་། ནོར་རྒྱས་ཀྱི་བུ་དང་། འཇོག་པོ་དང་། རིགས་སྦྱིན་དང་། དུང་དང་། པདྨ་དང་། པདྨ་ཆེན་པོ་རང་རང་གི་ཕྱོགས་ཀྱི་འདབ་མར་ཆུད་པ། ལྷ་མ་ཡིན་དང་བཅས་པ། ས་བོན་ཡི་གེ་ཨ་ཡོངས་སུ་གྱུར་པ་ལས། མདོག་དམར་པོ་སྣང་བ་ [262b.7]མཐའ་ཡས་ཀྱི་ཅོད་པན་ཅན་ཡིན་ལ། ལྷག་མ་ནི་སྔ་མ་བཞིན་ནོ། །དེའི་འོག་ཏུ་བཟའ་བ་དང་། བཏུང་བ་བདུད་རྩི་ལ་སོགས་པ་བདུད་རྩི་ཉིད་དུ་བསྒྲུབ་པར་བྱའོ། །དེ་ལ་རིམ་པ་ནི་འདི་ཡིན་ཏེ། ཡཾ་ལས་རླུང་གི་དཀྱིལ་འཁོར་དུ་བའི་མདོག་ཅན་གཞུའི་དབྱིབས་ལྟ་བུ་དང་། དེའི་སྟེང་དུ་ [263a] [263a.1]རཾ་ལས་བྱུང་བའི་མེའི་དཀྱིལ་འཁོར་དམར་པོ། །དེའི་སྟེང་དུ་ཡི་གེ་ཨ་ཡོངས་སུ་གྱུར་པ་ལས་བྱུང་བ་པདྨའི་སྣོད་བཟང་པོ་བཟའ་བ་ལ་སོགས་པས་བཀང་བ། ས་བོན་ལྔས་བྱིན་གྱིས་བརླབས་པ་འབར་བ་དང་དྲོ་བ་དག་གིས་ཞུ་བར་གྱུར་པ། དེའི་སྟེང་དུ་ས་བོན་གྱི་ཡི་གེ་ཨོཾ་ [263a.2]ཡོངས་སུ་གྱུར་པའི་ཟླ་བ་ཡོངས་སུ་ཞུ་བའི་བདུད་རྩིར་བྱས་ལ། དྲི་དང་། མེ་ཏོག་དང་། སྤོས་དང་། རྒྱལ་མཚན་དང་། གདུགས་དང་། གོས་ལ་སོགས་པ་དང་། བཏུང་བ་ལ་སོགས་པ་དང་བཅས་པ། སློབ་དཔོན་དྲིལ་བུ་བརྡུང་བར་ཕྱོགས་པས། ཨོཾ་ཨིནྡ་ཡ་མ་ཛ་ལ་ཡཀྵ་ཞེས་བྱ་བ་ལ་ [263a.3]སོགས་པས་གཏོར་མ་སྦྱིན་པར་བྱ་ཞིང་། དེ་ནས་རང་གི་སྙིང་གའི་ཡེ་ཤེས་སེམས་དཔའི་ཐུགས་ཀའི་ས་བོན་ལས་བྱུང་བའི་གཽ་རཱི་ལ་སོགས་པའི་ཕྱག་ན་མཆོད་པ་སྣ་ཚོགས་པ་ཐོགས་པ་ལ་སོགས་པས་བྱ་ཞིང་། དེའི་འོག་ཏུ་མི་བསྐྱོད་རྡོ་རྗེ་ཡེ་ཤེས་ཞེས་བྱ་བ་ལ་སོགས་པའི་ཚིགས་སུ་ [263a.4]བཅད་པས་བསྟོད་པར་བྱའོ། །བསྟོད་མ་ཐག་ཏུ་ཨོཾ་བཛྲ་ས་ཏྭས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ། དྲྀ་ཌྷོ་མ་བྷེ་ཝ། སུ་པོཥྡྱོ་མེ་བྷ་ཝ། སུ་ཏོཥྡྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སརྦ་སིདྡྷིམྨེ་པྲ་ཡཙྪ་སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཿ་ཀུ་རུ་ཧཱུཾ་ཧ་ཧ་ཧ་ཧ་ཧོཿ་བྷ་ག་ཝཱན་སརྦ་ཏ་ཐཱ་ག་ཏ་ [263a.5]བཛྲ་མཱ་མེ་མུཉྩ། བཛྲཱི་བྷ་བ་མ་ཧཱ་ས་མ་ཡ་སཏྭ་ཨཿ་མུཿ་ཞེས་བྱ་བའོ། །སྔགས་ཀྱིས་གཤེགས་སུ་གསོལ་བར་བྱའོ། །ད་ནི་གཏོར་མ་བསྡུས་ཏེ་བསྟན་པར་བྱ། ལྷའི་རྣལ་འབྱོར་བ་དྲིལ་བུ་བརྡུང་བ་ལ་གཞོལ་བས། ཆོས་འབྱུང་གྲུ་གསུམ་གྱི་དབུས་སུ་པདྨ་དམར་པོ་ལ་གོང་དུ་སྨོས་པའི་ལྷའི་ [263a.6]དེ་ཁོ་ན་ཉིད་གོ་རིམས་བཞིན་དུ་གཽ་རཱི་ལ་སོགས་པས་བཀུག་ལ། ཡུད་ཙམ་གྱིས་སྔར་བསྒྲུབས་པའི་གཏོར་མ་དང་། དབང་པོ་ལ་སོགས་པའི་སྔགས་ཀྱིས་ཚིམ་པར་བྱ་བ་སྟེ། ལྷག་མ་ནི་སྔ་མ་བཞིན་ནོ། །མདོར་བསྡུས་པའི་གཏོར་མའོ། །གཏོར་མའི་དེ་ཁོ་ན་ཉིད་དེ་གསུམ་པའོ།། །།ད་ནི་ [263a.7]བཟླས་པ་བཤད་པར་བྱ་སྟེ། ཏིང་ངེ་འཛིན་གསུམ་སྔོན་དུ་འགྲོ་བའི་རང་གི་ལྷའི་རྣལ་འབྱོར་དང་ལྡན་པའི་རྣལ་འབྱོར་པས་ལྷན་ཅིག་སྐྱེས་པ་བསྒོམ་པའི་དེ་མ་ཐག་ཏུ་རང་གི་ལྷ་དྲན་པས། རང་གི་སྙིང་གར་ཡེ་ཤེས་སེམས་དཔའ། དེའི་ཐུགས་ཀར་ཉི་མ་ལ་གནས་པའི་ཧཱུཾ་གི་ས་བོན་ལས་བྱུང་ [263b] [263b.1]བའི་འོད་ཟེར་གྱིས་སེམས་ཅན་ཐམས་ཅད་ཀྱི་ལུས་ངག་ཏུ་གཏོགས་པའི་དྲི་མ་བསལ་ནས་བདག་ཉིད་ལ་སླར་ཞུགས་ཏེ། རང་གི་འདོད་པའི་ལྷའི་སྔགས་བཟླས་སོ། །ཡང་དེ་བཞིན་དུ་བལྟ་བར་བྱའོ། །གསང་སྔགས་བཟླས་ཤིང་མཆོད་པ་ལ་སོགས་པ་བྱས་ནས་ལྡང་བར་བྱའོ། །སྔགས་ [263b.2]བཟླས་པའི་དེ་ཁོ་ན་ཉིད་དེ་བཞི་པའོ།། །།དགར་བ་ཡང་བརྗོད་པར་བྱ་སྟེ། བསྟན་པ་ལ་གནོད་པར་བྱེད་པ་དང་། བླ་མ་དང་སངས་རྒྱས་བསླུས་པ་དང་། ཕ་དང་མ་གསོད་པ་ལ་འཚེལ་བ་མཐོང་ནས་གཞན་གྱི་ལས་དགེ་བ་དང་མི་དགེ་བ་མངོན་པར་ཤེས་པ་ཡོད་པའི་རྣལ་འབྱོར་བ་སྙིང་རྗེ་དང་ [263b.3]ལྡན་པའི་སེམས་ཀྱིས། སྦྱིན་པ་དང་དགུག་པ་ལ་སོགས་པས་ནན་ཏན་དུ་གཉེར་བ་ན། བདག་ཉིད་ངན་པ་མི་བྱེད་ན་ཡང་། དེ་བཞིན་དུ་ལས་བྱེད་པ་ལ་ཡང་དུ་དོན་དུ་གཉེར་བར་བྱའོ། །གལ་ཏེ་ཚིག་མི་ཉན་ན། དེའི་ཚེ་བརྩེ་བ་དང་ལྡན་པས་དཔལ་དགྱེས་པའི་རྡོ་རྗེ་ལས་གསུངས་པའི་ [263b.4]དྲག་པོའི་ལས་བྱ་སྟེ། དེ་ལ་རིམ་པ་ནི་འདི་ཡིན་ཏེ། ཐུན་མཚམས་སུ་ཏིང་ངེ་འཛིན་གྱི་སྦྱོར་བ་དང་ལྡན་པར་ཡེ་ཤེས་སེམས་དཔའི་ཐུགས་ཀའི་ས་བོན་ལས་འོད་འཕྲོས་པས། སངས་རྒྱས་དཔག་ཏུ་མེད་པ་སྤྱན་དྲངས་ཏེ། རང་བཞིན་གྱི་གནས་ནས་བཀུག་ལ། དེ་རྣམས་ཀྱི་སྤྱན་སྔར་དེ་ལྟ་ [263b.5]བུའི་ལས་བྱེད་པ་དེའི་བསྒྲུབ་བྱ་བལྟས་ནས། སངས་རྒྱས་རྣམས་ལ་བསྒྲག་པར་བྱའོ། །དེའི་འོག་ཏུ་དཀྱིལ་འཁོར་བ་དང་བཅས་པ་སྤྱན་དྲངས་ལ། མཆོད་པ་དང་། བསྟོད་པ་དང་། བདུད་རྩི་མྱང་བ་བྱས་ལ། ཡེ་ཤེས་སེམས་དཔའི་ཐུགས་ཀའི་ས་བོན་གྱི་འོད་ཟེར་གྱིས་རང་གི་ [263b.6]འཁོར་ལོའི་གཙོ་བོ་སྤྱན་དྲངས་ལ། རྡོ་རྗེའི་ལམ་ནས་པདྨར་ཞུགས་པར་གྱུར་པས། ཞགས་པ་དང་། ལྕགས་ཀྱུ་དང་། ཐོ་བ་ཐོགས་པའི་གཽ་རཱིའི་གཟུགས་སུ་བྱུང་བར་བལྟའོ། །གཽ་རཱི་རང་གི་འོད་ཟེར་གྱི་གཟུགས་སུ་སྤྲོས་པས་བསྒྲུབ་བྱ་དེའི་སྔགས་དང་ཕྱག་རྒྱ་ལ་སོགས་པ་བསལ་ནས། [263b.7]ཞགས་པས་བཅིངས་ཤིང་ལྕགས་ཀྱུས་དྲངས་ནས། འཁོར་ལོ་མདུན་དུ་བཀུག་ལ། རྣལ་འབྱོར་པ་དེས་ཡེ་ཤེས་སེམས་དཔའ་དེ་ལ། བདག་གི་ངོ་བོའི་དབང་དང་ནི། །མི་བསྐྱོད་ངོ་བོ་ལ་ཆགས་པས། །སྨད་པའི་ལས་རྣམས་ཀུན་འབྱུང་བའི། ལུས་འདི་ཁྱོད་ཀྱིས་སྤང་བར་བྱ། །ཞེས་དོན་ [264a] [264a.1]དུ་གཉེར་བར་བྱས་ནས་ནི། གཽ་རཱི་ལྕགས་ཀྱུ་ཞགས་པ་ཡིས། །ཡེ་ཤེས་སེམས་དཔའ་དེ་ཕྱུང་ནས། །གཽ་རཱི་ལག་པའི་ལྕགས་ཀྱུ་ཡིས། །བསྒྲུབ་བྱའི་ལྟེ་བའི་རྩ་བ་ནས། །རྒྱུ་མ་མ་ལུས་དྲངས་ནས་ནི། །དཀའ་ཐུབ་ཅན་གྱིས་དེ་མ་ཐག །དྲག་པོའི་ལས་ལ་སྦྱར་བར་བྱ། ། [264a.2]ཡང་ནི་དུད་འགྲོའི་གཟུགས་བྱས་ལ། །གཅེར་འགྲེང་ཁ་ནས་ཁྲག་སྐྱུག་པ། །འདར་བ་སྐྱབས་མེད་པ། ཏིལ་མར་གྱིས་བྱུགས་པ། གོས་མེད་པ། སྐྲ་གྱེན་དུ་བརྫེས་པ། དེའི་བཤང་བའི་ལམ་དུ་མེ་ཁབ་ཀྱི་གཟུགས་ཅན་རབ་ཏུ་ཞུགས་པར་བསམས་ལ། སྙིང་གར་མེའི་ས་བོན་བསམས་ནས་ [264a.3]དེ་མ་ཐག་ཏུ་བསྒྲལ་བར་བྱའོ། །ཡེ་ཤེས་སེམས་དཔའ་ཡང་མི་བསྐྱོད་པར་བསྒྲུབས་ལ། ཆོ་གའི་རིམ་པ་ཇི་ལྟ་བ་བཞིན་དུ་མཆོད་པ་དང་བསྟོད་པ་བདུད་རྩི་མྱང་བ་བྱས་ནས་མི་བསྐྱོད་པའི་སངས་རྒྱས་ཀྱི་ཞིང་དུ་བལྟ་བར་བྱའོ། །དགར་བའི་དེ་ཁོ་ན་ཉིད་དེ་ལྔ་པའོ།། །།ད་ནི་བསྒོམ་པའི་ [264a.4]ཕྱིར་བཟློག་པ་བསྟན་པར་བྱ་སྟེ། གཙོ་བོ་གཙུག་ཏོར་འཁོར་ལོས་སྒྱུར་བ། ཕྱག་གཉིས་པ་རང་གི་ཕྱག་མཚན་དང་སྡིགས་མཛུབ་དང་། ཁྲོ་བ་དང་བཅས་པ་ཉི་མའི་གདན་ལ་གཡོན་བརྐྱང་བས་བཞུགས་པ། ཁྲོ་བོའི་གཟུགས་ཅན། དབང་བསྐུར་བ་ལ་སོགས་པ་ལ། དགྲ་བོའི་ཚོགས་ལ་ [264a.5]བསྡིགས་པ། གཡོན་དུ་འཁོར་བ་གཡོ་བར་རྣམ་པར་བསམས་ལ། ན་མཿ་ས་མནྟ་བུདྡྷཱ་ནཱཾ། ན་མཿ་ས་མནྟ་དྷརྨཱ་ནཱཾ། ན་མཿ་ས་མནྟ་སཾ་གྷཱ་ནཱཾ། ཨོཾ་སི་ཏཱ་ཏ་པ་ཏྲེ། ཨོཾ་བི་མ་ལ། ཤཾ་ཀ་ར། ཨོཾ་པྲ་ཏྱདྷི་ར། བཛྲ་ཨུཥྞཱི་ཥ་ཙཀྲ་ཝརྟི། སརྦ་ཡནྟྲ། མནྟ། མནྟཱ། མཱུ་ལ་ཀརྨ། བནྡྷ་ནཾ། ཏཱ་ཌ་ནཾ། ཀཱི་ལ་ནཱཾ་ཝཱ་ [264a.6]མ་མ་ཀྲྀ་ཏེ། ཡེ་ན་ཀེ་ན་ཙི་ཏ། ཀྲྀ་ཏནྟ་ཏ། སརྦཱནྡུ། ཙྪྣྡི་ཙྪྣྡི། བྷིནྡ་བྷིནྡ། ཙི་རི་ཙི་རི། གི་རི་གི་རི། མ་ར་མ་ར། ཧཱུཾ་འྷུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། ཉལ་བའི་དུས་སུ་ལན་བདུན་བདུན་བཟླས་ནས་བསྒོམ་པར་བྱའོ། །བསྒོམ་པའི་ཕྱིར་བཟློག་པའི་དེ་ཁོ་ན་ཉིད་དེ་དྲུག་པའོ།། །།གྲོག་ [264a.7]ལ་སོགས་པ་ལ་འཁོར་ལོ་རྩིབས་བཅུ་པ་བྲིས་ལ། རྩིབས་དང་པོ་ལ་ན་མཿ་ས་མནྟ་བུདྡྷེ་བྷྱོ། ན་མཿ་མུདྒ་ར་ཧ་སྟཱ་ཡ། ཏཎྜ་མཎྜལ། ཨཱ་ཀྵེ་པ་ཀ་ར་ཡ། ཆེ་གེ་མོ་རཀྵ་ཀུ་རུ་ཧཱུཾ་ཕཊ། ལྷོའི་རྩིབས་ལ་ན་མཿ་སམནྟ་བུདྡྷེ་བྷྱོ། མ་ཧཱ་དཎྜ་དྷ་ར་པི་བི་སུ་རཱ་སུ་ར་མརྡ་ན་བྷཱུ་ཏཾ་ནི་རྨ་ཐ་ཆེ་གེ་མོ་རཀྵ་ [264b] [264b.1]ཀུ་རུ་ཧཱུཾ་ཕཊ། ནུབ་ཀྱི་རྩིབས་ལ། ན་མཿས་མནྟ་བུདྡྷེ་བྷྱོ། ཧུ་ལུ་ཧུ་ལུ་མ་ཧཱ་པདྨ་ཨ་མྲྀ་ཏེ་ཀུ་རུ་བི་ཥཾ་ཆེ་གེ་མོ་མ་མ་རཀྵ་ཀུ་རུ་ཧཱུཾ་ཕཊ། བྱང་གི་རྩིབས་ལ། ན་མཿ་སམནྟ་བུདྡྷེ་བྷྱོ། ན་མོ་བཛྲ་ཀྲོ་དྷ་ཡ། མ་ཧཱ་དཾཥྚོ་ཏྐ་ཊ་བྷཻ་ར་བཱ་ཡ། བཛྲ་སནྟོ་ཧ་དརྦཱ་ཡ། ཨོཾ་ཨ་མྲྀ་ཏ་ཀུཎྜ་ལ་ཆེ་གེ་མོ་རཀྵ་ཀུ་རུ་ཧཱུཾ་ཕཊ། དབང་ལྡན་གྱི་ [264b.2]རྩིབས་ལ། ན་མཿ་ས་མནྟ་བུདྡྷེ་བྷྱོ། ཨོཾ་ཡ་མ་དཎྜཱ་ཡ་ནཱི་ལ་དཎྜཱ་ཡ། ཀུ་རུ་ཀུ་རུ། མུ་རུ་མུ་རུ། སརྦ་དུཥྚཱན་མཱ་ར་ཡ་མཱ་ར་ཡ་ཆེ་གེ་མོ་རཀྵ་ཀུ་རུ་ཧཱུཾ་ཕཊ། མེའི་རྩིབས་ལ། ན་མཿ་ས་མནྟ་བུདྡྷེ་བྷྱོ། ན་མོ་མེ་ཧཱ་ཀཱ་ལཱ་ཡ། ཨུ་ཙྪུ་སྨ་ཀྲོ་དྷཱ་ཡ། གྷ་དྷ་ར་ཙཱ་ཡ། སརྦ་ནཱ་ག་མ་ཧཱ་ཧྲྀ་དཱ་ཡཱ་ཡ་ཆེ་གེ་མོ་རཀྵ་ཀུ་རུ་ཧཱུཾ་ [264b.3]ཕཊ། བདེན་བྲལ་ལ། ན་མཿ་ས་མནྟ་བུདྡྷེ་བྷྱོ། ན་མོ་མོ་ཙ་ཡ་ཨཱ་ཀཪྵ་ཡ། ཙེཏྟ་ཡ། མོཏྟ། གྷ་གྷ། གྷཱ་ཏ་ཡ་གྷཱ་ཏ་ཡ། ཆེ་གེ་མོ་རཀྵ་ཀུ་རུ་ཧཱུཾ་ཕཊ། རླུང་གི་ཕྱོགས་ལ། ན་མཿ་ས་མནྟ་དྷ་རྨཱ་ཎཱཾ། ན་མཿ་ས་མནྟ་སཾ་གྷཱ་ནཱཾ། ཨ་མྲྀ་ཏ་ཏ་ཕཊ་ཏྲཾ། ཨོཾ་བི་མ་ལ། ཨོཾ་སུཾ་བྷ་ནི་སུཾ་བྷ་ཧཱུཾ། གྲྀ་ཧྞཱ་པ་ཡ་ཧཱུཾ། ཨཱ་ [264b.4]ན་ཡ་གོ། བྷ་ག་ཝཱན་བིདྱཱ་རཱ་ཛ་ཆེ་གེ་མོ་རཀྵ་ཀུ་རུ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། འཁོར་ལོའི་མུ་ཁྱུད་ལ་སྔགས་འདི་བྲི་བར་བྱའོ། །ན་མཿ་ས་མནྟ་བུདྡྷཱ་ཧཱཾ་ན་མཿ་ས་མནྟ་དྷརྨཱ་ཎཱཾ། ན་མཿ་ས་མནྟ་སཾ་གྷཱ་ནཱཾ། ཨ་མྲྀ་ཏ་ཏ་ཕཊ་ཏྲཾ། ཨོཾ་བི་མ་ལ། ཨོཾ་ཤངྐ་ར། ཨོཾ་པྲ་ཏྱཾ་གི་ར། ཨོཾ་ཨུཥྞིཥ་ཙཀྲ་ [264b.5]ཝརྟི། སརྦ་ཡནྟ། མནྟྲ། མཱུ་ལ་ཀརྨ། བནྡྷ་བནྡྷ། ཏ་ཌ་ནཾ། ཀཱི་ལ་ནཾ་བླ། བ་ལ་ཀྲྀ་ཏེ། ཡེ་ན་ཀེ་ན་ཙིད་ཀྲྀ་ཏཾ། ཏད་སརྦ་ཙྪིནྡྷ་ཙྪིནྡྷ། ཙི་རི་ཙི་རི། གི་རི་གི་རི། མ་ར་མ་ར། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། བསྲུང་བའི་སྦྱོར་བ་འདིས་འཁྲུལ་འཁོར་དང་སྔགས་ལ་སོགས་པ་འཇིག་ [264b.6]པར་བྱེད་པ་ཡིན་ཏེ། སྲུང་པའི་འཁོར་ལོ་བྱས་པ་དཔུང་པར་གདགས་པར་བྱའོ། །ཁམས་གསུམ་པོས་ཟིལ་གྱིས་ནོན་པར་མི་འགྱུར་རོ། །བྲིས་པའི་ཕྱིར་བཟློག་པ་སྟེ་དེ་ཁོ་ན་ཉིད་བདུན་པའོ།། །།དེ་མ་ཐག་དུ་དཀྱིལ་འཁོར་གྱི་སྒྲུབ་པ་བརྗོད་པར་བྱའོ། །སྔགས་པ་ནུབ་ཏུ་ཁ་བལྟས་ཏེ། [264b.7]དཀྱིལ་འཁོར་གྱི་བསྒྲུབ་པ་བརྩམ་པར་བྱའོ། །ཡེ་ཤེས་སེམས་དཔའི་ཐུགས་ཀའི་ས་བོན་གྱི་འོད་ཟེར་གྱིས་ནམ་མཁའ་ལ་གནས་པའི་དཀྱིལ་འཁོར་སྤྱན་དྲངས་ནས་རང་གི་རིག་མའི་པདྨར་ཞུ་བར་གྱུར་པར་བསམ་མོ། །ཞུ་བ་དེ་ལས་རང་གི་ས་བོན་གྱི་དཀྱིལ་འཁོར་དུ་འཁོར་ལོའི་གཙོ་ [265a] [265a.1]བོ་ལ་སོགས་པ་གོ་རིམས་བཞིན་དུ་སྤྲོ་བར་བྱའོ། །དེའི་འོག་ཏུ་མིག་ལ་སོགས་བྱིན་གྱིས་བརླབས་ལ། མཆོད་པ་དང་བསྟོད་པ་དང་བདུད་རྩི་མྱང་བ་ལ་སོགས་པ་བྱའོ། །དཀྱིལ་འཁོར་གྱི་དེ་ཁོ་ན་ཉིད་བསྒྲུབ་པ་སྟེ་བརྒྱད་པའོ།། །།ད་ནི་བསྡིགས་པའི་རབ་ཏུ་སྦྱོར་བ་བརྗོད་པར་ [265a.2]བྱ་སྟེ། རྣལ་འབྱོར་པའི་སེམས་བསྒོམ་པ་ཅུང་ཞིག་བརྟན་པར་གྱུར་ཅིང་མཚན་མ་ཅུང་ཞིག་རྙེད་པར་གྱུར་པས་ཟླ་བ་དྲུག་གི་བར་དུ་བསྒོམ་པར་བྱའོ། །དེ་ལྟ་ན་ཡང་གལ་ཏེ་མ་གྲུབ་ན། དེའི་ཚེ་རང་གི་འདོད་པའི་ལྷ་ཉིད་ཀྱི་རྣལ་འབྱོར་སྔོན་དུ་འགྲོ་བ་ཅན་གྱི་ཇི་སྐད་བརྗོད་པའི་ཆོ་གས་དམ་ཚིག་ [265a.3]ལ་ཚོགས་པ་སྔོན་དུ་འགྲོ་བས་ཟླ་བ་བཅོ་བརྒྱད་བསྒོམ་པར་བྱའོ། །དེ་ལྟ་ན་ཡང་གལ་ཏེ་གྲུབ་པར་མ་གྱུར་ན། དེའི་ཚེ་ཐུན་མཚམས་སུ་ནི་བསྡིགས་པའི་སྦྱོར་བ་བརྩམ་པར་བྱ་སྟེ། དེ་ལ་རིམ་པ་ནི་འདི་དག་ཡིན་ནོ། །མི་བསྐྱོད་པའི་སྦྱོར་བ་དང་ལྡན་པའི་རྣལ་འབྱོར་པ་ཏིང་ངེ་འཛིན་གསུམ་དང་ལྡན་ [265a.4]པས། དཀྱིལ་འཁོར་ནག་པོས་ཡོངས་སུ་བསྐོར་བ། གཞལ་ཡས་ཁང་ནག་པོས་བསྒྲུབས་ལ་བསྒོམ་མོ། །དེའི་འོག་ཏུ་མཆོད་པ་དང་བསྟོད་པ་དང་བདུད་རྩི་མྱང་བ་བྱས་ནས། ཡེ་ཤེས་སེམས་དཔའི་ཐུགས་ཀའི་ས་བོན་གྱི་འོད་ཟེར་གྱིས་དེ་བཞིན་གཤེགས་པའི་འཁོར་ལོ་སྤྱན་དྲངས་ཏེ། [265a.5]པདྨའི་དཀྱིལ་འཁོར་དུ་ལྷུང་བར་གྱུར་པའི་མེའི་དཀྱིལ་འཁོར་གྱིས་ཡོངས་སུ་བསྐོར་བ་འཇིགས་ཤིང་སྐྲག་པ། རབ་ཏུ་འདར་བར་གྱུར་པ་བལྟས་ལ། དེའི་ས་བོན་གྱི་འོད་ཟེར་གྱིས་དེ་བཞིན་གཤེགས་པའི་ཚོགས་ཤེས་རབ་ཆགས་པས་ཞུ་བར་གྱུར་པ། རྡོ་རྗེའི་ལམ་ནས་བྱུང་བ་ཡོངས་སུ་གྱུར་ [265a.6]པ་ལས། གཤིན་རྗེ་གཤེད་ཕྱག་གཉིས་པ། ཕྱོགས་བརྒྱད་ནས། ཨོཾ་ཨ་བཛྲ་ཙ་ར། ཨ་ཀྲོ་ན་མ་ཀཱི་ལ་ཡ་ཧཱུཾ་ཕཊ་ཅེས་བྱ་བས་ཕུར་བུས་གདབ་པར་བྱའོ། །འདི་ནི་མི་བསྐྱོད་པའི་ཆོ་ག་ཡིན་ནོ། །དེ་དག་ཐམས་ཅད་ལ་གདབ་པར་བྱ་བ་དང་། འདེབས་པ་པོ་དང་། འདེབས་པར་བྱེད་པ་ཞེན་པ་ [265a.7]མེད་པ་བྱས་ནས་འགྲུབ་པར་འགྱུར་གྱི་གཞན་དུ་མ་ཡིན་ནོ། །བསྡིགས་པ་བསྒྲུབ་པ་སྟེ་དེ་ཁོ་ན་ཉིད་དགུ་པའོ།། །།དེའི་འོག་ཏུ་གཤེགས་སུ་གསོལ་བ་བརྗོད་པར་བྱ་སྟེ། དེ་ལ་རིམ་པ་ནི་འདི་ཡིན་ནོ། །དཀྱིལ་འཁོར་གྱི་ཁང་པ་ནས་བྱུང་ལ། ཞི་བའི་སྦྱིན་སྲེག་བྱས་ནས། ཡང་དཀྱིལ་འཁོར་ [265b] [265b.1]གྱི་ཁང་བར་ཞུགས་ནས། མཆོད་པ་སྣ་ཚོགས་པས་དཀྱིལ་འཁོར་མཆོད་པར་བྱའོ། །སྤྲོས་པ་དང་བཅས་པའི་དྲིལ་བུ་དཀྲོལ་ལོ། །ཧཱུཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་གསོལ། །སངས་རྒྱས་ཡུལ་དུ་གཤེགས་ནས་ནི། །སླར་ཡང་འབྱོན་པར་ [265b.2]མཛད་དུ་གསོལ། །མུཿ་ཞེས་བྱ་བའི་ཚིགས་སུ་བཅད་པ། དེའི་འོག་ཏུ་ས་ཚོན་གྱི་དཀྱིལ་འཁོར་ལོ་སངས་རྒྱས་ཀྱི་ཞིང་དུ་གཤེགས་པར་བསམ། ཡི་གེ་གསུམ་གྱི་མཐའ་ཅན་གྱི་དཀྱིལ་འཁོར་གྱི་ཚོན་ཕྱགས་ལ། དྲི་ཞིམ་པའི་སྣོད་དུ་བཅུག་པ། རྒྱ་མཚོར་འབབ་པའི་ཆུ་བོ་ལ་ [265b.3]དོར་བར་བྱའོ། །དཀྱིལ་འཁོར་གྱི་ས་བའི་རྣམ་ལྔས་བྱུགས་ཤིང་། ཡི་གེ་གསུམ་གྱི་མཐའ་ཅན་གྱི་ཆོ་གས་གཏོར་མ་སྦྱིན་པར་བྱའོ། །གཤེགས་སུ་གསོལ་བའི་དེ་ཁོ་ན་ཉིད་དེ་བཅུ་བའོ།། །།དེ་ཉིད་བཅུ་པ་ངེས་བྱས་པས། །བདག་གིས་བསོད་ནམས་གང་བསགས་པ། །དེས་ནི་འགྲོ་ [265b.4]བས་མི་ཤེས་པའི། །རབ་རིབ་རྣམས་ནི་ཞི་བྱེད་ཤོག། །མཁའ་འགྲོ་མ་རྡོ་རྗེ་གུར་གྱི་མན་ངག་དེ་ཁོ་ན་ཉིད་བཅུ་པ་ཞེས་བྱ་བ། སློབ་དཔོན་ཆེན་པོ་དྲི་མེད་གྲགས་པས་མཛད་པ་རྫོགས་སོ།། །།མར་པ་ཆོས་ཀྱི་བློ་གྲོས་ཀྱིས་བསྒྱུར་པ།།{T1324}༄༅༅། །རྒྱ་གར་སྐད་དུ། བཛྲ་ [265b.5]ཏཱ་ར་སཱ་དྷ་ནཾ། བོད་སྐད་དུ། རྡོ་རྗེ་སྒྲོལ་མའི་སྒྲུབ་ཐབས། བཅོམ་ལྡན་འདས་རིན་ཆེན་འབྱུང་ལྡན་ལ་ཕྱག་འཚལ་ལོ། །ཕུན་སུམ་ཚོགས་པ་ཀུན་སྤེལ་མ། །སྒྲོལ་མ་ལ་ནི་གུས་ཕྱག་འཚལ། །དེ་ཡི་སྒྲུབ་ཐབས་མན་ངག་བཞིན། །མདོར་བསྡུས་ནས་ནི་བྲི་བར་བྱ། །དང་པོར་རེ་ཞིག་ [265b.6]རྣལ་འབྱོར་པས་མེ་ཏོག་དྲི་ཞིམ་པ་ལ་སོགས་པས་ཉམས་དགའ་བའི་བསམ་གཏན་གྱི་ཁང་པ་ལ་སོགས་པར་ཞུགས་ཏེ། སྟན་བདེ་བ་ལ་སྐྱིལ་མོ་ཀྲུང་བཅས་ནས་རང་གི་སྙིང་གར་ཨཾ་ཡིག་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་རོ། །དེའི་སྟེང་དུ་ཏཱཾ་ཡིག་སེར་པོ་ལས་བྱུང་བའི་ [265b.7]རྡོ་རྗེའོ། །རྡོ་རྗེ་ལ་ཏཱཾ་ཡིག་གི་ས་བོན་གནས་པའོ། །དེའི་འོད་ཟེར་གྱིས་བཀུག་པའི་བཅོམ་ལྡན་འདས་མའི་འཁོར་ལོ་ནམ་མཁའི་ཕྱོགས་སུ་མངོན་པར་བལྟས་ཏེ། རང་གི་སྙིང་གའི་ས་བོན་ལས་འཐོན་པའི་མེ་ཏོག་མ་ལ་སོགས་པའི་ལྷ་མོ་རྣམས་སྤྲོས་ལ། མེ་ཏོག་ལ་སོགས་ [266a] [266a.1]པ་རྣམས་ཀྱིས་མཆོད་པར་བྱའོ། །དེ་ནས་བཅོམ་ལྡན་འདས་མའི་འཁོར་ལོ་དེ་ཉིད་ཀྱི་མདུན་དུ་སྡིག་པ་བཤགས་པ་ལ་སོགས་པ་བྱ་སྟེ། བདག་གི་སྡིག་པ་ཐམས་ཅད་ནི་སོ་སོར་བཤགས་པར་བགྱིའོ། །སངས་རྒྱས་དང་བྱང་ཆུབ་སེམས་དཔའ་དང་། འཕགས་པ་དང་སོ་སོ་སྐྱེ་ [266a.2]བོ་ཐམས་ཅད་ཀྱི་དགེ་བ་ཐམས་ཅད་ལ་རྗེས་སུ་ཡི་རང་ངོ་། །བདག་གི་དགེ་བ་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ། །འདི་ནས་བདག་བྱང་ཆུབ་མ་ཐོབ་ཀྱི་བར་དུ་རྐང་གཉིས་རྣམས་ཀྱི་མཆོག་སངས་རྒྱས་ལ་སྐྱབས་སུ་མཆིའོ། །ཞི་བའི་ [266a.3]མཆོག་ཐེག་པ་ཆེན་པོའི་ཆོས་ལ་སྐྱབས་སུ་མཆིའོ། །ཕྱིར་མི་ལྡོག་པའི་ཚོགས་བྱང་ཆུབ་སེམས་དཔའི་དགེ་འདུན་ལ་སྐྱབས་སུ་མཆིའོ། །ཨེ་མའོ་སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བ་དང་། ཇི་སྲིད་མཐར་ཐུག་པའི་མྱ་ངན་ལས་འདས་པའི་དབྱིངས་སུ་སངས་རྒྱས་ཀྱི་ [266a.4]བྱང་ཆུབ་ལ་རབ་ཏུ་གཞག་པའི་ཕྱིར། བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བར་བགྱིའོ། །དེ་ནས་བདག་གི་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་ལམ་ལ་བརྟེན་པར་བགྱིའོ། །དེ་ནས་གསུམ་ལ་སྐྱབས་སུ་འགྲོ་བའི་ཚིགས་སུ་བཅད་པ་ [266a.5]བཀླག་པར་བྱའོ། །དེ་ནས་སེམས་ཅན་ཐམས་ཅད་ལ་བདེ་བ་ཉེ་བར་སྡུད་པའི་རྣམ་པ་ནི་བྱམས་པའོ། །སྡུག་བསྔལ་ཐམས་ཅད་སེལ་བའི་རྣམ་པ་ནི་སྙིང་རྗེའོ། །ལྷའི་བདེ་བ་དང་མི་འབྲལ་བའི་རྣམ་པ་ནི་དགའ་བའོ། །ཉོན་མོངས་པའི་གཉེན་པོ་ལ་ཉེ་བར་སྡུད་པའི་རྣམ་པ་བཏང་སྙོམས་ [266a.6]བསྒོམ་པར་བྱའོ། །དེ་ནས་ཆོས་ཐམས་ཅད་ཡིད་ལ་དམིགས་ནས་རྣམ་པར་དཔྱད་པར་བྱ་སྟེ། འདི་དག་ནི་སེམས་ཉིད་དེ། དེས་ན་དེའི་རྣམ་པ་ནི་འཁྲུལ་སྣང་ངོ་། །རྨི་ལམ་ཇི་བཞིན་ཏེ། སེམས་ལས་ཕྱི་རོལ་ན་མེད་དོ། །སེམས་ལས་ཕྱི་རོལ་གྱི་གཟུང་བའི་དངོས་པོར་མེད་ཅིང་སེམས་ [266a.7]འཛིན་པར་མི་འགྱུར་རོ། །དེའི་ཕྱིར་ཆོས་ཐམས་ཅད་ཀྱི་ལུས་ནི་སེམས་སོ། །གཟུང་བ་དང་འཛིན་པ་དེ་རྣམས་དོན་དམ་པར་ནི་སྟོང་པ་ཉིད་དོ། །དེ་ལྟར་གཅིག་ཏུ་ངེས་པར་ཆོས་ཐམས་ཅད་ཀྱི་རྣམ་པ་ནི་འཁྲུལ་པས་བསྐྱེད་པ་འཁྲུལ་པའི་མཚན་མའོ། །དེ་རྣམས་ཀྱི་རང་བཞིན་ཉིད་ནི་གཉིས་ [266b] [266b.1]སུ་མེད་པའི་རྣམ་པར་རིག་བྱེད་ཀྱི་ངོ་བོ་འབའ་ཞིག་པ་རྣམས་སོ། །དག་པའི་ཤེལ་ལྟ་བུ་དང་། སྟོན་ཀའི་ཉི་མ་གུང་གི་དྲི་མ་མེད་པའི་ནམ་མཁའ་ལྟ་བུ་མཐའ་ཡས་པར་བལྟ་བར་བྱའོ། །འདི་བརྗོད་དེ་འཇིག་རྟེན་ལས་འདས་པ་སྟོང་པ་ཉིད་ཀྱི་ཡེ་ཤེས་སྤྲོས་མེད་རྣམ་རྟོག་མེད་པའོ། །དེ་ནས་དེའི་སྔགས་ [266b.2]ཀྱིས་བྱིན་གྱིས་བརླབ་པར་བྱའོ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་ཉིད་ནི་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མའོ། །དེ་ཉིད་ནི་མཆོག་གི་བསྲུང་བའོ། །དེ་ནས་དེའི་རྒྱུ་མཐུན་དུ་གྱུར་པའི་རྣམ་པ་དང་ལྡན་པའི་བསྲུང་བ་དག་པ་འཇིག་རྟེན་པའི་ཡེ་ཤེས་ཀྱི་རང་བཞིན་ [266b.3]བསྒོམ་པར་བྱ་སྟེ། དེ་ལ་རཾ་ལས་ཉི་མ། ཉི་མ་དེའི་སྟེང་དུ་ཧཱུཾ་ལས་བྱུང་བའི་སྣ་ཚོགས་རྡོ་རྗེའོ། །རྡོ་རྗེ་དེ་ཉིད་ལས་རྡོ་རྗེའི་ར་བ་དང་། གུར་བཅིངས་པར་བསྒོམ་མོ། །ཡང་སྣ་ཚོགས་རྡོ་རྗེའི་འོད་ཟེར་འཇིག་པའི་དུས་ཀྱི་མེ་ལྟ་བུ་བཟོད་པར་དཀའ་བ་ཕྱོགས་ཐམས་ཅད་དུ་ཚན་ཆེར་སྤྲོས་པས། ཐད་ [266b.4]ཀར་ནི་རྡོ་རྗེ་ར་བ་གྲུ་བཞི་འབར་བས་གཏམས། སྟེང་དུ་ནི་རྡོ་རྗེའི་གུར། འོག་ཏུ་ནི་རྡོ་རྗེའི་རང་བཞིན་གྱིས་གཞི་དང་། འོག་ཐམས་ཅད་གཏམས་པར་བལྟའོ། །དེ་ནས་ཉི་མ་དང་སྣ་ཚོགས་རྡོ་རྗེའི་འོད་ཀྱིས་ཡང་ཕྱོགས་མཚམས་སུ་ཐུག་པར་སྤྲོས་པས། ཡང་ཕྱིའི་སྒོའི་མཚམས་བཅིང་ [266b.5]བར་བྱའོ་ཞེས་པ་ནི་ཚིགས་བཅད་ཀྱི་དོན་ཏོ། །དེའི་དབུས་སུ་འབྱུང་བ་ཆེན་པོ་ནམ་མཁའི་རང་བཞིན་ཆོས་ཀྱི་འབྱུང་གནས་ཞེས་པ། རྡོ་རྗེ་འཆང་ཆེན་པོའི་རང་བཞིན་སྟོན་ཀའི་རི་བོང་འཛིན་ལྟར་དཀར་བ། འོག་ཕྲ་བ། སྟེང་ཡངས་པ། ཟུར་གསུམ་པ། ནང་ནམ་མཁའི་རང་བཞིན་ནོ། །དེའི་དབུས་ [266b.6]སུ་སྣ་ཚོགས་པདྨའི་འདབ་མའི་ལྟེ་བ་ལ་གནས་པའི་སྣ་ཚོགས་རྡོ་རྗེ་ཡངས་པའོ། །དེའི་གཞི་མ་ལ་འབྱུང་བ་ཆེན་པོ་བཞིའི་དཀྱིལ་འཁོར་གྱི་རྣམ་པ་བཞི་པོ་ལྷ་མོ་བཞིའི་རང་བཞིན་རྣམས་སྟེང་ནས་སྟེང་དུ་བལྟའོ། །དེ་ལ་དང་པོ་ཡཾ་གི་ཡི་གེ་ལས་རླུང་གི་དཀྱིལ་འཁོར་གཞུའི་དབྱིབས་ཅན་ནག་ [266b.7]པོ་དུ་བའི་མདོག་ཅན། རྩེ་ཟུར་གཉིས་སུ་གཡོ་བའི་བ་དན་གྱིས་མཚན་པའོ། །དེའི་སྟེང་དུ་རཾ་ཡིག་ལས་མེའི་དཀྱིལ་འཁོར་གྲུ་གསུམ་པ་དམར་པོ་ཟུར་དུར་གྱིས་མཚན་པའོ། །དེའི་སྟེང་དུ་བཾ་ཡིག་ལས་ཆུའི་དཀྱིལ་འཁོར་ཟླུམ་པོ་དཀར་པོ་བུམ་པས་མཚན་པའོ། །དེའི་སྟེང་དུ་ལཾ་ཡིག་ [267a] [267a.1]ལས་དབང་ཆེན་གྱི་དཀྱིལ་འཁོར་གྲུ་བཞི་སེར་པོ་ཟུར་རྣམས་སུ་རྡོ་རྗེ་རྩེ་གསུམ་པས་མཚན་པའོ། །དེའི་སྟེང་དུ་བྷཱུཾ་ཡིག་ལས་སྐྱེས་པའི་འཁོར་ལོའོ། །ད་ནི་སྒོམ་པ་པོ་དེ་ཉིད་འཇིག་རྟེན་ལས་འདས་པའི་ཡེ་ཤེས་ཁྱབ་པ་པོ་ཉིད་དུ་གནས་ཏེ། དེ་ནས་སྣ་ཚོགས་རྡོ་རྗེའི་གཞིའི་ [267a.2]དབུས་ཀྱི་འབྱུང་བ་ཆེན་པོ་བཞི་ཡོངས་སུ་གྱུར་པ་ལས་སྐྱེས་པའི་སངས་རྒྱས་ཀྱི་ཞིང་ཡོངས་སུ་དག་པ་བསྡུས་པའི་གཟུགས་ཐར་པ་ཆེན་པོའི་གྲོང་རྣམ་པར་སྣང་མཛད་ཀྱི་རང་བཞིན་རིན་པོ་ཆེ་སྣ་ཚོགས་པའི་རང་བཞིན་གྱི་ཁང་པ་བརྩེགས་པ། གྲུ་བཞི་པ་ལ་སྒོ་བཞི་པ། །ཀ་བ་བརྒྱད་ཀྱིས་ཉེ་བར་ [267a.3]མཛེས། །སྟེགས་བུ་བཞི་ཡིས་ཡོངས་སུ་བསྐོར། །རྟ་བབས་བཞི་ཡིས་བརྒྱན་པ་སྟེ། །དྲ་བ་དྲ་ཕྱེད་མེ་ལོང་དང་། །དར་དང་མེ་ཏོག་བླ་བྲེས་དང་། །རྔ་ཡབ་རྡོ་རྗེའི་སྲད་བུས་མཛེས། །སངས་རྒྱས་འོད་ཚོགས་འཕྲོ་བ་སྟེ། །བ་དན་སྣ་ཚོགས་གཡོ་བའི་རྩེར། །དྲིལ་བུའི་སྒྲ་ནི་ [267a.4]ཕྱོགས་སུ་སྒྲོགས། །མཆོག་ཏུ་གྱུར་པའི་འདོད་པ་ལྔ། །ཉེ་བར་སྤྱོད་པས་དགྱེས་པའོ། །རིམ་གཉིས་གཅིག་ལ་པདྨ་བསྒོམ། །གཉིས་པ་གྲུ་གསུམ་དག་ཏུ་ཤེས། །དེའི་དབུས་སུ་ཨཱ་ལི་ཉིས་འགྱུར་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་རོ། །དེའི་སྟེང་དུ་ཏཱཾ་ཡིག་ [267a.5]ཡོངས་སུ་གྱུར་པ་ལས་རྡོ་རྗེ། དེའི་ལྟེ་བ་ལ་ཏཱཾ་ཡིག་གོ། །དེ་ནས་ཡང་ཌ་ཌྷ་ད་དྷ་ཉིས་འགྱུར་དང་ལྡན་པའི་ཀཱ་ལི་ཉིས་འགྱུར་ཡོངས་སུ་གྱུར་པ་ལས་ཉི་མའོ། །གཉིས་ཀ་འདུས་པ་བདེ་བ་ཆེན་པོ་མཆོག་ཏུ་དགའ་བ་དང་ལྡན་པ་ཟླ་བའོ། །ཟླ་བ་མེ་ལོང་ཡེ་ཤེས་ལྡན། །རྟ་བདུན་པ་ནི་ [267a.6]མཉམ་ཉིད་ལྡན། །རང་ལྷའི་ས་བོན་མཚན་མ་དག་གོ། །སོ་སོར་རྟོག་པར་བརྗོད་པའོ། །ཐམས་ཅད་གཅིག་གྱུར་བྱ་ནན་ཏན། །རྫོགས་པ་ཆོས་ཉིད་དག་པའོ། །འདི་ནི་མངོན་པར་བྱང་ཆུབ་པ་རྣམ་པ་ལྔའོ། །དེ་ནས་ས་བོན་གྱི་འོད་ཟེར་གྱིས་སེམས་ཅན་རྣམས་རང་གི་ཡི་ [267a.7]དམ་ལྷའི་འཁོར་ལོའི་རྣམ་པར་བཀུག་སྟེ་དེ་ཉིད་ལ་ཞུགས་པ་དང་། མཚན་མ་དང་ས་བོན་ཡོངས་སུ་གྱུར་པ་ལས་རྣལ་འབྱོར་པས་ལྷ་མོ་སྒྲོལ་མ་བསྒོམ་པར་བྱ་སྟེ། ཕྱག་བརྒྱད་མ་ལ་ཞལ་བཞི་མ། །རྒྱན་རྣམས་ཀུན་གྱིས་རྣམ་པར་བརྒྱན། །གཞོན་ནུ་མ་ཡི་མཚན་གྱིས་འབར། ། [267b] [267b.1]ཁ་དོག་གསེར་དང་མཚུངས་པར་བསྒོམ། །དབང་བསྐུར་རྡོ་རྗེ་ཉི་མ་འཁྲུངས། །སངས་རྒྱས་བཞི་ཡི་དབུ་རྒྱན་ཆེ། །ལང་ཚོ་གཞོན་ལ་བབ་པའི་དུས། །གསེར་གྱི་རྣ་ཆ་གཡོ་བག་ཅན། །སྣ་ཚོགས་པདྨའི་གདན་ལ་བཞུགས། །འོད་ཟེར་དམར་པོས་རྣམ་པར་བརྒྱན། །རྡོ་རྗེ་དེ་བཞིན་ [267b.2]ཞགས་པ་དང་། །དུང་དང་མདའ་ནི་གཡས་ན་འཛིན། །རྡོ་རྗེ་ལྕགས་ཀྱུ་ཨུཏྤལ། །གཞུ་དང་སྡིགས་མཛུབ་གཡོན་ན་འཛིན། །རྡོ་རྗེ་སྒྲོལ་མའི་རྣལ་འབྱོར་དག །སེམས་ཅན་དོན་ཀུན་ཕ་རོལ་ཕྱིན། །རྡོ་རྗེ་སྐྱིལ་ཀྲུང་སྦྱོར་བ་ཡིས། །ས་གསུམ་པོ་ནི་བསྒྲུབ་པར་བྱ། །པདྨའི་ [267b.3]ཕྱོགས་བཞིའི་འདབ་མ་ལ། །ཤར་དུ་མེ་ཏོག་སྒྲོལ་མ་སྟེ། །ཁ་དོག་དཀར་པོ་ཡིད་འོང་མ། །ཨོཾ་ཡིག་ཡེ་ཤེས་ལས་རྫོགས་མ། །ཕྱག་ན་མེ་ཏོག་ཕྲེང་བ་འཛིན། །ཞལ་གཅིག་ཕྱག་ནི་གཉིས་མ་སྟེ། །རྒྱན་རྣམས་ཀུན་གྱིས་རྣམ་པར་བརྒྱན། །ལྷོར་ནི་སྤོས་ཀྱི་སྒྲོལ་མ་སྟེ། །མདོག་ [267b.4]ནག་མོ་ལ་གཟུགས་མཛེས་མ། །བདུག་སྤོས་སྣོད་ཀྱིས་ཕྱག་བྲེལ་མ། །རྒྱན་རྣམས་ཀུན་གྱིས་རྣམ་པར་བརྒྱན། །ནུབ་ཏུ་མར་མེའི་སྒྲོལ་མ་སྟེ། །ཕྱག་ན་མར་མེའི་ཀོང་བུ་འཛིན། །ཁ་དོག་སེར་ཞིང་ཆེར་བརྒྱན་མ། །གསེར་གྱི་རྣ་ཆ་གཡོ་བག་ཅན། །བྱང་དུ་དྲི་ཡི་སྒྲོལ་མ་སྟེ། །དྲི་ [267b.5]ཡི་དུང་ཕོར་ཕྱག་ན་བསྣམས། །ལྷ་མོ་ཁ་དོག་འོད་དམར་མཚུངས། །སྙིང་པོའི་དཀྱིལ་འཁོར་དུ་བསྒོམ་བྱ། །དེ་ནས་སྒོ་སྐྱོང་མ་རྣམས་བསམ། །ལྕགས་ཀྱུ་སོགས་ཀྱིས་རབ་ཕྱེ་བའོ། །གཡས་པའི་ཕྱག་ན་ལྕགས་ཀྱུ་སྟེ། །གཡོན་པས་སྡང་ལ་སྡིགས་མཛུབ་མཛད། ། [267b.6]ཉི་མའི་དཀྱིལ་འཁོར་དབུས་སུ་བཞུགས། །ཁ་དོག་དཀར་མོ་ཡིད་འོང་མ། །ལྕགས་ཀྱུ་མའོ། །གཡས་ཀྱི་ཕྱག་ན་ཞགས་པ་སྟེ། །གཡོན་གྱིས་སྡང་ལ་སྡིགས་མཛུབ་མཛད། །དཀྱིལ་འཁོར་དམར་པོའི་དབུས་སུ་བཞུགས། །གཟུགས་ནི་དཀར་སྐྱ་ཡིད་འོང་མ། །ཞགས་ [267b.7]པ་མའོ། །གཡས་ཀྱི་ཕྱག་ན་ལྕགས་སྒྲོག་སྟེ། །གཡོན་གྱིས་སྡང་ལ་སྡིགས་མཛུབ་མཛད། །རྡོ་རྗེ་དཀྱིལ་འཁོར་དབུས་སུ་བཞུགས། །ཁ་དོག་དམར་པོར་བསྒོམ་པར་བྱ། །རྡོ་རྗེ་ལྕགས་སྒྲོག་གོ། །རྡོ་རྗེ་དྲིལ་བུས་ཕྱག་བྲེལ་ཞིང་། །གཡོན་གྱིས་སྡང་ལ་སྡིགས་མཛུབ་མཛད། ། [268a] [268a.1]འོད་ཀྱི་དཀྱིལ་འཁོར་དབུས་སུ་བཞུགས། །མ་རྒད་དང་ནི་ཨུཏྤལ་མཚུངས། །རྡོ་རྗེ་དྲིལ་བུ་མའོ། །ཆོ་གའི་སྦྱོར་བས་མཚམས་རྣམས་ཀྱི། །ཆར་ནི་མཚན་མ་བཞི་རྣམས་ཏེ། །བྱང་སེམས་སྣོད་དང་རི་རབ་དང་། །མེ་ཐབ་དང་ནི་རྒྱལ་མཚན་ཆེ། །སྟེང་དུ་གཙུག་ [268a.2]ཏོར་རྣམ་རྒྱལ་ཏེ། །ཁ་དོག་དཀར་ལ་གཟུགས་མཛེས་མ། །གཡས་ཀྱི་ཕྱག་ན་འཁོར་ལོ་སྟེ། །གཡོན་གྱིས་སྡང་ལ་སྡིགས་མཛུབ་མཛད། །འོག་ཏུ་གནོད་མཛེས་རྣམ་བསྒོམ་བྱ། །གཡས་ཀྱི་ཕྱག་ན་སྦྲུལ་ཞགས་ཏེ། །གཡོན་གྱིས་གདུག་ལ་སྡིགས་མཛུབ་མཛད། །མདོག་ནག་དྲག་ [268a.3]ཤུལ་ཆེ་བའོ། །དེ་ལྟར་བསམས་ཏེ་སྔགས་སྤྲོ་ཞིང་བཟླས་པར་བྱའོ། །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། །ཕ་རོལ་ཕྱིན་པ་བཅུ་ཡི་གནས། །ཡི་གེ་བཅུས་ནི་ལྷ་མོ་བཅུར། །འབད་པ་ཡིས་ནི་བསྒོམས་གྱུར་ན། །ལས་ཀུན་རབ་ཏུ་སྒྲུབ་པར་བྱེད། །མིག་ལ་གཏི་མུག་རྡོ་རྗེ་དགོད། །རྣ་བར་ [268a.4]ཞེ་སྡང་རྡོ་རྗེ་སྟེ། །དེ་བཞིན་ཕྲག་དོག་རྡོ་རྗེ་སྣར། །ཁ་ལ་འདོད་ཆགས་རྡོ་རྗེའོ། །རེག་ལ་སེར་སྣ་རྡོ་རྗེ་སྟེ། །སྙིང་གར་བདག་མེད་རྣལ་འབྱོར་མའོ། །སྐྱེ་མཆེད་རྣམས་སུ་ཤེས་བྱ་སྟེ། །ཉོན་མོངས་མུན་པ་ཀུན་སེལ་བའོ། །འདི་ནི་མིག་སོགས་བྱིན་བརླབས་ཏེ། །ཞལ་གཅིག་ [268a.5]ཕྱག་ནི་གཉིས་པར་ཤེས། །སྣ་ཚོགས་གཟུགས་ལྡན་བཙུན་མོ་ནི། །གྲི་གུག་ཐོད་པས་ཕྱག་རྣམས་བྲེལ། །སྲོག་སོང་སྟེང་ན་ཡང་དག་བཞུགས། །དེ་ནས་ལུས་ངག་ཡིད་བྱིན་བརླབ། །ཨོཾ་ཡིག་སྐུ་ཡི་རྡོ་རྗེ་སྟེ། །རྒྱལ་པོ་ཆེན་པོས་རྣམ་པར་བརྒྱན། །ཧཱུཾ་ཡིག་ཐུགས་ཀྱི་རྡོ་རྗེ་ [268a.6]སྟེ། །རྒྱལ་ཆེན་རྡོ་རྗེ་སེམས་དཔའ་བཞུགས། །ཨཱཿ་ཡིག་དེ་ཉིད་དམ་པ་སྟེ། །ངག་ལམ་གསལ་བར་བྱེད་པར་འདོད། །མ་མོ་འདི་ཀུན་ཉིད་ཀྱི་ནི། །སྙིང་གར་ཡེ་ཤེས་རང་བཞིན་དགོད། །ཡེ་ཤེས་སེམས་དཔའི་སྦྱོར་བ་ཡིས། །སངས་རྒྱས་བྱང་ཆུབ་ཐོབ་པར་འགྱུར། །རང་ [268a.7]སྔགས་ཡི་གེ་ལས་བྱུང་བའི། །ཕྱག་རྒྱ་མཚན་མ་ཡོངས་སུ་བརྟག །སྤྲོ་དང་བསྡུ་བ་བྱས་པ་ཡིས། །དཀྱིལ་འཁོར་བ་ཡི་རྣམ་པར་བྱུང་། །ནམ་མཁའི་དབྱིངས་ཀྱི་དབུས་བཞུགས་པ། །ཡེ་ཤེས་དཀྱིལ་འཁོར་བསྒོམ་པར་བྱ། །ཀུན་ནས་སྣ་ཚོགས་གཟུགས་སུ་ནི། །ཡེ་ཤེས་ལྔ་ [268b] [268b.1]ཡི་ཡོན་ཏན་བཀོད། །མཆོད་པ་ཆེན་པོས་མཆོད་བྱ་ཞིང་། །བསྙེན་བཀུར་ཆེན་པོས་བཀུར་སྟི་བྱ། །སྒོ་སྐྱོང་མ་ཡི་སྦྱོར་བ་ཡིས། །ཡེ་ཤེས་རྒྱ་མཚོ་བསྒྲུབ་བྱ་སྟེ། །ཡེ་ཤེས་འཁོར་ལོ་ལ་མཉམ་གཞུག །རྣལ་འབྱོར་སངས་རྒྱས་ཀུན་མཉམ་པར། །སྐད་ཅིག་གིས་ནི་གཉིས་མེད་འགྱུར། ། [268b.2]ཨོཾ་བཛྲ་ཨཾ་ཀུ་ཤཱི་ཨཱ་ཀཪྵ་ཡ་ཛཿ་ཨོཾ་བཛྲ་པཱ་ཤཱི་པྲ་བེ་ཤ་ཡ་ཧཱུཾ། ཨོཾ་བཛྲ་སྥོ་ཊ་བནྡྷ་ཡ་བཾ། ཨོཾ་བཛྲ་ཨཱ་བེ་ཤ་པ་ཤི་ཀུ་རུ་ཧོཿ་རང་གི་སྙིང་གའི་ས་བོན་ལས་འཐོན་པའི་འོད་ཟེར་ལྕགས་ཀྱུ་ལྟ་བུ་རྣམས་ཀྱིས་ཁམས་གསུམ་ན་བཞུགས་པའི་སངས་རྒྱས་རྣམས་ [268b.3]སྤྱན་དྲངས་ཏེ་མ་མོ་བརྒྱད་རྣམས་ཀྱིས་ཡང་དག་པར་མཆོད་ལ། བྱང་ཆུབ་རྡོ་རྗེ་སངས་རྒྱས་ལ། །མཆོད་ཆེན་ཇི་ལྟར་སྦྱིན་པ་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །ནམ་མཁའ་རྡོ་རྗེ་དེང་བདག་སྩོལ། །དེ་བཞིན་གཤེགས་པ་ཐམས་ཅད་ཀྱིས་བདག་ལ་དབང་བསྐུར་དུ་གསོལ་ཞེས་དབང་བསྐུར་ཞུ་བས། དབང་ [268b.4]བསྐུར་བ་ནི་རྡོ་རྗེ་ཆེ། །ཁམས་གསུམ་པ་ཡིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཞེས་འདོན་ཅི་སངས་རྒྱས་ཧེ་རུ་ཀའི་གཟུགས་ཅན་རྣམས་ཀྱིས་དེ་བཞིན་གཤེགས་པ་ལྔའི་བདག་ཉིད་བདུད་རྩི་ལྔ་འཛིན་པའི་བུམ་པ་ལྔས་དབང་བསྐུར་རོ། །དབང་ [268b.5]བསྐུར་བ་ན་མེ་ཏོག་གི་ཆར་འབབ་པར་འགྱུར་རོ། །རྔ་བོ་ཆེའི་སྒྲ་སྒྲོགས་སོ། །གུར་གུམ་གྱི་ཆར་འབེབས་སོ། །གཟུགས་རྡོ་རྗེ་མ་ལ་སོགས་པས་མཆོད་པར་བྱེད་དོ། །སྤྱན་མ་ལ་སོགས་པས་རྡོ་རྗེའི་གླུས་སྟོད་པར་བྱེད་དོ། །དབང་བསྐུར་བས་སྤྱི་བོར་རྡོ་རྗེ་ཉི་མ་ [268b.6]བསྐྱེད་དོ། །དབུ་རྒྱན་གྱི་ཕྱོགས་བཞིར་དེ་བཞིན་གཤེགས་པ་རྣམ་པར་སྣང་མཛད་དང་། མི་བསྐྱོད་པ་དང་། འོད་དཔག་མེད་དང་། དོན་ཡོད་གྲུབ་པ་རྣམས་སོ། །རིམ་པ་དབུས་མའི་ལྷ་མོ་བཞི་དང་། སྒོ་སྐྱོང་མ་རྣམས་ཀྱི་དབུ་རྒྱན་ལ་ཡང་རིམ་པ་བཞིན་ནོ། །གཙུག་ཏོར་ལ་ནི་རིན་ཆེན་ [268b.7]དབང་ཕྱུག་གོ། །གནོད་མཛེས་ཀྱི་དབུ་རྒྱན་ལ་ནི་མི་བསྐྱོད་པའོ། །ཞེ་སྡང་རྡོ་རྗེ་ཕྱག་འཚལ་འདུད། །གཏི་མུག་རྡོ་རྗེ་ཕྱག་འཚལ་བསྟོད། །སེར་སྣ་རྡོ་རྗེས་བདག་ལ་སྐྱོབས། །འདོད་ཆགས་རྡོ་རྗེ་བདག་ལ་སྩོལ། །ང་རྒྱལ་ཆེ་དང་ཕྲག་དོག་ཆེ། །མགོན་པོ་དམ་ཚིག་རྡོ་རྗེ་ཀུན། ། [269a] [269a.1]ལས་ཀུན་རབ་ཏུ་སྒྲུབ་པ་པོ། །རྡོ་རྗེ་ཅན་ཀུན་བདག་དགྱེས་མཛོད། །བསྟོད་པའོ། །གཙང་ཞིང་གཙང་མ་ལས་བྱུང་བའི། །ལྷ་རྫས་དགེ་བའི་མེ་ཏོག་འདི། །བདག་ནི་གུས་པས་འབུལ་ལགས་ཀྱིས། །བཞེས་ནས་བདག་ལ་དགྱེས་པར་མཛོད། །མེ་ཏོག་གོ། །ནགས་ཚལ་ [269a.2]བཅུད་འདི་ཡིད་འོང་བ། །གང་ཞིག་དྲི་བཟང་བདུག་སྤོས་མཆོག །བདག་ནི་གུས་པས་འབུལ་ལགས་ཀྱིས། །བཞེས་ནས་བདག་ལ་དགྱེས་པར་མཛོད། །བདུག་སྤོས་སོ། །སྲིན་པོ་འཇོམས་ཤིང་དག་བྱེད་ལ། །དགེ་ཞིང་མུན་པ་རྣམ་སེལ་བ། །བདག་ནི་གུས་པས་འབུལ་ལགས་ [269a.3]ཀྱིས། །བཞེས་ནས་བདག་ལ་དགྱེས་པར་མཛོད། །མར་མེའོ། །གཙང་ཞིང་སྐྱེ་གནས་གཙང་ལས་བྱུང་། །ལྷ་རྫས་དགེ་བའི་དྲི་བཟང་འདི། །བདག་ནི་གུས་པས་འབུལ་ལགས་ཀྱིས། །བཞེས་ནས་བདག་ལ་དགྱེས་པར་མཛོད། །དྲི་བཟང་ངོ་། །དེའི་རྗེས་སུ་ཡཾ་ཡིག་སྔོན་པོ་ [269a.4]ཡོངས་སུ་གྱུར་པ་ལས་རླུང་གི་དཀྱིལ་འཁོར་གཞུ་ལྟ་བུ་བ་དན་གྱིས་མཚན་པའོ། །ས་བོན་རཾ་དམར་པོ་ལས་བྱུང་བའི་མེའི་དཀྱིལ་འཁོར་གྲུ་གསུམ་པའོ། །སྟེང་དུ་ཨཿ་ཡིག་དམར་པོ་ལས་བྱུང་བའི་པདྨའི་སྣོད་དོ། །ས་བོན་བྷཱུཾ་ཨཱཾ་ཛྲཱིཾ་ཁཾ་ཧཱུཾ་རྣམས་ཡོངས་སུ་གྱུར་པ་ལས། དྲི་དང་ཉི་ [269a.5]མ་དང་ཟླ་བ་དང་སྨན་དང་ཆུའི་མཚན་ཉིད་ཅན་ས་བོན་དེ་རྣམས་ཀྱིས་བྱིན་གྱིས་བརླབས་པ་གྲངས་ཇི་བཞིན་དུ་དེ་བཞིན་གཤེགས་པ་ལྔའི་རང་བཞིན་བདུད་རྩི་ལྔའོ། །ས་བོན་གོ་ཀུ་ད་ཧ་ན་ཞེས་པ་ལྔ་ཡང་བསམ་མོ། །དེའི་སྟེང་མཐོ་གང་ཙམ་འཕགས་པར་ཟླ་བ་ལ་གནས་པའི་ཧཱུཾ་ཡིག་ལས་ [269a.6]བྱུང་བའི་རྡོ་རྗེ་རྩེ་ལྔ་པ་ཆེན་པོ་དཀར་བ་བསམ། དེའི་འོག་མ་ཨོཾ་ཡིག་རྣམ་པར་བསམ་མོ། །རླུང་གིས་བསྐུལ་བས་མེའི་དཀྱིལ་འཁོར་གྱི་མེའི་སྟེང་གི་རྡོ་རྗེའི་མེས་དེ་དག་ཐམས་ཅད་བསྐོལ་བར་བསམས་ཏེ། དེའི་རླངས་པས་ཨོཾ་དང་རྡོ་རྗེ་ཞུ་བས་དེ་ཉིད་དུ་བདུད་རྩི་མར་ཁུ་ལྟ་བུར་རོ་མཉམ་ [269a.7]པར་གྱུར་པར་བསམས་ནས། དེའི་སྟེང་དུ་ཨོཾ་ཡིག་དཀར་པོ་བསམས་པའི་འོད་ཀྱིས་འཇིག་རྟེན་གསུམ་གྱི་ཁོངས་ན་གནས་པའི་བདུད་རྩི་ཐམས་ཅད་བཀུག་སྟེ་དེའི་ནང་དུ་ཆུད་པར་བསྒོམ། ཆོས་ཀྱི་དབྱིངས་དང་མཉམ་པའི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ན་ [269b] [269b.1]གནས་པའི་ཡེ་ཤེས་ཀྱི་བདུད་རྩི་བཀུག་སྟེ། དེ་ཉིད་དང་ལྷན་ཅིག་ཏུ་བྱས་ནས། དེའི་སྟེང་དེ་ཉིད་གསུམ་བསམ་ཞིང་དེ་ཉིད་ཀྱིས་མངོན་པར་བསྔགས་ཏེ། དཀྱིལ་འཁོར་པ་ཐམས་ཅད་ཀྱི་ཐུགས་ཀར་དཀྱིལ་འཁོར་གྱི་འཁོར་ལོ་བསམས་ནས། དེ་དག་གི་ལྗགས་ལ་ཤིན་ཏུ་དཀར་བའི་ཧཱུཾ་ [269b.2]ལས་སྐྱེས་པའི་རྡོ་རྗེ་དཀར་པོ་ནས་འབྲུའི་ཚད་ཙམ་པ་བསམས་ཏེ། བདུད་རྩི་ལྔ་པོ་དེས་དཀྱིལ་འཁོར་པ་རྣམས་དང་བདག་ཉིད་མཆོད་པར་བྱའོ། །དེས་དཀྱིལ་འཁོར་རྫོགས་པའོ། །ཐུན་མཚམས་གསུམ་དུ་བསྒོམ་ཞིང་ལྡང་བར་བྱ་སྟེ། རྟག་ཏུ་ལྷའི་སྐུར་གནས་པར་བྱའོ། །དེ་ལ་ [269b.3]འདི་ནི་བཟླས་པའི་སྔགས་སོ། །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། སྔགས་འདི་མཆོག་དང་གཙོ་བོ་སྟེ། །སངས་རྒྱས་ཀུན་གྱིས་ཕྱག་མཛད་པ། །བཀླགས་པས་འགྲུབ་བྱེད་དྲག་པོ་སྟེ། །རྡོ་རྗེ་གུར་གྱིས་གསུངས་པའོ། །དེ་ནས་གཞན་ཡང་གཟུངས་སྔགས་ནི། །ན་མཿ་ཨཱརྱཱ་བ་ལོ་ཀི་ [269b.4]ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སརྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུ་ཥྚ་པྲ་དུཥྚ། ན་མ་ཀྲི་ཏེ་ཛཾ་བྷ་ཡ། སྟཾ་བྷ་ཡ། མོ་ཧ་ཡ། བནྡྷ་ཡ། ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སརྦ་དུཥྚ་སྟཾ་བྷ་ནི་ཏཱ་རེ་སྭཱ་ཧཱ། སྔགས་འདིས་བླ་གོས་ཀྱི་གྲ་ཟུར་ལ་ལན་བདུན་མངོན་པར་ [269b.5]བསྔགས་ཏེ་མདུད་པ་བཅིངས་ནས་འབྲོག་དགོན་པར་སོང་ཡང་གང་གིས་ཀྱང་བག་ཚ་བར་མི་འགྱུར་ཏེ། །སྟག་དང་ཆོམ་རྐུན་དང་། ཆུ་སྲིན་དང་སྦྲུལ་དང་། གླང་པོ་ཆེ་དང་། མ་ཧེ་དང་། དོམ་དང་། བ་མེན་ལ་སོགས་པ་རྣམས་མཚན་དྲན་པ་ཙམ་གྱིས་རླག་པ་དང་ཞུམ་པར་བྱེད་དོ། ། [269b.6]སྔགས་འདིས་ཨུཏྤལའི་སྦྱིན་སྲེག་ཇི་སྲིད་ལན་བརྒྱ་རྩ་བརྒྱད་དུ་བྱའོ། །ཨོཾ་ཏཱ་རེ་ཏུཏྟཱ་རེ་ཏྟུ་རེ་ཨ་མུ་ཀཾ་མེ་བ་ཤ་མཱ་མ་ཡ་སྭཱ་ཧཱ། ཡང་སྔགས་དེ་ཉིད་ཀྱིས་ཁྲའི་སྒྲོ་ལ་ལན་སུམ་ཅུ་རྩ་གཉིས་སུ་བཟླས་ཏེ། དགྲའི་ཁྱིམ་དུ་སྦས་ན་ཉི་མ་བདུན་གྱིས་སྐྲོད་པར་བྱེད་དོ། །ཨོཾ་ཏཱ་ར་ཏུཏྟཱ་རེ་ [269b.7]ཏུ་རེ་ཙ་ལ་པྲ་ཙ་ལ་སཱི་གྷྲ་གཱ་མི་ནི་དེ་བ་ཏངྟ་ཨུཙྪཱ་ཊ་ཡ་ཧཱུཾ་ཕཊ། དེ་ནས་གཞན་ཡང་སྦྱོར་བ་འབྱུང་སྟེ། ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀཱ་བྷི་དྷཱ་ནཾ་ཀུ་མཱ་རེ་མ་ཧཱ་མུད་བ་བཱི་ཧེ་ན་སྱཿ་པྲ་ཏི་པྲ་ཡཙྪ་ཏུ་སྭཱ་ཧཱ། མྱོས་བྱེད་གཏུམ་པོའི་ས་བོན་དང་། །སྨྱོ་བར་བྱེད་པ་ཉིད་དང་ནི། །ཨ་ཤོ་ཀ་ཡི་ལོ་མ་ [270a] [270a.1]དང་། །མེ་ཏོག་སྟོང་ཕྲག་ལྔར་བསྲེག་པའམ། །སྦྲང་རྩི་བུ་རམ་མར་བཅས་པའི། །སྦྱིན་སྲེག་བུ་མོ་འགྲུབ་པར་བསྔགས། །ཞག་བདུན་ཚེ་ན་རྣལ་འབྱོར་པས། །རང་འདོད་པ་ཡི་བུ་མོ་ཐོབ། །དེ་ནས་གཞན་ཡང་སྦྱོར་བ་འབྱུང་སྟེ། ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀཱ་བྷི་དྷཱ་ནཾ་ [270a.2]སྭ་སྭཱ་ན་དཱ་ཀཪྵ་ཡ་མཱ་ན་ཀེ་ཛཿ་སྔགས་འདིས་རྒྱ་ཤུག་གི་ཚེར་མ་རང་བྱུང་གི་མེ་ཏོག་ཏུ་སྦགས་ཏེ་སྟོང་ཕྲག་ལྔ་སྦྱིན་སྲེག་བྱས་ན། མིའི་བདག་པོའི་བུ་མོ་ཡང་འགུགས་པར་འགྱུར་རོ། །དེ་ནས་གཞན་ཡང་སྦྱོར་བ་འབྱུང་སྟེ། ཟླ་མཚན་གྱིས་གོས་པའི་རས་ལ། བཅོམ་ལྡན་འདས་མ་ཞལ་ [270a.3]གཅིག་ཕྱག་གཉིས་མ་ལྕགས་ཀྱུ་དང་ཨུཏྤལ་དང་ཞགས་པ་ཕྱག་ན་བསྣམས་པའི་རྣམ་པར་བྲིས་ཏེ། དེའི་མདུན་དུ། ལྷ་རྫས་དགེ་བའི་མེ་ཏོག་འདི། ཞེས་པ་ལ་སོགས་པས་མཆོད་པར་བྱའོ། །ཕྱི་ནས་བསྒོམ་པ་དང་ལྡན་པར་སྔགས་བཟླས་པར་བྱ་སྟེ། ཨོཾ་ཏཱ་རེ་ཏུཏྟཱ་རེ་ཏུ་རེ་ཨམུ་ཀཱཾ་ཀ་ཉཾ་མ་མེ་ [270a.4]པི་སི་ཧཾ་སྭ་པ་ནཱཾ་ཀ་ཐ་ཡ་ཧཱུཾ་ཕཊ། སྟོང་ཕྲག་ལྔས་འོང་བར་འགྱུར་རོ། །ཞགས་པ་ཡིས་ནི་མགུལ་བཅིངས་ཏེ། །ལྕགས་ཀྱུ་ཡིས་ནི་རྣམ་དྲངས་ནས། །བསྒྲུབ་བྱ་རྐང་འོག་ཏུ་བསམས་ནས། །བྲན་མོའི་ཚུལ་དུ་སྤྱོད་པར་བྱེད། །དེ་ནས་གཞན་ཡང་རབ་ཏུ་སྦྱོར་བ་འབྱུང་སྟེ། སྒྲོལ་ [270a.5]མའི་གཟུངས་ཀྱིས་ལན་བདུན་མངོན་པར་བསྔགས་པ་བྱས་ནས། བདག་གི་མིག་གཉིས་ལ་མིག་སྨན་བཞིན་དུ་བྱུགས་ཏེ། རྒྱལ་པོའི་ཁྱིམ་དུ་ཞུགས་ན་རྒྱལ་པོ་དེས་སློབ་མ་བཞིན་དུ་བསྙེན་བཀུར་བྱེད་པར་འགྱུར་རོ། །འགལ་བ་མི་སྨྲ་ཞིང་བཀའ་དྲིན་སྩོལ་བར་འགྱུར་རོ། ། [270a.6]སྙན་པར་སྨྲ་བར་བྱེད་ཅིང་བྲན་བཞིན་དུ་ཉེ་བར་འགྲོ་སྟེ། ཁྲོས་པ་ཡང་དབང་དུ་འགྱུར་རོ། །འདི་ནི་མངོན་སུམ་དུ་མཐོང་བ་ངོ་མཚར་དང་བཅས་པའོ། །དེ་ནས་གཞན་ཡང་རབ་ཏུ་སྦྱོར་བ་འབྱུང་སྟེ། སྒྲོལ་མའི་གཟུངས་ལན་བརྒྱར་བརྗོད་ནས། སྦྲུལ་ཁ་གཉིས་པའི་སོ་དུག་ཐལ་བར་བྱ་སྟེ། [270a.7]བ་དམར་མོའི་མར་ཁུར་ཨརྐའི་ཤིང་བལ་གྱི་སྡོང་བུ་བྱས་ནས་རབ་ཏུ་སྦར་ཞིང་མིག་སྨན་དབབ་པར་བྱའོ། །མིག་སྨན་རྡོ་རྗེ་ཉིད་མ་དང་། རྡོ་རྗེ་ཆོས་དག་དང་མཉེས་ལ་རྟ་མཆོག་གི་ཤ་ཆེན་གྱིས་བདུག་པར་བྱའོ། །ཐལ་བ་དང་ལྷན་ཅིག་མིག་ལ་བསྐུས་ཏེ། རྡོ་རྗེའི་མིག་གིས་ [270b] [270b.1]གང་ལ་བལྟས་པ་དེ། གལ་ཏེ་པདྨ་གར་གྱི་དབང་ཕྱུག་མི་འབབ་ན་དེའི་ཚེ་བདག་སྒྲོལ་མ་མ་ཡིན་ཞིང་། བདག་གིས་སངས་རྒྱས་བཅོམ་ལྡན་འདས་རྣམས་བཀྲོངས་པར་འགྱུར་བ་ལགས་སོ། །དེ་ནས་གཞན་ཡང་རབ་ཏུ་སྦྱོར་བ་འབྱུང་སྟེ། བྱིས་པ་སོ་མ་སྐྱེས་པའི་ལྕེ་བླངས་ལ། སྒྲོལ་མའི་ [270b.2]གཟུངས་ལན་བདུན་མངོན་པར་བསྔགས་པ་བྱས་ནས། ཤིང་བྷྲྀངྒ་ར་ཛའི་རྩ་བ་གི་ཝང་དང་ལྷན་ཅིག་ཏུ་བྱས་ནས། དཔྲལ་བར་ཐིག་ལེ་ཡོངས་སུ་བྱས་ན། གང་དང་གང་ལ་བལྟས་པ་དེ་དང་དེ་དབང་དུ་བྱེད་དོ། །དེ་ནས་གཞན་ཡང་རབ་ཏུ་སྦྱོར་བ་འབྱུང་སྟེ། ལྟོ་བའི་སྲིན་བུ་ལ་ [270b.3]གཟུངས་ལན་བདུན་མངོན་པར་བསྔགས་པ་བྱས་ནས། རྡོ་རྗེ་ཆོས་དང་ལྷན་ཅིག་གོ་ལ་ལྡན་པར་བུ་མོ་གང་ལ་བྱིན་ན་སྦྱིན་པ་མཆོག་འདི་ཟོས་པ་ཙམ་གྱིས་མི་སྤོང་བ་དང་། གཞན་ལ་མི་དགའ་བ་དང་། གཞན་དུ་མི་འགྲོ་བ་དང་། སྐྱེས་པ་གཞན་མི་འདོད་པ་དང་། རང་གི་བདག་ [270b.4]པོ་ཡང་སྤོང་ངོ་། །དེ་ནས་གཞན་ཡང་སྦྱོར་བ་འབྱུང་སྟེ། མར་ཁུ་ཆེན་པོས་བདག་ཉིད་ལ་བྱུགས་ཏེ། འོད་དཔག་མེད་བསྒོམས་ནས་སྒྲོལ་མའི་གཟུངས་བཟླས་པར་བྱའོ། །བཟླས་པའི་མཐར་འབྲས་སཱ་ལུ་བཏགས་པས་བསྐུས་ཏེ། དྲིལ་ཕྱིས་བྱས་པའི་དྲི་མ་ལ་སྣུམ་ཁུར་ [270b.5]བྱས་ནས་གང་ལ་བྱིན་པ་དེ་འཚོ་ཆས་ལྔ་དང་བྲལ་ཡང་མི་སྤོང་ངོ་། །དེ་ནས་གཞན་ཡང་སྦྱོར་བར་འགྱུར་ཏེ། ཟླ་བ་གཟས་གཟུང་བའི་དུས་སུ་སྒྲོལ་མའི་གཟུངས་བཟླས་པ་བྱེད་ཅིང་བསྙེན་པར་བྱས་ཏེ། དེ་ལས་བྱུང་བའི་འཇིག་རྟེན་དབང་ཕྱུག་བླངས་ལ། དུང་གི་ཕྱེ་མ་དང་བསྣོལ་ [270b.6]ཏེ་རབ་ཏུ་མྱོས་མ་གང་ཞིག་ལ་བྱིན་ན། ཇི་སྲིད་ལྔ་དང་བྲལ་ཡང་དེ་རྗེས་འབྲང་ངོ་། །དེ་ནས་གཞན་ཡང་སྦྱོར་བ་འབྱུང་སྟེ། སྒྲོལ་མའི་གཟུངས་སྔགས་ཀྱིས་མ་ད་ནའི་འབྲས་བུ་ལ་ལན་བརྒྱ་རྩ་བརྒྱད་ཡོངས་སུ་བཟླས་ལ། མྱོས་བྱེད་ཀྱི་འབྲས་བུ་དེ་དང་རྟ་མགྲིན་ལྷན་ཅིག་བྱས་ཏེ་ [270b.7]གང་ལ་བསྐུས་པ་དེ་དབང་དུ་འགྱུར་རོ། །དེ་ནས་གཞན་ཡང་རབ་ཏུ་སྦྱོར་བ་འབྱུང་སྟེ། ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀ་སྦྱ་བནྡྷ་ན་མུག་ཏིཾ་ཀུ་རུ་མུཿ་སྭཱ་ཧཱ་ཞེས་བྱ་བའི་སྔགས་འདིས། ཤིང་ཨརྐའི་ལོ་མ་ལ་བསྒྲུབ་བྱའི་མིང་ནང་དུ་ཆུད་པར་བྲིས་ལ། ཉ་ཁྱི་བའི་ཁྱིམ་དུ་སྦས་ན་དེ་ [271a] [271a.1]བཅིངས་པ་ལས་ངེས་པར་གྲོལ་བར་འགྱུར་རོ། །རྡོ་རྗེ་སྒྲོལ་མའི་སྒྲུབ་ཐབས་འདི། །བྲིས་པས་བསོད་ནམས་གང་བསགས་པ། །དེ་ཡིས་འཇིག་རྟེན་འདི་རྣམས་ནི། །བདེ་གཤེགས་ཉིད་དུ་འགྲོ་བར་ཤོག །འདི་ནི་དཔལ་རིན་ཆེན་འབྱུང་གནས་ཞི་བའི་ཞབས་ཀྱིས་ [271a.2]མཛད་པའོ། །པཎྜི་ཏ་ཆེན་པོ་བུདྡྷ་ཤྲཱི་ཛྙཱ་ན་དང་། པཎྜི་ཏ་ཆེན་པོ་ཤཱཀྱ་ཤྲཱི་བྷ་དྲ་ལ་ཞུས་ཤིང་མཉན་ནས། ཡུལ་དབུས་ཀྱི་སྒྲ་བསྒྱུར་བ་ཆག་ལོ་ཙཱ་བ་དགེ་སློང་དགྲ་བཅོམ་གྱིས་བསྒྱུར་བའོ།། {T1325}༄༅༅། །རྒྱ་གར་སྐད་དུ། ཨཱཪྻ་བཛྲ་ཏཱ་ར་སཱ་དྷ་ནཾ། བོད་སྐད་དུ། འཕགས་ [271a.3]མ་རྡོ་རྗེ་སྒྲོལ་མའི་སྒྲུབ་ཐབས། བཅོམ་ལྡན་འདས་མ་འཕགས་མ་རྡོ་རྗེ་སྒྲོལ་མ་ལ་ཕྱག་འཚལ་ལོ། །ཕུན་སུམ་ཚོགས་ཀུན་སྐྱེད་བྱེད་པའི། །སྒྲོལ་མ་ལ་བཏུད་གུས་པས་དེ། །མན་ངག་བཞིན་དུ་བསྡུས་ནས་སུ། །དེ་ཡི་སྒྲུབ་ཐབས་བྲི་བར་བྱ། །ཐོག་མར་རེ་ཞིག་རྣལ་འབྱོར་པས་དྲི་ [271a.4]ཞིམ་པོའི་མེ་ཏོག་ལ་སོགས་པ་ཐོགས་ཏེ། ཡིད་དུ་འོང་བའི་བསམ་གཏན་གྱི་ཁང་པར་རབ་ཏུ་ཞུགས་ཏེ། བདེ་བའི་སྟན་ལ་འདུག་ནས་སྐྱིལ་ཀྲུང་བཅས་ཏེ། སྣ་ལ་བལྟ་ཞིང་ལྟེ་བའི་རྩ་བ་ལ་སེམས་རྩེ་གཅིག་ཏུ་བྱ་ཞིང་། རང་གི་སྙིང་གར་ཨོཾ་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་གྱི་ [271a.5]སྟེང་དུ་ཡི་གེ་ཏཱཾ་སེར་པོ་ཡོངས་སུ་གྱུར་པ་ལས་བྱུང་བའི་རྡོ་རྗེ་ལ་གནས་པའི་ཏཱཾ་ཡིག་བསྒོམ་པར་བྱའོ། །དེ་ལས་འོད་ཟེར་དྲ་བ་ལྕགས་ཀྱུ་ལྟ་བུ་སྤྲོས་པས་འོག་མིན་གྱི་གནས་ཀྱི་བར་དུ་གནས་པའི་བཅོམ་ལྡན་འདས་མའི་དཀྱིལ་འཁོར་གྱི་འཁོར་ལོ་མདུན་གྱི་ནམ་མཁར་རྣམ་པར་བལྟས་ཏེ། [271a.6]དེ་ནས་རང་གི་སྙིང་ག་ན་གནས་པའི་ས་བོན་ལས་འཕྲོས་པའི་མེ་ཏོག་མ་ལ་སོགས་པའི་ལྷ་མོ་རྣམས་ཀྱིས་མེ་ཏོག་ལ་སོགས་པས་དཀྱིལ་འཁོར་ལ་གནས་པའི་ལྷ་མོའི་ཚོགས་ལ་མཆོད་ཡོན་ཕུལ་ལ་མཆོད་པར་བསམས་ཏེ། ཨོཾ་ཨཱཿ་བཛྲ་པུཥྤེ་ཏཾ་བཛྲ་ཏཱ་རེ་བཛྲ་པུཥྤཾ་པྲ་ཏཱི་ཙྪ་ཧཱུཾ་ [271a.7]སྭཱ་ཧཱ། ཨོཾ་ཨཱཿ་བཛྲ་པུཥྤེ་ཨོཾ་རཏྣ་སཾ་བྷ་བ་བཛྲ་པུཥྤཾ་པྲ་ཏཱིཙྪ་ཧཱུཾ་སྭཱ་ཧཱ། དབུས་སུའོ། །ཨོཾ་ཨཱཿ་བཛྲ་པུཥྤེ་ཨོཾ་བཛྲ་པུཥྤ་ཏཱ་རེ་བཛྲ་པུཥྤཾ་པྲ་ཏཱི་ཙྪ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ཨོཾ་བཻ་རོ་ཙ་ན་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཤར་དུའོ། །ཨོཾ་ཨཱཿ་བཛྲ་པུཥྤེ་ཏ་དྷཱུ་པ་ཏཱ་རེ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ [271b] [271b.1]ཧཱུཾ། ཨཀྵོ་བྷྱ་བཛྲ་པུཥྤེ་ཛ་པྲ་ཏཱི་ཙྪ་ཧཱུཾ་སྭཱ་ཧཱ། ལྷོ་རུའོ། །ཨོཾ་ཨཱཿ་བཛྲ་པུཥྤེ་རེ་དཱི་པ་ཏཱ་རེ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ཧྲིཿ་ཨ་མི་ཏཱ་བྷཱ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ནུབ་ཏུའོ། །ཨོཾ་ཨཱཿ་བཛྲ་པུཥྤེ་རུ་གནྡྷ་ཏཱ་རེ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ཁཾ་ཨ་མོ་གྷ་སིདྡྷེ། བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། [271b.2]བྱང་དུའོ། །ཨོཾ་ཨཱཿ་བཛྲ་པུཥྤེ་ཏ་བཛྲཱཾ་ཀུ་ཤི་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ཨོཾ་བཻ་རོ་ཙ་ན་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། དཀྱིལ་འཁོར་རིམ་པ་གཉིས་པའི་ཤར་དུའོ། །ཨོཾ་ཨཱཿ་བཛྲ་པུཥྤེ་རེ་བཛྲ་པཱ་ཤི་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥེ་ཧཱུཾ་ཨཀྵོབྷྱ་བཛྲ་པུཥྤཾ་པྲ་ཏཱི་ཙྪ་ཧཱུཾ་ [271b.3]སྭཱ་ཧཱ། ལྷོ་རུའོ། །ཨོཾ་ཨཱཿ་བཛྲ་པུཥྤེ་ཏུ་བཛྲ་སྥོ་ཊ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ཧྲཱིཿ་ཨ་མི་ཏཱ་བྷཱ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ནུབ་ཏུའོ། །ཨོཾ་ཨཱཿ་བཛྲ་པུཥྤེ་རེ་བཛྲ་གྷཎྜེ་བཛྲ་པུཥྤཾ་པྲ་ཏཱིཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ཁཾ་ཨ་མོ་གྷ་སིདྡྷེ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། བྱང་དུའོ། ། [271b.4]ཨོཾ་ཨཱཿ་བཛྲ་པུཥྤ་སརྦ་ཨུཥྞཱི་ཥ་བི་ཛ་ཡེ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ཨོཾ་རཏྣ་སཾ་བྷ་བ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། དཀྱིལ་འཁོར་གྱི་སྟེང་དུའོ། །ཨོཾ་ཨཱཿ་བཛྲ་པུཥྤེ་ཧཱ་སུཾ་བྷ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ཧཱུཾ་ཨ་ཀཥོ་བྷྱ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། དཀྱིལ་འཁོར་ [271b.5]གྱི་འོག་ཏུའོ། །ཨོཾ་ཨཱཿ་བཛྲ་པུཥྤེ་གྷ་བོ་དྷི་ཙིཏྟ་གྷ་ཊ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ཧཱུཾ་ཨ་ཀྵོ་བྷྱ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། མེའི་མཚམས་སུའོ། ཨོཾ་ཨཱཿ་པུཥྤེ་པུཾ་སུ་མེ་རོ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ཨོཾ་བཻ་རོ་ཙ་ན་བཛྲ་པུཥྤཾ་པྲ་ཏཱི་ཙྪ་ཧཱུཾ་ [271b.6]སྭཱ་ཧཱ། སྲིན་པོ་རུའོ། །ཨོཾ་ཨཱཿ་བཛྲ་པུཥྤེ་བཾ། བཧྣི་ཀུཎྜ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ཧྲཱིཿ་ཨ་མི་ཏཱ་བྷཱ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། རླུང་དུའོ། །ཨོཾ་ཨཱཿ་བཛྲ་པུཥྤེ་དྷྭཾ་མ་ཧཱ་དྷྭ་ཛ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་ཨཱཿ་བཛྲ་པུཥྤེ་ཁཾ་ཨ་མོ་གྷ་སིདྡྷེ་བཛྲ་པུཥྤཾ་པྲ་ཏཱི་ཙྪ་ཧཱུཾ་སྭཱ་ཧཱ། [271b.7]དབང་ལྡན་དུའོ། །གོང་བཞིན་དུ་བདུག་སྤོས་དང་མར་མེ་དང་ལྷ་བཤོས་ལ་སོགས་པ་ཉེ་བར་བཤམས་ཏེ། དེ་ནས་བཅོམ་ལྡན་འདས་མའི་འཁོར་ལོའི་མདུན་ཕྱོགས་ཙམ་དུ་ཕྱག་འཚལ་བ་དང་། སྡིག་པ་བཤགས་པ་དང་། ཕྱིས་མི་བྱེད་པར་དམ་བཅའ་བ་དང་། བསོད་ནམས་ [272a] [272a.1]ལ་རྗེས་སུ་ཡི་རང་བ་དང་། སྐྱབས་སུ་འགྲོ་བ་དང་། བྱང་ཆུབ་ཏུ་སེམས་བསྐྱེད་པ་དང་། ལམ་རྒྱུད་ལ་བསྟེན་པ་དང་། བདག་དབུལ་བ་དང་། མྱ་ངན་ལས་མི་འདའ་བར་གསོལ་བ་གདབ་པ་དང་། ཆོས་ཀྱི་འཁོར་ལོ་བསྐོར་བ་ལ་སོགས་པ་བླ་ན་མེད་པའི་མཆོད་པའི་ཡན་ [272a.2]ལག་བདུན་པ་བྱ་བའི་ཚིག་ནི། རྣམ་རྟོག་མ་ལུས་ནུབ་པའི་རྒྱུར་གྱུར་པའི། །རྟག་ཏུ་སྲིད་ཞི་མཉམ་ཉིད་ལྟ་ལྡན་པའི། །བདེ་བ་དཔེ་མེད་རོ་ནི་ཤར་བ་ཡི། །རྣལ་འབྱོར་མ་ཡི་འཁོར་ལོ་ཕྱག་འཚལ་ལོ། །ཐོག་མ་མེད་པའི་དུས་ནས་ཡང་ཡང་འཁོར་བར་སྐྱེས་པར་གྱུར་ཅིང་། །གང་དང་ [272a.3]གང་དུ་སྐྱེས་པར་གྱུར་པ་དེ་དང་དེར་སྡིག་པ་གང་ཞིག་བགྱིས་པའི་ལས་ཐམས་ཅད་སོ་སོར་བཤགས་སོ། །བཅོམ་ལྡན་འདས་མའི་མདུན་དུ་ཡང་ཕྱིས་མི་བྱེད་པར་དམ་བཅའ་བའི་ཆེད་དུ། བདག་གིས་སྡིག་པ་མི་དགེ་བའི་ལས་དེ་དག་ཐམས་ཅད་བཤགས་པར་བྱས་པས། དེ་བྱང་ [272a.4]ཆུབ་ཆེན་པོའི་བར་དུ་ཕྱིས་མི་བྱེད་པར་བགྱིའོ། །ཕྱིས་མི་བྱེད་པར་དམ་བཅའོ། །འཁོར་བ་འདིར་སྐྱེས་པ་དང་། སྐྱེ་བ་ཐོག་མ་མེད་པ་ནས་སེམས་ཅན་ཀུན་གྱིས་གང་བསོད་ནམས་བགྱིས་པ་དང་། བགྱིད་དུ་སྩལ་བ་དང་། རྗེས་སུ་ཡི་རང་བ་ལ་རྗེས་སུ་ཡི་རང་ངོ་། །དེ་དག་ [272a.5]ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ་ཞེས་བསྔོ་བའོ། །འདི་ནི་བདག་བྱང་ཆུབ་སྙིང་པོ་ལ་མཆིས་ཀྱི་བར་དུ་རྐང་གཉིས་རྣམས་ཀྱི་མཆོག་སངས་རྒྱས་ལ་སྐྱབས་སུ་མཆིའོ། །ཐེག་པ་ཆེན་པོའི་ཆོས་མ་ལུས་པ་ལ་སྐྱབས་སུ་མཆིའོ། །ཕྱིར་ [272a.6]མི་ལྡོག་པའི་བྱང་ཆུབ་སེམས་དཔའི་ཚོགས་དགེ་འདུན་ལ་སྐྱབས་སུ་མཆིའོ། །གསུམ་ལ་སྐྱབས་སུ་འགྲོ་བའོ། །ཨེ་མའོ། །བདག་གི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་བགྱི་བ་ནི། སེམས་ཅན་ཐམས་ཅད་ཀྱི་དོན་དུ་ཕན་པ་དང་། [272a.7]ཇི་སྲིད་དུ་མཐར་ཕྱིན་པའི་མྱ་ངན་ལས་འདས་པའི་དབྱིངས་ལ་རབ་ཏུ་གནས་པའི་ཕྱིར་རོ། །དེ་སྲིད་དུ་བྱང་ཆུབ་མཆོག་ཏུ་སེམས་བསྐྱེད་དོ། །བདག་བླ་ན་མེད་པའི་བྱང་ཆུབ་ཀྱི་རྡོ་རྗེ་ཐེག་པའི་ལམ་བསྟེན་པར་བགྱིའོ། །སེམས་ཅན་གྱི་དོན་དུ་ལམ་རྒྱུད་ལ་བསྟེན་པའོ། །དེ་ནས་ [272b] [272b.1]བདག་མིང་འདི་ཞེས་བྱ་བ་ཆོས་ཀྱི་དབྱིངས་ན་གནས་པའི་ལྷ་མོའི་ཚོགས་དང་བཅས་པའི་སྒྲོལ་མ་ལ་བདག་དབུལ་བར་བགྱིའོ། །བདག་དབུལ་བའོ། །ཐུགས་རྗེ་ཆེན་པོ་དེ་དག་གིས་དུས་དང་རྣམ་པ་ཐམས་ཅད་དུ་བདག་ལ་བྱིན་གྱིས་རློབ་ཅིང་ཡོངས་སུ་སྐྱོང་བ་དང་གྲུབ་པའི་མཆོག་བདག་ལ་སྩོལ་ [272b.2]བར་གྱུར་ཅིག་ཅེས་གསོལ་བ་གདབ་པོ། །སྲིད་ཞི་མཉམ་ཉིད་ལ་ཆགས་ཀུན་རྟོག་རླབས། །དངོས་ཀུན་མ་ལུས་མཁའ་ལྟར་གཟིགས་གྱུར་པའི། །བརྩེ་བའི་ཆུ་ཡིས་རབ་རྒྱས་ཐུགས་ནི་རྒྱ་མཚོའི་མཆོག །ལྷ་མོ་རྣམས་ཀྱིས་བདག་ལ་བརྩེ་བར་མཛད་པར་ཞུ་ཞུ་བའོ། །དེ་ནས། བདག་ནི་ [272b.3]བསོད་ནམས་མི་ལྡན་བཀྲེན་ཆེན་ཏེ། །བདག་ལ་མཆོད་པའི་ཡོ་བྱད་གཞན་གང་མེད། །དེ་ཕྱིར་བདག་དོན་གཞན་དོན་སེམས་རྣམས་ནི། །མགོན་པོས་འདི་ནི་བདག་ལ་གཟུང་དུ་གསོལ། །ཞེས་འདི་ནི་བཟོད་པར་གསོལ་བའོ། །དེ་ནས་ཨོཾ་ན་མཿ་ཨཱཪྻའ་བ་ལོ་ཀི་ཏེ། ཤྭ་རཱ་ཡ། བོ་དྷི་སཏྭཱ་ཡ་ [272b.4]མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཧི་རི་ཧི་རི། སུ་རུ་སུ་རུ། མུ་རུ་མུ་རུ། སརྦ་སཏྭཱརྠ་ཀཱ་རུ་ཎི་ཀེ་ཤཱི་གྷྲཾ་གཙྪ། དེ་བ་ཏྭཱ་བྷུ་པ་ནཾ། ཨཱཪྻའ་བ་ལོ་ཀི་ཏེ་ཤྭ་རཱ་ཡ། ས་མ་ཡ། མ་ནུ་སྨཱ་ར་སྭཱ་ཧཱ། ཞེས་པ་འདིས་སྙིམ་པ་མེ་ཏོག་གིས་བཀང་པ་ཕུལ་ལ་གཤེགས་སུ་གསོལ་ལོ། །དེའི་རྗེས་ [272b.5]ལ་ཚངས་པའི་གནས་བཞི་བསྒོམ་སྟེ། སེམས་ཅན་ཐམས་ཅད་ལ་བུ་གཅིག་པ་ལྟར་ཆགས་པ་ནི་བྱམས་པའི་མཚན་ཉིད་དོ། །ངན་སོང་གི་མཚན་ཉིད་རྒྱ་མཚོ་ཆེན་པོའི་ནང་དུ་ལྷུང་བའི་སེམས་ཅན་རྣམས་མཐོང་ནས་བདག་གི་གྲོགས་པོ་རྣམས་ཡིན་པར་ཤེས་ནས་སྡུག་བསྔལ་ [272b.6]ཅན་རྣམས་བསྒྲལ་ཏེ་ཞེས་པ་ནི་སྙིང་རྗེའོ། །རྫོགས་པའི་བྱང་ཆུབ་ཏུ་སེམས་ཆེན་པོ་བསྐྱེད་དེ་འདི་ལྟར་བདག་གིས་སྒྲོལ་མའི་གཟུགས་ཐོབ་པར་བྱས་ལ། སེམས་ཅན་ཐམས་ཅད་རྫོགས་པའི་བྱང་ཆུབ་ལ་རབ་ཏུ་གནས་པར་བགྱི་སྙམ་པ་ནི་དགའ་བའོ། །བླ་ན་མེད་པའི་མྱ་ངན་ [272b.7]ལས་འདས་པའི་བདེ་བའི་ཡེ་ཤེས་བྱེད་པར་མི་ནུས་པས། དེ་བས་ན་སེམས་ཅན་ཐམས་ཅད་ལ་ཕན་པའི་དོན་དུ་རྙེད་པ་དང་། མ་རྙེད་པ་དང་། སྙན་པ་དང་། མི་སྙན་པ་དང་། བསྟོད་པ་དང་། སྨད་པ་དང་། བདེ་བ་དང་། སྡུག་བསྔལ་ལ་སོགས་པ་དངོས་པོ་རྣམས་ལ་མ་ཆགས་པར་གྱུར་པས་ཇི་ [273a] [273a.1]ལྟར་འདོད་པའི་དོན་མངོན་པར་བསྒྲུབ་པ་ནི་བཏང་སྙོམས་སོ། །དེ་ནས་ཆོས་ཐམས་ཅད་ཀྱང་ཡིད་ཀྱིས་དམིགས་པ་རྣམ་པར་དཔྱད་དེ། འདི་ནི་བདག་གི་སེམས་ཁོ་ན་ཉིད་ཀྱི་རྣམ་པ་དང་དེས་དེ་འཁྲུལ་པས་སོ་སོར་སྣང་སྟེ་རྨི་ལམ་ཇི་བཞིན་ནོ། །སེམས་ལས་ཐ་དད་སེམས་ [273a.2]ཀྱི་གཟུང་བ་མེད་པས་འཛིན་པ་ཡང་མེད་དོ། །དེ་ལྟར་སེམས་ཀྱི་རང་བཞིན་གྱི་ཆོས་རྣམས་སོ། །དེ་དག་གི་གཟུང་བ་དང་འཛིན་པ་དང་བྲལ་བ་འདི་དག་རྣམས་སྟོང་པ་ཉིད་དོན་དམ་ཡིན་ལ། འདི་ལྟར་མཐའ་གཅིག་པས་ཤིན་ཏུ་བརྟེན་པ་འཁྲུལ་པས་ཀུན་ཏུ་གཞག་པ་རང་འཁྲུལ་པའི་ [273a.3]རྟགས་ཆོས་ཐམས་ཅད་ཀྱི་རྣམ་པ་སྤངས་ཏེ། དེ་དག་གི་རང་བཞིན་སྟོང་པ་ཁོ་ན་འབའ་ཞིག་སེམས་ཉིད་གཉིས་མེད་ཀྱི་མཚན་ཉིད་ཤེལ་ལྟར་དག་པ་དང་གསལ་བ་དྲི་མ་མེད་པ་སྟོན་ཀའི་ནམ་མཁའ་ཕྱེད་པ་ལྟ་བུ་མཐའ་ཡས་པར་དམིགས་ཏེ། འདི་ལྟར་དོན་དམ་བྱང་ཆུབ་ཀྱི་སེམས་དང་ [273a.4]འཇིག་རྟེན་ལས་འདས་པའི་སྟོང་ཉིད་ཀྱི་ཡེ་ཤེས་སྤྲོས་པ་མེད་པ་དང་རྟོག་པ་དང་བྲལ་བའོ། །དེ་ནས་འདི་ལ་སྔགས་ཀྱི་བྱིན་གྱིས་བརླབ་པ་ནི། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་པས་བྱིན་གྱིས་བརླབས་ལ། བདག་དང་གཞན་གྱི་སྟོང་པ་ཉིད་ལ་ལྷག་པར་མོས་ཏེ་དེ་ཁོ་ན་ཤེས་རབ་ [273a.5]ཀྱི་ཕ་རོལ་ཏུ་ཕྱིན་པ་སྟེ། དེ་ཁོ་ན་སྲུང་བའི་མཆོག་གོ། །དེ་ནས་དེ་དང་མཐུན་པའི་རྣམ་པ་དང་བཅས་པ་འཇིག་རྟེན་དག་པའི་རང་བཞིན་བསྲུང་བ་ཆོས་འབྱུང་ཡེ་ཤེས་ཀྱི་རྗེས་སུ་དྲན་པས་བསྒོམ་པར་བྱ་སྟེ། སྟོང་པ་ཉིད་ཀྱི་ངང་ལས་རཾ་ཡོངས་སུ་གྱུར་པ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུཾ་ [273a.6]ཡོངས་སུ་གྱུར་པ་ལས་སྣ་ཚོགས་རྡོ་རྗེ། དེའི་འོད་ཟེར་ལས་བྱུང་བའི་འདོད་པ་ཇི་ལྟ་བས་རྒྱས་པར་ཤིན་ཏུ་འབར་བ་རྡོ་རྗེའི་ར་བ་རྒྱ་གྲམ་གྲུ་བཞི་པ། དེའི་སྟེང་དུ་འོད་ཟེར་དེས་སྤྲུལ་པའི་རྡོ་རྗེའི་གུར་དང་དེའི་འོག་ཏུ་རྡོ་རྗེའི་རང་བཞིན་གྱི་ས་གཞི་ས་འོག་གི་བར་དུ་བལྟ་བར་བྱ་སྟེ། དེ་ནས་ཉི་མ་ [273a.7]དང་སྣ་ཚོགས་རྡོ་རྗེ་གཉིས་འོད་ཟེར་དུ་གྱུར་པས་ཕྱོགས་དང་ཕྱོགས་ལ་སྤྲོས་ལ་གཅིག་ཏུ་གྱུར་པས་ཕྱི་རོལ་དུ་མཚམས་བཅིང་བར་བྱའོ། །དེའི་འོད་ཟེར་གྱིས་བགེགས་བསྐྲད་ནས། ཨོཾ་མེ་དི་ནཱི་བཛྲའི་བྷ་བ་བཛྲ་བནྡྷ་ཧཱུཾ། ཨོཾ་བཛྲ་པྲཱ་ཀ་ར་ཧཱུཾ་པཾ་ཧཱུཾ། ཨོཾ་བཛྲ་པཉྫ་ར་ཧཱུཾ་ཡཾ་ཧཱུཾ། ཨོཾ་བཛྲ་བིཏཱ་ན་ [273b] [273b.1]ཧཱུཾ་ཁཾ་ཧཱུཾ། ཨོཾ་བཛྲ་ཤ་ར་ཇཱ་ལ་ཏྲཱཾ་ཤཾ་ཏྲཱཾ། ཨོཾ་བཛྲ་ཛྭ་ལཱ་ན་ལཱརྐ་ཧཱུཾ་ཧཱུཾ་ཧཱུཾ། རྡོ་རྗེ་གུར་གྱི་དབུས་སུ་འབྱུང་བ་ཆེན་པོ་ནམ་མཁའི་རང་བཞིན། ཆོས་འབྱུང་རྡོ་རྗེ་འཆང་ཆེན་པོའི་རང་བཞིན་སྟོན་ཀའི་ཟླ་བ་ལྟར་དཀར་བ་འོག་ཏུ་ཕྲ་བ་སྟེང་དུ་རྒྱས་པ། ཨེའི་རྣམ་པ་ཅན་གྱི་ནང་དུ་ནམ་མཁའི་གཟུགས་ནང་དུ་ [273b.2]བཅུག་པ་ཅན། འོད་ཟེར་གྱི་ཁྱམས་དང་ལྡན་པར་བསྒོམ་ཏེ། དེའི་དབུས་སུ་ནམ་མཁའི་རང་བཞིན་ཅན། སྣ་ཚོགས་པདྨའི་ཟེ་འབྲུ་ལ་གནས་པའི་རྡོ་རྗེ་རྒྱ་གྲམ་རྒྱས་པ། དེའི་དཀྱིལ་དུ་ཁྱབ་པར་བྱེད་པའི་འབྱུང་བ་ཆེན་པོ་བཞིའི་དཀྱིལ་འཁོར་རྣམས་ལྷ་མོ་བཞིའི་རང་བཞིན་ཏེ་གོང་དང་གང་ [273b.3]དུ་བལྟའོ། །དེ་ལ་དང་པོར་ཡཾ་ཡོངས་སུ་གྱུར་པ་ལས་རླུང་གི་དཀྱིལ་འཁོར་གཞུའི་དབྱིབས་ལྟ་བུ་རྩེ་མོ་གཉིས་ལ་གཡོ་བའི་བ་དན་ཅན་ནོ། །དེའི་སྟེང་དུ་རཾ་ཡོངས་སུ་གྱུར་པ་ལས་མེའི་དཀྱིལ་འཁོར་གྲུ་གསུམ་པ་དམར་པོ་རཾ་ཡིག་གིས་མཚན་པའོ། །དེའི་སྟེང་དུ་བཾ་ཡོངས་སུ་གྱུར་པ་ [273b.4]ལས་ཆུའི་དཀྱིལ་འཁོར་དཀར་ལ་ཟླུམ་པ་བུམ་པས་མཚན་པའོ། །དེའི་སྟེང་དུ་ལཾ་ཡོངས་སུ་གྱུར་པ་ལས་སའི་དཀྱིལ་འཁོར་སེར་པོ་གྲུ་བཞི་པ་ཟུར་ལ་རྩེ་གསུམ་པའི་རྡོ་རྗེས་མཚན་པའོ། །དེའི་སྟེང་དུ་བྷྲཱུཾ་དང་ལྡན་པའི་འཁོར་ལོ་ཡོངས་སུ་གྱུར་པ་ལས་བདག་ཉིད་འཇིག་རྟེན་ལས་འདས་པའི་ [273b.5]ཡེ་ཤེས་སྒྱུ་མ་ལྟ་བུས་ཁྱབ་ནས་གནས་པ་ཐམས་ཅད་ཁྱབ་པར་བྱེད་པར་ཤེས་ནས། རྡོ་རྗེ་རྒྱ་གྲམ་གྱི་དབུས་སུ་སེམས་འབྱུང་བ་ཆེན་པོ་བཞི་ཡོངས་སུ་གྱུར་པ་ལས་འབྱུང་བ་ཡོངས་སུ་དག་པའི་སངས་རྒྱས་ཀྱི་ཞིང་བསྡུས་པ་རང་བཞིན་ཐར་པའི་སྒོ་ཆེན་པོ་ལྟ་བུ་རྣམ་པར་སྣང་མཛད་ཀྱི་རང་ [273b.6]བཞིན་ཅན། རིན་ཆེན་སྣ་ཚོགས་ཀྱི་གཞལ་ཡས་ཁང་ཟུར་བཞི་པ་སྒོ་བཞི་པ་ཀ་བརྒྱད་ཀྱིས་བརྒྱན་པ། འདོད་ཡོན་གྱི་སྣམ་བུ་བཞི་དང་ལྡན་པ། རྟ་བབས་བཞི་དང་ལྡན་པ། དྲ་བ་ཕྱེད་དང་ལྡན་པ། དར་དང་མེ་ལོང་དང་། རྔ་ཡབ་དང་། བ་དན་སྣ་ཚོགས་དང་། དྲིལ་བུ་ལ་སོགས་ [273b.7]པས་བརྒྱན་པའོ། །འདོད་ཡོན་མཆོག་གིས་ཉེ་བར་མཛེས་པ། དགའ་བྱེད་རིམ་པ་གཉིས་པ་དང་། །ཟེ་འབྲུ་གཅིག་པར་གྱུར་པ་དང་། །ཟུར་གསུམ་གྱིས་ནི་གཞན་ཉིད་དྲན། །རིམ་པའི་དབུས་སུ་པདྨ་ཡིན། །འདབ་མ་བརྒྱད་པ་ཟེ་འབྲུར་བཅས། །དེའི་དབུས་སུ་གདན་གྱི་ [274a] [274a.1]སྟེང་དུ་དབྱངས་ཡིག་བཅོ་ལྔ་གྱུར་པ་ལས་བྱུང་བའི་ཟླ་བའི་དཀྱིལ་འཁོར་མེ་ལོང་ལྟ་བུའི་ཡེ་ཤེས་ཀྱི་རང་བཞིན་ནོ། །དེའི་སྟེང་དུ་གསལ་བྱེད་སུམ་ཅུ་རྩ་བཞི་ཡོངས་སུ་གྱུར་པ་ལས། ཉི་མའི་དཀྱིལ་འཁོར་མཉམ་ཉིད་ཡེ་ཤེས་ཀྱི་རང་བཞིན་ནོ། །དེའི་དབུས་སུ་ཏཱཾ་ལས་ [274a.2]བྱུང་བའི་གསེར་གྱི་མདོག་ལྟ་བུའི་རྡོ་རྗེ་རྩེ་དགུ་པའི་ལྟེ་བ་ལ་ས་བོན་གྱིས་མཚན་པ་སོ་སོར་རྟོག་པའི་རང་བཞིན་ཅན་དུ་བསྒོམས་ཏེ། ས་བོན་དེ་ལས་སྤྲོས་པའི་འོད་ཟེར་གྱིས་བཅོམ་ལྡན་འདས་མའི་འཁོར་ལོའི་རྣམ་པས་དེ་བཞིན་གཤེགས་པ་ཐམས་ཅད་སྤྲོས་ལ་སེམས་ཅན་གྱི་དོན་བྱས་ཏེ། [274a.3]དེ་དག་དང་ལྷན་ཅིག་ཏུ་བྱས་པ་བཀུག་ནས་ས་བོན་དང་ཕྱག་མཚན་ལ་ཐིམ་པར་བསམ་པ་ནི་བྱ་བ་གྲུབ་པའི་རང་བཞིན་ནོ། །དེ་ནས་ཟླ་བ་དང་ཉི་མ་དང་ས་བོན་ཡོངས་སུ་གྱུར་པ་ལས་བཅོམ་ལྡན་འདས་མ་ཆོས་དབྱིངས་རྣམ་པར་དག་པའི་རང་བཞིན་འཁོར་ལོ་དང་བཅས་པའི་རྡོ་རྗེ་སྒྲོལ་མ་ [274a.4]བསྒོམ་པར་བྱ་སྟེ། ཞལ་བཞི་པ་ཕྱག་བརྒྱད་པ་རྒྱན་ཐམས་ཅད་ཀྱིས་བརྒྱན་པ། གསེར་ལྟ་བུའི་མདོག་ཅན་མ་ཤིན་ཏུ་མཛེས་མ། གཞོན་ནུ་མའི་ལྷའི་མཚན་ཉིད་ཀྱིས་འབར་ཞིང་སངས་རྒྱས་བཞིའི་ཅོད་པན་ཅན། ཉི་མའི་རྡོ་རྗེ་དབང་བསྐུར་བ་ལས་བྱུང་བའི་ལང་ཚོ་ལ་བབ་པ། གསེར་གྱི་རྣ་ [274a.5]ཆ་གཡོ་བ་ཅན། །སྣ་ཚོགས་པདྨ་ལ་གནས་པ། འོད་ཟེར་དམར་པོའི་རྒྱབ་ཡོལ་ཅན། །རྡོ་རྗེ་དང་། ཞགས་པ་དང་། མདའ་དང་། དུང་དཀར་པོ་རྣམས་ནི་ཕྱག་གཡས་ནའོ། །དེ་བཞིན་དུ་གཡོན་པ་རྣམས་ཀྱིས་ཨུཏྤལ་སེར་པོ་དང་། གཞུ་དང་། ལྕགས་ཀྱུ་དང་། སྡིགས་མཛུབ་པོ། ། [274a.6]རྡོ་རྗེ་སྐྱིལ་ཀྲུང་རྣལ་འབྱོར་གྱིས། །སྲིད་པ་གསུམ་ནི་བསྒྲུབ་པར་བྱ། །དང་པོའི་ཞལ་ནི་གསེར་མདོག་སྟེ། །གཡས་པ་དཀར་པོ་ཁོ་ནའོ། །བྱང་གི་ཞལ་ནི་དམར་པོ་སྟེ། །ནུབ་ཀྱི་སྔོན་པོ་ཁོ་ན་ཉིད། །དཀྱིལ་འཁོར་བདག་པོའི་ཞལ་ནས་སུ། །སྙིང་གའི་ས་བོན་ལས་བྱུང་བའི། ། [274a.7]སྔགས་ལས་བྱུང་བའི་ལྷ་མོ་བཅུ། །ས་བོན་དབྱེ་བས་སྤྲོས་པ་ནི། །ཨོཾ་ཏཱ་རེ་ཏུ་ཏྟཱ་རེ་སྭཱ་ཧཱ། ཤར་གྱི་ལ་སོགས་པ་ཕྱོགས་ཀྱི་པདྨའི་འདབ་མ་རྣམས་ལ་ནི་ཟླ་བའི་དཀྱིལ་འཁོར་ལ་གནས་པའི་ཨོཾ་ཏཱ་རེ་ཏུ་ཏ་ཡིག་གནས་སོ། །ཤར་ལ་སོགས་པའི་སྒོ་རྣམས་སུ་ཉི་མའི་དཀྱིལ་འཁོར་ [274b] [274b.1]ལ་གནས་པའི་ཏཱ་རེ་ཏུ་རེའི་ཡི་གེ་རྣམས་སོ། །སྟེང་དུ་ཉི་མའི་དཀྱིལ་འཁོར་ལ་གནས་པའི་ཡི་གེ་སྭཱོ། །འོག་ཏུ་ཉི་མའི་དཀྱིལ་འཁོར་ལ་གནས་པའི་ཡི་གེ་ཧཱོ། །ས་བོན་དེ་དག་ཡོངས་སུ་གྱུར་པ་ལས་ས་བོན་གྱིས་མཚན་པའི་ཕྱག་མཚན་རྣམས་བསྒོམས་ཏེ། དེ་ལས་འོད་ཟེར་སྤྲོ་ [274b.2]བ་དང་བསྡུ་བ་བྱས་ལ། དེའི་ས་བོན་ཡོངས་སུ་གྱུར་པ་ལས་ལྷ་མོ་རྣམས་སོ། །ས་བཅུ་པོ་ཡི་རང་བཞིན་གྱིས། །ལྷ་མོ་བཅུར་ནི་ཡོངས་ཤེས་བྱ། །རྡོ་རྗེ་སྐྱིལ་ཀྲུང་སྦྱོར་བ་ཡིས། །ཞལ་གཅིག་ཕྱག་གཉིས་དེ་རྣམས་སུ། །ཤར་དུ་ཟླ་བ་གནས་པ་ཡི། །ཡིད་དུ་འོང་བ་སྐུ་ [274b.3]མདོག་དཀར། །མེ་ཏོག་ཕྱག་དང་ལྡན་པ་ཡིན། །ཨོཾ་ལས་བྱུང་བའི་སྒྲོལ་མ་བསྒོམ། །དེ་བཞིན་རྣམ་སྣང་ཅོད་པན་ཅན། །སའི་ཁམས་དང་། སྦྱིན་པའི་ཕ་རོལ་ཏུ་ཕྱིན་པའི་རང་བཞིན་ཅན་ནོ། །ལྷོ་རུ་སྤོས་ཀྱི་སྒྲོལ་མ་ནི། །ཏཱ་ལས་བྱུང་བ་སྐུ་མདོག་གནག །སྤོས་ཕོར་ཕྱག་ན་ [274b.4]འཛིན་པ་ལ། །རྒྱན་རྣམས་ཀུན་གྱིས་བརྒྱན་པ་སྟེ། །དེ་བཞིན་མི་བསྐྱོད་ཅོད་པན་ཅན། །ནམ་མཁའི་ཁམས་དང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་རང་བཞིན་ཅན་ནོ། །ནུབ་ཏུ་མར་མེའི་སྒྲོལ་མ་ནི། །སྐུ་མདོག་དམར་མོ་རྒྱན་དང་ལྡན། །མར་མེའི་གོང་བུ་འཛིན་པ་ནི། ། [274b.5]ཟླ་བར་གནས་པ་རེ་ལས་བྱུང་། །དེ་བཞིན་མཐའ་ཡས་ཅོད་པན་ཅན། །མེའི་ཁམས་དང་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་རང་བཞིན་ཅན་ནོ། །དེ་བཞིན་བྱང་དུ་ཟླ་བར་གནས། །ཏུ་ཡིག་ལས་བྱུང་དྲི་སྒྲོལ་མ། །དྲི་ཆབ་དུང་ཕོར་ཕྱག་ན་འཕྱར། །སྐུ་མདོག་སྔོན་མོ་རྒྱན་ [274b.6]གྱིས་བརྒྱན། །དེ་བཞིན་དོན་གྲུབ་ཅོད་པན་ཅན། །རླུང་གི་ཁམས་དང་བཟོད་པའི་ཕ་རོལ་དུ་ཕྱིན་པའི་རང་བཞིན་ཅན་ནོ། །མི་བསྐྱོད་ལ་སོགས་རབ་དབྱེ་བས། །མཚམས་ཀྱི་འདབ་མར་ཕྱག་མཚན་ནི། །རྡོ་རྗེ་འཁོར་ལོ་པདྨ་བསྣམས། །རལ་གྲི་དེ་བཞིན་ཁ་དོག་དབྱེ། །དེ་ནས་ [274b.7]སྒོ་སྐྱོང་མ་རྣམས་བསྒོམ། །ལྕགས་ཀྱུ་ལ་སོགས་རབ་དབྱེ་བས། །ཤར་སྒོའི་ཕྱོགས་ཀྱི་རིམ་པ་ཡིས། །ཉི་མར་གནས་པ་རྒྱན་གྱིས་བརྒྱན། །ལྕགས་ཀྱུ་དཀར་མོ་ཤར་སྒོ་རུ། །ས་བོན་ཏཱ་ལས་བྱུང་བ་ནི། །གཡས་པ་ལྕགས་ཀྱུ་འཛིན་པ་སྟེ། །གཡོན་པ་སྡང་ལ [275a] [275a.1]སྡིགས་མཛུབ་མཛད། །དེ་བཞིན་རྣམ་སྣང་ཅོད་པན་ཅན། །སའི་ཁམས་དང་བསམ་གཏན་གྱི་ཕ་རོལ་དུ་ཕྱིན་པའི་རང་བཞིན་ཅན་ནོ། །ལྷོ་རུ་ཞགས་པ་སྐུ་མདོག་སེར། །ས་བོན་རེ་ལས་བྱུང་བ་ཡིན། །ཞགས་པ་སྡིགས་མཛུབ་བཅས་པའི་ཕྱག། །དཀྱིལ་འཁོར་དམར་ [275a.2]པོ་ཀུན་དུ་བསྟན། །དེ་བཞིན་མི་བསྐྱོད་ཅོད་པན་ཅན། །ནམ་མཁའི་ཁམས་དང་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་ཅན་ནོ། །ནུབ་ཏུ་དམར་མོ་ལྕགས་སྒྲོག་མ། །ས་བོན་ཏུ་ཡིག་ལས་བྱུང་བའི། །ལྕགས་སྒྲོག་སྡིགས་མཛུབ་བཅས་པའི་ཕྱག། །རྡོ་རྗེ་དཀྱིལ་འཁོར་ཀུན་དུ་ [275a.3]གནས། །དེ་བཞིན་མཐའ་ཡས་ཅོད་པན་ཅན། །མེའི་ཁམས་དང་ཐབས་ཀྱི་ཕ་རོལ་ཏུ་ཕྱིན་པའི་རང་བཞིན་ཅན་ནོ། །བྱང་དུ་དྲིལ་བུ་ལྗང་གུ་མའོ། །ས་བོན་རེ་ལས་བྱུང་བ་ཡིས། །རྡོ་རྗེ་དྲིལ་བུའི་ཕྱག་དང་ལྡན། །གཡོན་དུ་སྡིགས་མཛུབ་འོད་ལ་གནས། །དེ་བཞིན་དོན་ཡོད་ཅོད་ [275a.4]པན་ཅན། །རླུང་གི་ཁམས་དང་སྨོན་ལམ་གྱི་ཕ་རོལ་ཏུ་ཕྱིན་པའི་རང་བཞིན་ཅན་ནོ། །ཟུར་གྱི་ཆ་ལ་ཕྱག་མཚན་རྣམས། །བདག་མལ་སོགས་རྣམ་དག་པས། །བྱང་སེམས་བུང་བ་རི་རབ་དང་། །མེ་ཐབ་དང་ནི་རྒྱལ་མཚན་བསྣམས། །སྟེང་དུ་གཙུག་གཏོར་རྣམ་རྒྱལ་མ། །ཉི་མར་ [275a.5]གནས་པ་སྭཱ་ལས་བྱུང་། །དཀར་མོ་འཁོར་ལོ་སྐོར་འཛིན་མ། །གཡོན་པས་སྡང་ལ་སྡིགས་མཛུབ་མཛད། །དེ་བཞིན་རིན་འབྱུང་ཅོད་པན་ཅན། །ཆུའི་ཁམས་དང་སྟོབས་ཀྱི་ཕ་རོལ་ཏུ་ཕྱིན་པའི་རང་བཞིན་ཅན་ནོ། །ཉི་མར་གནས་པ་ཧཱ་ལས་བྱུང་། །ཀླུ་ཞགས་འཛིན་པ་སྐུ་ [275a.6]མདོག་སྔོ། །གཡོན་པས་སྡིགས་མཛུབ་འཇིགས་བྱེད་པ། །གནོད་མཛེས་མ་ནི་འོག་ཏུ་བསྒོམ། །དེ་བཞིན་མི་བསྐྱོད་ཅོད་པན་ཅན། །ནམ་མཁའི་ཁམས་དང་ཡེ་ཤེས་ཀྱི་ཕ་རོལ་ཏུ་ཕྱིན་པའི་རང་བཞིན་ཅན་ནོ། །དེ་ལྟར་དཀྱིལ་འཁོར་ཡོངས་སུ་རྫོགས་པར་བལྟ་སྟེ། ། [275a.7]ཐམས་ཅད་མིག་ལ་སོགས་པར་བྱིན་གྱིས་བརླབ་པར་བྱ་སྟེ། མིག་ཏུ་གཏི་མུག་རྡོ་རྗེ་བསྐྱེད། །ཞེ་སྡང་རྡོ་རྗེ་སྙན་གཉིས་ལ། །དེ་བཞིན་སྣ་ལ་སེར་སྣ་མ། །ཁ་རུ་འདོད་ཆགས་རྡོ་རྗེ་མ། །ཕྲག་དོག་རྡོ་རྗེ་དེ་བཞིན་དུ། །ཉོན་མོངས་ཀུན་གྱི་མུན་སེལ་མ། །སྐྱེ་མཆེད་ལ་ནི་རྣམ་པར་ [275b] [275b.1]ཤེས། །ཡིད་ལ་བདག་མེད་རྣལ་འབྱོར་མ། །ཞེས་པས་མིག་ལ་སོགས་པ་བྱིན་གྱིས་བརླབས་པའི་རྗེས་ལ་སྐུ་གསུང་ཐུགས་བྱིན་གྱིས་བརླབ་པར་བྱ་སྟེ། །ཨོཾ་ཡིག་གིས་སྐུ་བྱིན་གྱིས་བརླབ་པ་དང་། ཨཱཿ་ཡིག་གིས་གསུང་བྱིན་གྱིས་བརླབ་པ་དང་། ཧཱུཾ་ཡིག་གིས་ཐུགས་བྱིན་གྱིས་བརླབ་པར་ [275b.2]བྱའོ། །དེ་ནས་ལྷ་མོ་ཀུན་གྱི་སྙིང་གར་གནས་པའི་ཟླ་བའི་དཀྱིལ་འཁོར་ལ་རང་རང་གི་ས་བོན་བལྟ་སྟེ། དེ་ནས་རང་རང་གི་སྙིང་གའི་ས་བོན་གྱི་འོད་ཟེར་གྱིས་ཡེ་ཤེས་སེམས་དཔའི་གཟུགས་ཀྱི་སྒྲོལ་མ་མདུན་གྱི་ནམ་མཁའ་ལ་སྤྱན་དྲངས་ལ། སྔར་བཞིན་དུ་ཨ་རྒྷ་ལ་སོགས་པ་ཕུལ་ [275b.3]ནས། །མེ་ཏོག་སྒྲོལ་མ་ལ་སོགས་པ་ལྷ་མོ་རྣམས་སྤྲོས་པས་དེ་རྣམས་ཀྱི་ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པས་མཆོད་དེ། དེ་ནས་དམ་ཚིག་གི་ཕྱག་རྒྱ་བསྟན་པར་བྱ་སྟེ། དེ་ནས་ཡེ་ཤེས་ཀྱི་དཀྱིལ་འཁོར་སྒོ་སྐྱོང་གི་རྣལ་འབྱོར་གྱིས་དམ་ཚིག་གི་དཀྱིལ་འཁོར་དུ་ཨོཾ་བཛྲ་ཨཾ་ཀུ་ [275b.4]ཤི་ཨཱ་ཀཪྵ་ཡ་ཛཿ་ཨོཾ་བཛྲ་པཱ་ཤེ་ཨཱ་བེ་ཤ་ཡ་ཧཱུཾ། །ཨོཾ་བཛྲ་ཤྤོ་ཊེ་བན་དྷཱ། ཨོཾ་བཛྲ་ཨཱ་བེ་ཤེ་བ་ཤི་ཀུ་རུ་ཧོ། ཨོཾ་བྷ་ག་བ་ཏི་ས་མ་ཡེ་ཤྭ་རི་སརྦ་བུདྡྷ་མ་ཏེ་ཏཱ་རི་ནི་ཨ་དྷི་ཥྛ་ན་མེ་ཀུ་རུ་སྭཱ་ཧཱ། ཞེས་པའི་སྔགས་འདི་རྣམས་ཀྱིས་དགུག་པ་དང་། གཞུག་པ་དང་། བཅིང་བ་དང་། དགྱེས་པར་བྱའོ། །ཆུ་ [275b.5]དང་འོ་མའི་རིག་པས་གཅིག་ཏུ་བྱས་ལ་ཐ་མི་དད་པར་བྱའོ། །དེ་ནས་ཡང་རང་གི་སྙིང་གའི་ས་བོན་གྱི་འོད་ཟེར་གྱིས། །བདེ་བ་ཅན་གྱི་ཞིང་ཁམས་ན་གནས་པའི་དེ་བཞིན་གཤེགས་པ་ལྔ་དང་། གཞན་ཡང་བདུད་རྩི་ལྔས་ཡོངས་སུ་གང་བའི་གསེར་གྱི་བུམ་པ་དང་། རོལ་མོ་ལ་སོགས་པས་ཡོངས་སུ་ [275b.6]བརྒྱན་པ་བཀུག་ལ། མཆོད་དེ་དབང་བསྐུར་བར་གསོལ་བ་གདབ་པ་ནི། བདེ་གཤེགས་ཚིག་མཆོད་བདུད་རྩི་དབང་བསྐུར་གྱིས། །དེ་བཞིན་གཤེགས་པ་ཐམས་ཅད་བདག་ལ་དབང་བསྐུར་དུ་གསོལ། །གསོལ་བ་གདབ་པ་ནི། བྱང་ཆུབ་རྡོ་རྗེ་སངས་རྒྱས་ལ། །ཇི་ལྟར་ཆེ་བའི་ཆེ་ [275b.7]སྦྱིན་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །ནམ་མཁའ་རྡོ་རྗེ་དེང་བདག་སྩོལ། །གསོལ་བའོ། །ད་ནས་དེ་བཞིན་གཤེགས་པ་དེ་དག་གིས་དཔལ་ཧེ་རུ་ཀའི་གཟུགས་སུ་སྤྲུལ་པས་བདུད་རྩི་རྣམ་པ་ལྔའི་རང་བཞིན་དེ་བཞིན་གཤེགས་པ་ལྔའི་བདག་ཉིད་ཅན་བུམ་པ་རྣམ་པ་ལྔ་ [276a] [276a.1]ཡིས་བདག་ལ་དབང་བསྐུར་བར་བསམ་མོ། །ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བྱའོ། །དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་ཀུན་གྱིས་ཕྱག་བྱས་མ། ། [276a.2]སངས་རྒྱས་ཀུན་གྱི་གསང་གསུམ་པའི། །གནས་ལས་བྱུང་བ་སྦྱིན་པར་བྱ། །ཞེས་པ་ལ་སོགས་པ་འདིས་དབང་བསྐུར་བ་བྱས་ལ། མེ་ཏོག་གུར་ཀུམ་གྱི་ཆར་དབབ་པ་དང་། ལྷའི་རོལ་མོའི་སྒྲ་དང་། སྤྱན་མ་ལ་སོགས་པས་གླུ་བླང་བ་དང་། གཟུགས་ཀྱི་རྡོ་རྗེ་མ་ལ་སོགས་པས་བསྟོད་པ་ [276a.3]དང་། །ལྷ་རྣམས་ཀྱིས་མཆོད་པ་དང་། རྣམ་པར་སྣང་མཛད་ལ་སོགས་པས་རྗེས་སུ་གནང་བར་བྱས་པའོ། །དེ་ནས་སྤྱན་མ་ལ་སོགས་པས་བུམ་པ་རྣམས་བཟུང་སྟེ། རང་གི་དཀྱིལ་འཁོར་དུ་རབ་ཏུ་བཞུགས་སོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ། ཞེས་བརྗོད་པས་ [276a.4]རིན་ཆེན་འབྱུང་ལྡན་ཏེ། གཞན་རྣམས་ལ་རིམ་པ་ཇི་ལྟ་བས་སོ། །མེ་ཏོག་སྒྲོལ་མ་ལ་སོགས་པ་བཞི་ལ་རྣམ་པར་སྣང་མཛད་དང་། མི་བསྐྱོད་པ་དང་། སྣང་བ་མཐའ་ཡས་དང་། དོན་ཡོད་གྲུབ་པ་རྣམས་སོ། །དེ་བཞིན་དུ་རྡོ་རྗེ་ལྕགས་ཀྱུ་མ་ལ་སོགས་པ་བཞི་ལའོ། །གཙུག་ཏོར་ [276a.5]རྣམ་པར་རྒྱལ་མ་དང་གནོད་མཛེས་མ་གཉིས་ལ་རིན་ཆེན་དབང་ཕྱུག་དང་། དེ་བཞིན་གཤེགས་པ་མི་བསྐྱོད་པ་གཉིས་སོ། །དེའི་རྗེས་སུ་མགོ་བོ་ལ། ཨོཾ་ཏཱ་རེ་འོ། །ཁ་ལ་ཨོཾ་ཏཱ་རེ་འོ། །མིག་ལ་ཨོཾ་ཏཱ་རེའོ། །མགྲིན་པ་ལ་ཨོཾ་ཏཱ་རེའོ། །སྙིང་ལ་ཨོཾ་ཏཱ་རེ་ཎི། ཞེས་པ་འདིས་སྦྱར་བས་མེ་ལོང་གི་ [276a.6]གཟུགས་བརྙན་ལྟར་ཤིན་ཏུ་གསལ་བ་སྤྲོས་པའི་འོད་ཟེར་གྱི་ཚོགས་ཀྱི་ནམ་མཁའ་ལ་རི་མོ་བྲིས་པ་ལྟ་བུ་བདག་ཉིད་གསལ་བར་བསྒོམས་ཏེ། སྤྲོ་བ་དང་བསྡུ་བའི་སྦྱོར་བ་བྱའོ། །དེ་ནས་སེམས་ཅན་ཐམས་ཅད་ཀྱི་དོན་ཆེད་དུ་འཐོར་འཐུང་དང་གཏོར་མ་བྱིན་གྱིས་བརླབ་པ་ལ་ [276a.7]སོགས་པ་བྱ་སྟེ། གདན་ལ་སྐྱིལ་ཀྲུང་བཅས་ལ་ཐབས་དང་ཤེས་རབ་ཀྱི་སྙོམས་པར་འཇུག་པས་ཡི་དམ་ལྷའི་རྣལ་འབྱོར་དུ་དམིགས་ཏེ། ཆང་གི་སྣོད་ལས་མཐེ་བོང་དང་། སྲིན་ལག་གཉིས་ཀྱིས་ཨཱ་ལི་ཐིགས་པ་གཅིག་བླངས་ལ། ལག་པ་གཉིས་མཉེས་ཏེ། སྣོད་ཀྱི་ནང་ [276b] [276b.1]དུ་ལག་པ་གཡོན་པ་བཞག་ལ། ཧ་ཡིག་གིས་མདོག་བསྒྱུར་བར་བྱ་སྟེ། ལག་པ་གཡས་པ་ཡང་དེའི་སྟེང་དུ་བཀབ་ལ་ཧོཿ་ཡིག་གིས་དྲི་ངན་པ་བསལ་བར་བྱའོ། །དེ་བཞིན་དུ་ལག་པ་གཉིས་ཀ་གཞག་པའི་འོག་ཏུ་ཧྲཱིཿ་ཡིག་ཞུ་བས་བདུད་རྩིར་གྱུར་ནས་རྫོགས་པར་བྱས་ཏེ་སྦྱང་ངོ་། །དེ་ [276b.2]ནས་ལག་པ་གཡོན་པའི་མཐེ་བོང་དང་སྲིན་ལག་གཉིས་ཀྱིས་ཐིགས་པ་བླངས་ཏེ། ཆོས་ཀྱི་དབྱིངས་ཀྱི་ཕྱག་རྒྱར་ལྷག་པར་མོས་པས་ཟུར་གསུམ་པའི་མཎྜལ་བྱ་སྟེ། དེའི་དཀྱིལ་འཁོར་དུ་བཾ་བྲིས་ལ་བྱང་སེམས་སྤྲོ་བའི་རིམ་པ་ལྟར་རྟེན་དང་བརྟེན་པའི་རང་བཞིན་གྱི་དཀྱིལ་འཁོར་རྣམ་པར་ [276b.3]བསམས་ཏེ། མཆོད་པ་ལ་སོགས་པའི་སྔགས་དང་ཨཱ་ལིའི་རྫས་ཀྱིས་ཡང་དག་པར་མཆོད་ཅིང་བསྟོད་དོ། །ཨོཾ་ཧ་ཧོཿཧྲཱིཿསྭཱ་ཧཱ། ཞེས་པའི་སྔགས་འདིས་ལན་གསུམ་བརྗོད་དེ། མགོ་ལ་གཏོར་བ་དང་། དཔྲལ་བར་ཐིག་ལེ་དང་། ལྕེ་ལ་སྔགས་ཀྱིས་འཐོར་འཐུང་བྱ་སྟེ། གཏོར་མའི་ [276b.4]སྣོད་ནས་བཅོམ་ལྡན་འདས་མ་ལ་ལན་གསུམ་ཕུལ་ལ། ལས་ཀྱི་དབྱེ་བ་དང་། ཁ་དོག་གི་དབྱེ་བས་གཏོར་མ་བྱིན་གྱིས་བརླབ་པར་བྱ་བ་ནི་ཧཱུཾ་ལས་བྱུང་བའི་ཆོས་འབྱུང་གི་ནང་དུ་བཾ་ལས་སྐྱེས་པའི་སྣ་ཚོགས་པདྨའི་སྟེང་དུ། ཡཾ་ཡོངས་སུ་གྱུར་པ་ལས་རླུང་གི་དཀྱིལ་འཁོར་གཞུ་ལྟ་བུ། དེའི་ [276b.5]སྟེང་དུ་རཾ་དམར་པོ་ཡོངས་སུ་གྱུར་པ་ལས་མེའི་དཀྱིལ་འཁོར་ཟུར་གསུམ་པ་སྟེང་དུ་འབར་བས་མཚན་པ། དེའི་སྟེང་དུ་ཨཿ་ལས་བྱུང་བའི་པདྨའི་སྣོད་ཀྱི་དབུས་སུ་བྷཱུཾ་ཨཱཾ་ཛྲཱིཾ་ཁཱཾ་ཧཱུཾ་ལཱཾ་མཱཾ་པཱཾ་ཏཱཾ་པཱཾ་ཞེས་པའི་ས་བོན་བཅུ་པོ་དེ་དག་གོ་ཀུ་ད་ཧ་ན། བི་ར་ཤུ་མ་མུའི་ས་བོན་བཅུ་པོ་དེ་དག་ [276b.6]གིས་བྱིན་གྱིས་བརླབས་པ་ཅན་དུ་རྣམ་པར་བལྟས་ལ། ཨོཾ་ལས་བྱུང་བའི་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་ལས་བྱུང་བའི་རྡོ་རྗེ་ཧཱུཾ་གིས་མཚན་པ་བསྒོམས་ཏེ། དེའི་སྟེང་དུ་ཨོཾ་དཀར་པོའི་ཁ་ཆོད་བལྟས་ཏེ། རླུང་གཡོས་པས་མེ་འབར་ཞིང་། རྡོ་རྗེ་ལས་གཞན་པའི་རྫས་རྣམས་ [276b.7]ཞུ་ནས་ཐོད་པར་གནས་ཏེ། དེ་ནས་རྡོ་རྗེས་ལན་བཞིའམ་ལྔ་དཀྲུགས་པས་དེ་ཡང་རྣམ་པར་ཞུ་ནས་གནས་ཏེ། དེའི་རྗེས་སུ་དེ་ཉིད་རྣམ་པ་གསུམ་གྱིས་མཐའ་ཡས་ཤིང་མཐར་ཐུག་པའི་འཇིག་རྟེན་གྱི་ཁམས་ན་གནས་པའི་བྱང་ཆུབ་སེམས་དཔའ་རྣམས་རྗེས་སུ་ཆགས་ནས་དེ་དག་ [277a] [277a.1]གིས་ཡེ་ཤེས་ཀྱི་བདུད་རྩི་བཀུག་ནས་རབ་ཏུ་ཞུགས་ཏེ། དེ་ཉིད་གསུམ་གྱིས་བྱིན་གྱིས་བརླབས་པས་བདུད་རྩིར་གྱུར་ཏེ། བསིལ་བར་འགྱུར་བར་བལྟའོ། །དེ་ནས། ཨོཾ་ཨཱཿ་སརྦ་ཏ་ཐཱ་ག་ཏ་ཛྙཱ་ན་ཨ་མྲྀ་ཏེ་ཧཱུཾ་ཞེས་པའི་སྔགས་འདིས་རྡོ་རྗེ་དང་ལྡན་པའི་ཕྱག་གིས་གཏོར་སྣོད་ལ་རེག་ [277a.2]སྟེ། རང་གི་སྙིང་གའི་ས་བོན་གྱི་འོད་ཟེར་གྱིས་བཀུག་པའི་ལྷ་མོའི་འཁོར་ལོ་ལ་གནས་པའི་ལྷ་རྣམས་ལ་བསྟན་པར་བྱས་ལ། ཨོཾ་པྲ་བ་ར་སཏྐཱ་རཾ་ཨརྒྷཾ་པྲ་ཏཱི་ཙྪ་སྭཱ་ཧཱ། ཞེས་པའི་སྔགས་འདིས་དུང་གི་ཕྱག་རྒྱས་མདུན་དུ་མཆོད་ཡོན་དབུལ་ལོ། །ཨོཾ་པྲ་བ་ར་སཏྐཱ་རཾ་པཱ་ཏྱ་པྲ་ཏཱི་ཙྪ་སྭཱ་ཧཱ། ཞེས་པའི་སྔགས་ [277a.3]འདིས་སྐམ་པའི་ཕྱག་རྒྱས་ཞབས་གཉིས་ལ་ཞབས་བསིལ་དབུལ་ལོ། །གོང་བཞིན་དུ་བདུད་རྩི་མྱང་བའི་ཆོ་གས་གཏོར་མ་ཉེ་བར་བྱ་བ་ལ་སོགས་པ་བདུད་རྩིར་བྱས་ལ། ཨོཾ་བཛྲ་ཏཱ་རེ་བྷ་ཡ་ཧ་རེ་བི་གྷཱཾ་ཤཱནྟི་ཀ་རེ། པྲ་ཀྲྀ་ཏེ་བྷ་སྭཱ་རེ། སརྦ་དུ་ཥྜ་སཱ་དྷ་ནི་ཨི་མེཾ་བ་ལིཾ་པྲ་ཏཱི་ཙྪ་མཾ་སརྦ་ས་ཏྭཱ་ནཱ་ཉྩ་ར་ཀྵཾ་ [277a.4]ཀུ་རུ། ཤཱནྟིཾ་ཀུ་རུ། པུཥྚིཾ་ཀུ་རུ། བ་ལིཾ་ཀུ་རུ། ར་ཀྵ་ར་ཀྵ་མཾ་སརྦ་ཏྭཱཾ་ཥྩ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཞེས་པས་གཏོར་མ་ཉེ་བར་བཤམས་ཏེ། ཧཱུཾ་དཀར་པོ་ཡོངས་སུ་གྱུར་པ་ལས་བྱུང་བའི་ལྗགས་རྡོ་རྗེའི་འོད་ཟེར་གྱི་སྦུ་གུ་ནས་འཕྲུ་ཙམ་གྱིས་གསོལ་བས་དཀྱིལ་འཁོར་གྱི་བདག་བོ་འཁོར་དང་ [277a.5]བཅས་པ་ཚིམ་པར་བསམ་མོ། །དེ་ནས་ཁ་བཤལ་བ་ལ་སོགས་པ་བྱས་ལ། ཨོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ། དྲི་ཌྷོ་མེ་བྷ་བ། སུ་པོ་ཥྱོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་ར་ཀྟོ་མེ་བྷ་བ། སརྦ་སིདྡྷི་མྨེ་པྲ་ཡ་ཙྪ་སརྦ་ཀ་རྨ་སུ་ཙ་མེ། ཙིཏྟཾ་ཤྲེ་ཡཿ། ཀུ་རུ་ཧཱུཾ་ [277a.6]ཧ་ཧ་ཧ་ཧ་ཧོཿ་བྷ་ག་ཝཱཾ་སརྦ་ཏ་ཐཱ་ག་ཏ་བཛྲ་མཱ་མེ་མུཉྩ། བཛྲཱི་བྷ་བ་མ་ཧཱ་ས་མ་ཡ་ས་ཏྭ་ཨཿ་ཞེས་བརྗོད་པས་འདོད་པའི་དོན་ལ་གསོལ་བ་གདབ་སྟེ། ལྷ་མོ་ཚད་མ་དམ་ཚིག་ཚད་མ་དང་། །དེ་རྣམས་གསུང་ཡང་ཚད་མ་མཆོག་དང་ནི། །བདེན་པ་དེས་ནི་ལྷ་མོ་འདི་རྣམས་ཀྱིས། །བདག་ལ་ [277a.7]རྗེས་སུ་འཛིན་པའི་རྒྱུར་གྱུར་ཤོག །སྲིད་དང་ཞི་ལ་ཆགས་ཀུན་རྟོགས་པའི་རླབས་བཅོམ་ཞིང་། །དངོས་ཀུན་མ་ལུས་རང་བཞིན་ནམ་མཁའ་ལྟར་གཟིགས་པ། །བརྩེ་བའི་ཆུ་ཡིས་རབ་རྒྱས་ཐུགས་ནི་རྒྱ་མཚོའི་མཆོག །ལྷ་མོ་རྣམས་ཀྱིས་བདག་ལ་ཤིན་ཏུ་བརྩེར་མཛད་གསོལ། །ཞེས་ [277b] [277b.1]པ་འདི་རྣམས་བརྗོད་ལ་བཟོད་པར་གསལ་ཏོ། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །སངས་རྒྱས་ཡུལ་དུ་གཤེགས་སུ་གསོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་སེམས་ཅན་དོན་ལ་བྱོན། །ཞེས་པ་འདིས་གཡས་པའི་རྒྱབ་ཏུ་གཡོན་པའི་མཐེ་བོང་དང་། [277b.2]སྲིན་ལག་གིས་སེ་གོལ་ལན་གསུམ་བརྡབས་པའོ། །དེ་ནས་ལམ་གྱི་བཞི་མདོར་གཏོར་མ་བཏང་ངོ་། །གཏོར་མ་དབུལ་བའི་ཆོ་གའོ། །དེའི་རྗེས་སུ་གཞན་ཡང་བཟའ་བའི་ཆོ་ག་ནི། འདིས་བཟའ་བར་བྱས་ཏེ། ལྟོ་བའི་མེ་ཐབ་ཀྱི་སྟེང་དུ་མེའི་ས་བོན་ལས་བྱུང་བའི་མེ་ལ་བཟའ་བ་ལ་ [277b.3]སོགས་པའི་རྫས་ལག་པའི་གཟར་བུས་སྦྱིན་སྲེག་བྱའོ། །ཧཱུཾ་དཀར་པོ་ལས་བྱུང་བའི་ལྗགས་རྡོ་རྗེ་ནས་འབྲུ་ཙམ་གྱིས་འཁོར་ལོ་དང་བཅས་པའི་སྒྲོལ་མའི་གཟུགས་ཀྱི་སྦྱར་བས་དགང་བླུགས་ཀྱིས་སྦྱིན་སྲེག་དབུལ་བར་བྱའོ། །མགྲིན་པའི་ལམ་དེ་དག་ཐམས་ཅད་ལྟོ་བའི་ཐབ་ལ་ [277b.4]རབ་ཏུ་ཞུགས་ཏེ། ལྟོ་བའི་མེས་ཞུ་ནས་བདུད་རྩིར་གྱུར་ཏེ། བདུད་རྩི་དེས་བཅོམ་ལྡན་འདས་མ་འཁོར་དང་བཅས་པ་ཚིམ་པར་གྱུར་པར་བསམ་མོ། །ཁྱད་པར་ནང་གི་སྦྱིན་སྲེག་གི་ཆོ་གའོ། །དེ་ནས་བདུད་རྩི་མྱངས་ནས་ལྷའི་བདག་ཉིད་ཅན་རྫོགས་པའི་རྣལ་འབྱོར་པ་སྦྲོ་བསྡུ་སྔོན་དུ་འགྲོ་བས། [277b.5]བསྒོམས་པས་སྐྱོན་མྱུར་བ་དང་། བུལ་བ་དང་། མི་གསལ་བ་དང་། ཆད་ལྷག་དང་། རྟོག་པ་ངན་པ་སྤངས་ལ་བཟླས་པ་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བརྗོད་པ་ནི་རང་གི་སྙིང་གའི་ས་བོན་ལས་སྤྲོས་པའི་སྔགས་འཁོར་ལོ་བསྐོར་བའི་སྦྱོར་བས་ཁ་ནས་འཐོན་ཏེ། སངས་རྒྱས་ཀྱི་ [277b.6]ཡོན་ཏན་གྱི་ཚོགས་དང་། ནོར་བུ་དང་། སྔགས་དང་། སྨན་དང་། ཟླ་བ་དང་། སྐར་མ་དང་། བྲི་བ་བསྟན་བཅོས་དང་། སྒྱུ་རྩལ་གྱི་ཡོན་ཏན་ལ་སོགས་པའི་ནུས་པ་བླངས་ནས། ཡང་སྙིང་གའི་ཟླ་བ་ལ་རབ་ཏུ་ཞུགས་ཏེ། རང་དང་གཞན་ཐམས་ཅད་ཀྱིས་མི་ཤེས་པའི་མུན་པ་ [277b.7]བསྲེག་པའི་བདག་ཉིད་དུ་བསམ་པར་བྱ་སྟེ་སྔགས་བཟླས་པར་བྱའོ། །ཐུན་གསུམ་དུ་བསྒོམ་པར་བྱའོ། །སྐྱོན་ལངས་ཏེ་རྟག་ཏུ་ལྷའི་རྣམ་པར་བསམ་པར་བྱའོ། །གང་གི་ཚེ་སྔགས་བཟླས་པ་ལས་ལྡང་བར་འདོད་པ་དེའི་ཚེ་སྔགས་ཀྱི་ཕྲེང་བ་རང་གི་སྙིང་གའི་ས་བོན་ལ་ཐིམ་ [278a] [278a.1]པར་བྱས་ལ། མཆོད་པ་སྔོན་དུ་འགྲོ་བས་སྨོན་ལམ་བཏབ་སྟེ། བསོད་ནམས་ཡོངས་སུ་བསྔོས་ལ་ཡི་གེ་བརྒྱ་བ་ལན་གསུམ་བརྗོད་དོ། །དེ་ནས་ལྷ་མོའི་ང་རྒྱལ་བྱ་སྟེ། ཆོས་ཐམས་ཅད་ཀྱང་དེའི་གཟུགས་སུ་བལྟས་ལ། ཇི་ལྟར་བདེ་བར་གནས་པར་བྱའོ། ། [278a.2]ཉལ་བའི་དུས་སུ་ཡང་བླ་མ་དང་། སངས་རྒྱས་དང་། སེམས་ཅན་དེ་རྣམས་སངས་རྒྱས་སུ་བལྟས་ལ་ཡང་དག་པར་མཆོད་དེ། བརྐྱང་ཕྱག་གིས་འདུད་པའི་བསམ་པས་སེང་གེའི་ཉལ་སྟབས་ཀྱི་ཚུལ་གྱིས་འོད་གསལ་དུ་སྙོམས་པར་འཇུག་པའི་རྣལ་འབྱོར་གྱིས་བསམ་པས་ཉལ་བར་བྱའོ། ། [278a.3]དེ་ནས་ཐོ་རངས་ཀྱི་ཐུན་ལ་ལྷ་མོའི་གླུའི་སྒྲས་རབ་ཏུ་བསྐུལ་བས་ལངས་ཏེ། ཐམས་ཅད་སྔ་མ་བཞིན་དུ་བྱའོ། །འདི་ནི་སྔགས་མཆོག་དམ་པ་ཡིན། །སངས་རྒྱས་ཀུན་གྱིས་ཕྱག་བྱས་པའི། །བཀླགས་པས་འགྲུབ་བྱེད་བཟང་པོ་ནི། །རྡོ་རྗེ་གུར་ལས་གསུངས་པའོ། །རྡོ་རྗེ་སྒྲོལ་མའི་བདག་རྣལ་འབྱོར། །སེམས་ཅན་དོན་ [278a.4]ཀུན་མཐར་ཕྱིན་པ། །རྡོ་རྗེ་སྐྱིལ་ཀྲུང་སྦྱོར་བ་ཡིས། །ཁམས་གསུམ་འདི་ནི་བསྒྲུབ་པར་བྱ། །དེ་ནས་གཞན་ཡང་གཟུངས་སྔགས་འདི། །ཨོཾ་ན་མཿ་ཨཱཪྻཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུཥྚ་པྲ་དུཥྚཾ་མ་མ་ཀྲྀ་ཏ། ཛཾ་བྷ་ [278a.5]ཡ་ཛཾ་བྷ་ཡ། སྟཾ་བྷ་ཡ་སྟཾ་བྷ་ཡ། མེ་ཧ་ཡ། མོ་ཧ་ཡ། བནྡྷ་ཡ་བནྡྷ་ཡ། ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སརྦ་དུཥྚ་སྟཾ་བྷ་ནི་ཏཱ་རེ་སྭཱ་ཧཱ། སྔགས་འདིའི་ཉེ་བར་སྤྱོད་པའི་ཆོ་ག་བཤད་པར་བྱའོ། །སྔགས་འདིས་གོས་ཀྱི་ཐུ་བ་ལ་ལན་བདུན་མངོན་པར་བཟླས་ལ་མདུད་པ་བྱས་ཏེ་ནགས་འཐུག་ [278a.6]པོར་ཕྱིན་ཀྱང་གང་གིས་ཀྱང་འཇིགས་པར་མི་འགྱུར་ཏེ། སྟག་དང་། ཆུ་སྲིན་དང་། ཆོམ་རྐུན་དང་། སེང་གེ་དང་།སྦྲུལ་དང་། གླང་པོ་ཆེ་དང་། མ་ཧེ་དང་། དོམ་དང་། བ་མེན་ལ་སོགས་པ་རྣམས་ཀྱང་འདིའི་མཚན་དྲན་པ་ཙམ་གྱིས་རྣམ་པར་འཇིག་པར་འགྱུར་རོ། །དེ་ནས་མེ་ [278a.7]ཏོག་སྒྲོལ་མའི་རབ་སྦྱོར་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་ཆེ་གེ་མོ་བདག་གི་དབང་དུ་གྱིས་ཤིག་སྭཱ་ཧཱ། ཞེས་པའི་སྔགས་འདིས་ཨུཏྤལ་དམར་པོ་བརྒྱ་རྩ་བརྒྱད་ལ་སྦྱིན་སྲེག་བྱས་ན་གང་འདོད་པ་དེ་དབང་དུ་འདུ་བར་འགྱུར་རོ། །སྤོས་ཀྱི་སྒྲོལ་མའི་རབ་སྦྱོར་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་ཙ་ལ་ [278b] [278b.1]པྲ་ཙ་ལ་ཤཱི་གྷྲཾ་གཱ་མི་ནི་དེ་བ་དཏྟ་ཨུཙྪ་ཊ་ཡ་ཧཱུཾ། ཞེས་པའི་སྔགས་འདིས་བྱ་རོག་གི་སྒྲོ་ལ་ལན་སུམ་ཅུ་རྩ་གཅིག་བཟླས་ནས་དགྲ་པོའི་སྒོ་ལ་སྦས་པས་ཞག་བདུན་གྱིས་སྐྲོད་པར་འགྱུར་རོ། །མར་མེའི་སྒྲོལ་མའི་རབ་སྦྱོར་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀ་ཨ་བྷི་དྷ་ནཾ་ཀུ་མཾ་རཾ་མི་ཧྱཾ་བི་བྷ་ཧེ་ན་ [278b.2]ཡ་སྱ་སི་ཏྭ་པྲ་ཡཙྪ་ཏུ་སྭཱ་ཧཱ། མ་ད་ན་དང་གཏུམ་པའི་ས་བོན་དང་། དེ་བཞིན་སྨྱོན་བའི་འབྲས་བུ་དང་། །མྱ་ངན་མེད་པའི་མེ་ཏོག་ལ། །སྟོང་ཕྲག་ལྔ་རུ་སྦྱིན་སྲེག་བྱ། །བུ་རམ་སྦྲང་རྩི་མར་སྦྱིན་སྲེག །བུ་མོ་བསྒྲུབས་ལ་ཁྱད་པར་འཕགས། །དེ་ནས་རྣལ་འབྱོར་ཞག་བདུན་ [278b.3]བར། །བདག་འདོད་བུ་མོ་རྙེད་པར་འགྱུར། །ཞེས་སོ། །དྲིའི་སྒྲོལ་མའི་རབ་སྦྱོར་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀ་སྭ་སྠཱ་ནཱ་ད་མ་མ་ར་ཥ་ཨཱ་ཀཪྵ་ཡ་ཛཿ་ཞེས་པའི་སྔགས་འདིས་ཁཾ་ཁྲིའི་ཚེར་མ་དང་། རང་བྱུང་གི་མེ་ཏོག་སྦྱིན་སྲེག་བྱའོ། །སྔགས་འདིས་རྒྱལ་པོའི་བུ་མོ་ཡང་དབང་ [278b.4]དུ་འགྱུར་རོ། །རྡོ་རྗེ་ལྕགས་ཀྱུ་མའི་རབ་སྦྱོར་ནི། ར་ཛ་ས་ལའི་རས་ལ་ཞལ་གཅིག་ཕྱག་གཉིས་པ་ལྕགས་ཀྱུ་དང་ཞགས་པ་འཛིན་པ་བྲིས་ལ། དེའི་མདུན་དུ་མཆོད་པ་བྱ་སྟེ། གཙང་ཞིང་གཙང་མ་ལས་བྱུང་བའི། །ལྷ་ཡི་མེ་ཏོག་དགེ་རྣམས་ནི། །གུས་པས་བདག་ནི་འབུལ་ [278b.5]ལགས་ན། །བཞེས་ཏེ་བདག་ལ་དགོངས་སུ་གསོལ། །སྤོས་བཟངས་དྲི་དང་ལྡན་པ་ཡིས། །འདི་ལྟར་ནགས་ཚལ་ཡིད་འོང་བ། །གུས་པས་བདག་ནི་འབུལ་ལགས་ན། །བཞེས་ཏེ་བདག་ལ་དགོངས་སུ་གསོལ། །གཙང་ཞིང་དགེ་ལ་མུན་པ་སེལ། །སྲིན་པོ་འཇོམས་པའི་མར་མེ་འདི། །བདག་གིས་གུས་པས་འབུལ་ [278b.6]ལགས་ན། །བཞེས་ནས་བདག་ལ་དགོངས་སུ་གསོལ། །གཙང་ཞིང་གཙང་མ་ལས་བྱུང་བའི། །དགེ་བའི་ལྷ་རྫས་དྲི་རྣམས་འདི། །བདག་གིས་གུས་པས་འབུལ་ལགས་ན། །བཞེས་ནས་བདག་ལ་དགོངས་སུ་ [278b.7]གསོལ། །ཞེས་བརྗོད་པས་བསྒོམ་པ་དང་ལྡན་པས་སྔགས་བརྗོད་པ་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་སྭཱ་བ་ནཾ་ཨ་མུ་ཀི་དཪྵ་ཡ་ཧཱུཾ་ཕཊ། ཅེས་སྟོང་ཕྲག་ལྔ་བཟླས་ལ་ཞགས་པས་སྐེ་ལ་བཅིངས་པ་དང་ལྕགས་ཀྱུས་སྙིང་ལ་ཕུག་སྟེ། ཨུཏྤལ་དེ་ཉིད་ཀྱིས་རྐང་པ་གཉིས་བཅིངས་ལ་ [279a] [279a.1]བཀུག་སྟེ། རྐང་འོག་བསྒྲུབ་བྱ་བསམས་ནས་སུ། །ཁོལ་མོ་ལྟ་བུར་ལོངས་སྤྱད་བྱ། །ཞེས་སོ། །རྡོ་རྗེ་ཞགས་པའི་རབ་སྦྱོར་ནི། སྒྲོལ་མའི་གཟུངས་ཀྱིས་སྲིན་ལག་ལ་ལན་བདུན་བཟླས་པ་བྱས་ལ་བདག་གི་མིག་གཉིས་ལ་ཕྱིས་ཏེ། དེ་ནས་རྒྱལ་པོའི་དྲུང་དུ་ཕྱིན་ན་ [279a.2]རྒྱལ་པོ་དེ་སློབ་མ་ལྟ་བུར་འགྱུར་པས་དད་པར་བྱེད་པ་དང་། ངན་དུ་མི་སྨྲ་བར་སྦྱིན་པ་སྟེར་ཏེ། མཐུན་པའི་གཏམ་སྨྲ་བ། ཁོལ་པོ་ལྟ་བུར་འགྱུར་བ་དང་། ཁྲོས་ཀྱང་དབང་དུ་འགྱུར་རོ། །འདི་ནི་ཡིད་ཆེས་པར་མཐོང་བར་གྱུར་པས་ངོ་མཚར་ཆེའོ། །རྡོ་རྗེ་ལྕགས་སྒྲོག་མའི་རབ་སྦྱོར་ནི། [279a.3]སྒྲོལ་མའི་གཟུངས་སྔགས་ལན་བརྒྱ་རྩ་བརྒྱད་བཟླས་ལ། མགོ་གཉིས་པའི་སྦྲུལ་གྱི་ཐལ་བ་བྱས་ལ། བ་དམར་མོའི་མར་དང་། ཤིང་ཨ་རྐའི་བལ་གྱིས་སྡོང་བུ་བྱས་ལ། དེ་ལས་མར་མེ་བྱས་ལ་སྣག་ཚ་བྱས་ཏེ། སྣག་ཚ་དེ་རྡོ་རྗེ་ཉི་མ་དང་། རྡོ་རྗེ་ཆོས་རྣམས་ཀྱིས་བསྲེས་ [279a.4]ལ་མཉེས་ཏེ་རྟ་མཆོག་གི་སྤོས་བཏང་ངོ་། །ཐལ་བ་དེ་དང་བཅས་པས་མིག་གཉིས་ལ་བྱུགས་ལ། རྡོ་རྗེའི་མིག་དེས་གང་མཐོང་བ་དེ་ལ་གལ་ཏེ་པདྨ་གར་གྱི་དབང་ཕྱུག་འཛག་པར་མ་གྱུར་ན། དེའི་ཚེ་བདག་སྒྲོལ་མ་མ་ཡིན་ཞིང་། སངས་རྒྱས་བཅོམ་ལྡན་འདས་ཐམས་ཅད་བདག་ [279a.5]གིས་གསད་པར་འགྱུར་རོ་ཞེས་སོ། །རྡོ་རྗེ་ལྕགས་སྒྲོག་མའི་རབ་སྦྱོར་གཉིས་པ་ནི། བུ་ཆུང་སོ་མ་སྐྱེས་པའི་ལྕེ་བླངས་ལ། སྒྲོལ་མའི་གཟུང་སྔགས་ལན་བདུན་བཟླས་ཏེ། སྡོ་བྷྲྀངྒ་རཱ་ཛ་དང་གི་ཝང་དང་གཉིས་ལྷན་ཅིག་ཏུ་བྱས་ཏེ། དཔྲལ་བར་ཐིག་ལེ་བྱས་ན། གང་དང་གང་ [279a.6]མཐོང་བ་དེ་དབང་དུ་འགྱུར་རོ། །རྡོ་རྗེ་དྲིལ་བུའི་རབ་སྦྱོར་ནི། ལྟོ་བའི་སྲིན་བུ་ལ་སྒྲོལ་མའི་གཟུངས་སྔགས་ལན་བདུན་བཟླས་ཏེ། རྡོ་རྗེ་ཆོས་དང་ལྷན་ཅིག་བྱས་ཏེ། ཏཾ་པུ་ལ་དང་བཅས་པ་སྦྱིན་པར་བྱའོ། །རྣལ་འབྱོར་མཆོག་དེ་མིད་ན་མི་སྤོང་ཞིང་། གཞན་ལ་ཡང་མི་ཆགས་ [279a.7]ཏེ་གཞན་དུ་ཡང་མི་འགྲོ་ཞིང་རང་གི་བདག་པོ་ཡང་སྤངས་ཏེ། རང་གི་ཆུང་མ་ལྟ་བུར་སྤྱད་པར་འགྱུར་རོ། །རྡོ་རྗེ་དྲིལ་བུ་མའི་རབ་སྦྱོར་གཉིས་པ་ནི། བདག་ཉིད་སྒྲོལ་མར་བསྒོམས་ལ་ཚིལ་ཆེན་གྱི་བྱུག་པ་བྱ་ཞིང་སྔགས་ཁྲི་ཚོ་གཅིག་བཟླས་པ་བྱས་ལ། བཟླས་པའི་རྗེས་སུ་ [279b] [279b.1]འབྲས་མཁར་མ་ཅན་གྱི་འདག་པས་དྲི་མས་ཐོན་ལ། དེས་སྣུམ་ཁུར་དུ་བྱས་ལ། གང་ལ་སྦྱིན་པ་དེ་འཚོག་ཆས་ལྔ་དང་བྲལ་ཡང་མི་སྤོང་ངོ་། །གཙུག་ཏོར་རྣམ་པར་རྒྱལ་མའི་རབ་སྦྱོར་ནི། ཟླ་བ་གཟས་ཟིན་པའི་དུས་སུ་སྒྲོལ་མའི་གཟུངས་སྔགས་བཟླས་ཤིང་བརྟན་པར་བྱ་སྟེ། དེ་ལས་བྱུང་ [279b.2]བའི་འཇིག་རྟེན་དབང་ཕྱུག་དང་། དུང་དཀར་གྱི་ཐལ་བ་དང་བསྲེས་ཏེ་རབ་ཏུ་མོས་ནས་འཚོག་ཆས་ལྔ་དང་བྲལ་ཡང་མི་སྤོང་ངོ་། །གཙུག་ཏོར་རྣམ་པར་རྒྱལ་མའི་རབ་སྦྱོར་གཉིས་པ་ནི། སྒྲོལ་མའི་གཟུངས་སྔགས་ཀྱིས་ཤིང་ཐོག་མ་ངན་ལ་ལན་བརྒྱ་རྩ་བརྒྱད་བཟླས་ཏེ། རྡོག་མའི་འབྲུ་དང་ [279b.3]རྟ་མགྲིན་གཉིས་ལྷན་ཅིག་ཏུ་བྱས་ནས་གང་ལ་བྱུགས་པ་དེ་དབང་དུ་འདུ་བར་འགྱུར་རོ། །སྣོད་མཛེས་མའི་རབ་སྦྱོར་ནི་ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀ་སྱ་བནྡྷ་ན་མུཀྟི་ཀུ་རུ་མུ་སྭཱ་ཧཱ། ཤིང་ཨརྐའི་འོ་མ་ལ་བསྒྲུབ་བྱའི་མིང་དང་བཅས་པ་བྲིས་ལ། ཀུ་ལི་རྟའི་ཚང་ལ་སྦས་ན། བཅིངས་པ་ [279b.4]ལས་གྲོལ་བར་འགྱུར་རོ། །རྡོ་རྗེ་སྒྲོལ་མའི་སྒྲུབ་ཐབས་འདི། །བདག་གིས་བྱས་པའི་བསོད་ནམས་གང་། །ཐོབ་དེས་ཀུན་ཀྱང་འཇིག་རྟེན་འདིར། །བདེ་གཤེགས་གོ་འཕང་ཐོབ་པར་ཤོག །རྡོ་རྗེ་གུར་ལས་བྱུང་བ་གྲུ་བ་ཐོབ་ཆེན་པོ་སྣ་ཚོགས་དམར་པོ་ཞབས་ཀྱིས་མཛད་པ་རྫོགས་ [279b.5]སོ།། །།རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་དཱ་ན་ཤཱི་ལས་རང་འགྱུར་དུ་མཛད་པའོ།། {T1326}༄༅། །རྒྱ་གར་སྐད་དུ། བཛྲ་ཏཱ་ར་སཱ་དྷ་ནཾ། བོད་སྐད་དུ། རྡོ་རྗེ་སྒྲོལ་མའི་སྒྲུབ་ཐབས། བཅོམ་ལྡན་འདས་སྒྲོལ་མ་ལ་ཕྱག་འཚལ་ལོ། །སྦྱིན་སྲེག་དང་ནི་ [279b.6]ལས་ཀྱི་ཆོ་ག་ཡིས། །འདོད་པའི་དོན་ཀུན་སྒྲུབ་པར་བྱེད་པ་ཡི། །རྡོ་རྗེ་སྒྲོལ་མ་སྒྲུབ་པའི་ཐབས། །དེ་ནས་ཡང་དག་བཤད་བྱ་བ། །དེ་ལ་སྔགས་ཀྱི་ཚིག་འདི་ཡིན་ཏེ། འདི་ལྟ་སྟེ། ན་མོ་རཏྣ་ཏྲ་ཡཱ་ཡ། ན་མཿ་ཨཱརྱཱ་ཝ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་ [279b.7]རུ་ཎི་ཀཱ་ཡ། ཏ་དྱ་ཐཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུཥྚ་པྲ་དུཤྚཱཾ་མ་མ་ཀྲྀ་ཏེ་ཛཾ་བྷ་ཡ། སྟཾ་བྷ་ཡ། མོ་ཧ་ཡ། བནྡྷ་ཡ། ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། སརྦ་དུཥྚ་སྟཾ་བྷ་ནི་ཏཱ་རེ་སྭཱ་ཧཱ། དེ་ལ་ཡང་དང་པོ་རེ་ཞིག་རང་གི་སྙིང་གར་ཟླ་བ་ལ་ས་བོན་ཏཱཾ་བསམས་ཏེ། དེའི་འོད་ཟེར་གྱིས་བླ་མ་དང་སངས་རྒྱས་དང་བྱང་ [280a] [280a.1]ཆུབ་སེམས་དཔའ་སྤྱན་དྲངས་ཏེ། མཆོད་པ་རྣམ་པ་སྣ་ཚོགས་ཀྱིས་ཡང་དག་པར་མཆོད་ལ། སྡིག་པ་བཤགས་པ་ལ་སོགས་པ་བྱ་ཞིང་། གསུམ་ལ་སྐྱབས་སུ་འགྲོ་བའི་ཚིགས་བཅད་རྫོགས་པར་བྱའོ། །དེ་ནས་ཚངས་པའི་གནས་བཞི་བསྒོམས་ལ། ཨོཾ་ཤཱུ་ [280a.2]ནྱ་ཏཱ་ཛྷཱ་ན་བཛྲ་སྭ་བྷ་ཝ་ཨཱ་ཏྨ་ཀོ྅ཧཾ་ཞེས་བྱ་བའི་སྔགས་བརྗོད་པར་བྱའོ། །དེ་ནས་པཾ་ལས་སྐྱེས་པའི་པདྨ་དང་ཟླ་བའི་སྟེང་དུ་ཏཱཾ་གི་ས་བོན་བསམས་ཏེ། དེ་ཡོངས་སུ་གྱུར་པ་ལས། མ་མོའི་དཀྱིལ་འཁོར་དབུས་གནས་པའི། །ལྷ་མོ་སྒྲོལ་མ་བསྒོམ་པར་བྱའོ། །ཞལ་བཞི་མ་ལ་ཕྱག་བརྒྱད་མ། ། [280a.3]རྒྱན་རྣམས་ཀུན་གྱིས་བརྒྱན་པ་ཡི། །གསེར་གྱི་མདོག་ཅན་བསྒོམ་པར་བྱ། །གཞོན་ནུ་མ་ཡི་མཚན་ཉིད་འབར། །སྣ་ཚོགས་པདྨར་མཉམ་གནས་པའི། །ཟླ་བའི་གདན་ལ་ཡང་དག་བཞུགས། །སེར་དང་དཀར་དང་དམར་དང་གནག །གཡས་སྐོར་གྱི་ནི་ཞལ་བཞིའོ། །སྤྱན་གསུམ་ [280a.4]རྡོ་རྗེ་སྐྱིལ་ཀྲུང་གནས། །འོད་དམར་སངས་རྒྱས་བཞིས་དབུ་བརྒྱན། །རྡོ་རྗེ་མདའ་དུང་མཆོག་སྦྱིན་ནི། །གཡས་པའི་ཕྱག་ན་བསྣམས་པའོ། །ཨུཏྤལ་གཞུ་དང་རྡོ་རྗེ་ལྕགས་ཀྱུ་ཞགས། །སྡིགས་མཛུབ་གཡོན་པའི་ཕྱག་ན་འཕྱར་བའོ། །རྡོ་རྗེ་སྐྱིལ་ཀྲུང་རྣལ་འབྱོར་གྱིས། །ས་གསུམ་པོ་ཡང་ [280a.5]བསྒྲུབ་པར་བྱ། །དེ་མདུན་མེ་ཏོག་སྒྲོལ་མ་ནི། །མདོག་ནི་དཀར་ཞིང་ཡིད་འོང་མ། །ཨོཾ་ཡིག་ལས་ནི་ཡང་དག་རྫོགས། །མེ་ཏོག་སྣོད་ནི་ཕྱག་ན་བསྣམས། །ཞལ་གཅིག་ཕྱག་ནི་གཉིས་པ་སྟེ། །རྒྱན་རྣམས་ཀུན་གྱིས་རྣམ་བརྒྱན་པའོ། །ལྷོ་ཕྱོགས་བདུག་སྤོས་སྒྲོལ་མ་ནི། །གཟུགས་མཛེས་ [280a.6]མདོག་ནི་གནག་པ་སྟེ། །བདུག་སྤོས་སྣོད་ནི་ཕྱག་བསྣམས་ཤིང་། །རྒྱན་རྣམས་ཀུན་གྱིས་རྣམ་པར་བརྒྱན། །ནུབ་ཕྱོགས་མར་མེ་སྒྲོལ་མ་ཡང་། །མདོག་ནི་སེར་ཞིང་ཡིད་འཕྲོག་མ། །བཟང་པོ་མར་མེའི་སྣོད་བསྣམས་ཤིང་། །གསེར་གྱི་རྣ་ཆ་རབ་ཏུ་གཡོ། །བྱང་ཕྱོགས་དྲི་ཡི་སྒྲོལ་ [280a.7]མ་ནི། །དྲི་ཡི་དུང་ཆོས་ཕྱག་ན་བསྣམས། །ལྷ་མོ་མདོག་ནི་དམར་འདྲ་བ། །སྙིང་པོའི་དཀྱིལ་འཁོར་ལ་བསྒོམ་བྱའོ། །འདི་ཀུན་ཞལ་གཅིག་ཕྱག་གཉིས་མ། །རྒྱན་རྣམས་ཀུན་གྱིས་རྣམ་པར་བརྒྱན། །རྡོ་རྗེ་སྐྱིལ་མོ་ཀྲུང་གིས་ནི། །ལྷ་མོ་དྲུག་པོ་འདི་ཀུན་བཞུགས། །ཅུང་ཟད་ཞལ་ [280b] [280b.1]ནི་གཙིགས་པ་སྟེ། །འགྱིང་བག་བཅས་པས་ཡང་དག་གནས། །འདི་ལྟར་དཀྱིལ་འཁོར་ཀུན་བསམས་ལ། །རང་གི་སྙིང་གའི་ས་བོན་གྱི། །འོད་ཀྱིས་ཡེ་ཤེས་སྤྱན་དྲངས་ཏེ། །ཛཿ་ཧཱུཾ་བཾ་ཧོཿའི་སྔགས་ཀྱིས་ནི། །དགུག་པ་ལ་སོགས་བྱ་བའོ། །ཤར་གྱི་སྒོ་རུ་བསམ་པ་ནི། །རྡོ་རྗེ་ལྕགས་ཀྱུ་འོད་ [280b.2]དཀར་མ། །ཕྱག་ན་རྡོ་རྗེ་ལྕགས་ཀྱུས་མཚན། །ཡིད་དུ་འོང་བའི་བདག་ཉིད་དོ། །ལྷོ་སྒོར་རྡོ་རྗེ་ཞགས་པ་མ། །གནག་ཅིང་ཤིན་ཏུ་འདོད་ལ་དགའ། །བཟང་པོའི་རྒྱན་གྱིས་བརྒྱན་པའི་ལུས། །རྡོ་རྗེ་ཞགས་པ་འཆང་བའི་མཆོག །རྡོ་རྗེ་ལྕགས་སྒྲོག་དམར་སེར་མ། །རྡོ་རྗེ་ལྕགས་ [280b.3]སྒྲོག་ཕྱག་བསྣམས་ཤིང་། །སྣ་ཚོགས་རྒྱན་གྱིས་བརྒྱན་པ་ནི། །ནུབ་ཀྱི་སྒོར་རུ་བསམ་པར་བྱ། །བྱང་སྒོར་རྡོ་རྗེ་དྲིལ་བསྣམས་མ། །མདོག་དམར་བཟང་པོ་ཡི་ནི་གཟུགས། །དགེ་ཞིང་བརྟན་པར་བལྟ་བར་བྱ། །སྟེང་དུ་གཙུག་ཏོར་རྣམ་རྒྱལ་མ། །གཟུགས་བཟང་མདོག་ནི་སེར་ [280b.4]བ་སྟེ། །བྱང་ཆུབ་འབྲས་བུ་སྦྱིན་བྱེད་པས། །དེ་ནས་སྔགས་པས་འཁོར་ལོ་འཆང་། །སྙིང་པོའི་དཀྱིལ་འཁོར་འོག་ཏུ་ནི། །དགེ་ཞིང་འོད་འབར་བ་ཡི་གཟུགས། །ཀླུ་ཡི་ཞགས་པ་ཕྱག་ན་བསྣམས། །ཞལ་གཅིག་ཕྱག་ནི་གཉིས་མ་སྟེ། །ཐམས་ཅད་མཁྱེན་པའི་ཡིད་འོང་མ། ། [280b.5]མདོག་གནག་རྣམ་པར་བསྒོམ་པར་བྱའོ། །ཡི་གེ་བཅུ་པ་འདི་ཡིས་ནི། །ལྷ་མོ་བཅུ་ནི་རྣམ་པར་སྤྲུལ། །ཕ་རོལ་ཕྱིན་བཅུ་དག་པ་སྟེ། །ཆོས་ཀུན་རབ་ཏུ་སྒྲུབ་པར་བྱེད། །དེ་ལ་ཡི་གེ་བཅུ་པ་ནི། །ཨོཾ་ཏཱ་རེ་ཏུ་ཏྟཱ་རེ་ཏུ་རེ་སྭཱ་ཧཱ། དེ་བཞིན་དུ་སྐུ་གསུང་ཐུགས་བྱིན་གྱིས་བརླབ་པ་དང་། དབང་བསྐུར་བ་ [280b.6]དང་། ཐིག་ལེ་དང་། ཕྲ་མོ་དང་། བཟླས་པ་ལ་སོགས་པ་བསྒོམ་པར་བྱའོ། །སངས་རྒྱས་ཀུན་གྱིས་ཕྱག་བྱས་པ། །སྔགས་མཆོག་འདི་ནི་གཙོ་བོ་སྟེ། །བཟང་པོ་བརྗོད་པས་འགྲུབ་པར་འགྱུར། །རྡོ་རྗེ་གུར་ལས་གསུངས་པའོ། །འདིར་སྔགས་འདི་ཉེ་བར་སྤྱོད་པ་ནི་སྔགས་འདི་ [280b.7]ཡིས་གོས་ཀྱི་ཐུ་བ་བཟུང་སྟེ། ལན་བདུན་བསྔགས་ལ་མདུད་བ་བྱ་སྟེ། འཇིགས་པ་དང་བཅས་པའི་ས་གང་དུ་འགྲོ་ཡང་འཇིགས་པར་མི་འགྱུར་རོ། །སྟག་དང་རྐུན་མ་དང་ཆུ་སྲིན་དང་སེང་གེ་དང་སྦྲུལ་དང་གླང་པོ་ཆེ་དང་མ་ཧེ་དང་དྲེད་དང་བ་ལང་ལ་སོགས་པས་ཀྱང་གནོད་པ་བྱེད་མི་ནུས་སོ། ། [281a] [281a.1]དེ་བཞིན་དུ་སྔགས་འདིས་ཨུཏྤལ་ལན་བརྒྱ་རྩ་བརྒྱད་སྦྱིན་སྲེག་བྱས་ན་གང་འདོད་པ་དེ་དབང་དུ་འགྱུར་རོ། །ཨོཾ་ཏཱ་རེ་ཏུ་ཏྟཱ་རེ་ཏུ་རེ་ཨ་མུ་ཀཾ་མེ་བ་ཤ་མ་ནཱ་ཡ་སྭཱ་ཧཱ། དེ་བཞིན་དུ་སྔགས་འདིས་ཁྭའི་སྒྲོ་ལ་ལན་སུམ་ཅུ་རྩ་གཉིས་བཟླས་ནས་དགྲ་བོའི་ཁང་པར་སྦས་ན། དེ་ཞག་བདུན་ [281a.2]གྱིས་སྐྲོད་པར་འགྱུར་རོ། །ཨོཾ་ཏཱ་རེ་ཏུ་ཏྟཱ་རེ་ཏུ་རེ་ཙ་ལ་པྲ་ཙ་ལ་ཤཱི་གྷྲཾ་གཱ་མི་ནི་དེ་བ་དཏྟ་ཡ་ཨུཙྪ་ཊ་ཡ་ཧཱུཾ་ཕཊ། ཅེས་པ་ནི་བསྐྲད་པའི་ཆོ་གའོ།། །།དེ་བཞིན་དུ་སྦྱོར་བ་གཞན་ཡང་ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀཾ་ཨ་བྷི་ནཾ་ཀུ་མ་རི་མ་གྱ་མུ་དྲ་ཐ་ཧེ་ན་ཧ་སྱེཿ་པི་ཏ་པ་རཱ་ཡཙྪ་རུ་སྭཱ་ཧཱ། མྱོས་བྱེད་གཏུམ་ [281a.3]པོའི་ས་བོན་དང་། །དེ་བཞིན་སྨྱོ་བྱེད་འབྲས་བུ་དང་། །མྱ་ངན་མེད་ཀྱི་མེ་ཏོག་ལ། །སྟོང་ཕྲག་ལྔ་ནི་སྦྱིན་སྲེག་བྱ། །མར་དང་སྦྲང་རྩི་བུ་རམ་གྱིས། །སྦྱིན་སྲེག་བུ་མོ་བསྒྲུབས་ལ་བསྔགས། །དེ་ནས་ཞག་བདུན་སྦྱོར་བ་ཡིས། །རང་འདོད་བུ་མོ་ཐོབ་པར་འགྱུར། །དེ་ནས་སྦྱོར་བ་གཞན་ཡང་ཨོཾ་ཏཱ་ [281a.4]རེ་ཏུ་ཏྟཱ་རེ་ཏུ་རེ་ཨ་མུ་ཀཾ་ཨ་མུ་ཀཱ་ཨ་བྷི་དྷཱ་ནཱཾ་སྭ་ན་ཏ་ཨཱ་ཀཪྵ་ཡཱ་མ་མ་ཨནྟི་ཀེ་ཛཿ་ཞེས་བྱ་བའི་སྔགས་འདིས་རྒྱ་ཤུག་གི་ཚེར་མ་ལ་སྟོང་ཕྲག་ལྔ་རང་བྱུང་གི་མེ་ཏོག་ལ་བསྣུགས་ཤིང་སྦྱིན་སྲེག་བྱས་ན་འདིས་ནི་རྒྱལ་པོའི་བུ་མོ་ཡང་འགུགས་པར་བྱེད་དོ། །དེ་ནས་གཞན་ཡང་སྦྱོར་བ་འདི་ཡིན་ཏེ། [281a.5]རང་བྱུང་གི་མེ་ཏོག་གིས་བསྐུས་པའི་རས་ལ་བཅོམ་ལྡན་འདས་ཞལ་གཅིག་ཕྱག་གཉིས་མ། ལྕགས་ཀྱུ་དང་ཨུཏྤལའི་ཞགས་པ་ཕྱག་ན་བསྣམས་པ་བྲིས་ལ། དེའི་མདུན་དུ་ལྷ་རྫས་བཟང་པོ་འདི་ཞེས་བྱ་བ་ལ་སོགས་པས་མཆོད་པ་བྱས་ལ་བཅོམ་ལྡན་འདས་ལ་བཟླས་པ་བྱའོ། །ཨོཾ་ [281a.6]ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀི་མི་པ་སིང་ཧཾ་སྭ་པ་ནཾ་ཀ་ཐ་ཨ་ཧཱུཾ་ཕཊ། སྟོང་ཕྲག་ལྔ་བཟླས་པས་འོང་བར་འགྱུར་རོ། །ཞགས་པས་སྐེ་ནས་བཅིངས་ཏེ། ལྕགས་ཀྱུས་ཕུག་ལ་རྐང་པ་གཉིས་ནས་ཨུཏྤལ་ཡིས་བཅིངས་ལ། བསྒྲུབ་བྱ་ཀུན་ཏུ་བཀུག་སྟེ། རྐང་པའི་འོག་ཏུ་བསམས་ལ། བྲན་མོའི་ [281a.7]གཟུགས་ཀྱིས་ལོངས་སྤྱད་པར་བྱའོ། །དེ་ནས་སྦྱོར་བ་གཞན་ཡང་སྒྲོལ་མའི་གཟུངས་ཀྱིས་ལན་བདུན་བསྔགས་ཏེ། བདག་ཉིད་ཀྱི་མིག་གཉིས་ལ་བྱུགས་ལ། རྒྱལ་པོའི་རིགས་ཀྱི་ནང་དུ་ཞུགས་ན་རྒྱལ་པོ་དང་བཅས་པས་བླ་མར་བྱེད་དོ། །དབང་དུ་བྱེད་པར་འགྱུར་རོ། །དེ་ནས་གཞན་ [281b] [281b.1]ཡང་སྦྱོར་བ་ནི་སྒྲོལ་མའི་གཟུངས་ཀྱིས་བརྒྱ་རྩ་བརྒྱད་བརྗོད་དོ། །སྦྲུལ་གྱི་རྒྱལ་པོ་མགོ་གཉིས་པའི་མགོ་ཐལ་བར་བྱས་ཏེ། བ་དམར་མོའི་མར་ལ་ཨརྐའི་སྤྲ་བའི་སྡོང་བུ་བྱས་ཏེ། མེ་སྦར་ལ་དུད་པ་བསག་པར་བྱའོ། །དུད་པ་དེ་དང་རྡོ་རྗེ་ཉི་མ་དང་། རྡོ་རྗེ་ཆོས་དང་བསྲེས་ཤིང་མཉེས་ལ་རྟ་མཆོག་ [281b.2]གིས་བདུག་པར་བྱའོ། །དེ་ནས་ཐལ་བ་དང་ལྷན་ཅིག་ཏུ་མིག་ལ་བསྐུས་ནས་གང་རྡོ་རྗེ་མིག་གིས་བལྟས་པ་དེའི་པདྨ་རཱ་ག་འཛག་པར་འགྱུར་རོ། །གལ་ཏེ་དེ་ལྟར་མ་གྱུར་ན་ནི་བདག་ཉིད་སྒྲོལ་མས་སངས་རྒྱས་བཅོམ་ལྡན་འདས་ངེས་པར་སྤོང་བ་ཡིན་ནོ། །དེ་ནས་སྦྱོར་བ་གཞན་ཡང་ལྟོ་བའི་སྲིན་བུ་ལ་ [281b.3]གཟུངས་ཀྱིས་ལན་བདུན་བཟླས་ལ་རྡོ་རྗེ་ཆོས་དང་ལྷན་ཅིག་ཏུ་བྱས་ལ་སག་རྩི་དང་སྦྱར་ལ་སྦྱིན་ནོ། །དེ་ལོངས་སྤྱད་ན་ཆོ་ག་མཆོག་འདིས་རང་གི་ཆུང་མ་བཞིན་དུ་གཏོང་བར་མི་འགྱུར་རོ། །དེ་ནས་སྦྱོར་བ་གཞན་ཡང་སོ་མ་བརྗེས་པའི་བུ་ཆུང་གི་ལྕེ་བླངས་ལ་སྒྲོལ་མའི་གཟུངས་ཀྱིས་ལན་བདུན་བསྔགས་ [281b.4]ལ། །བྷྲྀངྒ་རཱ་ཛ་དང་གི་ཝང་གཅིག་ཏུ་བྱས་ཏེ་དཔྲལ་བར་ཐིག་ལེ་བྱས་ལ་དེ་གང་ལ་བསྟན་པ་དེ་དབང་དུ་འགྱུར་རོ། །སྦྱོར་བ་གཞན་ཡང་ཞག་ཆེན་པོས་རང་གི་ལུས་ལ་བྱུགས་ཏེ་བསྒོམ་པ་དང་ལྡན་པས་སྒྲོལ་མའི་གཟུངས་ཁྲི་ཚོ་གཅིག་བཟླས་པར་བྱའོ། །བཟླས་པའི་མཐར་འབྲས་སཱ་ལུའི་ཟན་གྱིས་ [281b.5]དྲིལ་ཕྱིས་བྱས་ལ་དེ་གང་ལ་བྱིན་པ་དེ་ཇི་སྲིད་འཚོའི་བར་དུ་དབང་དུ་འགྱུར་རོ། །སྦྱོར་བ་གཞན་ཡང་ཟླ་བ་གཟས་ཟིན་པའི་དུས་སུ་སྒྲོལ་མའི་གཟུངས་བཟླས་ཤིང་སྔོན་དུ་བསྙེན་པ་བྱས་ལ་དེ་ལས་བྱུང་བའི་སྤྱན་རས་གཟིགས་ཀྱི་དབང་ཕྱུག་ཏུ་དུ་ང་གི་ཕྱེ་མས་དགང་བར་བྱའོ། །དེ་གང་ལ་བྱིན་པ་དེ་ཇི་ [281b.6]སྲིད་འཚོའི་བར་དུ་རྗེས་སུ་འཇུག་པར་འགྱུར་རོ། །སྦྱོར་བ་གཞན་ཡང་སྒྲོལ་མའི་གཟུངས་སྨྱོ་བྱེད་ཀྱི་འབྲས་བུ་ལ་ལན་བརྒྱ་རྩ་བརྒྱད་བསྔགས་ཏེ། འབྲས་བུ་དེ་དང་རྟ་མགྲིན་དང་ལྷན་ཅིག་ཏུ་གང་ལ་བྱིན་པ་དེ་དབང་དུ་འགྱུར་རོ། །སྦྱོར་བ་གཞན་ནི་ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀ་ས་བནྡྷ་ན་མུ་ཀྟི་ཀུ་རུ་སྭཱ་ཧཱ། སྔགས་ [281b.7]འདིས་ཨརྐའི་འདབ་མ་ལ་བསྒྲུབ་བྱའི་མིང་བར་དུ་བཅུག་སྟེ་བྲིས་ལ་སྲིན་བུ་ཀ་ཀ་རུའི་ཁུང་བུར་སྦས་ན་བཅིངས་པ་ལས་གྲོལ་བར་འགྱུར་རོ། །རྡོ་རྗེ་སྒྲོལ་མའི་སྒྲུབ་ཐབས་རྫོགས་སོ། {T1327}༄༅༅། །རྒྱ་གར་སྐད་དུ། ཤྲཱི་བཛྲི་ཏཱ་རེ་སཱ་དྷ་ནཾ། བོད་སྐད་དུ། དཔལ་རྡོ་རྗེ་སྒྲོལ་མའི་ [282a] [282a.1]སྒྲུབ་ཐབས། དཔལ་རྡོ་རྗེ་སྒྲོལ་མ་ལ་ཕྱག་འཚལ་ལོ། །ཚངས་སོགས་འཇིག་རྟེན་མཐུ་ཆེན་གཙུག་གི་ནོར་བུ་དང་། །ས་བཅུའི་རྒྱལ་སྲས་དབང་ཐོབ་གཞོན་ནུའི་ཅོད་པན་གྱིས། །ཞབས་པད་ལ་གཏུགས་མ་ལུས་ཕོངས་ལས་སྒྲོལ་མཛད་ཡུམ། །དཔལ་ལྡན་ཡེ་ཤེས་ [282a.2]ལྷ་མོ་རྒྱལ་རྒྱུར་ཅིག །འཇིག་རྟེན་དབང་ཕྱུག་དཔལ་ལྡན་མ། །རྟེན་ཅིང་འབྲེལ་འབྱུང་སྟོང་ཉིད་སྐྱེས། །འགྲོ་སྐྱོབ་མ་དེའི་སྒྲུབ་ཐབས་བྲི། །རེ་ཞིག་སྒྲུབ་པ་པོ་འཕགས་མ་སྒྲོལ་མ་ཆེན་མོ་ལ་དད་པ་ཐོབ་པས། ནགས་ཚལ་དང་ཕུག་དང་དུར་ཁྲོད་ལ་སོགས་པར་དབེན་པའི་ཡིད་ཀྱིས་སྙིང་ [282a.3]རྗེའི་སྟན་ལ་འདུག་ལ། དང་པོ་ཁོ་ནར་ཆོས་ཐམས་ཅད་རྟེན་ཅིང་འབྲེལ་པར་འབྱུང་བའི་རང་བཞིན་སྐྱེ་བ་མེད་པར་བསྒོམ་པར་བྱའོ། །དེ་ནས་སྙིང་རྗེ་ཆེན་པོས་བསྐུལ་ཏེ། པཾ་ལས་པདྨ་ཨ་ལས་ཟླ་བའི་སྟེང་དུ་དབྱངས་དང་གསལ་བྱེད་ཀྱིས་རྣམ་པར་བརྒྱན་པའི་རང་གི་རྣམ་པར་མི་རྟོག་པའི་བདག་ [282a.4]ཉིད་ཏཱཾ་ལྗང་གུར་བསྒོམ་མོ། །དེ་ལས་འོད་འཕྲོས་པས་ཕྱོགས་བཅུའི་སེམས་ཅན་ཐམས་ཅད་ཀྱི་གདུང་བཞི་བར་བྱས་ནས་བྱམས་པ་དང་སྙིང་རྗེ་དང་དགའ་བ་དང་བཏང་སྙོམས་ལ་བཞག་སྟེ། སླར་འདུས་པས་ཏཱཾ་ལ་ཐིམ་པར་བལྟའོ། །དེ་མ་ཐག་ཏུ་དཔལ་རྡོ་རྗེ་སྒྲོལ་མ་ཆེན་མོ་སྐུ་མདོག་ [282a.5]ལྗང་གུའམ་ཨིནྟྲ་བཅག་པའམ་སྟོན་གྱི་ནམ་མཁའ་དྲི་མ་མེད་པ་ལྟ་བུ། ལང་ཚོ་ལ་བབ་པའི་ཆ་ལུགས། སྒེག་ཅིང་ཞི་ལ་ཡིད་དུ་འོང་བ་དཔེ་མེད་པ་བསམས་ཏེ། སྐྱིལ་ཀྲུང་ཕྱེད་པས་བརྟན་པའི་སྐུ་འགྱིང་མ། ཕྱག་གཡས་མཆོག་སྦྱིན་མ། གཡོན་པས་ཨུཏྤལ་སྔོན་པོ་རྒྱས་པའི་སྡོང་བུ་ཐུགས་ [282a.6]ཀར་འཛིན་པ། ཅོད་པན་ལ་སོགས་པ་རིན་པོ་ཆེ་རྣམ་པ་དུ་མ་འོད་འབར་བས་ཉེ་བར་མཛེས་ཤིང་། རང་བཞིན་གྱི་འོད་ཀྱི་དཀྱིལ་འཁོར་ཁོར་ཡུག་འདོམ་གསུམ་མངའ་བ། ཞལ་འཛུམ་པའི་ཆ་བྱད་བལྟ་བས་མི་ངོམས་པ། སྤྱན་མངའ་ཞིང་ཐམས་ཅད་གཟིགས་པའི་བདག་ཉིད་མ། ནུ་མ་ [282a.7]འབུར་ཞིང་རྐེད་པ་རྣམ་པར་ཕྲ་བ་ལ་བརླ་རབ་ཏུ་རྒྱས་མ། ཚོན་བརྒྱ་རྩ་གཅིག་གིས་སྤྲས་པའི་ན་བཟའ་ཤམ་ཐབས་ཅན། རིན་པོ་ཆེའི་མེ་ཏོག་དང་རྡོ་རྗེའི་ཕྲེང་བ་དོ་ཤལ་བརྒྱུས་པའོ། །དེ་ནས་ཐུགས་ཀར་ཉིད་ཀྱི་ས་བོན་གྱི་ཡི་གེ་བལྟས་ནས། དེའི་འོད་ཟེར་གྱིས་ཡེ་ཤེས་ཀྱི་འཕགས་མ་ [282b] [282b.1]བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས་ཏེ། ཕྱག་འཚལ་བ་དང་། ཇི་སྙེད་འབྱོར་བ་དང་བློས་སྤྲུལ་པའི་མཆོད་པས་མཆོད་ལ། སྡིག་པ་བཤགས་པ་ལ་སོགས་པ་བྱ་སྟེ་དངོས་གྲུབ་བླངས་ནས་རོ་གཅིག་ཏུ་གཞུག་པར་བྱའོ། །དེའི་རྗེས་ལ་སྙིང་པོ་ཅན་གྱི་མཐར་སྔགས་འདི་ [282b.2]དང་། གཟུངས་འདི་ཉེ་བར་བཀོད་ལ་རྩེ་གཅིག་ཏུ་བཟླས་སོ། །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ན་མོ་རཏྣ་ཏྲ་ཡཱ་ཡ། ན་མཿ་ཨཱརྱཱ་ཝ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུ་ཥྚཱཾ། པྲ་དུཥྚཱཾ། མ་མ་ཀྲྀ་ཏེ། ཛཾ་བྷཱ་ཡ། སྟྲཾ་བྷཱཾ་ཡ། མོ་ [282b.3]ཧཱ་ཡ། བནྡྷཱ་ཡ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། སརྦ་དུཥྚ་སྟཾ་བྷ་ནི་ཏཱ་རེ་སྭཱ་ཧཱ། སྙིང་པོའི་སྔགས་ལ་ནི་འབུམ་ཕྲག་བཅུ་བསྙེན་ཞིང་། གཟུངས་སྔགས་ལ་ནི་འབུམ་ཕྲག་གཅིག་གམ་གསུམ་ལ་སོགས་པ་ཅི་རིགས་པར་ཤེས་པར་བྱའོ། །དེ་ནས་ལས་ལ་སྦྱར་བ་ཡང་དེ་ཉིད་དོ། །སྟོབས་བསྐྱེད་པའི་ཕྱིར་ [282b.4]གཏོར་མ་སྦྱིན་པ་ནི། བཅོམ་ལྡན་འདས་མའི་ང་རྒྱལ་ལ་གནས་པས། ཨུཏྤལས་མཚན་པའི་སྣོད་དུ་བཟའ་བ་བཟང་པོ་དང་ཚོད་མ་དང་བཅས་པ་སྦྱར་ཏེ། བགེགས་བསལ་ཞིང་ཡི་གེ་བཞིས་དྲི་མ་བསང་བ་དང་། བདུད་རྩིར་བསྒྱུར་བ་དང་། སྤེལ་བ་དང་། མངོན་པར་དགྱེས་ [282b.5]པའི་རྒྱུར་ལན་གསུམ་དུ་བྱིན་གྱིས་བརླབས་ལ། པདྨ་ཁ་ཕྱེ་བའི་ཕྱག་རྒྱས་དབུལ་བར་བྱའོ། །ཨོཾ་ཨ་ཀཱ་རོ་མུ་ཁཾ་སརྦ་དྷ་རྨྨཱཎཱཾ་དྱ་ནུཏྤ་ནྣ་ཏྭཱཏ་ཨོཾ་ཨཱཿ་ཧཱུཾ་ཏཱཾ་ཕཊ་སྭཱ་ཧཱ། ཨོཾ་ན་མཿ་སརྦ་བུདྡྷཱ་བོ་དྷི་སཏྭཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཾ། ཧེ་ཧེ་བྷག་ཝ་ཏི་བཛྲ་ཏཱ་ར་མ་ཧཱ་སཱ་ཧཱ། སརྦ་ [282b.6]བུདྡྷཱ་ཝ་ལོ་ཀི་ཏེ་ཨི་དཾ་བ་ལིཾ་གྲྀ་ཧཎ་ཨ་མྲཾ་ཏ་ཁཱ་ཧི་ཁཱ་ཧི། ཏིཥྛ་ཏྀཥྛ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། གརྫ་གརྫ། བི་སྤོ་ཊ་ཡ། བི་སྥོ་ཊ་ཡ། སརྦ་བིགྷྣན་བི་ནཱ་ཡ་ཀ །མ་ཧཱ་ག་ཎ་པ་ཏི་ཇྰྸི་ཝི་ཏཱནྟ་ཀ་རཱ་ཡ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། རྣམ་དག་རྡོ་རྗེ་སྒྲོལ་མ་ཆེ། ། [282b.7]སྐྱེ་བོ་དམན་ལ་ལྷ་མོའི་ཚུལ། །དེ་ཉིད་འོད་ཀྱི་རྣམ་པ་ལས། །རང་བཞིན་རྣམ་པ་གཞན་ཡོད་མིན། །ཁམས་གསུམ་འོད་ཀྱིས་བསྡུས་ནས་ནི། །དཔལ་མོ་ཉིད་ལ་མངོན་པར་ཐིམ། །སྐུ་ཡང་དབྱངས་དང་གསལ་བྱེད་མ། །དེ་ཡང་རྡོ་རྗེ་འཛིན་མ་ལའོ། །རིམ་གྱིས་ [283a] [283a.1]དེ་ཡང་ཐིག་ལེ་སྟེ། །ཐིག་ལེ་སྟོང་པ་ཡི་གེ་མེད། །དེ་ཉིད་སེམས་ཀྱི་མཚན་ཉིད་དེ། །རང་སེམས་གདོད་ནས་མ་སྐྱེས་པའོ། །དཔལ་ལྡན་ཡེ་ཤེས་སྒྲོལ་མའི་སྒྲུབ་ཐབས་ནི། །མཚན་མ་མཆོག་མཐོང་བླ་མ་ལས་ཐོབ་ཇི་བཞིན་དུ། །སྒྲུབ་པོ་རྣམས་ལ་ཕན་ [283a.2]ཕྱིར་བདག་གིས་བྲིས་པ་ཡིས། །འགྲོ་བ་མ་ལུས་མྱུར་དུ་འཕགས་མ་མཉེས་བྱེད་ཤོག། །དཔལ་ལྡན་རྡོ་རྗེ་སྒྲོལ་མའི་སྒྲུབ་ཐབས། སློབ་དཔོན་དགེ་བའི་མགོན་པོས་མཛད་པ་རྫོགས་སོ།། །།པཎྜི་ཏ་ཆེན་པོ་བུདྡྷ་ཤྲཱི་བྷ་དྲ་དང་། ལོཙཱ་བ་གནུ་བས་བྱམས་པ་དཔལ་གྱིས་ [283a.3]བསྒྱུར་བའོ།། {T1328}༄༅༅། །རྒྱ་གར་སྐད་དུ། ས་མ་ཧོ་མ་བི་དྷི་ནཱ་མ། བོད་སྐད་དུ། རོ་བསྲེག་པའི་ཆོ་ག་ཞེས་བྱ་བ། བཅོམ་ལྡན་འདས་རྡོ་རྗེ་མཁའ་འགྲོ་ལ་ཕྱག་འཚལ་ལོ། །རྡོ་རྗེ་གུར་ལས་གསུངས་པ་སྟེ། །རྡོ་རྗེ་དྲིལ་བུ་ལག་ཏུ་སྦྱིན། །དབུ་རྒྱན་མགོ་ལ་བཞག་ [283a.4]ནས་སུ། །རྡོ་རྗེ་སྡོམ་པ་སྔོན་བྱ་ཞིང་། །བུམ་པའི་དབང་ནི་བསྐུར་བར་བྱ། །མིག་སོགས་གཏི་མུག་ལ་སོགས་དང་། །རྡོ་རྗེ་གསུམ་ནི་གནས་གསུམ་དགོད། །རྡོ་རྗེ་ཐབ་ཁུང་སྦྱིན་པ་ཡིས། །ཡང་དག་འདུས་བྱས་མཉམ་པར་བརྩམ། །ཞག་བདུན་དག་ནི་ལོན་ནས་ནི། ། [283a.5]རུས་པའི་ཚོགས་ནི་ཉེ་བར་བསྡུ། །འོ་མ་དྲི་ཞིམ་ཆུས་བཀྲུས་ཏེ། །མཆོད་རྟེན་དག་ནི་རབ་ཏུ་བྱ། །དེ་ལ་འདིའི་དོན་དང་པོ་ཁྲུས་བྱས་ལ། དབུ་རྒྱན་དང་གོས་ལ་སོགས་པ་བྱིན་ཏེ། ཇི་ལྟ་བ་བཞིན་དུ་དཀྱིལ་འཁོར་བྲིས་ལ། དཀྱིལ་འཁོར་བསྒྲུབ་པ་ལ་སོགས་པ་བྱ་སྟེ། ཆུ་དང་། [283a.6]དབུ་རྒྱན་དང་། རྡོ་རྗེ་དང་། བདག་པོ་དང་། མིང་དང་། བུམ་པའི་དབང་བསྐུར་ཏེ། ཡི་དམ་ལྷའི་གཟུགས་སུ་བསྐྱེད་ལ། ཡེ་ཤེས་སེམས་དཔའ་གཞུག་པ་སྔོན་དུ་འགྲོ་བས། མིག་ལ་སོགས་པ་བྱིན་གྱིས་བརླབ་པ་ལ་སོགས་པ་བྱས་ལ། སྔགས་ཀྱི་ཕྲེང་བ་མང་པོ་ [283a.7]བཟླས་ཏེ། མཆོད་པ་དང་། བསྟོད་པ་དང་། བདུད་རྩི་མྱང་བ་བྱས་ནས་སྔགས་མང་པོ་བཟླས་ལ། ཇི་ལྟ་བ་བཞིན་གྱི་མེ་ཐབ་ཏུ་མེ་ལྷ་བསྐྱེད་ལ། དེའི་སྙིང་གར་རྡོ་རྗེ་སེམས་དཔའམ། ཡི་དམ་ལྷའི་འཁོར་ལོ་དང་བཅས་པ་ལ། རོའི་ཡེ་ཤེས་སེམས་དཔའ་ [283b] [283b.1]གཤེགས་སུ་གསོལ། དེའི་དམ་ཚིག་སེམས་དཔའ་འཁོར་དང་བཅས་པའི་འཁོར་ལོ་དང་རོ་གཅིག་ཏུ་ལྷག་པར་མོས་ལ། ཡང་དག་པར་འདུས་བྱས་སོ་ཞེས་བྱ་བའི་དོན་ཏོ། །གལ་ཏེ་དེ་ལྟར་མ་བྱས་ན་མཆོད་རྟེན་གཞིག་པའི་ཉེས་པར་འགྱུར་རོ། །དམ་ཚིག་དང་ལྡན་པ་ [283b.2]རྣམས་ཀྱིས་རོ་བསྲེག་པའི་ཆོ་ག །རྡོ་རྗེ་གུར་ནས་གསུངས་པ་རྫོགས་སོ།། །།རྒྱ་གར་གྱི་མཁན་པོ་སློབ་དཔོན་ཨ་ཝ་དྷཱུ་ཏཱི་པ་དང་། བོད་ཀྱི་ལོ་ཙཱ་བ་དགེ་སློང་བ་རིས་བསྒྱུར་ཅིང་ཞུས་པའོ།། །།བློ་གྲོས་ཆེན་པོས་མཛད་གསུང་། བདུན་ཚིགས་ནི་ཞག་བདུན་བདུན་ཞིང་ [283b.3]ཁྲུས་བྱའོ། །སློབ་མས་སློབ་དཔོན་བསྲེག་ཏུ་མི་རུང་། གལ་ཏེ་གཞན་མེད་ན་དེ་བཞིན་གཤེགས་པ་ཐམས་ཅད་ཀྱིས་བསྲེགས་པར་བསམ་མོ། །རུས་པ་ལ་ཁྲུས་བྱེད་ན། རང་ཉིད་ཡི་དམ་ལྷར་བསྐྱེད་ལ། རང་གི་སྙིང་ག་ནས་འོད་འཕྲོས་པས། ཡེ་ཤེས་པ་བཀུག་ལ་རུས་པ་ལ་གཞུག་ [283b.4]ཡང་སྙིང་ག་ནས་འོད་ཟེར་གྱིས་ལྷ་མོའི་ཚོགས་ནམ་མཁའ་ལ་བལྟས་ལ། དེ་རྣམས་ཀྱིས་བུམ་པ་བཟུང་ནས་ཁྲུས་བྱས་པར་བསམ་མོ། །ཇི་ལྟར་བལྟམས་པ་ཞེས་བྱ་བ་ལ་སོགས་པའི་སྔགས་དང་བཅས་པ་བརྗོད་ཅིང་ཁྲུས་བྱའོ། །དབང་བསྐུར་ནས་རོ་ཁྲུས་བྱ། [283b.5]ལྷར་བསྐྱེད་ལ་ཡེ་ཤེས་པ་གཞུག །དེ་ལ་དབང་བསྐུར་དེ་དུས་རང་གིས་ཚིག་བཤད་བརྗོད། དེ་ཡང་དེའི་སློབ་མ་སྙིང་ཉེ་བས་བྱའོ། །རུས་པ་དེ་བུམ་ཆུས་ཞག་བདུན་ལ་ཉི་མ་རེ་རེ་ལ་ཁྲུས་འཁོར་གསུམ་གསུམ་དུ་བདུན་ཕྲག་བདུན་དུ་བྱའོ། །ཡི་གེ་བརྒྱ་པ་བཟླས་ [283b.6]ཤིང་བྱ་གསུངས།། {T1329}༄༅༅། །རྒྱ་གར་སྐད་དུ། ཥྨ་ཤཱ་ནེཥྚ། བོད་སྐད་དུ། རོ་བསྲེག་བྱ་བ། བཅོམ་ལྡན་འདས་འཇིག་རྟེན་དབང་ཕྱུག་ལ་ཕྱག་འཚལ་ལོ། །མངོན་སུམ་རྡོ་རྗེ་འཛིན་མཛད་པ། །རྡོ་རྗེ་སློབ་དཔོན་ཕྱག་འཚལ་ནས། །དེ་ཡི་ཡོངས་ [283b.7]སུ་བོར་བའི་རོ། །འདུས་བྱས་ཆོ་ག་བཤད་པར་བྱ། །སངས་རྒྱས་བྱང་ཆུབ་སེམས་དཔའ་ཡིས། །མ་ཤེས་པར་ནི་བསྲེགས་གྱུར་ན། །མཆོད་རྟེན་བཤིག་པ་ལྟ་བུར་འགྱུར། །གང་ཡང་བསོད་ནམས་མ་ཡིན་ཞེས། །མཁས་པ་རྣམས་ཀྱིས་བརྒྱུད་ [284a] [284a.1]རིམ་བཞིན། །དེ་རྣམས་ལེགས་པར་འདུས་བྱ་སྟེ། །གཞན་དུ་ན་ནི་དམྱལ་བར་ལྟུང་། །རྡོ་རྗེ་སློབ་དཔོན་འགའ་ཞིག་ནི། །ཤི་སྟེ་རོ་རུ་གྱུར་ནས་ཀྱང་། །མཆོད་པ་ཡང་དག་སྔོན་འགྲོ་འདི། །དུར་ཁྲོད་དུ་ནི་གཞུག་པར་བྱ། །དེ་ནས་གནས་པའི་ས་ཡི་ནི། །དག་ [284a.2]བྱེད་སྔགས་ཀྱིས་འདུས་བྱས་ཏེ། །སླར་ཡང་ཆོ་ག་བཞིན་བསྒྲུབ་པ། །དཀྱིལ་འཁོར་ཡང་དག་བྲི་བར་བྱ། །དེ་ཡི་གཙོ་བོ་དེ་ཉིད་ཀྱིས། །དབང་བསྐུར་ལྔ་ནི་སྦྱིན་པར་བྱ། །རྡོ་རྗེ་སློབ་དཔོན་དབང་བསྐུར་ཡང་། །ཕྱི་ནས་ཆོ་ག་མཁས་པས་སྦྱིན། །མེ་ཏོག་སྤོས་ལ་སོགས་ [284a.3]པས་མཆོད། །ཡང་དག་མཆོད་ནས་བསྟོད་པར་བྱ། །མི་བསྐྱོད་པ་ནི་ཡེ་ཤེས་ཆེ། །རྡོ་རྗེ་དབྱིངས་ནི་ཞེས་བྱ་བ་ལ་སོགས་པའི་ཚུལ་གྱིས་སོ། །དེ་ལྟར་མཆོད་ཅིང་བསྟོད་ནས་ཀྱང་། །བཛྲ་མུཿ་ཞེས་རབ་བརྗོད་དེ། །འགྲོ་བའི་བླ་མ་རང་གནས་སུ། །གཤེགས་སུ་གསོལ་ [284a.4]བར་བསམ་པར་བྱ། །ཇི་སྐད་གསུངས་པའི་མཚན་ཉིད་ལྡན། །ཞི་བ་ལ་སོགས་ཡང་ན་ནི། །ལས་ཀུན་བྱེད་པའི་ཐབ་ཁུང་དུ། །ལྟེ་བར་བགེགས་དགྲའི་མཚན་མའི་རྣལ་འབྱོར་པ། །སྔགས་ཀྱིས་སྦར་བའི་མེ་ནང་དུ། །མཐེའུ་ཆུང་ཁྲུ་གང་ཚད་ཀྱི་ཤིང་། །དབུལ་ཞིང་ [284a.5]མར་དཀར་བླུགས་པར་བྱ། །དེ་ལ་འདི་ནི་མེ་སྦར་བའི་སྔགས་སོ། །ཨོཾ་ཛྭཱ་ལ་ཛྭཱ་ལ་ཧཱུཾ། ཀུ་ཤ་ཤར་ཕྱོགས་རྩེ་བསྟན་ནས། །ཧཱུཾ་བཟླས་གཡས་སྐོར་ཉིད་དུ་དགྲམ། །དེ་བཞིན་དུ་ནི་སྔར་གྱི་མེ། །ཐབ་ཁུང་ཀུ་ཤ་དབུལ་བར་བྱ། །ཐབ་ཁུང་བདག་མེད་པར་དམིགས་ལ། ། [284a.6]རཾ་སྐྱེས་ཞི་བ་བསམ་པར་བྱ། །དཀར་པོ་ཞལ་རས་དཀར་བ་དང་། །གཡས་གཡོན་སྔོ་དང་དམར་བའོ། །སྦོམ་ཐུང་རལ་བའི་ཅོད་པ་ཅན། །གཡོན་པ་སྤྱི་བླུགས་བེ་ཅོན་བསྣམས། །གཡས་ཀྱིས་མི་འཇིགས་བགྲང་ཕྲེང་འཛིན། །པདྨ་ར་སྐྱེས་མེ་དཀྱིལ་དུ། །མེ་ལྷ་ [284a.7]བཞུགས་པར་བལྟས་ནས་ཀྱང་། །ཡེ་ཤེས་མེ་ལྷ་སྤྱན་དྲང་བྱ། །དེ་ལ་འདི་ནི་མེ་ལྷ་སྤྱན་དྲང་བའི་སྔགས་སོ། །ཨོཾ་ཨེ་ཧྱེ་ཧི་མ་ཧཱ་བྷཱུ་ཏ་དེ་བ་རྀ་ཥི་དྭི་ཛ་ས་ཏ་མ། གྲྀ་ཧི་ཧྭཱ་གུ་ཏི་མ་ཧཱ་ར་ཨསྨིཾ་སནྣི་ཧི་ཏོ་བྷ་བཱ། ཛཿ་ཧཱུཾ་བཾ་ཧོཿ་ཞེས་བརྗོད་པས། སྤྱན་དྲངས་ལ་སོགས་རིམ་ཉིད་ [284b] [284b.1]ཀྱིས། །མཆོད་ཡོན་ཞལ་བསིལ་སོགས་ཕུལ་ནས། །གཅིག་ཉིད་དམ་ཚིག་ལ་གཞུག་གོ། །ལྷ་ཡི་སྐུ་རུ་འཁྲུངས་པ་ཡི། །མེ་ལྷའི་ལྕེ་ལ་རཾ་བཀོད་དེ། །དགང་བླུགས་ཕུལ་ཏེ་ཕྱི་ནས་ནི། །མཁས་པས་གསང་སྔགས་འདི་བསྔགས་སོ། །དེ་ལ་འདི་ནི་སྔགས་སོ། །ཨོཾ་ཨགྣ་ [284b.2]ཡེ་ཨཱ་དཱི་པྱ་ཨཱ་དཱི་པྱ་ཨ་བི་ཥ་མ་ཧཱ་ཤྲི་ཡེ་ཧ་བྱ་ཀ་བྱ་བཱ་ཧ་ནཱ་ཡ་སྭཱ་ཧཱ། བསང་གཏོར་འཐོར་འཐུང་ཕུལ་ནས་ཀྱང་། །མེ་ཏོག་ལ་སོགས་མཆོད་པར་བྱ། །བདག་ཉིད་འདོད་པའི་ལྷ་ཡི་སྐུ། །མེ་ཡི་ཐུགས་ཀར་བསྒོམ་པར་བྱ། །མཆོད་པ་དམ་པ་སྔོན་འགྲོ་བ། །ཡོན་ཆབ་ཞབས་ [284b.3]བསེལ་ལ་སོགས་དབུལ། །དེ་ཕྱིར་མར་གྱི་དགང་བླུགས་རྣམས། །བདུད་རྩིར་བསམས་ནས་དབུལ་བར་བྱ། །ཤི་བའི་རོ་ལ་དྲི་ཞིམ་ཆུས། །ཁྲུས་གསོལ་མར་གྱིས་བྱུགས་པ་ནི། །ནྱ་གྲོ་དྷ་སོགས་ཡམ་ཤིང་ལ། །སྔགས་འདི་བརྗོད་ཅིང་བསྲེག་པར་བྱ། །ཨོཾ་ཨཱཿ་བཛྲ་ས་ [284b.4]ཏྭ་ཨ་མུ་ཀཾ་བཛྲ་ཙརྱ་སུ་ཁཱ་བ་ཏི་པྲ་པཱ་ཡ་སྭཱ་ཧཱ། ཞེས་པའི་སྔགས་སོ། །འཐོར་འཐུང་ན་བཟའ་སེར་པོ་དང་། །སོ་རྩི་འདག་རྫས་བྱེད་པ་དབུལ། །དྲིལ་བུ་རབ་ཏུ་དཀྲོལ་ནས་སུ། །བསྟོད་པ་དང་ནི་མཆོད་པ་བྱ། །དེ་ནས་སྔགས་པ་མཉམ་གཞག་པས། །ཐུགས་ཀར་མེ་ཏོག་ཐལ་ [284b.5]སྦྱར་ཏེ། །དམར་སོགས་སྐྱོན་རྣམས་ཞི་བའི་ཕྱིར། །བཟོད་པར་གསོལ་ཞེས་ཡང་དག་བརྗོད། །གང་ཡང་བདག་བློ་གཏི་མུག་པས། །ལྷག་པ་མ་ཚང་གང་བྱས་པ། །གང་ཡང་ལུས་ཅན་སྐྱབས་གྱུར་པའི། །དཔལ་ལྡན་དེ་ཉིད་ཀྱིས་བཟོད་མཛོད། །གུས་པས་བཟོད་པ་ [284b.6]གསོལ་བའི་མཐར། །རང་གི་གནང་བ་བསྒོམ་པར་བྱ། །ཡི་གེ་བརྒྱ་པ་བརྗོད་ནས་ཀྱང་། །མེ་ལྷ་མངའ་བདག་གཤེགས་སུ་གསོལ། །ཉི་མ་དེ་ཡང་གཉིས་པ་ལ། །འོ་མས་མེ་ལ་བླུགས་བྱས་ནས། །འབད་པས་རུས་བུ་ཀུན་བཏུས་ཏེ། །གཙང་མའི་སྣོད་དུ་བཅངས་ [284b.7]བྱས་ནས། །དེ་ནས་རུས་བུ་བཏུས་པ་རྣམས། །མཁས་པས་བ་ཡི་འོ་མས་བཀྲུ། །འཇིམ་པ་བསྲེས་ནས་སཱ་ཙྪ་གདབ། །སྙིང་པོ་མཆོད་རྟེན་བརྩིག་པར་བྱ། །དེ་ལ་སྐུ་གདུང་རྒྱལ་པོའི་མཆོད་རྟེན་བརྩིགས། །སངས་རྒྱས་མཐའ་ཡས་མཆོག་གིས་བྱིན་གྱིས་བརླབས། །གཙང་མའི་ [285a] [285a.1]སྣོད་དུ་ལེགས་པར་བཅངས་བྱས་ནས། །སངས་རྒྱས་ཀྱིས་གསུངས་རིམ་པར་རབ་གནས་མཛད། །ཚ་ངས་པ་ལ་སོགས་རྣམས་ཀྱང་གུས་པས་འདུད། །དེ་བས་སྐྱེ་བོ་བཤེས་གཉེན་སྤྱན་སྔར་འདུད། །བྱང་ཆུབ་ཆོ་ག་ཡིས་ནི་ཁས་འཆེས་པས། །དེ་ནི་མཆོད་རྟེན་རྒྱས་པ་ཆེན་ [285a.2]པོ་སྟེ། །དོན་ཆེའི་རྒྱུ་རུ་གུས་པས་ཡང་དག་མཆོད། །དུར་ཁྲོད་མཆོད་རྟེན་བྱས་པས་རི་བོ་ཅན་ལས་ཁྱད་པར་འཕགས་པ་དེ་ཡིས་ནི། །དགེ་བ་གང་ཞིག་བསགས་པ་དེ་ཡིས་འགྲོ་བ་གསུམ་དུ་སོན་པའི་སྐྱེ་བོ་རྣམས། །དངོས་པོ་དགྲ་སོགས་བཏུལ་བའི་ཤེས་རབ་མཆོག་མངའ་ཐུགས་ [285a.3]རྗེ་སྐྱེ་བ་མཆོག་ཏུ་བརྩེ། །འཇིག་རྟེན་གསུམ་གཙུག་དཔལ་ལྡན་རྡོ་རྗེ་སེམས་དཔའ་རིང་པོར་མི་ཐོགས་འགྲུབ་པར་ཤོག །རོ་བསྲེག་པ་དགེ་སློང་ཏ་ཐཱ་ག་ཏ་རཀྵི་ཏས་མཛད་པ་རྫོགས་སོ།། །།རྒྱ་གར་གྱི་མཁན་པོ་དེ་ཉིད་དང་། ལོ་ཙཱ་བ་དགེ་སློང་དར་མ་བློ་གྲོས་ཀྱིས་བསྒྱུར་བའོ།།{T1330}༄༅། །གདུང་བསྲེག་པའི་ [285a.4]ཆོ་ག་བཞུགས།། ༄༅༅། །དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །ལག་ན་རྡོ་རྗེ་དྲིལ་བུ་བྱིན་ནས་ནི། །དབུ་ལ་ལེགས་པའི་དབུ་རྒྱན་ནི། །བྱིན་ནས་རྡོ་རྗེ་སྡོམ་པ་ཡང་། །སྡོམ་པ་བྱིན་པའི་མན་ངག་ཉིད། །མིག་ལ་སོགས་པར་གཏི་མུག་སོགས། །གཏོར་གསུམ་གོ་འཕང་གསུམ་ལ་ [285a.5]གཞག །རྡོ་རྗེ་ཐབ་ཁུང་སྦྱོར་བ་ཡིས། །གདུང་བསྲེག་པ་ཡང་ཡང་དག་བྱ། །ཉི་མ་གསུམ་པའི་ཉིན་པར་ནི། །རུས་པའི་ཚོགས་ནི་ལེགས་པར་བསྡུ། །འོ་མ་དྲི་ཞིམ་གྱིས་ཁྲུས་བྱ། །དེས་ནི་མཆོད་རྟེན་བྱ་བའོ། །འདིའི་དོན་ནི་དང་པོར་དྲི་ཞིམ་པོས་ཁྲུས་བྱ་བ་དང་། གོས་ལ་ [285a.6]སོགས་པ་བྱས་པའི་དབུ་རྒྱན་སྦྱིན་པ་དང་། དཀྱིལ་འཁོར་བྲི་བ་དང་། དཀྱིལ་འཁོར་བསྒྲུབ་པ་ལ་སོགས་པ་བྱས་ནས། ཆུ་དང་། དབུ་རྒྱན་དང་། རྡོ་རྗེ་དང་། བདག་པོ་དང་། མིང་དང་། བུམ་པ་རྣམས་ཀྱིས་དབང་བསྐུར་ནས་རང་གི་ལྷག་པའི་ལྷའི་གཟུགས་སུ་བསྐྱེད་ལ། ཡེ་ཤེས་ [285a.7]སེམས་དཔའ་དགུག་པ་ལ་སོགས་པ་སྔོན་དུ་འགྲོ་བས་མིག་ལ་སོགས་པ་བྱིན་གྱིས་བརླབ་པ་ལ་སོགས་པ་བྱས་ནས། སྔགས་ཀྱི་ཚོགས་མང་པོ་བཟླས་པ་བྱ་བ་དང་། མཆོད་པ་དང་། བསྟོད་པ་དང་། བདུད་རྩི་མྱང་བ་བྱས་ནས། སྔགས་ཀྱི་བཟླས་པ་མང་པོ་བྱ་བ་དང་། ཇི་ལྟ་ [285b] [285b.1]བ་བཞིན་དུ་མེ་ཐབ་མེ་ལྷ་བསྐྱེད་ལ་དེའི་ཐུགས་ཀར་རྡོ་རྗེ་སེམས་དཔའ་འམ། རང་གི་ལྷག་པའི་ལྷ་འཁོར་དང་བཅས་པ་དཀྱིལ་འཁོར་བསྐྱེད་དེ་ཤི་བའི་ལུས་ཀྱི་ཡེ་ཤེས་སེམས་དཔའ་གཤེགས་སུ་གསོལ། དེའི་དམ་ཚིག་སེམས་དཔའ་དང་ཡེ་ཤེས་ཀྱི་དཀྱིལ་འཁོར་དང་བཅས་ [285b.2]པ་རོ་གཅིག་ཏུ་གྱུར་པར་ལྷག་པར་མོས་ཤིང་གདུང་བསྲེག་པར་བྱ་ཞེས་བྱ་བའི་དོན་ཏོ། །གང་དེ་ལྟར་མི་བྱེད་ན་དེའི་ཚེ་མཆོད་རྟེན་བཤིག་པ་ཉིད་དུ་འགྱུར་བའོ། །གདུང་བསྲེག་པའི་ཆོ་ག་རྫོགས་སོ།། །།རྒྱ་གར་གྱི་མཁན་པོ་ཆེན་པོ་ཨ་ཤྲཱི་ཛྙཱ་ན་དང་། ལོ་ཙཱ་བ་དགེ་ [285b.3]སློང་དཔལ་གྱི་སྙིང་པོས་བསྒྱུར་བའོ།། །།གུར་གྱི་དོན་ཨ་ཤོ་ཀས་མན་ངག་ཏུ་བརྩམས་སོ།། {T1331}༄༅༅། །རྒྱ་གར་སྐད་དུ། ཤྲཱི་མ་ཧཱ་རཏྣ་ཀཱ་ལ་ནཱ་མ་སཱ་དྷ་ནཾ་པ་ཡི་ཀཱ། བོད་སྐད་དུ། དཔལ་རིན་པོ་ཆེའི་ཆར་ཡང་ཞེས་བྱ་བའི་སྒྲུབ་པའི་ཐབས། དཔལ་རྡོ་རྗེ་སེམས་ [285b.4]དཔའ་ལ་ཕྱག་འཚལ་ལོ། །ཤར་བ་མ་ཡིན་ནུབ་པ་མིན། །དངོས་པོ་མེད་པ་རྟག་ཏུ་ཤར། །ཐམས་ཅད་ཀུན་ཁྱབ་བརྗོད་དུ་མེད། །རང་རིག་བདག་ཉིད་ཕྱག་འཚལ་ལོ། །རྣལ་འབྱོར་རྣམས་ཀྱིས་རྙེད་དཀའ་བ། །མཁས་པ་ཀུན་གྱིས་རྙེད་མི་ནུས། །གང་གི་དྲིན་གྱིས་རྙེད་སླར་ [285b.5]འགྱུར། །བླ་མའི་ཞབས་ལ་ཕྱག་འཚལ་ལོ། །མི་ཤོགས་ཁོལ་ནས་བཅིངས་པ་རྣམས། །རྡོ་རྗེ་རྐང་པའི་དབའ་རླབས་ཀྱིས། །ཕྱོགས་རྣམས་ཐམས་ཅད་ལ་ཁྱབ་པའི། །སུས་འདི་གཏིང་རིང་པ་ཡི་ཆུ། །གཏེར་གཏིང་དཔག་དཀའ་ཤིན་ཏུ་དཀའ། །དེ་ལ་གཟུང་བར་ [285b.6]ག་ལ་ནུས། །དེ་བས་དཔལ་ལྡན་ཐིག་ཆེན་པོའི། །ཐིག་ལེ་ཡི་ནི་ཆུ་ཡི་གཏེར། །དབུས་སུ་སྙོམས་པ་དེ་ལས་ནི། །ཡོན་ཏན་གཏེར་ནི་རིན་ཆེན་རྒྱལ། །ཤེས་རབ་དཔལ་གསང་བདག་གིས་ནི། །རིན་ཐང་ཆེན་པོ་དི་རིང་དྲང་། །རིམ་པ་གཉིས་ཀྱི་གོ་རིམས་ཀྱི། །ཡེ་ཤེས་ [285b.7]མཁའ་འགྲོ་བསྒོམ་པ་འདི། །བླ་མའི་ལུང་གིས་རང་གིས་མིན། །སྐལ་ལྡན་འགྲུབ་དོན་བདག་གིས་བརྩམ། །རྫོགས་པའི་ཡེ་ཤེས་མཁའ་འགྲོ་ལ། །དེ་ལ་བསྐྱེད་པ་གཞུང་མ་ཡིན། །ཕྱག་དང་གཟུགས་སོགས་བརྗོད་པ་ཡིས། །དེ་ལས་ཀུན་རྫོབ་སྐྱེ་བར་འགྱུར། ། [286a] [286a.1]དེ་ལ་ཀུན་རྫོབ་རིགས་མ་ཡིན། །དོན་དམ་པ་ལ་འགོག་པ་ཡིན། །གལ་ཏེ་བསྒོམ་པ་གོམས་པ་ལས། །ཀུན་རྫོབ་སྐྱོན་མེད་འོང་འགྱུར་ན། །དོན་དམ་པ་ཡིས་ཕྱོགས་ལ་ནི། །ཀུན་རྫོབ་དེ་ནི་སྐྱོན་དུ་འགྱུར། །བརྟན་པ་ལས་ནི་དོན་གྲུབ་ན། །ཐེ་ཚོམ་ [286a.2]མེད་པར་ལོག་པ་ཡིན། །དེ་ནི་དཔལ་རིན་རྡོར་ཞབས་ཀྱིས། །བདག་མེད་སྒྲུབ་ཐབས་གསུངས་པའོ། །དེ་ནི་གོ་རིམས་བདག་གིས་ནི། །ཅུང་ཟད་ཙམ་ནི་བཤད་པར་བྱ། །བསྒོམས་ལས་དེ་ནི་རྟོག་པ་སྟེ། །རྟོག་མེད་པ་ནི་གང་ནའང་མེད། །རྟོག་པ་མེད་པའི་ [286a.3]གང་མིང་ཅི། །ཐམས་ཅད་ཡང་དག་རྟོག་སྤངས་པ། །རྟོག་པ་མེད་ལས་གང་གཞན་ནི། །སྒོམ་པ་མཆོག་ནི་ཡོད་པའམ། །གལ་ཏེ་དེ་ལ་ཡོད་ན་ནི། །འཁྲུག་པ་མེད་པ་དེ་ལ་མིན། །སློབ་དཔོན་མཁས་པ་ཀམྤ་ལས། །སྣང་བའི་ཕྲེང་ལས་དེ་སྐད་གསུངས། ། [286a.4]བཟང་བ་དང་ནི་ངན་པ་ཡི། །རྟོག་པའི་བྱེ་བྲག་དེ་ལ་ཅི། །རྟེན་གྱི་བྱེ་བྲག་ཐ་དད་མེད། །མེ་ཡིས་ཚ་བའི་བྱ་བ་ལྟར། །ཙནྡན་རང་ནི་འབར་ན་ཡང་། །རེག་པ་བྱས་ན་འཚིག་པར་འགྱུར། །དེ་བས་རྟོག་པ་མཉམ་པ་ཡིན། །དེ་ལ་བྱེ་བྲག་ཅུང་ཟད་མེད། །རྟོག་པ་ཡིན་ [286a.5]ན་དེ་ཉིད་མེད། །དེ་ཉིད་ཡང་དག་རྟོག་པ་སྤངས། །དེ་ཉིད་མིན་པ་སྤང་དོན་དུ། །དེ་ཁོ་ན་ཉིད་གནས་པ་ལ། །བསྒོམ་པ་གཞན་ནི་བསྙེན་བྱེད་ན། །དེ་ནི་བསྒོམ་པ་ཇི་ལྟར་ཡིན། །དེ་བཞིན་༷ཉིད་ལ་བསྒོམ་པ་མེད། །དེ་ཉིད་མ་ཡིན་དེ་ཡིན་བསྒོམ། །དེ་ཉིད་མ་ཡིན་བསྒོམས་བསླབས་ [286a.6]ལས། །དེ་ཉིད་མ་ཡིན་གསལ་བར་འགྱུར། །དེ་ཉིད་གསལ་བ་ག་ལ་སྟེ། །དེ་ནི་མཚན་མེད་དེ་ཡང་མིན། །དེ་ཉིད་མིན་པ་བསྒོམ་རིགས་པས། །དེ་ཁོ་ཉིད་ནི་བསྒོམ་བྱ་སྟེ། །དེ་ཉིད་བསྒོམ་པ་རིགས་པ་ཡིན། །བསྒོམ་པ་གཉིས་ནི་ངལ་བའི་དོན། །ཡང་ན་དེ་མེད་ཀྱིས་དེ་ནི། ། [286a.7]ནམ་ཡང་དེ་ནི་རྙེད་མ་ཡིན། །རྙེད་པའི་དོན་དུ་འབད་བྱས་ཏེ། །དེ་ལ་བསྒོམ་པའི་དོན་ཅིའི་ཕྱིར། །དེ་ནི་དཔལ་རིན་རྡོར་ཞབས་ཀྱིས། །དཔལ་བསྒོམ་རིམ་པའི་ནང་ནས་གསུངས། །གང་གིས་གང་དོན་རྙེད་དཀའ་བ། །དེ་ཡིས་ནམ་ཡང་རྙེད་མ་ཡིན། །ཇི་ལྟར་མགོན་མེད་མི་གཅིག་ནི། ། [286b] [286b.1]བདག་ནི་རྒྱལ་པོར་སྒོམ་བྱེད་པ། །ལོག་པའི་ཡེ་ཤེས་གཏི་མུག་གིས། །དེ་ཡིས་རྒྱལ་ས་རྙེད་མི་འགྱུར། །ཨིནྡྲ་བྷཱུ་ཏི་རྒྱལ་ཆེན་པོས། །ཡེ་ཤེས་གྲུབ་ལས་དེ་སྐད་གསུངས། །རྫོགས་པ་ཡི་ནི་རབ་བསྒོམ་ཡིས། །བསྐྱེད་པ་ཡི་ནི་སྒོམ་བྱེད་ན། །རྒྱུ་མེད་ལས་ནི་རྙེད་པ་མེད། །རྒྱུ་ཡི་ནང་ནས་ [286b.2]དོན་མི་འབྱུང་། །རང་ལས་མ་ཡིན་གཞན་ལས་མིན། །གཉི་ག་ལས་མིན་རྒྱུ་མེད་མིན། །ཡོད་མིན་མེད་མིན་ཡོད་མེད་མིན། །འོ་ན་གང་ནས་བྱུང་བ་ཡིན། །རྟེན་ཅིང་འབྲེལ་པ་དེ་ལས་ནི། །སྐྱེ་བར་སྒོམ་པ་བྱེད་པ་ན། །རྟེན་འབྲེལ་ལས་སྐྱེས་སྐྱེ་བ་མིན། །ཐམས་ཅད་མཁྱེན་པས་དེ་ [286b.3]སྐད་གསུངས། །ཀླུ་སྒྲུབ་སྙིང་པོའི་ཞལ་སྔ་ནས། །སྐྱེ་དང་མི་སྐྱེ་སྟོང་པར་གསུངས། །དེ་ལྟའི་གཞུང་ལུགས་ཡོད་ན་ཡང་། །དེ་བཞིན་བསྐྱེད་པ་གཞུང་ལུགས་སོ། །ནད་པ་སོས་པའི་ཐབས་དེ་ནི། །སྨྲ་བ་པོ་ནི་ཅི་ཡིན་རྟོག །དེ་ཡི་ཐབས་ནི་མི་བྱེད་ན། །ནམ་ཡང་སོས་པར་མི་ [286b.4]འགྱུར་རོ། །རྗེས་སུ་སྨྲ་བ་རྫོགས་བྱས་དང་། །ཡོན་ཏན་ཡོད་པའི་སྨྲ་བ་པོ། །དེ་ཡི་སྨྲ་བ་ཉན་བྱེད་ན། །ཀུན་དུ་བཀྲ་ཤིས་འགྲུབ་པར་འགྱུར། །སྒོམ་པའི་རིམ་པ་མཛད་པ་ཡི། །དེ་ཡི་ཞལ་ནས་དེ་སྐད་གསུངས། །མངོན་སུམ་དང་ནི་རྗེས་སུ་དཔག །སངས་རྒྱས་པ་ནི་དེ་གཟུང་ངོ་། །ངེས་པ་པ་དང་ [286b.5]རྗེས་སུ་དཔག །བདེན་པ་དེ་ལས་རྙེད་པའོ། །སྟོང་པ་ཉིད་ནི་རྙེད་པ་གང་། །དེ་ལས་རྙེད་པར་ག་ལ་འགྱུར། །དངོས་པོ་ཡིན་ན་ངེས་ཡོད་དེ། །དངོས་པོ་ལས་ནི་རྙེད་པ་ཡོད། །དངོས་པོར་མཐོང་པའི་ཕྱིར་ན་ནི། །དེ་ལ་སྟོང་པར་ཇི་སྐད་སྨྲ། །སྟོང་པའི་མིང་ནི་ཅི་ཡང་མིན། །དེ་སྐད་ཡིན་ [286b.6]ན་དེ་ལ་སྨྲ། །སྟོང་པ་ཅང་མིན་དེ་ལྟར་མིན། །ཐམས་ཅད་སྟོང་པ་ཡིན་པ་པོ། །དངོས་པོ་ཉིད་ནི་སྟོང་པ་ཡིན། །དངོས་པོ་མེད་པའི་རང་བཞིན་ནོ། །རང་བཞིན་གང་ལ་ཡོད་པ་ནི། །དེ་ནི་མཚན་མ་ཡིན་པར་བཤད། །དངོས་པོ་གཅིག་པུའི་ངོ་བོ་སྟེ། །དེ་སྤངས་པ་ནི་སྟོང་པར་ [286b.7]བསྟན། །ངོ་བོ་ཉིད་བྲལ་སྟོང་པ་སྟེ། །ཡེ་ཤེས་ཞབས་ཀྱི་རིམ་པར་ཡོད། །དངོས་པོ་མེད་པའི་དངོས་པོ་ནི། །ཐམས་ཅད་ཀུན་ལ་ཡོད་པའོ། །བཅོམ་ལྡན་འདས་ཀྱིས་དེ་བཞིན་གསུངས། །དཔལ་ལྡན་ཡེ་ཤེས་རྒྱ་མཚོར་གནས། །ཇི་ལྟར་གླ་རྩིའི་དངོས་པོ་ནི། ། [287a] [287a.1]གཉིས་སུ་དགྱེས་པ་ཡོད་པ་སྟེ། །སྲ་བའི་དངོས་པོ་དེ་དང་གཅིག །དྲི་ཡི་དངོས་པོ་དེ་དང་གཉིས། །སྲ་བའི་དངོས་པོ་སྤངས་པ་གང་། །དེ་ནི་དངོས་པོ་མིན་པར་གསུངས། །སྲ་བའི་དངོས་པོ་མེད་པ་ལ། །དེ་ལས་དྲི་ནི་མི་རྙེད་ན། །ཅི་སྟེ་དེ་ལས་དྲི་མི་རྙེད། །རང་གི་དཔེ་ལ་བལྟས་ [287a.2]པ་ཡིས། །ཇི་ལྟར་དྲི་མེད་ཕྲ་པའི་རས། །བདུག་བྱས་དེ་ལ་བག་ཆགས་ཡོད། །གླ་རྩི་གཞན་མའི་གནས་སུ་གཞག །དེ་ལ་དྲི་ཡོད་ཡིན་ནམ་མིན། །དེ་སྐད་དངོས་པོ་མེད་པ་ལ། །དངོས་པོ་ཐམས་ཅད་ཡོད་པའོ། །དེ་བཞིན་རྒྱུ་མཚན་མེད་པ་ལ། །བདེན་པའི་འབྲས་བུ་ཡོད་པའོ། །ཇི་ [287a.3]ལྟར་ཆུ་སྦྱིན་བུ་ག་ལས། །རྡོ་རྗེ་མེ་ནི་གསལ་བར་སྐྱེས། །དེ་བཞིན་གཟུགས་མིན་ལ་གཟུགས་ཡོད། །དེ་བཞིན་དངོས་མིན་དངོས་པོ་ཡི། །འཁྲུལ་པའི་དངོས་པོའི་གཟུགས་ཡིན་ན། །དེ་ལ་ཉེས་སྐྱོན་ཅི་ཡང་མེད། །འཁྲུལ་པ་ལ་ཡང་ཡོན་ཏན་ཡོད། །འཁྲུལ་གཞན་དེ་ཡིས་མེད་པར་ [287a.4]བྱེད། །སྔགས་དང་སྒོམ་པ་བྱེད་པ་པོས། །དུག་ལ་དུག་མེད་མཚན་མ་ན། །དུག་གི་འཁྲུལ་པ་མེད་པ་འདི། །དུག་མེད་འཁྲུལ་པ་བསྟན་པས་སོ། །བླ་མ་ཡི་ནི་བླ་མ་ཡིས། །དེ་ནི་བསྒོམ་པའི་རིམ་ལས་གསུངས། །རྟོག་པའི་སེམས་ནི་འབྱུང་བ་གང་། །རྟོག་པ་ཡིས་ནི་དག་ [287a.5]པར་བྱེད། །དེ་བཞིན་ཀྱེ་ཡི་རྡོ་རྗེའི་རྒྱུད། །རྡོ་རྗེ་སྙིང་པོ་ལས་འདི་གསུངས། །གང་འདི་དུག་གི་དུམ་བུ་ཡིས། །སེམས་ཅན་ཐམས་ཅད་འཆི་བར་འགྱུར། །དུག་དེ་ཡི་ནི་དེ་ཉིད་ཀྱི། །དུག་གིས་དུག་ནི་མེད་པར་བྱེད། །ཇི་ལྟར་མེ་ཡིས་ཚིག་པ་ལ། །མེ་ཡིས་ཡང་དང་ཡང་བསྲོ་བྱ། །དེ་བ [287a.6]ཞིན་འདོད་ཆགས་མེས་བསྲེགས་ལ། །འདོད་ཆགས་མེ་ཡིས་ཡང་བསྲེག་བྱ། །ཇི་ལྟར་རྣ་བར་ཆུ་སོང་ལ། །ཕྱི་མའི་ཆུ་ཡིས་གདབ་པར་བྱ། །དེ་བཞིན་ཆོས་ཅན་རྟོག་པ་ནི། །དངོས་པོ་ཡིས་ནི་དག་པར་བྱེད། །དངོས་པོ་བག་ཆགས་བཟུང་བས་ནི། །ཆོས་ཅན་བག་ཆགས་ [287a.7]མེད་པར་བྱེད། །གོམས་པ་ཡིས་ནི་ཀུན་མེད་དེ། །ཕྱི་ནས་དེ་ཡང་མེད་པའོ། །དེ་ནས་དྲི་མེད་ཡེ་ཤེས་ནི། །འབད་མི་དགོས་པར་གསལ་པའོ། །རང་ལས་སྐྱུ་རུ་ར་ལྟར་མཐོང་། །དཔལ་ལྡན་ཡེ་ཤེས་རྒྱུད་ལས་གསུངས། །ཇི་ལྟར་འདི་ཡི་དཔེ་ཡིས་ནི། །ཤིང་གི་ [287b] [287b.1]ཡལ་གའི་ཟླ་བ་ལྟར། །མཛུབ་མོ་གང་གིས་མཆོད་བྱེད་པ། །དེ་ལས་དེ་ནི་སྐྱེ་འགྱུར་རམ། །མཛུབ་མོ་ལ་སོགས་བྱ་བ་ཙམ། །དེ་ཡིས་དེ་ནི་གསལ་བར་འགྱུར། །ཇི་ལྟར་མུན་པའི་མུ་ཏིག་གཅིག །མར་མེ་མེད་ན་མཐོང་མི་འགྱུར། །མར་མེས་དེ་ནི་མཐོང་བ་ལས། །མར་མེ་ལས་ [287b.2]ནི་མེ་སྐྱེའོ། །མར་མེ་ཡིས་ནི་བལྟ་བ་ལས། །མར་མེ་དེ་ལ་སྒོམ་མི་བྱེད། །དེ་ཡི་དེ་ནི་རིགས་པས་རྫོགས། །རྙེད་འགྱུར་དེ་ལ་སྒོམ་མི་བྱེད། །དེ་ནས་ཐར་འདོད་པ་ལ་འདི། །ལམ་རབ་ཤིན་ཏུ་གསལ་བར་བྱ། །རྒྱ་མཚོ་ཆེན་པོའི་གསང་ངོས་སམ། །ཡང་ན་དུར་ཁྲོད་ [287b.3]མཆོག་དང་ནི། །ཡང་ན་དགྱེས་པའི་རི་ཕུག་དང་། །ཐམས་ཅད་བདག་ཉིད་དགོན་ཆེན་པོར། །ཡང་དག་རྣལ་འབྱོར་པ་ཡིས་ནི། །མགོན་པོ་ཧེ་རུ་ཀ་མཉེས་བྱ། །ལངས་ནས་དང་པོ་རྣལ་འབྱོར་པས། །སྙིང་རྗེའི་རླན་གྱིས་བརླན་སེམས་ཀྱིས། །ཚངས་པ་ཡི་ནི་གནས་ [287b.4]བཞི་ནི། །དགའ་བ་ཡོད་པ་བསྒོམ་པར་བྱ། །དེ་ནས་རང་སྙིང་ག་པད་ལ། །ཟླ་བའི་དཀྱིལ་འཁོར་བསྒོམ་པར་བྱ། །དེ་དབུས་སེམས་ཀྱི་ས་བོན་ནི། །སྣ་ཚོགས་འོད་དང་ལྡན་པ་བསྒོམ། །དེ་ཡི་འོད་རྣམས་སྣང་བ་ལས། །བླ་མ་དང་ནི་སངས་རྒྱས་དང་། །རང་ལྷ་ནམ་མཁའ་ [287b.5]ཁྱབ་མཐོང་བ། །ཆུ་ཟླ་ལྟ་བུའི་རང་བཞིན་ཅན། །སྣ་ཚོགས་མཆོད་པ་དབུལ་བ་ནི། །བྱས་ནས་སྐྱབས་སུ་འགྲོ་བར་བྱ། །དཀོན་མཆོག་གསུམ་ལ་སོགས་པ་ནི། །རྡོ་རྗེ་གསུམ་གྱི་ཡེ་ཤེས་དག །དེ་ཡི་བསོད་ནམས་ཀྱི་ནི་ཚོགས། །ཡང་དག་པར་ནི་འཕེལ་བར་ [287b.6]འགྱུར། །ཡེ་ཤེས་ཚོགས་ནི་འཕེལ་དོན་དུ། །སྟོང་པ་ཉིད་ནི་བདག་ཉིད་ཡིན། །ཐམས་ཅད་རྨི་ལམ་ལྟ་བུར་བལྟ། །སྐད་ཅིག་མ་ཡི་སྒྱུ་འཕྲུལ་ཅན། །ཇི་ལྟར་ཆུ་ཟླ་ལྟ་བུ་དང་། །དྲི་ཟའི་གྲོང་ཁྱེར་ལྟ་བུའོ། །གཅིག་དང་དུ་མས་རྣམ་དཔྱད་ན། །སྦྱོར་བ་མེད་པས་ [287b.7]མཚན་ཉིད་མེད། །འདས་པ་དང་ནི་མ་འོངས་མེད། །ད་ལྟར་ཡང་ན་དེ་བཞིན་ནོ། །འདས་པ་དེ་ནི་འགགས་པ་ཡིན། །མ་འོངས་པ་ནི་མ་བྱུང་སྟེ། །ད་ལྟར་མི་གནས་ཁབ་རྩེ་ལ། །ནམ་ཡང་གནས་པ་མེད་པའོ། །དེ་ལྟ་བུར་ནི་ཐམས་ཅད་བསམ། །དེ་ནས་འདི་ནི་དཔྱད་པར་བྱ། །སྟོང་པ་ལས་ [288a] [288a.1]ནི་ཐམས་ཅད་འབྱུང་། །སྟོང་པའི་ངང་དུ་ཐམས་ཅད་ནུབ། །དག་པའི་ངོ་བོ་སྟོང་པ་སྟེ། །སྟོང་པའི་རང་བཞིན་དུ་ནི་བསྟན། །དག་པ་སྐུ་རུ་བརྗོད་པ་སྟེ། །གསུང་ནི་སྟོང་པའི་ངོ་བོ་ཡིན། །རང་བཞིན་ཐུགས་སུ་བཤད་པ་སྟེ། །དེ་ནི་རྣལ་འབྱོར་པ་ཡིས་བསམ། །སྤྲིན་མེད་ནམ་མཁའི་དངོས་པོ་ [288a.2]ལ། །སེམས་ནི་མི་གཡོ་བར་ནི་གཞག །དེ་ཡིས་དོན་བྱེད་ཡང་དག་པའི། །གསང་སྔགས་འདི་ནི་བརྗོད་པར་བྱ། །ཨོཾ་སྭ་བྷཱ་ཝ་ཤུདྡྷཿ་སརྦ་དྷརྨཱཿ་སྭ་བྷཱ་ཝ་ཤུདྡྷོ྅ཧཾ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་ཡིས་ཡེ་ཤེས་ཀྱི་ནི་ཚོགས། །སྐུ་གསུང་ཐུགས་ནི་རྣམ་པར་དག །ཚོགས་ [288a.3]ཆེན་གཉིས་ནི་རྫོགས་པ་ཡིས། །སྐད་ཅིག་གཅིག་གིས་བྱང་ཆུབ་ཐོབ། །བསོད་ནམས་དེ་ནི་མཆོག་ཡིན་ཏེ། །དེ་བཞིན་ཡེ་ཤེས་ཆད་པའོ། །དེ་གཉིས་དབུས་སུ་བྱང་ཆུབ་ནི། །རང་བཞིན་ཡེ་ཤེས་མཚན་ཉིད་དོ། །དེ་ནས་པཾ་བྱུང་པདྨ་དང་། །རཾ་ལས་བྱུང་པའི་ཉི་དཀྱིལ་དུ། །ཧཱུཾ་ [288a.4]ལས་ཁྲོ་བོའི་རྡོ་རྗེ་ནི། །སྤྲོ་བའི་བདག་ཉིད་ཅན་གྱིས་བསམ། །དང་པོའི་སུམྦྷ་ནི་སུམྦྷ། །གྲྀཧྞ་གྲྀཧྞ་དེ་བཞིན་ནོ། །གྲྀཧྞཱ་པ་ཡ་གཉིས་སུ་བྱ། །ཨཱ་ན་ཡ་ཧོ་དེ་བཞིན་ཏེ། །བྷ་ག་ཝཱན་བཛྲ་བིདྱཱ་རཱ་ཛ་སྟེ། །འདི་ཡིས་ཕྱོགས་ནི་བཅིང་བར་བྱ། །ཨོཾ་དང་ཧཱུཾ་གཉིས་མིང་སྤེལ་ལ། །མཐར་ཡང་ཧཱུཾ་ [288a.5]ཕཊ་སྦྱོར་བར་བྱ། །སུམྦྷའི་སྐུ་བདག་སྔགས་པ་ཡིས། །ཤར་ལ་སོགས་པར་སྔགས་གདབ་བྱ། །སྣ་ཚོགས་རྡོ་རྗེའི་ས་གཞི་ནི། །ཧཱུཾ་ལས་འཕྲོ་བར་བསམ་པར་བྱ། །དེ་ཡི་འོད་ཟེར་གསལ་བ་ཡིས། །རྩིག་པ་དང་ནི་བླ་བྲེའོ། །སྟེང་གི་མདའ་ཡི་དྲ་བ་ནི། །རྡོ་རྗེ་མེ་ལྕེ་འབར་བའོ། །དང་པོ་ [288a.6]ཡི་ནི་བཞི་པ་གཉིས། །གྷཱ་ཏ་ཡ་ནི་གཉིས་པར་བྱ། །སརྦ་དུཥྚཱཾ་དེ་ནས་གདབ། །ཀཱི་ལ་ཡ་ནི་གཉིས་བྱ་སྟེ། །སརྦ་པཱ་པཾ་དེ་ནས་ནི། །བཛྲ་ཀཱི་ལ་དེ་ནས་དྲན། །དེ་ནས་བཛྲ་དྷ་ར་གདབ། །ཨཛྙཱ་པ་ཡ་དེ་བྱའོ། །ཀཱ་ཡ་བཱཀ་ཙིཏྟ་བཛྲ་སྟེ། །ཀའི་ལ་ཡ་ནི་དེ་ནས་དྲན། །བཛྲ་མུངྒ་བཛྲ་དང་། །ཀཱི་ལ་ཀུ་ཧ་དེ་ [288a.7]ནས་སོ། །ཨོཾ་ཡིག་དང་ནི་ཧཱུཾ་ཕཊ་མཐར། །དབུས་སུ་ཧཱུཾ་གིས་ལྡན་པར་བྱ། །མི་ཤིགས་པ་ཡི་རྡོ་རྗེའི་གུར། །དེ་ཡི་སྔགས་ཀྱིས་བསྒོམ་པར་བྱ། །རྡོ་རྗེའི་གུར་གྱི་དབུས་སུ་ནི། །ཆོས་དབྱིངས་ཕྱག་རྒྱ་བྷ་ག་དངོས། །དེ་ནི་དབུས་སུ་བསྒོམ་བྱ་སྟེ། །རླུང་ལ་སོགས་པའི་དཀྱིལ་འཁོར་བཞི། །དེ་ཡི་སྟེང་དུ་ཡེ་ཤེས་ [288b] [288b.1]མེ། །ཧཱུཾ་གི་དངོས་པོའི་བདག་ཉིད་བསམ། །རླུང་སོགས་ཡོངས་སུ་གྱུར་པ་ལས། །མཆོག་གི་གཞལ་ཡས་ཁང་དུ་གྱུར། །གྲུ་བཞི་པ་ལ་སོགས་ལྡན་ནི། །དཔལ་ལྡན་ཧེ་རུ་ཀ་ཡི་གནས། །གཏུམ་དྲག་དུར་ཁྲོད་ལ་སོགས་ནི། །དེ་ཡི་ཕྱི་རོལ་བསྐོར་བའོ། །པ་ཏ་པུ་ཏ་རི་སོགས་ཀྱི། །ཤིང་རྣམས་ཀྱིས་ནི་རབ་ཏུ་ [288b.2]བརྒྱན། །ཁྭ་གཟུགས་ལ་སོགས་དཔའ་བོ་ནི། །ཤིང་རྣམས་ལ་གནས་བྱིན་གྱིས་རློབ། །སྣ་དང་ཁ་གནས་ལ་སོགས་ནི། །ནང་ནི་དུར་ཁྲོད་ཕྱི་རོལ་ལོ། །གསང་བའི་ནང་ངམ་ཡང་ན་ལུས། །དབུགས་བྱེད་ཕྱི་རོལ་ན་དུར་ཁྲོད། །མཐུས་བྱེད་མ་རྣམས་ཀྱི་ནི་རྩི། །པ་ཏ་ལ་སོགས་ཤིང་ཡིན་ནོ། །དུར་ཁྲོད་ནང་དུ་ [288b.3]པདྨ་ནི། །སྣ་ཚོགས་འདབ་མ་བརྒྱད་པའོ། །ལྟེ་བའི་ནང་གི་ཕྱག་རྒྱ་ནི། །གྲུ་གསུམ་བྷ་གའི་གཟུགས་ཅན་ནོ། །རྡོར་མཚོ་མ་དང་ལེགས་དགྱེས་རྡོར། །དེ་བཞིན་རྡོ་རྗེ་གླང་ཆེན་མ། །གྲུ་གསུམ་ལ་ནི་བསྒོམ་བྱ་སྟེ། །ནང་དུ་མ་ཡིན་ཕྱི་རོལ་མིན། །སྲིད་དང་མྱ་ངན་འདས་པའི་སྟེང་། །སྣང་བ་དང་ནི་སྣང་བ་མཆེད། ། [288b.4]དབྱངས་ཡིག་དཔེ་བྱད་ལས་བྱུང་བ། །སེམས་ཅན་ཞུ་བའི་རང་བཞིན་ཅན། །དེ་ཡི་ཧཱུཾ་བྲུཾ་མཐོང་བ་ནི། །དཔལ་རྡོར་སེམས་དཔའི་བདག་ཉིད་དོ། །འོད་ཀྱི་རིགས་དང་ལྡན་པ་ཡི། །རང་བཞིན་གྱིས་དག་ཡོངས་སུ་གྱུར། །དེ་ནས་སྨོན་ལམ་གཞན་དོན་དུ། །བྱ་ཡི་རྣལ་འབྱོར་རང་དོན་མིན། །དེ་ལྟར་ཤེས་པས་ [288b.5]ལྷ་མོ་ཡི། །བསྟོད་པར་ཤེས་ལས་ཡང་དག་འབྱུང་། །བདེ་ཆེན་ལེགས་དགྱེས་མགོན་པོ་བཞེངས། །རྡོ་རྗེ་ལེགས་དགྱེས་བདག་དགའ་མཛོད། །མགོན་པོ་ཁྱོད་མིན་བདག་རོ་འདྲ། །ཐུགས་རྗེ་རོ་ཡིས་བདག་སྐྱེ་མཛོད། །ཀྱེ་མ་མགོན་པོ་སྟོང་པའི་མཚན། །རྡོ་རྗེ་མཚོ་མ་བདག་ [288b.6]དགའ་མཛོད། །པདྨ་ཁ་ཕྱི་རོལ་ཅིག་རོལ། །མགོན་པོ་སྟོང་པའི་རང་བཞིན་མིན། །ཨ་ལ་ལ་ལ་ཨ་ལ་ལ་ལ། །ཨ་ལ་ལ་ལ་ལེགས་དགྱེས་མགོན། །རྡོ་རྗེ་གླང་ཆེན་མ་དགའ་མཛོད། །ཁྱོད་རང་གིས་གསུངས་བདག་མིན་ན། །སངས་རྒྱས་འབྱུང་བར་མི་འགྱུར་རོ། །གླུ་འདི་ཡིས་ [288b.7]ནི་ངོར་མཛད་ནས། །སྤྲོ་ཧཱུཾ་སྣང་ལས་ཡང་དག་འཕྲོས། །དེ་ལས་རྡོ་རྗེ་གྲི་གུག་ནི། །ཡོངས་སུ་གྱུར་པས་དེ་ནས་ཉིད། །དཔལ་ལྡན་ཧེ་རུ་ཆེ་མགོན་པོ། །ལྷ་མོས་འཁྱུད་པར་གྱུར་པའོ། །བུང་བའི་མདོག་ལ་ཕྱག་བཅུ་དྲུག །ཞལ་བཅུ་དྲུག་ལ་སྤྱན་གསུམ་པ། །སྔོ་དང་སེར་དང་དམར་དང་ལྗང་། ། [289a] [289a.1]ཞལ་བཞི་གཡོན་ནས་བསྐོར་བའོ། །གཞན་ནི་སྐུ་མདོག་དེ་དང་འདྲ། །སྟེང་གི་ཞལ་ནི་འཇིགས་པར་ལྡན། །ཐོད་པའི་ཕྲེང་བས་དབུ་ལ་བརྒྱན། །ཟླ་ཕྱེད་དབུ་རྒྱན་གྱིས་མཚན་པ། །ཐོད་རློན་ཕྲེང་བའི་དབུ་རྒྱན་ཅན། །ཉི་མའི་གདན་ལ་ཁྲོ་ཚུལ་ལྡན། །ཕྱག་རྒྱ་དྲུག་གིས་ཡན་ལག་ [289a.2]བརྒྱན། །ཉི་མ་བྱེ་བའི་འོད་དང་མཚུངས། །གཡས་བརྐྱང་སྟེང་འོག་ཞབས་མངའ་བ། །གར་དགུ་དང་ནི་ལྡན་པའོ། །ཞབས་ནི་རྣམ་པ་བཞི་རྣམས་ཀྱིས། །བདུད་བཞི་ཡི་ནི་སྟེང་ན་བཞུགས། །གཤིན་རྗེ་པགས་པའི་ཤམ་ཐབས་ལ། །ཐོད་པའི་དུ་མ་བུའི་སྐེ་རགས་བཅིངས། ། [289a.3]ཕྱག་ནི་འཁྱུད་པའི་གཡས་པ་དང་། །རྡོ་རྗེ་དང་ནི་དྲིལ་བུ་གཡོན། །ཕྱག་གཉིས་བརྐྱང་བས་ཚངས་པའི་པགས། །གཞན་གཉིས་མདའ་གཞུ་འགེངས་པའོ། །འཁོར་ལོ་རིན་ཆེན་རལ་གྲི་དང་། །རྩེ་གསུམ་ཉི་མ་གཡས་ན་བསྣམས། །ཌ་མ་རུ་དང་སྟ་རེ་ཟླ། །ཐོད་པའི་སྣོད་ [289a.4]དང་ཁ་ཊྭཱཾ་ག །ཡེ་ཤེས་མཁའ་འགྲོ་དབང་ཕྱུག་གི། །གཡོན་དུ་དེ་ནི་ཤེས་པར་བྱ། །ལེགས་དགྱེས་དབང་མོ་དེ་དང་འདྲ། །ཡང་ན་ཕྱག་ནི་བཞི་དང་ལྡན། །ཞལ་གཅིག་པ་ལ་སྤྱན་གསུམ་པ། །གཅེར་བུ་དང་ནི་ཐུགས་རྗེ་ཆེ། །སྐྲ་ནི་གྲོལ་ཞིང་ནུ་མ་སྲ། །སྒེག་པ་ལ་སོགས་རྒྱན་དང་ [289a.5]ལྡན། །སྡིགས་མཛུབ་ཡོད་པའི་གྲི་གུག་ནི། །གཡས་པའི་ཕྱག་གིས་འཛིན་པ་མདའ། །ཁ་ཊྭཱཾ་ག་དང་ཀཱ་པ་ལ། །ཁྲག་གིས་བཀང་པ་གཡོན་ན་བསྣམས། །འཁྱུད་པའི་སྒེག་པའི་སྦྱོར་བ་ཡིས། །གཞན་མ་རྡོ་རྗེ་མདའ་གཞུའོ། །ཡན་ལག་ཕྱག་རྒྱ་དྲུག་གིས་བརྒྱན། །ཐོད་དུམ་སྐ་རགས་དག་ [289a.6]གིས་བརྒྱན། །བྱིན་པ་གཉིས་ཀྱིས་ལེགས་འཁྱུད་ཅིང་། །བདེ་བ་ཆེན་པོའི་གནས་ན་བཞུགས། །གྲུ་གསུམ་གནས་ཀྱི་རྣལ་འབྱོར་མ། །དྲུག་ཕྱེད་བཅོམ་ལྡན་འདས་ཀྱི་གཞི། །ཞལ་དང་རྗེས་སུ་མཐུན་པར་བསམ། །ལྗང་གུ་གཅིག་གིས་སྤངས་པའོ། །ཞལ་གཅིག་པ་ལ་སྤྱན་གསུམ་པ། །གཡོན་ [289a.7]བརྐྱང་པ་ཡི་གནས་པས་བཞུགས། །ཕྱག་བཞི་པ་ལ་འཇིགས་ཆེན་མ། །ཕྱག་རྒྱ་ལྔ་ཡིས་བརྒྱན་པའོ། །དབུ་སྐྲ་རལ་པ་གཅེར་བུ་དང་། །ཐོད་པའི་དོ་ཤལ་བརྒྱན་པའོ། །རོ་སྟེང་གནས་པ་འོད་འབར་མ། །ལ་ལ་ལ་སོགས་དག་པའོ། །རང་བྱུང་རོ་དང་ག་བུར་དང་། །དེ་ཡིས་པད་སྣོད་བཀང་ [289b] [289b.1]པའོ། །གཡས་པ་ཡི་ནི་ཕྱག་ན་ཐོགས། །ཁ་ཊྭཱཾ་ག་ནི་གཡོན་ནའོ། །བྷ་གའི་ཕྱག་རྒྱའི་དབུ་སྟེང་དུ། །མཛུབ་མོ་ཚངས་པའི་བུ་གའི་དཀྱིལ། །བདེ་ཆེན་དང་ནི་མེ་འཁོར་ལོ། །གནས་གཅིག་པར་ནི་བརྡ་ཡིས་མཚོན། །བདེ་བ་ཆུ་སྐྱེས་མེ་འཁོར་ལོ། །ཕྱི་རོལ་མ་ཡིན་ནང་དུ་མིན། །སྤྲུལ་པའི་འཁོར་ [289b.2]ལོའི་རིགས་པས་ན། །སྤྲུལ་པ་དང་ནི་བདེ་ཆེན་པོ། །གང་ན་བཅོམ་ལྡན་འདས་ནི་བཞུགས། །དེ་ནི་བདེ་བ་ཆེན་པོས་བརྗོད། །རྡོ་རྗེ་འཛིན་པ་ཉིད་ཀྱིས་ནི། །དེ་བཞིན་གསང་བའི་རྒྱུད་ལས་གསུངས། །གང་ན་བདེ་བ་བདག་ཉིད་བཞུགས། །དེ་ནི་བདེ་བ་ཆེན་པོའོ། །དེ་ཡི་ཤར་ཕྱོགས་ [289b.3]ཨོ་ཌྱན་དུ། །ལྷ་མོ་འཇིགས་མ་དེ་སྤྱི་བོར། །ཛཱ་ལནྡྷར་བྱང་དུ་སྟེང་། །དཔའ་བོ་མ་ནི་སྤྱི་བོ་གཙུག །ནུབ་ཏུ་པུལླཱི་ར་མཱ་སྟེ། །ཆང་འཐུང་མ་ནི་མཚོག་མར་རོ། །ལྷོ་རུ་ཀཱ་མ་རཱུ་པ་སྟེ། །འཇིགས་བྱེད་མ་ནི་སྨིན་ཕྲག་དབུས། །དེ་ནི་གནས་ནི་བཞི་ཡིན་ཏེ། །ཉེ་བའི་གནས་ཀྱང་དེ་བཞིན་ནོ། ། [289b.4]མེ་ཡི་ཕྱོགས་སུ་མཱ་ལཱ་བ། །ཕོ་ཉ་མ་ནི་སྣ་རྩེར་རོ། །བདེན་བྲལ་ཕྱོགས་སུ་སིནྡྡྷུ་སྟེ། །སྟོབས་མ་མིག་གཉིས་ལ་ནི་གནས། །རླུང་གི་ཕྱོགས་སུ་ནཱ་གར་ཏེ། །རྟ་མགྲིན་མ་ནི་སྣ་གཉིས་སུ། །དབང་ལྡན་ཕྱོགས་སུ་སིངྒ་ལ། །རྟ་རྣ་མ་ནི་ཁ་པད་དུ། །དེ་ནི་བདེ་ཆེན་འཁོར་ལོ་སྟེ། །རྡོ་རྗེ་གྲི་གུག་གིས་ནི་ [289b.5]བསྐོར། །གཉིས་པ་ལོངས་སྤྱོད་འཁོར་ལོ་སྟེ། །དམར་པོ་པདྨའི་ཕྲེང་བས་བསྐོར། །དེ་ཡི་ཤར་ཕྱོགས་སུ་མ་ནི། །གླང་ཆེན་རྣ་བའི་ཀོསྐོའོ། །བྱང་ཕྱོགས་དེ་ཝཱི་ཀོ་ཊཱི་སྟེ། །ལྟོ་བ་མ་ནི་མགྲིན་གླིང་བུར། །ནུབ་ཕྱོགས་པ་ནི་ཀུ་ལུ་ཏཱ། །མེ་མར་རྒྱབ་ཀྱི་གླིང་བུ་རོ། །ལྷོ་ཕྱོགས་ཨ་རྦུ་དར་ནི་སྟེ། །ཆུ་རྒྱུན་ [289b.6]འབེབས་མ་འོ་མའི་སྣོད། །དེ་ནི་ཞིང་དང་ཉེ་བའི་ཞིང་། །དེ་བཞིན་ཚ་ནྡོ་ཉེ་ཚ་ནྡོ། །མེའི་ཕྱོགས་ཧ་རི་ཀ་ལ་སྟེ། །ཟླ་བ་དེ་ནི་སྙིང་གར་རོ། །བདེན་བྲལ་ཕྱོགས་སུ་གུ་ཏ་པར། །ཉི་འོད་མ་ནི་ལྟེ་བར་རོ། །རླུང་གི་ཕྱོགས་སུ་ལམྤཱ་ཀར། །དུང་རྣ་མ་ནི་གསང་བར་རོ། །དབང་ལྡན་ཕྱོགས་སུ་ཀཱ་ཉྩི་ཀ། དུང་གཙུག་ [289b.7]མ་ནི་རྒྱལ་མཚན་དབུས། །ཤར་ཕྱོགས་སུ་ནི་དཀར་དམར་ཏེ། །དུང་སྟེང་མ་ཡི་རྒྱལ་མཚན་རྩེར། །བྱང་ཕྱོགས་ཇི་མི་ཀ་ར་སྟེ། །སྟོབས་ཆེན་མ་ནི་གཞང་པད་དུ། །ནུབ་ཕྱོགས་སུ་ནི་ཀུང་རྐན་ཏེ། །བྱ་རྒོད་མ་ནི་བརླ་གཉིས་དྲན། །ལྷོ་ཕྱོགས་སུ་ནི་བིནྡྲ་སྟེ། །རྒོད་ཁ་མ་ནི་པུས་གཉིས་སུ། །མེ་ཕྱོགས་ཡི་ [290a] [290a.1]དགས་འདུས་པ་སྟེ། །ཧོར་པ་མ་ནི་རྗེ་ངར་དུ། །བདེན་བྲལ་ཕྱོགས་སུ་རྒྱ་མཚོའི་ངོགས། །ཧོར་མིག་མ་ནི་རྐང་བོལ་དྲན། །རླུང་ཕྱོགས་ཙ་རི་ཏྲ་ནི་སྟེ། །འོག་འགྲོ་མ་ནི་མཐེ་བོར་རོ། །དབང་ལྡན་ཀུ་ར་བ་ར་སྟེ། །མིག་དམར་མ་ནི་སོར་མོར་རོ། །འདུས་པ་དང་ནི་ཉེ་བའི་འདུས། ། [290a.2]དུར་ཁྲོད་དེ་བཞིན་ཉེ་དུར་ཁྲོད། །དེ་ནི་ཆོས་ཀྱི་འཁོར་ལོ་སྟེ། །ནག་པོ་རྡོ་རྗེ་ཕྲེང་བས་བསྐོར། །དེ་ཡི་ཤར་ཕྱོགས་ཀས་མ་ར། །སྐྲ་དམར་མ་ནི་ལུས་ཐམས་ཅད། །བྱང་གི་ཕྱོགས་སུ་ཀེའུ་ར་ཏ་སྟེ། །རིན་ཆེན་མ་ནི་རྐང་མཐིལ་དུ། །ནུབ་ཕྱོགས་སུ་ནི་ནི་པ་ལ། །པུ་རོན་མོ་ནི་ལྷག་པར་དྲན། །ལྷོ་ [290a.3]ཕྱོགས་ཀར་ན་ཀུ་རྩ་སྟེ། །དམར་པོ་མོ་ནི་རྐང་པར་རོ། །མེ་ཡི་ཕྱོགས་སུ་ས་བླ་སྟེ། །ནག་མོ་ཆོས་འཁོར་ལྟེ་བར་རོ། །བདེན་བྲལ་ཕྱོགས་སུ་ས་སྟེངས་ཏེ། །རི་བོང་མ་ནི་ལྟེ་སྙིང་དུ། །རླུང་གི་ཕྱོགས་སུ་ས་འོག་སྟེ། །རི་དགས་མ་ནི་སྤྲུལ་སྙིང་པོར། །དབང་ལྡན་ཕྱོགས་སུ་རི་རབ་རྩེ། །ར་མ་མོ་ནི་གསང་ [290a.4]སྣང་ངོ་། །བི་ལ་ཉེ་བའི་བི་ལ་བར། །དེ་བཞིན་སྦྱོར་དང་ཉེ་བའི་སྦྱོར། །དེ་ནི་སྤྲུལ་པའི་འཁོར་ལོ་སྟེ། །དཀར་པོ་འཁོར་ལོའི་ཕྲེང་བས་བསྐོར། །འཁོར་ལོ་བཞིར་གཏོགས་རྣལ་འབྱོར་མ། །ཞལ་གཅིག་པ་ལ་ཕྱག་བཞི་པ། །སྡིགས་མཛུབ་ལྡན་པའི་གྲི་གུག་ནི། །ཐམས་ཅད་ཀུན་གྱིས་ཕྱག་གཡས་ [290a.5]བསྣམས། །ཁ་ཊྭཱཾ་ག་དང་ཀ་པཱ་ལ། །ཁྲག་གིས་བཀང་པ་གཡོན་ནའོ། །ཕྱག་གཞན་དག་ནི་གཉིས་གཉིས་ཀྱིས། །མདའ་གཞུ་ཁེངས་པར་འགེངས་པའོ། །གྲུ་གསུམ་གཏོགས་པ་གཞན་ཇི་ལྟར། །གནས་སུ་གཏོགས་པ་དེ་ལྟར་རོ། །ཇི་ལྟར་འཁོར་ལོ་རྣམས་ཀྱི་མདོག །རྣལ་འབྱོར་པ་ཡང་ [290a.6]དེ་ལྟར་རོ། །རྡོ་རྗེ་རོ་ལངས་རྡོར་འདྲ་བ། །རྡོ་རྗེ་རྩེ་མོ་རྡོར་ཟླུམ་མ། །གནག་དང་དམར་དང་སེར་དང་དཀར། །ཤར་སྒོ་ལ་སོགས་གནས་ན་བཞུགས། །ཆུ་སྲིན་ཉ་དང་སེང་གེ་དང་། །འགའ་རུ་ར་ནི་གཡས་ན་ཐོགས། །ཀ་པཱ་ལ་དང་ཁ་ཊྭཱཾ་ག །གཡོན་གྱི་ཕྱོགས་སུ་དྲན་པའོ། །གཞན་གཉིས་ [290a.7]རྡོ་རྗེ་མདའ་གཞུ་ནི། །རྣ་ལྟག་ཏུ་ནི་འགེངས་པར་དྲན། །རྡོ་རྗེ་སྐེ་རགས་དེ་པག་བཅིང་། །རྡོ་རྗེ་སེར་པོ་དང་ནི་གཉིས། །རྡོ་རྗེ་རྒོད་མ་གསུམ་པ་སྟེ། །རྡོ་རྗེ་ཉི་མ་བཞི་པའོ། །རྔ་དང་དེ་བཞིན་གླིང་བུ་དང་། །རྒྱུད་མངས་དང་ནི་རྫ་རྔ་དང་། །རྫ་རྔ་ཆུང་དུ་ཆལ་ཆུང་དང་། །ཏཾ་བུ་ར་དང་ཀ་རན་ [290b] [290b.1]ཏོ། །དེ་རྣམས་ཕྱག་ནི་གཉིས་གཉིས་ཤེས། །མཚམས་ཀྱི་ལྷ་མོའི་རིམ་པར་རོ། །བཅོམ་ལྡན་འདས་ནི་མཉེས་བྱེད་གནས། །གཟུགས་གཉིས་པ་ལ་ཡིད་འཕྲོག་མ། །བརྐྱང་ལ་སོགས་པས་དེ་རྣམས་ནི། །ཇི་ལྟར་འཇིགས་པའི་ལྷ་མོ་རྣམས། །གནས་ལ་སོགས་པ་སར་ཤེས་བྱ། ། [290b.2]བདུན་གཉིས་ཀྱི་ནི་གྲངས་ཡིན་ནོ། །ས་རྣམས་དེ་ཡི་དབང་ཕྱུག་མགོན། །འཁོར་ལོའི་དངོས་པོར་རྟག་ཏུ་བཞུགས། །གཡས་དང་གཡོན་གཉིས་བསྐོར་བ་ཡི། །ལྷ་མོ་རྣམས་ཀྱི་མཆོད་པའི་རིམ། །དེ་ལྟ་བུ་ཡི་འཁོར་ལོ་ཆེ། །བདག་ཉིད་དང་ནི་བཅས་པར་བསྒོམ། །ཡང་ན་ [290b.3]རྒྱུད་ཀྱི་མན་ངག་བསྒོམ། །འདི་ནི་འཁོར་ལོ་དྲུག་ཀྱང་ཡོད། །བདེ་བ་ཆེན་པོ་ལ་སོགས་ལྔ། །མེ་ཡི་འཁོར་ལོ་ཡོད་པས་སོ། །སྒོ་དང་མཚམས་ནི་མཉམ་ལྡན་པ། །དེ་ནི་རླུང་འཁོར་དྲུག་པའོ། །འཁོར་ལོར་གཏོགས་པའི་ལྷ་མོ་ཀུན། །རྩེ་རེ་རྣམ་པར་དག་པའོ། །བདེ་ཆེན་རྣམ་དག་ [290b.4]འཁོར་ལོ་བཞི། །གཞན་མ་གཉིས་ནི་རང་རང་ངོ་། །བདེ་ཆེན་འཁོར་ལོ་ཀུན་ཀ་ལ། །བསྐྱེད་པའི་གནས་སུ་བསྟན་པའོ། །དེ་བས་བདེ་ཆེན་འཁོར་ལོ་སྟེ། །འཁོར་ལོ་རྣམ་དག་གཞུང་ཡིན་ནོ། །དེ་ནས་ཕུང་པོ་རྣམ་དག་འདི། །རྣལ་འབྱོར་པས་ནི་རྩེ་གཅིག་གིས། །གཟུགས་ནི་ [290b.5]ལོངས་སྤྱོད་རྡོར་ཤེས་བྱ། །ཚོར་བ་ཡེ་ཤེས་རྡོ་རྗེ་སྟེ། །འདུ་ཤེས་སྣང་བ་རྡོ་རྗེ་དང་། །འདུ་བྱེད་འོད་ཀྱི་རྡོ་རྗེ་དང་། །རྣམ་ཤེས་ཕུང་པོའི་ངོ་བོ་ནི། །རྡོ་རྗེ་སེམས་དཔར་རྟག་ཏུ་བཞུགས། །མིག་གཉིས་རྡོ་རྗེ་མཁའ་འགྲོ་མ། །རྣ་བ་སྤྲིན་གྱི་རྡོ་རྗེ་མ། །སྣ་ལ་སྲོག་གི་རྡོ་རྗེ་མ། །ཁ་ལ་རོ་ཡི་རྡོ་རྗེ་མ། ། [290b.6]རག་པ་དགའ་བའི་རྡོ་རྗེ་མ། །ཡིད་ནི་ཡེ་ཤེས་དབང་ཕྱུག་མ། །ཤེས་རབ་ཐབས་ཀྱི་སྦྱོར་བ་ཡིས། །གཉིས་མེད་པ་ཡི་དངོས་པོའི་གཟུགས། །ཧེ་རུ་ཀ་དཔལ་བཅོམ་ལྡན་འདས། །དེ་བཞིན་གཤེགས་པ་ཉིད་དུ་བཞུགས། །ས་ནི་དགའ་བའི་རྡོ་རྗེ་མ། །ཆུ་ཡི་ཁམས་ནི་སྟོབས་མར་བཤད། ། [290b.7]མེ་ནི་འབྱུང་བ་རྡོ་རྗེ་མ། །རླུང་ནི་ལྕགས་སྒྲོག་རྡོ་རྗེ་མ། །ནམ་མཁའི་ཁམས་ནི་རྣལ་འབྱོར་མ། །པདྨའི་ལྟེ་བ་ཡིན་པར་བཤད། །ཕུང་པོ་ཁམས་དང་སྐྱེ་མཆེད་ཀྱི། །དག་པ་ཡིན་པར་འདི་བསྟན་ཏོ། །རིགས་ཆེན་བཤད་པའི་རྒྱུད་ལས་ནི། །དེ་ལྟ་བུ་ཡི་དག་པར་གྲགས། །རྡོར་གསུམ་ [291a] [291a.1]ཡིག་གསུམ་ཡེ་ཤེས་ནི། །དགོང་མིའི་གནས་སུ་ཡི་གེ་ཡིས། །ཡེ་ཤེས་སེམས་དཔའ་དགུག་པར་བྱ། །དམ་ཚིག་སེམས་དཔའ་ལ་ནི་བསྟིམ། །དེ་ནི་གཉི་ག་རོ་གཅིག་བྱ། །ཇི་ལྟར་ཆུ་ལ་ཆུ་གཞག་བཞིན། །མཐེའུ་ཆུང་ལུ་གུ་རྒྱུད་ཀྱི་དངོས། །དབུས་སུ་མཐེ་བོས་བརྟན་པར་བྱ། ། [291a.2]མཛུབ་མོ་གཉིས་ནི་རྩེ་སྦྱར་བསྒྲེང་། །ཅུང་ཟད་ཙམ་ནི་དགུག་པའི་དངོས། །སྲོག་རླུང་ཇི་ལྟར་དེ་ལྟར་བཟུང་། །ཚངས་པའི་བུ་གའི་སྟེང་དུའོ། །རྐང་པ་མནན་ཅིང་གྱེན་དུ་བལྟ། །ཧ་ཧ་ཡི་ནི་སྒྲ་སྒྲོགས་ཤིང་། །ནམ་མཁའི་དབྱིངས་ཀྱི་དབུས་ནས་ནི། །ཡེ་ཤེས་སེམས་དཔའ་དགུག་པར་བྱ། ། [291a.3]ཕྱག་རྒྱ་དེ་ནི་རྒྱ་ཆེན་ཏེ། །ཡེ་ཤེས་ཐིག་ལེའི་རྒྱུ་ད་ལས་གསལ། །ཤེས་པ་ཙམ་གྱིས་ཡེ་ཤེས་ཆེན། །ཐེ་ཚོམ་མེད་པར་རྙེད་པར་འགྱུར། །ཨོཾ་སརྦ་བཱི་ར་དང་པོ་སྟེ། །ཡོ་གི་ནཱི་ཡང་དེ་བཞིན་ནོ། །ཀཱ་ཡ་བཱ་ཀ་ནི་ཙིཏྟ་དང་། །བཛྲ་སྭཱ་བྷཱ་ཝ་དེ་བཞིན་དུ། །ཨཏྨ་ཀོ྅ཧཾ་དེ་ནས་ནི། །ཡེ་ཤེས་ [291a.4]སེམས་དཔའ་རྣམ་པར་དག །ཕྱི་རོལ་སྔགས་ཡིག་ཡོད་པ་ཡི། །ཆོ་ག་འདིར་ནི་མ་བཤད་དོ། །ཕུང་པོ་ལྔ་ཡི་དག་པ་ཡིས། །དེ་ལ་གོ་ཆ་དགོས་མ་ཡིན། །གོ་ཆ་བྱང་ཆུབ་སེམས་ཡིན་ཏེ། །དེ་ཡི་བསྡམ་པ་དེ་ནི་རབ། །དེ་ཡི་ཐབས་ཀྱི་ཚིག་གཅིག་ནི། །ཅུང་ཟད་ཙམ་ནི་ [291a.5]བདག་གིས་བཤད། །ཆར་ཡང་གནས་ན་སྲོག་གི་རླུང་། །ཤེས་ནས་གྱེན་དུ་འགོག་པར་བྱ། །རླུང་མ་གཉིད་མ་སྦྱོར་བ་ཡིས། །འབྱེད་པ་དང་ནི་འཛུམས་པ་དེས། །ཡེ་ཤེས་མེ་ནི་དེ་ཡིས་རྟོགས། །རང་བདེ་བ་ནི་མཆོག་གི་དངོས། །དེ་ཡིས་གཏུམ་མོ་འབར་བ་ཡིན། །ཤེས་རབ་རང་རིག་མཚན་ [291a.6]ཉིད་དོ། །མཚན་མའི་ཡེ་ཤེས་བསྲེག་པ་སྟེ། །ཕུང་པོ་སྐྱེ་མཆེད་སོགས་འདུ་ཤེས། །དེ་ནས་གྱེན་དུ་འགྲོ་འགྱུར་ཏེ། །རྟོག་པ་མེད་པའི་བདེ་ཆེན་གནས། །རྣམ་པར་རྟོག་པའི་སྡེ་ཡེ་ཤེས། །རང་གི་འོད་ཀྱིས་ཞུ་བར་བྱེད། །དེ་ལ་འདི་ལྟ་བུར་ནི་བསམ། །དངོས་པོས་མིན་ན་ནམ་ཡང་མིན། ། [291a.7]བདེ་བ་ཆེན་པོ་རྙེད་འགྱུར་ཏེ། །དེ་བས་དངོས་པོ་དངོས་མེད་པའོ། །འདི་བཅད་བྱམ་ནས་དེ་ནས་ནི། །སྔར་ཚིག་པ་ནི་ཡང་སོས་བྱ། །བརླག་དང་ལོངས་སྤྱོད་དབང་གིས་ནི། །ཐིག་ལེ་གསུམ་ནི་རབ་དགའ་བ། །འཁོར་ལོ་རེ་རེར་ཤེས་བྱ་སྟེ། །ལྟེ་བའི་ནང་དུ་ཕྱི་རོལ་མིན། །ཐིག་ལེ་ [291b] [291b.1]གསུམ་ནི་རིན་ཆེན་སྐེར། །ཐིག་ལེ་བཅོ་ལྔར་དེ་ནི་དྲན། །ཆར་ཡང་དགའ་བའི་བྱེ་བྲག་ཏུ། །ཨཱ་ལི་ཐིག་ལེར་ཤེས་པར་བྱ། །བཅུ་དྲུག་པ་དེ་ལོགས་ན་མེད། །རང་བཞིན་ཡང་ནི་དེ་ལྟར་རོ། །སྣང་བ་གསུམ་དང་ལྡན་པ་ནི། །རིན་ཆེན་སྐེ་རུ་ཕྱིན་ཙམ་ན། །འོག་པད་ལྟེ་བའི་པདྨ་ནི། །འཛུམས་ [291b.2]བྱེད་ས་དེའི་རང་བཞིན་ནོ། །གསུམ་པོ་རྣམས་ནི་སྤངས་པ་ཡིས། །གཞན་མ་གང་ནའང་རང་བཞིན་མེད། །གསུམ་པོ་རང་ཡང་རང་བཞིན་མིན། །དཔལ་ལྡན་ཐམས་ཅད་རྒྱུད་ལས་གསུངས། །དེ་བཞིན་ཆར་ཡང་ཤེས་པར་བྱ། །བཅུ་དྲུག་པ་ནི་གང་ནའང་མེད། །བཅུ་ [291b.3]དྲུག་ཆར་ཡང་མེད་པ་སྟེ། །དེ་ལ་ཚེས་ནི་གང་བཟུང་སྟེ། །ཡོད་ན་ཡང་ནི་དེ་སྤང་དགོས། །བྱ་བའི་དོན་ནི་དེ་མི་བྱེད། །ཀྱེ་ཡི་རྡོ་རྗེའི་རྒྱུད་ལས་གསུངས། །བདག་གིས་ཀྱང་ནི་དེ་གསལ་བྱས། །འདི་ལ་བྱ་བ་ཇི་སྐད་བསྟན། །སྐྱེ་དང་འགག་པའི་གཟུགས་ཡིན་ནོ། །སྐྱེ་དང་ [291b.4]འགག་པ་མེད་པ་ཡི། །བཅུ་དྲུག་པ་ལ་རྟོག་མི་བྱེད། །རང་བཞིན་དེ་ལས་ཤེས་པར་བྱ། །སྐྱེ་དང་འགག་པ་སྤངས་པའོ། །ཨོཾ་བཛྲ་ཤུདྡྷཿ་དང་། །སརྦ་དྷ་རྨཱ་དེ་བཞིན་ཡང་། །བཛྲ་ཤུདྡྷོ྅ཧཾ་ཞེས་ཏེ། །གོ་ཆ་དེ་ནི་སྔགས་རྒྱལ་ཡིན། །ཆོས་ཀྱི་དབྱིངས་ཀྱི་བུམ་ཆེན་པོ། །རྩ་ཡི་ཁ་རྒྱན་དང་ [291b.5]ལྡན་པ། །ཟླ་བ་གང་དུས་རྣལ་འབྱོར་པས། །བུམ་པ་གང་བའི་ནང་དུ་བལྟ། །སྲོག་དང་རྩོལ་བ་འགོག་པ་ཡིས། །རྡོ་རྗེ་སྐུ་ལ་དབང་བསྐུར་བྱ། །སྔགས་འདི་ཡིས་ནི་རྟག་ཏུ་ནི། །རྡོ་རྗེ་སྐལ་བ་ལྡན་པར་ནི། །ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་ [291b.6]གསོལ་བ། །དེ་བཞིན་བདག་གིས་ལྷ་ཡི་ཆུ། །དག་པ་ཡིས་ནི་ཁྲུས་བྱས་སོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཕཊ་སྭཱ་ཧཱ། དེ་ནས་བདེ་ཆེན་འཁོར་ལོའི་གཞི། །པདྨའི་སྣོད་ཀྱི་དབུས་སུ་ནི། །རིན་ཆེན་ལྔ་ནི་ལྷ་ཡི་མཆོག །དེ་བཞིན་གཤེགས་པ་ལྔའི་བདག་ཉིད། །ཆར་ [291b.7]ཡང་སྟེང་ན་ཡེ་ཤེས་མེ། །དེ་ཡི་འོག་ནས་རང་དབང་རླུང་། །གཡོན་སྐོར་ནས་ནི་མེ་འབར་བྱ། །དེ་ཡི་བདུད་རྩི་ཞུ་བྱའོ། །རྡོར་གསུམ་ཡེ་ཤེས་ས་བོན་གྱིས། །དཀར་སྦྱངས་རྟོགས་བྱས་འབར་བྱས་སོ། །སྔགས་ཀྱི་དེ་ཉིད་བྱིན་བརླབས་ཀྱིས། །རང་ལྕེ་པདྨའི་འདབ་མར་གཞག །ཕྱི་ནང་བདག་ཉིད་ [292a] [292a.1]ཅན་གྱི་གཟུགས། །འཁོར་ལོ་དེ་ཡིས་རབ་ཚིམ་བྱ། །འཁོར་ལོ་ལྟེ་བའི་ཕྱི་རོལ་དུ། །བདུད་རྩི་ནམ་ཡང་སྤང་མི་བྱ། །དཔའ་བོའི་དཔའ་བོ་ཁ་ཡི་ནང་། །སྐེ་ཡི་གནས་སུ་གཟུང་བར་བྱ། །སྐེ་ཡི་གནས་ནས་གྱེན་གྱི་གནས། །ཐུར་དུ་ནམ་ཡང་གཏང་མི་བྱ། །དེ་ནས་མགོན་པོའི་ [292a.2]སྙིང་པོ་ནི། །སྙིང་གར་འཕྲོ་བར་གསལ་བར་ནི། །ཤེལ་གྱི་ཡི་གེ་དག་པ་འདྲ། །ཨཱ་ལི་ཡེ་ཤེས་མཚན་ཉིད་ཅན། །སྲོག་དང་རྩོལ་བ་མགོན་པོ་ཡིས། །སྲོག་དང་རྩོལ་བ་བཟའ་བར་བྱ། །རང་འོད་རིག་མ་དང་ལྡན་པ། །གཉིས་ཀྱི་རིག་མར་སྦྱར་བྱས་ནས། །འཁོར་ལོས་སྒྱུར་བའི་སྔགས་ [292a.3]རྣམས་ཀྱི། །སྔགས་འདི་ཡིས་ནི་དྲང་བར་བྱ། །ཨོཾ་མ་ཧཱ་ཀྲོ་དྷེ་ཤྭ་རེ་དང་། །ཛ་ཡ་བི་ཛ་ཡ་དེ་བཞིན་ནོ། །ཊ་ཊ་ཧ་ས་དེ་ནས་དྲན། །མ་ཧཱ་ཀཱ་ཝ་ནཱ་གྞ་བེ། །ས་ནི་ཡཱ་ཡ་དེ་ནས་ནི། །ཧཱུཾ་ཧཱུཾ་ཕཊ་ཀཾ་ཡང་དེ་བཞིན། །ཐ་མར་སྭཱ་ཧཱ་དང་ལྡན་པ། །བཅོམ་ལྡན་འདས་ཀྱི་སྙིང་པོ་ཡིན། །ཨོཾ་བཛྲ་ཏེ་གུ་ཛ་དང་ནི། ། [292a.4]ཧྲཱིཾ་ཧྲཱིཾ་ཕཊ་ཀར་དང་ལྡན་པ། །ཉེ་བའི་སྙིང་པོའི་སྔགས་ཆེན་པོ། །ཐམས་ཅད་ཀུན་ནི་དབང་དུ་བྱེད། །ཨོཾ་སུ་རཏ་དེ་ནི་དང་པོ་སྟེ། །ས་མ་ཡི་ཤྭད་དེ་བཞིན་ནོ། །ཧཱུཾ་ཧཱུཾ་ཧཱུཾ་ཕཊ་ཕཊ་ཀར་དང་ལྡན། །ཐ་མར་སྭཱ་ཧཱ་སྦྱར་པའོ། །བཅོམ་ལྡན་མོ་ཡི་སྙིང་པོ་འདི། །གྲངས་མེད་པ་ཡི་ཡོན་ཏན་ཡོད། །ཨོཾ་ཀྲྀཾ་ [292a.5]བླྀཾ་ཛླྀཾ་རྐང་པ་གཅིག །ཐ་མར་ཕཊ་དང་སྭཱ་ཧཱར་ལྡན། །བཅོམ་ལྡན་མོ་ཡི་ཉེ་སྙིང་པོ། །སངས་རྒྱས་ཀུན་གྱིས་ཕྱག་བྱས་པ། །ཐོག་མར་ཨོཾ་དང་ཧཱུཾ་ཕཊ་མཐའ། །བར་དུ་མིང་ཡང་སྤེལ་བར་བྱ། །ཐམས་ཅད་འཁོར་ལོའི་སྔགས་འདི་ཡིན། །མཆོད་པའི་དུས་སུ་མཆོད་པར་བྱ། །ཅི་ཙམ་ནུས་ [292a.6]པར་བཟླས་བྱས་ཏེ། །སྐྱོན་ངལ་ནི་གསོ་བར་བྱ། །འབུམ་བཟླས་པ་ཡིས་འགྲུབ་འགྱུར་ཏེ། །འཕྲལ་དུ་ཡིད་ཆེས་བྱེད་པ་ཡིན། །དེ་ནས་གཏོར་མ་སྦྱིན་པར་བྱ། །སྔགས་དང་ཕྱག་རྒྱ་ཡོད་པ་ཡི། །སྔར་རྫོགས་པ་ཡི་གཟུགས་ཀྱིས་ནི། །ཕྱི་རོལ་དང་ནི་ནང་དུའོ། །ཕྱི་ནི་བསྲུང་ [292a.7]བའི་དོན་དུ་སྦྱིན། །ནང་གི་ཡང་ནི་དེ་ལྟར་རོ། །སྔར་གྱི་ཕྱག་རྒྱའམ་ཡང་ན་འདིས། །མཁའ་འགྲོ་མ་རྣམས་དགུག་པར་བྱ། །རྡོ་རྗེ་ཁུ་ཚུར་གཉིས་བཅིངས་ཏེ། །རྒྱབ་དང་རྒྱབ་ནི་སྦྱར་བར་བྱ། །མཐེའུ་ཆུང་ལུ་གུ་རྒྱུད་ཀྱི་དངོས། །མཛུབ་མོ་གཉིས་ནི་དྲང་པོར་བྱ། །གཡས་དང་གཡོན་གྱི་ [292b] [292b.1]ཕྱག་གཉིས་ཀྱི། །མཛུབ་མོ་ཅུང་ཟད་དགུག་པར་བྱ། །ཨོཾ་ཧེ་ཧེ་སརྦ་ཡོ་གི་ནཱི། །སརྦ་ཌཱ་ཀི་ནཱི། པྲ་མ་ནི་རུ་དྲ་ནི། མ་ཧེ་ཤྭ་རི། །བིཥྞུ་བི། བཱ་རཱ་ཧཱི། ནར་སྡེ་གི །ཨ་ཡི་ཏྲི། ཨགྞ་ཡེ། བ་རུ་ཎི། །བཱ་ཡ་བི། ཀུ་མཱ་རི། ག་རུ་ཌ། པ་ན་ན་གི་བི་ནཱ་ཡ་གི། བ་ཝ་སྭ་སྟི། བཻ་སྲ་མ་ཎི། བསྐ་རི་ཅ་མུཎྜི། སརྦ་བྷཱུ་ཏ། [292b.2]ཕྲེ་ཏ། པི་ཤཱ་ཙ། པུ་ཥྤཾ། དྷཱུ་པཾ། དཱི་པཾ། གནྡྷཾ། པཉྩཾ་ཨ་མྲྀ་ཏ། མ་ཏ་ཏྭ་ཙ། བ་ཏ་ག་ཏེ། ཙ་ཏྲ་ཙ་མ་ར། ས་མ་ཡོ་ཏཾ། མ་ཚ། མཱཾ་ས། མཧཱཾ་རཀྟ། ནན་གཏེ། སཾ་པུརྞཾ། ཨི་དཾ་པ་ལི་སཾ་ཐ་ས་མ་ཡ། རཀྵ་ཐ། མ་མ་སརྦ་ཏ་ཐཱ་ག། ས་ཧ་ཡཾ་ཀོ་ར་ཐཱ། ཨ་དྲ། ས་དྷ་ནི། ཡི་ཤྲ་དྷ། ཤིགས་སྟཾ། རཀྵ། ཡ་ཐཻ་བཾ། ཡ་ཐེ་ཥྚི། བྷུ་ཉྫ་ [292b.3]ཐ། ཧཱུཾ་ཧཱུཾ་ཕཊ་ཕཊ་སྭཱ་ཧཱ། བྷ་གའི་ཕྱག་རྒྱ་སྤྱི་བོར་གནས། །མཚན་ཕྱེད་ན་ནི་གཏོར་མ་སྦྱིན། །སྔར་བཤད་པ་ནི་ཀུན་ཤེས་ནས། །དེ་ནས་རང་བཞིན་ལ་ནི་གནས། །རྟོག་པ་ལས་ནི་རྟོག་པ་མིན། །དེ་ནི་རང་བཞིན་དུ་ནཾ་ངན། །ཐིག་ཚུལ་ཚར་ཡང་དགའ་བ་རྣམས། །དེ་ནི་རྟོག་པའི་མཚན་ཉིད་ཡིན། །ཚུལ་ [292b.4]ཙམ་རྟོག་པ་མ་ཡིན་ཏེ། །དེ་ནི་ཡེ་ཤེས་རང་བཞིན་མཁའ། །མདུད་པའི་ནང་གི་འཕྲལ་བ་ནི། །ཚུལ་དང་དགའ་བའི་གཞི་ཡིན་ནོ། །དེ་ཡི་སྟེང་གི་པདྨ་ནི། །མགྲིན་པའི་མཆོག་དང་ཐིག་ལེའོ། །དེ་ཡི་སྟེང་ན་གཙུག་ཏོར་ནི། །སྙིང་གར་ཆད་དང་ཆར་ཡང་ངོ་། །སྙིང་གའི་ལྟེ་བར་ཡེ་ [292b.5]ཤེས་ཏེ། །དེ་ནི་རང་བཞིན་དུ་ནི་གྲགས། །ཐིག་ཚུལ་ཆར་ཡང་དེ་དགའ་རྣམས། །རྩ་གསུམ་ནང་ན་རླུང་དང་ལྡན། །རླུང་ལ་ཞོན་ནས་བྱང་ཆུབ་སེམས། །གསུམ་དུ་དགྱེས་ནས་རྟག་ཏུ་འབབ། །བཞི་པ་ལ་ནི་འབབ་མ་མེད། །རང་དབང་རྟོག་པ་མེད་པའོ། །གསུམ་ནི་སྤངས་ནས་བཞི་པ་ནི། ། [292b.6]ནམ་ཡང་རྙེད་པར་མི་འགྱུར་རོ། །གསུམ་པོ་རང་བཞིན་དགུག་བྱས་ནས། །བཞི་པ་ངེས་པར་རྙེད་པར་འགྱུར། །གསུམ་པ་སྤངས་པའི་བཞི་པ་ནི། །ཕྲ་མོའི་ཕྲ་མོ་སྐྱེ་བ་མེད། །བླ་མ་ཡིས་ནི་མ་གསུངས་ནི། །དེ་མི་ཤེས་པར་དཀའ་བ་ཡིན། །སྐྱེ་མེད་དེ་ནི་ག་ལས་ཤེས། །དེ་ལྟར་ [292b.7]ཡིན་ན་དེ་ལའང་བརྗོད། །སྐྱེ་བ་མེད་ཀྱང་མི་གསལ་མིན། །མ་སྐྱེས་ན་ཡང་རྟག་ཏུ་ཤར། །ཇི་ལྟར་ནམ་མཁའ་སྐྱེ་མེད་བཞིན། །ཤིན་ཏུ་གསལ་བར་རྟག་ཏུ་ཤར། །དྲི་མེད་གསལ་བ་ཡིན་ནའང་། །ལོང་བས་ནམ་ཡང་དེ་མི་ཤེས། །དེ་བཞིན་ཚད་མའི་སྒྲིབ་གཡོགས་ཀྱིས། །ལོང་བ་མན་ [293a] [293a.1]ངག་མེད་པ་ཡིས། །རྟག་ཏུ་ཤར་བའི་རང་བཞིན་ནི། །ནམ་ཡང་དེ་ནི་ཤེས་མ་ཡིན། །ཐམས་ཅད་ཀུན་དུ་ཁྱབ་ན་ཡང་། །ཐམས་ཅད་ཀུན་ནས་མཐོང་མ་ཡིན། །དེ་བས་སྐལ་ལྡན་འགྲུབ་དོན་དུ། །དེ་ནི་བདག་གིས་རྙེད་པར་བསྟན། །པདྨའི་སྟེང་ནང་ཡེ་ཤེས་ནི། །དེ་ནི་རང་བཞིན་ [293a.2]ངེས་པར་རྙེད། །པདྨ་གྲུ་གསུམ་མ་ཡིན་བརྗོད། །ཆར་ཡང་དེ་ནི་ཐིག་ལེའི་དབུས། །དེ་ཡི་ནང་དུ་འགྲོ་བའི་སེམས། །རྣལ་འབྱོར་དབང་ཕྱུག་དེ་བྱེད་ན། །སྐད་ཅིག་གཅིག་གིས་ཡེ་ཤེས་ཆེན། །ཐེ་ཚོམ་མེད་པར་རྙེད་པར་འགྱུར། །ད་མ་ཡིན་པའི་གསང་ཆེན་པོ། །མན་ངག་དེ་ནི་གཞན་མ་ [293a.3]མེད། །དཔལ་ལྡན་ཕྱག་ན་རྡོ་རྗེ་ཡིས། །རྒྱུད་ཐམས་ཅད་ལ་སྦས་པ་ཡིན། །དེ་མེད་འཇིགས་ཕྱིར་བདག་གིས་འདི། །དད་པ་ཡིས་ནི་གསལ་བར་བྱས། །གསང་བ་དེ་ཉིད་གསལ་བ་འདི། །དེ་བས་རྣལ་འབྱོར་མ་བཟོད་མཛོད། །ད་ནི་ཡང་དག་སྐལ་ལྡན་རྣམས། །དབང་མཆོག་གསུམ་ནི་ཡོད་པ་ [293a.4]དང་། །ཤིན་ཏུ་དཔའ་བོ་དག་པ་དང་། །འདོད་ཆགས་ཞེ་སྡང་མེད་པ་དང་། །དམ་ཚིག་ཤེས་དང་བསམ་གཏན་གནས། །བླ་མ་ལ་ནི་རྩེ་གཅིག་གུས། །སེར་སྣ་ང་རྒྱལ་མེད་པ་ལ། །བློ་གྲོས་ཆེན་པོས་འདི་བསྟན་བྱ། །གདུག་དང་ནད་མེད་སྐྲག་པ་དང་། །ཐོས་མེད་སེར་སྣ་ཁེངས་རྨོངས་པ། །ང་རྒྱལ་ [293a.5]ཕྲག་དོག་ཡོད་པ་དང་། །སྔགས་ཀྱི་སྡོམ་པ་མི་ཤེས་དང་། །བླ་མ་ངེས་པར་མི་འཛིན་དང་། །བསམ་གཏན་དམ་ཚིག་སྤངས་པ་ལ། །འདི་ཡིས་དེ་ཉིད་གསལ་བྱེད་ན། །དཀོན་མཆོག་གསུམ་ནི་བསད་དང་མཚུངས། །དེ་ལ་དངོས་གྲུབ་ཐག་རིང་འགྱུར། །སྡུག་བསྔལ་མང་པོ་དེ་ལ་ཡང་། །ཤི་མ་ [293a.6]ཐག་ཏུ་དམྱལ་བར་འགྲོ། །དེ་བས་ནམ་ཡང་གསལ་མི་བྱ། །འབད་དེ་མན་ངག་བསྲུང་བར་བྱ། །བླ་མ་ཆེན་པོ་མཆོག་རྣམས་འདི། །ངེས་པའི་རྨད་བྱུང་བས་རྨད་འབྱུང་། །བླ་མའི་ཞབས་ཀྱི་བཀའ་དྲིན་གྱིས། །ཅུང་ཟད་ཙམ་ནི་བདག་གསལ་བྱས། །འདི་ཡི་དྲི་མེད་དགེ་བ་ཡིས། ། [293a.7]ཁམས་གསུམ་མ་ལུས་ཀུན་གྱིས་ནི། །དཔལ་ལྡན་རྡོ་རྗེ་སེམས་དཔའ་ཡི། །ས་ནི་མྱུར་དུ་རྙེད་པར་ཤོག། །དཔལ་རིན་པོ་ཆེའི་ཆར་ཡང་ཞེས་བྱ་བའི་སྒྲུབ་པའི་ཐབས་རྫོགས་སོ།། །།རྒྱ་གར་གྱི་མཁན་པོ་ཆེན་པོ་དཔལ་ཤེས་རབ་གསང་བས་བསྒྱུར་ཅིང་གཏན་ལ་ཕབ་པ།། །། [293b] [293b.1]{T1332}༄༅༅། །རྒྱ་གར་སྐད་དུ། ཤྲཱི་རཏྣ་བིནྡྲ་ནཱ་མ་སཱ་དྷ་ནཾ་ནོ་པི་ཀ །བོད་སྐད་དུ། དཔལ་རིན་ཆེན་ཐིགས་པ་ཞེས་བྱ་བའི་སྒྲུབ་པའི་ཐབས། དཔལ་བདེ་བ་ཆེན་པོ་ལ་ཕྱག་འཚལ་ལོ། །བདེ་ཆེན་ཡན་ལག་མ་དང་ལྡན། །རང་ཉིད་བདེ་བ་ཆེན་པོ་ཡིན། །བདེ་བ་ཆེན་པོའི་གནས་ན་བཞུགས། །ཧེ་རུ་ཀ་དཔལ་ [293b.2]བདག་ཕྱག་འཚལ། །སྐལ་ལྡན་རྣམས་ཀྱི་གྲུབ་དོན་དུ། །མདོར་བསྡུས་པ་ཡི་སྒྲུབ་ཐབས་བཤད། །དང་པོར་རྣལ་འབྱོར་དབང་ཕྱུག་གིས། །རབ་ཏུ་སྦྱོར་བ་འདི་གནས་བྱ། །གཞང་ཁའི་པདྨར་ཡིག་འབྲུ་ཡཾ། །དེ་ལས་རླུང་གི་དཀྱིལ་འཁོར་རོ། །གྲུ་གསུམ་པདྨར་ཡིག་འབྲུ་རཾ། །དེ་ལས་མེ་ཡི་དཀྱིལ་ [293b.3]འཁོར་རོ། །འཛུམས་པ་དང་ནི་འབྱེད་པ་ཡིས། །རླུང་གིས་མེ་ནི་བཏེག་པར་བྱ། །བྷ་གའི་པདྨའི་ནང་དུ་ནི། །ཡང་དག་པར་ནི་འབར་བར་བསྒོམ། །འབར་བའི་མེ་ཡིས་ལུས་ཀུན་གྱི། །རྟོག་པའི་བདག་ཉིད་བསྲེག་པར་བྱ། །དེ་ཡི་འོད་ཀྱིས་བདེ་འཁོར་ལོ། །ཀུན་ནི་འོད་དུ་ཞུ་བར་འགྱུར། །འོད་དུ་ཞུ་བའི་བདུད་ [293b.4]རྩི་ནི། །སྲོག་གི་རྩ་བའི་ནང་ནས་འབབ། །རྒྱུན་ནི་མི་འཆད་པ་ཡིས་ནི། །སྔར་ཚིག་པ་ནི་རབ་ཚིམ་བྱ། །རང་ལུས་ཡེ་ཤེས་བདག་ཉིད་ནི། །མི་བསྐྱོད་པ་ཡི་གཟུགས་སུ་མཐོང་། །ཨོཾ་སྭ་བྷཱ་ཝ་ཤུདྡྷཿ་སརྦ་དྷརྨཱཿ་སྭ་བྷཱ་བ་ཤུདྡྷོ྅ཧཾ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། །ཧཱུཾ་གི་ཡིག་འབྲུས་སྐད་ [293b.5]ཅིག་འབྱུང་། །འཁོར་ལོ་དང་ལྡན་ཧེ་རུ་བདག །གྲུ་གསུམ་ཕྱག་རྒྱ་དབུས་ཀྱི་གནས། །ཉི་མའི་སྟེང་ན་གར་དང་ལྡན། །ཞལ་བཞི་པ་ལ་ཕྱག་བརྒྱད་པ། །ཆུ་སྐྱེས་སྔོན་པོའི་གཟུགས་དང་ལྡན། །སྤྱན་གསུམ་པ་ལ་གཡས་བརྐྱང་བ། །ལེགས་སྐྱེས་དབང་ཕྱུག་མས་ནི་འཁྱུད། །ཐོད་རློན་ཕྲེང་ [293b.6]བའི་དོ་ཤལ་ཅན། །ཉི་མ་བྱེ་བའི་འོད་དང་མཉམ། །མི་བསྐྱོད་པ་ཡིས་དབུ་ལ་བརྒྱན། །ཕྱག་རྒྱ་དྲུག་གིས་ཡན་ལག་བརྒྱན། །ཐོད་པའི་ཕྲེང་བས་དབུ་ལ་བརྒྱན། །གཙུག་ཏོར་ཟླ་བ་ཕྱེད་པ་ཅན། །གནག་དང་སེར་དང་དམར་དང་ལྗང་། །གཡོན་ནས་བསྐོར་པའི་ཞལ་དང་ལྡན། །འཁྱུད་ [293b.7]པའི་ཕྱག་ནི་གཡས་པ་ན། །རྡོ་རྗེ་དང་ནི་དྲིལ་བུ་གཡོན། །ཉི་མ་མདའ་དང་ཀ་པཱ་ལ། །གཡས་པ་ཡི་ནི་ཕྱག་ན་བསྣམས། །ཟླ་བ་གཞུ་དང་ཁ་ཊྭཱཾ་ག །གཡོན་པ་ཡི་ནི་ཕྱག་ན་བསྣམས། །ལེགས་དགྱེས་དབང་མོ་དེ་དང་མཐུན། །ཡང་ན་ཕྱག་ནི་གཉིས་པར་དྲན། །ཕྱག་ནི་གྲི་གུག་ཀ་པཱ་ལ། །སྐུ་སྨད་ [294a] [294a.1]གཉིས་ནི་འཁྱུད་པ་ཡིན། །རང་ལས་འོད་འབྱུང་མཆོག་གི་དངོས། །གཉིས་སུ་མེད་པའི་གནས་ན་བཞུགས། །ལེགས་དགྱེས་མ་དང་རྡོར་འཚོ་མ། །དེ་བཞིན་རྡོ་རྗེ་གླང་ཆེན་མ། །བཅོམ་ལྡན་འདས་ཀྱི་ཞལ་དང་མཐུན། །གྲུ་གསུམ་ལ་ནི་བསྒོམ་བྱ་སྟེ། །ཞལ་གཅིག་པ་ལ་སྤྱན་ [294a.2]གསུམ་པ། །ཞལ་བཞི་པ་ལ་གཡོན་བརྐྱང་གནས། །གླ་རྩི་གུར་ཀུམ་ག་པུར་གྱིས། །བཀང་བའི་ཀ་པཱ་ལ་རྣམས་ནི། །སྒེག་པའི་ཕྱག་ནི་གཉིས་ན་ཐོགས། །གྲུ་གསུམ་ཕྱག་རྒྱ་སྤྱི་བོར་གཞག །མཛུབ་མོ་གཉིས་ནི་འོག་ཏུའོ། །སྐྲ་གྲོལ་བ་ལ་གཅེར་བུ་སྟེ། །ཐོད་རློན་དོ་ཤལ་གྱིས་བརྒྱན་པ། ། [294a.3]རོ་ཡི་སྟེང་ན་འཇིགས་འཇིགས་ཆེན། །ཕྱག་རྒྱ་ལྔ་ཡིས་ཡན་ལག་བརྒྱན། །ལ་ལ་ནཱ་སོགས་དག་པར་ནི། །བསྒྲུབ་པའི་དབང་པོས་ཤེས་པར་བྱ། །དེ་ནས་བདེ་ཆེན་འཁོར་ལོ་བཞིར། །པདྨའི་སྣོད་ཀྱི་ནང་དུ་ནི། །བདུད་རྩི་ལྔ་ནི་ལྷ་ཡི་མཆོག །དེ་བཞིན་གཤེགས་པ་ལྔའི་བདག་ཉིད། །ཆར་ [294a.4]ཡང་སྟེང་ནས་ཡེ་ཤེས་མེ། །དེ་ཡི་འོག་གི་རླུང་དང་ནི། །གཉིས་སུ་སྦྱོར་བས་མེ་འབར་བ། །དེ་ཡིས་བདུད་རྩི་ཞུ་བྱས་ཏེ། །རྡོར་གསུམ་ཡེ་ཤེས་ས་བོན་གྱིས། །དཀར་བྱས་རྟོགས་བྱས་འབར་བྱས་སོ། །སྔགས་ཀྱི་བྱིན་གྱི་རླབས་ཀྱིས་ནི། །རང་ལྕེ་པདྨའི་འདབ་མར་གཞག །ཕྱི་ནང་ [294a.5]བདག་ཉིད་ཅན་གྱི་གཟུགས། །འཁོར་ལོ་དེ་ཡིས་རབ་ཚིམ་བྱ། །ཨོཾ་ཡོ་ག་ཨ་མྲྀ་ཏ་ཤུདྡྷཿ་སརྦ་དྷརྨ་ཡོ་ག་ཨ་མྲྀ་ཏ་ཤུདྡྷོ་྅ཧཾ། །དེ་ནས་མགོན་པོའི་སྙིང་པོ་ནི། །ཐམས་ཅད་གྲུབ་པའི་དོན་དུ་བཟླས། །ཨོཾ་བཛྲ་ཏེ་ཙོ་གྲ་ཧྲིཾ་ཧྲིཾ་ཧཱུཾ་ཕཊ། །ཨོཾ་གླྀཾ་བླྀཾ་ཛླྀཾ་ཕཊ་སྭཱ་ཧཱ། །ཨོཾ་བཛྲ་སཱ་ག་རི་ཧཱུཾ་ཕཊ། ཨོཾ་ [294a.6]བཛྲ་སུ་ར་ཏ་ཧཱུཾ་ཕཊ། ཨོཾ་བཛྲ་ཀུ་ཉྫ་རི་ཧཱུཾ་ཕཊ། གྲུ་གསུམ་གནས་པའི་རྣལ་འབྱོར་མ། །མཆོད་པའི་དུས་སུ་མཆོད་པར་བྱ། །དེ་ནས་གཏོར་མ་སྦྱིན་པར་བྱ། །སེམས་ཅན་རྣམས་ལ་བསྲུང་བའི་ཕྱིར། །ཨོཾ་ཨ་ཀཱ་རོ་མུ་ཁཾ་སརྦ་དྷ་རྨཱ་ཎཱཾ་ཨཱདྱ་ནུཏྤནྣ་ཏྭཱཏ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། །དེ་ནས་རྣལ་འབྱོར་ངལ་ [294a.7]བསོ་བྱ། །སྟེང་དང་འོག་ནི་སྤངས་པ་ཡིན། །གནས་སུ་གཏིང་རིངས་དབུས་སུ་ནི། །རང་རིག་ཤེས་རབ་ལྡན་པ་ཡིན། །དྲུག་ཅུ་རྩ་བཞི་འདབ་མའི་ནང་། །ཡང་དག་དྲི་མེད་མ་སྲེས་ཆ། །དེ་ཡི་དབུས་སུ་མཆོག་གི་ཚུལ། །དྲི་མེད་རྣམ་དག་གཉིས་ལ་ཁྱབ། །རང་དངོས་རྫོགས་པ་དེ་ནི་མཐོང་། ། [294b] [294b.1]བསྐྱེད་པ་དང་ནི་རྫོགས་པ་མེད། །རླབས་མེད་པ་ཡི་རང་བཞིན་ནོ། །རླངས་མེད་པ་ཡི་སེམས་ཀྱིས་ནི། །མཆོག་གི་དངོས་པོ་རྙེད་པ་ཡིན། །དེ་ལ་ཅུང་ཟད་བལྟ་རུ་མེད། །དེ་ནི་དཔལ་མེའི་ཞལ་སྔ་ཡི། །ཞལ་གྱི་པདྨ་མཆོག་ལས་ནི། །ཨུ་རྒྱན་ཡུལ་ནས་བདག་གིས་རྙེད། །ཕྱི་ནས་བདག་གིས་རྙེད། །ཕྱི་ནས་རང་གིས་དྲན་དོན་དུ། ། [294b.2]དེ་ཡི་ཚིག་ནི་བྲིས་པ་ཡིན། །རྣལ་འབྱོར་མ་རྣམས་བཟོད་པར་མཛོད། །རིན་ཆེན་ཐིགས་པ་ཞེས་བྱ་བའི་སྒྲུབ་པའི་ཐབས་རྣལ་འབྱོར་གྱི་དབང་ཕྱུག་དཔལ་ཤེས་རབ་གསང་བས་མཛད་པ་རྫོགས་སོ།། {T1333}༄༅༅། །རྒྱ་གར་སྐད་དུ། །ཨ་བྷི་ཥེ་ཀ་ར་ཏྣ་ཨཱ་ལོ་ཀ །བོད་ [294b.3]སྐད་དུ། དབང་རིན་ཆེན་སྣང་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །བཅུ་གཉིས་ཕྱེད་ཀྱི་ཕྱེད་མེད་པ། །བཅུ་གཉིས་ཕྱེད་ཀྱི་ཕྱེད་རང་ཡིན། །བཅུ་དྲུག་ཕྱེད་ཀྱི་རོ་ཡོད་པ། །བཅུ་དྲུག་ཕྱེད་ཕྱེད་ལ་ཕྱག་འཚལ། །གང་འདི་སུས་ཀྱང་མི་ཤས་པ། །གང་འདི་སུས་ཀྱང་གསལ་མ་བྱས། །རྒྱུད་ [294b.4]རྒྱུད་ན་ནི་གསང་བ་བཞུགས། །དེ་ཡི་དབང་མཆོག་བདག་གིས་བཤད། །དབང་མེད་ན་ནི་མྱུར་འགྲུབ་མེད། །རྡོ་རྗེ་དབང་ཕྱུག་དེ་སྐད་གསུངས། །ཡན་ལག་ཐམས་ཅད་དབང་སྐལ་ལྡན། །སྐལ་ལྡན་མིན་ན་ནམ་ཡང་མིན། །མཁས་པས་དེ་ལ་སྦྱིན་པར་བྱ། །ཕྱག་ན་རྡོ་རྗེས་དེ་སྐད་གསུངས། །ཐམས་ [294b.5]ཅད་མཚན་གྱིས་གང་བ་དང་། །རྒྱུད་ཀུན་ཐམས་ཅད་ཤེས་པ་དང་། །དབང་བསྐུར་ཤེས་དང་ཐུགས་རྗེ་ཆེ། །དེ་ནི་བླ་མ་རྡོར་རྒྱལ་ཉིད། །བླ་མ་འབད་དེ་མ་ཉེས་པར་བྱ། །རྒྱུད་ལས་འབྱུང་བཞིན་མཆོད་བསྟོད་བྱ། །ཡོན་ཏན་ཕུང་པོ་བརྗོད་མི་ནུས། །ཡེ་ཤེས་རྒྱ་མཚོ་གཏིང་དཔག་དཀའ། ། [294b.6]སྐུ་ནི་རང་བཞིན་དཔལ་དང་ལྡན། །སེམས་དཔའ་ཐམས་ཅད་ཀྱི་མ་འདྲ། །ཡེ་ཤེས་ཉི་མ་བཅོམ་ལྡན་འདས། །གཞན་གྱི་དོན་དུ་ཁྱོད་ནི་ཤར། །འཁོར་བ་དྲན་པའི་དོན་དུ་ནི། །དཀྱིལ་འཁོར་གསལ་བར་བདག་ལ་མཛོད། །དེ་ནས་ཡན་ལག་དྲི་ཞིམ་བསྐུས་ཏེ་གོས་བཟང་བརྒྱན། ། [294b.7]སྐལ་ལྡན་གྱིས་ནི་ལྷན་ཅིག་དཀྱིལ་འཁོར་བྲི་དོན་དུ། །ས་ལ་མཆོད་པ་རབ་ཏུ་འབད་དེ་རྣམ་པར་བྱ། །རིན་ཆེན་སྣ་ཚོགས་ས་འོག་གཞུག་ཅིང་གཏེར་དུ་སྦ། །དཔལ་ཆེན་རིན་ཆེན་རྒྱ་མཚོ་ཡི། །རྒྱུད་ལས་དཀྱིལ་འཁོར་ཐ་དད་གསུམ། །མེ་ཏོག་ཡང་ན་རྡུལ་ཚོན་པིར། །ཡང་ན་ཏིང་ [295a] [295a.1]འཛིན་མཆོག་གིས་བྱ། །རྒྱལ་པོ་ཆོམ་རྐུན་འཇིགས་པའི་གནས། །ནམ་ཡང་དཀྱིལ་འཁོར་དེར་མི་བྱ། །སྐྱོན་ནི་ཐམས་ཅད་བྲལ་བ་ཡི། །གནས་སུ་མཁས་པས་བརྩམ་པར་བྱ། །དང་པོ་ཇི་ཙམ་ནུས་ཀུན་གྱིས། །དད་པས་བླ་མ་མཆོད་པར་བྱ། །བླ་མའི་ཞབས་ལ་ [295a.2]མཆོད་བྱས་ན། །ཐེ་ཚོམ་མེད་པར་དངོས་གྲུབ་ཐོབ། །རྟ་དང་གླང་པོ་མུ་ཏིག་རིན་ཆེན་གསེར་དངུལ་དང་། །རས་ལ་སོགས་པ་སྣ་ཚོགས་ཅི་ལ་དགྱེས་པ་དང་། །ཆུང་མ་བུ་མོ་སྲིང་མོ་གཟུགས་ནི་བཟང་བ་དང་། །དགའ་བའི་ཡིད་ཀྱིས་དེ་རྣམས་ཐམས་ཅད་དབུལ་བར་བྱ། །མགོན་པོའི་ [295a.3]སྤྱན་གྱིས་བདག་ལ་གཟིགས། །ཁྱོད་ནི་བདག་གི་སྟོན་ཆེན་པོ། །དམ་ཚིག་དེ་ཉིད་བདག་ལ་སྩོལ། །ཐར་པའི་ལམ་ཉིད་བདག་ལ་སྩོལ། །པདྨའི་འབྱུང་བ་བདག་ལ་སྩོལ། །གསང་བའི་མཆོག་ནི་བདག་ལ་སྩོལ། །ཐམས་ཅད་མཁྱེན་ལ་ཕྱག་འཚལ་ལོ། །ཡེ་ཤེས་ཉི་འོད་ལ་ [295a.4]ཕྱག་འཚལ། །ཐམས་ཅད་མཁྱེན་སྨན་ཕྱག་འཚལ་ལོ། །ཡེ་ཤེས་བདུད་རྩི་གཙོ་ཕྱག་འཚལ། །སྐྱེས་བུ་ཁྱོད་ནི་སུ་ཞིག་ཡིན། །ཁྱོད་ནི་ཅི་འདོད་བདག་ལ་སྨྲོས། །དཔའ་བོ་ཆེན་པོ་བདག་སྐལ་ལྡན། །ཐོག་མའི་དབང་ནི་བདག་ལ་སྩོལ། །དེ་ནས་དེ་ཡིས་མདའ་ཡི་རས། ། [295a.5]དེ་ཡི་ཕྱི་རོལ་ཡོན་རྣམས་དབུལ། །རྣམ་པར་སྣང་མཛད་གཟུགས་ལ་བསྒོམ། །དམ་ཚིག་སེམས་དཔར་གཟུང་བར་བྱ། །ཨོཾ་ཨཱ་ཁཾ་བཱི་ར་སྔགས་ཀྱིས། །མེ་ཏོག་ཕྲེང་བ་མིག་དག་པ་རས། །ལས་ཀྱི་བུམ་པས་གཏོར་བར་བྱ། །ཡང་ན་དམ་ཚིག་ཆུ་ཡིས་གཏོར། །ཧཱུཾ་ཧཱུཾ་ཕཊ་ཕཊ་ [295a.6]སྔགས་ཀྱིས་ནི། །ཨ་ཏི་ཧོ་བརྟན་བརྟུལ་ཞུགས་བཟང་། །ལན་གསུམ་ཨརྐ་མེ་ཏོག་གིས། །ཧཱུཾ་ཕཊ་སྔགས་ཀྱིས་གདབ་པར་བྱ། །དེ་ནས་རྡོ་རྗེ་མེ་ཏོག་ཅན། །སྙིང་གར་ཅུང་ཟད་གཟུང་བར་བྱ། །ཨོཾ་སུ་ར་ཏེ་ས་མ་ཡ་སྟྭཾ། །དེ་བཞིན་ཐམས་ཅད་རྣམ་པར་གྱིས། །ཡེ་ཤེས་འབྲས་བུ་ཅི་ [295a.7]འདོད་དང་། །དངོས་གྲུབ་ཐམས་ཅད་རྙེད་པར་འགྱུར། །དཀྱིལ་འཁོར་མ་མཐོང་སྔོན་དུ་ནི། །གང་ཡང་སྨྲ་བར་མ་བྱེད་ཅིག །མ་ཡིན་ཁྱོད་ཀྱི་དམ་ཚིག་འདི། །ཉམས་པར་འགྱུར་བ་ངེས་པ་ཡིན། །དེ་ནས་རྡོ་རྗེ་སྤྱི་བོར་ནི། །བཟུང་ལ་འདི་སྐད་སྨྲ་བར་བྱ། །འདི་ནི་དམ་ཚིག་རྡོ་རྗེ་ཡིན། ། [295b] [295b.1]སྤྱི་བོར་བདག་གིས་གསོར་བར་བྱ། །ཁྱོད་ཀྱིས་གཞན་ལ་འདི་སྨྲས་ན། །སྐད་ཅིག་གིས་ནི་ཕུང་ནས་འགྲོ་།གུར་གུམ་དང་ནི་ཙནྡན་དང་། །སྦྲང་རྩི་ཡོད་པའི་ཆུ་བསྲེས་ལ། །བདུད་རྩི་ལྔ་ནི་དེ་དབུས་བླུགས། །དེ་ཡིས་དམ་ཚིག་བླུད་པར་བྱ། །ཨོཾ་བཛྲོ་ད་ཀ་མ་ཧཱ་དང་། །བཛྲ་ཀུ་རཾ་བི་ཤ་ན། ། [295b.2]ལན་བདུན་བཟླས་པའི་སྔགས་ཀྱིས་ནི། །ལག་པ་གཡས་སུ་སྦྱིན་པར་བྱ། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་ཉམས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་འོང་། །འཐུངས་ཤིག་རྡོ་རྗེ་བདུད་རྩི་ཆུ། །དེ་རིང་ཕན་ཆད་ཁྱོད་ཀྱིས་ནི། །ཕྱག་ན་རྡོ་རྗེར་བདག་ལ་སྨྲོས། ། [295b.3]བདག་གིས་ཇི་ལྟར་བཀའ་སྩོལ་དཀའ་སྦྱིན། །དེ་ལྟར་ཁྱོད་ཀྱི་དད་པས་བྱ་དགོས་སོ། །གང་ཡང་ང་ལ་མི་མོས་ནམ་མི་བྱའི། །དེ་ལྟར་བྱས་ན་རྣམ་སྨིན་དམྱལ་བར་འགྲོ། །སྐྱེས་སུ་དྲི་མེད་ཡིད་ལྡན་པའི། །ཁྱོད་ཀྱི་མིག་གིས་ཇི་ལྟར་མཐོང་། །དཀར་པོ་དག་ནི་མཐོང་གྱུར་ན། ། [295b.4]ཞི་བའི་ལས་ནི་འགྲུབ་པར་འགྱུར། །སེར་པོ་དག་ནི་མཐོང་གྱུར་ན། །རྒྱས་པའི་ལས་ནི་འགྲུབ་པར་འགྱུར། །དམར་པོ་དག་ནི་མཐོང་གྱུར་ན། །དབང་གི་ལས་ནི་འགྲུབ་པར་འགྱུར། །ནག་པོ་དག་ནི་མཐོང་གྱུར་ན། །དྲག་པོའི་ལས་ནི་འགྲུབ་པར་འགྱུར། །རས་ཀྱིས་མིག་ལ་བཀབ་ [295b.5]གྱུར་ནས། །རྟགས་ནི་འདི་དག་མཐོང་བར་འགྱུར། །དེ་ནས་བླ་མ་རྡོ་རྗེ་འཛིན། །ཕྱིན་གྱིས་བརླབས་ནི་སྨྲ་བར་བྱ། །ཇི་ལྟར་བསོད་ནམས་དེ་བཞིན་འོང་། ལྷ་མོ་རིགས་ཀྱི་རིམ་པ་ལ། །ཇི་ལྟ་བ་ཡི་དངོས་གྲུབ་ཡོད། །རང་རང་གི་ནི་རིགས་རིགས་ལ། །མེ་ཏོག་བབས་པའི་བུ་འདི་ནི། །དེ་ [295b.6]ལྟ་བུ་ཡི་དངོས་གྲུབ་ཐོབ། །མིག་དགབ་རས་ཀྱི་ཕྲེང་བ་ལས། །མེ་ཏོག་བཟང་པོ་ལག་ཏུ་སྦྱིན། །པྲ་ཏཱི་ཙྪ་ཧོ་རྡོ་རྗེ་འཛིན། །ལན་གསུམ་བརྗོད་ལ་དབུལ་བར་བགྱི། །བླ་མས་མེ་ཏོག་བལྟ་བར་བྱ། །དངོས་གྲུབ་རབ་འབྲིང་ཐ་མ་སྟེ། །ཡན་ལག་རབ་ཀྱིས་ཕྱག་རྒྱ་ཆེའི། །དངོས་གྲུབ་ཐེ་ཚོམ་ [295b.7]མེད་པར་ཐོབ། །ཡན་ལག་འབྲིང་གིས་སྔགས་དངོས་འགྲུབ། །ཡན་ལག་ཐ་མས་ཆུང་དངོས་འགྲུབ། །རང་གི་ལྷ་མོའི་དབུས་གནས་སུ། །ཡང་ན་རང་དང་གཞན་གྱི་བར། །མེ་ཏོག་གང་གདན་ཉེ་དེའི་ཡིན། །དེ་ཡི་གནས་ནི་དབུས་སུ་བརླག །དཀྱིལ་འཁོར་ཕྱི་རོལ་བབས་ན་ནི། ། [296a] [296a.1]ཅུང་ཟད་ཙམ་གྱི་དངོས་གྲུབ་འོང་། །པན་ཙ་རེ་ཁཱ་ལ་བབས་ན། །ཕྱི་ནས་ལན་གསུམ་དབུལ་བར་བྱ། །ཡང་ནི་དེ་ཡི་སྟེང་བབས་ན། །ནམ་ཡང་དངོས་གྲུབ་ཐོབ་མི་འགྱུར། །དེ་ལ་ཆུ་ཡི་དབང་གཅིག་སྦྱིན། །དབང་གཞན་དག་ནི་མི་སྦྱིན་ནོ། །སྒོ་དང་རྟ་བབས་ཕྱི་རོལ་ [296a.2]དང་། །རྡོ་རྗེ་ཕྲེང་བའི་ཕྱིར་བབས་ན། །དངོས་གྲུབ་ཐ་མའང་མེད་གྱུར་ན། །གཞན་ཆེན་པོ་ནི་ག་ལ་འགྲུབ། །རྡོ་རྗེ་སེམས་དཔའ་དེ་རིང་ཉིད། །ཁྱེད་ནི་ནན་ཏན་མིག་ཕྱེ་སྟེ། །བདག་གིས་ཐམས་ཅད་མིག་ཕྱེ་བས། །རྡོ་རྗེ་མིག་ནི་མཆོག་གི་མཆོག །དེ་ནས་དཀྱིལ་འཁོར་འཁོར་ལོའི་ [296a.3]དོན། །དང་པོ་སྒོ་སྐྱོང་ལ་སོགས་ནས། །དཀྱིལ་འཁོར་ཇི་ལྟ་བུ་ཡི་གནས། །ཕྱོགས་མཚམས་ལ་སོགས་སོ་སོར་བསྟན། །བཅོམ་ལྡན་འདས་སྐུ་ཇི་ལྟ་བུར། །རབ་གནས་ཁྲུས་ཀྱི་ཆོ་ག་བྱ། །དེ་ལྟར་སློབ་མ་ལ་འབད་དེ། །རྩེ་གཅིག་གིས་ནི་ཁྲུས་བྱའོ། །བུམ་པ་ཆོས་ཀྱི་དབྱིངས་ལྡན་པ། ། [296a.4]སངས་རྒྱས་རིན་པོ་ཆེ་ཡི་སྣོད། །ཉི་ཟླ་ཨཱ་ལི་ཀཱ་ལིས་འབྱུང་། །དེ་ཡི་ནང་དུ་བསམ་པར་བྱ། །ལྷ་མོ་དང་ལྡན་མི་བསྐྱོད་པ། །སྙིང་པོ་ཞུ་བའི་རང་བཞིན་ཅན། །ཡེ་ཤེས་སེམས་དཔའ་བསྒོམ་པར་བྱ། །ལས་ཀྱི་སེམས་དཔའ་འང་དེ་ཡིན་ནོ། །བྱང་ཆུབ་རྡོ་རྗེས་སངས་རྒྱས་ལ། །བླ་མ་ཆེན་ [296a.5]པོ་ཇི་ལྟར་བྱིན། །བདག་དང་འདྲ་བའི་དོན་དུ་ནི། །ནམ་མཁའི་རྡོ་རྗེ་བདག་ལ་སྩོལ། །དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་གྱིས་ནི་ཕྱག་བྱས་པ། །གསང་གསུམ་གཞི་ལས་འབྱུང་བ་ནི། །སངས་རྒྱས་ཀུན་གྱིས་བདག་གིས་སྦྱིན། །ཨོཾ་ཧཱུཾ་དཔལ་ནི་རྡོ་རྗེའི་ཆུས། །འཁོར་ལོས་ [296a.6]སྒྱུར་དབང་བདག་གིས་བསྐུར། །ཆུ་ཡི་དབང་ནི་བསྐུར་བ་ཡིས། །མགོ་བོར་མི་བསྐྱོད་རིགས་འབྱུང་ངོ་། །དེ་འབྲས་མ་ལོང་ཡེ་ཤེས་ནི། །དྲི་མེད་ཡང་དག་འབྱུང་བར་འགྱུར། །དེ་ནས་གསེར་སོགས་གཟོ་བྱས་དང་། །ཡང་ན་རས་ལ་བྲི་བ་མཆོག །འཇིག་རྟེན་ཁམས་ནི་གྲངས་མེད་ [296a.7]ན། །སངས་རྒྱས་ཉིད་ནི་བཞུགས་པ་ཀུན། །དབུ་རྒྱན་གཟུགས་སུ་བསྒོམ་པ་ནི། །མགོ་བོ་ལ་ནི་རྡོ་རྗེའི་གཟུགས། །ཨོཾ་མུ་ཀུ་ཊ་ཨ་བྷི་ཥིཉྩཱ་མི། །འཁོར་ལོས་སྒྱུར་ལས་ཁྱད་པར་ཆེ། །དབུ་རྒྱན་དབང་གིས་མགོ་བོར་ནི། །རིན་ཆེན་འབྱུང་ལྡན་འབྱུང་བར་འགྱུར། །དེ་འབྲས་ [296b] [296b.1]མཉམ་ཉིད་ཡེ་ཤེས་ནི། །དྲི་མེད་ཡང་དག་འབྱུང་བར་འགྱུར། །རྡོ་རྗེ་སྒེག་མོས་བཟུང་ནས་སུ། །ཧཱུཾ་ཧཱུཾ་ཧཱུཾ་ནི་བརྗོད་ནས་ནི། །རྡོ་རྗེ་སེམས་དཔའ་རྒྱལ་ཇི་ལྟར། །དི་རིང་བདག་གིས་ཁྱོད་དབང་བསྐུར། །འདི་ནི་སངས་རྒྱས་ཐམས་ཅད་ཀྱི། །རབ་གྲུབ་ཕྱིར་ནི་རྡོ་རྗེ་གཟུང་། །སློབ་མའི་སྙིང་གར་ [296b.2]གཏུགས་བྱས་ལ། །ལག་པ་གཡས་པར་སྦྱིན་པར་བྱ། །ཨོཾ་ཧཱུཾ་བཛྲ་ཨ་བྷི་ཥིཉྩཱ་མི། །ཕྱག་ན་རྡོ་རྗེ་སྟོབས་པོ་ཆེ། །རྡོ་རྗེ་དབང་གིས་མགོ་བོར་ནི། །སྣང་བ་མཐའ་ཡས་འབྱུང་བར་འགྱུར། །དེ་འབྲས་སོ་སོར་རྟོགས་པ་ཡི། །ཡེ་ཤེས་གསལ་བར་འབྱུང་བར་འགྱུར། །རྡོར་དྲིལ་སྒྱུ་འཕྲུལ་ [296b.3]ཆེན་པོ་འདི། །གཉིས་མེད་དངོས་པོ་ཤེས་རབ་ཐབས། །ཆོས་ཀྱི་དབྱིངས་ཀྱི་རང་བཞིན་ཅན། །ལག་པ་གཡོན་པར་འདི་གཟུང་ཤིག །འཁྱུད་ནས་ཀུན་དུ་སྦྱར་ནས་སུ། །རྡོ་རྗེ་འཛིན་འདྲའི་དངོས་པོར་འདུག །ཨོཾ་བཛྲ་ཨ་དྷི་པ་ཏི་སྟྭཾ་ཨ་བྷི་ཥིཉྩཱ་མི་ནཱ་ཡ་ཀ །དྲིལ་བུའི་དབང་གིས་མགོ་ [296b.4]པོར་ནི། །དོན་ཡོད་གྲུབ་པ་འབྱུང་བར་འགྱུར། །དེ་འབྲས་བྱ་བ་གྲུབ་པ་ནི། །དྲི་མེད་ཡང་དག་འབྱུང་བར་འགྱུར། །རྡོ་རྗེ་དང་ནི་རྡོར་དྲིལ་ནི། །སྤྱི་བོའི་སྟེང་དུ་གཟུང་བྱས་ལ། །ཨོཾ་ཤྲཱི་ནཱ་མ་ཨ་བྷི་ཥིཉྩཱ་མི། །དངོས་པོ་ལྔ་ཡི་རང་བཞིན་ཅན། །ཀྱེ་དཔལ་རྡོ་རྗེ་ཆེ་གེ་མོའི། །སྔར་གྱི་ [296b.5]རིགས་ཀྱི་རིམ་པ་ལྟའོ། །མིང་གི་དབང་གིས་མགོ་བོར་ནི། །རྣམ་པར་སྣང་མཛད་རིགས་འབྱུང་ངོ་། །དེ་འབྲས་ཆོས་དབྱིངས་དག་པ་ནི། །དྲི་མ་མེད་པ་འབྱུང་བར་འགྱུར། །འདི་ནི་དབང་བསྐུར་ལྔ་ཡིན་ཏེ། །ཡེ་ཤེས་ལྔ་ཡི་རང་བཞིན་ཅན། །རིགས་ལྔའི་བདག་ཉིད་ཀྱང་ཡིན་ནོ། །འབྱུང་ [296b.6]ལྔའི་རང་བཞིན་ཡང་ཡིན་ནོ། །དཔལ་འདི་ཡིས་ནི་དབང་བསྐུར་བས། །ཐམས་ཅད་ཀུན་ལ་དབང་བྱེད་འགྱུར། །ཡན་ལག་ལྔ་ནི་ཡོད་པའི་དབང་། །དེ་ནི་སློབ་དཔོན་གྱི་ཡིན་ནོ། །ཡང་ན་ལྷ་མོའི་དབང་དུ་བསྟན། །ཤེས་རབ་མ་ཡི་ལས་ཡོད་ཕྱིར། །ཀྱེ་ཡི་རྡོ་རྗེ་རྒྱུད་ལས་གསུངས། ། [296b.7]ཡེ་ཤེས་སྙིང་པོ་དེར་ཡང་བསྟན། །ལག་པ་དག་གིས་འཁྱུད་པ་ནི། །བཅུ་དྲུག་ལོན་པའི་ཤེས་རབ་འཛིན། །རྡོ་རྗེ་དྲིལ་བུ་མཉམ་སྦྱོར་བ། །སློབ་དཔོན་དབང་དུ་གསུངས་པའི་གཞུང་། །ལྷ་མོའམ་ནི་སློབ་དཔོན་དབང་། །སྡོམ་པའི་མཆོག་ནི་བཟུང་ནས་སུ། །སྔར་བརྗོད་པ་ [297a] [297a.1]ཡི་ཆོ་ག་ཡིས། །དམ་ཚིག་གསུམ་ཡང་ཞུ་བར་བྱ། །རྡོ་རྗེ་སློབ་དཔོན་གྱི་ནི་དབང་། །ཐུགས་རྗེའི་གཏེར་གྱིས་བདག་ལ་སྩོལ། །བདག་དང་གཞན་དོན་བྱ་བ་ནི། །ཁྱོད་ཀྱི་བཀའ་དྲིན་དྲིན་གྱིས་སོ། །བཅོམ་ལྡན་ཡང་དག་དཔལ་བླ་མས། །རྡོ་རྗེ་དེ་ཉིད་གཟུང་བར་བྱ། ། [297a.2]ཧཱུཾ་གི་དངོས་པོ་རྡོ་རྗེ་མཆོག །ཐོག་མ་ཐ་མ་མེད་བདག་ཉིད། །ཨོཾ་མཆོག་གི་དང་པོ་སྐྱེས་བུ་སྟེ། །རྡོར་འཛིན་ཐམས་ཅད་བདག་པོ་ཡིན། །ཧཾ་ཧཱཾ་ཧིཾ་ཧཱིཾ་ཧཱུཾ་ཧཱུཾ་སྟེ། །འདི་ཡིས་རྡོ་རྗེ་བྱིན་གྱིས་བརླབས། །ཨ་ལས་རྡོར་དྲིལ་སྐྱེས་པ་སྟེ། །འདི་ནི་སངས་རྒྱས་རྣམས་ཀྱི་མ། །ཧཱུཾ་ཧཱུཾ་ཕཊ་ཕཊ་ཕེཾ་ཕེཾ་སྟེ། ། [297a.3]འདི་ཡིས་དྲིལ་བུ་བྱིན་གྱིས་བརླབས། །འདི་ནི་མཆོག་གི་དངོས་པོ་ཡིན། །ཤེས་རབ་སྒྱུ་མར་གསུངས་པའོ། །ཁྱོད་ཀྱིས་རྟག་ཏུ་གཟུང་བར་བྱ། །ཐོག་མ་བྱང་ཆུབ་རྒྱལ་བས་གཟུང་། །རྡོ་རྗེ་མཆོག་གི་ཡེ་ཤེས་ནི། །མི་ཕྱེད་ནམ་མཁའ་ལྟ་བུའི་གཟུགས། །སྟོན་པ་འདི་ཡི་ཚིག་གིས་ནི། །སློབ་ [297a.4]མའི་ལག་ཏུ་སྦྱིན་པར་བྱ། །དེ་ནི་སྔགས་ནི་ཡོད་པའི་ས། །རྩེ་གཅིག་གིས་ནི་དཀྲོལ་བར་བྱ། །ཨོཾ་ཨཱཿ་ཧཱུཾ་བཛྲ་གྷཎྚེམ་ཧཱ་ན་དེ་སྭ་རཱུ་པེ་བིནྡུ་ཛྙཱ་ན་མ་ཡེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། །རང་ཡིད་བརྟན་པའི་དེ་ཉིད་ཀྱིས། །རྡོ་རྗེ་སེམས་དཔའི་རང་བཞིན་ཅན། །རང་གི་ལྷ་ཡི་དངོས་པོ་ནི། །སྐུ་ཡི་ཕྱག་རྒྱས་ [297a.5]གསལ་བར་བྱ། །རྡོ་རྗེ་སེམས་དཔའ་ཉིད་ཀྱི་རིགས། །དམ་ཚིག་གསུམ་ནི་དཔའ་བོར་གཟུང་། །དེ་ནས་དཀྱིལ་འཁོར་དེ་ཉིད་དོན། །ནང་གི་མཚན་གྱིས་སྦྱོར་བ་དང་། །ལྷ་ཡི་རྣམ་དག་དེ་ཁོ་ན། །མཚན་དང་འབྱུང་བ་སྨྲ་བར་བྱ། །རྣམ་སྣང་མཛད་མགོན་ཇི་ལྟ་བུར། །དེ་ལྟ་བུར་ནི་སློབ་མ་གཟུང་། ། [297a.6]དེ་ལ་གནང་བ་སྦྱིན་པར་བྱ། །སངས་རྒྱས་ཅི་མཛད་ཁྱོད་ཀྱིས་གྱིས། །སེམས་ཅན་ཐམས་ཅད་ཕན་དོན་དུ། །ཆོས་ཀྱི་རྒྱ་མཚོ་ལྟ་བུར་འདུག །ཐམས་ཅད་ཇི་ལྟར་འདུལ་འགྱུར་བའི། །ཁྱོད་ཀྱིས་ཆོས་ཀྱི་འཁོར་ལོ་བསྐོར། །འདི་ནི་དམ་ཚིག་འདུལ་བ་ཡིས། །དེ་ནི་གནང་བ་སྦྱིན་པའོ། ། [297a.7]དེ་ནས་དེ་བཞིན་གཤེགས་པའི་རིགས། །ཡེ་ཤེས་ལྔ་དངོས་ཞི་བ་ནི། །ཡེ་ཤེས་རང་བཞིན་མི་ཕྱེད་ལ། །སངས་རྒྱས་ཐམས་ཅད་ཕྱག་བྱེད་པ། །དཔལ་ལྡན་རྡོ་རྗེ་སེམས་དཔའ་ཡིས། །ཉིད་ཀྱི་ཕྱག་ན་ཇི་ལྟར་བསྣམས། །རྡོ་རྒྱལ་བརྟུལ་ཞུགས་མི་ཤིགས་པ། །ཁྱོད་ཀྱིས་དེ་ལྟར་ [297b] [297b.1]བཟུང་བར་གྱིས། །ཨོཾ་སརྦ་ཏ་ཐཱ་ག་ཏ་ནཾ་སིདྡྷི་ས་མ་ཡ་བཛྲ་ནི། སངས་རྒྱས་གཟུགས་ནི་བདག་རང་ཉིད། །མཆོད་སྦྱིན་ཁུ་ཚུར་ལྡན་པ་ཡིས། །ཁྱོད་ནི་བདག་གིས་ལུང་བསྟན་བྱ། །དེ་བཞིན་གཤེགས་པ་རྡོར་སེམས་ཡིན། །སེམས་ཅན་ཐར་པ་འགྲུབ་དོན་དུ། །ངན་འགྲོ་རྣམས་ནི་ [297b.2]དྲན་པར་གྱིས། །ཡང་དག་དེ་བཞིན་གཤེགས་པ་ཁྱོད། །ཁམས་གསུམ་གྱི་ནི་ཐུབ་པ་ཁྱོད། །སངས་རྒྱས་བྱང་ཆུབ་སེམས་དཔའ་དང་། །འཕགས་པ་རྣམས་ཀྱིས་མགྲིན་གཅིག་ཏུ། །དགྲ་བཅོམ་པ་ནི་ཡང་དག་པའི། །བྱང་ཆུབ་ཏུ་ནི་ཁྱོད་ལུང་བསྟན། །ཕྱག་རྒྱ་ཆེན་པོའི་འབྲས་ [297b.3]བུ་རབ། །འདིས་གསུངས་པས་ནི་ཁྱོད་ཀྱིས་རྙེད། །དེ་ནས་སྐྱབས་ནི་སྦྱིན་པ་ནི། །གསང་བའི་སྒྲ་ནི་ཡོད་པའོ། །འདོད་ཆགས་བྲལ་བ་ལྟ་བུ་ཡི། །ཁམས་གསུམ་ན་ནི་སྡིག་མེད་དེ། །དེ་བས་འདོད་པའི་ཆགས་བྲལ་བ། །ཁྱོད་ཀྱིས་ཀྱང་ནི་ཡང་མ་བྱེད། །དམ་ཚིག་ཆེན་པོ་ [297b.4]ཡོད་པ་ནི། །ཧཱུཾ་ཕཊ་ཀྱིས་ནི་མཉམ་པའོ། །སྡིག་པ་ཐམས་ཅད་མེད་པ་ནི། །གསང་བའི་དཀྱིལ་འཁོར་ལ་བཞུགས་པས། །བདེ་ཆེན་ཐེག་པ་འདི་ལས་ནི། །ཕྱི་ནས་ཤི་བ་ཡོད་མེད་དེ། །སྲིད་པ་ཡང་དག་དངོས་གྲུབ་ཀྱིས། །སྲིད་དང་མྱ་ངན་འདས་བོར་རོ། །རྡོ་རྗེ་རིན་ཆེན་ནང་ [297b.5]ཡོད་པའི། །བྱང་ཆུབ་སེམས་ནི་སྤང་མི་རུང་། །དེ་ནི་འབྱུང་བ་ཙམ་གྱིས་ནི། །སངས་རྒྱས་ཉིད་འགྱུར་ཐེ་ཚོམ་མེད། །དམ་པའི་ཆོས་ལ་སྨད་མི་བྱ། །ནམས་ཀྱང་བོར་བར་མི་བྱའོ། །མ་རིག་པའམ་གཏི་མུག་གིས། །ཕྱི་ནས་འཇིགས་པས་བསྲུང་བར་བྱ། །རྡོ་རྗེ་དྲིལ་བུ་ཕྱག་རྒྱ་ནི། ། [297b.6]ནམ་ཡང་སྤང་བར་མི་བྱའོ། །སངས་རྒྱས་ཀུན་དང་མཉམ་པའི་ཕྱིར། །བླ་མ་སྨད་པར་ཡོད་མི་བྱ། །རང་བདག་ཡོངས་སུ་བོར་ནས་ནི། །དཀའ་ཐུབ་སྡུག་བསྔལ་མི་བྱའོ། །ཇི་ལྟར་བདེ་བར་བདེ་གཟུང་ན། །རྫོགས་པའི་སངས་རྒྱས་མ་འོངས་འབྱུང་། །ཡན་ལག་བཞི་པོ་ [297b.7]འདི་དག་དང་། །གནང་བའི་སྦྱིན་པ་ཕྱིར་མི་ལྡོག །དབང་ནི་དབང་ལྔ་ཟིན་ནས་ནི། །ཕྱི་ནས་འབད་དེ་སྦྱིན་པར་བྱ། །དགོངས་དང་དགོངས་མིན་བྱེ་བྲག་ནི། །སློབ་དཔོན་དབང་དུ་ཤེས་པར་བྱ། །བྱ་སྤྱོད་རྣལ་འབྱོར་རྒྱུད་ལས་ནི། །དབང་ནི་དྲུག་ཏུ་བཤད་པའོ། །ཕྱི་མའི་རྣལ་འབྱོར་ [298a] [298a.1]གསང་བའི་དབང་། །བདུན་པར་གྱེས་པ་ཡོད་པའོ། །ཤེས་རབ་ཡེ་ཤེས་དེ་ལྟར་ནི། །ཕྱི་མའི་ཕྱི་མ་དཔལ་རྣལ་འབྱོར། །འདི་དགུའི་དགྱེས་པར་ཤེས་པར་བྱ། །རྒྱུད་ལས་གསུངས་པའི་རིམ་པའོ། །ཆུ་དང་དབུ་རྒྱན་རྡོ་རྗེ་དང་། །དྲིལ་བུ་མིང་དང་དེ་ལྔ་དང་། །རིགས་ [298a.2]གསུམ་དམ་ཚིག་ཡོད་པ་ནི། །དབང་ནི་བརྒྱད་དུ་གྱེས་པ་གསུངས། །བརྟུལ་ཤུགས་ལུང་བསྟན་སྐྱབས་སྦྱིན་ནི། །དེ་དག་བཅུ་གཅིག་གཅིག་ཡིན་ནོ། །གཉིས་པ་ལ་ནི་གསང་བའི་དབང་། །གསུམ་པ་ཤེས་རབ་ཡེ་ཤེས་ཏེ། །དེ་ལྟར་དེ་བཞིན་བཞི་པའོ། །ཡང་ན་སོ་སོར་ཤེས་པར་བྱ། ། [298a.3]དབང་བསྐུར་འདི་ནི་བཅུ་བཞི་པའོ། །སློབ་དཔོན་མདུན་དུ་རྩེ་གཅིག་གིས། །དེ་ནས་གུས་པས་ཞུ་བར་བྱ། །བྱང་ཆུབ་རྡོ་རྗེ་དཔའ་ཆེན་པོ། །གསང་བའི་དབང་ནི་བདག་ལ་སྩོལ། །ཡེ་ཤེས་བདུད་རྩི་བདག་ལ་སྩོལ། །རྡོ་རྗེ་འབྱུང་བ་བདག་ལ་སྩོལ། །དཔའ་བོ་ཆེན་པོ་ཁྱོད་ཕྱག་འཚལ། །ཁྱོད་ [298a.4]ལ་ཕྱག་འཚལ་ཕྱག་འཚལ་ལོ། །ཕྱག་འཚལ་ཕྱག་འཚལ་རྨད་བྱུང་ཁྱོད། །བདེ་ཆེན་བཞུགས་ལ་ཕྱག་འཚལ་ལོ། །རང་གི་རིགས་ཀྱི་བུ་མོ་རབ། །སྐྱེས་བུ་འདི་ལ་དགོངས་པ་ཡིན། །རང་གི་རིགས་ནི་མེད་གྱུར་ན། །གཞན་མ་གང་ཡང་མཚན་ལྡན་རུང་། །བཅུ་གཉིས་ཡང་ན་བཅུ་དྲུག་ [298a.5]གམ། །མེད་ན་ཉི་ཤུ་ལོན་པའང་རུང་། །དེ་ནི་ནུ་སྲ་གྱེས་པ་དང་། །མ་བཙས་པ་དང་བརྟན་པ་དང་། །སྐྲ་གནག་མིག་དཀྱུས་རིང་བ་དང་། །སྐད་སྙན་དག་ཏུ་སྨྲ་བའོ། །ཧ་ཅང་སྦོམ་མིན་ཕྲ་བ་མིན། །ཡན་ལག་དཀར་མིན་གནག་པ་མིན། །ཧ་ཅང་ཐུང་མིན་རིང་བ་མིན། །ལོངས་སྤྱོད་ [298a.6]དག་ལ་མཁས་པ་དང་། །རྐེད་དབུས་ཕྲ་ཞིང་བྷ་ག་རུབ། །སྐུ་སྨད་ཆ་ནི་རབ་ཞེང་ཆེ། །ཁུ་བ་མང་ཞིང་སྙིང་པོ་ཆུང་། ཕྱི་ཞེད་ཆེ་ལ་སྲ་བ་དང་། །དྲི་ཞིམ་རེག་བྱ་འཇམ་པའི་ལུས། །འདོད་ཆགས་ཆེ་ལ་མི་དགའ་མིན། །སྨིན་མ་རིང་ཞིང་བར་མ་ཆད། །གཞུ་དངོས་འདྲ་ཞིང་འོད་འཕྲོ་ [298a.7]གནག །གཡོན་གྱི་སྲིན་ལག་རྩ་བ་ལ། །འཁོར་ལོ་ཡང་ན་པདྨ་རིན། །རྡོ་རྗེ་རལ་གྲི་དངོས་གསལ་བ། །སུ་ལ་འདི་འདྲའི་རྟགས་ཡོད་པ། །ཕྱག་རྒྱ་དེ་ཡི་གསང་བའི་དབང་། །དོན་ནི་འགྲུབ་པར་ནུས་པས་སོ། །དེ་ལ་ཁྲུས་སོགས་བྱུག་པ་བྱ། །དད་པས་བླ་མ་ལ་དབུལ་བྱ། ། [298b] [298b.1]ཁྱད་པར་གྱི་ནི་ཚིག་ཀྱང་བརྗོད། །མགོན་པོ་ཁྱོད་ལ་འདི་འཚལ་ལོ། །དེ་ནས་སློབ་མ་ཕྱིར་གྱེད་བྱ། །ནང་མིན་ཧ་ཅང་རིང་བ་འང་མིན། །རིམ་པས་བུ་མོ་དབང་བསྐུར་བྱ། །དེ་ལ་གསང་ཆོས་བཤད་པར་བྱ། །ཕྱག་རྒྱའི་བརྡ་དང་དབང་གི་དོན། །སྐད་ཅིག་རྣམས་ཀྱང་དེ་ལྟར་རོ། ། [298b.2]དེ་ནས་གཅིག་ཏུ་སྦྱོར་བ་ཡིས། །ལེགས་དགྱེས་དགྱེས་པ་རབ་བགྱིད་དོ། །སྣང་བ་རེག་བྱ་འདུས་པ་ནི། །ཡེ་ཤེས་གསུམ་ནི་འབྱུང་བར་འགྱུར། །ཡང་དག་ཡེ་ཤེས་གསུམ་སྐྱེས་ནི། །བྱང་ཆུབ་སེམས་ནི་སྤང་མི་རུང་། །སྤངས་ན་འགྲོ་བའི་གནས་སུ་ནི། །བདེ་ཆེན་སེམས་ནི་ [298b.3]འགྲོ་བར་འགྱུར། །འགྲོ་ན་དེ་ནི་ཆད་པ་ཡིན། །ཤེས་རབ་ཡེ་ཤེས་གསལ་ཡིན་ནོ། །དཔལ་གསང་འདུས་པའི་ནང་ནས་ཀྱང་། །རྡོ་རྗེ་ཉི་ནུབ་ཞེས་ནི་འབྱུང་། །མཚམས་ནི་སྣང་བ་ཐོབ་པ་ཡིན། །རིམ་པ་ལྔ་པ་ལས་ཀྱང་གསུངས། །དེ་ནི་གསང་བར་བཤད་པ་ཡིན། །གསང་ [298b.4]བར་སྣང་བ་མཆེད་པ་བཤད། །འདུད་ནས་དེ་ནི་སྣང་བ་མཆེད། །དེ་ནི་གཅིག་པུ་ཕོ་བྲང་གསང་། །དེར་ནི་རང་གིས་ཤེས་པར་བྱ། །སེམས་ནི་འདམ་སྐྱེས་ནམ་མཁར་མིན། །དེ་ནས་སློབ་མ་དགུག་པར་བྱ། །དེ་ནས་རས་ཀྱིས་གདོང་ཡང་དགབ། །པདྨ་རབ་ཀྱི་ཁ་དབུས་ནས། །རྡོ་རྗེ་རྒྱལ་པོ་ [298b.5]དྲང་བར་བྱ། །བུ་ཡི་ཁ་པད་ནང་དུ་ནི། །སྦོམ་པོ་ཐ་ལྟག་གིས་མནན་ནོ། །རྩ་གཉིས་མཆོག་གི་ནང་ནས་ནི། །ལོངས་སྤྱོད་འཁོར་ལོའི་ནང་དུ་བཏང་། །སྐྱེས་བུ་བདུད་རྩི་ཇི་ལྟ་བུ། །ཁྱོད་ཀྱིས་སྨྲོས་ཤིག་དགའ་བ་ཡིན། །ཨེ་མའོ་མཆོག་གི་བདུད་རྩི་ཡིན། །ཨེ་མའོ་ཡེ་ཤེས་ [298b.6]བདུད་རྩི་རབ། །ཨེ་མའོ་རོ་ནི་བརྗོད་མི་ལང་། །ཨེ་མའོ་རྡོ་རྗེ་བདུད་རྩི་རབ། །དི་རིང་བདག་སྐྱེས་འབྲས་བུ་མཆོག །དི་རིང་བདག་ནི་རབ་ཏུ་རྒྱལ། །དི་རིང་བདག་ནི་འཁོར་ལས་རྒྱལ། །དི་རིང་བདག་ལ་ཐེ་ཚོམ་མེད། །ཁྱོད་ཀྱི་བཀའ་དྲིན་ཡང་དག་མཆོག །བརྗོད་མེད་གནས་ནི་བདག་ [298b.7]གིས་རྙེད། །དེ་ནས་ཡང་ནི་ཞུ་བ་བྱ། །བསྟོད་པ་སྣ་ཚོགས་རབ་བགྱིས་ཏེ། །ཡེ་ཤེས་བདེ་བའི་གནས་བཞུགས་ཏེ། །རྒྱལ་འགྱུར་རྒྱལ་འགྱུར་མགོན་པོ་ཁྱོད། །ཨཱ་ལི་ཀཱ་ལི་གཉིས་བདག་ཅན། །ལེགས་དགྱེས་བདེ་མཚོ་རྒྱལ་གྱུར་ཅིག །མཆོག་དང་ཆད་པའི་དབུས་སུ་ནི། །རོལ་ [299a] [299a.1]ཅིག་ཁྱོད་ནི་རྒྱལ་གྱུར་ཅིག །མཆོག་གི་དབང་ཕྱུག་ཁྱོད་ཀྱིས་ནི། །ཤེས་རབ་ཡེ་ཤེས་དབང་བདག་སྩོལ། །ཁྱོད་ཀྱི་བཀའ་དྲིན་དེ་ཉིད་ཀྱིས། །རང་བཞིན་ཡེ་ཤེས་བདག་རྙེད་འོང་། །ཡང་ན་གཅིག་པུའི་གཞུང་དུ་སྦྱོར། །ཡང་ན་གཞན་གཞུང་གཞུང་བཟང་ངོ་། །ཤེས་ [299a.2]རབ་ཡེ་ཤེས་དབང་འདི་ནི། །བརྟགས་ལ་དེ་ཉིད་སྦྱིན་བྱ་སྟེ། །འདོད་ཆགས་ཆགས་བྲལ་མེད་པ་དང་། །མཉམ་ཉིད་ཡེ་ཤེས་སེམས་དཔའ་དང་། །ཆོས་རྣམས་ཐམས་ཅད་མི་ཆགས་པ། །ཇི་ལྟར་པད་ཆུས་མི་གོས་ཤིང་། །དེ་ལ་འབད་དེ་དབང་གི་རྒྱལ་པོ་ནི། །གཅིག་པུའི་ཡན་ལག་མ་ [299a.3]ལ་འདིར་སྐྱོན་མེད། །བླ་མས་རྟོག་པ་མེད་པར་སྦྱིན་པར་བྱ། །ཡེ་ཤེས་ཟླ་གནས་རྒྱུད་ལས་དེ་སྐད་འབྱུང་། །དོན་ཟིན་ནས་ནི་སྐད་ཅིག་གིས། །མ་དང་འདྲ་བས་བླ་མ་དབུལ། །འཕྱང་བའི་སྦྱོར་ཐབས་ལ་སོགས་ཀྱིས། །དང་པོར་བུ་མོའི་འདོད་མཆོག་བྱ། །དེ་ནས་སྐད་ཅིག་དགའ་ཡོན་ [299a.4]ཏན། །རང་བཞིན་དེ་ཡང་གསལ་བར་བྱ། །འདི་ནི་རང་བཞིན་གྱི་ནི་གནས། །གཉིས་ཀྱི་བར་ན་དེ་ནི་ཡོད། །རྡོ་རྗེ་དབང་ཕྱུག་མ་ཡི་རྩ། །ཉིད་ནི་འདི་ཡི་ནང་ན་བཞུགས། །ཀུན་རྫོབ་དངོས་པོའི་གཟུགས་སུ་ནི། །ཁྱོད་ནི་བུད་མེད་གཟུགས་ཡིན་གྱི། །ཁྱོད་ནི་གཅིག་པུ་དོན་དམ་པར། །ཕྱག་རྒྱ་ [299a.5]ཆེན་པོ་ཉིད་ཡིན་ནོ། །ཁྱོད་ཀྱིས་ཐམས་ཅད་ཀུན་བསྐྱབས་ན། །བྱང་ཆུབ་རབ་ནི་རྙེད་པར་འགྱུར། །ཤེས་རབ་སྐྱབས་སྦྱིན་བྱས་ལངས་ན། །སློབ་མའི་ལག་ཏུ་སྦྱིན་པར་བྱ། །འདི་ནས་ཁྱོད་གཟུང་བཟང་བ་ཡིན། །རྗེས་སུ་མཐུན་པར་སངས་རྒྱས་གསུང་། །ཡེ་ཤེས་གསུམ་གྱི་རིམ་པ་ [299a.6]ལས། །དམ་པའི་བདེ་བ་མྱོང་བྱེད་ཅིང་། །སངས་རྒྱས་རིན་ཆེན་སྣོད་ཀྱི་ནི། །གཡོན་ངོས་ལ་ནི་རྩ་ཡི་གནས། །དེ་ནི་ཁག་མུ་ཁ་དངོས། །རྡོར་དབྱིངས་དབང་ཕྱུག་མ་ནི་ཉིད། །ཐབས་གཞན་དག་གིས་བྱང་ཆུབ་ནི། །ནམ་ཡང་རྙེད་པར་ཡོང་མི་འགྱུར། །དེ་བས་ལྷན་ཅིག་མི་གནས་པ། ། [299a.7]དུས་འདི་ཕྱིན་ཆད་མ་བྱེད་ཅིག །དེ་ལ་ཡན་ལག་དྲི་ཞིམ་གོས་བཟང་བརྒྱན། །ཡན་ལག་མེ་ཏོག་སྣ་ཚོགས་མང་པོས་བརྒྱན། །གོས་མེད་ཆུ་སྐྱེས་སིག་སིག་ངག་བྱས་ཏེ། །ཆོས་ཀྱི་འབྱུང་གནས་གསལ་བར་སྟོན་པར་བྱེད། །དྲི་ཆེན་དྲི་ཆུ་ཟ་བ་འདི། །སྐྱེས་བུ་ཁྱོད་ཀྱིས་ནུས་སམ་ [299b] [299b.1]ཅི། །རཀྟ་ཤུ་ཀྲ་ཤ་ཆེན་དང་། །བུད་མེད་བརྟུལ་ཞུགས་དེ་བཞིན་ནོ། །བྷ་གའི་པདྨ་འཇིབ་ནུས་སམ། །སྐྱེས་བུ་སྨྲོས་དང་ཇི་ལྟ་བུ། །ལྷ་མོ་བདག་གིས་ཅི་མི་ནུས། །རཀྟ་ཤུ་ཀྲ་སོགས་ཟ་ནུས། །རྟག་ཏུ་བུད་མེད་བརྟུལ་ཞུགས་བགྱིད། །བྷ་ག་ཡང་ནི་གཞིབ་པར་བྱ། །དེ་ནས་དགའ་ [299b.2]བའི་བདག་ཉིད་དེས། །བྱམས་པའི་སྤྱན་རས་ཀྱིས་ནི་གཟིགས། །བདེ་བ་ཐམས་ཅད་འདུག་པ་ནི། །བདག་གིས་པད་རྒྱས་ཨེ་མའོ། །གང་འདི་རབ་དང་བྱེད་པ་ཡི། །དེ་ཡི་མདུན་དུ་བདག་འདུག་གིས། །ཇི་ལྟར་པདྨའི་དོན་གྱིས་ཤིག །ཡང་དག་སངས་རྒྱས་མཉེས་སོགས་བྱ། ། [299b.3]ཉིད་ཀྱི་བདེ་ཆེན་རྒྱལ་པོ་ནི། །འདི་ནི་དུས་རྟག་ཡོད་ཕྱིར་རོ། །བདེ་བ་ཆེན་པོའི་དམར་ཐིགས་འདི། །ངོ་ཡི་ཆུ་སྐྱེས་ཀྱིས་མཉེས་ཀྱིས། །དེ་ཉིད་གསུམ་གྱི་དགའ་སྦྱོར་བས། །རྡོ་རྗེ་ཆུ་སྐྱེས་བསྐྱོད་པར་གྱིས། །བརྟན་པའི་དོན་ནི་ཁྱོད་ཀྱིས་གྱིས། །བརྟན་པ་མེད་ན་བདེ་མི་འགྲུབ། །སྔར་གསུངས་པ་ཡི་བླ་མའི་བཀའ། ། [299b.4]མ་བརྗེད་རྩེ་གཅིག་གིས་ནི་བསམ། །རྡོར་དབྱིངས་དབང་ཕྱུག་མ་ཡི་རྩ། །གཡོན་གྱི་ངོས་ལ་བཞུགས་པ་ནི། །བླ་མའི་མན་ངག་ཡང་དག་གིས། །ཕྲ་མོའི་ལྟ་བས་བལྟ་བར་བྱ། །ལྟ་བའི་བདག་ཉིད་རྣལ་འབྱོར་གྱིས། །ས་བོན་འབབ་པར་མི་བྱའོ། །ས་བོན་སྙིང་པོ་ཡོད་པ་ན། །ངོ་ [299b.5]མཚར་དགའ་བའི་བདེ་བ་འབྱུང་། །ཐམས་ཅད་བདེ་བའི་གཏེར་གྱུར་པའི། །བྱང་ཆུབ་སེམས་བདེ་བབས་གྱུར་ན། །ཕུང་པོ་རྣམ་ཤེས་བརྒྱལ་འོང་བས། །དངོས་གྲུབ་རབ་དེ་ག་ལ་འགྲུབ། །ལ་ལ་མདའ་ལ་མཉམ་སྦྱོར་བས། །རེག་བྱ་ལ་ནི་བདེ་འདི་འབྱུང་། །དེ་དག་སྨིན་པས་ [299b.6]མཆོག་གི་དགའ། །སྣང་བ་མཆེད་པའི་གཟུགས་ཅན་ཙམ། །བསྐྱོད་པའི་རེག་བྱ་བབས་པ་ཡིས། །ཆད་དང་སྣང་བ་ཐོབ་པ་ཡིན། །ལྟ་བ་བརྟན་པས་དེ་ཉིད་ལ། །རྣལ་འབྱོར་བས་ནི་མི་གཡོ་བལྟ། །ལ་ལའི་བལྟ་བ་ནམ་མཁའ་ཡི། །མདའ་ལ་གཉིས་ཀྱི་ཕོ་བྲང་མནན། །རྡོ་རྗེ་སྐྱིལ་ཀྲུང་གི་ནི་ [299b.7]སེམས། །རིན་ཆེན་ནང་དུ་བལྟ་བར་བྱ། །གསུང་ལམ་གྱིས་ནི་བརྗོད་མེད་པའི། །ཡེ་ཤེས་མཆོག་འདི་སྐྱེ་བར་འགྱུར། །འདི་ནི་དེ་ཉིད་མན་ངག་ཡིན། །མཁས་པ་ཡིས་ཀྱང་རྙེད་དཀའ་བ། །སྐལ་དང་ལྡན་པའི་དོན་བསྒྲུབ་ཕྱིར། །དེ་ནི་བདག་གིས་གསལ་བར་བྱས། །འདོད་ཆགས་ [300a] [300a.1]མ་ཡིན་ཆགས་བྲལ་མིན། །དབུ་མར་ཡང་ནི་མི་དམིགས་སོ། །དེ་ནི་ཡང་དག་དྲི་མེད་གནས། །བདེ་བ་ཆེན་པོའི་འབྲས་གཟུགས་ཅན། །ཡེ་ཤེས་ལྟ་བའི་རྣལ་འབྱོར་ན། །འགྲོ་བ་མེད་པའི་བདེ་བ་བརྟན། །སྔ་དྲོ་དུས་ན་ཉིན་གཅིག་དང་། །བསྐལ་པ་སྟོང་གི་བར་དུ་ནི། །དཔལ་ [300a.2]རྡོར་དབང་ཕྱུག་ཇི་ལྟ་བར། །ཡེ་ཤེས་ང་རྒྱལ་བརྟན་སྦྱོར་བའོ། །ཀྱེ་མགོན་གང་གིས་ཁྱོད་ལ་བསྟོད། །ཇི་ཙམ་བདག་གིས་ཁྱོད་བསྟོད་བྱ། །ཚད་མེད་པ་དང་བརྗོད་མི་ནུས། །རྨད་བྱུང་ཆེན་པོ་གཞལ་དུ་མེད། །ཁྱོད་ཀྱི་ཡོན་ཏན་ཡང་དག་ནི། །ཁ་ཅིག་གིས་ནི་བརྗོད་མི་ནུས། །ཅིག་གིས་དད་ [300a.3]པས་ཅི་བསྟོད་ཀྱང་། །དེ་ནི་བདག་ལ་བཟོད་པར་མཛོད། །རེག་བྱ་ནང་འཇམ་ལ་ཕྱག་འཚལ། །རེག་བྱ་ནང་གྲོལ་ལ་ཕྱག་འཚལ། །རེག་བྱ་ནང་སྦྱིན་ལ་ཕྱག་འཚལ། །བཞི་པའི་དབང་བསྐུར་མཆོག་འདི་ནི། །མཆོག་གི་དབང་ཕྱུག་བདག་ལ་སྩོལ། །ཁྱོད་ཀྱིས་སྲོག་ཆགས་གསད་པར་བྱ། ། [300a.4]ཁྱོད་ཀྱིས་བརྫུན་དུ་སྨྲ་བར་གྱིས། །མ་བྱིན་པར་ཡང་ཁྱོད་ཀྱིས་ལོང་། །གཞན་གྱི་བུད་མེད་སྤྱད་པར་གྱིས། །འདི་རྣམས་བྱས་ན་སྡིག་མེད་ཅིང་། །བསོད་ནམས་ཆེན་པོ་འབྱུང་བར་འགྱུར། །དེ་རྣམས་ཁྱོད་ཀྱིས་ནུས་ན་ནི། །བཞི་པའི་དབང་ནི་སྦྱིན་པར་བྱ། །ཁྱོད་ཀྱི་ཞབས་ཀྱི་བཀའ་དྲིན་ལ། ། [300a.5]མགོན་པོ་ཆེན་པོ་བདག་གིས་ནི། །སློབ་པའི་སྤྱོད་པ་སེམས་ཀྱིས་བརྟག །ཇི་ལྟར་དབང་སྦྱིན་རིམ་པས་གསུངས། །གཏོང་དུལ་གཏིང་རིང་སྤྱོད་ཡོད་ན། །དབང་ནི་རིན་ཆེན་ཚིག་གིས་སྦྱིན། །ཤེས་རབ་ཡེ་ཤེས་མ་རྙེད་ན། །དམ་ཚིག་སྦྱིན་པར་མི་བྱའོ། །དམ་ཚིག་ཉམས་པས་འཇིགས་ [300a.6]ཕྱིར་རོ། །ཕྱག་ན་རྡོ་རྗེས་མ་གནང་ངོ་། །ཡང་དག་དབང་ནི་མ་རྙེད་ན། །ཕྱི་ནས་དེ་ལྟར་སྦྱིན་པར་བྱ། །དབང་བསྐུར་དེ་ནི་བཞི་པ་ཅན། །བཞི་རུ་གྱེས་པ་ཡོད་པས་སོ། །བུམ་པ་ལ་སོགས་ནུ་རེག་པས། །དང་པོའི་འབྲས་བུ་དགའ་བ་ཡིན། །གཉིས་པ་གསང་བའི་སྦྱིན་པ་ཡིས། །གསང་ [300a.7]བ་མཆོག་གི་དགའ་བ་ཡིན། །གསུམ་པ་གཅིག་ཏུ་སྦྱོར་བ་ཡིས། །ཤེས་རབ་འདོད་ཆགས་མེ་འོག་གིས། །ཡོངས་སུ་གྱུར་པས་ཆད་པ་ཡིན། །དེ་ནས་ཤེས་རབ་ཡེ་ཤེས་བཤད། །དེ་ཡི་འགོག་པ་བཞི་པ་ཡིན། །རང་བཞིན་དེ་ནི་དེ་ལྟར་འོང་། །དེ་ནི་དགོངས་པར་བཤད་མ་ཡིན། ། [300b] [300b.1]མཁས་པས་འབད་པས་ཤེས་པར་བྱ། །བཞི་པ་ཡི་ནི་དོན་རྣམས་ལ། །མི་མཐུན་པ་ནི་མང་སྨྲ་སྟེ། །དེ་ལ་གཞན་ནི་འདི་སྐད་གསུངས། །བཏང་སྙོམས་དངོས་པོ་བསྒོམ་པ་ཡིས། །འབྲས་ཡོད་བདེ་བའི་དངོས་པོ་ནི། །ཡེ་ཤེས་གསལ་བར་འབྱུང་བར་འགྱུར། །བཏང་སྙོམས་དངོས་པོར་ [300b.2]བདག་སྦྱོར་བའི། །ལྷ་མོའི་དེ་ཉིད་བསྒོམ་པ་ཡིས། །འབྲས་བུའི་རྒྱུན་ནི་རྙེད་པར་འགྱུར། །གཞན་གྱི་གཞུང་གིས་དེ་སྐད་གསུངས། །ལྷ་ཡི་དངོས་པོ་མེད་པ་དང་། །བཏང་སྙོམས་དངོས་པོ་ཡོད་པ་ཡིས། །བདེ་བ་ཡོད་པ་འབྲས་བུར་འགྱུར། །གཞན་གྱི་གཞུང་གིས་དེ་སྐད་གསུངས། ། [300b.3]བག་ཆགས་བདེ་བ་ཁྱེར་ནས་ནི། །བག་ཆགས་མ་ཡིན་བདེ་བར་འགྱུར། །ཡང་དག་མཆོག་ནི་རྫོགས་པ་ཡིན། །གཞན་གྱི་གཞུང་གིས་དེ་སྐད་གསུངས། །བག་ཆགས་མ་ཡིན་བདེ་བའི་དངོས། །ལྷ་ཡི་བསྒོམ་པ་ཡང་དག་གིས། །རབ་ཏུ་བདེ་བའི་ཡེ་ཤེས་འབྱུང་། །དེ་ནི་གཞན་ [300b.4]གྱིས་གསུངས་པའོ། །དེ་གཞུང་ཚད་མ་མ་ཡིན་ཏེ། དེ་དོན་ཚད་མ་ཡང་མ་ཡིན། །བཏང་སྙོམས་བསྒོམ་པའི་དོན་གྱིས་ནི། །འབྲས་བུ་བདེ་བ་རྙེད་གྱུར་ན། །དེ་ནི་སྦྱོར་བ་མ་ཡིན་པ། །ནམ་མཁའི་མེ་ཏོག་སྐྱེ་བའི་དཔེ། །དེ་བཞིན་གསུངས་པ་ཁ་ཆེ་ཡི། །རིན་ཆེན་རྡོ་རྗེ་ཞབས་ཀྱི་ནི། ། [300b.5]མ་མཐོང་བ་ལ་བསྒོམ་པ་མེད། །མཐོང་བ་ལ་ཡང་བསྒོམ་པ་མེད། །བདག་ལ་བཏང་སྙོམས་སྦྱོར་ཡོད་དམ། །ལྷ་ཡི་བསྒོམ་པ་ཡོད་པ་ཡིས། །འབྲས་བུ་རྒྱུན་དུ་རྙེད་འགྱུར་ཟེར། །དེ་ནི་རྨོངས་པའི་གཞུང་ཡིན་ནོ། །ཐམས་ཅད་དངོས་པོའི་བཏང་སྙོམས་ཀྱིས། །དངོས་པོ་མ་ཡིན་ [300b.6]འོང་བ་ཡིན། །དངོས་པོ་མ་ཡིན་ལྷ་ཡི་དངོས། །དེ་སྐད་འབྱུང་བ་སུ་ཡི་གཞུང་། །འབྱུང་བ་ཡིན་ན་དེ་ཉིད་མིན། །དངོས་པོའི་གཟུགས་ཅན་འཁྲུལ་པ་ཡིན། །དངོས་པོ་མི་རྟག་བདེན་པ་ཡིན། །དེ་ཡི་དོན་ལ་ཐེ་ཚོམ་མེད། །བཏང་སྙོམས་དངོས་པོ་ཡོད་པ་དང་། །ལྷ་ཡི་དངོས་པོ་མེད་པ་ [300b.7]ཡིས། །དྲི་མེད་འབྲས་བུ་འབྱུང་འགྱུར་ན། །མཁས་པ་རྣམས་ནི་འགོད་པར་འགྱུར། །ལྷ་ཡི་དངོས་པོ་མེད་གྱུར་ན། །བཏང་སྙོམས་དེ་ཡིས་ཅི་ཞིག་བྱ། །ཡོད་ན་དེ་ལ་བཏང་སྙོམས་དགོས། །དངོས་པོ་མིན་ན་མི་དགོས་སོ། །རྟག་པ་ཡི་ནི་གནས་མེད་དེ། །རི་བོང་རྭ་སོགས་དཔེ་དང་ [301a] [301a.1]འདྲ། །བག་ཆགས་བདེ་བ་བཟུང་ན་ནི། །བག་ཆགས་མ་ཡིན་འོང་འགྱུར་ན། །དེ་ནི་སྐྱོན་དུ་འགྱུར་བའི་ཚིག །འབྲུ་ནང་ལས་ནི་ནན་ཡང་མིན། །འབྲས་ལ་སོགས་པ་འབྱུང་མི་སྲིད། །མཉམ་པ་ཀུན་གྱི་གཞུང་ལུགས་སོ། །ཡང་དག་རབ་བདེའི་བསྒོམ་པ་ཡིས། །རབ་ཏུ་ [301a.2]བདེ་འབྲས་འབྱུང་འགྱུར་ན། །དེ་ལ་ཁྱད་པར་ཅི་ཞིག་ཡོད། །ཅི་ཕྱིར་དོན་དུ་སྒོམ་པར་བྱེད། །རབ་བདེ་བ་ལ་ཁྱད་ཡོད་ན། །དེ་ལ་བསྒོམ་པ་བྱ་དགོས་སོ། །ཁྱད་པར་གནས་འགྲོ་ན་ཡང་སྐྱོན། །དེ་ནི་དེ་ཉིད་མཚན་མ་ཡིན། །གཉིས་སུ་མེད་པའི་མཆོག་དགའ་དངོས། །ལྷ་ཡི་དངོས་པོ་རབ་བདེ་བ། ། [301a.3]སྒྱུ་འཕྲུལ་ཡེ་ཤེས་ཆེན་པོ་ཡི། །འབྲས་བུ་དེ་ནི་རབ་བཞིན་གཞུང་། །རང་བརྟགས་ཡང་ན་གཏི་མུག་གིས། །དེ་ལ་མཁས་པ་རྣམས་ནི་འཁྲུལ། །དེ་ཡི་གཞུང་ལུགས་གསལ་བརྟགས་ནས། །ཕྱི་ནས་རང་གཞུང་གསལ་བར་བྱ། །ཤེས་རབ་ཡེ་ཤེས་ཟིན་ནས་སེམས། །མྱོང་བ་དེ་ནི་བཞི་པ་ [301a.4]ཡིན། །དེ་ཡི་མན་ངག་སློབ་རྣམས་ལ། །སློབ་དཔོན་གཅིག་གིས་ཚིག་གིས་བཤད། །ཤེས་རབ་ཡེ་ཤེས་ཟིན་ནས་སུ། །སློབ་དཔོན་སློབ་ལ་གསུངས་པ་འདི། །རྡོ་རྗེ་ཉི་མ་ནུབ་ལས་ནི། །འདི་ཡི་ཡེ་ཤེས་གསལ་བར་འབྱུང་། །ཡང་དག་དེ་ཡི་དོན་ཤེས་ནི། །གཞན་བཞི་པ་རབ་ཡིན་པར་ [301a.5]གསུངས། །ཤེས་རབ་ཡེ་ཤེས་ཟིན་ནས་སུ། །མཚོ་སྐྱེས་འབྱུང་བར་བབས་པ་ནི། །རིན་ཆེན་སྐར་ཁུང་ཁ་མི་རེག །ཐམས་ཅད་ཀྱི་ནི་དངོས་པོ་ལ། །འདུ་ཤེས་མེད་པ་བཞི་པ་ཡིན། །གཞན་དག་དེ་སྐད་གསུང་བ་ཡིན། །ཤེས་རབ་ཡེ་ཤེས་ཟིན་ནས་སུ། །འདམ་སྐྱེས་འབྱུང་བ་བབས་ [301a.6]པ་འདི། །རིན་ཆེན་སྐར་ཁུང་ཁ་རེག་པ། །འདི་ཡིས་དངོས་པོ་ཐམས་ཅད་ལ། །དྲན་པ་མེད་པ་བཞི་པའོ། །གཞན་དག་གིས་ནི་དེ་སྐད་གསུངས། །ཤེས་རབ་ཡེ་ཤེས་ཟིན་ནས་སུ། །དང་པོའི་ཡིད་ནི་ནམ་མཁའི་དབྱིངས། །བབས་པས་ཆོས་རྣམས་ཐམས་ཅད་ལ། །རྙེད་པ་མེད་པར་ [301a.7]གྱུར་པས་སོ། །དེ་ནི་བཞི་པ་ཡང་དག་རབ། །གཞན་གྱིས་དེ་སྐད་གསལ་བར་གསུངས། །ཐམས་ཅད་པདྨ་འབྱུང་བ་ནི། །ནམ་མཁའི་དབྱིངས་སུ་བབས་གྱུར་ན། །ཆོས་ཐམས་ཅད་ལ་བཏང་སྙོམས་སོ། །གཞན་གྱིས་བཞི་པ་གསུངས་པའོ། །དེ་དག་ཐམས་ཅད་དོར་བྱས་ཏེ། །རིགས་ [301b] [301b.1]པ་མེད་པས་གཞུང་ལུགས་མིན། །ཤེས་རབ་གང་ཡིན་ཡེ་ཤེས་གང་། །དེ་ཡི་འབྲས་བུ་གང་ཡིན་གསུངས། །འདི་ཡི་དོན་དེ་མི་ཤེས་ན། །གཞན་གྱི་གཞུང་ལ་འབྲས་བུ་མེད། །མ་ཟིན་ན་ནི་མྱོང་བ་མེད། །ཟིན་ན་མྱོང་བ་ཡོད་པ་ཡིན། །ཟིན་ན་མྱོང་བ་ཅི་ཞིག་ཡོད། །སོང་ནས་འོངས་ [301b.2]པ་ག་ལ་ཡོད། །ཟིན་ནས་མྱོང་བ་ཕྱིར་གྱི་སྟེ། །བྱོལ་སོང་གི་ནི་ལས་ཡིན་ནོ། །དང་པོ་དང་ནི་ཟིན་ནས་གཅིག །ཕྱི་མ་ནུས་ནས་དེ་བཞིན་ནོ། །ཟིན་ནས་ནུབ་པ་ཡོད་པ་ཡིས། །དེ་ལ་དཔེ་ནི་གང་གིས་བྱེད། །ཟིན་ནས་ནུབ་པ་དེ་ནི་གཅིག །དེ་ལ་ཁྱད་པར་ཅི་ཡང་མེད། །ཟིན་ནས་རིན་ [301b.3]ཆེན་ཁ་ལ་ནི། །མ་རེག་འགྲོ་བ་དེ་གཞུང་ན། །འགྲོ་ན་དེ་ནི་ཆད་པ་ཡིན། །དེ་ལ་བལྟ་རྒྱུ་མ་མཆིས་སོ། །རེག་ནས་འགྲོ་བ་དེ་དང་མཉམ། །གང་དུ་སྨྲས་པ་དེ་ཡིན་ནོ། །དང་པོ་ནམ་མཁའི་དབྱིངས་ལ་ནི། །རིམ་པས་གཞན་ཡང་འགྲོ་བར་འགྱུར། །ཐམས་ཅད་དེ་ནི་བབས་གྱུར་ན། །ཐ་ [301b.4]མལ་པ་དང་མཉམ་པའོ། །ཐ་མལ་པས་ནི་བདེ་ཆེན་ནི། །ནམ་ཡང་ཤེས་པ་མ་ཡིན་ནོ། །དེ་ལ་བདེ་ཆེན་མེད་པར་ནི། །ཡེ་ཤེས་འབྱུང་བར་ག་ལ་འགྱུར། །ཡེ་ཤེས་སྲིད་པ་ཉམས་དགའ་བ། །ཤེས་རབ་མྱ་ངན་འདས་ལས་ཆད། །དེ་གཉིས་འབྲས་བུ་དེ་ཉིད་ཡོད། །དེ་ཡི་ [301b.5]འབྲས་བུ་དོན་དམ་ཡིན། །དེ་བཞིན་ཀྱེ་ཡི་རྡོ་རྗེ་ཡི། །ལེའུ་བརྒྱད་པའི་ནང་ནས་གསུངས། །དེ་ནི་གཉིས་མེད་ཞི་ཆེན་པོ། །འདོད་ཆགས་ཆགས་བྲལ་མེད་པ་དང་། །རང་རིག་བརྗོད་དུ་མེད་པ་དང་། །རྟོག་པ་ཐམས་ཅད་མེད་པའོ། །རང་བཞིན་སྒྲུབ་ཐབས་སོགས་ཀྱིས་ནི། །ཡན་ལག་ [301b.6]གསུམ་ནི་ཡོད་པ་ཡི། །རང་བཞིན་ཉིད་ནི་བཞི་པའོ། །ལ་ལ་མདའ་ལ་མཉམ་སྦྱོར་བ། །སྒྲུབ་ཐབས་ཕྱི་མ་ཡིན་པར་བཤད། །ཧཱུཾ་ཕཊ་ཀྱི་ནི་མཉམ་པ་ནི། །བསྒྲུབས་པས་དེ་ནི་སྒྲུབ་ཐབས་སོ། །སྒྲུབ་ཐབས་ནང་ན་སེམས་ཡོད་ན། །རྟགས་ནི་འདི་ལྟ་བུ་དག་སྐྱེ། །འདར་དང་རྡུལ་དང་ [301b.7]མོས་པ་དང་། །ལུས་མི་བརྟན་པར་དབུགས་རྒོད་དང་། །བཀྲག་དང་དྲོད་ནི་དེ་ལྟར་བརྒྱད། །འབྲས་བུའི་དུས་ན་སྐྱེ་བར་འགྱུར། །སྒྲུབ་ཆེན་ཡན་ལག་འབྲས་བུ་འདི། །ཡེ་ཤེས་གསུམ་ནི་མེད་པའོ། །རང་བདེ་མཆོག་ནི་ཞི་ཆེན་པོ། །ཡེ་ཤེས་འོད་ནི་རང་བཞིན་ཅན། །དེ་ཡི་རྫོགས་པའི་ [302a] [302a.1]རིམ་པ་ཡིས། །འབྲས་བུ་འབད་དེ་ཤེས་པར་བྱ། །དེ་འབྲས་ཡེ་ཤེས་རིགས་པས་ནི། །སློབ་མ་ལ་ནི་ཚིག་གིས་ནི། །བླ་མས་དོན་ནི་བཤད་པར་བྱ། །བལྟ་བར་དགའ་བའི་མཚན་ཉིད་དོ། །དབང་གསུམ་ལས་གཞན་གཞན་ན་མེད། །བཞི་པ་གང་ན་ཡོད་པ་ཡིན། །འབྲས་ [302a.2]བུ་གཟུགས་ཅན་དེ་ཉིད་ནི། །གསལ་བར་དེ་ལྟར་བཞི་པའོ། །དེ་བཞིན་དཔལ་རིན་རྡོར་ཞབས་ཀྱིས། །དཔལ་བསྒོམ་པ་ཡི་རིམ་ལས་གསུངས། །གསུམ་ནི་མེད་པ་གསུམ་རང་སྟེ། །དེ་བཞིན་གཞུང་ཡིན་དེ་ལྟར་རོ། །གཞན་གྱི་དོན་ལ་རབ་དགའ་བས། །རོ་ཡི་དགུག་པས་དབང་དུ་བྱ། །གསང་ [302a.3]བའི་གསང་བ་ཅི་བརྗོད་པ། །ཐུགས་རྗེ་ཅན་རྣམས་བཟོད་པར་མཛོད། །ཐབས་ཀྱི་རྒྱུད་ནི་འདུས་པ་ལས། །དེ་ལྟའི་གཞུང་ལུགས་མེད་ན་ཡང་། །དེ་བཞིན་རིགས་པ་ཅི་སྨྲས་པ། །ཤེས་རབ་རྒྱུད་ཀྱི་རིམ་ལས་སོ། །ཐབས་དང་ཤེས་རབ་གཉིས་མེད་དངོས། །དེ་ནི་རྒྱལ་བས་གསུངས་པའོ། ། [302a.4]འཁོར་ལོ་བཞི་ནི་མཉམ་སྦྱར་བ། །ཕྲ་མོའི་ཐིག་ལེ་དེ་ནང་དུ། །རང་བཞིན་གཅིག་ཅིག་གཞན་མ་མེད། །དངོས་པོ་མེད་པའི་དངོས་པོ་ཅན། །གཞན་མ་གསུམ་ནི་འདབ་ལ་གནས། །འཁོར་ལོ་རེ་རེ་སོ་སོ་ཡིན། །སྤྲུལ་པའི་འཁོར་ལོ་འདབ་མ་གསུམ། །ཆུ་སྐྱེས་ལྟེ་བ་ཡོད་པའོ། ། [302a.5]དེ་ནི་ཕྱི་རོལ་ཤེས་པར་བྱ། །བརྒྱད་པོ་བརྒྱད་ནི་དེ་ནང་དུའོ། །དེ་ཡི་ནང་ན་གསང་བ་བཞུགས། །སངས་རྒྱས་རིན་པོ་ཆེ་ཡི་སྣོད། །བཾ་གྱི་དངོས་པོ་ཡང་དག་འཇམ། །སྣ་ཚོགས་ཅན་ནི་གཡོ་བའོ། །སངས་རྒྱས་རིན་ཆེན་དེ་ན་གནས། །རང་བཞིན་ཡེ་ཤེས་མཚན་ཉིད་དོ། །འཕྱང་བའི་རྩ་ [302a.6]ཡི་ནང་ན་བཞུགས། །ཁམས་གསུམ་དུ་ནི་རོལ་པ་མཛད། །གསུམ་ནི་རབ་ཏུ་ཡོད་པ་སྟེ། །ནང་དང་ཕྱི་རོལ་བར་མ་ཡིན། །ཕྱི་རོལ་གཡས་ཀྱི་ར་ས་ནཱ། །ནང་གི་གཡོན་གྱི་ལ་ལ་ནཱ། །དབུས་ཀྱི་ཨ་བ་དྷཱུ་ཏཱི་ལ། །ཉིད་ཀྱི་འདུག་ས་བྱེད་པའོ། །གཅིག་པུ་ཡི་ནི་གཙོ་མོ་ཡི། །ཀུན་ [302a.7]རྫོབ་ཏུ་ནི་གསུམ་དུ་འགྱུར། །དེ་བཞིན་བྱང་ཆུབ་སེམས་ནི་གཅིག །སྣ་ཚོགས་གཟུགས་སུ་ཡོད་པའོ། །དབང་བྱེད་ལོངས་སྤྱོད་བརླག་པ་ནི། །དེ་རྣམས་ངལ་སོར་བསྟན་པའོ། །དབང་བྱེད་མགྲིན་པའི་གནས་སུ་ནི། །ལོངས་སྤྱོད་བར་དུ་མཆོག་འདི་བསྟན། །བརླག་ནི་ཁ་ལས་ཤེས་པར་ [302b] [302b.1]བྱ། །དེ་ནི་ཆད་པ་གསལ་བའོ། །མཆོག་ནི་མགྲིན་པའི་གནས་སུ་སྟེ། །རང་བཞིན་བར་ན་ཡོད་པའོ། །ནང་དང་ཕྱི་རོལ་དབུས་ཀྱི་ནི། །རྣལ་འབྱོར་དེ་ཡང་མི་ཤེས་ན། །དེ་དུས་རང་བཞིན་མི་རྙེད་དེ། །ཤེས་ན་རྙེད་པར་ཐེ་ཚོམ་མེད། །དེ་ནི་ཤེས་རབ་སྐྱབས་ཡང་དག །ཤེས་རབ་བླ་མའི་ཁ་ལས་ [302b.2]འགྱུར། །རྩ་རྣམས་དེ་ནི་མེད་གྱུར་ན། །ཁུ་བ་ཁྲག་ནི་སྦྱོར་བ་མེད། །ཁུ་བ་ཁྲག་ནི་མེད་གྱུར་ན། །རྣམ་པར་ཤེས་པ་སྦྱོར་བ་མེད། །རྣམ་པར་ཤེས་པ་མེད་གྱུར་ན། །ཐམས་ཅད་གཡོ་བ་མེད་པར་ཐལ། །གཡོ་མེད་བདེ་བ་ཆེན་པོ་ནི། །ནམ་ཡང་ཤེས་པར་མི་འགྱུར་རོ། །བདེ་བ་ཆེན་པོ་ [302b.3]མེད་གྱུར་ན། །ནམ་ཡང་བྱང་ཆུབ་མི་རྙེད་དེ། །ཏིང་འཛིན་བཟླས་པ་སྦྱིན་པ་ནི། །བསྐལ་པ་བརྒྱར་ནི་སྤྱད་ན་ཡང་། །མན་ངག་དེ་ནི་མེད་གྱུར་ན། །ཇི་ལྟར་རྡོ་སྟེངས་ས་བོན་བཞིན། །དེ་ནི་ཐམས་ཅད་འགྲུབ་དོན་དུ། །ཐབས་ནི་ཅུང་ཟད་བདག་གིས་བཤད། །ཐབས་གང་གིས་ནི་རྣལ་འབྱོར་ [302b.4]རྣམས། །རང་བཞིན་གྱི་ནི་གནས་དེར་འགྱུར། །སྦྱིན་སྲེག་ཐབ་ནི་མེད་གྱུར་ན། །རྣལ་འབྱོར་དངོས་གྲུབ་ཐོབ་མི་འགྱུར། །ལྟེ་བའི་ཧོམ་ཁུང་གཏུམ་མོའི་གནས། །ཤེས་རབ་རང་རིག་མཚན་ཉིད་དོ། །རྡོ་རྗེ་ཆུ་སྐྱེས་མཉམ་སྦྱོར་བས། །ཡང་དག་འཇིགས་པར་འབར་བའོ། །ཕུང་པོ་ [302b.5]ལྔ་ཡི་རིགས་ལྔ་ཡི། །རྣམ་པར་རྟོག་པའི་སྲེག་པ་དང་། །དེ་བཞིན་སྤྱན་ལ་སོགས་པ་ནི། །སྐྱེ་མཆེད་ཁམས་ནི་གཟུགས་ཅན་ནོ། །ཕུང་པོ་ལ་སོགས་ཡམ་ཤིང་དང་། །དང་པོར་སྲེག་རྫས་གསལ་བར་བྱ། །ཡམ་ཤིང་ཐམས་ཅད་བསྲེགས་པའོ། །ཧཾ་གི་དངོས་པོ་ཁ་བུབ་ནི། །ཡོན་ [302b.6]པོའི་རང་བཞིན་མཚན་ཉིད་ཅན། །སྨིན་ཕྲག་འཁོར་ལོའི་ནང་ན་ཡོད། །དེ་ནས་དེ་ནི་ཡང་དག་འབབ། །ཤུ་ཀྲ་བདུད་རྩི་རབ་རྒྱུན་ནོ། །དེ་ཡི་གསང་བའི་སྲེག་རྫས་སྦྱིན། །ལྟེ་བའི་ཧོཾ་ཁུང་ཕྱི་རོལ་མིན། །ཡང་དག་པར་ནི་དགྱེས་ནས་ནི། །ཅི་བསམས་པ་ཡི་འབྲས་བུ་སྨིན། །འོད་ཀྱི་གཟུགས་ [302b.7]ནི་གཏུམ་མོ་ཡིན། །ཨ་བ་དྷཱུ་ཏཱིའི་ཞི་བའི་གཟུགས། །ཆོས་དང་ལོངས་སྤྱོད་རྫོགས་ལམ་གནས། །འགྲོ་དང་འོང་བ་ཡང་དང་ཡང་། །སྐྲ་ཡི་རྩེ་མོ་འབུམ་གྱི་ཆ། །ཆེ་བར་ལྟ་བས་མཐོང་མི་འགྱུར། །དེ་ཡི་རོ་ཡོད་མཉམ་པ་ཡིས། །བླ་མའི་ཞབས་ཀྱི་བཀའ་དྲིན་ལ། །ཕྲ་མོར་ལྟ་བའི་ [303a] [303a.1]མཚན་ཉིད་ཀྱིས། །མཆོག་གི་དངོས་གྲུབ་ཐོབ་པར་འགྱུར། །དེ་ཡི་ནང་ན་སེམས་ཡོད་ན། །སྐད་ཅིག་གཅིག་གིས་བྱང་ཆུབ་སེམས། །འདི་ནི་གསང་བ་མཆོག་ཡིན་ཏེ། །ལུང་ལས་གསལ་བར་བྱས་པས་སོ། །བདག་གིས་སྔོན་མེད་རང་བཟོར་ནི། །རྒྱུད་རྣམས་དོན་ལས་ [303a.2]མི་མང་ངོ་། །དེ་ཡི་འབྲས་བུ་ཇི་སྙེད་པ། །བླ་མ་རབ་ཀྱི་བཀའ་དྲིན་ནོ། །འཇིག་རྟེན་ཚད་མེད་མྱུར་བར་ནི། །དེ་ཡིས་འགྲོ་བ་གྲོལ་བར་ཤོག །སྲིད་པའི་གཏི་མུག་དགོན་པ་ལ། །རྣལ་འབྱོར་རྣམས་ཀྱི་ལམ་རབ་གཏོར། །ཤེས་རབ་དཔལ་ནི་གསང་བས་ནི། །རིན་ཆེན་སྣང་བ་གསལ་ [303a.3]བྱས་པས། །སུ་ལ་བདག་གིས་དབང་བསྐུར་བས། །བདག་ལ་དེ་བཞིན་གང་གིས་ཐོས། །དེ་ནི་རང་གིས་འདི་ཤེས་ལ། །གཞན་དག་ལ་ཡང་འཆད་ནུས་སོ། །གང་ལ་བདག་གིས་བསྐུར་བ་མིན། །གང་གིས་བདག་ལ་ཐོས་མིན་ལ། །དེ་ནི་རང་གིས་མི་ཤེས་ཏེ། །གཞན་ལ་འཆད་པར་ [303a.4]ནུས་མིན་ནོ། །དབང་རིན་ཆེན་སྣང་བ་ཞེས་བྱ་བ་རྣལ་འབྱོར་གྱི་དབང་ཕྱུག་ཆེན་པོ་དཔལ་ཤེས་རབ་གསང་བའི་ཞབས་ཀྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་དཔལ་ཤེས་རབ་གསང་བའི་ཞབས་དང་། བོད་ཀྱི་ལོ་ཙཱ་བ་ཀམ་དགེ་བསྙེན་ཆོས་ཀྱི་ཡེ་ཤེས་དང་། ཕྱུག་བརྩམས་ [303a.5]དབང་ཕྱུག་རྒྱ་མཚོས་ཞུས་ཏེ་གཏན་ལ་ཕབ་པ།། {T1334}༄༅༅། །རྒྱ་གར་སྐད་དུ། ཤྲཱི་མ་ཧཱ་ཛྙཱ་ན་ཌཱ་ཀི་ཤྭ་ར་སཱ་དྷ་ནཾ་ནོ་པི་ཀ །བོད་སྐད་དུ། དཔལ་ཆེན་པོ་ཡེ་ཤེས་མཁའ་འགྲོའི་དབང་ཕྱུག་གི་སྒྲུབ་པའི་ཐབས། དཔལ་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། ། [303a.6]སྲིད་དང་མྱ་ངན་འདས་ན་བཞུགས། །སྲིད་དང་མྱ་ངན་འདས་དང་བྲལ། །བཞུགས་དང་བྲལ་ལས་རྣམ་གྲོལ་བ། །བརྗོད་དུ་མེད་པ་ལ་ཕྱག་འཚལ། །དཔལ་ལྡན་ཐིག་ལེའི་རྒྱུད་དབང་པོ། །རྒྱུད་ཀུན་གྱི་ནི་མངའ་བདག་ཆེ། །གང་གི་དྲིན་གྱིས་རྙེད་སླ་བ། །བླ་མའི་ཞལ་སྔ་བདག་ཕྱག་ [303a.7]འཚལ། །རྒྱུད་འདི་ཡི་ནི་རྒྱལ་པོ་ཡིས། །སྐལ་ལྡན་རྣམས་ནི་འགྲུབ་དོན་དུ། །རྒྱུད་ཀྱི་བསྐྱེད་པའི་རིམ་པ་ཡི། །མདོར་བསྡུས་སྒྲུབ་ཐབས་བདག་གིས་བཤད། །དྲི་མེད་ཆུ་ཡིས་བསྐོར་བ་ཡི། །ནེའུ་སིང་འཇམ་མོ་དང་ལྡན་པ། །མེ་ཏོག་འབྲས་ཤིང་ཡོད་པ་ཡི། །དེར་གནས་ [303b] [303b.1]ཧེ་རུ་ཀ་མཉེས་བྱ། །དང་པོ་རྣལ་འབྱོར་དབང་ཕྱུག་གིས། །འདི་ལྟར་བུར་ནི་རབ་བསྒོམ་བྱ། །ལྟེ་བའི་རྩ་བར་ཡཾ་ཡིག་འབྲུ། །ཡཾ་ལས་རླུང་གི་དཀྱིལ་འཁོར་རོ། །དེ་ཡི་སྟེང་དུ་རཾ་ཡིག་འབྲུ། །རཾ་ལས་མེ་ཡི་དཀྱིལ་འཁོར་རོ། །དེ་གཉིས་ཡོངས་སུ་གྱུར་པ་ཡིས། །འབར་བའི་མེ་ནི་ [303b.2]ཡང་དག་བསྒོམ། །རྟོག་པའི་བདག་ཉིད་ལུས་པོ་ཀུན། །མེ་དེ་ཡིས་ནི་སྲེག་པར་བྱེད། །བདེ་འཁོར་བདུད་རྩི་ཡོད་པ་དང་། །འོད་དུ་ཞུ་བའི་གཟུགས་བསྒོམ་བྱ། །རྒྱུན་མི་འཆད་པར་འབྱུང་བ་ཡིས། །བསྲེགས་པའི་ལུས་པོ་གསོ་བར་བྱ། །དངོས་པོ་ཀུན་གྱི་ངོ་བོ་ཉིད། །དབང་པོའི་གཞུ་ [303b.3]དང་མཚུངས་པར་བལྟ། །གཟུགས་ཀྱི་ཕུང་པོའི་བདག་ཉིད་ནི། །འགྲོ་བ་ཀུན་ལ་ཁྱབ་པ་ཡིན། །དེ་ནི་གཏི་མུག་ཡིན་པའི་ཕྱིར། །སངས་རྒྱས་རྣམ་པར་སྣང་མཛད་བདག །ཚོར་བའང་དེ་བཞིན་ཀུན་ལ་ཁྱབ། །རིན་ཆེན་འབྱུང་ལྡན་ང་རྒྱལ་ཕྱིར། །འདུ་ཤེས་ཀྱང་ནི་འགྲོ་ལ་ཁྱབ། །སྣང་ [303b.4]བ་མཐའ་ཡས་ཆགས་པའི་ཕྱིར། །འདུ་བྱེད་འགྲོ་ལ་ཁྱབ་པ་སྟེ། །དོན་ཡོད་གྲུབ་པ་ཕྲག་དོག་ཕྱིར། །རྣམ་པར་ཤེས་པས་འགྲོ་ཀུན་ཁྱབ། །མི་བསྐྱོད་པ་ནི་ཞེ་སྡང་ཕྱིར། །དེ་བཞིན་གཤེགས་ཀུན་གཟུགས་སུ་ནི། །ཧེ་རུ་ཀ་དཔལ་བདག་ཉིད་བཞུགས། །མིག་དང་རྣ་བ་སྣ་དང་ནི། །ལྕེ་ [303b.5]དང་ལུས་དང་དེ་བཞིན་ཡིད། །རང་རང་གི་ནི་རང་འོད་ཅན། །ཤེས་རབ་དབང་པོ་དག་པ་ཡིན། །ས་དང་ཆུ་དང་མེ་དང་རླུང་། །མཱ་མ་ཀཱི་སོགས་ཁམས་ཡིན་ནོ། །ལེགས་དགྱེས་དབང་མོ་རྣལ་འབྱོར་མ། །ནམ་མཁའི་ཁམས་སུ་ཤེས་པར་བྱ། །དེ་ཀུན་གྱི་ནི་ངོ་བོ་བདག །ཡིན་པར་འདི་དག་དཔྱད་ [303b.6]པར་བྱ། །ཆོས་འདི་ཀུན་གྱི་རང་ངོ་བོས། །བདག་མེད་མ་སྐྱེས་པ་ཡིན་ནོ། །དེ་དག་འཁྲུལ་པས་མིག་ཡོར་ནི། །སྨིག་རྒྱུ་ཆུ་ཟླ་ཇི་བཞིན་ནི། །བྱང་ཆུབ་ཀྱི་ནི་ཚོགས་བསྒོམ་པས། །སེམས་ཙམ་ཉིད་ལ་རབ་གནས་ཤིང་། །དེ་ནས་རང་སྙིང་མཁའ་པད་དུ། །ཟླ་བའི་དཀྱིལ་འཁོར་བསྒོམ་པར་ [303b.7]བྱ། །སེམས་ཀྱི་ས་བོན་དེ་དབུས་སུ། །འོད་ཟེར་ལྔ་ནི་རབ་ཏུ་འཕྲོ། །དེ་ཡི་སྣང་བས་མདུན་དུ་ནི། །ནམ་མཁར་གསེར་གྱི་པདྨོ་ཆེ། །འོད་ཟེར་འབར་བ་དང་ལྡན་པ། །ལྟེ་བ་ཡོད་པའི་འདབ་མ་འབུམ། །འདབ་མར་སངས་རྒྱས་བྱང་ཆུབ་སེམས། །ཆོས་ཀྱི་ཕྱག་རྒྱ་འཛིན་པའི་མཆོག ། [304a] [304a.1]དབུས་སུ་རྡོ་རྗེ་སེམས་དཔའ་ནི། །ཡེ་ཤེས་སེམས་དཔའི་ངོ་བོ་ཉིད། །ནམ་མཁའ་ཁྱབ་པར་མཐོང་ནས་སུ། །མཆོད་པ་བྱས་ནས་སྐྱབས་སུ་འགྲོ། །དཀོན་མཆོག་གསུམ་ལ་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་ [304a.2]རྒྱས་བྱང་ཆུབ་ཡིད་ཀྱིས་གཟུང་། །སངས་རྒྱས་ཆོས་དང་འདུས་གཙོ་ལ། །བྱང་ཆུབ་ཐོབ་པར་སྐྱབས་སུ་མཆི། །རང་དང་གཞན་ནི་འགྲུབ་དོན་དུ། །བྱང་ཆུབ་མཆོག་ཏུ་སེམས་བསྐྱེད་དོ། །བྱང་ཆུབ་སེམས་མཆོག་འབྱུང་བྱས་ནས། །སེམས་ཅན་ཐམས་ཅད་མགྲོན་དུ་གཉེར། །འགྲོ་བ་ཀུན་ལ་ཕན་ [304a.3]དོན་དུ། །བདག་ནི་སངས་རྒྱས་ཐོབ་བྱའི་ཕྱིར། །དགྱེས་མཆོག་བྱང་ཆུབ་སྤྱད་པར་བགྱི། །དེ་ནས་ཚངས་པ་ཡི་ནི་གནས། །བྱམས་པ་ལ་སོགས་ལྡན་བསྒོམ་བྱ། །བུ་གཅིག་པ་ཡི་མ་ལྟ་བུར། །བརྩེ་བའི་སེམས་ཀྱིས་མཐོང་བ་ཡིན། །དེ་བཞིན་སེམས་ཅན་ཐམས་ཅད་ལ། །སེམས་ [304a.4]བགྱིད་དེ་ནི་བྱམས་པའོ། །གང་གིས་ཐབས་ཀྱི་སེམས་ཅན་འདི། །སྡུག་བསྔལ་མེ་ལས་བདག་གིས་གདོན། །དེ་ལྟ་བུར་ནི་གང་ཞིག་སེམས། །དེ་ནི་སྙིང་རྗེར་བསྟན་པའོ། །སྡུག་བསྔལ་མེ་ལས་བཏོན་པ་ཡིས། །རང་གི་ཡིད་ནི་དགའ་བ་ཡིན། །བདག་གིས་སེམས་ཅན་ཕན་དོན་ [304a.5]བྱས། །དེ་ནི་དགའ་བར་བཤད་པའོ། །གདུལ་དཀའ་འདུལ་བའི་སེམས་ཅན་རྣམས། །དེ་ལ་ཞེ་སྡང་བསྐྱེད་མི་བྱ། །བཏང་སྙོམས་ཀྱང་ནི་མི་བྱ་སྟེ། །སེམས་ཅན་ནང་ན་ཡོད་ཕྱིར་རོ། །དེ་ལྟ་མིན་ན་སྨོན་ལམ་ནི། །ཐེ་ཚོམ་མེད་པར་དོན་མེད་འགྱུར། །སྐྱོན་ལ་བཏང་སྙོམས་ལྡན་པའི་ [304a.6]སེམས། །དེ་ནི་བཏང་སྙོམས་མཆོག་ཡིན་ནོ། །དེ་ཡི་བསོད་ནམས་ཀྱི་ནི་ཚོགས། །ཡང་དག་པར་ནི་འཕེལ་བར་འགྱུར། །ཡེ་ཤེས་ཚོགས་ནི་འཕེལ་དོན་དུ། །སྟོང་པ་ཉིད་ནི་བདག་ཉིད་ཡིན། །འདས་པ་དང་ནི་མ་འོངས་པ། །ད་ལྟར་བྱུང་བའི་འཁོར་བ་གསུམ། །ངོ་བོ་ཉིད་ [304a.7]བྲལ་སྟོང་པ་ཡིན། །ཇི་ལྟར་ནམ་མཁའ་དེ་བཞིན་ནོ། །ཨོཾ་སྭ་བྷཱ་ཝ་ཤུདྡཿ་སརྦ་དྷརྨཱཿ་སྭ་བྷཱ་བ་ཤུདྡྷོ྅ཧཾ། ཨོཾ་སྭ་བྷཱ་ཝ་ཤཱུནྱ་ཏཱ་སརྦ་དྷརྨཱཿ་སྭ་བྷཱ་ཝ་ཤཱུ་ཉ་ཏཱ་ཧེ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་ཡིས་ཡེ་ཤེས་ཀྱི་ནི་ཚོགས། །ཡང་དག་པར་ནི་འཕེལ་བར་འགྱུར། །ཚོགས་གཉིས་པོ་ [304b] [304b.1]ནི་རྫོགས་པ་ཡིས། །ཐེ་ཚོམ་མེད་པར་བྱང་ཆུབ་འཐོབ། །དེ་ནས་པཾ་བྱུང་པདྨ་ནི། །ཁ་དོག་དམར་པོ་འདབ་མ་བརྒྱད། །དེ་ཡི་ལྟེ་བའི་དབུས་སུ་ནི། །རཾ་ལས་ཉི་མའི་དཀྱིལ་འཁོར་རོ། །དེ་ཡི་སྟེང་དུ་ས་བོན་ཧཱུཾ། །འོད་ཟེར་ལྔ་ནི་འཕྲོ་བ་ཡིན། །དེ་ཉིད་ཡོངས་སུ་གྱུར་པ་ཡིས། །སྐད་ཅིག་ [304b.2]གསུམ་རྒྱལ་ཉིད་དུ་འགྱུར། །སྐུ་མདོག་གནག་ལ་འཇིགས་བྱེད་ཆེ། །བསྐལ་པའི་མེ་བས་དྲག་འཇིགས་ཆེ། །ཞལ་བཞི་པ་ལ་ཕྱག་བཞི་པ། །ཞབས་བཞི་དང་ནི་ལྡན་པའོ། །ཞབས་ཀྱིས་བདུད་བཞི་པོ་ནི་མནན། །ཞལ་ནི་རེ་རེ་སྤྱན་གསུམ་ལྡན། །རྩ་བའི་ཕྱག་གཉིས་བདུད་ཕུར་ [304b.3]འདྲིལ། །གཞན་ནི་རལ་གྲི་དབྱུག་པ་འཛིན། །དེ་ལྟ་བུ་ཡི་ཁྲོ་རྒྱལ་པོ། །བདག་རང་ཉིད་ནི་བསྒོམ་པར་བྱ། །བདག་ནི་སུཾ་བྷ་ཉིད་ཡིན་ཕྱིར། །དེ་ལ་གོ་ཆ་དགོས་མ་ཡིན། །ཨོཾ་སུཾ་བྷ་ནི་སུཾ་བྷ་ཧཱུཾ་ཧཱུཾ་ཕཊ། ཨོཾ་གྲྀཧྣ་གྲྀཧྣ་ཧཱུཾ་ཧཱུཾ་ཕཊ། ཨོཾ་གྲྀཧྣཱ་པ་ཡ་གྲྀཧྣཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་ཝཱན་ [304b.4]བཛྲ་བིདྱཱ་རཱ་ཛ་ཧཱུཾ་ཧཱུཾ་ཕཊ། ཤར་ཕྱོགས་ལ་སོགས་སེ་གོལ་གྱིས། །སུཾ་བྷའི་རྣམ་པས་སྔགས་གདབ་བྱ། །སྣ་ཚོགས་རྡོ་རྗེ་ས་ཡི་འོག །ཧཱུཾ་ལས་འོད་ནི་སྤྲོ་བར་བྱ། །དེ་ཡི་འོད་ཀྱིས་སྣང་བ་ཡིས། །རྩིག་པ་དང་ནི་བླ་རེའོ། །རྡོ་རྗེ་མེ་ལྕེ་འབར་བ་ཡིན། །སྟེང་དུ་མདའ་ཡི་འདྲ་བའོ། །ཨོཾ་གྷ་ [304b.5]གྷ་གྷཱ་ཏ་ཡ་གྷཱ་ཏ་ཡ། སརྦ་དུ་ཥྚཱཾ་ཕཊ། ཀཱི་ལ་ཡ་ཀཱི་ལ་ཡ། སརྦ་པཱ་པཾ་ཕཊ། ཧཱུཾ་ཧཱུཾ་བཛྲ་ཀཱི་ལ་ཡ། བཛྲ་དྷ་རཱ་ཛྙཱ་པ་ཡ་ཏི། ཀཱ་ཡ་ཝ་ཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། བཛྲ་མུངྒ་ར་བཛྲ་ཀཱི་ལ་ཡ། ཨཱ་ཀོ་ཊ་ཡ་ཧཱུཾ་ཕཊ། དེ་ལྟའི་ཆོ་གའི་སྦྱོར་བ་ཡིས། །རྡོ་རྗེའི་གུར་ནི་བསམ་པར་བྱ། །དེ་ཡི་ [304b.6]དབུས་སུ་སྙོམས་པ་ནི། །ཆོས་ཀྱི་དབྱིངས་ཀྱི་བྷ་གའི་དབྱིབས། །རླུང་ལ་སོགས་པའི་འཁོར་ལོ་བཞི། །དེ་ཡི་ནང་དུ་བསྒོམ་པར་བྱ། །ཡཾ་གི་ཡིག་འབྲུ་ལས་བྱུང་རླུང་། །དཀྱིལ་འཁོར་གཞུ་ཡི་དབྱིབས་ལྟ་བུ། །ཆོས་ཀྱི་དབྱིངས་ཀྱི་ནང་དུ་ནི། །ནག་པོ་རྒྱལ་མཚན་དང་ལྡན་བསྒོམ། ། [304b.7]དཾ་གྱི་ཡིག་འབྲུ་ལས་བྱུང་མེ། །དཀྱིལ་འཁོར་གྲུ་གསུམ་ཁ་དོག་དམར། །མེ་ལྕེ་དང་ནི་ལྡན་པ་སྟེ། །རླུང་གི་དཀྱིལ་འཁོར་སྟེང་དུ་བསྒོམ། །བཾ་གྱི་ཡིག་འབྲུ་ལས་བྱུང་ཆུ། །དཀྱིལ་འཁོར་ཟླུམ་པོའི་དབྱིབས་ལྟ་བུ། །བུམ་པས་མཚན་པ་ཁ་དོག་དཀར། །མེ་ཡི་སྟེང [305a] [305a.1]དུ་བསྒོམ་པར་བྱ། །ལཾ་གྱི་ཡིག་འབྲུ་ལས་བྱུང་ས། །དཀྱིལ་འཁོར་གྲུ་བཞིའི་དབྱིབས་ལྟ་བུ། །རྡོ་རྗེས་མཚན་པ་ཁ་དོག་སེར། །ཆུ་ཡི་སྟེང་དུ་བསྒོམ་པར་བྱ། །འཁོར་བཞི་ཡོངས་སུ་གྱུར་པ་ལས། །གཞལ་ཡས་ཁང་དུ་རབ་ཏུ་བསྒྱུར། །གྲུ་བཞི་པ་ལ་སྒོ་བཞི་པ། །རྟ་ [305a.2]བབས་བཞིས་ནི་རྣམ་པར་བརྒྱན། །དྲ་བ་དྲ་ཕྱེད་ཆུན་འཕྱང་དང་། །འདོད་ཡོན་རིན་ཆེན་ལ་སོགས་བརྒྱན། །དེ་ཡི་ཕྱི་རོལ་དུར་ཁྲོད་བཅས། །ཕྱོགས་མཚམས་བྱེ་བྲག་བརྒྱད་པོ་རུ། །གཏུམ་དྲག་དེ་ནི་ཚིག་པ་ཡིན། །དབྱིབས་ཅན་དེ་ནི་མ་ཚིག་པ། །ཚང་ཚིང་དུམ་བུར་གྱུར་པ་ཡིན། ། [305a.3]འབར་བ་དུམ་བུར་མ་གྱུར་པ། །དམྱལ་སོགས་འཇིགས་པར་བཤད་པ་ཡིན། །མི་བཟད་པ་ནི་འཇིགས་པར་བྱེད། །ཧ་ཧར་དགོད་ནི་མདུང་རྩེར་བསྐྱོན། །གཡེར་ཀ་ཅན་ནི་འགེགས་པའོ། །པ་ཏ་ལི་དང་པནྡ་ལི། །ས་ལེ་ཤིང་དང་ཤི་རི་ཥ། །ཨ་དུམྺཱ་ར་ནྱ་གྲོ་དྷ། །ཨ་ཤྭ་ཏ་ནཱ་ག་གེ་ [305a.4]སར་ཤིང་། །དུར་ཁྲོད་རེ་རེ་ཤིང་རེ་ནི། །དཔའ་བོ་སོགས་ཀྱིས་དབང་དུ་བྱས། །བྱ་རོག་བྱི་ལ་འུག་པ་དང་། །སྟག་དང་ཁྱི་དང་བྱ་རྒོད་ཕག །ཤ་ཟའི་གདོང་བཅས་བརྒྱད་པོ་ནི། །ཤིང་རྣམས་སྟེང་ན་འདུག་པ་ཡིན། །བྱ་རོག་སྤྱང་ཀི་འུག་པ་དང་། །དཔའ་བོ་ཁྱི་དང་སྲིན་པོ་དང་། །ཕག་ [305a.5]པ་དང་ནི་རོ་ལངས་དག །རང་རང་རྣམ་པར་འོག་ན་གནས། །དེ་ལྟ་བུ་ཡི་དུར་ཁྲོད་ཀྱིས། །གཞལ་ཡས་ཁང་ནི་ཡང་དག་བསྐོར། །སྣ་ཚོགས་པདྨ་འདབ་མ་བརྒྱད། །དེ་ཡི་དབུས་སུ་བསྒོམ་པར་བྱ། །ལྟེ་བའི་ནང་དུ་ཕྱག་རྒྱ་ནི། །གྲུ་གསུམ་མེ་ཏོག་ཀུནྡ་མཚུངས། །ཉི་ཟླ་ཨཱ་ལི་ཀཱ་ལི་ [305a.6]ལས། །རྡོ་རྗེ་སེམས་དཔའི་རང་བཞིན་ཅན། །རང་གི་རིག་པ་དང་ལྡན་པ། །ཕྱག་རྒྱ་ཡི་ནི་དཀྱིལ་དུ་བསྒོམ། །བདེ་བ་ཆེན་པོ་འབྱུང་བ་ནི། །མཆོག་གི་དགའ་བའི་ཕོ་བྲང་ལས། །རྡོ་རྗེ་རོ་ལངས་མ་ནི་འཕྲོས། །དེ་ནི་དང་པོའི་རོ་ལས་སོ། །གཉིས་པའི་རོ་ནི་འབྱུང་བ་ལས། །རྡོ་ [305a.7]རྗེ་དྲ་བ་མ་ནི་འཕྲོས། །གསུམ་པའི་རོ་ནི་འབྱུང་བ་ལས། །རྡོ་རྗེ་རྩེ་མོ་མ་ནི་འཕྲོས། །བཞི་པའི་རོ་ནི་འབྱུང་བ་ལས། །རྡོ་རྗེ་ཟླུམ་པོ་མ་ནི་འཕྲོས། །གཅེར་བུ་དང་ནི་སྐྲ་གྲོལ་བ། །ཤར་སྒོ་ལ་སོགས་ཤེས་པར་བྱ། །གནག་དང་དམར་དང་སེར་དང་དཀར། །སྤྱན་གསུམ་པ་དང་ [305b] [305b.1]ཕྱག་བཞི་པ། །ཆུ་སྲིན་ཉ་དང་སེང་གེ་དང་། །ག་རུ་ཌ་ནི་ཕྱག་གཡས་བསྣམས། །ཀ་པཱ་ལ་དང་ཁ་ཊྭཱཾ་ག །སྒེག་མོ་ཡི་ནི་ཕྱག་གཡོན་བསྣམས། །གཞན་གཉིས་རྡོ་རྗེ་མདའ་གཞུ་ནི། །རྣ་ལྟག་ཏུ་ནི་འགེངས་པར་མཛད། །ཀུན་ཀྱང་ཕྱག་རྒྱ་ལྔ་པོ་འཆང་། །སྣ་ཚོགས་པ་ཡི་རྒྱན་ [305b.2]གྱིས་བརྒྱན། །འཇིགས་བྱེད་རོ་ཡི་གདན་གནས་ནས། །སེམས་ཅན་རྣམས་ཀྱི་དོན་མཛད་པ། །ཡང་ན་ཤེས་རབ་ཐབས་སྦྱོར་བས། །བདེ་ཆེན་རྒྱ་མཚོའི་ཕོ་བྲང་ལས། །རྡོ་རྗེའི་སྐེ་རགས་མ་ནི་འཕྲོས། །དེ་ནི་ལྔ་པའི་རོ་ལས་སོ། །དྲུག་པོའི་རོ་ཡི་འབྱུང་བ་ལས། །རྡོ་རྗེ་སེར་མོ་མ་ [305b.3]ནི་འཕྲོས། །བདུན་པའི་རོ་ཡི་འབྱུང་བ་ལས། །རྡོ་རྗེ་རྒོད་མ་མ་ནི་འཕྲོས། །བརྒྱད་པའི་རོ་ཡི་འབྱུང་བ་ལས། །རྡོ་རྗེ་ཉི་མ་མོ་ནི་འཕྲོས། །བཅོམ་ལྡན་འདས་ནི་མཉེས་བྱེད་གནས། །མཚམས་ནི་བཞི་པོ་དག་ན་བཞུགས། །རྔ་དང་དེ་བཞིན་གླིང་བུ་དང་། །རྒྱུད་མངས་དང་ནི་རྫ་ [305b.4]རྔ་དང་། །རྫ་རྔ་ཆུང་ངུ་ཆལ་ཆུང་དང་། །ཏམ་བུ་ར་དང་ཀ་ར་ཏོ། །དེ་རྣམས་ཕྱག་ནི་གཉིས་གཉིས་ཤེས། །གཟུགས་གཉིས་པ་ལ་འཇིག་ཆེན་མ། །ཡང་ནི་ཤེས་རབ་ཐབས་སྦྱོར་བས། །བདེ་བའི་ནང་གི་པད་ཆེན་ལས། །རྡོ་རྗེ་ལེགས་དགྱེས་མ་ནི་འཕྲོས། །དེ་ནི་དང་པོའི་དགའ་བ་ [305b.5]ལས། །གཉིས་པའི་དགའ་བ་འབྱུང་བ་ལས། །རྡོ་རྗེ་རྒྱ་མཚོ་མ་ནི་འཕྲོས། །གསུམ་པའི་དགའ་བ་འབྱུང་བ་ལས། །རྡོ་རྗེ་གླང་ཆེན་མ་ནི་འཕྲོས། །དེ་དག་གནག་དང་སེར་དང་དམར། །ཕྱག་རྒྱ་ཡི་ནི་གྲྭ་ན་བཞུགས། །གུར་ཀུམ་རོ་དང་ག་པུར་དང་། །དེ་ཡིས་པད་སྣོད་བཀང་བའོ། ། [305b.6]གཡས་པ་ཡི་ནི་ཕྱག་ན་བསྣམས། །ཁ་ཊྭཱཾ་ག་ནི་གཡོན་ནའོ། །གྲུ་གསུམ་ཕྱག་རྒྱ་དབུ་སྟེང་དུ། །མཛུབ་རྩེ་གཉིས་ནི་ཐུར་དུ་བཙུགས། །གཡོན་བརྐྱང་བ་ཡི་གནས་པས་བཞུགས། །ཕྱག་རྒྱའི་དངོས་གྲུབ་སྟེར་བའོ། །ཡང་ནི་ཤེས་རབ་ཐབས་སྦྱོར་བས། །རང་བཞིན་གྱིས་ནི་དགའ་ [305b.7]བ་འབྱུང་། །རང་གི་རིག་མ་དང་ལྡན་པ། །རང་བཞིན་ལས་ནི་ཉི་འོད་ཞུ། །དེ་ནས་སྨོན་ལམ་གཞན་དོན་དུ། །རྣལ་འབྱོར་མ་ལ་ལྷ་མོས་ཞུ། །བདེ་ཆེན་ལེགས་དགྱེས་མགོན་པོ་བཞེངས། །རྡོ་རྗེ་ལེགས་དགྱེས་བདག་དགའ་མཛོད། །མགོན་པོ་ཁྱོད་མི་ན་བདག་རོ་འདྲ། །ཐུགས་ [306a] [306a.1]རྗེ་རོ་ཡིས་བདག་སྐྱེ་མཛོད། །ཀྱེ་མགོན་སྟོང་པ་ཆད་པའི་མཚན། །རྡོར་མཚོ་མ་བདག་དགའ་བར་མཛོད། །པདྨའི་ཁ་ཕྱི་རོལ་ཅིག་རོལ། །མགོན་པོ་སྟོང་པའི་རང་བཞིན་མིན། །ཨ་ལ་ལ་ལ་ལེགས་དགྱེས་མགོན། །རྡོ་རྗེ་གླང་ཆེན་མ་དགའ་མཛོད། །ཁྱོད་རང་གིས་ [306a.2]གསུངས་བདག་མིན་ན། །སངས་རྒྱས་འབྱུང་བར་མི་འགྱུར་རོ། །གླུ་འདི་ཡི་ནི་ངོར་མཛད་ནས། །སོཾ་ཧཱུཾ་འོད་དུ་ཞུ་ལས་འཕྲོས། །དེ་ལས་རྡོ་རྗེ་གྲི་གུག་ནི། །ཡོངས་སུ་གྱུར་པ་ལས་ནི་ཉིད། །དཔལ་ཆེན་ཡེ་ཤེས་མཁའ་འགྲོ་ཆེ། །ལྷ་མོ་ལེགས་དགྱེས་དབང་མོས་འཁྱུད། །སེམས་ [306a.3]ཅན་ཀུན་ལ་ཕན་དོན་དུ། །སྙིང་རྗེ་ཡིས་ནི་རྔམ་པ་བཞེངས། །སྐུ་མདོག་སྤྲིན་གྱི་གནག་དང་མཚུངས། །ཞལ་བཞི་པ་ལ་ཕྱག་བརྒྱད་པ། །ཞལ་ནི་རེ་རེ་སྤྱན་གསུམ་པ། །ཞབས་གཅིག་གྱེན་དུ་བསྒྲེང་བ་སྟེ། །བདུད་བཞི་ཡན་ལག་མ་དང་ལྡན། །ཞབས་གཅིག་གིས་ནི་གནོན་པ་ཡིན། ། [306a.4]ཐོད་རློན་ཕྲེང་བའི་དོ་ཤལ་བྱས། །སྣ་ཚོགས་འོད་ལྡན་ཉི་ལ་བཞུགས། །དཔའ་བོ་མི་བསྐྱོད་པས་དབུ་བརྒྱན། །ཕྱག་རྒྱ་དྲུག་གིས་ཡན་ལག་བརྒྱན། །ཐོད་པའི་ཕྲེང་བས་དབུ་ལ་བརྒྱན། །ཐོར་ཅོག་ཟླ་བ་ཕྱེད་ཀྱིས་མཚན། །སྐུ་སྨད་གཤིན་རྗེའི་པགས་པས་དཀྲིས། །གར་དགུའི་རོ་ [306a.5]དང་ལྡན་པའོ། །གནག་དང་སེར་དང་དམར་དང་ལྗང་། །གཡོན་ནས་བསྐོར་བའི་ཞལ་དང་ལྡན། །འཁྱུད་པའི་ཕྱག་གཡས་རྡོ་རྗེ་བསྣམས། །གཡོན་པ་ན་ནི་དྲིལ་བུའོ། །ཉི་མ་མདའ་དང་ཀ་པཱ་ལ། །ཁྲག་གིས་བཀང་བ་གཡས་ན་བསྣམས། །ཟླ་བ་གཞུ་དང་ཁ་ཊྭཱཾ་ག །རྡོ་ [306a.6]རྗེས་མཚན་པ་གཡོན་ན་བསྣམས། །ལེགས་དགྱེས་དབང་མོ་དེ་དང་མཉམ། །ཡང་ན་ཕྱག་ནི་གཉིས་དང་ལྡན། །ཞལ་གཅིག་པ་དང་སྤྱན་གསུམ་པ། །སྣ་ཚོགས་རྒྱན་གྱིས་བརྒྱན་པའོ། །ཕྱག་ན་གྲི་གུག་སྣོད་ནི་བསྣམས། །བྱིན་པ་གཉིས་ཀྱིས་ལེགས་འཁྱུད་ཅིང་། །མཆོག་ [306a.7]གི་རྣམ་པ་རང་འོད་འབྱུང་། །མཚན་ཀུན་དང་ནི་ལྡན་པའོ། །སྐྲ་གྲོལ་བ་དང་སྤྱན་རིང་བ། །སྐུ་སྨད་སྐེ་རགས་བར་དུ་ཆད། །ཇི་ལྟར་སྒོ་སོགས་རྣལ་འབྱོར་མ། །བརྐྱང་བ་ལ་སོགས་པ་ཡིས་བཞུགས། །དེ་བཞིན་གྲུ་གསུམ་གྲྭར་བཞུགས་པ། །སྒོམ་པ་ཡིས་ནི་ཤེས་པར་བྱ། ། [306b] [306b.1]དེ་ལྟའི་ཡེ་ཤེས་འཁོར་ལོ་ནི། །བདག་ཉིད་དང་ནི་བཅས་པར་བསྒོམ། །དེ་ནས་བདེ་བ་ཆེན་པོའི་གཞི། །པདྨའི་སྣོད་ཀྱི་དབུས་སུ་ནི། །བདུད་རྩི་ལྔ་ཡི་ལྷ་ཡི་མཆོག །དེ་བཞིན་གཤེགས་པ་ཀུན་བདག་ཉིད། །ལྟེ་བའི་མེ་འོད་ཚ་བ་ཡིས། །བདུད་རྩི་དེ་ནི་ཞུ་བར་བྱ། །རྡོར་གསུམ་ཡེ་ཤེས་ [306b.2]ས་བོན་གྱིས། །དཀར་བྱས་དག་བྱས་འབར་བྱས་སོ། །སྔགས་ཀྱི་བྱིན་གྱི་རླབས་ཀྱིས་ནི། །རང་གི་ལྕེ་ཡི་འདབ་མར་གཞག །ཕྱི་དང་ནང་གི་སྦྱོར་བ་ཡིས། །ལུས་ནི་དེ་ཡིས་ཚིམ་པར་བྱ། །ཨོཾ་ཡོ་ག་ཨ་མྲྀ་ཏ་ཤུདྡྷཿ་སརྦ་དྷརྨ་ཡོ་ག་ཨ་མྲྀ་ཏ་ཤུདྡྷོ྅ཧཾ། །དེ་ནས་མགོན་པོའི་སྙིང་པོ་ནི། ། [306b.3]ཐམས་ཅད་འགྲུབ་དོན་བཟླས་པར་བྱ། །ཨོཾ་མ་ཧཱ་ཀྲོ་དྷེ་ཤྭ་ར་ཛཱ་ཡ་ཝེ་ཛ་ཡཊྚ་ཊྚ་ཧཱ་ས་མ་ཧཱ་ཀ་པཱ་ལཱ་གནེ་བྷ་ཡ་ཧཱུཾ་ཧཱུཾ་ཕཊ་སྭཱ་ཧཱ། དེ་ནི་བཅོམ་ལྡན་འདས་ཀྱི་སྙིང་པོའོ། །ཨོཾ་བཛྲ་ཊི་ཛུ་གྲ་ཧྲྀཾ་ཧྲྀཾ་ཕཊ། ཉེ་བའི་སྙིང་པོའོ། །ཨོཾ་སོ་ར་ཏ་ས་མ་ཡེ་ཤྭ་རེ་ཧཱུཾ་ཧཱུཾ་ཕཊ། བཅོམ་ལྡན་འདས་མའི་སྔགས་སོ། ། [306b.4]ཨོཾ་ཀླིཾ་བླྀཾ་ཛླྀཾ་ཕཊ་སྭཱ་ཧཱ། ཉེ་བའི་སྙིང་པོའོ། །ཐོག་མར་ཨོཾ་དང་ཧཱུཾ་ཕཊ་མཐར། །བར་དུ་མིང་ནི་སྤེལ་བར་བྱ། །འཁོར་གྱི་ལྷ་མོ་ཐམས་ཅད་ཀྱི། །མཆོད་པའི་སྔགས་སུ་དྲན་པའོ། །སྔགས་དང་ཕྱག་རྒྱར་ལྡན་པ་ཡིས། །དེ་ནས་གཏོར་མ་གཏང་བར་བྱ། །རྡོ་རྗེ་ཁུ་ཚུར་གཉིས་བཅངས་ [306b.5]ནས། །རྒྱབ་དང་རྒྱབ་ནི་སྤྲད་པའོ། །མཐེའུ་ཆུང་ལུག་རྒྱུད་རྣམ་པའི་ཚུལ། །མཛུབ་མོ་གཉིས་ནི་ཅུང་ཟད་དགུག །རྣལ་འབྱོར་མ་རྣམས་ཐམས་ཅད་དང་། །མཁའ་འགྲོ་མ་ཐམས་ཅད་ཚུར་སྤྱོན། །ཤ་དང་ཉ་ལ་སོགས་པ་ཡི། །གཏོར་མ་འདི་ལོང་དམ་ཚིག་བསྲུངས། །བདག་གི་ [306b.6]དོན་ཐམས་ཅད་ལ་གྲོགས་མཛོད། སྒྲུབ་ཐབས་འདི་ལ་དད་པ་ཡོད་པ་དེ་བསྲུང་བའི་དོན་དུ་སྩོལ་ཅིག །ཨོཾ་ཨཱཿ་ཧཱུཾ་ཕཊ་སྭཱ་ཧཱ། གྲུ་གསུམ་ཕྱག་རྒྱ་སྟེང་བཞག་སྟེ། །འབད་པ་ཡིས་ནི་གཏོར་མ་གཏང་། །ལས་རིམ་དེ་དག་ཀུན་རྫོགས་ནས། །དེ་སོགས་རྣམ་པར་དག་པར་བྱ། །དགའ་བ་བཞི་ [306b.7]ནི་རབ་གནས་ཕྱིར། །ཞལ་བཞི་པོ་ནི་མཛེས་པ་ཡིན། །དེ་ཉིད་ཡེ་ཤེས་གསུམ་དག་པས། །ཞལ་ནི་སོ་སོའི་སྤྱན་གསུམ་མོ། །སྲིད་དང་མྱ་ངན་འདས་གཅིག་པ། །དེ་བས་ཞབས་གཅིག་གྱེན་དུ་བསྒྲེང་། །ཕ་རོལ་ཕྱིན་པ་དྲུག་ལམ་གྱིས། །ཕྱག་རྒྱ་དྲུག་པོས་ཡན་ལག་བརྒྱན། །ཚངས་པའི་ [307a] [307a.1]སྤྱོད་པ་ཆེན་པོ་ཡིས། །གཤིན་རྗེའི་པགས་པས་སྐུ་སྨད་དཀྲིས། །བྱམས་པ་ཆེན་པོའི་བདག་ཉིད་ནི། །དེ་བས་སྤྲིན་གྱི་མདོག་དང་མཚུངས། །གཉིས་སུ་མེད་པའི་ཤེས་རབ་ཐབས། །དེ་ཕྱིར་རྡོ་རྗེ་དྲིལ་བུ་ལྡན། །བདུད་ཀུན་བསྡིགས་པར་བྱེད་པའི་ཕྱིར། །མདའ་དང་གཞུ་ནི་ [307a.2]ཁེངས་པར་འགེངས། །སྣང་བ་དང་ནི་སྣང་བ་མཆེད། །དེ་ལ་བདག་རང་བདག་པོ་ཡིན། །དེ་བས་ཟླ་བ་ཉི་མ་གཉིས། །རོལ་པ་ཡིས་ནི་ཕྱག་ན་བསྣམས། །དངོས་དང་དངོས་མིན་རྟོག་པ་མེད། །དེ་ཕྱིར་མགོ་བོའི་པདྨའི་སྣོད། །ཆོས་ཀུན་སྟོང་པའི་ངོ་བོ་ཉིད། །དེ་བས་ཁ་ཊྭཱཾ་ག་བསྣམས་པ། །ཕྱག་ [307a.3]རྒྱ་ཆེན་པོའི་བདག་ཉིད་ཡིན། །ཟླ་བ་ཕྱེད་པས་ཐོར་ཅོག་བརྒྱན། །ནམ་མཁའ་ཇི་བཞིན་ངོ་བོ་ཡིས། །དེ་བས་མི་བསྐྱོད་པས་དབུ་བརྒྱན། །སྙིང་རྗེ་ཆེན་པོས་རྔམ་པའི་དོན། །དེ་ཕྱིར་ཡང་དག་འཇིགས་པའི་ཚུལ། །མུ་སྟེགས་རྣམས་ལ་ཁྲེལ་རྒོད་ཕྱིར། །རུས་པ་ལ་སོགས་པ་ཡིས་བརྒྱན། ། [307a.4]བདུད་ཀུན་གྱིས་ནི་མི་ཚུགས་པ། །དེ་བས་བདུད་ཀྱི་སྟེང་ན་བཞུགས། །ཆགས་པ་ལ་སོགས་སྤངས་པ་ཡིས། །དེ་ཕྱིར་དུར་ཁྲོད་ནང་དུ་རོལ། །དེ་ཀུན་དག་པ་ཤེས་པས་ན། །ད་ནི་ངལ་བསོ་བྱ་བའོ། །རང་གི་སྙིང་གར་མཁའ་པད་དུ། །དྲི་མེད་རྒྱས་པའི་ཟླ་བ་བསྒོམ། །དེ་ཡི་དབུས་ [307a.5]སུ་ཚུལ་ཙམ་ནི། །མཆོག་གི་རྣམ་པ་སྐྱེ་མེད་མཁའ། །ཕྲ་མོའི་འོད་ཀྱི་རང་བཞིན་ཅན། །རླབས་མེད་པ་ཡི་རང་རིག་གོ། །དེ་ཉིད་བསྒོམས་པ་ཙམ་གྱིས་ནི། །མྱུར་དུ་དངོས་གྲུབ་ཐོབ་པར་འགྱུར། །དངོས་གྲུབ་ཆེན་པོ་འདོད་གྱུར་ན། །དེ་ལ་ཐེ་ཚོམ་མི་བྱའོ། །གང་ཞིག་རྒྱུད་ [307a.6]ཀྱི་ནང་མེད་པ། །དེ་ནི་བདག་གི་རང་བཟོ་མིན། །འདི་བྱས་བསོད་ནམས་རྙེད་པ་གང་། །སེམས་ཅན་ཀུན་གྱིས་ཐོབ་པར་ཤོག །དཔལ་ཡེ་ཤེས་མཁའ་འགྲོའི་སྒྲུབ་ཐབས། སློབ་དཔོན་ཆེན་པོ་ལོངས་སྤྱོད་རྡོ་རྗེས་མཛད་པ་རྫོགས་སོ།། །།རྒྱ་གར་གྱི་མཁན་པོ་པྲ་ཛྙཱ་ཤྲཱི་གུཔྟ་ཉིད་ [307a.7]དང་། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། {T1335}༄༅༅། །རྒྱ་གར་སྐད་དུ། སརྦ་པཱ་པཾ་ཤུདྡྷ་ཨགྣི་པཱུ་ཛནཱ་མ་ས་མཱ་དྷི། བོད་སྐད་དུ། སྡིག་པ་ཐམས་ཅད་འདག་པའི་མེའི་མཆོད་པའི་ཏིང་ངེ་འཛིན་ཞེས་བྱ་བ། ། [307b] [307b.1]དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །མ་ཧཱ་མུ་དྲ་ཏི་ལ་ལས། །བྱུང་བའི་ཁང་པ་བརྩེགས་མ་རུ། །སྙིང་རྗེ་བྱང་ཆུབ་སེམས་ལྡན་པས། །བདུད་རྩི་ལྔ་ཡིས་ཁྲུས་བྱས་ཏེ། །སྔགས་ནི་བྱེ་བ་བཟླས་པར་བྱ། །ཨོཾ་བཛྲ་ན་ལ་ཀ་མྲེ་ཏ་མ་ལ་ན་དྷེ་རོ་ཏེ་ད་ར་རོ་རོ་ག་སྭཱ་ཧཱ། རྫོགས་ [307b.2]དང་རྣལ་འབྱོར་མ་འདུས་ནས། །བདག་ལ་ལུང་རྩོལ་སྦྱིན་བྱེད་མ། །བཅུ་དྲུག་ལོན་པའི་མཚན་བཟང་མོ། །སི་ལ་ག་པུར་མང་ཡོད་པ། །ཀྱེ་བུ་འདི་ཁྱེར་སྦྱོར་བ་གྱིས། །ལུང་སྟོན་ཐོབ་པའི་བུ་མོ་ལ། །དབང་བསྐུར་རྩ་བའི་རྒྱུ་འབྲས་བཤད། །ཤིན་ཏུ་དབེན་པའི་གནས་དག་ཏུ། ། [307b.3]ནྱ་གྲོ་དྷ་ལ་ལ་བཞུགས་ཏེ། །རྟོག་པའི་ཁམས་ལ་རྣལ་འབྱོར་བྱ། །དུས་ཀྱང་ངལ་སོ་མཉམ་པར་གཟུང་། །རྡུལ་གྱིས་མེ་སྤར་དངོས་པོ་སྦྱར། །ཡམ་ཤིང་མེ་སྤར་དཀྱིལ་འཁོར་གསལ། །སྲེག་རྫས་པདྨའི་མར་གཞུ་སྟེ། །དགང་གཟར་ཧཾ་ལས་རྡོ་རྗེ་དགང་། །ཧོཾ་ཁུང་ཕྱི་རོལ་འཛག་ [307b.4]མི་བྱ། །རེག་བྱ་མེད་པའི་མཆོད་པ་ཡིས། །རང་བཞིན་དཀྱིལ་འཁོར་ལྷ་རྣམས་དང་། །འཇིག་རྟེན་སྐྱོང་དང་མཁའ་འགྲོའང་མཉེས། །ཉ་ལ་ཐུག་ནས་གཤེགས་སུ་གསོལ། །བསམ་པ་ཐམས་ཅད་འགྲུབ་པ་དང་། །ཆོས་སྐུ་ཐོབ་པར་ཐེ་ཚོམ་མེད། །མར་མེ་རྫས་རྙེད་ཇི་བཞིན་དུ། །དུས་ [307b.5]ཐམས་ཅད་དུ་མི་གནས་པའོ། །ལུས་ནི་ནན་ཏན་གང་བྱེད་པ། །རྫོགས་པའི་རྣལ་འབྱོར་ཡིན་ཞེས་བྱའོ། །སྦྱིན་སྲེག་གསང་བའི་མན་ངག་རིན་ཆེན་རྡོ་རྗེ་དཔལ་གྱིས་མཛད་པ་རྫོགས་སོ།། {T1336}༄༅༅། །།རྒྱ་གར་སྐད་དུ། ཤྲཱི་ཨཱ་ནནད་པུཥྤ་མཱ་ལཱ། བོད་སྐད་དུ། དཔལ་དགའ་བའི་མེ་ [307b.6]ཏོག་གི་ཕྲེང་བ། ཐམས་ཅད་མཁྱེན་པ་ལ་ཕྱག་འཚལ་ལོ། །སྐྱེད་ཚལ་ཡེ་ཤེས་ཐིག་དཔལ་ལས། །གསང་མཆོད་དོན་གྱི་རྒྱུ་ཡི་ཕྱིར། །དགའ་བ་ཡི་ནི་མེ་ཏོག་ཕྲེང་། །ཡེ་ཤེས་མཁའ་འགྲོ་ལ་འདུད་བྱའོ། །བདེ་བར་གཤེགས་པ་ཀུན་གྱི་ཡེ་ཤེས་ཆེན་པོ་ཤིན་ཏུ་ཟབ་པའི་གསང་བ་ [307b.7]རྨད་དུ་བྱུང་བའི། དཔལ་ཨཽ་རྒྱན་པའི་རྡོ་རྗེ་གནས་ཆེན་པོའི་གཙོ་མོ་དཔལ་ལྡན་ཡན་ལག་རབ་མའི་ཞབས་ཀྱི་པདྨའི་བཀའ་དྲིན་གྱིས། གང་ཞིག་ཡོངས་སུ་ཤེས་པ་དེ་ནི་སློབ་མ་དམ་པའི་ཚོགས་ཀྱིས་དགའ་བ་ཁོང་དུ་ཆུད་པར་བྱ་བའི་ཕྱིར་དམ་ཚིག་ཆེན་པོ་ལ་གནས་ནས། འགྲོ་བའི་གཏམ་ [308a] [308a.1]བསྟན་པར་བྱའོ། །དང་པོ་རེ་ཞིག་ཆུ་ངོགས་ཆེན་པོར་ཉེ་བར་འདུག་ནས། བདུད་རྩི་ལྔ་ལ་སོགས་པ་གསོལ་ཏེ། བརྟུལ་ཞུགས་ཆེན་པོའི་སྤྱོད་པ་བྱའོ། །བརྟུལ་ཞུགས་ཆེན་པོའི་དུས་སུ་གྲོང་བའི་ཆོས་ཀུན་བརྟགས་དང་། གཞན་དབང་དུ་འཛིན་པ་སྤང་བར་བྱའོ། ། [308a.2]ཚངས་པའི་སྤྱོད་པར་གྱུར་པས་འདོད་པ་ལྔ་བཟའ་བར་བྱའོ། །གཉིས་སུ་མེད་པའི་སེམས་ཀྱིས་སུ། །དེ་ནི་ཇི་ལྟར་འདོད་པ་བསྙེན། །ཞེས་ལུང་ངོ་། །དེ་ནི་ཚངས་པའི་སྤྱོད་པའོ། །ཐིག་ལེ་དང་ཚུལ་གྱི་ངོགས་གཉིས་ཀྱི་བར་དུ། རྡོ་རྗེ་སྐྱིལ་ཀྲུང་བཅས་ནས་སེམས་རིན་ཆེན་གྱི་ནང་དུ་སླེབས་ [308a.3]པ་ལྟ་བ་ཆེན་པོས་བལྟ་བར་བྱ་ཞེས་མན་ངག་གོ། །ཡང་ན་ཆུ་ངོགས་ཆེན་པོའི་རྩ་བའི་བསྐྱེད་པའི་གནས་སུ་བཞུགས་ཏེ་ཐིག་ལེས་ཚུལ་ཕུག་ནས་ཐམས་ཅད་ཁྱབ་པར་བྱེད་པ་ཆར་ཡང་ཆེན་པོར་འཇུག་པར་བྱའོ། །དཔལ་དགའ་བའི་མེ་ཏོག་གི་ཕྲེང་བ་ལས། ཤེས་རབ་མཁའ་འགྲོ་ [308a.4]ལ་མཆོད་པའི་དོན་གྱིས་གནས་དང་། བདུད་རྩི་ལྔ་བཟའ་བ་དང་བརྟུལ་ཞུགས་ཆེན་པོའི་སྤྱོད་པ་དང་། འདོད་པ་ལྔ་བསྟེན་པ་དང་། ཐིག་ཚུལ་ལ་སོགས་པའི་རིམ་པས་བཞག་པ་དང་། ཆར་ཡང་ཆེན་པོའི་འཇུག་པ་བསྟན་པ་ཞེས་བྱ་བ་སྟེ་དང་པོའོ།། །།དེ་ནས་གཞན་ཡང་ [308a.5]དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་དབང་བསྐུར་བ་བསྟན་པར་བྱའོ། །ཆུ་དང་དབུ་རྒྱན་དང་རྡོ་རྗེ་ལ་སོགས་པ་བཅུ་གཅིག་གི་དབྱེ་བས་དགའ་བ་བཅུ་གཅིག་དང་ལྡན་པའོ། །དང་པོའི་རྩ་བའི་གནས་སུ་གཙུག་ཏོར་རིན་པོ་ཆེའི་གཡས་གཡོན་ཟླ་བ་ཉི་མ་ཤར་བའི་ [308a.6]དུས་སུ་རྐན་གྱི་ནང་དུ་རོ་མ་འཇུག་པ་སླེབས་པས་རྩ་བཞི་ཉེ་བར་རྙེད་པའི་རོ་མྱང་བ་ལས་འདར་བ་ལ་སོགས་པའི་རོ་ཐོབ་པའི་ཆུའི་དབང་བསྐུར་སྦྱིན་པར་བྱའོ། །དེ་ནི་ཤིན་ཏུ་ཀུན་དགའ་བའི་མཆོག་གསེར་ལས་གྲུབ་པའི་ཆོས་ཀྱི་དབྱིངས་ཀྱི་རྣམ་པའི་བུམ་པ་འབྲུ་དང་། འབྲས་ [308a.7]བུ་དང་། ཁ་རྒྱན་དང་། ཞོ་དང་། སྦྲང་རྩི་དང་། དར་ལ་སོགས་པ་དང་ལྡན་པ་བྱའོ། །དབང་བསྐུར་བའི་དུས་སུ་རོལ་མོ་སྣ་ཚོགས་གར་དང་གླུ་དང་མཆོད་སྦྱིན་དང་། གདུགས་དང་རྒྱལ་མཚན་དང་། འཕན་ལ་སོགས་པའི་གཟུགས་སྣ་ཚོགས་དང་། དྲི་ཞིམ་པོའི་མེ་ཏོག་ [308b] [308b.1]ཆེན་པོ་བཀོད་ཅིང་ཆལ་པར་བཀྲམ་པ་དང་། སྤོས་ཆེན་པོ་སྣ་ཚོགས་ཀྱི་དྲི་དུ་མའི་རོས་ཉེ་བར་གྲུབ་པར་བྱས་པ་གཟུགས་སྣ་ཚོགས་ཀྱི་མཆོད་སྦྱིན་སེམས་ཅན་ཐམས་ཅད་ཀྱི་ཡན་ལག་དང་ལྡན་པ་དེའི་དམ་ཚིག་གིས་དུས་སུ་དབུལ་བར་བྱའོ། །དཔལ་དགའ་བའི་མེ་ཏོག་གི་ཕྲེང་བ་ལས་ [308b.2]དགའ་བ་བཅུ་གཅིག་གི་བདག་ཉིད་དང་ལྡན་པ། འདར་བའི་རོ་ལ་སོགས་པའི་འབྲས་བུའི་མཆོད་པ་དང་བཅས་པའི་ཆུའི་དབང་བསྐུར་གྱི་དོན་བསྟན་པ་ཞེས་བྱ་བ་སྟེ་གཉིས་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་སྔགས་ཀྱི་དབང་བསྐུར་བ་ [308b.3]སྟོན་ཏེ། ཀ་བ་གཅིག་པ་སྒོ་དགུ་པ། །མཚན་དང་དཔེ་བྱད་དང་ལྡན་པ། །དེའི་སྙིང་གའི་ནམ་མཁའི་དཀྱིལ་གྱི་གནས་སུ་པདྨ་འདབ་མ་བརྒྱད་པ་དག་པ་ཆུ་ཤིང་གི་མེ་ཏོག་ལྟ་བུའི་དངོས་པོ། ཁ་སྦུབ་སྡོང་བུ་དང་བཅས་པ། །ཡི་གེ་རབ་མཆོག་གི་ནི་གནས། །དེའི་ལྟེ་བའི་དབུས་ན་ [308b.4]བཞུགས་པ། དེ་ནི་འཇུག་པ་དང་གནས་པ་དང་འགྲོ་བའི་གནས་གསུམ་དུ་འགྲོ་བ་དང་འོང་བར་བྱེད་དོ། །བཞི་པའི་གནས་སུའམ། དང་པོའི་གནས་རང་བཞིན་གྱིས་སྐབས་སུ་རང་དབང་དུ་བཞུགས་སོ། །དང་པོའི་གནས་སུ་འཁྱུག་པའི་གདུ་བུའི་རྣམ་པ་བཞིན་ནམ་མཁའི་རང་གི་དགའ་ [308b.5]བའི་དུས་སུ་འདོན་ནོ། །དབུས་ཀྱི་གནས་སུ་གསལ་བྱེད་དང་བཅས་པ་རྟོག་མེད་འོད་ཀྱི་བདག་ཉིད་དགའ་བའི་དུས་སུ་འབྱུང་ངོ་། །མཐའ་མའི་གནས་སུ་ཤིན་ཏུ་དབྱངས་ལས་གྲུབ་པ་སྐྱེ་འཇིག་བྱེད་པ་ཆད་པའི་དགའ་བའི་དུས་སུ་འབྱུང་ངོ་། །བཞི་པའི་གནས་སུ་དབྱངས་དང་གསལ་བྱེད་དང་ [308b.6]དགའ་བ་དང་། སྐད་ཅིག་དང་པོ་དང་རྒྱུ་ལ་སོགས་པ་དང་བྲལ་བ་དང་། བརྗོད་དུ་མེད་པ་རང་རིག་པ་རླབས་མེད་པའི་རྣམ་པའི་ངོ་བོའི་ཐིག་ལེ་དང་། ཚུལ་ལ་སོགས་པ་དང་། རྩ་བའི་ཀུན་སྤྱོད་དང་། རྒྱུ་དང་འབྲས་བུ་ལ་སོགས་པ་དང་། ཕྲ་བ་ལ་སོགས་པ་དང་། སྲིད་པ་དང་མྱ་ངན་ལས་ [308b.7]འདས་པ་དང་། འཁོར་ལོ་དང་། ཡེ་ཤེས་དང་། རྒྱུད་དང་། སྔགས་དང་། རིམ་པ་དང་། བསྟན་བཅོས་དང་། སྒྲོན་མ་དང་། སྤྱོད་པ་དང་། བརྟུལ་ཞུགས་དང་། ལོངས་སྤྱོད་དང་། རླག་པ་དང་། དབང་དང་། རྟོག་པའི་བྱ་བ་དང་། གནས་དང་ཉེ་བའི་གནས་ལ་སོགས་པ་དང་། རབ་ [309a] [309a.1]ཏུ་སྦྱོར་བ་ལ་སོགས་པ་དང་། ཤར་བ་དང་། ནུབ་པ་དང་། དུས་དང་། དུས་ཚོད་དང་། སྐབས་ལ་སོགས་པ་དང་། ཐོག་མ་དང་། བར་དང་། མཐར་དང་། བཟླས་པ་དང་། མཆོད་སྦྱིན་དང་། སྦྱིན་སྲེག་དང་། རྟག་པ་དང་། མི་རྟག་པ་དང་། སྟོང་པ་དང་། མཐའ་མེད་ [309a.2]འོད་ཀྱི་ངོ་བོ་ལ་སོགས་པ་དང་བྲལ་བ་དེ་ནི་ཡི་གེ་མཆོག་གི་གནས་ཞེས་པའོ། །དེ་ཡང་རྐན་མཆུའི་འཕར་མ་ཚིགས་རྒྱས་པའི་སྒོ་འགོག་པ་བྱས་ཏེ། བདེ་བ་ཆེན་པོ་ཁོང་དུ་ཆུད་པར་བྱེད་པ་རྡོ་རྗེའི་བུ་མོ་བླངས་ཏེ་མཆོག་གི་ཡི་གེའི་སྔགས་བརྗོད་པར་བྱའོ། །པད་མཉམ་འཕར་མ་སྦྱོར་བ་ཡི། ། [309a.3]རྡོ་རྗེ་ཡེ་ཤེས་སྟོབས་ཀྱིས་ཀྱང་། །ཧཱུཾ་ཕཊ་ཀྱིས་ནི་མཉམ་སྦྱོར་ལས། །མངོན་པར་དགའ་བ་འབྱུང་བར་འགྱུར། །རྡོ་རྗེ་གཞོན་ནུ་མ་མཉམ་པར་ལྡན་པའི་མཆོག་གི་ཡི་གེའི་སྔགས་བརྗོད་པའི་དུས་སུ་དམ་ཚིག་ཆེན་པོའི་མཆོད་པ་བྱས་ནས། བདེ་བ་ཆེན་པོའི་རང་བཞིན་བྱང་ཆུབ་ཀྱི་སེམས་ [309a.4]མདུད་པའི་ནང་ན་ཡོད་པ་རྟོག་མེད་མའི་སྙིང་གར་འགྲོ་བ་རླབས་དང་བྲལ་བའི་རྣམ་པ་རང་གི་སེམས་ཀྱིས་ཚོར་བར་བྱས་ནས་བདུད་རྩིའི་མཆོད་སྦྱིན་དབུལ་བར་བྱའོ། །དཔལ་དགའ་བའི་མེ་ཏོག་གི་ཕྲེང་བ་ལས། ཀ་བ་གཅིག་དང་། སྒོ་དགུ་དང་། མཆོག་གི་ཡི་གེའི་སྔགས་ཀྱི་བརྗོད་པ་དང་། [309a.5]གནས་གསུམ་གྱི་དོན་དང་། བདུད་རྩིའི་མཆོད་སྦྱིན་དབུལ་བའི་དོན་བསྟན་པ་ཞེས་བྱ་བ་སྟེ་གསུམ་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་ཡེ་ཤེས་ཀྱི་དབང་བསྐུར་བ་བསྟན་ཏེ། བོ་ལ་ཀཀྐོལ་གཉིས་སུ་མེད་པར་སྦྱོར་བའི་རོ་ལས་བདེ་བ་ཆེན་པོའི་ [309a.6]དགའ་བས་མྱོས་པའི་ནང་གི་རེག་བྱ་དེ་བཞིན་ཉིད་ཀྱི་ཡེ་ཤེས་ཀྱི་སྦྱོར་བས་ཀུན་མྱོས་ནས། དེ་དག་ཉིད་ཕྱིའི་རེག་བྱའི་བདག་ཉིད་ཀྱི་ཤེས་རབ་ཆུའི་གཏེར་བཞིན་དུ། དབུས་ནས་རླབས་པའི་རྣམ་པས་ཡེ་ཤེས་ཀྱི་དབང་བསྐུར་བ་རྫོགས་པར་བྱས་ནས། །རང་གི་གནས་སུ་ཕྱིས་རབ་ཏུ་ཐིམ་མོ། །དེ་ཡང་ [309a.7]ཤེས་རབ་ཀྱི་རྩ་སྟོང་ཕྲག་བདུན་ཅུ་རྩ་གཉིས་ཀྱི་འཁོར་ལོའི་ནང་ན་ཡོད་པ་བདེ་བ་ཆེན་པོ་ཁོང་དུ་ཆུད་པར་བྱེད་པ་སྒོ་དགུའི་བདག་ཉིད་ཀྱི་སྐུའི་འཁོར་ལོ་དྲུག་གི་ནང་དུ་ཆར་ཡང་དྲུག་གི་ཡེ་ཤེས་སྣང་བར་བྱེད་པ། སྲིད་པ་དང་མྱ་ངན་ལས་འདས་པ་གཉིས་སུ་མེད་པའི་རང་བཞིན་སྣ་ཚོགས་ཆུ་སྐྱེས་ཀྱི་ལྟེ་ [309b] [309b.1]བའི་ནང་དུ་གནས་པར་རང་གི་ཚོགས་ཀྱི་འཁོར་ལོའི་དབུས་སུ་འཁོར་ལོས་སྒྱུར་བའི་རྒྱལ་ཐབས་བྱེད་དོ། །སྣ་ཚོགས་པདྨ་ཁ་སྦུབ་ཤིན་ཏུ་འཛུམ་པ་ཡང་མ་ཡིན། རབ་ཏུ་རྒྱས་པ་ཡང་མ་ཡིན་པ་སྡོང་བུ་དང་ལྡན་པ་གཞོན་ནུས་ཆོས་ཀྱི་འཁོར་ལོའི་ཐིག་ལེའི་གདན་ཞེས་བྱའོ། །བི་རཾ་བྷཱུ་ཏིའི་ [309b.2]ཞལ་སྔ་ནས་ཚུལ་གྱི་རང་བཞིན་དེ་ནི་ཤེས་རབ་ཆར་ཡང་བདག་ཉིད་ལྟེ་བར་དགའ་བས་གྲུབ་པའི་པདྨ་ཞེས་བཤད་དོ། །དཔལ་ཕྱག་རྒྱ་ཆེན་པོའི་ཐིག་ལེའི་རྒྱུད་ལས། བཅོམ་ལྡན་འདས་ཀྱི་གང་ཞིག་ཐིག་ལེ་དང་ཚུལ་དང་། ཆར་ཡང་དང་། དགའ་བ་དེ་ནི་རྩ་བཞིས་འཇུག་པ་དང་། གནས་ [309b.3]པ་དང་འགྲོ་བར་བྱེད་པ་གསུམ་སྟོན་ཅིག་ཅེས་གསུངས་སོ། །སྲོག་གི་རྩའི་ནང་ནས་འགྲོ་བ་གསུམ་འཇུག་པ་དང་གནས་པ་དང་འགྲོ་བར་བྱེད་པ་ཞེས་དཔལ་གྲུབ་པའི་བླ་མའི་ཞབས་ཀྱི་པདྨའི་ཞལ་ནས་ཐོས་ཏེ་འདིར་བསྟན་ཏོ། །ལུང་ལས་གསུང་གི་བདག་ཉིད་རྟོག་མེད་ཐོག་མ་དང་ཐ་མ་ [309b.4]དང་དབུས་སུ་སྐུ་གསུང་ཐུགས་ཀྱི་རང་གི་ངོ་བོ་སྦོམ་པ་ཉིད་དོ་ཞེས་གསུངས་སོ། །ཐོག་མ་དང་ཐ་མ་དང་དབུས་ནི་སྐུ་གསུང་ཐུགས་དགའ་བ་གསུམ་དང་བྲལ་བ་ཕྲ་བ་ཏོ་ར་ཡ་ཞེས་བྱ་བའི་མན་ངག་གོ། །དཔེའི་སློབ་དཔོན་ནི་དེ་ཡང་རྩ་སྟོང་ཕྲག་བདུན་ཅུ་རྩ་གཉིས་ཀྱི་འཁོར་ལོའི་དབུས་སུ། [309b.5]གནས་བྱེད་པ་དཔལ་རིག་མའི་ཐོག་མའི་གནས་སུ་ཆུ་སྐྱེས་ཀྱི་ལྟེ་བའི་དབུས་སུ་ཕྲ་མའི་རྣམ་པ་ཞེས་འཆད་དོ། །དཔལ་བཛྲ་བྷཱུ་ཏིའི་ཞལ་སྔ་ནས། དབུས་ཀྱི་པདྨ་སྦོམ་པོའི་རྣམ་པའོ། །ཐ་མའི་གནས་དག་གཉིས་ལ་ཕྲ་བ་ཞེས་བྱ་བ་བདག་ཉིད་ཀྱི་ཡེ་ཤེས་ཀྱི་གནས་ཉེ་བའི་ལྟ་བ་ཞེས་ [309b.6]བཤད་དོ། །རང་རིག་པ་རྨད་དུ་བྱུང་བ་དྲི་མ་མེད་པ་ནམ་མཁའ་བཞིན་དུ་གཉིས་སུ་མེད་པའི་ཤེས་རབ་དང་ཐབས་ཀྱི་རང་གི་ངོ་བོ་ལས་དོན་དེ་ནི་ཏོ་ར་ཡའི་མན་ངག་གོ། །ཕྲ་མོའི་མན་ངག་རབ་ཏུ་ཤེས་པའི་ཤེས་རབ་དགའ་བ་བསྐྱེད་པ་ཤིན་ཏུ་མཚན་དང་ལྡན་པ། དང་པོར་བླ་མས་བྱིན་གྱིས་ [309b.7]བརླབས་ཏེ། མཆོད་པ་དང་དྲི་མ་མེད་པ་དང་། བློ་གྲོས་ཀྱི་སྐུ་སྐྱེས་བུའི་ལག་པའི་པདྨར་བྱིན་ནས་ཤེས་རབ་དང་། ཐབས་གཉིས་ཀྱི་ལག་པ་བཟུང་སྟེ། སངས་རྒྱས་རིན་པོ་ཆེའི་སྣོད་ཀྱི་བྱ་གདོང་ལ་སོགས་པའི་གནས་བལྟ་ཞིང་འགྲོ་བའི་ཚིག་སྦྱིན་པའི་ཕྱིར་ཡེ་ཤེས་ཀྱི་དབང་བསྐུར་རོ། ། [310a] [310a.1]དཔལ་དགའ་བའི་མེ་ཏོག་གི་ཕྲེང་བ་ལས། གཉིས་ཀྱི་དབྱེ་བའི་རྣམ་པའི་ཤེས་རབ་བསྟན་པ་དང་། རྩ་བཞིའི་རྟགས་རབ་ཏུ་བལྟ་བ་དང་། འཇུག་པ་དང་གནས་པ་དང་། འགྲོ་བ་སྦོམ་པ་དང་། ཕྲ་བའི་གནས་བལྟ་བ་དང་། ཤེས་རབ་ཐབས་གཉིས་སུ་མེད་པའི་གཞུང་དང་། བྱ་གདོང་ལ་ [310a.2]སོགས་པའི་གནས་བསྟན་པ་ཞེས་བྱ་བ་སྟེ་བཞི་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་དོན་དེ་ཁོ་ན་ཉིད་ཀྱི་དབང་བསྐུར་བ་བཤད་དེ། རྟོག་པ་ཀུན་གྱི་དྲ་བའི་ཕྱིའི་རྣམ་པ་སྤངས་ནས་ནང་གི་རེག་བྱ་འཇམ་པའི་ཤེས་རབ་མཆོག་གི་འོད་ཀྱི་ངོ་བོ་ཅན་དེ་དང་ལྷན་ཅིག་ [310a.3]གཉིས་སུ་མེད་པའི་སྦྱོར་བས་གཉིས་སུ་མེད་པའི་ཡེ་ཤེས་བདག་ཉིད་མཆོག་གི་དགའ་བ་བདེ་བ་ཆེན་པོ་ཀུན་དུ་སྤྱོད་ནས་དེ་ཁོ་ན་ཉིད་ཀྱི་བདག་ཉིད་དུ་འགྱུར་རོ། །ཕྱག་རྒྱ་ཆེན་པོའི་དངོས་གྲུབ་བརྙེས་པ་དཔལ་རཏྣ་བྷཱུ་ཏིའི་ཞལ་སྔ་ནས་ཡེ་ཤེས་ཆེན་པོའི་དེ་ཁོ་ན་ཉིད་འབྲས་བུའོ་ཞེས་བཤད་དོ། །ཡེ་ཤེས་ [310a.4]ཀྱི་རྟེན་བརྟེན་པ་དང་གནས་དང་བྱེ་བྲག་དང་། དགའ་བ་ལ་སོགས་པ་དང་། རྒྱུ་དང་འབྲས་བུ་དང་ངེས་པར་བསྟན་པ་དང་། བསམ་གཏན་ལ་སོགས་པ་དང་སྦྱོར་བ་ཡོད་དོ། །ཤེས་རབ་དང་ཐབས་གཉིས་གཉིས་སུ་མེད་པའི་སྦྱོར་བས་ཡེ་ཤེས་ཆེན་པོའི་འབྱུང་བའི་དུས་སུ། བླ་མའི་མན་ངག་ [310a.5]ལས་རྡོ་རྗེ་དབྱིངས་ཀྱི་དབང་ཕྱུག་ལ་རེག་པ་དང་། རྡོ་རྗེ་རིན་པོ་ཆེའི་དཀྱིལ་དུ་བདེ་བ་ཆེན་པོ་བརྟེན་པར་བྱེད་པ་ཞེས་བྱ་བ་དེ་ནི་མན་ངག་གོ། །ཡེ་ཤེས་ཀྱི་ས་ལ་མངོན་པར་ཞེན་པའི་ཡིད་ལ་རྟགས་བརྒྱད་རབ་ཏུ་འབྱུང་བར་འགྱུར་རོ། །རྟགས་ཡོངས་སུ་གྲུབ་པས་གནས་གསུམ་ཡོད་པའི་ཉམས་སུ་མྱོང་ [310a.6]བ་བླ་མའི་ལྟ་བས་ཡིན་ནའང་། དེ་ལྟ་མོད་ཀྱི་སྐྱེ་བ་མེད་པའི་སྣང་བ་གསལ་བའོ། །ད་ནི་མཆོག་གི་རྨད་དུ་བྱུང་བ་བདེ་བ་ཆེན་པོ་རང་གིས་ཉམས་སུ་མྱོང་བ་དགའ་བ་མཛེས་པ། བརྗོད་དུ་མེད་པ་ཡི་གེ་དང་བྲལ་བ། མི་ཟད་པ། དཔྱོད་པས་མི་རྙེད་པ། མི་རྟོག་པ། ཤིན་ཏུ་ལྐོག་ཏུ་གྱུར་པ། [310a.7]དབང་པོས་བལྟར་མེད་པ། མཐའ་མེད་པ། གཏིང་དཔག་དཀའ་བ། ཟབ་པ། ཚད་མེད་པ། སྐྱེ་བ་མེད་པ། འགག་པ་མེད་པ། ནམ་མཁའ་དང་འདྲ་བ། ཆོས་ཐམས་ཅད་ཀྱིས་གོས་པ་མེད་པ། རང་བཞིན་གྱིས་འོད་རབ་དེ་ནི་ཁོ་ན་ཉིད་ཅེས་བྱའོ། །དཔལ་དགའ་བའི་མེ་ཏོག་ [310b] [310b.1]གི་ཕྲེང་བ་ལས། ཡེ་ཤེས་ཆེན་པོ་བསྟན་པ་དང་། བདེ་བ་ཆེན་པོ་བརྟན་པར་བྱེད་པ་དང་། དེ་ཁོ་ན་ཉིད་ཀྱི་བདག་ཉིད་ཀྱི་འབྲས་བུའི་དོན་བསྟན་པ་ཞེས་བྱ་བ་སྟེ་ལྔ་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་མཆོད་པའི་ཆོ་ག་བཤད་དེ། དང་པོར་རེ་ཞིག་སློབ་དཔོན་ [310b.2]སྔགས་དང་། རྒྱུད་དང་། དབང་བསྐུར་བ་དང་། མན་ངག་ལ་མཁས་པ་རང་གི་ཡོན་ཏན་དང་ལྡན་པའི་ཤེས་རབ་དང་ལྷན་ཅིག་དཀྱིལ་འཁོར་གྱི་གནས་ཀྱི་སྙིང་པོར་འཇུག་ན་ཐིག་ལེ་དང་། ཚུལ་དང་། ཆར་ཡང་དང་། དགའ་བ་ཆེན་པོ་དང་། བཞིའི་བདག་ཉིད་ཀྱི་གྲུ་བཞི་པའི་དཀྱིལ་འཁོར་ [310b.3]གྱི་དབུས་སུ་རྒྱུད་ལས་གསུངས་པའི་ཆོ་གས་ཐིག་གདབ་པ་ལ་སོགས་པ་བྱའོ། །དཀྱིལ་འཁོར་སྐུ་ནི་ཞེས་པར་བརྗོད། །དཀྱིལ་འཁོར་བྷ་ག་ཡིན་པར་བཤད། །དཀྱིལ་འཁོར་བྱང་ཆུབ་ཀྱི་ནི་སེམས། །དཀྱིལ་འཁོར་གསུམ་དུ་རྟོགས་པའོ། །དེ་ལྟར་ཤེས་པའི་མན་ངག་གིས་ཕྱི་དང་ [310b.4]ནང་གི་རིམ་པས་སྤྱད་པར་བྱའོ། །ཧཱུཾ་ལས་བྱུང་བའི་རྡོ་རྗེ་གུར་ཆེན་པོའི་རྡོ་རྗེ་ར་བ་ལ་སོགས་པ་དང་ལྡན་པ། འབྱུང་བ་ཆེན་པོ་བཞི་ཡོངས་སུ་གྱུར་པ་ལས་གཞལ་ཡས་ཁང་དུར་ཁྲོད་བརྒྱད་དང་ལྡན་པ། རྡོ་རྗེའི་གནས་ཆེན་པོ་རྨད་དུ་བྱུང་བ་ཞེས་བྱའོ། །མི་བཟད་མི་སྡུག་ཅེ་སྤྱང་ཚོགས་དྲག་པོ། [310b.5]འཇིགས་རུང་ཤ་ཟའི་ཁ་དང་ཧ་ཧར་དགོད། །ནག་པོའི་མེ་དང་དེ་ནས་འཇིགས་བྱེད་བརྒྱད། །ཤིང་སོགས་དང་ལྡན་རྨད་བྱུང་འཇིགས་བྱེད་བསྟོད། །མེ་ཏོག་མིག་རྫི་ནཱ་ག་གེ་སར་དཔལ། །པ་ཏྲ་པ་ལ་ཤ་ར་ཁཪྴ་མི། །དཔའ་བོ་དུ་མ་རྣལ་འབྱོར་མ་ཚོགས་ཀྱིས། །དཔལ་དང་ལྡན་ [310b.6]པ་དུར་ཁྲོད་རྒྱལ་པོ་ཤིན་ཏུ་མཛེས། །ལུང་ལས་ཡི་དགས་སྲེག་པའི་དུས་སུ་དུར་ཁྲོད་ཀུན་ལ་རྔམ་པ་འབྱུང་བར་འགྱུར་རོ། །རྔམ་པའི་སྐབས་སུ་ཤིང་ཀུན་ལས་མེ་ཏོག་དང་འབྲས་བུ་དང་ཡལ་ག་འཕེལ་བར་འབྱུང་བར་འགྱུར་རོ། །དུར་ཁྲོད་ལ་དབང་བྱེད་པ་ཤིང་ཁ་ན་དཔའ་བོ་ཀུན་གནས་ [310b.7]སོ་ཞེས་གསུངས་སོ། །དཔའ་བོ་ཀུན་སྣ་ཚོགས་པའི་གཟུགས་འཛིན་པ། བྱི་ལ་དང་། བྱ་རྒོད་དང་། ཉི་མས་འཇིགས་པ་དང་། སྟག་དང་། གླང་ཆེན་བགྲད་དང་། ཅེ་སྤྱང་དང་། ཁྱི་དང་། རྟ་དང་བརྒྱད་ནི་ཧ་ཧར་དགོད་ཆེན་པོར་རྗོད་པར་བྱེད་པ། མཆེ་བ་འཇིགས་པར་བགྲད་པ་ཞལ་གསུམ་ [311a] [311a.1]པ། སྤྱན་གསུམ་པ་ཕྱག་བཞི་པ་རྩ་བའི་ཕྱག་གཉིས་པོས་ཤ་ཆེན་པོའི་མགོ་བོ་ལ་སོགས་པ་ཟ་བར་བྱེད་པ། ཕྱག་གཞན་གཉིས་ན་ཞགས་པ་དང་། ལྕགས་ཀྱུ་དང་། གཡས་དང་གཡོན་པའི་ཞལ་བྱ་རོག་དང་། ཕག་དང་། རྟ་དང་། གླང་ཆེན་དང་། དོམ་དང་། [311a.2]ནེའུ་ལེ་དང་། ཉ་དང་། ཆུ་སྲིན་དང་། བྱ་ཁྱུང་དང་། ཤ་ར་བ་དང་། ཁྲུང་ཁྲུང་དང་། སྦྲུལ་དང་། རྨ་བྱ་དང་། སྤྱོད་མར་དང་། ཕྱི་བ་དང་། འབྱུང་པོ་ཁ་ཅིག་ནི་གཟུགས་སྣ་ཚོགས་པ་ཞེས་བྱའོ། །བྱི་ལ་ལ་སོགས་པ་རང་རང་གི་བྱད་གཟུགས་ཞལ་གཉིས་པོ་ཤིང་གི་འོག་ན་ཕན་ [311a.3]ཚུན་ཤིན་ཏུ་ཁྲོ་བས་ཤ་ཆེན་པོ་ལ་རྟོད་པ། འཇིགས་པའི་བྱད་ཁས་ཁེངས་པ། གྱེན་དུ་ཅེ་སྤྱང་གི་སྒྲ་སྒྲོགས་པའོ། །ལུང་ལས་ཕྱོགས་དང་མཚམས་བྱེ་བྲག་ཏུ་འཇིག་རྟེན་སྐྱོང་བ་བརྒྱད་ཕྱག་བཞི་པ་རང་གི་སྟན་སྟེང་ན་རང་གི་ཡན་ལག་མ་དང་ལྡན་པ། རུས་པའི་རྒྱན་ལ་སོགས་ [311a.4]པས་བརྒྱན་པ། བཅོམ་ལྡན་འདས་ལ་ལྟ་བར་བྱེད་པ། ཕྱག་གི་སྙིམ་པ་ཅོད་པན་དུ་བཅིངས་ནས་འདུད་པ་ཁོ་ནའོ་ཞེས་གསུངས་སོ། །གཞན་ཡང་དཔའ་བོ་ཆེན་པོ་དང་པོའི་གྲུབ་པ་བྱང་ཆུབ་སེམས་དཔའ་ཆེན་པོ་དུར་ཁྲོད་ཆེན་པོའི་དབུས་སུ་ཨུཏྤལ་སྔོན་པོའི་མདོག་ཤེས་ [311a.5]རབ་ཡན་ལག་མ་དང་སྦྱར་བ་ལས་མཆོག་གི་དགའ་བས་མཛེས་པ་ཞལ་བཞི་པ་ཕྱག་བཞི་པ་སྤྱན་གསུམ་པ། སྣ་ཚོགས་རྡོ་རྗེ་དང་པདྨ་ལ་བཞུགས་པ། མེའི་དཀྱིལ་འཁོར་ན་གནས་པ། འཇིགས་བྱེད་ཆེན་པོའི་གདན་གྱི་སྟེང་ན་རྒྱལ་པོའི་བཞུགས་ཐབས་ཀྱིས་ཟླ་བ་དང་ཉི་མ་ཞབས་ [311a.6]ཀྱིས་གནན་པ། རྡོ་རྗེ་དང་དྲིལ་བུ་དང་རྡེའུ་ཆུང་དང་ཐོད་པ་བསྣམས་པ། ཕྱག་རྒྱ་ལྔས་ཡན་ལག་བརྒྱན་པ། མི་བསྐྱོད་པ་ལ་སོགས་པའི་ཕྱག་རྒྱའི་ཕྲེང་བས་རལ་པའི་དབུ་རྒྱན་དར་གྱིས་བཅིངས་པ། ཤེས་རབ་མ་ཡང་སྐུ་མདོག་འདྲ་བ་ཞལ་གཅིག་སྤྱན་གསུམ་མ། ཕྱག་གཉིས་ [311a.7]པ་གྲི་གུག་དང་ཐོད་པ་བསྣམས་པ། རུས་པའི་རྒྱན་དང་ལྡན་པ། ཕྱག་རྒྱ་ལྔས་རྣམ་པར་བརྒྱན་པ། སྐྲ་གྲོལ་བ་ཕྱོགས་ཀྱི་ན་བཟའ་ཅན། ནུ་མ་སྲ་བ་དང་མཐོ་བ། རྐེད་ཞེང་ལུས་ཕྲ་བའོ། །ཡང་ན་དཔའ་བོ་ཆེན་པོའི་གཟུགས་སྣ་ཚོགས་ཀྱི་ཞལ། གནག་པ་དང་། དཀར་ [311b] [311b.1]བ་དང་། དམར་བ་དང་། ནམ་མཁའི་ཁ་དོག་དང་ལྗང་གུ་དང་། པདྨའི་སྔོན་པོ་ལྟ་བུ་དང་། ཟླ་བ་དཀར་བ་དང་། དམར་ཆེན་དང་། ཨུཏྤལ་སྔོན་པོ་དང་འདྲ་བ་དང་། གུར་ཀུམ་གྱི་མདོག་དང་། མིག་སྨན་དང་། དུ་བའི་མདོག་དང་། སྤྲིན་དང་། གསེར་འོད་དང་། ནག་སེར་དང་། སེར་ [311b.2]པོའི་གཟུགས་བྱའོ། །དཔའ་བོ་ཆེན་པོའི་ཡན་ལག་མ། ཟླ་མ་དང་། གཡོན་པ་མ་དང་། ཉི་མཉམ་མ་དང་། རླུང་ཟ་མ་དང་། བསིལ་སྦྱིན་མ་དང་། སྙིང་པོའི་འདབ་མ་དང་། བག་ཡོད་ཐོར་ཅོག་མ་དང་། ཉི་མ་འདུལ་མ་དང་། ཞི་བ་འཆི་བའི་ཕོ་ཉ་མ་དང་། ལྗང་བརྩོན་མ་དང་། འོད་ [311b.3]འདུན་མ་དང་། ཚངས་པའི་མ་དང་། ཁྱབ་འཇུག་གི་མ་དང་ཐོག་ཁ་མ་དང་། ཐམས་ཅད་སྐྱེད་བྱེད་མ་དང་། དཔའ་བོའི་ཡུམ་དང་གཉིས་སུ་མེད་པའི་སྦྱོར་བས་བདེ་བ་ཆེན་པོའི་དགའ་བས་དགྱེས་པའི་ཡིད་དང་ལྡན་པ། དཔའ་བོ་ཆེན་པོ་ཤིན་ཏུ་མཛེས་པ། དཔལ་ནམ་མཁའ་དྲི་མེད་ [311b.4]དང་། ཤིན་ཏུ་རྩལ་ཆེན་དང་། ལྷའི་དབང་ཕྱུག་དང་། གསང་བའི་བདག་པོ་དང་། འོད་དྲག་དང་། ཉི་དགྲ་དང་། མཆོག་དགའ་དང་། ཐམས་ཅད་ཀྱི་བྱེད་པ་པོ་དང་། ཨུཏྤལའི་སྙིང་པོ་དང་། ཞི་བ་ཆེན་པོའི་བདག་པོ་དང་། ནག་པོ་འདུལ་བ་དང་། རྨད་འབྱུང་དཔའ་བོ་དང་། དྲེགས་ཆེན་ [311b.5]དང་། ནག་པོ་ཆེན་པོ་དྲག་འཇོམས་དང་། རི་རབ་བརྟན་པོ་དང་། ནམ་མཁའི་ཞལ་ཏེ་དགའ་བ་བཅུ་དྲུག་གིས་རྣམ་པར་དག་པས་དགའ་བ་ཆེན་པོ་མཐར་གྱི་དུས་སུ་རྟོག་མེད་མ་འབྱུང་བའི་རྔམ་པ་དང་བྲལ་བའི་ནང་གི་རེག་བྱའི་ཡེ་ཤེས་ཀྱི་སྐབས་སུ་རྒྱུ་མཐུན་པའི་འབྲས་བུ་ལས་སྟེང་གི་རླུང་གཡོ་བ་ [311b.6]མེད་པར་གྱུར་པས། ཐིག་ལེ་དང་ཚུལ་ནང་གི་རང་བཞིན་གྱི་རླུང་རང་གི་གནས་པ་ལས་གང་ཞིག་གློ་བུར་གྱི་རྔམ་པ་དེ་ལྟ་བུའི་བདག་ཉིད་ཀྱི་རྔམ་པའི་དུར་ཁྲོད་དུ་དཔའ་བོ་ཆེན་པོ་བཞུགས་སོ། །ལུང་ལས་སྤྲུལ་པ་དང་ཆོས་དང་ལོངས་སྤྱོད་དང་བདེ་བ་ཆེན་པོ་བཞི། འདབ་མ་བརྒྱད་ཀྱི་ [311b.7]པདྨའི་རྣམ་པ་གེ་སར་ལ་སོགས་པ་དང་བཅས་པའི་དབུས་སུ་གནས་གཅིག་དང་ལྡན་པའོ་ཞེས་གསུངས་སོ། །ལུང་ལས་དང་པོའི་གནས་ཆུ་སྐྱེས་ཀྱི་ཤར་གྱི་འདབ་མར་ཨཽ་ཌྱ་ན་དུ་གཟུགས་ལྡན་མ། བྱང་དུ་ཛཱ་ལནྡྷ་རར་བུམ་ལྡན་མ། ནུབ་ཏུ་པུལླཱི་རར་བྱ་རོག་སྣ། ལྷོའི་འདབ་མར་ཀཱ་མ་ [312a] [312a.1]རཱུ་པར་དུ་མ། མེ་མཚམས་སུ་མཱ་ལཱ་བར་གླང་ཆེན་ཁ། སྲིན་པོའི་མཚམས་སུ་སིནྡྷུ་ར་དང་པོའི་སྟོབས་མའོ། །རླུང་མཚམས་སུ་ནཱ་གར་ལྟོག་མའོ། །དབང་ལྡན་མཚམས་སུ་སིངྒ་ལར་ལྕེ་རིས་མའོ། །དེ་དག་ནི་གནས་དང་ཉེ་བའི་གནས་ཤེས་རབ་དང་ཐབས་གཉིས་ [312a.2]སུ་མེད་པའི་སྦྱོར་བས་ཐམས་ཅད་ནང་གི་དགའ་བ་ཞེས་གསུངས་སོ། །དབུས་ཀྱི་གནས་ཀྱི་པདྨའི་ཤར་གྱི་འདབ་མར་མ་རུ་ནིར་ལོ་མ་རིང་། བྱང་དུ་དེ་ཝཱི་ཀོ་ཊཱིར་ལྟོ་བ་ཆེ། ནུབ་ཏུ་ཀོ་ལུ་ཏར་དྲི་ལྡན་མ། ལྷོར་ཨརྦུ་དར་དྲི་དོ་མ། མེའི་མཚམས་སུ་ཧ་རེ་ཀེ་ལ་བར་བསིལ་སྦྱིན་མ། སྲིན་པོའི་མཚམས་ [312a.3]སུ་ཀོ་ཏ་བར་འོད་མ། རླུང་མཚམས་སུ་ལམྦ་ཀར་དབྱངས་སྙན་མ། དབང་ལྡན་མཚམས་སུ་ཀཱ་ཉྩི་ཀར་པུ་ལིང་ཏ་མ། དེ་དག་ནི་ཞིང་དང་ཉེ་བའི་ཞིང་དང་འདུན་པ་དང་ཉེ་བའི་འདུན་པའི་མཆོག་དགའོ། །ཐ་མའི་གནས་ཀྱི་པདྨའི་ཤར་གྱི་འདབ་མར་ལས་ཀྱི་གྲོང་དུ་ཨུཏྤལའི་དྲི། བྱང་དུ་ [312a.4]གསེར་གླིང་དུ་པདྨའི་ཁྲི། ནུབ་ཏུ་ཀོང་ཀ་ནར་མཚོ་མེ་ཚིག་བྱེད། ལྷོར་བྷིན་དར་རྐང་རིང་། མེའི་མཚམས་སུ་ཡི་དགས་འདུས་པར་རུས་ལྡན་མ། སྲིན་པོའི་མཚམས་སུ་རྒྱ་མཚོའི་ངོས་སུ་ཆུ་སྲིན་མིག་མ། རླུང་གི་མཚམས་སུ་ཙ་རི་ཏྲར་ཉའི་ཁ། དབང་ལྡན་གྱི་མཚམས་སུ་གཞོན་ [312a.5]ནུའི་གྲོང་ཁྱེར་དུ་སྣ་ཚོགས་ཡན་ལག་མའོ། །དེ་དག་ནི་འདུས་པ་དང་ཉེ་བའི་འདུས་པ་དང་། དུར་ཁྲོད་དང་ཉེ་བའི་དུར་ཁྲོད་ཚད་པའི་དགའ་བའོ། །བཞི་པའི་གནས་ཀྱི་པདྨའི་ཤར་དུ་ཀསྨ་རིར་ག་པུར་ལུས་མ། བྱང་དུ་ཀེ་ར་ཏར་རྨ་བྱའི་སྒྲོ་མ། ནུབ་ཏུ་ནེ་པ་ལེར་འདོད་མ། ལྷོར་ཀར་ནུ་ཟར་ [312a.6]དག་པའི་ལུས་མ། མེ་མཚམས་སུ་འཆེ་མེད་གྲོང་ཁྱེར་དུ་སྒྲ་ལེགས་མ། སྲིན་པོའི་མཚམས་སུ་མི་ཡུལ་དུ་སྣ་ཚོགས་པདྨ། རླུང་གི་མཚམས་སུ་ས་འོག་ཏུ་འདོད་པའི་སྐེ་རགས་མ། །དབང་ལྡན་གྱི་མཚམས་སུ་རི་རབ་རྩེར་པདྨའི་ཞལ་ལོ། །དེ་དག་ནི་བྱི་ལ་དང་། སྦྱོར་བ་དང་། ཉེ་བའི་ [312a.7]སྦྱོར་བའི་རང་བཞིན་དགའ་བའོ། །དང་པོའི་ལྟེ་བར་ཤར་གྱི་ལུས་འཕགས་སུ་སྲོག་མ། དབུས་སུ་བྱང་གི་སྒྲ་མི་སྙན་དུ་ལ་ལ་ནཱ། ཐ་མའི་ནང་དུ་བ་ལང་སྤྱོད་དུ་ར་ས་ནཱ། བཞི་པའི་གནས་སུ་ལྷོའི་འཛམ་བུའི་གླིང་དུ་ཨ་བ་དྷཱུ་ཏཱིའོ། །ལུང་ལས་དཔའ་བོ་ཆེན་པོ་དང་བཅས་པར་ནང་གི་འཁོར་ལོའི་ [312b] [312b.1]རིམ་པའི་ཤེས་རབ་ཐབས་ཀྱི་རྣམ་པར་དག་པ་ཞེས་བལྟས་ཏེ། དེ་ནི་ལམ་དང་ཉེ་བའི་ལམ་མོ། །དུར་ཁྲོད་བརྒྱད་ཀྱི་ནང་དུ་སྣ་ཚོགས་ཆུ་སྐྱེས་ཀྱི་ལྟེ་བ་ལ་ཨཱ་ལི་ཀཱ་ལི་ཧཱུཾ་གི་ཡི་གེ་རྡོ་རྗེ་སེམས་དཔའི་རང་བཞིན་རང་གི་འོད་ཀྱི་རིག་མ་དང་གཉིས་སུ་མེད་པའི་སྦྱོར་བ། ཞལ་བཅུ་དྲུག་པ། ཕྱག་བཅུ་དྲུག་པ། [312b.2]བདེ་བ་ཆེན་པོ་མངོན་པར་དགའ་བའི་རང་བཞིན་ཡེ་ཤེས་སེམས་དཔའ་དཀྱིལ་འཁོར་ལ་བཞུགས་ཞེས་བྱའོ། །དཔལ་དགའ་བའི་མེ་ཏོག་གི་ཕྲེང་བ་ལས་ཡེ་ཤེས་ཀྱི་དཀྱིལ་འཁོར་དུར་ཁྲོད་ལ་སོགས་པའི་གནས་ཀྱི་དོན་བསྟན་པ་ཞེས་བྱ་བ་སྟེ་དྲུག་པའོ།། །།དེ་ནས་གཞན་ཡང་ [312b.3]དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་བསམ་གཏན་བསྟན་ཏེ། དཔའི་སློབ་དཔོན་ནི་ཀུན་རྫོབ་དང་དོན་དམ་པ་མི་སྤང་བའི་བྱ་བས་ཡེ་ཤེས་ཆེན་པོ་འབྱུང་བའི་ཕྱིར་སྟེང་གི་ཚིགས་རྒྱས་པའི་དོན་དུ་མན་ངག་ལས་སྒོ་གཞན་ཐམས་ཅད་འགོག་གི །ལུས་ལ་སོགས་པའི་སྡུག་ [312b.4]བསྔལ་གྱིས་མནན་པ་དེ་ལྟར་མ་ཡིན་ཞེས་འཆད་དོ། །དེའི་རྗེས་སུ་རྒྱལ་སྲས་མོ་བཞིན་དུ་རང་གིས་དབང་བསྐུར་བ་དང་སྲ་བ་དང་མཐོ་བའི་ནུ་མ་དང་། པདྨ་མཛེས་པ་དང་ཨུཏྤལའི་འདབ་མ་རིང་བའི་སྤྱན་ཅན། ཙནྡན་རློན་པའི་དྲིས་ཁྱབ་པ། བླ་མའི་མན་ངག་ལས་བསྲུབ་དང་བསྲུབས་ [312b.5]པ་ཆེན་པོས་རྡོ་རྗེ་དབྱིངས་ཀྱི་དབང་ཕྱུག་མའི་གནས་ཉེ་བར་བལྟས་ཏེ། ཡང་ན་བཙུམས་པ་དང་བྱེ་བ་ལ་སོགས་པའི་རབ་ཏུ་སྦྱོར་བས། ལྟེ་བའི་དབུས་ན་བཞུགས་པའི་འོད་ཆེན་པོའི་བདག་ཉིད་གཏུམ་མོ་རབ་རྒྱས་པར་ལས་ཀྱི་རླུང་གིས་གྲོགས་བྱས་ཏེ་རང་གི་གནས་སུ་རང་གི་འོད་ཀྱིས་ [312b.6]དགའ་བ་དང་མངོན་པར་དགའ་བ་དགའ་བ་དང་བྲལ་བས་འབར་བ་དང་། མྱོས་པ་དང་ཆུང་ཟད་གཡོ་བ་རྣམ་པར་གཡོ་བ་དང་། ཁྲོ་བ་ཆེན་པོས་ཤིན་ཏུ་འབར་བར་རྨད་དུ་བྱུང་བ། གློག་ཆེན་པོའི་གཡོ་བའི་རྣམ་པ་ལྟར་སྒྲ་ཆེན་པོ་སྒྲོགས་པ་ཁོ་ནས་གསང་བའི་ལྟེ་བའི་གནས་ཀྱི་དབུས་ [312b.7]ནས་ལངས་ཏེ། རྣམ་པར་སྣང་མཛད་ལ་སོགས་པ་ཕུང་པོ་དང་ཁམས་དང་སྐྱེ་མཆེད་ལ་སོགས་པ་ཤིན་ཏུ་བསྲེགས་ནས། དང་པོ་དང་དབུས་དང་ཐ་མའི་ལམ་ནས་སྨིན་ཕྲག་གི་འཁོར་ལོའི་ལམ་ཨོ་རྒྱན་གྱི་ཚིགས་རྒྱས་པར་གསེར་སྒོའི་ཛཱ་ལནྡྷ་རར་སྤྱི་གཙུག་གི་མཚམས་སུ་ནང་གི་བུ་ [313a] [313a.1]གའི་བདེ་བ་ཆེན་པོའི་གནས་བདུད་རྩིའི་གནས་སུ་འཇུག་གོ། །དེར་རང་དགའ་བས་ངལ་སོ་ནས་དགའ་བའི་འོད་ཀྱིས་བདེ་བ་ཆེན་པོ་གྲུབ་པ། བྱང་ཆུབ་ཀྱི་སེམས་ཤིན་ཏུ་ཁེངས་པར་གསོལ་ནས་མངོན་པར་དགའ་བའི་ནང་གི་རེག་བྱ་ལས། རོ་ཆེན་པོ་འོང་བའི་དབང་གིས་སྔར་ [313a.2]བསྲེགས་པ་ཡང་རབ་ཏུ་ཚིམ་པའི་དོན་དུ་ཐུགས་རྗེ་ཆེན་པོའི་སྤྲིན་རྟག་ཏུ་རྒྱུན་མ་ཆད་བར་བདུད་རྩིའི་རྒྱུན་གྱི་ཆར་འབབ་པར་བྱེད་དོ། །དེ་ནས་ཡང་རྟེན་གྱི་རྩའི་འཁོར་ལོ་འཛིན་ཁྱེར་ཏེ། ཞི་བའི་གཟུགས་ཀྱིས་བདེ་བ་ཆེན་པོའི་དགའ་བའི་དགྱེས་པའི་ཡིད་ཀྱིས་རླག་པ་དང་ལོངས་སྤྱོད་དང་དབང་གི་ང་ [313a.3]རྒྱལ་གྱིས་རང་གི་གནས་སུ་རྗེས་སུ་གཤེགས་སོ། །རླག་པ་དང་ལོངས་སྤྱོད་དང་ངལ་སོ་བ་དང་འགྲོ་བ་དང་ཁེངས་པ་དང་བུམ་པ་དང་དུས་དང་ཚེ་དང་གནས་སྐབས་དང་། གཡས་པ་དང་གཡོན་པ་དང་། དབུས་ལ་བརྟེན་ནས་ཆུ་ཚོད་སུམ་ཅུ་རྩ་དྲུག་གི་བར་དུ་བདེ་བ་ཆེན་པོའི་བདག་ཉིད་ཀྱི་ [313a.4]གཏུམ་མོ་བསྐལ་པས་གོ་རིམས་སུ་རྩའི་འཁོར་ལོར་ཤར་བའོ། །ཛྙཱ་ན་བྷཱུ་ཏིའི་ཞལ་སྔ་ནས། རྩ་ཞེས་བྱ་བའི་དངོས་པོ་མེད་པ་ན། བདེ་བ་ཆེན་པོ་ལ་སོགས་པ་ཕྱི་ནང་གི་རེག་བྱ་ཉེ་བར་མི་རྙེད་དེ། མི་རྙེད་པའི་ཕྱིར་དགའ་བ་ལ་སོགས་པ་དང་། རྒྱུ་དང་འབྲས་བུ་དང་དབང་གསུམ་གྱི་ [313a.5]བདག་ཉིད་ཀྱི་མན་ངག་ཆད་པའི་དངོས་པོར་འགྱུར་རོ། །བདེ་བ་ཆེན་པོ་མི་ཤེས་པའི་ཕྱིར་བྱང་ཆུབ་མི་རྙེད་དོ་ཞེས་བཤད་དོ། །དེ་བས་དཔེའི་སློབ་དཔོན་གྱིས་རྩའི་འཁོར་ལོ་སྦོམ་ཕྲ་ལ་སོགས་པའི་བསམ་གཏན་སྤངས་ནས། བླ་མ་རྗེ་བཙུན་གྱིས་བཀའ་སྩལ་བར་བྱ་ཞེས་བཤད་དོ། ། [313a.6]དང་པོ་ཡན་ལག་གཡས་གཡོན་དུ་ལོངས་སྤྱོད་མ་དང་། འཇིགས་མ་དང་། འཁྲི་མ་དང་། གུག་མ་དང་། ཤ་བ་རི་མ་དང་། རི་བོང་མ་དང་། བདུད་རྩི་མ་དང་། བད་ཀན་མ་དང་། རི་མ་དང་། ཕུང་པོ་མ་དང་། འདོད་མ་དང་། ཆང་འཚོང་མ་དང་། གོས་མ་དང་། སེར་མ་དང་། རྐང་ [313a.7]གོས་མ་དང་། ཕྲ་མོ་དང་། ཚིམ་མ་དང་། སྐར་མ་དང་། རི་དགས་མ་དང་། ཤིན་ཏུ་ཁེངས་མ་དང་། ལུག་མ་དང་། ཁྲོ་མ་དང་། འཁོར་ལོ་མ་དང་། ནག་མོ་མ་ཞེས་པ་དང་། ཆགས་པ་དང་། འཇིག་པ་དང་། མི་དགའ་བ་དང་། ཞི་བ་དང་། སྙིང་རྗེ་དང་། སྲེད་པ་དང་། རྣམ་ [313b] [313b.1]པར་རྟོག་པ་དང་། ངོ་ཚ་བ་དང་། དགེ་བ་མ་ཡིན་པ་དང་། རང་གི་ངོ་བོ་མིན་པ་དང་། ལེན་པ་དང་། སྡུད་པ་དང་། བཀྲེས་པ་དང་། སྐོམ་པ་དང་། ཡི་གར་མི་འོང་བ་དང་། རྣམ་པར་ཆགས་པ་དང་། ནད་དང་། ཁྲོ་བོ་དང་། སྙིང་བརྩེ་བ་དང་། འཛེམ་པ་དང་། ཕྲག་དོག་དང་། ང་རྒྱལ་ [313b.2]དང་། བསྟན་པ་དང་། སྟོབས་ཏེ། དཔྲལ་བ་དང་། མིག་དང་། རྣ་བ་དང་། སྣ་དང་། སྨིན་མ་དང་། རྐེ་དང་། གློ་བ་དང་། མཇུག་ཏོ་དང་། བརླ་དང་། པུས་མོ་དང་། རྗེ་ངར་དང་། རྐང་པ་གཡས་གཡོན་ཕྱེད་ཕྱེད་ཀྱི་ཆའི་གྲངས་ཉི་ཤུ་རྩ་བཞི་འགྲོ་བ་དང་། ཁེངས་པ་དང་མཆོག་དང་ཆད་ [313b.3]པའི་ཤར་བའི་རྩ་རྣམས་ཀྱི་མཚན་ཉིད་ཀྱི་དོན་ཏོ། །དབུས་ཀྱི་རྐེད་རུས་ཀྱི་དབྱུག་པའི་སྙིང་པོའི་ནང་དུ། རྒན་མོ་དང་། སྟག་མ་དང་། དཔའ་བོའི་བློ་མ་དང་། གཡོ་སྒྱུ་མ་དང་། ངེས་པར་སེམས་མ་དང་། དམར་མོ་དང་། གཤོལ་མ་དང་། རིང་མ་དང་། བདུད་རྩི་ཡོན་ཏན་མ་དང་། [313b.4]ལམ་དགའ་མ་དང་། འཁོར་ལོའི་ཁ་མ་དང་། རྣམ་པར་སྒེག་མའི་ང་རྒྱལ་མ་དང་། འོད་དང་། བརྩོན་པ་དང་། ཕྲག་དོག་མེད་པ་དང་། མི་བརྟན་མེད་པ་དང་། བཏང་སྙོམས་དང་། གཏོང་ཕོད་དང་། དགའ་བ་དང་། གཡོ་སྒྱུ་མེད་པ་དང་། གླུ་དང་། སྒྲ་དང་། གར་དང་། བཏུང་ [313b.5]བ་ལ་སོགས་པ་ཁོ་ན་སྟེ། ཚངས་པའི་བུ་ག་དང་། ཚངས་པའི་ལྟེ་བ་དང་། སྤྱི་བོ་དང་། རྐན་དང་། སྐེ་དང་། སྙིང་ག་དང་། ལྟེ་བ་དང་། མདོམས་དང་། གསང་བ་དང་། ལྟེ་བ་དང་། མེའི་པདྨ་དང་། གཞང་ཁའི་ཀུམྦ་ཀའི་རང་བཞིན་དགའ་བ་འབྱུང་བའི་རྩ་གསུམ་གྱི་དྲ་བའི་སྡོམ་པ་རྟེན་དང་བརྟེན་ [313b.6]པའི་ཡེ་ཤེས་ཀྱི་བྱེ་བྲག་ཏུ་བདེ་བ་ཆེན་པོ་ཁོང་དུ་ཆུད་པར་བྱེད་པ། འོད་ཀྱི་བདག་ཉིད་ཅན་རེག་བྱ་མེད་པ། ཡེ་ཤེས་ཀྱི་མེའི་ནམ་མཁའི་རང་བཞིན་གཏུམ་མོའམ། རྟོག་མེད་པ་ཞི་བའི་རང་གི་ངོ་བོ་བདེ་བ་ཆེན་པོའི་པདྨའི་ལྟེ་བའི་གྱེན་དུ་འཇིག་རྟེན་གྱི་ཁམས་དུ་མ་ཁྱབ་པ། གཉིས་སུ་མེད་པའི་ [313b.7]རྣམ་པ། སྟོང་ཕྲག་བདུན་ཅུ་རྩ་གཉིས་ཀྱི་རྩའི་འཁོར་ལོའི་དབུས་ཐམས་ཅད་ཀྱི་བདག་ཉིད་གཅིག་པུའི་རོའི་རང་བཞིན། དཔལ་རྡོ་རྗེ་དབྱིངས་ཀྱི་དབང་ཕྱུག་མ་ཞེས་མན་ངག་ལས་སོ། །དཔལ་དགའ་བའི་མེ་ཏོག་གི་ཕྲེང་བ་ལས་གནས་གསུམ་ན་ཡོད་པའི་རྩའི་དྲ་བའི་སྡོམ་པ་དང་། གཏུམ་ [314a] [314a.1]མོ་ཆེན་མོའི་སྦྱོར་བརྟེན་དང་བརྟེན་པའི་ཡེ་ཤེས་ཀྱི་དོན་བསྟན་པ་ཞེས་བྱ་སྟེ་བདུན་པའོ།། །།དེ་ནས་གཞན་ཡང་ཡེ་ཤེས་མཁའ་འགྲོ་ལ་མཆོད་པའི་དོན་རྣམ་པ་དང་བཅས་པའི་དཀྱིལ་འཁོར་གྱི་འཁོར་ལོ་དམ་ཚིག་སེམས་དཔའི་བདག་ཉིད་ཅན་བཤད་དེ། ཟླ་བ་དང་། [314a.2]རྡོ་རྗེ་དང་། ས་བོན་དང་། ཕྱག་རྒྱ་དང་། སྣ་ཚོགས་པདྨ་འདབ་མ་བརྒྱད་ཀྱི་ལྟེ་བ་ལ་སྟོང་པ་དང་སྙིང་རྗེ་དབྱེར་མེད་པའི་རང་བཞིན་ཅན། བདག་ཉིད་བསྙེན་པ་ལ་སོགས་པའི་ཡན་ལག་བཞིའི་འབྲས་བུའི་གཙོ་བོ་སྔར་བསྐུར་བའི་མིག་ལ་སོགས་པ་བྱིན་གྱིས་བརླབས་པ་དང་། དབང་བླང་བ་ལ་ [314a.3]སོགས་པས་སྐུ་རྫོགས་པ་འཇིགས་བྱེད་ཆེན་པོ་དང་། ཟླ་བ་དང་ཉི་མའི་སྟེང་དུ་དམ་ཚིག་གི་མཁའ་འགྲོ་མ་བཅུ་དྲུག་གི་དཀྱིལ་འཁོར་གྱི་དབུས་སུ་ཕྱག་བཅུ་དྲུག་པ་ཞལ་བརྒྱད་པ། ཞབས་བཞི་པ་གཡས་བརྐྱང་པ། གཡོན་བསྐུམ་པའི་སྐུ་སྤང་རྒྱན་གྱི་མེ་ཏོག་གི་མདོག་ཅན་སྤྱན་གསུམ་ [314a.4]པ། ཞལ་གསུམ་ནི་དཀར་བ་དང་དམར་བ་དང་ལྗང་བ་དང་། ཞལ་གཞན་བུང་བ་དང་འདྲ་བ། སྟེང་གི་འཇིགས་པ་ཆེན་པོ་བོང་བུའི་རྣམ་པའི་མཆེ་བ་བགྲད་པ་འཇིགས་པ་བསྟན་པའི་ཕྱག་རྒྱ་ལ་སོགས་པ་ཡོངས་སུ་གྱུར་པ་ལས་སྐད་ཅིག་གིས་དེ་ལྟ་བུའི་གཟུགས་ཐུགས་རྗེ་ཆེན་པོ་དང་། [314a.5]ཁྲོ་བོའི་སྐུ་བསྐལ་པ་ཆེན་པོའི་མེ་བས་ལྷག་པའི་འོད་དང་ལྡན་པ། རྒྱལ་བ་ཐམས་ཅད་ཀྱི་བདག་པོ། དུར་ཁྲོད་ཆེན་པོའི་དམ་ཚིག་གི་དཀྱིལ་འཁོར་གྱི་དབུས་སུ་མཆོག་གི་ནམ་མཁའི་དཀྱིལ་ན། དམ་ཚིག་མཁའ་འགྲོའི་དབང་ཕྱུག་མས་འཁྱུད་པ། དཔལ་དམ་ཚིག་སེམས་དཔའི་ [314a.6]དབང་ཕྱུག་སྐྱེ་བ་དང་། འཇིག་པ་དང་། གནས་པའི་རྣམ་པའི་བྱེད་པ་པོའི་དྲེགས་པ་འཇོམས་པའི་ཕྱིར་བཞེངས་པ། རྒྱུ་མས་བརྒྱུས་པའི་མགོ་བོ་ཆེན་པོའི་ཆུན་འཕྱང་གིས་བརྒྱན་པའི་ཡན་ལག་ཅན། ཕྱག་རྒྱ་ལྔ་འཛིན་པ། རུས་པའི་རྒྱན་ཅན་སྐྲ་སེར་པོ་གྱེན་དུ་འགྲེང་བ། སྨིན་མ་ [314a.7]རྒྱས་པ་སྤྱན་དམར་བ། གར་དགུའི་རོ་ཆེན་པོའི་ངང་ཚུལ་ཅན། ཧ་ཧར་དགོད་པ། ཚངས་པའི་པགས་པ་རྐེད་པར་ཁྱབ་པ། སྐ་རགས་ཀྱིས་བཅིངས་པའི་སིལ་སིལ་གྱི་སྒྲ་སྒྲོགས་པ། མ་མཆུའི་རོའི་བདུད་རྩིའི་བཏུང་བས་བཟི་བ། ཞི་བ་ཆེན་པོའི་པགས་པ་བཤུས་མ་ཐག་པའི་ [314b] [314b.1]རློན་པ་ཕྱག་གཉིས་ཀྱིས་གྱེན་དུ་དཔྱངས་པ། པདྨ་ཁ་ཕྱེ་བས་དབུའི་རིན་པོ་ཆེའི་རྣམ་པར་བརྒྱན་པ། ཕྱག་ལྷག་མ་རྣམས་ནི་འཇིགས་བྱེད་ཆེན་པོ་ཁྲག་ཆེན་པོ་ཁ་ནས་འཛག་པ། སྣོད་ན་ཡོད་པའི་བཟའ་བ་དང་བཏུང་བའི་དོན་གྱི་ཕྱིར་བསྣམས་ཞེས་བྱའོ། །དམ་ཚིག་མཁའ་འགྲོའི་དབང་ཕྱུག་མ་བཅོམ་ [314b.2]ལྡན་འདས་དང་མཉམ་པ། ཞལ་གཅིག་ཕྱག་གཉིས་པ། སྤྱན་གསུམ་པ་སྐྲ་གྲོལ་བ། ཕྱོགས་ཀྱི་ན་བཟའ་ཅན། གཉིས་སུ་མེད་པའི་སྦྱོར་བའི་བདེ་བ་ཆེན་པོས་མཉམ་པར་འཁྱུད་པ། རུས་པའི་རྒྱན་གྱིས་རྣམ་པར་རྒྱན་པ། མི་བསྐྱོད་པའི་ཅོད་པན་བཅིངས་པ། གྲི་གུག་དང་ [314b.3]སྣོད་འཛིན་པ། ཤིན་ཏུ་རིད་པ་སྐེ་ལ་འཁྱུད་པ། མ་མཆུའི་རོའི་བདུད་རྩིའི་བཏུང་བས་བཟི་བ། ཐམས་ཅད་ཁམ་དུ་བྱེད་པའི་དམ་ཚིག་གི་ཡན་ལག་མའོ། །སྣ་ཚོགས་པདྨའི་འདབ་མ་བརྒྱད་ཀྱི་ཤར་གྱི་འདབ་མར་ལེགས་དགྱེས་སྐུ་རེགས་མ་སྐུ་མདོག་ནག་མོ། བྱང་གི་ [314b.4]འདབ་མར་ལེགས་དགྱེས་འགྲོ་མ་སེར་མོ། ནུབ་ཏུ་ལེགས་དགྱེས་འོད་དམར་མོ། ལྷོར་ལེགས་དགྱེས་གཏུམ་མོ་ལྗང་མདོག་མ། མེའི་མཚམས་སུ་ལེགས་དགྱེས་ཕྲེང་བ་མ་རི་བོང་ཅན་འོད། སྲིན་པོའི་མཚམས་སུ་ལེགས་དགྱེས་བུམ་པ་མ་ནག་སེར་གྱི་མདོག །རླུང་གི་མཚམས་ [314b.5]སུ་ལེགས་དགྱེས་དྲི་མ་ཨུཏྤལའི་མདོག །དབང་ལྡན་གྱི་མཚམས་སུ་ལེགས་དགྱེས་མཛེས་པ་ཉི་མ་གཞོན་ནུའི་མདོག །ཐམས་ཅད་སྤྱན་གསུམ་པ་གཡོན་བརྐྱང་བས་གནས་པ། སྐྲ་གྲོལ་བ་གཅེར་བུ་རོ་ལ་ཞོན་པ། ཞལ་གཅིག་ཕྱག་གཉིས་པ། རལ་གྲི་དང་སྣོད་བནྡྷ་དང་། ཁ་ཊྭཱཾ་ [314b.6]ག་དང་། ཕྱག་རྒྱ་ལྔ་དང་། རུས་པའི་རྒྱན་གྱིས་བརྒྱན་པའོ། །ཤར་དང་བྱང་དང་ནུབ་དང་ལྷོའི་མཚམས་སུ་ལེགས་དགྱེས་སྒྲ་མ། ལེགས་དགྱེས་འཇིགས་མ། ལེགས་དགྱེས་དོ་ཤལ་མ། ལེགས་དགྱེས་སྤྲིན་ནི་རྫ་རྔ་དང་། གླིང་བུ་དང་། དགུ་པོ་རྒྱུད་མངས་དང་། རྔ་སྒྲ་སྒྲོགས་པར་ [314b.7]བྱེད་པ་གཟུགས་གཉིས་པ་ཕྱག་གཉིས་པའོ། །ཤར་དང་བྱང་དང་ནུབ་དང་ལྷོའི་སྒོར་ལེགས་དགྱེས་འོད་མ། ལེགས་དགྱེས་པདྨ། ལེགས་དགྱེས་དགའ་མ། ལེགས་དགྱེས་ཚུལ་ཁྲིམས་མ། ཕྱག་གཉིས་ཀྱིས་མདའ་གཞུ་འགེངས་པ། གཞན་བཞུགས་ཐབས་དང་རྒྱན་ལ་ [315a] [315a.1]སོགས་པ་ནི་སྣ་ཚོགས་པདྨ་ལ་བཞུགས་པའི་རྣལ་འབྱོར་མ་དེ་བཞིན་དུ་བྱའོ། །གཟུགས་དང་སྒྲ་དང་དྲི་དང་རོ་དང་རེག་དང་། ཡེ་ཤེས་དང་ཆོས་ཀྱི་དབྱིངས་དང་། ས་དང་ཆུ་དང་མེ་དང་རླུང་དང་ནམ་མཁའ་དང་། ཆགས་པ་དང་ཕྲག་དོག་དང་ང་རྒྱལ་དང་གཏི་མུག་རྣམ་པར་དག་པས། [315a.2]ལྷ་མོ་བརྒྱད་གཉིས་དམ་ཚིག་གི་མཁའ་འགྲོ་མའི་རྣམ་པར་དག་པ་བསྐྱེད་པའི་རིམ་པ་ལུང་ལས་གསུངས་སོ། །དཔལ་དགའ་བའི་མེ་ཏོག་གི་ཕྲེང་བ་ལས་དམ་ཚིག་སེམས་དཔའི་བདག་ཉིད་ཅན། དཔལ་ཡེ་ཤེས་ཀྱི་མཁའ་འགྲོའི་བསྐྱེད་པའི་རིམ་པའི་བསྒོམ་པ་བསྟན་པ་ཞེས་བྱ་ [315a.3]བ་སྟེ་བརྒྱད་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ། མཆོད་སྦྱིན་གྱི་ཆོ་ག་བཤད་དེ། དང་པོར་གནས་དང་ཉེ་བའི་གནས་ལ་སོགས་པར་མཆོད་པ་བྱས་པའི་འོག་ཏུ་ནང་གི་མཆོད་སྦྱིན་གསུམ་བྱའོ། །དངོས་པོ་དང་རྟེན་དང་རྣམ་པར་འབྱེད་ [315a.4]པ་ནི་བདེ་བ་ཆེན་པོ་ལ་སོགས་པའི་འཁོར་ལོ་བཞིས། ཐ་མ་དང་འབྲིང་དང་རབ་དང་། རབ་ཀྱི་རབ་དབང་པོ་དང་། བསྙེན་པ་དང་། ཉེ་བར་བསྙེན་པ་དང་། སྒྲུབ་པ་དང་སྒྲུབ་པ་ཆེན་པོ་དང་། དགའ་བ་དང་། མཆོག་དང་། ཆད་པར་དང་། རང་བཞིན་གྱི་དགའ་བ་དང་། གནས་ལ་ [315a.5]སོགས་པར་ཆུ་ཚོད་སུམ་ཅུ་རྩ་དྲུག་གི་བར་དུ་ཀུན་སྤྱོད་འཁོར་ལོའི་རིམ་པས། མ་མོའི་དྲངས་པའི་སྔགས་ཀྱིས་མཆོད་པའི་མཆོད་སྦྱིན་བྱའོ། །རེག་བྱའི་ཁམས་དང་། རྒྱལ་མཚན་སྦྱོར་བས། རྡོ་རྗེ་དབྱིངས་ཀྱི་དབང་ཕྱུག་མ་ཁོང་དུ་ཆུད་པའི་ཡེ་ཤེས་ཀྱི་འོད་ཀྱིས་བདེ་བ་ཆེན་པོའི་ [315a.6]འཁོར་ལོ་ཞུ་བའི་བདུད་རྩི་བདེ་བ་ཆེན་པོའི་བདག་ཉིད་ཅན། བྱང་ཆུབ་ཀྱི་སེམས་ཀྱི་ཐིགས་པ་རེ་རེ་གནས་དང་ཉེ་བའི་གནས་ན་བཞུགས་པའི་མཁའ་འགྲོ་མ་རྣམས་ཀྱི་མཆོད་པའི་རིམ་པའོ། །དང་པོའི་གནས་ཀྱི་ཆུ་སྐྱེས་དཔལ་ཨོ་རྒྱན་དུ་གཟུགས་ལྡན་མ། དག་པའི་དངོས་པོ་ [315a.7]རྣམ་པར་སྣང་མཛད་ཀྱིས་ཛཱ་ལནྡྷ་རར་བུང་ལྡན་མ་སྒེག་པའི་དངོས་པོ། ནམ་མཁས་པུལླཱི་ར་མཱ་ལ་ཡར་བྱ་རོག་སྣ་མ། དགའ་བའི་དངོས་པོ་ཉི་ཤུ་པས་ཀཱ་མ་རཱུ་པར་དུ་མ། རབ་ཚིམ་གྱི་དངོས་པོ་བཅུ་གསུམ་པས། མཱ་ལ་ཝར་གླང་ཆེན་ཁ་མ། དད་པའི་དངོས་པོ་ཏྭ་ར་ཡའི་མཐར་ [315b] [315b.1]གྱིས་སིནྡྷུར་དང་པོའི་སྟོབས་མ། ཁོང་དུ་ཆུད་པའི་དངོས་པོ་གསུམ་པའི་གཉིས་པས་ནཱ་གར་དུ་ལྟོགས་ནས། གསལ་བའི་དངོས་པོ་བཅུ་གཉིས་པས་སིང་ང་ལར་ལྕེ་རིངས་མ། ལྟ་བའི་དངོས་པོའི་འོད་ཀྱིས་མུ་མུ་ནིར་ལོ་མ་རིང་། སྦྱོར་བའི་རྟེན་བརྒྱད་པའི་བདུན་པས་དེ་བཱི་ཀོ་ཊཱིར་ལྟོ་བ་ཆེ། [315b.2]དམ་ཚིག་གི་རྟེན་ལྔ་པས་ཀོ་ལུ་ཏར་དྲི་ལྡན་མ། རོའི་རྟེན་བརྒྱད་པའི་གཉིས་པར་ཨརྦུ་དར་དྲི་རྔོ་མ། ཚུལ་གྱི་རྟེན་ཉི་ཤུ་བདུན་པ་ཧ་རི་ཀེ་ལ་བར་བསིལ་སྦྱིན་མ། གཡོ་བ་རྟེན་ཉི་ཤུ་ལྔ་པས། གཽ་དཱ་བར་འོད་མ། དུས་ཀྱི་རྟེན་ཉི་ཤུ་པས་ལམྦ་ཀར་དབྱངས་སྙན་མ། རྣམ་པར་སྨིན་ [315b.3]པའི་རྟེན་སུམ་ཅུ་གཉིས་པས་ཀཱ་ཉྩི་ཀར་པུ་ལིནད་ར། བསྙེན་པའི་རྟེན་བརྒྱད་པའི་བརྒྱད་པས་ལས་ཀྱི་གྲོང་དུ་ཨུཏྤལའི་དྲི། ལས་ཀྱི་རྣམ་པར་འབྱེད་པའི་གསུམ་པའི་གསུམ་པས། གསེར་གྱི་གླིང་དུ་པདྨའི་དྲི། རེག་བྱའི་རྣམ་པར་འབྱེད་པ་ལྔའི་དང་པོས། ཀོངྐ་ནར་མཚོ་མེ་ཚིག་བྱེད། [315b.4]དགའ་བའི་རྣམ་པར་འབྱེད་པའི་ཆུ་ཡིས་བྱིན་དར་རྐང་རིངས་མ། བསམ་གཏན་གྱི་རྣམ་པར་འབྱེད་པ་བཞི་པའི་དང་པོས་ཡི་དགས་འདུས་པར་རུས་ལྡན་མ། ངེས་པར་འབྱེད་པའི་སེམས་ལྔ་པའི་བཞི་པས། རྒྱ་མཚོའི་ངོགས་སུ་ཆུ་སྲིན་མིག་མ། ལྟ་བའི་རྣམ་པར་འབྱེད་པ་བརྒྱད་ [315b.5]པའི་བཞི་པས། ཙ་རི་ཏྲར་ཉའི་ཁ། ཆགས་པའི་རྣམ་པར་འབྱེད་པ་བཞི་པའི་གསུམ་པས། གཞོན་ནུའི་གྲོང་ཁྱེར་དུ་སྣ་ཚོགས་ཡན་ལག་མ། བརྩོན་འགྲུས་རྣམ་པར་འབྱེད་པ་སུམ་ཅུའི་གསུམ་པས། ཀསྨི་རར་ག་པུར་ལུས་མ། འཕྲོ་བའི་ཡེ་ཤེས་བཞི་པའི་ལྔ་པས། ཀེ་ར་ཏྭར་ [315b.6]རྨ་བྱའི་སྒྲོ་མ། དྲན་པའི་ཡེ་ཤེས་བཞི་པའི་གསུམ་པས། ནེ་བ་ལེར་འདོད་མ། བརྩོན་འགྲུས་ཀྱི་ཡེ་ཤེས་ཉི་ཤུ་པས། ཀར་ནུ་ཛར་དག་པའི་ལུས་མ། ཀུན་སྤྱོད་ཡེ་ཤེས་དང་པོ་གསུམ་པས། འཆི་མེད་གྲོང་ཁྱེར་དུ་སྐྲ་ལེགས་མ། བསྐྱེད་པའི་ཡེ་ཤེས་གསུམ་པའི་གཉིས་པས། [315b.7]མིའི་ཡུལ་དུ་སྣ་ཚོགས་པདྨ། གླེང་གཞི་ཡེ་ཤེས་བཅུ་གཉིས་པས། ས་འོག་ཏུ་འདོད་པའི་སྐེ་རགས་མ། རྙེད་པའི་ཡེ་ཤེས་བདུན་པས་རི་རབ་རྩེར་པདྨའི་ཞལ་མ། གཉིད་སད་ཡེ་ཤེས་གསུམ་པའི་གསུམ་པས་སོ། །དང་པོའི་ལྟེ་བར་ཤར་གྱི་ལུས་འཕགས་སུ་སྲོག་མ། དགའ་བ་ [316a] [316a.1]ལྔ་པའི་ལྔ་པས་སྒྲ་མི་སྙན་དུ་ལ་ལ་ནཱ། མཆོག་དགའ་བརྒྱད་པའི་བཞི་པས་བ་ལང་སྤྱོད་དུ་ར་ས་ནཱ། ཆད་པའི་དགའ་བ་སྭཱའི་ཡིག་འབྲུས་འཛམ་བུའི་གླིང་དུ་ཨ་བ་དྷཱུ་ཏཱི། རང་བཞིན་དགའ་བའི་ཧའི་ཡིག་འབྲུས་སོ། །དཔལ་དགའ་བའི་མེ་ཏོག་གི་ཕྲེང་བ་ལས་མ་མོའི་བཏུས་ [316a.2]པའི་སྔགས་ཀྱིས་མཆོད་པའི་ཆོ་ག་དང་། གནས་དང་ཉེ་བའི་གནས་ལ་སོགས་པ་དང་དངོས་པོ་དང་རྟེན་དང་ཡེ་ཤེས་དང་། རྣམ་པར་འབྱེད་པའི་རིམ་པ་བཞིའི་དོན་བསྐྱེད་པའི་རིམ་པའི་ཡན་ལག་བསྟན་པ་ཞེས་བྱ་བ་སྟེ་དགུ་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་ [316a.3]པའི་དོན་དུ། ནང་དུ་མཆོད་སྦྱིན་གསུམ་གྱི་ཆོ་ག་བཤད་དེ། ཆོས་ཀྱི་འབྱུང་གནས་ཀྱི་རྣམ་པའི་གནས་སུ་པདྨའི་ཁབ་ཏུ་རི་བོང་ཅན་ཤར་བ། ནམ་ཕྱེད་ཀྱི་དུས་སུ་པིངྒ་ལའི་རྩ་འགྲོ་བའི་སྣང་བ་ཞུ་བར་གྱུར་པའི་ཧཱུཾ་གི་སྔགས་ཀྱིས་མཆོད་པར་བྱའོ། །བདེ་བའི་གནས་འདབ་མ་བརྒྱད་ཀྱི་ལྟེ་བའི་དབུས་ [316a.4]སུ་ཉི་མ་ཤར་བའི་ཉི་མ་ཕྱེད་དུས་སུ་ཨརྡའི་སྣང་བ་མཆེད་པ་ནུར་ནུར་པོར་གྱུར་པའི། ཕཊ་ཀ་རའི་སྔགས་ཀྱི་མཆོག་གི་དགའ་བས་མཆོད་པར་བྱའོ། །བདེ་བ་ཆེན་པོའི་གནས་སུ་དྲུག་ཅུ་རྩ་བཞིའི་འདབ་མའི་པདྨའི་ཝཾ་གྱི་རྣམ་པའི་ལྟེ་བ་བ་ར་ཏ་ཀའི་ནང་དུ་ཆུ་ཤིང་པདྨའི་ཕྲ་མོའི་བུ་ག་འབྱུང་བའི་ [316a.5]དུས་སུ་སོ་ཤོ་མནའི་གནས་སྣང་བ་ཐོབ་པ། གོར་གོར་པོར་གྱུར་པའི་བདེ་བ་ཆེན་པོ་མི་གཡོ་བ་ས་ཀ་རའི་སྔགས་ཀྱིས་མཆོད་པར་བྱ་ཞེས་འགྲོ་བའི་མན་ངག་གོ། །མཆོད་སྦྱིན་གསུམ་གྱི་ཆོ་གའི་དུས་སུ་སྐལ་ལྡན་མ་ཡིན་མ་འཇུག་པ་མི་སྦྱིན་ཞེས་བརྡའི་ཚིག་གོ། །ཨིནྡྲ་བྷཱུ་ཏིའི་ཞལ་སྔ་ [316a.6]ནས་དབང་གསུམ་ཐོབ་པ་ནང་གི་རེག་བྱ་ཉམས་སུ་མྱོང་བ་ཤེས་པ། ཡེ་ཤེས་ཀྱི་སྣང་བ་གསུམ་མཐོང་བ་དེ་ཁོ་ན་ཉིད། ཆགས་པ་དང་ཆགས་པ་དང་བྲལ་བའི་འཛིན་པ་སྤངས་པ། སྐལ་ལྡན་ལ་འཇུག་པ་སྦྱིན་པར་བྱ་ཞེས་བཤད་དོ། །བཞི་པའི་སྐབས་སུ་མཆོད་སྦྱིན་གསུམ་ [316a.7]གཤེགས་སུ་གསོལ་བའོ། །རྟེན་མེད་པ། གཉིས་སུ་མེད་པ་རང་རིག་པ། ནམ་མཁའ་བཞིན་དུ་བདེ་བ་ཆེན་པོ། རླབས་དང་བྲལ་བའི་རྣམ་པ། ཧའི་ཡིག་འབྲུའི་སྔགས་བརྗོད་པས་རབ་འོད་ཀྱི་ངལ་བསོ་བའི་བསྙེན་པ་བྱ་བ་མན་ངག་གོ། །དཔལ་དགའ་བའི་མེ་ཏོག་གི་ [316b] [316b.1]ཕྲེང་བ་ལས། ནང་གི་མཆོད་སྦྱིན་གསུམ་གྱི་ཆོ་ག་དང་སྣང་བ་བཞི་རྫོགས་པའི་རིམ་པའི་དོན་བསྟན་པ་ཞེས་བྱ་བ་སྟེ་བཅུ་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་སྦྱིན་སྲེག་གི་ལས་བཤད་དེ། སྒྲུབ་པའི་དབང་པོ་ཀུན་སྦྱིན་སྲེག་གི་ལས་མ་ཡིན་པར་ [316b.2]རབ་དང་འབྲིང་དང་ཐ་མའི་དངོས་གྲུབ་བམ། ཐོག་མ་དང་ཐ་མ་དང་དབུས་ཀྱི་གནས་སུ་མྱོང་བའི་སར་རྟོག་པ་མེད་པའི་འབྲས་བུ་མི་རྙེད་དེ། དེ་མ་རྙེད་པས་བཞི་པའི་རིམ་པའི་སྦྱོར་བའི་དངོས་གྲུབ་ཆེན་པོ་ཐོབ་པར་འགྱུར་བ་མེད་དོ། །ཐོབ་པར་མི་འགྱུར་བས་འཇིགས་པའི་ཕྱིར། བཏང་ [316b.3]སྙོམས་མ་ཡིན་པའི་བྱ་བས་རྟེན་འབྲེལ་དང་ཀུན་བརྟགས་ལ་སོགས་པར་གཟུང་བ་དང་འཛིན་པའི་བསྐྱེད་པའི་རིམ་རྟེན་དང་བརྟེན་པ་ངེས་པར་བྱའོ། །དེ་ཡང་རང་ལ་བྱིན་གྱིས་བརླབ་པའི་རིམ་པའི་དམ་ཚིག་གི་སྤྱོད་པ། རབ་ཀྱི་རབ་བསྙེན་པ་ལ་སོགས་པས་དབྱེར་མེད་པར་ [316b.4]མཐོང་བར་བྱའོ། །དཔལ་དགྱེས་པའི་རྡོ་རྗེ་ལས། དབྱེར་མེད་རྟག་པའི་དངོས་གྲུབ་ནི། །ཕྱག་རྒྱའི་དངོས་གྲུབ་ཐོབ་པར་འགྱུར། །ཞེས་གསུངས་སོ། །བདེ་བས་ན་ཕྱག་རྒྱ་དང་། སྔགས་དང་། རབ་ཏུ་སྦྱོར་བ་དང་། བསམ་གཏན་དང་། ཡེ་ཤེས་དང་དགའ་བ་ལ་སོགས་པ་དང་། སྤྲོ་བ་ [316b.5]དང་བསྡུ་བ་ཐམས་ཅད་ནང་གི་སྦྱོར་བས་མཐོང་བར་བྱའོ། །ཞི་བ་དང་། རྒྱས་པ་དང་། དབང་དང་། དྲག་པོ་དང་། དགའ་བ་དང་། སྐད་ཅིག་དང་། རོ་བསྲུབས་པ་དང་བསྲུབ་ཐབས་ཆེན་པོས་ལས་ཀྱི་རླུང་གིས་མཉམ་པའི་འཁྱུད་པའི་དགའ་བ་ཁོང་དུ་ཆུད་པ་ལས། ལྟེ་བ་ཆེན་པོའི་ཆུ་སྐྱེས་སྙིང་ [316b.6]པོའི་ནང་དུ་ཡུངས་ཀར་སྦོམ་པོ་ཙམ། ཉི་མའི་གནས་པ་ཡེ་ཤེས་ཆེན་པོའི་ཐིག་ལེ། ཡི་གེ་མེད་པ་མི་བཟད་པ་ས་དང་ཆུ་དང་མེ་དང་རླུང་དང་བྲལ་བ་གློ་བུར་བ་ཟབ་པ། ནམ་མཁའི་དབུས་ན་གནས་པ། ཕྲ་མོའི་ཡང་ཕྲ་མོ་མི་ཤིགས་པ་ཕྲ་བ་ཡེ་ཤེས་ཆེན་པོའི་འོད་ཀྱི་རང་བཞིན་གྱི་ཚུལ་ཙམ། [316b.7]སྦྱོར་ཐབས་ལ་སོགས་པ་ལ་བརྟེན་ཏེ་ལངས་ནས་འཁྱུད་པ་དང་། འོ་ལ་སོགས་པའི་སྒྱུ་རྩལ་བྱས་པས་མཆོག་གི་བདེ་བའི་ཡེ་ཤེས་མྱོང་བ་ལ་དཔྱོད་པ་འདི་ནི་བདེ་བ་ཆེན་པོའི་ཞེས་མྱོང་བ་སྟེ། སློབ་དཔོན་དང་། གསང་བ་དང་། ཤེས་རབ་ཡེ་ཤེས་དང་། བཞི་པ་དང་། དགོད་པ་དང་། [317a] [317a.1]ལྟ་བ་དང་། ལག་པ་བཅངས་པ་དང་། གཉིས་གཉིས་འཁྱུད་པའི་རྒྱུད་ཀྱི་རིམ་པ་ལས་མཆི་མ་དང་། རྡུལ་དང་ཡན་ལག་མི་བརྟན་པ་དང་། དབུགས་རྒོད་དང་། དེ་ལྟ་བུའི་རྟགས་ནི་ཡེ་ཤེས་ཀྱི་སྣང་བ་མཐོང་ཞིང་། དབུས་ཀྱི་ཀེང་རུས་ཀྱི་དབྱུག་པའི་ཐོག་མ་བདེ་བ་ཆེན་པོའི་འཁོར་ལོའི་ [317a.2]པདྨའི་ལྟེ་བའི་ནང་གི་མིག་ནམ་མཁའ་ལྟ་བུ། དམར་ཐིགས་ཀྱི་གནས་སུ་ངལ་སོ་སྟེ། ཡེ་ཤེས་ཆེན་པོའི་བདུད་རྩིའི་བུམ་པ་བཟུང་ནས་ཀུན་དུ་འཇིག་རྟེན་སྐྱོང་བ་ལ་སོགས་པ་ལ་སྣ་ཚོགས་ཀྱི་མཆོད་པ་བྱས་ཏེ། དེ་ནས་རང་ལ་བྱིན་གྱི་རླབས་ཀྱི་རིམ་པས་འཁོར་ལོ་བཞིའི་ཆུ་སྐྱེས་ཀྱི་ལྟེ་བའི་ནང་དུ་ [317a.3]བཞུགས་པའི་མེ་དེ་ལ་དགུག་པ་དང་། དབང་བསྐུར་བ་ལ་སོགས་པ་རྫོགས་པར་བྱས་ནས། དང་པོ་བདེ་བ་ཆེན་པོའི་ཐབ་ཁུང་གི་ནང་དུ་དགང་བླུགས་བཞི་དགའ་བའི་མེ་ཏོག་གི་རི་བོང་ཅན་གྱི་ཐིག་ལེ་བཀྲམ་པ། ཨོཾ་ཞེས་སློབ་དཔོན་ཨིནྡྲ་བྷཱུ་ཏིའི་ཞལ་སྔ་ནས་ཀྱིས་བཤད་དོ། །དེ་ནས་དགང་ [317a.4]བླུགས་བརྒྱད་ལོངས་སྤྱོད་དུ་མངོན་པར་དགའ་བའི་མེ་ཏོག་གསེར་གྱི་ཐིག་ལེ་བཀྲམ་པའི་ཨའི་རྣམ་པས་ཞེས་བྱ་བ། དྲི་མེད་རྡོ་རྗེའི་ཞལ་སྔ་ནས་ཀྱིས་བཤད་དོ། །དེའི་འོག་ཏུ་དགང་བླུགས་བཅུ་གཉིས་ཆད་པའི་དགའ་བའི་མེ་ཏོག་དམར་བཀྲམ་ཐིག་ལེ་ཆོས་འཁོར་ལོར། ཧཱུཾ་ཡི་གེའི་སྔགས་ [317a.5]ཀྱིས་ཞེས་སློབ་དཔོན་པདྨ་བཛྲའི་ཞལ་སྔ་ནས་བཤད་དོ། །དེའི་འོག་ཏུ་ཕྱིའི་རྣམ་པར་རྟོག་པའི་བདག་ཉིད་ཅན། ཕུང་པོ་དང་ཁམས་དང་སྐྱེ་མཆེད་ལ་སོགས་པའི་ཡམ་ཤིང་བླུགས་ནས་གང་བླུགས་ལྟ་བར་བྱེད། ལོངས་སྤྱོད་དང་བདེ་བ་ཆེན་པོའི་དངོས་གཉིས་ཕྲད་པའི་དབུས་སུ་ [317a.6]འཁོར་ལོའི་ལྟེ་བ་གཉིས་ཀྱི་ནང་དུ་དབུ་མེད་པ། ཨ་ན་ཙ་ཀ །སྨིན་ཕྲག་གི་འཁོར་ལོའི་སྟེང་གི་མཚམས་ཀྱི་བུ་གའི་ནང་དུ། ཨོ་ཌྱན་གྱི་ལམ་ནས་བདུད་རྩིའི་ཆུ་བོའི་རླབས་ཀྱིས་འགྲོ་བས་སྙིང་གར་རོལ་ནས་ཨཉྩ་ཀའི་བླུགས་གཟར་གྱི་རྩེ་མོའི་འོག་རྣམ་པའི་སྣོད་དུ་ངལ་སོ་ནས། [317a.7]རྒྱུན་མ་ཆད་པའི་བདུད་རྩིའི་མར་གྱི་རྒྱུན་ཕཊ་ཀྱི་སྔགས་ཀྱིས་ནང་གི་ལྟེ་བའི་ཡེ་ཤེས་ཀྱི་ཐབས་ཀྱི་ཆུ་སྐྱེས་ཀྱི་ལྟེ་བ་ཕྲ་མོའི་བ་ར་ཏ་ཀའི་ནམ་མཁར་བདེ་བ་ཆེན་པོའི་གནས་སུ། དགའ་བ་བཅུ་དྲུག་གི་ཐིག་ལེ་རབ་ཏུ་བཀྲམ་པ། མངོན་པར་དགའ་བའི་གནས་སུ་དགང་བླུགས། བྷུར་བྷུ་བ་སྭཿ། [317b] [317b.1]བར་དུ་ཚིམ་པའི་དོན་དུ་མི་འཁྲུལ་བའི་སེམས་ཀྱིས་སྦྱིན་པར་བྱ་ཞེས་སློབ་དཔོན་ཞབས་ཀྱི་པདྨའི་བཀའ་དྲིན་གྱིས་མེའི་ལས་ཀྱིས་མན་ངག་གི་བརྡ་ཞེས་བྱའོ། །དཔལ་དགའ་བའི་མེ་ཏོག་གི་ཕྲེང་བ་ལས་གྲུབ་པ་བཞིའི་རང་ལ་བྱིན་གྱིས་བརླབ་པའི་རིམ་པའི་མདོར་བསྟན་པ་དང་། གཉིས་སུ་མེད་ [317b.2]པའི་ཐིག་ལེའི་ཚུལ་དང་ཤེས་རབ་དང་ཐབས་གཉིས་སུ་མེད་པར་སྦྱོར་བའི་སྦྱིན་སྲེག་གི་ལས་ཀྱིས་དོན་བསྟན་པ་ཞེས་བྱ་བ་སྟེ་བཅུ་གཅིག་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་དུས་འབྱུང་བའི་གྲངས་ཀྱི་མདུད་པ་སུམ་ཅུ་རྩ་གཉིས་དང་ལྡན་ [317b.3]པ། དབང་བསྐུར་བ་ཐོབ་པའི་སེམས་ཅན་གྱི་ཚོགས་ལ་དགའ་བའི་སྔགས་མདུད་བཤད་དེ། སྤྲུལ་པ་ལ་སོགས་པའི་ཐབས་བཞིའི་རྟེན་གྱི་རྩའི་སྐུད་པའི་དབྱུ་གུ་ཉི་ཤུ་རྩ་བརྒྱད་ལྷག་པའི་བརྒྱའི་ཕྱེད་ཉིན་མཚན་ཕྱིའི་རྟེན་དང་བརྟེན་པའི་ཀུན་སྦྱོར་རོ། །སུམ་ཅུ་རྩ་གཉིས་ཀྱི་ཆུ་ཚོད་ཀྱི་བར་དུ་ [317b.4]ནང་གི་རྩའི་ཀུན་སྤྱོད། རླུང་ལ་ཞོན་ནས་བྱང་ཆུབ་ཀྱི་སེམས་དགའ་བ་བཅུ་དྲུག་སྦྱོར་བས་སཾ་སྐྲྀ་ཏ་བཅུ་དྲུག་ལ་ཀུན་འབབ་པོ། །བདེ་བ་ཆེན་པོའི་དམར་ཐིགས་དགའ་བའི་ཐིག་ལེ་ཐུན་ཚོད་བརྒྱད་ཀྱི་ཕྱེད་འབར་བ་ཕྱེད་འཛག་གོ་ཞེས་བཅུ་དྲུག་གི་ཕྱེད་ཀྱི་ཕྱེད་ལ་ཀུན་དགའ་བོ། །དེ་ལྟ་བུའི་འབྱུང་བ་ [317b.5]བཞིའི་དཀྱིལ་འཁོར་འབྱུང་བའི་དབུས་ནས་སྲོག་གི་གྲངས་བརྒྱ་བརྒྱད་ལྷག་པའི་སྟོང་ཕྲག་བཅུ་ཕུང་པོའི་རྟེན་སུམ་ཅུ་རྩ་གཉིས་ཀྱི་མདུད་པ་དང་ལྡན་པའི་ཀེང་རུས་ཆེན་པོའི་དབྱུག་པའི་ནང་དུ་ཆུ་ཤིང་གི་སྙིང་པོའི་རྣམ་པའི་དབུས་ནས་སྲོག་གི་འབྱུང་བ་སྤྲོ་བ་དང་བསྡུ་བ་གཡས་དང་གཡོན་པའི་ [317b.6]དབང་པོའི་རྟེན་དུ་ངེས་པར་སྦྱར་ཏེ། དྲི་མ་མེད་པའི་བློ་གྲོས་ཀྱི་བསམ་གཏན་གྱི་བདག་ཉིད་ཁོ་ན་དུས་ཀྱི་འབྱུང་བའི་གྲངས་བགྲང་བ་ཞེས་སྐུད་པའི་མདུད་པ་བཅིངས་པའོ། །མཆོག་གི་དགའ་བའི་གནས་ཀྱི་ཆུ་སྐྱེས་ནམ་མཁའ་བདེ་ཆེན་རྒྱལ་པོའི་ཕོ་བྲང་ནས་རྣམ་པར་ཤེས་པའི་དགའ་བས་རླུང་མེ་ [317b.7]ཆུས་བསྐྱེད་པའི་རིམ་པས་འབྱུང་ཞིང་དེའི་ནང་དུ་རླུང་རང་བཞིན་གྱིས་འཁོར་ཞིང་འཁྲུལ་པས་ཕ་རོལ་མི་རྙེད་ཅེས་བྲལ་པའི་གནས་པའི་བྱེ་བྲག་གོ། །སེམས་དང་སེམས་ལས་བྱུང་བ་དང་། མ་རིག་པའི་རླུང་ལ་བརྟེན་ནས་རང་བཞིན་གྱིས། སྲིད་པ་དང་མྱ་ངན་ལས་འདས་པའི་གླེང་གཞིར་གྱུར་ [318a] [318a.1]པའི་སྣང་བ་དང་། མཆོད་པ་གཉིས་ཟླ་བ་དང་། ཉི་མ་དང་། རང་བཞིན་དང་། མེ་དེ་དག་གིས་སེམས་ཅན་དུ་གྱུར་པ་དེ་ཡང་རྣམ་པར་དཔྱོད་པས་གང་དུ་ཡང་སེམས་ཅན་མེད་དེ་སྣང་བ་མཆེད་པ་གཅིག་པུའི་སྟོང་པ་ཉིད་ཆེན་པོའི་བྱིན་གྱི་རླབས་ཀྱིས་སོ། །དེ་ནི་གཅིག་པུས་ཟླ་བ་དང་། ཉི་མ་དང་། [318a.2]མེ་དང་། སྣང་བ་གསུམ་ཤར་བ་དང་ནུབ་པ་དང་། ཐོ་རངས་དགའི་བའི་བདག་ཉིད་ཅན་ཀུན་རྫོབ་ཀྱི་རླུང་ལ་བརྟེན་ནས་ཐ་མ་དང་འབྲིང་དང་རབ་དང་དེ་དག་ལ་སོགས་པ་འདུས་པས་མ་རིག་པ་ཞེས་བྱ་བའི་སྟོབས་ཆེན་པོ་ཡུན་རིང་པོའི་དུས་ནས་རང་བཞིན་ཀུན་གྱི་མཚན་མོ་དང་ཉིན་མོ་དང་མཚམས་ཀྱི་བར་དུ་ [318a.3]དུས་ཀྱི་འབྱུང་བ་བྱེད་པ་ཞེས་བསམས་ནས་རྟེན་དང་བརྟེན་པ་དཔྱོད་པར་བྱེད་དོ། །རྣམ་པར་ཤེས་པའི་རླུང་མ་རིག་པའི་རྟེན་ལ་གནས་ནས་རླུང་དང་ལྡན་པའི་ཕུང་པོ་དང་ཁམས་དང་སྐྱེ་མཆེད་རྣམས་སྲོག་གི་རྟེན་མེད་པ་དེ་ནི་རོའོ། །རྟེན་དང་བརྟེན་པའི་རྣམ་པར་འབྱེད་པ་ལས་གང་གི་ཚེ་ལས་ཀྱི་ལུས་ [318a.4]མི་ལེན་པ་དེའི་ཚེ་བར་མ་དོ་དང་སྟོང་པའི་རང་བཞིན་ནོ། །དེ་བས་ན་སྲོག་དང་བཅས་པ་དང་ཤི་བ་དོན་དམ་པར་དཔྱོད་པས་རྣམ་པར་ཤེས་པའི་རླུང་གང་ནའང་མེད་པའོ། །ཀུན་རྫོབ་དང་དོན་དམ་པ་མ་སྤངས་པའི་རིམ་པས་ཐམས་ཅད་བདེ་བ་ལ་སོགས་པའི་སྣང་བའི་བདག་ཉིད་ཅན་གྱི་བྱང་ཆུབ་ཀྱི་ [318a.5]སེམས་ཀྱི་མེ་ཏོག་གི་རྫོགས་པར་བྱས་པའི་དགའ་བ་ཆེན་པོས་མཛེས་པའི་ཆུན་འཕྱང་རྩའི་སྐུད་པས་བརྒྱུས་པ། མཉམ་པ་དང་མི་མཉམ་པ་དང་བྲལ་བ་རྟེན་གྱི་དབྱུག་པའི་སྒོ་ངའི་སྙིང་པོའི་བདུད་རྩིའི་རོ་བསྲུང་བའི་དོན་གྱི་ཕྱིར་སྔགས་མདུད་སྦྱིན་པ་སྣང་བ་མཆེད་པའི་རང་བཞིན་ཞེས་མན་ངག་གོ། ། [318a.6]དེ་ཡང་སྣང་བ་མཆེད་པ་ཡོངས་སུ་ཤེས་པས་བསོད་ནམས་དང་སྡིག་པ་དང་བྲལ་བའི་ཕྱག་རྒྱ་ཆེན་པོའི་དངོས་གྲུབ་ཐོབ་པོ་བསྐལ་པ་དུ་མ་སྟོང་དུ་གཏོང་བ་དང་། གཏོང་བ་ཆེན་པོ་དང་། ཤིན་ཏུ་གཏོང་བ་དང་། ཚུལ་ཁྲིམས་དང་བཟོད་པ་ལ་སོགས་པ་གོམས་པས་རླབས་པོ་ཆེའི་སེམས་ཀྱི་སྔགས་དང་ [318a.7]ཕྱག་རྒྱ་ལ་བརྟེན་པ་དང་། བསམ་གཏན་འཛིན་པ་བྱས་ན་ཡང་དེ་ལྟ་མོད་ཀྱི་སྣང་བ་མཆེད་པ་དང་མ་དག་པས་བྱང་ཆུབ་གང་དུ་ཡང་མི་རྙེད་དོ། །སྟོང་པ་ཉིད་ཆེན་པོའི་རང་བཞིན་རྣམ་པ་གསུམ་གྱི་ཡེ་ཤེས་དག་པས་སྐད་ཅིག་གཅིག་གིས་མངོན་པར་རྫོགས་པར་བྱང་ཆུབ་པ་ཞེས་དོན་དམ་པར་རོ། །ཁྱབ་ [318b] [318b.1]འཇུག་དང་ལྷ་ཆེན་པོ་དང་ཚངས་པ་དང་བརྒྱ་བྱིན་དང་ཉེ་དབང་ལ་སོགས་པ་རང་བཞིན་སྣང་བ་ལ་འཁྲུལ་པས་ཟབ་པ་དྲག་པོ་ཤིན་ཏུ་གཏིང་རིང་བ་གཏིང་དཔག་དཀའ་བའི་སྲིད་པའི་རྒྱ་མཚོར་འཁོར་ཞིང་སྣང་བ་མཆེད་པ་མི་ཤེས་པ་ཕ་རོལ་མི་རྙེད་པ་དེ་རྣམས་ཀྱང་མི་ཁོམ་པའོ། །དཔལ་དགའ་བའི་མེ་ [318b.2]ཏོག་གི་ཕྲེང་བ་ལས། དུས་འབྱུང་བའི་གྲངས་དང་། སྲོག་གི་རླུང་དང་། ཀེང་རུས་ཀྱི་དབྱུག་པ་མདོར་བསྟན་པ་དང་། རྩ་བའི་སྔགས་མདུད་སྦྱིན་པ་དང་། སྣང་བའི་རྣམ་པར་དག་པའི་དོན་བསྟན་པ་ཞེས་བྱ་བ་སྟེ་བཅུ་གཉིས་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་ [318b.3]དོན་དུ་གཏོར་མའི་ཆོ་ག་བཤད་དེ། སྐྱེ་བ་གསུམ་པ་དུར་ཁྲོད་ཆེན་པོའི་དབུས་སུ་འགྱེལ་བའམ། ཡང་ན་སྐྱེ་བ་གཉིས་པ་ཇི་ལྟ་བའི་ཆོ་གས་བླངས་ལ། དུམ་བུ་བརྒྱད་དུ་བྱས་ལ་གཏོར་མ་ཆེན་པོའི་སྣོད་དུ། ཕྱོགས་དང་མཚམས་བྱེ་བྲག་ཏུ་མཛེས་པའི་དགའ་བས་དང་པོའི་རིམ་པས་ [318b.4]གཞག་པར་བྱ་སྟེ། རྒྱལ་པོའི་སཱ་ལུ་ཤིན་ཏུ་ཁེངས་པར་གང་བར་བྱས་ནས་དྲི་མ་མེད་པའི་ཟླ་བ་དང་ཉི་མའི་མེ་ཏོག་གིས་དང་། གདུགས་དང་རྒྱལ་མཚན་དང་འཕན་ལ་སོགས་པ་དང་། རྨ་བྱའི་རྡུལ་ཡབ་ལ་སོགས་པ་དང་། རྔ་ཡབ་དང་དྲ་བ་དང་། དྲ་བ་ཕྱེད་པ་དང་། མེ་འོད་དང་། དགའ་ [318b.5]བའི་མེ་ཏོག་དང་། མར་མེ་དང་། སྒྲོན་མེ་དང་། སྣ་ཚོགས་ཀྱི་མཆོད་སྦྱིན་དང་། སྣ་ཚོགས་པའི་དྲི་ཞིམ་པའི་སྤོས་ཀྱི་དང་། འབྲས་བུ་ལ་སོགས་པ་དང་། གོས་སྣ་ཚོགས་དང་། རལ་གྲི་དང་། སྟ་རེ་དང་། རྩེ་གསུམ་གྱི་ཁ་ཊྭཱཾ་ག་རིམ་པ་ཇི་བཞིན་དུ་བཞག་ནས་བསང་གཏོར་བྱའོ། །དེའི་འོག་ [318b.6]ཏུ་པདྨ་ཆེན་པོའི་སྣོད་དུམ་བུ་གཅིག་པར་རྒྱས་པ་ཆེན་པོའི་བདུད་རྩིའི་རོས་གང་བ། རིགས་ལ་སོགས་པའི་མེ་ཏོག་གིས་མཆོད་དབུས་སུ་བཞག་ནས་ལུ་གུ་རྒྱུད་བཅིངས་ཏེ་གུང་མོ་སྦྱར་བའི་ཕྱག་རྒྱ་ལ་སོགས་པས་ཨརྒྷ་བརྒྱ་རྩ་བརྒྱད་ཀྱི་སྦྱིན་པ་དབུལ་བར་བྱའོ། །པདྨའི་སྣོད་ཀྱི་ལྟེ་བའི་བ་ར་ཏ་ཀའི་ནམ་ [318b.7]མཁའི་གནས་སུ་འོད་སྟོང་ཅན་དེའི་སྟེང་དུ་རི་བོང་ཅན་དཀར་པོའི་འོད་ཀྱི་རང་བཞིན་གྱི་བྱང་ཆུབ་ཀྱི་སེམས་བདེ་བ་ཆེན་པོའི་རྣམ་པ། དམ་ཚིག་ཆེན་པོའི་ཡན་ལག་མ་དང་། གཉིས་སུ་མེད་པའི་སྦྱོར་བ་འཁྱུད་པའི་དཔལ་ཡེ་ཤེས་མཁའ་འགྲོ་སྔར་བསྟན་པའི་ཆོ་ག་ལས་དཀྱིལ་འཁོར་འཁོར་ལོ་དང་བཅས་ [319a] [319a.1]པ་བསྒོམ་པ་ཞེས་བྱའོ། །སྣོད་ཀྱི་ཕྱི་རོལ་དུ་ནམ་མཁའ་ལ་སྤྱོད་པ་མཁའ་འགྲོ་མ་ཆེན་མོ་ཐབས་དང་བཅས་པས་འཁྱུད་པ་གཉིས་མེད་པའི་སྦྱོར་བས་མཐོང་བར་བྱའོ། །དེའི་ཕྱི་རོལ་དུ་ཕྱོགས་སྐྱོང་བརྒྱད་མཚོན་ཆ་འཛིན་པ་གཞན་ཡང་ལྷ་ཆེན་པོ་དང་། ཉི་མ་དང་། ཟླ་བ་དང་། [319a.2]ཉེ་བའི་དབང་པོ་དང་། ཚངས་པ་དང་། ཁྱབ་འཇུག་དང་། ནག་པོ་ཆེན་པོ་དང་། གཞོན་ནུ་དང་། བགེགས་ཆེན་པོ་དང་། ཕོ་ཉ་དང་། དུས་མཚམས་དང་། ཀུན་འབྱེད་དང་། ཆུ་དང་། མེ་དང་། རླུང་དང་། ས་དང་། གཞན་ལྷ་དང་ལྷ་མ་ཡིན་དུ་མ་སྣ་ཚོགས་མ་མོའི་གཙོ་མོ་དང་། དེའི་མཐར་ཀླུ་ [319a.3]ཆེན་པོའི་རྒྱལ་པོ་བརྒྱད་ཚོགས་དུ་མས་བསྐོར་བ། དེའི་ཕྱི་རོལ་དུ་འབྱུང་པོ། ཡི་དགས། ཤ་ཟ། མྱོས་བྱེད། གྲུལ་བུམ། ལུས་སྲུལ་པོ། གཞན་ཡང་བརྩེ་མེད་མཁའ་འགྲོ་མ་འཁོར་མང་པོ་དང་བཅས་པ་དང་། གདུག་པའི་གཟའ་དུ་མ་དང་། རྣག་ཟ་བ་སྟེ་དེ་དག་དགུག་པ་དང་གཞུག་པས་གཏོར་ [319a.4]མ་ཆེན་པོའི་སྣོད་དུ་རབ་གནས་བྱས་ཏེ། རོལ་མོ་དུ་མ་སྣ་ཚོགས་ཀྱི་སྒྲ་ཀླུའི་མཆོད་སྦྱིན་བྱ། དམ་ཚིག་གི་དཀྱིལ་འཁོར་གྱི་དབུས་སུ་བདག་ཉིད། དཔལ་ཧེ་རུ་ཀའི་སྐུ་ཡེ་ཤེས་ཀྱི་ཕྱག་རྒྱས་གཏོར་མ་བྱིན་གྱིས་བརླབས་ཏེ། སྔར་བསྟན་པའི་མཁའ་འགྲོ་མ་ལ་སོགས་པའི་འཁོར་དང་བཅས་ [319a.5]པ། ཆུ་ངོགས་ཆེན་པོར་འགྲོ་ཞིང་དེ་རུ་དམ་ཚིག་ཆེན་པོས་གསོལ་ནས། གཡས་བརྐྱང་དང་གཡོན་བརྐྱང་དང་། གཡོན་འགྱུར་བའི་བཞུགས་ཐབས་ལ་སོགས་པའི་གར་ཆེན་པོས་རོའི་དབང་གིས་དགའ་བས་སེམས་ཅན་ཐམས་ཅད་ལ་ཕན་པའི་དོན་གྲུབ་པར་བྱ་བའི་ཕྱིར་ཚོགས་ཀྱི་དཀྱིལ་འཁོར་ [319a.6]ཐམས་ཅད་གསོལ་ཅིག །འཐུངས་ཤིག །དམ་ཚིག་སྲུངས་ཤིག །ཞི་བ་དང་རྒྱས་པ་དབང་དགུག་པ་ལ་སོགས་པའི་ལས་གྲུབ་པའི་གྲོགས་མཛོད་ཅིག །པདྨའི་ལག་སྐོར་རྡོ་རྗེའི་སྙིམ་པས་གཏོར་མ་སྦྱིན་པར་བྱའོ། །ཨོཾ་ཨཱཿ་ཧཱུཾ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དཔལ་དགའ་བའི་མེ་ཏོག་ [319a.7]གི་ཕྲེང་བ་ལས། གཏོར་མ་ཆེན་པོའི་ཆོ་གའི་དོན་བསྟན་པ་ཞེས་བྱ་བ་སྟེ་བཅུ་གསུམ་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་བསྟོད་པའི་མཆོད་སྦྱིན་བཤད་དེ། དཔའ་བོ་ཆེན་པོ་དཔའ་བོའི་དབང་ཕྱུག་མཁའ་མཐའ་ཟབ་ཅིང་གཏིང་དཔག་དཀའ་ [319b] [319b.1]པ་གཉིས་མེད་སྦྱོར་བའི་མཉམ་འཁྱུད་མ་མཆུའི་རོ་ཡི་བདུད་རྩི་བཏུང་བས་བཟི་བ་བདེ་བ་རྒྱལ་གྱུར་ཅིག །ཐིག་ཚུལ་ཆར་རྒྱུན་ཡང་དགའ་རྟེན་ནང་ཀེང་རུས་དབྱུག་པ་རྩ་འཁོར་ནང་བཞུགས་ཨཱ་ལི་ཀཱ་ལི་གཉིས་སྟོང་ཐུགས་རྗེ་དབྱེར་མེད་རང་བཞིན་བདུད་རྩི་བྱང་སེམས་རྒྱལ་གྱུར་ཅིག ། [319b.2]དགའ་བ་བཅུ་དྲུག་མཛེས་རྣམ་དྲི་མེད་སྐུ་རོ་ཆེན་བརྒྱད་ཉམས་མྱོང་རང་རིག་ཡེ་ཤེས་བདག་ཉིད་དེ་ཉིད་རྒྱལ་གྱུར་ཅིག །ཐོག་མ་མཐའ་དབུས་མི་གནས་ཆུ་སྐྱེས་དབང་བསྐུར་ཡེ་ཤེས་སྣང་བ་སྐད་ཅིག་ཡི་གེ་འཁོར་ལོ་སྔགས་རྒྱུད་རིམ་མཛེས་དེ་བཞིན་གཤེགས་པ་ཚངས་པ་ཁྱབ་འཇུག་ཉི་མ་ཟླ་ [319b.3]བ་ལ་སོགས་ཁྱབ་གཙོ་རྒྱུ་ཁྱེད་རྒྱལ་གྱུར་ཅིག །དཔལ་དགའ་བའི་མེ་ཏོག་གི་ཕྲེང་བ་ལས། དེ་ཁོ་ན་ཉིད་ཀྱི་བདག་ཉིད་ཀྱི་ཞི་བའི་བསྟོད་པའི་མཆོད་སྦྱིན་གྱི་དོན་བསྟན་པ་ཞེས་བྱ་བ་སྟེ་བཅུ་བཞི་པའོ།། །།དེ་ནས་གཞན་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་ [319b.4]སྨོན་ལམ་གྱི་རྒྱལ་པོ་བཤད་དེ། དག་པའི་ཟླ་བའི་འོད་དཀར་སྣང་བ་བདེ་ཆེན་ལེགས་དགྱེས་མྱུ་གུའི་རྣམ་པའི་ལྟེ་བའི་ནམ་མཁའ་ལས་བྱུང་བདེ་ཆེན་ནམ་མཁའ་ལས་བྱུང་བདུད་རྩི་བཟའ་བ་རྟག་ཏུ་དུས་གྱུར་ཅིག །རྟག་ཆད་མངོན་དགའ་དགའ་བྲལ་གཉིས་སྤངས་དྲི་མེད་རྡོར་སྙིང་ནང་རང་ [319b.5]བཞིན་གཅིག་པུའི་མཚོན་རྡོར་བསམ་གཏན་ཁོ་ནར་གྱུར་ཅིག །རང་ཉམས་མྱོང་རྣམ་མཛེས་དགའ་བརྒྱད་གཉིས་ལོ་པད་འོད་མཉམ་དམར་ཐིག་ལག་རྐང་ཨུཏྤལ་འདབ་སྤྱན་གསུམ་དབུས་ཕྲ་དབང་ཤེས་ཡན་ལག་མཆོག་མའི་སྦྱོར་བ་ཤིན་ཏུ་ཁོ་ནར་གྱུར་ཅིག །ཐམས་ཅད་འཇིག་རྟེན་ [319b.6]ཁམས་ཡང་དག་རྫོགས་སངས་རྒྱས་བྱང་ཆུབ་རབ་ཏུ་གནས་ཕྱིར་བླ་མེད་ཐེག་ཆེན་ནང་གི་ནམ་མཁའ་རང་བཞིན་བདུད་རྩི་སྙིང་པོ་མཛེས་ཤིན་ཏུ་ཁེངས་ཆོས་འབྱུང་གྲགས་པའི་ཚངས་བཞིར་གནས་གྱུར་ཅིག །དཔལ་དགའ་བའི་མེ་ཏོག་གི་ཕྲེང་བ་ལས། བདེ་བ་ཆེན་པོའི་དམར་ཐིགས་ཆོས་ [319b.7]ཀྱི་འབྱུང་གནས་གྲགས་པའི་འབྲས་བུའི་སྨོན་ལམ་གྱི་དོན་བསྟན་པ་ཞེས་བྱ་བ་སྟེ་བཅོ་ལྔ་པའོ།། །།དེ་ནས་ཡང་དཔལ་ཡེ་ཤེས་མཁའ་འགྲོ་ལ་མཆོད་པའི་དོན་དུ་གཤེགས་སུ་གསོལ་བ་བཤད་དོ། །སྔར་བསྟན་པའི་སྒོ་དགུ་ལ་སོགས་པ་དང་ལྡན་པའི་སྐུ་ལས། ཐོག་མ་དང་ཐ་མ་དང་ཡེ་ [320a] [320a.1]ཤེས་སེམས་དཔའ་དང་དམ་ཚིག་སེམས་དཔའི་དཀྱིལ་འཁོར་ལས། ཟླ་སར་མེ་ཏོག་གིས་གང་བ་ཉི་འོད་ཀྱི་སྣང་བའི་པདྨས་མཆོད་པར་བྱས་ནས། ནམ་མཁའ་དང་ཟླ་བ་དང་ཉི་མ་དང་ཆུ་དང་ས་དང་མེ་དང་རླུང་གི་ཡི་གེ་བདུན་གྱི་སྔགས་ཀྱིས་བཟླས་པའི་ཕྲེང་བ་རྒྱུན་མ་ཆད་པའི་ཡིད་ [320a.2]ཀྱིས་ཤེས་རབ་དང་ཐབས་གཉིས་སུ་མེད་པར་སྦྱོར་བས་བསྐོར་སྒྱུར་བས། དཀྱིལ་འཁོར་འཁོར་ལོ་ལ་སོགས་པའི་གོ་རིམས་རྡོ་རྗེའི་སྒོའི་རྟ་བབས་ཚོན་རྩི་ལྔའི་གནས་ནས་གཅིག་པུའི་ཆའི་གནས་སུ་རྡོར་གསུམ་ཡེ་ཤེས་ས་བོན་གྱི་ནང་ནས་དང་པོའི་གཅིག་གི་ཕྲ་མོའི་ཆའི་ཐ་མའི་གནས་ལ་མི་ [320a.3]གཡོ་བའི་ཡིད་ཀྱིས་དང་པོ་གཤེགས་སུ་གསོལ་བར་བྱའོ། །དབུས་གནས་ནང་གི་པདྨ་གཉིས་པོའི་གཅིག་གིས་འཆི་མེད་དྲི་མེད་རྒྱས་དང་སྤྲོ་བ་དགའ་དང་། སྲོག་དང་སྐྱབས་སྦྱིན་དང་གླེང་གཞི་སྟེ་འདོད་ཆགས་ཆེན་པོ་བརྒྱད་ཀྱིས་གཤེགས་སུ་གསོལ་བ་གཉིས་པའོ། །དང་པོ་གནས་ཀྱི་པདྨའི་ [320a.4]ལྟེ་བར་གདུ་བུའི་གནས་གསུམ་པའི་གཅིག་གིས་དང་། གཞན་བརྩོན་འགྲུས་དང་། བསམ་གཏན་དང་། འོད་དང་། ལམ་དང་། རྟེན་དང་། བརྟེན་པ་དང་། འབྱུང་བ་དང་། ཚིམ་པ་དང་། བདུད་རྩི་དང་། སྒེག་པོ་དང་། ལོངས་སྤྱོད་དང་། སྣང་བ་དང་། སྒྲོན་མ་དང་། བརྟན་པ་དང་། [320a.5]གཡོ་བ་དང་། བཅུད་ཀྱིས་ལེན་ཏེ། དེ་ལྟ་བུ་ལ་སོགས་པའི་བཅུ་དྲུག་ཚིམ་པའི་ཆར་ཡང་མེ་ཏོག་གིས་གཤེགས་སུ་གསོལ་བ་གསུམ་པའོ། །གཏོར་མའི་གནས་ཀྱི་ཆུ་སྐྱེས་སྙིང་པོའི་ལྟེ་བ་ཆེན་པོའི་གནས་མན་ཆད་བདེ་བ་ཆེན་པོའི་འཁོར་ལོའི་ལྟེ་བའི་ནང་བཅུ་དྲུག་པའི་དང་པོས་དང་། [320a.6]གཞན་ཡང་ཆར་ཡང་ཐིག་ལེ་ཚུལ་ཙམ་མཆོག་གཞན་མཆོག་སྦྱོར་བ་དྲུག་གི་རྨད་བྱུང་མེ་ཏོག་གིས་གཤེགས་སུ་གསོལ་བ་བཞི་པའོ། །དཔལ་དགའ་བའི་མེ་ཏོག་གི་ཕྲེང་བ་ལས། ཡི་གེ་བདུན་བཟླས་པའི་བསྒོམ་པ་དང་། རྡོ་རྗེ་གསུམ་གྱི་ཡེ་ཤེས་ཀྱི་ས་བོན་དང་། ཐོག་མ་དང་ [320a.7]ཐ་མ་དབུས་ཆགས་ཆེན་པོ་བརྒྱད་རྡོ་རྗེ་ཆུ་སྐྱེས་ཀྱི་གནས་སུ་བཅུ་དྲུག་ཚིམ་པའི་ཆར་ཡང་རྣམ་པར་ཤེས་པའི་སྦྱོར་བ་དྲུག་དོན་གཤེགས་པ་བསྟན་པ་ཞེས་བྱ་བ་སྟེ་བཅུ་དྲུག་པའོ།། །།རྣལ་འབྱོར་དབང་པོ་དུ་མའི་གཞུང་ལུགས་ནི། །ཡང་དག་དཔྱད་པ་བྱས་ནས་རྨད་འབྱུང་སྨྲས། ། [320b] [320b.1]དེ་ཕྱིར་བལྟ་དཀའ་ཤིན་ཏུ་ཟབ་མཐའ་ཡས། །རེ་ཞིག་སུམ་ཤེས་དཔྱོད་པ་ཤིན་ཏུ་ནུས། །སྒྲ་ཚད་ལ་སོགས་ང་རྒྱལ་ནམ་ཡང་མིན། །རྒྱུད་སོགས་དུ་མ་ཉན་པ་ངེས་ཀྱང་མིན། །ཇི་ལྟར་རང་བཞིན་གང་ཞིག་ཤེས་སམ་ཅི། །གཞན་མིན་བླ་མའི་ཞལ་ནས་གསུང་མིན་ཚེ། །བླ་མ་ཤིན་ཏུ་བློ་ལྡན་ [320b.2]ང་རྒྱལ་མེད། །དེ་ལྟར་རང་བཞིན་ཤེས་པ་ཐུགས་རྗེའི་བདག །རླབས་ཆེན་ཆེན་པོའི་ཡུལ་གྱིས་གོས་པ་མེད། །དེ་རྡོར་སེམས་བདག་མཆོག་བླ་ལ་ཕྱག་འཚལ། །དགའ་བ་དུ་མ་མེ་ཏོག་སྣ་ཚོགས་ཀྱི་ནི་ཡིད་འཕྲོག་བཟོར། །འཇིག་རྟེན་འདིར་དོན་ཟབ་ཕྱིར་དགའ་བ་རིན་ཆེན་སྣང་བ་འོད་ཟེར་ [320b.3]ལྡན། །དོན་ཤེས་དོན་དམ་པར་བདེ་སྐྱེད་མ་དཔལ་ལྡན་ཡེ་ཤེས་མཁའ་འགྲོའི་དགའ་མ། །དག་ཡངས་བསྟན་པས་དྲི་མེད་འབྲས་བུ་གང་ཞིག་བདག་གིས་རྙེད་པ་དགེ །དེས་མྱུར་རྡོ་རྗེ་དབང་ཕྱུག་གི་གནས་འཇིག་རྟེན་གསུམ་གྱིས་ཐོབ་པར་ཤོག །དཔལ་ཨཽ་ཌྱན་རྡོ་རྗེ་ཆེན་པོའི་གནས་ལས་ [320b.4]བྱུང་བ། །དཔལ་རྒྱལ་པོ་ཆེན་པོ་ཨིནྡྲ་བྷཱུ་ཏིའི་ཞལ་སྔ་ནས་མཛད་པའི། །དཔལ་དགའ་བའི་མེ་ཏོག་ཕྲེང་བ་ཞེས་བྱ་བ་རྫོགས་སོ།། །།རྒྱ་གར་གྱི་ཁ་ཆེའི་མཁན་པོ་པྲཛྙཱ་ཤྲཱི་གུཔྟ་དང་། ཞུ་ཆེན་གྱི་ལོ་ཙཱ་བ་བནྡེ་དགེ་སློང་རིན་ཆེན་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་ [320b.5]པའོ།། {T1337}༄༅༅། །རྒྱ་གར་སྐད་དུ་ཤྲཱི་ཏ་ཏྟྭ་ཨི་མྲྀ་ཏ་ཨུ་པ་དེ་ཤ། བོད་སྐད་དུ། དཔལ་དེ་ཁོ་ན་ཉིད་ཀྱི་བདུད་རྩིའི་མན་ངག །དཔལ་བདེ་བ་ཆེན་པོ་ལ་ཕྱག་འཚལ་ལོ། །སྤྲུལ་པའི་ཆུ་སྐྱེས་ལྟེ་བར་ཟླ་བ་ཉིད། །དེ་ཡི་སྟེང་དུ་འོད་དམར་འདབ་མ་གསུམ། །ཆུ་ལས་བྱུང་ [320b.6]བའི་པདྨའི་མིག་སྙིང་འདྲ། །རྩ་རྣམས་ཀྱི་ནི་ངོ་བོ་བདག་ཉིད་ཡིན། །དེ་ཡི་དབུས་སུ་བདེ་ཆེན་བདུད་རྩི་གྲུབ། །ཚུལ་གྱི་ཚིག་གིས་བརྗོད་མི་རྙེད། །ཉམས་མྱོང་རང་བཞིན་ཕྱག་འཚལ་ཏེ། །དེ་ཉིད་བདུད་རྩི་བདག་གིས་བཤད། །གང་གི་དྲིན་གྱིས་དེ་ཉིད་བདུད་རྩི་ནི། །ངག་ཏུ་བརྗོད་ཕྱིར་འདི་ [320b.7]ལྟར་བདག་བློ་རྒྱས། །དེ་ཞབས་པད་ལ་ཐལ་སྦྱར་མགོ་བོ་ཡིས། །ས་ལ་དད་པས་ཡན་ལག་བརྒྱད་བཏུད་དེ། །ཇི་ལྟར་དཔལ་ལྡན་བླ་མས་བདག་ལ་བྱིན། །དེ་བཞིན་རང་གི་རིག་པས་མངོན་བྱུང་བ། །གཞན་མིན་ནང་གི་རེག་བྱ་འཇམ་པ་སྦྱིན། །སྔོན་མེད་འབྱུང་བའི་འབེལ་གཏམ་ [321a] [321a.1]བདག་གིས་བྱ། །ཡང་དག་བློ་ཆེན་སྐལ་ལྡན་རྟོག་གེ་མིན། །སེར་སྣ་མེད་ཅིང་མངོན་པའི་ང་རྒྱལ་སྤངས། །བླ་མའི་རིམ་གྲོ་ལྷུར་ལེན་དབང་བསྐུར་ལྡན། །སེམས་ཅན་དོན་ལ་འཁོར་བའི་གཏི་མུག་སྤངས། །སྙིང་པོ་མཐུན་པ་དགྱེས་པ་ཡིས། །གསང་ཆེན་གནས་སུ་གང་ལ་ [321a.2]ལར། །སྲིད་དང་མྱ་ངན་འདས་དོན་རིག །ལོངས་སྤྱོད་རྫོགས་ལུས་མཆོག་གི་སྐུ། །བདེ་བའི་སྙིང་པོ་དཔེ་མེད་པས། །ཕྲ་མོ་རུ་ནི་ལྟ་བས་གཟིགས། །དམ་པའི་དགའ་བས་མོས་པ་ལ། །བཞག་སྟེ་རྣམ་པ་འདི་ལྟར་སྤྱོད། །རེ་ཞིག་འདི་ཅི་བདག་གང་ཡིན། །ཅི་བསྒོམ་གང་གིས་སྒོམ་པར་ [321a.3]བྱེད། །འདི་ནི་ཐམས་ཅད་དེ་ཉིད་མིན། །རྣམ་པར་འཁྲུལ་པར་དངོས་འདུལ་བ། །ཉམས་སུ་མྱོང་བས་འབྲས་བུའི་དུས། །བཞི་པོའི་དོན་ནི་དེ་ཁོ་ན། །བླ་མའི་ཞལ་ནས་བསྟན་པས་རྙེད། །དེ་ནི་བདག་གིས་ཡང་དག་གཅེས། །དེ་ཡི་ལུགས་ནི་ངེས་བཟུང་ནས། །ཡང་དག་ཡེ་ཤེས་ཚོར་ [321a.4]བྱ་སྟེ། །དམ་པའི་བདེ་བ་ལ་ཞེན་ཆགས། །རང་གི་མཆོག་དགའ་བ་ལ་འབད། །བདེ་བ་ཡི་ནི་བདུད་རྩི་སྟེར། །ཚོར་བ་ཡིས་ནི་ངེས་པར་བཟུང་། །རླུང་གི་ཡོན་ཏན་ཆོ་ག་ཡིས། །ལྟེ་བ་ཡི་ནི་དབུས་ནས་བསྐྱོད། །གདུ་བུ་ཨུཏྤལ་གྱི་ནང་དུ། །བདེ་བའི་རྒྱལ་པོ་ཁྱབ་པར་བྱེད། །ཡང་དག་གཟུ་ [321a.5]ལུམས་ཅན་གླེང་གཞིས། །རེག་བྱ་ཡི་ནི་གནས་སུ་འཇུག །བརྗོད་མེད་ཉམས་སུ་མྱོང་བར་བྱེད། །འདུ་ཤེས་ཐམས་ཅད་ལས་ནི་གྲོལ། །རང་དང་གཞན་གྱི་བྱེ་བྲག་ནི། །གང་ཡང་དེ་ལྟར་མི་ཤེས་སོ། །དེ་ནས་དེ་ནི་མྱ་ངན་འདས་ཡིད་ཀྱང་། །དེ་ལྟ་མོད་ཀྱི་སྙིང་རྗེའི་སེམས་བཟུང་ནས། །ཇི་ལྟར་ཆུ་ [321a.6]ལས་ཉ་ནི་འཕྱོང་བ་བཞིན། །སེམས་ཅན་དོན་ཕྱིར་བདག་དགའ་དེ་ལྟ་བུ། །བདུད་རྩི་རི་བོང་ཅན་ཞུ་བས། །ཆུ་སྐྱེས་རློན་པར་བྱུག་པ་ཡིན། །དགའ་བའི་ལྟ་བས་གཟིགས་ནས་སུ། །བདེ་བ་ཡི་ནི་རེག་བྱ་གསོལ། །སྤྲོ་བ་ཡི་ནི་ཚད་དུས་སུ། །འདི་ལྟར་ཐུག་པ་མེད་པ་སྐྱེ། །འདར་བ་ལ་སོགས་ [321a.7]པས་སྤྲོ་བ། །དྲུག་གིས་ལྷག་པའི་བཅུ་ཡི་གྲངས། །དངོས་པོ་བྱེད་ལ་སོགས་པར་ལྡན། །གཉིད་དང་འཁྲུལ་དང་བརྒྱལ་དང་སྐོམ་དང་འདར། །སྒེག་དང་སྐྲག་དང་བྱ་རྨྱང་དང་། །རྔམ་པ་བ་སྤུ་ལངས་དང་མཆི་མ་འབབ། །དྲོད་དང་བདེ་བའི་གཞན་མིན་དངོས་པོ་དང་། །རྟེན་དང་དེ་བཞིན་ [321b] [321b.1]རྣམ་པར་འབྱེད། །ཐོག་མ་ཐ་མ་རྒྱུ་སོགས་རྣམ་པར་འབྱེད། །རྣམ་འབྱེད་བཟུང་ནས་རྣམ་པར་འབྱེད་མིན་ལམ། །རྣམ་པར་འབྱེད་པའི་འབྱེད་པ་རྟོག་མེད་པ། །རྣམ་པར་འབྱེད་པའི་སྲིད་ལ་འབྱེད་བསྒོམ་ཅི། །རྣམ་འབྱེད་གཞན་མིན་ཇི་ལྟར་གཞན་མ་ཕོད། །སྲིད་པ་འབྱེད་ལས་མྱ་ངན་ [321b.2]འདས་གཞན་མེད། །སྲིད་བདག་དེ་ཉིད་མྱ་ངན་འདས་རབ་གྲགས། །དེ་བས་སྲིད་དང་མྱ་ངན་འདས། །བྱེ་བྲག་བསྒོམ་པར་མི་བྱའོ། །གཉིས་སུ་མེད་པར་མཐོང་ནས་སུ། །གཉིས་མེད་དེ་ཡང་སྤང་བར་བྱ། །རྣམ་རྟོག་ཀུན་དང་བྲལ་བ་ཡི། །གང་ཞིག་དགྱེས་པའི་གནས་སུ་ནི། །ལྷུན་ [321b.3]གྱིས་གྲུབ་པས་མངོན་དགའ་བ། །འོངས་ནས་ཆེ་བར་རབ་ཏུ་གསོལ། །སྤྲིན་ལ་སོགས་པའི་རྐྱེན་ཤེས་ནས། །མངོན་པར་དགའ་བས་ལྟུང་མི་འགྱུར། །ཁོང་དུ་ཆུད་པའི་རབ་སེམས་ཀྱིས། །ཡང་དག་མཆོག་གིས་གྲོས་ཤིག་བྱ། །རིན་ཆེན་པདྨའི་གསང་ཆེན་པོའི། །མེ་ཡི་དཀྱིལ་གྱི་ [321b.4]དབུས་སུ་ནི། །གསུམ་དུ་དགྱེས་པའི་དེ་ཉིད་ཤར། །མེ་ཡི་གྲངས་ལ་གཅིག་ཅིག་བཙིར། །དེ་ནས་སྙིང་པོ་དེ་ནི་འཛག །ཟླ་བ་བདེ་བའི་མཆོག་དགྱེས་པའོ། །མཆོག་གི་གཟུ་ལུམས་ཅན་ཕྱག་རྒྱ། །སྟེང་གི་ལམ་དུ་མཐོང་བ་ཡིན། །ནམ་མཁའ་དེ་ཡི་དབུས་སུ་རྒྱས། །ཚད་མེད་ [321b.5]པ་ཡི་འོད་ཟེར་གཟུགས། །རི་བོང་འཛིན་པ་དཀར་བའི་འོད། །སྐུ་ནི་སྤྲུལ་པའི་ཕྱག་རྒྱ་ཡིས། །སྲིད་པ་གསུམ་རིགས་དབུས་སུ་ནི། །སྲོག་རྩ་ཡང་ན་སྒུར་མོ་ཡི། །པདྨའི་ཡོན་ཏན་འདི་ནི་ཆར། །ཐིག་ལེ་དེ་ནི་ཤུ་ཀྲའི་གཟུགས། །མཆོག་གི་བདེ་བ་གྲུབ་པའི་ཚུལ། །བདག་ཉིད་ [321b.6]དེ་ནི་ངོ་བོ་ཡིན། །འདི་ནི་སྣ་ཚོགས་དོན་ཆེན་པོ། །ཐམས་ཅད་བསྐྱེད་པའི་སྦྱོར་བ་ཡིན། །གནས་མེད་པ་ཡི་གནས་སུ་ནི། །ཚུལ་ཅན་གྱི་ནི་གྲགས་པ་མཆོག །བདེ་བ་གྲུབ་པ་ཟླ་བའི་ལུས། །དེ་བཞིན་དགྱེས་པ་གྲགས་པའོ། །བསམ་དུ་མེད་པའི་ཕྱག་རྒྱ་རབ། །དེ་ནི་མཆོག་ཉིད་ [321b.7]ནམ་མཁའི་གཟུགས། །མཆོག་གི་ནམ་མཁའི་འོད་ལ་ནི། །སྐུ་མཐའ་ཕྱག་རྒྱ་གཞན་མཆོག་ཡིན། །སྤྱོད་པ་སྣ་ཚོགས་པ་ཡི་ནི། །འདས་པ་དེ་ནི་རྫོགས་པའོ། །ཉམས་སུ་མྱོང་བ་མཆོག་གནས་སུ། །དེ་ཉིད་རིན་ཆེན་བདག་ཉིད་གསུམ། །རྒྱལ་མཚན་ཁ་ནི་འཛིན་པར་གྲགས། ། [322a] [322a.1]སྒོ་ཡི་དབུས་སུ་ཆར་ཡང་མཆོག །རྡོ་རྗེ་སེམས་དཔའི་སྙིང་གའི་དབུས། །ཐིག་ལེ་གྲགས་པ་མེད་པའི་སྐུ། །མཐེའུ་ཆུང་གདུ་བུ་གསང་བ་ཡི། །སྐེ་ཡི་འཁོར་ལོ་ཚུལ་ཡིན་ནོ། །དྲུག་གིས་ལྷག་པའི་དྲུག་པ་བཅུ། །འདབ་མ་གཉིས་ཆད་ལྟེ་བ་རུ། །ཟླ་བ་བདེ་བ་མཆོག་གི་མཚན། ། [322a.2]ཡོན་ཏན་གཏེར་ནི་གྲགས་པའོ། །སྣ་ཚོགས་པདྨ་འདབ་བརྒྱད་པའི། །རྒྱལ་བ་མཆོག་གི་པད་གནས་སུ། །སྙིང་གའི་ནམ་མཁའི་དབུས་སུ་ནི། །འོད་ཟེར་གཟུགས་ཅན་ཕྱག་རྒྱར་གྲགས། །རོ་དྲུག་ཉམས་སུ་མྱོང་བ་ཡི། །གནས་སུ་དགྱེས་པའི་མཐའ་ཅན་ཡིན། །བཅུ་གཉིས་ཕྱེད་ཀྱི་ [322a.3]ཕྱེད་འོད་ཟེར། །རང་བཞིན་གྱིས་ནི་དཔེ་མེད་གྲགས། །གང་དུ་སྐུ་གསུམ་རྣམ་པར་གཤེགས། །ཐོད་པའི་མཚམས་ནི་གསང་བ་ཡི། །པདྨ་ཡི་ནི་སྙིང་པོའི་ཚིགས། །རྒྱས་པའི་བུ་ག་གསང་བ་ཡི། །དྲི་མ་མེད་པ་ནམ་མཁའི་དབུས། །མཚན་མའི་བདག་པོ་ཀུན་དུ་གང་། །མུན་གནག་ཡར་ [322a.4]ངོ་ཡིས་ནི་དང་། །རྟོག་པའི་སྤྲིན་གྱིས་གྲོལ་བ་ཤར། །སྙིང་གའི་དབུས་སུ་རྒྱས་མོད་ཀྱི། །སྨྲ་བ་རུ་ནི་མི་ནུས་སོ། །གལ་ཏེ་གསུང་གིས་རབ་བརྗོད་ན། །དེ་ལྟ་མིན་པའི་དོན་བརྗོད་དོ། །རང་གིས་ཉམས་སུ་མྱོང་བའི་ཕྱིར། །རང་བཞིན་འབའ་ཞིག་གིས་ནི་བླ། །གང་གིས་དེ་འདྲའི་ལམ་ [322a.5]བསྟན་པ། །རྒྱལ་བ་རྣམས་ཀྱིས་རྙེད་པ་དཀའ། །དེ་ནི་རྡོ་རྗེ་སེམས་དག་སྐུ། །མཆོག་གི་དབང་ཕྱུག་རྒྱལ་གྱུར་ཅིག །ཡོན་ཏན་ལྡན་པའི་བླ་ཞལ་ནས། །གང་གིས་དེ་ཡི་སྒྲ་ཉན་པ། །མཆོག་གི་དམ་པ་དགེ་བ་ཅན། །དེ་ནི་སྐྱེས་བུས་བལྟ་བཀུར་འོས། །སྣ་ཚོགས་དུ་མར་རྣམ་པར་ [322a.6]རྟོག །གང་གིས་བོར་ཏེ་རྩེ་གཅིག་སེམས། །རྒྱུད་མི་འཆད་པ་ཉེ་བར་བསྙེན། །བསམ་གཏན་གྱིས་ནི་རྣལ་འབྱོར་འཇུག །འཁོར་བའི་མུན་གནག་སྤྲིན་དང་བྲལ། །དེ་ནི་སྐྱེས་བུས་རེག་བཀུར་འོས། །སངས་རྒྱས་སྲས་ཀྱིས་རྙེད་དཀའ་བ། །དྲུག་གིས་བྱེ་བྲག་རིན་པོ་ཆེ། །བློ་གྲོས་ [322a.7]བརྟན་པས་བློ་འབྱེད་པའི། །གང་ཞིག་རབ་ཏུ་བསམ་གཏན་བསྟིམས། །ཐར་པའི་རྣམ་རྟོག་དང་བྲལ་བ། །དེ་ནི་སྐྱེས་བུས་མཆོད་བཀུར་འོས། །པདྨ་རྡོ་རྗེ་སྦྱོར་བ་ལས། །ཕྱི་ཡིས་གཟུགས་ཅན་མཆོག་གིས་དགའ། །སྐད་ཅིག་ཟིལ་བའི་བདེ་བ་ཅན། །གང་གིས་བསམ་རབ་ [322b] [322b.1]སྤངས་པ་ནི། །ཉམས་མྱོང་གི་ནི་གནས་སུ་བསྟན། །དེ་ནི་སྐྱེས་བུས་ཕྱག་བཀུར་འོས། །ནང་རེག་བདུད་རྩི་ལོངས་སྤྱོད་ནི། །ཚིམ་པར་མྱོང་བ་གང་གི་ཚེ། །དེ་ཚེ་རང་ཉམས་མྱོང་དགའ་ལས། །དགའ་བའི་རྣམ་པ་ཡི་ནི་སེམས། །བདག་ལས་སྐྱེ་བ་ནང་གི་རེག །ནང་ནས་སྐྱེ་ [322b.2]བ་དངོས་ཅི་འདྲ། །ཁོང་དུ་ཆུད་དབང་གྱུར་ལས་ནི། །ནང་གི་རེག་བྱ་རྙེད་པ་ཡིན། །ཚད་མེད་པ་ཡི་ཡོན་ཏན་གཏེར། །བརྗོད་དུ་མེད་པ་དེ་ཉིད་དོ། །རང་གི་བདེ་བ་ཀུན་དུ་གསོལ། །ཉམས་སུ་མྱོང་བ་ཞུམ་པ་ཡི། །དེ་ནི་བརླག་པར་རབ་ཏུ་བརྗོད། །ཡེ་ཤེས་སྐུ་ཡི་རང་ངོ་བོ། །དངོས་པོ་མིན་པ་ [322b.3]དེ་ལྟར་མིན། །བསྒོམ་དང་བྲལ་བའི་དངོས་པོ་ཡིན། །དབང་པོ་བདེ་བའི་བྱེ་བྲག་ནི། །གསོལ་བ་ལོངས་སྤྱོད་དུ་ནི་གྲགས། །སྲིད་དང་མྱ་ངན་འདས་ཡོངས་གསོལ། །ལོངས་སྤྱོད་བདེ་བ་ཡིས་ནི་དབང་། །དགའ་གསུམ་ཐ་དད་རབ་ཏུ་གཞི། །གང་གི་ས་ལ་དེ་ནི་བརླག །དཔེ་མེད་ [322b.4]རང་བཞིན་དུ་ནི་གྲགས། །རྣལ་འབྱོར་ཡེ་ཤེས་རྙེད་པས་སོ། །དེ་ནི་རིན་ཆེན་རྡོ་རྗེ་རྩེར། །གྱེན་གྱི་ལམ་དུ་འགྲོ་བ་རུ། །སྙིང་ག་ཡི་ནི་ཕྱོགས་སུ་ཉེ། །བྱང་ཆུབ་ཀྱི་ནི་སེམས་ལ་དབང་། །རང་གི་འདུག་པ་ནང་དུ་ཡང་། །ལོངས་སྤྱོད་བདེ་བ་གྱ་ནོམ་པ། །འཛིན་པའི་གདུ་བུ་ཡིས་ནི་ས། ། [322b.5]སླེབས་པ་ཙམ་གྱིས་ནང་དུ་ནི། །བདེ་བའི་ངོ་བོ་ཉམས་སུ་མྱོང་། །དེ་ནི་ནང་གི་རེག་བྱ་ཡིན། །བདེ་ཆེན་གྲགས་པ་རང་བཞིན་བརྗོད་དུ་མེད། །སྐྱེ་དང་གནས་དང་འགག་པ་རྣམ་པར་སྤངས། །རྣམ་པར་རྟོག་པ་ཙམ་གྱིས་བློ་རྙེད་མིན། །རྣམ་རྟོག་ཕྱི་དོན་བདེ་བ་མིན་ངོ་བོ། །དེ་བས་ཅི་མིང་གང་ [322b.6]ལ་རག་ལས་བསྒོམ། །བསྒོམ་པའི་དོན་གཞན་གྲུབ་པ་དེས་ལས་གཞན། །སྐད་ཅིག་རྟོག་པ་ཐམས་ཅད་དང་བྲལ་བས། །རྣམ་པར་རྟོག་མེད་ངོ་བོ་ཉིད་རང་རིག །གལ་ཏེ་ཚོར་བ་ཡིན་པ་དེ་ནི་རེག །རེག་ན་སྒྲ་ཡི་རྣམ་རྟོག་གཟུགས་སུ་འགྱུར། །སྒྲ་མེད་གཉིས་སུ་མེད་པས་ཀླགས་སྐབས་ [322b.7]མེད། །དངོས་བྲལ་དེ་ནི་དེ་ཉིད་དོན་དམ་པར། །འདི་ལྟ་དེ་ཉིད་ཡིན་གྱུར་ཀྱང་། །དེ་བཞིན་དེ་ལ་བྱ་བ་ཡིན་པ་གཞུང་། །དངོས་པོའི་བྱ་བས་ལྟ་བ་ལོག་མི་འགྱུར། །ལྟ་བའི་རིམ་པ་དེ་ཉིད་རིན་ཆེན་རྙེད། །ཇི་ལྟར་བུར་ཤིང་ས་ལ་ལུད་བཏབ་ན། །དེ་ལས་ཁུ་མང་ཤིང་རབ་ཆེ་བ་སྐྱེས། །དོན་གྱི་ཕྱིར་ [323a] [323a.1]རུ་ཐབས་ནི་ཐམས་ཅད་བཤད། །ཇི་ལྟར་སྦྱིན་སོགས་རྒྱལ་བས་རྒྱལ་བའི་ཡུམ། །མཆོག་གི་བདུད་རྩི་ཡི་ནི་རྒྱུན། །ཚིགས་ཀྱི་བུ་ག་ལས་ནི་མྱོང་། །འཛིན་པའི་གདུ་བུ་ཡི་ནི་སྐེར། །འབད་པས་དེ་ལ་གཞག་པར་བྱ། །བསྲུབ་དང་བསྲུབས་པའི་སྦྱོར་བ་ཡིས། །རྣམ་པར་སྨིན་པའི་ [323a.2]འབྲས་བུ་རྙེད། །དྲི་མེད་ཀྱི་ནི་བདུད་རྩིའི་ཐིགས། །ཚངས་པའི་བུ་ག་ལས་རྒྱལ་མཚན། །རབ་ཏུ་འཇུག་པ་ཁ་ཉེ་ཙམ། །དེ་ལས་རྣམ་པ་འཇོམས་པས་རྙེད། །དེ་ཡང་སྙིང་གར་འགྲོ་བ་ན། །ཡེ་ཤེས་རླུང་གིས་དགུག་པ་ཡིས། །དཔེ་མེད་པ་ཡི་རང་བཞིན་གྲགས། །མཚན་ཉིད་བྲལ་བ་དེ་ནི་རྙེད། །ཡང་ནི་ [323a.3]བདེ་བའི་སྦྱོར་བ་ཡིས། །མགོ་བོ་རུ་ནི་ཆབ་ཀྱི་རྒྱུན། །མཚོག་མའི་སྤྱི་རྩེར་མཆོག་ཏུ་འབབ། །དེ་ལས་རྣམ་པ་སྣ་ཚོགས་རྙེད། །རྡོ་རྗེ་ཡི་ནི་རིགས་སུ་འགྱུར། །འཁོར་ལོས་སྒྱུར་བ་གཞན་མ་ཡིན། །པདྨ་རྡོ་རྗེ་སྦྱོར་བ་ཡི། །ཡེ་ཤེས་ཀྱིས་ནི་རབ་ཏུ་རྙེད། །སར་པ་གཟུ་ལུམས་ཅན་གྱིས་འདིར། ། [323a.4]དེ་ཀུན་རྨི་ལམ་ལྟ་བུར་མཐོང་། །ཚོན་རྩི་ལྟ་བུ་སྦྱོར་བ་དེའི་ལམ། །ཕྱི་ཡི་གཟུགས་ཅན་རྣམ་པར་དགོད། །བདེ་བའི་རྣམ་པར་རྟོག་དང་བྲལ། །ནམ་མཁའ་བཞིན་དུ་རྟོག་མེད་པ། །རང་གི་ངོ་བོ་རླབས་དང་བྲལ། །ཐམས་ཅད་ཀུན་ལ་བཞུགས་པའོ། །དེ་ལ་ཆོས་དང་དམ་བཅས་སོགས། ། [323a.5]བསྙུང་བ་བྱེད་དང་གཙང་སྦྲ་མེད། །རིན་ཆེན་གསེར་དང་དངུལ་དག་གི །ལྷ་ལ་ནམ་ཡང་ཕྱག་མི་བགྱིད། །མེ་ཏོག་རབ་དང་རྡུལ་ཚོན་གྱི། །དཀྱིལ་འཁོར་ནམ་ཡང་མཆོད་མི་བྱ། །བརྟུལ་ཞུགས་འཛིན་པའི་རྒན་པོ་ལའང་། །དེ་ལ་ནམ་ཡང་ཕྱག་མི་བགྱིད། །ཉམས་སུ་མྱོང་བ་རོ་ཡིས་ཚིམ། ། [323a.6]དེ་ལས་ཅི་ཞིག་གཞན་དགོས་མིན། །ལྷག་པ་ཡི་ནི་འབྲས་བུ་འདོད། །དེ་ལས་ནམ་ཡང་དགོས་སམ་ཅི། །ཆོས་ཀུན་ལ་ནི་འབད་པ་ཡིས། །གལ་ཏེ་ཐ་སྙད་དེ་འཛིན་ན། །ཤེལ་གྱི་རིན་ཆེན་རྡོ་བ་ལ། །ཇི་ལྟར་ཚོན་རྩི་ཡི་ནི་རྫས། །འདོད་པ་ཡིས་ནི་ལོངས་སྤྱོད་བགྱིད། །སྡིག་པ་ཡང་ནི་ [323a.7]དེ་བགྱིད་ན། །དེས་ནི་གོས་པར་ཡོང་མི་འགྱུར། །ཇི་ལྟར་པདྨ་འདབ་ཆུས་སོ། །ཚིག་གི་དོན་ནི་མ་རྟོགས་ན། །དེ་ལ་ཐམས་ཅད་དགོས་པ་ཡིན། །བརྟུལ་ཞུགས་སྡོམ་པ་བཟླས་པ་སོགས། །བསམ་གཏན་ཚུལ་ཁྲིམས་བྱ་དོན་ནོ། །རྣལ་འབྱོར་ཀུན་ལ་དོན་དམ་པར། །གང་དུ་ཡང་ནི་གསུང་ [323b] [323b.1]བ་མིན། །ཡུལ་གྱི་བདེ་བ་བསྒྲགས་པ་ལས། །བྱང་ཆུབ་ཀྱི་ནི་ལམ་རྙེད་པ། །དབང་པོ་གཉིས་ལ་སོགས་པར་སྦྱོར། །དེ་ནི་གལ་ཏེ་ཚིག་རིགས་ན། །རྟག་ཏུ་བྱོལ་སོང་ཐ་མལ་པ། །འདོད་པ་ཡིས་ནི་ལོངས་སྤྱོད་ཞེན། །དེ་ཡིས་མྱ་ངན་འདས་པ་ཡི། །ད་དུང་ཡང་ནི་རྙེད་པ་མིན། །དེ་བས་ [323b.2]ཀུན་ནས་འབད་པ་ཡིས། །རྟག་ཏུ་རང་བཞིན་དོན་དུ་སྤྱོད། །སྐྱོན་མེད་ངོ་བོ་གྲགས་བདེ་ལས། །རྟོག་པ་མེད་པར་རིམ་གྱིས་འབྱུང་། །འཛིན་པ་ལ་སོགས་བསྒོམ་ལམ་གྱི། །དྲི་མེད་སྙིང་གི་ནམ་མཁའ་ལ། །རིག་པ་ཡིས་ནི་རང་བཞིན་དགའ། །རྣལ་འབྱོར་སྐྱེས་བུ་མཆོག་གིས་རྙེད། །དེ་ལ་ [323b.3]བསྒོམ་པར་མི་བྱ་སྟེ། །དེ་ཉིད་རྙེད་པས་གཞན་ཅི་རྙེད། །གང་ཚེ་མཐེའུ་ཆུང་སོགས་པར་ནི། །གནས་ནི་བསླབ་པར་མི་བྱ་སྟེ། །དེ་ཚེ་སྙིང་གའི་ནམ་མཁའ་ལ། །རང་བཞིན་ནམ་ཡང་རྙེད་པ་ཡིན། །དེ་བས་ཐམས་ཅད་འབད་པ་ཡིས། །རྩ་བའི་གནས་ནི་རབ་གྲུབ་བྱ། །གྲུབ་ནས་འབད་ [323b.4]མིན་རང་བཞིན་དགའ། །ཐེ་ཚོམ་མེད་པར་རྙེད་པ་ཡིན། །དེ་ལྟའི་གསང་བའི་བསྒོམ་པ་ཡིས། །ཚེ་འདི་ཡིས་ནི་མང་རབ་ཏུ། །ཕྱག་རྒྱ་ཆེན་པོ་དངོས་གྲུབ་མཆོག །བདག་གིས་མངོན་སུམ་བསྐྱེད་པའོ། །དང་པོ་དཔལ་བདེ་ཞལ་སྔ་ནས། །དེ་བཞིན་ཡང་ནི་ཚངས་པའི་ཞབས། །བྲམ་ [323b.5]ཟེ་མོ་ནི་རྡོ་རྗེ་ལྡན། །དེ་ནས་དཔལ་རྒྱལ་བཛྲ་བུད། །སློབ་དཔོན་ཨུ་སམ་དེ་ནས་དེ། །དཔེ་ཡི་སློབ་དཔོན་དེ་ཕྱི་མ། །གོས་བྲལ་ཞལ་སྔ་དེ་བཞིན་ནོ། །དཔལ་རྒྱལ་ཛྙཱ་ན་བོ་དྷི་དང་། །དེ་བཞིན་ཤྲཱི་ཨོ་ག་བུདྡྷི། །སློབ་དཔོན་པདྨ་བཛྲའི་ཞབས། །ཌོ་མིའི་ཞལ་སྔ་དེ་བཞིན་ནོ། །ཡན་ལག་རབ་མ་ [323b.6]དཔལ་ལྷ་མོ། །བུང་བའི་པདྨ་དེ་བཞིན་ནོ། །དུར་ཁྲོད་ཀི་ལ་རི་ཞལ་སྔ། །ལྷ་ལྕམ་ལེགས་སྨིན་དེ་བཞིན་ནོ། །བདག་ཀྱང་དང་པོར་གྲུབ་པ་ཡིན། །འོན་ཀྱང་སེམས་ཅན་དོན་དུ་དགྱེས། །དེ་བས་གྲུབ་མཆོག་དོན་དམ་པ། །དེས་ན་འདི་ཡི་གཞུང་གཟུང་བྱ། །མཆོག་ཏུ་ཡུལ་གྱི་དགའ་བ་ནི། །ཤེས་རབ་ཅན་གྱིས་ [323b.7]ནམ་མི་བྱ། །གང་ཞིག་འདི་ལྟར་ཡིན་ན་ཡང་། །ལོངས་སྤྱོད་ལ་སོགས་ཡོངས་སུ་གཟུང་། །དེ་ནི་ཕུང་སོགས་བསྲུང་བའི་དོན། །དོན་དམ་དེ་ཁོ་ན་ཉིད་མིན། །བསམ་གཏན་ལ་སོགས་མི་ནུས་ཕྱིར། །ལོངས་སྤྱོད་ལ་སོགས་བྱས་དག་གསོལ། །དག་ན་དེ་ཉིད་སྐྱོན་མི་བྱེད། །ཐ་མལ་ [324a] [324a.1]རབ་མཆོག་འབྲས་བུ་སྦྱིན། །ཇི་ལྟར་དུག་ཤེས་པ་ཡིས་དུག་གསོལ་བ། །དེ་ལ་ནམ་ཡང་སྐྱོན་ནི་བྱེད་མི་འབྱུང་། །ཐ་མར་ཡང་ནི་རབ་མཆོག་འབྲས་བུ་སྦྱིན། །མཛེ་ནད་ཚབས་པོ་ཆེ་ཡང་མེད་པར་བྱེད། །དེ་ལྟའི་འགྲོས་སུ་བཅས་པའོ། །གང་ཞིག་བདག་གིས་འདི་རུ་ [324a.2]བསྟན། །ཡོན་ཏན་དུ་མ་དགེ་བའི་ལམ། །འགྲོ་བ་ཡི་ནི་ཐབས་ཡིན་ནོ། །ཉམས་སུ་མྱོང་བའི་མཐར་ཕྱིན་པ། །དེ་ཉིད་ཤེས་པ་བརྟེན་པ་ཡིན། །དེ་དང་དྲང་དོན་བྱེ་བྲག་ཏུ། །གསང་བ་ཆེན་པོ་ཡེ་ཤེས་མཆོག །རྣལ་འབྱོར་རྣལ་འབྱོར་མ་རྒྱུད་དག །རྡོ་རྗེ་སེམས་དཔས་རྒྱས་བཏབ་པ། །དེ་བས་ [324a.3]གང་ཞིག་རྒྱུད་རྒྱས་བཏབ། །དེ་ལ་རང་གིས་སྒྲུབ་མི་བྱེད། །གལ་ཏེ་དེ་ནི་ལོག་པར་འགྲོ །ཤེས་པ་མ་ཡིན་གྲུབ་མ་ཡིན། །འོན་ཀྱང་དེ་ལ་ལོག་པ་སྟེ། །མྱུར་དུ་དམྱལ་བར་འགྲོ་བར་འགྱུར། །དེ་བས་ཀུན་དུ་འབད་པ་ཡིས། །སྒྲུབ་ཐབས་ལ་སོགས་བླ་མའི་བཀའ། །སྤྱད་པ་སྒྲུབ་པའི་དབང་ [324a.4]སྔགས་པ། །ཐེ་ཚོམ་མེད་པར་དངོས་གྲུབ་ཐོབ། །འདི་ནི་བདག་གིས་ཡང་དག་ལམ་ཉིད་བསྟན། །གསང་བའི་གསང་མཆོག་སྙིང་པོ་ཀུན་དགའ་བ། །བླ་མའི་རིམ་པ་གཤེགས་པ་སྔོན་མེད་པ། །རབ་ཀྱི་མན་ངག་རྙེད་པ་རྨད་བྱུང་ངོ་། །འདི་ནི་དཔལ་ཨུ་རྒྱན་རྡོ་རྗེ་ཆེན་པོའི་གནས་ནས་ [324a.5]བྱུང་བ། དཔལ་དེ་ཁོ་ན་ཉིད་ཀྱི་བདུད་རྩི་མན་ངག་དཔལ་ཨིནྡྲ་བྷཱུ་ཏི་རང་ལས་བྱུང་བའོ། །སློབ་དཔོན་ཆེན་པོ་རྒྱལ་པོ་ཨིནྡྲ་བྷཱུ་ཏིའི་ཞལ་སྔ་ནས། དཔལ་དེ་ཁོ་ན་ཉིད་ཀྱི་བདུད་རྩིའི་མན་ངག །མཆོག་གི་དངོས་གྲུབ་བརྙེས་ནས་མཛད་པ་རྫོགས་སོ།། །།རྒྱ་གར་གྱི་མཁན་པོ་པྲ་ཛྙཱ་ [324a.6]ཤྲཱི་གུཔྟ་དང་། བོད་ཀྱི་ལོ་ཙཱ་བ་དགེ་སློང་རིན་ཆེན་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། {T1338}༄༅༅། །རྒྱ་གར་སྐད་དུ། རཏྣ་མཱ་ལཱ་ཨུ་པ་དེ་ཤ །བོད་སྐད་དུ། དབང་རིན་ཆེན་ཕྲེང་བའི་མན་ངག །དཔལ་བདེ་བ་ཆེན་པོ་ལ་ཕྱག་འཚལ་ལོ། །བདེ་ [324a.7]བ་ཆེན་པོ་འཁོར་ལོའི་བར། །ལངས་ནས་སྤྲུལ་པའི་འཁོར་ལོ་གཟིགས། །ཟླ་བ་ཉི་མའི་ལམ་དེ་ཡི། །ཨ་བ་འདུད་ལ་ཕྱག་འཚལ་ལོ། །རིན་ཆེན་རྡོ་རྗེ་ཞབས་བཀའ་དྲིན། །ཐམས་ཅད་བདག་རྩའི་འཁོར་ལོ་མཁྱེན། །དེ་དབུས་རྩ་གསུམ་དེ་ཁོ་ན། །ཤེས་རབ་དཔལ་བདག་གསལ་ [324b] [324b.1]བར་བགྱིད། །བདེ་ཆེན་འཁོར་ལོའི་རྩ་བ་ལ། །རྩ་ཡི་འདུག་ས་རབ་ཏུ་གནས། །ལུས་ཀྱི་རྟེན་དེ་རྩ་ཡིན་ནོ། །དཔེར་ན་ཁང་རྟེན་ཀ་བ་འདྲ། །ཁང་པ་ཞེས་བྱ་འཁོར་ལོར་གསུངས། །འཁོར་ལོའི་ཁང་པ་ཀ་མེད་ན། །གཞན་དག་འདུག་པའི་གནས་མེད་དེ། །བདེ་ཆེན་ཁང་པ་གནས་ [324b.2]ཡིན་ནོ། །དགའ་བ་ལ་སོགས་སོ་སོར་གསུངས། །དགའ་དང་རབ་ཏུ་དགའ་བ་ཡིས། །སྐད་ཅིག་དེ་ཡི་སྐད་ཅིག་དང་། །ཐང་ཅིག་དང་ནི་ཡུད་ཙམ་མོ། །དེ་ལྟ་བུ་ཡི་དབང་བཞིའི་དོན། །ཡེ་ཤེས་རྒྱ་མཚོའི་རྒྱུད་ནས་གསུངས། །དཔལ་ལྡན་རྡོ་རྗེ་སེམས་དཔའ་ཡིས། །རྡོ་རྗེའི་སྙིང་ [324b.3]པོ་དག་ལ་གསུངས། །བདེ་བ་སོ་སོ་གཉིས་སུ་ཡང་། །རྩ་བ་དང་ནི་འབྲས་བུའོ། །ཟླ་བ་ཉི་མ་མེ་ལམ་གསུམ། །མིག་གཉིས་དང་ནི་གླིང་བུའོ། །དངོས་པོ་ལུག་རྒྱུད་འདྲ་བའོ། །ལ་ལ་ནཱ་དང་ར་ས་ནཱའོ། །ཨ་བ་དྷཱུ་ཏཱི་གསུམ་པ་ཡིན། །གཅིག་པུ་དེ་ནི་གསུམ་དུ་འགྱུར། །གཞན་ [324b.4]གྱིས་རྐང་མཐིལ་ཡན་ཆད་ཁྱབ། །རྩ་ཡི་རྩ་བ་དུ་ཞིག་མཆིས། །སྟོང་ཕྲག་བདུན་ཅུ་རྩ་གཉིས་ཏེ། །སྤྲུལ་པའི་འཁོར་ལོ་བྷ་གར་གསུངས། །སངས་རྒྱས་རིན་པོ་ཆེ་ཡི་སྣོད། །གཡས་གཡོན་ལ་ལ་ར་ས་ནཱའོ། །ཨ་བ་དྷཱུ་ཏཱི་དབུས་ན་བཞུགས། །གཟུང་དང་འཛིན་པ་རྣམ་པར་སྤངས། ། [324b.5]རང་བྱུང་གླ་རྩི་གཡས་གཡོན་རྒྱུ། །དབུས་ཀྱི་ཨ་བ་དྷཱུ་ཏཱི་ལ། །ག་པུར་རྣམ་པར་རྒྱུ་བ་ཡིན། །ཨ་བ་དྷཱུ་ཏཱི་ཇི་ལྟར་གསུངས། །སྣང་སྲིད་འབྱུང་བའི་རང་བཞིན་ཅན། །ཐམས་ཅད་མེད་པར་བྱེད་པའོ། །དེ་ནི་ཨ་བ་དྷཱུ་ཏཱི་ཡིན། །རྡོ་རྗེ་དབྱིངས་ཀྱི་དབང་ཕྱུག་མ། །ཀུན་གྱི་གཙོ་མོར་ [324b.6]གསུངས་པའོ། །དེ་ཡི་རང་བཞིན་མི་རྟོགས་ཏེ། །བླ་མའི་མན་ངག་མེད་གྱུར་ན། །དེ་ནི་རྟོགས་པ་མ་ཡིན་ནོ། །ཐོག་མ་དབང་གསུམ་མ་ཐོབ་ན། །སློན་དཔོན་གཅིག་ཀྱང་མི་སྟོན་ནོ། །དེ་བས་དང་པོ་དབང་གི་དོན། །རྡོ་རྗེ་སློབ་དཔོན་ལ་ཞུས་པ། །རྒྱུད་ནི་ཐམས་ཅད་ལས་གསུངས་པ། ། [324b.7]དབང་གི་རིམ་པ་རྣམ་བཞི་སྟེ། །འབྲས་བུའི་གཟུགས་ནི་གསུམ་དུ་གསུངས། །བཞི་པའི་དབང་ནི་ལོགས་ན་མེད། །གསུམ་ལས་མེད་པ་གསུམ་པ་རང་། །དེ་ཡི་མན་ངག་ཐམས་ཅད་བདེ། །དེ་སྐད་དཔལ་རིན་རྡོ་རྗེ་ཡི། །བསྒོམས་པའི་རིམ་པའི་ནང་ནས་གསུངས། །དང་པོ་བུམ་ [325a] [325a.1]པའི་དབང་དང་གཅིག །གཉིས་པ་གསང་བའི་དབང་དུ་གསུངས། །གསུམ་པ་ཤེས་རབ་ཡེ་ཤེས་དང་། །དེ་ལྟར་དེ་བཞིན་བཞི་ཡིན་ནོ། །དེ་ལྟར་བཞི་པ་བྱ་བ་གང་། །ཤེས་རབ་ཡེ་ཤེས་དབང་གི་དོན། །ཤེས་རབ་གང་ལགས་ཡེ་ཤེས་གང་། །དེ་ཡི་དེ་ཁོ་ངོ་བོ་མཁྱེན། ། [325a.2]ཤེས་རབ་བྱ་བ་མྱ་ངན་འདས། །ཡེ་ཤེས་བྱ་བ་འཁོར་བར་གསུངས། །དེ་ཀུན་དེ་དབུས་རང་བཞིན་ནོ། །དེ་ལྟར་མིན་ན་སྐྱོན་དུ་འགྱུར། །རྡོ་རྗེ་སེམས་དཔའི་བཀའ་ལུང་བརྫུན། །བཀའ་ལུང་བརྫུན་པ་མ་ཡིན་ཏེ། །གཏི་མུག་ཆེ་བར་གྱུར་པས་སོ། །ལྷ་སྦྱིན་མདའ་ཕྲད་བུ་ཡི་དབང་། །འབྲས་ [325a.3]བུ་སྐད་ཅིག་དགའ་བ་བསྐྱེད། །གཉིས་པ་གསང་བའི་རྡོ་རྗེ་ཕྲད། །འབྲས་བུ་རབ་དགའ་གསང་བའི་དབང་། །གསུམ་པ་གཉིས་མེད་འདོད་ཆགས་མེས། །བཞུ་སྟེ་བྱང་ཆུབ་སེམས་བྱུང་མྱོས། །དེ་ནི་ཤེས་རབ་ཡེ་ཤེས་དང་། །དགའ་བ་མེད་པའི་འབྲས་བུ་བསྐྱེད། །དེ་ཡི་འགོག་པ་ [325a.4]བཞི་པ་ནི། །རང་བཞིན་ཡེ་ཤེས་མཚན་ཉིད་དོ། །ཐམས་ཅད་མཁྱེན་པ་ཐམས་ཅད་ཡོད། །ཐམས་ཅད་རང་བཞིན་ཐམས་ཅད་མེད། །དེ་ཉིད་གཅིག་པུ་སྟོང་ཆེན་པོ། །དངོས་པོ་དང་ནི་དངོས་པོ་མེད། །གཉི་ག་མེད་པར་བྱེད་པའོ། །དེ་ནི་བཞི་པོའི་མན་ངག་དོན། །ཆེན་པོ་རིན་ཆེན་རྒྱ་ [325a.5]མཚོའི་རྒྱུད། །རྡོ་རྗེ་སེམས་དཔས་དེ་སྐད་གསུངས། །དེ་ཡི་དོན་ལ་མཁས་པ་འཁྲུལ། །རང་རྟགས་གཏི་མུག་ཆེས་པས་ལྷུང་། །དེ་སྐད་མན་ངག་བདག་གི་ལྟ། །དེ་ནས་བདག་གི་མན་ངག་ལ། །བཞི་པའི་དོན་ལ་དེ་ལྟར་རྟོགས། །ཤེས་རབ་ཡེ་ཤེས་ཟིན་ནས་སུ། །བྱང་ཆུབ་སེམས་ [325a.6]མྱོང་བཞི་པ་ཡིན། །ཤེས་རབ་ཡེ་ཤེས་ཟིན་ནས་སུ། །སློབ་དཔོན་སློབ་མ་སྐད་ཅིག་གཟུགས། །རྡོ་རྗེ་ཉི་མ་ནུབ་ནས་སུ། །དེ་ལས་ཡེ་ཤེས་གསལ་བར་བསྐྱེད། །དེ་ཡི་དོན་ཤེས་བཞི་པ་ཡིན། །སློབ་དཔོན་གཞན་དག་འདི་སྐད་གསུང་། །ཤེས་རབ་ཡེ་ཤེས་ཟིན་ནས་སུ། །ནོར་བུའི་བུ་གར་ [325a.7]བྱང་ཆུབ་སེམས། །སྐར་ཞུང་རེག་པ་བཞི་པ་ཡིན། །མདའ་ཁུང་ནས་ནི་མདའ་བྱུང་བཞིན། །བབས་ནས་མི་རེག་ཕྱིར་བྱུང་སྟེ། །མི་རྟོག་པ་ནི་བཞི་པ་ཡིན། །སློབ་དཔོན་གཞན་གྱི་གཞུང་ལུགས་སོ། །གཞན་དག་གཞུང་གིས་དེ་སྐད་གསུངས། །ཤེས་རབ་ཡེ་ཤེས་ཟིན་ནས་སུ། །དང་པོ་ [325b] [325b.1]སེམས་ནི་ནམ་མཁའི་དབྱིངས། །བབས་ནས་མི་རྟོག་བཞི་པ་ཡིན། །མཁས་པ་གཞན་དག་དེ་སྐད་གསུངས། །ནམ་མཁའི་དབྱིངས་ཀྱི་དབུས་དག་ཏུ། །ཐམས་ཅད་བྱང་ཆུབ་སེམས་བཅས་པ། །ཐམས་ཅད་ཆོས་ལ་བཏང་སྙོམས་སོ། །གཞན་ནི་བཞི་པ་དེ་སྐད་གསུང་། །དེ་རྣམས་གཞུང་ [325b.2]དག་ཕྱིར་བོར་ཏེ། །དེ་ནི་རིག་པ་མ་ཡིན་ནོ། །ཤེས་རབ་གང་ལགས་ཡེ་ཤེས་གང་། །དེ་ཡི་ངོ་བོ་འབྲས་བུ་གང་། །དེ་ལྟར་དོན་ཀུན་མི་ཤེས་ན། །གཞུང་རྣམས་གྲུབ་པར་མི་འགྱུར་རོ། །ཤེས་རབ་ཡེ་ཤེས་ཟིན་ནས་སུ། །སློབ་དཔོན་སློབ་ལ་ཇི་སྐད་གསུང་། །མ་ཟིན་ན་ཡང་ཛི་སྐད་ [325b.3]གསུངས། །ཡེ་ཤེས་རང་བཞིན་ངོ་བོ་ཡིན། །རང་བཞིན་ཕྱིར་གྱི་དགའ་མ་ཡིན། །ཕྱིར་དགའ་མ་ཡིན་རང་མི་ཤེས། །དེ་ཕྱིར་བླ་མའི་མན་ངག་དགོས། །ཟིན་དང་མ་ཟིན་པར་ཤེས་ན། །དེ་ནི་བླ་མའི་མན་ངག་རབ། །རང་བཞིན་གཉིས་མེད་རབ་ཞི་བ། །འདོད་ཆགས་ཆགས་བྲལ་ [325b.4]གཉི་ག་མིན། །རང་རིག་བརྗོད་པའི་ཚིག་དང་བྲལ། །དེ་ཡི་ཡན་ལག་གསུམ་དུ་བསྟན། །སྒྲུབ་དང་སྒྲུབ་ཐབས་ཕྱི་མ་དང་། །སྒྲུབ་ཐབས་ཆེན་མོ་དག་དང་གསུམ། །རྡོ་རྗེ་པདྨ་ཕྲད་པ་ནི། །དེ་ནི་སྒྲུབ་པའི་ཐབས་ཡིན་ནོ། །ཧཱུཾ་ཕཊ་རྣམ་གཉིས་བསྐོར་བ་ནི། །སྒྲུབ་ཐབས་ཕྱི་མར་གསུངས་ [325b.5]པ་ཡིན། །རང་རིག་བདེ་བ་རབ་ཞི་བ། །སྒྲུབ་ཐབས་ཆེན་པོར་གསུངས་པ་ཡིན། །དེ་འབྲས་ཡེ་ཤེས་ཤེས་པ་ནི། །ཚིག་ཏུ་སློབ་དཔོན་སློབ་ལ་གསུངས། །ཚིག་དོན་དགའ་བའི་དགའ་བ་ཡིན། །ཕྱི་ཡི་རེག་བྱ་མེད་པ་ཡིན། །ནང་གི་རེག་བྱ་ཡང་དག་འཇམ། །དེ་ལྟར་རྣལ་འབྱོར་ [325b.6]གནས་བཞུགས་ན། །སྐད་ཅིག་གཅིག་ལ་དངོས་གྲུབ་ཐོབ། །དེ་ཁོ་ན་འབྲས་བུ་གསལ་བའི་གཟུགས། །ཤེས་རབ་དཔལ་ནི་གསང་བས་མཛད། །རྒྱ་གར་གྱི་ནི་སློབ་དཔོན་ཆེན། །ཤེས་རབ་དཔལ་ནི་གསང་ཞབས་ཀྱིས། །བསྒྱུར་ཅིང་ཞུས་ཏེ་གཏན་ལ་ཕབ། །སེམས་ཅན་དོན་དུ་ [325b.7]བརྩམས་པ་ལགས། །རྫོགས་སོ།། {T1339}༄༅༅། །རྒྱ་གར་སྐད་དུ། སཾ་ཀྵི་པྟ་ཨ་བྷི་ཥེ་ཀ་ཀྲ་མ། བོད་སྐད་དུ། དབང་གི་རིམ་པ་མདོར་བསྡུས་པ། དཔལ་གསང་བ་འཇམ་དཔལ་ལ་ཕྱག་འཚལ་ལོ། །དབང་བསྐུར་བ་ལ་རྣམ་ལྔ་སྟེ། །དབང་བསྐུར་མི་རུང་སྐྱོན་བསྟན་ [326a] [326a.1]དང་། །སློབ་དཔོན་སློབ་མའི་མཚན་ཉིད་དང་། །གནས་དང་དཀྱིལ་འཁོར་དབང་བསྐུར་བའོ། །དབང་བསྐུར་མི་རུང་རྣམ་གཉིས་ཏེ། །རྒྱུད་ཀྱི་ལུང་དང་སློབ་དགོངས་སོ། །ལུང་ལའང་གསུམ་སྟེ་སྒྲ་མཁན་དང་། །དགེ་སློང་དང་ནི་རྒན་པོའོ། །དགོངས་པ་ལ་ཡང་རྣམ་བཅུ་སྟེ། ། [326a.2]མུ་སྟེགས་གླན་པ་སྒྲ་ཤེས་དང་། །ཉན་ཐོས་མ་ནིང་རྒན་པོ་དང་། །རང་གི་བུ་དང་བྱིས་པ་དང་། །དད་པ་མེད་དང་རྒྱལ་པོ་ལ། །དབང་ནི་བསྐུར་བར་མ་གསུངས་སོ། །སློབ་དཔོན་མཚན་ཉིད་བཅུ་བཞི་སྟེ། །རིགས་བཟང་རབ་ཏུ་དཔའ་བོ་དང་། །ཡེ་ཤེས་མཁྱེན་ལ་ཐུགས་རྗེ་ཆེ། །ཕྲག་དོག་ [326a.3]འདོད་ཆགས་གཉིས་མི་མངའ། །སོམ་ཉི་དང་ནི་སྙུན་མི་མངའ། །ཐམས་ཅད་མཚན་གྱིས་གང་བ་དང་། །འཛམ་གླིང་དགའ་བའི་སྤྱན་མངའ་བའི། །རྒྱུད་རྣམས་ཐམས་ཅད་རབ་ཏུ་མཁྱེན། །ཁྲོ་མེད་རབ་ཏུ་བཟང་བ་དང་། །གཏོང་ཕོད་པ་ནི་སློབ་དཔོན་ནོ། །དཔལ་ཆེན་རིགས་ཆེན་ཐིག་ [326a.4]ལེ་ཡི། །རྒྱུད་ལས་རྡོ་རྗེ་སེམས་དཔས་གསུངས། །སློབ་མའི་མཚན་ཉིད་བཅུ་གཉིས་ཏེ། །ཁ་སྦུབ་དུག་དང་རྡོལ་བ་མེད། །དབང་གི་སྣོད་རབ་ཡོད་པ་དང་། །ཐོས་ཆེ་བ་དང་དད་ཆེ་བ། །འདོད་ཆགས་ཆེ་དང་ཞི་དྲང་དང་། །ཐམས་ཅད་ཡོད་དང་གསང་ཐུབ་དང་། །གཏོང་ཕོད་ཕྲག་དོག་རྐྱང་བའོ། ། [326a.5]གནས་བརྟན་བ་ལ་རྣམ་གཉིས་ཏེ། །རུང་མི་རུང་བ་བརྟག་བའོ། །མི་རུང་བ་ལ་རྣམ་པ་གསུམ། །རྒྱལ་པོ་ཆོམ་རྐུན་མུ་སྟེགས་ཀྱིས། །འཇིགས་པའི་ས་ནི་ངན་པ་ཡིན། །རུང་བ་ཡི་ནི་སྐྱོན་མེད་པའོ། །དཀྱིལ་འཁོར་ལ་ཡང་རྣམ་གསུམ་སྟེ། །རྡུལ་ཚོན་མེ་ཏོག་ཏིང་ངེ་འཛིན། །དབང་པོརབ་འབྲིང་དབང་དུ་བྱས། ། [326a.6]གསུམ་ནི་རིགས་ཆེན་རྒྱ་མཚོ་ཡིས། །རྒྱུད་ལས་དེ་སྐད་འབྱུང་བའོ། །དབང་བསྐུར་བ་ལ་རྣམ་བཞི་སྟེ། །བུམ་གསང་ཤེས་རབ་ཡེ་ཤེས་དང་། །དེ་ལྟར་དེ་བཞིན་བཞི་པའི་དབང་། །བུམ་པའི་དབང་ལ་བཅུ་གཅིག་སྟེ། །ཆུ་དང་དབུ་རྒྱན་རྡོ་རྗེ་དྲིལ། །མིང་དང་དམ་ཚིག་བརྟུལ་ཞུགས་དང་། ། [326a.7]བཀའ་སྩལ་ལུང་བསྟན་སློབ་དཔོན་དབང་། །དབང་གསུམ་གཞན་དུ་ཤེས་པར་བྱ། །རྒྱུད་ཀུན་ལ་ནི་རྣམ་གཉིས་ཏེ། །ཐབས་དང་ཤེས་རབ་དག་རིག་བྱ། །ཐབས་ནི་དེ་ལ་རྣམ་བཞི་སྟེ། །ཀྲྀ་ཡ་ཙཪྻ་ཡོ་ག་དང་། །ཡོ་གོཏྟ་ར་དང་རྣམས་སོ། །ཤེས་རབ་ཡོ་ག་ནེ་རོཏྟའོ། །དབང་དེ་རྣམས་ལ་ [326b] [326b.1]རྣམ་གཉིས་ཏེ། །དགོངས་པས་བཤད་དང་དངོས་སུ་བཤད། །ཡོ་ག་མན་ཆད་ཅིག་ལ་མེད། །དེ་ནི་དངོས་སུ་བུམ་པའི་དབང་། །ཡོ་གོཏྟ་ར་རྣམ་གཉིས་ཏེ། །དགོངས་བཤད་བུམ་པ་དངོས་ཀྱི་དབང་། །དགོངས་མ་ཡིན་ལ་རྣམ་དྲུག་སྟེ། །ལྷ་སྦྱིན་མདའ་ཕྲད་བུམ་པའི་དབང་། །དེ་ཡིས་ [326b.2]འབྲས་བུ་དགའ་བ་བསྐྱེད། །བག་བཙུམ་སྐྲ་བཟུང་དབུ་རྒྱན་དབང་། །དེ་ཡིས་འབྲས་བུ་རབ་དགའ་བསྐྱེད། །པདྨར་རྡོར་བཅུག་རྡོ་རྗེའི་དབང་། །དེ་ཡིས་འབྲས་བུ་དགའ་མེད་བསྐྱེད། །དགའ་བ་མེད་པ་དགའ་མེད་མིན། །རྡོ་རྗེ་པད་བསྐྱེད་དྲིལ་བུའི་དབང་། །དེ་ཡིས་འབྲས་བུ་རང་བཞིན་ [326b.3]དགའ། །བདེ་བ་ཆེན་པོ་པདྨར་བབས། །དེ་ནི་ཧ་སྐད་མིང་གི་དབང་། །བདེ་བ་ཆེན་པོའི་རང་བཞིན་ནོ། །ངོ་བོ་འབྲས་བུ་གཉིས་མ་ཡིན། །པད་ནས་བྱང་ཆུབ་ལྕེ་ཡིས་བླང་། །དེ་ནི་དམ་ཚིག་གསུམ་ཡིན་ནོ། །དེ་སྐད་རྡོ་རྗེ་སེམས་དཔའ་ཡིས། །གསང་བའི་རྒྱ་མཚོའི་རྒྱུད་ལས་བཤད། ། [326b.4]དགོངས་པ་མ་ཡིན་བདེ་བའི་དོན། །གསང་བའི་རྒྱ་མཚོ་དེ་ལས་འབྱུང་། །གསང་བ་ཤེས་རབ་ཡེ་ཤེས་དབང་། །ནེ་རོཏྟ་རའི་བར་དུ་འབྱུང་། །དེ་ལྟར་བཞི་པ་ཅི་ལས་གསུངས། །ཤེས་རབ་ཡེ་ཤེས་དབང་གི་དོན། །ཤེས་རབ་གང་ལགས་ཡེ་ཤེས་གང་། །དེ་གཉིས་མེད་པའི་རང་ [326b.5]བཞིན་དབང་། །དེ་ནི་དབང་ནི་བཞི་ཡི་དོན། །འཁོར་ལོ་བཞི་ལ་དགའ་བཞི་གནས། །དེ་ཡི་ཡན་ལག་སྐད་ཅིག་བཞི། །དབང་པོ་སྤྲུལ་པ་ཆོས་འཁོར་ལོ། །ལོངས་སྤྱོད་བདེ་ཆེན་འཁོར་ལོ་བཞི། །ལྟེ་བ་སྙིང་ག་མགྲིན་པ་དང་། །སྤྱི་བོ་དག་ལ་རིམ་བཞིན་གནས། །དྲུག་ཅུ་རྩ་བཞི་བརྒྱད་ [326b.6]དང་ནི། །བཅུ་དྲུག་སུམ་ཅུ་རྩ་གཉིས་སོ། །དེ་ཀུན་པདྨའི་འདབ་མ་ཡིན། །འདབ་མ་རེ་རེ་རྩ་རེ་ཡིན། །ཀ་ནས་བཟུང་ནས་ས་ཡི་བར། །གཡས་སྐོར་གཡོན་སྐོར་དྲུག་ཅུ་བཞི། །ཏྲཱཾ་ཧྲཱིཿ་ཁཾ་ཨཾ་ས་བོན་བཞི། །ལཾ་མཾ་པཾ་ཏཾ་བསྣན་པས་བརྒྱད། །ཐོག་མར་ཨ་དང་ཐ་མར་ཨ། །དེ་ལྟར་བཅུ་ [326b.7]དྲུག་བསྐོར་བ་ཡིན། །ཨ་ལ་སོགས་པ་བཅུ་དྲུག་གིས། །གཡས་སྐོར་གཡོན་སྐོར་སུམ་ཅུ་གཉིས། །དེ་ལྟར་འཁོར་ལོ་ས་བོན་ཡིན། །ཡཾ་ལས་རླུང་དཀྱིལ་གཞུ་འདྲ་དང་། །རཾ་ལས་མེ་དཀྱིལ་གྲུ་གསུམ་བསྐྱེད། །ཤེས་རབ་ཐབས་ལས་མེ་བྱུང་བས། །ལས་ཀྱི་རླུང་གིས་མེ་དག་འབར། ། [327a] [327a.1]ལྟེ་བའི་རྩ་ཡི་དབུས་ནས་ལངས། །དམ་ཚིག་འཁོར་ལོའི་མཁའ་འགྲོ་ཚིག །ཆོས་དང་ལོངས་སྤྱོད་རྫོགས་ལམ་གནས། །ལོངས་སྤྱོད་འཁོར་ལོ་ལན་གསུམ་བསྐོར། །ར་ས་གཡས་བྱུང་སྨིན་ཕྲག་གནས། །ཨོ་རྒྱན་ལམ་བྱུང་ཛཱ་ལནྡྷ། །སྤྱི་ནས་བདེ་ཆེན་འཁོར་ལོར་ཞུགས། །ཆོས་དབྱིངས་ [327a.2]ཡེ་ཤེས་བདུད་རྩི་གསོལ། །བདུད་རྩི་ཁྱེར་ནས་སྔར་ལམ་ཞུགས། །ལོངས་སྤྱོད་འཁོར་ལོ་ལ་སོང་སྟེ། །སྔར་ཚིག་མཁའ་འགྲོ་གསོས་གང་གྱུར། །ལྟེ་བའི་དཀྱིལ་འཁོར་ལ་གནས་ནས། །ཡར་འགྲོ་མར་འོང་མཐོང་བར་འགྱུར། །སྐྲ་ཡི་རྩེ་མོ་ཁྲི་ཡི་ཆ། །དེ་ལྟར་རྟོགས་པའི་སློབ་དཔོན་དྲིན། ། [327a.3]གཏུམ་མོ་དེ་ལ་བདག་ཕྱག་འཚལ། །དབང་གི་རིམ་པ་མདོར་བསྡུས་པ། །སློབ་དཔོན་ཆེན་པོ་དཔལ་ཤེས་རབ་གསང་བས་མཛད་པ་རྫོགས་སོ།། {T1340}༄༅༅། །རྒྱ་གར་སྐད་དུ། པཉྩ་ཀྲ་མ་ནཱ་མ། བོད་སྐད་དུ། རིམ་པ་ལྔ་པ་ཞེས་བྱ་བ། དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། [327a.4]རྣལ་འབྱོར་པས་ཐོག་མར་བསྐྱེད་པའི་རིམ་པ་རྫོགས་ནས། རིམ་པ་ལྔ་པའི་དོན་ལ་འཇུག་པར་བྱ་དགོས་ཏེ། དེ་ཡང་དང་པོར་ལུས་ལ་རང་བཞིན་གྱིས་གནས་པའི་རྩ་དང་། །འཁོར་ལོ་ལ་སོགས་པའི་མཚན་ཉིད་ཇི་ལྟར་ཡིན་པ་ཤེས་པར་བྱའོ། །དེ་ནི་རྒྱུད་ཀྱི་རིམ་པའོ། །དེའི་འོག་ཏུ་ཕུང་པོ་དང་ [327a.5]ཁམས་དང་སྐྱེ་མཆེད་ལ་སོགས་པའི་རྣམ་པར་རྟོག་པ་ཐམས་ཅད་གཏུམ་མོ་སྤར་ལ་བསྲེག་པར་བྱའོ། །དེ་ལྟར་བསྲེགས་པས་འདར་བ་ལ་སོགས་པའི་རྟགས་བརྒྱད་འབྱུང་སྟེ། དེ་ཡང་ཕྱི་ནང་གི་དངོས་པོ་ལ་བལྟས་ཀྱང་འདར་བ་ལ་སོགས་པའི་རྟགས་བརྒྱད་བྱུང་ན། གཏུམ་མོ་འཕྲོ་བཅད་ལ་སེམས་ཀྱིས་ [327a.6]མནན་པར་བྱའོ། །དེ་ནི་སྔགས་ཀྱི་རིམ་པའོ། །དེ་ལྟར་མནན་པས་ལུས་ཀྱི་བདེ་བ་རྒྱས་པར་འགྱུར་ཏེ། དེ་ལྟར་བདེ་བ་ལ་ཡང་ནས་ཡང་དུ་བསྒོམས་པས་སྤྱི་བོ་ནས་རྐང་མཐིལ་ཡན་ཆད་དུ་བདེ་བ་སྐྱེ་བར་འགྱུར་རོ། །དེ་ལྟར་སྐྱེས་པའི་ཚེ་ཕྱིའི་རྩྭ་ཤིང་ལ་སོགས་པ་ལ་དམིགས་ཀྱང་ནང་གི་བདེ་བ་སྐྱེ་ [327a.7]སྐྱེའི་བར་དུ་དེ་བསྒོམ་པར་བྱའོ། །དེ་ནི་ཡེ་ཤེས་ཀྱི་རིམ་པའོ། །དེ་ལྟར་གོང་ལྟར་དམིགས་ཀྱང་བདེ་བ་སྐྱེ་བའི་ཚེ་བདེ་བ་དེ་ཉིད་ཀྱང་སྐད་ཅིག་མ་སྔ་མ་ལ་ནི་འགགས། ཕྱི་མ་ནི་མ་འོངས། ད་ལྟར་ནི་སྐད་ཅིག་མ་གཉིས་པར་མི་སྡོད་ཅིང་མི་གནས་པས་བདེ་བ་ལ་རང་བཞིན་མེད་དེ། །བདེ་བ་མི་དམིགས་ [327b] [327b.1]པར་བསྒོམ་པར་བྱའོ། །དེ་ནི་གསང་བའི་རིམ་པའོ། །དེ་ལྟར་མི་དམིགས་པར་བསྒོམས་པས་རང་གི་ལུས་མི་དམིགས་པར་འགྱུར་ཏེ། དེ་ལ་ཕྱི་ནང་གི་དངོས་པོ་ལ་བལྟས་ཀྱང་ལུས་མི་དམིགས་ན་ཕྱི་ནང་གི་ཆོས་ཐམས་ཅད་བདེ་བ་ཆེན་པོ་དང་། ཐ་མི་དད་པར་གཅིག་ཏུ་ཤེས་པར་བྱ་སྟེ། དེ་མི་ [327b.2]དམིགས་པར་བསྒོམ་པར་བྱའོ། །དེ་ལྟར་ཡང་ནས་ཡང་དུ་བསྒོམས་པས་ཕྱི་ནང་གི་ཆོས་ཐམས་ཅད་དང་བདེ་བ་ཆེན་པོ་ཐ་མི་དད་པར་མངོན་སུམ་དུ་ཤེས་པར་འགྱུར་རོ། །དེ་ནི་གཉིས་སུ་མེད་པའི་རིམ་པའོ། །དེ་ལྟར་རིམ་པ་ལྔ་ལ་འཇུག་ཅིང་སློབ་པའི་ཚེ་དབང་པོ་མི་དགག་ཅིང་ཡན་པར་ [327b.3]བཏང་། དབང་པོའི་སྤྱོད་ཡུལ་ཐམས་ཅད་བདེ་བ་དང་གཅིག་ཏུ་ཤེས་པར་བྱས་ལ། མི་དམིགས་པར་བྱའོ། །འགྲོ་ཉལ་འདུག་སྡོད་སྤྱོད་ལམ་ཐམས་ཅད་དུ་འགྱིང་བག་དང་ལྡན་པར་བྱས་ལ། བདེ་བ་ཆེན་པོ་དང་མི་འབྲལ་བར་བྱའོ། །ཁ་ཟས་ལ་སོགས་པའི་བཏུང་བའི་བྱེ་བྲག་ཐམས་ [327b.4]ཅད་བདེ་བ་ཆེན་པོ་དང་གཅིག་ཏུ་ཤེས་པར་བྱས་ལ་བཟའོ། །བགོ་བའི་བྱེ་བྲག་ཐམས་ཅད་བདེ་བ་ཆེན་པོ་དང་ཐ་མི་དད་པར་ཤེས་པར་བྱས་ལ་བགོའོ། །དེ་ལྟར་བྱས་ནས་བསྒོམ་པའི་ཚེ་ལུས་མི་འགུལ་ཞིང་བརྟན་པར་གྱུར་ན་སེམས་ཟིན་པའི་རྟགས་ཡིན་ཏེ་བཟང་། ལུས་འཁོར་ཞིང་གཡོན་རླུང་ [327b.5]ཟིན་པའི་རྟགས་ཡིན་ཏེ་བཟང་། །སེམས་དྲན་པ་མེད་དེ་མྱོས་པར་གྱུར་ན། བདེ་བའི་རོས་མྱོས་པ་ཡིན་ཏེ་བཟང་། རང་དབང་མེད་པར་དགོད་ཅིང་དབྱངས་དང་གར་ལ་སོགས་པ་འབྱུང་ན་བདེ་བ་ཆེན་པོ་རྒྱས་པའི་རྟགས་ཡིན་ཏེ་བཟང་། ལུས་སྦྲིད་ཅིང་བེར་བེར་བྱེད་ན་བདེ་བ་ཕན་ཚུན་བསྐྱོད་ [327b.6]པའི་རྟགས་ཡིན་ཏེ་བཟང་། འོད་ཟེར་ལྔ་ཁ་དོག་ལ་སོགས་པ་མངོན་སུམ་དུ་མཐོང་ན་ཡེ་ཤེས་ལྔ་སྐྱེ་བའི་རྟགས་ཡིན་ཏེ་བཟང་བུད་མེད་ཀྱི་གཟུགས་སུ་བྱས་ནས་དབྱངས་དང་གར་ལ་སོགས་པ་མདུན་དུ་བྱེད་ཅིང་མཐོང་ན་མཁའ་འགྲོ་མ་འདུ་བའི་རྟགས་ཡིན་ཏེ་བཟང་། ཁྱི་དང་ཕག་ལ་ [327b.7]སོགས་པ་བྱུང་ན་དམ་ཚིག་ཉམས་པ་ཡིན་ཏེ་ངན། གནོད་སྦྱིན་སྲིན་པོ་ལ་སོགས་པའི་གཟུགས་སུ་བྱུང་ན་ས་མ་ཏི་ཐང་ལྷོད་ཤོར་བ་ཡིན་ཏེ་ངན། རྟགས་དང་མཚན་མ་ཅི་བྱུང་ཡང་བཟང་བ་ལ་དགའ་བར་མི་བྱ་ཞིང་མི་དམིགས་པར་བྱ། ངན་པ་ལ་མི་དགའ་བ་མི་བྱ་ཞིང་མི་དམིགས་ [328a] [328a.1]པར་བྱ། མདོར་ན་གསང་ཐུབ་པར་བྱ་ཞིང་བྱུང་ཚོར་ཅི་བྱུང་བ་ཐམས་ཅད་བདེ་བ་ཆེན་པོར་ཤེས་པར་བྱས་ལ། དེ་མི་དམིགས་པར་བྱའོ། །རྣལ་འབྱོར་པའི་འཇུག་པའི་རིམ་པ་ལྔ་པོའི་དོན་རྟགས་དང་མཚན་མ་དང་བཅས་པ། ལས་འཕྲོ་དང་སྐལ་བར་ལྡན་པ་བདག་གིས་རྙེད་པ་ [328a.2]འདིས་གཞན་ཡང་དེ་ལྟར་ཤོག་ཤིག །རྣལ་འབྱོར་གྱི་དབང་ཕྱུག་ཆེན་པོ་དཔལ་ཤེས་རབ་གསང་བའི་ཞལ་སྔ་ནས་མཛད་པ་རྫོགས་སོ།། {T1341}༄༅༅། །རྒྱ་གར་སྐད་དུ། ཨཥྚ་ཨང་ག་ཀྲ་མ། བོད་སྐད་དུ། ཡན་ལག་བརྒྱད་པའི་རིམ་པ། དཔལ་རྡོ་རྗེ་སེམས་དཔའ་ལ་ཕྱག་འཚལ་ [328a.3]ལོ། །དཀྱིལ་འཁོར་དང་ནི་སྟ་གོན་དང་། །ཁྲུས་དང་སྐུ་ཡི་རབ་གནས་དང་། །དབང་བསྐུར་དེ་བཞིན་མཆོད་སྦྱིན་དང་། །སྦྱིན་སྲེག་ཚོགས་ཀྱི་འཁོར་ལོ་ནི། །དཔལ་རྡོར་སེམས་དཔའ་ཕྱག་འཚལ་ཏེ། །ཡན་ལག་བརྒྱད་པའི་རིམ་པ་བྲི། །སངས་རྒྱས་སྲས་དང་བཅས་པ་བཟོད་པར་མཛོད། །མཁའ་ [328a.4]འགྲོ་མ་ཚོགས་གཞན་ཡང་གྲུབ་ཐོབ་བཟོད་པ་མཛོད། །དབང་བསྐུར་ཐོབ་པ་རབ་མཆོག་སློབ་དཔོན་བཟོད་པ་མཛོད། །ཕྱོགས་སྐྱོང་ལ་སོགས་ལྷ་དང་ལྷ་མིན་བཟོད་པ་མཛོད། །དང་པོ་སློབ་དཔོན་རྣམས་ཀྱིས་འདི། །དམ་ཚིག་དང་བཅས་མ་གནང་ཡང་། །དེ་ལྟ་མོད་ཀྱི་སྙིང་རྗེས་བྱས། །སྐལ་ལྡན་ [328a.5]སེམས་ཅན་དོན་གྲུབ་ཕྱིར། །ཁྱོད་ཀྱིས་རྩོམ་པ་དེ་ལྟ་ན། །གཞན་ལ་སྙིང་རྗེ་མེད་དམ་ཅི། །སྙིང་རྗེ་ཡོད་དེ་འོན་ཀྱང་གཞན། །མེད་པ་གང་གིས་རྒྱལ་བར་འགྱུར། །དེ་བས་ཅུང་ཟད་འདི་ལ་སྨྲ། །དེ་ལ་བདག་སྐྱོན་ཡོད་དམ་ཅི། །ཡང་ན་སྙིང་རྗེའི་སྐབས་ཞོག་ཅིག །གང་གིས་སློབ་དཔོན་རྣམས་ [328a.6]སེམས་མི་དགའ་བར་གྱུར་པ་དེ་ནི་མཁས་པས་བྱེད་དམ་ཅི། །འོན་ཀྱང་སྐལ་ལྡན་སེམས་ཅན་གྱིས་ཞུས་པའི་ཕྱིར་མི་ཡིས་ཀྱང་མི་བྱེད་ན་དེ་ལ་དེ་ཡང་སྐྱོན་ཡོད་དོ། །དེས་བཅོམ་ལྡན་འདས་ཀྱི་གསུང་རབ་དང་། དེ་བཞིན་དུ་གྲུབ་པ་ཐོབ་པའི་བླ་མའི་རིམ་པའི་མན་ངག་ལ་མི་སྣང་བར་འགྱུར་རོ། ། [328a.7]མི་སྣང་བར་འགྱུར་བས་འཇིགས་པའི་ཕྱིར་མ་འོངས་ཀྱང་འབད་པར་བྱའོ། །འོན་ཀྱང་གང་གི་ཚེ་གྲུབ་པ་ཐོབ་པའི་བླ་མའི་བཀའ་ལུང་མེད་པ་དེའི་ཚེ་མི་བྱའོ། །དེ་བཞིན་དུ་ཡང་དཔལ་ཡེ་ཤེས་སྙིང་པོའི་རྒྱུད་ལས་གྲུབ་པ་ཐོབ་པའི་སློབ་དཔོན་གྱིས་དབང་བསྐུར་བ་དང་། གྲུབ་པ་ཐོབ་པའི་བཀའ་ལུང་ [328b] [328b.1]ཐོབ་པ་དང་། ཡང་ན་ཉིད་གྲུབ་པ་ཐོབ་པ་དེས་དབང་གི་རིམ་པ་དང་སྒྲུབ་ཐབས་ལ་སོགས་པ་བྱའོ། །དེ་བཞིན་དུ་རྟོགས་པ་ལ་སོགས་པས་མ་ཡིན་ཞེས་གསུངས་སོ། །བདག་ཀྱང་གྲུབ་པ་ཐོབ་པའི་སློབ་དཔོན་ལ་སོགས་པས་དབང་བསྐུར་རྒྱུད་ཐམས་ཅད་ཀྱི་ཕ་རོལ་ཏུ་ཕྱིན་པ། དཔལ་ཨུ་རྒྱན་གྱི་ཡུལ་ [328b.2]ན་གནས་པའི་དུས་སུ་རྣལ་འབྱོར་མ་ཆེན་མོ་དང་ལྷ་གཅིག་དམ་ཚིག་སྤྱོད་པ་དང་། དེ་བཞིན་དུ་བཀའ་ལུང་ཡང་ཐོབ་སྟེ། དེའི་དོན་གྱིས་དགོངས་པ་དང་གཞན་ཡང་རང་གི་རབ་ཀྱི་སློབ་མ་ཚུལ་ཁྲིམས་སྐྱབས་དང་། ཤེས་རབ་རྡོ་རྗེ་ལ་སོགས་པས་ཞུས་པའི་ངོར་བྱས་ཏེ། ཕྱག་རྒྱ་ཆེན་པོའི་གྲུབ་པ་ [328b.3]ཐོབ་པ་ཨུ་རྒྱན་ཡུལ། རྡོ་རྗེ་རིན་པོ་ཆེའི་གནས་སུ་གཤེགས་པ། སྤྲུལ་པའི་སྐུ་ས་བཅུའི་དབང་ཕྱུག་ཆེན་པོའི་རྒྱལ་པོ། དཔལ་ཨིནྡྲ་བྷཱུ་ཏི་མགོན་པོ་དེ་ལས་བར་མ་ཆད་རིམ་མན་ངག་དབང་བསྐུར་ཐོབ་པ་རིག་བྱེད་ཐམས་ཅད་ཀྱི་མཐར་ཐུག་པ་གྲུབ་པ་བརྙེས་པའི་བླ་མ་ཁ་ཆེའི་དཔལ་རིན་ཆེན་ [328b.4]རྡོ་རྗེའི་ཞབས་ཀྱི་པདྨའི་བཀའ་དྲིན་གྱིས་ཇི་ལྟ་བ་བཞིན། ཐོས་པ་དང་། མཐོང་བ་དང་ཐོབ་པ་དེ་བཞིན་དུ་ལྷག་ཆད་བྲལ་བར་བདག་གིས་བྲིའོ། །སློབ་དཔོན་ཤེས་རབ་དཔལ་གྱིས་མཛད་པའི་ཡན་ལག་བརྒྱད་པའི་རིམ་པ་ལས་གཏན་ཚིགས་བསྟན་པ་ཞེས་བྱ་བའི་ལེའུར་བཅད་པ་སྟེ་དང་པོའོ།། །། [328b.5]དེ་ནས་དཀྱིལ་འཁོར་གྱི་ཆོ་ག་བཤད་དེ། ཞི་བ་དང་། རྒྱས་པ་དང་། དབང་དང་། དྲག་པོའི་གྲོང་ཁྱེར་དང་། ཞིང་དང་། ཕུག་དང་། དུར་ཁྲོད་དུ་བྱའོ། །དེ་ལ་ཟླུམ་པོ་དང་། གྲུ་བཞི་པ་དང་། ཟླ་བ་ཕྱེད་པའི་གཟུགས་དང་། གྲུ་གསུམ་རིམ་བཞིན་དུ་དབུས་ཀྱི་གནས་སུ་མངོན་སུམ་གྱི་ངོ་བོས་ [328b.6]རང་རང་གི་ལས་ཀྱི་རིམ་པས་གཟུགས་ཀྱིས་རྣམ་པ་བྱའོ། །ཐམས་ཅད་སོར་གསུམ་ལྷག་པའི་གྲུ་གསུམ་པ་བྱའོ། །ཞི་བ་ནི་མེ་ཏོག་དང་བཅས་པའི་ཤིང་དང་། པི་ཛ་པུ་ར་ཀ་དང་། པདྨ་དཀར་པོས་སོ། །རྒྱས་པ་སྣ་ཚོགས་རིན་པོ་ཆེའི་ཤིང་གིས་སོ། །དབང་ནི་མེ་ཏོག་དམར་པོ་དང་ལྡན་ [328b.7]པའི་ཤིང་གིས་སོ། །དྲག་པོ་ནི་དུར་ཁྲོད་རྣམས་ཀྱིས་དང་། དེ་བཞིན་དུ་མེ་ཏོག་ནག་པོ་དང་བཅས་པའི་ཤིང་གིས་ལྡན་པར་བྱའོ། །གཞན་སའི་རྣམ་པར་དག་པ་དང་། ཐིག་གདབ་པ་དང་། བདུད་གཞོམ་པ་ལ་སོགས་སུམ་བྷའི་སྔགས་ཀྱིས་སམ། ཡང་ན་ཡི་གེ་གསུམ་གྱི་སྔགས་ཀྱིས་ [329a] [329a.1]འདུས་པའི་དཀྱིལ་འཁོར་གྱི་ནོ་པི་ཀའི་ཆོ་གས་བྱའོ། །ཅིའི་ཕྱིར་ཞེ་ན། འདིར་བསྟན་བཅོས་མངས་པའི་འཇིགས་པས་ཐམས་ཅད་མ་སྨྲས་སོ། །གང་ཞིག་རྣལ་འབྱོར་བླ་མའི་རྒྱུད་ཀྱི་རིམ་པས་ཐིག་གདབ་པ་ལ་སོགས་པ་དེ་ཐམས་ཅད་ལ་དག་གོ། །དེ་ནས་བདག་ [329a.2]ཉིད་རྡོ་རྗེ་འཛིན་པའི་ང་རྒྱལ་བྱས་ནས་ཚོན་རྩི་ལྔ་བྱིན་གྱིས་བརླབ་པར་བྱའོ། །དེ་བཞིན་གཤེགས་པ་ལྔའི་རང་གི་ངོ་བོས་ཚོན་རྩི་ལྔ་བྱིན་གྱིས་བརླབས་ཏེ། མེ་ཏོག་དང་བཅས་པའི་འབྲས་ཀྱིས་སོར་མོ་ལྔ་བཙུམས་པའི་ཕྱག་རྒྱས་དང་པོ་སྔགས་འདིས་དཀར་པོ་ལན་གསུམ་མཆོད་པར་ [329a.3]བྱའོ། །ཨརྒྷ་ཡང་འོ་མ་ལ་སོགས་པ་དེ་ཉིད་ཀྱི་སྔགས་ཀྱིས་སོ་སོར་ལན་གསུམ་སྦྱིན་པར་བྱའོ། །ཨོཾ་བཻ་རོ་ཙ་ན་ཏ་ཐཱ་ག་ཏ་ཨ་དྷི་ཏིཥྛ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། སེར་པོ་ནི་མཐེ་བོ་དང་མཛུབ་མོས་སོ། །ཨོཾ་རཏྣ་སཾ་བྷ་བ་ཏ་ཐཱ་ག་ཏ་ཨ་དྷི་ཏིཥྛ་ཧུཾ་ཧཱུཾ་ཕཊ་ཕཊ་སྭཱ་ཧཱ། དམར་པོ་དང་ནི་མཐེ་བོ་དང་བར་ [329a.4]མས་སོ། །ཨོཾ་ཨ་མྲྀ་ཏ་པྲ་བྷ་ཏ་ཐཱ་ག་ཏ་ཨ་དྷི་ཏིཥྛ་ཧུཾ་ཧཱུཾ་ཕཊ་ཕཊ་སྭཱ་ཧཱ། ནག་པོ་ནི་མཐེ་བོ་དང་སྲིན་ལག་གིས་སོ། །ཨོཾ་ཨཀྵོ་བྷྱཿ་ཏ་ཐཱ་ག་ཏ་ཨ་དྷི་ཏིཥྛ་ཧུཾ་ཧཱུཾ་ཕཊ་ཕཊ་སྭཱ་ཧཱ། ལྗང་གུ་ནི་མཐེའུ་ཆུང་དང་སྦོམ་པོས་སོ། །ཨོཾ་ཨ་མོ་གྷ་སིདྡྷ་ཏ་ཐཱ་ག་ཏ་ཨདྷི་ཏིཥྛ་ཧུཾ་ཧཱུཾ་ཕཊ་ཕཊ་སྭཱ་ཧཱ། དཀྱིལ་ [329a.5]འཁོར་བྲི་བའི་དུས་ཡོན་བདག་གིས་རོལ་མོ་ལ་སོགས་པ་དང་བཅས་པའི་ཤིན་ཏུ་རྒྱས་པའི་མཆོད་པ་བྱའོ། །སྦྱིན་པ་ཡང་སྦྱིན་ནོ། །དཀྱིལ་འཁོར་གྱི་སློབ་དཔོན་ལ་ཡོན་དབུལ་བ་ལ་སོགས་པས་མཉེས་པར་བྱའོ། །དཀྱིལ་འཁོར་རྫོགས་པའི་དུས་སུ་སྣ་ཚོགས་པའི་རོལ་མོའི་མཆོད་ [329a.6]པ་ལ་སོགས་པ་དང་བཅས་པས་རྡོ་རྗེ་སློབ་དཔོན་བླ་མ་ཆེན་པོ་སྤྱན་དྲང་བར་བྱའོ། །དེ་ལ་དང་པོ་སྣ་ཚོགས་དྲི་ཞིམ་པོའི་སྨན་དང་བཅས་པས་ཁྲུས་བྱའོ། །ཕྱི་ནས་རྣམ་པ་སྣ་ཚོགས་རབ་མཆོག་ན་བཟའ་དང་། མུ་ཏིག་གི་དྲ་བ་དང་། དྲ་ཕྱེད་ཀྱིས་མཆོད་དོ། །དཀྱིལ་འཁོར་གྱི་གཙོ་བོའི་མདུན་དུ་ [329a.7]དྲི་མ་མེད་པ་འཇམ་པ་མཐོ་བ་དེ་ལ་སྟན་སྦྱིན་པར་བྱའོ། །གཡས་གཡོན་གྱི་གློར་ཤིན་ཏུ་མཁས་པའི་སློབ་དཔོན་གཉིས་སྟན་འབྲིང་པོ་ལ་སོ་སོར་རྡོ་རྗེ་དྲིལ་བུ་དང་ལྡན་པར་གཞག་པར་བྱའོ། །ལས་ཀྱི་སློབ་དཔོན་སྟ་གོན་གྱིས་དཀྱིལ་འཁོར་མདུན་དུ་སྟག་གི་པགས་པའི་སྟེང་དུ་ལོ་བཅུ་ [329b] [329b.1]གཉིས་ལོན་པའི་ལས་ཀྱི་བུ་མོ་དང་ལྷན་ཅིག་ཏུ་ར་དགུ་པའི་རྡོ་རྗེ་དང་དྲིལ་བུ་དང་རྔེའུ་ཆུང་དང་ལྡན་པའོ། །ཐམས་ཅད་ཀྱི་དབུ་རྒྱན་ལ་སྣ་ཚོགས་པའི་དར་བཅིང་བར་བྱའོ། །རྡོ་རྗེ་སློབ་དཔོན་ལ་རིན་པོ་ཆེ་ལ་སོགས་པའི་བཟོར་བྱས་པ་གསེར་དང་དམར་པོ་དང་ལྡན་པའི་ཅོད་པན་ནོ། །སྒོར་ལག་ན་རྡོ་རྗེ་དང་ [329b.2]ལྡན་པ་དབང་བསྐུར་ཐོབ་པ་སྔགས་ཀྱི་བཟླས་པ་ལ་སོགས་པ་ཁོ་ན་ཤིན་ཏུ་ཁྲིམས་དང་ལྡན་པ། འཇིག་པ་མེད་པ། སེར་སྣ་མེད་པ་འབད་པས་གཞག་པར་བྱའོ། །དཀྱིལ་འཁོར་གྱི་ཕྱི་རོལ་དུ་བསྲུང་བ་ལ་སོགས་པ་དམ་པའི་ཆོས་ཀློག་པའི་དགེ་བསྙེན་དང་དགེ་བསྙེན་མ་གཞག་པར་བྱའོ། །རྒྱུད་ [329b.3]མངས་དང་། རྔེའུ་ཆུང་དང་། གླིང་བུ་དང་། དུང་ལ་སོགས་པའི་སྒྲ་བྱའོ། །དེའི་སྐབས་སུ་དབང་བསྐུར་མེད་པ་རང་གི་བུ་ཡིན་ཡང་དེ་ལ་ནང་དུ་འཇུག་པ་མི་སྦྱིན་ནོ། །དཀྱིལ་འཁོར་ལ་སོགས་པ་དང་རབ་གནས་ཀྱི་དུས་སུ་སྲོག་གཅོད་པ་དང་། ཅ་ཅོ་དང་། ཁྲོབ་མི་བྱའོ། །སློབ་དཔོན་ཤེས་རབ་དཔལ་གྱིས་མཛད་པ་ [329b.4]ཡན་ལག་བརྒྱད་པའི་རིམ་པ་ལས་དཀྱིལ་འཁོར་བསྟན་པ་ཞེས་བྱ་བའི་ལེའུ་བཅད་པ་སྟེ་གཉིས་པའོ།། །།དེ་ནས་གཞན་ཡང་སྟ་གོན་གྱི་ཆོ་ག་བཤད་དེ། དེ་ཡང་བཞི་རུ་དབྱེ་བར་གནས་པར་བྱའོ། །དང་པོ་ནི་བུམ་པའི་སྟ་གོན། གཉིས་པ་དཀྱིལ་འཁོར་གྱི་སྟ་གོན། བཞི་པ་ནི་སློབ་མའི་སྟ་ [329b.5]གོན། དེ་བཞིན་དུ་ནང་ན་བུམ་པའི་སྟ་གོན་ལས་ཀྱི་སློབ་དཔོན་གྱིས་བྱའོ། །དེ་ལ་རིམ་པ་ནི་འདི་ཡིན་ཏེ། རྒྱུད་གང་གིས་རིམ་པས་དཀྱིལ་འཁོར་དེའི་གྲངས་ཀྱི་བུམ་པ་བྱའོ། །ཡང་ན་ལྷ་མོ་དང་ལྷན་ཅིག་དེ་བཞིན་གཤེགས་པ་ལ་ཕྱོགས་དང་མཚམས་བྱེ་བྲག་བརྒྱད་དུ་བརྒྱད། དབུས་སུ་ [329b.6]རྡོ་རྗེ་འཛིན་པ་ལ་གཅིག་བདུད་རྩི་འཁྱིལ་པ་ལ་ལས་ཐམས་ཅད་པ་དེ་ལ་བུག་རྡོལ་མེད་པ། སྐྱོན་དང་བྲལ་བ། སྐེ་རིང་བ། དར་གཉིས་ཀྱིས་དཀྲིས་པ། ཞོ་དང་། འོ་མ་དང་། མར་དང་། སྦྲང་རྩི་དང་། པོ་ག་ལིང་དང་། ཡུངས་ཀར་དང་། སྨན་ཐམས་ཅད་དང་། གྲོ་དང་། སྲན་ནག་དང་། [329b.7]ནས་དང་། ཏིལ་དང་། འབྲས་སོ་བ་དང་། འབྲས་དང་། གུར་གུམ་དང་། ཙནྡན་དང་། ག་པུར་དང་། གླ་རྩི་དང་། སྐྱུ་རུ་ར་དང་། དཔལ་འབྲས་དང་། ཛཱ་ཏི་པ་ལ་དང་། གོ་ཡུ་དང་། རིན་པོ་ཆེ་ལྔ་དང་། དེ་ལ་སོགས་པ་དྲི་མ་མེད་པའི་ཆུ་དང་བསྲེས་པས་དགང་བར་བྱའོ། །ཇི་ [330a] [330a.1]ལྟར་རྙེད་པའི་ཁ་རྒྱན་མེ་ཏོག་དང་བཅས་པ། འབྲས་བུ་ལྡན་པ། རློན་པ། ཚེར་མ་ལ་སོགས་པ་དང་བྲལ་བའོ། །བུམ་པ་བརྒྱད་ལ་རིམ་པས་ཕྱག་རྒྱ་འདི་ལྟར་བྱའོ། །འཁོར་ལོ་དང་། པདྨ་དང་། རིན་པོ་ཆེ་དང་། རལ་གྲི་དང་། རི་རབ་དང་། སྦྲུལ་དང་། མེ་དང་། འཕན་དང་། [330a.2]དགུ་པ་ལ་རྡོ་རྗེ་བཅུ་པ་ལ་རྒྱ་གྲམ་དང་རྡོ་རྗེ། ཐམས་ཅད་ཀྱི་སྐེར་མེ་ཏོག་གི་ཆུན་འཕྱང་བཅིང་བར་བྱའོ། །བུམ་པ་སྟ་གོན་གྱི་དཀྱིལ་འཁོར་ནི་རབ་གནས་ཀྱི་དཀྱིལ་འཁོར་གྱི་གཡོན་ཕྱོགས་སུ་བྱའོ། །དེ་ཡང་གྲུ་བཞི་པ་སྒོ་ལ་སོགས་པ་དང་ལྡན་པའོ། །དེའི་ཕྱི་རོལ་དུ་ཟུར་ [330a.3]དྲུག་པོ་རྡོ་རྗེ་ཕྲེང་བས་རྣམ་པར་བརྒྱན་པ། གྲུ་བཞིའི་དབུས་སུ་ཨོཾ་གྱི་རྣམ་པ། ཤར་སྒོར་ཤྲིཾ་ལྷོར་པྲིཾ། ནུབ་ཏུ་ཛྲཱིཾ། བྱང་དུ་ཁྲིཾ། ཤར་ལ་སོགས་པའི་མཚམས་སུ། ཡཾ་རཾ་ལཾ་བཾ། ཟུར་དྲུག་ལ་རྡོ་རྗེ་མ་མོའི་ས་བོན་དྲུག་བྲི་བར་བྱའོ། །ལྷ་མིན་གཙོ་མོ་མའི་ཏྲཾ། །གཞན་གྱི་སྟོབས་འཇོམས་ [330a.4]པ་མོ་པྲོཾ། །འཕྲོག་མ་མོའི་ཧྲཾ། གྷསྨ་རི་གྷྲཾ་།གཏུམ་མོ་ཌོ། འཇིགས་མ་ལ་བྷྲཾ། རྡོ་རྗེ་དང་ལྡན་པ་ཨོཾ་གྱི་རྣམ་པའི་སྟེང་ཤར་ལྷོ་ནུབ་བྱང་རིམ་པས་འཁོར་ལོ་དང་ལྡན་པ། པདྨ་དང་ལྡན་པ། རིན་པོ་ཆེ་དང་ལྡན་པ། རལ་གྲི་དང་ལྡན་པ། མཚམས་རྣམས་སུ་རི་རབ་དང་སྦྲུལ་དང་མེ་དང་འཕན་ [330a.5]དང་ལྡན་པ། ཟུར་དྲུག་གི་སྟེང་དུ་སྣོད་གང་བ། བུམ་པའི་གྲངས་ཀྱིས་ཏེ། དེ་ཡང་སྟ་རྒ་དང་། དཔལ་འབྲས་དང་། རིན་པོ་ཆེ་ལྔ་དང་། འཕན་ལ་སོགས་པ་དང་ལྡན་པའོ། །རྒྱ་གྲམ་རྡོ་རྗེ་དང་ལྡན་པ་མདུན་དུ་གཞག་པར་བྱའོ། །དུང་ཕོར་རམ། ཉ་ཕྱིས་སམ། དམ་ཚིག་གི་ [330a.6]དོན་བདུད་རྩི་ལྔ་དང་བསྲེས་པའི་ཆུས་བཀང་ནས། སྟན་གྱི་སྟེང་དུ་ལས་ཐམས་ཅད་པའི་བུམ་པའི་གཡོན་གྱི་ཆར་རོ། །སྣོད་གང་བའི་གྲངས་ཀྱི་མར་མེ་སྦྱིན་པར་བྱའོ། །མར་མེ་ཉིས་འགྱུར་གྱི་ལྷ་བཤོས་སོ། །ལས་ཐམས་ཅད་པའི་བུམ་པའི་མདུན་དུ། གཞི་མཉམ་དང་། [330a.7]གཞན་ཡང་ཙནྡན་དང་། གུར་ཀུམ་དང་། དྲི་ཞིམ་པོའི་སྤོས་དང་། གཞན་ཡང་སྤོས་ཀྱི་རེང་བུ་དང་། སྣ་ཚོགས་པའི་མེ་ཏོག་དང་། གུར་ཀུམ་གྱིས་བྱུག་པའི་འབྲས་དཀར་པོས་བཀང་བའི་སྣོད་དང་། ཨརྒྷའི་སྣོད་དང་། འཐོར་འཐུང་གི་སྣོད་རིམ་པས་གཞག་པར་བྱའོ། །གཞན་ཡང་ལེགས་པར་ [330b] [330b.1]བཀལ་བའི་ཚོན་སྣ་ལྔའི་སྐུད་པ་དང་། བསྲུང་བའི་མདའ་དང་། ཤིན་ཏུ་ཕྲ་བ་པུག་རྡོལ་མེད་པའི་རས་སྟ་གོན་གྱི་དཀྱིལ་འཁོར་དུ་གཞག་པར་བྱའོ། །དངོས་པོ་ཐམས་ཅད་ཚོགས་ནས་དེའི་འོག་ཏུ་ལས་ཀྱི་སློབ་དཔོན་གྱིས་བཀྲ་ཤིས་ཀྱི་ཚིགས་བཅད་བརྗོད་པར་བྱའོ། །གང་ཞིག་བཀྲ་ཤིས་ནམ་མཁའི་ [330b.2]ཁམས་ལ་ལེགས་པར་བཞུགས། །དཔལ་ལྡན་རྡོ་རྗེ་སེམས་དཔའ་དབང་ཆེན་སྐལ་ལྡན་མ། །ཤེས་རབ་ཆུ་སྐྱེས་དབུས་སུ་རྡོར་མཆོག་འཇུག་པ་ལ། །དེ་ཡི་བཀྲ་ཤིས་ཐེག་པ་མཆོག་ལ་སྐྱབས་གྱུར་ཅིག །གང་ཞིག་བཀྲ་ཤིས་སྲིད་པའི་མཚོ་ཆེན་མཉམ་པ་ལ། །ཆགས་པ་ལ་སོགས་དམ་པའི་ [330b.3]ཞགས་པ་གཅོད་པ་ལ། །རྣམ་པར་སྣང་མཛད་མྱ་ངན་འདས་ལམ་དག་བྱེད་ལ། །དེ་ཡི་བཀྲ་ཤིས་ཐེག་པ་མཆོག་ལ་སྐྱབས་གྱུར་ཅིག །གང་ཞིག་བཀྲ་ཤིས་ཚད་མེད་འོད་ཟེར་ལྡན་པ་ལ། །ལོག་པའི་ཤེས་པ་གཏི་མུག་འཇིགས་པ་ལ། །ལྷ་ཡི་ལྷ་མཆོག་འཇིག་རྟེན་རྟག་ཏུ་རིག་པ་འཛིན། །དེ་ཡི་བཀྲ་ [330b.4]ཤིས་ཐེག་པ་མཆོག་ལ་སྐྱབས་གྱུར་ཅིག །གང་ཞིག་བཀྲ་ཤིས་ཁ་སྦྱར་ལེགས་པར་བཞུགས། །ཡེ་ཤེས་བདུད་རྩིའི་ཆུས་སྦྱིན་རྟག་ཏུ་ཆར་འབབ་ལ། །པདྨ་དགའ་ཞིང་འཇིག་རྟེན་སེམས་ཅན་ཕན་པར་བརྩོན་པ་ལ། །དེ་ཡི་བཀྲ་ཤིས་ཐེག་པ་མཆོག་ལ་སྐྱབས་གྱུར་ཅིག །གང་ཞིག་བཀྲ་ཤིས་སྲིད་ [330b.5]པའི་ས་སྐྱེས་བཅད་པ་ལ། །དཔལ་རྡོར་སེམས་དཔའི་གནས་གྲུབ་བྱེད་ཅིང་སྦྱིན་པ་ལ། །ཤེས་རབ་རལ་གྲི་རྟག་ཏུ་ཕྱར་འཛིན་པ། །དེ་ཡི་བཀྲ་ཤིས་ཐེག་པ་མཆོག་ལ་སྐྱབས་གྱུར་ཅིག །དེ་ནས་བཀྲ་ཤིས་མཆོད་པའི་དོན་དུ་ནམ་མཁའི་ཕྱོགས་སུ་དེ་བཞིན་གཤེགས་པ་ཐམས་ཅད་ལ་མེ་ཏོག་ [330b.6]སྙིམ་པས་ཕུལ་ཏེ། སྤོས་ཀྱི་རེང་བུ་དང་བཅས་པར་རྡོ་རྗེ་དྲིལ་བུ་ལན་གསུམ་སྔགས་འདིས་དཀྲོལ་བར་བྱའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་མེ་གྷ་སྥ་ར་ཎ། ཧྲིཾ་ཧྲིཾ་ཏྲཾ་ཏྲཾ་ཧཾ་ཧཾ་ཧིཾ་ཧིཾ་དྲ་ན་དྲ་ན་པ་ར་ཎ། སཾ་པ་ར་ཎ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེ་ནས་དབུས་ཀྱི་བུམ་པ་ཡན་ལག་ཐམས་ཅད་དང་ལྡན་པ་གཞལ་ཡས་ཁང་ [330b.7]དུ་བསྒོམ་པར་བྱའོ། །ཡང་ན་བུམ་པའི་ནང་དུ་ཀཾ་ཡོངས་སུ་གྱུར་པ་ལས་གཞལ་ཡས་ཁང་། དེའི་དབུས་སུ་ཨཱ་ལི་ཀཱ་ལི། དེའི་སྟེང་དུ་ཧཱུཾ་གི་རྣམ་པ། ཨཱ་ལི་ཀཱ་ལི་དང་ཧཱུཾ་གི་རྣམ་པ་ཡོངས་སུ་གྱུར་པ་ལས། རང་འོད་དང་འཁྱུད་པའི་རྡོ་རྗེ་དང་དྲིལ་བུ་དང་ལྡན་པ། སྣ་ཚོགས་པདྨའི་ [331a] [331a.1]སྟེང་ན། ནམ་མཁའ་སྔོན་པོའི་མདོག་རྒྱན་ཐམས་ཅད་ཀྱིས་བརྒྱན་པ། ཕྱག་གཉིས་ཞལ་གཅིག་སྤྱན་གསུམ་རྡོ་རྗེ་སྐྱིལ་མོ་ཀྲུང་དུ་གནས་པའི་རྡོ་རྗེ་འཛིན་པ་ཆེན་པོ་བསྒོམ་པར་བྱའོ། །ཤར་དུ་པཾ་ཡོངས་སུ་གྱུར་པ་ལས་རྣམ་པར་སྣང་མཛད་མདོག་དཀར་པོ་རྡོ་རྗེ་འཛིན་ལྟ་ [331a.2]བུའོ། །ལྷོར་ཨོཾ་ཡོངས་སུ་གྱུར་པ་ལས་སྣང་བ་མཐའ་ཡས་མདོག་དམར་པོ་རྣམ་པར་སྣང་མཛད་ལྟ་བུའོ། །ནུབ་ཏུ་ཛྲཱིཾ་ཡོངས་སུ་གྱུར་པ་ལས་རིན་ཆེན་འབྱུང་ལྡན་མདོག་སེར་པོ་སྣང་བ་མཐའ་ཡས་ལྟ་བུའོ། །བྱང་དུ་ཁཾ་ཡོངས་སུ་གྱུར་པ་ལས་དོན་ཡོད་གྲུབ་པ་ནེའུ་སིང་གི་མདོག་རིན་ཆེན་ [331a.3]འབྱུང་ལྡན་ལྟ་བུའོ། །ཤར་མཚམས་སུ་ལཾ་ཡོངས་སུ་གྱུར་པ་ལས། སངས་རྒྱས་སྤྱན་རྣམ་པར་སྣང་མཛད་ལྟ་བུའོ། །ལྷོ་མཚམས་སུ་མཾ་ཡོངས་སུ་གྱུར་པ་ལས། མཱ་མ་ཀཱི་སྣང་བ་མཐའ་ཡས་ལྟ་བུའོ། །ནུབ་མཚམས་སུ་པཾ་ཡོངས་སུ་གྱུར་པ་ལས། གོས་དཀར་མོ་རིན་ཆེན་འབྱུང་ [331a.4]ལྡན་ལྟ་བུའོ། །བྱང་མཚམས་སུ་ཏཱཾ་ཡོངས་སུ་གྱུར་པ་ལས། སྒྲོལ་མ་དོན་ཡོད་གྲུབ་པ་ལྟ་བུའོ། །དེ་རྣམས་ལ་ཡང་གཉིས་སུ་མེད་པའི་སྦྱོར་བས་རང་འོད་ཐམས་ཅད་དང་ཡན་ལག་མ་དང་ལྡན་པར་བསྒོམ་པར་བྱའོ། །མདུན་དུ་ཧཱུཾ་ཡོངས་སུ་གྱུར་པ་ལས། བདུད་རྩི་འཁྱིལ་བ་ཕྱག་དྲུག་ [331a.5]པ་སྤྱན་གསུམ་ཞལ་འཇིགས་པར་བྱེད་པ། ཕྱེད་སྐྱིལ་གྱིས་བཞུགས་པ། རྡོ་རྗེ་དང་། དྲིལ་བུ་དང་། རལ་གྲི་དང་། གཏུན་ཤིང་དང་། སྟ་རེ་དང་ཞགས་པ་བསྣམས་པ། མར་སྔོན་པོའི་མདོག་རང་འོད་ཡན་ལག་མ་དང་ལྡན་པར་བསྒོམ་པར་བྱའོ། །དམ་ཚིག་སྣོད་ཀྱི་ནང་དུ་ཧྲཱིཾཿ་ཡོངས་སུ་ [331a.6]གྱུར་པ་ལས་དམ་ཚིག་ཆེན་པོའི་དབང་ཕྱུག་མ། ཕྱག་གཉིས་ཞལ་གཅིག་སྤྱན་གསུམ་ཞལ་འཇིགས་འཇིགས་ལྟ་བུ་རྡོ་རྗེ་སྐྱིལ་ཀྲུང་དུ་བཞུགས་པ། དབུ་སྐྱེས་འབར་བ། ཕྱོགས་ཀྱི་ན་བཟའ་ཅན། ཁྲག་ཆེན་པོས་ཡན་ལག་བྱུགས་པ། ལྷ་དང་ལྷ་མིན་གྱི་ཁྲག་ཐམས་ཅད་དྲངས་ཏེ་ [331a.7]བཀང་བའི་ཀ་པཱ་ལ་གཡས་ན། གཡོན་ན་རྡོ་རྗེ་ཁ་ཊྭཱཾ་གའོ། །ཨརྒྷའི་སྣོད་ཀྱི་དབུས་སུ་ཨོཾ་ཡོངས་སུ་གྱུར་པ་ལས་དེ་བཞིན་གཤེགས་པ་ཐམས་ཅད་སྐྱོབ་ཉི་མ་བྱེ་བའི་འོད་དང་མཉམ་པ་གྲངས་མེད་པའི་དེ་བཞིན་གཤེགས་པ་དང་ལྡན་པར་བསྒོམ་པར་བྱའོ། །ད་ནི་བུམ་པ་ལ་སོགས་པའི་ [331b] [331b.1]བསམ་གཏན་གྱི་ཆོ་གའོ། །ད་ནི་དེ་རྣམས་ལ་རིམ་པས་བཟླས་པའི་ཆོག་བཤད་དེ། ཨོཾ་བཛྲ་སཏྭ་ཏ་ཐཱ་ག་ཏ་ཨ་དྷི་པ་ཏ་ཡེ་ཧུཾ་ཧཱུཾ་ཕཊ་སྭཱ་ཧཱ། ཨོཾ་ཙཀྲ་ཨ་དྷི་པ་ཏ་ཡེ་ཧུཾ་ཧཱུཾ་ཕཊ་སྭཱ་ཧཱ། ཨོཾ་པདྨ་ཨ་དྷི་པ་ཏ་ཡེ་ཧུཾ་ཧཱུཾ་ཕཊ་སྭཱ་ཧཱ། ཨོཾ་རཏྣ་ཨ་དྷི་པ་ཏ་ཡེ་ཧུཾ་ཧཱུཾ་ཕཊ་སྭཱ་ཧཱ། ཨོཾ་ཁ་ཊྭཱཾ་ག་ཨ་དྷི་པ་ཏ་ཡེ་ཧུཾ་ཧཱུཾ་ཕཊ་སྭཱ་ཧཱ། ཨོཾ་ [331b.2]ཏ་ཐཱ་ག་ཏ་ནེ་ཧྲི་ཧུཾ་ཧཱུཾ་ཕཊ་སྭཱ་ཧཱ། ཨོཾ་པདྨ་ན་རྟེ་ཤྭ་རི་ཧུཾ་ཧཱུཾ་ཕཊ་སྭཱ་ཧཱ། ཨོཾ་རཏྣེ་ཨཱ་ལོ་ཀེ་ཧུཾ་ཧཱུཾ་ཕཊ་སྭཱ་ཧཱ། ཨོཾ་སརྦ་ཨཱ་བར་ཎ་བི་ཤོ་དྷ་ན་ཡེ་ཧུཾ་ཧཱུཾ་ཕཊ་སྭཱ་ཧཱ། རེ་རེ་ལ་སྔགས་ལན་བརྒྱ་རྩ་བརྒྱད་བཟླས་པར་བྱའོ། །ཨོཾ་ཨ་མྲྀ་ཏ་ཀུཎྜ་ལི་མ་ཧཱ་ཀྲོ་དྷཱི་ཤྭ་རི་སརྦ་མ་ར་ཨ་རེ་སརྦ་སིདྷི་ཀ་ར་སརྦ་ཀརྨ་སིདྡྷི་ཧུཾ་ཧཱུཾ་ཕཊ་སྭཱ་ཧཱ། ཡི་གེ་ [331b.3]གསུམ་གྱི་སྔགས་ཀྱིས་སྔོན་དུ་བསྙེན་པ་བཟླས་ནས་གྲུབ་པའི་དོན་དུ་སྔགས་དེས་བརྒྱ་རྩ་བརྒྱད་བཟླས་པར་བྱའོ། །བཟླས་པའི་ཆོ་ག་རྫོགས་ནས། ནམ་མཁའི་གནས་ནས་དང་པོ་གྲུབ་པ་འཁོར་དང་བཅས་པའི་ཡེ་ཤེས་སེམས་དཔའ་ཕྱག་རྒྱ་དང་སྔགས་ཀྱིས་དགུག་པར་བྱའོ། །དེ་ལ་ཕྱག་ [331b.4]རྒྱ་དང་སྔགས་ནི་འདི་ཡིན་ཏེ། གུང་མོ་ལུ་གུ་རྒྱུད་ཀྱི་རྣམ་པར་བྱས་ཏེ། མཐེ་བོང་གཉིས་མནན་ཅིང་སྲིན་ལག་དང་མཐེ་ཆུང་ལག་མཐིལ་དུ་བཞག་ནས་མཛུབ་མོ་དགུག་པར་བྱའོ། །ཨོཾ་ཛྙཱ་ན་སཏྭ་ཨཱཏྨ་ཀོ྅ཧཾ་བཛྲ་དྷ་ར་ས་པ་རི་བཱ་ར་བ་རཾ་ཧ་ཧི་ཧུཾ་ཧཱུཾ་ཕཊ་སྭཱ་ཧཱ། གཤེགས་པ་ཙམ་གྱིས་ཨརྒྷ་དང་། ཉ་རེག་དང་། [331b.5]འཐོར་འཐུང་དབུལ་བར་བྱའོ། །དེ་ལ་རིམ་པ་ནི་འདི་ཡིན་ཏེ། ཨོཾ་གྲྀཾ་གྲྀཾ་ཨརྒྷའི་སྔགས་སོ། །གཡོན་པའི་གུང་མོ་དང་མཐེ་བོ་སེ་གོལ་གྱི་ཕྱག་རྒྱས་སོ། །ཨོཾ་ཧུཾ་ཧཱུཾ་ཉེ་རེག་གི་སྔགས་སོ། །པ་ཏིའི་ཕྱག་རྒྱས་སོ། །ཨོཾ་ཨཾ་ཨཱཾ་འཐོར་འཐུང་གི་སྔགས་སོ། །འཁོར་ལོའི་ [331b.6]ཕྱག་རྒྱས་སོ། །ཨོཾ་ཏིཥྛ་ཏི་ཥྛ་ཧཱུཾ་ཕཊ། གདན་དབུལ་བའི་སྔགས། རུས་སྦལ་གྱི་ཕྱག་རྒྱས་སོ། །དེ་ནས་ཡང་སྔར་བཤད་པའི་རྡོ་རྗེ་དྲིལ་བུའི་སྔགས་ཀྱིས་ལྔ་བཅུ་རྩ་བཞིའི་གྲངས་ཀྱིས་ལན་ཅིག་རྡོ་རྗེ་དྲིལ་བུ་དཀྲོལ་བར་བྱའོ། །དེའི་རྗེས་སུ་དམ་ཚིག་ཆེན་པོའི་སྣོད་ན་ཡོད་པའི་ཆུས་ [331b.7]དཀྱིལ་འཁོར་ན་ཡོད་པའི་གཞི་ཐམས་ཅད་ཀུ་ཤ་སོར་བརྒྱད་པ་སྦོམས་པས་སྔགས་འདིས་ལན་བདུན་གཏོར་བར་བྱའོ། །ཨོཾ་སྭ་བྷཱ་བ་ཤུདྡྷ་ཨ་མ་ལ་བི་ཤུདྡྷ་ཡེ་སྭཱ་ཧཱ། དེ་ལྟར་གཏོར་བ་བྱས་ཏེ། དེའི་རྗེས་ལ་འཐོར་འཐུང་གི་སྣོད་ཀྱིས་ལས་ཐམས་ཅད་པ་ལ་མེ་ལོང་གི་སྟེང་དུ་སྨན་ཐམས་ཅད་ [332a] [332a.1]ཀྱིས་སྔགས་འདིས་ཁྲུས་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱཀ་ཙིཏྟ་མ་ཧཱ་ག་ག་ན་ས་དུ་པ་བི་ཤུདྦྷ་ཡེ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། དེའི་དབུས་སུ་གྲུ་གསུམ་གྱི་ཕྱག་རྒྱས་སྔགས་འདིས་རབ་གནས་བྱའོ། །ཨོཾ་སརྦ་ད་ར་ཨཀྵ་ཡ་ག་ནཱཏྨ་ལེ་ཧུཾ་ཧཱུཾ་ཕཊ་སྭཱ་ཧཱ། དེ་ལྟར་རབ་ [332a.2]གནས་བྱས་ནས་དམ་ཚིག་གི་སྣོད་ཀྱི་ཆུ་དང་། པད་སྐོར་གྱི་ཕྱག་རྒྱ་དང་སྔགས་འདིས་དབང་བསྐུར་སྦྱིན་པར་བགྱིའོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཕཊ། མཆོད་པ་བྱས་ནས་སྣ་ཚོགས་རྡོ་རྗེ་དྲ་བའི་གཟུགས་ཀྱི་ཕྱག་རྒྱ་དང་། དྲི་མེད་བུག་རྡོལ་མེད་པའི་ཤིན་ཏུ་སར་པའི་གོས། [332a.3]ཨོཾ་ཨཱཿ་ཧཱུཾ་ཕཊ་སྔགས་ཀྱིས་བྱིན་གྱིས་བརླབས་ཏེ། བསྲུང་བའི་སྔགས་འདོན་ཅིང་ཐམས་ཅད་དགབ་པར་བྱའོ། །དེ་ལ་སྔགས་ནི་འདི་ཡིན་ཏེ། ཨོཾ་ཧྲཾ་ཧྲཾ་ཧྲིཾ་ཧྲཱི་ཧུཾ་ཧཱུཾ་ཕཊ་ཕཊ་རཀྵ་རཀྵ་སྭཱ་ཧཱ། དེའི་སྐབས་སུ་གཏོར་མ་ཆེན་པོ་བསྐོར་བ་བྱས་ནས་གཡོན་གྱི་བྱང་ལོགས་སུ་གཞག་ [332a.4]པར་བྱའོ། །དེ་ལ་རེམ་པ་འདི་ཡིན་ཏེ། ཤིན་ཏུ་ཆེ་བའི་ཟས་ལ་སོགས་པའི་སྣོད་བྲུཾ་གྱི་རྣམ་པ་ཡོངས་སུ་གྱུར་པ་ལས། ཡན་ལག་ཐམས་ཅད་དང་ལྡན་པའི་གཞལ་ཡས་ཁང་ཡི་གེ་གསུམ་གྱི་སྔགས་ཀྱིས་བྱིན་གྱིས་བརླབས་ཏེ། ཁྲག་ཆེན་པོ་དང་། གཞན་ཡང་སྣ་ཚོགས་པའི་ [332a.5]ཉ་ཤ་ལ་སོགས་པའི་འབྲས་བུ་ཁ་ཟས་ཀྱིས་ལེགས་པར་གང་བར་བྱས་ནས། དེའི་སྟེང་དུ་ཨ་ཤྭདྠའི་ཤིང་ལས་བྱས་པའི་གྲུ་གསུམ་གྱི་ཕྱག་རྒྱ་གཞག་པར་བྱའོ། །གྲྭ་ལ་སྣ་ཚོགས་ཀྱི་འཕན་བཅིང་བར་བྱའོ། །གྲྭའི་སྟེང་དུ་མེ་དང་ཁ་ཟས་ཀྱི་ཁམས་གསུམ་གཞག་པར་བྱའོ། ། [332a.6]སྣོད་ཀྱི་འབྲས་བུ་ཡང་དག་པར་སར་པའི་དུམ་བུ་གསུམ་པའི་ཀ་པཱ་ལ་ཁྲག་ཆེན་པོས་བཀང་བའོ། །དེའི་དབུས་སུ་ཧཱུཾ་གི་རྣམ་པ་དང་ལྡན་པའི་ཉི་མའི་དཀྱིལ་འཁོར་དེ་དག་ཡོངས་སུ་གྱུར་པ་ལས་རྡོ་རྗེ་རོ་ལངས་མ་ཆེན་མོ་ཕྱག་སྟོང་ཞབས་སྟོང་ཞལ་སྟོང་སྤྱན་འབར་བ། དབུ་སྐྱེས་ [332a.7]འབར་བ། ཁྲག་ཆེན་པོས་སྐུ་བྱུགས་པ། བདུད་ཐམས་ཅད་ཀྱི་ཁྲག་གི་སྣོད་ཕྱག་ན་བསྣམས་པ། སྣ་ཚོགས་པའི་རུས་པས་སྐུ་བརྒྱན་པ། འཇིགས་བྱེད་ཆེན་པོའི་སྟེང་ན་གཡོན་བརྐྱང་བས་བཞུགས་པ། ལྷ་མིན་གྱི་དབང་པོ་དུ་མ་དང་། འདྲེ་དང་། སྲིན་པོ་དང་། ཡི་དགགས་དང་། [332b] [332b.1]ཤ་ཟ་དང་། ཨུཥྨནྡ་དང་། ཨ་པསྨ་ར་དང་། མཁའ་འགྲོ་མའི་ཚོགས་ཀྱིས་ཡོངས་སུ་བསྐོར་བའོ། །སྣོད་ཀྱི་ཕྱི་རོལ་དུ་གདུགས་དང་། རྒྱལ་མཚན་དང་། འཕན་དང་། རྨ་བྱའི་རྡུལ་ཡབ་དང་། གྲི་གུག་དང་། ལྕགས་མདའ་དང་། ཆུན་འཕྱང་ལ་སོགས་པ་བྱའོ། །བཅོམ་ལྡན་མོ་རོ་ལངས་ [332b.2]མོ་ཆེན་མོ་གྲུ་གསུམ་གྱི་ཕྱག་རྒྱས་ཧ་རྣམ་པ་ལྔས་བྱིན་གྱིས་བརླབས་ཏེ། ལས་གང་དང་གང་ལ་ཁྲོ་བོའི་གཟུགས་སུ་བྱས་ཏེ། བསྲུང་བའི་དོན་དུ་སྔགས་འདིས་བསྐོར་བར་བྱའོ། །ཨོཾ་ཧི་མ་ཧཱ་བཛྲ་བི་ཏཱ་ལཱི་མ་ཧཱ་བི་ཤྭེ་ཤྭ་རེ་སརྦ་དོཥྚཱ་ཀཥ་ཨཾ་ག་རེ་སརྦ་ས་སཏྭོ་ཧེ་ཏཾ་ཀརེ་སཏྭ་པ་དྲ་བ་ཀ་ར་དོཥྚ་ཙིཏྟ་ [332b.3]ནཾ། ཧ་ན་ཧ་ན་ད་ཧ་ད་ཧ་པ་ཙ་པ་ཙ་མ་ཐ་མ་ཐ། བིདྷྭ་ནྶ་ཡ་བིདྷྭ་ནྶ་ཡ། མཱ་ར་ཡ་མཱ་ར་ཡ་དཎྜེ་ན་ཙུརྞ་བ་ཁ་དྷ་གེ་ན་ཏོ་ཊ་ཡ་ཙྐྲེ་ན་ཙྪེ་ད་ཡ་བཛྲེ་ཎ་བྷེ་ད་ཡ། སརྦ་སཏྭཱནཱཾ་ཤཱཾ་ཏིཾ་ཀུ་རུ་པུ་ཙིཏྟ་ཤྲེ་ཡཿ་ཀུ་རུ་སརྦ་བྱ་ཏི་མ་པ་ཧ་ར། དྷུ་རཀ་ཏི་མ་པ་ཧར། དྷ་རི་ད་ཡ་མ་པ་ཧ་ར། ཨ་ཀ་ལ་མྲྀ་ཏྱུ་མ་བ་ [332b.4]ཧ་ར། དྷོ་བྷིཀྵ་མ་པ་ཧ་ར། ན་མ་སརྦ་ཀརྨ་སཱ་དྷ་ནི་མ་ཧཱ་ཡཾ་ཀུ་རུ། ཧཾ་ཧཾ་ཧིཾ་ཧིཾ། ཀི་ལི་ཀི་ལི་ཧི་ལི་ཧི་ལི་ཧུཾ་ཧཱུཾ་ཕཊ་ཕཊ་སྭཱ་ཧཱ། དེ་ནི་བུམ་པའི་སྟ་གོན་གྱི་ཆོ་གའོ། །ད་ནི་དཀྱིལ་འཁོར་གྱི་སྟ་གོན་གྱི་ཆོ་ག་བཤད་དེ། དང་པོ་རྡོ་རྗེ་དང་དྲིལ་བུར་བཅས་པའི་བཀྲ་ཤིས་ཀྱི་ཚིགས་བཅད་བརྗོད་ནས་འབྱུང་ [332b.5]བ་ཆེན་པོ་བཞི་ཡོངས་སུ་གྱུར་པ་ལས། ཇི་ལྟར་ཕྱི་རོལ་གཞལ་ཡས་ཁང་རྣམ་པར་བཟོར་བྱས་པ་དེ་བཞིན་དུ་དེའི་སྟེང་དུ་བསྒོམ་པར་བྱའོ། །དེའི་དབུས་སུ་ཨཱ་ལི་ཀཱ་ལི་ཡོངས་སུ་གྱུར་པ་ལས་ཟླ་བ་དང་ཉི་མའོ། །དེའི་སྟེང་དུ་ཡེ་ཤེས་ཀྱི་མེའི་རང་བཞིན་ཧཱུཾ་གི་རྣམ་པ་དེས་ཟླ་བ་དང་ཉི་མ་ཡོངས་ [332b.6]སུ་གྱུར་ཏེ། རང་གི་རྒྱུད་ཀྱི་གོ་རིམས་ཀྱིས་རྡོ་རྗེ་འཛིན་པ་ཆེན་པོ་རང་འོད་ཀྱི་ཡན་ལག་མས་འཁྱུད་པ། འཁོར་ལོ་དང་བཅས་པ་ཉི་མ་ལ་བཞུགས་པ། སྐད་ཅིག་གིས་རྫོགས་པར་བསྒོམ་པར་བྱའོ། །ཡང་ན་ཐམས་ཅད་རང་གི་སྙིང་གར་བསྒོམས་ཏེ། ཕྱི་རོལ་དུ་སྤྲོ་བར་བྱའོ། །དེའི་ [332b.7]རྗེས་སུ་སྔར་བསྟན་པའི་རྡོ་དྲིལ་གྱི་སྔགས་ཀྱིས་ཉི་ཤུ་རྩ་བདུན་གྲངས་ཀྱིས་སྤོས་ཀྱི་རེང་བུ་དང་བཅས་པའི་རྡོ་རྗེ་དྲིལ་བུ་དཀྲོལ་བར་བྱའོ། །དེ་ནས་ནམ་མཁའི་གནས་ནས་དཀྱིལ་འཁོར་འཁོར་ལོ་དང་བཅས་པའི་ཁམས་གསུམ་རྣམ་པར་རྒྱལ་བའི་ཕྱག་རྒྱ་དང་། ཛཿ་ཧཱུཾ་བཾ་ཧོཿ་ཞེས་དེའི་སྔགས་ [333a] [333a.1]ཀྱིས་ཡེ་ཤེས་སེམས་དཔའ་བཀུག་ནས། སྔར་བསྟན་པའི་ཆོ་གར་ཨརྒྷ་དང་ཉེ་རེག་དང་འཐོར་འཐུང་དབུལ་བར་བྱའོ། །དེའི་རྗེས་སུ་དཀྱིལ་འཁོར་འཁོར་ལོ་དང་བཅས་པ་དམ་ཚིག་སེམས་དཔའ་ལ་འཇུག་པར་བྱས་ནས་ལན་གསུམ་རྡོ་རྗེ་དྲིལ་བུ་དཀྲོལ་ཏེ། མཆོད་སྦྱིན་ [333a.2]ལྔའི་མཆོད་པ་དབུལ་བར་བྱའོ། །དེ་ནས་རྡོ་རྗེ་འཛིན་པ་ཆེན་པོའི་སྙིང་པོའི་སྔགས་ཀྱིས་བཟླས་པ་སྟོང་བྱའོ། །དཀྱིལ་འཁོར་བ་ལ་རང་རང་གི་སྔགས་ཀྱིས་རེ་རེ་ལ་བརྒྱ་རྩ་བརྒྱད་དོ། །དེའི་འོག་ཏུ་ཡི་གེ་གསུམ་གྱི་སྔགས་ཀྱིས་གོས་བྱིན་གྱིས་བརླབས་ཏེ། ཨོཾ་མ་ཧཱ་བཛྲ་དྷ་ར་མ་ཧཱ་ས་མ་ཡ་ [333a.3]མཎྜལི་བེ་ཤྲ་མ་ཐ་ཧཱུཾ་ཧཱུཾ་ཕཊ་སྭཱ་ཧཱ། ངེས་པར་ས་ཚོན་གྱི་དཀྱིལ་འཁོར་ཡིན་ན་ཁྲུ་གང་ཙམ་གྱི་སྟེང་དུ་གོས་བྲེས་ནས་འབད་པར་བྱའོ། །སྔར་བསྟན་པའི་སྔགས་ཀྱི་ཆོ་གས་རོལ་མོ་ལ་སོགས་པ་དང་ལྡན་པའི་གཏོར་མ་ཆེན་པོ་བསྐོར་བར་བྱའོ། །དེ་ནི་དཀྱིལ་འཁོར་གྱི་སྟ་གོན་ནོ། །ད་ནི་ [333a.4]སྐུའི་སྟ་གོན་བཤད་དེ། དང་པོ་བཀྲ་ཤིས་ཀྱི་ཚིགས་བཅད་བརྗོད་ནས། སྐུའི་སྙིང་གར་པཾ་ཡོངས་སུ་གྱུར་པ་ལས་སྣ་ཚོགས་པདྨ། དེའི་སྟེང་དུ་ཨཱ་ལི་ཀཱ་ལི། དེའི་སྟེང་དུ་ཨོཾ་གྱི་རྣམ་པ། ཨོཾ་གྱི་རྣམ་པའི་སྙིང་གར་ཨཱཿའི་རྣམ་པ། ཨཱཿའི་རྣམ་པའི་སྙིང་གར་ཧཱུཾ་གི་རྣམ་པ། [333a.5]ཧཱུཾ་གི་རྣམ་པའི་སྟེང་དུ་ཡེ་ཤེས་ཀྱི་འོད་ཀྱི་རང་བཞིན་གྱི་ཐིག་ལེ་དང་ལྷན་ཅིག་ཐམས་ཅད་ཡོངས་སུ་གྱུར་པ་ལས། སྣ་ཚོགས་པདྨ་ལ་བཞུགས་པ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ། དཔེ་བྱད་བརྒྱད་ཅུས་བརྒྱན་པའི་སྐུ་བསྒོམས་ཏེ། དེ་ནས་དེ་ལ་སྔགས་ཀྱིས་བྱིན་ [333a.6]གྱིས་བརླབ་པར་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱཀ་ཙིཏྟ་མ་ཧཱ་བཛྲ་དྷ་ར་ཏིཥྛ་ཧུཾ་ཧཱུཾ་ཕཊ་སྭཱ་ཧཱ། དེ་ནས་ནམ་མཁའི་ཁམས་ནས་སྐུ་ཇི་ལྟ་བུའི་ཡེ་ཤེས་སེམས་དཔའི་གཡོན་པའི་ལག་པས་རྡོར་དྲིལ་དཀྲོལ་ཞིང་གཡས་པས་རྡོ་རྗེ་ལྕགས་ཀྱུའི་ཕྱག་རྒྱས་ཡི་གེ་གསུམ་དང་། ཨཱ་གཙྪ་ཨཱ་ [333a.7]གཙྪའི་སྔགས་ཀྱིས་བཀུག་ནས། ཨརྒྷ་དང་ཉེ་རེག་དང་འཐོར་འཐུང་ལ་སོགས་པ་ཕུལ་ཏེ་ཧཱུཾ་ཕཊ་པྲ་བེ་ཤ་ཡའི་སྔགས་ཀྱིས་སྐུའི་སྙིང་གར་གཞུག་པར་བྱའོ། །དེའི་འོག་ཏུ་མཆོད་པ་ལྔ་མཆོད་སྦྱིན་དང་། གཏོར་མ་ཆེན་པོ་དབུལ་ལོ། །དེ་ནི་སྐུའི་སྟ་གོན་ནོ། །ད་ནི་སློབ་མའི་སྟ་ [333b] [333b.1]གོན་བཤད་དེ། རེ་ཞིག་དང་པོའི་དཀྱིལ་འཁོར་གྱི་ཁང་པའི་ཕྱི་རོལ་གྱི་གནས་སུ་སྐལ་པ་དང་ལྡན་པ། ལེགས་པར་ཁྲུས་བྱས་པ། དབང་པོ་ཚང་བ། མེ་ཏོག་སྙིམ་པ་གང་བ་དང་ལྡན་པ། ཧཱུཾ་ཕཊ་སྔགས་ཀྱིས་ལན་གསུམ་དམ་ཚིག་གི་ཆུས་གཏོར་བར་བྱས་ཏེ། དེའི་རྗེས་སུ་ཡི་གེ་ [333b.2]གསུམ་གྱི་སྔགས་ཀྱིས་སོ་ཤིང་བྱིན་གྱིས་བརླབས་ཏེ་སྦྱིན་པར་བྱའོ། །དེའི་འོག་ཏུ་དམ་ཚིག་གི་ཆུས་ཁ་བཀྲུ་བར་བགྱི་བ་སྦྱིན་ནོ། །དེ་ནས་ཡུངས་ཀར་གྱིས་མཛུབ་མོ་མཐེ་བོང་གིས་ཧཱུཾ་ཕཊ་སྔགས་ཀྱིས་ལན་གསུམ་བརྡེགས་ནས་རྣམ་པར་སྣང་མཛད་ཀྱི་གཟུགས་སུ་བྱིན་གྱིས་བརླབས་ [333b.3]ཏེ། སྙིང་གར་ཉི་མའི་དཀྱིལ་འཁོར་དེའི་སྟེང་དུ་ཡེ་ཤེས་པའི་བདག་ཉིད་དེ་བཞིན་གཤེགས་པ་རྣམ་པར་སྣང་མཛད་བསྒོམ་པར་བྱའོ། །དེ་ནས་ལེགས་པར་བཀལ་བའི་ཚོན་སྣ་ལྔའི་སྐུད་པ་ཡི་གེ་བརྒྱ་བའི་སྔགས་ཀྱིས་བརླབས་ཏེ། ལག་པ་གཡས་པར་བཅིང་བར་བྱའོ། །མགོ་ [333b.4]བོའི་སྟེང་དུ་ཡི་གེ་གསུམ་གྱིས་བརླབས་པའི་མེ་ཏོག་བཞག་ནས་གཏོར་མ་ཆེན་པོ་བསྐོར་བར་བྱའོ། །དེས་ཀྱང་དབང་བསྐུར་མ་ཐོབ་པ་དེའི་ཚེ་མཚན་མོ་དང་ཉིན་མོ་ངལ་མི་བསོ་བར་བུད་མེད་ལ་སོགས་པ་མེད་པའི་གནས་སུ་དྲི་མ་མེད་པའི་སྟན་གྱི་སྟེང་དུ་ཡི་གེ་བརྒྱ་པའི་སྔགས་གདོན་པར་བྱའོ། ། [333b.5]སློབ་དཔོན་ཤེས་རབ་དཔལ་གྱིས་མཛད་པ་ཡན་ལག་བརྒྱད་པའི་རིམ་པ་ལས། སྟ་གོན་གནས་པ་ཞེས་བྱ་བའི་ལེའུ་བཤད་པ་གསུམ་པའོ།། །།དེ་ནས་གཞན་ཡང་ཁྲུས་ཀྱི་ཆོ་ག་བཤད་དེ། དང་པོར་རེ་ཞིག་ཁྲུས་ཀྱི་རྫས་འཚོགས་པར་བྱའོ། །ཕྱིས་ནི་ལྔ་སྟེ། དྲི་ཞིམ་པའི་མར་ཁུ་ [333b.6]དང་། སྲན་ནག་གི་ཕྱེ་དང་། སྲན་ཆུང་གི་ཕྱེ་དང་། བག་ཕྱེ་དང་། ནས་ཕྱེའོ། །འབྲུ་ནི་ལྔ་སྟེ། སྲན་ནག་དང་། གྲོ་དང་། སྲན་ཆུང་དང་། འབྲས་སོ་བ་དང་། སྲན་མ་སེར་པོའོ། །སྨན་ནི་ལྔ་སྟེ། བྲྀ་ཧ་སྟི་དང་ཀཎྜ་ཀ་རི་དང་། ས་ལ་སྤར་ནི་དང་། སྡོང་བུ་དང་ལྡན་པའི་ཨུཏྤལ་དང་། [333b.7]ཧ་ས་དེ་བའོ། །འབྲས་བུ་ལྔ་སྟེ། དཔལ་འབྲས་དང་། ཛཱ་ཏི་པ་ལ་དང་། བུ་ག་པ་ལ་དང་། སྐྱུ་རུ་ར་དང་། ཀ་ཀོ་ལའོ། །སྣ་ཚོགས་རྫས་ནི་ལྔ་སྟེ། ཞོ་དང་། འོ་མ་དང་། བོ་ག་ལིང་དང་། ཡུངས་ཀར་དང་། སྨན་ཐམས་ཅད་དོ། །བྱུག་པ་ནི་ལྔ་སྟེ། གུར་ཀུམ་དང་། ཙནྡན་ [334a] [334a.1]དང་། ག་པུར་དང་། གླ་རྩི་དང་། སི་ཧླ་འོ། །རེ་རེ་ལ་སྒྲོན་མ་དང་། ལྷ་བཤོས་དང་། གང་བའི་སྣོད་ལྔ་ལྔའོ། །གཞན་ནི་ཕྱི་བའི་རས་དང་། ཕྱག་རྒྱའི་རས་དང་། སྤྲོས་དང་། ཡུངས་ཀར་དང་། མེ་ལོང་དང་། དྲི་མ་མེད་པ་དང་། ཆེ་བ་བུག་རྡོལ་མེད་པ་ཤིང་ལ་སོགས་ [334a.2]པ་ཁྲུས་ཀྱི་སྣོད་དོ། །དེ་དག་ཐམས་ཅད་ཚོགས་ནས་ཧཱུཾ་ཕཊ་སྔགས་དང་ལྡན་པའི་དམ་ཚིག་ཆུས་གཏོར་ཏེ། ཡི་གེ་གསུམ་གྱི་སྔགས་ཀྱིས་མཆོད་པར་བྱས་ནས་དག་པར་བྱའོ། །དེའི་རྗེས་སུ་ཨོཾ་གྱི་རྣམ་པའི་སྔགས་ཀྱིས་ཞལ་ཁབ་དབྱེ་སྟེ། ལག་པ་གཡོན་སྙིང་གར་བཞག་ནས་ [334a.3]མཛུབ་མོ་བཀུག །གཡས་པ་རྡོ་རྗེ་ཁུ་ཚུར་གྱི་ཕྱག་རྒྱས་རྣམ་པར་རྒྱལ་བའི་བུམ་པའི་ནང་ནས་རྡོ་རྗེ་འཛིན་པ་ཆེན་པོ་ཧཱུཾ་ཧཱུཾ་གི་སྔགས་ཀྱི་སྤྱན་དྲངས་ཏེ། མེ་ལོང་གི་སྟེང་དུ་ཨེའི་རྣམ་པའི་གཟུགས་ཆོས་ཀྱི་འབྱུང་གནས་ཀྱི་ཕྱག་རྒྱ་བཞག་ནས་ཡི་གེ་གསུམ་གྱི་སྔགས་ཀྱིས་མེ་ [334a.4]ཏོག་ལ་སོགས་པས་མཆོད་པ་བྱས་ཏེ། རྡོ་རྗེ་དྲིལ་བུ་དཀྲོལ་ཞིང་བཀྲ་ཤིས་ཀྱི་ཚིགས་བཅད་བརྗོད་པར་བྱའོ། །དེ་ནས་ཡི་གེ་གསུམ་གྱི་སྔགས་ཀྱིས་རྡོ་རྗེ་འཛིན་པ་ཆེན་པོའི་དབུ་ལ་ཨརྒྷ་དང་། མེ་ཏོག་དང་། སྤོས་དང་། བྱུག་པ་ལ་སོགས་པ་ཕུལ་ཏེ། ཕྱིས་ལྔས་ལས་ཐམས་ཅད་ [334a.5]པའི་བུམ་པས་ལག་པ་གཡོན་ན་རྡོ་རྗེ་དྲིལ་བུ། གཡས་ན་སྤོས་རྡོ་རྗེ་དང་ལྡན་པས་སྔགས་འདིས་ཁྲུས་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱཀ་ཙིཏྟ། མ་ཧཱ་བཛྲ་དྷ་ར་དེ་བེ་ན་བ་རེ་ན། པཉྩ་དྷ་ར་ཏ་ནེ་ནེ་སྣ་པ་ཡ་མེ་ཧཱུཾ་ཧཱུཾ་ཕཊ་སྭཱ་ཧཱ། དེ་ནས་མཆོད་པ་ལྔ་དབུལ་བར་བྱའོ། །ཨོཾ་པུཥྤ་ [334a.6]བཛྲ་སྭཱ་ཧཱ། ཨོཾ་དྷཱུ་པ་བཛྲི་སྭཱ་ཧཱ། ཨོཾ་དཱི་པ་བཛྲི་སྭཱ་ཧཱ། ཨོཾ་གནྡྷེ་བཛྲི་སྭཱ་ཧཱ། ཨོཾ་ནཻ་བི་ཏྱེ་བཛྲི་སྭཱ་ཧཱ། དེ་ནས་དབུ་ལ་མེ་ཏོག་ལ་སོགས་པ་ཕུལ་ཏེ། འབྲུ་ལྔའི་ཁྲུས་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱཀ་ཙིཏྟ་མ་ཧཱ་བཛྲ་དྷ་ར་དེ་བེ་ན་བ་རེ་ན་པཉྩ་བྲི་ཧེའི་སྣ་བ་མེ་ཧཱུཾ་ཧཱུཾ་ཕཊ་སྭཱ་ཧཱ། [334a.7]སྔར་བསྟན་པའི་རིམ་པས་མཆོད་པར་བྱའོ། །དེ་ནས་ཡང་དབུ་ལ་མེ་ཏོག་ལ་སོགས་པ་ཕུལ་ཏེ། སྨན་ལྔའི་ཁྲུས་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱཀ་ཙིཏྟ་དེ་བེ་ན་བ་རེ་ན་པཉྩ་འུ་ཤ་ཐེ་ན་སྣ་པ་ཡ་མེ་ཧཱུཾ་ཧཱུཾ་ཕཊ་སྭཱ་ཧཱ། མཆོད་པ་ནི་སྔར་བཞིན་ནོ། །དེ་ནས་ཡང་དབུ་ལ་མེ་ཏོག་ལ་སོགས་ [334b] [334b.1]པ་ཕུལ་ཏེ་འབྲས་བུ་ལྔས་ཁྲུས་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ་མ་ཧཱ་བཛྲ་དྷ་རེ་བེ་ན་བ་ར་ན་པཉྩ་ཕ་ལེའུ་སྣ་པ་ཡང་མེ་ཧཱུཾ་ཧཱུཾ་ཕཊ་སྭཱ་ཧཱ། མཆོད་པ་ནི་གོང་མ་བཞིན་ནོ། །དེ་ནས་ཡང་དབུ་ལ་མེ་ཏོག་ལ་སོགས་པ་ཕུལ་ཏེ། སྣ་ཚོགས་ལྔས་ཁྲུས་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ [334b.2]བཱ་ཀ་ཙིཏྟ་མ་ཧཱ་བཛྲ་དྷ་དྷ་རེ་དེ་བེ་ན་བ་རེ་ན་པཉྩ་པྲྀ་ཀཱརྞ་དྲ་བྱའི་སྣ་པ་ཡ་མེ་ཧཱུཾ་ཧཱུཾ་ཕཊ་སྭཱ་ཧཱ། མཆོད་པ་ནི་སྔར་བཞིན་ནོ། །དེ་ནས་ཡང་དབུ་ལ་མེ་ཏོག་ལ་སོགས་པ་ཕུལ་ཏེ། བྱུག་པ་ལྔའི་ཁྲུས་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱཀ་ཙིཏྟ་མ་ཧཱ་བཛྲ་དྷ་རེ་དེ་བེ་ན་བ་རེ་ན་པཉྩ་ས་མ་ལ་བ་དེའི་སྣ་པ་ [334b.3]ཡ་མེ་ཧཱུཾ་ཧཱུཾ་ཕཊ་སྭཱ་ཧཱ། མཆོད་པ་ཡང་དང་པོ་བཞིན་ནོ། །ཁྲུས་རེ་རེ་སྣ་ཚོགས་པའི་སིལ་སྙན་གྱི་མཆོད་པ་དང་། ཀླུའི་མཆོད་སྦྱིན་དང་གཏོར་མ་ལ་སོགས་པ་བྱའོ། །དེ་ནས་མེ་ལོང་ཕྱི་རས་ཀྱིས་ལེགས་པར་ཕྱིས་ཏེ་ཡང་དག་པར་དྲི་མེད་པར་བྱས་ནས། ཙནྡན་དང་གུར་ཀུམ་བསྲེས་པས་ [334b.4]ཉི་མའི་དཀྱིལ་འཁོར་བྱས་ཏེ། མེ་ཏོག་ལ་སོགས་པས་མཆོད་ནས་དེའི་སྟེང་དུ། ཨོཾ་ཨཱཿ་ཧཱུཾ་ཕཊ་ཀྱི་སྔགས་ཀྱིས་རྡོ་རྗེ་འཛིན་པ་ཆེན་པོ་བྱིན་གྱིས་བརླབས་ཏེ། ཡེ་ཤེས་ཀྱི་ཕྱག་རྒྱས་བུམ་པའི་ནང་དུ་ཧཱུཾ་ཕཊ་རྣམ་པའི་སྔགས་ཀྱིས་གཤེགས་སུ་གསོལ་བར་བྱའོ། །དེ་ལྟ་བུའི་རིམ་པས་ [334b.5]གཞན་བུམ་པའི་ནང་དུ་བཞུགས་པ་དེ་བཞིན་གཤེགས་པ་དང་ལྷ་མོའི་ཁྲུས་ཀྱིས་ཆོ་ག་བྱའོ། །འོན་ཀྱང་རང་གི་རིགས་ཀྱི་གོ་རིམས་ཀྱི་ཕྱག་རྒྱས་སྤྱན་དྲངས་ཏེ། རང་གི་མཚན་དང་སྤེལ་སྔར་བསྟན་སྔགས་ཞེས་བྱའོ། །དེ་ནི་བུམ་ཁྲུས་སོ། །ད་ནི་དཀྱིལ་འཁོར་གྱི་ཁྲུས་བཤད་དེ། [334b.6]ཧྲཾ་གྱི་རྣམ་པའི་སྔགས་ཀྱིས་ཞལ་ཁ་བ་ཀྱི་རས་ཕྱེ་སྟེ། སྔར་བསྟན་པའི་རིམ་པས་རྡོ་རྗེ་དྲིལ་བུ་དང་། བཀྲ་ཤིས་ཀྱི་ཚིགས་བཅད་ལ་སོགས་པ་བརྗོད་དེ། མེ་ལོང་གི་སྟེང་དུ་གུར་ཀུམ་དང་ཙནྡན་ལ་སོགས་པདྨ་བྱས་ནས། དེའི་སྟེང་དུ་བྷཱུཾ་གྱི་རྣམ་པ་ཡོངས་སུ་གྱུར་པ་ལས། ཡན་ལག་ [334b.7]ཐམས་ཅད་དང་ལྡན་པའི་གཞལ་ཡས་ཁང་བསྒོམ་པར་བྱའོ། །དེ་ནས་ཁམས་གསུམ་རྣམ་པར་རྒྱལ་བའི་ཕྱག་རྒྱས་དང་། དེ་བཞིན་དུ་ཛཿ་ཧཱུཾ་བཾ་ཧོཿའི་སྔགས་ཀྱིས་སྐད་ཅིག་ཐམས་ཅད་ཡན་ལག་དང་ལྡན་པའི་དཀྱིལ་འཁོར་ལ་སྤྱན་དྲངས་ཏེ། མེ་ལོང་གི་སྟེང་དུ་བཞུགས་སུ་ [335a] [335a.1]གསོལ་ནས། སྔར་བསྟན་པའི་ཆོ་གས་འཁོར་དང་བཅས་པ་གཙོ་བོ་ལས་ཐམས་ཅད་པའི་བུམ་པའི་ཕྱིས་ལྔའི་ཁྲུས་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱག་ཙིཏྟ་མ་ཧཱ་བཛྲ་དྷ་ར་ས་པ་རི་བཱ་རཱན་ས་མ་ཡོ་དཾ་པཉྩ་དྷ་ར་ཏ་ནེ་ན་སྣ་པ་ཡ་མེ་ཧུཾ་ཧཱུཾ་ཕཊ་སྭཱ་ཧཱ། དེ་ལྟ་བུའི་རིམ་པས་བྱུག་པའི་ [335a.2]ཁྲུས་ཡན་ཆད་བྱའོ། །དེ་ནས་རྣམ་པར་རྒྱལ་བའི་བུམ་པའི་ཁྲུས་བྱའོ། །ཨོཾ་སརྦ་ཏ་ཐཱ་ག་ཏཀཱ་ཡ་བཱཀ་ཙིཏྟ་མ་ཧཱ་བཛྲ་དྷ་ར་ས་པ་རི་བཱ་རཾ་བེ་པཉྩ་ད་རྟ་ནེ་ན་ཙོ་ཡ་ཀ་ལ་ཤེ་ན་སྣ་པ་ཡ་མེ་ཧུཾ་ཧཱུཾ་ཕཊ་སྭཱ་ཧཱ། དེ་ནས་རྣམ་པར་རྒྱལ་བའི་བུམ་པས་ཁྲུས་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱཀ་ཙིཏྟ་མ་ཧཱ་བཛྲ་དྷ་ར་ས་པ་ [335a.3]རི་བཱ་རཾ་བེ་ཙ་ཡེ་ཀ་ལ་ཤ་ན་སྣ་པ་ཡེ་མེ་ཧུཾ་ཧཱུཾ་ཕཊ་སྭཱ་ཧཱ། གཞན་ནི་མཆོད་པ་ལ་སོགས་པ་དང་། ཕྱི་བ་དང་གཤེགས་སུ་གསོལ་བ་ནི་སྔ་མ་བཞིན་ནོ། །དེ་ནི་དཀྱིལ་འཁོར་ཁྲུས་སོ། །ད་ནི་ཁྲུས་བཤད་དེ། སྐུའི་དབུ་ལ་གཞན་མ་ཡིན་པའི་ཁྲུས་བྱའོ། །གལ་ཏེ་ཐང་ཀ་ལ་སོགས་པ་ཡིན་ན་མེ་ལོང་གིས་སོ། ། [335a.4]དེ་ལ་དང་པོ་ཧཱུཾ་གིས་རྣམ་པའི་སྔགས་ཀྱིས་སྟ་གོན་གྱི་གོས་བཤུས་ཏེ་སྔར་བསྟན་པའི་ཕྱག་རྒྱས་སྤྱན་དྲངས་པ་ལ་སོགས་པའི་ཆོ་ག་བྱས་ནས། དེའི་རྗེས་སུ་ཨོཾ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ་མ་ཧཱ་བཛྲ་དྷ་ར་པཉྩ་ཨུཏྟ་ར་ནེ་ན་སྣ་པ་ཡ་མེ་ཧུཾ་ཧཱུཾ་ཕཊ་སྭཱ་ཧཱ། གཞན་ཀུན་ནི་དཀྱིལ་འཁོར་ལ་སོགས་ [335a.5]པ་བཞིན་ནོ། །དེ་ནི་སྐུ་ཁྲུས་ཀྱི་ཆོ་གའོ། །ད་ནི་སློབ་མའི་ཁྲུས་བཤད་ཏེ། རེ་ཞིག་མདོར་བསྡུས་པའི་ཁྲུས་བྱེད་ན། དེ་ནི་བླ་མ་ཆེན་པོ་རྡོ་རྗེ་སློབ་དཔོན་གྱིས་མེ་ལོང་ལས་བྱའོ། །ཡང་ན་རྒྱས་པས་ལོང་ཡོད་པ་ན་དཀྱིལ་འཁོར་གྱི་ཁང་པའི་ཕྱི་རོལ་དུ་ལས་ཀྱི་སློབ་དཔོན་གྱིས་བྱའོ། །དེ་ལ་རིམ་ [335a.6]པ་ནི་འདི་ཡིན་ཏེ་དང་པོར་རེ་ཞིག་པའི་ལྕི་བས་ལ་མ་ལྷུང་བས་སློབ་དཔོན་གྱིས་ལེགས་པར་བྱུགས་པའི་དབུས་ཀྱི་གནས་སུ་སྣ་ཚོགས་པདྨ་བརྒྱད་དང་ལྡན་པའི་གྲུ་བཞི་པའི་དཀྱིལ་འཁོར་རྡོ་རྗེ་ཕྲེང་བས་རྣམ་པར་བརྒྱན་པ་སོར་གསུམ་ལྷག་པའི་ཁྲུ་གསུམ་པར་བྱའོ། །དེ་ཡང་སྣ་ཚོགས་ [335a.7]པའི་མེ་ཏོག་ལ་སོགས་པས་མཆོད་པ་བྱས་ནས་མདའ་དང་ལྡན་པའི་རིས་ཀྱིས་བསྐོར་བར་བྱའོ། །དེའི་དབུས་དྲི་མ་མེད་པ་བུག་རྡོལ་མེད་པའི་ཁྲུས་ཀྱི་སྣོད་དེའི་སྟེང་དུ་ཧཱུཾ་གི་རྣམ་པའི་སྔགས་ཀྱིས་བྱིན་གྱིས་བརླབ་པའི་སློབ་མ་བཞག་སྟེ། རྡོ་རྗེ་དང་དྲིལ་བུ་དང་ལྡན་པ་སྟན་མཐོ་བར་གནས་ [335b] [335b.1]པའི་ལས་ཀྱི་སློབ་དཔོན་གྱིས་རིམ་པས་ཁྲུས་བྱའོ། །དེ་ལ་དང་པོ་ནི་ཨོཾ་སརྦ་པཱ་པཾ་དུཥྚ་ཧ་ན་ཧ་ན་ད་ཧ་ད་ཧ་ཞེས་པའི་སྔགས་ཀྱིས་དང་། པདྨའི་ཕྱག་རྒྱ་ཤུམ་པའི་མེའི་སྟེང་དུ་ཡུངས་ཀར་བཏབ་སྟེ། ལན་གསུམ་མགོ་ལ་བསྐོར་ནས་ཕྱི་རོལ་དུ་དོར་བར་བྱའོ། །དེའི་འོག་ཏུ་སྔར་བསྟན་པའི་ [335b.2]རྡོ་རྗེ་དྲིལ་བུའི་སྔགས་ཀྱིས་སུམ་ཅུ་རྩ་བདུན་གྲངས་ལ་ལན་ཅིག་རྡོ་རྗེ་དྲིལ་བུ་དཀྲོལ་བ་བྱས་ཏེ། སློབ་མ་རྣམ་པར་སྣང་མཛད་ཀྱི་གཟུགས་སུ་བྱིན་གྱིས་བརླབས་ནས་དབྱངས་ཀྱི་ཡན་ལག་དང་ལྡན་པའི་བཀྲ་ཤིས་ཀྱི་ཚིགས་བཅད་བརྗོད་པར་བྱའོ། །དེ་ནས་མགོ་བོར་ཡི་གེ་གསུམ་གྱི་སྔགས་ཀྱིས་ [335b.3]ཨརྒྷ་དང་མེ་ཏོག་ལ་སོགས་པ་བྱིན་ཏེ། རྡོ་རྗེ་དྲིལ་བུ་དཀྲོལ་ཞིང་ཨོཾ་ཨཱཿ་ཧཱུཾ་སྔགས་ཀྱིས་ལས་ཐམས་ཅད་པའི་བུམ་པ་བྱིན་གྱིས་བརླབས་ནས་ཡང་དག་པར་རྫོགས་པའི་སངས་རྒྱས་མཚན་དང་ལྡན་པ་ལོ་བཅུ་གཉིས་ལོན་པའི་བུ་མོའི་ལག་ཏུ་སྦྱིན་པར་བྱའོ། །ཉིད་ཀྱིས་ཕྱག་གཡས་ [335b.4]པས་བུམ་པ་གཏུགས་ཏེ་ཚིགས་བཅད་འདི་བརྗོད་པར་བྱའོ། །ཡང་དག་རྫོགས་སངས་རྒྱས་ཀུན་ཁྱོད། །འོན་ཀྱང་གློ་བུར་དྲི་མས་ཁྱབ། །དེ་ནི་ཐམས་ཅད་བཀྲུ་བའི་ཕྱིར། །དགེ་ཡིད་ལྡན་པ་བདག་གིས་བཀྲུ། །ཨོཾ་ཨ་ན་ག་ཏ་བུདྡྷ་ཏ་ཐཱ་ག་ཏ་ཨ་བ་ལོ་ཀ་ཏ་དེ་བེ་ན་བ་རེ་ན་པཉྩ་ཨོཾ་ [335b.5]དྷ་ཏ་རྟ་ནེ་ན་རུ་པ་ཀ་དཾ་ན་རུ་པ་ཀ་དཾ་ན་སྣ་པ་ཡ་མེ་ཧུཾ་ཧཱུཾ་ཕཊ་སྭཱ་ཧཱ། དེ་ནས་མཆོད་པ་ལྔ་དབུལ་བར་བྱའོ། །དེ་ནས་ཡང་མགོ་བོ་མེ་ཏོག་ལ་སོགས་པ་བྱིན་ཏེ་འབྲུ་ལྔའི་ཁྲུས་བྱའོ། །ཨོཾ་སརྦ་ཏ་ཐཱ་ག་ཏ་ཨ་བ་ལོ་ཀ་ཏ་དེ་བེ་ན་བ་རེ་ན་པཉྩ་བྲི་ཧ་བི་ད་ན་སྐནད་མ་སྣམ་པ་ཡ་མེ་ཧུཾ་ཧཱུཾ་ཕཊ་སྭཱ་ཧཱ། མཆོད་ [335b.6]པ་བྱས་ཏེ། དེ་ནས་ཡང་མགོ་ལ་མེ་ཏོག་ལ་སོགས་པ་བྱིན་ནས་སྨན་ལྔའི་ཁྲུས་བྱའོ། །ཨོཾ་ཨ་ན་ག་ཏ་བུདྡྷ་ཏ་ཐཱ་ག་ཏ་ཨ་བ་ལོ་ཀ་ཏ་དེ་བེ་ན་བ་རེ་ན་པཉྩོ་ཨ་ཤ་ཐ་སམྱ་གདཾ་སྣ་པ་ཡ་མེ་ཧུཾ་ཧཱུཾ་ཕཊ་སྭཱ་ཧཱ། མཆོད་པ་བྱས་ནས་མགོ་ལ་མེ་ཏོག་ལ་སོགས་པ་བྱིན་ཏེ། འབྲས་བུ་ལྔས་ཁྲུས་བྱའོ། །ཨོཾ་ [335b.7]ཨ་ན་ག་ཏ་བུདྡྷ་ཏ་ཐཱ་ག་ཏ་ཨ་བ་ལོ་ཀ་ཏ་དེ་བེ་ན་བ་རི་ན་ས་སཾ་སྐཱ་ར་ས་ད་མ་སྣ་པ་ཡེ་ཧུཾ་ཧཱུཾ་ཕཊ་སྭཱ་ཧཱ། མཆོད་པ་བྱས་ནས་མགོ་ལ་མེ་ཏོག་ལ་སོགས་པ་བྱིན་ཏེ། སྣ་ཚོགས་ལྔའི་སྨན་གྱིས་ཁྲུས་བྱའོ། །ཨོཾ་ཨ་ན་ག་ཏ་བུདྡྷ་ཏ་ཐཱ་ག་ཏ་ཨ་བ་ལོ་ཀ་ཏེ་དེ་བེ་ན་བ་རེ་ན་པཉྩ་པྲ་ཀཱིརྞ་དྲ་བྱ་བྱི་ཛྙཱ་ན་སྐ་ནྡྷ་ [336a] [336a.1]སྣ་པཱ་ཡ་མེ་ཧུཾ་ཧཱུཾ་ཕཊ་སྭཱ་ཧཱ། མཆོད་པ་བྱས་ནས་མགོ་ལ་མེ་ཏོག་ལ་སོགས་བྱིན་ཏེ། བྱུག་པ་ལྔས་ཁྲུས་བྱའོ། །ཨོཾ་ཨ་ན་ག་ཏ་བུདྡྷ་ཏ་ཐཱ་ག་ཏ་ཨ་བ་ལོ་ཀ་དེ་བེེ་ན་བ་རེ་དྷ་ན་སྐ་ར་ཡ་སྣ་པཱ་ཡ་ཧུཾ་ཧཱུཾ་ཕཊ་སྭཱ་ཧཱ། མཆོད་པ་བྱས་ནས་མགོ་ལ་མེ་ཏོག་ལ་སོགས་པ་བྱིན་ཏེ། བྱུག་ [336a.2]པ་ལྔའི་ཁྲུས་བྱའོ། །ཨོཾ་ཨ་ན་ག་ཏ་བུདྡྷ་ཏ་ཐཱ་ག་ཏ་ཨ་བ་ལོ་ཀེ་བྷེ་ར་བ་རེ་ན་ས་མ་ལ་བ་ན་པཉྩ་ཀེ་ན་དྷ་ཏྭཱ་ཡ་ཏ་ནཾ་སྣ་པཱ་ཡ་ཧུཾ་ཧཱུཾ་ཕཊ་སྭཱ་ཧཱ། དེ་ནས་སྤོས་ཀྱིས་བདུགས་པའི་རས་ཀྱིས་ཀུན་ཕྱིས་ཏེ། ཧཱུཾ་གི་རྣམ་པའི་སྔགས་ཀྱིས་མགོ་ལ་མེ་ཏོག་བྱིན་ནས་དམ་ཚིག་གི་ཁྲུས་བྱའོ། །ཨོཾ་ཡ་ཐཱ་ཧེ་ཛ་ [336a.3]ཏ་མ་ཏྲ་སྱོསྣ་པེ་ཏ་སརྦ་ཏ་ཐཱ་ག་ཏ་ཏ་ཐཱ་ག་ཏ་སྣ་པ་ཡེ་ཥྚཾ་མེ་ཤོ་ཏ་བི་ན་བ་རེ་ན་ཨོཾ་ཨཱཿ་ཧཱུཾ་ཕཊ་སྭཱ་ཧཱ། དེ་ནས་སྣ་ཚོགས་པའི་གོས་བགོས་ཏེ་དམ་པའི་ཆོས་ཀློག་པའི་གནས་སུ་སྟན་གྱི་སྟེང་དུ་གཞག་པར་བྱའོ། །སློབ་དཔོན་ཤེས་རབ་དཔལ་གྱིས་མཛད་པ། ཡན་ལག་བརྒྱད་པའི་རིམ་པ་ལས། ཁྲུས་ [336a.4]ཀྱི་ཆོ་ག་བསྟན་པ་ཞེས་བྱ་བའི་ལེའུར་བཅད་པ་བཞི་པའོ།། །།ད་ནི་རབ་གནས་ཀྱི་ཆོ་ག་བཤད་དེ། རེ་ཞིག་དང་པོའི་སིལ་སྙན་ལ་སོགས་པ་དང་ལྡན་པའི་རྡོ་རྗེ་དྲིལ་བུ་དཀྲོལ་ཏེ། ལག་པ་གཡོན་པའི་རྡོ་རྗེ་ཁུ་ཚུར་གྱིས་མདའ་བཟུང་ནས། ལག་པ་གཡས་པ་རྡོ་རྗེ་ཁུ་ཚུར་གྱིས་ [336a.5]ཅིག་ཅིག་དྲངས་ཏེ། ཐ་མར་ཨོཾ་ཨཱཿ་ཧཱུཾ་བཀོད་ནས། ཤར་ལྷོ་ནུབ་བྱང་ལ་སོགས་པའི་གནས་སུ་སོར་བཞི་ཡན་ཆོད་འོག་གི་ཆར་གཞུག་པར་བྱའོ། །དེ་ནས་སྔགས་དང་ལྡན་པའི་ཚོན་སྣ་ལྔའི་སྐུད་པས་བསྐོར་རོ། །དེ་ལ་སྔགས་ནི་འདི་ཡིན་ཏེ། ཨོཾ་པཉྩ་ན་ཨཱཏྨ་ཀོ་མ་ཧཱ་རཀྵ་སུ་ཏྲ་ར་ཙཾ་བཛྲ་ [336a.6]ཀནྡེ་སྭཱ་ཧཱ། སུ་པྲ་ཏིཥྛེ་ཏུ་བྷ་བ་ཧུཾ་ཧཱུཾ་ཕཊ་སྭཱ་ཧཱ། དེ་ནས་ཤར་ཕྱོགས་ཀྱི་ཆར་འཁོར་ལོ་དང་ལྡན་པ་བཞག་སྟེ་སྔགས་འདིས་རབ་གནས་བྱའོ། །ཨོཾ་ཙཀྲ་ཀོ་ལ་ཡ་སུ་པྲ་ཏིཥྛ་ཏུ་བྷ་བ་ཧུཾ་ཧཱུཾ་ཕཊ་སྭཱ་ཧཱ། ལྷོར་པདྨ་དང་ལྡན་པ། ཨོཾ་པདྨ་ཀོ་ལ་ཡ་སུ་པྲ་ཏིཥྛེ་ཏུ་བྷ་བ་ཧུཾ་ཧཱུཾ་ཕཊ་སྭཱ་ཧཱ། ནུབ་ [336a.7]ཏུ་རིན་པོ་ཆེ་དང་ལྡན་པ། ཨོཾ་རཏྣ་ཀོ་ལ་ཡ་སུ་པྲ་ཏིཥྛ་ཏུ་བྷ་བ་ཧུཾ་ཧཱུཾ་ཕཊ་སྭཱ་ཧཱ། བྱང་དུ་རལ་གྲི་དང་ལྡན་པ། ཨོཾ་ཀརྨ་ཀོ་ལ་ཡ་སུ་པྲ་ཏིཥྛེ་ཏུ་བྷ་བ་ཧཱུཾ་ཧཱུཾ་ཕཊ་སྭཱ་ཧཱ། མེའི་མཚམས་སུ་རི་རབ་དང་ལྡན་པ། ཨོཾ་ཨཱཿ་ཧཱུཾ་ཕཊ་སྭཱ་ཧཱ། ཆུའི་ཕྱོགས་སུ་སྦྲུལ་དང་ལྡན་པ། ཨོཾ་ཨཱཿ་ཧཱུཾ་ཧོ་ཕཊ་སྭཱ་ཧཱ། [336b] [336b.1]རླུང་གི་མཚམས་སུ་མེ་དང་ལྡན་པ། ཨོཾ་ཨཱཿ་ཧཱུཾ་ཕཊ་སྭཱ་ཧཱ། དབང་ལྡན་གྱི་མཚམས་སུ་འཕན་དང་ལྡན་པ། ཨོཾ་ཨཱཿ་ཧཱུཾ་ཧ་ཕཊ་སྭཱ་ཧཱ། དབུས་སུ་རྣམ་པར་རྒྱལ་བ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ་མ་ཧཱ་བཛྲ་དྷ་ར་ཀྲོ་དྷ་སཏྭ་སྭ་དུ་པེ་ཎ་སུ་པྲ་ཏིཥྛེ་ཏུ་བྷ་བ་ཧུཾ་ཧཱུཾ་ཕཊ་སྭཱ་ཧཱ། འཁོར་ལོ་དང་ལྡན་པའི་ [336b.2]གཡས་ཕྱོགས་སུ། ལས་ཐམས་ཅད་པའི་བུམ་པ་ཨོཾ་ཧོ་ལོ་ཧོ་ལོ་ཧྲི་ཧྲི་ཧཱུཾ་ཧཱུཾ་ཕཊ་སྭཱ་ཧཱ། དམ་ཚིག་སྣོད་གཡོན་གྱི་ཆ་རུ། དེ་ལ་ཨོཾ་ཨཾ་ཨཱཾ་ཧིཾ་ཧཱིཾ་ཧུཾ་ཧཱུཾ་ཕཊ་སྭཱ་ཧཱ། གཞན་མ་གང་དང་གང་མར་མེ་དང་ལྷ་བཤོས་དང་ཡོ་བྱད་ལ་སོགས་པ་ཕྱོགས་མཚམས་བྱེ་བྲག་ཏུ་ཡི་གེ་གསུམ་གྱི་སྔགས་ [336b.3]ཀྱིས་གཞག་པར་བྱའོ། །དེ་ནས་དཀྱིལ་འཁོར་འཁོར་ལོ་རབ་གནས་བྱའོ། །ཨོཾ་སརྦ་ཏ་ཐཱ་ག་ཏ་ཨཱཏྨ་ཀ་མ་ཧཱ་ཛྙཱ་ན་ཨཱ་ཀ་ཤ་སྭ་དུ་པ་སུ་པྲ་ཏིཥྛ་ཏུ་བྷ་བ་ཧུཾ་ཧཱུཾ་ཕཊ་སྭཱ་ཧཱ། དེ་ནས་སྐུ་ལ་རབ་གནས་བྱའོ། །ཨོཾ་པཉྩ་ཨཱ་ཀ་ར་མ་ཧཱ་ཛྙཱ་ན་ཏཾ་ཨཱཏྨ་ཀ་སུ་པྲ་ཏིཥྛེ་ཏུ་བྷ་བ་ཧུཾ་ཧཱུཾ་ཕཊ་སྭཱ་ཧཱ། [336b.4]དེ་ནས་སློབ་མ་ལ་ནི་ཡི་གེ་གསུམ་གྱི་བྱིན་གྱི་རླབས་ཀྱིས་མེ་ཏོག་མགོ་ལ་བྱིན་ཏེ། སྔགས་འདིས་རབ་གནས་བྱའོ། །ཨོཾ་བཻ་རོ་ཙ་ན་ཏ་ཐཱ་ག་ཏ་སྟྭཾ་སུ་པྲ་ཏེཥྚེ་ཏུ་བྷ་པ་སྭཱ་ཧཱ། དེ་ནི་རབ་གནས་ཀྱི་ཆོ་གའོ། །སློབ་དཔོན་ཤེས་རབ་དཔལ་གྱིས་མཛད་པ། ཡན་ལག་བརྒྱད་པའི་རིམ་ [336b.5]པ་ལས། རབ་གནས་ཀྱི་ཆོ་ག་བསྟན་པ་ཞེས་བྱ་བའི་ལེའུར་བཅད་པ་ལྔ་པའོ།། །།དེ་ནས་གཞན་ཡང་དབང་བསྐུར་བའི་ཆོ་ག་བཤད་དེ། དང་པོར་རེ་ཞིག་བཀྲ་ཤིས་ཀྱི་ཚིགས་བཅད་བརྗོད་པར་བསྟན་ཏེ། རྡོ་རྗེ་དྲིལ་བུའི་སྔགས་ཀྱིས་སྤོས་དང་བཅས་པར་རྡོ་རྗེ་དྲིལ་བུ་ [336b.6]དཀྲོལ་བར་བྱའོ། །དེའི་འོག་ཏུ་མེ་ལོང་གི་སྟེང་དུ་མེ་ཏོག་ལ་སོགས་པ་གཏོར་ཏེ། ལས་ཐམས་ཅད་པའི་བུམ་པས་རྣམ་པར་རྒྱལ་བའི་བུམ་པ་ལ་སྔགས་འདིས་དབང་བསྐུར་བར་བྱའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱཀ་ཙིཏྟ་མ་ཧཱ་བཛྲ་དྷ་ར་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཕཊ་སྭཱ་ཧཱ། [336b.7]དེ་ནས་འཁོར་ལོ་དང་ལྡན་པ་ལ། ཨོཾ་བཻ་རོ་ཙ་ན་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཕཊ་སྭཱ་ཧཱ། དེ་ནས་པདྨ་དང་ལྡན་པ་ལ། ཨོཾ་ཨ་མི་ཏཱ་བྷ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཕཊ་སྭཱ་ཧཱ། དེ་ནས་རིན་པོ་ཆེ་དང་ལྡན་པ་ལ། ཨོཾ་རཏྣ་སཾ་བྷ་བ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ [337a] [337a.1]ཡ་ཤྲི་ཡེ་ཧཱུཾ་ཕཊ་སྭཱ་ཧཱ། ཨོཾ་ཨ་མོ་གྷ་སིདྡྷི་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲེ་ཡེ་ཧཱུཾ་ཕཊ་སྭཱ་ཧཱ། དེ་ནས་རི་རབ་དང་ལྡན་པ་ལ། ཨོཾ་བྷ་ག་བ་ཏེ་བུདྡྷ་ལོ་ཙ་ནེ་ཨ་བྷི་ཥེ་ཀ་ས་མ་ཡེ་ཤྲི་ཡེ་ཧཱུཾ་ཕཊ་སྭཱ་ཧཱ། དེ་ནས་སྦྲུལ་དང་ལྡན་པ་ལ། ཨོཾ་བྷ་ག་བ་ཏི་མཱ་མ་ཀཱི་ཨ་བྷི་ཥེ་ཀ་ས་མ་ཡ་ [337a.2]ཤྲི་ཡེ་ཧཱུཾ་ཕཊ་སྭཱ་ཧཱ། དེ་ནས་སྦྲུལ་དང་ལྡན་པ་ལ། ཨོཾ་བྷ་ག་བ་ཏེ་མཱ་མ་ཏཱི་ཨ་རྙི་ཥེ་ཀ་ས་མ་ཡ་དྷིཤྲི་ཡེ་ཧཱུཾ་ཕཊ་སྭཱ་ཧཱ། དེ་ནས་མེ་དང་ལྡན་པ་ལ། ཨོཾ་བྷ་ག་བ་ཏི་བྷནྡ་ར་བྷ་སེ་ནེ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཕཊ་སྭཱ་ཧཱ། དེ་ནས་སྤོས་དང་བཅས་པར་རྡོ་རྗེ་དྲིལ་བུ་དཀྲོལ་ཏེ། འཁོར་དང་བཅས་པའི་ [337a.3]དཀྱིལ་འཁོར་ལ་དབང་བསྐུར་སྦྱིན་པར་བྱའོ། །ཨོཾ་སརྦ་ཏ་ཐཱ་ག་ཏ་ཨཱཏྨ་ཀྭ་ཛྙཱ་ན་ཨཱ་ཀཱ་ཤ་སཱ་རུ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཕཊ་སྭཱ་ཧཱ། དེ་ནས་ཡང་རྡོ་རྗེ་དྲིལ་བུ་དཀྲོལ་ཏེ་ཐང་ཀ་ལ་སོགས་པའི་བདག་ཉིད་ཀྱི་སྐུ་ལ་དབང་བསྐུར་སྦྱིན་པར་བྱའོ། །ཨོཾ་པཉྩ་ཨཱ་ཀ་ར་མ་ཧཱ་ཛྙཱ་ན་ཨཱཏྨ་ཀོ་ཨ་བྷི་ [337a.4]ཥེ་ཀ་ས་མ་ཡ་ཤྲི་ཡེ་ཧཱུཾ་ཕཊ་སྭཱ་ཧཱ། ད་ནི་སློབ་མའི་དབང་བསྐུར་བཤད་དེ། དང་པོ་ནི་ལས་ཐམས་ཅད་པའི་བུམ་པས་སོ། །ཡང་ན་དམ་ཚིག་གི་ཆུས། མེ་ཏོག་གི་ཕྲེང་བ་དང་བཅས་པའི་མིག་གི་རས་ལ། ཨོཾ་ཨ་ཁཾ་བཱི་རའི་སྔགས་ཀྱིས་གཏོར་བར་བྱ་སྟེ་ལས་ཀྱི་སློབ་དཔོན་གྱི་ལག་ [337a.5]ཏུ་སྦྱིན། དེས་སློབ་མ་ལ་ཇི་ལྟར་གནས་པ་མཐོང་ནས་དམ་ཚིག་སེམས་དཔའི་གཟུགས་སུ་བྱིན་གྱིས་བརླབས་ཏེ། སྟོང་ཕྲག་དང་ལྡན་ན་སྤྱན། ཨོཾ་ས་ཧ་སྲཱ་ཀྵའི་སྔགས་ཀྱིས་བཅིང་བར་བྱའོ། །དེའི་དུས་སུ་ལས་ཀྱི་སློབ་དཔོན་གྱིས་དེ་ལ་དེ་ལྟ་བུའི་ཚིགས་བཅད་བརྗོད་པ་དེས་ཀྱང་དེ་ལྟ་ [337a.6]བུའི་བླ་མ་ཆེན་པོ་རྡོ་རྗེ་སློབ་དཔོན་གྱི་མདུན་དུ་བརྗོད་པར་བྱའོ། །མགོན་པོ་སྤྱན་གྱིས་བདག་ལ་གཟིགས། །ཁྱོད་ནི་བདག་གིས་སྟོན་ཆེན་པོ། །དམ་ཚིག་དེ་ཉིད་བདག་ལ་གསོལ། །ཐམས་ཅད་མཁྱེན་ལ་ཕྱག་འཚལ་ལོ། །ཡེ་ཤེས་ཉི་འོད་ཕྱག་འཚལ་ལོ། །ཐམས་ཅད་མཁྱེན་སྨན་ [337a.7]ཕྱག་འཚལ་ལོ། །ཡེ་ཤེས་བདུད་རྩི་མཚོ་ཕྱག་འཚལ། །དེ་སྐད་ཐོས་ནས་བླ་མ་ཆེན་པོ་རྡོ་རྗེ་སློབ་དཔོན་གྱིས། འདི་སྐད་ཅེས་གསུང་བར་བྱའོ། །སྐྱེས་བུ་ཁྱོད་ནི་སུ་ཞིག་ཡིན། །ཁྱོད་ནི་ཅི་འདོད་བདག་ལ་སྨྲོས། །སློབ་མས་ཀྱང་འདི་སྐད་བརྗོད་པར་བྱའོ། །དཔའ་བོ་ཆེན་པོ་ [337b] [337b.1]བདག་སྐལ་ལྡན། །ཐོག་མའི་དབང་ནི་བདག་ལ་སྩོལ། །དེ་ནས་བླ་མ་ཆེན་པོ་རྡོ་རྗེ་སློབ་དཔོན་གྱིས་སྐལ་ལྡན་ཚུར་ཤོག་ཚུར་ཤོག་ཅེས་གསུང་བར་བྱའོ། །སློབ་མ་ཡང་མེ་ཏོག་གིས་བཀང་བའི་སྙིམ་པ་དང་ལྡན་པ་ལས་ཀྱི་སློབ་དཔོན་གྱིས་ལག་པ་གཡས་པ་བཟུང་ནས། བླ་མ་ [337b.2]ཆེན་པོ་རྡོ་རྗེ་སློབ་དཔོན་གྱི་མདུན་དུ་མེ་ཏོག་གི་སྙིམ་པ་དབུལ་བར་བྱའོ། །དེ་ནས་ལན་གསུམ་ཕྱག་བྱས་ནས། འདབ་མ་བརྒྱད་པའི་པདྨའི་སྟེང་དུ་གཞག་པར་བྱའོ། །དེ་ནས་རྡོ་རྗེ་སློབ་དཔོན་གྱིས། ཧཱུཾ་ཕཊ་ཀྱི་རྣམ་པའི་སྔགས་ཀྱིས་མེ་ཏོག་བྱིན་གྱིས་བརླབས་ཏེ། ཨ་ཏི་ཧོ་ཏིཥྛ་ [337b.3]བརྟུལ་ཞུགས་བཟང་ཞེས་གསུང་ནས་མགོ་བོ་ལ་ནི་སྦྱིན་པར་བྱའོ། །ཕྱི་ནས་ཀྱང་ཧཱུཾ་གི་སྔགས་བཟླས་པའི་འབྲས་དཀར་པོ་དང་ལྡན་པའི་མེ་ཏོག་གིས་ལན་གསུམ་སྙིང་གར་བཏབ་པར་བྱའོ། །དེ་ནས་ཧཱུཾ་གི་རྣམ་པའི་སྔགས་ཀྱིས་མེ་ཏོག་དང་བཅས་པའི་རྡོ་རྗེ་སྙིང་གར་ལེགས་པར་ [337b.4]བཞག་སྟེ་འདི་སྐད་བརྗོད་པར་བྱའོ། །ཀྱེ་ལེགས་དགྱེས་ཀྱེའི་དམ་ཚིག་ཁྱོད། དེ་བཞིན་གཤེགས་པ་ཐམས་ཅད་ལ་སོགས་པའི་དངོས་གྲུབ་ཁྱོད་ཇི་ལྟར་འདོད་པ་བཞིན་དུ་རྙེད་དོ། །ཕྱི་ནས་ཡང་འདི་སྐད་སྨྲ་བར་བྱའོ། །དཀྱིལ་འཁོར་མ་མཐོང་སྔོན་དུ་ནི། །ཁྱོད་ནི་གང་ [337b.5]ཡང་སྨྲ་མ་བྱེད། །མ་ཡིན་ཁྱོད་ཀྱི་དམ་ཚིག་འདི། །དོན་མེད་ངེས་པར་འགྱུར་བ་ཡིན། །དེ་ནས་ཡང་ཧཱུཾ་གི་རྣམ་པས་རྡོ་རྗེ་བྱིན་གྱིས་བརླབས་ཏེ། མགོ་བོར་བཞག་ལ་འདི་སྐད་བརྗོད་པར་བྱའོ། །འདི་ནི་དམ་ཚིག་རྡོ་རྗེ་ཡིན། །སྤྱི་བོར་བདག་གིས་གསོར་བར་བྱ། །ཁྱོད་ཀྱིས་ [337b.6]གཞན་ལ་འདི་སྨྲས་ན། །སྐད་ཅིག་གཅིག་གིས་ཕུག་ནས་འགྲོ། དེ་ནས་དམ་ཚིག་གི་ཆུ་སྦྱིན་པར་བྱའོ། །ཨོཾ་བཛྲ་ཨུ་ད་ཀ་མ་ཧཱ་ཀུ་རཾ། །བཛྲ་ཙ་ནྡུ་བཀྲ་བྱ་ཤི་ན་ཞེས་སྔགས་དེས་ལན་བདུན་བཟླས་པ་བྱས་ནས་ལག་པ་གཡས་སུ་བྱིན་ཏེ་འདི་སྐད་ཅེས་བརྗོད་པར་བྱའོ། །འདི་ནི་ཁྱོད་ [337b.7]ཀྱི་དམྱལ་བའི་ཆུ། །དམ་ཚིག་ཉམས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་འགྱུར། །འཐུངས་ཤིག་རྡོ་རྗེ་བདུད་རྩི་ཆུ། །དེ་ནས་ཡང་ཕྱག་གཡས་པས་ལག་པ་གཉིས་བཟུང་སྟེ། འདི་སྐད་བརྗོད་པར་བྱའོ། །དི་རིང་ཕན་ཆད་ཁྱོད་ཀྱིས་ནི། །རྡོ་རྗེ་སེམས་དཔར་བདག་ [338a] [338a.1]ལ་སྨྲོས། །བདག་གིས་ཇི་ལྟར་བཀའ་སྩལ་བཀའ་བ་སྦྱིན། །དེ་ལྟར་ཁྱོད་ཀྱིས་དད་པར་བྱ་དགོས་སོ། །གང་ཡང་ང་ལ་མི་མོས་ནམ་ཡང་མིན། །དེ་ལྟར་བྱས་ན་རྣམ་སྨིན་དམྱལ་བར་འགྲོ། །དེ་ནས་སློབ་མ་ལ་དྲི་བར་བྱའོ། །ཀྱེ་དགེ་བའི་ཡིད་དང་ལྡན་པ་ [338a.2]ཁྱོད་ཀྱི་མིག་གིས་ཇི་ལྟར་མཐོང་། ནག་པོ་དང་། དམར་པོ་དང་། དཀར་པོ་དང་། སེར་པོ་དང་ལྗང་གུའི་ནང་ན་ཇི་ལྟར་མཐོང་བ་དེ་ལྟར་ལས་དེ་ལས་གྲུབ་ཅེས་བླ་མ་ཆེན་པོས་རང་གི་ཡིད་ལ་དཔྱད་དེ། བདེན་པའི་བྱིན་གྱི་རླབས་བྱའོ། །དྲི་མ་མེད་པའི་མེ་ཏོག་ཕྱག་གཡས་པས་བཟུང་ [338a.3]ནས་འདི་སྐད་བརྗོད་པར་བྱའོ། །དཀྱིལ་འཁོར་འདི་ལ་དཀྱིལ་འཁོར་བའི་ལྷ་མོ་རང་རང་གི་རིགས་ཀྱི་ཇི་ལྟ་བའི་དངོས་གྲུབ་ཡོད་པ་དེ་ལྟ་བུའི་མེ་ཏོག་བཅས་པའི་བུ་འདི་ལ་དངོས་གྲུབ་ཐོབ་པར་གྱུར་ཅིག །དེ་སྐད་སྨྲས་ནས་ནམ་མཁའ་ལ་དབུལ་བར་བྱའོ། །དེ་ནས་མིག་གི་རས་ཀྱི་ཕྲེང་བའི་དབུས་ [338a.4]ཀྱི་མེ་ཏོག་ཧཱུཾ་གི་རྣམ་པའི་སྔགས་ཀྱིས་བླངས་ནས་སློབ་མ་ལ་ཁ་སྦྱར་སྙིམ་པའི་དབུས་སུ་བྱིན་ཏེ་འདི་སྐད་བརྗོད་དོ། །ཨོཾ་ས་མ་ཡ་ཨ་དྷེ་རྦྷ་ཝེ་ཏོ་ཧཱུཾ་ཧཱུཾ་ཕཊ་སྭཱ་ཧཱ། དེ་ནས་ལས་ཀྱི་སློབ་དཔོན་གྱི་ཁ་བྱེ་བའི་པདྨའི་ཕྱག་རྒྱས་ལག་པ་འཕར་མའི་སྙིམ་པ། དམ་ཚིག་སེམས་དཔའ་བཟུང་ [338a.5]སྟེ། དཀྱིལ་འཁོར་ལ་བསྐོར་བ་ལན་གསུམ་བྱས་ནས། རྡོ་རྗེ་སློབ་དཔོན་གྱི་གཡོན་ཕྱོགས་སུ་གཉིས་ཀ་ལངས་ཏེ། ལས་ཀྱི་སློབ་དཔོན་གྱིས་དེ་ལ་འདི་སྐད་བརྗོད་པར་བྱའོ། །ཧཱུཾ་པྲ་ཏཱི་ཙྪ་ཧོཿ་རྡོ་རྗེ་འཛིན་ལན་གསུམ་བརྗོད་དེ་དཀྱིལ་འཁོར་གྱི་དབུས་སུ་དབུལ་བར་བྱའོ། །ཕུལ་བ་ [338a.6]ཙམ་གྱིས་བླ་མ་ཆེན་པོ་རྡོ་རྗེ་སློབ་དཔོན་གྱིས་ཐ་མ་འབྲིང་རབ་ལ་སོགས་པའི་དངོས་གྲུབ་ཉེ་བར་བལྟས་ཏེ། ཚིགས་བཅད་འདིས་མིག་དབྱེ་བར་བྱའོ། །རྡོ་རྗེ་སེམས་དཔའི་དེ་རིང་ཉིད། །ཁྱེད་ཀྱི་མིག་ནི་བརྩོན་པར་བྱེད། །བླ་ན་མེད་པའི་རྡོ་རྗེ་མིག །ཐམས་ཅད་སྤྱན་ལྡན་བདག་གིས་ [338a.7]དབྱེ། །ཨོཾ་དེ་བྱཱིནྡྲ་ཛྙཱ་ན་ཨཱ་བ་ལོ་ཀི་ཏ་དྲྀ་ཤྱ་ཧུཾ་ཧཱུཾ་ཕཊ་སྭཱ་ཧཱ། དེ་ནས་དཀྱིལ་འཁོར་འཁོར་ལོའི་དོན་བསྟན་པར་བྱའོ། །དེའི་དུས་སུ་སློབ་མ་ལངས་ནས་བླ་མ་རྗེ་བཙུན་ལ་ལན་གསུམ་ཕྱག་བྱས་ཏེ། ཞུ་བའི་ཚིགས་བཅད་འདི་ལྟར་བརྗོད་པར་བྱའོ། །བྱང་ཆུབ་རྡོ་རྗེ་སངས་རྒྱས་ལ། ། [338b] [338b.1]ཆེན་པོའི་ཆེན་པོ་ཇི་ལྟར་སྦྱིན། །བདག་ཀྱང་བསྐྱབ་པའི་དོན་དུ་ན། །ནམ་མཁའ་རྡོར་སྔོན་བདག་ལ་སྩོལ། །བླ་མ་རྗེ་བཙུན་གྱིས་ཀྱང་འདི་སྐད་བརྗོད་པར་བྱའོ། །དབང་བསྐུར་ཆེན་པོའི་རིན་ཆེན་ནི། །ཁམས་གསུམ་གྱིས་ནི་ཕྱག་བྱས་པ། །གསང་གསུམ་གཞི་ལས་བྱུང་བ་ནི། ། [338b.2]སངས་རྒྱས་ཀུན་གྱི་བདག་གིས་སྦྱིན། །དེ་ནས་ཧཱུཾ་གི་རྣམ་པའི་བྱིན་གྱིས་བརླབས་པའི་མེ་ཏོག་མགོ་བོ་ལ་བྱིན་ནས། རྡོ་རྗེ་དྲིལ་བུ་དཀྲོལ་ཏེ། སྔགས་འདིས་ཆུའི་དབང་བསྐུར་སྦྱིན་པར་བྱའོ། །ཨོཾ་ཤྲཱི་ཨ་ཀྵོ་བྷྱ་སྭ་བྷཱ་བ་བཛྲ་ཨོཾ་བོ་ན་ཨ་བྷི་ཥི་ཉྩཱ་མི་ཧཱུཾ་ཧཱུཾ་ཕཊ་སྭཱ་ཧཱ། དེ་ནས་ཧཱུཾ་གི་རྣམ་ [338b.3]པའི་བྱིན་གྱིས་བརླབས་པའི་ཙནྡན་དེས་དཔྲལ་བར་ཐིག་ལེ་བྱའོ། །དེ་ནས་མི་བསྐྱོད་པའི་ལྷའི་རྣམ་པ་མཐོང་ནས་མཆོད་པ་ལྔ་དབུལ་བར་བྱའོ། །དེའི་རྗེས་སུ་གསེར་ལ་སོགས་པ་བཟོར་བྱས་པ་དང་། ཡང་ན་རས་ལ་བྲིས་པའི་དབུ་རྒྱན་སྙིམ་པ་བརྐྱང་བའི་ཕྱག་རྒྱས་བཟུང་སྟེ། ཧྲི་ཕ་རའི་ [338b.4]སྔགས་ཀྱིས་བྱིན་གྱིས་བརླབས་ནས་དེའི་སྟེང་དུ་གྲངས་མེད་པའི་འཇིག་རྟེན་གྱི་ཁམས་ན་བཞུགས་པའི་སངས་རྒྱས་བསམས་ཏེ་སྔགས་འདིས་དབུ་རྒྱན་གྱི་དབང་བསྐུར་སྦྱིན་པར་བྱའོ། །ཨོཾ་ཤྲཱི་རཏྣ་སཾ་བྷ་བ་སྭ་བྷཱ་བ་མུ་ཀུ་ཊེ་ན་ཨ་བྷི་ཥི་ཉྩཱ་མི་ཧུཾ་ཧཱུཾ་ཕཊ་སྭཱ་ཧཱ། སྔར་བཞིན་དུ་ནི་མཆོད་པ་བྱས་ནས་ [338b.5]རིན་ཆེན་འབྱུང་ལྡན་གྱི་གཟུགས་སུ་མཐོང་སྟེ། རྡོ་རྗེའི་དབང་བསྐུར་སྦྱིན་པར་བྱའོ། །ཧཱུཾ་གི་རྣམ་པས་བྱིན་གྱིས་བརླབས་པའི་རྡོ་རྗེ་ཕྱག་གཡས་པར་བཟུང་ནས། རྡོ་རྗེ་སློབ་དཔོན་གྱིས་ཚིགས་བཅད་འདི་བརྗོད་པར་བྱའོ། །རྡོ་རྗེ་སེམས་དཔས་རྒྱལ་ཇི་ལྟར། །དེ་རིང་བདག་གིས་ཁྱོད་ [338b.6]དབང་བསྐུར། །འདི་ནི་སངས་རྒྱས་ཐམས་ཅད་ཀྱི། །རབ་གྲུབ་ཕྱིར་ནི་རྡོ་རྗེ་བཟུང་། །སློབ་མའི་སྙིང་གར་གཏུགས་བྱས་ལ། །ལག་པ་གཡས་པར་སྦྱིན་པར་བྱའོ། །ཨོཾ་ཤྲཱི་ཨ་མི་ཏཱ་བྷ་སྭ་བྷཱ་བ་བཛྲ་ནཱ་མ་ཨ་བྷི་ཥིཉྩཱ་མི་ཧུཾ་ཧཱུཾ་ཕཊ་སྭཱ་ཧཱ། དེའི་རྗེས་ཐོགས་སུ་ཐིག་ལེ་ལ་སོགས་པ་དང་ [338b.7]བཅས་པའི་མཆོད་པ་བྱས་ནས་སྣང་བ་མཐའ་ཡས་ཀྱི་གཟུགས་སུ་མཐོང་སྟེ། དྲིལ་བུའི་དབང་བསྐུར་སྦྱིན་པར་བྱའོ། །ཨོཾ་ཧྲིཾ་ཧྲིཾ་ཀྵཾ་གི་སྔགས་ཀྱིས་བྱིན་གྱིས་བརླབས་ཏེ་མེ་ཏོག་ལ་སོགས་པའི་མཆོད་པ་བྱས་ནས་ཕྱག་གཡོན་པར་བཟུང་ནས་ཚིགས་བཅད་འདི་བརྗོད་པར་བྱའོ། ། [339a] [339a.1]རྡོར་དྲིལ་སྒྱུ་འཕྲུལ་ཆེན་པོ་འདི། །གཉིས་མེད་དངོས་པོ་ཤེས་རབ་ཐབས། །ཆོས་ཀྱི་དབྱིངས་ཀྱི་རང་བཞིན་ཅན། །ལག་པ་གཡོན་པས་འདི་ཟུང་ཤིག །ཨོཾ་ཤྲཱི་ཨ་མོ་གྷ་ཀོ་ལ་སྭ་བྷཱ་བ་ཨ་དྷི་པ་ཏེ་བཛྲ་གྷཎྜ་ཨ་བྷི་ཥི་ཉྩཱ་མི་ཧུཾ་ཧཱུཾ་ཕཊ་སྭཱ་ཧཱ། སྔར་བཞིན་མཆོད་པ་བྱས་ནས་ [339a.2]དོན་ཡོད་གྲུབ་པའི་གཟུགས་སུ་མཐོང་སྟེ། མིང་གི་དབང་བསྐུར་བ་སྦྱིན་པར་བྱའོ། །ཨོཾ་བྷིཾ་བྷིཾ་གི་སྔགས་ཀྱིས་རྡོར་དྲིལ་བྱིན་གྱིས་བརླབས་ཏེ་མགོ་བོར་བཞག་ནས་སྔགས་འདི་བརྗོད་པར་བྱའོ། །ཨོཾ་ཤྲཱི་བཻ་རོ་ཙ་ནི་སྭ་བྷཱ་བ་ནཱ་མ་ཨ་བྷི་ཥིཉྩཱ་མི་ཧི་ཨ་མོ་གྷ་བཛྲ་ཏེ་ཧུཾ་ཧཱུཾ་ཕཊ་སྭཱ་ཧཱ། དེ་ [339a.3]ལྟ་བུའི་ཡེ་ཤེས་ལྔའི་བདག་ཉིད་ཀྱི་སློབ་དཔོན་གྱི་དབང་བྱིན་ནས། ཕྱི་ནས་ཡང་རྡོ་རྗེ་སློབ་དཔོན་གྱི་དབང་བསྐུར་སྦྱིན་པར་བྱའོ། །སློབ་མས་ཀྱང་ཞུ་བའི་ཚིགས་བཅད་ཀྱིས་བླ་མ་རྗེ་བཙུན་མཉེས་པར་བྱའོ། །རྡོ་རྗེ་སློབ་དཔོན་གྱི་ནི་དབང་། །ཐུགས་རྗེའི་གཏེར་གྱིས་བདག་ལ་སྩོལ། ། [339a.4]གང་གིས་ཁྱོད་ཀྱིས་བཀའ་དྲིན་བདག །བདག་དང་གཞན་གྱི་དོན་བྱེད་ནུས། །བླ་མ་རྗེ་བཙུན་གྱིས་དེ་ལྟར་གསན་ནས། མགོ་ལ་མེ་ཏོག་ལ་སོགས་པ་བྱིན་ཏེ། དམ་ཚིག་གསུམ་གྱི་དབང་བསྐུར་སྦྱིན་པར་བྱའོ། །ཧཱུཾ་གི་རྣམ་པས་བྱིན་གྱིས་བརླབས་པའི་རྡོ་རྗེ་ཕྱག་གཡས་ [339a.5]པར་བཟུང་ནས་སྔགས་འདི་བརྗོད་པར་བྱའོ། །ཨོཾ་པ་ར་མ་ཨཱ་དྱ་པུ་རུ་ཥཾ་སརྦ་བཛྲ་དྷ་ར་ཨ་དྷི་པ་ཏི་སྟྭཾ་ཧིཾ་ཧིཾ་ཧུཾ་ཧཱུཾ་ཕཊ་སྭཱ་ཧཱ། ཨའི་རྣམ་པ་ལས་བྱུང་བའི་རྡོ་རྗེ་དྲིལ་བུ་ཕྱག་གཡོན་པས་བཟུང་ནས། ཧཾ་ཧཱཾ་ཧིཾ་ཧཱིཾ་ཕིཾ་ཕིཾ་གི་སྔགས་ཀྱིས་བྱིན་གྱིས་བརླབས་ཏེ། དཀའ་ཐུབ་རྣམས་ཀྱིས་གདུང་མི་བྱ། །ཇི་ལྟར་བདེ་བ་ [339a.6]བདེ་བར་གཟུང་། །རྫོགས་པའི་སངས་རྒྱས་མ་འོངས་པ། །ཞེས་བརྗོད་ནས་སློབ་མ་ལ་སྔགས་འདིས་ལག་ཏུ་སྦྱིན་པར་བྱའོ། །ཨོཾ་སརྦ་ཏ་ཐཱ་ག་ཏ་མ་ཧཱ་སིདྡྷི་ས་མ་ཡཱ་ཤྭ་ས་ཨ་བྷི་ཥི་ཉྩཱ་མི་ཧུཾ་ཧཱུཾ་ཕཊ་སྭཱ་ཧཱ། གནང་བ་སྦྱིན་པ་དང་བརྟུལ་ཞུགས་དང་། ལུང་བསྟན་པ་དང་སྐྱབས་སྦྱིན་ཡན་ [339a.7]ཆད་བཞིས་ཕྱིར་མི་ལྡོག་པའི་དབང་ཤེས་པར་བྱའོ། །དེ་ནས་ཤིན་ཏུ་མཚན་ཉིད་དང་ལྡན་པའི་བརྒྱད་གཉིས་དང་ལྡན་པའི་བུ་མོ་དང་པོ་དབང་བསྐུར་ནས། བསྲུབ་པ་དང་བསྲུབ་ཐབས་ཀྱི་སྦྱོར་བས་བྱང་ཆུབ་ཀྱི་སེམས་དབྱུང་བར་བྱ་སྟེ། །རྡོ་རྗེའི་སྐེའི་ནང་དུ་ཧཱུཾ་ཕཊ་ཀྱི་སྔགས་ཀྱིས་བྱིན་གྱིས་ [339b] [339b.1]བརླབས་ཏེ། དྲི་མ་མེད་པ་པདྨའི་སྣོད་དུ་མཐེ་བོང་མཐའ་ལྟག་གི་ཕྱག་རྒྱས་སྐེ་བཙིར་ཏེ་དྲི་མ་མེད་པའི་རས་ཀྱིས་དགབ་པར་བྱའོ། །དེ་ལས་ལངས་ཏེ་གཡོན་ཕྱོགས་སུ་བུ་མོ་བཞག་སྟེ། ཡི་གེ་གསུམ་གྱི་སྔགས་ཀྱིས་བརྒྱ་རྩ་བརྒྱད་བཟླས་ཏེ། སློབ་མ་དགུག་པར་བྱའོ། །ཀྱེ་སེམས་དཔའ་ཆེན་པོ་ [339b.2]ཚུར་ཤོག་ཚུར་ཤོག །དེས་ཀྱང་འདི་ལྟ་བུའི་ཞུ་བའི་ཚིགས་བཅད་ཀྱིས་ཞུ་བར་བྱའོ། །བྱང་ཆུབ་རྡོ་རྗེ་སེམས་ཆེན་པོ། །གསང་བའི་དབང་ནི་བདག་ལ་གསོལ། །ཡེ་ཤེས་བདུད་རྩི་བདག་ལ་སྩོལ། །རྡོ་རྗེའི་འབྱུང་བ་བདག་ལ་གསོལ། །དཔའ་བོ་ཆེན་པོ་ཁྱོད་ཕྱག་འཚལ། །ཕྱག་ [339b.3]འཚལ་ཕྱག་འཚལ་རྨད་བྱུང་ཁྱོད། །བདེ་ཆེན་བཞུགས་ལ་ཕྱག་འཚལ་ལོ། །དེ་ལྟ་བུའི་རྡོ་རྗེ་སློབ་དཔོན་གྱིས་གསན་ནས་ལེགས་སོ་ལེགས་སོ་ཞེས་བརྗོད་པར་བྱའོ། །དེ་ནས་ལས་ཀྱི་སློབ་དཔོན་གྱིས་སྤོས་ཀྱི་ལེགས་པར་བདུག་པ་བྱས་པའི་རས་གདོང་པ་ལ་བྱིན་ཏེ། བླ་མ་ཆེན་ [339b.4]པོའི་མདུན་དུ་འདུག་པར་བྱའོ། །དེའི་དུས་སུ་རྡོ་རྗེ་དྲིལ་བུ་ལ་སོགས་པ་དང་བཅས་པའི་མཆོད་པ་བྱས་ནས་མཐེ་བོ་ཐ་ལྟག་གི་བར་དུ་བཟུང་ནས་ཕྱག་གཡོན་པ་མགོ་བོ་ལ་བཞག་ནས་ལྕེའི་ནང་དུ་བྱིན་ཏེ་འདི་སྐད་བརྗོད་པར་བྱའོ། །ཨོཾ་མ་ཧཱ་ཛྙཱ་ན་ཨ་མྲྀ་ཏེ་ན་ཨ་བྷི་ཥི་ཉྩཱ་མི་ཧུཾ་ཧཱུཾ་ཕཊ་སྭཱ་ཧཱ། དེ་ནས་ [339b.5]ལོངས་སྤྱོད་གནས་པ་དབའ་རླབས་གཉིས་བཙིར་བར་བྱའོ། །དེ་ནས་ཤེས་རབ་ཡེ་ཤེས་ཀྱི་དབང་སྦྱིན་པར་བྱའོ། །རེ་ཞིག་བླ་མ་མཉམ་པ་ཉིད་ཀྱི་ཡེ་ཤེས་དང་ལྡན་པ་ཡིན་ན། དེ་ལ་ཡན་ལག་མ་གཅིག་པུ་སྦྱིན་པར་བྱའོ། །གལ་ཏེ་ཅུང་ཟད་ཆགས་པ་ཆེན། དེ་ལ་གཞན་མ་ཤིན་ཏུ་མཚན་ [339b.6]ཉིད་དང་ལྡན་པ་བཀུག་སྟེ། དབང་ལ་སོགས་པ་བྱིན་ནས། སྐྱབས་བྱིན་ཏེ་བྱ་གདོང་མ་ལ་སོགས་པའི་གནས་བསྟན་པར་བྱའོ། །དེ་ནས་སློབ་མ་དགུག་པར་བྱའོ། །ཀྱེ་སེམས་དཔའ་ཆེན་པོ་ཀྱེ་ཚུར་ཤོག །དེས་ཀྱང་འདི་ལྟ་བུའི་ཚིགས་བཅད་ཀྱིས་རྗེ་བཙུན་ལ་ཞུ་བར་བྱའོ། །ཡེ་ཤེས་ [339b.7]བདེ་བའི་གནས་བཞུགས་པའི། །རྒྱལ་འགྱུར་རྒྱལ་འགྱུར་མགོན་པོ་ཁྱོད། །ཨཱ་ལི་ཀཱ་ལི་གཉིས་བདག་ཅན། །དགའ་བའི་བདེ་མཚོ་རྒྱལ་གྱུར་ཅིག །མཆོག་དང་ཆད་པའི་དབུས་སུ་ནི། །རོལ་མཛད་ཁྱོད་ནི་རྒྱལ་གྱུར་ཅིག །ཤེས་རབ་ཡེ་ཤེས་ཀྱི་ནི་དབང་། །མཆོག་ [340a] [340a.1]གིས་དབང་ཕྱུག་བདག་ལ་སྩོལ། །གང་གིས་རང་བཞིན་ཡེ་ཤེས་མཆོག །ཁྱོད་ཀྱི་བཀའ་དྲིན་བདག་གིས་རྙེད། །དེ་ཡི་དུས་སུ་གཡས་པས་ཤེས་རབ་མའི་ལག་པ་འཕར་མ་བཟུང་ནས་སློབ་མ་ལ་འདི་སྐད་བརྗོད་པར་བྱའོ། །འདི་ནི་ཁྱོད་ཟུང་དགྱེས་པ་ཡིན། །བསྙེན་བྱ་སངས་རྒྱས་ [340a.2]ཀྱི་རབ་བརྟགས། །ཡེ་ཤེས་གསུམ་གྱི་རབ་སྦྱོར་གྱིས། །དམ་པའི་བདེ་བ་ཡང་དག་མྱོང་། །སངས་རྒྱས་རིན་ཆེན་སྣོད་ཀྱི་ནི། །གཡོན་གྱི་མཆོག་ལ་རྩ་མཆོག་བཞུགས། །གདོང་པ་བྱ་བཞིན་རྣམ་པ་ནི། །རྡོ་རྗེ་དབྱིངས་ཕྱུག་མ་ནི་ཉིད། །ཐབས་གཞན་དག་གིས་བྱང་ཆུབ་ནི། །ནམ་ [340a.3]ཡང་རྙེད་པར་མི་འགྱུར་རོ། །དེ་བས་འདི་དང་ལྷན་ཅིག་ནི། །ནམ་ཡང་སྦྱོར་མེད་མ་བྱེད་ཅིག །དེས་ཀྱང་ཅུང་ཟད་ནུ་མ་གཉིས་ཀྱི་སྟེང་ན་མོའི་ན་བཟའ་ཕྱེད་དེ། །དྲི་ཞིམ་པོའི་མེ་ཏོག་གིས་དབུ་རྒྱན་དེ་འདི་སྐད་བརྗོད་པར་འཁྱུད་པའི་ཕྱག་རྒྱས་རྡོ་རྗེ་སེམས་དཔའི་ཆ་ལུགས་བྱས་ནས་ [340a.4]སློབ་མ་ལ་འདི་སྐད་བརྗོད་པར་བྱའོ། །འདི་ནི་གང་ཞིག་མཚོན་གྱི་རབ། །ཤེས་ རབ་ཀྱི་སྐུར་རྗེས་སུ་དྲན། །ཁྱོད་ཀྱིས་ཀྱང་ནི་རྟག་ཏུ་བཅང་། །ཐོག་མ་བྱང་ཆུབ་རྒྱལ་བས་བསྣམས། །རྡོ་རྗེ་མཆོག་གི་ཡེ་ཤེས་ནི། །མི་ཕྱེད་ནམ་མཁའ་ལྟ་བུའི་གཟུགས། །བདག་ནི་གཞན་མིན་རྡོ་རྗེ་ [340a.5]འཛིན། །སེམས་ཅན་དོན་ཕྱིར་འཁོར་བར་ཞུགས། །ཞེས་བརྗོད་ནས་སློབ་མ་ལ་ལག་ཏུ་སྦྱིན་ནོ། །དེའི་དུས་སུ་འདི་སྐད་བརྗོད་པར་བྱའོ། །ཇི་ལྟར་བདག་ཏིང་ངེ་འཛིན་དུ་གནས་པ་དེ་རིང་ཁྱོད་ཀྱིས་མཐོང་བ་དེ་ལྟར་ཁྱེད་ཀྱིས་ཀྱང་དེ་བཞིན་དུ་ཞུགས་ཤིག །ཨོཾ་བཛྲས་ཏྭ་ས་རཱུ་པ་ [340a.6]ཏྲི་ས་མ་ཡེ་ཨ་བྷི་ཥི་ཉྩཱ་མི་ཧུཾ་ཧཱུཾ་ཕཊ་སྭཱ་ཧཱ། རྡོ་རྗེ་འཛིན་པའི་ཆ་ལུགས་སུ་སློབ་མ་གཟིགས་ནས་འདི་ལྟར་གནང་བ་སྦྱིན་པར་བྱའོ། །སེམས་ཅན་ཐམས་ཅད་ཕན་དོན་དུ། །ཆོས་ཀྱི་རྒྱ་མཚོ་འདྲ་བར་འདུག །ཐམས་ཅད་ཇི་ལྟར་འདུལ་འགྱུར་བའི། །ཁྱོད་ཀྱིས་ཆོས་ཀྱི་འཁོར་ལོ་ [340a.7]བསྐོར། །དེ་ནས་མགོ་བོ་ལ་མེ་ཏོག་ལ་སོགས་པ་བྱིན་ཏེ། བརྟུལ་ཞུགས་ཀྱི་དབང་བསྐུར་བྱིན་པར་བྱའོ། །དེའི་དུས་སུ་ཧཱུཾ་གི་རྣམ་པར་བྱིན་གྱིས་བརླབས་པའི་མེ་ཏོག་དང་བཅས་པའི་ཕྱག་གཡས་པས་བཟུང་ནས་སློབ་མ་ལ་འདི་སྐད་བརྗོད་པར་བྱའོ། །འདི་ནི་དེ་བཞིན་གཤེགས་ [340b] [340b.1]པའི་རིགས། །ཡེ་ཤེས་ལྔ་གྲུབ་ཞི་བ་ནི། །ཡེ་ཤེས་རང་བཞིན་མི་ཕྱེད་པས། །སངས་རྒྱས་ཐམས་ཅད་ཀྱིས་ཕྱག་བྱས། །དཔལ་ལྡན་རྡོ་རྗེ་སེམས་དཔའ་ཡི། །ཉིད་ཀྱི་ཕྱག་ན་ཇི་ལྟར་བསྣམས། །དེ་ལྟར་ཁྱོད་ཀྱིས་ཀྱང་གཟུང་བྱ། །རྡོ་རྗེ་ཁྱོད་ཀྱིས་ཀྱང་གཟུང་བྱ། །རྡོར་རྒྱལ་མི་ཤིགས་ [340b.2]བརྟུལ་ཞུགས་སོ། །ཨོཾ་པཉྩཱ་ཀ་ར་ས་དུ་པཉྩ་ཛྙཱ་ན་ཨཱཏྨ་ཀོ་སརྦ་ཏ་ཐཱ་ག་ཏ་སིདྡྷི་བཛྲ་པ་ཏི་ནཱ། ཨ་བྷི་ཥི་ཉྩཱ་མི་ཧཱུཾ་ཧཱུཾ་ཕཊ་སྭཱ་ཧཱ། དེ་ནས་མཆོད་པ་བྱས་ནས། ལུང་བསྟན་དབང་བསྐུར་བར་བྱའོ། །ཨོཾ་གྱི་རྣམ་པས་བྱིན་གྱིས་བརླབས་པའི་ཆོས་གོས་གསོལ། །མཆོད་སྦྱིན་སྐྱབས་སྦྱིན་ལྡན་པས་ [340b.3]སློབ་མ་ལ་འདི་སྐད་བརྗོད་པར་བྱའོ། །རྡོ་རྗེ་སེམས་དཔའ་དེ་བཞིན་གཤེགས། །ཁྱོད་ནི་བདག་གིས་ལུང་བསྟན་བྱ། །སེམས་ཅན་ཐར་པ་གྲུབ་དོན་དུ། །ངན་འགྲོ་རྣམས་ལས་འདྲེན་པ་ཡི། །ཡང་དག་དེ་བཞིན་གཤེགས་པ་ཁྱོད། །ཁམས་གསུམ་གྱི་ནི་ཐུབ་པ་ཁྱོད། །སངས་རྒྱས་ [340b.4]བྱང་ཆུབ་སེམས་དཔའ་ཡིས། །མགྲིན་གཅིག་ཏུ་ནི་བརྟགས་པ་སྟེ། །བླ་ན་མེད་པའི་ཡང་དག་པའི། །བྱང་ཆུབ་ཏུ་ནི་ཁྱོད་ལུང་བསྟན། །དེ་སྐད་གསུངས་ནས་ཉིད་ཀྱི་ཆོས་གོས་སློབ་མ་ལ་བྱིན་ཏེ། ཕྱག་གཡས་པས་ལག་པ་བཟུང་ནས་སྔགས་འདི་བརྗོད་པར་བྱའོ། །ཨོཾ་སརྦ་བུདྡྷ་མ་མ་ཧཱ་ [340b.5]ཏ་པ་སི་དྡྷི་བྱ་ཀ་ར་ཎ་ཨ་བྷི་ཤི་ཉྩཱ་མི་ཧུཾ་ཧཱུཾ་ཕཊ་སྭཱ་ཧཱ། དེའི་རྗེས་སུ་མགོ་བོ་ལ་མེ་ཏོག་བྱིན་ཏེ། བཀའ་སྩལ་བའི་དབང་བསྐུར་སྦྱིན་པར་བྱའོ། །སྤོས་ཀྱི་བདུག་པ་བྱས་པའི་མེ་ཏོག་གི་ཕྲེང་བ་ཕྱག་གཡས་པས་བཟུང་ནས་ཧཱུཾ་ཕཊ་ཀྱིས་བྱིན་གྱིས་བརླབས་ཏེ་སློབ་མ་ལ་འདི་སྐད་བརྗོད་པར་བྱའོ། ། [340b.6]ཆགས་པ་བྲལ་བ་ལྟ་བུའི་སྡིག །གཞན་མ་ཁམས་གསུམ་ན་ནི་མེད། །དེ་བས་འདོད་པའི་ཆགས་བྲལ་བའི། །ཁྱོད་ཀྱིས་ཀྱང་ནི་ཡང་མ་བྱེད། །དམ་ཚིག་ཆེན་པོ་ཡོད་པ་ནི། །ཧཱུཾ་ཕཊ་རྣམ་པ་དང་ལྡན་པའི། །གསང་བའི་དཀྱིལ་འཁོར་ལ་གཞུག་བྱ། །སྡིག་པ་ཐམས་ཅད་རྣམ་པར་ [340b.7]བྲལ། །བདེ་ཆེན་ཐེག་པ་འདི་ལས་ནི། །ཕྱི་ནས་ཤི་བ་ཡོད་མེད་དེ། །སྲིད་པ་ཡང་དག་གྲུབ་པའི་ཕྱིར། །སྲིད་དང་མྱ་ངན་འདས་བསྡུས་བྱ། །རྡོ་རྗེ་རིན་ཆེན་ནང་ཡོད་པའི། །བྱང་ཆུབ་སེམས་ནི་སྤང་མི་བྱ། །དེ་ཡི་འབྱུང་བ་ཙམ་གྱིས་ནི། །སངས་རྒྱས་ཉིད་འགྱུར་ཐེ་ཚོམ་མེད། ། [341a] [341a.1]དམ་པའི་ཆོས་ནི་སྨད་མི་བྱ། །ནམ་ཡང་སྤང་བ་མི་བྱའོ། །ལོག་པའི་ཤེས་པའམ་གཏི་མུག་གིས། །ཕྱི་ནས་འཇིགས་པ་བསྲུང་བར་བྱ། །རྡོ་རྗེ་དྲིལ་བུའི་ཕྱག་རྒྱ་ནི། །ནམ་ཡང་སྤང་བར་མི་བྱའོ། །སངས་རྒྱས་ཀུན་དང་མཉམ་པའི་ཕྱིར། །བླ་མ་སྨད་པར་ཡོང་མི་བྱ། [341a.2]བདག་ཉིད་ཡོངས་སུ་བོར་ནས་ནི། །དྲི་ཆེན་དྲི་ཆུ་ཟ་བ་འདི། །ཀྱེ་བུ་ཁྱོད་ཀྱིས་ནུས་སམ་ཅི། །ཁུ་བ་ཁྲག་དང་དེ་བཞིན་ཤ། །དེ་བཞིན་བུད་མེད་གུས་པ་དང་། །བྷ་གའི་པདྨ་ལ་འཇིབ་ནི། །ཇི་ལྟར་བདེ་བ་བུ་ཁྱོད་སྨྲོས། །སློབ་མས་ཀྱང་འདི་སྐད་བརྗོད་པར་བྱའོ། །ལྷ་མོ་བདག་གིས་ཅི་མི་ནུས། ། [341a.3]ཁུ་བ་ཁྲག་སོགས་བཟའ་བ་དང་། །རྟག་ཏུ་བུད་མེད་གུས་བགྱིད་དང་། །བྷ་ག་ཡང་ནི་གཞིབ་བྱའོ། །དེ་ནས་ཡང་ཤེས་རབ་མས་འདི་སྐད་བརྗོད་པར་བྱའོ། །བདེ་བ་ཐམས་ཅད་དང་ལྡན་པ། །བདག་གི་པད་དབང་ཨེ་མའོ། །གང་ཞིག་ཆོགས་བསྙེན་བྱེད་པ། ། [341a.4]དེ་ཡི་མདུན་དུ་བདག་ནི་འདུག །ཡང་དག་སངས་རྒྱས་མཉེས་པའི་ཕྱིར། །ཇི་ལྟར་པདྨའི་དོན་གྱིས་ཤིག །ཉིད་ཀྱི་བདེ་ཆེན་རྒྱལ་པོ་ནི། །འདི་ཡི་གནས་ན་རྟག་ཏུ་བཞུགས། །བདེ་ཆེན་དམར་ཐིགས་བསྙེན་པར་གྱིས། །ཁ་ཡི་ཆུ་སྐྱེས་ཀྱིས་ནི་བྷོ། །བསྲུབ་དང་བསྲུབ་ཐབས་སྦྱོར་བ་ [341a.5]ཡིས། །བདེ་བ་ཁོང་དུ་ཆུད་པར་གྱིས། །ཤིན་ཏུ་བསྟན་པའི་དོན་གྱིས་ཤིག །བསྟན་པ་མེད་ན་དོན་མི་འགྲུབ། །དེ་ལྟར་ཡོངས་སུ་རྫོགས་ནས་སློབ་མའི་མགོ་ལ་མེ་ཏོག་ལ་སོགས་པ་བྱིན་ཏེ། མེ་ཏོག་གིས་སྙིམ་པ་གང་བ་དང་ལྡན་པའི་ཤེས་རབ་མ་ལག་པའི་པདྨ་ཁ་ཕྱེ་བའི་ [341a.6]སྙིང་པོའི་དབུས་སུ་སློབ་མ་ལ། །སྔགས་འདི་བརྗོད་པར་བྱས་ནས་སྦྱིན་པར་བྱའོ། །ཨོཾ་མ་ཧཱ་བཛྲ་དྷཱ་ཏྭཱི་ཤྭ་རི་པྲཛྙཱ་ཛཉཱ་ན་ཨ་བྷི་ཥིཉྩ་ཧུཾ་ཧུའཾ་ཕཊ་སྭཱ་ཧཱ། །བཞི་པའི་དབང་ནི་དབང་རིན་ཆེན་སྣང་བར་གསལ་བར་བྱས་སོ། །གང་ཞིག་ཡང་དག་པའི་འབྲས་བུ་འདོད་པ་དེས་དེ་རུ་བལྟ་བར་བྱའོ། ། [341a.7]སློབ་དཔོན་ཤེས་རབ་དཔལ་གྱིས་མཛད་པ། ཡན་ལག་བརྒྱད་པའི་རིམ་པ་ལས། དབང་བསྐུར་གྱི་ཆོ་ག་བསྟན་པ་ཞེས་བྱ་བ་ལེའུར་བཅད་པ་དྲུག་པའོ།། །།ད་ནི་མཆོད་སྦྱིན་གྱི་ཆོ་ག་བཤད་དེ། དང་པོར་རེ་ཞིག་ཕྱིའི་འཇིག་རྟེན་སྐྱོང་བ་ལ་སོགས་པ་ལ་སྤོས་དང་། མེ་ཏོག་ [341b] [341b.1]དང་ལྷ་བཤོས་ལ་སོགས་པས་མཆོད་པ་བྱས་ཏེ། གོང་གི་དཀྱིལ་འཁོར་ལ་མཆོད་སྦྱིན་བྱའོ། །རེ་ཞིག་རྣལ་འབྱོར་བླ་མའི་དཀྱིལ་འཁོར་ཡིན་ནོ། །ད་ལ་དཀྱིལ་འཁོར་རྣམས་ལ་ཕྱོགས་དང་མཚམས་བྱེ་བྲག་ཏུ་བསྟན་པའི་དང་པོའི་སྒོ་ལ་སོགས་པ་ནས་བཟུང་སྟེ། དང་པོ་ཨོཾ་དང་ཧཱུཾ་ཕཊ་ [341b.2]མཐར། དབུས་སུ་རང་གི་མིང་དང་སྤེལ་ཏེ། སོ་སོར་རྡོ་རྗེ་དྲིལ་བུ་དང་བཅས་པའི་མེ་ཏོག་དང་སྤོས་དང་མར་མེ་དང་དྲི་དང་ལྷ་བཤོས་ལ་སོགས་པས་མཆོད་པར་བྱའོ། །ཡང་ན་རྣལ་འབྱོར་བླ་ན་མེད་པའི་རྒྱུད་ཀྱི་རིམ་པས་གནས་དང་ཉེ་བའི་གནས་ལ་སོགས་པ་ཞེས་བསྟན་པའི་མཆོད་པས་སོ། ། [341b.3]གཞན་ཀུན་ནི་སྔར་བཞིན་ནོ། །དཔལ་རྡོ་རྗེ་འཛིན་པ་ཆེན་པོ་ལ་སྙིང་པོ་དང་ཉེ་བའི་སྙིང་པོ་དང་ཕྲེང་བའི་སྔགས་ཀྱིས་སོ། །སྐུ་ལ་སྔར་བསྟན་པའི་མཆོད་པ་དང་ལྡན་པའི་ཡི་གེ་བརྒྱ་པས་སོ། །བུམ་པ་རྣམས་ལ་དེ་ལྟར་བཞིན་ནོ། །འོན་ཀྱང་སོ་སོ་རང་གི་མིང་དང་སྤེལ་ཏེ་སྙིང་པོའི་སྔགས་ཀྱིས་ [341b.4]སོ། །དེ་ལྟར་མཆོད་སྦྱིན་གྱི་མཆོད་པ་རྫོགས་པར་བྱས་ཏེ། སྔགས་ཀྱི་སྐུད་པ་སྦྱིན་པར་བྱའོ། །དེ་ལ་རིམ་པ་ནི་འདི་ཡིན་ཏེ། རས་བལ་གྱི་སྐུད་པ་བཞི་ལྟ་བ་བྱས་ནས། ལེགས་པར་བསྒྲིལ་ཏེ། ལྔ་དབྱེ་ལྔ་གཉིས་ཀྱིས་ཁྲུས་བྱས་ནས། དཀྱིལ་འཁོར་གཙོ་བོའི་སྔགས་ཀྱིས་ལྔ་བཅུ་རྩ་བཞི་ [341b.5]མདུད་པར་བྱའོ། །དེ་ནས་གཞི་མཉམ་གྱིས་སྣ་ཚོགས་བཟོར་བྱས་ཏེ། ཡི་གེ་བརྒྱ་པའི་སྔགས་ཀྱིས་བརྒྱ་རྩ་བརྒྱད་བཟླས་པར་བྱའོ། །དེ་ལྟ་བུའི་བུམ་པ་དང་སྐུ་དང་། སློབ་མ་ལ་སོགས་པའི་གྲངས་ཀྱིས་བྱ་སྟེ། དེའི་འོག་ཏུ་བཀྲ་ཤིས་ཀྱི་ཚིགས་བཅད་ལ་སོགས་པ་དང་ལྡན་པའི་རིམ་ [341b.6]པས་ཡི་གེ་གསུམ་གྱི་སྔགས་ཀྱིས་མགུལ་པར་གདགས་པར་བྱའོ། །སློབ་དཔོན་ཤེས་རབ་དཔལ་གྱིས་མཛད་པ། ཡན་ལག་བརྒྱད་པའི་རིམ་པ་ལས། མཆོད་སྦྱིན་བསྟན་པ་ཞེས་བྱ་བ་ལེའུར་བཅད་པ་བདུན་པའོ།། །།དེ་ནས་གཞན་ཡང་སྦྱིན་སྲེག་གི་ཆོ་ག་བཤད་དེ། ཞི་བ་དང་རྒྱས་པ་ [341b.7]དང་། དྲག་པོ་མདོར་བསྡུས་པའི་དོན་ཙམ་བཤད་དེ། ཞི་བ་ནི་གྲོང་ཁྱེར་ཆེན་པོའི་གནས་སུ། རྒྱས་པ་ནི་ཞིང་དུ། དབང་ནི་ཆུ་ངོགས་སུ། དྲག་པོ་ནི་དུར་ཁྲོད་དུའོ། །ཞི་བའི་ཟླུམ་པོ་རྒྱས་པའི་གྲུ་བཞི། དབང་གི་གཞུ་ལྟ་བུ། དྲག་པོའི་གྲུ་གསུམ་མོ། །དེ་ནས་ས་ལ་ཚད་ནི་འབྱུང་བ་ཆེན་པོ་ལྔ་དང་། [342a] [342a.1]རྒྱ་མཚོ་དང་། མེ་དང་། མིག་གོ། །ཇི་ལྟར་སྟེང་གི་ཚད་དེའི་ཕྱེད་འོག་ཏུའོ། །དེ་དག་ཀྱང་ཁ་དོག་དཀར་སེར་དམར་ནག་གོ། །རང་རང་གི་ལས་ཀྱི་གོ་རིམས་ཀྱིས་ཧོམ་ཁུང་གི་ནང་དུ་སོ་སོར་པདྨ་བརྒྱད་པའི་པདྨ། པདྨའི་སྟེང་དུ་རྒྱ་གྲམ་རྡོ་རྗེའི་སྟེང་དུ་རིམ་པས་ཟླ་བ་དང་རིན་ [342a.2]པོ་ཆེ་དང་གཞུ་དང་གྲུ་གསུམ་གྱི་ཕྱག་རྒྱའོ། །དེ་རྣམས་ཀྱི་སྟེང་དུ་ཉི་མའི་དཀྱིལ་འཁོར་ཐམས་ཅད་ལ་ཧོམ་ཁུང་གི་སྟེང་དུ་རྡོ་རྗེ་ཕྲེང་བའོ། །དེ་ནི་ཧོམ་ཁུང་གི་མཚན་ཉིད་དོ། །ད་ནི་ཧོམ་གཟར་གྱི་མཚན་ཉིད་བཤད་དེ། དགང་བཟར་དང་བླུགས་གཟར་དང་། དེ་བཞིན་དུ་མར་གྱི་སྣོད་ [342a.3]གསུམ་ནི་འབད་པས་བྱའོ། །གཞན་མ་མར་གྱི་སྣོད་ཆེན་པོ་དང་། མར་དག་པའི་སྣོད་ནི་ཚད་མི་དགོས་ཏེ་ཇི་ལྟར་རྙེད་པའོ། །དགང་གཟར་ལ་སོགས་པ་བཞི་བཅུ་རྩ་བརྒྱད་ཀྱི་སོར་གྱི་ཚད་དོ། །དགང་གཟར་ནི་གྲུ་བཞི་པ། ཚད་ནི་སོར་དྲུག་པ། རྒྱ་གྲམ་རྡོ་རྗེས་མཚན་མ། ཆུ་སྲིན་ [342a.4]གྱི་ཁ་ནས་བྱུང་བ། ཁ་ནི་གྲུ་གསུམ་ཟླུམ་པོའི་རྣམ་པ། རྡོ་རྗེས་ནང་དུ་བརྒྱན་པ། ཚད་མཉམ་པའོ། །བླུགས་གཟར་ནི་ཟླུམ་པོ་ཆུར་སོར་གཉིས། ནང་ན་རྡོ་རྗེ་ཕྲ་མོས་ལྡན་པའོ། །མར་གྱི་སྣོད་ནི་བི་ལའི་འདབ་མ་བཞིན་ནང་གཏིང་རིང་། ཆུར་སོར་དྲུག་པ། རྡོ་རྗེ་དང་རིན་པོ་ཆེ་དང་ [342a.5]པདྨ་དང་འཁོར་ལོ་དང་རལ་གྲི་དང་ལྡན་པ། ཐམས་ཅད་ལ་མཐའ་མར་རྡོ་རྗེས་མཚན་པའོ། །ཞི་བ་ནི་དངུལ་ལས་གྲུབ་པ། རྒྱས་པ་ནི་གསེར་ལས་གྲུབ་པ། དབང་ནི་ཟངས་ལས་གྲུབ་པ། དྲག་པོ་ལྕགས་ལས་གྲུབ་པའོ། །ཡང་ན་ཞི་བ་ཙནྡན་དཀར་པོས། རྒྱས་པ་ལ་ [342a.6]ཤིང་སེར་པོས། དབང་ལ་ཙནྡན་དམར་པོས། དྲག་པོ་ལ་ཨ་ཀ་རུ་ནག་པོས་སོ། །ཕྱི་བ་སྦོམས་པས་ཀུ་ཤ་སར་པ་ལ་སོར་བཅུ་གཉིས་བྱའོ། །དེ་ནས་སའི་རྣམ་པར་དག་པ་ལ་སོགས་པ་སྔར་བསྟན་པའི་དཀྱིལ་འཁོར་གྱི་བཞིན་ནོ། །དེ་ལ་དང་པོར་རེ་ཞིག་ཞི་བའི་ཚོགས་ [342a.7]བཤད་དེ། ནས་དང་ཏིལ་དང་འབྲས་ཀྱི་སོ་བ་དང་འབྲས་དང་གྲོ་དང་པོ་ག་ལིང་དང་སྟ་རྒ་ཙནྡན་དང་འོ་མ་དང་ཞོ་དང་འོ་མའི་ཐུག་པ་དང་བཀྲ་ཤིས་པས་གང་བ་དང་། འབྲས་ཀྱི་ཞོའོ། །གཞན་མེ་ཏོག་དཀར་པོ་དང་། ཡན་ལག་བཅུ་དང་། དྲི་དང་མར་མེ་དང་ལྷ་བཤོས་སོ། ། [342b] [342b.1]གཞན་ཡམ་ཤིང་ནི་ཤ་མི་དང་། ཤ་མོ་ཀ་དང་། ཤ་མེ་བ་ག་དང་། ཨ་ཤྭངྠ་དང་། པ་ལ་ཀྵ་དང་། ནྱ་གྲོ་དྷ་དང་། ཨུ་དུམྺཱ་ར་སྟེ། སར་པ་སོར་བཅུ་གཉིས་བྱའོ། །གཞན་ནི་ཇི་ལྟར་རྙེད་པའི་ཀུ་ཤའོ། །ཤིན་ཏུ་སར་པ་སྐམ་པ་མེ་ཏོག་གི་ཤིང་སྲོག་ཆགས་དང་བྲལ་བའི་ཁྲུ་གང་ [342b.2]ཚད་བྱའོ། །གཞིན་བུམ་པ་སྔར་བསྟན་པའི་དཀྱིལ་འཁོར་གྱི་ཆོ་ག་བཞིན་ནོ། །རྣམ་པར་རྒྱལ་བའི་བུམ་པ་ཧོམ་ཁུང་གི་གཡས་ཕྱོགས་སུ་གཞག་པར་བྱའོ། །དམ་ཚིག་གི་ཆུའི་སྣོད་དང་། ཉེ་རེག་གི་སྣོད་དང་། འཐོར་འཐུང་གི་སྣོད་དང་། ཨརྒའི་སྣོད་དང་། སོ་ཤིང་ [342b.3]དང་འབྲས་དཀར་པོའི་སྣོད་ཧོམ་ཁུང་གི་གཡོན་ཕྱོགས་སུ། མེ་ལོང་དང་ལས་ཐམས་ཅད་པའི་བུམ་པ་མདུན་དུ། བའི་མར་ཡང་དག་པ་སར་པ་དྲི་ཞིམ་པ་ཧོམ་ཁུང་གི་གཡོན་ཕྱོགས་སུའོ། །དེ་ལྟར་ཐམས་ཅད་ཚོགས་ནས་ཚོན་སྣ་ལྔའི་སྐུད་པ་མེ་ཏོག་གི་ཕྲེང་བ་དང་ལྡན་པ་རྡོ་རྗེའི་མདས་ཧོམ་ [342b.4]ཁུང་གི་ཕྱོགས་བཞི་ནས་བསྐོར་བར་བྱའོ། །དེའི་ཕྱི་རོལ་བི་ཏི་ཤ་བྱའོ། །དེ་ནས་ལེགས་པར་ཁྲུས་བྱས་པ་དྲི་མ་མེད་པའི་ན་བཟའ་གསོལ་བ་འཇམ་པ་མཐོ་བ་སྟན་རི་དགས་ཀྱི་པགས་པའི་སྟེང་དུ་སློབ་དཔོན་སེམས་དཔའི་སྐྱིལ་ཀྲུང་གི་གནས་པས་བཞུགས་ནས། ཨོཾ་ཧྲཾ་ཧྲཱཾ་ཧྲིཾ་ཧུཾ་ཧཱུཾ་ཧཱུཾ་ [342b.5]སྔགས་ཀྱིས་རྫས་ཐམས་ཅད་དམ་ཚིག་གི་ཆུས་གཏོར་བར་བྱའོ། །དེ་ནས་པདྨ་བསྐོར་བའི་ཕྱག་རྒྱ་མཛད་ནས། ཡི་གེ་གསུམ་གྱི་སྔགས་དང་བཅས་པས་ཡམ་ཤིང་ལ་སོགས་པ་དག་པར་བྱའོ། །ཨོཾ་སྭ་བྷཱ་བ་ཤུདྡྷ་ཨ་མ་ལི་བ་མ་ལི་ཧཱུཾ་ཕཊ་སྭཱ་ཧཱ། ཞེས་བྱ་བའི་སྔགས་ཀྱིས་མར་དག་ [342b.6]པར་བྱའོ། །དེ་ནས་བཀྲ་ཤིས་ཀྱི་ཚིགས་བཅད་བརྗོད་པར་བྱ་སྟེ། མེའི་ཕྱག་རྒྱ་དང་ཧཱུཾ་གི་རྣམ་པའི་སྔགས་ཀྱིས་ཧོམ་ཁུང་གི་དབུས་སུ་ཤར་དུ་ཁ་བསྟན་ཞིང་གནས་གསུམ་དུ་ཀུ་ཤ་སྦྱིན་པར་བྱའོ། །ཨོཾ་བྷ་ར་བྷ་ར་སཾ་བྷ་ར་སཾ་བྷ་ར་ཧུཾ་ཧཱུཾ་ཕཊ་སྭཱ་ཧཱའི་སྔགས་དེས་ཕྱོགས་ཐམས་ཅད་དུ་དགྲམ་པར་ [342b.7]བྱའོ། །དེ་ནས་ཧོམ་ཁུང་གི་ནང་དུ་ཡཾ་གྱི་རྣམ་པ་ཡོངས་སུ་གྱུར་པ་ལས་རླུང་གི་དཀྱིལ་འཁོར་དེའི་སྟེང་དུ་རཾ་གྱི་རྣམ་པ་ཡོངས་སུ་གྱུར་པ་ལས་ཉི་མའི་དཀྱིལ་འཁོར་གྱི་སྟེང་དུ་ཨོཾ་གྱི་རྣམ་པ། དེའི་སྟེང་དུ་ཨཱཿའི་རྣམ་པ། དེའི་སྟེང་དུ་ཧཱུཾ་གི་རྣམ་པ། དེའི་སྟེང་དུ་རཾ་གྱི་རྣམ་པ་རླུང་གིས་བསྐྱོད་པ། [343a] [343a.1]ཐམས་ཅད་ཡོངས་སུ་གྱུར་པ་ལས་རྒྱ་གྲམ་རྡོ་རྗེའི་སྟེང་དུ་ཞལ་གསུམ་པ། སྤྱན་གསུམ་པ། ཕྱག་བཞི་པ། སྐུ་མདོག་སེར་པོ་སྤྱན་ཟླུམ་པོ་རལ་པའི་ཅོད་པན་གྱིས་བརྒྱན་པ། འབར་བའི་ཕྲེང་བས་རྔམ་པ། ལྗགས་བདུན་པ། སེམས་དཔའི་ཞུགས་ཐབས་ཀྱིས་བཞུགས་ [343a.2]པ། གཡས་པ་འཕན་གསུམ་པའི་ཕྱག་རྒྱ། དེ་བཞིན་དུ་ཕྲེང་བ། གཡོན་དབྱིག་པ་དང་སྤྱི་བླུགས་རིན་ཆེན་འབྱུང་ལྡན་གྱི་དབུ་རྒྱན་དང་ལྡན་པ་བསྒོམ་པར་བྱའོ། །དེ་ནས་ཛྭཱ་ལ་ཛྭཱ་ལའི་སྔགས་ཀྱིས་མེ་སྦར་བར་བྱ། གཡས་པའི་བསྐོར་ཞིང་ཕྱག་རྒྱས་མེའི་ལྷ་སྤྱན་དྲང་བར་བྱའོ། །ཀྱེ་ [343a.3]ཚུར་སྤྱོན་ཚུར་སྤྱོན་འོད་ཆེན་པོའི་བདག་ཉིད་འདོད་པ་ཐམས་ཅད་གི་དོན་གྲུབ་པར་མཛད་པ། ཨོཾ་བྷུ་རུ་བྷུ་བྶཱཿ་སྭ་ཡཾ་བྷོ་བྷ་ག་ཝཱན་ཀཱ་མེ་ཤྭ་ར་ཀ་མ་དྱ་ཡཪྻ་ཨགྣེ་དེ་བ་ཏཱ་ས་རྦ་ཀརྨ་པྲ་སཱ་དྷ་ནེ། ཨ་ཏྲ་སནྣི་ཧི་ཏོ་བྷ་བ་ཧུཾ་ཧཱུཾ་ཕཊ་སྭཱ་ཧཱ། དེ་ནི་མེ་ལྷ་སྤྱན་དྲང་བའི་སྔགས་སོ། །གཤེགས་པ་ཙམ་ [343a.4]གྱིས་གདན་དབུལ་ཏེ། ཨརྒྷ་དང་ཉེ་རེག་དང་འཐོར་འཐུང་དབུལ་བར་བྱའོ། །མཛུབ་མོ་ལུ་གུ་རྒྱུད་ཀྱི་རྣམ་པ་བར་མ་སྦྱར། བྱད་ཀྱི་གཟུགས་སྲིན་ལག་མིག་གི་ཚུལ་མཐེའུ་ཆུང་དང་མཐེ་བོང་ཟླུམ་པོའི་རྣམ་པས། ཨོཾ་སྤོ་ཕཊ་སྭཱ་ཧཱ། སྔགས་དེས་གདན་དབུལ་བར་བྱའོ། །ཨོཾ་ཧྲིཾ་ [343a.5]ཧྲིཾ་ཨརྒྷའི་སྔགས་སོ། །ཨོཾ་བྲིཾ་བྲིཾ་ཉེ་རེག་གི་སྔགས་སོ། །ཨོཾ་ཨ་པྲོཀྵ་ཨ་པྲོཀྵ་འཐོར་འཐུང་གི་སྔགས་སོ། །དེ་ནས་ཡི་གེ་གསུམ་གྱི་སྔགས་དང་པ་ཏིའི་ཕྱག་རྒྱས་དམ་ཚིག་སེམས་དཔའི་བདག་ཉིད་ལ་བཞུགས་པར་བྱས་ཏེ་དབང་བསྐུར་སྦྱིན་པར་བྱའོ། །ཨོཾ་སརྦ་ཏ་ཐཱ་ག་ [343a.6]ཏ་ཨ་བྷི་ཥེ་ཀ་ས་མ་ཡ་ཤྲཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། དེ་ནས་འཁོར་ལོའི་རྣམ་པས་སྙིང་གར་ཕྲེང་བའི་སྔགས་དགོད་པར་བྱའོ། །ཨོཾ་ཨགྣེ་དེ་བ་ཏཱ་སརྦ་ཀརྨཱརྠ་སཱ་དྷ་ཀ་བྷུར་བྷུ་བ་སྭཿསྭ་ཡཾ་ཕོ་ཧཱུཾ་ཕཊ་སྭཱ་ཧཱ། དབུས་སུ་སྣ་ཚོགས་འོད་ཀྱིས་རྔམ་པ་རཾ་གྱི་རྣམ་པ་ཟླ་ཚེས་ཐིག་ལེས་རྣམ་པར་ [343a.7]བརྒྱན་པར་བསྒོམ་པར་བྱའོ། །དེ་ནས་ཕྲེང་བའི་མཆོད་པ་སྔགས་ཀྱིས་ཉི་ཤུ་རྩ་བདུན་གྱི་གྲངས་ཀྱིས་རྡོ་རྗེ་དྲིལ་བུ་དཀྲོལ་ཏེ། མཆོད་པ་ལྔ་ཡིས་མཆོད་པར་བྱས་ཏེ། མེ་ལྷའི་སྙིང་པོའི་སྔགས་ཀྱིས་དགང་གཟར་གྱི་རྩེ་མོའི་སྟེང་དུ་མེ་ཏོག་ལ་སོགས་པ་བྱིན་ཏེ། མར་གྱིས་དགང་བླུགས་ [343b] [343b.1]བདུན་དབུལ་བར་བྱའོ། །ཞོ་དང་མར་གྱིས་རེ་རེ། གཞན་རྫས་ཐམས་ཅད་སོར་མོ་གསུམ་གྱིས་གཉིས་གཉིས་ཏེ། དེ་ལ་སྔགས་ནི་འདི་ཡིན་ཏེ། ཨོཾ་མ་ཧཱ་ཏེ་ཛ་ཨཱཏྨ་ཀ་སརྦ་པཱ་པ་ད་ཧ་ན་བཛྲ་ཧུཾ་ཧཱུཾ་ཕཊ་སྭཱ་ཧཱ། དེ་ནས་མར་གྱི་སྣོད་ལས་བླུགས་གཟར་གྱིས་ལྷ་སངས་རྒྱས་ཐམས་ཅད་དང་། [343b.2]བྱང་ཆུབ་སེམས་དཔའ་ལ་སོགས་པ་དང་། དགྲ་བཅོམ་པ་དང་སོགས་པ་དང་། ཨོཾ་དང་པོ་སྭཱ་ཧཱ་མཐར། རང་རང་གི་མིད་སྤེལ་ཏེ། རེ་རེ་དབུལ་བར་བྱའོ། །ཨོཾ་ན་མཿ་སརྦ་བུདྡྷཱ་ནཱཾ་སྭཱ་ཧཱ། ཨོཾ་པྲ་ཏྱེ་ཀ་བུདྡྷཱ་ནཱཾ་སྭཱ་ཧཱ། ཨོཾ་ཨརྷ་ཏཱ་ནཱཾ་སྭཱ་ཧཱ། ཨོཾ་མཻ་ཏྲི་ཡ་སཾ་བོ་དྷ་སཏྭཱ་ཡ། མ་ཧཱ་སཏྭཱ་སི་སྭཱ་ཧཱ། [343b.3]ཨོཾ་སརྦ་བོ་དྷི་སཏྭཱ་ནཱཾ་སྭཱ་ཧཱ། ཨོཾ་ཨ་ན་ཀ་མི་ནཱཾ་སྭཱ་ཧཱ། །ཨོཾ་སྭ་ཀེ་དེ་བ་མི་ཉི་ནཱཾ་སྭཱ་ཧཱ། ཨོཾ་སྲུ་ཏ་པ་ནཱ་ནཱཾ་སྭཱ་ཧཱ། ཨོཾ་སམྱ་གྒ་ཏཱ་ནཱཾ་སྭཱ་ཧཱ། །ཨོཾ་སམྱ་ཀྤྲ་ཏི་པ་ནཱ་ནཱཾ་སྭཱ་ཧཱ། ཨོཾ་བྲཧྨ་ཎི་སྭཱ་ཧཱ། ཨོཾ་ཨིནྡི་ཡེ་སྭཱ་ཧཱ། ཨོཾ་པྲ་ཛ་པ་ཏ་ཡེ་སྭཱ་ཧཱ། ཨོཾ་ཨཱི་ཤ་ནཱ་ཡ་སྭཱ་ཧཱ། ཨོཾ་ཨགྣ་ཡེ་སྭཱ་ཧཱ། ཨོཾ་བ་ཡེ་བེ་སྭཱ་ཧཱ། ཨོཾ་བ་རུ་ཎཱ་ཡ་སྭཱ་ཧཱ། [343b.4]ཨོཾ་ཨིནྡྲཱ་ཡ་སྭཱ་ཧཱ། ཨོཾ་ཡ་མཱ་ཡ་སྭཱ་ཧཱ། ཨོཾ་བ་རུ་བེ་ཎཱ་ཡ་སྭཱ་ཧཱ། ཡཀྵཱ་དྷི་པ་ཏ་ཡེ་སྭཱ་ཧཱ། ཨོཾ་ཏྲ་ཏ་ར་ཤ་ཡ་གནྡྷེ་རྦཱ་དྷི་པ་ཏ་ཡེ་སྭཱ་ཧཱ། ཨོཾ་བི་རཱུ་ཀཱ་ཡ་ཀཾ་བ་དཱ་དྷི་པ་ཏ་ཡེ་སྭཱ་ཧཱ། ཨོཾ་བི་རཱུ་པཀྵཱ་ཡ་ནཱ་གཱ་དྷི་པ་ཏ་ཡེ་སྭཱ་ཧཱ། ཨོཾ་དེ་བཱ་ནཱཾ་སྭཱ་ཧཱ། ཨོཾ་ནཱ་གཱ་ནཱཾ་སྭཱ་ཧཱ། ཨོཾ་ནཱ་གཱ་ནཱཾ་སྭཱ་ཧཱ། ཨོཾ་ཨ་སུ་རཱ་ནཱཾ་ [343b.5]སྭཱ་ཧཱ། ཨོཾ་མ་རུ་ཏཱ་ནཱཾ་སྭཱ་ཧཱ། ཨོཾ་ག་རུ་ཌཱ་ནཱཾ་སྭཱ་ཧཱ། ཨོཾ་གནྡྷ་རྦཱ་ནཱཾ་སྭཱ་ཧཱ། ཨོཾ་ཀིནྣ་རཱ་ནཱཾ་སྭཱ་ཧཱ། ཨོཾ་མ་ཧོ་ར་གཱ་ནཱཾ་སྭཱ་ཧཱ། ཨོཾ་ཡཀྵཱ་ནཱཾ་སྭཱ་ཧཱ། ཨོཾ་རཱཀྵ་སྭཱ་ནཱཾ་སྭཱ་ཧཱ། ཨོཾ་པྲེ་ཏཱ་ནཱཾ་སྭཱ་ཧཱ། ཨོཾ་བི་ཤཱ་ཙཱ་ནཱཾ་སྭཱ་ཧཱ། ཨོཾ་བྷཱུ་ཏཱ་ནཱཾ་སྭཱ་ཧཱ། ཨོཾ་ཀུམྦྷ་ཀཱ་ནཱཾ་ཀཱ་ནཱཾ་སྭཱ་ཧཱ། ཨོཾ་པུ་ཏཱ་ནཱཾ་སྭཱ་ཧཱ། ཨོཾ་སྐནྡྷ་པུ་ཏཱ་ནཱཾ་སྭཱ་ཧཱ། ཨོཾ་ [343b.6]སྐནྡྷ་ནཱཾ་སྭཱ་ཧཱ། ཨོཾ་ཨུཏྨཱ་ནྡཱ་ནཱཾ་སྭཱ་ཧཱ། ཨོཾ་ཙྪ་ཡཱ་ནཱཾ་སྭཱ་ཧཱ། ཨོཾ་ཨཱ་པསྨ་རཱ་ནཱཾ་སྭཱ་ཧཱ། ཨོཾ་ཨོ་སྟ་ར་ཀཱ་ནཱཾ་སྭཱ་ཧཱ། ཨོཾ་ཙནྡྲ་སཱུ་ཪྱ་ཡོཿ་སྭཱ་ཧཱ། ཨོཾ་རུ་དྲཱ་ནཱཾ་སྭཱ་ཧཱ། ཨོཾ་ན་ཀྵ་ཏྲཱ་ནཱཾ་སྭཱ་ཧཱ། ཨོཾ་གྲ་ཧཱ་ནཱཾ་སྭཱ་ཧཱ། ཨོཾ་ཛ་ཏི་ཤཱ་ནཱཾ་སྭཱ་ཧཱ། ཨོཾ་རི་ཥཱི་ནཱཾ་སྭཱ་ཧཱ། ཨོཾ་སིདྡྷི་པྲ་པཏཱ་ནཱཾ་སྭཱ་ཧཱ། ཨོཾ་སིདྡྷི་བྡྱཱི་ནཱཾ་སྭཱ་ [343b.7]ཧཱ། ཨོཾ་གཽ་རཱི་ཡེ་སྭཱ་ཧཱ། ཨོཾ་ག་ཏ་ར་ཡེ་སྭཱ་ཧཱ། ཨོཾ་ཛ་ཀོ་ལ་ཡེ་སྭཱ་ཧཱ། ཨོཾ་ཨ་མྲྀ་ཏཱ་ཡ་སྭཱ་ཧཱ། ཨོཾ་ཛམྦྷ་ནཱ་ཡ་སྭཱ་ཧཱ། ཨོཾ་སྟམྦྷ་ནཱཾ་ཡ་སྭཱ་ཧཱ། ཨོཾ་ཙ་ཏེ་ཡེ་སྭཱ་ཧཱ། ཨོཾ་དྲ་མེ་དྲཱ་ཡ་སྭཱ་ཧཱ། ཨོཾ་ཤ་བ་ར་ཡེ་སྭཱ་ཧཱ། ཨོཾ་ཨ་ཐཪྴ་བ་ར་ཡེ་སྭཱ་ཧཱ། ཨོཾ་ཙཎྜལཱི་ཡེ་སྭཱ་ཧཱ། ཨོཾ་མ་ཧཱ་གཱི་ཡེ་སྭཱ་ཧཱ། ཨོཾ་ནཱ་ག་ཧྲྀ་ད་ཡཱ་ཡ་སྭཱ་ཧཱ། [344a] [344a.1]ཨོཾ་ག་རུ་ཌ་དྷེ་ཏེ་ཡཱ་ཡ་སྭཱ་ཧཱ། ཨོཾ་མ་ནུ་ས་ཡེ་སྭཱ་ཧཱ། ཨོཾ་མ་ཧཱ་མ་ནུ་སི་ཡེ་སྭཱ་ཧཱ། ཨོཾ་ཥཊ་ཀྵ་རི་ཡེ་སྭཱ་ཧཱ། ཨོཾ་མ་ཎི་བྷ་དྲཱ་ཡ་སྭཱ་ཧཱ། ཨོཾ་ས་མནྟ་བྷ་དྲཱ་ཡ་སྭཱ་ཧཱ། ཨོཾ་མ་ཧཱ་ས་མནྟ་བྷ་དྲཱ་ཡ་སྭཱ་ཧཱ། ཨོཾ་ས་མཱ་ཡ་སྭཱ་ཧཱ། ཨོཾ་མ་ཧཱ་ས་མཱ་ཡ་སྭཱ་ཧཱ། ཨོཾ་མ་ཧཱ་པྲ་ཏི་ས་རཱ་ཡ་ [344a.2]སྭཱ་ཧཱ། ཨོཾ་ཤི་ཏ་ཝ་ནཱ་ཡ་སྭཱ་ཧཱ། ཨོཾ་མ་ཧཱ་ཤི་ཏ་ཝ་ནཱ་ཡ་སྭཱ་ཧཱ། ཨོཾ་དཎྜ་དྷ་རཱ་ཡ་སྭཱ་ཧཱ། ཨོཾ་མ་ཧཱ་དཎྜ་དྷ་རཱ་ཡ་སྭཱ་ཧཱ། ཨོཾ་མུ་ཙི་ལིནྡཱ་ཡ་སྭཱ་ཧཱ། ཨོཾ་མ་ཧཱ་མུ་ཙི་ལིནྡཱ་ཡ་སྭཱ་ཧཱ། ཨོཾ་ཛ་ཡ་ཏཱི་ཡེ་སྭཱ་ཧཱ། ཨོཾ་ཨ་ཤྭ་ཀྲྀ་ཏཱ་ཡ་སྭཱ་ཧཱ། ཨོཾ་ཨ་པ་རཱ་ཛི་ཏཱ་ཡ་སྭཱ་ཧཱ། ཨོཾ་སུ་ཝརྞ་བྷ་བ་ས་མ་ཡ་ [344a.3]མ་ཧཱ་མ་ཡཱུར་རཱ་ཛཱ་ཡ་སྭཱ་ཧཱ། ཨོཾ་མ་ཧཱ་དྷཱ་ར་ནཱི་ཡེ་སྭཱ་ཧཱ། ཨོཾ་མནྟྲ་པ་ཏཱ་ནཾ་སྭཱ་ཧཱ། ཨོཾ་མ་ཧཱ་མ་ཡཱུ་རི་བིདྱ་ར་ཛྙཱི་ཡེ་སྭཱ་ཧཱ། ཨོཾ་མ་ཡཱུར་ཀཾ་ཏཱ་ཡི་སྭཱ་ཧཱ། ཨོཾ་ནནྡ་ནཱ་ག་རཱ་ཛཱ་ཡ་སྭཱ་ཧཱ། ཨོཾ་ཨུ་པ་ནནྡ་ནཱ་ག་རཱ་ཛཱ་ཡ་སྭཱ་ཧཱ། ཨོཾ་བ་སུ་ཀི་ནཱ་ག་རཱ་ཛཱ་ཡ་སྭཱ་ཧཱ། ཨོཾ་ཏཀྵ་ཀ་ནཱ་ག་རཱ་ཛཱ་ཡ་སྭཱ་ཧཱ། ཨོཾ་ [344a.4]པདྨ་ནཱ་ག་རཱ་ཛཱ་ཡ་སྭཱ་ཧཱ། ཨོཾ་མ་ཧཱ་པདྨ་ནཱ་ག་རཱ་ཛཱ་ཡ་སྭཱ་ཧཱ། ཨོཾ་ཨ་ནནྟ་ནཱ་ག་རཱ་ཛཱ་ཡ་སྭཱ་ཧཱ། ཨོཾ་ཀུ་ལི་ཀ་ནཱ་ག་རཱ་ཛཱ་ཡེ་སྭཱ་ཧཱ། དེ་ལྟའི་རིམ་པས་རྫས་རེ་རེས་རེ་རེ་ལ་སོར་མོ་གསུམ་གྱིས་དགང་བླུགས་དབུལ་བར་བྱའོ། །ཞོ་དང་འོ་མ་དགང་གཟར་གྱིས། ཆུ་ནི་མེ་ལོང་གིས། དེའི་ [344a.5]རྗེས་སུ་མཆོད་པ་ལྔས་མཆོད་པ་བྱས་ནས། རྡོ་རྗེ་དང་དྲིལ་བུ་དཀྲོལ་ཏེ། ཁམས་གསུམ་རྣམ་པར་རྒྱལ་བའི་ཕྱག་རྒྱས་བླུགས་གཟར་ཀྱིས་ཉི་ཤུ་རྩ་གཅིག་བྱས་ནས། ཁྲོ་བོའི་རྒྱལ་པོ་རྣམས་ལ་སོ་སོར་རེ་རེ་དབུལ་བར་བྱའོ། །ཨོཾ་ཡ་མཱནྙ་ཀཱ་ཡ་ཧཱུཾ་ཕཊ་སྭཱ་ཧཱ། ཨོཾ་པྲཛྙཱནྟ་ཀཱ་ [344a.6]ཡ་ཧཱུཾ་ཕཊ་སྭཱ་ཧཱ། ཨོཾ་པདྨཱ་ནྟ་ཀཱ་ཡ་ཧཱུཾ་ཕཊ་སྭཱ་ཧཱ། ཨོཾ་བི[གྷྣཱ]ནྟ་ཀཱ་ཡ་ཧཱུཾ་ཕཊ་སྭཱ་ཧཱ། ཨོཾ་ཊཀྐི་རཱ་ཛཱ་ཡ་ཧཱུཾ་ཕཊ་སྭཱ་ཧཱ། ཨོཾ་ནཱི་ལ་དཎྜ་ཡ་ཧཱུཾ་ཕཊ་སྭཱ་ཧཱ། ཨོཾ་ཨ་ཙ་ལཱ་ཡ་ཧཱུཾ་ཕཊ་སྭཱ་ཧཱ། ཨོཾ་མ་ཧཱ་བ་ལྔ་ཡ་ཧཱུཾ་ཕཊ་སྭཱ་ཧཱ། ཨོཾ་ཨུ་[ཥྞཱི]ཥཙཀྲ་བརྟི་ནཱ་ཡ་སྭཱ་ཧཱ། ཨོཾ་སུམྦྷ་རཱ་ཛཱ་ཡ་ཧཱུཾ་ཕཊ་སྭཱ་ [344a.7]ཧཱ། དེ་ནས་རྡོ་རྗེ་མ་མོ་རྣམས་ལ་ཁྲོ་བོ་བཞིན་ནོ། །ཨོཾ་བཛྲ་སེག་ལཱི་ཡེ་སྣེསྭཱ་ཧཱ། ཨོཾ་བཛྲ་བེ་ཏཱ་ལཱི་ཡེ་སྭཱ་ཧཱ། ཨོཾ་བཛྲ་ཀྲོ་དྷཱི་ཤྭ་རཱི་ཡེ་སྡེསྭཱ་ཧཱ། ཨོཾ་བཛྲ་བ་མེ་སྭཱ་ཧཱ། ཨོཾ་བཛྲ་ཙཎྜི་སྭཱ་ཧཱ། ཨོཾ་བཛྲ་དྷ་རཱི་ཡེ་སྭཱ་ཧཱ། ཨོཾ་བཛྲ་པྲཱི་ཡེ་སྭཱ་ཧཱ། ཨོཾ་བཛྲ་གྷ་རཱི་ཡེ་སྭཱ་ཧཱ། དེ་ནས་སྔར་གྱི་ [344b] [344b.1]རིམ་པས་རྫས་ཐམས་ཅད་ཀྱིས་རེ་རེ་ལ་རེ་རེ་དབུལ་བར་བྱའོ། །ཞོ་དང་འོ་མ་དགང་གཟར་གྱིས། །ཆུ་མེ་ལོང་གིས། དེ་ནས་རྒྱལ་པོ་ལ་སོགས་པ་རྣམས་ལ་མ་མོ་བཞིན་ནོ། །རྒྱལ་པོ་ཆེན་པོ་ལ་བཀྲ་ཤིས་སྭཱ་ཧཱ། ཡོན་བདག་ལ་བཀྲ་ཤིས་སྭཱ་ཧཱ། མཛོད་དང་བང་བ་ལ་བཀྲ་ཤིས་ [344b.2]སྭཱ་ཧཱ། ཞིང་ལ་བཀྲ་ཤིས་སྭཱ་ཧཱ། ཁྱིམ་ལ་བཀྲ་ཤིས་སྭཱ་ཧཱ། སེམས་ཅན་ཐམས་ཅད་ལ་བཀྲ་ཤིས་སྭཱ་ཧཱ། གྲོང་ཁྱེར་ལ་བཀྲ་ཤིས་སྭཱ་ཧཱ། གྲོང་ལ་བཀྲ་ཤིས་སྭཱ་ཧཱ། དེ་ནས་གོང་གི་རིམ་པས་དཀྱིལ་འཁོར་དེ་ནི་མེའི་ཞལ་དུ་རྡོ་རྗེ་རྒྱ་གྲམ་གཞག་སྟེ། ཡན་ལག་ཐམས་ [344b.3]ཅད་དང་ལྡན་པའི་མཆོད་པ་བྱས་ནས། ཨོཾ་གྱི་རྣམ་པ་དང་པོ། ཧཱུཾ་ཕཊ་གྱི་མཐར་རང་རང་གི་མིང་དང་སྤེལ་ཏེ་རང་རང་གི་ཕྱག་རྒྱས་རེ་རེ་ལ་བླུགས་གཟར་གྱིས་བརྒྱད་བྱས་ནས་དགང་གཟར་གྱིས་རེ་རེ་དབུལ་བར་བྱའོ། །ཡམ་ཤིང་ནི་གཉིས་གཉིས་སོ། །གཞན་རྫས་ཐམས་ཅད་ [344b.4]ནི་གསུམ་གསུམ་མོ། །ཞོ་དང་འོ་མའི་རེ་རེའོ། །མེ་ལོང་སྟེང་དུ་ཆུའི་རེ་རེའོ། །དེ་ནས་དཀྱིལ་འཁོར་གཙོ་བོ་ལ་བླུགས་གཟར་དབུལ་བར་བྱའོ། །དེའི་དུས་སུ་བླ་མ་རྗེ་བཙུན་ལ་མཆོད་པ་དང་ལྡན་པའི་ཡོན་འབད་པས་དབུལ་བར་བྱའོ། །སྦྱིན་སྲེག་གི་དུས་སུ་བླ་མ་རྗེ་བཙུན་ [344b.5]ལ་མཆོད་པ་དང་ལྡན་པའི་ཡོན་དབུལ་བ་དེས་དངོས་གྲུབ་ཐམས་ཅད་སྟེར་བར་བྱེད་དོ། །གཞན་ཡང་དེ་རུ་ཇི་ཙམ་གྲངས་ཀྱི་གནས་པ་ཁྱེའུ་དང་བུ་མོ་ཡན་ཆད་དེ་རྣམས་ལ་མཆོད་པ་དང་ལྡན་པའི་སྦྱིན་པ་ཅི་ནུས་བྱའོ། །མེའི་ལྷ་ལ་གསེར་དང་ཚངས་པའི་སྐུད་པ་དབུལ་བར་བྱའོ། ། [344b.6]དེ་ནས་བཀྲ་ཤིས་ཀྱི་ཚིགས་བཅད་བརྗོད་ནས། །ཕྲེང་བའི་སྔགས་ཀྱིས་ལྔ་བཅུ་རྩ་བཞི་བགྲངས་ལ་སྤོས་དང་བཅས་པའི་རྡོ་རྗེ་དྲིལ་བུ་དཀྲོལ་ཏེ། མེའི་ཕྱག་རྒྱ་མཛད་ནས་ཡི་གེ་བརྒྱ་པའི་སྔགས་བརྒྱ་རྩ་བརྒྱད་བཟླས་པར་བྱའོ། །དེ་ནས་རྫས་ཐམས་ཅད་སྙིང་པོའི་སྔགས་ཀྱིས་གསུམ་ [344b.7]གསུམ་གྱིས་སྲེག་བླུགས་ཕུལ་ཏེ། མེ་ལོང་གི་ཆུ་ཡིས་བདུན་དབུལ་བར་བྱའོ། །དེ་ནས་དགང་གཟར་ལ་འབྲས་བུ་དང་བཅས་པའི་མེ་ཏོག་མགོ་བོ་དང་དེ་བཞིན་དུ་ཁ་རུ་ཡི་གེ་གསུམ་གྱི་སྔགས་ཀྱིས་བྱིན་ཏེ་ལངས་ནས་བར་མ་ཆད་པར་མར་གྱིས་རྒྱུན་གྱིས་སྙིང་པོའི་སྔགས་ཀྱིས་ [345a] [345a.1]དགང་བླུགས་དབུལ་བར་བྱའོ། །དེ་ནས་ཕྱིང་པའི་སྦོམས་པས་ལེགས་པར་ཕྱིས་ཏེ་གཞན་ཀུ་ཤས་དབུས་དང་རྒྱབ་དང་གོར་ལེགས་པར་ཕྱིས་ཏེ་མེའི་ཞལ་དུ། ཨོཾ་ཤྣ་ཏ་ཝ་བ་ཏོ་སྭཱ་ཧཱའི་སྔགས་ཀྱིས་དབུལ་བར་བྱའོ། །དེའི་དུས་སུ་མེ་འབར་བའི་མདོག་བརྟག་པར་ [345a.2]བྱའོ། །དམར་པོས་ཚེ་འཕེལ་བར་འགྱུར་རོ། །སེར་པོས་ནོར་ལ་སོགས་པ་འཕེལ་བར་འགྱུར། ནག་པོས་དྲི་མ་ཅན་དུ་གྱུར་པས་སྐྱོན་དུ་འགྱུར་རོ། །དེ་ནས་བསྟོད་པའི་རྒྱལ་པོ་བྱའོ། །སྡིག་པ་ཐམས་ཅད་སྲེག་པར་བྱེད་པ་རྒྱལ་གྱུར་ཅིག །ཉོན་མོངས་ཐམས་ཅད་འཇིག་པར་བྱེད་ [345a.3]པ་རྒྱལ་གྱུར་ཅིག །དབུལ་བ་ཐམས་ཅད་གཅོད་པར་བྱེད་པ་རྒྱལ་གྱུར་ཅིག །ངན་འགྲོ་ཐམས་ཅད་འགེགས་པར་བྱེད་པ་རྒྱལ་གྱུར་ཅིག །ནད་ཀུན་འཇིག་པར་བྱེད་པ་རྒྱལ་གྱུར་ཅིག །མུ་གེ་འཇོམས་པར་བྱེད་པ་རྒྱལ་གྱུར་ཅིག །ཞི་བར་མཛད་པ་རྒྱལ་གྱུར་ཅིག །རྒྱས་པར་མཛད་པ་རྒྱལ་གྱུར་ཅིག །རྫུ་འཕྲུལ་མཛད་པ་རྒྱལ་གྱུར་ [345a.4]ཅིག །དབང་ཕྱུག་མཛད་པ་རྒྱལ་གྱུར་ཅིག །བཀྲ་ཤིས་མཛད་པ་རྒྱལ་གྱུར་ཅིག །དུས་མ་ཡིན་པས་འཕོ་བ་འཇོམས་པ་རྒྱལ་གྱུར་ཅིག །ཡེ་ཤེས་འོད་ཀྱི་རང་བཞིན་རྒྱལ་གྱུར་ཅིག །རང་བྱུང་བཅོམ་ལྡན་རྒྱལ་གྱུར་ཅིག །འདོད་པའི་སྦྱིན་པ་རྒྱལ་གྱུར་ཅིག །འདོད་པའི་དབང་ཕྱུག་རྒྱལ་གྱུར་ཅིག །མངོན་གསུམ་ལྷ་དེ་ [345a.5]རྒྱལ་གྱུར་ཅིག །དེ་ལྟ་བུའི་བསྟོད་པའི་རྒྱལ་པོ་བྱས་ནས། མེའི་ལྷའི་ཞལ་ནས། ཡོན་བདག་དང་བཅས་པ་ཐམས་ཅད་ལ་ཐིག་ལེ་དཔྲལ་བར་བྱའོ། །དེ་ནས་ལན་གསུམ་བསྐོར་བ་བྱས་ནས། སྙིམ་པ་ [345a.6]མེ་ཏོག་གིས་བཀང་ནས་ཕུལ་ཏེ་གཏོར་མ་ཆེན་པོས་བསྐོར་བར་བྱའོ། །གང་གི་ཚེ་རྫས་ཐམས་ཅད་མ་ཞུ་བ་དེའི་ཚེ་གཤེགས་སུ་གསོལ་བར་མི་བྱའོ། །ཡོངས་སུ་སྨིན་ནས་སྔགས་འདིས་བྱའོ། །ཀྲྀ་ཏོ་བ་སརྦྦ་སཏྭ་ཨརྠ། །སིདྡྷི་མ་དཏྟཱ་ཡཱ་ནུ་ག །གཙྪ་ཏྭཱཾ་བུདྡྷཱ་བིཥ་ཡཾ། །པུན་ར་ག་མ་ན་ཡ་ཙྪ། ཨོཾ་ཨཱཿ་ཧཱུཾ་ [345a.7]ཕཊ་སྭཱ་ཧཱ། དེ་ནི་ཞི་བའི་སྦྱིན་སྲེག་གི་ཆོ་གའོ། །རྒྱས་པ་ལ་ནི་མ་དུ་ལུང་ག་ལ་སོགས་པའི་རྫས་སྣ་ཚོགས་དང་། གཞན་མེ་ཏོག་སེར་པོ་དང་། གཞན་ལྷ་བཤོས་སྤོས་བྱུག་པ་ཡམ་ཤིང་བུད་ཤིང་ཀུ་ཤ་ཀུན་སེར་པོས་བྱའོ། །དབང་ལ་རྫས་དམར་པོས་སོ། །གཞན་ནི་སྔར་བཞིན་ནོ། །ད་ནི་ [345b] [345b.1]དྲག་པོའི་ལས་བཤད་དེ། དང་པོར་རེ་ཞིག་ཧོམ་ཁུང་ལ་ཕྱོགས་བཞི་རུ་བའི་རྒྱུ་མས་བསྐོར་བའི་རྡོ་རྗེ་མངའ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། མ་ཐ་མ་ཐའི་སྔགས་ཀྱིས་འོག་ཏུ་གཞུག་སྟེ། ཚོགས་རྫས་ཐམས་ཅད་གཞག་པར་བྱའོ། །དེ་ལ་རིམ་པ་ནི་འདི་ཡིན་ཏེ། སྐེ་ཚེ་དང་སྲན་མ་ [345b.2]ནག་པོ་དང་། གེ་རེ་ཀར་ནི་ག་དང་། ཡ་བཀྵ་ར་དང་། གྲིསྣ་ཨ་ག་རུ་དང་། སྦྲུལ་ནག་པོའི་པགས་པ་དང་བྱ་རོག་གི་སྒྲོ་དང་། བྱ་རོག་གི་སྙིང་དང་དེའི་རྐང་མར་དང་དེའི་ཀླད་པ་དང་། དེའི་རྒྱུ་མ་དང་མགོ་བོའོ། །འུག་པའི་རུས་པ་དང་དེའི་མགོ་བོ་དང་། རྐང་མར་དང་རྒྱུ་མ་དང་ [345b.3]སྙིང་དང་སྡེར་མོ་དང་སྒྲོའོ། །བྱ་རྒོད་ཀྱི་མགོ་བོ་དང་དེའི་རྐང་མར་དང་ཤ་དང་རྒྱུ་མ་དང་སྙིང་དང་སྡེར་མོ་དང་སྒྲོའོ། །བ་ལང་གི་ཤ་ཁྲག་དང་། དོམ་གྱི་ཤ་དང་རྐང་མར་དང་། སྐེ་ཚེའི་མར་དང་། མར་ཁུ་ཆེན་པོ་དང་། ཡི་དགས་ཀྱི་གཞིའི་མར་ཁུ་ཆེན་པོ་དང་། ཡི་དགས་ཀྱི་ཕྱེད་ཚིག་གི་གོས་ [345b.4]དང་། དེའི་ཕྱེད་ཚིག་གི་རུས་པ་དང་། དེའི་སོལ་བ་དང་། དེའི་བུད་ཤིང་དང་། ཚེར་མའི་མེ་ཏོག་དང་། དེའི་ཡལ་ག་དང་འབྲས་བུ་དང་མ་ཧེའི་ཤ་དང་། ཀཀྵ་ནག་པོའི་ཐུག་པ་དང་། མ་དུ་བ་ནག་པོ་དང་། ཁུར་བ་ནག་པོ་དང་། གཞན་ཡང་ཇི་ལྟར་རྙེད་པའི་ཡམ་ཤིང་ནི་ནིམ་པ་ [345b.5]དང་། ཀ་ར་བཱི་ར་དང་། ད་དུ་ར་དང་། འབའ་དའི་ཤིང་དང་། གཞན་བདུད་རྩི་དང་ལྡན་པ་ཨརྒྷ་ཉེ་རེག་འཐོར་འཐུང་རྣམས་སོ། །གཞན་ཡང་བདུད་རྩི་རྣམས་སོ། །ཕྱོགས་དང་མཚམས་སུ་ཁྲག་གིས་བཀང་བའི་བུམ་པ་བརྒྱད། རྩ་བའི་བུམ་པ་སྣ་ཚོགས་ཀྱི་སྨན་དང་ཁྲག་ཆེན་པོ་ [345b.6]དང་། ཆུ་དང་བདུད་རྩིས་གང་བ། ལས་ཐམས་ཅད་པའི་དེ་བཞིན་ནོ། །དེ་ལྟར་ཚོགས་ཐམས་ཅད་སོ་སོར་ཀ་པཱ་ལའི་ནད་དུ་བྱས་ནས་སྟན་གྱི་སྟེངས་སུ་གཞག་པར་བྱའོ། །དེ་ནས་བདག་ཉིད་ཀྱི་ཐལ་བས་བྱུགས་ནས་སྣ་ཚོགས་རུས་པའི་རྒྱན་བྱས་ཏེ། རོའི་སྟེང་དུ་དཔལ་ཧེ་རུ་ཀའི་ང་ [345b.7]རྒྱལ་གྱིས། སུམ་བྷའི་རྒྱལ་པོའི་སྔགས་ཀྱིས་བགེགས་བསྐྲད་པར་བྱའོ། །དེའི་དུས་སུ་ལོ་ཉི་ཤུ་ལོན་པའི་གཟུགས་ལས་ཀྱི་ཕྱག་རྒྱ་སྣ་ཚོགས་ལ་མཁས་པ། སྣ་ཚོགས་རུས་པའི་རྒྱན་གྱིས་བརྒྱན་པ། སར་པ་ཡང་དག་པ་དུམ་བུ་གསུམ་པའི་སྣོད་དུ་ཆང་འཐུངས་ནས་སཱ་ལུའི་ [346a] [346a.1]རྒྱལ་པོ་གསོལ་ཏེ། གྲོང་ཁྱེར་ལ་སོགས་པའི་སྦྱོར་ཐབས་ཀྱིས་བསྙེན་པར་བྱའོ། །བསྙེན་པ་ལས་གང་ཞིག་འབྱུང་བར་གྱུར་པ་དེས། ཕན་ཚུན་སྙིང་ག་དང་སྐེ་དང་དཔྲལ་བའི་གནས་སུ་ཡི་གེ་གསུམ་གྱི་སྔགས་ཀྱིས་ཐིག་ལེ་བྱའོ། །དེ་ནས་ལངས་ཏེ་དེ་བཞིན་ [346a.2]གཤེགས་པའི་བསྟན་པ་ལ་གནོད་པར་བྱེད་པ་དང་། དེ་བཞིན་དམ་ཚིག་བསལ་བར་བྱེད་པ་དང་། སྲོག་འཕྲོག་པ་ལ་རྫས་འདིས་གཟུགས་བྱའོ། །དེ་ལ་རིམ་པ་འདི་ཡིན་ཏེ། གྲོའི་ཕྱེ་དང་དགྲ་བོའི་བཤད་པ་དང་། ཁྱིའི་རུས་པ་དང་། བའི་རུས་པ་དང་། ཅེ་སྤྱང་གི་རུས་པ་དང་། མིའི་རུས་ [346a.3]པ་དང་། དུར་ཁྲོད་ཀྱི་སྐྲ་དང་། དུར་ཁྲོད་ཀྱི་སོལ་བ་དང་། དུར་ཁྲོད་ཀྱི་ཐལ་བ་དང་། དུར་ཁྲོད་ཀྱི་ས་དང་། མར་ཁུ་དང་མར་ཁུ་ཆེན་པོ་དང་། བྱ་རོག་གི་ཀླད་པ་དང་། རྒྱ་སྐྱེགས་ཀྱི་ཁུ་བ་དང་། ད་དུ་རའི་ས་བོན་དང་། ལྡོང་རོས་དང་། ལྡོང་རོས་དམར་པོ་དང་། མིའི་གླད་པ་དང་། བའི་ [346a.4]ཀླད་པ་དང་། ཁྱིའི་སྤུ་དང་། མིའི་སེན་མོ་དང་། བྱི་ལའི་སོ་དང་། སྦྲང་རྩི་དང་། ཉའི་མཁྲིས་པ་དང་། བའི་མཁྲིས་པ་དང་། སྦྲུལ་གྱི་མགོ་བོ་དང་། ཀ་ར་བཱི་རའི་ས་བོན་དང་། ཟླ་མཚན་གྱི་ཁྲག་དང་། ཁྲུ་མ་དང་། རྨ་བྱའི་སྙིང་དང་། འུག་པའི་སྙིང་དང་། བྱ་རྒོད་ཀྱི་སྙིང་དང་། བད་ [346a.5]ཀན་དང་། སོའི་དྲི་མ་དང་། སེན་མོའི་དྲི་མ་དང་། བཤང་བ་དང་གཅི་བའོ། །དེ་ལྟ་བུ་ཐམས་ཅད་ལེགས་པར་ཞིབ་ཏུ་བྱས་ནས་ཇི་ལྟ་བུའི་གཟུགས་ཀྱི་དགྲ་དེ་ལྟ་བུའི་གཟུགས་ཀྱི་ཆ་ལུགས་བྱའོ། །གང་གི་ཚེ་ཆ་ལུགས་མ་ཟིན་པ་དེའི་ཚེ་སཱ་ལུའི་རྒྱལ་པོ་ལས་སཱ་ལུ་གཞན་བཟའ་བར་མི་བྱའོ་ [346a.6]ལས་བགྱིད་པའི་དུས་སུ་ཧྲཾ་ཧྲཾ་ཧྲིཾ་ཧྲིཾ་ལ་མོས་པའི་ཚུལ་གྱིས་སྔགས་བཟླས་པར་བྱའོ། །དེ་རྫོགས་ནས་ས་ནག་པོས་བྱས་པའི་རོའི་སྟེང་དུ་གཞག་པར་བྱའོ། །སྙིང་གར་ལྕགས་ལས་གྲུབ་པའི་ཀྱོ་བ་གཞག་པར་བྱའོ། །དེ་ནས་ཕྱོགས་སྐྱོང་མཆོད་པ་བྱས་ཏེ། ཧོམ་ཁུང་གི་ནང་དུ་ཡཾ་གི་ [346a.7]རྣམ་པ་ཡོངས་སུ་གྱུར་པ་ལས་རླུང་གི་དཀྱིལ་འཁོར་མདོག་ནག་པོ་གཞུའི་དབྱིབས་ལྟ་བུ་བ་དན་གྱིས་མཚན་པ། རཾ་གྱི་རྣམ་པ་ཡོངས་སུ་གྱུར་པ་ལས། མེའི་དཀྱིལ་འཁོར་གྲུ་གསུམ་མེ་ལྕེས་མཚན་པ། དེའི་སྟེང་དུ་ཧཱུཾ་གི་རྣམ་པ་ཡེ་ཤེས་ཀྱི་འོད་ཟེར་གྱིས་རབ་ཏུ་འབར་བ་དེ་ཐམས་ཅད་ཡོངས་ [346b] [346b.1]སུ་གྱུར་པ་ལས་སྐད་ཅིག་གིས་རྡོ་རྗེ་ཆེན་པོའི་ཁྲོ་བོའི་སྐུ་ཞལ་གསུམ་སྤྱན་གསུམ་ཕྱག་དྲུག་པ། གཡས་བརྐྱང་གཡོན་བསྐུམ་པ་བདུད་བཞི་ཞབས་ཀྱིས་མནན་པ། ཧ་ཧའི་སྒྲ་དང་ཕེཾ་ཀི་རའི་སྒྲ་སྒྲོགས་པ། ཁམས་གསུམ་འཇིགས་པར་བྱེད་པ་ཁྲག་ཆེན་པོས་སྐུ་བྱུགས་པ། རལ་གྲི་ [346b.2]དང་། གཏུན་ཤིང་དང་། སྟ་རེ་དང་། ཞགས་པ་དང་། ཀ་པཱ་ལ་དང་། ཁ་ཊྭཱཾ་ག་དང་། རྩེ་གསུམ་བསྣམས་པའོ། །ཞལ་རྣམས་རྣམ་པར་འཇིགས་པའོ། །མིའི་རུས་པའི་རྒྱན་གྱིས་བརྒྱན་པ།མཆེ་བ་གཙིགས་པ་ལྗགས་བདུན་འབར་བའི་ཕྲེང་བས་རྔམ་པ། གྱེན་དུ་འབར་ [346b.3]པའི་སྐྲ། སྐུ་མདོག་དམར་པོ་གསུས་པ་འཕྱང་བ། སྤྱན་འབར་བ། སྟག་གི་པ་གས་པའི་ན་བཟའ་ཅན་བསྒོམ་པར་བྱའོ། །དེ་ནས་མེ་སྤར་བ་བྱས་ནས་གཡས་བརྐྱང་བའི་གནས་པས་གྱེན་དུ་བལྟ་བ། ཁམས་གསུམ་རྣམ་པར་རྒྱལ་བའི་ཕྱག་རྒྱས། ཨོཾ་ཨེ་ཧྱེ་ཧི་མ་མ་ཧཱ་ཛྙཱ་ན་སྭཱ་ [346b.4]ཧཱ། ཧཱུཾ་ཧཱུཾ་ཧྲིཾ་ཧྲིཾ་གི་སྔགས་ཀྱིས་བཀུག་སྟེ། ཧའི་རྣམ་པ་གསུམ་གྱིས་ཨརྒྷ་དང་ཉེ་རེག་དང་འཐོར་འཐུང་ཕུལ་ཏེ། གྲུ་གསུམ་གྱི་ཕྱག་རྒྱས། དམ་ཚིག་སེམས་དཔའ་བདག་ཉིད་ལ། ཨོཾ་པྲ་བེ་ཤ་ཡ་པྲ་བེ་ཤ་ཧཱུཾ་ཕཊ་ཀྱི་སྔགས་ཀྱིས་སྙིང་གར་གཞུག་པར་བྱའོ། །དེ་ནས་མེ་ལྷ་ལ་ [346b.5]ཕྲེང་བའི་སྔགས་འདིས་ཡན་ལག་ཐམས་ཅད་དང་ལྡན་པའི་མཆོད་པ་བྱའོ། །ཨོཾ་མ་ཧཱ་ཀྲོདྷི་ཤྭ་རི་སརྦ་མ་མ་རེ་རེ། སརྦ་ཤ་ཏྲོ་རྦེ་ན་ཤཀ་ཧཱུཾ་ཧཱུཾ་ཕཊ། དེ་ནས་སྙིང་པོའི་སྔགས་ཀྱིས་བཟླས་པ་འབུམ་བྱའོ། །ཨོཾ་མ་ཧཱ་ཀ་ལ་པཱ་ན་ཨགྣེ་མ་ཧཱ་ཀྲོ་དྷ་མུ་ར་ཏེ་སརྦ་པཱ་པཾ་ད་ཧ་ན་བཛྲ་ཡེ་ཧཱུཾ་ཧཱུཾ་ [346b.6]ཕཊ་ཕཊ། དེའི་རྗེས་སུ་ཧྲིཾ་ཧྲིཾ་གི་སྔགས་ཀྱིས་ཕྱོགས་བཞིར་ཚེར་མའི་ཡན་ལག་དགྲམ་པར་བྱའོ། །དེ་ནས་རྡོ་རྗེ་ཧཱུཾ་མཛད་ཀྱི་ཕྱག་རྒྱ་བཅིངས་ཏེ་རྩ་བའི་བུམ་པས། ཨོཾ་སརྦ་ཏ་ཐཱ་ག་ཏ་ན་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཕཊ། སྔགས་དེས་མེ་ལོང་གི་དབང་བསྐུར་སྦྱིན་པར་བྱའོ། ། [346b.7]མཆོད་པ་བྱས་ནས་དང་པོ་ནི་མར་ནག་གི་ཧཱུཾ་ཕཊ་སྔགས་ཀྱིས་བླུགས་གཟར་གྱིས་ཉི་ཤུ་རྩ་བདུན་བྱས་ཏེ། རྩ་བའི་སྔགས་ཀྱིས་དགང་གཟར་གྱིས་གཅིག་པུ་དབུལ་བར་བྱའོ། །དེ་ནས་བྷ་གའི་ཕྱག་རྒྱ་བཅས་ཏེ། སྔར་གྱི་རིམ་པས་རྐང་མར་ལ་སོགས་པ་ཞུ་བ་བྱས་ཏེ་གཅིག་དབུལ་ [347a] [347a.1]བར་བྱའོ། །དེ་ནས་སྤྱན་དང་ལྡན་པའི་བྷ་གའི་ཕྱག་རྒྱས་ཁྲག་གིས་གཅིག་གོ། །དེ་ནས་རྫས་ཐམས་ཅད་ཟུར་གསུམ་གྱིས་གསུམ་གསུམ། ཡམ་ཤིང་སུམ་ཅུ་རྩ་བདུན། མ་དུ་བ་ལ་སོགས་པས་རེ་རེ་ཐུག་པས་བདུན་བདུན་ནོ། དེ་ནས་མ་མོ་ཆེན་མོ་རྣམས་ལ་ [347a.2]རྫས་ཐམས་ཅད་ཀྱིས་རེ་རེ། མར་ཁུ་དགང་གཟར་གྱིས་གསུམ་གསུམ། དེ་རྣམས་ལ་སྔགས་ནི་འདི་ཡིན་ཏེ། ཨོཾ་མེརྒ་མྷ་ལ་ཧཱུཾ་ཕཊ། ཁྲོ་བོ་མིག་མ་ལ་ཧཱུཾ་ཕཊ། ཨོཾ་ནག་པོའི་ཕོ་ཉ་མོ་ལ་ཧཱུཾ་ཕཊ། ཨོཾ་ནག་པོའི་མེ་མ་ལ་ཧཱུཾ་ཕཊ། ཨོཾ་དྲག་པོའི་མིག་མ་ལ་ཧཱུཾ་ཕཊ། ཨོཾ་གཤིན་རྗེའི་ལྕེ་མ་ལ་ཧཱུཾ་ཕཊ། ཨོཾ་ [347a.3]གཤིན་རྗེའི་མཆེ་བ་མ་ལ་ཧཱུཾ་ཕཊ། ཨོཾ་གཤིན་རྗེའི་རྒྱལ་མཚན་མ་ལ་ཧཱུཾ་ཕཊ། ཨོཾ་རླུང་གི་བརྩོན་འགྲུས་མ་ལ་ཧཱུཾ་ཕཊ། ཨོཾ་རྒྱ་མཚོའི་སྙིང་པོ་མ་ལ་ཧཱུཾ་ཕཊ། ཨོཾ་ཆུ་སྲིན་མིག་མ་ལ་ཧཱུཾ་ཕཊ། ཨོཾ་ཆུ་སྲིན་ཁྲི་ཁ་མ་ལ་ཧཱུཾ་ཕཊ། ཨོཾ་གླང་ཆེན་རྣ་བ་མ་ལ་ཧཱུཾ་ཕཊ། ཨོཾ་གླང་ཆེ་གདོང་པ་མ་ལ་ཧཱུཾ་ [347a.4]ཕཊ། ཨོཾ་གླང་ཆེན་ལྟོ་བ་མ་ལ་ཧཱུཾ་ཕཊ། ཨོཾ་སྦྲུལ་ལྕེ་མ་ལ་ཧཱུཾ་ཕཊ། ཨོཾ་སྦྲུལ་གྱི་སྤྱི་གཙུག་མ་ལ་ཧཱུཾ་ཕཊ། ཨོཾ་ལོ་མ་གྱོན་མ་ལ་ཧཱུཾ་ཕཊ། ཨོཾ་སྟག་གི་གདོང་པ་མ་ལ་ཧཱུཾ་ཕཊ། ཨོཾ་སེང་གེའི་གདོང་པ་མ་ལ་ཧཱུཾ་ཕཊ། ཨོཾ་དོམ་གྱི་གདོང་པ་མ་ལ་ཧཱུཾ་ཕཊ། ཨོཾ་ནེ་ལེའི་གདོང་པ་མ་ལ་ [347a.5]ཧཱུཾ་ཕཊ། ཨོཾ་བྱི་ལའི་གདོང་པ་མ་ལ་ཧཱུཾ་ཕཊ། ཨོཾ་ཁྱིའི་གདོང་པ་མ་ལ་ཧཱུཾ་ཕཊ། ཨོཾ་ཕག་གི་གདོང་པ་མ་ལ་ཧཱུཾ་ཕཊ། ཨོཾ་བོང་བུའི་གདོང་པ་མ་ལ་ཧཱུཾ་ཕཊ། ཨོཾ་ཁྲུང་ཁྲུང་གི་གདོང་པ་མ་ལ་ཧཱུཾ་ཕཊ། ཨོཾ་འུག་པའི་གདོང་པ་མ་ལ་ཧཱུཾ་ཕཊ། ཨོཾ་ཁྭའི་གདོང་པ་མ་ལ་ཧཱུཾ་ཕཊ། ཨོཾ་བྱ་རོག་གི་གདོང་པ་མ་ལ་ [347a.6]ཧཱུཾ་ཕཊ། ཨོཾ་རྨ་བྱའི་གདོང་པ་མ་ལ་ཧཱུཾ་ཕཊ། ཨོཾ་ཤ་ཟའི་གདོང་པ་མ་ལ་ཧཱུཾ་ཕཊ། ཨོཾ་གླང་ཆེན་ལྤགས་གྱོན་མ་ལ་ཧཱུཾ་ཕཊ། ཨོཾ་གླང་ཆེན་ལྕེ་མ་ལ་ཧཱུཾ་ཕཊ། ཨོཾ་མི་ཁྲག་དགའ་མ་ལ་ཧཱུཾ་ཕཊ། ཨོཾ་མིའི་པགས་པ་གྱོན་མ་ལ་ཧཱུཾ་ཕཊ། ཨོཾ་ནག་པོའི་དྲིལ་བུ་མ་ལ་ཧཱུཾ་ཕཊ། ཨོཾ་ལྷ་ཐམས་ཅད་ [347a.7]རྣམ་པར་འཇོམས་མ་ལ་ཧཱུཾ་ཕཊ། ཨོཾ་ལྷ་མིན་ཐམས་ཅད་འཇོམས་མ་ལ་ཧཱུཾ་ཕཊ། ཨོཾ་ལུས་འབར་མ་ལ་ཧཱུཾ་ཕཊ། ཨོཾ་རལ་གཅིག་མ་ལ་ཧཱུཾ་ཕཊ། ཨོཾ་རལ་གསུམ་མ་ལ་ཧཱུཾ་ཕཊ། ཨོཾ་ཐལ་བའི་ལུས་མ་ལ་ཧཱུཾ་ཕཊ། ཨོཾ་བུམ་པའི་རྣ་བ་མ་ལ་ཧཱུཾ་ཕཊ། ཨོཾ་རླུང་གི་ཤུགས་ཅན་མ་ལ་ཧཱུཾ་ཕཊ། ཨོཾ་ [347b] [347b.1]ཞལ་དྲུག་མ་ལ་ཧཱུཾ་ཕཊ། ཨོཾ་ནུ་འཕྱང་མ་ལ་ཧཱུཾ་ཕཊ། ཨོཾ་གསུས་འཕྱང་མ་ལ་ཧཱུཾ་ཕཊ། ཨོཾ་ཀེང་རུས་གདོང་པ་མ་ལ་ཧཱུཾ་ཕཊ། ཨོཾ་ཐལ་བས་བྱུགས་མ་ལ་ཧཱུཾ་ཕཊ། ཨོཾ་ཤ་ཆེན་དགའ་མ་ལ་ཧཱུཾ་ཕཊ། ཨོཾ་ནམ་མཁར་འགྲོ་མ་ལ་ཧཱུཾ་ཕཊ། ཨོཾ་སྤྲིན་སྒྲ་མ་ལ་ཧཱུཾ་ཕཊ། ཨོཾ་གློག་གདོང་མ་ལ་ཧཱུཾ་ཕཊ། [347b.2]ཨོཾ་ཆུ་རྒྱུན་མ་ལ་ཧཱུཾ་ཕཊ། ཨོཾ་གར་བྱེད་མ་ལ་ཧཱུཾ་ཕཊ། ཨོཾ་པགས་མགོ་མ་ལ་ཧཱུཾ་ཕཊ། ཨོཾ་ཙཱརྩི་ཀཱའི་དབང་ཕྱུག་མ་ལ་ཧཱུཾ་ཕཊ། ཨོཾ་སྨེ་ཤ་ཅན་མ་ལ་ཧཱུཾ་ཕཊ། ཨོཾ་སྨེ་ཤ་ཅན་ཆེན་མོ་ལ་ཧཱུཾ་ཕཊ། ཨོཾ་གཏུམ་མོ་ལ་ཧཱུཾ་ཕཊ། ཨོཾ་ཐོད་པ་མ་ལ་ཧཱུཾ་ཕཊ། ཨོཾ་ཐོད་པ་ཆེན་མོ་ལ་ཧཱུཾ་ཕཊ། མཆོད་པ་ [347b.3]བྱས་ནས་མ་མོ་ལ་རང་རང་གི་སྔགས་ཀྱིས་དུང་ཆེན་ཕྲེང་བས་རེ་རེ་ལ་བརྒྱ་རྩ་བརྒྱད་བཟླས་པར་བྱའོ། །དེ་ནས་མེ་ལྷའི་རྩ་བའི་སྔགས་ཀྱིས་རྫས་ཐམས་ཅད་ལ་རེ་རེས་སུམ་ཅུ་རྩ་བདུན་དབུལ་བར་བྱ་སྟེ། །དེ་གཉིས་ཀྱི་སྔགས་ཀྱི་བརྒྱ་རྩ་བརྒྱད་བཟླས་པར་བྱའོ། །དེ་ནས་ཧྲིཾ་ཧྲིཾ་གི་སྔགས་ཀྱིས་མར་ [347b.4]སྣོད་ཀྱིས་དགང་བླུགས་ཕྱེད་བྱས་ཏེ། ཕྲེང་བའི་སྔགས་ཀྱིས་བརྒྱད་དབུལ་བར་བྱའོ། །དེ་ནས་རྣོ་བའི་གྲི་གུག་བཟུང་སྟེ། དགྲའི་ཆ་བྱད་དུམ་བུར་དུམ་བུར་བྱས་ནས། ཕྲེང་བའི་སྔགས་དང་རྩ་བའི་སྔགས་ཀྱིས་བརྒྱ་རྩ་བརྒྱད་བསྲེག་པར་བྱའོ། །མ་མོ་རྣམས་ལ་རང་རང་གི་སྔགས་ཀྱིས་བདུན་ [347b.5]བདུན་ནོ། །འབྱུང་པོ་དང་ཡི་དགས་དང་ཤ་ཟ་ལ་སོགས་པ་ལ་གསུམ་གསུམ་མོ། །ཕྱི་ནས་ཡང་ཡན་ལག་ཐམས་ཅད་དང་ལྡན་པའི་མཆོད་པ་བྱས་ནས། དགྲ་བོའི་མིང་དང་སྤེལ་ཏེ། སྔགས་འདིས་ཁྲོ་བོའི་ངག་གི་ཚུལ་གྱིས་བརྒྱ་རྩ་བརྒྱད་བསྲེག་པར་བྱའོ། །ཨོཾ་ཨ་མུ་ཀཾ་ད་ཧད་ [347b.6]ཧ་ཧཱུཾ་ཧཱུཾ་ཕཊ་ཕཊ། དེ་ནས་མ་མོ་རྣམས་ལ་བདུན་བདུན། འབྱུང་པོ་རྣམས་ལ་རེ་རེ། དེ་ནས་མེའི་ལྷའི་སྙིང་པོའི་སྔགས་ཀྱིས་སུམ་ཅུ་རྩ་བདུན་གྲངས་ཀྱི་རྡོ་རྗེ་དྲིལ་བུ་དཀྲོལ་ཏེ། དགང་བླུགས་གསལ་བར་བྱའོ། །རྐང་མར་ལ་སོགས་པ་རྫས་ཅུང་ཟད་གཏོར་མ་ལ་བཞག་སྟེ། [347b.7]གཞན་ཐམས་ཅད་མར་ཁུ་དང་བསྲེས་ནས་ལངས་ཏེ་བར་མ་ཆད་པའི་རྒྱུན་གྱིས་ཉེ་བའི་སྙིང་པོའི་སྔགས་འདིས་དབུལ་བར་བྱའོ། །ཨོཾ་སརྦ་དུཥྚ་ཧྲྀ་ད་ཡ། ད་ཧ་ཡ་ན། སརྦ་དུཥྚ་ཧཱུཾ་རྦེན་ཤ་ཀ་ཡ་ཧྲཾ་ཧྲཾ་ཧྲིཾ་ཧྲིཾ་ཧཱུཾ་ཧཱུཾ་ཕཊ་ཕཊ། དེའི་དུས་སུ་དུར་ཁྲོད་ཀྱི་སྐྲས་དགང་གཟར་ཕྱིས་ཏེ། མེ་ལྷའི་ [348a] [348a.1]ཞལ་དུ་ཧཱུཾ་ཧཱུཾ་ཕཊ་སྔགས་ཀྱིས་དབུལ་བར་བྱའོ། །དེའི་དུས་སུ་མེ་འབར་བའི་མདོག་བལྟ་བར་བྱའོ། །མདོག་དམར་པོ་ཀུན་དུ་ཡིན་ན། ཐེ་ཚོམ་མེད་པར་དོན་འགྲུབ་པར་འགྱུར་རོ། །དེ་ནས་བསྟོད་པའི་རྒྱལ་པོ་བྱའོ། །བསྐལ་པའི་མེའི་འོད་ཆེན་པོའི་ [348a.2]སྐུ་བདུད་ཀྱི་གནོད་པ་བཅོམ་པ་རྒྱལ་བར་གྱུར་ཅིག །སྡིག་པ་འཇིགས་པར་བྱེད་པ། དགྲ་ཀུན་འཇིགས་པར་བྱེད་པ་རྒྱལ་བར་གྱུར་ཅིག །བསམ་དུ་མེད་པ་འོད་དཔག་མེད་བསམ་འགྲུབ་སྐྱེ་བ་མེད་པ་ཡིན་ཡང་དེ་བཞིན་དུ་དོན་མཛད་པ་རྒྱལ་བར་གྱུར་ཅིག །ལྷ་དང་ལྷ་མ་ཡིན་གྱི་མགོ་བོ་ [348a.3]པཱ་ལ་དཔེ་མེད་པའི་དོ་ཤལ་འཛིན་པ་རྒྱལ་གྱུར་ཅིག །དེ་ལྟ་བུའི་བསྟོད་པའི་རྒྱལ་པོ་བྱས་ནས། ཕྱོགས་བཞི་རུ་སོལ་བ་དང་ལྡན་པའི་ཐལ་བས། ཨོཾ་བི་ཏྲཾ་ས་ཡ་བི་ཏྲཾ་ས་ཡ་ཧཱུཾ་ཧཱུཾ་ཕཊ་ཕཊ་སྔགས་ཀྱིས་རབ་ཏུ་དགྲམ་པར་བྱའོ། །དེ་ནས་ཉིད་ལ་མེའི་ཧོམ་ཁུང་གི་ནང་ནས་ཨོཾ་ཨཱཿ་ཧཱུཾ་ཕཊ་ [348a.4]ཀྱི་སྔགས་ཀྱིས་ལྟེ་བ་སྙིང་གར་མགྲིན་པ་དཔྲལ་བར་ཐིག་ལེ་བྱའོ། །དེ་ནས་གཏོར་མ་ཆེན་པོས་བསྐོར་ཏེ་རྡོ་རྗེ་གླུ་དང་ལྡན་པའི་རྡོ་རྗེ་རྐང་པས་གར་བྱའོ། །དེ་ནས་མཚན་ཕྱེད་ན་རལ་གྲི་ལ་སོགས་པ་མཚོན་ཆ་བཟུང་སྟེ། སྔགས་འདིས་དུར་ཁྲོད་ཆེན་པོར་གཏོར་མ་གཏང་བར་བྱའོ། །ཨོཾ་ཧོ་ [348a.5]ལོ་ཧོ་ལོ་ན་ཏ་ན་ཏ་པི་ན་ཏ་བི་ན་ཏ་ཏྲུ་ཏ་ཡ་ཏྲུ་ཧ་ཡ་ཏྲཱ་ས་ཡ་ཏྲཱ་ས་ཡ། དགྲ་ཐམས་ཅད་སོད་སོད། བདག་ལ་ཞི་བར་མཛོད་རྒྱས་པར་མཛོད། སེམས་ལ་བཀྲ་ཤིས་པར་མཛོད། ཧཱུཾ་ཧཱུཾ་ཕཊ་ཕཊ། དེ་ལྟ་བུའི་རིམ་པས་མར་ངོ་ལ་ཉི་མ་བདུན་བྱས་ཏེ། ཨོཾ་ཨཱཿ་ཧཱུཾ་གི་སྔགས་ཀྱིས་གཤེགས་སུ་གསོལ་ [348a.6]བར་བྱའོ། །དེ་དག་གི་ཉི་མའི་བར་དུ་དགྲ་ངེས་པར་འཆིའོ། །གལ་ཏེ་རེ་ཞིག་ཅུང་ཟད་འགོར་ན་དེ་ལ་གཞན་ཉི་མ་བདུན་བསམ་གཏན་འདི་བྱའོ། །དེ་ལ་རིམ་པ་ནི་འདི་ཡིན་ཏེ། དགྲ་བོའི་ལུས་པོ་དྲི་མ་ཅན་དུ་བསྒོམ་སྣུམ་པ་སྐྲ་འཛིངས་པ། ཁུ་བ་དང་ཁྲག་འཛག་ཅིང་འདར་བ་མདུན་དུ་ [348a.7]བསམ་པར་བྱའོ། །ཡང་ན་མངོན་སུམ་དུ་བསྒོམས་ཏེ། འབར་བའི་ཁབ་གཞང་ཁའི་སྒོར་ཞུགས་ཏེ། ཧ་ན་ཧ་ན་ད་ཧ་ད་ཧ་ཧཱུཾ་ཧཱུཾ་ཕཊ་ཕཊ། སྔགས་ཀྱི་ཁ་སྦུབ་ཏུ་ལྟུང་བར་བྱའོ། །དེ་ལྟ་བུའི་བསམ་གཏན་གྱིས་ལྷ་ཆེན་པོ་ཡིན་ཡང་འཆིའོ། །འོན་ཀྱང་འཁོར་བ་ན་གནས་པའི་མི་ལྟ་ཅི་ [348b] [348b.1]སྨོས། སློབ་དཔོན་ཤེས་རབ་དཔལ་གྱིས་མཛད་པ་ཡན་ལག་བརྒྱད་པའི་རིམ་པ་ལས། སྦྱིན་སྲེག་གི་ཆོག་བསྟན་པ་ཞེས་པའི་ལེ་འུར་བཅད་པ་བརྒྱད་པའོ།། །།དེ་ནས་གཞན་ཡང་ཚོགས་ཀྱི་འཁོར་ལོའི་ཆོ་ག་བཤད་དེ། ཚོགས་ནི་འདིར་གཉིས་སུ་དབྱེ་སྟེ། དམ་ཚིག་ཏུ་གྲགས་ [348b.2]པ་དང་། ཡེ་ཤེས་སུ་གྲགས་པའོ། །ཡེ་ཤེས་གྲགས་པ་ལ་གཉིས་སུ་དབྱེ་སྟེ། རྒྱུར་གྲགས་པ་དང་། འབྲས་བུར་གྲགས་པའོ། །རྒྱུར་གྲགས་པ་ནི་རྐུན་རྟ་བཞིན་ནོ། །འབྲས་བུར་གྲགས་པ་ནི་བདེ་བའི་ངོ་བོ་ལ་གཉིས་སུ་དབྱེ་སྟེ། རིག་པའི་བདག་ཉིད་དང་། རིག་པ་ལ་སོགས་པ་ [348b.3]དང་བྲལ་བའོ། །དམ་ཚིག་ཏུ་གྲགས་པ་ལ་ཡང་གཉིས་ཏེ། བཟའ་བ་དང་། བསྲུང་བའོ། །བསྲུང་བ་ལ་ཡང་གཉིས་སུ་དབྱེ་སྟེ། གཞོན་པ་རྣམས་བསྲུང་བ་དང་། རྒན་པ་རྣམས་ལ་ཞེ་ས་དང་བརྡའི་ཚིག་གོ །བཟའ་བ་ལ་ཡང་གཉིས་སུ་དབྱེ་སྟེ། ཐོག་མའི་བདུད་རྩི་རྐན་གྱི་ [348b.4]བུ་ག་དང་ལྕེ་གཉིས་མྱོང་བ་དེ་ནི་གཅིག་གོ། །སེམས་ཅན་སྐལ་ལྡན་གྱི་ཚོགས་སུ་ཡི་གེ་གསུམ་གྱིས་བྱིན་གྱིས་བརླབས་པའི་བདུད་རྩིར་བྱས་པ་རོ་དྲུག་དང་ལྡན་པའི་ཟས་མཉམ་པའི་སྟབས་བྲིམ་པ་ཞེས་པ་གཉིས་པའོ། །དེ་ལ་དང་པོར་རེ་ཞིག་ཡིད་དང་མཐུན་པའི་གནས་ཆོམ་རྐུན་ལ་སོགས་ [348b.5]པའི་འཇིགས་པ་དང་བྲལ་བར། སྣ་ཚོགས་དྲི་ཞིམ་པོའི་མེ་ཏོག་གིས་ཡན་ལག་ཐམས་ཅད་དང་ལྡན་པའི་དཀྱིལ་འཁོར་བྱའོ། །དེར་རང་གི་རིམ་པས་དཀྱིལ་འཁོར་དེའི་དཀྱིལ་འཁོར་བའི་གྲངས་ཀྱིས་ཤེས་རབ་དང་ལྡན་པའི་སྟན་གཅིག་གི་སྟེང་དུ་རིམ་པས་ཚོགས་གཞག་པར་བྱའོ། །དེ་ཡང་ལེགས་པར་ [348b.6]ཁྲུས་བྱས་པ་དང་། སྣ་ཚོགས་གོས་དང་། མེ་ཏོག་ལ་སོགས་པས་བརྒྱན་པ་དང་། དམ་ཚིག་གཅིག་པ་དང་། སྔགས་ཀྱི་ཐེག་པའི་འདུལ་བ་འཛིན་པའོ། །དེའི་དབུས་སུ་ཚོགས་ཀྱི་གཙོ་བོ་ཡོན་ཏན་ཐམས་ཅད་དང་ལྡན་པ། སྣ་ཚོགས་པའི་སྟན་སྟེང་དུ་ཤིན་ཏུ་མཚན་དང་ལྡན་པ་ [348b.7]དབང་ཐོབ་པ། བརྒྱད་གཉིས་ལོ་དང་ལྡན་པའི་གཟུགས་ཀྱི་ཤེས་རབ་མ་དང་ལྡན་པར་བཞུགས་སུ་གསོལ་བར་བྱའོ། །དེར་ལས་བྱེད་པ་ཡང་དབང་ཐོབ་པ། དམ་ཚིག་དང་ལྡན་པ། ང་རྒྱལ་མེད་པར་རེམ་པ། རྣམ་པར་མཁས་པ་སེར་སྣ་མེད་པ། ཁྲོ་བོ་ལ་སོགས་པ་དང་བྲལ་བ་སྒོ་ [349a] [349a.1]སྲུང་ཡང་དེ་དང་འདྲའོ། །དེ་ནས་སྟ་གོན་གྱི་དཀྱིལ་འཁོར་བསྟན་པའི་རིམ་པས་གཏོར་མ་ཆེན་པོ་བྱའོ། །དེའི་ཕྱོགས་དང་མཚམས་བྱེ་བྲག་ཏུ་བརྒྱད་ཅུ་དང་ལྡན་པར་གཅིག་གོ། །དེ་ནས་ཁ་ཟས་ཐམས་ཅད་ཡི་གེ་བརྒྱ་པའི་སྔགས་ཀྱིས་བྱིན་གྱིས་བརླབས་ཏེ། དང་པོར་ [349a.2]གཏོར་མ་ཆེན་པོས་རབ་ཏུ་ཚིམ་པར་བྱའོ། །དེ་ནས་བཀྲ་ཤིས་ཀྱི་ཚིགས་བཅད་བརྗོད་དེ། ཚོགས་ཀྱི་གཙོ་བོ་ལ་མཆོད་པར་བྱའོ། །དེ་ལ་རིམ་པ་ནི་འདི་ཡིན་ཏེ། དང་པོར་རེ་ཞིག་གཞི་མཉམ་གྱིས་བྱུགས་ཏེ། མེ་ཏོག་དང་། མར་མེ་དང་། སྤོས་དང་། དྲི་དང་། ཕྲེང་བ་དང་། ཕྱི་མ་ [349a.3]དང་། གདུགས་དང་། རྒྱལ་མཚན་དང་། འཕན་དང་། དྲིལ་བུས་ཀུན་དུ་མཆོད་པར་བྱས་ནས། དེའི་འོག་ཏུ་ཚོགས་ཀྱི་སློབ་དཔོན་གཙོ་བོ་ཡན་ལག་མ་ལ་ཡང་དེ་བཞིན་ནོ། །ལས་ཀྱི་རྡོ་རྗེའི་སློབ་དཔོན་ལ་ཡང་གཙོ་བོ་བཞིན་ནོ། །དེ་ནས་དཀྱིལ་འཁོར་དང་བཅས་པ་སོ་སོ་རེ་རེའི་ [349a.4]མེ་ཏོག་དང་། སྤོས་དང་། མར་མེ་དང་། དྲི་དང་ཚངས་པའི་སྐུད་པས་སོ། །ལས་བྱེད་པ་ལ་སོགས་པ་ལ་ཡང་དེ་བཞིན་ནོ། །ཚོགས་ཀྱི་ནང་ན་རེ་རེ་ཞིང་རིམ་པས་དང་པོ་ཚོགས་ཀྱི་གཙོ་བོ་ལ་མཆོད་པ་བྱས་ཏེ། དེའི་འོག་ཏུ་སོ་སོ་ལ་དཀྱིལ་འཁོར་དང་བཅས་པའི་མེ་ཏོག་དང་། སྤོས་ལ་ [349a.5]སོགས་པས་འཁོར་ལོའི་མཐའ་ཡན་ཆད་དོ། །དེའི་རྗེས་སུ་ཤིན་ཏུ་སར་པ་དྲི་མ་མེད་པ་དུམ་བུ་གཅིག་པའི་པདྨའི་སྣོད་རིགས་ཀྱི་མེ་ཏོག་ལ་སོགས་པ་དང་ལྡན་པ། ཆང་གིས་ཤིན་ཏུ་ཁེངས་པར་བྱས་པ་སྟེ། ཡོན་བདག་གི་སྟན་གྱི་སྟེང་དུ་ཚོགས་ཀྱི་གཙོ་བོའི་མདུན་དུ་གཞག་པར་བྱའོ། ། [349a.6]ཚོགས་དང་ཤེས་རབ་དང་ཐབས་གཉིས་ལ་རེ་རེའོ། །དེ་ལྟར་རྫོགས་ནས་ཚོགས་ཀྱི་གཙོ་བོས་སྔགས་ཀྱིས་བྱིན་གྱིས་བརླབ་པར་བྱའོ། །ཨོཾ་ཨཱཿ་ཧཱུཾ་གི་སྔགས་ཀྱིས་བརྗོད་དེ། གང་གི་རིམ་པས་དཀྱིལ་འཁོར་དེའི་རིམ་པས་ཀ་པཱ་ལའི་ནང་དུ་བསྐྱེད་པའི་རིམ་པ་བསྒོམས་ཏེ། རྣམ་ [349a.7]པར་ཞུ་བའི་བདུད་རྩི་བཞིན་རང་གི་ཞལ་དུ་གསོལ་ཏེ། བདེ་བ་ཆེན་པོའི་འཁོར་ལོ་མཆོད་དོ། །གྲུ་གསུམ་པའི་ཕྱག་རྒྱས་གཏོར་མ་ཆེན་པོ་ལ་ཡང་ཅུང་ཟད་དབུལ་བར་བྱའོ། །དེ་ལྟ་བུའི་རིམ་པས་ཚོགས་ཀྱིས་ཀྱང་བྱའོ། །དེའི་འོག་ཏུ་བཀྲ་ཤིས་ཀྱི་ཚིགས་བཅད་བརྗོད་དེ། དམ་ [349b] [349b.1]ཚིག་གི་ཀྱོ་བ་ལེགས་པར་བྲིམ་པར་བྱའོ། །དེའི་དུས་སུ་ཚོགས་ཀྱི་གཙོ་བོས་སྤོས་དང་བཅས་པའི་རྡོ་རྗེ་དྲིལ་བུ་དཀྲོལ་ཏེ། ཡི་གེ་བརྒྱ་པའི་སྔགས་ཀྱིས་ཚོགས་ཀྱི་འཁོར་ལོ་ལ་བསྲུང་བར་བྱའོ། །ལས་ཀྱི་རྡོ་རྗེའི་སློབ་དཔོན་གྱིས་སྔགས་འདིས་སོ། །ཨོཾ་ཧྲིཾ་ཧྲཱིཾ་བྷ་ར་བྷ་ར་སཾ་བྷ་ར་སཾ་བྷ་ར། [349b.2]ཏྲོཾ་ཏྲོཾ་ཀྲོཾ་ཀྲོཾ་ཕྲོཾ་ཕྲོཾ་སྲུཾ་སྲུཾ་ཧོ་རོ་ཧོ་རོ། །ཀྱེ་བཅོམ་ལྡན་འདས་རྡོ་རྗེ་འཛིན་པ་ཆེན་པོ་ཚུར་གཤེགས་ཚུར་གཤེགས་ཚོགས་ཀྱི་འཁོར་ལོ་འདི་ལ་རྣམ་པ་ཐམས་ཅད་ཀྱིས་བསྲུང་བ་མཛོད་ཅིག །ཚོགས་ཀྱི་གཙོ་བོ་ལ་སྙིང་གར་འཇུག་ཅིང་རོ་ཐམས་ཅད་ཀྱི་རོའི་མཆོག་གསོལ་ཅིག་ཧཱུཾ་ཧཱུཾ་ཕཊ་སྭཱ་ཧཱ། དེ་ [349b.3]ལྟར་བསྲུང་བ་དང་སྤྱན་དྲང་བ་བྱས་ནས་ལས་ཀྱི་རྡོ་རྗེའི་སློབ་དཔོན་གྱིས་གཡས་བརྐྱང་དང་གཡོན་བརྐྱང་བྱས་ཏེ། པདྨ་བསྐོར་བའི་ཕྱག་རྒྱས་ཚོགས་ཀྱི་གཙོ་བོ་ལ་པདྨའི་སྣོད་དབུལ་བར་བྱས་ཏེ། ཚོགས་ལ་ཡང་འདི་སྐད་བསྒོ་བ་སྦྱིན་ཏེ། ཀྱེ་ཚོགས་ཀྱི་བདག་པོ་པདྨ་བསྐོར་བའི་ཕྱག་རྒྱས་ [349b.4]སྣོད་བཟུང་ལ་ཤེས་རབ་དང་ལྷན་ཅིག་ཏུ་བཏུང་བ་མཛོད། དམ་ཚིག་གི་ཀྱོ་བ་ལ་གསོལ་ཅིག །དེ་རྣམས་ཀྱིས་ཀྱང་ཚོགས་ཀྱི་གཙོ་བོ་ལ་ཕྱག་བྱས་ཏེ། དེ་ལྟར་བགྱིས་ཞེས་བརྗོད་པར་བྱའོ། །གཞན་ལས་ཀྱི་རྡོ་རྗེ་སློབ་དཔོན་གྱིས་ཇི་ལྟར་བཀའ་སྩལ་པ་དེ་ལྟར་དད་པར་བྱའོ། །གང་ [349b.5]གི་ཕྱིར་ཞེ་ན། དེ་ནི་རྗེ་བཙུན་རྡོ་རྗེ་སེམས་དཔའི་སྤྲུལ་པའོ། །དེ་བཞིན་དུ་ཡང་དཔལ་ཡེ་ཤེས་ཐིག་ལེའི་རྒྱུད་ལས། ཇི་ལྟར་དཔལ་རྡོ་རྗེ་སེམས་དཔར་གྲགས། དེ་ལྟར་དཔལ་ལྡན་ལས་ཀྱི་རྡོ་རྗེ་ཞེས་གསུངས་སོ། །གང་གི་སྐབས་སུ་ཚོགས་ཀྱི་གཙོ་བོ་ཇི་ལྟ་བའི་ཕྱག་རྒྱ་བཅིང་བ་ [349b.6]མཛད་པ་དེ་ལྟ་བུར་ཚོགས་ཀྱིས་ཀྱང་བཅིང་བར་བྱའོ། །སྐབས་སུ་གང་ཞིག་ལ་སོགས་པའི་དགོངས་པ་ཚོགས་ཀྱི་གཙོ་བོ་ལ་ཕྱག་འཚལ་ཏེ། ཐམས་ཅད་བྱའོ། །ཚོགས་ཀྱི་ནང་དུ་རྐང་པ་བརྐྱང་པ་དང་། ཀ་བ་ལ་སོགས་པ་ལ་བརྟེན་པ་དང་། རྐེད་པར་ལག་པ་འཇོག་པ་དང་། སོར་མོ་ལ་སོགས་པ་འདྲེན་པ་དང་། [349b.7]རྒོད་པ་དང་། ཕན་ཚུན་གཏམ་སྨྲ་བ་དང་། ཐེ་ཚོམ་དང་གཉིད་དང་། མཆིལ་མ་ལ་སོགས་པ་འདོར་བ་དང་། གཞན་གྱི་སྣོད་ལ་བལྟ་བ་དང་། བདག་ལ་བྱིན་ཞེས་པའི་ཚིག་དང་། མི་དགའ་བ་དང་། ཆང་མང་པོ་འཐུང་བ་དང་། ཁམ་ཆེ་བ་དང་། ལག་པ་གཅིག་གིས་འཐུང་བ་དང་། [350a] [350a.1]གཞན་གྱི་ཤེས་རབ་མ་ལ་འདོད་པ་དང་། ལྷག་མ་སྦྱིན་པ་དང་ཚུལ་འཆོས་ཀྱི་བསམ་གཏན་དང་། ལྟ་བ་དམན་པའི་ཕྱོགས་སུ་ལྟ་བ་དང་། སྐྱུག་པ་ལ་སོགས་པ་མི་བྱའོ། །དེ་རྣམས་ཀྱི་ནང་ན་གལ་ཏེ་ཅིག་ཆད་ནས་དེས་ཀྱང་ཅི་འབྱོར་པའི་ཆད་པ་བྱའོ། །དེ་ཡང་ཆད་པ་འཕེལ་ [350a.2]བར་བྱས་ནས། ཚོགས་ཚིམ་པར་བྱའོ། །དེ་ནས་རིམ་གྱིས་བདུད་རྩི་བཅུད་དང་ལྡན་པའི་ཟས་དང་བཏུང་བ་བྲིམ་པར་བྱའོ། །དེ་ཡང་དལ་བུ་དལ་བུས་གསོལ་བར་བྱའོ། །གང་གིས་དགའ་བ་འཕེལ་བར་འགྱུར་རོ། །སྐབས་སུ་ངལ་བསོ་སྟེ། ལས་ཀྱི་རྡོ་རྗེས་གང་བགྱི་བཀའ་སྩལ་པ་དེའི་ཚེ་ [350a.3]མཉན་པ་དང་། དབྱངས་འཇམ་པས་བྱའོ། །དེའི་དུས་སུ་གལ་ཏེ་རྣལ་འབྱོར་མ་ལ་སོགས་པ་བརྟག་པའི་ཕྱིར་འོང་ན། དེ་རྣམས་ལ་ཚོགས་ཀྱི་གཙོ་བོའམ་ལས་ཀྱི་རྡོ་རྗེ་བསྙུན་གསོལ་བ་ལ་སོགས་པ་མཛད་པ་དེ་བཞིན་དུ་ཚོགས་ཀྱིས་ཀྱང་བྱའོ། །དེ་ལྟ་བུའི་རིམ་པས་ཉིན་བདུན་ནམ་ཡང་ན་ [350a.4]གསུམ་བྱའོ། །རྟག་ཏུ་ཟས་ཐམས་ཅད་དང་ལྡན་པ་ཆུ་ལ་སོགས་པ་དང་བསྲེས་ནས་གཏོར་མ་ཨོཾ་ཨ་ཀཱ་རོ་མུ་ཁཾ་གི་སྔགས་ཀྱིས་འབད་པས་གཏང་བར་བྱའོ། །ཐམས་ཅད་རྫོགས་ནས་དྲུག་ལྡན་ལ་སོགས་པའི་གླུས་མཆོད་པར་བྱའོ། །ལྷག་མ་གཅིག་ཏུ་བྱས་ནས་འཕན་ལ་སོགས་པས་བརྒྱན་ [350a.5]པར་བྱའོ། །དེའི་འོག་ཏུ་གཤེགས་སུ་གསོལ་བའི་མཆོད་པ་བྱས་ནས་གཏོར་མའི་ནང་དུ་མེ་བཞག་སྟེ། གཏོར་མ་རེ་རེ་སོ་སོའི་ལག་ཏུ་སྦྱིན་པར་བྱའོ། །གཏོར་མ་ཆེན་པོ་ལས་ཀྱི་རྡོ་རྗེ་སློབ་དཔོན་ལ་ཆུ་དང་བསྲེས་པ་སྒོ་སྲུང་བ་ལ། ཁ་ཅིག་རྡོ་རྗེ་དྲིལ་བུ་འཁྲོལ་ཞིང་། ཁ་ཅིག་རྡེའུ་ཆུང་། ཁ་ཅིག་ [350a.6]སྤོས་འཛིན། ཁ་ཅིག་མེ་ཏོག་བཀྲམ་པར་བྱེད་པ། ཁ་ཅིག་སྣོད་འཛིན་པ་ཁ་ཅིག་གླུ་ལེན་པ། དེ་ལྟར་རིམ་པས་ཆུ་བོ་ཆེན་པོར་སོང་ནས། རྡོ་རྗེ་རྐང་པ་དང་ལྡན་པའི་གར་བྱའོ། །དེའི་འོག་ཏུ་མཆོད་པ་བྱས་ཏེ། བཅོམ་ལྡན་མ་རོ་ལངས་མའི་སྔགས་ཀྱིས་སམ། ཡང་ན་གང་གི་རིམ་པའི་ [350a.7]དཀྱིལ་འཁོར་གྱི་འཁོར་ལོ་དེའི་རིམ་པའི་སྔགས་ཀྱི་གཏོར་མ་ཆེན་པོ་གཏོང་བར་བྱའོ། །ལྷག་མའི་གཏོར་མ། ཨོཾ་ཨུཙྪིཥྚ་བཛྲ་ཡཀྵ་ཨཥྚི་ཏི་ཏིཥྛ་བི་བ་ཏ་ཧུཾ་ཧཱུཾ་ཕཊ། འཇིག་རྟེན་སྐྱོང་པ་ལ་ཕྱོགས་དང་མཚམས་བྱེ་བྲག་བརྒྱད་ཨོཾ་གྱི་རྣམ་པ་དང་། ཧཱུཾ་ཕཊ་མཐར། བར་དུ་མིང་སྤེལ་ཏེ་ [350b] [350b.1]འབྱུང་པོ་དང་ཡི་དགས་དང་ཤ་ཟ་རྣམས་ལ་ཆུ་དང་བསྲེས་པ་སྔར་བསྟན་པ་བཞིན་ནོ། །དེའི་དུས་སུ་གལ་ཏེ་གང་ཞིག་བརྒྱ་བྱིན་འདྲ་བ་འོང་ན་དེ་ལ་རེ་ཞིག་འཇིགས་པར་མི་བྱའོ། །དེའི་མདུན་དུ་གཡས་བརྐྱང་བ་བྱ་སྟེ། ཁམས་གསུམ་རྣམ་པར་རྒྱལ་བའི་ཕྱག་རྒྱ་བཅིངས་ནས། ཁྲོ་བོའི་ཚུལ་གྱིས་ [350b.2]ཕེའི་རྣམ་པ་དྲུག་བརྗོད་པར་བྱའོ། །དེ་ནས་གཏོར་མ་ཆེན་པོའི་སྣོད་ལ་སོགས་པ་ཆུས་གང་བར་བྱས་ནས། །བཀྲ་ཤིས་ཀྱི་ཚིགས་བཅད་ལ་སོགས་པ་བརྗོད་ལ་གནས་སུ་འགྲོ་བར་བྱའོ། །སློབ་དཔོན་ཤེས་རབ་དཔལ་གྱིས་མཛད་པ། ཡན་ལག་བརྒྱད་པའི་རིམ་པ་ལས། ཚོགས་ཀྱི་འཁོར་ [350b.3]ལོའི་ཆོ་ག་བསྟན་པ་ཞེས་བྱ་བ་ལེའུར་བཅད་པ་དགུ་པའོ།། །།གང་རྒྱུད་པདྨ་ལ་དགའ་ཡིས་གསུངས་རྣལ་འབྱོར་མ་ལ་སོགས་ནི་རྨད་དུ་བྱུང་། །དེ་ཡི་ནང་ནས་ཤིན་ཏུ་རྣམ་དཔྱད་འདི་དྲངས་བླ་མ་ཀུན་གྱི་ཡང་དག་ནོར། །འདིར་ནི་བདག་རང་གིས་ནི་ཅུང་ཟད་རང་བཟོ་མ་ཡིན་འོན་ཀྱང་ [350b.4]འདུས་པ་བྱས། །དེ་ལས་གང་ཞིག་འབྲས་མཆོག་ཐོབ་པ་དེ་ནི་སེམས་ཅན་ཀུན་ལ་འཕེལ་བར་ཤོག །ཡན་ལག་བརྒྱད་པའི་རིམ་པ་ཞེས་བྱ་བ། རྒྱ་གར་གྱི་སློབ་དཔོན་དཔལ་ཤེས་རབ་གསང་བའི་ཞལ་སྔ་ནས་མཛད་ནས་བསྒྱུར་ཅིང་གཏན་ལ་ཕབ་པའོ།། །།ཨ་ཊི་རྫོགས་སོ།། །། [350b.5]{T1342}༄༅༅། །རྒྱ་གར་སྐད་དུ། རཏྣ་པྲ་བྷ་ནཱ་མ། བོད་སྐད་དུ། རིན་པོ་ཆེའི་འོད་ཅེས་བྱ་བ། རང་སྣང་རྡོ་རྗེ་སེམས་དཔའ་ལ་ཕྱག་འཚལ་ལོ། །གསུམ་གསལ་ཐུགས་རྗེ་རིག་པའི་དཔལ། །སྐུ་གསུམ་རིག་པ་ཉིད་ལྡན་ལ། །དང་བའི་ཚུལ་གྱིས་འདུད་ཕྱག་འཚལ། །ཐུགས་རྗེ་བྱིན་ [350b.6]རླབས་རྣ་བརྒྱུད་ལ། །འཕགས་པའི་གསུང་དང་བྱིན་རླབས་ཀྱིས། །རང་སྣང་ཉི་མ་ལྟ་བུར་གསལ། །གསལ་བྱེད་རིན་ཆེན་སྣང་བ་འདི། །མཐའ་ཡས་འགྲོ་བ་ཐམས་ཅད་ལ། །དབྱེར་མེད་ཚུལ་དུ་ལྡན་གྱིས་ཀྱང་། །བདག་འཛིན་ལོག་པའི་སེམས་ཀྱིས་དཀྲུགས། །ས་འོག་ [350b.7]བུམ་པ་ཇི་བཞིན་པས། །རིན་ཆེན་སྣང་བ་རང་འབར་ཡིན། །འགྲོ་བའི་བླ་མ་འདས་གྱུར་ཀྱང་། །འགྲོ་བ་མུན་པ་ལ་གནས་ནས། །མོས་པའི་རྣལ་འབྱོར་མིག་མེད་ལ། །སྙིང་པོ་འོད་ཀྱི་དོན་དུ་བཤད། །གཏིང་ལྟར་མི་གསལ་རིན་པོ་ཆེ། །སྐལ་ལྡན་རྣལ་འབྱོར་མོས་འཇུག་གིས། །རྟོག་ [351a] [351a.1]མེད་མཐོང་བའི་ལམ་རྟོགས་དང་། །བགྲོད་མེད་འབྲས་བུ་རང་སྣང་ཡིན། །པདྨ་གསུམ་གྱི་དཀྱིལ་འཁོར་ནས། །བདེ་གཤེགས་གསུམ་གྱི་སྐུ་ལྡན་པ། །རྣམ་གྲོལ་འབྲས་བུ་རང་གཞག་ཡིན། །གཞི་ནས་མ་གཡོས་རང་བཞིན་འགྲུབ། །ཆོས་ཉིད་སྐུ་ལ་འགྱུར་བ་མེད། །རང་ [351a.2]རིག་བདེ་བ་ཆེན་པོ་ཉིད། །རྒྱུ་ལ་མི་གནས་མཐར་ཐུག་པ། །ཐེག་ཆེན་རྫོགས་པའི་འབྲས་བུ་ཡིན། །རིན་ཆེན་གསུང་གིས་ཤེས་འགྱུར་ཏེ། །བསམ་མེད་བརྗོད་བྱ་སྙིང་པོའི་དོན། །ཀུན་གྱི་བརྗོད་པ་སེམས་ཀྱི་དབྱིངས། །རང་རང་མོས་པའི་ཤེས་པ་རྟོགས། །ལམ་གྱི་རྩོལ་བས་འབྲས་བུ་ཚོལ། ། [351a.3]རང་མོས་བསམ་པའི་ས་ལ་གནས། །སྨན་པའི་འདོད་པས་རེ་བ་འཇོག །སྙིང་པོ་ལམ་ལ་འདོད་པ་བྲལ། །ཡིད་ལ་མི་བྱེད་རང་བཞིན་གནས། །རིག་པའི་གཟེར་གྱིས་འདའ་བ་མེད། །སྒོམ་པ་མེད་ལ་བྱ་བ་བྲལ། །ལྟ་བ་མེད་པའི་སྙིང་པོ་ནི། །རང་གཞག་སེམས་ཀྱི་རིག་པས་ཤེས། །ཆར་ [351a.4]ཡང་དང་ནི་ཐིག་ལེ་ཚུལ། །ཚུལ་ཙམ་མཆོག་དང་གཞན་མཆོག་དོན། །ཤེས་རབ་གསང་བས་ན་རོ་ལ། །སྙན་ཁུང་བརྒྱུད་པ་བཞི་ཡི་གནས། །རྡོ་རྗེ་བཀའ་ནི་རྟོགས་པའི་ལམ། །བྱེད་པའི་སྒྲ་ལ་གཉེར་བའི་སེམས། །ཚུལ་བཟང་རྩོལ་ལ་གང་གནས་པ། །བྱེད་པའི་དོན་དང་ཕྲད་གྱུར་ [351a.5]ནས། །བྱ་བའི་རང་བཞིན་ཤེས་པར་བྱ། །རྒྱལ་བའི་དགོངས་པ་རིག་པ་ཉིད། །གསུམ་གྱི་བྱེད་པའི་འོད་ཀྱིས་མཐོང་། །གསུམ་གྱི་འོད་གསལ་གཞི་ཡི་ལམ། །བྱེད་དང་བྲལ་བ་ཉིད་ལ་གནས། །ལམ་གྱིས་ལམ་གྱི་འབྲས་བུ་མཐོང་། །འབྲས་བུ་དགོངས་པ་རྒྱལ་བའི་ཐུགས། ། [351a.6]བསམ་མེད་རང་གཞག་རིག་པའི་དང་། །བདེ་ཆེན་མི་རྟོག་རྒྱུ་བ་བྲལ། །ཡིད་ལ་མི་བྱེད་སྣང་བ་དག །རིམ་པ་མ་འགགས་ཡེ་ཤེས་གསལ། །དབང་པོ་པདྨ་རྒྱས་པའི་སེམས། །འགྲོ་བ་ཀུན་ལ་རང་བཞིན་གནས། །མཐོང་བ་ལོག་པ་གཞན་ཡོད་ཀྱང་། །སྤྲུལ་སྐུ་དང་པོ་གཞན་ལས་ [351a.7]མིན། །ཀུན་བཟང་རྒྱལ་བའི་དགོངས་པ་ཉིད། །སྣང་བའི་དུས་མ་བཟུང་བྱས་ལ། །དྲན་པའི་ཚུལ་གྱིས་ཉམས་སུ་བླངས། །འཕེན་པ་དང་པོའི་དུས་ནའོ། །རིན་ཆེན་གསུང་གིས་བརྟགས་པ་ལས། །ཐབས་ཀྱི་བྱེ་བྲག་ཤེས་འགྱུར་ན། །ཐོག་མ་པདྨ་ཇི་བཞིན་ནོ། །དཀྱིལ་འཁོར་ [351b] [351b.1]ལྔ་ཡི་ཡེ་ཤེས་འཕྲོ། །དེ་ལྡན་རྒྱལ་བའི་གྲལ་དུ་གནས། །ཐུགས་རྗེས་ཀུན་ལྡན་རྙོག་པས་བསླད། །དངས་མ་དུས་གསུམ་འགྱུར་བ་མེད། །གསང་བའི་པདྨ་སྔགས་ཀྱི་སེམས། །སྤྱོད་པ་བྲལ་བའི་དུས་ན་ཤེས། །བཏང་གཞག་རང་བཞིན་མ་ཚ་བྲལ། །འཁོར་བ་རྣམ་པར་མི་སེམས་ཏེ། །མྱ་ [351b.2]ངན་འདས་པའི་རྒྱུ་བ་བྲལ། །རྫོགས་པའི་དགོངས་པ་བྱ་བ་མེད། །དུས་གསུམ་མ་ཡེངས་སྲོག་ཏུ་སེམས། །བླང་དོར་མི་མངའ་ལྟ་བ་མེད། །རང་བཞིན་རྒྱལ་བའི་ལྟ་བ་ཡིན། །མི་རྩོལ་དབུ་མ་དང་པོ་ལམ། །གང་གིས་མ་བཅོས་ཐུགས་ཀྱི་ལམ། །སྙིང་ག་པདྨ་རིན་ཆེན་འོད། །འོད་ [351b.3]གསལ་རིག་པའི་དཀྱིལ་འཁོར་ལྔ། །ཆགས་པ་ལ་སོགས་ཉོན་མོངས་ལྔ། །མཐར་ཐུག་ཐ་མ་དུས་ན་མཐོང་། །གང་སྐྱེས་དུས་ན་ཡུལ་མི་དཔྱད། །མི་འགག་ངོ་བོ་ཉིད་ལ་གཞག །གསང་བའི་པདྨ་ཆོས་ཀྱི་སྐུ། །མ་བཅོས་རང་གསལ་གཟུང་འཛིན་བྲལ། །རྫོགས་པའི་ལོངས་སྤྱོད་ [351b.4]བདེ་བའི་སྐུ། །སྤྲུལ་སྐུ་གང་ལ་ངོས་གཟུང་མེད། །དབྱེར་མེད་རིག་པ་གཅིག་ལ་གནས། །འཛིན་དང་བྲལ་བའི་མངོན་སུམ་པ། །ཆགས་དང་བྲལ་བའི་བདེ་བ་ཆེ། །ཐ་སྙད་བྲལ་བའི་ཐབས་ཀྱིས་མཚོན། །རྩོད་དང་བྲལ་བའི་སྤྱོད་པས་བླང་། །སྤྲོ་བསྡུ་མེད་པའི་དགོངས་པར་གནས། །སྣང་ [351b.5]བ་རྒྱ་མཚོ་ཆེན་པོ་བཞིན། །རང་བཞིན་རིག་པ་དེ་བཞིན་ནོ། །ཡོན་ཏན་སྣ་ཚོགས་ནམ་མཁའ་བཞིན། །དུས་གསུམ་འགྱུར་མེད་ཀུན་དུ་བཟང་། །སངས་རྒྱས་སེམས་ཅན་གཉིས་སུ་མེད། །འཁོར་བ་ཉིད་ན་རང་བཞིན་དག །རིན་ཆེན་དག་པ་ཇི་བཞིན་ནོ། །ཇི་ལྟར་བཅོས་ཀྱང་འགྱུར་བ་ [351b.6]མེད། །རང་བཞིན་ཆོས་ཉིད་ངོ་བོ་ལ། །སྒྲོ་སྐུར་སྤྲོས་པ་དང་གིས་མེད། །འཛིན་པའི་སྤྱོད་པ་ལོག་པས་བསླད། །རང་འབྱུང་རིག་པའི་དོན་མ་རྟོགས། །རང་འབྱུང་ཀུན་མཁྱེན་རིག་པའི་ཐུགས། །འགྱུར་མེད་འགྲོ་བ་ཀུན་ལ་གནས། །མཁའ་འདྲ་ཡེ་ཤེས་ལྷུན་གྱིས་གྲུབ། །སྒྲུབ་ [351b.7]མེད་དངོས་གྲུབ་ཆེན་པོ་ལ། །བསྲུང་མེད་དམ་ཚིག་རང་གཞག་སྟེ། །མཐའ་མེད་དབུས་མེད་རིག་པར་གསལ། །རྒྱལ་བ་ཀུན་གྱི་ངོ་བོ་ལ། །སེམས་ཅན་ཀུན་གྱི་རང་བཞིན་ཡིན། །ཡེ་ཤེས་རིག་པ་རྟོགས་གྱུར་ནས། །ཐུགས་རྗེ་མཛད་པའི་ལམ་ཡང་སྟོན། །སེམས་ཀྱི་འབྲས་བུ་རང་ [352a] [352a.1]གཞག་ལ། །འདོད་པའི་རྩོལ་བས་སྒྲུབ་མི་བྱེད། །བྱང་ཆུབ་སེམས་ཀྱི་ལམ་ཆེན་ནི། །རྣམ་དག་ཡེ་ཤེས་དགོངས་པའི་ལམ། །ཐུན་མོང་འགྲོ་བ་ཡོངས་ལ་གནས། །དུས་གསུམ་སངས་རྒྱས་ལས་བྱུང་བ། །བགྲོད་མེད་རང་རིག་ཡེ་ཤེས་ལམ། །རང་འདོད་བལྟས་ [352a.2]པས་གྲུབ་པ་མེད། །རྫོགས་པའི་ལམ་ལ་གང་གནས་པ། །བསམ་གྱིས་མི་ཁྱབ་རང་གཞག་ལ། །ཡིད་ལ་མི་བྱེད་ཡེངས་པ་མེད། །རྣལ་འབྱོར་རྫོགས་པ་བཅོས་མེད་ལ། །འདོད་རྩོལ་ཐིག་ལེ་སྤྲོ་བསྡུ་མེད། །ཡེ་ནས་རྫོགས་པའི་རྣམ་དག་ལ། །བསམ་གཏན་ཡན་ལག་ཀུན་ [352a.3]དང་ལྡན། །རླུང་གི་འཇུག་པ་རང་བཞིན་ཞི། །ཡེ་ཤེས་བརྩལ་མེད་བདེ་བ་ལ། །དགའ་བ་བཞི་ཡི་བདེ་བ་གནས། །གང་སྤྱོད་ཐབས་ལ་མ་བརྟེན་ཡང་། །རིན་ཆེན་སྣང་བའི་ཐབས་ཀྱིས་ཤེས། །བརྡ་སྤྲོད་ཚིག་ལ་གནས་འགྱུར་ཡང་། །ཐིག་ལེ་རང་བྱུང་ཉིད་ལ་འཆང་། །རྟོག་དཔྱོད་ཡན་ [352a.4]ལག་ཐེ་ཚོམ་བྲལ། །སེམས་ཀྱི་དགའ་བདེ་རྩོལ་བ་མེད། གནས་བརྩེ་གཅིག་གཡེངས་པ་མེད། བདེ་མཚན་ཉིད་ཆོས་སྐུར་གནས། ཡེ་ཤེས་གསང་བ་ཐབས་ཆན་གྱིས། སེམས་ཀྱི་བག་ཆགས་ཐེབས་ཆེན་གྱི། །གྱུར་བ་གསུམ་ལ་དེ་བཞིན་འགྱུར། །སེམས་ཀྱི་ཡེ་ཤེས་གཏེར་ [352a.5]ཁ་དབྱེ། །རང་བྱུང་ཡེ་ཤེས་འོད་གསལ་ལ། རྒྱུ་མེད་རིག་པ་གདོད་ནས་གནས། ཡེ་ཤེས་རང་གནས་བདེ་བ་ཆེ། །ཀུན་མཁྱེན་མེ་ལོང་ལྟ་བུ་ཉིད། །མ་ལུས་སྣང་བའི་རང་བཞིན་དག །སེམས་ཀྱི་ཆོས་ཉིད་བདེ་བ་ཤེས། །ཀུན་བཟང་ཉམས་ཅིག་ཅིར་མ་མཐོང་། །མཐོང་མེད་གསལ་བའི་ [352a.6]མེ་ལོང་ཉིད། །དངོས་པོ་མེད་པའི་རིག་པ་ཡིན། །འདྲའམ་མི་འདྲ་རྒྱུ་གང་ཉིད། །བདག་གམ་གཞན་ནམ་དེ་ཉིད་གང་། །གྲུབ་བམ་མ་གྲུབ་ཇི་ལྟར་བསྐྱེད། །དེ་ལྟར་གྲུབ་ན་ཐུག་པ་མེད། །དེ་ལྟར་མིན་ན་གང་ཞིག་ནི། །གཉིས་ཀ་དེ་མེད་རི་བོང་རྭ། །གང་གཞན་རྒྱུ་ལས་གྲུབ་པ་ནི། །གཅིག་དང་དུ་ [352a.7]མ་གང་དུ་འགྲུབ། །འཇིག་རྟེན་རྒྱུ་འབྲས་ཆོས་བཞིན་ན། །ཡང་དག་ཡེ་ཤེས་བརྫུན་ནམ་ཅི། །དེ་ལྟར་བདག་ལྟ་ལོག་པ་བཞིན། །སྤང་བྱ་ཉིད་འགྱུར་ཡང་དག་མིན། །མི་མཐུན་གནས་པའི་ཆོས་ཡིན་ན། །ཞེན་པ་ཉིད་འགྱུར་དེ་ཉིད་རིག །དེ་ལྟ་མིན་ན་གང་ཞིག་འཐད། །བསྐྱེད་པའི་རིམ་པ་གང་ [352b] [352b.1]གནས་པར། །རྫོགས་པའི་རིམ་པ་གང་འཇུག་པ། །གང་གིས་གང་ཞིག་ཇི་ལྟར་གནས། །རྩོལ་བའི་བསྐྱེད་པ་དེ་ཉིད་དམ། །ཡེ་ཤེས་རིག་པའི་དོན་ལ་འཇུག །དེ་ཉིད་ཡིན་ན་དེ་ལྟ་མོད། །དེ་ལྟ་མིན་ན་གང་ཞིག་འཐད། །ཐམས་ཅད་ཐམས་ཅད་གྲུབ་པའམ། །མ་ཡིན་དེ་ལ་འཐད་པ་གང་། །རྗེས་ [352b.2]མཐུན་རྒྱུ་ཡིས་མི་གནས་ན། །དེ་བཞིན་རྗེས་མཐུན་ཉིད་དུ་འགྱུར། །དེས་ན་སེང་གེ་ཕྲུ་གུ་བཞིན། །སྐུ་གསུམ་ལྷུན་གྲུབ་བདེ་བའི་ལམ། །རྩོལ་བའི་འབྲས་བུ་མཐར་ཕྱུང་ནས། །འཇིག་རྟེན་ཆོས་ལའང་དེ་བཞིན་ནོ། །སྦྱང་བྱ་འབྲས་བུ་ཡིན་པ་ན། །ཁྱོད་ལ་དག་པའི་ཡེ་ཤེས་གང་། །དེ་ལྟ་ཉིད་ན་ [352b.3]རྟག་པར་འགྱུར། །དེས་ན་རང་འབྱུང་རྫོགས་པའི་ལམ། །རྒྱུ་ལ་མི་གནས་རྩོལ་བ་མེད། །རང་གནས་ཡེ་ཤེས་གདོད་ནས་གྲུབ། །གྲུབ་པའི་རང་བཞིན་བསྐྱེད་མི་དགོས། །ཡེ་གསལ་ནམ་མཁའི་རང་བཞིན་པས། །གསལ་བྱེད་རྣམ་པ་ཇི་བཞིན་ནོ། །ཟླ་བ་གཟུགས་འདྲ་གང་གིས་འབྱུང་། ། [352b.4]དབྱིངས་ཀྱི་འབྲས་བུ་བསམ་མི་ཁྱབ། །མི་རྟོག་འབར་བའི་དཀྱིལ་འཁོར་ནས། །ཆེ་བའི་སྐུ་གསུམ་མུ་མཐའ་མེད། །ཡེ་ཤེས་རིག་པ་ཐུག་ཕྲད་དུ། །རིན་ཆེན་སྣང་བས་གཞག་པར་བྱ། །བརྗོད་བྲལ་རིག་པ་ཐོག་བབས་ཉིད། །མ་བརྩལ་རང་འབྱུང་བདེ་བ་ཉིད། །ཡི་གེ་མེད་པའི་གསུམ་མཆོག་ [352b.5]སྟེ། །ཀུན་བཟང་རྒྱལ་བའི་དགོངས་པ་སྟོན། །མི་རྟོག་དོན་མཇལ་གོམས་ཤིང་རྟོགས། །ཡི་གེ་མེད་དང་རིག་པའི་གསུང་། །དོན་གྱི་ཆོས་ཉིད་མཇལ་བར་སྟོན། །གསང་སྔགས་གཏེར་གྱི་མཛད་འཛིན་ཅིང་། །རྒྱལ་བའི་གྲག་སྔགས་ཐ་སྙད་བྲལ། །སྔགས་ཚིག་བྲལ་བའི་ནུས་མཐུ་ལྡན། ། [352b.6]ལས་གཞི་མེད་པའི་དོན་གྱིས་འགྲུབ། །རྒྱུ་མེད་འབྲས་བུ་མཐར་ཐུག་ཡིན། །རིག་པ་མཐའ་བྲལ་དཀྱིལ་འཁོར་འདིར། །ཞེན་མེད་ཚུལ་གྱིས་འཇུག་ན་བདེ། །དང་པོ་རང་སེམས་ཚུལ་ལ་བརྟག །རིག་པ་བླ་མའི་གདམས་པ་བཞིན། །དྲོང་དང་ལྡན་ན་བརྡ་དོན་སྤྲད། །དཀྱིལ་འཁོར་དྲུག་ [352b.7]གི་ཡེ་ཤེས་ལ། །སྒྲ་ཡིས་མཐའ་ལ་གཞག་པར་བྱ། །མྱོང་བ་མེད་པའི་རྣམ་པ་ཡིན། །ཚོར་བ་བྲལ་བའི་རེག་བྱས་གོ། །ཕྱི་རོལ་ཚུལ་བཞིན་ངེས་པར་འགྱུར། །ཐ་མར་དྲན་བསམས་རྒྱུ་བ་བྲལ། །དཔའ་རྟུལ་ཟ་བྱེད་སེམས་ལྟ་བུ། །ཤེས་པ་དང་བཞག་མ་བརྟུལ་བ། །སྟག [353a] [353a.1]ལྟ་བུ་སེམས་ལ་ནི། །ཡེ་ཤེས་རོལ་པ་མི་འགག་པས། །རྩོལ་མེད་ཡེ་ཤེས་རིག་པའི་དང་། །དེས་ན་རང་བཞིན་ཅོག་འཇོག་གོ། །དངོས་པོ་ཇི་ལྟར་སྣང་བ་ཡང་། །རང་གི་ཤེས་པ་ཉིད་དུ་མཐོང་། །དུས་གསུམ་སངས་རྒྱས་མ་ལུས་པའི། །ཐུགས་ལ་འཇོག་པའི་མན་ངག་ [353a.2]བཅུད། །རིན་ཆེན་ཤར་བས་རང་ལ་རྫོགས། །རྩོལ་བྲལ་རིག་པ་མི་རྟོག་པ། །མ་བཅོས་རང་སྣང་བདེ་བའི་ཀློང་། །ཡེ་ཤེས་ལྷུན་གྲུབ་ཀློང་དུ་ཤར། །རང་འབྱུང་ནམ་མཁའ་ལྟ་བུར་ཁྱབ། །རང་གསལ་རིག་པའི་དང་ལ་གནས། །སྤྲོས་བྲལ་ཡེ་ཤེས་ཐིག་ལེ་ཆེ། །རྣམ་རྟོག་བྲལ་བའི་ [353a.3]རིག་པ་གསལ། །རང་གི་ཅིར་ཡང་མི་རྟོག་པ། །ཡེ་ཤེས་རང་གནས་སེམས་སུ་གསལ། །ཅི་ཡང་མི་རྟོག་སེམས་སུ་སྨིན། །ཅི་ཡང་མ་ཡིན་དམིགས་སུ་མེད། །རྣམ་རྟོག་སེམས་ཀྱི་རྒྱུ་བ་བྲལ། །རིག་པའི་ཡེ་ཤེས་འཛིན་པ་བྲལ། །རང་སྣང་རོལ་པ་བྱང་ཆུབ་སེམས། །སྒྱུ་མའི་ [353a.4]ཡེ་ཤེས་བདེ་བའི་ཀློང་། །རང་རིག་ཡེ་ཤེས་འཛིན་པ་ཡིན། །རང་འབྱུང་སྒྱུ་མར་མངོན་སུམ་གསལ། །ལྷུན་གྲུབ་ཡེ་ཤེས་མ་བཅོས་པ། །བདེ་བའི་སྒྱུ་མ་རང་རིག་ཉིད། །ཐམས་ཅད་ཡེ་ཤེས་སེམས་སུ་འཆར། །རིག་པའི་ཡེ་ཤེས་དོན་གསལ་བ། །ཐམས་ཅད་ཡེ་ཤེས་ཉིད་ [353a.5]དུ་མཐོང་། །ཡེ་ཤེས་མ་ཡིན་གང་ཡང་མེད། །ཁམས་གསུམ་དངས་མ་ཡེ་ཤེས་ཉིད། །ཡེ་ཤེས་རིག་པའི་ཐབས་ཀྱིས་ཤེས། །འཁྲུལ་པའི་ས་གནས་བརྡ་བཀྲོལ་ཏེ། །ཡེ་ཤེས་རྒྱལ་བའི་གྲལ་དུ་གཞག །མ་བཅོས་སྐུ་གསུང་ཐུགས་སུ་གནས། །རང་རིག་སེམས་ཀྱི་འབར་བ་ [353a.6]ཉིད། །ཡེ་ཤེས་སེམས་ཀྱི་ཕུར་པ་ཐེབས། །རྣམ་རྟོག་བཞོན་པ་རླུང་དང་བྲལ། །དངོས་གྲུབ་བདེ་བའི་རང་བྱུང་ཉིད། །ཐར་པའི་ལམ་མཆོག་བྱང་ཆུབ་སེམས། །འབྲས་བུ་མཐར་ཕྱིན་རིག་པ་ཉིད། །རང་བྱུང་སེམས་ཀྱི་ཇི་བཞིན་ལ། །རྣམ་པའི་རིག་པ་ཐབས་ཀྱིས་གནས། །བཅོས་ [353a.7]མེད་དགོངས་པ་བདེ་ཆེན་འདི། །མངོན་སུམ་མཐོང་ལ་ངོས་གཟུང་མེད། །རང་ཤར་དངོས་པོར་གྲུབ་པ་མེད། །བདེ་ཆེན་རིག་པ་མ་མཐོང་སྟེ། །འདི་དང་བྲལ་ན་རྟོག་པ་ཉིད། །བཀའ་ཡི་དམ་དང་དེ་མི་ལྡན། །དམུས་ལོང་མདུན་དུ་གཟུགས་སྣང་བཞིན། །འབྲས་བུ་མཐར་ཕྱིན་ཡོད་ [353b] [353b.1]མ་ཡིན། །ཀུན་བཟང་རྒྱལ་བའི་དོན་དང་འགལ། །རང་གསལ་དགོངས་པའི་ཐུགས་མ་རིག །འཛིན་པའི་ཆ་ལ་གང་གནས་ཀྱང་། །འཁོར་བའི་འབྲས་བུ་ཉིད་དུ་འགྱུར། །རང་འདོད་དོན་གྱི་མཐར་མ་ཕྱིན། །ཡེ་ཤེས་གསང་བ་བདེ་བའི་ས། །འདོད་པས་མི་འགྲུབ་ཐོབ་པ་མེད། །འདོད་མེད་རང་ [353b.2]བཞིན་ཉིད་ལས་བྱུང་། །ཤེས་པ་རང་ལུགས་སོ་མ་ཉིད། །ཀུན་བཟང་རྒྱལ་བའི་དགོངས་པའོ། །ཐ་མལ་ཤེས་པ་འདི་ཉིད་ལ། །བསམས་པའི་སེམས་མེད་རང་གཞག་ཡིན། །ངེས་པའི་གཞི་ནི་དོན་ལ་གནས། །ཡིད་ཆེས་བླ་མ་ཉིད་ལ་གུས། །རིན་ཆེན་གདམས་ངག་གཏེར་དུ་འཆང་། །ལུང་གི་ [353b.3]དགོངས་པའི་དོན་གསལ་ཏེ། །རིག་པ་རང་གསལ་གཏན་ལ་ཕེབས། །མི་འགྱུར་རྡོ་རྗེ་སེམས་དཔའ་འཆང་། །སྟོན་པ་རང་རིག་ཉིད་ཡིན་པས། །དྲང་བའི་དོན་ལ་སེམས་མི་འཇུག །ཕྱི་རོལ་འདོད་རྩོལ་སེམས་དང་བྲལ། །རྫོགས་པའི་བཀའ་ལ་ཡིད་མི་འགྱུར། །བླ་མ་རིན་ཆེན་སྲོག་ཏུ་ [353b.4]འཛིན། །མོས་པ་རང་གི་འདོད་པ་གཏོང་། །རིན་ཆེན་གཏེར་གྱི་ངོ་བོ་འདི། །སྲོག་དང་བྲལ་བའི་ཁ་བཞིན་བསྡམ། །རང་སེམས་བྱང་ཆུབ་སེམས་འདི་ལ། །ཡེ་ཤེས་མ་རིག་ཐ་དད་མེད། །འཁྲུལ་དང་མ་འཁྲུལ་རིག་པར་གཅིག །ཞེན་རྟོག་བརྟགས་པ་སྣ་ཚོགས་དང་། །ཡེ་ཤེས་འོད་ [353b.5]གསལ་ངོ་བོ་ཉིད། །འོད་གསལ་རང་འབྱུང་སེམས་སུ་གཅིག །བྱང་ཆུབ་སེམས་ལ་ངོ་བོ་བྲལ། །དོན་ལྡན་ཡེ་ཤེས་ཉིད་དུ་མཐོང་། །བསམ་པས་བརྟགས་པ་སྣ་ཚོགས་པ། །བག་ཆགས་ལོག་པའི་རྐྱེན་གྱིས་མཐོང་། །རང་རིག་ཡེ་ཤེས་འཇུག་པ་དང་། །རྟོག་པའི་བག་ཆགས་དང་པོ་ [353b.6]ནི། །སྒྲིབ་པ་མ་ལུས་བཞིན་གྲུབ་ཅིང་། །བྱང་ཆུབ་སེམས་ཀྱི་མཚན་ཉིད་ལ། །ཐོག་མ་དང་བྲལ་ཐ་མ་མེད། །ཐོག་མེད་འཁོར་བའི་རང་བཞིན་འདི། །བྱང་ཆུབ་སེམས་ལ་ཡེ་ནས་དག །སེམས་ཉིད་ནམ་མཁའ་ལྟ་བུ་ལ། །བློ་བུར་གཟུགས་བརྙན་སྤྲིན་གྱིས་བསྒྲིབས། །ངོ་བོ་མ་ཡིན་རྐྱེན་གྱིས་ [353b.7]སྣང་། །མེ་དང་ལྕགས་ཀྱི་རང་བཞིན་འདྲ། །རང་བཞིན་བྲལ་བ་མ་ཡིན་ཏེ། །དུས་གསུམ་མ་ཡིན་ནམ་མཁའ་བཞིན། །ཆོས་སྐུ་རང་བཞིན་ཡེ་ནས་དག །ལོངས་སྤྱོད་རང་གི་བདེ་བ་ཉིད། །སྤྲུལ་པ་ཆུ་ཟླ་ལྟ་བུར་སྣང་། །དབྱེར་མེད་རིག་པ་གཅིག་གི་དང་། བླང་དོར་གཉིས་བྲལ་མཉམ་པ་ [354a] [354a.1]ཉིད། །བྱང་ཆུབ་སེམས་ཀྱི་ཡེ་ཤེས་ལ། །སྙིང་པོ་མཉམ་ཉིད་ཡི་སངས་རྒྱས། །སྙིང་པོ་དོན་ལ་རྩོལ་བ་མེད། །དོན་གྱི་རང་འབྱུང་གཉིས་སུ་མེད། །སེམས་ཀྱི་རང་རིག་རྟོག་པ་ཉིད། །རྣམ་རྟོག་ཡེ་ཤེས་ཉིད་དུ་འབར། །བརྩལ་མེད་འབྲས་བུ་མཐར་ཐུག་ཉིད། །བཀའ་ [354a.2]ཡི་བཅུད་འདུས་སྙིང་པོ་འདི། །རྒྱ་མཚོ་བཞིན་དུ་བདུད་རྩི་འདུས། །སྙིང་པོའི་དོན་འདི་གསང་བའི་བཅུད། །གསལ་བའི་སྒྲོན་མ་སྙིང་པོ་འདི། །མ་ལུས་འདུས་པའི་འཁོར་ལོ་ཡིན། །སྙིང་པོ་གསུང་གིས་རྟོགས་བྱ་བ། །སེམས་ཉིད་རང་འབྱུང་སྙིང་པོ་ཉིད། །ཕྱི་ནང་གསང་བའི་ [354a.3]དཀྱིལ་འཁོར་འདུས། །འབྱུང་འཇུག་མི་མངའ་སྙིང་པོར་གསལ། །རང་འབྱུང་རྫོགས་པའི་དགོངས་པར་གནས། །ཡེ་ཤེས་སྙིང་པོ་མཁའ་འདྲ་བ། །མཐའ་དབུས་མི་མངའ་བླང་དོར་མེད། །མི་ལེན་སྙིང་པོ་བདག་མེད་གསལ། །བཀའ་ཡི་བཅུད་འདུས་སྙིང་པོ་འདི། །རང་བཞིན་སྙིང་ [354a.4]པོ་སྨན་ཆེན་རྟོགས། །འཁོར་བའི་ཟུག་རྔུ་འབྱིན་པའི་མཆོག །བྱང་ཆུབ་སེམས་ཀྱི་སྨན་མེད་ན། །རྩོལ་བའི་འཇུག་པ་མཐོ་རིས་རྒྱུ། །སྨན་ཆེན་རང་ལ་གནས་བཞིན་དུ། །མི་རྟོག་གཞན་ནས་ཚོལ་བར་བྱེད། །རྙེད་པས་རང་སེམས་སྨན་དུ་མཐོང་། །རྟོགས་པས་གཞན་ནས་མ་འོངས་ཏེ། །རང་ [354a.5]འབྱུང་སྙིང་པོ་ཐོག་མ་མེད། །སྤྲོས་བྲལ་ནམ་མཁའ་ལྟ་བུར་གནས། །རྒྱལ་བའི་སྐུ་དང་རང་བཞིན་ལྡན། །གཟུང་འཛིན་བྲལ་བའི་དང་ལ་བཞུགས། །བདེ་བའི་དོན་ལ་མ་ཆགས་རོལ། །སྣང་བ་ཡེ་ཤེས་རིག་པར་གནས། །བྱང་ཆུབ་སེམས་ཀྱི་སྨན་ཆེན་འདི། །ཡེ་ཤེས་རྒྱལ་བའི་དགོངས་ [354a.6]པ་སྟེ། །དུས་གསུམ་སངས་རྒྱས་ལམ་དུ་བདེ། །བསམ་གྱིས་མི་ཁྱབ་དགོངས་པ་ནི། །ཤེས་པ་རང་གཞག་སོ་མ་ཉིད། །སྙིང་པོ་དོན་རྟོགས་བྱ་བ་བྲལ། །རང་གསལ་རིག་པའི་ངང་ལ་བཞུགས། །བཅོས་མེད་འཛིན་བྲལ་འཕྲོ་འདུ་མེད། །བྱང་ཆུབ་རྒྱུ་བ་སྙིང་པོ་བྲལ། །ཀུན་འབྱུང་རིག་པ་ [354a.7]འཕོ་འགྱུར་མེད། །ཐུགས་རྗེ་རང་འབྱུང་ཡེ་ཤེས་ཉིད། །རྩོལ་བྲལ་རང་སྣང་བྱིན་རླབས་འབྱུང་། །ཕྱོགས་རིས་མི་མངའ་ཀུན་ལ་ཁྱབ། །སྙིང་པོ་ཉིད་དུ་ཀུན་སྒྲོལ་མཛད། །བྱམས་པ་ཆོས་ཉིད་ངང་དུ་སྐྱབས། །དགའ་བ་རང་རིག་མི་འབྲལ་བ། །བླང་དོར་གཉིས་མེད་པ་བཏོད་སྙོམས་ཆེ། ། [354b] [354b.1]རང་འབྱུང་སྙིང་པོ་འཁོར་ལོ་ལ། །རྟོགས་བྲལ་འཁོར་བ་རང་བཞིན་དག །ཐུགས་རྗེས་སེམས་ཅན་དོན་མི་མཛད། །དངོས་པོ་མི་མངའ་རང་འབྱུང་སེམས། །འོད་གསལ་སྙིང་པོ་རྫོགས་པ་འདི། །རིན་ཆེན་གསུང་གིས་བརྟགས་པས་ཤེས། །འགྲོ་དྲུག་སེམས་ཅན་ཐམས་ཅད་ལ། །རང་ [354b.2]གནས་ཡེ་ཤེས་ཉིད་ལྡན་པ། །བརྟགས་པ་གསུམ་གྱིས་ཤེས་པར་འགྱུར། །མིང་དང་སེམས་ལ་ཡེ་ཤེས་ཚོལ། །དངོས་པོ་གང་ཡང་རུང་བ་ལ། །བརྟགས་པས་རང་ལོག་ཤེས་པར་འབྱུང་། །ཡིད་བཞིན་རིན་ཆེན་ནོར་བུ་བཞིན། །འགྱུར་བ་མེད་པའི་གནས་ལུགས་དང་། །ཐུན་མོང་དམ་ [354b.3]ཚིག་གསུམ་ལྡན་པའོ། །ལྕེ་མནན་ནང་ཡིག་སྒྲ་ལ་སོགས། །དེ་བཞིན་གནས་སྐབས་གཞན་དུ་ཡང་། །སྙིང་པོ་ཡེ་ཤེས་གཟུང་བར་བྱ། །སྙིང་པོ་གསུང་འདི་དོན་དང་འབྲེལ། །སྐལ་ལྡན་རིན་ཆེན་ལྟ་བུ་ཡིས། །གྲུབ་མཐའ་ངན་ལ་གནས་དུས་སུ། །འདི་ཡིས་དོན་ཀུན་རིག་པར་ [354b.4]གྱིས། །འདི་ཡིས་རང་སེམས་མ་རིག་ན། །སྒྲའམ་ཚད་མ་གང་གིས་ཀྱང་། །རིག་པའི་ཡེ་ཤེས་རྙེད་མི་འགྱུར། །གཞི་ཉིད་རང་འབྱུང་འགྱུར་པ་མེད། །རྟོག་པ་རང་འབྱུང་སེམས་ཀྱི་ལམ། །མ་ཡེངས་བྱང་ཆུབ་སེམས་སུ་གསལ། །རང་འབྱུང་འབྲས་བུ་མཐར་ཕྱིན་པ། །འགྲོ་དོན་མཛད་ [354b.5]ལ་རྟོག་པ་གྲོལ། །འོད་གསལ་དབྱེར་མེད་གཅིག་གི་ངང་། །བྱང་ཆུབ་སེམས་ཀྱི་རང་རིག་འདི། །བག་ཆགས་འཁྲུལ་པའི་དབང་གིས་ན། །བརྟགས་པས་སྣ་ཚོགས་མེད་བཞིན་གྲུབ། །སེམས་ཀྱི་བག་ཆགས་ཕྱིར་སྣང་ཡང་། །རིག་པ་འོད་གསལ་འགྱུར་བ་མེད། །སྣ་ཚོགས་སྣང་ [354b.6]བའི་རང་བཞིན་འདི། །སྙིང་པོ་གསུང་གིས་བརྗོད་བྱ་སྟེ། །འཁྲུལ་པ་མ་ཡིན་ལོག་སྣང་བས། །རང་རིག་བྱང་ཆུབ་སེམས་སུ་བརྗོད། །རྟོག་པའི་རྩ་བ་བྱང་ཆུབ་སེམས། །རང་རིག་སེམས་ལ་རྟོག་པར་འཁྲུལ། །ཐོག་མ་མེད་དུས་བག་ཆགས་དང་། །རིན་ཆེན་གདམས་ངག་རྐྱེན་མེད་པས། །རྟོག་ [354b.7]མེད་སྙིང་པོ་སེམས་མ་གོམས། །ཐག་པ་སྦྲུལ་མིན་སྣང་བ་བཞིན། །ལུས་ངག་སེམས་དབྱེན་སྒྱུ་མའི་ལུས། །སྣ་ཚོགས་སྣང་བའི་རང་བཞིན་འདི། །ཆོས་ཉིད་ཡིན་པར་དབྱེར་མེད་པས། །ཟུང་དུ་འཇུག་པ་གང་དགོངས་པ། །གསལ་བའི་སེམས་དེ་ཉིད་ལ་ནི། །ཆོས་ཉིད་མ་ཡིན་བག་མི་ [355a] [355a.1]སྣང་། །ཐམས་ཅད་སྣང་བའི་ངོ་བོ་འདི། །ཡེ་ཤེས་སྙིང་པོ་ཉིད་དུ་མཐོང་། །ངོ་བོ་ཉིད་ལ་བརྗོད་པ་བྲལ། །རང་བཞིན་རྣམ་དག་རིག་པ་ལ། །བརྗོད་མེད་དོན་དུ་མ་བརྗོད་ན། །རིག་པའི་དོན་ལ་མཇལ་བ་མེད། །བརྗོད་པའི་སྦྲ་ལ་སེམས་དྲངས་པས། །མ་བཅོས་རང་འབྱུང་ཆོས་ [355a.2]ཉིད་མཐོང་། །རང་རིག་སེམས་ལ་དོན་རྟོགས་ནས། །འཇུག་ཐབས་མི་གཉིས་ཚུལ་གྱིས་གནས། །ཅིག་ཅར་རྫོགས་པ་བདེ་བ་ཆེ། །ཕྱོགས་སུ་མ་ལྷུང་གཟུང་བའི་སེམས། །རྫོགས་པའི་ཡེ་ཤེས་སྙིང་པོ་ལ། །རིམ་པའི་ལམ་མེད་མཐར་ཕྱིན་ནས། །རང་འབྱུང་རྟོགས་པའི་འཇུག་པ་ལ། ། [355a.3]དེ་ཉིད་སྙིང་པོ་དོན་ལྡན་པས། །འདོད་པའི་ཚོགས་ལ་ཡིད་མི་འཇུག །དེ་བཞིན་ཕ་རོལ་ཕྱིན་པ་དྲུག །རང་འབྱུང་རྫོགས་པའི་སེམས་ལ་གནས། །བསམ་བྲལ་མི་རྟོག་དགོངས་པ་ལ། །དེ་ཉིད་ཕ་རོལ་ཕྱིན་དྲུག་ལྡན། །མི་རྟོག་འཛིན་མེད་ཚུལ་ལ་གནས། །མ་ཡེངས་རིག་པ་རྒྱུན་མི་འཆད། ། [355a.4]དམིགས་མེད་ཤེས་པ་ཕ་རོལ་ཕྱིན། །སེམས་ཉིད་སྟོང་པའི་དངོས་མེད་ལ། །ཆོས་དང་ཆོས་ཅན་མི་གནས་པས། །དབྱེར་མེད་བདེན་པ་བཞི་པོ་དོན། །དངོས་པོ་ཡེ་ཤེས་འགགས་མ་ཡིན། །བདེན་བརྫུན་ཉིད་ཀྱི་མཐར་མི་འཛིན། །སྙིང་པོའི་དོན་ལ་འདོད་པ་བྲལ། །ཀུན་བཟང་ཡེ་ཤེས་ [355a.5]འོད་གསལ་ལ། །བསམ་བྲལ་ཡེ་ཤེས་ནམ་མཁའ་འདྲ། །རྫོགས་པ་ཡེ་ཤེས་མ་བཅོས་པ། །མི་འགྱུར་ཆོས་ཉིད་དབྱིངས་ཀྱི་ཐུགས། །མི་འགག་ཡེ་ཤེས་རིག་པའི་གསུང་། །དབྱེར་མེད་ཆོས་སྐུ་གཟུང་འཛིན་བྲལ། །སྐུ་གསུང་ཐུགས་བྲལ་སྐུ་གསུང་ཐུགས། །ཕྱི་ནང་མི་མངའ་ [355a.6]རང་གསལ་ཉིད། །འབྱུང་འཇུག་མི་མངའ་རང་བཞིན་གནས། །དབང་པོ་ངོ་ལ་སྣང་བའི་རྣམས། །ཆོས་ཉིད་བྱང་ཆུབ་སེམས་སུ་མཐོང་། །ཉོན་མོངས་ལྔ་པོ་ཡེ་ཤེས་ལམ། །ཐམས་ཅད་བྱང་ཆུབ་སེམས་ཀྱི་གཞི། །སངས་རྒྱས་ཉིད་ལས་གཞན་མ་ཡིན། །དག་པའི་སེམས་ལ་བརྩལ་ [355a.7]མེད་དེ། །བརྩལ་བའི་ཀུན་རྫོབ་གྲུབ་མ་ཡིན། །དམ་པའི་དོན་ལ་གང་འཇུག་པས། །གསང་བ་རྫོགས་པའི་དོན་ཉིད་ལ། །ཆོས་ཉིད་གསང་བ་འདི་དམིགས་ན། །ངེས་པའི་གདམས་ངག་ཟབ་མོ་ཡིས། །བརྩལ་མེད་རང་གཞག་བརྩལ་བ་དང་། །མི་བསྒོམ་རང་ལུགས་བསྒོམ་པ་ [355b] [355b.1]དང་། །མི་གནས་ཚུལ་ལ་འདུག་པ་དང་། །གཞག་མེད་མཉམ་གཞག་རང་འབྱུང་བ་དེ། །མི་རྟོག་དོན་ལ་གྱི་ན་བ། །དགེ་མི་དགེ་ཡི་རྣམ་རྟོག་བྲལ། །བྱང་ཆུབ་སེམས་ཀྱི་མཚན་ཉིད་དོ། །རང་འབྱུང་བྱང་ཆུབ་བརྩལ་བ་མིན། །བྱང་ཆུབ་འདོད་ལ་བྱང་ཆུབ་སེམས། །ཡང་དག་དོན་གྱི་སྙིང་པོ་ [355b.2]འདི། །བཙལ་བས་རྙེད་པར་མི་འགྱུར་ཏེ། །ཞེན་སེམས་ཉིད་ལ་འབྱུང་མི་འགྱུར། །ཉལ་བའི་བསམ་གཏན་འཁོར་ལོ་བདེ། །མ་ལུས་བྱང་ཆུབ་སེམས་ཀྱི་དང་། །ཆོས་ཉིད་བྱང་ཆུབ་མཉམ་གཞག་ན། །དངོས་མེད་བྱང་ཆུབ་རང་འབྱུང་དང་། །འདུས་མ་བྱས་པས་བདེ་བའི་ཀློང་། ། [355b.3]སེམས་ཉིད་བསམ་མེད་བརྗོད་ལས་འདས། །ཡེ་ནས་རྣམ་དག་བསམ་དུ་མེད། །རྫོགས་པའི་རྣལ་འབྱོར་རིག་པ་ཡིས། །དེ་ལ་མ་བརྩལ་གནས་ན་བསྒོམས། །རིག་པ་དབྱིངས་ལ་ཡན་བཞག་ན། །བརྩལ་བའི་ནད་བྲལ་བསྒོམ་པ་ཡིན། །བདེ་བས་སྙིང་པོ་དྲི་མ་མེད། །རིག་པ་ [355b.4]འོད་གསལ་ཉིད་དུ་བསྒོམ། །འོད་གསལ་སེམས་ལ་གནས་གྱུར་ན། །རྣམ་རྟོག་མཚན་མ་རང་བཞིན་ཞི། །སྐྱེ་བ་མེད་པའི་ཕྱག་རྒྱ་ཡིས། །རང་སྣང་ཀུན་བཟང་རོལ་པ་འགྲུབ། །དངོས་མེད་དངོས་ལ་མི་དམིགས་ཤིང་། །དབུ་མའི་སེམས་བྲལ་རྒྱུ་བ་བྲལ། །སེམས་ཀྱི་རྒྱུ་བ་མེད་པས་ [355b.5]ན། །ཐམས་ཅད་རང་འབྱུང་སྟོང་པ་ཉིད། །སེམས་ཉིད་རིག་པ་རང་འབྱུང་བ། །འགྱུར་མེད་སྐྱོད་མེད་གསལ་བས་ན། །ཡི་གེ་མེད་པའི་སྙིང་པོ་གསུང་། །དམ་པ་བྱང་ཆུབ་སེམས་ལ་གནས། །རྒྱལ་པོའི་དམ་ཚིག་མ་བཅོས་པ། །བསྲུང་བ་མེད་པའི་ཚུལ་གྱིས་བསྲུང་། །འགྱུར་བ་ [355b.6]མེད་པའི་ཕྱག་རྒྱ་ལ། །འགྱུར་བ་མེད་པའི་དོན་གྱིས་འདེབས། །མཐའ་དབུས་མེད་པའི་དཀྱིལ་འཁོར་ལ། །ཡེ་ཤེས་འཕྲོ་འདུ་མེད་པར་གསལ། །བསམ་བྲལ་རང་བཞིན་རྒྱལ་བའི་ཐུགས། །བྱང་ཆུབ་སེམས་ལ་འདའ་བ་མེད། །ས་འཛིན་རྣམ་པའི་སེམས་བཞིན་དུ། གཞན་ [355b.7]ནས་རྙེད་པར་མི་འགྱུར་ཏེ། །བརྟགས་ན་རང་སེམས་ཉིད་ལ་ཐུག། །གཞི་ལ་རང་གཞག་གཞན་འདོད་བྲལ། །རང་སེམས་རིག་པ་འགྱུར་བ་མེད། །ཇི་བཞིན་མི་རྟོག་ཆོས་ཀྱི་སྐུ། །བྱ་བྲལ་ལྷུན་གྲུབ་ཇི་བཞིན་གནས། །རང་འབྱུང་འོད་གསལ་ཡེ་ནས་དག །ཅིར་ཡང་མི་དགོངས་ [356a] [356a.1]བསམ་མི་ཁྱབ། །ཤེས་རབ་སྙིང་རྗེ་ལྡན་པས་འགྲུབ། །སྙིང་པོ་བྱང་ཆུབ་རང་བཞིན་ལ། །བསམ་མེད་རང་གཞག་ཐུགས་སུ་བདེ། །འཁོར་ལོའམ་རིག་པ་བདེ་བ་ཡིས། །རང་གནས་རིག་པ་ཚོལ་བ་ཉིད། །རྣམ་རྟོག་ཡིན་ཏེ་དོན་ལ་མེད། །བློན་རིགས་གསུམ་ལས་ [356a.2]དམངས་ཀྱི་ཡང་། །ཆགས་པའི་འདུ་ཤེས་དྲང་བའི་དོན། །ངེས་པར་སྤྲོས་བྲལ་རང་འབྱུང་སེམས། །ཆགས་པའི་ལམ་གྱིས་ཤེས་མི་འགྱུར། །བླང་དོར་མེད་པའི་བརྟུལ་ཞུགས་ཀྱང་། །ངེས་པར་བརྟགས་ན་བླང་དོར་ཉིད། །རང་རིག་བསམ་བྲལ་གཞག་པ་སྟེ། །དོན་དངོས་འཛིན་པ་ [356a.3]ཞེན་པར་གནས། །རང་འབྱུང་འོད་གསལ་སྙིང་པོ་འདི། །མཚན་མ་མེད་པའི་རང་བཞིན་པས། །ཤེས་རབ་ཐབས་ཀྱི་ཆགས་པ་བྲལ། །ཐིག་ལེ་འདོད་རྩོལ་སྤྲོ་བསྡུ་མེད། །རང་རིག་རྩོལ་བྲལ་བདེ་བའི་གནས། །ཤེས་རབ་ཐབས་ལ་སྙོམས་འཇུག་པས། །བདེ་བའི་བསམ་གཏན་ཆེན་པོ་ཡིན། ། [356a.4]སྒྱུ་མའི་རོ་ལ་མ་ཆགས་པས། །ཆགས་མེད་ཡེ་ཤེས་རྫོགས་པའི་ལམ། །བྱང་ཆུབ་སེམས་ཀྱི་རང་གསལ་འདི། །དངོས་མེད་ཤེས་རབ་ཐབས་ཀྱིས་འགྲུབ། །སྣང་གསལ་འཁོར་ལོ་རིག་པ་འདི། །ངོ་བོ་མ་གྲུབ་མེ་ཤེལ་འདྲ། །དངོས་མེད་ཡེ་ཤེས་མཐོང་བ་གྲོལ། །གཟུགས་སོགས་ [356a.5]སྣང་བ་བརྟགས་པ་ཡིན། །དངོས་པོ་རང་བཞིན་ཐམས་ཅད་ནི། །ཆོས་ཉིད་དབྱིངས་ཀྱི་ཐིག་ལེ་ཡིན། །དེ་ཉིད་སྒྲུབ་པའི་ཐབས་སུ་ནི། །སྙིང་པོ་རིག་པ་ཉིད་ཤར་བས། །མཐའ་ཡི་མུན་པ་ངང་གིས་དག །སྒྲུབ་མེད་རང་འབྱུང་སྒྲུབ་པ་འདིས། །ཁམས་གསུམ་འོད་གསལ་ཐུགས་སུ་སྒྲུབ། །རང་ [356a.6]སེམས་རིག་པའི་སྤྱོད་པ་བདེ། །ཡེ་ཤེས་སྤྱོད་པ་རང་གཞག་ཉིད། །བསལ་ནས་འདོད་པའི་མཐའ་མི་འགེགས། །ཐུགས་རྗེ་ཚོགས་ཀྱི་བསོད་ནམས་འདིར། །རང་འབྱུང་རིག་པ་རྟོགས་གྱུར་ནས། །འགྲོ་བ་དྲང་ཕྱིར་རྒྱུན་མི་བཅད། །སྙིང་པོ་སེམས་ཀྱི་དོན་རིག་ན། །ཡེ་ཤེས་མཐར་ཕྱིན་ [356a.7]འབྲས་བུར་གནས། །མཚན་དང་དཔེ་བྱད་རང་བཞིན་གྲུབ། །སྤྲུལ་པ་རང་འདོད་ཅིར་ཡང་འབྱུང་། །ཆུ་གསལ་རི་བོང་ཅན་བཞིན་ནོ། །ཡེ་ཤེས་ལུས་ཅན་དེ་བཞིན་གཤེགས། །མེ་ཤེལ་གཟུགས་ལྟར་འགྲོ་བ་སྒྲོལ། །ཡེ་ཤེས་རང་བྱུང་དེ་བཞིན་གཤེགས། །ཡན་ལག་མི་མངའ་རྩིས་ལས་ [356b] [356b.1]འདས། །མཐར་ཕྱིན་དགའ་བ་རིག་པར་གསལ། །དགོངས་པ་རང་གཞག་ཡེ་སངས་རྒྱས། །རིག་པ་རང་གསལ་ཆོས་རྣམས་ལ། །གང་ཡང་བསམ་དུ་མེད་པར་གནས། །དེ་ལྟར་བྱང་ཆུབ་སེམས་ཉིད་ལ། །མ་རིག་མེད་པས་འཁོར་བ་མེད། །སེམས་ཅན་སྐྱེ་བའི་རྒྱུ་མ་གནས། །རང་འབྱུང་ [356b.2]སེམས་ལ་རྟག་པར་གཞུག །སྲིད་པའི་ཆོས་ལ་རྒྱུ་མེད་པས། །མྱ་ངན་འདས་པའི་ལམ་དང་བྲལ། །མ་སྐྱེས་པ་ཡི་ཆོས་རྣམས་ལ། །ནམ་ཡང་སྐྱེ་བར་མི་འགྱུར་ཏེ། །སངས་རྒྱས་སེམས་ཅན་རང་བཞིན་གཅིག །སེམས་ཀྱི་ཡེ་ཤེས་གསང་བ་འདི། །སྙིང་པོ་དོན་ལས་རྨད་དུ་བྱུང་། །རང་ [356b.3]འབྱུང་ཆེ་བ་བདག་ཉིད་སྐུ། །རང་རིག་བདེ་བ་རྫོགས་པ་ཆེ། །ཐུགས་རྗེ་སྣང་བ་སྤྲུལ་པའི་སྐུ། །ངོ་བོ་མ་གྲུབ་གསང་བའི་སེམས། །སྣང་དང་མི་སྣང་དབྱེར་མེད་དོ། །ཡོད་དང་མེད་པ་བྱང་ཆུབ་སེམས། །སྣང་བ་རང་རིག་ཐ་དད་པ། །དོན་དང་རྟགས་ལ་སོགས་པའི་རྣམས། །རྣམ་པ་ [356b.4]ཐ་དད་བག་ཆགས་སྣང་། །ཡང་དག་མ་ཡིན་འཁྲུལ་པའི་སེམས། །བསམ་པའི་དབང་གིས་དེར་འགྱུར་རོ། །བདེ་གཤེགས་ཡེ་ཤེས་གསང་བ་དེ། །མ་མཐོང་རྣམ་རྟོག་སྤྲོས་འཆལ་པས། །སྟོང་ཉིད་རིག་པའི་མན་ངག་ཡིན། །དྲན་རྟོག་རླུང་གི་རྒྱུ་བ་བྲལ། །མཐའ་རུ་མ་སྐྱེས་ [356b.5]བསམ་གཏན་བྱ། །ཆོས་དང་ཆོས་ཉིད་གང་ཡང་མིན། །ནམ་མཁའ་ལྟ་བུ་བདག་མེད་པ། །ཡེ་ཤེས་སྟོང་པའི་ངོ་བོའོ། །རང་བཞིན་སྟོང་པ་མཚན་མ་མེད། །རྣམ་ཐར་གསུམ་ལྡན་བདེ་བ་ཆེ། །ཆགས་མེད་གཞི་ཡི་ལམ་ནས་འཇུག །མཚན་མེད་ངང་ལ་གནས་པ་ན། །རང་འབྱུང་འབྲས་བུ་དང་གིས་འཆར། ། [356b.6]ཡོན་ཏན་ནམ་མཁའ་མཐའ་དང་མཉམ། །རང་གི་ཡེ་ཤེས་སྣང་བ་ལ། །འབར་བའི་དཀྱིལ་འཁོར་རང་བཞིན་གསལ། །རྒྱུན་གྱི་འཁོར་ལོ་སྐུ་ཡི་དང་། །ཆགས་བྲལ་དག་པ་རིག་པའི་རྒྱན། །རང་རིག་གསལ་བ་ཏིང་འཛིན་ཉིད། །མི་ཟད་ [356b.7]འཁོར་ལོ་བསམ་དུ་མེད། །སྒྲོ་བྲལ་སྟོང་ཉིད་ཞི་གནས་ལ། །འདུ་ཤེས་འཇུག་མེད་མཉམ་གཞག་ལ། །མཚན་མེད་ཞི་གནས་ལྷག་མཐོང་འབྲེལ། །མོས་འཇུག་ལམ་ལ་གང་གནས་ནས། །མི་རྟོག་གསལ་བའི་དོན་གྱིས་གོ། །བསམ་དང་བྲལ་བའི་ཡེ་ཤེས་ནི། །སྙིང་པོ་དོན་ལ་ [357a] [357a.1]རྟོག་པས་འཇུག །ཐབས་བྲལ་རིག་པ་རྩོལ་བས་ཚོལ། །ར་གན་གསེར་འདོད་དེ་བཞིན་ནོ། །འདོད་པའི་སེམས་དང་མ་བྲལ་ན། །སྙིང་པོ་དོན་ལ་བདག་འཛིན་བྱེད། །བདེ་བའི་སེམས་ལ་རེ་བ་ན། །རྟོག་པའི་རྗེས་འཇུག་ཞི་གནས་ཡིན། །རང་ལུས་སེམས་སུམ་ [357a.2]རྟོགས་པར། །འདྲ་འབག་ལྷ་ཡི་རྣམ་པ་གཟུང་། །ལུས་ཀྱི་དབེན་པས་ཆོས་ཉིད་ཚོལ། །རང་ལུས་སེམས་སུ་ཤེས་པས་ན། །གང་ན་གནས་ཀྱང་སེམས་ཉིད་དབེན། །སྣང་སྲིད་སེམས་སུ་ཤེས་པས་ན། །དབང་པོ་ཡན་ལག་ཡེ་ཤེས་གསལ། །སྙིང་པོ་དོན་གྱི་རང་བཞིན་ལ། །ཅི་ཡང་ [357a.3]མི་བསྒོམ་གང་ཡང་མིན། །ཁྱུ་མཆོག་སེམས་ལྟར་མ་བཅོས་པ། །རང་གཞག་རིག་པའི་འཁོར་ལོ་ཉིད། །དུས་གསུམ་དུ་ཡང་བཏང་གཞག་མེད། །གང་ཡང་མི་འཛིན་དགག་པ་མེད། །སྙིང་པོ་དོན་གྱི་རང་བཞིན་ལ། །སྐྱོན་དང་ཡོན་ཏན་གཉིས་མེད་པས། །རྫོགས་པའི་ལྟ་བ་ [357a.4]བླང་དོར་མེད། །འཇུག་མེད་ཏིང་འཛིན་མ་ཡེངས་པ། །འོད་གསལ་རྒྱལ་བའི་སེམས་ཉིད་ཡིན། །རང་འབྱུང་ཐུགས་ཀྱིས་མ་བཅོས་པ། །རྣམ་དག་རྒྱལ་བའི་སྐུ་གསུང་ཐུགས། །བརྩལ་མེད་སྙིང་པོ་དོན་ལས་འབྱུང་། །བྱང་ཆུབ་སེམས་ཀྱི་དོན་ཉིད་ལ། །ངེས་པའི་ཐེག་གཅིག་ [357a.5]སྙིང་པོའི་དོན། །ཕྱག་རྒྱ་རིམ་བཞི་སྦྱོར་བ་དྲུག །བསམ་པའི་ཐེག་པ་སྣ་ཚོགས་པ། །དྲང་བ་ཉིད་འགྱུར་ངེས་པ་མིན། །ངོ་བོ་ཉིད་ལ་མཐོན་དམན་མེད། །མོས་འཇུག་བསམ་པའི་རྟོག་པར་ཟད། །སེམས་ཉིད་ཉག་གཅིག་ཕྱོགས་བྲལ་བ། །དུ་མའི་འབྲས་མེད་ལམ་དུ་མིན། །མ་བཅོས་ [357a.6]རྣལ་འབྱོར་རྫོགས་པའི་ལམ། །མི་གནས་རང་བཞིན་སེམས་སུ་གཅིག །མ་བགྲོད་མཐར་ཕྱིན་འབྲས་བུའམ། །རྒྱུ་རྐྱེན་བྲལ་བ་སྐྱེ་འཇིག་མེད། །གདོད་ནས་རང་འབྱུང་སྙིང་པོར་གསལ། །རིག་དྲུག་ཇི་ལྟར་སྣང་བ་དང་། །མྱ་ངན་འདས་པའི་རང་བཞིན་ལ། །དབྱེར་མེད་ [357a.7]རང་འབྱུང་སེམས་སུ་གཅིག །རིས་དྲུག་སེམས་ཀྱི་རྟོག་པ་དང་། །ཡེ་ཤེས་རང་གསལ་རིག་པ་ཉིད། །ཁྱད་པར་མེད་དེ་སྙིང་པོར་གཅིག །ཁམས་གསུམ་འཁོར་བ་སྣང་བ་དང་། །མྱ་ངན་འདས་པའི་ཡེ་ཤེས་ཉིད། །རྟོགས་མ་རྟོགས་ཀྱིས་གཉིས་སུ་བྱུང་། །རྟོགས་པས་ [357b] [357b.1]རང་སེམས་ཉིད་ལ་ཐུགས། །གཞན་འདོད་རེ་བ་རྩོལ་བ་བྲལ། །རང་སེམས་རྣམ་དག་ཡེ་སངས་རྒྱས། །ཀུན་བཟང་རྒྱལ་བའི་སེམས་ཉིད་བདེ། །མཐའ་ཡས་འགྲོ་བ་ཐམས་ཅད་ལ། །རྒྱལ་བའི་ཡེ་ཤེས་རང་ཆས་ལྡན། །བསམ་བྲལ་རང་ལུགས་ཅིར་མི་དགོངས། །ཡེ་ཤེས་ནམ་མཁའི་ [357b.2]མཁའ་དང་མཉམ། །ཡིད་ལ་མི་བྱེད་བྱ་བ་བཏང་། །འཁོར་བ་མྱ་ངན་འདས་པ་ཡི། །རྣམ་པ་ཕྲ་རགས་ཅིར་སྣང་ཡང་། །རང་གཞག་བསམ་བྲལ་ཉིད་དུ་བདེ། །ཆུ་ཡི་སྣང་བ་དེ་བཞིན་དུ། །ཕྲ་རགས་རྣམ་རྟོག་ཡེ་ཤེས་ཉིད། །རང་རིག་གཉུག་མ་པདྨ་ལྟར། །འཁོར་བར་གནས་ཀྱང་གདོད་ [357b.3]ནས་དག །མཚན་མའི་རྣམ་པ་ཅི་འབྱུང་ཡང་། །ཆུ་ཤིང་ལྟ་བུར་སྙིང་པོ་མེད། །མ་རིག་འཐིབས་པའི་འཁོར་བ་ན། །རིག་པ་མར་མེ་ལྟ་བུར་གསལ། །རྣམ་པར་རྟོག་པ་ཅིར་འགྱུར་ཡང་། །རང་རིག་གཉུག་མའི་རྒྱུན་མི་བཅད། །ནམ་ལངས་སེམས་དང་ནུབ་ཁ་བཞིན། །ཡེ་ཤེས་དོན་ [357b.4]གསལ་དེ་བཞིན་ནོ། །མ་བསྒྲུབས་རང་གསལ་ངང་གིས་འབྱུང་། །སྐལ་ལྡན་མ་བཅོས་རྣལ་འབྱོར་པས། །སེམས་ཉིད་སྟེང་ཁ་ལྟར་གནས་ན། །ལུས་ངག་རྩོལ་བ་ངང་གིས་ཞི། །བདེ་བའི་ཡེ་ཤེས་མི་རྟོག་པ། །ཤེས་རབ་གསལ་བའི་སྙིང་པོར་ཕྱིན། །མཐར་ཕྱིན་རང་འབྱུང་མི་རྟོག་པ། །དྲི་མེད་རྒྱལ་བའི་ [357b.5]ཡེ་ཤེས་གསལ། །རང་གནས་འགྲོ་བ་ཡོངས་ལ་ཁྱབ། །ནམ་མཁའ་ལྟ་བུར་དབྱེར་མེད་པ། །འགྲོ་བའི་སེམས་ལས་གཞན་ལ་མེད། །རྟོག་མེད་ངང་ལ་རང་ཤར་བའི། །རིག་པ་བདེ་བའི་མཚན་ཉིད་ཅན། །འཛིན་པ་དག་བྱེད་ཡེ་ཤེས་ནི། །མ་བཅོས་ངང་གིས་རང་རིག་གསལ། །ཡེ་ཤེས་ [357b.6]ཐིག་ལེའི་དོན་འདི་ནི། །ཤེས་རབ་གསལ་བས་བདག་ལ་བསྟན། །བདེ་བའི་རང་རིག་རྟོག་པ་བྲལ། །རང་གནས་ཡེ་ཤེས་འོད་གསལ་སེམས། །མཐོང་བས་ཐེ་ཚོམ་རྒྱུ་བ་བྲལ། །ཡེ་ཤེས་ངང་གནས་སྒྲིབ་པ་མེད། །ཐམས་ཅད་ཡེ་ཤེས་གསལ་མཐོང་བས། །སྙིང་པོ་དོན་ལ་གོས་པ་མེད། །རྣམ་ [357b.7]དག་རིག་པའི་འཁོར་ལོ་འདི། །རྩོལ་བྲལ་རང་འབྱུང་ཡེ་ཤེས་ཡིན། །རང་འབྱུང་ཡེ་ཤེས་ཀུན་གྱི་བདག །ལུས་དང་བྲལ་བ་ཡན་ལག་མེད། །སྒྲོ་སྐུར་བྲལ་བའི་དངོས་གཞི་ཅན། །སྙིང་པོ་ཀུན་བྲལ་ཀུན་གྱི་བདག །མ་བཅོས་རིག་པའི་ཏིང་འཛིན་གསལ། །བྱ་བ་མེད་བཞིན་དོན་ཀུན་རྫོགས། [358a] [358a.1]རང་འབྱུང་གཉུག་མ་ཀུན་གྱི་གཞི། །བགྲོད་མེད་རྣལ་འབྱོར་ལྷུན་གྲུབ་ལམ། །ཇི་བཞིན་ཀུན་རྫོགས་འབྲས་བུ་ཉིད། །ཐིག་ལེ་དབྱེར་མེད་གཅིག་གི་ངང་། །སེམས་ཉིད་བྱ་བྲལ་རྫོགས་པའི་གཏེར། །བདེ་བའི་ཡེ་ཤེས་མི་རྟོག་ཐུགས། །སྐལ་ལྡན་དང་པོ་ཉིད་ནས་རྫོགས། །འགྲོ་དྲུག་ [358a.2]འཁོར་བའི་རྟོག་པ་དང་། །རྒྱལ་བའི་ཡེ་ཤེས་མྱ་ངན་འདས། །བདེ་ཆེན་རིག་པ་གཅིག་གི་ངང་། །རང་འབྱུང་ཇི་བཞིན་མ་བཅོས་པ། །ལྷུན་རྫོགས་སྤྲོས་པ་མེད་པའི་ངང་། །བསམ་དུ་མེད་པའི་ཡེ་ཤེས་འདི། །རྣམ་པར་རྟོག་པའི་རྒྱུ་བ་བྲལ། །དུས་གསུམ་མི་མངའ་རྒྱུན་མི་འཆད། །སེམས་ [358a.3]ཉིད་གྲུབ་པའི་ལམ་མཆོག་འདི། །དབྱེར་མེད་ཀུན་ལ་ལྡན་བཞིན་དུ། །སྣང་བའི་ལམ་མེད་འཁོར་བར་འཁྱམ། །སྡུག་བསྔལ་རྩོལ་བའི་ནད་ཀྱིས་གདུངས། །དེས་ན་སྙིང་པོ་སྒྲོན་མ་འདི། །ཕྱི་རབས་རྣལ་འབྱོར་རྣམས་དོན་དུ། །བླ་མ་འཕགས་པའི་བྱིན་རླབས་དང་། །མོས་པའི་མཐུ་ལྡན་ [358a.4]བདག་གིས་རྟོགས། །སྙིང་རྗེས་ཀུན་བསླང་ཡོངས་ལ་བསྔོ། །སྙིང་པོ་དེ་ཁོ་ན་ཉིད་ཀྱི་སྒྲུབ་ཐབས། ཡང་དག་པའི་ས་ལ་གནས་པ། སློབ་དཔོན་ན་རོ་པས་མཛད་པ་རྫོགས་སོ།། །།རྒྱ་གར་གྱི་པཎྜི་ཏ་བཛྲ་གུ་ན་བྷ་དྲ་དང་ལོ་ཙཱ་བ་རིན་ཆེན་རྒྱལ་མཚན་གྱིས་བསྒྱུར་རོ།། །། [358a.5]{T1343}༄༅༅། །རྒྱ་གར་སྐད་དུ། མ་ཧཱ་སུ་ཁ་ཨ་མྲྀ་ཏ་པྲ་བྷ་ནཱ་མ། བོད་སྐད་དུ། བདེ་བ་ཆེན་པོའི་བདུད་རྩིའི་འོད་ཅེས་བྱ་བ། དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། །འཁོར་ལོ་པདྨ་རྒྱས་གང་བ། །རང་གི་གནས་ནི་ཉིད་དུ་འཁྱིལ། །སངས་རྒྱས་ཀུན་གྱི་གསང་བ་སྟེ། །འགྲོ་བ་ཀུན་ལ་རང་བཞིན་ [358a.6]གནས། །ཡང་དག་པ་དེ་རབ་ཏུ་བཤད། །ཡང་དག་པ་ཡང་རྣམ་པ་བཞི། །དེ་ནི་ལུས་ལ་རབ་ཏུ་གནས། །འདི་ལྟར་ཤེས་པའི་ལུས་ཉིད་ནི། །བདེ་བ་ཆེན་པོའི་སྐུ་ཞེས་བྱ། །ལྟེ་བ་གསང་བའི་དྲུག་ཅུ་བཞིའོ།། སྤྲུལ་པའི་ཡིག་འབྲུ་དཀར་པོ་བཀོད། །ཨཱ་ལི་ཀཱ་ལི་གཡས་དང་གཡོན། །ཡེ་ཤེས་ [358a.7]བཞི་ཡི་ཡི་གེ་ཨོཾ། །དབུས་ཀྱི་རི་བོང་འཛིན་པར་རོ། །སྤྲུལ་པའི་དཀྱིལ་འཁོར་ཞེས་སུ་བཤད། །སེམས་ཀྱི་གནས་སུ་སྐུ་སོགས་བརྒྱད། །ཁ་དོག་དཀར་པོ་ཡི་གེ་དགུ་། ཧཱུཾ་པྲཱུཾ་ཏྲཱཾ་ཧྲིཾ་ཁཾ་ཡིག་རྣམས། །དབུས་ནས་བྱང་དུ་རིམ་བཞིན་དགོད། །མཚམས་སུ་ལཾ་ལ་སོགས་པ་བཞི། །མཚན་མ་མེད་པའི་ [358b] [358b.1]སྐུ་ཞེས་བཤད། །ལོངས་སྤྱོད་རྫོགས་པའི་སྐུ་བཅུ་དྲུག །མགྲིན་པའི་གནས་སུ་ཡང་དག་སྐྱེས། །དེ་ཡི་རི་བོང་འཛིན་པར་ཨོཾ། །ཡ་ཝ་ར་ལ་ཡི་གེ་རྣམས། །ཤར་ནས་བྱང་དུ་རིམ་བཞིན་ནོ། །རྟོགས་ཡུལ་བཅུ་རླུང་གཉིས་ཀྱི་གནས། །འབྱུང་བཞིའི་རྟགས་ནི་འཛིན་པར་བཤད། །ས་བོན་ཟླ་བ་ [358b.2]རྒྱས་འདྲ་བ། །བདེ་བ་ཆེན་པོའི་གནས་སུ་འཁྱིལ། །སུམ་ཅུ་རྩ་གཉིས་རང་བཞིན་གནས། །དེ་ཡི་གནས་ན་ཨཱ་ལི་གཉིས། །གཡས་དང་གཡོན་གཉིས་མགོ་དང་མཇུག །གཅིག་ཏུ་ཕྲད་པས་བརྒྱན་པ་ཡིན། །དེ་དབུས་ཧཾ་ལས་སྲ་མ་ན། །ལོངས་སྤྱོད་མཁྱེན་ལ་བདེ་ཆེན་ཐུར། །ཐབས་ [358b.3]དང་ཤེས་རབ་ཚུལ་དུ་གནས། །ཆོས་དང་སྤྲུལ་པའང་དེ་བཞིན་ནོ། །ཀུན་གྱི་དབུས་ནས་རི་བོང་འཛིན། །འཁོར་ལོ་ཡི་གེ་ཁ་དོག་དཀར། །ཡཾ་ལས་འབྱུང་བ་རླུང་དཀྱིལ་འཁོར། །ཧ་གཉིས་གནས་སུ་བསམ་པར་བྱ། །དེ་སྟེང་རཾ་བྱུང་གྲུ་གསུམ་མེ། །རང་གི་གནས་སུ་བསམ་པར་བྱ། །དེ་ [358b.4]ལྟར་རང་བཞིན་ཀུན་ཤེས་ནས། །ཡེ་ཤེས་ཆེན་པོའི་བྱིན་རླབས་ལས། །རླུང་གིས་མེ་བུས་བཅུ་དྲུག་འབར། །དེ་ཉིད་ཡེ་ཤེས་མེ་ཞེས་བྱ། །ལྟེ་བར་གཏུམ་མོ་སྦར་བ་ཡིས། །དེ་བཞིན་གཤེགས་པ་ལྔ་བསྲེགས་ཏེ། །སྤྱན་ལ་སོགས་པ་ཡང་བསྲེགས་ནས། །ཀུན་གྱི་ལུས་བསྲེགས་མགོ་ [358b.5]གཅིག་བསམས། །ལོངས་སྤྱོད་གསུམ་སྐར་འབྱུང་བཞིའོ། །བསྲེགས་ནས་གཡས་འབྱུང་སངས་རྒྱས་དང་། །སེམས་ཅན་ཀུན་བསྲེགས་དབུ་མ་གཡོན། །ཐིམ་སྟེ་བདེ་ཆེན་གཡོན་ནས་བསྐོར། །བསྲེགས་ནས་རྣ་བ་གཡས་སུ་འདུ། །མཁའ་འགྲོ་མ་ཀུན་བསྲེགས་གཅིག་བྱེད། ། [358b.6]ཨ་བ་དྷཱུ་ཏཱིའི་གནས་ནས་བྱུང་། །སངས་རྒྱས་སེམས་ཅན་གཉིས་མེད་བསྲེགས། །སྟེང་གི་ཞབས་སུ་སྲ་མ་ན། །བདེ་བ་ཆེན་པོའི་ལུས་ཀྱང་སྐྱེས། །ཧཾ་དཀར་ལས་བྱུང་སེར་པོ་དཀར། །ལུས་སྐྱེས་མི་ལ་ཡེ་ཤེས་བསྐྱེད། །དེ་རུ་མ་ནུས་ཆུ་ཡི་རྩ། །གཡོན་གྱི་རྩ་ནས་སྤྲུལ་པ་རུ། །དེར་ནི་ཡང་ [358b.7]དག་རབ་ཏུ་གཟུང་། །དེ་རུ་མི་གནས་སམ་པོ་ཀ །རྩ་བའི་རྡོ་རྗེ་ལམ་ནས་འགྲོ། །སམ་པོ་ཀ་ནས་ཆོས་སྐུའོ། །ལུས་རྣམས་ཡང་དག་སྐྱེ་བར་འགྱུར། །སྐྱེས་ནས་བསྐལ་པའི་བར་དུ་གནས། །ཆོས་ཀྱི་གནས་སུ་མ་སྐྱེས་ན། །ནིར་མ་ཀ་ཡི་གནས་སུ་བསམ། །ཡང་དང་ཡང་དུ་འདི་བཞིན་བྱ། ། [359a] [359a.1]རྣམ་རྟོག་མེད་པའི་རྣལ་འབྱོར་སྐྱེ། །ཡར་གྱིས་བསྲེགས་ཤིང་མར་གྱིས་གསོ། །རྣལ་འབྱོར་མིག་གི་འོད་ཟེར་གྱིས། །རྟག་ཏུ་འདི་ལ་བལྟ་བར་བྱ། །ནམ་ཞིག་འདི་ལ་བརྟེན་གྱུར་ན། །མཚན་མ་ལྔ་འམ་ཡང་ན་གཡོ། །འབར་ཞིང་གཡོན་ཡིག་གོ་བཅད། །བཅད་པས་བཞི་ [359a.2]པོ་ཡང་ཡང་ཞུ། །རྩ་བའི་རྡོ་རྗེ་ལམ་ནས་ནི། །ཏིལ་གྱི་འབྲུ་བཞིན་རྒྱས་པར་འབྱུང་། །རྣལ་འབྱོར་མཐར་ཕྱིན་འབྲས་བུ་སྟེ། །བདེ་བ་ཆེན་པོའི་སྐུ་ཞེས་བྱ། །གཞན་གྱི་དོན་སོགས་ཡོན་ཏན་རྣམས། །འབད་པ་མེད་པར་ལྷུན་གྱིས་གྲུབ། །བླ་ན་མེད་པའི་དགོངས་རྒྱུད་འདི། །དཔལ་གྱི་ཞབས་ཀྱིས་ [359a.3]བདག་ལ་བསྟན། །རྐྱེན་དང་རྣལ་འབྱོར་གཉིས་སུ་འགྱུར། །བདེ་བ་ཆེན་པོ་ཞེས་སུ་བསྟན། །སྦྱོར་བའི་རྒྱུད་ནི་ཐམས་ཅད་ལས། །རྒྱལ་བ་རྣམས་ཀྱིས་སྦས་བ་བཤད། །ཤིན་ཏུ་སྦྱངས་ལ་རབ་གནས་པའི། །སྣོད་ལྡན་བདག་ཉིད་ཆེན་པོས་གཟུང་། །ལུས་སེམས་བདེ་བར་སྤྱད་ནས་ནི། ། [359a.4]ཉིང་མཚམས་སྦྱོར་བ་བསྟེན་པར་བྱ། །བདག་གིས་བརྩམས་ཀྱི་བདུད་རྩི་འོད། །འདི་ལྟར་ཁམས་གསུམ་ཀུན་ཀྱང་དེ། །ཤིང་དང་འདྲ་བར་མཚུངས་པའོ། །ཡང་དག་བདེ་བས་འཚོ་བར་ཤོག །རྣལ་འབྱོར་གྱི་དབང་ཕྱུག་ཆེན་པོ་དཔལ་ཡེ་ཤེས་རིན་པོ་ཆེའི་ཞལ་སྔ་ནས་མཛད་པ་རྫོགས་ [359a.5]སོ།། {T1344}༄༅༅། །རྒྱ་གར་སྐད་དུ། བོདྷི་ཙི་ཏྟབིནྷུ་ཨུ་པ་དེ་ཤ་ནཱ་མ། བོད་སྐད་དུ། བྱང་སེམས་ཐིགས་པའི་མན་ངག་ཅེས་བྱ་བ། དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། །ས་བོན་ཟླ་བ་རྒྱས་འདྲ་བ། །འཁོར་ལོ་ཆེན་པོའི་གནས་སུ་འཁྱིལ། །སངས་རྒྱས་ཀུན་བྱི་སྙིང་པོ་སྟེ། ། [359a.6]འགྲོ་བ་ཀུན་ལ་རང་བཞིན་གནས། །ཡང་དག་པར་ཏེ་དང་པོར་བཤད། །རྟོག་ཡུལ་ཆུ་རླུང་གིས་འཁྱགས་ཏེ། །དེ་ན་སྡུག་བསྔལ་སྣ་ཚོགས་བསྐྱེད། །དེ་འགགས་ནས་ནི་འཇུག་པར་འདོད། །ཆ་ནི་སྣ་རྩེར་བསྒོམ་པར་བྱ། །པདྨའི་ལྟེ་བར་ཤེས་རབ་ཐབས། །ཁ་སྦྱོར་བར་ནི་དེར་གས་པ། ། [359a.7]ཤེལ་ལྟར་དྲི་མེད་ཡུངས་ཀར་རོ། །རྔ་འབྲུམ་བརྒྱར་གཤགས་སྐར་ཁུང་ནི། །ཐབས་ཀྱི་ཆ་ཡི་དཀྱིལ་འཁོར་དུའོ། །བ་ཐག་ཡི་གེར་ལྡན་པ་ཡིས། །རྡོ་རྗེ་ལས་སུ་དཀྲི་བར་བྱ། །རྣལ་འབྱོར་མིག་གི་འོད་ཟེར་གྱིས། །ཡུངས་ཀར་དག་ལ་བལྟ་བར་བྱ། །ནམ་ཞིག་དེ་ལ་བརྟེན་དུའགྱུར་ན། །མཚན་ [359b] [359b.1]མ་ལྔ་དག་འབྱུང་བར་འགྱུར། །རྒྱལ་བ་སྐྱེད་པར་བྱེད་པ་ཡི། །ཚོགས་ཀྱི་རང་བཞིན་དྲི་མ་མེད། །འདི་ལྟར་ཁམས་གསུམ་ཀུན་ཀྱང་སྟེ། །རྒྱུ་ཡི་ཡེ་ཤེས་དམིགས་མེད་པ། །གཉིས་སུ་མེད་པའི་རྣམ་པ་སྟེ། །རྣལ་འབྱོར་ཆེན་པོའི་ཡེ་ཤེས་སོ། །སྣ་ཡི་ལམ་ནས་འཕྲོ་བ་ཡི། །རང་གི་གནས་ནས་རླུང་ [359b.2]བསྐྱོད་པའོ། །གཡོན་པ་དང་ནི་འབར་བ་ཡིས། །སྐར་ཁུང་དག་གི་ལམ་ནས་ནི། །འཁོར་ལོ་ཆེར་ནི་འགྲོ་བར་འདོད། །ཡང་དག་པ་སྟེ་འཇུ་བར་འགྱུར། །རྩ་ཡི་རྡོ་རྗེའི་ལམ་ནས་ནི། །ཏིལ་གྱི་འབྲུ་བཞི་རྒྱས་པར་འགྱུར། །རྣལ་འབྱོར་མཐར་ཕྱིན་འབྲས་བུ་སྟེ། །བདེ་བ་ཆེན་པོའི་སྐུ་ཞེས་བྱ། ། [359b.3]གཞན་གྱི་དོན་སོགས་ཡོན་ཏན་རྣམས། །འབད་པ་མེད་པར་ལྷུན་གྱིས་གྲུབ། །ཡེ་ཤེས་དྲུག་པ་གསང་ཆེན་པོ། །རྒྱུ་ཞེས་བྱ་བ་ཡིན་པར་བཤད། །སངས་རྒྱས་ཞབས་ཀྱིས་བདག་ལ་བསྟན། །རྐྱེན་དང་རྣལ་འབྱོར་གཉིས་སུ་འགྱུར། །འབྲས་བུ་བཞི་ནི་གསང་ཆེན་བོ། །བདེ་བ་ཆེན་པོ་ཞེས་བྱ་ [359b.4]སྟེ། །སྦྱོར་བའི་རྒྱུད་ནི་ཐམས་ཅད་ལས། །རྒྱལ་བ་རྣམས་ཀྱིས་སྦས་པ་ཡང་། །ཤིན་ཏུ་སྦྱངས་ལ་རབ་གནས་པའི། །སྣོད་ལྡན་བདག་ཉིད་ཆེན་པོས་གཟུང་། །ལུས་སེམས་བདེ་བར་སྤྱད་ནས་ནི། །ཉིང་མཚམས་སྦྱོར་བ་བསྟེན་པར་བྱ། །སངས་རྒྱས་ཞབས་ཀྱིས་བསྟན་པའོ། །ཐབས་དང་ཤེས་ [359b.5]རབ་གཉིས་མེད་པའི། །བྱང་ཆུབ་སེམས་ཀྱི་ཡེ་ཤེས་འདི། །སངས་རྒྱས་འདོད་པ་བསྒོམ་པར་ཤོག། །།ཐབས་དང་ཤེས་རབ་གཉིས་སུ་མེད་པ་བྱང་སེམས་ཐིགས་པའི་མན་ངག་ཅེས་བྱ་བ། རྣལ་འབྱོར་གྱི་དབང་ཕྱུག་ཆེན་པོ་ལས་ཀྱི་ཞབས་ཀྱི་ཞལ་སྔ་ནས་མཛད་པ་རྫོགས་སོ།། །། [359b.6]{T1345}༄༅༅། །རྒྱ་གར་སྐད་དུ། ར་ཧ་སྱ་ཨཱ་ནནྡ་ཏི་ལ་ཀ་ནཱ་མ། བོད་སྐད་དུ།གསང་ཆེན་དགའ་བའི་ཐིག་ལེ་ཞེས་བྱ་བ། བཅོམ་ལྡན་འདས་དཔལ་པདྨ་ལས་བྱུང་བ་ལ་ཕྱག་འཚལ་ལོ། །འགྲོ་བའི་ཉོན་མོངས་སེལ་མཛད་པདྨ་ལས་བྱུང་ལྷ་མོའི་མཆོག་གཉིས་དགའ་བའི་མགོན། །འགྲོ་བའི་ [359b.7]སྡུག་བསྔལ་ཞི་མཛད་ཁྲོ་བོའི་རྒྱལ་པོ་དགའ་བྱེད་ཐུགས་རྗེའི་དགོས། །འགྲོ་བ་བདེ་བ་སྦྱིན་མཛད་ཕོངས་པ་ཐམས་ཅད་སྐྱོབ་པ་ལྷ་ཡི་གཙོ་བོ་མཆོག །སྲིད་གསུམ་སྐྱོབ་འོས་འབྱོར་པ་མ་ལུས་འབྱུང་ལ་རབ་ཏུ་དད་པས་ཕྱག་འཚལ་ལོ། །རྡོ་རྗེ་ཐེག་པ་འདི་ལ་ཞུགས་པའི་རྣལ་འབྱོར་ [360a] [360a.1]པ་དག །སྐུ་དང་གསུང་དང་ཐུགས་གསང་ཆེན་དག་གིས། །ལྷན་ཅིག་སྐྱེས་པའི་དགའ་བའི་ཐིག་ལེ་ལ་འཇུག་པ་བཤད་པར་བྱའོ། །དེ་ལ་རེ་ཞིག་དང་པོར་སྐུའི་གསང་ཆེན་བརྗོད་པར་བྱ་སྟེ། འདིར་བྱ་བའི་རྒྱུད་ལ་ཞུགས་པ་ལྟར་ཐ་དད་པར་སྣང་བའི་ལྷ་ཡི་དམིགས་པ་ནི་མི་བྱའི། །གང་ལ་ [360a.2]བདག་ཏུ་བརྟགས་ཤིང་མི་གསང་བར་བརྟགས་པའི་ལུས་འདི་ཉིད་ཁོ་ན་ལ་ལྷར་དམིགས་པར་བྱའོ། །དེ་ཅིའི་ཕྱིར་ཞེ་ན། མྱུར་དུ་ཡོངས་སུ་དག་པར་རྟོགས་པར་འགྱུར་བའི་ཕྱིར་རོ། །ཐ་དད་པ་ནི་དེ་ལས་བཟློག་པའོ། །དེའི་ཕྱིར་གསུངས་པ། རྣལ་འབྱོར་ཡང་དག་མ་ཡིན་སེམས། །ལྷ་ [360a.3]ལ་དམིགས་པར་བྱེད་པ་དག །རྣལ་འབྱོར་གཟུགས་བརྙན་རང་བཞིན་ཏེ། །ལུགས་མ་ལ་སོགས་རྣལ་འབྱོར་སྐྱེ། །ཡང་དག་མཆོག་སེམས་རྣལ་འབྱོར་སྐྱེ། །ལྷ་ལ་དམིགས་པར་བྱེད་པ་དག །རང་གི་དམ་ཚིག་བདག་སྦྱོར་བས། །མི་འགྱུར་དམ་པ་འགྲུབ་པར་བྱེད། །ཅེས་སོ། །ཅིའི་ [360a.4]ཕྱིར་དང་པོའི་དམིགས་པ་དོར་ཞེ་ན། །འདི་ནི་དམ་པའི་བསྒྲུབ་པ་སྟེ། །གང་གསུངས་པ། ཐ་མལ་རྣམ་རྟོག་གཞོམ་པའི་ཕྱིར། །རང་ལ་ལྷ་ཡི་ངར་འཛིན་བྱ། །ཞེས་སོ། །ཡང་གསུངས་པ། དེ་ནས་བཅོམ་ལྡན་འདས་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོས། བཅོམ་ལྡན་འདས་ཀྱིས་ [360a.5]བདེ་བ་ཆེན་པོ་སོ་སོར་གསུངས་པ་ཐོས་ནས། ཆེད་དུ་བརྗོད་པའི་ཆེད་དུ་བརྗོད་དོ། །ཐ་མལ་རྣམ་རྟོག་གཞོམ་དོན་དུ། །ཡང་དག་བསྒོམ་པ་རབ་གྲགས་ཀྱི། །ཐ་མལ་གནས་སྐབས་ཆོམས་ནས་ནི། །སྒོམ་པའང་བསྒོམ་པར་མི་བྱའོ། །བྱང་ཆུབ་སེམས་དཔའི་ད་ནི་དེ་ལྟའོ། །དེ་དེ་ལྟ་ [360a.6]མོད་ཀྱི་འོན་ཀྱང་མི་གཙང་བའི་ལུས་འདི་སྦྱངས་ལ་སངས་རྒྱས་ཀྱི་སྐུར་རྣམ་པར་བསྒོམ་པར་བྱའོ་ཞེས་སོ། །ཐབས་གང་ཞིག་གིས་འདི་བསྒོམ་པར་བྱ། འདིར་ནི་སྐྱེས་ནས་དྲོད་གཤེར་དང་། མངལ་དང་། སྒོ་ང་དང་། རྫུས་ཏེ་འབྱུང་བ་དག་གིས་བསྒོམ་མོ། །ཇི་ལྟར་འགྲོ་བ་དང་འདྲེན་ [360a.7]པ་ཉིད་དོ། །བརྗོད་པ་མི་འདྲ་བ་ཉིད་ཀྱིས་བསྟན་ཏེ། རྣལ་འབྱོར་རྣམ་གསུམ་ཞེས་བྱ་སྟེ། བྱིན་གྱིས་བརླབས་དང་ཡོངས་བརྟག་དང་། །གཟུགས་ཉིད་ཡོངས་སུ་རྫོགས་པ་དག །རྣལ་འབྱོར་ཡིན་ཞེས་སངས་རྒྱས་གསུང་། །དེ་བཞིན་དུ་དང་པོ་དམ་ཚིག་བྱིན་གྱིས་བརླབ་པའོ། [360b] [360b.1]རྣལ་འབྱོར་སྤྱོད་པ་དག་གིས་བརྟགས། །དབུ་མ་ཡོངས་སུ་རྫོགས་པ་དག །རྣལ་འབྱོར་གྱི་ནི་ཆོ་གར་བཤད། །ཅེས་སོ། །འདི་ནི་རིམ་པ་ལས་མ་འདས་པས་བསྒོམ་སྟེ། གང་གསུངས་པ། དང་པོའི་ལས་ཅན་རྣལ་འབྱོར་པ། །དེ་སྤྲུལ་སྐུ་ལ་གོམས་པར་བྱ། །སྤྲུལ་པའི་སྐུ་ [360b.2]ནི་བརྟན་གྱུར་ནས། །ལོངས་སྤྱོད་རྫོགས་པ་བརྟན་པར་བསྒོམ། །སྤྲུལ་པའི་སྐུ་ནི་གསལ་གྱུར་ཅིག །ལོངས་སྤྱོད་རྫོགས་པ་གསལ་ཙམ་ན། །ཆོས་སྐུ་དམིགས་པ་མེད་པ་སྟེ། །འདི་ནི་མདོར་བསྡུས་སྨོས་པའོ། །ཞེས་སོ། །རིམ་པ་གཉིས་ཀྱང་དེ་བཞིན་ཏེ། ཇི་སྐད་དུ་ [360b.3]སློབ་དཔོན་ཌོམྦི་པས་བཤད་པ། བསྐྱེད་པའི་རིམ་པ་བསྒོམ་པ་བློ་བཟངས་ཀྱིས། །རྟག་ཏུ་དང་པོ་ཉིད་དུ་བྱ་བ་སྟེ། །ཕྱག་རྒྱ་སྔགས་ནི་རྣམ་པར་དག་ཙམ་དང་། །ཆོ་ག་ཐམས་ཅད་བརྗོད་པར་བྱ་བ་མིན། །ཕྱི་ནས་ཁྱད་པར་ལྡན་ཞིང་བདེ་བླག་ཏུ། །ཡུད་ཙམ་རེ་རེས་དེ་ཉིད་སེམས་ [360b.4]གཅིག་ན། །སྲིད་པ་འཇིག་པའི་རྫོགས་རིམ་བསྒོམ་པ་ནི། །ལྷན་ཅིག་སྐྱེས་པ་རྟག་ཏུ་བསམ་པར་བྱ། །ཞེས་སོ། །འདི་ནི་ཐམས་ཅད་དུ་གནས་པ་མ་ཡིན་པ་སྟེ། ཇི་སྐད་གསུངས་པ། ཐ་མལ་རྣམ་པ་གཞོམ་དོན་དུ། །རང་ལ་ལྷ་ཡི་ངར་འཛིན་བྱ། །ངར་འཛིན་དེ་ཡང་ [360b.5]གཞོམ་པའི་ཕྱིར། །དམིགས་པ་མེད་པ་རྣམ་པར་བསྒོམ། །གང་ཚེ་སེམས་ནི་མཉམ་གནས་པ། །དེ་ཚེ་དེ་ཉིད་ཡིན་པར་ངེས། །ཞེས་པ་དང་། ཡང་གསུངས་པ། ཐ་མལ་རྣམ་པ་གཞོམ་དོན་དུ། །ཡང་དག་བསྒོམ་པར་རབ་གྲགས་ཀྱི། །ཐ་མལ་གནས་སྐབས་ཆོམས་ནས་ [360b.6]ནི། །སྒོམ་པའང་བསྒོམ་པར་མི་བྱའོ། །ཞེས་སོ། །ཐོགས་པ་མེད་པས་འདི་གནས་ཏེ། །གང་གསུངས་པ། ཕྱག་ན་རྡོ་རྗེས་ཡང་གསོལ་པ། བཅོམ་ལྡན་འདས་ལུས་དང་ལྡན་པར་བསྒོམ་པ་འདི་ལ་དགོས་པ་ཅི་མཆིས། བཅོམ་ལྡན་འདས་ཀྱིས་བཀའ་སྩལ་པ། གསང་ [360b.7]བའི་བདག་པོ་དགོས་པ་ཡོད་དོ། །བཅོམ་ལྡན་འདས་མཚན་ཅི་སྐད་ཅེས་བགྱི་བ་མཆིས། །རྡོ་རྗེ་འཛིན་པས་བཀའ་སྩལ་པ། སངས་རྒྱས་ཀྱི་དེ་ཁོ་ན་ཉིད་ཅེས་བྱ་བའོ། །སངས་རྒྱས་ཀྱི་དེ་ཁོ་ན་ཉིད་ཅེས་བགྱི་པ་དེ་ཇི་ལྟ་བུ། རྣམ་པ་ཐམས་ཅད་མཁྱེན་པའོ། །དེ་ཅི་ནུས་ཅན་ [361a] [361a.1]ཞིག་གམ། དེ་ནི་དེ་བཞིན་དུ་བདེན་ནོ། །དེ་ཅིའི་ཕྱིར་ཞེ་ན། རྡོ་རྗེ་འཛིན་གྱིས་བཀའ་སྩལ་པ། མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་བརྒྱན་པའི་སྐུ་འདི་ནི་ང་ཡིན་ནོ། །དེ་ཅིའི་ཕྱིར་ཞེ་ན། ཡུལ་རྣམས་ཀྱིས་རྒྱུས་ང་བསྒྲུབ་པར་བྱ་བ་ཡིན་པས་ [361a.2]ནའོ། །ཕྱག་ན་རྡོ་རྗེས་ཡང་གསོལ་པ། ཅི་བཅོམ་ལྡན་འདས་བེམས་པོའམ། རྡོ་རྗེ་འཛིན་གྱིས་བཀའ་སྩལ་པ། ང་ནི་མེ་ལོང་ལྟ་བུའི་ཡེ་ཤེས་སོ། །མེ་ལོང་ལྟ་བུའི་ཡེ་ཤེས་དེ་ཇི་ལྟ་བུ། རྡོ་རྗེ་འཛིན་གྱིས་བཀའ་སྩལ་པ། དེ་བདེན་པ་ཡང་མ་ཡིན་ཞིང་བརྫུན་པ་ཡང་མ་ཡིན་ལ། བླང་ [361a.3]བར་བྱ་བ་ཡང་མིན་ལ་དོར་བར་བྱ་བ་ཡང་མིན་ནོ། །དེ་བཞིན་དུ་མཉམ་པ་ཉིད་ཀྱི་ཡེ་ཤེས་ཀྱང་ངའོ། །སོ་སོར་རྟོག་པའི་ཡེ་ཤེས་ཀྱང་ངའོ། །བྱ་བ་ནན་ཏན་གྱི་ཡེ་ཤེས་ཀྱང་ངའོ། །དེ་བཞིན་དུ་ཤིན་ཏུ་རྣམ་པར་དག་པའི་ཆོས་ཀྱི་དབྱིངས་ཀྱི་ཡེ་ཤེས་ཀྱང་ངའོ། །དེ་བས་ན་བྱང་ཆུབ་སེམས་ [361a.4]དཔའ་ཆེན་པོ་བྱང་ཆུབ་འདི། དངོས་པོ་མེད་པ་དེ་སྐད་དུ་མ་སྨྲ་ཤིག །དངོས་པོ་མེད་ཉིད་དངོས་པོ་འང་ང་། །དེ་བཞིན་གཤེགས་པར་གདོད་ནས་གྲོལ། །མཆོག་གི་སྐུ་དང་ལྡན་པ་སྟེ། །ཟབ་ཅིང་རྒྱ་ཆེའི་སྐུ་མངའ་བ། །ཧེ་རུ་ཀ་ངའོ་སེམས་དཔའ་ཆེ། །བདག་མེད་མ་དང་ཐབས་ཅིག་ [361a.5]སྦྱོར། །བདེ་ཆེན་ང་ནི་བེམས་པོ་མིན། །འཇིག་རྟེན་གཞུག་ཕྱིར་བེམས་པོ་ང་ཞེས། །ཡང་གསུངས་པ། གཟུགས་བརྙན་རང་བཞིན་ཇི་ལྟ་བ། །དེ་བཞིན་བསྒོམ་བྱའི་དངོས་གང་ཡང་། །སྟོང་ཞིང་སྣང་མེད་གནས་མཆོག་སྟེ། །དེ་ཚེ་སྡིག་དང་བསོད་ནམས་མེད། །དཔེར་ན་ཆུ་ནང་ [361a.6]ཟླ་བ་ནི། །གྲོགས་དག་བདེན་མིན་བརྫུན་པའང་མིན། །དེ་བཞིན་དཀྱིལ་འཁོར་འཁོར་ལོ་འདི། །དང་ཞིང་གསལ་བའི་ངོ་བོའོ། །ཞེས་སོ། །དེ་བཞིན་དུ། ཨོཾ་སྭ་བྷཱ་བ་ཤུདྡྷཿ་སརྦ་རྨཱཿ་སྭ་བྷཱ་བ་ཤུདྡྷོ྅ཧཾ། ཞེས་གསུངས་སོ། །འདི་ནི་མེད་པ་ལས་བརྟགས་པ་ཙམ་མ་ཡིན་པ་སྟེ། [361a.7]གང་གསུངས་པ། ལྷ་ཡི་སྐུ་ཡི་སྦྱོར་བ་ཡང་། །སྐྱེས་ཙམ་ཉིད་ནས་མངོན་པར་གནས། །ཁ་དོག་ཕྱག་ཞལ་དབྱིབས་འདྲ་ལས། །ཅུང་ཟད་རང་བཞིན་བག་ཆགས་སོ། །ཞེས་པ་དང་། ཡང་གསུངས་པ། བཅོམ་ལྡན་འདས་ཀྱིས་བཀའ་སྩལ་པ། སེམས་ཅན་སངས་ [361b] [361b.1]རྒྱས་ཡིན་པ་ལ། །ཅུང་ཟད་གློ་བུར་དྲི་མས་བསྒྲིབས། །དེ་བསལ་བ་ནི་སངས་རྒྱས་སོ། །ཞེས་སོ། །འདི་ཡི་བསྒྲུབ་པ་ཉིད་ཅི་གང་གི་ཚེ་མངོན་སུམ་དུ་གྱུར་པ་ཁོ་ནའོ། །འདི་ནི་སྐུའི་གསང་ཆེན་མངོན་པར་བརྗོད་པའོ།། །།ད་ནི་གསུང་གི་གསང་ཆེན་མངོན་པར་བརྗོད་པར་བྱ་སྟེ། སྐུའི་གསང་ [361b.2]ཆེན་ལ་གནས་པ་དེའི་ངག་གི་གནས་སུ་ཡི་གེ་ཧྲཱིཿ་དམར་པོ་ལས་པདྨ་འདབ་མ་བརྒྱད་པ་བསམས་ལ། ལྕེའི་འདབ་མ་ལ་ཡི་གེ་ཧཱུཾ་དཀར་པོ་ལས་རྡོ་རྗེ་དཀར་པོ་བསམས་ཏེ། ཨོཾ་བཛྲ་ཛི་ཧྭ་ཞེས་པས་བྱིན་གྱིས་བརླབས་ལ། དེ་ཉིད་དུ་དེ་ཐིམ་པས་རྡོ་རྗེའི་རང་བཞིན་དུ་མོས་པ་བསྐྱེད་དེ། ཁྲོ་བོའི་ [361b.3]བརྗོད་པའམ། རྡོ་རྗེའི་བརྗོད་པས་རང་གི་བླ་མའི་གདམས་ངག་དང་མཐུན་པའི་བཟླས་པ་བྱའོ། །དེ་ལ་ཁྲོ་བོའི་བརྗོད་པ་ནི། སྤྲིན་བྱུང་འབྲུག་སྒྲ་ཡི་གེ་ཧཱུཾ། །ཟབ་མོ་རྡོ་རྗེའི་ཚིག་བརྟན་པ། །ཁྲོ་བོ་གསལ་བ་ཁྲོ་ཆེན་པོའོ། །རྡོ་རྗེའི་ཚིག་ཅེས་གྲུབ་པའོ། །ཞེས་པའོ། །རྡོ་རྗེའི་ [361b.4]བརྗོད་པ་ནི། ལྕེ་རྩེ་ཤིན་ཏུ་མི་བསྒུལ་ཞིང་། །སོ་དང་མཆུ་གཉིས་འབྱར་བྱས་པ། །རྟོག་པ་ཀུན་ལ་སྦྱར་བ་སྟེ། །རྡོ་རྗེའི་བརྗོད་པ་སྒྲ་ཡངས་པའོ། །ཞེས་སོ། །དེ་ཡང་ཐུན་མོང་གི་ཡན་ལག་ནི། རྟོག་པ་ཀུན་ལས་བཏུས་པ་ལས་གསུངས་པ། བཟླས་བརྗོད་བྱེད་ཚེ་ཁྲོ་མི་བྱ། ། [361b.5]ཡུལ་གྱི་བདག་ཉིད་དགའ་མི་བྱ། །ཞུམ་དང་མི་དགའ་འཇིགས་པ་དང་། །འཇུངས་དང་ང་རྒྱལ་ཡོངས་སུ་སྤང་། །ཟློས་ཚེ་ཅི་ཡང་མི་བསམ་ཞིང་། །ཡན་ལག་འགྱུར་བར་མི་བྱའོ། །ཀུན་རྟོག་རླུང་གིས་བསྐྱོད་ནས་ནི། །ཅི་ཡང་རུང་བ་མི་བསམ་མོ། །རིག་སྔགས་ལྷ་ནི་མ་ [361b.6]གཏོགས་པ། །སྒོམ་པ་མཆོག་ཏུ་གྱུར་པ་ཡང་། །ཟློས་པས་བཟླས་བརྗོད་བྱེད་པའི་ཚེ། །ཀུན་རྟོག་བཟུང་ནས་མི་བསམ་མོ། །ཞེས་པ་ལ་སོགས་པའོ། །དེ་ལྟར་ཞུགས་པ་དེས་ཅི་ཙམ་གྱི་དངོས་གྲུབ་ཏུ་འགྱུར། ཕྲེང་བ་ལས་ལྟོས་པ་ནི། མཁས་པས་གསང་ [361b.7]སྔགས་ཡི་གེ་ནི། །བཅོ་ལྔ་མན་ཆད་གྲངས་རྣམས་ལ། །ཡི་གེའི་སྡོམ་ནི་དུ་ཡོད་པ། །དེ་སྙེད་འབུམ་ཕྲག་བཟླས་བརྗོད་བྱ། །ཡི་གེ་སུམ་ཅུ་རྩ་གཉིས་ལ། །བཟླས་བརྗོད་སུམ་འབུམ་བྱ་བར་བཤད། །ཡི་གེ་དེ་ལས་ལྷག་པ་ལས། །སྔོན་དུ་བསྙེན་པ་ཁྲི་ [362a] [362a.1]བྱའོ། །སྔོན་དུ་བསྙེན་པ་མེད་པར་ཡང་། །ལས་རྣམས་ཕལ་ནི་འགྲུབ་པར་འགྱུར། །ཞེས་གསུངས་སོ། །གང་དུ་དུས་ལ་ལྟོས་པ་ནི། །རྫོགས་ལྡན་དུས་སུ་ཡི་གེ་འབུམ་བཟླས་ཏེ། །གཉིས་ལྡན་དུས་ཀྱི་སྔགས་པས་འབུམ་ཕྲག་གཉིས། །གསུམ་ལྡན་དུས་སུ་དེ་ཉིད་གསུམ་ [362a.2]དུ་འགྱུར། །བྱེ་བ་ཕྲག་སུམ་འབུམ་བཞི་རྩོད་དུས་སྦྱར། །ཞེས་གསུངས་སོ། །གཞི་ལ་ལྟོས་པ་ནི། རྒྱུད་ལ་ལར་ནི་ཅི་ནས་སྔགས་བྱེ་བ་བཟླས་པར་གསུངས་སོ། །བསོད་ནམས་འབྲིང་པོ་རྣམས་ཀྱིས་འབུམ་བཟླས་པར་བདག་སྨྲའོ། །བསོད་ [362a.3]ནམས་ཆེ་བས་ཁྲི་བཟླས་པས་ཤིན་ཏུ་མྱུར་བར་འགྲུབ་པོ། །དེ་ལྟར་རྡོ་རྗེ་ཅན་ཆེན་པོ་རྒྱུད་ཀྱི་བདག་པོས་གསུངས་སོ། །བསོད་ནམས་ཆུང་བའི་སེམས་ཅན་རྣམས་ཀྱིས་ནི་བྱེ་བ་བཟླས་པར་གསུངས་སོ། །སེམས་ཅན་འབད་རྩོལ་ཆུང་བ་རྣམས་ཀྱིས་ནི་འབུམ་བཟླས་པར་ [362a.4]བདག་སྨྲའོ། །སེམས་ཅན་བསྒོམ་པ་ལ་གཞོལ་བ་རྣམས་ཀྱིས་ནི་ཁྲི་ཁོ་ན་བཟླས་པར་བྱའོ། །སེམས་ཅན་འདོད་ཆགས་ལ་ཞུགས་པ་རྣམས་ཀྱི་སྔགས་ཀྱི་བཟླས་པ་ཇི་ལྟར་ལགས། བླུན་པ་དང་ལྐུགས་པའི་རིགས་ཅན་རྣམས་ཀྱི་སྔགས་ཀྱི་གྲངས་ཇི་ལྟར་ལགས། ། [362a.5]ཤིན་ཏུ་དམིགས་པའི་སྔགས་ཀྱི་བཟླས་པ་ཇི་ལྟར་ལགས། འདི་ལྟར་ཕན་ཚུན་སྨྲ་བས་བཟླས་ན་དངོས་གྲུབ་གཞན་དུ་འགྱུར་རོ། །གལ་ཏེ་མན་པའི་སེམས་ཀྱིས་ཉོན་མོངས་བཞིན་པས་བཟླས་ན། བསྐལ་པ་སྐར་མ་ལྟ་བུ་བྱེ་བར་ཡང་དེ་ལ་དངོས་གྲུབ་མེད་དོ་ཞེས་གསུངས་ [362a.6]སོ། །འདིའི་གྲུབ་པ་ཉིད་ཅི། བྱ་བ་ངེས་པ་ཐོབ་པ་ཉིད་དོ། །འདི་ནི་གསུང་གི་གསང་ཆེན་མངོན་པར་བརྗོད་པའོ།། །།ད་ནི་ཐུགས་ཀྱི་གསང་ཆེན་བརྗོད་པར་བྱ་སྟེ། སྔར་བཤད་པའི་སྐུ་དང་གསུང་གསང་བ་ཆེན་པོ་ལ་གནས་པ་དེས། དངོས་པོ་ཐམས་ཅད་དང་ [362a.7]བྲལ་ཞིང་། །ཕུང་ཕོ་ཁམས་དང་སྐྱེ་མཆེད་དང་། །གཟུང་དང་འཛིན་པ་རྣམ་སྤངས་པ། །ཆོས་བདག་མེད་པ་མཉམ་པ་ཉིད། །རང་སེམས་གཟོད་ནས་མ་སྐྱེས་པ། །སྟོང་པ་ཉིད་ཀྱི་རང་བཞིན་ནོ། །ཞེས་པ་རྟོགས་པའོ། །འདི་ཡང་གང་རིག་པའི་རྗེས་སུ་ [362b] [362b.1]འགྲོ་བ་ནི། འཕགས་པ་ནཱ་ག་རྫུ་ནའི་ཞལ་སྔ་ནས་མཛད་པའི་དབུ་མ་ལས་གྲུབ་པའོ། །ཐབས་ཀྱི་རྗེས་སུ་འབྲང་བ་དག་གིས་ནི། རླུང་དང་། རྩ་དང་། ཐིག་ལེ་དང་། ཕྲ་མོ་དང་། རྡོ་རྗེ་ནོར་བུའི་ནང་དང་། རིག་མ་ལ་བརྟེན་པ་དང་། རིལ་པོར་འཛིན་པ་དང་། རྗེས་སུ་འཛིན་ [362b.2]པ་དག་གི་འགྲུབ་པོ། །བགྲང་དང་རྗེས་སུ་འགྲོ་དང་གནས། །མཚན་ཉིད་དེ་ནས་རྣམ་ལྡོག་དང་། །ཡོངས་སུ་དག་པ་ཉིད་དང་དྲུག །འདི་ནི་འོང་བ་གཟུང་བར་དྲན། །འདིར་ཐུན་མོང་མིན་པ་སྦྱར་བ་རླུང་ལས་གྲུབ་པའོ། །ལྟེ་བར་ཙཎྜལཱི་སྦར་བས། །དེ་བཞིན་གཤེགས་པ་ལྔ་ [362b.3]བསྲེག་ཅིང་། །སྤྱན་ལ་སོགས་པ་ཡང་བསྲེགས་ཏེ། །བསྲེགས་པས་ཧཾ་ལས་ཟླ་བ་འབབ། །རྩ་ལས་གྲུབ་པའོ། །ཇི་སྐད་དུ། ཀམྻ་ལ་ཨཱཪྻས་བཤད་པ། ཐིག་ལེ་སྒྲ་ནི་རྣམ་སྤངས་པའོ། །ཞེས་སོ། །ཐིག་ལེ་དང་ཕྲ་མོ་དག་གི་འགྲུབ་པའོ། །ཆུ་བོའམ་ལྟེང་ཀའི་ [362b.4]ཆུ་ནི་དྲི་མེད་དག་ལ་ཟླ་བ་གནས་པ་ལྟར། །དེ་བཞིན་དེ་ལ་རིམ་གྱིས་འཇིག་པ་རྣལ་འབྱོར་པ་ཡིས་རྟག་ཏུ་བསམ། །མེ་ལོང་ལ་ནི་རླུང་དག་རིམ་གྱིས་ཟར་པ་བཞིན་དུའང་བལྟ་བྱ་སྟེ། །རིལ་པོར་འཛིན་པ་ལ་བྱ་བའི་རིམ་པ་འདི་ནི་དེ་བཞིན་རབ་ཏུ་བརྟག་ཅེས་བྱ་བ་ནི། རྡོ་རྗེ་ [362b.5]ནོར་བུའི་ནང་དུ་རྟོགས་པའི་འགྲུབ་པའོ། །རྡོ་རྗེ་ཉི་མ་ནུབ་པ་ན། །བསྒྲུབ་པ་ཀུན་དུ་བརྩམ་པར་བྱ། །སྐྱ་རེངས་འཆར་བའི་དུས་དག་ཏུ། །འགྲུབ་འགྱུར་འདི་ལ་ཐེ་ཚོམ་མེད། །ཅེས་པ་ནི། རིག་མ་ལ་བརྟེན་པས་འགྲུབ་པའོ། །རིལ་པོར་འཛིན་པ་རྗེས་སུ་གཞིག་ [362b.6]པ་ནི། ཆུ་བོའམ་ལྟེང་ཀའི་ཆུ་ནི་ཞེས་བྱ་བ་ལ་སོགས་པ་སྔར་འདས་མ་ཐག་པས་འགྲུབ་པའོ། །འདི་དག་ནི་ཤེས་རབ་ཡེ་ཤེས་ལ་བརྟེན་པས་འགྲུབ་ལ། གསང་བ་གཉིས་ནི་བུམ་པའི་དང་གསང་བའི་དབང་ལས་འབྱུང་བའོ། །ཡོང་ནི་ཐུགས་ཀྱི་གསང་ཆེན་མ་ [362b.7]གྲུབ་པར་ཉོན་མོངས་པ་མི་འགོག་ལ། དེ་ལ་མ་འགགས་ན་སྐུ་དང་གསུང་གི་གསང་ཆེན་མི་འགྲུབ་སྟེ། ཇི་སྐད་དུ། ཡབ་གཅིག་ལྷ་རྣམས་ཐུགས་རྗེ་མེད་དམ་ཅི། །ད་ལྟའི་སེམས་ཅན་ཤིན་ཏུ་འགྲུབ་པར་དཀའ། །བུ་གཅིག་ལྷ་རྣམས་ཐུགས་རྗེའི་ [363a] [363a.1]རང་བཞིན་ན། །དིང་སང་སེམས་ཅན་ཉོན་མོངས་དྲ་བས་ཁྱབ། །ཅེས་བཤད་དོ། །ཐུགས་ཀྱི་གསང་ཆེན་ཉིད་དུ་སྐུའི་གསང་ཆེན་དང་གསུང་གི་གསང་ཆེན་ཡང་འཇུག་སྟེ། ཇི་སྐད་དུ། ཟླ་འོད་གཞོན་ནུར་གྱུར་པས་འཕགས་པ་ཟླ་བའི་སྒྲོན་མ་ལས་ [363a.2]བཤད་པ། ནམ་མཁའ་འདྲ་ཞིང་རྡུལ་བྲལ་གཟུགས་བཟང་འཆར། །ཤེས་རབ་སྲས་པོ་ལུས་དང་མཚན་མི་མངའ། །ཡོན་ཏན་རྒྱ་མཚོ་རབ་ཟབ་ཐུགས་རྗེ་ཅན། །མཚུངས་མེད་ཕྱག་ནི་བདག་གི་སྤྱི་བོར་ཞོག །ཅེས་པའོ། །དེ་བཞིན་དུ་གཞན་ལས་ཀྱང་། འཇིག་རྟེན་ [363a.3]སྒྲོན་མ་ཁྱོད་ཀྱི་གསུང་། །ཡེ་ཤེས་རྒྱ་མཚོ་དེ་ཐོས་ན། །དེ་དག་དྲི་མེད་བདེ་བ་འཐོབ། །བསམ་གྱིས་མི་ཁྱབ་འོད་ཀྱང་འབྱུང་། །ཞེས་གསུངས་སོ། །ཡང་གསུངས་པ། གསང་སྔགས་བཟླས་བརྗོད་མི་བྱ་སྟེ། །དཀའ་ཐུབ་སྦྱིན་སྲེག་མ་ཡིན་ནོ། །དཀྱིལ་འཁོར་ལྡན་ [363a.4]མེད་དཀྱིལ་འཁོར་མེད། །དེ་ཡི་གསང་སྔགས་བཟླས་པ་དང་། །དེ་ཡི་དཀའ་ཐུབ་སྦྱིན་སྲེག་ནི། །སེམས་ནི་མདོ་རུ་བསྡུས་ཚུལ་ལོ། །ཞེས་སོ། །མཚན་མར་བཅས་པས་མཚན་བཅས་ཀྱི། །དངོས་གྲུབ་རྒྱལ་བ་དམ་པར་བཞེད། །མཚན་མ་མེད་ལ་གནས་པས་ནི། །མཚན་ [363a.5]པར་བཅས་པ་འགྲུབ་ཏུ་རུང་། །དེ་བས་རྣམ་པ་ཐམས་ཅད་དུ། །མཚན་མ་མེད་ལ་གནས་པར་བྱ། །ཞེས་གསུངས་པས་ན་གྲུབ་པ་གསུམ་ཆར་གྱི་ཐུགས་གསང་བས་འཐོབ་པ་ཡང་ངོ་། །གང་གིས་ཐུགས་གསང་ཆེན་མ་ཤེས་པར་གནས་པ་དེ་ནི། དབུགས་མ་ཕྱིན་པར་གནས་ [363a.6]པ་སྟེ། ཇི་སྐད་དུ་གསུངས་པ། གང་གིས་སྟོང་པ་མ་མཐོང་བ། །དེ་དག་འཁོར་ཞིང་ཉམ་ང་ཞེས་སོ། །ཡང་གསུངས་པ། སྟོང་པའི་ཆོས་ཀྱིས་མི་མཁས་གང་འཇིགས་པ། དེ་དག་སངས་རྒྱས་བྱང་ཆུབ་རིང་པོ་ཡིན། །སྟོང་ཉིད་ཆོས་ལ་ཐེ་ཚོམ་སུ་མེད་པ། །དེ་དག་ [363a.7]སངས་རྒྱས་བྱང་ཆུབ་འཐོབ་པར་འགྱུར། །ཞེས་སོ། །དེ་བཞིན་དུ་འཕགས་པ་ནཱ་གཱ་རྫུ་ནས་བཤད་པ། གང་གིས་སྟོང་ཉིད་མི་ཤེས་པ། །དེ་ལ་ཐར་པའི་སྐལ་མེད་དེ། །འགྲོ་དྲུག་སྲིད་པའི་བཙོན་ར་རུ། །རྨོངས་པ་དེ་ནི་འཁྱམ་པར་འགྱུར། །ཞེས་སོ། །དེ་བཞིན་ [363b] [363b.1]དུ་གང་གིས་ཐུགས་གསང་ཆེན་མ་ཤེས་པ་དེས་ནི། སངས་རྒྱས་མཐོང་བ་མ་ཡིན་ཏེ། དེ་སྐད་དུ་གསུངས་པ། ཇི་ལྟར་མཐོང་བཞིན་སུ་བལྟ་བ། །དེ་དག་འདྲེན་པ་མི་མཐོང་ངོ་། །རྣམ་པར་རྟོག་པ་མི་འཇུག་ཅིང་། །གང་ཚེ་སངས་རྒྱས་མི་མཐོང་ལ། །འཇུག་མེད་སངས་ [363b.2]རྒྱས་ཡིན་པར་ནི། །གལ་ཏེ་མཐོང་ན་དེ་སངས་རྒྱས། །ཞེས་སོ། །ཡང་གསུངས་པ། དེ་ལྟར་སྐྱེ་འཇིག་སྤངས་པ་ཡིས། །ཐུབ་པ་ཞི་བ་སུས་མཐོང་བ། །དེ་དག་འདི་དང་སླད་མར་ཡང་། །ཆགས་མེད་ཉེར་ལེན་མེད་པར་འགྱུར། །ཞེས་སོ། །ཡང་གསུངས་པ། [363b.3]གང་ཟག་མེད་ཅིང་ཕུང་པོ་མེད། །སངས་རྒྱས་ཡེ་ཤེས་ཟག་མེད་པ། །རྟག་ཏུ་ཞི་བ་རྣམ་བསྒོམས་ཏེ། །དེ་ལ་བདག་ནི་སྐྱབས་སུ་མཆི། །ཞེས་སོ། །ཡང་གསུངས་པ། གང་གིས་ང་ལ་སྒྲར་ཤེས་ཤིང་། །གང་གིས་ང་ལ་གཟུགས་སུ་མཐོང་། །ལོག་པར་སྤོང་བར་ཞུགས་པ་སྟེ། ། [363b.4]སྐྱེ་བོ་དེ་དག་ང་མི་མཐོང་། །སངས་རྒྱས་རྣམས་ནི་ཆོས་ཉིད་ལྟ། །འདྲེན་པ་རྣམས་ནི་ཆོས་ཀྱི་སྐུ། །ཆོས་ཉིད་ཤེས་པར་བྱ་མིན་པས། །དེ་ནི་རྣམ་པར་ཤེས་མི་ནུས། །ཞེས་སོ། །ཡང་གསུངས་པ། རྟག་ཏུ་སྐྱེ་མེད་ཆོས་ནི་དེ་བཞིན་གཤེགས། །ཆོས་རྣམས་ཐམས་ཅད་བདེ་བར་གཤེགས་དང་འདྲ། ། [363b.5]བྱིས་པའི་བློ་ཅན་མཚན་མར་འཛིན་པ་རྣམས། །འཇིག་རྟེན་དག་ན་མེད་པའི་ཆོས་ལ་སྤྱོད། །ཅེས་སོ། །ཡང་གསུངས་པ། སངས་རྒྱས་བཅོམ་ལྡན་འདས་རྣམས་ནི་ཆོས་ཀྱི་སྐུ་ཡིན་གྱིས། དགེ་སློང་དག་འཇིག་ཚོགས་ལ་སྐུར་མ་འཛིན་པ། དགེ་སློང་དག་ང་ནི་ཆོས་ཀྱི་སྐུ་ཡོངས་ [363b.6]སུ་རྫོགས་པར་ལྟོས་ཤིག །ཅེས་གསུངས་ཏེ། དེ་བཞིན་གཤེགས་པའི་སྐུ་ནི་ཡང་དག་པའི་མཐའ་རྟོག་པ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པར་བལྟའོ་ཞེས་སོ། །ཡང་གསུངས་པ། དེ་བཞིན་གཤེགས་པ་ནི་གཟུགས་ཀྱི་སྐུར་མི་བལྟ་སྟེ། དེ་བཞིན་གཤེགས་ [363b.7]པ་ནི་ཆོས་ཀྱི་སྐུའོ། །རིགས་ཀྱི་བུ་ཆོས་ཉིད་ནི་འོང་བ་འམ་འགྲོ་བ་མེད་དེ། རིགས་ཀྱི་བུ་དེ་བཞིན་དུ། དེ་བཞིན་གཤེགས་པ་རྣམས་ལ་བྱོན་པའམ་བཞུད་པ་མེད་དོ་ཞེས་སོ། །ཡང་གསུངས་པ། གང་གིས་སངས་རྒྱས་སྤྱན་དྲངས་ཤིང་། །གང་གིས་གཤེགས་སུ་གསོལ་ [364a] [364a.1]བ་ཡིན། །རྡོ་རྗེ་སེམས་དཔའ་བྱོན་པ་དང་། །དེ་བཞིན་གཤེགས་པ་བྱོན་པ་རྣམས། །གང་ན་འང་ཡོད་པ་མ་ཡིན་ནོ། །དྲི་མ་མེད་ཅིང་དག་པའི་ལུས། །གང་གིས་སྤྱན་དྲངས་གཤེགས་སུ་གསོལ། །དེ་ཉིད་ཀྱིས་ནི་རྟག་མེད་པར། །དེ་བཞིན་གཤེགས་ལ་ [364a.2]ཕྱག་བྱའོ། །ཞེས་སོ། །འདིའི་གྲུབ་པ་དེ་ཉིད་ཅི། །ཆོས་ཀྱི་སྐུ་ལ་གནས་པ་ཉིད་དང་། གྲུབ་པའི་སྐྱེས་བུར་གྱུར་པ་ནའོ། །འདི་ནི་ཐུགས་ཀྱི་གསང་ཆེན་མངོན་པར་བརྗོད་པའོ། །ད་ནི་གསང་བ་གསུམ་ལས་བྱུང་བའི་འབྲས་བུ་བརྗོད་དེ། ཡང་གསུངས་པ། ཆུ་རྒྱུས་ [364a.3]དྲ་བ་དང་བཅས་ཤིང་། །ཡན་ལག་ཀུན་ལྡན་བུ་ག་ཅན། །ལུས་དེ་མེད་པར་སྣང་གྱུར་པ། །དེ་ཡི་སྐད་ཅིག་དེ་ལ་ནི། །དགྱེས་པའི་རྡོ་རྗེའི་སྐུར་འཛིན་འགྱུར། །ནམ་མཁའ་ཇི་བཞིན་དམིགས་མེད་ཅིང་། །མཚན་མ་མེད་ཅིང་སྐྱེ་བ་མེད། །སྣ་ཚོགས་རྣམ་བྲལ་སྒྲིབ་ལྔ་སྤངས། །སངས་ [364a.4]རྒྱས་དངོས་རྣམས་དང་བྲལ་བ། །མེ་ལོང་གཟུགས་བརྙན་ཇི་བཞིན་དུ། །དེའི་བདག་ཉིད་དུ་རབ་སྣང་བ། །ཧེ་རུ་ཀ་ཡི་དངོས་པོར་གསལ། །འདི་ཉིད་དབང་པོ་ཡུལ་རྣམས་དང་། །ཕུང་པོར་གནས་པ་མཁའ་དང་མཉམ། །བདེན་ཉིད་འདིར་རབ་སྐྱེ་ལུས་ཏེ། །འདུས་བྱས་དོན་གྱིས་ [364a.5]གཞན་མིན་པས། །མིག་གིས་གཟུགས་ནི་འཛིན་མེད་ཅིང་། །རྣ་བ་ཡིས་ནི་སྒྲ་མིན་ནོ། །ལྕེ་ཡིས་ཀྱང་ནི་རོ་མི་ཚོར། །སྣ་ཡིས་ཀྱང་ནི་དྲིལ་མིན། །ལུས་ཀྱི་གོང་བུས་རེག་མེད་དེ། །བདེ་བ་ཆེན་པོའི་གཟུགས་ཕྱིར་ནའོ། །བུད་མེད་མཆོག་མཐོང་ལས་བདེ་ཞིང་། །གླུ་ཐོས་ལས་ [364a.6]ཀྱང་ཡང་དག་བདེ། །དྲི་ཞིམ་མ་ལས་བདེ་བ་ཆེ། །སྐྱེ་གནས་རེག་ལས་ཀྱང་བདེ་ཆེ། །རོ་མཆོག་བཏུང་བའི་རབ་སྦྱོར་བའི། །བདེ་བ་དག་ནི་སུ་ཡིས་བཟློག །ཅེས་སོ། །དོན་འདི་ཉིད་ནི་རིམ་པ་ལྔ་པ་ལས་ཀྱང་བཤད་དེ། ཇི་ལྟར་དང་བའི་ཆུ་དག་ལས། །ཉ་ནི་མྱུར་དུ་ལྡང་བ་ལྟར། །དེ་ [364a.7]བཞིན་ཐམས་ཅད་སྟོང་གསལ་ལས། །སྒྱུ་འཕྲུལ་དྲ་བ་འབྱུང་བར་བཤད། །ཅེས་སོ། །ད་ནི་འདི་ལྟར་གྱུར་པ་དེའི་མཚན་མ་བསྟན་པ་ལུང་ལ་འཇུག་པར་བྱ་སྟེ། །ཇི་སྐད་དུ་དཔལ་ཡང་དག་སྦྱོར་བའི་ཐིག་ལེའི་ཕྲེང་བ་ལས་གསུངས་པ། དེ་ནས་གང་དུ་རིག་མའི་སྐྱེས་བུ་གྲུབ་པ་དེར་ [364b] [364b.1]འདི་ལྟ་བུའི་ཕུན་སུམ་ཚོགས་པ་འབྱུང་སྟེ། ས་འདི་དགའ་ཞིང་མགུ་ལ་རངས་པས་རྣམ་པ་དྲུག་ཏུ་གཡོས་པ། བདུད་ཀྱི་གནས་སུ་ཆ་ལང་ལྟ་བུའི་སྒྲ་གྲགས་པ་དང་། ཕྱོགས་བཅུར་བསྐལ་པའི་མེ་འབར་བ་ལྟ་བུའི་སྐར་མདའ་ལྷུང་བ་དང་། རྒྱ་མཚོ་ཆེན་པོ་འཁྲུགས་པའི་སྒྲ་དང་། ཐམས་ [364b.2]ཅད་དུ་གནམ་རྡོ་ལྷུང་བ་དང་། དེ་ཉིད་བསྐལ་པའི་མེའི་གཟུགས་ལྟ་བུའི་ཡེ་ཤེས་ཀྱི་སྣང་བ་འབར་བ་དང་། ཕྱག་རྒྱའི་སྐྱེ་གནས་ཀུན་དུ་ཁམས་གསུམ་ཐམས་ཅད་སྣང་བ་དང་། ཚངས་པ་དང་། ཁྱབ་འཇུག་དང་། ཆུ་བདག་དང་བརྒྱ་བྱིན་དང་། དྲག་པོ་དང་མེ་དང་། སྟོབས་བཟངས་དང་། [364b.3]ཉི་མ་དང་། ཟླ་བ་དང་། གནོད་སྦྱིན་དང་། གྲུབ་པ་དང་། དྲི་ཟ་དང་། མི་འམ་ཅི་དང་། ལྟོ་འཕྱེ་དང་། ལྷའི་མཆོག་དང་། རིགས་འཛིན་དང་། ཆུ་འབྱུང་བ་ལ་སོགས་པ་གང་ཡིན་པ་དང་། གཞན་ཡང་སུམ་ཅུ་རྩ་གསུམ་དུ་གནས་པའི་ལྷ་རྣམས་དེར་འོངས་ནས་ཡང་དག་ [364b.4]པར་དགའ་བས་མེ་ཏོག་གིས་མཆོད་པར་བྱེད་དོ། །པི་ཝང་དང་། གླིང་བུ་དང་། མུ་ཀུནྡ་དང་། ཏམྤུ་ར་དང་། དུང་དང་། ཟངས་དུང་དང་། བནྟི་དང་། རྔ་པ་ཊ་ཧ་དང་། རྫ་རྔས་ནམ་མཁར་གནས་ཏེ་རྟག་ཏུ་མཆོད་པར་བྱེད་དོ། །ལྷའི་བུ་མོ་དང་། རིགས་འཛིན་གྱི་རྒྱལ་པོའི་བུ་ [364b.5]མོ་ཐམས་ཅད་ཀྱིས་གར་བྱེད་པ་དང་སིལ་སྙན་དུ་མ་བྱེད་པ་དང་། མི་འམ་ཅི་དང་། གནོད་སྦྱིན་གྱིས་གླུ་ལེན་པར་བྱེད་ཅིང་། དེ་ལ་དགའ་བ་དང་བཅས་པས། རྒྱལ་བ་རྒྱལ་བ་ཞེས་བྱ་བའི་སྒྲས་རྟག་ཏུ་རོལ་པ་བྱེད་པ་དང་། གང་གིས་གྲུབ་པ་ལ་ནམ་མཁར་གནས་པའི་ལྷ་རྣམས་ [364b.6]ཀྱིས་ནི་ལེགས་པའི་རྣམ་པ་རབ་ཏུ་གསོལ་བར་བྱེད་དོ། །དགའ་ལྡན་དུ་གནས་པའི་ལྷ་རབ་མཆོག་གང་ཡིན་པ་དང་། ལྷའི་བུ་གང་ཡིན་པ་དང་། རིགས་འཛིན་དང་། འོག་མིན་གྱི་བར་དག་འོངས་ནས་ཕྱག་འཚལ་ཞིང་མེ་ཏོག་སྣ་ཚོགས་ཀྱི་དྲིའི་ཆར་དང་། བདུག་པ་སྣ་ཚོགས་ཀྱི་ཁྱད་པར་གྱིས། །གུས་པའི་ [364b.7]ཚུལ་གྱིས་མཆོད་པར་བྱེད་དེ། །གཞན་ཡང་ཁྱོད་ལ་རྒྱས་པར་བཤད་པའི་ཚུལ་གྱིས་ཅི་ཞིག་བྱ་སྟེ། བསྒྲུབ་པར་བྱས་པའི་བསོད་ནམས་ཀྱིས་ཁམས་གསུམ་གྱི་གང་ཞིག་མཆོད་པ་དེ་རྣམས་ཀྱིས་མཆོད་པར་བྱེད་དོ། །དེ་ཡང་གསུངས་པ། རིག་མའི་སྐྱེས་བུ་གྲུབ་པ་ནི། །གང་དུ་མཆིས་ [365a] [365a.1]ཤིང་གང་དུ་གནས། །གནས་ལ་ཐེ་ཚོམ་འདི་རྣམས་ནི། །བདེ་བ་ཆེན་པོས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །རིག་མའི་སྐྱེས་བུ་གྲུབ་པ་ནི། །གང་དུ་ཡང་མི་འགྲོ། །གང་དུ་ཡང་མི་གནས་སོ། །ཐེ་ཚོམ་འདི་དག་ནི། ཐོག་མ་དང་། ཐ་མ་དང་། [365a.2]དབུས་དང་བྲལ་བ། གཉིས་སུ་མེད་པ། གནས་གསུམ་དུ་སྣང་བ། ཐམས་ཅད་དུ་སོན་པ། ཐམས་ཅད་མཁྱེན་པ། ཐམས་ཅད་པ། ཐམས་ཅད་ཀྱི་དོན། སེམས་ཅན་ཐམས་ཅད་ཀྱི་སེམས་ལ་གནས་པ། སྡིག་པ་ཐམས་ཅད་ལས་རྣམ་པར་གྲོལ་བ། ཡོན་ཏན་ཐམས་ཅད་ཀྱིས་བརྒྱན་པར་ [365a.3]བྱས་པ། ཐམས་ཅད་དང་ལྡན་པ། ཞི་བ་མཉམ་པ་མེད་པ། རྟག་པར་བརྗོད་པ། མགོན་པོ་སྐྱོབ་པ། ཀུན་དུ་རྟོག་པ་སྤངས་པ། དབྱིབས་དང་། ཁ་དོག་དང་བྲལ་བ། རྒྱལ་བའི་སྤྱོད་ཡུལ་མ་ཡིན་པའི་ཕྱིར་རྒྱལ་པོ། ཕྱེད་པར་དཀའ་བའི་ཕྱིར་རྡོ་རྗེ། ཉོན་མོངས་པའི་ཉེ་བར་གདུང་བ་ [365a.4]ལས་གྲོལ་བའི་ཕྱིར་ཟླ་བ། འཇིགས་པ་མེད་པའི་ཕྱིར་སེང་གེ །གཏིང་དཔག་དཀའ་བའི་ཕྱིར་ཆུའི་ཕུང་པོའོ། །དེ་ལྟར་དཔེ་སྣ་ཚོགས་ཀྱིས་རྣལ་འབྱོར་པ་རྣམས་ཀྱི་དཔེར་བྱའོ། །དེ་ཉིད་ནི་གཅིག་པུ་སྟེ། སེམས་ཅན་ཐམས་ཅད་རྣམས་ཀྱི་དོན་བྱེད་པ་དང་། རྣམ་པར་རྟོག་པ་ཐམས་ཅད་ [365a.5]སྤངས་ཀྱང་། བལྟམས་པ་སྟོན་པ་དང་། ཁབ་ནས་མངོན་པར་འབྱུང་བ་དང་། གཞོན་ནུའི་རོལ་རྩེད་མཛད་པ་དང་། རྡོ་རྗེ་གདན་གྱིས་མནན་པ་དང་། བདུད་བཏུལ་བ་མཉམ་མེད་པ་དང་། དམ་པའི་ཆོས་ཀྱི་འཁོར་ལོ་བསྟན་པ་དང་། ལྷ་ལས་བབས་པ་ཉམས་དགའ་བ་དང་། ཤིན་ཏུ་སྣ་ཚོགས་པའི་ [365a.6]ཆོ་འཕྲུལ་དང་། གླང་ཆེན་ནོར་སྐྱོང་བཏུལ་བ་དང་། སྐལ་བ་དང་ལྡན་པའི་སྐྱེ་བོ་དག་གཞུག་པ་དང་། ཕས་ཀྱི་རྒོལ་བ་ཚར་གཅད་པ་དང་། བསོད་སྙོམས་ཀྱི་ལྷུང་བཟེད་ལྟོས་པ་མེད་པ་དང་། འཇིག་རྟེན་གསུམ་གྱི་འཁོར་ལོ་འདུལ་བ་དང་། བྱང་ཆུབ་སེམས་དཔའི་རྒྱལ་ཚབ་ཉིད་དང་། ཡོངས་ [365a.7]སུ་མྱ་ངན་ལས་འདས་པ་དང་། ཁམས་གསུམ་གྱི་ཆོས་ཀྱི་རྒྱལ་པོ་ཆེན་པོ་སྟེ། རིགས་ཀྱི་བུ་དེ་ལྟར་འདི་ལྟ་བུའི་ཁྱད་པར་དུ་མ་རྨི་ལམ་ལྟ་བུར་སངས་རྒྱས་ཀྱི་རོལ་པ་མཆོག་སྟོན་པར་མཛད་དོ། །གྲུབ་པ་གང་ཡིན་པ་ནི་སྒྱུ་མའི་ཚུལ་གྱིས་འགྲོ་བ་ཐམས་ཅད་ཀྱི་དོན་མཛད་དོ། །འདི་ནི་གསང་བ་ [365b] [365b.1]གསུམ་ལས་བྱུང་བའི་འབྲས་བུ་མངོན་པར་བརྗོད་པའོ། །ཡོང་ཡེ་གང་ཞིག་འཇིག་རྟེན་ལས་མ་ཆགས་པ་དེས་འདི་འགྲུབ་སྟེ། སློབ་དཔོན་འཕགས་པ་ལྷས་ཀྱང་ཐ་ན་རྒྱལ་སྲིད་ཀྱི་བདེ་བ་ལ་ཡང་མི་ཆགས་པར་བྱ་ཞེས་བཤད་ལ། དཔལ་ཤཱཀྱ་ཐུབ་པ་མངོན་པར་བསྐུལ་བ་ལས་ཀྱང་། གང་ [365b.2]ལྷ་རྣམས་ཀྱིས་སྨྲས་པ། ན་ཚོད་ཐོག་མར་གཟུགས་མཆོག་འཛིན་པའི་ཚེ། །ཕོངས་ཤིང་སྡུག་འདོད་འདི་ནི་བྱིས་པའི་སྤྱོད། །རྒ་ན་སྡུག་བསྔལ་གཟི་བརྗིད་ལུས་བཅོམ་ན། །རྣམ་པར་སྤོང་སྟེ་རི་དགས་ཀླུང་སྐམ་བཞིན། །ནོར་འབྲུ་དམ་པ་རྫས་མང་སྟོབས་ལྡན་ཚེ། །ཕོངས་ཤིང་སྡུག་ [365b.3]འདོད་འདི་ནི་བྱིས་པའི་སྤྱོད། ནོར་ཉམས་སྡུག་བསྔལ་བར་ནི་གྱུར་པའི་ཚེ། །རྣམ་པར་སྤོང་སྟེ་མི་ཡིས་འཕྲོག་སྟོང་བཞིན། །ཇི་ལྟར་མེ་ཏོག་ཤིང་དང་འབྲས་བཅས་ཤིང་། །དེ་བཞིན་སྦྱིན་འདོད་མ་ལ་དགའ་བར་བྱེད། །ནོར་ཉམས་སྡུག་བསྔལ་ཉེན་ཅིང་སྤང་པས་ན། །དེ་ཚེ་དགའ་བར་མི་ [365b.4]འགྱུར་བྱ་རྒོད་བཞིན། རྫས་ལྡན་གཟུགས་མཆོག་ལྡན་ཚེ་དཔོན་པོ་བཞིན། །ཕྲད་ན་སྡུག་ཅིང་དབང་པོ་དགའ་བར་བྱེད། །རྒ་ན་སྡུག་བསྔལ་ཉེན་ཅིང་ནོར་ཟད་ན། །དེ་ཚེ་འདོད་པར་མི་འགྱུར་འཆི་བདག་བཞིན། །རྒ་བས་རྒས་བྱས་ན་ཚོད་ཡལ་འགྱུར་ན། །སྡོང་པོ་གནམ་ [365b.5]ལྕགས་ཀྱིས་ནི་བཅོམ་པ་བཞིན། །རྒ་བས་འཁོགས་ན་འཇིགས་བཅས་ཁང་རུལ་འདྲ། །རྒ་ལས་འབྱུང་བ་ཐུབ་པ་མྱུར་དུ་སྨྲོས། །སྐྱེས་པ་བུད་མེད་ཚོགས་རྣམས་རྒ་པས་སྐེམས། །མ་ལུའི་ཁྲི་ཤིང་སཱ་ལའི་ནགས་སྟུག་བཞིན། །ཞེས་སོ། །ཡང་གསུངས་པ། [365b.6]སྲིད་གསུམ་མི་བརྟན་སྟོན་ཀའི་སྤྲིན་དང་འདྲ། །འགྲོ་བའི་སྐྱེ་འཆི་གང་ལ་བལྟ་དང་མཚུངས། །འགྲོ་བའི་ཚེ་འགྲོ་ནམ་མཁའི་གློག་འདྲ་སྟེ། །རི་གཟར་འབབ་ཆུ་ལྟ་བུར་མྱུར་མགྱོགས་འགྲོ། །ཞེས་སོ། །ཡང་གསུངས་པ། ནང་མེད་མི་རྟག་ཚེ་རིང་རྟག་མ་ཡིན། །ལ་ང་ཚོ་མི་རྟག་འབྱོར་པ་ [365b.7]རྟག་མ་ཡིན། །ཞེས་སོ། །འཕགས་པ་ཤཱ་རིའི་བུས་བཤད་པ་ལ་ཡང་། གྲོགས་དག་ཚེ་འདི་མི་རྟག་མྱུར་འགྲོ་སྟེ། །རི་གཟར་ཆུ་དག་མགྱོགས་འདྲ་ན། །བྱིས་པ་སྐྱེ་བོས་མི་ཤེས་ཏེ། །མི་མཁས་གཟུགས་ཀྱི་དྲེགས་པས་མྱོས། །ཞེས་པ་ལ་སོགས་པའོ། །འཕགས་པ་ནྡ་གཱ་རྫུ་ནས་ཀྱང་། །དེ་ [366a] [366a.1]ལྟར་འདི་ཀུན་མི་རྟག་བདག་མེད་དེ། །སྐྱབས་མེད་མགོན་མེད་གནས་མེད་དེ་སླད་དུ། །འཁོར་བ་ཆུ་ཤིང་སྙིང་པོ་མེད་པ་ལ། །མི་མཆོག་ཁྱོད་ཀྱི་ཐུགས་ནི་འབྱུང་བར་མཛོད། །ཅེས་བཤད་དོ། །གང་དབང་ཐོབ་པ་ཡང་སྟེ། གསང་བའི་མཛོད་ལས་གསུངས་པ། དབང་བསྐུར་ཡང་དག་སྦྱིན་ལྡན་ [366a.2]ན། །སྐྱེ་དང་སྐྱེ་བར་དབང་བསྐུར་འགྱུར། །དེ་ཡི་སྐྱེ་བ་བདུན་ལ་ནི། །མ་བསྒྲུབས་པར་ནི་དངོས་གྲུབ་ཐོབ། །གང་ཡང་བསྒོམ་པ་དང་ལྡན་ཞིང་། །གལ་ཏེ་དམ་ཚིག་སྡོམ་ལ་གནས། །སྐྱེ་འདིར་ལས་དབང་གིས་མ་གྲུབ། །སྐྱེ་བ་གཞན་དུ་དངོས་གྲུབ་འཐོབ། །རེ་ཞིག་དམ་ཚིག་ཉམས་པ་ལ། །དངོས་ [366a.3]གྲུབ་ཐོབ་པ་ལྟ་ཞོག་གི །མི་ཡི་སྐྱེ་བའང་རྙེད་པར་དཀའ། །གང་ཡང་བླ་མར་བརྒྱུད་པ་ཡི། །རིམ་འོངས་དེ་ཉིད་རིམ་པ་ཡིས། །སྒྲུབ་པོ་དེ་ཡིས་འགྲུབ་སྙམ་དགོངས། །ཞེས་སོ། །འདི་ནི་གསང་བ་གསུམ་འགྲུབ་པའི་རྒྱུའི་གཙོ་བོ་མངོན་པར་བརྗོད་པའོ། །གང་རབ་ཏུ་དགའ་བའི་ནམ་ [366a.4]མཁའ་ལ། །ཙཎྜན་མེ་ཏོག་བུད་མེད་བཟང་། །མཐོང་བ་གང་ཆོ་འཛག་གྱུར་པ། །དེ་ཚེ་དགའ་བར་ཡང་དག་བཤད། །སེམས་ཅན་ཀུན་ལ་རྣམ་པར་གནས། །སེམས་ཅན་དེ་དག་ཀུན་གྱི་སེམས། །དཔག་དཀའ་སྐད་ཅིག་ཉིད་ལས་ཤེས། །ཞེས་གསུངས་པ་ནི་བདག་གིས་མ་བཀག་སྟེ། [366a.5]ལོངས་སྤྱོད་སྤྱད་པར་མ་གསུངས་ཏེ། འཇིགས་པའི་གཟུགས་ཀྱིས་སྤྱོད་པ་གསུངས། །ཞེས་གསུངས་ལ། ཡང་པདྨར་ཆགས་པའི་སེམས་སྤངས་ཏེ། ཞེས་རྒྱུད་དག་ལས་བཀག་པ་བསྟན་པ་དང་བཅས་པ་བརྗོད་པའི་ཕྱིར་དང་། རྒྱུད་ལས་གང་གསུངས་ལོངས་སྤྱོད་ནི་ [366a.6]བདག་གིས་ཀྱང་བཀག་པ་མེད་དོ། །དེ་ལྟར་གསང་ཆེན་གསུམ་གྱི་བདག །མངོན་པར་བརྗོད་ལས་བྱུང་བ་ཡི། །དགེ་བ་བདག་ལ་སྐྱེས་གྱུར་ན། །འགྲོ་བ་གསང་ཆེན་གསུམ་འཇོག་ཤོག །གསང་ཆེན་དགའ་བའི་ཐིག་ལེ་ཞེས་བྱ་བ། སློབ་དཔོན་ཡུ་སོ་མ་པུ་རིར་བྱུང་བའི་དགེ་སློང་དཔལ་ [366a.7]ལྡན་བྱང་ཆུབ་བཟང་པོའི་བླ་མ། དཔལ་མ་ཧཱ་མ་ཏིའི་ཞལ་སྔ་ནས་མཛད་པ་རྫོགས་སོ།། །།རྒྱ་གར་གྱི་སློབ་དཔོན་ཨཱ་ཙཪྻ་དུ་ལོ་པ་དང་། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།