[1a]
[1b]
[1b.1]{T1516}༄༅༅། །རྒྱ་གར་སྐད་དུ། ཤྲཱ་ཊཱ་ཀཱརྞ་བ་ཏ་ནྷྲ་མཎྚལ་ཙ་ཀྲ་ཥྱ་སཱ་དྷ་ནར་ཏྣ་པདྨ་རཱ་ག་ནི་དྷི་ནཱ་མ། བོད་སྐད་དུ། དཔལ་མཁའ་འགྲོ་རྒྱ་མཚོའི་དཀྱིལ་འཁོར་གྱི་འཁོར་ལོའི་སྒྲུབ་ཐབས་པདྨ་རཱ་གའི་
[1b.2]གཏེར་ཞེས་བྱ་བ། དཔལ་བཅོམ་ལྡན་འདས་མཁའ་འགྲོ་རྒྱ་མཚོ་ལ་ཕྱག་འཚལ་ལོ། །གང་ཞིག་སངས་རྒྱས་ཐམས་ཅད་ཀྱི། །ཐུགས་རྗེས་ཀུན་བསྡུས་ངོ་བོའི་སྐུ། །དངོས་གྲུབ་གཅིག་བསྡུས་རང་བཞིན་
[1b.3]ཏེ། །རྒྱུད་ཀྱི་ཕྱག་ཅན་ལྷན་སྐྱེས་ཞལ། །གཉིས་མེད་ཤེས་རབ་ཕག་མོ་དང་། །ལྷན་ཅིག་བཞུགས་པ་དེ་ལ་འདུད། །མཁྱེན་པའི་གསུང་གི་འོད་ཟེར་གྱིས། །སྣོད་ལྡན་བློ་མུན་སེལ་མཛད་ཅིང་། །
[1b.4]དོན་གྱི་བདུད་རྩིས་ཚིམ་མཛད་བ། །མཚོ་སྐྱེས་ལ་སོགས་བླ་མའི་ཚོགས། །ཟླ་བ་ལྟ་བུ་རྣམས་ལ་འདུད། །དཔལ་ལྡན་མཁའ་འགྲོ་རྒྱ་མཚོ་ཡི། །བླ་མའི་མན་ངག་མངོན་རྟོགས་རིམ། །ཇི་བཞིན་རྟོགས་
[1b.5]པའི་ནུས་མེད་ཀྱང་། །བདག་ཉིད་དྲན་ཕྱིར་བྲི་བར་བྱ། །དེ་ལ་ཐོག་མར་དཔལ་མཁའ་འགྲོ་རྒྱ་མཚོའི་དཔར་བསྐུར་བའི་རིམ་པས་དག་པར་བྱས་པ་ཟབ་པ་དང་རྒྱ་ཆེ་བ་ལ་ལྷག་པར་མོས་པས་རྒྱུད་ཀྱི་དོན་ཁོང་དུ་ཆུད་
[2a]
[2a.1]པའི་སྒྲུབ་པ་པོས། སྐྱེ་བོ་མེད་པའི་ས་ཕྱོགས་དང་། རི་བོ་དང་། རིའི་ཕུག་དང་། བྱ་སྐྱིབས་དང་། རྒྱ་མཚོ་ཆེན་པོའི་འགྲམ་དང་། གདོད་མ་ནས་གྲུབ་པའི་དུར་ཁྲོད་དང་། གང་དུ་ཡིད་དགའ་བའི་གནས་སུ་ཡང་རུང་སྟེ། བཅོམ་ལྡན་འདས་ཀྱི་
[2a.2]རས་རིས་དང་། གཏོར་མ་དང་། མཆོད་ཡོན་ལ་སོགས་པའི་ཉེ་བར་སྤྱོད་པ་རྣམས་དང་ལྡན་པའི་བསམ་གཏན་གྱི་གནས་བསྟར་བ། བདུད་རྩིས་གཏོར་ཞིང་། མེ་ཏོག་གཅལ་དུ་བཀྲམ་པས་དགའ་བར་བྱས་པར། ཐོ་རེངས་སད་པ་དང་རྡོ་རྗེ་རྣལ་འབྱོར་མ་
[2a.3]རྣམས་ཀྱིས་གླུ་དང་ཅང་ཏེའུའི་སྒྲས་བསྐུལ་བར་བསམས་ཏེ། གདོང་གི་གཙང་སྦྲ་ལ་སོགས་བྱས་ནས། རོ་དངོས་ཀྱི་སྟེང་ངམ་མིའི་པགས་པ་ལ་སྣ་ཚོགས་རྡོ་རྗེ་བྲིས་པའི་སྟེང་དུ། གཅེར་བུ་ཁར་བདུད་རྩིའི་རི་ལུ་བཅུག་པ་ལྷོར་མངོན་པར་
[2a.4]ཕྱོགས་པས། རྡོ་རྗེའི་སྐྱིལ་ཀྲུང་ལ་སོགས་པས་འདུག་སྟེ། ལག་པ་གཡོན་པའི་དབུས་དང་མཐེའུ་ཆུང་ནས་བཟུང་བའི་སོར་མོ་རྣམས་ཀྱི་རྩ་བ་ལ། དཔལ་མོའི་གོ་ཆ་རྣམས་ཀྱིས་སྦྱང་བ་དང་། བཅོམ་ལྡན་འདས་ཀྱི་གོ་ཆ་ཡང་དབུས་དང་སོར་མོ་
[2a.5]རྣམས་ཀྱི་རྩེ་མོ་ལ་དགོད་དོ། །དེ་ནས་པདྨའི་སྣོད་དུ་མྱོས་བྱེད་བཟང་པོས་བཀང་ལ་ལག་པ་གཡས་པའི་མཐིལ་དུ་བཞག་སྟེ་གཡོན་པའི་སྲིན་ལག་གིས་ཆོས་འབྱུང་གི་རི་མོ་བྱ་ཞིང་། ཡི་གེ་གསུམ་བརྗོད་པས་བདུད་རྩིར་བསམས་ཏེ། དེ་
[2b]
[2b.1]ཉིད་ཀྱི་མཐེ་བོང་དང་སྲིན་ལག་སྦྱར་བས་ཆང་གཏོར་ཏེ་ཡན་ལག་ལྔ་ལ་ཁྲུས་དང་། མཐོར་འཐུང་དང་། མཆོད་པའི་རྫས་རྣམས་ལ་བསང་གཏོར་ཡང་བྱའོ། །དེ་ནས་རང་གི་མདུན་དུ་ཆང་དེ་ཉིད་དང་། དྲི་ཞིམ་པོ་བསྲེས་པས་མཎྜལ་གྲུ་བཞི་པར་བྱུགས་ཏེ་མེ་ཏོག་སིལ་
[2b.2]མས་གཏོར་ལ་རྡོ་རྗེ་ཕྱག་རྒྱས་རེག་ཅིང་བྷུར་བྷུ་ཝ་སྭཿཞེས་བརྗོད་པས་ས་འོག་དང་། ས་སྟེང་དང་། མཐོ་རིས་ཀྱི་རང་བཞིན་དུ་བྱིན་གྱིས་བརླབ་བོ། །དེ་ནས་ཨོཾ་ཨཱཿསྠཱ་ནཱཾ་མེར་ཀྵ་ཧཱུཾ་ཞེས་བརྗོད་ཅིང་མེ་ཏོག་གཅིག་རང་གི་འོག་ཏུ་བཞག་བས་གནས་བསྲུང་བར་བྱའོ། །ཨ་ཨཱཿ་ཨྭ་ཏྨཱ་ནཱ་མེ་
[2b.3]རཀྵ་ཧཱུཾ་ཞེས་བྱ་བ་དང་། མེ་ཏོག་གཅིག་རང་གི་མགོ་བོར་བཞག་སྟེ་བདག་ཉིད་བསྲུང་བར་བྱའོ། །འཁྱུད་པའི་ཕྱག་རྒྱ་དང་ཨོཾ་ཨཱཿཡོ་གཱཾ་མེར་ཀྵ་ཧཱུཾ་ཞེས་བྱ་བས་རྣལ་འབྱོར་བསྲུང་བར་བྱའོ། །དེའི་རྗེས་སུ་སེམས་ཅན་འཁོར་བ་སྡུག་བསྔལ་གྱི་རྒྱ་མཚོར་བྱིང་བ་རྣམས་ཕྱག་རྒྱ་ཆེན་པོའི་གོ་འཕང་
[2b.4]ལ་གཞག་པའི་ཕྱིར་བདག་གིས་དཔལ་མཁའ་འགྲོ་རྒྱ་མཚོ་བསྒོམ་པར་བྱའོ་ཞེས་སེམས་བསྐྱེད་དོ། །དེ་ནས་ཐ་མལ་པའི་ལུས་ཉིད་ལ། དཔའ་བོའི་གོ་ཆའི་སྔགས་བརྗོད་ཅིང་གནས་དེ་དང་དེར་རྡོ་རྗེའི་ཕྱག་རྒྱ་རེག་བས་གོ་ཆ་བྱའོ། །དེ་ནས་མེ་ཏོག་དང་བཅས་པའི་ཐལ་མོ་སྦྱར་ལ་
[2b.5]དཔལ་ལྡན་རྡོ་རྗེ་མཁའ་འགྲོ་ནི། །མཁའ་འགྲོ་མ་ཡི་འཁོར་ལོས་སྒྱུར། །ཡེ་ཤེས་ལྔ་དང་སྐུ་གསུམ་སྟེ། །འགྲོ་བ་སྐྱོབ་ལ་ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །རྣམ་པར་རྟོག་པའི་འཆིང་གཅོད་ཅིང་། །འཇིག་རྟེན་བྱ་བ་རབ་འཇུག་མ། །དེ་སྙེད་རྣམས་ལ་རྟག་ཕྱག་འཚལ། །སྲིད་པའི་
[2b.6]རྒྱ་མཚོར་ཡོངས་བྱིང་བ། །ཡང་དག་ཡོངས་སུ་སྒྲོལ་མཁས་བའི། །བླ་མ་དམ་པའི་དྲིན་གང་གིས། །བདག་ལ་ཡེ་ཤེས་འདི་སྐྱེད་འདུད། །ཅིས་བྱ་བས་མཁའ་འགྲོ་དང་། མཁའ་འགྲོ་མ་རྣམས་དང་། དགེ་བའི་བཤེས་གཉེན་རྣམས་ཡིད་ཀྱིས་གསལ་བར་བྱས་ལ་མེ་ཏོག་གཏོར་ཞིང་
[2b.7]ཕྱག་བྱའོ། །དེ་ནས་མཆོག་ནས་བཤད་པ་བཞིན་དུ་བཅོམ་ལྡན་འདས་འཁོར་དང་བཅས་པ་ལ་གཏོར་མ་དབུལ་བར་བྱའོ། །དེ་ནས་བདག་ཉིད་སྐད་ཅིག་གིས་བདེ་མཆོག་ཞལ་བཞི་ཕྱག་བཅུ་གཉིས་པ་སྐུ་མདོག་སྔོན་པོ་ཕག་མོ་དང་བཅས་པ་བསྒོམ་པ་ནི་ལུས་དག་པར་བྱེད་པའོ། །རང་གི་སྙིང་གར་
[3a]
[3a.1]པཾ་ཡོངས་སུ་གྱུར་པ་ལས་སྣ་ཚོགས་པདྨ་འདབ་མ་བརྒྱད་པ། དེའི་སྟེང་དུརྃ་ཡོངས་སུ་གྱུར་པ་ལས་ཉི་མའི་དཀྱིལ་འཁོར་དང་། དེའི་སྟེང་དུ་ཡི་གེ་ཧཱུྃ་ཁ་དོག་ནག་པོ་ཡེ་ཤེས་ལྔའི་རང་བཞིན་འོད་ཟེར་ཁ་དོག་སྣ་ཚོགས་འཕྲོ་བཞིན་པ་བསམས་ལ། ངག་ཏུ་ཐོག་མར་ཨོཾ་
[3a.2]དང་མཐར་ཧཱུཾ་ཧཱུཾ་ཕཊ་དང་ལྡན་པའི་ཨཱ་ལི་ཀཱ་ལི་བརྗོད་པས་ཧཱུཾ་གི་ནཱ་ད་ལས་ཡི་གེའི་ཕྲེང་བ་ཁ་དོག་སྣ་ཚོགས་འཕྲོ་བཞིན་པ་བཏོན་ཏེ་གཡོན་གྱི་ལུས་ཀྱི་སྟོད་དུ་སྔོན་པོ་དང་བར་དུ་དམར་པོ་དང་། སྨད་དུ་དཀར་པོའི་ཕྲེང་བས་དཀྲིས་ཏེ་དེ་དག་ལས་ཁམས་གསུམ་གྱི་རེགས་སུ་གཏོགས་པའི་
[3a.3]ལྷའི་ཚོགས་རིམ་བཞིན་དུ་སྟོད་དང་། བར་དང་། སྨད་རྣམས་ལས་གཟུགས་མེད་པ་དང་གཟུགས་དང་འདོད་པའི་ཁམས་ཀྱི་རིས་རྣམས་སྤྲོས་ཏེ་ཁམས་གསུམ་གྱི་བགེགས་རྣམས་མེད་པར་བྱས་ནས། རང་རང་གི་གནས་སུ་བསྡུ་བ་ནི། ངག་དུག་པར་བྱེད་པའོ། །དེ་ནས་སྤྱི་བོ་དང་།
[3a.4]དཔྲལ་བ་དང་། མགྲིན་པ་དང་། སྙིང་གའི་ཐད་ཀྱི་ནམ་མཁའ་ལ་ཤྲཱི་ཧེ་རུ་ཀའི་ཡི་གེ་བཞི་ཁ་དོག་སྔོན་པོ་བསམས་ལ་དེ་རྣམས་ཀྱི་དོན་དྲན་པར་བྱ་སྟེ། དེ་ཡང་ཤྲཱི་ཡིག་འབྱུང་བ་ཀུན་གྱི་དོན། །ཕྱི་དང་ནང་གི་བདག་ཉིད་འདོད། །འདི་དག་ཀུན་རྫོབ་གཟུགས་དང་ནི། །འཇུག་མེད་
[3a.5]བདེ་བའི་མཐའ་ཅན་གང་། ཨེ་ཝཾ་ལ་སོགས་གཉིས་མེད་པའང་། །ཤྲཱི་ཞེས་བྱ་བའི་ཡིག་དེས་བརྗོད། །ཧེ་ཡིག་སྙིང་གནས་ཀུན་དུ། །ཧེ་རུ་ཀ་སོགས་རང་འཁོར་འགྲོ། །བསྒོམ་པ་ཀུན་གྱི་འབྱུང་གནས་ལས། །འཛིན་པ་ལ་སོགས་རྣམས་བསྐྱེད་འགྱུར། །ད་ནི་རྒྱུ་སྟོང་བདག་ཉིད་དེ། །
[3a.6]རྒྱུ་ཡི་བདག་ཉིད་མི་རྟོག་པའོ། །རང་བཞིན་ཆོས་བདག་མེད་པ་ཉིད། །དེ་ནི་སྟོང་བའི་རྣལ་འབྱོར་གནས། །བཀོད་པ་གང་ཟག་བདག་མེད་པ། །རྟོག་པའི་དྲ་བ་ཆེན་པོ་ནི། །རྒྱུ་ཡིག་རྐྱེན་གྱི་བདག་ཉིད་ཅན། །དེ་ནི་བདག་གི་བཀོད་བྲལ་བའོ། །སླར་བརྗོད་ཀ་ནི་མ་ལུས་པའི། །བདག་
[3a.7]གིས་གཉིས་བྱར་མེད་ཤེས་གང་། །གང་ཕྱིར་ཅི་ལའང་མི་གནས་པ། །དེ་ཕྱིར་ཀ་ཞེས་བྱ་བར་བརྗོད། ཅེས་བྱ་བ་དང་། དངོས་པོ་མངོན་སུམ་སྟོང་པ་མིན། །དངོས་པོ་ཙམ་གྱི་རང་བཞིན་ཅན། །དཔལ་ཧེ་རུ་ཀ་གནས་ལྷ་མོ། །སྔ་ནས་སྒོ་ཀུན་འགྲོ་བའོ། །ཞེས་བྱ་བ་བརྗོད་ཅིང་དོན་དྲན་པར་
[3b]
[3b.1]བྱ་བ་ནི་ཡིད་དག་པར་བྱེད་པའོ། །དེ་ནས་ཕུང་པོ་དང་ཁམས་དང་སྐྱེ་མཆེད་རྣམས་ལྷའི་ང་རྒྱལ་བསྒོམ་པར་བྱའོ། །དེ་ནས་གཟུགས་ཀྱི་ཕུང་པོ་ནི་རྣམ་པར་སྣང་མཛད་དོ། །ཚོར་བའི་ཕུང་པོ་ནི་རྡོ་རྗེ་ཉི་མའོ། འདུ་ཤེས་ཀྱི་ཕུང་པོ་ནི་པདྨ་གར་གྱི་དབང་ཕྱུག་གོ། །འདུ་བྱེད་ཀྱི་ཕུང་པོ་ནི་རྡོ་རྗེ་
[3b.2]རྒྱལ་བོའོ། །རྣམས་པར་ཤེས་པའི་ཕུང་པོ་ནི་རྡོ་རྗེ་སེམས་དཔའོ། །དེ་བཞིན་གཤེགས་པ་ཐམས་ཅད་ཀྱི་བདག་ཉིད་ནི་ཤྲཱི་ཧེ་རུ་ཀ་རྡོ་རྗེའོ། །མིག་དག་ནི་གཏི་མུག་རྡོ་རྗེའོ། །ཉན་པ་དག་ནི་ཞེ་སྡང་རྡོ་རྗེའོ། །སྣ་དང་ནི་ཕྲག་དོག་རྡོ་རྗེའོ། །ཁ་དག་ནི་འདོད་ཆགས་རྡོ་རྗེའོ། །
[3b.3]རེག་ནི་སེར་སྣ་རྡོ་རྗེའོ། །སྐྱེ་མཆེད་ཐམས་ཅད་ནི་དབང་ཕྱུག་རྡོ་རྗེའོ། །སའི་ཁམས་ནི་ལྟུང་བར་བྱེད་མའོ། །ཆུའི་ཁམས་ནི་གསོད་མའོ། །མེའི་ཁམས་ནི་འགུགས་མའོ། །རླུང་གི་ཁམས་ནི་གར་གྱི་དབང་ཕྱུག་མའོ། །ནམ་མཁའི་ཁམས་ནི་པདྨ་འབར་མའོ། །དེ་
[3b.4]རྣམས་ཀྱང་སློབ་དཔོན་ཤེས་རབ་བསྲུངས་ཀྱིས་བཀོད་པ་བཞིན་དུ་རྟོགས་པར་བྱའོ། །དེ་ནས་གཡོན་པའི་མཛུབ་མོ་དང་མཐེ་བོང་བརྡབས་པ་སྔོན་དུ་འགྲོ་བས། ཨོཾ་སུཾ་བྷ་ནི་སུཾ་བྷ་ཀཱ་ཡི་ཀཾ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་བཱ་ཙིཾ་ཀཱཾ་ཧཱུཾ་ཧཱུཾ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཙི་ཏཱ་ཀཾ་ཙ་ར་སི་མཾ་
[3b.5]ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོཿབྷ་ག་ཝཱན་བཛྲ་ནི་ཀཾ་ཧཱུཾ་ཧཱུཾ་ཕཊ་ཅེས་བྱ་བ་བརྗོད་པས་སྙིང་གའི་ཧཱུཾ་ལས་ཁ་དོག་ནག་པོ་དང་། ལྗང་གུ་དང་། དམར་པོ་དང་། སེར་པོའི་མདོག་ཅན་རྣམས་ཏེ་ཚངས་པའི་མཐའ་ནས་འོག་གསེར་གྱི་ས་གཞི་ལ་ཐུག་གི་བར་དུ་སྔགས་ཀྱི་གཟུགས་ཆེན་པོ་ཤར་
[3b.6]དང་བྱང་དང་ནུབ་དང་ལྷོའི་ཕྱོགས་རྣམས་སུ་ཁ་ཕྱིར་ཕྱོགས་པ་རིམ་པས་སྤྲོས་པ་དགོད་པར་བྱའོ། །དེ་ནས་རང་གི་འོག་ཆར་རམ་ཡོངས་སུ་གྱུར་པ་ལས་ཉི་མའི་དཀྱིལ་འཁོར་ལ་ཧཱུཾ་སྔོན་པོ་ཡོངས་སུ་གྱུར་པ་ལས་སྣ་ཚོགས་རྡོ་རྗེ་ཤིན་ཏུ་ཆེན་པོ་གསེར་གྱི་ས་གཞི་ལ་ཐུག་པ། ཧཱུཾ་གིས་
[3b.7]བྱིན་གྱིས་བརླབས་པ་བསམ་ལ། དེའི་འོད་ཟེར་དང་སུཾ་བྷ་ལ་སོགས་པའི་སྔགས་ཀྱི་འོད་ཟེར་རྣམས་ཀྱིས་རྡོ་རྗེའི་རང་བཞིན་གྱི་ར་བ་གྲུ་གཞི་པ་ཁ་དོག་སྔར་དང་མཐུན་པ་དང་། རྡོ་རྗེ་དང་ཧཱུཾ་གི་འོད་ཟེར་རྣམས་ཀྱི་སྟེང་དུ་རྡོ་རྗེ་རྩེ་ལྔ་པ་ལྗང་གུའི་མདའི་དྲ་བ་དང་། དེའི་འོག་ཏུ་རྡོ་རྗེའི་
[4a]
[4a.1]གུར་དང་བླ་རེ་ཡང་བསམ་པར་བྱའོ། །དེ་ནས་སུཾབྷ་ལ་སོགས་པའི་སྔགས་བཞི་ལས་གྲུབ་པའི་ཁའི་གདོང་ཅན་མ་ལ་སོགས་པའི་ལྷ་མོ་བཞི་དང་། ཨོཾ་དང་ཧཱུཾ་ཧཱུཾ་ཕཊ་ལས་གྲུབ་པའི་གཤིན་རྗེ་བརྟན་མ་ལ་སོགས་པ་བཞི་བོ་རྣམས་ཞལ་གཅིག་ཕྱག་གཉིས་མ་
[4a.2]ཕྱག་གཡས་པས་རྡོ་རྗེ་ཐོབ་བསྣམས་ཤིང་། གཡོན་པས་རང་འདྲ་བའི་ལྷ་མོ་ལྟེ་བ་མན་ཆད་ཕུར་བུའི་རྣམ་པ་ཅན་གཡས་ན་གྲི་གུག་གཡོན་ན་ཐོད་པ་ཐོགས་པ་བསྣམས་པ་རྣམས་ལ། སརྦ་བགྕྣཱིཾ་ཨཱ་ན་ཡ་ཛཿཞེས་བྱ་བ་བརྗོད་པས། ཕྱོགས་མཚམས་སུ་སོན་པའི་བགེགས་
[4a.3]ཀྱི་ཚོགས་རྣམས་ར་བའི་ཕྱི་རོལ་དུ་བཀུག་པའི་དབུས་བརྒྱད་དུ། ཧཱུཾ་ཕྱོགས་སྐྱོང་གི་ཁ་དོག་དང་མཐུན་པ་བསམས་ཏེ་བགེགས་ཀྱི་ཚོགས་རྣམས་ཧཱུཾ་ལ་བསྡུས་ལ། དེ་རྣམས་གྱུར་པ་ལས་ཕྱོགས་སྐྱོང་བརྒྱད་དུ་བསྐྱེད་པར་བྱའོ། །དེ་ནས་ཧཱུཾ་གི་སྒྲ་དྲག་ལ་རིང་བ་བསྒྲགས་པས། དེ་
[4a.4]རྣམས་རང་རང་གི་མདུན་དུ་མེའི་དོང་ཆེན་པོ་དམིགས་ཏེ་ལྷ་མོ་རྣམས་ཀྱིས་དེ་རྣམས་སུ་བཅུག་སྟེ་ཕུར་བུས་མགོ་བོ་ནས་གདབ་ཅིང་། ཨོཾ་གྷ་གྷ་གྷ་ཏ་ཡ་གྷཱ་ཏ་ཡ་སརྦ་དུཥྚཱ་ན་ཕཊ། ཀཱི་ལ་ཡ་ཀཱི་ལ་ཡ་ས་རྦ་པཱ་པཾ་ཕཊ་ཧཱུཾ་ཧཱུཾ་ཧཱུཾ་བཛྲ་དྷ་ར་ཨ་ཛྙཱ་པ་ཡ་ཏི་བི་གྷཾ་ཀཱ་ཡ་བཱ་ཀཙི་ཏྟ་ཛྲ་ཀཱི་
[4a.5]ལ་ཡ་ཧཱུཾ་ཕཊ། ཅེས་བྱ་བ་ལན་གསུམ་བརྗོད་པས་མགྲིན་པ་དང་སྙིང་གར་ཡང་གདབ་པོ། །དེ་ནས་ཨོཾ་བཛྲ་མུངྒ་ར་བཛྲ་བཛྲ་ཀཱི་ལཱ་ཀོ་ཊ་ཡ་ཧཱུཾ་ཕཊ་ཅེས་བྱ་བ་ལན་གསུམ་བརྗོད་པས་རྡོ་རྗེ་ཐོ་བས་བརྡུངས་ཏེ་རྣམ་པར་རྟོག་པ་དང་བཅས་པའི་སྲོག་དང་བྲལ་ནས་གཉིས་སུ་མེད་པའི་ཡེ་ཤེས་
[4a.6]ཐོར་པར་བསམ་པར་བྱ་སྟེ། ལྷ་མོ་རྣམས་རབ་ལ་ཐིམ་པ་དང་། ཕྱི་ནང་རིམ་པ་བཞིན་མེ་དང་། རྡོ་རྗེ་དང་། པདྨ་དང་། འཁོར་ལོའི་ར་བ་ཟླུམ་པོ་རིལ་བོ་གཅིག་པ་བསམ་པར་བྱའོ། །འོག་གི་ཧཱུཾ་ཞུ་བ་ལས་རྡོོ་རྗེ་ཕྲ་མོ་རྣམས་པར་མེད་པར་གཏམས་ཏེ། བདག་དང་འགྲོ་བ་ཐམས་ཅད་
[4a.7]ཀུན་ནས་བགེགས་དང་བྲལ་བའོ་ཞེས་ང་རྒྱལ་བྱའོ། དེ་ནས་སྙིང་གའི་ས་བོན་ལས་སྤྲོས་པའི་འོད་ཟེར་རྣམས་ཀྱིས། བླ་མ་དང་། དཔལ་མཁའ་འགྲོ་རྒྱ་མཚོའི་དཀྱིལ་འཁོར་སྤྱན་དྲངས་ཏེ་སྔར་གྱི་མཎྜལ་གྱི་དབུས་སུ་བཞུགས་པར་བྱའོ། །དེ་ནས་ཨོཾ་ཨཱཿཧཱུཾ་ཞེས་ལན་གསུམ་བརྗོད་
[4b]
[4b.1]པས་བསང་གཏོར་བྱའོ། །ཨོཾ་པྲ་བར་སད་ཀཱར་པཱ་དྱཾ་པྲ་ཏཱི་ཙྪསྭཱུ་ཧཱ། ཞེས་བྱ་བའི་སྔགས་ཀྱིས་ཞབས་ལ་ཞབས་བསིལ་དབུལ་བར་བྱའོ། །ཨོཾ་པྲ་བར་སད་ཀཱར་ཨརྒྷཾ་པྲ་ཏཱིཙྪ་སྭཱཧཱ་ཞེས་བྱ་བའི་སྔགས་ཀྱིས་ལག་པ་གཡོན་པ་མཐའ་ནས་ཕྱེ་བའི་ཕྱག་རྒྱ་མཐེ་བོང་དང་སྲིན་ལག་གིས་
[4b.2]མེ་ཏོག་དུང་གི་ཆུ་ལ་བཏགས་པ་ལན་གསུམ་གྱིས་ཞབས་ལ་མཆོད་ཡོན་དབུལ་བར་བྱའོ། །དེ་ལྟར་རང་རང་གི་སྔགས་ཀྱིས་མཎྜལ་དུ་མེ་ཏོག་དབུལ་བར་བྱའོ། །དེ་ནས་ཐམས་ཅད་ལ་ཨོཾ་ཨཱཿབཛྲ་པུཥྦེ་ཧཱུཾ། ཨོཾ་ཨཱཿ་བཛྲ་བྷཱུ་པེ་ཧཱི་པེ་ཧཱུཾ། ཨྃ་ཨཱཿ་བཛྲ་གནྡྷེ་ཧཱུཾ། །
[4b.3]ཨོཾ་ཨཱཿབཛྲནཻ་བིདྱེ་ཧཱུཾ། ཞེས་བྱ་བ་རྣམས་ཀྱིས་ཀྱང་མཆོད་པར་བྱའོ། །རང་གི་སྙིང་གའི་ས་བོན་ལས་སྤྲོས་པའི་མཆོད་པའི་ལྷ་མོ་བཅུ་དྲུག་རྣམས་ཀྱིས་སློབ་དཔོན་ཤེས་རབ་བསྲུངས་ཀྱི་ལྟར་མཆོད་པར་བྱའོ། །དེ་ནས་རྐང་པ་བཞི་བཅུ་རྩ་བརྒྱད་པའི་སྔགས་ཀྱིས་བདུད་རྩི་དང་བཅས་
[4b.4]པའི་ཆང་དབུལ་བར་བྱའོ། །ཀུན་མཁྱེན་ཡེ་ཤེས་ཕུང་པོ་ཅན། །འགྲོ་དོན་རབ་ཏུ་སྒྲུབ་པ་པོ། །ཡིད་བཞིན་ནོར་བུ་འདིར་བྱུང་བ་དང་། དཔལ་སྡོམ་ཁྱོད་ལ་ཕྱག་འཚལ་ལོ། །སྣ་ཚོགས་ཡི་ཤེས་ཆེན་པོས་གཡོགས། ཐམས་ཅད་བདག་ཉིད་རྟུག་ཏུ་བཞུགས། ཐུགས་རྗེས་ཁྲོ་བ་
[4b.5]དྲག་ཆེན་པོ། དཔལ་སྡོམ་ཁྱོད་ལ་ཕྱག་འཚལ་ལོ། །ཞེས་བྱ་བུས་བསྟོད་པར་བྱའོ། །བགྱིས་དང་བགྱིད་སྩལ་རྗེས་སུ་ཡི་རངས་ལ་སོགས་སྡིག་པ་མ་ལུས་པ་ནི་སྐྱོན་རྣམས་མ་ལུས་ངེས་པར་བཅོམ་པ་ཡིས། །མདུན་དུ་སོ་སོ་བཤགས་བྱ་སླར་ལ་ཡང་ནི་མི་བྱེད་པ་ཡི་
[4b.6]སྡོམ་གཟུང་བ་ཉིད་དུ་བྱ། །ཉན་ཐོས་དང་ནི་བསེ་རུ་བླ་མེད་རྒྱལ་བ་རྒྱལ་དང་རྒྱལ་བའི་སྲས་ཀྱིས་བསགས་པའི་དགེ་བ་ལ། །རྗེས་སུ་ཡི་ནི་རང་ཞིང་ཆུབ་ཡང་དག་ཡོངས་སུ་བསྔོ་བར་བདག་གིས་བྱ། །རྒྱལ་བ་རིན་ཆེན་ལ་སོགས་གསུམ་ལ་ཇི་སྙེད་སྐྱབས་སུ་འགྲོ་བར་བྱ་བ་
[4b.7]ཐམས་ཅད་དུ་ནི་བསྒོམ། །བྱང་ཆུབ་སེམས་ནི་རྣམ་པར་གཟུང་ངོ་བླ་ན་མེད་པའི་ལམ་ནི་དེ་བཞིན་བསྟེན། །དེས་ནས་ཨོཾ་ཨཱཿ་བཛྲ་མུཿཧཱུཾ། །ཞེས་བརྗོད་པས་གཤེགས་པར་བྱའོ། །དེ་ནས་སྙིང་རྗེ་དང་བྱམས་པ་དང་དགའ་བ་དང་བཏང་སྙོམས་དྲན་པར་བྱའོ། །དེའི་རྗེས་སུ་ཨོཾ་སརྦདྷ་རྨཱཿ
[5a]
[5a.1]ཤཱནྱ་སྭ་བྷཱ་ཝ་ཤཱུནྱོ་ཉྲཧཾ། ཨོྃ་སརྦདྷརྨཿསྭ་བྷཱ་ཝ་ཤུ་ངྡྷོ་྅ཧཾ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱ་ཏྨ་ཀོ྅ཧཾ། ཨོཾ་ཡོང་ཤུདྡྷཿ་སརྦ་དྷརྨཱ་ཡོག་ཤུདྡྷོ྅ཧཾ། ཞེས་བྱ་བ་བརྗོད་ཅིང་དོན་དྲན་པར་བྱས་ཏེ་ཆོས་ཐམས་ཅད་ནམ་མཁའི་དཀྱིལ་ལྟར་བསྒོམ་པར་
[5a.2]བྱའོ། །དེ་ནས་སྔོན་གྱི་སྨོན་ལམ་གྱིས་སད་པའི་སེམས་ནམ་མཁའ་ལ་ནཱ་ད་ལ་རིམ་གྱིས་རྫོགས་པའི་ཧཱུཾ་བལྟའོ། །དེ་དང་དུས་མཉམ་དུ་བསྲུང་བའི་རབ་ལ་སོགས་པ་རྣམས་ཀྱང་བལྟ་བར་བྱའོ། །དེའི་ནང་གི་འོག་གི་ཆར་ཡཾ་སྔོན་པོ་ཡོངས་སུ་གྱུར་པ་ལས་རླུང་གི་དཀྱིལ་འཁོར་སྔོན་
[5a.3]པོ་གཞུའི་དབྱིབས་ལྟ་བུ་མཐའ་གཉིས་ན་གཡོ་བཞིན་པའི་བ་དན་ཡཾ་གིས་བྱིན་གྱིས་བརླབ་བོ། །དེའི་སྟེང་དུ་ངུརཾ་དམར་པོ་ཡོངས་སུ་གྱུར་པ་ལས་མེའི་དཀྱིལ་འཁོར་དམར་པོ་གྲུ་གསུམ་པ་འབར་བ་བཞིན་པའི་གྲྭ་ཅན་རཾ་ཡིག་གིས་བྱིན་གྱིས་བརླབས་པའོ། །དེའི་སྟེང་བུ་བཾ་དཀར་པོ་ཡོངས་
[5a.4]སུ་གྱུར་པ་ལས་ཆུའི་དཀྱིལ་འཁོར་དཀར་པོ་ཟླུམ་པོ་བུམ་པ་དང་བཅས་པ་ལ་བཾ་ཡིག་གོ། །དེའི་སྟེང་དུ་ལཾ་སེར་པོ་ཡོངས་སུ་གྱུར་པ་ལས། སའི་དཀྱིལ་འཁོར་སེར་པོ་གྲུ་བཞི་པ་གྲྭར་རྡོ་རྗེ་རྩེ་གསུམ་པ་དང་ལྡན་པ་ལཾ་ཡིག་གིས་བྱིན་གྱིས་བརླབས་པའོ། །དེའི་སྟེང་དུ་ཡི་གེ་སུཾ་ཁ་དོག་སྣ་
[5a.5]ཚོགས་པ་ཡོངས་སུ་གྱུར་པ་ལས་རིན་པོ་ཆེ་བཞིའི་རང་བཞིན་གྱི་རི་རབ་ཟུར་བཞི་བ་རྩེ་མོ་བརྒྱད་དང་ལྡན་པ་སུཾ་ཡིག་གིས་བྱིན་གྱིས་བརླབས་པའོ། །དེའི་སྟེང་དུ་བཾ་ཡོངས་སུ་གྱུར་པ་ལས་སྣ་ཚོགས་པདྨ་དེའི་སྟེང་དུ་ཧཱུཾ་ཡོངས་སུ་གྱུར་པ་ལས་སྣ་ཚོགས་རྡོ་རྗེ་བསམས་ཏེ། །འབྱུང་བ་རྣམས་
[5a.6]ཞུ་ཞིང་སླ་བའི་རང་བཞིན་དུ་གྱུར་ནས་གཅིག་དུ་འདྲེས་པས་རི་རབ་འོག་ཏུ་ལྟུང་བས་འབྱུང་བ་ཞུ་བའི་གོང་བུ་སྣ་ཚོགས་རྡོ་རྗེའི་སྟེང་དུ་ཆགས་པ་ཡོངས་སུ་གྱུར་པ་ལས། གཞལ་མེད་ཁང་སྒོ་རིམ་པ་བཞི་དང་ལྡན་པ་སྟེ། དབུས་སུ་ནི་ཆོས་ཀྱི་འབྱུང་གནས་གྲུ་གསུམ་པའི་ནང་དུའོ། །
[5a.7]གཉིས་པ་གྲུ་བཞི་པ་ལ། །གསུམ་པ་གྲྭ་ལྔ་པ་དང་། བཞི་པར་ཟུར་དྲུག་པའི་ནང་དུ་སྟེ། མདོག་དམར་པོ་སྟེང་དུ་བལྟས་པ་རྣམས་སོ། །དཀྱིལ་འཁོར་གསུམ་ནི་བླུམ་པོ་ཡིན་ལ་ཀུན་གྱི་ཕྱི་མ་ནི་གྲུ་བཞི་བ་སྟེ། ཀུན་ཀྱང་གཞལ་ཡས་ཁང་གི་རྒྱན་ཐམས་ཅད་དང་ལྡན་པ་དུར་ཁྲོད་དང་
[5b]
[5b.1]བཅས་པའོ། །དཀྱིལ་འཁོར་ནང་མ་ནི་གཡས་གཡོན་གཉིས་ཀྱི་རླུང་གཉིས་དབུ་མར་འཇུས་པའི་རང་བཞིན་གནག་པ་དང་། །སྔོ་བའི་རྩིག་པ་གཉིས་པའོ། །གཉིས་པ་ནི་སྐུ་གསུང་ཐུགས་དག་པའི་རང་བཞིན་སྔོ་བ་དང་དམར་པོ་དང་དཀར་བོའི་རྩིག་པ་གསུམ་དང་ལྡན་པའོ། །
[5b.2]གསུམ་པ་ནི་དགའ་བ་བཞི་དག་པའི་རང་བཞིན་སྔོན་པོ་དང་སེར་པོ་དང་དམར་པོ་དང་ལྗང་གུའི་རི་མོ་བཞི་དང་ལྡན་པའོ། །ཀུན་གྱི་ཕྱི་རོལ་ནི་ཡེ་ཤེས་ལྔ་དག་པ་སྟེ་ཕྱི་རོལ་དུ་དཀར་པོ་དང་བཅས་པའོ། །ཀུན་གྱི་དཀྱིལ་འཁོར་དབུས་མའི་དབུས་སུ་སྣ་ཚོགས་པདྨ་འདབ་མ་བཞི་བཅུ་རྩ་བརྒྱད་པ།
[5b.3]ལྟེ་བ་ལ་ཉི་མའི་སྟེང་དུ་འཇིགས་བྱེད་ཆེན་པོ་དང་དུས་ཀྱི་མཚན་མོའོ། །དེའི་ཕྱི་རོལ་དུ་འཁོར་ལོ་རིམ་པ་གསུམ་པ་དང་ལྡན་པ། །དེའི་ཕྱི་རོལ་བསྐལ་པ་བཟང་པོའི་སྣམ་བུ་དང་བཅས་པའོ། །ཕྱི་མ་རྣམས་ལ་ཡང་དུས་ཀྱི་པདྨ་མ་གཏོགས་པའོ། །པདྨའི་ཕྱི་རོལ་ནས་ནང་གི་ཕྱི་མའི་
[5b.4]འཁོར་ལོའི་བར་གྱི་མཚམས་རྣམས་ཀྱི་ཕྲེང་བ་ནི། རིམ་པ་བཞིན་དུ་གྲི་གུག་དང་རིན་པོ་ཆེ་དང་རྡོ་རྗེ་དང་པདྨ་དང་འཁོར་ལོ་དང་རལ་གྲི་དང་སྣ་ཚོགས་རྡོ་རྗེ་དང་ཐོད་པ་དང་མགོ་བོ་དང་ཀེང་རུས་དང་ཞགས་པ་དང་ལྕགས་ཀྱུའི་ཕྲེང་བ་རྣམས་ཀྱིས་བསྐོར་བའོ། །འཁོར་ལོའི་རྩིབས་
[5b.5]རྣམས་ནི་སུམ་ཅུ་རྩ་དྲུག་གོ། །འཁོར་ལོའི་རྩིབས་རེ་རེའི་སྟེང་དུའང་རོའི་གདན་རེ་རེའོ། །དེ་བཞིན་དུ་པདྨའི་འདབ་མ་ལྷའི་གནས་རྣམས་དང་སྒོ་དང་མཚམས་རྣམས་སུ་ཡང་ངོ་། །ལྷའི་གནས་མ་ཡིན་པ་མཚམས་ཀྱི་པདྨ་རྣམས་ལ་ནི་རིན་པོ་ཆེའི་བུམ་པ་རེ་རེའོ། །འཁོར་ལོའི་
[5b.6]ཁ་དོག་རྣམས་ནི་འཆད་པར་འགྱུར་ཏེ། དེ་ལྟར་རྟེན་གྱི་དཀྱིལ་འཁོར་དམིགས་ཏེ་རྒྱས་པར་ནི་འཆད་པར་འགྱུར་བ་རྣམས་ཀྱིས་ཀྱང་ཤེས་པར་བྱའོ། །དེ་ནས་འཇིགས་བྱེད་དང་དུས་མཚན་གྱི་སྟེང་གི་ཆང་ཨཱ་ལི་ཉིས་འགྱུར་གཡོན་སྐོར་ལས་དེའི་གཟུགས་བརྙན་དང་ལྡན་པའི་ཟླ་བ་
[5b.7]བསྒོམ་པ་ན་མེ་ལོང་ལྟ་བུའོ། །དེའི་སྟེང་དུ་ཀཱ་ལི་ཡར་ལ་ཝཊ་ཌྷ་དང་བཅས་པ་ཉིས་འགྱུར་གཡོན་སྐོར་ལས་དེའི་གཟུགས་བརྙན་དང་བཅས་པའི་ཉི་མ་ནི་མཉམ་པ་ཉིད་ཀྱི་ངོ་བོའོ། །དེ་གཉིས་ཀྱི་དབུས་སུ་སྟེང་གི་ཧཱུཾ་ཞུགས་ཏེ་འཁོར་ལོ་བཅུ་གཉིས་ཀྱི་ལྷ་རྣམས་སྤྲོས་ཏེ་འགྲོ་བ་ཐམས་
[6a]
[6a.1]ཅད་རེའི་བདག་ཉིད་ཅན་དུ་བྱས་ནས་འདུས་ཏེ་དེ་ཉིད་དུ་ཞུགས་པས་རྡོ་རྗེ་སྔོན་པོ་རྩེ་ལྔ་བ། ལྟེ་བ་ལ་ཧཱུཾ་གིས་བྱིན་གྱིས་བརླབས་པ་ནི་སོ་སོར་རྟོག་པའི་རང་བཞིན་ནོ། །ཧཱུཾ་ལས་ཀྱང་འོད་ཟེར་སྣ་ཚོགས་དཔག་ཏུ་མེད་པ་བྱུང་སྟེ་སྔར་ལྷ་ཉིད་དུ་བསྒྲུབས་པ་མ་ལུས་པ་
[6a.2]དང་གདོད་མ་ནས་གྲུབ་པ་ཐམས་ཅད་བཀུག་སྟེ། དེ་ཉིད་དུ་གཞུག་པ་འདི་ནི་བྱ་བ་གྲུབ་པའོ། །དེ་རྣམས་ཐམས་ཅད་ཡོངས་སུ་གྱུར་པ་ལས་རྒྱུའི་ཧེ་རུ་ཀ་བསྐྱེད་བ་ནི་ཆོས་ཀྱི་དབྱིངས་ཤིན་ཏུ་རྣམ་པར་དག་པའི་ངོ་བོ་སྟེ་དེ་ཡང་། སྐྱ་མདོག་དཀར་པོ་ཞལ་བཞི་བ། །སྤྱན་གསུམ་
[6a.3]ཕྱག་ནི་བཅུ་གཉིས་པ། །ཤེས་རབ་ཁ་སྦྱོར་སྦྱོར་བདག་ཉིད། །བྱིས་པའི་རྒྱན་གྱིས་བརྒྱན་པའོ། །དཀར་དང་ལྗང་གུ་དམར་པོ་དང་། །སེར་པོ་གཡོན་ནས་བསྐོར་བའོ། །ཞལ་གྱི་རལ་པའི་ཅོད་པན་ལ། །སྣ་ཚོགས་རྡོ་རྗེ་ཟླ་ཕྱེད་འཛིན། །འཕྲོག་བྱེད་དཀའ་མོ་མཉམ་པར་
[6a.4]མནན། །གཡས་བརྐྱང་ཞབས་ཀྱིས་ཡང་དག་བཞུགས། །རྡོ་རྗེ་དྲིལ་བུ་གླང་ཆེན་གྱི། །བགས་པ་ཅང་ཏེའུ་གྲི་གུག་དང་། །དགྲ་སྟ་རྩེ་གསུམ་དེ་བཞིན་དུ། །ཁ་ཊྭཾ་ག་སྣོད་ཞགས་པ་དང་། །མགོ་སྟེ་གཡོན་དང་གཡས་པར་རོ། །ཤེས་རབ་རང་དང་འདྲ་བ་ལ། །འོན་
[6a.5]ཀྱང་བུད་མེད་མཚན་ཉིད་ལྡན། །དེ་ནས་དེ་ཉིད་ཀྱི་ཐུགས་ཀར་ཉི་མ་ལ་གནས་པའི་ཧཱུཾ་གི་ས་བོན་བལྟ་བར་བྱ་སྟེ་འདི་ནི་བསྙེན་པའོ། །དེ་ནས་ཡབ་ཀྱི་གསང་བའི་རྡོ་རྗེ་མི་དམིགས་པ་ལས་ཧཱུཾ་སྔོན་པོ་ལས་རྡོ་རྗེ་སྔོན་པོ་རྩེ་ལྔ་བའོ། །ཡི་གེ་བྱཾར་མར་སེར་ལས་ནོར་བུ་སྟེ་དེ་ཉིད་ཀྱིས་
[6a.6]བྱིན་གྱིས་བརླབས་པས། །བུ་གར་ཕཊ་སེར་པོ་མགོ་ཕྱིར་བསྟན་པའོ། །ཨཱཿདམར་པོའི་ས་ཡུཾ་གྱི་པདྨ་དམར་པོ་འདབ་མ་གསུམ་པ། །དྱཱཾ་དཀར་སེར་ལས་ཟེ་འབྲུ་དེ་ཉིད་ཀྱིས་མཚན་པ། བུ་གར་ཕཊ་སེར་པོ་མགོ་ཕྱིར་བསྟན་པའོ། །དེ་ནས་རིག་མ་ལ་རྡོ་རྗེ་ཕག་མོའི་སྙིང་པོ་དང་ཉེ་བའི་
[6a.7]སྙིང་པོ་དང་བཅོམ་ལྡན་འདས་ཀྱི་སྙིང་པོ་དང་ཉེ་བའི་སྙིང་པོ་རིམ་པ་ཇི་ལྟ་བུས་ལྟེ་བ་དང་སྙིང་ག་དང་མགྲིན་པ་དང་དཔྲལ་བར་བཀོད་དེ་ཙུ་མྦན་ཞེས་བྱའོ། །དེ་བཞིན་དུ་བཅོམ་ལྡན་འདས་མས་ཀྱང་། །དེ་ཉིད་ཀྱི་སྙིང་བོ་དང་ཉེ་བའི་སྙིང་བོ་མགྲིན་པ་དང་དཔྲལ་དང་དཔྲལ་བར་བཀོད་དེ་རང་ཉིད་ཀྱི་ལྟེ་བ་
[6b]
[6b.1]དང་སྙིང་གར་བཀོད་ལ་ཙུ་མྦན་ཞེས་བྱའོ། །དེ་ནས་ཡི་གེ་གསུམ་བརྗོད་ཅིང་དགའ་བ་བརྩམ་པར་བྱ་སྟེ། །སྙིང་གའི་ས་བོན་འོད་ཟེར་དང་རྡོ་རྗེ་དང་པདྨའི་དགའ་བའི་སྒྲས་ཕྱོགས་བཅུའི་དེ་བཞིན་གཤེགས་པ་ཐམས་ཅད་བསྐུལ་ཏེ། །ཞལ་དུ་ཞུགས་ནས་ལྷ་མོའི་པདྨར་བབས་
[6b.2]པ་དང་གཉིས་ཀ་བདེ་བ་ཆེན་པོ་ལྷན་ཅིག་སྐྱེས་པའི་ངོ་བོར་ཞུ་བར་གྱུར་པ་དངུལ་ཆུའི་རྡོག་མ་ལྟ་བུ་སྟེ་འདི་ནི་ཉེ་བའི་བསྙེན་པའོ། །དེ་ནས་བྱམས་པ་དང་སྙིང་རྗེ་དང་དགའ་བ་དང་བཏང་སྙོམས་ཀྱི་རང་བཞིན་མཁའ་འགྲོ་མ་ལ་སོགས་པའི་རྣལ་འབྱོར་མ་ཉི་ཤུ་རྩ་བཞི་ཐིག་ལེ་དེ་ཉིད་ལས་
[6b.3]འཐོན་ཏེ་རང་རང་གི་གནས་སུ་པདྨའི་འདབ་མ་རྣམས་ལ་འདུག་ནས་བསྐུལ་བར་མཛད་པ་སྟེ། དེ་ཡང་མཁའ་འགྲོ་མ་ལ་སོགས་པ་དྲུག་གིས་མགྲིན་གཅིག་ཏུ། །མངའ་བདག་ཉི་མ་རེ་རེར་འགྲོ་བ་མགྲོན་འབོད་ན། །ཁྱོད་ནི་ཅི་ཡི་ཕྱིར་ན་སྟོང་པ་ཉིད་དུ་བཞུགས། །བཞེངས་ཤིག་བཞེངས་
[6b.4]ཤིག་བདག་ནི་སྙིང་རྗེའི་རང་བཞིན་ཏེ། །རྡོ་རྗེ་འཛིན་པ་བདེ་ཆེན་བདག་ལ་འདོད་བ་མཛོད། །ལཱ་མ་ལ་སོགས་པ་རྣམས་ཀྱིས། །གསོན་ཅིག་གསོན་ཅིག་གཞན་གྱི་དགོས་པ་ནུབ། །འཇིག་རྟེན་ཕྱུགས་གང་ཤི་བ་བཞིན་དུ་གྱུར། །བདག་གི་པདྨ་རྒྱས་པ་ལ་འདོད་མཛོད། །དེ་ལྟར་
[6b.5]འཇིག་རྟེན་ཀུན་བདེར་གྱུར་པར་བྱོས། །ངུམ་སྐྱེས་མ་ལ་སོགས་པས། རྡོ་རྗེ་འཛིན་པ་བདག་ལ་རོལ་ཅིག་རོལ། །ལྷན་སྐྱེས་རང་བཞིན་བརྗོད་དུ་མེད་པ་འཐོབ། །སེམས་ཅན་འཇིག་རྟེན་གཞན་ནི་རྨོངས་གྱུར་པས། །ཇི་ལྟར་ཁྱོད་ནི་སྟོང་པ་དོན་མེད་གྱུར། །གཟུགས་ཅན་མ་ལ་སོགས་
[6b.6]བས་ཀྱང་། །ཁྱོད་ནི་ཆོས་རྣམས་ཀུན་གྱི་བྱེད་པ་སྟེ། །ཅི་ཕྱིར་ལྷན་སྐྱེས་རང་བཞིན་འགྲོ་མེད་བཞུགས། །བདག་ལ་མཆོག་གི་དོན་གྱིས་འདོད་པ་མཛོད། །ཇི་ལྟར་ཁྱོད་ནི་འཇིག་རྟེན་རྣམ་མཐུན་བཞུད། །དེ་ནས་དེ་རྣམས་ཐིག་ལེ་དེ་ཉིད་ལ་ཞུགས་པར་བལྟའོ། །དེ་ནས་ཐིག་ལེ་དེ་ཉིད་ཡོངས་
[6b.7]སུ་གྱུར་པ་ལས་ཧཱུཾ་གི་ཡི་གེ་སྔོན་པོའོ། །དེ་ལས་རྡོ་རྗེ་སྔོན་པོ་རྩེ་ལྔ་པ་ལྟེ་བར་ཧཱུཾ་ལྗང་སྔོན་དང་བཅས་བའོ། དེ་ཡོངས་སུ་གྱུར་པ་ལས་དཀྱིལ་འཁོར་བ་དང་བཅས་བསྐང་ཅིག་གིས་རྫོགས་པར་བལྟ་བ་ནི་གསང་སྔགས་འདི་འདོན་བཞིན་པའོ། །དེ་ཡང་། གླུ་འདིས་རྗེས་སུ་བསྐུལ་བ་ཡིས། །
[7a]
[7a.1]རང་ཉིད་ཧེ་རུ་ཀར་རབ་སད། །ཨོཾ་ཨཱཿ་ཀཱ་ཡ་བྡ་ཀྩ་ཏྟི་བཛྲ་ཧཱུཾ་ཕཊ་ཧོཿ། གསང་སྔགས་འདི་ནི་འདོན་བ་ན། །སྐད་ཅིག་རྣམ་པའི་རྣལ་འབྱོར་ལྡན། །སྐད་ཅིག་སྔགས་པས་བྱུང་བདག་ཉིད། །དཔའ་བོ་ཀུན་དང་རྣལ་འབྱོར་མའོ། །འཇིགས་བྱེད་མཆན་མོན་ག་མོ་
[7a.2]དང་། །ལྟེ་བ་ཉི་མ་མེ་མཆོག་ལ། གར་དུ་མཛད་པ་ཡི་ནི་སྐུ། །གནག་དང་ལྗང་གུ་ཕྱེད་ཕྱེད་དོ། །བདུན་ཅུ་རྩ་དྲུག་ཕྱག་དང་ནི། །ཞལ་བཅུ་བདུན་ལ་སྤྱན་གསུམ་པ། །དཔའ་བོ་རལ་པའི་ཅོད་པན་འཛིན། །སྣ་ཚོགས་རྡོ་རྗེ་ཟླ་ཕྱེད་ཅན། །མཆེ་བ་ཆེན་པོ་གཙིགས་པའི་ཞལ། །
[7a.3]གཡས་དང་གཡོན་པ་རྟག་ཏུ་ནི། །སེར་བ་དང་ནི་ལྗང་གུར་གྲགས། །ནུབ་ནི་དམར་པོ་དེ་བཞིན་ཏེ། །ལྷག་མའི་ཞལ་ནི་བུང་བ་མཚུངས། །མཆེ་བ་གཙིགས་པ་འཇིགས་པར་བྱེད། །རིམ་པ་ཇི་ལྟའི་མཚོན་ཆའི་ཚོགས། །གཡས་དང་གཡོན་པར་ཤེས་པར་བྱ། །གླང་ཆེན་
[7a.4]པགས་ཕྱག་གཉིས་ཀྱིས། །སྐྱེ་གནས་ཕྱག་རྒྱ་དེ་བཞིན་གཞན། །རྡོ་རྗེ་རལ་གྲི་མདུང་རིངས་དང་། །རྩེ་གསུམ་ཇི་ལྟའི་རིམ་པས་གཡས། །དགྲ་སྟ་གྲི་གུག་མདའ་དང་ནི། །གསལ་ཤིང་ཕུབ་དང་ཐོ་བ་དང་། །འཁོར་ལོ་ཅང་ཏེའུ་ཆུ་གྲི་དང་། །དབྱུག་ཏོ་དང་ནི་མཚོན་རྩེ་གཅིག །
[7a.5]དུང་དང་ཟངས་དུང་དབྱི་གུ་དང་། །རྨ་བྱའི་མཇུག་མ་དེ་བཞིན་དུ། །བྱ་རོག་སྒྲོ་དང་པིར་དང་ནི། །མེ་ཡི་ཐབ་དང་རི་བོ་དང་། །དབྱིག་པ་མེ་ལོང་པི་ཝང་དང་། །རྐང་མགོ་ལག་པ་གློ་བ་དང་། །རྒྱུ་མ་སྒྲ་གཅན་ལྕགས་སྒྲོག་དང་། །གདོས་དང་དུམ་བུས་ཉ་རྒྱ། །མགོ་མེད་འབར་བའི་
[7a.6]མར་ནག་དང་། །འཇིགས་བྱེད་གཟུགས་ཏེ་རིམ་པས་སོ། །གཡོན་པར་དྲིལ་བུ་ཕུབ་རིངས་མཆེ། །གཏུན་ཤིང་ཞགས་པ་ཐོད་པ་དང་། །གཞུ་དང་ཁ་ཊྭཾ་ག་པུ་སྟེ། །ཕུབ་ཆུང་ཡུ་ཅན་སྡིགས་མཛུབ་དང་། །གཡེང་ཀའི་ཕྲེང་དང་ལྕགས་སྒྲོག་དང་། །བྲག་དང་དུར་ཁྲོད་རྡུལ་དང་ནི། །
[7a.7]བྷོ་ཀམ་རྔ་དང་ལྦགས་རློན་དང་། །སྐྲ་ཡི་ཐག་པ་འཕྱང་བ་དང་། །རོ་བསྲེག་བསྐུལ་བའི་ཤིང་བུ་དང་། །འཕངས་དང་ཕུབ་རིངས་མགོ་བོ་དང་། །ཀེང་རུས་ཟོར་བ་དེ་བཞིན་དུ། །མིག་དང་མཁའ་མ་གཉེ་མ་དང་། །སྤེན་པ་དང་ནི་ཕུར་བུ་དང་། །ས་བོན་གང་བ་སོག་ལེ་དང་། །ཁ་དང་སླུད་
[7b]
[7b.1]བཤུས་པགས་པ་དང་། །སྤྲིན་ཆར་འབབ་དང་ཤིང་ལྕགས་ཀྱུ། །ཕྱག་གི་མཚོན་ཆ་བདུན་ཅུ་གཉིས། །དེ་ལྟའི་རིམ་པས་ཤེས་པར་བྱ། །མགོ་བོ་ལྔ་ཡིས་རྒྱན་དུ་བྱས། །མགོ་བོ་ལྔ་ཡིས་རྒྱན་དུ་བྱས། །ཕྱག་རྒྱ་དྲུག་དང་ལྡན་པས་ཀླུབས། །དེ་བཞིན་མགོ་བརྒྱའི་ཕྲེང་བ་དང་། །དབུ་བརྒྱན་ཞབས་གདུབ་སྒྲ་སྒྲོགས་
[7b.2]དང་། །སྐུ་ལ་བ་སྤུའི་ཕྲེང་བ་ལྡན། །སྐུ་ཡི་ཚིགས་རྣམས་ཐམས་ཅད་ལ། །ཤེས་རབ་ཐབས་ཀྱི་བདེ་བས་བརླན། །སྣ་ཚོགས་ཧེ་རུ་ཀ་འབར་བས། །རྣམ་པར་འཕྲོས་བཅས་རྣམ་བསྒོམ་བྱ། །དབུ་རྣམས་ཀུན་ལ་དར་དཔྱངས་ཀྱི། །ཕྲེང་བ་བརྟུལ་ཞུགས་ཙན་གྱི་བྱ། ། ཞེས་བྱ་བ་
[7b.3]ནི་གཙོ་བོ་སྒོམ་པ་སྟེ་འདི་ནི་བསྒྲུབ་པའོ།། །།དེ་ཡི་མདུན་དུ་ལྷ་མོ་ཆེ། །རྡོ་རྗེ་ཕག་མོ་མདོག་དམར་མོ། །ཞལ་གཅིག་ཕྱག་ནི་གཉིས་མ་སྟེ། །གཡས་པས་རྡོ་རྗེ་གྲི་གུག་དང་། སྡིགས་མཛུབ་ཕྱོགས་རྣམས་ཀུན་དུ་མཛད། །གཡོན་པས་གདུག་པའི་ཁྲག་བཀང་
[7b.4]བའི། །ཐོད་བཅས་ཡབ་ཀྱི་མགུལ་ནས་འཁྱུད། གཅེར་བུ་སྤྱན་གསུམ་སྐྲ་གྲོལ་མ། །སྤྱན་གསུམ་དྲག་མོའི་གཟུགས་ཅན་མ། །ཞལ་གྱི་མཆེ་བ་གཙིགས་མ་སྟེ། །མགོ་བོའི་ཕྲེང་བ་འཛིན་པ་མོ། །སྒེག་པའི་རྒྱན་རྣམས་དང་ནི་ལྡན། །དབུ་ལ་ཐོད་པའི་ཕྲེང་བ་ཅན། །ཡན་
[7b.5]ལག་ལྷ་རྫས་དྲིས་ཉེར་བྱུགས། །ཞབས་གདུབ་དཔུང་རྒྱན་རྣམས་དང་ལྡན། །ལྷ་རྫས་མེ་ཏོག་ཕྲེང་བས་ཀླུབས། །རྩེ་ཕྲན་ཟླར་གནས་རྡོ་རྗེ་ནི། །དཔྲལ་བར་རྟག་ཏུ་འཛིན་པ་མོ། །སྐུ་ལ་ཕྱག་རྒྱ་ལྔ་ལ་སོགས། །འཇིག་དུས་མེ་ལྷའི་འོད་ཟེར་ཅན། །རྣལ་འབྱོར་མ་ཡི་ཚོགས་
[7b.6]མདུན་དུ། །སྐུ་ལས་འབར་བའི་ཕྲེང་བ་སྤྲོ། །ཞེས་བྱ་བ་ནི་ཡུམ་བསྒོམ་པ་སྟེ། །སྒྲུབ་པ་ཆེན་པོའོ། །དང་པོ་གནས་དང་། །བདག་དང་རྣལ་འབྱོར་བསྲུང་བ་ལ་སོགས་པ་ནས་འདི་དག་གི་བར་དུ་ནི། །དང་པོ་སྦྱོར་བ་ཞེས་བྱ་བའི་ཏིང་ངེ་འཛིན་ལུས་ཀྱི་རང་བཞིན་ཅན་ནོ། །པདྨའི་
[7b.7]འདབ་མ་ཤར་སོགས་ཀྱི། །བར་བར་དུ་མི་རྣལ་འབྱོར་མ། །ཉི་ཤུ་རྩ་བཞིའི་གྲངས་ཉིད་ནི། །མཁའ་འགྲོ་མ་སོགས་དྲུག་དྲུག་གོ། །ཤར་ལ་སོགས་ནས་བྱང་གི་མཐར། །མཁའ་འགྲོ་མ་སོགས་དྲུག་དེ་བཞིན། །དང་པོ་བྱང་ནས་ནུབ་ཀྱི་མཐར། །སླར་ཡང་ལཱ་མ་ལ་
[8a]
[8a.1]སོགས་དྲུག། །ནུབ་ལ་སོགས་ནས་ལྷོ་ཡི་མཐར། །དུམ་སྐྱེས་མ་ལ་སོགས་པའི་རིགས། །དང་པོ་ལྷོ་ནས་ཤར་གྱི་མཐའ། །དེ་ནས་གཟུགས་ཅན་མ་སོགས་དྲུག། །མཁའ་འགྲོ་མ་དང་གཟུགས་ཅན་ཉིད། །འོ་བྱེད་མ་དང་གཞན་བསྒྱུར་མ། །བྱིས་བཅས་
[8a.2]མ་དང་རྗེས་འཇུག་མ། །ཕྱེད་ནག་ཕྱེད་སྔོ་ཅན་རྣམས་སོ། །ལཱ་མ་རྣལ་འབྱོར་དབང་ཕྱུག་དང་། །བཟང་མོ་ཐོད་པ་ཅན་ནག་མོ། །རྒྱལ་པོ་བསྐོར་མ་ཕྱེད་ལྗང་གུ། །གང་ཕྱིར་ཕྱེད་དམར་རིམ་པས་སོ། །དུམ་སྐྱེས་མ་དང་དུར་ཁྲོད་མ། །རྣམ་པར་ཞུ་མ་ཀུ་རུ་ཀུལ། །གླུ་མ་གར་མར་
[8a.3]གྲགས་མ་རྣམས། །ཕྱེད་དམར་བ་ལ་ཕྱེད་སེར་མོ། །གཟུགས་ཅན་འཇིགས་བྱེད་གཙུག་ཕུད་མ། །ཐོར་ཚུགས་རལ་པ་ཅན་དྲག་མོ། །ལྷ་མོ་ཕྱེད་སེར་ཕྱེད་ནག་མོ། །ཕྱག་མཚན་ལ་སོགས་ཕག་མོ་བཞིན། །མཚམས་ཀྱི་འདབ་མ་རྣམས་ལ་ནི། །བདུད་རྩི་ལྔ་ཡི་སྣོད་རྣམས་
[8a.4]སོ། །གཡས་བརྐྱང་ཞབས་ཀྱིས་དེ་བཞིན་དུ། །ཐོད་པའི་ཕྲེང་བ་སོགས་འཛིན་མ། །གཡོན་སྐོར་དུ་ནི་ཤེས་བྱ་སྟེ། །རི་རབ་སྟེང་གི་ཆར་སྐྱེས་མའོ། །འདི་ནི་ཐིག་ལེའི་འཁོར་ལོ་ཞེས་བྱའོ།། །།དེའི་རྒྱབ་རྡོ་རྗེའི་འཁོར་ལོ་ནི། །སྔོ་ནག་འཁོར་ལོའི་རྩིབས་རྣམས་
[8a.5]ཀྱིས། །གཡོན་སྐོར་རིམ་པས་བསམ་བྱ་བ། །ཤེས་རབ་ཐབས་དང་མཉམ་སྦྱོར་བའོ། །དེ་དག་ཀྱང་མཁའ་འགྲོ་མ་དང་རྡོ་རྗེ་མཁའ་འགྲོའོ། །ལཱ་མ་དང་སྣ་ཚོགས་མཁའ་འགྲོའོ། །དུམ་སྐྱེས་མ་དང་པདྨ་མཁའ་འགྲོའོ། །གཟུགས་ཅན་མ་དང་རིན་ཆེན་མཁའ་
[8a.6]འགྲོའོ། །རབ་ཏུ་གཏུམ་མོ་དང་ཐོད་པའི་དུམ་བུ་ཅན་ནོ། །གཏུམ་པའི་མིག་ཅན་མ་དང་ཀེང་རུས་ཆེན་པོའོ། །འོད་ལྡན་མ་དང་ཀེང་རུས་སོ། །སྣ་ཆེན་མོ་དང་མཆེ་བ་རྣམ་པར་གཙིགས་པའོ། །དཔའ་བའི་བློ་གྲོས་མ་དང་དགྲའི་ལྷའོ། །མིའུ་ཐུང་མ་དང་འོད་དཔག་ཏུ་མེད་པའོ། །
[8a.7]ལང་ཀའི་དབང་ཕྱུག་མ་དང་རྡོ་རྗེ་འོད་དོ། །ཤིང་གྲིབ་མ་དང་རྡོ་རྗེའི་སྐུའོ། །ས་སྲུང་མ་དང་མྱུ་གུ་ཅན་ནོ། །འཇིགས་བྱེད་ཆེན་མོ་དང་། །རྡོ་རྗེ་རལ་པ་ཅན་ནོ། །རླུང་གི་ཤུགས་ཅན་མ་དང་དཔའ་བོ་ཆེན་མོའོ། །ཆར་ཟམ་དང་རྡོ་རྗེ་ཧཱུཾ་མཛད་དོ། །སྔོ་བསངས་ལྷ་མོ་དང་ཤིན་ཏུ་བཟང་
[8b]
[8b.1]བོའོ། །རབ་ཏུ་བཟང་མོ་དང་རྡོ་རྗེ་བཟང་པོའོ། །རྟ་རྣམ་དང་འཇིགས་བྱེད་ཆེན་པོའོ། །བྱ་གདོང་མ་དང་མིག་མི་བཟང་ངོ་། །འཁོར་ལོའི་ཤུགས་ཅན་མ་དང་སྟོབས་པོ་ཆེའོ། །རུམ་སྐྱེས་མ་དང་རིན་ཆེན་རྡོ་རྗེའོ། །ཆང་འཚོང་མ་དང་རྟ་མགྲིན་ནོ། །འཁོར་ལོའི་གོ་ཆ་མ་དང་ནམ་མཁའི་
[8b.2]སྙིང་བོའོ། །ཤིན་ཏུ་དཔའ་མོ་དང་ཧེ་རུ་ཀའོ། །སྟོབས་ཆེན་མ་དང་པདྨ་གར་གྱི་དབང་ཕྱུག་གོ། །འཁོར་ལོས་སྒྱུར་མ་དང་རྣམ་པར་སྣང་མཛད་དོ། །བརྩོན་འགྲུས་ཆེན་མོ་དང་རྡོ་རྗེ་སེམས་དཔའོ། །གཤིན་རྗེ་མོའི་བུ་མོ་དང་སྟོབས་པོ་ཆེའོ། །གཤིན་རྗེ་མ་དང་ཡེ་ཤེས་མཁའ་འགྲོའོ། །
[8b.3]གཡོ་བྱེད་མ་དང་བློ་བརྟན་མའོ། །སྐྲག་བྱེད་མ་དང་བརྟན་པའོ། །གཏུམ་མོ་དང་ཐར་པའོ། །དབྱངས་ཅན་མ་དང་ཡེ་ཤེས་སོ། །འདོད་གྲུབ་མ་དང་ཐབས་སོ། །འབར་བ་ཆེན་མོ་དང་ཐུགས་ཀྱི་རྡོ་རྗེ་སྟེ། །ཁ་དོག་འཁོར་ལོ་ཇི་ལྟ་བའོ། །ཕྱག་བཞི་མ་ལ་ཞལ་གཅིག་མ། །ཐོད་
[8b.4]པ་དང་ནི་ཁ་ཊྭཱཾ་འཛིན། །ཅང་ཏེའུ་གྲི་གུག་དེ་བཞིན་ནོ། །སྐྲ་གྲོལ་ཕྱོགས་ཀྱི་གོས་ཅན་མ། །སྐུ་ལ་ཕྱག་རྒྱ་ལྔ་སོགས་ཏེ། །རྡོ་རྗེ་ཕྲེང་བས་རྣམ་པར་བརྒྱན། །ཡི་དགས་གདན་ཅན་དྲག་ཆེན་མོ། །འཁོར་ལོ་ཀུན་གྱི་རྣལ་འབྱོར་མ། །སྣ་ཚོགས་རྒྱན་དང་ལྡན་པ་དང་། །དེ་བཞིན་
[8b.5]ཤེས་རབ་ཐབས་ལྡན་པའོ། །ཐབས་རྣམས་དཔའ་བོའི་རྒྱན་ལྡན་ཞིང་། །དཔའ་མོའི་བ་དན་གནས་པའོ། །ལྷག་མའི་མིང་ནི་དཔའ་མོ་བཞིན། །སྐྱེས་བུའི་རྟགས་རྣམས་སུ་བྱའོ། །འཁོར་ལོ་བཅུ་གཅིག་རྣམས་ཀྱིས་ནི། །སྒོ་ལ་སོགས་པའི་ཡང་དེ་བཞིན་ནོ། །སྙིང་བོའི་
[8b.6]པདྨའི་ལྷ་མོ་རྣམས། །གཙོ་བོས་བདག་པོ་བཞིན་དུ་བྱ། །འོན་ཀྱང་བདག་པོ་སོགས་འཁོར་ལོར། །ཇི་ལྟར་བསྐལ་བཟང་རྒྱལ་བ་ནི། །བཞི་ཡིས་དམན་པའི་སྟོང་ཕྲག་གཅིག །དེ་རྣམས་ཐམས་ཅད་རྣམ་བསྒོམ་བྱ། །མཚན་ནི་ཡོན་ཏན་དབྱེ་བས་ཕྱེ། །སྤྲུལ་པའི་སྐུ་ཅན་
[8b.7]བདག་ཉིད་དོ། །གང་ཞིག་གང་གི་འཁོར་ལོ་ཡི། །རྣལ་འབྱོར་མ་ནི་ཐོག་མར་བྱུང་། །དེ་ཡི་བཅུ་གཉིས་ཤེས་པར་བྱ། །ཀུན་སྤྱོད་གནས་དང་ཉེ་གནས་མའོ། །ལྷག་མ་ས་ནི་བཅུ་གསུམ་པ། །སྒོ་དང་གྲྭ་ལ་གནས་མའོ། །མཆོད་དང་བསྟོད་སོགས་དུས་སུ་ནི། །ཐོག་མར་རྡོ་རྗེའི་མིང་
[9a]
[9a.1]ཤེས་བྱ། །དཔའ་པོ་རྣམས་ལའང་དེ་བཞིན་ནོ། །དེ་ལྟར་གཟུགས་མེད་ཁམས་དང་ནི། །དེ་ཡང་གནས་སུ་ངེས་པར་བརྗོད། །རབ་ཏུ་དགའ་བའི་སར་གྲགས་པའོ། །སླར་ཡང་གནས་དང་ཉེ་གནས་སོགས། །དེ་ལྟར་ས་ཡི་དབུས་སུ་ཡང་། །ས་བཅུ་གཉིས་
[9a.2]སུ་འདོད་པ་ཡིན། །དེ་ལྟར་ཐམས་ཅད་དུ་ཤེས་བྱ། །ཁམས་གཅིག་འདིར་ནི་ཐམས་ཅད་མེད། །སུམ་ཅུ་རྩ་དྲུག་བཤད་པ་རྣམས། །གཙོ་བོ་ཡོན་ཏན་ཀུན་རང་བཞིན། །དེ་ལྟར་ཁམས་ནི་དཔའ་བོ་དང་། །རྣལ་འབྱོར་མ་ཡི་རང་བཞིན་ཅན། །ཁོར་ཡུག་ཏུ་ནི་སེམས་ཅན་
[9a.3]རྣམས། །རྫུས་སྐྱེས་རིགས་ཀྱི་རིམ་པས་སོ། །དེ་ཡང་སུམ་ཅུ་རྩ་དྲུག་གི །ཡུལ་དང་ཡུལ་རིམ་པས་ཕྱེ་བའོ། །ཞེས་བྱ་བ་ནི་རྡོ་རྗེའི་འཁོར་ལོའོ། །དེ་ནས་དེ་ཡི་ཕྱི་རོལ་འཆད། །སླར་ཡང་སྙིང་པོའི་འཁོར་ལོ་འདི། །དམར་སེར་ཁ་དོག་ལ་དེ་བཞིན། །འཁོར་ལོའི་
[9a.4]རྩིབས་ཀྱི་དབུས་སུ་ནི། །རྡོ་རྗེ་འཆང་མ་མི་བསྐྱོད་མ། །རྣམ་སྣང་རིན་ཆེན་དབང་མོ་དང་། །པདྨ་གར་དབང་དོན་ཡོད་མ། །སྤྱན་མ་དང་ནི་མཱ་མ་ཀཱི། །གོས་དཀར་སྒྲོལ་མ་གཟུགས་རྡོ་རྗེ། །སྒྲ་དང་དྲི་དང་རོ་དེ་བཞིན། །རེག་དང་ཆོས་དབྱིངས་རྡོ་རྗེ་མ། །ས་སྙིང་མ་དང་མཁའ་
[9a.5]སྙིང་མོ། །ཕྱག་མ་འཇིག་རྟེན་མགོན་པོ་མ། །སྒྲིབ་ཀུན་སེལ་མ་ཀུན་བཟང་མོ། །རིན་ཆེན་སྒྲོལ་མ་བདག་མེད་མ། །ཁྲོ་གཉེར་རི་ཁྲོད་ལོ་མ་ཅན། །གཤིན་མཐར་བྱེད་མ་ཤེས་མཐའ་མ། །པད་མཐའ་མ་བགེགས་མཐར་བྱེད་མ། །མི་གཡོམ་དང་དབྱུག་སྔོན་མ། །འདོད་
[9a.6]རྒྱལ་མོ་དང་སྟོབས་ཆེན་མོ། །གཙུག་ཏོར་མ་དང་གནོད་མཛེས་མ། །ཁ་དོག་འཁོར་ལོ་ཇི་བཞིན་ཏེ། །ཞལ་ལ་སོགས་པའི་མཚན་ཉིད་ཀུན། །ལྷག་མ་རྡོ་རྗེའི་འཁོར་ལོ་བཞིན། །ཉེ་བའི་གནས་སུ་ལྷ་མོ་རྣམས། །རང་འདྲའི་ཐབས་དང་བསམ་པར་བྱ། །གཡས་བརྐྱང་
[9a.7]བ་ཡི་ཞབས་ཀྱིས་ཀྱང་། །གཟུགས་ཀྱེ་ཁམས་དང་ས་དྲི་མེད། །ཟླ་བའི་གླིང་དུ་འདོད་པ་ཡིན། །ཞེས་བྱ་བ་ནི་སྙིང་པོའི་འཁོར་ལོ་སྟེ་གཉིས་པའོ།། །།དེ་ནས་དེའི་རྒྱབ་ཡོན་ཏན་ཀུན། །ཞེས་བྱའི་འཁོར་ལོ་དཀར་དམར་བ། །རྡོ་རྗེའི་རྩིབས་ཀྱི་དབུས་སྦྱིན་པ། །ཕོ་ཉ་མ་
[9b]
[9b.1]མཆོག་སུམ་ཅུ་དྲུག །བྲམ་ཟེ་རྒྱལ་རིགས་རྗེའུ་རིགས་མོ། །དམངས་མོ་གཏུམ་མོ་ཁྱི་འཚོད་མ། །གཡུང་མོ་གར་མ་ཐོད་པ་ཅན། །ཉ་བ་མོ་དང་སྨྱིག་གར་མ། དུང་མཁན་མ་དང་ཐ་ག་མོ། །ཁུར་བ་མཁན་མོ་ཤིང་བཟོ་མ། །ཕྲེང་བ་ཁྲ་བ་ཚོས་མ་དང་། །སྲིན་བལ་བྱེད་
[9b.2]མ་ཕོ་ཉ་མོ། །རུས་བཟོ་མ་དང་རྩིས་མཁན་མ། །ཆང་འཚོང་ལྡུམ་རའི་གཉེར་པ་མོ། །རྒྱལ་པོས་བཀྲབས་མ་ཤན་པ་མོ། །སོ་རྩི་འཚོང་བར་བྱེད་མ་དང་། གསེར་མ་གང་མོ་དང་ལྕགས་མགར་མོ། །ནོར་བུ་བརྒྱུད་མ་ནགས་པ་མོ། །ཀླ་ཀློ་ཨོ་ཌི་ཚོང་པ་མོ། །རྡོ་བཟོ་མ་དང་ཞིང་
[9b.3]ལས་མ། །ཀོ་ལྤགས་མོ་སྟེ་རྣལ་འབྱོར་མ། །འདི་རྣམས་འཁོར་ལོའི་ཁ་དོག་གོ། །ལྷག་མ་ཐམས་ཅད་སྙིང་པོ་ཡི། །འཁོར་ལོ་ཇི་བཞིན་ཤེས་པར་བྱ། །འདིར་ནི་ཞིག་དུ་ཤེས་བྱ་སྟེ། །འདོད་ཁམས་རིགས་ཀུན་བདག་ཉིད་དང་། །དཀར་པོའི་གླིང་ཞེས་བྱ་བར་བཤད། །
[9b.4]རང་གི་ཤེས་རབ་ཐབས་བདག་ཉིད། །འོད་བྱེད་པ་ཡིས་དེ་བཞིན། །དེ་ཡི་ཕྱི་རོལ་ཁྱམས་རྣམས་ལ། །བསྐལ་པ་བཟང་པོའི་སངས་རྒྱས་རྣམས། །སྟོང་དུ་བཞི་ཡིས་ཉུང་བ་སྟེ། །དཀྱིལ་འཁོར་རིམ་པ་བཞི་པོ་ལ། །ཉིས་བརྒྱ་བཞི་བཅུ་རྩ་དགུ་དགུ། བསྐལ་པ་བཟང་པོའི་
[9b.5]མདོ་ཉིད་ན། །སྟོང་ཚང་བར་བཞུགས་ཏེ། །འཁོར་བ་འཇིག་དང་གསེར་ཐུབ་དང་། །འོད་སྲུངས་རྣམས་ནི་སྔར་གཤེགས་པས་འཁོར་དུ་མི་འོས་བའི་ཕྱིར་དང་། །ཤཱཀྱ་ཐུབ་པ་ནི་མཁའ་འགྲོ་རྒྱ་མཚོ་རང་ཉིད་ཡིན་པའི་ཕྱིར། །བཞི་པོ་མ་གཏོགས་པའོ། །ལྷའི་སྣམ་བུའི་ཤར་
[9b.6]ནས་གཡོན་སྐོར་དུ་རིམ་པས་ཐམས་ཅད་ཀྱང་པདྨ་དང་ཟླ་བ་ལ་བཞུགས་པ་དཀའ་ཐུབ་ཀྱི་ཆ་བྱད་ཅན་སྐུ་མདོག་སྣ་ཚོགས་པ་རྣམས་ཏེ། དེ་ཡང་མཆོག་ཏུ་དགའ་བའི་རྒྱལ་པོ། །བྱམ་པ་དང་། སེང་གེ་དང་། རབ་གསལ་དང་། ཐུབ་པ་དང་། མེ་ཏོག་དང་། མེ་ཏོག་
[9b.7]གཉིས་པ་དང་། སྤྱན་ལེགས་དང་། དེད་དཔོན་དང་། ལག་ཆེན་དང་། སྟོབས་ཆེན་དང་། རྒྱུ་དཀར་རྒྱལ་པོ་དང་། རྩི་སྨན་དང་། སྙན་པའི་ཏོག་ང་། འོད་ཆེན་དང་། གྲོལ་བའི་ཕུང་པོ་དང་། རྣམ་པར་སྣང་མཛད་དང་། ཉི་མའི་སྙིང་པོ་དང་། ཟླ་བ་དང་། འོད་འཕྲོ་དང་།
[10a]
[10a.1]འོད་བཟངས་དང་། མྱ་ངན་མེད་དང་། སྐར་རྒྱལ་དང་། རབ་གསལ་དང་། ཕྲེང་ཐོགས་དང་། ཡོན་ཏན་འོད་དང་། དོན་གཟིགས་དང་། མར་མེ་དང་། མཐུ་ལྡན་དང་། སྨན་པ་དང་། དེས་པ་དང་། མཛོད་སྤུ་དང་། བརྟན་ལྡན་དང་། ལྷའི་དཔལ་
[10a.2]དང་། གདུལ་དཀའ་དང་། ཡོན་ཏན་རྒྱལ་མཚན་དང་། སྒྲ་གཅན་དང་། ཚོགས་ལྡན་དང་། ཚངས་པའི་དབྱངས་དང་། ཚིག་ལྡན་དང་། མི་འགྱིད་པ་དང་། འོད་མཛད་དང་། ལྷུན་ཆེན་དང་། རྡོ་རྗེ་དང་། སྡོམ་པ་ཅན་དང་། མི་སྙེམས་པ་དང་། རིན་པོ་ཆེ་དང་།
[10a.3]པདྨའི་སྤྱན་དང་། སྟོབས་ཀྱི་སྡེ་དང་། མེ་ཏོག་འོད་ཟེར་དང་། ཡེ་ཤེས་དགྱེས་དང་། གཟི་ཆེན་དང་། ཚངས་པ་དང་། འོད་དཔག་མེད་དང་། ཀླུ་སྦྱིན་དང་། བརྟན་གཤེགས་དང་། དོན་ཡོད་མཐོང་དང་། བརྩོན་འགྲུས་སྦྱིན་དང་། བཟང་སྐྱོང་དང་། དགའ་བོ་དང་།
[10a.4]འཆི་མེད་དང་། སེང་གེ་རྒྱལ་མཚན་དང་། རྒྱལ་བ་དང་། ཆོས་ལྡན་དང་། མཆོག་ཏུ་དགའ་བའི་རྒྱལ་པོ་དང་། ཁ་ལོ་སྒྱུར་དང་། དགྱེས་གཤེགས་དང་། ཆུ་ལྷ་དང་། ཡོན་ཏན་ལག་དང་། སྤོས་ཀྱི་གླང་པོ་དང་། རྣམ་པར་གཟིགས་དང་། འབྲུག་སྒྲ་དང་། ལེགས་
[10a.5]སེམས་དང་། ཡིད་བཟངས་དང་། དྲི་མེད་དང་། ཟླ་བ་དང་། གྲགས་ཆེན་དང་། གཙུག་ན་ནོར་བུ་དང་། དྲག་ཤུལ་དང་། སེང་གེའི་སྟབས་དང་། ལྗོན་པ་དང་། རྣམ་པར་རྒྱལ་བ་ཆེན་པོ་དང་། ཤེས་རབ་བརྩེགས་པ་དང་། ལེགས་གནས་དང་། བློ་གྲོས་དང་། ཡན་
[10a.6]ལག་སྐྱེས་དང་། བློ་མཐའ་ཡས་དང་། གཟུགས་བཟང་དང་། མཁྱེན་ལྡན་དང་། འོད་ཟེར་དང་། བརྟུལ་ཞུགས་བརྟན་དང་། བཀྲ་ཤིས་དང་། བདེན་པའི་ཏོག་དང་། པདྨ་དང་། སྲེད་མེད་ཀྱི་བུ་དང་། ལག་བཟངས་དང་། ཡེ་ཤེས་འབྱུང་གནས་དང་། ཡོན་ཏན་
[10a.7]འོད་འཕྲོ་དང་། ཚངས་སྦྱིན་དང་། རིན་ཆེན་འབྱུང་གནས་དང་། ལྷའི་མེ་ཏོག་དང་། དོན་ལེགས་སེམས་པ་དང་། ཆོས་ཀྱི་དབང་ཕྱུག་དང་། བློ་གྲོས་གྲགས་པ་དང་། སྤོབས་པ་བརྩེགས་དང་། རྡོ་རྗེ་རྒྱལ་མཚན་དང་། ཕན་པར་བཞེད་པ་དང་། རྣམ་པར་རོལ་པར་
[10b]
[10b.1]ལྡན་པ་དང་། མུན་པ་དང་བྲལ་བ་དང་། སྒྲ་གཅན་ལྷ་དང་། རི་བོའི་རྒྱལ་མཚན་དང་། ཚོགས་ཆེན་འོད་དང་། རིན་ཆེན་སྙིང་པོ་དང་། ཤིན་ཏུ་མཐོར་གཤེགས་དང་། སྐར་རྒྱལ་དང་། རུ་རིངས་དང་། ཡོན་ཏན་གྲགས་དང་། འོད་ལྡན་ཉི་ཟླ་དང་། ཉི་མའི་འོད་དང་། སྐར་
[10b.2]མཁན་དང་། སེང་གེ་ཏོག་དང་། དུས་མཁྱེན་རྒྱལ་པོ་དང་། དཔལ་གྱི་སྙིང་པོ་དང་། སྲིད་མཐར་གཟིགས་པ་དང་། གློག་གི་འོད་དང་། གསེར་གྱི་རི་བོ་དང་། སེང་གེས་བྱིན་པ་དང་། གཞན་གྱིས་མི་ཐུབ་པའི་རྒྱལ་མཚན་དང་། མཆོག་དགའ་གྲགས་པ་དང་། བརྩོན་
[10b.3]འགྲུས་བརྟན་པ་དང་། གྲགས་རྫོགས་དང་། བསྙེངས་པ་བྲལ་བ། མཆོད་འོས་ལྷ་དང་། སྒྲོན་མཆན་པོ་དང་། འཇིག་རྟེན་འོད་དང་། སྤོས་དྲི་ཞིམ་པ་དང་། ཡོན་མཆོག་འཛིན་དང་། མུན་པ་དང་བྲལ་བ་དང་། སེང་གེའི་འགྲམ་པ་དང་། རིན་ཆེན་གྲགས་པ་
[10b.4]དང་། སྐྱོན་རབ་ཏུ་ཞི་བ་དང་། བདུད་རྩི་འཆང་དང་། མིའི་ཟླ་བ་དང་། ཤིན་ཏུ་གཟིགས་དང་། རབ་ཏུ་བརྒྱན་པ་དང་། ནོར་བུའི་འོད་དང་། རི་བོ་བརྩེགས་པའི་ཏོག་དང་། དོན་ངེས་ལྡན་དང་། ཚེ་སྦྱིན་དང་། རིན་ཆེན་འབྱུང་གནས་དང་། སྐྱེ་དབང་མཚུངས་དང་།
[10b.5]སྟོབས་ཀྱིས་གཤེགས་པ་དང་། བློ་གནས་པ་དང་། གདུགས་མཛེས་དང་། གཙོ་བོ་དང་། ཤིན་ཏུ་འཕགས་པ་དཔལ་དང་། སེང་གེའི་སྒྲ་དང་། རྣམ་པར་རོལ་ལྡན་དང་། ཀླུའི་འོད་དང་། མེ་ཏོག་གི་རི་བོ་དང་། ཀླུ་དགའ་དང་། སྤོས་ཀྱི་དབང་ཕྱུག་དང་། ཤིན་ཏུ་གྲགས་པ་
[10b.6]དང་། སྟོབས་ལྷ་དང་། ཡོན་ཏན་ཕྲེང་བར་ལྡན་པ་དང་། ཀླུའི་ལག་པ་དང་། མིག་བརྒྱན་པ་དང་། ལེགས་པར་སྦྱངས་པའི་བློ་དང་། ཟིལ་གྱིས་གནོན་པའི་ཡེ་ཤེས་དང་། མཐའ་ཡས་སྤྱན་དང་། བདེན་པར་གསུང་བ་དང་། ཉི་མའི་འོད་དང་། དེས་པའི་བློ་དང་། མཐའ་
[10b.7]ཡས་པའི་གཟུགས་དང་། རྣམ་པར་སྣང་མཛད་དང་། རིན་ཆེན་ཏོག་དང་། ཐེ་ཚོམ་སྤངས་པ་དང་། འཇིག་རྟེན་ལས་འདས་པ་དང་། དོན་ཡོད་རྣམ་པར་གནོན་པ་དང་། རྟོགས་མཛད་དང་། མེ་ཏོག་རྒྱལ་མཚན་དང་། རི་དབང་རྒྱལ་པོ་དང་། གཟི་བརྗིད་ཆེ་དང་། དོན་མཛད་
[11a]
[11a.1]གཟིགས་དང་། གྲགས་པ་མཐའ་ཡས་དང་། རིན་ཆེན་ལྷ་དང་། དོན་གནས་མཁྱེན་དང་། དམན་མིན་གྲགས་པ་དང་། མྱ་ངན་མེད་པ་དང་། དྲི་མ་བྲལ་བ་དང་། ཚངས་ལྷ་དང་། སའི་དབང་ཕྱུག་དང་། མེ་ཏོག་སྤྱན་དང་། རྣམ་པར་འགྱེས་པའི་སྐུ་
[11a.2]དང་། ཆོས་ཀྱི་འོད་དང་། ཀུན་རྣམ་གཟིགས་དང་། ཡོན་ཏན་འོད་གསལ་དང་། ཟླ་བའི་ཞལ་དང་། རིན་ཆེན་འོད་དང་། རིན་ཆེན་ཏོག་དང་། གྲགས་པའི་བླ་མ་དང་། འོད་བྱེད་དང་། གཟི་བརྗིད་དཔག་མེད་དང་། དུས་མཁྱེན་དང་། སེང་གེའི་སྐུ་དང་། མཁས་བློ་
[11a.3]དང་། རྒྱལ་བར་དཀའ་དང་། ཡོན་ཏན་ཕུང་པོ་དང་། ཟླ་བའི་ཏོག་དང་། མཐུ་ཐོབ་པ་དང་། མཐུ་རྩལ་མཐའ་ཡས་དང་། ཟླ་བ་དང་། དྲི་མ་མེད་པ་དང་། དོན་རྣམས་ཐམས་ཅད་གཟིགས་པ་དང་། དཔའ་བོ་དང་། འབྱོར་པར་ལྡན་པ་དང་། བསོད་ནམས་དང་། སྒྲོན་
[11a.4]མ་དང་། ཡོན་ཏན་འཕྲོ་དང་། བློ་ཡངས་པ་དང་། ལེགས་སྐྱེས་དང་། ནོར་ལྷ་དང་། ཡིད་གཉིས་སྤོང་བ་དང་། འཛིན་པ་དཔག་མེད་དང་། མཆོག་སྲེད་དང་། ཆོམས་མེད་དང་། མི་གནས་པ་དང་། བདེར་གནས་དང་། ཚོགས་ཅན་གཙོ་བོ་དང་། འགྲོ་བའི་འོད་ཟེར་
[11a.5]དང་། ཕལ་ཆེན་དང་། རྒྱལ་བ་དང་། གཟི་བརྗིད་མཐའ་ཡས་དང་། དོན་གྱི་བློ་གྲོས་དང་། སྨན་པའི་རྒྱལ་པོ་དང་། ཐབས་སྤངས་དང་། རིམས་ནད་མེད་པ་དང་། ལེགས་སྦྱིན་དང་། གྲགས་སྦྱིན་དང་། མེ་ཏོག་བྱིན་དང་། སྐྱེས་བུས་བྱིན་དང་། རྡོ་རྗེའི་སྡེ་དང་། ཕལ་
[11a.6]ཆེན་བྱིན་པ་དང་། ཞི་བའི་བློ་གྲོས་དང་། སྤོབས་པའི་གླང་པོ་དང་། སྲེད་མེད་ཀྱི་བུ་དང་། དེས་པ་དང་། མི་ཚུགས་པ་དང་། ཉི་ཟླ་དང་། གློག་གི་ཏོག་རྣམས་སོ། །དེ་ཡིས་ཕྱི་རོལ་ཟླུམ་པོར་སྦྱིན། །རི་མོ་གཉིས་ནི་གནག་དང་སྔོ། །སྔོ་དང་རྟ་བབས་ཁ་ཁྱེར་དང་། །དྲ་བ་
[11a.7]དྲ་བ་ཕྱེད་པས་མཛེས། །ཤར་གྱི་སྒོ་ཡི་དབུས་སུ་ཡང་། །མཁའ་འགྲོ་མ་འདྲའི་ཁྭ་གདོང་མ། །བྱང་དུ་འུག་པའི་གདོང་ཅན་མ། །ནུབ་ཏུ་ཁྱི་གདོང་ཅན་མ་དང་། །ལྷོ་རུ་ཕག་གི་གདོང་ཅན་ཏེ། །ཁ་དོག་ལྔ་མ་སོགས་འདྲ་མཆོག །མེ་དང་བདེན་བྲལ་རླུང་དང་ནི། དབང་ལྡན་
[11b]
[11b.1]མཚམས་ན་གནས་པ་མོ། །གཤིན་རྗེ་མཆེ་བ་ཕོ་ཉ་མོ། །མཆེ་བ་གཙིགས་འཇོམས་མ་རིམ་ཇི་བཞིན། །ཁ་དོག་གཉིས་གཉིས་མཉམ་པར་བྱ། །ཞལ་ནི་རྗེས་སུ་མཐུན་རིམ་པས། །དཀྱིལ་འཁོར་བཞི་པོ་ཐམས་ཅད་ཀྱི། །ཤར་དང་བྱང་དང་ནུབ་དང་ནི། །ལྷོ་ཡི་ས་གཞི་
[11b.2]རྟག་པ་རུ། །གནག་དང་སྔོ་དང་ལྷང་དང་དམར། །སེར་པོ་ཡི་ནི་མདོག་ཏུ་བྱ། །ལྷན་སྐྱེས་དཀྱིལ་འཁོར་དེ་བཞིན་དུ། །གང་ཕྱིར་འཁོར་ལོ་རིམ་པ་བཞིན། །ཆོས་དང་ལོངས་སྤྱོད་རྫོགས་སྤྲུལ་པ། །མཇུག་ཏུ་བྱའོ་རིམ་ཇི་བཞིན། །འཁོར་ལོ་གཉིས་པོ་རི་མོ་གསུམ། །
[11b.3]གསུམ་པ་ལ་ནི་རི་མོ་བཞི། །བཞི་པར་རི་མོ་ལྔའི་བདག་ཉིད། །དུར་ཁྲོད་ཀུན་ནས་རིམ་པས་ཏེ། །ཕྱི་རོལ་ལ་སོགས་ས་གཞི་ནི། །ཟླུམ་པོའི་དབྱིབས་སུ་བྱ་བར་འདོད། །འཁོར་ལོ་རིམ་པ་ལྔའི་བདག་ཉིད། །གྲྭ་བཞི་པ་ལ་ཀུན་དུ་འབར། །འདོད་པ་ཡི་ཡོན་སྣམ་བུ་
[11b.4]ལ། །བརྒྱད་གཉིས་ལྷ་མོ་མཆོད་བྱེད་པ། །དཀྱིལ་འཁོར་བཞི་པོ་རྣམས་ལའོ། །དེ་ལ་ལྷན་སྐྱེས་འཁོར་ལོ་ཡི། །དུར་ཁྲོད་གནས་རྣམས་བཤད་བྱ་སྟེ། །གཏུམ་དྲག་ཚང་ཚིང་དེ་བཞིན་དུ། །འབར་བས་འཁྲིགས་པ་ཀེང་རུས་ཅན། །འཇིགས་སྡེ་ཤར་ལ་སོགས་པ་ཡི། །
[11b.5]ཕྱོགས་སུ་གཡོན་སྐོར་ཡོངས་སུ་གནས། །ཨ་ཌ་ཌ་རྒོད་དབང་ལྡན་དུ། །དཔལ་གྱི་ནགས་ནི་སྲེག་ཟར་ཏེ། །མུན་པ་དྲག་པོ་བདེན་བྲལ་དུ། །རླུང་དུ་ཀི་ལི་ཀི་ལི་སྒྲོགས། །དུར་ཁྲོད་དྲག་པོའི་གཟུགས་རྣམས་ནི། །རོ་ལངས་འབྱུང་པོ་ཅེ་སྤྱང་སྒྲ། །རིམ་པ་འདི་ཡིས་
[11b.6]གནས་པ་སྟེ། །དུར་ཁྲོད་བརྒྱད་པ་རྣམས་སུ་ཡང་། །ཤིང་དང་ཕྱོགས་སྐྱོང་ཀླུ་དབང་སྟེ། །ཤིང་ཥ་ཁྱབ་གནས་ཀང་ཀེ་ལི། །ཙུ་ཏིའི་ཤིང་དང་ནྱ་གྲོོ་དྷ། །དེ་བཞིན་ཀ་ར་ཉྫ་ཀ་ཉིད། །ལ་ཏ་པ་རྵ་པཱ་ར་ཐ་པི། །དབང་པོ་ནོར་སྦྱིན་དེ་བཞིན་དུ། །ཀླུ་དབང་དང་ནི་གཤིན་རྗེའི་བདག། །
[11b.7]དབང་ལྡན་དེ་ནས་སྲེག་ཟ་དང་། །སྲིན་པོའི་དབང་པོ་རླུང་བདག་པོ། །ནོར་རྒྱས་འཇོག་པོ་དེ་བཞིན་དུ། །སྟོབས་ཀྱི་རྒྱུ་དང་པདྨ་ཉིད། །པད་ཆེན་ཧུ་ལུ་ཧུ་ལུ་དང་། །རིགས་ལྡན་དང་ནི་དུང་སྐྱོང་དང་། །སྒྲོགས་པ་དང་ནི་འུར་སྒྲོགས་དང་། །དྲག་པོ་འཁྱིལ་པ་མཐུག་དེ་བཞིན། །གང་
[12a]
[12a.1]བ་ཆར་འབེབས་གཏུམ་པོ་སྟེ། །འདི་རྣམས་སྤྲིན་གྱི་བདག་པོའོ། །འདིར་ནི་དུར་ཁྲོད་ཐམས་ཅད་ལ། །རྡོ་རྗེ་ཕྲེང་བ་རྣམ་པར་སྦྱིན། །ཐམས་ཅད་ཀྱང་འདིར་དེ་བཞིན་བྱ། ཕྱི་དང་ནང་དུ་འདོད་པ་ཡིན། །ཞེས་བྱ་བ་ནི་གསུམ་པ་ཡོན་ཏན་གྱི་འཁོར་
[12a.2]ལོའོ། །དེ་ནས་དེའི་ཕྱི་ནམ་མཁའ་ཡི། །འཁོར་ལོ་འདམ་སྐྱེས་སྔོན་པོ་མཚུངས། །སུམ་ཙུ་དྲུག་རྩིབས་དབུས་སུ་ཡང་། །མཁའ་སྤྱོད་རྣལ་འབྱོར་མ་འདི་རྣམས། །མིའམ་ཅི་མོ་དྲི་ཟ་མོ། །ཧུ་ཊུ་ཀཱ་མ་པཱ་ཌ་བ་མ་དེ་བཞིན་དུ། །པི་ཝང་གླིང་བུ་མུ་ཀུནྡ་མ་
[12a.3]དང་། རྫ་རྔམ་དང་ངེས་པར་གགྨ་རི་མ་དང་། །ཆ་ལང་མ་དང་ཤཱི་ལེནྡྲི་ཀི་མ། །གླུ་མ་ཀར་ཌི་དང་ཏ་མཌཱ་མཆོག་དང་། །གར་མ་སྒེག་མོ་ཌྷ་ཀྐ་མ་དང་ནི། །ཏཱ་ལི་ཤེ་ཎ་མོ་རྔ་ཆེན་མོ། །མཽ་དྲི་མ་དང་རྒྱུད་ཅན་མ་དང་མཱ་ཏུ་མ། །ནཱ་ལ་བཱ་མོ་དེ་བཞིན་ཌྷ་མྦུ་ཀི། །ཌ་མ་རུ་མ་དང་
[12a.4]ཥུ་ཎ་ཊུཀ་མ་དང་དེ་བཞིན་དུ། །ཟངས་རུང་མ་དང་རྲ་དུང་མ་དེ་བཞིན། །བྷུ་ཀི་མ་དང་དྲིལ་བུ་མ་དང་དྲིལ་ཆུང་མ། །གཡེར་ཀ་མ་དང་དེ་བཞིན་ཌ་ཀོ་ལི་མ་དང་། །དུང་མ་དང་ནི་དབྱངས་ལྡན་མ་དེ་བཞིན། །འཁོར་མ་མཆོག་གི་དབང་ཕྱུག་མ། །ཁ་དོར་སྣ་ཚོགས་བཀྲ་བའམ། །
[12a.5]ཡང་ན་འཁོར་ལོའི་ཁ་དོག་གོ། །ཉེ་བའི་ཞིང་ན་གནས་པ་མོ། །ཀུ་ཤའི་གླིང་ན་གནས་མ་མཆོག །མཁའ་ལ་སྤྱོད་པའི་རིགས་སུ་བྱོན། །གླིང་འདི་ལ་ནི་ཡང་དག་གནས། །ས་ནི་འོད་འཕྲོ་ཅན་དེ་དང་། །རང་རང་གནས་སོགས་ཞིང་ཅན་མའོ། །ཡང་ན་ཌི་མ་རུ་ཁ་ཊྭཾ་ག །འདི་ནི་
[12a.6]སླར་ཡང་སྤངས་ནས་སུ། །རང་རང་མཚན་མ་སོ་སོའི་ཚུལ། །ཇི་ལྟར་འདོད་པར་བྱ་བའོ། །འཁོར་ལོ་ཀུན་གྱི་ཅོད་པན་ལ། །རང་གི་བདག་པོས་བྱ་བ་ཡིན། །འདིར་ནི་ཤེས་རབ་ཐབས་བདག་ཉིད། །རིགས་ལྡན་བདག་ཉིད་རིགས་ཅན་མའོ། །ཇི་ལྟར་རྒྱན་ལ་སོགས་མང་པོ། །
[12a.7]ལྷག་མ་སྔོན་བཞིན་བྱ་བ་ཡིན། །དཀྱིལ་འཁོར་ཀུན་དུ་སྤྱན་གསུམ་དང་། །ཕྱོགས་ཀྱི་གོས་འཆང་རྗེ་འགྲོ་མའོ། །ཞེས་བྱ་བ་ནི་ནམ་མཁའི་འཁོར་ལོ་སྟེ་འཁོར་ལོ་གཉིས་དང་པོའོ།། །།དེ་ཡི་ཕྱི་རོལ་རླུང་འཁོར་ལོ། །སྔོན་པོ་སྣ་ཚོགས་པ་ཡི་མདོག །རྡོ་རྗེའི་
[12b]
[12b.1]རྩིབས་དབུས་སྦྱིན་བྱ་བ། །རྣལ་འབྱོར་མ་རྣམས་རིམ་ཇི་བཞིན། །ནམ་མཁའི་སྙིང་པོ་ལས་གཞན་མིང་། །བློ་དང་ལྡན་པས་ཤེས་པར་བྱ། །མཁའ་ལྡིང་དང་མོ་བཀྲ་བ་མོ། །བྱ་རོག་བྱ་དཀར་སྲེག་པ་མོ། །རྨ་བྱ་ཟངས་ཀྱི་གཙུག་ཕུད་མ། །གུད་བུ་ལི་འཇམ་པ་མོ། །ཕུག་
[12b.2]རོན་བྱ་རོག་ཆེན་མོ་དང་། །གཌཱི་ནཱི་དང་གོང་མ་སྲེག །ནེ་ཙོ་སྔགས་མ་བཞད་མ་དང་། །བྱ་རྒོད་འུག་པ་མཆིལ་པ་མོ། །ཤིང་བྱིའུ་མོ་དང་ངུར་པ་མོ། །བྲྀ་ཀྵཱ་རི་ཎཱི་ཀཀྐ་བཱི། །སོ་བྱ་མོ་དང་བྱི་ལ་མོ། །ལྕུག་མའི་མགྲིན་དང་སཱ་རི་མོ། །ཁྲ་མོ་གུར་གུམ་ལྕེ་ཅན་མ། །བཱ་ཊི་རཱི་ཀཱ་ཛཾགྷ་
[12b.3]མོ། །ཧོར་མོ་ཀཾ་ཀ་མོ་དེ་བཞིན། །དད་ད་རཱི་མོ་རི་དགས་དགྲ། །དེ་ལྟར་རྣལ་འབྱོར་མའི་འཁོར་ལོ། །འཁོར་ལོའི་ས་གཞི་གང་འདྲའི་མདོག །ཡང་ན་རང་རང་ལ་ཤེས་བྱ། །ཕྱག་སོགས་དེ་བཞིན་སྔོན་དང་མཚུངས། །ཐམས་ཅད་ཤེས་རབ་ཐབས་བདག་ཉིད། །འདུན་པ་ལ་
[12b.4]ནི་གནས་མ་མཆོག །སྤྱད་དཀའི་སར་ནི་ཤེས་བྱ་སྟེ། །མིའམ་ཅི་ཡི་གླིང་མར་འདོད། །འཁོར་ལོ་འདི་ནི་སྒོང་སྐྱེས་དང་། ཡོན་ཏན་གསུམ་གྱི་དབྱེ་བ་ཅན། །གསུམ་གྱི་བདག་ཉིད་གསུམ་པ་ཡི། །འཁོར་ལོ་དྲོད་གཤེར་སྐྱེས་གཟུགས་ཅན། །བཞི་པ་མངལ་སྐྱེས་ཞེས་བྱ་བ། །
[12b.5]འཁོར་ལོ་གསུམ་གྱི་བདག་ཉིད་འདོད། །ཅེས་བྱ་བ་ནི་རླུང་གི་འཁོར་ལོ་སྟེ། །འཁོར་ལོ་གཉིས་པའི་གཉིས་པའོ།། །།དེ་ནས་ཕྱི་རོལ་གྱི་བཤད་བྱ། །འཁོར་ལོས་ཡི་མིང་ཅན་མཆོག །ཁ་དོག་སེར་པོའི་རང་བཞིན་ལ། །སུམ་ཅུ་རྩ་དྲུག་རྩིབས་རྣམས་ཀྱིས་སྤྲས། །རྣལ་
[12b.6]འབྱོར་མ་ནི་སུམ་ཅུ་དྲུག །ས་སྤྱོད་མ་རྣམས་རིམ་ཇི་བཞིན། །སེང་གེ་སྟག་མོ་བྷི་མྦྷི་རི་བོང་མ། །གླང་ཆེན་རི་དགས་བྱི་ལ་མོ། །བ་དང་མ་ཧེ་མོ་རྔ་མོ། །ཅེ་སྤྱང་མོ་དང་བས་མོ་འབྲི། །བྱི་ལ་བོད་མོ་བྷི་ཌཱི་མ། །ར་མ་ལུག་མོ་རིམ་པ་བཞིན། །ཁྱི་མོ་ཕག་མོ་དོམ་མོ་དང་། །ཌ་ཎྜ་རཱི་མཽ་ཛྙཱ་
[12b.7]མ་དེ་བཞིན། །དྲེད་མོ་དང་ནི་སྒེག་མོ་དང་། །ནགས་མ་དང་ནི་ཁྱིམ་ཆེན་མོ། །བྱ་རོག་ཆེན་མོ་ཁྲ་སྒོ་མ། །སྦྲུལ་མ་བཀྲ་མོ་རྔ་མོ་དང་། །སྲེ་མོ་རྩངས་མོ་ཕུག་པ་མོ། །གྲོང་ན་གནས་པ་མ་མཆོག་གོ། །དེ་ལྟར་འཁོར་ལོའི་མདོག་བཞིན་ནམ། །ཡང་ན་རང་རང་ཁ་དོག་གོ། །
[13a]
[13a.1]ལྷ་མོ་ཤེས་རབ་ཐབས་བདག་ཉིད། །ཉེ་བའི་འདུན་སར་གནས་པ་མོ། །མངོན་དུ་གྱུར་པའི་ས་ཉིད་དང་། །དེ་ནི་ཤེས་རབ་ཕ་རོལ་ཕྱིན། །ཀྲུང་ཀྲུང་གླིང་དུ་གནས་པ་མོ། །མཚོན་ཆ་ལ་སོགས་སྔོན་བཞིན་ནོ། །ལུས་ནི་བུད་མེད་རྣམ་པའི་གཟུགས། །གདོང་པ་
[13a.2]རང་གི་དངོས་པོར་འདོད། །དེའི་ཕྱིར་བསྐལ་བཟང་སངས་རྒྱས་རྣམས། །སྔར་གྱི་རིམ་པས་བསམ་པར་བྱ། །མཆོད་པ་དང་། དཔལ་སྦས་དང་། ཡེ་ཤེས་ཉི་མ་དང་། །དོན་གྲུབ་དང་། ལྷུན་པོ་བརྩེགས་པ་དང་། དགྲ་འདུལ་དང་། པདྨ་དང་། དགྲ་བཅོམ་གྲགས་པ་དང་། ཡེ་
[13a.3]ཤེས་འགྲོས་དང་། ཉོན་མོངས་བྲལ་དང་། འདམ་བུ་དང་། སྤོས་བཟངས་དང་། ཡུལ་འཁོར་རངས་དང་། ལྷ་གྲགས་དང་། སྲེད་མཐའ་གཟིགས་དང་། ཟླ་བ་དང་། སྒྲ་གཅན་དང་། རིན་ཆེན་ཟླ་བ་དང་། སེང་གེའི་རྒྱལ་མཚན་དང་། བསམ་གཏན་དགྱེས་དང་། རྫོགས་
[13a.4]ལྡན་དང་། རྣམ་པར་གྲོལ་བ་དང་། ཡོན་ཏན་རིན་ཆེན་དང་། དགྲ་བཅོམ་གྲགས་པ་དང་། པདྨའི་ངོས་དང་། མཛོད་སྤུ་ལྡན་དང་། སྤོབས་པ་གྲགས་པ་དང་། རྡོ་རྗེ་ནོར་བུ་དང་། ཚེ་དཔག་མེད་དང་། ནོར་བུ་བཀོད་པ་དང་། དབང་ཆེན་དང་། ཡོན་ཡན་འབྱུང་གནས་
[13a.5]དང་། ལྷུན་པོ་གྲགས་དང་། འོད་ཟེར་བཅུ་པ་དང་། མ་སྨད་པ་དང་། གླང་པོའི་འགྲོས་དང་། ཡིད་དུ་འཐད་པ་དང་། རིན་ཆེན་ཟླ་བ་དང་། ཞི་བ་དང་། རབ་གསལ་རྒྱལ་པོ་དང་། ཁ་ལོ་སྒྱུར་དང་། དགའ་བའི་དབང་ཕྱུག་དང་། གཙུག་ན་རིན་པོ་ཆེ་དང་། བསྙེངས་བྲལ་
[13a.6]དང་། རིན་ཆེན་སྙིང་པོ་དང་། ཟླ་བའི་ཞལ་དང་། དྲི་མ་མེད་པར་གྲགས་པ་དང་། ཞི་བའི་གཟི་བརྗིད་དང་། དགའ་བའི་ཏོག་དང་། སྒྲ་གཅན་ལྷ་དང་། ན་ཚོད་བཟང་པོ་དང་། ལྷ་དག་དགའ་དང་། རིན་ཆེན་ཕུང་པོ་དང་། མཛེས་པར་གཤེགས་པ་དང་། སེང་གེའི་
[13a.7]ཕྱོགས་པ་དང་། ཤིན་ཏུ་མཐོར་གཤེགས་དང་། སྐྱེ་བའི་དབང་བོ་དང་། བློ་གྲོས་བཟང་པོ་དང་། འཇིག་རྟེན་འོད་དང་། རིན་ཆེན་གཟི་བརྗིད་དང་། སྐལ་ལྡན་ཤིང་རྟ་དང་། ཀུན་དུ་རྒྱལ་བ་དང་། དགའ་བ་བཀོད་པ་དང་། སྟེགས་མཛད་དང་། སྤོས་ཀྱི་གླང་པོ་དང་།
[13b]
[13b.1]བློ་གྲོས་འོད་འཕྲོ་དང་། རི་བོའི་རྒྱལ་མཚན་དང་། སྤོས་བཟངས་དང་། ཆོས་བརྟེན་དང་། གཟི་བརྗིད་དྲག་ཤུལ་ཅན་དང་། ཆོས་ཀྱི་ནོར་བུ་དང་། བཟང་པོ་བྱིན་དང་། བདེར་གཤེགས་ཟླ་བ་དང་། ཚངས་དབྱངས་དང་། སེང་གེའི་ཟླ་བ་དང་། དཔལ་དང་། ལེགས་པར་སྐྱེས་
[13b.2]དང་། ཐུབ་པ་མེད་པའི་ཚོགས་དང་། གྲགས་པའི་གཤེས་གཉེན་དང་། བདེན་པ་དང་། དཀའ་ཐུབ་ཆེན་པོ་དང་། ལྷུན་པོའི་འོད་ཟེར་དང་། ཡོན་ཏན་བརྩེགས་པ་དང་། མཆོད་པ་གྲགས་པ་དང་། ཆོས་གྲགས་པ་དང་། སྦྱིན་པའི་འོད་དང་། གློག་འབྱིན་དང་། བདེན་པར་
[13b.3]གསུང་དང་། འཚོ་བྱེད་དང་། ན་ཚོད་བཟང་པོ་དང་། ལེགས་པའི་ཚོགས་ཅན་དང་། རྣམ་པར་ངེས་པའི་བློ་གྲོས་དང་། སྲིད་མཐའ་ནོར་བུའི་སྤོས་དང་། རྒྱལ་བས་དགྱེས་དང་། སེང་གེའི་འོད་ཟེར་དང་། རྣམ་པར་སྣང་མཛད་དང་། གྲགས་མཆོག་དང་། ཐུགས་རབ་
[13b.4]གཞུངས་དང་། ནོར་བུ་ཟླ་བ་དང་། དྲག་ཤུལ་འོད་ཟེར་དང་། བརྟུལ་ཞུགས་ཐུབ་མེད་དང་། འགྲོ་བས་མཆོད་པ་དང་། །ནོར་བུའི་ཚོགས་དང་། འཇིག་རྟེན་བླ་མ་དང་། གླང་ཆེན་དང་། སེང་གེ་དང་། རྩུབ་དང་། རིན་ཆེན་འོད་ཟེར་དང་། སྒྲ་གཅན་སྦེད་དང་། ཡོན་ཏན་རྒྱ་
[13b.5]མཚོ་དང་། འོད་ཟེར་ལྡན་པ་དང་། རབ་ཏུ་ཞི་བའི་སྟོབས་དང་། འཇིག་རྟེན་བཟང་པོ་དང་། མྱ་ངན་མེད་པ་དང་། ཤུགས་བཅུ་པ་དང་། སྟོབས་ལ་དགྱེས་བ་དང་། མཐུའི་དཔལ་དང་། མཐུ་ཐོབ་པ་དང་། མཐུ་ཆེན་དང་། ཡོན་ཏན་སྙིང་པོ་དང་། བདེན་པར་སྤྱོད་པ་དང་།
[13b.6]དགེ་མཆོག་རྒྱལ་པོ་དང་། སྐལ་རྒྱལ་དང་། འོད་ཟེར་ཆེན་པོ་དང་། གློག་གི་འོད་དང་། ཡོན་ཏན་རྒྱ་ཆེན་དང་། རིན་པོ་ཆེ་དང་། དཔལ་འོད་དང་། བདུད་འདུལ་བ་དང་། གོ་ཆ་བགོས་པ་དང་། སེང་གེའི་ཕྱག་དང་། མེ་ཏོག་བཟང་པོ་དང་། རིན་ཆེན་མཐོན་པོ་དང་། རྒྱ་
[13b.7]མཚོ་དང་། སྭ་འཛིན་དང་། དོན་གྱི་བློ་མངའ་བ་དང་། ཡོན་ཏན་བརྩེགས་པ་དང་། ཡོན་ཏན་གྱི་ཚོགས་དང་། རིན་པོ་ཚེའི་མེ་དང་། འཇིག་རྟེན་ལས་འདས་པ་དང་། འཇིག་རྟེན་གྱི་ཟླ་བ་དང་། དབྱངས་སྙན་དང་། ཚངས་པའི་ཏོག་དང་། ཚོགས་ཆེན་གཙོ་བོ་དང་། སེང་གེའི་
[14a]
[14a.1]སྟོབས་དང་། དྲག་ཅན་གྱི་བྱིན་པ་དང་། ཆོས་ཀྱི་དབང་ཕྱུག་དང་། གཟི་བརྗིད་འོད་དང་། འོད་ཟེར་ཆེན་པོ་དང་། རིན་ཆེན་གྲགས་པ་དང་། ཚོགས་ཅན་གསལ་བ་དང་། གྲགས་པ་མཐའ་ཡས་པ་དང་། འོད་ཟེར་དོན་ཡོད་པ་དང་། ལྷའི་དྲང་སྲོང་དང་། སྐྱེ་
[14a.2]བའི་དབང་པོ་དང་། དགེ་འདུན་བརྟན་པ་དང་། ཕྱོགས་བཟངས་དང་། རྟོག་དང་། ཡུལ་འཁོར་མེ་ཏོག་དང་། ཆོས་ཀྱི་བློ་གྲོས་དང་། རླུང་གི་ཤུགས་ལྟར་གཤེགས་པ་དང་། ལེགས་པའི་གྲགས་པ་དང་། སྣང་ལྡན་དང་། ལྷའི་ཚོགས་དང་། ཡོན་ཏན་སྲུང་དང་། དོན་གྱི་
[14a.3]བློ་གྲོས་དང་། བསྙེངས་བ་མེད་པ་དང་། གྲགས་པ་བརྟན་པ་དང་། འོད་གནས་མཚུངས་པ་དང་། ནོར་བུའི་ཞབས་དང་། ཐར་པའི་གཟི་བརྗིད་དང་། ངོས་བཟངས་དང་། བློ་བཟངས་དང་། ཀུན་དུ་གཟི་བརྗིད་དང་། ཡེ་ཤེས་མཆོག་དང་། ཚངས་པར་གནས་དང་།
[14a.4]བདེན་པར་གསུང་དང་། བློ་བཟངས་དང་། སྟོབས་བྱིན་དང་། སེང་གེའི་སྟབས་དང་། མེ་ཏོག་གི་ཏོག་དང་། ཡེ་ཤེས་འབྱུང་གནས་དང་། མེ་ཏོག་བྱིན་དང་། ཡོན་ཏན་སྙིང་པོ་དང་། རིན་ཆེན་གྲགས་པ་དང་། གྲགས་པ་སྨད་དུ་བྱུང་བ་དང་། མི་ཚུགས་པ་དང་།
[14a.5]བསྙེངས་པ་མེད་པ་དང་། ཉི་མའི་འོད་དང་། ཚངས་པར་གཤེགས་པ་དང་། ལྷའི་མཐུ་རྩལ་དང་། ཡེ་ཤེས་དགྱེས་དང་། ལྷའི་བདེན་པ་དང་། ནོར་བུའི་སྙིང་པོ་དང་། ཡོན་ཏན་གྲགས་པ་དང་། ཡེ་ཤེས་དཔལ་དང་། བཅིང་བ་མེད་པ་དང་། བརྟུལ་ཞུགས་བརྟན་པ་དང་། ལྷའི་གཟི་
[14a.6]བརྗིད་དང་། ཚངས་ཐུབ་དང་། བརྟུལ་བཞུགས་དཀའ་ཐུབ་དང་། འོད་ཟེར་ཕུང་པོ་དང་། གཟི་བརྗིད་ཆེ་བ་དང་། ཙམ་པ་ཀ་དང་། དགའ་མཛད་དང་། ཚོགས་ཅན་བཟང་པོ་དང་། དབང་པོའི་རྒྱལ་མཚན་དང་། དགྱེས་བ་ཆེན་པོ་དང་། སྣ་མའི་མེ་ཏོག་འོད་དང་། ཚོགས་ཅན་
[14a.7]འོད་དང་། སྐྲུན་མཛད་དང་། མདངས་འགྲོ་དང་། དོན་ལེགས་ངེས་པ་དང་། ཁྱུ་མཆོག་དང་། ལག་བཟངས་དང་། འོད་ཟེར་ཆེན་པོ་དང་། བསམ་པས་བྱིན་པ་དང་། བསོད་ནམས་འོད་དང་། རིན་ཆེན་དབྱངས་དང་། རྡོ་རྗེ་སྡེ་དང་། འབྱོར་ལྡན་དང་། སེང་གེའི་སྟོབས་དང་།
[14b]
[14b.1]དྲི་མེད་སྤྱན་དང་། འོད་སྲུངས་དང་། བློ་གསལ་དང་། ཡེ་ཤེས་འགྲོས་དང་། གཟི་བརྗིད་དྲག་ཤུལ་ཅན་དང་། འོད་ཟེར་ཆེན་པོ་དང་། ཉི་མའི་འོད་དང་། དྲི་མ་མེད་པའི་འོད་དང་། གཟི་བརྗིད་རྣམ་པར་འབྱེད་པ་དང་། ཁེངས་པ་མེད་པ་དང་། སྦྲང་རྩི་ཞལ་དང་། ཟླ་བའི་འོད་
[14b.2]དང་། གློག་འབྱིན་དང་། རབ་ཏུ་ཞི་བར་གཤེགས་པ་དང་། མི་འཁྲུགས་པ་དང་། དགྲ་བཅོམ་གྲགས་པ་དང་། ཆོས་ཀྱི་ཡོན་ཏན་དང་། ཞིང་བཟང་པོ་དང་། བཀོད་པའི་རྒྱལ་པོ་དང་། མངོན་པར་འཕགས་པ་དང་། སྦྱིན་སྲེག་འོད་འཕྲོ་ད་ང་། པདྨའི་དཔལ་དང་། རིན་ཆེན་
[14b.3]བཀོད་པ་དང་། ཤིན་ཏུ་བཟང་པོ་དང་། རིན་ཆེན་མཆོག་དང་། ཐུགས་ཤིན་ཏུ་གཞུངས་དང་། རྒྱ་མཚོས་བྱིན་དང་། ཚངས་པའི་ཏོག་རྣམས་སོ། །ཤར་དང་བྱང་དང་ནུབ་དང་ནི། །ལྷོ་ཡི་སྒོ་རུ་ཤེས་བྱ་བ། །ཚངས་པ་དབང་ཕྱུག་ཆེན་པོ་མ། །གཞོན་ནུ་ཁྱབ་འཇུག་མ་དེ་
[14b.4]བཞིན། །ཕག་མོ་དབང་མོ་གཏུམ་མོ་དང་། །དཔལ་ཆེན་མོ་ནི་གྭ་རྣམས་སུ། །སྒོ་རུ་གཟུགས་དང་མཚན་མོ་ནི། །མཁའ་འགྲོ་མ་སོགས་བཞིན་དུ་གྲགས། །གྲྭ་རུ་བརྟན་མ་ལ་སོགས་བཞིན། །ཤེས་བྱ་འདིར་ནི་རི་མོ་གསུམ། །སྐུ་གསུང་ཐུགས་ཀྱི་ཆོས་རྣམས་སོ། །ཆོས་ཀྱི་
[14b.5]འཁོར་ལོ་ཤིན་ཏུ་མཛེས། །དུར་ཁྲོད་རྣམས་ནི་བརྗོད་བྱ་སྟེ། མེ་ཡི་འཁོར་ལོའི་དབུས་སུ་ནི། །གསོད་དང་ཀུན་དུ་སྐྲག་བྱེད་དང་། འཇིགས་པ་ཆེ་དང་འཇིགས་བྱེད་དེ། །དྲག་པའི་དུར་ཁྲོད་དེ་བཞིན་དུ། །གཡོན་སྐོར་དུ་ནི་རྣམ་པར་དགོད། །སྐྲག་བྱེད་དང་ནི་སྔར་བྱེད་དང་། ལྐུགས་
[14b.6]བྱེད་དང་ནི་རེངས་བྱེད་སླར། །དབང་ལྡན་ལ་སོགས་གྲྭ་ལའོ། །ཤིང་ནི་རིམ་པས་སྦྱིན་བྱ་སྟེ། །གོ་ཡུ་སྟར་ཀ་ནཱ་ལི་ར། །སེ་འབྲུ་བིལ་བའི་ཤིང་དེ་ནས། །སྐྱུ་རུ་བི་ཛྙར་ག་ཤའི་ཤིང་། །རིམ་པ་ཇི་བཞིན་རྣམ་པར་དགོད། །དབང་མོ་གཤིན་རྗེ་མ་ཆུ་མོ། །གནོད་སྦྱིན་འབྱུང་མོ་དྲང་སྲོང་མ། །
[14b.7]སྲིན་མོ་རླུང་གི་ཆུང་མ་སྟེ། །འཇིག་རྟེན་སྐྱོང་མ་སྦྱིན་པར་བྱ། །ཀླུ་མོ་སྲིན་མོ་ཐམས་ཅད་ནི། །འདིར་ནི་རྣམ་པ་ཀུན་དུ་སྦྱིན། །དེ་ལྟར་དཀྱིལ་འཁོར་འཁོར་བྱེད་ལ། །ཕུན་སུམ་ཚོགས་པ་ཐམས་ཅད་སྦྱིན། །ལས་ཀྱི་རྗེས་མཐུན་སྐུ་མདོག་ཅན། །དེར་ནི་གཙོ་བོ་བསྣོམ་པར་བྱ། །
[15a]
[15a.1]ཞེས་བྱ་བ་ནི་འཁོར་ལོ་གསུམ་པའི་དཀྱིལ་འཁོར་ལ་རིམ་པ་གཉིས་དང་བཅས་པའོ།། །།དེ་ནས་ཕྱི་རོལ་སླར་ཡང་འདིར། །མེ་ཡི་འཁོར་ལོ་བདག་གིས་བཤད། །ཁ་དོག་དམར་པོ་འབར་ཆེན་པོ། །སུམ་ཅུ་དྲུག་རྩིབས་རྣམས་མཆོག་ལ། །རྣལ་འབྱོར་
[15a.2]མ་སླར་དགོད་བྱ་བ། །ལྷ་སོགས་རིགས་ལས་བྱུང་མ་སྟེ། །ལྷ་མོ་ཀླུ་མོ་གནོད་སྦྱིན་མོ། །འབྱུང་པོ་ངོ་བོ་ཙམ་པོའོ། །དེ་ཀུན་གསུངས་པ་འདི་ནི་ཅི། །ལྷ་ཡི་རིགས་འབྱུང་བཤད་པར་བྱ། །མ་དང་ཆུང་མ་སྲིང་མོ་དང་། བུ་མོ་སྲིང་མོའི་བུ་མོ་དང་། །ཕ་ཡི་སྲིང་མོ་དེ་དང་ནི། །ཞང་
[15a.3]པོ་ཡི་ནི་ཆུང་མ་དང་། །ཆུང་མའི་སྤུན་ཟླ་མ་དང་ནི། །ཆུང་མ་ཡི་ནི་མ་དང་ནི། །དེ་ཉིད་ཀྱི་ནི་ཕ་ཡི་མ། །ཆུང་མ་ཡི་ནི་ཕྱི་མོ་དང་། །མ་ཡི་མ་དང་གཉེན་མོ་དང་། མ་ཡི་སྤུན་ཟླའི་བུ་མོ་དང་། །རང་གི་ཕྱི་མོའི་སྤུན་ཟླ་དང་། །སྤུན་ཟླའི་བུ་མོ་དེའི་བུ་མོ། །ཕ་ཡི་མ་དང་ཕྱི་མོ་དང་། །ཁུ་
[15a.4]བོ་ཡི་ནི་ཆུང་མ་དང་། །བུ་མོའི་བུ་ཡི་ཆུང་མ་དང་། །སླར་ཡང་ཆུང་མའི་སྤུན་ཟླ་དང་། །རང་ཕའི་སྲིང་མོའི་བུ་མོ་དང་། །དེ་ཉིད་ཀྱི་ནི་རང་རིགས་སྐྱེས། །སྤུན་ཟླའི་ཆུང་མ་བུ་མོ་དང་། །བུ་ཉིད་ཀྱི་ནི་བུ་མོ་དང་། །བུ་དེ་ཡི་ནི་ཆུང་མ་དང་། །བུ་མོའི་ཁྱོ་ཡི་མ་ཡི་ནི། །བུ་ཉིད་ཀྱི་ནི་སྒྱུག་མོ་
[15a.5]དང་། །བུ་མོའི་བུ་མོར་ཡང་དག་བཤད། །ཕོ་ཉ་སུམ་ཅུ་དྲུག་རྣམས་སོ། །ཁ་དོག་དམར་པོར་ཡང་དག་གྲགས། །མཚོན་ཆ་ལ་སོགས་སྔར་དང་མཚུངས། །ས་ནི་རིང་དུ་སྤོང་ཉིད་དང་། །དགྲ་བོའི་གླིང་དུ་གནས་པ་མོ། །འདུ་བར་རྟག་ཏུ་ཤེས་བྱ་སྟེ། །ཤེས་རབ་ཐབས་བདག་ངོ་
[15a.6]བོ་ཅན། །ནུས་པའི་འཁོར་ལོར་འདིར་རྟག་ཏུ། །ཤེས་བྱ་རང་འདྲའི་མཛེས་པ་མོ། །ཀུན་དུ་རྡོ་རྗེའི་ཕྲེང་ལ་སོགས། །ལུགས་འབྱུང་ལུགས་ལས་བཟློག་པ་ཡིས། །གཡོན་དང་གཡས་པའི་ལག་པ་ཡིས། །འདིར་ནི་མཆོད་པ་བྱེད་པ་ཡིན། །ཕྱུགས་རྣམས་ཀྱི་ནི་ཤ་ཐམས་
[15a.7]ཅད། །ཀུན་དུ་སོན་ནས་དབུལ་བར་བྱ། །བཏུང་བ་རྣམ་པ་སྣ་ཚོགས་དབུལ། །བལྡག་བྱ་སྣ་ཚོགས་ཉིད་དེ་བཞིན། །རང་རང་སྟན་ལས་ལངས་ནས་ནི། །བླ་མ་རྡོ་རྗེ་འཛིན་པ་མཆོད། །སླར་ཡང་འོངས་ནས་འཁོར་ལོ་ཡི། །མཆོད་པ་བཅུ་གཉིས་རྣམས་ལའོ། །ཞེས་བྱ་བ་ནི་ལོངས་
[15b]
[15b.1]རྫོགས་པའི་མེའི་འཁོར་ལོ་སྟེ་དང་པོའོ།། །།དེ་ནས་དེ་ཡི་ཕྱི་རོལ་བཤད། །ཆུ་ཡི་འཁོར་ལོ་རྫུ་འཕྲུལ་ཆེ། །མདོག་དཀར་སུམ་ཅུ་དྲུག་རྩིབས་གསལ། །རྣལ་འབྱོར་མ་ནི་རིམ་པས་བསྒོམ། །མ་ཀ་ར་མོ་རུ་སྦལ་ཉ། །སྦལ་མོ་རུས་སྦལ་ཆུ་སྲམ་མོ། །སྡིག་ནག་གགྒིར་མ་ཤི་ལཱཾ་མ། །
[15b.2]ཆུ་ཡི་ཕུག་མ་སྲིན་བུའི་གདོང་མ་དང་། །ཆ་གབ་མོ་ཀཎ་ཊཱི་མོ་སཱུ་ཡཱི་མོ། །ཆུ་བྱི་མོ་དང་གྲོག་མོའི་གདོང་མ་དང་། །ཆུ་ཡི་མི་མོ་དང་ནི་རྒོད་མ་དང་། །གླང་ཆེན་མོ་དང་སྟག་མོ་ཅེ་སྤྱང་མོ། །ཆུ་སྦྲུལ་མོ་དང་དུད་མོ་འགྲོན་བུ་མོ། །ཉ་ཕྱིེས་མ་དང་ནོར་བུ་ཛི་གུ་རིམ་དང་། །ལཱི་སཱི་མོ་དང་དུད་
[15b.3]ངུ་རིམ་ཀརྞོ་ཊ། །ཕ་ཊ་ཀ་མོ་དཱ་བ་ཀཱ་མ་ཀྲི་མཱི་མོ། །ཛུ་ཥཱི་མདང་ཤ་སྦྲང་ཀ་ལཱ་མ། །ལྷ་ཡི་གཙོ་མོ་མཆོག་རྣམས་སོ། །དེ་ལྟར་ཁ་དོག་རང་བཞིན་ནི། །དཀར་མོའམ་རང་རིགས་སྐྱེས་པའོ། །གདོང་པ་རང་རང་གཟུགས་ཀྱིས་ཏེ། །རྣལ་འབྱོར་མའི་རིམ་ཇི་བཞིན་ནོ། །ཉེ་བའི་
[15b.4]འདུ་བ་ཉིད་དང་ནི། །ས་ནི་མི་གཡོ་བ་མཆོག་གོ། །འཛམ་བུའི་གླིང་དུ་གནས་པར་ནི། །ཤེས་བྱ་མཚོན་ཆ་སྔོན་བཞིན་ནོ། །ཡང་ན་གང་བའི་རིགས་སོགས་ཀྱིས། །མི་རྣམས་སུམ་ཅུ་དྲུག་བལྟའོ། །གནས་སོགས་རིམ་པ་དེ་རྣམས་སུ། །མི་མོ་དངོས་སུ་ཡང་དག་བྱ། །འཛམ་
[15b.5]བུ་གླིང་འདི་དེ་ཡིས་ནི། །དུམ་བུ་བཅུ་གཉིས་ཀྱིས་བརྒྱན་པའོ། །བ་ཚ་ཞེས་བྱའི་རྒྱ་མཚོ་ནི། །དེ་རུ་གཏོགས་པའི་སྐྱེ་བོ་རྣམས། །དྲོད་གཤེར་སྐྱེས་དང་འདུ་འཕྲོད་ལས། །སྐྱེས་པ་མངལ་ནས་སྐྱེས་པར་བསམ། །འཁོར་ལོ་འདི་ནི་དྲོད་གཤེར་སྐྱེས། །མེ་ཡི་འཁོར་ལོ་མངལ་
[15b.6]སྐྱེས་སོ། །མཚན་ཉིད་ཐམས་ཅད་ཡོངས་རྫོགས་པའི། །ཤེས་རབ་ཐབས་ཉིད་རང་ངོ་། །ཞེས་བྱ་བ་ནི་ཆུའི་འཁོར་ལོ་སྟེ་གཉིས་པའོ།། །།དེ་ནས་དེ་ཡི་ཕྱི་རོལ་འཆད། །ཀུན་ནས་ཡེ་ཤེས་འཁོར་ལོའོ། །སུམ་ཅུ་དྲུག་རྩིབས་སྣ་ཚོགས་མདོག །ལྷ་མིན་མོའི་
[15b.7]རིགས་རིམ་པ་དང་། །ཏིལ་མཆོག་མ་དང་ཕུལ་དུ་བདེ། །ལྷ་ཡི་བུ་མོ་དགའ་ཆེན་མོ། །དགའ་དང་དགར་གྲགས་བདེ་ཆེན་མ། །དུང་ཅན་སྣ་ཚོགས་གླང་ཆེན་མ། །གཟུགས་ཆེན་མོ་དང་གཟུགས་མཛེས་མ། །འདོད་ཆགས་རྣམས་རྣམ་སྒེག་བདེ་བ་མོ། །མེ་ཏོག་འདོད་མ་ཨུཏྤལ་
[16a]
[16a.1]དཀར། །ཨུཏྤལ་སྔོ་དང་མཛེས་མ་དང་། །འདོད་ཆགས་མ་དང་འདོད་ཆགས་ཆེ། །རོལ་གྲགས་མ་དང་རོལ་ཆེན་མ། །མྱོས་མ་དང་ནི་མྱོས་དགའ་མ། །འདོད་པ་མོ་དང་འདོད་ཆེན་མོ། །བདེ་ལས་བྱུང་དང་བདེ་ལྡན་མ། །མཐུན་མཆོག་མ་དང་
[16a.2]བྱམས་པ་མོ། །སྐལ་བཟངས་ལྡན་མ་སྐལ་བཟངས་མོ། །དམའ་བ་མོ་དང་ཞུམ་པ་མོ། །སྐྱེས་གཟུགས་མར་ནི་གྲགས་པ་སྟེ། །རྣལ་འབྱོར་མ་ཡི་གཙོ་མོ་མཆོག །ཐམས་ཅད་ཤེས་རབ་ཐབས་བདག་ཉིད། །རྣམ་པ་སྣ་ཚོགས་མདོག་དེ་བཞིན། །ཕྱག་དང་མཚོན་ཆ་སྔོན་བཞིན་
[16a.3]ཤེས། །ལེགས་པའི་བློ་གྲོས་དེ་བཞིན། །དུར་ཁྲོད་རིན་པོ་ཆེར་སྣ་དང་། །རང་བྱུང་བདེ་བ་བྱེད་པ་པོ། །དེ་ཕྱིར་ལོངས་སྤྱོད་རྫོགས་སྐུའོ། །དེ་ནས་དེ་ཡི་ཕྱི་རོལ་དུ། །ཟླ་གདུགས་དང་། འོད་འཕྲོ་བ་དང་། དྲི་མེད་རྒྱལ་པོ་དང་། ཡེ་ཤེས་གྲགས་པ་དང་། ཀུན་དུ་རྒྱལ་བ་དང་།
[16a.4]ཡོན་ཏན་འོད་དང་། སྒྲ་གྲགས་དང་། ཟླ་བ་རྒྱས་པ་དང་། པདྨའི་འོད་ཟེར་དང་། བརྟུལ་ཞུགས་བཟང་པོ་དང་། སྒྲོན་མའི་རྒྱལ་པོ་དང་། གློག་གི་ཏོག་དང་། འོད་ཟེར་རྒྱལ་པོ་དང་། སྐར་མཁན་དང་། གྲགས་པ་རྫོགས་ལྡན་དང་། པདྨའི་སྙིང་པོ་དང་། རྒྱལ་དང་། སྤྱན་མཛེས་
[16a.5]དང་། རྙོག་པ་མེད་པའི་དོན་དང་། དྲག་ཤུལ་བདེ་བ་དང་། བསོད་ནམས་གཟི་བརྗིད་དང་། མཐུ་རྩལ་ཅན་དང་། ཐོགས་པ་མེད་པའི་བློ་དང་། སྒྲ་གཅན་ལྷ་དང་། ཡེ་ཤེས་དུང་པོ་དང་། ཁ་ལོ་སྒྱུར་དང་། སྐྱེ་དབང་མཚུངས་དང་། མེ་ཏོག་གི་ཏོག་དང་། སྒྲ་གཅན་འཛིན་
[16a.6]དང་། སྨན་ཆེན་པོ་དང་། རྒྱུ་སྐར་རྒྱལ་པོ་དང་། སྨན་པའི་རྒྱལ་པོ་དང་། བསོད་ནམས་གླང་པོ་དང་། གཅོད་པར་མཛད་པ་དང་། རྣམ་པར་གྲགས་པའི་རྒྱལ་པོ་དང་། ཉི་མའི་འོད་ཟེར་དང་། ཆོས་ཀྱི་མཛོད་དང་། བློ་གྲོས་བཟང་པོ་དང་། ཡོན་ཏན་དབང་མཚུངས་དང་། རྡོ་རྗེའི་
[16a.7]སྡེ་དང་། ཤེས་རབ་བརྩེགས་དང་། ལེགས་པར་གནས་པ་དང་། བློ་སྦྱངས་དང་། ཚངས་པའི་དབྱངས་དང་། ཡོན་ཏན་མཆོག་དང་། འབྲུག་སྒྲ་དབྱངས་དང་། མངོན་པར་ཤེས་པའི་ཏོག་དང་། ཏོག་གི་འོད་དང་། དགེ་བ་དང་། ཚངས་པ་དང་། སྐྱེས་མཆོག་དང་། སྤྱན་
[16b]
[16b.1]སྡུག་པ་དང་། ཀླུས་བྱིན་པ་དང་། བདེན་པའི་ཏོག་དང་། བརྒྱན་པ་དང་། ཞུམ་པ་མེད་པའི་དབྱངས་དང་། རིན་ཆེན་འོད་དང་། དབྱངས་བྱིན་དང་། སེང་གེ་དང་། འོད་ཟེར་སྣ་ཚོགས་དང་། ཡེ་ཤེས་དཔའ་བོ་དང་། པདྨའི་ཕུང་པོ་དང་། མེ་ཏོག་རྒྱས་པ་དང་། མཐུ་རྩལ་སྟོབས་དང་།
[16b.2]བསོད་ནམས་ཕུང་པོ་དང་། གཟུགས་མཆོག་དང་། སྐར་མཁན་དང་། ཟླ་བའི་སྒྲོན་མ་དང་། གཟི་བརྗིད་ཕུང་པོ་དང་། བྱང་ཆུབ་རྒྱལ་པོ་དང་། མི་ཟད་པ་དང་། མངོན་རྟོགས་སྤྱན་དང་། ཡན་ལག་རྒྱས་པ་དང་། ཡུལ་འཁོར་དང་། ཤེས་རབ་དང་། མཆོག་དང་། གཟི་བརྗིད་
[16b.3]ཚིམ་མཛད་དང་། ཤེས་རབ་འབྱིན་དང་། འཇམ་པའི་དབྱངས་དང་། ཆགས་པ་མེད་པའི་མཛོད་དང་། གཙོ་བོས་བྱིན་དང་། གཙོ་བོ་དང་། ཡེ་ཤེས་མཐུ་རྩལ་དང་། འོད་འཕྲོ་ཅན་དང་། དབང་པོ་དང་། ཤུགས་འཆང་དང་། སྐར་རྒྱལ་དང་། འོད་བཟངས་དང་། གྲགས་པ་བྱིན་
[16b.4]དང་། གཟུགས་བཟང་པོ་དང་། རྒྱལ་པོ་དང་། དོན་གྲུབ་པ་དང་། སེང་གེའི་སྡེ་དང་། ནོར་བུའི་ལྷ་དང་། གྲགས་པ་དང་། རྒྱལ་བ་དང་། རྒྱལ་ཆེན་སྙིང་པོ་དང་། བསོད་ནམས་འོད་ཟེར་དང་། སྨྲང་འདོན་པ་དང་། སྒྲོན་མའི་རྒྱལ་པོ་དང་། ཡེ་ཤེས་བརྩེགས་པ་དང་། ལྷ་མཆོག་
[16b.5]དང་། ས་བདག་དང་། རྣམ་གྲོལ་བརྙེས་དང་། གཙུག་གི་གསེར་དང་། སྒྲ་གཅན་བཟང་བོ་དང་། ཐུབ་དཀའ་དང་། ཐུབ་གསལ་དང་། ཟླ་བའི་འོད་ཟེར་དང་། གསེར་གྱི་འོད་དང་། ལེགས་བྱིན་དང་། ལྷའི་ཡོན་ཡན་དབང་པོ་དང་། ཆོས་ཀྱི་གདུགས་དང་། བསོད་ནམས་ལག་
[16b.6]དང་། ཆགས་མེད་དང་། ཡེ་ཤེས་གྱ་ནོམ་དང་། བློ་ཞིབ་མོ་དང་། གཟི་བྱིན་ཐམས་ཅད་དང་། རྩི་སྨན་དང་། རྣམ་གྲོལ་ཏོག་དང་། འོད་ཀྱི་མཛོད་དང་། ཡེ་ཤེས་རྒྱལ་པོ་དང་། འཇིགས་མཛད་དང་། ཆུ་བོ་སྦོང་བ་དང་། ཐོགས་མེད་གྲགས་པ་དང་། བདེན་པའི་ཕུང་པོ་དང་།
[16b.7]དབྱངས་སྙན་དང་། རི་དབང་མཚུངས་དང་། ཆོས་བརྩེགས་དང་། ཐར་བའི་གཟི་བྱིན་དང་། ལེགས་འཛིན་དང་། རབ་ཏུ་ཞི་བའི་སྐུ་དང་། ཡིད་དུ་འོང་བའི་གསུང་དང་། བློ་སྦྱངས་པ་དང་། ཆུ་ལྷ་དང་། འགྲོ་བས་མཆོད་དང་། སེང་གེའི་ལོགས་དང་། ཆོས་ཀྱི་མཐུ་རྩལ་དང་། སྐལ་
[17a]
[17a.1]པ་བཟང་པོ་དང་། མི་འཁྲུགས་པའི་མདོག་དང་། གཟི་བརྗིད་རྒྱལ་བོ་དང་། རྟོགས་མཛད་དང་། སྤྱན་ལེགས་པ་དང་། དོན་ལ་གནས་པའི་བློ་མངའ་བ་དང་། སྣང་བའི་འོད་ཟེར་དང་། སྤོས་ཀྱི་གཟི་བརྗིད་དང་། ཀུན་དུ་དགའ་བར་མཛད་པ་དང་། །དོན་ཡོད་པར་
[17a.2]གཤེགས་པ་དང་། ཁྲོ་བ་བཅོམ་དང་། གཟུགས་མཆོག་དང་། ལེགས་གཤེགས་དང་། རབ་ཏུ་སྦྱིན་པར་གྲགས་དང་། འོད་གཙང་དང་། ལྷའི་ཉི་མ་དང་། ཤེས་རབ་བྱིན་པ་དང་། མཉམ་པར་གཞག་པའི་བདག་ཉིད་དང་། གཟི་མདངས་དང་། རྒྱལ་རིགས་དང་། སྐལ་
[17a.3]ལྡན་ཤིང་རྟ་དང་། གསེར་མཆོག་དང་། རྣམ་པར་གྲོལ་བའི་གཙུག་ལག་དང་། ཆོས་ལྡན་དང་། སྤོས་གནས་དང་། དྲེགས་སྤངས་དང་། ཡེ་ཤེས་མཛོད་དང་། ཚངས་པར་གཤེགས་དང་། ཙནྡན་དང་། མྱ་ངན་མེད་དང་། སེང་གེའི་འོད་ཟེར་དང་། ཡུལ་འཁོར་ཏོག་དང་། པདྨའི་
[17a.4]སྙིང་བོ་དང་། གཟི་བརྗིད་མཐའ་ཡས་དང་། ལྷའི་འོད་ཟེར་དང་། ཤེས་རབ་ཏོག་དང་། མཁས་པ་དང་། ཡེ་ཤེས་འབྱོར་ལྡན་དང་། ཚངས་པའི་དབྱིག་དང་། ཕྱག་ན་རིན་ཆེན་དང་། དབང་ལྡན་དང་། རྫོགས་པར་གསུངས་དང་། མཆོག་ཏུ་གསུངས་དང་། མཆོད་འོས་དང་།
[17a.5]སྐར་རྒྱལ་དང་། ཉི་མ་དང་། འདམ་ལས་རྒལ་བ་དང་། ཡེ་ཤེས་བརྙེས་པ་དང་། གྲུབ་པ་དང་། རྨ་བྱ་དང་། ཆོས་བྱིན་དང་། ཕན་པར་བཞེད་པ་དང་། ཡེ་ཤེས་ལྡན་པ་དང་། གྲགས་པ་དང་། འོད་ཟེར་དྲ་བ་དང་། རྣམ་པར་བཅོམ་པ་དང་། བཻ་ཌཱུརྱའི་སྙིང་པོ་དང་། མེ་ཏོག་དང་།
[17a.6]ལྷའི་རྒྱལ་པོ་དང་། ཟླ་བ་དང་། དྲན་པའི་འོད་དང་། དགེ་བའི་འོད་དང་། ཡོན་ཏན་མཆོག་མ་ཀུན་གྱི་འོད་དང་། རིན་པོ་ཆེའི་དཔལ་དང་། སྐྱེས་བུ་ཟླ་བ་དང་། སྒྲ་གཅན་དང་། བདུད་རྩིའི་འོད་དང་། འཇིག་རྟེན་གྱི་མཆོག་དང་། སྐར་མའི་འོད་དང་། ཞི་བའི་སྟོབས་དང་། ཡེ་ཤེས་རྒྱ་མཚོ་
[17a.7]དང་། རི་བོའི་དབང་པོ་དང་། རབ་ཏུ་ཞི་བ་དང་། ཡོན་ཏན་མཐའ་ཡས་བའི་སྟོབས་དང་། ལྷའི་དབང་པོ་དང་། དབྱངས་སྙན་དང་། ངོས་བཟངས་དང་། དོན་ལ་གནས་པ་དང་། ཡོན་ཏན་གཟི་བརྗིད་དཔལ་དང་། མཁྱེན་ལྡན་ཟླ་མེད་དང་། ང་རོ་དཔག་མེད་དང་། འོད་བཟངས་དང་།
[17b]
[17b.1]ཤིན་ཏུ་ཐུགས་གཞུངས་དང་། དོན་དགོངས་གཏི་མུག་བྲལ་བ་དང་། དབྱངས་ཀྱི་ཡན་ལག་ཁྱད་འཕགས་དང་། མཆོག་ཏུ་མཛེས་པར་གཤེགས་དང་། ཞི་བའི་དོན་དང་། སྐྱོན་མེད་དང་། བློ་སྦྱངས་དགེ་བ་དང་། པདྨའི་མཛོད་དང་། འོད་ཟེར་བཟང་པོ་དང་། སྤོབས་པའི་
[17b.2]མདོག་དང་། སྟེགས་བཟང་པོ་དང་། ཚོགས་ཀྱི་དབང་པོ་དང་། བསྙེངས་པ་དང་བྲལ་བ་དང་། ཡེ་ཤེས་བཞེད་པ་དང་། སྤོབས་པའི་སྤྱན་དང་། བློའི་མཆོག་དང་། ཟླ་བ་དང་། རིན་ཆེན་ཟླ་འོད་དང་། བསྙེངས་པ་མེད་པ་དང་། གཟིགས་པ་མེད་པ་དང་། ཚངས་པའི་དབྱངས་དང་།
[17b.3]དབྱངས་བཟང་པོ་དང་། ཤེས་རབ་ཆེན་པོའི་སྟེགས་དང་། བློ་གྲོས་ཟླ་མེད་དང་། རྡོ་རྗེ་མཁྲེགས་པ་དང་། བྱང་ཆུབ་བློ་གྲོས་དང་། ལྗོན་ཤིང་དབང་པོ་དང་། གདངས་སྙན་པ་དང་། བསོད་ནམས་ཀྱི་སྟོབས་དང་། མཐུའི་དཔལ་རྣམས་སོ། །ཤར་ལ་སོགས་པའི་སྒོ་བཞི་རུ། །
[17b.4]རྣལ་འབྱོར་མ་རྣམས་རིམ་བཞིན་དུ། །དཀར་མོ་ཆོམ་རྐུན་རོ་ལངས་མ། །ཟ་ཕོད་མ་ཡང་རྣམ་པར་དགོད། །གྲྭ་ལ་གནས་པའི་ལྷ་མོ་བཞི། །སྦོས་མོ་རི་ཁྲོད་མ་དེ་བཞིན། །གཏུམ་མོ་དང་ནི་གཡུང་མོ་སྟེ། །རིམ་པས་སྔོན་བཞིན་བརྟག་ཅེས་བྱ། །དཀྱིལ་འཁོར་འཁོར་ལོ་གསུམ་
[17b.5]པ་ལ། །དགའ་བ་བཞི་ནི་དག་པ་ཡིས། །ཀུན་ནས་རི་མོ་བཞི་ཅན་ནོ། །ཕྱི་རོལ་དུར་ཁྲོད་འཁོར་ལོ་ནི། །ཆུ་ཡི་དཀྱིལ་འཁོར་དབུས་སུ་སྟེ། །བྱིས་པ་གསོད་དང་ལྷག་མ་ཟ། །གཡུལ་དྲག་པོ་དང་མཆེ་བ་ཀུན། །ཤར་ལ་སོགས་པ་གཡོན་སྐོར་དུ། །དེ་ལྟར་བརྩེ་བ་ཆེན་པོས་བསམ། །
[17b.6]རུ་བ་མུན་ནག་ནང་གི་མེ། །ཧཱ་ཧཱའི་སྒྲ་དང་སྒྲ་ཆེན་ནོ། །ཤིང་ནི་ཙནྡན་ག་པུར་དང་། །ཛཱ་ཏི་ཕ་ལ་དང་ཨེ་ལ། །ནཱ་ག་གེ་སར་ཙམ་པ་དང་། ཀུན་དུ་རུ་དང་ལྷ་ཡི་ཤིང་། །ཕྱོགས་སྐྱོང་རྣམ་ནི་མཚོན་བྱ་བ། །ཉི་མ་བསིལ་བ་ས་ཡི་བུ། །རི་བོང་ཅན་སྐྱེས་བླ་མ་ཉིད། །ངན་སྤང་ཉི་མའི་
[17b.7]བུ་དེ་བཞིན། །ལྷ་མིན་མགོ་བོར་ཤེས་བྱ་སྟེ། །དྲག་པོའི་གདོང་རྣམས་སུ་བྱའོ། །འབར་བ་རལ་གྲི་ཆུ་གྲི་དང་། །མདུང་རིངས་སྦུ་གྲི་བྲག་དེ་བཞིན། །གློག་དང་སྣ་ཚོགས་མཚོན་འབེབས་བར། །དུར་ཁྲོད་ཀྱི་ནི་དབུས་སུ་བྱ། །རལ་གྲི་མིག་སྨན་རི་ལུ་དང་། །རྐང་པ་བྱུག་དང་བཅུད་
[18a]
[18a.1]ལེན་དང་། མཆིལ་ལྷམ་དངུལ་ཆུས་འོག་གི །དངོས་གྲུབ་བསྒྲུབ་པ་མཁས་པར་བྱ། །ཞེས་བྱ་བ་ནི་ཡེ་ཤེས་ཀྱི་འཁོར་ལོ་སྟེ། །ལོངས་སྤྱོད་རྫོགས་པའི་དཀྱིལ་འཁོར་འཁོར་ལོ་གསུམ་གྱི་བདག་ཉིད་དོ།། །།དེ་ནས་དེ་ཡི་ཕྱི་རོལ་འཆད། །ཐུགས་
[18a.2]ཀྱི་འཁོར་ལོ་འདི་གསལ་བའོ། །མདོག་རྣམས་སུམ་ཅུ་རྩ་དྲུག་རྩིབས། །ཐམས་ཅད་རང་བཞིན་སྐྱེས་པ་མཆོག །ཀླུ་མོ་གནོད་སྦྱིན་མོ་འབྱུང་མོ། །ཡི་དྭགས་དམྱལ་མོ་མནར་མེད་མ། །ལྷུང་བ་མོ་དང་བར་མེད་མ། །བུམ་མོ་གཤིན་རྗེ་མ་དེ་བཞིན། །ཐིག་ནག་མ་དང་མེ་
[18a.3]མདག་མོ། །ཚ་བ་མོ་དང་རབ་ཚ་མོ། །ངུ་འབོད་མ་དང་ངུ་འབོད་ཆེ། །མར་ནག་དུ་འཚེད་རི་གཉིས་འཚིར། །སྡང་མ་རྨོངས་མ་ཕྲག་དོག་མ། །ཆགས་མྱོས་སེར་སྣ་སྐུད་པ་མ། །གྲང་མ་རལ་གྲིའི་ནགས་མ་ཉིད། །རྔུ་མ་དང་ནི་མུ་གེ་མ། །ནང་དགོན་མ་དང་མཚོན་གྱི་དང་། །ཆུ་ཡི་
[18a.4]དགོན་པ་མ་དང་ནི། །རལ་གྲི་སེན་མོ་རབ་མེད་མ། །སྤུ་གྲིའི་སོ་མ་འཁོར་ལོ་མ། །གྲུལ་བུམ་མོསྟེ་ལྷ་མོ་ཆེ། །མདག་ནི་འཁོར་ལོ་ཇི་འདྲ་བའོ། །ཕྱག་ན་མཚོན་ཆ་སྔོན་བཞིན་དུ། །ཤེས་བྱ་རང་གི་གཟུགས་ཅན་ནོ། །དེ་ལ་ཉེ་བའི་དུར་ཁྲོད་དང་། །དེ་ནས་ས་ན་ཆོས་ཀྱི་སྤྲིན། །
[18a.5]སེམས་ཀྱི་རང་བཞིན་དག་པ་ཉིད། །ཀུན་འགྲོ་འཁོར་ལོ་ཅན་དུ་འདོད། །རང་བཞིན་སྤངས་པས་བདག་མེད་པ། །འཁོར་ལོ་ཅན་སར་བཞུགས་པའོ། །འཁོར་ལོ་རྣམས་ནི་རིམ་ཇི་བཞིན། །ཐམས་ཅད་དེ་ལྟར་ཤེས་པར་བྱ། །གནས་བཞི་རྣམས་ལ་བཅུ་གཉིས་སོ། །དེ་ལྟར་
[18a.6]བཅུ་དྲུག་ཅེས་བྱ་བ། །སྟོང་པ་ཉིད་དུ་མཁས་པ་ཡི། །ཡེ་ཤེས་རྣམ་ཤེས་ངོ་བོའི་ཕྱིར། །དུར་ཁྲོད་བཅོམ་ལྡན་འདས་རང་ཉིད། །སྤྲུལ་པའི་འཁོར་ལོ་འདི་ལ་ནི། །གསུམ་གྱི་བདག་ཉིད་མིང་གིས་སོ། །ཕྱི་ནས་གཞན་ནི་ཐམས་ཅད་ནི། །འཁོར་ལོ་གཉིས་སུ་ཤེས་
[18a.7]པར་བྱ། །ཐུགས་ཀྱི་འཁོར་ལོའི་དང་པོའོ།། །།དེ་ནས་ཕྱི་རོལ་དུ་གཞན་པ། །གསུང་གི་འཁོར་ལོ་དེ་བཤད་པ། །དམར་པོ་བཙོད་ཀྱི་ཁ་དོག་སྟེ། །སུམ་ཅུ་དྲུག་རྩིབས་བདག་ཉིད་གཙོ། །མཆོད་པ་ཟ་མ་གཉིས་མ་དང་། །ལེ་ལོ་མ་ཆོས་སེམས་སྒོམ་མོ། །ཁྱིམ་སེམས་བུད་
[18b]
[18b.1]མེད་སེམས་མ་དང་། །དོན་སེམས་མ་དང་སྦྱོང་བྲལ་མ། །བུ་སེམས་རྣམས་དང་མྱ་ངན་ནམ། །བསམ་གཏན་མ་དང་སྔགས་ཟློས་མ། །ངོ་ཚ་ང་རྒྱལ་གདུངས་པ་མོ། །སེམས་ཅན་དོན་བྱེད་བརྩོན་མ་དང་། །རྒྱལ་པོ་སེམས་མ་གཞན་གནོད་མ། །ཡེ་ཤེས་ཐོབ་མ་དཀའ་ཐུབ་མ། །
[18b.2]རྒས་མ་འཆི་བའི་བསམ་ཅན་མ། །བདེ་མ་སྡུག་མ་མི་དགེ་མ། །ཡོད་དང་མེད་དང་གཉིས་དང་ནི། །བླ་མ་སེམས་མ་འགྲེ་བ་མོ། །བཟོད་མ་མི་བཟོད་མ་ངལ་མ། །ངལ་སོས་མ་དང་བཀྲེས་པ་མཆོག །ལས་ནི་ཐམས་ཅད་བྱེད་ལྷ་མོ། །རང་བཞིན་འཁོར་ལོ་འདི་ཆེ་བའོ། །
[18b.3]ཁ་དོག་རང་བཞིན་འཁོར་ལོར་གྲགས། །ལྷག་མ་འདིར་ནི་སྔོན་བཞིན་ནོ། །ཤེས་རབ་ཐབས་བདག་ཉིད་ལྷ་མོ། །རང་བཞིན་གྱིས་ནི་དཀྱིལ་འཁོར་འདི། །གདན་བཞི་པའི་རྒྱུད་སྟོང་ཕྲག་ནི། །བཅུ་གཉིས་པ་ལས་བཤད་པ་སྟེ། །ཡེ་ཤེས་མཁའ་འགྲོ་མ་སོགས་ཀྱི། །མཆོད་སོགས་ལྷ་
[18b.4]མོར་འདོད་པ་བཞིན། །གྲོང་མཐའི་གནས་ནི་འདི་ལྟ་བུ། །ཀུན་དུ་འོད་ཀྱི་ས་ཡིན་ནོ། །དེ་ལྟར་ཡེ་ཤེས་སོགས་སྐུའི་མཐའ། །རླུང་མེ་ཆུ་དང་ནམ་མཁའ་ཡིས། །བསྐོར་བའི་འཁོར་ལོ་ཞེས་བྱ་བས། །རྡོ་རྗེ་མཆོག་མང་ཤེས་པར་པར་བྱ། །ཞེས་བྱ་བ་ནི་གསུང་གི་འཁོར་ལོའི་གཉིས་པ་སྤྲུལ་བའི་
[18b.5]འཁོར་ལོའོ།། །།དེ་ནས་སྐུ་ཡི་འཁོར་ལོ་བཤད། །སྐུ་གསུང་ཐུགས་ཀྱི་ཁ་དོག་ཅན། །སུམ་ཅུ་རྩ་དྲུག་དབྱིབས་འདྲ་བ། །རྣལ་འབྱོར་མ་འཁོར་སྒྱུར་མའོ། །རྒྱལ་ཆེན་བཞི་ཡི་རིགས་མ་དང་། །སུམ་ཅུ་རྩ་གསུམ་འཁོར་སྒྱུར་མ། །འཐབ་བྲལ་དགའ་ལྡན་འཁོར་སྒྱུར་མ། །
[18b.6]འཕྲུལ་དགའ་མ་དང་དེ་བཞིན་དུ། །གཞན་འཕྲུལ་དབང་བྱེད་མ་དང་ནི། །ཚངས་རིས་མ་ཡི་འཁོར་ལོ་མ། །ཚངས་པ་མདུན་འདོན་མ་དེ་བཞིན། །ཚངས་པ་ཆེན་པོ་འཁོར་སྒྱུར་མ། །འོད་ཆུང་ཚད་མེད་འོད་མ་དང་། །འོད་གསལ་མ་དང་དགེ་ཆུང་མ། །ཚད་མེད་དགེ་བའི་འཁོར་
[18b.7]སྒྱུར་མ། །དགེ་རྒྱས་མ་དང་སྤྲིན་མེད་མ། །བསོད་ནམས་སྐྱེས་བའི་འཁོར་ལོ་དང་། །འབྲས་བུ་ཆེ་བའི་འཁོར་སྒྱུར་མ། །མི་ཆེ་མི་གདུང་འཁོར་སྒྱུར་མ། །ཤིན་ཏུ་མཐོང་མ་བཟང་སྣང་མ། །འོག་མིན་མ་ཡི་འཁོར་སྒྱུར་མ། །ནམ་མཁའ་མཐའ་ཡས་སྐྱེ་མཆེད་མ། །རྣམ་ཤེས་མཐའ་
[19a]
[19a.1]ཡས་སྐྱེ་མཆེད་མ། །ཅིའང་མེད་སྐྱེ་མཆེད་མ་དེ་ནས། །འདུ་ཤེས་འདུ་ཤེས་མེད་མིན་མ། །དམྱལ་མོ་ཡི་དགས་མ་དེ་བཞིན། །དུས་འགྲོ་མི་མོ་ལྷ་མིན་མོ། །གཞལ་མེད་མཁའ་སྤྱོད་མ་དེ་བཞིན། །ཟླ་མོ་ཉི་མོ་གཤིན་རྗེ་མོ། །དབང་མོ་འཁོར་སྒྱུར་མར་ཤེས་བྱ། །རང་
[19a.2]གི་འཁོར་ལོའི་མདོག་བཞིན་བྱ། །ཕྱག་དང་མཚོན་ཆ་སྔར་བཞིན་ནོ། །ཤེས་རབ་ཐབས་ཀྱི་རང་བཞིན་ཏེ། །ཉེ་བའི་གྲོང་མཐར་ཡང་དག་གནས། །ས་ནི་མོས་པར་སྤྱོད་པའོ། །དེ་ནས་དེ་ཡི་ཕྱི་ཁྱམས་ལ། །འཕགས་པ་དགྱེས་པ་དང་། མཐུ་སྟོབས་དང་། །སྐར་མལ་དགྱེས་པ་དང་།
[19a.3]སྤྲིན་གྱི་རྔ་སྒྲ་དང་། །སྤྱན་སྡུག་ཞལ་དང་། །ཡེ་ཤེས་བཟང་ལྡན་དང་། འབྱོར་ལྡན་དང་། ཡོན་ཏན་ཕུང་པོ་དང་། གསལ་བ་དང་། ཆོས་ཀྱི་རྒྱལ་མཚན་དང་། ཡེ་ཤེས་ང་རོ་དང་། ནམ་མཁའ་དང་། མཆོད་སྦྱིན་ང་རོ་དང་། ཤེས་རབ་རྣམ་དགོད་ང་རོ་དང་། ཡོན་ཏན་འོད་ཟེར་གཟི་
[19a.4]བརྗིད་དང་། དྲང་སྲོང་དབང་པོ་དང་། བློ་ལྡན་དང་། སྟོབས་པའི་ཚོགས་དང་། མཆོད་སྦྱིན་བཟང་པོ་དང་། ཟླ་བའི་ཞལ་དང་། ཤིན་ཏུ་གཟིགས་དང་། རྡུལ་བྲལ་དང་། ཡོན་ཏན་ཚོགས་དང་། ཏོག་ལྡན་དང་། བསོད་ནམས་རྒྱལ་མཚན་དང་། ཡུལ་འཁོར་སྤོབས་པ་དང་།
[19a.5]རིན་ཆེན་རབ་སྦྱིན་དང་། ཟླ་དགྱེས་དང་། སེང་གེའི་སྟོབས་དང་། དབང་སྒྱུར་རྒྱལ་པོ་དང་། བདུད་རྩི་གསལ་བ་དང་། བསམ་གཏན་སྙོམས་དང་། འཁྲུལ་བ་མེད་པ་དང་། དྲི་མ་རབ་ཏུ་ཞི་བ་དང་། ཕྱོགས་མ་བསླད་དང་། མཛེས་པ་དང་། །ཞལ་བཟངས་དང་། ཤུགས་གནས་ཡེ་
[19a.6]ཤེས་ལྡན་དང་། གསུང་གི་དབང་པོ་དང་། གཟི་བརྗིད་ཆེན་པོ་དང་། བློ་གྲོས་ཟབ་མོ་དང་། བདུད་རྩི་དང་། ཆོས་ཀྱི་སྟོབས་དང་། །མེ་ཏོག་འོད་དང་། ཁམས་གསུམ་དག་གི་མཆོད་པའི་གནས་དང་། སྒྲ་གཅན་ཉི་མར་སྙིང་བོ་དང་། ལྷའི་མཆོད་པ་དང་།
[19a.7]ཐར་པའི་རྒྱལ་མཚན་དང་། དགེ་བའི་གཙུག་དང་། བདུད་རྩིའི་འོད་དང་། རྡོ་རྗེ་དང་། བརྟན་པ་དང་། རིན་ཆེན་ཕུང་པོ་དང་། མཛེས་པར་གཤེགས་དང་། ཉི་མ་ལྟ་བུར་གཤེགས་པ་དང་། དག་པའི་འོད་དང་། ཡོན་ཏན་གཙུག་དང་། དཔལ་རྫོགས་པ་དང་། སེང་གེའི་
[19b]
[19b.1]སྟངས་དང་། གྱེན་དུ་འཕགས་པ་དང་། མེ་ཏོག་བྱིན་དང་། འོད་འགྱེད་པ་དང་། པདྨ་དང་། ཡེ་ཤེས་དགྱེས་པ་དང་། བཀོད་པ་མཛེས་དང་། གཏི་མུག་མེད་པར་གནས་པ་དང་། རྨ་མེད་པ་དང་། ཏོག་གི་རྒྱལ་མཚན་དང་། བདེ་བར་དགོངས་དང་། གཏི་མུག་མེད་པའི་རྒྱལ་
[19b.2]པོ་དང་། ཆོ་ག་མཁྱེན་པ་དང་། དག་པའི་རྒྱ་མཚོ་དང་། རིན་ཆེན་མངའ་བ་དང་། མི་མངའ་བ་དང་། སྐྱེ་བོ་དགའ་མཛད་དང་། རྨ་བྱའི་ང་རོ་དང་། མ་ཞུམ་པ་དང་། སྲིད་པའི་སྲེད་པའི་དྲི་མ་སྤངས་པ་དང་། སྤྱོད་པའི་སྟེགས་དང་། ལྷ་མང་དག་གི་སྙན་པར་བསྒྲགས་པ་དང་། རིན་པོ་
[19b.3]ཆེའི་སྟབས་དང་། ཕྱག་ན་པདྨ་བསྣམས་པ་དང་། དཔལ་དང་། དགྲ་ལས་རྒྱལ་བ་དང་། འབྱོར་ལྡན་གྲགས་པ་དང་། ཡུལ་འཁོར་བཟང་པོ་དང་། མེ་ཏོག་འོད་དང་། སེང་གེའི་ང་རོ་དང་། ཟླ་བ་ལྟར་ཤར་བ་དང་། འཇོམས་པའི་མཆོག་དང་། མི་གཡོ་བ་དང་། ཕན་པར་
[19b.4]ལྡན་བར་གཤེགས་པ་དང་། བསོད་ནམས་སྒྲོན་མའི་རྒྱལ་པོ་དང་། དབྱངས་ཀྱིས་བསྐུལ་བ་དང་། གཽ་ཏམ་དང་། མདངས་སྟོབས་དང་། བློ་གནས་པའི་རང་བཞིན་དང་། ཟླ་བ་བཟང་པོ་དང་། བྱང་ཆུབ་ཡན་ལག་མེ་ཏོག་སྤོས་དང་། བཀྲ་ཤིས་དང་། ལེགས་སྟོན་དང་། ཡེ་ཤེས་
[19b.5]གཟི་བརྗིད་སྟོབས་དང་། མཐུ་རྩལ་བརྟན་པོ་དང་། ལྷའི་སྒྲ་དང་། རབ་ཏུ་ཞི་བ་དང་། ཉི་མའི་ཞལ་དང་། ཐར་པའི་བརྟུལ་ཞུགས་དང་། ཚུལ་ཁྲིམས་འོད་དང་། བརྟུལ་ཞུགས་གནས་པ་དང་། རྡུལ་མེད་པ་དང་། སྙིང་པོ་འཕགས་པ་དང་། མིག་སྨན་དང་། འཕེལ་བར་མཛད་
[19b.6]པ་དང་། སྤོས་ཀྱི་འོད་དང་། དུས་གསུམ་མཁྱེན་པའི་འོད་དང་། དྲན་པའི་དབང་པོ་དང་། ཐོགས་པ་མེད་པའི་རྒྱལ་མཚན་དང་། བྱང་ཆུབ་མཆོག་ཏུ་བགྲོད་པ་དང་། སྤྱོད་པ་གསལ་བ་དང་། རིན་ཆེན་དགྱེས་དང་། ཆོས་ཀྱི་དབང་ཕྱུག་དང་། ལྷ་ཐམས་ཅད་པ་དང་། བཤེས་
[19b.7]གཉེན་ཆེན་པོ་དང་། བཤེས་གཉེན་བཟང་པོ་དང་། རབ་ཏུ་ཞི་བའི་སྟབས་དང་། བདུད་རྩིའི་བདག་པོ་དང་། ལྷུན་པོའི་འོད་དང་། འཕགས་པས་བསྟོད་དང་། སྣང་ལྡན་དང་། གཟི་བརྗིད་འབར་བ་དང་། སྣང་བ་གཟིགས་དང་། ལེགས་སྤྱད་རྣམ་པར་སྨིན་དང་། ལེགས་དགྱེས་
[20a]
[20a.1]དང་། མྱ་ངན་བྲལ་དང་། རིན་ཆེན་འོད་དང་། སྤྱོད་པར་ལྡན་དང་། བསོད་ནམས་སྟོབས་དང་། ཡོན་ཏན་རྒྱ་མཚོ་དང་། རྨད་དུ་བྱུང་བ་དང་། ང་རྒྱལ་སྤོང་བ་དང་། བདུད་བརླག་མཛད་དང་། བག་ཆགས་ལ་ས་རྒལ་བའི་སྟོབས་དང་། མི་ཕྱེད་བའི་བློ་
[20a.2]མངའ་བ་དང་། རྒྱ་མཚོ་དང་། དག་པར་མཛད་པ་དང་། ཚོགས་ཅན་སྦྲོལ་བའི་རྒྱལ་པོ་དང་། དགའ་བའི་འོད་དང་། བྱང་ཆུབ་རྒྱལ་མཚན་དང་། ཡེ་ཤེས་རིན་ཆེན་དང་། ཤིན་ཏུ་བསིལ་བ་དང་། ཚངས་པ་རྒྱལ་བ་དང་། ཡེ་ཤེས་དགྱེས་དང་། རྫུ་འཕྲུལ་ཏོག་དང་། སྐྱེ་
[20a.3]དབང་མཚུངས་དང་། སའི་དབང་ཕྱུག་དང་། ཉི་མ་དགྱེས་དང་། སྒྲ་གཅན་ཟླ་བ་དང་། མེ་ཏོག་འོད་དང་། སྨན་པའི་བདག་པོ་དང་། མདངས་མངའ་བ་དང་། བསོད་ནམས་དགྱེས་དང་། དགའ་བའི་སྟོབས་དང་། དབྱངས་སྙན་པ་དང་། ཆོས་ཀྱི་དབང་ཕྱུག་དངཇ། ཚངས་
[20a.4]པའི་དབྱངས་དང་། སྤྱོད་བཟངས་དང་། འཁྲུལ་པ་མེད་པའི་བློ་དང་། དབྱངས་ཆེན་པོ་དང་། སྙན་པར་གྲགས་པ་དང་། ཏོག་ལྡན་དང་། གཟི་བརྗིད་རྣམ་པར་གྲགས་པ་དང་། འགྲོ་བའི་དབང་ཕྱུག་དང་། ལྗོན་པ་དང་། གཏི་མུག་རབ་ཏུ་ཟད་པ་དང་། དཔག་ཏུ་མེད་པ་དང་།
[20a.5]ཟླ་བ་བཟང་པོ་དང་། སྤོབས་པ་མཐའ་ཡས་ཏོག་དང་། བརྟུལ་ཞུགས་བརྟན་པ་དང་། མཆོད་པའི་གནས་དང་། མྱ་ངན་རྒལ་བ་དང་། དགེ་བ་དགྱེས་པ་དང་། འགྲོ་བའི་བློ་གྲོས་དང་། དགྱེས་པར་གཤེགས་དང་། ཞབས་མཛེས་པ་དང་། ཨུཏྤལ་དང་། དུལ་གནས་མེ་ཏོག་དང་།
[20a.6]སྤོབས་པ་མཐའ་ཡས་འོད་ཟེར་དང་། དྲང་སྲོང་གསལ་བ་དང་། ཡོན་ཏན་བརྩོན་འགྲུས་དང་། སྙིང་བོ་དང་། ལྷའི་བདག་པོ་དང་། རིན་ཆེན་མཐོན་པོ་དང་། གསལ་བ་དང་། སྐལ་ལྡན་ཤིང་རྟ་ཅན་དང་། བསོད་ནམས་བློ་གྲོས་དང་། སྦྱིན་སྲེག་འོད་འཕྲོ་དང་། ཡོན་ཏན་མཐའ་
[20a.7]ཡས་གཟི་བརྗིད་ཕུང་པོ་དང་། སེང་གེའི་སྟབས་དང་། མི་གཡོ་བ་དང་། རབ་གསལ་དང་། འོད་སྤྱོད་དང་། ཀླུ་དབྱངས་དང་། འཁོར་ལོ་འཛིན་དང་། དབྱིག་གི་མཆོག་དང་། འཇིག་རྟེན་ལས་དགའ་བ་དང་། །ཆོས་ཟླ་དང་། དགའ་བ་མཐའ་ཡས་གྲགས་པ་དང་། སྤྲིན་གྱི་ཏོག་
[20b]
[20b.1]དང་། ཤེས་རབ་འགྲོས་དང་། སྤོས་བཟང་དང་། ནམ་མཁའི་དབྱངས་དང་། ལྷ་དང་། ལྷའི་རྒྱལ་བ་དང་། ནོར་བུ་གསལ་དང་། ནོར་བུ་གསལ་དང་། ནོར་བཟངས་དང་། སྒྲོན་མ་དང་། རིན་ཆེན་ང་རོའི་དབྱངས་དང་། སྐྱེ་དབང་རྒྱལ་པོ་དང་། སྒྲ་གཅན་སྦེང་དང་། དགའ་བ་མཛད་པ་དང་། སེང་གེའི་
[20b.2]བློ་གྲོས་དང་། མི་གཡོ་བ་དང་། རིན་ཆེན་གྲགས་པ་དང་། དོན་མཛད་དང་། མཛད་པ་མཐའ་ཡས་གཟིགས་པ་དང་། སྲིད་པའི་མེ་ཏོག་དང་། མཛོད་སྦུ་ལྡན་དང་། སྤོབས་བ་མཚུངས་པ་མེད་པའི་རྒྱལ་པོ་དང་། ཡེ་ཤེས་རྣམ་པར་འབྱེད་པའི་ང་རོ་དང་། སེང་གེའི་མཆེ་བ་
[20b.3]དང་། མཛེས་བར་གཤེགས་པ་དང་། བསོད་ནམས་སྒྲོན་མ་དང་། བཀྲ་ཤིས་ལྡན་དང་། ཡུལ་འཁོར་མྱ་ངན་མེད་པ་དང་། བློ་གྲོས་སེམས་དཔའ་དང་། བློ་དང་ལྡན་པ་དང་། ཆོས་ཀྱི་སྒྲོན་མའི་སྤྱན་དང་། ཤིན་ཏུ་གཟིགས་དང་། ཤུགས་ཀྱི་འོད་འདོར་བ་དང་། སྟོབས་ཅན་དང་།
[20b.4]ཤེས་རབ་མེ་ཏོག་དང་། བརྟན་པའི་དབྱངས་དང་། བདེ་ལྡན་དང་། དོན་གསུངས་དང་། དགྱེས་པར་གསལ་བ་དང་། སེང་གེའི་ཞལ་དང་། གཙུག་ཕུད་དང་། སྣང་མཛད་རྣམས་ཏེ་ཐམས་ཅད་ཕྱག་རྒྱ་སྣ་ཚོགས་མཛད་པའོ། །འཁོར་ལོ་འདི་ནི་གྲུ་བཞི་སྟེ། །སྤྲུལ་བའི་སྐུ་ནི་
[20b.5]འདུ་ཤེས་སོ། །རི་མོ་ལྔ་ནི་མེ་ལོང་སོགས། །ཐམས་ཅད་མཚན་ཉིད་ཀྱིས་མཚན་མའོ། །བརྒྱད་གཉིས་ལྷ་མོས་བྱས་པ་ཡིས། །མཆོད་པའི་དཀྱིལ་འཁོར་བཞི་པའོ། །ཕྱི་རོལ་དུར་ཁྲོད་བརྒྱད་རྣམས་ཏེ། །སྒོ་སྐྱོད་མ་ནི་རིམ་ཇི་བཞིན། །ཤར་དུ་ཆུ་སྐྱེས་དཀར་མོ་སྒོམ། བྱང་དུ་
[20b.6]གནྡཱ་རི་མོའོ། །ནུབ་དུ་རྡོ་རྗེ་གར་མ་སྟེ། །ལྷོ་རུ་རྟ་རྡོད་མ་ཡི་ཁ། །གྲུ་ཡི་ཆར་ནི་ལྷ་མོ་བཞི། །དབང་ལྡན་ལ་སོགས་རིམ་ཇི་བཞིན། །ལྷ་མོ་རྡོ་རྗེ་འབར་ཞལ་མ། །རྡོ་རྗེ་ཁྲོ་གཉེར་མ་ཡི་ཞལ། །རྡོ་རྗེ་འཐུབ་མ་གཏུམ་མོ་སྟེ། །ཁ་དོག་ལ་སོགས་སྔོན་བཞིན་ནོ། །དྲག་མོ་ཆེན་
[20b.7]མོ་གཙིགས་བའི་ཞལ། །འབར་བའི་ཕྲེང་བས་རྣམ་མཛེས་མའོ། །དཔའ་བོ་རྣམས་ཀྱི་མདོག་དང་གཟུགས། །རྣལ་འབྱོར་མ་ཀུན་ཇི་ལྟ་བའོ། །ཀུན་ལ་མགོ་བོའི་ཕྲེང་བས་བརྒྱན། །དཔའ་བོ་རྣམས་ལ་དར་ཕྲེང་ཅན། །རལ་བའི་ཅོད་པན་དཔའ་དེ་རྣམས། །ཡན་ལག་ཀུན་
[21a]
[21a.1]ལ་ཐལ་བས་བསྡུས། རྣལ་འབྱོར་མ་རྣམསཐམས་ཅད་ཀྱི། །ནུ་མ་མཁྲང་ཞིང་མཐོ་བ་སྟེ། །ལག་གདུབ་སྤྱི་གཙུག་བརྒྱན་པ་དང་། མཚན་ཉིད་ཐམས་ཅད་ཡང་དག་རྫོགས། །ཕག་མོའི་རིགས་ལས་བྱུང་བའོ། །ཕྱི་རོལ་དུར་ཁྲོད་བཤད་བྱ་བ། །དང་
[21a.2]པོར་ཚིག་པར་ཤེེས་བྱ་སྟེ། །གཉིས་པ་ཡང་ནི་མ་ཚིག་པར། །གསུམ་བར་དུམ་བུར་གྱུར་པ་ཉིད། །བཞི་པ་ཡང་ནི་མ་གཏུབས་པ། །ལྔ་པ་འཇིགས་སུ་རུང་བ་བཤད། །དྲུག་པ་ཡང་ནི་འཇིགས་བྱེད་པ། །བདུན་པ་གསལ་ཤིང་བུག་པ་སྟེ། །སྟེང་ནས་བཏགས་པ་བརྒྱད་པའོ། །
[21a.3]དུར་ཁྲོད་བརྒྱད་པོར་རྟག་ཏུ་ནི། །དམྱལ་སྲུང་ཆེན་པོ་བརྒྱད་རྣམས་སོ། །ཤཱ་མ་ལི་ཤིང་མྱ་ངན་མེད། །ཡོངས་འདུ་ཨུཝཱར་དེ་བཞིན་ནོ། །ཌོ་མྦ་རི་དང་གཾ་བྷ་རི། །རྒྱ་ཤུག་དང་ནི་བ་རུ་རཱའོ། །སྣ་ཚོགས་རོ་ལངས་ཚོགས་དང་ནི། །རྣལ་འབྱོར་མ་དང་དཔའ་བོའི་ཚོགས། །མཁའ་
[21a.4]སྤྱོད་མ་དང་ས་སྤྱོད་གཞན། །གང་ཡིན་དེ་ཡང་རྫུ་འཕྲུལ་ཆེ། །མགོ་མེད་རྒྱུག་དང་གཞན་ཡང་ནི། །མགོ་བོ་མེད་པར་གར་བྱེད་དང་། །ཉལ་བ་དང་ནི་རྐང་མེད་དང་། །མགོ་བོ་ལུས་སོགས་གཏུབ་པ་སྟེ། །ཏིང་འཛིན་ཆེན་པོ་རྒྱུ་ཡིས་ནི། །དེ་ལྟར་གར་བཅས་གར་བྱེད་པའོ། །
[21a.5]དེ་ལྟར་དེ་ཡི་དབུས་སུ་ནི། །རྒྱུ་སྐར་སྣ་ཚོགས་བྱ་བ་ཡིན། །ཁ་དོག་སྣ་ཚོགས་ཤེས་བྱ་སྟེ། །བཞོན་པ་གང་གང་གི་ཡིན་པའོ། །དེ་ལྟར་དུར་ཁྲོད་ཀུན་ལ་བྱ། །རྫོགས་པའི་བྱང་ཆུབ་རྒྱུའི་བདག་ཉིད། །ཡོངས་རྫོགས་དཀྱིལ་འཁོར་བསྒོམ་པར་བྱ། །འདི་ནི་སྐུའི་འཁོར་ལོ་སྐུ་
[21a.6]གསུམ་གྱི་བདག་ཉིད་དང་སྤྲུལ་བ་དང་ལྷན་ཅིག་བ་སྟེ་གསུམ་པའོ།། །།གཙོ་བོའི་ཐུགས་ཀར་ཉི་མ་ལ་གནས་པའི་ཧཱུཾ་གི་ས་བོན་ལྗང་སྔོན་བསམ་པར་བྱའོ། །མགོ་བོར་ཟླ་བ་དང་ལ་འཁོར་ལོ་ལ་གནས་པའི་ཨོཾ་དཀར་པོའོ། །མགྲིན་པར་ཟླ་བ་དང་པདྨ་ལ་གནས་པའི་ཨཱཿདམར་
[21a.7]པོའོ། །སྙིང་གར་ཟླ་བ་དང་རྡོ་རྗེ་ལ་གནས་པའི་ཧཱུཾ་སྔོན་པོའོ། །དཀྱིལ་འཁོར་བ་ཐམས་ཅད་ལའང་སྙིང་གར་ཉི་མ་ལ་གནས་པའི་ཧཱུཾ་རང་རང་གི་ཁ་དོག་ཅན་ཡོད་པར་བསམ་པར་མོས་པར་བྱའོ། །དེ་ནས་གཙོ་བོའི་ཐུགས་ཀའི་ཧཱུཾ་གཉིས་ཀྱི་བར་དུ་རཾ་དམར་བོ་ལས་ཉི་མའི་དཀྱིལ་
[21b]
[21b.1]འཁོར་རོ། །དེའི་སྟེང་དུ་ཨོཾ་ཧ་བཾ་ཧཱ་བཱུཾ། ཧི་བཾ་ཧཱི་བཱི། ཧུ་བུ་ཧཱུ་ཕཱུ། ཧེ་བེ་ཧཻ་བེ་ཧོ་བོ་ཧཽ་བཽ་ཧཾ་བཾ་ཧཿབཿཧཱུཾ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་ཕཊ་སྭཱ་ཧཱ་སྭཱ་ཧཱ། ཞེས་བྱ་བ་ཁ་དོག་དཀར་དམར་གཡོན་སྐོར་དུ་སྦྲུལ་འཁྱིལ་བ་ལྟར་གནས་པ་རྡོ་རྗེ་སེམས་དཔའ་དང་ཕག་མོའི་ངོ་བོ། །མགོ་བོར་དེ་བཞིན་དུ་ཉི་མ་ལ་
[21b.2]ཨོཾ་ན་ཧཾ་ནཱ་ཧཱཾ་ནི་ཧིཾ་ནཱི་ཧཱིཾ་ནུ་ཧཱུཾ་ནཱུ་ཧཱུཾ་ན་ཧེཾ་ནེཾ་ཧོཾ་ནོཾ་ཧོཾ་ནཿཧཿཧཱུཾ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་ཕཊ་སྭཱ་ཧཱ་སྭཱ་ཧཱ། སེར་ཞིང་སྔོ་བས་རྣམ་པར་སྣང་མཛད་དོ། །གཤིན་རྗེ་མའི་རང་བཞིན་ནོ། །སྤྱི་གཙུག་ཏུ་ཉི་མ་ལ་ཨོཾ་སྭ་ཧྲཾ་སྭཱ་ཧྲཱཾ་སྭི་ཧྲིཾ་སྲཱཾ་ཧྲཱཾ་སྭུཾ་ཧྲུཾ་སྭེ་ཧྲིཾ་སྲཻ་ཧྲཻཾ་སྭོ་ཧྲོཾ་སྭཽ་ཧྲོཾ་སྭ་ཧྲཾ་སྭཿཧྲཱཿཧཱུ་ཧཱུཾ་ཧཱུཾ་ཧཱུཾ་ཕཊ་
[21b.3]ཕཊ་ཕཊ་ཕཊ་སྭཱ་ཧཱ་སྭཱ་ཧཱ། ཞེས་བྱ་བ་དམར་ཞིང་དཀར་བ་པདྨ་གར་གྱི་དབང་ཕྱུག་དང་རྨོངས་བྱེད་མའི་ངོ་བོའོ། །དཔུང་བ་གཉིས་ཀྱི་ནང་དུ་ཉི་མ་ལ། །ཨོཾ་བ་ཧྲཾ་བཱ་ཧྲཱཾ་བཾ་ཧྲིཾ་བཱི་ཧྲཱིཾ་བུ་ཧྲུཾ་བྲུ་ཧྲཱཾ་བེ་ཧྲེཾ་བཻ་ཧྲཻཾ་བོ་ཧྲོཾ་བཽ་ཧྲཽཾ་བ་ཧྲ་བཿཧྲཿཧཱུཾ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་ཕཊ་སྭཱ་ཧཱ་སྭཱ་ཧཱ། ཞེས་བྱ་བ་གནག་ཅིང་སེེེར་བ་ཧེ་
[21b.4]རུ་ཀ་དང་སྐྲོད་བྱེད་མའོ། །སྤྱན་གཉིས་པ་ལ་ཉི་མའི་སྟེང་དུ། ཨོཾ་ཧཱུཾ་ཧཱུཾ་ཧཾ་ཧཾ་ཧཱཾ་ཧཱཾ། ཧིཾ་ཧིཾ་ཧཱིཾ་ཧཱིཾ། ཧཱུཾ་ཧཱུཾ་ཧེཾ་ཧེཾ་ཧཻཾ་ཧཻཾ་ཧོཾ་ཧོཾ་ཧཽཾ་ཧཽཾ་ཧཾ་ཧཾ་ཧཿ་ཧཿཧཱུཾ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་ཕཊ་སྭཱ་ཧཱ་སྭཱ་ཧཱ། ཞེས་བྱ་བ་རྣམས་དམར་ཞིང་ལྗང་བ་རྡོ་རྗེ་ཉི་མ་དང་སྐྲག་བྱེད་མའོ། །མཛོད་སྦུའི་ཐང་ཀའི་ནང་དུ་ཉི་མ་ལ་
[21b.5]ཨོཾ་ཕཊ་ཕཊ་ཕ་ཕ་ཕཱ་ཕཱ་ཕི་ཕི་ཕཱི་ཕཱི་ཕུ་ཕུ་ཕུ་ཕཱུ་ཕཱུ་ཕེ་ཕེ་ཕཻ་ཕཻ་ཕོོ་ཕོ་ཕཽ་ཕཽ་ཕཾ་ཕཾ་ཕཿཕཿཧཱུཾ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་ཕཊ་སྭཱ་ཧཱ་སྭཱ་ཧཱ། ཞེས་བྱ་བ་ལྗང་ཞིང་དུད་ཀ་རྟ་མཆོག་དང་གཏུམ་མོ་སྟེ་འདི་ལས་ཡི་གེའི་ཚོགས་འཕྲོས་པས་རྐང་མཐིལ་ནས་སྤྱི་པོའི་བར་དུ་དེའི་རྡུལ་ཕྲ་རབ་བོ། །ལུས་ཀྱི་
[21b.6]ཕྱི་རོལ་དུ་ཨོཾ་ཧ་དཀར་པོ་སྙིང་ག་དང་། ན་མ་ཧི་སེར་པོ་མགོ་བོ་ལ་དང་། སྭཱ་ཧཱ་ཧུ་དམར་པོ་སྤྱི་གཙུག་ཏུ་དང་། བཽ་ཥ་ཌཾ་ཧེ་ནག་པོ་དཔུང་བ་གཉིས་ལ་དང་། ཧཱུཾ་ཧཱུཾ་ཧོ་དམར་སེེར་མིག་གཉིས་ལ་དང་། ཡན་ལག་ཐམས་ཅད་ལ་ཕཊ་ཧཾ་ལྗང་གུའོ། །རྡོ་རྗེ་ཕག་མོའི་ལྟེ་བར་ཨོཾ་བཾ་
[21b.7]དམར་པོ་དང་། ཧཾ་ཡོཾ་སྔོན་མོ་སྙིང་གར་རོ། །ཧྲིཾ་མོ་དཀར་མོ་ཁ་ལའོ། །ཧྲིཾ་ཧྲིཾ་སེར་མོ་མགོ་བོ་ལའོ། །ཧཱུཾ་ཧཱུཾ་ལྗང་གུ་སྤྱི་གཙུག་ཏུའོ། །ཕཊ་ཕཊ་དུད་ཀ་སྨིན་མཚམས་སུ་བཀོད་དེ། དེ་ལས་འཕྲོས་པའི་ལུས་ཐམས་ཅད་དགང་བའོ། །དེ་ནས་ཡེ་ཤེས་ཀྱི་དཀྱིལ་འཁོར་དང་གཉིས་
[22a]
[22a.1]སུ་མེད་པར་བྱ་སྟེ། དེ་ཡང་འབར་བའི་ཕྱག་རྒྱ་དཔྲལ་བར་བསྐོར་བ་དང་། རྐང་པ་གཡོན་པས་གཡས་པ་མནན་པ་དང་། སྙིང་གའི་ས་བོན་གྱི་འོད་ཟེར་གྱིས་གྲུབ་པའི་དཀྱིལ་འཁོར་ཆེན་པོ་མདུན་དུ་སྤྱན་དྲགས་ཏེ་ས་བོན་ལས་སྤྲོས་བའི་པི་ཝང་མ་ལ་སོགས་
[22a.2]པས་ཡང་དག་པར་མཆོད་དེ། ཛཿཞེས་པས་རང་རང་གི་སྟེང་དུ་དགུག་པ་དང་། ཧཱུཾ་གིས་ཆུ་ལ་ཆུ་ཞུགས་པ་བཞིན་དུ་གཞུག་པ་དང་། བཾ་གྱིས་བཅིང་བ་དང་། ཧཾཿཡིས་དགྱེས་པར་བྱའོ། །དེ་ནས་ཡང་རང་གི་སྙིང་གའི་ས་བོན་གྱི་འོད་ཟེར་གྱིས་དཔལ་གསང་བ་འདུས་པ་ནས་འབྱུང་བའི་ཆ་
[22a.3]ལུགས་ཅན། རིགས་ལྔ་དཔག་ཏུ་མེད་པ་སྤྱན་དྲངས་པ་རྣམས་ལ་ཡང་པི་ཝང་མ་ལ་སོགས་པས་མཆོད་དེ། ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་པ་རྣམས་ཁྲུས་གསོལ་ལྟར། །དེ་བཞིན་བདག་ལ་ཁྲུས་བྱེད་འགྱུར། །ལྷ་ཡི་ཆུས་ནི་དག་པར་མཛོད། །ཅེས་གསོལ་
[22a.4]བ་གདབ་པས། དེ་རྣམས་སྙོམས་པར་ཞུགས་པའི་དགའ་བའི་སྒྲས་ཕྱོགས་བཅུའི་སངས་རྒྱས་ཐམས་ཅད་ཞལ་དུ་བཅུག་སྟེ་ཞུ་བས་རྡོ་རྗེ་ལམ་ནས་བྱུང་བ། །ལྷ་མོའི་པདྨ་དང་གཉིས་ཀྱི་བར་ནས་བྱུང་བའི་རང་བྱུང་གི་བདུད་རྩིའི་རྒྱུན་གྱིས་ཐམས་ཅད་ལ་བླུགས་པར་བྱའོ། །དེ་ནས་
[22a.5]ལྷ་ཐམས་ཅད་ཀྱི་སྤྱི་བོའི་ཆུའི་ཐིགས་པ་རྣམས་ལས་བདག་པོ་བསམ་པ་ནི་གཙོ་བོ་ལ་མི་བསྐྱོད་པའོ། །ཕག་མོ་ལ་འོད་དཔག་མེད་དོ། །པདྨའི་མཁའ་འགྲོ་མ་རྣམས་ལ་རིན་ཆེན་འབྱུང་ལྡན་ནོ། །སྒོ་མཚམས་མ་རྣམས་ལ་དོན་ཡོད་གྲུབ་པས་སོ། །རྡོ་རྗེའི་འཁོར་ལོ་བ་རྣམས་
[22a.6]ལ་ནི་མི་བསྐྱོད་པའོ། །སྙིང་པོའི་འཁོར་ལོ་བ་རྣམས་ལ་འོད་དཔག་མེད་དོ། །ཡོན་ཏན་གྱི་འཁོར་ལོ་བ་རྣམས་ལ་རྣམ་པར་སྣང་མཛད་དོ། །ནམ་མཁའི་འཁོར་ལོ་བ་རྣམས་ལ་མི་བསྐྱེད་པའོ། །རླུང་གི་འཁོར་ལོ་བ་རྣམས་ལ་རྔ་སྒྲའོ། །སའི་འཁོར་ལོ་བ་རྣམས་ལ་རིན་ཆེན་འབྱུང་
[22a.7]ལྡན་ནོ། །མེའི་འཁོར་ལོ་བ་རྣམས་ལ་འོད་དཔག་མེད་དོ། །ཆུའི་འཁོར་ལོ་བ་རྣམས་ལ་སངས་རྒྱས་སོ། །ཡེ་ཤེས་ཀྱི་འཁོར་ལོ་བ་རྣམས་ལ་སངས་རྒྱས་སོ། །ཡེ་ཤེས་ཀྱི་འཁོར་ལོ་བ་རྣམས་ལ་རྔ་སྒྲའོ། །ཐུགས་ཀྱི་འཁོར་ལོ་བ་རྣམས་ལ་མི་བསྐྱོད་པའོ། །གསུང་གི་འཁོར་ལོ་བ་རྣམས་ལ་འོད་དཔག་མེད་དོ། །སྐུའི་འཁོར་ལོ་
[22b]
[22b.1]བ་རྣམས་ལ་སངས་རྒྱས་ཀྱི་སྟེ། སྤྲུལ་བ་སྐུའི་གཟུགས་འཛིན་པའོ། །བསྐལ་པ་བཟང་པོ་པ་ཐམས་ཅད་ལ་མེད་དོ། །དེ་ནས་རིགས་ལྔ་རྣམས་ཀྱིས། །ཨོཾ་སརྦ་ཏཐཱ་གཏ་ཨ་བྷི་ཥེ་ཀ་ས་མ་ཡ་ཤྲཱི་ཡེ་ཧཱུཾ་ཞེས་བརྗོད་ནས་བདག་པོ་རྣམས་ལ་ཐིམ་པར་གྱུར་ཏོ། །དེ་ནས་རང་གི་ས་བོན་
[22b.2]ལས་སྤྲོས་པའི་པི་ཝང་མ་ལ་སོགས་པ་དང་། །གཽ་རཱིལ་སོགས་པའི་ལྷ་མོ་གྲངས་མེད་པ་སྤྲོས་ལ་བདག་ཉིད་དཀྱིལ་འཁོར་ཐམས་ཅད་ལ་མཆོད་པར་བྱའོ། །དེ་ཡང་། གཽ་རཱི་རི་དགས་སྦྱར་ཅན་འཛིན། །ཙོ་རཱི་མ་ནི་ཉི་མའི་སྣོད། །བེ་ཏཱ་ལཱི་ནི་ཆུའི་ལག་པ། །སྨན་འཛིན་པ་ནི་གྷསྨ་
[22b.3]རཱི། །པུཀྐ་སཱི་ནི་སྟོབས་ལ་གཅན། །ཤ་བ་རཱི་རོ་འཛིན་དེ་བཞིན། །ཙ་ཎྜ་ལཱི་མ་ཌ་རུ་སྒྲོགས། །མགྲིན་པ་ནས་འཁྱུད་ཌོཾ་བི་ནཱི། །ཞེས་སོ། །མཆོད་པ་དེ་རྣམས་ཀྱང་དོན་འདི་ལྟར་བྱ་སྟེ། །མཚན་ཉིད་ཐམས་ཅད་རྫོགས་པ་དང་། བདེ་ཆེན་སོགས་དང་བཟང་པོ་དང་། །གཉིས་
[22b.4]ཀུན་རྣམ་པར་སྤངས་པ་དང་། །མཆོད་པ་ཁམས་གསུམ་བདག་ཉིད་ནི། །དངོས་པོ་ཀུན་འབྱུང་རྣམས་ཀྱིས་སོ། །དེ་ནས་ལྷ་མོ་དེ་རྣམས་ཀྱིས་སྔགས་ཀྱི་བསྟོད་པར་བྱེད་བར་འགྱུར་ཏེ། །དེ་དག་ཀྱང་གང་ཞེ་ན། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧུཾ་ཧཱུཾ་ཕཊ་ཌཱ་ཀི་ནཱ་ཛཱ་ལ་ཤཾ་པར་སྭཱ་ཧཱ། བཅོམ་
[22b.5]ལྡན་འདས་ཀྱི་སྙིང་པོའོ། །ཨོཾ་ཧྲཱིཿཧ་ཧ་ཧུཾ་ཧཱུཾ་ཕཊ། ཉེ་བའི་སྙིང་པོའོ། །ཨོཾ་ན་མོ་བྷ་ག་ཝ་ཏེ་པཱི་རེ་ཤཱ་ཡ་ཧུཾ་ཧཱུཾ་ཕཊ། །ཨོཾ་མ་ཧཱ་ཀ་ཝཱ་གྣིས་ནྣི་བྷཱ་ཡ་ཧུཾ་ཧཱུཾ་ཕཊ། ཨོཾ་ཛ་ཊཱ་མ་ཀུཊོ་ཏྐ་ཊཱ་ཡ་ཧུཾ་ཧཱུཾ་ཕཊ། །ཨོཾ་དཾཥྚཱ་ཀ་ར་ལོགྲ་བྷཱི་ཥ་ཎམུ་ཁཱ་ཡ་ཧུཾ་ཧཱུཾ་ཕཊ། ཨོཾ་ས་ཧ་སྲ་བྷུ་ཛ་བྷཱ་སུ་རཱ་ཡ་ཧུཾ་ཧཱུཾ་ཕཊ། ཨོ་པ་ར་ཤུ་པཱ་
[22b.6]ཤོདྱ་ཏ་ཤཱུ་ལ་ཁ་ཊྭཱི་ག་དྷཱ་རི་ཎེ་ཧུཾ་ཧཱུ་ཕཊ། ཨོཾ་བྱཱ་གྷུ་ཛིནཱ་མྦར་དྷ་རཱ་ཡ་ཧུཾ་ཧཱུཾ་ཕཊ། ཨོཾ་མ་ཧཱ་དྷཱུ་མྠཱ་ནྡྷ་ཀ་རཱ་བ་པུཥཱ་ཡ་ཧུཾ་ཧཱུཾ་ཕཊ། རྐང་པ་བརྒྱད་པའོ། །ཨོཾ་ན་མཿཤྲཱི་བཛྲ་ཌཱ་ཀ་མ་ཧཱ་བཱི་ར་བཱི་ར་ཤྭ་རཱ་ཡ་ཧུཾ་ཧཱུཾ་ཕཊ། ཨོཾ་ཏྲི་བྷུ་པཎ་ཀམྦ་ཀམྦཱ་བཎཱ་ཡ་ཧུཾ་ཧཱུཾ་ཕཊ། ཨོཾ་དཾ་ཥྙཱཏྐ་ཊ་ཥྙཱ་ཥ་ཎ་བྷཻ་ར་བཱ་ཡ་ཧུཾ་ཧཱུཾ་
[22b.7]ཕཊ། ཨོཾ་ཤ་ཏས་ཧསྲ་ནེ་ཏྲཱ་ཡ་ཧུཾ་ཧཱུཾ་ཕཊ། ཨོཾ་བི་དྱུ་ཛྫི་ཧཱ་ཡ་ཧུཾ་ཧཱུཾ་ཕཊ། ཨོཾ་ཀཾ་ཀཱ་ལ་མཱ་ལཱ་བྷར་ཎོ་གྲཱ་ཡ་ཧུཾ་ཧཱུཾ་ཕཊ། ཨོཾ་ཛྭཱ་ལཱ་ཝ་ལཱིཌ་ལགྣཱ་ཡ་ཧུཾ་ཧཱུཾ་ཕཊ། ཨོཾ་བར་ཤུ་པཱ་ཤོ་དྱཏ་ཤཱུ་ལཱ་ཡ་ཧུཾ་ཧཱུཾ་ཕཊ། ཨོཾ་ཀ་ཝཱ་ནྟ་དྣུ་མྲ་ཨུ་གྲ་ཝ་པུ་ཥཱ་ཡ་ཧུཾ་ཧཱུཾ་ཕཊ། ཨོཾ་བི་ཀ་ཊ་མུ་ཁ་
[23a]
[23a.1]ཧཱ་ཧཱ་ར་བཱ་ཡ་ཧུཾ་ཧཱུཾ་ཕཊ། ཨོཾ་མཱ་ཏྲྀ་ག་ཎ་བ་རི་བཱུ་རི་ཏཱ་མ་ནཱ་ཡ་ཧུཾ་ཧཱུཾ་ཕཊ། ཨོཾ་ས་ཧ་ཛ་སུནྟ་རཱི་བལླ་བྷ་ཀ་རཱ་ཡ་ཧུཾ་ཧཱུཾ་ཕཊ། ཨོཾ་ཧཱུཾ་ཧཱུཾ་ཀཱ་རོཙྸར་ཎ་མུ་ཁཱ་ཡ་ཧུཾ་ཧཱུཾ་ཕཊ། ཨོཾ་མ་ཧཱ་ཤྨ་ཤཱ་ན་པྲི་ཡཱ་ཡ་ཧུཾ་ཧཱུཾ་ཕཊ། ཨོཾ་སརྦྦ་བྷཱུ་ཏ་སཾ་ཏཱ་ས་ན་ཀ་རཱ་ཡ་ཧུཾ་ཧཱུཾ་ཕཊ། །ཨོཾ་མ་ཧཱ་
[23a.2]ཀ་ཝཱ་ནཏཱ་གྣི་ཏེ་ཛ་ཡ་ཧུཾ་ཧཱུཾ་ཕཊ། ཨོཾ་ཛ་ནཱ་ཀ་ལཱ་བ་མུ་ཀུཊཱ་ཡ་ཧུཾ་ཧཱཾ་ཕཊ། །ཨོ་ཁ་ཊཱི་དྒ་ཀ་པཱ་ལ་ཤཱུ་ལ་བྷིནྣ་དྷ་རི་ཎེ་ཧུཾ་ཧཱུཾ་ཕཊ། ཨོཾ་མ་ཧཱ་ས་མུ་དྲ་མེ་ཁ་ལཱ་ཡ་ཧུཾ་ཧཱུཾ་ཕཊ། ཨོཾ་བྱྭ་གྷྲཱ་ཙ་རྨཱ་མྦ་ར་དྷ་རི་ཎེ་ཧུཾ་ཧཱུཾ་ཕཊ། །ཨོཾ་བེ་ཏཱ་ལ་སཾ་གྷ་མརྡ་ཎ་ཀ་རཱ་ཡ་ཧུཾ་ཧཱུཾ་ཕཊ། །ཨོཾ་མ་དཱ་བིགྷཱ་ནི་བཱ་རི་ཎེ་ཧུཾ་ཧཱུཾ་ཕཊ།
[23a.3]ཨོཾ་ཤ་ཏྲ་ནི་སུམྦྷན་ཀ་རཱ་ཡ་ཧུཾ་ཧཱུཾ་ཕཊ། ཨོཾ་ཏྲི་ས་ཧ་སྲ་མ་ཧཱ་ས་ཧ་སྲཻ་ཀ་རོ་མཱ་བ་ལྱནྟཿཝ་རྟི་ནེ་ཧུཾ་ཧཱུཾ་ཕཊ། ཨོཾ་ཤཏ་སཧ་སྲ་མུ་ཁཱ་ཡ་ཧུཾ་ཧཱུཾ་ཕཊ། ཨོཾ་ཛྷཱ་ན་སཱ་ག་ར་པྲ་བྷཱ་ཡ་ཧུཾ་ཧཱུཾ་ཕཊ། །ཨོཾ་མ་ཧཱ་པི་ཤིཏ་རུ་དྷི་ར་བ་སཱ་ཧཱ་རི་ཎེ་ཧུཾ་ཧཱུཾ་ཕཊ། ཨོཾ་སརྦྦ་མཱ་ར་བ་ལ་དྷ་ནྶི་ནི་ཧུཾ་ཧཱུཾ་ཕཊ། ཨོཾ་ཤྲཱི་ཥྚི་
[23a.4]སཾ་ཧཱ་ར་ཀཱ་ར་ཀཱ་ཡ་ཧུཾ་ཧཱུཾ་ཕཊ། ཨོཾ་སརྦྦ་ནཱ་གཱ་ནཱཾ་ཤོཥ་ཎ་སྟམྦྷ་ན་བི་དྲ་བ་ཎཱ་ཡ་ཧུཾ་ཧཱུཾ་ཕཊ། ཨོཾ་ཨནྟ་མཱ་ལཱ་དྷཱ་རི་ཎེ་ཧུཾ་ཧཱུཾ་ཕཊ། ཨོཾ་སུ་མེ་རུ་ཀ་མྤི་ཏ་ནཱ་རཱ་ཡ་ཧུཾ་ཧཱུཾ་ཕཊ། ཨོཾ་ཀྲོ་དྷ་པི་གྲ་ཧ་དྷཱ་ར་ནཱ་ལ་ཧུཾ་ཧཱུཾ་ཕཊ། ཨོ་མ་ཧཱ་ཀཱ་ཤ་ཏི་ལ་ཀཱ་ཏྨ་ནི་ཧུཾ་ཧཱུཾ་ཕཊ། ཨོ་བུདྡྷཱ་ཀོ་ཊི་ས་ཧ་སྲ་ཀྵ་ཎཱ་ནི་ཥྤཱ་དནཱ་ཡ་
[23a.5]ཧུཾ་ཧཱུཾ་ཕཊ། ཨོཾ་ཛཱ་ནཱཾ་མྲྀ་ཏ་བརྵ་པ་ཎཱ་ཡ་ཧུཾ་ཧཱུཾ་ཕཊ། ཨོཾ་སརྦྦ་ཀརྨ་བྲ་བརྟ་ནཱ་ཡ་ཧུཾ་ཧཱུཾ་ཕཊ། ཨོཾ་བནྡྷ་ཀ་རཱ་ཡ་ཧུཾ་ཧཱུཾ་ཕཊ། ཨོཾ་རྦྦ་བི་ཀལྦ་བྷ་ཉྫ་ཎ་ཀ་རཱ་ཡ་ཧུཾ་ཧཱུཾ་ཕཊ། ཨོཾ་མུ་ཎཱ་བ་ལཱི་ལ་གྣ་ཤ་དྤི་རཱ་ཡ་ཧུཾ་ཧཱུཾ་ཕཊ། ཨོཾ་པ་ར་ཀྲྀ་ཏ་ཡ་ནྟྲ་མནྟྲ་མནྟྲ་ནཱ་ཤ་ནཱ་ཡ་ཧུཾ་ཧཱུཾ་ཕཊ། ཨོཾ་མ་ཧཱ་ར་ཀཱ་ཀ་རཱ་ཡ་ཧུཾ་ཧཱུཾ་
[23a.6]ཕཊ། ཨོཾ་དུ་ཥྚཱ་ནཱཾ་བིདཱ་ལ་ནེ་ཧུཾ་ཧཱུཾ་ཕཊ། ཨོཾ་དྷ་རྨོད་ཡ་ཀ་རཱ་ཡ་ཧུཾ་ཧཱུཾ་ཕཊ། ཨོཾ་ཀྲོ་དྷ་སྥར་སྥར་ཎཱ་ཡ་ཧུཾ་ཧཱུཾ་ཕཊ། ཨོཾ་ཨནྡྲེ་ཛ་ལ་སརྦ་སཏྲཱ་དྨ་ནེ་ཧུཾ་ཧཱུཾ་ཕཊ། ཨོོཾ་གྲསྟ་བཱ་དཾ་པྲ་བཱ་དམ་ཧཱ་མ་ཏེ་ཧུཾ་ཧཱུཾ་ཕཊ།། །།ཨོཾ་ཨ་ཀ་ཨཱ་ཁ་ཨི་ག་ཨཱི་གྷ་ཨུང་། ཨཱུ་ཅ་རྀ་ཚ་རཱི་ཛ་ལྀ་ཛྷ་ལཱི་ཉ། །
[23a.7]ཨེ་ཊ་ཨཻ་ཋ་ཨོ་ཌི་ཨཽ་ཌྷ་ཨཾཎ། ཨཿཏ་ཨཿཐ་ཨཾ་ད་ཨཽཾ་དྷ་ཨོཾ་ན། ཨོཾ་བ་ཨེཾ་ཐ་ལཱྀཾཕ་ལྀཾ་བྷ་རཱྀཾ་མ་རྀྀཾ་ཡ་ཨཱུཾ་ར་ཨུཾ་ར་ཨུཾ་ལ་ཨཱི་ཝ་ཡ་ཤ་ཨཱཾ་ཨཱཾ་ཥ་ཨཾ་ས་ཨཾ་ཧ། ཨཱཾ་ཀྵཿཧཿ། ཀ་ཀཱ་ཁ་ཁཱ་ག་གཱ་གྷ་གྷཱ་ང་ངཱ། ཙ་ཙཱ་ཚ་ཚཱ་ཛ་ཛཱ་ཛྷ་ཛྷཱ་ཉ་ཉཱ། ཊ་ཊཱ་ཋ་ཋཱ་ཌ་ཌཱ་ཌྷ་ཌྷཱ་ཎ་ཎཱ། ཏ་ཏཱ་ཐ་ཐཱ་ད་དཱ་དྷ་དྷཱ་ན་ནཱ། པ་པཱ་
[23b]
[23b.1]ཕ་ཕཱ་བ་བཱ་བྷ་བྷཱ་མ་མཱ། ཡ་ཡཱ་ར་རཱ་ལ་ལཱ་ཝ་ཝཱ། ཤ་ཤཱ་ཥ་ཥཱ་ས་སཱ་ཧ་ཧཱ་ཥྵ་ཀྵཱ། ཀྵཾ་ཀྵཱཾ་ཧཾ་ཧཱཾ་སཾ་སཱཾ་ཥཱཾ་ཥཱཾ་ཤཾ་ཤཱཾ། ཝཾ་ཝཱཾ་ལཾ་ལཱཾ་རཾ་རཱཾ་ཡཾ་ཡཱཾ། མཾ་མཱཾ་བྷཾ་བྷཱཾ་བཾ་བཱཾ་ཕཾ་ཕཱཾ་བཾ་བཱཾ། ནཾ་ནཱཾ་དྷཾ་དྷཱཾ་དཾ་དཱཾ་ཐཾ་ཐཱཾ་ཏཾ་ཏཱཾ། ཎཾ་ཎཱཾ་ཌྷཾ་ཌྷཾ་ཌཾ་ཌཱཾ་ཋཾ་ཋཱཾ་ཊཾ་ཊཱཾ། ཉཾ་ཉཱཾ་ཛྷཾ་ཛྷཱཾ་ཛཾ་ཛཱཾ་ཚཾ་ཚཱཾ་ཙཾ་ཙཱཾ། དཾ་དཱཾ་གྷཾ་གྷཱཾ་གཾ་གཱཾ་ཁཾ་ཁཱཾ་
[23b.2]ཀཾ་ཀཱཾ། ཀ་ཙ་ཁ་ཚ་ག་ཛ་གྷ་ཛྷ་ད་ཉ། ཀ་ཊ་ཁ་ཋ་ག་ཌ་གྷ་ཌྷ་ང་ཎ། ཀ་ཏ་ཁ་ཐ་ག་ང་གྷ་དྷ་ང་ན། ཀ་པ་ཁ་ཕ་ག་བ་གྷ་བྷ་ང་མ། ཡ་ར་ལ་ཝ། ཤ་ཥ་ས་ཧ་ཀྵཿཨཿཨཾ། ཀ་ཧ་ཀ་ཧ། ཀ་ས་ཀ་ས། ཀ་ཥ་ཀ་ཥ། ཀ་ཤ་ཀ་ཤ། ཀ་ཝ་ཀ་ཝ། ཀ་ལ་ཀ་ལ། ཀ་ར་ཀ་ར།
[23b.3]ཀ་ཡ་ཀ་ཡ། ཀ་མ་ཀ་མ། ཀ་བྷ་ཀ་བྷ། ཀ་བ་ཀ་བ། ཀ་ཕ་ཀ་ཕ། ཀ་པ་ཀ་པ། ཀ་ན་ཀ་ན། ཀ་དྷ་ཀ་དྷ། ཀ་ད་ཀ་ད། ཀ་ཐ་ཀ་ཐ། ཀ་ཏ་ཀ་ཏ། ཀ་ཎ་ཀ་ཎ། ཀ་ཌྷ་ཀ་ཌྷ། ཀ་ཌ་ཀ་ཌ། ཀ་བྲ་ཀ་བྲ། ཀ་ཊ་ཀ་ཊ། ཀ་ཉ་ཀ་ཉ། ཀ་ཛྷ་ཀ་ཛྷ། ཀ་ཛ་ཀ་ཛ། ཀ་ཚ་ཀ་ཚ།
[23b.4]ཀ་ཙ་ཀ་ཙ། ཀ་ང་ཀ་ང་། ཀ་གྷ་ཀ་གྷ། ཀ་ག་ཀ་ག །ཀ་ཁ་ཀ་ཁ། ཀུ་ཧུ་ཀུ་ཧུ། ཀུ་སུ་ཀུ་སུ། ཀུ་ཥུ་ཀུ་ཥུ། ཀུ་ཤུ་ཀུ་ཤུ། ཀུ་ཝུ་ཀུ་ཝུ། ཀུ་ལུ་ཀུ་ལུ། ཀུ་རུ་ཀུ་རུ། ཀུ་ཡུ་ཀུ་ཡུ། ཀུ་མུ་ཀུ་མུ། ཀུ་བྷུ་ཀུ་བྷུ། ཀུ་བུ་ཀུ་བུ། ཀུ་ཕུ་ཀུ་ཕུ། ཀུ་པུ་ཀུ་པུ། ཀུ་ནུ་ཀུ་ནུ། ཀུ་དྷུ་
[23b.5]ཀུ་དྷུ། ཀུ་དུ་ཀུ་དུ། ཀུ་ཐུ་ཀུ་ཐུ། ཀུ་ཏུ་ཀུ་ཏུ། ཀུ་ཎུ་ཀུ་ཎུ། ཀུ་ཌྷུ་ཀུ་ཌྷུ། ཀུ་ཌུ་ཀུ་ཌུ། ཀུ་ཋུ་ཀུ་ཋུ། ཀུ་ཊུ་ཀུ་ཊུ། ཀུ་ཉུ་ཀུ་ཉུ། ཀུ་ཛྷུ་ཀུ་ཛྷུ། ཀུ་ཛུ་ཀུ་ཛུ། ཀུ་ཚུ་ཀུ་ཚུ། ཀུ་ཙུ་ཀུ་ཙུ། ཀུ་དུ་ཀུ་དུ། ཀུ་གྷུ་ཀུ་གྷུ། ཀུ་གུ་ཀུ་གུ། ཀུ་ཁུ་ཀུ་ཁུ།། །།བནྡྷ་ཡ་བནྡྷ་ཡ། བནྡྷཱ་པ་ཡ་
[23b.6]བནྡྷཱ་པ་ཡ། གརྫྫ་གརྫྫ། གརྫྫ་ཡ་གཛྫ་ཡ། ཤོ་ཥ་ཡ་ཤོ་ཥ་ཡ། ཏ་རྫྫ་ཡ་ཏ་རྫྫ་ཡ། སྥོ་ཊ་ཡ་སྥོ་ཊ་ཡ། བི་དྷཱཾ་ས་ཡ་བི་དྷཱཾ་ས་ཡ། མོ་ཧ་ཡ་མོ་ཧ་ཡ། ཏྲཱ་ས་ཡ་ཏྲཱ་ས་ཡ། མཱ་ར་ཡ་མཱ་ར་ཡ། ཀཾ་བཱ་ཝ་ཡ་ཀཾ་བཱ་ཝ་ཡ། དུ་ར་དུ་ར། ཁུ་ར་ཁུ་ར། བྷ་ར་བྷ་ར། ཛ་ར་ཛ་ར། བི་ཤ་བི་ཤ་
[23b.7]ཧཱུཾ་ཧཱུཾ་ཧཱུཾ་ཧཱུཾ། ད་ཧ་ད་ཧ། པ་ཙ་པ་ཙ། བཉྫ་བཉྫ། མརྡ་ཡ་མརྡ་ཡ། ཧྲེཾ་ཧྲེཾ། ཙ་ལ་ཙ་ལ། མཱ་ཙ་ལ་མཱ་ཙ་ལ། ཀྲུ་ར་ཙེ་ཏཱ་ཡ་ཕཊ། ཤ་ཏྲུ་ནི་བཱ་ར་ཡ་ཧཱུཾ། མེ་གྷ་ནི་བཱ་ར་ཡ་ཧྲིཾ། མོ་ཙ་ཡ་མོ་ཙ་ཡ། སྟམྦྷ་ཡ་སམྦྷ་ཡ། བྷ་ཀྵ་བྷ་ཀྵ། དུར་སྶ་ཡ་དུར་སྶ་ཡ། གཱུ་ཌྷཱ་ནྟྲ་མཱ་ལཱ་བ་ལཾ་བི་ནེ།
[24a]
[24a.1]ཁེ་ཙ་རཱ་ཡ་ཧཱུཾ། བྷཱུ་ཙ་རཱ་ཡ་ཨཱཿ། བཱ་ཏཱ་ལ་ཙ་རཱ་ཡ་ཨོཾ། ཛ་ལ་ཙ་རཱ་ཡ་བཾ། སྠཱ་ལ་ཅ་རཱ་ཡ་ལཾ། སརྦ་ཏ་ནི་བཱ་ས་ནེ་ཧཱུཾ། ནཱ་གཱ་ནཱཾ་སཔྟ་པཱ་ཏཱ་ལ་ག་ཏ་གྲྀ་དྞ་ར་ཛྙཱཾ་ཧྞ་ར་ཛྙཱཾ། ཛྙཱཾ་ཛྙཱ་ཛྙཽཾ་ཛྙཽཾ། ཀ་ར་ཀ་ར། ཀུ་རུ་ཀུ་རུ། ཁ་ར་ཁ་ར། ཁུ་རུ་ཁུ་རུ། ག་ར་ག་ར། གུ་རུ་
[24a.2]གུ་རུ། གྷ་ར་གྷ་ར། གྷུ་རུ་གྷུ་རུ། ང་ར་ང་ར། དུ་རུ་དུ་རུ། ཙ་ར་ཙ་ར། ཙུ་རུ་ཙུ་རུ། ཚ་ར་ཚ་ར། ཚུ་རུ་ཚུ་རུ། ཛ་ར་ཛ་ར། ཛུ་རུ་ཛུ་རུ། ཛྷ་ར་ཛྷ་ར། ཛྷུ་རུ་ཛྷུ་རུ། ཉ་ར་ཉ་ར། ཉུ་རུ་ཉུ་རུ། ཊ་ར་ཊ་ར། ཊུ་རུ་ཊུ་རུ། ཋ་ར་ཋ་ར། ཋུ་རུ་ཋུ་རུ། ཌ་ར་ཌ་ར། ཌུ་རུ་ཌུ་རུ། ཌྷ་ར་ཌྷ་ར། ཌྷུ་རུ་ཌྷུ་རུ།
[24a.3]ཎ་ར་ཎ་ར། ཎུ་རུ་ཎུ་རུ། ཏ་ར་ཏ་ར། ཏུ་རུ་ཏུ་རུ། ཐ་ར་ཐ་ར། ཐུ་རུ་ཐུ་རུ། ད་ར་ད་ར། དུ་རུ་དུ་རུ། དྷ་ར་དྷ་ར། དྷུ་རུ་དྷུ་རུ། ན་ར་ན་ར། ནུ་རུ་ནུ་རུ། པ་ར་པ་ར། ཕུ་རུ་པུ་རུ། ཕ་ར་ཕ་ར། ཕུ་རུ་ཕུ་རུ། བ་ར་བ་ར། བུ་རུ་བུ་རུ། བྷ་ར་བྷ་ར། བྷུ་རུ་བྷུ་རུ། མ་ར་མ་ར། མུ་རུ་མུ་རུ།
[24a.4]ཡ་ར་ཡ་ར། ཡུ་རུ་ཡུ་རུ། ར་ར་ར་ར། ལ་ར་ལ་ར། ལུ་རུ་ལུ་རུ། ཝ་ར་ཝ་ར། ཝུ་རུ་ཝུ་རུ། ཤ་ར་ཤ་ར། ཤུ་རུ་ཤུ་རུ། ཥ་ར་ཥ་ར། ཥུ་ར་ཥུ་རུ། ས་ར་ས་ར། སུ་རུ་སུ་རུ། ཧ་ར་ཧ་ར། ཧུ་རུ་ཧུ་རུ། ཀྵ་ར་ཀྵ་ར། ཀྵུ་རུ་ཀྵུ་རུ། ཧཾ་ཧཱཾ། ཧིཾ་ཧཱིཾ། ཧུཾ་ཧཱུཾ། ཧེཾ་ཧཻཾ།
[24a.5]ཧོཾ་ཧཽཾ། ཧཾ་ཧཿགརྦྷ། ཛཱ་ཏི་ཛཱ་ཏི། དེ་བཱ་ནཱཾ། དཱ་མ་ཡ་དཱ་མ་ཡ། སརྦ་ཤ་རཱ་རཱ་ཡ་ཧཱུཾ། ཛ་ཡ་ཛ་ཡ་ཧཱུཾ། བི་ཛ་ཡ་བི་ཛ་ཡ་ཧཱུཾ། ས་ར་ས་ར་ཧཱུཾ། བི་ས་ར་བི་ས་ར་ཧཱུཾ། ཨགྣ་ཡེ་ཧཱུཾ། བ་རུ་ཎེ་ཧཱུ། ཨ་ནཱ་ལཱ་ཡ་ཧཱུཾ། བཱ་ཡ་ཝེ་ཧཱུཾ། ཨཱ་ཀཱ་ཤཱ་ཡ་ཧཱུཾ། སརྦ་རོ་གོ་པ་ཧ་རཱ་ཡ་ཧཱུཾ།
[24a.6]བི་ཥ་བྷ་ཀྵ་ཎཱ་ཡ་ཧཱུཾ། ཡནྟྲ་བཱ་ཧ་ནཱ་ཡ་ཧཱུཾ། ཀཱ་ལཱ་གྣ་ཡེ་ཧཱུཾ། དེ་བཱ་ཡ་ཧཱུཾ། ཡ་མཱ་ཡ་ཧཱུཾ། ཀུ་བེ་རཱ་ཡ་ཧཱུཾ། དེ་ཏྱཱ་ཡ་ཧཱུཾ། ཨིནྡྲ་ཡ་ཧཱུཾ། བྷཱུ་ཏཱ་ཡ་ཧཱུཾ། སརྦ་ས་ཏྭ་ཡ་ཧཱུཾ། བརྟ་ཙ་ཀྲཱ་ཡ་ཧཱུཾ། དྷརྨ་དྷ་ཏ་ཝེ་ཧཱུཾ། མུ་ཁཱ་ཡ་ཧཱུཾ། ནཻ་ཏྲ་ཡ་ཧཱུཾ། ཀ་པཱ་ལ་མཱ་ལི་ནི་ཧཱུཾ། བྷུ་ཛཱ་ཡ་ཧཱུཾ།
[24a.7]ཨ་སྟྲཱ་ཡ་ཧཱུཾ། ཙ་ར་ཎཱ་ཡ་ཧཱུཾ། ཛ་ཊཱ་མུ་ཀུ་ཊཱ་ཡ། མ་ས་མ་ས། ག་ས་ག་ས། ར་ས་ར་ས། བྷ་ར་བྷ་ར། མ་ཊ་མ་ཊ། ཏྲ་ཊ་ཏྲ་ཊ། གྷ་ཊ་གྷ་ཊ། མུ་ཉྩ་མུ་ཉྩ། གྷོ་རཱ་ན་དྷ་ཀཱ་ར་པྲི་ཡཱ་ཡ། ཕིཾ་ཕིཾ། ཕུད་ཕུད། མར་མར། པར་མཱརྠ་རཱུ་བི་ཎེ། ཤཱནྟི་ཀ་རཱ་ཡ། པུཥྚི་བརྡྷ་ནཱ་ཡ།
[24b]
[24b.1]ལོ་ཀ་པཱ་ལ་རཱུ་པི་ཎེ། སརྦ་ཤ་རཱི་ར་རཱུ་པཱ་ཡ། བྲྀ་ཀྵ་གུ་ལམོ་ལ་ཏཱ་ཡ། སསྤ་རཱུ་པི་ཎེ་སརྦ་བསྟུ་ནེ་མཱ་ར་ཎཱ་ཡ། རཱུ་པཱ་ཡ། བྷ་ཀྵཱ་ཡ། བྷ་ཀྵ་ཎ། རཱུ་པཱ་ཡ། ནི་རོ་པ་མཱ་ཡ། ནི་རོ་པ་མ་མུ་ཁ་བེ། ཧས་ཧས། བིལཱ་ས་བི་ལཱ་ས། ནྲྀ་ཏྱཱ་པ་ཡ་ནྲྀ་ཏྱ་པ་ཡ། དྭཱི་ནྲི་ཡ་ཡོ་གཱ་ཡ། ནིཿསྭ་བྷཱ་ཝ་མ་ཧཱ་ཏྨ་ནེ།
[24b.2]ཤསྟྲ་དྷ་ར་ཎི་ཝ་ར་ཎཱ་ཡ། ནཱ་ནཱ་བྷི་ཙ་ར་ཙྪ་ད་ནེ་ཙུ་མྦ་ཙུམྦ། ཧུ་ལུ་ཧུ་ལུ། ཙུ་ལུ་ཙུ་ལུ། ཧཱུཾ་ཧ་ཧཱུཾ་ཧཱ། ཧཱུཾ་ཧི་ཧཱུཾ་ཧཱི། ཧཱུཾ་ཧུ་ཧཱུཾ་ཧུ། ཧཱུཾ་ཧེ་ཧཱུཾ་ཧཻ། ཧཱུཾ་ཧོ་ཧཱུཾ་ཧཽ། ཧཱུཾ་ཧཾ་ཧཱུཾ་ཧཿཧུཾ་ཧཱུཾ། ཧྲིཾ་ཧྲཱིཾ། ཛུཾ་ཛཱུཾ། ཀྲོཾ་ཀྲཽཾ། ཕིཾ་ཕཱིཾ། ཕུཾ་ཕཱུཾ། ཕེཾ་ཕཻཾ། ཕོཾ་ཕཽཾ། ཕཾ་ཕཱཾ། ཕཿཕཱཿཀུ་ཙ་ཀུ་ཙ། ཏྲ་ཊ་ཏྲ་ཊ།
[24b.3]མ་ཌ་མ་ཌ། ར་ཋ་ར་ཋ་ར། ད་ཋ་ད་ཋ། ཛ་ཋ་ཛ་ཋ། མ་ད་ན་མ་ད་ན། །ཧཱུཾ་ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། དཔའ་བོའི་རྩ་བའི་སྔགས་སོ། །ཨོཾ་བཛྲ་བཻ་རོ་ཙ་ནཱི་ཡེ་ཧུཾ་ཧཱུཾ་ཕཊ་སྭཱ་ཧཱ། །ཕག་མོའི་སྙིང་པོའི།། །།སརྦ་བུ་དྡྷ་ཌཱ་ཀི་ནཱི་ཡེ། བཛྲ་ཝ་རྞ་ནཱི་ཡེ་ཧུཾ་ཧཱུཾ་ཕཊ་སྭཱ་ཧཱ།
[24b.4]ཉེ་བའི་སྙིང་པོའོ།། །།ཨོཾ་ན་མོ་བྷ་ག་ཝ་ཏི་བཛྲ་བཱ་རཱ་ཧུཾ་ཧཱུཾ་ཕཊ། ཨོཾ་ན་མཿཨཱ་ཪྻ་ཨ་པ་རཱ་ཛི་ཏ་ཏྲཻ་ལོ་ཀྱ་མཱ་ཏྱ་མ་ཧཱ་བིདྱེ་ཤྭ་རི་ཧུཾ་ཧཱུཾ་ཕཊ། ཨོཾ་ནམཿསརྦ་བྷཱུ་ཏ་བྷ་ཡ་ཨཱ་བ་ཧེ་མ་ཧཱ་བཛྲེ་ཧུཾ་ཧཱུཾ་ཕཊ། ཨོཾ་ན་མོ་བཛྲཱ་ས་ནེ་ཨ་ཛི་ཏེ་ཨ་པ་རཱ་ཛི་ཏེ་བ་ཤྱཾ་ཀ་རི་ནེ་ཏྲ་བྷྲ་མ་ཎི་ཧུཾ་ཧཱུཾ་ཕཊ། ཨོཾ་ན་མོ་པི་ཤོ་ཥ་ཎི་རོ་
[24b.5]ཥ་ཎི་ཀྲོ་དྷ་ནི་ཀཱ་རཱ་ལི་ནེ་ཧུཾ་ཧཱུཾ་ཕཊ། ཨོཾ་ན་མཿསྣྟཱ་ས་ནི་མཱ་ར་ཎི་སུ་པྲ་བྷེ་ད་ནི་ཨ་པ་རཱ་ཛ་ཡེ་ཧུཾ་ཧཱུཾ་ཕཊ། ཨོཾ་ན་མོ་བ་ཛི་ཡེ་ཛཾ་བྷ་ནི་སྟམྦྷ་ནི་མོ་ཧ་ནི་ཧུཾ་ཧཱུཾ་ཕཊ། ཨོཾ་ན་མོ་བཛྲ་བཱ་རཱ་ཧཱི་མ་ཧཱ་ཡོ་གི་ནཱི་ཀཱ་མྲ་ཤྭ་རི་ཁ་གེ་ཧུཾ་ཧཱུཾ་ཕཊ། ཏདྱ་ཐཱ། པྲོ་ཏཾ་གེ་བྲོ་ཏཾ་ཏེ། ཧན་ཧན། པྲཱ་ཎཱ་ན། ཀིཾ་ཀི་ནི། ཁིཾ་གི་ནི། དྷུ་
[24b.6]ན་དྷུ་ན། བཛྲ་ཧ་སྟེ་ཤོ་ཥ་ཡ་ཤོ་ཥ་ཡ། ཁཊཱངྒཾ་ཀ་པཱ་ལ་དྷཱ་རི་ཎི། མ་ཧཱ་པི་ཤ་ཏི་མཱཾ་ས་ཨ་ཤ་ནི་མཱ་ནུ་ཥཱ་ནཏྲ་བྲི་ཏེ་སནྣི་དྷྱ་ན་ར་ཤི་རོ་མཱ་ལ་གྲནི་ཏ་དྷཱ་རི་ཎི། སུམྦྷ་ནི་སུམྦྷ། ཧ་ན་ཧ་ན། པྲཱ་ཎཱ་ན་སརྦ་པཱ་པ་ས་ཏྭཱ་ནཱཾ། སརྦ་པ་ཤཱུ་ནཱཾ་མ་ཧཱ་མཱཾ་སཙྪེ་ད་ནི། ཀྲོ་དྷ་མཱུ་རྟེ་དཾ་ཥྚཱ་ཀ་རཱ་ཀི་ནི་མ་ཧཱ་མུ་དྲེ། ཤྲཱི་ཧེ་རུ་
[24b.7]ཀ་དེ་བ་སྱཱ་གྲ་མ་ཧི་ཥི། ས་ཧ་སྲ་ཤི་རེ་ས་ཧ་སྲ་བཱ་ཧ་བེ་ཤ་ཏ་ས་ཧ་སྲཱ་ན་ནེ། ཛྭ་ལི་ཏ་ཏེ་ཛ་སེ་ཛྭ་ལ་མུ་ཁི་པིཾ་ག་ལ་ལོ་ཛ་ནེ། བཛྲ་ཤ་རཱི་རེ། བཛྲཱ་ས་ནེ། མི་ལི་ཏེ། ཙི་ལི་ཏེ། ཧེ་ཧེ་ཧ་ཧ་ཧཱུཾ་ཧཱུཾ། ཁ་ཁ་དྷུ་དྷུ། དྷུ་རུ་དྷུ་རུ། མུ་རུ་མུ་རུ། ཨ་དྭཻ་ཏེ་མ་ཧཱ་ཡོ་གེ་ནཱི། པ་ཋི་ཏ་སེདྡྷི།
[25a]
[25a.1]དྲེཾ་དྷཾ་དྲེཾ་དྷཾ། གྲཾ་གྲཾ། ཧེ་ཧེ་ཧ་ཧ། བྷཱི་མེ། ས་ཧ་ས་ཧ། བཱི་རེ་ཧཱ་ཧཱ་ཧཱ་ཧཱ་ཧོ་ཧུཾ་ཧཱུཾ། ཏྲཻ་ལོ་ཀྱ་བིནཱ་ཤ་ནི། ཤ་ཏ་ས་ཧ་སྲ་ཀོ་ཊི་ཏ་ཐཱ་ག་ཏ་པ་རི་ཝཱ་རི་ཧཱུཾ་ཧཱུཾ་ཧཱུཾ་ཕཊ། ཨོཾ་ཧ་རཱུ་པེ་ཁཿག་ཛ་རཱུ་པེ་གཿཏྲཻ་ལོ་ཀྱ་ད་རེ། མ་ཧཱ་ས་མུ་དྲ་མེ་ཁ་ལེ། གྲ་ས་གྲ་ས་ཧཱུཾ་ཕཊ། བཱིར་
[25a.2]དྭཻ་ཏེ་ཧཱུཾ་ཧཱུཾ་ཧཱུཾ་ཧཱ་ཧཱ་མ་ཧཱ་པ་ཤུ་མོ་ཧ་ནི་མ་ཧཱ་ཡོ་གཱི་ཤྭ་རི་ཏྭཾ། ཌཱ་ཀི་ནཱི་ལོ་ཀཱ་ནཱཾ་བནྡྷ་ན། སྱཿཔྲཏྱ་ཡ་ཀ་རི་ཎི་ཧཱུཾ་ཧཱུཾ་ཕཊ། བྷཱུ་ཏ་ཏྲ་ས་ནི་མ་ཧཱ་བཱི་རེ་པ་ར་མ་སིདྷྱེ་བིདྱི་ཤྭ་རི་ཕཊ། ཧཱུཾ་ཧཱུཾ་ཧཱུཾ་ཕཊ་ཧཱུཾ་ཕཊ་སྭཱ་ཧཱ། བཅོམ་ལྡན་འདས་མའི་རྩ་བའི་སྔགས་སོ།། །།ཨོཾ་བཛྲ་ཌཱ་ཀི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་རཱུ་པི་
[25a.3]ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙུ་མྦི་ཀཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་པ་རཱ་བྲྀཏཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་ས་བཱ་ལི་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་ནུ་ཝརྟྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ལཱ་མེ་ཧུཾ་ཧཱུཾ་ཕཊ། ཨོཾ་བཛྲ་ཡོ་གཱི་ཤྭ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷ་དྲཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀ་པཱ་ལི་ནིའི་ཡེ་ཧུཾ་ཧཱུཾ་ཕཊ། ཨོཾ་བཛྲ་
[25a.4]ཀཾ་ཀཱ་ལ་ཀཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་རཱ་ཛ་རྟྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཁ་ཎྜ་རོ་ཧཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་ཤྨ་ཤཱ་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བི་དྲ་པཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀུ་རུ་ཀུལླི་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་རུ་ད་ན་ཧཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ན་ཊཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་རཱུ་པི་ཎཱི་ཡེ་ཧུཾ་ཧཱུཾ་ཕཊ།
[25a.5]ཨོཾ་བཛྲ་བྷཻ་ར་བཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤི་ཁཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤི་ཁནྡཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཛ་ཊཱ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་རུ་དྲཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཌཱ་ཀི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཌཱ་ཀ་ཧུཾ་ཧཱུཾ་ཕཊ། ཨོཾ་བཛྲ་ལཱ་མེ་ཧུཾ་ཧཱུཾ་ཕཊ། ཨོཾ་བཛྲ་བི་ཤྭ་ཌཱ་ཀ་ཧུཾ་ཧཱུཾ་ཕཊ། ཨོཾ་བཛྲ་ཁཎྜ་
[25a.6]རོ་ཧེ་ཧུཾ་ཧཱུཾ་ཕཊ། ཨོཾ་བཛྲ་པདྨ་ཌཱ་ཀ་ཧུཾ་ཧཱུཾ་ཕཊ། ཨོཾ་བཛྲ་རཱུ་པི་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏྣ་ཌཱ་ཀ་ཧུཾ་ཧཱུཾ་ཕཊ། ཨོཾ་བཛྲ་པྲ་ཙ་ཎྜཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཁཎྜ་ཀ་པཱ་ལི་ཧུཾ་ཧཱུཾ་ཕཊ། ཨོཾ་བཛྲ་ཙཎྜཱ་ཀྵའི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་ཀཾ་ཀ་ལ་ཧུཾ་ཧཱུཾ་ཕཊ། ཨོཾ་བཛྲ་པྲ་བྷཱ་ཝ་ཏི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཾ་ཀ་ལ་ཧུཾ་ཧཱུཾ་ཕཊ།
[25a.7]ཨོཾ་བཛྲ་མ་ཧཱ་ནཱ་སེ་ཧུཾ་ཧཱུཾ་ཕཊ། ཨོཾ་བཛྲ་བི་ཀ་ཊ་དཾ་ཥྚཱ་ཧུཾ་ཧཱུཾ་ཕཊ། ཨོཾ་བཛྲ་བཱི་ར་མ་ཧཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སུ་རཱ་བཱི་རི་ཧུཾ་ཧཱུཾ་ཕཊ། ཨོཾ་བཛྲ་ཁརྦ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་མི་ཏཱ་བྷ་ཧུཾ་ཧཱུཾ་ཕཊ། ཨོཾ་བཛྲ་ལཾ་ལེ་ཤྭ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྲ་བྷ་ཧུཾ་ཧཱུཾ་ཕཊ། ཨོཾ་བཛྲ་དྲཱུ་མ་ཙྪཱ་ཡེ་ཧུཾ་ཧཱུཾ་
[25b]
[25b.1]ཕཊ། ཨོཾ་བཛྲ་བཛྲ་དེ་ཧ་ཧུཾ་ཧཱུཾ་ཕཊ། ཨོཾ་བཛྲ་ཨེ་ར་ཝ་ཏཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨཾ་ཀུ་རི་ཀ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་བྷཻ་ར་ཝཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཛྲ་ཛ་ཊཱི་ལ་ཧུཾ་ཧཱུཾ་ཕཊ། ཨོཾ་བཛྲ་བཱ་ཡུ་བེ་གེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་བཱི་ར་ཧུཾ་ཧཱུཾ་ཕཊ། ཨོཾ་བཛྲ་སུ་ར་བྷ་ཀྵཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཧཱུཾ་ཀ་ར་
[25b.2]ཧུཾ་ཧཱུཾ་ཕཊ། ཨོཾ་བཛྲ་ཤྱཱ་མ་དེ་ཝཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སུ་བྷ་དྲ་ཧུཾ་ཧཱུཾ་ཕཊ། ཨོཾ་བཛྲ་སུ་བྷ་དྲཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཛྲ་བྷ་དྲ་ཧུཾ་ཧཱུཾ་ཕཊ། ཨོཾ་བཛྲ་ཧ་ཡ་ཀྲྞྞེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་བྷཻ་ར་ཝེ་ཧཱུ་ཧཱུཾ་ཕཊ། ཨོམ་བཛྲ་ཁ་གཱ་ན་ནེ་ཧུཾ་ཧཱུཾ་ཕཊ། ཨོཾ་བཛྲ་བི་རཱུ་པཱ་ཀྵི་ཧུཾ་ཧཱུཾ་ཕཊ། ཨོཾ་བཛྲ་
[25b.3]ཙ་ཀྲ་བེ་གེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་བ་ལ་ཧུཾ་ཧཱུཾ་ཕཊ། ཨོཾ་བཛྲ་ཁ་ཎྜ་རོ་ཧེ་ཧུཾ་ཧཱུཾ་ཕཊ། ཨོཾ་བཛྲ་རཏྣ་བཛྲ་ཧུཾ་ཧཱུཾ་ཕཊ། ཨོཾ་བཛྲ་ཤཽཎྜཱི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཧ་ཡ་གྲཱི་ཝ་ཧུཾ་ཧཱུཾ་ཕཊ། ཨོཾ་བཛྲ་ཙ་ཀྲ་ཝྲྨི་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨཱ་ཀཱ་ཤ་རྦྷ་ཧུཾ་ཧཱུཾ་ཕཊ། ཨོཾ་བཛྲ་སུ་བཱི་རེ་ཧུཾ་ཧཱུཾ་ཕཊ། ཨོཾ་
[25b.4]བཛྲ་ཧེ་རུ་ཀ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་བ་ལེ་ཧུཾ་ཧཱུཾ་ཕཊ། ཨོཾ་བཛྲ་པདྨ་ན་རྟེ་ཤྭ་ར་ཧུཾ་ཧཱུཾ་ཕཊ། ཨོཾ་བཛྲ་ཙ་ཀྲ་བརྟྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཻ་རོ་ཙ་ན་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་བཱེ་རྱཱེ་ཧུཾ་ཧཱུཾ་ཕཊ། ཨོཾ་བཛྲ་བཛྲ་སཏྭ་ཧུཾ་ཧཱུཾ་ཕཊ། ཨོཾ་བཛྲ་ཡ་མི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་བ་ལ་ཧུཾ་ཧཱུཾ་ཕཊ། ཨོཾ་
[25b.5]བཛྲ་ཡ་མི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཛྙཱ་ན་ཌཱ་ཀ་ཧུཾ་ཧཱུཾ་ཕཊ། ཨོཾ་བཛྲ་སཉྩ་ལི་ནི་ཧུཾ་ཧཱུཾ་ཕཊ། ཨོཾ་བཛྲ་དྷཻ་རྱ་ཧུཾ་ཧཱུཾ་ཕཊ། ཨོཾ་བཛྲ་ཏྲཱ་རི་ནཱི་ཧུཾ་ཧཱུཾ་ཕཊ། ཨོཾ་བཛྲ་སྠཻརྱ་ཧུཾ་ཧཱུཾ་ཕཊ། ཨོཾ་བཛྲ་ཙ་ཎྜི་ཀེ་ཧུཾ་ཧཱུཾ་ཕཊ། ཨོཾ་བཛྲ་མི་ཀྵ་ཧུཾ་ཧཱུཾ་ཕཊ། ཨོཾ་བཛྲ་སཱ་ར་སྭ་ཏཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཛྙཱ་ན་ཧུཾ་ཧཱུཾ་ཕཊ།
[25b.6]ཨོཾ་བཛྲ་ཨ་ཙྪི་སི་དྡྷྱཻ་ཧུཾ་ཧཱུཾ་ཕཊ། ཨོཾ་བཛྲ་ཨུ་པཱ་ཡ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་ཛྭ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙིཏྟ་བཛྲ་ཧུཾ་ཧཱུཾ་ཕཊ། ཨོཾ་བཛྲ་བཛྲ་དྷ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཛྲ་དྷ་རཱ་ཡ་ཧུཾ་ཧཱུཾ་ཕཊ། ཨོཾ་བཛྲ་ཨཀྵོ་བྷྱེ་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨཀྵོ་བྷྱ་ཧུཾ་ཧཱུཾ་ཕཊ། ཨོཾ་བཛྲ་བཻ་རོ་ཙ་ནཱི་ཡཻ་ཧུཾ་ཧཱུཾ་ཕཊ།
[25b.7]ཨོཾ་བཛྲ་བཻ་རོ་ཙ་ན་ཧུཾ་ཧཱུཾ་ཕཊ། ཨོཾ་བཛྲ་རཏྣ་ཤི་ཁི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་རཏྣ་ཤི་ཁི་ཧུཾ་ཧུཾ་ཕཊ། ཨོཾ་བཛྲ་པདྨ་ན་རྟྟེ་ཤྭ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པདྨ་ནརྟྟ་ཤྭ་ར་ཧུཾ་ཧཱུཾ་ཕཊ། ཨོཾ་བཛྲ་ཨ་མོ་གྷཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་མོ་གྷ་ཧུཾ་ཧཱུཾ་ཕཊ། ཨོཾ་བཛྲ་ལོ་ཙནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ལོ་ཙ་ན་
[26a]
[26a.1]ཧུཾ་ཧཱུཾ་ཕཊ། ཨོཾ་བཛྲ་མཱ་མ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མཱ་མ་ཀ་ཡེ་ཧུཾ་ཧཱུཾ་ཕཊ། ཨོཾ་བཛྲ་པཎྜར་བ་སི་ནཱི་ཧུཾ་ཧཱུཾ་ཕཊ། ཨོཾ་བཛྲ་པཎྜར་བས་ཧུཾ་ཧཱུཾ་ཕཊ། ཨོཾ་བཛྲ་ཏཱ་རཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་ཏཱ་ར་ཧུཾ་ཧཱུཾ་ཕཊ། ཨོཾ་བཛྲ་རཱུ་པ་བཛྲེ་ཧུཾ་ཧཱུཾ་ཕཊ། ཨོཾ་བཛྲ་ཤབྡ་བཛྲེ་
[26a.2]ཧུཾ་ཧཱུཾ་ཕཊ། ཨོཾ་བཛྲ་ཤབྡ་བཛྲ་ཧུཾ་ཧཱུཾ་ཕཊ། ཨོཾ་བཛྲ་གནྡྷ་བཛྲེ་ཧུཾ་ཧཱུཾ་ཕཊ། ཨོཾ་བཛྲ་རཱ་ས་བཛྲ་ཧུཾ་ཧཱུཾ་ཕཊ། ཨོཾ་བཛྲ་རཱ་ས་བཛྲ་ཧུཾ་ཧཱུཾ་ཕཊ། ཨོཾ་བཛྲེ་སྤརྵ་བཛྲ་ཧུཾ་ཧཱུཾ་ཕཊ། ཨོཾ་བཛྲ་སརྵ་བཛྲ་ཧུཾ་ཧཱུཾ་ཕཊ། ཨོཾ་བཛྲེ་ངྷརྨཱ་ངྷཱ་ཏུ་བཛྲེ་ཧུཾ་ཧཱུཾ་ཕཊ། ཨོཾ་བཛྲ་དྷརྨྨ་དྷཱ་ཏུ་བཛྲེ་ཧུཾ་ཧཱུཾ་ཕཊ། ཨོཾ་བཛྲ་ཀྵི་
[26a.3]ཏི་གངྡྷཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀྵི་ཏི་གརྦྷ་ཧཱུཾ་ཧཱུཾ་ཕཊ། ཨོཾ་བཛྲ་ཁ་གརྦྷ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཁ་གརྦྷ་ཧུཾ་ཧཱུཾ་ཕཊ། ཨོཾ་བཛྲ་བཛྲ་པཱ་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཛྲ་པཱ་ཎཱི་ཧུཾ་ཧཱུཾ་ཕཊ། ཨོཾ་བཛྲ་ལོ་ཀ་ནཱ་ཐ་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ལོ་ཀ་ནཱ་ཐ་ཧུཾ་ཧཱུཾ་ཕཊ། ཨོཾ་བཛྲ་སརྦ་ཨ་བ་ར་ཎ་ནི་ཥྐཾ་བྷི་ནཱི་ཡེ་ཧུཾ་ཧཱུཾ་ཕཊ།
[26a.4]ཨོཾ་བཛྲ་སརྦ་ཨ་བ་ར་ཎ་ནི་ཥྐཾ་བྷ་ཧུཾ་ཧཱུཾ་ཕཊ། ཨོཾ་བཛྲ་ས་མནྟ་བྷ་དྲཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ས་མནྟ་བྷ་དྲ་ཧུཾ་ཧཱུཾ་ཕཊ། ཨོཾ་བཛྲ་རཏྣོ་ལྐཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏྣོལྐཱི་ཧུཾ་ཧཱུཾ་ཕཊ། ཨོཾ་བཛྲ་ནཻ་རཱ་ཏྨྱ་ལེ་ཧུཾ་ཧཱུཾ་ཕཊ། ཨོཾ་བཛྲ་ནཻ་རཱ་ཏྨ་ཧུཾ་ཧཱུཾ་ཕཊ། ཨོཾ་བཛྲ་བྷྲྀ་ཀུ་ཊི་ཀཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་བྷྲྀ་ཀུ་ཊི་ཀ་ཧུཾ་ཧཱུཾ་
[26a.5]ཕཊ། ཨོཾ་བཛྲ་པརྞ་ཤ་བ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པརྞ་ཤ་བ་རི་ཧུཾ་ཧཱུཾ་ཕཊ། ཨོཾ་བཛྲ་ཡ་མཱནྟ་ཀཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་ཡ་མཱནྟ་ཀ་ཧུཾ་ཧཱུཾ་ཕཊ། ཨོཾ་བཛྲ་པྲཛྙཱ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པྲ་ཛྙཱནྟ་ཀ་ཧུཾ་ཧཱུཾ་ཕཊ། ཨོཾ་བཛྲ་པདྨ་ནྟ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པདྨཱནྟ་ཀ་ཧུཾ་ཧཱུཾ་ཕཊ། ཨོཾ་བཛྲ་བིགྷྣན་ནྟ་ཀཱི་ཡེ་ཧུཾ་ཧཱུཾ་
[26a.6]ཕཊ། ཨོཾ་བཛྲ་བགྷྣཱིནྟ་ཀ་ཧུཾ་ཧཱུཾ་ཕཊ། ཨོཾ་བཛྲ་ཨ་ཙ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་ཙ་ལ་ཧུཾ་ཧཱུཾ་ཕཊ། ཨོཾ་བཛྲ་ནཱི་ལ་དཎྜཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ནཱི་ལ་དཎྜི་ཧུཾ་ཧཱུཾ་ཕཊ། ཨོཾ་བཛྲ་ཊཀྐི་རཱ་ཛཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཊཀྐི་རཱ་ཛ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་བ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་བ་ལ་ཧཱུཾ་
[26a.7]ཧཱུཾ་ཕཊ། ཨོཾ་བཛྲ་ཨུཥྞཱི་ཥཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨུཥྟཱི་ཥ་ཧུཾ་ཧཱུཾ་ཕཊ། ཨོཾ་བཛྲ་སུམྦྷ་རཱ་ཛཱི་ཡེ་ཧུཾ་ཧཱུཾ་ཕཊ། ཨོམ་བཛྲ་སུམྦྷ་རཱ་ཛ་ཧུཾ་ཧཱུཾ་ཕཊ། ཨོཾ་བཛྲ་བྲཱ་ཧམ་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྲཱ་ཧམ་ཎ་ཧུཾ་ཧཱུཾ་ཕཊ། ཨོཾ་བཛྲ་ཀྵ་ཏྲི་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀྵ་ཏྲི་ཧུཾ་ཧཱུཾ་ཕཊ། ཨོཾ་བཛྲ་བཻ་ཤཱི་ཡེ་ཧུཾ་ཧཱུཾ་ཕཊ།
[26b]
[26b.1]ཨོཾ་བཛྲ་བཻ་ཤ་ཧུཾ་ཧཱུཾ་ཕཊ། ཨོཾ་བཛྲ་ཤུདྲི་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤུ་དྲ་ཧུཾ་ཧཱུཾ་ཕཊ། ཨོཾ་བཛྲ་ཙཎྜ་ལི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙཎྜ་ལ་ཧུཾ་ཧཱུཾ་ཕཊ། ཨོཾ་བཛྲ་ཤྭ་ཙི་ནི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤྭ་ཙི་ཧུཾ་ཧཱུཾ་ཕཊ། ཨོཾ་བཛྲ་ཌོམྦི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཌོམྤི་ཧུཾ་ཧཱུཾ་ཕཊ། ཨོཾ་བཛྲ་ནཱ་ཊཱི་ཡེ་ཧུཾ་ཧཱུཾ་ཕཊ།
[26b.2]ཨོཾ་བཛྲ་ནཱ་ཊ་ཧུཾ་ཧཱུཾ་ཕཊ། ཨོཾ་བཛྲ་ཀ་པཱ་ལི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀ་པཱ་ལ་ཧུཾ་ཧཱུཾ་ཕཊ། ཨོཾ་བཛྲ་ཀཻ་ཝརྟཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཻ་ཝརྟྟ་ཧུཾ་ཧཱུཾ་ཕཊ། ཨོཾ་བཛྲ་བེཎུ་ནཱ་ཊཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བེཎུནཱ་ཊ་ཧུཾ་ཧཱུཾ་ཕཊ། ཨོཾ་བཛྲ་ཤཾ་ཁ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤཾ་ཁ་ཀ་ཧུཾ་ཧཱུཾ་ཕཊ། ཨོཾ་བཛྲ་ཏནྟུ་བ་
[26b.3]ཡ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏནྟུ་བ་ཡ་ཀ་ཧུཾ་ཧཱུཾ་ཕཊ། ཨོཾ་བཛྲ་ཀཎྜུ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཎྜུ་ཀ་ཧུཾ་ཧཱུཾ་ཕཊ། ཨོཾ་བཛྲ་ཀཎྛཀཱ་རི་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཎྛ་ཀཱ་རི་ཀ་ཧུཾ་ཧཱུཾ་ཕཊ། ཨོཾ་བཛྲ་མཱ་ལཱ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མཱ་ལཱ་ཀ་ཧུཾ་ཧཱུཾ་ཕཊ། ཨོཾ་བཛྲ་ཏཻ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏཻ་
[26b.4]ལ་ཧུཾ་ཧཱུཾ་ཕཊ། ཨོཾ་བཛྲ་ཙྪི་ཡཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙྪི་ཡ་ཧུཾ་ཧཱུཾ་ཕཊ། ཨོཾ་བཛྲ་ཀོཥ་ཀཱ་རི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་ཀོཥ་ཀཱ་ར་ཧུཾ་ཧཱུཾ་ཕཊ། ཨོཾ་བཛྲ་དཱུཏཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དཱུ་ཏ་ཧུཾ་ཧཱུཾ་ཕཊ། ཨོཾ་བཛྲ་ཧ་ཌ་གཱ་ཌཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཧ་ཌ་གཱ་ཌ་ཧུཾ་ཧཱུཾ་ཕཊ། ཨོཾ་བཛྲ་ག་ཎི་ཀཱི་ཡེ་ཧུཾ་ཧཱུཾ་ཕཊ། ཨོཾ་
[26b.5]བཛྲ་ག་ཎི་ཀ་ཧུཾ་ཧཱུཾ་ཕཊ། ཨོཾ་བཛྲ་ཀརྞྞ་བ་ལཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་ཀརྞྞ་བ་ལ་ཧུཾ་ཧཱུཾ་ཕཊ། ཨོཾ་བཛྲ་ཀུ་ཡ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀུ་ཡ་ར་ཧུཾ་ཧཱུཾ་ཕཊ། ཨོཾ་བཛྲ་རཱ་ཛ་བྷ་ཊཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་རཱ་ཛ་བྷ་ཊ་ཧུཾ་ཧཱུཾ་ཕཊ། ཨོཾ་བཛྲ་ཁཊྚི་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཁཊྚི་ཀ་ཧུཾ་ཧཱུཾ་ཕཊ། ཨོཾ་བཛྲ་
[26b.6]ཏཱ་མྦོ་ལ་ཝ་ཀྲི་ཡཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏཱ་མྦོ་ལ་ཝ་ཀྲི་ཡ་ཀ་ཧུཾ་ཧཱུཾ་ཕཊ། ཨོཾ་བཛྲ་སཽ་བརྞྞ་ཀཱ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སཽ་བརྞྞ་ཀཱ་ར་ཧུཾ་ཧཱུཾ་ཕཊ། ཨོཾ་བཛྲ་ལོ་ཧཱ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ལོ་ཧཱ་ར་ཧཱུཾ་ཧཱུཾ་ཕཊ། ཨོཾ་བཛྲ་མ་ཎི་ཧཱ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཎི་ཧཱ་ར་ཧུཾ་ཧཱུཾ་ཕཊ། ཨོཾ་བཛྲ་དཱ་པ་
[26b.7]ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དཱ་པ་ཀ་ཧུཾ་ཧཱུཾ་ཕཊ། ཨོཾ་བཛྲ་མླེ་ཙྪེ་ཌཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མླེ་ཙྪི་ཌ་ཧུཾ་ཧཱུཾ་ཕཊ། ཨོཾ་བཛྲ་པ་ཎི་ཛཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པ་ཎི་ཛ་ཧུཾ་ཧཱུཾ་ཕཊ། ཨོཾ་བཛྲ་པ་ཐ་ར་གཱ་དྷཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པ་ཐ་ར་གཱ་དྷ་ཀ་ཧུཾ་ཧཱུཾ་ཕཊ། ཨོཾ་བཛྲ་ཀྲྀ་ཥི་ཀཱ་རཱི་ཡེ་ཧུཾ་ཧཱུཾ་ཕཊ། ཨོཾ་
[27a]
[27a.1]བཛྲ་ཀྲྀ་ཥི་ཀཱ་ར་ཧུཾ་ཧཱུཾ་ཕཊ། ཨོཾ་བཛྲ་ཙརྨ་ཀཱ་རི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙརྨ་ཀཱ་ར་ཧཱུཾ་ཧཱུཾ་ཕཊ། ཨོཾ་བཛྲ་བྷདྲ་ཀལྤ་བུདྡྷེ་བྱོ་ཧུཾ་ཧཱུཾ་ཕཊ། ཨོཾ་བཛྲ་ཀཱ་ཀཱ་སྱེ་ཧུཾ་ཧཱུཾ་ཕཊ། ཨོཾ་བཛྲ་ཤྭ་ནཱ་སྱེ་ཧུཾ་ཧཱུཾ་ཕཊ། ཨོཾ་བཛྲ་སཱུ་ཀ་རཱ་སྱེ་ཧུཾ་ཧཱུཾ་ཕཊ། ཨོཾ་བཛྲ་ཡ་མ་དཱ་དྷཱི་ཡེ་ཧུཾ་ཧཱུཾ་ཕཊ། ཨོཾ་
[27a.2]བཛྲ་ཡ་མ་དཱུ་དྷཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཡ་མ་དཱུ་ཏཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་ཡ་མ་དཱུ་ཥྚཱི་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཡ་མ་མ་ཐ་ཎཱི་ཡེ་ཧུཾ་ཧཱུཾ། ཨོཾ་བཛྲ་ཀིནྣ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀིནྣ་ར་ཧུཾ་ཧཱུཾ་ཕཊ། ཨོཾ་བཛྲ་གནྡྷ་ཧ་རི་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་གནྡྷ་ཧ་ར་ཧུཾ་ཧཱུཾ་ཕཊ། ཨོཾ་བཛྲ་ཧུ་ཊུ་
[27a.3]ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཧུ་ཊུ་ཀ་ཧུཾ་ཧཱུཾ་ཕཊ། ཨོཾ་བཛྲ་པཱ་ཊ་བཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པཱ་ཊ་བ་ཧཱུཾ་ཧཱུཾ་ཕཊ། ཨོཾ་བཛྲ་བཱི་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཱི་ཎ་ཀ་ཧུཾ་ཧཱུཾ་ཕཊ། ཨོཾ་བཛྲ་བཾ་ཤཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཾ་ཤི་ཧུཾ་ཧཱུཾ་ཕཊ། ཨོཾ་བཛྲ་མུ་ཀུ་ཎྜཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀུཎྜ་ཧུཾ་ཧཱུཾ་ཕཊ། ཨོཾ་བཛྲ་
[27a.4]མ་རྫཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མུ་རྫ་ཧུཾ་ཧཱུཾ་ཕཊ། ཨོཾ་བཛྲ་གགྷ་རཱི་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་གགྷ་རཱི་ཀ་ཧུཾ་ཧཱུཾ་ཕཊ། ཨོཾ་བཛྲ་ཀཱཾ་པཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཱཾ་པ་ཧུཾ་ཧཱུཾ་ཕཊ། ཨོཾ་བཛྲ་ཤཻ་ལེནྡྲི་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤཻལེནྡྲི་ཀ་ཧུཾ་ཧཱུཾ་ཕཊ། ཨོཾ་བཛྲ་གཱི་ཏཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་གཱི་ཏ་
[27a.5]ཧུཾ་ཧཱུཾ་ཕཊ། ཨོཾ་བཛྲ་ཀ་ར་ཊཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀ་ར་ཊ་ཧུཾ་ཧཱུཾ་ཕཊ། ཨོཾ་བཛྲ་ཏམ་ཌཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་ཏ་མ་ཌ་ཧཱུཾ་ཧཱུཾ་ཕཊ། ཨོཾ་བཛྲ་ནྲྀ་ཏྱཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་ནྲི་ཏྱ་ཧུཾ་ཧཱུཾ་ཕཊ། ཨོཾ་བཛྲ་ལཱ་སྱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་ལཱ་སྱ་ཧུཾ་ཧཱུཾ་ཕཊ། ཨོཾ་བཛྲ་ཊཀྐཱི་ཡེ་ཧུཾ་ཧཱུཾ་ཕཊ། ཨོཾ་
[27a.6]བཛྲ་ཊཀྐ་ཧུཾ་ཧཱུཾ་ཕཊ། ཨོཾ་བཛྲ་ཏཱ་ལི་ཤ་ར་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏ་ལི་ཤ་ར་ཎ་ཧུཾ་ཧཱུཾ་ཕཊ། ཨོཾ་བཛྲ་དུཾ་དུ་བྷི་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དུཾ་དུ་བྷི་ཀ་ཧུཾ་ཧཱུཾ་ཕཊ། ཨོཾ་བཛྲ་མཽ་དྲཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མཽ་དྲི་ཧུཾ་ཧཱུཾ་ཕཊ། ཨོཾ་བཛྲ་ཏཱ་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏཱ་ན་ཧུཾ་ཧཱུཾ་ཕཊ། ཨོཾ་བཛྲ་
[27a.7]མཱ་ཏུ་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མཱ་ཏུ་ཧུཾ་ཧཱུཾ་ཕཊ། ཨོཾ་བཛྲ་ནཱ་ལ་བཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ནཱ་ལ་བཱ་ཧུཾ་ཧཱུཾ་ཕཊ། ཨོཾ་བཛྲ་ཌྷཾ་བ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཌྷཾ་བ་ཀ་ཧུཾ་ཧཱུཾ་ཕཊ། ཨོཾ་བཛྲ་ཌ་མ་རཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་ཌ་མ་ར་ཧུཾ་ཧཱུཾ་ཕཊ། ཨོཾ་བཛྲ་ཊུ་ཎ་ཊུ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཊུ་ཎ་ཀ་
[27b]
[27b.1]ཧུཾ་ཧཱུཾ་ཕཊ། ཨོཾ་བཛྲ་ཀ་ཧཱ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཧཱ་ལ་ཧུཾ་ཧཱུཾ་ཕཊ། ཨོཾ་བཛྲ་ཨོ་ར་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨོར་ཀ་ཧུཾ་ཧཱུཾ་ཕཊ། ཨོཾ་བཛྲ་བྷུ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷུ་ཀི་ཧུཾ་ཧཱུཾ་ཕཊ། ཨོཾ་བཛྲ་གྷ་ཎཌཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་གྷཎྜི་ཧུཾ་ཧཱུཾ་ཕཊ། ཨོཾ་བཛྲ་ཀིཾ་ཀི་ཎཱི་ཡེ་ཧུཾ་ཧཱུཾ་ཕཊ། ཨོཾ་
[27b.2]བཛྲ་ཀིཾ་ཀི་ཎི་ཧུཾ་ཧཱུཾ་ཕཊ། ཨོཾ་བཛྲ་གྷུ་རྒྷུ་རཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་གྷུ་རྒྷུ་རི་ཧུཾ་ཧཱུཾ་ཕཊ། ཨོཾ་བཛྲ་ཌ་ཀོ་ལོ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཌ་ཀོ་ལི་ཀ་ཧུཾ་ཧཱུཾ་ཕཊ། ཨོཾ་བཛྲ་ཤཾ་ཁཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤཾ་ཁ་ཧུཾ་ཧཱུཾ་ཕཊ། ཨོཾ་བཛྲ་གྷོ་ཥ་ཝ་ཏཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཥ་ཝ་ཏི་ཧུཾ་ཧཱུཾ་ཕཊ།
[27b.3]ཨོཾ་བཛྲ་པཪྵ་དཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པརྵ་ད་ཧུཾ་ཧཱུཾ་ཕཊ།། །།ཨོཾ་བཛྲ་ག་རུ་ཌཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ག་རུ་ཌ་ཧུཾ་ཧཱུཾ་ཕཊ། ཨོཾ་བཛྲ་ཧཾ་སཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཧཾ་ས་ཧུཾ་ཧཱུཾ་ཕཊ། ཨོཾ་བཛྲ་ཙི་ཏྲཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙི་ཏྲི་ཧུཾ་ཧཱུཾ་ཕཊ། ཨོཾ་བཛྲ་ཀཱ་ཀཱི་ཡེ་ཧུཾ་ཧཱུཾ་ཕཊ། ཨོཾ་
[27b.4]བཛྲ་ཀཱ་ཀ་ཧུཾ་ཧཱུཾ་ཕཊ། ཨོཾ་བཛྲ་བ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བ་ཀ་ཧུཾ་ཧཱུཾ་ཕཊ། ཨོཾ་བཛྲ་ཏི་ཏཱ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏིཏྟཱ་རི་ཧུཾ་ཧཱུཾ་ཕཊ། ཨོཾ་བཛྲ་མ་ཡཱུ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཡཱུ་རི་ཧུཾ་ཧཱུཾ་ཕཊ། ཨོཾ་བཛྲ་ཏཱ་མྲ་ཙཱུ་ཌཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏཱ་མྲ་ཙཱུ་ཌི་ཧུཾ་ཧཱུཾ་ཕཊ། ཨོཾ་བཛྲ་གུ་ད་
[27b.5]བུ་ལི་ཀཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་གུ་དབུ་ལི་ཀ་ཧཱུཾ་ཧཱུཾ་ཕཊ། ཨོཾ་བཛྲ་ཀོ་མ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀོ་མ་ལ་ཧུཾ་ཧཱུཾ་ཕཊ། ཨོཾ་བཛྲ་པཱ་ར་ཝ་རྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པཱ་ར་ཝ་རྟི་ཧུཾ་ཧཱུཾ་ཕཊ། ཨོཾ་བཛྲ་པྲྀ་ཧ་ཏྐཱ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པྲྀ་ཧཏྐཱ་ཀི་ཧུཾ་ཧཱུཾ་ཕཊ། ཨོཾ་བཛྲ་ག་ཌཱི་ཎཱི་ཡེ་ཧུཾ་ཧཱུཾ་ཕཊ།
[27b.6]ཨོཾ་བཛྲ་ག་ཌི་ནི་ཧུཾ་ཧཱུཾ་ཕཊ། ཨོཾ་བཛྲ་ཀ་པི་ཉྩ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀ་པི་ཉྩ་ལ་ཧུཾ་ཧཱུཾ་ཕཊ། ཨོཾ་བཛྲ་སུ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སུ་ཀ་ཧུཾ་ཧཱུཾ་ཕཊ། ཨོཾ་བཛྲ་མནྟི་ཡེ་ཧུཾ་ཧཱུཾ་ཕཊ། ཨོཾ་བཛྲ་མནྟྲི་ཧཱུཾ་ཧཱུཾ་ཕཊ། ཨོཾ་བཛྲ་ས་ར་སཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ས་ར་སི་ཧུཾ་ཧཱུཾ་ཕཊ། ཨོཾ་བཛྲ་གྲྀ་ངྷཱི་
[27b.7]ཡེ་ཧུཾ་ཧཱུཾ་ཕཊ། ཨོཾ་བཛྲ་གྲྀ་དྷྲ་ཧུཾ་ཧཱུཾ་ཕཊ། ཨོཾ་བཛྲ་ཨུ་ལླཱ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨུ་ལླཱུ་ཀ་ཧུཾ་ཧཱུཾ་ཕཊ། ཨོཾ་བཛྲ་ཙ་ཊ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙ་ཊ་ཀ་ཧུཾ་ཧཱུཾ་ཕཊ། ཨོཾ་བཛྲ་ཀཥྛ་ཙ་ཊི་ཀི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཥྚ་ཅ་ཊ་ཀ་ཧུཾ་ཧཱུཾ་ཕཊ། ཨོཾ་བཛྲ་ཙ་ཀྲ་བཱ་ཀཱི་ཡེ་ཧུཾ་ཧཱུཾ་ཕཊ། ཨོཾ་
[28a]
[28a.1]བཛྲ་ཙ་ཀྲ་བཱ་ཀ་ཧུཾ་ཧཱུཾ་ཕཊ། ཨོཾ་བཛྲ་པྲྀ་ཀྵ་རཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པྲྀ་ཀྵ་ར་ཎ་ཧུཾ་ཧཱུཾ་ཕཊ། ཨོཾ་བཛྲ་ཀཀྐ་བཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཀྐ་བི་ཧུཾ་ཧཱུཾ་ཕཊ། ཨོཾ་བཛྲ་ཛ་ལ་ཀཱ་ཀཱི་ཧུཾ་ཧཱུཾ་ཕཊ། ཨོཾ་བཛྲ་ཛ་ལ་ཀཱ་ཀ་ཧུཾ་ཧཱུཾ་ཕཊ། ཨོཾ་བཛྲ་བི་ལཱ་ཌཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་
[28a.2]བི་ལ་ཌ་ཧུཾ་ཧཱུཾ་ཕཊ། ཨོཾ་བཛྲ་ནཱ་ལ་གྲི་བཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་ནཱ་ལ་གྲི་བ་ཧུཾ་ཧཱུཾ་ཕཊ། ཨོཾ་བཛྲ་སཱ་རི་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སཱ་རི་ཀ་ཧུཾ་ཧཱུཾ་ཕཊ། ཨོཾ་བཛྲ་སེ་ནཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་སེ་ན་ཧུཾ་ཧཱུཾ་ཕཊ། ཨོཾ་བཛྲ་ཀུ་མ་ལོ་ལཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀུཾ་ཀུ་མ་ལོ་ལ་ཧུཾ་ཧཱུཾ་ཕཊ། ཨོཾ་བཛྲ་བཱ་ཊི་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་
[28a.3]བཱ་ཊི་ར་ཧུཾ་ཧཱུཾ་ཕཊ། ཨོཾ་བཛྲ་ཀཱ་ཀ་ཛི་གྷ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཱ་ཀ་ཛཾ་གྷ་ཀ་ཧུཾ་ཧཱུཾ་ཕཊ། ཨོཾ་བཛྲ་ས་མཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ས་མ་ཧུཾ་ཧཱུཾ་ཕཊ། ཨོཾ་བཛྲ་ལེ་ཧ་སྲི་ཥྚ་ཡེ་ཧུཾ་ཧཱུཾ་ཕཊ། ཨོཾ་བཛྲ་ལེ་ཧ་སྲིཥྚ་ཧུཾ་ཧཱུཾ་ཕཊ། ཨོཾ་བཛྲ་དད་ད་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དད་ད་རཱི་ཧུཾ་ཧཱུཾ་ཕཊ།
[28a.4]ཨོཾ་བཛྲ་གཱ་རི་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མྲྀ་གཱ་རི་ཧུཾ་ཧཱུཾ་ཕཊ། ཨོཾ་བཛྲ་སིཾ་གྷཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་སིཾ་གྷ་ཧུཾ་ཧཱུཾ་ཕཊ། ཨོཾ་བཛྲ་བྱཱ་གྷྲཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྱཱ་གྷྲ་ཧཱུཾ་ཧཱུཾ་ཕཊ། ཨོཾ་བཛྲ་བྷི་མྦྷི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷིམྦྷ་ཧུཾ་ཧཱུཾ་ཕཊ། ཨོཾ་བཛྲ་ཤ་ཤཱི་
[28a.5]ཡེ་ཧུཾ་ཧཱུཾ་ཕཊ། ཨོཾ་བཛྲ་ཤ་ཤི་ཧུཾ་ཧཱུཾ་ཕཊ། ཨོཾ་བཛྲ་ཛཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ག་ཛ་ཧུཾ་ཧཱུཾ་ཕཊ། ཨོཾ་བཛྲ་མྲྀ་གཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་མྲྀ་ག་ཧུཾ་ཧཱུཾ་ཕཊ། ཨོཾ་བཛྲ་མརྫ་རི་ཀཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་མརྫ་རི་ཀ་ཧུཾ་ཧཱུཾ་ཕཊ། ཨོཾ་བཛྲ་གཱ་བ་ཎཱི་ཡེ་ཧུཾ་ཧཱུཾ་
[28a.6]ཕཊ། ཨོཾ་བཛྲ་གཱ་བ་ཧུཾ་ཧཱུཾ་ཕཊ། ཨོཾ་བཛྲ་མ་ཧི་ཥཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཧི་ཥ་ཧུཾ་ཧཱུཾ་ཕཊ། ཨོཾ་བཛྲ་མ་ཧི་ཥ་ཧུཾ་ཧཱུཾ་ཕཊ། ཨོཾ་བཛྲ་ཏུ་ར་གཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏུ་ར་ག་ཧུཾ་ཧཱུཾ་ཕཊ། ཨོཾ་བཛྲ་ཛཾ་བུ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བུ་ཀ་ཧཱུཾ་ཧཱུཾ་ཕཊ། ཨོཾ་བཛྲ་གི་ཎཌཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་གིཎྜ་ཧུཾ་ཧཱུཾ་ཕཊ། ཨོཾ་བཛྲ་ཙ་མ་རཱི་ཡེ་ཧུཾ་ཧཱུཾ་ཕཊ།
[28a.7]ཨོཾ་བཛྲ་ཙ་མ་ར་ཧུཾ་ཧཱུཾ་ཕཊ། ཨོཾ་བཛྲ་མུ་ཥཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མུ་ཥ་ཧུཾ་ཧཱུཾ་ཕཊ། ཨོཾ་བཛྲ་གརྡ་བྷཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་གརྡ་བྷ་ཧུཾ་ཧཱུཾ་ཕཊ། ཨོཾ་བཛྲ་བྷི་ཊཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷི་ཊ་ཧུཾ་ཧཱུཾ་ཕཊ། ཨོཾ་བཛྲ་ཨ་ཛ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་ཛ་ཀ་ཧཱུཾ་ཧཱུཾ་ཕཊ། ཨོཾ་བཛྲ་
[28b]
[28b.1]ཨེ་ཌ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨེ་ཊ་ཧུཾ་ཧཱུཾ་ཕཊ། ཨོཾ་བཛྲ་ཤྭ་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤྭ་ན་ཧུཾ་ཧཱུཾ་ཕཊ། ཨོཾ་བཛྲ་སཱུ་ཀ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སཱུ་ཀ་ར་ཧུཾ་ཧཱུཾ་ཕཊ། ཨོཾ་བཛྲ་བྷ་ལླཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་བྷ་ལླི་ཧུཾ་ཧཱུཾ་ཕཊ། ཨོཾ་བཛྲ་དཎྜ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དཎྜི་ར་ཧུཾ་ཧཱུཾ་ཕཊ།
[28b.2]ཨོཾ་བཛྲ་མཽ་ཛྙཱ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མོ་ཛྙཱ་ཧུཾ་ཧཱུཾ་ཕཊ། ཨོཾ་བཛྲ་བེས་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བེ་ས་ར་ཧུཾ་ཧཱུཾ་ཕཊ། ཨོཾ་བཛྲ་བི་ལཱ་སཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བི་ལཱ་ས་ཧུཾ་ཧཱུཾ་ཕཊ། ཨོཾ་བཛྲ་ཨ་ར་ཎཱི་ཧུཾ་ཧཱུཾ་ཕཊ། ཨོཾ་བཛྲ་ཨ་ར་ཎི་ཧུཾ་ཧཱུཾ་ཕཊ། ཨོཾ་བཛྲ་པྲྀ་ཧ་ཤྭ་ནི་ཀཱི་ཡེ་ཧུཾ་ཧཱུཾ་
[28b.3]ཕཊ། ཨོཾ་བཛྲ་པྲྀ་ཧ་ཤྭ་ནི་ཧུཾ་ཧཱུཾ་ཕཊ། ཨོཾ་བཛྲ་དྲོ་ཀཱ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དྲོ་ཎ་ཀཱ་ཀ་ཧུཾ་ཧཱུཾ་ཕཊ། ཨོཾ་བཛྲ་ཤར་དཱུ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤ་ར་དཱུ་ལ་ཧུཾ་ཧཱུཾ་ཕཊ། ཨོཾ་བཛྲ་བྱ་ཌཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྱ་ཊ་ཧུཾ་ཧཱུཾ་ཕཊ། ཨོཾ་བཛྲ་ཙི་ཏྲི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙི་ཏྲི་
[28b.4]ཧུཾ་ཧཱུཾ་ཕཊ། ཨོཾ་བཛྲ་ཨཱུ་ཊི་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨཱུ་ཊ་ཧུཾ་ཧཱུཾ་ཕཊ། ཨོཾ་བཛྲ་ན་ཀུ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ན་ཀུ་ལ་ཧུཾ་ཧཱུཾ་ཕཊ། ཨོཾ་བཛྲ་ཀྲི་ཀཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་ཀྲི་ཀ་ཧུཾ་ཧཱུཾ་ཕཊ། ཨོཾ་བཛྲ་གུ་ཧཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་གུ་ཧ་ཧུཾ་ཧཱུཾ་ཕཊ། ཨོཾ་བཛྲ་གྲཱ་མ་བ་སི་ནཱི་ཡེ་ཧུཾ་
[28b.5]ཧཱུཾ་ཕཊ། ཨོཾ་བཛྲ་གྲཱ་མ་བ་སི་ཧུཾ་ཧཱུཾ་ཕཊ།། །།ཨོཾ་བཛྲ་བྷ་དྲ་ཀ་ཝ་བུདྡྷེ་བྷྱོ་ཧུཾ་ཧཱུཾ་ཕཊ། ཨོཾ་བཛྲ་བྲཱ་ཧམ་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཧེ་ཤྭ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཽ་མ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བེཥྞ་པཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཱ་རཱ་ཧཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨིནྡྲཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་
[28b.6]ཙ་ཎྜཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་ལཀྵྨཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་དི་བཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དེ་བ་ཧུཾ་ཧཱུཾ་ཕཊ། ཨོཾ་བཛྲ་ནཱ་གཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ནཱ་ག་ཧུཾ་ཧཱུཾ་ཕཊ། ཨོཾ་བཛྲ་ཡ་ཀྵི་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཡཀྵ་ཧུཾ་ཧཱུཾ་ཕཊ། ཨོཾ་བཛྲ་བྷཱུ་ཏི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷཱུ་ཏི་ཧུཾ་ཧཱུཾ་ཕཊ།
[28b.7]ཨོཾ་བཛྲ་མ་ཏཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་བ་ཏཱ་ཧཱུཾ་ཧཱུཾ་ཕཊ། ཨོཾ་བཛྲ་བྷཱ་རྱཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་བྷཱ་རྱ་ཧུཾ་ཧཱུཾ་ཕཊ། ཨོཾ་བཛྲ་བྷ་གི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷ་གི་ན་ཧུཾ་ཧཱུཾ་ཕཊ། ཨོཾ་བཛྲ་དཱུ་ཧི་ཏཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་དཱུ་ཧི་ཏ་ཧུཾ་ཧཱུཾ་ཕཊ། ཨོཾ་བཛྲ་བྷཱ་གི་ནི་ཡི་ཀཱ་ཧུཾ་ཧཱུཾ་ཕཊ། ཨོཾ་བཛྲ་བྷ་གི་
[29a]
[29a.1]ནི་ཡི་ཀ་ཧུཾ་ཧཱུཾ་ཕཊ། ཨོཾ་བཛྲ་པི་ཏུ་རྦྷ་གཱི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པི་ཏུ་རྦྷ་གི་ན་ཧུཾ་ཧཱུཾ་ཕཊ། ཨོཾ་བཛྲ་སཱ་ཙ་མ་ཏུ་ལ་སྱ་བྷཱ་རྱ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སཱ་ཙ་མཏུལ་སྱ་བྷཱ་རྱཱ་ཀ་ཧུཾ་ཧཱུཾ་ཕཊ། ཨོཾ་བཛྲ་བྷཱ་རྱཱ་བྷ་གི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷཱ་རྱཱ་བྷ་གི་ན་ཧུཾ་ཧཱུཾ་ཕཊ། ཨོཾ་བཛྲ་མཱ་
[29a.2]ཏཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་མཱ་ཏ་ཧུཾ་ཧཱུཾ་ཕཊ། ཨོཾ་བཛྲ་ཏ་སྱཻ་བ་པི་ཏུ་རྨཱ་ཏྲི་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏ་སྱཻ་བ་པི་ཏུ་རྨཱ་ཏྲི་ཀ་ཧུཾ་ཧཱུཾ་ཕཊ། ཨོཾ་བཛྲ་བྷཱ་རྱ་པི་ཏ་མ་ཧཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷཱ་རྱ་པི་ཏ་མ་ཧ་ཧུཾ་ཧཱུཾ་ཕཊ། ཨོཾ་བཛྲ་མ་ཏུ་རྨཱ་ཏཱ་ཡཻ་ཧཱུཾ་ཧཱུཾ་ཕཊ། ཨོཾ་བཛྲ་བནྡྷ་བཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་
[29a.3]བནྡྷ་བཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བནྡྷ་བ་ཧུཾ་ཧཱུཾ་ཕཊ། ཨོཾ་བཛྲ་མཱ་ཏུ་གི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མཱ་ཏུ་རྦྷ་གི་ན་ཧུཾ་ཧཱུཾ་ཕཊ། ཨོཾ་བཛྲ་བྷ་གི་ནྱ་ཡི་ཀཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷ་གི་ནྱ་ཀེ་ཧུཾ་ཧཱུཾ་ཕཊ། ཨོཾ་བཛྲ་སྭ་མཱ་ཏུ་རྨཱ་ཏ་བྷ་གི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སྭ་མཱ་ཏུ་རྨ་ཏ་བྷ་གི་ན་ཧུཾ་ཧཱུཾ་
[29a.4]ཕཊ། ཨོཾ་བཛྲ་བྷ་གི་ནྱ་ཡཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷཱ་གི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་སྱ་པུ་ཏྲི་ཀཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་སྱ་པུ་ཏྲ་ཧུཾ་ཧཱུཾ་ཕཊ། ཨོཾ་བཛྲ་པི་ཏུ་རྨཱ་ཏཱ་ཡཻཧུཾ་ཧཱུཾ་ཕཊ། ཨོཾ་བཛྲ་པི་ཏུ་རྨཱ་ཧུཾ་ཧཱུཾ་ཕཊ། ཨོཾ་བཛྲ་པི་ཏཱ་མ་ཏཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པི་ཏཱ་མ་ཧཱ་ཧུཾ་ཧཱུཾ་ཕཊ། ཨོཾ་
[29a.5]བཛྲ་པི་ཏུ་ལཱ་སྱ་བྷཱ་རྱ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པི་ཏུ་ལཱ་སྱ་བྷཱ་རྱ་ཧུཾ་ཧཱུཾ་ཕཊ། ཨོཾ་བཛྲ་དུ་ཧི་ཏཱ་པུ་ཏྲ་བྷཱ་རྱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དུ་ཧི་ཏཱ་པུ་ཏྲ་བྷཱ་ཪྻ་ཧུཾ་ཧཱུཾ་ཕཊ། ཨོཾ་བཛྲ་བྷཱ་རྱ་ཡ་བྷ་གི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷཱ་རྱ་ཡ་ག་ནི་ཧུཾ་ཧཱུཾ་ཕཊ། ཨོཾ་བཛྲ་སྭཿཔི་ཏུ་རྦྷ་གི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སྭཿཔི་ཏུ་རྦྷ་གི་
[29a.6]ནི་ཧུཾ་ཧཱུཾ་ཕཊ། ཨོཾ་བཛྲ་པུ་ཏྲཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པུ་ཏྲི་ཧུཾ་ཧཱུཾ་ཕཊ། ཨོཾ་བཛྲ་ཏ་སྱཻ་བ་ཏུ་སྭ་རྒོ་ཏྲ་ཛཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏ་སྱཻ་བ་ཏུ་སྭ་རྒོ་ཏྲ་ཛ་ཧུཾ་ཧཱུཾ་ཕཊ། ཨོཾ་བཛྲ་བྷཱ་ཏཱ་ཡ་བྷཱ་རྱཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷཱ་ཏཱ་ཡེ་བྷཱརྱ་ཧུཾ་ཧཱུཾ་ཕཊ། ཨོཾ་བཛྲ་བུ་ཏྲཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པུ་ཏྲ་ཧཱུཾ་ཧཱུཾ་ཕཊ། ཨོཾ་བཛྲ་ཏ་སྱཻ་བུ་ཏུ་
[29a.7]བྷཱ་རྱ་ཀཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་པུ་ཏྲ་སྱཻ་བ་ཏུ་བྷཱ་རྱ་ཧུཾ་ཧཱུཾ་ཕཊ། ཨོཾ་བཛྲ་དུ་ཧི་ཏཱ་ཡ་བྷཱ་རྟྲི་མཱ་ཏུཿཔུ་ཏྲ་སྱཻ་བ་ཏུ་སྭ་སྲི་ཀྐཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་དུ་ཧི་ཏཱ་ཡ་བྷཱ་ཏྲི་མཱ་ཏུཿཔུ་ཏྲ་སྱཻ་བ་ཏུ་སྭ་སྲིཀྐ་ཧུཾ་ཧཱུཾ་ཕཊ། ཨོཾ་བཛྲ་དུ་ཧི་ཏཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དུ་ཧི་ཏཱ་ཧུཾ་ཧཱུཾ་ཕཊ། ཨོཾ་བཛྲ་པུ་ཏྲཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བུ་ཏྲ་ཧུཾ་ཧཱུཾ་ཕཊ།། །།
[29b]
[29b.1]ཨོཾ་བཛྲ་མ་ཀ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཀ་ར་ཧུཾ་ཧཱུཾ་ཕཊ། ཨོཾ་བཛྲ་ཀུ་རྨྨཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀུརྨྨཱ་ཧུཾ་ཧཱུཾ་ཕཊ། ཨོཾ་བཛྲ་མཙྪ་ཡེ་ཧུཾ་ཧཱུཾ་ཕཊ། ཨོཾ་བཛྲ་མཙྪ་ཧུཾ་ཧཱུཾ་ཕཊ། ཨོཾ་བཛྲ་བིཾ་གཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཙྪ་པཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཙྪ་པ་ཧུཾ་ཧཱུཾ་
[29b.2]ཕཊ། ཨོཾ་བཛྲ་ཨོ་དྲི་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨོ་དྲི་ཀ་ཧུཾ་ཧཱུཾ་ཕཊ། ཨོཾ་བཛྲ་སཱུ་ཙཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སཱུ་ཙི་ཧུཾ་ཧཱུཾ་ཕཊ། ཨོཾ་བཛྲ་གགྒ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་གགྒ་རི་ཧུཾ་ཧཱུཾ་ཕཊ། ཨོཾ་བཛྲ་ཤི་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤི་ལི་ཧུཾ་ཧཱུཾ་ཕཊ། ཨོཾ་བཛྲ་ཛ་ལ་གུ་ཧཱི་ཡེ་ཧུཾ་ཧཱུཾ་
[29b.3]ཕཊ། ཨོཾ་བཛྲ་ཛ་ལ་གུ་ཧ་ཧུཾ་ཧཱུཾ་ཕཊ། ཨོཾ་བཛྲ་ཀི་ཊི་མུ་ཁཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀི་ཊི་མུ་ཁ་ཧུཾ་ཧཱུཾ་ཕཊ། ཨོཾ་བཛྲ་ཕ་ཌིཾ་གཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཕ་ཌིཾ་ག་ཧུཾ་ཧཱུཾ་ཕཊ། ཨོཾ་བཛྲ་ཀརྐ་ཊཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀརྐ་ཊ་ཧུཾ་ཧཱུཾ་ཕཊ། ཨོཾ་བཛྲ་སུ་ཡཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་སུ་ཡི་ཧུཾ་ཧཱུཾ་
[29b.4]ཕཊ། ཨོཾ་བཛྲ་མུཥི་ཀཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་མུ་ཥ་ཀ་ཧུཾ་ཧཱུཾ་ཕཊ། ཨོཾ་བཛྲ་པིཔྤ་ཊི་མུ་ཁཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པིཔྤ་ཊི་མུ་ཁ་ཧུཾ་ཧཱུཾ་ཕཊ། ཨོཾ་བཛྲ་ཛ་ལ་ན་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཛ་ལ་ན་ར་ཧུཾ་ཧཱུཾ་ཕཊ། ཨོཾ་བཛྲ་བ་ཌ་བཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བ་ཌ་བ་ཧུཾ་ཧཱུཾ་ཕཊ། ཨོཾ་བཛྲ་དནྟི་ནཱི་ཡེ་
[29b.5]ཧུཾ་ཧཱུཾ་ཕཊ། ཨོཾ་བཛྲ་དནྟི་ཧུཾ་ཧཱུཾ་ཕཊ། ཨོཾ་བཛྲ་བྱཱ་གྷྲི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྱཱ་གྷྲཱ་ཧུཾ་ཧཱུཾ་ཕཊ། ཨོཾ་བཛྲ་ཛཾ་བུ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཛཾ་བུ་ཀ་ཧུཾ་ཧཱུཾ་ཕཊ། ཨོཾ་བཛྲ་ཛ་ལ་ཨ་ཧཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཛ་ལ་ཨ་ཧི་ཧུཾ་ཧཱུཾ་ཕཊ། ཨོཾ་བཛྲ་ཤཾ་ཁཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤཾ་ཁ་ཧུཾ་ཧཱུཾ་
[29b.6]ཕཊ། ཨོཾ་བཛྲ་ཀརྦ་དཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀརྦ་ད་ཧུཾ་ཧཱུཾ་ཕཊ། ཨོཾ་བཛྲ་མུཀྟི་ཡེ་ཧུཾ་ཧཱུཾ་ཕཊ། ཨོཾ་བཛྲ་མུཀྟི་ཀ་ཧུཾ་ཧཱུཾ་ཕཊ། ཨོཾ་བཛྲ་མ་ཎཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཎི་ཧུཾ་ཧཱུཾ་ཕཊ། ཨོཾ་བཛྲ་ཛི་གུ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཛི་གུ་རི་ཧུཾ་ཧཱུཾ་ཕཊ། ཨོཾ་བཛྲ་ལཱི་སཱི་ཡེ་ཧུཾ་ཧཱུཾ་ཕཊ།
[29b.7]ཨོཾ་བཛྲ་ལཱི་སི་ཧུཾ་ཧཱུཾ་ཕཊ། ཨོཾ་བཛྲ་དུདྡུ་རཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་དུདྡུ་རི་ཧུཾ་ཧཱུཾ་ཕཊ། ཨོཾ་བཛྲ་ཀརྞོ་ཊཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀརྞོ་ཊི་ཧུཾ་ཧཱུཾ་ཕཊ། ཨོཾ་བཛྲ་ཕ་ཌ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཕ་ཊ་ཀི་ཧུཾ་ཧཱུཾ་ཕཊ། ཨོཾ་བཛྲ་དཱ་བ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དཱ་བ་ཀ་ཧུཾ་ཧཱུཾ་ཕཊ། ཨོཾ་བཛྲ་ཀྲཱི་
[30a]
[30a.1]མཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀྲི་མི་ཧུཾ་ཧཱུཾ་ཕཊ། ཨོཾ་བཛྲ་ཛུ་ཥི་ཛུ་ཥཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཛུ་ཥི་ཛུ་ཥི་ཧུཾ་ཧཱུཾ་ཕཊ། ཨོཾ་བཛྲ་དཾ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དཾ་ཤ་ཀ་ཧུཾ་ཧཱུཾ་ཕཊ། ཨོཾ་བཛྲ་ཀ་ལཱི་ཡེ་ཧུཾ་ཧཱུཾ་པཊ། ཨོཾ་བཛྲ་ཀ་ལ་ཧུཾ་ཧཱུཾ་ཕཊ།། །།ཨོཾ་བཛྲ་ཏི་ལོ་ཏྟ་
[30a.2]མཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏི་ལོ་ཏྟ་མ་ཧུཾ་ཧཱུཾ་ཕཊ། ཨོཾ་བཛྲ་ཨ་ཏི་སུ་ཁཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་ཨ་སྤ་ས་ར་སཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨསྦ་ས་ར་ས་ཧུཾ་ཧཱུཾ་ཕཊ། ཨོཾ་བཛྲ་མཧཱ་ར་ཏཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་ར་ཏི་ཧུཾ་ཧཱུཾ་ཕཊ། ཨོཾ་བཛྲ་ཏཱི་ཡེ་
[30a.3]ཧུཾ་ཧཱུཾ་ཕཊ། ཨོཾ་བཛྲ་ར་ཏི་ཧུཾ་ཧཱུཾ་ཕཊ། ཨོཾ་བཛྲ་ར་ཏྱཱ་ཁྱཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ར་ཏྱ་ཁྱ་ཧཱུཾ་ཧཱུཾ་ཕཊ། ཨོཾ་བཛྲ་པདྨེ་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པདྨ་ཀ་ཧུཾ་ཧཱུཾ་ཕཊ། ཨོཾ་བཛྲ་ཤཾ་ཁཱི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤཾ་ཁི་ཧུཾ་ཧཱུཾ་ཕཊ། ཨོཾ་བཛྲ་ཙི་ཏྲི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙི་ཏྲ་ཀ་ཧུཾ་ཧཱུཾ་
[30a.4]ཕཊ། ཨོཾ་བཛྲ་ག་ཛཱི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ག་ཛ་ཀ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་རཱུ་པཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མཧཱ་རཱུ་པ་ཧུཾ་ཧཱུཾ་ཕཊ། ཨོཾ་བཛྲ་སུ་རཱུ་པཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སུ་རཱུ་པ་ཧུཾ་ཧཱུཾ་ཕཊ། ཨོཾ་བཛྲ་ཀཱནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཱནྟཱི་ཧུཾ་ཧཱུཾ་ཕཊ། ཨོཾ་བཛྲ་བི་ལཱ་སི་ནཱི་ཡེ་ཧུཾ་
[30a.5]ཧཱུཾ་ཕཊ། ཨོཾ་བཛྲ་བི་ལཱ་སི་ཧུཾ་ཧཱུཾ་ཕཊ། ཨོཾ་བཛྲ་སུ་ཁཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སུ་ཁ་ཧུཾ་ཧཱུཾ་ཕཊ། ཨོཾ་བཛྲ་པུཥྤ་ཀཱ་མཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པུཥྤ་ཀཱ་མ་ཧུཾ་ཧཱུཾ་ཕཊ། ཨོཾ་བཛྲ་ཀུ་མུ་དཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀུ་མུད་ད་ཧུཾ་ཧཱུཾ་ཕཊ། ཨོཾ་བཛྲ་ནཱི་ལོཏྤ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ནཱི་ལོཏྤ་
[30a.6]ལ་ཧུཾ་ཧཱུཾ་ཕཊ། ཨོཾ་བཛྲ་སུནྡ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སུནྜ་ར་ཧུཾ་ཧཱུཾ་ཕཊ། ཨོཾ་བཛྲ་རཱ་གཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་རཱ་ག་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་རཱ་གཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་རཱ་ག་ཧུཾ་ཧཱུཾ་ཕཊ། ཨོཾ་བཛྲ་ར་མཱ་ཁྱཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ར་མཱ་ཁྱ་ཧུཾ་ཧཱུཾ་ཕཊ། ཨོཾ་བཛྲ་མ་
[30a.7]ཧཱ་ར་མ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་ར་མ་ཀ་ཧཱུཾ་ཧཱུཾ་ཕཊ། ཨོཾ་བཛྲ་མ་ད་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ད་ན་ཧུཾ་ཧཱུཾ་ཕཊ། ཨོཾ་བཛྲ་མ་ད་ན་པྲཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ད་ན་པྲཱི་ཡ་ཧུཾ་ཧཱུཾ་ཕཊ། ཨོཾ་བཛྲ་ཀཱ་མི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཱ་མི་ཀ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་ཀཱ་མི་ནཱི་
[30b]
[30b.1]ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་ཀཱ་མི་ཀ་ཧུཾ་ཧཱུཾ་ཕཊ། ཨོཾ་བཛྲ་སུ་ཁོདྦྷ་ཝཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་སུ་ཁོདྦྷ་ཝ་ཧུཾ་ཧཱུཾ་ཕཊ། ཨོཾ་བཛྲ་སུ་ཁ་མ་ཏཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་སུ་ཁ་མ་ཏི་ཧུཾ་ཧཱུཾ་ཕཊ། ཨོཾ་བཛྲ་པྲཱི་ཡ་ཏ་མཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པྲཱི་ཡ་ཏ་མ་ཧཱུཾ་ཧཱུཾ་ཕཊ། ཨོཾ་བཛྲ་པྲེ་མ་ཀཱི་ཡེ་ཧུཾ་ཧཱུཾ་
[30b.2]ཕཊ། ཨོཾ་བཛྲ་པྲེ་མ་ཀ་ཧུཾ་ཧཱུཾ་ཕཊ། ཨོཾ་བཛྲ་སཽ་བྷགྱ་མ་ཏཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སཽ་བྷགྱ་མ་ཏི་ཧུཾ་ཧཱུཾ་ཕཊ། ཨོཾ་བཛྲ་སཽ་བྷ་གཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སཽ་བྷཱ་ག་ཧུཾ་ཧཱུཾ་ཕཊ། ཨོཾ་བཛྲ་མེ་ཎུ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མེཎུ་ཀ་ཧུཾ་ཧཱུཾ་ཕཊ། ཨོཾ་བཛྲ་པྲ་ཏྱུཾ་ན་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་
[30b.3]པྲ་ཏྱུཾ་ན་ཧུཾ་ཧཱུཾ་ཕཊ། ཨོཾ་བཛྲ་ཛཱ་ཏི་རཱུ་པཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་ཛཱི་ཏི་རཱུ་པ་ཧུཾ་ཧཱུཾ་ཕཊ།། །།ཨོཾ་བཛྲ་བྷ་དྲ་ཀ་ཝ་བུདྡྷེ་བྷྱོ་ཧུཾ་ཧཱུཾ་ཕཊ། ཨོཾ་བཛྲ་གཽ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙཽ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཻ་ཏཱ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་གྷ་སྨ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པུཀྐ་སཱི་ཡེ་
[30b.4]ཧུཾ་ཧཱུཾ་ཕཊ། ཨོཾ་བཛྲ་ཤ་ཝ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙཎྜ་ལཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཌོམྦི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ནཱ་གཱི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ནཱ་ག་ཧུཾ་ཧཱུཾ་ཕཊ། ཨོཾ་བཛྲ་ཡ་ཀྵི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་ཡཀྵ་ཧུཾ་ཧཱུཾ་ཕཊ། ཨོཾ་བཛྲ་ཏི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷཱུ་
[30b.5]ཏ་ཧུཾ་ཧཱུཾ་ཕཊ། ཨོཾ་བཛྲ་པྲེ་ཏ་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པྲེ་ཏ་ཧུཾ་ཧཱུཾ་ཕཊ། ཨོཾ་བཛྲ་ན་ར་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ར་ཀ་ཧུཾ་ཧཱུཾ་ཕཊ། ཨོཾ་བཛྲ་བཱི་ཙཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་བཱི་ཙི་ཧུཾ་ཧཱུཾ་ཕཊ། ཨོཾ་བཛྲ་པཱ་ཏ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པཱ་ཏ་ཀ་ཧུཾ་ཧཱུཾ་ཕཊ། ཨོཾ་བཛྲ་ཨནྟ་རཱི་ཡེ་
[30b.6]ཧུཾ་ཧཱུཾ་ཕཊ། ཨོཾ་བཛྲ་ཨནྟ་ར་ཧུཾ་ཧཱུཾ་ཕཊ། ཨོཾ་བཛྲ་ཀུམྦྷཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀུམྦྷ་ཀ་ཧུཾ་ཧཱུཾ་ཕཊ། ཨོཾ་བཛྲ་ཡ་མ་སྟྲི་ཡཱ་ཡཻ་ཧུཾ་ཧཱུཾ་ཕཊ། ཨོཾ་བཛྲ་ཡ་མ་པུ་རུ་ཥ་ཧུཾ་ཧཱུཾ་ཕཊ། ཨོཾ་བཛྲ་ཀཱ་ལ་སཱུ་ཏྲི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཱ་ལ་སཱུ་ཏྲ་ཧུཾ་ཧཱུཾ་ཕཊ། ཨོཾ་བཛྲ་ཀུ་ཀུ་ལཱི་ཡེ་ཧུཾ་ཧཱུཾ་ཕཊ། ཨོཾ་
[30b.7]བཛྲ་ཀུ་ཀུ་ལ་ཧུཾ་ཧཱུཾ་ཕཊ། ཨོཾ་བཛྲ་པ་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏ་པ་ན་ཧུཾ་ཧཱུཾ་ཕཊ། ཨོཾ་བཛྲ་པྲ་ཏ་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པྲ་ཏ་པ་ན་ཧུཾ་ཧཱུཾ་ཕཊ། ཨོཾ་བཛྲ་རཽ་ར་བ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་རཽ་ར་བཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་རཽ་ར་བ་ཧུཾ་ཧཱུཾ་ཕཊ།།
[31a]
[31a.1]ཨོཾ་བཛྲ་ཏཻ་ལ་པ་ཙཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏཻ་ལ་པ་ཙ་ཧུཾ་ཧཱུཾ་ཕཊ། ཨོཾ་བཛྲ་དྭི་པརྦ་ཏཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དྭི་པརྦ་ཏ་ཧུཾ་ཧཱུཾ་ཕཊ། ཨོཾ་བཛྲ་དྭེ་ཥཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དྭེ་ཥ་ཧུཾ་ཧཱུཾ་ཕཊ། ཨོཾ་བཛྲ་མོ་ཧཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མོ་ཧ་ཧུཾ་ཧཱུཾ་ཕཊ། ཨོཾ་བཛྲ་ཨིཪྵཱི་
[31a.2]ཡེ་ཧུཾ་ཧཱུཾ་ཕཊ། ཨོཾ་བཛྲ་ཨིཪྵ་ཧུཾ་ཧཱུཾ་ཕཊ། ཨོཾ་བཛྲ་རཱ་གཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་རཱ་ག་ཧུཾ་ཧཱུཾ་ཕཊ། ཨོཾ་བཛྲ་མ་ད་ན་མཱ་ན་སཱ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ད་ན་མཱ་ན་སཱ་ར་ཡ་ཧུཾ་ཧཱུཾ་ཕཊ། ཨོཾ་བཛྲ་སཱུ་ཏྲི་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སཱུ་ཏྲི་ཀ་ཧུཾ་ཧཱུཾ་ཕཊ། ཨོཾ་བཛྲ་ཤཱི་ཏ་ཀཱི་ཡེ་ཧུཾ་ཧཱུཾ་ཕཊ།
[31a.3]ཨོཾ་བཛྲ་ཤཱི་ཏ་ཀ་ཧུཾ་ཧཱུཾ་ཕཊ། ཨོཾ་བཛྲ་ཨ་སི་བཱ་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་སི་བཱ་ན་ཀ་ཧུཾ་ཧཱུཾ་ཕཊ། ཨོཾ་བཛྲ་ཀཱནྜ་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀཱནྜ་ཀི་ཧུཾ་ཧཱུཾ་ཕཊ། ཨོཾ་བཛྲ་དུར་བྷཀྵི་ཀཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་དུར་བྷཀྵི་ཀ་ཧུཾ་ཧཱུཾ་ཕཊ། ཨོཾ་བཛྲ་རོ་ག་ཀནྟ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་
[31a.4]རོ་ག་ཀནྡཱ་ར་ཧུཾ་ཧཱུཾ་ཕཊ། ཨོཾ་བཛྲ་ཤསྟྲ་ཀནྟཱ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤསྟྲ་ཀནྟཱ་ར་ཀ་ཧུཾ་ཧཱུཾ་ཕཊ། ཨོཾ་བཛྲ་པ་ཎི་ཀནྟཱ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པ་ཎི་ཀནྟཱ་ར་ཀ་ཧུཾ་ཧཱུཾ་ཕཊ། ཨོཾ་བཛྲ་ཨ་སི་ན་ཁཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་སི་ན་ཁ་ཧུཾ་ཧཱུཾ་ཕཊ། ཨོཾ་བཛྲ་བཻ་ཏཱ་ར་ཎཱི་ཡེ་ཧུཾ་ཧཱུཾ་ཕཊ།
[31a.5]ཨོཾ་བཛྲ་བཻ་ཏཱ་ར་ཎ་ཧུཾ་ཧཱུཾ་ཕཊ། ཨོཾ་བཛྲ་ཀྵུ་ར་དྷཱ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀྵུ་རེ་དྷཱ་ར་ཧུཾ་ཧཱུཾ་ཕཊ། ཨོཾ་བཛྲ་ཙཀྲ་ཀཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙཀྲ་ཀ་ཧུཾ་ཧཱུཾ་ཕཊ། ཨོཾ་བཛྲ་ཀུཾ་བྷཎྜཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀུཾ་བྷཎྜ་ཧུཾ་ཧཱུཾ་ཕཊ།། །།ཨོཾ་བཛྲ་པཱུ་ཛ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པཱུ་ཛ་ཙིནྟཱ་
[31a.6]ཧུཾ་ཧཱུཾ་ཕཊ། ཨོཾ་བཛྲ་བྷཀྵ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷཀྵ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ནི་དྲ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ན་དྲི་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ཨཱ་ལཱ་སྱ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨཱ་ལཱ་སྱ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་དྷརྨྨ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དྷརྨ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་བྷ་བ་ན་ཙིནྟཱི་ཡེ་ཧུཾ་ཧཱུཾ་ཕཊ།
[31a.7]ཨོཾ་བཛྲ་བྷ་བ་ན་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་གྲྀ་ཧ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་གྲྀ་ཧ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་སྟྲི་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སྟྲཱི་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ཨཎྲ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨརྠ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་བི་ཡོ་ག་
[31b]
[31b.1]ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བི་ཡོ་ག་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་པུ་ཏྲ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པུ་ཏྲ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ཤོ་ཀ་ཙིནྟཱི་ཡི་ཧུཾ་ཧཱུཾ་ཕཊ། ཨོཾ་བཛྲ་ཤོ་ཀ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་དྷྱ་ན་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དྷྱ་ན་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་མནྟྲ་ཛ་པ་ཙིནྟཱི་ཡེ་
[31b.2]ཧུཾ་ཧཱུཾ་ཕཊ། ཨོཾ་བཛྲ་མནྟྲ་ཛ་པ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ཧྲི་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཧྲི་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་མཱ་ན་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མཱ་ན་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་སནྟ་པ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སནྟ་པ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་སཏྭཱཪྠཱ་ར་ཎོ་དྱ་མ་ཙིནྟཱི་ཡེ་
[31b.3]ཧུཾ་ཧཱུཾ་ཕཊ། ཨོཾ་བཛྲ་སཏྭཱཪྠཱ་ཀ་ར་ཎོ་དྱ་མ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་རཱ་ཛ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་རཱ་ཛ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་པ་ར་དྲོ་ཎ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པ་ར་དྲོ་ཎ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ཛྙཱ་ན་ལ་བྷ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཛྙཱ་ན་ལ་བྷ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ཏ་
[31b.4]པ་སི་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏ་པ་སི་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ཛ་ར་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཛ་ར་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་མ་ར་ཎ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ར་ཎ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་སུ་ཁ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དུཿཁ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་དུཿཁ་ཙིནྟ་ཧུཾ་ཧཱུཾ་ཕཊ།
[31b.5]ཨོཾ་བཛྲ་ཤུ་བྷ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤུ་བྷ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ཨ་སྟི་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་སྟི་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ནཱ་སྟི་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ནཱ་སྟི་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་གུ་རུ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་གུ་རུ་ཙིནྟ་ཧུཾ་ཧཱུཾ་
[31b.6]ཕཊ། ཨོཾ་བཛྲ་ག་མ་ན་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ག་མ་ན་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ཀྵེ་མ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཀྵེ་མ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ཨཀྵེ་མ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨཀྵེ་མ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་ཤྲནྟ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤྲནྟ་ཙིནྟ་ཧུཾ་ཧཱུཾ་ཕཊ།
[31b.7]ཨོཾ་བཛྲ་བིཤྲནྟ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བི་ཤྲནྟ་ཙིནྟ་ཧུཾ་ཧཱུཾ་ཕཊ། ཨོཾ་བཛྲ་བྷུ་ཀྵི་ཏ་ཙིནྟཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྷུ་ཀྵི་ཏ་ཙིནྟ་ཧུཾ་ཧཱུཾ་ཕཊ།། །།ཨོཾ་བཛྲ་ཙ་ཏུ་རྨ་ཧཱུ་རཱ་ཛ་ཀཱ་ཡི་ཀ་ཅ་ཀྲ་ཝ་རྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཙ་ཏུ་རྨ་ཧཱ་རཱ་ཛ་ཀཱ་ཡི་ཀ་ཙ་ཀྲ་ཝ་རྟི་ཧུཾ་ཧཱུཾ་ཕཊ།
[32a]
[32a.1]ཨོཾ་བཛྲ་ཏྲ་ཡ་ཏྲིཾ་ཤ་ཙཀྲ་ཝ་རྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏྲ་ཡ་ཏྲིཾ་ཤ་ཙཀྲ་ཝ་རྟི་ཧུཾ་ཧཱུཾ་ཕཊ། ཨོཾ་བཛྲ་ཡ་མི་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཡ་མི་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཏུ་ཥི་ཏ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏུ་ཥི་ཏ་ཙཀྲ་བརྟི་ཧུཾ་ཧཱུཾ་ཕཊ།
[32a.2]ཨོཾ་བཛྲ་ནི་རྨཱ་ཎ་ར་ཏ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ནི་རྨཱ་ཎ་ར་ཏ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་པ་ར་ནི་རྨི་ཏ་བ་ཤ་བརྟི་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བ་ར་ནི་རྨི་ཏ་བ་ཤ་བ་རྟ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་བྲཧྨཀཱ་ཡི་ཀ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྲཧྨཀཱ་ཡི་ཀ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་
[32a.3]བྲཧྨ་པུ་རོ་ཧི་ཏ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྲཧྨཔུ་རོ་ཧི་ཏ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་བྲཧྨཎ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་མ་ཧཱ་བྲཧྨཎ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་པ་རཱི་ཏཱ་བྷཱ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པ་རཱི་ཏཱ་བྷཱ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཨ་བྲ་མཱ་ཎཱ་བྷཱ་
[32a.4]ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་པྲ་མཱ་ཎཱ་བྷཱ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཨཱ་བྷཱ་སུ་ར་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨཱ་བྷཱ་སུ་ར་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་པ་རཱི་ཏ་ཤུ་བྷ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པ་རཱི་ཏ་ཤུ་བྷ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཨ་པྲ་མཱ་ཎ་ཤུ་བྷ་ཙཀྲ་བརྟི་
[32a.5]ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་པྲ་མཱ་ཎ་ཤུ་བྷ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཤུ་བྷ་ཀྲྀཥྞ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤུ་བྷ་ཀྲྀཥྞ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཨ་ན་བྷྲ་ཀ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་ན་བྷྲ་ཀ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་པུཎྱ་པྲ་ས་བ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ།
[32a.6]ཨོཾ་བཛྲ་པུཎྱ་པྲ་ས་བ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་བྲྀ་ཧཏྥ་ལ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བྲྀ་ཧཏྥ་ལ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཨ་བྲྀ་ཧ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་ཏ་པ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་ཏ་པ་ཙཀྲ་བརྟི་ཧུཾ་
[32a.7]ཧཱུཾ་ཕཊ། ཨོཾ་བཛྲ་སུ་དྲྀ་ཤ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སུ་དྲྀ་ཤ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་སུ་དརྴ་ན་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་སུ་དརྴ་ན་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཨ་ཀ་ནིཥྛ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་ཀ་ནིཥྛ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཨཱ་ཀཱ་ཤཱ་ནནྟྱཱ་
[32b]
[32b.1]ཡ་ཏན་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨཱ་ཀཱ་ཤཱ་ནནྟྱཱ་ཡ་ཏ་ན་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་བི་ཛྙཱ་ནཱ་ན་ནྟྱ་ཡ་ཏན་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བི་ཛྙཱ་ནཱ་ན་ནྟྱ་ཡ་ཏ་ན་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཨ་ཀ་ཉྩི་ནྱ་ཡ་ཏ་ན་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་ཀི་ཉྩ་ནྱཱ་ཡ་ཏ་ན་ཙཀྲ་བརྟི་ཡེ་ཧུཾ་ཧཱུཾ་ཕཊ།
[32b.2]ཨོཾ་བཛྲ་ནཻ་བ་སཾ་ཛྙཱ་ནཱ་སཾ་ཛྙཱ་ཡ་ཏ་ན་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ནཻ་བ་སཾ་ཛྙཱ་ནཱ་སཾ་ཛྙཱ་ཡ་ཏ་ན་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ན་ར་ཀ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ན་ར་ཀ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་པྲེ་ཏ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་པྲེ་ཏ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་
[32b.3]བཛྲ་ཏིརྱ་ཀ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཏིརྱ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ན་ར་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ན་ར་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཨ་སུ་ར་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨ་སུ་ར་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་བི་མཱ་ཎ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བི་
[32b.4]མཱ་ཎ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཤ་རི་ར་བི་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཤ་རི་ར་བི་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཡ་མ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཡ་མ་ཙཀྲ་བརྟི་ཧུཾ་ཧཱུཾ་ཕཊ། ཨོཾ་བཛྲ་ཨིནྡྲ་ཙཀྲ་བརྟི་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་ཨིནྡྲ་ཙཀྲ་བརྟི་ཧུཾ་ཧཱུཾ་ཕཊ།། །།ཨོཾ་
[32b.5]བཛྲ་བྷ་དྲ་ཀལྤ་བུདྡྷེ་བྷྱོ་ཧུཾ་ཧཱུཾ་ཕཊ། ཨོཾ་བཛྲ་ཤྭེ་ཏཾ་བུ་ཛཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་གཱནྡྷཱ་རཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཛྲ་ནི་ཊཱ་ཡེ་ཧུཾ་ཧཱུཾ་ཕཊ། ཨོཾ་བཛྲ་བཛྲ་བ་ཌ་བ་མུ་ཁཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཛྲ་ཛྭ་ལ་མུ་ཁཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཛྲ་བྷྲྀ་ཀུ་ཊི་མུ་ཁཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཛྲ་ཁཎྜཱི་
[32b.6]ཡེ་ཧུཾ་ཧཱུཾ་ཕཊ། ཨོཾ་བཛྲ་བཛྲ་ཙཎྜཱི་ཡེ་ཧུཾ་ཧཱུཾ་ཕཊ།། །།ཅེས་བྱ་བ་རྣམས་ཀྱིས་བསྟོད་པར་བྱ་བ་དང་། གཞན་ཡང་འཇིག་རྟེན་གྱི་ཁམས་ཐམས་ཅད་ན་གནས་པའི་དཔའ་བོ་དང་རྣལ་འབྱོར་མ་མ་ལུས་པ་རང་འདུས་ནས་མྱོས་བྱེད་དང་སྟོབས་སྣ་ཚོགས་དང་དམ་ཚིག་གི་རྫས་
[32b.7]ཐམས་ཅད་ཀྱིས་ཀྱང་མཆོད་པར་བྱས་ཏེ། ཐམས་ཅད་རང་གི་ཐུགས་ཀར་བསྡུས་ལ། །འདི་སྐད་བརྗོད་པར་བྱ་ཞིང་དོན་ཡང་བསམ་པར་བྱའོ།། །།དཀྱིལ་འཁོར་བདེ་བ་ཆེན་པོ་བསྒོམ་པར་གྱིས། །རྣལ་འབྱོར་བཅུ་གཉིས་བསོད་ནམས་སྡིག་མེད་པའོ། །ཐམས་ཅད་ཟག་མེད་
[33a]
[33a.1]རང་བཞིན་མྱོང་བར་གྱིས། །དཀྱིལ་འཁོར་ངན་པ་དེ་ནི་བདེ་བར་ཤེས་པར་བྱོས། །དབང་པོ་འཁྲུལ་པ་བདེ་བ་ཆེན་པོ་མྱོང་བར་གྱིས། །སྐད་ཅིག་དེ་ལ་རང་དང་གཞན་གྱི་ངོ་བོ་མེད། །གང་གིས་རྣམ་པ་སྣ་ཚོགས་གཟུགས་ཆེན་གྱིས། །ས་གསུམ་གྱི་ནི་དཀྱིལ་
[33a.2]འཁོར་འཁོར་ལོ་སྤྲོ་བར་གྱིས། །ཞེས་རང་ཉིད་དཀྱིལ་འཁོར་པ་ལ་བསྒོ་བ་གསུངས་སོ། །འདི་ལྟར་དཀྱིལ་འཁོར་ཐམས་ཅད་ཆུ་ཟླ་ལྟ་བུ་བདེ་བ་ཆེན་པོའི་ངོ་བོ་ཡིད་མ་ཡེངས་པས་ཇི་སྲིད་འདོད་པས་དམིགས་པ་འདི་ནི། དཀྱིལ་འཁོར་རྒྱལ་པོའི་མཆོག་ཅེས་བྱ་བའི་ཏིང་ངེ་འཛིན་ཏོ། །
[33a.3]དེ་ནས་ཀུན་དུ་སྤྱོད་པ་བཤད་པར་བྱ་སྟེ། རྡོ་རྗེ་ཕག་མོ་གཙོ་བོའི་གནས་ནས་འོངས་ཏེ། མཁའ་འགྲོ་མ་བདག་མོའི་གནས་སུ་འོངས་ནས། བདེ་བ་ཆེན་པོ་བསྟར་བར་བྱའོ། །ཡང་མཁའ་འགྲོ་མ་ལཱ་མའི་གནས་སུ་འོངས་ཏེ། རབ་མཛེས་མ་བདག་པོའི་དྲུང་དུ་འགྲོའོ། །རབ་
[33a.4]མཛེས་མ་དུམ་སྐྱེས་མའི་གནས་སུ་འོངས་ཏེ། དུམ་སྐྱེས་མ་བདག་པོའི་གནས་སུ་འོང་ངོ་། །དུམ་སྐྱེས་མ་གཟུགས་ཅན་མའི་གནས་སུ་འོངས་པས་གཟུགས་ཅན་མ་བདག་པོའི་གནས་སུ་འོང་ངོ་། །གཟུགས་ཅན་མ་ཕག་མོའི་གནས་སུ་འོངས་ནས་བདེ་བ་ཆེན་པོ་བསྟར་བ་འདི་
[33a.5]ནི། ལོངས་སྤྱོད་པ་ཞེས་བྱ་བའོ། །ཡང་དེ་བཞིན་དུ་ལན་གསུམ་གྱི་བར་དུ་བསྐྱར་ཞིང་བསྐོར་བ་ནི། ཐིམ་པ་དང་བདག་པོ་དང་ཁྱབ་བདག་ཅེས་བྱ་བ་ཡིན་ནོ། །གཞན་ཡང་རྣལ་འབྱོར་མ་ལྔ་ཚན་བཞི་པོ་རྣམས་ལ་ཚན་པ་ལྔར་བྱས་ཏེ་ལན་བཞིའི་བར་དུ་བསྐོར་བར་བྱའོ། །དེ་
[33a.6]བཞིན་དུ་དཀྱིལ་འཁོར་བཞི་རྣམས་ཀྱི་སྒོ་མ་རྣམས་དང་། མཚམས་མ་རྣམས་ལ་ཡང་བདེ་བ་ཆེན་པོའི་ཡེ་ཤེས་བསྟར་བར་བྱ་ཞིང་རྣལ་འབྱོར་མ་དེ་རྣམས་ཀྱང་ཕག་མོ་དང་ཐ་དད་མེད་པར་མཚོན་ཞིང་ཀུན་ཀྱང་བདག་མོའི་རང་བཞིན་དུ་བྱའོ། །འདི་ལྟ་བུ་ནི་སྔགས་ཀྱི་ཐེག་པ་འདོད་ཆགས་ཆེན་
[33a.7]པོའི་ཚུལ་ཉིད་ཡིན་པའི་ཕྱིར་རོ། །དེ་ནས་གཙོ་བོར་བདག་ཉིད་འདྲེན་པའི་ཧེ་རུ་ཀ་ཞེས་བྱ་བ་སྐུ་མདོག་ནག་པོ་ཞལ་ལ་སོགས་པ་སྔར་དང་མཚུངས་པར་བསྒོམ་མོ། །དེས་ནི་འདྲེན་པའི་ཧེ་རུ་ཀས་བདག་པོ་བྱས་པའི་དཀྱིལ་འཁོར་དུ་འགྱུར་རོ། །དེ་ནས་ཡང་ཆུང་ངུའི་ཧེ་རུ་ཀ་ཞེས་བྱ་བ་སྐུ་མདོག་
[33b]
[33b.1]དམར་སེར་དུ་གྱུར་ཏེ་རྡོ་རྗེའི་འཁོར་ལོ་ནི་སྙིང་པོའི་འཁོར་ལོར་གྱུར་ཅིང་སྙིང་པོའི་འཁོར་ལོ་ནང་དུ་བསྒོམ་པར་བྱའོ། །དེ་ནས་ཡང་པདྨའི་ཧེ་རུ་ཀ་ཞེས་བྱ་བ་སྐུ་མདོག་དཀར་དམར་དུ་གྱུར་ཏེ་སྙིང་པོའི་འཁོར་ལོ་ཡོན་ཏན་ཐམས་ཅད་ཀྱི་འཁོར་ལོར་གྱུར་ཅིང་ཡོན་ཏན་ཐམས་ཅད་ཀྱི་འཁོར་ལོ་ནང་དུ་བསྒོམ་པར་བྱའོ། །དེ་
[33b.2]ནས་ཡང་ནམ་མཁའི་ཧེ་རུ་ཀ་ཞེས་བྱ་བ་སྔོན་པོར་གྱུར་ཅིང་ཡོན་ཏན་ཐམས་ཅད་ཀྱི་འཁོར་ལོ་ནམ་མཁའི་འཁོར་ལོར་གྱུར་ནས། ནམ་མཁའི་འཁོར་ལོ་ནང་དུ་བསྒོམ་པར་བྱའོ། །དེ་ནས་ཡང་མཐར་རླུང་གི་ཧེ་རུ་ཀ་ཞེས་བྱ་བ་སྔོན་པོ་སྣ་ཚོགས་ཀྱི་མདོག་ཏུ་གྱུར་ཏེ་ནམ་མཁའི་འཁོར་ལོ་རླུང་གི་འཁོར་ལོར་སོང་ནས་རླུང་
[33b.3]གི་འཁོར་ལོ་ནང་དུ་བསྒོམ་པར་བྱའོ། །དེ་ནས་ཡང་གཙོ་བོ་སའི་ཧེ་རུ་ཀ་ཞེས་བྱ་བ་སེར་པོར་གྱུར་ཏེ་རླུང་གི་འཁོར་ལོ་སའི་འཁོར་ལོར་སོང་བ་ཞིང་སའི་འཁོར་ལོ་ནང་དུ་བསྒོམ་པར་བྱའོ། །དེ་ནས་ཡང་འབར་བའི་ཧེ་རུ་ཀ་ཞེས་བྱ་བ་དམར་པོར་གྱུར་ཏེ་སའི་འཁོར་ལོ་མེའི་འཁོར་ལོར་གྱུར་ནས་མེའི་འཁོར་ལོ་ནང་དུ་བསྒོམ་པར་བྱའོ། །དེ་
[33b.4]ནས་ཡང་ཆུའི་ཧེ་རུ་ཀ་ཞེས་བྱ་བ་དཀར་པོར་གྱུར་ཏེ་མེའི་འཁོར་ལོ་ཆུའི་འཁོར་ལོར་གྱུར་ནས་ཆུའི་འཁོར་ལོ་ཀུན་གྱི་ནང་དུ་བསྒོམ་པར་བྱའོ། །དེ་ནས་ཡང་ཡེ་ཤེས་ཀྱི་ཧེ་རུ་ཀ་ཞེས་བྱ་བ་མདོག་སྣ་ཚོགས་པར་གྱུར་ཏེ་ཆུའི་འཁོར་ལོ་ཡེ་ཤེས་ཀྱི་འཁོར་ལོར་གྱུར་ལ་ཡེ་ཤེས་ཀྱི་འཁོར་ལོ་ནང་དུ་འོངས་པར་བསྒོམ་པར་བྱའོ། །དེ་
[33b.5]ནས་ཡང་ཐུགས་ཀྱི་ཧེ་རུ་ཀ་ཞེས་བྱ་བ་ནག་པོར་བསྒོམ་པར་བྱ་ཞིང་ཡེ་ཤེས་ཀྱི་འཁོར་ལོ་ཐུགས་ཀྱི་འཁོར་ལོར་གྱུར་ལ་ཐུགས་ཀྱི་འཁོར་ལོ་ནང་དུ་བསྒོམ་པར་བྱའོ། །དེ་ནས་ཡང་གསུང་གི་ཧེ་རུ་ཀ་ཞེས་བྱ་བ་བཙོད་ཀྱི་མདོག་ཏུ་གྱུར་ཏེ་ཐུགས་ཀྱི་འཁོར་ལོ་བ་རྣམས་གསུང་གི་འཁོར་ལོར་གྱུར་ཏེ་གསུང་གི་འཁོར་ལོ་ནང་
[33b.6]དུ་བསྒོམ་པར་བྱའོ། །དེ་ནས་ཡང་སྐུའི་ཧེ་རུ་ཀ་ཞེས་བྱ་བ་སྔོ་བ་དང་དམར་བ་དང་དཀར་བ་བསྲེས་པའི་མདོག་ཏུ་གྱུར་ཏེ་གསུང་གི་འཁོར་ལོ་བ་རྣམས་སྐུའི་འཁོར་ལོར་གྱུར་ནས་སྐུའི་འཁོར་ལོ་ནང་དུ་བསྒོམ་པར་བྱའོ། །དེ་ལྟར་ལན་བཅུ་གཅིག་ཏུ་བསྐོར་བས་ཇི་སྲིད་རྡོ་རྗེའི་འཁོར་ལོ་ནང་དུ་འོངས་པའི་བར་དུ་བསྐོར་བར་
[33b.7]བྱའོ། །དེ་ནས་མཁའ་འགྲོ་རྒྱ་མཚོ་ཉིད་དུ་བསྒོམ་པར་བྱའོ། །བྲེལ་བ་དང་བཅས་ཤིང་ཁམས་དམན་པའི་རྣལ་འབྱོར་པས་ནི་ལན་ཅིག་བསྐོར་ཏེ་དེ་ནས་མཁའ་འགྲོ་རྒྱ་མཚོར་གྱུར་ཏེ་འཁོར་ལོ་ཐམས་ཅད་སྐད་ཅིག་གིས་སྔ་མ་ལྟར་བསྒོམ་པར་བྱས་ཏེ། འདི་ནི་གཙོ་བོ་ཧེ་རུ་ཀ་ཐམས་ཅད་ཀྱི་ངོ་བོར་བསྟན་པ་དང་འཁོར་ལོ་
[34a]
[34a.1]ཀུན་གྱི་ཀུན་དུ་སྤྱོད་པ་བསྡུས་ནས་བསྟན་པའོ། །འདི་དག་གི་ནི་དབང་བསྐུར་བའི་དུས་སུ་འཁོར་ལོ་བཅུ་གཉིས་པོ་གང་ལ་མེ་ཏོག་ལྷུང་བ་དེའི་ཧེ་རུ་ཀས་གཙོ་བྱས་ཏེ་བསྒོམ་པ་ཡང་བསྟན་ཏོ། །དེ་ནས་ལྷ་ཚོགས་ཐམས་ཅད་ཀྱི་རང་གི་ཐུགས་ཀའི་ཧཱུཾ་གི་ས་བོན་ལས་རང་རང་གི་གཟུགས་མཐའ་
[34a.2]ཡས་པ་སྤྲོས་ཏེ་ནམ་མཁའི་སེམས་ཅན་གྱི་དོན་བྱས་ཤིང་བསྡུ་བ་ཡང་ནས་ཡང་དུ་བྱ་བ་འདི་ནི་ལས་རྒྱལ་པོ་མཆོག་ཅེས་བྱ་བའི་ཏིང་ངེ་འཛིན་ཏོ། །དེ་ནས་རང་གི་སྙིང་གའི་ཧཱུཾ་ཡོངས་སུ་གྱུར་པ་ལས་རྡོ་རྗེ་སྔོན་པོ་རྩེ་ལྔ་པ་ལྟེ་བ་ལ་ཉི་མ་ལ་གནས་པའི་ཧཱུཾ་གིས་བྱིན་གྱིས་བརླབ་པོ། །དེ་ནས་ཧཱུཾ་ལས་འོད་ཟེར་ཐོགས་
[34a.3]པ་མེད་པས་སེམས་ཅན་ཐམས་ཅད་མཁའ་འགྲོ་རྒྱ་མཚོར་བྱས་པ་ཁྱེར་ནས་འོངས་ཚུར་འདུས་ཏེ་ཧཱུཾ་ལས་ཞུགས་པས་ཧཱུཾ་ཡིག་ཡོངས་སུ་གྱུར་པ་ལས་ཐིག་ལེར་གྱུར་ཏེ་དེའི་ནང་དུ་སྐད་ཅིག་གིས་འཁོར་ལོ་བཅུ་གཉིས་ཀྱི་ལྷ་ཚོགས་རྟེན་གྱི་དཀྱིལ་འཁོར་དང་བཅས་པ་བསྒོམས་ཏེ་དེའི་གཙོ་བོའི་ཐུགས་
[34a.4]ཀའི་ས་བོན་གྱི་འོད་ཟེར་གྱིས་དཀྱིལ་འཁོར་གསལ་བར་བསྒོམ་ཞིང་། དམིགས་པ་འདི་ནི་ཐིག་ལེའི་རྣལ་འབྱོར་རོ། །དེ་ནས་ཡང་ཐིག་ལེའི་རྣལ་འབྱོར་གྱིས་གཙོ་བོའི་ཐུགས་ཀའི་ས་བོན་ལས་འོད་བྱུང་སྟེ་འཐོན་པ་རྣམས་ཀྱིས་དེ་བཞིན་གཤེགས་པ་ཐམས་ཅད་ལ་རེག་སྟེ་ཞལ་གྱི་སྒོ་ནས་ཞུགས་ཏེ་ཞུ་
[34a.5]བ་རྡོ་རྗེའི་བུམ་པར་ལྷུང་བ་ལས་རྡོ་རྗེ་ནས་ཀྱི་འབྲུ་ཙམ་གྱི་ལྟེ་བར་དཀྱིལ་འཁོར་རྫོགས་པ་ཐིག་ལེའི་རྣལ་འབྱོར་གྱི་བར་དུ་ལྷག་པར་མོས་པར་བྱས་ཏེ་སེམས་བརྟན་པར་མ་གྱུར་གྱི་བར་དུ་བསྒོམ་པར་བྱའོ། །དེ་ནས་སྙིང་གའི་རྡོ་རྗེར་དྲངས་ཏེ་དེ་ལ་བསྟིམས་ལ་གཞག་གོ། །དེ་དག་གི་སེམས་རིམ་
[34a.6]གྱིས་བརྟན་པའི་རྟགས་སུ་དུ་བ་ལ་སོགས་པ་མཐོང་བར་འགྱུར་ཏེ་འདི་ནི་ཕྲ་མོའི་རྣལ་འབྱོར་རོ། །དེ་ནས་སྔགས་ཀྱི་བཟླས་པ་བྱ་སྟེ། རྐང་པ་བཞི་བཅུ་རྩ་བརྒྱད་པ་དང་བཅས་པའི་རྩ་བའི་སྔགས་གཙོ་བོའི་ཧཱུཾ་ཡིག་ལས་བྱུང་སྟེ། རང་གི་ཞལ་ནས་ཡུམ་གྱི་ཞལ་དུ་ཞུགས་ཏེ་རྡོ་རྗེའི་ལམ་གྱི་ཡུམ་གྱི་
[34a.7]པདྨ་ནས་འཁོར་བའི་རིམ་པས་བཟླས་པའི་སྐྱོན་རྣམས་དང་བྲལ་བས་དུང་ཆེན་གྱི་ཕྲེང་བ་བཟུང་སྟེ་སྐབས་ཡོད་ན་ལྷ་མ་ལུས་པའི་སྔགས་ཀྱང་བཟླས་པར་བྱའོ། །དེ་ནས་ཕྱི་རོལ་མེ་རིའི་ར་བ་ནས་གཙོ་བོ་རང་ཉིད་ལ་ཐུག་གི་བར་དུ་རིམ་གྱིས་བསྡུས་ཏེ་རང་ཉིད་མཁའ་འགྲོ་རྒྱ་མཚོའི་གཟུགས་ཀྱིས་གནས་ནས་
[34b]
[34b.1]གཏོར་མ་གཏང་བར་བྱའོ། །དེ་ནས་རྣམ་པར་དག་པ་བསྡུས་པ་དྲན་པར་བྱ་སྟེ། ཀུན་རྫོབ་དང་ནི་དོན་དམ་པ། །དཀྱིལ་འཁོར་པ་དང་གཙོ་བོའོ། །ཁྲག་འཐུང་གཉིས་མེད་དངོས་པོ་རུ། །འདི་གསུམ་གྱིས་ནི་ཁམས་གསུམ་པོ། །ཐམས་ཅད་ཐིག་ལེའི་གཟུགས་བདག་ཉིད། །བདེན་པ་གཉིས་སུ་
[34b.2]གཟུང་བ་མེད། །ཡོད་པ་གཟུགས་མེད་བདག་ཉིད་དེ། །རྟོག་པ་ཙམ་དུ་ཁྱབ་བདག་ཆེ། །སྦྱིན་པ་ཀུན་རྫོབ་གཟུགས་བདག་ཉིད། །ཕ་རོལ་ཀྱང་ནི་དོན་དམ་པའོ། །དང་པོའི་སྦྱོར་བ་དེས་འགྲུབ་པོ། །ཚུལ་ཁྲིམས་བསྙེན་པ་སོགས་སུ་འདོད། །ཕར་ཕྱིན་རྒྱུ་ཡི་རྡོ་རྗེ་འཆང་། །སྟོང་ཉིད་སྙིང་རྗེའི་བདག་ཉིད་
[34b.3]དོ། །བཟོད་པ་ཚངས་པར་སྤྱོད་པ་ཡིས། །དཀྱིལ་འཁོར་འབྱིན་པ་ཡང་ནི་དེ། །རྒྱལ་པོ་བདེ་བ་ཀུན་ལ་གནས། །མཆོག་ནི་རང་གིས་ཕ་རོལ་ཕྱིན། །བརྩོན་འགྲུས་དགའ་ཆེན་ཐམས་ཅད་ལས། །མདོག་དང་བཞུགས་ཚུལ་བདག་ཉིད་ཀྱིས། །ཕ་རོལ་ཕྱིན་རྣམས་རང་བཞིན་དུ། །ཡེ་ཤེས་རྣམ་པར་ཀུན་དུ་
[34b.4]འབྱུང་། །ཡེ་ཤེས་སེམས་སོགས་བསམ་གཏན་དེ། །ཕར་ཕྱིན་འོད་ཟེར་སྤྲོ་བའོ། །ཡེ་ཤེས་དཀྱིལ་འཁོར་དང་དབང་བསྐུར། །ཤེས་རབ་ལས་ཀྱི་རྒྱལ་པོ་མཆོག །རང་རང་མགོ་བོར་རིགས་ཀྱི་ནི། །རྒྱས་གདབ་ཕ་རོལ་ཕྱིན་པའོ། །སྟོབས་ནི་སྙིང་རྗེའི་དཔའ་བོ་སྟེ། །སྟོང་པ་ཉིད་ནི་རྣལ་འབྱོར་མ། །ཕ་རོལ་ཕྱིན་པ་
[34b.5]གཉིས་མེད་ཀུན། །སྙོམས་པར་ཞུགས་སྐྱེས་གང་བདེ་བའོ། །ཐབས་ནི་ཐིག་ལེའི་རྣལ་འབྱོར་ཏེ། །ཕ་རོལ་ཕྱིན་པ་ཐེག་པ་ཆེ། །སྨོན་ལམ་སྔགས་ཀྱི་བཟླས་པ་སོགས། །ཕར་ཕྱིན་ཕྲ་མོའི་རྣལ་འབྱོར་རོ། །ཡེ་ཤེས་དཀྱིལ་འཁོར་མ་ལུས་པ། །ཕག་མོ་དང་ནི་བསྲེས་པས་ནི། །བསྡུ་བ་ཕ་རོལ་ཕྱིན་པ་སྟེ། །འཇིག་རྟེན་
[34b.6]ཁམས་ཀྱི་རྣམ་དག་པའོ། །སྲིད་དང་མྱ་ངན་འདས་གཟུགས་བདག །སྒྱུ་མ་སྙིང་རྗེ་ལས་བྱུང་བའོ། །ཐམས་ཅད་བདེན་མིན་བརྫུན་མིན་པ། །སྐྱེ་མིན་མི་སྐྱེ་མིན་སྤངས་པའོ། །ཞེས་བྱ་བའི་དོན་དྲན་པར་བྱ་ཞིང་གནས་པར་བྱའོ། །ཟས་ཀྱི་དུས་སུ་ནི་གཏོར་མ་སྦྱང་བའི་རིམ་པས་དག་པར་བྱ་སྟེ་སྙིང་གར་སྐད་ཅིག་གིས་
[34b.7]མེའི་དབུས་སུ་དཀྱིལ་འཁོར་བསམས་ལ་སྦྱིན་སྲེག་བྱའོ། །ཕྱི་རོལ་གྱི་རིག་མ་དང་སྙོམས་པར་འཇུག་པའི་དུས་སུ་ནི་གོང་གི་དགའ་བ་རྩོམ་པའི་རིམ་པས་སོ། །ཁྲུས་ཀྱི་དུས་སུ་དབང་བསྐུར་བའི་རིམ་པས་སོ། །གཉིད་ཀྱི་དུས་སུ་ནི་གོང་བུར་བསྡུ་བའི་རིམ་པས་སྙིང་གར་ཐིམ་པར་བྱ་ཞིང་འོད་གསལ་དུ་འཇུག་པར་
[35a]
[35a.1]བྱའོ། །འདི་དག་ཐམས་ཅད་ལ་ཡང་ཕྱི་སྣོད་ཀྱི་འཇིག་རྟེན་ཆགས་པ་ནས་འཇིག་པའི་མཐར་སྦྱར་བ་དང་། ནང་རྣལ་འབྱོར་པའི་མངོན་པར་རྟོགས་པ་བསྒོམ་པ་དང་། སེམས་ཅན་གྱི་ལུས་འགྲུབ་པ་ལ་སྦྱར་ནས་འཆད་པ་ནི་གཞན་དུ་ཤེས་པར་བྱའོ། །འདིར་ནི་མངོན་པར་
[35a.2]རྟོགས་པ་ཙམ་སྦྱར་བ་ཡིན་གྱིས། །གཞན་ནི་གཞུང་མངས་པའི་འཇིགས་པས་མ་བྲིས་སོ།། །།གོད་དུ་བཤད་པའི་ཧེ་རུ་ཀ་བཅུ་གཉིས་ཞལ་བཞི་ཕྱག་བཅུ་གཉིས་པ། རང་རང་གི་ཁ་དོག་ཅན་བདེ་མཆོག་ཆུང་ངུའི་ཕྱག་དང་མཚོན་ཆ་ཅན། །རང་རང་གི་འཁོར་ལོ་རེ་རེ་དང་སྙིང་པོའི་རྣལ་འབྱོར་མ་རྣམས་དང་། སྒོ་དང་
[35a.3]གྲྭ་ན་གནས་པ་དང་བཅས་པའི་དཀྱིལ་འཁོར་བཅུ་གཉིས་བསྒོམ་པ་ཡང་འདིའི་རིམ་པར་ཤེས་པར་བྱའོ། །དེ་ཡང་ཡེ་ཤེས་ཀྱི་འཁོར་ལོ་གསུམ་གྱི་ནི་ཁྭ་གདོང་མ་ལ་སོགས་པ་དང་དེའི་དུར་ཁྲོད་དོ། །ལྷག་མ་གསུམ་རྣམས་ཀྱི་ཡང་དེའི་རིགས་པས་ཤེས་པར་བྱའོ། །
[35a.4]འོག་ཐམས་ཅད་གྲུ་བཞི་པའི་དཀྱིལ་འཁོར་རོ། །གཞན་ཡང་རྡོ་རྗེ་ཕག་མོས་གཙོ་བྱས་པ་ལ་སོགས་པའི་དཀྱིལ་འཁོར་ཀུན་ཕལ་ཆེར་འདིའི་རིམ་པས་ཤེས་པར་བྱའོ། །ཁྱད་པར་ནི་རང་རང་གི་ལེའུ་རྣམས་ལས་ཤེས་པར་བྱའོ། །དེ་ལྟར་དཔའ་བོ་གཅིག་པ་དང་། ཡབ་ཡུམ་དང་།
[35a.5]དཀྱིལ་འཁོར་གྱི་འཁོར་ལོའི་གཙོ་བོ་དང་དཀྱིལ་འཁོར་གྱི་བྱེ་བྲག་ལས་རྒྱས་བསྡུས་དཔག་ཏུ་མེད་པ་རྣམས་སྒྲུབ་ཐབས་འདིས་མཚོན་ནས་ཤེས་པར་གྱིས་ཤིག། །།མཁས་པའི་རློམ་པས་མ་ཡིན་ཞིང་། །རྒྱུད་ཀྱི་ཚིག་དོན་མ་ལུས་པ། །ཁོང་དུ་ཆུད་པའི་ནུས་མེད་ལ། །གཞན་ཕན་
[35a.6]དཀའ་ཡང་བསམ་བཟང་པོས། །འོན་ཀྱང་བླ་མས་བསྟན་པ་ཡི། །མན་ངག་བརྗོད་པས་འཇིགས་ནས་བྲིས། །འདི་ལ་མཁའ་འགྲོ་བླ་མ་དང་། །མཁས་པ་རྣམས་ཀྱིས་བཟོད་པར་མཛོད། །འདི་བྱུང་དགེ་བ་ཅུང་ཟད་སྲིད་གྱུར་ན། །དེ་ཡིས་འཇིག་རྟེན་དམན་ལ་མོས་པ་ཡི། །ཞུམ་པའི་སེམས་རྣམས་མ་ལུས་
[35a.7]སེལ་བ་དང་། །རྒྱ་ཆེན་དཀྱིལ་འཁོར་འདི་ཉིད་ཡིད་བྱེད་ཤོག །དཔལ་མཁའ་འགྲོ་རྒྱ་མཚོའི་རྒྱུད་ཀྱི་དཀྱིལ་འཁོར་གྱི་འཁོར་ལོའི་སྒྲུབ་ཐབས་རིན་པོ་ཆེ་པདྨ་རཱ་གའི་གཏེར་ཞེས་བྱ་བ་མཁས་པ་ཛ་ཡ་སེ་ནཱའི་གསུང་དཔལ་དར་མ་ཡོན་ཏན་གྱི་བསྒྱུར་བ་རྫོགས་སོ།། །།
[35b]
[35b.1]{T1517}རྐང་པ་བཞི་བཅུ་རྩ་བརྒྱད་པ་བསྒྱུར་བའི་བསྟོད་པ་བཞུགས་སོ། །༄༅༅། །དཔལ་རྡོ་རྗེ་མཁའ་འགྲོ་དཔའ་བོ་ཆེན་པོ་དཔའ་བོའི་དབང་ཕྱུག །ས་གསུམ་བསྐྱོད་ཅིང་གཡོ་བར་མཛད་དུ་འཇུག་པ་པོ། །མཆེ་བ་གཙིགས་པ་འཇིགས་སུ་རུང་བ་འཇིགས་པར་མཛད་
[35b.2]པ། སྤྱན་བརྒྱ་སྟོང་ཕྲག་མངའ་བ། གློག་གི་ལྗགས་ཅན། །ཀེང་རུས་ཀྱི་ཕྲེང་བས་བརྒྱན་པའི་སྐུ་ཅན། ཕྱག་བྱེ་བ་འབུམ་མངའ་བ། འབར་བས་ཀུན་ནས་སྐོར་བས་རེག་པ། དགྲ་སྟ་དང་ཞགས་པ་དང་དཔལ་ཅན་འཕྱར་བ། བསྐལ་པའི་མཐའི་དུ་བ་དྲག་པོའི་སྐུ་ཅན། རྣམ་པར་
[35b.3]གཙིགས་པའི་ཞལ་ཧ་ཧ་སྒྲོགས་པ། མ་མོའི་ཚོགས་ཀྱིས་ཡོངས་སུ་བསྐོར་བའི་སྔགས་ཅན། ལྷན་ཅིག་སྐྱེས་མའི་མཛེས་མ་དང་གཅུགས་པར་མཛད་པ། ཧཱུཾ་ཧཱུཾ་ཞེས་སྒྲོགས་པའི་ཞལ་ཅན། དུར་ཁྲོད་ཆེན་པོ་ལ་དགྱེས་པ། འབྱུང་པོ་ཐམས་ཅད་ཀུན་དུ་སྐྲག་པར་མཛད་པ། བསྐལ་
[35b.4]པའི་མཐའ་མའི་མེའི་གཟི་བརྗིད་ཅན། རལ་པའི་ཚོགས་ཀྱི་ཅོད་པན། ཁྲི་རྐང་དང་ཐོད་པ་དང་གསལ་ཞིང་གིས་ཕུག་པ་འཛིན་པ། རྒྱ་མཚོ་ཆེན་པོའི་སྐེ་རགས་ཅན། སྟག་གི་པགས་པའི་ན་བཟའ་འཆང་བ། རོ་ལངས་ཀྱི་ཚོགས་འཇོམས་པར་མཛད་པ། བགེགས་ཆེན་པོ་ལས་སྐྱོབ་
[35b.5]པ་པོ། །དགྲ་ལ་ངེས་པར་གནོད་པ་མཛད་པ། སྟོང་གསུམ་གྱི་སྟོང་ཆེན་པོ་བ་སྤུ་འཁྱིལ་པ་གཅིག་གི་ནང་དུ་གནས་པ་པོ། །ཞལ་བརྒྱ་ཕྲག་སྟོང་མངའ་བ། ཡེ་ཤེས་ཀྱི་རྒྱ་མཚོའི་ཞལ་ཅན། ཤ་ཆེན་པོ་དང་ཁྲག་དང་ཞག་གསོལ་བ་པོ། །བདུད་ཐམས་ཅད་ཀྱི་སྟོབས་འཇོམས་པ་པོ། །
[35b.6]འབྱིན་པ་དང་སྡུད་པ་མཛད་པ་པོ། །ཀླུ་ཐམས་ཅད་སྐེམས་པ་དང་། རེངས་པ་དང་། རྣམ་པར་འཇུ་བར་མཛད་པ། རྒྱུ་མའི་ཕྲེང་བ་འཛིན་པ། རི་རབ་གཡོ་བར་བྱེད་པའི་སྒྲ་ཅན། ཁྲོ་བོའི་སྐུ་འཛིན་པ། གོ་སྐབས་ཆེན་པོའི་ཐིག་ལེའི་བདག་ཉིད་ཅན། སངས་རྒྱས་བྱེ་བ་སྟོང་སྐད་
[35b.7]ཅིག་གིས་རྫོགས་པར་མཛད་པ། ཡེ་ཤེས་ཀྱི་བདུད་རྩིའི་ཆར་འབེབས་པ། ལས་ཐམས་ཅད་རབ་ཏུ་འཇུག་པར་མཛད་པ། །འཆིང་བར་བྱེད་པ། རྣམ་པར་རྟོག་པ་ཐམས་ཅད་འཇོམས་པར་མཛད་པ། མགོ་བོས་འཁྲིགས་པས་རེག་པའི་སྐུ་ཅན། གཞན་གྱིས་བྱས་པའི་འཁྲུལ་འཁོར་
[36a]
[36a.1]དང་སྔགས་འཇོམས་པ་པོ། །སྲུང་བ་ཆེན་པོ་བྱེད་པ། སྡང་བ་རྣམས་ཀྱི་རྣམ་པར་འཇོམས་པ་པོ། །ཆོས་འབྱུང་བར་མཛད་པ། ཁྲོ་བོ་སྤྲོ་ཞིང་སྤྲོ་བར་བྱེད་དུ་འཇུག་པ། དབང་པོའི་དྲ་བ་སེམས་ཅན་ཐམས་ཅད་ཀྱི་བདག་ཉིད་ཅན། འཐབ་པ་དང་། རྩོད་པ་དང་།
[36a.2]རབ་ཏུ་རྩོད་པའི་བློ་གྲོས་ཆེན་པོ་ལ་ཕྱག་འཚལ་ལོ། །རྐང་པ་བཞི་བཅུ་རྩ་བརྒྱད་པའི་བསྟོད་པའོ། །ཤྲཱི་ཛ་ཡ་སེ་ནཱ་དང་། དཔལ་དར་མ་ཡོན་ཏན་གྱིས་བསྒྱུར་རོ། །འདི་ལ་ཚིགས་སུ་བཅད་པར་བསྒྱུར་པའང་སྣང་ངོ་། །དགེ་བ་འདི་ཡིས་ཉེ་བར་མཚོན་ནས་ནི། །སེམས་ཅན་རྣམས་ཀྱིས་དུས་གསུམ་
[36a.3]བསགས་པ་ཡི། །ཟག་བཅས་ཟག་མེད་ཟུང་འཇུག་དགེ་བ་རྣམས། །བླ་མེད་བྱང་ཆུབ་ཆེན་པོར་བསྔོ་བར་བགྱི། །འགྲོ་ཀུན་ཐམས་ཅད་མཁྱེན་པ་ཐོབ་པར་ཤོག། {T1518}༄། །གཏོར་མའི་ཆོ་ག་རིན་ཆེན་ཨ་སྨ་གརྦྷ་བཞུགས་སོ། །བཅོམ་ལྡན་འདས་དཔལ་མཁའ་འགྲོ་རྒྱ་མཚོ་ལ་ཕྱག་
[36a.4]འཚལ་ལོ། །ས་གསུམ་མ་ལུས་སྟོབས་རང་བཞིན། །མཁའ་འགྲོ་རྒྱ་མཚོ་རིག་མར་བཅས། །བླ་མ་རྣམས་ལའང་ཕྱག་འཚལ་ནས། །གཏོར་མའི་དེ་ཉིད་བརྗོད་པར་བྱ། །དེ་ལ་མཚན་ཕྱེད་དམ་ཇི་ལྟར་ཁོམ་པའི་དུས་སུ་རང་གི་ལྷའི་ང་རྒྱལ་དང་ལྡན་པས། །གཏོར་མ་ཤིན་ཏུ་ཆེན་པོ་ཉ་དང་ཤ་
[36a.5]ལ་སོགས་པ་དང་། ཟན་དང་ཆང་དང་ཉེ་བར་སྤྱད་པ་ལྔ་དང་བདུད་རྩི་དང་བཅས་པ་མདུན་དུ་བཞག་སྟེ། དེ་ཡང་མ་དམིགས་པ་ལས་འོག་ཏུ་ཡ་སྔོ་སྐྱ་དེ་ཡོངས་སུ་གྱུར་པ་ལས། རླུང་གི་དཀྱིལ་འཁོར་གཞུའི་དབྱིབས་ཅན་མཐའ་གཉིས་ན་བ་དན་གྱིས་མཚན་པ་དང་། དེའི་སྟེང་དུ་རཾ་དམར་པོ་
[36a.6]ཡོངས་སུ་གྱུར་པ་ལས། མེའི་དཀྱིལ་འཁོར་གྲུ་གསུམ་པ་འབར་བས་མཚན་པའོ། །དེའི་སྟེང་གི་གྲྭ་གསུམ་ལས་མདུན་ནས་གཡོན་སྐོར་དུ་དཀར་བ་དང་། དམར་བ་དང་། གནག་པའི་ཨོཾ་ཨཱཿཧཱུཾ་གསུམ་ཡོངས་སུ་གྱུར་པ་ལས་ཀེང་རུས་ཀྱི་མགོ་གསུམ་གྱི་སྒྱེད་(པོ་,པུ་)དང་། དེའི་སྟེང་དུ་
[36a.7]ཨ་དཀར་པོ་ཡོངས་སུ་གྱུར་པ་ལས། ཐོད་པའི་སྣོད་ཆེན་པོ་བསམས་ཏེ། དེའི་ཤར་དུ་བི་དཀར་པོ་དང་། བྱང་དུ་མུ་ལྗང་གུ་དང་། ནུབ་ཏུ་མ་དམར་པོ་དང་། ལྷོར་ར་སེར་པོ་དང་། དབུས་སུ་ཨ་དཀར་པོ་ཡོངས་སུ་གྱུར་པ་ལས་དྲི་ཆེན་དང་། དྲི་ཆུ་དང་། ཤ་ཆེན་པོ་དང་། རང་བྱུང་དང་། བྱང་
[36b]
[36b.1]ཆུབ་ཀྱི་སེམས་རྣམས་སུ་གྱུར་ཏེ་རང་རང་གི་ཡི་གེས་མཚན་པའོ། །ཤར་ལྷོ་དང་། ལྷོ་ནུབ་དང་། བདེན་བྲལ་དང་། རླུང་དང་དབང་ལྡན་དང་དབུས་རྣམས་རིམ་པ་བཞིན་དུ། གོ་ཀུ་ད་ཧ་ན་དཀར་པ་དང་སྔོ་བ་དང་དམར་བ་དང་ལྗང་བ་དང་། སྔོ་བ་རྣམས་ཡོངས་སུ་གྱུར་པ་ལས་བ་ལང་དང་།
[36b.2]ཁྱི་དང་གླང་པོ་ཆེ་དང་རྟ་དང་མིའི་ཤ་རྣམས་ལ་རང་རང་གི་ཡི་གེས་མཚན་པའོ། །དེའི་སྟེང་དུ་ཧཱུཾ་དཀར་པོ་ཁ་འོག་ཏུ་བལྟས་པ་ཡོངས་སུ་གྱུར་པ་ལས་བདུད་རྩིའི་རང་བཞིན་གྱི་ཀེང་རུས་ཀྱི་ཁ་ཊྭཱཾ་ག་འོག་ཏུ་བལྟས་པ་ཧཱུཾ་གིས་མཚན་པ་བསམས་ཏེ། དེ་གཡོན་དུ་འཁོར་བས་རླུང་གཡོས་པས་མེ་
[36b.3]སྦར་ཏེ་ཐམས་ཅད་ཞུ་ནས་སེར་པོ་སླ་བའི་དངོས་པོར་གྱུར་ཏེ་རླངས་པ་ནམ་མཁའ་ལ་ཆགས་པ་རྣམས་གཡོན་སྐོར་དང་། གཡས་སྐོར་དུ་ཨཱ་ལི་དང་ཀཱ་ལིའི་ཕྲེང་བར་གྱུར་ཏེ་དེ་རྣམས་འདྲེས་ཤིང་ཡོངས་སུ་གྱུར་པ་ལས་ཁ་དོག་གསུམ་དང་ལྡན་པའི་ཡི་གེ་གསུམ་དུ་གྱུར་ཏེ་དེ་དག་ལས་ཁམས་
[36b.4]གསུམ་གྱི་ངོ་བོའི་དཀྱིལ་འཁོར་འཁོར་ལོ་བཅུ་གཉིས་ཀྱི་ལྷའི་ཚོགས་སྤྲོས་ཏེ་སེམས་ཅན་ཐམས་ཅད་ཀྱང་བདེ་བ་དང་ལྡན་པར་བྱས་ནས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་འཁོར་ལོ་བཅུ་གཉིས་ཀྱི་ཚུལ་དུ་བཀུག་པ་སྙོམས་པར་ཞུགས་པས་ཡི་གེ་གསུམ་
[36b.5]ལ་གཞུག་པར་བྱའོ། །དེ་དག་ཀྱང་རིམ་གྱིས་འོག་ཏུ་ལྷུང་བས་གཏོར་མ་ལ་ཐིམ་སྟེ། ཁ་ཊྭཱཾ་ག་ཡང་ཞུ་བས་ཁ་དོག་དཀར་པོ་བསིལ་བ་ཕུན་སུམ་ཚོགས་པར་བལྟས་ཏེ། ཡི་གེ་གསུམ་ཇི་ཙམ་འདོད་པར་བཟླས་སོ། །དེ་ནས་སྙིང་གའི་ས་བོན་གྱི་འོད་ཟེར་དང་སྐྱེ་གནས་ཀྱི་ཕྱག་རྒྱ་དཔྲལ་བར་
[36b.6]བསྐོར་བ་དང་། མིག་སྟེང་དུ་བལྟ་བ་དང་། ཕཊ་ཀྱི་སྒྲ་དང་རྐང་པ་མནན་པའི་སྦྱོར་བ་རྣམས་ཀྱིས་རྣམ་པ་ཐམས་ཅད་ཀྱིས་ཡོངས་སུ་རྫོགས་པའི་དཀྱིལ་འཁོར་མདུན་གྱི་ནམ་མཁའ་ཆོས་འབྱུང་ཆེན་པོའི་ནང་དུ་སྤྱན་དྲངས་ཏེ་པདྨའི་ལག་པ་བསྐོར་ནས་སྙིང་གར་སེ་གོལ་བརྡབ་པར་བྱའོ། །དེ་ནས་
[36b.7]ཞབས་བསིལ་ལ་སོགས་པ་དང་། མེ་ཏོག་ལ་སོགས་པ་ལྔ་དང་། པི་ཝང་མ་ལ་སོགས་པ་ཉི་ཤུ་རྩ་བཞིས་མཆོད་པར་བྱའོ། །ལག་པ་གཡོན་པར་ཨཱ་ལི་ལས་ཟླ་བ་དང་། གཡས་པར་ཀཱ་ལི་ལས་ཉི་མ་དང་ཁ་སྦྱར་བའི་དབུས་སུ་ཧཱུཾ་ཁ་དོག་སྔོན་པོ་བསམས་ཏེ། ཨོཾ་ཨ་ནྱོ་ནྱཱ་ནུ་ག་ཏ་སརྦ་དྷརྨཱ་
[37a]
[37a.1]ཧཱུཾ་ཨོཾ་པ་ར་སྤ་ར་ཨ་ནུ་པྲ་བིཥྚིཿ་སརྦ་དྷརྨཱ་ཧཱུཾ། ཨོཾ་ཨ་ཏྱན་ཏཱ་ནུ་པྲ་པིཥྚཿསརྦ་དྷརྨཱ་ཧཱུཾ་ཞེས་བརྗོད་པས། ལག་པ་རྡོ་རྗེ་རྩེ་ལྔ་བར་བསྒོམས་ཏེ་ཐལ་མོ་ཁ་ཕྱེ་ལ་ལག་པར་གཏོར་མ་བཞག་ལ་རྣམ་པ་གསུམ་དབྱེར་མེད་པའི་ངོ་བོར་ལྷག་པར་དམིགས་ཏེ། ལྷ་མོ་ཚད་མའོ་དམ་
[37a.2]ཚིག་ཚད་མ་དེ། །དེས་གསུངས་དག་ཀྱང་མཆོག་ཏུ་ཚད་མའོ། །དེས་ནི་བདེན་བར་གྱུར་ཅིག་འདི་རུ་ནི། །ལྷ་མོས་བདག་ལ་རྗེས་འཛིན་རྒྱུར་གྱུར་ཅིག །ཅེས་བརྗོད་དེ་ལྷ་རྣམས་ཀྱིས་ལྗགས་ཧཱུཾ་དཀར་པོ་ལས་རྡོ་རྗེ་བསམས་ལ་ཨོཾ་ཨ་རལླི་ཧོཿཛཿཧཱུཾ་བཾ་ཧོཿ། །བཛྲ་ཌཱ་ཀི་ནི་ས་མ་ཡ་སྟྭཾ་དྲྀ་ཤྱ་ཧོཿ། །
[37a.3]ཞེས་བྱ་བས་ལན་ལྔར་བརྗོད་པས་དུར་ཁྲོད་ན་གནས་པ་མ་གཏོགས་པས་རྡོ་རྗེའི་སྦུ་གུས་དྲངས་ནས་གསོལ་བར་བསམ་མོ། །དེ་ནས་ཡང་ཞལ་བསིལ་ལ་སོགས་པ་ཐམས་ཅད་དང་། སོ་རྩི་ཡང་ཕུལ་ཏེ་རྐང་པ་བཞི་བཅུ་རྩ་བརྒྱད་པ་རྐང་པ་བརྒྱད་པ་དང་བཅས་པས་བསྟོད་པ་དང་། འདོད་
[37a.4]པའི་དོན་ལ་བསླང་བ་དང་། བཀྲ་ཤིས་བརྗོད་པ་དང་། ཡི་གེ་བརྒྱ་བ་བརྗོད་པར་བྱའོ། །དེ་ནས་དུར་ཁྲོད་པ་རྣམས་ཀྱི་ལྕེ་བྱིན་གྱིས་བརླབས་ཏེ་ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཱཀྵ་ས། བྷཱུ་ཏ་པྲེ་ཏ་པི་ཤཱ་ཙ་ཨུནྨཱ་ད། ཨ་པ་སྨཱ་ར་ཌཱ་ཀ་ཌཱ་ཀི་ནྱ་ད་ཡ་ཨི་མཾ་བ་ལིཾ་གྲྀཧྞ་ནྟུ་སརྦ་སིདྡྷི་མྨེ་པྲ་ཡ་ཙྪ་ནྟུ་ཡ་
[37a.5]ཐཻ་བཾ་ཡ་ཐཻཥྚཾ། བྷུ་ཉྫ་ཐ། པི་ཝ་ཐ་མཱ་ཏི་ཀྲ་མ་ཐ་མ་མ་སརྦ་ཀརྟ་ཡ། སཧྥུ་ཁ་བི་བྲིདྡྷ་ཡེ་མ་མ་ས་ཧཱ་ཡི་ཀ་བྷ་ཝ་ནྟུ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བ་ལན་གསུམ་བརྗོད་པས་ཐམས་ཅད་ཀྱིས་འཐུངས་པར་བསམ་མོ། །དེ་ནས་དེ་རྣམས་ལ་ཡང་མཆོད་པ་ལ་སོགས་པ་ཐམས་ཅད་
[37a.6]སྔར་བཞིན་བྱས་ལ། སྲིད་དང་ཞི་བ་མཉམ་པས་ཞེན་པ་བཅོམ་ཞིང་ཀུན་དུ་རྟོག་པ་བཅོམ། །དངོས་དང་དངོས་པོ་མ་ཡིན་ཐམས་ཅད་མཁའ་བཞིན་རྣམ་པར་གཟིགས་པ་རྣམས། །བླ་མ་མཆོག་གི་ཐུགས་རྗེའི་ཆུ་སྤྲོ་ཐུགས་ནི་ཆུ་ཡི་མགོན་པོ་རྣམས། །མཛོད་ཅིག་མཛོད་ཅིག་ལྷ་མོས་བདག་
[37a.7]ལ་རྗེས་སུ་ཐུགས་ནི་བརྩེ་བར་མཛོད། །ཅེས་བརྗོད་ལ་མིག་གི་ཕྱག་རྒྱ་བསྟན་ལ་པདྨའི་ལག་པས་བསྐོར། ལྟེ་བར་འཁྱུད་པས་སེ་གོལ་གཏོགས་ཏེ། ཨོཾ་བཛྲ་མཎྜལ་མུཿཞེས་བརྗོད་པས་དཀྱིལ་འཁོར་བདག་ཉིད་མཛོད་སྤུ་ནས་གཞུག་པར་བྱ་སྟེ། རོལ་མོ་དང་མར་མེའི་སྣང་བ་དང་བཅས་པས་བསྐྱལ་
[37b]
[37b.1]པར་བྱའོ། །གཏོར་མའི་ཆོ་ག་བྱ་བ་ལས། །བྱུང་བའི་དགེ་བས་འགྲོ་བ་ཀུན། །ལུས་སེམས་བདེ་བས་གནས་གྱུར་ཅིག །སྟོབས་བཅུ་དང་ཡང་ལྡན་པར་ཤོག །དཔལ་མཁའ་འགྲོ་རྒྱ་མཚོའི་རྒྱུད་ཀྱི་གཏོར་མའི་ཆོ་ག་རིན་པོ་ཆེ་ཨསྨ་གནྦྷ་མཁས་པ་ཛ་ཡ་སེ་ནའི་གསུང་དཔལ་ཡེ་ཤེས་རྡོ་
[37b.2]རྗེས་བསྒྱུར་བ་རྫོགས་སོ། །{T1519}༄། །བླ་མའི་མཎྜལ་བཞུགས་སོ། །༄༅༅། །དཔལ་མཁའ་འགྲོ་རྒྱ་མཚོ་ལ་ཕྱག་འཚལ་ལོ། །བླ་མ་ཡོངས་སུ་མཉེས་པ་ལ། །དངོས་གྲུབ་མ་ལུས་འབྱུང་བའི་ཕྱིར། །རྒྱ་མཚོ་ཉིད་ནས་གསུངས་པ་ཡི། །བླ་མའི་མཎྜལ་བཤད་པར་བྱ། །དེ་ལ་
[37b.3]ཐོག་མར་བླ་མའི་མདུན་དུའམ་གཞན་དུ་ཡང་རུང་སྟེ་ཆུ་དང་མེ་ཏོག་ལ་སོགས་པ་ཚོགས་པར་བྱས་ལ་རྐང་པ་བཀྲུས་ཏེ། ཨོཾ་ཧྲཱིཿསྭཱ་ཧཱ། ཞེས་བྱ་བས་ལག་པར་བཀྲུ་བ་དང་། ཁ་བཤལ་བར་བྱའོ། །ཨོཾ་ཧཱུཾ་ཞེས་བྱ་བས་བདག་དང་གནས་དང་རྣལ་འབྱོར་བསྲུང་བར་བྱའོ། །དེ་ཉིད་ཀྱིས་
[37b.4]སྟན་བྱིན་གྱིས་བརླབ་པ་ཡང་བྱའོ། །ཨོཾ་བཛྲ་བྷུ་མི་ཧཱུཾ་ཞེས་བྱ་བས་ས་གཟུང་བར་བྱའོ། །ཨོཾ་སརྦ་བིགྷྣན་ཨུཏ་ས་ར་ཡ་ཧཱུཾ་སྭཱ་ཧཱ། ཞེས་བྱ་བས་ཆུ་དང་ལྕི་བ་སྲོག་ཆགས་མེད་པས་བྱུག་པར་བྱའོ། །ཨོཾ་ཨཱཿབཛྲ་རེ་ཁེ་ཧཱུཾ་ཞེས་བྱ་བས་ལག་པ་གཡས་པས་མེ་ཏོག་གཡོན་པའི་རྒྱབ་ཏུ་བཞག་
[37b.5]ལ་མཎྜལ་དུ་དོར་རོ། །ཨོཾ་སུ་རེ་ཁེ་སརྦ་ཏ་ཐཱ་ག་ཏ་ཨ་དྷི་ཏིཥྛ་ནྟུ་སྭཱ་ཧཱ། ཞེས་བྱ་བས་ལག་པ་བཀྲུ་བར་བྱའོ། །ཨོཾ་མ་ཎི་དྷ་རི་བཛྲ་ཎི་མ་ཧཱ་པྲ་ཏི་སཱ་རི་རཀྵ་རཀྵ་མཾ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་བྱ་བས་རང་གི་མགོ་བོ་ལ་མེ་ཏོག་བཞག་པས་བདག་ཉིད་བསྲུང་བར་བྱའོ། །དེ་ནས་མཎྜལ་དེ་ཉིན་མོ་
[37b.6]དང་མཚན་མོའི་དབྱེ་བས་ཉི་མ་དང་ཟླ་བར་བསམས་ཏེ། ཨོཾ་ཙནྡྲཱ་ར་ཀ་བི་མ་ལེ་སྭཱ་ཧཱ། ཞེས་བྱ་བས་བྱིན་གྱིས་བརླབ་པར་བྱའོ། །དེ་ནས་སྔར་གྱི་མེ་ཏོག་དེ་བསལ་ཏེ། ཨོཾ་བཛྲ་གུ་རུཿསྭཱ་ཧཱ། ཞེས་བྱ་བས་དབུས་སུ་མེ་ཏོག་གཅིག་བཞག་གོ། །དེ་བཞིན་དུ་ཤར་དང་བྱང་དང་ནུབ་དང་ལྷོ་
[37b.7]རྣམས་སུ་ཨོཾ་སརྦ་སུནྡ་རི་སྭཱ་ཧཱ། ཨོཾ་པྲི་ཡ་ཏ་ཨུཏྟ་མཾ་སྭཱ་ཧཱ། ཨོཾ་ད་ཡ་ཀཱ་ཏཱ་རཱ་སྭཱ་ཧཱ། ཨོཾ་བི་ལཱ་ས་བཛྲ་སྭཱ་ཧཱ། ཞེས་བྱ་བས་སོ། །མེ་དང་བདེན་བྲལ་དང་རླུང་དང་དབང་ལྡན་རྣམས་སུ། ཨོཾ་བུདྡྷ་ལོ་ཙཱ་ནི་སྭཱ་ཧཱ། ཨོཾ་མཱ་མ་ཀཱི་སྭཱ་ཧཱ། ཨོཾ་པཎྜ་རཱ་བཱ་སཱི་སྭཱ་ཧཱ། ཨོཾ་ཏཱ་རེ་སྭཱ་ཧཱ། ཞེས་བྱ་བས་མེ་ཏོག་དགོད་དོ། །དེ་ནས་
[38a]
[38a.1]སྐད་ཅིག་གི་སྦྱོར་བས་དབུས་ཀྱི་མེ་ཏོག་གི་སྟེང་དུ་རྡོ་རྗེ་སེམས་དཔའི་རོལ་པས་བཞུགས་པའི་བླ་མ་བསྒོམ་པར་བྱའོ། །དེ་ནས་ཕྱོགས་བཞིར་རིམ་པ་བཞིན་དུ་སྔོ་བ་དང་ལྗང་བ་དང་དམར་བ་དང་། སེར་བའི་ཁ་དོག་ཅན། ཐམས་ཅད་མཛེས་མ། དགའ་བའི་མཆོག་
[38a.2]མ་དང་། ཤིན་ཏུ་བརྩེ་མ་དང་། རོལ་པའི་རྡོ་རྗེ་མ་སྟེ་ཐམས་ཅད་ཞལ་གཅིག་ཕྱག་གཉིས་མ་སྣ་ཚོགས་པའི་གོས་དང་རྒྱན་དང་ལྡན་པ་ལང་ཚོ་ལ་བབས་པ་ཀིམྦ་ཀའི་འབྲས་བུ་ཕྱེད་མར་བཀས་པ་ལྟ་བུའི་ནུ་མ་ཅན་ཆགས་པའི་སེམས་ཀྱིས་ཟུར་མིག་ཏུ་ལྟ་བ་ལག་ན་རིན་པོ་ཆེ་དང་སྣ་
[38a.3]ཚོགས་པའི་མཆོད་པའི་སྙིམ་པས་གཙོ་བོ་ལ་སྟོབས་པར་བྱེད་པ་དང་། མེ་ལ་སོགས་པའི་མཚམས་རྣམས་སུ་དཀར་བ་དང་སྔོ་བ་དང་དམར་བ་དང་ལྗང་བའི་ཁ་དོག་ཅན་གྱི། སངས་རྒྱས་སྤྱན་མ་དང་། མཱ་མ་ཀཱི་དང་། གོས་དཀར་མོ་དང་། སྒྲོལ་མ་རྣམས་ཞལ་གཅིག་ཕྱག་གཉིས་མ།
[38a.4]ཕྱག་གཡས་པ་རྣམས་ནི་རིམ་པ་བཞིན་དུ་འཁོར་ལོ་དང་། རྡོ་རྗེ་དང་། པདྨ་དང་། ཨུཏྤལ་ཐོགས་པ། གཡོན་པ་རྣམས་ཀྱིས་མཆོད་པ་སྣ་ཚོགས་འཛིན་པས་གཙོ་བོ་ལ་སྟེར་བ་སྟེ་རྒྱན་ལ་སོགས་པ་ཐམས་ཅད་སྔར་དང་འདྲ་བ། ཐམས་ཅད་ཀྱང་སྒེག་ཅིང་རོལ་པའི་འདུག་སྟངས་ཅན་
[38a.5]གསལ་བར་བསམས་ལ། ཨོཾ་བཛྲ་སཏྭ་གུ་རུ་པཱ་ཏེ་བྷྱཿསརྦ་སཏྭ་དེ་བྷྱཿསརྦ་སཏཱ་ནཔ་ཀ་ར་ཎཱ་ཡ་སྭཱ་ཧཱ། ཞེས་བྱ་བས་ཕྱག་བྱས་ཏེ་དབུལ་བར་བྱའོ། །དེ་ནས་ལྷ་མོ་རྣམས་སློབ་དཔོན་ལ་ཐིམ་པས་ཐུགས་དགྱེས་པར་བསམས་ཏེ། ཨོཾ་ཨཱཿ་ཧཱུཾ་མུཿཞེས་བརྗོད་པས་གཤེགས་སུ་གསོལ་བར་བྱའོ། །དེ་ནས་མེ་
[38a.6]ཏོག་བསྡུས་ཏེ་རང་གི་མགོ་བོར་བཞག་ལ་ཇི་ལྟར་བདེ་བར་གནས་པར་བྱའོ། །དཔལ་ལྡན་མཁའ་འགྲོ་རྒྱ་མཚོ་ཡི། །རྒྱུད་རྒྱལ་མན་ངག་གིས་བསྲུངས་ནས། །མཎྜལ་རིན་ཆེན་ཕུལ་གང་དེས། །འགྲོ་ཀུན་ཆོས་རྒྱལ་འཁོར་སྒྱུར་ཤོག །རིན་པོ་ཆེ་མརྒད་མཁས་པ་ཛ་ཡ་སེ་ནའི་
[38a.7]གསུང་། དཔལ་ཡེ་ཤེས་རྡོ་རྗེས་བསྒྱུར་བ་རྫོགས་སོ། །{T1520}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦ་ར་སྟོ་ཏྟྲ་ནཱ་མ། བོད་སྐད་དུ། དཔལ་འཁོར་ལོ་སྡོམ་པའི་བསྟོད་པ་ཞེས་བྱ་བ། བཅོམ་ལྡན་འདས་ཧེ་རུ་ཀ་ལ་ཕྱག་འཚལ་ལོ། །ཧཱུཾ། ཆོས་ཉིད་དབྱིངས་ལས་
[38b]
[38b.1]བཞེངས་པའི་སྐུ་མཆོག་ནི། །ཉོན་མོངས་རྣམ་དག་ཡེ་ཤེས་སྐུ་བརྙེས་ཤིང་། །དུས་མཐའི་མེ་དཔུང་ལྟ་བུའི་ཀློང་དཀྱིལ་ནས། །རི་རབ་ཆུ་སྐྱེས་ཉི་མའི་གདན་སྟེང་ན། །ཞལ་གཅིག་ཕྱག་གཉིས་དཔའ་བོ་ཆེན་པོའི་སྐུ། །ཞབས་གཉིས་བརྐྱང་བསྐུམ་འཇིགས་བྱེད་དུས་མཚན་མནན། །
[38b.2]སྐུ་མདོག་མཐིང་ག་མཁའ་ལྟར་དག་པའི་འོད། །གཅེར་བུ་གླང་ཆེན་སྟག་གི་ཤམ་ཐབས་ཅན། །ཞལ་གདངས་ཚེམས་གཙིགས་ཧཱུཾ་གི་འབྲུག་སྒྲ་སྒྲོགས། །དཔྲལ་བའི་ཁྲོ་གཉེར་སྤྱན་གསུམ་གློག་ལྟར་འཁྱུག །རལ་པའི་ཐོར་ཚུགས་ཟླ་ཕྱེད་རྡོ་རྗེ་དང་། །ཐོད་པ་ནོར་བུ་མི་བསྐྱོད་རྟགས་
[38b.3]ཀྱིས་མཛེས། །སྒེག་པ་དཔའ་བ་འཇིགས་སུ་རུང་བ་དང་། །རྒོད་དང་གཤེ་དང་རྔམ་པའི་ངང་ཚུལ་ཅན། །སྙིང་རྗེ་ཞི་དང་རྨད་དུ་བྱུང་བའི་ཉམས། །གར་གྱི་རྣམ་འཕྲུལ་ནམ་མཁའ་ཁྱབ་པར་སྟོན། །འཁོར་ལོ་རྣ་ཆ་མགུལ་རྒྱན་གདུབ་སྐོར་དང་། །སྐེ་རགས་ཐལ་ཆེན་ཚངས་པའི་སྐུད་པ་
[38b.4]ཅན། །མི་མགོའི་དོ་ཤལ་རྡོ་རྗེ་དྲིལ་བུ་འཁྱུད། །དཔལ་ལྡན་ཧེ་རུ་ཀ་ལ་ཕྱག་འཚལ་ལོ། །གཉིས་མེད་ཚུལ་གྱིས་བཅོམ་ལྡན་འདས་མ་ཡང་། །སྐུ་མདོག་དམར་མོ་གཅེར་བུ་སྐྲ་གྲོལ་ཞིང་། །ཕྱག་རྒྱ་ལྔ་དང་རྡོ་རྗེ་ཐོད་པ་འཁྱུད། །ཕུང་པོ་ཁམས་དང་སྐྱེ་མཆེད་རང་བཞིན་ལ། །
[38b.5]མ་ལུས་རྒྱལ་བའི་རིགས་རྣམས་ཡོངས་སུ་རྫོགས། །སྲིད་པ་རྣམ་དག་སྐུ་ཡི་ཡན་ལག་ལ། །ཉི་ཤུ་རྩ་བཞི་ཡུལ་གྱིས་རྣམ་པར་བརྒྱན། །ཁྱོད་ནི་ཁམས་ཀྱི་རང་བཞིན་དཔའ་བོ་དང་། །རྩ་ཡི་རང་བཞིན་དཔའ་མོ་ཉི་ཤུ་བཞི། །བྱེ་བའི་གྲངས་སྙེད་མ་ལུས་འཁོར་བཅས་ཀུན། །གནས་
[38b.6]དང་ཉེ་གནས་ཞིང་དང་ཉེ་ཞིང་སོགས། །ས་བཅུའི་གནས་སུ་གཉིས་མེད་དགྱེས་པར་རོལ། །བདེ་ཆེན་ལོངས་སྤྱོད་རྫོགས་ལ་རྣམ་རོལ་ཞིང་། །རྣམ་དག་སྐྱེ་མཆེད་ལས་ཀྱང་འཁོར་ལོ་བཞི། །ལུས་ཀྱི་རྣམ་དག་རང་བཞིན་གཞལ་ཡས་ཁང་། །རྣམ་ཤེས་བརྒྱད་ལས་སྤྲུལ་བའི་དུར་
[38b.7]ཁྲོད་བརྒྱད། །དངོས་དང་དངོས་མིན་རང་བཞིན་བཅོམ་ལྡན་འདས། །ཀུན་གྱི་བདག་ཉིད་རྣལ་འབྱོར་དབང་ཕྱུག་གཙོ། །མ་ལུས་གཅིག་ཏུ་འདུས་པའི་སྐུར་གྱུར་པ། །དཔལ་ལྡན་ཁྲག་འཐུང་ཁྱོད་ལ་ཕྱག་འཚལ་ལོ། །ཁྱོད་ཀྱི་འོད་ཟེར་གློག་ཙམ་མཐོང་བ་ལས། །ངོ་མཚར་འཛིན་པའི་ཡིད་
[39a]
[39a.1]ཀྱིས་བདག་བསྟོད་ན། །མཁའ་དང་མཉམ་པའི་འགྲོ་བ་མ་ལུས་ཀུན། །མགོན་པོ་ཁྱོད་ཀྱིས་ཐུགས་རྗེས་གཟུང་དུ་གསོལ། །དམ་ཚིག་བརྟུལ་ཞུགས་སྤྱོད་པའི་རྣལ་འབྱོར་ལ། །བརྩེ་བའི་ཐུགས་ཀྱིས་བུ་བཞིན་དགོངས་ནས་ཀྱང་། །བར་ཆད་བདུད་དཔུང་ཞི་བར་མཛད་དུ་གསོལ། །དུར་
[39a.2]ཁྲོད་ལ་སོགས་གནས་སུ་སྲོག་དོར་ནས། །ཁྱོད་ཀྱི་རྣལ་འབྱོར་རྟག་ཏུ་བརྩོན་པ་ལ། །ཡེ་ཤེས་ཡར་ངོའི་ཟླ་ལྟར་འཕེལ་བ་དང་། །དངོས་གྲུབ་ཚུལ་བཞིན་འགྲུབ་པར་མཛད་དུ་གསོལ། །སངས་རྒྱས་ཕྲིན་ལས་བྱེད་པའི་རྣལ་འབྱོར་ལ། །མཁྱེན་པ་ཉི་འོད་ལྟ་བུར་རབ་རྒྱས་ཏེ། །ཡོན་ཏན་གཟི་བརྗིད་ཆེན་པོ་བསྐྱེད་དུ་གསོལ།
[39a.3]མཐའ་ཁོབ་ཀླ་ཀློའི་གནས་སུ་འཁྱམས་པ་དང་། །ལོག་རྟོག་བདུད་ཀྱིས་བཅིངས་པའི་སེམས་ཅན་རྣམས། །ཁྱོད་ཀྱི་རྣམ་སྤྲུལ་མཐོང་ཐོས་དྲན་པས་ཀྱང་། །མགོན་པོ་ཁྱོད་ཀྱིས་གདུལ་བྱར་གཟུང་དུ་གསོལ། །དཔལ་འཁོར་ལོ་སྡོམ་པའི་བསྟོད་པ་སློབ་དཔོན་མི་ཏྲི་པས་མཛད་པ་རྫོགས་སོ། །{T1521}༄།།དཔལ་མཁའ་འགྲོ་རྒྱ་མཚོའི་མངོན་པར་
[39a.4]དབང་བསྐུར་བའི་ཆོ་ག་བཞུགས་སོ། ། ༄༅༅། །བཅོམ་ལྡན་འདས་དཔལ་མཁའ་འགྲོ་རྒྱ་མཚོ་ལ་ཕྱག་འཚལ་ལོ། །གདོད་ནས་དག་པ་དྲི་མ་མེད། །སྤྲོས་པ་མེད་ཅིང་བརྗོད་དུ་མེད། །ཐམས་ཅད་གཡོགས་ནས་རྣམ་པར་འཕྲུལ། །མཁའ་འགྲོ་རྒྱ་མཚོ་ལ་ཕྱག་འཚལ། །དེ་ཉིད་ངོ་བོ་དབྱེར་མེད་པ། །འཁོར་བ་པ་ཡི་ཚུལ་
[39a.5]བཟུང་ནས། །རང་གི་གདུལ་བྱའི་དོན་མཛད་པ། །བླ་མའི་ཚོགས་ལ་ཕྱག་འཚལ་ལོ། །རྡོ་རྗེ་ཐེག་པའི་ཚུལ་ཆེན་ལ། །རང་རང་དཀྱིལ་འཁོར་མ་ཞུགས་ན། །བསྒྲུབ་པར་འདོད་པ་མ་ཡིན་ཕྱིར། །དཔལ་ལྡན་མཁའ་འགྲོ་རྒྱ་མཚོ་ཡི། །དབང་བསྐུར་རིམ་པ་སྐྱོན་མེད་པ། །བླ་མའི་མན་ངག་བྲི་བར་བྱ། །གང་ཞིག་རང་
[39a.6]གི་རྒྱུད་རྣམས་སུ། །ཆོ་ག་རྫོགས་པར་མ་གསུངས་པ། །དེ་ནི་རྒྱུད་མཆོག་གཞན་རྣམས་ལས། །རྫོགས་མཛད་མཁས་པ་རྣམས་ཀྱང་བཞེད། །དེ་ལ་སློབ་མ་གཙང་བ་བརྩོན་འགྲུས་དང་ལྡན་པ། །འདོད་ཆགས་དང་ཞེ་སྡང་དང་གཏི་མུག་ལ་སོགས་པ་སྤངས་པ། །གཞན་གྱི་རིག་པ་སུན་མི་འདོན་པ་ཡོན་ཏན་
[39a.7]ཐམས་ཅད་དང་ལྡན་པའི་སློབ་མས། སློབ་དཔོན་གྱི་མཚན་ཉིད་ཀྱང་། སེམས་ཅན་ཀུན་ལ་ཕན་པ་ཉིད། །མི་འཇིགས་པ་ཡི་སྟོབས་ཉིད་དང་། །སྔགས་དང་རྒྱུད་ཀྱི་སྦྱོར་བ་ཤེས། །སྦྱོར་བ་བཟོ་དང་སྒྱུར་རྩལ་སོགས། །མཐུན་པའི་ངག་དང་ཐམས་ཅད་ལ། །བུ་གཅིག་པ་ལྟར་མཐུན་པ་དང་། །གཏོང་བ་སོགས་ལ་རྟག་ཏུ་དགའ། །
[39b]
[39b.1]བསམ་གཏན་ཏིང་འཛིན་དེ་མཆོག་གཞོལ། །ཇི་ལྟར་སྨྲས་པ་དེ་བཞིན་བྱེད། །འཚེ་བ་མེད་ཅིང་བདེན་པའི་ངག །སེམས་ཅན་ཀུན་ལ་ཐུགས་བརྩེ་དང་། །ལམ་དུ་འཇུག་པ་དེ་མཐར་ཕྱིན། །ཀུན་མཁྱེན་ཡོན་ཏན་དང་མཉམ་དང་། །བསྟན་བཅོས་ཀུན་གྱི་ཕ་རོལ་སོན། །མགོན་མེད་རྣམས་ཀྱི་ཕ་དང་མ། །ཕྱག་རྒྱ་བརྡ་ནི་བྱེད་
[39b.2]པ་པོ། །གཞན་ཡང་དེ་བཞིན་གཤེགས་པའི་བསྟན་བཅོས་མང་དུ་ཐོས་པ། སྔགས་དང་རྒྱུད་ཀྱི་ཆོ་ག་ཤེས་པ། བཟོད་པ་དང་ལྡན་པ་ཐམས་ཅད་ཀྱི་མཚན་ཉིད་ཤེས་པ། དཔལ་མཁའ་འགྲོ་རྒྱ་མཚོའི་དཀྱིལ་འཁོར་དུ་དབང་བསྐུར་བ་ཐོབ་པ་དེ་ཉིད་ཀྱི་རྣལ་འབྱོར་ལ་བརྩོན་པའི་བླ་མ་ལ་མཎྜལ་
[39b.3]ལ་སོགས་པའི་སྒོ་ནས་ཇི་སྲིད་དུ་མཉེས་པར་མ་གྱུར་པ་དེ་སྲིད་འབད་པས་མཉེས་པར་བྱའོ། །དེ་ནས་བླ་མས་བུ་ཁྱོད་ཅི་འདོད། །ཅེས་དྲིས་ཏེ་དེས་ཀྱང་རང་གིས་བསམ་པ་སྨྲ་བར་བྱའོ། །དེ་ནས་སློབ་མས་བླ་མ་ལ་མཆོད་པའི་སྤྲིན་གྱིས་རབ་ཏུ་མཆོད་དེ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ་
[39b.4]པྲ་ཎཱ་མེ་ན་བཛྲ་པནྡྷ་ནཾ་ཀ་རོ་མི་ཞེས་བྱ་བའམ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ་ཌཱ་ཀི་ནཱི་ཛཱ་ལ་སམྦ་ར་སྭཱཧཱ། ཞེས་བྱ་བས་ཕྱག་བྱའོ། །དེ་བཞིན་གཤེགས་ཀུན་ཞི་བ། །དེ་བཞིན་གཤེགས་པ་ཀུན་གྱི་གནས། །ཆོས་ཀུན་བདག་མེད་པ་ཡི་མཆོག །དཀྱིལ་འཁོར་དམ་པ་བཤད་
[39b.5]དུ་གསོལ། །མཚན་ཉིད་ཐམས་ཅད་ཡང་དག་རྫོགས། །མཚན་མིན་ཐམས་ཅད་ཡང་དག་སྤངས། །ཀུན་དུ་བཟང་པོ་སྐུ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །ཞི་བའི་མཆོག་ཆོས་ལས་བྱུང་བའི། །ཡེ་ཤེས་སྤྱོད་པ་རྣམ་སྦྱོང་བ། །ཀུན་དུ་བཟང་པོ་གསུང་གི་མཆོག།
[39b.6]དཀྱིལ་འཁོར་དམ་པ་བཤད་དུ་གསོལ། །སེམས་ཅན་ཀུན་གྱི་སེམས་ཆེན་པོ། །དེ་བཞིན་དག་པ་དྲི་མ་མེད། །ཀུན་དུ་བཟང་པོ་ཐུགས་ཀྱི་མཆོག །དཀྱིལ་འཁོར་སྙིང་པོ་བཤད་དུ་གསོལ། །ཞེས་བྱ་བའི་བསྟོད་པས་བླ་མ་ལ་ལན་གསུམ་དུ་གསོལ་བ་གདབ་པར་བྱའོ། །གང་ཕྱིར་
[39b.7]གསོལ་བཏབ་བླ་མ་ཡིས། །ཡིད་ཀྱིས་འདི་ལྟར་རིམ་པར་བྱ། །དཔལ་སྡོམ་འཁོར་ལོར་གསུངས་པ་ཡི། །ཆོ་ག་ཡི་ནི་སྐྱེ་བོ་ཀུན། །བདག་གིས་འབད་པས་དྲང་བྱ་བ། །བདེ་བ་མཆོག་ཀྱང་ཐོབ་འགྱུར་བྱ། །འདིས་ནི་བླ་མེད་ཡང་དག་རྫོགས། །བྱང་ཆུབ་ངེས་པར་སྟེར་བར་
[40a]
[40a.1]འགྱུར། །ཞེས་སེམས་སྐྱེད་དེ།སློབ་མ་ལ་འདི་སྐད་བརྗོད་པར་བྱའོ། །འཁོར་བའི་རྒྱ་མཚོར་བྱིང་བ་ནི། །དེ་རྣམས་ཉོན་མོངས་འདམ་གྱིས་གོས། །རྒལ་བར་མི་ནུས་པ་ཡི་སེམས། །ཤིན་ཏུ་སྡུག་བསྔལ་ཚོགས་རྣམས་ལ། །ཉན་ཐོས་ལ་སོགས་
[40a.2]བསྒྲལ་བ་དང་། །བྱང་ཆུབ་སེམས་དཔའ་རྒྱལ་བའི་སྲས། །དཔའ་རྣམས་བདེ་ཆེན་ཐོབ་པ་ཡིས། །འཁོར་ལོ་བཅུ་གཉིས་དྲི་མ་སྤངས། །བླ་ན་མེད་པའི་དཀྱིལ་འཁོར་དུ། །རབ་ཏུ་འཇུག་པར་ཁྱོད་སྤྲོའམ། །ཞེས་ལན་གསུམ་དུའོ། །འགྲོ་བ་དྲང་བའི་བསམ་པས་ཚིགས་སུ་
[40a.3]བཅད་པ་གང་མའི་རྗེས་སུ་བདག་སྤྲོའོ་ཞེས་ལན་གསུམ་དུ་སློབ་མས་བརྗོད་པར་བྱའོ། །དེ་ནས་བླ་མས་ཁྱོད་ཀྱི་ཉེ་བར་མཁོ་བ་ཐམས་ཅད་ཚོགས་སམ་ཞེས་ལན་གསུམ་དྲི་བར་བྱའོ། །དེ་ནས་སློབ་མས་ཅུང་ཟད་མ་ཚོགས་ཞེས་གསོལ་བར་བྱའོ། །དེ་རྣམས་ནི་གསོལ་བ་གདབ་པའི་
[40a.4]ཆོ་གའོ། །དེ་ནས་གསོལ་བ་གདབ་པའི་བླ་མས་ཡིད་ལེགས་པར་མཉམ་པར་གཞག་པས་འོག་ནས་འཆད་པའི་མཁའ་འགྲོ་རྒྱ་མཚོའི་དཀྱིལ་འཁོར་གྱི་ཆོ་ག་ལེགས་པར་ཁོང་དུ་ཆུད་པར་བྱས་ཏེ་སློབ་མ་ལེགས་པར་མཉམ་པར་གཞག་པ་ལ་དཔལ་མཁའ་འགྲོ་རྒྱ་མཚོའི་རྣལ་འབྱོར་སྔོན་
[40a.5]དུ་སོང་བའི་བླ་མས་དེའི་སྤྱི་བོ་དང་མགྲིན་པ་དང་སྙིང་གར་རིམ་པ་བཞིན་ཧེ་རུ་ཀའི་ཡི་གེ་བསམས་ཏེ། ཧེ་ནི་རྒྱུ་སོགས་སྟོང་པ་ཉིད། །རུ་ནི་ཚོགས་དང་བྲལ་བ་སྟེ། །ཀ་ནི་གང་དུའང་མི་གནས་པའོ། །ཞེས་བྱ་བའི་དོན་དྲན་པས་སློབ་མ་རང་བཞིན་མེད་པར་བྱས་ལ། ཆོ་ག་གསུམ་གྱིས་
[40a.6]དཔལ་མཁའ་འགྲོ་རྒྱ་མཚོར་བསྐྱེད་ལ། རང་གི་སྙིང་ག་ནས་ཕྱུང་བའི་མཁའ་འགྲོ་མ་ལ་སོགས་པ་ཉི་ཤུ་རྩ་བཞིས་དབང་བསྐུར་བར་བྱས་ཏེ་བདུད་རྩིས་ཁྲུས་བྱའོ། །དེ་ལ་སྐུ་གསུང་ཐུགས་བྱིན་གྱིས་བརླབ་པ་དང་། འདི་ཉིད་ཀྱི་ཚུལ་གྱིས་ཆོ་ག་བྱའོ། །དེ་དག་ནི་སློབ་མ་ཡོངས་སུ་བཟུང་
[40a.7]བའོ། །དེ་ནས་བསྙེན་པ་བརྩམ་བྱ་སྟེ། །མཁའ་འགྲོ་རྒྱ་མཚོའི་རྣལ་འབྱོར་བ། །དེ་ཡི་སྔགས་དང་རྣལ་འབྱོར་རིགས། །དཀྱིལ་འཁོར་ཡང་དག་ཇི་ལྟ་བ། །རབ་ཏུ་བསྟན་པར་སུ་ཡིས་ནུས། །རང་གི་ལྷ་ཡི་རྣལ་འབྱོར་གྱིས། །དཀྱིལ་འཁོར་དག་ནི་བརྟགས་ན་འགྲུབ། །རང་
[40b]
[40b.1]གི་ལྷ་ཡི་རྣལ་འབྱོར་ནི། །མངོན་པར་རྟོགས་པ་བཤད་པ་ཡི། །རིམ་པ་ལེགས་པར་བསྒོམ་ལྡན་པས། །བདག་པོའི་རིམ་པ་འབུམ་ཕྲག་གཅིག །ཡུམ་གྱི་དེ་ཕྱེད་འཁོར་གྱི་ཁྲི། །གསང་སྔགས་རྒྱལ་པོ་མ་ཉམས་བཟླ། །དེ་དག་ནི་སྔོན་དུ་བསྙེན་པའི་ཆོ་གའོ། །དཀྱིལ་འཁོར་
[40b.2]བྲི་བར་རུང་བ་ཡི། །འདིར་ནི་ཕྱོགས་ཀྱི་ས་བཤད་དེ། །ལྷ་གང་དང་ནི་སྐྱེད་ཚལ་གྲོང་། །གྲོང་ཁྱེར་དང་ནི་ཚོང་དུས་ཀྱི། །ཤར་གྱི་ཕྱོགས་ནས་བརྩམས་ནས་ནི། །ཇི་སྲིད་བྱང་ཕྱོགས་ལ་སོགས་པའི། །ཕྱོགས་བདུན་དག་ནི་སྤང་བར་བྱ། །ཤར་ཕྱོགས་དཀྱིལ་འཁོར་བྲིས་
[40b.3]གྱུར་ན། །བཟོད་ལྡན་པ་ཡང་བཟོད་མེད་འགྱུར། །ལྷོ་ཕྱོགས་ཆར་ནི་དཀྱིལ་འཁོར་བྲི། །སྐྱེ་བོ་འཆི་དང་སྣ་ཚོགས་པའི། །ཉེ་བར་འཚེ་བ་འབྱུང་བར་འགྱུར། །སློབ་མ་དེ་ནི་འཆི་འགྱུར་ཏེ། །ལུང་རིགས་དག་འདི་གཞན་དུ་མིན། །ནུབ་ཀྱི་ཕྱོགས་སུ་སློབ་དཔོན་འཆི། །
[40b.4]བྱང་གི་ཕྱོགས་སུ་ཞུགས་པ་ཡི། །དེ་བཞིན་མེ་ཡི་ཕྱོགས་ཆ་རུ། །ཆར་ཆེན་པོ་ནི་འབབ་འགྱུར་ཏེ། །ལྷོ་དང་ནུབ་ཀྱི་མཚམས་ལ་ནི། །མུ་གེ་ཆེན་པོ་འབྱུང་བར་འགྱུར། །ནུབ་ཀྱི་ཕྱོགས་སུ་བྲིས་པ་ཡི། །དེ་ཡིས་རླུང་དང་ཆར་པ་འབྱུང་། །མཆོད་རྟེན་གདན་དུའང་འཆི་
[40b.5]བར་འགྱུར། །གང་ཞིག་ཀླུ་ཡིས་བྱིན་བརླབས་ཆུ། །ཤིང་གྲིབ་རྩ་བ་འཁྲིགས་དེ་བཞིན། །དེ་ཕྱིར་དབང་ལྡན་བླ་ན་མེད། །དེ་ཡི་གནས་ཀྱི་ས་ཡི་ནི། །ཁ་དོག་རིམ་པར་ཤེས་པར་བྱ། །བྲམ་ཟེ་རྒྱལ་རིགས་རྗེའུ་རིགས་དང་། །དམངས་རིགས་དང་ནི་རྣམ་བཞིའོ། །བྲམ་ཟེ་
[40b.6]དཀར་པོར་ཤེས་བྱས་ཏེ། །སེར་པོ་རྒྱལ་པོའི་རིགས་སུ་འདོད། །རྗེ་རིགས་དམར་པོར་ཤེས་པར་བྱ། །ནག་པོ་དམངས་རིགས་སུ་རབ་གྲགས། །དཀར་པོ་ས་ཡི་ཕྱོགས་སུ་ནི། །དེ་ལ་གདན་ནི་སྤྱི་བླུགས་དང་། །དབྱུག་པ་བགྲང་ཕྲེང་རྟག་ཏུ་ནི། །རིག་པ་དང་ནི་བློ་འགྲུབ་འགྱུར། །ཚད་
[40b.7]དང་ལྡན་ཞིང་སྣུམ་པ་དང་། །མཐོ་དང་དམའ་བའི་སྐྱོན་སྤང་བའི། །ཤར་དང་བྱང་དུ་གཞོལ་ཉམས་དགའ། །ས་ཡི་ཆ་ཡིན་ས་སྦྱང་བྱ། །ཐོད་པ་རྩ་བ་རུས་པ་སྐྲ། །ཕུབ་མ་རྡོ་བ་གསེག་མ་དང་། །ཐལ་བ་སོལ་བ་སྲིན་བུ་ནི། །ཁྲུ་དོ་ཙམ་དུ་བརྐོས་ལ་ཡང་། །སྲོག་ཆགས་བཅས་
[41a]
[41a.1]ན་རླུང་ཆེན་འབྱུང་། །རུས་པར་བཅས་ལ་ཟུག་རྔུ་འབྱུང་། །གསེག་མར་བཅས་ན་ལྐུགས་པར་འགྱུར། །ཕུབ་མ་སོལ་བ་ལ་ནི་རིམས། །སྐྲ་དང་རྩ་བ་ཤིང་སོགས་བཅས། །གནོད་པ་ཕྲ་མོ་འབྱུང་བར་འགྱུར། །དེ་ཕྱིར་ཤིས་པ་འདོད་པ་ཡིས། །འབད་པས་ས་ཡི་
[41a.2]ཆ་སྦྱང་བྱ། །དཀྱིལ་འཁོར་ཁྲུ་ནི་བརྒྱད་པར་འདོད། །གཞན་དག་རྒྱལ་པོ་ལ་ཁྲུ་བརྒྱད། །མཐའ་སྐྱེས་རྣམས་ཀྱི་དེ་ཡི་ཕྱེད། །གཙོ་བོ་རྣམས་ཀྱི་དེའི་ཕྱེད་གསུངས། །ཚོང་དཔོན་རྣམས་ཀྱི་ཁྲུ་བཅུ་གཉིས། །སྒྲུབ་པོ་རྣམས་ཀྱི་ཁྲུ་དྲུག་པ། །དཀྱིལ་འཁོར་རིམ་པ་འདི་གསུངས་པ། །
[41a.3]ཇི་ལྟའི་ལུང་གི་དོན་གསུངས་པའི། །རང་གིས་ཇི་ལྟར་ནུས་པ་བྲི། །དེ་ལ་རེ་ཞིག་ཐོག་མ་རུ། །མཁས་པས་མངོན་འདོད་ས་ཡི་ཆར། །སློབ་དཔོན་རང་གི་ལྷའི་རྣལ་འབྱོར་སྔོན་དུ་སོང་བས་རྩ་བའི་སྔགས་ཀྱིས་བགེགས་ཀྱི་ཚོགས་བསྐྲད་པར་བྱའོ། །དེ་ནས་དཀྱིལ་འཁོར་ཇི་ཙམ་བྱེད་
[41a.4]པའི་ས་པུས་མོ་ནུབ་ཙམ་དུ་བརྐོས་ཏེ་རུས་པ་ལ་སོགས་པའི་སྐྱོན་ཐམས་ཅད་བསལ་ཏེ། ས་དེ་ཉིད་ཀྱིས་བཀང་ལ་འཐས་པར་བཅགས་ཏེ། དེའི་དབུས་སུ་ཟབས་དང་རྒྱར་མཐོ་གང་བའི་ཁུང་བུ་བྱས་ཏེ་ཆུས་བཀང་ལ་རྩ་བའི་སྔགས་ཟློས་པས་ཤར་ཕྱོགས་སུ་གོམ་པ་བརྒྱར་ཕྱིན་ནས་
[41a.5]ལོག་པ་ན་ཆུ་དེ་མ་ཟད་ན་ཤིས་པར་འགྱུར་རོ། །དེ་ནས་དེའི་དབུས་སུ་དྲག་པོའི་ཐབ་བྱས་ཏེ་རུས་པའི་ཕྱེ་མ་དང་དུག་དང་ཁྲག་དང་སྐེ་ཚེ་ལ་སོགས་པ་བཅས་པས་དྲག་པོའི་སྦྱིན་སྲེག་བྱའོ། །དེ་ནས་ཡང་དེ་ཉིད་དུ་ཞི་བའི་ཐབ་བྱས་ཏེ་དེའི་སའི་བདག་པོའི་ཆེད་དུ་ཞི་བའི་སྦྱིན་སྲེག་བྱའོ། །དེ་
[41a.6]ནས་དཀྱིལ་འཁོར་བྱེད་པའི་སའི་ཆ་དེ་ས་གཞན་གྱིས་ཀྱང་བསྟོད་ལ་བཅག་པར་བྱའོ། །དེ་ནས་དེའི་ཕྱི་རོལ་དུ་དཀྱིལ་འཁོར་གྱི་ཁང་པ་གྲུ་བཞི་སྒོ་བཞི་རྟ་བབས་བཞི་ལ་སོགས་པས་བརྒྱན་པར་བྱས་ལ། དེར་ལུགས་མ་དང་ཐང་ཀ་དང་པོ་ཏི་དང་བླ་རེ་དང་མེ་ཏོག་གི་ཕྲེང་བ་དང་དྲི་ཞིམ་
[41a.7]པོ་དང་བདུག་སྤོས་དང་མར་མེ་དང་མེ་དང་ཤིང་རྣམས་དང་མེ་ཏོག་ཛཱ་ཏི་དང་ཙམ་པ་དང་པུ་ནྜ་ཀ་དང་ཀེ་ས་དང་། ནཱ་ག་གེ་སར་དང་། ཨཱུ་ཐི་ཀ་དང་། མ་ལི་ཀ་དང་ཀུནྡ་དང་པཱ་ཊ་ལ་དང་པདྨ་དང་ཨུཏྤལ་དང་ཀརྞི་ཀ་ལ་སོགས་པ་རྣམས་ཀྱིས་བཅལ་དུ་བཀྲམ་པ་དང་སྣ་ཚོགས་པའི་གོས་རྣམས་ཀྱིས་
[41b]
[41b.1]བརྒྱན་པར་བྱའོ། །ཕྱི་རོལ་རྒྱལ་མཚན་བ་དན་རྣམས། །ཆུ་ཤིང་སྡོང་པོས་རྣམ་པར་མཛེས། །དུང་དང་ཟངས་དུང་རོལ་མོ་ནི། །སྣ་ཚོགས་སིལ་སྙན་གྱིས་བརྒྱན་བྱས། །ཉེ་བར་བྱུག་པ་སོགས་ཕྱི་ནས། །འདི་རྣམས་ཀུན་གྱིས་བརྒྱན་པར་བྱ། །དེ་ནས་ས་ལ་གསོལ་བ་འདེབས་པ་ལ་
[41b.2]སོགས་པ་བྱས་ཏེ། དེ་ནས་ཡང་རང་གི་ལྷའི་རྣལ་འབྱོར་སྔོན་དུ་སོང་བས་བདུད་རྩི་འཁྱིལ་བའི་སྔགས་སམ་དུམ་སྐྱེས་མའི་སྔགས་བཟླས་པའི་དྲི་ཞིམ་པོའི་ཆུས་བསང་གཏོར་བྱའོ། །དེ་ནས་ཙནྡན་གྱིས་ལེགས་པར་བྱུགས་པར་བྱས་ཏེ། ལག་པ་གཡས་པ་ས་ལ་རེག་ནས་ཡི་གེ་ཧཱུཾ་
[41b.3]ཞེས་བྱ་བ་ལན་བརྒྱར་བརྗོད་པར་བྱའོ། །དེ་བཞིན་དུ་ཡི་གེ་བརྒྱ་པ་ལན་བདུན་དུའོ། །དེ་ནས་ཚེས་ནི་བཅུ་གསུམ་ལ། །བསྒོམ་པའི་ཡིད་ནི་བརྟན་གྱུར་ཅིང་། །སྔོན་དུ་བསྙེན་པ་བསྒྲུབ་པ་ཡིས། །སྔགས་རིག་པ་ནི་རྗེས་གནང་ཐོབ། །འཁོར་ལོ་བཅུ་གཉིས་ནམ་མཁའ་ལ། །
[41b.4]མངོན་སུམ་བཞིན་དུ་ངེས་པར་རོ། །དེ་ཡི་གཟུགས་བརྙན་བྱུང་ནས་ནི། །ཕྱི་ནས་དཀྱིལ་འཁོར་བརྩམ་པར་བྱ། །བློ་ལྡན་སློབ་མ་ཡོན་ཏན་ལྡན། །དེ་བཞིན་ཡོ་བྱད་ཡོངས་སུ་རྫོགས། །སྔོན་དུ་འདུས་བྱས་སའི་དབུས་སུ། །ས་ལ་རེག་པས་ཉེར་གནས་པའི། །འདོད་པའི་ཡན་
[41b.5]ལག་ཅན་མ་བསྐུལ། །ཀུན་ནས་ས་ལ་གསོལ་བ་གདབ། །མཁའ་འགྲོ་རྒྱ་མཚོའི་འབྱོར་ལྡན་པས། །ལག་པ་གཡས་པ་ཟླ་དཀྱིལ་ལ། །འོད་ཟེར་བཟང་པོས་འཁྲིགས་འཕྲོ་བས། །ཧཱུཾ་ཞེས་བྱ་བ་གསུམ་དགོད་བྱ། །སོར་མོའི་རྩེ་མོས་ས་དེ་ལ། །མཁས་པས་ལན་གསུམ་བསྣུན་
[41b.6]པར་བྱས། །དེའི་སྒྲ་རྣམས་ཀྱིས་བསྐུལ་བ་དང་། །ཧཱུཾ་འོད་རྣམས་ཀྱིས་དེ་བཞིན་ནོ། །བཀུག་པའི་ལྷ་མོ་ཞི་བ་ཡིས། །ཁ་དོག་སེར་པོ་ན་བཟའ་དཀར། །བུམ་པ་དང་ནི་མི་འཇིགས་ཕྱག །དེ་ནི་རྒྱན་ཐམས་ཅད་ཀྱིས་བཀླུབས། །ཞལ་གཅིག་ཕྱག་ནི་གཉིས་པ་མོ། །མདུན་
[41b.7]དུ་བཞུགས་པ་རྣམས་བསམས་ནས། །མཆོད་ཡོན་སྦྱིན་སོགས་བྱས་ནས་ནི། །ཚིགས་བཅད་གཉིས་པོ་འདི་བརྗོད་བྱ། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་ཚུལ་ཁྱད་པར་རྣམས་སུ་ནི། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དཔང་དུ་གྱུར། །ཤཱཀྱ་སེང་གེ་སྐྱོབ་
[42a]
[42a.1]པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གིས་བདུད་ལས་ནི། །རྒྱལ་བར་བྱས་ཏེ་དཀྱིལ་འཁོར་བྲི། །ཞེས་ལན་གསུམ་བརྗོད་པར་བྱ། དེ་ནས་སོ་སོ་མཆོད་བྱས་ནས། །མངོན་པར་དགའ་བའི་སེམས་ཀྱིས་ནི། །ཞལ་གྱི་པདྨ་རབ་བཞད་ཅིང་། །
[42a.2]སྐུ་ཕྱེད་འཐོན་ནས་ལྷ་མོ་ནི། །མཉམ་པར་གཞག་པས་ངེས་བལྟས་ནས། །དེ་ལྟར་བགྱི་ཞེས་བརྗོད་ནས་ནི། །དེ་ལ་ཐིམ་པར་བསམ་པར་བྱ། །རྡོ་རྗེ་བཅིངས་པ་བརྐྱང་བྱས་ནས། །ས་ལ་དེ་ཡིས་གདབ་པར་བྱ། །ཨོཾ་བཛྲི་བྷ་བ་ཧཱུཾ་ཞེས་བྱ་བ་བརྗོད་པར་བྱའོ། །ཡང་ཨོཾ་བཛྲ་
[42a.3]དྲྀ་ཌྷ་ཏིཥྛ་ཞེས་བྱ་བ་བརྗོད་པར་བྱའོ། །བྱིན་གྱིས་བརླབས་པའི་ས་དེ་ནི། །རུང་བར་གྱུར་པའི་ས་ཡིན་ནོ། །ས་ལ་གསོལ་བ་གདབ་པའི་ཆོ་གའོ། །དེ་ནས་ཕྱི་ནས་སློབ་དཔོན་ནི། །ཕྱག་རྒྱའི་རྒྱན་གྱིས་བརྒྱན་པ་དང་། །གཙུག་ཏོར་དང་ནི་གོས་དཀར་བགོས། །ཙནྡན་སོགས་
[42a.4]པས་ཐིག་ལེ་གསུམ། །རྡོ་རྗེ་དྲིལ་བུ་བཟུང་བ་གང་། །སློབ་མ་ལེགས་པར་བསླབས་པ་རྣམས། །མཁའ་འགྲོ་རྒྱ་མཚོའི་རྣལ་འབྱོར་གྱིས། །སློབ་མ་རྣམས་ཀྱང་དཔའ་རྣམ་པ། །ཁཎྜ་རོ་ཧའི་གཟུགས་ཀྱིས་ནི། །སྒྲུབ་པའི་གྲོགས་མཆོག་སྤྲུལ་པར་བྱ། །མཆོད་པའི་ཆོ་ག་
[42a.5]སླར་བྱས་ནས། །བློ་དང་ལྡན་པས་བགེགས་བསལ་བྱ། །དེ་ལ་སློབ་དཔོན་རིམ་ཤེས་བྱ། །རྐང་པ་གཉིས་སུ་ཨཿལས་ནི། །འབར་བའི་ཕྲེང་བ་འཁྲུགས་པའི་འོད། །སྣ་ཚོགས་རྡོ་རྗེ་བསམ་པར་བྱ། །མ་ཊ་མིག་གཉིས་ལས་བལྟས་ནས། །དེ་ལ་ཉི་མ་ཟླ་བ་གཉིས། །ལག་
[42a.6]པ་གཡས་པས་ཉི་མའི་མིག །རྡོ་རྗེ་འོད་ཟེར་འཕྲོ་དེ་བཞིན། །མིག་གཡས་ཧཱུཾ་ཡིག་བསྐལ་པའི་མེ། །རྡོ་རྗེ་གསོར་བར་བྱེད་བརྩོན་པས། །རྐང་པའི་འགྲོས་ཀྱིས་འོད་ཟེར་ཚོགས། །རྡོ་རྗེ་མེ་ཡི་ཚ་ཚ་འདྲས། །གདུག་པ་ཅན་རྣམས་འགྲོས་བལྟས་ནས། །གཡོན་པའི་ཟླ་བ་དྲི་
[42a.7]མེད་ལ། །ཨོཾ་ལས་བྱུང་བའི་འོད་ཟེར་ནི། །བདུད་རྩིའི་ཚོགས་ལྡན་པ་རྣམས་ཀྱིས། །རང་གི་འཁོར་ཚོགས་འཐུང་བྱེད་ཅིང་། །ཚིམ་པར་བྱེད་པ་ཆེན་པོའོ། །དབང་ལྡན་ཕྱོགས་ནས་བརྩམས་ནས་ནི། །རྡོ་རྗེ་བསྙེམས་པའི་རོལ་བཅས་པས། །གཙོ་བོ་སློབ་མ་བཅས་རྣམས་
[42b]
[42b.1]ཀྱིས། །རྡོ་རྗེའི་རྐང་པས་བོར་ཞིང་བསྐོར། །གསེར་གྱིས་གཞིའི་མཐར་ཐུག་པར། །ས་ནི་རྡོ་རྗེའི་རང་བཞིན་བྱ། །ལག་པ་གཡོན་པས་དྲིལ་དཀྲོལ་ཞིང་། །གཡས་པས་རྡོ་རྗེ་གསོར་བ་ན། །ཧཱུཾ་ཞེས་བྱ་བ་བརྗོད་བཞིན་དུ། །རྡོ་རྗེ་ལྟ་བས་ཀུན་བལྟས་ནས། །ས་དེར་གནས་པའི་
[42b.2]སྡང་བ་རྣམས། །མཁས་པས་རབ་ཏུ་བསྐྲད་པར་བྱ། །རྒྱ་ཆེ་བ་ཡི་དད་འདི་ནི། །སྔགས་དང་འདྲ་བར་སངས་རྒྱས་གསུངས། །དེངས་ཤིག་ཡོད་པར་གྱུར་པ་གང་སུ་དག །ལྷ་དང་ལྷ་མ་ཡིན་དང་གནོད་སྦྱིན་དང་སྲིན་པོ་དང་ཡི་དྭགས་དང་ཤ་ཟ་དང་། བརྗེད་བྱེད་དང་
[42b.3]འབྱུང་པོ་དང་མཁའ་འགྲོ་མ་དང་གནོན་པོ་དང་རྒན་པོ་དང་རྒན་མོ་དང་རྗེས་སུ་སྤྱོད་པའི་འཁོར་དང་། ནམ་མཁའ་ལྡིང་དང་མིའམ་ཅི་དང་སྐྱེས་བུ་སྔགས་གྲུབ་པ་རྣམས་སའི་ཕྱོགས་འདིར་སློབ་མ་ཆེ་གེ་མོ་ཞེས་བྱ་བ་ཡང་དག་པའི་བྱང་ཆུབ་ཡོངས་སུ་རྫོགས་པར་བྱ་བའི་དོན་དང་།
[42b.4]སེམས་ཅན་གྱིས་བླ་ན་མེད་པའི་ཡེ་ཤེས་ཐོབ་པར་བྱ་བའི་རྒྱུར་དཔལ་ཧེ་རུ་ཀ་མཁའ་འགྲོ་རྒྱ་མཚོ་འཁོར་ལོ་བཅུ་གཉིས་སུ་མངོན་པར་བརྗོད་པའི་དཀྱིལ་འཁོར་བདག་གིས་བྱའོ། །དཔལ་མཁའ་འགྲོ་རྒྱ་མཚོའི་བཀའ་འདི་ཐོས་ནས་མྱུར་དུ་འགྲོ་བར་གྱིས་ཤིག །གང་ཞིག་མི་
[42b.5]འགྲོ་ན་དེ་ལ་བདག་དཔལ་ཧེ་རུ་ཀ་རྡོ་རྗེ་རབ་ཏུ་འབར་བའི་ཧཱུཾ་ཞེས་བརྗོད་པས་རབ་ཏུ་ཁྲོས་པའི་ཞལ་ཅན་ཀུན་ནས་འབར་བས་ཡེ་ཤེས་ཆེན་པོའི་རྡོ་རྗེས་སྤྱི་བོ་བརྒྱར་འགས་པར་བྱའོ་ཞེས་བརྗོད་ཅིང་སྔགས་པས་གཡས་སུ་ལན་གསུམ་བསྐོར་བར་བྱའོ། །བགེགས་ཐམས་ཅད་འབྲོས་
[42b.6]པར་བསམ་པར་བྱའོ། །དེ་ནས་གོམ་པ་ལྔས་གནས་ལྔའི་སྔོན་བཞིན་ནོ། །གཞན་ཡང་རྒྱས་པ་ནི་སྟང་སྟབས་དྲུག་ཅུ་རྩ་བཞི་ལ་སོགས་པས་ཤེས་པར་བྱའོ། །འདི་ནི་བགེགས་བསྐྲད་པའི་ཆོ་གའོ། །དེ་ནས་ཕུར་བུས་གདབ་པར་བྱ་སྟེ། བདག་ཉིད་རྡོ་རྗེ་ཧཱུཾ་མཛད་འབར་བའི་མེ་
[42b.7]དང་འདྲ་བར་བསྒོམས་ཏེ་ཧཱུཾ་ཞེས་བརྗོད་པ་དང་། སྙིང་ག་ནས་ཧེ་རུ་ཀ་ཞལ་གཅིག་ཕྱག་གཉིས་པ་རྡོ་རྗེ་དང་ཐོད་པ་ཐོགས་པ་དཔག་ཏུ་མེད་པ་མདུན་དུ་ཕྱུང་ལ་སྐུ་གསུང་ཐུགས་བྱིན་གྱིས་བརླབ་པ་བྱས་ནས། ཨོཾ་སུམྦྷ་ནི་ལ་སོགས་པ་བརྗོད་པས་བགེགས་ཀྱི་བདག་པོ་ཐམས་ཅད་
[43a]
[43a.1]བཀུག་སྟེ་མེ་ལ་སོགས་པའི་གྲྭ་བཞིར་བཞག་ནས་སེང་ལྡེང་ལས་བྱས་པའི་ཕུར་བུ་ནམ་མཁའི་སྙིང་པོ་དང་། པདྨ་གར་གྱི་དབང་ཕྱུག་དང་། རྣམ་པར་སྣང་མཛད་དང་། རྡོ་རྗེ་སེམས་དཔའི་ངོ་བོ་བཞི་བྱས་ཏེ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཞེས་བྱ་བ་བརྒྱ་རྩ་
[43a.2]བརྒྱད་བཟླས་ཏེ། མེ་ལ་སོགས་པ་ནས་རིམ་པས། །ཨོཾ་གྷ་གྷ་ཞེས་བྱ་བ་ལ་སོགས་པས་བགེགས་ཀྱི་བདག་པོའི་སྤྱི་བོ་ནས་རྐང་པའི་བར་དུ་ཕུར་བུས་གདབ་བོ། །ཕུར་བུ་དེ་རྣམས་ཀྱི་སྟེང་དུ་ཨ་ལས་ཉི་མ་བསྒོམས་ཏེ་དེའི་འོད་ཟེར་གྱིས་བགེགས་ཐམས་ཅད་ཐལ་བར་གྱུར་བར་
[43a.3]བསམ་མོ། །དེ་ནས་ཧེ་རུ་ཀ་རྣམས་ཐུགས་ཀར་བསྡུས་ཏེ། ཡང་བགེགས་དབྱུང་བའི་དགོས་པ་ལ་སྟོང་པ་ཉིད་བསྒོམ་པར་བྱའོ། །དེ་ནས་གཞལ་ཡས་ཁང་གི་ཕྱི་རོལ་དུ་རྟ་མགྲིན་ཕྱུང་སྟེ་དེ་རྣམས་ཡོངས་སུ་གྱུར་པ་ལས་མཚོན་ཆ་སྣ་ཚོགས་རྡོ་རྗེར་བསམ་པར་བྱའོ། །དེ་ནས་
[43a.4]རྡོ་རྗེའི་ལྟ་བས་ཀུན་དུ་བལྟ་བར་བྱ་ཞིང་ཧཱུཾ་ཞེས་བྱ་བ་ལན་བརྒྱར་བརྗོད་པར་བྱའོ། །ས་སྦྱང་བའི་ཆོ་གའོ།། །།དེ་ནས་ས་བཟུང་བ་ནི་ལེགས་པར་བསླབ་པའི་རིམ་པ་དང་སའི་དབུས་སུ་འདུག་ལ། མངོན་པར་རྟོགས་པ་ནས་འབྱུང་བ་བཞིན་དུ་ཐིག་ལེ་དང་ཕྲ་མོའི་མཐར་ཐུག་པར་
[43a.5]བསྒོམས་ཏེ། དེ་ནས་ཕྱོགས་བཞིར་ཁཎྜ་རོ་ཧའི་ང་རྒྱལ་འཛིན་པ་བཞིན། དེ་བཞིན་གཤེགས་པ་ཀུན་ཞི་བ། །ལ་སོགས་པས་གསོལ་བ་གདབ་པོ། །དེ་ནས་ལྷའི་ང་རྒྱལ་བརྟན་པོ་དང་ལྡན་པས་སེམས་དགའ་བ་བསྐྱེད་དོ། །དེང་འདིར་བདག་སྐྱེས་འབྲས་བུ་ཡོད། །བདག་གི་
[43a.6]འཚོ་བ་འབྲས་བུར་བཅས། །དམ་ཚིག་ལྷ་རྣམས་ཐམས་ཅད་དང་། །བདག་ནི་མཉམ་གྱུར་ཐེ་ཚོམ་མེད། །བདག་ནི་ཉི་མ་དེང་མཆོག་ཡིན། །དེང་བདག་མཆོད་སྦྱིན་བླ་ན་མེད། །སངས་རྒྱས་ཀྱིས་རྗེས་བརྩེ་བ་ཡིས། །བཀའ་ལུང་ཐོབ་པར་བདག་གིས་ཤེས། །ཞེས་བརྗོད་པར་བྱའོ། །
[43a.7]དེ་ནས་རབ་ཏུ་དགའ་བའི་སེམས་ཀྱིས་སྙིང་ག་ནས་སྤྲོས་པའི་པི་ཝང་མ་ལ་སོགས་པ་དང་། གཽ་རཱི་ལ་སོགས་པ་རྣམས་ཀྱིས་མཆོད་པ་དང་། རྡོ་རྗེ་དྲིལ་བུ་དཀྲོལ་ཞིང་བསྟོད་པ་བྱ་སྟེ། ཧེ་རུ་དཔལ་ཡེ་ཤེས་ཆེ། །རྣལ་འབྱོར་ཆེན་པོ་ཐུབ་ཆེན་པོ། །མགོན་པོ་ཆེན་པོ་བྱེད་པ་ཆེ། །
[43b]
[43b.1]ཐེག་པ་ཆེན་པོ་ཤིང་རྟ་ཆེ། །གསུང་བ་ཆེན་པོ་ཤེས་རབ་ཆེ། །དཔའ་བོ་ཆེན་པོ་དོན་ཆེན་མཛད། །འཛིན་པ་ཆེན་པོ་ང་རྒྱལ་ཆེ། །རྒྱལ་པོ་ཆེན་པོ་མཆོད་པ་ཆེ། །སྲིད་པ་ཆེན་པོ་སིམ་པ་ཆེ། །རོལ་པ་ཆེན་པོ་གནས་ཆེན་པོ། །མཚོན་ཆ་ཆེན་པོ་དྲག་པོ་ཆེ། །བཞད་པ་ཆེན་པོ་
[43b.2]དཀའ་ཐུབ་ཆེ། །ཞེ་སྡང་ཆེན་པོ་འདོད་ཆགས་ཆེ། །གཏི་མུག་ཆེན་པོ་སྟོབས་ཆེན་པོ། །སྤུན་པ་ཆེན་པོ་སྒྲ་ཆེན་པོ། །སྙེམས་པ་ཆེན་པོ་སྟོབས་ཆེན་པོ། །སྐུ་གསུམ་ལམ་གསུམ་ཆ་བྱད་ཅན། །འཁོར་ལོ་གསུམ་དང་སྲིད་གསུམ་མཆོག །དྲི་མ་གསུམ་སྤངས་དགེ་བ་གསུམ། །
[43b.3]སྤྱན་གསུམ་སུམ་ཅུ་གསུམ་དབང་ཕྱུག །སྲིད་པ་གནོན་པ་སྲིད་རྩེའི་མཆོག །སྲིད་པ་ལྡན་པ་སྲིད་ལས་འདས། །སྲིད་པ་དངོས་མེད་སྲིད་སྣང་བ། །སྲིད་པའི་སྟེང་མ་སྲིད་གཙོ་བོ། །རྣལ་འབྱོར་སྤྱོད་པས་རྣལ་འབྱོར་ཆེ། །རྣལ་འབྱོར་མ་ཡི་རྣལ་འབྱོར་བརྩོན། །སྦྱོར་ཤེས་
[43b.4]རྣལ་འབྱོར་པ་ཡོངས་བྱུང་། །རྣལ་འབྱོར་རྣལ་འབྱོར་མངོན་འཇོམས་པོ། །རྡོ་རྗེ་དཔལ་དབང་ཕྱུག་དགྱེས་པ། །རྡོ་རྗེའི་ཕྲེང་བས་རྣམ་པར་བརྒྱན། །རྡོ་རྗེ་ཁ་ཊྭཱཾ་ཕྲད་པའི་ལུས། །རྡོ་རྗེ་རྡོ་རྗེའི་ཕྱག་ཆེན་པོ། །རྡོ་རྗེའི་གར་ནི་བརྟན་པ་ཆེ། །རྡོ་རྗེ་གླུ་ནི་སྒྲ་ཆེན་པོ། །རྡོ་རྗེ་པདྨའི་
[43b.5]ཏིང་འཛིན་བཞུགས། །རྡོ་རྗེ་གདན་ནི་དཀའ་བར་དགྱེས། །བདེ་བའི་བཞེད་པ་ཐོབ་པ་སྟེ། །འོད་ཀྱི་སྐྱེ་བོ་སྐྱོང་བ་པོ། །ལུས་ངག་ཡིད་ཀྱིས་ཐམས་ཅད་དུ། །ཁྱོད་ལ་གུས་པས་བདག་འདུད་དོ། །མཁའ་འགྲོ་དྲ་བ་ལ་ཕྱག་འཚལ། །ཕྱག་འཚལ་མཁའ་འགྲོའི་དཀྱིལ་འཁོར་ལ། །
[43b.6]སྟོང་ཉིད་ཡེ་ཤེས་ཕྱག་འཚལ་ལོ། །སྟོང་པའི་ཐུགས་ལ་ཕྱག་འཚལ་ལོ། །ཞེས་བྱ་བ་དང་། ཨེ་མའོ་ཆོས་ཨེ་མའོ་ཆོས། །ཨེ་མའོ་ཆོས་ཀྱི་དོན་བྱུང་བ། །ཆོས་པ་ཡི་དོན་བདག་མེད་པ། །རྡོ་རྗེ་རྒྱལ་པོ་ཕྱག་འཚལ་འདུད། །སྐུ་གསུང་ཐུགས་ནི་ཤིན་ཏུ་དག །ནམ་མཁའ་
[43b.7]མཉམ་པ་ཉིད་ཀྱི་གནས། །རྣམ་པར་འགྱུར་མེད་སྣང་བ་མེད། །རྡོ་རྗེའི་སྐུ་ལ་ཕྱག་འཚལ་འདུད། །དེ་བཞིན་གཤེགས་པ་ཐུགས་ཀྱི་གཙོ། །དུས་གསུམ་ལམ་ལ་གནས་པ་སྟེ། །གོ་སྐབས་ཆེན་པོ་དབྱིངས་འབྱུང་བ། །ནམ་མཁའ་ལ་ནི་ཕྱག་འཚལ་འདུད། །ནམ་མཁའི་སྐུ་ནི་ཡང་
[44a]
[44a.1]དག་བྱུང་། །ནམ་མཁའི་གསུང་ནི་རབ་འཇུག་པ། །ནམ་མཁའི་ཐུགས་ནི་ཆོས་ཀྱི་མཆོག །སྤྱོད་པའི་གོ་འཕང་ཕྱག་འཚལ་འདུད། །རྡོ་རྗེ་སེམས་དཔའ་ཐེག་པ་ཆེ། །ནམ་མཁའི་སྤྱོད་པ་རྣམ་སྦྱོང་བ། །ཀུན་དུ་བཟང་པོ་མཆོད་པའི་མཆོག །
[44a.2]རྒྱལ་བ་མཆོག་གི་མཆོད་པ་གསུངས། །འདོད་ཆགས་ཞེ་སྡང་གཏི་མུག་ཆེ། །རྡོ་རྗེ་ཐེག་པ་ཉེར་སྟོན་པ། །ནམ་མཁའི་ཁམས་དང་མཉམ་པའི་མཆོག །རྒྱལ་བ་མཆོག་གི་མཆོད་པ་གསུངས། །ཐར་པའི་ལམ་གྱི་རབ་སྒྲོལ་བ། །ཐེག་གསུམ་མཆོག་ལམ་གནས་པ་པོ། །
[44a.3]སངས་རྒྱས་བསྐལ་བཟངས་ཡི་བདག །དོན་ཡོད་མཆོད་པ་མི་ཡི་མཆོག །བྱང་ཆུབ་སེམས་ནི་ཡངས་པའི་སྤྱན། །ཆོས་ཀྱི་འཁོར་ལོ་རབ་བསྐོར་བ། །སྐུ་གསུང་ཐུགས་ནི་ཡོངས་སུ་དག །རྡོ་རྗེ་ཐེག་པ་ཕྱག་འཚལ་ལོ། །ཞེས་བྱ་བས་བསྟོད་པ་བྱ་སྟེ། རང་ཉིད་ལ་བསྡུ་
[44a.4]བར་བྱའོ། །སྔར་གྱི་ནམ་མཁའི་དཀྱིལ་འཁོར་གསལ་བར་དམིགས་ཏེ། རང་གི་དཀྱིལ་འཁོར་ནམ་མཁའ་ལ་བློས་བཏེག་ལ་དེ་དང་བསྲེ་བར་བྱའོ། །རང་ཉིད་གཙོ་བོའི་ང་རྒྱལ་དང་ལྡན་པ་བྱས་ནས། ལངས་ཏེ་སྔར་བཞིན་ཞབས་དང་སྤྱན་བྱིན་གྱིས་བརླབས་ཏེ་རིག་མ་དང་བཅས་པ་རོལ་
[44a.5]པའི་ཚུལ་གྱིས་ཕྱོགས་ཀུན་དུ་བལྟ་ཞིང་གསེར་གྱི་ས་གཞི་ལ་ཐུག་པ་རྡོ་རྗེའི་ས་གཞིར་བྱིན་གྱིས་བརླབ་ཅིང་ཧཱུཾ་ཞེས་བརྗོད་པས་སྔར་བཞིན་བསྐོར་བར་བྱའོ། །ཡང་དེའི་དབུས་སུ་བསྡད་ནས་མིག་གཡས་པ་ཨ་ལས་བྱུང་བའི་ཉི་མ་ལ་ཧཱུཾ་གི་མིག་འབྲས་བསམས་ཏེ་དེ་ལས་མེའི་ཚོགས་འཁྲུགས་
[44a.6]པ་ཆེན་པོ་བྱུང་བས་མེའི་ར་བ་ཇི་ཙམ་འདོད་པ་བསམ་པར་བྱའོ། །དེའི་ནང་དུ་ཧཱུཾ་སྔོན་པོ་འཁྲིགས་པས་མིག་གི་ཧཱུཾ་ལས་འོད་འཕྲོས་ལ་དེ་རྣམས་གྱུར་པས་ཞེ་སྡང་རྡོ་རྗེའི་ར་བའོ། །དེ་བཞིན་དུ་ཨཱཿདམར་པོ་སྤྲོས་པ་ལས་འདོད་ཆགས་པདྨའི་ར་བར་བྱའོ། །དེ་བཞིན་དུ་ཨོཾ་དཀར་པོ་
[44a.7]འཕྲོས་པ་ལས་གཏི་མུག་འཁོར་ལོའི་ར་བའོ། །དེ་ནས་མིག་གཡས་ཉི་མ་གཡོན་ཟླ་བ་དང་སྣའི་རྩེ་མོར་ཨོཾ་བསམས་ཏེ་གཡས་པ་བར་སྣང་ལ་ལྟ་བས་དེའི་ཕྱི་རོལ་དུའང་ར་བ་གསུམ་བྱའོ། །མཚོན་ཆའི་རང་བཞིན་དུ་སྟེང་དུ་གུར་བྱའོ། །དེ་ནས་དེའི་སྟེང་དུ་ཁྲོ་བོ་རྟ་མགྲིན་བསྐལ་པའི་མེ་ལྟར་
[44b]
[44b.1]གློག་གི་མདོག་ཅན་ལྗགས་འདྲིལ་བ་དྲག་པོ་ཆེན་པོ་བསམས་ཏེ་བགེགས་ལྷག་མ་འཇོམས་པར་བསྒོམ་མོ། །དེ་ནས་སའི་དབུས་དེ་ཉིད་དུ་ཉལ་བར་བྱའོ། །ས་གཞི་ཡོངས་སུ་བཟུང་བའི་ཆོ་གའོ།། །།དེ་ནས་ཚེས་ནི་བཅུ་བཞི་ལ། །བཟུང་བྱས་རང་བཞིན་དག་པར་ཕྱིས། །
[44b.2]ཡེ་ཤེས་རྒྱ་མཚོའི་ས་ཡི་ཆར། །སློབ་མ་ལ་སོགས་ལྷག་གནས་བྱ། །དེ་ལ་རེ་ཞིག་ཐོག་མར་ནི། །དོན་ལེགས་བྱེད་པའི་དོན་རིག་པ། །གྲུ་བཞིར་བྱས་པ་དག་པ་ལས། །དཀྱིལ་འཁོར་ལས་ནི་གཉིས་འགྱུར་རིང་། །དེ་ནས་སྐུད་པ་དཀར་པོས་བྱ། །རང་དང་སྒྲུབ་པའི་
[44b.3]གྲོགས་དག་གིས། །ཙནྡན་དཀར་པོ་དང་བསྲེས་པའི། །སཱ་ལུ་བཏབ་པས་སྤང་བར་བྱ། །ཐིག་གཉིས་ཀྱང་ནི་གདབ་པར་བྱ། །ཚངས་པའི་ཐིག་གི་ལོགས་གཉིས་སུ། །སུམ་ཅུ་རྩ་གཉིས་གདབ་པར་བྱ། །སླར་ཡང་དེ་ཡི་དབུས་གདབ་པས། །ཐིག་རྣམས་དྲུག་ཅུ་རྩ་
[44b.4]བཞིའོ། །དེ་རྣམས་དབུས་སུ་དེ་མཉམ་པ། །སླར་ཡང་དེ་རྣམས་སུ་གདབ་བྱ། །མདོར་ན་འཁོར་ལོ་བཞི་པོ་ལ། །ཉིས་བརྒྱ་ལྔ་བཅུ་རྩ་དྲུག་གོ། །ཀུན་ནས་དུམ་བུ་བཅུ་དྲུག་ལས། །ཚོན་རྩི་ཡིས་ནི་རི་མོ་བྱ། །ལྷག་མ་སྒོ་ཡི་ཚད་དུ་ནི། །དབུས་མའི་པདྨ་ལ་སོགས་བྱ། །
[44b.5]འོན་ཀྱང་དབུས་ཀྱི་པདྨ་དེར། །སོར་ནི་བཅུ་གཉིས་བྱ་བ་ཡིན། །འཁོར་ལོ་གསུམ་ནི་བཞི་པོ་ལ། །དུམ་བུ་གསུམ་གསུམ་བྱ་བ་ཡིན། །དུམ་བུ་རེ་རེ་ལ་ནི་ཁྲུ། །གཉིས་གཉིས་མཁས་པ་རྣམས་ཀྱིས་བྱ། །གཞན་ཡང་ཕྲ་མོ་གདབ་པ་རྣམས། །འདི་རུ་བརྗོད་ཀྱང་མི་རྟོགས་པས། །
[44b.6]ལག་ཏུ་བླང་རིམ་ལས་ཤེས་བྱ། །དེ་ནས་དགོངས་ཀའི་དུས་སུ་རང་ཉིད་མཁའ་འགྲོ་རྒྱ་མཚོའི་རྣལ་འབྱོར་སྔོན་དུ་སོང་བས་དཀྱིལ་འཁོར་ལ་བདུད་རྩི་དང་ལྡན་པའི་དྲི་ཞིམ་པོས་གཏོར་ཞིང་ཡི་གེ་གསུམ་བརྗོད་པར་བྱའོ། །དེ་ནས་ལྷ་ཐམས་ཅད་ཀྱི་གནས་སུ་བདུད་རྩི་དང་བཅས་པའི་
[44b.7]དྲི་ཞིམ་པོས་ཐིག་ལེ་བྱའོ། །དེ་ནས་རང་རང་གི་སྔགས་བརྗོད་ཅིང་མེ་ཏོག་གི་ཚོམ་བུ་དགོད་པར་བྱའོ། །དེ་ནས་གཙོ་བོའི་གནས་སུ་རཾ་ཡོངས་སུ་གྱུར་པ་ལས་ཉི་མའི་དཀྱིལ་འཁོར་དེའི་སྟེང་དུ་ཧཱུཾ་སྔོན་པོ་དེ་ཡོངས་སུ་གྱུར་པ་ལས་རྡོ་རྗེ་སྔོན་པོ་རྩེ་ལྔ་པ་ལྟེ་བར་ཉི་མ་ལ་ཧཱུཾ་བསམས་ཏེ་
[45a]
[45a.1]དེ་ལས་འཁོར་ལོ་བཅུ་གཉིས་སྤྲོས་ཏེ། འགྲོ་བ་དག་པ་བྱས་ཏེ་དེ་ཉིད་ཀྱི་རྣམ་པར་བྱས་པ་དང་། གདོད་མ་ནས་གྲུབ་པའི་སངས་རྒྱས་ཐམས་ཅད་བཀུག་སྟེ་ཞུགས་པ་ཡོངས་སུ་གྱུར་པ་ལས་ལྷ་ཐམས་ཅད་དུས་གཅིག་ཏུ་བསྐྱེད་དོ། །གོ་ཆ་ཡང་བྱས་ཏེ་དེ་ནས་
[45a.2]དེ་ཉིད་ཀྱི་ཐུགས་ཀའི་ས་བོན་གྱི་འོད་ཟེར་དང་བདག་ཉིད་ཀྱི་ལུས་ངག་ཡིད་གསུམ་གྱི་སྦྱོར་བས་ཨོཾ་བཛྲ་མཎྜལ་ཧཱུཾ་ཛཿཡེ་ཤེས་སེམས་དཔའ་དགུག་པར་བྱའོ། །ཨོཾ་བཛྲ་ཀཱི་ལི་ཀཱི་ལ་གུ་ཧྱ་མཎྜལ་ཧཱུཾ། ཞེས་བྱ་བས་གཞུག་པར་བྱའོ། །ཨོཾ་བཛྲ་ཙཀྲ་ཨ་དྷི་ཏིཥྛ་སིདྡྷྱ་ཧཱུཾ། །ཞེས་བྱ་
[45a.3]བས་བྱིན་གྱིས་བརླབ་པར་བྱའོ། །དེ་ནས་ལྷ་ཐམས་ཅད་ཀྱི་སྔགས་མ་ལུས་པ་བརྗོད་ལ་ཡང་བྱིན་གྱིས་བརླབ་པར་བྱའོ། །དབང་བསྐུར་བ་དང་རིགས་ཀྱི་བདག་པོས་རྒྱས་གདབ་པར་བྱས་ཏེ། མཆོད་པ་ལྔ་ལ་སོགས་པ་ནས་ཕྱིའི་མཆོད་པའི་ཁྱད་པར་ཐམས་ཅད་དང་།
[45a.4]ལྷ་མོ་བརྒྱད་དང་བཅུ་དྲུག་སྤྲོས་ལ་མཆོད་པར་བྱའོ། །དེ་ནས་རྡོ་རྗེ་དྲིལ་བུ་འཛིན་པས་བསྟོད་པ་མ་ལུས་པར་བྱའོ། །ཆང་དང་བདུད་རྩིར་བཅས་པ་པདྨའི་སྣོད་བཟང་པོ་ལ་གནས་པ་ལ་གཏོར་མ་སྦྱོང་བའི་ཆོ་གས་སྦྱངས་ཏེ་ལྷ་ཐམས་ཅད་ཀྱི་སྔགས་བརྗོད་ཅིང་ཚིམ་པར་བྱའོ། །
[45a.5]དེ་ནི་ལྷ་ལྷག་པར་གནས་པའོ།། །།དེ་ནས་བུམ་པ་སྐྱོན་ཐམས་ཅད་དང་བྲལ་ཞིང་ཡོན་ཏན་ཐམས་ཅད་དང་ལྡན་པ་ལ་སློབ་མའི་རིམ་པས་རྒྱུད་ཀྱི་བྱེ་བྲག་ཀྱང་ཤེས་པར་བྱ་ཏེ། ལྷའི་གྲངས་དང་མཉམ་པའམ། །ཇི་ལྟར་བསྡུས་པ་ཡང་རུང་སྟེ་ཐམས་ཅད་དཀར་པོར་
[45a.6]བྱུགས་ལ་གཙོ་བོ་རྣམ་པར་རྒྱལ་བ་ལ་པདྨ་དང་ཉི་མ་ལ་རྡོ་རྗེ་དང་གྲི་གུག་གོ། །གཞན་ལྷག་མ་རྣམས་ལ་པདྨ་དང་རོའི་སྟེང་དུ་གྲི་གུག་གོ། །བསྐལ་པ་བཟང་པོ་པ་རྣམས་ལ་པདྨ་དང་ཟླ་བ་ལ་གནས་པའི་ཆོས་འཆད་པའི་ཕྱག་རྒྱའོ། །ས་ཧ་དེ་བ་དང་། བྲི་ཧ་ཏི་དང་། ཀཎྜ་ཀ་རི་
[45a.7]དང་། དཎྜོཏྤལ་དང་། རྣམ་པར་རྒྱལ་བ་དཀར་པོ་སྟེ་སྨན་ལྔ་དང་། གྲོ་དང་། འབྲས་སོ་བ་དང་། ཏིལ་དང་། མ་ཤ་དང་། ནས་ཏེ་འབྲུ་ལྔ་དང་། གསེར་དང་དངུལ་དང་བྱི་རུ་དང་མུ་མེན་དང་མུ་ཏིག་སྟེ་རིན་པོ་ཆེ་ལྔ་དང་། དྲི་ཆེན་དང་དྲི་ཆུ་དང་བྱང་ཆུབ་ཀྱི་སེམས་དང་། ཁྲག་དང་ཤ་ཚོན་པོ་
[45b]
[45b.1]སྟེ་བདུད་རྩི་ལྔ་ལ་སོགས་པ་དེ་རྣམས་ནང་དུ་བཅུག་སྟེ་དྲི་ཞིམ་པོའི་ཆུས་བཀང་ལ། མྱ་ངན་མེད་པ་དང་བྱང་ཆུབ་ཤིང་དང་ཨ་མྲ་དང་ནྱ་གྲོ་དྷ་དང་ཨུ་དུམྺཱ་རའི་ཡལ་གས་ཁ་བརྒྱན་ཏེ་རས་བཟང་པོ་ཟུང་གཅིག་གིས་མ་ལུས་པ་བཅིངས་པ། ཀུ་ཤའི་སྟེགས་ལ་རྣམ་པར་རྒྱལ་བའི་བུམ་པ་ནི་
[45b.2]གཙོ་བོའི་མདུན་དུའོ། །ལྷག་མ་དཀྱིལ་འཁོར་ལ་བསྐོར་ལ་གཞག་གོ། །རྣམ་པར་རྒྱལ་བའི་བུམ་པ་མི་དམིགས་པ་ལས་བཾ་དཀར་པོ་ཡོངས་སུ་གྱུར་པ་ལས་རིན་པོ་ཆེའི་བུམ་པའོ། །དེའི་ནང་དུ་ཧྲཱིཿསྣ་ཚོགས་པའི་མདོག་ཅན་ཡོངས་སུ་གྱུར་པ་ལས་སྣ་ཚོགས་པདྨའོ། །
[45b.3]དེའི་ལྟེ་བའི་ཉི་མ་ལ་ཆོ་ག་གསུམ་གྱིས་ལྷ་ཐམས་ཅད་བསྐྱེད་དེ། ཡེ་ཤེས་སེམས་དཔའ་བསྟིམས་ལ་སྙོམས་པར་ཞུགས་པས་ཆུའི་ངོ་བོར་གྱུར་པ་ལས་དྲི་ཞིམ་པོ་དང་ལྡན་པ་མེ་ཏོག་དང་བཅས་པའི་དུང་སྟེང་དུ་བཞག་པ་ལས་ཆུ་ཅུང་ཞིག་ནང་དུ་བླུགས་ཏེ་གཙོ་བོའི་སྙིང་པོ་སྟོང་ཕྲག་
[45b.4]གཅིག་དང་བརྒྱ་རྩ་བརྒྱད་བཟླས་སོ། །ལྷ་རྣམས་ཀྱི་བརྒྱ་རྩ་བརྒྱད་ཀྱང་བཟླས་ཏེ་དེ་ཡང་རྡོ་རྗེ་མེ་ཏོག་གི་ཕྲེང་བ་བཏགས་པ་སྟེང་དུ་བཞག་ནས་སོ། །དེ་ནས་མཆོད་པ་དང་བསྟོད་པ་དང་བདུད་རྩི་མྱང་བ་ཡང་བྱའོ། །བུམ་པ་ལྷག་མ་ཐམས་ཅད་མིང་གི་ཡི་གེ་དང་པོ་ལས་ཆོ་ག་
[45b.5]གསུམ་གྱིས་བསྐྱེད་པ་ལ་སོགས་པ་གོང་བཞིན་དུ་བྱའོ། །ལས་ཐམས་ཅད་པར་རོ་ལངས་ལ་གྲི་གུག་བྲིས་ཏེ་དུམ་སྐྱེས་མ་བསྐྱེད་ལ་དེའི་སྔགས་བརྒྱ་རྩ་བརྒྱད་བསྔགས་ཏེ། མཆོད་བསྟོད་བདུད་རྩི་མྱང་བ་བྱས་ལ་ཕྱིའི་ཤར་སྒོའི་བྱང་དུ་བཞག་སྟེ་འདི་སྐད་བརྗོད་པར་བྱའོ། །ཇི་སྲིད་དཀྱིལ་
[45b.6]འཁོར་བྱས་པ་ཡི། །དེ་སྲིད་བྱ་བ་མ་རྫོགས་པར། །བཅོམ་ལྡན་འདས་མ་ཁྱོད་ཀྱིས་ནི། །བདག་གི་གདུག་པ་བསད་པར་མཛོད། །ཅེས་བརྗོད་པར་བྱའོ། །དེ་ནས་དཀྱིལ་འཁོར་གྱི་ཤར་སྒོར་གཏོར་མ་ཤིན་ཏུ་རྒྱ་ཆེན་པོ་གཏང་བར་བྱའོ། །དཀྱིལ་འཁོར་གྱི་བྱང་ཕྱོགས་སུ་རྒྱས་པའི་ཐབ་ཏུ་མེ་ལྷ་
[45b.7]ཚིམ་པའི་རྗེས་སུ་ལྷ་རྣམས་རང་རང་གི་སྔགས་བརྗོད་པས་དཀྱིལ་འཁོར་ནས་མེ་ཏོག་གིས་སྤྱན་དྲངས་ལ་ཚིམ་པར་བྱའོ། །དེ་ནས་རང་གི་སྔགས་བརྗོད་པས་མེ་ཏོག་གིས་དཀྱིལ་འཁོར་དུ་ཞུགས་པར་བྱའོ། །ལྷག་མ་སྦྱིན་སྲེག་གི་ཆོ་ག་ལས་རྒྱས་པར་ཤེས་པར་བྱའོ། །དེ་ནི་
[46a]
[46a.1]བུམ་པ་ལྷག་པར་གནས་པར་ཞར་ལ་བྱུང་བ་དང་བཅས་པའོ།། །།སློབ་མ་དང་ཅིང་གུས་ལྡན་པ། །བསྙེན་གནས་ལེགས་པར་བཟུང་བ་ཡིས།།ཡན་ལག་དྲི་ཡི་ཆུས་བཀྲུས་ལ། །མཎྜལ་བྱས་ནས་ཕྱག་བྱས་ཏེ། །མེ་ཏོག་བཅས་པའི་ཐལ་སྦྱར་
[46a.2]བས། །པུས་མོ་གཡས་པ་སར་བཙུགས་ལ། །བླ་མས་འདི་སྐད་བརྗོད་པར་བྱ། །ཁ་ཅིག་གསང་སྔགས་གྲུབ་དོན་གཉེར། །དཀྱིལ་འཁོར་འདིར་ནི་འཇུག་པར་བྱེད། །བསོད་ནམས་འདོད་པས་དེ་ལས་གཞན། །གཞན་དག་འཇིག་རྟེན་མཆོག་དོན་གཉེར། །འཇིག་རྟེན་མཆོག་དོན་
[46a.3]གཉེར་བ་ཡི། །དད་པ་མང་དུ་བྱེད་པ་ཡིས། །བློ་ལྡན་དཀྱིལ་འཁོར་འཇུག་བྱ་ཡི། །ཚེ་འདིའི་འབྲས་བུ་འདོད་མི་བྱེད། །ཚེ་འདི་འདོད་པར་གྱུར་པ་ལ། །འཇིག་རྟེན་ཕ་རོལ་དོན་གཉེར་སྐྱེད། །འཇིག་རྟེན་འདི་ཡི་འབྲས་བུ་རྒྱས། །དེ་ནས་སློབ་མ་གུས་ལྡན་པས། །བླ་མ་ལ་ནི་འདི་
[46a.4]སྐད་བརྗོད། །ཁྱོད་ནི་སྟོན་པ་དཔའ་ཆེན་པོ། །རྡོ་རྗེ་ཕག་མོ་བདག་སྦྱོར་བ། །མགོན་པོ་ཆེན་པོ་བདག་འཚལ་ལོ། །བྱང་ཆུབ་ཆེན་པོའི་ཚུལ་བརྟན་པ། །དེ་ཉིད་དམ་ཚིག་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །
[46a.5]སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་གཞུག་ཏུ་གསོལ། །ཞེས་བརྗོད་པར་བྱའོ། །དེ་ནས་སློབ་མ་མི་དམིགས་པར་བྱས་ཏེ་ཆོ་ག་གསུམ་གྱིས་གཙོ་བོའི་གཟུགས་སུ་བསྐྱེད་དེ། སྐུ་གསུང་ཐུགས་བྱིན་གྱིས་
[46a.6]བརླབས་ལ་མདུན་དུ་བཞག་ལ་འདི་སྐད་བརྗོད་པར་བྱའོ། །བུ་ཚུར་ཤོག་ཅིག་ཐེག་ཆེན་གྱི། །ཆོ་ག་སྔགས་ཀྱི་སྤྱོད་པའི་ཚུལ། །ཁྱོད་ལ་ཡང་དག་བཤད་པར་བྱ། །ཁྱོད་ནི་ཚུལ་ཆེན་སྣོད་ཡིན་ཏེ། །རྫོགས་པའི་སངས་རྒྱས་གང་འདས་དང་། །དེ་བཞིན་གང་དག་མ་བྱོན་དང་། །
[46a.7]ད་ལྟར་བྱུང་བའི་མགོན་པོ་གང་། །འགྲོ་ལ་ཕན་ཕྱིར་བཞུགས་པ་སྟེ། །དེ་དག་ཀུན་གྱི་གསང་སྔགས་ཀྱི། །ཆོ་ག་བཟང་པོ་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་མཚན་མེད་བརྙེས། །གསང་སྔགས་སྦྱོར་བ་མཉམ་མེད་དེ། །སྐྱོབ་པ་
[46b]
[46b.1]ཤཱཀྱ་སེང་གེ་ཡིས། །བདུད་སྡེ་ཤིན་ཏུ་མི་བཟད་པ། །སྟོབས་ཆེན་དག་ཀྱང་དེ་ཡིས་བཅོམ། །འཇིག་རྟེན་རྗེས་མཐུན་རྟོགས་ནས་ནི། །འཁོར་ལོ་བསྐོར་ནས་མྱ་ངན་འདས། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །རྟོག་པ་དག་ནི་སྤངས་
[46b.2]ནས་སུ། །བཟང་པོ་བརྩོན་པའི་ཡིད་ཀྱིས་ཉོན། །མ་ལུས་བརྗེད་མེད་བློ་གྲོས་ལ། །རྡོ་རྗེ་སེམས་དཔའ་ལ་སོགས་ཀྱི། །བདེ་གཤེགས་རྣམས་ཀྱིས་བྱིན་གྱིས་བརླབས། །ཞེས་སྤྲོ་བ་བསྐྱེད་པར་བྱའོ། །དེ་ནས་སྡིག་པ་བཤགས་སོགས་བྱ། །སློབ་དཔོན་དགོངས་སུ་
[46b.3]གསོལ། བདག་མིང་འདི་ཞེས་བྱ་བ་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་བླ་ན་མེད་པ་ཡང་དག་པར་རྫོགས་པའི་སངས་རྒྱས་སྐུ་གསུམ་དུ་རྣམ་པར་བཞུགས་པ་ལ་སྐྱབས་སུ་མཆིའོ། །བླ་ན་མེད་པ་ངེས་པར་འབྱུང་བ་ཆེན་པོ་ཅན་གྱི་ཆོས་ལ་སྐྱབས་
[46b.4]སུ་མཆིའོ། །བླ་ན་མེད་པ་ཕྱིར་མི་ལྡོག་པ་ཅན་གྱི་བྱང་ཆུབ་སེམས་དཔའི་ཚོགས་ལ་སྐྱབས་སུ་མཆིའོ་ཞེས་ལན་གསུམ་དུ་བརྗོད་པར་བྱའོ། །སློབ་དཔོན་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་ཇི་སྲིད་ཐོག་མ་མེད་པ་འཁོར་བ་ནས་འཁོར་བ་ན་
[46b.5]སྡིག་པ་ཅན་གྱི་ལས་བགྱི་བ་དང་། བགྱིད་དུ་སྩལ་བ་དང་བགྱིས་པ་ལ་རྗེས་སུ་ཡི་རང་བ་དེ་དག་ཐམས་ཅད་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་མདུན་དུ་སོ་སོར་བཤགས་པར་བགྱིའོ། །ཕྱོགས་བཅུའི་དེ་བཞིན་གཤེགས་པ་དང་རྡོ་རྗེ་དང་ནོར་བུ་དང་པདྨ་དང་ལས་ཀྱི་
[46b.6]རིགས་སུ་བཞུགས་པ་ཐམས་ཅད་བདག་ལ་དགོངས་སུ་གསོལ། །བདག་མིང་ཆེ་གེ་མོ་ཞེས་བྱ་བ་དེ་བཞིན་གཤེགས་པ་དང་། རྡོ་རྗེ་དང་ནོར་བུ་དང་པདྨ་དང་ལས་ཀྱི་རིགས་སུ་བཞུགས་པ་ཐམས་ཅད་དང་སྙིང་པོ་དང་ཕྱག་རྒྱ་དང་། གསང་སྔགས་དང་རིག་པའི་ལྷ་ཐམས་
[46b.7]ཅད་ཀྱི་མདུན་དུ་སྡིག་པ་ཐམས་ཅད་བླ་ན་མེད་པའི་བཤགས་པས་སངས་རྒྱས་བཅོམ་ལྡན་འདས་ཀྱིས་མཁྱེན་པ་བཞིན་དུ་སོ་སོར་བཤགས་པར་བགྱིའོ། །ཆོས་ཀྱི་དབྱིངས་མ་ལུས་པ་དང་མཉམ་པར་སོན་པའི་བསོད་ནམས་ཐམས་ཅད་ལ་རྗེས་སུ་ཡི་རང་བས་རྗེས་སུ་ཡི་རང་ངོ་། །
[47a]
[47a.1]གང་ཡང་ཕྱོགས་བཅུའི་འཇིག་རྟེན་གྱི་ཁམས་སུ་ཆོས་ཀྱི་འཁོར་ལོ་བསྐོར་བ། དེ་རྣམས་བླ་ན་མེད་པའི་ཐེག་པ་ཆེན་པོའི་ཆོས་ཀྱི་འཁོར་ལོ་རབ་ཏུ་བསྐོར་བར་གསོལ་བ་གདབ་པར་བགྱིའོ། །གང་ཡང་ཆོས་ཀྱི་འཁོར་ལོ་བསྐོར་བ་དེ་རྣམས་སེམས་ཅན་
[47a.2]གྱི་ཁམས་དེ་སྲིད་དུ་མྱ་ངན་ལས་མི་འདའ་བར་གསོལ་བ་གདབ་པར་བགྱིའོ། །བདག་གི་དགེ་བའི་ལས་རྣམས་འདི་དག་གིས། །འཇིག་རྟེན་འདིར་ནི་མྱུར་དུ་སངས་རྒྱས་འགྱུར། །འགྲོ་ལ་ཕན་ཕྱིར་ཆོས་རྣམས་སྟོན་བགྱིད་དེ། །སེམས་ཅན་སྡུག་བསྔལ་མང་པོས་གཟིར་
[47a.3]ལས་གྲོལ། །ཞེས་བརྗོད་པར་བྱའོ། །དེ་ནས་སྙིང་པོའི་སྔགས་བྱིན་རླབས། །བ་ཡི་དྲི་ཆུས་ཡོངས་སུ་བརླན་པའི། །རྡོ་རྗེ་སེམས་དཔའ་དང་བཅས་ཕྱག། །སྙིང་གར་སྔགས་རིག་པས་བཞག་ནས། །བྱིན་གྱིས་བརླབ་དང་དེ་ནས་ཕྱིས། །སྔོན་བཞིན་དུ་ནི་གོ་ཆ་བྱ། །ཇི་ལྟར་
[47a.4]ཉེར་སྤྱོད་ལྔ་རྣམས་ཀྱིས། །དེ་རྣམས་སོ་སོར་མཆོད་བྱས་ན། ཁཎྜ་རོ་ཧས་མངོན་བསྔགས་པའི། །དྲི་ཞིམ་ཆུ་ཡིས་ལུས་བྱུགས་ལ། །མེ་ཏོག་དཀར་པོ་རྩེ་མོར་བཅིང་། །ལོ་མ་དང་བཅས་ཨུ་དུམ་སོགས། །མངར་པོ་སོ་ཡི་ཤིང་བུ་ནི། །ཇི་སྲིད་སོར་བཅུ་གཉིས་ཚད་ཅན། །དེ་
[47a.5]རྣམས་ལག་ཏུ་བྱིན་ཏེ་གནས། །ཤར་དུ་ཕྱོགས་པས་བཀུར་བར་བྱ། །དུམ་སྐྱེས་མ་ཡིས་མངོན་བསྔགས་པས། །ཆུ་ཡིས་ཁ་བཤལ་བྱིན་ནས་ནི། །སོ་ཤིང་ལྟུང་བ་རྣམས་ཀྱིས་ནི། །དངོས་གྲུབ་རྒྱུ་རྣམས་ཤེས་པར་བྱ། །དེ་ནས་སྔོན་བཤད་གནས་བཞག་ནས། །དེ་རྣམས་
[47a.6]ལག་པའི་ལོ་མ་རུ། །ཡི་གེ་གསུམ་གྱིས་མངོན་བསྔགས་པའི། །ཡང་དག་མཆོད་ནས་ཀུ་ཤ་སྦྱིན། །དེ་ནས་ཕྱིས་ནི་སྔགས་འདི་ཡིས། །དྲི་ཞིམ་པོ་ལ་བསྔགས་ནས་ནི། །འཐུངས་པས་སྡིག་པ་ཞི་དོན་དུ། །བདུད་རྩི་ལྔ་ཡི་ཆུ་སྦྱིན་བྱ། །དེ་ལ་སྔགས་ནི་འདི་ཡིན་ནོ། །
[47a.7]ཨོཾ་ཧྲཱིཿབི་ཤུདྡྷ་དྷརྨྨཿསརྦ་པཱ་པ་ནི་ཙཱ་སྱ་བི་ཤོ་དྷ་ཡ་བོ་ཀལྤཱ་ན་ཨ་པ་ན་ཡ་ཧཱུཾ་ལན་གསུམ་དུའོ། །དེ་རྣམས་སླར་ཡང་བསྲུང་དོན་དུ། །ཡི་གེ་གསུམ་གྱིས་བསྔགས་པ་ཡིས། །སྐུད་པ་མདུད་པ་གསུམ་བྱས་ནས། །དཔུང་པ་གཡོན་པར་བཅིང་བར་བྱ། །གོ་ཆ་དྲུག་ནི་བྱས་ནས་སུ། །
[47b]
[47b.1]དེ་བཞིན་སླར་ཡང་གནས་གསུམ་དུ། །དེ་རྣམས་སྲུང་བ་མཆོག་བྱས་ནས། །འདི་ལྟའི་ཆོས་ཀྱང་བསྟན་པར་བྱ། །འཇིག་རྟེན་དུ་ནི་ཀུན་མཁྱེན་རྣམས། ཨུ་དུ་མྺཱ་རའི་མེ་ཏོག་ལྟར། །བརྒྱ་ལམ་ན་ནི་རེས་འགའ་ཞིག །འབྱུང་འགྱུར་ཡང་ནི་མི་འབྱུང་ངོ་། །གསང་
[47b.2]སྔགས་སྤྱོད་པའི་ཚུལ་འབྱུང་བ། །དེས་བས་ཀྱང་ནི་དཀོན་པ་སྟེ། །གང་གིས་སེམས་ཅན་མཉམ་མེད་དོན། །མྱ་ངན་མི་འདའ་བྱེད་པར་ནུས། །བསྐལ་བ་བྱེ་བ་དུ་མ་རུ། །སྡིག་པ་བྱས་པར་གྱུར་པ་གང་། །དེ་ཀུན་དཀྱིལ་འཁོར་འདི་འདྲ་བ། །མཐོང་བས་བྱང་བར་
[47b.3]འགྱུར་ཡིན་ན། །གྲགས་པ་མཐའ་ཡས་སྔགས་སྤྱོད་པའི། །ཚུལ་ལ་གནས་པ་སྨོས་ཅི་དགོས། །གང་དག་སྤྱོད་པ་མཆོག་འདི་ལ། །བློ་གྲོས་ཤིན་ཏུ་མི་གཡོ་བ། །དེ་དག་གིས་ནི་ངན་འགྲོའི་རྒྱུན། །སྡུག་བསྔལ་ཀུན་འབྱུང་རབ་ཏུ་བཅད། །བདག་ཉིད་ཆེན་པོ་ཁྱེད་
[47b.4]རྣམས་ཀྱིས། །རྙེད་པ་མཉམ་མེད་དེ་རིང་རྙེད། །གང་ཕྱིར་རྒྱལ་བ་སྲས་བཅས་པ། །བདག་ཉིད་ཆེན་པོ་ཀུན་གྱིས་ནི། །བསྟན་པ་འདི་ལ་ཁྱེད་རྣམས་ཀུན། །ཡོངས་སུ་བཟུང་སྟེ་སྐྱེ་བཞིན་པས། །དེ་ཕྱིར་ཁྱེད་རྣམས་ཐེག་ཆེན་ལ། །སང་ནི་རབ་ཏུ་སྐྱེ་བར་འགྱུར། །ཐེག་
[47b.5]པ་ཆེན་པོ་ཆེར་འབྱུང་བའི། །ལམ་མཆོག་འདི་ནི་དཔའ་དང་ལྔ། །ཁྱེད་རྣམས་འདིར་ནི་དང་བས་ན། །དེ་བཞིན་གཤེགས་པ་རྣམས་སུ་འགྱུར། །རང་འབྱུང་སྐལ་བ་ཆེན་པོ་པ། །འཇིག་རྟེན་ཀུན་གྱི་འདྲེན་པ་ཡི། །ཡོད་དང་མེད་པ་རྣམ་པར་འདས། །ནམ་མཁའ་བཞིན་དུ་
[47b.6]དྲི་མ་མེད། ཟབ་མོ་རྟོག་གེ་ཐམས་ཅད་ཀྱིས། །རབ་ཏུ་བརྟག་མེད་རྙོག་པ་མེད། །སྤྲོས་པ་ཐམས་ཅད་དང་བྲལ་བ། །སྤྲོས་པ་རྣམས་ཀྱིས་མ་སྤྲོས་པ། །བྱ་དང་ལས་ལ་སོགས་དང་བྲལ། །བདེན་པ་གཉིས་ལ་བརྟེན་པ་ཡི། །ཡེ་ཤེས་མཆོག་དང་གཙོ་འདི་ཡི། །ཚུལ་ལ་
[47b.7]གནས་པར་གྱུར་པ་ཡིན། །ཞེས་བྱ་བ་བརྗོད་པར་བྱའོ། །དེ་ནས་ཡང་སློབ་མ་རྣམས་ཀྱིས་འདི་སྐད་བརྗོད་པར་བྱ་སྟེ། ཕྱིར་མི་ལྡོག་པ་འཁོར་ལོའི་དབང་། །བྱིན་ནས་མགོན་པོས་བདག་ལ་གསུངས། །དཀྱིལ་འཁོར་ལྷ་ཡི་དེ་ཉིད་དང་། །སློབ་དཔོན་གྱི་ནི་ལས་རྣམས་དང་། །
[48a]
[48a.1]སངས་རྒྱས་རྣམས་ཀྱི་དམ་ཚིག་དང་། །གསང་བའི་སྡོམ་པ་བླ་ན་མེད། །སེམས་ཅན་རྣམས་ཀྱི་དོན་བྱེད་ཕྱིར། །རྟག་ཏུ་བདག་ནི་སློབ་དཔོན་གྱུར། །ཞེས་ལན་གསུམ་བརྗོད་པར་བྱའོ། །དེ་ནས་སློབ་དཔོན་གྱིས་བརྗོད་པར་བྱ། །འཁོར་ལོ་བཅུ་གཉིས་དཀྱིལ་
[48a.2]འཁོར་ཆེ། །མཁའ་འགྲོ་རྒྱ་མཚོ་ཀུན་བཞེངས་པ། །དཔལ་ཧེ་རུ་ཀའི་དྲིན་གྱིས་གསུངས། །ཞེས་བྱ་དེ་ནས་སྨྲ་བ་ནི། །རྨི་ལམ་ཇི་ལྟར་རྙེད་པ་ཡང་། །བདག་གི་མདུན་དུ་སྨྲ་བྱའོ། །ཞེས་བྱ་བ་ནི་ཡང་བརྗོད་ནས། །སློབ་མ་ཉལ་ས་བཟང་པོར་བཏང་། །སློབ་མ་ཡོན་ཏན་
[48a.3]ལྡན་པ་དེ། །དཀྱིལ་འཁོར་གྱི་ནི་སར་ཞུགས་ནས། །སྒོམ་པ་སོགས་དང་བཟླས་བྱས་ནས། །ལྕེ་ལ་ཟླ་བའི་སྟེང་གསལ་བ། །ཨཱཿལས་འོད་དཔག་མེད་པ་ནི། །རང་གི་ལྷ་མོ་རང་ཕྱག་འཁྱུད། །འདི་དམིགས་བྱས་ནས་དེའི་སྙིང་གར། །ཨཱཿཡི་ཡི་གེ་མཛེས་པ་དགོད། །སྒྲུབ་
[48a.4]པ་པོ་ཡི་སྔགས་འདི་ཡིས། །ལེགས་པར་བྱིན་བརླབས་ལྕེ་དེ་ལ། །ཨོཾ་པདྨ་ས་རཱདྠ་ཏི་སུརྱ་མཱ་བ་ཧཱ་ཡ་ཧྲཱིཿ་ཞེས་པ་བྱའོ། །ག་བུར་ཨ་རུར་བསྲེས་པ་ཡི། །དེ་ནས་བདུག་སྤོས་བླངས་ནས་ནི། །དཀྱིལ་འཁོར་པ་དང་སངས་རྒྱས་ནི། །དེ་རྣམས་ལ་ཉེར་སྙན་གསན་དབབ། །
[48a.5]ཕྱོགས་བཅུ་རྫོགས་པའི་སངས་རྒྱས་ནི། །སྲས་བཅས་འཇིག་རྟེན་ལ་གྲངས་དང་། །རྡོ་རྗེ་རིན་ཆེན་རིགས་དང་ནི། །པདྨ་ལས་ཀྱི་རིགས་དེ་བཞིན། །སྙིང་པོ་ཕྱག་རྒྱ་སྔགས་རིགས་པས། །གང་ཞིག་ལྷ་ཡི་ཚོགས་ཐམས་ཅད། །ཆོས་ཀྱི་དབྱིངས་ལ་བཞུགས་པ་ནི། །དེ་རྣམས་
[48a.6]བདག་ལ་དགོངས་སུ་གསོལ། །བདག་མིང་འདི་ཞེས་བྱ་བ་དང་། །མཁའ་འགྲོ་རྒྱ་མཚོ་དཔའ་མཆོག་གི །ཇི་ལྟར་ནུས་པའི་ཉེར་སྤྱད་ཀྱིས། །དཀྱིལ་འཁོར་བྲི་བར་བྱའོ་ཀྱེ། །སློབ་མ་རྣམས་ལ་བརྩེ་དོན་དང་། །ཁྱེད་རྣམས་ལ་ཡང་མཆོད་པའི་ཕྱིར། །རྗེས་སུ་བརྩེ་བས་ཉེར་
[48a.7]དགོངས་ལ། །ཉེ་བ་ཉིད་དུ་མཛད་པར་རིགས། །ཞེས་བྱ་བརྗོད་པས་ལེགས་མཆོད་དེ། །དེ་བཞིན་དཀྱིལ་འཁོར་སྟེང་དུ་ནི། །དཀྱིལ་འཁོར་ཐམས་ཅད་མ་ལུས་པ། །སྔོན་བཞིན་ནམ་མཁའ་ལ་བཞག་ནས། །དཀྱིལ་འཁོར་པ་དེ་རྣམས་ཀྱང་ནི། །དག་པའི་ཤེལ་དང་འདྲ་བ་ལ། །
[48b]
[48b.1]འོད་ཀྱི་དཀྱིལ་འཁོར་འབར་བ་རྣམས། །དཀར་པོའི་རྒྱན་གྱིས་བརྒྱན་པ་རྣམས། །ཁང་པ་བརྩེགས་པར་ལེགས་དམིགས་ནས། །ཟླ་བའི་ཟེར་དང་མཉམ་པའི་འོད། །ལྷ་མོ་རྣམས་དང་ཡང་དག་ལྡན། །ཞི་བའི་དཔལ་ཁྲག་འཐུང་དེ་བཞིན། །རང་སྙིང་ཧཱུཾ་གི་འོད་རྣམས་ཀྱིས། །ལེགས་
[48b.2]བལྟས་ཡང་དག་བཀུག་བྱས་ནས། །རང་གི་ལུས་ལ་གཞུག་བྱས་ཏེ། །དེ་ཡི་ཁ་སྦྱར་གྱུར་པ་ན། །བསྲུབ་དང་བསྲུབ་པའི་སྦྱོར་བ་ཡིས། །དཔའ་བོ་སོགས་ཀྱང་སྔོན་བཞིན་དུ། །རང་གི་ལུས་ལ་གནས་བྱས་ནས། །དཀྱིལ་འཁོར་ས་ལ་ཉལ་བར་བྱ། །དེ་བཞིན་དུ་ནི་
[48b.3]ཡང་གསུངས་པ། །གཙོ་བོའི་སློབ་མ་དང་བཅས་པ། །ཡོན་ཏན་རྒྱ་མཚོའི་བྱེ་བྲག་ཤེས། །ཡེ་ཤེས་དཀྱིལ་འཁོར་ལ་བལྟས་ནས། །དཀྱིལ་འཁོར་ས་དང་ཉེ་བར་ཉལ། །ཞེས་སོ། །དེ་རྣམས་ནི་ལྷག་པར་གནས་པའི་ཆོ་གའོ།། །།དེ་ཡི་རྗེས་སུ་སློབ་དཔོན་ནི། །ལྷ་
[48b.4]རྣམས་ཀྱིས་ནི་རབ་བསྐུལ་ནས། །གཉིད་ལས་སད་པར་གྱུར་ནས་ནི། །རང་ལ་བཅུག་པའི་དཀྱིལ་འཁོར་ཡང་། །ཕྱེ་ནས་ནམ་མཁའ་ལ་དམིགས་ཏེ། །དེ་བཞིན་གླུ་དང་སྒྲ་ལ་སོགས། །སྤོས་ལ་སོགས་པས་མཆོད་བྱས་ནས། །སློབ་མ་བོས་ལ་རྨི་ལམ་དྲིས། །ངན་ན་སྦྱིན་སྲེག་
[48b.5]ལ་སོགས་བྱ། །དེ་ནས་ཡེ་ཤེས་ཐིག་གདབ་སྟེ། །གཞོན་ནུ་མ་བྱས་སྐུད་པའམ། །དེ་བཞིན་དཔའ་བོའི་རིན་གྱིས་ཉོས། །སྐྲ་ཤད་སོགས་མེད་ལེགས་དག་པ། །དཀར་པོ་ལ་སོགས་ཁ་དོག་ལྔ། །གཙོ་བོར་བྱས་ལ་ཡང་དག་པར། །ཐིག་སྐུད་ལྔ་ནི་བསྒྲིལ་བར་བྱ། །སྦོམས་སུ་སྒོ་ལས་
[48b.6]ཉི་ཤུར་ནི། །གཅིག་གིས་མ་ཚང་ཚད་ཅན་ནོ། །དེ་ནི་མདུད་པར་མི་འགྱུར་ཕྱིར། །ཤིང་ལ་སོགས་ལ་དཀྲིས་བྱས་ཏེ། །གསེར་ལ་སོགས་པའི་སྣོད་བཞག་ནས། །དྲི་དང་མེ་ཏོག་ཡང་དག་བརྒྱན། །རིགས་ལྔའི་ས་བོན་ཡི་གེ་གསུམ། །སྭཱ་ཧཱར་སྤེལ་ལ་ཐིག་སྐུད་ནི། །སོ་སོ་
[48b.7]རང་རང་ལ་བསམས་ནས། །ཡེ་ཤེས་པ་ཡི་ཚུལ་གྱིས་ནི། །དེ་བཞིན་སངས་རྒྱས་ཀུན་རང་བཞིན། །དཔལ་ཧེ་རུ་ཀ་དེ་བཞིན་དཔལ། །རང་གི་ལྷ་མོ་རྣམས་དང་ལྡན། །ཧཱུཾ་གི་ཡི་གེ་འབའ་ཞིག་ལས། །ཐིག་སྐུད་ལ་བསམས་བློ་ལྡན་པས། །སྐུ་གསུང་ཐུགས་ནི་
[49a]
[49a.1]གཟུགས་ཉིད་ཕྱིར། །ཐམས་ཅད་ཀྱི་འདིར་ཆོ་ག་གསུངས། །ཐུན་མོང་དུ་ནི་མཉམ་དོན་དུ། །ཡེ་ཤེས་ལྔ་ཡི་རང་བཞིན་བྱ། །མིག་དག་ལ་ནི་ཛཿཡིག་གི། །སེར་པོ་ཉི་ཟླ་དག་བགོད་ནས། །ཨོཾ་དཱི་པྟ་དྲྀཥྚི་ཀུ་ཤི་ཛཿ། ཞེས་བརྗོད་ལྕགས་ཀྱུའི་
[49a.2]རྣམ་པ་ཡིས། །སྤྲོས་པའི་འོད་ཟེར་སྤྲིན་ཚོགས་དང་། །དེ་ཉིད་སླར་ཡང་བརྗོད་པར་བྱ། །དཔལ་ཧེ་རུ་ཀ་སོགས་ཀུན་དེ། །འབར་བའི་ལྟ་བས་བལྟས་པ་ཡིས། །ལྷ་ལ་མཆོད་པ་བྱེད་བཞིན་པས། །བརྟུལ་ཞུགས་ཅན་གྱིས་འདི་ལྟར་བསྐུལ། །འཁོར་ལོའི་སྐུད་པས་རབ་ཏུ་
[49a.3]གསོལ། །བདག་གི་རྡོ་རྗེ་སྐུད་པར་ཤོག །འབའ་ལྟའི་ལྕགས་ཀྱུས་དྲངས་རྣམས་ཀྱིས། །དཔལ་ཧེ་རུ་ཀ་སོགས་རྗེས་གནང་བས། །རང་ཉིད་སྐུད་པས་རང་ལག་གིས། །སྒྲུབ་པོས་སྐུད་པ་ཀུན་དག་བྱ། །ཨོཾ་ཨ་ནྱོ་ནྱཱ་ནུ་ག་ཏཱ་སརྦ་དྷརྨཿཨོཾ་པ་ར་སྤ་རཱ་ནུ་པྲ་བིཥྚ་སརྦྦ་དྷརྨཱཿ
[49a.4]ཨོཾ་ཨ་ཏྱནྟཱ་ནུ་པྲ་བཥིཿ་སརྦ་དྷརྨཱཿ། འདི་བརྗོད་ནས་ནི་དེ་ལ་དོན། དངོས་པོ་བཞིན་དུ་མངོན་བྱས་ནས། །གཡོག་དང་བཅས་པའི་སྒྲུབ་པ་པོས། །སྔགས་འདི་བཟླས་ཤིང་བསྒྲིལ་བར་བྱ། །སྔགས་ནི་ཨོཾ་ཧྲཱིཿཧ་ཧ་ཧཱུཾ་ཧཱུཾ་ཕཊ། བསྒྲིལ་ནས་དེ་ནས་ཡང་དག་པར། །དེ་ལ་གསེར་
[49a.5]ལ་སོགས་སྣོད་དུ། །མེ་ཏོག་སྤོས་སོགས་ཀྱིས་ཡང་དག །སྔོན་བཞིན་ལེགས་པར་མཆོད་བྱས་ནས། །མིག་གཉིས་མ་ཊ་དག་གིས་ནི། །སྔོན་བཞིན་ཉི་ཟླར་བལྟས་ནས་ནི། །རྡོ་རྗེའི་ཁུ་ཚུར་བཅིངས་པ་ཉིད། །བརྟན་པར་བྱས་ལ་སྔགས་བཟླས་བྱ། །སྔགས་ནི་ཨོཾ་
[49a.6]བཛྲ་ས་མ་ཡ་སཱུ་ཏྲཱཾ་མཱ་ཏེ་ཀྲ་མ་ཧཱུཾ། བརྒྱ་རྩ་བརྒྱད་དུ་བཟླས་ནས་ནི། །ཡི་གེ་གསུམ་གྱི་སྟོང་ཕྲག་གཅིག །སླར་ཡང་དཀྱིལ་འཁོར་ས་གཞི་ལ། །ཀུན་ནས་ཉེ་བར་བྱུགས་བྱས་ནས། །མེ་ཏོག་རྣམས་ཀྱིས་ལེགས་བརྒྱན་ཏེ། །མཁར་གནས་རྡོ་རྗེ་མཆོད་ཡོན་དབུལ། །
[49a.7]ལྷ་མོ་རྣམས་ཀྱིས་ལེགས་མཆོད་དེ། །གཏོར་མ་ཆེན་པོ་བྱིན་ནས་ནི། །བློ་ལྡན་དཀྱིལ་འཁོར་ཐིག་གདབ་བྱ། །དེ་ནས་ཡི་གེ་བདུན་པའི་སྔགས། །རང་གི་ཡིད་ཀྱིས་བཟླས་པར་བྱ། །རང་དཔལ་ཧེ་རུ་ཀར་གྱུར་ནས། །ལྷན་ཅིག་བྱེད་པ་བསྐུལ་བྱ་བ། །དུམ་སྐྱེས་རང་
[49b]
[49b.1]བཞིན་དུ་བྱས་ཏེ། །མངོན་སུམ་ཡང་དག་བྱིན་བརླབས་ནས། །རྡོ་རྗེའི་ཁུ་ཚུར་བཏེག་བཞག་ནས། །སྐུད་པ་དེ་ནི་གཡོན་པས་བཟུང་། །གྲོགས་པོའི་ལག་པར་བརྐྱང་བྱིན་ནས། །ཕྱོགས་ཀུན་དག་ནི་མཉམ་པར་བྱ། །ཨོཾ་ཛཿཛཿཛཿནི་བརྗོད་བཞིན་དུ། །དེ་ནས་གྲོགས་
[49b.2]པོས་བསྐུལ་བར་བྱ། །དེས་ཀྱང་ལག་གཡོན་ཁུ་ཚུར་གྱིས། །ལེགས་པར་བཟུང་ནས་དེ་བཞིན་བརྗོད། །རྒྱབ་ཀྱིས་འགྲོ་བས་སྐུད་དྲངས་ཏེ། །ཇི་ལྟའི་རིམ་པས་དྲང་བར་བྱ། །དང་པོ་ནུབ་དང་ལྷོ་ཡི་ནི། །སྒོ་རུ་སྒྲུབ་པ་པོ་གནས་བྱ། །ཤར་དང་བྱང་དུ་ཁ་ཕྱོགས་ནས། །
[49b.3]ལྟེ་བའི་ཕྱོགས་སུ་གཟུང་བར་བྱ། །སྔགས་པས་ལན་ནི་གང་བྱེད་པ། །དེ་བཞིན་སྒྲུབ་པོའི་གྲོགས་མཆོག་གིས། །ཡང་ནི་གཡོན་ནས་བསྐོར་ནས་སུ། །གསང་སྔགས་འདི་ནི་བརྗོད་བཞིན་པས། །ཨོཾ་བཛྲ་ས་མ་ཡ་སཱུ་ཏྲཱཾ་མཱ་ཏི་ཀྲ་མ་ཧཱུཾ། དེ་བཞིན་ཤར་དུ་ཁ་བལྟས་
[49b.4]ནས། །དེ་ཡི་ས་ལ་བརྐྱང་ནས་ནི། །ཚངས་པའི་ཐིག་གཉིས་ཡང་དག་པར། །མཉམ་པར་གཞག་པས་རབ་བརྐྱང་བྱ། །སྔགས་པས་ཐིག་ནི་འདེབས་པ་ན། །དེ་བཞིན་གཤེགས་རྣམས་དེ་ཡི་སྒྲས། །མ་ལུས་ནམ་མཁའ་ཁྱབ་པ་ནི། །དེ་ལྟར་ལན་ཅིག་ཏུ་ནི་བསྐུལ། །
[49b.5]འདིར་ནི་སེམས་ཅན་དོན་དུས་ལ། །བབ་ཅེས་རྣམ་པར་བསམ་པར་བྱ། །བསྐོར་བ་ཡིས་ནི་དེར་འགྲོ་སྟེ། །སློབ་དཔོན་དང་ནི་གྲོགས་པོ་དང་། །གཡོན་པའི་སྤྱོད་པས་གཙོ་བོའི་ཕྱིར། །གཡོན་པའི་ཆོག་ཐམས་ཅད་དུའོ། །དེ་ལྟར་ན་ཡང་ལྟོས་པ་ཡིས། །རྟོགས་པར་
[49b.6]དཀའ་བས་གཡས་སྐོར་བྱ། །རླུང་དང་དབང་ལྡན་གྲྭར་གནས་ནས། །མེ་དང་བདེན་བྲལ་ཁ་བལྟས་ནས། །སྔགས་པས་གྲུ་ཡི་ཐིག་གཉིས་ནི། །ཇི་ལྟའི་རིམ་པས་རབ་དྲང་བྱ། །དེ་ནས་མེ་རུ་གནས་པ་ཉིད། །དེ་བྱང་ཁ་བལྟས་དེ་བཞིན་དུ། །ལྟེ་བའི་ཕྱོགས་སུ་བལྟས་
[49b.7]ནས་ནི། །དེ་ལ་དབང་པོའི་ཕྱོགས་གདབ་བྱ། །དེ་ནས་རང་ཉིད་རླུང་གི་ནི། །ཕྱོགས་སུ་གནས་ནས་སྔོན་བཞིན་དུ། །སྔགས་པས་ལྷོ་རུ་མངོན་འཕགས་པས། །ཆུ་ལྷའི་ཕྱོགས་ནི་གདབ་པར་བྱ། །དེ་ནས་དེ་ཉིད་གནས་པ་དེ། །ཤར་དུ་མངོན་ཕྱོགས་ཡང་དག་གནས། །
[50a]
[50a.1]བསྐོར་བ་ཡིས་ནི་འགྲོ་བྱས་ཏེ། །མཁས་པས་ལུས་ངན་དུ་གདབ་བྱ། །མེ་ཡི་ཕྱོགས་སུ་གནས་པ་ནི། །ནུབ་ཏུ་མངོན་ཕྱོགས་དེ་བཞིན་དུ། །གཤིན་རྗེ་རུ་ནི་ཐིག་གདབ་བྱ། །དེ་ནས་གྲུ་བཞི་པར་འགྱུར་རོ། །དེ་ནས་མཁས་པས་མཆོད་ལ་གཞག །ཡེ་
[50a.2]ཤེས་ཐིག་སྐུད་གཤེགས་སུ་གསོལ། །དེ་ནས་སྔོན་པོ་ལ་སོགས་ཚོན། །གསེར་ལ་སོགས་པའི་སྣོད་བཞག་སྟེ། །བཀང་ནས་ཆོ་གས་བརྩམ་པར་བྱ། །ཚོན་ལྔའི་རང་ཉིད་སྐུད་པ་ལ། །ཧཱུཾ་ལས་དཀྱིལ་འཁོར་གྱི་གདབ་པོ། །ཀུན་དུ་འཁོར་ལོ་ལེགས་ལྡན་པ། །བསམས་ནས་
[50a.3]དེ་ལ་ཐིམ་པར་བསྒོམ། །ཉི་མའི་དཀྱིལ་འཁོར་བསམ་པར་བྱ། །གཞན་དུ་ཨོཾ་ཡིག་གིས་སྦར་བས། །བདེན་པའི་བྱིན་རླབས་དག་གིས་ནི། །ཇི་སྲིད་རྡུལ་ཚོན་རྣམས་འབར་བྱ། །རྡུལ་ཚོན་མང་པོ་གང་གིས་ནི། །བདེན་པས་སེམས་ཅན་རྗེས་ཆགས་པས། །བདེན་པོ་དེ་
[50a.4]ཡིས་རྡུལ་ཚོན་ནི། །མངོན་པར་འབར་བར་འགྱུར་བར་ཤོག །རབ་ཏུ་སྦྱོར་བའི་སྟོབས་གོམས་པའི། །སྟོབས་ཀྱིས་གང་འབར་ཞེས་བྱར་ཤོག །དེ་ནས་ཡི་གེ་གསུམ་གྱིས་ཀྱང་། །བརྒྱ་རྩ་བརྒྱད་དུ་བཟླས་པར་བྱ། །ཨོཾ་བཛྲ་ཙི་ཏྲ་ས་མ་ཡ་ཧཱུཾ། ཞེས་བྱ་བརྒྱ་རྩ་བརྒྱད་དུའོ། །
[50a.5]ཡང་དག་མཆོད་མས་དེ་ནས་ཕྱིས། །ལེགས་མཆོད་བདག་པོའི་འབྱོར་ལྡན་པས། །བླ་མེད་ཤེས་རབ་བླངས་ནས་ནི། །རང་གི་དྲིལ་བུའི་སྒྲ་རྣམས་ཀྱིས། །མཚན་མ་ངན་སོགས་གང་ཡིན་ཏེ། །བསལ་ནས་དེ་ནས་རིམ་པ་ཡིས། །ཚོན་རྩི་དགྱེ་བའི་དུས་སུ་ནི། །ཡེ་ཤེས་ཐིག་
[50a.6]ནི་ནམ་མཁའ་ལ། །རྩ་བའི་སྔགས་བརྗོད་ནས་བཏེག་སྟེ། །བྲི་བ་ཟིན་ནས་ཕབ་ལ་བསྟིམ། །དབུས་སུ་ཚོན་གྱི་ཐིག་ལེ་དཀར། །དཀར་པོའི་ཅིག་ཤོས་ཤར་འདབ་ཏུ། །ལྗང་གུ་གཡོན་པའི་འདབ་མ་ལ། །དེ་བཞིན་དམར་པོ་རྒྱབ་འདབ་ལའོ། །གཡས་ཀྱི་འདབ་མར་སེར་
[50a.7]པོ་དགོད། །དེ་ལྟར་ཐིག་ལེ་ལྔ་པའོ། །ལག་པ་གཡོན་པས་རེག་ནས་ནི། །གསང་སྔགས་འདི་ནི་བརྗོད་པར་བྱ། །ཨོཾ་བཛྲ་རཾ་ག་ས་མ་ཡ་ཨོཾ་ཨཱཿཧཱུཾ། ཁུ་ཚུར་གཡོན་པས་དབང་ལྡན་ནས། །རི་མོ་རབ་ཏུ་དབབ་པར་བྱ། །ཕྱི་ནས་ཇི་ལྟར་བདེ་བ་ཡི། །དཀྱིལ་འཁོར་ན་
[50b]
[50b.1]གནས་སློབ་རྣམས་ཀྱིས། །དཀར་པོ་དམར་པོ་ལྗང་གུ་དང་། །སེར་པོ་ནག་པོ་དེ་བཞིན་མཆོག །ཕྱི་ལ་སོགས་པའི་ཚོན་རྩི་རྣམས། །རབ་རྣམས་སུ་རབ་ཏུ་གྲགས། །ཇི་ལྟར་ཕྱེ་བའི་དེའི་ཚད་ལས། །སྦོམ་མིན་ཕྲ་བ་མིན་དེ་བཞིན། །འཁྱོག་མིན་ཡོངས་སུ་འཁོར་བར་ནི། །
[50b.2]མཁས་པས་རི་མོ་དབབ་པར་བྱ། །དེ་བཞིན་དུ་ནི་ཡང་གསུངས་པ། །སྦོམ་པོ་ཡིས་ནི་ནད་དུ་འགྱུར། །ཕྲ་བ་ཡིས་ནི་ནོར་འཛད་བྱེད། །ཡོན་པོས་སྡང་བར་རབ་ཏུ་གྲགས། །ཆད་པ་ཡིས་ནི་འཆི་བར་འགྱུར། །གཞན་ཡང་གསུངས་པ། སྦོམ་པོ་ཡིས་ནི་ཕོ་བའི་ནད། །ཕྲ་བ་
[50b.3]ཡིས་ནི་ཟད་པར་འགྲོ། །དེ་ལ་སོགས་པའི་རྐྱེན་རྣམས་སུ། །བླ་མ་སློབ་མ་དག་ལ་འགྱུར། །དཀྱིལ་འཁོར་ཁྲུ་ནི་དྲུག་པ་ལ། །སྦོམས་སུ་མཐེའུ་ཆུང་ཚད་དུ་འདོད། །དཀྱིལ་འཁོར་ཀུན་གྱི་ཐུན་མོང་དུ། །སྒོ་ཡི་ཉི་ཤུ་ཆ་ཉིད་དོ། །ཚོན་དགྱེད་པ་ཡི་དབྱེ་བ་རྣམས། །
[50b.4]མངོན་རྟོགས་རིམ་པ་ལས་ཤེས་བྱ། །འོན་ཀྱང་དབུས་ཀྱི་མཚན་མ་ནི། །རྡོ་རྗེ་དང་ནི་གྲི་གུག་གོ། །ཐོད་པ་རྣམས་ལ་ཐོད་པ་སྟེ། །ལྷག་མ་རྣམས་ལ་གྲི་གུག་གོ། །ཆོས་འཆད་ཕྱག་རྒྱ་བསྐལ་བཟང་པོའི། །དཀྱིལ་འཁོར་བྲི་བའི་དུས་སུ་ནི། །རླུང་ལ་སོགས་པ་བྱུང་བ་ནི། །དེ་
[50b.5]ཕྱིར་དོན་དམ་པ་ཅན་གྱི། །བྱང་ཆུབ་སེམས་ནི་བསྒོམ་པར་བྱ། །ཡང་ན་རལ་གྲིའི་རྩེ་མོའི་ཆར། །བསེ་ཤིང་འབྲས་བུ་ལས་བྱུང་བའི། །སྙིང་པོའི་ས་བོན་ཕཊ་བྲིས་ནས། །སྔགས་རིག་པ་ཡི་ཕྱི་རོལ་དུ། །སྟོབས་པོ་ཆེ་ཡི་འགྱིང་བས་སམ། །མཁའ་འགྲོ་རྒྱ་མཚོའི་འབྱོར་ལྡན་
[50b.6]པས། །རལ་གྲི་དེ་ཡིས་སྤྲིན་ལ་སོགས། །རླུང་ལ་མངོན་པར་ཕྱོགས་དཔས་ནི། །ཕཊ་ཅེས་བྱ་བ་བརྗོད་བཞིན་དུ། །ལན་ཅིག་ཁྲོ་བོའི་ལུས་ཀྱིས་ནི། །མཚོན་ཆའི་ཚུལ་དུ་མངོན་པར་བྱ། །སངས་རྒྱས་ཡིན་ཡང་ཉམས་པར་བྱེད། །འཇུག་པ་དང་ནི་འབྱུང་བ་ན། །གཏོར་མ་
[50b.7]བྱིན་ལ་བཅག་པར་བྱ། །དེ་ནས་མཚོན་གྱི་ཕྱེ་མ་ནི། །གནས་མིན་པ་རུ་ལྟུང་བ་རྣམས། །རས་ལ་སོགས་པས་ཕྱིས་ནས་ནི། །ཡི་གེ་བརྒྱ་པ་བཟླས་པ་ཡི། །དྲི་ཞིམ་ཆུ་ཡིས་དབང་ལྡན་ནས། །བརྩམ་ལ་ཕྱི་ནས་བསང་གཏོར་བྱ། །དེ་ནས་ཚོན་གྱི་ལྷག་མ་རྣམས། །ཡེ་ཤེས་
[51a]
[51a.1]པ་གཤེགས་གཞན་དུ་གཞག །དེ་ནས་དཀྱིལ་འཁོར་ཀུན་འཁོར་བར། །བདུག་སྤོས་རྣམ་པ་མང་པོ་དང་། །མར་མེའི་ཕྲེང་དང་མཆོད་པ་གཞན། །སྣ་ཚོགས་མེ་ཏོག་ཕྲེང་བ་རྣམས། །བླ་རེའི་སྟེང་ནས་དཔྱད་པར་བྱ། །དེ་ནས་དཀྱིལ་འཁོར་དབུས་སུ་ནི། །
[51a.2]ལག་གཡོན་ཡང་དག་རེག་བྱས་ནས། །དཀྱིལ་འཁོར་བདག་པོའི་གསང་སྔགས་ཀྱིས། །ལན་བདུན་དུ་ནི་བཟླས་པར་བྱ། །ཉི་མ་དགོངས་ཀ་དེ་ཉིད་ལ། །རང་ཉིད་ལྷ་བསྒོམ་སྔོན་སོང་བས། །གར་ཤེས་བུད་མེད་རྣམ་ལྡན་པའི། །གླུ་དང་སྒྲ་ལ་སོགས་ཀུན་གྱིས། །སངས་རྒྱས་
[51a.3]ཞིང་དུ་རྣམ་གནས་པ། །སངས་རྒྱས་ཀུན་དང་འཁོར་ཐམས་ཅད། །ནམ་མཁའི་ཕྱོགས་སུ་བཞུགས་རྣམས་དང་། །དཀྱིལ་འཁོར་པ་རྣམས་ལེགས་མཆོད་དེ། །འདི་ལྟར་བསྐུལ་ཞིང་སྤྱན་དྲང་བྱ། །ཕྱོགས་མ་ལུས་ཀུན་རྣམས་བཞུགས་པའི། །སངས་རྒྱས་བདག་ལ་དགོངས་
[51a.4]སུ་གསོལ། །རྡོ་རྗེ་ཆེ་བདག་ཆེ་གེ་མོ། །དཀྱིལ་འཁོར་བདག་གི་བརྟག་པར་བྱ། །དེ་ཕྱིར་སངས་རྒྱས་ཀུན་གཤེགས་ལ། །དེང་བདག་དངོས་གྲུབ་རབ་ཏུ་གསོལ། །དེ་ལྟར་བརྗོད་ནས་ཕྱག་བྱས་ཏེ། །ཐུགས་ཀའི་ཡེ་ཤེས་རྡོར་ཧཱུཾ་ལས། །ལྕགས་ཀྱུའི་རྣམ་པའི་འོད་
[51a.5]ཚོགས་ཀྱིས། །བཅོམ་ལྡན་དཔའ་བོའི་གཙོ་བོ་ནི། །སྤྲུལ་པ་གཟུགས་ཀྱིས་བཞུགས་པ་ལ། །ཁ་སྦྱར་གྱུར་པ་ཡང་དག་གནས། །དེ་ཕྱིར་ཡང་དག་བསྐུལ་བཀུག་ལ། །ཧཱུཾ་གི་ཡི་གེ་ལ་གཞུག་བྱ། །ནམ་མཁར་གནས་རྣམས་དང་ལྷན་ཅིག །དཀྱིལ་འཁོར་པ་ཀུན་རྣམ་
[51a.6]བསམས་ནས། །ཇི་ལྟའི་གནས་སུ་གཅིག་བྱས་པ། །ཧཱུཾ་གིས་བྱས་པར་ལན་ཅིག་བསྒོམ། །རི་མོ་ལ་སོགས་རྣམས་བཀོད་ལ། །དེ་ལྟར་རང་གི་དཀྱིལ་འཁོར་གཞུག །དཀྱིལ་འཁོར་དགོད་པའི་རིམ་པ་ནི། །མངོན་རྟོགས་ལས་ནི་ཤེས་པར་བྱ། །དཀྱིལ་འཁོར་ལྷ་
[51a.7]ཚོགས་བཀོད་ནས་སུ། །སྔགས་འདི་དག་ནི་བརྗོད་པར་བྱ། །ཨོཾ་བཛྲ་བེེ་གཱ་ཀྲ་མ་ཧཱུཾ། ཡང་ན་ཡི་གེ་གསུམ་དྲན་བྱ། །གལ་ཏེ་རྡུལ་ཚོན་མ་ནུས་ན། །དཀྱིལ་འཁོར་དང་མཉམ་རས་ལ་ནི། །སྔར་ནས་ཚོན་གྱིས་བྲི་བར་བྱ། །གལ་ཏེ་དེ་ཡང་མ་ནུས་ན། །དེ་དང་དེ་གནས་
[51b]
[51b.1]སྔགས་བསྒོམ་བྱ། །ངེས་པར་ཧེ་རུ་ཀ་མགོན་པོ། །ཕྱག་རྒྱ་བཞི་དང་ལྡན་པ་བྲི། །ཅུང་ཞིག་དཀྱིལ་འཁོར་མ་རྫོགས་པར། །དེ་ཡི་དུས་ན་ཡོངས་རྫོགས་འགྱུར། །ལྷ་ཡི་འཁོར་ལོ་རྣམས་བཀོད་ནས། །འདི་ལྟར་སྤོས་ལ་སོགས་པས་ཀྱང་། །དཀྱིལ་འཁོར་པ་ཀུན་སོ་སོར་ནི། །
[51b.2]མངོན་དུ་བྱས་ནས་ཡང་དག་མཆོད། །གཙོ་བོའི་རྣལ་འབྱོར་དམིགས་བྱས་ནས། །ཁྲོ་བོ་ཧཱུཾ་ཞེས་བརྗོད་པ་ཡིས། །མེ་ཏོག་ཕྲེང་བ་ལེགས་བཟུང་ནས། །ཧཱུཾ་ཞེས་ཡང་དག་བརྗོད་བཞིན་དུ། །སྔགས་པས་དཀྱིལ་འཁོར་དུ་ཞུགས་ཏེ། །གཡས་དང་གཡོན་པའི་སྦྱོར་བ་ཡིས། །
[51b.3]བལྟ་ཞིང་དྲིལ་བུ་བསྐྱོད་བྱས་ནས། །ལན་གསུམ་དུ་ནི་བསྐོར་བར་བྱ། །བསྐུར་བའི་མེ་ཏོག་ཕྲེང་བླངས་ནས། །བརྟུལ་ཞུགས་ཅན་གྱིས་སླར་ལ་ཡང་། །རང་གི་མགོ་ལ་བཅིང་བར་བྱ། །ཁྲོ་བོའི་ལྟ་སྟངས་ཡོངས་ལྡན་པས། །ནུབ་ལ་སོགས་པའི་སྒོ་བཞི་རུ། །གནས་ནས་
[51b.4]ཡི་གེ་གསུམ་བརྗོད་བྱ། །ཤར་ལ་སོགས་པའི་སྒོ་བཞི་ནི། །མོས་པས་ཡིད་ཀྱིས་དབྱེ་བར་བྱ། །སྒོ་འབྱེད་པའི་སྔགས་ནི། ཨོཾ་བཛྲཱོད་གྷ་ཊ་ཡ་ས་མ་ཡ་པྲ་བེེ་ཤ་ཡ་ཧཱུཾ་ཕཊ། དེ་ནས་བདུད་རྩི་ལྔ་ལྡན་པ། །དྲི་ཡི་ཆུ་དང་ཡང་དག་ལྡན། །དཔལ་ཧེ་རུ་ཀའི་མདུན་དུ་ནི། །དུང་
[51b.5]ཕོར་བཞག་ནས་དེ་ནས་ཡང་། །སྔགས་པ་རིག་མ་དང་བཅས་པ། །དེ་བཞིན་དཀྱིལ་འཁོར་དུ་ཞུགས་ནས། །དེ་ནས་རྗེས་གནང་བླངས་ནས་ནི། །རང་ཉིད་བྱིན་གྱིས་ཡང་དག་བརླབ། །རང་གི་མིང་ནི་བརྗོད་ནས་སུ། །ཡང་ནི་སྤྱི་བོས་ཕྱག་བྱའོ། །འོག་ནས་འབྱུང་བའི་
[51b.6]ཆོ་ག་འདིས། །ཇི་བཞིན་ལྷ་རྣམས་ཡང་དག་བསྐུལ། །མ་ལུས་འགྲོ་བའི་རང་བཞིན་མངོན་དུ་མཛད་པ་རྣམས། །རང་ཉིད་བྱུང་བ་མཐའ་ཡས་སྲིད་པའི་རང་བཞིན་རྣམས། །མ་ལུས་པས་བཏུད་སྣོད་ཀྱི་སྙིང་པོ་རྣམས། །ས་ཀུན་མ་ལུས་སྙིང་པོ་གཅིག་རྣམས་འདིར་སྤྱོན་ཅིག །
[51b.7]དེ་ལྟར་སྔགས་བདག་ཉིད་ཀྱིས་བསྐུལ། །བློ་དང་ལྡན་པས་ཡང་དག་དགུག །ཧཱུཾ་བཞི་པ་ཡི་གསང་སྔགས་ཀྱིས། །དཔའ་བོ་ཀུན་གྱི་སྔགས་ཀྱིས་ཀྱང་། །སྔགས་ནི་ཨོཾ་སུམྦྷ་ནི་སུམྦྷ་ཧཱུཾ། ཨོཾ་གྲྀཧྞ་གྲྀཧྞ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ། །ཨོཾ་ཨཱ་ན་ཡ་ཧོཿ་བྷ་ག་ཝཱ་ན་བཛྲ་རཱ་ཛ་ཧཱུཾ་
[52a]
[52a.1]ཕཊ། །སྔགས་པ་གསང་སྔགས་ཟློས་བཞིན་པས། །རང་ཉིད་ཧཱུཾ་ལས་ངེས་འཐོན་པའི། །འོད་ཟེར་རྣམས་ཀྱིས་བཀུག་པ་རྣམས། །ནམ་མཁའི་ཕྱོགས་ནས་བྱོན་པ་ནི། །དེ་རྣམས་རབ་ཏུ་བཞད་ཞལ་རྣམས། །རང་རང་གིས་དངོས་གྲུབ་བྱིན་ནས། །སེམས་
[52a.2]ཅན་ཀུན་ལ་བདེ་རབ་གསོལ། །འཁོར་ལོའི་མངོན་ཕྱོགས་བྱོན་ནས་ནི། །སྟེང་དུ་ཡང་དག་བཞུགས་བསམ་བྱ། །རྡོ་རྗེ་དྲིལ་བུ་ལེགས་བླངས་ནས། །དེ་ནས་སྔོན་གསུངས་བསྟོད་པའོ། །བཅོམ་ལྡན་བརྟན་པར་བྱོན་པ་ནི། །བཤེས་གཉེན་གྱིས་ནི་ཉེ་བར་གནས། །བསྒོམ་
[52a.3]པའི་དེ་ནས་ཐམས་ཅད་ནི། །རང་རང་གཟུགས་ལ་རབ་གཞུག་བྱ། །ཕྱག་རྒྱ་བཞིས་མངོན་རྒྱས་གདབ་པར། །ལྷ་ཡི་འཁོར་ལོ་ལ་བྱའོ། །རྣམ་པ་ཀུན་གྱི་མཆོག་ལྡན་ཞིང་། །རང་རང་མདོག་དང་ཕྱག་མཚོན་ཆ། །སྤྲུལ་པའི་སྐུ་ཡི་གཟུགས་ཀྱིས་ནི། །ཕྱག་རྒྱ་ཆེན་པོར་
[52a.4]རབ་ཏུ་གྲགས། །དེ་ཡི་དབང་ནི་སྙོམས་འཇུག་པ། །སྒོམ་དོན་དེ་ཡི་བདག་ཉིད་ཅན། །མ་མོའི་གཟུགས་ནི་བཟུང་བ་ཡིས། །ཤེས་རབ་དམ་ཚིག་ཏུ་ནི་དྲན། །བྱང་ཆུབ་ས་བོན་རྫོགས་པ་གང་། །ཞིང་དང་བྱེད་རྒྱུའི་བདག་ཉིད་ཅན། །དེ་བཞིན་ཉིད་མཐའ་ལེགས་དག་པ། །ཆོས་
[52a.5]ཀྱི་ཕྱག་རྒྱ་ཞེས་བརྗོད་དོ། །སེམས་ཅན་ཕུང་པོ་མ་ལུས་པའི། །རྫོགས་པའི་བྱང་ཆུབ་ཐོབ་བྱེད་མ། །རྡོ་རྗེ་པདྨའི་རྩེ་བ་ཡིས། །ལས་ཀྱི་ཕྱག་རྒྱ་ཞེས་གྲགས་སོ། །འོན་ཀྱང་ལྷ་མོ་རྣམས་དེ་བཞིན། །དགའ་རོལ་དམ་ཚིག་ཏུ་ནི་དྲན། །རང་གིས་འབད་རྩོལ་སྐད་ཅིག་རྒྱ། །
[52a.6]ལས་ཀྱི་ཕྱག་རྒྱར་དེ་བཞིན་འགྱུར། །ཕྱག་རྒྱ་བཞིས་མངོན་རྒྱས་བཏབ་ནས། །རིམ་པས་རྒྱས་བཏབ་དེ་བཞིན་དུ། །རང་གི་ལྷ་མོས་དཔའ་དབང་ལ། །དཔའ་བོ་རྣམས་ལ་གཙོ་བོ་ཡིས། །དབང་བསྐུར་མངོན་པར་སྦྱིན་པར་བྱ། །བསམ་གཏན་ལེགས་མཉམ་གཞག་རྣམས་ཀྱིས། །
[52a.7]སེམས་ཅན་དོན་བྱེད་ལ་བརྩོན་པས། །སྤྲོས་ནས་དེ་ཉིད་ལ་གཞུག་བྱ། །ཕན་ཚུན་ཤིན་ཏུ་དབྱེར་མེད་པའི། །གཟུགས་ནི་ཐམས་ཅད་དུ་དམིགས་ནས། །དཀྱིལ་འཁོར་བདག་པོའི་གསང་སྔགས་ནི། །ཉི་ཤུ་རྩ་གཅིག་བཟླས་པར་བྱ། །དེ་ནས་དཀྱིལ་འཁོར་གྲུབ་པར་ནི། །
[52b]
[52b.1]འགྱུར་བ་ལ་ནི་ཐེ་ཚོམ་མེད། །གཙོ་བོའི་གསང་སྔགས་བཟླས་པ་ཡི། །རྣམ་རྒྱལ་བུམ་པ་དེ་ནས་ནི། །དེ་ཉིད་ཀྱིས་ནི་མདུན་བཞག་ནས། །ལྷག་མ་སྔགས་ཀྱིས་བསྔགས་པ་རྣམས། །དེ་རྣམས་ཁྱེར་ནས་འཁོར་ལོ་ཡི། །མཁས་པས་ཚོན་གྱི་ཕྱི་རོལ་དུ། །གྲྭ་བཞིར་ཇི་ལྟར་
[52b.2]འདོད་པ་ཡིས། །མཚན་མ་ལྡན་དེ་རྣམས་དགོད་བྱ། །དེ་ནས་མཆོད་ཡོན་སོགས་བྱིན་ནས། །གཡས་པའི་པུས་མོས་གནས་ནས་ནི། །སྤོས་ལ་སོགས་པས་ལེགས་མཆོད་ནས། །སླར་ཡང་ཡིག་གསུམ་བྱིན་བརླབས་པའི། །ལས་ཀུན་བྱེད་པའི་བུམ་པ་ཡིས། །སྣོད་
[52b.3]གཅིག་ཏུ་ནི་བསང་གཏོར་བྱ། །དམ་ཚིག་བཏུང་བ་ལ་སོགས་དང་། །བལྡག་དང་གཞིབས་པའི་ཟས་རྣམས་ཀྱི། །དེ་ནས་ཡི་གེ་གསུམ་གྱིས་ནི། །མངོན་པར་བསྔགས་ཏེ་འདི་ཡིས་ཀྱང་། །ཨོཾ་སརྦ་བིད་པཱུ་ར་པཱུ་ར་སུ་ར་སུ་ར་ཨ་བརྟ་ཡ་ཧོཿཞེས་བྱ་བས་ཀྱང་ངོ་། །དཔའ་བོ་རྣམས་ལ་
[52b.4]སོ་སོར་ནི། །བུམ་པ་ལ་ནི་གོས་ཟུང་དབུལ། །རྣམ་པར་བཀྲ་བའི་གོས་ཟུང་ནི། །བཟང་པོ་གཙོ་བོ་ལ་དབུལ་བྱ། །དེ་ནས་ཇི་ལྟར་ནུས་པ་དེ། ལྔ་ལས་ཉུང་བ་མི་བྱའོ། །སྔགས་པས་ལྷ་རྣམས་སོ་སོ་ལ། །ཉེར་སྤྱོད་ལྔ་རྣམས་ཀྱིས་མཆོད་བྱ། །དེ་ཡི་སྔགས་ནི་འདི་རྣམས་སོ། །
[52b.5]ཨོཾ་པུཥྤཾ་པྲ་ཏཱི་ཙྪ་སྭཱ་ཧཱ། ཨོཾ་དྷཱུ་པཾ་པྲ་ཏཱི་ཙྪ་སྭཱ་ཧཱ། ཨོཾ་དཱི་པཾ་པྲ་ཏཱི་ཙྪ་སྭཱ་ཧཱ། ཨོཾ་གནྡྷཾ་པྲ་ཏཱི་ཙྪ་སྭཱ་ཧཱ། ཨོཾ་བྷ་ཀྟཾ་པྲ་ཏཱི་ཙྪ་སྭཱ་ཧཱ། ལྷ་དང་དབྱེར་མེད་པ་གཟུགས་ཀྱིས། །པི་ཝང་མ་སོགས་ཚུལ་གྱིས་ནི། །གསང་སྔགས་འདི་ནི་བརྗོད་བཞིན་དུ། །བློ་དང་ལྡན་པས་སྔོན་བཞིན་མཆོད། །
[52b.6]ཨོཾ་སརྦ་ཏ་ཐཱ་ག་ཏ་ཧཱ་སྱ་ལཱ་སྱཱ་ར་ཏི་ཀྲྀ་ཌཱ་སཽ་ཁྱ་ཨ་ནུ་ཏྟ་ར་པཱུ་ཛ་མེ་གྷ་ས་སུ་དྲ་སྥ་ར་ཎ་ས་མ་ཡེ་ཧཱུཾ། གདུགས་དང་རྒྱལ་མཚན་བ་དན་སོགས། །གལ་ཏེ་འབྱོར་ན་མཆོད་རྣམས་ཀྱིས། །གླུ་དང་རོལ་མོ་གར་སོགས་བཅས། །དགོད་དང་སྒེག་དགའ་སྤྲོ་རྣམས་ཀྱིས། །ཕྱི་དང་གསང་བའི་བྱེ་
[52b.7]བྲག་གམ། །མཆོད་པའི་རིགས་ཀྱི་ཚོགས་རྣམས་ཀྱི། །བརྟུལ་ཞུགས་ཅན་གྱིས་ཡང་དག་མཆོད། །དེ་བཞིན་དུ་ཡང་གསུངས་པས་ན། །འདི་ནི་མཆོག་གི་མཆོད་པ་སྟེ། །ཡིད་ཀྱི་དགའ་བས་འགུགས་པར་བྱེད། །དེ་ཕྱིར་ཀུན་བརྟགས་རྣལ་འབྱོར་གྱིས། །རང་ཉིད་ཀྱང་ནི་མཆོད་
[53a]
[53a.1]པར་བྱ། །ཞེས་སོ། །འཆད་པར་འགྱུར་བའི་སྔགས་འདི་ནི། །ལན་གསུམ་དུ་ནི་མཆོད་དེ་གནས། །མཆོད་པ་ཀུན་གྱི་རང་བཞིན་གྱིས། །མཆོད་པ་རྣམ་པ་སྣ་ཚོགས་བསྒོམ། །སྔགས་ནི། ཨོཾ་ཨ་ནུ་ཏྟ་ར་པཱུ་ཛ་མེ་གྷ་ས་མུདྡྷ་ཝེ་སྥ་ར་ཧི་མཾ་ག་ག་ན་ཁཾ་ཧཱུཾ་
[53a.2]ཕཊ་སྭཱ་ཧཱ། དེ་ནས་དམན་དང་ཆད་པ་ཡི། །སྐྱོན་ནི་བསལ་བར་བྱ་བ་སྟེ། །བཟླས་དང་བསམ་གཏན་བསྟོད་བྱས་ནས། །ཇི་ལྟར་དེ་བཞིན་མཁྱེན་པར་གསོལ། །ཆོས་ཀྱི་དབྱིངས་ཀྱི་བྱིན་རླབས་དང་། །དམ་ཚིག་ཀྱང་ནི་དྲན་པ་ཡིས། །སྙིང་རྗེ་ཡིས་ནི་སེམས་ཅན་དོན། །དངོས་
[53a.3]གྲུབ་ཐམས་ཅད་མཛད་དུ་གསོལ། །ཞེས་སོ། །དེ་ཡི་སྒོ་ནས་ཕྱིར་འཐོན་ནས། །བཅོམ་ལྡན་ལྷན་ཅིག་འོངས་པ་ཡི། །ཕྱོགས་བདག་དབང་པོ་སོགས་ཀུན་ལ། །ངག་གིས་ཉེ་བར་སྙན་གསན་དབབ། །དེ་ལ་ངག་ནི་འདི་ཡིན་ཏེ། །གང་དུ་བཅོམ་ལྡན་འདས་ལྷན་ཅིག །
[53a.4]འོངས་པའི་ཕྱོགས་ཀྱི་བདག་པོ་རྣམས། །གང་ཡང་རྗེས་སུ་འབྲེང་བཅས་འདིར། །གནས་པ་དེ་དག་ཐམས་ཅད་རྣམས། །བདག་ནི་རྗེས་གཟུང་བའི་ཕྱིར། །ཇི་ལྟར་རིག་པར་གྱུར་པ་འདི། །དྲི་དང་མེ་ཏོག་སོགས་གཏོར་མ། །སོ་སོར་བཞེས་ཏེ་སེམས་ཅན་ལ། །བྱམས་
[53a.5]པའི་སེམས་དང་སློབ་མ་ལ། །བགེགས་མེད་པར་ནི་མཛད་དུ་གསོལ། །ཞེས་སོ། །དེ་ནས་དེར་གནས་ལ་འདི་ལྟར། །ཆུ་ཁྱོར་གསུམ་གྱིས་མཆོད་ཡོན་སྦྱིན། །ཉེ་བར་སྤྱད་པ་ལྔ་བླངས་ལ། །བདུད་རྩི་ལྔ་དང་ལྡན་གཏོར་མ། །ཡིག་གསུམ་མངོན་པར་བཟླས་པ་ཡིས། །དེ་
[53a.6]ཉིད་བརྗོད་པས་སྦྱིན་པར་བྱ། །མཆོད་པ་སྦྱིན་པར་བྱས་ནས་ནི། །ཕྱོགས་ཀྱི་གཏོར་མ་བྱིན་དེ་ནས། །དེ་ནས་དྲི་ཞིམ་ཡན་ལག་བཀྲུས། །རྣམ་པ་སྣ་ཚོགས་ཀྱིས་བརྒྱན་ནས། །དང་པོ་ལྷ་རྣམས་ཚིམ་བྱའི་ཕྱིར། །ཞི་བ་ཡི་ནི་སྦྱིན་སྲེག་བྱ། །དེ་ལ་འདི་ཡི་ཆོ་ག་འདི། །ཇི་
[53a.7]ལྟར་དམན་ཤེས་བཙུན་མོ་བླང་། །རང་གི་ལྷ་མོའི་དབྱིངས་སུ་བསམ། །དེ་ཡི་དཀྱིལ་འཁོར་གྱི་ནང་དུ། །གནས་ནས་དབང་ལྡན་སྙོམས་འཇུག་ཉིད། །སྙིང་གར་ཡེ་ཤེས་ཀྱི་ནི་ལྷ། །གཉིས་ཀ་ལ་ཡང་ལེགས་བསམས་ནས། །ཐབ་ཁུང་ཧ་ལས་སྐྱེས་དེ་བཞིན། མེ་འབར་
[53b]
[53b.1]ལྟ་བུའི་དབུས་སུ་ནི། །ལྕེ་ནི་ཧཱུཾ་ལས་སྐྱེས་དེ་བཞིན། །རྣམ་པར་བསམས་ནས་མར་བསྲེས་པའམ། །མར་ཁུ་ཆེན་པོས་མཆོད་པ་སྟེ། །བདུད་རྩི་ལྔ་ལ་སོགས་ལྡན་པ། །བློ་ལྡན་སྟོན་མོའི་སྦྱིན་སྲེག་བཟའ། །ཕན་ཚུན་འཁོར་ལོའི་ཐབ་ཁུང་འདིར། །བདེ་བས་མ་ཚིམ་
[53b.2]བར་དུ་བསྲེག །གང་གིས་འདི་ལྟར་མི་བཟོད་པ། །དེ་ཚེ་ཕྱི་རོལ་སྦྱིན་སྲེག་འདོད། །ཞི་བའི་སྦྱིན་སྲེག་ཆོ་ག་ཡིས། །བྱས་ནས་དེ་ནི་ལེགས་པར་བསྡུ། །འོན་ཀྱང་གསང་བའི་ཆོ་ག་ཡིས། །མཐུན་པས་ཉེ་བར་འགྱུར་བ་ཡིན། །དེ་བཞིན་ལྷ་རྣམས་ཕྱི་རོལ་གྱི། །སྦྱིན་སྲེག་
[53b.3]གིས་ནི་འགྲོ་བ་ཡིན། །དེ་ནས་ཕྱི་དང་གསང་རྣམས་ཀྱི། །མཆོད་པ་རྣམས་ཀྱིས་ལེགས་པར་མཆོད། །དེ་ནས་རང་སེམས་བརྟན་བྱའི་ཕྱིར། །དཀྱིལ་འཁོར་པོ་རྣམས་སོ་སོ་རུ། །བདག་ལ་མངོན་སུམ་དུ་བྱས་ནས། །སློབ་མ་རྣམས་ལ་རྗེས་བརྩེའི་ཕྱིར། །ཐམས་ཅད་
[53b.4]མཉེས་ནས་གཟིགས་པར་བསམ། །དེ་ཡི་རྗེས་སུ་སློབ་དཔོན་ནི། །རང་གི་རིག་མ་དང་བཅས་དྲངས། །མདོར་བསྡུས་པ་ཡིས་ལེགས་བླངས་ཏེ། །ཐོག་མར་གསུམ་ལ་སྐྱབས་འགྲོ་སོགས། །བྱང་ཆུབ་སེམས་ནི་རབ་བསྐྱེད་དེ། །དེ་ནས་དཀྱིལ་འཁོར་དུ་འཇུག་བྱ། །
[53b.5]དེའི་རིམ་ཇི་ལྟར་འདི་ཤེས་བྱ། །བློ་ལྡན་བསྡུས་པའི་ཆོ་གས་སོ། །དཀོན་མཆོག་གསུམ་ལ་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །ཨོཾ་སརྦ་ཡོ་ག་ཀཱ་ཡ་ཝཱ་ཀ་ཙིཏྟ་མུ་ཏྤཱ་ད་ཡ་
[53b.6]མི་ཤེ་ཥ་ན་ཨ་བ་ཤེ་ཥ་སཏྭ་དྷཱ་ཏུ་ཧི་ཏ་སུ་ཁོཏྟ་མ་སིདྡྷི་མ་ཧེ་ཤྭ་རཱ་ཡ་རཱ་ཛ། མེ་ཏོག་ཕྲེང་བ་ལག་བླངས་ཏེ། །ལག་གཉིས་ཐལ་མོ་སྦྱར་བར་བྱ། །བློ་ལྡན་དཀྱིལ་འཁོར་འཇུག་བྱ་སྟེ། །སྔགས་འདི་བརྗོད་བཞིན་པ་ཡིས་སོ། །ཨ་ཁཾ་བཱི་ར་ཧཱུཾ་མ། ཨོཾ་བཛྲ་ཤྲཱི་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ།
[53b.7]ཌཱ་ཀི་ནི་ཛཱ་ལ་ས་མྦ་ར་ཞེས་བྱ་བས། །གཙོ་བོའི་སློབ་དཔོན་དག་གིས་ནི། །དཔའ་བོའི་དབང་ཕྱུག་གཟུགས་བཟུང་ནས། །དེ་ཕྱིར་འཇུག་པའི་དུས་སུ་ནི། །དེ་ཚེ་སློབ་མས་འདི་ལྟར་བརྗོད། །ཨོཾ་པྲྀ་དྲ་ཤྱ་བྷ་ག་བཱ་ན་མ་ཧཱ་མོ་ཀྵ་པུ་རཾ་པ་ར་མ་སརྦ་སིདྡྷི་སུ་ཁཾ་ར་མྱཾ་བ་ར་མ་སུ་ཁོ་ཏྟ་མ་
[54a]
[54a.1]སིདྡྷྱ་ཛཿཧཱུཾ་བཾ་ཧོཿསིདྡྷྱ་དྱ། གཉིས་ཞུགས་ནས་ནི་ཕྱག་བྱེད་ཅིང་། །དེ་ཡི་རོལ་ཞིང་དགའ་བས་བསྐོར། །དེ་ལྟར་ཕྱག་བྱ་དེ་ནས་ཕྱིས། །བསྐོར་བ་གསུམ་ནི་བྱ་བ་ཡིན། །སླར་ཡང་དེ་ནས་མདུན་དུ་འདུག །འདི་ཡང་སྔགས་པས་བརྗོད་པར་བྱ། །
[54a.2]རྒྱུད་གཞན་ལས་ནི་རབ་གྲགས་གང་། །དེ་ཉིད་བདག་དེ་ལྷན་ཅིག་བརྗོད། །འདོད་ཆགས་ཆེན་པོ་བདེ་བ་ཆེ། །རྡོ་རྗེ་ཆེན་པོ་ནོར་ཆེན་པོ། །ཡེ་ཤེས་ཆེན་པོ་ལས་ཆེན་པོ། །རྡོ་རྗེ་སེམས་དཔའ་རབ་བསྒྲུབ་འགྱུར། །ཞེས་བྱ་བའོ། །བདུད་རྩི་ལྔ་ཡི་ཆུ་འཐུངས་ནས། །དེ་ནས་
[54a.3]སྙིང་ག་ཟླ་དཀྱིལ་ལ། །ཨཱཿཡིག་དམར་པོ་བསམ་བྱས་ནས། །དེ་རྗེས་བྱེད་པའི་འོད་རྣམས་ཀྱིས། །ཡན་ལག་ཉིང་ལག་ཀུན་བཀང་སྟེ། །བརྟུལ་ཞུགས་ཅན་གྱིས་དེ་བརྗོད་བཞིན། །དཔའ་བོའི་དབང་ཕྱུག་རྗེས་ཞུགས་ནས། །དཔའ་བོས་ཡང་དག་བྱིན་གྱིས་བརླབས། །རྡོ་རྗེ་
[54a.4]ཕག་མོ་དེ་བཞིན་དུ། །བཙུན་མོ་ཡང་དག་བྱིན་བརླབས་པར། །བསམས་ནས་ཏིཥྚྷ་བཛྲ་ཞེས། །ཡི་གེ་བརྒྱ་པས་བརྟན་པར་བྱ། །དེ་ནས་ཕྱི་ནས་ཕྲེང་བ་དང་། །ལག་གཉིས་ཐལ་སྦྱར་ལ་གནས་པས། །བློ་ལྡན་དཀྱིལ་འཁོར་དུ་བསྐུར་བྱ། །གསང་སྔགས་འདི་ནི་བརྗོད་
[54a.5]པར་བྱ། །ཨོཾ་པ་ར་མ་སུ་ཁཱ་ཡ་ལ་ལི་ཏ་བི་ལཱ་ས་ན་མཱ་མི། །བྷ་ག་ཝཱ་ན་ཨ་ཁཾ་བཱི་ར་ཧཱུཾ་ཏཱི་ཙྪ་ཀུ་སུ་མཱ་ཉྫ་ལིཾ་ནཱ་ཐཱ་ཧོཿ། ཕྲེང་བ་བཅིང་བ་སོགས་བྱས་ནས། །ཧེ་རུ་ཀ་དཔལ་ཕྱག་བྱས་ཏེ། །ཤེས་རབ་ཡེ་ཤེས་དབང་ལ་སོགས། །ལུང་བསྟན་པ་ཡང་ཐམས་ཅད་དུ། །རྡོ་རྗེའི་བརྟུལ་
[54a.6]ཞུགས་མཐར་ཐུག་པར། །མདོར་བསྡུས་པ་ཡིས་ཐམས་ཅད་བླངས། །འཆད་པར་འགྱུར་བའི་རིམ་ཉིད་ཀྱིས། །རིག་དང་ལྷན་ཅིག་བྱས་ནས་ནི། །བྱེད་འགྱུར་རྗེས་སུ་གནང་བྱས་ཏེ། །རང་གི་འདོད་པས་བསྒོམས་དེ་ནས། །རྡོ་རྗེའི་གར་དང་ཉེར་སྤྱོད་སོགས། །མཆོད་པས་
[54a.7]ཡང་དག་མཆོད་བྱས་ནས། །དམ་ཚིག་གསུམ་གྱི་གླུ་རྣམས་གང་། །སྙན་པའི་སྒྲ་རྣམས་ཀྱིས་དེ་བཞིན། །ཡང་དག་མཆོད་བྱས་དེ་ནས་ཕྱིས། །དེ་ལ་གླུ་འདི་བླ་མེད་པའོ། །ནམ་མཁའ་ལས་ནི་སྐྱེས་པའི་ཕྱིར། །ཐོག་མ་ཐ་མ་མེད་པའི་མཆོག །དམ་ཚིག་སེམས་དཔའ་རྡོ་རྗེ་
[54b]
[54b.1]ཆེ། །རྡོ་རྗེ་སེམས་དཔའ་དེང་བདག་གྲུབ། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་ལྷག་པའི་ལྷ། །རྡོ་རྗེ་འཆང་བ་ཀུན་གྱི་རྒྱལ། །མི་འགྱུར་མཆོག་ཏུ་བདག་གྲུབ་འགྱུར། །ཉེས་པ་མི་མངའ་རྟག་པ་ནི། །འདོད་ཆགས་ཀུན་གྱི་རྗེས་ཆགས་པ། །འདོད་
[54b.2]ཆགས་ཆེན་པོ་དགའ་བ་ཆེ། །བཅོམ་ལྡན་དེ་ཉིད་གྲུབ་པར་མཛོད། །ཤིན་ཏུ་དག་པ་ཀུན་གྱི་མཆོག །གདོད་ནས་གྲོལ་བ་དེ་བཞིན་གཤེགས། །ཀུན་དུ་བཟང་པོ་ཀུན་བདག་ཉིད། །བྱང་ཆུབ་སེམས་དཔའ་བདག་འགྲུབ་ཤོག །དངོས་གྲུབ་ཆེན་པོ་ཀུན་གྱི་མཆོག །དབང་
[54b.3]ཕྱུག་ཆེ་མཆོག་ཕྱག་རྒྱ་ལྡན། །གྲུབ་པའི་རྡོ་རྗེ་ཆེར་བསྟོད་པ། །རྡོ་རྗེ་སྙེམས་བདག་ཕྱག་འཚལ་ལོ། །དེ་ནས་སློབ་མ་འཇུག་དོན་དུ། །མཁས་པས་འདི་ལྟར་མཁྱེན་པར་གསོལ། །བདག་མིང་ཆེ་གེ་ཞེས་བྱ་ཡིས། །ཧེ་རུ་ཀ་དཔལ་སློབ་དཔོན་ཆེ། །སངས་རྒྱས་བྱང་ཆུབ་སེམས་
[54b.4]ཀུན་གྱིས། །གསུངས་པའི་ཆོ་ག་དག་གི་ནི། །ཕུན་སུམ་ཚོགས་པའི་ཆོ་ག་ཡིས། །སེམས་ཅན་དོན་ནི་བདག་གིས་བགྱི། །དེ་ལ་རྗེས་གནང་སྩོལ་མཛོད་ལ། །སངས་རྒྱས་བྱང་ཆུབ་སེམས་རྣམས་ཀྱིས། །བདག་ལ་ཉེ་བར་མཛད་དུ་གསོལ། །དེ་ནས་དེ་རྣམས་ཀྱིས་རྗེས་
[54b.5]གནང་། །བདག་གི་རྗེས་སུ་བསམ་པར་བྱ། །ཚིགས་སུ་བཅད་པ་འདི་ཉིད་ཀྱིས། །བདེན་པའི་བྱིན་རླབས་བརྗོད་པར་བྱ། །སེམས་ཅན་ཀུན་གྱི་ཡིད་ཁྱབ་པ། །སེམས་ཅན་ཀུན་གྱི་སྙིང་ལ་གནས། །སེམས་ཅན་ཀུན་གྱི་ཡབ་ཀྱང་ཉིད། །དམ་ཚིག་མཆོག་རྣམས་ཀྱི་སྐུ་མཆོག།
[54b.6]བྱུང་དང་འབྱུང་བར་འགྱུར་བ་ཡི། །དེ་བཞིན་གཤེགས་རྣམས་ཁྱེད་ཀྱིས་སྒྲུབ། །བདེན་པ་འདི་ཡིས་བདག་མགོན་པོ། །འདོད་པ་ཁྱོད་ཀྱིས་རྫོགས་པར་མཛོད། །བདེན་པའི་བྱིན་གྱིས་བརླབས་ཕྱི་ནས། །བློ་དང་ལྡན་པས་འདི་མཆོད་བྱ། །ཆོས་ཀྱི་དབྱིངས་ཀྱི་བྱིན་རླབས་དང་།
[54b.7]དམ་ཚིག་ཀྱང་ནི་དྲན་པ་ཡིས། །བརྩེ་བས་སེམས་ཅན་ཀུན་གྱི་དོན། །དངོས་གྲུབ་ཀུན་ཕྱིར་མཛད་དུ་གསོལ། །ཞེས་བྱའོ། །དེ་ནས་སློབ་མ་དབང་བསྐུར་འོས། །དེ་བཞིན་རང་གི་རིག་དང་བཅས། །སྔར་བཤད་པ་ཡི་སྔགས་ཉིད་ཀྱིས། །དཔལ་ལྡན་ཧེ་རུ་ཀ་གཟུགས་ཀྱི། །ཡིག་
[55a]
[55a.1]གསུམ་ཡང་དག་བྱིན་གྱིས་བརླབ། །རྒྱན་ཐམས་ཅད་ཀྱིས་བརྒྱན་པ་དང་། །རྣམ་པར་བཀྲ་བའི་གོས་ནི་གྱོན། །དེ་ཕྱིར་གཙུག་ཏོར་བགོས་པ་ཅན། །གདོང་གཡོགས་ནེེ་ཏྲ་སོགས་བྱིན་ནས། །ལེགས་པ་ཡོན་ནི་བྱིན་པ་ཡིས། །རང་གི་རིག་མ་བཅས་བྱས་
[55a.2]ནས། །དེ་ཡིས་ཕྱག་ནི་བྱ་བ་ཡིན། །ཐོག་མར་རེ་ཞིག་ཤར་སྒོ་རུ། །ཐལ་མོ་སྦྱར་བ་བྱས་ནས་སུ། །དེ་ནས་རབ་ཏུ་བརྐྱང་བྱས་ནས། །གུས་པས་འདི་དག་བརྗོད་པར་བྱ། །ཨོཾ་སརྦ་ཏ་ཐཱ་ག་ཏཱ་པཱུ་ཛཱོ་པསྠཱ་ན་ཡཱ་ཏྨ་ནཾ་ནཱི་ཪྻཱ་ཏ་ཡཱ་མི་སརྦ་ཏ་ཐཱ་ག་ཏཱ་ཀྵོ་བྷྱཱ་བྷི་ཏིཥྛ་སྭ་མཱཾ། ཞེས་བྱ་བའོ། །
[55a.3]བརྗོད་ནས་ལུས་ནི་ཐམས་ཅད་ཀྱིས། །དེ་ནས་རབ་ཏུ་འདུད་བྱའོ། །བཅོམ་ལྡན་སྙིང་གར་རབ་ཞུགས་པར། །ཡིད་ཀྱིས་ཡོངས་སུ་བརྟག་པར་བྱ། །དེ་བཞིན་དུ་ནི་ལྷོ་ཡི་སྒོར། །དེ་ལྟའི་ཐལ་སྦྱར་སྙིང་གར་ནི། །བྱས་ནས་དེ་བཞིན་གསང་བའི་དབང་། །རིན་ཆེན་འདི་ཡིས་
[55a.4]བརྗོད་པར་བྱ། །ཨོཾ་སརྦ་ཏ་ཐཱ་ག་ཏ་པཱུ་ཛཱ་ཛྷ་ཥེ་ཀཱ་ཡཱ་ཏྨ་ནཾ་ནཱི་རྱཱ་ཏ་ཡཱ་མི་སརྦ་ཏ་ཐཱ་ག་ཏ་རཏྣ་སམྦྷ་བཱ་བྷི་ཥ་ཉྩཱི་དྷི་ཏིཥྛ་སྭ་མཱཾ། །ཞེས་བྱའོ། །འདི་ལྟར་བརྗོད་ཅིང་དཔྲལ་བ་ཡིས། །བློ་དང་ལྡན་པས་ཕྱག་བྱའོ། །རིན་ཆེན་འབྱུང་ལྡན་རྡོ་རྗེ་ཡིས། །དེ་ལ་དབང་བསྐུར་རབ་བརྟག་བྱ། །དེ་
[55a.5]ནས་ནུབ་ཀྱི་སྒོ་རུ་ནི། །དེ་བཞིན་ཐལ་སྦྱར་སྤྱི་བོ་རུ། །བྱས་ནས་འདི་སྐད་བརྗོད་བྱ་སྟེ། །མཆོད་པའི་ཆོས་ནི་རབ་བསྐོར་བའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་པྲ་བརྟ་ན་ཡ་ཨཱཏྨནཾ་ནི་ཪྻཱི་ཏ་ཡཱ་མི་སརྦ་ཏ་ཐཱ་ག་ཏ་ཨ་མི་ཏཱ་བྷ་ཝ་པྲ་བརྟ་ཡ་མཱཾ་ཞེས་སོ། །འདི་སྐད་བརྗོད་བཞིན་ཁ་ཉིད་ཀྱིས། །དེ་ནས་
[55a.6]རབ་ཏུ་འདུད་བྱའོ། །འོད་དཔག་མེད་ཀྱི་རང་བཞིན་གྱིས། །དེ་ཡི་མཐུ་སྟོབས་གྱུར་བརྟག་བྱ། །དེ་བཞིན་བྱང་གི་སྒོར་འདུག་ནས། །སྙིང་གར་ཐལ་མོ་སྦྱར་བྱས་ཏེ། །དངོས་གྲུབ་ཀུན་གྱི་གཞིར་གྱུར་པའི། །གསང་སྔགས་འདི་ནི་བརྗོད་པར་བྱའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་ཀརྨ་
[55a.7]ཎེ་ཨཱཏྨ་ནཾ་ནཱིརྱཱ་ཏ་ཡཱ་མི་སརྦ་ཏ་ཐཱ་ག་ཏ་ཨ་མོ་གྷ་སིདྡྷི་ཀུ་རུ་མཱཾ་ཞེས་བྱའོ། །འདི་སྐད་བརྗོད་ཅིང་མགོ་བོ་ཡིས། །བློ་དང་ལྡན་པས་ཕྱག་བྱའོ། །དོན་ཡོད་གྲུབ་པ་གསང་བ་ཡི། །མཆོད་པའི་ཐུགས་ལེགས་ལྡན་བསམ་བྱ། །བསྐྱོད་མེད་དངོས་ཕྱིར་མི་བསྐྱོད་པ། །བཅོམ་ལྡན་
[55b]
[55b.1]དཔའ་བོ་འདྲེན་པ་པོ། །རིན་ཆེན་ཀུན་གྱི་འབྱུང་གནས་ཕྱིར། །དེ་ཉིད་རིན་ཆེན་འབྱུང་ལྡན་ནོ། །དེ་ནས་ཆོས་ནི་མཐའ་ཡས་པ། །དེ་བཞིན་འོད་དཔག་མེད་དེ་བརྗོད། །དངོས་གྲུབ་ཐམས་ཅད་སྟེར་བའི་ཕྱིར། །དོན་ཡོད་གྲུབ་པ་ཞེས་བྱར་གྲགས། །དེ་ཐམས་ཅད་ཀྱང་རིག་བྱས་
[55b.2]པས། །འོན་ཀྱང་འདི་ལྟར་མདོར་བསྡུས་པས། །མཁའ་འགྲོ་མ་སོགས་མཆོག་རྣམས་ཀྱིས། །བྱིན་གྱིས་བརླབས་པར་བསམ་བྱས་ནས། །མེ་ཏོག་བཅས་ལག་གིས་བླ་མར། །དེ་ཡིས་ཀྱང་ནི་ཕྱག་བྱས་ཏེ། །ཤར་སྒོར་མངོན་ཕྱོགས་པས་གནས་ནས། །འདི་སྐད་
[55b.3]གུས་པས་བརྗོད་པར་བྱ། །དམ་ཚིག་དེ་ཉིད་བདག་ལ་སྩོལ། །སྡོམ་པ་ཡང་ནི་བདག་ལ་སྩོལ། །རྡོ་རྗེའི་རིགས་ཀུན་བསྡུས་པ་ལ། །སློབ་དཔོན་ཆེན་པོ་བདག་གཞུག་མཛོད། །ཕྱིར་མི་ལྡོག་པའི་དབང་བསྐུར་བའི། །སྐལ་པ་ཆེན་པོ་བདག་ལ་སྩོལ། །དུས་གསུམ་
[55b.4]བཞུགས་རྣམས་སངས་རྒྱས་ཀྱི། །སངས་རྒྱས་བྱང་ཆུབ་གོ་འཕང་མཆོག །སློབ་དཔོན་ཆེན་པོ་བདག་ལ་སྩོལ། །མཚན་ཉིད་དང་ནི་དཔེ་བྱད་དང་། །ནམ་མཁའི་འོད་སོགས་ཡང་དག་ལྡན། །སངས་རྒྱས་སྐུ་ནི་ཡིད་འོང་བ། །མགོན་པོ་ཆེན་པོ་བདག་ལ་སྩོལ། །
[55b.5]དབང་བསྐུར་བ་ནི་རྨད་བྱུང་ཆེ། །སེམས་ཅན་ཀུན་གྱི་དོན་བརྩོན་པས། །རྟག་ཏུ་བདག་ནི་སློབ་དཔོན་འགྱུར། །དེ་ཡི་སྒོ་ལ་མངོན་ཕྱོགས་པས། །དེ་བཞིན་སློབ་དཔོན་གྱིས་གནས་ཏེ། །གང་ཞིག་རིག་ཀུན་མཁྱེན་པ་གསོལ། །དེ་ལ་རིམ་པ་འདི་ཡིན་ཏེ། །བདག་མིང་
[55b.6]འདི་ཞེས་བྱ་བ་ཡིས། །བྱང་ཆུབ་སེམས་ནི་ཡོངས་བཟུང་དང་། །གསང་བའི་དཀྱིལ་འཁོར་འདིར་འཇུག་ཅིང་། །དམ་ཚིག་སྡོམ་པ་ནོད་པར་འཚལ། །དཀྱིལ་འཁོར་ཀུན་གྱི་དཔའ་བོ་ལ། །གུས་པ་ཡིས་ནི་གསོལ་བཏབ་པ། །དེ་ལྟར་སློབ་མ་ལ་བརྗོད་དེ། །དེ་ནས་གཞན་
[55b.7]ཡང་སློབ་མ་ལ། །གསང་བ་ཆེན་པོའི་རིགས་དགེ་བ། །གསང་ཆེན་ཡོངས་སུ་བཟུང་བ་རུ། །བདག་ཉིད་ཆེན་པོ་ཁྱོད་འདོད་དམ། །བདག་ནི་འདོད་པར་བྱའོ་ཞེས། །དེ་ལྟར་བྱས་ནས་དེ་ནས་ཕྱིས། །རིགས་ལྔའི་དམ་ཚིག་བརྗོད་པར་བྱ། །སངས་རྒྱས་ཆོས་དང་དགེ་འདུན་
[56a]
[56a.1]ཏེ། །རིན་ཆེན་གསུམ་གྱི་དམ་ཚིག་བསྟེན། །དེ་ལྟར་སངས་རྒྱས་རིགས་དག་ལ། །སྡོམ་པ་བརྟེན་པར་གྱུར་པའོ། །རྡོ་རྗེ་དྲིལ་བུ་ཕྱག་རྒྱ་དག །བློ་གྲོས་ཆེན་པོ་ཁྱོད་ཀྱིས་གཟུང་། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་བཤད་དོ། །སློབ་
[56a.2]དཔོན་དག་ཀྱང་གཟུང་བར་གྱིས། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེ་རིགས་དག་པའི། །དམ་ཚིག་སྡོམ་པ་ཡིན་པར་གསུངས། །རིན་ཆེན་རིགས་མཆོག་ཆེན་པོ་ཡི། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །
[56a.3]སྦྱིན་པ་རྣམས་བཞི་རྟག་སྦྱིན་བྱ། །ཕྱི་དང་གསང་བ་ཐེག་པ་གསུམ། །ཁྱོད་ཀྱིས་དམ་པའི་ཆོས་གཟུང་བྱ། །འདི་ནི་པདྨའི་རིགས་དག་པའི། །དམ་ཚིག་སྡོམ་པ་མཆོག་ཡིན་ནོ། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །རང་གི་དེ་ཉིད་
[56a.4]སོ་སོར་གཟུང་། །མཆོད་པའི་ལས་ཀྱང་ཅི་ནུས་ཀྱིས། །གཞན་ཡང་བཅུ་བཞིར་བཤད་འདི་རྣམས། །ཕས་ཕམ་པ་ཞེས་བྱ་བར་གྲགས། །རྩ་བའི་ལྟུང་བར་ཤེས་བྱ་སྟེ། །ཉིན་ལན་གསུམ་དང་མཚན་ལན་གསུམ། །ཉི་མ་རེ་རེར་འདོན་པར་གྱིས། །རྡོ་རྗེའི་སྤུན་རྣམས་
[56a.5]བཤེས་ཉིད་པས། །རྣལ་འབྱོར་རྣམས་ལ་བསྙེན་བཀུར་བྱ། །སྤང་ཞིང་དོར་བར་མི་བྱ་སྟེ། །ཇི་ལྟར་ནུས་པས་ཡང་དག་སྤྱད། །ཐེག་པ་དམན་ལ་འདོད་མི་བྱ། །འཁོར་བ་ཡོངས་སུ་མི་སྤང་ཞིང་། །རྟག་ཏུ་མྱང་འདས་ལ་མི་དགའ། །གསང་བ་གསུམ་གྱི་ལྷ་རྣམས་ལ།
[56a.6]བརྙས་པ་ཉིད་དུ་མི་བྱའོ། །ཕྱག་རྒྱ་བཞོན་པ་མཚོན་ཆ་དང་། །མཚན་མ་འགོམ་པར་མི་བྱའོ། །སྲོག་ཆགས་གསད་པར་མི་བྱ་ཞིང་། །མ་བྱིན་མི་བླང་ཉིད་དུ་བྱ། །འདོད་ལོག་སྤྱད་པར་མི་བྱ་ཞིང་། །བརྫུན་གྱི་ཚིག་ཀྱང་སྨྲ་མི་བྱ། །བྱ་བ་མ་ཡིན་ཐམས་ཅད་སྤོངས། །
[56a.7]སེམས་ཅན་དོན་ལ་རྒྱབ་མི་ཕྱོགས། །ལེགས་པ་ཡིས་ནི་ཉེ་བར་གནས། །རྣལ་འབྱོར་གསུམ་ལ་བསྙེན་བཀུར་བྱ། །ལུས་ཀྱི་ལས་ནི་རྣམ་གསུམ་དང་། །ངག་གི་ལས་ནི་རྣམ་བཞི་དང་། །ཡིད་ཀྱི་རྣམ་པ་གསུམ་དག་ནི། །ཇི་ལྟར་ནུས་པས་རྗེས་སུ་སྐྱོངས། །འདི་དག་
[56b]
[56b.1]དམ་ཚིག་ཡིན་པར་གསུངས། །ཁྱོད་ཀྱིས་ད་ལྟ་ཉིད་ནས་སྲུངས། །དེས་ཀྱང་འདི་སྐད་ཅེས་བྱ་སྟེ། །སློབ་དཔོན་འདིར་ནི་བདག་ལ་གསོལ། །གཙོ་བོས་ཇི་ལྟར་བཀའ་སྩལ་པ། །དེ་ལྟར་དུ་ནི་བདག་གིས་བགྱི། །དེ་ཉིད་འདི་ཡི་ཕྱི་ནས་ནི། །འདི་ཉིད་རིམ་པས་སྡོམ་པ་སྦྱིན། །
[56b.2]གང་ཡང་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་ན་བཞུགས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་ཕྱག་འཚལ་ལོ། །མགོན་པོ་སངས་རྒྱས་རྣམས་དང་ནི། །དེ་སྲས་བདག་ལ་དགོངས་སུ་གསོལ། །
[56b.3]བདག་མིང་འདི་ཞེས་བྱ་བ་འདི། །དུས་འདི་ནས་ནི་རབ་བཟུང་སྟེ། །བྱང་ཆུབ་སྙིང་པོ་མཆིས་ཀྱི་བར། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་པར་བགྱི། །སངས་རྒྱས་རྣལ་
[56b.4]འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དིང་ནས་
[56b.5]བརྩམས་ཏེ་གཟུང་བར་བགྱི། །ནམ་དུ་ཡང་ནི་མི་སྤང་ངོ་། །རྡོ་རྗེའི་རིགས་མཆོག་ཆེན་པོ་ཡི། །རྡོ་རྗེ་དྲིལ་བུ་ཕྱག་རྒྱ་དག །ཡང་དག་ཉིད་དུ་གཟུང་བགྱི་ཞིང་། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་
[56b.6]རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་མཆོག་དག་པ་ལ། །ཕྱི་དང་གསང་བ་ཐེག་པ་གསུམ། །དམ་པའི་ཆོས་ནི་གཟུང་བར་བགྱི། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་
[56b.7]ནི། །ཡང་དག་ཉིད་དུ་གཟུང་བགྱི་ཞིང་། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་བགྱི་ཞིང་། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་གཟུང་། །མ་གྲོལ་བ་ནི་བདག་གིས་དགྲོལ། །མ་བསྒྲལ་
[57a]
[57a.1]བ་ནི་བདག་གིས་བསྒྲལ། །དབུགས་མ་ཕྱིན་པ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །ཨོཾ་སརྦ་ཏ་ཐཱ་ག་ཏ་ཡོ་ག་ཀཱ་ཡ་བཱ་ཀ་ཙིཏྟ་མུཊྲཱ་དཡཱ་མི་ཤི་ཥྱ་ན་བ་ཤེ་ཥ་ས་ཏྲ་དྷཱ་ཏུ་ཧི་ཏ་སུ་ཁོཏྟ་མ་སིདྡྷ་ཨཊྱ་ནྚ་བྷ་ཝ་སིདྡྷི་མ་ཧེ་ཤྭརྱདྟིཔ་རྱ་ཙ་ཡ། ཞེས་
[57a.2]བྱའོ། །འདི་ཡིས་སློབ་མ་བྱང་ཆུབ་སེམས། །བླ་ན་མེད་པ་བསྐྱེད་བྱས་ནས། །སྙིང་གར་རྡོ་རྗེ་བཞག་ནས་ནི། །སྙིང་པོ་འདི་ནི་བརྗོད་པར་བྱ། །སུ་ར་ཏ་ས་མ་ཡ་སྟྭཾ་ཧོཿསིདྡྱ་བཛྲ་ཡ་ཐཱ་སུ་ཁཾ་ཞེས་སོ། །འདི་ཡིས་སློབ་མ་ལ་བསྐྱེད་པས། །འདོད་པ་ཐམས་ཅད་འགྲུབ་པར་འགྱུར། །
[57a.3]ས་མ་ཡ་སྟྭཾ་སྔགས་ཀྱིས་ནི། །མེ་ཏོག་ཕྲེང་བ་འབད་བས་གཟུང་། །དེ་ནི་སློབ་དཔོན་གྱིས་བཅུག་ནས། །ཡང་ནི་འདི་ལྟར་མཁྱེན་པར་གསོལ། །བདག་མིང་ཆེ་གེ་ཞེས་བྱ་བའི། །རྡོ་རྗེ་སློབ་དཔོན་དཀའ་ཐུབ་ཆེ། །སེམས་ཅན་ཀུན་ལ་ཕན་པའི་ཕྱིར། །སློབ་མ་རྣམས་ནི་
[57a.4]གཞུག་པར་བྱ། །དཀྱིལ་འཁོར་སྙིང་པོ་འདི་ཉིད་དུ། །ཡེ་ཤེས་རྡོ་རྗེ་ཐོབ་བྱའི་ཕྱིར། །དེ་བཞིན་གཤེགས་ཀུན་གྲོང་ཁྱེར་དུ། །བདག་གིས་སློབ་མ་གཞུག་པར་བྱ། །ཨ་ཁཾ་བཱི་ར་ཧཱུཾ། ཞེས་བརྗོད་པས། །སློབ་མ་རབ་ཏུ་གཞུག་པར་བྱ། །དེ་ནས་ཕྱི་ནས་འདི་སྐད་དག །དམ་
[57a.5]ཚིག་སྐྱོང་བ་ཅན་སྨྲ་བྱ། །དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས་ངས་ཁྱོད་ལ་རྡོ་རྗེའི་ཡེ་ཤེས་བསྐྱེད་པར་བྱའོ། །ཡེ་ཤེས་གང་གིས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་པར་འགྱུར་ན། །དངོས་གྲུབ་གཞན་ལྟ་སྨོས་ཀྱང་ཅི་དགོས། །
[57a.6]ཁྱོད་ཀྱིས་དཀྱིལ་འཁོར་མ་མཐོང་བ་རྣམས་ལ་བརྗོད་པར་མ་བྱེད་ཅིག་དམ་ཚིག་ཉམས་པར་གྱུར་ཏ་རེ། ལག་པ་གཡས་པས་རྡོ་རྗེ་ནི། །སྤྱི་བོར་བཞག་ལ་འདི་སྐད་བརྗོད། །འདི་ནི་དམ་ཚིག་རྡོ་རྗེ་སྟེ། །གལ་ཏེ་ལ་ལར་ཁྱོད་འདི་སྨྲ། །ཁྱོད་ཀྱི་སྤྱི་བོ་འགས་པར་བྱེད། །རྡོ་རྗེ་སྙིང་
[57a.7]བཞག་འདི་བརྗོད་བྱ། །རྡོ་རྗེ་སེམས་དཔའ་རང་ཉིད་ནི། །ཁྱོད་ཀྱི་སྙིང་ལ་ཡང་དག་ཞུགས། །གལ་ཏེ་ཚིག་འདི་སྨྲས་ན་ནི། །དེ་མ་ཐག་ཏུ་དྲལ་ནས་གཤེགས། །དེ་ནས་བདུད་རྩི་ལྔ་ལྡན་པའི། །ཆུ་ནི་ཐོད་པར་གནས་པ་ལ། །སྙིང་པོ་ལན་ཅིག་ཡོངས་བཟླས་པས། །འཐུང་
[57b]
[57b.1]དུ་གཞུག་པར་བྱ་བ་སྟེ། །བཛོ་ད་ཀ་ཞེས་བྱ་བའམ། ཨོཾ་ཨཱཿཧཱུཾ་ངོ་། །དེ་ནས་བློ་ལྡན་གྱིས་འདི་བརྗོད། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་སྟེར། །རྡོ་རྗེ་བདུད་རྩིའི་ཆུ་འཐུངས་ཤིག །རྡོ་རྗེ་དྲིལ་བུ་ཕྱག་རྒྱ་ནི། །
[57b.2]དཀྱིལ་འཁོར་མེད་ལ་གལ་ཏེ་སྨྲ། །སྐྱེ་བོ་ཚོགས་ནང་གནས་ནས་ནི། །མ་དད་བཞད་གད་ཀྱིས་མ་ཡིན། །དེང་ཚུན་ཆད་ཁྱོད་ཀྱི་མཁའ་འགྲོ་རྒྱ་མཚོ་ང་ཡིན་གྱིས། །ངས་འདི་གང་གྱིས་ཤིག་ཅེས་བསྒོ་བ་ཁྱོད་ཀྱིས་བྱ་དགོས་སོ། །ཁྱོད་ཀྱིས་ང་ལ་བརྙས་པར་མ་བྱེད་ཅིག །ཡ་ང་
[57b.3]བ་མ་སྤངས་པར་ཚེའི་དུས་བྱས་ནས་དམྱལ་བར་ལྟུང་བར་གྱུར་ཏ་རེ། ཡང་སློབ་མས་འདི་བརྗོད་པར་བྱ་སྟེ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབས་ལ་དཔལ་རྡོ་རྗེ་མཁའ་འགྲོ་རྒྱ་མཚོ་བདག་ལ་དབབ་ཏུ་གསོལ། །འདི་ནི་དམ་ཚིག་རྡོ་རྗེ་སྟེ། །མཁའ་འགྲོ་རྒྱ་མཚོ་
[57b.4]ཞེས་བྱར་གྲགས། །ཡེ་ཤེས་རྡོ་རྗེ་བླ་མེད་པ། །དེ་རིང་བདག་ལ་དབབ་ཏུ་གསོལ། །དེ་ཚེ་རྡོ་རྗེ་བབ་ཅེས་བྱ། །འདི་སྐད་རྟག་ཏུ་བརྗོད་བྱའོ། །གལ་ཏེ་བབས་པར་མ་གྱུར་ན། །དེ་ནས་རྡོ་རྗེ་སློབ་དཔོན་གྱིས། །དེའི་སྙིང་ཟླ་བ་ཁ་སྦྱར་ལ། །མཁའ་འགྲོ་རྒྱ་མཚོ་བསྒོམ་པར་བྱ། །
[57b.5]རྡོ་རྗེ་པདྨའི་ཏིང་འཛིན་གྱིས། །དེ་དག་གདབ་པ་ལས་བྱུང་བས། །ཨཱཿཡིག་དམར་པོའི་འོད་རྣམས་ཀྱིས། །དེ་ཡི་ལུས་ཀུན་ཀུན་ནས་དགང་། །དེ་ཉིད་ཡང་དག་བརྗོད་པ་ཡིས། །སྔར་བཞིན་དུ་ནི་རྗེས་འཇུག་བྱ། །སློབ་མ་རྗེས་སུ་གཟུང་བ་དེ། །རིག་དང་ལྷན་ཅིག་བསམ་པར་
[57b.6]བྱ། །དེ་ནས་ངེས་པར་བབས་པས་ནི། །ཡང་དག་བྱིན་བརླབས་སུ་འགྱུར་རོ། །དེ་ཉིད་ཡེ་ཤེས་དེ་ནས་དེའི། །ཡེ་ཤེས་སུ་ནི་ཡང་དག་བརྩམ། །ལྕེ་ལ་དམར་པོའི་ཨཱཿ་ཡི་གེ །དགོད་པར་བྱས་ལ་དེ་ནས་ཡང་། །སྨྲོས་ཤིག་རྡོ་རྗེ་ཞེས་སྨྲས་པས། །དགེ་དང་མི་དགེ་ཉིད་
[57b.7]འཆད་འགྱུར། །དེ་ནས་ཡང་ནི་དེར་བབས་ལ། །ཡི་གེ་བརྒྱ་ཕྱེད་བ་རྣམས་ཀྱིས། །བརྟན་པར་བྱས་ནས་དེ་ནས་ཕྱིས། །ཡང་དག་བྱིན་རླབས་བརྩམ་པར་བྱ། །ཏིཥྛ་བཛྲ་དྲྀ་ཌྷོ་མེ་བྷ་ཝ་ཤཱ་ཤྭ་ཏོ་མེ་བྷཱ་ཝི་ཧྲ་ད་ཡཾ་མེ་ཨ་དྷི་ཏིཥྛ་སརྦ་སིདྡྷིམྨེ་པྲ་ཡཙྪ་སརྦ་ཀརྨ་སུ་ཙ་མེ་ཅི་ཙིཏྟཾ་ཤྲེ་ཡཿཀུ་རུ་
[58a]
[58a.1]ཧཱུཾ་ཧ་ཧ་ཧ་ཧ་ཧོཿ། ཞེས་བྱ་བའོ། །དཀྱིལ་འཁོར་འདི་རུ་ཡང་དག་པར། །བདག་གི་སློབ་མ་བཅུག་པ་ལ། །ཇི་ལྟའི་བསོད་ནམས་དེ་བཞིན་ཤོག །ལྷ་རྣམས་ཀྱི་ནི་རིགས་ཀྱི་རིམ། །གང་གི་རིགས་ཀྱི་སྣོད་ཡིན་པ། །གང་འདྲ་འདི་ཡི་དངོས་གྲུབ་འགྱུར། །གང་
[58a.2]འདྲའི་བསོད་ནམས་རྗེས་མཐུན་པའི། །དེ་འདྲ་དཀྱིལ་འཁོར་འདིར་གྱུར་ཅིག །སྔགས་བརྗོད་པ་ཡི་ཚིག་གིས་ནི། །མེ་ཏོག་ཕྲེང་བ་དོར་བར་བྱ། །འཕངས་པའི་མེ་ཏོག་ཕྲེང་བ་ནི། །ལྷ་ཡི་གནས་ལ་བབས་ཤེས་བྱ། །ཨོཾ་པྲ་བི་ཤྱ་ཀུ་ལཾ་མ་ཧཱ་བ་ལཾ། །ཞེས་བྱ་འདི་ཡི་ཕྲེང་བ་དེ། །
[58a.3]བླངས་ནས་སུ་ནི་དེ་ནས་ཡང་། །བདེན་པའི་བྱིན་གྱི་རླབས་འདི་ནི། །སྔགས་པ་མཁས་པ་ཡིས་བྱའོ། །ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་སྐྱེ། །བདེན་པ་འདི་ཡིས་
[58a.4]དཀྱིལ་འཁོར་དུ། །གཟུགས་བརྙན་ལྟ་བུར་སློབ་མ་ནི། །གསལ་ཞིང་སྡིག་མེད་མཐོང་བར་ཤོག །དེ་ནས་མིག་གཉིས་ཟླ་བ་ལ། །ཨོཾ་མོ་སྙིང་གར་ཟླ་བ་ལས། །བདག་པོ་ཡང་དག་དམིགས་བྱས་ནས། །དེ་ཡིས་མིག་བལྟས་འོད་རྣམས་ཀྱིས། །དཀྱིལ་འཁོར་གྱི་ནི་ལྷ་རྣམས་
[58a.5]ཀྱི། །སྤྱན་དང་དབྱེར་མེད་རང་བཞིན་དུ། །ཡང་དག་དམིགས་ནས་དེ་ནས་ཕྱིས། །མིག་གཉིས་ལ་ནི་ལེགས་བཏུས་ཏེ། །ཡང་ནི་འཇུག་པར་བྱས་ནས་ནི། །དེ་ཡི་བཅིངས་པ་དགྲོལ་བར་བྱ། །མིག་འབྱེད་པ་ཡི་གསང་སྔགས་འདི། །ཇི་ལྟ་བ་ནི་བརྗོད་པར་བྱ། །ཨོཾ་བཛྲ་
[58a.6]ཌཱ་མཁའ་འགྲོ་རྒྱ་མཚོ་དེང་སྤྱོད་ཀྱི་སོགས་སོ་ཀཱ་རྞའ་སྭཱ་ཡཎྟེ་ཏྱ། ཙ་ཀྵུ་རུདྒྷ་ཊ་ན་ཏཊྤར། ཨུངྒྷ་ཊ་ཡ་ཏི་སརྦཱ་ཀྵོ། །བཛྲ་ཙཀྵུ་རཱ་ནུ་ཏྟ་ར། ཞེས་བྱའོ། །གདོང་བཅིངས་པ་ཉིད་བཀྲོལ་བྱས་ནས། །ལན་ཅིག་ཏུ་ནི་དྲི་བར་བྱ། །ཁྱོད་ཀྱི་མིག་གིས་ཅི་མཐོང་གྱུར། །ཇི་ལྟ་བ་དེ་ངེས་པར་སྨྲོས། །དཀར་དང་སེར་དང་དེ་བཞིན་
[58a.7]དམར། །ལྗང་གུ་དང་ནི་ནག་པོ་ཉིད། །ཞེས་བྱའི་དངོས་གྲུབ་དེ་ཤེས་ནས། །དཀྱིལ་འཁོར་བསྟན་པ་སྨྲ་བར་བྱ། །ཀྱེ་རྡོ་རྗེ་ལྟོས་ཤིག་ཅེས་བྱའོ། །དེ་ལྟར་བརྗོད་ནས་སླར་འདི་བརྗོད། །ད་ནི་དད་པ་རབ་ཏུ་བསྐྱེད། །དཀྱིལ་འཁོར་བཟང་པོ་འདི་ལ་ལྟོས། །སྔགས་དང་ཕྱག་
[58b]
[58b.1]རྒྱས་བྱིན་གྱིས་བརླབས། །སངས་རྒྱས་རྣམས་ཀྱི་རིགས་སུ་སྐྱེ། །མཐོང་བས་དངོས་གྲུབ་ཐམས་ཅད་འོང་། །ཕུན་སུམ་ཚོགས་པ་མངོན་དུ་འགྱུར། །དམ་ཚིག་བསྲུངས་ལ་དངོས་གྲུབ་སྟེ། །ཁྱོད་ཀྱིས་སྔགས་རྣམས་ལ་བརྩོན་བྱ། །ཇི་ལྟར་བསོད་ནམས་དག་སྟོབས་ལས།
[58b.2]དཀྱིལ་འཁོར་མཐོང་བ་དེ་ནས་ནི། །སྣ་ཚོགས་འོད་ཟེར་འཕྲོས་པ་ཡིས། །དཀྱིལ་འཁོར་མཐོང་བར་ཐེ་ཚོམ་མེད། །དེ་ནས་ཧེ་རུ་ཀ་དཔལ་སོགས། །ཀུན་ནས་དེ་ཡི་དཀྱིལ་འཁོར་པ། །བསྟན་ནས་དེ་ནས་སྨྲ་བྱ་བ། །ལྷ་ཡི་དེ་ཉིད་བརྩམ་པར་བྱ། །གང་ཞིག་ཤྲཱི་གང་བླ་
[58b.3]མེད་དེའི། །རུ་ཉིད་ཀྱང་ནི་མེད་པ་ཡིན། །བརྗོད་དངོས་མེད་ལས་དེ་རྣམས་ཀུན། །དཔལ་ཧེ་རུ་ཀ་ཞེས་བྱར་གྲགས། །རྡོར་ཡེ་ཤེས་ལ་དབྱེར་མེད་ཕྱིར། །རྟག་ཏུ་སྡིག་པ་ལས་སྒྲིབ་དང་། །འདོད་ཆགས་དམན་པའི་སྦྱོར་བ་གང་། །རྡོ་རྗེ་སྔོན་སོང་ཅན་ཕག་མོ། །མཆོག་
[58b.4]ཏུ་འགྲོ་བའི་དང་ཚུལ་ཕྱིར། །མཁའ་འགྲོ་མ་ཞེས་རབ་ཏུ་གྲགས། །དེ་ཡི་རིགས་ལྔ་པོའང་དེ་འདྲའོ། །གང་ཞིག་རྟག་ཏུ་གདུག་ཟ་བས། །ལཱ་མ་ཞེས་བྱར་དེ་བཞིན་དྲན། །དེ་རིགས་ལྔ་པོ་ཡང་དེ་འདྲ། །དེ་བཞིན་ཤེས་བྱ་གཞན་གཉིས་ཀྱིའང་། །དུམ་བུར་བྱེད་ཅིང་བསྐྱེད་
[58b.5]པས་ཀྱང་། །དུམ་སྐྱེས་མ་ཞེས་བྱ་བར་བརྗོད། །སྣ་ཚོགས་པ་ཡི་གཟུགས་འཛིན་ཕྱིར། །གཟུགས་ཅན་མ་ཞེས་རབ་ཏུ་བཤད། །གཞན་ཡང་གཙོ་བོའི་རྣམ་དག་པ། །བདུན་ཅུ་རྩ་གཉིས་ཕྱག་རྣམས་ནི། །རྒྱུད་དག་པར་ནི་རྣམ་པར་བརྗོད། །ཕྱག་བཞི་རྒོད་པ་ལ་སོགས་
[58b.6]པ། །བཞི་པོ་རྣམས་ནི་དག་པར་འདོད། །ཞལ་རྣམས་དག་པའི་དངོས་པོ་ནི། །ལྷན་སྐྱེས་རྫོགས་བྱང་ཆུབ་བཅུ་དྲུག །བཅུ་བདུན་པ་ཡི་ཞལ་དུ་བཤད། །སྲིད་དང་མྱ་ངན་འདས་ཞབས་གཉིས། །ཐམས་ཅད་རྒྱན་གྱིས་དག་པ་ནི། །ཆོས་དང་ཆོས་པའི་སྐྱེ་རྣམས་སོ། །
[58b.7]ལྷག་མ་ལྷ་རྣམས་ཐམས་ཅད་ཀྱི། །སོ་སོར་བརྗོད་པར་མི་ནུས་པས། །འཁོར་ལོ་བཅུ་གཉིས་དག་པ་ཡང་། །གནས་བཅུ་གཉིས་དང་ས་བཅུ་གཉིས། །རྡོ་རྗེ་འཆང་བ་སྒོར་གནས་རྣམས། །དེ་རྣམ་དག་པའི་ངོ་བོ་ཡིན། །ཡེ་ཤེས་ཆོས་དང་ལོངས་སྤྱོད་རྫོགས། །སྤྲུལ་པ་
[59a]
[59a.1]དག་པས་དཀྱིལ་འཁོར་བཞི། །ཡིད་ཀྱི་དཀྱིལ་འཁོར་མཆོག་ཡིན་པ། །གང་ཕྱིར་དཀྱིལ་འཁོར་ཡང་དག་བཤད། །ཡེ་ཤེས་ཆོས་དང་ལོངས་སྤྱོད་རྫོགས། །ཀུན་ནས་ཀུན་དུ་མཉམ་པའི་ཕྱིར། །ཟླུམ་པོའི་དཀྱིལ་འཁོར་གསུམ་ཡིན་ནོ། །སྤྲུལ་པ་ཀུན་དུ་
[59a.2]འཕྲུལ་རྒྱས་པས། །དཀྱིལ་འཁོར་བཞི་པ་གྲུ་བཞི་པ། །ཡང་ན་མཐའ་བཞི་གཅོད་ཕྱིར་རོ། །རླུང་གཉིས་དབུ་མར་འདུས་པ་ལས། །སྐུ་གསུམ་དང་ནི་དགའ་བ་བཞི། །ཡེ་ཤེས་ལྔ་རྣམ་དག་པ་ནི། །དཀྱིལ་འཁོར་བཞི་རྩིག་ལ་རིམ་སྦྱར། །བཞི་པོ་ཀུན་གྱི་ཐུན་མོང་གི། །རྣམ་
[59a.3]དག་རྒྱས་པར་གསུངས་བཤད་བྱ། །བྱིན་གྱིས་བརླབས་པའི་ཐིག་ཡིན་ཕྱིར། །མཉམ་པའི་ཚད་མེད་པ་ལས་སོ། །ཚུལ་ཁྲིམས་སྡོམ་པ་བླ་མེད་པ། །རྒྱན་གང་ཡིན་པར་ཡང་དག་བཤད། །དད་པའི་དབང་པོ་སོགས་ཅན་སེམས། །རྩིག་པ་ལྔ་རུ་བྱུང་བ་ཡིན། །རྣམ་པར་ཐར་པ་
[59a.4]རྣམ་པ་བཞི། །གང་གིས་སྒོར་ནི་ཡང་དག་བཤད། །ཡང་དག་རབ་ཏུ་སྤོང་བ་བཞི། །རྟ་བབས་ཀྱི་ནི་ཀ་བར་བྱུང་། །དྲན་པའི་ཡེ་ཤེས་བཞི་རྣམས་ནི། །ཁ་ཁྱེར་བཞི་རུ་དྲན་པར་བྱ། །རྫུ་འཕྲུལ་གྱི་ནི་རྐང་པ་བཞི། །སྒོ་ཁྱུད་རྣམ་པ་བཞི་ཡིན་ནོ། །བྱང་ཆུབ་ཡན་ལག་
[59a.5]བདུན་ཕྲེང་བ། །བ་དན་མེ་ཏོག་ཕྲེང་བར་བརྗོད། །རྣམ་ཀུན་མཁྱེན་ཉིད་ཡེ་ཤེས་ནི། །ཏིང་འཛིན་གཉིས་སུ་བརྟགས་པ་ཡིན། །ལམ་གྱི་ཡེ་ཤེས་ཁྱད་པར་ནི། །རྔ་ཡབ་ཏུ་ནི་བརྗོད་པ་ཡིན། །ཉོན་མོངས་ཐམས་ཅད་ཟད་བྱེད་པས། །དེ་བཞིན་དྲ་བ་ཞེས་བརྗོད་དོ། །ཡང་དག་
[59a.6]གཅོད་པའི་རབ་འཕྲོག་པ། །ཚོགས་གཉིས་ཀྱིས་ནི་སྦྱོར་བས་ཏེ། །ཉོན་མོངས་རྣམས་ཀྱིས་ཕྱེད་ཕྲོག་ཕྱིར། །དྲ་བ་ཕྱེད་པ་ཞེས་བརྗོད་དོ། །སངས་རྒྱས་ཀུན་གྱི་ཁང་ཆེན་རྣམས། །དུས་ཐམས་ཅད་དུ་ཀ་བར་བྱུང་། །འཕགས་པའི་ལམ་གྱི་ཡན་ལག་བརྒྱད། །ཀ་བ་བརྒྱད་ཅེས་བྱ་
[59a.7]བར་དྲན། །དེ་ཡི་དབུས་ཀྱི་པདྨ་གང་། །སྐྱོན་གྱིས་མ་གོས་པར་སྟོན་ཏོ། །འཁོར་ལོ་བཅུ་གཉིས་བཤད་པ་རྣམས། །ས་ཡི་མི་མཐུན་ཕྱོགས་སྤོང་བའོ། །ཡང་དག་བཤད་པའི་རྩིབས་འདི་རྣམས། །ཉོན་མོངས་ཉེ་བའི་ཉོན་མོངས་སེལ། །རྡོ་རྗེ་ལ་སོགས་ཕྲེང་བ་གང་། །གློ་བུར་
[59b]
[59b.1]བ་ཡི་དྲི་མ་སེལ། །ཆ་ཤས་བཅུ་དྲུག་རྣམས་ཀྱི་བར། །དུར་ཁྲོད་དག་པར་ཤེས་པར་བྱ། །དཀྱིལ་འཁོར་དག་པ་ཐམས་ཅད་ཀྱང་། །འཁོར་བསྡུས་སྟོན་པ་པོ་ཡིན་ནོ། །ལྷག་མ་འཇིག་རྟེན་ཁམས་ཀྱིས་ནི། །རྣམ་དག་གསལ་དང་མི་གསལ་བའོ། །སངས་རྒྱས་ཡོན་ཏན་དེ་དག་
[59b.2]ཀུན། །དཀྱིལ་འཁོར་དུ་ནི་བརྗོད་པ་ཡིན། །སེམས་ཅན་ཀུན་དོན་བརྩོན་རྣམས་ཀྱིས། །རྫོགས་སངས་རྒྱས་ཀྱི་དེ་ཉིད་བསྟན། །དེ་ནས་བདག་པོའི་སྦྱོར་ལྡན་པས། །དབང་བསྐུར་དེ་ནས་ཁུ་ཚུར་གྱིས། །ཇི་ལྟའི་སྔགས་ནི་ཀློག་བཞིན་དུའོ། །ཨོཾ་ཨཱཿཧཱུཾ་བཛྲཱ་བྷི་ཥིཉྩ། དེ་
[59b.3]ནས་དེ་ཡི་མགོ་བོར་ནི། །རལ་པའི་ཅོད་པན་ཁྱབ་པར་བསྐོན། །གུས་པས་དབུ་རྒྱན་དབང་བསྐུར་བ། །དེ་ཡིས་རྗེས་མཐུན་བསམ་པར་བྱ། །དེ་ནས་རང་གི་མཚན་མའི་དབང་། །ལག་པ་དག་ཏུ་སྦྱིན་པར་བྱ། །སྔགས་པས་རང་མཚན་རྗེས་འགྲོ་བ། །ཇི་ལྟར་སྔགས་འདི་བརྗོད་
[59b.4]བཞིན་དུའོ། །སངས་རྒྱས་ཀུན་གྱི་རྡོ་རྗེའི་དབང་། །དེ་རིང་ཁྱོད་ལ་བསྐུར་བར་བྱ། །འདི་དེ་སངས་རྒྱས་ཐམས་ཅད་ཀྱི། །དངོས་གྲུབ་ཕྱིར་ན་རྡོ་རྗེ་ལའོ། །ཀྱེ་དཔལ་ཆེ་གེ་མོ་རྡོ་རྗེ། །དེ་ལྟར་གང་གིས་འདི་ཡི་མིང་། །ཀྱི་སྒྲ་སྔོན་དུ་སོང་བས་བྱ། །ཤེས་རབ་ཐབས་ཀྱི་ཏིང་འཛིན་
[59b.5]ཡང་། །ཡང་དག་བསྟན་བྱ་དེ་ནས་ཕྱིས། །ཕྱག་རྒྱ་བཞི་ཡི་མན་ངག་ཡང་། །སློབ་མ་ཡིས་ཀྱང་དེ་ནས་ཕྱིས། །ཐལ་སྦྱར་བྱས་པས་སློབ་དཔོན་ལ། །གུས་པས་ཕྱག་བྱས་དེ་ནས་ནི། །ཕྲེང་བ་བཅིང་སོགས་ཀུན་བཟུང་ནས། །དེ་ནས་རྡོ་རྗེའི་བརྟུལ་ཞུགས་སོ། །འདི་དེ་
[59b.6]སངས་རྒྱས་ཐམས་ཅད་ཉིད། །རྡོ་རྗེ་སེམས་དཔའི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཕྱག་ན་རྡོ་རྗེ་བརྟུལ་ཞུགས་བརྟན། །དེ་ནས་རྡོ་རྗེ་བཟུང་ནས་ནི། །སྔགས་འདི་དག་ནི་བརྗོད་པར་བྱ། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་ཏྭཾ་དྷ་ར་ཡཱ་མི་བཛྲ་སཏྭ་
[59b.7]ཧི་ཧི་ཧི་ཧི་ཧཱུཾ་ཞེས་བྱའོ། །བརྟུལ་ཞུགས་ཅན་གྱིས་འདི་བརྗོད་ནས། །དེ་ནས་དྲིལ་བུའི་བརྟུལ་ཞུགས་སྦྱིན། །འདི་དེ་སངས་རྒྱས་ཐམས་ཅད་ཀྱི། །ཤེས་རབ་དབྱངས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་བཅང་། །བྱང་ཆུབ་མཆོག་ཏུ་རྒྱལ་བས་བཞེད། །གང་གི་
[60a]
[60a.1]ལྷ་ཡིས་དབང་བསྐུར་བའི། །གང་དེའི་དངོས་གྲུབ་ཐེ་ཚོམ་མེད། །གང་རྣམས་ལྷ་ནི་མངོན་བྱས་པའི། །ལས་རྣམས་འབྲས་བུ་སྒྲུབ་པར་བྱེད། །རིག་པའི་དབང་གི་ཆོགས་སོ། །དེ་ལྟར་བྱས་ནས་དེ་ནས་ཕྱིས། །འཆད་པར་འགྱུར་བའི་རིམ་པ་ཡི། །ཆོ་ག་
[60a.2]ཡིས་ནི་ཡང་དག་བྱ། །གདན་ནི་པདྨའི་དཀྱིལ་འཁོར་རོ། །དེ་ནས་བདག་པོའི་སྦྱོར་ལྡན་པའི། །ང་རྒྱལ་དེ་ནས་བྱས་ནས་ནི། །འཆད་པར་འགྱུར་བའི་ཆོ་ག་ཡིས། །སློབ་མའི་གཙོ་བོ་གུས་པ་ཡིས། །དབང་བསྐུར་དོན་དུ་གསོལ་གདབ་པ། །བྱས་ནས་ཡང་ནི་དེ་ནས་རང་། །
[60a.3]ལངས་ནས་དེ་ནས་སློབ་མ་དེས། །པད་ཟླ་ལ་གནས་བསམ་པར་བྱ། །དེ་ནས་རང་ལྷའི་བསམ་གཏན་གྱིས། །བྱིན་གྱིས་བརླབ་པ་ལ་སོགས་གང་། །དེ་བཞིན་ཆུ་ཡི་དབང་བསྐུར་དང་། །སྔོན་དུ་མཁས་པ་ཡིས་བྱའོ། །ཁྱད་པར་དུ་ཡང་ཇི་ལྟར་འདིར། །གཙོ་བོའི་བུམ་
[60a.4]པའི་ཆུ་རྣམས་ཀྱིས། །དེ་སྔགས་སྔོན་དུ་བརྗོད་པ་གང་། །རྒྱུན་མི་འཆད་པར་དབང་བསྐུར་བྱ། །ཇི་སྲིད་རྣམ་རྒྱལ་བུམ་སོགས་ཀྱིས། །ཁྲག་འཐུང་སློབ་དཔོན་ཐོབ་བྱའི་ཕྱིར། །ཨོཾ་ཨཱཿཧཱུཾ་བཛྲ་ཨ་བྷི་ཥི་ཉྩ་ཞེས་བྱའོ། །རང་གིས་གསང་སྔགས་ཀློག་བཞིན་དུའོ། །དེ་ནས་ཤེས་
[60a.5]རབ་ཅན་གྱི་དེ། །མགོ་བོར་ཅོད་པན་ཁྲག་འཐུང་ལྡན། །རྡོ་རྗེའི་ཕྲེང་བའང་རྣམ་བསམས་ནས། །སྔོན་བཞིན་དུ་ནི་དབང་བསྐུར་བྱ། །དེ་ནས་ཁྲོ་བོའི་རྡོ་རྗེ་སྦྱིན། །རྡོ་རྗེའི་དབང་བསྐུར་དུ་ནི་འདོད། །རྒྱུད་གཞན་ལས་ནི་རབ་གྲགས་གང་། །མཁས་པས་ངེ་ཁོ་ན་འདི་བརྗོད། །
[60a.6]རྟག་ཏུ་འདོད་ཆགས་ལས་བྱུང་ཁྲོ། །རྡོ་རྗེ་མེ་ཡི་ཕུང་པོའི་སྐུ། །འབར་བའི་རྡོ་རྗེ་རྣལ་འབྱོར་ཆེ། །ཀུན་ནས་མཁའ་འགྲོ་འབར་བའོ། །ཞེས་སོ། །ཧྲཱིཿབདག་པོ་ཡི་ནི་དབང་བསྐུར་ཀྱང་། །དྲིལ་བུ་བྱིན་ནས་དེ་དཀྲོལ་ཏེ། །ཨ་ཀཱ་རོ་མུ་ཁཾ་ཞེས་བྱ་སོགས། །དེ་ནས་ཆོས་ནི་
[60a.7]རབ་བསྟན་བྱ། ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའ་དང་མཉམ་སྦྱོར་བ་ཡིས། །ཐམས་ཅད་མཆོག་ཉིད་བསྒྲུབ་པར་བྱ། །དྷཱིཿཡང་ན་སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་
[60b]
[60b.1]དཔའ་ནི། །སྲིད་པའི་མཆོག་ཏུ་བྱེད་པར་འགྱུར། །དེ་ནས་དེ་བཞིན་མང་བཤད་བའི། །དབང་བསྐུར་བ་ཡང་བྱིན་ནས་ནི། །རིག་དང་ལྷན་ཅིག་ཏུ་བཞག་ནས། །དམ་ཚིག་རྗེས་སུ་བསྒྲགས་པར་བྱ། །ཤིན་ཏུ་སླ་བས་བདེར་གྱུར་དང་། །སྡུག་བསྔལ་མང་པོ་ཞི་བྱའི་ཕྱིར། །ཤིན་ཏུ་
[60b.2]དམ་པ་བདེ་བའི་ཐབས། །དམ་ཚིག་འདི་ནི་བདེ་བ་འགུགས། །འདོད་པ་ཀུན་གྱི་ལོངས་སྤྱོད་ཀྱིས། །ཇི་ལྟར་འདོད་པ་སྟེར་བར་བྱ། །རང་གི་ལྷ་ཡི་སྦྱོར་བ་ཡིས། །རང་གཞན་མཆོད་པ་ཉིད་དུ་བྱ། །ཇི་སྲིད་འཁོར་བའི་གནས་འདུག་པ། །རྟུལ་ཕོད་མང་པོར་གྱུར་པ་ཡིས། །
[60b.3]དེ་སྲིད་སེམས་ཅན་མཉམ་མེད་དོན། །མྱ་ངན་མི་འདའ་ནུས་པར་གྱིས། །གསང་མཆོག་དམ་ཚིག་གི་ནི་ཐབས། །བསོད་ནམས་བྱིན་རླབས་ཀྱིས་བསྒྲུབས་པས། །དངོས་གྲུབ་ཀུན་དབང་ཕྱུག་གྲུབ་པས། །སེམས་ཅན་དོན་ནི་རྟག་པར་གྱིས། །ཕྱག་རྒྱའི་དམ་ཚིག་མངོན་པར་
[60b.4]བཤད། །ཡིད་ཀྱི་སྐུ་ནི་བརྟན་པའི་ཕྱིར། །གང་གིས་ཐམས་ཅད་སྐུ་བརྟན་པ། །དེ་ཡིས་ཕྱག་རྒྱ་རབ་ཏུ་གྲགས། །ཞེས་སོ། །དེ་ནས་དེ་བཞིན་ཉེར་གནས་ཉིད། །རིག་མ་སློབ་མ་ཡང་དག་ལྡན། །ཡིད་དང་རྗེས་མཐུན་ཟས་ལ་སོགས། །སྣ་ཚོགས་བཏུང་བ་འཐུངས་ནས་ནི། །
[60b.5]ཁ་ནི་ག་བུར་དྲིས་བསྒོ་བྱ། །ལུས་ལ་དྲི་ཞིམ་པོ་བྱས་ནས། །ཕན་ཚུན་དགོད་པ་ལ་སོགས་དང་། །དགའ་རོ་བདེ་བ་ཡང་དག་ལྡན། །དབང་གཉིས་ཡང་དག་ལེགས་སྦྱར་བ། །དེ་ཡི་དགའ་བའི་བདེ་ཤར་བས། །དེ་བཞིན་གཤེགས་སོགས་ཐམས་ཅད་ཀྱིས། །བཀྲ་ཤིས་གླུ་ལ་སོགས་
[60b.6]རྣམས་ཀྱིས། །བདག་ཉིད་ལ་ནི་བསྐུལ་བཞིན་པར། །རང་གི་རྣམ་པར་བསམ་པར་བྱ། །དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་ཀུན་གྱིས་ཕྱག་བྱས་པས། །གསང་གསུམ་གནས་ལས་བྱུང་བ་ནི། །སངས་རྒྱས་ཀུན་གྱིས་སྦྱིན་པར་བྱ། །ཞེས་སོ། །དེ་ལྟར་བརྗོད་
[60b.7]ནས་རྡོ་རྗེ་ལས། །པདྨར་ལྟུང་ཁར་ལེགས་པར་གཞུག །ཨ་ཧོ་སུ་ཁཾ་ཞེས་བྱ་བརྗོད། །རྡོ་རྗེ་ཡེ་ཤེས་བྱུང་གང་དེ། །དེས་ཀྱང་དགུག་པར་བྱ་བ་ཡིན། །འདི་ནི་ཤིན་ཏུ་གསང་ཆེན་དོན། །དབང་བསྐུར་བ་ནི་རྨད་བྱུང་ཆེ། །རྡོ་རྗེ་དང་ནི་དྲིལ་སྒྲོགས་པས། །མཆོག་ཏུ་དགའ་བ་
[61a]
[61a.1]བྱེད་རྣམས་ཀྱིས། །དེ་ཁོ་ན་ཉིད་འདི་བརྗོད་བྱ། །དབང་བསྐུར་བ་ནི་རང་ལ་སྦྱིན། །གང་དེ་འམ་དགའ་བའི་གཟུགས་ཀྱིས་སྙིང་ལ་བདེ་བ་བྱེད་པ་དེ་ཡང་ཀུན་དུ་རྟོག་པ་ཙམ། །གང་ཡང་ཆགས་བྲལ་རྒྱུ་ཡང་དེ་གཉིས་དེ་ཡི་སྲིད་པའི་རྩེ་མོའི་རྒྱུ། །ཇི་
[61a.2]སྲིད་བརྒྱ་ལ་ཡིད་ལ་རྣམ་པར་རྟོག་པ་འཕྲོ་བ་སྤངས་པའི་གཟུགས་དེ་སྲིད། །མྱ་ངན་འདས་པ་གཞན་ན་ཅུང་ཟད་ཀྱང་ནི་ཡོད་མིན་ཡུལ་ནི་རྣམ་པར་རྟོག་པའི་བདག་ཉིད་བསམ་པའོ། །འདི་ཡི་དེ་ཉིད་མི་ཤེས་པའོ། །སློབ་མ་རྣམས་ལ་བསྟན་མི་བྱ། །བློ་ལྡན་རྣམ་པར་རྟོག་མེད་
[61a.3]ལ། །ལེགས་པར་སྦས་པ་འདི་སྦྱིན་བྱ། །དེ་ནས་དེ་ཉིད་ལ་བཞག་ནས། །མཁའ་འགྲོ་མ་སོགས་པས་མཆོད་དེ། །སྔོན་བཞིན་ལེགས་པར་མཉམ་གཞག་པས། །དེ་ནས་རྡོ་རྗེ་དྲིལ་བྱིན་ཏེ། །དེང་ནས་བརྩམས་ནས་རྣལ་འབྱོར་པས། །རྒྱུད་ཀུན་ལས་གསུངས་རྣམས་ཀྱི་
[61a.4]ཡང་། །མ་ལུས་ལུས་པ་མེད་པ་ཡི། །ཆོ་ག་ཡིས་ནི་དཀྱིལ་འཁོར་བྲི། །ཇི་ལྟར་མངོན་པར་འདོད་པའི་ལྷའི། །རང་གི་འདོད་པས་འཇུག་པ་ཉིད། །རྣལ་འབྱོར་དམིགས་པའི་དངོས་གྲུབ་ནི། །ཐ་མ་དང་ནི་མཆོག་དང་འབྲིང་། །ཕྲ་མོ་ཡི་ནི་ལས་ལ་སོགས། །ཇི་ལྟར་
[61a.5]དེ་རྣམས་སྒྲུབ་པར་བྱེད། །རང་གཞན་བཤད་པའི་དངོས་གྲུབ་ཕྱིར། །དེ་ཡིས་འགྲུབ་པར་ཐེ་ཚོམ་མེད། །འདི་ནི་རྡོ་རྗེ་སློབ་དཔོན་གྱི་དབང་བསྐུར་བའི་ཆོ་གའོ། །དེ་ལྟར་རྫོགས་པའི་སློབ་མ་ལ། །རྗེས་གནང་དབང་བསྐུར་བསྟན་པར་བྱ། །དཀྱིལ་འཁོར་ལས་ཕྱིར་ཁྲུ་གཉིས་ནི། །
[61a.6]དོར་བར་དེ་ཡི་ཕྱེད་ཅན་གྱི། །སྒོ་ཐམས་ཅད་ཀྱི་ཕྱོགས་སུ་ནི། །གྲུ་བཞི་པ་ལ་སྒོ་བཞི་ཅན། །དེའི་དབུས་སྣ་ཚོགས་པདྨ་ནི། །དཀྱིལ་འཁོར་དུ་བྲི་དེ་ལ་ནི། །ཤིན་ཏུ་འཇམ་པའི་གནས་འདུག་སྟེ། །མཁའ་འགྲོ་རྒྱ་མཚོའི་དཔལ་གཟུགས་ཀྱིས། །རང་བདག་པདྨ་ལ་གནས་པར། །
[61a.7]མཉམ་པར་གཞག་པས་བསྒོམ་པར་བྱ། །དེ་ནས་སློབ་མ་གུས་ཆེན་པོས། །ཡོན་གྱི་མཆོག་ནི་ཕུལ་བ་ཡི། །རང་རིག་དེ་བཞིན་ཕུལ་བྱས་ནས། །དེ་ལས་བྱུང་བའི་བྱང་ཆུབ་སེམས། །མཁའ་འགྲོ་མ་སོགས་ཀྱིས་མཆོད་ནས། །དེ་དང་ལྷན་ཅིག་བཟའ་བར་བྱ། །སློབ་དཔོན་
[61b]
[61b.1]དབང་པོ་གཉིས་འཛོམ་ལ། །ཕྱག་འཚལ་བ་ཡིས་གསོལ་བ་གདབ། །བདག་མིང་རྡོ་རྗེ་ཆེ་གེ་མོ། །བྱང་ཆུབ་སེམས་རྣམས་སྒོམ་བྱེད་པ། །སློབ་དཔོན་ཞབས་ཀྱི་ཆུ་སྐྱེས་ལ། །དབང་བསྐུར་དོན་དུ་གསོལ་བ་འདེབས། །སློབ་དཔོན་གོ་འཕང་རྨད་བྱུང་བ། །སྐལ་བ་ཆེན་པོ་
[61b.2]བདག་ལ་སྩོལ། །དབང་བསྐུར་རྒྱལ་བ་རྣམས་ཀྱི་ནི། །སངས་རྒྱས་བྱང་ཆུབ་རབ་སྒྲུབ་པ། །གང་གིས་བདག་སེམས་ཅན་ཀུན་གྱི། །རྙོག་པ་མེད་པས་དོན་བྱའོ། །ཁྱོད་ལེགས་བརྟུལ་ཞུགས་བཀའ་དྲིན་གྱིས། །སངས་རྒྱས་ཀུན་དོན་དོན་བྱའོ། །དེ་ལྟར་གསོལ་བཏབ་བློ་ལྡན་
[61b.3]པས། །དེ་ཚེ་སློབ་དཔོན་གྱིས་དེ་ནས། །ཡང་དག་བཞེངས་ནས་དབང་བསྐུར་བ། །དེའི་རིམ་འདི་ཡིས་བརྟག་པར་བྱ། །སློབ་མ་རང་ལྷའི་རྣམ་པ་རུ། །ཇི་ལྟར་སྔོན་བཞིན་རྫོགས་བྱས་ནས། །ཡིག་གསུམ་བྱིན་གྱིས་བརླབས་ནས་སུ། །པདྨ་ལ་གནས་རྣམ་པར་བསམ། །
[61b.4]སློབ་དཔོན་ནུས་པ་ལྡན་པའོ། །དེ་ཡི་དབང་བསྐུར་གྲུབ་བྱའི་ཕྱིར། །སྔོན་དུ་བསྙེན་པའི་གསང་སྔགས་སམ། །དེ་བཞིན་དུ་ནི་ཡིག་གསུམ་གྱིས། །སྔགས་པའི་ཡུངས་ཀར་རྣམས་ཀྱིས་ནི། །གསང་སྔགས་ལན་ཅིག་ཟློས་བཞིན་དུ། །ལྷ་ཡི་འཁོར་ལོ་ལ་བརྡེག་བྱ། །
[61b.5]དེ་ནས་ལྷ་རྣམས་རང་ཉིད་ནི། །བཀྲ་ཤིས་གླུ་ཡི་སྔགས་རྣམས་དང་། །དག་བྱེད་བུམ་པའི་ཆུ་རྣམས་ཀྱིས། །རིག་དང་ལྷན་ཅིག་ལངས་རྣམས་ཀྱིས། །དེ་ཡི་བླ་མེད་དབང་བསྐུར་སྦྱིན། །མེད་ན་བདུད་རྩིས་གང་བ་ཡི། །བུམ་པ་ལ་ནི་དེ་བཞིན་བརྡེག །རྒྱལ་བ་དག་གིས་གསུངས་པ་
[61b.6]ལྟར། །རང་ཉིད་ལ་ནི་དབང་བསྐུར་ཏེ། །གལ་ཏེ་ནུས་པ་མེད་གྱུར་ན། །རྣམ་པ་སྣ་ཚོགས་རྒྱལ་མཚན་དང་། །པི་ཝང་གླིང་བུ་རྔ་ལ་སོགས། །སྣ་ཚོགས་གོས་ཀྱི་ཚོགས་རྣམས་དང་། །རིན་ཆེན་རྒྱལ་མཚན་མཆོག་རྣམས་ཀྱིས། །དེ་བཞིན་གཤེགས་རྣམས་ཡང་དག་ལྡན། །
[61b.7]ནམ་མཁའ་གང་བར་བསྒོམ་པར་བྱ། །དེ་ནས་དེ་བཞིན་གཤེགས་ཀུན་གྱིས། །འདོད་ཆགས་ཆེན་པོ་ཞུ་ལྡན་པའི། །དེ་བཞིན་བདུད་རྩི་ལྔས་གང་བའི། །མཁའ་འགྲོ་མ་སོགས་པས་བདག་ཉིད། །ཡོངས་སུ་བསྐོར་བར་རྣམ་པར་བསམ། །རྣམ་པར་རྒྱལ་བའི་བུམ་པའི་ཆུ། །
[62a]
[62a.1]བཀྲ་ཤིས་གླུ་རྣམས་དང་བཅས་པས། །གསང་སྔགས་འདི་ནི་བརྗོད་བཞིན་དུ། །སློབ་མ་འདི་ཡིས་དབང་བསྐུར་བྱ། །ཨོཾ་མ་ཧཱ་སུ་ཁ་བཛྲ་སཏྭ་ཨ་བྷི་ཥེ་ཀ་ཏྭཾ་ཨ་བྷི་ཥི་ཉྩ་མི་སརྦ་ཏ་ཐཱ་ག་ཏ་ཨ་དྷི་པ་ཏི་ནྲེ་ན་དྲྀ་དྷོ་མེ་བྷ་བ་སདྡྷྱི་ན་མ་སྟེ་བྷ་ག་བཱན་མ་ཧཱ་བཛྲ་དྷ་ར་སུ་ར་
[62a.2]ཏ་སྟཾ་ཨ་ཧཾ་བཛྲ་སཏྭ་ཨོཾ་ཨཱཿཧཱུཾ་བཛྲ་ཨ་བྷི་ཥི་ཉྩ་ཞེས་བྱའོ། །དབང་བསྐུར་ཉིད་ན་གཞན་རྣམས་ཀྱི། །མཁའ་འགྲོ་མ་དང་དཔའ་རྣམས་ཀྱིས། །ལུགས་འབྱུང་གཡོན་དུ་བསྐོར་བ་ཡིས། །སེམས་ཅན་དབང་ནི་བསྐུར་བཞིན་དུ། །ཤིས་པ་བརྗོད་པ་བསམ་པར་བྱ། །དེ་ནས་དབུ་
[62a.3]རྒྱན་དར་དཔྱང་སོགས། །གསང་བའི་མཐར་ཐུག་ཐོག་མ་བཞིན། །ཤེས་རབ་ཡེ་ཤེས་དབང་བསྐུར་བ། །མཁས་པས་སྦྱིན་པ་ཉིད་དུ་བྱ། །སྟན་དེ་ལ་ནི་རབ་བཞག་ནས། །འདི་ནི་ཕྲ་བའི་སྨྲ་བས་བརྗོད། །འདི་ནི་ཁྱོད་ཀྱིས་གཟུངས་མ་མཆོག །བསྟེན་བྱར་སངས་རྒྱས་
[62a.4]རྣམས་ཀྱིས་བརྟགས། །འཁོར་ལོའི་རིམ་པས་སྦྱོར་བ་ཡིས། །བདེ་བ་ཡང་དག་མྱོང་བར་གྱིས། །ཐབས་གཞན་གྱིས་ནི་སངས་རྒྱས་མིན། །འགྲོ་བ་གསུམ་པོ་འདི་ཡིས་དག། །དེ་ཕྱིར་འདི་དང་མི་འབྲལ་ཞིང་། །ཁྱོད་ཀྱིས་ནམ་ཡང་མི་གཏོང་ངོ་། །འདི་དེ་སངས་རྒྱས་ཐམས་ཅད་
[62a.5]ཀྱི། །རིག་མའི་བརྟུལ་ཞུགས་བླ་ན་མེད། །རྨོངས་པས་གང་ཞིག་འདའ་བྱེད་ན། །དེ་ལ་མཆོག་གི་དངོས་གྲུབ་མེད། །ཅེས་བརྗོད་ནས་ནི་གཏད་པར་བྱ། །མེ་ཏོག་ཕྲེང་དྲི་གོས་བརྒྱན་ནས། །གོས་མེད་པདྨ་གསལ་བསྟན་ནས། །དེ་ལ་འདི་སྐད་རིམ་པས་བརྗོད། །བུ་ཁྱོད་
[62a.6]ཀྱང་ནི་འདོད་དམ་ཅི། །དྲི་ཆེན་དྲི་ཆུ་སོགས་ཟ་ཞིང་། །ཤ་ཁྲག་ཁུ་བ་དེ་བཞིན་དུ། །དེ་བཞིན་གཞན་ཡང་བུད་མེད་གུས། །བྷ་གའི་པདྨོའོ་བྱེད་པ། །བུ་ཁྱོད་སྨྲོས་ཤིག་ཅི་བདེ་བར། །ཞེས་སོ། །ལྷ་མོ་ཅི་ཕྱིར་བདག་མི་འདོད། །ཁྲག་དང་ཁུ་བ་སོགས་ཟ་ཞིང་། །བུད་མེད་
[62a.7]རྣམས་ལ་བདག་གུས་བགྱིས། །བྷ་ག་ལ་ཡང་འོ་བགྱིད་དོ། །ཞེས་བརྗོད་པར་བྱའོ། །དེ་ནས་དགའ་སྟེ་ཐབས་ཀྱི་བཞིན་ལ་བལྟ་ཞིང་ཙོག་པོར་འདུག་སྟེ་པདྨ་ཤིན་ཏུ་གསལ་བར་བསྟན་ཏེ། ཨ་ཧོ་བདག་གི་པདྨ་ནི། །སངས་རྒྱས་ཀུན་གྱིས་བྱིན་བརླབས་པས། །གང་ཞིག་
[62b]
[62b.1]ཆོ་ག་བཞིན་བསྟེན་ན། །དེ་ཡི་མདུན་ན་བདག་གནས་སོ། །ཇི་ལྟར་པདྨའི་དགོས་པ་ཉིད། །ཡང་དག་སངས་རྒྱས་མཉེས་བྱེད་སོགས། །བདེ་ཆེན་རྒྱལ་པོ་རང་ཉིད་ནི། །འདི་ཉིད་ལ་ནི་ཡང་དག་ཞུགས། །བྷཉྫ་མོ་ཀྵ་ཧོཿཞེས་བརྗོད་པར་བྱའོ། །དེ་གཉིས་གཙོ་བོ་གཙོ་མོ་ཡི། །
[62b.2]རྣལ་འབྱོར་བྱས་ནས་མཁའ་གསད་བ། །བྱིན་བརླབས་ཙུམྦ་ན་སོགས་བྱ། །པདྨའི་རྩ་བཙལ་སོགས་བྱས་ཏེ། །ལྷན་སྐྱེས་བདེ་བ་མྱོང་བར་བྱ། །དེ་ཡང་བདག་གི་བླ་མ་ནི། །བག་མ་ལེན་པའི་རིམ་པས་མཛད། །དགའ་བ་རྟོགས་པར་ཤེས་ནས་ནི། །བླ་མ་སློབ་མས་
[62b.3]འདི་སྐད་བརྗོད། །ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོ྅ཧཾ། །འདི་ཡིས་མངོན་པར་དབང་བསྐུར་བས། །སློབ་མ་ཡོན་ཏན་བདག་པོར་འགྱུར། །ཇི་ལྟར་ནུས་པས་བདེ་བ་བཟུང་། །པདྨ་ལྟུང་བ་བཟའ་བར་བྱ། །བདེ་བ་རྟོགས་པའི་དུས་སུ་ནི། །སློབ་དཔོན་སྙིང་
[62b.4]ག་ལས་བྱུང་བའི། །མཁའ་འགྲོ་མ་སོགས་དེ་སྙིང་ཞུགས། །དེ་ལྟར་བྱས་པས་བརྟན་གཡོ་ཡི། །བདེ་བས་སློབ་དཔོན་དུ་འགྱུར་རོ། །དེ་ནས་བརྩམས་ཏེ་འདི་དེ་ལ། །གསང་བ་མཆོག་ནི་བསྟན་པར་བྱ། །རྒྱུད་ཐམས་ཅད་དུ་གང་ཅུང་ཟད། །རྩས་ཤིང་བྲིས་པའི་ཕྱག་རྒྱ་ནི། །
[62b.5]དེ་ནས་དབང་གཉིས་སྦྱོར་བ་ཡིས། །དེ་ཉིད་གདན་ལ་རབ་བཞག་སྟེ། །ཕྱི་དང་གསང་སོགས་མཆོད་རྣམས་ཀྱིས། །ཡང་དག་མཆོད་ནས་དེ་ནས་གཞན། །གཟུགས་སོགས་གསང་བའི་མཆོད་རྣམས་ཀྱིས། །འདི་ལྟར་རིམ་པས་ཡང་དག་མཆོད། །དེ་ནས་དགའ་བ་ཞིའི་
[62b.6]དབྱེ་སོགས་ཀྱིས། །བཞི་པར་བརྗོད་པ་བརྟན་པར་བྱ། །མེ་ལོང་དེ་ཡི་ང་རྒྱལ་ཅན། །འདི་ལྟར་ལེགས་བསྟན་འདི་བརྗོད་བྱ། །གཟུགས་བརྙན་རྣམ་པར་ཆོས་ཐམས་ཅད། །སྲིད་མ་ཚོར་དེ་རྣམས་ལྷག་རྟོག་པ། །ཆོས་ཐམས་ཅད་ནི་ཞེས་བྱ་བ། །གཟུགས་བརྙན་ལྟ་བུར་
[62b.7]དབབ་བྱས་ནས། །ཆོས་ཐམས་ཅད་ནི་ཞེས་བྱ་བ། །སེམས་ཅན་ཀུན་ལ་བསྟན་པར་གྱིས། །སྒྲ་ཡི་ང་རྒྱལ་ལྡན་པ་ཡིས། །དེ་ལྟར་པི་ཝང་སྒྲ་བརྗོད་བྱ། །དེ་བཞིན་གཤེགས་པ་ཐམས་ཅད་ཀྱི། །སྒྲ་ཡི་རྗེས་སུ་འགྲོ་བ་ཡིས། །ཤེས་རབ་མངོན་དུ་རྟོགས་གྱུར་ཅིག །གང་གིས་
[63a]
[63a.1]འཇིག་རྟེན་ཐམས་ཅད་དུ། །དེ་བཞིན་གཤེགས་པ་ཐམས་ཅད་ཀྱི། །ཀུན་དུ་སྒྲ་བརྙན་ལྟ་བུ་ཡི། །ཆོས་ཀྱི་འཁོར་ལོ་བསྐོར་བར་གྱིས། །དྲི་ཡི་ང་རྒྱལ་ལྡན་པ་ཡིས། །སྙིང་གར་དྲི་བསྐུ་འདི་སྐད་བརྗོད། །དེ་བཞིན་གཤེགས་པ་ཐམས་ཅད་ཀྱི། །སྐྱེ་
[63a.2]མེད་ལྷག་པར་རྟོགས་གྱུར་ཅིག །གང་གིས་སངས་རྒྱས་ཞིང་ཀུན་དང་། །འཇིག་རྟེན་ཀུན་དུ་བླ་མེད་པའི། །བསམ་གྱིས་མི་ཁྱབ་པ་ཡི་དྲི། །རང་གི་ལུས་ལས་སྤྲོ་བར་བྱའོ། །རོ་ཡི་ང་རྒྱལ་ལྡན་དེ་ལྟར། །བདུད་རྩི་ལྔ་ནི་འདུས་བྱས་ནས། །ཡང་དག་པར་ནི་མྱང་བྱས་
[63a.3]ནས། །ངག་གིས་འདི་སྐད་བརྗོད་པར་བྱ། །རོ་ཀུན་གཅིག་གི་རྣམ་པར་ནི། །རང་བཞིན་མེད་པའི་གཟུགས་ཀྱིས་ནི། །ལྷག་པ་རུ་ནི་རྟོགས་གྱུར་ཅིག །གང་གིས་སངས་རྒྱས་བྱང་སེམས་དང་། །སྲོག་ཆགས་གྱུར་པ་ཐམས་ཅད་ལ། །ལྷ་རྫས་དཔེ་མེད་རོ་ཡི་མཆོག །
[63a.4]སྤྲུལ་ནས་སུ་ནི་སྦྱིན་པར་བྱའོ། །དེ་ལྟར་རེག་བྱའི་ང་རྒྱལ་ལྡན། །རྣལ་འབྱོར་མ་ཡི་སྦྱོར་བརྩོན་པས། །བྱས་ནས་རང་གི་རིག་མ་མཆོག །རེག་ལ་མཁས་པས་འདི་སྐད་བརྗོད། །རེག་བྱས་རྗེས་སུ་མི་གོས་པར། །དེ་ནི་ལྷག་པར་རྟོགས་གྱུར་ཅིག །གང་གིས་རེག་
[63a.5]བྱའི་ཁྱད་པར་རྣམས། །རང་གི་སེམས་ལ་བྱུང་ཞེས་པར། །ལྷག་པར་མོས་བྱས་སྣ་ཚོགས་པའི། །བླ་མེད་རེག་བྱའི་ཁྱད་པར་རྣམས། །རང་གི་སེམས་ནི་ཡོངས་གྱུར་ལས། །ལྷ་རྣམས་ཐམས་ཅད་གནས་རྣམས་དང་། །དེ་བཞིན་གཤེགས་པ་ཐམས་ཅད་དང་། །
[63a.6]བྱང་ཆུབ་སེམས་དཔའ་སོགས་ཀུན་ལ། །ཀུན་སྦྱོར་རེག་བྱའི་བདེ་བ་ནི། །ངེས་པར་སྦྱར་བར་བྱ་བ་ཡིན། །ཞེས་སོ། །ལེགས་མཆོད་འདི་ལྟར་གསེར་སོགས་པའི། །ཐུར་མ་མངོན་པར་བསྔགས་བྱས་ནས། །ཨོཾ་བཛྲ་ནི་ཏྲ་ཨ་པ་ཧ་ར་པ་ཊ་ལཾ་ཧྲཱིཿཞེས་བྱ་བའོ། །མཉམ་
[63a.7]པར་གཞག་པའི་སེམས་ཀྱིས་ནི། །མདུན་དུ་འདུག་ནས་འདི་བརྗོད་བྱ། །བུ་ཁྱོད་ཀྱིས་ནི་མི་ཤེས་པའི། །རབ་རིབ་རྒྱལ་བ་རྣམས་ཀྱིས་བསལ། །ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་རབ་རིབ་བསལ་བཞིན་དུའོ། །ཞེས་བྱའོ། །དེ་ནས་སློབ་མའི་མིག་དག་
[63b]
[63b.1]ལ། །མིག་སྨན་འབྱུག་པའི་ཚུལ་བྱས་ནས། །སྔགས་པས་མེ་ལོང་བསྟན་བྱས་ཏེ། །ཆོས་ཀྱི་མཚན་ཉིད་བརྗོད་པར་བྱ། །ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་འབྱུང་། །དེ་ལྟར་
[63b.2]ཤེས་བྱས་ཆོས་འདི་ནི། །རང་བཞིན་མེད་པ་རྙོག་པ་མེད། །སེམས་ཅན་དོན་ནི་མཉམ་མེད་ཀྱིས། །སྐྱོབ་པ་རྣམས་ཀྱི་རིགས་སུ་སྐྱེ། །དེ་ནས་སརྦ་ཏ་ཐཱ་ག་ཏ་ཨ་ནུ་རཱ་ག་ཡ་སྭཱ་ཧཱ། ཞེས་བྱ་བ་བརྗོད་ནས། ཧོཿཞེས་བྱ་བ་ཡིས་ནི་གཞུ། །བྱིན་ནས་དེས་ཀྱང་བརྩོན་པ་ཡིས། །
[63b.3]ཕྱོགས་བཞི་རྣམས་སུ་མདའ་བཞི་ནི། །དེ་བཞིན་དུ་ནི་འཕང་བར་བྱ། །གཅིག་གི་སྟེང་དང་འོག་ཏུ་ཡང་། །ལེགས་མཉམ་གཞག་པས་དྲང་བར་བྱ། །བཛྲ་སཏྭ་ཨཿབརྗོད་བཞིན་དུ། །དེ་ནས་མེ་ལོང་བླངས་ནས་ནི། །རྣལ་འབྱོར་ལྷུར་ལེན་སློབ་དཔོན་གྱིས། །དེ་ལ་
[63b.4]འདི་ཉིད་འདི་ལྟར་བརྗོད། །རྡོ་རྗེ་སེམས་དཔའ་རང་བཞིན་ཉིད། །དག་ཅིང་གསལ་ལ་རྙོག་པ་མེད། །སངས་རྒྱས་ཀུན་གྱི་བདག་པོ་གང་། །བུ་ཡི་སྙིང་ལ་གནས་པའོ། །ཞེས་སོ། །ཧཱུཾ་གིས་དེ་ནས་ཆོས་འཁོར་ལོ། །དེ་ཡི་སྟན་གྱི་མདུན་དུ་ནི། །བཞག་བྱས་ཨཿ
[63b.5]ལྡན་ལག་གཡས་སུ། །དུང་བྱིན་ནས་ནི་འདི་སྐད་བརྗོད། །དེང་ནས་བརྩམས་ནས་འཇིག་རྟེན་དུ། །སྐྱོབ་པ་རྣམས་ཀྱིས་འཁོར་རབ་བསྐོར། །ཆོས་ཀྱི་འཁོར་ལོ་བླ་མེད་པ། །དྲི་མ་མེད་པ་ཀུན་དུ་གང་། །ཐེ་ཚོམ་མེད་པའི་སེམས་ཀྱིས་ནི། །འདི་ལ་བློ་ངན་མེད་པར་བརྗོད། །
[63b.6]ཆོས་ཀྱི་སྤྱོད་པའི་ཚུལ་མཆོག་ནི། །རང་གི་མཉམ་མེད་རབ་ཏུ་སྟོན། །དེ་ལྟར་སངས་རྒྱས་རྣམས་ཀྱིས་ནི། །བྱས་ཞེས་དགོངས་པ་བྱེད་ཅེས་བརྗོད། །དེ་ཡིས་རྡོ་རྗེ་འཆང་ཀུན་གྱིས། །ཐམས་ཅད་དུ་ནི་ཁྱོད་སྲུང་འགྱུར། །ཞེས་སོ། །དེ་ནས་དེ་བཞིན་གཞན་ཉིད་ནི། །མཁས་
[63b.7]པས་དམ་ཚིག་བསྒྲགས་པར་བྱ། །ཐབས་དང་ཤེས་རབ་སེམས་ཀྱིས་ནི། །མི་བྱ་བ་ནི་ཅི་ཡང་མེད། །རྟག་ཏུ་དོགས་མེད་གྱུར་བྱས་ནས། །འདོད་པ་ལྔ་ལ་ལོངས་སྤྱོད་བྱ། །ཇི་ལྟ་ཇི་ལྟར་འདུལ་གྱུར་པ། །སེམས་ཅན་དེ་ཡི་རང་བཞིན་གྱིས། །དེ་ལྟ་དེ་ལྟར་སེམས་ཅན་དོན། །
[64a]
[64a.1]འདོད་ཆགས་སོགས་པས་དག་པར་བྱ། །གང་གཞན་དམ་ཚིག་ལ་སྡང་བ། །དམ་ཚིག་ཉམས་པའི་སྐྱེ་བོ་དེ། །འབད་པ་ཡིས་ནི་གསད་པར་བྱ། །སངས་རྒྱས་བསྟན་པ་སྐྱོང་བ་ལ། །སེམས་ཅན་ཀུན་ལ་ཕན་དོན་ཕྱིར། །སངས་རྒྱས་རྣལ་འབྱོར་རབ་བསྐྱོད་
[64a.2]པ། །ཕ་རོལ་པོ་ཡི་སེམས་ཕྲོགས་ཀྱང་། །སྡིག་པས་གོས་པར་མི་འགྱུར་རོ། །འདོད་ཆགས་ལྟ་བུའི་བདེ་མེད་པས། །སྐྱེ་བོ་རྣམས་ལ་དེ་རྟག་སྦྱིན། །སེམས་ཅན་དོན་དུ་གཞན་བུད་མེད། །བསྟེན་པས་བསོད་ནམས་ཐོབ་པར་འགྱུར། །སངས་རྒྱས་ལ་སོགས་སྨོད་པ་ལ། །
[64a.3]རིན་ཆེན་འབྱུང་ལྡན་རྣལ་འབྱོར་གྱིས། །ཚིག་ནི་རྩུབ་མོ་ལ་སོགས་པས། །བླ་མེད་དངོས་གྲུབ་ཐོབ་པར་འགྱུར། །འོད་དཔག་མེད་ཀྱི་བརྫུན་ངག་སྨྲ། །དོན་ཡོད་གྲུབ་མཆོག་ཏིང་འཛིན་གྱིས། །བློ་ལྡན་རྒྱུད་གསུངས་ཆོ་ག་ཡིས། །དམ་ཚིག་དག་པ་བསྟེན་པར་བྱ། །ཞེས་
[64a.4]བྱ་བའོ། །དེ་ནས་དཔལ་ཧེ་རུ་ཀ་ཞེས་སོགས། །བསྟོད་ཅིང་ཡང་ནི་བསྟོད་བྱས་ཏེ། །ཐལ་སྦྱར་བྱས་པས་འདུད་བྱས་ཉིད། །འདི་སྐད་སློབ་མ་ལ་བརྗོད་བྱ། །སེམས་ཅན་ཀུན་ལ་ཕན་དོན་དུ། །སེམས་ཅན་ཀུན་ལ་ཐམས་ཅད་དུ། །ཇི་ལྟར་གདུལ་བྱ་སྣ་ཚོགས་པ། །
[64a.5]རྡོ་རྗེའི་འཁོར་ལོ་བསྐོར་བར་གྱིས། །དེ་བཞིན་གཤེགས་ཀུན་རྒྱལ་བ་རྒྱལ། །བདག་པོའི་འཁོར་ལོ་བསྐོར་བར་གྱིས། །ཞེས་སོ། །རྗེས་སུ་གནང་བའི་དབང་བསྐུར་བའི་ཆོ་གའོ།། །།དེ་ལྟར་བྱས་ནས་དེ་ནས་ཕྱིས། །རྩ་བའི་དཀྱིལ་འཁོར་དུ་ཞུགས་ནས། །དཀྱིལ་
[64a.6]འཁོར་བལྟས་ནས་གསང་སྔགས་ཀྱི། །བསྐུལ་བར་སྨྲ་བ་སྦྱིན་པར་བྱ། །ཏིང་འཛིན་སྔགས་ཀྱི་རྒྱལ་པོ་ཡིས། །བྱིན་ནས་གསང་བ་བརྩམ་པར་བྱ། །རྒྱུད་འདིར་གསུངས་པའི་དམ་པའི་རྫས། །མཁས་པ་ཡིས་ནི་བཟའ་བར་བྱ། །དེ་ནས་སྟེང་དུ་ལངས་པ་ཡིས། །སངས་
[64a.7]རྒྱས་ཀུན་བདག་རྣལ་འབྱོར་བརྩོན། །རྡོ་རྗེའི་མིང་དབང་བསྐུར་བ་ཡིས། །འདི་སྐད་དེ་བཞིན་གཤེགས་ལུང་བསྟན། །དེ་ལ་འདིའི་རིམ་བརྗོད་བྱ་སྟེ། །མཁའ་འགྲོ་རྒྱ་མཚོ་དཔལ་གཟུགས་ཀྱིས། །སློབ་མ་དེ་བཞིན་ཡོངས་བཞག་ནས། །རང་ཡང་བདག་པོའི་སྦྱོར་བ་ལྡན། །ཆོས་
[64b]
[64b.1]གོས་ལག་པ་གཡོན་པ་ཡིས། །འཛིན་པའི་ཚུལ་གྱིས་དེ་བཞིན་དུ། །མངོན་པར་མཆོག་སྦྱིན་ཚུལ་ཉིད་ཀྱིས། །མཉམ་པར་གཞག་པས་འདི་སྐད་བརྗོད། །ངས་འདི་ཁྱོད་ལ་ལུང་བསྟན་བྱ། །རྡོ་རྗེ་སེམས་དཔའ་དེ་བཞིན་གཤེགས། །སྲིད་པ་ཤིན་དུ་དག་པའི་ཕྱིར། །སྲིད་པའི་
[64b.2]ངན་འགྲོ་ལས་བཏོན་ནས། །ཀྱེ་དཔལ་ཆེ་གེ་མོ་རྡོ་རྗེ་དེ་བཞིན་གཤེགས་པ་གྲུབ་པ་ཁྱོད་ཀྱི་དམ་ཚིག་གོ་ཞེས་བྱ་བའོ། །གང་གིས་ཆོ་ག་འདི་ཡིས་ནི། །ཕྱག་རྒྱ་ཆེན་པོའི་ཚུལ་གང་གིས། །གང་ལ་ལུང་བསྟན་བྱེད་བཞིན་པ། །དཔལ་ཧེ་རུ་ཀ་སོགས་ལྷ་དང་། །སངས་
[64b.3]རྒྱས་བྱང་ཆུབ་སེམས་རྣམས་དང་། །དཀྱིལ་འཁོར་དུ་གནས་རྣམས་དང་། །དམ་ཚིག་གཅོད་པའི་མགྲིན་པ་ཡིས། །རྫོགས་པའི་བྱང་ཆུབ་བསྟན་པ་མཛད། །འདི་ལྟར་འདིའི་ཕྱག་རྒྱ་ཆེན་པོས་མཆོག་ཏུ་གསང་བ་ཆེན་པོ་བཟང་པོ་བདེན་པའི་བྱིན་གྱི་རླབས་
[64b.4]ཀྱིས་འགྲུབ་པར་འགྱུར་ཏེ་འདིའི་ཚིག་གིས་ཞེས་བྱ་བ་ལ་དད་པར་བྱའོ་ཞེས་བྱ་བ་ཉིད་བརྗོད་ནས་ཕྱིས། །ཡང་དག་དབུགས་དབྱུང་སྦྱིན་པར་བྱ། །གསང་མཆོག་དཀྱིལ་འཁོར་དམ་པར་ནི། །བལྟས་ནས་སུ་ནི་རབ་ཞུགས་པས། །སྡིག་པ་ཀུན་ལས་རྣམ་ངེས་གྲོལ། །དེ་རིང་
[64b.5]ལེགས་པར་གནས་པར་འགྱུར། །བདེ་ཆེན་ཐེག་པ་འདི་ལ་ནི། །སླར་ཡང་འཆི་བ་ཡོད་པ་མིན། །མི་ཚུགས་པ་དང་མི་ཆོམས་པར། །འཇིགས་པ་མེད་པས་རོལ་པར་གྱིས། །སྲིད་པའི་སྡུག་བསྔལ་ལས་ནི་འདས། །སྲིད་པ་ཤིན་ཏུ་དག་པའི་ཕྱིར། །དངོས་གྲུབ་དམ་པ་
[64b.6]སྡོམ་པ་ནི། །འདི་ནི་རྟག་ཏུ་བསྲུང་བར་གྱིས། །རྗེས་གནང་མཆོག་ཏུ་དབུགས་འབྱིན་པ། །སངས་རྒྱས་ཀུན་དངོས་རབ་ཏུ་གསུངས། །རྡོ་རྗེ་ཞེས་གང་ཕྱག་རྒྱ་དང་། །བྱང་ཆུབ་སེམས་ནི་མི་སྤང་ཞིང་། །གང་ཞིག་བསྐྱེད་པ་ཙམ་གྱིས་ནི། །སངས་རྒྱས་ཉིད་དུ་དོགས་མེད་
[64b.7]པའོ། །དམ་པའི་ཆོས་ནི་སྤང་མི་བྱ། །མི་ཤེས་པའམ་རྨོངས་པ་ཡིས། །གལ་ཏེ་ན་ནི་སྤངས་པ་ནི། །གང་ལས་དེ་ནི་ངེས་པར་སྦྱངས། །རང་གིས་བདག་ཉིད་མི་སྤང་ཞིང་། །དཀའ་ཐུབ་ཀྱིས་ཀྱང་བཙིར་མི་བྱ། །ཇི་སྲིད་བདེ་བའི་བདེ་བ་བཟུང་། །འདི་ནི་མ་འོངས་རྫོགས་
[65a]
[65a.1]སངས་རྒྱས། །རྡོ་རྗེ་དྲིལ་བུ་ཕྱག་རྒྱ་ཡང་། །ནམ་ཡང་སྤང་བར་མི་བྱའོ། །སློབ་དཔོན་སྨད་པར་མི་བྱའོ། །འདི་ནི་སངས་རྒྱས་ཀུན་དང་མཉམ། །གང་ཞིག་སློབ་དཔོན་ལ་སྨོད་ལ། །བླ་མ་སངས་རྒྱས་ཀུན་དང་མཉམ། །སངས་རྒྱས་ཐམས་ཅད་སྨད་པས་
[65a.2]ན། །དེ་ནི་རྟག་ཏུ་སྡུག་བསྔལ་འཐོབ། །རིམས་དང་དུག་དང་དབྱིག་དུག་ནད། །མཁའ་འགྲོས་འཚེ་དང་གདོན་རྣམས་དང་། །བགེགས་དང་ལོག་འདྲེན་དྲག་རྣམས་ཀྱིས། །བསད་ནས་དམྱལ་བར་ལྟུང་བར་བྱེད། །དེ་ཕྱིར་ཀུན་ནས་རབ་འབད་པས། །རྡོ་རྗེ་སློབ་དཔོན་
[65a.3]བླ་མ་ཆེ། །དགེ་མཆོག་རབ་ཏུ་མི་སྤྱོམས་པ། །ནམ་ཡང་སྨད་པར་མི་བྱའོ། །བླ་མ་ལ་གུས་དེ་ལ་ཡོན། །དེ་ནས་རྗེས་མཐུན་དབུལ་བར་བྱ། །དེ་ཡིས་རིམས་སོགས་གདུང་བ་རྣམས། །ཕྱིར་ཞིང་དབྱུང་བར་མི་འགྱུར་རོ། །རྟག་ཏུ་རང་གི་དམ་ཚིག་སྤྱོད། །སྦྱིན་མིན་བུ་དང་
[65a.4]བུ་མོ་སོགས། །སྲོག་རྣམས་ཀྱིས་ཀྱང་བསྟེན་བྱ་ན། །ལོངས་སྤྱོད་གཡོ་བ་སྨོས་ཅི་དགོས། །གང་ཕྱིར་བསྐལ་པ་བྱེ་རྣམས་ཀྱིས། །རྟག་ཏུ་རྙེད་པར་དཀའ་བ་ཡི། །སངས་རྒྱས་ཉིད་ཀྱང་བརྩོན་ལྡན་པ། །ཚེ་འདི་ཉིད་ལ་སྟེར་བར་བྱེད། །རྟག་ཏུ་རང་གི་དམ་ཚིག་བསྒྲུབ། །
[65a.5]རྟག་ཏུ་དེ་བཞིན་གཤེགས་པ་མཆོད། །རྟག་ཏུ་བླ་མ་ལ་ཡང་དབུལ། །འདི་ནི་སངས་རྒྱས་ཀུན་དང་མཉམ། །དེ་བྱིན་སངས་རྒྱས་ཐམས་ཅད་ལ། །རྟག་ཏུ་བྱིན་པ་ཉིད་དུ་འགྱུར། །དེ་ཡིས་བསོད་ནམས་ཚོགས་ཡིན་ཏེ། །ཚོགས་ལས་དངོས་གྲུབ་མཆོག་ཏུ་འགྱུར། །དེ་
[65a.6]རིང་བདག་སྐྱེས་འབྲས་བུར་བཅས། །གང་འདིར་ལེགས་པར་རབ་ཏུ་གནས། །དམ་ཚིག་ལྷ་རྣམས་དང་མཉམ་མོ། །རང་བྱུང་དུ་ནི་ད་ལྟ་སྐྱེས། །དིང་འདིར་དབང་བསྐུར་ཚེ་ལྡན་པ། །རྡོ་རྗེ་བཅས་སངས་རྒྱས་ཀུན་གྱིས། །ཁམས་གསུམ་གྱི་རྒྱལ་སྲིད་ཆེ་ཡི། །རྒྱལ་པོ་
[65a.7]བདག་པོས་གནས་པ་ཡིན། །དི་རིང་བདུད་ལས་རྒྱལ་བྱས་ནས། །གྲོང་ཁྱེར་མཆོག་ཏུ་རབ་ཏུ་ཞུགས། །དི་རིང་སངས་རྒྱས་ཉིད་ཐོབ་པར། །ཁྱོད་འགྱུར་བར་ནི་ཐེ་ཚོམ་མེད། །ཞེས་བྱ་བ་ཡི་བཀའ་དྲིན་རྡོ་རྗེ་ཡིད་ཀྱིས་ཏེ། །རང་གི་དམ་ཚིག་མི་ཟད་བདེ་སྐྱེས་བསྟེན་པར་གྱིས། །
[65b]
[65b.1]ཤིན་ཏུ་སྐྱེས་སླའི་བདེ་བ་སངས་རྒྱས་ཀུན་གཟུགས་བརྙན། །རྟག་པ་ཉིད་ནི་རྟོགས་པར་འགྱུར་བར་ཤོག །ཅེས་བྱའོ། །བླ་མ་ཡི་ནི་ཞབས་གཉིས་ལ། །གུས་པས་མཉེས་གཤིན་པས་བཏུད་དེ། །ཇི་ལྟར་གསུངས་ཤིང་བསྟན་པ་ཀུན། །ཇི་ལྟའི་དག་རྗེས་གནང་ཞེས་གསོལ། །དེ་
[65b.2]ལྟར་དམ་བཅས་བྱས་པ་ཡི། །སློབ་མ་ལ་ཕན་བསམ་པ་ཡིས། །སྔོན་བཞིན་བཤད་པའི་རིམ་པ་ཡིས། །རྡོ་རྗེ་དྲིལ་བུའི་བརྟུལ་ཞུགས་སྦྱིན། །འདི་དེ་སངས་རྒྱས་ཐམས་ཅད་ཀྱི། །རྡོ་རྗེ་སེམས་དཔའི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཕྱག་ན་རྡོ་རྗེའི་བརྟུལ་ཞུགས་
[65b.3]བརྟན། །ཨོཾ་སརྦ་ཏ་ཐཱ་ག་སིདྡྷི་བཛྲ་ས་མ་ཡ་ཏིཥྛ་ཨེ་ཥ་ཏྭཱཾ་དྷ་ར་ཡཱ་མི་བཛྲ་སཏྭ་ཧི་ཧི་ཧི་ཧི་ཧཱུཾ། ཞེས་བྱའོ། །འདི་སྐད་གསང་སྔགས་བརྗོད་ནས་ནི། །འདི་སྐད་བཞིན་དུ་དྲིལ་བུ་སྦྱིན། །འདི་དེ་སངས་རྒྱས་ཐམས་ཅད་ཀྱི། །ཤེས་རབ་དབྱངས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་ནི་
[65b.4]རྟག་ཏུ་བཅང་། །བྱང་ཆུབ་མཆོག་ཏུ་རྒྱལ་བས་བཞེད། །ཅེས་སོ། །དེ་ནས་མེ་ཏོག་དྲི་ལ་སོགས། །སྒེག་མོ་སོགས་པས་མཆོད་པར་བྱ། །འདོད་པའི་ཡོན་ཏན་ལྔ་ཡིས་ཀྱང་། །དེ་བཞིན་གཤེགས་རྣམས་མཆོད་བྱས་ནས། །ཅི་ལྟར་བདེ་བས་སློབ་མ་རྣམས། །ཤེས་རབ་སྒོ་ནས་
[65b.5]མཆོད་པ་ཡང་། །སྤོས་སོགས་ཇི་ལྟར་འདོད་པ་ཡིས། །ཇི་ལྟ་བ་ཡི་མཆོད་པར་བྱ། །ཇི་ལྟ་བ་འབྱོར་བར་གྱུར་པ་ཡིས། །ཞུགས་པའི་སློབ་མ་བཟའ་དང་བཅས། །རྣམ་པ་སྣ་ཚོགས་རོའི་བཟའ་བ། །མྱོས་བྱེད་བཏུང་བ་སྣ་ཚོགས་དང་། །གང་ཞིག་རྒྱུད་གཞན་ལ་གྲགས་པའི། །གླུ་
[65b.6]སྒྲ་ཉེ་བར་སྤྱོད་རྣམས་ཀྱིས། །འདི་དོན་ཆོ་གས་ཕུལ་བ་ཡི། །བླ་མའི་བདེ་བས་ཡང་དག་མཆོད། །དེ་བཞིན་དུ་ནི་ཡང་གསུངས་པ། །ཆང་བཅས་ཆང་མིན་བཏུང་བ་དང་། །ཇི་ལྟར་འདོད་པ་བསྟེན་པར་འགྱུར། །ཇི་ལྟར་འདོད་པའི་ལོངས་སྤྱོད་ཀྱིས། །ཇི་ལྟའི་རིམ་པས་བསྒོམ་པར་བྱ། །
[65b.7]གསང་བ་དེ་ཉིད་གླུ་ཆེན་དང་། །དགའ་དང་རོལ་མོ་གར་རྣམས་དང་། །དགའ་རོལ་རྣམ་པ་སྣ་ཚོགས་ཀྱིས། །གཙོ་བོ་ལ་སོགས་མཆོད་པར་བྱ། །དེ་ནས་དུལ་བའི་སེམས་ཉིད་ནི། །སྔོན་དུ་སྨྲ་བྱ་ཞེས་བྱའོ། །དམ་ཚིག་མ་ལུས་པ་འདི་རྣམས། །ཇི་ལྟར་གསུང་བར་རབ་བསྒྲུབ་བྱ། །དེ་
[66a]
[66a.1]ནས་ཕྱི་རོལ་མཆོད་སོགས་དང་། །ཡིད་འབྱུང་རྣམས་ཀྱིས་གཙོ་བོ་ལ། །སྔགས་པས་གུས་པས་མཆོད་བྱས་ཏེ། །ཉི་མ་ཤར་བའི་དུས་སུ་ཡང་། །དཔལ་ཧེ་རུ་ཀ་ཡེ་ཤེས་ཆེ། །ཞེས་བྱའི་བསྟོད་པས་ཇི་ལྟར་ཡང་། །ལེགས་པར་བསྟོད་ནས་དེ་ནས་ཕྱིས། །
[66a.2]འདི་སྐད་རྒྱལ་བ་ལ་མཁྱེན་གསོལ། །གང་ཡང་སྐྱེ་བའི་དངོས་གྱུར་དང་། །མ་རྙེད་རྣལ་འབྱོར་དབང་ཕྱིར་དང་། །ཉེ་བར་དགོས་པ་མ་ཚང་བའང་། །དྲན་པ་རབ་ཏུ་རྨོངས་བྱས་པ། །དེ་ཐམས་ཅད་ལ་བཟོད་པར་རིགས། །དེ་ལྟར་མཁྱེན་གསོལ་དེ་ནས་ཕྱིས། །འདི་ཡིས་
[66a.3]གཤེགས་སུ་གསོལ་བྱ་བ། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་གསོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་བྱོན་པར་མཛད་དུ་གསོལ། །ཨོཾ་ཨཱཿཧཱུཾ་བཛྲ་མུཿ།། ཡེ་ཤེས་དཀྱིལ་འཁོར་གཙོ་བོ་རྣམས། །དེ་ནས་ཡང་
[66a.4]དག་བསྡུ་བྱ་སྟེ། །དགྱེས་པར་རབ་ཏུ་བཞད་པའི་ཞལ། །སློབ་དཔོན་སློབ་མའི་ཡོན་ཏན་འགྱུར། །བར་བྱས་རང་རང་འོད་རྣམས་ཀྱིས། །སེམས་ཅན་ཀུན་ལ་རེག་པར་བྱ། །ཇི་ལྟར་འདོད་པ་དེ་བཞིན་དུ། །གསལ་བར་བྱས་པ་བསམ་པར་བྱ། །དེ་ནས་ཇི་ལྟར་སྤྲོ་བ་ཡི། །
[66a.5]ལྷ་ཡི་འཁོར་ལོ་གུས་པ་ཡིས། །རང་གི་ལུས་ལ་གཞུག་པར་བྱ། །དེ་ནས་ཕུར་བུ་གདོན་བྱ་སྟེ། །སྔགས་ནི་ཨོཾ་བཛྲ་ཀཱི་ལི་ཀཱི་ལ་ཡ་སརྦ་བི་གྷྣཾ་བཛྲ་དྷ་རཱ་ཛྙཱ་ཧཱུཾ་ཧཱུཾ་ཕཊ། ཅེས་སོ། །དེ་ནས་གསང་བའི་དཀྱིལ་འཁོར་གྱི། །དེ་ཡིས་རྡུལ་ཚོན་ལའང་སྤྲོས་པས། །དེ་ཁོ་ན་ཉིད་ཀྱིས་ཏེ་
[66a.6]རླབས་ཅན་ཕྱིར། །ཡང་དག་མཆོད་ནས་དེ་ནས་ཡང་། །དེ་ཕྱིར་བློ་ལྡན་གྱིས་ལེགས་གཤེགས། །ཨ་ཀཱ་རོ་མུ་ཁཾ་ལ་སོགས་ཅན། །བརྗོད་བཞིན་དུ་ནི་འདི་ཡི་དོན། །མཉམ་པར་གཞག་པ་མངོན་དུ་བྱ། །དེ་ལྟར་སྣང་བ་མེད་བྱས་ནས། །རང་གི་སྙིང་གནས་པའི་གཙོ་བོ། །མཆོད་
[66a.7]ནས་དེ་བཞིན་བསྟོད་བྱས་ཏེ། །དེ་ཡི་སྦྱོར་བ་ཉེ་བར་བསྡུ། །བཀྲ་ཤིས་ཀུན་དུ་སྤྱོད་པས་བརྒྱན། །མགོ་བོར་གདུགས་ནི་བཟུང་ནས་སུ། །དེ་ནས་བླ་མ་རང་ཉིད་ཀྱིས། །རྡོ་རྗེ་དྲིལ་འཛིན་སློབ་མ་ལ། །བསྐོར་བ་བྱ་བ་ཡིན་པ་སྟེ། །སྔགས་པས་འདི་ལྟར་བརྗོད་བཞིན་དུ། །ཀུན་
[66b]
[66b.1]ནས་དཀྱིལ་འཁོར་ས་གཞི་ལའོ། །མངའ་བདག་སྐུ་མདོག་སྔོན་པོ་རྒྱལ་གྱུར་ཅིག །དམར་པོས་ཇི་ལྟར་མཛེས་བྱས་རྒྱལ་གྱུར་ཅིག །དམ་ཚིག་གིས་བརྒྱན་མཛེས་པ་རྒྱལ་གྱུར་ཅིག །ཟླ་ཕྱེད་དབུ་ལ་བརྒྱན་པ་རྒྱལ་གྱུར་ཅིག །ལྷ་མོའི་འཁོར་ལོས་བརྒྱན་པ་རྒྱལ་གྱུར་ཅིག །དང་
[66b.2]པོ་སངས་རྒྱས་སྐུ་མཆོག་གནས་པ་རྒྱལ་གྱུར་ཅིག །འདོད་པ་ཐར་པ་ནོར་དང་ཆོས་སྦྱིན་རྒྱལ་གྱུར་ཅིག །རྣམ་པར་དགྱེས་རོལ་རང་བཞིན་རྒྱལ་གྱུར་ཅིག །ཕྱག་རྡོར་བདེ་བའི་མགོན་པོ་རྒྱལ་གྱུར་ཅིག །དེ་ནས་སྒོར་གདུགས་དང་བཅས་པས་ཕྱག་བྱའོ། །སློབ་མས་འདི་ནི་བསྟེན་
[66b.3]པར་གྱིས། །དེ་ནས་རྒོལ་བ་ཚར་གཅོད་འགྱུར། །དེ་སྐད་བརྗོད་ནས་སློབ་དཔོན་དེས། །ལག་པས་གདུགས་ནི་བསལ་བྱས་ཏེ། །ལངས་ནས་འདི་སྐད་སློབ་མ་ལ། །འདི་ནི་དེ་ནས་བསྒྲག་པར་བྱ། །དེ་རིང་དཀྱིལ་འཁོར་སློབ་དཔོན་དང་། །སྔགས་དང་རྒྱུད་ནི་འཛིན་པར་
[66b.4]འགྱུར། །སངས་རྒྱས་བྱང་ཆུབ་སེམས་དཔའ་དང་། །ལྷ་རྣམས་ཀྱིས་ཀྱང་མཐུན་པར་བཞེད། །སེམས་ཅན་ལ་རྗེས་བརྩེ་དོན་དུ། །ཁྱོད་ཀྱི་དཀྱིལ་འཁོར་ཆོ་ག་ཡིས། །འབད་པ་ཡིས་ནི་བྲི་བར་བྱ། །སྒྲུབ་པ་པོ་རྣམས་སྔགས་ལ་སྦྱོར། །སེར་སྣ་དོགས་པ་ཐམས་ཅད་ལ། །
[66b.5]སེམས་ཅན་རྣམས་ལ་ཕན་པ་དང་། །དེ་ལ་བུ་ཁྱོད་ཀྱིས་བྱ་སྟེ། །རང་ཉིད་དཀའ་བ་ཆེན་པོ་ཡང་། །དེ་ནས་ཆོ་གས་སྦྱིན་སྲེག་ནི། །མཁས་པས་ཞི་བའི་དོན་དུ་བྱ། །དེ་ནས་སྦྱིན་སྲེག་ཟིན་པ་ནི། །སློབ་དཔོན་མཆོད་བྱ་ཡང་དག་པར། །མུ་ཏིག་གསེར་དང་རིན་ཆེན་རྣམས། །
[66b.6]གླང་རྟ་ས་གཞི་ཡུལ་ལྗོངས་དང་། །བྲན་པོ་བྲན་མོ་འཁོར་རྣམས་དང་། །ཆུང་མ་ཕུན་སུམ་ཚོགས་ཀུན་དང་། །གོས་ཟུང་དུ་མ་རྣམས་དང་ནི། །དགྱེས་པའམ་ས་ལ་གང་ཅུང་ཟད། །བདག་ཏུ་ལྟ་བ་དང་བྲལ་བས། །དབུལ་བྱ་གཙོ་བོ་ཞི་བར་གྱིས། །བདག་ཉིད་དངོས་པོ་ཐམས་ཅད་
[66b.7]ཀྱི། །ཕྱག་བྱས་ནས་ནི་དབུལ་བར་བྱ། །མེ་ཏོག་སྤོས་སོགས་ཐམས་ཅད་རྣམས། །སྟོན་པའི་མདུན་དུ་དབུལ་བར་བྱ། །བླ་མའི་ཡོན་ནི་བླང་བར་བྱ། །དངུལ་དང་གསེར་དང་རིན་ཆེན་སོགས། །རྟ་དང་གླང་པོ་རྒྱལ་སྲིད་དོ། །སློབ་མས་ཀྱང་ནི་དེ་ནས་ཕྱིས། །དམ་ཚིག་བསྟེན་
[67a]
[67a.1]པར་གྱུར་རྣམས་ཀྱིས། །དཔལ་ཧེ་རུ་ཀ་ཤེས་རབ་ཆེ། །མཁའ་འགྲོ་མ་ཡི་དྲ་བ་སྡོམ། །ཞེས་བྱའི་རྗེས་སུ་གནང་སེམས་ཀྱིས། །སྐོར་བ་ལན་གསུམ་བྱས་ནས་ནི། །ལུས་ཐམས་ཅད་ནི་ཕབ་བྱས་ནས། །ཇི་ལྟར་སྔོན་བཞིན་ཕྱག་བྱས་ཏེ། །བདག་ཉིད་བླ་མ་
[67a.2]ལ་ཕུལ་ནས། །མཆོད་པ་ཡིས་ནི་མཆོད་པར་བྱ། །ཇི་སྲིད་མཉེས་པར་མ་གྱུར་པར། །དེ་སྲིད་བླ་མ་མཉེས་པར་བྱ། །ཅུང་ཟད་ཤིན་ཏུ་ཡིད་འོང་གང་། །ཤིན་ཏུ་ཁྱད་པར་འཕགས་པ་ཉིད། །དེ་དེ་རྣམས་ལ་བླ་མར་དབུལ། །དེ་ཉིད་མི་ཟད་འདོད་པས་སོ། །གང་གིས་གཏང་བར་
[67a.3]དཀའ་བ་གང་། །དེ་ནི་བཟང་པོ་ཞེས་བྱར་གྲགས། །དེ་ལྟར་གང་ཞིག་དབང་བསྐུར་བ། །དེ་ནི་སློབ་དཔོན་དུ་མངོན་བརྗོད། །དེ་ཡིས་སྔགས་བྱིན་ངེས་པར་ནི། །འགྲུབ་འགྱུར་འདི་ལ་ཐེ་ཚོམ་མེད། །དེ་ནས་ཨོཾ་བཛྲ་ས་ཏྭ་སོགས། །རྡོ་རྗེའི་གླུ་ནི་བརྗོད་བཞིན་དུ། །རྡོ་རྗེ་
[67a.4]གར་གྱིས་རབ་སྦྱོར་བས། །རྡུལ་ཚོན་རྒྱ་མཚོར་འགྲོ་བ་ཡི། །ཆུ་བོ་ཉིད་ལ་རབ་བསྐུར་བྱ། །དེ་ནས་ས་དེ་ཡང་དག་པར། །བའི་རང་བཞིན་གྱིས་ཡང་དག་བྱུག །བདག་དང་སློབ་མ་མི་བདག་ལ། །ཕན་པའི་ཕྱིར་ནི་སྦྱིན་སྲེག་བྱ། །སླར་ཡང་གསང་སྔགས་ཐབས་དེ་ཉིད་ཀྱིས། །ཕུར་
[67a.5]པ་དབྱུང་བ་དེ་བཞིན་ནོ། །བདེ་བ་ཡིས་ནི་ཁྲུས་བྱས་ཏེ། །བདག་མེད་སྒོམ་པ་སྤྱད་པར་བྱ། །སློབ་དཔོན་གྱིས་ནི་དེ་ནས་ཕྱིས། །ལེགས་པར་བསྡུས་པའི་ཡོ་བྱད་ནོར། །རང་ཉིད་ཀྱིས་ནི་ལོངས་སྤྱད་དེ། །སློབ་མ་རྣམས་ལ་མི་བགོའོ། །དཀྱིལ་འཁོར་གྱིས་ནི་ཐབས་ཐམས་ཅད། །སློབ་
[67a.6]དཔོན་ཉིད་ལ་སྦྱར་བར་བྱ། །གལ་ཏེ་དམ་ཚིག་ཅན་གྱིས་ནི། །སློབ་མ་ལ་ནི་ཉེ་བར་སྦྱར། །དེ་ལྟར་བདག་གིས་ལེགས་པར་སྦྱར་བ་འདི་རྣམས་ཀྱང་རང་གི་རྟོག་པ་སྣ་ཚོགས་འབྲེལ་མེད་ཅིང་ལུང་དང་མི་ལྡན་པར་བསྡེབས་པ་ནི་མ་ཡིན་ཏེ། དཔལ་རྡོ་རྗེ་ཕག་མོའི་ལེའུ་གཉིས་པ་
[67a.7]ལས། གང་གིས་སློབ་མ་དབང་བསྐུར་བ། །དེ་ཉིད་བཞི་རྣམས་བཅས་པས་སོ། །ཐེག་པ་ཆེན་པོར་ཡོངས་སྨིན་ལ། །ཕྱི་ནས་སྔགས་ནི་རབ་བསྟན་བྱ། །སྔོན་དུ་ཕག་མོའི་དཀྱིལ་འཁོར་ནི། །བྲི་བྱ་དེ་ནས་ཧེ་རུ་ཀའིའོ། །རྡོ་རྗེའི་བུ་མོའམ་དེ་ནས་གཞན། །དེར་ནི་ཤེས་རབ་
[67b]
[67b.1]གཞུག་པར་བྱ། །རྒྱུད་གཞན་དུ་ནི་དབང་བསྐུར་ལ། །ཚུལ་འདི་བསྟན་པར་མི་བྱའོ། །ཞེས་གསུངས་སོ། །འོན་ཀྱང་རྡོ་རྗེ་ཕག་མོའི་དཀྱིལ་འཁོར་གྱི་ཆོ་གར་མ་སྦྱར་ཏེ། འདི་གཞན་ཚོཔས་ཆེ་བ་ཉིད་ཀྱི་ཕྱིར་དང་། འདི་ཉིད་ཀྱིས་ཐམས་ཅད་ལ་ཁུསྦྱར་བར་བྱ་བའི་ཕྱིར་རོ། །ཆེན་
[67b.2]པོ་སྔོན་དུ་བརྗོད་པ་ནི་བསྟན་བཅོས་ལས་ཀྱང་རིག་པ་ཉིད་དོ། །དབང་བསྐུར་བའི་ལེའུ་ཉི་ཤུ་རྩ་བཞི་པ་ལས་ཀྱང་། དབང་བསྐུར་བ་ནི་སྦྱིན་བྱ་བ། །རང་སློབ་མ་ལ་ཕྱི་དང་གསང་། །རྒྱལ་པོ་རྐུན་མོ་སོགས་སྤངས་པའི། །སྐྱེ་བོ་དང་བྲལ་ཕྱོགས་སུ་བྱ། །འདིར་ནི་ཆོ་གའི་སྐྱོན་མང་པོས། །
[67b.3]མནར་མེད་སོགས་སུ་ལྟུང་བར་འགྱུར། །ཞེས་སོ། །དེ་ལྟར་དཀྱིལ་འཁོར་ཆོ་ག་འདི་ནི་མཁའ་འགྲོ་མ་ལ་སོགས་པའི་དཀྱིལ་འཁོར་ཐམས་ཅད་ལ་ཡང་སྦྱར་བར་བྱའོ། །སློབ་དཔོན་ཆེན་པོ་རྒྱལ་བ་བཟང་པོའི་དཀྱིལ་འཁོར་གྱི་ཆོ་ག་དང་ཚུལ་མཐུན་པར་བདག་གི་བླ་མ་བཞེད་
[67b.4]དོ། །དེ་བས་ན་བདག་གིས་རང་དགར་ཞུགས་པ་མ་ཡིན་ནོ། །སྐྱེ་བོ་རྣམས་ནི་ཚེ་དང་ཤེས་རབ་ལོངས་སྤྱོད་མོས་པ་དང་ནི་བརྩོན་པའང་དམན། །དེ་ཕྱིར་རྒྱ་ཆེན་རྒྱུད་ལ་བལྟ་བའང་མེད་ན་ཉན་དང་ལེགས་པར་སྤྱོད་པ་ཅིར་སྨྲ་ཡོད། །དེ་ནས་རང་གི་ཚུལ་གཞན་མ་འདྲེས་རྒྱུད་ཆེན་
[67b.5]འདི་ཡི་ཆོ་ག་བླ་མས་ཉེར་བསྟན་གང་། །ནུབ་པར་གྱུར་པའི་འཇིགས་པས་རང་གི་དྲན་པ་སོ་མས་བསྡེབས་ན་ལེགས་པར་འགྱུར་སེམས་ནས། །རང་བཟོ་མ་བྱས་རྒྱུད་དང་མཁས་པའི་གཞུང་དང་བླ་མའི་བཀའ་རྣམས་དཔང་པོར་གཞག་བྱས་ནས། །ཇི་ལྟར་ནུས་པས་སྦྱར་བ་འདི་ལ་
[67b.6]འཁྲུལ་པར་གྱུར་ན་བླ་མ་རྣམས་ཀྱིས་བཟོད་པར་མཛོད། འདི་ལས་བྱུང་བའི་དགེ་བ་དྲི་མེད་ཟླ་བའི་འོད་ཟེར་ལྟར་བསིལ་བས། །འགྲོ་བ་ཤེས་རབ་མིག་ལྡོངས་གཏི་མུག་ཐིབས་པོའི་གདུང་བ་སེལ་བར་ཤོག །དཔལ་མཁའ་འགྲོ་རྒྱ་མཚོའི་དབང་བསྐུར་བའི་རྒྱུད་ཀྱི་ཆོ་ག་མཁས་
[67b.7]པ་ཆེན་པོ་ཛ་ཡ་སེ་ནའི་གསུང་རིན་པོ་ཆེ་དབང་གི་རྒྱལ་པོའི་མཛོད་དཔལ་ཡེ་ཤེས་རྡོ་རྗེ་བསྒྱུར་བ་རྫོགས་སོ། །{T1522}༄།།དཔལ་མཁའ་འགྲོ་རྒྱ་མཚོའི་སྦྱིན་སྲེག་གི་ཆོ་ག་བཞུགས། །༄༅༅། །བཅོམ་ལྡན་འདས་དཔལ་མཁའ་འགྲོ་རྒྱ་མཚོ་ལ་ཕྱག་འཚལ་ལོ། །ཡོད་
[68a]
[68a.1]མེད་མཐའ་སོགས་རྣམ་པར་སྤངས། །བློ་ཡི་སྤྱོད་ཡུལ་མ་ཡིན་ཀྱང་། །འགྲོ་ལ་བརྩེ་བས་སྣ་ཚོགས་གཟུགས། །མཁའ་འགྲོ་རྒྱ་མཚོ་ལ་ཕྱག་འཚལ། །གང་ཞིག་བློ་ཡི་མུན་སེལ་ཅིང་། །བདེ་བ་མ་ལུས་འབྱུང་བའི་གནས། །རྡོ་རྗེ་སེམས་དཔའི་ངོ་བོ་ཉིད།
[68a.2]བླ་མ་རྣམས་ལ་ཕྱག་འཚལ་ལོ། །དཔལ་ལྡན་མཁའ་འགྲོ་རྒྱ་མཚོ་ཡི། །ལྷ་རྣམས་མཉེས་པར་བྱེད་པའི་ཐབས། །རྒྱུད་འདི་ནས་ནི་ཕལ་ཆེ་བའི། །བླ་མའི་མན་ངག་སྦྱིན་སྲེག་བཤད། །སྦྱིན་སྲེག་རྣམ་པ་གཉིས་ཡིན་ཏེ། །ཕྱི་དང་ནང་དུ་འདིར་བཞེད་དོ། །ཕྱི་ཡི་རྣམ་པ་དགུ་
[68a.3]ཡིན་ཏེ། །ནང་གི་གཏུམ་མོའི་རྣལ་འབྱོར་རོ། །དེ་ལ་སྔོན་དུ་བསྙེན་པ་བྱས་པའི་སྒྲུབ་པ་པོས། དཀྱིལ་འཁོར་གྱི་ཆོ་གར་བཤད་པའི་སའི་ཆོ་ག་ཡོངས་སུ་རྫོགས་པར་བྱས་ཏེ་ཐབ་ཁུང་མངོན་པར་འདུ་བྱ་བའོ། །དེ་ལྟར་ཐོག་མར་སྦྱིན་སྲེག་གི་ཁང་པ་གྲུ་བཞི་པ་རི་མོ་གསུམ་དང་ལྡན་པ་
[68a.4]རང་གི་ཁ་བལྟ་བའི་རྒྱབ་ན་སྒོ་གཅིག་ཡོད་པ་བྱས་ཏེ། དེའི་དབུས་སུ་ཞི་བའི་ཐབ་གཞི་དཀར་པོ་ལ་ཟླུམ་པོ་ཁྲུ་གང་པ་དེའི་ཕྱེད་ཐུར་དུ་བརྐོས་པ། དེའི་དབུས་སུ་སོར་བཅུ་དྲུག་པའི་པདྨའི་སྟེང་དུ་འཁོར་ལོ་སོར་བརྒྱད་པ་དཔངས་སུ་སོར་གཅིག་ཡོད་པ་ལ་རྡོ་རྗེས་མཚན་པའོ། །ཐབ་
[68a.5]ཀྱི་སྟེང་དུ་སོར་བཞི་དོར་བར་དཔངས་དང་རྒྱར་སོར་བཞི་པའི་ཁ་ཁྱེར་ཅུང་ཟད་གྱེད་པ་བྱའོ། །ཁ་ཁྱེར་གྱི་སྟེང་དུ་དབུས་ཀྱི་མཚན་མས་བསྐོར་བར་བྱ་ཞིང་། ཕྱི་རོལ་ནི་ཐམས་ཅད་ལ་གྲུ་བཞིར་བྱས་ཏེ། གྲྭ་བཞིར་ཡང་དེ་ཉིད་ཀྱིས་མཚན་པའོ། །ཁ་ཁྱེར་གྱི་འོག་གི་གྱེད་པ་ལ་པདྨ་
[68a.6]འདབ་མ་བཅུ་དྲུག་བྲི་བར་བྱའོ། །ཐབ་ལ་ནི་ས་དཀར་བ་དང་ཕྱི་རོལ་ཀུན་ནས་ཁྲུ་ཕྱེད་ཙམ་ལྕི་བས་བྱུག་པར་བྱས་ལ་དེ་ལ་གཉིས་ནི་ས་དཀར་པོ་དང་ལྡན་པ་དང་། དྲི་དཀར་པོས་ཉེ་བར་བྱུག་པ་དང་ཐབ་མ་སྐམས་ཀྱི་བར་དུ་ཐུན་གསུམ་དུ་མེ་ཏོག་དཀར་པོའི་སིལ་མ་གཏོར་བར་བྱའོ། །
[68a.7]རྒྱས་པ་ལ་ནི་ས་གཞི་སེར་པོའི་སྟེང་དུ་ཐད་ཀར་ཁྲུ་དོ་པ་ཐུར་དུ་ཁྲུ་གང་བ་ལ་གྲུ་བཞི་པའོ། །དེའི་དབུས་སུ་རིན་པོ་ཆེ་སོར་བརྒྱད་པ་ལ་རྡོ་རྗེས་མཚན་པའོ། །ཁ་ཁྱེར་ཐམས་ཅད་ནི་བཞི་ཆའི་རིམ་པས་དང་། དེ་ལ་དབུས་ཀྱི་མཚན་མས་བསྐོར་བ་དང་པདྨ་འདབ་མ་བཅུ་དྲུག་བྲི་བ་
[68b]
[68b.1]ཐུན་མོང་དུ་གོ་བར་བྱའོ། །དེའི་ཕྱི་རོལ་ཁྲུ་ཕྱེད་འཁོར་བར་བའི་ལྕི་བས་ཉེ་བར་བྱུགས་ལ་དེ་གཉིས་ས་སེར་པོ་དང་ལྡན་པ་དང་། དྲི་སེར་པོས་བྱུགས་ཏེ་མེ་ཏོག་སེར་པོ་དགྲམ་པར་བྱའོ། །དབང་གི་ཐབ་ནི་ས་གཞི་དམར་བའམ། ཞན་པར་གྲུ་གསུམ་པ་ཁྲུ་ཕྱེད་པའོ། །དབུས་སུ་པདྨ་ལ་
[68b.2]གནས་པའི་པདྨ་ལ་རྡོ་རྗེས་མཚན་པའོ། །ས་དམར་པོ་དང་བདུད་རྩི་དང་བཅས་པའི་དྲིས་ཉེ་བར་བྱུགས་ལ་མེ་ཏོག་དམར་པོ་གཏོར་བར་བྱའོ། །ཕྱི་རོལ་ལྕི་བས་བྱུག་པ་ཡང་ཀུན་ལ་ཤེས་པར་བྱའོ། །མངོན་སྤྱོད་ནི་གས་པ་དང་། བ་ཚ་ཅན་དང་། རྩུབ་པ་དང་། ནམ་མཁའ་ལྟར་
[68b.3]གནག་པའི་ས་གཞི་ལ་ཟུར་དྲུག་པ་སོར་བརྒྱད་པའོ། །དབུས་སུ་པདྨ་ལ་རྡོ་རྗེས་མཚན་པའོ། །ཡང་ན་ཞིབ་ལ་ཁྲུ་གཉིས་པའོ། །རྒྱས་པ་ལ་ཁྲུ་གསུམ་པའོ། །དབང་ལ་ཁྲུ་བཞི་པའོ། །མངོན་སྤྱོད་ལ་ཁྲུ་ལྔ་པའོ། །དེའི་ཁ་ཁྱེར་ལ་སོགས་དང་དབུས་ཀྱི་པདྨའི་མཚན་མ་ལ་
[68b.4]སོགས་པས་གོང་གི་རིམ་པས་དཔྱད་པར་བྱའོ། །དྲག་པོའི་ཐབ་དེ་ལ་བདུད་རྩི་དང་ལྡན་པའི་ས་ནག་པོ་དང་རོ་བསྲེགས་པའི་ཐལ་བ་དང་བོང་བུ་དང་། རྔ་མོ་ལ་སོགས་པའི་སྦངས། ཇི་ལྟར་རྙེད་པ་བྱུགས་ལ། དྲི་མི་ཞིམ་པའམ། དྲི་མེད་པའི་སྔོའམ། དམར་བའི་མེ་ཏོག་
[68b.5]གམ་འབྲུའི་ཤུན་པ་ལ་སོགས་པས་གཏོར་བ་འབར་བས་བསྐོར་བ་དྲག་པོ་མིའི་སྣུམ་ལ་སོགས་པའི་མར་མེ་དང་ལྡན་པར་བྱའོ། །ལྷག་མ་ལས་ཐམས་ཅད་པ་མ་གཏོགས་པའི་ས་གཞི་ལ་སོགས་པ་མངོན་སྤྱོད་དང་འདྲའོ། །བསྐྲད་པའི་ཐབ་ནི་ཟུར་བདུན་ལ་ཁྲུ་དྲུག་པ་སྟེ་
[68b.6]དབུས་སུ་མདའ་ལ་རྡོ་རྗེས་མཚན་པའོ། །སྡང་བར་བྱ་བ་ལ་ཁྲུ་བརྒྱད་པ་སྟེ་ཁྲུ་བདུན་པ་ལ་དབུས་སུ་གྲི་གུག་ལ་རྡོ་རྗེས་མཚན་པའོ། །རེངས་པ་ལ་ནི་ཟུར་དགུ་པ་སྟེ་ཁྲུ་བརྒྱད་པ་ལ་དབུས་སུ་གཞུ་ལ་རྡོ་རྗེས་མཚན་པའོ། །གསད་པ་ལ་ནི་ཟུར་ལྔ་པ་སྟེ་ཁྲུ་དགུ་པ་ལ་དབུས་སུ་རལ་
[68b.7]གྲི་ལ་རྡོ་རྗེས་མཚན་པའོ། །ལས་ཐམས་ཅད་པའི་ཐབ་ནི་ལས་དང་རྗེས་སུ་མཐུན་པའི་ས་གཞི་ལ་ཟུར་བཅུ་པ་ཁྲུ་བཅུ་པའི་དབུས་སུ་སྣ་ཚོགས་རྡོ་རྗེའི་ལྟེ་བར་རྡོ་རྗེས་མཚན་པའོ། །དེ་ལ་དཀྱིལ་འཁོར་གྱི་ཁང་པའི་ཤར་ཕྱོགས་སུ་ཞི་བར་བྱེད་པའི་ཐབ། ལྷོ་ཕྱོགས་སུ་རྒྱས་
[69a]
[69a.1]པའིའོ། །ནུབ་ཕྱོགས་སུ་དབང་དང་། དབང་དུ་དགུག་པའི་ཐབ་བོ །བྱང་དུ་དྲག་པོའི་ལས་རྣམས་ཀྱི་ཐབ་པོ། །དཔལ་ཁ་སྦྱོར་གྱི་རྒྱུད་ཀྱི་ནི་ཤར་དུ་ཞི་བའོ། །ལྷོར་མངོན་སྤྱོད་དོ། །ནུབ་ཏུ་དབང་དང་དགུག་པའི་ཐབ་བོ། །བྱང་དུ་རྒྱས་པའོ། །མ་འབྱོར་
[69a.2]ན་རྡུལ་ཚོན་གྱིས་བྲིས་པ་ཡང་རུང་སྟེ་འདི་ནི་ཐབ་ཀྱི་རབ་ཏུ་བྱེད་པའོ། །པ་ལཱ་ཤ་ཨུ་དུམྺཱ་ར་ཨ་ཤྭདྠ། གཾ་བྷཱི་རི་ཨ་མུ་ཀཱ་དམྤ་ཀ་རྣམས། ས་མི་པཱ་ཀྵ་བ་ཌ་ལ་སོགས་ཀྱང་། འདབ་མ་གཉིས་ལ་འོ་མ་འཛགས་ཤིང་རྣམས། རློན་པ་མཉམ་པར་བཅད་པ་སོར་བཅུ་གཉིས་
[69a.3]བ་རྩེ་མོའི་ཆར་སྐྱེས་པ། མཐེའུ་ཆུང་གི་སྦོམ་ཅན་རྣམས་སྦྲང་རྩི་དང་འོ་མ་དང་། མར་གྱིས་མགོ་དང་མཇུག་མ་བཏགས་པ་བདུད་རྩི་དང་དྲིའི་ཆུ་གཏོར་བའི་ཡམ་ཤིང་རྣམས་མིང་མེད་དང་། མཐེ་བོས་བཟུང་སྟེ་རྩེ་མོ་ལོ་མ་ཟུང་དང་བཅས་པ་རྩེ་མོ་ལྷ་ལ་བསྟན་ནས་བསྲེག་པར་
[69a.4]བྱའོ། །དེ་རྣམས་དང་ཀུ་ཤ་དང་། ཨ་མུའི་ལོ་མ་དང་། དཱུར་བ་ཡང་གཉིས་གཉིས་བསྡོམས་པའོ། །རིད་པ་དང་ལྕི་བ་དང་ཕྲ་བ་དང་འཁྱོག་པ་དང་རིང་བ་དང་ཐུང་བ་དང་ལོ་མ་མེད་པ་དང་སྲིན་བུ་ལ་སོགས་པས་ཟོས་པ་དང་དམན་མ་དང་པགས་པ་མེད་པ་དང་། བྲུན་གྱིས་
[69a.5]གོས་པ་དང་། རྩེ་མོའི་ཆ་གཉིས་པ་དང་། སྦོམ་པ་རྣམས་སྤང་བར་བྱའོ། །རྙིངས་པས་ནི་འཆིའོ། །འཁྱོག་པས་སྐལ་བ་ངན་པར་བྱེད་དོ། །ཐུང་བས་རིགས་པ་རྒྱུན་དུ་མི་འཇུག་གོ། །ལོ་མ་མེད་པས་ནད་བྱེད་དོ། །སྦོམ་པས་ཕུན་སུམ་ཚོགས་པ་ཐམས་ཅད་འཇོམས་
[69a.6]སོ། །སྐམས་པ་ལ་སོགས་པས་ཀྱང་མི་འདོད་པ་འབྱུང་བར་ཤེས་པར་བྱའོ། །སྦྱིན་སྲེག་གི་ཟས་བརྗོད་པར་བྱ་སྟེ། ཏིལ་མར་ལ་བཏགས་ཀུ་ཤ་སཱ་ལུའི་ཟན། །འོ་མ་ནས་དང་ཏིལ་དང་ཞོ། །པྲི་ཡང་ཀུ་དང་ཙནྡན་དཱུར་བ་དང་། རོ་བཅུད་དང་ནི་དྲི་བཟང་པོ་རྣམས་དང་། མེ་
[69a.7]ཏོག་འབྲས་ཡོས་ཨ་མྲའི་ལོ་མ་ནི། །རྩེ་མོ་གཉིས་ནི་སྦྲང་དང་མར་བཏགས་ལ། བསྲེག་པར་བྱའོ་ཇི་ལྟར་རྙེད་པ་སྟེ། ཞི་བར་བྱེད་པའི་མཐར་ནི་བདུད་རྩིའོ། །ལ་ལ་ནི་ཕྱིའི་བདུད་རྩི་ལྔ་ཞེས་ཟེར་རོ། །ཡམ་ཤིང་ནི་དེ་རྣམས་ཏེ་འདི་ལྟར་དབུས་ཀྱི་ཆར་སྐྱེས་པ་ཚད་ཆག་གང་བ།
[69b]
[69b.1]ཁྲུ་གང་ཙམ་དང་ལྡན་པ་རྣམས་བདུད་རྩི་དང་དྲི་ཞིམ་པོ་དང་བཅས་པའི་ཆུས་གཏོར་བ་ཞོ་དང་འོ་མ་དང་མར་དང་མངར་གསུམ་དང་བཏགས་པའི་བཟའ་བ་མཆོག་དང་། ཞོ་དང་སྦྲང་རྩི་དང་མར་དང་ལྡན་པའི་ཏིལ་ནག་པོ་དང་ཞོའི་བཟའ་བ་མར་དང་ལྡན་པ་དང་། གོ་སྙོད་དང་། བིལ་
[69b.2]བའི་འབྲས་བུ་དང་། འབྲས་སཱ་ལུ་དང་། པདྨ་དང་། ནཱ་ག་གེ་སར་དང་ཀརྞི་ཀ་རའི་འབྲུ་ནི་རྒྱས་པའིའོ། །ཞི་བ་ལ་བཤད་པའི་ཡོན་ཏན་དང་སྐྱོན་མེད་པ་རྣམས་སོར་ལྔ་དང་ལྡན་པ་རྣམས་དང་། པྲི་ཡང་ཀུ་དང་ཙམ་པ་ཕུན་ནཱ་ག །ནཱ་ག་གེ་སར་ཀེ་ས་ར་དང་ནི། །ལ་
[69b.3]ཀུ་ཙ་དང་མྱ་ངན་མེད་ཡམ་ཤིང་། །དེ་བཞིན་དུ་ནི་ནགས་ན་ཆེ་བའི་དངོས། །འབྲས་བུ་དང་ནི་མེ་ཏོག་སྐྱུར་པོ་དང་། །མངར་བ་དང་ནི་གཞན་རྣམས་རང་རང་གི །རྟོག་པར་གསུངས་པ་དང་ནི་གཞན་པ་ནི། །ཤེས་པར་བྱ་བ་དབང་གི་ལས་ཀྱིའོ། །དེ་རྣམས་དང་ནི་འདི་ལྟར་
[69b.4]ལྕགས་ཀྱུ་ཡི། །རྣམ་པའི་ཚེར་མ་ཡང་ནི་སྔོན་བཞིན་ནོ། །དབང་དགུག་གིའོ། །ནི་མ་པ་དང་། སེང་ལྡེང་དང་། ཀོ་བི་དཱ་ར་དང་། བྷཱི་ལ་ལོ་ཊ་ཀ་དང་མྱོས་བྱེད་རྣམས་སམ་དེ་ལས་གཞན་པའི་རོ་ཚ་བ་དང་ཚེར་མ་ཅན་དང་། ཁ་བའི་ཤིང་རྣམས་སམ། རོ་བསྲེགས་
[69b.5]པའི་སྡོང་དུ་མ་དང་གས་པ་སོར་བཞི་པའམ། སོར་བཅུ་པ་རྩ་བའི་ཆར་སྐྱེས་པ། རྩེ་མོ་རྣོན་པོ་གཉིས་དུག་དང་། ཁྲག་ལ་བཏགས་པའི་ཡམ་ཤིང་ངོ་། །ཡུངས་མར་དང་མར་ནག་ཚན་དེ་དང་། ཁྲག་དང་ལན་ཚྭ་དང་སྐེ་ཚེ་དང་ནིམ་པའི་ལོ་མ་དང་། རོ་བསྲེགས་པའི་
[69b.6]ཐལ་བ་དང་། རྐང་རྗེས་ཀྱི་རྡུལ་དང་བོང་བུ་དང་རྡ་མོ་ལ་སོགས་པའི་སྦངས་དང་སྐྲ་དང་། ཁྱིམ་བྱའི་ཚིལ་དང་། བྱ་རོག་ལ་སོགས་པའི་སྒྲོ་དང་། དྲི་ཆེན་དང་དྲི་ཆུ་དང་ཚེར་མ་དང་རུས་པའི་ཕྱེ་མ་དང་། ཤ་ཆེན་པོ་ལ་སོགས་པ་ཇི་ལྟར་རྙེད་པ་གཅིག་གམ། རྫས་ལ་
[69b.7]དུག་དང་ལན་ཚྭ་དང་ཁྲག་དང་བཏགས་པའི་རྫས་འདི་རྣམས་དང་། ཐལ་བ་དང་། སོལ་བ་དང་། རྩུབ་པ་ལ་སོགས་པའང་རུང་བ་ལས་དགྲའི་གཟུགས་བརྙན་དུག་ལ་བཏགས། རྐང་པ་གཡོན་པའི་མཐེའུ་ཆུང་ནས་བརྩམས་ལ་མཚོན་ཆ་རྣོན་པོས་བཅད་ཅིང་བསྲེག་པ་ནི་
[70a]
[70a.1]མངོན་སྤྱོད་བསད་པའོ། །བསྐྲད་པ་ལ་སོགས་པ་ནི་གཟུགས་བརྙན་མི་དགོས་སོ། །བ་ལཱ་ཤ་དང་། པཱཀྵ་དང་། ཨུ་དུམྺཱ་ར་དང་། སེང་ལྡེང་དང་། ཨརྐ་དང་། ནྱ་གྲོ་དྷ་དང་། བཻ་ཀཾ་ཀ་དང་། ཨ་མྲ་དང་། ས་མི་དང་། གཾ་བྷཱི་ར་དང་། ཨ་པ་མཱ་རྒ་དང་། ཨ་
[70a.2]ཤྭདྠ་དང་གསར་བུ་མངོན་པར་བྱུང་བ་མཛུབ་མོ་ཙམ་དྲང་བ་བདུད་རྩི་དང་། དྲི་ཞིམ་པོ་དང་བཅས་པའི་ཆུས་གཏོར་བ་ལས་རྗེས་སུ་མཐུན་པས་རྩེ་མོ་གཉིས་མཐུན་པ་ལ་སོགས་པས་བཏགས་པའི་ཡམ་ཤིང་དང་། ཞི་བ་ལ་སོགས་པར་བཤད་པའི་ནས་དང་འོ་མ་ལ་སོགས་པ་ཡང་
[70a.3]བསྲེག་པར་བྱ་བ་ནི་ལས་ཐམས་ཅད་པའོ། །གང་ཅུང་ཟད་ཞི་བ་དང་རྒྱས་པའི་རྫས་གང་དང་བདག་ཉིད་ཀྱི་སྟོན་མོ་དང་དེ་ཐམས་ཅད་ལ་མར་གྱིས་བཏགས་པ་དང་། གུ་གུལ་དང་སརྫ་ར་ས་ཡ་ང་རུང་སོ་སོའི་སྔགས་ཀྱིས་ཕྱེ་བས་བསྲེག་པར་བྱའོ། །དྲི་དང་མེ་ཏོག་ལ་སོགས་པའི་ཉེ་བར་
[70a.4]སྤྱོད་པ་ཡང་ལས་དང་རྗེས་སུ་མཐུན་པའི་ས་ཇི་ལྟ་བར་རང་གི་སྔགས་ཀྱིས་བཟླས་པར་བྱའོ། །རྫས་ཀྱི་རབ་ཏུ་བྱེད་པའོ། །མཆོད་སྦྱིན་ཅན་གྱི་བུད་ཤིང་ལ་སྲིན་བུ་མེད་པ་ཐབ་པས་ཚད་ཅུང་ཟད་དམའ་བ་དང་ལྕི་བ་སྐམ་པོ་ཡང་རུང་བ་ནི་ཞི་བའིའོ། །ནགས་ཀྱི་ལྕི་བ་སྐམ་པོ་སྤངས་
[70a.5]པའི་ཇི་ལྟར་བཤད་པའི་བུད་ཤིང་འབྲས་བུ་དང་བཅས་པ་ནི་རྒྱས་པའིའོ། །ནིམ་པ་དང་། སྐྱུར་བའི་ཤིང་དང་བུད་ཤིང་གཞན་མེ་ཏོག་དང་བཅས་པ་ནི་དབང་དུ་བྱས་པའིའོ། །ཚེར་མ་དང་བཅས་པ་ནི་དགུག་པའིའོ། །ཚ་བ་དང་ཚེར་མ་ཅན་དང་ཁ་བ་དང་དྲི་མི་ཞིམ་པ་དང་དྲི་མེད་
[70a.6]པའི་ཤིང་རྣམས་དུར་ཁྲོད་དུ་སྐྱེས་པ་རྣམས་སམ། བོང་བུ་དང་རྡ་མོའི་སྦངས་དང་བུད་ཤིང་སྐམ་པོ་ནི་མངོན་སྤྱོད་ལ་སོགས་པའིའོ། །ལས་དང་རྗེས་སུ་མཐུན་པ་ནི་ལས་ཐམས་ཅད་པའི་བུད་ཤིང་ངོ་། །བུད་ཤིང་གི་རབ་ཏུ་བྱེད་པའོ།། །།གསེར་རམ་ཟངས་ཀྱི་རང་བཞིན་ནམ་མཆོད་སྦྱིན་བྱ་
[70a.7]བའི་ཤིང་གི་རང་བཞིན་ལས་དགང་གཟར་བྱ་སྟེ། དེའི་ཡུ་བ་ནི་སྐྱེས་བུ་ཚད་མའི་སོར་ཉི་ཤུ་རྩ་བཞི་ལ། ཐོག་མར་རྡོ་རྗེ་དང་བཅས་པ་ཆང་བས་བཟུང་བར་འོས་པའོ། །ཡུ་བའི་སྟེང་དུ་རྒྱར་སོར་བཞི་པའི་གྲུ་བཞི་པ་དབུས་སུ་པདྨ་ལ་སོར་གཉིས་པའི་རྡོ་རྗེ་རྩེ་ལྔ་པས་མཚན་པ། དེར་སོར་
[70b]
[70b.1]གཉིས་ཀྱིས་དམའ་བར་བརྐོས་པ་གྲུ་བཞི་པའི་སྟེང་དུ་རྒྱར་སོར་གཅིག་ལ་རྡོ་རྗེའི་ཕྲེང་བའོ། །གྲུ་བཞི་པའི་སྟེང་དུ་པདྨའི་འདབ་མའི་རྣམ་པས་སོར་བཞི་པ། མཐེའུ་ཆུང་གི་ཚད་བརྐོས་པ་ལ་རྡོ་རྗེ་སོར་བཞི་པས་མཚན་པའོ། །བླུགས་གཟར་ཀྱང་དེ་ཉིད་ཀྱི་རྒྱུ་ལས་ཡུ་བའི་རྣམ་པ་དང་། ཚད་
[70b.2]ནི་སྔར་བཞིན་ནོ། །ཡུ་བའི་སྟེང་དུ་རྒྱར་སོར་གཉིས་པ་པདྨའི་རྣམ་པ། ཁ་ལ་སོར་གཅིག་བརྐོས་པ་དབུས་སུ་རྡོ་རྗེ་རྩེ་མོ་ལྔ་པས་མཚན་པའོ། །གཉིས་ཀ་ལ་ཡུ་བའི་འོག་ཏུ་རྡོ་རྗེ་དང་རིན་པོ་ཆེ་ཇི་ལྟར་མཛེས་པར་བྱའོ། །དགང་གཟར་བླུགས་གཟར་གྱི་རབ་ཏུ་བྱེད་པའོ།། །།
[70b.3]དེ་ནས་ཁྲུས་བྱས་པ་དྲི་ཞིམ་པོས་ལུས་ལ་བྱུགས་པ་བརྩེ་བ་དང་བྱམས་པ་དང་ལྡན་པ་གོས་དཀར་པོ་འཛིན་པ་ལས་དང་རྗེས་སུ་མཐུན་པར་བྱས་ཏེ་འདོད་པའི་ལྷའི་རྣལ་འབྱོར་དང་སྲུང་བའི་ཆོ་ག་དང་བཟླས་པ་དང་སྨྲ་བ་བཅད་པས་ཤིན་དུ་འཇམ་པའི་སྟན་ལ་པདྨའི་འདུག་སྟངས་ཀྱིས་བསྡད་དེ་
[70b.4]སྲོད་ལ་ཁ་ཤར་དུ་ཕྱོགས་པའི་བློ་དང་ལྡན་པས་བསྒྲུབ་བྱ་ལ་དམིགས་ཏེ་དཀར་པོའི་ཚེས་གཅིག་ནས་བརྩམས་ནས་ཞི་བའི་ཡིད་ཀྱིས་ཞི་བ་བྱའོ། །འདི་ལྟར་སེར་པོ་དང་གཞན་རྗེས་སུ་བྱུགས་པ། རྒྱན་དང་རྣམ་པར་བཀྲ་བའི་གོས་བགོས་པ། བཟང་པོའི་འདུག་སྟངས་ཀྱིས་གནས་ཏེ།
[70b.5]སྤྲོ་བའི་ཡིད་ཀྱིས་ཉ་ནས་བརྩམས་ཏེ་ཁ་བྱང་དུ་ཕྱོགས་པས་ཐོ་རངས་ནི་རྒྱས་པ་ཡིན་ནོ། །ལྷ་མཉེས་པར་བྱ་བ་དང་། ཆགས་པའི་སེམས་ཀྱིས་ཤིན་ཏུ་དམར་བ་ལ་སོགས་པའི་རྒྱན་དང་ཁ་ནུབ་ཏུ་ཕྱོགས་པས། མཐོ་ཞིང་བདེ་བའི་སྟན་ལ་རྡོ་རྗེའི་སྐྱིལ་མོ་ཀྲུང་གིས་གནས་ཏེ་མཚན་
[70b.6]ཕྱེད་དམ་སྲོད་ལ་དབང་དུ་བྱ་བའོ། །འདི་ལྟར་དབང་དགུག་ལ་ནི་འོན་ཀྱང་ཁ་སྟེང་དུ་ཕྱོགས་པས་ལྷ་མཉེས་པར་བྱ་བ་དང་། ཡང་ན་ནུབ་ཏུ་ཕྱོགས་པའོ། །ཁྲོས་པས་གོས་དང་རྒྱན་སྔོན་པོ་བགོས་པའམ་ཁྲག་གིས་བརླན་པའི་གོས་བགོས་པ་སྲ་བའི་སྟན་ལ་ཁ་གཤིན་རྗེར་བལྟས་
[70b.7]པས་གནས་ཏེ་བསྒྲུབ་བྱའི་གཟུགས་བརྙན་གྱི་བྲང་ལ་གནོན་པའམ་ཙོག་པུ་དང་སྟན་མེད་པར་རྐང་པས་རྐང་པ་མནན་ཅིང་། སོ་ཡིས་སོ་བཙིར་བས་མིག་བགྲུངས་པས་ཁྲོ་གཉེར་གྱི་གདོང་གིས་སྙིང་རྗེས་དཀོན་མཆོག་གསུམ་ལ་གནོད་པ་མེད་པར་བྱ་བའི་དོན་དུ་ནག་པོ་བཅུའི་བཞིའམ་
[71a]
[71a.1]བརྒྱད་ལ་ཉི་མ་ཕྱེད་དམ་ཕྱེད་ན་ཁྲོ་བོའི་སྐྱིལ་མོ་ཀྲུང་དང་ལྡན་པས་རྣལ་འབྱོར་ཀྱང་ཁྲོ་བོའི་བསྒྲུབ་བྱ་གང་ཡིན་པ་དེའི་སྲུང་བ་སྙིང་གའི་པདྨའི་ནང་དུ་སོན་པ་དེ་ཧཱུཾ་ལས་བྱུང་བའི་རྡོ་རྗེ་ལྕགས་ཀྱུས་བཅད་བཅིང་བཀུག་སྟེ་བདག་ཉིད་ཀྱི་ནང་དུ་བསྒོམ་པའམ་རང་གི་ཤེས་
[71a.2]རབ་ཀྱི་ཆུ་སྐྱེས་སུ་རང་གི་རྡོ་རྗེའི་ཕུར་བུས་ཡོངས་སུ་བཏབ་ལ་བསྒྲུབ་བྱ་དང་ལྷ་ཐམས་ཅད་དེ་ཡིས་གསལ་བར་བསྒོམས་ལ། དེ་ལ་སྡིག་པ་མི་འཇུག་པར་བྱ་བར་འདོད་པའི་རྩེ་བས་ཡོངས་སུ་དག་པའི་སངས་རྒྱས་ཀྱི་ཞིང་ངམ་ཕན་པ་དང་བདེ་བའི་བསམ་པས་རིགས་བཟང་པོར་སྐྱེ་བར་
[71a.3]བྱ་བ་ནི་མངོན་སྤྱོད་དང་བསད་པའོ། །སྡང་བའི་ཡང་ངོ་། །དབང་ལྡན་དུ་ཁ་ཕྱོགས་པས་དེ་བཞིན་དུ་རྡོ་རྗེའི་སྐྱིལ་ཀྲུང་ནི་ངེས་པའིའོ། །བཽ་ཥཊ་ཧེ་ཡི་སྔགས་ཀྱིས་དང་། །ཐབ་ཀྱང་གྲུ་བཞིར་རུང་བ་སྟེ། །སེར་དང་དཀར་བ་རྣམས་བརྒྱན་ལྡན། །རྒྱས་པའི་ཆོ་ག་བཞིན་
[71a.4]ཡོངས་གནས། །དེ་བཞིན་མེ་ཕྱོགས་ཁ་བལྟས་པས། །བསྐྲད་པ་རྔ་མོ་སོགས་བྲུན་བྱུག །དུག་གིས་བྲིས་པའི་ནག་པོ་ནི། །དཀར་པོས་བརྒྱན་པ་སྲེག་པ་ཡིན། །བྱ་རོག་ལ་སོགས་གཤོག་བསྡུས་ལ། །རབ་ཏུ་བསྒྲུབ་བྱའི་མིང་སྤེལ་བའོ། །འདིར་བྱ་རོག་ལ་སོགས་
[71a.5]པའི་གཤོག་པ་ལ་ཆེ་གེ་མོའི་ཨུཙྪ་ཊའི་སྔགས་ཀྱི་མཐའ་ཅན་བྲིས་པ་དང་ལྡན་པའོ། །ཁ་བདེན་བྲལ་དུ་ཕྱོགས་པས་དེ་བཞིན་དུ་སྡང་བར་བྱ་བ་ལ་མར་ནག་ཚན་དེ་དང་དུག་ལ་སོགས་པས་བྲིས་ལ་རྐང་པ་དག་ཕྱིན་ཅི་ལོག་པས་སེར་བ་དང་གནག་པས་རྣམ་པར་བརྒྱན་པའོ། །ལས་
[71a.6]ཐམས་ཅད་པ་ལ་གང་ཕྱོགས་མཚམས་སུ་ཁ་བལྟས་པ་དང་དེ་དྲང་པོ་ནི་མཆོག་སྟེ་ཕྱོགས་དང་མཚམས་སུ་གནས་པའམ། དོན་དམ་པར་གདོང་མ་ནས་ཞི་བའི་རྒྱུད་ཉིད་པས་ཇི་ལྟར་དེ་བཞིན་དུ་གནས་པས་ཡིད་མ་ཞུམ་པའི་ང་རྒྱལ་གྱིས་བློ་མཉམ་པའི་དེ་བཞིན་དུ་ཐམས་ཅད་
[71a.7]དང་བཅས་པ་བྱའོ། །སྒྲུབ་པ་པོའི་རབ་ཏུ་བྱེད་པའོ།། །།གསེར་དང་དངུལ་དང་རྡོ་དང་ཟངས། །ཤིང་དང་ས་དང་མུ་ཏིག་དང་། །དུང་དང་ལོ་མའི་སྐྱོང་བུ་ནི། །མཆོད་ཡོན་བསང་གཏོར་ལ་སོགས་སྣོད། །ནས་དང་འོ་མ་དང་མེ་ཏོག་དཀར་པོ་དང་ཏིལ་དང་ཀུ་ཤ་དང་འབྲས་ཡོས་
[71b]
[71b.1]དང་ལྡན་པ་བདུད་རྩི་དང་བཅས་པ་དྲི་སེར་པོའི་ཆུ་ལ་རྣམ་པར་རྒྱལ་བའི་བུམ་པ་ལ་གནས་པས་གཏོར་བ། བདུག་སྤོས་ཀྱིས་བདུགས་པར་རང་གི་ལྷའི་སྔགས་སམ་ལས་ཐམས་ཅད་པ་ལ་སྭཱ་ཧཱའི་མཐའ་ཅན་བརྒྱ་བཟླས་པ་ནི་ཞི་བའིའོ། །འདི་ལྟར་ཏིལ་དང་ཞོ་སེར་བོའི་མེ་ཏོག་དང་།
[71b.2]དྲི་ལ་སོགས་པ་དང་བཅས་པའི་ཆུ་ལ་ཕྱག་འཚལ་གྱི་མཐའ་ཅན་རྒྱས་པའིའོ། །དམར་པོའི་དྲི་ལ་སོགས་པའི་ཆུ་ལ་ཧོཿའི་ཡི་གེའི་མཐའ་ཅན་ནི་དབང་གིའོ། །དེ་བཞིན་དུ་གདུག་པའི་ནི་ཛཿའི་ཡི་གེའི་མཐའ་ཅན་ནོ། །བཙོག་པ་གསོད་པ་ནི་ཁམ་ཕོར་གྱི་དུམ་བུ་ལ་སོགས་
[71b.3]པའི་སྣོད་ཁྲག་དང་ཀོ་ཏྲ་བ་དང་གཅི་བ་དང་། བའི་གཅིན་དང་གནག་པ་དྲི་མི་ཞིམ་པ་དང་དྲི་མེད་པའི་མེ་ཏོག་ལ་སོགས་པ་དང་བཅས་པའི་ཆུ་ལ་ཕཊ་ཀྱི་ཡི་གེ་མཐའ་ཅན་ནི་བསད་པ་ལ་སོགས་པའིའོ། །དྲི་དང་མེ་ཏོག་དང་ཏིལ་དང་ཀུ་ཤ་དང་འབྲས་ཡོས་དང་ཆུ་སྟེ་ཇི་ལྟར་རྙེད་
[71b.4]པའི་ལས་དང་རྗེས་སུ་མཐུན་པ་གཞག་པར་བྱའོ། །ཐམས་ཅད་དུ་རྒྱས་པ་ལ་སོགས་པའི་ལས་ཐམས་ཅད་པའོ། །འདི་ནི་མཆོད་ཡོན་གྱི་རབ་ཏུ་བྱེད་པའོ།། །།ཞི་བ་དང་རྒྱས་པ་དང་དབང་གི་ལས་ལ་བདུད་རྩི་འཁྱིལ་བའི་སྔགས་སམ། ཧཱུཾ་གི་ཡི་གེ་བཟླས་པའི་ལས་ཐམས་
[71b.5]ཅད་པའི་ཆུའི་སྣོད་དང་མཆོད་ཡོན་ལ་སོགས་པའི་སྣོད་གསུམ་གཡོན་གྱི་ངོས་སུའོ། །དེའི་མདུན་དུ་བཟེད་པར་བྱེད་པའི་སྣོད་གསུམ་ཀྱང་ཁྲིའུ་ལ་སོགས་པ་ལ་བཞག་ལ་སྔགས་གོང་མ་གཉིས་གང་རུང་ཟློས་བཞིན་པའི་ཆུ་ལག་པ་གཡས་པར་གནས་པར་ཀུ་ཤའི་རྩེ་མོ་བཟུང་
[71b.6]བའི་བུད་ཤིང་ལ་སོགས་པ་ཐམས་ཅད་ལ་གཏོར་ཏེ་རྫས་ནི་གཡས་ངོས་སུ་དགོད་པར་བྱའོ། །བདག་ཉིད་དང་དགང་གཟར་དང་བླུགས་གཟར་ལ་ཡང་གཏོར་བར་བྱའོ། །རྣམ་པར་རྒྱལ་བ་དང་ལས་ཐམས་ཅད་པའི་བུམ་པ་ལྷག་པར་གནས་པ་ནི་དཀྱིལ་འཁོར་གྱི་ཆོ་གར་བཤད་པ་
[71b.7]བཞིན་དུའོ། །ཆོ་ག་བསྡུས་པ་ལ་ནི་བུམ་པ་མེད་པའམ་གཅིག་ཙམ་མོ། །བསད་པ་དང་བསྐྲད་པའི་ལས་དང་སྡང་བ་ལ་སོགས་པ་ལ་ལག་པ་གཡོན་པས་བསང་གཏོར་བྱ་བ་དང་། གཡས་ངོས་སུ་ལས་ཐམས་ཅད་པའི་སྣོད་དང་མཆོད་ཡོན་གྱི་སྣོད་དང་། གཡོན་ངོས་སུ་རྫས་དགོད་
[72a]
[72a.1]དོ། །འདི་ནི་དགོད་པའི་རབ་ཏུ་བྱེད་པའོ།། །།ཞི་བ་ལ་ནི་འོ་མ་ཅན་གྱི་ཤིང་ལས་དང་། འབྲོག་དགོན་པར་སྐྱེས་པའི་མེ་དང་། སྦྱིན་སྲེག་གི་འགྲམ་དུ་འཐེབ་དུ་བཞག་པ་དང་། སྦྱིན་སྲེག་གི་མེ་ཡང་རྒྱས་པ་ལ་ནི་རྒྱལ་པོ་དང་རྒྱལ་རིགས་ཀྱི་ཁྱིམ་དུ་སྐྱེས་
[72a.2]པ་དང་ནགས་ལས་སྐྱེས་པ་དང་། ནོར་བུ་ལས་བླངས་པའམ། དགེ་འདུན་གྱི་འམ། རྒྱུན་ཞག་གི་མེའོ། །སྨད་འཚོང་མ་དང་དམངས་རིགས་ལས་བླངས་པ་ནི་དབང་གིའོ། །གར་མཁན་དང་འགྲོན་པོའི་དང་། གླུ་གར་མཁན་གྱིས་བྱས་པ་ནི་དབང་དགུག་གིའོ། །མིའི་
[72a.3]རུས་པའི་དང་། རོ་བསྲེགས་པའི་དང་། རྡོ་རྗེའི་དང་། བ་ལང་གསོད་པའི་ཁྱིམ་དུ་སྐྱེས་པ་ལ་སོགས་པ་ནི་མངོན་སྤྱོད་ལ་སོགས་པའི་མེར་གཟུང་བར་བྱའོ། །རང་རང་གི་ཇི་ལྟ་བ་ནི་ལས་ཐམས་ཅད་པ་སྟེ་འདི་ནི་མེའི་རབ་ཏུ་བྱེད་པའོ།། །།དེ་ནས་རྡོ་རྗེ་གསོར་བ་དང་དྲིལ་བུའི་
[72a.4]སྒྲ་བྱས་ཏེ་གཏོར་མ་བྱིན་ལ་སྲུང་བ་དང་ལྡན་པས་ཡི་གེ་གསུམ་གྱིས་མེ་སྣོད་དུ་བཞག་ལ། དེ་ནས་བདུད་རྩི་འཁྱིལ་པའི་སྔགས་ཀྱིས་མར་གྱིས་རབ་ཏུ་འབར་བའི་མེ་སྤར་བར་བྱའོ། །དེ་བཟླས་པའི་ཆུ་ཀུ་ཤའི་རྩེ་མོས་བཟུང་བས་གཡས་སུ་བསྐོར་བ་དང་གསད་པ་ལ་སོགས་
[72a.5]པའི་ལས་ལ་གཡོན་དུ་ལན་གསུམ་བསྐོར་ཞིང་བསང་གཏོར་བྱས་ལ་ཐབ་ཏུ་གཙང་ཞིང་སྐམ་པའི་རྩྭའི་ཚོམ་བུ་དང་བཅས་པ་ལ་དུ་བ་མེད་པར་རོ། །གསད་པ་དང་བཅས་པ་ལ་དུ་བ་དང་བཅས་པའོ། །ཛྭ་ལ་ཛྭ་ལ་ཧཱུཾ་ཞེས་བྱ་བ་འདིའམ་ཧཱུཾ་གི་ཡི་གེས་རླུང་ཡབ་ཀྱིས་མེ་སྦར་ཏེ་གཙོ་
[72a.6]བོའི་སྙིང་པོ་བཟླས་པའི་ལྕགས་གཟར་ལ་སོགས་པའི་མར་གྱིས་འབར་བར་བྱས་ཏེ། གསད་པ་ལ་སོགས་པ་ལ་ནི་ཐོག་མར་མར་ནག་ཚན་དེས་བྱའོ། །དེ་ནས་ཀུ་ཤ་རྣམས་ལ་ཨོཾ་བཛྲ་ས་ཏྭ་ཨཱཿཞེས་བྱ་བ་འདི་བཟླས་པའི་ཀུ་ཤ་གཉིས་གཉིས་རྩེ་མོ་ཕྱོགས་གཅིག་པ་དྲི་མ་མེད་
[72a.7]པ་ལྗང་གུ་གཤིབས་པ་འདབ་མ་དུམ་བུ་མ་ཡིན་པ་ཤིན་ཏུ་རིང་བ་མ་ཡིན་པ། ཐོག་མར་སྒྲུབ་པ་པོའི་གཡོན་གྱི་ཁ་ཁྱེར་གྱི་ཕྱི་རོལ་ནས་ཁ་ཤར་དུ་ཕྱོགས་པ་དང་། དེ་ལྟར་གཤིན་རྗེར་ཁ་ཕྱོགས་པ་དང་། ཁ་ནུབ་ཏུ་ཕྱོགས་པ་དང་། བྱང་དུ་རྩེ་མོ་བསྟན་པའོ། །དེ་
[72b]
[72b.1]ནས་ཐབ་ལ་རྩེ་མོ་མདུན་དུ་བསྟན་པས་གཡོགས་པར་བྱའོ། །ཀུ་ཤ་རྣམས་ནི་བ་ལང་རྣ་བ་ཙམ་སྟེ་ཤིན་ཏུ་རིང་བ་མ་ཡིན་ནོ། །རྒྱས་པ་དང་དབང་དང་མངོན་སྤྱོད་ཀྱི་ཐབ་ལ་རིམ་པ་བཞིན། བྱང་དང་ནུབ་དང་ལྷོར་རྩེ་མོ་བསྟན་པའི་ཀུ་ཤ་གཉིས་གཡོན་གྱི་ཁ་ཁྱེར་གྱི་ཕྱིར་ཐོག་མར་དེ་བཞིན་
[72b.2]དུ་རྩེ་མོའོ། །དེ་ནས་ལྷའི་བདག་ཉིད་ཅན་གྱིས་ལས་དང་རྗེས་སུ་མཐུན་པའི་ཁ་དོག་ཅན་གྱི་ཧཱུཾ་ལས་ཐབ་རྫོགས་པར་བྱས་ལ་མེ་རབ་ཏུ་འབར་བར་རིག་པ་འདི་ཉིད་དེའི་དབུས་བདག་མེད་པར་དམིགས་ལ་རཾ་ལས་བྱུང་བའི་མེ་གྲུ་གསུམ་གྱི་དཀྱིལ་འཁོར་ལ་པདྨ་དང་ཉི་མ་ལ་གནས་པའི་
[72b.3]རཾ་གྱི་ཡི་གེ་ལས་བྱུང་བའམ་སྐད་ཅིག་གིས་རྫོགས་པ་སྟེ། ལས་དང་རྗེས་སུ་མཐུན་པ་ཅན་གྱི་དྲང་སྲོང་ཕྱག་བཞི་པ། གཡས་པས་དབྱུག་པ་དང་མེའི་ཐབ་འཛིན་པ་གཡོན་པས་སྤྱི་བླུགས་དང་བགྲང་ཕྲེང་འཛིན་པ་སྨ་ར་དང་རལ་པའི་ཚོགས་ཅན་གསུམ་པ་འཕྱང་བ། ལུས་ལ་གོན་
[72b.4]པ་ལས་དང་རྗེས་སུ་མཐུན་པའི་རྒྱན་དང་གོས་དང་འོད་ཀྱི་ཕྲེང་བ་དང་རྣམ་པར་ཤེས་པ་དང་། རིགས་ཀྱིས་རྒྱས་གདབ་པ་དང་ལྡན་པའི་སྙིང་གར་རཾ་གྱིས་བྱིན་གྱིས་བརླབས་པ་དང་བཅས་པའི་མེ་རྣམ་པར་བསྒོམས་ལ་དམ་ཚིག་སེམས་དཔའི་ས་བོན་གྱི་འོད་ཟེར་གྱི་ལྕགས་ཀྱུས། ནམ་
[72b.5]མཁའི་ཡེ་ཤེས་སེམས་དཔའ་དམ་ཚིག་སེམས་དཔའ་དང་འདྲ་བའི་མེ་ལྷ་དྲང་སྲོང་གིས་ཡོངས་སུ་བསྐོར་བ་མེའི་ཕྱོགས་སུ་བྱོན་པར་བལྟས་ཏེ། གཡས་པ་མི་འཇིགས་པའི་མཐེ་བོང་བསྐྱོད་པས་དང་། སྔགས་འདིས་སྤྱན་དྲང་ངོ་། །ཨོཾ་ཨེ་ཧྱེ་ཧི་ཨགྣ་ཡེ་རཾ་སརྦ་སིདྡྷཾ་མེཾ་པྲ་ཡཙྪ་ཛྭ་ལ་ཛྭ་ལ་
[72b.6]ཧོཿམ་ཧཱ་རྀ་ཥི་སརྦ་དེ་བ་མུ་ཁཱ་པཱུ་རཱིཾ་ཨསྨིཾ་སནྣི་ཧི་ཏོ་བྷཱ་ཝ་ཧཱུཾ། ཞེས་བྱ་བས་སྤྱན་དྲངས་ཏེ། དེ་དང་ལྷན་ཅིག་ཏུ་འོངས་པའི་བགེགས་རང་གི་སྙིང་གའི་ས་བོན་ལས་སྤྲོས་པའི་ཁྭ་གདོང་མ་ལ་སོགས་པས་བསལ་ཏེ། འདི་ལྟར་ཛཿ་ཧཱུཾ་བཾ་ཧོཿ། ཞེས་བྱ་བའི་སྔགས་བརྗོད་པས་རིམ་པ་ཇི་ལྟ་བར་དགུག་པ་དང་
[72b.7]གཞུག་པ་དང་། བཅིང་བ་དང་། མཉེས་པར་བྱའོ། །དེ་ནས་ཨོཾ་ཨཱཿཔཱདྱཾ་ཧཱུཾ་ཏྲཱ་ས་ན་ཡེ་གྲྀཧྞ་ཧཱུཾ། ཞེས་བྱ་བ་ཞབས་བསིལ་དབུལ་ལོ། །ཨོཾ་བཾ་ཨཉྩ་མ་ནཾ་རྀ་ཥ་ཡེ་པྲ་ཡཙྪ་ཧཱུཾ། ཞེས་བྱ་བས་ཞལ་བསིལ་དབུལ་བར་བྱའོ། །ཨོཾ་ཧཱུཾ་ཌཱ་ཀ་ཌཱ་ཀི་ནཱི་ས་མ་ཡཱ་རྒྷཾ་ད་དཱ་མི་ཧཱུཾ་ཧཱུཾ་རཾ་རཾ་སྭཱ་ཧཱ། ཞེས་བྱ་བས་
[73a]
[73a.1]མཆོད་ཡོན་དབུལ་བར་བྱའོ། །དེ་ནས་ལས་དང་རྗེས་སུ་མཐུན་པའི་མེ་ཏོག་ལ་སོགས་པ་རྣམས་དང་པི་ཝང་མ་ལ་སོགས་པའི་གསང་བའི་མཆོད་པ་རྣམས་ཀྱིས་ཀྱང་མཆོད་པར་བྱའོ། ཇི་ལྟར་བདག་གི་བླ་མ་རྣམས་ཀྱི་སྦྱོར་བའི་ཁྱད་བར་ནི། །ཀུ་ཤའི་དཀོར་བཞག་
[73a.2]དང་སྣོད་ཀྱིས། །གསུམ་པའི་ཐོག་མར་བསང་གཏོར་ཏེ། །ཐམས་ཅད་བྱེད་པ་བཟླས་པའི་ཆུས། །དེ་བཞིན་དུ་ནི་ཞལ་བསིལ་བླུགས། །ཁུ་ཚུར་ཁ་སྦུབས་བྱས་པ་ཡི། །མཛུབ་མོས་མེ་ཏོག་ཡོངས་བཟུང་སྟེ། །མཐེའུ་ཆུང་དང་ནི་མིང་མེད་དང་། །གུང་མཛུབ་རིམ་གྱིས་ཕྱེ་
[73a.3]བས་དོར། །གཉིས་པའི་དུང་གི་ཨརྒྷ་ནི། །བཞེས་བཟེད་སྣོད་ནི་གཉིས་པར་རོ། །རྡོ་རྗེ་ཐལ་མོ་རབ་ཕྱེ་བས། །གསུམ་པ་རུ་ནི་ཞབས་བསིལ་སྦྱིན། །མཐེ་བོ་མཛུབ་མོ་བཙིར་བ་ཡིས། །མེ་ཏོག་བཟུང་བའི་ཁུ་ཚུར་གྱིས། །སངས་རྒྱས་རྣམས་ལ་མངོན་སུམ་དུ། །ལན་གསུམ་
[73a.4]བསྐོར་བ་འཇུག་རིམ་གྱིས། །དབྱེ་བ་མཛུབ་མོ་གུང་མོ་དང་། །མིང་མེད་དང་ནི་མཐེའུ་ཆུང་ངོ་། །ཞེས་བྱ་བ་ནི་བརྒྱུད་པའི་གདམས་པའོ།། །།དེའི་རྗེས་སུ་ལག་པ་གཡོན་པས་བྱང་ཆུབ་མཆོག་གི་ཁུ་ཚུར་བརྐྱང་བས་མར་གྱིས་གང་བའི་དགང་གཟར་བཟུང་ལ་ལག་པ་གཡས་
[73a.5]པ་ཁ་འོག་ཏུ་བསྟན་པས་བླུགས་གཟར་མར་གྱིས་གང་བ་བརྐྱང་སྟེ་དགབ་པའོ། །སྡང་བའི་ལས་ལ་ནི་དུག་དང་བཅས་པའི་མར་ནག་ཚན་དེས་གང་སྔོན་ལ་ཕྱིན་ཅི་ལོག་ཏུ་བཟུང་སྟེ་གཟར་བུ་གཉིས་ཀྱི་ཁ་ཡི་གེ་གསུམ་གྱི་ནང་དུ་ཆུད་པའི་ཧཱུཾ་གི་ཡི་གེ་ལས་དང་རྗེས་སུ་མཐུན་པའི་
[73a.6]ཁ་དོག་ཅན་འོད་ཟེར་འབར་བའོ། །མེ་ལྷའི་ཞལ་ལ་རཾ་བཀོད་ལ། དགང་གཟར་གྱི་ཁར་བླུགས་གཟར་གྱི་ཁ་བྱས་པའི་ལག་པ་དག་ནི་པུས་མོའི་ནང་དུའོ། །སྡང་བ་ལ་ནི་ཕྱི་རོལ་དུ་བྱའོ། །ཨོཾ་དེ་བ་རྀ་ཥི་པ་ར་མ་སཽ་ག་ཏུ་ཀཱ་རུ་ཎ་ཡ་ཛཿཧཱུཾ་བཾ་ཧོཿཧ་ཧ་ད་ཧ་ད་ཧ་པ་ཙ་པ་ཙ་ཧ་ན་ཧ་ན།
[73a.7]ཧཱུཾ་ཧཱུཾ་ཨགྣ་ཡེ་སྭཱ་ཧཱ། ཞེས་བྱ་བ་དགང་བླུགས་གསུམ་མཾ་བདུན་དབུལ་བར་བྱའོ། །རྒྱས་པ་ལ་ཨོཾ་དང་། དབང་ལ་ཧོཿདང་། དགུག་པ་ལ་ཛཿདང་། སྡང་བ་ལ་ཧཱུཾ་ཕཊ་ཅེས་བྱ་བའི་མཐའ་ཅན་གྱི་སྔགས་ཀློག་པའི་ཁ་ཡང་ཅུང་ཟད་ཕྱེ་བ་དང་། ཁྲོ་བ་དང་ཤིན་དུ་ཁ་གདངས་
[73b]
[73b.1]པས་དགང་གཟར་གྱིས་གཡས་ནས་བསྐོར་བར་བྱ་སྟེ། ཁྲོ་བ་ལ་གཡོན་དུ་བསྐོར་ནས་དབུལ་བའོ། །དེ་ནས་བགེགས་མེད་པའམ་བགེགས་དང་བཅས་པའི་མེའི་མཚན་མའི་མཚན་ཉིད་ཤེས་པར་བྱ་སྟེ། དཔལ་བེའུ་རྔ་ཡབ་གདུགས་རྒྱལ་མཚན། །ཆུ་སྐྱེས་བུམ་པའི་རྣམ་པ་དང་། །
[73b.2]རྩེ་གསུམ་རལ་གྲི་ཉ་དང་ནི། །ཨིནྡྲ་གོ་བ་སྭ་སྟི་འདྲ། །རྡོ་རྗེ་དུང་སོགས་རབ་ཏུ་བསྔགས། །མར་བསྲེག་པ་ཡི་བླུགས་གཟར་དབྱིབས། །འོད་དང་དེ་ལྡན་མི་དགེ་སྟེ། །དཀར་དང་དབང་པོའི་གཞུ་མཉམ་དང་། །གཡས་སུ་འཁྱིལ་དང་ཤིན་ཏུ་སྣུམ། །བྱི་རུའི་ཁ་དོག་དང་འདྲ་དང་། །
[73b.3]ཀུ་སུཾ་བྷ་རྡུལ་བཻ་ཌཱུར་ཡང་། །དྲི་མེད་འབར་བའི་ཉི་མ་མཉམ། །དུད་མེད་དྲི་ཞིམ་གླིང་བུ་དང་། མྲྀ་ཏང་གའི་སྒྲ་བླ་ན་མེད། །ཞི་ལ་ཁ་དོག་དཀར་ལྟ་བུ། །རྒྱས་པ་ལ་ནི་སེར་པོར་མཉམ། །རྩེ་མོ་དམར་པོ་དབང་ལ་དགེ། །སྔོ་དང་གནག་པ་མངོན་སྤྱོད་ལའོ། །ཞི་སོགས་
[73b.4]ལ་ནི་གསེར་ལྟ་བུ། །རྩེ་མོ་གཅིག་པ་དགེ་དྲན་བྱ། །རྩེ་མོ་གཉིས་པ་འབྲིང་པོ་སྟེ། །རྩེ་གསུམ་སྤྲིན་འདྲ་དམན་པའོ། །དུད་པ་མི་དགེ་འཇུག་པ་གཞན། །རྩེ་མོ་ཆད་པ་མི་དགེའོ། །རྩུབ་ནག་པ་ལ་ཤ་འདྲ་དང་། །རྩེ་མོ་ལ་ལང་མགོ་མཉམ་དང་། །ཚ་ཚ་འཕྲོ་དང་བོང་
[73b.5]བུའི་སྐང་། །རུལ་བ་དང་ནི་རོ་ཡི་དྲི། །ཁྲོ་བའི་ལས་ལ་དགེ་བ་ཡིན། །མཚན་མ་མི་དགེ་བ་རྣམས་ལ་བགེགས་མཐར་བྱེད་ཀྱིས་འདི་ལྟར་བསང་གཏོར་དང་སྲུང་བ་དང་ལས་ཐམས་ཅད་པའི་སྔགས་ཀྱིས་མར་གྱི་སྦྱིན་སྲེག་བདུན་ཀྱང་བྱའོ། །དེ་ནས་མེའི་སྔགས་ཀྱིས་སླར་ཡང་
[73b.6]བསང་གཏོར་དང་གང་བའི་སྲེག་བླུགས་གསུམ་མམ་གཅིག་དང་ཇི་ལྟར་ཚོགས་པ་ཡང་མེའི་སྔགས་ཀྱིས་བསྲེགས་ཏེ་བླུགས་གཟར་ལ་སོགས་པ་རྣམས་ཀྱིས་མར་ལ་སོགས་པ་རྣམས་ཀྱིས་སྲེག་བླུགས་གསུམ་མམ་བདུན་ནམ་གཅིག་གམ་ཇི་ལྟར་ཚོགས་པར་བསྲེག་པར་བྱའོ། །
[73b.7]དེ་གསུངས་པ། བླུགས་གཟར་གྱིས་ནི་མར་བསྲེག་ཅིང་། །འབྲུ་རྣམས་དེ་ཡིས་དེ་བཞིན་དབུལ། །ཞེས་སོ། །ཐོག་མར་ཡམ་ཤིང་སོགས་པ་སྦྱང་བར་བྱ་སྟེ། དེ་ལ་ཨོཾ་ཨཱཿ་སྭཱ་ཧཱ། ཡམ་ཤིང་སྦྱོང་བའི་སྔགས་སོ། །ཨོཾ་ཤྲཱིཾ་སྭཱ་ཧཱ། མར་སྦྱོང་བའི་སྔགས་སོ། །ཨོཾ་སྭ་སྭཱ་ཧཱ། རྫས་
[74a]
[74a.1]བཀྲུ་བའི་སྔགས་སོ། །ཨོཾ་ཛྲིཾ་སྭཱ་ཧཱ། འབྲུ་སྦྱོང་བའི་སྔགས་སོ། །ཨོཾ་ཀུ་རུ་ཀུ་རུ་སྭཱ་ཧཱ། རྫས་ལྷག་མ་རྣམས་སྦྱོང་བའི་སྔགས་སོ། །རིམ་པ་འདིས་ནི་ཡམ་ཤིང་བསྲེག །ཡམ་ཤིང་མེ་ལ་མར་དང་ཏིལ། །དཱུར་བ་འབྲས་དང་ཞོ་ཡི་ཟན། །ཀུ་ཤ་སོགས་དང་
[74a.2]བསྲེག་པར་བྱ། །འཆད་པར་འགྱུར་བ་རང་རང་གི་སྔགས་ཀྱིས་ཡམ་ཤིང་དང་དཱུར་བ་དང་ཀུ་ཤ་ཡང་མིང་མེད་དང་མཐེ་བོས་སོ། །ཐམས་ཅད་དུ་ཞུ་བའི་རྫས་ནི་ཞལ་དུ། །ཡམ་ཤིང་དང་མིའི་རུས་པ་ལ་སོགས་པ་ཡང་འོད་ཀྱི་དཀྱིལ་འཁོར་ལའོ། །ཞོའི་བཟའ་བ་དང་ཟས་སྣ་
[74a.3]ཚོགས་དང་། ཞལ་བསིལ་དང་ཏིལ་ལ་སོགས་པ་ནི་ཕྱག་ཏུའོ། །དྲི་ནི་ཐུགས་ཀར་རོ། །མེ་ཏོག་དབུ་ལའོ། །བདུག་སྤོས་ནི་འབར་བ་ལའོ། །ཞབས་བསིལ་ནི་ཞབས་དག་ལའོ། །མདུན་དུ་མར་མེ་དང་མཆོད་ཡོན་ཀྱང་ངོ་། །མཆོད་ཡོན་གྱི་ཆུ་ནི་ཕྱི་རོལ་གྱི་སྒོད་དུ་བླུགས་སོ་། །
[74a.4]རྫས་རྣམས་དབུལ་བའི་དུས་སུ་ལྷའི་སྔགས་དང་རྫས་ཀྱི་སྔགས་དང་ལས་ཀྱི་སྔགས་དང་གསུམ་སྤེལ་བར་བྱའོ། །དེའི་རྗེས་སུ་ཞབས་བསིལ་ལ་སོགས་པ་དང་བསང་གཏོར་ཡང་བྱས་ཏེ་ལས་དང་རྗེས་སུ་མཐུན་པའི་མེ་འབར་བའི་རྣམ་པར་བྱ་བའམ་དེ་ཉིད་ཀྱི་ཐུགས་ཀར་པཾ་ཡོངས་སུ་
[74a.5]གྱུར་པ་ལས་སྣ་ཚོགས་པདྨ་འདབ་མ་བཞི་བཅུ་རྩ་བརྒྱད་པའི་སྟེང་དུ་རཾ་ཡོངས་སུ་གྱུར་པ་ལས་ཉི་མའི་དཀྱིལ་འཁོར་ལ་ཧཱུཾ་ལྗང་སྔོན་དེ་ཡོངས་སུ་གྱུར་པ་ལས་རྡོ་རྗེ་སྔོན་པོ་རྩེ་ལྔ་པ་ལྟེ་བ་ལ་ཉི་མ་ལ་གནས་པའི་ཧཱུཾ་གིས་བྱིན་གྱིས་བརླབས་པ་དེ་ལས་འོད་ཟེར་ཁ་དོག་སྣ་ཚོགས་པ་འཕྲོས་ཏེ། འགྲོ་
[74a.6]བ་ཐམས་ཅད་དག་པར་བྱས་ཏེ་མཁའ་འགྲོ་རྒྱ་མཚོའི་དཀྱིལ་འཁོར་དུ་སེམས་ཅན་རེ་རེ་ཡང་བྱས་ནས། དེ་རྣམས་གདོད་མ་ནས་གྲུབ་པ་བེམས་པོ་མ་ཡིན་པའི་སེམས་ཅན་ལས་འདས་པ་ཐམས་ཅད་བཀུག་སྟེ། དེ་ཉིད་དུ་ཞུགས་པ་ཡོངས་སུ་གྱུར་པ་ལས་དཔལ་མཁའ་འགྲོ་རྒྱ་
[74a.7]མཚོའི་རྟེན་དང་བརྟེན་པའི་དཀྱིལ་འཁོར་ཐམས་ཅད་དུས་གཅིག་ཏུ་རྫོགས་པར་བྱས་ལ། ཨོཾ་ཨཱཿཀཱ་ཡ་བཱཀ་ཙིཏྟ་བཛྲ་ཧཱུཾ་ཕཊ་ཧོཿ། ཞེས་བརྗོད་པར་བྱའོ། །དེ་ནས་གོ་ཆ་བྱ་བ་དང་དབང་བསྐུར་ཞིང་རིགས་ཀྱི་བདག་པོས་རྒྱས་གདབ་པ་དང་། སློབ་དཔོན་གྱི་སྙིང་ག་ནས་སྤྲོས་
[74b]
[74b.1]པའི་མཆོད་པའི་ལྷ་མོ་རྣམས་ཀྱིས་མཆོད་པ་དང་དེ་རྣམས་ཀྱི་སྔགས་རྣམས་བརྗོད་པས་བསྟོད་པ་དང་གཞན་ཡང་མཆོད་པ་རྣམས་ཀྱིས་མཆོད་པ་དང་། གཙོ་བོ་དང་དཀྱིལ་འཁོར་པ་བསྒོ་བའི་གླུ་བླང་བའི་མཐར་ཐུག་པར་མངོན་པར་རྟོགས་པ་ནས་འབྱུང་བ་བཞིན་བྱའོ། །འོན་ཀྱང་དབང་
[74b.2]བསྐུར་བའི་དུས་སུ་གླུ་དང་རོལ་མོ་དང་བཀྲ་ཤིས་ཀྱི་ཚིགས་སུ་བཅད་པ་དང་བཅས་པས་དངོས་སུ་རྣམ་པར་རྒྱལ་བའི་བུམ་པས་མེ་ལོང་ལས་དབང་བསྐུར་བར་བྱའོ། །དེ་ནས་སྐུ་མདོག་ནི་མངོན་པར་རྟོགས་པ་ལས་འགྱུར་བ་མེད་དེ་ཕྲིན་ལས་ནི་ལས་ཀྱི་དབྱེ་བ་སོ་སོར་བྱ་བ་ཡང་། དེ་
[74b.3]རྣམས་སྤྲོས་པའི་འོད་ཟེར་ལས་སྤྲུལ་པའི་མཁའ་འགྲོ་མ་ལ་སོགས་པ་ནོར་བུ་ཟླ་འོད་ཀྱི་བུམ་པ་བྱང་ཆུབ་ཀྱི་སེམས་ཀྱིས་གང་བ་ལས་བདུད་རྩིའི་རྒྱུན་གྱིས་དབང་བསྐུར་བས་བསྒྲུབ་པར་བྱ་བའི་རིམས་ལ་སོགས་པ་བསལ་བར་བསམ་པར་བྱའོ། །རྒྱས་པ་ལ་ནི་རངས་ཤིང་དགྱེས་པའི་
[74b.4]ཐུགས་ཀྱིས་སྔོན་བཞིན་གྱི་བུམ་པའི་མགྲིན་པ་ནས་བདུད་རྩིའམ་རིན་པོ་ཆེའི་ཆར་གྱིས་བསྒྲུབ་བྱའི་ལུས་སམ་ཁྱིམ་ཡོངས་སུ་དགང་བར་བྱས་ཏེ་བརྗེད་པ་ལ་སོགས་པའམ་ཕོངས་པ་འཇོམས་པར་བྱེད་དུ་གཞུག་གོ། །དབང་ལ་ནི་ཆགས་པའི་ཐུགས་དང་ལྡན་པས་སྔོན་བཞིན་དུ་ཨུཏྤལའི་
[74b.5]དོག་པའི་མདེའུ་ཅན་གྱི་མདས་སྙིང་གར་ཕུག་ནས་དབང་དུ་བྱེད་པ་གཞུག་གོ། །དབང་དགུག་ལ་ཞགས་པ་དང་ལྕགས་ཀྱུ་དག་གིས་བཅིངས་པ་དང་ཕུག་པས་དགུག་ཏུ་གཞུག་གོ། །མངོན་སྤྱོད་ལ་ཁྲོས་པ་དང་ལྡན་པས་བསྒྲུབ་བྱའི་སྟེང་དུ་རྡོ་དང་མེའི་ཆར་བབ་ནས་བསྒྲུབ་བྱ་ཐལ་
[74b.6]བར་བྱེད་དུ་གཞུག་གོ། །སྡང་བ་ལ་སོགས་པ་ལའང་དེ་རྣམས་དང་རྗེས་སུ་མཐུན་པས་མཛད་པར་བསམ་པར་བྱ་སྟེ། དེ་ནས་ཧཱུཾ་གི་ཡི་གེ་ལས་བདུད་རྩི་འཁྱིལ་པས་ཉེ་བར་མཁོ་བ་ཐམས་ཅད་སྔོན་བཞིན་བསང་གཏོར་བྱས་ལ་དེ་ནས་ལས་དང་རྗེས་སུ་མཐུན་པའི་མེ་ཏོག་ལ་སོགས་པས་
[74b.7]མཆོད་པར་བྱ་སྟེ། ཨོཾ་ཨཱཿཔུཥྤེ་པྲ་ཏཱི་ཙྪ་ཧཱུཾ། ཞེས་བྱ་བ་ལ་སོགས་པས་ཞི་བ་ལ་མེ་ཏོག་དཀར་པོ་དྲི་ཞིམ་པས་མཆོད་པར་བྱའོ། །རྒྱས་པ་ལ་སེར་པོས་སོ། །དབང་དང་དགུག་པ་ལ་དམར་པོས་སོ། །ཁྲོ་བ་ལ་དྲི་མི་ཞིམ་པ་དང་དྲི་མེད་པའི་བིལ་བ་དང་ཛ་བ་ལ་སོགས་པའི་མེ་ཏོག་སྟེ། སརྫ་
[75a]
[75a.1]པ་ལ་སོགས་པའི་སྤོས་ཀྱིས་དང་མི་དང་ཉའི་སྣུམ་ལ་སོགས་པས་སོ། །དེ་ནས་ཨོཾ་ཨཱཿཧྲཱིཿཔྲ་བ་ར་སཏྐ་རཾ་པཱ་དྱཾ་པྲ་ཏཱི་ཙྪ་ཧཱུཾ་ཞེས་བྱ་བས་ཞལ་བསིལ་དང་། ཨོཾ་ཨཉྩ་མ་ནཾ་པྲ་ཏཱི་ཙྪ་ཧཱུཾ་ཞེས་བྱ་བས་ཞབས་བསིལ་དང་། ཨོཾ་ཨཱཿཧྲཱིཿཔྲ་བ་ར་སཏྐ་རཾ་ཨརྒྷཾ་པྲ་ཏཱི་ཙྪ་ཧཱུཾ་ཞེས་བྱ་
[75a.2]བས་མཆོད་ཡོན་དབུལ་ལོ། །སྔོན་དུ་ཧཱུཾ་གིས་བསང་གཏོར་ཀྱང་ངོ་། །དེ་ནས་ཕྱི་དང་གསང་བ་བྱས་ལ་ལྷ་ཐམས་ཅད་ཀྱི་ལྗགས་ལས་དང་རྗེས་སུ་མཐུན་པའི་རྡོ་རྗེའི་རྣམ་པ་ལ་ཧཱུཾ་བཀོད་དེ། ཨོཾ་ཧི་ཧི་ཧཱུཾ་ཧཱུཾ་ཕཊ། ཆེ་གེ་མོའི་རོ་གཾ་ཤཱནྟིཾ་ཀུ་རུ་སྭཱ་ཧཱུ་ཞེས་བྱ་བ་ལ་སོགས་པས་དགང་བླུགས་ཅི་ཙམ་
[75a.3]འབྱོར་ཚད་ཕུལ་ཏེ་ཡང་བསང་གཏོར་ལ་སོགས་པ་བྱས་ལ་ལྷ་སོ་སོའི་མིང་སྔགས་དང་རྫས་དང་སྤེལ་ཚིག་དང་བཅས་པ་ཅི་ཙམ་འབྱོར་པ་དབུལ་ལོ། །ཡང་ན་སྔགས་ལ་སྤེལ་བ་དང་བཅས་པའོ། །ཨོཾ་ཤྲཱི་ཧེ་རུ་ཀཱ་ཡ་བིད་མ་ཧེ་བིརྱ་རཱ་ཛཱ་ཡ་དྷི་མ་ཧེ་ཏ་ནུ་བཱི་ར་པྲ་ཙོ་ར་ཡ་ཡ་ཆེ་གེ་མོའི་རོ་
[75a.4]གཾ་ཤཱནྟིཾ་ཀུ་རུ་སྭཱ་ཧཱ། ཞེས་བྱ་བ་ལ་སོགས་པ་ཐམས་ཅད་ཀྱང་བསྲེག་པར་བྱའོ། །དེ་ནས་ལྷ་སོ་སོ་ལ་དགང་བླུགས་བདུན་ནམ་གསུམ་མམ་གཅིག་བསྲེགས་ལ་དེ་ནས་བདུད་རྩི་དང་བཅས་པའི་དགང་བླུགས་ཇི་ལྟར་རྙེད་པ་བསྲེག་པར་བྱའོ། །དེ་ལ་མེ་ལ་སོགས་པའི་ལྷའི་
[75a.5]སྲེག་བླུགས་ཀྱི་སྔགས་ནི་ཨོཾ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། ཞི་བའི་དོན་དུ་ཏིལ་རྣམས་ཀྱིའོ། །ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཚེ་འཕེལ་བ་ལ་དཱུར་བའིའོ། །ཨོཾ་བཛྲ་པུཥྚ་ཡེ་སྭཱ་ཧཱ། རྒྱས་པའི་དོན་དུ་མ་ཆག་ཅིང་དུམ་བུ་མ་རེད་པའི་འབྲས་རྣམས་ཀྱིའོ། །ཨོཾ་སརྦ་སཾ་པ་དེ་སྭཱ་ཧཱ། ཕུན་
[75a.6]སུམ་ཚོགས་པའི་དོན་དུ་ཞོའི་བཟའ་བ་དང་བཟང་པོའིའོ། །ཨོཾ་ཨ་པྲ་ཏི་ཧ་ཏ་བཛྲ་སྭཱ་ཧཱ། བསྲུང་བའི་དོན་དུ་ཏིལ་མར་ལ་བཏགས་པའི་ཀུ་ཤ་རྣམས་ཀྱིའོ། །ཨོཾ་བཛྲ་བི་ཛཱ་ཡ་སྭཱ་ཧཱ། སོ་བ་སྤུ་མེད་པའིའོ། །ཨོཾ་མ་ཧཱ་བ་ལཱ་ཡ་སྭཱ་ཧཱ། མ་ཥའིའོ། །ཨོཾ་བཛྲ་གྷ་སྨ་ར་ཡེ་སྭཱ་ཧཱ། གྲོའིའོ། །
[75a.7]ཨོཾ་བཛྲ་ཡ་ཛྙཱ་ཡ་སྭཱ་ཧཱ། ཨུ་དུམྦཱ་རའིའོ། །ཨོཾ་བོ་དྷི་བྲྀཀྵཱ་ཡ་སྭཱ་ཧཱ། ཨ་ཤྭདྠའིའོ། །ཨོཾ་བཛྲ་མ་ཏཱ་ཡ་སྭཱ་ཧཱ། བླཀྵའིའོ། །ཨོཾ་ཀུ་བ་ར་བ་རཱ་ཡ་སྭཱ་ཧཱ། ནྱ་གྲོ་དྷའིའོ། །ཨོཾ་ས་ཧ་ཀ་རཱ་ཡ་སྭཱ་ཧཱ། ཨ་མྲའིའོ། །ཨོཾ་བཛྲ་རཀྵཱ་ཡ་སྭཱ་ཧཱ། ཨརྐའི་ཡལ་འདབ་ཀྱིའོ། །ཨོཾ་བཛྲ་བྲཧྨ་ཎ་
[75b]
[75b.1]སྭཱ་ཧཱ། པ་ལཱ་ཤའིའོ། །ཨོཾ་བཛྲ་ཏྲཱི་ཡ་སྭཱ་ཧཱ།སེང་ལྡིང་གིའོ། །ཨོཾ་བཛྲ་བྲུ་བཱ་ཡ་སྭཱ་ཧཱ། བེ་ཀཾ་ཀ་ཏའིའོ། །ཨོཾ་བཛྲ་ཤི་པཱ་ཡ་སྭཱ་ཧཱ། ས་མའིའོ། །ཨོཾ་སརྦ་ཏོ་བྷ་ཏྲཱ་ཡ་སྭཱ་ཧཱ། གཾ་བྷི་རའིའོ། །ཨོཾ་བཛྲ་ཤི་ཁ་རཱ་ཡ་སྭཱ་ཧཱ། ཨ་པཱ་མརྒ་ཡིའོ། །འབྲས་སོ་བ་ལ་སོགས་པ་
[75b.2]དབྱངས་སྐྱོང་གི་སྔགས་ཀྱིས་སམ་རྫས་ལྷག་མ་རྣམས་ཀྱང་དེས་བསྲེག་པར་བྱའོ། །བསྲེག་པར་བྱ་བའི་རྫས་ཐམས་ཅད་དྲི་ཆེན་ལ་སོགས་པའི་བདུད་རྩི་ལྔ་ཡིས་གཏོར་བས་བདུད་རྩིའི་དངོས་པོར་ཉེ་བར་དམིགས་ལ་སྲེག་བླུགས་བྱའོ་ཞེས་གསུངས་པ་ནི། གདམས་ངག་གི་རིམ་པ་
[75b.3]ཤེས་པ་ཡིས་སོ། །དེ་ནས་ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སམྦ་ར་སྭཱ་ཧཱ། ཞེས་བྱ་བའི་སྲེག་བླུགས་བདུན་ནས་ཉི་ཤུ་རྩ་གཅིག་གིས་ཤིན་ཏུ་འབར་བར་བྱའོ། །དེ་ནས་ཉེ་བའི་སྙིང་པོས་གང་བའི་སྲེག་བླུགས་ཕུལ་ལ་གཙོ་བོའི་སྙིང་པོ་བཟླས་པས་མཆོད་ཡོན་
[75b.4]དབུལ་བར་བྱའོ། །དེ་ནས་འཐོར་འཐུང་དང་ཞལ་བསིལ་དང་གོས་སར་པ་དང་ཕྱེ་མ་སྤངས་པའི་ཏཱམཱུ་ལ་སྟེ་ཁྲོ་བའི་ལས་ལ་ནི་ཕྱེ་མ་དང་བཅས་པ་བྱིན་ལ་སྔོན་བཞིན་དུ་ཡོངས་སུ་མཆོད་པ་དང་། བསྟོད་པ་ཕྱག་དང་ཨརྒྷ་བྱིན་ལ། མེ་ཏོག་དང་བཅས་པའི་ཐལ་མོ་སྦྱོར་བ་སྙིང་
[75b.5]གར་སྦྱར་ཏེ་དམན་པ་ལ་སོགས་པའི་སྐྱོན་ཞི་བར་བྱ་བའི་དོན་དུ་བཟོད་པར་གསོལ་པ་འདི་ཀླག་གོ། །བདག་བློ་རྨོངས་པས་ཅུང་ཟད་བྲི། །གང་བྱས་ཉེས་བྱས་ལ་ནི་སླར། །གང་ཞིག་ལུས་ཅན་སྐྱབས་རྣམས་ཀྱི། །མགོན་པོས་དེ་ཉིད་བཟོད་པར་མཛོད། །གཙོ་བོ་ནུས་པ་མ་མཆིས་
[75b.6]དང་། །མ་རྙེད་པ་དང་ཡོངས་མ་ཤེས། །བྱ་བ་འདི་ལྟར་བྱས་པ་འདིར། །དེ་དག་ཐམས་ཅད་བཟོད་པར་རིགས། །ཞེས་བྱ་བས་བཟོད་པར་གསོལ་ལ་མངོན་པར་དགའ་བའི་དངོས་གྲུབ་ཀྱང་མངོན་པར་བླངས་ཏེ་དམན་པ་དང་ཤིན་ཏུ་ལྷག་པའི་སྐྱོན་ཞི་བར་བྱ་བའི་ཕྱིར་ཐར་
[75b.7]པའི་བསམ་པས་ཨོཾ་བཛྲ་ས་ཏྭ་ཨཱཿཞེས་བྱ་བ་མང་དུ་བཀླགས་ལ་ཡི་གེ་བརྒྱ་པ་ཡང་བཀླག་པར་བྱའོ། །དེའི་རྗེས་སུ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །ཇི་ལྟར་རྗེས་མཐུན་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་བྱོན་པར་མཛད་དུ་
[76a]
[76a.1]གསོལ། །ཞེས་བྱ་བས་ཡོངས་སུ་བསྐྱོད་པར་བྱ་སྟེ། རང་གི་སྙིང་པོ་ཡི་གེ་གསུམ་གྱི་ནང་དུ་བཅུག་པ་མུཿའི་ཡི་གེའི་མཐའ་ཅན་བཀླགས་པས་རང་གི་བདག་པོའི་དཀྱིལ་འཁོར་བློ་ཡིས་རང་ལ་གཞུག་པར་བྱའོ། །དེ་ནས་མེ་ལྷ་ཡང་ཡོངས་སུ་མཆོད་པ་
[76a.2]དང་། མཆོད་ཡོན་ལ་སོགས་པ་དང་དགང་བླུགས་དང་རྫས་ལྷག་མ་ཐམས་ཅད་ཀྱིས་ལེགས་པར་བསྲེགས་ཏེ་བསང་གཏོར་དང་། ཞལ་བསིལ་ལ་སོགས་པ་དང་། ཕྱེ་མ་སྤངས་པའི་ཏཱམྦུ་ལ་དང་ཁྲོ་བའི་ལས་ལ་ནི་ཕྱེ་མ་དང་བཅས་པ་དང་གོས་སར་པ་ཕུལ་ལ་རྡོ་རྗེ་དང་དྲིལ་བུའི་
[76a.3]སྒྲ་བྱས་པས་བསྟོད་པ་བྱའོ། །ཆོ་ག་འདི་དོན་གྱིས་ནི་རང་གི་མངོན་པར་འདོད་པའི་དངོས་གྲུབ་འཇུག་པར་བྱའོ། །རབ་གནས་ལ་སོགས་པ་ལ་གཞན་གྱི་དོན་དུ་བྱེད་པ་སྟེ་ཁྱད་པར་ནི་འདི་དག་ཡིན་ཏེ། ཡོན་ཕུལ་བའི་སློབ་མ་སྦྱིན་སྲེག་གི་ཁང་པའི་ནང་དུ་བོས་ལ་དེའི་གཡས་པའི་མཐེ་
[76a.4]བོང་གཡོན་པའི་མཐེའུ་ཆུང་གིས་ཡང་དག་པར་བཟུང་ལ་གཡས་སུ་བསྐོར་བ་ལན་གསུམ་བྱས་ཏེ་བླུགས་གཟར་གྱིས་མགོ་བོ་ལ་ལན་གསུམ་བསྐོར་ནས་ཞུགས་ཏེ་སྲེག་བླུགས་བདུན་བསྲེགས་ལ་གང་བའི་སྲེག་བླུགས་སྦྱིན་དུ་གཞུག་པར་བྱའོ། །འཁྱིལ་པ་བཟླས་པའི་སྲུང་སྐུད་དེའི་
[76a.5]ལག་པ་ལ་བཅིངས་ལ་བསང་གཏོར་བྱའོ། །འབྱོར་ན་རྒྱལ་པོ་ལ་སོགས་པ་དགེ་བར་འདོད་པས་གང་བའི་སྲེག་བླུགས་བྱའོ། །དེའི་རྗེས་སུ་མེའི་ཐབ་ཀྱི་ནང་གི་མཐའ་མར་གསེར་དང་དངུལ་ལ་སོགས་པའི་སྣོད་དུ་འབྲས་སཱ་ལུ་དང་། འོ་མ་དང་། མར་དང་། ཁ་ར་དང་། སྦྲང་རྩི་
[76a.6]རྣམས་བླུགས་པ་མེ་ཏོག་གི་ཕྲེང་བ་བཏགས་པ་ཚོས་པའི་ཙཱ་རུ་མེ་ལ་དབུལ་བར་བྱའོ། །དེའི་རྗེས་སུ་ཞབས་བསིལ་ཕུལ་ལ་བསང་གཏོར་དང་ཡོངས་སུ་མཆོད་པ་དང་ཨརྒྷ་ཕུལ་ཏེ། བཟོད་པར་གསོལ་ལ་མངོན་པར་དགའ་བའི་དངོས་གྲུབ་མངོན་པར་བླང་ངོ་། །ཨོཾ་ཨགྣ་ཡེ་སརྦ་
[76a.7]སནྟོ་ཥ་ཎཾ་ཀུ་རུ་མེ་ཡ་ཐཱ་ཀཱ་མེ་སིདྡྷི་དཱ་གཙྪ་ཏུ་ཧཱུཾ་ཧཱུཾ་སྭཱ་ཧཱ། ཞེས་བྱ་བས་གཤེགས་སུ་གསོལ་ལོ། །དེ་ནས་ཙཱ་རུ་དེ་རང་ཡང་བཟའ་ཞིང་སློབ་མ་རྣམས་ལའང་འདི་བགོ་བར་བྱའོ། །དེ་ལྟ་ན་འང་འདི་བརྗོད་པར་བྱའོ། །དེ་བཞིན་གཤེགས་པས་གསོལ་བ་ཡིས། །ལྷག་མ་སྡིག་པ་རྣམས་
[76b]
[76b.1]འཇོམས་པའོ། །ཞེས་བརྗོད་ལ་སྦྱིན་པར་བྱའོ། །དེ་ནས་དམ་ཚིག་དང་ལྡན་པ་འདུས་པ་ལ་ཚོགས་ཀྱི་སྟོན་མོ་བྱའོ། །དེ་ཡང་གཞུང་འདི་ཉིད་ནས་གསུངས་པ། གཞོན་ནུ་མ་མཛེས་གར་བྱེད་དང་། །སྣ་ཚོགས་སིལ་སྙན་རྣམ་བཀྲར་བྱས། །སྣ་ཚོགས་རྒྱན་དང་ལྡན་རྣམས་ཀྱིས། །སྐྱེ་བོ་
[76b.2]ཆེན་པོ་བརྩོན་བཞིན་དང་། །མེ་ཏོག་སྤོས་སོགས་ཀྱིས་སྤྲོ་བར། །འདུས་པའི་དབུས་སུ་བྱ་བའོ། །ཏཱམྦུ་ལ་ཀུན་ཐམས་ཅད་ལ། །དགྱེས་བྱེད་སྦྱིན་པར་བྱ་བ་ཡིན། །ཞེས་སོ། །དེ་ནས་བླ་མ་ལ་ཡོན་དབུལ་བར་བྱ་སྟེ། སློབ་དཔོན་མཆོད་བྱ་ཡང་དག་པར། །རྡོ་རྗེ་འཆང་དུ་བྱས་
[76b.3]ནས་ནི། །མུ་ཏིག་གསེར་དང་རིན་ཆེན་རྣམས། །གླང་རྟ་ས་གཞི་ཡུལ་ལྗོངས་དང་། །བྲན་ཕོ་བྲན་མོ་འཁོར་རྣམས་དང་། །ཆུང་མ་ཕུན་སུམ་ཚོགས་ཀུན་དང་། །གོས་ཟུང་དུ་མ་རྣམས་དང་ནི། །དགྱེས་པའམ་ས་ལ་གང་ཅུང་ཟད། །བདག་ཏུ་ལྟ་བ་དང་བྲལ་བས། །
[76b.4]དབུལ་བྱ་གཙོ་བོ་ཞི་བར་གྱིས། །བདག་ཉིད་དངོས་པོ་ཐམས་ཅད་ཀྱིས། །ཕྱག་བྱས་ནས་ནི་དབུལ་བར་བྱ། །མེ་ཏོག་སྤོས་སོགས་ཐམས་ཅད་རྣམས། །སྟོན་པའི་མདུན་དུ་དབུལ་བར་བྱ། །ཐམས་ཅད་ཉེ་བར་བྱ་བའི་ཕྱིར། །རྡོ་རྗེ་བླ་མ་ལ་དབུལ་བྱ། །དེ་ནས་མེ་བསད་ཞི་
[76b.5]བ་ལ། །འོ་མ་ཡིས་ཏེ་རྒྱས་བསྒྲུབ་ལ། །དྲི་གསེར་རྣམས་ཀྱིས་དབང་དང་ཁྲོ། །འོ་མ་ཁྲག་ཏུ་དཀར་མིན་པའི། །ཞེས་སོ། །སྦྱིན་སྲེག་གི་ཐལ་བ་དང་སོལ་བ་ནི་ལས་ཐམས་ཅད་པའི་བུམ་པར་བླུགས་ལ་ཆུ་ཀླུང་ལ་བསྐུར་བར་བྱའོ། །ལྷ་ཚིམ་པར་བྱེད་པའི་རབ་ཏུ་བྱེད་པའོ།། །།
[76b.6]ད་ནི་ནང་གི་སྦྱིན་སྲེག་བཤད་པར་བྱ་སྟེ། ནང་ལ་མཆོག་ཏུ་གཞོལ་བའི་སྒྲུབ་པ་པོས་འཇམ་ཞིང་ཡངས་པའི་སྟན་ལ་འདུག་སྟེ་སེམས་ཅན་ཐམས་ཅད་ལ་བརྩེ་བ་སྔོན་དུ་སོང་བས། །སྐད་ཅིག་གིས་ཞལ་གཅིག་ཕྱག་གཉིས་པའི་ཕག་མོ་དང་བཅས་པ་བདེ་མཆོག་ཏུ་དམིགས་ལ། རྐང་
[76b.7]པའི་མཐིལ་དུ་ཡཾ་ལས་བྱུང་བའི་རླུང་གི་དཀྱིལ་འཁོར་དང་། དེའི་སྟེང་དུ་རཾ་ལས་མེའི་དཀྱིལ་འཁོར་རོ། །དེ་ནས། ཟླུམ་པོ་ལྟེ་བར་སྐྱེས་པའི་ཐབ། །སྙིང་ག་རུ་ནི་གྲུ་བཞི་པ། །ནོར་བུའི་བུ་གར་ཟུར་དྲུག་པ། །མགྲིན་པ་རུ་ནི་བདུན་པ་སྟེ། །ཟུར་བརྒྱད་པ་ནི་མགོ་བོའོ། །ཟུར་དགུ་པ་
[77a]
[77a.1]ནི་སྨིན་དབུས་སུ། །གཙུག་ཏོར་དུ་ནི་ཟུར་ལྔ་པའོ། །དེ་ལྟར་ཐམས་ཅད་ཀྱང་རྩ་ཐབ་ཀྱི་དབྱིབས་ཅན་དུ་བསྒོམས་ཏེ། ཐམས་ཅད་ཀྱི་དབུས་སུ་ཧཱུཾ་བཾ་སྔོ་བ་དང་དམར་བའི་མདོག་ཅན་ཁ་སྦྱོར་བསམས་ཏེ་གཙུག་ཏོར་ནས་རྡོ་རྗེ་ནོར་བུའི་བར་དུ་རྩ་དབུ་མས་སྦྲེལ་བ་
[77a.2]གཡས་གཡོན་གྱི་རྩ་དང་བཅས་པ་ལེགས་པར་གསལ་བར་བྱས་ཏེ། དེ་ནས་སྟེང་འོག་གི་རླུང་དགག་པའི་སྦྱོར་བས་རྐང་མཐིལ་གྱི་རླུང་གིས་མེ་སྦར་ཏེ། ལུས་ཀྱི་རྩ་ཐམས་ཅད་ཀྱི་བྱང་ཆུབ་ཀྱི་སེམས་བཞུ་ནས་རྩ་གཡས་པ་དང་གཡོན་པར་དྲངས་ལ་དེ་གཉིས་ནས་དབུ་མའི་རྩེ་མོའི་
[77a.3]ཧཾ་ལ་བསྟིམས་ཏེ། དེ་ནས་དབུ་མ་ནས་བབས་པས་འབར་བཞིན་པའི་ཐབ་རྣམས་སུ། བྱང་ཆུབ་ཀྱི་སེམས་ཀྱི་དགང་བླུགས་ཕུལ་བས་ཐམས་ཅད་གང་བར་གྱུར་ཏེ་ལུས་ཀྱི་རྩ་ཐམས་ཅད་དུ་ཡང་འཕྲོས་པར་བསམ་ཞིང་། ཡང་བསྡུ་བའི་སྦྱོར་བ་གོམས་པ་རྒྱུན་མི་འཆད་པར་བྱས་ནས་
[77a.4]དགོས་པ་ཐམས་ཅད་འགྲུབ་པར་འགྱུར་ཏེ། འདི་ནི་ཐམས་ཅད་ལས་ཁྱད་པར་དུ་གྱུར་པ་མན་ངག་དང་བཅས་པ་བླ་མས་གསུངས་པ་ལས་བདག་གིས་དཔེ་མཁྱུད་མ་བྱས་པ་སྟེ། འདི་ནི་ནང་གི་སྦྱིན་སྲེག་གི་རབ་ཏུ་བྱེད་པའོ།། །།དེ་ལྟར་བརྗོད་པའི་སྦྱིན་སྲེག་ཐབས། །བསོད་ནམས་
[77a.5]ཚོགས་ཀྱི་རྒྱུ་དོན་དང་། །ཡེ་ཤེས་ཚོགས་རྫོགས་བྱ་བའི་ཕྱིར། །བཅོམ་ལྡན་འདས་ཀྱིས་རྒྱུད་དུ་གསུངས། །དེ་ལ་མི་གསལ་གང་ཅུང་ཟད། །བླ་མའི་གསུང་གི་རྗེས་འབྲངས་ནས། །གཞན་ལ་ཕན་གྱུར་སྲིད་སྙམ་ནས། །བདག་གིས་གསལ་བར་བྱས་པ་ཡིན། །ཐོས་བྲལ་
[77a.6]རྟོག་པ་དམན་པ་ཡི། །སྐྱེ་བླུན་རྨོངས་པ་ང་རྒྱལ་ཅན། །འབྲེལ་མེད་ལུང་དང་མི་ལྡན་པ། །ངན་རྟོགས་སྣ་ཚོགས་སྦྱོར་མ་ཐོང་ནས། །རབ་འབྱམས་ཐོས་པ་མ་ཡིན་ཀྱང་། །རང་གི་གཞུང་ལུགས་དུ་མ་ལ། །སྐྱེ་བར་རྒྱུན་དུ་གོམས་བྱས་དང་། །ལེགས་སྦྱར་སྐད་ལའང་རྟོག་
[77a.7]སྐྱེས་དང་། །བླ་མའི་ལུང་ཡང་ལེགས་མནོས་པས། །རྩོམ་མི་འོས་པ་བདག་མིན་སྙམ། །བདག་གིས་ལེགས་སྦྱར་བསོད་ནམས་འདིས། །འགྲོ་ཀུན་ཉོན་མོངས་བུད་ཤིང་རྣམས། །གཉིས་མེད་ཡེ་ཤེས་རབ་འབར་བས། །བག་ཆགས་བཅས་པ་སྲེག་གྱུར་ཅིག །དཔལ་མཁའ་འགྲོ་
[77b]
[77b.1]རྒྱ་མཚོའི་རྒྱུད་ཀྱི་སྦྱིན་སྲེག་གི་ཆོ་ག་རིན་པོ་ཆེ་མེ་ཤེལ་མཁས་པ་ཛ་ཡ་སེ་ནའི་གསུང་། དཔལ་ཡེ་ཤེས་རྡོ་རྗེས་བསྒྱུར་བ་རྫོགས་སོ།། །།དཔལ་ལྡན་མཁའ་འགྲོ་རྒྱ་མཚོ་ཡི། །རྒྱུད་རྒྱལ་ཡིད་བཞིན་ནོར་བུའི་གཏེར། །ཡིད་བཞིན་ནོར་བུའི་རིས་རྣམ་གཉིས། །བླ་མའི་གསུང་གི་གྲུར་
[77b.2]ཞུགས་ནས། །བསྐྱེད་པའི་རིམ་པའི་ཕྱོགས་ཉིད་དང་། །རྫོགས་པའི་རིམ་པ་སྣ་ཚོགས་སོ། །དེ་ལ་རྫོགས་པའི་རིམ་པའི་ཕྱོགས། །གྲུབ་པའི་སྐྱེ་བུ་མཚོ་སྐྱེས་ཀྱིས། །རྒྱ་ཆེར་རྒྱུད་འགྲེལ་ཉིད་དུ་བགྲལ། །བསྐྱེད་པའི་རིམ་པའི་མི་གསལ་བ། །མངོན་རྟོགས་དཀྱིལ་འཁོར་ཆོ་
[77b.3]ག་དང་། །སྦྱིན་སྲེག་རབ་གནས་ཚོགས་འཁོར་དང་། །གཏོར་མ་མཎྜལ་ཆོ་ག་རྣམས། །བློ་ཡི་སྙིམ་པ་མ་ཉམས་པས། །ཡིད་བཞིན་ནོར་བུ་རྣམ་པ་བདུན། །ལེགས་པར་བླངས་ནས་འདིར་གཏོར་བའོ། །དེ་ལྟར་བྱས་པའི་དགེ་བ་ཡིས། །འདི་ལྟའི་ནོར་བྲལ་འགྲོ་བ་རྣམས། །
[77b.4]ཚུལ་བཞིན་བླ་མ་གུས་བསྟེན་པས། །རིན་ཆེན་འདི་རྣམས་སྤྱོད་གྱུར་ཅིག །{T1523}༄༅༅། །རྒྱ་གར་སྐད་དུ། སྭ་ཨ་དྷིཥྛའ་ན་ཀྲ་མ་ཨུ་པ་དེ་ཤ་ཀ་སཱ་དྷ་ན། བོད་སྐད་དུ། རང་བྱིན་གྱིས་བརླབ་པའི་མན་ངག་གི་སྒྲུབ་ཐབས་བདག་གི་ལྷ་ལ་ཕྱག་འཚལ་ལོ། །དངོས་
[77b.5]མིན་དངོས་མེད་མ་ཡིན་མཁའ་ལྟར་རོ་མཉམ་རྟོགས་པར་དཀའ་བའི་རང་བཞིན་ཅན། །གཅིག་མིན་དུ་མ་མ་ཡིན་བདག་དང་གཞན་ལ་ཕུན་ཚོགས་ཕན་པ་འབྱུང་བའི་གནས། །གཉིས་མེད་བདེ་ཆེན་བཅོམ་ལྡན་ཧེ་རུ་ཀ་དཔལ་འཇིགས་བྱེད་རྒྱལ་པོ་འབར་བའི་སྐུ། །ཐུབ་པའི་དབང་པོ་
[77b.6]ཐུགས་རྗེ་རྒྱས་ཤིང་བར་ཆད་མེད་པར་གཞན་དོན་རྫོགས་མཛད་རྒྱལ། །དང་པོར་རེ་ཞིག་སྒྲུབ་པ་པོས་ལྷག་པའི་བསམ་པ་རྣམ་པར་དག་པས། ཨོཾ་སྭ་བྷཱ་བ་ཤུདྡྷཿསརྦྦ་དྷརྨཱཿསྭ་བྷཱ་བ་ཤུདྡྷོ྅ཧོ། །ཞེས་བྱ་བའི་སྔགས་བརྗོད་པ་སྔོན་དུ་འགྲོ་བས། གཟུང་བས་དེར་འཛིན་མེད་པའི་
[77b.7]སེམས་ཀྱང་མེད་དེ་ཞེས་ཆོས་ཐམས་ཅད་ཐོག་མ་མེད་པ་ནས་རང་བཞིན་གྱིས་རྣམ་པར་དག་པའི་སྟོང་པ་ཉིད་དུ་ཡུད་ཙམ་གྱིས་མངོན་པར་བྱའོ། །དེའི་རྗེས་ལ་ཆོས་ཀྱི་དབྱིངས་རྣམ་པར་དག་པ་ཉིད་ཀྱི་ངང་ལས། སྐད་ཅིག་གིས་བཅོམ་ལྡན་འདས་ཐུགས་ཀའི་ཆུ་སྐྱེས་དང་ཉི་མ་བཞུགས་
[78a]
[78a.1]པའི་ཧཱུཾ་གིས་དེ་ཉིད་ཁ་དོག་སྔོན་པོ། །རྡོ་རྗེ་སེམས་དཔའི་རང་བཞིན་འོད་ཟེར་དཔག་ཏུ་མེད་པ་འཕྲོ་བ་ཅན་དང་ལྡན་པ་རྟེན་དང་བརྟེན་པའི་ཚུལ་དུ་རྣམ་པ་ཐམས་ཅད་རྫོགས་པར་བལྟ་བར་བྱ་སྟེ། རིན་པོ་ཆེ་སྣ་བཞི་ལས་གྲུབ་པའི་རིའི་རྒྱལ་པོ་རི་རབ་ཟུར་བཞི་བའི་སྟེང་
[78a.2]དུ། སྣ་ཚོགས་པདྨའི་ལྟེ་བ་དང་ཟེ་འབྲུར་ལྡན་པའི་དབུས་སུ་ཉི་མའི་དཀྱིལ་འཁོར་ལ་གནས་པའི་བཅོམ་ལྡན་འདས་རྗེ་བཙུན་དཔལ་ཧེ་རུ་ཀ་སྐུ་མདོག་ཟར་མའི་མེ་ཏོག་སར་པ་ལྟ་བུ་ཞལ་གཅིག་པ། སྤྱན་གསུམ་པ། ཤེས་རབ་ལ་འཁྱུད་པའི་ཕྱག་གཉིས་ཀྱིས་རྡོ་རྗེ་དང་དྲིལ་བུ་
[78a.3]བསྣམས་པ། གཡས་བརྐྱང་བ་འཇིགས་བྱེད་ཆེན་པོ་དང་དུས་མཚན་མནན་པ།མཆེ་བ་གཙིགས་ཤིང་ཞལ་རྣམ་པར་འགྱུར་བ། རལ་པའི་ཅོད་པན་དང་། སྤྱི་གཙུག་ནོར་བུས་བརྒྱན་པ། སྣ་ཚོགས་རྡོ་རྗེ་དང་ཟླ་བ་ཕྱེད་པ་དབུ་ལ་འཛིན་པ་མི་བསྐྱོད་པའི་དབུ་རྒྱན། སུམ་
[78a.4]ཁུགས་སུ་འཁྱོག་ཅིང་དགྱེས་པའི་ཆ་བྱད་ཅན་གྱི་དར་དཔྱང་དང་ཅོད་པན་གྱིས་མཛེས་པར་བྱས་པ། ཐོད་པའི་ཕྲེང་བ་ཅན་སྒེག་པ་ལ་སོགས་པ་གར་གྱི་ཉམས་དགུ་དང་ལྡན་པ། སྟག་གི་པགས་པའི་ན་བཟའ་འཛིན་པའི་མཆོག །མི་མགོ་རློན་པའི་དོ་ཤལ་གྱིས་སྐུ་ལ་བརྒྱན་
[78a.5]པ། དྲི་མ་མེད་པའི་འོད་ཀྱི་ཕྲེང་བ་ཅན་ཕྱག་རྒྱ་དྲུག་དང་ལྡན་པའོ། །དེའི་མདུན་དུ་བཅོམ་ལྡན་འདས་མ་རྡོ་རྗེ་རྣལ་འབྱོར་མ། སྐུ་མདོག་དམར་མོ་གཞོན་ཞིང་མཛེས་མ་ལང་ཚོ་དང་ལྡན་པ། ཞལ་གཅིག་མ། སྤྱན་གསུམ་མ། ཕྱག་གཡས་པ་རྡོ་རྗེ་དང་བཅས་པའི་སྡིགས་
[78a.6]མཛུབ་ཀྱིས་གདུག་པ་ཅན་ཐམས་ཅད་ལ་བསྡིགས་པ། ཕྱག་གཡོན་པ་ཡབ་ལ་འཁྱུད་པས་བདུད་ལ་སོགས་པའི་ཁྲག་གིས་བཀང་བའི་ཐོད་པ་འཛིན་པ། དཔྲལ་བའི་མཚམས་སུ་ཐོད་པ་ལྔས་བརྒྱན་པ། དབུ་སྐྲ་ནག་པོའི་ཚོགས་གྲོལ་བ། ནམ་མཁའི་ན་བཟའ་བསྣམས་པ་
[78a.7]ཕྱག་རྒྱ་ལྔ་དང་ལྡན་མ། མི་མགོ་སྐམ་པོའི་ཕྲེང་བ་ཅན། གཡས་ཀྱིས་བྱིན་པ་ལ་འཁྱུད་ལ། གཡོན་བརྐྱང་མ་བདེ་བ་ཆེན་པོའི་བདག་ཉིད་ཅན། དེ་ལྟ་བུ་དང་ལྡན་པ་སྙོམས་པར་ཞུགས་པའི་དགའ་བས་བརྒྱན་པའི་བཅོམ་ལྡན་འདས་བསྐལ་པའི་མེ་ལྟར་འབར་བའི་གཟི་བརྗིད་
[78b]
[78b.1]ཆེན་པོ་དང་ལྡན་པའི་བདག་ཉིད་བསྒོམ་པར་བྱའོ། །དེ་དག་ནི་བཅོམ་ལྡན་འདས་ཤེས་རབ་དང་བཅས་པའི་སྐུ་རྣམ་པར་དག་པའོ། །དེ་ལས་སྐྱོ་བར་གྱུར་ན། ཨོཾ་ཧྲཱིཿཧ་ཧ་ཧཱུཾ་ཧཱུཾ་ཕཊ། ཅེས་བྱ་བའི་སྔགས་བརྗོད་པར་བྱའོ། །དེ་ནི་དབང་པོ་ཐ་མའི་དམིགས་པ་བྱའོ། །ད་ནི་དབང་པོ་
[78b.2]འབྲིང་གི་ཏིང་ངེ་འཛིན་འོད་གསལ་དུ་འཇུག་པ་དང་ལྡན་པ་བརྗོད་པར་བྱ་སྟེ། དེ་ཡང་རང་གི་ཐུགས་ཀ་ན་གནས་པའི་ཧཱུཾ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཅན་དེའི་སྣང་བས་བརྟན་པ་དང་གཡོ་བའི་རང་བཞིན་ཅན་གྱི་ཁམས་མཐའ་དག་འོད་ཀྱི་རང་བཞིན་དུ་བྱས་པའི་
[78b.3]རྗེས་སུ་གཞིག་པའི་རིམ་པས་མེ་ལོང་ལ་དབུགས་བཞིན་དུ། རིམ་པ་ཇི་ལྟ་བ་བཞིན་ནཱ་དའི་བར་བསྡུས་ཤིང་ཐིམ་ནས། དེ་ཡང་རིམ་གྱིས་ཕྲ་བར་གྱུར་ཏེ། རྡོ་རྗེ་སེམས་དཔའི་རང་བཞིན། ཆོས་སྐུ་འོད་གསལ་བའི་ངོ་བོ། །དབྱེར་མེད་པར་བཞུགས་པ་ལ་བལྟ་བར་བྱའོ། །
[78b.4]སླར་ཡང་གདུལ་བྱའི་བསོད་ནམས་དང་། རང་གི་སྨོན་ལམ་གྱི་ཤུགས་ཀྱིས་ཟུང་འཇུག་ལོངས་སྤྱོད་རྫོགས་པའི་སྐུའི་ངོ་བོར་བཞེངས་ཏེ། དེ་ལས་སྤྲུལ་པ་དཔག་ཏུ་མེད་པ་འཕྲོས་ནས། སེམས་ཅན་གྱི་ཁམས་མཐའ་དག་གི་དོན་བྱེད་པར་བྱའོ། །རིལ་པོར་འཛིན་པ་ནི་རྣམ་གྲངས་
[78b.5]གཞན་ནོ། །གཞན་ཡང་། དབང་པོ་རབ་མཆོག་ཏུ་གྱུར་པས། །ཟུང་འཇུག་ལོངས་སྤྱོད་རྫོགས་པའི་སྐུ། །སྟོང་པའི་ངོ་བོ་བདེ་བ་ཆེ། །ཇི་ལྟར་སྣང་བཞིན་བདེན་སྤངས་པ། །མེ་ལོང་ནང་གི་གཟུགས་བརྙན་བཞིན། །གཟུང་དང་འཛིན་པ་མེད་འགྱུར་ཞིང་། །དམིགས་པ་
[78b.6]ཐམས་ཅད་རྣམ་སྤངས་ཏེ། །སྟོང་དང་མི་སྟོང་ལས་འདས་པ། །དེ་ནི་བདུད་དང་ཉོན་མོངས་ཚོགས། །འཇིགས་མཛད་བདེ་བར་གཤེགས་པའི་འཁོར། །འབར་བའི་ཕྲེང་བ་འཁྲིགས་ཤིང་དྲག །ཧེ་རུ་ཀར་གྲགས་ཆེན་པོར་བཞེངས། །བླ་མའི་དྲིན་ཐོབ་སྒོམ་ཕྱིར་དགའ། །ཤུགས་ཀྱིས་ཡེ་
[78b.7]ཤེས་རབ་སྣང་བས། །ཕྱོགས་བཅུར་གསལ་བར་བྱེད་པར་ཤོག །རང་བྱིན་གྱིས་བརླབ་པའི་རིམ་པའི་མན་ངག་གི་སྒྲུབ་ཐབས་རྣལ་འབྱོར་གྱི་དབང་ཕྱུག་ཆེན་པོ་ཀུ་མཱ་ར་ཤྲཱི་དཔལ་ན་ལེནྡྲའི་གཙུག་ལག་ཁང་དུ་སཾ་སྐྲྀ་ཏའི་སྐད་དུ་མཛད་པ་རྫོགས་སོ།། །།
[79a]
[79a.1]{T1524}༄༅༅། །རྒྱ་གར་སྐད་དུ། ཤྲཱི་གུ་ཧྱ་རཏྣ་ཙིནྡྷ་མ་ཎི་ནཱ་མ། བོད་སྐད་དུ། དཔལ་གསང་བ་རིན་པོ་ཆེ་ཡིད་བཞིན་ནོར་བུ་ཞེས་བྱ་བ། དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །མཁའ་མཉམ་སྤྲིན་ཕུང་འཇའ་ཚོན་འབྲུག་སྒྲ་སྒྲོགས། །མཚུངས་དང་།
[79a.2]རྒྱུན་དྲབ་ཆར་རྒྱུན་གློག་འགྱུ་བ། །རྒྱ་མཚོ་ལས་ནི་ཡིད་བཞིན་ནོར་བུ་འོ་མའི་མཚོ། །འཁོར་ལོས་བསྲུབ་དང་བསྲུབས་པའི་སྦྱོར་བས་གནས་འདིར་རྒྱས། །རྡོ་རྗེ་སྐུ་ལ་ངེས་གནས་པའི། །དཀྱིལ་འཁོར་འཁོར་ལོ་མཆོག་གྱུར་པ། །ཐམས་ཅད་བདག་ཉིད་རྟག་ཏུ་བརྒྱན། །རང་
[79a.3]བྱུང་འདི་ནི་ཧེ་རུ་ཀའོ། །དང་པོར་རེ་ཞིག་སྐྱེ་བོས་བླ་མ་བརྒྱུད་པའི་རིམ་པ་ལས་དཀྱིལ་འཁོར་དུ་དབང་དང་དམ་ཚིག་ཐོབ་པའི་རྣལ་འབྱོར་པས་སེམས་ཅན་མངོན་དུ་བྱས་ཏེ། བྱང་ཆུབ་ཀྱི་སེམས་ཆད་དུ་མེད་པ་བསྒོམ་པར་བྱའོ། །ཧཱུཾ་ཡིག་ནག་པོ་ལས་འོད་ཟེར་གྱི་ཚོགས་དཔག་
[79a.4]ཏུ་མེད་པ་འཕྲོས་པས་རྡོ་རྗེའི་ཚོགས་སུ་གྱུར་པ་དང་། དེ་དག་ལས་འོད་འཕྲོས་ཁྲོ་བོའི་ཚོགས་དཔག་ཏུ་མེད་པར་གྱུར་ནས། ལུགས་དང་ལུགས་ལས་བཟློག་པའི་སྔགས་འདི་བརྗོད་དེ། ཨོཾ་ཧྲཱིཿགྷ་གྷ་གྷཱ་ཏ་ཡ་གྷཱ་ཏ་ཡ། སརྦ་དུ་ཥྚཱན་ཧཱུཾ་ཧཱུཾ་ཕཊ་སྭཱ་ཧཱ་ཞེས་པ་ལས། རྡོ་རྗེ་དང་མེ་
[79a.5]འོད་འབར་བའི་ཚོགས་ཀྱིས་ཕྱོགས་ཐམས་ཅད་དུ་ཁྱབ་པར་གྱུར་པར་བལྟའོ། །དེ་ནས་རང་གི་སྙིང་གའི་ས་བོན་གྱི་འོད་ཀྱིས་བླ་མ་དང་དཀྱིལ་འཁོར་འཁོར་ལོའི་ཚོགས་ནམ་མཁར་བལྟས་ལ། སྡིག་པ་བཤགས་པ་ལ་སོགས་པ་བྱས་ལ་བཟོད་པར་གསོལ་ཏེ། འདི་ལ་མི་སྣང་
[79a.6]བར་གྱུར་ནས་ཕྱི་ནང་བདག་དང་བཅས་པ་ཐམས་ཅད་ངོ་བོ་ཉིད་ཀྱིས་སྟོང་པར་བལྟའོ། །དེའི་ངང་ལས་རྟེན་དང་བརྟེན་པ་མཉམ་པར་རང་བཞིན་གྱིས་གྲུབ་པ། དཀྱིལ་འཁོར་གྱི་འཁོར་ལོ་དུར་ཁྲོད་དང་བཅས་པར་བྱུང་བ་སྟེ། མཁའ་མཉམ་སྟོང་པ་ལས་བྱུང་ཞིང་། །ནམ་མཁའི་
[79a.7]མཁའ་ལ་ལོངས་སྤྱོད་ཅིང་། །ཧེ་རུ་ཀ་དཔལ་དཀྱིལ་འཁོར་མཆོག །བྷ་གའི་དབུས་སུ་བསྒོམ་པར་བྱ། །སྣ་ཚོགས་པདྨ་མི་ཤིགས་པ། །གེ་སར་གསང་བའི་སྤྱོད་ཡུལ་ལས། །ཨཱ་ལི་ཀཱ་ལི་སྦྱོར་དབུས་ཧཱུཾ། །འོད་ཟེར་འཕྲོས་པ་ཡོངས་གྱུར་པས། །ཤྲཱི་ཧེ་རུ་ཀ་ཁྲག་འཐུང་
[79b]
[79b.1]དཔལ། །སྐད་ཅིག་གིས་ནི་སྐུ་རྫོགས་པ། །ཞལ་གཅིག་ཕྱག་གཉིས་སྤྱན་གསུམ་པ། །དུས་མཚན་དང་ནི་འཇིགས་བྱེད་དག །གཡས་བརྐྱང་ཞབས་ཀྱིས་གནོན་མཛད་པ། །བཻ་ཌཱུར་ནམ་མཁའི་རང་བཞིན་ཅན། །རྡོ་རྗེ་འཛིན་པ་ཆེན་པོའི་མཆོག །སྣ་ཚོགས་རྡོ་རྗེ་ཕྱག་རྒྱ་
[79b.2]དྲུག །ཟླ་ཕྱེད་མགོ་ཕྲེང་དག་གིས་བརྒྱན། །སྒེག་སོགས་ཉམས་ཀྱི་རོ་ལྡན་པ། །སྟག་ལྤགས་དར་གྱི་ཅོད་པན་དང་། །ཡིད་བཞིན་ནོར་བུ་སྤྱི་བོར་འཛིན། །རྡོ་རྗེ་ཕག་མོ་སྐུ་ལ་འཁྲིལ། །ཛཱི་བ་སིནྡྷུ་ར་མདོག་མཚུངས། །ཐོད་པ་རྡོ་རྗེ་སྡིགས་མཛུབ་ཅན། །གཅེར་བུ་བཅུ་དྲུག་ན་
[79b.3]དང་ལྡན། །རུས་པའི་འཁོར་ལོ་མགོ་ཕྲེང་དང་། །ཅོད་པན་དུ་མའི་རྒྱན་གྱིས་སྤྲས། །སྐྲ་གྲོལ་མ་ནི་སྤྱན་གསུམ་པ། །བདེ་ཆེན་ཐུགས་རྗེའི་བདག་ཉིད་དོ། །ཆུ་སྐྱེས་ཤར་གྱི་འདབ་མ་ལ། །ཧེ་རུ་ཀ་ནི་སྐུ་མདོག་དཀར། །མཁའ་འགྲོ་མ་དང་གཉིས་མེད་འཁྲིལ། །འཁོར་ལོ་དྲིལ་བུ་
[79b.4]ལེགས་བསམས་པའོ། །ཧེ་རུ་ཀ་ནི་སྐུ་མདོག་ལྗང་། །ལཱ་མ་དང་ནི་གཉིས་སུ་མེད། །བྱང་ཕྱོགས་པདྨའི་འདབ་ལ་གནས། །རྒྱ་གྲམ་དྲིལ་བུ་བསྣམས་པའོ། །ནུབ་ཕྱོགས་པདྨའི་གདན་སྟེངས་སུ། །ཧེ་རུ་ཀ་དཔལ་རཱ་གའི་མདོག །དུམ་སྐྱེས་མ་དང་གཉིས་མེད་པ། །པདྨ་དྲིལ་
[79b.5]བུ་འཛིན་པའོ། །ལྷོ་ཕྱོགས་པདྨའི་ཕྱོགས་ལ་ཡང་། །ཧེ་རུ་ཀ་དཔལ་གསེར་མདོག་ཅན། །གཟུགས་ཅན་མ་ཡིས་སྐུ་ལ་འཁྱུད། །རིན་ཆེན་པད་སྣོད་བསྣམས་པའོ། །དེ་དག་ཀུན་ཀྱང་ཞལ་གཅིག་མ། །ཕྱག་གཉིས་པ་ལ་སྤྱན་གསུམ་པ། །དར་གྱི་ཅོད་པན་ཅན་འཇིགས་བྱེད་དང་
[79b.6]དུས་མཚན་ཞབས་ཀྱིས་མནན་པ་ཕྱག་རྒྱ་དྲུག་གིས་སྤྲས་པ་བདེ་བ་ཆེན་པོའི་བདག་ཉིད་ཅན་ནོ། །མཚམས་ཀྱི་པདྨའི་འདབ་མ་ལ་བྱང་ཆུབ་ཀྱི་སེམས་ཀྱི་སྣོད་ཀ་པཱ་ལ་བདུད་རྩིས་བཀང་བ་བཞིའོ། །རང་བྱིན་བརླབ་པའི་རིམ་པ་སྟེ། །ལུས་ཀྱི་དཀྱིལ་འཁོར་མཆོག་གྱུར་པ། །གནས་
[79b.7]ཀྱི་རིམ་པ་རབ་སྦྱོར་བས། །ལྷན་སྐྱེས་ཡེ་ཤེས་བདག་ཉིད་དོ། །སྦུབས་ཀ་སུམ་མདོ་ལྟེ་སྙིང་ག །རླུང་མེ་ཆུ་ས་རིམ་པ་བཞིན། །སྒལ་ཚིགས་རི་རབ་ལྷུན་པོ་སྟེ། །ཆུ་ཤིང་མེ་ཏོག་ལྟ་བུ་ཡི། །སྙིང་གའི་པདྨ་འདབ་བརྒྱད་པ། །གེ་སར་ལྟེ་བར་བཅས་པ་སྟེ། །ཟླ་ཉི་ཐབས་དང་
[80a]
[80a.1]ཤེས་རབ་བཅས། །ལུགས་དང་ལུགས་མིན་ས་བོན་དབུས། །བཅོམ་ལྡན་ཁྲག་འཐུང་འདས་དཔའ་བོ། །ཞལ་བཞི་པ་ལ་ཕྱག་བཅུ་གཉིས། །གསུམ་གསུམ་སྤྱན་མངའ་འགྱུར་བའི་ཞལ། །ནམ་མཁའི་མདོག་མཚུངས་འོད་འཕྲོ་བ། །དུས་མཚན་དམར་བ་
[80a.2]གཡས་བརྐྱང་དང་། །གཡོན་ཞབས་འཇིགས་བྱེད་ནག་པོ་མནན། །རྩ་བའི་ཞལ་ནི་སྐུ་དང་མཐུན། །གཡས་པ་གསེར་གྱི་འོད་དང་མཚུངས། །རྒྱབ་ནི་པདྨ་རཱ་གའི་མདོག །ཨིནྡྲ་ནཱི་ལ་ཞལ་གཡོན་ནོ། །རྡོ་རྗེ་དྲིལ་བུ་དང་པོ་སྟེ། །གཉིས་པ་གླང་པོའི་པགས་པ་བསྣམས། །
[80a.3]ཌ་མ་རུ་དང་དགྲ་སྟ་དང་། །གྲི་གུག་མདུང་རྩེ་གསུམ་པ་ནི། །གཡས་པའི་ཕྱག་ན་བསྣམས་པའོ། །ཁ་ཊྭཱཾ་ག་དང་ཐོད་ཁྲག་དང་། །རྡོ་རྗེའི་ཞགས་པ་ཚངས་པའི་སྐུད། །ཐོར་ཚུགས་དར་གྱི་ཅོད་པན་ཅན། །ཟླ་ཕྱེད་སྣ་ཚོགས་རྡོ་རྗེ་དང་། །ཡིད་བཞིན་ནོར་བུ་དབུ་ལ་འཇོག །རུས་
[80a.4]པའི་འཁོར་ལོས་སྤྱི་བོར་མཚན། །ཡང་དག་འཁྱུད་པའི་ཕག་མོ་ཡང་། །བདེ་སྟེར་རང་བཞིན་སྐུ་མདོག་དམར། །ཞལ་གཅིག་ཕྱག་གཉིས་གཅེར་བུའི་ཚུལ། །བྱིན་པ་གཉིས་ཀྱིས་མཉམ་པར་འཁྱུད། །རྡོ་རྗེ་ཐོད་པ་བསྣམས་པ་སྟེ། །སྡང་ཕྱོགས་ལ་སྡིགས་སྐྲ་གྲོལ་མ། །
[80a.5]ཕྱག་རྒྱ་ལྔས་སྤྲས་ཡབ་ལ་དགྱེས། །བདེ་ཆེན་ཐུགས་རྗེའི་བདག་ཉིད་དོ། །ཤར་དང་བྱང་དང་ནུབ་དང་ལྷོའི་ཕྱོགས་ཀྱི་འདབ་མ་ལ། མཁའ་འགྲོ་མ་དང་། ལཱ་མ་དང་། དུམ་སྐྱེས་མ་དང་། གཟུགས་ཅན་མ་རྣམས་ནི། མཐིང་ག་དང་། ལྗང་གུ་དང་། དམར་པོ་དང་། སེར་མོའི་
[80a.6]མདོག་རིམ་པ་བཞིན་དུ་ཞལ་གཅིག་པ་ཕྱག་བཞི་མ་སྤྱན་གསུམ་མ་གཡས་གཉིས་ན་ཌ་མ་རུ་དང་གྲི་གུག །གཡོན་གཉིས་ན་ཁ་ཊྭཱཾ་ག་དང་ཐོད་པ་བསྣམས་པ་སྐྲ་གྲོལ་བ། གཅེར་བུ་དུམ་བུའི་སྐེ་རགས་ཀྱིས་བརྒྱན་པ་ཕྱག་རྒྱ་ལྔ་དང་ལྡན་པའོ། །དེ་དག་གི་མཚམས་རྣམས་
[80a.7]སུ་བྱང་ཆུབ་སེམས་ཀྱིས་རབ་ཏུ་གང་བའི་སྣོད་བཞི་བདུད་རྩིའི་བདག་ཉིད་ཅན་ནོ། །དེ་ནས་རབ་ཏུ་བཤད་བྱ་བ། །བུ་ཛཱ་ཨོ་ཨ་གོ་རཱ་དེ་མཱ། །ཀཱ་ཨོ་ཏྲི་ཀོ་ཀ་ལ་ཀཱ་ཧི། །པྲེ་གྲྀ་སཽ་སུ་ན་སི་མ་ཀུ། །ཐུགས་ཀྱི་འཁོར་ལོ་མདོག་མཐིང་ནག །རྡོ་རྗེའི་ཕྲེང་བས་ཡོངས་བསྐོར་བ། །པུལླི་
[80b]
[80b.1]ར་མ་ལ་ཡ་མགོར། །ཐོད་པའི་དུམ་བུ་རབ་གཏུམ་མོ། །ཛཱ་ལ་ནྡྷ་ར་སྤྱི་གཙུག་ཏུ། །ཀེང་རུས་ཆེན་པོ་གཏུམ་མིག་མ། །ཨོཌྜིཎ་རྣ་བ་གཡས་པར་ཡང་། །ཀེང་རུས་ཅན་དང་འོད་ལྡན་མ། །ཨརྦུ་ད་ནི་ལྟག་ཁུང་དུ། །མཆེ་གཙིགས་སྣ་ཆེན་དཔའ་མོའོ། །གོ་དཱ་པ་རཱི་རྣ་བ་གཡོན། །
[80b.2]ལྷ་དགྲ་དཔའ་བོའི་བློ་ཅན་མ། །རཱ་མེ་ཤྭ་རཱི་སྨིན་མའི་དབུས། །འོད་དཔག་མེད་དང་མིའུ་ཐུང་མ། །དེ་བི་ཀོ་ཊ་མིག་ཏུ་ནི། །རྡོ་རྗེ་འོད་དང་ལང་དབང་ཕྱུག །མཱ་ལ་བ་ནི་ཕྲག་པར་ཡང་། །རྡོ་རྗེའི་སྐུ་དང་ཤིང་གྲིབ་སྟེ། །ཐུགས་ཀྱི་རིགས་ལས་ངེས་འབྱུང་བའི། །འདི་དག་ནི་
[80b.3]ནམ་མཁའ་ལ་སྤྱོད་པའོ། །གསུང་གི་འཁོར་ལོ་དམར་བའི་མདོག །པདྨའི་ཕྲེང་བས་ཡོངས་བསྐོར་བ། །ཀཱ་མ་རཱུ་པ་མཆན་ཁུང་དུ། །མྱུ་གུ་ཅན་དང་ས་སྲུང་མ། །ཨོ་ཏྲེ་ནུ་མར་རྡོ་རྗེའོ། །རལ་པ་ཅན་དང་འཇིགས་བྱེད་མའོ། །ཏྲི་ཤ་ཀུ་ནི་ལྟེ་བར་ནི། །དཔའ་ཆེན་རླུང་གི་ཤུགས་
[80b.4]ཅན་མ། །ཀོ་ས་ལ་ནི་སྣ་རྩེར་ཡང་། །རྡོ་རྗེ་ཧཱུཾ་མཛད་ཆང་འཐུང་མ། །ཀ་ལིང་ག་ཁར་རབ་བཟང་དང་། །ལྷ་མོ་སྔོ་བསངས་ལེགས་གནས་ལ། །ལཾ་པ་ཀ་ནི་མགྲིན་པར་ཡང་། །རྡོ་རྗེ་བཟང་དང་རབ་བཟང་མ། །ཀཱ་ཉྩི་སྙིང་གར་དཔའ་བོ་ནི། །འཇིགས་བྱེད་ཆེ་དང་རྟ་རྣ་མ། །ཧི་མཱ་ལ་
[80b.5]ཡ་མདོམས་སུ་ནི། །མིག་མི་བཟང་དང་བྱ་གདོང་མ། །གསུང་གི་རིགས་ལས་ངེས་འབྱུང་བའི། །འདི་དག་ནི་ས་ལ་སྤྱོད་པའོ། །སྐུ་ཡི་འཁོར་ལོ་མདོག་དཀར་ཞིང་། །འཁོར་ལོའི་ཕྲེང་བས་ཡོངས་བསྐོར་བ། །པྲེ་ཏ་པཱུ་རི་མཚན་མ་ལ། །སྟོབས་པོ་ཆེ་དང་འཁོར་ཤུགས་ཅན། །
[80b.6]གྲྀ་ཧ་དེ་བ་བཤད་ལམ་དུ། །རིན་ཆེན་རྡོ་རྗེ་དུམ་སྐྱེས་མ། །སཽ་རཱཥྚ་བརླ་གཉིས་སུ། །རྟ་མགྲིན་ཆང་འཚོང་དཔའ་མོའོ། །སུ་ཝརྡྭི་པ་བྱིན་པར་ཡང་། །ནམ་མཁའི་སྙིང་དང་གོ་ཆ་མ། །ནཱ་ག་ར་ནི་ལག་སོར་ལ། །ཧེ་རུ་ཀ་དང་རབ་དཔའ་མོ། །སིནྡྷུ་རྐང་པའི་བོལ་དུ་ཡང་། །པདྨ་
[80b.7]གར་དབང་སྟོབས་ཆེན་མ། །མ་རུ་མཐེ་བོར་རྣམ་སྣང་དང་། །དཔའ་མོ་འཁོར་ལོས་སྒྱུར་མོའོ། །ཀུ་ལུ་ཏཱ་ནི་པུས་མོར་ཡང་། །རྡོར་སེམས་བརྩོན་འགྲུས་ཆེན་མོའོ། །སྐུ་ཡི་རིགས་ལས་ངེས་བྱུང་བའི། །འདི་དག་ནི་ས་འོག་ལ་སྤྱོད་པའོ། །དཔའ་བོ་དེ་དག་ཐམས་ཅད་ནི་ཞལ་གཅིག་པ།
[81a]
[81a.1]ཕྱག་བཞི་པ། སྤྱན་གསུམ་པ། འཁོར་ལོ་སོ་སོའི་ཁ་དོག་དང་མཐུན་པ། གཡས་དང་པོ་ནི་རིམ་པ་ཇི་ལྟ་བ་བཞིན་དུ་རྡོ་རྗེ་དང་པདྨ་དང་འཁོར་ལོ་སྟེ། གཡོན་དང་པོས་དྲིལ་བུ་འཛིན་ཞིང་ཡུམ་གྱི་སྐུ་ལ་འཁྱུད་པ། འོག་མ་གཉིས་ཀྱིས་ཌ་མ་རུ་དང་ཁ་ཊྭཱཾ་ག་
[81a.2]འཛིན་པ་ཕྱག་རྒྱས་རབ་ཏུ་བརྒྱན་པ་རལ་པའི་ཅོད་པན་ནོ། །དཔའ་མོ་རྣམས་ནི་ཞལ་གཅིག་པ་ཕྱག་གཉིས་ཀྱིས་ཡབ་ལ་འཁྱུད་པས་རྡོ་རྗེ་དང་ཐོད་པ་བསྣམས་ཏེ་ཀུན་གྱི་དཔྲལ་བར་རྡོ་རྗེའི་ཕྲེང་བས་མཚན་པའོ། །ལྕེ་ཡི་ལྐོག་ཏུ་ཁྭ་གདོང་མ། །སྣ་ཡི་རྩེར་ནི་འུག་གདོང་མ། །མཚན་
[81a.3]མའི་རྩེར་ཡང་ཁྱི་གདོང་མ། །བཤད་བའི་ལམ་དུ་ཕག་གདོང་མའོ། །གཤིན་རྗེ་སྲེག་མ་རྣ་བ་གཡས། །གཡོན་པར་གཤིན་རྗེ་ཕོ་ཉ་མའོ། །མཆེ་བ་ཅན་མ་མིག་གཡས་ཏེ། །མིག་གཡོན་གཤིན་རྗེ་འཇོམས་མའོ། །ལྷ་མོ་དེ་དག་ཐམས་ཅད་ཀྱང་། །ཞལ་གཅིག་
[81a.4]ཕྱག་བཞི་སྤྱན་གསུམ་མ། །གཅེར་བུ་ཕྱོགས་ན་གནས་པ་རྣམས་མཁའ་འགྲོ་མ་ལ་སོགས་པ་དང་མཚུངས་ཏེ། མཚམས་རྣམས་སུ་མི་ཕྱེད་དབང་ཕྱུག་གི་གཟུགས་ཅན་ཡིད་འཕྲོག་མ་ཆ་གཉིས་འཛིན་པ། ཕྱག་རྒྱ་ལྔ་དང་དུམ་བུའི་སྐེ་རགས་ཀྱིས་རབ་ཏུ་བརྒྱན་པའོ། །
[81a.5]གནས་དང་ཉེ་བའི་གནས་དང་ཡང་། །ཞིང་དང་ཉེ་བའི་ཞིང་དང་ནི། །ཚནྡོ་ཉེ་བའི་ཚནྡོ་སྟེ། །འདུ་བ་ཉེ་བའི་འདུ་བ་དང་། །དུར་ཁྲོད་ཉེ་བའི་དུར་ཁྲོད་དེ། །ས་བཅུ་རྣམ་པར་དག་པ་ཡི། །སུམ་ཅུ་རྩ་བདུན་ཚུལ་གྱིས་ནི། །བྱང་ཆུབ་ཕྱོགས་ལ་གནས་པ་ཡང་། །རྣམ་པར་མི་
[81a.6]རྟོག་སེམས་བདག་ཉིད། །བདེ་སྟོང་རོ་གཅིག་གྱུར་པའོ། །ཕུང་པོ་ཁམས་དང་སྐྱེ་མཆེད་རྣམས། །ལྷ་ཡི་རྣམ་པར་དག་པའོ། །དེ་ནས་གོ་ཆ་གཉིས་བཤད་དེ། །གནས་ཀྱི་རིམ་པ་སྦྱོར་བ་ཡིས། །རྡོ་རྗེ་སེམས་དཔའ་རྣམ་སྣང་དང་། །ཉི་མ་པདྨ་གར་དབང་ཕྱུག །རྟ་
[81a.7]མཆོག་ཧེ་རུ་ཀ་བདག་ཉིད། །སྔགས་ཀྱི་རྣམ་པ་ལྷ་ཡི་གཟུགས། །རྡོ་རྗེ་ཕག་མོ་གཤིན་རྗེ་མ། །རྨོངས་བྱེད་མ་དང་སྐྲག་བྱེད་མ། །བསྐྱོད་བྱེད་མ་དང་གཏུམ་མོ་སྟེ། །མཁས་པས་ལེགས་པར་དགོད་པར་བྱ། །རང་སྔགས་ལས་བྱུང་འོད་ཟེར་སྤྲོས། །སྔགས་དང་ཕྱག་རྒྱའི་
[81b]
[81b.1]སྦྱོར་བ་ཡིས། །སངས་རྒྱས་བྱང་ཆུབ་སེམས་དཔའི་ཚོགས། །ཕྱོགས་བཅུའི་ཆོས་ཀྱི་དབྱིངས་ལས་འགུགས། །ཨོཾ་ཡོ་ག་ཤུདྡྷ་སརྦ་དྷརྨཿཡོ་ག་ཤུདྡྷོ྅ཧཾ། དེ་ནས་ཡེ་ཤེས་ཀྱི་འཁོར་ལོ་དེ་མཐོང་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩཏུ་མཱཾ་ཞེས་བརྗོད་པར་བྱའོ། །སྤྱན་མ་ལ་
[81b.2]སོགས་པའི་ལྷ་མོ་རྣམས་ཀྱིས་རིན་པོ་ཆེའི་བུམ་པ་བདུད་རྩིའི་ཆུ་རྒྱུན་གྱི་ཆར་འབེབས་ཤིང་། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ས་མ་ཡ་ཤྲཱི་ཡེ་ཧཱུཾ། དེ་དག་རྗེས་སུ་ཆགས་པའི་སྦྱོར་བ་ལས་བྱུང་བའི་བྱང་སེམས་ཀྱི་རྒྱུན་གྱིས་དབང་བསྐུར་ཞིང་བདེ་བ་ཆེན་པོའི་ངོ་བོར་གྱུར་པའོ། །རྣལ་
[81b.3]འབྱོར་ཀུན་གྱི་སྦྱོར་བ་ཡིས། །རོ་གཅིག་གྱུར་པར་བསྒོམ་པར་བྱའོ། །ཐུགས་གསུང་སྐུ་ཡི་ཡེ་ཤེས་ཆེ། །སྲོག་དང་རྩོལ་བ་ཡང་དག་སྤྲོ། །ཧཱུཾ་ཨཱཿཨོཾ་བཾ། རིམ་པ་བཞིན་གསལ་བར་བྱས་ནས། སྤྲོ་དང་བསྡུ་བའི་བདག་ཉིད་དུ་གནས་པར་བྱ་སྟེ། ཨོཾ་ཤྲཱི་བཛྲ་ཧེ་ཧེ་རུ་རུ་
[81b.4]ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛྭ་ལ་ས་མྦ་རཾ་སྭཱ་ཧཱ། ཨོཾ་ཧྲི་ཧ་ཧ་ཧཱུཾ་ཧཱུཾ་ཕཊ། ཨོཾ་སརྦ་བུདྡྷ་ཌཱ་ཀི་ནཱི་ཡེ། བཛྲ་ཝརྞྞ་ནཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་བཻ་རོ་ཙེ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཤྲཱི་བུདྡྷ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སམྦ་ར་སྭཱ་ཧཱ། ཨོཾ་ཤྲཱི་པདྨ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་
[81b.5]ཀི་ནཱི་ཛཱ་ལ་སམྦ་ར་སྭཱཧཱ། ཨོཾ་ཤྲཱི་པདྨ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སམྦ་ར་སྭཱ་ཧཱ། ཨོཾ་ཤྲཱི་རཏྣ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ཧཱི་ཛཱ་ལ་སམྦ་ར་སྭཱ་ཧཱ། ཨོཾ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ། ཨོཾ་ཡཱ་མེ་ཧཱུཾ་ཧཱུཾ་ཕཊ། ཨོཾ་ཁཎྜ་རོ་ཧ་ཧཱུཾ་ཧཱུཾ་ཕཊ། ཨོཾ་རཱུ་པི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ན་མོ་བྷ་ག་ཝ་ཏེ་ཝཱི་རེ་
[81b.6]ཤཱ་ཡ་ཧཱུཾ་ཧཱུཾ་ཕཊ། ཨོཾ་མ་ཧཱ་ཀལྤཱགྣི་སནྣི་བྷཱ་ཡ་ཧཱུཾ་ཧཱུཾ་ཕཊ། ཨོཾ་ཛ་ཊཱ་མ་ཀུ་ཊོཏྐ་ཊཱ་ཡ་ཧཱུཾ་ཧཱུཾ་ཕཊ། ཨོཾ་དཾཥྚྲ་ཀ་རཱ་ལོ་གྲ་བྷི་ཥ་ཎ་མུ་ཁཱ་ཡ་ཧཱུཾ་ཧཱུཾ་ཕཊ། ཨོཾ་ས་ཧཱ་སྲ་པྲ་བྷཱུ་ཛཱ་བྷཱ་སུ་རཱ་ཡ་ཧཱུཾ་ཧཱུཾ་ཕཊ། ཨོཾ་པ་ར་ཤུ་པཱ་ཤོ་དྱཾ་ཏ་ཤཱུ་ལ་ཁ་ཊྭཾ་ག་དྷ་རི་ཎི་ཧཱུཾ་ཧཱུཾ་ཕཊ། ཨོཾ་མ་ཧཱ་དྷུ་མཐཱ་ནྟཱ་ཀཱ་ར་ཝ་པུ་ཥཱ་ཡ་ཧཱུཾ་ཧཱུཾ་ཕཊ།
[81b.7]བ་སྤུའི་བུ་གའི་རྩེ་མོ་ལས་འཕྲོས་པའི་ལོངས་སྤྱོད་རྫོགས་པའི་འཁོར་ལོ་དཔག་ཏུ་མེད་པས་འཇིག་རྟེན་གྱི་ཁམས་ཐམས་ཅད་སྣང་བར་བྱས་ནས་ཆོས་ཀྱི་འཁོར་ལོ་བསྐོར་ཏེ། སླར་ཚུར་འདུས་པས་རོ་གཅིག་ཟག་པ་མེད་པའི་ཡེ་ཤེས་སུ་ཐིམ་པའོ། །དཔའ་བོ་ཉི་ཤུ་རྩ་བཞི་ཡིས། །
[82a]
[82a.1]ལུས་ཀྱི་ཁམས་ལ་རྣམ་པར་བརྟག །འགྲོ་བ་རིགས་དྲུག་ལ་བསྒྲལ་ནས། །བླ་ན་མེད་པའི་གནས་སུ་གཞག །སྐུ་གསུང་ཐུགས་ཀྱི་རང་བཞིན་ལས། །ཡི་གེ་གསུམ་གྱི་བདག་ཉིད་ཀྱིས། །མཐོ་རིས་མི་ལུས་ས་འོག་ཏུ། །ལུས་ཅན་དེ་ནི་སྐུ་གཅིག་འགྱུར། །
[82a.2]མཉམ་ཉིད་གནས་པའི་སེམས་ཀྱིས་ནི། །རྣལ་འབྱོར་དབང་ཕྱུག་ལྡང་བ་ན། །མཁའ་འགྲོ་མ་ཡི་བདེ་བའི་མཆོག །ཀླུས་བསྐུལ་བ་ནི་དྲན་པར་བྱ། །ཐོག་མར་བླ་མ་མཆོད་པ་དང་། །རྡོ་རྗེ་སེམས་དཔའི་རང་བཞིན་ལས། །དབང་བསྐུར་རོལ་བའི་བདེ་ཆེན་པོ། །སྐད་ཅིག་གིས་ནི་ཀུན་
[82a.3]ཁྱབ་པའོ། །སྐུ་གསུང་ཐུགས་ལ་གནས་པར་བྱ། །མཉམ་པར་མ་བཞག་རྣལ་འབྱོར་གྱིས། །སྙིང་རྗེ་ཆེན་པོའི་ཡིད་ཀྱིས་ནི། །ཁམས་གསུམ་པ་ཡི་སེམས་ཅན་ཀུན། །ཤྲཱི་ཧེ་རུ་ཀར་བལྟ་བྱ་ཞིང་། །བྱང་སེམས་ཆུ་རྒྱུན་ཁྲུས་བྱ་སྟེ། །བཅུ་ཕྱེད་བདུད་རྩིའི་ཟས་ལས་བཟའ། །
[82a.4]གཅེར་བུ་སྐྲ་གྲོལ་ལྷོར་བལྟས་ལ། །བརྟུལ་ཞུགས་ཅན་གྱིས་གཏོར་མ་སྦྱིན། །གསང་བའི་རིམ་པར་བསྟན་པའོ། །སྤྲོས་པ་ཀུན་ལ་དམིགས་ནས་ནི། །སྤྲོས་པས་སྤྲོས་པ་མེད་པར་བྱ། །སྤྲོས་པ་ཉིད་ནི་སྤྲོས་མེད་བྱེད། །སྤྲོས་བྲལ་བདེ་བ་ཆེན་པོ་སྟེ། །བརྟན་དང་གཡོ་བའི་
[82a.5]འཇིག་རྟེན་ཀུན། །མ་ལུས་ལུས་པ་མེད་འགྲུབ་ཅིང་། །དེ་ཉིད་མྱུར་བ་ཉིད་དུ་ཡང་། །བདེ་མཆོག་དམ་པ་འགྲུབ་པ་ཡིན། །བཅོམ་ལྡན་སྐུ་གསུང་ཐུགས་ལ་བཞུགས། །ཨཱ་ལི་ཀཱ་ལི་མཉམ་གནས་པ། །འཁོར་ལོ་ལ་ནི་ངེས་པར་བསྐོར། །སྟེང་དུ་འབར་བའི་ཚུལ་གྱིས་ནི། །
[82a.6]འོག་ཏུ་འབབ་པ་ངེས་པའི་ཕྱིར། །ཟག་མེད་དྲི་མེད་བདེ་བའི་དངོས། །འཆི་མེད་ཐིག་ལེའི་ངོ་བོ་ནི། །ས་བོན་ཚུལ་གྱིས་འབབ་པར་འགྱུར། །རྟག་ཏུ་སྙིང་གི་དབུས་གནས་པ། །འོད་གསལ་བདེ་བ་ཆེན་པོ་ནི། །ཉི་མ་ཟླ་བ་རྣམ་དག་པ། །འཆར་དང་ནུབ་པར་བསྟན་པ་ཡིན། །
[82a.7]སྡིག་པ་ཀུན་ལས་རྣམ་གྲོལ་ཞིང་། །བསོད་ནམས་ཐམས་ཅད་རྣམ་པར་འཕེལ། །དེ་ཉིད་སངས་རྒྱས་ཡེ་ཤེས་ཏེ། །གཞན་དུ་རྙེད་པར་མི་འགྱུར་རོ། །ལུས་མེད་དྲི་མ་མེད་པ་སྟེ། །ལོངས་སྤྱོད་རྫོགས་པའི་སྐུ་རང་བཞིན། །ཡེ་ཤེས་སྐུ་ནི་དྲི་མ་མེད། །སྐྱེ་བ་དེ་ཉིད་ལ་ཐོབ་འགྱུར། །
[82b]
[82b.1]ཐབས་དང་ཤེས་རབ་སྙོམས་འཇུག་ཅིང་། །གཉིས་ཐིམ་བཅུ་དྲུག་ཆ་ཕྱེད་ཅན། །ཟག་བཅས་བདེ་མེད་གཉིས་སྤངས་པ། །གསང་བ་དགའ་བའི་རང་བཞིན་ནོ། །དམ་ཚིག་གསང་བ་ཆེན་པོ་ཡི། །སྐུ་གསུང་ཐུགས་ལ་མཉམ་མེད་ལ། །རང་གི་མཚན་ཉིད་ངོ་བོ་སྟོང་། །རྟོག་པ་
[82b.2]གཉིས་ནི་རྣམ་བྲལ་བའོ། །འདས་པ་དང་ནི་ད་ལྟར་ཡང་། །མ་འོངས་པ་ཡི་དུས་གསུམ་པོ། །ལྷན་སྐྱེས་ཡེ་ཤེས་མཆོག་བདེ་བ། །དྲི་མེད་མཁའ་ལྟར་དག་པའི་བདག །གསང་བ་སེམས་ཀྱི་སྤྱོད་ཡུལ་ལས། །ཟུང་དུ་འཇུག་པའི་ངོ་བོར་ནི། །མི་རྟོག་པ་ལ་རབ་གནས་
[82b.3]ན། །མཆོག་གི་སྐུ་ནི་ངེས་པར་འཐོབ། །བསྒོམ་པ་འདི་ནི་མཆོག་ཡིན་ཏེ། །འདོད་པའི་དངོས་གྲུབ་བླ་ན་མེད། །རྣལ་འབྱོར་སྐྱེ་བ་འདི་ཉིད་ལ། །རྡོ་རྗེ་འཆང་གི་ས་ཐོབ་པའོ། །རྣལ་འབྱོར་བ་རྣམས་འཕོ་བའི་ཚེ། །དཔལ་ལྡན་ཁྲག་འཐུང་ལ་སོགས་པ། །རྣལ་འབྱོར་མ་
[82b.4]ཡི་ཚོགས་རྣམས་ཀྱིས། །མེ་ཏོག་སྣ་ཚོགས་ལག་ན་ཐོགས། །རྒྱལ་མཚན་བ་དན་སྣ་ཚོགས་དང་། །གླུ་ཡི་མཆོད་པ་སྣ་ཚོགས་ཀྱིས། །འཆི་བ་ཞེས་འདི་རྣམ་རྟོག་སྟེ། །མཁའ་སྤྱོད་གནས་སུ་འཁྲིད་པར་བྱེད། །དཔལ་འཁོར་ལོ་བདེ་མཆོག་གསང་བ་རིན་པོ་ཆེ་ཡིད་བཞིན་
[82b.5]ནོར་བུ། དཔལ་ཨུ་རྒྱན་གནྡྷོ་ལའི་གཙུག་ལག་ཁང་ནས། དྲི་མེད་ཡེ་ཤེས་མཁའ་འགྲོ་མས་རྗེ་བཙུན་ཏི་ལོ་བ་ལ་གདམས་པ། དཔལ་བདེ་མཆོག་འཁོར་ལོའི་སྒྲུབ་ཐབས་སྙན་ནས་སྙན་དུ་བརྒྱུད་པའི་སྙིང་པོ་དཔལ་ནཱ་རོ་པས་མཛད་པའོ།། །།རྒྱ་གར་གྱི་པཎྜི་ཏ་
[82b.6]ཤྲཱི་ནཱ་རོ་པ་ཆེན་པོ་དང་། བོད་ཀྱི་ལོ་ཙཱ་བ་མར་བ་ཆོས་ཀྱི་བློ་གྲོས་བདག་གིས་ཞུས་ཏེ་བསྒྱུར་བའོ།། {T1525}༄༅༅། །རྒྱ་གར་སྐད་དུ། གུ་ཧྱ་རཏྣ། བོད་སྐད་དུ། གསང་བ་རིན་པོ་ཆེ། །དཔལ་བདེ་མཆོག་ལ་ཕྱག་འཚལ་ལོ། །དང་པོ་རེ་ཞིག་རྣལ་
[82b.7]འབྱོར་བས། དུར་ཁྲོད་ལ་སོགས་པར་སྟན་བདེ་བ་ལ་འདུག་སྟེ་ཁ་ལྷོ་ཕྱོགས་སུ་བལྟས་ནས། འགྲོ་བ་ཐམས་ཅད་བདེ་ཆེན་ཟུང་འཇུག་ཐོབ་པར་བྱ་བའི་བསམ་པ་སྔོན་དུ་འགྲོ་བས། མདུན་དུ་བླ་མ་རྡོ་རྗེ་འཛིན་པ་དང་ལྷག་པའི་ལྷ་བལྟས་ལ་གསོལ་བ་གདབ་པར་བྱའོ། །དེ་ནས་
[83a]
[83a.1]མི་སྣང་བར་གྱུར་ཏོ། །དེའི་ངང་ལས་བདག་ཉིད་ཀྱི་སྤྱི་བོར་ཨ་ལས་བསྐྱེད་པའི་སྟེང་དུ་ཧཾ་ཡིག་ནག་པོ་ལས་འོད་ཟེར་འཕྲོས་པ་ལས་རྡོ་རྗེ། དེ་ལས་བདེ་མཆོག་ཡབ་ཡུམ་གཉིས་སུ་མེད་པར་འཁྲིལ་བའི་ལྷའི་སྐུ་འཇའ་ཚོན་ནམ། ཆུ་ཟླ་ཤར་བ་ལྟ་བུའི་སྒྱུ་མའི་
[83a.2]རྣམ་པར་བསྒོམ་པར་བྱའོ། །དེ་ལ་རང་གིས་མཆོད་པ་རྣམ་པ་ལྔ་སྤྲོས་ལ་དབུལ་བར་བྱའོ། །དེ་ནས་གསོལ་བ་གདབ་པ་ནི། །བདེ་ཆེན་དཔལ་གྱི་མགོན་པོ་ཡིས། །སངས་རྒྱས་སྐྱོབ་པ་ཇི་ལྟ་བར། །དག་པའི་དེ་ཉིད་སྟོན་མཛད་པ། །དི་རིང་བདག་ལ་མགོན་དགྱེས་མཛོད། །
[83a.3]ཅེས་གསོལ་བ་བཏབ་པས་ཡབ་ཡུམ་གྱི་སྦྱོར་མཚམས་ནས་བྱང་ཆུབ་ཀྱི་སེམས་དཀར་དམར་བབ་པས་རྩ་གསུམ་ལ་བརྒྱུད་ཅིང་། ལུས་དང་ངག་དང་ཡིད་དག་པར་བྱས་ནས་ལུས་བདེ་བའི་རང་བཞིན་དུ་གསལ་བའོ། །ལྟེ་བར་གཏུམ་མོ་སྦར་བ་ཡིས། །དེ་བཞིན་གཤེགས་པ་ལྔ་
[83a.4]བསྲེགས་ཏེ། །སྤྱན་ལ་སོགས་པ་ཡང་བསྲེགས་ནས། །ཧཾ་ལས་བདུད་རྩི་ཟླ་རྒྱུན་འབབ། །རྟེན་དང་བརྟེན་པ་མཉམ་ལྡན་པས། །གཅིག་ཏུ་ཞུ་ཞིང་བདེ་བ་ཆེ། །རྣལ་འབྱོར་མ་ཡི་ཌ་མ་རུ། །སྒྲ་ཡིས་བསྐུལ་གྱུར་བཞེངས་པར་བྱ། །པདྨ་ཉི་མའི་གདན་སྟེང་ན། །ཞལ་གཅིག་
[83a.5]ཕྱག་གཉིས་བརྐྱང་བསྐུམ་ཚུལ། །རྡོ་རྗེ་དྲིལ་བུ་ལག་ན་ཐོགས། །སྐུ་ནི་བེེ་ཌཱུརྱའི་རང་བཞིན། །ཕྱག་རྒྱ་དྲུག་གིས་སྤྲས་པའི་སྐུ། །འོད་ཟེར་འབར་བ་ཟླ་ཚེས་དང་། །ཡིད་བཞིན་ནོར་བུ་དབུ་ལ་འཇོག །འཇིགས་བྱེད་ཆུང་མར་བཅས་པ་མནན། །རྡོ་རྗེ་ཕག་མོ་ཞལ་གཅིག་མ། །
[83a.6]ཕྱག་གཉིས་ཀྱིས་ནི་ཡབ་ལ་འཁྱུད། །རྡོ་རྗེ་དང་ནི་ཐོད་པ་འཛིན། །གཙོ་བོ་ལ་ནི་བདུད་རྩི་སྟོབས། །སྐུ་ནི་བནྡྷུ་ཀ་ལྟར་དམར། །ཕྱག་རྒྱ་ལྔ་ཡིས་བརྒྱན་པའོ། །གཉིས་མེད་བདེ་བའི་རང་བཞིན་ཅན། །གསལ་བའི་སྐུ་ནི་བསྒོམ་པར་བྱ། །ཨོཾ་ཧྲིཿཧ་ཧ་ཧཱུཾ་ཧཱུཾ་ཕཊ། སྙིང་པོའི་
[83a.7]སྔགས་འདི་དང་ཡིད་ཀྱི་དབྱེ་བས་སྦྲུལ་འཁྱིལ་པ་ལྟ་བུར་དམིགས་ལ་བཟླས་པར་བྱའོ། །དེ་ལས་མཐར་ལུས་དང་ངག་དང་ཡིད་ཨོཾ་ཨཱཿཧཱུཾ་དུ་གྱུར་པས་བསྡུས་ལ་ཆོས་ཐམས་ཅད་བདག་མེད་པའི་ངང་ལ་སྟོང་པར་འགྱུར་རོ། །གང་ཞིག་དེ་ཉིད་ཤེས་པ་ནི། །དེང་འདིར་རྣལ་འབྱོར་
[83b]
[83b.1]བ་ཉིད་དུ། །ཐེ་ཚོམ་མེད་དེ་འདི་ཉིད་དུ། །མཁའ་འགྲོ་དྲ་བའི་བདེ་མཆོག་ཡིན། །སེམས་ལ་རྣམ་གནས་རྣལ་འབྱོར་བ། །མྱ་ངན་འདས་པ་མི་སྟོན་ཏོ། །སློབ་དཔོན་མི་བསྐྱོད་རྡོ་རྗེས་མཛད་པའི་མན་ངག་སྙན་ནས་སྙན་དུ་བརྒྱུད་པ་རྫོགས་སོ།། །།པཎྜི་ཏ་དེ་ཉིད་དང་། ལོ་ཙཱ་
[83b.2]བ་མར་པ་ཆོས་ཀྱི་བློ་གྲོས་ཀྱིས་བུ་ལ་ཧ་རིའི་དགོན་པར་བསྒྱུར་བའོ།། {T1526}༄༅༅། །རྒྱ་གར་སྐད་དུ། ཨ་མྲྀ་ཏ་མཱ་རི་ཙཱ་ནཱ་མ། བོད་སྐད་དུ། བདུད་རྩི་འོད་ཟེར་ཅན་ཞེས་བྱ་བ། དཔལ་བདེ་མཆོག་འཁོར་ལ་ཕྱག་འཚལ་ལོ། །འཁོར་ལོ་པདྨ་དང་འདྲ་
[83b.3]བ། །རང་གི་གནས་ནི་ཉིད་དུ་འཁྱིལ། །སངས་རྒྱས་ཀུན་གྱི་གསང་བ་སྟེ། །འགྲོ་བ་ཀུན་ལ་རང་བཞིན་གནས། །ཡང་དག་པ་སྟེ་རབ་ཏུ་བཤད། །ཡང་དག་པ་ཡང་རྣམ་པ་བཞི། །དེ་ནི་ལུས་ལ་རང་བཞིན་གནས། །འདི་ལྟར་ཤེས་པའི་ལུས་ཉིད་ནི། །བདེ་བ་ཆེན་པོ་
[83b.4]སྐུ་ཞེས་བྱ། །ལྟེ་བར་གསང་བ་དྲུག་ཅུ་བཞི། །སྤྲུལ་པའི་ཡིག་འབྲུ་དཀར་པོ་དགོད། །ཨཱ་ལི་ཀཱ་ལི་གཡས་དང་གཡོན། །ཡེ་ཤེས་བཞི་ཡི་ཡི་གེ་བསམ། །དབུས་ཀྱི་རི་བོང་འཛིན་པར་རོ། །སྤྲུལ་པའི་འཁོར་ལོ་ཞེས་སུ་བཤད། །སེམས་ཀྱི་གནས་ལུགས་ཆོས་སྐུའི་བརྒྱད། །
[83b.5]ཁ་དོག་དཀར་པོའི་ཡི་གེ་དགུ། །ཧཱུཾ་བྷཱུཾ་ཏྲཱཾ་ཧྲཱིཾ་ཁཾ་ཡིག་རྣམས། །དབུས་ནས་བྱང་དུ་རིམ་བཞིན་དགོད། །མཚམས་སུ་ལཱཾ་མཱཾ་པཱཾ་ཏཱཾ་ལ་སོགས་པ་བཞིའོ། །མཚན་མ་མེད་པའི་སྐུ་ཞེས་བཤད། །ལོངས་སྤྱོད་རྫོགས་སྐུ་བཅུ་དང་དྲུག །མགྲིན་པའི་གནས་སུ་ཡང་དག་སྐྱེས། །དེ་ཡི་རི་
[83b.6]བོང་འཛིན་པར་ཨཾ། །ཨ་ཝ་ར་ལ་ཡི་གེ་རྣམས། །ཤར་ནས་བྱང་དུ་རིམ་བཞིན་ནོ། །རྟོག་ཡུལ་ཆུ་རླུང་གཉིས་ཀྱིས་གནས། །འབྱུང་བཞི་རྟགས་ནི་འཛིན་པར་བཤད། །ས་བོན་ཟླ་བ་རྒྱས་པ་འདྲ། །བདེ་བ་ཆེན་པོའི་གནས་སུ་འཁྱིལ། །སུམ་ཅུ་རྩ་གཉིས་ཡང་དག་གནས། །དེ་ཡི་
[83b.7]གནས་ན་ཨཱ་ལི་གཉིས། །གཡས་དང་གཡོན་གཉིས་མགོ་དང་མཇུག །གཅིག་ཏུ་སྤྲད་པས་བརྒྱན་པ་ཡིན། །དེ་དབུས་ཧཾ་སྟེ་པྲ་མ་ཎ། །ལོངས་སྤྱོད་གྱེན་ལ་བདེ་ཆེན་ཐུར། །ཐབས་དང་ཤེས་རབ་ཚུལ་དུ་གནས། །ཆོས་དང་སྤྲུལ་པ་དེ་བཞིན་ནོ། །ཀུན་གྱི་དབུས་ན་རི་བོང་འཛིན། །
[84a]
[84a.1]འཁོར་ལོ་ཡི་གེ་ཁ་དོག་དཀར། །ཡཾ་ལས་འབྱུང་བ་རླུང་གི་དཀྱིལ། །ཧ་གཉིས་གནས་སུ་བསམ་པར་བྱ། །དེ་སྟེང་རང་བྱུང་གྲུ་གསུམ་བསམ། །རང་གི་གནས་སུ་བསམ་པར་བྱ། །དེ་ལྟར་རང་བཞིན་ཀུན་ཤེས་ནས། །ཡེ་ཤེས་ཆེན་པོའི་བྱིན་རླབས་ལས། །རླུང་
[84a.2]གིས་མེ་བུས་དྲུག་ཅུ་འབར། །དེ་ཉིད་ཡེ་ཤེས་ཞེས་བྱ་བ། །དེ་བཞིན་གཤེགས་པ་ལྔ་བསྲེགས་ཏེ། །སྤྱན་ལ་སོགས་པ་ཡང་བསྲེགས་ནས། །ཧཾ་ལས་བདུད་རྩི་ཟླ་རྒྱུན་འབབ། །ཀུན་གྱི་ལུས་བསྲེགས་མགོར་ཕྱིན་བསམ། །ལོངས་སྤྱོད་གསུམ་བསྐོར་འབྱུང་བཞི་བསྲེགས། །དེ་
[84a.3]ནས་གཡས་ཕྱུང་སངས་རྒྱས་ནས། །སེམས་ཅན་ཀུན་བསྲེགས་དབུ་མ་གཡོན། །ཐིམ་སྟེ་བདེ་ཆེན་གཡོན་ནས་བསྐོར། །བསྲེགས་པས་རྣ་བ་གཡས་སུ་འདུ། །མཁའ་འགྲོ་མ་ཀུན་སེམས་གཅིག་བྱེད། །ཨ་བ་དྷཱུ་ཏཱིའི་གནས་ནས་བྱུང་། །སངས་རྒྱས་སེམས་ཅན་གཉིས་མེད་
[84a.4]བསྲེགས། །སྟེང་གི་ཞལ་དུ་པྲ་མ་ཎ། །བདེ་བ་ཆེན་པོའི་ལུས་ཀྱང་སྐྱེས། །ཧཾ་དཀར་ལས་བྱུང་ས་བོན་དཀར། །ལུས་གནས་མི་གནས་ཡེ་ཤེས་སྐྱེས། །དེ་རུ་མ་ནུས་ཆུ་ཡི་རྩ། །གཡོན་གྱི་སར་འདུ་སྤྲུལ་པ་སྟེ། །དེར་ནི་ཡང་དག་རབ་ཏུ་བཟུང་། །དེ་རུ་མི་གནས་སམྦྷོག །རྩ་ཡི་རྡོ་
[84a.5]རྗེའི་ལམ་ནས་འགྲོ། །སམྦྷོ་ག་ནས་ཆོས་སྐུ་ཡི། །ལུས་རྣམས་ཡང་དག་སྐྱེ་བར་འགྱུར། །སྐྱེས་ནས་བསྐལ་བའི་བར་དུ་གནས། །ཆོས་ཀྱི་གནས་སུ་མ་སྐྱེས་ན། །ནི་རྨ་ཀཱ་ཡའི་བར་དུ་གནས། །ཡང་ནས་ཡང་དུ་འདི་བཞིན་བྱ། །རྣམ་རྟོག་མེད་པའི་རྣལ་འབྱོར་བྱ། །ཡར་གྱིས་
[84a.6]བསྲེག་ཅིང་མར་གྱིས་གསོ། །རྣལ་འབྱོར་མིག་གི་འོད་ཟེར་གྱིས། །རྟག་ཏུ་འདི་ལ་བལྟ་བར་བྱའོ། །ནམ་ཞིག་དེ་ལ་བརྟན་གྱུར་ན། །མཚན་མ་ལྔའམ་ཡང་ན་གཡོ། །འབར་ཞིང་གཡོ་ན་ཡིག་མགོ་བཅད། །བཅད་པའི་བཞི་པོ་ཡང་དག་བཞུ། །རྩ་ཡིག་རྡོ་རྗེའི་ལམ་ནས་ནི། །ཏིལ་
[84a.7]གྱི་འབྲུ་བཞིན་རྒྱས་པར་འགྱུར། །རྣལ་འབྱོར་མཐར་ཕྱིན་འབྲས་བུ་སྟེ། །བདེ་བ་ཆེན་པོའི་སྐུ་ཞེས་བྱ། །གཞན་གྱི་དོན་སོགས་ཡོན་ཏན་རྣམས། །འབད་པ་མེད་པར་ལྷུན་གྱིས་འབྱུང་། །བླ་ན་མེད་པའི་དགོངས་རྒྱུད་ནི། །དཔལ་གྱི་ཞབས་ཀྱིས་བདག་ལ་བསྟན། །སྐྱེན་དང་རྣལ་
[84b]
[84b.1]འབྱོར་གཉིས་སུ་འགྱུར། །བདེ་བ་ཆེན་པོར་རབ་ཏུ་བཤད། །སྦྱོར་བའི་ལུས་ནི་ཐམས་ཅད་ལས། །རྒྱལ་བ་རྣམས་ཀྱིས་སྤྲས་པར་བཤད། །ཤིན་ཏུ་སྦྱངས་ལ་རབ་གནས་པའི། །སྣོད་ལྡན་བདག་ཉིད་ཆེན་པོས་བཟུང་། །ལུས་སེམས་བདེ་བར་སྤྱད་ནས་ནི། །ཉིན་མཚན་སྦྱོར་བ་བསྟེན་
[84b.2]པར་བྱ། །བདག་གིས་བརྩམས་ཡིན་བདུད་རྩི་འདི། །འདི་ལྟར་ཁམས་གསུམ་ཀུན་ཀྱང་དེ། །ཤི་དང་འདྲ་བར་མཚུངས་པས་ན། །ཡང་དག་བདེ་བས་འཚོ་བར་ཤོག །རྩ་དང་རླུང་གི་དེ་ཁོ་ནའི་རྣལ་འབྱོར་དྲ་བའི་འཁོར་ལོ་བདུད་རྩི་འོད་ཟེར་བདེ་བ་ཆེན་པོས་ཚིམ་བྱེད་རྣལ་འབྱོར་གྱི་
[84b.3]དབང་ཕྱུག་ཆེན་པོ་རཏྣ་ཤྲི་ཛྙཱ་ནའི་ཞལ་སྔ་ནས་གཏན་ལ་ཕབ་པ། མར་པ་ལོ་ཙཱ་བ་ཆོས་ཀྱི་བློ་གྲོས་ཀྱིས་བསྒྱུར་བ་རྫོགས་སོ། །{T1527}༄༅༅། །རྒྱ་གར་སྐད་དུ། ཤྲཱི་བཛྲ་ཌཱ་ཀི་ནཱི་ཀཱ་ཡ་ཎི་དྷརྨྨ་ནཱ་མ། བོད་སྐད་དུ། །དཔལ་རྡོ་རྗེ་མཁའ་འགྲོ་ལུས་མེད་པའི་ཆོས་ཞེས་བྱ་
[84b.4]བ། ཡེ་ཤེས་ཀྱི་མཁའ་འགྲོ་མ་ལ་ཕྱག་འཚལ་ལོ། །གང་ཞིག་འཇིགས་རུང་དུར་ཁྲོད་ཆེན་པོར་ཕཊ་ཕཊ་རྔམ་པའི་སྒྲ་སྒྲོགས་ཤིང་། མཁའ་འགྲོ་ཟ་བྱེད་མུན་པའི་ནང་ན་ཟླ་ཤར་ལྟ་བུར་རབ་ཏུ་འབར། །ཧཱུཾ་ཧཱུཾ་ཞེས་བརྗོད་ཤ་ཟ་རོ་ལངས་མ་མོའི་ཚོགས་རྣམས་སྐྲག་མཛད་པ། །གསང་
[84b.5]སྔགས་གསང་མཛོད་མངའ་བདག་བདེ་ཆེན་རྒྱལ་མོའི་སྐུ་ལ་འདུད། །ཨེ་མ་ཧོ། །པདྨ་རིན་ཆེན་ཆུ་བོའི་གཞུང་། །སེང་གེ་གླང་ཆེན་རི་དགས་ལྟར། །ཉི་མ་མེ་དང་ཤེལ་དང་མཚུངས། །ཨེ་མ་ཧོ། །སྐལ་ལྡན་རྣམས་ཀྱིས་རྟོགས་པར་གྱིས། །རང་བཞིན་ཆོས་དབྱིངས་རྣམ་དག་དབྱེར་མེད་བདེ་བ་
[84b.6]ཆེན་པོའི་ཀློང་། །དག་པའི་གཞལ་ཡས་ཆོས་ཀྱི་འབྱུང་གནས་རྡོ་རྗེའི་བཙུན་མོ་སྟེ། ཤ་ཟ་སྨྱོན་པ་བུ་ཆུང་བཞིན། །སྤྲིན་དང་ནམ་མཁའ་གློག་བཞིན་དུ། །ཅེ་སྤྱང་རོ་ལངས་ས་ར་ས། །ཨེ་མ་ཧོ། །སྐལ་ལྡན་རྣམས་ཀྱིས་ཉམས་སུ་ལོང་། །རྒྱལ་བ་རྣམས་ཀྱི་རྟག་ཏུ་མཉམ་གཞག་འོད་
[84b.7]གསལ་ཆེན་པོའི་ངང་། །དུས་གསུམ་དག་ཏུ་རྒྱུན་མི་འཆད་པས་སངས་རྒྱས་སྐུ་གསུམ་དེ་རང་བཞིན། །བདག་གཞན་དབྱེར་མེད་ངོ་བོ་ཉིད་དཔལ་ལྷུན་གྲུབ་དབྱེར་མེད་སྤྲོས་དང་བྲལ། །ཨེ་མ་ཧོ། །ས་མ་ཡ། ཨེ་མ་ཧོ། །གཅེར་བུ་གླིང་པ་རྒྱལ་པོ་བླངས། །བློན་པོ་སྣ་བསྒྱུར་རྟ་མཆོག་སྟེ། །
[85a]
[85a.1]བྲན་དང་ལམ་ཆེན་བཙུན་མོའོ། །སྐལ་ལྡན་རྣམས་ཀྱིས་རྟོགས་པར་གྱིས། །ས་མ་ཡ། དམ་པ་བདེ་ཆེན་མགོན་པོ་སྐྱེ་མེད་རང་བྱུང་སངས་རྒྱས་ཡིན། །ཨེ་མ་ཧོ། །སྨིན་གྲོལ་སེམས་ཀྱི་རྒྱ་མདུད་ཤིག །ཕྱི་ནང་གསང་བ་མཐར་ཐུག་པས། །དབང་གིས་རྣམ་པར་རྟོག་
[85a.2]པའི་རྒྱ། །མདུད་པ་སེམས་ཉིད་རང་གྲོལ་དུ། །རྟོག་པའི་དྲ་བ་བཤིག་པ་ཡིན། །རང་བཞིན་མེད་པའི་ངང་ལ་གཞག་པར་བྱ། །དམ་ཚིག་རང་སེམས་མེ་ལོང་ལྟས། །ཨ་ཧཾ་སྲོག་རྩ་བ་སཾ་ཏ། །སེམས་ཉིད་རང་གསལ་མེ་ལོང་ལ། །དབང་གི་འབྲས་བུར་མཐར་ཕྱིན་པས། །ལོག་
[85a.3]རྟོག་འཁོར་བའི་དྲི་མ་ཕྱིས། །གདོད་ནས་དག་པ་ཀུན་གཞིའི་རྒྱུད། །མི་མེད་རིག་ལ་དག་པ་ལ། །སྣང་མེད་རིག་ཙམ་རྒྱུན་དུ་ལྟོས། །དམ་རྫས་རྟོགས་པའི་ཉི་མ་ནི། །བདེ་ཆེན་རང་སེམས་སྤྲོས་དང་བྲལ། །རྩ་རླུང་བྱང་སེམས་མི་འགྱུར་བའི། །གཉིས་མེད་རྡོ་རྗེ་གང་གིས་རྟོགས།
[85a.4]དེ་ནི་རྫས་ཀྱི་དམ་པ་མཆོག །ཕྱི་ལྟར་སྣང་བ་སྣ་ཚོགས་པ། །རྟོག་པའི་ཉི་མ་གཅིག་ལ་འདེ། །དེ་ལ་གསལ་འགྲིབ་མེད་པ་ཡིན། །སྤྱོད་པ་ཆུ་ལ་རལ་གྲི་རྒྱོབ། །གང་དང་གང་སྣང་དེ་དག་ལ། །སྤྱོད་དུ་མེད་པའི་ངང་ཉིད་ལས། །སྤྱད་པར་གྱིས་ཤིག་རྣལ་འབྱོར་བ། །ཆུ་ལ་རལ་གྲིས་
[85a.5]གང་བཏབ་པ། །རྗེས་མེད་དག་ཏུ་འགྲོ་བ་བཞིན། །ཉམ་ད་མེད་པའི་རལ་གྲི་ཡིས། །སྦས་དང་བརྟུལ་ཞུགས་བྷུ་སུ་ཀུ། །མཉམ་རྗེས་མེད་པར་སྤྱོད་པ་བྱ། །རིག་པ་སེམས་ཀྱི་སྤྱོད་པ་གྱིས། །རང་གྲོལ་ཕྱག་རྒྱ་ཆེན་པོ་ལྟོས། །རང་སེམས་གཉིས་མེད་ཕྱག་རྒྱ་ཆེ། །རང་གྲོལ་སེམས་
[85a.6]ཀྱི་ངང་དུ་གྲོལ། །ཕྱག་ནི་སྟོང་པའི་ཡེ་ཤེས་ཡིན། །རྒྱ་ནི་འཁོར་བའི་རྒྱ་དང་བྲལ། །ཆེན་པོ་ཟུང་དུ་འཇུག་པ་ཡིན། །ངོ་བོ་རང་བཞིན་མཚན་ཉིད་དེ། །བདེ་ཆེན་དྲི་མེད་ངང་དུ་ལྟོས། །ཨེ་མ་ཧོ། །དཔལ་ལྡན་རྡོ་རྗེ་མཁའ་འགྲོ་མ། །ནམ་མཁའ་སྟོང་པའི་ངང་ལས་ནི། །བརྡ་སྐད་
[85a.7]བྲག་ཅ་ཇི་བཞིན་དུ། །སྟོང་པའི་ངང་ལས་སྙིང་རྗེའི་སྒྲ། །དབྱེར་མེད་བདེ་ཆེན་ངང་དུ་རྫོགས། །སྐལ་ལྡན་བློ་ཡི་པདྨོ་དེ། །ཡེ་ཤེས་ཉི་མ་ཤར་བ་ཡིས། །རང་གྲོལ་ཤུགས་འབྱུང་ཁ་ཟུམ་འབྱེད། །བློ་ལྡན་དྲི་མེད་གཟི་བརྗིད་ཁྱོད། །པུ་ལ་ཧ་རིའི་དགོན་པ་རུ། །བྷོ་ཊའི་མ་རིག་མུན་
[85b]
[85b.1]སེལ་ལ། །ཡེ་ཤེས་སྣང་བས་ཁྱབ་པར་གྱིས། །རྗེ་ཏེ་ལོ་ཆེན་པོས་ན་རོ་པ་ལ་གསུངས་པའོ།། །།དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །རྩ་རླུང་དྲ་བའི་འཁོར་ལོ་བསྐོར། །རྩ་ནི་ལུས་ལ་གནས་པ་སྟེ། །ཨ་བ་དྷཱུ་ཏཱི་ལ་ལ་ནཱ། །ར་ས་ནཱ་སྟེ་དབྱེ་བ་ཡང་། །འཁོར་ལོ་བཞི་རུ་
[85b.2]གནས་པའོ། །དྲ་བ་ཞེས་བྱ་བ་འབྲེལ་ཏེ། །རླུང་ནི་ལས་ཀུན་བྱེད་པ་ཅན། །ལྔ་ཡི་བདག་ཉིད་བཅུ་མིང་སྟེ། །རླུང་སེམས་གཉིས་སུ་མེད་པར་ནི། །མི་རྟོག་འཁོར་ལོ་བསྐོར་བར་བྱ། །རིག་པ་ཡེ་ཤེས་སྒྲོན་མེ་སྒོམ། །རིག་པ་སེམས་ཀྱི་རྒྱལ་པོ་སྟེ། །ལྷུན་གྲུབ་ངང་དུ་ཡེ་ཤེས་ཀྱི། །སྒྲོན་མེ་
[85b.3]གཉིས་སུ་མེད་པར་འབར། །མ་རིག་པ་ཡི་མུན་བསལ་ནས། །ཡེ་ཤེས་དྲི་བྲལ་སྣང་བས་ཁྱབ། །རོ་སྙོམས་ཕྱི་ཡི་མེ་ལོང་ལྟོས། །འབྱུང་བ་བཞི་པོ་རོ་སྙོམས་དང་། །ཤེས་པ་ཏིང་འཛིན་རོ་སྙོམས་ཏེ། །ཉམས་ནི་བདེ་གསལ་རྣམ་པ་བཞི། །སྐྱེ་བ་མེད་པའི་མེ་ལོང་ལ། །དྲན་པའི་
[85b.4]རྡུལ་གྱིས་བཀབ་པ་དེ། །དྲན་མེད་རིག་པའི་ཉམས་ཀྱིས་ཕྱེ། །སེམས་ཀྱི་མེ་ལོང་དག་པ་ལ། །སྣང་བ་གཉིས་མེད་ལྟ་བ་ལ། །རྣམ་རྟོག་ཤུགས་བྱུང་དྲི་མ་ཕྱིས། །བདེ་ཆེན་གསུང་གི་རིན་ཆེན་ཆོངས། །བདེ་བ་རང་རིག་གསལ་བ་སྟེ། །ཆེན་པོ་བླ་མ་དམ་པའི་གསུང་། །ཟག་
[85b.5]བཅས་ལུས་ཀྱི་བདེ་བ་ལས། །ཟག་མེད་རོ་མཉམ་དབྱེར་མེད་པ། །གསང་བ་མཆོག་གི་དབྱེར་མེད་པ། །བདུད་རྩི་ཞལ་རྙེད་སྙིང་པོ་འདི། །རིན་ཆེན་ལྟ་བུར་རང་གཞན་དོན། །འབྱུང་བས་སྐལ་ལྡན་དམ་པས་ཆོངས། །རྣལ་འབྱོར་དབང་ཕྱུག་ཏེ་ལོ་ཆེན་པོ་ཡིས། །རྒྱན་གྱི་རི་
[85b.6]ཞེས་གྲགས་པར་བདག་ལ་གནང་། །གསང་སྔགས་སྙིང་པོ་ལུས་མེད་རྡོ་རྗེའི་ཚིག །ཟབ་མོའི་མན་ངག་ནཱ་རོས་བདག་ལ་གནང་། །ལྔ་བརྒྱའི་ཐ་མར་གྱུར་ཏེ་ས་སྟེང་དུ། །སྣོད་ལྡན་རྣམས་ཀྱི་བློ་ཡི་པདྨོ་དེ། །ཁ་བ་ཅན་ལྗོངས་ཁྱེད་ཀྱི་སློབ་མ་ཡིས། །འདུལ་བར་གྱུར་ཞེས་བླ་
[85b.7]མའི་གསུང་ལས་ཐོབ། །འགྲོ་རྣམས་བདེ་མཆོག་འབྲས་བུ་རྒྱས་གྱུར་ཅིག། །དཔལ་རྡོ་རྗེ་མཁའ་འགྲོ་ལུས་མེད་པའི་ཆོས་ཞེས་བྱ་བ་རྫོགས་སོ།། །།{T1528}དཔལ་རྡོ་རྗེ་མཁའ་འགྲོ་མ་ལྟ་སྒོམ་སྤྱོད་གསུམ་གྱི་བརྡ་བསྟན་ཏེ། པདྨ་སེང་གེ་གླང་ཆེ་གསུམ་སྤྱོད་པའི་བརྡ་རི་དགས་ཤེལ་དང་
[86a]
[86a.1]ཉི་མ་གསུམ་སྤོམ་པའིོ་བརྡ་ཆུ་བོ་མེད་དང་རིན་ཆེན་གསུམ་ལྟ་བའི་བརྡའོ། །རྡོ་རྗེ་མཁའ་འགྲོ་མས་རོ་སྙོམས་རྣམ་པ་གསུམ་བསྟན་པ། ཤ་ཟ་སྨྱོན་པ་ཅེ་སྤྱང་གསུམ་ལུད་ཀྱི་རོ་སྙོམས་རོ་ལངས་སར་ས་བུ་ཆུང་གསུམ་བརྟུལ་ཞུགས་ཀྱི་རོ་སྙོམས་ནམ་མཁའ་སྤྲིན་དང་
[86a.2]གློག་གསུམ་ཏིང་ངེ་འཛིན་གྱི་རོ་སྙོམས་སོ། །རྡོ་རྗེ་མཁའ་འགྲོ་མ་ཐབས་དང་ཤེས་རབ་གཉིས་མེད་ཟུང་འཇུག་གསུམ་གྱི་བརྡའོ། །བཙུན་མོ་བྲན་དང་རྟ་མཆོག་གསུམ་ཤེས་རབ་ཀྱི་བརྡའོ། གཅེར་བུ་གླིང་པ་ལམ་ཆེན་གསུམ་ཐབས་ཤེས་རབ་ཟུང་ཌྷཇུག་པའི་བརྡའོ། །སྐུ་གསུམ་ཐུགས་ཀྱི་
[86a.3]བརྡའོ། །འབྲས་བུ་མཐར་ཕྱིན་པ་ལ་རང་བཞིན་ཅོས་ཉིད་ཀློང་དུ་གནས་པ། སྣང་བ་དག་པར་འཆར་བ། འོད་གསལ་དུ་སོང་བ། སྐུ་གསུམ་ལྗུན་གྱིས་གྲུབ་པ། ངོ་བོ་སྤྲོས་པ་དང་བྲལ་བ། སྐྱེ་མེད་ཏིན་པས་བཙལ་དུ་མེད་པའོ། །རྡོ་རྗེ་ཚིག་རྐང་ཡིན་ནོ་རྫོགས་སོ།། །།
[86a.4]{T1529}༄༅༅། །རྒྱ་གར་སྐད་དུ། ཤྲཱི་སམྦ་ར་ཨུ་པ་དེ་ཤ་མུ་ཁ་ཀརྞྞ་པ་ར་ཙིནྟ་མ་ཎི་ནཱ་མ། བོད་སྐད་དུ། དཔལ་སྡོམ་པའི་མན་ངག་ཞལ་ནས་སྙན་དུ་བརྒྱུད་པ་ཡིད་བཞིན་ནོར་བུ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །སྐུ་གསུམ་བདག་ཉིད་དགོས་འབྱུང་བླ་མ་
[86a.5]དམ་པའི་ཞབས་པད་ཟེ་འབྲུ་དྲི་མེད་འོད་ཟེར་ལ་ཕྱག་འཚལ། །གསང་སྔགས་མཐར་ཐུག་སྙིང་པོའི་བཅུད་བྱུང་ཡིད་བཞིན་ནོར་བུ་མཁའ་འགྲོའི་གསུང་བཞིན་རྟོགས་པས་འདིར་གསལ་བཀོད། །བདེ་གཤེགས་ཐུགས་ལ་སྣང་བ་དྲི་མེད་པཉྩ་པ་ནས་རྟོགས་པ་ཀི་རི་ལི་རུ་གསང་བདག་མཉེས། །
[86a.6]སྤྱོད་པས་ཟིལ་མནན་ལུས་ཀྱི་བཀོད་པས་རྣལ་འབྱོར་རྗེས་བཟུང་མཛད་པ་མཐའ་ཡས་འགྲོ་རྣམས་སྟོང་པར་བྱས། །བསླབ་པ་གསུམ་དང་རྒྱུད་པར་ལྡན་པ་ཉམས་སུ་མྱོང་བས་འཇུག་ཚུལ་ཤེས་པས་བླ་མ་དམ་པར་ཤེས། །པཎྜི་པ་དང་རིགས་ཆད་བྲལ་ལྟར་རུས་སྦལ་སྤུ་སྟེ་མོ་གཤམ་བུ་ལྟར་
[86a.7]སློབ་མ་སྐྱོན་ལྔ་བྲལ། །མཆོག་གི་དོན་འདོད་གང་གིས་དེ་བསྟན་ཐོག་མར་དབང་བཞིས་རྒྱུད་སྨིན་ཐབས་དང་ཤེས་རབ་འབྲེལ་བ་ཉིད། །འདི་དོན་རིམ་པར་བརྒྱུད་པ་རྣ་བར་འཕོ་བྱེད་དེ་ཚེ་སངས་རྒྱས་བསྟན་གནས་གུས་པར་མཉན་པར་གྱིས། །ས་ཡི་ཆོ་ག་ལྷག་པར་གནས་པ་རིག་བྱེད་སློབ་དཔོན་
[86b]
[86b.1]རིག་སྦྱོར་སོགས་ཀྱིས་བུམ་པའི་དབང་བསྐུར་བྱ། །བསླབ་པས་རྒྱུད་མཛེས་ཐོས་བསམ་ནོར་ལྡན་བླ་མར་འོས་པ་ཕུལ་ལ་བླ་མས་གསལ་སྟོང་ལ་སོགས་བསྐུར། །ཉེར་ལྔ་ལྷག་སྤངས་རིགས་ལྡན་རྒྱན་སྤྲས་ཟག་བཅས་བསྐུལ་སོགས་གསུམ་པ་བྱིན་ནས་བརྟུལ་ཞུགས་བརྟན་པར་བྱ། །
[86b.2]དགའ་བ་གསུམ་སོན་ལྷན་ཅིག་སྐྱེས་པ་རྙོག་པ་དང་བྲལ་ཡུལ་དུ་བྱས་སོགས་འབྲས་བུར་ཤེས་པར་གྱིས། །དབང་བཞི་དང་འབྲེལ་བརྡ་ཡིས་མཚོན་པ་ཤེས་རབ་བདག་ཉིད་སིནྡྷུ་ར་ལ་མཉེས་སོགས་སྟོན་མོས་བརྒྱན། །སློབ་དཔོན་བཞི་ལ་དབང་བཞི་དུས་བཞི་བྱེད་པ་བཅུ་གཉིས་ཆོས་ཉིད་
[86b.3]དབང་ལ་མཚོན་དུ་མེད་པར་བྱོས། །དབང་གིས་སྨིན་ནས་རིམ་པ་གཉིས་ཤེས་རྣལ་འབྱོར་དབང་ཕྱུག་ཟུང་འཇུག་རྒྱལ་བའི་སྐུ་བསྒྲུབ་ཕྱིར། །དབང་པོའི་རིམ་པས་དབྱེ་དང་བསྡུ་བའི་རིམ་པ་ཤེས་ནས་འདུ་འཛི་མེད་པས་རྒྱུན་དུ་འབད་པས་སྤྱད། །ཚངས་པའི་གནས་བཞི་གསོལ་དང་ཁམས་
[86b.4]སོགས་བསླབ་པ་འཁོར་ལོ་ཚོགས་བརྟེན་རྒྱུ་འབྲས་ཉིད་དང་ཕྲ་མོར་བརྗོད། །གོ་ཆ་ཡེ་ཤེས་རྒྱས་གདབ་སྐུ་གསུང་མཆོད་དང་བཟླས་པ་རྫོགས་རིམ་ཕྲིན་ལས་ཕྱོགས་དང་ཐུབ་པ་ཉིད། །བསྡུས་པའི་སྦྱོར་བ་ཚད་མེད་བཞི་ལྡན་རྫུས་ཏེ་སྐྱེས་པ་སྐད་ཅིག་རྣལ་འབྱོར་བཟླས་པས་བཅས་པ་ཉིད། །
[86b.5]བརྟན་གཡོའི་དངོས་པོ་ལྷན་ཅིག་སྐྱེས་པ་སྣང་སེམས་དབྱེར་མེད་ནོན་པོའི་སྤྱོད་ཡུལ་ཟུང་འཇུག་རྡོ་རྗེའི་སྐུ། །ཀུན་ལ་ཁྱབ་པ་ངོ་བོ་ཉིད་སྟོན་གསལ་རིག་མཚན་ཉིད་ཐུབ་པའི་དབང་པོ་བདེ་གཤེགས་ཀུན་གྱི་གཙོ། །གསུམ་གསལ་བདག་གིས་མངོན་སུམ་ཉིད་དུ་ལེགས་པར་རྟོགས་ནས་སྒོམ་
[86b.6]དང་བཟླས་པ་གསལ་པོར་རབ་ཏུ་ཕྱེ། །ཆོས་དབྱིངས་སྐྱེ་མེད་རྒྱལ་བའི་ཡུམ་གཅིག་རྒྱན་དང་ཕྱོགས་དང་རྒྱལ་བ་ཉིད་དེ་ནམ་མཁའི་རི་མོར་བལྟ། །བརྟན་དང་གཡོ་བ་རྟེན་དང་བརྟེན་པ་ལྷ་ཡི་རང་བཞིན་རང་ལ་བཅུག་ནས་སྣ་ཡི་རྩེ་མོར་རྡོ་རྗེ་བཟླས། །གཏོར་མ་བྱིན་ནས་དབང་པོ་འབྲིང་པོས་
[86b.7]འོད་གསལ་བསྒོམས་ཏེ་དབང་སོགས་ལམ་དང་དམ་ཚིག་འབྲས་བུར་བསྲེ། །བདག་འཇུག་དབང་དང་བླ་མ་མཆོད་བྱེད་ཉམས་ཆགས་བསྐང་ཕྱིར་རྡོ་རྗེ་སེམས་དཔའ་བརྟན་པའི་ཆོ་ག་བཟླས། །རྒྱལ་པོ་བློན་པོ་དམངས་ཀྱི་བྱེད་པས་མཚམས་ཀྱི་ཀུན་སྤྱོད་ཟ་ཉལ་འགྲོ་དང་ཁྲུས་སོགས་རྣལ་
[87a]
[87a.1]འབྱོར་བྱ། །རྣམ་རྟོག་དང་བྲལ་ཟླ་བ་དྲུག་ཏུ་ངེས་པར་བསམས་ན་གྲུབ་པའི་མཚན་མ་མཐོང་ནས་རོལ་པར་གནས། །ཐུབ་པའི་བསྟན་པ་རྒྱས་མཛད་དངོས་གྲུབ་མཐར་འབྱིན་ཟབ་དང་རྒྱ་ཆེ་གཉིས་མེད་དམ་ཚིག་ཀུན་གྱི་གཞི། །བག་ཡོད་བསྒོམ་ཞིང་བརྟེན་དང་
[87a.2]གསང་བ་མི་གསལ་མི་འབྲལ་བཟའ་བསྲུང་མཆོག་གྱུར་ཐུབ་པས་རབ་ཏུ་གསུངས། །བསླབ་པ་གསུམ་དང་རྒྱུ་འབྲས་ཞེན་མེད་དབང་སོགས་འབྲས་བུ་རྒྱུད་གཞན་ལས་གསུངས་རང་སེམས་དྲན་པས་བསྲུང་། །སྐུ་གསུམ་ལ་བརྟེན་ཏིང་འཛིན་གསུམ་གྱིས་རྒྱ་ཆེར་རབ་གསལ་གཞི་ལམ་
[87a.3]འབྲས་བུས་ལྟ་བ་མཚོན་པར་གྱིས། །རྣལ་འབྱོར་སྲོག་རྩོལ་སངས་རྒྱས་ལྔ་བདག་གཡོན་དང་གཡས་སུ་རིམ་པ་ཇི་བཞིན་རྒྱུ་མ་ངེས་པ་སྟེ། །མཉམ་པར་གཞག་པས་འཇུག་པའི་རླུང་ཉིད་བུམ་པ་ཅན་དུ་བྱས་ནས་བརྟན་པའི་གོ་འཕང་སོ་སོར་ཐོབ། །རླུང་གི་སྦྱོར་བ་དེ་ཉིད་ལས་དང་མི་
[87a.4]ཤེས་ལས་དང་ལས་མིན་འགྲུབ་རིག་པས་ནི་འབྲས་བུ་སྟེར། །བསྡམས་པ་ཆེ་དང་བཟླས་པའི་རིམ་པ་གོམས་པས་དགེ་དང་མི་དགེ་འཆི་བཟློག་རླུང་རིག་པས་ནི་ཤེས། །དབྱེ་དང་ཕྱེད་ལས་ཆོས་མཚུངས་རྒྱུན་མཚན་བསྡམ་པའི་སྦྱོར་བའི་བསྐྱེད་རིམ་གོམས་པས་མཐུན་པའི་རྐྱེན་དང་ལྡན། །
[87a.5]གསང་སྤྱོད་ལ་གནས་སྡུག་བསྔལ་བཟོད་པ་ལུས་གནད་གསུམ་ལྡན་དམིགས་པ་བཞི་ལ་སྦྱོར་བའི་སྐྱོན་བསལ་ཏེ། །སྟེང་འོག་བར་དང་འབུགས་པའི་སྦྱོར་བ་ལི་ཁྲིའི་ཚུལ་དུ་སྒོ་གསུམ་སྦྱོང་བར་བྱ་ཕྱིར་ངེས་པར་རོལ། །རྡོ་རྗེའི་བཟླས་པ་ཡིག་འབྲུ་གསུམ་ལ་གོམས་ཤིང་སངས་རྒྱས་ལྔ་
[87a.6]ལ་ཁ་དོག་སོ་སོར་བསླབ་པར་བྱ། །འབྱུང་བ་ལྔ་ཡི་རླུང་ཟིན་པས་ནི་དུ་བ་སྨིག་རྒྱུ་མེ་ཁྱེར་མར་མེ་སྤྲིན་མེད་ནམ་མཁའ་འབྱུང་། །བརྟན་པའི་རྟགས་སུ་ཟླ་ཟེར་ཉི་ཟེར་གློག་གི་ཟེར་དང་འཇའ་ཚོན་ཉི་ཟླ་བསྲེས་པ་དངོས་སུ་མཐོང་། །སྤྱོད་ལམ་དང་ནི་སྦྱོར་བ་མཁས་པས་དུག་སོགས་གཞོམ་
[87a.7]དང་འཆི་བ་བརྟག་པར་སྣ་ཚོགས་བསྒྱུར། །རྩ་དང་རླུང་དང་ཐིག་ལེ་འདྲེས་པས་བདེ་གསལ་མི་རྟོག་རྒྱུན་མི་འཆད་པའི་རྒྱལ་པོར་འགྱུར་རོ་ཀྱེ། །རིམ་པ་འདི་ཉིད་འཕེལ་བར་བྱ་ཕྱིར་སྣང་དམིགས་དངོས་པོ་སྒྱུ་མར་བསམས་ལ་དབེན་པའི་གནས་སུ་ནི། །རྡོ་རྗེ་སེམས་དཔའ་མཚན་
[87b]
[87b.1]དཔེས་སྤྲས་པའི་གཟུགས་བརྙན་ལ་ནི་རབ་ཏུ་དམིགས་ལ་དངོས་པོ་ཆུ་ཟླ་ལྟར། །བཅུ་གཉིས་སྒྱུ་མའི་དཔེ་ཡིས་མཚོན་ཏེ་མཉམ་རྗེས་ལ་ནི་ཆོས་བརྒྱད་ལས་འདས་མཁའ་བཞིན་སྙོམས་པར་འགྱུར། །དེ་ལྟར་ཤེས་པས་མི་བྱ་བ་མེད་སྔགས་ཟློས་སྲུང་སོགས་མི་དགོས་དགེ་སློང་སོགས་
[87b.2]ལ་ཕྱག་མི་བྱ། །འདི་དང་མཚན་དུས་བསྲེ་ཞིང་སྦྱང་དང་གོམས་པས་གྱེན་དུ་འཕངས་ཏེ་བདེ་གཤེགས་བལྟས་ལ་ཆོས་སོགས་མཉན། །རྨི་ལམ་མེད་དུས་གནད་དང་ལྡན་པས་འདོད་ཆགས་ལ་སོགས་བརྒྱད་ཅུ་འགགས་ནས་སྣང་བ་གསུམ་འདས་ཏེ། །རྒྱུན་ཆད་མེད་པའི་འོད་གསལ་ཆེན་པོས་
[87b.3]ས་བཅུར་གྱུར་པ་ལམ་བགྲོད་ན་ནི་རྣམ་ཤེས་གོང་དུ་འཕོ། །སྣ་ཚོགས་དོན་ཆེན་མཐོང་ནས་ཤེས་པ་སྤོ་སྟེ་རིམ་པ་གཉིས་ལྡན་འཇུག་ཕྱིར་གཞན་གྱིས་མི་འགྱུར་རོ། །ཆགས་དང་ཆགས་བྲལ་འདི་མ་ཤེས་པར་གཞན་ནི་དོན་མེད་དུས་གསུམ་སངས་རྒྱས་བགྲོད་པ་གཅིག་པའི་ལམ། །
[87b.4]རི་བོར་བརྒྱུག་དང་ཟླ་བ་ཆུ་འཛིན་དུས་དང་འབྲེལ་པ་བསླབ་བཅས་སངས་རྒྱས་དགོངས་པ་མི་ཤེས་ཕྱིར། །སྒོ་གསུམ་གནད་ཀྱིས་སྦྱང་བ་བྱ་ཞིང་ངལ་ན་སྣ་རྩེར་བལྟས་ལ་ངེས་ཤེས་སྐྱེས་ནས་ཆེན་པོར་བལྟ། །དང་པོའི་ལས་ཀྱིས་ཡིད་འོང་ལ་བརྟེན་གོམས་པས་སྔགས་ལས་ཞིང་དང་ལྷན་
[87b.5]ཅིག་སྐྱེས་སོགས་རྩ་བསྙེན་བྱ། །ཅིག་ཅར་མགོན་པོ་བསྒོམས་ནས་མཐའ་གནས་རྡོ་རྗེའི་བཟླས་པ་རྩ་ལ་མཁས་པས་པདྨའི་སྐྱོན་བཞི་བསལ། །བདེ་བའི་ལམ་དྲང་ཡེ་ཤེས་མཚོན་པ་མར་མེ་འདུ་བ་རྒྱུ་འབྲས་ཤེས་ནས་ཤེས་བྱའི་དཀྱིལ་འཁོར་བལྟ། །ཐུར་སེལ་བཅུད་ནས་གླང་
[87b.6]ཆེན་སེང་གེ་རྨ་བྱ་འདྲེན་དང་བྱ་རྒོད་སྟག་མོ་སྣང་དམིགས་བདེ་བར་འཆར། །སྦྱོར་བ་དངས་མ་རླུང་དང་མཉམ་ཞིང་རིག་མས་བདེ་བ་ལུས་ལ་སྤྲོས་ནས་རྩ་མདུད་དགྲོལ་བར་བྱ། །བདེ་བ་ཉམས་སྐྱེས་ཚོགས་དྲུག་ཀུན་ལ་རོ་མཉམ་ལུགས་ལས་འབྱུང་དང་བཟློག་པས་དགའ་བཞི་མཚོན་པར་
[87b.7]བྱ། །དགའ་བ་གསུམ་དང་དཔེ་དོན་བསྲེས་ནས་རྒྱུ་ཚོགས་གཟུང་འཛིན་ཆོས་ཉིད་གོམས་ནས་རྩོལ་མེད་འབྲས་བུ་འཆར། །ཡེ་ཤེས་གསལ་བྱེད་དབང་གི་འབྲས་བུ་རྡོ་རྗེ་ལུས་ལ་འཁོར་ལོ་མདུད་པ་སྤྱི་བོར་གྲོལ་བའི་གནས། །སྒོ་དགུ་འགགས་ནས་སྒོ་བཞི་ཐིམ་པ་ཉིད་ཀྱིས་རྣམ་གྲོལ་
[88a]
[88a.1]ཡེ་ཤེས་ལུས་ཅན་སྒྲ་བརྙན་ལྟ་བུ་བྲལ། །མིག་སོགས་སྟོང་དང་བདུད་བཞི་གྲོལ་བ་ཆོས་ཉིད་ལ་མཁས་གསུམ་པ་གཅིག་གྱུར་ཡེ་ཤེས་རྒྱུན་ཆད་མེད། །གཞི་ལམ་འབྲས་བུ་གཅིག་གྱུར་བདེ་ཆེན་དངོས་པོ་རོ་མཉམ་ཡི་གེ་བཞི་དོན་འབྲས་བུ་མངོན་དུ་འགྱུར། །མཐར་
[88a.2]མ་སྐྱོལ་ན་ཉེ་བར་སྤྱོད་པ་ལུས་ལྡན་གཞི་དང་ངེས་ཤེས་རྟགས་ཏེ་ངོ་སྤྲོད་ཤེས་པར་བྱ། །སྐྱེ་ཤིའི་བར་དོ་ཤེས་པ་སྔ་ཕྱི་གཉིས་དུས་དྲན་མཚམས་འཆི་བའི་དུས་དྲན་ཕྲ་རགས་ཐིམ་ནས་ནི། །འོད་གསལ་ཆེན་པོ་དེ་མ་རྟོགས་ན་བླ་མ་སོགས་ཀྱི་སྐྱེལ་བསུས་ཉིང་མཚམས་རླུང་གསུམ་
[88a.3]བཅིངས་པའི་ཕྱིར། །ཡོན་ཏན་རྫོགས་པ་བར་དོ་ལོངས་སྐུ་ཡོན་ཏན་བདུན་ལྡན་དེ་མ་བརྟན་ན་དུག་གསུམ་ལས་གྱུར་པའི། །རྟོག་པར་བཅས་ལ་དབང་དུས་ཉམས་དང་ལྷ་སོགས་སྒྱུ་མ་ཟུང་དུ་འཇུག་པ་སློབ་དང་མི་སློབ་པ། །བདུན་ཕྲག་རེ་ལ་བརྒྱལ་བར་འགྱུར་བ་དེ་མ་ཁེགས་ན་སྐྱེ་བ་སྣ་
[88a.4]ཚོགས་སྤྲུལ་སྐུས་ཉིང་མཚམས་སྦྱར། །བར་དོ་གསུམ་ལ་འདོད་ཆགས་ལ་སོགས་དུས་གསུམ་ཤེས་པ་ཟག་མེད་འོད་གསལ་སྒྱུ་མར་བསྲེས་ལ་བསྒོམ། །འདི་དོན་རིམ་པས་འཁོར་བ་དང་ནི་མྱ་ངན་འདས་རྒྱལ་གཉིས་མེད་ཟུང་འཇུག་ཕྱག་རྒྱ་ཆེན་པོར་འགྱུར། །དབང་དང་དམ་ཚིག་
[88a.5]འབྲེལ་བར་ཤེས་པ་གདོད་ནས་དག་པ་རྐྱེན་གྱི་བསྐུར་ཚུལ་ཉམས་སུ་བླངས་དང་རྟོགས། །བུམ་སོགས་དམ་ཚིག་མཉམ་གཞག་རྗེས་སྤྱོད་མི་འབྲལ་བཟའ་བསྲུང་སྤྲོས་བཅས་སྤྲོས་མེད་ཡན་ལག་བཤགས་བྱ་ཉིད། །དབང་དུས་ལྟ་སོགས་མཚོན་པར་བྱ་ལ་བདུད་རིགས་ངོས་གཟུང་ཟིལ་གྱིས་མནན་
[88a.6]ནས་བསྒོམ་དང་རྟགས་སུ་འབྲེལ། །ཐ་མ་འབྲིང་དང་རབ་དང་མཆོག་གྱུར་འཇུག་སྒོ་ཤེས་པས་སྒོམ་ལ་སྦྱར་ཏེ་གང་དང་གང་ལ་སོགས། །མཆོག་གི་དངོས་གྲུབ་ཚེ་འདིར་འདོད་པས་དུས་དང་འབྲེལ་བར་སྤྱོད་པ་བྱས་ནས་གོལ་ས་གཅད་པར་བྱ། །བྱ་སྤྱོད་ལ་སོགས་ཚོགས་སུ་བསྒྱུར་ལ་
[88a.7]ཕྲིན་ལས་བྱེད་པ་རབ་གནས་སྦྱིན་སྲེག་རྣམ་བཞིས་འདོད་དགུར་བསྒྱུར། །འཁོར་ལོ་བཞི་ལ་སྐུ་བཞིར་ཡན་ལག་བདུན་ལྡན་རྡོ་རྗེ་སེམས་དཔའ་སྒོ་གསུམ་ངོ་སྤྲོད་མཚན་དཔེས་སྤྲས། །རྒྱུད་རྣམས་སྙིང་ཕྱུང་མན་ངག་བཅུད་བསྡུས་ལམ་གྱི་རིམ་པ་བདེ་གཤེགས་ཀུན་ཐུགས་ཡིད་བཞིན་ནོར་བུ་
[88b]
[88b.1]ཉིད། །མི་མཐུན་ཕྱོགས་ལས་རྒྱལ་བར་བྱ་ཕྱིར་འཇུག་པའི་ཚུལ་དང་ཞུགས་པའི་འབྲས་བུ་གསལ་བའི་ཐབས་ཉིད་དོ། །ལུས་ལ་གོ་གྱོན་ངག་གིས་གཡུལ་སྤྲད་སེམས་ཀྱིས་མཚོན་བསྣུན་སྐུ་གསུམ་ཁྲུས་བཅུད་རླུང་དང་འཁོར་ལོ་བསྐོར། །རྩ་བ་དྲུག་ལ་ཡན་ལག་སོ་དགུ་ནད་ལ་
[88b.2]སྨན་དཔྱད་པར་ཆད་སྲུང་འཁོར་གནད་བྲལ་གགས་བསལ་ཏོ། །ས་ལ་སོགས་པའི་རོ་བཞི་ངོས་གཟུང་འཁོར་ལོ་བཞི་ཡིས་རོ་བཞི་བསྙམས་ལ་ཞི་གནས་ཕྱོགས་ལ་ནི། །ཐབས་དང་ལྡན་པས་པི་ཝང་སྒྲ་སོགས་རྩ་རླུང་ལ་ནི་ཤེས་རབ་སྐུ་གསུམ་མཐུན་སྦྱོར་རྫས་སོགས་ལྔ། །ཟིན་དང་
[88b.3]མ་ཟིན་ལེགས་པར་ཤེས་ནས་ལུས་ཀྱི་གནད་ལ་ཉི་མ་ཟླ་སོགས་བརྫིས་ནས་རྡུལ་སྤྲུགས་བྱེད། །འབྱུང་བཞིའི་རླུང་ལ་ལྟེ་བ་ལ་སོགས་སྟོང་ར་བཅས་ནས་ན་ཚ་བོགས་འདོན་གསལ་འཁྱིམས་ལ་སོགས་བསལ། །བཅུ་པའི་རླུང་ཤེས་ཏིང་འཛིན་རང་གྲོལ་སྨན་པ་ལྟ་བུས་བརྒྱད་པོ་བསལ་ནས་
[88b.4]རྡུལ་ཆུ་ལྟར་སྤྱད་བྱ། །དངས་མ་བསྒྲུབས་ན་སྐྱོན་རྣམས་སེལ་ཕྱིར་བདག་ལྟའི་བུད་ཤིང་བསྲེགས་ནས་འོད་གསལ་ཆོས་སྐུར་བཀྲལ། །འདི་དོན་རིམ་བརྒྱུད་བླ་མ་ལ་བརྟེན་གུས་པས་བླང་ཕྱིར་བྱིན་རླབས་ལམ་ཁྱེར་སྙན་ནས་སྙན་དུ་བརྒྱུད། །མཆོག་གི་བློ་ཅན་བརྩེ་བ་ཆེན་པོས་
[88b.5]ཐེག་གཞན་སྤངས་ལ་སྨིན་དང་གྲོལ་བ་རིམ་པ་གཉིས་ལ་འབད། །སྣོད་བཅུད་ལ་སོགས་གཞལ་ཡས་ཁང་དང་ཕུང་པོ་ཁམས་སོགས་ལྷ་རུ་དག་པས་རྒྱལ་བ་ཐམས་ཅད་བསྡུ། །རྡོ་རྗེ་ལུས་ལ་བདེ་ཆེན་གནས་པ་ཕོ་ཉ་ལ་སོགས་སྤྲོས་དང་སྤྲོས་མེད་འཁོར་ལོ་ཟུང་དུ་འཇུག །རིམ་
[88b.6]པ་འདི་ལ་མོས་པ་བརྟན་པས་སྤྲུལ་པ་མཐོང་ཞིང་སྐྱོན་ཡོན་དང་བཅས་ཆུང་ངུ་ཕྱིར་ཚོགས་པ། །སྐད་ཅིག་བཞི་ཡིས་དགའ་བ་གསུམ་སོན་འབྲིང་པོའི་དྲོད་དེ་ལྷན་ཅིག་སྐྱེས་པ་དྡྷུ་ཏཱིའི་ལམ་ཞུགས་ནས། །འཇིག་རྟེན་ལས་འདས་བརྒྱ་ཕྲག་བདུན་པོ་ཡོན་ཏན་གྱིས་སྤྲས་གནས་དང་ཉེ་གནས་
[88b.7]ཉི་ཤུ་བཞི་སོགས་ལ། །དངས་མ་ཡས་བྱོན་པུལླི་སོགས་ཁྱབ་རྒྱུ་བ་མས་བརྟེན་བདེ་ཆེན་བརྟོལ་ནས་མ་ཆགས་པདྨའི་ས། །རབ་བཀྲམ་ཆེན་པོ་ཕྲག་བདུན་ཡོན་ཏན་ཡེ་ཤེས་གསལ་བྱེད་ཆོས་སྐུའི་བདག་ཉིད་རྡོ་རྗེ་འཛིན་པར་འགྱུར།། །།འཁོར་ལོ་སྡོམ་པའི་བསྐྱེད་རྫོགས་ལ་སོགས་
[89a]
[89a.1]གཏིང་དཔག་དཀའ་བ་གསལ་པོར་རབ་ཕྱེ་སྙན་བརྒྱུད་མཁའ་འགྲོའི་གསང་། །དྲི་མེད་བསགས་པའི་དགེ་བ་དེས་ནི་ས་གསུམ་གནས་པ་རྡོ་རྗེ་འཛིན་པའི་གོ་འཕང་ཐོབ་པར་ཤོག །ཡིད་བཞིན་ནོར་བུ་ཞེས་བྱ་བ་མཁའ་འགྲོ་མའི་གསང་ཚིག་རྫོགས་སོ།། །།
[89a.2]རྩིབས་ཀྱི་རྒྱ་མདུད་དང་བཅས་པ་མར་པ་ཆོས་ཀྱི་བློ་གྲོས་ཀྱིས་པུ་ལ་ཧ་རིར་བསྒྱུར་བའོ། །{T1530}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦ་ར་མཎྜལ་སྟོ་ཏྲ་ནཱ་མ། བོད་སྐད་དུ། དཔལ་འཁོར་ལོ་སྡོམ་པའི་དཀྱིལ་འཁོར་གྱི་བསྟོད་པ་ཞེས་བྱ་བ། དཔལ་རྡོ་རྗེ་མཁའ་
[89a.3]འགྲོ་ལ་ཕྱག་འཚལ་ལོ། །མགོན་པོ་དཔའ་བོ་ཀུན་བདག་ཉིད། །མཁའ་འགྲོ་མ་ཀུན་བདག་ཉིད་དེ། །འཁོར་ལོ་དགའ་བ་བཞི་རུ་གྲགས། །སྐད་ཅིག་བསྙེན་སོགས་ངོ་བོ་ཉིད། །མི་ཕྱེད་ནམ་མཁའ་དང་མཚུངས་པ། །ཞལ་བཞི་གཡས་བརྐྱང་བ་ཡིས་བཞུགས། །ས་དང་ཕ་རོལ་
[89a.4]ཕྱིན་དག་པས། །ཕྱག་དང་ཕྱག་མཚན་འཆང་བའི་མཆོག །དེ་བཞིན་ཤེས་དང་ཤེས་དག་པས། །ཐོད་དང་མགོ་བོ་ཟླ་ཕྱེད་འཆང་། །མི་བསྐྱོད་པ་དང་དྲག་པོའི་འོད། །གར་གྱི་རོ་དགུའི་ཉམས་དང་ལྡན། །སྲེད་དང་ཞེ་སྡང་རྣམ་དག་པས། །འཇིགས་བྱེད་ཨུ་མའི་སྟེང་ན་བཞུགས། །
[89a.5]དཔལ་ལྡན་འཁོར་ལོའི་འདྲེན་པ་ལ། །ལུས་ངག་ཡིད་ཀྱིས་ཕྱག་འཚལ་ལོ། །ཡེ་ཤེས་འཁོར་ལོའི་ལྟེ་བ་ན། །བདེ་བ་ཆེ་ལ་རྣམ་རོལ་པ། །ཡང་དག་ཏིང་འཛིན་རྣམ་དག་པས། །དཔལ་ལྡན་བདེ་མཆོག་ལ་ཕྱག་འཚལ། །མགོན་པོར་ཡང་དག་འཁྱུད་བཞུགས་པ། །ཞལ་གཅིག་
[89a.6]མ་ལ་ཆེར་དམར་བ། །གྲི་གུག་ཐོད་ལྡན་བདེ་རང་བཞིན། །རྡོ་རྗེ་ཕག་མོ་ལ་ཕྱག་འཚལ། །དེ་མདུན་ཞི་བ་དགའ་བ་དང་། །ལུས་དྲན་ཉེ་བར་གཞག་ངོ་བོ། །སྐུ་མདོག་ནག་མོ་གྲི་ཐོད་མཚན། །རོར་གནས་མཁའ་འགྲོ་མར་ཕྱག་འཚལ། །གཡོན་དུ་རྒྱས་དང་མཆོག་དགའ་དང་། །
[89a.7]ཚོར་བ་དྲན་པ་ཉེར་གཞག་རིམ། །སྐུ་མདོག་ལྗང་མོ་གྲི་ཐོད་མཚན། །རོར་གནས་ལཱ་མ་ལ་ཕྱག་འཚལ། །ནུབ་ཏུ་དགའ་བྲལ་དགའ་བ་དང་། །དབང་དང་སེམས་དྲན་ཉེར་གཞག་བཞུགས། །སྐུ་མདོག་དམར་པོ་གྲི་ཐོད་མཚན། །རོར་གནས་དུམ་སྐྱེས་མར་ཕྱག་འཚལ། །གཡས་སུ་
[89b]
[89b.1]འགུགས་དང་ལྷན་ཅིག་སྐྱེས། །ཆོས་དྲན་ཉེ་བར་གཞག་པས་བཞུགས། །སྐུ་མདོག་སེར་མོ་གྲི་ཐོད་འཆང་། །རོར་གནས་གཟུགས་ཅན་ལ་ཕྱག་འཚལ། །ཉི་མའི་དཀྱིལ་འཁོར་ལ་བཞུགས་པ། །ཕྱག་རྒྱ་ལྔ་ཡིས་རྣམ་པར་བརྒྱན། །བཅོམ་ལྡན་འདས་ཀྱི་ཞལ་དང་མཚུངས། །
[89b.2]མཁའ་འགྲོ་མ་སོགས་བདག་ཕྱག་འཚལ། །པུལླི་འདུན་དང་མགོ་བོ་དང་། །སོ་དང་སེན་མོ་རྣམ་དག་པས། །ཐུགས་ཀྱི་འཁོར་ལོར་ཐོད་དུམ་དང་། །རབ་གཏུམ་ནག་མོ་ལ་ཕྱག་འཚལ། །ཛཱ་ལནྡྷ་ར་བརྩོན་འགྲུས་སྤྱི། །སྐྲ་དང་སྤུ་ནི་རྣམ་དག་པས། །ཀེང་རུས་ཀྱིས་འཁྱུད་
[89b.3]སྐུ་མདོག་སྔོ། །གཏུམ་མིག་མ་ལ་ཕྱག་འཚལ་ལོ། །ཨུ་རྒྱན་དང་ནི་དཔྱོད་པ་དང་། །རྣ་བ་གཡས་དང་པགས་པ་དྲི། །ཀེང་རུས་ཆེན་པོ་དང་ལྷན་ཅིག །འོད་ལྡན་མ་ལ་ཕྱག་འཚལ་ལོ། །ཨར་བུ་དཱ་དང་སེམས་ལྟག་པ། །ཤ་ཡི་ཁམས་ནི་རྣམ་དག་པས། །མཆེ་བ་རྣམ་པར་
[89b.4]གཙིགས་སྦྱོར་བའི། །སྣ་ཆེན་མ་ལ་ཕྱག་འཚལ་ལོ། །གོ་དཱ་བ་རི་རྣ་གཡོན་དང་། །རྩ་རྒྱུས་དང་དབང་བདག་ཉིད་དེ། །ལྷ་དགྲ་དང་བཅས་མཁའ་འགྲོ་མ། །དཔའ་བོའི་བློ་མ་ལ་ཕྱག་འཚལ། །རཱ་མེ་ཤྭ་ར་རུས་པ་དང་། །སྨིན་དབུས་བརྩོན་འགྲུས་དབང་པོ་དག །འོད་དཔག་མེད་
[89b.5]ལ་ཡང་དག་འཁྱུད། །ལྷ་མོ་མིའུ་ཐུང་ལ་ཕྱག་འཚལ། །དེ་བཱི་ཀོ་ཊི་མཆིན་པ་དང་། །མིག་དང་དྲན་པ་རྣམ་དག་པ། །རྡོ་རྗེའི་འོད་ཀྱིས་ཡང་དག་འཁྱུད། །ལང་ཀའི་དབང་ཕྱུག་མར་ཕྱག་འཚལ། །མཱ་ལ་བ་དང་ཕྲག་པ་སྙིང་། །ཏིང་འཛིན་དབང་པོ་རྣམ་དག་པ། །ལྷ་མོ་རྡོ་རྗེའི་
[89b.6]སྐུར་སྦྱོར་བ། །ཤིང་གྲིབ་མ་ལ་བདག་ཕྱག་འཚལ། །ཀཱ་མ་རཱུ་དང་མཆན་ཁུང་དང་། །མིག་དང་ཤེས་རབ་དབང་བདག་ཉིད། །གསུང་འཁོར་དམར་པོར་མྱུ་གུ་ཅན། །ས་སྲུང་མལ་ཕྱག་འཚལ་ལོ། །ཨོ་ཊེ་ནུ་གཉིས་མཁྲིས་པ་དང་། དད་པའི་སྟོབས་ནི་རྣམ་དག་པ། །རྡོ་རྗེ་
[89b.7]རལ་པ་ཅན་གྱིས་འཁྱུད། །འཇིགས་བྱེད་ཆེན་མོ་ལ་ཕྱག་འཚལ། །ཏྲི་ཤ་ཀུ་ནེེ་ལྟེ་བའི་གནས། །གློ་བ་བརྩོན་འགྲུས་རྣམ་དག་པ། །དཔའ་བོ་ཆེན་པོས་ཡང་དག་འཁྱུད། །རླུང་ཤུགས་མ་ལ་ཕྱག་འཚལ་ལོ། །ཀོ་ས་ལ་དང་སྣ་རྩེ་དང་། །དྲན་དང་རྒྱུ་མ་རྣམ་དག་པ། །རྡོ་རྗེ་ཧཱུཾ་མཛད་
[90a]
[90a.1]ཀྱིས་འཁྱུད་པ། །ཆང་འཐུང་མ་ལ་ཕྱག་འཚལ་ལོ། །ཀ་ལིང་ག་དང་ཁའི་ཕྱོགས་དང་། །གཉེ་མ་དང་ནི་ཏིང་འཛིན་སྟོབས། །རབ་ཏུ་བཟང་དང་སྙོམས་འཇུག་པ། །སྔོ་བསངས་ལྷ་མོ་ལ་ཕྱག་འཚལ། །ལམ་བཱ་ཀ་དང་མགྲིན་གནས་དང་། །གྲོད་པ་དང་ནི་ཤེས་
[90a.2]རབ་སྟོབས། །རྡོ་རྗེ་བཟང་གིས་འཁྱུད་བཞུགས་མ། །ཤིན་ཏུ་བཟང་མོ་ལ་ཕྱག་འཚལ། །ཀཱཉྩི་དང་ནི་སྙིང་ཕྱོགས་གནས། །བཤད་དང་ཏིང་འཛིན་ཡན་ལག་དང་། །འཇིགས་བྱེད་ཆེན་པོས་ཡང་དག་འཁྱུད། །རྟ་རྣ་མ་ལ་བདག་ཕྱག་འཚལ། །ཧཱི་མ་ལ་ཡ་མདོམས་པར་དང་། །
[90a.3]བརྩོན་འགྲུས་མཚན་རྩེ་རྣམ་དག་པ། །མིག་མི་བཟང་ལྡན་མཁའ་འགྲོ་མ། །བྱ་གདོང་མ་ལ་ཕྱག་འཚལ་ལོ། །སྐུ་ཡི་འཁོར་ལོར་པྲེ་ཏ་པུར། །དཀར་མོ་བད་ཀན་མཚན་མ་དང་། །དགའ་བ་རྣམ་དག་འཁོར་ཤུགས་མ། །སྟོབས་ཆེན་ལྡན་ལ་ཕྱག་འཚལ་ལོ། །གྲྀ་ཧ་དེ་བ་
[90a.4]བཤད་ལམ་དང་། །རྣག་དང་ཆོས་རྣམས་འབྱེད་བདག་ཉིད། །རིན་ཆེན་རྡོ་རྗེས་ཡང་དག་འཁྱུད། །དུམ་སྐྱེས་མ་ལ་ཕྱག་འཚལ་ལོ། །སཽ་རཱཥྚ་བརླ་གཉིས་གནས། །ཁྲག་དང་དྲན་པ་རྣམ་དག་པ། །རྟ་མགྲིན་དང་ལྡན་མཁའ་འགྲོ་མ། །ཆང་འཚོང་མ་ལ་ཕྱག་འཚལ་ལོ། །སུ་ཝརྞྞ་
[90a.5]དྭཱི་པ་བྱིན་པར་གནས། །རྡུལ་དང་བཏང་སྙོམས་ཡན་ལག་དང་། །ནམ་མཁའི་སྙིང་པོར་འཁྱུད་མཛད་མ། །འཁོར་ལོའི་གོ་ཆ་མར་ཕྱག་འཚལ། །ནཱ་གར་སོར་མོ་ཚིལ་དང་ནི། །ཤིན་ཏུ་སྦྱངས་པ་རྣམ་དག་པ། །ཧེ་རུ་ཀ་དཔལ་སྙོམས་འཇུག་པ། །ཤིན་ཏུ་དཔའ་མོ་ལ་ཕྱག་འཚལ། །
[90a.6]སིན་དྷུ་རྐང་པའི་བོལ་དང་ནི། །ཡང་དག་ལྟ་དང་མཆི་མ་སྦྱངས། །པདྨ་གར་དབང་ཕྱུག་དང་ལྡན། །སྟོབས་ཆེན་མ་ལ་ཕྱག་འཚལ་ལོ། །མ་རོ་མཐེ་བོང་སྟེང་དང་ནི། །ཡང་དག་རྟོག་པ་མཆིལ་མ་དག །རྣམ་སྣང་མཛད་དང་སྙོམས་འཇུག་པ། །འཁོར་ལོས་སྒྱུར་མ་ལ་ཕྱག་
[90a.7]འཚལ། །ཀུ་ལུ་ཏཱ་དང་པུས་མོར་གནས། །སྣབས་དང་ཡང་དག་ངག་ངག་པ། །རྡོ་རྗེ་སེམས་དཔའ་སྙོམས་འཇུག་པ། །བརྩོན་ཆེན་མ་ལ་བདག་ཕྱག་འཚལ། །ཉི་དཀྱིལ་སྤྲོས་མེད་ལ་གནས་པ། །གཡོན་པ་ལ་སོགས་གོ་རིམས་ཀྱིས། །གྲི་གུག་དང་ནི་ཐོད་པ་འཆང་། །ཕྱག་
[90b]
[90b.1]རྒྱ་ལྔ་ཡིས་རྣམ་པར་བརྒྱན། །སྤྱན་གསུམ་ལྷན་ཅིག་སྐྱེས་དགའ་བས། །ཐུགས་ནི་ཡང་དག་མཉེས་མཛད་པ། །ཐུགས་གསུང་སྐུ་ཡི་མཁའ་འགྲོ་མ། །གནག་དང་དམར་དཀར་ལ་ཕྱག་འཚལ། །ཤར་སྒོར་ཉི་མ་ལ་གནས་པ། །མཁའ་འགྲོ་མ་མཚུངས་འོད་མངའ་མ། །ཁྲོ་མོ་གྲི་གུག་
[90b.2]ཐོད་པ་འཆང་། །ཁྭ་གདོང་མ་ལ་ཕྱག་འཚལ་ལོ། །གཡོན་སྒོར་ཉི་མ་ལ་བཞུགས་པ། །ལཱ་མ་དང་འདྲའི་འོད་མངའ་མ། །ཁྲོ་མོ་གྲི་གུག་ཐོད་པ་འཆང་། །འུག་གདོང་མ་ལ་ཕྱག་འཚལ་ལོ། །ནུབ་སྒོར་ཉི་མ་ལ་བཞུགས་པ། །དུམ་སྐྱེས་མ་ཡི་འོད་འདྲ་མ། །ཁྲོ་མོ་གྲི་གུག་ཐོད་པ་
[90b.3]འཆང་། །ཁྱི་གདོང་མ་ལ་ཕྱག་འཚལ་ལོ། །ལྷོ་སྒོར་ཉི་མ་ལ་བཞུགས་པ། །གཟུགས་ཅན་འདྲ་བའི་འོད་མངའ་མ། །ཁྲོ་མོ་གྲི་གུག་ཐོད་པ་འཆང་། །ཕག་གདོང་མ་ལ་ཕྱག་འཚལ་ལོ། །ཡང་དག་ལས་དང་ཡང་དག་འཚོ། །རྩོལ་དང་དྲན་པ་ཡང་དག་ལྡན། །སྒོ་སྐྱོང་མ་ནི་བཞི་པོ་ལ། །
[90b.4]དེ་གོམས་ཐོབ་ཕྱིར་བདག་ཕྱག་འཚལ། །ཤར་ལྷོ་ཡི་ནི་མཚམས་བཞུགས་པ། །གནག་དང་སེར་བའི་འོད་མངའ་བ། །དྲག་མོ་གྲི་གུག་ཐོད་པ་འཆང་། །གཤིན་རྗེ་བརྟན་མར་ཕྱག་འཚལ་ལོ། །ལྷོ་དང་ནུབ་ཀྱི་མཚམས་བཞུགས་པ། །སེར་དང་དམར་བའི་འོད་མངའ་བ། །དྲག་
[90b.5]མོ་གྲི་གུག་ཐོད་པ་འཆང་། །གཤིན་རྗེ་ཕོ་ཉ་མོ་ལ་འདུད། །ནུབ་དང་བྱང་གི་མཚམས་བཞུགས་པ། །དམར་དང་ལྗང་བའི་འོད་མངའ་བ། །དྲག་མོ་གྲི་གུག་ཐོད་པ་འཆང་། །གཤིན་རྗེ་མཆེ་བ་མར་ཕྱག་འཚལ། །བྱང་དང་ཤར་གྱི་མཚམས་བཞུགས་པ། །ལྗང་དང་གནག་པའི་
[90b.6]འོད་མངའ་བ། །དྲག་མོ་གྲི་གུག་ཐོད་པ་འཆང་། །གཤིན་རྗེ་འཇོམས་མ་ལ་ཕྱག་འཚལ། །མ་སྐྱེས་པ་དང་སྐྱེས་པ་དང་། །སྡིག་པ་མི་བསྐྱེད་འཇོམས་པའི་ཕྱིར། །དེ་བཞིན་དགེ་བ་བསྐྱེད་པ་དང་། །དེ་བཞིན་གནས་དང་སྤེལ་བ་བྱེད། །རྣམ་ཤེས་ཚོགས་བརྒྱད་དག་པའི་ཕྱིར། །
[90b.7]འབད་དང་རྩོལ་བ་རབ་མཛད་པའི། །འཇིག་རྟེན་ཆོས་རྣམས་རྣམ་མཉམ་ཕྱིར། །སྒོ་སྐྱོང་རྣམས་ལ་བདག་ཕྱག་འཚལ། །ལུས་དང་ངག་དང་ཡིད་དག་པའི། །དུར་ཁྲོད་བརྒྱད་ཀྱིས་རྣམ་པར་བརྒྱན། །མ་ལུས་མཁའ་འགྲོའི་འཁོར་ལོ་ལ། །ལུས་ངག་ཡིད་ཀྱིས་ཕྱག་འཚལ་བསྟོད། །
[91a]
[91a.1]ཆོས་དང་ལོངས་སྤྱོད་སྤྲུལ་པ་དང་། །བདེ་བ་ཆེན་པོ་རྣམ་དག་པ། །སྒྲིབ་པའི་དྲི་སོགས་དག་པའི་སེམས། །གང་དེ་ཡང་དག་རྣམ་པར་གནས། །ཡེ་ཤེས་འཁོར་ལོ་ཐུགས་འཁོར་ལོ། །གསུང་དང་སྐུ་ཡི་འཁོར་ལོ་དང་། །དེ་བཞིན་དམ་ཚིག་འཁོར་ལོ་ལ། །
[91a.2]གནས་ཀུན་བདག་ཉིད་ཕྱག་འཚལ་ལོ། །ང་རྒྱལ་ཞེ་སྡང་འདོད་ཆགས་ཆེ། །གཏི་མུག་ཕྲག་དོག་རྣམ་དག་པ། །རིན་ཆེན་མི་བསྐྱོད་རྟ་མགྲིན་དང་། །རྟག་པ་བརྟག་བདག་རིམ་པ་ཡིས། །རྣམ་ཤེས་ཡེ་ཤེས་རྣམ་དག་པ། །དམ་ཚིག་ཆེ་དང་འབྱུང་བར་གྲགས། །ཕུང་པོ་ཁམས་ཀྱི་
[91a.3]ངོ་བོ་ཉིད། །འཁོར་ལོ་ལྔ་པོ་ལ་ཕྱག་འཚལ། །མཁའ་སྤྱོད་དང་ནི་ས་སྤྱོད་དང་། །དེ་བཞིན་ས་འོག་གནས་པ་དང་། །ཀུན་རྫོབ་དང་ནི་དོན་དམ་དག །འཁོར་ལོ་ལྔ་ལ་བདག་ཕྱག་འཚལ། །ཐིམ་དང་ལོངས་སྤྱོད་བདག་པོ་ཡི། །གནས་ནི་ཉི་ཤུ་རྩ་བཞི་ལ། །སྐྱེ་དང་འཇིག་དང་
[91a.4]གནས་པ་དང་། །ཆོས་དང་ལོངས་སྤྱོད་སྤྲུལ་པ་སྟེ། །འདིས་ནི་ཁམས་གསུམ་ཐམས་ཅད་ལ། །སྔགས་དང་དབྱིངས་དང་ཆོས་དག་གིས། །རྟག་ཏུ་ཁྱབ་ནས་ཡང་དག་གནས། །བདེ་མཆོག་དཔལ་ཚོགས་ཕྱག་འཚལ་ནས། །དཔལ་ལྡན་བདེ་མཆོག་ཅེས་བྱ་བའི། །དེ་ལྟར་དཀྱིལ་
[91a.5]འཁོར་བསྟོད་བྱས་པས། །བསོད་ནམས་གང་ཐོབ་དེ་ཡིས་ནི། །འགྲོ་རྣམས་དེ་ཡི་རང་བཞིན་ཤོག །དཔལ་འཁོར་ལོ་སྡོམ་པའི་དཀྱིལ་འཁོར་གྱི་བསྟོད་པ་ཞེས་བྱ་བ་པཎྜི་ཏ་ཤཱུ་རཾ་ཀ་ལ་ཤས་མཛད་པ་རྫོགས་སོ། །ཞུས་ཆེན་གྱི་ལོ་ཙཱ་བ་བསོད་ནམས་བཟང་པོས་བསྒྱུར་བའོ།། །།
[91a.6]{T1531}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦ་ར་མཎྜལ་ཙཀྲ་དེ་བ་ག་ཎ་སྟོ་ཏྲ་ནཱ་མ། བོད་སྐད་དུ། དཔལ་འཁོར་ལོ་སྡོམ་པའི་དཀྱིལ་འཁོར་གྱི་ལྷ་ཚོགས་ལ་བསྟོད་པ་ཞེས་བྱ་བ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །ལྷ་མོ་འཁོར་ལོ་དང་ལྡན་པའི། །མཁའ་
[91a.7]འགྲོ་དཔའ་བོ་དཔའ་མོ་དང་། །དག་པའི་ཆོས་ཀྱི་དྲི་མེད་པའི། །ཁྲག་འཐུང་མགོན་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་གྱི་དཔལ། །རྣམ་པར་སྣང་མཛད་རིགས་ལས་བྱུང་། །སུམ་ཅུ་རྩ་བདུན་ཡང་དག་སྤྲོ། །རྡོ་རྗེ་ཕག་མོར་ཕྱག་འཚལ་ལོ། །ལུས་དང་སེམས་དང་ཆོས་
[91b]
[91b.1]དང་ཚོར། །དྲན་པ་ཉེ་བར་གཞག་པའི་དངོས། །མཁའ་འགྲོ་ལཱ་མ་དུ་མ་སྐྱེས་མ། །གཟུགས་ཅན་མ་ལ་ཕྱག་འཚལ་བསྟོད། །པདྨའི་དབུས་ཀྱི་བཅོམ་ལྡན་འདས། །ཕྱོགས་ཀྱི་འདབ་མར་ལྷ་མོ་བཞི། །མཚམས་ཀྱི་དག་ནི་སྣོད་བཞི་པོ། །ཞལ་བཞི་དག་ལ་ཕྱག་འཚལ་བསྟོད། །སེན་
[91b.2]མོ་སོ་ལ་ཐོད་དུམ་གནས། །འདུན་པའི་རྫུ་འཕྲུལ་རྐང་འདུ་བྱེད། །རབ་གཏུམ་མོ་ནི་མགོ་ལ་གནས། །པུལླི་ར་མར་ཕྱག་འཚལ་བསྟོད། །ཀེང་རུས་ཆེན་མོ་ཡང་དག་བཞུགས། །གཏུམ་མིག་མ་ནི་སྐྲ་དང་སྤུ། །བརྩོན་འགྲུས་རྫུ་འཕྲུལ་སྤྱི་གཙུག་ལ། །ཛཱ་ལནྡྷ་རར་ཕྱག་འཚལ་
[91b.3]བསྟོད། །དཔའ་མོ་པགས་པ་དྲི་མ་དང་། །དཔྱོད་པའི་རྫུ་འཕྲུལ་ཀེང་རུས་ཅན། །འོད་ལྡན་མ་ནི་རྣ་གཡས་གནས། །ཨོ་ཌི་ཡ་ནར་ཕྱག་འཚལ་བསྟོད། །ཨར་བུ་ད་ནི་རྒྱབ་ཚིགས་ལ། །སྣ་ཆེན་མ་ནི་རྣལ་འབྱོར་མ། །ཤ་ལ་མཆེ་གཙིགས་སེམས་རྫུ་འཕྲུལ། །བདེ་བའི་གནས་ལ་
[91b.4]ཕྱག་འཚལ་བསྟོད། །ལྷ་མོ་རྩ་དང་རྒྱུས་པ་ལ། །དད་པའི་དབང་པོ་དཔའ་བོ་ལ། །རྣ་བ་དག་ནི་གཡོན་པ་ལ། །ཉེ་བའི་གནས་ལ་ཕྱག་འཚལ་བསྟོད། །བརྩོན་འགྲུས་དབང་པོ་ཉེ་བའི་གནས། །འོད་དཔག་མེད་ནི་རུས་པ་ལ། །མིའུ་ཐུང་མ་ནི་སྨིན་མའི་དབུས། །མར་མེ་མ་ལ་ཕྱག་
[91b.5]འཚལ་ལོ། །མཆིན་པ་ལ་ནི་དྲན་དབང་པོ། །ལང་ཀའི་དབང་ཕྱུག་རྡོ་རྗེའི་འོད། །དེ་བཱི་ཀོ་ཊི་མིག་གཉིས་ལ། །ཉེ་བའི་གནས་ལ་ཕྱག་འཚལ་ལོ། །ཏིང་འཛིན་དབང་པོ་ཤིང་གྲིབ་མ། །ཕྲག་པ་ལ་ནི་ཉེ་བའི་གནས། །སྙིང་ག་ལ་ནི་རྡོ་རྗེ་སྐུ། །མཱ་ལ་བར་ནི་ཕྱག་འཚལ་ལོ། །
[91b.6]ཐུགས་ཀྱི་འཁོར་ལོའི་གནས་འདི་དག །མཁའ་ལ་སྤྱོད་པ་རྣམ་དག་པ། །ཕྱོགས་དང་མཚམས་སུ་ནག་པོར་བཞུགས། །དེ་ལ་རྟག་ཏུ་ཕྱག་འཚལ་ལོ། །ཤེས་རབ་དབང་པོ་ས་སྲུང་མ། །མཆན་ཁུང་ལ་ནི་གནས་པ་སྟེ། །མྱུ་གུ་ཅན་ནི་མིག་ལ་གནས། །ཀ་མ་རཱུ་པར་ཕྱག་
[91b.7]འཚལ་ལོ། །དད་པའི་སྟོབས་ནི་འཇིགས་བྱེད་ཆེ། །ནུ་མ་ལ་ནི་གནས་པ་སྟེ། །མཁྲིས་པ་རྡོ་རྗེ་རལ་པ་ཅན། །ཨོ་ཊེར་ཞིང་ལ་ཕྱག་འཚལ་ལོ། །བརྩོན་འགྲུས་སྟོབས་ནི་རླུང་ཤུགས་མ། །ལྟེ་བ་ལ་ནི་གནས་པ་སྟེ། །གློ་བ་ལ་ནི་དཔའ་བོ་ཆེ། །ཏྲི་ཤ་ཀུ་ནེར་ཕྱག་འཚལ་ལོ། །དྲན་
[92a]
[92a.1]པའི་སྟོབས་ནི་ཆང་འཐུང་མ། །སྣ་རྩེ་ལ་ནི་རབ་ཏུ་གནས། །རྒྱུ་མ་རྡོ་རྗེ་ཧཱུཾ་མཛད་དེ། །ཀོ་སར་ཉེ་ཞིང་ཕྱག་འཚལ་ལོ། །ཏིང་འཛིན་སྟོབས་ནི་སྔོ་བསངས་མ། །ཙྪ་ནྡོ་ཧ་ནི་ཁ་ལ་བཞུགས། །གཉེ་མ་ལ་ནི་རབ་ཏུ་བཟང་། །ཀ་ལིང་ག་ལ་ཕྱག་འཚལ་ལོ། །ཤིན་
[92a.2]དུ་བཟང་མོ་ཤེས་རབ་སྟོབས། །ཙྪ་ནོ་དྷ་ནི་མགྲིན་པའི་དབུས། །གྲོད་པ་ལ་ནི་རྡོ་རྗེ་བཟང་། །ལམ་བཱ་ཀ་ལ་ཕྱག་འཚལ་ལོ། །ཏིང་འཛིན་ཡན་ལག་རྟ་རྣ་མ། །ཀཱཉྩརི་སྙིང་ལ་གནས་པ་སྟེ། །བཤད་པ་ལ་ནི་འཇིགས་བྱེད་ཆེ། །ཉེ་ཙྪ་ནྡོལ་ཕྱག་འཚལ་ལོ། །ཧི་མཱ་ལ་ཡར་མཚན་མའི་
[92a.3]རྩེ། །བརྩོན་འགྲུས་ཡང་དག་བྱ་གདོང་མ། །གསང་བའི་སྦུབས་ལ་མིག་མི་བཟང་། །ཉེ་ཙྪ་ནྡོ་ལ་ཕྱག་འཚལ་ལོ། །གསུང་གི་འཁོར་ལོའི་གནས་འདི་དག །ས་ལ་སྤྱོད་པ་རྣམ་དག་པ། །ཁ་དོག་དམར་པོ་ཕྱོགས་མཚམས་ན། །ཡང་དག་བཞུགས་ལ་ཕྱག་འཚལ་ལོ། །པྲེ་
[92a.4]ཏ་མཚན་མ་འཁོར་ལོ་ཤུགས། །དགའ་བ་ཡང་དག་བྱང་ཆུབ་ལམ། །བད་ཀན་ལ་ནི་སྟོབས་པོ་ཆེ། །འདུ་བ་ཅན་ལ་ཕྱག་འཚལ་ལོ། །གྲྀ་ཧ་བཤད་ལམ་དུམ་སྐྱེས་བཞུགས། །ཤིན་ཏུ་སྦྱངས་པ་བྱང་ཆུབ་ལམ། །རྣག་ལ་རིན་ཆེན་རྡོ་རྗེ་སྟེ། །འདུ་བ་ཅན་ལ་ཕྱག་འཚལ་ལོ། །སཽ་
[92a.5]རཱཥྚ་བརླ་གཉིས་ལ། །ཉེ་བར་གནས་པའི་འདུ་ཅན་དུ། །ཆོས་རབ་འབྱེད་པ་ཆང་འཚོང་མ། །རྟ་མགྲིན་ཁྲག་ལ་ཕྱག་འཚལ་ལོ། །གསེར་གླིང་དག་ནི་བྱིན་པ་ལ། །དྲན་པ་འཁོར་ལོའི་གོ་ཆ་མ། །རྡུལ་ནི་ནམ་མཁའི་སྙིང་པོ་སྟེ། །ཉེ་བའི་འདུ་ལ་ཕྱག་འཚལ་ལོ། །ཤིན་དུ་དཔའ་
[92a.6]མོས་ལེགས་པར་འཁྱུད། །བཏང་སྙོམས་ཡང་དག་སོར་མོ་ལ། །ཚིལ་ནི་ཧེ་རུ་ཀ་དཔལ་ཏེ། །དུར་ཁྲོད་གྲགས་ལ་ཕྱག་འཚལ་ལོ། །སིནྡྷུ་རྐང་པའི་བོལ་ལ་ནི། །ཡང་དག་ལྟ་བ་སྟོབས་ཆེན་མ། །མཆི་མ་པདྨ་གར་དབང་ཕྱུག །དུར་ཁྲོད་གྲགས་ལ་ཕྱག་འཚལ་ལོ། །མཆིལ་མ་
[92a.7]དཔའ་བོ་རྣམ་སྣང་མཛད། །འཁོར་ལོས་སྒྱུར་བ་ཡང་དག་རྟོག །མཐེ་བོང་གཉིས་ལ་ཉེ་དུར་ཁྲོད། །མ་ནོར་གནས་ལ་ཕྱག་འཚལ་ལོ། །ཀུ་ལུ་ཏར་ནི་ཡང་དག་ངག །བརྩོན་ཆེན་མ་ནི་པུས་མོ་ལ། །སྣབས་ལ་རྡོ་རྗེ་སེམས་དཔའ་སྟེ། །ཉེ་དུར་ཁྲོད་ལ་ཕྱག་འཚལ་ལོ། །
[92b]
[92b.1]འདི་ནི་སྐུ་ཡི་འཁོར་ལོ་སྟེ། །ས་འོག་སྤྱོད་པར་གནས་པ་ཡིན། །ཕྱོགས་དང་མཚམས་ན་དཀར་པོར་གནས། །དེ་ལ་རྟག་ཏུ་ཕྱག་འཚལ་ལོ། །ཡང་དག་ལས་དང་འཚོ་བ་དང་། །ཡང་དག་རྩོལ་བ་དྲན་པ་དག །ཁྭ་དང་འུག་པ་ཁྱི་དང་ཕག །སྒོ་མ་བཞི་ལ་ཕྱག་འཚལ་ལོ། །ཡང་
[92b.2]དག་སྤོང་བཞི་རྣམ་དག་པ། །གཤིན་རྗེ་བརྟན་མ་ཕོ་ཉ་མོ། །གཤིན་རྗེ་མཆེ་མ་གཤིན་རྗེ་འཇོམས། །མཚམས་མ་བཞི་ལ་ཕྱག་འཚལ་ལོ། །བསམ་གཏན་དཀྱིལ་འཁོར་བསྲུང་དོན་དུ། །འདི་བརྒྱད་ཀྱིས་ནི་བགེགས་སྤངས་སོ། །བདེ་མཆོག་འཁོར་ལོར་བསྟོད་པ་ཡི། །
[92b.3]དགེ་བས་བདུད་བཞིའི་དགྲ་བཅོམ་སྟེ། །ལྷ་ཚོགས་ལྷ་མོར་ཁྲིར་གྱུར་ནས། །བསམ་ཚོགས་སྟོབས་མཁས་ལྡན་གྱུར་ཅིག །དཔལ་འཁོར་ལོ་སྡོམ་པའི་དཀྱིལ་འཁོར་གྱི་ལྷ་ཚོགས་ལ་བསྟོད་པ་ཞེས་བྱ་བ་ཁ་ཆེའི་མཁས་པ་ཆེན་པོ་བྲམ་ཟེ་རིན་ཆེན་རྡོ་རྗེས་མཛད་པ་རྫོགས་སོ།། །།
[92b.4]{T1532}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦ་ར་སྟོ་ཏྲ། བོད་སྐད་དུ། དཔལ་འཁོར་ལོ་སྡོམ་པ་ལ་བསྟོད་པ། བཅོམ་ལྡན་འདས་འཁོར་ལོ་སྡོམ་པ་ལ་ཕྱག་འཚལ་ལོ། །ཀུན་རྟོག་སྤྲོས་བྲལ་དྲི་མ་རྣམ་དག་ཅིང་། །མཚོ་ལྟར་བདེ་བ་ཆེན་པོར་རོ་གཅིག་པ། །ནམ་
[92b.5]མཁའི་ངང་དུ་སྤྲིན་དཀར་དག་པ་བཞིན། །རང་བཞིན་རྣམ་དག་ཆོས་རྣམས་མངོན་གྱུར་ཏེ། །ཇི་ལྟར་མཁའ་ལ་འཇའ་ཚོན་ཤར་བ་བཞིན། །གཉིས་མེད་བདེ་ཆེན་ལོངས་སྤྱོད་རྫོགས་པའི་སྐུ། །ཡིད་བཞིན་ནོར་བུ་རྟོག་མེད་ཇི་བཞིན་དུ། །གདུལ་བྱ་མཆོག་ལ་སྤྲུལ་སྐུ་ཁྲོ་བོའི་ཚུལ། །
[92b.6]དཔའ་བོ་འཇིགས་བྱེད་གར་དགུའི་ཉམས་དང་ལྡན། །སྐུ་ཡི་རང་བཞིན་མཚན་དང་དཔེ་བྱད་ནི། །སྒེག་དང་དཔའ་དང་འཇིགས་སུ་རུང་བའི་ཚུལ། །གསུང་གི་རང་བཞིན་ཡན་ལག་དྲུག་ཅུ་ནི། །བཞད་དང་གཤེ་དང་རྔམ་པའི་ཚུལ་དུ་བསྟན། །ཐུགས་ཀྱི་རང་བཞིན་གཟུགས་དང་
[92b.7]ཏིང་ངེ་འཛིན། །ཞིབ་སེམས་དཔའ་རྨད་དུ་བྱུང་བའི་ཚུལ། །དབང་ཕྱུག་ཆེན་པོའི་སྒེག་པའི་ཉམས་བཅོམ་ནས། །གཉིས་མེད་ཡུམ་ལ་འཁྱུད་ནས་འགྱིང་བག་བཞུགས། །གཞོན་ནུ་གདོང་དྲུག་དཔའ་བའི་ཉམས་བཅོམ་ནས། །འཇིགས་བྱེད་དུས་མཚན་གཡས་བརྒྱང་ཞབས་ཀྱིས་
[93a]
[93a.1]མནན། །ཁྱབ་འཇུག་ཞལ་གསུམ་འཇིགས་པའི་ཉམས་བཅོམ་ནས། །ཞལ་བཞི་མངའ་ཞིང་བཅུ་གཉིས་ཕྱག་དང་ལྡན། །ལྷ་ཆེན་ཚངས་པ་རྒོད་པའི་ཉམས་བཅོམ་ནས། །གཡས་པ་སེར་པོ་བཞེད་པའི་ཚུལ་དུ་བསྟན། །ཚོགས་ཀྱི་བདག་པོའི་གཤེ་བའི་
[93a.2]ཉམས་བཅོམ་ནས། །གླང་ཆེན་པགས་པས་རྒྱན་བྱས་མཆེ་བ་གཙིགས། །སྒྲ་གཅན་ལྷ་མིན་ཉི་ཟླ་ཁར་བཅུག་ནས། །རྔམ་པའི་ཉམས་བཅོམ་ཚངས་པའི་མགོ་བོ་བསྣམས། །བརྒྱ་བྱིན་སྤྱན་མངས་ཞི་བའི་ཉམས་བཅོམ་ནས། །སྐུ་ལ་སྤྱན་གསུམ་གཟི་བརྗིད་ལྡན་པ་པོ། །མེ་
[93a.3]ལྷ་ཚངས་པ་ཞི་བའི་ཉམས་བཅོམ་ནས། །ཐལ་བའི་ཚོམ་བུས་སྐུ་ལ་བརྒྱན་པ་པོ། །ཀླུ་ཆེན་སེ་ཤ་རྨད་བྱུང་ཉམས་བཅོམ་ནས། །མི་མགོ་ལྔ་བཅུ་གཅིག་གིས་དོ་ཤལ་བྱས། །སྐུ་གསུང་ཐུགས་ལ་སྡུག་བསྔལ་གསུམ་ནུབ་པས། །ཐམས་ཅད་བདེ་བ་ཆེན་པོར་ཐུགས་སུ་ཆུད། །ཡང་
[93a.4]དག་ཏིང་འཛིན་རང་བཞིན་བཅོམ་ལྡན་འདས། །འཁོར་ལོའི་དབུས་ན་གཡས་བརྐྱང་སྦྱོར་བས་བཞུགས། །ཆོས་ཉིད་མི་འགྱུར་སྐུ་མདོག་མཐིང་གར་བསྟན། །ཐབས་ཀྱི་ཚུལ་གྱིས་འགྲོ་བའི་དོན་མཛད་པ། །ཐུགས་རྗེ་མཆོག་གྱུར་དེ་ལ་ཕྱག་འཚལ་ལོ། །དེ་ཡི་ཡུམ་གྱུར་རྡོ་རྗེ་ཕག་མོ་
[93a.5]ནི། །སྐུ་མདོག་དམར་པོ་ཞལ་གཅིག་ཕྱག་གཉིས་མ། །བདུད་བཞི་བཅོམ་ནས་བདེ་ཆེན་ཐུགས་ཆུད་མ། །གཉིས་མེད་ཡུམ་གྱུར་དེ་ལ་ཕྱག་འཚལ་ལོ། །ཞི་སོགས་ལས་མཛད་ཡེ་ཤེས་བཞི་ཡི་སྐུ། །ཚད་མེད་བཞི་དང་ཕྱག་རྒྱ་བཞི་ལྡན་མ། །ཕྱོགས་བཞི་པདྨའི་དབུས་ན་
[93a.6]བཞུགས་པ་ཡི། །མཁའ་འགྲོ་ཡུམ་བཞི་མོ་ལ་ཕྱག་འཚལ་ལོ། །རྟག་པ་ལ་སོགས་དེ་བཞིན་གཤེགས་པ་བཞི། །བུམ་པ་བཞི་དང་བདུད་རྩིས་བཀང་བའི་སྣོད། །མཚམས་བཞིར་མཆོད་པའི་གཟུགས་ཀྱིས་གནས་པ་ཡི། །ཐབས་ཤེས་དབྱེར་མེད་དེ་ལ་ཕྱག་འཚལ་ལོ། །
[93a.7]སེམས་ནི་སྐྱེ་བ་མེད་པར་ཐུགས་ཆུད་ཅིང་། །མི་བསྐྱོད་རིགས་སུ་སྐུ་མདོག་མཐིང་གར་བསྟན། །རྣམ་ཐར་བརྒྱད་རྩིབས་ཐུགས་རྟགས་རྡོ་རྗེས་བརྒྱན། །མཁའ་སྤྱོད་ཡབ་ཡུམ་རྣམས་ལ་ཕྱག་འཚལ་ལོ། །གསུང་ནི་སྒྲ་བརྙན་ལྟ་བུར་ཐུགས་ཆུད་ཅིང་། །འོད་དཔག་མེད་རིགས་སྐུ་
[93b]
[93b.1]མདོག་དམར་པོར་བསྟན། །རྣམ་ཐར་བརྒྱད་རྩིབས་གསུང་རྟགས་པདྨས་བརྒྱན། །ས་སྤྱོད་ཡབ་ཡུམ་རྣམས་ལ་ཕྱག་འཚལ་ལོ། །སྐུ་ནི་སྒྱུ་མ་ལྟ་བུར་ཐུགས་ཆུད་ཅིང་། །རྣམ་དག་རིགས་སུ་སྐུ་མདོག་དཀར་པོར་བསྟན། །རྣམ་ཐར་བརྒྱད་རྩིབས་སྐུ་རྟགས་འཁོར་ལོས་བརྒྱན། །ས་
[93b.2]འོག་ཡབ་ཡུམ་རྣམས་ལ་ཕྱག་འཚལ་ལོ། །གཤིན་རྗེ་བརྟན་སོགས་ཁྲོ་མོ་ཆེན་མོ་བརྒྱད། །མི་འམ་ཅི་སོགས་གདུལ་ཕྱིར་ཐ་དད་བཞུགས། །ཁྭ་གདོང་ལ་སོགས་ལྷ་མོ་བརྒྱད་པོ་རྣམས། །དམ་ཚིག་འཁོར་ལོར་བཞུགས་ལ་ཕྱག་འཚལ་ལོ། །རིན་ཆེན་ལས་གྲུབ་དཔག་མེད་
[93b.3]གཞལ་ཡས་ཁང་། །བྱང་ཆུབ་མཆོག་གི་ཆོས་རྣམས་ཡོངས་རྫོགས་པ། །གཙོ་བོ་བདེ་ཆེན་ཐུགས་ཀྱི་སྣང་བ་ནི། །སྣ་ཚོགས་རྒྱན་དང་ལྷ་མོའི་ཚོགས་ཀྱིས་མཛེས། །ཆོས་རྣམས་ཚད་མེད་དུར་ཁྲོད་བརྒྱད་ཀྱིས་བསྐོར། །རྣམ་པར་གཟིགས་ཤིང་ཐ་དད་གདོང་དུ་བསྟན། །
[93b.4]ཉན་ཐོས་རང་རྒྱལ་འཁོར་ལོས་སྒྱུར་སོགས་བརྒྱད། །ཕྱོགས་རྣམས་སྐྱོང་ཞིང་ཀླུ་དང་སྲིན་པོའི་གཟུགས། །ཐུགས་རྗེས་ཉོན་མོངས་བསྲེག་མཛད་འབར་བའི་ཕྲེང་། །རྣམ་སྣང་རང་བཞིན་ཐར་པའི་གྲོང་ཁྱེར་མཆོག །བདེ་ཆེན་བཞུགས་གནས་དེ་ལ་ཕྱག་འཚལ་ལོ། །བཅོམ་
[93b.5]ལྡན་འདས་དཔལ་འཁོར་ལོ་སྡོམ་པ་ལ་བསྟོད་པ་ཁ་ཆེའི་པཎྜི་ཏ་ཆེན་པོ་བྲམ་ཟེ་རིན་ཆེན་རྡོ་རྗེས་མཛད་པ་རྫོགས་སོ།། །།རྒྱ་གར་གྱི་མཁན་པོ་པཎྜི་ཏ་མ་ཧཱ་ཛྙཱ་ན་དད་བོད་ཀྱི་ལོ་ཙཱ་བ་མར་པ་ཆོས་ཀྱི་དབང་ཕྱུག་གིས་བསྒྱུར་བའོ། །{T1533}༄། །དཔལ་འཁོར་ལོ་བདེ་མཆོག་གི་རྒྱུན་བཤགས་རྒྱས་པ་
[93b.6]བཞུགས་སོ།། ༄༅༅། །དཔལ་ཧེ་རུ་ཀ་ལ་ཕྱག་འཚལ་ལོ། །ཆོས་དབྱིངས་རྣམ་དག་དབྱིངས་ལས་མ་གཡོས་ཀྱང་། །ཐབས་ཀྱིས་ཁྲོ་བོའི་སྐུར་སྟོན་གདུག་པ་གདུལ། །ཆེ་བའི་ཆེ་མཆོག་ལྷ་ཡི་ལྷར་གྱུར་པ། །ཀུན་བཟང་ཧེ་རུ་ཀ་ལ་ཕྱག་འཚལ་ལོ། །བདག་མེད་དབང་ཕྱུག་སྐུ་དང་
[93b.7]གཉིས་མེད་ཅིང་། །བདེ་ཆེན་འོད་གསལ་དག་པའི་དཀྱིལ་འཁོར་ནས། །རྒྱལ་བ་སྲས་བཅས་ལ་སོགས་སྤྲིན་འཕྲོ་བ། །རྡོ་རྗེ་ཕག་མོའི་སྐུ་ལ་ཕྱག་འཚལ་ལོ། །དུས་གསུམ་བདེ་བར་གཤེགས་པའི་ཡེ་ཤེས་སྐུ། །འཁོར་འདས་སྟོང་བར་མཛད་པའི་ཐུགས་རྗེ་ཡིས། །གདུལ་
[94a]
[94a.1]བྱ་ཀུན་མཁྱེན་ས་ལ་འགོད་མཛད་པའི། །རིགས་ལྔ་བདེ་བར་གཤེགས་ལ་ཕྱག་འཚལ་ལོ། །ནམ་མཁའ་ལྟ་བུར་ཐམས་ཅད་ཐོགས་མེད་ཅིང་། །འདོད་དགུར་བསྒྱུར་བའི་རྫུ་འཕྲུལ་ལུས་དང་ལྡན། །ཐུགས་དམ་དབང་གིས་སྒྲུབ་ལ་བརྩེར་དགོངས་པ། །གནས་
[94a.2]གསུམ་མཁའ་འགྲོའི་ཚོགས་ལ་ཕྱག་འཚལ་ལོ། །ཉོན་མོངས་རྣམ་དག་ཡེ་ཤེས་སྐུ་བརྙེས་པ། །སྲིད་པའི་འཁོར་ལོ་མ་ལུས་གཅོད་པའི་ཕྱིར། །ཐབས་མཁས་ཐུགས་རྗེས་འགྲོ་བ་འདྲེན་མཛད་པ། །རྒྱལ་གཉིས་རྡོ་རྗེའི་ཞབས་ལ་དད་པས་འདུད། །ལྷ་མིའི་ལོངས་སྤྱོད་ཕུན་
[94a.3]ཚོགས་ཐམས་ཅད་དང་། །ཀུན་དུ་བཟང་པོའི་མཆོད་སྤྲིན་ཆེན་པོ་དང་། །གསང་དང་གསང་རབ་གསང་ཆེན་བླ་མེད་ཀྱི། །མཆོད་པའི་སྤྲིན་ཆེན་རྒྱ་མཚོ་དག་གིས་མཆོད། །བདག་གི་ལུས་དང་ངག་དང་ཡིད་ཀྱིས་ཀྱང་། །ཆགས་དང་ཞེ་སྡང་རྣམ་པར་རྨོངས་སེམས་ཀྱིས། །
[94a.4]སྲིད་པ་ཉམ་ངར་སྡིག་པ་ཅི་བགྱིས་པ། །ད་ནས་སྡིག་པ་ཐམས་ཅད་རབ་ཏུ་བཤགས། །རྫོགས་སངས་རྒྱས་མགོན་བྱང་ཆུབ་སེམས་དཔའ་མཆོག །འཕགས་པ་རྣམས་ཀྱིས་དགེ་བ་གང་བགྱིས་པ། །དེ་དག་བླ་མེད་བྱང་ཆུབ་འབྲས་ཐོབ་པར། །མ་ལུས་པ་ལ་རྟག་ཏུ་རྗེས་
[94a.5]ཡི་རང་། །རྫོགས་སངས་རིན་ཆེན་རང་གི་སེམས་གནས་དང་། །རྟོག་པའི་དྲ་བ་རབ་དྲལ་དམ་པའི་ཆོས། །ས་དབང་ཚོགས་དང་བརྟུལ་ཞུགས་དགེ་འདུན་ལ། །རབ་ཏུ་དད་པས་བདག་ནི་སྐྱབས་སུ་མཆི། །རྒྱལ་དང་རྒྱལ་ཉིད་ལེགས་སྐྱེས་དེ་དག་ལ། །ཀུན་ནས་ཀུན་དུ་
[94a.6]བདག་ཉིད་བདག་གིས་དབུལ། །སེམས་དཔའ་མཆོག་གིས་བདག་ནི་ཡོངས་བཞེས་ཤིག །དད་པས་བདག་ཉིད་ཁྱེད་ཀྱི་འབངས་སུ་མཆི། །གློ་བུར་ཉོན་མོངས་ཚོགས་ཀྱིས་གདུང་བ་ཡིས། །བསྐྱོད་པའི་སྐྱེ་བོ་མཐའ་དག་བསྒྲལ་བྱའི་ཕྱིར། །དམ་ཆོས་བདུད་རྩིའི་སྔགས་
[94a.7]རྣམས་བཤད་པ་རུ། །སྨན་མཆོག་མགོན་པོ་ལ་ནི་བདག་གསོལ་ལོ། །མཆོག་ཏུ་མི་དགེ་བ་ནི་རབ་བཅོམ་པས། །བདུད་ཀྱི་སྐྱེ་རྒ་ན་དང་འཆི་ལས་གྲོལ། །མྱ་ངན་འདའ་བཞེད་གྱུར་པ་སྤང་བར་ནི། །སྨན་མཆོག་མགོན་པོ་ལ་ནི་བདག་གསོལ་ལོ། །སངས་རྒྱས་འཇིག་རྟེན་
[94b]
[94b.1]གང་བྱུང་ལ། །སྐལ་ལྡན་བྱང་ཆུབ་སེམས་དཔའ་ཡིས། །བྱང་ཆུབ་ཏུ་ནི་སེམས་བསྐྱེད་ལྟར། །དི་རིང་ཉིད་དུ་སེམས་བསྐྱེད་དོ། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །དེ་བཞིན་བརྟན་པོར་གཟུང་བར་བགྱི།
[94b.2]ཇི་ལྟར་ཕྱོགས་བཅུའི་རྒྱལ་བ་ཡིས། །སྔོན་གྱི་བདེ་གཤེགས་གྲངས་མེད་ལ། །ཐུགས་བསྐྱེད་དམ་ཚིག་དཔག་མེད་དག །འཚང་རྒྱ་བར་དུ་མ་བཏང་ལྟར། །བདག་ནི་དེང་ནས་བྱང་ཆུབ་པར། །ལུས་སྲོག་ལྟོས་པ་མེད་པར་ཡང་། །བསླབ་འདི་མགོན་བཞིན་བསྲུང་ལ་གནས། །
[94b.3]ཡེ་ཤེས་ཐུགས་ཀྱིས་དགོངས་སུ་གསོལ། །རྣམ་རྟོག་ཡེ་ཤེས་ལྔར་གྱུར་པ། །རྟག་ཏུ་བརྟེན་ཞིང་སྤྱད་པར་བྱ། །རྒྱལ་བ་རིགས་ལྔའི་བརྟུལ་ཞུགས་དག །སྲོག་གི་ཕྱིར་ཡང་མི་གཏོང་ངོ་། །སྐུ་གསུང་ཐུགས་ཀྱི་རྡོ་རྗེ་དག །རྟག་ཏུ་མི་ཕྱེད་བརྟུལ་ཞུགས་བཟུང་། །རྒྱལ་བས་
[94b.4]དགོངས་ཏེ་གསུངས་པ་ཡི། །དམ་ཚིག་བཞི་པོ་བསྲུང་བར་བགྱི། །རྩ་བའི་ལྟུང་བ་བཅུ་བཞི་སོགས། །རིག་སྔགས་འཆང་ཀུན་མི་འདའ་ལྟར། །དིང་ནས་བླ་མེད་བྱང་ཆུབ་པར། །བདག་གིས་ཚུལ་བཞིན་བསྲུང་བར་བགྱི། །ཉིན་དང་མཚན་མོ་ལན་གསུམ་དུ། །ཟླ་རེར་
[94b.5]བཅུ་ཕྲག་གཉིས་པོ་དང་། །བཅོ་ལྔ་ལ་ནི་རབ་ཏུ་མཆོད། །ཐག་པ་དམན་ལ་འདོད་མི་བགྱི། །སེམས་ཅན་ལ་ཡང་རྒྱབ་མི་ཕྱོགས། །འཁོར་བ་དག་ཀྱང་མི་སྤང་ཞིང་། །མྱ་ངན་འདས་ལ་དགར་མི་འགྲོ། །དཔའ་བོ་རྣལ་འབྱོར་མ་ཀུན་ལ། །གུས་པས་བསྙེན་བཀུར་མཆོད་
[94b.6]པར་བགྱི། །བདག་གིས་སེམས་ཅན་ཐམས་ཅད་ལ། །བརྙས་པ་ཉིད་དུ་མི་བགྱིད་དོ། །ཕྱག་རྒྱ་བཞོན་པ་མཚོན་ཆ་དང་། །མཚན་མ་འགོང་བར་མི་བགྱིའོ། །བདག་གིས་དུས་གསུམ་དགེ་བ་ཅི་སྤྱད་པས། །ནམ་མཁའི་མཐས་ཀླས་གྱུར་བའི་སེམས་ཅན་རྣམས། །བླ་མེད་
[94b.7]ཐེག་པ་ཆེན་པོའི་སྣོད་གྱུར་ནས། །ཀུན་ཀྱང་རྡོ་རྗེ་འཛིན་པའི་བདག་ཉིད་ཤོག །སྐྱེ་ཞིང་སྐྱེ་བ་དག་ནི་ཐམས་ཅད་དུ། །བློ་ལྡན་རིགས་བཟང་ང་རྒྱལ་མེད་པ་དང་། །སྙིང་རྗེ་ཆེ་ལྡན་བླ་མ་ལ་དད་ཅིང་། །འཁོར་ལོ་བདེ་མཆོག་དམ་ཚིག་ལ་གནས་ཤོག །རྡོ་རྗེ་དྲིལ་བུ་ལ་སོགས་རྟག་ཏུ་
[95a]
[95a.1]འཆང་། །ཟབ་ཅིང་རྒྱ་ཆེའི་ཆོས་ནི་རྟོགས་པ་དང་། །ཀཀྐོ་ཤུ་ཀྲ་ལ་སོགས་རྟག་ཟ་ཞིང་། །མཐར་ཐུག་ཐེག་ཆེན་སྒྲུབ་པའི་སྐལ་ལྡན་ཤོག །དིང་ནས་བྱང་ཆུབ་སྙིང་པོར་མཆིས་བར་དུ། །བཅོམ་ལྡན་བདེ་གཤེགས་ཀུན་དུ་བཟང་པོ་དང་། །གསང་བའི་ཐེག་པ་
[95a.2]དབྱེར་མེད་རྨད་བྱུང་དང་། །མི་འབྲལ་ཚུལ་བཞིན་རྟག་ཏུ་སྒྲུབ་པར་ཤོག །སྒྲུབ་མཆོག་འདི་ལ་བར་ཆད་མི་འབྱུང་ཞིང་། །ཚེ་འདི་ལ་སོགས་སྐྱེ་བ་བདུན་པར་དུ། །དཔལ་ལྡན་བདེ་མཆོག་འཁོར་ལོ་ཆེན་པོ་ཡི། །ཞབས་རྡུལ་ཟེའུ་འབྲུ་སྤྱི་གཙུག་གནས་པར་ཤོག །གང་ཚེ་འགྲོ་བའི་
[95a.3]མགོན་ལ་བལྟ་བ་དང་། །ཕྱིར་ཞིང་ཅུང་ཟད་འབྲིང་བར་འདོད་ན་ཡང་། །བཅོམ་ལྡན་བདེ་གཤེགས་ཐུགས་ཀྱི་བདག་པོས་ནི། །ཐམས་ཅད་སྒྲིབ་མེད་ས་ལེར་མཐོང་བར་ཤོག །ཕྱོགས་བཅུ་ནམ་མཁའི་ཁམས་དང་མཉམ་པ་ཡི། །སེམས་ཅན་མ་ལུས་བྱང་ཆུབ་དགོད་པའི་
[95a.4]ཕྱིར། །ཐུབ་པའི་དབང་པོའི་སྤྱོད་པ་ཇི་ལྟ་བར། །བདག་གི་སྤྱོད་པའང་དེ་དང་འདྲ་བར་ཤོག །སེམས་ཅན་ཀུན་གྱི་སྡུག་བསྔལ་བདག་ལ་སྨིན། །བདག་བདེ་དགེ་བས་དེ་ཀུན་དེ་ཐོབ་ཤོག །ཚེ་རབས་ཀུན་དུ་སྒོ་གསུམ་རིན་ཆེན་དང་། །བུམ་བཟང་དཔག་བསམ་ས་སོགས་ལྟ་བུར་
[95a.5]ཤོག །མགོན་པོ་ཀུན་མཁྱེན་ཐུགས་རྗེའི་བྱིན་རླབས་དང་། །སྒྲུབ་པ་མཆོག་ལ་རྩེ་གཅིག་སྦྱངས་པ་ཡིས། །བདེ་མཆོག་མཁའ་འགྲོའི་དངོས་གྲུབ་མཆོག་ཐོབ་ནས། །སེམས་ཅན་ཐམས་ཅད་སྨིན་པའི་མཐུར་ལྡན་ཤོག །དབང་དང་མངོན་ཤེས་སོ་སོར་རིག་པ་དང་། །
[95a.6]གཟུངས་དང་རྣམ་པར་ཐར་པའི་སྒོ་རྟོགས་ནས། །ནམ་མཁའི་མཐས་ཀླས་གྱུར་པའི་སེམས་ཅན་རྣམས། །གནས་དང་ཉེ་བའི་གནས་སོགས་བགྲོད་པར་ཤོག །བདེ་གཤེགས་སྤྱན་སྔར་གནས་གསུམ་མཁའ་འགྲོ་ཡིས། །དམ་བཅས་བསྲུང་ཞིང་དངོས་གྲུབ་མཆོག་སྩོལ་བའི། །
[95a.7]ཐུགས་དམ་བཞིན་དུ་རྟག་བསྲུང་དངོས་གྲུབ་ནི། །རྣམ་གསུམ་ཚེ་འདི་ཉིད་ལ་སྩོལ་བར་ཤོག །འཆི་ཚེ་མགོན་དང་དཔའ་བོ་མ་ཚོགས་ཀྱིས། །མེ་ཏོག་རྒྱལ་མཚན་གདུགས་སྤོས་ཐོགས་ནས་ཀྱང་། །རོལ་མོ་གླུ་དང་སྒྲ་སྙན་ཚོགས་མཆོད་ནས། །མཁའ་ལ་སྤྱོད་པའི་གནས་སུ་
[95b]
[95b.1]ཁྲིད་པར་ཤོག །སྐད་ཅིག་དེ་ལ་སྣང་བ་གསུམ་ཐོབ་ནས། །གསལ་དང་རྟགས་སྣང་རང་གི་རིགས་རྟོགས་ཏེ། །དུར་ཁྲོད་ལ་སོགས་རྒྱལ་ཉིད་ས་ཐོབ་ནས། །ཙྪནྡོ་ལ་སོགས་ས་ལ་བགྲོད་པར་ཤོག །ཤིན་ཏུ་རྣམ་པར་དག་པ་ཀུན་གྱི་མཆོག །གདོད་ནས་རྣམ་པར་གྲོལ་བ་དེ་བཞིན་
[95b.2]གཤེགས། །ཀུན་དུ་བཟང་པོ་ཀུན་གྱི་བདག་པོ་ཡི། །སྲས་ཀྱི་དབང་པོ་ཉིད་དུ་བདག་གྱུར་ཅིག །ས་གསུམ་མཐར་ཕྱིན་གསུམ་ཕྲག་གསུམ་གནས་གྱུར། །ཤེས་བརྒྱད་གྱུར་པས་ཡེ་ཤེས་ལྔར་གྱུར་ཏེ། །ཡེ་ཤེས་ཆོས་ཀྱི་དབྱིངས་དང་དབྱེར་མེད་པའི། །ཆོས་སྐུ་བྱང་ཆུབ་
[95b.3]སྙིང་པོ་ཐོབ་པར་ཤོག །ཆོས་དབྱིངས་ལས་བྱུང་ནམ་མཁའི་མཚན་ཉིད་འདྲ། །ཐོག་མ་དང་ནི་ཐ་མ་མེད་པའི་བདག །སེམས་དཔའ་རྡོ་རྗེ་ཐུགས་ཀྱི་བདག་པོ་རུ། །རྡོ་རྗེ་སེམས་དཔའ་ཉིད་དུ་བདག་གྱུར་ཅིག །དངོས་གྲུབ་མ་ལུས་པ་ནི་ཀུན་གྱི་བདག །དབང་ཕྱུག་ཆེན་པོ་ལྷ་
[95b.4]ཡི་ལྷར་གྱུར་པ། །སྟུག་པོའི་རྒྱན་གྱུར་མ་ལུས་ཀུན་གྱི་རྒྱལ། །མི་འགྱུར་དམ་པ་ཉིད་དུ་བདག་གྱུར་ཅིག །ཉོན་མོངས་རྣམ་དག་ཡེ་ཤེས་སྐུ་མཉེས་པས། །འདོད་ཆགས་ཀུན་གྱི་རྗེས་སུ་རབ་ཆགས་ལ། །འདོད་ཆགས་མེ་ཀུན་རང་བཞིན་རྣམ་དག་པས། །གསུང་གི་དབང་ཕྱུག་
[95b.5]ཉིད་དུ་བདག་གྱུར་ཅིག །ང་རྒྱལ་རྣམ་དག་མཉམ་ཉིད་ལྷུན་གྱིས་གྲུབ། །ཡོན་ཏན་ཡིད་བཞིན་རྒྱ་ཆེན་མཁའ་འདྲ་བས། །གདུལ་བྱ་རྫོགས་སངས་ཉིད་དུ་རེ་སྐོང་བ། །ཁྱབ་བདག་རྡོ་རྗེ་ཉི་མར་བདག་གྱུར་ཅིག །ཕྲག་དོག་དག་པས་བྱ་བ་གྲུབ་བརྙེས་ཤིང་། །ཕྲིན་ལས་རྒྱ་
[95b.6]མཚོས་གདུལ་བྱ་དཔག་མེད་རྣམས། །གྲུབ་མཆོག་ཕྱག་རྒྱ་ཆེ་ལ་དགོད་མཛད་པའི། །བདེ་གཤེགས་གདོན་མི་ཟ་བར་བདག་གྱུར་ཅིག །དུས་གསུམ་བདེ་བར་གཤེགས་པ་ཀུན་གྱི་བདག །དཔལ་ལྡན་བདེ་མཆོག་འཁོར་ལོའི་སྐུ་གྲུབ་ནས། །ནམ་མཁའ་དག་དང་མཉམ་པའི་
[95b.7]མཐུ་སྟོབས་ཀྱིས། །འཁོར་འདས་མ་ལུས་འདྲེན་པའི་དཔལ་དུ་ཤོག། །།དཔལ་འཁོར་ལོ་བདེ་མཆོག་གི་རྒྱུན་བཤགས་རྒྱས་པ་སློབ་དཔོན་བྷུ་རི་བས་མཛད་པ་རྫོགས་སོ། །ཇོ་བོ་རྗེ་དང་ལོཙཱ་བ་རིན་ཆེན་བཟང་པོས་བསྒྱུར་བའོ།། །།{T1534}ལམ་གྱི་རབ་ཏུ་བྱ་བ་བཞུགས་སོ།། །།
[96a]
[96a.1]༄༅༅། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །བསྙེན་པའི་ཆོ་ག་དང་སྟ་གོན་གྱི་ཆོ་ག་དང་དབང་བསྐུར་བའི་ཆོ་གའོ། །བསྙེན་པ་ལ་དང་པོ་སྐབས་དབྱེ་བ་ནི། སློབ་མ་དད་པ་དང་། ཤེས་རབ་དང་ལྡན་པས་མཎྜལ་བྱས་ཏེ། ཕྱག་གསུམ་བྱས་ལ་མེ་ཏོག་
[96a.2]གསུམ་དབུལ། པུས་མོ་གཡས་པའི་ལྷ་ང་ས་ལ་བཙུགས་ཏེ་ཐལ་མོ་སྦྱར་བས། །སློབ་དཔོན་གྱིས་བདག་ལ་བདེ་མཆོག་འཁོར་ལོ་མངོན་པར་འབྱུང་བའི་དཀྱིལ་འཁོར་གྱི་རྒྱལ་པོར་དབང་བསྐུར་བ་སྩལ་དུ་གསོལ་ཞེས་ལན་གསུམ་ཞུ། འོ་ན་བདག་གིས་བསྙེན་པ་བྱའི། ཁྱོད་
[96a.3]ཀྱིས་རྫས་སོགས་ཤིག་ཅེས་གནང་བ་བྱིན་ལ། ཁྲོ་བོ་བདུད་རྩི་འཁྱིལ་པའི་སྔགས་བཟླས་པའི་སྔགས་སུ་བྱིན་ལ་སྲོད་ཐོ་རངས་བརྒྱ་རྩ་ཟློས་སུ་གཞུག་གོ། །དེ་ནས་བདག་ཉིད་ལཱུ་ཡི་བའི་རྣལ་འབྱོར་རམ། དཔའ་བོ་གཅིག་པ་བསྒོམ་པའམ། མངལ་སྐྱེས་ཀྱི་ཡང་རུང་བས་རྡོ་རྗེ་
[96a.4]དང་དོ་ལི་ཡི་བཟླས་པ་བྱ། ཐུན་བཞིའི་རྣལ་འབྱོར་གྱིས་སྤྱིར་རྩ་སྔགས་འབུམ་ཕྲག་གཅིག་གམ། ཡང་ན་ཡབ་ཡུམ་གྱི་སྙིང་པོའམ་ཉེ་སྙིང་གང་ཡང་རུང་བ་འབུམ། །འཁོར་གྱི་ལྷ་ལ་ཁྲི་ཁྲི་སུམྦྷ་ནི་འབུམ་ཕྲག་གཅིག་བཟླས་པ་ནི་གྲངས་ཀྱི་བསྙེན་པའོ། །ཡང་ན་མཚན་མའི་
[96a.5]བསྙེན་པ་རྨི་ལམ་དུ་ལྷས་དབང་བསྐུར་ལ་རེག་ཅེས་གནང་བ་འམ་བརྡས་ཀྱང་རུང་ངོ་། །དབང་མེད་ན་བཟླས་པ་དུམ་གཅིག་བྱས་ལ། ཡིད་ཀྱིས་ལྷ་མངོན་དུ་དམིགས་ཏེ་གནང་བར་བསམས་ལ་བྱར་རུང་བ་ནི་བདག་པོའི་བཀས་སོ། །དེའི་ཚེ་མཆོད་པ་ལྔ་དང་གཏོར་མ་རེ་མ་ཆགས་
[96a.6]པར་གཏང་བར་བྱའོ། །དེ་ནས་བསྐུལ་བའི་ཕྱིར་སློབ་མས་མཎྜལ་སྔོན་དུ་འགྲོ་བས་སྔ་མ་ལྟར་ཞུ་བ་ཡང་བྱའོ། །རྫས་ཚོགས་སམ་མ་ཚོགས་ཞེས་དྲིའོ། །ཁ་ཅིག་ནི་ཚོགས་ལ་ཁ་ཅིག་ནི་མ་ཚོགས་ཞེས་ཞུའོ། །དེ་ནས་སྡིག་པ་བསལ་བ་དང་བསྲུང་བར་བྱ་བ་ནི། སློབ་མའི་
[96a.7]ལྟེ་བར་ཉི་མ་ལ་ཧཱུཾ་སྔོན་པོ་བསམས་ལ་ཡང་དེའི་སྙིང་གར་སྡིག་པ་ཀཾ་ནག་པོ་ལས་ཤ་ཟའི་གཟུགས་རིད་པ་རྐང་ལག་ཕྲ་བ། སྐྲ་གྱེན་དུ་བརྫེས་པ་བསམས་ལ་ཧཱུཾ་གི་འོད་ཀྱིས་གྱེན་དུ་ཕུལ་ཏེ་སྣ་བུག་གཡས་ནས་བྱུང་བ་དང་། ཧཱུཾ་དེ་སྒོ་མཚམས་ཀྱི་ལྷ་མོ་བརྒྱད་དུ་གྱུར་ནས། དེ་རྣམས་ཀྱིས་
[96b]
[96b.1]གྲི་གུག་གིས་བགོས་ནས་ཟོས་ཏེ། ཡང་ཧཱུཾ་དུ་སོང་ནས་སྣ་བུག་དེ་ཉིད་ནས་སླར་ཐིམ་པར་བསམ། སྲུང་བ་ནི་ལག་པ་གཡོན་པར་ཧ་བྱས་པས། རྡོ་རྗེ་རྒྱ་གྲམ་བསམས་ལ་དེ་སློབ་མའི་སྤྱི་བོར་བཞག་པས་ལུས་རྡོ་རྗེར་སོང་བར་བསམ། སུམྦྷ་ནི་བརྒྱ་རྩ་བརྒྱད་བཟླས་པ་རྡོ་རྗེ་རྒྱ་གྲམ་ཡང་དེའི་སྤྱི་
[96b.2]བོར་གནས་པར་བསམ། དེ་ནས་དེ་དག་སྐད་ཅིག་མས་ཕྱག་གཉིས་པའི་ཧེ་རུ་ཀར་བསམས་ལ་མཆོད་པ་དང་གཏོར་མ་ལ་སོགས་པ་བྱས་ཏེ། མདུན་དུ་སློབ་མའི་གཙོ་བོ་ལ་སོགས་པས་མཎྜལ་བྱེད་པ་སྔོན་དུ་འགྲོ་བས་ཕྱག་བྱེད་དུ་བཅུག་ལ་ཐལ་མོ་བསྐྱེད་པར་བྱ་སྟེ། དཀོན་
[96b.3]མཆོག་གསུམ་ལ་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །བྱང་ཆུབ་མཆོག་གི་སེམས་ནི་བདག་གིས་བསྐྱེད། སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་
[96b.4]སྤྱོད་མཆོག་ཡིད་འོང་སྤྱད་པ་ཡིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གསུམ་བརྗོད་དོ། །དེ་ནས་སྙིང་ག་དང་། ལྐོག་མ་དང་། སྤྱི་བོར་དྲིའི་ཐིག་ལེ་གསུམ་བྱས་ལ་རྡོ་རྗེ་རེག་པ་སྔོན་དུ་འགྲོ་བས་ཧཱུཾ་ཨཱཿཨོཾ་ཞེས་བརྗོད་ཅིང་རིམ་པ་བཞིན་དུ་པདྨ་དང་།
[96b.5]འཁོར་ལོ་དག་ལ་ཡི་གེ་གསུམ་པོ་དེ་ཉིད་རིམ་པ་བཞིན་དུ་མཚན་པ་འོག་མ་གཉིས་ཉི་མ་ལ་འཁོར་ལོ་ཟླ་བ་ལ་བསམ་པར་བྱའོ། །དེ་ནས་ཨོཾ་པུ་ཛཱ་ཨོ་ཨ་ཞེས་བྱ་བ་ལ་སོགས་པ་བརྗོད་པས་ཡུལ་ཉེར་བཞིར་ལག་པ་གཡོན་པའི་སྲིན་ལག་གིས་རེག་བཞིན་དུ་ཡུལ་དེ་དང་། དེའི་གནས་
[96b.6]རྣམས་སུ་མོས་པར་བྱའོ། །དེ་ནས་སྐྱེས་པ་ལ་ནི་སྙིང་ག་ལ་སོགས་པར་ཨོཾ་ཧལ་སོགས་པ་བསམ་ཞིང་བུད་མེད་ལ་ནི་ལྟེ་བ་ལ་སོགས་པར་ཨོཾ་བཾ་ལ་སོགས་པས་བྱིན་གྱིས་བརླབ་པར་བྱའོ། །དེ་ནས་དེ་དག་ལ་མཆོད་པ་བྱ་སྟེ། མེ་ཏོག་ནི་མགོ་ལའོ། །སྤོས་ནི་ཤངས་ལའོ། །མར་
[96b.7]མེ་ནི་སྤྱན་ལའོ། །དྲི་ནི་ཐུགས་ཀར་རོ། །ཞལ་ཟས་ནི་ཞལ་དུ་དམིགས་ཏེའོ། །དེ་ཡང་ཨོཾ་ཨཱཿབཛྲ་པུཥྤེ་ཧཱུཾ་ཞེས་བྱ་བ་ལ་སོགས་པས་སོ། །དེ་ནས་ཚེམས་ཤིང་དོར་བར་བྱ་སྟེ། མདུན་དུ་བ་ལང་གི་ཀོ་བ་ཙམ་དུ་ས་གཞི་བའི་ལྕི་བ་སར་པས་བྱུགས་ལ་པདྨ་འདབ་མ་བརྒྱད་པ་ཁྱམས་གྲུབ་
[97a]
[97a.1]བཞིའི་ནང་དུ་ཆུད་པ་བྲིས་པ་ལ་མེ་ཏོག་གི་ཚོམ་བུ་དགུ་བཀོད་ནས། དེར་སློབ་མ་ཤར་རམ་བྱང་དུ་ཁ་བལྟ་བས་ཚེམས་ཤིང་མ་ཡོ་མ་གས་པ། ལོ་འདབ་ཀྱིས་ཁ་བརྒྱན་པ་ཅན་ཙནྡན་གྱིས་བྱུགས་པ་ལ། མེ་ཏོག་གི་ཕྲེང་བ་བཅིངས་ལ། ཨོཾ་བཛྲ་ད་ན་ད་ཀཥྛ་བི་
[97a.2]མ་ལ་བི་ཤུདྡྷེ་སྭཱ་ཧཱ། ཞེས་བྱ་བས་གཏད་པ། ཆོ་ག་བཞིན་དུ་བཅས་ནས་ཐལ་མོའི་བར་ནས་དཀྱིལ་འཁོར་གྱི་དབུས་སུ་འདོར་དུ་གཞུག་གོ། །འདིར་ཚེམས་ཤིང་གི་མཚན་མ་བརྟག་པར་བྱ་སྟེ། ཤར་དུ་བལྟས་ན་ཞི་བའི་དངོས་གྲུབ་པོ། །བྱང་དུ་བལྟས་ན་རྒྱས་པའོ། །ནུབ་ཏུ་
[97a.3]བལྟས་ན་དབང་ངོ་། །ལྷོར་བལྟས་ན་མངོན་སྤྱོད་དོ། །གྱེན་དུ་བལྟས་ན་རིག་པ་འཛིན་པ་ལྷའི་དངོས་གྲུབ་བོ། །ཐུར་དུ་བལྟས་ན་འོག་གི་དངོས་གྲུབ་བོ། །དཀྱིལ་འཁོར་གྱི་ཕྱི་རོལ་དུ་སོང་ན་དངོས་གྲུབ་མེད་དོ་ཞེས་བརྟག་པར་བྱའོ། །དེ་ནས་ངག་དག་པའི་དོན་དུ་བདུད་རྩི་ལྔ་དང་
[97a.4]སྦྱར་བའི་དྲིའི་ཆུ་ལ་འཁོར་ལོ་ཀུན་གྱི་རྣལ་འབྱོར་མ་བཟླས་ཏེ། དེ་ནས་ཨོཾ་ཧྲཱིཿབི་ཤུདྡྷ་དྷརྨཱཿསརྦ་པཱ་པཾ་ནི་ཙ་ཨཱ་སྱཱ་བི་ཤོ་དྷ་ཡ་སརྦ་བི་ཀལྤ་ཨ་པ་ན་ཡ་ཧཱུཾ་ཞེས་བརྗོད་པས། །ལག་པ་གཡོན་པའི་ཁྱོར་བར་ལན་གསུམ་བླུད་པར་བྱའོ། །དེ་ནས་ཡི་གེ་ཉེར་གཉིས་པའི་སྔགས་ལན་
[97a.5]གསུམ་བཟླས་པའི་ཀུ་ཤ་སྔས་དང་སྟན་གྱི་ཕྱིར་བྱིན་ལ། རང་རང་གི་མི་གང་དང་ལག་ཚད་ཀྱི་སྐུད་པ་སུམ་སྒྲིལ་བྱས་ལ་གསུམ་པ་གསུམ་གྱིས་མདུད་པ་བྱས་ཏེ། སྙིང་པོའི་སྔགས་ལན་བདུན་བཟླས་ལ་དཔུང་པར་བཅིང་བར་བྱའོ། །དེ་ནས་ཆོས་བཤད་པས་སྤྲོ་བ་སྐྱེད་པར་བྱ་
[97a.6]སྟེ། འཇིག་རྟེན་དུ་ནི་ཀུན་མཁྱེན་རྣམས། །ཨུ་དུམྺཱ་རའི་མེ་ཏོག་བཞིན། །བརྒྱ་ལམ་ན་ཡང་རེས་འགའ་ཞིག །འབྱུང་འགྱུར་ཡང་ནི་མི་འབྱུང་ངོ་། །གསང་སྔགས་སྤྱོད་པའི་ཚུལ་འབྱུང་བཞིན། །དེ་བས་ཀྱང་ནི་དཀོན་པ་སྟེ། །གང་གིས་མཚུངས་མེད་སེམས་ཅན་དོན། །
[97a.7]མྱ་ངན་མི་འདའ་བྱེད་པར་ནུས། །བསྐལ་པ་བྱེ་བ་དུ་མར་ནི། །སྔོན་ཆད་སྡིག་པ་གང་བྱས་པ། །དེ་ཀུན་དཀྱིལ་འཁོར་འདི་འདྲ་བ། །མཐོང་བས་ཀྱང་དེ་བྱང་འགྱུར་ན། །གྲགས་པ་མཐའ་ཡས་གསང་སྔགས་ཀྱི། །ཚུལ་ལ་སྤྱོད་པ་སྨོས་ཅི་དགོས། །སྐྱོབ་པའི་གསང་སྔགས་
[97b]
[97b.1]བཟླས་ན་ནི། །གོ་འཕང་བླ་ན་མེད་པར་འགྱུར། །གང་དག་སྤྱོད་པ་མཆོག་འདི་ལ། །བློ་གྲོས་ཤིན་ཏུ་དྲི་མེད་པ། །དེ་དག་གིས་ནི་ངན་འགྲོའི་རྒྱུན། །སྡུག་བསྔལ་ཀུན་འབྱུང་རབ་ཏུ་བཅད། །གང་གིས་ཁྱེད་རྣམས་སྲས་བཅས་པའི། །རྒྱལ་བ་རྣམས་ཀྱིས་བསྟན་འདི་ལ། །
[97b.2]བདག་ཉིད་ཆེན་པོ་ཁྱེད་རྣམས་ཀྱིས། །རྙེད་པ་མཉམ་མེད་དེ་རིང་རྙེད། །ཐེག་པ་ཆེན་པོ་ཆེར་འབྱུང་བའི། །ལམ་མཆོག་འདི་ནི་དཔལ་དང་ལྡན། །གང་གིས་ཁྱེད་རྣམས་འབྱུང་འགྱུར་བར། །དེ་བཞིན་གཤེགས་པ་རྣམས་སུ་འགྱུར། །ཞེས་བྱ་བ་དག་གིས་དམ་པའི་ཆོས་
[97b.3]བསྒྲགས་པ་བྱས་ནས། སུམྦྷ་ནིས་སྲུང་བ་བྱས་ཏེ། ཐོ་རངས་ཀྱི་རྨི་ལམ་ཅི་མཐོང་བ་ཁོ་བོ་ལ་བོས་ཤིག་བྱས་ནས། །དཀྱིལ་འཁོར་གྱི་ས་གཞིའི་མཐར་སེང་གེའི་ཉལ་ཐབས་ཀྱིས་ཉལ་དུ་གཞུག་གོ། །སློབ་དཔོན་དཀྱིལ་འཁོར་གྱི་ཁང་པར་ཞུགས་ཏེ། བསྲུང་བའི་དོན་དུ་སུམྦྷ་
[97b.4]ནི་བཟླས་པར་བྱའོ་ཞེས་བྱ་བ་ནི་སློབ་མ་སྟ་གོན་དུ་གནས་པའི་ཆོ་གའོ།། །།དེ་ནས་བུམ་པ་སྟ་གོན་དུ་གནས་པ་བརྗོད་པར་བྱ་སྟེ། རེ་ཞིག་བུམ་པ་བཅུ་འམ་དྲུག་གམ་གཉིས་སམ་གཅིག་ཀྱང་རུང་སྟེ། རྩ་བ་དང་ནག་པོ་ལ་སོགས་པའི་སྐྱོན་མེད་པ། གསེར་རམ་དངུལ་ལམ་
[97b.5]ཁམ་པ་ལ་སོགས་པའི་རྒྱུ་ལས་བྱས་པ། ཁ་དོག་དཀར་པོར་བསྒྱུར་བ་རིགས་ཀྱི་མཚན་མས་མཚན་པ། འོ་མ་ཅན་གྱི་ཤིང་གིས་ཁ་བརྒྱན་པ། རིགས་ཀྱི་སྐུ་མདོག་མཐུན་པའི་གོས་ཀྱིས་མགུལ་པ་དཀྲིས་པ། བསྟི་གནས་ཀྱི་ཆུ་འོ་མ་ཅན་གྱིས་བཀང་བ། ཙནྡན་དང་ག་
[97b.6]པུར་དང་། གུར་གུམ་གླ་རྩི་དང་། ཧུ་ལུ་ཀ་སྟེ་དྲི་ལྔ་དང་བཅས་པ། བདུད་རྩི་ལྔ་དང་རིན་པོ་ཆེ་ལྔ་དང་། འབྲུ་ལྔ་དང་སྨན་ལྔས་གང་བའི་སྣོད་སྟེང་དུ་བཞག་སྟེ། འོག་ཏུ་པདྨའི་གདན་སྟེང་དུ་གདུགས་ཕུབ་ལ། དཀྱིལ་འཁོར་དུ་རིམ་པ་བཞིན། སངས་རྒྱས་ཀུན་གྱི་མཁའ་
[97b.7]འགྲོ་མ། །རེ་རེ་བཟླས་ཏེ་བཞག་ལ་ལྷག་པར་གནས་པར་བྱའོ། །རེ་ཞིག་བུམ་པ་བཅུའི་ལུགས་ལ་ནི། རྣམ་པར་རྒྱལ་བ་ལ་གཅིག། །པདྨའི་སྣོད་བཞི་དང་བཅས་པའི་ཡུམ་བཞི་ལ་རེ་རེ། ཐུགས་དང་གསུང་སྐུ་དང་དམ་ཚིག་གི་འཁོར་ལོ་རྣམས་ལ་རེ་རེ་སྟེ་དེ་ལྟར་ན་དགུའོ། །
[98a]
[98a.1]ལས་ཐམས་ཅད་པ་དང་བཅུའོ། །དྲུག་གི་ལུགས་ལ་འཁོར་ལོ་ལྔ་ལ་རེ་རེ་རྣམ་པར་རྒྱལ་བ་དང་དྲུག་གོ། །ལས་ཐམས་ཅད་པ་དམ་ཚིག་གི་འཁོར་ལོར་བསྡུའོ། །གཉིས་པ་ནི་ཐབས་དང་ཤེས་རབ་ཀྱི་དབྱེ་བས་སོ། །ལས་ཐམས་ཅད་པ་ནི་གཙོ་བོ་ལ་
[98a.2]བསྡུའོ། །གཅིག་གི་ལུགས་ལ་ནི་དཀྱིལ་འཁོར་གྱི་ལྷ་མ་ལུས་པ་གཅིག་ཏུ་བསྡུ་ཞིང་ལས་ཐམས་ཅད་པ་ཡང་དེར་བསྡུས་ཏེ། དེ་ནི་ཁྱིམ་པ་དབང་བསྐུར་བ་ལ་ཡིན་གྱི། དགེ་ཚུལ་ཡན་ཆད་ལ་མ་ཡིན་ནོ། །གཅིག་གིས་མ་ཡིན་པར་རྒྱུད་ལས་བཀག་པའི་ཕྱིར་རོ། །རྩ་བ་ནི་
[98a.3]དབྱིབས་ཀྱི་སྐྱོན་ནོ། །ནག་པོ་ནི་ཁ་དོག་གི་སྐྱོན་ཏེ་དེ་དག་མེད་པའོ། །ཚད་ཀྱང་མཆུར་སོར་ཉེར་གཅིག །ཞེང་དུ་བཅུ་དྲུག་གཅེའུ་མེད་པའོ། །མགྲིན་པ་ལ་སོར་དྲུག་གོ། །མཆུ་ལ་སོར་བརྒྱད་དོ། །མགྲིན་པའི་སྦུབས་ལ་སོར་གཉིས་སོ། །མངོན་སྤྱོད་ལ་སོགས་པའི་ཕྲིན་
[98a.4]ལས་གཞན་ལ་ནི་ཚད་གཞན་དང་གཞན་དུ་བརྗོད་དོ། །དཀར་པོར་བསྒྱུར་བ་ནི་རང་བཞིན་གྱིས་ཁ་དོག་དཀར་པོ་མེད་པ་ལའོ། །རིགས་ཀྱི་མཚན་མ་རྣམ་པར་རྒྱལ་བ་ལ་ནི་ཆོས་འབྱུང་གི་དབུས་སུ་སྣ་ཚོགས་པདྨའི་ལྟེ་བར་ཀ་པཱ་ལའི་ནང་དུ་ཆུད་པའི་རྡོ་རྗེ་དང་རྡོ་རྗེ་གྲི་གུག་གོ། །རིགས་
[98a.5]ཀྱི་ཡུམ་བཞི་ལ་ནི་གྲི་གུག་དང་ཀ་པཱ་ལའོ། །ཐུགས་ཀྱི་འཁོར་ལོ་ལ་རྡོ་རྗེ་དང་གྲི་གུག་གོ། །གསུང་གི་འཁོར་ལོ་ལ་པདྨ་དང་གྲི་གུག་གོ། །སྐུའི་འཁོར་ལོ་ལ་འཁོར་ལོ་དང་གྲི་གུག་གོ། །དམ་ཚིག་གི་འཁོར་ལོ་ལ་ཀ་པཱ་ལ་དང་གྲི་གུག་གོ། །ལས་ཐམས་ཅད་པ་ལ་ནི་སྣ་
[98a.6]ཚོགས་རྡོ་རྗེ་དང་གྲི་གུག་གོ། །འོ་མ་ཅན་གྱི་ཤིང་ནི་ཙུ་ཏ་ལ་སོགས་པའོ། །རིན་པོ་ཆེ་སྣ་ལྔ་ནི་གསེར་དང་དངུལ་དང་མུ་མེན་དང་མུ་ཏིག་དང་བྱི་རུའོ། །ནས་དང་གྲོ་དང་ཏིལ་དང་འབྲས་སོ་བ་དང་། མ་ཤ་སྟེ་འབྲུ་ལྔའོ། །པྲྀ་ཧ་སྟི་དང་། ཀཎྜ་ཀ་རི་དང་། ཨ་པ་རཱ་ཛི་ཏ་དང་།
[98a.7]དཎྜོཏྤལ་དང་། ཧ་ས་དེ་བ་སྟེ་སྨན་ལྔའོ། །པདྨ་དང་གདུགས་ནི་ཤོག་བུ་ལས་བྱས་པའོ། །དཀྱིལ་འཁོར་ནི་སེར་པོ་འབའ་ཞིག་ལས་བྱས་པའོ། །དེ་ཡང་ལྷ་དང་ཕྱག་མཚན་མེད་པའི་གདན་གཞལ་ཡས་ཁང་པའི་ཐུརྣམ་པ་འབའ་ཞིག་བྲིའོ། །གལ་ཏེ་ནུས་པ་མེད་ན་
[98b]
[98b.1]སྔར་གྱི་ཚེམས་ཤིང་དོར་བའི་དཀྱིལ་འཁོར་གྱི་རྣམ་པ་ལྟ་བུ་བྱའོ། །དེ་ནས་བུམ་པ་ལྷག་པར་གནས་པ་བྱ་སྟེ། མེ་ཏོག་ལ་སོགས་པ་མཆོད་པའི་ཡོ་བྱད་སྣ་ཚོགས་དང་། གཏོར་མ་རྣམས་སྟ་གོན་བྱས་ནས། སློབ་དཔོན་བདག་ཉིད་ཏིང་ངེ་འཛིན་རྫོགས་པར་བསྒོམས་ལ་
[98b.2]དཀྱིལ་འཁོར་ཉེ་བར་བསྡུས་ཏེ། ཕྱག་གཉིས་པའི་ཏིང་འཛིན་གྱིས་གནས་པར་བྱའོ། །དེ་ནས་སྐད་ཅིག་མས་རྣམ་པར་རྒྱལ་བའི་བུམ་པར་ནི་དཀྱིལ་འཁོར་གྱི་འཁོར་ལོ་རྫོགས་པར་བསམ་མོ། །རིགས་ཀྱི་ཡུམ་བཞི་ལ་ནི་ཡུམ་རེ་དང་ཀ་པཱ་ལ་རེ་རེའོ། །ཐུགས་དང་གསུང་དང་
[98b.3]སྐུ་དང་དམ་ཚིག་གི་འཁོར་ལོའོ། །དེ་ནས་འབར་བའི་སྔགས་དང་ཕྱག་རྒྱས་རྣམ་པ་ཐམས་ཅད་ཡོངས་སུ་རྫོགས་པའི་དཀྱིལ་འཁོར་གྱི་འཁོར་ལོ་མདུན་དུ་སྤྱན་དྲངས་ཏེ་བུམ་པའི་ལྷ་རྣམས་ལ་བསྟིམ་མོ། །དེ་དག་མ་ལུས་པར་ཞུ་བ་ལས་ཡེ་ཤེས་ཀྱི་བདུད་རྩིའི་ཆུས་གང་བར་
[98b.4]བསམ་མོ། །དེ་ནས་བུམ་པའི་གནས་ལྔ་དག་ཏུ་རྡོ་རྗེའི་ཕྱག་རྒྱས་རེག་ཅིང་། ཨོཾ་བཛྲ་པདྨ་ཨ་མྲྀ་ཏ་སུ་བི་ཤུདྷ་དྷརྨ་དྷཱ་ཏུ་སྭཱ་བྷཱ་བ་སརྦ་དྷརྨཱ་ན་སུ་བི་ཤུདྡྷ་དྷརྨ་དྷཱ་ཏུ་སརྦ་ན་ཀུ་རུ་ཀུ་རུ་སྭཱ་ཧཱ། ཞེས་ལན་གསུམ་བརྗོད་པར་བྱའོ། །དེ་ནས་མེ་ཏོག་གི་ཕྲེང་བ་དང་འབྲེལ་བའི་རྡོ་རྗེ་
[98b.5]བུམ་པའི་སྟེང་དུ་བཞག་སྟེ་ལག་པ་གཡོན་པའི་ཁུ་ཚུར་གྱིས་བཟུང་སྟེ། ལག་པ་གཡས་པས་བགྲང་ཕྲེང་སྙིང་གར་བཟུང་ནས་འཁོར་ལོའི་གཙོ་བོ་ལ་ནི་བརྒྱ་བཟླས་ཤིང་། འཁོར་གྱི་ལྷ་རྣམས་ལ་ནི་ཉེར་གཅིག་བཟླའོ། །ལས་ཐམས་ཅད་པ་ལ་ནི་སུམྦྷ་ནི་བརྒྱ་རྩ་བརྒྱད་བཟླས་ནས་ཕྱིའི་
[98b.6]མཆོད་པ་ལྔ་དང་ཡིད་ལས་བྱུང་བའི་ལྷ་མོ་བཅུ་དྲུག་དང་། རིན་པོ་ཆེ་སྣ་བདུན་གྱིས་ཀྱང་མཆོད་དེ་སྤོས་སྣོད་དང་རྡོ་རྗེ་དྲིལ་བུ་འཛིན་པའི་ལག་པས། དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་སྒྱུར། སྐུ་གསུམ་ཡེ་ཤེས་ལྔ་དང་ལྡན། །འགྲོ་བའི་མགོན་ལ་
[98b.7]ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །རྟོག་པའི་འཆིང་བ་གཅོད་མཛད་ཅིང་། །འཇིག་རྟེན་དོན་དུ་རབ་འཇུག་པ། །དེ་སྙད་པ་ལ་རྟག་ཕྱག་འཚལ། །ཞེས་བྱ་བས་བསྟོད་ལ། ཡི་གེ་བརྒྱ་པ་བརྗོད་དེ། གཏོར་མ་བྱིན་གྱིས་བརླབ་པར་བྱའོ། །དེ་ནས་དཔའ་
[99a]
[99a.1]བོའི་དགའ་སྟོན་དང་ཚོགས་ཀྱི་འཁོར་ལོ་བྱིན་གྱིས་བརླབ་པར་བྱའོ་ཞེས་བྱ་བ་ནི་བུམ་པ་ལྷག་པར་གནས་པའི་ཆོ་གའོ།། །།དེ་ནས་རྡུལ་ཚོན་གྱི་དཀྱིལ་འཁོར་ནི། དཀྱིལ་འཁོར་བསྒྲུབ་པར་བྱ་ཞིང་རས་རིས་ལ་ནི་དཀྱིལ་འཁོར་མངོན་དུ་དམིགས་ཏེ།
[99a.2]བདག་འཇུག་བྱས་ནས་སློབ་མ་ལ་དབང་བསྐུར་བར་བྱའོ། །དེ་ལ་ཕྱོགས་བཞིར་སློབ་དཔོན་བཞི་འམ་བདག་གཅིག་པུ་ཡང་རུང་སྟེ། བདུད་རྩི་ལྔ་དང་བཅས་པའི་དྲི་ཆུས་ཁྲུས་བྱས་ནས། གོས་དང་ཕྱག་རྒྱ་ལྔ་ལ་སོགས་པའི་རྒྱན་གྱི་ཆས་སུ་ཞུགས་ལ། དཀྱིལ་འཁོར་གྱི་ལྷོ་
[99a.3]ཕྱོགས་ནས་ཁ་བྱང་དུ་བལྟས་ཏེ། སྟན་མཐོན་པོ་ལ་འདུག་པར་བྱའོ། །དེ་ནས་ཡང་སྔ་མ་ལྟར་ཏིང་ངེ་འཛིན་རྫོགས་པར་བསྒོམས་ཏེ། ཕྱག་གཉིས་པའི་ཏིང་ངེ་འཛིན་ལ་གནས་ནས་གོ་རིམས་བཞིན་དུ་དབང་བདུན་དང་། དབང་གསུམ་པ་དང་། བཞི་པའི་མཐར་ཐུག་པ་
[99a.4]རྣམས་དཀྱིལ་འཁོར་གྱི་གཙོ་བོ་ལས་བླང་བར་བྱའོ། །དེ་ནི་བདག་འཇུག་པའོ།། །།དེ་ནས་སློབ་མ་གཞུག་པ་ནི། ཡོལ་བའི་ཕྱི་རོལ་དུ་མཎྜལ་བྱེད་དུ་བཅུག་ལ་ཕྱག་བྱས་ཏེ། མེ་ཏོག་སྙིམ་པར་བཟུང་ནས་གནས་པ་ལ། སློབ་དཔོན་གྱིས་ནང་ནས་བཀའ་བསྡམ་མོ་ཞེས་བརྗོད་
[99a.5]པར་བྱའོ། །བདེ་ཆེན་བདག་ནི་སྐལ་བ་བཟང་། །ཞེས་བྱ་བ་ནི་སློབ་མའི་ལན་ནོ། །དེ་ལྟར་ལན་གསུམ་བྱའོ། །དགོས་པ་ཅིའི་ཕྱིར་འཇུག །ཕྱག་རྒྱ་ཆེན་པོའི་དངོས་གྲུབ་ཀྱི་ཕྱིར་རོ་ཞེས་སློབ་མའི་ལན་ནོ། །དེ་ནས་དུང་ཆོས་སྤྱི་བོར་བཞག་སྟེ། ཁྱོར་བར་ཆུ་ལན་གསུམ་བླུད་ལ།
[99a.6]སུམྦྷ་ནི་བཟླས་པའི་ཀུ་ཤའི་ཆུས་བསང་བ་བྱའོ། །དེ་ནས་དབབ་པའི་ཆོ་ག་བྱ་སྟེ། མཚལ་ཆེན་བདུད་རྩི་ལྔ་དང་བཅས། །དུར་ཁྲོད་རས་ལ་བྱུགས་ནས་ནི། །བསྡུས་པའི་ཕྱེ་མ་ཆ་གཅིག་དང་། །བྱི་ལ་ནག་པོའི་བཤང་བ་ནི། །དེ་མཉམ་ཆ་ནི་གཅིག་ཏུ་བྱ། །དེ་མཉམ་གུ་
[99a.7]གུལ་ནག་པོར་སྤྱད། །དུར་ཁྲོད་སོལ་བ་བླངས་ནས་ནི། །མཆོད་ཡོན་སྣོད་དུ་བདུག་པ་སྦྱར། །སྐུ་ཡི་དཀྱིལ་འཁོར་རྫོགས་པར་ནི། །སློབ་མའི་ལུས་ལ་རབ་བཀོད་དེ། །དེ་ལས་བྱུང་བའི་འོད་ཟེར་གྱིས། །དཔའ་བོ་མཁའ་འགྲོ་མ་ཡི་ཚོགས། །རྒྱུན་མི་འཆད་པར་འཛུག་
[99b]
[99b.1]པར་བསམ། །སློབ་མའི་ལག་ནས་བཟུང་ནས་ནི། །སངས་རྒྱས་ཀུན་གྱི་མཁའ་འགྲོ་མ། །རྩེ་གཅིག་སེམས་ཀྱིས་བཟླས་པར་བྱ། །དེ་ལ་སྐུ་བབས་ན་ནི་འཕར་བ་ལ་སོགས་པ་ལུས་ཀྱི་རྫུ་འཕྲུལ་འབྱུང་ངོ་། །གསུང་བབས་ན་ནི་དབང་པོས་མི་སོད་པའི་དོན་རྣམས་སྨྲ་བར་འགྱུར་
[99b.2]རོ། །ཐུགས་བབས་ན་ནི་མངོན་པར་ཤེས་པ་ལྔ་ལ་སོགས་པའི་ཡོན་ཏན་འབྱུང་ངོ་། །ཡེ་ཤེས་བབས་ན་ནི་བསམ་གྱིས་མི་ཁྱབ་པའི་ཏིང་ངེ་འཛིན་ལ་གནས་པར་འགྱུར་རོ། །དེ་ནས་དབབ་པ་བསྡུས་ལ། ལག་པ་སྤྱི་བོར་བཞག་སྟེ། སྙིང་པོའི་སྔགས་དེ་ཉིད་ལན་བདུན་
[99b.3]བཟླས་པས་སྲུང་བ་བྱའོ། །དེ་ནས་གོ་བསྐོན་པར་བྱའོ། །དེ་ནས་སུམྦྷ་ནི་བཟླས་པའི་ཆུས་བསངས་པའི་སྣ་ཚོགས་པའི་མདོག་གམ་ཁ་དོག་སེར་པོའི་དར་རས་ཀྱིས་གདོང་གཡོགས་བཅིངས་ལ་སྟོད་གཡོགས་དང་སྨད་གཡོགས་ཀྱང་སྦྱིན་ནོ། །དེ་ལ་གདོང་གཡོགས་བཅིང་བའི་
[99b.4]སྔགས་ནི། ཨོཾ་དྭ་ད་ཤ་ཨཾ་ག་ནི་རོ་དྷ་ཀ་རྀ་ཎི་ཧཱུཾ་ཕཊ། དེ་ནས་བརྟུལ་ཞུགས་དབོག་པར་བྱ་སྟེ། འགྲོ་བ་བགྲོད་པ་རྣམས་ཀྱིས་བརྟུལ་ཞུགས་སྦྱིན་བྱ་དེ་དག་ནི། །སྲོག་གཅོད་མི་བདེན་གཞན་ནོར་གཞན་གྱི་ཆུང་མ་དེ་བཞིན་ཆང་གི་བཏུང་བ་སྤང་། །འཁོར་བ་རྡོ་རྗེ་ཞགས་
[99b.5]པས་རང་གི་དགེ་བ་འཇོམས་བྱེད་སྡིག་པ་ལྔ་པོ་འདི་དག་ཡིན། །གང་དག་གང་གི་དུས་བྱུང་སུམ་ཅུ་མི་ཡི་བླ་མ་དེ་ཡི་མཚན་གྱིས་རབ་ཏུ་སྦྱིན་བྱ་སྟེ། སྣ་ཚོགས་གཙོ་བོ་སྲིད་པའི་འཇིགས་པ་འཇོམས་མཛད་བཀའ་འདི་ཁྱོད་ཀྱིས་ཀྱང་ནི་བསྐྱང་བར་བྱ། ཆོ་ལོ་ཁ་ན་མ་ཐོའི་ཟས་དང་
[99b.6]བརྗོད་ངན་འབྱུང་པོ་ལྷ་མིན་དབང་པོའི་ཆོས། །བ་ལང་བུད་མེད་སྐྱེས་རྣམས་དེ་བཅུ་མི་ཡི་བླ་མ་ལྔ་པོ་ལ་ཡང་གནོད་མི་བྱ། །སྙིང་གྲོགས་ལ་འཁུ་རྗེ་དཔོན་དེ་བཞིན་སུམ་ཅུ་མི་ཡི་བླ་མ་ཡིད་ཆེས་དགེ་འདུན་ལའང་། །དབང་པོ་རྣམས་ཀྱི་ཆགས་པ་ཞེས་བྱས་མི་ཡི་བདག་པོའི་བརྟུལ་
[99b.7]ཞུགས་ཉི་ཤུ་རྩ་ལྔ་ཡིས། །དེ་ལྟར་བརྟུལ་ཞུགས་ཕོག་ནས། དེ་ཉིད་གསུམ་ལན་བདུན་བཟླས་པའི་མེ་ཏོག་གཅིག་ལག་པའི་པདྨའི་དབུས་སུ་གཏད་ལ་ཤྲཱི་ཧེ་རུ་ཀ་ཡ་བིད་མ་ཧེ་བིདྱཱ་རཱ་ཛཱ་ཡ་དྷི་མ་ཧེ་སྭ་ཧཱ། ཞེས་བྱ་བས་ནང་དུ་གཞུག་པར་བྱའོ། །དེ་ནས་རྡོ་རྗེ་སློབ་དཔོན་གྱིས་
[100a]
[100a.1]ལག་པ་ནས་བཀྲི་ཞིང་། ལས་ཀྱི་རྡོ་རྗེ་ཕྱི་བཞིན་འབྲང་བས་དཀྱིལ་འཁོར་ལན་གསུམ་བསྐོར་བ་བྱས་ཏེ། དང་པོར་རིགས་ངེས་པར་བྱ་བའི་ཕྱིར་དཀྱིལ་འཁོར་གྱི་ཤར་སྒོ་ནས། སློབ་དཔོན་གྱིས་བདེན་པ་བདར་བ་སྔོན་དུ་སོང་བས་མེ་ཏོག་འདོར་དུ་གཞུག་གོ།
[100a.2]དེ་ལ་བདེན་པ་བདར་བའི་ཚིག་ནི། དོན་དམ་སྨྲ་བའི་སེང་གེ་རྣལ་འབྱོར་ཞེས་བྱ་བ། །སྲིད་པའི་ཉོན་མོངས་གཅོད་པའི་དོན་ལ་ཤིན་ཏུ་མཁས་གྱུར་པ། །སྲིད་པའི་ཉེས་བརྒྱས་བསྐྱོད་པའི་ཉོན་མོངས་ཆོམས་མཛོད་ལ། །རྣལ་འབྱོར་དོན་དམ་རྒྱལ་པོའི་དེ་ཉིད་གྲུབ་པར་མཛད་དུ་
[100a.3]གསོལ། །དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་ཁྱེར་མཆོག །སྙིང་པོའི་དཀྱིལ་འཁོར་འདི་རུ་ནི། །བདག་གིས་སློབ་མ་གཞུག་པར་བགྱི། །འདི་ཡི་དངོས་གྲུབ་ཅིར་གྱུར་དང་། །རིགས་གང་ལ་ནི་སྐལ་ལྡན་དང་། །བསོད་ནམས་ཅི་འདྲ་ལས་བྱུང་བ། །
[100a.4]དེ་འདྲ་དཀྱིལ་འཁོར་འདི་རུ་ཤོག །ཨོཾ་སརྦ་ཏ་ཐཱ་ག་ཏ་ཀུ་ལ་བི་ཤོདྷ་ནི་སྭཱ་ཧཱ། ཞེས་བརྗོད་ལ་ཧཱུཾ་ཞེས་བརྗོད་པས། ལག་པའི་བར་ནས་དཀྱིལ་འཁོར་གྱི་དབུས་སུ་མེ་ཏོག་འདོར་དུ་གཞུག་གོ། །དེ་ནས་ཨོཾ་དེ་བཻ་དུནྡྲི་ཡ་ཨུདྒྷ་ཊ་ཡ་སྭཱ་ཧཱ། ཞེས་བྱ་བས་གདོང་གཡོགས་བཀྲོལ་ལ།
[100a.5]དཀྱིལ་འཁོར་དང་ལྷའི་དེ་ཉིད་དང་མེ་ཏོག་ལྷུང་བའི་གནས་དང་རིགས་རྣམས་བསྟན་པར་བྱའོ། །དེ་ནས་དེ་བཞིན་དུ་བསྐོར་བས་བྱང་ཕྱོགས་ཀྱི་སྒོར་ཁྱེར་ཏེ། བུམ་པ་གཞན་གྱི་དུང་ཆོས་ལས་རྣམ་པར་རྒྱལ་བའི་དུང་ཆོས་སུ་མེ་ཏོག་འདོར་དུ་གཞུག་གོ། །ཉུང་ཟད་བླུགས་ལ་
[100a.6]ལག་པ་གཡོན་པའི་མཐེ་བོ་དང་སྲིན་ལག་གིས་སྐྱེ་བའི་གནས་ལྔ་དག་ཏུ་དུང་ཆོས་ཀྱི་ཆུས་སྔགས་འདི་དག་གིས་བསངས་ལ། །དེ་ནས་ཀུ་ཤའི་ཆུས་ཁམས་ལྔ་དག་པར་བྱ་བའི་ཕྱིར་ལན་གསུམ་དུ་ཆུའི་དབང་བསྐུར་བར་བྱའོ། །དེ་ལ་སྔགས་ནི་ཨོཾ་ཨཱ་ཨཱི་རཱྀ་ཨཱུ་ལཱྀ་པཉྩ་སྐན་དྷ་
[100a.7]བི་ཤོ་དྷ་ནི་སྭཱ་ཧཱ། དེ་ནས་སྔར་བཞིན་གནས་ལྔ་དག་ཏུ། ཨོཾ་ཨ་ཨི་རྀ་ཨུ་ལྀ་པཉྩ་ཏ་ཐཱ་ག་ཏ་བི་སྭཱ་ཧཱ། ཞེས་བྱ་བས་བསངས་ལ། རི་མོར་བྲིས་པའམ་འབུར་དུ་བརྐོས་པའམ་གོས་ཀྱིས་ཀྱང་རུང་སྟེ། རྒྱལ་བ་རིགས་ལྔའི་བདག་ཉིད་ཅན་གྱི་ཅོད་པན་བསྐོར་བར་བྱའོ། །
[100b]
[100b.1]འདིས་ནི་ཕུང་པོ་ལྔ་དག་པ་ཡིན་ལ་དེ་ལྟར་བྱང་ཕྱོགས་སྐུའི་ས་གཞིར་ཆུ་ཅོད་པན་གཉིས་ཀྱིས་ལུས་དག་པར་བྱེད་པའི་དབང་ཡིན་ནོ། །དེ་ནས་དེ་བཞིན་དུ་བསྐོར་བས་ལྷོའི་སྒོར་ཁྱེར་ཏེ། ཤེས་རབ་ཕ་རོལ་ཕྱིན་མ་དག་པར་བྱ་བའི་ཕྱིར་སྔར་བཞིན་སྐྱེ་བའི་གནས་ལྔ་དག་ཏུ་དུང་
[100b.2]ཆོས་ཀྱི་ཆུས་ཨོཾ་ཨ་ཨཱ་ཨཾ་ཧ་ཧཱ་ཧཿཧོ་ཕྲེཾ་ད་ཤ་པཱ་ར་མི་ཏཱ་པ་རི་པཱུ་ར་ཎི་སྭཱ་ཧཱ། ཞེས་བྱ་བ་འདིས་བསངས་ལ་གསེར་རམ་དངུལ་ལམ་དར་ལ་སོགས་པའི་སྟེ་དར་དཔྱང་བཅིང་བར་བྱའོ། །དེ་ནས་ཉི་ཟླ་དག་པར་བྱ་བའི་ཕྱིར་སྔར་བཞིན་སྐྱེ་བའི་གནས་ལྔ་དག་ཏུ། ཨོཾ་སཱུ་རྱ་ཙནྡྲ་བི་
[100b.3]ཤོ་དྷ་ཀ་སྭཱ་ཧཱ། ཞེས་བྱ་བས་བསངས་ལ་རྡོ་རྗེ་དྲིལ་བུ་སྙིང་གར་ལན་གསུམ་བསྣོལ་བ་སྔོན་དུ་འགྲོ་བས་སྤྱི་བོར་གཞག་པར་བྱའོ། །དེ་ལྟར་ལྷོ་ཕྱོགས་གསུང་གི་ས་གཞིར་ངག་དག་པའི་དབང་རྣམ་པ་གཉིས་སོ། །དེ་ནས་ཐུགས་རྡོ་རྗེ་དག་པར་བྱ་བའི་ཕྱིར་ཤར་སྒོར་ཁྱེར་ཏེ་ཡུལ་དང་
[100b.4]དབང་པོ་དག་པར་བྱ་བའི་ཕྱིར་སྔར་བཞིན་སྐྱེ་བའི་གནས་ལྔ་དག་ཏུ། ཨོཾ་ཨ་ཨཱ་ཨེ་ཨཻ། ཨར་ཨཱར་ཨོ་ཨཽ་ཨལ་ཨཱལ་བི་ཥྱི་ནྲི་ཡ་བི་ཤོ་དྷ་ནི་སྭཱ་ཧཱ། ཞེས་བྱ་བས་བསངས་ལ་སྤྱི་པོ་དང་མགྲིན་པ་དང་རྣ་བ་དང་དཔུང་པ་དང་ལག་པ་དང་སྐ་རགས་དང་རྐང་པ་དག་ཏུ་མེ་ཏོག་
[100b.5]གི་ཕྲེང་བ་བཅུ་བཅིངས་ལ། ལག་པར་རྡོ་རྗེའི་སོར་གདུབ་གཏད་པ་ནི་རྡོ་རྗེ་བརྟུལ་ཞུགས་ཀྱི་དབང་ངོ་། །དེ་ནས་ཉོན་མོངས་པ་ཅན་གྱི་ཡིད་དག་པར་བྱ་བའི་ཕྱིར་སྔར་བཞིན་སྐྱེ་བའི་གནས་ལྔ་དག་ཏུ། ཨོཾ་ཧ་ཧཱ་ཡ་ཡཱ་ར་རཱ་ཝ་ཝཱ་ལ་ལཱ་ཙ་ཏུར་བྲཧྨ་བི་ཧ་ར་བི་ཤུདྡྷེ་སྭཱ་ཧཱ། ཞེས་བྱ་
[100b.6]བས་བསངས་ལ་སྔར་གྱི་མེ་ཏོག་ལྷུང་བ་བླངས་ལ་སྤྱི་བོར་གཞག་སྟེ། མེ་ཏོག་གར་བབས་པའི་རིགས་དང་མཐུན་པའི་མིང་གིས་དབང་བསྐུར་བར་བྱའོ། །དེ་ལྟར་བརྟུལ་ཞུགས་དང་མིང་ཤར་ཕྱོགས་ཐུགས་ཀྱིས་གཞིར་སྦྱིན་ནོ། །དེ་ནས་ནུབ་སྒོ་ཡེ་ཤེས་ས་གཞིར་ཁྱེར་ཏེ་ཡེ་
[100b.7]ཤེས་དག་པར་བྱ་བའི་ཕྱིར། སྔར་བཞིན་སྐྱེ་བའི་གནས་ལྔ་དག་ཏུ་ཨོཾ་ཀྵ་དྷརྨ་ཙ་ཀྲ་པྲ་བརྟ་ཀ་སྭཱ་ཧཱ། ཞེས་བྱ་བས་བསངས་ལ་རྡོ་རྗེ་དྲིལ་བུ་ལག་ཏུ་གཏད་ཏེ། རྣམ་པར་དག་པའི་ལམ་སྟོན་པའི་ཕྱིར་རྗེས་སུ་གནང་བའི་དབང་སྦྱིན་པར་བྱའོ། །དེ་ནས་ཕྱིའི་ངག་དག་པ་སྔོན་དུ་
[101a]
[101a.1]སོང་བས་བུམ་པ་དང་གསང་བ་དང་ཤེས་རབ་ཡེ་ཤེས་ཀྱི་དབང་ཁྱིམ་པའི་ཕྱོགས་དང་རབ་ཏུ་བྱུང་བའི་ཕྱོགས་ལ་རིམ་པ་བཞིན་དུའམ་ཚིག་གིས་བརྡ་སྤྲད་པར་བྱའོ། །དབང་བདུན་གྱི་རྗེས་ལའམ། སྐབས་འདིར་ཡང་རུང་སྟེ་རིགས་དྲུག་གི་དམ་ཚིག་དང་། རྩ་བའི་
[101a.2]ལྟུང་བ་ལ་སོགས་པའི་དམ་ཚིག་དབོག་པར་བྱའོ། །དེ་ལྟར་ན་རང་དོན་གྱི་དབང་རྣམ་པ་བཅུ་སྟེ་འཇིག་རྟེན་པའི་དབང་ངོ་། །འཇིག་རྟེན་ལས་འདས་པ་ནི་ཐ་སྙད་པ་དང་མཚན་ཉིད་པའི་དབྱེ་བས་གཉིས་ཏེ། ཐ་སྙད་པ་ནི་ཁྱབ་བདག་རྣམ་པ་གསུམ་གྱི་དབང་ཡིན་ལ། མཚན་ཉིད་པ་ནི་
[101a.3]བསྒོམས་པ་ལས་བྱུང་བའི་ཡེ་ཤེས་ནང་གི་བྱང་ཆུབ་ཀྱི་ཤིང་དྲུང་དུ་ཐོབ་པ་གང་ཡིན་པ་སྟེ། རྒྱས་པར་ནི་བླ་མའི་མན་ངག་ལས་ཤེས་པར་བྱའོ། །གང་ཕྱིར་དབང་གི་དོན་ལ་ནི། ཆེན་པོ་རྣམས་སྦྱར་ཏེ་མེ་ཏོག་འཛིན་པ་རྣམས་ལ་འདི་སྐད་ཅེས་བརྗོད་པར་བྱའོ། །ཁ་ཅིག་
[101a.4]གསང་སྔགས་གྲུབ་དོན་དུ། །དཀྱིལ་འཁོར་འདིར་ནི་འཇུག་པར་བྱེད། །བསོད་ནམས་འདོད་པ་དེ་ལས་གཞན། །གཞན་དག་འཇིག་རྟེན་གཞན་དོན་གཉེར། །འཇིག་རྟེན་ཕ་རོལ་དོན་གཉེར་བར། །དད་པ་མང་དུ་བྱེད་པ་ཡིས། །བློ་ལྡན་དཀྱིལ་འཁོར་འཇུག་བྱ་ཡི། །
[101a.5]ཚེ་འདི་དོན་དུ་གཉེར་མི་བྱ། །ཚེ་འདི་དོན་དུ་གཉེར་བ་ལ། །འཇིག་རྟེན་ཕ་རོལ་དོན་མི་འབྱུང་། །འཇིག་རྟེན་ཕ་རོལ་དོན་གཉེར་མིས། །ཚེ་འདིར་ཡང་ནི་འབྲས་བུ་རྒྱས། །ཞེས་བྱ་བས་འཇིག་རྟེན་པའི་དངོས་གྲུབ་ཀྱི་ཕྱིར་མིན་གྱི། འཇིག་རྟེན་ལས་འདས་པའི་དངོས་གྲུབ་ཀྱི་
[101a.6]ཕྱིར་བསམ་པ་བརྟན་པོ་ལ་སྦྱར་བར་བྱའོ། །འཁོར་བའི་དགྲ་ལས་རྣམ་རྒྱལ་བ། །དཔའ་ཆེན་ཁྱེད་བདག་སྟོན་པ་བས། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་
[101a.7]སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་འཇུག་ཏུ་གསོལ། །ཞེས་ལན་གསུམ་བཟླས། ཞེས་བྱ་བ་ནི་སློབ་མ་གཞུག་པའོ། །དེ་ནས་
[101b]
[101b.1]སློབ་དཔོན་བདག་ཉིད་སྐད་ཅིག་མས་རང་སྣང་གི་རིག་མ་དང་། གནས་ལྔ་བྱིན་གྱིས་བརླབ་པ་བྱས་ནས། སློབ་མ་རྣམས་ཞལ་ནས་གཞུག་པའི་སྦྱོར་བས་ཐིག་ལེའི་རྣམ་པར་ཞུ་བ་དང་། ལྷན་ཅིག་སྐྱེས་པའི་མཐར་ཡུམ་གྱི་ལྷུམས་སུ་སྤྲོས་ལ། གྲངས་ཇི་སྙེད་པ་དེ་སྙེད་ཀྱི་ཧཱུཾ་གི་རྣམ་
[101b.2]པར་བསམས་ལ་དེ་དག་ཡོངས་སུ་གྱུར་པ་ལས། ཕྱག་གཉིས་པའི་ཧེ་རུ་ཀར་བསམས་ཏེ་དེ་ནས་དེ་དག་རྡོ་རྗེའི་ལམ་ནས་དྲངས་ཏེ་ཐུགས་ཀ་ནས་ཕྱུང་ལ་མདུན་དུ་རང་ལ་མངོན་པར་ཕྱོགས་པར་སྣ་ཚོགས་པདྨའི་གདན་རེ་རེ་ལ་འཁོད་པར་བསམ་མོ། །དེ་ནས་དེ་དག་ལ་མཆོད་པ་ལྔས་མཆོད་
[101b.3]ལ་འདི་སྐད་ཅེས་བརྗོད་པར་བྱའོ། །བུ་ཚུར་ཐེག་པ་ཆེན་པོ་ལ། །ཁྱོད་ནི་ཚུལ་ཆེན་སྣོད་ཡིན་ཏེ། །གསང་སྔགས་སྤྱོད་ཡུལ་ཆོ་ག་ནི། །ཁྱོད་ལ་ཡང་དག་བསྟན་པར་བྱ། །སྐུ་གསུང་ཐུགས་ཀྱི་རྡོ་རྗེ་ཅན། །དུས་གསུམ་བྱུང་བའི་སངས་རྒྱས་རྣམས། །དེ་དག་གིས་ཀྱང་གསང་
[101b.4]སྔགས་ཀྱི། །ཆོ་ག་བཟང་པོ་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་མཚན་མེད་བརྙེས། །གསང་སྔགས་སྦྱོར་བ་མཉམ་མེད་དེ། །སྐྱོབ་པ་དཔལ་ལྡན་ཧེ་རུ་ཀས། །བདུད་སྡེ་ཤིན་ཏུ་མི་བཟད་པའི། །དཔུང་ཆེན་དག་ཀྱང་དེས་བཅོམ་སྟེ། །
[101b.5]འཇིག་རྟེན་འཇུག་པ་ཡོངས་མཁྱེན་ནས། །འཁོར་ལོ་བསྐོར་ནས་མྱ་ངན་འདས། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །ཅེས་བྱ་བ་ནི་རྗེས་སུ་གནང་བ་སྦྱིན་པའོ། །དེས་ན་སེམས་ཀྱང་རྨོངས་པའི་ཕྱིར། །དམ་པའི་མན་ངག་ལ་བརྟེན་
[101b.6]ནས། །དབང་གི་དེ་ཉིད་གསལ་བར་བྱས། །དཔལ་ལྡན་དང་པོའི་སངས་རྒྱས་དང་། །རྡོ་རྗེ་མཁའ་འགྲོ་གུར་དང་ནི། །དེ་བཞིན་སྒྱུ་འཕྲུལ་དྲ་བ་དང་། །བདེ་མཆོག་ལ་བརྟེན་ལུང་གི་རྐྱེན། །གྲོང་ཁྱེར་སུམྦྷ་རིའི་རྒྱལ་པོའི་སྲས། དཔལ་འཇིགས་བྱེད་ལྷའི་ཞལ་སྔ་ནས་བསྟན་
[101b.7]པ་རྒྱལ་པོ་སེང་གེ་གདན་གྱི་རྣམ་པར་དག་པའི་ལམ་གྱི་དབང་བསྐུར་བའི་རབ་ཏུ་བྱ་བ་རྫོགས་སོ།། །།རྒྱ་གར་གྱི་མཁན་པོ་དེ་ཉིད་ཀྱི་སྤྱན་སྔར་བོད་ཀྱི་ལོ་ཙཱ་བ་ཤཱཀྱའི་དགེ་སློང་གྲགས་འབྱོར་ཤེས་རབ་ཀྱིས་བསྒྱུར་བའོ།། །།ལོག་པར་དད་པའི་སྐྱེ་བོ་རྣམས། །ལམ་
[102a]
[102a.1]འདིར་དབང་བ་མ་ཡིན་ནོ། །དེ་ཕྱིར་དབང་བསྐུར་དམ་པ་འདི། །བླ་མ་རྗེ་ཡིས་བདག་ལ་གནང་། །ཕྱི་རབས་གདུལ་བྱ་སྐལ་ལྡན་མིས། །བླ་མ་དམ་པ་རྟག་བསྟེན་པས། །ལམ་འདི་རིམ་གྱིས་བགྲོད་བྱས་ཏེ། །མི་འགྱུར་ཡེ་ཤེས་མཆོག་ཐོབ་ཤོག །།
[102a.2]{T1535}༄༅༅། །རྒྱ་གར་སྐད་དུ། ཨ་བྷི་ཥེ་ཀ་བིདྷི་ཀྲ་མ་ནཱ་མ། བོད་སྐད་དུ། དབང་གི་ཆོ་གའི་རིམ་པ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དབང་གི་བྱ་བ་འདྲི་བར་བྱའོ། །དང་པོ་སློབ་མས་ལན་གཉིས་ལན་གསུམ་དུ་གསོལ་བ་གདབ་པ་དང་།
[102a.3]རྡོ་རྗེ་སློབ་དཔོན་གྱིས་སློབ་མ་ལ་དབང་གི་ཡོ་བྱད་ཐམས་ཅད་འབྱོར་པ་ཡོད་དམ་ཞེས་དྲིའོ། །བདག་ལ་ཐམས་ཅད་ཡང་དག་པར་ཡོད་དོ་ཞེས་པ་དེ་ལ། ཇི་ལྟར་དེའི་ལས་ཀྱི་སྒྲིབ་པ་དང་ལྡན་པ་དེ་སློབ་དཔོན་གྱིས་རབ་ཏུ་འཇོམས་པའི་དོན་ནི། །དེའི་སྙིང་གར་ཀཾ་གི་ཡི་གེ་ཞུ་བ་ལས།
[102a.4]ལས་ཀྱི་སྒྲིབ་པའི་རང་བཞིན་གདུག་པ་ཅན་མ་ལུས་པ་རྣམ་པར་བསམ་མོ། །དེ་བཞིན་དུ་དེའི་ལྟེ་བའི་གནས་སུ་རྡོ་རྗེ་རྩེ་ལྔ་པ་ཞུ་བ་ལས་ཡོངས་སུ་རྫོགས་པའི་རྡོ་རྗེ་གནོད་སྦྱིན་ཕྱག་གཉིས་པ་ཁ་དོག་ནག་པོ་མཆེ་བ་གཙིགས་པ་ཞལ་གཅིག་པ་བསྒོམས་ཏེ། གཡས་དང་གཡོན་ན་རྡོ་རྗེ་
[102a.5]དང་ཞགས་པ་བསྣམས་པའི་ཁྲོ་བོ། །དེ་ནས་ཡང་ན་མཆེ་བ་དང་གཡོན་སྡིགས་མཛུབ་ཅན། བདག་ཉིད་ཀྱིས་རྡོ་རྗེ་གསོར་བ་ལས་སོང་ནས་དེའི་སྙིང་གར་རང་གིས་བྱས་པའི་ལས་ཀྱི་སྒྲིབ་པ་ཞུ་བ་རྣམ་པར་བསམས་པ་ལ་རྡོ་རྗེ་བསྣུན་པ་ལ་རྡོ་རྗེ་གནོད་སྦྱིན་གྱིས་ཀྱང་བསྣུན་ཏེ། ཨོཾ་
[102a.6]བཛྲ་ཡཀྵ་གྲོ་དྷ་ཁཱ་ད་ཁཱ་ད་པཱ་པཾ་ཡ་སྱ་ཧཱུཾ་ཕཊ་སྭཱ་ཧཱ། སྔགས་འདིས་ཐལ་བ་ལྟ་བུར་གྱུར་པར་རྣམ་པར་བསམས་པས་སྡིག་པ་འབྱང་ངོ་། །དེ་ལ་བསྲུང་བ་བྱ་སྟེ། གནོད་མཛེས་ཀྱི་སྔགས་སམ་བདུད་རྩི་འཁྱིལ་བའི་སྔགས་ཀྱིས་ལག་པ་གཡས་པ་ལ་སྐུད་པ་བཅིང་ངོ་། །དེ་
[102a.7]བཞིན་དུ་སྤྱི་བོ་མགྲིན་པ་སྙིང་གར་ཡི་གེ་གསུམ་བྲི་བའམ་བསྒོམ་པར་བྱའོ། །ལུས་ངག་ཡིད་གསུམ་བྱིན་གྱིས་བརླབ་པའོ། །ཡོངས་སུ་འཛིན་པ་རྣམ་པར་དག་པ་འདིའི་སྔོན་དུ་ཐམས་ཅད་སོང་བ་སྟེ། བུམ་པ་ལྷག་པར་གནས་པ་དང་། ལྷ་ལྷག་པར་གནས་པ་དང་། དཀྱིལ་
[102b]
[102b.1]འཁོར་དེའི་སྒྲུབ་པ་སྔོན་དུ་བྱས་པའོ། །དེ་ནས་ཀུ་ཤ་གཉིས་བདུད་རྩི་འཁྱིལ་པའི་སྔགས་ཀྱིས་མངོན་པར་བསྔགས་པ་བྱིན་ལ། སློབ་མ་སེང་གེའི་ཉལ་ཐབས་སུ་སྟན་དང་སྔས་སུ་བྱའོ། །ནུབ་གཉིས་པ་ལ་རྨི་ལམ་ཡོངས་སུ་བརྟག་པར་བྱའོ། །བཟང་ངན་མཐོང་བ་དང་། ཞི་བའི་
[102b.2]བགེགས་བསྐྲད་པ་དང་། སྦྱིན་སྲེག་དེ་ནས་བྱའོ། །དེའི་སྔོན་དཀྱིལ་འཁོར་བྲི་བ་དང་བསྒྲུབ་པ་དང་། མཆོད་པ་ཆེན་པོ་དང་གཏོར་མ་བྱིན་ནས་ནམ་ཕྱེད་ལུས་ན་སློབ་མ་དཀྱིལ་འཁོར་གྱི་སྒོའི་ཕྱི་རོལ་དུ་བཞག་ལ། མེ་ཏོག་གི་ཕྲེང་བ་འཛིན་པ་སློབ་དཔོན་གྱིས་གསུང་གིས་
[102b.3]གདོང་གཡོགས་བཅིང་ངོ་། །ཁྱོད་གང་ལ་དགའ་བ་ཡིན་ཅེས་པ་དང་། སྐལ་བ་བཟང་པོ་བདག་བདེ་བ་ཆེན་པོ་ལ་དགའ་ལགས་སོ་ཞེས་སོ། །དེ་ནས་སློབ་མའི་ལག་པ་ནས་བཟུང་ལ་དཀྱིལ་འཁོར་གྱི་སར་ཁྲིད་ལ་སྔགས་འདི་བརྗོད་དོ། །ཨོཾ་ཤྲཱི་ཧེ་རུ་ཀ་བིད་མ་ཧེ་བིདྱཱ་རཱ་ཛ་
[102b.4]ཡ་དྷི་མ་ཧེ་ཏན་ནུ་ཝཱི་རི་པྲ་ཙོ་ད་ཡ་སྭཱ་ཧཱ། འདི་ནི་སློབ་མ་གཞུག་པའོ། །སློབ་མ་དེ་ལྷོ་ཕྱོགས་ཀྱི་སྒོ་རུ་བཞག་ལ་ཕྱག་གསུམ་བཙལ་ལོ། །གསང་སྔགས་འདིས། ཨོཾ་ན་མ་སྟེ་ཧཱུཾ། ན་མཱ་མི་ཧཱུཾ། ན་མོ་ན་མ་ཧཱུཾ་སྭཱ་ཧཱ། དེ་ནས་ཤར་ཕྱོགས་སྒོར་ཐལ་མོ་སྦྱར་ཏེ་ལུས་ཐམས་
[102b.5]ཅད་ཀྱིས་ཕྱག་བྱའོ། །སྔགས་འདིས་དཔའ་བོ་དང་རྣལ་འབྱོར་མ་མཆོད་པའི་བདག་ཉིད་ཅན་དུ་བྱའོ། །ཨོཾ་སརྦ་བཱི་ར་ཡོ་གཱི་ནྱ་ཨཱཏྨ་ཌཱ་ཀི་ནཱི་ཡེ་ཏིཥྛ་མཱཾ་ཨི་དེ། ཐལ་མོ་སྙིང་གར་སྦྱར་ཏེ་བྱང་གི་སྒོར་ཕྱག་བྱ་བ་གོང་མ་བཞིན་ནོ། །སྔགས་འདིས་རྣལ་འབྱོར་མ་རྣམས་ཐམས་ཅད་
[102b.6]མཆོད་པའི་དབང་བསྐུར་བའི་བདག་ཉིད་ཅན་དུ་བྱའོ། །ཨོཾ་སརྦ་ཏ་ཐཱ་ག་ཏ་བཱི་ར་ཡོ་གཱི་ནཱི་ཨཱཏྨ་ན་ཏཾ་ལཱ་མ་ཨ་བྷི་ཥཉྩི་ཏུ་མཱཾ། དེ་ནས་ཐལ་མོ་སྦྱར་ལ་ཨོཾ་རྣལ་འབྱོར་མ་ཐམས་ཅད་མཆོད་པའི་བདག་ཉིད་ཅན་དུ་བྱའོ། །ཨོཾ་སརྦ་ཏ་ཐཱ་ག་ཏ་བཱི་ར་ཡོ་གཱི་ནཱི་ཨཱཏྨ་ཁཎྜ་རོ་ཧ་སྱ་པྲ་བརྟ་ཡ་ཏོ་མ་མ་
[102b.7]ཨི་དེ། དེས་ནུབ་ཀྱི་སྐོར་རོ། །དེ་ནས་ལྷོ་ཕྱོགས་ཀྱི་སྒོར་ཐལ་མོ་ཡན་ལག་ཐམས་ཅད་ལ་བསྐོར་ཞིང་ཨོཾ་རྣལ་འབྱོར་མ་ཐམས་ཅད་ལ་མཆོད་པའི་ལས་བྱ་བའི་བདག་ཉིད་ཅན་དུ་བྱའོ། །ཨོཾ་སརྦ་ཏ་ཐཱ་ག་ཏ་བཱི་ར་ཡོ་གཱི་ནཱི་ཨཱཏྨ་རཱུ་པི་ཎི་ཀརྨ་ཀ་རོ་ཏོ་མཱཾ་ཨི་དེ། རབ་ཏུ་འདུད་པའི་ཕྱག་བཞི་
[103a]
[103a.1]བྱའོ། །དེ་ནས་སློབ་དཔོན་གྱིས་སྣང་བ་བརྟག་པར་བྱ་སྟེ། མིག་ལ་སྣང་བ་དྲི་བར་བྱའོ། །དེ་ནས་སྣང་བའི་རྗེས་སུ་འཇུག་པའི་ལས་གང་གྲུབ་པ་བསྟན་པར་བྱའོ། །དེ་ནས་སོར་བཅུ་གཉིས་པའི་རྩེ་མོ་ལ་མེ་ཏོག་ཅན་རྨ་མེད་པ་མ་གས་པ་དྲང་པོ་མྱ་ངན་མེད་པ་
[103a.2]ལ་སོགས་པའི་སོ་ཤིང་སློབ་མས་བཟའ་ཞིང་ཤར་དུ་བལྟས་ཏེ་མཎྜལ་པགས་པའི་ཚད་ལས་མ་བརྟགས་པ་དོར་བར་བྱའོ། །བྱང་དུ་བལྟས་ན་ཞི་བའོ། །ཤར་དུ་བལྟས་ན་རྒྱས་པའོ། །ལྷོར་བལྟས་ན་མངོན་སྤྱོད་དོ། །ནུབ་ཏུ་བལྟས་ན་དབང་དུ་བྱ་བའོ། །སྟེང་དུ་བལྟས་ན་རིག་
[103a.3]པ་འཛིན་པའི་དངོས་གྲུབ་བོ། །མཎྜལ་གྱི་ཕྱི་རོལ་ལྷུང་ན་དངོས་གྲུབ་ཆུང་བའོ། །སོ་ཤིང་སྦྱིན་པའོ། །དམ་ཚིག་གི་ཆུ་སྦྱིན་པ་བརྗོད་པར་བྱའོ། །ཧེ་རུ་ཀ་དཔལ་བུ་ཁྱོད་ཀྱི། །སྙིང་ལ་དེ་རིང་ཡང་དག་ཞུགས། །གལ་ཏེ་ཚུལ་འདི་སྨྲས་འགྱུར་ན། །དེ་མ་ཐག་ཏུ་དྲལ་ནས་
[103a.4]འགྲོ། །དེས་ན་འདི་ནི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩི་ཆུ་འདིས་འགྲུབ། །ཅེས་པས་སྦྱིན་ནོ། །དེང་འདིར་གང་ཞིག་ཁ་ཅིག་རྡོ་རྗེའི་ཆུས། །ཐམས་ཅད་བྱེད་པ་རང་ཉིད་མ་བྱེད་ཅིག །མ་
[103a.5]བསྐྱངས་གྱུར་ན་དམྱལ་བར་ལྟུང་འདིའོ། །སྔགས་ནི་ཨོཾ་བཛྲ་ཨ་མྲྀ་ཏ་ཨུ་ད་ཀ་ཋ་ཧཱུཾ། ཞེས་པས་ཁྱོར་བར་འཐུང་དུ་གཞུག་གོ། །ཇི་ལྟར་ཁྱོད་དམ་ཚིག་དང་སྡོམ་པ་ལ་སོགས་པ་འདི་རྟོགས་ནས་འཛིན་པར་འདོད་པ་དེ་ལྟར་གཟུང་བ་དེ་ལ་དཔལ་ཧེ་རུ་ཀའི་ཡེ་ཤེས་བསྐྱེད་པར་
[103a.6]བྱའི། ཡེ་ཤེས་དེས་ཁྱེད་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་པར་བྱེད་དོ། །དངོས་གྲུབ་གཞན་ལྟ་སྨོས་ཀྱང་ཅི་དགོས་ཞེས་བསྟན་ནས་མི་ཕྱེད་པའི་དཀྱིལ་འཁོར་དུ་མེ་ཏོག་གི་ཕྲེང་བ་ངོར་བས་གང་ཞིག་ལ་མེ་ཏོག་ཕོག་པས་དེ་དག་གི་རིགས་ཏེ་མིང་གི་
[103a.7]དབང་བསྐུར་བའི་དོན་ཏོ། །དེ་ནས་མིག་གཡོགས་དགྲོལ་བའི་སྔགས་འདིས་སོ། །ཤྲཱི་ཧེ་རུ་ཀ་རཾ་ཡཾ་ཏིརྱ་ཙཀྵོ་རོད་ཨུདྒྷ་ཊ་ན་ཏ་ཏྤ་ར་ཨུངྒྷ་ཊ་ཡ་ཏེ་སརྦ་ཨཀྵོ་བཛྲ་ཙྐྵུ་ཨུ་ཏ་རི། དེ་བཞིན་དུ་སྔགས་ནི་ཨོཾ་བཛྲ་ནེེ་ཏྲ་ཡ་ཧ་ར་ཧ་ར་པ་ཊ་ལཾ་ཧྲི། འདི་བརྗོད་པར་བྱའོ། །དཀྱིལ་
[103b]
[103b.1]འཁོར་འདི་ཁྱོད་མཐོང་བ་ཡིས། །རིགས་ཀྱིས་སྐྱེ་བའི་རྣལ་འབྱོར་ལ། །ཤིན་ཏུ་དད་པར་ཁྱོད་ཀྱིས་བྱོས། །སྔགས་དང་ཕྱག་རྒྱས་བྱིན་བརླབས་ནས། །དེ་ཁོ་ན་ཉིད་དབང་བསྐུར་དོན། །སློབ་མ་རྗེ་བཙུན་བྱེད་རྣམས་ལ། །སློབ་དཔོན་ཁྱེད་ཀྱིས་བདག་བཟུང་བས། །ཁྱེད་
[103b.2]ཀྱི་བསྟན་པ་དགའ་བ་ཆེ། །མགོན་པོ་ཆེན་པོ་བདག་གིས་ནི། །འདོད་པ་བྱང་ཆུབ་ཆེན་པོ་ནི། །ཐེག་པ་མི་ཕྱེད་ངོ་བོ་ཡི། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་གསོལ། །སངས་རྒྱས་ཆོས་དང་དགེ་འདུན་གྱི། །སྐྱབས་གསུམ་དག་ཀྱང་
[103b.3]བདག་ལ་གསོལ། །བྱང་ཆུབ་ཆེན་པོའི་གྲོང་མཆོག་ཏུ། །མགོན་པོས་བདག་ནི་གཞུག་ཏུ་གསོལ། །དེས་ནི་འདི་དག་གི་གསོལ་བ་གདབ་པའོ། །དེ་ནས་སློབ་དཔོན་གྱིས་དེ་བཞིན་གཤེགས་པ་རིགས་ལྔའི་དམ་ཚིག་སྦྱིན་ནོ། །སངས་རྒྱས་ཆོས་དང་དགེ་འདུན་ཏེ། དཀོན་
[103b.4]མཆོག་གསུམ་ལ་སྐྱབས་སུ་སོང་། །འདི་ནི་སངས་རྒྱས་རིགས་དག་པའི། །སྡོམ་པའི་ངོ་བོ་མི་ཕྱེད་པ། །རྡོ་རྗེ་དྲིལ་བུ་ཕྱག་རྒྱ་དག །བློ་ཆེན་ཁྱོད་ཀྱིས་གཟུང་བར་གྱིས། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་རྗེས་སུ་དྲན། །སློབ་དཔོན་དག་ཀྱང་
[103b.5]གཟུང་བར་གྱིས། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེ་རིགས་དག་པའི། །དམ་ཚིག་སྡོམ་པ་ཡིན་པར་གསུངས། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རྟག་ཏུ་སྦྱིན། །རིན་ཆེན་རིགས་མཆོག་
[103b.6]ཆེན་པོའོ། །ཕྱི་དང་གསང་བའི་ཐེག་པ་གསུམ། །དམ་པའི་ཆོས་ནི་མ་ལུས་བཟུང་། །འདི་ནི་པདྨའི་རིགས་དག་པའི། །དམ་ཚིག་སྡོམ་པ་ཡིན་པར་གསུངས། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། མཆོད་པའི་ལས་ཀྱང་ཅི་ནུས་ཀྱིས། །
[103b.7]ལས་ཀྱི་རིགས་མཆོག་ཆེན་པོའོ། །སྲོག་ཆགས་གསད་པར་མི་བྱ་ཞིང་། །མ་བྱིན་པར་ཡང་མི་བླང་ངོ་། །འདོད་ལོག་སྤྱད་པ་མི་བྱ་ཞིང་། །བརྫུན་གྱི་ཚིག་ཀྱང་མི་བྱའོ། །ཉེས་པ་ཀུན་གྱི་རྩ་བ་ཡི། །མྱོས་པར་འགྱུར་བ་སྤང་བར་བྱ། །སེམས་ཅན་འདུལ་བ་མ་གཏོགས་
[104a]
[104a.1]པ། །བྱ་བ་ངན་པ་ཐམས་ཅད་སྤང་། །དམ་པ་ཉེ་བར་བསྟེན་པར་བྱ། །རྣལ་འབྱོར་ཅན་ལ་བསྟེན་པར་བྱ། །ལུས་ཀྱི་ལས་ནི་རྣམ་པ་བཞི་དག་དང་། །ཡིད་ཀྱི་བྱེད་པ་གསུམ་དག་ནི། །ཅི་ནུས་པར་ནི་རྗེས་སུ་བསྲུང་། །སེམས་
[104a.2]ཅན་གནོད་པ་མི་ཕྱོགས་དང་། །ཐེག་པ་དམན་ལ་འདོད་མི་བྱ། །འཁོར་བ་དག་ཀྱང་མི་སྤང་ཞིང་། །རྟག་ཏུ་མྱ་ངན་འདས་མི་ཆགས། །ལྷ་དང་ལྷ་མིན་གསང་པ་ལ། །དེ་ལ་བསྙེན་བཀུར་མི་བྱ་ཞིང་། །ཕྱག་རྒྱ་བཞོན་པ་ཕྱག་མཚན་སོགས། །དེ་ལ་འགོམ་པར་མི་བྱའོ། །
[104a.3]འདི་ལྟར་དམ་ཚིག་བསྡུས་པ་རྣམས། །ཁྱོད་ཀྱིས་རྟག་ཏུ་བསྲུང་བར་གྱིས། །དེ་ནས་སློབ་མ་དེས་རང་གི་ངག་གིས་གཟུང་ངོ་། །དཀོན་མཆོག་གསུམ་ལ་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་
[104a.4]ཆུབ་ཡིད་ཀྱིས་གཟུང་། །བྱང་ཆུབ་སེམས་ནི་བླ་མེད་པ། །དམ་པ་དག་གིས་བསྐྱེད་པར་བགྱི། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པ། །ཚུལ་ཁྲིམས་གསུམ་གྱི་ཆོ་ག་འདི། །སྡོམ་པའི་ཚུལ་ཁྲིམས་བསྲུང་བ་དང་། །དགེ་བའི་ཆོས་ནི་སྡུད་
[104a.5]པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་སོ་སོར་བརྟན་པོར་གཟུང་། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །སངས་རྒྱས་རྣལ་འབྱོར་ལས་སྐྱེས་པའི། །སྡོམ་པ་མཆོག་ཏུ་གཟུང་བར་བགྱི། །རྡོ་རྗེ་དྲིལ་བུ་
[104a.6]ཕྱག་རྒྱ་འདི། །སོ་སོར་ཡང་དག་ཉིད་དུ་གཟུང་། །སློབ་དཔོན་དག་ཀྱང་གཟུང་བར་གྱི། །རྡོ་རྗེ་རིགས་མཆོག་ཆེན་པོ་ལ། །ཉིན་དང་མཚན་མོ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །རིན་ཆེན་རིགས་མཆོག་རྣལ་འབྱོར་གྱི། །དམ་ཚིག་ཡིད་དུ་འོང་བའོ། །ཕྱི་
[104a.7]ནང་གསང་བ་ཐེག་པ་གསུམ། །དམ་ཚིག་སོ་སོར་གཟུང་བར་བགྱི། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པའོ། །སྡོམ་པ་ཐམས་ཅད་ལྡན་པར་ནི། །སོ་སོར་ཡང་དག་ཉིད་དུ་གཟུང་། །མཆོད་པའི་ལས་ཀྱང་ཅི་ནུས་བགྱི། །ལས་ཀྱི་རིགས་མཆོག་
[104b]
[104b.1]ཆེན་པོའོ། །བྱང་ཆུབ་སེམས་ནི་བླ་མེད་པའི། །དམ་པ་བདག་གིས་བསྐྱེད་པར་བགྱི། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་གཟུང་། །མ་བསྒྲལ་བ་རྣམས་བསྒྲལ་བར་བགྱི། །མ་གྲོལ་བ་རྣམས་གྲོལ་བར་བགྱི། །དབུགས་མ་ཕྱིན་པ་
[104b.2]དབུགས་དབྱུང་ཞིང་། །མྱ་ངན་འདས་ལ་དགོད་པར་བགྱི། །ལུས་དང་ངག་དང་ཡིད་ཀྱི་ལས། །མི་དགེ་བ་ནི་བཅུ་པོ་དང་། །བག་མེད་པ་ཡི་གནས་གྱུར་པའི། །ཆང་ནི་ཡོངས་སུ་སྤང་བར་བྱ། །ཐེག་པ་དམན་ལ་འདོད་མི་བྱ། །ལྷ་དང་ལྷ་མིན་གསང་བ་ལ། །དེ་རྣམས་
[104b.3]བསྙེན་པར་མི་བྱའོ། །ཕྱག་མཚན་འགོམ་པ་ལ་སོགས་རྣམས། །དུས་འདི་ནས་ནི་བཟུང་ནས་ནི། །ཇི་སྲིད་བྱང་ཆུབ་སྙིང་པོའི་བར། །བདག་གིས་རབ་ཏུ་སྤང་བར་བགྱི། །ཞེས་པའོ། །དེ་ཉིད་བཟུང་བ་ལ་རིག་པའི་དབང་གིས་སྡོམ་པའི་སློབ་མའི་དབང་སྦྱིན་ཏེ། དེ་ལ་སྒོམ་
[104b.4]ཞིང་སློབ་དཔོན་གྱིས་ཆུའི་དབང་སྦྱིན་ནོ། །སྔགས་ནི་ཨོཾ་བཛྲ་ཨ་བྷི་ཥིཉྩ་མི། དེ་ཐོབ་པའི་སློབ་མ་ལ་མེ་ལོང་ལྟ་བུའི་ཡེ་ཤེས་ཀྱི་ངོ་བོ། ཞེ་སྡང་རྣམ་པར་དག་པ་མངོན་སྤྱོད་ཀྱི་ལས་གྲུབ་པ། རྣམ་པར་ཤེས་པའི་ཕུང་པོ་རྣམ་པར་དག་པའོ། །འདིས་ནི་མི་བསྐྱོད་པའི་རང་
[104b.5]བཞིན་གྱི་ངོ་བོ་ཆུའི་དབང་ངོ་། །དེ་ནས་རིན་ཆེན་འབྱུང་ལྡན་གྱི་རང་བཞིན་གྱི་ངོ་བོ་ཅོད་པན་རྣམ་པར་བསམས་ལ་སློབ་མའི་དབང་སྔགས་འདིས་སོ། །ཨོཾ་བཛྲ་བཻ་རོ་ཙ་ནཱི་ཡེ་ཧུཾ་ཧཱུཾ་ཕཊ་སྭཱ་ཧཱ། ཅོད་པན་གྱི་དབང་ཐོབ་པས་མཉམ་པ་ཉིད་ཀྱི་ཡེ་ཤེས་ཀྱི་ངོ་བོ། ཚོར་བའི་ཕུང་པོ་
[104b.6]རྣམ་པར་དག་པ་རྒྱས་པ་འགྲུབ་པས་ང་རྒྱལ་རྣམ་པར་དག་པའོ། །དེ་ནས་སྣང་བ་མཐའ་ཡས་ཀྱི་རང་བཞིན་གྱི་ངོ་བོ་རྡོ་རྗེའི་དབང་བསྐུར་སྦྱིན་ཏེ། སྔགས་འདིས་ཨོཾ་ཨངྱ་བྷི་ཥིཀྟ་སྟྭམ་པི། བཱི་རེ་ཡོཿཤྲཱི་ཧེ་རུ་ཀེ་བྷྱཿཨི་དཾ་ཏཏྶ་རྦ་བུདྡྷ་ཏྭཾ། གྲྀཧྞ་བཛྲ་སུ་སིདྡྷཱ་ཡ། རྡོ་རྗེའི་དབང་
[104b.7]བསྐུར་ཐོབ་པས་སོ་སོར་ཀུན་དུ་རྟོག་པའི་ཡེ་ཤེས་ཀྱི་ངོ་བོ་འདུ་ཤེས་ཀྱི་ཕུང་པོ་རྣམ་པར་དག་པ། འདོད་ཆགས་རྣམ་པར་དག་པ་དབང་དུ་བྱ་བ་འགྲུབ་པའོ། །དེ་ནས་དོན་ཡོད་གྲུབ་པའི་རང་བཞིན་གྱི་ངོ་བོ་དྲིལ་བུའི་དབང་སྦྱིན་ཏེ། ཨི་ཡཾ་སཱ་སརྦ་བུདྡྷཱ་ནཱཾ། པྲ་ཛྙཱ་གྷོ་ཥཱ་ནུ་གཱ་སྨྲྀ་ཏཱ། ཏྭ་ཡཱ་
[105a]
[105a.1]པི་ཧི་ས་དཱ་དྷཱ་ཪྻ། བོ་དྷཱི་རག་གྲཱ་ཛི་ནཻ་མ་ཏ། རང་བཞིན་གྱི་ངོ་བོ་ཉིད་ཀྱིས་དག་པའི་བཅོམ་ལྡན་འདས་འདི་དང་དྲིལ་བུའི་དབང་ཐོབ་པས་བྱ་བ་གྲུབ་པའི་ཡེ་ཤེས་ཀྱི་ངོ་བོ་འདུ་བྱེད་ཀྱི་ཕུང་པོ་རྣམ་པར་དག་པས། ལས་ཐམས་ཅད་གྲུབ་པ་ཕྲག་དོག་གི་ཉོན་མོངས་པ་སྤངས་པར་
[105a.2]བསམ་མོ། །དེ་ནས་མིང་གི་དབང་བསྐུར་ཏེ་ཤྲཱི་ཧཻ་རུ་ཀ་དེ་བཱ་དི་ཏྲ་ཨ་བྷི་ཥིཉྩ་མི་ཤྲཱི་ཧེ་རུ་ཀ་ཏི་ཏེ་ནཱ་མཿཀྱེ་ཆེ་གེ་མོ་རྡོ་རྗེ་ཞེས་བྱ་བ་རྣམ་པར་སྣང་མཛད་ཀྱི་རང་བཞིན་གྱི་ངོ་བོ་མིང་གི་དབང་བསྐུར་ཐོབ་པས། ཆོས་ཀྱི་དབྱིངས་ཀྱི་ཡེ་ཤེས་ཀྱི་ངོ་བོ་ཉོན་མོངས་པ་གཏི་མུག་རྣམ་པར་དག་པ། ཞི་བའི་
[105a.3]ལས་འགྲུབ་པ་གཟུགས་ཀྱི་ཕུང་པོ་རྣམ་པར་དག་པའོ། །དེ་ནས་སྔགས་ཀྱི་དབང་བསྐུར་བ་སྦྱིན་ཏེ་ཨོཾ་ཤྲཱི་ཧེ་ཧེ་རུ་རུ་ཀ་འདི་ལ་སོགས་པའོ། །དེ་ནས་བརྟུལ་ཞུགས་འདི་ཉིད་སངས་རྒྱས་ཀྱི། །ཧེ་རུ་ཀ་ཡི་ལག་ན་གནས། །ཁྱོད་ཀྱིས་རྟག་ཏུ་འཛིན་པར་གྱིས། །བརྟུལ་ཞུགས་མི་
[105a.4]ཕྱེད་ཧེ་རུ་ཀ །ཞེས་བརྗོད་ལ་སྔགས་ནི། ཨོཾ་སརྦ་ཏ་ཐཱ་ག་ཏ་སིདྡྷ་བཛྲ་ས་མ་ཡ་ཏིཥྛ་ཨེ་ཥ་ཏྭཱཾ་དྷ་ར་ཡཱ་མི་ཧཱུཾ་ཧ་ཧ་ཧོ་ཧོ། །དེ་ཉིད་འཛིན་པ་ལ་དཔའ་བོ་ཆེན་པོའི་ལྷག་པའི་བསམ་པས་ཁ་ཊྭཱཾ་ག་དང་ཌ་མ་རུ་ཧེ་རུ་ཀའི་ཡན་ལག་གི་ཡན་ལག་གོ། །རྣལ་འབྱོར་མའི་ཁ་ཊྭཱཾ་ག་དང་ཌ་མ་རུ་སྟེ་ཐམས་
[105a.5]ཅད་ཀྱིས་རྡོ་རྗེ་དང་དྲིལ་བུ་དང་ཌ་མ་རུའི་སྒྲ་དབྱངས་དང་། ཚངས་པའི་སྐུད་པ་དང་། རྣལ་འབྱོར་མའི་བདག་ཉིད་ཁ་ཊྭཱཾ་ག་དང་རྣལ་འབྱོར་གྱི་ལྷུང་བཟེད་དོ། །འདིས་ནི་ཁ་ཊྭཱཾ་ག་དང་ཌ་མ་རུའི་བརྟུལ་ཞུགས་ཀྱི་དབང་ངོ་། །དེ་ཉིད་ཀྱི་དུས་སུ་སངས་རྒྱས་དང་དཔའ་བོ་དང་རྣལ་འབྱོར་མ་དཔག་
[105a.6]ཏུ་མེད་པ་ལ་ཤེས་རབ་དང་། བདེ་བ་འབྱུང་བའི་སྒེག་པའི་གར་གྱིས་མཆོད་པའོ། །སྒེག་པས་ཕྲེང་བ་འཕང་བ་འདིས། །སངས་རྒྱས་ཀུན་སོགས་རྣལ་འབྱོར་མས། །ལྷག་པར་མོས་པ་འབྱུང་བ་ཡི། །ཕྲེང་བ་དེ་དག་གིས་བརྒྱན་ཡིན། །ཞེས་པ་ཕྲེང་བའིའོ། །ཆོས་ཀྱི་རྣམ་པ་ཐམས་ཅད་ཀྱི། །ལུས་
[105a.7]ཅན་ཀུན་གྱིས་ཡང་དག་པའི། །རྣལ་འབྱོར་མ་རྣམས་བདེ་བ་ཡི། །རྗེས་སུ་བྱེད་པའི་གླུ་བླང་ངོ་། །དྲི་དབུལ་རྒྱལ་བ་རྣམས་ཉིད་ལ། །ཚུལ་ཁྲིམས་བསམ་གཏན་ཤེས་རབ་དང་། །སངས་རྒྱས་ཀུན་ནས་དྲི་མཆོག་གོ། །སྤོས་ཕུལ་ཡང་དག་སངས་རྒྱས་ལ། །བརྟུལ་ཞུགས་བཟང་པོས་
[105b]
[105b.1]དགའ་བ་ཡིད། །ལུས་ཅན་བདེ་གཤེགས་དཔག་མེད་ཀྱི། །ཡེ་ཤེས་དགའ་བ་འབྱུང་བའོ། །ཆོས་ཀྱི་སྤྱན་ནི་བླ་མེད་འབར། །པདྨའི་དབང་ཕྱུག་འབྱུང་བ་ཡི། །མ་རིག་མུན་པས་བྱེད་པ་ཀུན། །ཡེ་ཤེས་སྣང་བས་མར་མེའོ། །ཇི་ལྟར་མིག་སྨན་སྐྱེས་བུ་ཡི། །འཇིག་རྟེན་ལིང་ཏོག་སེལ་
[105b.2]བ་ལྟར། །བུ་ཁྱོད་ཀྱི་ནི་མ་རིག་པའི། །ལིང་ཏོག་རྒྱལ་བ་རྣམས་ཀྱིས་བསལ། །ཨོཾ་བཛྲ་ནཻ་ཏྲ་ཨ་པ་ཧ་ར་པ་ཊ་ལཾ་ཧྲཱིཿ །སྤྱན་དབྱེ་བའོ། །ཆོས་རྣམས་གཟུགས་བརྙན་ལྟ་བུ་ཡི། །གསལ་ཞིང་དག་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་འབྱུང་བར་
[105b.3]ལྡན། །རང་བཞིན་དག་ཅིང་བདག་མེད་པ། །དེ་ལྟར་ཆོས་རྣམས་ཤེས་པར་གྱིས། །སེམས་ཅན་དོན་ནི་དཔག་མེད་ཀྱིས། །འོན་ཀྱང་ནང་དུ་རྣལ་འབྱོར་སྐྱེས། །སེམས་ཅན་ཀུན་ལ་ཕན་པའི་དོན། །འཇིག་རྟེན་ཐམས་ཅད་ཡང་དག་འཕགས། །བྱ་སྤྱོད་གསང་བའི་ཐེག་པ་ཡི། །
[105b.4]ཆོས་ཀྱི་འཁོར་ལོ་རབ་ཏུ་བསྐོར། །ཁྱོད་ཀྱིས་ཐེ་ཚོམ་དོགས་མེད་པར། །ཡིད་གཉིས་མེད་པའི་སེམས་ཀྱིས་ནི། །ཆོས་ཀྱི་དུང་ནི་བླ་མེད་པ། །དྲི་མེད་ཀུན་དུ་གང་བར་གྱིས། །དེ་ནས་མདའ་གཞུའི་དབང་བསྐུར་སྦྱིན་ནོ། །སློབ་མའི་ལག་ཏུ་མདའ་གཞུ་གཏད་ལ། ཕྱོགས་བཞིར་
[105b.5]འགེངས་སུ་གཞུག་གོ། །བདུད་བཞི་ལས་རྣམ་པར་རྒྱལ་བ་བསྐོར་རོ། །དེ་བཞིན་སྦྱིན་པའི་ཕ་རོལ་ཏུ་ཕྱིན་པའི་ངོ་བོ་དེ་མདའ་ཡིས་ཐོབ་པའི་གཏམ་བརྗོད་དོ། །དེའི་གསུང་གིས་ཞི་བ། རྒྱས་པ།དབང་། དགུག་པ། ཞེ་སྡང་། བཅིང་བ་ལ་སོགས་པ་བསད་པ་དང་། བསྐྲད་པ་ཐམས་ཅད་དེ་
[105b.6]བཞིན་དུ་བསྒྲུབ་པའོ། །རལ་གྲི་མིག་སྨན་ས་འོག་རྐང་མགྱོགས་རི་ལུ་རྣལ་འབྱོར་པའི་དངོས་གྲུབ། དེ་རྣམས་འདིས་རབ་ཏུ་བསྒྲུབ་པའོ། །སྔར་ལངས་ཏེ་རྣལ་འབྱོར་བདག་གིས་བྱ་བ་ཐམས་ཅད་བྱ་སྟེ། །སྡོམ་པའི་བདག་ཉིད་བསྲུང་བའོ། །ལུས་སྲོག་ངེས་པར་བཏང་སྙོམས་སུ་
[105b.7]བསྐྱངས་པའི་དམ་ཚིག་དང་སྡོམ་པ་འདི་དག་གསུངས་པའོ། །དེ་ཉིད་ལུང་བསྟན་པ་ནི། ཆོས་གོས་གསོལ་ཏེ་འདི་ལྟར་བདག་གིས་ལུང་བསྟན་པར་བྱའོ། །ཧེ་རུ་ཀ་ཚུལ་དེ་བཞིན་གཤེགས། །སྲིད་དང་ངན་འགྲོ་རྣམས་ལས་བཏོན། །ཡང་དག་དངོས་གྲུབ་ཧེ་རུ་ཀ །ཞེས་བྱའི་དེ་
[106a]
[106a.1]བཞིན་གཤེགས་པར་འགྱུར། །བྷུར་བྷུ་བ་སྭཿདེ་ནས་དབུགས་དབྱུང་བ་ནི། ཁམས་གསུམ་གྱི་ནི་རྒྱལ་པོ་ཆེ། །རྒྱལ་པོར་གྱུར་ནས་བརྟན་པར་གནས། །དི་རིང་བདུད་ལས་རྒྱལ་བར་གནས། །རབ་ཏུ་གནས་པས་མཆོག་གི་གནས། །དི་རིང་སངས་རྒྱས་ཉིད་ཐོབ་པར། །
[106a.2]འགྱུར་བ་ཉིད་དུ་ཐེ་ཚོམ་མེད། །འདི་ནི་དབུགས་དབྱུང་བའོ། །དེ་ནས་ཕྱིར་མི་ལྡོག་པའི་འཁོར་ལོའི་དོན་ནི་སློབ་མས་བླ་མ་ལ་གསོལ་བ་གདབ་པ། ཕྱིར་མི་ལྡོག་པའི་འཁོར་ལོའི་དབང་། །མགོན་པོ་ཉིད་གསུང་གིས་བྱིན་པ། །འཁོར་ལོ་ལྷ་ཡི་དེ་ཁོ་ན། །སློབ་དཔོན་མཆོག་
[106a.3]གི་ལས་དང་ནི། །སངས་རྒྱས་ཀུན་གྱི་དམ་ཚིག་གི །གསང་བའི་སྡོམ་པ་བླ་ན་མེད། །སློབ་དཔོན་བདག་ནི་དུས་རྟག་ཏུ། །སེམས་ཅན་ཀུན་གྱི་དོན་བྱེད་པའོ། །བྱང་ཆུབ་རྡོ་རྗེ་སངས་རྒྱས་ལ། །ཇི་ལྟར་སྦྱིན་པ་མཆོད་པའི་བདག །བདག་ཀྱང་རབ་ཏུ་བསྒྲལ་བའི་དོན། །ནམ་མཁའི་
[106a.4]རྡོ་རྗེ་བདག་ལ་གསོལ། །འདིས་གསོལ་བ་གདབ་པ་དང་། ཡང་ཕྱིར་མི་ལྡོག་པའི་དབང་བསྐུར་བའི་དམ་ཚིག་དང་སྡོམ་པ་སྦྱིན་ནོ། །སློབ་དཔོན་དག་ལ་སྨོད་པ་དང་། །བདེ་གཤེགས་བཀའ་ལས་འདས་པ་དང་། །རྡོ་རྗེ་སྤུན་ལ་བརྙས་པ་དང་། །བྱམས་པ་ཆེན་པོ་སྤོང་བ་དང་། །བྱང་
[106a.5]ཆུབ་སེམས་ནི་སྤོང་བ་དང་། །ཐེག་པ་གསུམ་ལ་སྨོད་པ་དང་། །སྐལ་མིན་གསང་བ་སྟོན་པ་དང་། །བདག་ཉིད་རྒྱལ་བ་ཕུང་པོ་སྨོད། །དམ་པའི་ཆོས་ལ་ཡིད་གཉིས་དང་། །གདུལ་བྱ་བྱམས་དང་ཆགས་བྲལ་དང་། །ཆོས་ལ་མཐའ་གཉིས་ཚུལ་བྱེད་པ། །དད་པའི་སེམས་ནི་བཟློག་
[106a.6]པ་དང་། །ཇི་ལྟར་དམ་ཚིག་བསྟེན་པ་ཉམས། །རྩ་བའི་ལྟུང་བའོ། །དམ་ཚིག་དང་ནི་མི་ལྡན་པའི། །རིག་མ་བསྟེན་པར་དགའ་བ་དང་། །ཚོགས་ཀྱི་འཁོར་ལོར་རྩོད་པ་དང་། །གསང་བའི་ཆོས་ནི་སྟོན་པ་དང་། །སེམས་ཅན་དད་དང་ལྡན་པ་ལ། །དམ་ཆོས་གཞན་དུ་སྟོན་པ་དང་། སྦྱོར་
[106a.7]བ་ངེས་པར་མ་བྱས་པར། །སྐལ་མིན་གསང་བ་སྟོན་པ་དང་། །གང་ཞིག་ཕྱག་རྒྱ་མི་མཁས་ལ། །ལུས་ཀྱི་ཕྱག་རྒྱ་སྟོན་པ་རྣམས། །ཁ་ན་མ་ཐོ་སྦོམ་པོར་འགྱུར། །དེ་ཉིད་མི་ལྡོག་པའི་འཁོར་ལོའི་དབང་བསྐུར་བའི་སྡོམ་པའོ། །སློབ་མ་ལ་ཕྱིར་མི་ལྡོག་པའི་དབང་བསྐུར་སྦྱིན་པའི་རིམ་པ་
[106b]
[106b.1]འདིའོ། །རྩ་བའི་དཀྱིལ་འཁོར་གྱི་ཕྱི་རོལ་དུ་ཁ་དོག་གཅིག་པའི་དཀྱིལ་འཁོར་ལ་སློབ་མ་བཞག་ལ། ཡེ་ཤེས་སེམས་དཔའི་སྙིང་གའི་ས་བོན་ལས་འོད་ཟེར་སྤྲོས་པས་ལྷ་དང་དཔའ་བོ་བཀུག་ལ། མཆོད་པ་དཔག་ཏུ་མེད་པ་ལ་སོགས་པ་བྱ་སྟེ། དེ་བཞིན་དུ་ཡེ་ཤེས་ཀྱི་ཆུས་གང་བའི་བུམ་པ་
[106b.2]ཕྱག་ན་ཐོགས་པའི་དེ་བཞིན་གཤེགས་པ་རྡོ་རྗེ་འཛིན་པས་དབང་བསྐུར་བར་བསམ་མོ། །སངས་རྒྱས་རྣམས་ནི་ཐམས་ཅད་ཀྱིས། །གསང་གསུམ་གནས་ལས་བྱུང་བ་ཡི། །ཁམས་གསུམ་ཀུན་གྱིས་ཕྱག་བྱས་ལ། །རྡོ་རྗེའི་དབང་བསྐུར་ཆེན་པོ་སྦྱིན། །དེ་ནས་མི་བསྐྱོད་པས་ཅོད་པན་བྱས་
[106b.3]པའི་དཔའ་བོའི་ལྷ་རྣམས་ཀྱིས་དབང་བསྐུར་བའོ། །ཨོཾ་སུ་པྲ་ཏིཥྛ་བཛྲ་སྭཱ་ཧཱ། སྔགས་འདི་བརྗོད་པར་བྱའོ། །དྲིལ་བུའི་སྒྲ་སྔོན་དུ་སོང་བས་མེ་ཏོག་ལ་སོགས་པའི་མཆོད་པ་སྦྱིན་པར་བྱའོ། །དེ་ནས་དཀྱིལ་འཁོར་གྱི་དེ་ཁོ་ན་ཉིད་བཅས་པའི་གཏམ་བྱའོ། །དེ་ནས་དཀྱིལ་འཁོར་གྱི་དེ་
[106b.4]ཁོ་ན་ཉིད་ནི། ས་གཞི་ནི་སྤྱན་མའོ། །ཐིག་ནི་རྣམ་པར་སྣང་མཛད་དྲན་པའོ། །ཁ་དོག་ནི་རིགས་སྣ་ཚོགས་པའི་རྟོགས་པའོ། །མཆོད་པ་སྣ་ཚོགས་པ་བྱེད་པ་བཞིན་དུའོ། །ཛཱ་ལནྡྷ་ར་ནི་ཐུགས་ཀྱི་འཁོར་ལོའོ། །ཨོ་ཌྱ་ན་ནི་གསུང་གི་འཁོར་ལོའོ། །ཨ་རྦུ་ད་ནི་སྐུའི་འཁོར་ལོའོ། །གོ་
[106b.5]དཱ་བ་རི་ནི་གྲུ་བཞི་པ། རཱ་མེ་ཤྭ་ར་ནི་མེའི་མཚམས་སོ། །དེ་བཱི་ཀོ་ཀྲི་ནི་བདེན་བྲལ་གྱི་མཚམས་སོ། །ཀཱ་མ་རུ་པ་ནི་དབང་ལྡན་གྱི་མཚམས་བཞི་རྣམ་པར་དག་པའོ། །ཨོ་ཏྲེ་ནི་ཤར་ཕྱོགས་ཀྱི་སྒོའོ། །ཏྲི་ཤ་ཀུ་ནེེ་ནི་དེ་བཞིན་ལྷོ། །ཀོ་ས་ལ་ནི་ནུབ་སྒོའོ། །ཀ་ལིཾ་ག་ནི་དེ་བཞིན་བྱང་གིའོ། །ལཾ་པཱ་
[106b.6]ཀ་ནི་ཤར་གྱི་རྟ་བབས་སོ། །ཀཱ་ཉྩི་ནི་ལྷོའི་རྟ་བབས་སོ། །ཧི་མཱ་ལ་ཡ་ནི་ནུབ་ཀྱིའོ། །པྲི་ཏ་པུ་རི་ནི་བྱང་གིའོ། །གྲི་ཧ་དེ་བ་ནི་ལྷ་སྣམ་མོ། །སཽ་རཱཥྚ་ནི་རིན་པོ་ཆེའི་བྲང་རྟེན་ནོ། །སུ་བརྞྞ་དྭཱི་པ་ནི་དྲ་བ་དང་དྲ་བ་ཕྱེད་པའི་ས་དེ་བཞིན་ནོ། །ན་ག་ར་ནི་རྔ་ཡབ་དྲིལ་བུ་རྒྱལ་མཚན་གདུགས་བ་དན་
[106b.7]རྣམས་སོ། །སིནྡྷུ་ནི་རྡོ་རྗེའི་ཐོག་དང་ཟླུམ་པོའོ། །མ་རུ་དང་ཀ་ལིཾ་ག་ནི་རྡོ་རྗེ་རིན་ཆེན་གྱི་ཐིག་གྱི་དཀྱིལ་འཁོར་ཤིན་ཏུ་ཆེན་པོའོ། །འཁོར་ལོ་ལྔ་ནི་དེ་བཞིན་གཤེགས་པ་ལྔའི་རང་བཞིན་ནོ། །རི་མོ་ཉི་ཤུ་ནི་ས་གཞི་རྣམ་པར་དག་པའོ། །ཉི་ཤུ་རྩ་བཞི་དཔའ་བོའི་ངོ་བོའོ། །འདི་ནི་
[107a]
[107a.1]དཀྱིལ་འཁོར་གྱི་དེ་ཁོ་ན་ཉིད་དོ། །ལྷའི་དེ་ཁོ་ན་ཉིད་ནི་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱི་ཆོས་ཀྱི་ངོ་བོ་ཉིད་དོ། །དཀྱིལ་འཁོར་གྱི་ལྷ་འདི་དག་གིས་ཕྱིར་མི་ལྡོག་པའི་འཁོར་ལོའི་དབང་བསྐུར་མདོར་བསྡུས་པ་སྟེ། སློབ་དཔོན་གྱིས་དབང་བསྐུར་བའི་ངོ་བོ་འདིའོ། །
[107a.2]དེ་ནས་སློབ་མས་བླ་མ་ལ་གསང་བའི་དབང་བསྐུར་བླང་བར་བྱའོ། །རྡོ་རྗེ་སེམས་ཁྱོད་བདེ་བ་འགྲུབ་པ་སྟེ། །སངས་རྒྱས་བྱང་ཆུབ་སེམས་དཔའ་ཐམས་ཅད་ཡང་དག་ལུས། །མ་ཆགས་དགའ་བའི་ཡིད་ཀྱིས་བདེ་ཆེན་པོ། །སྟོང་ཉིད་བསྒོམས་པས་ཀུན་ནས་ཡུན་རིང་གདུངས། །ཀྱེ་མ་
[107a.3]འདོད་ཆགས་དྲི་མེད་བྱང་ཆུབ་ཀུན་བཟང་གི །སྤྱོད་པ་འདོད་ཆགས་དག་པ་རྡོ་རྗེ་དམ་ཚིག་ལས། །ཕྱེ་མཛད་དགའ་བ་དྲུག་པོས་ཡང་དག་བརྟན། །འདོད་པའི་བདེ་བ་བྱང་སེམས་རིན་ཆེན་འབར། །རྡོ་རྗེའི་ཆུ་ཕྱུང་དྲི་མེད་རིན་ཆེན་ཆར། །རྒྱལ་བ་ཀུན་གྱིས་སྤྱི་བོར་དབང་བསྐུར་མཛོད། །
[107a.4]སྣ་ཚོགས་སེམས་ཀྱིས་སེམས་ཅན་བརླག་གྱུར་པ། །རྡོ་རྗེ་ཡེ་ཤེས་རབ་ལྷུང་པད་གནས་སུ། །སྦྱོར་བ་གཞན་མེད་མ་ཐོགས་གསུང་དུ་གསོལ། །མཉམ་དང་མི་མཉམ་འདོད་ཆགས་རྣམ་དག་པས། །རྡོ་རྗེ་སེམས་ཁྱོད་བདེ་བའི་དབང་ཕྱུག་གནས། །ཡང་དག་འདོད་ཆགས་རང་གི་
[107a.5]བདེ་བའི་གྲོགས། །རྡོ་རྗེ་པདྨ་ལས་བྱུང་བདེ་བསྒྲུབ་པའི། །སྤྲོས་པས་གཟུགས་སྟོན་རྒྱལ་བའི་དངོས་གྲུབ་ཀུན། །སྦྱིན་པས་ཁ་རུ་སྣ་ཚོགས་འབྲས་བུ་གསོལ། །འདི་ནི་གསང་བའི་གསོལ་བ་གདབ་པའོ། །དེ་ནས་སློབ་དཔོན་གྱིས་སློབ་མ་རྣམ་པར་སྣང་མཛད་ཀྱི་གཟུགས་སུ་རྫོགས་
[107a.6]པ་ལ། ཡེ་ཤེས་སེམས་དཔའ་དགུག་པ་དང་། །གཞུག་པ་དང་། བཅིང་བ་དང་། དབང་དུ་བྱ་བ་སྟེ། དེ་ལ་ལས་ཀྱི་ཕྱག་རྒྱ་མ་རིགས་ལྔའི་ཚུལ་དུ་དམིགས་ཏེ། དེ་དང་སྙོམས་པར་འཇུག་པ་བྱས་པས། དེ་ནས་དེ་བཞིན་གཤེགས་པ་ཐམས་ཅད་ཀྱི་སྤྱི་བོའི་སྒོ་ནས་ཞུགས་ཏེ།
[107a.7]དེ་ལ་བསྐྱེད་པ་ཐམས་ཅད་ཀྱིས་སློབ་མ་ལ་དབང་བསྐུར་བར་བྱའོ། །དེ་བཞིན་གཤེགས་པ་ཐམས་ཅད་དང་ལྷན་ཅིག་པའི་ཤེས་རབ་སློབ་མ་བདག་གིས་ཨ་ཧོ་མ་ཧཱ་སུ་ཁ་ཧོ་ཞེས་པས་ངག་གི་ལམ་དུ་བཏུང་བར་བྱའོ། །ཚིམ་པ་དེའི་དུས་སུ་ཁ་དོག་དང་དབྱིབས་ཀྱི་བསམ་པ་མེད་པར་རྣམ་པར་
[107b]
[107b.1]མི་རྟོག་པའི་སྐུའི་ཚུལ་དུ་བསམ་དུ་མེད་པའི་ཚུལ་བསམ་གཏན་གྱི་སྡོམ་པ་དེས་བསྡམས་པ་དེ་ལ་གསང་བའི་དབང་བསྐུར་བའི་ཆོ་གའོ། །དེ་ནས་དོན་དམ་པའི་ཚུལ་གྱི་ཆོས་ཀྱི་སྐུ་རྟོགས་པར་བྱེད་པའི་ཆོས་ཀྱི་དབྱིངས་རྡོ་རྗེ་རང་འབྱུང་བའི་བྱིན་གྱིས་བརླབ་པ་སྦྱིན་པར་བྱའོ། །ཆོས་ཀྱི་དབྱིངས་
[107b.2]རྣམ་པར་དག་པའི་སློབ་མ་ལ་དམ་ཚིག་དང་སྡོམ་པ་བརྗོད་པར་བྱ་སྟེ། ཅི་ཁྱོད་ཇི་ལྟར་སྤྲོ་བ་སྨྲོས། །བཤང་གཅི་ལ་སོགས་ཟ་བ་དང་། །ཁྲག་དང་ཁུ་བ་དེ་བཞིན་ཤ །བུད་མེད་རྣམས་ལ་རྟག་གུས་སམ། །བྷ་གའི་པདྨར་འོ་བྱེད་དམ། །དབང་བསྐུར་བ་གཉིས་པར་གསང་བ་དང་ཤེས་
[107b.3]རབ་ཡེ་ཤེས་ཀྱི་སྡོམ་པ་སྔོན་དུ་སོང་བའི་སློབ་མས་འདི་སྐད་བརྗོད་དེ། ཅི་ཕྱིར་ལྷ་མོ་བདག་མི་སྤྲོ། །བཤང་གཅི་ལ་སོགས་ཟ་བ་དང་། །བུད་མེད་རྣམས་ལ་གུས་པར་བགྱིད། །བྷ་གའི་པདྨར་འོ་བགྱིད་དོ། །ལྷ་མོ་དེས་གོས་མེད་པར་ཕྱེ་ལ། བདག་གི་པདྨས་དེ་ཉིད་མཐོང་། །ཨེ་མ་
[107b.4]ཧོ་བདག་གི་པདྨ་འདི། །བདེ་བ་ཀུན་དང་ཡང་དག་ལྡན། །ཇི་ལྟར་ཆོ་ག་བཞིན་བསྟེན་ན། །དེ་ལ་བདག་ནི་དང་པོར་གནས། །ཆོས་ཀྱི་དབྱིངས་ཀྱི་བདག་ཉིད་ཀྱིས། །དག་པས་སེམས་ཅན་ཁམས་གྲོལ་བྱེད། །རང་འབྱུང་རྒྱལ་པོ་བདེ་བ་ཆེ། །ཐམས་ཅད་ངོ་བོ་ཉིད་ཀྱིས་གནས། །དེ་
[107b.5]ཉིད་ལྷག་པའི་བདག་ཉིད་ཀྱིས། །རྩ་ཡི་འཁོར་ལོ་རབ་ཏུ་མཐོང་། །བྷ་གའི་དབུས་ན་ཇི་ལྟར་མཁའ། །ནམ་མཁའ་ལྔ་ཡིས་རྣམ་པར་བརྒྱན། །ལྟེ་བའི་གེ་སར་ལྡན་པ་ཡི། །འདབ་མ་བརྒྱད་པས་བརྒྱན་པ་ཡིན། །དེ་ཉིད་བདུད་རྩིའི་རྣམ་པ་དཀར་པོ་རྟག་ཏུ་འབབ་པ་དེའི་སྦྱོར་བ་བསྒོམས་པས་
[107b.6]བྷཉྫ་མོཀྵ་ཧོ། །དེ་ཉིད་སྔགས་པས་གོང་གི་དབྱིངས་ཀྱི་དབང་ཕྱུག་མའི་རྩ་བྷ་གའི་དབུས་ན་རྣམ་པར་བཞུགས་པའོ། །ཐོབ་པར་དཀའ་བས་ན་བླ་མའི་གསུང་ལས་ཐོབ་པའོ། །སོར་མོ་བྲུད་པས་རྩའི་རྣམ་པ་ལས། མཆོག་ཏུ་དགའ་བ་འབབ་པ་ཁ་ཅིག་གི་ལྕེ་ལ་བཞག་པའོ། །ཕ་རོལ་ཏུ་ཕྱིན་པ་
[107b.7]བཅུའི་གནས་སྟོབས་བཅུའི་དབང་དུ་བྱས་པའོ། །ས་བཅུའི་སྟེང་དུ་བྱས་པའོ། །རྟགས་གསོར་བའི་ངོ་བོའོ། །དེ་ལ་བསྒོ་བས་སྒྲུབ་པ་དང་ཉེ་བར་སྒྲུབ་པའི་རིམ་པས་རྟོགས་པར་བྱའོ། །རང་བྱུང་གི་སློབ་དཔོན་གྱིས་ནམ་མཁའ་རྡོ་རྗེའི་ཏིང་ངེ་འཛིན་གྱི་གནས་ཡང་དག་པའི་རྣལ་འབྱོར་གྱིས་རང་
[108a]
[108a.1]རིག་པའི་བདེ་བ་ཆེན་པོ་བསྐྱེད་པ་གང་ཡིན་པ་དེས་མཆོག་ཏུ་དགའ་བར་བྱས་པ་སྟེ། དགའ་བྲལ་གྱི་དགའ་བའི་དབུས་ན་བསམ་གཏན་གྱི་མཚན་མ་མི་ཕྱེད་པ་བྱའོ། །དེ་ལ་བསྒྲིམས་ཏེ་རྡོ་རྗེ་སྐྱིལ་ཀྲུང་གིས་མཚན་ཉིད་ཀྱི་ནང་དུ་སོང་བའི་བསམ་གཏན་བྱའོ། །གང་གིས་བསྐྱེད་
[108a.2]པའི་བསམ་གཏན་ཤེས་རབ་བོ། །ཡེ་ཤེས་དེ་ནི་རྣམ་པ་བརྗོད་དུ་མེད་པའོ། །ཆགས་མེད་ཆགས་པ་མེད་པ་མིན། །རྣལ་འབྱོར་ཡེ་ཤེས་བརྟན་པ་ཐོབ། །འདི་སྐད་དེས་ནི་ཀུན་བྱེད་བརྗོད། །སྐད་ཅིག་ཐུན་གཅིག་ལོ་གཅིག་གམ། །ཟླ་བ་ཕྱེད་དམ་ཟླ་བ་གཅིག །ལོ་གཅིག་བསྐལ་པ་
[108a.3]སྟོང་དུ་ཡང་། །ཡེ་ཤེས་རྣལ་འབྱོར་པས་བགྱིའོ། །དེ་ལ་སློབ་དཔོན་གྱིས་གསང་བའི་དབང་བསྐུར། །རང་བྱུང་མཐོང་བ་འདི་དག་ལས། །ཤེས་རབ་ཡེ་ཤེས་ཀྱི་ཆོགས་སློབ་མ་ལ་སློབ་དཔོན་གྱི་ངག་གིས་སོ། །གང་འདི་ཁྱོད་ལ་རྣལ་འབྱོར་མ་དང་ལྷན་ཅིག་བདེ་བ་ཆེན་པོ་རྗེས་སུ་འབྱུང་བའོ། །
[108a.4]དེ་ནས་བཞི་པའི་རང་བཞིན་གྱི་ངོ་བོ་རྟོག་པ་དང་བྲལ་བར་བྱའོ། །འདི་ནི་བདེ་བའི་ངོ་བོའི་མན་ངག་གོ། །དེ་ཉིད་རིག་པ་མཐོང་བའི་སློབ་མའི་སྤྱི་བོར་ལག་པ་བྱིན་ལ་རྡོ་རྗེ་སློབ་དཔོན་དེས་ནི་སློབ་མ་ལ། རིག་པ་གཞན་གྱིས་སངས་རྒྱས་ཉིད་མི་ཐོབ། །དེ་ནས་རིག་པའི་མཆོག་འདི་གཉིས་སུ་
[108a.5]མེད། །སྣང་བའི་ཆོས་རྣམས་ཀུན་གྱི་ངོ་བོ་ཉིད། །གཉིས་ཀྱིས་མཚན་མའི་ངོ་བོ་མེད་པའོ། །དེ་ནས། འདི་དེ་སངས་རྒྱས་ཐམས་ཅད། །རིག་པའི་བརྟུལ་ཞུགས་ཀྱིས་འཁོར་བ་སྤངས་ཏེ་རྗེས་སུ་གྲོལ་བའོ། །ཤིན་ཏུ་རིག་པ་འདིའི་དངོས་གྲུབ་རྨོངས་པ་རྣམས་ཀྱིས་མི་རྙེད་དོ། །དེའི་
[108a.6]སྔགས་ཀྱི་སྤྱོད་པ་སྤྱད་པ་ལ་སོགས་པའི་ཚུལ་ཁྲིམས་དང་སྡོམ་པས་ཀུན་དུ་བཟང་པོའི་སྤྱོད་པའི་སྡོམ་པ་ཤིན་ཏུ་རྣམ་པར་གྲོལ་བའོ། །ཐབས་ཀྱི་སྤྱོད་པ་སྤྱད་པས་ལྷག་པའི་སེམས་ཀྱི་སྡོམ་པ་བརྗོད་པར་བྱའོ། །དེ་བཞིན་དུ་མ། རཾ། བཾ། ཤཾ། མུཾ། གོ། ཀུཾ། དཾ། ཧ། ན་བཟའ་བར་བྱའོ། །ཇི་ལྟ་ཇི་
[108a.7]ལྟར་འདུལ་བའི་སེམས་ཅན་གྱི་རང་བཞིན་དེ། དེ་ལྟ་དེ་ལྟར་འདོད་ཆགས་ལ་སོགས་པ་རྣམ་པར་དག་པའི་སེམས་ཅན་གྱི་དོན་བྱའོ། །དེ་ནས་སེམས་ཅན་ཐམས་ཅད་ལ་ཕན་པའི་དོན་ལ། གང་ཁ་ཅིག་དམན་པ་དེ་སྔགས་དང་ཕྱག་རྒྱའི་ཏིང་ངེ་འཛིན་གྱི་སྒོ་ནས་ལས་རྣམས་བྱའོ། །ཐམས་ཅད་
[108b]
[108b.1]ཀྱི་རྗེས་ལ་གཏོར་མ་བཅུ་སྦྱིན་ནོ། །བླ་མ་ལ་ཡོན་དབུལ་བ། ཡུལ། གླང་པོ་ཆེ་དང་། རྟ་རིན་པོ་ཆེ་དང་། གསེར་ལ་སོགས་པ་དང་གང་གཅེས་པ་རྣམས་དབུལ་ལོ། །དེ་ནས་གོས་ལ་སོགས་པ་དབུལ་ཏེ་སློབ་མས་སྨོན་ལམ་གདབ་པར་བྱའོ། །འདི་ནི་དབང་བསྐུར་བའི་ཆོ་ག་ཅུང་ཟད་ཙམ་
[108b.2]མོ། །དཔལ་ལྡན་རྣམ་པར་འདྲེན་པ་ཡི། །བླ་མའི་གསུང་ལས་བདེ་རྒྱལ་པོས། །བྲིས་པའི་བསོད་ནམས་གང་ཐོབ་པས། །ཐམས་ཅད་མཁྱེན་པ་ཐོབ་པར་ཤོག །དབང་བསྐུར་གྱི་རིམ་པའི་ཆོ་ག་ཁ་ཆེའི་པཎྜི་ཏ་རཏྣ་ཤྲཱིའི་ཞབས་ཀྱི་པདྨོ་ལ་གཏུགས་པ་པཎྜི་ཏ་ཤྲཱི་པ་ར་ཧེ་ཏ་དང་། བོད་ཀྱི་
[108b.3]ལོ་ཙཱ་བ་དགེ་སློང་ཤེས་རབ་རྒྱལ་མཚན་གྱིས་བསྒྱུར་བ་རྫོགས་སོ། །{T1536}༄༅༅། །རྒྱ་གར་སྐད་དུ། ཤྲཱི་ཙཀྲ་སལྦ་རི་ཀ་བཱི་ར་སཱ་དྷ་ནཾ། བོད་སྐད་དུ། དཔལ་འཁོར་ལོ་སྡོམ་པ་དཔའ་བོ་གཅིག་པའི་སྒྲུབ་ཐབས། དཔལ་འཇམ་པའི་རྡོ་རྗེ་ལ་ཕྱག་འཚལ་ལོ། །དང་པོར་
[108b.4]རེ་ཞིག་དུར་ཁྲོད་ལ་སོགས་པ་ཡིད་དང་རྗེས་སུ་མཐུན་པའི་གནས་སུ། རྣལ་འབྱོར་པ་རོའི་གདན་ལ་གཅེར་བུ་སྐྲ་གྲོལ་བས་གནས་ཏེ། རང་གི་སྙིང་གར་ཉི་མ་ལ་གནས་པའི་ཡི་གེ་ཧཱུཾ་གི་འོད་ཟེར་རྣམས་ཀྱིས་བདག་ཉིད་ཞལ་གཅིག་ཕྱག་གཉིས་པའི་ཧེ་རུ་ཀ་རྣམ་པར་བསམས་ནས། རང་གི་
[108b.5]ཞལ་ནས་ཨཱ་ལི་ཀཱ་ལི་ཐོག་མར་ཨོཾ་དང་མཐར་ཧཱུཾ་ཧཱུཾ་ཕཊ་ཕཊ་དང་ལྡན་པ་སྤྲོས་ཏེ་དེ་ཉིད་དུ་ཞུགས་པ་ན། ཤྲཱི་ཡིག་གཉིས་མེད་ཡེ་ཤེས་ཏེ། །ཧེ་ཞེས་རྒྱུ་སོགས་སྟོང་པ་ཉིད། །རུ་ཡིག་བཀོད་པ་དང་བྲལ་བ། །ཀ་ནི་གང་དུའང་མི་གནས་པའོ། །ཞེས་ཡི་གེ་བཞིའི་དོན་མངོན་དུ་བྱའོ། །དེ་ནས་
[108b.6]ཡི་གེ་ཧཱུཾ་གི་འོད་ཟེར་རྣམས་ཀྱིས་མདུན་དུ་བླ་མ་དང་རྫོགས་པའི་སངས་རྒྱས་ལ་སོགས་པ་བལྟས་ལ། ཡང་དག་པར་མཆོད་དེ་ཕྱག་འཚལ་ནས་བཟོད་པར་གསོལ་ལོ། །དཀོན་མཆོག་གསུམ་ལ་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་བསོད་ནམས་རྗེས་ཡི་
[108b.7]རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །བྱང་ཆུབ་མཆོག་གི་སེམས་ནི་བདག་གིས་བསྐྱེད། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པ་ཡིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །དེའི་རྗེས་ལ་སེམས་ཅན་ཐམས་
[109a]
[109a.1]ཅད་བདེ་བ་ཉེ་བར་སྡུད་པའི་རྣམ་པ་ཅན་གྱི་བྱམས་པ་དང་། སྡུག་བསྔལ་གྱི་རྒྱུ་ལས་འདོན་པའི་རྣམ་པ་ཅན་གྱི་སྙིང་རྗེ་དང་། ཐམས་ཅད་བདེ་བ་རྒྱུན་མི་འཆད་པར་མོས་པའི་རྣམ་པ་ཅན་གྱི་དགའ་བ་དང་། འཇིག་རྟེན་པའི་ཆོས་བརྒྱད་ཀྱིས་དབེན་པའི་རྣམ་པ་ཅན་གྱི་བཏང་སྙོམས་
[109a.2]བསྒོམས་ཏེ། ཨོཾ་སྭ་བྷཱ་བ་ཤུདྡཱཿསརྦ་དྷརྨཱཿསྭ་བྷཱ་བ་ཤུད་དྷོ྅་ཧཾ། ཞེས་བརྗོད་ལ་ཆོས་ཐམས་ཅད་བརྫུན་པ་སླུ་བའི་ཆོས་ཅན་དུ་དམིགས་ལ་འགྲོ་བ་གསུམ་པོ་རྣམས་དང་། བདག་ཀྱང་ཧཱུཾ་གི་ཐིག་ལེར་ཆུད་པར་བྱས་ལ། ཨོཾ་ཤཱུནྱ་ཏཱ་ཛྙཱ་ན་བཛྲ་སྭ་བ་བ་ཨཱཏྨ་ཀོ྅ཧཾ། ཞེས་བརྗོད་དེ་སྔགས་ཀྱི་དོན་
[109a.3]དུ་བརྗོད་པས་མི་དམིགས་པར་བྱའོ། །དེ་ནས་བར་སྣང་དུ་ཉི་མ་ལ་ཧཱུཾ་ལས་བྱུང་བའི་སྣ་ཚོགས་རྡོ་རྗེ་ས་བོན་དེ་ཉིད་ཀྱིས་མཚན་པར་བསམས་ལ། ཨོཾ་སུམྦྷ་ཞེས་བྱ་བ་ལ་སོགས་པ་བརྗོད་པས། དེ་ལས་བྱུང་བའི་ཁྲ་གདོང་མ་ལ་སོགས་པ་བརྒྱད་ཀྱིས་རང་རང་གི་འོད་ཀྱིས་བཀུག་ཅིང་དོང་དུ་ཚུད་པར་
[109a.4]བྱས་པའི་བགེགས་ཀྱི་ཚོགས་རྣམས་ལ་ཕུར་བུས་གདབ་པར་བྱའོ། །ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་དུཥྚྲན་ཧཱུཾ་ཧཱུཾ་ཕཊ། ཀྲི་ལི་ཀཱི་ལ་ཡ་སརྦ་པཱ་པཾ་ཧཱུཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ་ཕཊ་བཛྲ་ཤཱི་ལ་ཡ་བཛྲ་དྷ་ར་ཨཱཛྙཱ་པ་ཡ་ཏི་སརྦ་དུཥྚྠན་བིགྷྣཱཾ། ཀཱ་ཡ་བཱཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་མུངྒ་ར་བཛྲ་ཀཱེ་
[109a.5]ལ་ཀོཡཱ་ཀོ་ཊ་ཡ་ཧུཾ་ཧཱུཾ་ཕཊ། དེ་ནས་ལྷ་མོ་བརྒྱད་པོ་སླར་ཡང་སྣ་ཚོགས་རྡོ་རྗེའི་དབུས་ཀྱི་ཧཱུཾ་ལ་ཆུད་པ་དང་། དེ་དག་ཡོངས་སུ་གྱུར་པ་ལས་རིམ་པ་བཞིན་རྡོ་རྗེའི་ས་གཞི་དང་། རབ་དང་། གུར་དང་། བླ་རེ་དང་། མདའི་དྲ་བ་དང་། བསྐལ་པ་མེ་དཔུང་འབར་བའི་རྣམ་པ་ཅན་གྱི་མེ་རི་རྣམ་པར་
[109a.6]གྲུབ་པར་བལྟའོ། །ཨོཾ་མེ་དི་ནཱི་བཛྲཱི་བྷ་བ་བཛྲ་བནྡ་ཧཱུཾ། ཨོཾ་བཛྲ་བྲཱ་ཀ་ར་ཧཱུཾ་བཾ་ཧཱུཾ། ཨོཾ་བཛྲ་པཉྫ་ར་ཧཱུཾ་བཾ་ཧཱུཾ། ཨོཾ་བཛྲ་བི་ཏཱ་ན་ཧཱུཾ་ཁ་ཧཱུ། ཨོཾ་བཛྲ་བཛྲ་ས་ར་ཛཱ་ལ་ཏྲཾ་སཾ་ཏྲཾ། །ཨོཾ་བཛྲ་ཛྭཱ་ལཱ་ར་ལཱརྐ་ཧཱུཾ་ཧཱུཾ་ཧཱུཾ། དེ་ལྟར་བསྲུངས་པའི་དབུས་སུ་སྣ་ཚོགས་པདྨ་ལ་ཨཱ་ལི་ཀཱ་ལི་ཡོངས་སུ་གྱུར་པ་ལས་ཉི་མ་
[109a.7]ཟླ་བ་ཁ་སྦྱར་གྱི་དབུས་སུ་ཧཱུཾ་ལས་བྱུང་ཞིང་དེ་ཉིད་ཀྱིས་མཚན་པའི་རྡོ་རྗེ་རྩེ་ལྔ་པ་ཁ་དོག་ནག་པོ་འོད་ཟེར་གྱི་ཕྲེང་བ་འཁྲིགས་པར་བལྟས་ལ། ལྟེ་བའི་ཧཱུཾ་ལས་བྱུང་བའི་འོད་ཟེར་རྣམས་ཀྱིས་དཔའ་བོ་དང་དཔའ་མོའི་དབང་ཕྱུག་རྣམས་བཀུག་ནས་དེ་ཉིད་དུ་ཞུགས་པ་དང་། དེ་དག་ཡོངས་སུ་གྱུར་པ་
[109b]
[109b.1]ལས་ཉུ་དཔལ་ཧེ་རུ་ཀ་རྡོ་རྗེ་གཡས་བརྐྱང་བས་རོའི་གདན་ལ་བཞུགས་ཤིང་གྲུབ་པའི་དུར་ཁྲོད་ཀྱིས་ཡོངས་སུ་བསྐོར་བའོ། །སྐུ་མདོག་ནག་པོ་ཕྱག་གཉིས་པ་སྟེ། རྡོ་རྗེ་དང་དྲིལ་བུ་འཛིན་པས་རང་གི་ཤེས་རབ་ལ་འཁྱུད་པ། ཞལ་གཅིག་པ་སྤྱན་གསུམ་པ་རལ་པ་ཐོར་ཚུགས་ཀྱིས་མཚན་པ།
[109b.2]ཐོད་པའི་ཕྲེང་བས་དབུ་ལ་བརྒྱན་པ་ཟླ་བ་ཕྱེད་པ་དབུ་ལ་འཇོག་པ། སྣ་ཚོགས་རྡོ་རྗེས་མཚན་པའི་དབུ་རྒྱན་ཅན། ཞལ་རྣམ་པར་འགྱུར་བ། མཆེ་བ་གཙིགས་ཤིང་འཇིགས་པར་བྱེད་པ། གར་གྱི་ཉམས་དགུ་དང་ལྡན་པ། སྟག་གི་པགས་པའི་ཤམ་ཐབས་ཅན། བརྒྱ་ཕྱེད་ཐོད་པའི་ཕྲེང་
[109b.3]བས་དོ་ཤལ་བྱས་པའོ། །མགུལ་རྒྱན་གདུབ་ཀོར་རྣ་རྒྱན་དང་། །དབུ་ཡི་ནོར་བུས་རྣམ་པར་བརྒྱན། །མཆོད་ཕྱིར་ཐོགས་དང་ཐལ་བ་ཞེས། །ཕྱག་རྒྱ་དྲུག་གིས་རྒྱས་བཏབ་པའོ། །དེའི་སྤྱན་སྔར་བཅོམ་ལྡན་འདས་མ་རྡོ་རྗེ་ཕག་མོ་སྐུ་མདོག་དམར་མོ། ཞལ་གཅིག་ཕྱག་གཉིས་
[109b.4]པ། སྤྱན་གསུམ་པ་གཅེར་བུ་དུམ་བུའི་སྐ་རགས་ཀྱིས་བརྒྱན་པ་ཕྱག་རྒྱ་ལྔ་དང་ལྡན་པའོ། །ཕྱག་གཡོན་འཁྱུད་པའི་ཐོད་པ་ན། །གདུག་པ་བདུད་ཀྱི་ཁྲགས་བསྣམས་མ། །གཡས་པས་ཕྱོགས་སུ་སྡང་ཀུན་ལ། །རྡོ་རྗེ་དང་བཅས་སྡིགས་མཛུབ་བྱེད། །བསྐལ་པའི་མེ་ལྟར་གཟི་བརྗིད་ཆེ། །
[109b.5]ཁྲག་འཛག་པའང་དགྱེས་པ་མོ། །བྱིན་པ་གཉིས་ཀྱིས་ལེགས་འཁྲིལ་ནས། །བདེ་ཆེན་ཐུགས་རྗེའི་བདག་ཉིད་ཅན། །པུ་ཛཱ་ཐུཨོ་ཨ་གོ་རཱ་དེ་མཱ། །ཀཱ་ཨོ་ཏྲི་ཀོ་ཀ་ལ་ཀཱ་ཧི། །པྲེ་ཀྲྀ་སཽ་སུ་ན་སི་མ་ཀུ། །པུལླི་ར་མ་ལ་ཡ་མགོ་ལ་ཁཎྜ་ཀ་པཱ་ལ་དང་རབ་ཏུ་གཏུམ་མོའོ། །ཛཱ་ལནྡྷ་ར་སྤྱི་གཙུག་ཏུ་མ་
[109b.6]ཧཱ་ཀང་ཀ་ལ་དང་གཏུམ་མིག་མའོ། །ཨོ་ཌི་ཡ་རྣ་བ་གཡས་པར་ཀང་ཀ་ལ་དང་འོད་ལྡན་མའོ། །ཨར་བུ་ད་མགོ་བོའི་རྒྱབ་ཏུ་མཆེ་བ་རྣམ་པར་གཙིགས་པ་དང་སྣ་ཆེན་མ་སྟེ་སྣགནས་སོ། །གོ་དཱ་བ་རི་རྣ་བ་གཡོན་པར་ལྷ་དགྲ་དང་དཔའ་བོའི་བློ་གྲོས་མའོ། །རཱ་མེ་ཤྭ་རི་སྨིན་མའི་དབུས་སུ་འོད་དཔག་
[109b.7]མེད་དང་མི་ཐུང་མའོ། །དེ་བཱི་ཀོ་ཊ་སྣམིག་དག་ལ་རྡོ་རྗེའི་འོད་དང་ལངྐའི་དབང་ཕྱུག་མའོ། །མཱ་ལ་བ་དཔུང་པའི་རྩ་བར་རྡོ་རྗེའི་སྐུ་དང་ཤིང་གྲིབ་མ་སྟེ་ས་ཉེ་བའི་གནས་སོ། །ཀཱ་མ་རཱུ་པ་མཆན་ཁུང་དག་ཏུ་མྱུ་གུ་ཅན་དང་ས་སྲུང་མུམའོ། །ཨོ་ཏྲེ་ནུ་མ་ཟུང་ལ་རྡོ་རྗེ་རལ་པ་ཅན་དང་འཇིགས་བྱེད་ཆེན་མོ་
[110a]
[110a.1]སྟེ་ཞིང་ངོ་། །ཏྲི་ཤ་ཀུ་ནི་ལྟེ་བ་ལ་དཔའ་བོ་ཆེན་པོ་དང་རླུང་ཤུགས་མའོ། །ཀོ་ས་ལ་སྣ་རྩེར་རྡོ་རྗེ་ཧཱུཾ་མཛད་དང་ཆང་འཐུང་མ་སྟེ་ཉེ་བའི་ཞིང་ངོ་། །ཀ་བོ་ག་ལ་ཤིན་ཏུ་བཟང་པོ་དང་སྔོ་བསངས་ལྷ་མོའོ། །ལསྠཱ་ཀ་མགུལ་པར་རྡོ་རྗེ་བཟང་པོ་དང་ཤིན་ཏུ་བཟང་མོ་སྟེ་ཞིང་ངོ་། །
[110a.2]ཀཱཉྩི་སྙིང་གར་འཇིགས་བྱེད་ཆེན་པོ་དང་རྟ་རྣ་མའོ། །ཧི་མ་མུལ་ཡ་ཆུ་སོར་མིག་མི་བཟང་དང་ཁྲ་གདོང་མ་སྟེ་ཉེ་བའི་ཚནྡོ་ཧའོ། །པྲེ་ཏ་པུ་རི་རྟགས་ལ་སྟོབས་པོ་ཆེ་དང་འཁོར་ལོ་ཤུགས་མའོ། །གྲྀ་ཧ་དེ་བ་བཤང་ལམ་དུ་རིན་ཆེན་རྡོ་རྗེ་དང་དུམ་སྐྱེས་མ་སྟེ་འདུ་བའོ། །སཽ་རཱཥྚ་བརླ་དག་ལ་
[110a.3]ནི་རྟ་མགྲིན་དང་ནི་ཆང་འཚོང་མའོ། །སུ་བརྞ་དཱི་པ་བྱིན་པ་གཉིས་སུ་ནམ་མཁའི་སྙིང་པོ་དང་འཁོར་ལོའི་གོ་ཆ་མ་སྟེ་ཉེ་བའི་འདུ་བའོ། །ན་ག་ར་སོར་མོ་རྣམས་ལ་དཔལ་ཧེ་རུ་ཀ་དང་ཤིན་ཏུ་དཔའ་མོའོ། །སིནྟུ་རྐང་པའི་བོལ་དུ་པདྨ་གར་གྱི་དབང་ཕྱུག་དང་སྟོབས་ཆེན་མ་སྟེ་ཕྱདུར་ཁྲོད་དོ། །མ་རུ་
[110a.4]མཐེ་བོ་དག་ལ་རྣམ་པར་སྣང་མཛད་དང་འཁོར་ལོས་སྒྱུར་མའོ། །ཀུ་ལུ་ཏཱ་པུས་མོ་དག་ལ་རྡོ་རྗེ་སེམས་དཔའ་དང་བརྩོན་འགྲུས་ཆེན་མོ་སྟེ་ཉེ་བའི་དུར་ཁྲོད་དོ། །དེ་ནས་སྙིང་གར་པདྨ་འདབ་མ་བརྒྱད་པའི་སྟེང་དུ་ཡེ་ཤེས་ཀྱི་འཁོར་ལོའོ། །པུཁྲ་ར་མ་ལ་ཡ་ལ་སོགས་པར་ནི་སྐུ་གསུང་
[110a.5]ཐུགས་ཀྱི་འཁོར་ལོའོ། །ཁ་ལ་སོགས་པ་སྒོ་བརྒྱད་དུ་དམ་ཚིག་གི་འཁོར་ལོའོ། །དེ་ལྟར་རྣམ་པར་བསྒོམས་ཏེ་ཨོཾ་ཨཱཿཧྡུ་ཨོཾ་སརྦ་བཱི་ར་ཡོ་གི་ནྡི་ཀཱ་ཡ་བཱ་ཀ་ཙིཏྟ་བཛྲ་སྭ་བྷཱ་བ་ཨཱཏྨ་ཀོ྅ཧ། ཨོཾ་བཛྲ་ཤུདྡྷེ་སརྦ་དྷརྨཱ་བཛྲ་ཤུདྡྷོ྅་ཧཾ། ཞེས་བྱ་བས་བྱིན་གྱིས་བརླབ་པར་བྱའོ། །སྙིང་གར་ཨོཾ་ཧ་
[110a.6]རྡོ་རྗེ་སེམས་དཔའོ། །སྤྱི་བོར་ན་མ་ཧི་རྣམ་པར་སྣང་མཛད་དོ། །སྤྱི་གཙུག་ཏུ་སྭཱ་ཧཱ་ཧུ་པདྨ་གར་གྱི་དབང་ཕྱུག་མའོ། །ཕྲག་པ་གཉིས་ལ་བཽཥཊ་ཧེ་དཔལ་ཧེ་རུ་ཀ་རྡོ་རྗེའོ། །མིག་གཉིས་ལ་ཧཱུཾ་ཧཱུ་རྡོ་རྗེ་ཉི་མའོ། །ཕཊ་ཧཾ་ཡན་ལག་ཐམས་ཅད་ལ་མཚོན་ཆ་སྟེ་རྡོ་རྗེ་རྒྱལ་པོའོ། །དཔའ་བོའི་གོ་
[110a.7]ཆའོ། །ཨོཾ་བཾ་ལྟེ་བར་རྡོ་རྗེ་ཕག་མོའོ། །ཧཾ་ཨོཾ་སྙིང་གར་གཤིན་རྗེ་མའོ། །ཧྲི་ཨོཾ་མགྲིན་པར་རྨོངས་བྱེད་མའོ། །ཧྲེཾ་ཧྲི་སྤྱི་བོར་སྐྱོད་བྱེད་མའོ། །ཧཱུཾ་ཧཱུཾ་སྤྱི་གཙུག་ཏུ་སྐྲག་བྱེད་མའོ། །ཕཊ་ཕཊ་ཙཎྜི་ཀ་སྟེ་ཡན་ལག་ཐམས་ཅད་ལ་མཚོན་ཆའོ། །མཛུབ་མོ་མདུད་བྱས་གུང་མོ་རྩེ་སྤྲད་དེ། །
[110b]
[110b.1]བོང་རྡོ་རྗེ་བརྟན་པོར་རབ་ཏུ་སྦྱར། །འདི་ནི་དཔྲལ་བའི་དབྱེས་དབུས་རབ་བཞག་ནས། །བསྐོར་ཞིང་བསྐོར་བས་ཀུན་དུ་བསྐོར་བར་བྱ། །རྐང་པ་མནན་ཅིང་གྱེན་དུ་བལྟ། །གྱེན་དུ་ཕཻཾ་གྱི་རྔུ་སྒྲ་སྒྲོགས་ཤིང་། །ཕྱོགས་བཅུའི་འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་
[110b.2]འགུགས། །ཨོཾ་ཡོ་ག་ཤུདྷཿསརྦ་དྷརྨཱ་ཐུ་ཡོ་ག་ཤུདྡྷོ྅ཧཾ། དེ་ནས་ལག་པ་གཡས་པ་དང་གཡོན་པ་དག་བསྐོར་ཞིང་མཁའ་འགྲོ་མའི་དྲ་བ་སྡོམ་པའི་བདེ་བར་རོ། །དེ་ནས། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་
[110b.3]བདག་གིས་ཁྲུས་གསོལ་བྱའོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ཧས་མ་ཡ་ཤྲི་ཡེ་ཧཱུཾ། ཞེས་བྱ་བའི་ཚིགས་སུ་བཅད་པ་དང་སྔགས་བརྗོད་པ་བཞིན་དུ་དབང་བསྐུར་བས་བཅོམ་ལྡན་འདས་ཀྱི་དབུ་ལ་མི་བསྐྱོད་པའོ། །བཅོམ་ལྡན་འདས་མའི་དབུ་ལ་རྣམ་པར་སྣང་མཛད་བསྒོམ་མོ། །ཕྱི་དང་
[110b.4]གསང་བའི་མཆོད་པའི་ཁྱད་པར་རྣམས་ཀྱིས་མཆོད་དེ། ཧཱུཾ་དཀར་པོ་ལས་རྡོ་རྗེ་རྩེ་གཅིག་པ་དཀར་པོ་བྱཱ་དམར་པོ་ལས་བྱུང་བའི་ནོར་བུ་ཅན་སྦུབས་ཀྱི་སྒོར་བྱཱ་སེར་པོས་བཀག་པའོ། །དེ་བཞིན་དུ་ཡང་ཨ་དམར་པོ་ལས་པདྨ་དམར་པོ་འདབ་མ་གསུམ་པ་དྱཾ་དཀར་པོ་ལས་བྱུང་བའི་ཟེ་འབྲུ་ཅན་
[110b.5]ཊྭཱཾ་སེར་པོས་སྦུབས་ཀྱི་སྒོ་བཀག་པའོ། །རང་གི་རྔུ་ལྟེ་བ་དང་སྙིང་གར་ཟླ་བ་ལ་ཡུམ་གྱི་སྙིང་པོ་དང་ཉེ་བའི་སྙིང་པོའོ། །ལྐོག་མ་དང་སྤྱི་བོར་ཉི་མ་ལ་གནས་པའི་དཔའ་བོའི་སྙིང་པོ་དང་ཉེ་བའི་སྙིང་པོའོ། །ཡུམ་གྱི་ལྟེ་བ་དང་སྙིང་གར་ཉི་མ་ལ་གནས་པའི་བཅོམ་ལྡན་འདས་ཀྱི་སྙིང་པོ་དང་ཉེ་བའི་
[110b.6]སྙིང་པོའོ། །ལྐོག་མ་དང་སྤྱི་བོར་ཡུམ་གྱི་སྙིང་པོ་དང་ཉེ་བའི་སྙིང་པོ་སྟེ་ཟླ་བ་ལའོ། །སྔགས་ཀྱི་ཕྲེང་བ་དེ་དག་ཐམས་ཅད་ནི་ཁ་དོག་དམར་པོ་གཡོན་སྐོར་གྱིས་གནས་པའི་མགོ་གྱེན་དུ་བལྟས་ཏེ། གནས་ལྔའི་བར་དུ་འོད་ཟེར་གྱི་ཕྲེང་བ་འཁྲིགས་པ་བདེ་བ་ཆེན་པོའི་རང་བཞིན་ཉིད་དུ་དམིགས་
[110b.7]ནས་མན་ངག་ཇི་ལྟ་བ་བཞིན་དུ་དེ་ཁོ་ན་ཉིད་ཀྱི་མཆོད་པ་ཚོམངོན་དུ་བྱའོ། །དེ་ནས་སྔགས་བཟླས་པར་བྱ་སྟེ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ་ཌཱ་ཀི་ཛཱ་ལ་སཾ་བ་ར་སྭཱ་ཧཱ། ཨོཾ་ཧྲཱིཿཧ་ཧ་ཧུཾ་ཧཱུཾ་ཕཊ། བཅོམ་ལྡན་འདས་ཀྱི་སྙིང་པོ་དང་ཉེ་བའི་སྙིང་པོའོ། །ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་སྲཱ་ཧཱ། ཨོཾ་
[111a]
[111a.1]སརྦ་བུདྡཱཌཱ་ཀི་ནཱི་ཡེ་བཛྲ་ཝརྞྜ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ཡང་ན་རྩ་བའི་གསང་སྔགས་བཟླས་པར་བྱ་སྟེ། ན་མོ་བྷ་ག་བ་ཏེ་བཱི་རེ་ཤཱ་ཡ། མ་ཧཱ་ཀལྤཱགྣིས་ནྣི་བྷཱ་ཡ། དཾ་ཥྚྲཱ་ཀརཱ་ལོགྲ་བྷཱིཥཎ་མུ་ཁཱ། ས་ཧ་སྲ་བྷུ་ཛ་བྷཱ་སུ་རཱ་ཡ། བ་ར་ཤུ་པཱ་ཤོ་རྱ་ཏ་ཤཱུ་ལ་ཁ་ཊྲཱཾ་ག་
[111a.2]དྷཱ་རི་ཎ། བྱཱ་གྷཱ་ཛི་ནཱ་མྤར་དྷ་དཱ་ཡ། མ་ཧཱ་དྷཱུམྷྲཱནྡྷ་ཀཾ་ར་བ་པུ་ཥཱ་ཡ་ཥྚ་ཀ་ར་ཀ་ར། ཀུ་རུ་ཀུ་རུ། བནྡ་བནྡ། ཏྲཱ་ས་ཡ་ཏྲཱ་ས་ཡ། ཀྵ་བྷ་ཡ་ཀྵོ་བྷ་ཡ། ཧྲོཾ་ཧྲོཾ། ཧྲཿཧྲཿཕེཾ་ཕེཾ། ཕཊ་ཕཊ། ད་ཧ་ད་ཧ། པ་ཙ་པ་ཙ། བྷཀྵ་བྷཀྵ། བ་ས་རུ་དྷི་ར་ཨནྟྲ་མཱ་ལཱ་བ་ལམྦི་ནི། གྲྀཧྞ་གྲྀཧྞ། སཔྟ་པཱ་ཏཱ་ལ་ག་ཏ་བྷུ་ཛེེ་ག་
[111a.3]སརྦཾ་བཱ་ཏརྫ་ཡ་ཏརྫ་ཡ། ཨཱ་ཀཊྟྱཨཱ་ཀཊྟྱ། ཧྲིཾ་ཧྲིཾ། ཛྷོྃ་ཛྷོྃ། ཀྵྱཱཾ་ཀྵྱཱཾ། ཧཾ་ཧཾ་ཧཱུཾ་ཧཱུཾ། ཀི་ལི་ཀི་ལི། ཧི་ལི་ཧི་ལི། སི་ལི་སི་ལི། དྷི་ལི་དྷི་ལི་ཧུཾ་ཧཱུཾ་ཕཊ་ཅེས་བྱའོ། །དེ་ནས་གཏོར་མ་དབུལ་བར་བྱ་སྟེ། མདུན་དུ་ཡོ་དང་རེ་ལས་རླུང་དང་མེའི་དཀྱིལ་འཁོར་ལ་ཡི་གེ་ཨ་ཡོངས་སུ་གྱུར་པ་ལས་པདྨའི་སྣོད་
[111a.4]ཀྱི་ནང་དུ་བདུད་རྩི་ལྔ་དང་སྒྲོན་མ་ལྔ་ཨོཾ་ཏྲཾ་ཛྲིཾ་ཁཾ་ཧཱུཾ། ལཾ་མཱཾ་པཾ་ཏཱཾ་གི་ཡི་གེ་རྣམས་ལས་བསྐྱེད་ཅིང་དེ་དག་ཉིད་ཀྱིས་མཚན་པར་བལྟས་ལ་ཡོངས་སུ་བསྡུས་པས་ཞུ་བའི་རྫས་ཀྱི་སྟེང་དུ་ཧཱུཾ་དཀར་པོ་ལས་བྱུང་བའི་ཁ་ཊྭཱཾ་ག་དཀར་པོ་དེ་ཞུ་བས་རོ་གཅིག་ཏུ་གྱུར་པ་དང་། ཨཱ་ལི་ཀཱ་ལི་ཡོངས་སུ་གྱུར་པ་
[111a.5]ལས་ཡི་གེ་གསུམ་གྱིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་བདུད་རྩི་བཀུག་སྟེ་ཡི་གེ་གསུམ་ལ་ཞུགས་པ་དང་། དེ་དག་ཀྱང་རིམ་གྱིས་འོག་ནས་འོག་ཏུ་དམ་ཚིག་གི་བདུད་རྩི་དང་ལྷན་ཅིག་གི་བདུད་རྩིར་བསམས་ནས་ཇི་སྲིད་འདོད་པའི་བར་དུ་ཡི་གེ་གསུམ་གྱིས་བྱིན་གྱིས་བརླབ་པོ། །
[111a.6]དེ་ནས་བཅོམ་ལྡན་འདས་མ་ལ་ཨོཾ་ཨ་ར་ལཱི་ཧོ་ཛཿཧཱུཾ་བཾ་ཧོཿབཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོ། ཞེས་བལྟས་ཏེ་ཡི་གེ་ཧཱུཾ་ལས་བྱུང་བའི་དཀར་པོའི་ལྕེས་དྲངས་ཏེ་གསོལ་བས་ཚིམ་པར་གྱུར་པར་སྙེབལྟའོ། །དེ་ནས་དུར་ཁྲོད་ན་གནས་པ་རྣམས་ལ་ཤར་ལ་སོགས་པའི་ཕྱོགས་སུ་ནི་གཡོན་སྐོར། མེ་ལ་
[111a.7]སོགས་པའི་མཚམས་སུ་ནི་གཡས་སྐོར་གྱིས། ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཀྵ་ས་བྷཱུ་ཏ་པྲེ་ཏ་པི་ཤཱ་ཙ་ས་ད་ཨ་པ་སྨ་རཱ་ཌ་ཀ་ཌ་ཀི་ནྱ་ང་ཡ། ཨི་སཾ་བ་ལིཾ་གྲྀཧྣ་ནྟུ་ས་མ་ཡ་རཀྵནྟུ་མ་མ་སརྦ་སིདྷིམྨེ་པྲ་ཡཙྪནྟུ། ཡ་ཐཻ་བཾ་ཡ་ཐེཥྚཾ་བྷུ་ཉྫ་ཐ་པི་བ་ཐ་མཱ་ཏི་ཀྲ་མ་ཐ། མ་མ་སརྦ་ཀརྟ་ཡ་སཏྨུ་ཁ་བི་ཤུདྡྷ་ཡེ་ས་
[111b]
[111b.1]ཧཱ་ཡི་ཀཱ་བྷ་བནྟུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་བྱ་བའི་སྔགས་ལན་གཉིས་སུ་བརྗོད་པས་བྱིན་ཏེ་དེ་དག་ཀྱང་ཚིམ་པར་གྱུར་པར་བསམ་མོ། །དེ་ནས་ཡང་དག་པར་མཆོད་དེ་ཡི་གེ་བརྒྱ་པ་བརྗོད་ནས་ཐམས་ཅད་རང་གི་སྙིང་གའི་ཡི་གེ་ཧཱུཾ་ལ་ཆུད་པར་བྱ་སྟེ། སླར་དེའི་འོད་ཀྱིས་བདག་ཧེ་རུ་ཀར་སྤྲུལ་ཏེ་
[111b.2]ཇི་ལྟར་བདེ་བར་གནས་པར་བྱའོ། །ཐུན་མཚམས་ཕྱི་མ་ལ་ཡང་སྙིང་གའི་ཧཱུཾ་གི་འོད་ཀྱིས་རང་གི་ལུས་ཉིད་དུ་བསྡུས་ཏེ། ཨོཾ་ཨཱཿཧཱུཾ་ཞེས་བྱ་བ་བརྗོད་པ་ལ་སོགས་པའི་སྔགས་གསུམ་པོ་བརྗོད་པ་སྔོན་དུ་འགྲོ་བས་སླར་ཡང་ཧཱུཾ་དེ་ཉིད་ཀྱི་འོད་ཟེར་རྣམས་ཀྱིས་སྔ་མ་ལྟར་ཐམས་ཅད་བསྐྱེད་པར་
[111b.3]བྱའོ། །ཐུན་བཞི་པའི་མཐར་ནི་ཨོཾ་བཛྲ་མུཿ། ཞེས་བྱ་བ་ཡེ་ཤེས་སེམས་དཔའ་གཤེགས་སུ་གསོལ་ཏེ་སྔ་མ་ལྟར་སྟོང་པ་ཉིད་ཀྱི་ཏིང་ངེ་འཛིན་དུ་བྱས་ཏེ་ཉལ་བར་བྱའོ། །གལ་ཏེ་རྫོགས་པའི་རིམ་པའི་ཏིང་ངེ་འཛིན་གྱིས་སེམས་བརྟན་པར་བྱ་བར་འདོད་ན། དེ་ཚེ་གང་དུ་སྙིང་གི་པདྨ་ཁ་སྦྱར་ལ་
[111b.4]གནས་པ། །ཕྲ་བར་ལྟ་བ་རང་བྱུང་མྱོང་བའི་སེམས་འཇུག་པ། །ཁམས་གསུམ་མ་ལུས་གཉིས་མེད་པར་ནི་ཉེར་འགྲོ་བ། །གསལ་བར་ཆོས་ཀྱི་དབྱིངས་མཆོག་དེ་ལ་བདག་ཕྱག་འཚལ། །དབང་པོ་གཡོ་བའི་རྟ་ཀུན་ནང་དུ་ངེས་པར་སྦྱར། །ཡེ་ཤེས་རྒྱལ་བ་མ་ལུས་པ་ཡི་སྣོད་གྱུར་ཅིག །
[111b.5]ཁམས་གསུམ་མ་ལུས་བསྐྱེད་པའི་རྒྱུ་ཉིད་དུ་ནི་ཉེར་འགྲོ་བ། །མཐོང་བ་མཁའ་འདྲ་དྲི་མེད་དཔལ་དུ་གྱུར། །སངས་རྒྱས་རྗེས་དྲན་སྦྱོར་བ་ཡིས། །ཆོས་ནི་རྗེས་སུ་དྲན་པ་བསྒོམ། །ཆོས་རྗེས་དྲན་པའི་སྦྱོར་བ་ཡིས། །ཆོས་ཀྱི་སྐུར་ནི་རང་ཉིད་འགྱུར། །དབུས་ན་གསལ་བྱེད་རྣམ་པར་ཤེས། །
[111b.6]ཡེ་ཤེས་མཆོག་ནི་ཤེས་རྣམས་ཀྱིས། །ཤིན་ཏུ་བསྒོམ་པ་གོམས་པ་ལས། །གསལ་བར་འདི་ནི་ཐེ་ཚོམ་མེད། །རྟག་ཏུ་སྙིང་ལ་གནས་པ་ཡི། །ཐིག་ལེ་གཅིག་པུ་འགྱུར་མེད་དེ། །དེ་སྒོམ་བྱེད་པའི་སྐྱེ་བོ་ལ། །ངེས་པར་ཡེ་ཤེས་སྐྱེ་བར་འགྱུར། །ཞེས་བྱ་བའི་དོན་མན་ངག་ཇི་ལྟ་བ་བཞིན་
[111b.7]དུ་བསྒོམ་པར་བྱའོ། །དེ་ལ་ཕན་ཡོན་ནི། རྡོ་རྗེ་མཁའ་འགྲོ་ཐུགས་རྗེ་ཅན། །འདི་ཉིད་དུ་ནི་བཞུགས་མཛད་ཅིང་། །རྫོགས་སངས་རྒྱས་ཀུན་བྱང་ཆུབ་སེམས། །འགྲོ་བ་གསུམ་པོ་འདི་ལ་གནས། །ཞེས་བྱ་བ་ལ་སོགས་པ་ཇི་སྐད་གསུངས་པ་རྣམས་འབྱུང་བར་འགྱུར་རོ། །དཔལ་འཁོར་
[112a]
[112a.1]ལོ་སྡོམ་པ་དཔའ་བོ་གཅིག་པུའི་སྒྲུབ་ཐབས་པཎྜི་ཏ་དཔལ་མ་ན་ཀ་ཤྲཱིས་མཛད་པ་རྫོགས་སོ། །རྒྱ་གར་གྱི་མཁན་པོ་མཁས་པ་སུ་མ་ཏིའི་སྤྱན་སྔར་དགེ་སློང་པྲཛྙཱ་ཀཱིརྟིས་བསྒྱུར་བའོ།། །།{T1537}༄༅༅། །རྒྱ་གར་སྐད་དུ། ཤྲཱི་ཙ་ཀྲ་སམྦ་ར་ཧོ་མོ་པ་ཡི་ཀ།
[112a.2]བོད་སྐད་དུ། དཔལ་བདེ་མཆོག་འཁོར་ལོའི་སྦྱིན་སྲེག་གི་ཆོ་ག །བཅོམ་ལྡན་འདས་དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །སྔོ་སེར་དམར་པོ་མརྒཏ་ལྗང་གུའི་སྐུ་འཆང་སྤྱན་གསུམ་ཅན། །དབང་ཆེན་ལ་སོགས་ཕྱོགས་བཞིའི་ཞལ་མངའ་ཤེས་རབ་དམར་སྤྱན་གསུམ། །ཕྱག་
[112a.3]གཉིས་བགེགས་ཀྱི་ལྤགས་འཛིན་རྡོ་རྗེ་དྲིལ་བུ་གཉིས་ན་འཆང་། །ཕྱག་གཞན་ཕྱག་མཚན་བརྒྱད་པོ་འཛིན་པ་བདེ་བའི་མཆོག་གིས་སྲུངས། །ཐོག་མར་བདེ་མཆོག་འཁོར་ལོ་ཡི། །རྣལ་འབྱོར་མ་ཡི་རྒྱུད་ལས་ནི། །སེམས་ཅན་རྣམས་ལ་ཕན་གདགས་ཕྱིར། །སྦྱིན་སྲེག་རིམ་པ་བདག་
[112a.4]གིས་བཤད། །དཀྱིལ་འཁོར་དག་ནི་སྒྲུབ་དུས་སུ། །སྦྱིན་སྲེག་གིས་ནི་ཚིམ་པར་བྱ། །གསང་སྔགས་མ་བཟླས་མི་འགྲུབ་ལ། །སྦྱིན་སྲེག་མ་བྱས་འབྲས་མི་འབྱིན། །ལས་རྣམས་ཐམས་ཅད་རབ་བསྒྲུབ་ཕྱིར། །སྦྱིན་སྲེག་ལས་རྣམས་བརྩམ་པར་བྱ། །སྦྱིན་སྲེག་ལས་རྣམས་མེད་
[112a.5]པ་ལས། །དངོས་གྲུབ་འབྱུང་བར་མི་འགྱུར་རོ། །དེ་བས་འདིར་ནི་སྔགས་པ་ཡིས། །བརྩོན་པས་སྦྱིན་སྲེག་ལས་རྣམས་བྱ། །བླ་མེད་ནང་དང་ཕྱི་ཡི་སྟེ། །སྦྱིན་སྲེག་དག་ནི་གསུམ་དུ་འདོད། །གཞན་དག་ཞི་བ་ལ་སོགས་པ། །སྦྱིན་སྲེག་དག་ནི་བཞི་རུ་འདོད། །དེ་ལ་བླ་ན་མེད་པ་དང་
[112a.6]པོར་བརྗོད་པར་བྱ་སྟེ། རྣམ་རྟོག་མེད་པའི་སེམས་ཉིད་ནི། །ཐབ་ཁུང་དགྲ་ཡི་མཚན་མ་དག །རྣམ་དབེན་མེ་ཡི་དབུས་སུ་ནི། །གཟུགས་ལ་སོགས་པའི་ཕུང་པོ་ལྔ། །སེམས་ལས་བྱུང་བ་མ་ལུས་པའི། །ཡམ་ཤིང་དག་གི་སྲེག་བླུགས་བྱ། །གཟུགས་ལ་སོགས་པའི་འབྱུང་བ་རྣམས། །
[112a.7]ཡམ་ཤིང་དུ་ནི་རབ་གྲགས་ཡིན། །པདྨ་ཐབ་ཁུང་ཡིན་པར་བཤད། །རྡོ་རྗེ་བླུགས་གཟར་ཡིན་པར་གྲགས། །རྟག་ཏུ་ས་བོན་སྲེག་བླུགས་ཀྱིས། །བླ་མེད་གནས་ནི་ཐོབ་པར་འགྱུར། །བླ་མེད་རྗེས་སུ་སྦྱོར་བ་ཡིས། །ཕུང་པོ་ལ་སོགས་བུད་ཤིང་བསྲེག །ཡེ་ཤེས་མེ་ནི་སྐྱེ་འགྱུར་བས། །
[112b]
[112b.1]ཕྱི་རོལ་བསྲེགས་པ་བདག་མེད་ཡིན། །ཛྙཱ་ན་པཱ་ད་པས་བཤད་པ། །སྦྱིན་སྲེག་ཆོ་གའི་ཕྱི་རིམ་པ། །སེམས་དང་སེམས་བྱུང་དག་ཡིན་ཏེ། །ཕུང་པོ་ལ་སོགས་བུད་ཤིང་བསྲེག །ཡེ་ཤེས་འབར་བ་བླ་མེད་འདོད། །སེམས་ཀྱིས་ཅི་ཙམ་བསམ་པ་དག །ཕྱི་རོལ་སྦྱིན་སྲེག་ཡིན་པར་འདོད།
[112b.2]ཡེ་ཤེས་མེ་ལ་ཕུང་པོ་ཡི། །ཡམ་ཤིང་བསྲེག་པ་བླ་མེད་ཡིན། །དེ་ནས་ཡང་ནང་གི་བརྗོད་པར་བྱ་སྟེ། ཉོན་མོངས་སེར་བ་ཞི་བྱེད་ཅིང་། །ཏིང་ངེ་འཛིན་ནི་རྒྱས་བྱེད་ཕྱིར། །རང་གི་ལྷ་ཡི་སྦྱོར་བས་བདག །ཇི་ལྟ་བར་ནི་སེམས་ཀྱིས་བྱ། །སྐྱེ་བའི་ལས་ལས་རྣམ་གྲོལ་ཞིང་། །ཚེ་ནི་ཡང་དག་
[112b.3]འཕེལ་བའི་ཕྱིར། །ཅི་འདོད་སྲེག་བླུགས་ལས་བྱ་བ། །ནང་གི་སྦྱིན་སྲེག་དག་ཏུ་བཤད། །ཇི་ལྟར་དུས་བཞིའི་རིམ་པ་ཡིས། །སྦྱིན་སྲེག་བཞི་ཡང་རབ་ཏུ་བཤད། །ཞི་བ་དང་ནི་རྒྱས་པ་དང་། །དབང་དང་མངོན་སྤྱོད་ཤེས་པར་བྱ། །སྡིག་པ་འཇིག་ཕྱིར་ཞི་བ་སྟེ། །བསོད་ནམས་
[112b.4]ཡོངས་འཛིན་རྒྱས་པ་ཡིན། །ཆགས་པ་བསྒོམ་ཕྱིར་དབང་འགྱུར་ཏེ། །རྟོག་པ་ཟད་ཕྱིར་གསོད་པ་ཡིན། །དེ་ནས་ཡང་ཕྱིའི་བཤད་པར་བྱ་སྟེ། རྒྱུད་སོ་སོ་ལ་སློབ་དཔོན་ཐ་དད་པས་སྦྱིན་སྲེག་གི་ཆོ་ག་ཇི་བཞིན་བཤད་པ་ལས་འདི་ནི་རྣལ་འབྱོར་མའི་རྒྱུད་ལ་བརྟེན་ཏེ། བདག་གིས་འཁོར་
[112b.5]ལོ་སྡོམ་པའི་མན་ངག་ཅུང་ཟད་ཙམ་བརྗོད་པར་བྱའོ། །དེ་ལ་ཐབ་ཁུང་ནི། །སེམས་ཅན་དབྱེ་བས་མཐའ་ཡས་ཏེ། །རིགས་ཀྱི་དབྱེ་བས་ལྔ་རུ་འགྱུར། །ལས་ཀྱི་དབྱེ་བས་བཞི་རུ་འགྱུར། །ཐབ་ཁུང་རྣམས་ནི་དེ་ལྟར་བཤད། །ཞི་བ་ལ་ནི་ཟླུམ་ལ་དཀར། །རྒྱས་ལ་དབང་ཆེན་སེར་པོ་སྟེ། །
[112b.6]དབང་ལ་དམར་པོ་གྲུ་གསུམ་པ། །མངོན་སྤྱོད་ཟླ་བ་ཕྱེད་པ་ཡིན། །ཁྲུ་གང་ཚད་ལས་བརྩམས་ནས་ནི། །ཁྲུ་ནི་བཅུ་དྲུག་པ་ཡི་བར། །དེ་ཡི་ཕྱེད་དུ་བརྐོས་ནས་ནི། །རང་གི་ཚད་དུ་བྱ་བ་ཡིན། །ཁྲུ་གང་ཙམ་གྱི་ཐབ་ཁུང་ལ་སོར་བཞི་བོར་བར་ཁ་ཁྱེར་སོར་བཞིས་བསྟོད། ཁྲུ་ཕྱེད་བརྐོས་
[112b.7]ལ་དེ་བཞིན་དུ་ཐམས་ཅད་ལའང་བལྟས་ཏེ་ཀུན་ཀྱང་རང་གི་ཁ་ཁྱེར་དུ་བྱའོ། །ཐབ་ཁུང་གི་ནང་དུ་རྡོ་རྗེ་དང་ཟངས་གྲི་བྲིའོ། །ཕྱོགས་བཞིར་ཁ་ཊྭཱཾ་ག་དང་དེ་བཞིན་གཤེགས་པའི་ཕྱག་མཚན་རྣམས་བྲི། ཁ་ཁྱེར་ལ་པདྨའི་སྟེང་དུ་ཟངས་གྲིའི་ཕྲེང་བ། ཐབ་ཀྱི་ཕྱི་རོལ་དུ་ཟུར་བཞི་པ་ལ་སྒོ་བཞི་
[113a]
[113a.1]བ་དཀྱིལ་འཁོར་གྱི་ཐིག་གདབ་སྟེ། འཁོར་ལོ་གསུམ་བྱིན་གྱིས་བརླབས་ལ། སྒོ་བཞི་དང་ལྡན་པ་དུར་ཁྲོད་བརྒྱད་དང་བཅས་པ་ཇི་ལྟར་འཁོར་ལོ་གསུམ་གྱི་དཀྱིལ་འཁོར་གྱི་ཕྱག་མཚན་བཞིན་དུ་འདིར་ཡང་དེ་ལྟར་བལྟའོ། །ཤར་གྱི་སྒོ་ལ་སོགས་པར་ལྕགས་ཀྱུ་ལ་སོགས་
[113a.2]པས་མཚན་པར་བྱའོ། །ཕྱིའི་དཀྱིལ་འཁོར་ལ་པདྨ་ནགས་ཀྱི་ལྕུག་མ་དང་། ཕྲེང་བ་དང་ནི་སྤྱི་བླུགས་དང་། །རི་དགས་པགས་པ་མདུང་རྩེ་གསུམ། །ཟླ་བ་ཕྱེད་པ་རྒྱལ་མཚན་དང་། །རལ་པའི་ཚོགས་དང་མིག་དང་ནི། །འཁོར་ལོ་དུང་དང་དབྱུག་ཏོ་དང་། །རལ་གྲི་ཕུབ་དང་མདུང་དང་ནི། །
[113a.3]དྲིལ་བུ་བ་དན་རྨ་བྱ་དང་། །ར་སྐྱེས་ལྔ་ལྔ་བྱས་ནས་ནི། །ཤར་ཕྱོགས་སྣམ་བུ་དག་ལ་བྲི། །དེ་ལྟར་ཐབ་ཁུང་ཐམས་ཅད་བྱས་ནས་ལས་དང་རྗེས་སུ་མཐུན་པའི་ཁ་ཁྱེར་བྱའོ། །ཞི་བ་ལ་རྡོ་རྗེས་མཚན་པའམ་འཁོར་ལོས་མཚན་པའོ། །རྒྱས་པ་ལ་ནི་རིན་པོ་ཆེས་མཚན་པ། དབང་ལ་ནི་པདྨས་
[113a.4]མཚན་པ། དྲག་པོ་ལ་ནི་རྩེ་གསུམ་པས་མཚན་པ་སྟེ། འདི་ལྟར་ལས་དང་རྗེས་སུ་མཐུན་པར་རང་རང་གི་མཚན་མས་མཚན་པའི་ཁ་ཁྱེར་བྱའོ། །ཤར་དུ་ཞི་བ་བྱ་བར་བཤད། །ལྷོ་ཕྱོགས་སུ་ནི་རྒྱས་པ་སྟེ། །དབང་གི་ལས་ནི་ནུབ་ཏུ་བྱ། །བསད་པ་བྱང་དུ་བྱ་བ་ཡིན། །ཇི་ལྟར་ལས་དང་
[113a.5]རྗེས་མཐུན་པའི། །རྡུལ་ཚོན་གྱིས་ནི་རྫོགས་པར་བྲི། །ཡང་ན་མེ་ཏོག་དག་ཀྱང་རུང་། །ཐབ་ཁུང་དག་ནི་དེ་ལྟར་བྱ། །ཡམ་ཤིང་བུད་ཤིང་རྫས་ལ་སོགས། །མཚན་ཉིད་མེ་ཡི་རྟགས་རྣམས་ནི། །གཞན་དུ་རྒྱ་ཆེར་བཤད་པས་ན། །འདིར་ནི་བདག་གིས་མ་བསྒྲགས་སོ། །མན་ངག་
[113a.6]གཅིག་པུའི་རིམ་པ་དག །རྣལ་འབྱོར་རྒྱུད་ལས་གྲགས་པ་རྣམས། །མདོར་བསྡུས་ནས་ནི་ངེས་པར་ཡང་། །ཇི་ཙམ་ནུས་པ་བཤད་པར་བྱ། །དེ་ནས་རྡོ་རྗེ་སློབ་དཔོན་གྱིས་ལུས་ཁྲུས་བྱས་ཏེ་དྲི་ཞིམ་པོས་བདུགས་ལ། གུར་གུམ་དང་། ཙནྡན་དང་། ཐལ་བ་བསྲེས་པས་ལུས་བྱུགས་ཏེ་ཇི་
[113a.7]སྐད་བཤད་པའི་རྒྱན་བགོ་བར་བྱའོ། །སྟག་གི་པགས་པ་བགོས་ཤིང་ཕྱག་རྒྱ་ལྔས་བརྒྱན་ཏེ། ན་རའི་རུས་པའི་རྒྱན་དང་ལྡན་པས་སེམས་ཅན་གྱི་དོན་རྟག་ཏུ་བྱའོ། །ཕྱི་རོལ་ཟློག་ཚུལ་འཆད་པ་ནི། །དེ་ནི་ཞི་སོགས་ལས་རྣམས་ལ། །ཐུགས་ནི་ཞི་བར་ཤེས་པར་བྱ། །ཉི་མས་གདུངས་པའི་
[113b]
[113b.1]རྒྱ་མཚོ་ཆེ། །གངས་ལྟར་ནང་གྲང་ཕྱི་རོལ་ཚ། །ཐུགས་རྗེ་ཆེན་པོ་ཁྲོ་བོ་ཡི། །དེ་བཞིན་འགྲོ་བ་ཚུལ་འདིས་སྲུངས། །དེ་ལྟ་བུའི་ལས་དང་རྗེས་སུ་མཐུན་པར་གོས་ཀྱི་བྱེ་བྲག་བགོ་བར་བྱའོ། །དེ་ནི་སྒྲུབ་པ་པོའི་ལས་སོ། །དེ་ནས་རང་གི་ལྷའི་ང་རྒྱལ་བསྐྱེད་དེ། །ཇི་སྐད་བཤད་པའི་ལས་དང་རྗེས་
[113b.2]སུ་མཐུན་པའི་གཟུགས་སུ་བྱས་ལ་ཞལ་བཞི་པ་དང་སྐུ་གསུང་ཐུགས་ཀྱི་གསང་སྔགས་དང་། དེ་བཞིན་གསལ་བྱེད་རཀྵ་རཀྵ་དང་། །ཧཱུཾ་གསུམ་ཕཊ་ནི་བརྗོད་པར་བྱ། །གསང་སྔགས་དེ་ལས་ཁྲོ་བོ་ལ་སོགས་པ་སྤྲོས་ཏེ། བགེགས་ཀྱི་ཚོགས་ཐམས་ཅད་བསྲེགས་པར་བྱས་ནས་ཐལ་བ་དང་།
[113b.3]བགེགས་རྣམས་བསྲེགས་ཏེ་ཕྱོགས་བཅུར་བྱེར་བར་བསམ་མོ། །དེ་བཞིན་དུ་གཡས་བརྐྱང་བ་ལ་སོགས་པའི་སྟང་སྟབས་ཀྱང་བྱའོ། །དེ་ལྟར་བགེགས་ཀྱི་ཚོགས་རྣམས་ཕུར་བུ་དང་། རྡོ་རྗེ་དྲ་བ་དང་། ར་བ་ལ་སོགས་པས་ཐབ་ཁུང་གི་ཐན་ཀོར་བགེགས་མེད་པར་བྱས་ཏེ། ཐབ་ཁུང་
[113b.4]བྱིན་གྱིས་བརླབ་པར་ཤེས་པར་བྱ་སྟེ། ཡི་གེ་ཧཱུཾ་ངམ་རང་གི་ལྷའི་ཚོགས་ཀྱི་ཡི་གེ་གང་ཡང་རུང་བ་ལས་དང་རྗེས་སུ་མཐུན་པ་ལས་ཐབ་ཁུང་བསྐྱེད་ལ། དེའི་དབུས་ཀྱི་ལྟ་བ་ལ་ཡི་གེ་རེ་ཕ་འབར་བ་ཡོངས་སུ་གྱུར་པ་ལས་གྲུ་གསུམ་པར་བྱས་ཤིང་བསྒོམས་ལ། དེའི་གྲྭ་གསུམ་ལ་ཨོཾ་ཨཱཿ
[113b.5]ཧཱུཾ་ཡི་གེ་གསུམ་གྱིས་འདོད་པ་དང་གཟུགས་དང་གཟུགས་མེད་པའི་ཁམས་གསུམ་ས་འོག་དང་། ས་བླ་དང་། མཐོ་རིས་ཀྱི་གཟུགས་པདྨ་དང་། འཁོར་ལོ་དང་། རྡོ་རྗེ་གསུམ་ལ་ས་བོན་བསྐྱེད་དེ། དབུས་སུ་རེ་ཕ་འབར་བ་ཡོངས་སུ་གྱུར་བ་མཐོང་བ་དང་། མཚན་མའི་ཡི་གེ་གསུམ་
[113b.6]དང་རེ་ཕ་ཡོངས་སུ་གྱུར་པ་ལས་འབར་བའི་དབུས་སུ་ཆུའི་དཀྱིལ་འཁོར་གནས་པ་ལ། ཁམས་གསུམ་གྱི་བདག་པོ་དཔལ་ཁྲག་འཐུང་རྣམ་པར་སྤྲོས་ཏེ་ཞི་བའི་དོན་དུ་པཱ་པ་ཀའི་མེ་བསྒོམས་ལ་ཞི་བའི་གཟུགས་ཅན་དཀར་པོ་ཞལ་གཅིག་པ་ཕྱག་བཞི་པ་སྤྱན་གསུམ་པ་རལ་བའི་ཅོད་པན་ཅན་
[113b.7]ཕྱག་གཡས་པ་གཉིས་ན་དབྱུག་ཏོ་དང་མི་འཇིགས་པའི་ཕྱག་རྒྱ་འཛིན་པ། གཡོན་པ་ན་བགྲང་ཕྲེང་དང་། སྤྱི་བླུགས་འཛིན་པ། རྒྱན་དང་གོས་དཀར་པོ་བསྣམས་པ། མཆོད་ཕྱིར་ཐོགས་འཆང་བ། ལུས་ཐམས་ཅད་ལ་བདུད་རྩི་དཀར་པོའི་རྒྱུན་འབབ་པ། རལ་པ་ལ་མཁའ་འགྲོ་མ་
[114a]
[114a.1]གནས་པར་བསྒོམ་མོ། །དེ་བཞིན་དུ་རྒྱས་པ་ལ་ཁྱད་པར་ཡང་མདོག་སེར་པོ་གོས་སེར་པོའི་རྒྱན་ཅན་དབང་ཆེན་གྱི་དཀྱིལ་འཁོར་ལ་གནས་པ། ཡེ་ཤེས་ཀྱི་མེས་སེམས་ཅན་ཐམས་ཅད་ལ་མཆོག་སྩོལ་བ། སྟོབས་དང་། མདོག་དང་། དཔལ་རྫོགས་པར་མཛད་
[114a.2]པ། ལཱ་མ་ཅོད་པན་དུ་བསྒོམ་མོ། །རིམ་པ་གཞན་ཡང་དབང་དང་དགུག་པ་ལ་འདོད་པའི་མེ་མདོག་དམར་པོ་མེའི་དཀྱིལ་འཁོར་ལ་གནས་པ། དེ་གོས་དམར་པོས་བརྒྱན་པ། ཁཎྜ་རོ་ཧ་ཅོད་པན་ལ་གནས་པ། ཁྱད་པར་དུ་གཡས་གཡོན་གཉིས་ལ་ལྕགས་ཀྱུ་དང་ཞགས་པ་འཛིན་པ།
[114a.3]གཞན་ནི་སྔ་མ་བཞིན་ནོ། །བསད་པ་ལ་རླུང་གི་དཀྱིལ་འཁོར་ལ་གནས་པ་མདོག་ནག་པོ་འཇིགས་པ་སྤྱན་ཟླུམ་པོ། །ཧཱུཾ་གི་ས་བོན་ལས་སྐྱེས་པ་གོས་དང་རྒྱན་ནག་པོ་མི་རུས་ཀྱི་ཕྲེང་བས་བརྒྱན་པ། ཟ་བྱེད་འབར་བ་ལྟ་བུས་འབར་བའི་དབུ་སྐྲ་གྱེན་དུ་བརྫེས་པ། གཟུགས་ཅན་མའི་ཅོད་པན་ཅན།
[114a.4]གཡས་ན་རལ་གྲི་འཛིན་པ་འཇིགས་བྱེད་ཆེན་པོ་ནག་པོ་འབར་བ་ལས་བྱ་རྒོད་དང་ཁྭ་ལ་སོགས་པས་ནམ་མཁའ་ཁྱབ་པར་བཀུག་སྟེ། གང་དང་གང་བྱ་བ་དེ་ཟོས་པར་བསྒོམ་མོ། །རླུང་གི་མེས་ནི་བསད་པ་ལ་སོགས་པའི་ལས་བྱའོ། །མེ་ལྷའི་མཚན་ཉིད་དོ། །དེ་ལ་ཞི་བ་ལ་ནི་འོ་མ་ཅན་གྱི་
[114a.5]ཤིང་ལས་བྱུང་བའི་མེ་འམ། རྒྱུན་བཞག་གི་མེའམ། བྲམ་ཟེ་འམ་ཐ་མལ་པའི་མེས་བྱའོ། །རྒྱས་པ་ལ་ནི་རྒྱལ་པོ་དང་། བློན་པོ་དང་། དགོན་པ་དང་། རྒྱལ་རིགས་ཀྱི་ཁྱིམ་ནས་བྱུང་བའི་མེས་བྱའོ། །དབང་ལ་ནི་སྨད་འཚོང་མ་དང་། རྗེའུ་རིགས་ཀྱི་ཁྱིམ་ནས་བྱུང་བའི་མེས་བྱའོ། །དགུག་
[114a.6]པ་ལ་ནི་གར་མཁན་དང་། རོལ་མོ་མཁན་དང་། ལམ་དུ་བུས་པའི་མེས་བྱའོ། །གསོད་པ་ལ་ནི་རྡོ་ལས་བྱུང་བའི་མེའམ། གདོལ་པའི་ཁྱིམ་ནས་བྱུང་བའི་མེས་བྱའོ། །ཐམས་ཅད་ཀྱང་དུར་ཁྲོད་ཀྱི་མེ་དང་། དུར་ཁྲོད་ཀྱི་སོལ་བར་ལྡན་པར་བྱའོ། །མེའི་མཚན་ཉིད་དོ། །དེ་ནས་མཆོད་
[114a.7]ཡོན་སྣོད་གཉིས་ནི། །མ་ཆག་སྡུག་ཅིང་མཛེས་པ་དང་། །ཆང་ངམ་ཡང་ན་སྦྱར་བའི་ཆང་། །མེ་ཏོག་ལྡན་པས་དགང་བར་བྱ། །དེ་ལ་བདུད་རྩི་ལྔ་པོ་ཡིས། །གཉི་གར་ཡང་ནི་བླུགས་པར་བྱ། །ཡི་གེ་བདུན་པ་གཅིག་པུ་དང་། །གཉིས་པ་གནོད་མཛེས་རྒྱལ་པོ་དག །གཅིག་ནི་བརྒྱ་
[114b]
[114b.1]རྩ་བརྒྱད་པ་སྟེ། །གཉིས་པ་དག་ནི་བཞི་ཆ་ཡིན། །གནས་ལ་ལེགས་པར་བཞག་ནས་སུ། །གོས་ཀྱིས་བཀབ་སྟེ་མཆོད་པར་བྱ། །མཆོད་ཡོན་གྱི་སྣོད་ཀྱི་ཆོ་གའོ། །སྦྱིན་སྲེག་ཡོ་བྱད་ཐམས་ཅད་ཀུན། །བདག་གི་གཡས་སུ་དགོད་པར་བྱ། །རྡོ་རྗེ་དེ་བཞིན་དྲིལ་བུ་དང་། །མཆོད་
[114b.2]ཡོན་སྣོད་ནི་གཡོན་དུ་གཞག །དགང་གཟར་དང་ནི་བླུགས་གཟར་དང་། །མར་ནི་མདུན་དུ་གཞག་པར་བྱ། །ཐམས་ཅད་ཀྱང་ནི་བསངས་ནས་གཞག །འདི་ནི་རྫས་ཀྱི་གཞག་པའོ། །དེ་ནས་ཕྱི་རོལ་གྱི་མེ་བླངས་ལ་གནོད་མཛེས་ཀྱི་རྒྱལ་པོའི་གསང་སྔགས་ཀྱིས་ཀུ་ཤ་བླངས་ལ་དེའི་
[114b.3]རྒྱུས་ལན་གསུམ་བསངས་ལ། །རྩ་སྐམ་པོ་གཙང་མ་དང་བཅས་པས་དག་པར་བྱས་ཏེ། བདུད་རྩི་ལྔ་བསྲེས་ནས་ཐབ་ཁུང་དུ་བཞག་སྟེ། ཨོཾ་ཏེ་རུ་ཀ་མ་ཧཱ་བཛྲ་ཛྭ་ལ་ཛྭ་ལ་ཧཱུཾ་ཧཱུཾ། གསང་སྔགས་འདི་དང་བཅས་པས་རླུང་ཡབ་ཀྱིས་གཡབ་སྟེ་ཐབ་ཏུ་མེ་སྦར་རོ། །དེའི་དབུས་སུ་དམ་
[114b.4]ཚིག་སེམས་དཔའི་མེ་སྔར་བཤད་པའི་རྣམ་པར་བསམས་ཏེ། ཡེ་ཤེས་སེམས་དཔའི་མེ་སྔགས་དང་བཅས་པའི་ཕྱག་རྒྱ་འདིས་སྤྱན་དྲངས་ཏེ། ལག་པ་གཡས་པ་མི་འཇིགས་པར་བྱས་ལ། མཐེ་བོང་སྲིན་ལག་གི་ཚིགས་ལ་བཀུག་པའི་ཐབས་ཀྱིས་སྤྱན་དྲང་ངོ་། །ཨེ་ཧྱེ་ཧི་མ་ཧཱ་བྷཱུ་ཏ་དེ་
[114b.5]བ་རྀ་ཥི་དྲི་ཛ་སཏྟ་མ་གྲྀ་ཧཱི་ཏྭ། ཨ་ཧཱུ་ཏི་མ་ཧཱ་རཱ་སྨིན་ནྶ་ནྶི་ཧི་ཏོ་བྷ་བ། ཨོཾ་ཧེ་རུ་ཀ་མ་ཧཱ་བཛྲ་པཱ་བ་ཀ །ཨགྣ་ཡེ་མ་མ་ཤཱིནྟཾ་ཀུ་རུ་སྭཱ་ཧཱ། ཞི་བའིའོ། །ཨོཾ་ཧེ་རུ་ཀ་མ་ཧཱ་བཛྲ་མ་ཧེ་ནྡྲ་ཨགྣ་ཡེ་མ་མ་པུཥྚིཾ་ཀུ་རུ་བཽ་ཥཊ། རྒྱས་པའིའོ། །ཨོཾ་ཧེ་རུ་ཀ་མ་ཧཱ་བཛྲ་ཀཱ་མ་ཨགྣ་ཡེ་མ་མ་ཨ་མུ་ཀཾ་བ་ཤཾ་ཀུ་རུ་ཧོ། །
[114b.6]དབང་གིའོ། །ཨོཾ་ཧེ་རུ་ཀ་མ་ཧཱ་བཛྲ་ཀྲོ་དྷ་ཨགྣ་ཡེ་ཛ་ཧི་ཀྲོ་དྷཱ་ཡ་ཧཱུཾ། ཨ་མུ་ཀ་མཱ་ར་ཡ་ཧཱུཾ་ཕཊ། མངོན་སྤྱོད་ཀྱིའོ། །མེ་ལྷ་འོངས་པ་དང་འཐོར་འཐུང་དང་ཉེ་རིག་བྱ་སྟེ་བཀུག་ལ་དམ་ཚིག་གི་མེ་ལ་གཞུག་གོ། །དེ་ནས་མཆོད་ཡོན་གྱི་སྣོད་བླངས་ལ། བདུད་རྩི་ལྔ་དང་བསྲེས་ཏེ་ཐུགས་ཀ་ནས་ཞབས་
[114b.7]བསིལ་དབུལ་ལོ། །ཨོཾ་ཧེ་རུ་ཀ་མ་ཧཱ་བཛྲ་པྲ་ཝཱ་ར་སཏྐཱ་རཾ་པྲ་ཏཱཙཱི་སྭཱ་ཧཱ། དེ་ནས་ལག་པ་གཉིས་ཀྱིས་ལན་གསུམ་ཨརྒྷ་འདི་དབུལ་ཏེ། ཨི་མ་ཧཱ་མ་མ་ཡ་ཏཏྟ་མ་གྲྀཧྞ་སིདྡྷི་མྨེ་པྲ་ཡ་ཙྪ་སྭཱ་ཧཱ། སྤྱན་དྲང་བའི་ཆོ་གའོ། །དེ་ནས་འཁོར་ལོ་གསུམ་བྱིན་གྱིས་བརླབ་པར་བྱ་སྟེ། ཨོཾ་ཨཱཿཧཱུཾ་མགོ་དང་། མགྲིན་
[115a]
[115a.1]པ་དང་། སྙིང་ག་རྣམས་སུའོ། །དེ་ནས་ཡན་ལག་དྲུག་ཏུ་དགོད་པར་བྱའོ། །དེ་ནས་རྡོ་རྗེ་སེམས་མ་ལ་སོགས་པས་ཡིད་ཀྱིས་དབང་བསྐུར་ཏེ། ལཱ་སྱེ་ལ་སོགས་པ་བརྒྱད་ཀྱིས་ཡང་དག་པར་མཆོད་དེ། དར་དཔྱངས་དང་ཕྲེང་བ་ལ་སོགས་པས་བཅིངས་ཏེ་གོ་བསྐོན་ནོ། །དེ་
[115a.2]ནས་མེ་ལོང་དང་སྨན་ལ་སོགས་པ་ཁྲུས་ཀྱི་ཡོ་བྱད་དང་། དྲིལ་བུ་དཀྲོལ་ཞིང་སྤོས་དང་རྫས་སྔ་མ་དང་བཅས་པ་ལ་ཡི་གེ་བརྒྱ་པ་བཟླས་ཏེ་ཁྲུས་བྱའོ། །ཡི་གེ་བརྒྱ་པ་ནི་འདི་ལྟ་སྟེ། ཨོཾ་ཧེ་རུ་ཀ་བཛྲ་ས་མ་ཡ་མ་ནུ་པཱུ་ལ་ཡ་ཞེས་བྱའོ། །དེ་ནས་མཁའ་འགྲོ་མ་ལ་སོགས་པ་བཞིའི་གསང་སྔགས་དང་།
[115a.3]ཡི་གེ་ཉི་ཤུ་རྩ་གཉིས་ཀྱི་གསང་སྔགས་ཀྱིས་བཏབ་པའི་བུམ་པ་ལྔས་དབང་བསྐུར་རོ། །ཞི་བ་ལ་ནི་མཁའ་འགྲོ་མའི་གཟུགས་ཅན་རྣམ་པར་སྣང་མཛད་དབུ་རྒྱན་དུ་བསམ་མོ། །རྒྱས་པ་ལ་ནི་ལཱ་མའི་ཚུལ་ཅན་རིན་ཆེན་འབྱུང་ལྡན་དབུ་རྒྱན་དུ་བསམ་མོ། །དབང་ལ་ནི་དུམ་སྐྱེས་མའི་ཚུལ་ཅན་སྣང་
[115a.4]བ་མཐའ་ཡས་དབུ་རྒྱན་དུ་བསམ་མོ། །བསད་པ་ལ་ནི་གཟུགས་ཅན་མའི་ཚུལ་ཅན་དོན་ཡོད་གྲུབ་པ་དབུ་རྒྱན་དུ་བསམ་མོ། །མེ་ལྷའི་ཞལ་དང་དགང་གཟར་དང་བླུགས་གཟར་གྱི་ཁ་ལ་རང་གི་བདག་པོའི་ས་བོན་གྱི་ཡི་གེ་དགོད་དོ། །དེ་ནས་ཨོཾ་ཌཱ་ཀི་ནཱི་ཛི་ན་ཛི་ཀ་སྭཱ་ཧཱ། འདིས་མར་ལ་མངོན་
[115a.5]པར་བསྔགས་ཏེ། དེ་བཞིན་དུ་རྒྱས་པ་ལ་ཡང་ལཱ་མ་དང་རིན་ཆེན་འབྱུང་ལྡན་ལ་སོགས་པའི་སྔགས་ཀྱིས་གདབ་བོ། །དེ་ལྟར་མེ་འབར་བར་ཤེས་ནས་ཐོག་མར་བླུགས་གཟར་གྱིས་དགང་བླུགས་གསུམ། ཨོཾ་ཧེ་རུ་ཀ་ཛྭ་ལ་ཛྭ་ལ་ཧཱུཾ། སྔགས་འདི་དང་བཅས་པས་དབུལ་ལོ། །དེ་ནས་མེ་
[115a.6]འབར་བ་དང་མདོག་དང་སྒྲ་ལ་སོགས་པ་ལས་བགེགས་མེད་པར་ཤེས་ནས་བགེགས་ཐམས་ཅད་བཅིང་བར་བྱ་བའི་ཕྱིར་ཕྱོགས་བཞི་ནས་ཀུ་ཤ་དགྲམ་མོ། །ཨོཾ་ཨི་མེ་ཀུ་ཤ་ཤུ་བྷ་དིམཱ་པུ་ཏ་བྲཧྨ་བཱ་བི་ཧྲི་ན། རཏྣ་ཏྲ་ཡ་ར་ཧ་ཧྲྀད་པྲྀ་ཐྭཱི་ཛཱ་ཏ་གརྦྷ། ཨ་བི་གྷྣཱཾ་མ་མ་ཤཱནྟིཾ་ཀུ་རྦནྟུ་སྭཱ་ཧཱ། འདི་ལྟ་བུའི་
[115a.7]རིམ་པས་རྩ་བ་དང་བཅས་པ་ཕྱུང་སྟེ། མདོག་ལྗང་གུ་མཚན་ཉིད་དང་ལྡན་པ། ཞི་བ་དང་རྒྱས་པ་ལ་སྦྱར་རོ། །གཞན་རྣམས་ལ་ནི་མཉམ་པོར་གཅད་པར་བྱའོ། །མེའི་རིམ་པ་ནི་ཤར་གྱི་མདུན་ནས་ཏེ། ལྷོ་ནི་ལྷོ་ཡི་མདུན་ནས་སོ། །ནུབ་ནི་ནུབ་ཀྱི་མདུན་ནས་ཏེ། །བྱང་ནི་བྱང་གི་མདུན་
[115b]
[115b.1]ནས་སོ། །མེ་ཐབ་ཀྱི་ཕྱོགས་སུ་ཞལ་བཞི་པའི་སྔགས་ཀྱིས་མཆོད་ཡོན་གྱི་སྣོད་ལ་བསྔགས་ཏེ་བསང་ངོ་། །དེ་ནས་ཞལ་བཞི་པའི་སྔགས་སམ། ཁཎྜ་རོ་ཧེའི་གསང་སྔགས་ཡང་རུང་བས་མདའ་དང་ཚོན་སྐུད་ལ་བཏབ་སྟེ་མདའ་བཞི་ཕྱོགས་མཚམས་སུ་བཙུགས་ལ། ཚོན་སྣ་ལྔའི་སྐུད་
[115b.2]པས་ཡོངས་སུ་བསྐོར་ན་རྡོ་རྗེའི་བཅིང་བ་བྱས་པར་འགྱུར་རོ། །ཀུ་ཤ་ལ་སོགས་དགྲམ་པའི་ཆོ་གའོ། །དེ་ནས་མེའི་ལས་དང་རྗེས་སུ་མཐུན་པར་དངུལ་གྱི་སྣོད་དམ། པདྨའི་སྣོད་གང་ཡང་རུང་བ་མདུན་དུ་བསམས་ཏེ་ཡང་མཆོད་ཡོན་གྱི་ཞབས་བསིལ་དང་། འཐོར་འཐུང་བྱིན་ལ་དགང་བླུགས་
[115b.3]འབུལ་ལོ། །དེ་ལ་རིམ་པ་ནི་འདི་ཡིན་ཏེ། པུས་མོ་གཉིས་ཀྱི་ནང་དུ་ལག་པ་བཞག་སྟེ། ལག་པ་གཡས་པ་རྡོ་རྗེ་ཁུ་ཚུར་གྱིས་དགང་གཟར་བླངས་ལ་མཐེ་བོང་དང་མཐེའུ་ཆུང་བརྟན་པར་བཟུང་སྟེ། སོར་མོ་ལྷག་མ་རྣམས་ཡུ་བའི་སྟེང་དུ་བཞག་ལ། མར་གྱིས་ཡོངས་སུ་བཀང་བའི་དགང་
[115b.4]བླུགས་བདུན་ནམ་གསུམ་མམ་གཅིག་མེ་ལྷའི་སྔགས་ཀྱིས་མེ་ལྷའི་ཞལ་དུ་དབུལ་ལོ། །ཨོཾ་ཧེ་རུ་ཀ་ཨགྣ་ཡེ། ཨ་མུ་ཀ་སྱ་ཤཱནྟིཾ་ཀུ་རུ་སྭཱ་ཧཱ། དེ་བཞིན་དུ་ཐམས་ཅད་ལ་ཡང་སྦྱར་རོ། །དེ་ནས་བསྲེག་པའི་རིམ་པ་བལྟ་བར་བྱ་སྟེ། དང་པོ་དགང་བླུགས་དབུལ། དེ་ནས་ཡམ་ཤིང་ནི་འོད་ཀྱི་
[115b.5]དཀྱིལ་འཁོར་དུའོ། །མར་ཁུ་ནི་ཞལ་དུའོ། །དེ་ནས་ཏིལ་དང་འབྲས་ཆན་དང་ཞོ་ནི་ཕྱག་ཏུའོ། །དེ་ནས་ཀུ་ཤ་དང་། དཱུར་བའི་མྱུ་གུ་ནི་སྤྱི་གཙུག་ལའོ། །དེ་ནས་ནས་དང་། གྲོ་དང་། འབྲས་དང་། མོན་སྲན་གྲེའུ་རྣམས་ནི་ཞལ་ལའོ། །དེ་བཞིན་དུ་ཞུ་བའི་རྫས་ལ་སོགས་པ་རྣམས་ཀྱང་དེ་
[115b.6]བཞིན་ནོ། །དྲི་ནི་ཐུགས་ཀར་རོ། །མེ་ཏོག་དབུ་ལའོ། །བདུག་སྤོས་ནི་འོད་འབར་བ་ལའོ། །ཞབས་བསིལ་ནི་ཞབས་ལའོ། །མཆོད་ཡོན་དང་འཐོར་འཐུང་ནི་ཕྱག་ལའོ། །མར་མེ་ནི་མདུན་དུ་སྟེ། དེ་དག་ནི་རིམ་པ་ཡིན་ནོ། །དེ་ནས་སྡིག་པ་བསྲེག་པའི་ཕྱིར། །དང་པོ་ཏིལ་གྱི་སྦྱིན་
[115b.7]སྲེག་བྱ་སྟེ། ཨོཾ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། དེ་ནས་རྫས་ཐམས་ཅད་གསང་སྔགས་གཅིག་གིས་བྱའོ། །ཨོཾ་བཛྲ་ཨ་གན་ལ་མ་ཧཱ་བྷཱུ་ཏ་ཛྭ་ལཱ་ཡ་སརྦ་པཱ་པཾ་བྷ་སྨིཾ་ཀུ་རུ་སརྦ་བིགྷྣཱཾ་ཧཱུཾ་ཕཊ། ཨ་མུ་ཀ་སྱ་ཤཱནྟིཾ་ཀུ་རུ་སྭཱ་ཧཱ། ཡང་ན་ཨོཾ་ཧེ་རུ་ཀཱ་ཡ་བིད་མ་ཧེ་བིདྱཱ་རཱ་ཛ་ཡ་དྷི་མ་ཧེ་སྭཱ་ཧཱའོ། །བཱི་ར་པྲ་ཛོ་ད་ཡ་
[116a]
[116a.1]ཡ་ཧཱུཾ་ཨ་མུ་ཀ་སྱ་ཤཱནྟིཾ་ཀུ་རུ་སྭཱ་ཧཱ། ཡང་ན་རྒྱུད་གཞན་ལས་བཤད་པ། །སོ་སོའི་སྤྱིའི་སྔགས་ཀྱང་རུང་ངོ་། །ཨོཾ་བཛྲ་ཡ་ཛྙཱ་ཡ་སྭཱ་ཧཱ། ཡམ་ཤིང་གིའོ། །ཨོཾ་ཨགྣ་ཡེ་སྭཱ་ཧཱ། མར་གྱིའོ། །ཨོཾ་སརྦ་པཱ་པཾ་ད་ཧ་ན་བཛྲཱ་ཡ་འདི་ཞེས་བྱ་བ་པཱ་པཾ་ད་ཧ་སྭཱ་ཧཱ། ཏིལ་དང་ཡུངས་
[116a.2]ཀར་རྣམས་ཀྱིའོ། །ཨོཾ་སརྦ་སཾ་པ་དེ་སྭཱ་ཧཱ། ཞོ་དང་ཟས་ཀྱིའོ། །ཨོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། །ཀུ་ཤའིའོ། །ཨོཾ་བཛྲ་ཨཱ་ཡུ་ཥེ་སྭཱ་ཧཱ། དཱུར་བའི་མྱུ་གུའིའོ། །ཨོཾ་མ་ཧཱ་བེ་གཱ་ཡ་སྭཱ་ཧཱ། ནས་ཀྱིའོ། །ཨོཾ་བཛྲ་གྷསྨ་རེ་སྭཱ་ཧཱ། གྲོའིའོ། །ཨོཾ་བཛྲ་བི་ཛཱ་ཡ་སྭཱ་ཧཱ། འབྲུའིའོ། །ཨོཾ་མ་
[116a.3]ཧཱ་བ་ལཱ་ཡ་སྭཱ་ཧཱ། མ་ཤའིའོ། །ཨོཾ་བཛྲ་པུ་ཥྚ་ཡེ་སྭཱ་ཧཱ། འབྲས་མ་གྲུས་པའིའོ། །ཨོཾ་མ་ཧཱ་ཤྲཱི་བ་ཡ་བ་ཡེ་སྭཱ་ཧཱ། སྟར་ཀ་དང་གླ་གོར་ཞོ་ཤ་དང་། ཛཱ་ཏི་ཕ་ལ་ལ་སོགས་པ་རྣམས་ཀྱིའོ། །ཞུ་བའི་རྫས་ལྷག་མ་རྣམས་ནི་མེའི་རང་གི་སྔགས་རྣམས་ཀྱིས་སྦྱིན་སྲེག་བྱའོ། །ཨུ་དུམྺཱ་རའི་
[116a.4]ཤིང་གི་ཡལ་ག་ལ་སོགས་པ་ལྷག་མ་རྣམས་ལ་ནི། །ཨོཾ་ལ་སོགས་པ་ནས་རང་རང་གི་མིང་དང་། མཐར་སྭཱ་ཧཱ་དང་བཅས་པའི་རིམ་པས་སྦྱིན་སྲེག་བྱའོ། །རྫས་ཐམས་ཅད་ལ་བདུད་རྩི་ལྔ་དང་བསྲེས་ཏེ་སྦྱིན་སྲེག་བྱའོ། །དེ་ནས་མེ་ལ་འཐོར་འཐུང་དང་། བསང་གཏོར་ལ་སོགས་པ་བྱ་སྟེ། །ཡེ་
[116a.5]ཤེས་ཀྱི་མེ་སྤྱན་དྲངས་ལ། སྙིང་གནས་ཡི་གེ་ཧཱུཾ་གི་འོད་ཟེར་གྱིས་བསྐུལ་ནམ་མཁའ་ལས་བཀུག་སྟེ། ལམ་མ་ལུས་པའི་བཞི་འཇིག་རྟེན་ལས་འདས་པའི་ཡེ་ཤེས་ཀྱི་མེ་ཇི་སྐད་བཤད་པའི་ལས་ཀྱི་རྒྱན་དང་། ན་བཟའ་དང་། ཇི་སྐད་བཤད་པའི་མདོག་དང་། ཕྱག་ཇི་ལྟ་བར་གནས་
[116a.6]པའི་དཔལ་ཁྲག་འཐུང་གི་གཟུགས་མཐོང་བ་དང་། དེའི་ཐུགས་ཀར་ཡེ་ཤེས་སེམས་དཔའི་ས་བོན་གྱི་འོད་ཟེར་རྣམས་དང་། རང་གི་དམ་ཚིག་གི་ཕྱག་རྒྱས་ཡེ་ཤེས་སེམས་དཔའ་སྤྱན་དྲང་ངོ་། །འཁྱུད་པའི་ཕྱག་རྒྱ་བཅིངས་ལ། ཨོཾ་ཤྲཱི་བཛྲ་ཧེ་རུ་ཀ་ཨེ་ཧྱེ་ཧི་བྷ་ག་བཱ་ན། ཨི་ཧ་བྷ་ཀྟྱ་
[116a.7]ས་མ་ཡེ་ན་ཙ་པཉྩ་ཨ་མྲྀ་ཏ་ཨརྒྷཾ་སཾ་པྲ་ཏཱི་ཙྪ་སྭ་པཱ་ཛཱ་ཙ་ཧ་ནཾ་པྲ་སིདྡྷི་མྨེ། འདིས་ཐབ་ཁུང་གཡས་ཀྱི་དྲུང་དུ་བལྟས་ཏེ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སམྦ་ར་སྭཱ་ཧཱ། ཞབས་བསིལ་དང་། མཆོད་ཡོན་དང་། འཐོར་འཐུང་དང་། ལྷ་བཤོས་དང་། ལཱ་སྱེ་ལ་སོགས་
[116b]
[116b.1]པས་ཡང་དག་པར་མཆོད་དོ། །རྩ་བའི་སྔགས་རྐང་པ་བརྒྱད་ཀྱིས་བསྟོད་དོ། །རྡོ་རྗེས་བཅིངས་ལ་ལྕགས་ཀྱུ་དང་ཞགས་པ་དང་། ལྕགས་སྒྲོག་དང་། དྲིལ་བུ་རྣམས་ཀྱིས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱའོ། །དྲྀ་ཤྱ་ཛཿ་ཧཱུཾ་བཾ་ཧོཿ། །ས་མ་ཡ་སྟྭཾ། ས་མ་ཡོ་
[116b.2]ཧོ། །འདིས་མེའི་དམ་ཚིག་སེམས་དཔའི་ཞལ་དུ་ཐམས་ཅད་ཀྱི་བདག་ཉིད་རབ་ཏུ་གཞུག་གོ། །དེ་ལྟར་སྔ་མ་བཞིན་དུ་མེ་ལོང་གི་སྟེང་དུ་ཁྲུས་བྱས་ལ་དབང་ལྔ་སྩོལ་ཏེ། དར་དཔྱང་དང་ཕྲེང་བ་བཅིངས་ཏེ། ཡེ་ཤེས་སེམས་དཔའ་རང་གི་ཐུགས་ཀར་མཚན་མའི་དབུས་སུ་རང་གི་ཆོས་ཀྱི་ཡི་གེ་
[116b.3]ལ་དཀྱིལ་འཁོར་མ་ལུས་པ་དྲུག་ཅུ་རྩ་གཉིས་ཀྱི་ལྷའི་རང་བཞིན་མཐོང་བ་ལ་ཡང་མཆོད་ཡོན་ཕུལ་ཏེ་སྔ་མ་བཞིན་དུ་སྦྱིན་སྲེག་གི་ཡོ་བྱད་ཐམས་ཅད་བསངས་ཏེ་དེ་ནས་དགང་གཟར་བླངས་ལ། ཇི་ཙམ་བླུགས་ནུས་པའི་དགང་བླུགས་མེ་ལྷའི་ཞལ་དུ་དབུལ་ལོ། །དེ་བཞིན་དུ་བླུགས་གཟར་
[116b.4]གྱིས་སྟོང་ངམ་བརྒྱ་རྩ་བརྒྱད་དམ། ཕྱེད་དམ། བཞི་ཆ་ཡང་རུང་བསྲེག་གོ། །དེ་ནས་ཡང་དགང་བླུགས་གསུམ་དབུལ་ཏེ་འདི་ལྟར་དཀྱིལ་འཁོར་མ་ལུས་པ་ཀུན་ལ་བཅུ་པའི་སྦྱིན་སྲེག་བྱའོ། །ཐམས་ཅད་ལ་དགང་བླུགས་དང་། སྤོས་དང་། དྲིལ་བུའི་སྒྲ་དང་། ཡི་གེ་བརྒྱ་པ་གསུམ་མམ་
[116b.5]གཅིག་བཟླས་ཏེ་མེ་ཏོག་ལ་སོགས་པ་དག་དབུལ་ལོ། །སྦྱིན་སྲེག་གི་ཡོ་བྱད་ལྷག་མ་ཐམས་ཅད་ཀྱིས་སྔ་མ་བཞིན་དུ་སྦྱིན་སྲེག་བྱའོ། །དབྱངས་སྐྱོང་གི་གསང་སྔགས་སམ། ཡི་གེ་བདུན་པའམ། རྡོ་རྗེ་ཕག་མོའི་ཉེ་བའི་སྙིང་པོའི་གསང་སྔགས་གང་ཡང་རུང་བ་འདི་ཞེས་བྱ་བ་ཤཱནྟིཾ་ཀུ་རུ་
[116b.6]སྭཱ་ཧཱ། ཞེས་བྱ་བ་མཐར་གདགས་སོ། །རྒྱས་པའི་མཐར་ནི་པུཥྚིཾ་ཀུ་རུ་བཽ་ཥཊ། །དབང་གི་མཐར་ཧོཿ། བསད་པའི་མཐར་ཕཊ། །ཡང་དྲི་ཞིམ་པོ་ལས་བྱུང་བ་ཅི་ཡང་རུང་སྟེ། ཐམས་ཅད་བདག་གི་ཁ་ཟས་ལ་སོགས་པ་འབྱོར་བའི་དོན་དུ་སྦྱིན་སྲེག་བྱའོ། །དེ་ལྟར་མངོན་པར་འདོད་པའི་སྦྱིན་
[116b.7]སྲེག་བྱས་ལ་དངོས་གྲུབ་ཀྱི་ཕྱིར་རྒྱུད་ལས་བཤད་པའི་རྫས་རྣམས་ཀྱིས་སྦྱིན་སྲེག་བྱའོ། །བ་ལང་ཤ་དང་རྟ་ཤ་དང་། ཤྭ་ནའི་ཤ་དང་ཁྱིམ་བྱ་དག །དཀྱིལ་འཁོར་གྲུ་གསུམ་བྱས་ནས་ནི། །སངས་རྒྱས་ཉིད་ཀྱང་ངེས་པར་འཇིག །མི་ལྡོག་ཕྲེང་བའི་གསང་སྔགས་ཀྱིས། །ཞི་བ་ལ་སོགས་
[117a]
[117a.1]ལས་རྣམས་བྱ། །རྡོ་རྗེ་ཕག་མོའི་སྔགས་གཉིས་ཀྱིས། །དགུག་པ་ལ་སོགས་བྱ་བ་ཡིན། །དེ་ནས་ཇི་ལྟར་འདོད་པའི་སྦྱིན་སྲེག་བྱས་པའི་མཐར། །ཨོཾ་ཧྲཱིཿཧ་ཧ་ཧཱུཾ་ཧཱུཾ་ཕཊ། ཉེ་བའི་སྙིང་པོ་འདི་གསུམ་མམ་བདུན་ནམ་ཉི་ཤུ་རྩ་གཅིག་མར་གྱི་སྲེག་བླུགས་ཀྱིས་སྔར་ལ། །
[117a.2]མཆོད་ཡོན་དང་ཞབས་བསིལ་དང་འཐོར་འཐུང་དང་དྲིལ་བུ་རོལ་མོ་སྔ་མ་བཞིན་དུ་དབུལ་ལོ། །དགང་བླུགས་ཀྱི་མཐར་བདེ་ལེགས་དང་། རོལ་མོ་དང་བཀྲ་ཤིས་པའི་ཚིགས་སུ་བཅས་པ་འབུལ་ལོ། །དེ་ནས་བསྟོད་པ་བྱ་སྟེ། མངོན་པར་འདོད་པའི་དངོས་གྲུབ་སྩོལ་ལ་བཟོད་པར་གསོལ་
[117a.3]ཏེ་རྡོ་རྗེ་བཅིང་བའི་ཕྱག་རྒྱ་བཅིངས་ལ། ཨོཾ་ཧེ་རུ་ཀ་མུཿ་འདིས་སྟེང་དུ་འགྲོལ་ཏེ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །ཅེས་བྱ་བ་ལ་སོགས་པ་བརྗོད་དོ། །དེ་ནས་ཨོཾ་ཁ་ཁ་ཁཱ་ཧི་ཞེས་བྱ་བའི་གསང་སྔགས་ཀྱིས་ཉ་དང་། ཤ་དང་། ཆང་དང་། ཟན་དྲིན་ལ་སོགས་པས་
[117a.4]ཡོངས་སུ་གང་བའི་གཏོར་མ་སྦྱིན་ནོ། །མེའི་དབུས་ནས་ཡེ་ཤེས་སེམས་དཔའ་ཆོས་ཀྱི་དབྱིངས་སུ་གྱུར་ཏེ་གཤེགས་སུ་གསོལ་ལོ། །དེ་ནས་མེ་ལྷ་ལ་མཆོད་ཡོན་ལ་སོགས་པ་ཕུལ་ཏེ། །སྦྱིན་སྲེག་གི་ཡོ་བྱད་ཀྱི་ལྷག་མ་རྣམས་ཀྱང་སྦྱིན་སྲེག་བྱའོ། །སྲེག་བླུགས་ཀྱི་མཐར་བསྒྲུབ་བྱ་
[117a.5]བཟུང་ལ་དགང་བླུགས་དབུལ་ལོ། །མཆོད་ཡོན་དང་ཞབས་བསིལ་དང་བསང་གཏོར་ཡང་བྱ། སྒྲུབ་པ་པོ་མངོན་པར་འདོད་པའི་དངོས་གྲུབ་ཀྱང་གསོལ་ཏེ། ཨོཾ་ཨགྣ་ཡེ་ཡཱ་ཧི་ཡཱ་ཧི་སྭཱ་རྠ་ཉྩ་ཝཱ་པ་རཱ་རྠ་ཉྩ། སཱ་དྷི་ཏཾ་གཙྪ་ཧ་བྱ་བྷུ་ཀ་ཅེས་བྱའོ། །སྤྱན་དྲང་བའི་ཕྱག་རྒྱ་ལས་མཐེ་བོང་ཕྱིར་
[117a.6]བསྐྱེད་པའི་ཚུལ་གྱིས་སྤྲུལ་བའི་མེ་འབར་བའི་གཟུགས་ཅན་དུ་བལྟ་བ་དེ་གཤེགས་སུ་གསོལ་ཏེ། རང་གི་ལྷའི་ང་རྒྱལ་དང་ལྡན་པས་ཕྱོགས་སྐྱོང་རྣམས་ལ་གཏོར་མ་སྦྱིན་ནོ། །རྗེ་བཙུན་གྱི་ཡི་གེ་བརྒྱ་པ་ཡང་ལན་བདུན་གྱི་བར་དུ་བཟླས་བརྗོད་བྱའོ། །ཨོཾ་བཛྲ་ཀཱི་ལི་ཀཱི་ལ་ཡ། ཞེས་བྱ་བས་
[117a.7]ཕྱོགས་ཀྱི་ཕུར་བུ་དང་མདའ་རྣམས་ཕྱུང་ལ། ལས་ཐམས་ཅད་པའི་ཆུ་འོ་མ་དང་བཅས་པ་ལ་ཁཎྜ་རོ་ཧའི་རིག་སྔགས་ཀྱིས་བཏབ་སྟེ་ཁྲུས་བྱས་ལ་གཞག་གོ། །དེ་ནས་ལན་གསུམ་བསྐོར་བ་བྱས་ཏེ། གླུ་དང་གར་ལ་སོགས་པ་བདུན་བྱ་ཞིང་ཇི་ལྟར་བདེ་བར་གནས་པར་བྱའོ། །དཔལ་
[117b]
[117b.1]སྡོམ་རྣལ་འབྱོར་མའི་རྒྱུད་ལས། །སྦྱིན་སྲེག་རིམ་པ་བྱུང་བ་འདིས། །རྣལ་འབྱོར་པ་ནི་རྟག་དགའ་བའི། །དངོས་གྲུབ་མྱུར་དུ་ཐོབ་པར་ཤོག །དཔལ་ཧེ་རུ་ཀའི་མིང་གི་རྒྱུད་ལས་དཔལ་བདེ་མཆོག་འཁོར་ལོའི་སྦྱིན་སྲེག་གི་ཆོ་ག་གྲུབ་པའི་སློབ་དཔོན་ཆེན་པོ་ནག་པོ་ཞབས་ཀྱིས་མཛད་པ་
[117b.2]རྫོགས་སོ། །རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་རིག་པ་གཞོན་ནུས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །{T1538}༄༅༅། །རྒྱ་གར་སྐད་དུ། ཤྲཱི་ཙ་ཀྲ་སམྦ་རོ་ད་ཡ་ནཱ་མ་མཎྜལ་ནོ་པི་ཀཱ། བོད་སྐད་དུ། དཔལ་འཁོར་ལོ་བདེ་
[117b.3]མཆོག་འབྱུང་བ་ཞེས་བྱ་བའི་དཀྱིལ་འཁོར་གྱི་ཆོ་ག། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །རྣལ་འབྱོར་བདུད་རྩི་རོ་གཅིག་གསོལ་བས་རྣམ་པར་དག་པའི་ཐུགས། །གནས་ལ་སོགས་པ་ཡུལ་དུ་བགྲོད་པས་རྣམ་པར་དག་པའི་སྐུ། །དཔལ་ལྡན་གནས་ཀྱི་དབུས་ན་དཀྱིལ་
[117b.4]འཁོར་འཁོར་ལོའི་མཆོག །བླ་མ་མཆོག་ལ་རྟག་ཏུ་སྤྱི་བོས་བཏུད་དེ་ཕྱག་འཚལ་ལོ། །གང་གི་རྒྱུད་ནི་དེ་ནས་ཤེས། །ཞེས་སོགས་རྫོགས་པ་གསུང་ཆེ་བ། །འཁོར་ལོ་སྡོམ་པ་འདྲེན་པ་མོ། །རྡོ་རྗེ་ཕག་མོ་དེ་ཕྱག་འཚལ། །ལྷ་མོའི་ཕྲེང་བས་བརྒྱན་ཅིང་རིན་ཆེན་སྐུ། །ལུས་ཀུན་
[117b.5]ལ་ནི་རྟག་ཏུ་ས་བོན་གྱིས་མཛེས་པ། །འཁོར་ལོ་ལ་གནས་རང་བཞིན་དྲི་མ་མེད། །རྟག་ཏུ་སྡོམ་པར་སྦྱོར་བའི་སྙིང་པོ་ལ་ཕྱག་འཚལ། །པདྨ་མཆོག་གི་ནང་ན་སྙིང་པོ་ཡི་གེ་ཨེ་འདྲའི་གཞི། །དེ་ཡི་དབུས་ན་དང་བ་མཆོག་དང་ཀུནྡ་དཀར་པོ་ལྟར་སྐྱེས་ཐམས་ཅད་བདག །ཐམས་ཅད་
[117b.6]མཁྱེན་ཅིང་ལེགས་པ་རྣམ་དག་སངས་རྒྱས་གཞི་དང་ལྷ་མོའི་གཞིར་གྱུར་མཛེས། །ལྷན་ཅིག་སྐྱེས་པ་དྲི་མེད་མཆོག་ཏུ་དགའ་བ་འདྲེན་པ་བདེ་མཆོག་དཔལ་ལ་བདག་ཕྱག་འཚལ། །དཔལ་ལྡན་རིན་ཆེན་མངོན་བརྗོད་རི་ནི་རྡོ་རྗེ་ཐུགས་ཀྱི་རང་བཞིན་མཆོག་གི་གཞི། །གཅིག་ཏུ་དཔའ་
[117b.7]བོ་བཞུགས་ཤིང་སྣ་ཚོགས་མང་པོར་སྤྲོ་བ་འབྱུང་གནས་སྒྲ་ཡི་ཚུལ། །རྣལ་འབྱོར་ཆེན་པོ་མཆོག་གི་འཁོར་ལོ་བཟང་པོ་མང་པོའི་དབུས་སུ་ངེས་པར་ངོ་མཚར་ཡང་། །དེ་རུ་གནས་ནས་བདག་གཞན་སྐྱེ་བོ་ལ་ཕན་སྒྲུབ་པའི་ཐབས་བཤད་བྱ། །གཅིག་ཏུ་ཐུགས་ནི་སྙིང་པོ་ལྷན་ཅིག་སྐྱེས་
[118a]
[118a.1]པ་དཔེ་མེད་རྡོ་རྗེ་སྤྱོད་པའི་བདག །རྡོ་རྗེ་ལྷ་མོ་ཕག་མོ་དང་ནི་བླ་མ་མཆོག་གི་ཞབས་ལ་ལུས་ཀུན་ཕུལ་ནས་ཕྱག་བྱས་ཏེ། །དག་དང་མ་དག་བདག་གིས་མི་ཤེས་རྟག་ཏུ་རང་ཡིད་བདེ་བ་སྐྱེད་པའི་ཕྱིར། །གང་ཞིག་བདག་གིས་ཅུང་ཟད་ཐོབ་པའི་དཀྱིལ་འཁོར་བྲི་བའི་ཆོག་
[118a.2]བདག་གིས་བཤད། །ཇི་ལྟར་བ་ལང་ཤི་བའི་བློ་ལས་དཱུར་བའི་མྱུ་གུར་སྐྱེ་བ་དང་། །ཡུང་བ་དང་ནི་ཕྱེ་མར་གྱུར་པར་རྫས་རྣམས་དམར་པོར་འགྱུར་བ་དང་། །འཁོར་བའི་རྡོ་རྙེད་པས་ནི་མྱུར་དུ་ལྕགས་འཁོར་འགྱུར་བ་བཞིན། །སེམས་ལ་རོལ་པས་རྣལ་འབྱོར་པ་ནི་རྣལ་འབྱོར་རིན་ཆེན་དེ་
[118a.3]བཞིན་ནོ། །འདིར་ནི་གང་གིས་གཞུང་མང་བའམ། །ཉུང་བ་མཐོང་བར་འགྱུར་བ་དེ། །བླ་མའི་སྐྱོན་མིན་བདག་བློའི་ཉེས་པ་ཡིན། །གང་ཡང་དཀྲུགས་དང་མ་དཀྲུགས་ལུགས་འབྱུང་ལུགས་བཟློག་ཟ་བ་པ་ཡིན། །རྒྱུད་འདི་བླ་མའི་མན་ངག་ལས་ཤེས་རང་ཉིད་དྲན་ཕྱིར་འདི་བྲི་བྱ། །
[118a.4]གཞན་ཕན་ལ་བརྩོན་རྣལ་འབྱོར་པ། །བསམ་དང་བསམ་མེད་ཏིང་འཛིན་ལྡན། །རྣམ་པར་མཁས་ཤིང་རྣམ་པར་རྒྱས་པའི་ཞལ། །རྟག་ཏུ་སྲིད་པ་ཞི་བར་མཛད་པའི་རང་བཞིན་ཅན། །ཐོག་མར་ཆུ་དང་ཐོད་ལ་གཙུག་ཏོར་རྡོ་རྗེ་དང་། བདག་པོ་བསྙེམས་པར་བྱས་དང་མིང་དང་རིག་པའི་
[118a.5]དབང་། །མཆོག་ཏུ་དགའ་བར་བྱས་པ་གསང་བ་རྣལ་འབྱོར་མ་ནི་ཡེ་ཤེས་དབང་། །མིང་བཏགས་གྱུར་ནས་ལུང་བསྟན་དབུགས་དབྱུང་མཐའ། །དངོས་གྲུབ་བསྒྲུབ་པའི་དོན་དུ་ངེས་པར་སྡོམ་ཞེས་བྱ་བའི་འཁོར་ལོས་སྒྱུར། །མར་ངོའི་ཚེས་བརྒྱད་དང་ནི་གང་ཞིག་མར་ངོའི་བཅུ་བཞིར་
[118a.6]གྱུར་དང་ཟླ་བ་ཡི། །མཚན་མོ་མཆོད་བྱས་བླ་མའི་ཞབས་དང་དཔའ་བོ་ལ་བཏུད་ནས། །དག་ཅིང་གཅིག་ཏུ་དཔའ་བོས་སྐྱེ་བོ་ཀུན་ལ་ཕན་པའི་དོན་དུ་དེར་ནི་བརྩམ་པར་བྱ། །དེ་བཞིན་དུ་ཡང་གསུངས་པ་ལ། །དཀྱིལ་འཁོར་ཇི་བཞིན་དེ་བཞིན་དུ། །གང་གིས་ནུས་པར་རབ་ཏུ་བརྟག།
[118a.7]གང་གི་ལྷག་པའི་ལྷར་སྦྱོར་བས། །སྒྲུབ་པའི་དཀྱིལ་འཁོར་བརྟག་པར་བྱ། །བསོད་ནམས་དོན་དང་སློབ་མས་བསྐུལ། །སྔགས་པས་སྒྲུབ་པའི་དོན་དུ་བྲི། །གཞན་དུ་རྫས་ཀྱི་དོན་དུ་ནི། །སྐྱེ་བ་བྱེ་བར་དངོས་གྲུབ་མེད། །ལྷན་ཅིག་སྐྱེས་དོན་བསྟན་པ་ཡི། །དཀྱིལ་འཁོར་བསྒྲུབ་པ་ལ།
[118b]
[118b.1]སོགས་པ། །འཁོར་ལོ་སྡོམ་པའི་རྒྱུད་ཀྱི་ནི། །དཀྱིལ་འཁོར་བྲི་བར་མི་བྱ་སྟེ། །དངོས་གྲུབ་དོན་དུ་དམ་བཅས་ནས། །བདེ་མཆོག་གི་ནི་དཀྱིལ་འཁོར་བྲི། །གང་དུའང་མཆོག་ཏུ་མ་ཡིན་ཞེས། །ངེས་མེད་དོན་དུ་བདག་གིས་བསྟན། །ལྷན་ཅིག་སྐྱེས་བྱས་རྣལ་འབྱོར་མ་ལ་མྱུར་དུ་གུས། །
[118b.2]རྨོངས་པ་ཀུན་སྤངས་སྡིག་པ་ཀུན་ལས་གྲོལ། །རྣལ་འབྱོར་སྙིང་ལ་སྦས་ཤིང་བརྡ་ཡི་དངོས་པོ་གོམས། །བདེ་བར་འདྲི་ཞིང་དག་པའི་སེམས་ལྡན་རྣལ་འབྱོར་པ། །གང་ལ་ཡོད་པའི་རྣམ་རྟོག་ཚེས་གྲངས་དང་ནི་སྨྱུང་བ་ལ་སོགས་མེད། །དེ་ནི་བདེ་མཆོག་བྱང་ཆུབ་མཆོག་འདི་ངེས་པར་
[118b.3]རྙེད། །རང་ཡིད་ངེས་བྱས་རྒྱུད་ཀྱི་དཀྱིལ་འཁོར་བྲི་བར་ལྡན། །གཅིག་ཏུ་རྣལ་འབྱོར་ཀུན་དང་གསང་བ་ཀུན་རིག་པ། །དེ་ནས་ཆོ་གར་ལྡན་པར་གཅིག་ཏུ་གསང་སྔགས་འབུམ་དུ་བཟླས། །ཡི་གེ་བདུན་དང་སྙིང་པོ་ཡང་ནི་དེ་བཞིན་གསུང་། །སྙིང་རྗེར་བཅས་པའི་འོད་ཀྱི་ཚོགས་ཀྱིས་བདུད་
[118b.4]ཀྱི་ལས་འཇིག་པ། །དཔའ་བོ་དཔའ་མོའི་དབང་ཕྱུག་མ་ཡི་ངེས་པར་ཁྲི་ཕྲག་གཅིག་ཏུ་བཟླས། །རང་ཡིད་ཡོངས་སུ་དགའ་ཞིང་ཧེ་རུ་ཀ་ཡི་བཀའ་ཐོབ་དང་། །རང་བཞིན་ལས་སྐྱེས་འཁོར་ལོའི་ལྷ་དང་ལྷ་མོའི་ལུང་ཐོབ་དང་། །རྣལ་འབྱོར་པ་དེ་བརྟན་པར་གྱུར་ཅིང་དཀྱིལ་འཁོར་འདྲི་ལ་
[118b.5]བརྩོན། །འདིར་ནི་ང་རྒྱལ་ཅན་དང་བརྐམ་ཆགས་སེམས་མ་ཡིན། །དཔལ་ལྡན་ཨོ་ཌྱ་ན་གནས་ནས་བླ་མའི་གསུང་གི་རིམ་པ་ལས་མངོན་དུ། །བདག་ཉིད་དགའ་བའི་དོན་དུ་ཐམས་ཅད་བདག་གིས་སྨྲ། །ཇི་ལྟར་བུ་རམ་མངར་བ་དང་། །མེ་ནི་ཚ་བ་ཇི་བཞིན་དུ། །དེ་བཞིན་ལྷ་མོ་དཔལ་
[118b.6]ཆེན་པོའི། །དགའ་བའི་ཡེ་ཤེས་རྣམ་པར་གནས། །དེ་ལ་རོལ་པ་ལྟ་བུ་ཡི། །དཀྱིལ་འཁོར་ལྟར་གྱུར་ལེགས་པར་གནས། །ལུས་ཀྱི་དཀྱིལ་འཁོར་ཞེས་བསྟན་དང་། །རྡུལ་ཚོན་དཀྱིལ་འཁོར་དེ་བཞིན་ཉིད། །ཇི་སྲིད་ནད་མེད་ལུས་དང་ནི། །རྣམ་པར་མཁས་པས་བརྩམ་པར་བྱ། །
[118b.7]དཀྱིལ་འཁོར་གཉིས་པོ་བསྒྲུབ་དོན་དུ། །དེ་སྲིད་ཧེ་རུ་ཀ་ལ་བརྗོད། །གཡུལ་ཆེན་མི་སྡུག་ཤིན་ཏུ་འཇིགས། །ཡི་དགས་མོ་ཚོགས་འཇིགས་པའི་སྒྲ། །འབྱུང་པོ་ཤ་ཟ་མོ་དང་ཅེ་སྤྱང་མོ་ལ་སོགས། །དུར་ཁྲོད་དུ་ནི་ངེས་པར་སྔོན་དུ་བསྙེན་པ་བྱ། །ཤིན་ཏུ་ཤེས་རབ་ལ་ཆགས་སྙིང་
[119a]
[119a.1]རྗེས་བརླན་པའི་སེམས། །རྣལ་འབྱོར་བདུད་རྩི་མྱང་བའི་ཆོགས་མི་ངོམས་ཤིང་། །བྱམས་པའི་ལེགས་པར་སྤྱད་པས་སྲིད་གསུམ་དབང་དུ་གྱུར། །དཀྱིལ་འཁོར་སྒྲུབ་པའི་ཐབས་དོན་རབ་ཏུ་བརྩམ། །གང་ཞིག་བསྟན་དང་མ་བསྟན་པ། །དེ་ཀུན་ཧེ་རུ་ཀ་ལ་
[119a.2]གནས། །འདི་དོན་ལེགས་པར་ཤེས་བྱས་ན། །འདུས་པ་ལ་སོགས་ལེགས་པར་གནས། །བླ་མའི་ལེགས་པའི་ཞབས་གཉིས་ནི། སྤྱི་བོའི་གནས་སུ་རྣམ་པར་བསམ། །གནས་སོགས་སྦྱོར་བས་བཀོད་ནས་ནི། །ལེག་པར་མཆོད་ནས་བསམ་གཏན་བརྩམ། །གཡོན་པས་བརླ་མནན་
[119a.3]ལེགས་པར་བརྟན། །རྐང་པས་རྡོ་རྗེ་སྐྱིལ་ཀྲུང་གནས། །ཕུར་བུ་རི་བ་སྔོན་རིག་པས། །ཕྱོགས་བཅུར་དྲ་བ་ཁྲོ་གཟུགས་ཀྱིས། །ལག་ན་ཌ་མ་རུ་འཛིན་ཅིང་། །རྡོ་རྗེ་ཁ་ཊྭཱཾ་ཕྱག་བསྣམས་པའི། །ཧེ་རུ་ཀ་དཔལ་ཞེས་བྱ་བསམ། །བྱང་ཆུབ་ཡན་ལག་སོགས་ཀུན་གྱིས། །ལེགས་མཛེས་དེ་
[119a.4]ཉིད་རིན་ཆེན་བསྒོམ། །ཨོཾ་སུམྦྷ་ནི་སུམྦྷ་ཧཱུཾ་ཕཊ། །ཨོཾ་གྲྀ་ཧྞ་གྲྀཧྞ་ཧཱུཾ་ཕཊ། །ཨོཾ་གྲྀཧྞ་པ་ཡ་གྲྀཧྞཱ་པ་ཡ་ཧཱུཾ་ཕཊ། །ཨོཾ་ཨཱ་ན་ཡ་ཧོ་བྷ་ག་བཱན་བཛྲ་རཱ་ཛ་ཧཱུཾ་ཕཊ། །གཟུགས་ནི་རྣམ་པར་སྣང་མཛད་ཅེས་བྱ་བར་རྟག་ཏུ་འགྱུར། ཚོར་བ་རྡོ་རྗེ་ཉི་མར་རབ་ཏུ་འགྱུར། །འདུ་ཤེས་དཔལ་ལྡན་རྡོ་རྗེ་
[119a.5]གར་ཏེ་འདུ་བྱེད་ནི། །རྡོ་རྗེ་རྒྱལ་པོ་ཡོན་ཏན་སྣ་ཚོགས་གཞི། །རྣམ་པར་ཤེས་པ་རྡོ་རྗེ་སེམས་ཏེ་མ་ལུས་རྒྱལ། །རང་བཞིན་ཚོགས་ཀྱི་སྙིང་པོ་སྟེ། །ངེས་པར་ཧེ་དང་རྡོ་རྗེ་འདི་ནི་ལེགས་པར་ང་རྒྱལ་ཐོབ་པར་བསམ། །མིག་ནི་དཔལ་ལྡན་གཏི་མུག་རྡོ་རྗེ་ལྷན་ཅིག་སྐྱེས་པ་ཡི། །བདེ་བ་
[119a.6]ཡིད་དེ་རྣ་བ་ཞེ་སྡང་རྡོ་རྗེའོ། །སྣ་ནི་སེར་སྣ་རྡོ་རྗེ་ཞེས་གྲགས་ཁ་ལ་ནི། །མཆོག་ཏུ་དགའ་བ་ལས་བྱུང་འདོད་ཆགས་རྡོ་རྗེའོ། །རེག་ལ་སེར་སྣ་རྡོ་རྗེ་ཡུལ་དང་ཡང་དག་ལྡན་གྱུར་ཁམས་ཀྱི་དག་པ་དེ་བཞིན་ཉིད། །རྣམ་པ་ཀུན་གྱིས་ལེགས་གནས་མཆོག་ཏུ་བདེ་བའི་རྣམ་པར་རྣལ་འབྱོར་
[119a.7]མ་ཆོགས་རོལ། །ས་ནི་དཔལ་ལྡན་སྤྱན་ཞེས་གྲགས་པ་བྱམས་པ་ལྟུང་བར་བྱེད་མ་ཞེས་བྱའི་ལྷ་མོར་རབ་ཏུ་བསྟན། །ཆུ་ཡི་ཁམས་ལ་གསོད་བྱེད་མ་གང་རྡོ་རྗེ་རིགས་ཀྱི་དངོས་པོ་སྙིང་རྗེའི་སེམས་ཀྱིས་བརྒྱན། །མེ་ལ་རྣོ་བའི་འགུགས་བྱེད་མ་གནས་རླུང་ལ་གར་དབང་ཕྱུག །ནམ་མཁའ་ལ་
[119b]
[119b.1]ནི་པདྨའི་འོད་ཟེར་བདེ་བ་ཀུན་མཛད་ཆོས་དབྱིངས་རང་བཞིན་ནོ། །ལུས་རྗེས་དྲན་པས་དག་པའི་ཆུ་ཡི་གཟུགས་ནི་མཁའ་འགྲོ་མ་ཡིས་རྟག་ཏུ་མཚན་པའོ། །ཚོར་བའི་མིང་ཡང་ལཱ་མ་སྒྲོལ་མ་རླུང་གི་རང་བཞིན་ནོ། །ཆོས་རྗེས་དྲན་བྱེད་སྐྱེ་བ་རུ་སྐྱེས་དུ་མ་སྐྱེས་མ་ཞེས་བྱ། །སེམས་རྗེས་དྲན་
[119b.2]པའི་རང་བཞིན་གཟུགས་ཅན་མ་དེ་སྤྱན་ཞེས་གྲགས། །འདུན་པ་རབ་གཏུམ་གཏུམ་མིག་མ་ནི་བརྩོན་འགྲུས་རྫུ་འཕྲུལ་རྣམ་པར་འཕྲུལ། །འོད་ལྡན་མ་ནི་དཔྱོད་པ་སྣ་ཆེན་མ་ནི་སེམས་སུ་གྱུར། །དཔའ་བོའི་བློ་མ་དད་དབང་གསུངས། །བརྩོན་འགྲུས་དབང་པོ་མི་ཐུང་མ། །ལང་ཀ་
[119b.3]ཞེས་གྲགས་དྲན་མའི་མིང་། །ཏིང་འཛིན་མིང་ནི་ལྗོན་གྲིབ་མ། །ལྷ་མོ་ཆེན་མོ་ས་སྲུང་མ། །ཤེས་རབ་དབང་པོར་ཡང་དག་བྱུང་། །དབང་པོ་ལྔར་གྲགས་འདི་རྣམས་ནི། །ལྷ་མོ་དེ་ཡི་བདག་ཉིད་ཅན། །དད་སྟོབས་ཤིན་ཏུ་དཔའ་མོ་སྟེ། །རླུང་གི་ཤུགས་མ་བརྩོན་འགྲུས་སོ། །ཆང་
[119b.4]འཐུང་མ་ནི་དྲན་པ་ཉིད། །སྔོ་བསངས་ལྷ་མོ་ཏིང་འཛིན་སྐྱེས། །ཤིན་ཏུ་བཟང་མོ་ཤེས་རབ་སྟོབས། །ཕྱག་རྒྱ་ལྔ་སྟོབས་དག་པར་གསུངས། །རྟ་རྣ་ཏིང་འཛིན་ཡན་ལག་གྱུར། །བརྩོན་འགྲུས་ཡན་ལག་བྱ་གདོང་མ། །འཁོར་ལོའི་ཤུགས་མ་རྟག་ཏུ་དགའ། །ཤིན་ཏུ་དབྱངས་མ་
[119b.5]དུམ་སྐྱེས་མ། །ཆོས་ཡན་ལག་ནི་ཤོཎྜི་ཉིད། །འཁོར་ལོའི་གོ་ཆ་དྲན་ཡན་ལག །བཏང་སྙོམས་ཡན་ལག་རབ་དཔའ་མོ། །བྱང་ཆུབ་ཡན་ལག་བདུན་གྲགས་པ། །ཡན་ལག་འདིས་ནི་རྟག་ཏུ་མཚན། །རྣལ་འབྱོར་ས་ཡི་སྟེང་ན་རོལ། །ཡང་དག་ལྟ་བ་སྟོབས་པོ་ཆེ་སྟེ་ཡང་དག་དག་
[119b.6]ནི་ཀུན་རྟོག་ལེགས་པར་ཟ། །ཡང་དག་རྟོག་པ་ལེགས་པའི་འཁོར་ལོ་མ་སྟེ་རྟག་ཏུ་སེམས་ཅན་མཆོག་ཕན་བརྩོན། །ཡང་དག་རྟག་ཏུ་སྣ་ཚོགས་མཛེས་པས་བརྒྱན་པའི་བརྩོན་འགྲུས་ཆེན་མོ་ཡི། །ཡང་དག་ལས་ནི་ཕ་རོལ་གནོན་ལ་མཁས་པ་དེ་མིང་ཁྭ་ཡི་གདོང་ཅན་མ། །ཡང་དག་
[119b.7]འཚོ་བ་ཉིན་རེ་བཞིན་དུ་མཆོག་ཏུ་ལེགས་པར་སྲུང་བ་འུག་གདོང་མངོན་བརྗོད་མཆོག །ཡང་དག་རྩོལ་བ་རྟག་ཏུ་མཛེས་པས་ཡང་དག་བརྒྱན་པ་ལྷ་མོ་ཁྱི་གདོང་མ། །ཡང་དག་དྲན་པ་ཉེ་བར་སྤྱོད་པས་མཛེས་པ་ཕག་གདོང་ཞེས་བྱ་ཉིད། །ལྷ་མོ་འདི་དག་ཐམས་ཅད་རྣམ་པ་ཀུན་གྱི་
[120a]
[120a.1]མཆོག་ལྡན་རང་གི་ལས་ལ་མཁས་པའོ། །བསོད་ནམས་མ་སྐྱེས་བསྐྱེད་པ་གཤིན་རྗེ་བརྟན་མར་གྱུར་པ་ཉིད། །དཔག་ཏུ་མེད་པར་རྟག་ཏུ་བསོད་ནམས་བསྐྱེད་པ་སྲུང་བ་གཤིན་རྗེ་ཕོ་ཉ་མོའོ། །མ་སྐྱེས་པ་ཡི་སྡིག་པ་སྤང་བ་གཤིན་རྗེ་མི་ཆེ་བར་རབ་ཏུ་གྲགས། །
[120a.2]སྐྱེས་པའི་སྡིག་པ་སྤོང་བ་གཤིན་རྗེ་འཇོམས་མར་གསུངས། །བདུན་པ་བཞིའོ། །ཏིང་འཛིན་ཡང་དག་རང་བཞིན་དཔལ་ལྡན་ཕག་མོར་ཤིན་ཏུ་ལེགས་པར་གནས། །སུམ་ཅུ་དྲུག་ཏུ་འབྱུང་བ་ཡི། །བྱང་ཆུབ་ཡན་ལག་དེ་ཡིས་རྫོགས། །སོ་དང་སེན་མོའི་ཕྱོགས་སུ་མགོན་པོ་ཐོད་པའི་
[120a.3]དུམ་བུ་སྟེ། །ཐོག་མར་ཆེན་པོ་ཀེང་རུས་མཐའ་ནི་སྐྲ་དང་སྤུ་རུ་བྱུང་། །གྲུབ་པའི་དཔའ་བོ་རྐང་རུས་པགས་པ་དྲི་མ་རྣམ་དག་ཤ་ལ་འཇིགས་པའི་མཆེ་བར་གྱུར། །དཔེ་མེད་རོ་ཡི་རང་བཞིན་ཆད་དགྲ་དཔག་མེད་ཡོན་ཏན་རྣམ་འགྱུར་དཔག་མེད་འོད་ནི་རུས་པར་བྱུང་། །ཡིད་ལ་བྱས་པའི་
[120a.4]སྙིང་ནི་རྡོ་རྗེ་འོད་ཀྱི་རང་བཞིན་དྲི་མེད་སྙིང་གི་ཕྱོགས་སུ་རྡོ་རྗེ་ལུས་སུ་གྱུར། །མིག་ལ་མྱུ་གུ་ཅན་དགོད་མཁྲིས་པ་ལ་ནི་རལ་ཅན་གནས། །གློ་བ་ལ་ནི་དཔའ་བོ་ཆེན་པོ་རྒྱུ་མར་ཧཱུཾ་མཛད་མཛེས། །གཉེ་མར་ཤིན་ཏུ་རབ་ཏུ་བཟང་པོ་གྲོད་པར་རྡོ་རྗེ་བཟང་། །འཇིགས་བྱེད་བཤང་བའི་ལམ་སྟེ་
[120a.5]མིག་མི་བཟང་ནི་མདོམས་པར་མཛེས། །བད་ཀན་སྟོབས་པོ་ཆེ་སྟེ་རིན་ཆེན་རྡོ་རྗེ་རྣག་ལ་བསམ། །ཁྲག་ལ་རྟ་མགྲིན་ནམ་མཁའི་སྙིང་པོ་རྡུལ་དུ་གྱུར། །ཚིལ་ལ་ཧེ་རུ་ཀ་དཔལ་མཆི་མར་པདྨ་གར། །མཆིལ་མར་མགོན་པོ་རྣམ་སྣང་མཛད་དེ་སྣབས་ལ་དང་པོའི་སངས་རྒྱས་གྱུར། །བརྟན་
[120a.6]པ་དཔའ་བོར་ཡང་དག་གསུངས། །རྣལ་འབྱོར་མ་ནི་གཡོ་བར་གནས། །གཉིས་པོ་སྡུད་པར་གྱུར་པ་ནི། །ཧེ་རུ་ཀ་ཡི་ཡན་ལག་གསུངས། སྙིང་གའི་དབུས་དེར་རྡོ་རྗེ་མགོན་པོ་ཧཱུཾ་ཡིག་འོད་དང་ལྡན། །སྤྲོས་པའི་འོད་ཀྱིས་གསལ་བར་བསམས་ནས་ཆོ་ག་བཞིན་དུ་དང་པོར་རྡོ་རྗེ་ལྡན་
[120a.7]པའི་ཕུར་བུ་སོགས་དབུས་སུ། །སྙིང་ག་མགོ་བོ་སྤྱི་གཙུག་ཕྲག་པ་མིག་དང་ཡན་ལག་ཀུན་ཏེ་ཡན་ལག་དྲུག །དགོད་བྱས་དཔེ་མེད་བདེ་མཆོག་ཅེས་བྱའི་གཟི་རབ་འབར་བ་གསུངས། །དང་པོ་དང་ནི་སྣང་མཛད་ཉིད་དང་པདྨ་གར་དབང་ཆེ། །ཧེ་རུ་ཀ་དང་རྡོ་རྗེ་ཉི་མ་ཡན་ལག་དྲུག་ལ་
[120b]
[120b.1]རྟ་དང་ཡང་དག་ལྡན། །ཨོཾ་ཧ་ན་མ་ཧི་སྭཱ་ཧཱ་ཧུ་བོ་ཥཊ་ཧེ་ཧཱུཾ་ཧཱུཾ་ཧོ་ཕཊ་ཧཾ། །ལྟེ་བར་ཕག་མོ་གཤིན་རྗེ་མ་ནི་འབར་བའི་ཕྲེང་བ་ཅན་ཏེ་སྙིང་གར་རྣམ་པར་གནས། །ཁ་ལ་གཏི་མུག་པ་སྟེ་མགོ་བོར་ཤིན་ཏུ་མཛེས་པའི་སྐྱོད་བྱེད་མའོ། །སྤྱི་གཙུག་དབུས་སུ་སྐྲག་བྱེད་མ་ནི་འཇིགས་པའི་གཟུགས་ཅན་འབར་
[120b.2]བའི་མེ་དང་འདྲ། །ཡན་ལག་ཀུན་གྱི་ཕྱོགས་སུ་གཏུམ་མོ་ལུས་ལ་མཆོག་ཏུ་བརྒྱན་པའི་སྔགས་ནི་ལུས་ཀྱི་གོ་ཆའོ། །ཨོཾ་བཾ་ཧཾ་ཡོཾ་ཧྲིཾ་མོཾ་ཧྲེཾ་ཧྲིཾ་ཧཱུཾ་ཧཱུཾ་ཕཊ་ཕཊ། །སྙིང་པོའི་གསང་སྔགས་བཞི་ནི་ལྷན་ཅིག་སྐྱེས་གྱུར་རྟག་ཏུ་དགའ་བའི་རང་བཞིན་སེམས། །རྣམ་ཀུན་གཅིག་ཏུ་སྙིང་པོ་འཕྲོ་བའི་
[120b.3]སྤྲིན་མཁའ་འགྲོ་ཡི་དྲ་བར་རོལ། །རྟོག་དང་རྟོག་མེད་ལས་གྲོལ་ཐུབ་པའི་ཡོན་ཏན་སྐྱེས་ཤིང་བདེ་མཆོག་ཅེས་བྱ་ཤིན་ཏུ་ལེགས་པར་གནས། །བློ་བཟང་པོས་ནི་རྡོ་རྗེ་མཆོག་གི་ཁ་དང་ལྟེ་བ་སྙིང་ག་ཀླད་པར་བསམ་པར་བྱ། །ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞ་ནཱི་ཡེ་ཧཱུཾ་ཕཊ་སྭཱ་ཧཱ། ཨོཾ་
[120b.4]བཛྲ་བཻ་རོ་ཙ་ནཱི་ཡེ་སྭཱ་ཧཱ། ཨོཾ་ཧྲིཿཧ་ཧ་ཧཱུཾ་ཧཱུཾ་ཕཊ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱིཛཱ་ལ་སམྦ་ར་སྭཱ་ཧཱ། ཤར་གྱི་ཞལ་དུ་མཁའ་འགྲོ་མ། །གཡོན་པའི་ཞལ་དུ་ལཱ་མའོ། །རྒྱབ་ཀྱི་ཞལ་དུ་དུམ་སྐྱེས་མ། །ལྷོ་ཡི་ཞལ་དུ་གཟུགས་ཅན་མའོ། །གཅིག་དང་དུ་མའི་རང་བཞིན་
[120b.5]མཆོག་ཏུ་བདེ་བྱེད་རྟག་པ་ལ་སོགས་རང་བཞིན་ཅན། ཐོད་པ་བཞི་པོ་གང་ཞིག་བདུད་རྩི་རང་བཞིན་ལྡན་ཞིང་སྟོང་ཉིད་ལས་བྱུང་སྣ་ཚོགས་པ། །དགའ་ཀུན་གཅིག་ཏུ་སྙིང་པོས་གསུམ་སྐྱེས་པདྨའི་ལྟེ་བའི་ཕྱོགས། །དེ་ཡང་རྟག་ཏུ་རང་བཞིན་ལས་སྐྱེས་གཅིག་ཏུ་དཔའ་བོ་སངས་རྒྱས་ཀུན་
[120b.6]གྱི་རང་བཞིན་དགོད། །བུ་སྟེ་མགོ་བོར་རབ་གཏུམ་མོ་ནི་ཐོད་པ་ལྡན་པ་སྤྱི་གཙུག་ཏུ། །ཛཱ་ལནྡྷ་ར་ཞེས་བྱར་ཀེང་རུས་ཆེན་པོ་དང་ནི་གཏུམ་མིག་བཞུགས། ཨོ་སྟེ་རྣ་བ་གཡས་པ་ཨོ་རྒྱན་ཞེས་བྱ་བར། །ཀེང་རུས་དང་བཅས་འོད་ལྡན་མ་དང་ཨ་ནི་ཨར་བུ་དེར་གནས་པ། །མཆེ་བ་རྣམ་པར་
[120b.7]གཙིགས་དང་སྣ་ཆེན་མ་ནི་རྒྱབ་ཀྱི་ཚིགས་པར་གནས། །འདི་ནི་སྟན་གྱི་རྣམ་པར་དགོད་པ་བདེ་མཆོག་ནང་ནས་གསུངས། །གོ་སྟེ་རྣ་བ་གཡོན་པ་གོ་དཱ་བཱ་རི་ཞེས་བྱ་བར། །དཔའ་བོའི་བློ་མ་དང་ལྡན་ཆང་ལ་དཔའ་བོ་ལེགས་པར་བཞུགས། །སྨིན་མའི་དབུས་སུ་རཱ་སྟེ་རཱ་མེ་ཤཱ་རར་ལེགས་
[121a]
[121a.1]པར་རྣམ་གནས་པ། །འོད་དཔག་མེད་དང་ལྡན་པའི་མི་ཐུང་མ་ནི་ཁྲོ་བོའི་གཟུགས་ཅན་མའོ། །དེ་སྟེ་མིག་གི་ཕྱོགས་སུ་དེ་བཱི་ཀོ་ཊ་རི་རྣམ་གནས་པ། །དཔའ་བོ་ཆེན་པོ་རྡོ་རྗེ་འོད་དང་ལངྐའི་དབང་ཕྱུག་ཡང་དག་ལྡན། །མཱ་སྟེ་དཔུང་པའི་རྩ་བར་མཱ་ལ་བར་གྲགས་ཤིན་ཏུ་ལེགས་
[121a.2]གནས་པ། །རྡོ་རྗེ་ལུས་དང་ཤིང་གྲིབ་མ་སྟེ་ཉེ་བའི་གནས་སུ་རབ་ཏུ་གྲགས། །ཐུགས་ཀྱི་འཁོར་ལོའི་རང་བཞིན་གྱི། །དཔའ་བོ་དཔའ་མོའི་དབང་ཕྱུག་བཞུགས། །མཁའ་སྤྱོད་ཅེས་པའི་འཁོར་ལོ་ནི། །འཁོར་ལོ་བདེ་མཆོག་ལས་རབ་བསྟན། །ཀཱ་ཞེས་པ་ནི་ཀཱ་མ་རཱུ་པ་མཆན་ཁུང་དག་
[121a.3]ལ་རྣམ་གནས་པ། །དཔའ་ཆེན་མྱུ་གུ་ཅན་དང་ཨེ་རཱ་ཝ་ཏཱིར་ཡང་དག་ལྡན། །ཨོ་སྟེ་ནུ་མའི་ཕྱོགས་སུ་ཨོ་ཊྱེར་རྡོ་རྗེ་རལ་པ་ཅན་དང་ནི། །འཇིགས་བྱེད་ཆེན་པོར་ལྡན་པར་བཞུགས་ཞེས་མངོན་པར་བརྗོད། །ཏྲི་སྟེ་ཏྲི་ཤ་ཀུ་ནེར་ལྟེ་བའི་ཕྱོགས་སུ་རྟག་བཞུགས་པ། །དཔའ་བོ་ཆེན་པོར་ཡང་དག་
[121a.4]ལྡན་པའི་རླུང་གི་ཤུགས་མ་ལེགས་པའི་གཟུགས་ཅན་མའོ། །ཀོ་སྟེ་སྣ་ཡི་རྩེ་མོར་རྡོ་རྗེ་ཧཱུཾ་མཛད་ཀོ་ས་ལར། །ཆང་འཐུང་མ་དང་ཡང་དག་ལྡན་པ་ཉེ་བའི་ཞིང་དུ་རབ་ཏུ་གྲགས། །ཀ་སྟེ་ཁ་ཡི་ཕྱོགས་སུ་ཤྱཱ་མ་དེ་བིར་ཡང་དག་ལྡན། །རབ་ཏུ་བཟང་པོར་གྲགས་པ་བསྟེན་པར་གྱུར་པ་ཀ་
[121a.5]ལིངྒར་ནི་རྡོ་རྗེ་འཆང་བའོ། །ལ་སྟེ་མགྲིན་པའི་ཕྱོགས་སུ་ལམ་པཱ་ཀ་ཞེས་བྱ་བར་རྣམ་གནས་པ། །རྡོ་རྗེ་འོད་དང་ཤིན་ཏུ་བཟང་མོར་ཡང་དག་ལྡན་པ་ཚ་ནྡོ་ཧའོ། །ཀཱ་སྟེ་སྙིང་གར་དགོད་པ་ཀཱ་ཉྩི་ཕྱོགས་སུ་རྣམ་གྲགས་ལ། །དཔའ་བོ་ཆེན་པོར་ཡང་དག་ལྡན་པའི་རྟ་རྣ་མ་ནི་འཇིགས་
[121a.6]པའི་གཟུགས། །ཧི་སྟེ་མདོམས་སུ་འབར་བ་ཆེན་པོ་མིག་མི་བཟང་ནི་བྱ་གདོང་མ་དང་ཡང་དག་ལྡན། །ཧི་མཱ་ལ་སྟེ་ཉེ་བའི་ཚན་དོ་ཞེས་སུ་གྲགས། །གསུང་གི་འཁོར་ལོ་ས་ལ་སྤྱོད་པ་ལྷ་མོ་འཛུམ་པར་བཅས་པའི་དཔའ་བོ་ཡང་དག་ལྡན། །དངོས་གྲུབ་ཐམས་ཅད་རྟག་ཏུ་བྱེད་ཅིང་ལྷན་
[121a.7]ཅིག་སྐྱེས་པའི་དགའ་བས་ལེགས་པར་གནས། །པྲེ་སྟེ་པྲེ་ཏ་པུ་རིར་རྡོ་རྗེའི་ཕྱོགས་སུ་རྣམ་གནས་པ། །སྟོབས་པོ་ཆེ་དང་ཡང་དག་ལྡན་པའི་འཁོར་ལོའི་ཤུགས་མའི་རྣལ་འབྱོར་མའོ། །གྲྀ་སྟེ་བཤང་བའི་གནས་སུ་གྲྀ་ཧ་དེ་བ་ཏཱ་དང་ཡང་དག་ལྡན། །དུམ་སྐྱེས་མ་དང་རིན་ཆེན་ཤིན་ཏུ་ལེགས་
[121b]
[121b.1]པར་གནས་པ་འདུས་པའོ། །བརླ་ཡི་ཕྱོགས་སུ་རྟ་མགྲིན་ཤཽཎྜི་ནཱི་དང་ལྷན་ཅིག་འདི་ནི་འདོད་པའི་ལྷ་མོའོ། །སཽ་སྟེ་སཽ་རཱཥྚར་རྡོ་རྗེ་དྲ་བར་ལྡན་མའོ། །སུ་སྟེ་བྱིན་པ་དག་ལ་འཁོར་ལོའི་གོ་ཆ་མ་ཉིད་དང་། །ནམ་མཁའི་སྙིང་པོར་ཡང་དག་ལྡན་པ་གསེར་གླིང་ལ་ལེགས་གནས། །དེ་ནི་དཔའ་
[121b.2]པོའི་ཉེ་བའི་འདུས་པ་འོན་ཏེ་སོར་མོར་ལེགས་གནས་པ། །ན་ག་རར་ནི་ཧེ་རུ་ཀ་དང་ལྡན་པའི་ལྷ་མོ་ཤིན་ཏུ་དཔའ་མོའོ། །སི་སྟེ་སིནྡྷུར་རྐང་པའི་བོལ་ལ་པདྨ་གར་གྱི་དབང་ཕྱུག་དང་། །སྟོབས་ཆེན་མོ་དང་ཡང་དག་ལྡན་ཞུགས་དུར་ཁྲོད་དོ། །མ་སྟེ་མཐེ་བོའི་ཕྱོགས་སུ་མ་རུར་རྣམ་པར་སྣང་
[121b.3]མཛད་བཞུགས། །འདོད་པའི་དངོས་གྲུབ་ཀུན་སྟེར་དགྱེས་ཉིད་འཁོར་ལོས་སྒྱུར་མའོ། །ཀུ་སྟེ་པུས་མོའི་ཕྱོགས་སུ་ཀུ་ལ་ཏཱ་ར་ནི་རྣམ་དག་པ། །རྡོ་རྗེ་སེམས་དཔའ་བརྩོན་འགྲུས་ཆེན་མོར་ཡང་དག་ལྡན་པར་རྟག་ཏུ་གྱུར། །སྐུ་ཡི་འཁོར་ལོ་ས་འོག་སྤྱོད་པའི་ལྷ་མོ་རྣམ་པར་གནས། །
[121b.4]འཁོར་ལོ་གསུམ་བཀོད་ནང་དང་ཕྱིར་བཅས་གནས་པར་བསྟན། །པུ་ལ་སོགས་པར་བཀོད་པའི་དཔའ་བོ་རྡོ་རྗེ་སེམས་དཔའ་དང་པོར་བརྗོད། །པདྨ་ཉི་མར་ལྡན་པའི་གདན་ལ་རྣལ་འབྱོར་མས་ནི་ལེགས་པར་བསྲུང་། །ཡན་ལག་ལ་དགོད་སྨྲ་བ་སློབ་དཔོན་གཞན་གྱི་གཞུང་། །ལུགས་
[121b.5]གཉིས་གང་འདོད་དེ་བླངས་ནས་ནི་ལེགས་པར་སྤྱད། །ས་བོན་ཐིག་ལེ་ཡང་དག་ལྡན་པར་གང་ཞིག་ཀུན་དུ་གྱུར། །དེ་ནི་འབྲས་བུ་ཡིན་ཞེས་རྣལ་འབྱོར་པ་ཡིས་གསུངས། །ཐིག་ལེས་ཀུན་དུ་ཁྱབ་ཅིང་གང་ཕྱིར་མི་འགྱུར་མཚན་ཉིད་གྱུར་པ་གང་། །དེ་ནི་དགར་གྱུར་དགའ་ལས་ལྷན་ཅིག་
[121b.6]སྐྱེས་པར་གྱུར། །ལྷན་ཅིག་སྐྱེས་པས་འགྲོ་བ་བསྐྱེད་པ་བསྐྱེད་པའི་ལྷན་ཅིག་སྐྱེས་པར་གྱུར། །བསྐྱེད་པའི་ལྷན་ཅིག་སྐྱེས་པའི་བྱེ་བྲག་འདི་ནི་ཀུན་རྫོབ་ཅེས་སུ་བདག་གིས་བསྟན། །ལྷ་མོ་ཁྭ་དང་འུག་པའི་གདོང་ཅན་དང་། །ཁྱི་ཡི་གདོང་དང་ཕག་གི་གདོང་ཅན་དང་། །ཞལ་ལ་དགོད་
[121b.7]པར་གསུངས་པ་ཞལ་བཞི་རྣམ་དག་པ། །གཤིན་རྗེ་བརྟན་མ་དང་ནི་གཤིན་རྗེ་ཕོ་ཉ་མོ། །གཤིན་རྗེ་མཆེ་བ་མ་རྣམས་དེ་བཞིན་ཉིད། །གཤིན་རྗེ་འཇོམས་མ་དང་ལྡན་དགོད་པ་ནི། །མཚམས་སུ་བཞུགས་པར་གྱུར་པའོ། །ཕ་རོལ་ཕྱིན་བཅུ་རྣམ་དག་པ། །ས་བཅུ་རྣམས་སུ་རབ་ཏུ་གནས།
[122a]
[122a.1]ཤེས་པ་བཅུ་ཡི་རང་བཞིན་བདག །བཅུ་ཡི་དབྱེ་བས་རྣམ་པར་གནས། །སྟན་ནི་རབ་ཏུ་དགའ་བའི་ས། །དེ་ནི་སྦྱིན་པའི་ཕ་རོལ་ཕྱིན། །དྲི་མེད་ཚུལ་ཁྲིམས་ཡང་དག་ལྡན། །ཉེ་བའི་སྟན་དུ་རབ་ཏུ་གྲགས། །ཞིང་ནི་འོད་བྱེད་ཤེས་པར་བྱ། །དེ་ནི་བཟོད་པའི་ཕ་རོལ་
[122a.2]ཕྱིན། །ཉེ་བའི་ཞིང་ནི་བརྩོན་འགྲུས་གྱུར། །འོད་འཕྲོ་བ་དང་ཡང་དག་ལྡན། །ཚནྡོ་བསམ་གཏན་ཡང་དག་ལྡན། །མངོན་གྱུར་ཞེས་བྱའི་ས་རུ་གནས། །ཉེ་བའི་ཚནྡོ་ཤེས་རབ་སྟེ། །དེ་ནི་སྦྱང་དཀའི་ས་ཞེས་བྱ། །འདུས་པ་རྟག་ཏུ་ཐབས་ཡིན་ཏེ། །རིང་དུ་སོང་བའི་ས་རུ་གནས། །
[122a.3]ཉེ་བའི་འདུས་པ་རྟག་ཏུ་ནི། །མི་གཡོ་བ་དང་ཐབས་སུ་གནས། །དུར་ཁྲོད་སྨོན་ལམ་རྟག་ཏུ་གསུངས། །ལེགས་པའི་བློ་གྲོས་ས་དང་ལྡན། །རྒྱལ་ཆེན་དཔལ་དང་ཧེ་རུ་ཀ། །དེ་རུ་རོལ་པས་ལེགས་པར་བཞུགས། །རྣམ་པ་ཀུན་གྱི་མཆོག་ལྡན་པ། །རང་འབྱུང་མཆོག་གི་དབང་
[122a.4]ཕྱུག་སྟེ། །སྟོན་པ་དཔའ་བོ་ཀུན་གྱི་གཞི། །རྣམ་པ་ཀུན་གྱི་མཚན་ཉིད་གཅིག །ས་གཞན་དང་པོར་ཚོགས་ལྡན་ཐ་མར་སྤྲིན་ཏེ་རྟག་ཏུ་ཡེ་ཤེས་མཆོག་ཏུ་གྲགས། །ཉེ་བའི་དུར་ཁྲོད་འབྱུང་པོའི་གནས་ཏེ་ཧེ་རུ་ཀ་ཆགས་བདག་གིས་བསྟན། །སྟན་ནི་སྡུག་བསྔལ་དག་ཏུ་ཤེས། །ཉེ་བའི་
[122a.5]སྟན་ནི་ཀུན་འབྱུང་སྟེ། །ཞིང་གི་མིང་ནི་འགོག་པའོ། །ལམ་ནི་རྟག་ཏུ་ཉེ་བའི་ཞིང་། །ཟད་པ་ཤེས་པ་ཚནྡོ་ཧ། །ཉེ་བའི་ཚནྡོ་མི་སྐྱེ་བ། །ཆོས་ནི་འདུས་པ་ཉིད་ཡིན་ནོ། །ཉེ་བའི་འདུས་པ་རྗེས་སུ་ཤེས། །དུར་ཁྲོད་ཀུན་རྫོབ་ཤེས་པའོ། །དོན་དམ་ཉེ་བའི་དུར་ཁྲོད་དོ། །ཤེས་པ་
[122a.6]བཅུ་ཡི་རང་བཞིན་གྱིས། །གནས་ལ་སོགས་པ་དག་པར་གྲགས། །ཟབ་མོ་འབུམ་གྱི་མདོ་ལས་ཀྱང་། །ཡེ་ཤེས་གྲགས་པར་གྱུར་པ་ཡང་། །སངས་རྒྱས་གཟུགས་ཀྱི་རང་བཞིན་དུ། །འཁོར་ལོ་བདེ་མཆོག་ལ་གནས་པའོ། །འཆད་པར་འགྱུར་བའི་ཕྱག་དང་ལྡན། །ཁ་དོག་
[122a.7]མཚོན་ཆ་དང་ལྡན་པ། །ལྷ་མོ་རྣམས་དང་དཔའ་བོ་ཀུན། །པུ་ལླིར་ལ་སོགས་རབ་བསམ་བྱ། །བྱང་ཆུབ་ཀྱི་ཆོས་སུམ་ཅུ་བདུན། །རྣལ་འབྱོར་མ་ཡི་དག་པའོ། །སེན་སོགས་ཡན་ལག་བཀོད་པ་ཡང་། །དེ་ནི་གོ་ཆ་ཆེན་པོར་བྲན། །རྣལ་འབྱོར་འདི་དང་ཡང་དག་ལྡན། །ལྷན་ཅིག་སྐྱེས་
[122b]
[122b.1]པ་གཞན་ཡིན་ནོ། །ཕྱི་རོལ་ནང་དང་མཉམ་ལྡན་པ། །ཧེ་རུ་ཀ་སྐུར་ཡང་དག་གནས། །མ་སྐྱེས་པ་ཡི་རང་བཞིན་ཕྱིར། །སྟོང་པ་ཞེས་ནི་མངོན་པར་བརྗོད། །གང་ཕྱིར་རྒྱུ་དང་བྲལ་བའི་ཕྱིར། །དེ་ནི་མཚན་མ་མེད་པར་བརྗོད། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཐོག་མར་
[122b.2]སྟོང་བསྒོམས་དེ་རྗེས་མཁའ་བྱས་རླུང་དང་མེ་དབུས་ཆུ། །གཞི་བསམ་གཞན་ཡང་བརྒྱ་བྱིན་རྡོ་རྗེས་མཚན་པའི་གཟུགས་སུ་བྱུང་། །དེ་སྟེང་རྩེ་མོ་བརྒྱད་དང་མཚན་པའི་རི་རབ་རྩེ་མོར་གསེར་གྱི་རྡོ་རྗེ་དང་ནི་གཞལ་ཡས་ཁང་། །གཅིག་ཏུ་མེ་ཏོག་སྣ་ཚོགས་ཀྱིས་མཛེས་སྣ་ཚོགས་མང་པོའི་རས་ཆེན་
[122b.3]བཟང་པོས་གཅིག་ཏུ་མཛེས། །དྲིལ་བུ་འཕན་དང་ཡང་དག་ལྡན་པའི་སྒྲ་ཡིས་ཕྱོགས་སུ་གྲགས་ཤིང་དྲིལ་ཆུང་སྙན་པའི་སྒྲ། །འཁོར་ལོའི་རྣམ་པའི་རང་དབུས་ཁ་སྦྱོར་གསུམ་མཆོག་མེ་ཏོག་ཕྲེང་བས་མཛེས། །ཕྱི་རོལ་སྒོ་བཞིར་རྟ་བབས་ཆེན་པོ་ཉིད་ཀྱིས་མཆོག་ཏུ་མཛེས། །དབུས་སུ་སྣ་ཚོགས་
[122b.4]པདྨ་ལ་གནས་སྲིད་པ་ལས་བྱུང་རྡོ་རྗེ་སྔོན་པོ་ཆེན་པོའོ། །དེའི་མཐར་བདེ་མཆོག་ཅེས་གྲགས་ཡུལ་དང་ཡང་དག་ལྡན་པ་འབྱུང་བ་ལྔ་ཡི་རང་བཞིན་ཅན། །སྔོན་པོ་ལྟ་བུའི་འོད་བཟང་ལྡན་ཞིང་ལྟེ་བར་བྱས་པ་ཡིད་ནི་ཧཱུཾ་ལས་བྱུང་བ་མཐའ་ཡས་མགོན་པོའོ། །སྤྲོས་པའི་ཤེས་རབ་ཡན་ལག་སྦྱོར་བ་
[122b.5]ཕྱོགས་སུ་ཕྱིར་བཟློག་གྱུར་ནས་བསྡུས་ཏེ་རྡོ་རྗེ་མགོན་པོའོ། །སྒྱུ་མ་ལྟ་བུའི་རང་བཞིན་སྲིད་པ་ཀུན་དང་མཉམ་པ་པདྨའི་དབུས་སུ་བསྒོམ། །དུ་བ་ལྟ་བུའི་འོད་ཟེར་བཟང་པོ་ཐོག་མར་གཙོ་བོའི་ཞལ་ནི་ཟླ་ཚེས་ལྟ་བུ་ཡི། །མཆེ་བ་ལྡན་ཞིང་གཡོན་པའི་ཞལ་བཟང་ལྗང་གུ་རྒྱབ་ཞལ་རྣམ་པར་
[122b.6]འགྱུར་བ་བཟང་པོའི་སྤྱན། །གཡས་པར་ཧ་ཧར་དགོད་བཅས་ཧི་ཧི་ཞེས་ཞི་གསེར་འདྲ་ཤིན་ཏུ་འཇིགས། །གཡས་པ་བརྐྱང་བས་དུས་མཚན་དང་ལྡན་འཇིགས་བྱེད་མནན་ཅིང་དྲི་མེད་མཁའ་འགྲོ་དྲ་བས་རོལ། །མགོ་བོ་ལྔ་བཅུའི་ཕྲེང་བས་བརྒྱུད་པའི་དོ་ཤལ་མཛེས་པར་འཕྱང་བས་བརླ་ནས་
[122b.7]ཕྲག་པའི་བར། །ལུས་ནི་ཕྱག་རྒྱ་དྲུག་བརྒྱན་མི་མགོ་སྣ་ཚོགས་བཅིངས་ཤིང་དབུ་སྐྲ་ཁམ་པ་གྱེན་དུ་བརྫེས། །ཅོད་པན་ཟླ་བ་ཕྲེང་བས་མཚན་པ་ས་སྟེང་མུན་པ་སེལ་བ་སྤྱི་བོར་སྣ་ཚོགས་རྡོ་རྗེས་མཚན། །སྦྱངས་པར་གྱུར་པའི་ཕྱག་ཆེན་པོ་ནི་མཆོག་གྱུར་མང་པོ་ཟད་བྱེད་འཕྲོ་བའི་དྲིལ་བུ་དག་པའི་རྡོ་
[123a]
[123a.1]རྗེའོ། །གང་གི་གླང་པོའི་པགས་པ་ཁྲག་གིས་བརླན་པ་གྱེན་དུ་འཕྱར་བ་བསྣམས་པས་མཛེས་པར་བསྟན། །གཡས་ན་རྣོ་བའི་མདུང་དང་ཞགས་པ་མཆོག་ལྡན་ཌ་མ་རུ་དང་གྲི་གུག་གོ། །གཡོན་ན་ཁ་ཊྭཱཾ་ག་དང་པདྨ་ས་གསུམ་ལས་རྒྱལ་ཞགས་པ་མགོ་བོ་བཟང་པོས་མཛེས། །རྣམ་
[123a.2]ཀུན་རང་བཞིན་སྲིད་པ་ཀུན་མཉམ་དེ་ཡི་གཟུགས་སུ་རབ་ཏུ་བྱེད། །ཕྱག་ན་རྡོ་རྗེ་ལྡན་ཞིང་གདུག་པ་ཀུན་ལ་སྡིགས་མཛུབ་སྐྲ་གྲོལ་ལེགས་པར་དམར། །རབ་ཏུ་ཆགས་པས་མགྲིན་པར་འཁྱུད་ཅིང་ཞལ་ནི་ཁྲག་གིས་གང་ཞིང་ཕྱག་གཡོན་པདྨ་བསྣམས། །ཐབས་དང་ཤེས་རབ་གཅིག་ཏུ་སྤྱོར་བས་
[123a.3]ལྷན་ཅིག་སྐྱེས་བདེ་རྟག་ཏུ་དགའ་སེམས་རང་བཞིན་ཅན། །སྤྲིན་ལྟར་སྣང་བ་ལྷ་མོའི་ཚོགས་ནི་མཐའ་ཡས་སྤྲོ་བ་ལྷ་མོ་ཕག་མོ་སྟེ། །ཞལ་གྱི་གྲྭ་ཡི་ཕྱོགས་ནས་ཁྲག་འཛག་པས། །ཡན་ལག་ཀུན་ལ་བྱུགས་པས་མཛེས་པ་དང་། །མགོ་བོ་ཐོད་དང་མགོ་ཡི་ཕྲེང་བ་དང་། །གཅེར་བུ་མི་ཡི་
[123a.4]རུས་པས་རྣམ་པར་བརྒྱན། །གཡས་པའི་བྱིན་པས་བདག་པོ་ཡི། །གཡོན་པའི་བརླ་ནི་ཡོངས་སུ་འཁྱུད། །འཁོར་ལོ་ཀུན་བདག་སྦྱོར་བ་ཡིས། །རྣལ་འབྱོར་པ་རྣམས་སེམས་དགའ་མ། །རྟག་ཏུ་ཁྲོས་པ་ཕག་གདོང་དུ། །བདག་གིས་བརྟགས་ནས་བཤད་པའོ། །ཡང་ན་བུད་མེད་ལྟ་བུའི་
[123a.5]ཞལ། །འཁོར་ལོའི་གཙོ་མོ་བསྒོམ་པར་བྱ། །ཡང་ན་དེ་ནི་དུ་བའི་མདོག །དགའ་ཀུན་མཚན་ཉིད་གཅིག་པ་ཡི། །ཡིད་བཞིན་ནོར་བུ་ལྟ་བུ་ཡི། །རྡོ་རྗེ་ཕག་མོ་བསྒོམ་པར་བྱ། །འཁོར་ལོའི་དབུས་རྟག་ལྷ་མོ་ནི། །གང་ཞིག་བསྐྱོད་པའི་སྦྱོར་བས་གནས། །རྡོ་རྗེ་ཕག་གདོང་གཙོ་མོ་
[123a.6]ནི། །སྐྱེས་པ་ལྟ་བུར་བྱེད་པར་གསུངས། །རྡོ་རྗེ་ཕག་མོ་ལྷ་མོ་ཆེ། །ལྷ་མོ་ཀུན་དང་མཉམ་ལྡན་པ། །གཙོ་བོའི་གཟུགས་ཀྱིས་བསྒོམ་བྱ་བ། །བདེ་མཆོག་དོན་དུ་རྣམ་པར་ཤེས། །སྟག་གི་པགས་པའི་གོས་དང་ལྡན། །སྤྱན་གསུམ་རྟག་ཏུ་བསྒོམ་པར་བྱ། །སིལ་སིལ་ཟེར་བའི་སྒྲ་ཡིས་
[123a.7]ནི། །བརླ་གཉིས་མཉམ་པར་ཁྱབ་པའོ། །འབར་བའི་ཕྲེང་ཁྱབ་འཇིགས་པའོ། །འཇིགས་བྱེད་ཆེན་པོ་འཇིགས་པར་བྱེད། །ལྷན་ཅིག་སྐྱེས་རོལ་དུར་ཁྲོད་དེ། །ལྷན་ཅིག་སྐྱེས་དགའ་ཧེ་རུ་ཀ །ཆགས་བཅས་འཁྱུད་པ་ཡང་དག་ལྡན། །འོ་བྱེད་པས་ནི་རྟག་ཏུ་གནས། །བསྐྱོད་པ་ཆེན་
[123b]
[123b.1]པོའི་སྦྱོར་བ་ཡིས། །འཁོར་ལོའི་གཙོ་བོ་བསྒོམ་པར་བྱ། །ཟླ་བའི་ཁ་དོག་ལྟ་བུའི་ཁྲོས་པ་སྟེ། །སྤྱན་གསུམ་ཞལ་ནི་ལྷ་རུ་གཟིགས། །མཆེ་བ་བཞི་ཡི་མྱུ་གུས་བརྒྱན། །དམ་པའི་དོན་དུ་རབ་ཏུ་གྲགས། །གཡས་པའི་ཕྱག་ན་ས་གསུམ་ལས་རྒྱལ་སྣ་ཚོགས་རྡོ་རྗེ་གསོར་བས་འཇིགས། །
[123b.2]གཡོན་ན་དངོས་གྲུབ་ཟླ་བ་ལྟར་དཀར་སྣོད་ནི་ཁྲག་གིས་བཀང་བ་བསྣམས། །ཕྱག་གཉིས་གཙོ་ལ་འཁྱུད་པས་ལྷན་ཅིག་སྐྱེས་པའི་བདེ་ལྡན་རྡོ་རྗེ་དྲིལ་བུ་འཛིན། །བན་དུ་ལྟར་དམར་འོད་ཚོགས་མང་པོ་ལྡན་པའི་རྡོ་རྗེ་ལྷ་མོ་བསམ། །མཁའ་འགྲོ་མ་དང་ལཱ་མ་དང་། །དུམ་སྐྱེས་མ་དང་
[123b.3]གཟུགས་ཅན་མ། །དགའ་དང་བདེ་བས་མགུ་བ་ཡི། །རྡོ་རྗེ་སྦྱོར་བས་བསྒོམ་པར་བྱ། །སྔོན་པོ་ལྗང་གུ་དམར་པོའི་སྐུ། །སེར་བའི་འོད་ཉིད་རྣལ་འབྱོར་མ། །ཕྱོགས་བཞིར་པདྨའི་འདབ་མ་ལ། །ལྷན་ཅིག་སྐྱེས་དགའ་ཤིན་ཏུ་མཛེས། །གྲུབ་པའི་རྣལ་འབྱོར་མ་བཞི་པོ། །ཕྱི་དང་ནང་
[123b.4]ན་ཡང་དག་བཞུགས། །ཆུ་དང་རླུང་དང་མེ་ཆེན་པོ། །ས་ཡི་རྣམ་པའི་དངོས་པོར་བྱུང་། །བྱམས་པ་སྨོན་ལམ་མཱ་མ་ཀཱི། །བཏང་སྙོམས་ཡེ་ཤེས་སྒྲོལ་མ་སྟེ། །གོས་དཀར་མོ་ནི་སྟོབས་སུ་གསུངས། །ཕྱག་རྒྱ་མངོན་འབྱུང་བྱེད་པ་མོ། །བཏང་སྙོམས་སྤྱན་མར་གྲགས་པ་སྟེ། །སྙིང་རྗེ་
[123b.5]དང་ནི་མཉམ་ལྡན་ན། །མཁའ་འགྲོ་མ་སོགས་རྣམ་དག་པ། །བླ་མའི་རིམ་ལས་འོངས་པས་བསྟན། །མཁའ་འགྲོ་མ་སོགས་གཟུགས་བཟང་རོ་ཡིས་སྟན་བྱས་ཕྱག་ན་པདྨ་ཁ་ཊྭཱཾ་ག །གཡས་པའི་ཕྱག་ནི་གྲི་གུག་དང་ནི་ཌ་མ་རུ་ལྡན་བསྣམས་ཤིང་སྐྲ་གྲོལ་སྤྱན་གསུམ་པའོ། །ཕྱག་
[123b.6]རྒྱ་དྲུག་གིས་སྐུ་ལ་བརྒྱན་ཅིང་མི་མགོ་མཆོག་གི་ཐོད་འཆང་གཅེར་བུའི་གཟུགས་ཅན་ཤིན་ཏུ་འཇིགས། །སྟན་ལ་གཡས་བརྐྱང་བཞུགས་ཤིང་རྣམ་འགྱུར་ཞལ་མཛད་ཧཱུཾ་སྒྲོགས་དགའ་བའི་སྙིང་པོའོ། །སྟག་གི་པགས་པའི་ན་བཟའ་དང་། །མི་རོའི་སྟེང་ན་ལེགས་པར་བཞུགས། །དངོས་
[123b.7]གྲུབ་ཀུན་སྟེར་བསམ་པར་བྱ། །ལྷོ་དང་ཤར་དང་རྒྱབ་དང་ནི། །ནུབ་ཀྱི་ཕྱོགས་ཀྱི་ཆ་རུ་ནི། །ཞལ་བཞི་ཞལ་རྣམས་ཉིད་ཀྱིས་ནི། །འོ་བྱེད་པར་ནི་རྣམ་པར་བསམ། །རྒྱལ་པོ་དང་ནི་རྒྱལ་རིགས་ཉིད། །མ་དང་ཕ་དང་མཉམ་ལྡན་པ། །རྒྱལ་རིགས་སོགས་གཞན་བླངས་ནས་ནི། །ཐོད་པ་རྣམས་ནི་
[124a]
[124a.1]མཚམས་སུ་གཞག། །མཆོད་པ་བཞི་པོ་ལེགས་གསུངས་པ། །གཏི་མུག་ཆེན་པོ་རྣམ་དག་པ། །མཆོད་པའི་དོན་གྱིས་འཁོར་ལོ་ཡི། །འཁོར་ལོ་བདེ་མཆོག་དཔལ་ལས་གསུངས། །རབ་གཏུམ་ཐོད་པའི་དུམ་བུ་ནི། །ལྷོ་ཡི་རྩིབས་ལ་རྣམ་པར་གནས། །གཏུམ་
[124a.2]མིག་མ་དང་ཡང་དག་ལྡན། །ཀེང་རུས་ཆེན་པོ་ཤར་ཕྱོགས་སུ། །འོད་ལྡན་མ་དང་ལེགས་སྦྱོར་བ། །ཀེང་རུས་བྱང་གི་ཆ་རུའོ། །སྣ་ཆེན་མ་དང་ཡང་དག་ལྡན། །མཆེ་བ་རྣམ་གཙིགས་བྱང་དུའོ། །དཔའ་བོ་བློ་མ་ཡང་དག་ལྡན། །ཆང་ལ་དཔའ་བ་བདེན་བྲལ་དུ། །འོད་དཔག་མེད་དང་
[124a.3]མི་ཐུང་ཉིད། །རླུང་གི་ཕྱོགས་སུ་རྟག་ཏུ་བཞུགས། །རྡོ་རྗེ་འོད་ལྡན་ལྷ་མོ་ནི། །ལངྐའི་དབང་ཕྱུག་མ་རྟག་ཏུ། །དབང་ལྡན་ཕྱོགས་སུ་ལེགས་པར་བཞུགས། །འདི་དག་སེམས་ཅན་ཀུན་དོན་མཛད། །མེ་ཕྱོགས་རྡོ་རྗེ་ལུས་དང་ནི། །ལྗོན་གྲིབ་མ་དང་ཡང་དག་ལྡན། །ཐུགས་ཀྱི་
[124a.4]འཁོར་ལོ་མཁའ་སྤྱོད་དུ། །བདེ་མཆོག་ལས་ནི་འདི་དག་གསུངས། །ཐུགས་ཀྱི་འཁོར་ལོའི་ཕྱི་རོལ་དུ། །རྡོ་རྗེ་སྔོན་པོའི་ཕྲེང་བས་བསྐོར། །དཔའ་བོ་དཔའ་མོའི་དབང་ཕྱུག་སྔོ། །སངས་རྒྱས་ཚོགས་འཕྲོ་ཡང་དག་ལྡན། །ས་སྲུང་མ་དང་ཡང་དག་ལྡན། །མྱུ་གུ་ཅན་ནི་ལྷོ་རུ་
[124a.5]དགོད། །འཇིགས་བྱེད་ཆེན་པོ་དང་ལྷན་ཅིག །རྡོ་རྗེ་རལ་ཅན་ཤར་དུ་བཞུགས། །བྱང་དུ་འཇིགས་བྱེད་ཆེན་པོ་དང་། །རླུང་གི་ཤུགས་མ་ལེགས་པར་བཞུགས། །ནུབ་ཏུ་རྡོ་རྗེ་ཧཱུཾ་མཛད་དང་། །ཆང་འཐུང་མ་དང་ཡང་དག་ལྡན། །སྔོ་བསངས་ལྷ་མོ་ལེགས་སྦྱར་བ། །ཤིན་ཏུ་བཟང་པོ་བདེན་
[124a.6]བྲལ་ཕྱོགས། །རྡོ་རྗེ་བཟང་དང་ཤིན་ཏུ་བཟང་། །ལྷན་ཅིག་རླུང་གི་ཕྱོགས་སུ་བརྟེན། །དབང་ལྡན་ཕྱོགས་ཀྱི་གནས་སུ་ནི། །རྟ་དང་ཤིན་ཏུ་འཇིགས་བྱེད་མཛེས། །མེ་ཕྱོགས་བྱ་གདོང་མ་དང་ནི། །མིག་མི་བཟང་དང་ཡང་དག་ལྡན། །ས་སྤྱོད་གསུང་གི་འཁོར་ལོ་སྟེ། །པདྨའི་ཕྲེང་
[124a.7]དང་ཡང་དག་ལྡན། །སྤྲོ་ཞིང་བསྡུ་བར་བྱེད་པ་པོ། །རྟག་ཏུ་ཁ་དོག་དམར་པོར་བསྒོམ། །ལྷོར་ནི་རྟག་ཏུ་སྟོབས་ཆེན་དང་། །འཁོར་ལོའི་ཤུགས་མས་མཛེས་པའོ། །དུམ་སྐྱེས་མ་དང་ཡང་དག་ལྡན། །རིན་ཆེན་རྡོ་རྗེ་ཤར་དུ་དགོད། །ཤཽཎྜི་ནཱི་སྦྱོར་ཡང་དག་ལྡན། །རྟ་མགྲིན་བྱང་གི་ཕྱོགས་
[124b]
[124b.1]ཉིད་ནའོ། །ནམ་མཁའི་འཁོར་ལོའི་གོ་ཆ་མ། །ཆུ་ཡི་ཕྱོགས་སུ་དགོད་པར་བྱ། །ཧེ་རུ་ཀ་དཔལ་སུ་བཱི་ར། །རྟག་ཏུ་བདེན་བྲལ་དུ་བསྒོམ་བྱ། །པདྨ་གར་གྱི་དབང་ཕྱུག་དང་། །སྟོབས་ཆེན་པོ་ནི་རླུང་གི་ཕྱོགས། །འཁོར་ལོས་སྒྱུར་དང་གཏི་མུག་ཆེ། །རྟག་ཏུ་དབང་ལྡན་དུ་བསྒོམ་བྱ། །རྡོ་རྗེ་
[124b.2]སེམས་དང་བརྩོན་ཆེན་མོ། །སྐུ་ཡི་འཁོར་ལོར་བསམ་པར་བྱ། །ཕྱི་རོལ་འཁོར་ཕྲེང་དཀར་པོའོ། །ཁ་དོག་དཀར་པོར་རྣམ་པར་བསྒོམ། །འདི་ནི་ས་འོག་འཁོར་ལོ་ཡི། །སྦྱོར་བའི་མཚན་ཉིད་གྱུར་པའོ། །དཔའ་བོ་ཐམས་ཅད་ཕྱག་བཞི་སྟེ། །གཡོན་ན་ཁ་ཊྭཱཾ་འཛིན་པའོ། །ཌ་མ་རུ་ནི་
[124b.3]གཡས་ན་འཛིན། །རལ་པ་བཅིངས་པས་རྣམ་པར་མཛེས། །སྤྲོ་ཞིང་སྡུད་པའི་གཟུགས་ཅན་ཏེ། །རོ་ཡི་གདན་ལ་ལེགས་པར་བཞུགས། །གཡས་བརྐྱང་བ་དང་ཡང་དག་ལྡན། །རུས་པའི་ཕྲེང་བས་རྣམ་པར་བརྒྱན། །ཕྱག་ན་རྡོ་རྗེ་དྲིལ་བུ་དང་། །ལྷ་མོ་འཁྱུད་ལ་མཆོག་ཏུ་བརྩོན། །
[124b.4]གཅེར་བུའི་གཟུགས་ཅན་ཧཱུཾ་ཞེས་སྒྲོགས། །མགོ་ཡི་ཕྲེང་བས་ཉེ་བར་མཛེས། །ལྷན་ཅིག་སྐྱེས་དགའ་འཁོར་ལོར་བཅས། །དཔའ་བོ་རྣལ་འབྱོར་མ་བསྒོམ་བྱ། །དཔའ་བོ་ཀུན་དང་མཉམ་སྦྱོར་བས། །བདེ་མཆོག་ཅེས་བྱ་རྣམ་པར་འབྱུང་། །རབ་གཏུམ་མོ་སོགས་ལྷ་མོ་དེ། །ཞལ་
[124b.5]གཅིག་གིས་ནི་མཛེས་པའོ། །ཕྱག་གཉིས་དབུ་སྐྲ་གྲོལ་བ་སྟེ། །གཅེར་བུ་མི་རུས་སོགས་པས་བརྒྱན། །གཡོན་ན་ཁྲག་གི་ཐོད་པ་སྟེ། །གཡས་ན་སྡིགས་མཛུབ་གྲི་གུག་གོ། །ཐམས་ཅད་སྤྱན་གསུམ་ཧཱུཾ་སྒྲོགས་པ། །མཆོག་ཏུ་དགའ་བའི་གཟུགས་སུ་བྱུང་། །རིག་མའི་སྐེད་
[124b.6]པར་སྐེ་རགས་ཏེ། །རབ་ཏུ་འབད་ནས་བསྒོམ་པར་བྱ། །གཅིག་དང་དུ་མའི་རང་བཞིན་ཅན། །གདུག་པའི་ཁྲག་གསོལ་བ་ལ་དགྱེས། །མཁའ་འགྲོ་མ་སོགས་ལྷ་མོ་བཞི། །སྔོན་དུ་གཡོན་དུ་བསྐོར་བ་ཅན། །གང་ཕྱིར་འགྲོ་ཀུན་གཡོན་ལས་བྱུང་། །དེ་ནས་བདེ་མཆོག་ལས་ནི་
[124b.7]གསུངས། །དཀར་པོ་སྔོན་པོ་མཉམ་སྦྱོར་བས། །ངེས་པར་དུ་བ་ལྟ་བུར་གྱུར། །མཁའ་འགྲོ་མ་ནི་སྔོན་པོར་སྟན། །དེ་ནས་མདུན་དུ་ལེགས་པར་བཞུགས། །ཁྭ་དང་འུག་པ་ཁྱི་ཡི་གདོང་། །ཕག་གི་གདོང་རྣམས་དེ་བཞིན་དུ། །སྔོན་པོ་ལྗང་གུ་དེ་བཞིན་དམར། །སེར་པོའི་འོད་ཅན་སྒོ་རུ་
[125a]
[125a.1]བཞུགས། །རྟག་ཏུ་བདེན་བྲལ་མཚམས་སུ་ནི། །གཤིན་རྗེ་བརྟན་མ་མཆོག་ཏུ་འཇིགས། །རླུང་ཕྱོགས་རྣམ་པར་དག་བསྒོམ་པ། །གཤིན་རྗེ་ཕོ་ཉ་མཛེས་པའི་ཞལ། །དབང་ལྡན་གཤིན་རྗེ་མཆེ་བ་མ། །གཡོན་པའི་སྦྱོར་བར་གཅིག་ཏུ་འགྲོ། །ཤིན་ཏུ་རྣམ་དག་
[125a.2]གཤིན་རྗེ་འཇོམས། །མེ་ཡི་གནས་སུ་རྟག་ཏུ་བསམ། །རིམ་པ་མིན་དང་རིམ་པ་ཡིས། །འདི་དག་ཤིན་ཏུ་གྲགས་པའོ། །རྣལ་འབྱོར་རྒྱུད་ལ་རིམ་མིན་པ། །རྣལ་འབྱོར་མ་ལས་རིམ་པ་གསུངས། །ལྷ་མོའི་གཟུགས་ནི་གཟི་བརྗིད་ཆེ། །ཁ་དོག་གཉིས་དང་ཡང་དག་ལྡན། །མཚམས་ཀྱི་
[125a.3]ལྷ་མོ་མཆོག་འདི་དག། །འགྲོ་བའི་བགེགས་ནི་རྣམ་འདྲེན་པ། །གཡོན་ན་ཁ་ཊྭཱཾ་པདྨ་སྟེ། །གཡས་ན་ཅང་ཏེའུ་གྲི་གུག་གོ། །འདི་དག་སྒོ་ལ་སོགས་པར་བཞུགས། །ཧེ་རུ་ཀ་འཁྱུད་ལེགས་པར་བཞུགས། །པུ་ཛཱ་ཨོ་ཨ་གོ་རཱ་དེ་མཱ་ཀཱ་ཨོ་ཏྲི་ཀོ་ཀ་ལ་ཀཱ་ཧི་པྲེ་ཀྲྀ་སཽ་སུ་ན་སི་མ་ཀུ། མཁས་པས་
[125a.4]མགོ་དང་སྤྱི་གཙུག་སོགས། །པུ་ལ་སོགས་པ་བསམ་བྱས་ཏེ། །ལྷན་ཅིག་སྐྱེས་དགས་མཛེས་པ་ཡིས། །འཁོར་ལོ་ཕྱི་ནས་སྤྱན་དྲང་སྟེ། །རྐང་པ་མནན་ཅིང་གྱེན་དུ་བལྟ། །གྱེན་དུ་ཕེཾ་གི་སྒྲ་བསྒྲགས་ཤིང་། །ཕྱོགས་བཅུ་འཇིག་རྟེན་ཁམས་བཞུགས་པའོ། །དཔའ་བོ་རྣལ་འབྱོར་མ་རྣམས་
[125a.5]དགུག །མཛུབ་མོ་མདུད་པ་བྱས་པ་དང་། །གུང་མོ་སྦྱར་བར་བྱས་ནས་ཀྱང་། །མཐེ་བོ་མཉམ་པར་ལྡན་པ་ནི། །དཔྲལ་བའི་ཕྱོགས་སུ་བཟུང་བྱས་ཏེ། །དེ་ལྟར་ཕྱོགས་བསྐོར་རྣལ་འབྱོར་པས། །མགུ་བའི་གསང་སྔགས་བརྗོད་པར་བྱ། །ལྷག་གནས་རང་གི་འཁོར་ལོར་བཞུགས། །རྡོ་རྗེ་
[125a.6]པདྨ་མཆོག་དག་པ། །ཡི་གེ་བྱ་ཡིས་ལྟེ་བ་བསྐྱེད། །ཡི་གེ་བྱཱ་ལས་རྡོ་རྗེར་བྱུང་། །སྔོན་དུ་ཡན་ལག་བཞི་བཀོད་ནས། །ཕྱིས་ནི་བདེ་བ་ལེགས་པར་སྤྱད། །དང་པོའི་དགའ་བ་དཔའ་བོ་སྟེ། །མཆོག་ཏུ་དགའ་བ་རྣལ་འབྱོར་མ། །ཐམས་ཅད་ལྷན་ཅིག་སྐྱེས་དགའ་སྟེ། །ལེགས་པར་བདེ་བའི་
[125a.7]ཐབས་སུ་སྦྱོར། །མཐོ་རིས་ས་སྟེང་སོགས་འཇིག་རྟེན། །སྐད་ཅིག་གིས་ནི་སྐུ་གཅིག་གྱུར། །འཁོར་ལོ་སྡོམ་ལས་དགའ་ཀུན་གསུངས། །དཔའ་བོ་གཉིས་མེད་ཡང་དག་ལྡན། །ལྷ་རྣམས་སེམས་ཀྱི་རྣམ་པར་སྣང་། །ལྷན་ཅིག་སྐྱེས་ནས་འཁོར་ལོའི་དབུས། །སྙིང་རྗེ་ཆེ་ལྡན་རྣལ་འབྱོར་
[125b]
[125b.1]པས། །ཕྱི་ནང་བདག་ཉིད་མཆོད་པ་ཡིས། །དཀྱིལ་འཁོར་ཁྱབ་བདག་ལེགས་པར་མཆོད། །སྦྱིན་བདག་ལ་སོགས་མི་དམིགས་པས། །མཐའ་གསུམ་སྦྱོར་བས་ལེགས་པར་གནས། །གང་དུ་མཆོད་ཅིང་བསྟོད་པ་དེར། །རྒྱུད་རྣམས་ལས་ནི་མཐོང་བའོ། །འདི་དོན་ལེགས་པར་དཔྱད་
[125b.2]ནས་ནི། །མཉམ་པར་བཞག་ནས་དཔའ་བོ་མཆོད། །དཔལ་ལྡན་རྡོ་རྗེ་མཁའ་འགྲོ་མཆོག་གི་རྣལ་འབྱོར་མ་ཡིས་མགུལ་ནས་འཁྱུད། །སྐུ་ལ་དཔའ་བོའི་ཕྲེང་བ་ལེགས་པར་བྱས་ཤིང་རྣམ་པ་སྣ་ཚོགས་གཟུགས། །འཁོར་ལོ་ལ་གནས་བདེ་མཆོག་སྙིང་རྗེ་ཆེན་པོའི་སྟོབས་ཀྱིས་བརླབ།
[125b.3]ཁྱབ་བདག་ཁྱོད་ཀྱི་ཞབས་ཀྱི་པདྨར་རྟག་ཏུ་ཕྱག་འཚལ་ལོ། །རལ་པ་ལ་ནི་མི་བསྐྱོད་པས་མཛེས་འབར་བའི་ཕྱག་རྒྱས་རྣམ་པར་བརྒྱན། །སངས་རྒྱས་ཀྱི་གཞི་རུ་གྱུར་ཅིང་དམ་པའི་དོན་དུ་གསུངས་པའོ། །བདག་གི་བླ་མའི་བློས་གསུངས་པ། །སྣ་ཚོགས་རྡོ་རྗེ་རལ་པའི་སྟེང་། །དེ་ནི་དབང་
[125b.4]བསྐུར་བར་གསུངས་པ། །བརྟུལ་ཞུགས་སྤྱོད་པའི་རིམ་ལས་འོང་། །ཟུར་བཞི་འཁོར་ལོ་ཆེན་པོ་ནི། །འདྲེན་པ་རིན་ཆེན་འབྱུང་ལྡན་ནོ། །པདྨ་འདབ་བརྒྱད་དེ་བཞིན་དུ། །རལ་གྲི་དོན་ཡོང་གྲུབ་པའོ། །ཁྭ་སོགས་མཆོག་གི་ལྷ་མོ་རྣམས། །རྡོ་རྗེ་ལྕགས་ཀྱུ་ལ་སོགས་བསྣམས། །
[125b.5]ལུགས་གཞན་བསྒོམ་པར་བྱ་བའམ། །བརྒྱད་པོ་རོ་ཡི་སྟེང་ན་བཞུགས། །ཁྭ་ལ་སོགས་པའི་ལྷ་མོ་རྣམས། །གསུངས་པ་ཇི་བཞིན་དེ་ཡི་ཞལ། །བདག་གི་བླ་མའི་རིམ་ལས་འོངས། །རྒྱུ་དེ་ཡིས་ནི་བྲིས་པ་ཡིས། །གཞན་དག་ལྷ་མོ་རྣམས་ཀྱི་ཞལ། །བུད་མེད་གདོང་ལྟ་བུ་ཡིན་
[125b.6]ཟེར། །རྟག་ཏུ་རྣལ་འབྱོར་བ་ཡིས་ནི། །ལུགས་གཉིས་གང་འདོད་བླང་བར་བྱ། །ཀེང་རུས་ཆེན་པོ་དང་ཀེང་རུས། །རྟ་མགྲིན་དང་ནི་གླང་སྣ་མ། །བྱ་གདོང་མ་དང་རྟ་རྣ་སོགས། །གསུངས་པ་ཇི་བཞིན་འདི་དག་བསྒོམ། །སྣ་ཚོགས་སྤྲུལ་པའི་གཟུགས་ཀྱིས་ནི། །དཔའ་བོ་ལ་སོགས་རབ་
[125b.7]ཏུ་གྲགས། །གསུངས་པ་ཇི་བཞིན་རྣམ་རོལ་པར། །དཔལ་ལྡན་བདེ་མཆོག་འདི་དག་བསྒོམ། །སྔོན་དུ་ཕུང་པོ་བྱིན་བརླབས་ནས། །ཇི་སྲིད་མཆོད་དང་བསྟོད་འགྱུར་བ། །བསྐྱེད་པའི་དང་པོའི་སྦྱོར་བ་སྟེ། །ཆུང་ངུའི་སྦྱོར་བར་མངོན་པར་བརྗོད། །རི་རབ་ལ་གནས་ས་བོན་རྫོགས། །དཀྱིལ་
[126a]
[126a.1]འཁོར་ལ་སོགས་རྣམ་བསྒོམ་པ། །བློ་ཡི་དབྱེ་བས་བྱས་པ་ནི། །ཤིན་ཏུ་སྦྱོར་བའི་མཚན་ཉིད་དོ། །སྐད་ཅིག་གཅིག་མངོན་རྫོགས་བྱང་ཆུབ། །ཡེ་ཤེས་རྟོགས་པའི་མཚན་ཉིད་ནི། །རྣལ་འབྱོར་པས་རྟག་རྣལ་འབྱོར་ཆེར། །ཆེན་པོ་ཞེས་ནི་རབ་ཏུ་གྲགས། །རྣལ་འབྱོར་
[126a.2]ལྷག་པའི་སྦྱོར་དབུས་སུ། །རྣལ་འབྱོར་ཆེན་པོ་རྣམ་པར་གནས། །ཆེན་པོའི་ཡང་ནི་ཆེན་པོ་རུ། །རྟག་ཏུ་རྣལ་འབྱོར་ཀུན་ཤེས་བྱ། །རྣམ་པ་ཀུན་གྱི་མཆོག་ལྡན་ཞིང་། །ལྷན་ཅིག་སྐྱེས་པའི་དགའ་བས་གང་། །དཔལ་ལྡན་དཔའ་བོ་ཀུན་གྱི་གཞི། །རང་བྱུང་རྣལ་འབྱོར་ཐམས་ཅད་
[126a.3]རིག །དཔལ་ལྡན་སྨད་འཚོང་ཞབས་ཀྱིས་ནི། །བྱིན་གྱིས་བརླབ་པའི་མཚན་ཉིད་གསུངས། །དེ་བས་བླ་མ་མཉེས་བྱས་ནས། །རྣལ་འབྱོར་ཐམས་ཅད་ལེགས་པར་བརྩམ། །དགོད་པ་དང་ནི་ངུ་བ་ཉིད། །ཤིན་ཏུ་ཡིད་འཕྲོག་པ་ཡི་གར། །སྣ་ཚོགས་ཀུན་བྱེད་ཐམས་ཅད་མཁྱེན། །རྣལ་
[126a.4]འབྱོར་མ་ཡི་ཚོགས་ཀྱིས་མཛེས། །འདི་ཉིད་ལས་ནི་གང་གསུངས་པ། །མཉེས་བྱེད་རྣམ་པར་དག་པ་དང་། །གསལ་བྱེད་ཡོན་ཏན་ལྡན་པའི་མི། །བྱང་ཆུབ་ཕྱོགས་དང་གོ་ཆར་བཅས། །གོ་ཆ་ཆེན་པོར་ཡང་དག་ལྡན། །ཐོག་མར་འདི་རྣམས་རབ་ཏུ་བྱ། །གྲུབ་ན་ཡོངས་སུ་སྤང་བ་དང་། །
[126a.5]ཡི་གེ་གསུམ་གྱི་ཆོ་ག་ཡིས། །གྲུབ་ན་དེ་ལ་བཀོད་བྱ་སྟེ། །འཁོར་ལོ་གསུམ་གྱི་རང་བཞིན་དུ། །སྐུ་གསུང་སྦྱོར་བས་དག་པ་བྱ། །ཨོཾ་ནི་སྐུ་ཡི་འཁོར་ལོ་སྟེ། །ཡི་གེ་ཨཱཿནི་ངག་ཏུ་གནས། །ཧཱུཾ་ནི་སེམས་ལ་རྣམ་དགོད་པ། །བྱས་ནས་ཆོ་ག་སྤང་བར་བྱ། །རྟོག་པའི་དབང་གིས་ལེགས་བྱུང་བ། །
[126a.6]སེམས་ཅན་གཟུང་བའི་རྒྱུ་ཡིན་ནོ། །ཡི་གེ་གསུམ་གྱི་དགོད་པ་འདི། །དེ་ཉིད་ཀྱི་ནི་གཟུགས་སུ་སྦྱོར། །དེ་བཞིན་དུ་ཡང་གསུངས་པ་དང་། །སྐུ་ཡི་ཡི་གེ་སྐྱེ་བ་མེད། །གསུང་དང་ཐུགས་ཀྱང་ཡི་གེ་མེད། །ནམ་མཁའི་རྡོ་རྗེ་རྟོགས་ལས་བྱུང་། །ལོག་པར་གཟུང་བས་ཟིན་པའོ། །ཨོཾ་ནི་
[126a.7]ཐམས་ཅད་གསལ་བྱེད་དོ། །ཧཱུཾ་ཧཱུཾ་ཕཊ་དང་ཡང་དག་ལྡན། །དངོས་གྲུབ་བསྒྲུབ་པའི་རྒྱུ་རུ་ནི། །མིང་བཟླས་པ་ནི་ལེགས་པར་བརྩམ། །སྟོང་པ་ཉིད་ཀྱི་སྔགས་བརྗོད་ཅིང་། །གནོད་མཛེས་རྒྱལ་པོ་དེ་བཞིན་ནོ། །རབ་དྲ་བ་བསམ་བྱས་ཤིང་། །རྡོ་རྗེ་ས་གཞི་དེ་བཞིན་ནོ། །རླུང་དང་མེ་ནི་ཡང་
[126b]
[126b.1]དག་རྫོགས། །ཆུ་དང་ས་ཡི་དཀྱིལ་འཁོར་ལ། །རི་རབ་སྣ་ཚོགས་རྡོ་རྗེ་དང་། །སྣ་ཚོགས་པདྨ་ཡང་དག་ལྡན། །དཔེ་བྱད་བརྒྱད་ཅུ་ལས་བྱུང་བ། །དེ་སྟེང་ཟླ་བའི་དཀྱིལ་འཁོར་ཏེ། །ཟླ་བ་ལ་གནས་ཧཱུཾ་ལས་བྱུང་། །ཧེ་རུ་ཀ་ཡི་དཀྱིལ་འཁོར་རོ། །ཕག་མོ་ལ་སོགས་ཡང་དག་ལྡན། །
[126b.2]ཁ་དོག་སྣ་ཚོགས་སོགས་ཀྱིས་བརྒྱན། །འཇིགས་བྱེད་ཆེན་པོ་གཡོན་བརྐྱང་བ། །སྒོ་སྐྱོང་རྣམས་དང་ཡང་དག་ལྡན། །དཔའ་དྲུག་རྣལ་འབྱོར་མ་གོ་ཆ། །གོ་ཆ་ཆེན་པོ་ཡང་དག་ལྡན། །དངོས་གྲུབ་ཀུན་མཛད་དཔའ་བོ་སྟེ། །བདེ་མཆོག་མཛེས་པ་བསྒོམ་པར་བྱ། །སྔོན་དུ་ཡི་གེ་གསུམ་
[126b.3]བཀོད་དེ། །བཟླས་པ་ལེགས་པར་བརྩམ་པར་བྱ། །འདི་ལྟར་དཔལ་ལྡན་བདེ་མཆོག་ནི། །བསྒོམ་པ་རྣལ་འབྱོར་གཞན་དག་ཟེར། །དངོས་པོ་གང་དང་གང་གིས་ནི། །མི་རྣམས་ཡིད་ནི་ཡང་དག་སྦྱོར། །དེས་ནི་དེ་ཡི་རང་བཞིན་འགྱུར། །སྣ་ཚོགས་ནོར་བུ་ཇི་བཞིན་ནོ། །ཨོཾ་ན་མོ་བྷ་ག་
[126b.4]བ་ཏེ་བཱི་རེ་ཤཱ་ཡ་ཧཱུཾ་ཧཱུཾ་ཕཊ། ཨོཾ་མ་ཧཱ་ཀ་ལྤཱ་གྣི་སནྣི་བྷ་ཡ་ཧཱུཾ་ཧཱུཾ་ཕཊ། ཨོཾ་ཛ་ཊཱ་མ་ཀུ་ཊོདྐྱ་ཊཱ་ཡ་ཧཱུཾ་ཧཱུཾ་ཕཊ། ཨོཾ་དཾ་ཥྚྲཱ་ཀ་རཱ་ལོ་གྲ་བྷཱི་ཥ་ཎ་མུ་ལཱ་ཡ་ཧཱུཾ་ཧཱུཾ་ཕཊ། ཨོཾ་ས་ཧ་སྲ་བྷུ་ཛ་བྷཱ་སུ་རཱ་ཡ་ཧཱུཾ་ཧཱུཾ་ཕཊ། ཨོཾ་པ་ར་ཤུ་པཱ་ཤོ་དྱ་ཏ་ཤཱུ་ལ་ཁ་ཊྭཱཾ་ག་དྷཱ་རི་ཎེ་ཧཱུཾ་ཧཱུཾ་ཕཊ། ཨོཾ་བྱཱ་གྷཱ་ཛི་ན་ཨམྦ་ར་དྷ་རཱ་ཡེ་ཧཱུཾ་ཧཱུཾ་ཕཊ།
[126b.5]ཨོཾ་མ་ཧཱ་དྷུ་མྲཱ་ནྡྷ་ཀཱ་ར་ཝ་པུ་ཥཱ་ཡ་ཧཱུཾ་ཧཱུཾ་ཕཊ། ཨོཾ་ཀ་ར་ཀ་ར་ཧཱུཾ་ཧཱུཾ་ཕཊ། ཨོཾ་ཀུ་རུ་ཀུ་རུ་ཧཱུཾ་ཧཱུཾ་ཕཊ། ཨོཾ་ཀུ་རུ་ཀུ་རུ་ཧཱུཾ་ཧཱུཾ་ཕཊ། ཨོཾ་བནྡྷ་བནྡྷ་ཧཱུཾ་ཧཱུཾ་ཕཊ། ཨོཾ་ཏྲཱ་ས་ཡ་ཏྲཱ་ས་ཡ་ཧཱུཾ་ཧཱུཾ་ཕཊ། ཨོཾ་ཀྵོ་བྷ་ཡ་ཀྵོ་བྷ་ཡ་ཧཱུཾ་ཧཱུཾ་ཕཊ། ཨོཾ་ཧྲཽཾ་ཧྲཽཾ་ཧཱུཾ་ཧཱུཾ་ཕཊ། ཨོཾ་ཧྲཿཧྲཿཧཱུཾ་ཧཱུཾ་ཕཊ། ཨོཾ་ཕེཾ་ཕེཾ་ཧཱུཾ་ཧཱུཾ་ཕཊ། ཐུགས་ཀྱི་འཁོར་ལོའི་དཔའ་བོ་
[126b.6]རྩ་བའི་སྔགས་སོ།། །།ཨོཾ་ད་ཧ་ད་ཧ་ཧཱུཾ་ཧཱུཾ་ཕཊ། ཨོཾ་པ་ཙ་པ་ཙ་ཧཱུཾ་ཧཱུཾ་ཕཊ། ཨོཾ་བྷ་ཀྵ་བྷ་ཀྵ་ཧཱུཾ་ཧཱུཾ་ཕཊ། ཨོཾ་བ་ཤ་རུ་དྷི་ར་ཨནྟྲ་མཱ་ལཱ་བ་ལ་མྦི་ནེ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་ས་པྟ་པཱ་ཏཱ་ལཱ་ག་ཏ་བྷུ་ཛཾ་ག་ས་རྤཾ་པཱ་ཏ་རྫ་ཡ་ཏ་རྫ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ཀ་ཌྜྷྱ་ཨཱ་ཀ་ཌྜྷྱ་ཧཱུཾ་ཧཱུཾ་ཕཊ། ཨོཾ་ཧྲིཾ་ཧྲིཾ་ཧཱུཾ་ཧཱུཾ་ཕཊ། ཨོཾ་ཀྵྨཱཾ་ཀྵྨཱཾ་ཧཱུཾ་
[126b.7]ཧཱུཾ་ཕཊ། གསུང་གི་འཁོར་ལོའི་དཔའ་བོའི་རྩ་བའི་སྔགས་སོ།། །།ཨོཾ་ཧཾ་ཧཾ་ཧཱུཾ་ཧཱུཾ་ཕཊ། ཨོཾ་ཧིཾ་ཧིཾ་ཧཱུཾ་ཧཱུཾ་ཕཊ། ཨོཾ་ཧཱུཾ་ཧཱུཾ་ཧཱུཾ་ཧཱུཾ་ཕཊ། ཨོཾ་ཀི་ལི་ཀི་ལི་ཧཱུཾ་ཧཱུཾ་ཕཊ། ཨོཾ་སི་ལི་སི་ལི་ཧཱུཾ་ཧཱུཾ་ཕཊ། ཨོཾ་ཙི་ལི་ཙི་ལི་ཧཱུཾ་ཧཱུཾ་ཕཊ། ཨོཾ་དྷི་ལི་དྷི་ལི་ཧཱུཾ་ཧཱུཾ་ཕཊ། ཨོཾ་ཧི་ལི་ཧི་ལི་ཧཱུཾ་ཧཱུཾ་ཕཊ། སྐུའི་
[127a]
[127a.1]འཁོར་ལོའི་དཔའ་བོའི་རྩ་བའི་སྔགས་སོ། །ཀ་ར་ལ་སོགས་དཔའ་མོ་ཡི། །དབང་ཕྱུག་གིར་གྲགས་གཞན་དག་ཟེར། །བདག་གི་བླ་མའི་ལུགས་ཉིད་ཀྱིས། །དཔའ་བོ་རྣམས་ཀྱི་སྔགས་སུ་བཤད།། །།ཨོཾ་ན་མོ་བྷ་ག་བ་ཏི་བཛྲ་བཱ་རཱ་ཧཱི་ཨ་པ་ར་ཛི་ཏེ་ཏྲཻ་ལོ་ཀྱ་
[127a.2]མཱ་ཏེ་བི་དྱེ་ཤྭ་རི་སརྦ་བྷཱུ་ཏ་བྷ་ཡཱ་བ་ཧེ་མ་ཧཱ་བཛྲེ་བཛྲཱ་ས་ནེེ་ཨ་ཛི་ཏི་ཨ་པ་རཱ་ཛི་ཏེ་ཝ་ཤྱཾ་ཀ་རི་ནེེ་ཏྲ་བྷཱ་མ་ཎི། བི་ཥ་ཤོ་ཥ་རོ་ཥ་ཀྲོ་དྷ་ཀ་རཱ་ལི་ཏྲི་ཏེ་ཏྲཱི་ཀཱ་མ་ནཱི་པྲ་བྷེ་བཎཱི་ཨ་པ་རཱ་ཛ་ཡ་བི་ཛ་ཡ་ཛ་མྦྷ་ནི་སྟྭ་མྦྷ་ནི་མོ་ཧ་ནི། བཛྲ་བཱ་རཱ་ཧཱི་མ་ཧཱ་ཡོ་གི་ནཱི། ཀཱ་མེ་ཤྭ་རི་ཁ་གེ། ཏརྱ་ཐཱ། པྲོ་ཏཾ་གེ་པྲོ་ཏ་གེ །ཧ་ན་ཧ་ན་
[127a.3]པྲཱ་ཎཱཾ། ཀིཾ་ཀི་ནི་ཁིཾ་ཁི་ནི་དྷུ་ན་དྷུ་ན། བཛྲ་ཧ་སྟེ། ཤོ་ཥ་ཡ་ཤོ་ཥ་ཡ། བཛྲ་ཁ་ཊྭཱཾ་ག་ཀ་པཱ་ལ་དྷཱ་རི་ཎི་མ་ཧཱ་པི་ཤི་ཏ་མཱཾ་སཱ་ས་ནི། མ་ནུ་ཥཱ་ནྟྲ་པྲཱ་བྲི་ཏེ་སནྣི་དྷྱཾ། ན་ར་ཤི་རོ་མཱ་ལཱ་གྲནྠི་ཏ་དྷ་རི་ཎི་སུ་མྦྷ་ནི་སུ་མྭྷ། ཧ་ན་ཧ་ན་པྲཱ་ཎཱཾ་སརྦ་པཱ་པ་སྟྭ་ནཱཾ། སརྦ་པ་ཤུ་ནཾ་མ་ཧཱ་མཱཾ་ས་ཙྪེ་ད་ནི་ཀྲོ་དྷ་མཱུ་རྟི། དཾ་ཥྚྲཱ་ཀ་རཱ་ལི་
[127a.4]ནི་མ་ཧཱ་མུ་དྲེ་ཤྲཱི་ཧེ་རུ་ཀ །དེ་བ་སྱཱ་གྲ་མ་ཧི་ཥི། ས་ཧ་སྲ་ཤི་རེ་ས་ཧ་སྲ་བཱ་ཧཱ་བེ། ཤ་ཏ་ས་ཧ་སྲཱ་ན་ནེེ་ཛྭ་ལི་ཏ། ཏེ་ཛ་སྱ་ཛྭ་ལ་མུ་ཁི་པིངྒ་ལ་ལོ་ཙ་ན། བཛྲ་ཤ་རཱི་རེ་བཛྲཱ་ས་ནི། མི་ལི་ཏ་ཙི་ལི་ཏ། ཧེ་ཧེ་ཧཱུཾ་ཧཱུཾ་ཁ་ཁ་དྷུ་དྷུ་རུ་རུ་དྷུ་རུ་དྷུ་རུ་མུ་རུ་མུ་རུ། ཨ་དྭེ་ཏེ་མ་ཧཱ་ཡོ་གི་པ་ཋི་ཏ་སིདྡྷེ། དྲེཾ་དྷཾ་དྲེཾ་དྷཾ། གྲཾ་གྲཾ།
[127a.5]ཧེ་ཧེ། ཧ་ཧ། བྷཱི་མེ། ཧ་ས་ཧ་ས། བཱི་རེ། ཧ་ཧ་ཧོ་ཧོ་ཧཱུཾ་ཧཱུཾ་ཏྲཻ་ལོ་ཀྱ་བི་ནཱ་ས་ནི། ཤ་ཏ་ས་ཧ་སྲ་ཀོ་ཊཱི་ཏ་ཐཱ་ག་ཏ་པ་རི་བཱ་རེ་ཧཱུཾ་ཕཊ། སིཾ་ཧ་རཱུ་པེ་ཁཿག་ཛ་རཱུ་པེ་གཿ། ཏྲཻ་ལོ་ཀྱེ་ད་རེ་ས་མུ་དྲ་མེ་ཁ་ལེ། གྲ་ས་གྲ་ས་ཧཱུཾ་ཧཱུཾ་ཕཊ། བཱི་ར་དྭེ་ཏེ་ཧཱུཾ་ཧཱུཾ་ཧཱ་ཧཱ་མ་ཧཱ་པ་ཤུ་མོ་ཧ་ནི་ཡོ་གེ་ཤྭ་རི་ཏྟྭཾ་ཌཱ་ཀི་ནི། ལོ་ཀི་ནི་ལོ་ཀི་ཀཱ་ནཱཾ་
[127a.6]བནྡྷ་ནི་པདྱ་བི་དྱེ་ཧཱུཾ་ཕཊ། བྷཱུ་ཏ་ཏྲཱ་ས་ནི་མ་ཧཱ་བཱི་རེ་པ་ར་མ་སིདྡྷྱེ་བི་དྱེ་ཤྭ་རི་ཕཊ་ཧཱུཾ་ཧཱུཾ་ཕཊ་ཕཊ་སྭཱ་ཧཱ།། །།རྣལ་འབྱོར་པས་བཟླས་སྔགས་འདི་རྣམས། །འདོད་པའི་དོན་ཀུན་ལེགས་པར་སྟེར། །རྣལ་འབྱོར་མ་དང་དཔའ་བོར་ལྡན། །གཞན་བདེ་མཆོག་ལས་བྱུང་བའོ། །ཨིནྟྲ་བྷཱུ་ཏིའི་
[127a.7]རིམ་ཉིད་དང་། །སཉྩ་རེ་དང་སྨད་འཚོང་གཞུང་། །དཔའ་བོ་དང་ནི་ལྷ་རྣམས་ནི། །ཕྱག་གཉིས་ཞལ་གཅིག་ཉིད་དུ་བསྟན། །ཛ་ལནྡྷྲ་ལནྟ་ར་དཔལ་ཞབས་དང་། །ཀཙྪ་པ་དའི་ལུགས་ཀྱིས་ཀྱང་། །དཔའ་བོ་རྣམས་དང་རྣལ་འབྱོར་མ། །ཞལ་གཅིག་ཕྱག་གཉིས་རབ་ཏུ་གྲགས། །མཁའ་
[127b]
[127b.1]འགྲོ་མ་སོགས་དཔའ་བོར་བཅས། །སྒོ་སྐྱོང་རྣམས་དང་ཡང་དག་ལྡན། །ཞལ་གཅིག་ཕྱག་བཞི་རབ་ཏུ་གྲགས། །ཁྲོ་བོའི་གཟུགས་ཅན་ཧཱུཾ་དང་བཅས། །རབ་གཏུམ་མ་སོགས་ལྷ་མོ་རྣམས། །ཁ་དོག་སྣ་ཚོགས་བྱེ་བྲག་དང་། །ཕྱག་གཉིས་པ་དང་ཞལ་གཅིག་པ། །ཙརྱ་པ་ཡི་གཞུང་
[127b.2]ཡིན་ནོ། །ཡང་ན་སེམས་ཀྱི་རྣམ་དག་པས། །གཅིག་ཏུ་ཁ་དོག་སྔོན་པོར་གནས། །དཔའ་བོ་ལྷ་མོ་རྣམས་དང་ལྡན། །གཞུང་འདི་ལེགས་ཞེས་ཁ་ཅིག་གསུངས། །སྐུ་གསུམ་དག་པའི་དབྱེ་བ་ཡིས། །ཁ་དོག་གསུམ་དུ་རྣམ་པར་གནས། །གང་ཕྱིར་འཁོར་ལོ་གསུམ་གསུངས་
[127b.3]པ། །དེ་ཕྱིར་ཁ་དོག་གསུམ་དུ་དབྱེ། །ལུགས་འདི་རྣམས་ནི་གང་འདོད་པ། །རྣལ་འབྱོར་རིགས་པས་དེ་བསྟེན་བྱ། །ཕྱག་གཉིས་ཐོག་མ་ནས་བརྩམས་ནས། །ཇི་སྲིད་འབུམ་གྱི་ཕྱག་དང་ཞལ། །ཕྱག་ཞལ་མཐའ་ཡས་དངོས་གྲུབ་ཕྱིར། །བསམ་མི་ཁྱབ་སྦྱོར་གྱིས་བསམ་བྱ། །དེ་ལྟར་
[127b.4]བློ་བཟང་གིས་ཤེས་བྱ། །སྤྱོད་དང་བྲལ་བས་སྦྱར་བ་མིན། །འདི་ཀུན་མཆོག་ཏུ་དགའ་བ་སྟེ། །གང་ཞིག་བསྒོམ་བྱ་དེ་འབྲས་བཟང་། །སྔོན་དུ་གུས་པའི་སེམས་ཀྱིས་ནི། །བླ་མས་གསུངས་པ་བླང་བར་བྱ། །འབར་བའི་ཕྱག་རྒྱ་བདེ་མཆོག་ལས། །སློབ་དཔོན་ཁ་ཅིག་གིས་གསུངས་
[127b.5]པ། །ཧེ་རུ་ཀ་འབྱུང་རྒྱུད་ལས་གསུངས། །བདེ་མཆོག་ལ་ནི་གནས་པ་མིན། །བདག་གིས་མ་བྲིས་པ་དེས་ན། །དཔའ་བོ་རྡོ་རྗེ་བཟོད་པ་མཛོད། །མན་ངག་གིས་ནི་ཕག་མོ་ནི། །འབར་བའི་ཕྱག་རྒྱ་ཞེས་སུ་གྲགས། །བདེ་མཆོག་གཏོར་མའི་ལས་དང་ནི། །དཀྱིལ་འཁོར་དགུག་
[127b.6]པའི་དོན་གྱིས་སོ། །ཧེ་རུ་ཀ་འབྱུང་རྒྱུད་དུ་ནི། །ཧེ་རུ་ཀ་ཡི་ཕྱག་ན་གནས། །དཔའ་བོའི་བདག་པོའི་སྔགས་གསུངས་གོས་ཀྱི་དོན་གྱིས་སྟག་གི་པགས་པ་རྣམས། །བདག་གི་བླ་མ་ཡིས་བསྟན་ལྷན་ཅིག་སྐྱེས་པ་གོས་མེད་རྡོ་རྗེ་མཁའ་འགྲོའི་གཟུགས། །རྟག་ཏུ་དྲག་པོའི་དུད་མདོག་དཀར་
[127b.7]ཞིང་དམར་བའི་སྐུ་ནི་རིགས་དྲུག་བསྡུས་པའི་དོན་གྱིས་སོ། །ཁ་དོག་ཐོག་མ་འདྲ་བའི་གཟུགས་ཏེ་ཐོག་མའི་ཉི་མ་ལྟ་བུའི་ཞལ་ཏེ་ལྷ་མོ་སྐྲ་གྲོལ་བའོ། །ལུགས་གཉིས་གྱུར་པ་དཔྱད་ནས་སེམས་ལ་གང་འདོད་དེ་དག་བྱ། །གཡས་ན་རྩ་གཞན་ཁྲག་སྟེ་མྱུར་དུ་འབབ་པ་མེ་ཏོག་ལྡན་པའོ། །
[128a]
[128a.1]གཡོན་ན་ཁུ་བ་སྟེར་བ་རྒྱ་མཚོ་ལྟ་བུ་དེ་ནི་དཔའ་བོའི་རང་བཞིན་ནོ། །རྐང་དང་རུས་པ་རྩ་དང་ཆུ་དང་ལྔ་པ་ཁུ་བར་ལྡན་པ་འདི་ནི་ཕ་རུ་གྱུར། །མ་ནི་པགས་པ་ཤ་དང་ཁྲག་དང་སྙིང་དང་མེ་དང་ལྷན་ཅིག་པ་སྟེ་གང་འདི་གཉིས་པོ་དངོས་གྲུབ་པོ། །མགོན་པོ་དཔལ་ལྡན་ཧེ་རུ་ཀ་
[128a.2]འདི་བསྐྱེད་པས་བསྐྱེད་པ་གང་ཞིག་ཕ་དང་བྱེ་བྲག་མེད། །འདིར་ནི་དཔལ་ལྡན་བདེ་མཆོག་ཅེས་བྱ་ཡོན་ཏན་ཀུན་གྱི་གཞི་སྟེ་དངོས་པོ་ཀུན་གྱི་རང་བཞིན་ནོ། །དེ་ལྟར་ཤེས་ནས་དེ་ཡི་གཟུགས་ནི་ས་གསུམ་བདེ་བ་སྟེར་བའི་དེ་ཉིད་རྣལ་འབྱོར་པ་ཡིས་བསྒོམ། །འབྱུང་གནས་སྒྲ་ཡི་གཟུགས་ལས་
[128a.3]ནི། །རྣམ་པར་བྱུང་སོགས་གང་ཤེས་པ། །དེ་ཡི་དོན་ནི་བདག་གིས་བསྟན། །རབ་ཏུ་འཇུག་པའི་མཚན་ཉིད་ནི། །རབ་འཇུག་དཀྱིལ་འཁོར་སོགས་རྣམས་ཀྱི། །ཕྱི་རོལ་རྣམ་པའི་མཚན་ཉིད་གཅིག །དངོས་པོ་ཀུན་གྱི་རང་བཞིན་ཏེ། །སངས་རྒྱས་ཀུན་གྱིས་དེ་དག་གསུངས། །
[128a.4]གང་ཞིག་ལྡོག་པར་རྟག་གསུང་བ། །འཁོར་ལོ་བདེ་མཆོག་ལ་ལེགས་གནས། །དེ་ནི་ལྷན་ཅིག་སྐྱེས་འདྲི་དངོས། །རྟག་ཏུ་སྙིང་ལ་གནས་པའོ། །ཕྱི་ནང་བདག་ཉིད་མཉམ་པའི་དཀྱིལ་འཁོར་འཁོར་ལོ་སེམས་ལ་རྣམ་དགོད་བསྟན། །དཔལ་ལྡན་ཧེ་རུ་ཀ་རོལ་ལུས་ལ་གནས་པར་ད་ལྟ་
[128a.5]བསྟན། །རྣམ་དག་ཧེ་རུ་ཀ་ཡི་ཡན་ལག་ལྷན་ཅིག་སྐྱེས་གནས་མཉམ་པར་གཞག། ཕྱིས་ནི་རྣལ་འབྱོར་པ་ཡི་རིམ་གྱིས་ལུས་སྐྱེས་རྣམ་པར་བསྒོམ། །ལྷན་ཅིག་སྐྱེས་མཉམ་མ་ལུས་ཕུར་བུ་པགས་པ་བཅིངས་པར་རབ་ཏུ་སྦྱར། །བརྟན་ཞིང་མཁྲེགས་པས་བཅིངས་པའི་རུས་པའི་ཕྲེང་བ་
[128a.6]དྲ་བའོ། །སྣ་ཚོགས་ཀྱིས་མཛེས་སྣ་ཚོགས་ཕྱག་རྒྱས་བརྒྱན་པའི་སྐུ། །གོ་ཆ་མཁྲེགས་པས་དག་པ་དེ་ནི་གོ་ཆ་ཆེན་པོར་ལྡན། །གང་ཞིག་དམིགས་དང་བྲལ་བའི་རྩ་ནི་སེམས་ཅན་ཀུན་ཕན་འདོད། །ལྷ་དང་ལྷ་མིན་མི་དང་བཅས་པ་འདི་ཀུན་དེ་ཡིས་ཁྱབ། །བྷེ་རམ་པ་ཡི་རླུང་ནི་རྐང་པའི་
[128a.7]མཐིལ་དུ་ཤིན་ཏུ་ལེགས་པར་གནས། །ལྟེ་བར་སོང་བའི་འབར་བའི་དཀྱིལ་འཁོར་དམར་པོའི་གཟི་བརྗིད་ཅན། །ལྟོ་བར་དཀར་བའི་ཆུ་ཡི་གཞི་ནི་ཡིད་འོང་གཟུགས་ཏེ་སྙིང་གར་དབང་པོས་རྣམ་མཛེས་སེར་པོའོ། །མགྲིན་པའི་སྟེང་ན་རི་བོའི་མཆོག་ནི་བརྒྱད་པ་དང་ལྡན་རི་རབ་སྟེ། །བདུན་
[128b]
[128b.1]བསྐོར་ཟླ་བ་ཉི་མ་དབུས་ན་འཆར་ཞིང་ནུབ་པའོ། །པདྨའི་འདབ་མ་སུམ་ཅུ་རྩ་དྲུག་ལྡན་པར་གྱུར་པའི་རྡོ་རྗེའི་དབུས། །གྲུབ་པའི་ཨཱ་ལི་ཀཱ་ལི་ལས་བྱུང་ཧཱུཾ་སྒྲོགས་མཛེས་པའི་མགོ །དེར་གནས་གསེར་གྱི་གདན་ནི་སྣ་ཚོགས་དབུས། །མིང་ནི་དང་པོ་ཞེས་བྱ་ལས་ནི་ལྷན་ཅིག་སྐྱེས་པ་དྲི་མེད་
[128b.2]ཟླ་བའི་འོད། །ཡན་ལག་ཀུན་གྱི་མཚམས་སུ་འགྲོ་བར་འགྱུར་བའི་རིམ་པ་ཡིས། །བསྐྱེད་པའི་པདྨའི་སྣ་ཡིས་དབུས་ཕྱོགས་སུ། །ལེགས་པར་བསྐུལ་བས་མགོ་བོ་ཐོག་མ་མེད་པར་གྱུར་པའི་སངས་རྒྱས་སྐྱེས། །སུམ་ཅུ་རྩ་དྲུག་རོ་དང་ལྡན་པ་མཛེས་པ་ལེགས་པར་གྱུར་པའི་རྩ་རྣམས་ཀྱིས། །
[128b.3]མི་མཐུན་ཕྱོགས་ནི་བཞད་པར་གྱུར་ནས་ཤིན་ཏུ་རྣམ་པར་དག་པའི་ཁམས། །མཁའ་འགྲོ་མ་ཡི་དྲ་བ་ཞེས་པའི་སྒྲ་ཡི་དོན་ནི་དེ་ལྟ་བུའོ། །རྒྱ་མཚོའི་ཆུ་ནི་ཤིན་ཏུ་རྣམ་པ་སྣ་ཚོགས་འགྲམ་ན་རི་ཡི་དབང་པོར་ལྡན། །ཟབ་ཅིང་མཛེས་པའི་སྙིང་པོ་ཐོག་མར་གྲུབ་པའི་དུར་ཁྲོད་དོ། །རྒྱལ་
[128b.4]མཚན་སྣ་ཚོགས་འཕན་དང་དྲིལ་བུའི་དོ་ཤལ་མཛེས། །གསུམ་དུ་བྱུང་བའི་འཁོར་ལོའི་དཀྱིལ་འཁོར་དེ་ནི་ལུས་ཡིན་ནོ། །མཆོག་ཏུ་མཛེས་ཤིང་ལེགས་པའི་སྐུད་པ་དང་ནི་རྔ་ཡབ་ཀྱིས་མཚན་པ། །དྲི་མ་མེད་པའི་མཚོན་ནི་རོལ་པས་རྣམ་པར་དག །བུམ་པ་ལ་སོགས་གནས་པ་དེ་
[128b.5]ཡི་དངོས་དང་ལྡན་པས་ཁེངས། །ལྷན་ཅིག་སྐྱེས་གནས་སེམས་ལས་སྐྱེས་པས་བྲིས་པ་ཐལ་བའོ། །པདྨ་ལ་གནས་ཁྲོ་སྤངས་ཤིང་། །གཙང་ཞིང་བརྩོན་པ་མཉམ་གཞག་པའི། །རྣལ་འབྱོར་ཡེ་ཤེས་མཉམ་ལྡན་པའི། །སེམས་ནི་ཧེ་རུ་ཀ་རུ་གསུངས། །རྒྱུད་ལྔ་དག་གི་འབྲས་དག་ནི། །
[128b.6]རྡོ་རྗེ་ཞེས་སུ་མངོན་པར་བརྗོད། །དེར་གནས་ས་བོན་རྫོགས་པ་ནི། །དེ་དཔལ་ཧེ་རུ་ཀ་རུ་བརྗོད། །ཤྲཱི་ཡི་སྒྲ་ནི་གཉིས་མེད་དོན། །ཧེ་ནི་རྒྱུ་དང་བྲལ་བ་ཉིད། །རུ་ནི་གཟུགས་དང་བྲལ་བའི་དོན། །ཀ་ནི་གང་དུའང་མི་གནས་པའོ། །ཨཱ་ལི་ཀཱ་ལི་མཉམ་སྦྱོར་བ། །དཀར་པོ་དམར་བོའི་རང་བཞིན་
[128b.7]ནོ། །ཤྲི་ཡིག་ཏུ་ནི་ལེགས་གནས་པ། །ཤིན་ཏུ་ཐམས་ཅད་བསྐྱེད་པའི་རྒྱུ། །ཤྲཱི་ཡི་བརྡ་ཡིས་བརྗོད་པ་ནི། །བྷ་གའི་དོན་དུ་མངོན་པར་བརྗོད། །སེམས་ནི་ཧེ་རུ་ཀ་ཉིད་དེ། །དཔལ་ལྡན་ཧེ་རུ་ཀ་ཞེས་གསུངས། །བཱ་ནི་དག་ལམ་འདས་པའི་སྒྲ། །རཱ་ནི་རྡུལ་དང་བྲལ་བ་ཉིད། །
[129a]
[129a.1]ཧཱི་ནི་རྒྱུ་རྣམས་མི་དམིགས་པ། །ཕག་མོའི་སྒྲ་རུ་རབ་ཏུ་གྲགས། །རལ་པའི་རྩ་བ་ཞེས་གྲགས་པ། །བདེ་བ་སྐྱེད་པར་བྱེད་པའོ། །སྣ་ཚོགས་སེམས་ཅན་དོན་མཛད་ཕྱིར། །སྣ་ཚོགས་རྡོ་རྗེ་རྣམ་པར་གནས། །བྱང་ཆུབ་སེམས་ནི་ཟླ་བར་གསུངས། །དཔལ་ནི་བདེ་
[129a.2]ཆེན་འཁོར་ལོས་སྒྱུར། །དེར་གནས་རྟག་ཏུ་འཛག་པ་ནི། །རྡོ་རྗེ་པདྨའི་མཐར་གནས་པའོ། །དུས་ཀུན་ཡོངས་སུ་རྫོགས་པ་རྒྱ་མཚོའི་ལམ་དུ་འབབ་པ་ལྟ་བུ་ཡི། །ལྟེ་བའི་འགྲམ་དུ་གནས་གྱུར་ཉི་མ་བཅུ་དྲུག་བསྟེན་པ་བསྐྱེད་པའོ། །སྟོང་པ་ལྟ་བུའི་རྣལ་འབྱོར་གྱིས། །ལྷ་དང་ལྷ་མིན་
[129a.3]མིར་བཅས་རྣམས། །གཅིག་གི་རང་བཞིན་ལེགས་དག་པ། །སྡིག་མཛུབ་ལེགས་པའི་མཚན་ཉིད་དོ། །བྱང་ཆུབ་སེམས་ལས་བྱུང་གྱུར་ཅིང་། །ཡན་ལག་ཀུན་ལ་རྣམ་པར་གནས། །དེ་ཕྱིར་རྟག་ཏུ་དག་པ་ཉིད། །ཕྱི་དང་ནང་དུ་གནས་པར་བསྟན། །ཡན་ལག་བཅུ་གཉིས་ལས་བྱུང་ཕྱིར། །
[129a.4]ཕྱག་ནི་བཅུ་གཉིས་རྣམས་དང་ལྡན། །ཞལ་བཞི་རྣམས་སུ་ལེགས་བསྟན་པ། །རྣམ་ཐར་བཞི་པོ་དག་པ་ཉིད། །ལྷ་མོའི་གཟུགས་ཅན་མཁའ་འགྲོ་མ། །དུམ་སྐྱེས་མ་དང་ལཱ་མ་སྟེ། །གྲུབ་པའི་རྣལ་འབྱོར་མ་བཞི་པོ། །གཡོ་དང་མི་གཡོ་བ་རྣམས་སྐྱོང་། །གཉིས་མེད་རྣམ་པའི་རྣལ་
[129a.5]འབྱོར་གྱིས། །དབང་པོ་ལ་སོགས་གང་འཐུང་བ། །དེ་ནི་གསོལ་བ་ཞེས་སུ་བསྟན། །ཕྱག་རྣམས་ཀྱི་ནི་མཚན་ཉིད་ནི། །སྐུ་གསུང་དག་ཕྱིར་མདུང་ཐུང་སྟེ། །གླང་པོ་གཏི་མུག་རྣམ་པར་སྤངས། །དགྲ་སྟེ་ཞེ་སྡང་གཅོད་པ་སྟེ། །ལུས་དང་ངག་སེམས་ལས་བྱུང་བའོ། །སེམས་ཅན་
[129a.6]དོན་གྱིས་གྲི་གུག་རྣོ། །འཕྱར་བ་བརྩོན་འགྲུས་ཡང་དག་ལྡན། །རྟག་ཏུ་དགའ་བའི་རང་བཞིན་གྱིས། །ཌ་མ་རུ་ཡི་སྒྲ་རུ་བརྟག །རྡོ་རྗེ་སྟོང་ཉིད་མི་ཚིག་པའི། །ཡེ་ཤེས་ལྔ་ཡི་རང་བཞིན་ཉིད། །བྱང་ཆུབ་སེམས་ཀྱི་རང་བཞིན་ཕྱིར། །ཁ་ཊྭཱཾ་ཡན་ལག་ལ་བསྣམས་གནས། །བདེ་བ་བསྐྱང་
[129a.7]ཕྱིར་ཐོད་པ་དང་། །ཞགས་པ་ཡུལ་གྱི་ཡོན་ཏན་ཏེ། །མགོ་བོ་ཚངས་པའི་རང་བཞིན་ནོ། །དྲིལ་བུ་ཤེས་རབ་རང་བཞིན་ནོ། །ཡི་གེ་ལྔ་བཅུ་རྣམས་ཀྱིས་ནི། །མགོ་བོ་མཛེས་པའི་རང་བཞིན་ཉིད། །ཡན་ལག་བརྒྱན་པའི་མགོ་ཡི་ཕྲེང་། །དངོས་གྲུབ་ཀུན་གཞི་བདག་ཉིད་ཅན། །མཆེ་བ་བཞི་
[129b]
[129b.1]དང་མཉམ་ལྡན་པ། །བདུད་བཞི་རྣམ་པར་འཇོམས་པ་པོ། །ཟབ་པར་འཕྲོ་བ་དང་ལྡན་པའི། །རྟག་ཏུ་སོ་ཡི་ཕྲེང་བ་གཉིས། །ཕ་རོལ་ཕྱིན་དྲུག་རྣམ་དག་པའི། །ཕྱག་རྒྱ་དྲུག་གིས་བརྒྱན་པའོ། །ཕྱོགས་ཀྱི་གོས་ཀྱི་རང་བཞིན་གྱི། །གཟུགས་སུ་བྱུང་བའི་གོས་དང་བྲལ། །ཨཱ་ནི་ཀུན་ནས་
[129b.2]འགྲོ་བ་ཀུན། །ལི་ལ་སྟོད་པར་སྦྱོར་བར་ཉིད། །དེ་ནས་གཡས་བརྐྱང་ཞབས་སུ་གྲགས། །ཧེ་རུ་ཀ་ཡི་བྱེ་བྲག་གོ། །ཡན་ལག་གཡོན་པ་བསྐུམ་པ་ཞེས་པ་ཡི། །ཚིག་ཏུ་གསུངས་པའི་ལེགས་པར་ཐོབ་པའི་མཚན་ཉིད་ནི། །གཡས་བརྐྱང་བ་ཡིས་ཀུན་ནས་འཁོར་ལོའི་ཚོགས་ནི་དཔལ་
[129b.3]ཧེ་རུ་ཀ་འབྱུང་བའོ། །སློབ་དཔོན་གཞན་གྱི་ལུགས་ཀྱིས་ཞབས་གཡས་བསྐུམ་པར་འདོད། །བློ་བཟང་གང་ཞིག་ཀྱང་ནི་གཞན་དུ་གར་གྱི་རྐང་པ་ཟེར་ཏེ་བདག་ནི་གཡོན་པར་འདོད། །གཡོན་པས་གཡོན་པའི་སྐྱེ་བོའི་རྒྱན་བྱས་དོན་ཀུན་སྟེར་བར་ནུས། །རྒྱལ་བྱེད་གཡོན་པས་འཚེ་བ་ཀུན་
[129b.4]སྤངས་ལེགས་པའི་རྣལ་འབྱོར་པ། །དེ་ཕྱིར་ཆོ་གའི་ཐམས་ཅད་དགེ་བའི་གཡོན་པས་གཟུང་། །གང་ཕྱིར་བདེ་མཆོག་འདྲེན་པས་ཐམས་ཅད་གཡོན་པ་ལས་བྱུང་བརྩམ། །སེམས་དང་སེམས་མེད་འགོག་པ་དགེ་བའི་ལམ་དུ་གང་ཞིག་བརྟགས་པའི་པདྨ་ལ། །རྡོ་རྗེའི་མཐའ་ལས་བྱུང་
[129b.5]བ་མཉམ་ཞིང་རོ་གཅིག་པ་དང་མཐའ་ཡས་པའོ། །ཕག་མོ་མཆོག་ཏུ་སྦྱོར་བ་ལས་བྱུང་སྐྱེས་པ་གང་ཕྱིར་གཙོ་བོར་གནས། །དེ་ཕྱིར་གཡོན་པའི་གཞི་ཡིས་བརྒྱན་པ་མཆོག་གི་ལྷ་མོའི་བདེ་མཆོག་གོ། །ཟླ་བ་ཉི་མ་རྣམ་དག་སྲིད་པར་སྐྱེས་པའི་རང་བཞིན་རོ་དང་བཅས། །པདྨ་མཆོག་ཏུ་
[129b.6]བྱུང་བ་རི་བོ་ལས་བྱུང་ཤིན་ཏུ་མཉམ་པར་ལྡན་བྱུང་ཁུ་བའོ། །དེ་ནི་ནམ་མཁར་འགྲོ་མ་ཞེས། །སངས་རྒྱས་ཁམས་སུ་རྣམ་པར་བརྟག །ནམ་མཁའ་ཀུན་དུ་སྤྱོད་གྲུབ་པས། །མཁའ་འགྲོ་མ་ཞེས་མངོན་པར་བརྗོད། །དེས་བསྐྱེད་པ་ཡི་གཟུགས་གང་ཡིན། །གཟུགས་ཅན་མ་ཞེས་མངོན་
[129b.7]པར་བརྗོད། །གཟུགས་སུ་སྐྱེ་བའི་རིམ་པ་ཉིད། །རྟོགས་པར་གྱུར་པ་དུམ་སྐྱེས་མ། །གང་ཞིག་མཛེས་པར་ལེགས་བརྗོད་པ། །མི་དང་བུད་མེད་སོགས་པར་བྱུང་། །མཚན་ཉིད་ཐམས་ཅད་ཀུན་རྫོགས་པ། །དེས་ན་ལཱ་མར་རབ་ཏུ་གྲགས། །བདུད་ཀུན་ལ་སོགས་རྣམ་པར་བྲལ། །དེ་ནས་
[130a]
[130a.1]གཞལ་ཡས་ཁང་དུ་གྲགས། །ཆོས་ཀྱི་དབྱིངས་ཀྱི་རང་བཞིན་གྱིས། །པདྨ་སངས་རྒྱས་བཞི་དེའོ། །རྟག་ཏུ་འདོད་ཆགས་དང་བྲལ་ཞིང་། །གང་དུ་མཚན་ཉིད་བཞི་སྦྱོར་བ། །རྣམ་པ་ཀུན་གྱི་མཆོག་དང་ལྡན། །དེ་ནི་དཔའ་བོ་ཞེས་སུ་གསུངས། །སྟོང་ཉིད་སྙིང་རྗེའི་
[130a.2]བདག་ཉིད་ཅན། །དེར་ནི་དབང་ཕྱུག་ལེགས་པར་ཐོབ། །ལྷན་ཅིག་སྐྱེས་པ་དགའ་བའི་དངོས། །དེ་ནི་དཔའ་བོའི་དབང་ཕྱུག་གྱུར། །གཞོམ་མེད་དཔག་ཏུ་མེད་པ་དགའ་བ་བདེ་མཆོག་འཁོར་ལོ་དེ་ནི་སྡེ་ཚན་མཐའ། །རྟག་ཏུ་ཐུར་དུ་ཕྱོགས་པ་འདི་ནི་ཡན་ལག་ཀུན་ལ་ཡིད་དུ་འོང་བ་
[130a.3]འཛག །འདོད་ཆགས་ལ་སོགས་རྩྭ་དང་འདྲ་བ་འབིགས་པའི་ཡེ་ཤེས་ཀྱིས་ཟོས་སོ། །རྣམ་པར་མི་རྟོག་རང་བཞིན་གྱིས། །དེ་ནི་ཀུན་རྫོབ་མྱོང་བའོ། །ནམ་མཁའི་པདྨར་ནམ་མཁའི་དབུས་སུ་མཁའ་སྤྱོད་འཁོར་ལོ་རོལ་པའི་རང་བཞིན་ནོ། །དེར་གནས་ཤིན་ཏུ་རྣམ་པར་བརྟགས་པ་
[130a.4]མཁའ་སྤྱོད་འཁོར་ལོར་ལེགས་པར་གྲགས། །བྷུ་ཞེས་པ་ནི་སའི་དབུས་གནས་སྐྱེས་པ། །ལྟེ་བའི་པདྨ་དེར་གནས་ཤིན་ཏུ་རྣམ་པར་བརྟགས་པ་ས་སྤྱོད་འཁོར་ལོའོ། །ས་འོག་ཅེས་པར་གང་བསྟན་པདྨར་བྱང་ཆུབ་ལྟུང་བའོ། །ཕྱི་རོལ་ངེས་པའི་ཡིད་ནི་ས་འོག་གནས་པའི་མཚན་
[130a.5]མའོ། །ཆོས་དང་ལོངས་སྤྱོད་སྤྲུལ་རྣམས་ཀྱིས། །ཧེ་རུ་ཀ་གཟུགས་ལེགས་པར་གནས། །ཨཱ་ལི་ཀཱ་ལི་ཡང་དག་ལྡན། །ལྷན་ཅིག་སྐྱེས་པའི་དགའ་བས་མཛེས། །ཨ་ཡིག་སྤྲུལ་པའི་འཁོར་ལོ་རུ། །པདྨོའི་ནང་དུ་ལེགས་པར་གནས། །ལྷན་ཅིག་སྐྱེས་པས་རོལ་པ་ཡིས། །
[130a.6]འཇིག་རྟེན་གསུམ་གྱི་རྒྱན་དུ་གྲགས། །ཨོཾ་ཏྲཱཾ་ཧྲཱིཿཁཾ་འདབ་མར་ལཱཾ་མཱཾ་པཱཾ་ཏཱཾ་མཚམས་ཀྱི་ཆ་རུའོ། །དབུས་སུ་ཧེ་རུ་ཀ་ཡི་ས་བོན་མཆོག་གི་སེམས་ནི་པདྨར་ཤིན་ཏུ་ལེགས་པར་གནས། །ཆོས་སེམས་པདྨ་ཆེན་པོ་ལ། །སྟོང་པའི་རྡོ་རྗེ་རྣམ་པར་གནས། །དེར་གནས་རྟག་ཏུ་འཛག་པ་ནི། །འདོད་
[130a.7]པའི་དོན་ཀུན་འགྲུབ་པའོ། །དེ་ཡི་སྟེང་དུ་ལོངས་སྤྱོད་ལ་ནི་ཕྱག་འཚལ་འོག་ཏུ་ལྟ་བ་རྟག་ཏུ་བལྟ། །ཨཱ་ཨཱི་ལྷན་ཅིག་ཨོ་ཨཽ་མཆོག་གི་རྣལ་འབྱོར་མ་དང་དཔའ་བོར་ལྡན། །དེར་གནས་མགྲིན་པའི་ཕྱོགས་སུ་ནི། །གང་དུ་མཁའ་འགྲོ་མ་རྣམས་རོལ། །དེར་ནི་རྟག་པའི་དུས་མཆོད་པ། །
[130b]
[130b.1]མཆོག་ཏུ་དགའ་བར་ལེགས་པར་ཤེས། །ཧཾ་ནི་བདེ་ཆེན་འཁོར་ལོ་རུ། །ཟླ་བ་ལྟ་བུ་ལེགས་པ་འཛག། བགྲོད་དང་བགྲོད་པ་མ་ཡིན་པ། །དེར་ནི་མིག་གིས་མཐོང་བ་མིན། །ཏྭ་རི་ཏི་ན་གྱེན་དུ་གྲགས། །བཱ་ཥྤ་ཕྱོགས་སུ་རྣམ་པར་གནས། །བི་བིནྦྶོ་ནི་དབུས་སུ་གནས། །བི་ཤྭ་ཤྠ་
[130b.2]ནི་ཐུར་དུ་གྲགས། །རྒྱུ་མཐུན་པ་དང་རྣམ་པར་སྨིན། །སྐྱེས་བུ་དེ་བཞིན་དྲི་མ་བྲལ། །འབྲས་བུ་བཞི་པོ་འདི་རྣམས་དང་། །དགའ་བ་རྣམས་སུ་རབ་ཏུ་གྲགས། །ཆུང་ངུ་འབྲིང་པོ་ཆེན་པོ་དང་། །ཆེན་པོ་ཡི་ཡང་ཆེན་པོ་སྟེ། །སེམས་ཀྱི་དབྱེ་བས་བཞི་རྣམས་སུ། །མི་ལ་སོགས་
[130b.3]པ་རྣམས་སུ་རོལ། །པདྨར་སྤྲུལ་པའི་འཁོར་ལོ་ཐམས་ཅད་སེམས་ཀྱི་སྐད་ཅིག་ངེས་པར་འབྱུང་། །སེམས་ཀྱི་ཆོས་ཀྱི་རང་བཞིན་འདྲེན་ཅིང་རྟག་ཏུ་སྡུག་བསྔལ་སེལ་བ་རྣམ་པར་སྨིན། །མགྲིན་པར་གནས་པའི་ཧེ་རུ་ཀ་མགོན་མང་པོ་རྟོག་པ་ཐམས་ཅད་དཔྱོད་པའི་རང་བཞིན་ནོ། །ཤེས་
[130b.4]དང་མི་ཤེས་སྤྱི་བོར་གནས་པ་ང་རྒྱལ་དང་བྲལ་དེ་ནི་རྣམ་པའི་མཚན་ཉིད་རང་བཞིན་ནོ། །སྐད་ཅིག་བཞི་པོ་གང་འདི་སྐད་ཅིག་གཅིག་གིས་བསྐྱེད། །འཁོར་ལོར་སྐད་ཅིག་དེ་ནི་གཙོ་བོ་ཡིན་ཏེ་གཞན་ནི་མཐའ་ཡས་དངོས་པོར་འགྱུར། །མེ་ཏོག་ཕྲེང་དང་ཙནྡན་བུད་མེད་སོགས། །ཇི་སྲིད་
[130b.5]བལྟས་པས་བདེ་བར་གྱུར། །དེ་སྲིད་དགའ་བར་ལེགས་པར་གྲགས། །སེམས་ཅན་ཀུན་ལ་ལེགས་པར་གནས། །རྡོ་རྗེ་པདྨ་མཉམ་སྦྱོར་བས། །གང་ཞིག་སེམས་ནི་རྣམ་པར་གནས། །དེ་ཡི་སེམས་ཀྱི་མཚན་ཉིད་གང་། །དགའ་བ་ཆེན་པོ་ཞེས་སུ་བརྗོད། །ལེགས་པར་སྦྱོར་ལས་བྲལ་
[130b.6]བའི་སེམས། །བདེ་བའི་མཐའ་རུ་ལེགས་པར་གནས། །དེ་བྲལ་ཞེས་པའི་མིང་དུ་གསུངས། །རྣམ་པར་སེལ་བ་བསྐྱེད་པར་གྲགས། །དགའ་དང་མཆོག་ཏུ་དགའ་བ་དང་། །དགའ་དང་བྲལ་བ་གསུམ་པ་སྟེ། །ལྷན་ཅིག་སྐྱེས་པའི་རང་བཞིན་འདི། །བརྟན་གཡོ་ཀུན་གྱི་རང་བཞིན་ནོ། །
[130b.7]གང་དེ་ལྷན་ཅིག་སྐྱེས་དེ་ཀུན། །བསམ་གྱིས་མི་ཁྱབ་ཅེས་གསུངས་སོ། །ཚིག་མེད་ཀུན་སོང་ཞི་བ་སྟེ། །ཡེ་ཤེས་ཧེ་རུ་ཀ་རུ་བརྗོད། །གཞན་གདན་ཞེས་པ་ཤེས་རབ་བསྟན། །བདག་གི་གདན་ནི་ཐབས་ཡིན་ཏེ། །འདི་དག་གཉིས་མེད་རང་བཞིན་ནི། །སྦྱོར་བའི་གདན་དུ་རྣམ་པར་
[131a]
[131a.1]གནས། །དེ་ཉིད་བདག་ནི་དེས་བསྐྱེད་པའོ། །དེ་སྤངས་པ་ཡི་དངོས་པོ་ནི། །ལྷན་ཅིག་སྐྱེས་ཞེས་ཡང་དག་གསུངས། །ཚིག་ལམ་སྤྱོད་ཡུལ་ལས་འདས་པའོ། །བདག་གི་དེ་ཉིད་རྟག་ཏུ་བསྔགས། །དཀྱིལ་འཁོར་དེ་ཉིད་ཡང་དག་ལྡན། །ཆོས་དང་ལོངས་སྤྱོད་སྤྲུལ་
[131a.2]བ་ནི། །ལུས་དང་རྣམ་པར་གནས་པའོ། །དམིགས་པའི་དངོས་པོ་སངས་རྒྱས་ཏེ། །མི་དམིགས་པ་ནི་རྡོ་རྗེ་འཛིན། །གནས་གཉིས་མཉམ་པར་དམིགས་ནས་ནི། །ཤེས་རབ་གཉིས་ནི་བསྟན་པའོ། །བརྟན་སོགས་བཅུ་ནི་ས་རྣམས་དང་། །ཕ་རོལ་ཕྱིན་པ་བཅུ་མཆོག་གོ། །ཉི་ཤུ་
[131a.3]རྩ་བཞི་དབྱེ་བ་ཡིས། །ལུས་ཀུན་ལ་ནི་རྣམ་པར་གནས། །རིམ་པ་ཇི་ལྟ་བ་བཞིན་དུ་འདི་དག་སྟེ། མགོ་དང་། སྤྱི་གཙུག་དང་། རྣ་བ་གཡས་པ་དང་། རྒྱབ་ཀྱི་ཚིགས་པ་དང་། རྣ་བ་གཡོན་པ་དང་། སྨིན་མའི་དབུས་དང་། མིག་དང་། དཔུང་པའི་རྩ་བ་དང་། ནུ་མ་གཉིས་དང་།
[131a.4]ལྟེ་བ་དང་། སྣའི་རྩེ་མོ་དང་། ཁ་དང་། མགྲིན་པའི་ཕྱོགས་དང་། སྙིང་ག་དང་། ཆུ་སོ་དང་། མཚན་དང་། བཤང་བའི་ལམ་དང་། བརླ་གཉིས་དང་། བྱིན་པ་དང་། སོར་མོ་དང་། རྐང་པའི་བོལ་དང་། མཐེ་བོ་དང་། པུས་མོ་རྣམས་སུ་བདག་པོ་ལ་སོགས་པ་སྐྱེ་བ་དང་
[131a.5]གནས་པ་དང་། རབ་ཏུ་ཐིམ་པ་ཞེས་སོ། །པུལླི་རུ་ནི་བདག་པོ་སྟེ། །ཛཱ་ལནྡྷ་རར་སྤྱོད་པས་གནས། །ཨོ་ཌྱ་ན་དུ་ནི་ཐིམ་པས་གནས། །སྟན་ལ་སོགས་པའི་གནས་རྣམས་སུ། །ཡན་ལག་ཀུན་དུ་ཐིམ་གྱུར་པ། །བདེ་མཆོག་གི་ནི་མཚན་ཉིད་དོ། །སྤྲུལ་པ་རུ་ནི་སྐྱེས་པ་སྟེ། །ལོངས་
[131a.6]སྤྱོད་པ་རུ་གནས་པའོ། །ཆོས་ཀྱི་སྐུ་ཡི་རང་བཞིན་གྱིས། །ཐིམ་པར་གྱུར་པར་སོམ་ཉི་མེད། །དེ་ལྟར་སྐུ་རྣམས་ཆ་ཤས་ཀྱིས། །བདག་པོ་ལོངས་སྤྱོད་ཐིམ་པའོ། །གནས་སུ་ཇི་ལྟར་དེ་བཞིན་དུ། །སྐྱེ་བ་དང་ནི་གནས་པ་ཉིད། །ཐིམ་པར་གྱུར་པའི་རིམ་པ་ཡིས། །རྟག་ཏུ་དགའ་བ་སྐྱེ་
[131a.7]བར་འགྱུར། །གནས་བྱེད་པ་ཡི་སྒོ་ནས་ནི། །རྡོ་རྗེ་མཁའ་འགྲོ་བསྐུལ་བའོ། །དཔལ་ལྡན་ཛཱ་ལནྡྷ་རར་ནི། །སྐད་ཅིག་དེ་ལ་བདེ་བར་འགྱུར། །བདེ་བར་བསྐྱེད་པའི་བསྡུས་པ་ནི། །བརྟན་གཡོ་ཀུན་གྱི་བདག་ཉིད་དོ། །དེ་ལྟར་ཧེ་རུ་ཀ་ཕག་མོ། །དང་པོའི་སངས་རྒྱས་དཔའ་བོར་ལྡན། །
[131b]
[131b.1]དེ་ཡི་ཕྱག་སོགས་སངས་རྒྱས་ཏེ། །ཁམས་ཀྱི་མིང་ནི་འབྱུང་བའོ། །ལྷན་ཅིག་སྐྱེས་པ་རྣམ་གཉིས་ཏེ། །བུད་མེད་སྐྱེས་པ་ལ་སོགས་བརྟག །ཐམས་ཅད་ཡུལ་དུ་རབ་ཏུ་བསྟན། །ནམ་མཁའ་བདུད་རྩིའི་ངོ་བོའོ། །དེ་ལ་སྤྱོད་པ་གང་ཡིན་ཏེ། །ཐམས་ཅད་ནམ་མཁའ་སྤྱོད་པར་དེ་ཤེས། །
[131b.2]ཐམས་ཅད་མཁའ་འགྲོ་དྲ་བ་ཡི། །སྙིང་པོ་བདེ་མཆོག་མཆོག་ཡིན་ཏེ། །འདིར་ནི་ཕྲེང་མེད་བཟླས་པ་མེད། །ལྷན་ཅིག་སྐྱེས་པར་ཀུན་དུ་གནས། །དེ་བས་ཤིན་ཏུ་རྟོག་བྲལ་བས། །གུས་པ་བསྐྱེད་ཅིང་འབད་པ་ཡིས། །འཇིགས་དང་མཛེམ་པ་རྟག་སྤངས་ནས། །རྣལ་འབྱོར་རོལ་
[131b.3]པས་གནས་པར་བྱ། །འདིར་ནི་མྱ་ངན་འདས་དང་སྦྱིན་སྲེག་རྣལ་འབྱོར་བསམ་བྱ་དཀྱིལ་འཁོར་ལ་སོགས་པ། །བུམ་པ་རྡུལ་ཚོན་ཐིག་སྐུད་ཆོ་ག་ལུས་ལ་ལྷན་ཅིག་སྐྱེས་ནས་རིག་པར་བྱ། །གཙུབ་ཤིང་གཙུབས་པའི་སྦྱོར་བ་ཡིས། །ཡེ་ཤེས་མེ་ནི་ཤིན་ཏུ་འབར། །རླུང་གིས་བསྐྱོད་པར་
[131b.4]གྱུར་པ་ལས། །ལྟེ་བའི་པདྨ་རྣམ་པར་གནས། །དུ་བ་རྟག་ཏུ་ལྷ་མོ་སྟེ། །ལེགས་འབར་ལྷན་ཅིག་སྐྱེས་པའི་གཟུགས། །ཡེ་ཤེས་འཁོར་ལོའི་སངས་རྒྱས་དང་། །ལོངས་སྤྱོད་འཁོར་ལོར་གྱུར་བསྲེགས་ནས། །ཐབས་ནི་རབ་ཏུ་མཆོད་བྱས་ནས། །སྨིན་མཚམས་མཛོད་པུར་སོང་གྱུར་
[131b.5]ནས། །ཨོ་ཌྱ་ན་ཞེས་ནི་བྱ་བ་ཡི། །གནས་ཀྱི་སྒོ་ནས་འཕྲོས་ནས་ནི། །ཛཱ་ལནྡྷ་རར་རབ་ཏུ་ཞུགས། །དེ་བཞིན་གཤེགས་པ་ཐམས་ཅད་བསྲེག །ཡིད་ཀྱི་ཤུགས་ལྡན་ལྷ་མོ་ནི། །མིག་གིས་མཐོང་བ་མ་ཡིན་ནོ། །སངས་རྒྱས་སྙིང་ག་ན་བཞུགས་ཁྱབ། །བདུད་རྩིའི་ཚོགས་ནི་བླང་བྱས་
[131b.6]ཏེ། །འོ་མ་ཡི་ནི་རྒྱུན་ལྟ་བུར། །གསེར་གྱི་སྒོ་རུ་རབ་ཏུ་ཞུགས། །རྐན་གྱི་དབུས་ནས་འཛག་པ་ནི། །ལོངས་སྤྱོད་འཁོར་ལོར་ལེགས་པར་གནས། །ཟོ་ཆུའི་འཁྲུལ་འཁོར་བཞིན་དུ་ནི། །སྔོན་དུ་སེམས་ནི་རྣམ་པར་གནས། །ཐ་མ་མེད་པར་ལེགས་པར་བསྲེག །ལེགས་པར་སངས་
[131b.7]རྒྱས་མཉེས་པ་སྟེ། །ཡང་ནི་འདོད་དང་ལྡན་གྱུར་ནས། །ལྟེ་བའི་འཁོར་ལོར་ལེགས་པར་གནས། །འདིར་བཞུགས་ཡང་ནི་འགྲོ་བ་དང་། །འོང་བར་གྱུར་བ་དེ་བཞིན་ནོ། །ཀུན་སྤྱོད་མཁའ་འགྲོ་མ་རྣམས་ཀྱི། །འཁོར་ལོ་བདེ་མཆོག་ལས་གསུངས་སོ། །ལྡོག་པ་ཡི་ནི་མཚན་ཉིད་དོ། །
[132a]
[132a.1]འདི་དག་ཐམས་ཅད་བདག་གིས་བཤད། །གང་གཞན་བདེ་བའི་དངོས་གྲུབ་ནི། །བླ་མ་ལ་གུས་དེ་ཤེས་བྱ། །སྣ་ཚོགས་སྔགས་བཟླས་རྣལ་འབྱོར་མཁས་པས་ཀུན་གྱི་བདག་ཉིད་ཀྱིས་ལེགས་མཆོད། །འཁོར་ལོ་ལ་གནས་བླ་མ་རྡོ་རྗེ་དཔའ་བོའི་ཚོགས་དང་ལེགས་པའི་རྣལ་
[132a.2]འབྱོར་མ་ཡི་ཞབས། །ང་རྒྱལ་བཅས་པས་རྒྱུད་རྣམས་ཀུན་གྱི་སྙིང་པོའི་གནས་ནི་ལེགས་པར་བརྟགས། །ཕྱི་ནས་བློ་དང་ལྡན་པས་སེམས་ཅན་དོན་འདོད་རྩོམ་པས་དཀྱིལ་འཁོར་བརྩམ། །སངས་རྒྱས་ཀུན་གྱི་ལྷ་རྣམས་ནི། །བྲི་བ་སྨད་འཚོང་གཞུང་ཡིན་ནོ། །ཧེ་རུ་ཀ་འབྱུང་སོགས་ལས་ཀྱང་། །
[132a.3]ཛཱ་ལནྡྷ་ར་སོགས་པ་གསུངས། །འདུས་པ་ལ་སོགས་རྒྱུད་རྣམས་ཀྱི། །མིང་དེ་ཅི་ཡི་ཕྱིར་ན་འགལ། །སྔགས་པས་འཁོར་ལོ་སྡོམ་དཀྱིལ་འཁོར། །བདེ་མཆོག་དོན་དུ་བྲི་བར་བྱ། །སློབ་དཔོན་གྱི་ནི་མཚན་ཉིད་བསྟན། །རྒྱུད་ལས་ཇི་ལྟར་བསྟན་པར་འདོད། །གཡོན་པའི་ལག་ན་ཁ་ཊྭཱཾ་ག །
[132a.4]གཞན་ན་ཅང་ཏེའུ་ཧཱུཾ་སྒྲོགས་པ། །ཡང་དག་ཡེ་ཤེས་རྒྱུད་ཤེས་ཤིང་། །ཧེ་རུ་ཀ་དཔལ་གསང་སྔགས་ཤེས། །ཁྲོ་མེད་གཙང་ལ་མཁས་པ་དང་། །སྦྱོར་ཤེས་ཡེ་ཤེས་ཕ་རོལ་སོན། །སྤྱི་བོ་ལས་སྐྱེས་ཐོད་པས་བརྒྱན། །ཡན་ལག་ཐལ་བས་རྗེས་སུ་བྱུག །བླ་མ་ཆེན་པོས་སློབ་མ་ལ། །
[132a.5]མཆོད་པ་ལ་སོགས་དེ་དག་དྲི། །དགའ་བས་དེ་ནི་སྨྲ་བར་བྱ། །བདག་གིས་ཐམས་ཅད་ཚོགས་པར་གྱུར། །བཟའ་དང་བཏུང་བ་ལ་སོགས་པ། །རས་དང་ལྷ་བཤོས་ཐམས་ཅད་ལྡན། །དཔའ་བོ་ལྷ་མོ་མཆོད་པའི་དོན། །བདག་གིས་ཆོ་ག་བྱེད་པར་ནུས། །དཔའ་བོ་ཆེན་པོས་དེ་ནས་འདིར། །
[132a.6]ཤེས་རབ་ཡན་ལག་གཉིས་མེད་འདུས། །ཧེ་རུ་ཀ་དཔལ་རྣལ་འབྱོར་ཆེ། །འཁོར་ལོ་ཀུན་ལ་རྣམ་པར་གནས། །མདུན་དུ་གནས་པའི་སློབ་མ་ནི། །བསོད་ནམས་ལྡན་ཞིང་བློ་དང་ལྡན། །ཐོག་མར་སྲུང་བ་བྱས་ནས་ནེ། །དེ་ནས་ས་ནི་རྣམ་པར་བརྟག །རྒྱུད་ལས་བསྟན་པའི་དཀྱིལ་འཁོར་
[132a.7]གནས། །ཁྲོ་བོའི་སྦྱོར་བས་མནན་ནས་ཀྱང་། །གནོད་མཛེས་གསང་སྔགས་བཟླས་ནས་ནི། །འབད་པས་བགེགས་ནི་བསྐྲད་པར་བྱ། །སློབ་མ་མཁས་པ་ལེགས་པར་གཟུང་། །བདེ་བའི་མཆོག་ནི་མཉེས་ནུས་པ། །བདེ་མཆོག་ལས་གསུངས་བྱ་བ་ལྡན། །སྔོན་དུ་ཕག་མོ་ལ་གུས་པ། །བསོད་
[132b]
[132b.1]ནམས་འདོད་ཅིང་གཙང་ལ་མཁས། །དཀྱིལ་འཁོར་འདྲི་བའི་ཕ་རོལ་སོན། །དགའ་ཞིང་སྡུག་པ་ཡང་ཡིན་ཏེ། །དེ་དང་ལྷན་ཅིག་ལེགས་པར་བརྩམ། །གཏོར་མ་སྦྱིན་སོགས་བྱིན་ནས་ནི། །ཧེ་རུ་ཀ་དང་གཉིས་མེད་གནས། །བླ་མ་དཔའ་བོ་ལེགས་མཆོད་ནས། །ས་བཞི་དག་པ་ལེགས་
[132b.2]པར་བརྩམ། །རི་ཕུག་ནགས་ཀྱིས་མཁྲེགས་པ་དང་། །རྒྱ་མཚོ་ཆེན་པོའི་འགྲམ་དུའམ། །སྔོན་དུ་གྲུབ་པའི་དུར་ཁྲོད་དུ། །དེར་ནི་དཀྱིལ་འཁོར་བྲི་བར་བྱ། །དེར་ནི་ལྕི་བ་མ་ལྷུང་བས། །དཀྱིལ་འཁོར་ས་ནི་ཉེ་བར་བྱུག །དུར་ཁྲོད་ཐལ་བར་ལྡན་པ་དང་། །བདུད་རྩི་ལྔ་དང་མཉམ་ལྡན་
[132b.3]པས། །ས་དེ་ཉེ་བར་བྱུག་པར་བྱ། །དེར་ནི་དཀྱིལ་འཁོར་བརྩམ་པར་བྱ། །བར་མ་མཆོག་དང་དབུགས་དབྱུང་དང་། །དྲི་ཡི་ཆུ་དང་ལྷན་ཅིག་པས། །འབད་པས་མཉམ་པར་བརྡུང་བར་བྱ། །ས་ནི་མཉམ་ཞིང་གཙང་བར་བྱ། །དབུས་དང་ཐོག་མ་གང་བསྟན་པའི། །ལྷག་མའི་བཤད་པ་
[132b.4]ཡང་དག་ལྡན། །བླ་མ་དམ་པ་ལས་ཤེས་བྱ། །དེས་ཤེས་གང་དེ་བཞིན་དུ་མིན། །ཤར་དང་བྱང་དུ་གཞོལ་བ་ནི། །སྔགས་པ་རྟག་ཏུ་དངོས་གྲུབ་འགྱུར། །དབུས་སུ་མཐོ་བས་རྒྱལ་སྲིད་དང་། །རིག་པ་འཛིན་པའི་གནས་སུ་འགྱུར། །བྱང་དུ་མཐོ་བས་འཆི་བའམ། །ཡང་ན་ནོར་ནི་ཟད་
[132b.5]པར་འགྱུར། །ཇི་སྐད་བཤད་པའི་ཤར་མཐོ་བས། །མྱུར་དུ་རིགས་རྣམས་ཟད་པར་འགྱུར། །དབུས་སུ་དམའ་བའི་ས་གཞི་གང་། །སྒྲུབ་པ་པོ་ནི་འཇིགས་པར་འགྱུར། །དེ་ལྟར་མཚན་ཉིད་བཅས་པ་ཡི། །དཔའ་བོའི་དབང་པོ་སོགས་པས་བརྟག །སའི་མཚན་ཉིད་དོ། །མགུལ་རྒྱན་དང་ནི་
[132b.6]གདུ་བུ་ཉིད། །རྣ་རྒྱན་སྤྱི་བོའི་ནོར་བུ་དང་། །མཆོད་ཕྱིར་ཐོགས་དང་ཐལ་བ་སྟེ། །ཕྱག་རྒྱ་དྲུག་གིས་རྣམ་པར་བརྒྱན། །མཁའ་འགྲོ་མ་ཚོགས་ཕྱོགས་བཞི་རུ། །རྡོ་རྗེ་རྣལ་འབྱོར་མ་བཞག་ནས། །རྡོ་རྗེ་དྲིལ་བུ་ཕྱག་ན་འཛིན། །རང་གི་གཙོ་ལ་གསོལ་བ་གདབ། །དེ་བཞིན་གཤེགས་པ་ཀུན་
[132b.7]ཞི་བ། །དེ་བཞིན་གཤེགས་པ་ཀུན་གྱི་གནས། །ཆོས་ཀུན་བདག་མེད་པ་ཡི་མཆོག །དཀྱིལ་འཁོར་བདག་པོ་བཤད་དུ་གསོལ། །མཚན་ཉིད་ཐམས་ཅད་ཡང་དག་རྫོགས། །མཚན་མིན་ཐམས་ཅད་སྤངས་པ་སྟེ། །ཀུན་དུ་བཟང་པོ་སྐུ་ཡི་མཆོག །དཀྱིལ་འཁོར་དམ་པ་བཤད་དུ་
[133a]
[133a.1]གསོལ། །ཞི་བའི་ཆོས་ནི་མཆོག་ལས་བྱུང་། །ཡེ་ཤེས་སྤྱོད་པ་རྣམ་སྦྱོང་བ། །ཀུན་དུ་བཟང་པོ་གསུང་གི་མཆོག །དཀྱིལ་འཁོར་སྙིང་པོ་བཤད་དུ་གསོལ། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པ་དྲི་མེད་པ། །ཀུན་དུ་བཟང་པོ་ཐུགས་ཀྱི་མཆོག།
[133a.2]དཀྱིལ་འཁོར་སྙིང་པོ་བཤད་དུ་གསོལ། །གང་ཞིག་ལག་ན་ཐོད་པ་དང་། །ཆང་ལ་དགའ་བས་མྱོས་པ་རྣམས། །སྤྱོད་པ་གཟུགས་ཅན་རྣལ་འབྱོར་མ། །ལྷ་མོ་ཆེན་མོ་མཉེས་པ་སྟེ། །ཁམས་ཀྱི་རང་བཞིན་ཐམས་ཅད་དམ། །དེ་བཞིན་སྲོག་དང་རྩ་རང་བཞིན། །རང་ལྷག་ལྷ་ལ་རབ་
[133a.3]ཕྱོགས་པས། །གྲུབ་པའི་ཕྱག་རྒྱ་རབ་ཏུ་བསྒྱུར། །ཧེ་རུ་ཀ་དཔལ་རྣལ་འབྱོར་ཆེ། །བསམས་ནས་བགེགས་ནི་རབ་ཏུ་གཞོམ། །བགེགས་ཀྱི་ཚོགས་ནི་གཞན་རྣམས་དང་། །གདུག་པའི་ཚོགས་ནི་བསྐྲད་པར་བྱ། །རྐང་པའི་འོག་ཏུ་དགོད་བྱ་བ། །རྡོ་རྗེ་འབར་བ་ཧཱུཾ་ལས་བྱུང་། །ཨཾ་ཡིག་
[133a.4]མིག་གཉིས་ཤེས་ནས་ནི། །ཟླ་བ་ཉི་མར་རྣམ་པར་བསམ། །རྡོ་རྗེ་དྲིལ་བུ་བླངས་ནས་ནི། །གཡས་ན་རྡོ་རྗེ་ཡང་དག་ལྡན། །བློ་དང་ལྡན་པས་ཕྱོགས་ཀུན་བལྟ། །ཁྲོས་པས་སེམས་ཅན་དོན་ལ་བརྩོན། །དེ་རུ་གནས་པའི་གདུག་པ་དང་། །བདུད་དང་བགེགས་དང་ལོག་འདྲེན་དང་། །དེ་
[133a.5]རྣམས་བསྐྲད་པའི་དོན་གྱི་ཕྱིར། །ཚིག་འདི་དག་ནི་བརྗོད་པར་བྱ། །གང་ཞིག་ས་ཡི་བདག་པོ་རྣམས། །ཀླུ་དང་གནོད་སྦྱིན་དྲི་ཟ་སོགས། །འབྱུང་པོ་འབྱུང་མོ་མཁའ་འགྲོ་མ། །སེམས་ཅན་དོན་དུ་བྱ་བར་བརྩོན། །མྱུར་དུ་འགྲོ་བ་ཉིད་དུ་གྱིས། །ཧེ་རུ་ཀ་ཡི་བཀའ་ཐོས་ནས། །མྱུར་བ་ཉིད་
[133a.6]དུ་བོར་ནས་ནི། །ཁྱེད་རྣམས་འགྲོ་བ་ཉིད་དུ་གྱིས། །གལ་ཏེ་འགྲོ་བར་མི་འགྱུར་ན། །རྡོ་རྗེ་འབར་བ་ཁ་ཊྭཱཾ་གིས། །དེ་ཡི་མགོ་ནི་བརྒྱར་དགས་བྱ། །ཨོཾ་སུམྦྷ་ནི་སུམྦྷ་ཧཱུཾ་ཕཊ། །ཨོཾ་གྲྀཧྞ་གྲྀཧྞ་ཧཱུཾ་ཕཊ། །ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་བཱན་བཛྲ་ཧཱུཾ་ཕཊ། དབང་ལྡན་
[133a.7]ཕྱོགས་ནས་བརྩམས་ནས་ནི། །གཡོན་དུ་བསྐོར་བ་ལ་བརྩོན་པས། །དཔའ་བོ་ཆེན་པོ་ཁྲོས་པས་བསྐོར། །བསྐལ་པའི་མེ་ལྟར་ལངས་ནས་ནི། །དེ་ལས་བྱུང་བའི་འོད་སོགས་ཀྱིས། །བདུད་ལ་སོགས་པ་ཐམས་ཅད་བསྲེགས། །འདི་ལྟར་སེམས་པའི་རྣལ་འབྱོར་དག །ཧཱུཾ་སྒྲ་བསྒྲགས་
[133b]
[133b.1]པར་གར་བྱས་ཏེ། །མྱ་ངན་ཁྲོ་དང་འཇིགས་པ་མེད། །དེ་བཞིན་དྲག་དང་བརྩེ་བ་གཉིས། །རྗེས་སུ་ཆགས་ལྡན་རོ་འདི་དག །དང་པོ་ཞལ་ལ་ལེགས་པར་གནས། །མི་སྡུག་པ་དང་ངོ་མཚར་གང་། །འཇིགས་དང་གཡོ་དང་དེ་བཞིན་དུ། །རྗེས་སུ་ཆགས་གནས་རོ་འདི་ཡིས། །གཡོན་པའི་
[133b.2]ཞལ་དུ་གྱུར་པར་གསུངས། །བཞད་དང་དགའ་བ་དབང་ཕྱུག་དང་། །བཞད་པ་དང་ནི་སྒེག་པ་ཉིད། །རྗེས་སུ་ཆགས་ནས་རོ་ཉིད་དང་། །དེ་ནི་ནུབ་ཀྱི་ཞལ་ཡིན་ནོ། །སྨོད་པ་དང་ནི་ངོ་མཚར་ཉིད། །བརྐམ་པར་གྱུར་པ་གང་ཡིན་པ། །དཔའ་བོ་འཇིགས་བྱེད་གནས་འདི་དག །གཡས་ཀྱི་ཞལ་
[133b.3]ལ་དེ་དག་གནས། །པདྨ་རྡོ་རྗེ་དབུས་སུ་ནི། །གང་ཞིག་སེམས་ནི་ལེགས་གནས་ཤིང་། །ཞི་བ་དེ་ནི་ལེགས་དག་པ། །ལྷན་ཅིག་སྐྱེས་པ་དགའ་བའི་གར། །གར་ནི་ཆོས་ཀྱི་དེ་ཉིད་དུ། །ཤེས་པའི་གར་དུ་ཐེ་ཚོམ་མེད། །འཇིག་རྟེན་ལ་ཕན་རྒྱུ་ཡི་ཕྱིར། །འཇིག་རྟེན་ཆོས་ཅན་གར་བྱའོ། །
[133b.4]གླང་པོ་ཆེ་ཡི་པགས་པ་དང་། །མདུང་དང་ཞགས་པ་གྲི་གུག་དང་། །ཌ་མ་རུ་དང་ཁ་ཊྭཱཾ་དང་། །ཐོད་པ་དང་ནི་ཞགས་པ་དང་། །མགོ་བོ་རྡོ་རྗེ་དྲིལ་བུ་དང་། །མགོ་བོ་ལྔ་བཅུའི་ཕྲེང་བ་དང་། །དེ་རྣམས་ཐོགས་པའི་སྣང་བའོ། །མགུལ་རྒྱན་ཐོགས་ཤིང་གཡོན་པ་དང་། །གཡས་ན་གདུ་བུ་དེ་
[133b.5]བཞིན་དུ། །རྣ་རྒྱན་རྣ་བ་ལ་བཀོད་ཅིང་། །གཡོན་གྱི་སྤྱི་བོ་ནོར་བུ་དང་། །གཡས་པ་ཡིས་ནི་ཐལ་བ་དང་། །མཆོད་ཕྱིར་ཐོགས་དང་ཡང་དག་ལྡན། །བདེ་བྱེད་ལྟ་བུ་བྱ་བ་དང་། །རི་མོ་ལྟ་བུ་བྱ་བའོ། །པདྨོ་ལྟ་བུའི་ལག་བྱས་ཏེ། །པདྨ་ལྟ་བུར་གྱུར་པའོ། །ཇི་སྲིད་རི་མོ་ལྟ་བུ་ཡི། །གར་ནི་
[133b.6]རྣལ་འབྱོར་མ་ལྷན་ཅིག །ཟླ་བ་གཉིས་པོ་མི་འགྱུར་བ། །ཌ་མ་རུ་ནི་སྐྱེད་བྱེད་པའོ། །མཚན་ཉིད་བདག་གིས་བསྟན་པའོ། །ཡོངས་སུ་ལྡན་པས་བལྟ་བའོ། །བདེ་མཆོག་དོན་ནི་ལེགས་མཐོང་ནས། །རྣལ་འབྱོར་མ་ཡི་མཚན་ཉིད་དང་། །གཞན་ཡང་གར་དང་དངོས་གྲུབ་དང་། །དཀྱིལ་
[133b.7]འཁོར་དོན་དང་ཆོ་ག་བཤད། །དེ་ལྟར་བསྟན་པ་ནི་སམྦ་རའི་སྒྲ་ཞེས་བྱ་བའོ། །ཅུང་ཟད་ངོ་ཚའི་མིག་ཟུར་གྱིས། །ཧེ་རུ་ཀ་ཞལ་འོ་བྱེད་ཅིང་། །ལེགས་པའི་ཕག་མོ་གང་བྱའོ། །ཀུན་ཏ་ཟླ་བ་དྲི་མེད་སོ། །དམར་འོད་ལྟ་བུ་ཧཱུཾ་སྒྲོགས་པ། །ཁྲོས་པས་བགེགས་ཀུན་རླག་པར་བྱེད། །ལྷན་
[134a]
[134a.1]ཅིག་སྐྱེས་དགའ་རོལ་པ་ཡིས། །སེམས་ཅན་དོན་ནི་བྱེད་ལ་བརྩོན། །དེ་དང་ལྷན་ཅིག་དཔའ་བོ་ཆེ། །འཁོར་ལོའི་ས་ཡི་དབུས་སུ་གནས། །ཟ་བའི་ཕྱག་རྒྱ་ལ་སོགས་པས། །བགེགས་རྣམས་ཀུན་ནི་བསྐྲད་པར་བྱ། །ཇི་སྲིད་གར་གྱི་བསྟན་བཅོས་ལས། །སྙིང་རྗེའི་ཕྱག་
[134a.2]རྒྱ་ལ་སོགས་པ། །ཧེ་རུ་ཀ་དཔལ་ཕྱག་རྒྱ་སྟེ། །དེ་ནི་དངོས་གྲུབ་ཀུན་སྟེར་བའོ། །ཞལ་བཞི་ལ་སོགས་སྔགས་ཀྱིས་ནི། །ཕུར་བུ་ར་བ་དྲ་བ་དང་། །ཇི་བཞིན་སྔོན་གྱི་རྗེས་འབྲངས་ནས། །ཆོ་ག་ཐམས་ཅད་བྱ་བའོ། །དེ་ལྟར་གོ་བགོས་བདག་ཉིད་ནི། །འོག་ཏུ་མཚོན་ཆ་ངེས་པར་གཞག །
[134a.3]འཁོར་ལོ་ལྷན་ཅིག་བདག་ཉིད་ནི། །སྟེང་དུ་མདའ་ནི་བྲི་བའོ། །བདག་ཉིད་མཁའ་སྤྱོད་དྲ་བ་ནི། །དེ་ལྟར་གོ་བགོས་གོ་དང་ལྡན། །སུམ་ཅུ་གསུམ་པས་ཀྱང་མི་ཕིག །མཐའ་ཡི་དབྱངས་ཡིག་ལས་བྱུང་བ། །སྣ་ཚོགས་རྡོ་རྗེ་གཟི་བརྗིད་བཟང་། །དེས་ན་རྟག་ཏུ་མི་ཕིག་པ། །འབར་བའི་
[134a.4]གཟུགས་སུ་རྣམ་པར་བསམ། །འདིས་ནི་ཧཱུཾ་འབྱུང་ཁྲོ་བོ་ཡིས། །ནམ་མཁའི་དཀྱིལ་འཁོར་དགང་བར་བྱ། །ཡི་གེ་བདུན་པ་བཟླས་པ་ཡིས། །རྡོ་རྗེའི་ལྟ་བ་ཀུན་དུ་བལྟ། །ས་གཞི་དག་པར་བལྟས་ནས་ནི། །བགེགས་རྣམས་ཀུན་ནི་རྣམ་པར་སྤངས། །བདུད་རྩི་ལྔ་སོགས་ལེགས་པར་བྱུག །
[134a.5]བློ་བཟང་གིས་ནི་མེ་ཏོག་གཏོར། །མཁའ་འགྲོ་མ་རྣམས་ཡང་དག་ལྡན། །རྡོ་རྗེ་ས་དབུས་ལེགས་པར་གནས། །དཔའ་བོ་རྡོ་རྗེ་དྲིལ་བུ་འཛིན། །མངའ་བདག་ཧེ་རུ་ཀ་བསྒོམ་བྱ། །འབྱུང་གནས་སྒྲ་གཟུགས་ལ་སོགས་པའི། །རྣལ་འབྱོར་རིགས་པས་རྣལ་འབྱོར་དམིགས། །དཔལ་
[134a.6]ལྡན་བདེ་མཆོག་འཁོར་ལོ་ཆེ། །དངོས་གྲུབ་ས་ལ་བརྩམ་པར་བྱ། །ཡ་སྡེ་བརྒྱད་པའི་ས་བོན་ནི། །སྟོང་བས་སྟེང་དུ་བརྒྱན་པར་བྱ། །དེ་ནི་ལན་གསུམ་བརྗོད་བྱས་ཏེ། །ས་ལ་རེག་པས་ས་རེག་གནས། །བཀུག་ནས་མདུན་དུ་བལྟ་བར་བྱ། །མཛེས་མ་ཞེས་བྱའི་མ་མོ་ནི། །ལེགས་པའི་
[134a.7]གཟུགས་ཅན་ལེགས་གཟུགས་དེས། །ཧེ་རུ་ཀ་ལ་དགའ་བས་གསོལ། །མགོན་པོ་བདག་གིས་ཅི་ཞིག་བགྱི། །རྡོ་རྗེ་ཅན་བདག་བཀའ་སྩོལ་ཅིག །ཁྱེད་ཀྱི་དཀྱིལ་འཁོར་དོན་གྱིས་ན། །བདག་གིས་བུམ་པ་གཟུང་བར་བྱ། །མ་ལ་སོགས་དང་ཡང་དག་ལྡན། །བློ་དང་ལྡན་པས་
[134b]
[134b.1]ཐོད་པ་གཞག །ཆོ་གས་མཆོད་པ་བྱས་ནས་ནི། །ཨརྒྷ་བྱིན་ནས་ལྷག་པར་གནས། །ཏྭཾ་དེ་བཱི་སཀྵི་བྷཱུ་ཏཱ་ཡི་སརྦ་བུདྡྷཱ་ནཱཾ་ཏཱ་ཡི་ནཾ། ཙརྱཱ་ན་ཡ་བི་ཤེ་ཥེ་ཥྱ་བྷཱུ་མི་པཱ་ར་མི་ཏ་སུ་ཙ། མཱ་ར་སཻ་ནྱཾ་ཡ་ཐཱ་བྷ་ག་ཤཱཀྱ་སིདྷེ་ན་ཏཱ་ཡི་ནཱ། ཏ་ཐཱ་མཱ་ར་བ་ལཾ་ཛི་ཏྭ་མཎྜལཾ་སཾ་ལི་ཁ་མ་ཧཾ། ལན་གསུམ་བརྗོད་པ་ཙམ་
[134b.2]གྱིས་ནི། །མཛེས་མ་དགའ་ནས་སྨྲས་པ་ནི། །ཀྱེ་མགོན་པོ་ཁྱོད་ཀྱི་བསོད་ནམས་ནི། །དྲི་མེད་བསགས་པ་བདག་གིས་ཤེས། །ད་ལྟར་ཁྱོད་ནི་དེ་ཕྱིར་རོལ། །ཐམས་ཅད་ཁྱོད་ཀྱིས་དབང་དུ་གནས། །གང་ཞིག་བྱ་བ་དེ་བཀའ་སྩོལ། །བདག་ནི་དེ་དག་བྱེད་པས་སྤྲོ། །ཞེས་པའི་ཚིག་ནི་སྨྲས་
[134b.3]གྱུར་ནས། །ས་དེར་ཐིམ་པར་གྱུར་བར་བསམ། །ལས་ཀྱི་དཀྱིལ་འཁོར་སྒྲུབ་པའི་ཐབས། །སྔགས་པས་དེ་ནས་བྱས་པའོ། །ས་གཞི་ལྷག་པར་གནས་པའི་ཆོ་གའོ། །བདུད་རྩི་ལྔ་ཡི་ཆུ་ཉིད་ཀྱིས། །ས་ནི་ལེགས་པར་བྱུགས་པར་མཛེས། །དཔའ་བོ་དཔའ་མོའི་དབང་ཕྱུག་གནས། །
[134b.4]བློ་བཟང་གིས་ནི་མཎྜལ་བྱ། །སྣ་ཚོགས་མེ་ཏོག་དགྲམ་པ་དང་། །སྤོས་ཀྱི་དྲི་ཡིས་ལེགས་བསྒོས་ཏེ། །མཆོག་ཏུ་དགའ་བའི་སྦྱོར་ལས་བྱུང་། །ལེགས་པའི་འཁོར་ལོ་དེར་སྤྱན་དྲང་། །འབྱུང་གནས་སྒྲ་ཚུལ་ལ་སོགས་པའི། །རྣལ་འབྱོར་སྔོན་དུ་དམིགས་ནས་ནི། །འཁོར་ལོའི་
[134b.5]གཟུགས་བདག་སྦྱོར་བ་ཡིས། །གནས་དང་གནས་སུ་རྣམ་པར་བསམ། །དཔལ་ལྡན་ཧེ་རུ་ཀ་སོགས་ལྡན། །རྣམ་པ་ཀུན་གྱི་མཚན་ཉིད་གཅིག །དངོས་གྲུབ་ཀུན་གྱི་གཞིར་སྦྱོར་བ། །བདེ་མཆོག་དངོས་གྲུབ་ཐམས་ཅད་སྟེར། །ལམ་ལ་གནས་ཤིང་འབྲས་བུར་གནས། །དཔའ་བོ་དཔའ་
[134b.6]མོ་དབང་ཕྱུག་མཛེས། །ཡུལ་ལ་སོགས་པ་གནས་སྟན་དུ། །གསང་བ་སྤྱན་དྲང་བསྒོམ་བྱ་སྟེ། །ཡེ་ཤེས་འཁོར་ལོ་མཉམ་སྦྱོར་བ། །དམ་ཚིག་དཀྱིལ་འཁོར་བསམ་པར་བྱ། །ངོ་བོ་གཅིག་པའི་ལེགས་དག་པ། །ལྷན་ཅིག་སྐྱེས་དགའ་ཤིན་ཏུ་མཛེས། །རྐང་པ་མནན་ཅིང་གྱེན་དུ་བལྟ། །གྱེན་དུ་ཕེཾ་གི་སྒྲ་
[134b.7]བསྒྲགས་ཤིང་། །ཕྱོགས་བཅུའི་འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་དགུག །མཛུབ་མོ་མདུད་བྱས་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་བོར་རབ་སྦྱོར་ཏེ། །དཔྲལ་བའི་དབུས་ཕྱོགས་ལེགས་བཞག་ནས། །ཕྱག་རྒྱ་མཆོག་གིས་མ་ཚོགས་
[135a]
[135a.1]བསྐུལ། །མཁའ་སྤྱོད་ལ་སོགས་མཉམ་ལྡན་པའི། །ཡེ་ཤེས་འཁོར་ལོ་ཤིན་ཏུ་མཛེས། །གཡོན་དུ་བསྐོར་བའི་བྱེ་བྲག་གིས། །བསྐོར་བ་ཉིད་ཀྱིས་དགུག་པར་བྱ། །བདུད་རྩི་ལྔ་དང་ལྡན་པ་ཡི། །པདྨ་བླངས་པར་གྱུར་ནས་ནི། །སྔགས་པས་དེ་ནས་ཨརྒྷ་བྱིན། །
[135a.2]ཞབས་བསིལ་ཉིད་ཀྱི་བྱེ་བྲག་གོ། །དྲི་ལ་སོགས་པས་ཡོངས་བཀང་བའི། །པདྨ་བཞི་པོས་ལེགས་པར་མཆོད། །བདུག་སྤོས་ཐ་དད་ཉིད་ཀྱིས་ནི། །དཀྱིལ་འཁོར་མཆོག་ནི་བདུག་པར་བྱ། །ཡེ་ཤེས་དཀྱིལ་འཁོར་སྤྱན་དྲངས་པའི་ཆོ་གའོ། །གོས་དང་ཕྱག་རྒྱ་ལྔ་ལ་སོགས། །ཤེས་རབ་
[135a.3]ཡན་ལག་ཕུར་བུ་དྲ། །ཨཱ་ལི་ཀཱ་ལི་ཞེས་བརྗོད་ནས། །རྒྱུ་སོགས་སྟོང་པ་སྔོན་འགྲོ་དང་། །འཇུག་པ་སྒྲ་ལ་སོགས་པ་ནས། །ཇི་སྲིད་གསུངས་པའི་སྦྱོར་ལྡན་པའོ། །བདུད་རྩིས་ཚིམ་བྱེད་མྱ་ངན་འདས། །ལག་པའི་མཆོད་པ་དབང་བསྐུར་དང་། །གོ་ཆ་ཆེན་པོས་ལེགས་པར་བསྲུང་། །
[135a.4]སྔགས་རྣམས་ཀུན་གྱིས་མཆོད་པ་སྟེ། །དེ་ལྟར་དེ་ཉིད་བཅུ་བཞི་ནི། །དུས་ཀུན་དུ་ནི་ལེགས་པར་བརྩམ། །བདེ་བའི་སྟན་ལས་འབད་པ་ཡིས། །ཤེས་རབ་ཡན་ལག་སྟན་གྱི་སྟེང་། །མགུལ་རྒྱན་གདུ་བུ་དཔུང་རྒྱན་དང་། །རྣ་རྒྱན་ཚངས་པའི་སྐུད་པ་དང་། །མགྲིན་པར་བརྒྱན་བྱས་མགོ་བོའི་
[135a.5]ཕྲེང་། །སྐ་རགས་སིལ་སིལ་སྒྲ་སྒྲོགས་པ། །རལ་པ་ཅོད་པན་དར་དང་ནི། །བཅོས་པའི་སྐྲ་ཡིས་རྒྱན་དུ་བྱས། །རྡོ་རྗེ་པདྨ་ཁ་ཊྭཱཾ་བཅས། །ཌ་མ་རུ་སྒྲ་སྒྲོགས་པ་དང་། །དཔའ་བོ་ཀུན་དང་རྣལ་འབྱོར་མ། །གོ་ཆ་གསུམ་གྱིས་བརྒྱན་བྱས་ཤིང་། །ཧེ་རུ་ཀ་དཔལ་རྒྱལ་པོ་ཆེ། །རྣལ་
[135a.6]འབྱོར་དབང་ཕྱུག་ངེས་པར་བྱས། །སེམས་ཅན་ཀུན་གྱི་དོན་གྱི་ཕྱིར། །བུམ་པ་ལྷག་པར་གནས་པར་བྱ། །མགྲིན་པ་རིང་ལ་ལྟོ་བ་ཆེ། །མཆུ་འཕྱང་རྩ་བ་རྣམ་པར་སྤངས། །ཁ་དོག་གནག་སོགས་སྤངས་པ་ཡི། །བུམ་པ་བཅུ་ནི་བྱ་བའོ། །དེ་རྣམས་ནང་ནས་མཆོག་གཅིག་ནི། །ཕག་མོ་
[135a.7]རུ་ནི་རབ་ཏུ་བརྟག །དགྲ་སྟ་ཞགས་པ་དེ་བཞིན་མདུང་། །ཁ་ཊྭཱཾ་ག་ཡང་ལེགས་པར་བྲི། །དེ་ལྟར་ཁྲོ་བོའི་རྡོ་རྗེ་དང་། །པདྨའི་ལོ་མ་སོགས་པས་བརྒྱན། །བདུད་རྩི་ལྔ་ཡི་ཆུ་ཉིད་ཀྱིས། །བཀང་ཞིང་དྲི་ཡིས་ལེགས་པར་བྱུག །འབྲུ་དང་རིན་ཆེན་སྨན་རྣམས་ནི། །སོ་སོར་ལྔ་དང་ལྡན་པའོ། །
[135b]
[135b.1]ལྷ་མོའི་སྔགས་ཀྱིས་བསྔགས་པ་ཡི། །མེ་ཏོག་ཕྲེང་བས་རྣམ་པར་བརྒྱན། །རས་བཟང་པོ་ཡིས་མགུལ་པ་དཀྲི། །རྣལ་འབྱོར་མ་ཚོགས་གཙོ་བོ་ཡིས། །རྡོ་རྗེ་ཕག་མོའི་བུམ་པ་ཆེ། །སྔགས་པས་སེམས་ཅན་དོན་གྱི་རྒྱུར། །ལྷོ་ཡི་སྒོ་ཡི་གཡོན་དུ་ནི། །འཁོར་ལོའི་རི་མོ་དང་ཉེ་བར། །རྣམ་
[135b.2]པར་རྒྱལ་བའི་བུམ་པ་གཞག །མཁའ་འགྲོ་མ་ཚོགས་བུམ་པ་བཞི། །དེ་ཡི་མཚན་མས་མཛེས་པར་བྱ། །ཇི་ལྟའི་གནས་སུ་བཞག་ནས་ནི། །དྲི་དྲུག་སོགས་པས་ལེགས་པར་དགང་། །བདུད་རྩི་ལྔ་ཡིས་ལེགས་བཀང་བའི། །ཐོད་པའི་མཚན་མ་ལེགས་པར་བརྟག །བུམ་པ་བཞི་པོ་
[135b.3]གཞན་རྣམས་ནི། །འབད་པས་མཚམས་སུ་གཞག་པར་བྱ། །ལས་ཀུན་བྱེད་པའི་བུམ་པ་ནི། །ཧེ་རུ་ཀ་ཡི་མཚན་མས་མཚན། །བི་མུ་མཱ་ར་བིད་ལེགས་བཀང་། །བགེགས་ཀུན་རྣམ་པར་སེལ་བར་བྱེད། །མཆོད་ནས་གུས་པས་གསོལ་བཏབ་སྟེ། །ལྷོ་ཡི་སྒོ་རུ་ལེགས་པར་གཞག་
[135b.4]རྟག་ཏུ་རྡོ་རྗེས་གདུག་པ་ཀུན། །མྱུར་བ་ཉིད་དུ་སེལ་བར་བྱེད། །ཕྱི་རོལ་བུམ་པའི་མཚན་མ་གང་། །ཐམས་ཅད་ཇི་ལྟར་གསུངས་བཞིན་བསྟན། །ལུས་ཀྱི་དཀྱིལ་འཁོར་བུམ་པ་ཡི། །མཚན་ཉིད་ལུས་ལས་བྱུང་བའོ། །བུམ་པ་ལྷག་པར་གནས་པའི་ཆོ་གའོ། །ལྷོ་རུ་མངོན་ཕྱོགས་
[135b.5]སྔགས་པ་ནི། །ལྷ་མོ་བཞི་དང་ཡང་དག་ལྡན། །ཧེ་རུ་ཀ་མ་དང་སྦྱོར་ལ། །ལེགས་ཆགས་འཛུམ་བཅས་དགའ་ཞིང་སྤྲོ། །བར་མ་མཆོག་དང་དབུས་དབྱུང་དང་། །མེ་ཏོག་སྤོས་ལ་སོགས་པ་ཡིས། །གཡོན་པའི་སྤྱོད་པ་རྟག་སྤྱོད་པས། །བདེ་མཆོག་དཔའ་བོ་མཆོད་པར་བྱ། །གཡོན་
[135b.6]པས་བླངས་པའི་སྤོས་དང་ནི། །མི་ཡི་ཤ་དང་ལྡན་པ་ཡིས། །བདུགས་པར་གྱུར་ནས་སྔགས་པ་ཡིས། །སངས་རྒྱས་རྣམས་དང་དཔལ་ལྡན་ཧེ་རུ་ཀ་སོགས་ནམ་མཁའི་དཀྱིལ་གྱུར་མཁའ་སྤྱོད་ས་སྤྱོད་དང་། །ས་འོག་གནས་བཞུགས་ལྷན་ཅིག་སྐྱེས་པའི་བདེ་དང་ལྡན་བ་སྟན་དང་ཚནྡོ་ཧ་ལྷ་མོ། །
[135b.7]དཀྱིལ་འཁོར་གནས་པ་དེ་ཀུན་དུས་མཐའི་མེ་ལྟར་སྤྱོད་ལ་དངོས་གྲུབ་རྒྱུར་ནི་གསོལ་བ་བཏབ། །ཧེ་རུ་ཀ་དཔལ་ཕག་མོར་བཅས། །རིག་པའི་ལྷ་མོ་རྫུ་འཕྲུལ་ཆེ། །ཕྱོགས་ཀུན་བཞུགས་པ་དཔའ་བོ་དང་། །བྱང་ཆུབ་སེམས་དཔའ་བདག་ཕྱག་འཚལ། །རྫུ་འཕྲུལ་ཆེན་པོ་ཀུན་བརྙེས་ཤིང་། །དེ་
[136a]
[136a.1]རྣམས་བཞུགས་པར་གྱུར་པ་རྣམས། །ཆེ་གེ་མོ་བདག་རྡོ་རྗེ་ཆེ། །སློབ་མ་རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །སང་ནི་དཀྱིལ་འཁོར་འདྲི་བར་འཚལ། །བརྩེ་བས་བསྐྱེད་པར་གྱུར་ནས་ནི། །ཉེ་བ་ཉིད་དུ་མཛད་དུ་གསོལ། །དྲི་ཞིམ་མེ་ཏོག་ལེགས་
[136a.2]པར་བསྲེགས། །བདུད་རྩི་ལྔ་ཡི་ཐོད་པ་ནི། །བླངས་ནས་སྤོས་བདུག་འཁོར་ལོ་དང་། །སྐྱེ་བོ་དམ་པ་ཀུན་འདུས་པའོ། །ལྷ་ལྷག་པར་གནས་པའི་ཆོ་གའོ། །དཔའ་བོ་ལྷ་མོ་དཀྱིལ་འཁོར་བཟང་། །མཆོད་ཅིང་གསོལ་བཏབ་དེ་ནས་ནི། །ཕྱི་རོལ་སོང་ནས་སློབ་མ་བཟང་། །སྟོབས་ཆེན་མེ་
[136a.3]ཏོག་ལག་ན་ཐོགས། །བརྩོན་འགྲུས་ཆེ་ལྡན་ཤེས་རབ་ཆེ། །རིགས་དང་ལྡན་ཞིང་ང་རྒྱལ་མེད། །བདེ་མཆོག་མཉེས་བྱེད་མཁས་པ་དང་། །ཕག་མོ་ལ་གུས་སྙིང་དུ་སྡུག །ཕྱག་རྒྱ་ལྔ་དང་ཡང་དག་ལྡན། །ཐལ་བ་ཡིས་ནི་བྱུགས་པ་དང་། །རྣལ་འབྱོར་རྒྱུད་ཀྱི་ཆོ་ག་ཤེས། །རྣལ་འབྱོར་
[136a.4]མ་རྒྱུད་ལ་དད་པའོ། །གང་གང་གུས་དང་ལྡན་པ་ཡི། །སྔགས་དང་རྒྱུད་ལ་ལེགས་པར་བསླབས། །གཟུགས་བཟང་ཤིན་ཏུ་མཛེས་བརྩོན་དང་། །ཆང་ལ་དགའ་བས་མྱོས་པ་ལ། །སློབ་མའི་དབང་བསྐུར་དོན་གྱིས་ནི། །ཀུན་ནས་དེ་ལ་གསོལ་བ་གདབ། །དཔའ་བོ་དཔའ་མོའི་དབང་
[136a.5]ཤེས་ན། །འབྱུང་གནས་ལ་སོགས་རྣམ་པར་བསམ། །མཉེས་བྱེད་རྣམ་པར་དག་པ་དང་། །གསལ་བྱེད་ཡོན་ཏན་ལྡན་པའི་མི། །སྐྱེས་པའམ་བུད་མེད་འདི་དོན་དུ། །དཔལ་ལྡན་བདེ་མཆོག་ལས་རབ་བསྟན། །བདེ་མཆོག་ལྟ་བུར་རྫོགས་ནས་ནི། །གསོལ་བ་འདེབས་པར་རྣམ་པར་
[136a.6]བསམ། །དཔའ་བོ་ཁྱོད་བདག་རྡོ་རྗེ་ཆེ། །ཕག་མོ་ལྷན་ཅིག་ཡང་དག་ལྡན། །མགོན་པོ་ཆེན་པོ་བདག་འཚལ་ལོ། །བྱང་ཆུབ་ཆེན་པོའི་ཚུལ་བསྟན་པ། །དམ་ཚིག་དེ་ཉིད་བདག་ལ་གསོལ། །བྱང་ཆུབ་སེམས་ཀྱང་བདག་ལ་གསོལ། །དཔའ་བོ་དཔའ་མོའི་དབང་ཕྱུག་རྣམས། །ཕག་མོ་
[136a.7]དང་ནི་ཧེ་རུ་ཀའི། །གསང་བའི་སྟན་སོགས་ལེགས་པར་དག །གནས་པའི་ལུགས་ནི་བསྟན་དུ་གསོལ། །སློབ་མའི་གཙོ་བོ་མདུན་བྱས་ཏེ། །མེ་ཏོག་ཕྲེང་འཛིན་དག་སེམས་ལ། །གཡོན་པས་ཀུན་ནས་བལྟ་བྱས་ཏེ། །རབ་ཏུ་རྒྱས་པའི་བཞིན་གྱིས་སྨྲ། །བུ་ཚུར་ཐེག་པ་ཆེན་པོ་ཡི། །ཁྱོད་ནི་ཚུལ་ཆེན་
[136b]
[136b.1]སྣོད་ཡིན་པས། །གསང་སྔགས་སྤྱོད་ཚུལ་ཆོ་ག་ནི། །ཁྱོད་ལ་ཡང་དག་བསྟན་པར་བྱ། །རྫོགས་པའི་སངས་རྒྱས་གང་འདས་དང་། །དེ་བཞིན་གང་དག་མ་བྱོན་དང་། །ད་ལྟར་བྱུང་བའི་དཔའ་བོ་ནི། །འགྲོ་ལ་ཕན་ཕྱིར་བཞུགས་པ་རྣམས། །དེ་དག་ཀུན་གྱི་གསང་སྔགས་ཀྱི། །ཆོ་ག་བཟང་
[136b.2]པོ་འདི་མཁྱེན་ནས། །ཤེས་རབ་ཡན་ལག་གཉིས་མེད་ཆུབ། །དཔའ་བོས་ཐམས་ཅད་མཁྱེན་པ་ཐོབ། །གསང་སྔགས་སྦྱོར་བ་མཉམ་མེད་དེ། །ཧེ་རུ་ཀ་དཔལ་སོགས་མཆོག་གིས། །བདུད་སྡེ་འཇིགས་པ་ཆེན་པོ་ཡི། །སྟོབས་ཆེན་པོ་ནི་གང་གིས་བཅོམ། །དེ་བས་ཀུན་མཁྱེན་ཐོབ་བྱའི་ཕྱིར། །
[136b.3]བུ་ཡིས་བློ་གྲོས་འདི་གྱིས་ཤིག། །བྱང་ཆུབ་བསྒྲུབ་པའི་དོན་གྱི་རྒྱུད། །ཆོ་ག་ཐམས་ཅད་ཁྱོད་ལ་སྦྱིན། །དེ་ནས་སློབ་མ་སེར་སྣ་བྲལ། །དཔའ་བོ་ཆེན་པོ་རྣམ་དག་པའི། །བླ་མ་ལ་གསོལ་དགའ་བ་དེས། །སྡོམ་པ་མཆོག་ནི་བདག་ལ་གསོལ། །སངས་རྒྱས་ཆོས་དང་དགེ་འདུན་དང་། །འཁོར་
[136b.4]ལོ་གསུམ་གྱི་རྣམ་གཟུགས་ཅན། །མཁའ་འགྲོ་མ་རྣམས་བྱེ་བྲག་གིས། །དཔའ་བོ་དཔའ་མོའི་དབང་ཕྱུག་གང་། །རྒྱལ་བའི་སྲས་འདི་ཐམས་ཅད་ལ། །ཀུན་ལ་བདག་ནི་སྐྱབས་སུ་མཆི། །དངོས་པོ་ཀུན་གྱི་དེ་ཉིད་ཀྱིས། །བླ་མ་ལ་ནི་སྐྱབས་སུ་མཆི། །འདིར་ནི་དངོས་གྲུབ་ཀུན་མཛད་ཅིང་། །
[136b.5]སྙིང་རྗེའི་རོ་ཡིས་ཁེངས་གྱུར་པ། །དཔལ་ལྡན་ཧེ་རུ་ཀ་སོགས་དང་། །ལྷ་མོ་ཀུན་གྱིས་བདག་བསྲུང་མཛོད། །ཆེ་གེ་མོ་བདག་དཔའ་བོ་ཆེ། །སེམས་ཅན་ཀུན་ལ་ཕན་པར་དགའ། །ཇི་སྲིད་བྱང་ཆུབ་སྙིང་པོའི་བར། །དངོས་གྲུབ་སྦྱིན་བདག་བདག་གྱུར་ཅིག །བློ་ལྡན་སྟོན་པའི་ཁྲག་གིས་ནི། །དེ་
[136b.6]དག་རྣམས་ལ་ཐིག་ལེ་བྱ། །སྙིང་རྗེ་སེམས་ཅན་དོན་ལ་བརྩོན། །དེ་དག་ཐམས་ཅད་བསྲུང་བར་འགྱུར། །ཞལ་གྱིས་སྤྱན་རས་གཟིགས་བླངས་ཏེ། །མགོ་ཡི་སྟེང་དུ་བླུགས་པར་བྱ། །སློབ་མ་འདི་དག་ཐམས་ཅད་ནི། །བསྲུང་བར་གྱུར་པར་ཐེ་ཚོམ་མེད། །ལྷག་པར་གནས་པའི་སློབ་མ་ནི། །
[136b.7]འབད་པས་བཏང་སྟེ་མཉམ་པར་གཞག། དཔའ་བོ་དཔའ་མོའི་དབང་དགྱེས་ལ། །མཆོད་པ་ཀུན་གྱིས་མཆོད་བྱས་ནས། །བུད་མེད་བཞི་དང་ཡང་དག་ལྡན། །ཕག་མོའི་ནུ་མ་འཚིར་བ་དང་། །བཟའ་དང་བཅའ་བ་ལ་སོགས་པས། །ཀུན་གྱིས་འཁོར་ལོ་བདེ་མཆོག་མཆོད། །སློབ་མ་ལྷག་
[137a]
[137a.1]པར་གནས་པའི་ཆོ་གའོ།། །།ནང་པར་དཔའ་བོ་ཆེན་པོ་ནི། །ལྷ་མོ་བཞི་དང་མཉམ་ལྡན་པས། །ཕག་མོར་སྦྱོར་བར་ལེགས་གནས་པའི། །དཀྱིལ་འཁོར་འཇིགས་པ་བྲི་བར་བྱ། །ཁྲོ་མེད་གཙང་མ་མཁས་པ་དང་། །སྦྱོར་ཤེས་ཡེ་ཤེས་ཕ་རོལ་སོང་། །ཐོད་པས་སྤྱི་བོ་རབ་བརྒྱན་
[137a.2]ཅིང་། །ཡན་ལག་ཐལ་བས་བྱུགས་པ་དང་། །སྐུ་ལ་ཕྱག་རྒྱ་དྲུག་ལ་སོགས། །རུས་པའི་ཕྲེང་བས་བརྒྱན་པ་དང་། །ཁ་ཊྭཱཾ་ག་ནི་ལག་ན་ཐོགས། །ཕྲེང་བ་བརྒྱ་ཡི་ཕྱེད་ཀྱིས་བརྒྱན། །ཧེ་རུ་ཀ་ཡི་བདག་ཉིད་བྱས། །འཁོར་ལོ་སྙིང་གར་བསམ་བྱས་ཏེ། །དེ་ལྟར་བདག་ཉིད་གོ་བགོས་ཤིང་། །
[137a.3]སྔགས་དང་ཕྱག་རྒྱས་བརྒྱན་བྱས་ནས། །དངོས་གྲུབ་ཆེན་པོ་རབ་སྟེར་བའི། །དཀྱིལ་འཁོར་འཇིགས་པ་བྲི་བར་བྱ། །དེ་ནས་རོ་ཡི་སྐུད་པ་ནི། །ཁྲག་ཆེན་པོ་ཡིས་བརླན་བྱས་ཏེ། །ཧེ་རུ་ཀ་དཔལ་གོ་འཕང་མཆོག །དཀྱིལ་འཁོར་འཇིགས་པ་ཐིག་གདབ་པའོ། །ཁྲུ་གང་པའམ་ཁྲུ་
[137a.4]གཉིས་པ། །ཡང་ན་བཞི་པ་དག་ཀྱང་རུང་། །བཅུ་གཉིས་པའམ་བཅུ་དྲུག་ལས། །ལྷག་པ་ཡོངས་སུ་མི་བརྟག་གོ། །དེ་ལས་གཞན་དུ་བརྟགས་ན་ནི། །སློབ་དཔོན་ཡེ་ཤེས་དམན་གྱུར་པ། །གང་དུ་སྡིག་ཅན་མི་འགྲོ་བའི། །འཇིགས་པའི་དམྱལ་བར་དེ་འགྲོ་འགྱུར། །མཁའ་འགྲོ་མ་
[137a.5]སོགས་རང་གཟུགས་སུ། །སྐད་ཅིག་ཙམ་གྱིས་ལེགས་པར་བྱུང་། །ཉི་ཤུ་རྩ་ལྔའི་དབྱེ་བ་ཡིས། །ཡེ་ཤེས་ལྔ་དང་ལྡན་པའི་ཐིག །དེ་བཞིན་དུ་ཡང་གང་གསུངས་པ། །སངས་རྒྱས་ལྔ་ཡི་ཡེ་ཤེས་ཆེ། །ཐིག་གི་དབུས་སུ་གྱུར་པར་དགོད། །འདི་དག་སངས་རྒྱས་ཐམས་ཅད་ཀྱི། །གསང་
[137a.6]ཆེན་དམ་པ་རྨད་དུ་བྱུང་། །མིག་ཏུ་ཛཿལས་ཉི་ཟླ་བསམ། །ཧེ་རུ་ཀ་དཔལ་བདག་ཉིད་གནས། །འབར་བའི་བལྟ་བ་ལེགས་བཀུག་ནས། །རང་རང་ཐིག་ལ་གཞུག་པར་བྱ། །ཧེ་རུ་ཀ་སོགས་འཁོར་ལོ་བཟང་། །ཤེས་རབ་ཐབས་དང་མཉམ་ལྡན་པས། །ཕྱི་རོལ་སྟན་གནས་བཀུག་ནས་
[137a.7]ནི། །ཐིག་གི་དབུས་སུ་རྣམ་པར་བསམ། །རྩ་སོགས་པ་ཡི་གསང་སྔགས་དང་། །སྙིང་པོ་ཉེ་བའི་སྙིང་པོ་ཡིས། །མེ་ཏོག་ལྡན་པའི་ཁྲག་གིས་བྱུག །རྣལ་འབྱོར་རིག་པས་ཐོད་པར་གཞག །ཐིག་སྐུད་ལེགས་པར་མངོན་པར་བསྔགས། །མཁའ་འགྲོ་མ་ཡི་སྔགས་ཀྱིས་བསྲུང་། །བདུད་རྩི་
[137b]
[137b.1]ལྔ་དང་ཡང་དག་ལྡན། །ཁ་དོག་ལྔ་པ་ཆོ་ག་ལྡན། །ཐིག་སྐུད་དེ་ནི་གཅིག་ཏུ་བསྒྲིལ། །སངས་རྒྱས་ཀུན་གྱིས་བྱིན་གྱིས་བརླབ། །དཔལ་ལྷ་དངོས་གྲུབ་ཀུན་བྱེད་ཅིང་། །ཆོས་ཀྱི་གནས་ཏེ་དྲི་མ་མེད། །བླ་མ་ཕྲེང་ལྡན་གྱིས་བླངས་ནས། །གཡོན་པས་སློབ་མ་ལ་བྱིན་བྱ། །གཉིས་མེད་རྣམ་པའི་
[137b.2]སྦྱོར་བ་ཡིས། །འཁོར་ལོའི་གཙོ་བོ་བསྒྲིལ་བར་བྱ། །ལེགས་བསྒྲིལ་སློབ་མ་ལ་བཏང་ནས། །ཛ་ཛ་ཞེས་པས་བདུན་དུ་གནས། །དེ་ནས་སློབ་མས་ཀྱང་བརྗོད་པ། །རང་གིས་ཀྱང་ནི་ཛ་ཛ་བརྗོད། །བླ་མ་སློབ་མས་བླངས་ནས་ནི། ཕག་མོའི་སྦྱོར་བས་ལེགས་པར་གནས། །དང་པོའི་
[137b.3]ལས་ཅན་སྔགས་པ་ཡིས། །དཔའ་བོའི་དཀྱིལ་འཁོར་ཐིག་གདབ་པོ། །ཡེ་ཤེས་ཅུང་ཟད་ཐོབ་པ་ཡིས། །ཁྱེའུ་བཟང་དང་བུ་མོ་ལ། །དཔའ་བོ་རྣལ་འབྱོར་མ་ཕབ་ནས། །ཐིག་གདབ་ཕྱིར་ན་གསོལ་བ་བཏབ། །དེ་ཡིས་འཁོར་ལོ་བདེ་མཆོག་བཟང་། །སྟན་སོགས་པ་ཡི་ལྷ་མོ་ཀུན། །ལྷན་
[137b.4]ཅིག་སྐྱེས་དང་ཡང་དག་ལྡན། །མཛེས་པར་གསལ་བར་མཐོང་བར་འགྱུར། །དེ་བཞིན་དུ་ཡང་གསུངས་པ། རྡོ་རྗེའི་ཐིག་ནི་གདབ་པ་དང་། །ཚོན་རྩི་དག་ནི་དགྱེ་བ་དང་། །སྔགས་ཀྱི་སེམས་པས་མི་བྱ་སྟེ། །བྱས་ན་བྱང་ཆུབ་རྙེད་པར་དཀའ། །དེ་བས་དམ་ཚིག་ཆོ་ག་ཤེས། །སྔགས་
[137b.5]ཀྱི་ལྷ་རྣམས་བཅུག་ནས་ནི། །བྱིན་རླབས་གོ་གོར་བསམས་བྱས་ནས། །དཀྱིལ་འཁོར་རྣམས་ནི་རབ་ཏུ་བརྟགས། །རྡོ་རྗེ་སེམས་དཔའ་རྒྱལ་ཆེན་པོ། །མཱ་མ་ཀཱི་ནི་དབབ་པར་བྱ། །དེ་ཉིད་སྔགས་རྣམས་ཐམས་ཅད་ཀྱི། །གསང་བ་མཆོག་སྟེ་རྨད་དུ་བྱུང་། །རང་ཉིད་མཁས་པར་གྱུར་པ་ཡིས། །དེ་
[137b.6]ལྟར་བྱས་ན་ཉེ་བར་འགྱུར། །བྱོན་པར་གྱུར་ནས་གསང་བའི་མཆོག །མཉེས་པར་ལྡན་པས་འདི་དག་བྲི། །དེ་བཞིན་དུ་ཡང་གསུངས་པ། ཇི་བཞིན་འཁོར་ལོའི་ཇི་བཞིན་གནས། །ཇི་བཞིན་བཀོད་པ་འགྲོ་ཇི་བཞིན། །འཁོར་རྣམས་བསྡུ་བར་གྱུར་ནས་ནི། །དེ་ལྟར་འཁོར་ལོ་མཆོག་
[137b.7]རྣམས་སྤྲོ། །དཔལ་ལྡན་རྡོ་རྗེ་སེམས་དཔའི་ལྷ། །འཁོར་ལོ་མངོན་སུམ་མཐོང་གྱུར་བ། །ཕྱི་ནས་བྲིས་པར་གྱུར་པ་ཡང་། །ཇི་བཞིན་བསོད་ནམས་བརྟག་པའོ། །དེ་བཞིན་དུ་ཡང་གསུངས་པ། །རྡོ་རྗེ་སྒྲ་ཆེན་དེ་དང་དེས། །ཐིག་གིས་ཐིག་གདབ་ལེགས་པར་གནས། །མཐའ་ཡས་ཞིང་ན་
[138a]
[138a.1]ཐུབ་དབང་ཟླ་བ་རྣམས། །འདིར་ནི་སེམས་ཅན་དོན་གྱི་དུས་ལ་བབ། །ཐོག་མར་སྔགས་པ་ཡི་དགས་བལྟ། །འཁོར་ལོ་ས་ཡི་བྱང་དུ་གནས། །ནམ་མཁའི་ས་ལ་གདབ་བྱ་སྟེ། །བློ་ལྡན་ཐིག་ནི་གཡོན་པས་བསྐོར། །ཨོཾ་བཛྲ་ས་མ་ཡ་སུ་ཏྲ་མཱ་ཏི་ཀྲ་མ་ཧཱུཾ། །ཕྱོགས་བཅུ་འཇིག་
[138a.2]རྟེན་ཁམས་བཞུགས་པ། །སེམས་ཅན་དོན་ཕྱིར་དེ་བཞིན་གཤེགས། །དཔའ་བོ་དཔའ་མོའི་དབང་ཕྱུག་མའི། །ལྷ་མོའི་ཐིག་གི་སྒྲ་ཡིས་བསྐུལ། །ཤར་དུ་གནས་ནས་ནུབ་བལྟས་ཏེ། །ཚངས་ཐིག་གཉིས་པ་ཡང་གདབ་པོ། །མེ་རུ་གནས་ནས་ནུབ་ཏུ་ཞལ། །ལྷོ་ཡི་ཕྱོགས་སུ་ཐིག་
[138a.3]གདབ་པོ། །ནུབ་ཕྱོགས་གནས་ནས་ཤར་དུ་བལྟ། །བྱང་གི་ཕྱོགས་ཀྱི་ཐིག་གདབ་པོ། །བསྐོར་ནས་སློབ་དཔོན་རླུང་གནས་ཏེ། །ལྷོ་རུ་མངོན་པར་ཕྱོགས་གྱུར་ནས། །ནུབ་ཀྱི་ཆ་རུ་ལེགས་པར་གདབ། །བྱང་དུ་མངོན་ཕྱོགས་སྔགས་པ་ནི། །མེ་ཡི་གནས་སུ་རྣམ་གནས་ཏེ། །ཤར་གྱི་ཆ་ཡི་
[138a.4]ཐིག་བརྩམ་མོ། །དབང་ལྡན་མེར་གནས་རྣལ་འབྱོར་པ། །མཚམས་ཀྱི་ཐིག་ནི་གདབ་པར་བྱ། །ཕྱོགས་ལ་སོགས་པའི་དབྱེ་ཤེས་ནས། །ཐིག་གདབ་པ་ནི་ལེགས་པར་བརྩམ། །ཚངས་ཐིག་དང་པོ་དབུས་སུ་ནི། །ཐིག་བཞི་རྣམས་ནི་གདབ་པར་བྱ། །ཐུགས་དང་གསུང་དང་སྐུ་འཁོར་ལོ། །
[138a.5]རྡོ་རྗེ་ཕྲེང་བ་ལ་སོགས་བྱ། །ཁ་སྦྱོར་དབུས་སུ་རི་མོ་ལྔ། །བློ་དང་ལྡན་པས་ཟླུམ་པོར་བྱ། །རི་མོ་བཞི་པོ་གཞན་རྣམས་ནི། །རྡོ་རྗེ་ཕྲེང་བ་ལ་སོགས་བྱ། །དམའ་བས་ནད་དེ་ཆད་པས་ཟད། །ཡོ་བས་དངོས་གྲུབ་མེད་པར་འགྱུར། །གཡས་སུ་བསྡུ་བའི་སྦྱོར་བ་ཡིས། །སློབ་མ་རྣམས་ནི་
[138a.6]བརླག་པར་འགྱུར། །འཁོར་ལོ་ཉིས་འགྱུར་རིང་བ་སྟེ། །སྒོ་ཡི་ཉི་ཤུའི་ཆར་གྱུར་པ། །ཧེ་རུ་ཀར་བདག་འདུག་ནས་ནི། །ཐིག་སྐུད་ཀྱིས་ནི་ཐིག་གདབ་པོ། །ཟུར་བཞི་པ་དང་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །ས་འོག་གནས་པའི་ལྷ་མོ་རྣམས། །འཁོར་ལོའི་ཕྲེང་བ་
[138a.7]སོགས་པས་བསྐོར། །ཐིག་བཞི་དང་ནི་ཡང་དག་ལྡན། །འཕན་དང་མེ་ཏོག་ཕྲེང་བས་བསྐོར། །མཚམས་ཀྱི་ཆ་ནི་ཐམས་ཅད་དང་། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་ཆེན་གྱིས་བརྒྱན་པར། །ཕྱི་རོལ་དཀྱིལ་འཁོར་ཐིག་གདབ་པོ། །དེ་ཡི་དབུས་སུ་པདྨ་ནི། །འདབ་མ་བརྒྱད་
[138b]
[138b.1]པ་ལྟེ་བར་བཅས། །ཕྱི་རོལ་རྡོ་རྗེ་ཕྲེང་བས་བསྐོར། །འཕྲོ་བའི་རྡོ་རྗེའི་ཚོགས་སྤྲུལ་བའོ། །འཁོར་ལོ་རྩིབས་བརྒྱད་ལེགས་པར་བྲི། །དངོས་གྲུབ་ཀུན་དང་ཡོན་ཏན་གཞི། །ཕྱི་རོལ་དུ་ནི་ནག་པོས་བསྐོར། །མིང་ནི་མཁའ་སྤྱོད་ཅེས་བྱའོ། །རྩིབས་བརྒྱད་ལ་སོགས་འཁོར་ལོ་སྟེ། །པདྨའི་ཀ་བའི་
[138b.2]ཕྲེང་གིས་བསྐོར། །ས་འོག་གནས་པའི་ལྷ་མོ་ནི། །འཁོར་ལོའི་ཕྲེང་བས་དང་པོར་བསྐོར། །རྩིབས་ཀྱི་མཚམས་སུ་རྡོ་རྗེ་ནི། །མཉམ་གཞག་རྣལ་འབྱོར་པ་ཡིས་བྲི། །འཁོར་ལོ་ཕྲེང་བའི་མཐར་ཐུག་པར། །འབར་བའི་རི་མོ་དེ་བཞིན་ནོ། །ཧེ་རུ་ཀ་དཔལ་རྣལ་འབྱོར་ཆེ། །འཁོར་ལོའི་
[138b.3]དབུས་སུ་ལེགས་གནས་ནས། །ཧི་སྒྲོགས་ཁྲོ་བོའི་ལྟ་བ་ཡིས། །དེ་ནས་སྒོ་ནི་དབྱེ་བར་བྱ། །སྒོ་ནི་འཁོར་ལོའི་བརྒྱད་ཆ་སྟེ། །ཁ་ཁྱེར་དག་ནི་ཡངས་པའོ། །སྒོ་ཁྱུད་དང་ནི་སྒོ་ཡི་ཚད། །ལྷ་ཡི་སྣམ་བུའང་དེ་བཞིན་ནོ། །ཁ་ཁྱེར་ཀུན་ནས་སྒོ་ཡི་ཕྱེད། །འགྲམ་དང་ལོགས་དང་དེ་བཞིན་
[138b.4]ནོ། །དྲ་བ་དྲ་ཕྱེད་ཉི་ཟླ་དང་། །འཕན་དང་མེ་ཏོག་ཕྲེང་བས་སྤྲས། །ཚོན་གྱི་ས་ནི་དེ་ཡི་ཕྱེད། །རྩ་བའི་ཐིག་གི་ས་ཡི་རྒྱབ། །རྡོ་རྗེ་ལ་སོགས་ཀ་བ་ཡི། །ས་ནི་ཚོན་གྱི་ས་དང་མཉམ། །རྟ་བབས་སྒོ་ལས་སུམ་འགྱུར་ཏེ། །འཕན་དང་དྲིལ་བུ་དང་ལྡན་པ། །དྲིལ་བུ་རླུང་གིས་བསྐྱོད་པ་ཡི། །འཕན་
[138b.5]ནི་ཕྱི་རོལ་མཚམས་སུའོ། །དང་པོར་ནམ་མཁའི་ཐིག་ཡིན་ནོ། །དེ་ཡི་འོག་ཏུ་ཡེ་ཤེས་ཐིག །ཕྱོགས་ཀུན་མཉམ་པར་བགྲོད་ནས་ནི། །རྣལ་འབྱོར་པ་ཡི་ཆོ་གས་གདབ། །ལུགས་བྱུང་ལུགས་བཟློག་པ་འདིས་ནི། །ཕྱི་རོལ་དཀྱིལ་འཁོར་ཐིག་ཡིན་ནོ། །དེ་བཞིན་ནང་གི་བདག་ཉིད་ལུས། །
[138b.6]ཚོགས་པ་ལས་བྱུང་མགོན་པོ་ཡིས། །ལུས་ཀྱི་དཀྱིལ་འཁོར་ཐིག་གདབ་པོ། །ལྷན་ཅིག་སྐྱེས་ཤིང་རང་བཞིན་དག །དཔའ་བོ་དཔའ་མོའི་དབང་ཕྱུག་ལྡན། །ཕྱི་དང་ནང་གི་ཐིག་གདབ་པའི་ཆོ་གའོ།། །།དུར་ཁྲོད་རུས་པ་ལེགས་པར་བླང་། །ཐལ་བ་ལོ་མ་ལ་སོ་ཕག་དང་། །བ་བླ་
[138b.7]དག་དང་ལྡན་པ་ཡིས། །ལེགས་བྲིས་ཧེ་རུ་ཀ་འཁོར་ལོ། །ཐོད་པར་རྡུལ་ཚོན་བཞག་ནས་ནི། །བློ་བཟང་ཐིག་གདབ་ཆོ་གས་སོ། །འབར་བའི་ལྟ་བས་བཀུག་ནས་ནི། །ཡེ་ཤེས་འཁོར་ལོའི་སྙིང་པོ་གཞུག །སངས་རྒྱས་ཀུན་གྱི་མཁའ་འགྲོ་མའི། །གསང་སྔགས་ཉིད་ཀྱིས་མངོན་
[139a]
[139a.1]བསྔགས་ཏེ། །དཔལ་ལྡན་ཧེ་རུ་ཀ་རྒྱལ་བདག །འཁོར་ལོའི་དབུས་སུ་ལེགས་པར་གཞུག །དུར་ཁྲོད་ལས་བྱུང་ཐམས་ཅད་ནི། །དབང་ཕྱུག་མཆོག་གི་ཕྱག་རྒྱའོ། །ཉི་ཤུ་རྩ་བཞིའི་དབྱེ་བ་ཡིས། །རྡུལ་ཚོན་བྲི་བ་བརྩམ་པར་བྱ། །ལག་པ་གཡོན་པས་མེ་ཕྱོགས་ནས། །
[139a.2]བློ་དང་ལྡན་པས་གཡོན་དུ་བསྐོར། །དཀར་པོ་སེར་པོ་དེ་བཞིན་དུ། །དམར་མོ་ལྗང་གུ་དེ་བཞིན་ཉིད། །ལྷ་མོ་བཞི་དང་མཉམ་ལྡན་ཞིང་། །དཔའ་བོ་བཞིས་ནི་བསྐོར་བའོ། །དག་ཅིང་བར་དུ་ནས་ཀྱི་ཚད། །རི་མོ་ལྔ་པོ་བྲི་བར་བྱ། །ཇི་ལྟ་བ་བཞིན་དུ་གསུངས་པ། །སྒོ་ཡི་ཉི་ཤུ་ཆ་རུ་ནི། །
[139a.3]མཉམ་པར་དགྱེས་པས་བྲི་བར་བྱ། །སྦོམ་པས་ནད་ནི་འབྱུང་བར་འགྱུར། །ཕྲ་བ་ཡིས་ནི་ནོར་ཟད་ཅིང་། །ཡོན་པོ་ཡིས་ནི་རྣམ་པར་སྡང་། །ཆད་པས་སློབ་དཔོན་སློབ་མ་འཆི། །གཡས་སུ་བསྐོར་ནས་བྲིས་པ་ཡིས། །རྡུལ་ཚོན་རྣམས་ནི་མཐུ་མེད་འགྱུར། །ལྷོ་ཡི་ས་ནི་ནག་པོ་སྟེ། །ཤར་ལྗང་དེ་
[139a.4]བཞིན་བྱང་དུ་དམར། །ནུབ་ཕྱོགས་ས་ནི་སེར་པོ་བྲི། །གསང་སྔགས་རིམ་པས་ཡིད་འོང་བར། །དབུས་སུ་པདྨའི་འདབ་མ་ནི། །ཕྱོགས་ཀྱི་མདོག་ཏུ་བརྟག་པར་བྱ། །རྣལ་འབྱོར་མ་ཡི་འཁོར་ལོ་འབྱུང་། །ཧེ་རུ་ཀ་ཡི་དཀྱིལ་འཁོར་བྱ། །སྔོན་པོ་དམར་པོ་དཀར་པོ་ཆེ། །ཐུགས་གསུང་སྐུ་ཡི་
[139a.5]འཁོར་ལོའོ། །གཞན་མ་ཐམས་ཅད་ཅི་མཛེས་པར། །ཕྱི་རོལ་རྟ་བབས་བྲི་བར་བྱ། །ལྷ་མོ་ཆེན་མོ་དང་ལྡན་པའི། །དཔའ་བོ་ལྟེ་བར་དགོད་པར་བྱ། །མཁའ་འགྲོ་མ་སོགས་ཡང་དག་ལྡན། །ཧེ་རུ་ཀ་རྡོར་འདབ་མ་ལའོ། །དེ་བཞིན་ཁྲ་སོགས་ལྷ་མོ་རྣམས། །ཧེ་རུ་ཀ་སོགས་ཡང་དག་ལྡན། །
[139a.6]སྒོ་དང་མཚམས་ཀྱི་ཆ་རྣམས་སུ། །སྔགས་པས་མཉམ་པར་བཞག་པས་བྲི། །ཕྱི་རོལ་ཡི་དགས་གནས་དེ་བཞིན། །སྲིན་མོ་ལ་སོགས་ཡང་དག་ལྡན། །འོད་ཟེར་འཕྲོ་ཞིང་ཁ་གྱེས་པའི། །རྡོ་རྗེ་རྟ་བབས་སྟེང་དུའོ། །རྡུལ་ཚོན་བཀྱེ་བས་རྣམ་མཛེས་པའོ། །ཕྱི་རོལ་གྱི་ནི་དཀྱིལ་འཁོར་
[139a.7]བསྟན། །བླ་མ་མཉེས་བྱས་བློ་ལྡན་པས། །ནང་གི་བདག་ཉིད་རྣམ་ཤེས་བྱ། །བསམ་གྱིས་མི་ཁྱབ་སྦྱོར་བ་ཡིས། །རྡུལ་ཚོན་བྲི་བ་སྐྱོན་ཡིན་ནོ། །ལྷན་ཅིག་སྐྱེས་དགའ་རོལ་པ་ཡིས། །དགའ་བའི་སེམས་ཀྱིས་བདག་ཉིད་བྲི། །དཀྱིལ་འཁོར་ལ་སོགས་རྩོམ་པ་ཡི། །རླུང་ལ་སོགས་
[139b]
[139b.1]པ་བྱུང་བ་ན། །ཧེ་རུ་ཀ་དཔལ་བདག་སྦྱོར་བས། །གདུག་པ་ཐམས་ཅད་བསལ་བར་བྱ། །ཕྱི་དང་ནང་གི་ཚོན་དགྱེ་བའི་ཆོ་གའོ།། །།བུ་ཡི་ཐོག་མའི་ཡེ་ཤེས་རྣམས། །རྩིབས་སུ་ཁ་དོག་བཟང་པོ་གང་། །བསམ་གཏན་དེ་ཡི་འོད་ཟེར་གྱིས། །ཡེ་ཤེས་འཁོར་ལོ་མཉམ་པར་དགུག །ལྷ་
[139b.2]མོའི་ཚོགས་ནི་དུ་མ་དང་། །བྱང་ཆུབ་སེམས་དཔའ་རྫུ་འཕྲུལ་ཆེ། །དེ་ཉིད་ཡང་དག་རིན་ཆེན་བརྒྱན། །གཞན་པའི་དཔའ་བོ་སྟོབས་ཆེན་རྣམས། །རྟག་ཏུ་རྒྱུད་ལས་བྱུང་ཆོ་གས། །འཁོར་ལོ་བདེ་མཆོག་བློ་ལྡན་པས། །ཡང་ན་སརྦ་བུདྡྷ་སོགས། །རྒྱུད་ལས་མཆོད་པའི་ཆོ་གས་མཉེས། །
[139b.3]དཀར་པོ་སེར་པོ་དེ་བཞིན་དམར། །ལྗང་གུ་དང་ནི་ནག་པོ་ཉིད། །གཅིག་ཏུ་མེ་ཏོག་ཕྱག་རྒྱ་ནི། །འདོད་པའི་ཡོན་ཏན་ལྔ་རང་བཞིན། །རྒྱ་སྐྱེགས་པ་བླ་རམས་མཆོག་དང་། །ཚོན་སྣ་ལྔ་ལ་རྗེས་སུ་བཅོས། །དཀར་པོ་ལྔ་ཡི་རང་བཞིན་རྒྱས། །མཉམ་པར་མཆོད་པས་འགྲུབ་པར་འགྱུར། །
[139b.4]ཁམས་ཀྱི་རང་བཞིན་ཐམས་ཅད་དང་། །དེ་བཞིན་སྲོག་དང་རྩ་རང་བཞིན། །རྣམ་པ་སྣ་ཚོགས་དྲི་དང་ལྡན། །སྔོན་བཞིན་མཉམ་པར་འགྲུབ་པར་འགྱུར། །ཙནྡན་གཉིས་དང་རི་དགས་སྐྱེས་དང་ག་པུར་བཅས། །ཤ་ལ་ཀ་དང་ན་གའི་སྤོས་ནི་བུ་རམ་ལྡན། །ལས་ཀུན་རབ་སྒྲུབ་སྤོས་ལ་སོགས། །
[139b.5]གུ་གུལ་ས་རྫ་ར་དང་ག་བུར་དང་། །རི་དགས་ལས་སྐྱེས་སྤོས་རྣམས་ནི། །རྫས་འདི་རྣམས་ནི་བཅོས་པ་ཡི། །མར་ཁུས་སྦར་བའི་སྣང་བ་བྱ། །ཙནྡན་གུར་ཀུམ་པྲི་ཀྭ་དང་། །ག་པུར་རི་དགས་ལས་སྐྱེས་སྤོས། །བཅོས་ཤིང་གདུག་པར་གྲུབ་པའི་རས། །ཕྱག་རྒྱ་བཟང་པོའི་རས་ཡིན་ནོ། །
[139b.6]ཀཀྐོ་ལ་དང་ཨེ་ལེ་དང་། །མུ་སྟ་ཀཾ་དང་ག་པུར་དང་། །རི་དགས་ལས་བྱུང་བ་ཡི་དྲི། །འདི་རྣམས་ཞིབ་མོར་བཏགས་ནས་ནི། །སེང་ལྡེང་རི་ལུར་དགོད་པར་བྱ། །ཏྭ་ག་འདབ་མ་ལོ་དྷ་དང་། །མ་རི་ཙ་དང་ག་པུར་རྣམས། །རབ་ཏུ་བསྟེན་པར་བྱ་བའོ། །ས་ཧཱ་ཀཱ་རིའི་མར་ཁུ་ལྡན། །ཁ་ལ་བསྒོས་
[139b.7]པས་ཞེས་སུ་དྲན། །དེ་འོག་གཏོར་མའི་མཆོད་པ་སྦྱིན། །རྣམ་པར་བསྒྱིངས་མ་བཅོས་པའི་ཆང་། །ཆང་དང་བདུད་རྩི་དེ་བཞིན་ནོ། །དཔའ་བོ་གཅིག་དང་རྒུན་འབྲུ་དང་། །གླད་པ་དང་ནི་བི་ཊ་དང་། །ཤྩེ་ཊི་རྣམས་ནི་དེ་བཞིན་ནོ། །ལན་ཚྭ་ལ་སོགས་རོ་རྣམས་ཀུན། །ཤ་ཀ་ར་སོགས་བདུད་
[140a]
[140a.1]རྩི་འདྲ། །ཐམས་ཅད་བདག་ཉིད་རོས་དངོས་གྲུབ། །མ་ལུས་ལུས་པ་མེད་པ་སྒྲུབ། །སྣ་ཚོགས་སྟོན་མོས་དངོས་གྲུབ་ནི། །ཆང་དང་ཤ་དང་ཡང་དག་ལྡན། །འདོད་པ་ཉེ་བར་ལོངས་སྤྱོད་དང་། །སྐལ་བཟང་ཆེ་མཆོག་རབ་ཏུ་འགྲུབ། །པ་ཀྭའི་འབྲས་བུ་པ་ནས། །རྒུན་འབྲུ་དང་ནི་
[140a.2]ན་ལེ་ཀ །ཨ་ལུ་ཀ་ལ་སོགས་པ་ཡི། །འབྲས་བུའི་ཕྱག་རྒྱ་འདི་གཏན་དུ། །དངོས་གྲུབ་ཀུན་གྱི་འབྲས་བུར་སྤྲོ། །ཤ་ཀ་ར་དང་སྦྱར་རྩིར་བྱུག །ཨ་མྲའི་རུས་པ་རྣམས་ལ་བྱུག །ས་ཧ་ཀ་རིའི་མར་ཁུ་སོགས། །མཉམ་པའི་དྲི་རུ་རབ་ཏུ་གྱུར། །ཇི་ལྟར་རིགས་པར་ཤུན་པ་སོགས། །བ་
[140a.3]བླ་རྒྱ་སྐྱེགས་ཀྱིས་བཙོས་ཏེ། །མཆོད་པའི་དུས་སུ་དབུལ་བར་བྱ། །ལུས་སྐྱེས་པ་དང་ཡང་དག་ལྡན། །ཕྱི་རོལ་མཆོད་པ་བདག་གིས་བསྟན། །ལེགས་པར་མཆོད་པར་མཉེས་བྱས་ཏེ། །ཕྱི་རོལ་སོང་སྟེ་གཏོར་མ་སྦྱིན། །གཅེར་བུ་སྐྲ་གྲོལ་གྱུར་པ་དང་། །ཁ་ཊྭཱཾ་ག་ཐོགས་ལེགས་གནས་ཏེ། །ཆང་
[140a.4]དང་ཤ་དང་ཡང་དག་ལྡན། །མཁའ་འགྲོ་མ་སོགས་ལ་འབུལ་ལོ། །འབྱུང་གནས་ལ་སོགས་རྣལ་འབྱོར་ཆེ། །བློ་དང་ལྡན་པས་སྤངས་བྱས་ཤིང་། །ལྷོ་རུ་མངོན་པར་ཕྱོགས་བྱས་ཏེ། །གནས་ནི་མཐོན་པོར་རྣམ་པར་གནས། །གཡོན་པས་གཡས་པའི་རྐང་པ་མནན། །གྱེན་དུ་ལྟ་བས་
[140a.5]བལྟས་ནས་ནི། །འབར་བའི་ཕྱག་རྒྱ་ཡང་དག་ལྡན། །ཕེཾ་བརྗོད་པ་ཡི་བདག་ཉིད་ཅན། །ཨོཾ་ཨ་རལླི་ཧོ་ཛཿཧཱུཾ་བཾ་ཧོཿ། །ཨོཾ་བཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོ། །གཅིག་དང་ལྔ་དང་དེ་བདུན་དུ། །སྔོན་དུ་གསང་སྔགས་བརྗོད་པར་བྱ། །དམ་ཚིག་རྫས་དང་ཡང་དག་ལྡན། །ཐོད་པའི་ནང་དུ་རྣམ་པར་
[140a.6]བསམ། །རྡོ་རྗེ་ཐལ་མོ་གྱེན་ཁ་དབྱེ། །ཕྲེང་བའི་ཕྱག་རྒྱར་རབ་ཏུ་གྲགས། །དཔའ་བོ་དཔའ་མོའི་དབང་ཕྱུག་ཀུན། །ལམ་ལ་གནས་རྣམས་མཉེས་པའོ། །ཕྱོགས་སྐྱོང་ཡི་དགས་འབྱུང་པོ་ལ། །མཉམ་པར་བཞག་ནས་གཏོར་མ་སྦྱིན། །ཁ་ཁ་ལ་སོགས་སྔགས་འདི་ཡིས། །འདོད་པ་
[140a.7]ཐམས་ཅད་བསྒྲུབ་པའོ། །ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཱ་ཀཱ་སཱ་བྷཱུ་ཏ་པྲེ་ཏ་པི་ཤཱ་ཙི་ཨུནྨཱ་ད་ཨ་པ་སྨཱར་བཛྲ་ཌཱ་ཀི་ནྱཱ་ད་ཡ། །ཨི་མཾ་བའི་གྲྀཧྞ་ནྟུ་སརྦ་སིདྡྷི་མྨེ་པྲ་ཡ་ཙྪནྟུ་ཡ་ཐེ་བཾ་ཡ་ཐེ་ཥྚཾ་བྷུ་ཛ་ཐ་པི་པ་ཐ་མཱ་ཏི་ཀྲ་མ་ཐ། །མ་མ་སརྦ་ཀཱརྟ་ཡ་པདྶུ་ཁ་བི་ཤུདྡྷཱ་ཡེ་ས་ཧ་ཡི་ཀཱ་བྷ་བནྟུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཏོར་མ་
[140b]
[140b.1]བྱིན་ནས་དེའི་འོག་ཏུ། །སྔགས་པས་སྤྱད་དང་བཟའ་བ་བརྩམ། །དཔའ་བོ་དཔའ་མོའི་དབང་ཕྱུག་ལྡན། །སྙིང་རྗེའི་སྟོབས་ཀྱི་སྦྱོར་བ་ཅན། །རྡོ་རྗེས་མཚན་ཅིང་ཁྲོ་བོའི་གཟུགས་ཅན་རོ་ཡི་ཁ་ནི་གདངས་པ་སྤྱི་བོར་ཟླ་བ་ཕྱེད་པས་བཅིངས། །ཡིད་འོང་དྲིལ་བུའི་སྒྲ་ཡིས་མཛེས་ཤིང་སྣ་ཚོགས་མང་
[140b.2]པོས་འཕྱང་བའི་རྒྱལ་མཚན་ཚོགས། །བརྒྱན་པའི་དྲག་པོའི་སྒྲ་དང་སྣ་ཚོགས་མང་པོའི་མེ་ཏོག་གིས་མཚན་ཕྲེང་བ་བཅིངས། །ཁ་ཊྭཱཾ་ག་ནི་འབར་བ་མཆོག་ཏུ་དགའ་བ་བསྐྱེད་པ་རྡོ་རྗེ་རྣལ་འབྱོར་པས་གཟུང་ངོ་། །དཔལ་ལྡན་རྡོ་རྗེ་ལྷ་མོ་དེ་རྗེས་བླ་མ་མཆོག་དང་ཧེ་རུ་ཀ་འཁོར་མགོན་པོ་ལ་ཕྱག་འཚལ། །
[140b.3]སློབ་མ་བཟང་པོ་ཡོན་ཏན་མཆོག་ལྡན་དང་ནི་མཆོད་པ་ཀུན་གྱི་བྱེ་བྲག་བླངས་ནས་ནི། །གཡས་ན་འཁྲོལ་བའི་ལེགས་པའི་ཌ་མ་རུ་ནི་དྲི་མེད་ཧཱུཾ་སྒྲོགས་དགའ་བའི་མཆོག། །སློབ་དཔོན་རོལ་པ་མཛད་པས་ངེས་པར་དཀྱིལ་འཁོར་ཁང་བའི་དབུས་སུ་འཇུག། །ལྷོ་ཡི་སྒོ་རུ་སོང་ནས་ནི། །ལྷག་
[140b.4]མ་རྣམས་སུ་ཡོངས་སུ་བསྐོར། །ལྷ་མོ་རྒྱུད་གསུངས་རིམ་པའོ། །རྣལ་འབྱོར་རྒྱུད་རིགས་ཤར་སོགས་ནས། །ལྷོ་ཡི་སྒོ་རུ་འགྲོ་བ་ནི། །གང་བསྟན་བདེ་བར་གསུངས་པ་ཡི། །དཀྱིལ་འཁོར་བྲི་བར་བརྟག་པ་ནི། །ཀུན་རྫོབ་དོན་དུ་རྟོགས་པར་བྱ། །ཕྱོགས་ནི་མཐའ་ཡས་ཆ་ཤས་ཀྱིས། །ལྷོ་ལ་
[140b.5]སོགས་པ་བརྟགས་ན་ནི། །ལྷོ་ཡི་ཞལ་ནི་གང་ཡིན་ཉིད། །རྣལ་འབྱོར་པས་ནི་ཀུན་རྫོབ་ཉིད། །དང་པོར་དཔའ་བོ་དྲུག་དང་ལྷ་མོའི་བཀོད་པ་སྲུང་བའི་འཁོར་ལོ་བྱ། །སྔགས་ཀྱིས་མངོན་བསྔགས་ཆོག་ལྡན་པས་དཀྱིལ་འཁོར་བསྒྲུབ་པ་དེ་ནས་བྱ། །བདེ་བའི་སྟན་ལ་འབད་པ་ཡིས། །ཤེས་
[140b.6]རབ་ཡན་ལག་སྟན་གྱི་སྟེང་། །དཀྱིལ་འཁོར་ས་ཡི་དབུས་སུ་ནི། །སྔོན་དུ་བསྟན་པའི་མཚན་ཉིད་ལྡན། །མཛེས་པའི་གསེར་དང་རིན་ཆེན་ཀུན། །དཀྱིལ་འཁོར་ལ་ནི་གཏོར་བར་བྱ། །ཤ་ཆེན་པོ་དང་ཡང་དག་ལྡན། །གནས་བརྒྱད་དུ་ནི་ལེགས་པར་བདུག །མར་ཁུ་ཆེན་པོ་དང་ལྡན་
[140b.7]པའི། །མར་མེ་བརྒྱད་ནི་དབུལ་བར་བྱ། །མེ་ཏོག་སྣ་ཚོགས་རྣམ་པར་དགྲམ། །སྣ་ཚོགས་དྲི་ཡིས་ལེགས་པར་བསྒོ། །སྒོ་བཞི་རུ་ནི་དཔའ་བོ་དང་། །རྣལ་འབྱོར་མ་དང་གཉིས་མེད་གནས། །ལུས་ལ་ཕྱག་རྒྱ་ལྔ་ལ་སོགས། །མགོ་བོ་ལྔ་ཡིས་མཚན་པ་དང་། །གང་ཡང་གཅེར་
[141a]
[141a.1]བུའི་གོས་དང་ནི། །ཆང་ལ་དགའ་བས་མྱོས་པའོ། །ཐམས་ཅད་རལ་པའི་ཅོད་པན་བཅས། །སྤྱད་དང་བཟའ་བ་མཆོག་ཏུ་བརྩོན། །མཚམས་ཀྱི་ཆ་ནི་གཞན་རྣམས་སུ། །དཔའ་བོ་དཔའ་མོའི་དབང་ཕྱུག་ལྡན། །རྡོ་རྗེ་དྲིལ་བུ་མཉམ་འཁྱུད་ཅིང་། །ནུ་མ་འཚིར་བ་ལ་
[141a.2]བརྩོན་པའོ། །ཚོགས་ཀྱི་གཙོ་བོའི་བདག་པོ་ནི། །དཔལ་ལྡན་འཁོར་ལོས་སྒྱུར་ལེགས་གནས། །ལྷ་མོ་བཞི་དང་ཡང་དག་ལྡན། །ཕག་མོའི་ཞལ་ལའོ་བྱེད་པའོ། །ལ་ལ་གླུ་ཡིས་གླུ་ལེན་ཅིང་། །ལ་ལ་གར་བྱེད་རྣལ་འབྱོར་པ། །ལ་ལ་བཞད་པ་རབ་ཏུ་བྱེད། །བཟའ་དང་སྤྱོད་པ་ལ་ཆགས་
[141a.3]པའོ། །ལ་ལ་རྫ་ཡི་རྔ་བརྡུང་དང་། །བཀྲ་ཤིས་གླུ་ནི་སྣ་ཚོགས་ཀྱིས། །འཁོར་ལོ་བདེ་མཆོག་བདེ་བ་ཡི། །དཔའ་བོ་ཆེན་པོ་ལ་མཆོད་དོ། །ཐམས་ཅད་དཔའ་བོ་དྲུག་དང་ལྡན། །རྣལ་འབྱོར་མས་ནི་རྒྱན་དུ་བྱས། །གོ་ཆ་ལ་སོགས་ཡང་དག་ལྡན། །རྡོ་རྗེ་དཀྱིལ་འཁོར་ལེགས་པར་གནས། །
[141a.4]དེ་ལྟར་གོ་བགོས་བདག་ཉིད་ནི། །སུམ་ཅུ་གསུམ་པས་ཀྱང་མི་ཤིགས། །ཧེ་རུ་ཀ་ལ་སྤྲོ་བྱས་ནས། །བཟའ་དང་སྟོན་མོ་ལེགས་པར་བརྩམ། །ཕྱི་དང་ནང་གི་བདག་ཉིད་ཀྱི་དཀྱིལ་འཁོར་གྱི་ལྷ་དང་དཔའ་བོ་དང་དབང་ཕྱུག་མ་ལ་མཆོད་པའི་ཆོ་གའོ། །དམ་ཚིག་འཁོར་ལོ་དྲུག་པ་ནི། །ཡེ་
[141a.5]ཤེས་འཁོར་ལོ་ཡང་དག་ལྡན། །སེམས་ཀྱིས་ཁ་སྦྱོར་བྱས་པ་སྟེ། །གྱེན་དུ་ལྟ་བས་བལྟས་ནས་ནི། །སྔོན་དུ་སྤྱན་དྲངས་ཕྱག་རྒྱར་བཅས། །སྔགས་དང་ཕེཾ་སྒྲོགས་སྦྱར་བ་ཡིས། །མཐའ་ཡས་ཕྱོགས་ན་བཞུགས་པ་ཡི། །ལྷ་རྣམས་མཉེས་ནས་དངོས་གྲུབ་སྟེར། །དཔའ་བོ་དཔའ་མོའི་དབང་
[141a.6]ཕྱུག་ལྡན། །སྔོན་གྱི་མཚན་མ་སོགས་པས་བརྒྱན། །འཇིག་རྟེན་མགོན་པོ་སྙིང་བརྩེ་ཅན། །རྫོགས་པའི་སངས་རྒྱས་གཤེགས་པར་འགྱུར། །གཉིས་སུ་མེད་པའི་དངོས་གྲུབ་ཐོབ། །དཀྱིལ་འཁོར་ཧེ་རུ་ཀ་ཡི་ཞིང་། །བྱིན་རླབས་གོ་འཕང་ཡིད་འོང་བར། །བྱེད་པ་སོམ་ཉི་མེད་པའོ། །
[141a.7]ཕྱི་དང་ནང་གི་ཡེ་ཤེས་ཀྱི་འཁོར་ལོ་སྤྱན་དྲང་པའི་ཆོ་གའོ།། །།ཕྱི་དང་ནང་གི་སེམས་ཀྱིས་ནི། །རྣལ་འབྱོར་མ་ཡི་འཁོར་ལོ་མཆོད། །རང་འབྱུང་གི་ནི་མེ་ཏོག་ཉིད། །བུ་སོགས་གནས་ན་ལེགས་པར་བཞུགས། །དེ་ཡིས་གདོང་ནི་བསྐུས་ནས་ནི། །གང་ཡང་གཞན་པའི་འཁོར་ལོར་
[141b]
[141b.1]གནས། །གཉིས་མེད་གཉིས་སུ་མེད་སྔགས་ཀྱིས། །མངོན་པར་བསྔགས་ནས་བྱིན་གྱིས་བརླབ། །མཁའ་འགྲོ་མ་ཡི་གསང་སྔགས་ཀྱིས། །སྒོ་དང་སྒོ་རུ་བྱིན་གྱིས་བརླབ། །བརྒྱད་བརྒྱ་མཆོག་ཏུ་བཟླས་པ་ནི། །མཉམ་གཞག་སྔགས་པ་ཉིད་ཀྱིས་བྱ། །ཨཱ་ལི་ཀཱ་ལི་བཟླས་ནས་ནི། །ཕྱི་ནས་
[141b.2]དཀྱིལ་འཁོར་བྱིན་གྱིས་བརླབ། །འཇིགས་པའི་སྒྲ་ནི་མང་པོ་དང་། །འཇིགས་པའི་ལྷ་མོའི་ལུས་བཟང་བ། །ཁྱིམ་ལྔ་ཡི་ནི་ལྷ་མོ་མཆོག །བྱོན་པར་གྱུར་ནས་མདུན་དུ་བཞུགས། །སྒྲུབ་པ་པོ་ལ་དངོས་གྲུབ་ནི། །རྒྱ་ཆེན་སྟེར་བར་ཐེ་ཚོམ་མེད། །དེ་བཞིན་དུ་ཡང་གསུངས་པ། རྟག་ཏུ་དེ་
[141b.3]ནི་མཆི་མ་འབྱུང་། །བདག་ཉིད་ལས་བྱུང་ཟས་དེ་བཞིན། །རྡོ་རྗེ་ལ་ནི་འགོམ་མི་བྱེད། །དེ་བཞིན་གཅེར་བུར་གྱུར་བས་མཆོད། །གཡོན་པའི་དབང་ཕྱུག་ཐམས་ཅད་ཀྱིས། །འདི་དེ་ཕྱག་རྒྱའི་ཚོགས་ཀྱི་རིམ། །བཟའ་དང་སྤྱད་པས་ཡང་དག་འགྲུབ། །མགྲིན་པ་ལེགས་བཟུང་
[141b.4]སྒྲུབ་པ་པོ། །རང་གནས་སོང་ནས་དེ་མཉེས་ཤིང་། །རྣལ་འབྱོར་མ་རྣམས་གྲུབ་འདོད་པའོ། །རྫུ་འཕྲུལ་ཆེ་རྟོགས་སྔགས་པ་ནི། །ཧེ་རུ་ཀ་ནི་མཆོག་ཏུ་སྐྱེ། །ཡང་ན་མཁའ་སྤྱོད་འཁོར་ལོ་དང་། །ས་སྤྱོད་ལ་སོགས་ཡང་དག་ལྡན། །བརྩེ་ཞིང་ཧེ་རུ་ཀར་གྱུར་ནས། །འདོད་པའི་དོན་
[141b.5]ཀུན་སྒྲུབ་པའོ། །དཔལ་ལྡན་སངས་རྒྱས་ཞིང་བསྐོར་ནས། །སངས་རྒྱས་ཀུན་གྱིས་མཆོད་པར་འགྱུར། །ཡང་ན་བསོད་ནམས་ཞན་པའི་ཕྱིར། །དཀྱིལ་འཁོར་གནས་པ་མ་གྲུབ་ན། །སེམས་ཅན་དོན་ལ་གཅིག་ཏུ་བརྩོན། །བཟའ་དང་སྤྱད་པ་བརྩམ་པའོ། །བཞད་དང་སྒེག་པ་ལ་
[141b.6]སོགས་ལྡན། །གླུ་དང་གར་གྱིས་དགའ་བའོ། །སྣ་ཚོགས་སྟེན་མོས་དཔའ་བོ་དང་། །རྣལ་འབྱོར་མ་རྣམས་མཆོད་པར་འགྱུར། །གར་གྱི་བསྟན་བཅོས་ཐམས་ཅད་ནི། །བྱེད་པའི་ཕྱག་རྒྱ་ལ་སོགས་པ། །དེ་ནི་ཧེ་རུ་ཀ་དཔལ་རྒྱ། །དངོས་གྲུབ་ཐམས་ཅད་རབ་སྟེར་བ། །ནང་གི་བདག་ཉིད་
[141b.7]སྦྱིན་སྲེག་གིས། །དཔའ་བོ་ལྷ་མོ་ལེགས་པར་མཆོད། །དཔལ་ལྡན་བདེ་མཆོག་ཡང་དག་ལངས། །དངོས་གྲུབ་ཐམས་ཅད་རབ་ཏུ་སྟེར། །ཞི་བའི་བཏུང་བར་གྱུར་པའི་སེམས། །རྟག་པ་མཆོག་གི་གོ་འཕང་ངོ་། །ཞི་བའི་བཏུང་བ་གཞན་མ་ནི། །ཆང་དང་ཤ་སོགས་ཡང་དག་ལྡན། །ཨོཾ་སརྦ་
[142a]
[142a.1]བུདྡྷ་ཌཱ་ཀི་ནཱི་སརྦ་བྷཀྵཾ་ཤོ་དྷ་ཡ་གུ་ཧྱ་བཛྲི་ཎི་ཧཱུཾ་སྭཱ་ཧཱ། མངོན་པར་བསྔགས་ནས་བྱིན་གྱིས་བརླབ། །ཡང་ན་ལྷན་ཅིག་སྐྱེས་པའི་གཟུགས། །བཟའ་བ་ཀུན་སོགས་རྣལ་འབྱོར་པས། །ཤེས་ནས་ཁ་ཟས་བཟའ་བ་བློ་ལྡན་རྣལ་འབྱོར་པ་མོས་པས། །ལྷན་ཅིག་སྐྱེས་པའི་
[142a.2]ལྟོ་བ་ཐབ་ཁུང་ལྟེ་བའི་པདྨ་འདབ་བརྒྱད་ནི། །ལྟེ་བར་དགའ་བར་འབྱུང་བ་ཤིན་ཏུ་འཇིགས་པའི་ཧེ་རུ་ཀ་ཡི་ཞལ། །ངེས་པར་འདབ་མས་དཀྲིས་པ་ཆེན་པོ་ལྷ་མོའི་པདྨ་ཐོད་པར་ནི། །དེ་ཡི་རྗེས་སུ་འཁོར་ལོ་གསུམ་དང་སྒོ་སྐྱོང་རྣམས་དང་ལྡན། །སྣ་ཚོགས་མང་བའི་རོ་སྟེར་བགྱེས་པ་དཔལ་
[142a.3]གྱི་བདུད་རྩི་སོགས། །སྣ་ཚོགས་མཆོག་གི་སྲེག་རྫས་ཀྱིས་ནི་ཕུང་པོའི་བུད་ཤིང་རབ་འབར་བ། །སྐད་ཅིག་གྱུར་པ་ཀུན་མཁྱེན་མེ་ཡི་རང་བཞིན་ལ། །སྔགས་པ་བཟང་པོས་རྟག་ཏུ་འདི་དག་དེར་ནི་སྦྱིན་སྲེག་བྱ། །དེ་བཞིན་དུ་ཡང་གསུངས་པ། །རྡོ་རྗེ་ནང་གི་བདག་ཉིད་ཉོན། །ཇི་ལྟར་སྦྱིན་
[142a.4]སྲེག་རབ་འགྲུབ་པ། །འབར་བ་ཆེན་པོ་གཟི་བརྗིད་ཆེ། །རྣམ་པར་མི་རྟོག་པ་རུ་བསྲེག །བཟའ་བ་བཏུང་བ་གང་ཅུང་ཟད། །དེ་དག་ཐམས་ཅད་མཁས་པས་བསྲེག །ཇི་ལྟར་བསྟན་པའི་ཡམ་ཤིང་ནི། །གཟུགས་ཕུང་ལ་སོགས་རང་བཞིན་དག །རྣམ་པར་མི་རྟོག་པ་ཡིས་བསྲེག །གང་
[142a.5]ཞིག་སེམས་ནི་རང་བཞིན་ཀུན། །ཁུ་བ་ཁྲག་དང་དེ་བཞིན་ཤ །བཤང་དང་གཅི་བ་ལྔ་པ་སྟེ། །རྣམ་པར་མི་རྟོག་པ་ཡིས་བཟའ། །རང་བཞིན་མེད་པའི་བློ་ལྡན་པས། །དེ་བཞིན་ང་རྒྱལ་གཏི་མུག་ཆེ། །ཞེ་སྡང་འདོད་ཆགས་དེ་བཞིན་དུ། །ཕྲག་དོག་སེར་སྣ་ཕྲ་མ་སྟེ། །དམ་ཚིག་
[142a.6]བསྟེན་པ་དྲི་མ་མེད། །དེ་ཉིད་བཟང་པོར་མཉམ་སྦྱོར་བས། །ལུས་ཀྱི་དཀྱིལ་འཁོར་ལྷན་ཅིག་སྐྱེས། །གཏོར་མ་ལ་སོགས་གང་ཅུང་ཟད། །ལུས་ཀྱི་དཀྱིལ་འཁོར་འཁོར་ལོར་སྦྱིན་སྲེག་བྱ། །མཚན་མོ་སྐྲ་གྲོལ་གྱུར་པ་དང་། །གཅེར་བུས་ཕྱི་རོལ་གཏོར་མ་སྦྱིན། །སྔོན་དུ་བསྟན་པའི་
[142a.7]ཆོ་ག་ཡིས། །ལམ་ལ་གནས་ཤིང་གཟི་བརྗིད་ཆེ། །རྣལ་འབྱོར་མ་དང་དཔའ་བོར་ལྡན། །གཏོར་མ་བྱིན་པས་མཉེས་པར་འགྱུར། །སེམས་ཅན་བསམ་པ་དང་མཐུན་པར། །ཕྱི་རོལ་གྱི་ནི་སྦྱིན་སྲེག་བཤད། །རྣལ་འབྱོར་རྒྱུད་དཔལ་ལས་བསྟན་པ། །ལུས་ཀྱི་འཁོར་ལོར་སྦྱིན་སྲེག་
[142b]
[142b.1]བྱ། །གང་ཕྱིར་ལུས་ཀྱི་སངས་རྒྱས་ནི། །དམ་ཚིག་དེས་ན་དེ་བསྲེག་བྱ། །རྟེན་དང་བརྟེན་པ་པདྨའོ། །དབུས་སུ་སྦྱིན་སྲེག་བྱ་བའོ། །ཤ་དང་བདུད་རྩི་བཟའ་བ་སྟེ། །ཆང་ནི་བཏུང་བར་ཡང་དག་ལྡན། །དེ་བཞིན་དུ་ཡང་གསུངས་པ། ཕུང་པོའི་བུད་ཤིང་སྒྲིབ་པས་བརླན་ཞིང་གཡོགས་པ་ཡང་། །
[142b.2]ཡེ་ཤེས་མེ་ནི་བྱེད་པའི་རླུང་གིས་བསྐུལ་བས་དེ། །དུ་བ་འབྱུང་ཞིང་མེ་ལྕེ་འབར་བ་ཉིད་ཀྱིས་བསྲེག །ཁྱབ་ཅིང་རྒྱལ་བ་དེ་ནི་ཆོས་ཀྱི་དབྱིངས་སུ་མཐོང་། །ལུས་ཀྱི་སྦྱིན་སྲེག་ཡང་དག་ལྡན། །ཕྱི་རོལ་སྦྱིན་སྲེག་གིས་མཉེས་ཏེ། །རྡོ་རྗེ་བདུད་རྩི་ལ་སོགས་བསྟེན། །ཕྱི་རོལ་སྦྱིན་སྲེག་ཡང་དག་
[142b.3]བརྩམ། །ཁྲུ་གང་ཙམ་གྱི་ཐབ་ཁུང་གྱུར། །ཐོད་པ་ལྟ་བུས་མཛེས་པའོ། །ལྷོ་རུ་ཁ་བལྟས་ཆོ་ག་ཡིས། །དེ་ལ་ཁ་བལྟས་བསྐོར་བས་འགྲུབ། །དབུས་སུ་པདྨ་འདབ་བརྒྱད་ནི། །རི་ཡི་སྟེང་ན་ལེགས་པར་གནས། །པདྨར་དགྲ་སྟེ་དེ་བཞིན་ཞགས། །མདུད་དང་ཁ་ཊྭཱཾ་ཡང་དག་ལྡན། །ཁྲོ་
[142b.4]བོ་ལྟ་བུ་ཤིན་ཏུ་འཇིགས། །རྡོ་རྗེ་ལྟེ་བར་དགོད་པ་དང་། །ཕྱི་རོལ་རྡོ་རྗེ་ཕྲེང་བ་བྱ། །པདྨ་ལྟ་བུའི་ཁ་ཁྱེར་བཟང་། །རྣལ་འབྱོར་རྒྱུད་ཀྱི་དགང་གཟར་དང་། །བླུགས་གཟར་ཉིད་ཀྱང་དེ་བཞིན་ནོ། །ཅུང་ཟད་ཁ་ལ་ཐོད་པ་འདྲ། །དབུས་སུ་ཁྲོ་བོའི་རྡོ་རྗེ་བྲི། །ཨཱ་ལི་ཀཱ་ལི་ལེགས་པར་བརྗོད། །
[142b.5]འབྱུང་གནས་ལ་སོགས་རྣལ་འབྱོར་རིག །གཡོན་དུ་སྦྱིན་སྲེག་ལ་སོགས་རྫས། །གཡོན་པའི་སྤྱོད་པས་སྦྱིན་སྲེག་བྱ། །གཉིས་མེད་ལ་སོགས་རྒྱུད་ཆེན་ལས། །མཆོད་པ་བྱ་བའི་ཆོ་ག་ཡིས། །མེ་དང་ཧེ་རུ་ཀ་དཔལ་སོགས། །སྦྱིན་སྲེག་བྱས་ནས་ཡོན་བླང་ངོ་། །མི་དང་བ་ལང་རྔ་མོ་དང་། །
[142b.6]ཅེ་སྤྱང་རྟ་དང་གླང་པོ་ཡི། །ཤ་ནི་དངོས་གྲུབ་འདོད་པ་དེས། །རྣལ་འབྱོར་རིག་པས་སྦྱིན་སྲེག་བྱ། །གསང་བར་སྐྲ་གྲོལ་གཅེར་བུ་དང་། །སྔོན་དུ་སྤྱད་ཅིང་བཟའ་བ་ཡིས། །དཔལ་ལྡན་བདེ་མཆོག་རྣལ་འབྱོར་ཆེས། །གཏོར་མའི་ལས་ནི་ལེགས་པར་བརྩམ། །ཕྱི་དང་ནང་གི་སྦྱིན་སྲེག་གི་ཆོ་
[142b.7]གའོ།། །།སྔགས་པ་རྣལ་འབྱོར་མ་ལྷན་ཅིག །ལྷོ་རུ་བལྟས་ཤིང་ལྷོ་རུ་ནི། །དཀྱིལ་འཁོར་ལ་གནས་སློབ་མ་ལ། །ཆོ་ག་ཡིས་ནི་འདི་སྐད་སྨྲ། །བུ་ཡིས་ངེས་པར་རབ་འབད་པས། །སྡོམ་པའི་མཆོག་རྣམས་སྲུང་བར་གྱིས། །དཔལ་ལྡན་བདེ་མཆོག་ལས་མཆོག་མེད། །ལྷན་ཅིག་
[143a]
[143a.1]སྐྱེས་པས་ཉེ་བར་མཚོན། །དཀྱིལ་འཁོར་གྱི་ནི་མདུན་བྱས་ཏེ། །ཡང་ན་གསུངས་པར་གྱུར་པ་སྟེ། །མ་ལ་སོགས་པ་ཐོད་པར་གནས། །སློབ་མའི་སྡིག་པ་སེལ་བ་སྟེ། །གཡོན་པའི་ལག་པས་ལེགས་པར་བླངས། །ཡི་གེ་བདུན་པ་རྗེས་སུ་དྲན། །ཧེ་རུ་ཀ་ཡི་སྦྱོར་
[143a.2]དམིགས་ཏེ། །ང་རྒྱལ་བཅས་པས་ལེགས་པར་གནས། །ཕག་མོ་དང་ནི་འོ་བྱེད་པ། །སློབ་མ་ཀུན་གྱི་ཁ་རུ་ནི། །ནུས་པ་འཕྲོག་ཅིང་བདུད་མེད་པ། །བློ་བཟང་ཀྱིས་ནི་རིམ་པར་གཏོར། །དཔའ་བོ་དྲུག་སོགས་སྔགས་ཀྱིས་ལས། །བྱས་ནས་སློབ་མ་ཤིན་ཏུ་བསྲུང་། མཁའ་འགྲོའི་སྔགས་
[143a.3]ཀྱིས་བསྔགས་པ་ཡི། །དར་དཔྱངས་བཅིང་བར་བྱ་བའོ། །རྒྱན་རྣམས་ཀུན་གྱིས་བརྒྱན་པ་ཡི། །སློབ་མས་ལྷོ་ནས་གསོལ་བ་བཏབ། །དངོས་གྲུབ་ཐམས་ཅད་བསྒྲུབ་པ་ཡི། །སྐྱེ་བོ་ལ་ནི་དངོས་གྲུབ་སྟེ། །དེ་ནས་བླ་མའི་ལག་གཡོན་གྱིས། །རྟག་ཏུ་སློབ་མ་བཟུང་ནས་ཀྱང་། །ལྷོ་ཡི་
[143a.4]སྒོ་རུ་བཞག་ནས་ནི། །པོ་ཏང་གི་ཡི་ཚིག་གིས་དྲི། །སློབ་མས་ཀྱང་ནི་དེ་ནས་ཚིག །པྲ་ཏི་པོ་ཏང་གི་ཀྱེ་ཁྱབ་བདག །ཧེ་རུ་ཀ་ཡིས་གཱ་ཡ་དྲི། །དེ་ནས་དཔའ་བོས་བརྗོད་པར་བྱ། །ཨོཾ་ཤྲཱི་ཧེ་རུ་ཀཱ་ཡ་བིད་མ་ཧེ་བིདྱཱ་རཱ་ཛ་ཡ་དྷཱི་མ་ཧེ་སྭཱ་ཧཱ། འདི་ནི་གཱ་ཡ་དྲིའོ། །དཀྱིལ་འཁོར་འདིར་ནི་དངོས་
[143a.5]གྲུབ་སྟེ། །མཁའ་འགྲོ་མ་ཡི་དྲ་བའི་གཙོ། །བདེ་མཆོག་གི་ནི་གཞིར་གྱུར་པ། །བུ་ཁྱོད་ཀྱིས་ནི་བླང་བར་གྱིས། །ལྷོ་སྒོར་སློབ་མས་འདི་སྐད་བརྗོད། །ཨོཾ་ན་མ་ཏེ་ཧཱུཾ། ན་མ་མི་ཧཱུཾ། ན་མོ་ན་མ་ཧཱུཾ་སྭཱ་ཧཱ། ཞེས་སོ། །མཁའ་སྤྱོད་ལ་སོགས་རབ་དབྱེ་བས། །ཕྱག་གསུམ་དག་ནི་བྱ་བའོ། །
[143a.6]ཐལ་མོ་སྤྱི་བོར་བྱས་ནས་ནི། །ཡན་ལག་ཀུན་གྱིས་ཕྱག་བྱའོ། །ཨོཾ་སརྦ་བཱ་རི་ཡོ་གི་ནཱི་བྷྱཿཔཱུ་ཛོ་བ་སྠ་ནཱ་ཡ། ཨཱཏྨ་ནཱཾ་ནི་དྱཱ་ཏ་ཡཱ་མི་སརྦ་ཏ་ཐཱ་ག་ཏ་བཱི་ར་ཡོ་གི་ནྱ་ཏཱཾ་ཌཱ་ཀི་ནྱཻ་ཨ་དྷི་ཏཥྛི་སྭ་མཱཾ། གཡོན་པས་ཐལ་མོ་སྦྱར་ནས་ནི། །སྙིང་ག་རུ་ནི་བྱས་ནས་ནི། །ཡོན་ཏན་ཀུན་གྱི་གཞིར་གྱུར་པ། །སློབ་མས་སྒོ་ཀུན་
[143a.7]ལ་ཕྱག་བྱ། །ཨོཾ་སརྦ་བཱི་ར་ཡོ་གི་ནཱཾ་པཱུ་ཛ་ཨ་བྷི་ཥེ་ཀཱ་ཡ་ཨཱཏྨཱ་ནཱཾ་ནི་རྱཱ་ཏ་ཡཱ་མི། སརྦ་ཏ་ཐཱ་ག་ཏ་བཱི་ར་ཡོ་གི་ནྱཱ་ཏྨ་ལཱ་མཱ་ཡི་ཨ་བྷི་ཥིཉྩ་མཱཾ། གཡོན་པའི་ཐལ་མོ་འཕྲལ་བ་རུ། །བྱས་པར་གྱུར་ནས་དེ་ནས་ཡང་། །བྱང་གི་སྒོ་རུ་བརྟེན་ནས་ནི། །རྣལ་འབྱོར་མ་ལ་ཕྱག་བྱའོ། །ཨོཾ་སརྦ་བཱི་ར་ཡོ་གི་ནཱི།
[143b]
[143b.1]བྷྱཿཔཱུ་ཛ་པྲ་བརྟ་ནཱ་ཡཱཏྨ་ནཾ་ནི་རྱཱ་ཏ་ཡཱ་མི།སརྦ་ཏ་ཐཱ་ག་ཏ་བཱི་ར་ཡོ་གི་ནྱཱ་ཏྨཾ་ཁཎྜ་རོ་ཧཱ་ཡི་པྲ་བརྟཱ་ཡ་མཱཾ། སྔགས་པས་དེ་ནས་ཕྱི་ནས་སྒོར། །སྤྱི་བོར་ཐལ་མོ་བྱས་ནས་ནི། །སྔོན་དུ་གསང་སྔགས་བརྗོད་པ་ཡིས། །དཔའ་བོ་ཧེ་རུ་ཀར་ཕྱག་བྱ། །ཨོཾ་སརྦ་བཱི་ར་ཡོ་གི་ནཱི་ནཾ་པཱུ་ཛ་ཀརྨ་ཎི་
[143b.2]ཨཱཏྨཱ་ནཱཾ་ནི་རྱཱ་ཏ་ཡཱ་མེ། སརྦ་ཏ་ཐཱ་ག་ཏ་བཱི་ར་ཡོ་གི་ནྱཱ་ཏྨཾ་རཱུ་པི་ཎྱཻ་ཀརྨ་ཀུ་རུ་མཱཾ། ཕྱག་བཞིའི་ཆོ་གའོ། །ལྷོ་ཡི་སྒོ་རུ་སོང་ནས་ནི། །ལྷོ་རུ་བལྟས་ནས་ལེགས་པར་གནས། །གཡོན་པས་སློབ་མ་བཟུང་ནས་ནི། །སྡོམ་པའི་མཆོག་ནི་སྦྱིན་པར་བྱ། །སངས་རྒྱས་ཆོས་དང་དགེ་འདུན་ཏེ། །དཀོན་
[143b.3]མཆོག་གསུམ་ལ་སྐྱབས་སུ་སོང་། །འདིར་ནི་སངས་རྒྱས་རིགས་ཡིད་འོང་། །སྡོམ་པ་བརྟན་པོར་གྱུར་པའོ། །རྡོ་རྗེ་དྲིལ་བུ་ཕྱག་རྒྱ་ཡང་། །བློ་ཆེན་ཁྱོད་ཀྱིས་གཟུང་བར་བྱ། །བྱང་ཆུབ་སེམས་གང་རྡོ་རྗེ་སྟེ། །ཤེས་རབ་དྲིལ་བུ་ཞེས་བྱའོ། །སློབ་དཔོན་ཁྱོད་ཀྱིས་གཟུང་བར་བྱ། །བླ་
[143b.4]མ་སངས་རྒྱས་ཀུན་དང་མཉམ། །འདི་ནི་རྡོ་རྗེའི་རིགས་དག་པའོ། །སྡོམ་པ་དམ་ཚིག་ཅེས་སུ་བརྗོད། །རིན་ཆེན་རིགས་ལ་རྟག་ཏུ་ནི། །ཉི་མ་རེ་རེ་དུས་དྲུག་ཏུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་སྦྱིན་པར་བྱ། །ཕྱི་ནང་གསང་བའི་ཐེག་པ་གསུམ། །དམ་པའི་ཆོས་ནི་
[143b.5]ཁྱོད་ཀྱིས་གཟུང་། །འདི་ནི་པདྨའི་རིགས་དག་པའི། །སྡོམ་པ་མཆོག་གི་གོ་འཕང་ངོ་། །སྡོམ་པ་ཐམས་ཅད་ཡང་དག་ལྡན། །བདག་གིས་བརྟན་པོར་སོ་སོར་གཟུང་། །མཆོད་པའི་ལས་ཀྱང་ཅི་ནུས་བགྱི། །ལས་ཀྱི་རིགས་ཆེན་རྟག་པའོ། །སྡོམ་པའི་ཆོ་གའོ།། །།བུ་སྐྱེས་སོ་སོར་
[143b.6]གནས་པར་གྱིས། །རིགས་ཀྱི་དེ་ཉིད་ཀུན་དུ་བལྟ། །དཔའ་བོ་ལྷ་མོ་ལེགས་པར་བྱུང་། །ཧེ་རུ་ཀ་ལྟར་ཤིན་ཏུ་མཛེས། །གང་གིས་བསྐྱེད་པ་མཁའ་ལྟར་སྟོང་། །མཆོག་གི་གོ་འཕང་ཐོབ་པར་འགྱུར། །ཧེ་རུ་ཀ་དཔལ་ཡེ་ཤེས་དེ། །ང་ཡིས་མཆོག་ནི་ཁྱོད་ལ་སྦྱིན། །དཀྱིལ་འཁོར་
[143b.7]མ་མཐོང་བ་རྣམས་ལ། །ཁྱོད་ཀྱིས་ཀྱང་ནི་སྨྲ་མི་བྱ། །གལ་ཏེ་སྨྲས་ན་བུ་ཁྱོད་ཀྱི། །དམ་ཚིག་ཉམས་པར་གྱུར་ཏ་རེ། །དཔལ་ལྡན་ཕག་མོ་ཁྱོད་ཉིད་ཀྱི། །སྙིང་ལ་ཡང་དག་ཞུགས་པ་འདི། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ནས་གཤེགས། །བདུད་རྩི་ལྔ་ཡི་ཆུ་ཡི་
[144a]
[144a.1]སྣོད། །སློབ་མ་མཆོག་ལ་སྦྱིན་པར་བྱ། །མཁའ་འགྲོ་མ་ཡི་སྔགས་བཟླས་ཤིང་། །ཚིག་འདི་དག་ནི་བརྗོད་པར་བྱ། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་འོང་། །བདུད་རྩི་ལྔ་ཡི་ཆུ་འཐུང་ཤིག །ཨོཾ་པཉྩ་
[144a.2]ཨམྲྀ་ཏོད་ཀ་ཐ་ཧཱུཾ། དེད་ཕན་ཆོད་ཁྱོད་ཀྱི་དཔལ་ཕག་མོ་ང་ཡིན་གྱིས། གང་ང་ཡིས་སྨྲས་པ་དེ་འབད་པས་བྱ་དགོས་སོ། །ཁྱོད་ཀྱིས་ང་ལ་བརྙས་པར་མ་བྱེད་ཅིག །ཁྱོད་ཡ་ང་བ་མ་སྤངས་པར་དུས་བྱས་ནས། །དམྱལ་བར་ལྟུང་བར་གྱུར་ཏ་རེ། །བུ་ཡིས་འདི་དག་སྨྲ་བར་གྱིས། །དཔའ་
[144a.3]བོ་དང་རྣལ་འབྱོར་མ་རྣམས་བདག་ལ་བྱིན་གྱིས་རློབ་ལ། དཔལ་ཧེ་རུ་ཀ་ལ་སོགས་པ་བདག་ལ་དབབ་ཏུ་གསོལ། །གོས་ངན་ཁྲག་ནི་བླངས་ནས་ནི། །བདུད་རྩི་ལྔ་དང་གུ་གུལ་དང་། །བྱི་ལའི་རྟུག་པ་ཡང་དག་ལྡན། །བདུག་པ་བྱས་ནས་བསྔགས་ནས་ནི། །ཐོད་པའི་ནང་དུ་གཞག་པར་བྱ། །
[144a.4]རོ་བསྲེགས་མེ་ཡིས་ལེགས་པར་བདུག། ཁྲོས་ཤིང་བསྒྱིངས་བཅས་སེམས་དང་ནི། །གཉིས་སུ་མེད་པས་བསྔགས་པར་བྱ། །སྔོན་དུ་བསྟན་པའི་རྒྱན་དང་ལྡན། །གོ་ཆ་ཡན་ལག་དེ་བཞིན་ནོ། །སློབ་མའི་ལུས་ལ་བློ་ལྡན་པས། །ཡང་ནི་འཁོར་ལོ་ཐམས་ཅད་གཞུག །ལྟེ་བའི་པད་གནས་
[144a.5]འཁོར་ལོ་བཟང་། །གསལ་ཞིང་འོད་དང་བཅས་པའོ། །རྐང་པའི་འོག་ཏུ་རླུང་གིས་བསྐྱོད། །སློབ་མ་ལ་ནི་དབབ་པར་བལྟ། །གཉིས་སུ་མེད་པའི་གསང་སྔགས་བཟླས། །གཡས་བརྐྱང་སྟན་ལ་ཡང་དག་ལྡན། །མཁས་པས་སྔོན་དུ་བསྟན་པ་ཡི། །བདུག་པ་རྣམས་ཀྱིས་བདུག་པར་བྱ། །
[144a.6]ཨོཾ་ཏིཥྛ་མ་ཧཱ་ཀྲོ་དྷ་ཨཱ་བེ་ཤ་ཧཱུཾ། ཨོཾ་ཤྲཱི་ཧེ་རུ་ཀཱ་ཡ་བིད་མ་ཧེ་བ་བིརྱཱ་ཛ་ཡ་དྷི་མ་ཧེ་སྭཱཧཱ། ཞེས་བྱ་བས་དཔའ་བོ་རབ་ཏུ་བསྐུལ་ལ། དེ་ཡི་ལག་ནས་ལག་པས་བཟུང་། །མིག་ཕྱེ་ནས་ནི་བསྟན་པར་བྱ། །དཔལ་ལྡན་ཕག་མོ་ད་ཁྱོད་ཀྱིས། །མིག་འབྱེད་པར་ནི་བརྩོན་པར་མཛད། །ཐམས་ཅད་
[144a.7]མིག་ནི་འབྱེད་གྱུར་པ། །རྡོ་རྗེ་མིག་ནི་བླ་ན་མེད། །ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞ་ནཱི་ཡེ་ཧཱུཾ་ཕཊ་སྭཱ་ཧཱ། དད་པའི་ཤུགས་ཀྱིས་ད་ལྟ་ནི། །དཀྱིལ་འཁོར་འདི་ལ་བལྟ་བར་གྱིས། །ཁྱོད་ནི་རྣལ་འབྱོར་མ་རིགས་སྐྱེས། །སྔགས་དང་ཕྱག་རྒྱས་བྱིན་གྱིས་བརླབས། །མེ་ཏོག་གཏོར་བ་ལ་
[144b]
[144b.1]བལྟས་ཏེ། །སྟན་སོགས་གནས་ན་ལེགས་པར་གནས། །གང་དུ་མེ་ཏོག་ལྟུང་བ་དེ། །དེ་ལ་དངོས་གྲུབ་འགྱུར་བའོ། །ཕྱི་རོལ་དབབ་པའི་ཆོ་གའོ། །རྣལ་འབྱོར་ཁ་ཅིག་ཕྱི་རོལ་འདོད། །བདག་གི་བླ་མའི་དབབ་པའི་ལུགས། །བདག་ཉིད་བྱིན་གྱིས་བརླབ་པར་གྱུར། །དཀྱིལ་འཁོར་བྱ་
[144b.2]བའི་ཆོ་ག་ནི། །ཅུང་ཟད་བསྒོམས་པའི་བརྟུལ་ཞུགས་ཅན། །བྱིན་གྱིས་བརླབ་པའི་རིམ་པ་ཉིད། །རྣལ་འབྱོར་མ་ཡི་ལུས་ཀྱིས་གསུངས། །ལུས་ཀྱི་རིན་ཆེན་བསྐྱོད་པ་ནི། །སྐད་ཅིག་གིས་ནི་རང་བཞིན་འཕར། །རྣལ་འབྱོར་བཟང་པོས་འདས་པའི་རིགས། །མ་འོངས་པ་ཡང་མཐོང་བར་
[144b.3]འགྱུར། །དབབ་པའི་ཆོ་གའོ།། །།ཧེ་རུ་ཀ་དང་གཉིས་མེད་གནས། །དཔའ་བོ་ཆེ་ལ་བུ་ཡིས་ལྟོས། །པདྨའི་འདབ་མར་ལྷ་མོ་བཞི། མཆོད་པ་བཞི་དང་ཡང་དག་ལྡན། །འཁོར་ལོ་གསུམ་གྱི་བདག་ཉིད་ཅན། །སྒོ་སྐྱོང་ལ་སོགས་རྣམས་ཀྱིས་སྲུང་། །བློ་གྲོས་ཆེན་པོ་དབུས་གནས་པའི། །
[144b.4]འཁོར་ལོ་བདེ་མཆོག་བདེ་བའི་མཆོག །བླ་མའི་ཞབས་ལ་ཕྱག་བྱས་ཏེ། །སློབ་མ་གུས་ཤིང་ཡིད་འོང་བཟང་། །གཡོན་པ་ཐལ་སྦྱར་སྙིང་གར་གཞག། །དབང་སྐུར་དོན་དུ་གསོལ་བ་གདབ། །ཧེ་རུ་ཀ་དཔལ་དབང་སྐུར་བ། །འགྲོ་བ་སྐྱོབ་ཕྱིར་གཟི་བརྗིད་ཅན། །རྡོ་རྗེ་སེམས་དཔས་
[144b.5]ཇི་ལྟར་བྱིན། །དེ་བཞིན་བདག་ལ་དེང་གསོལ་ཅིག །ལྷོ་ཡི་སྒོ་རུ་རབ་ཞུགས་ནས། །ཧེ་རུ་ཀ་སོགས་བདག་སེམས་ལ། །སེང་གེའི་སྟན་ལ་གནས་པ་ཡི། །སྣ་ཚོགས་པདྨ་ལ་འཕན་སོགས། །སློབ་མ་ཕྱག་རྒྱ་ལྔ་དང་ལྡན། །ཁ་ཊྭཱཾ་ག་བརྟེན་ལེགས་པར་གནས། །སྟེང་དུ་
[144b.6]གདུགས་བཟང་ལྷ་མོས་གཟུང་། །ཌ་མ་རུ་ནི་ལག་ན་ཐོགས། །རྣལ་འབྱོར་མ་དང་དཔའ་ཚོགས་ཀྱིས། །བསྐོར་ནས་དབུས་སུ་བསྒྱུར་ནས་ནི། །གླུ་ལ་སོགས་པའི་བཀྲ་ཤིས་ཀྱིས། །འབད་ནས་མཆོད་པ་བྱས་ནས་ནི། །ཐོག་མར་གནས་པའི་དངོས་གྲུབ་དོན། །བླངས་ནས་སྔགས་དང་ཡང་
[144b.7]དག་ལྡན། །གསང་སྔགས་རིག་པས་དཔའ་བོ་དང་། །རྣལ་འབྱོར་མ་ཚོགས་འཁོར་ལོར་གཏོར། །དེ་ནས་དགྱེས་པས་ལངས་ནས་ནི། །དཔའ་བོ་ཧེ་རུ་ཀ་དཔལ་སོགས། །དབང་བསྐུར་རིན་ཆེན་ཆེན་པོ་ཡི། །གཉིས་མེད་ཆུ་ནི་སྟེར་བར་བྱེད། །ཧེ་རུ་ཀ་ཡི་བཀའ་ཐོབ་ནས། །ཐོག་མར་སྙིང་
[145a]
[145a.1]པོ་བཟླས་པ་ཡིས། །དབང་བསྐུར་བ་ནི་སྦྱིན་པར་བྱ། །གཞན་དག་ཏུ་ནི་བཞད་གད་འགྱུར། །ནུས་པ་མེད་གྱུར་རྣལ་འབྱོར་མའི། །སྙིང་གའི་དཀྱིལ་འཁོར་འོད་ཟེར་གྱིས། །སློབ་མའི་ལུས་ལ་བཀང་ནས་ནི། །དབང་བསྐུར་སྦྱིན་པ་བསམ་པར་བྱ། །དབང་བསྐུར་བ་ནི་བཅུ་བཞི་ནི། །
[145a.2]སྔོན་གྱི་རྣལ་འབྱོར་པས་གང་བསྟན། །རྒྱས་པ་དགོས་པ་མེད་པའི་ཕྱིར། །ཐམས་ཅད་བདག་གིས་མ་བྲིས་སོ། །བསྐྱེད་པ་རྣལ་འབྱོར་རྒྱུད་དུའོ། །རྫོགས་པ་རྣལ་འབྱོར་མ་ཡི་རིམ། །བདག་གིས་དེ་བགྲོས་རྫོགས་པ་ཡི། །རིམ་པ་འདི་ནི་རབ་ཏུ་བསྒྲགས། །ཡུངས་ཀར་འོད་ཟེར་དུ་ནི་
[145a.3]བསྟན། །གང་ཕྱིར་དེས་ནི་ལེགས་བསྐུལ་བའོ། །སངས་རྒྱས་རོལ་པ་འདི་ལྟ་བུ། །བདག་ཉིད་ཆེན་པོ་ཕབ་ནས་ནི། །སངས་རྒྱས་ལྔ་ཡི་རང་བཞིན་ཏེ། །བརྟན་གཡོ་ཀུན་གྱི་བདག་ཉིད་དོ། །དེས་ན་ཐོག་མར་དབང་བསྐུར་ལྔ། །བདེ་ཞིང་འབྱོར་པ་སྦྱིན་པར་བྱ། །འགྲོ་བ་རྒྱུ་དང་མི་རྒྱུ་བ། །
[145a.4]དབང་བསྐུར་སྐད་ཅིག་གིས་རྫོགས་སོ། །གང་ཕྱིར་འགྲོ་དབང་ངོ་བོ་སྟེ། །དེ་ཕྱིར་དབང་བསྐུར་སྦྱིན་མི་བྱ། །མི་ཤེས་དེ་ཉིད་མི་རིག་སྟེ། །དེ་ཡང་དེ་ཉིད་རང་བཞིན་ནོ། །རྫོགས་པའི་ཡེ་ཤེས་བསྐྱེད་པ་ནི། །ཡང་ནི་སྨྲ་བར་བྱ་བའོ། །ཐོག་མར་ཆུ་ནི་སྦྱིན་པར་བྱ། །མཁའ་འགྲོ་མ་ཡི་སྔགས་ཀྱིས་
[145a.5]བསྔགས། །ཕྱི་ནས་དབུ་རྒྱན་སྦྱིན་པར་བྱ། །སངས་རྒྱས་ཀུན་གྱི་རིམ་པས་སོ། །ཇི་ལྟ་བ་བཞིན་དུ་གསུངས་པ། །ཆོས་ཀྱི་དབྱིངས་ཀྱི་རང་བཞིན་ནམ། །དེ་བཞིན་སྲོག་དང་རྩ་རང་བཞིན། །ཐོད་པའི་ཕྲེང་བའི་དབུ་རྒྱན་ཏེ། །རྡོ་རྗེ་གཙུག་གི་ནོར་བུ་ཐོད། །སྣ་ཚོགས་ཀུན་གྱི་བླ་མ་དང་། །
[145a.6]ཐམས་ཅད་ཀུན་གྱི་སློབ་དཔོན་ཕྱིར། །མ་ལུས་ལུས་པ་མེད་འགྲུབ་ཅིང་། །རྒྱལ་སྲིད་ཐམས་ཅད་རབ་ཏུ་འགྲུབ། །སྣ་ཚོགས་རང་བཞིན་པདྨ་གཅིག །སྣ་ཚོགས་ཀྱིས་མཛེས་དེ་བཞིན་ནོ། །སངས་རྒྱས་པདྨའི་དབང་བསྐུར་བས། །སློབ་མ་ཐམས་ཅད་དབང་བསྐུར་ཏེ། །གསང་སྔགས་འདི་
[145a.7]ཉིད་བརྗོད་པར་བྱ། །ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞ་ནཱི་ཡེ་ཧཱུཾ་ཕཊ་སྭཱ་ཧཱ། སྙིང་གར་གནས་པའི་ཐུགས་རྡོ་རྗེ། །དེ་རྗེས་ཀྱང་ནི་དབང་བསྒུར་ཏེ། །བདག་ཉིད་ཧེ་རུ་ཀ་རྡོར་ཆེ། །ཡིད་དུ་འོང་བའི་ཚིག་འདི་བརྗོད། །དཔའ་བོ་རྡོ་རྗེ་དབང་བསྒུར་བས། །དེ་རིང་ཁྱོད་ལ་དབང་བསྐུར་བྱ། །དཔའ་
[145b]
[145b.1]བོ་ཀུན་དུ་རབ་འགྲུབ་ཕྱིར། །རྡོ་རྗེ་འདི་ནི་ཁྱོད་ཀྱིས་ལོང་། །རྡོ་རྗེ་དྲིལ་བུའི་ལག་པ་ཡིས། །ཧེ་རུ་ཀ་ཡི་སྦྱོར་བས་འཁྱུད། །དེ་ཡི་གཡས་པའི་བརླ་སྟེང་དུ། །གཡོན་པའི་བྱིན་པས་མནན་པའོ། །ཨོཾ་ཧེ་རུ་ཀ་ཨ་དྷི་པ་ཏི་ཏྭཱཾ་ཨ་བྷི་ཥིཉྩཱ་མི་ཏིཥྛ་བཱི་ར་ས་མ་ཡ་སྟཾ། བདག་པའོ། །ཨོཾ་ཤྲཱི་ཧེ་རུ་ཀ་
[145b.2]ཨ་དྷི་པ་ཏི་ཏྭཾ་ཨ་བྷི་ཥིཉྩཱ་མི་ཤྲཱི་ཧེ་རི་ཀ་ནཱ་མ་ཨ་བྷི་ཥེ་ཀ་ཏ། ཡང་ན་རྣལ་འབྱོར་མ་ཡི་གཙོ། །ལྷ་མོ་རྒྱུད་ལས་ཐམས་ཅད་དུ། །དེ་མིང་རྣལ་འབྱོར་མ་ལུང་བསྟན། །དེ་ཉིད་རིག་པས་སྦྱིན་པར་བྱ། །ཨོཾ་ཤྲཱི་ཧེ་རུ་ཀ་ཨ་དྷི་པ་ཏི་ཏྭཾ་ཨ་བྷི་ཥ་ཉྱཱ་མི་ཤྲཱི་ཧེ་རུ་ཀ་ནཱ་མ་ཨ་བྷི་ཥེ་ཀ་ཏ། གདོད་ནས་ཆོས་
[145b.3]ལ་མིང་མེད་དེ། །ཀུན་རྫོབ་ཏུ་ནི་མིང་དུ་གྲགས། །དམ་པའི་དོན་གྱི་རང་བཞིན་གྱིས། །མིང་མེད་མིང་དང་ལྡན་པའང་མེད། །ཤིན་ཏུ་རྣམ་དག་ཆུ་ཡིན་ཏེ། །མཉམ་པ་ཉིད་ནི་དབུ་རྒྱན་གྱུར། །རྡོ་རྗེ་རྟག་ཏུ་སོ་སོར་རྟོག །བདག་པོ་དམ་ཚིག་ལས་བྱུང་བའོ། །བརྟུལ་ཞུགས་ལུང་
[145b.4]བསྟན་དབུགས་དབྱུང་བ། །དཔལ་ལྡན་རྣམ་སྣང་གཙོ་བོའོ། །དབང་བསྐུར་འདི་དག་ཡང་དག་ལྡན། །བུམ་པའི་དབང་དུ་རྣམ་པར་བསྟན། །འདི་དེ་སངས་རྒྱས་ཐམས་ཅད་ཀྱི། །ཧེ་རུ་ཀ་ཡི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཧེ་རུ་ཀ་ཡི་བརྟུལ་ཞུགས་བརྟན། །ཨོཾ་སརྦ་
[145b.5]བཱི་ར་ཏྭཾ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་སྟྭཾ་དྷ་ར་ཡཱ་མི་ཧི་ཧི་ཧི་ཧི་ཧཱུཾ། རྡོ་རྗེ་བརྟུལ་ཞུགས་དེ་བྱིན་ཏེ། །དེ་ཡི་རྡོ་རྗེ་སྦྱོར་བས་བཟུང་། །ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །མཁའ་འགྲོ་དྲ་བ་ཀུན་བདག་ཉིད། །རྡོ་རྗེ་བསྙེམས་པ་བདག་པོའི་བདག །དྲིལ་བུ་
[145b.6]དེ་ཉིད་གཟུགས་ཀྱིས་ནི། །རྣམ་པར་མཁས་པས་དེ་ལ་སྦྱིན། །འདི་དེ་རྣལ་འབྱོར་མ་ཀུན་གྱི། །ཤེས་རབ་དབྱངས་ནི་རྗེས་སུ་དྲན། །ཁྱོད་ཀྱིས་ཀྱང་ནི་རྟག་ཏུ་བཅང་། །བྱང་ཆུབ་མཆོག་ཏུ་རྒྱལ་བ་ཞེས། །སྲིད་པ་ངོ་བོ་ཉིད་ཀྱིས་དག། ངོ་བོ་ཉིད་ཀྱིས་དངོས་བྱས་པ། །རང་བཞིན་དག་པའི་
[145b.7]སེམས་དཔའ་ཡིས། །དམ་པའི་སྲིད་པ་བྱེད་པའོ། །དཔའ་བོ་ཆེན་པོ་ཆེན་པོ་སྦྱིན། །ཁ་ཊྭཱཾ་ག་མཆོག་གཟུང་བར་གྱིས། །ཧེ་རུ་ཀ་དཔལ་སྐུ་ཡན་ལག །བརྟན་གཡོའི་བདག་ཉིད་ཀུན་ཡན་ལག །བུ་ཡིས་རྟག་ཏུ་དམ་དུ་ནི། །རབ་ཏུ་འབད་པས་གཟུང་བར་གྱིས། །ཐོད་པའི་ཕྲེང་བ་ཡང་
[146a]
[146a.1]དག་ལྡན། །དབུ་རྒྱན་མཆོག་ཏུ་གཟུང་བར་གྱིས། །གར་དང་གླུ་དང་དེ་བཞིན་ཕྲེང་། །དྲི་དང་བདུག་པ་དེ་བཞིན་ཏེ། །འདི་དག་ལྷན་ཅིག་སྐྱེས་པར་གྲགས། །འཁོར་དང་ཤིན་ཏུ་མཛེས་པའོ། །མེ་ལོང་ཡེ་ཤེས་མེ་ལོང་དང་། །དུང་ནི་དེ་བཞིན་བདེ་བའོ། །མིག་སྨན་
[146a.2]བདེ་བ་ཅེས་བྱར་གསུངས། །སེམས་ཅན་ཀུན་ལ་རབ་ཏུ་བསྐུར། །ཕྱི་རོལ་གྱི་ནི་བུམ་པ་འདི། །སློབ་དཔོན་ཐམས་ཅད་བཞེད་པའོ། །བུམ་པ་གཞན་ནི་ལྷན་ཅིག་སྐྱེས། །ལུས་ལ་རྟག་ཏུ་གནས་པའོ། །ཀ་ནི་བྱང་ཆུབ་ཅེས་སུ་གསུངས། །འབར་བ་ལྡན་པར་གང་ཞིག་གྱུར། །དེ་ནི་བུམ་པ་
[146a.3]ཞེས་སུ་བསྟན། །སེམས་ཅན་ཀུན་ལ་ལེགས་པར་གནས། །བུམ་པས་ལེགས་པར་དབང་བསྐུར་བར། །སེམས་ཅན་ཐམས་ཅད་སོམ་ཉི་མེད། །བླ་མའི་མན་ངག་རིམ་མེད་པས། །བུམ་པ་ཤེས་པར་མི་འགྱུར་རོ། །དེ་བར་ནུས་པ་འཁོར་ལོ་དབུས་སུ་ཀུན་གྱི་སྙིང་པོ་ནི། །བླ་མ་དང་ནི་རྣལ་
[146a.4]འབྱོར་མ་དང་དཔའ་བོའི་འཁོར་ལོ་ལ་གུས་ཀྱིས། །སྐྱེ་བོ་ངན་པའི་ཚོགས་དང་གདུག་པའི་སེམས་སོགས་སྤོངས། །ལྷན་ཅིག་སྐྱེས་པར་འབྱུང་བའི་སེམས་དང་ཧེ་རུ་ཀ་ཡི་རྡོ་རྗེ་ཁྱོད་ཉིད་དོ། །བུམ་པས་དབང་བསྐུར་སློབ་མ་ཡིས། །ནམ་མཁའ་ལྡིང་གི་ཚུལ་གནས་ལ། །སྙན་པའི་ཚིག་གིས་
[146a.5]སྨྲ་བར་བྱ། །བགྲོད་དང་མི་བགྲོད་སོགས་མཚན་ཉིད། །ཞི་དང་རྒྱས་སོགས་གང་ཅུང་ཟད། །རལ་གྲི་མིག་སྨན་རྐང་མགྱོགས་དང་། །རྣལ་འབྱོར་མ་ཡི་སྒྲུབ་པ་གང་། །ལས་དེ་ཐམས་ཅད་བསྒྲུབ་པར་བྱ། །ནང་པར་སྔར་ལངས་སེམས་དག་ཉིད། །ཐམས་ཅད་ལུས་ལ་བྱས་ནས་ནི། །བགྲོད་
[146a.6]དང་མི་བགྲོད་གང་ཅུང་ཟད། །ཀུན་ལ་སྦྱར་བས་བྱ་བའོ། །ལུས་ཀྱི་སྡུག་བསྔལ་ཡོངས་སྤངས་ནས། །དམ་ཚིག་དང་ནི་སྡོམ་པ་བཟུང་། །བདེ་མཆོག་གིས་ནི་བྱིན་པ་བཞིན། །བུ་ཡིས་རྟག་ཏུ་སྦྱིན་པར་བྱ། །རྒྱལ་དང་སྟོང་དང་དེ་བཞིན་གང་། །ཕྱོགས་ནི་གཉི་ག་ལ་དེ་བཞིན། །རྣལ་འབྱོར་
[146a.7]མ་དང་དཔའ་བོ་མཆོད། །རང་ཉིད་ཀྱིས་ནི་འབད་ནས་མཆོད། །དཔའ་བོ་དཔའ་མོའི་དབང་ཕྱུག་ཚོགས། །ཆད་ལ་དགའ་བས་རོལ་བར་བྱ། །འཁོར་ལོ་བདེ་མཆོག་དཀྱིལ་འཁོར་དུ། །བུ་ཁྱོད་ཀྱིས་ནི་རྟག་ཏུ་རོལ། །དཔའ་བོ་ཕྱོགས་ལ་རབ་འབད་པས། །ལག་པའི་བརྡ་ནི་སྦྱིན་པར་བྱ། །
[146b]
[146b.1]དཔའ་བོ་དམ་ཚིག་ཤེས་ནས་ནི། །དེ་དང་ལྷན་ཅིག་བཟའ་ཞིང་སྤྱད། །ཐེག་པ་དམན་ལ་དགའ་བ་ནི། །བཟང་པོས་ནམ་ཡང་མི་བྱའོ། །འཁོར་བ་དག་ཀྱང་མི་གཏོང་ཞིང་། །མྱ་ངན་འདས་རྟག་དགའ་མི་བྱ། །རྣལ་འབྱོར་མ་དང་དཔའ་བོའི་ཚོགས། །གནོད་པའི་བསམ་པ་མི་བྱའོ། །དཔའ་
[146b.2]བོ་སྤྱོད་པའི་བརྟུལ་ཞུགས་བལྟ། །རྩ་བའི་སྔགས་ནི་རྟག་ཏུ་བཟླས། །བདེ་མཆོག་མཉེས་པས་དངོས་གྲུབ་ཏུ། །འགྱུར་བར་ཐེ་ཚོམ་མེད་པའོ། །དེ་ནས་འབད་པས་སྐྱོང་བ་ནི། །དམ་ཚིག་གྲུབ་པ་ཐེ་ཚོམ་མེད། །གསང་བའི་དམ་ཚིག་བསྐྱང་བ་ཡིས། །སྤྱོད་ཅིང་མོས་པར་འགྱུར་བའོ། །བསྐལ་པ་
[146b.3]མཐའ་ཡས་བརྒྱ་ཡིས་ཀྱང་། །ཉམས་པར་གྱུར་པས་མི་འགྲུབ་པོ། །བླ་མའི་ཞབས་ཀྱི་པདྨ་ལ། །དངོས་པོ་ཀུན་གྱིས་ཕྱག་བྱས་ནས། །ཁྱབ་བདག་ཁྱོད་ཀྱིས་ཇི་ལྟར་བསྟན། །ཀུན་མཁྱེན་བདག་ནི་བགྱི་བར་འཚལ། །སྡོམ་པ་བསྐྱང་བའི་ཆོ་གའོ། །ལྷན་ཅིག་སྐྱེས་པའི་སེམས་ཀྱིས་ནི། །
[146b.4]མི་བྱ་བ་ནི་ཅི་ཡང་མེད། །ཚངས་པར་སྤྱོད་པས་བརྟགས་ནས་ནི། །འདོད་པ་ལྔ་ལ་སྤྱད་པར་བྱ། །འདོད་པ་ཀུན་ལ་ལོངས་སྤྱོད་པས། །ཇི་ལྟར་འདོད་པ་ཡིད་ཀྱིས་བསྟེན། །ཧེ་རུ་ཀ་དཔལ་རྣལ་འབྱོར་ཆེ། །བསམས་ནས་ཐམས་ཅད་རབ་ཏུ་བརྟག །བདག་ཉིད་སངས་རྒྱས་ཐམས་ཅད་ཉིད། །ཡན་
[146b.5]ལག་ཐམས་ཅད་མཁའ་འགྲོའི་གནས། །དེ་བས་ཀུན་ནས་རབ་འབད་བྱ། །བདག་ཉིད་ཧེ་རུ་ཀ་མཆོད་དོ། །འདོད་ཆགས་བྲལ་བ་ལྟ་བུ་ཡི། །ཁམས་གསུམ་ན་ནི་སྡིག་གཞན་མེད། །དེ་བས་ཆགས་དང་ཆགས་བྲལ་བར། །ཁྱོད་ཀྱིས་གཟུང་བར་མི་བྱའོ། །དམ་ཚིག་བསྲུང་བའི་ཆོ་གའོ། །
[146b.6]གཡས་པས་ཆོས་གོས་བཟུང་ནས་ནི། །གཡོན་པས་མཆོག་སྦྱིན་ལེགས་གནས་དཔའ་བོ་ཡིས། །ནམ་མཁའ་ལྡིང་ལྟར་གནས་པའི་སློབ་མ་དངོས་པོ་ཀུན་བྱས་ཏེ། །འདི་ལྟར་ང་ཡིས་ལུང་བསྟན་ཁྱོད། །ཧེ་རུ་ཀ་དཔལ་དེ་བཞིན་གཤེགས། །སྲིད་པ་མཆོག་ཏུ་དག་པའི་ཕྱིར། །སྲིད་པ་ངན་
[146b.7]འགྲོ་རྣམས་ལས་འདོན། །ཤྲཱི་ཧེ་རུ་ཀ་ནི་རྨ་ཎཏ་ཐཱ་ག་ཏ་སིདྡྷི་ས་མ་ཡ་སྟྭཾ་བྷུར་བྷུ་བ་སྭ། དོན་ཡོང་གྲུབ་པའི་ཕྱག་རྒྱ་ཆེན་པོར་རྣམ་པར་གནས་པའི་ཐབས་འདིས། མཆོག་ཏུ་གསང་བའི་ཆོ་གས་རྒྱལ་བ་རྣམས་ཀྱིས་མགྲིན་གཅིག་ཏུ་ལུང་བསྟན་པ་སྟེ་དེ་ཧེ་རུ་ཀར་འགྱུར་རོ། །ལུང་བསྟན་པའི་ཆོ་
[147a]
[147a.1]གའོ། །ཁམས་གསུམ་ཀུན་གྱི་རྒྱལ་སྲིད་ཆེ། །རྒྱལ་པོའི་བདག་པོར་བརྟན་པ་དང་། །དི་རིང་བདུད་ལས་རྣམ་རྒྱལ་ཞིང་། །གྲོང་ཁྱེར་མཆོག་ཏུ་ཞུགས་པ་ཡིན། །དབང་འདི་བསྐུར་བ་ཙམ་གྱིས་ནི། །དེང་ནི་སངས་རྒྱས་ཉིད་དུ་ནི། །ཐོབ་པར་འགྱུར་བར་ཐེ་ཚོམ་མེད། །
[147a.2]ཆུ་དང་དབུ་རྒྱན་རྒྱུ་མཐུན་ཏེ། །རྡོ་རྗེ་བདག་པོས་མཚོན་པ་སྨིན། །རྫོགས་སངས་རྒྱས་དབང་སྐྱེས་བུ་སྟེ། །གསང་བར་སྦྱོར་བ་དྲི་མ་མེད། །མ་དང་བུ་མོ་སྲིང་མོ་དང་། །ཚ་མོ་ཉིད་དེ་ཕོ་ཉ་མོ། །གཏུམ་མོ་དང་ནི་གར་མཁན་ནམ། །གཞན་མ་ལ་ཡང་སེམས་སྦྱིན་ཏེ། །དེ་རྣམས་ནང་ནས་
[147a.3]མེ་ཏོག་ལྡན། །སྔགས་པ་བཟང་པོས་གཟུང་བྱས་ཏེ། །དབང་སྐུར་བ་ལ་སྤྲོ་བ་ཆེ། །རྒྱུད་ཀྱི་མཚན་ཉིད་ཡང་དག་ལྡན། །དཔལ་ལྡན་མེ་ཏོག་ཤ་ལྔ་དང་། །པདྨར་གནས་བྱས་བློ་བཟང་བས། །ཕྱག་རྒྱ་འདི་དག་དཀྱིལ་འཁོར་དུ། །རྒྱུད་བསྲུངས་བསྲུང་བར་ཐེ་ཚོམ་མེད། །ཕྱག་རྒྱ་དྲུག་
[147a.4]དང་ཐལ་བར་ལྡན་ཞིང་གོས་དང་བྲལ་བ་སྐྲ་གྲོལ་ཕྱག་རྒྱ་ནི། །ཕྱག་རྒྱ་གཡོན་ན་ཁ་ཊྭཱཾ་ག་སྟེ་གཡས་ན་ཌ་མ་རུ་ནི་དྲི་མེད་དཀྲོལ་བ་ཡི། །མདུན་གྱི་ཕྱོགས་སུ་བླངས་ནས་བརླ་གཡོན་དབུས་སུ་སློབ་མ་མཁའ་ལྡིང་ཁ་བྱས་ཏེ། །བཟའ་བ་ལེགས་གནས་རབ་མཆོག་བླ་མ་མཆོག་གིས་ཟླ་བའི་
[147a.5]འདོད་པ་བྱ། །རྣལ་འབྱོར་བ་ཡིས་སྤྲོས་པར་གྱུར་པ་གང་ཞིག་དྲི་མེད་དེ་ནི་ལྕེ་ཡིས་རབ་བླངས་ནས། །དེ་ནས་དེ་ཡི་ཐོད་པར་རབ་ཏུ་རྒྱས་པའི་ཞལ་གྱིས་སློབ་མ་ལ་ནི་གསང་བ་སྦྱིན། །པདྨ་ལ་གནས་མཆོག་ཏུ་དགའ་བར་འབྱུང་ཞིང་སྙིང་པོར་གྱུར་པ་ཁྱོད་ཀྱིས་ལྕེ་ཡིས་ལོང་། །དེ་ནས་ལག་ནས་
[147a.6]བཟུང་སྟེ་ཆོ་ག་བཞིན་དུ་སྐྱོན་མེད་རྣལ་འབྱོར་མ་ནི་དེ་ལ་སྦྱིན། །ལྷ་མོ་འདི་ནི་དངོས་གྲུབ་སྟེར། །ཁམས་ལྔ་བཅུད་ཀྱི་བདག་ཉིད་ཅན། །ཧེ་རུ་ཀ་བདག་སྦྱོར་བ་ཡིས། །བདེ་ལ་ལེགས་པར་མྱང་བར་གྱིས། །བུ་ཀྱེ་མདུན་དུ་དགའ་བས་མཚོ་སྐྱེས་མཆོག་ནི་དགའ་བས་བརྟན་པར་འཁྱུད། །
[147a.7]ཚིག་མེད་བརྗོད་དུ་མེད་པ་གང་ཞིག་ལེགས་པའི་མཐུ་ནི་བདེ་མཆོག་རང་བཞིན་སྙིང་པོའོ། །གཞན་པ་ཐམས་ཅད་ཇི་ལྟར་བསྟན་པ་བདེ་བ་སྐྱེས་པས་དགའ་བའི་ངོ་བོ་ལ་སོགས་དེ། །ཤེས་པར་བྱས་ནས་ཕྱིས་ནི་ཇི་ལྟར་འདོད་པ་བྱ་ཞིང་ཉིན་དང་མཚན་དུ་དེ་ཉིད་རིན་ཆེན་བསྒོམ། །ལྷ་མོའི་མཚན་
[147b]
[147b.1]ཉིད་མངོན་དུ་བསྟན་པས་རྡོ་རྗེའི་དབྱངས་ཀྱིས་སྨྲ་བར་བྱ། །དཔའ་བོ་ཁྱོད་ནི་ཅི་ལ་སྤྲོ། །པདྨ་ལས་བྱུང་བཟའ་བ་དང་། །དགའ་བ་བཞི་པོ་གང་ཡིན་དང་། །དེ་ཡང་མི་ཕྱེད་ལེགས་པའི་བློ། །ནུས་སམ་ཧེ་རུ་ཀ་ཡིས་སྨྲོས། །སློབ་མས་ཀྱང་ནི་དེ་ནས་སྨྲ། །རྟག་ཏུ་བདག་གིས་བྱེད་པར་ནུས། །
[147b.2]པདྨ་རྒྱས་པ་མགུ་བ་ཡིས། །དག་པའི་སེམས་ལ་སྨྲ་བར་བྱ། །པདྨར་ཇི་ལྟར་བྱ་བར་གྱིས། །བདེ་མཆོག་མཉེས་པ་ལ་སོགས་པ། །འཇིགས་དང་ངོ་ཚ་རྟག་ཏུ་ཐོང་། །བདེ་བའི་མཆོག་ལ་རོལ་བར་གྱིས། །སློབ་དཔོན་གྱིས་ནི་ཇི་ལྟར་བསྟན། །བློ་བཟང་གིས་ནི་དེ་ཀུན་ནི། །སངས་
[147b.3]རྒྱས་བཞི་ཡི་སྟན་ལ་གནས། །རྡོ་རྗེ་པདྨ་ལེགས་པར་གནས། །དགའ་བ་བཞི་ཡི་མཚན་ཉིད་ནི། །རིམ་པ་ཉིད་ཀྱིས་རྗེས་སུ་སྤྱད། །དེ་འོག་འབྱུང་བ་ལེགས་བཟའ་ཞིང་། །བླ་མ་རྣལ་འབྱོར་མ་ཕྱག་བྱ། །རྡོ་རྗེ་སྙིང་པོ་དབེན་པར་མཉམ་པའི་
[147b.4]རོ་ལ་རབ་ཏུ་དགའ་བས་ཧེ་རུ་ཀ་ཡིས་བྱ། །ལྷ་མོའི་ཚོགས་ནི་དཔའ་བོ་དང་བཅས་མང་པོའི་རོ་དང་བཅུད་ནི་ཁྲོ་དང་སྒྱུ་ལས་རྣམ་པར་གྲོལ། །པདྨ་ལ་གནས་སྦྱོར་བའི་སེམས་ནི་མཆོག་ཏུ་དགའ་བར་འབྱུང་བ་ཟླ་བའི་འོད་རང་བཞིན། །གཅིག་ཏུ་རོལ་པ་ལ་ཆགས་སྙིང་པོ་ལྷན་ཅིག་སྐྱེས་
[147b.5]པའི་རང་བཞིན་སངས་རྒྱས་ཀུན་གྱི་དངོས། །དགའ་བ་དང་བཅས་དཔའ་བོ་མགོན་པོས་ངེས་པར་བཞི་བའི་མཚན་ཉིད་གསུངས། །དེ་ནི་ཀུན་མཁྱེན་རང་བཞིན་ས་གསུམ་དང་བཅས་བདེ་མཆོག་སྙིང་པོའོ། །ལྷག་མའི་བརྟུལ་ཞུགས་ལ་སོགས་སྦྱིན་ཞིང་བདེ་མཆོག་ཏུ་སྦས་གང་ཡིན་སེམས་ནི་བདེ་
[147b.6]བར་བྱ། །རྣལ་འབྱོར་མ་ཡིས་གསང་བའི་མཚན་ཉིད་ངེས་པར་རྒྱུད་ཀྱི་སྙིང་པོས་ངེས་པར་བརྡར་བསྟན་བྱ། །རྣལ་འབྱོར་སེམས་ཀྱི་མཚན་ཉིད་ནི། །བདེ་མཆོག་གཞི་ལས་མ་ཤེས་ན། །རྣལ་འབྱོར་མ་ཚོགས་ཅི་ཡི་དོན། །སེམས་ཅན་ལ་བསྟན་ཅི་ཡི་དོན། །དོན་འདི་དག་དང་ཡང་དག་ལྡན། །
[147b.7]དབང་བསྐུར་བ་ནི་རྣམ་པ་བཞི། །དཔལ་ལྡན་བདེ་མཆོག་རྒྱུད་ལས་ནི། །ཇི་ལྟར་བསྟན་པ་དེ་བཞིན་གསུངས། །དེ་བཞིན་དུ་ཡང་གསུངས་པ། །བུམ་པའི་དབང་ནི་དང་པོ་སྟེ། །གཉིས་པ་གསང་བའི་དབང་ཡིན་ནོ། །ཤེས་རབ་ཡེ་ཤེས་གསུམ་པ་སྟེ། །བཞི་པ་དེ་ནས་ཡང་དེ་བཞིན། །དཔལ་
[148a]
[148a.1]ལྡན་འདུས་པའི་རྒྱུད་ལས་མཆོག་ཏུ་དགའ་བའི་མཚན་ཉིད་གཅིག་པའི་རང་བཞིན་ནི། །ལེགས་པར་བསྔགས་པའི་དངོས་གྲུབ་གསུངས་པ་ལྷན་ཅིག་སྐྱེས་མི་གནས། །དཔལ་ལྡན་བདེ་མཆོག་རྒྱུད་དུ་ཐོག་མར་ལྷན་ཅིག་སྐྱེས་པའི་སེམས་ནི་རྣམ་པར་བཀོད། །བློ་དང་ལྡན་པས་
[148a.2]མངོན་དུ་བརྡ་ཡིས་བསྟན་པས་གོ་བར་བྱ། །ལྷན་ཅིག་སྐྱེས་པའི་དགའ་བར་འཁོར་བར་ཐམས་ཅད་རྣལ་འབྱོར་པ་ནི་རྟག་ཏུ་འགྱུར། །དེ་ཉིད་དུ་ནི་སྔགས་དང་ཕྱག་རྒྱ་ལྷན་ཅིག་སྐྱེས་པར་ཆོག་ཐ་དད་གསུངས། །ལྷན་ཅིག་སྐྱེས་པ་ཧེ་རུ་ཀར་བརྗོད་པའི། །དགའ་བ་བསྟན་པ་མི་ཤེས་ནི། །དེ་ནི་
[148a.3]བདེ་མཆོག་ཕྱི་རོལ་འཁོར། །དེ་ནི་དངོས་གྲུབ་ཤིན་ཏུ་རིང་། །རྟག་པའི་དུས་སུ་བདེ་མཆོག་གང་། །འདུས་པ་ཞེས་བྱར་དེས་གསུངས་སོ། །འདུས་པ་དང་ནི་བདེ་མཆོག་དག །རྟེན་ཅིང་འབྲེལ་བར་འབྱུང་བར་གནས། །འདུས་པ་ཞེས་བྱ་ཆོགས་བསྟན། །འཁོར་ལོ་བདེ་མཆོག་དེ་
[148a.4]ལས་བྱུང་། །འདུས་པ་བདེ་མཆོག་ཅེས་བྱ་སྟེ། །དེ་ཀུན་ཧེ་རུ་ཀ་རུ་བརྗོད། །གང་ཞིག་བདེ་མཆོག་ལྷན་ཅིག་སྐྱེས་པ་ཐོག་མེད་སངས་རྒྱས་ཏེ། །རང་རིག་ཆོགས་རྣམ་པར་སྤྲུལ་པ་སྣ་ཚོགས་གཟུགས། །རྡོ་རྗེ་པདྨར་འབྱོར་པ་རྒྱུ་ལས་མ་སྐྱེས་དཔལ་ལྡན་འདི་ནི་ཧེ་རུ་ཀ་བཅས་མགོན་པར་
[148a.5]གྱུར། །ཡོན་ཏན་ཀུན་གནས་རྒྱུད་ལས་ནི། །འདི་ཡི་དོན་ནི་ལེགས་པར་གསུངས། །ཧེ་རུ་ཀ་དཔལ་ལེགས་སྦྱོར་བ། །འདོད་པའི་དོན་ཀུན་སྒྲུབ་པ་པོ། །ཕ་རོལ་ཡན་ལག་ཅེས་གྲགས་པ། །གང་ཡིན་སློབ་མ་དབང་བསྐུར་བའོ། །དེ་ཉིད་ལྷན་ཅིག་སྐྱེས་ཡན་ལག །ཅེས་པ་རྣལ་འབྱོར་
[148a.6]མ་ལུས་གྲགས། །ལྷན་ཅིག་སྐྱེས་མ་གཟུགས་ཅན་མ། །ཡན་ལག་ཕྱག་རྒྱ་འདི་སྤངས་ནས། །གང་ཞིག་ཡང་དག་རིག་འདོད་པ། །གཞན་དུ་སྡུག་བསྔལ་སྐལ་བ་ཅན། །ཇི་ལྟར་ཆགས་པའི་ཆོ་ག་ཡིན། །བདེ་མཆོག་ལས་ནི་སེམས་ཅན་འཛིན། །ལྷན་ཅིག་སྐྱེས་དགའ་སྟོང་པ་ཉིད། །
[148a.7]འཁོར་བ་ན་ནི་མཆོག་ཡིན་ནོ། །དེ་གསུངས་པ། རྡོ་རྗེ་བདག་པོ་ཐམས་ཅད་ཀྱིས། །འདོད་ཆགས་དེ་ཉིད་དོན་བསམ་ཞིང་། །འདོད་ཆགས་ལས་སྐྱེས་བྱང་ཆུབ་བྱ། །སེམས་ཅན་ཀུན་ལ་ཕན་པ་ཡི། །སྔགས་པས་ཁོང་དུ་ཆུད་དོན་འདི། །སྐུ་དང་གསུང་དང་ཐུགས་སུ་འདོད། །དེ་ཀུན་རྟོགས་
[148b]
[148b.1]པའི་བློ་ཡིས་ནི། །ཆོ་ག་ཡིས་ནི་ལས་བྱའོ། །གྲུབ་པའི་དམ་ཚིག་སྡོམ་པ་ནི། །འདི་ནི་རྟག་ཏུ་བསྲུང་བར་བྱ། །སངས་རྒྱས་ཀུན་གྱིས་ལེགས་པར་གསུངས། །གནང་བའི་མཆོག་འདི་བརྟག་པའོ། །གང་གསུངས་པ། འབྲས་བུ་འབྱུང་བ་མང་པོ་རྒྱས་པ་ནི། །གསང་སྔགས་སྨྲ་བས་
[148b.2]བསྟན་པ་ནི། །སེམས་ཀྱི་སྒྲུབ་པའི་ཁྱད་པར་གྱིས། །སེམས་ལས་རྫོགས་པའི་བྱང་ཆུབ་འབྱུང་། །དེ་གསུངས་པ། བྱང་ཆུབ་སེམས་ཀྱི་འབྲས་བུ་གང་། །དེ་ནི་སངས་རྒྱས་ཡེ་ཤེས་མཆོག །རྡོ་རྗེ་ཧེ་རུ་ཀ་འདི་མངོན་དུ་འགྱུར། །ཆོས་དང་ལོངས་སྤྱོད་སྤྲུལ་པ་ཡི། །དཔའ་བོ་རྣལ་འབྱོར་མ་
[148b.3]རྣམས་གཟུགས། །རྣམ་པ་སྣ་ཚོགས་མཆོག་གིས་སེམས། །ལྷན་ཅིག་སྐྱེས་བྱས་མཉེས་ནས་ནི། །གསང་སྔགས་ཟློས་ལ་མཆོག་ཏུ་བརྩོན། །རྡུལ་ཚོན་ལྷན་ཅིག་སྐྱེས་པའི་གཟུགས། །ལེགས་མཆོད་ནས་ནི་གཤེགས་སུ་གསོལ། །རྡུལ་ཚོན་བག་ཙམ་དོན་བྱིན་ནས། །ཆུ་བོ་ཆེན་པོ་
[148b.4]སོགས་པར་འདོར། །དེ་ནས་དཔའ་བོ་ལྷ་མོ་རྣམས། །མཚན་མོ་ཕྱེད་ནས་མཁས་པ་ཡིས། །སྤྱད་དང་བཟའ་བ་སྔོན་བྱས་ཏེ། །རྒྱུད་ཉིད་ཀྱིས་ནི་མཆོད་པ་བྱ། །དཀྱིལ་འཁོར་ས་ཡི་གནས་སུ་ནི། །འོངས་པར་གྱུར་ནས་བླ་མ་མཆོད། །ཕྱི་དང་ནང་དུ་ཡང་དག་ལྡན། །འདོད་པ་ལྔ་ལ་ཉེ་
[148b.5]བར་སྤྱོད། །ཧེ་རུ་ཇི་བཞིན་ལྷ་མོ་བཞིན། །བླ་མ་ཡང་ནི་དེ་བཞིན་ནོ། །ཧེ་རུ་ལྷ་མོ་བླ་མ་ལ། །མཆོད་པའི་འབྲས་བུ་འདྲ་བའོ། །དེ་ནས་བླ་མ་ལ་དབུལ་བ། །དེ་བཞིན་གཤེགས་པ་གསུངས་པའི་ཡོན། །གསེར་ནི་བརྒྱ་སྟོང་དབུལ་བ་དང་། །རིན་ཆེན་རྣམ་པ་སྣ་ཚོགས་དང་། རས་ནི་ཟུང་
[148b.6]གྱུར་བརྒྱ་ཉིད་དང་། །གླང་པོ་རྟ་དང་ཡུལ་འཁོར་དང་། །རྣ་རྒྱན་དང་ནི་ལག་རྒྱན་དང་། །མགུལ་རྒྱན་སོར་གདུབ་དམ་པ་དང་། །གསེར་ལས་བྱས་པའི་མཆོད་ཕྱིར་ཐོགས། །རང་གི་ཆུང་མ་བུ་མོ་དང་། །བྲན་དང་བྲན་མོ་སྲིང་མོ་རྣམས། །ཕྱག་བྱས་ནས་ནི་དབུལ་བར་བྱ། །དངོས་པོ་ཀུན་གྱི་
[148b.7]བདག་ཉིད་ཀྱིས། །བློ་དང་ལྡན་པས་བླ་མར་རབ་དབུལ་བྱ། །དེང་ནས་བརྩམས་ཏེ་བདག་བྲན་དུ། །ཁྱོད་ལ་བདག་ནི་ཕུལ་བ་ལགས། །དེ་ལྟར་ཆོ་ག་དེ་བྱས་ནས། །སྒྲུབ་པ་པོ་ཡིས་ཤིན་ཏུ་ངེས། །དེ་ནས་དེ་དང་དེ་ཡི་ནི། །མཁའ་འགྲོ་མ་དང་སྦྱོར་བའོ། །ཌཱ་ཀི་ནཱི་དང་ལཱ་མ་དང་། །
[149a]
[149a.1]ཁཎྜ་རོ་ཧཱ་རཱུ་པི་ཎི། །འདི་དག་འགྲོ་བར་རྣམ་པར་སྤྱོད། །མཁའ་འགྲོ་མ་དང་སྒྲུབ་པོར་བཅས། །ཐམས་ཅད་དེ་ཡི་བྲན་བཞིན་དུ། །སྒྲུབ་པ་པོ་ནི་སོ་མ་ཉི་མེད། །སྦྱོར་བ་གྲུབ་པར་གྱུར་པ་དེའི། །འཇིག་རྟེན་གསུམ་གྱིས་མི་བཟློགས་སོ། །སློབ་དཔོན་ལུས་སུ་གནས་ནས་
[149a.2]ནི། །འབད་པ་ཡིས་ནི་མཆོད་པ་ལེན། །འདི་དོན་བདག་གིས་རབ་ཏུ་བསྟན། །བླ་མ་ལ་ནི་མཆོད་པ་བྱ། །ཧེ་རུ་ཀ་སོགས་བདེ་མཆོག་ལ། །དངོས་པོ་ཀུན་གྱིས་ལེགས་མཆོད་པ། །རྫོགས་པར་གྱུར་ནས་མཁས་པ་ཡིས། །དེ་ཡི་འོག་ཏུ་སྤྱོད་པ་བྱ། །དབང་བསྐུར་བའི་ཆོ་གའོ།། །།
[149a.3]ཡང་ན་ཡིད་ནི་མངོན་དགའི་གནས་སུ་འཁོར་ལོའི་བདག་ཉིད་རྣལ་འབྱོར་ལྡན་པ་ཡི། །དབང་བསྐུར་དོན་དུ་ཡིད་འོང་བ་ཡི་འཁོར་ལོར་ཆོ་ག་ཐམས་ཅད་བྱས། །སྔོན་དུ་བསྟན་པའི་རྣལ་འབྱོར་ལྡན་པའི་སྔགས་པས་ཟས་བཟང་པོ་ཡི་རྒྱན་དང་ཆོ་ག་ནི། །སྔོན་དུ་བསྟན་པའི་དེ་འདྲའི་སློབ་མ་
[149a.4]ལ་ནི་དབང་བསྐུར་སྦྱིན། །གནས་དེར་རྣལ་འབྱོར་པ་ནི་དང་པོའི་དཔའ་བོ་དང་ནི་དབུས་དང་གཡོན་པར་ལྡན། །གཡོན་པའི་སྤྱོད་པའི་ཆོ་གས་ཤིན་ཏུ་མཛེས་པ་ཐམས་ཅད་རྟག་ཏུ་སྦྱིན། །ཤིན་ཏུ་རྒྱུད་དུ་སྔས་པའི་དགའ་བ་བཞི་ཡི་ཆོ་ག་ལེགས་པར་བསྟན། །སྙིང་རྗེའི་སྟོབས་ནི་ལྷན་ཅིག་སྐྱེས་
[149a.5]པར་ལེགས་གནས་བཤད་པར་གྱིས། །པདྨའི་ནང་ན་མཆོག་གི་སྣ་ཡི་རྩེ་མོ་རུ། །རྡོ་རྗེ་ལས་བྱུང་འོ་མ་རྒྱ་མཚོ་གཟུགས་ནི་ཡིད་བཞིན་ནོར་བུ་འགྲོ་ཀུན་རང་བཞིན་ནོ། །དཔལ་ལྡན་བདེ་མཆོག་རིག་པ་རྟག་ཏུ་འབབ། །གཏོར་མའི་ཆོ་ག་བསྲུང་འཁོར་ལོ། །ཁ་སྦྱོར་གྲོལ་བ་བཟང་པོ་དང་། །
[149a.6]སྔགས་བཏུ་བ་དང་དེ་བཞིན་བསྲུང་། །སྤོབས་པ་དཀྱིལ་འཁོར་སྒྲུབ་ཐབས་ཏེ། །དེ་དག་ཐམས་ཅད་ཡང་དག་ལྡན། །སློབ་དཔོན་དེས་ནི་བསྟན་པར་བྱ། །དེ་ཡི་ལག་ཏུ་འོངས་པའི་དཔལ། །འདོད་པ་ཐམས་ཅད་རབ་སྟེར་བའོ། །དཔལ་ལྡན་འདུས་པའི་རྒྱུད་དུ་བདེན་སྦས་གྱུར་པའི་དབང་
[149a.7]བསྐུར་ཤེས། །སློབ་མ་ལ་ནི་བླ་མ་དེས་ནི་རྒྱུད་དུ་དེ་བཞིན་གསུངས། །ཕྱི་རོལ་གྱི་དཀྱིལ་འཁོར་དུ་དབང་བསྐུར་བར་འདོད་པའི་ཆོ་གའོ། །ལེགས་པར་རབ་གནས་ཆོ་ག་འདི། །གདོད་ནས་དག་པ་སྐྱོན་མེད་པའི། །དཀྱིལ་འཁོར་ཀུན་དང་ཡང་དག་ལྡན། །རྣམ་པ་ཀུན་གྱིས་ལེགས་པར་དཀྲིས། །
[149b]
[149b.1]གང་ཕྱིར་འགྲོ་བ་སེམས་ལས་བྱུང་། །ལྷན་ཅིག་སྐྱེས་པའི་མཚན་ཉིད་དོ། །དེ་ཡི་ཕྱིར་ན་གནས་ཀུན་དུ། །བློ་བཟང་གིས་ནི་རབ་གནས་ཀྱིས། །ལུགས་མ་དང་ནི་གླེགས་བམ་ནི། །འཇིག་རྟེན་དོན་དུ་རབ་གནས་གསུངས། །འཇིག་རྟེན་ཀུན་རྫོབ་ལ་བརྟེན་ནས། །མཁས་པ་ཡིས་ནི་རབ་
[149b.2]གནས་བྱ། །ཉེ་བའི་སྙིང་པོས་རི་ལུ་གྲུབ་པ་དེ་ཡི་ཡུལ་ལ་ལྷག་པར་གནས་པ་གསུངས། །དེ་ནི་བགྲོད་ནས་སྔགས་པ་བཟང་པོས་རབ་ཏུ་གནས་པ་མདོར་བསྡུས་བྱ། །ཟླ་བའི་བཏུང་བ་སྔོན་བྱས་ནས། །རྒྱན་རྣམས་ཀུན་གྱིས་རྣམ་པར་བརྒྱན། །དཔའ་བོའི་སྲུང་བ་ཡང་དག་ལྡན། །རབ་ཏུ་
[149b.3]འཇུག་ལམ་ལ་ལེགས་གནས། །ཨཱ་ལི་ཀཱ་ལི་ལེགས་བརྗོད་ནས། །ལྷ་རྣམས་ལྷག་པར་གནས་པར་བྱ། །ལུགས་མ་གླེགས་བམ་ལ་སོགས་རྣམས། །དེ་ཀུན་རབ་ཏུ་གནས་པར་བྱ། །ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿཀ་ཁ་ག་གྷ་ང་།
[149b.4]ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵཿ །རྣམ་རྒྱལ་བུམ་པ་བཟླས་པ་ཡིས། །མཁས་པས་ལྷ་ཡི་ཁྲུས་བྱའོ། །དེ་ནས་བུམ་པ་གཞན་གྱིས་ཀྱང་། །དངོས་གྲུབ་རྒྱུར་ནི་དབང་བསྐུར་རོ། །རྣལ་འབྱོར་ཆུང་ངུ་རྡོ་རྗེ་སེམས། །དེ་ལྟ་
[149b.5]བུར་ནི་མཚན་ཉིད་གྱུར། །ཆོ་ག་ཐམས་ཅད་བྱ་བ་སྟེ། །རྒྱུད་ལས་ཇི་ལྟར་བསྟན་པ་འདོད། །འདས་པ་བར་མའི་སྦྱོར་བ་ཡིས། །རྟེན་ལ་བར་མའི་ཆོ་ག་བྱ། །རབ་གནས་ལ་སོགས་གང་ཡིན་ཀུན། །གང་བསྟན་པ་ནི་དེ་བཞིན་གསུངས། །ལྷན་ཅིག་སྐྱེས་པའི་དགའ་ལྡན་བདག །དཔའ་བོའི་
[149b.6]ཡིད་ནི་མི་གཡོ་བའོ། །ཆེན་པོའི་ཡོན་ཏན་དང་ལྡན་པས། །སེམས་ཙམ་ཉིད་དུ་ཀུན་ལ་སྤྱད། །སྐད་ཅིག་གིས་ནི་ཐམས་ཅད་ཉིད། །རབ་ཏུ་གནས་པར་ངེས་པར་གྱུར། །རྣམ་པ་ཀུན་གྱི་མཆོག་ལྡན་ཞིང་། །རྫོགས་པའི་སངས་རྒྱས་ཀུན་གྱིས་བསྔགས། །ཆེན་པོ་ཡང་ནི་ཆེན་པོ་ཡི། །རྣལ་
[149b.7]འབྱོར་གཉིས་མེད་མཚན་ཉིད་དོ། །དཔལ་ལྡན་འཁོར་ལོ་ཀུན་གྱི་གཞི། །རང་འབྱུང་བདེ་མཆོག་ལས་བྱུང་བའོ། །རྣམ་པ་བཞིར་གྱུར་རྣལ་འབྱོར་པ། །དགའ་བ་བཞི་ཡི་མཚན་ཉིད་དང་། །མཚན་ཉིད་བཞི་དང་ཡང་དག་ལྡན། །སངས་རྒྱས་ཐམས་ཅད་རབ་ཏུ་མཆོད། །ཟླ་བའི་བཏུང་བ་ལ་
[150a]
[150a.1]སོགས་བྱ། །བཞད་དང་སྒེག་པ་ལ་སོགས་ལྡན། །མཚན་མོ་དགའ་བ་ཆེན་པོས་དེར། །དཔའ་བོ་དཔའ་མོའི་དབང་ཕྱུག་ལྡན། །འདུས་པ་ལ་སོགས་ལེགས་བརྟེན་ནས། །རབ་ཏུ་གནས་པའི་ཆོ་ག་མཆོག །རྟག་ཏུ་གཡོན་དུ་བསྒྱུར་བ་ཡིས། །བློ་དང་ལྡན་པས་ཐམས་
[150a.2]ཅད་བྱ། །རབ་ཏུ་གནས་པའི་ཆོ་གའོ།། །།དཔལ་ལྡན་བདེ་མཆོག་འཁོར་ལོ་ཆེ། །བདེ་མཆོག་ལྟ་བུའི་སྦྱོར་བ་ཡིས། །བཅངས་ན་བདེ་མཆོག་ཏུ་འགྱུར་རོ། །ཨེ་ལྟ་བུ་ཡི་དབུས་ཕྱོགས་སུ། །དཔལ་ལྡན་མཁས་པས་གསང་སྔགས་རྒྱལ་པོ་བྲི། །གྲོ་གུར་གུམ་ཙནྡན་སོགས། །ཆོ་གས་
[150a.3]དཔལ་ལྡན་ངང་པའི་རྒྱལ་པོ་ཉིད། །གནོད་པ་ཀུན་སེལ་རྒྱལ་བྱེད་ལེགས་པའི་དཔུང་པར་རྟག་ཏུ་བཅིང་། །གསང་སྔགས་སྣ་ཚོགས་བཟླས་ཤིང་ཆོ་གས་དངོས་གྲུབ་སྟེར། །ཞི་ལ་མཐའ་རུ་སྭཱ་ཧཱ་བྲི། །རྒྱས་པ་ལ་ནི་ཕྱག་འཚལ་ཏེ། །དབང་ལ་ཧོཿདང་ཡང་དག་ལྡན། །བསད་ལ་ཧཱུཾ་ཕཊ་སྦྱར་
[150a.4]བར་བྱ། །ཧེ་རུ་ཀ་སྦྱོར་མི་ཤེས་ན། །སེམས་ཅན་དོན་ལ་བརྩོན་པར་གནས། །དུབ་ཅིང་ངལ་བ་དེ་རྣམས་ཀྱི། །སེམས་ཅན་དོན་དུ་མི་འགྱུར་རོ། །སྒྲུབ་ཐབས་གཏོར་མ་སྦྱིན་སྲེག་དང་། །རབ་གནས་དཀྱིལ་འཁོར་དེ་བཞིན་ཏེ། །འདི་དག་ཐམས་ཅད་ཡང་དག་ལྡན། །ཧེ་རུ་ཀ་དཔལ་ལུས་མཚན་
[150a.5]ཉིད། །དཔལ་ལྡན་རིན་ཆེན་རི་གནས་ཏེ། །སེམས་ཅན་ཀུན་གྱི་དོན་གྱི་རྒྱུར། །སློབ་དཔོན་དབུ་བ་བློ་ལྡན་པས། །དཀྱིལ་འཁོར་ཐབས་འདི་བྱས་པ་ཡིན། །འཁོར་ལོ་སྡོམ་པའི་དཀྱིལ་འཁོར་གྱི་ཆོ་ག་རྫོགས་སོ། །{T1539}༄༅༅། །རྒྱ་གར་སྐད་དུ། ས་ཧ་ཛཱ་མཎྜལ་
[150a.6]ཏྲི་ཨཱ་ལོ་ཀ་ས་ཧ་ཛ་ནཱ་མ། །བོད་སྐད་དུ། ལྷན་ཅིག་སྐྱེས་པའི་དཀྱིལ་འཁོར་གསུམ་གསལ་བར་བྱེད་པ་ཞེས་བྱ་བ། དཔལ་ཧེ་རུ་ཀ་ལ་ཕྱག་འཚལ་ལོ། །བྱེད་རྒྱུ་ལ་སོགས་རྣམ་པར་སྤངས། །སྐྱེ་འཇིག་ཚོགས་བྲལ་མི་གནས་པ། །གཉིས་མེད་ཧེ་རུ་ཀ་དཔལ་ལ། །བཏུད་དེ་ལྷན་ཅིག་སྐྱེས་
[150a.7]པ་བྲི། །ལུས་ཀྱི་དཀྱིལ་འཁོར་ཞེས་བྱ་དང་། །བྷ་གའི་དཀྱིལ་འཁོར་ཞེས་བྱ་དང་། །བྱང་ཆུབ་སེམས་ཀྱི་དཀྱིལ་འཁོར་ཏེ། །དཀྱིལ་འཁོར་རྣམ་པ་གསུམ་དུ་བཤད། །ར་ནི་མེ་རུ་བསྟན་པ་སྟེ། །ཁྲག་དང་མཁྲིས་པ་ཡང་དག་འབྱུང་། །བད་ཀན་གྱིས་ནི་ཁྱབ་ནས་སུ། །རྡུལ་དང་རྒྱུས་པའང་
[150b]
[150b.1]འབྱུང་བ་ཡིན། །དེ་དག་གཙོ་བོ་རླུང་ཡིན་ཏེ། །ཧ་ནི་ཀུན་དུ་འགྲོ་བར་བརྗོད། །རུས་པ་ཡི་ནི་མཚམས་རྣམས་སུ། །ས་བོན་ལྔས་ནི་ཁྱབ་པ་ཡིན། །ར་ནི་རྐན་ལ་གནས་པ་སྟེ། །ས་བོན་བཞི་ནི་བླ་ན་མེད། །རེའུ་མིག་དང་པོའི་གནས་སུ་ནི། །ས་བོན་ལྔ་ལས་བརྒྱན་པ་སྟེ། །ཧ་ནི་དབྱངས་ཡིག་
[150b.2]དྲུག་པ་དང་། །ལྔ་པ་རྣམ་པར་ཤེས་པར་གྲགས། །ཧ་ཞེས་བྱ་བ་ཀུན་ནས་ནི། །སངས་རྒྱས་ཐམས་ཅད་འདུས་པ་སྟེ། །རྡོ་རྗེ་པདྨ་མཉམ་སྦྱོར་བས། །དངོས་དང་དངོས་མེད་འདྲེས་གྱུར་ཏེ། །བཤང་གཅི་བད་ཀན་ཁྲག་དང་ནི། །དེ་བཞིན་ལྔ་པ་ཁུ་བ་སྟེ། །བདུད་རྩི་ལྔ་ཡི་རང་བཞིན་ལུས། །རུས་
[150b.3]པ་རྐང་དང་ཁུ་བ་སྟེ། །ཕ་ལས་སྐྱེས་པར་བསྟན་པ་ཡིན། །ཤ་དང་ཁྲག་དང་པགས་པ་ཡིན། །མ་ལས་སྐྱེས་པར་རབ་ཏུ་བཤད། །རྣམ་པ་གཉིས་ལ་རིལ་པོ་གཅིག །གཉིས་བྱུང་ལས་ནི་དུ་མའོ། །གཅིག་དང་དུ་མའི་ཚུལ་ལས་ནི། །རྡོ་རྗེ་ཅན་དུ་བརྗོད་པ་ཡིན། །ཧེ་རུ་ཀ་སོགས་ལྷ་ཡི་ནི། །
[150b.4]ལུས་ཀྱི་དཀྱིལ་འཁོར་ཉམས་དགའ་བ། །ཇི་སྐད་གསུངས་པའི་སྒོ་བཞིར་ལྡན། །རང་གི་ཡན་ལག་ལས་བྱུང་བའི། །ཀ་བ་བརྒྱད་ཀྱིས་བརྟན་པ་ཡིན། །དངོས་གྲུབ་ཀུན་དུ་མཉམ་པས་ན། །གྲུ་བཞི་པར་ནི་རབ་ཏུ་གྲགས། །སྐུ་གསུང་ཐུགས་ཀྱི་ཚུལ་གྱིས་ནི། །གཅིག་ཉིད་འཁོར་ལོ་
[150b.5]གསུམ་དུ་བརྗོད། །བླ་མ་བརྒྱུད་པའི་རིམ་པས་ནི། །རྫོགས་པའི་དཀྱིལ་འཁོར་ཉིད་དུ་གསལ། །བྷཻ་རམ་ལ་སོགས་ཚུལ་བཞིན་གནས། །མགོ་བོའི་པདྨ་རི་རབ་ཡིན། །རྐང་མཐིལ་གཞུ་ཡི་དབྱིབས་ཀྱིས་ནི། །རླུང་གི་དཀྱིལ་འཁོར་ཉིད་དུ་གསལ། །གྲུ་གསུམ་རྐེད་པའི་ཕྱོགས་ཉིད་ན། །
[150b.6]མེ་ཡི་དཀྱིལ་འཁོར་ཉིད་དུ་གནས། །ལྟོ་བ་ཟླུམ་པོ་ཆུ་ཞེས་བརྗོད། །སྙིང་ག་གྲུ་བཞི་ས་ཞེས་བརྗོད། །སྒལ་ཚིགས་རི་རབ་ལྷུན་པོའོ། །དེར་ནི་མགོ་བོའི་ཆར་གནས་པ། །སུམ་ཅུ་རྩ་གཉིས་འདམ་སྐྱེས་ལ། །དབྱངས་དང་གསལ་བྱེད་ཡང་དག་རྫོགས། །བྱང་ཆུབ་སེམས་ནི་སུམ་ཅུ་གཉིས། །
[150b.7]མགོ་བོའི་དབུས་ནས་གླད་པ་ཞེས། །བྱ་བར་གྲགས་པ་དེ་ཉིད་ནི། །པདྨའི་དབུས་གྱུར་གང་ཡིན་པ། །ཟླ་བའི་དཀྱིལ་འཁོར་ཞེས་བྱར་བརྗོད། །དེ་ཡི་དབུས་ན་ཡི་གེ་ཧཾ། །མི་ཤིགས་ཐིག་ལེའི་གཟུགས་ཅན་ཏེ། །མི་གསལ་གསལ་བའི་བདག་ཉིད་ཅན། །ས་བོན་གཟུགས་ཀྱིས་ཡང་དག་
[151a]
[151a.1]གནས། །དེ་ཉིད་བརྟན་དང་གཡོར་བཅས་པའི། །འགྲོ་བ་ཀུན་གྱི་རྩ་བ་སྟེ། །ལུས་ཅན་ཀུན་གྱི་གཟུགས་རྣམས་ཀྱི། །དང་པོར་དེ་ལས་སྐྱེས་པ་ཡིན། །ཉིན་མཚན་བདུད་རྩི་འཛག་པས་ན། །མེ་ནི་མཉེས་པར་བྱེད་པ་སྟེ། །དེ་ཉིད་ཀྱིས་ནི་སྒྲ་ཡང་ཕྱེད། །དེས་ནི་དཀྱིལ་འཁོར་
[151a.2]ཡོངས་རྫོགས་པར། །འགྱུར་བ་ཉིད་དུ་ཐེ་ཚོམ་མེད། །དེ་ཉིད་དཀྱིལ་འཁོར་ཞེས་བཤད་དེ། །དངོས་པོ་རྣམས་ཀྱི་སྙིང་པོ་མཆོག །དེ་ནི་ལེན་ཅིང་འཛིན་པས་ན། །ལུས་ཀྱི་དཀྱིལ་འཁོར་ཉིད་དུ་འདོད། །རྩ་རྣམས་སུ་ནི་ཡང་དག་འཇུག །དེ་ཡི་སྒོ་ནི་རྣམ་པ་གཉིས། །དེ་དག་འདུས་པའི་དུས་
[151a.3]སུ་ནི། །ལྷ་ཡི་ལུས་སུ་དམིགས་པར་འགྱུར། །སྟེང་འོག་སྒོ་ནི་རྣམ་གཉིས་ཏེ། །འོག་སྒོར་རྣམ་པར་ཤེས་པ་ཉིད། །སྟེང་གི་སྒོ་རུ་ཁམས་རྣམས་ཏེ། །རྣལ་འབྱོར་པས་ནི་རྩ་རྣམས་ཀུན། །འདུས་ནས་འཇུག་པ་བསམ་པར་བྱ། །ལུས་ལ་རྟག་ཏུ་སྟེང་སྒོར་ནི། །རྡོ་རྗེ་ཅན་ནི་རྒྱུད་དུ་
[151a.4]གནས། །སྟེང་འོག་འཁྲུལ་འཁོར་གསུམ་ལ་ནི། །སྒོ་དགུ་ཡིས་ནི་ཡང་དག་སྒོར། །སྐུ་གསུང་ཐུགས་ཀྱི་བྱེ་བྲག་གིས། །རྣམ་པ་གསུམ་དུ་འཁྲུལ་པས་ན། །མཆོག་དང་བར་དང་ཐ་མ་ཡི། །འཁྲུལ་འཁོར་གསུམ་དུ་ཡང་དག་གནས། །ཀ་བ་གཅིག་དང་སྒོ་དགུ་སྟེ། །རགས་པ་ལྔ་ནི་
[151a.5]ལྷག་པའི་ལྷ། །བུ་ག་དགུ་ཡི་ལམ་དག་ནི། །སྒོ་དགུ་ཞེས་ནི་བྱ་བར་གྲགས། །ཐ་མ་ལུས་ཀྱི་སྒོ་ཡིན་ཏེ། །སྦོམ་པོའི་ལྷ་ནི་རྣམ་པར་སྤྲུལ། །གང་གིས་འདི་ཤེས་སེམས་ལྡན་ཞིང་། །སྐྱེས་བུ་རྣལ་འབྱོར་པ་ཞེས་བྱ། །དུས་རྣམས་ཀུན་དུ་རྟག་པར་ནི། །འགྲོ་དང་འོང་བའི་ཁྱད་པར་
[151a.6]གྱིས། །རྐང་མེད་རྐང་གཉིས་བཞི་སོགས་ལ། །རླུང་ལ་སོགས་པའི་བྱེ་བྲག་གིས། །དབུགས་ནི་རྣམ་པ་བཞིར་གནས་ལ། །སེམས་གནས་པ་ཡི་ཆོ་གས་གཉིས། །ཐིམ་དང་འཇུག་པའི་ཆོ་གའོ། །ཐིམ་པ་རྟག་ཏུ་གནས་པ་སྟེ། །འཇུག་པ་འགྲོ་དང་འོང་བ་ཡིན། །དེ་ལྟར་གང་
[151a.7]གིས་མི་ཤེས་པ། །སེམས་མེད་སྐྱེས་བུ་རྣལ་འབྱོར་མིན། །མེ་དང་དེ་བཞིན་རླུང་དང་ནི། །དབང་ཆེན་དང་ནི་དེ་བཞིན་ཆུ། །འཁོར་ལོ་སེམས་ཀྱི་འཕོ་བ་སྟེ། །སྟེང་དང་ལོགས་དང་ཐད་ཀར་སོགས། །གསུམ་པ་ཡིད་ཀྱི་སྒོ་ཡིན་ཏེ། །ཟླ་བ་ཉི་མའི་བྱེ་བྲག་གིས། །འཇུག་དང་འབྱུང་
[151b]
[151b.1]བའི་སྒོ་ཡི་མཆོག །གཙོ་བོ་སྟེང་དང་འོག་ཅེས་གྲགས། །འོག་སྒོར་རྣམ་པར་ཤེས་པ་སྟེ། །སྟེང་གི་སྒོ་རུ་ཁམས་རྣམས་སུ། །རྣམ་སྣང་ལ་སོགས་སངས་རྒྱས་རྣམས། །སྟེང་གི་སྒོ་ནས་བསྐྱོད་ནས་སུ། །དེ་རྣམས་འོག་ཏུ་ཡང་དག་གནས། །འོག་ཏུ་སྤྱན་དྲངས་སྟེང་གཤེགས་གསོལ། །
[151b.2]སྤྱན་དྲང་གཤེགས་གསོལ་ཚུལ་གྱིས་ནི། །མཁའ་འགྲོ་མ་ཡི་སྦྱོར་བ་ཡིས། །དུས་གསུམ་སངས་རྒྱས་རྟག་ཏུ་བཞུགས། །འཇུག་པ་དང་ནི་འབྱུང་བ་ཡིས། །ཡོན་ཏན་སྐྱོན་ནི་འཕེལ་འགྱུར་ཏེ། །བདེ་དང་སྡུག་བསྔལ་རང་བཞིན་ཉིད། །ལྷན་ཅིག་སྐྱེས་པས་གྲུབ་སྟེ་གནས། །འདི་ནི་བཅོམ་
[151b.3]ལྡན་རྡོ་རྗེ་ཅན། །ཚོགས་འདི་དག་གིས་སེམས་ཅན་རྣམས། །སངས་རྒྱས་ཉིད་དུ་ཐེ་ཚོམ་མེད། །ཟླ་བ་བཅུས་ནི་ས་རྣམས་པས། །སེམས་ཅན་ས་བཅུའི་དབང་ཕྱུག་ཡིན། །སྙིང་གི་དབུས་གྱུར་པདྨ་ནི། །འདབ་མ་བརྒྱད་པ་ལྟེ་བར་བཅས། །དེ་ཡི་དབུས་གྱུར་དཔའ་བོ་ནི། །ཧཱུཾ་གི་
[151b.4]ས་བོན་མི་ཤིགས་ལ། །ཁ་བ་ལྟ་བུ་འཛག་པ་སྟེ། །བཱ་སནྟ་ཞེས་བཤད་པ་ཡིན། །ལུས་ཅན་རྣམས་ཀྱི་སྙིང་དགའ་བྱེད། །རྒོད་མའི་ཁ་ནི་མེ་ཡི་གཟུགས། །བདག་མེད་ཏི་ལ་ཀ་ཞེས་བརྗོད། །ལུས་ཀྱི་རླུང་གིས་བསྐྱོད་ནས་སུ། །ལྟེ་བའི་དཀྱིལ་འཁོར་ནས་འབར་ཏེ། །བཱ་སནྟ་དང་འདུས་
[151b.5]པས་ན། །བྱ་བ་དང་ནི་བྱེད་པའི་དངོས། །འདི་ནི་ཇི་ལྟར་བདེ་བར་རོལ། །བཙུན་མོའི་བྷ་ག་བདེ་ཅན་དུ། །ཁུ་བའི་གཟུགས་ཀྱིས་ཡང་དག་བཞུགས། །དེ་མ་རྟོགས་པར་བདེ་བ་མེད། །བདེ་བ་སྤངས་ནའང་དེ་མི་དམིགས། །ནུས་མེད་ལྟོས་དང་བཅས་པའི་ཕྱིར། །ལྷ་ཡི་སྦྱོར་བས་བདེ་བའོ། །
[151b.6]དེ་ཕྱིར་སངས་རྒྱས་དངོས་མིན་ཞིང་། །དངོས་པོ་མེད་པ་ཉིད་ཀྱང་མིན། །ཕྱག་དང་ཞབས་སོགས་རྣམ་སྤངས་ཏེ། །དོན་དམ་བདེ་བ་གཟུགས་ཡོད་མིན། །དེས་ན་འགྲོ་ཀུན་ལྷན་སྐྱེས་དགའ། །ལྷན་སྐྱེས་ཞེས་བྱ་རྣམ་པར་བརྗོད། །སེམས་ཀྱི་རང་བཞིན་རྣམ་དག་པས། །རང་བཞིན་གྱིས་ནི་
[151b.7]མྱ་ངན་འདས། །དབྱིབས་དང་ཁ་དོག་ལ་སོགས་པས། །འོན་ཀྱང་ཐ་མལ་ཞེན་པར་འགྱུར། །ལྷ་ཡི་གཟུགས་ཀྱི་སྦྱོར་བ་ཡིས། །བསྐྱེད་པ་ཙམ་དུ་གནས་པ་ཡིན། །འདི་དག་རྣལ་འབྱོར་མ་རྣམས་ཀྱི། །བསྟན་པ་བླ་ན་མེད་པ་ཡིན། །རྩ་ཆེན་སུམ་ཅུ་རྩ་གཉིས་ཀྱང་། །བྱང་ཆུབ་སེམས་ནི་རིན་
[152a]
[152a.1]པོ་ཆེའི། །སྙིང་པོ་ལེན་པས་དཀྱིལ་འཁོར་ཡིན། །དེ་ནི་ཕྱི་ནང་སྣ་ཚོགས་ཀྱི། །ཁྱབ་བྱའི་གཟུགས་ཀྱིས་ཡང་དག་གནས། །ཕྱི་ནི་གཟུགས་དང་སྒྲ་སོགས་པ། །དབང་པོ་ཐམས་ཅད་འཇུག་པའོ། །ནང་གི་ཁུ་བ་ལ་སོགས་པ། །སྒྲུབ་པའི་རྫས་སུ་གནས་པ་སྟེ། །
[152a.2]ཕྱི་དང་ནང་གི་དེ་དག་ཉིད། །བྱང་ཆུབ་སེམས་ནི་རྡོ་རྗེ་ཅན། །སྦོམ་པ་དང་ནི་ཕྲ་གཟུགས་ཀྱིས། །འགྲོ་བ་སངས་རྒྱས་རང་བཞིན་ཉིད། །དེ་ནི་སངས་རྒྱས་བྱང་སེམས་ཀྱི། །དམ་ཚིག་དོན་དུ་གསུངས་པ་སྟེ། །ཚེ་འདི་ཉིད་དུ་སངས་རྒྱས་ནི། །ཐོབ་པའང་དཀྱིལ་འཁོར་ལས་བྱུང་སྟེ། །ཉན་ཐོས་
[152a.3]རང་རྒྱལ་དེ་བཞིན་དུ། །ཚངས་སོགས་ལ་ཡང་དཀྱིལ་འཁོར་སྐྱེས། །འབྱུང་གནས་སྒྲ་ཚུལ་ངེས་འབྱུང་རྣམས། །དམ་ཚིག་གཅིག་པའི་སྤྱོད་ཡུལ་ཡིན། །འཇིག་རྟེན་གསུམ་ན་རྙེད་དཀའ་བ། །ཐོག་མ་དབུས་མཐར་ཡང་དག་གནས། །གཙུབ་ཤིང་བཙུབས་པའི་སྦྱོར་དེ་བཞིན། །སྔགས་
[152a.4]བཟླས་བསམ་གཏན་ལ་སོགས་ལྡན། །ཀཱ་ལི་བུང་བ་ཞེས་བཤད་དེ། །བུང་བ་རྡོ་རྗེ་འཇིགས་བྱེད་ཡིན། །ཀཱ་ལི་ནམ་མཁའི་མཐའ་ཀླས་པའི། །ཆོས་ཀྱི་དབྱིངས་ཀྱི་རང་བཞིན་ནོ། །རྒྱུ་དང་རྒྱུ་ཡི་གསང་འཛིན་པའི། །ལུས་ནི་མ་ལུས་དེ་ལས་བྱུང་། །ཕུང་པོ་སྐྱེ་མཆེད་ཁམས་རྣམས་དང་། །
[152a.5]དབང་པོ་ཀུན་གྱི་བདུད་རྩི་དག །དེ་དག་ཀུན་ལས་དྲངས་ནས་སུ། །རྩ་བ་དབུས་སུ་ཐིམ་པར་བྱ། །འཇིགས་བྱེད་རྡོ་རྗེ་སྒྲ་ཡིས་ནི། །སྦྱོར་བའི་རྫས་ནི་དབྱུང་བར་བྱ། །ཧཾ་ནི་ཆར་བའི་རྒྱུན་དུ་བརྗོད། །དབྱངས་ཡིག་དང་པོའི་ས་བོན་ནི། །དེ་ཡི་དབུས་སུ་གཟུང་བར་བྱ། །ཀཱ་ལི་མེ་ཏོག་ཚུལ་
[152a.6]དུ་ཤེས། །རྡོ་རྗེ་ཅན་གྱི་ལུས་མེ་ཏོག །འཁོར་བ་བསྐྱེད་པ་མ་ཡིན་ཞིང་། །ཐམས་ཅད་ཀྱི་ནི་ས་གཞི་ཡིན། །ཡེ་ཤེས་ཆུ་ཡི་རྒྱ་མཚོ་འདིར། །ཤེས་རབ་ཆུ་སྲིན་ཉ་ལ་སོགས། །གཉིས་མེད་འདམ་གྱི་དབུས་ནས་ནི། །ཐབས་ཀྱི་མྱུ་གུ་སྐྱེས་པ་ཡིན། །བནྡུ་ཀ་ནི་རྒྱས་འདྲ་བ། །སྦྲང་རྩི་བདུད་
[152a.7]རྩིའི་གནས་ཡིན་ནོ། །ཀཱ་ལི་ཉིད་ཀྱང་བདུད་རྩི་སྟེ། །མེ་ཏོག་ཆུ་ནི་འཛིན་པ་པོ། །གཉིས་ལས་སྐྱེས་པ་ལུས་ཡིན་ཏེ། །བདུད་རྩི་ཆུ་ཡི་ཆོ་ག་མཆོག །དང་པོ་རྡོ་རྗེ་བདུད་རྩིའི་ཆུ། །རྣམ་པ་ལྟར་ནི་འབྱུང་བ་ཡིན། །རེག་ན་དྲོ་བ་མེ་ཡིན་ཏེ། །དུ་བར་སྣང་བ་རླུང་ཡིན་ནོ། །ཞུ་བར་གྱུར་ན་ཆུ་ཡིན་
[152b]
[152b.1]ཏེ། །གཟུགས་སུ་སྣང་བ་ས་ཡིན་ནོ། །ཡེ་ཤེས་རྡོ་རྗེས་བྱིན་བརླབས་པ། །རྣམ་པ་ལྔར་ནི་རབ་ཏུ་སྐྱེས། །སེམས་ཅན་སངས་རྒྱས་ཉིད་མོད་ཀྱི། །འོན་ཀྱང་གློ་བུར་དྲི་མས་བསྒྲིབས། །དེ་སྤངས་པ་ནི་སངས་རྒྱས་ཉིད། །འཇིག་རྟེན་དེ་ཉིད་མི་ཤེས་གང་། །དུག་ཟོས་པས་ནི་བརྒྱལ་བར་འགྱུར། །
[152b.2]དེ་ཉིད་ཤེས་པས་སྤོང་འགྱུར་ལྟར། །གཏི་མུག་སྤང་ན་མྱ་ངན་འདའ། །དུག་གི་དུམ་བུ་གང་ཉིད་ཀྱིས། །སྐྱེ་བོ་ཐམས་ཅད་འཆི་འགྱུར་བ། །དུག་གི་དེ་ཉིད་ཤེས་པ་ཡིས། །དུག་གིས་དུག་ནི་སེལ་བར་འགྱུར། །ཇི་ལྟར་རླུང་ནད་ལྡན་པ་ལ། །སྲན་མའི་བཟའ་བ་སྦྱིན་པར་བྱ། །བཟློག་པས་
[152b.3]སྨན་དུ་བརྟག་པར་བྱ། །སྲིད་པ་སྲིད་པ་ཉིད་ཀྱིས་སྦྱོང་། །རྣམ་རྟོག་ཡང་དག་རྟོག་སྤངས་ཏེ། །ཇི་ལྟར་རྣ་བར་ཆུ་ཞུགས་པ། །སླར་བླུགས་པ་ཡིས་འབྱུང་བར་འགྱུར། །དེ་བཞིན་དངོས་པོར་རྟོག་པ་ཡང་། །དེ་ཡི་ཚུལ་གྱིས་དག་པར་འགྱུར། །དཔེར་ན་མེ་ཡིས་ཚིག་པ་དག །སླར་ལ་མེ་ལ་བསྲོ་བར་
[152b.4]བྱ། །དེ་བཞིན་འདོད་ཆགས་མེས་ཚིག་པ། །འདོད་ཆགས་མེ་ཉིད་བསྟེན་པར་བྱ། །སྐྱེ་བོ་མི་བཟད་པ་ཡི་ལས། །གང་དང་གང་གིས་བཅིངས་གྱུར་པ། །ཐབས་དང་བཅས་ན་དེ་ཉིད་ཀྱིས། །སྲིད་པའི་འཆིང་ལས་གྲོལ་བར་འགྱུར། །སྐྱེ་བོ་འདོད་ཆགས་ཀྱིས་བཅིངས་ཏེ། །འདོད་ཆགས་ཉིད་
[152b.5]ཀྱིས་གྲོལ་བར་འགྱུར། །སླར་བཟློག་པ་ཡི་སྒོམ་པ་ཡི། །ནང་གི་མུ་སྟེགས་ཅན་གྱིས་མིན། །མི་ཤེས་རྨོངས་པའི་སེམས་ཅན་རྣམས། །ཇི་སྲིད་ཡེ་ཤེས་རྣམས་སྤངས་ཏེ། །ཕྱི་རོལ་དངོས་པོ་ལ་གནས་ཤིང་། །རྟོག་པའི་དྲ་བས་དཀྲིས་པའི་ཚེ། །བསོད་ནམས་དང་ནི་སྡིག་པ་ཡི། །ཕུང་པོ་གཉིས་
[152b.6]སུ་བརྟགས་པ་ཡིན། །ཆོས་ནི་རང་བཞིན་རྣམ་དག་སྟེ། །སྐྱེ་བ་མེད་ཅིང་གནས་མེད་ལས། །མི་ཤེས་བསྒྲིབས་པའི་སྐྱེ་བོ་ལ། །སྡིག་དང་བསོད་ནམས་སངས་རྒྱས་གསུངས། །དྲང་བའི་ཐབས་སུ་མཛད་པས་ན། །སྡིག་དང་བསོད་ནམས་གཉིས་ཀ་ཡང་། །དཔེར་ན་ཆུ་ཡིས་གང་བའི་ཀླུང་། །རྒལ་
[152b.7]འདོད་སྐྱེ་བོས་ཤིང་དྲུང་ནི། །རྩྭ་སོགས་བསྡུས་ཏེ་འཇུས་ནས་སུ། །རྒལ་ཏེ་ཕ་རོལ་རྒལ་བ་དང་། །དོར་ནས་བདེ་བར་འགྲོ་བར་འགྱུར། །དེ་བཞིན་ཆོས་དང་ཆོས་མིན་ལ། །བརྟེན་ནས་འཁོར་བའི་ཕ་རོལ་འགྲོ། །བདེ་བའི་བྱང་ཆུབ་ཐོབ་འགྱུར་ནས། །ཆོས་དང་ཆོས་མིན་རབ་ཏུ་སྤོང་། །དེ་བས་
[153a]
[153a.1]རྟོག་པའི་ཚིག་བཏང་སྟེ། །ཟབ་མོའི་ཆོས་ལ་འཇུག་པར་བྱ། །དེ་བཞིན་གཤེགས་པས་གསུངས་པའི་ལམ། །ལམ་རིག་པ་ནི་རྟོག་མི་འགྱུར། །རྣམ་རྟོག་རྨོངས་པ་ཆེན་པོ་སྟེ། །འཁོར་བའི་རྒྱ་མཚོར་ལྟུང་བྱེད་ཡིན། །མི་རྟོག་ཏིང་འཛིན་ལ་གནས་ནས། །མཁའ་བཞིན་དྲི་མ་
[153a.2]མེད་པར་འགྱུར། །དབང་པོ་གཉིས་ནི་སྙོམས་ཞུགས་ལས། །སྐུ་གསུང་ཐུགས་འདུས་ཡེ་ཤེས་ཀྱིས། །ཡེ་ཤེས་ཅན་ནི་ཚེ་འདི་ལ། །ང་རྒྱལ་གྱིས་ནི་རྣམ་པ་ཀུན། །སྤངས་ནས་རྒྱལ་བའི་གཟུགས་རྫོགས་འགྱུར། །མི་ཤེས་པ་ཡི་སྤྲུལ་པ་ཡི། །སྣ་ཚོགས་ལས་ལས་ཡང་དག་སྐྱེས། །སྐྱེས་པ་བུད་
[153a.3]མེད་གཟུགས་མི་སྨད། །སྐུ་ཡི་རྡོ་རྗེ་དམ་ཚིག་ཡིན། །སེམས་ཀྱི་རྡོ་རྗེ་སྨད་མི་བྱ། །ངན་རྟོག་དྲ་བས་བཅིངས་པ་ཡི། །སེམས་ཅན་སྣ་ཚོགས་བསྐྱབ་པ་ནི། །ཐུགས་ཀྱི་རྡོ་རྗེའི་དམ་ཚིག་ཡིན། །བརླང་དང་རྩུབ་དང་མི་མཉན་པའི། །ཚིག་དག་སྨྲ་བར་མི་བྱེད་ཅིང་། །མཉན་ན་བདེ་བར་སྨྲ་
[153a.4]བྱེད་པ། །གསུང་གི་རྡོ་རྗེའི་དམ་ཚིག་ཡིན། །ཇི་ལྟར་བུད་མེད་བྱིས་གཏམ་རྗེས་ཡི་རང་། །ཆགས་པའི་གཏམ་ནི་རྣམ་པ་དུ་མ་སྨྲ། །དེ་བཞིན་རྣལ་འབྱོར་ལམ་ངན་སྟོན་པ་དག །ལམ་ཡང་མ་བཤད་འཆིང་བའི་རྒྱུར་འགྱུར་རོ། །དེ་ནས་གང་གི་ཚེ་རིག་པ་གྲུབ་པའི་སྒྲུབ་པ་པོར་གྱུར་པའི་ཚེ་
[153a.5]རྟགས་འདི་དག་འབྱུང་སྟེ། །ས་ཆེན་པོ་གཡོ་ཞིང་ཡིད་དུ་འོང་བའི་སྒྲ་གྲགས་པ་དང་། །ཕྱོགས་ཐམས་ཅད་དུ་འོད་ཆེན་པོ་བསྐལ་བའི་མེ་ལྟ་བུ་འབྱུང་བ་དང་། །བདུད་ཀྱི་གནས་རྣམས་སུ་ཆ་ལང་ལྟ་བུའི་སྒྲ་གྲགས་པས་སྐར་མདའ་གཏོང་ཞིང་རྒྱ་མཚོ་ཆེན་པོ་འཁྲུག་པ་དང་། །རྡོ་ཆར་འབབ་པ་དང་།
[153a.6]ཕྱག་རྒྱའི་སྙིང་པོ་ཅན་གྱི་ཡེ་ཤེས་ཀྱི་མེ་འབར་བས་བསྒྱིངས་ཤིང་ཁམས་གསུམ་པོ་སྣང་བར་མཛད་དེ། །ཚངས་པ་ལ་སོགས་པ་ཕྱོགས་སྐྱོང་ཆེན་པོ་རྣམས་དང་རིག་པ་འཛིན་པ་དང་། །མཚོ་སྨན་ལ་སོགས་པ་དང་། སུམ་ཅུ་རྩ་གསུམ་གྱི་ལྷ་རྣམས་ལྷགས་ཏེ་མེ་ཏོག་དང་རོལ་མོ་སྣ་ཚོགས་པའི་སྒྲ་རྣམས་ཀྱིས་ནམ་
[153a.7]མཁའ་ལ་གནས་ཏེ་མཆོད་ཅིང་། །མཚོ་སྨན་དང་རིག་པ་འཛིན་པའི་བུ་མོ་རྣམས་གླུ་ལེན་ཅིང་གར་བྱེད་ལ། མིའམ་ཅི་ལ་སོགས་པ་རྣམས་དགའ་ཞིང་རྩེ་ལ་རྒྱལ་བར་གྱུར་ཅིག་པའི་སྒྲ་འབྱིན་ཏོ། །ལྷ་རྣམས་ཀྱི་ལེགས་པའི་སྦྱིན་པ་དང་། དགའ་ལྡན་ནས་འོག་མིན་གྱི་བར་གྱི་ལྷ་རྣམས་གུས་པར་
[153b]
[153b.1]ཕྱག་དང་མེ་ཏོག་གི་ཆར་འབེབས་སོ། །མདོར་ན་སྒྲུབ་པ་པོ་དེ་ལ་ཁམས་གསུམ་ན་ཡོད་པའི་མཆོད་པ་རྣམས་ཀྱིས་མཆོད་པར་བྱེད་དོ། །རིག་པའི་སྐྱེས་བུ་གྲུབ་པ་དང་། །གར་ཡང་མི་འགྲོ་གར་མི་གནས། །ཐོག་མ་དབུས་མཐའ་རྣམ་པར་སྤངས། །གཉིས་མེད་སྲིད་གསུམ་སྣང་བ་པོ། །འགྲོ་
[153b.2]ཀུན་ཐམས་ཅད་ཤེས་པ་པོ། །ཀུན་དོན་ཀུན་གྱི་སེམས་ཀུན་ནས། །སྡིག་པ་ཀུན་ལས་རྣམ་པར་གྲོལ། །ཡོན་ཏན་ཀུན་གྱིས་རྒྱན་དུ་བྱས། །ཀུན་ཕན་ཞི་བ་མཚུངས་མེད་པ། །རྟག་འཆར་མགོན་སྐྱོབ་རྣམ་རྟོག་སྤངས། །དབྱིབས་དང་ཁ་དོག་ལས་འདས་པ། །རྒྱལ་པོ་རྒྱལ་བའི་སྤྱོད་ཡུལ་ཡིན། །
[153b.3]བཤིག་དཀའ་བས་ན་རྡོ་རྗེ་སྟེ། །ཉོན་མོངས་གདུང་སེལ་ཟླ་བ་ཡིན། །འཇིགས་པ་མེད་པས་སེང་གེ་སྟེ། །འཇུག་པར་དཀའ་བས་རྒྱ་མཚོ་ཡིན། །དེ་ལ་སོགས་པ་སྣ་ཚོགས་འདུས། །རྣལ་འབྱོར་པ་ནི་དེ་ཉིད་འགྱུར། །རྟོག་པ་ཀུན་ལས་རྣམ་གྲོལ་ཡང་། །དེ་ཉིད་གཅིག་ཏུ་འགྲོ་དོན་མཛད། །
[153b.4]མཛད་པ་རྣམ་པ་བཅུ་གཉིས་སྟོན། །དེ་ལྟར་ཁྱབ་པར་སྣ་ཚོགས་པས། །རྨི་ལམ་ལྟ་བུར་གར་མཛད་དེ། །སྒྲུབ་པས་སྒྱུ་མའི་སྐྱེས་བུ་བཞིན། །འགྲོ་བའི་དོན་ནི་རབ་ཏུ་མཛད། །གྲུབ་དང་ལུང་བསྟན་མ་ཐོབ་ཀྱང་། །རྒྱུད་དང་བླ་མའི་མན་ངག་ལ། །བརྟེན་ནས་གཞན་ལ་ཕན་བློས་བྱས། །འདི་
[153b.5]ལས་བསོད་ནམས་གང་བསགས་པས། །ས་གསུམ་སྐྱེ་བོ་མ་ལུས་པ། །ལམ་ལ་རྨོངས་པ་དག་གྱུར་ནས། །རྣལ་མའི་ལམ་དང་ཕྲད་གྱུར་ཏེ། །ལོག་ལྟ་སྐྱེ་བར་མ་གྱུར་ཅིག །བསྐལ་བའི་སྙིགས་མ་རྩོད་དུས་སུ། །ཚུལ་ཆེན་རྒྱ་མཚོ་ལྟ་བུར་བྱུང་གྱུར་ཡང་། །མིག་བྲལ་ལོང་བ་རྣམས་ནི་ཁ་
[153b.6]ཕྱིར་བལྟས། །དེ་བས་དེ་ལ་ཕན་ཕྱིར་བརྩམས་པ་ཡིན། །རྙེད་དང་ཕྲད་པར་དགའ་བས་སྐྱེ་བོ་རྣམས། །དམ་པ་བརྟེན་ལ་ལམ་ལ་འབད་པ་གྱིས། །དཀའ་བས་འཇུག་ཅིང་གཞན་ནས་རྩོལ་མི་དགོས། །ལྷན་ཅིག་སྐྱེས་པས་མཚོན་བྱ་མཚོན་བྱེད་རྣམས། །རང་ལ་གདོད་ནས་གྲུབ་པ་གནས་པ་
[153b.7]ཡིན། །དེ་ནས་མཐུན་པའི་གྲོགས་དང་ལྷན་ཅིག་ཏུ། །མ་ཡེངས་བརྩོན་པས་གོམས་པར་བྱ་བར་འོས། །ལྷན་ཅིག་སྐྱེས་པའི་དཀྱིལ་འཁོར་གསུམ་གསལ་བར་བྱེད་པ་ཞེས་བྱ་བ་མཁས་པ་ཆེན་པོ་ཛྙཱ་ན་ཤྲཱིས་མཛད་པ་རྫོགས་སོ། །བོད་ཀྱི་རྒྱལ་པོ་ཕོ་བྲང་ཞི་བ་འོད་ཀྱིས་གསོལ་བ་བཏབ་ནས་བསྒྱུར་པའོ།། །།
[154a]
[154a.1]{T1540}༄༅༅། །རྒྱ་གར་སྐད་དུ། །ཨུ་ལོ་ཙ་ཏུཥྚ་ཡཊཱི་ཀཱ་ནཱ་མ། བོད་སྐད་དུ། སྒྲོན་མ་བཞིའི་ཊཱི་ཀཱ་ཞེས་བྱ་བ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །ཟླ་བ་རྡོ་རྗེ་རིམ་ལས་འདས། །རྫོགས་པའི་རིམ་པ་སྔོན་འགྲོ་བ། །བདེ་མཆོག་སྡོམ་པའི་བདག་ཉིད་ཅན། །སྦྱོར་བདག་
[154a.2]མགོན་ལ་བདག་ཕྱག་འཚལ། །དེ་དང་གཉིས་མེད་སྐལ་ལྡན་མ། །སྤྲུལ་པ་ཆོས་དང་ལོངས་སྤྱོད་ལ། །གནས་པའི་དངོས་རྣམས་འཇོམས་མཛད་མ། །ཕག་མོ་དེ་ལའང་བདག་ཕྱག་འཚལ། །སངས་རྒྱས་བསྟན་པའི་སྙིང་པོ་ནི། །སྟོན་བྱེད་སྙིང་རྗེའི་བདག་ཉིད་ཅན། །གྲོལ་བྱེད་རབ་ཏུ་ཞི་བ་
[154a.3]ཡིས། །བླ་མའི་ཞབས་ལ་བདག་ཕྱག་འཚལ། །རྣལ་འབྱོར་རྣལ་འབྱོར་མ་རྒྱུད་ལས། །མན་ངག་ཤིན་ཏུ་རྙེད་དཀའ་བ། །ནག་པོ་ཞབས་ཀྱིས་བསྡུས་བྱས་ནས། །སྒྲོན་མ་བཞི་པོ་མཛད་པ་ཡིན། །བརྡའ་ཡི་སྐད་རྣམས་དུ་མ་ཡིས། །རང་བྱུང་རྣམས་ཀྱིས་རྟོགས་པར་དཀའ། །རྨོངས་པ་
[154a.4]རྣམས་ཀྱིས་སློབ་དཔོན་དུ། །གཟུང་བས་ཉམས་པ་དག་གིས་ནི། །ཕྱིན་ཅི་ལོག་པའི་ཆོས་བསྟན་པས། །གཞན་རྣམས་ལ་ཡང་ཉམས་པར་བྱེད། །དེ་ལྟའི་སྐྱོན་ནི་བསལ་བྱའི་ཕྱིར། །ལས་ཀྱི་རྡོ་རྗེ་བདག་གིས་ནི། །ཚིག་རེའི་སྣ་ཚོགས་དོན་གསལ་བའི། །རྨོངས་པ་བསལ་བྱེད་ཊཱི་ཀཱ་
[154a.5]བརྩམ། །དེ་ལ་དང་པོར་བརྗོད་པ་ལ་སོགས་པ་སྨྲ་བར་བྱ་བ་ཡིན་ཏེ། གང་ཕྱིར་རིགས་པའི་རྗེས་སུ་འབྲང་བ་རྣམས་བརྗོད་པ་ལ་སོགས་མ་གཏོགས་པར་འཇུག་པར་མི་འགྱུར་བས། །དེའི་ཕྱིར་སྒྲོན་མ་བཞི་ཞེས་བྱ་བའི་རབ་ཏུ་བྱེད་པ་ནི་བརྗོད་པར་བྱེད་པའོ། །སྔགས་དང་རྒྱུད་དང་ཡེ་ཤེས་དང་
[154a.6]གསང་བའི་ལམ་བསྟན་པ་ནི་བརྗོད་པར་བྱའོ། །དེ་དག་གི་འབྲེལ་བ་བསྟན་ཏེ། །བརྗོད་པ་དང་བརྗོད་པར་བྱ་བའི་ཕྱིར་རོ། །འདོད་ཆགས་ལ་སོགས་པའི་ཉོན་མོངས་པ་ཤས་ཆེ་བའི་སྐྱེ་དགུ་རྣམས་འདུལ་བ་ནི་དགོས་པའོ། །རྩོད་པའི་དུས་སུ་ཡང་མྱུར་དུ་བྱང་ཆུབ་ཐོབ་པའི་ཐབས་བསྟན་པ་ནི་དགོས་པའི་དགོས་
[154a.7]པའོ། །བརྗོད་པ་དང་བརྗོད་པར་བྱ་བ་ལ་སོགས་པ་གླེང་གཞིའི་ཚིག་ལ་བརྟེན་ཏེ། །བསྒྲུབ་པར་བྱ་བའི་རྟེན་དུ་གྱུར་པའི་ཕྱག་རྒྱ་བཞིས་བཏབ་པའི་བཅོམ་ལྡན་འདས་ཡེ་ཤེས་ལྔ་དང་། །སྐུ་གསུམ་གྱི་བདག་ཉིད་ཅན་གྱི་སྤྱི་དང་རང་གི་མཚན་ཉིད། །ཉེ་བར་དམིགས་པའི་བརྡ་གནས་ཀྱི་ཁྱད་པར་རབ་ཏུ་
[154b]
[154b.1]བསྟན་པས། །ཐབས་དང་ཐབས་ལས་བྱུང་བའི་བསྒོམ་པའི་དངོས་པོའི་སྒོ་ནས་ཀྱང་། །གནས་ལ་སོགས་པའི་ཕུན་སུམ་ཚོགས་པ་དང་། །སེམས་ལ་དམིགས་པ་ཐིམ་པའི་རྒྱུར་གྱུར་པ། །རྡོ་རྗེ་བཟླས་པའི་རིམ་པ། །སྔགས་ཀྱི་སྒྲོན་མའི་སྒྲའི་བྱེ་བྲག་གིས། །སློབ་དཔོན་གྱིས་དྲན་པར་བྱེད་དེ། །
[154b.2]ཇི་ལྟར་ཞེ་ན། །ཨི་ནི་ལས་ཀྱི་ཕྱག་རྒྱའོ་ཞེས་བྱ་བ་སྨོས་ཏེ། །དེ་ལ་ལས་གཙོར་གྱུར་བའི་ཕྱག་རྒྱ་ནི་ལས་ཀྱི་ཕྱག་རྒྱ་སྟེ། །རང་གི་ལུས་བཤད་དོ། །ཆོས་ཀྱི་ཕྱག་རྒྱ་ཞེས་བྱ་བ་ནི། ཡི་གེ་ཨ་ཡིན་ཏེ། ཆོས་ཐམས་ཅད་ཀྱི་དངོས་པོར་གྱུར་པའི་ཕྱིར་རོ། །ཕྱག་རྒྱ་ཆེན་པོ་ཞེས་བྱ་བ་ནི། །ཙཎྜ་ལཱི་ཡིན་
[154b.3]ཏེ། །ལྷན་ཅིག་སྐྱེས་པའི་བདེ་བ་འབྱུང་བའི་རྟགས་ཡིན་པའི་ཕྱིར་རོ། །དམ་ཚིག་གི་ཕྱག་རྒྱ་ཞེས་བྱ་བ་ནི། །སྲོག་དང་རྩོལ་བའི་རླུང་གི་སྦྱོར་བས་ནུས་པའི་ཕྱིར་རོ། །སླར་ཡང་ནང་གི་བཤད་པ་ནི། །ལས་ཀྱི་ཕྱག་རྒྱ་ལ་སོགས་པས་འཁོར་ལོ་བཞི་བཤད་དོ། །ཇི་སྐད་དུ། །ཨ་ནི་ས་ཡི་ཁམས་ཡིན་
[154b.4]ཏེ། །ལས་ཀྱི་ཕྱག་རྒྱ་སངས་རྒྱས་སྤྱན། །ཐུགས་རྗེ་ཆེ་ཞིང་ཐབས་ཆེ་བ། །སྣ་ཚོགས་གཟུགས་ཅན་སྐྱེད་བྱེད་མ། །འདབ་མ་དྲུག་ཅུ་རྩ་བཞི་པ། །སྤྲུལ་པའི་འཁོར་ལོར་ཡང་དག་གནས། །ཞེས་བྱ་བ་ལ་སོགས་པ་གསུངས་སོ། །གསང་བའི་བཤད་པ་ཡང་། །ལས་ཀྱི་ཕྱག་རྒྱ་ཞེས་བྱ་བ་ནི་
[154b.5]པདྨའི་རྩ་ཨ་ཝ་དྷཱུ་ཏཱིའོ། །ཆོས་ཀྱི་ཕྱག་རྒྱ་ཞེས་བྱ་བ་ནི། །བྱང་ཆུབ་ཀྱི་སེམས་ཀྱིས་བྱིན་གྱིས་བརླབས་པའི་རྡོ་རྗེའི་ཨ་ཝ་དྷཱུ་ཏཱིའོ། །ཕྱག་རྒྱ་ཆེན་པོ་ཞེས་བྱ་བ་ནི། །དེ་དག་ལས་བདེ་བ་ཉམས་སུ་མྱོང་བའོ། །དམ་ཚིག་གི་ཕྱག་རྒྱ་ཞེས་བྱ་བ་ནི། །ལ་ལ་ནཱ་དང་། ར་ས་ནཱ་དག་གིས་གཟུང་ཞིང་འཛིན་པར་བྱ་
[154b.6]བའི་དོན་ཏོ། །གསང་བའི་གསང་བ་ལ་ཡང་། །ལས་ཀྱི་ཕྱག་རྒྱ་ཞེས་བྱ་བ་ནི། །མདོག་དམར་པོ་སྟེ་དེ་ཉིད་དེའི་གཙོ་བོར་གྱུར་པའི་ཕྱིར་རོ། །ཆོས་ཀྱི་ཕྱག་རྒྱ་ཞེས་བྱ་བ་ནི། །དཀར་བ་ཡིན་ཏེ། །ཆོས་ཉིད་ལ་དེས་རྒྱས་བཏབ་པའི་ཕྱིར་རོ། །ཕྱག་རྒྱ་ཆེན་པོ་ཞེས་བྱ་བ་ནི། །དཔེའི་ཚུལ་ཅན་བཞི་པ་ལྷན་
[154b.7]ཅིག་སྐྱེས་པ་བསྟན་ཏེ། །དམ་པའི་དོན་ཆེན་པོ་ལ་དེས་རྒྱས་བཏབ་པའི་ཕྱིར་རོ། །དམ་ཚིག་གི་ཕྱག་རྒྱ་ཞེས་བྱ་བ་ནི། །ཚུལ་ཁྲིམས་འཆལ་པ་སྤངས་པ་ལས་དམ་ཚིག་གྲུབ་པའི་ཕྱིར་རོ། །དེ་ལྟར་ཕྱག་རྒྱ་བཞིའི་མཚན་ཉིད་བཤད་ནས། །སྡུད་པ་པོའི་ཚིག་གི་འབྲེལ་བ་བསྟན་པར་བྱ་བའི་ཕྱིར
[155a]
[155a.1]རོ། །ཨེ་ཝཾ་མ་ཡཱ་ཤྲོ་ཏ། །ཞེས་ཚིག་གི་འབྲེལ་བས། །འདི་དག་བདག་གིས་ཐོས་ཞེས། །ཐབས་དང་ཤེས་རབ་ཀྱི་ངོ་བོ། །རོ་གཅིག་པའི་བདག་ཉིད་བདག་གིས་མྱོང་ཞེས་བསྟན་པར་བྱ་བའི་ཕྱིར། །ཨེ་ནི་ཤེས་རབ་པོ་ཞེས་བྱ་བ་སྨོས་ཏེ། །ཡི་གེ་ཨེའི་རྣམ་པ་ཤེས་རབ་ཀྱི་བྷ་ག་བཤད་དེ།
[155a.2]རྣམ་པར་རྟོག་པ་ཉོན་མོངས་པ་ཐམས་ཅད་བཅོམ་པའི་ཕྱིར་རོ། །ཇི་སྐད་དུ། །གང་དུ་གཙོ་བོ་ཡང་དག་གནས། །དེ་ནི་བྷ་གར་གསུངས་པ་ཡིན། །ཇི་སྲིད་ལུས་ལ་གནས་པ་ནི། །དེ་སྲིད་ལས་དང་ལས་མིན་འགྱུར། །ཞེས་འབྱུང་ངོ་། །ཡང་ན་ཨེ་ནི་ཤེས་རབ་ཅེས་བྱ་བ་ནི། །ཆོས་ཀྱི་དབྱིངས་ཀྱི་
[155a.3]ཡི་གེ་ཨའོ། །ཤེས་རབ་ཀྱི་ཡེ་ཤེས་ཀྱི་མེའི་རྒྱུ་ཡིན་པའི་ཕྱིར་ཤེས་རབ་ཏུ་བཤད་དོ། །ཡང་ན་ཆུ་སྐྱེས་ཀྱི་དབུས་སུ་རྩ་གསུམ་གྱི་དབྱིབས་ཀྱི་ཚུལ་ཅན་ཡི་གེ་ཨེ་ཤེས་རབ་ཡིན་ཏེ། གསང་བ་གསུམ་ཉེ་བར་དམིགས་པའི་གནས་ལ་བཏགས་པའི་ཕྱིར་རོ། །ཡང་བཤད་པ་ནི་ཡི་གེ་ཨེ་ཞེས་བྱ་བ་ནི།
[155a.4]བདེ་བ་ཆེན་པོའི་རང་བཞིན་ཅན་ཆོས་ཉིད་བཤད་དོ། །ལུས་དང་ངག་དང་ཡིད་གསུམ་དེ་ལ་མ་ཚང་བས་ཏེ་ཀོ་ན་སྟེ་ཤེས་རབ་ཉིད་དོ། །རྣམ་པར་རྟོག་པ་ཐམས་ཅད་ཀྱི་གཞི་མ་ཡིན་པའི་ཁུངས་གསུངས་ཏེ། །ཇི་སྐད་དུ། །གང་ཞིག་རྣམ་རྟོག་ཀུན་གྱི་གཞི་མིན་ཚིག་གི་གཞི་མ་ཡིན། །དེ་ནི་ཤེས་རབ་ཕ་
[155a.5]རོལ་ཕྱིན་མར་དེ་བཞིན་གཤེགས་པས་གསུངས། །ཞེས་འབྱུང་ངོ་། །ཝ་ནི་ཐབས་སོ་ཞེས་བྱ་བ་ལ། །ཡི་གེ་ཝ་ནི་ཆུའི་ས་བོན་ཏེ། ཐབས་སུ་བསྟན་ཏེ། ཚིམ་པར་བྱེད་པ་ཉིད་ཀྱིས་དངོས་པོ་སྐྱེད་པར་བྱེད་པའི་ཕྱིར་རོ། །ཡང་ན་ཡི་གེ་ཝའི་རྫས་བདེ་བ་ཆེན་པོའི་འཁོར་ལོའི་ལྟེ་བ་ན་གནས་པའི་
[155a.6]ཡི་གེ་ཧ་བཤད་དོ། །བསྲེགས་པ་རྣམས་གསོ་བར་བྱེད་པའི་ཕྱིར་རོ། །ཇི་སྐད་དུ། །སངས་རྒྱས་རྡོ་རྗེ་འཛིན་པདྨ། །རྡོ་རྗེ་ཉི་མ་ཁམས་གསུམ་དག །རྒྱས་བཏབ་རྨོངས་པ་ཐམས་ཅད་ནི། །ཐལ་བར་འགྱུར་བའང་གསོ་བར་བྱེད། །ཅེས་འབྱུང་ངོ་། །སླར་ཡང་བཤད་པ། །ཝ་ཞེས་བྱ་བ་ནི། །ཡི་
[155a.7]གེ་ཧཱུཾ་ལས་བྱུང་བའི་རྡོ་རྗེ་སྟེ་སྐྱེས་བུའི་རྟགས་སོ། །དེ་ཉིད་ཐབས་ཀྱི་ཡན་ལག་ཡིན་པས་ན་ཐབས་སུ་བསྟེན་ཏེ། །མ་ནིང་ལ་འདོད་ཆགས་ཀྱི་བྱང་ཆུབ་མེད་པའི་ཕྱིར་རོ། །སླར་ཡང་བཤད་པ། །ཝ་ཞེས་བྱ་བ་ནི་རྡོ་རྗེ་དང་ཆུ་སྐྱེས་དཀྲུགས་པའི་དུས་སུ་རྩ་ཐམས་ཅད་ཝ་མ་ནའི་ཕྱིར་རོ། །ཝ་སྟེ་ཐིག་ལེའི་
[155b]
[155b.1]གཟུགས་ཅན་ཐབས་སུ་བཤད་དེ། །དེ་ནི་རྐྱེན་གྱི་སྟོབས་ཀྱིས་ཉེ་བར་འོངས་པའི་ཕྱིར་རོ། །དེ་ལྟར་ཨེ་ཝཾ་གྱི་རྫས་ཤེས་རབ་དང་ཐབས་གཉིས་སུ་མེད་པའི་བསྒྲུབ་བྱ་ཉིད་དུ་བསྟན་ཏོ། །ཇི་སྐད་དུ། །ཡི་གེ་ཨེ་ནི་ཤེས་རབ་སྟེ། །དེ་བཞིན་ཝ་ནི་ཐབས་སུ་བཤད། །ཐིག་ལེ་མི་ཤིགས་དེ་ཉིད་དེ། །དེ་ལས་འགྲོ་བ་
[155b.2]གསུམ་པོ་སྐྱེས། །ཞེས་འབྱུང་ངོ་། །བསྒྲུབ་བྱ་གོམས་པའི་གནས་བསྟན་པར་བྱ་བའི་ཕྱིར། སྤྲུལ་བའི་འཁོར་དང་ཞེས་བྱ་བ་སྨོས་ཏེ། །དབང་ཆེན་གྱི་དཀྱིལ་འཁོར་ཐམས་ཅད་ཀྱི་གཞིར་གྱུར་པའོ། །དངོས་པོ་ཐམས་ཅད་དེ་ལས་སྐྱེས་པས་ན་སྤྲུལ་པ་སྟེ་ལྟེ་བའི་གནས་སོ། །ཆོས་ཀྱི་འཁོར་ལོ་
[155b.3]ཞེས་བྱ་བ་ནི། །ཕུང་པོ་དང་ཁམས་ལ་སོགས་པ་མངོན་པར་གསལ་བར་བྱེད་པའི་རྒྱུ་སྟེ། །ཆུ་ཡི་དཀྱིལ་འཁོར་ཁུ་བའི་ཚུལ་ཅན་སྙིང་གའི་གནས་སོ། །ལོངས་སྤྱོད་ཀྱི་འཁོར་ལོ་ཞེས་བྱ་བ་ནི། །མེའི་དཀྱིལ་འཁོར་ཏེ། །དྲོ་བ་ཉིད་ཀྱིས་རྫས་སྭོམ་པ་ལ་གནས་པའི་རོ་དྲུག་གི་ལོངས་སྤྱོད་པའི་རྒྱུར་འགྱུར་
[155b.4]བས་ན་ལོངས་སྤྱོད་དེ། །མགྲིན་པའི་གནས་སོ། །བདེ་བ་ཆེན་པོའི་འཁོར་ལོ་ཞེས་བྱ་བ་ནི། །རླུང་གི་དཀྱིལ་འཁོར་ཏེ། །གཡོ་བ་དང་འགུལ་བ་ལ་སོགས་པའི་རྒྱུ་ཡིན་པས་བདེ་བ་ཆེན་པོའི་འཁོར་ལོ་སྤྱི་བོའི་གནས་ཞེས་བྱ་བའི་དོན་ཏོ། །ཇི་སྐད་དུ། །སྤྲུལ་པ་ཆོས་དང་ལོངས་སྤྱོད་དང་། །བདེ་བ་ཆེན་
[155b.5]པོ་དེ་བཞིན་ཏེ། །སྐྱེ་གནས་སྙིང་ག་མགྲིན་སྤྱི་བོར། །སྐུ་གསུམ་པོ་ནི་རྣམ་པར་གནས། །སེམས་ཅན་མ་ལུས་པ་རྣམས་ཀྱི། །གང་དུ་སྐྱེ་བ་རབ་ཏུ་བརྗོད། །དེ་ནི་སྤྲུལ་བའི་འཁོར་ལོ་སྟེ། །གང་ཕྱིར་སྤྲུལ་པ་གནས་བརྟན་པའི། །ཆོས་ནི་སེམས་ཀྱི་རང་གཟུགས་ཅན། །ཆོས་ཀྱི་སྐུ་ནི་སྙིང་
[155b.6]གར་གནས། །རོ་ཡི་གཟུགས་ཅན་དྲུག་རྣམས་ལ། །ལོངས་སྤྱོད་པས་ན་ལོངས་སྤྱོད་བཤད། །མགྲིན་པར་ལོངས་སྤྱོད་འཁོར་ལོ་སྟེ། །བདེ་བ་ཆེན་པོ་སྤྱི་བོ་ནས། །ཞེས་རྒྱུད་ཀྱི་ཚིག་འདི་ལས་ཉན་ཐོས་ཀྱི་སྡེ་བ་འདུས་པར་ཤེས་པར་བྱའོ། །ཡང་བཤད་པ། །གཞི་ཙམ་གྱི་མངོན་པར་ཞེན་པ་
[155b.7]སྤངས་ཏེ། གཞི་ཅན་རྣམས་གཙོ་བོ་ཉིད་ཀྱི་འཁོར་ལོ་ཉིད་དུ།། བཤད་པར་བྱ་སྟེ། །དེ་ལ་སྤྲུལ་པའི་འཁོར་ལོ་ཞེས་བྱ་བ་ནི། བརྗོད་དུ་མེད་པའི་ཡི་གེ་ཨ་ལས། །ངག་གི་འགྱུར་བ་ཐམས་ཅད་སྤྲུལ་པའི་འཁོར་ལོར་སྤྲུལ་ཞིང་སྐྱེས་པ་ན་ཡི་གེ་ཨེ་ཉིད་སྤྲུལ་པའི་འཁོར་ལོ་སྟེ། །རྒྱུ་ལ་འབྲས་བུའི་
[156a]
[156a.1]མིང་བཏགས་པའི་ཕྱིར་རོ། །ཆོས་ཀྱི་འཁོར་ལོ་ཞེས་བྱ་བ་ནི། །དེའི་འབྲས་བུར་གྱུར་པ་ཕུང་པོ་ལྔའི་ཚིག་རྣམ་པར་དག་པའི་མཚན་ཉིད་ཅན་ཡི་གེ་ཧཱུཾ་བཤད་དོ། །ལོངས་སྤྱོད་ཀྱི་འཁོར་ལོ་ཞེས་བྱ་བ་ནི། །འདོད་པའི་ཡོན་ཏན་ལ་དམིགས་པར་བྱེད་པའི་ཡི་གེ་ཨོཾ་མོ། །ཡུལ་ཅན་ལ་
[156a.2]ཡུལ་གྱི་མིང་བཏགས་པའི་ཕྱིར་རོ། །བདེ་བ་ཆེན་པོའི་འཁོར་ལོ་ཞེས་བྱ་བ་ནི། །རང་རིག་པའི་བདེ་བ་ཆེན་པོའི་རྒྱུར་གྱུར་པ། མགོ་མེད་མི་ཤིགས་པ་ཐུར་ཏུ་བལྟ་བ་ཡི་གེ་ཧའོ། །དེ་ཉིད་ཁྱབ་པར་བྱེད་པ་ཡིན་པས་ན། །འཁོར་ལོར་བསྟན་ཏེ། ཇི་སྐད་དུ། འཁོར་ལོ་ཤུགས་ཆེན་མཁའ་དབྱིངས་
[156a.3]ཞེས། །ཡུལ་ལ་སོགས་པ་རྣམ་སྦྱོང་བྱེད། །ཅེས་དགྱེས་པའི་རྡོ་རྗེ་ལས་འབྱུང་ངོ་། །ཡང་བཤད་པ། །སྤྲུལ་པའི་འཁོར་ལོ་ཞེས་བྱ་བ་ནི། ཤེས་རབ་བོ། །སངས་རྒྱས་ལ་སོགས་པ་ཐམས་ཅད་སྐྱེད་པར་བྱེད་པ་ཡིན་པའི་ཕྱིར་རོ། །དེ་ཉིད་འཁོར་ལོར་བསྟན་ཏེ། དམིགས་པ་དང་བཅས་
[156a.4]པའི་ཤེས་རབ་ཀྱི་ཕྱོགས་སུ་ལས་ཀྱི་ཕྱག་རྒྱ་ལ་སོགས་པའི་རྣམ་པར་སོ་སོར་སྣང་བའི་ཕྱིར་རོ། །ཆོས་ཀྱི་འཁོར་ལོ་ཞེས་བྱ་བ་ནི། ཐབས་ཀྱི་ངོ་བོ་ཉིད། ཞལ་དང་ཕྱག་དང་སྐུ་མདོག་དང་དབྱིབས་ཀྱི་བདག་ཉིད་ཧེ་རུ་ཀའི་རྣམ་པ་ཡིན་ཏེ། དངོས་པོའི་མཚན་ཉིད་ཡིན་པའི་ཕྱིར་རོ། །དེ་ཉིད་འཁོར་ལོར་
[156a.5]བསྟན་པ་ནི། །དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཡིན་པའི་ཕྱིར་རོ། །ལོངས་སྤྱོད་ཀྱི་འཁོར་ལོ་ཞེས་བྱ་བ་ནི། ཐབས་དང་ཤེས་རབ་སྙོམས་པར་ཞུགས་པ་ལས། ཐ་མལ་པའི་ང་རྒྱལ་ལོག་པ་ལས་ལོངས་སྤྱོད་པ་སྟེ། །འཁྱུད་པ་དང་ཙུམྦ་ན་ལ་སོགས་པས། དེ་བཞིན་གཤེགས་
[156a.6]པ་ཐམས་ཅད་རྗེས་སུ་ཆགས་པར་བྱེད་པའོ། །དེ་ཉིད་མང་བས་ན་འཁོར་ལོར་བཤད་དོ། །བདེ་བ་ཆེན་པོའི་འཁོར་ལོ་ཞེས་བྱ་བ་ནི། །རོལ་པའི་དུས་སུ་མན་ངག་གི་རྗེས་སུ་འབྲང་བ་ལས། །རྣམ་པར་མི་རྟོག་པའི་བདེ་བ་ཆེན་པོ་ཐོབ་པའོ། །རྣམ་པ་སྣ་ཚོགས་ལ་ཁྱབ་པར་བྱེད་པས་ན་དེ་ཉིད་
[156a.7]འཁོར་ལོར་བཤད་དོ། །ཇི་སྐད་དུ། འགྲོ་ཀུན་བདེ་བས་ཁྱབ་པ་ཡི། །ཞེས་འབྱུང་ངོ་། །ཡང་བཤད་པ་ནི། སྤྲུལ་པོའི་འཁོར་ལོ་ཞེས་བྱ་བ་ནི། པདྨའི་དབུས་ན་གནས་པའི་རྩའི་འཁོར་ལོའོ། །རྡོ་རྗེ་དབྱིངས་ཀྱི་དབང་ཕྱུག་མ་ལ་སོགས་པ་ལྷ་མོའི་ངོ་བོ་ཉིད་ཡིན་པའི་ཕྱིར་རོ། །ཆོས་ཀྱི་
[156b]
[156b.1]འཁོར་ལོ་ཞེས་བྱ་བ་ནི། ཆོས་ནི་འོད་དཔག་ཏུ་མེད་པ་སྟེ་ཤུ་ཀྲའོ། །དེ་འཛིན་པས་ན་ཆོས་ཀྱི་འཁོར་ལོ་སྟེ། རྡོ་རྗེའི་ཆང་གཟུངས་ན་གནས་པའི་རྩའི་འཁོར་ལོའོ། །དེ་བཞིན་གཤེགས་པའི་ངོ་བོ་ཉིད་ཡིན་པའི་དོན་ཏོ། །ལོངས་སྤྱོད་ཀྱི་འཁོར་ལོ་ཞེས་བྱ་བ་ནི། རྩའི་འཁོར་ལོ་གཉིས་ཀ་འདུས་
[156b.2]པ་ལས། །དེ་བཞིན་གཤེགས་པ་དང་ལྷ་མོ་དག་གི་ལོངས་སྤྱོད་པ་སྟེ། འཇིག་རྟེན་ལས་འདས་པའི་ཕྱིར་རོ། །དེ་ཉིད་རོ་གཅིག་པ་ཡིན་པས་འཁོར་ལོར་བཤད་དོ། །བདེ་བ་ཆེན་པོའི་འཁོར་ལོ་ཞེས་བྱ་བ་ནི། །དེ་ལ་མཐར་ཐུག་པའི་རྣལ་འབྱོར་པས་འབྲས་བུ་ཐོབ་པར་བྱ་བའི་དོན་ཏོ། །དེ་ལྟར་
[156b.3]འཁོར་ལོ་བཞི་བཤད་ནས། །སྔགས་ཀྱི་སྒྲོན་མའི་གནས་སྐབས་སུ། །རླུང་གི་དེ་ཁོ་ན་ཉིད་སྔོན་དུ་འགྲོ་བས་དག་རྣམ་པ་བཞི་གནས་བཞི་ལ་རྣམ་པར་བཀོད་ནས། །རྡོ་རྗེ་བཟླས་པའི་རིམ་པས་རྣམ་པར་དབེན་པ་བསྟན་པར་བྱ་བའི་ཕྱིར། ཨཱ་ལི་དང་ཀཱ་ལི་ནི་གཡས་དང་གཡོན་པའོ་ཞེས་བྱ་བ་
[156b.4]སྨོས་ཏེ། ཨཱ་ལི་ནི་སྣང་བའི་ཡེ་ཤེས་ཏེ་གཡོན་ན་ཟླ་བའི་ངོ་བོ་ཉིད་དོ། །ཀཱ་ལི་ནི་སྣང་བ་མཆེད་པའི་ཡེ་ཤེས་ཏེ། གཡས་ན་ཉི་མའི་ངོ་བོ་ཉིད་དོ། །ཡེ་ཤེས་དེ་གཉིས་ཀྱིས་ཏིང་ངེ་འཛིན་ལ་རྗེས་སུ་འཇུག་ཅིང་སེམས་ནི་རྩ་དབུས་མ་ལ་འཇུག་པར་བྱ་སྟེ། སྣང་བ་ཐོབ་པའི་ཡེ་ཤེས་ཀྱི་ཏིང་ངེ་འཛིན་
[156b.5]ལ་གནས་ཤིང་། །འོད་གསལ་བའི་ཐིག་ལེ་ཙམ་སྙིང་གར་དམིགས་ཏེ། །དེའི་གཡས་པའི་ཆའི་སྒོ་ལས་རླུང་སྤྲོས་ཏེ། སྟེང་གི་སྣའི་བུག་པ་གཡས་པ་ནས་བཅུ་གཉིས་ཀྱི་མཐའི་བར་དུ་ཕྱིར་ཞིང་། །སླར་ཡང་གཡོན་པ་ནས་ཁུགས་ཏེ། དབུས་སུ་གནས་པར་བསམ་པར་བྱའོ། །དེ་ལྟར་ཡང་དང་
[156b.6]ཡང་དུ་གོམས་ཤིང་རླུང་ལ་དབང་ཐོབ་པས་རླུང་གི་དེ་ཁོ་ན་ཉིད་བསྟན་ཏོ། །ཇི་སྐད་དུ། སྲོག་ནི་རྒྱུ་བའི་ཚད་མ་ནི། །ལན་གཉིས་གོམས་པའི་གོ་འཕང་གིས། །དགོད་པ་དེ་ལྟར་བྱེད་འགྱུར་ན། །འཇིག་རྟེན་མགོན་པོའི་སྐུ་འདྲར་འགྱུར། །ཞེས་རིགས་ཀྱི་སྤྱན་རས་གཟིགས་ཀྱི་ལྔ་པ་ལས་
[156b.7]འབྱུང་ངོ་། །དེ་ལ་མཆོག་གི་ངག་ནི་མ་སྐྱེས་པའོ། །མཐོང་བར་གྱུར་པ་ནི་འཇུག་པའོ། །ཁོང་ན་གནས་པ་ནི་ཐིག་ལེའི་གཟུགས་ཅན་ནོ། །ཐ་སྙད་ཀྱི་ངག་ནི་ཕྱིར་སོང་བའོ། །ཡང་བཤད་པ། །ཨཱ་ལི་དང་ཀཱ་ལི་ནི་གཡས་དང་གཡོན་པ་ཞེས་བྱ་བ་ལས། ཨཱ་ལི་དང་ཀཱ་ལིའི་གཟུགས་ཅན་
[157a]
[157a.1]སྲོག་དང་རྩོལ་བའོ། །ལྟེ་བའི་འོག་ནས་བརྩམས་ཏེ། །སྟེང་གི་སྣའི་བུག་པ་གཉིས་ནས། །མདའི་ཤུགས་བཞིན་དུ་ངེས་པར་འབྱུང་ཞིང་འཇུག་པའོ། །དེའི་ཕྱིར་རྣལ་འབྱོར་པས། །ཐུང་བ་དང་རིང་བའི་བྱེ་བྲག་གིས་གནས་པའི། །ཨཱ་ལི་དང་ཀཱ་ལི་ཨཱ་ཨཱི་ཞེས་བྱ་བ་ལ་
[157a.2]སོགས་པས། སློབ་དཔོན་གྱིས་བསྟན་པ་དེ་དག་ངག་རྣམ་པ་བཞིའི་ངོ་བོ་ཉིད་དུ་འཁོར་ལོ་བཞི་ལ་རྟ་རྒོད་བཞིན་དུ་བཅིང་བར་བྱའོ་ཞེས་དགོངས་སོ། །གསང་བའི་བཤད་པ་ནི། །ཨཱ་ལི་དང་ཀཱ་ལི་ཞེས་བྱ་བ་ནི། ཨཱ་ལི་ནི་བུང་བའོ། །དེ་དང་ཆ་མཐུན་པས་རྡོ་རྗེ་བསྟན་ཏེ། བདེ་བ་ཆེན་པོའི་པདྨ་
[157a.3]ཟེའུ་འབྲུའི་སྙིང་པོ་ལེན་པར་བྱེད་པའི་ཕྱིར་རོ། །དེ་ཉིད་གཡོན་པ་སྨོས་པ་ནི་ཝ་ཞེས་བྱ་བ་སྨོས་པ་སྟེ། རྡོ་རྗེ་སྟེ་བྱང་ཆུབ་ཀྱི་སེམས་སོ། །མ་ཞེས་བྱ་བ་ནི་མ་ཧཱ་སྟེ་བདེ་བ་ཆེན་པོ་བསྟན་ཏེ། གཉི་གའི་བདག་ཉིད་ཡིན་པའི་ཕྱིར་རོ། །ཀཱ་ལི་ཞེས་བྱ་བ་ནི། པདྨར་བརྟེན་ཏེ། རྡོ་རྗེ་ཟ་བར་བྱེད་པའི་ཕྱིར་
[157a.4]རོ། །དེ་ཉིད་གཡས་པ་ཞེས་བྱ་བ་ནི། །དཀྵེ་ཎ་ཞེས་བྱ་བའོ། །དེ་ལ་ད་ནི་ད་ན་སྟེ་མེའི་ངོ་བོ་ཉིད་དོ། །ཀྵེ་ཞེས་བྱ་བ་ནི་ཆོས་ཀྱི་དབྱིངས་སུ་སྐུལ་བར་བྱེད་པའོ། །པ་ནི་སྐུལ་བར་བྱེད་པའི་དོན་སྐད་ཀྱི་དབྱིངས་ལས་འབྱུང་ངོ་། །ཎ་ཞེས་བྱ་བ་ནི་དགག་པའི་དོན་ཏོ། །དེས་ན་ཐ་མལ་པའི་རྣམ་པར་
[157a.5]རྟོག་པ་དགག་པའོ། །ཇི་སྐད་དུ། ཨཱ་ལི་ཀཱ་ལི་བརྡ་ཡིས་ནི། །བུང་བ་ཆུ་སྐྱེས་ངོ་བོ་ཉིད། །དེར་ནི་སྙིང་པོ་མྱང་བྱས་ནས། །དཔྱོད་པ་མེད་པར་ཐིམ་པར་འགྱུར། །ཞེས་བཤད་པའི་རྒྱུད་ལས་འབྱུང་ངོ་། །གསང་བའི་གསང་བ་ལ་ཡང་། །ཨཱ་ལི་ནི་ཤུ་ཀྲའོ། །ཀཱ་ལི་ནི་མཚལ་ཆེན་ཏེ་ཟླ་བ་
[157a.6]དང་ཉི་མའི་ངོ་བོ་ཉིད་ཡིན་པའི་ཕྱིར་རོ། །གཡོན་པ་དང་གཡས་པ་ཞེས་བྱ་བ་ནི་གཡོན་པ་དང་གཡས་པའི་རྩ་ལ་གནས་པ་ཐབས་དང་ཤེས་རབ་སྙོམས་པར་ཞུགས་པས། །དེ་དག་འདྲེས་པར་གྱུར་པས། །ཆོས་ཀྱི་དབྱིངས་ཀྱི་ཡེ་ཤེས་རྟོགས་པར་འགྱུར་ཞེས་རྟོགས་པར་བྱའོ། །ཇི་སྐད་དུ། སྐྱེ་གནས་
[157a.7]དབུས་ན་རྩ་གཉིས་ཏེ། །གཡོན་དང་གཡས་སུ་ཡང་དག་གནས། །གཡོན་པར་ཤུ་ཀྲ་ཞེས་བྱ་སྟེ། །གཡས་སུ་དེ་ཉིད་ཁྲག་ཉིད་དོ། །གཉིས་ཀ་འདྲེས་པར་ས་གཅིག་གྱུར། །ཆོས་ཀྱི་དབྱིངས་ཀྱི་འདུས་པའོ། །ཞེས་ལྷ་མོ་བཞིས་ཞུས་པའི་རྒྱུད་ལས་འབྱུང་ངོ་། །ཨ་ཨཱི་ཞེས་བྱ་བ་ལ་
[157b]
[157b.1]སོགས་པ་བཤད་ཟིན་ཏོ། །ཨ་ཀ་ཙ་ཊ་ཞེས་བྱ་བ་ལ་སོགས་པས་གཡུལ་དཀྲུགས་པའི་སྔགས་བསྟན་ཏོ། །ནང་གི་བཤད་པ་ཡང་། །ཨ་ཀ་ཙ་ཊ་ཏ་པ་ཡ་ཤ་ཞེས་སྡེ་ཚན་བརྒྱད་ཀྱི་དབུས་ན་གནས་པའི་ཡི་གེ་ཨ་གསུང་གི་རྡོ་རྗེའི་རང་བཞིན་ཅན་དངོས་གྲུབ་བརྒྱད་ཀྱི་རྒྱུ་ཡིན་པར་ཤེས་པར་བྱའོ། །
[157b.2]ཡང་གསང་བའི་བཤད་པ་ནི། ཨ་ཀ་ཙ་ཊ་ཞེས་བྱ་བ་ལ་སོགས་པ་ལ། ཤེས་རབ་འཆར་བའི་དུས་སུ་རྣམ་པར་ཤེས་པའི་ཚོགས་བརྒྱད་གནས་གྱུར་པས་དུར་ཁྲོད་བརྒྱད་ཀྱི་མཚན་ཉིད་བསྟན་ཏོ། །ཇི་སྐད་དུ། རྣམ་ཤེས་བརྒྱད་པོ་རྣམ་དག་པས། །དུར་ཁྲོད་བརྒྱད་ཀྱིས་ཡོངས་སུ་བསྐོར། །
[157b.3]གསང་བའི་གསང་བ་ལ་ཡང་། །ཨ་ཀ་ཙ་ཊ་ཞེས་བྱ་བ་ལ་སོགས་པ་ནི། །རེ་ལེར་གེའི་རྣལ་འབྱོར་ལས་འབྱུང་བ་དང་། ཨོཾ་ཏྲཾ་ཧྲཾ་ཁཾ་ཧཱུཾ་ལཱཾ་མཱཾ་པཱཾ་ཏཱཾ། ཆོས་ཀྱི་འཁོར་ལོ་ལ་ཞེས་བྱ་བ་ནི། ཕུང་པོ་དང་ཁམས་ལ་སོགས་པའི་ཆོས་དུ་མ་རྣམས། རྒྱུར་བསྡུས་པའམ་སྤྲོས་པ་ཡོངས་སུ་སྤང་བར་བྱ་བའི་
[157b.4]ཕྱིར། ཧཱུཾ་གཅིག་པུ་དགོད་པར་བྱ་བའི་དོན་ཏོ། །ནང་གི་བཤད་པ་ལ། རྣམ་པར་སྣང་མཛད་ལ་སོགས་པའི་དེ་བཞིན་གཤེགས་པ་ལྔ་དང་། ལྷ་མོ་བཞིའི་ས་བོན་བཞི་ཕུང་པོ་དང་ཁམས་རྣམ་པར་དག་པར་བྱ་བའི་ཕྱིར་ཆོས་ཀྱི་འཁོར་ལོ་ལ་དགོད་ཅེས་བྱ་བ་བསྟན་ཏོ། །གསང་བའི་
[157b.5]བཤད་པ་ནི། ཤེས་རབ་དང་འབྲེལ་བའི་དུས་སུ་ཨོཾ་ཏྲཾ་ཞེས་བྱ་བ་ལ་སོགས་པའི་རྫས་ཕུང་པོ་འབྱུང་བའི་རྩའི་འཁོར་ལོ་ཞེས་བྱ་བ་ནི། །རྩ་དབུས་མ་ལ་བཀོད་ནས་བསྒོམ་ཞེས་བྱ་བའི་དོན་ཏོ། །གསང་བའི་གསང་བ་བཤད་པ་ནི། །ཨོཾ་ཏྲཾ་ཞེས་བྱ་བ་ལ་སོགས་པའི་ཡི་གེ་དགུས་པོ་ལ་དང་ཀཀྐོ་
[157b.6]ལའི་དུས་སུ་དེ་བཞིན་གཤེགས་པ་དང་ལྷ་མོ་ཉེ་བར་དམིགས་པ་དེ་ཁོ་ན་དགོད་པའོ། །ཆོས་ཀྱི་འཁོར་ལོ་ཞེས་བྱ་བ་ནི་ཆོས་ཉིད་ལ་སྦྱར་བར་བྱ་སྟེ། །དེ་བཞིན་གཤེགས་པ་རྣམས་ཀྱང་ཡི་གེའི་ངོ་བོ་ཡིན་པའི་ཕྱིར་རོ། །ཀྵ་ར་ནི་གཡོ་བའོ། །ཨ་ནི་དགག་པའི་དོན་ཏོ། མི་གཡོ་ཞིང་མི་
[157b.7]ཤིགས་པས་ན་ཨ་ཀྵ་ར་སྟེ། དེ་བཞིན་ཉིད་བསྟན་ཏོ། །ཇི་སྲིད་དུ། བོ་ལ་ཀཀྐོ་ལའི་སྦྱོར་བ་ལས། །རེག་པས་སྲ་བའི་བག་ཆགས་ནི། །སྲ་བ་གཏི་མུག་ཆོས་ཀྱི་བདག །གཏི་མུག་རྣམ་པར་སྣང་མཛད་འདོད། །ཅེས་བྱ་བ་ལ་སོགས་པ་འབྱུང་ངོ་། །སླར་ཡང་དེ་ཉིད་དུ་གསུངས་པ།
[158a]
[158a.1]བོ་ལ་ཀཀྐོ་ལའི་སྦྱོར་བས། །དེ་ལས་ས་ནི་སྐྱ་བར་འགྱུར། །ཞེས་བྱ་བ་ལ་སོགས་པའི་ཚིག་ལས་ཁམས་ཀྱི་ལྷ་མོ་བཞི་ཤེས་པར་བྱའོ། །སྤྲུལ་པའི་འཁོར་ལོ་ལ་ནི་ཨ་ཞེས་བྱ་བ་ནི་སྔགས་ཐམས་ཅད་ཀྱི་སྐྱེ་བའི་རྒྱུ་ཡིན་པའི་ཕྱིར་སྤྲུལ་པའི་འཁོར་ལོའི་ལྟེ་བར་བསྒོམ་པར་བྱའོ། །
[158a.2]ཨོཾ་ཨཱ་ཨཱི་ཨ་ཨཱུ་ཨཱ། ལོངས་སྤྱོད་ཀྱི་འཁོར་ལོ་ལ་ཞེས་བྱ་བ་ནི། །ལོངས་སྤྱོད་ཀྱི་འཁོར་ལོ་ལ་ནི། །དཀྱིལ་དུ་ཨོཾ་གཙོ་བོ་སྟེ། འཇུག་པའི་རླུང་གི་མཚན་ཉིད། །འབྱུང་བ་ལས་གྱུར་ལྷ་མོ་ས་བོན་གྱིས་བསྐོར་བ་དེའི་རོ་ཉམས་སུ་མྱོང་བས་བརྗོད་དུ་མེད་པའི་མཚན་ཉིད་གསུང་གི་རྡོ་རྗེ་སྟེ་ཐབས་སུ་
[158a.3]བཤད་དོ། །བདེ་བ་ཆེན་པོའི་འཁོར་ལོ་ལ་ནི་ཧཾ་ངོ་ཞེས་བྱ་བ་ནི། བྱང་ཆུབ་ཀྱི་སེམས་ངོ་བོ་ཉིད་སེམས་ཀྱི་ཟླ་བ། སྲིད་པ་དང་མྱ་ངན་ལས་འདས་པའི་རྒྱུར་གྱུར་པའི་ཡི་གེ་ཧའི་གཟུགས་སུ་བསྒོམ་པར་བྱ་བ་ཡིན་ཏེ། བདེ་བ་ཆེན་པོའི་བརྗོད་པའི་ངོ་བོ་ཡིན་པའི་ཕྱིར་རོ། །དེ་གང་དུ་བསྒོམ་
[158a.4]ཞེ་ན། །བདེ་བ་ཆེན་པོའི་འཁོར་ལོར་ཞེས་པ་ནི། །སྤྱི་བོར་བསྒོམ་ཞེས་བྱ་བའི་དོན་ཏོ། །ད་ནི་རླུང་གི་དེ་ཁོ་ན་ཉིད་སྒོམ་པར་བྱེད་པའི་རྣལ་འབྱོར་པ་ལ། །དུས་མ་ཡིན་པའི་འཆི་བ་བཟློག་པ་བསྟན་པར་བྱ་བའི་ཕྱིར་རོ། །སྟེང་དང་འོག་ཏུ་སྲུང་བ་ཞེས་བྱ་བ་ནི། ར་དང་ཀྵ་ཞེས་ཡི་གེ་
[158a.5]གཉིས་པོ་སྲུང་བའི་དོན་དུ་དགོད་པར་བྱའོ། །སྟེང་དུ་ཞེས་བྱ་བ་ནི། དུང་འབུད་མའི་སྟེང་དུ་ཡི་གེ་རེ་ཕའོ། །འོག་ཏུ་ཞེས་བྱ་བ་ནི། དུང་འབུད་མའི་འོག་གི་ཆ་རུ་ཡི་གེ་ཀྵའོ། །དེ་ལྟར་རྡོ་རྗེ་མཁའ་འགྲོ་དང་། རྡོ་རྗེ་མཁའ་འགྲོ་མ་གཉིས་ཀྱི་ས་བོན་ཟླ་བ་དང་ཉི་མའོ་ཞེས་བྱ་བ་ནི། ཐབས་
[158a.6]དང་ཤེས་རབ་མིག་ལྟ་བུ་གཉིས་ཀྱིས་བསྲུང་ཞིང་བྱར་བྱའོ། །དེ་བཞིན་དུ་ཡང་སྟེང་གི་ཚངས་པའི་སྒོ་ཞེས་བྱ་བ་ཡི་གེ་གཉིས་ཀྱིས་བསྲུང་བར་བྱའོ། །དེ་ཅིའི་ཕྱིར་ཞེ་ན། སྟེང་དང་འོག་གི་སྒོ་གཉིས་གནད་ཕྱེ་བ་ཞེས་བྱ་བ་སྨོས་ཏེ། འཆི་བའི་དུས་སམ། །གཞན་གྱི་འཁྲུལ་འཁོར་གྱི་དུས་
[158a.7]སུ་སྟེང་ངམ་འོག་གི་སྒོ་གཉིས་ཕྱེ་ནས་སྲོག་འབྱུང་བར་འགྱུར་བས་དེའི་ཕྱིར་ན། གནད་ཀྱི་སྒོ་ཕྱེ་བ་ཞེས་བསྟན་པས། དེ་བསྲུང་བར་བྱ་ཞེས་དགོངས་སོ། །སྒོ་བསྲུང་བའི་རྗེས་ལ་སྲོག་དང་རྩོལ་བ་དང་རླུང་རྒྱུ་བའི་གནས་དང་། གྲངས་དང་། ངོ་བོ་དང་། དེ་ཁོ་ན་ཉིད་རབ་ཏུ་བསྟན་
[158b]
[158b.1]པར་བྱ་བའི་ཕྱིར། །འགྲོ་བ་དང་འོང་བ་ནི་རྣལ་འབྱོར་རྣམ་པ་བཞི་ཞེས་བྱ་བ་སྨོས་ཏེ། འགྲོ་བ་དང་འོང་བ་ནི་འབྱུང་བ་དང་འཇུག་པའི་མཚན་ཉིད་ཅན་གྱི་རླུང་གཉིས་སྣའི་རྩེ་མོར་ཡུངས་ཀར་གྱི་ཚད་ཙམ་དུ་བསམས་ལ་རླུང་གི་དེ་ཁོ་ན་ཉིད་ལ་གོམས་པར་བྱའོ། །ཇི་སྐད་དུ། སྣ་རྩེར་ཡུངས་ཀར་ཞེས་
[158b.2]བྱ་བ། སྲོག་དང་རྩོལ་བ་བརྟག་པའོ། །ཞེས་འབྱུང་ངོ་། །དེ་ཉིད་ཀྱི་འབྱུང་བ་བཞིའི་ངོ་བོ་ཉིད་ཀྱིས་རྣལ་འབྱོར་བཞི་རིག་པར་བྱའོ། །ཡང་བཤད་པ། སྙིང་གའི་དབུས་ཀྱི་རྩའི་ཕྱོགས་བཞིའི་ནང་དུ་རླུང་གི་ཚོགས་ཐིག་ལེའི་གཟུགས་སུ་བསྒོམས་ཏེ། དེའི་གཡས་པའི་ཆ་ལས་སྲོག་གི་
[158b.3]རླུང་འབྱུང་ཞིང་འཇུག་པ་དང་རྔུབ་པ་དང་། ཐིམ་པར་འགྱུར་ཞེས་རླུང་ལྔའི་དེ་ཁོ་ན་ཉིད་ལ་གོམས་པར་བྱའོ། །ཇི་སྐད་དུ། སེམས་ཅན་ཀུན་གྱི་སྲོག་འགྱུར་བ། །རླུང་ཞེས་བྱ་བ་ལས་ཀུན་བྱེད། །འདི་ནི་རྣམ་ཤེས་བཞོན་པ་སྟེ། །ལྔ་ཡི་བདག་ཉིད་བཅུ་ཡང་ཡིན། །ཞེས་འབྱུང་བས་སོ། །
[158b.4]ཡང་བཤད་པ། སྤྲུལ་པའི་འཁོར་ལོའི་ལྟེ་བར་ཆུད་པ་ཡི་གེ་ཨའི་གཡས་པའི་ལས་སྲོག་བསླང་སྟེ། སྟེང་གི་སྣའི་བུ་ག་གཡས་པ་ནས་ཕྱིར་སྤྲོས་ཏེ། སྔ་མ་བཞིན་དུ་ཐིམ་པར་བྱ་ཞེས་དགོངས་སོ། །གསང་བའི་གསང་བ་ནི། ཐབས་དང་ཤེས་རབ་སྙོམས་པར་ཞུགས་པ་ལས་བྱང་ཆུབ་ཀྱི་
[158b.5]སེམས་ཀྱི་ཐིག་ལེ། །གསང་བའི་སྣའི་རྩེ་མོར་སྤྲོས་ཏེ། རླུང་གི་དེ་ཁོ་ན་ཉིད་ལ་གོམས་པར་བྱའོ། །ཇི་སྐད་དུ། ཡེ་ཤེས་ལྔ་ཡི་རང་བཞིན་དབུགས། །འབྱུང་བ་ལྔ་ཡི་ངོ་བོ་ཉིད། །གོང་བུའི་གཟུགས་སུ་ཕྱུང་ནས་ནི། པདྨའི་སྣ་རྩེར་བརྟག་པར་བྱ། །ཞེས་བྱ་བ་ལ་སོགས་པ་ཤེས་པར་
[158b.6]བྱའོ། །རྒྱུ་བའི་རླུང་བཞིའི་མིང་བསྟན་པར་བྱ་བའི་ཕྱིར། །མྱུར་བ་དང་། རླངས་པ་དང་། རྣམ་པར་བཅིངས་པ་དང་། ཞི་བའོ་ཞེས་བྱ་བ་སྨོས་ཏེ། མྱུར་བ་ནི་འབྱུང་བའི་རླུང་ངོ་། །རླངས་པ་ནི་འཇུག་པའི་རླུང་ངོ་། །རྣམ་པར་བཅིངས་པ་ནི་གནས་པའི་མཚན་ཉིད་དོ། །ཞི་བ་ནི་རིམ་གྱིས་
[158b.7]ཐིམ་ཞིང་འགོག་པར་གྱུར་པ་ལྔ་པ་ཞེས་བྱ་བའི་དོན་ཏོ། །དེ་ལྟ་བུ་རླུང་གི་དེ་ཁོ་ན་ཉིད་ལ་དམིགས་ཏེ་ཇི་བཞིན་བཤད་པའི་གནས་མི་འདོར་ཞིང་། །རླུང་ལ་དབང་བ་ཐོབ་ནས་ལས་ཀྱི་རབ་འབྱམ་དང་རྗེས་སུ་མཐུན་པའི་ཁ་དོག་གིས། །འབྱུང་བ་དང་། འཇུག་པ་ལ་སོགས་པ་དག་གིས་འགྲོ་བའི་
[159a]
[159a.1]དོན་བྱའོ། །གནས་དང་གྲངས་སོ་སོར་བསྟན་པར་བྱ་བའི་ཕྱིར། །སྟེང་དང་འོག་དང་ལོགས་དྲང་པོ་དག་གོ་ཞེས་བྱ་བ་སྨོས་ཏེ། །སྟེང་ནི་ཐིག་ལེའི་སྤྱི་བོའི་ཕྱོགས་སོ། །ལོགས་ནི་གཡོན་པ་དང་གཡས་པ་དག་གོ། །དྲང་པོ་ཞེས་བྱ་བ་ནི། དབུས་ཀྱི་ཆང་གཟུངས་ཀྱི་གནས་སོ། །
[159a.2]འོག་ཅེས་བྱ་བ་ནི་འོག་གི་ཆའོ། །དེ་ལྟར་ས་དང་ཆུ་དང་མེ་དང་རླུང་དང་ནམ་མཁའ་ཞེས་བྱ་བའི་གནས་ལྔ། །དེ་དང་འབྲེལ་པའི་ཕུང་པོ་ལྔའི་རྒྱུར་གྱུར་པ། དེ་བཞིན་གཤེགས་པ་ལྔའི་ངོ་བོ་ཉིད་སྲོག་དང་རྩོལ་བ་དང་མཉམ་པ་དང་། ཁྱབ་པ་དང་། གླིང་བཞིར་གྱུར་པ་དང་། གྱེན་དུ་རྒྱུ་བའི་ཡན་ལག་གི་
[159a.3]རླུང་དང་བཅས་པར་ངེས་པར་བྱུང་ནས་ལས་གཉིས་གཉིས་བྱེད་པར་འགྱུར་ཞེས་བསྟན་ཏོ། །ཇི་སྐད་དུ། སྟེང་གི་སྣ་ལས་ངེས་འབྱུང་ཞིང་། །གཡས་དང་གཡོན་དང་གཉི་ག་དང་། །དལ་བ་དང་ནི་རྣམ་བཞིར་འགྱུར། །ནང་གི་དུས་ནི་ཡིན་པར་བཤད། །འགྲོ་སྙིང་ལྟེ་བ་གསང་པདྨར། །འགྲོ་
[159a.4]བ་དང་ནི་འོང་བ་བསྟན། །ཐུན་ནི་ཕྱེད་ཕྱེད་དུས་དག་ཏུ། །གོ་རིམས་ཇི་བཞིན་གནས་པར་བསྟན། །གཡས་པ་ནས་ནི་འབྱུང་བའི་འོད། །མེ་ཡི་དཀྱིལ་འཁོར་ཉིད་ཡིན་ཏེ། །གསལ་ཞིང་ཁ་དོག་དམར་བ་ནི། །པདྨའི་མགོན་པོའི་རྒྱུ་བའོ། །གཡོན་པ་ནས་ནི་འབྱུང་བའི་འོད། །རླུང་གི་
[159a.5]དཀྱིལ་འཁོར་ལ་གནས་པ། ལྗང་སེར་དག་ཏུ་སྣང་བ་སྟེ། །ལས་ཀྱི་མགོན་པོའི་རྒྱུ་བའོ། །གཉི་ག་ལ་ནི་འབྱུང་བའི་འོད། །ཁ་དོག་སེར་པོ་གསལ་བ་ཆེ། །དབང་ཆེན་དཀྱིལ་འཁོར་ཉིད་ཡིན་ཏེ། །རིན་ཆེན་མགོན་པོའི་རྒྱུ་བའོ། །དལ་ཞིང་དམན་པར་རྒྱུ་བ་ནི། །དཀར་ཞིང་ཀུན་ད་ཟླ་བ་
[159a.6]མཚུངས། །ཆུ་ཡི་དཀྱིལ་འཁོར་ཉིད་ཡིན་ཏེ། །རྡོ་རྗེ་མགོན་པོའི་རྒྱུ་བའོ། །ལུས་ཀུན་ལ་ནི་གནས་པའི་རླུང་། །བྱ་བ་ཀུན་ལ་འཇུག་བྱེད་པ། །འདི་ནི་རྣམ་སྣང་རང་བཞིན་ཏེ། །ཤི་བའི་ལུས་ལས་འབྱུང་བར་འགྱུར། །རླུང་གི་དེ་ཉིད་གསལ་བ་འདི། །ཡེ་ཤེས་ལྔ་ཡི་ངོ་བོ་ཉིད། །རྣལ་
[159a.7]འབྱོར་ནུས་པའི་ཡུལ་མིན་ཞིང་། །རྟོག་གེ་པ་ཡིས་མི་ཤེས་སོ། །དེ་ལྟར་རླུང་གི་དེ་ཁོ་ན་ཉིད་ཀྱི་རྗེས་སུ་འབྲང་ཞིང་། །སྔགས་ཀྱི་དེ་ཁོ་ན་ཉིད་དང་། རྡོ་རྗེ་བཟླས་པ་གོམས་པར་བྱ། །ཞེས་སློབ་དཔོན་གྱིས་མཚོན་པར་མཛད་དེ། །རླུང་གི་དེ་ཁོ་ན་ཉིད་དང་། །སྔགས་ཀྱི་དེ་ཁོ་ན་ཉིད་སྔོན་དུ་འགྲོ་བའི་རྡོ་རྗེ་
[159b]
[159b.1]བཟླས་པའི་མན་ངག་གི་རིམ་པ་བསྟན་པར་བྱ་སྟེ། །དེ་ཡང་རླུང་འཇུག་པ་དང་། གནས་པ་དང་། ལྡང་བའི་མཚན་ཉིད་ཅན། །གསུམ་པོ་སྐུ་དང་གསུང་དང་ཐུགས་ཀྱི་ངོ་བོར་བསྡུས་ལ། །ཡི་གེ་གསུམ་གྱི་སྔགས་སུ་བསྒོམ་པའམ། རང་དད་པའི་ལྷའི་སྔགས་ཀྱི་ཕྲེང་བར་སྦྱར་ན། དོན་རྟོགས་པ་
[159b.2]ལ་སོགས་པའི་ཡན་ལག་དང་། ཉེ་བའི་ཡན་ལག་དང་། ཉིང་ལག་རྣམས་ཀྱིས་མ་ཉམས་པའི་རྡོ་རྗེ་བཟླས་པ་ཉི་ཁྲི་ཆིག་སྟོང་དྲུག་བརྒྱ་ཉིན་དང་མཚན་དུ་དཀྱིལ་འཁོར་བཞིའི་གྲངས་ཀྱིས། གོས་དཀར་ལ་སོགས་པའི་རང་བཞིན་དུ་ཤེས་པར་བྱའོ། །ཇི་སྐད་དུ། དོན་རྟོགས་པ་ཡི་བཟླས་པ་
[159b.3]ནི། །ངོ་བོ་ཉིད་མེད་ཡིད་འོང་བས། །དུས་གསུམ་སངས་རྒྱས་རྟོགས་པས་ན། །རྡོ་རྗེ་བཟླས་པར་དེ་བཤད་དོ། །སློང་མོ་ཟ་ཞིང་མི་བཟླ་སྟེ། །མ་བླངས་པ་ལ་ཆགས་མི་བྱ། །འདོད་པ་ཀུན་ལ་ལོངས་སྤྱོད་ཅིང་། །སྔགས་ཀྱི་ཡན་ལག་བཟླ་བར་བྱ། །གོས་དཀར་ལ་སོགས་བཟླས་
[159b.4]བཤད་པ། །བརྒྱ་ཕྲག་གཉིས་དང་ཉི་ཤུ་ལྔ། །བཞི་པོ་ལེགས་པར་བསྒྲེས་ནས་ནི། །སྦྱོར་བཞི་བསྡུས་པས་བརྒྱ་ཕྲག་དགུ། །དགུ་བརྒྱ་དག་ཏུ་གང་བསྟན་པ། །ཉི་ཤུ་རྩ་བཞིའི་རིམ་གྱིས་ནི། །དེ་ནི་སོ་སོར་འབྱུང་བ་ལས། །ཉི་ཁྲི་ཆིག་སྟོང་དྲུག་བརྒྱའོ། །ཞེས་འབྱུང་བས་སོ། །དེ་ལྟར་
[159b.5]སེམས་ལ་དམིགས་པ་ཐོབ་པར་བྱེད་པ་རྡོ་རྗེ་བཟླས་པས། །ཕྱིའི་བཟླས་པ་གཡེང་བ་ཅན་བཀག་ནས། །གཞན་བསྐྱེད་པའི་རིམ་པ་སྤྲོས་པ་ཅན་གྱིས་བསྒོམ་པ། །དངོས་པོའི་ཁྱད་པར་དགག་པར་བསྟན་པར་བྱ་བའི་ཕྱིར། །ཏིང་ངེ་འཛིན་གསུམ་ཞེས་བྱ་བ་སྨོས་ཏེ། སྔོན་དུ་བཤད་པའི་དྲུང་གི་དེ་ཁོ་
[159b.6]ན་ཉིད་དུ་ཏིང་ངེ་འཛིན་གསུམ་པོ་ཡང་དག་པར་བསྡུས་ཏེ། ཇི་ལྟར་ཞེ་ན། དང་པོའི་སྦྱོར་བ་ཞེས་བྱ་བ་སྨོས་ཏེ། སྣའི་རྩེ་མོར་སྲོག་དང་རྩོལ་བ་དག་གོང་བུའི་གཟུགས་སུ་བསྒོམ་པ་ནི་དང་པོའི་སྦྱོར་བའོ། །དཀྱིལ་འཁོར་རྒྱལ་བ་མཆོག་གི་ཏིང་ངེ་འཛིན་ཞེས་བྱ་བ་ནི། །སྙིང་གར་རྩ་ལྔའི་འཁོར་ལོའི་
[159b.7]དབུས་སུ་ཐིག་ལེ་ལྔ་བསམས་ནས། ཆོས་ཀྱི་དབྱིངས་ཀྱི་ཡེ་ཤེས་འབར་བར་འགྱུར། །ཞེས་དཀྱིལ་འཁོར་གྱི་མཚན་ཉིད་བསྟན། །ཐིག་ལེ་ཐམས་ཅད་ཉེ་བར་བསྡུས་པས། །རང་རིག་པའི་ཡེ་ཤེས་འབར་བའི་དུས་སུ། །མཚན་མ་མཐོང་བ་ནི། །ལས་ཀྱི་རྒྱལ་བ་མཆོག་
[160a]
[160a.1]གི་ཏིང་ངེ་འཛིན་བསྟན་ཏོ། །སླར་ཡང་བཤད་པ། དང་པོའི་སྦྱོར་བ་ཞེས་བྱ་བ་ལ། འཁོར་ལོ་བཞི་བསྒོམ་མོ། །དཀྱིལ་འཁོར་རྒྱལ་བ་མཆོག་གི་ཏིང་ངེ་འཛིན་ཞེས་བྱ་བ་ནི། འཁོར་ལོའི་དབུས་སུ་དེ་བཞིན་གཤེགས་པ་དང་། ལྷ་མོ་རྣམས་ཀྱི་ས་བོན་བཀོད་
[160a.2]པའོ། །ལས་ཀྱི་རྒྱལ་བ་མཆོག་གི་ཏིང་ངེ་འཛིན་ཞེས་བྱ་བ་ནི། མཁའ་འགྲོ་མ་སྤྲོ་བར་བྱ་བ་སྟེ། ཕུང་པོ་དང་ཁམས་དང་སྐྱེ་མཆེད་ལ་སོགས་པ་སྣང་བ་མེད་པར་བྱའོ། །གསང་བའི་བཤད་པ་ལ་ཡང་། །དང་པོའི་སྦྱོར་བ་ཞེས་བྱ་བ་ནི། །རྡོ་རྗེ་དང་པདྨ་བྱིན་གྱིས་བརླབ་པའོ། །དཀྱིལ་
[160a.3]འཁོར་རྒྱལ་བ་མཆོག་གི་ཏིང་ངེ་འཛིན་ཞེས་བྱ་བ་ནི། བྷ་གའི་དབུས་སུ་རྩ་ལྔའི་འཁོར་ལོ་ལ་དམིགས་ཏེ། བདུད་རྩི་ལྔའི་འཁོར་ལོ་ངོ་བོ་ཉིད་དུ་སྤྲོ་བའོ། །ལས་ཀྱི་རྒྱལ་བ་མཆོག་གི་ཏིང་ངེ་འཛིན་ཞེས་བྱ་བ་ནི། རྩ་ལྔའི་སྦུབས་ལས་ཐིག་ལེ་གཅིག་ཏུ་འགུགས་ཏེ་འཛིན་པའོ། །
[160a.4]གསང་བའི་གསང་བ་བཤད་པ་ནི། དང་པོའི་སྦྱོར་བ་ཞེས་བྱ་བ་ལ། སྲུབ་དང་བསྲུབ་བྱའི་སྦྱོར་བའོ། །དཀྱིལ་འཁོར་རྒྱལ་བ་མཆོག་གི་ཏིང་ངེ་འཛིན་ཞེས་བྱ་བ་ནི། བྱང་ཆུབ་ཀྱི་ཐིག་ལེ་ལས་སངས་རྒྱས་ཐམས་ཅད་འདུ་ཤེས་ཡོངས་སུ་ཤེས་པའོ། །ལས་ཀྱི་རྒྱལ་བ་མཆོག་གི་ཏིང་ངེ་འཛིན་ཞེས་
[160a.5]པ་ནི། རྡོ་རྗེ་ལས་ཀྱི་ཕ་རོལ་ཏུ་ཕྱིན་པས་རང་རིག་པའི་བདེ་བ་མྱོང་བའོ། །བསྐྱེད་པའི་རིམ་པའི་བསྒོམ་པ་བཀག་ནས། ད་ནི་ཕྱིའི་རབ་ཏུ་གནས་པ་དང་། བསྙེན་པ་ལ་སོགས་པ་དང་། འབྲས་བུ་ལ་སོགས་པ་ནང་གི་བདག་ཉིད་དུ་འདུས་པའི་ཕྱིར། འདི་ལྟར་སྤྱན་དྲང་བ་དང་ཞེས་བྱ་བ་ནི།
[160a.6]འཇུག་པའི་རླུང་གིས་སངས་རྒྱས་ཐམས་ཅད་མེ་ལོང་ལྟ་བུའི་ཡེ་ཤེས་ལ་འདུས་པའི་ཕྱིར་རོ། །གཤེགས་སུ་གསོལ་བ་ཞེས་བྱ་བ་ནི། ལྡང་བའི་རླུང་གི་སངས་རྒྱས་ཐམས་ཅད་ཀྱི་རང་བཞིན་ཤིན་ཏུ་རྣམ་པར་དག་པ་ཉིད་དུ་འགྲོ་བ་རྣམས་སོ་སོར་སྣང་བའི་ཕྱིར་རོ། །བཞུགས་སུ་གསོལ་བ་ཞེས་བྱ་
[160a.7]བ་ནི། གནས་པའི་རླུང་གིས་སངས་རྒྱས་ཐམས་ཅད་མངོན་དུ་སོ་སོར་ཀུན་དུ་རྟོག་པའི་ངོ་བོ་ཉིད་དུ་རབ་ཏུ་གནས་པ་ནི་བཞུགས་སུ་གསོལ་བ་ཞེས་བྱ་བའི་དོན་ཏོ། །དེ་ལ་རབ་ཏུ་གནས་པའི་འབྲས་བུ་ཞེས་བྱའོ། །རིམ་གྱིས་རིམ་གྱིས་རླུང་རྣམ་པར་ཞི་ཞིང་ཐིམ་པར་གྱུར་པ་ནི། །བླ་ན་མེད་པའི་
[160b]
[160b.1]དངོས་གྲུབ་ཉིད་དུ་ཤེས་པར་བྱ་ཞེས་དགོངས་སོ། །ཇི་སྐད་དུ། །འཇུག་པ་ཡིས་ནི་སྤྱན་དྲངས་ཏེ། །མྱུར་བ་ཡིས་ནི་གཤེགས་སུ་གསོལ། །གནས་པ་ཡིས་ནི་བཞུགས་སུ་གསོལ། །རྣམ་བཞི་བླ་མེད་དངོས་གྲུབ་བོ། །ཞེས་འབྱུང་ངོ་། །སླར་ཡང་བཤད་པ། སྤྱན་དྲངས་པ་ཞེས་བྱ་བ་ལ།
[160b.2]རྡོ་རྗེ་མཁའ་འགྲོ་མ་བསྐུལ་བའོ། །གཤེགས་སུ་གསོལ་ཞེས་བྱ་བ་ནི། །འཇིག་རྟེན་གྱི་ཁམས་མཐའ་ཡས་སུ་སྤྲོ་བའོ། །བཞུགས་སུ་གསོལ་བ་ཞེས་བྱ་བ་ནི། སྤུ་རིའི་ཡི་གེ་ལ་འཇུག་པ་སྟེ། རབ་ཏུ་གནས་པར་ཤེས་པར་བྱའོ། །རང་རིག་ཙམ་དུ་ངལ་སོ་པ་ནི་བླ་ན་མེད་པའི་དངོས་གྲུབ་བོ། །
[160b.3]གསང་བའི་བཤད་པ་ནི། སྤྱན་དྲངས་བ་ཞེས་བྱ་བ་ལ་ཤེས་རབ་ལ་འཁྱུད་པའོ། །གཤེགས་སུ་གསོལ་བ་ཞེས་བྱ་བ་ནི། དགའ་བྲལ་གྱི་གནས་སྐབས་སུ་སངས་རྒྱས་ཀྱི་གཟུགས་སུ་སྤྲོ་བའོ། །དེའི་གོང་བུ་ཐིག་ལེ་འཛིན་པ་ནི་རབ་ཏུ་གནས་པར་ཤེས་པར་བྱའོ། །དཔེ་ལྷན་ཅིག་སྐྱེས་པ་གྲུབ་
[160b.4]པ་ནི་རབ་ཏུ་གནས་པའི་འབྲས་བུ་རྟོགས་པར་བྱའོ། །ཡང་བཤད་པ་སྤྱན་དྲངས་པ་ཞེས་བྱ་བ་ནི། འདོད་ཆགས་ཆེན་པོའི་ཏིང་ངེ་འཛིན་ལ་གནས་ཏེ། འདོད་ཆགས་ཐམས་ཅད་དགུག་པའོ། །གཤེགས་སུ་གསོལ་བ་ཞེས་བྱ་བ་ནི་དེ་བཞིན་གཤེགས་པ་དང་ལྷ་མོ་དང་ཁྲོ་བོའི་གཟུགས་སུ་སྤྲོ་
[160b.5]བའོ། །གཤེགས་སུ་གསོལ་བ་ཞེས་བྱ་བ་ནི། ཁུ་བའི་ཐིག་ལེའི་ངོ་བོ་ཉིད་དུ་བསམས་པ་ནི་རབ་ཏུ་གནས་པ་ཤེས་པར་བྱའོ། །དེ་ལ་གཤེགས་སུ་གསོལ་བ་ནི་བཞུགས་སུ་གསོལ་བའི་གོ་རིམས་བཟློག་ནས་ཤེས་པར་བྱའོ། །སྤྱན་དྲངས་མ་ཐག་པར་རབ་ཏུ་གནས་པའི་ཕྱིར་རོ། །དེས་ན་གཤེགས་
[160b.6]སུ་གསོལ་བའི་རྗེས་ལ་ཡང་ལྷ་མོ་དང་ཁྲོ་བོའི་གཟུགས་ཀྱིས་སེམས་ཅན་ཐམས་ཅད་ཀྱི་རེ་བ་སྣ་ཚོགས་ཡོངས་སུ་སྐོང་བ་ནི་རབ་ཏུ་གནས་པའི་འབྲས་བུར་ཤེས་པར་བྱའོ། །བསྙེན་སྒྲུབ་ཀྱི་ཡན་ལག་བཞི་པོ་ཡང་ནང་གི་དོན་དུ་བཤད་པར་བྱ་སྟེ། །བསྙེན་པ་ཞེས་བྱ་བ་ནི། །ཚིག་སྙན་པ་རྣམས་
[160b.7]ཀྱང་ཤེས་རབ་མ་མཉེས་པར་བྱེད་པའོ། །ཉེ་བར་སྒྲུབ་པ་ཞེས་བྱ་བ་ནི། །དེ་ལ་དམིགས་ཏེ་རྣལ་འབྱོར་དང་བསྒོམས་པས་རངས་པ་བསྐྱེད་པའོ། །སྒྲུབ་པ་ཞེས་བྱ་བ་ནི། ཡོངས་སུ་ཙུམྦ་ན་དང་འོ་མ་འཛིན་པ་ལ་རེག་པའོ། །སྒྲུབ་པ་ཆེན་པོ་ཞེས་བྱ་བ་ནི། དེའི་སྣང་བས་དགའ་ཆེན་གྱི་སྦྱོར་
[161a]
[161a.1]བའོ། །ཇི་སྐད་དུ། རྩོམ་པས་རྒྱས་པའི་རོལ་བྱེད་མས། །སྐྱེས་པ་གཞན་ནི་ཕྱིས་མི་འདོད། །བསྒོམས་པས་མཉེས་པའི་རོལ་བྱེད་མས། །རྣལ་འབྱོར་པ་གཞན་འདོད་མི་འགྱུར། །ཞེས་འབྱུང་ངོ་། །སླར་ཡང་བཤད་པ་བསྙེན་པ་ཞེས་བྱ་བ་ལ། སྔོན་དུ་བཤད་པའི་ཕྱག་
[161a.2]རྒྱའི་བྷ་གའི་གཡོན་ཕྱོགས་ན་གནས་པའི་ཤ་ཤི་ན་དི་མིག་གི་ཕྱག་རྒྱས་དགུག་པའོ། །འདོད་ཆགས་ཆེན་པོའི་དེ་ཁོ་ན་ཉིད་བསྐུལ་བ་ལ་བསྙེན་པར་བཤད་དོ། །ཉེ་བར་སྒྲུབ་པ་ཞེས་བྱ་བ་ནི། ཛི་ཧྭ་འཇུག་པའོ། །སྒྲུབ་པ་ཞེས་བྱ་བ་ནི། གནམ་ལྕགས་དང་འདམ་སྐྱེས་ཕྲད་པའོ། །སྒྲུབ་པ་
[161a.3]ཆེན་པོ་ཞེས་བྱ་བ་ནི། དགའ་བ་དམ་པའོ། །ཇི་སྐད་དུ། ཅུང་ཟད་སོར་མོས་བསྐུལ་བར་བྱ། །སླར་ཡང་ལྕེ་ཡི་གཙག་བུ་ཡིས། །བདེ་བ་དམ་པ་རབ་རྒྱུ་བའི། །རྩ་དེ་ཤིན་ཏུ་རྒྱས་པར་འགྱུར། །ཞེས་འབྱུང་ངོ་། །ཡང་གསུངས་པ། གང་ཡང་རུང་བ་ཐོབ་གྱུར་ནས། །ལང་ཚོ་རོ་ཡིས་རབ་རྒྱས་
[161a.4]པ། །རྗེས་སུ་མཐུན་ཞིང་གཡོ་སྒྱུ་མེད། །བསྙེན་པའི་ཚིག་གིས་མ་ཉེས་བྱས་པ། །ཡོངས་སུ་བརྩམས་དང་ཨ་དྷར་མྱང་། །དེ་ལ་སོགས་པའི་ལས་རྣམས་ཀྱིས། །རིག་མ་དབེེན་པར་མཉེས་བྱས་ཏེ། །དེ་ནས་ཡིད་འབྱུང་སད་པར་བྱ། །མཛུབ་མོ་གུང་མོས་མནན་བྱས་ཏེ། །བཙིར་ཞིང་ལྟེ་
[161a.5]བར་དྲང་བར་བྱ། །གྲང་མིན་རེག་པ་རྙེད་པ་རུ། །རྙེད་པས་དེ་བཞིན་དགྱེས་པར་འགྱུར། །ཞེས་འགྲོ་བ་རབ་ཏུ་འབྱེད་པ་ལས་འབྱུང་ངོ་། །དེ་ལ་ཡང་གསུངས་པ། བསྙེན་པ་ཞེས་བྱ་བ་ལ་སོགས་པ་ལ། བསྒྲུབ་བྱ་སྒྲུབ་བྱེད་སྦྱོར་བ་ཡིས། །གང་ཕྱིར་བསྙེན་པ་ཞེས་བརྗོད་དོ། །རྡོ་རྗེ་པདྨ་མཉམ་
[161a.6]སྦྱོར་ནི། །དེ་ཉིད་ཉེ་བར་སྒྲུབ་པར་འདོད། །ཡི་གེ་ཧཱུཾ་དང་ཕཊ་བཅས་ནི། །བསྒྲུབ་པ་བསྐྱོད་པར་གསུངས་པ་ཡིན། །རང་བདེ་ཞི་བ་རང་ངོ་བོ། །བསྒྲུབ་པ་ཆེན་པོ་ཡིན་པར་འདོད། །ཅེས་གསང་བ་འདུས་པ་ལས་གསུངས་སོ། །གསང་བའི་གསང་བར་བཤད་པ་ནི། །བསྙེན་པ་ཞེས་བྱ་བ་ལ།
[161a.7]ཕྱག་རྒྱ་ཆེན་པོའི་དབང་བསྐུར་བའི་དུས་སུ་ནི། བདེ་བ་ཆེན་པོའི་ཡེ་ཤེས་དྲན་པའོ། །དེའི་སྟོབས་ཀྱིས་བོ་ལའི་ནང་དུ་འཇུག་པ་ནི་ཉེ་བར་སྒྲུབ་པའོ། །རྡོ་རྗེ་སྐྱེ་མཆེད་ནི་སྒྲུབ་པའོ། །དེ་ཉིད་འཛིན་པ་ནི་སྒྲུབ་པ་ཆེན་པོའོ། །བོ་ལའི་བདེ་བ་ཕྱག་རྒྱ་ཆེ། །རྡོ་རྗེའི་སྐྱེ་མཆེད་ཐབས་སུ་བཤད། །ནང་གི་
[161b]
[161b.1]སྙོམས་པར་འཇུག་པ་འདིས། །ཕྱི་ཡི་གཉིས་གཉིས་མ་བསྟན་ཏོ། །ཞེས་དགྱེས་པའི་རྡོ་རྗེ་ལས་འབྱུང་ངོ་། །རྣལ་འབྱོར་གྱི་འབྲས་བུ་བསྟན་པར་བྱ་བའི་ཕྱིར། འབྲས་བུ་བཞི་ཞེས་བྱ་བ་སྨོས་ཏེ། རྒྱུ་མཐུན་པ་ནི་ལྟེ་བ་ཆགས་པའི་ཀུན་གཞི་རྣམ་པར་ཤེས་པ་སྟེ། མི་གསལ་བར་བསྟན་ཏེ།
[161b.2]སྔ་མ་དང་ཕྱི་མའི་བག་ཆགས་རྣམས་མི་གསལ་བའི་ཕྱིར་རོ། །རྣམ་པར་སྨིན་པ་ཞེས་བྱ་བ་ནི། ཡིད་ཀྱི་རྣམ་པར་ཤེས་པ་སྙིང་གར་གསལ་བ་ཡིན་ཏེ། གསལ་བར་ཉམས་སུ་མྱོང་བ་ནི། རྣམ་པར་སྨིན་པའི་མཚན་ཉིད་ཡིན་པའི་ཕྱིར་རོ། །སྐྱེས་བུ་བྱེད་པ་ཞེས་བྱ་བ་ནི། མགྲིན་པར་སྒོ་ལྔའི་
[161b.3]རྣམ་པར་ཤེས་པའི་རྩོལ་བས་འདོད་པའི་ཡོན་ཏན་ལོངས་སྤྱོད་བསྒྲུབས་པ་ནི། སྐྱེས་བུ་བྱེད་པའི་འབྲས་བུ་བསྟན་ཏེ། བཟའ་བ་པོ་དང་། བཟའ་བའི་མཚན་ཉིད་ཡིན་པའི་ཕྱིར་རོ། །དབང་གི་འབྲས་བུ་ཞེས་བྱ་བ་ནི། སྤྱི་བོར་ཆགས་པའི་ཡིད་ཀྱི་རྣམ་པར་ཤེས་པས་ཚོགས་ཀྱི་སྐྱེ་མཆེད་དུ་
[161b.4]ཤིན་ཏུ་དབང་བྱེད་པས་ན། ཡིད་ཀྱི་རྣམ་པར་ཤེས་པ་ནི་དབང་གི་འབྲས་བུའོ། །དེ་ལྟར་འཁོར་བའི་འབྲས་བུ་བསྟན་ནས། ད་ནི་བྱང་ཆུབ་པའི་གནས་སྐབས་སུ། ཐར་པའི་འབྲས་བུ་རྣམ་པ་བཞི། སློབ་དཔོན་གྱི་ངག་ལས་འདི་ལྟར་རྟོགས་པར་བྱ་སྟེ། སྤྲུལ་པའི་འཁོར་ལོར་ཟག་པ་མེད་པ་
[161b.5]ས་བོན་གྱི་ཚུལ་ཅན་ཡི་གེ་ཨ་ལ་དམིགས་ཏེ། འོད་གསལ་བའི་ཡེ་ཤེས་ནི་རྒྱུ་མཐུན་པའི་འབྲས་བུ་བསྟན་ཏོ། །རྒྱུ་རྣམ་པར་དག་པ་ལས། འབྲས་བུ་རྣམ་པར་དག་པ་སྐྱེ་བར་འགྱུར་ཞེས་དགོངས་སོ། །དེ་ཉིད་ལྟ་བ་བདག་ཏུ་འཛིན་པ་ལ་སོགས་པའི་ཉོན་མོངས་པ་ཆོས་ཀྱི་འཁོར་ལོར་བསྲེག་པར་བྱ་
[161b.6]སྟེ། ཡེ་ཤེས་ཀྱི་སྣང་བའི་ཁྱད་པར་ཉིད་ཀྱིས་རྣམ་པར་སྨིན་པ་འབྲས་བུར་བཤད་དོ། །འདོད་པའི་ཡོན་ཏན་ལྔ་གནས་སུ་གྱུར་པའི་མཚན་ཉིད་ཅན། བྱ་བ་ནན་ཏན་གྲུབ་པའི་ཡེ་ཤེས་ཀྱིས། སེམས་ཅན་མ་ལུས་པའི་དོན་བྱས་ནས། ལོངས་སྤྱོད་ཀྱི་འཁོར་ལོར་དག་གི་སྤྲོས་པ་ཐམས་ཅད་ལས་
[161b.7]ལོག་པར། བརྗོད་པའི་ངོ་བོ་མེད་པ་ཉིད་དུ་གནས་པ་ནི་སྐྱེས་བུ་བྱེད་པའི་འབྲས་བུའོ། །ཇི་སྐད་དུ། ཡང་དག་པའི་ཤེས་པ་སྔོན་དུ་འགྲོ་བ་ནི། སྐྱེས་བུ་མེད་པའི་དོན་ཐམས་ཅད་གྲུབ་པར་བྱེད་པ་ཞེས་བྱ་བ་ལ་སོགས་པ་འབྱུང་ངོ་། །སྔོན་དུ་བཤད་པའི་འོད་གསལ་བའི་ཡེ་ཤེས་འབར་བར་གྱུར་པས། བདེ་
[162a]
[162a.1]བ་ཆེན་པོའི་འཁོར་ལོ་ལ་གནས་པའི་འདོད་ཆགས་ཀྱི་དྲི་མའི་རི་བོང་འཛིན་པ་ཟག་པ་དང་བཅས་པ་སོ་སོར་རྟོག་པའི་ཡེ་ཤེས་ཀྱི་མེས་བསྲེགས་ཏེ། ཟག་པ་མེད་པའི་བྱང་ཆུབ་ཀྱི་སེམས་ཀྱི་མཚན་ཉིད་ནི། དྲི་མ་མེད་པའི་འབྲས་བུའམ་དབང་གི་འབྲས་བུ་ཞེས་བྱ་སྟེ། རྣལ་འབྱོར་
[162a.2]གྱི་དངོས་གྲུབ་ཀྱི་འབྲས་བུར་ཤེས་པར་བྱའོ། །གསང་བའི་བཤད་པ་ལ་ཡང་། སྔགས་ཀྱི་ཐེག་པ་འདིར་དབང་པོ་གཉིས་ལ་སོགས་པའི་བདེ་བ་ལ་བརྟེན་ཏེ། བདེ་བ་ཆེན་པོ་ཐོབ་པ་ནི་རྒྱུ་མཐུན་པའི་འབྲས་བུ་སྟེ། བདེ་བ་ལས་བདེ་བ་འབྱུང་བའི་ཕྱིར་ཏེ། ཡོངས་སུ་རྫོགས་པའི་རྣལ་འབྱོར་བ་ལ་
[162a.3]དེ་ཉིད་ལོངས་སྤྱོད་དུ་གྱུར་པས་ནི། རྣམ་པར་སྨིན་པའི་འབྲས་བུའོ། །དེའི་མི་མཐུན་པའི་ཕྱོགས་སྤོང་བ་ནི། སྐྱེས་བུ་བྱེད་པའི་འབྲས་བུ་སྟེ། མི་མཐུན་པའི་ཕྱོགས་ལས་རྒྱལ་བ་ནི། སྐྱེས་བུ་བྱེད་པའི་འབྲས་བུ་ཡིན་ཞེས་རིགས་པའོ། །དེ་བས་ན་མཐའ་མེད་པའི་བདེ་བ་ལ་གནས་པ་ནི།
[162a.4]དྲི་མ་མེད་པའི་འབྲས་བུ་སྟེ། རྟོག་པ་མེད་པའི་ཕྱིར། དགྲ་དང་རྩོད་པའི་དྲི་མ་བཀྲུས་པའི་སྐྱེས་བུ་ལྟར་རོ། །གསང་བའི་གསང་བ་བཤད་པ་ནི། ཤེས་རབ་དང་འབྲེལ་པས་བྱང་ཆུབ་ཀྱི་ས་བོན་ཟག་པ་ནི། རྒྱུ་མཐུན་པའི་འབྲས་བུ་སྟེ། སྤྱན་དུ་ཟག་པར་བྱེད་པའི་དོན། །ཞེས་སྐད་ཅིག་
[162a.5]དབྱིངས་ལས་འབྱུང་བའི་ཕྱིར་རོ། །རྣམ་པར་སྨིན་པའི་འབྲས་བུ་ཞེས་བྱ་བ་ནི། ཐིག་ལེ་ཐམས་ཅད་གཅིག་ཏུ་གྱུར་པའོ། །ཡང་ཡོངས་སུ་སྨིན་པའི་འབྲས་བུ་ནི། རོ་སྣ་ཚོགས་ལོག་པ་ལས། རང་གི་རིགས་དང་མཐུན་པའི་རོ་གཅིག་ཏུ་སྨོས་པ་ལྟར་ཞེས་བྱ་བ་ནི། རྣལ་འབྱོར་གྱི་སྟོབས་ཀྱིས་
[162a.6]བསྲུང་བ་སྟེ། བསྲུང་བ་ལ་ནུས་པ་དང་ལྡན་པ་ནི། སྐྱེས་བུ་བྱེད་པའི་མཚན་ཉིད་ཡིན་པའི་ཕྱིར་རོ། །དེ་བས་ཆ་དེ་ཁོ་ན་ཉིད་བསྲུངས་པས་དེ་ཁོ་ན་ཉིད་མ་ཡིན་པ་ལས་འབྱུང་བའི་ཉོན་མོངས་པའི་བག་ཆགས་ཀྱི་དྲི་མ་མེད་པས་ན། དྲི་མ་མེད་པའི་འབྲས་བུ་ཞེས་བཤད་དོ། །འབྲས་བུ་རྣམས་
[162a.7]རེ་རེ་ལ་ཡང་གནས་སྐབས་ཀྱི་དབྱེ་བས། རྣམ་པ་བཞི་བསྟན་པར་བྱ་བའི་ཕྱིར། དབྱེ་བ་བཞི་ནི་ཞེས་བྱ་བ་སྨོས་ཏེ། དབྱེ་བ་དག་གང་ཞེ་ན། དམན་པ་དང་། བར་མ་དང་། ལྷག་པ་དང་། ལྷག་པའི་ལྷག་པའོ་ཞེས་བྱ་བ་སྨོས་ཏེ། མངོན་པར་འདོད་པའི་དོན་ལ་དམིགས་པའི་དུས་སུ། མི་
[162b]
[162b.1]གསལ་བ་དང་། གསལ་བ་དང་། རབ་ཏུ་གསལ་བ་དང་། ཤིན་ཏུ་གསལ་བའི་དབྱེ་བས། བསྒྲུབ་བྱ་རིམ་གྱིས་མངོན་དུ་གྱུར་ཏེ། དཔེར་ན་ཨ་མྲ་ལ་སོགས་པའི་འབྲས་བུ་རྣམས་རིམ་གྱིས་སྨིན་པར་འགྱུར་གྱིས། ཅིག་ཅར་དུ་ནི་མ་ཡིན་ནོ། །དེ་བཞིན་དུ་འདིར་སངས་རྒྱས་ཉིད་དུ་བསྒྲུབ་པ་ལ་
[162b.2]ཡང་ཤེས་པར་བྱའོ། །གང་གི་ཕྱིར་རྣམ་པར་རྟོག་པའི་ཉོན་མོངས་པ་རྣམས་དང་པོ་ཁོ་ནར། ལྷག་པའི་བྱེ་བྲག་གིས་སོ་སོར་སྣང་བའི་ཕྱིར་རོ། །དེས་དམན་པའི་ཡང་དམན་པའི་གཉེན་པོས། རྣམ་པར་འཇིག་པར་འགྱུར་ཞེས་རིགས་པའོ། །རྣམ་པར་མ་དག་པ་དང་། རྣམ་པར་དག་
[162b.3]པའི་སྐད་ཅིག་མ་བསྟན་པར་བྱ་བའི་ཕྱིར། སྐད་ཅིག་མ་བཞི་ཞེས་བྱ་བ་སྨོས་ཏེ། གང་གིས་དུས་ཀྱི་ཁྱད་པར་ཉེ་བར་མཚོན་པར་བྱེད་པས། ཉོན་མོངས་པ་ཟད་པར་བྱེད་པ་དག་སྐད་ཅིག་མར་བཤད་དོ། །དེ་དག་གང་ཞེ་ན། རྣམ་པ་སྣ་ཚོགས་པ་དང་། རྣམ་པར་སྨིན་པ་དང་། རྣམ་པར་
[162b.4]འཇོམས་པ་དང་། མཚན་ཉིད་ལས་འདས་པའོ་ཞེས་བྱ་བ་མ་སྨོས་སོ། །ཤེས་རབ་དང་འབྲེལ་པའི་དུས་སུ། འཁྱུད་པ་དང་། །ཙུམྦ་ན་ལ་སོགས་པའི་སོ་སོར་སྣང་བ་སྣ་ཚོགས་ཀྱིས། དགའ་བ་རབ་ཏུ་སྐྱེས་པའི་མཚན་ཉིད་ནི། རྣམ་པ་སྣ་ཚོགས་པའི་སྐད་ཅིག་མ་སྟེ། གཟུགས་ལ་
[162b.5]སོགས་པའི་ཡུལ་རྣམ་པ་སྣ་ཚོགས་ལ་དམིགས་པར་བྱེད་པའི་ཕྱིར་རོ། །རྣམ་པར་སྨིན་པ་ཞེས་བྱ་བ་ནི། དེ་ལས་གཞན་པ་བདེ་བའི་ཡེ་ཤེས་མྱོང་བའི་མཚན་ཉིད་ཅན། དམན་པར་དགའ་བ་སྐྱེད་པར་བྱེད་པ་དེས་ལྷག་པ་ཞེས་བྱ་བའི་དོན་ཏོ། །རྣམ་པར་འཇོམས་པ་ཞེས་བྱ་བ་ནི། དགའ་བ་དང་
[162b.6]བྲལ་བའི་ཉེ་བར་མཚོན་པར་བྱེད་པའི་མཚན་ཉིད་ཅན། གཟུང་བ་དང་། འཛིན་པ་ཉིད་ཀྱིས། བདག་གིས་བདེ་བ་འདི་མྱོང་ངོ་ཞེས་ངེས་པར་འཛིན་པའོ། །མཚན་ཉིད་ལས་འདས་པ་ཞེས་བྱ་བ་ནི། གསུམ་པོ་དེ་དག་སྤངས་པ་ལས། འདོད་ཆགས་དང་འདོད་ཆགས་དང་བྲལ་བ་ལས་འདས་ཤིང་།
[162b.7]གསུམ་པོ་མི་དམིགས་པའི་མཚན་ཉིད་ཅན་མི་གནས་པའི་མྱ་ངན་ལས་འདས་པའི་ངོ་བོ་ཉིད། མི་མཐུན་པའི་ཕྱོགས་ཀྱི་སྐྱོན་ཐམས་ཅད་སྤངས་པ། རང་རིག་པའི་བདེ་བ་ཆེན་པོ་ལྷན་ཅིག་སྐྱེས་པའི་མཚན་ཉིད་ཅན་དཔེར་གྱུར་པ་བཞི་པ་རྟོགས་པར་བྱའོ། །ཇི་སྐད་དུ། རྣམ་པ་སྣ་ཚོགས་
[163a]
[163a.1]དུ་མར་བཤད། །འཁྱུད་དང་ཙུམྦ་ལ་སོགས་པའོ། །རྣམ་པར་སྨིན་པ་དེ་ལས་གཞན། །བདེ་བའི་ཡེ་ཤེས་མྱོང་བའོ། །རྣམ་པར་འཇོམས་པ་ངེས་འཛིན་པ། །བདག་གིས་བདེ་བ་མྱོང་བའོ། །མཚན་ཉིད་ལས་འདས་གསུམ་ལས་གཞན། །ཆགས་དང་ཆགས་བྲལ་རྣམ་
[163a.2]པར་སྤངས། །ཞེས་དགྱེས་པའི་རྡོ་རྗེ་ལས་འབྱུང་ངོ་། །ཉེ་བར་མཚོན་པ་བསྟན་ནས། མཚོན་པར་བྱ་བ་བསྟན་པར་བྱ་བའི་ཕྱིར། དགའ་བ་ནི་བཞི་ཞེས་བྱ་བ་སྨོས་ཏེ། དགའ་བ་ནི་རངས་པ་སྟེ། བདེ་བས་བྱིན་གྱིས་བརླབས་པའི་ཡིད་དོ། །དེ་ཡང་རྣམ་པ་བཞི་སྟེ། དགའ་བ་དང་། དམ་
[163a.3]པར་དགའ་བ་དང་། དགའ་བ་དང་བྲལ་བ་དང་། ལྷན་ཅིག་སྐྱེས་པའི་དགའ་བའོ། །འདོད་པའི་དགའ་བ་དང་པོ་དང་། དགའ་བའི་དགའ་བ་གཉིས་པ་དང་། འབར་བའི་དགའ་བ་གསུམ་པ་དང་། འཕྲུལ་བའི་དགའ་བ་བཞི་པའོ། །དཀྲུགས་པ་དང་། ཡིད་འབྱུང་འོང་བ་དང་། ཁུ་བར་གྱུར་པ་དང་། ཐིག་ལེ་གྲོལ་པའོ། །དེའི་
[163a.4]རྗེས་སུ་བདེ་མཆོག་ཅེས་མན་ངག་གོ། །ཇི་སྐད་དུ། འདོད་པའི་དགའ་བ་དཀྲུགས་པའི་ཡི་གེ་བཞི་ཡི་རྣལ་འབྱོར་གཅིག་ཡིན་ཏེ། །གང་བས་ནུས་པ་བྱུང་བའི་དམ་པར་དགའ་བར་གྱུར་པ་ཡིན་གཉིས་གཉིས། །འབར་བའི་ཐིག་ལེ་གང་བར་དགའ་བ་བྲལ་བ་གསུམ་པ་སྟེ། །འཕྲུལ་བའི་དགའ་བ་
[163a.5]གཉིད་ལོག་མཚན་ཉིད་ལྷན་ཅིག་སྐྱེས་པའོ། །ཞེས་དུས་ཀྱི་འཁོར་ལོའི་དབང་བསྐུར་འབྱུང་བ་ལས་གསུངས་པའོ། །སླར་ཡང་བཤད་པ་ནི། གང་བའི་ཆུ་སྐྱེས་ནས་ནི་མགྲིན་པའི་བར་དུ་དགའ་བའོ། །སྙིང་གར་དམ་པར་དགའ་བའོ། །ལྟེ་བར་དགའ་བྲལ་ལོ། །གསང་བའི་ཆུ་སྐྱེས་སུ་ལྷན་
[163a.6]ཅིག་སྐྱེས་པའོ། །ཇི་སྐད་དུ། ཤུ་ཀྲ་འོང་བ་དགའ་བ་སྟེ། །གཙུག་ཏོར་གང་བའི་པདྨ་ནས་ནི་མགྲིན་པའི་བར། །སྙིང་གར་དམ་དགའ་དགའ་བྲལ་དེ་ནས་གྱུར། །ལྟེ་བར་སྣ་ཚོགས་རོལ་མོ་ཡིས་ནི་གང་ཚེ་གསང་བའི་པདྨར་ཆུད། །གསང་བ་ནས་ནི་ནོར་བུའི་བར། །ལྷན་ཅིག་སྐྱེས་དགའ་མི་
[163a.7]འཕོ་བའོ། །བྱིས་པ་ལང་ཚོ་རྒན་པོ་དང་། །བཞི་པ་སྐྱེ་དགུའི་བདག་པོ་སྟེ། །ཤེས་རབ་ཡན་ལག་རེག་པ་ལས། །ཁུ་བའི་བྱང་ཆུབ་སེམས་བདེ་བ། །དེ་ཉིད་ཆུ་འཛིན་དབང་བསྐུར་ཏེ། །གང་ཕྱིར་བྱིས་པའི་བདེ་ཐོབ་པའི། །ཞེས་སློབ་དཔོན་གྱི་དབང་ངོ་། །ཕྱག་རྒྱ་ལྟ་བ་ལས་སྐྱེས་པའི། །ཡུལ་
[163b]
[163b.1]གྱི་བདེ་བ་ཁྱད་པར་ཅན། །རང་རིག་བདེ་ལ་བརྟེན་གྱུར་པ། །ལང་ཚོའི་ཡི་གེ་བདེ་བར་བཤད། །ཅེས་གསང་བའི་དབང་ངོ་། །གསང་བ་བརྡབས་པ་ལ་སོགས་པའི། །གནམ་ལྕགས་གཙོ་མོར་ཟག་བདེ་བ། །ཤེས་རབ་ཡེ་ཤེས་དབང་བསྐུར་བ། །གང་ཕྱིར་རྒན་པོ་ཟག་ལ་གནས། །ཕྱག་རྒྱ་
[163b.2]ཆེན་པོའི་རྗེས་ཆགས་ལས། །བདེ་བ་རྒྱུ་མཐུན་གང་སྐྱེས་པ། །ཡེ་ཤེས་ཆེན་པོའི་དབང་བསྐུར་ཏེ། །གང་ཕྱིར་རྒྱུ་མཐུན་ལ་གནས་པའོ། །དེ་ཉིད་སྐྱེ་དགུའི་བདག་ཅེས་བྱ། །སྐྱོབ་པ་རྣམས་ནི་སྐྱེད་བྱེད་པ། །ཞེས་གསུངས་སོ། །སད་པ་ལ་སོགས་པ་དུས་ཀྱི་འཁོར་ལོ་ལས་གསུངས་པ་དེ་ལ་འཇུག་
[163b.3]པར་བྱ་སྟེ། སད་དང་རྨི་ལམ་ཤིན་ཏུ་གཉིད་ལོག་གནས་སྐབས་བཞི་པ་དང་། །ལུས་གནས་དབུས་ཀུན་ཐིམ་འགྱུར་ཡུལ་ལ་མི་གཡོར་འགྱུར། །ཤེས་རབ་འབྲེལ་བས་བྱང་ཆུབ་སེམས་ནི་ཁུ་བས་སྐད་ཅིག་ཡེ་ཤེས་གནས། །སྤྲུལ་པ་ལ་སོགས་རིམ་གྱིས་ངེས་པར་འབྱུང་། །སེམས་ཀྱི་རྡོ་རྗེ་རྣམ་བཞིར་
[163b.4]བཤད། །ཅེས་འབྱུང་ངོ་།། །།ད་ནི་སྒོམ་པ་པོའི་ཡིད་ཆེས་པར་བྱེད་ཅིང་ཐེ་ཚོམ་སྤང་བར་བྱ་བའི་ཕྱིར། ཚད་མ་བཞི་བསྟན་པར་བྱ་སྟེ། ཚད་མ་བཞི་ནི་ཞེས་བྱ་བ་ལ། དེ་ལ་བདག་གི་ཚད་མ་ནི་རང་དད་པའི་ལྷར་བསྒོམ་པ་ལ་ཐེ་ཚོམ་མེད་པའོ། །དུས་ཀྱི་ཚད་མ་ཞེས་བྱ་བ་ནི། སྲོག་དང་རྩོལ་བའི་
[163b.5]འཕོ་བའི་དུས་ཡོངས་སུ་ཤེས་པའོ། །ཡེ་ཤེས་ཀྱི་ཚད་མ་ཞེས་བྱ་བ་ནི། དུས་དེ་ཉིད་དུ་རྣམ་པར་མི་རྟོག་པའི་ཡེ་ཤེས་སྐྱེ་བའོ། །རླུང་གི་ཚད་མ་ཞེས་བྱ་བ་ནི། སྙིང་གར་རླུང་ཐམས་ཅད་འགོག་པའོ། །ནང་གི་བཤད་པ་ནི། ཡི་གེ་ཨ་དང་ཧ་ལ་དམིགས་ཏེ། བདག་སོ་སོར་རྟོག་པར་བྱེད་པའི་
[163b.6]མཚན་ཉིད་ནི་བདག་གི་ཚད་མའོ། །དེ་དག་གཅིག་ཏུ་གྱུར་པར་ཤེས་པ་ནི་དུས་ཀྱི་ཚད་མའོ། །རོ་གཅིག་པ་ལས་སྐྱེས་པ་ནི་ཡེ་ཤེས་ཀྱི་ཚད་མའོ། །དེ་ཉིད་དུ་སྲོག་དང་རྩོལ་བ་འགོག་པར་གྱུར་པ་ནི་རླུང་གི་ཚད་མའོ། །གསང་བའི་བཤད་པ་ལ་ཡང་། བྱང་ཆུབ་ཀྱི་སེམས་ཀྱི་ཐིག་ལེ། ཟླ་བ་ལྟར་འོད་
[163b.7]གསལ་བ་ཉིད་དུ་མཐོང་བ་ནི་བདག་གི་ཚད་མའོ། །དེ་མཐོང་བས་བ་སྤུ་ལྡང་བ་ལ་སོགས་པའི་གནས་ནི་དུས་ཀྱི་ཚད་མའོ། །འདི་ཉིད་ཀྱིས་བདག་ལ་ངེས་པར་ཡེ་ཤེས་སྐྱེ་བར་འགྱུར་རོ་ཞེས་ཡེ་ཤེས་ཀྱི་ཚད་མའོ། །ཏིང་ངེ་འཛིན་གྱི་དུས་སུ་སྲོག་དང་རྩོལ་བའི་རླུང་ལ་དབང་ཐོབ་པ་ནི། །རླུང་གི་
[164a]
[164a.1]ཚད་མའོ། །གསང་བའི་གསང་བ་བཤད་པ་ནི། ཡི་གེ་ཨ་དང་ཧ་མི་དམིགས་པ་ནི། བདག་གི་ཚད་མའོ།།ཐབས་ཤེས་རབ་ཀྱི་བདེ་བ་མཉམ་པ་ནི། དུས་ཀྱི་ཚད་མའོ། །དེ་ཉིད་ངེས་པར་འཛིན་པ་ནི། ཡེ་ཤེས་ཀྱི་ཚད་མའོ། །རྣམ་པར་རྟོག་པའི་རླུང་གིས་མི་བསྐྱོད་པ་ནི།
[164a.2]རླུང་གི་ཚད་མའོ། །ཚད་མ་དེ་དག་གིས་དེ་ཁོ་ན་ཉིད་རྣམ་པར་དག་པ་རྟོགས་པར་བྱེད་པ་ཡིན་ཏེ། དཔེར་ན་མེ་དང་ཆུ་དང་། ཤིང་ཝ་ཊའི་ལོ་མ་ལ་སོགས་པས། དག་དང་མ་དག་པའི་སྐྱེས་བུ་བརྟག་པ། འཇིག་རྟེན་པ་ལ་རབ་ཏུ་གྲུབ་པ་བཞིན་ནོ། །དེ་བཞིན་དུ་འདིར་ཡང་རྣལ་འབྱོར་པས། རང་
[164a.3]གི་སེམས་བརྟག་པར་བྱ་ཞེས་ཚད་མའི་དོན་ཏོ། །ཇི་སྐད་དུ། སློབ་དཔོན་ཉིད་ཀྱིས་ཀྱང་གསུངས་ཏེ། ཡིད་ཆེས་བཞི་པོས་གཟུང་བར་བྱ། །ཞེས་བྱ་བ་ལ་སོགས་པའོ། །ད་ནི་རྣལ་འབྱོར་པ་ལ་སྤྱི་བོ་པའི་གནས་བསྟན་པར་བྱ་བའི་ཕྱིར། གདན་བཞི་ནི་ཞེས་བྱ་བ་སྨོས་ཏེ། བདག་གི་གདན་
[164a.4]ཞེས་བྱ་བ་ནི། དཔའ་བོ་དང་དཔའ་མོ་རྣམས་ཀྱི་གཞིར་འགྱུར་བའི་རྣལ་འབྱོར་པའི་ལུས་སོ། །ཇི་སྐད་དུ། ཉི་ཤུ་རྩ་བཞིའི་དབྱེ་བ་ཡིས། །གནས་སོགས་འདི་ཉིད་ལ་གནས་ཏེ། །ཞེས་བྱ་བ་ལ་སོགས་པ་དེ་ཁོ་ན་ཉིད་ཀྱི་མན་ངག་ལས་འབྱུང་ངོ་། །ཇི་ལྟར་བདག་གི་ལུས་ལ་དཔའ་བོ་དང་དཔའ་
[164a.5]མོ་རྣམས་གནས་པ་དེ་བཞིན་དུ། གཞན་གྱི་ལུས་ལ་ཡང་ཤེས་པར་བྱས་ནས། དབྱེར་མེད་པར་སྤྱོད་པ་ནི། གཞན་གྱི་གདན་ཞེས་བཤད་དོ། །དེ་ལྟར་གདན་གཉིས་པོའི་ངོ་བོ་ཤེས་ནས། རྣལ་འབྱོར་གྱི་སྟོབས་ཀྱིས་ཕ་རོལ་པོའི་ཡུལ་དུ་འཇུག་པ་ནི། རྣལ་འབྱོར་གྱི་གདན་ནོ། །ཇི་སྐད་
[164a.6]དུ། སེམས་དང་སེམས་མིན་མཉམ་སྦྱོར་བ། །སེམས་ཀྱིས་སེམས་མིན་ངེས་པར་མཐོང་། །སེམས་ནི་སེམས་ལ་ཐིམ་འགྱུར་ན། །ལུས་ཅན་ཀུན་ལ་འཇུག་པར་འགྱུར། །ཞེས་རིགས་ཀྱི་སྤྱན་རས་གཟིགས་ཀྱི་ལྔ་བཅུ་པ་ལས་གསུངས་སོ། །དེ་ཁོ་ན་ཉིད་ཀྱི་གདན་ནི། གཉིས་སུ་མེད་པའི་
[164a.7]སྣང་བ་ཙམ་ལ་གནས་པའོ། །ནང་གི་བཤད་པ་ནི། བདག་གི་གདན་ཞེས་བྱ་བ་ནི། སྤྲུལ་པ་ལ་སོགས་པའི་འཁོར་ལོ་བཞི་བསྲེགས་ཏེ་ཕྱིར་འབྱུང་བའོ། །གཞན་གྱི་གདན་ཞེས་བྱ་བ་ནི། སངས་རྒྱས་ཐམས་ཅད་ཀྱི་ཐུགས་ཀ་ན་གནས་པ་ཡེ་ཤེས་ཀྱི་བདུད་རྩི་བླང་བའོ། །སླར་ཡང་ལོག་སྟེ་རང་
[164b]
[164b.1]གི་ལུས་ཚིམ་པར་བྱ་བ་ནི། རྣལ་འབྱོར་གྱི་གདན་ཏེ་ཟག་པ་མེད་པའི་ཡེ་ཤེས་དང་ལྡན་པའི་ཕྱིར་རོ། །དེའི་རྗེས་ལ་བདག་ཉིད་སངས་རྒྱས་ཐམས་ཅད་ཀྱི་རོ་གཅིག་གི་ངོ་བོར་ཤེས་ནས་གནས་པ་ནི། དེ་ཁོ་ན་ཉིད་ཀྱི་གདན་ནོ། །སླར་ཡང་བཤད་པ། བདག་གི་གདན་ཞེས་བྱ་བ་ལ། དེ་བཞིན་
[164b.2]གཤེགས་པ་ཐམས་ཅད་ཀྱི་ངོ་བོ་ཉིད་བདག་ཡིན་ཞེས་ངེས་པར་བྱས་ཏེ་གནས་པའོ། །གཞན་གྱི་གདན་ཞེས་བྱ་བ་ནི། ཕྱག་རྒྱ་གཅིག་པས་ཕྱག་རྒྱ་ཐམས་ཅད་ལྷག་པར་མོས་པའོ། །རྣལ་འབྱོར་གྱི་གདན་ཞེས་བྱ་བ་ནི། ཐབས་དང་ཤེས་རབ་གཉིས་སུ་མེད་པར་གནས་པའོ། །དེ་ཁོ་ན་ཉིད་ཀྱི་
[164b.3]གདན་ནི་མཉམ་པར་མ་བཞག་པའི་སྐབས་སུ་ཡང་རང་གི་ངོ་བོ་ཉིད་མི་འདོད་པའོ། །སླར་ཡང་བཤད་པ། བདག་གི་གདན་ཞེས་བྱ་བ་ནི་བོ་ལའི་གནས་སོ། །གཞན་གྱི་གདན་ཞེས་བྱ་བ་ནི། ཀཀྐོ་ལའི་ནང་ནའོ། །རྣལ་འབྱོར་གྱི་གདན་ཞེས་བྱ་བ་ནི་རྡོ་རྗེ་སྐྱིལ་མོ་ཀྲུང་ངོ་། །དེ་ཁོ་ན་ཉིད་ཀྱི་
[164b.4]གདན་ཞེས་བྱ་བ་ནི། དེའི་དབུས་ཀྱི་བོ་ལ་ཀཀྐོ་ལའི་གནས་སོ། །ཇི་སྐད་དུ། བོ་ལ་ཀཀྐོ་ལ་སྦྱོར་བ་ཡིས། །རྡོ་རྗེ་སྐྱིལ་མོ་ཀྲུང་བཅིངས་ཏེ། །ནོར་བུའི་ནང་གནས་དེ་ཉིད་ནི། །འགུ་ལ་ཀ་ནི་རྨད་བྱུང་ཆེ། །ཞེས་འབྱུང་ངོ་། །བསྐྱེད་པའི་རིམ་པ་ནས་བརྩམས་ཏེ། ཇི་སྲིད་རྫོགས་པའི་རིམ་པ་ལ་
[164b.5]འཇུག་པའི་བར་དུ་རྣལ་འབྱོར་པས་དེ་ཁོ་ན་ཉིད་རིག་པར་བྱ་བ་ཡིན་ཞེས་དེ་ཁོ་ན་ཉིད་བསྟན་པར་བྱ་བའི་ཕྱིར། དེ་ཁོ་ན་ཉིད་བཞི་ནི་ཞེས་བྱ་བ་སྨོས་ཏེ། དེ་ལ་བདག་གི་དེ་ཁོ་ན་ཉིད་ནི། ཐོ་རངས་ཀྱི་དུས་སུ་ལངས་ཏེ། རྣལ་འབྱོར་གྱི་བདག་ཉིད་ཅན་གྱིས་རང་གི་ལུས་དབྱངས་ཡི་གེ་ཆ་བཅུ་དྲུག །
[164b.6]འོད་གསལ་བའི་ཟླ་བའི་ཆའི་རང་བཞིན་དག་གིས་ཡོངས་སུ་བཀང་སྟེ། ཡི་གེ་དམར་པོའི་ངོ་བོ་ཉིད་དུ་བསམ་པར་བྱ་ཞེས་བདག་གི་དེ་ཁོ་ན་ཉིད་བསྟན་ཏེ། བདག་ཉིད་འོད་གསལ་བའི་ངོ་བོ་ཡིན་པའི་ཕྱིར་རོ། །ཇི་སྐད་དུ།ནང་པར་ལངས་ནས་སྦྱོར་བདག་ཉིད། །ལུས་ནི་ཆ་དང་བཅས་ཏེ་གནས། །
[164b.7]ཡན་ལག་མ་ཡིན་བསྟན་བཅོས་རྣམས། །ལུས་ལ་གནས་པར་སྤྱད་པར་བྱ། །ཞེས་སྤྲོས་པ་མེད་པའི་སྤྱོད་པ་གནས་པའི་རྣལ་འབྱོར་པ་ལ། བསྐྱེད་པའི་རིམ་པའི་སྐབས་སུ་ཡང་། བདེ་མཆོག་གི་རྒྱུད་ལས་བདག་གི་དེ་ཁོ་ན་ཉིད་གསུངས་སོ། །དཀྱིལ་འཁོར་གྱི་དེ་ཁོ་ན་ཉིད་ཅེས་བྱ་བ་ནི། །
[165a]
[165a.1]བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱིས་བརྒྱན་པའི་སེམས་ཉིད་དོ། །ཇི་སྐད་དུ། ཡིད་ནི་དཀྱིལ་འཁོར་གསུངས་པ་ཡིན། །སེམས་ཉིད་བརྩེགས་པ་ཤིན་ཏུ་མཐོ། །ཞེས་འབྱུང་ངོ་། །སྔགས་ཀྱི་དེ་ཁོ་ན་ཉིད་ཅེས་བྱ་བ་ལ། སྔགས་ཐམས་ཅད་ཀྱི་མདོར་བསྡུས་
[165a.2]པ། སྐུ་གསུང་ཐུགས་ཀྱི་རྡོ་རྗེ། བརྡའི་ཚུལ་ཅན་ཡི་གེ་གསུམ་པོ་བཤད་དེ། སྔགས་ཐམས་ཅད་དེ་ལས་འབྱུང་བའི་ཕྱིར་རོ། །ལྷའི་དེ་ཁོ་ན་ཉིད་ཅེས་བྱ་བ་ནི། ལྷ་དང་ལྷ་མོ་ཐམས་ཅད་ཡེ་ཤེས་ལྔའི་ངོ་བོ་ཉིད་དུ་ཡོངས་སུ་ཤེས་པ་ནི་ལྷའི་དེ་ཁོ་ན་ཉིད་དོ། །ནང་གི་བཤད་པ་ལ་ཡང་།
[165a.3]བདག་གི་དེ་ཁོ་ན་ཉིད་ཅེས་བྱ་བ་ནི། བདག་ཏུ་འཛིན་པ་སྤོང་བའོ། །དཀྱིལ་འཁོར་གྱི་དེ་ཁོ་ན་ཉིད་ཅེས་བྱ་བ་ནི། དབང་ཆེན་ལ་སོགས་པའི་དཀྱིལ་འཁོར་བཞི་ལྟེ་བ་ནས་སྤྱི་བོ་བར་དུ་འཁོར་ལོ་བཞིའོ། །སྔགས་ཀྱི་དེ་ཁོ་ན་ཉིད་ཅེས་བྱ་བ་ནི། དང་པོའི་དབྱངས་ཡིག་ལས་ཙཎྜ་ལི་སྟེ།
[165a.4]སྔགས་ཀྱི་གཟི་བྱིན་གྱི་ངོ་བོ་ཡིན་པའི་ཕྱིར་ཞེས་དགོངས་པའོ། །ལྷའི་དེ་ཁོ་ན་ཉིད་ཅེས་བྱ་བ་ལ། དཀྱིལ་འཁོར་བཞི་ལ་གནས་པའི་དེ་བཞིན་གཤེགས་པ་དང་ལྷ་མོའི་ས་བོན་བསྲེགས་ཏེ། མཚན་མའི་ངོ་བོ་ཡིན་པའི་ཕྱིར་རོ། །གསང་བའི་བཤད་པ་ལ་ཡང་། བདག་གི་དེ་ཁོ་ན་ཉིད་ཅེས་བྱ་བ་
[165a.5]ནི། བདག་གི་གཉེན་པོར་གྱུར་པ། དཔལ་ཧེ་རུ་ཀའི་ང་རྒྱལ་ལོ། །དཀྱིལ་འཁོར་གྱི་དེ་ཁོ་ན་ཉིད་ཅེས་བྱ་བ་ནི། ཕྱག་རྒྱའི་གནས་ལ་དྲན་པའོ། །ཇི་སྐད་དུ། གནས་ནི་ཤེས་རབ་བྷ་གར་བཤད། །ཅེས་བྱ་བ་ལ་སོགས་པ་འབྱུང་ངོ་། །སྔགས་ཀྱི་དེ་ཁོ་ན་ཉིད་ཅེས་བྱ་བ་ནི། སྲོག་དང་རྩོལ་བ་
[165a.6]ལེགས་པར་བསྡམས་པའོ། །ལྷའི་དེ་ཁོ་ན་ཉིད་ཅེས་བྱ་བ་ནི། ལྷ་ཐམས་ཅད་ཀྱི་རྒྱུར་གྱུར་པའི་བྱང་ཆུབ་ཀྱི་སེམས་སྤྲོ་བའོ། །གསང་བའི་གསང་བ་ལ་ཡང་། བདག་གི་དེ་ཁོ་ན་ཉིད་ཅེས་བྱ་བ་ནི། སངས་རྒྱས་ཐམས་ཅད་ཀྱི་སྡོམ་པ་འགུགས་པའོ། །དཀྱིལ་འཁོར་གྱི་དེ་ཁོ་ན་ཉིད་ཅེས་བྱ་བ་
[165a.7]ནི། རྒྱལ་མཚན་དང་ཆུ་སྐྱེས་ཀྱི་ནོར་བུའི་ཆང་ཟུང་གི་གནས་སོ། །སྔགས་ཀྱི་དེ་ཁོ་ན་ཉིད་ཅེས་བྱ་བ་ནི། དེ་ཉིད་འབར་བའི་ཕཊ་ཀྱིས་རེངས་པར་བྱའོ། །ལྷའི་དེ་ཁོ་ན་ཉིད་ཅེས་བྱ་བ་ལ། བདེ་བ་ཆེན་པོའི་རང་བཞིན་རྡོ་རྗེ་འཆང་ཆེན་པོ་ལ་ཉེ་བར་དམིགས་པའི་དོན་ཏོ། །དེ་ཁོ་ན་ཉིད་
[165b]
[165b.1]རིག་པའི་རྣལ་འབྱོར་པ་ལ། ཕྱིའི་བྱས་པའི་དཀྱིལ་འཁོར་དགག་པ་བསྟན་པར་བྱ་བའི་ཕྱིར། དཀྱིལ་འཁོར་གསུམ་ནི་ཞེས་བྱ་བ་སྨོས་ཏེ། དེ་ལ་སྐུའི་དཀྱིལ་འཁོར་ནི། སྐུ་ཉིད་དཀྱིལ་འཁོར་ཡིན་པས་ན་སྐུའི་དཀྱིལ་འཁོར་ཏེ། དེ་བཞིན་གཤེགས་པ་ཐམས་ཅད་ཀྱི་ཕྲ་རབ་ཀྱིས་ཡོངས་སུ་
[165b.2]རྫོགས་པའི་མཚན་ཉིད་ཅེས་བྱ་བའི་དོན་ཏོ། །གསུང་གི་དཀྱིལ་འཁོར་ཞེས་བྱ་བ་ནི། སེམས་ཅན་ཐམས་ཅད་ལ་ཆོས་ཀྱི་འཁོར་ལོ་བསྐོར་བའོ། །ཐུགས་ཀྱི་དཀྱིལ་འཁོར་ཞེས་བྱ་བ་ནི། རྣམ་པར་མི་རྟོག་པའི་སེམས་ཀྱིས་དེ་བཞིན་གཤེགས་པ་དང་། སོ་སོ་སྐྱེ་བོ་རྣམས་མཉམ་པ་ཉིད་དུ་རྟོགས་
[165b.3]པས། མཉམས་པའི་དཀྱིལ་འཁོར་གྱི་རྣམ་པ་ཐུགས་ཉིད་དཀྱིལ་འཁོར་དུ་ཤེས་པར་བྱའོ། །སླར་ཡང་བཤད་པ། སྐུའི་དཀྱིལ་འཁོར་ཞེས་བྱ་བ་ལ། འབྱུང་བ་ཆེན་པོའི་བདག་ཉིད་ཅན་འཁོར་ལོ་བཞིའོ། །དེ་ལ་གནས་པའི་དེ་བཞིན་གཤེགས་པ་དང་ལྷ་མོ་རྣམས་ཀྱི་ས་བོན་ཡི་གེ་
[165b.4]ཐམས་ཅད་གསུང་གི་དཀྱིལ་འཁོར་རོ། །ཐུགས་ཀྱི་དཀྱིལ་འཁོར་ཉིད་དོ་ཞེས་བྱ་བ་ནི། འདས་མ་ཐག་པའི་སྐུའི་དཀྱིལ་འཁོར་དང་གསུང་གི་དཀྱིལ་འཁོར་ཐམས་ཅད་འོད་གསལ་བའི་སེམས་བདག་པོ་སྔོན་དུ་འགྲོ་བ་ཅན་ཞེས་སྙིང་པོ་ལེན་པར་བྱེད་པས་ན། ཐུགས་ཉིད་དཀྱིལ་འཁོར་
[165b.5]དུ་བཤད་དོ། །གསང་བའི་བཤད་པ་ལ་ནི། སྤྱི་བོ་ནས་པུས་མོའི་བར་དུ་གནས་ཉི་ཤུ་རྩ་བཞིའི་ཁྱད་པར་གྱི་མཚན་ཉིད་ནི་སྐུའི་དཀྱིལ་འཁོར་དུ་བཤད་དོ། །གནས་ཀྱི་ཁྱད་པར་རེ་རེ་ལ་ཡང་འཇུག་པ་དང་། གནས་པ་དང་། ལྡང་བའི་རིམ་གྱིས་ཀུན་དུ་སྤྱོད་པ་ནི་གསུང་གི་དཀྱིལ་འཁོར།
[165b.6]དེའི་རྗེས་ལ་གནས་ཉི་ཤུ་རྩ་ལྔ་པ་བདུན་ཅུ་རྩ་གསུམ་པ་ཞེས་བྱ་བ་ལ་སེམས་ལ་དམིགས་པ་ཐོབ་པའི་མཚན་ཉིད་ཅན་གྱི་ཐུགས་ཀྱི་དཀྱིལ་འཁོར་ཡིན་ཏེ། འོད་གསལ་བའི་སྙིང་པོ་ལེན་པར་བྱེད་པའི་ཕྱིར་རོ། །གསང་བའི་གསང་བ་ལ་ནི། ཐབས་དང་ཤེས་རབ་སྙོམས་པར་འཇུག་པའི་
[165b.7]དུས་སུ་ཆ་དྲུག་སྐྱེ་བའི་མཚོན་པས། ལུས་ཀྱི་གོང་དུ་རྫོགས་པར་བྱེད་པ་ནི། སྐུའི་དཀྱིལ་འཁོར་ཏེ། ལུས་ཀྱི་སྙིང་པོ་ལེན་པར་བྱེད་པའི་ཕྱིར་རོ། །དེ་ཉིད་ཞེས་པའི་ཆོས་ཀྱི་དབྱིངས་བསྡུས་པའི་ཡི་གེས་བཅིངས་པར་གྱུར་པ་ནི། གསུང་གི་དཀྱིལ་འཁོར་དུ་ཤེས་པར་བྱ་སྟེ། ངག་ཐམས་
[166a]
[166a.1]ཅད་ཀྱི་སྙིང་པོ་ལེན་པར་བྱེད་པའི་ཕྱིར་ཞེས་དགོངས་པའོ། །ཇི་སྐད་དུ། ཆ་གཉིས་པ་ནི་དགུ་པ་ཉིད་ཀྱིས་བཤད་པ། སུམ་ཅུ་བཅུ་པ་ལྔ་པའི་ས་བོན་ཉིད། །ཆ་གཉིས་ལྔ་པ་དྲུག་པས་དབྱེ་བ་ནི། །འབྱུང་བ་འདི་ནི་ཐིག་ལེར་ཡང་དག་གསུངས། །ཞེས་ལྷ་མོ་བཞིས་ཞུས་པའི་
[166a.2]རྒྱུད་ཀྱི་འགྲེལ་པ་ལས་འབྱུང་ངོ་། །རྣལ་འབྱོར་གྱི་སྟོབས་དེ་ཉིད་ཀྱིས་རང་རིག་པའི་བདེ་བ་ཆེན་པོ་ཉམས་སུ་མྱོང་བ་ནི་ཐུགས་ཀྱི་དཀྱིལ་འཁོར་དུ་ཤེས་པར་བྱ་སྟེ། སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་སྙིང་པོ་ལེན་པར་བྱེད་པའི་ཕྱིར་རོ། །སངས་རྒྱས་ཐམས་ཅད་ཀྱི་སྐུ་དང་གསུང་དང་ཐུགས་
[166a.3]གྲུབ་པ། ལྷ་མོ་བཞིས་ཆོས་ཀྱི་དབྱིངས་ཡོངས་སུ་ཞུས་པའི་རྒྱུད་ལས་རྒྱས་པར་ཤེས་པར་བྱའོ། །ཤེས་རབ་ཀྱི་དབྱེ་བ་བསྟན་པར་བྱ་བའི་ཕྱིར། །ཤེས་རབ་གཉིས་ཏེ་ཞེས་བྱ་བ་སྨོས་པ་ལ། སྤྱི་དང་རང་གི་མཚན་ཉིད་ལ་དམིགས་པར་བྱེད་པ་ཞེས་དགོངས་སོ། །དེ་ལ་དམིགས་པ་དང་བཅས་པ་ཞེས་
[166a.4]བྱ་བ་ནི། སྤྱིའི་མཚན་ཉིད་ཀྱི་ཡུལ་ཅན་ནོ། །དམིགས་པ་མེད་པ་ཞེས་བྱ་བ་ནི། ཆོས་ཉིད་ཀྱི་རང་གི་མཚན་ཉིད་ཀྱི་ཡུལ་ཅན་ནོ། །ངག་གི་བཤད་པ་ལ་ནི། ལས་ཀྱི་ཕྱག་རྒྱ་དང་ཡེ་ཤེས་ཀྱི་ཕྱག་རྒྱ་དམིགས་པ་དང་བཅས་པའི་ཞེས་རབ་བོ། །ཕྱག་རྒྱ་ཆེན་པོ་ཞེས་བྱ་བ་ནི། དམིགས་པ་
[166a.5]མེད་པ་ཞེས་བྱ་བའི་དོན་ཏོ། །གསང་བའི་བཤད་པ་ལ་ནི། སྤུ་གྲིའི་ཡི་གེ་ལས་འབྱུང་བའི་རྡོ་རྗེ་མཁའ་འགྲོ་ནི་དམིགས་པ་དང་བཅས་པའི་ཤེས་རབ་བོ། །དང་པོའི་དབྱངས་ཡི་གེ་ངོ་བོ་ཉིད་ནི་དམིགས་པ་མེད་པ་ཞེས་བཤད་དོ། །ཇི་སྐད་དུ། དང་པོའི་དབྱངས་ཡིག་རང་བཞིན་ཏེ། །སངས་རྒྱས་
[166a.6]ཀུན་གྱིས་བློ་ཞེས་བརྟགས། །ཞེས་དགྱེས་པའི་རྡོ་རྗེ་ལས་གསུངས་སོ། །གསང་བའི་གསང་བ་ལ་ནི། རེ་ཕའི་ཕོ་ཉ་མོ་དང་། དབྱངས་ཀྱི་ཕོ་ཉ་མོ་གཉིས་དམིགས་པ་དང་བཅས་པའི་ཤེས་རབ་སྟེ། མཚན་མ་ལ་དམིགས་པའི་ཕྱིར་རོ། །ལྷན་ཅིག་སྐྱེས་པའི་ཙཎྜ་ལཱི་ནི་དམིགས་པ་མེད་
[166a.7]པ་བསྟན་ཏེ། ཁ་དོག་དབྱིབས་ཀྱི་མཚན་མ་ལས་འདས་པའི་ཕྱིར་རོ། །ཤེས་རབ་གཉིས་པོ་དེ་ཉིད་རིམ་པ་བཞིན་དུ། དེ་བཞིན་གཤེགས་པའི་དབུགས་འབྱིན་པ་དང་། རྡོ་རྗེ་འཆང་ཆེན་པོའི་དབུགས་འབྱིན་པ་དེ་དག་ཤེས་པར་བྱའོ། །དེ་བསྟན་པར་བྱ་བའི་ཕྱིར། དམིགས་པ་དང་
[166b]
[166b.1]བཅས་པའི་ཤེས་རབ་ནི། དེ་བཞིན་གཤེགས་པའི་དབུགས་འབྱིན་པ་སྟེ། འཁོར་བའོ་ཞེས་བྱ་བ་སྨོས་པ་ལ། དཔེར་ན་རིགས་པའི་དབང་གིས་དབུས་སུ་ཆུ་ལ་སོགས་པའི་ཉེ་བར་མཚོན་པའི་སྒོ་ནས་ཡེ་ཤེས་རྣམ་པ་ལྔ་སྐྱེས་པས། ཕུང་པོ་ལྔ་རྣམ་པར་དག་པའི་མཚན་ཉིད་རང་གི་དེ་ཁོ་ན་ཡིན་
[166b.2]པས་དེ་བཞིན་གཤེགས་པ་ལྔའི་ང་རྒྱལ་འཛིན་པས་ན། འཁོར་བ་ཁོ་ན་ཡིན་གྱི་མྱ་ངན་ལས་འདས་པ་ནི་མ་ཡིན་ཏེ། སྤྲོས་པའི་མཚན་ཉིད་ཅན་ཁོ་ན་ཡིན་པའི་ཕྱིར་རོ། །ཇི་སྐད་དུ། དགེ་བའམ་ནི་མི་དགེའང་རུང་། །རྣམ་རྟོག་ལ་ནི་བྱེ་བྲག་མེད། །སྲེག་པར་བྱེད་པའི་མེ་ལ་ནི། །གཞི་
[166b.3]ཡི་དབྱེ་བས་བྱེ་བྲག་མེད། །ཙནྡན་ལ་ནི་འབར་འགྱུར་ཡང་། །རེག་པ་ཙམ་གྱིས་སྲེག་པར་བྱེད། །ཅེས་སྣང་བའི་ཕྲེང་བ་ལས་འབྱུང་ངོ་། །དམིགས་པ་མེད་པ་ནི། རྡོ་རྗེ་འཆང་ཆེན་པོའི་དབུགས་འབྱིན་པ་སྟེ། མྱ་ངན་ལས་འདས་པའོ་ཞེས་བྱ་བ་ལ། སླར་ཡང་ཕྱིར་མི་
[166b.4]ལྡོག་པའི་དབང་གི་དུས་སུ་དེ་བཞིན་གཤེགས་པ་ཐམས་ཅད་རོ་གཅིག་པའི་ངོ་བོ་ཉིད། རྡོ་རྗེ་འཆང་ཆེན་པོའི་གོ་འཕང་མི་གནས་པའི་མྱ་ངན་ལས་འདས་པའི་མཚན་ཉིད་ཅན། འཁོར་བ་ཇི་སྲིད་དུ་གནས་ཤིང་། སེམས་ཅན་མ་ལུས་པའི་དོན་བྱེད་པའི་ནུས་པ་དང་ལྡན་པ། ཕྱིར་མི་ལྡོག་
[166b.5]པ་ནི་རྡོ་རྗེ་འཆང་ཆེན་པོའི་དབུགས་འབྱིན་ཏེ། དེ་ཉིད་མྱ་ངན་ལས་འདས་པར་བསྟན་ཏེ། ཕྱིར་མི་ལྡོག་པ་ཉིད་ཀྱི་ཕྱིར་ཞེས་དགོངས་པའོ། །འདས་མ་ཐག་པའི་ཤེས་རབ་གཉིས་པོ་སྐུ་གསུམ་གྱི་ཡུལ་ཅན་དུ་ཤེས་པར་བྱ་སྟེ། དེ་བསྟན་པར་བྱ་བའི་ཕྱིར། སྐུ་གསུམ་ནི་ཆོས་ཀྱི་སྐུ་དང་།
[166b.6]ལོངས་སྤྱོད་རྫོགས་པའི་སྐུ་དང་། སྤྲུལ་བའི་སྐུའོ་ཞེས་བྱ་བ་སྨོས་ཏེ། དམིགས་པ་མེད་པའི་ཤེས་རབ་ཀྱི་ཡུལ་ནི་ཆོས་ཀྱི་སྐུའོ། །དམིགས་པ་དང་བཅས་པའི་ཤེས་རབ་ཀྱི་ཡུལ་ནི་ལོངས་སྤྱོད་དང་སྤྲུལ་པའི་སྐུ་ཡིན་ཞེས་བྱ་བའི་དོན་ཏོ། །སླར་ཡང་བཤད་པ་ནི། སྤྲུལ་པ་དང་། ཆོས་
[166b.7]དང་ལོངས་སྤྱོད་ཀྱི་འཁོར་ལོ་གསུམ་དུ་ཤེས་པར་བྱའོ། །བདེ་བ་ཆེན་པོའི་འཁོར་ལོ་ངོ་བོ་ཉིད་ཀྱི་ལྷུན་གྱིས་གྲུབ་པའི་འབྲས་བུ་ཡིན་པས། སྐུ་བཞི་པ་འདིར་མ་བསྟན་ཏོ། །གསང་བའི་བཤད་པ་ནི། ཆོས་ཀྱི་སྐུ་ནི་ལྷན་ཅིག་སྐྱེས་པའོ། །ལོངས་སྤྱོད་རྫོགས་པའི་སྐུ་ནི་ཟླ་བ་རྒྱས་པ་དང་
[167a]
[167a.1]འདྲའོ། །སྤྲུལ་པའི་སྐུ་ཞེས་བྱ་བ་ནི། དེ་ལས་སངས་རྒྱས་སྤྲོ་བའོ། །གསང་བའི་གསང་བ་ལ་ཡང་། རྡོ་རྗེ་མཁའ་འགྲོ་མ་ལ་སྤྲོས་ཏེ། སྟེང་དུ་གནད་ཀྱི་སྒོ་ལ་གནས་པར་བྱ་སྟེ། དམིགས་པ་དང་བཅས་པའི་ཕྱིར། གོ་རིམས་བཟློག་སྟེ། སྤྲུལ་པ་དང་། ལོངས་སྤྱོད་
[167a.2]དང་། ཆོས་ཀྱི་སྐུའི་མཚན་ཉིད་ཅན་གྱི་བྱང་ཆུབ་ཀྱི་སེམས་ལྷོད་པར་བྱེད་ཅེས་བྱ་བའི་དོན་ཏོ། །ཇི་ལྟར་རྫོགས་པའི་རིམ་པའི་རྗེས་སུ་འབྲངས་ནས། སྐུ་གསུམ་བཤད་པ་དེ་བཞིན་དུ། །དེ་བཞིན་གཤེགས་པ་ལྔའི་མཚན་ཉིད་ཀྱང་བསྟན་པར་བྱ་བའི་ཕྱིར། དེ་བཞིན་གཤེགས་པ་ལྔ་ནི་ཞེས་བྱ་
[167a.3]བ་སྨོས་ཏེ། བྷྲཱུཾ་ཨཱིཾ་ཛྲཱཾ་ཁཾ་ཧཱུཾ། ཞེས་སྙིང་པོའི་འཁོར་ལོ་ལ་གནས་པའི་ས་བོན་རྣམས་ཡིན་ནོ། །སྔགས་དང་སྐུ་དབྱེར་མེད་པའི་ཕྱིར། སླར་ཡང་བཤད་པ་ནི། དེ་བཞིན་གཤེགས་པ་ལྔ་ཞེས་བྱ་བ་ལ། སྲོག་ལ་སོགས་པའི་རླུང་རྣམ་པ་ལྔ་ཤེས་པར་བྱའོ། །གསང་བའི་ནི་བོ་ལའི་དང་ཀཀྐོ་
[167a.4]ལའི་སྦྱོར་བས། སྲ་བ་ལ་སོགས་པའི་བརྡས་བསྟན་པའི་གཏི་མུག་རྡོ་རྗེ་ལ་སོགས་པའི་གསང་བའི་གསང་བ་ལ་ཡང་དེ་བཞིན་གཤེགས་པ་ལྔ་ནི་ཞེས་བྱ་བ་ནི། བྱང་ཆུབ་ཀྱི་སེམས་ཀྱི་ཐིག་ལེ་ལ་གནས་པའི་འོད་ཟེར་ལྔ་ཤེས་པར་བྱའོ། །དེ་བཞིན་གཤེགས་པ་ལྔ་ཁོ་ན་ཕུང་པོ་ལྔ་ཡིན་ཞེས་
[167a.5]བསྟན་པར་བྱ་བའི་ཕྱིར། གཟུགས་དང་ཚོར་བ་དང་ཞེས་བྱ་བ་སྨོས་ཏེ། དེ་ལ་གཟུགས་ཀྱི་ཕུང་པོ་ནི་རྣམ་པར་སྣང་མཛད་དོ། །ཚོར་བའི་ཕུང་པོ་ནི་རྡོ་རྗེ་ཉི་མའོ། །འདུ་ཤེས་ཀྱི་ཕུང་པོ་ནི་པདྨ་གར་གྱི་དབང་ཕྱུག་གོ། །འདུ་བྱེད་ཀྱི་ཕུང་པོ་ནི་རྡོ་རྗེ་རྒྱལ་པོའོ། །རྣམ་པར་ཤེས་པའི་ཕུང་པོ་ནི་
[167a.6]དཔལ་ཧེ་རུ་ཀ་ཡིན་ཞེས་འདིར། ཡུལ་དང་ཡུལ་ཅན་གྱི་ཚུལ་དུ་སྦྱར་བས། མེ་དང་ཤིང་གི་རིམ་པ་ལྟར། ཕུང་པོ་རྣམས་སྣང་བ་མེད་པར་འགྱུར་ཞེས་རྟོགས་པར་བྱའོ། །ཇི་སྐད་དུ། བདེ་གཤེགས་ལྔ་ཡི་འདུ་ཤེས་ནི། །རྣམ་པར་རྟོག་པ་སྲེག་པར་བྱེད། །ཅེས་འབྱུང་ངོ་། །སླར་ཡང་
[167a.7]བཤད་པ། ཟག་པ་དང་བཅས་པའི་ཕུང་པོ་ལྔ་ཁོ་ན་ཟག་པ་ཟད་པ་མེད་པའི་ངོ་བོ་ཡིན་ཞེས་ངེས་པར་བྱ་སྟེ། དེ་ལྔ་དེ་བཞིན་ཉིད་དུ་འདུ་ཤེས་འགྱུར་ཞེས་དགོངས་པའོ། །གསང་བའི་བཤད་པ་ནི། གཟུགས་ཀྱི་ཕུང་པོ་ཞེས་བྱ་བ་ཕྱག་རྒྱ་དང་འབྲེལ་བའི་དུས་སུ་ཕྱག་རྒྱའི་ཁ་དོག་དང་
[167b]
[167b.1]དབྱིབས་མཐོང་བས། འོད་གསལ་བའི་སེམས་དང་། རྗེས་སུ་མཐུན་པའི་སྣང་བ་ནི། གཟུགས་ཀྱི་ཕུང་པོའི་མཚན་ཉིད་ཅན་ཏེ་རྣམ་པར་སྣང་མཛད་དོ། །གཉི་ག་མཉམ་པའི་བདེ་བ་ཉམས་སུ་མྱོང་བ་ནི། ཚོར་བའི་ཕུང་པོའི་མཚན་ཉིད་ཅན་ཏེ། རིན་ཆེན་འབྱུང་ལྡན་ནོ། །འདི་ནི་ཤེས་རབ་
[167b.2]དང་། བདག་ནི་ཐབས་ཡིན་ཞེས་ཡོངས་སུ་ཤེས་པ་ནི། འདུ་ཤེས་ཀྱི་ཕུང་པོའི་མཚན་ཉིད་ཅན་ཏེ། འོད་དཔག་ཏུ་མེད་པ་བཤད་དོ། །དབང་པོ་གཉིས་རྡོ་རྗེ་དང་པདྨར་བྱིན་གྱིས་བརླབས་ཏེ། ལེགས་པར་སྦྱངས་ལ། དགའ་བྲལ་གྱི་དགའ་བ་སྤངས་པ་ལས། འཇིག་རྟེན་ལས་འདས་པའི་
[167b.3]འདུ་བྱེད་ཀྱི་ཕུང་པོའི་མཚན་ཉིད་ཅན་ནི། དོན་ཡོད་གྲུབ་པའོ། །དེ་བཞིན་དུ་ཡེ་ཤེས་དང་ཤེས་བྱ་རོ་གཅིག་པ་ཉིད་དུ་གྱུར་པ་ནི། རྣམ་པར་ཤེས་པའི་ཕུང་པོའི་ངོ་བོ་ཉིད་མི་བསྐྱོད་པའོ། །གསང་བའི་གསང་བ་ལ་ནི། ཕྱག་རྒྱ་ཆེན་པོ་དང་མཉམ་པར་སྦྱོར་བས། ཅིག་ཅར་དུ་གཟུགས་ལ་སོགས་
[167b.4]པའི་ཕུང་པོ་མི་དམིགས་པས། དེ་བཞིན་གཤེགས་པ་ལྔར་བདག་གི་དངོས་པོ་རྫོགས་པར་འགྱུར་ཞེས་བྱ་བའི་དོན་ཏོ། །ཞལ་དང་ཕྱག་དང་སྐུ་མདོག་དང་དབྱིབས་ཀྱི་བདག་ཉིད། དེ་བཞིན་གཤེགས་པའི་མངོན་པར་ཞན་པ་དགག་པར་བྱ་བའི་ཕྱིར། ཡེ་ཤེས་ལྔ་ནི་ཞེས་བྱ་བ་སྨོས་ཏེ། འདས་
[167b.5]མ་ཐག་པའི་དེ་བཞིན་གཤེགས་པ་ལྔ་ཡེ་ཤེས་ལྔའི་ངོ་བོ་ཉིད་དུ་ཤེས་པར་བྱའོ། །དེ་གང་ཞེ་ན། མེ་ལོང་ལྟ་བུ་དང་ཞེས་བྱ་བ་སྨོས་ཏེ། དེ་ལ་ཡེ་ཤེས་ཀྱི་སྒྲ་ཀུན་ལ་སྦྱར་བར་བྱའོ། །ཡེ་ཤེས་གང་ལ་གཟུགས་བརྙན་གཞན་མ་ཡིན་པའི་ཚུལ་དུ། དངོས་པོ་ཐམས་ཅད་ཀུན་དུ་སྣང་བ་དེ་ནི། མེ་ལོང་
[167b.6]ལྟ་བུའི་ཡེ་ཤེས་སོ། །མཉམ་པ་ཉིད་ཅེས་བྱ་བ་ནི། མཉམ་པའི་ཆོས་ཀྱི་དངོས་པོ་ནི་མཉམ་པ་ཉིད་ཡིན་ཏེ། ཆོས་ཉིད་གཅིག་གིས་ཁྱབ་པའི་ཕྱིར་མི་འགལ་བ་ཉིད་དོ། །དེ་ཉིད་བེམས་པོ་ལས་ལོག་པའི་ཕྱིར་ཡེ་ཤེས་ཞེས་བྱའོ། །སོ་སོར་ཀུན་དུ་རྟོག་པ་ཞེས་བྱ་བ་ནི། ཆོས་དེ་དག་ལ་ཆོས་
[167b.7]དང་ཆོས་ཅན་གྱི་བྱེ་བྲག་ཏུ་སོ་སོར་བལྟ་ཞིང་ངོ་བོ་ཉིད་རྟོགས་པ་ནི་སོ་སོར་ཀུན་དུ་རྟོག་པ་ཞེས་བཤད་དོ། །ཡེ་ཤེས་ཀྱི་སྒྲ་ནི་སྔ་མ་བཞིན་དུའོ། །བྱ་བ་ནན་ཏན་འགྲུབ་པ་ཞེས་བྱ་བ་ནི། སངས་རྒྱས་ཀྱི་མཛད་པའོ། །དེ་ལ་ནན་ཏན་ཏེ་རྒྱུན་མ་ཆད་པར་བྱེད་པའོ། །དེ་ལ་ཡེ་ཤེས་ནི་དེ་བསྒྲུབ་
[168a]
[168a.1]པར་བྱ་བའི་སླད་དུ་སྒྱུ་མའི་སྐྱེས་བུ་ལྟར་སེམས་ཅན་གྱི་བྱ་བ་ལ་འཇུག་པ་ཞེས་བྱ་བའི་དོན་ཏོ། །ཤིན་ཏུ་རྣམ་པར་དག་པ་ཆོས་ཀྱི་དབྱིངས་ཀྱི་ཡེ་ཤེས་ཞེས་བྱ་བ་ནི། ཆོས་ཐམས་ཅད་ཀྱི་དབྱིངས་ནི་རྒྱུ་སྟེ་གཉིས་སུ་མེད་པའི་དེ་བཞིན་ཉིད་དོ། །དེ་ཉིད་ཤིན་ཏུ་རྣམ་པར་དག་པས་ན་
[168a.2]ཤིན་ཏུ་རྣམ་པར་དག་པ་སྟེ། ཡེ་ཤེས་བཞིའི་གྲངས་ཀྱི་རྣམ་པར་རྟོག་པ་ལས་འདས་པའོ། །ཤིན་ཏུ་ཡང་རྣམ་པར་དག་པ་ཡིན་ལ། ཆོས་ཀྱི་དབྱིངས་ཀྱང་ཡིན་པས་ན། ཤིན་ཏུ་རྣམ་པར་དག་པ་ཆོས་ཀྱི་དབྱིངས་སོ། །དེ་ལ་དམིགས་པར་བྱེད་པའི་ཡེ་ཤེས་ནི་ཆོས་ཀྱི་དབྱིངས་ཀྱི་ཡེ་ཤེས་ཏེ། ཡུལ་
[168a.3]གྱི་མིང་ཡུལ་ཅན་ལ་བཏགས་ཞེས་བྱ་བ་དགོངས་པའོ། །བཤད་མ་ཐག་པའི་ཡེ་ཤེས་ལྔ་སོ་སོར་མཐོང་བར་བྱེད་པའི་རྒྱུར་གྱུར། ལྷ་མོ་ཁོ་ན་ཡིན་ཞེས་དེ་དག་བསྟན་པར་བྱ་བའི་ཕྱིར། ལྷ་མོ་བཞི་ཞེས་བྱ་བ་སྨོས་ཏེ། སྤྱན་ལ་སོགས་པའི་ལྷ་མོ་བཞི་དེ་བཞིན་གཤེགས་པ་རྣམས་ཀྱི་བཙུན་མོ་སྟེ།
[168a.4]འབྱུང་བ་ཆེན་པོ་བཞིའི་ངོ་བོ་ཉིད་ལས་ཀྱི་ཕྱག་རྒྱ་ལ་སོགས་པ་སྟེ། དེ་ཁོ་ན་ཉིད་ཀྱི་ཡེ་ཤེས་མཚོན་པར་བྱེད་པའོ། །ཇི་སྐད་དུ། མཚན་ཉིད་བལྟས་ཏེ་མཚན་གཞི་ནི། །རྣམ་ཤེས་ཡེ་ཤེས་ཡིད་ཀྱིས་སོ། །ཞེས་འབྱུང་ངོ་། །ཕྱག་རྒྱ་དེ་རྣམས་འབྱུང་བ་ཆེན་པོ་ལས་གཞན་མ་ཡིན་པ་ཉིད་དུ་
[168a.5]བསྟན་པར་བྱ་བའི་ཕྱིར། །ས་དང་ཆུ་དང་མེ་དང་ནམ་མཁའོ་ཞེས་བྱ་བ་སྨོས་ཏེ། །དེ་ཁོ་ན་ཉིད་ཀྱི་རིན་པོ་ཆེ་ལ་རྒྱས་བཏབ་ཅིང་བཀབ་པས་ན་ཕྱག་རྒྱ་སྟེ་ཁམས་ལྔའོ། །ཨེ་ཝཾ་མ་ཡཱ། ཞེས་བྱ་བ་ལ་སོགས་པས་སྔོན་དུ་བཤད་དོ། །ནམ་མཁའི་སྒྲས་ནི་ཆོས་ཀྱི་དབྱིངས་ཀྱི་དབང་ཕྱུག་མ་ལྔ་པ་འདིར་ཤེས་
[168a.6]པར་བྱའོ། །བླ་མའི་མན་ངག་གི་ལྡེ་མིག་གིས། ཕྱག་རྒྱ་ཕྱེ་བར་བྱས་ཏེ། དེ་ཁོ་ན་ཉིད་ཀྱི་རིན་པོ་ཆེ་མཐོང་བའི་རྣལ་འབྱོར་པའི་ལུས་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་གནས་ཞེས་བྱ་བའི་དོན་ཏོ། །དེ་བསྟན་པར་བྱ་བའི་ཕྱིར། བྱང་ཆུབ་སེམས་དཔའ་ནི་མིག་ལ་སོགས་པའི་
[168a.7]དབང་པོ་རྣམས་སོ་ཞེས་བྱ་བ་སྨོས་ཏེ། སའི་སྙིང་པོ་ལ་སོགས་པ་བྱང་ཆུབ་སེམས་དཔའ་རྣམས་གཞན་ནི་མ་ཡིན་ཏེ། མིག་ལ་སོགས་པ་ཁོ་ནའོ། །གནས་གྱུར་པའི་མཚན་ཉིད་ཅན། འཇུག་པའི་རྣམ་པར་ཤེས་པ་རྣམས། འདི་དག་ལ་དབང་བྱེད་པས་ནི་འདི་དག་དབང་པོར་བཤད་དོ། །
[168b]
[168b.1]ཇི་སྐད་དུ། དབང་པོ་གང་དང་གང་ལམ་གྱུར། །དེ་དང་དེ་ཡི་ངོ་བོ་ཉིད། །མཉམ་པར་མ་བཞག་སྦྱོར་བ་ཡིས། །སངས་རྒྱས་ཀུན་གྱི་རང་བཞིན་འཛིན། །ཅེས་འབྱུང་ངོ་། །དེ་ཁོ་ན་ཉིད་ཀྱི་མན་ངག་ལས་ཀྱང་། སྙིང་རྗེས་ཐུགས་དཀྲུགས་རྡོ་རྗེ་ཡིས། །མཁའ་འགྲོ་མ་རྣམས་འདི་ལ་གནས། །
[168b.2]འདི་ཉིད་དུ་ནི་སངས་རྒྱས་དང་། །བྱང་ཆུབ་སེམས་དཔའ་འགྲོ་གསུམ་གནས། །དེ་བས་ན་སངས་རྒྱས་ཐམས་ཅད་དང་བྱང་ཆུབ་སེམས་དཔའ་རྣམས་ཀྱི་གཞིར་གྱུར་པའི་ལུས་འདི་ལ། གནས་ཉི་ཤུ་རྩ་བཞིའི་ཁྱད་པར་གྱིས་ས་བཅུ་ཡང་འདི་ཉིད་དུ་ཤེས་པར་བྱའོ། །ཕ་རོལ་ཏུ་ཕྱིན་པའི་སྤྱོད་པ་ལ་
[168b.3]སྤྱོད་པའི་རྣལ་འབྱོར་པ་བཞིན་དུ་མ་ཡིན་ཏེ། ཐབས་དམན་པའི་ཕྱིར་ཞེས་དགོངས་པའོ། །ས་བཅུ་དེ་དག་གང་ཞེ་ན། གནས་དང་ཉེ་བའི་གནས་ཞེས་བྱ་བ་ནས། །དུར་ཁྲོད་དང་ཉེ་བའི་དུར་ཁྲོད་ཀྱི་བར་དུའོ། །ཇི་སྐད་དུ། གནས་ནི་རབ་ཏུ་དགའ་བའི་ས། །དེ་བཞིན་ཉེ་གནས་དྲི་མ་མེད། །ཅེས་
[168b.4]བྱ་བ་ལ་སོགས་པ་ནས། ཆོས་ཀྱི་སྤྲིན་གྱི་བར་དུ་རྟོགས་པར་བྱའོ། །གནས་ཀྱི་ཁྱད་པར་འདི་དག་ཅིའི་ཕྱིར་གསུངས་ཤེ་ན། དེ་ལ་གནས་པའི་གཞི་ཅན་གྱི་བདེ་བ་ཆེན་པོའི་ཡེ་ཤེས་བདག་པོ་ཡིན་པས། འོག་ནས་འཆད་པར་འགྱུར་པའི་གཅིག་ནས་གཅིག་ཏུ་གོ་རིམས་ཀྱིས་རྣམ་པར་མི་རྟོག་པའི་
[168b.5]ཡེ་ཤེས་ཤར་བས། ཉོན་མོངས་པ་དང་ཤེས་བྱའི་སྒྲིབ་པ་ཐམས་ཅད་རྣམ་པར་དག་ནས། ཡེ་ཤེས་ཀྱི་ས་ཐོབ་པར་འགྱུར་ཞེས་མན་ངག་གོ། །དེ་ལྟར་ན་ཇི་ལྟར་ཐ་མལ་པའི་རིག་པ་བདེ་བ་ཉམས་སུ་མྱོང་བ་ཙམ་ལས་ཤིན་ཏུ་ཐོབ་པར་དཀའ་བའི་སངས་རྒྱས་ཀྱི་སར་སྐྱེ་བར་འགྱུར་སྙམ་ན། དེ་
[168b.6]ནི་མ་ཡིན་ཏེ། རྒྱུ་གཞན་ཁྱད་པར་ཅན་གྱིས་བསྒོས་པའི་བདེ་བ་ལ་སོགས་པ་ལས། ས་བཅུའི་དབང་ཕྱུག་དང་ལྡན་པའི་སངས་རྒྱས་ཉིད་ཀྱི་འབྲས་བུ་ཁྱད་པར་ཅན་སྐྱེ་བར་འགྱུར་ཞེས་དངོས་པོའི་མཚན་ཉིད་ཁོ་ནའོ། །ཡང་ན་མང་དུ་སྨྲས་པས་ཅི་ཞིག་དགོས། །དབང་པོ་དམན་པའི་སྔགས་པ་
[168b.7]རྣམས་ལ། དམ་ཚིག་ཉམས་པའི་འཇིགས་པས་ཐབས་ཁྱད་པར་ཅན་གསུངས་ཏེ། འཇིག་རྟེན་པའི་དཔེ་འདི་ལྟར་སྨྲས་པར་བྱ་བ་ཡིན་ཏེ། གལ་ཏེ་རྡུལ་གྱིས་མིག་གི་ནད་སོས་པར་གྱུར་ན། མིག་སྨན་གྱི་དགོས་པ་གང་ཞིག་ཡོད་ཅེས་ས་བཅུ་གྲུབ་པའོ། །དེ་ཡང་གནས་ཉི་ཤུ་རྩ་
[169a]
[169a.1]བཞིའི་དབྱེ་བར་འགྱུར་ཏེ་ཞེས་བྱ་བ་སྨོས་ཏེ། །ཡར་ཀྱི་ངོ་དང་མར་གྱི་ངོ་། །ཚེས་ཉི་ཤུ་རྩ་བཞིའི་མཚན་ཉིད་འཕེལ་བ་དང་འགྲིབ་པའི་མཚན་ཉིད་ཀྱིས། དུས་ཀྱི་གྲངས་ཀྱི་རྒྱུར་གྱུར་པ། །བདེན་པ་གཉིས་དང་། སྐྱེ་བ་དང་། འཇིག་པ་དང་། བུད་མེད་དང་། སྐྱེས་པའི་མིང་
[169a.2]ཅན། ཐབས་དང་ཤེས་རབ་ཀྱི་མཚན་ཉིད། མ་ནིང་གི་དབྱངས་ཀྱི་ཡི་གེ་བཞི་སྤངས་པ། ཟླ་བའི་རྣམ་པ་བྱང་ཆུབ་ཀྱི་ཡིད་གང་ཡིན་པ། ཕྱི་དང་ནང་གི་བརྟན་པ་དང་གཡོ་བའི་ཚིག་གི་དོན་ཐམས་ཅད་ལ་ཁྱབ་པ། ས་དང་ཕ་རོལ་ཏུ་ཕྱིན་པའི་རྒྱུར་གྱུར་པ། དེའི་བྱིན་གྱིས་བརླབས་པས།
[169a.3]པུལླི་ར་མ་ལ་ཡ་ལ་སོགས་པའི་གནས་ཉི་ཤུ་རྩ་བཞིའི་དབྱེ་བས། ས་རྣམས་དབྱེ་བར་འགྱུར་ཞེས་དགོངས་པའོ། །ཇི་ལྟར་དབྱེ་བར་འགྱུར་ཞེ་ན། སྨྲས་པ། པུལླི་ར་མ་ལ་ཡ་ནས་ཨརྦུ་དའི་བར་དུ་གནས་བཞིའི་སྒྲས་བརྗོད་པ། ས་དང་པོ་དབྱེ་བར་འགྱུར་ཞེས་དགོངས་པའོ། །གོ་དཱ་བ་རི་
[169a.4]ནས། མཱ་ལ་ཝའི་བར་དུ་ཉེ་བའི་གནས་བཞིའི་སྒྲས་བརྗོད་པ། ས་གཉིས་པ་དབྱེ་བར་འགྱུར་ཞེས་བྱ་བའི་དོན་ཏོ། །དེ་བཞིན་དུ་ས་གསུམ་པ་ལ་སོགས་པའི་དབྱེ་བ་གཉིས་གཉིས། ཞིང་དང་ཉེ་བའི་ཞིང་ལ་སོགས་པའི་བྱེ་བྲག་གིས་ཤེས་པར་བྱའོ། །ཕྱིའི་གནས་ལ་སོགས་པར་འགྲོ་བ་
[169a.5]དགག་པ་བསྟན་པར་བྱ་བའི་ཕྱིར། །དེ་དག་རིམ་པ་བཞིན་དུ་སྤྱི་བོ་དང་སྤྱི་གཙུག་ཅེས་བྱ་བ་ལ་སོགས་པ་སྨོས་ཏེ། སའི་མཚན་ཉིད་གནས་ལ་སོགས་པ་འདི་དག །སྤྱི་བོ་ནས་པུས་མོའི་བར་དུ་བལྟ་བར་བྱ་ཞེས་བྱ་བ་ནི། སྤྱི་བོར་གནས་པའི་བདེ་བ་ཆེན་པོའི་རང་བཞིན་ཅན། །བྱང་ཆུབ་
[169a.6]སེམས་ཀྱི་ཐིག་ལེ་དགུག་པར་བྱ་བའི་ཕྱིར། བལྟ་བར་བྱ་ཞེས་བྱ་བ་ནི་བསྒོམ་པར་བྱའོ། །དེ་དག་བསྒོམ་པས་ཅིར་འགྱུར་ཞེ་ན། པུལླི་ར་མ་ལ་ཡར་དབང་ངོ་ཞེས་བྱ་བ་ལ་སོགས་པ་སྨོས་ཏེ། རེ་ཕའི་ཕོ་ཉ་མོ་ཡང་དག་པར་བསྐུལ་ཏེ། སྙིང་གི་མདུད་པ་རྣམས་གློད་པར་བྱས་ཏེ། པུལླི་ར་
[169a.7]མ་ལ་ཡའི་གནས་སུ་དབང་བ་ནི། བྱང་ཆུབ་ཀྱི་སེམས་ཀྱི་རྒྱལ་པོ་མཐོང་བས། དགའ་བར་བྱས་ལ། ཨོ་ཌི་ཡ་ནའི་གནད་ཀྱི་སྒོ་ཕྱེ་ནས། ངེས་པར་འབྱུང་སྟེ། དེ་བཞིན་གཤེགས་པ་རྣམས་ལ་འཇུག་པའི་སྒོ་ནས་ཁུགས་ཤིང་། ཡེ་ཤེས་ཀྱི་བདུད་རྩིའི་བག་ཆགས་ཙམ་བླངས་ལ། རང་གི་
[169b]
[169b.1]ཛཱ་ལནྡྷ་རའི་གནས་སུ་ལོངས་སྤྱོད་དོ་ཞེས་བྱ་བ་ནི། དེ་བཞིན་གཤེགས་པའི་ཡེ་ཤེས་ཀྱི་བདུད་རྩི་ཉམས་སུ་མྱོང་བའི་ལོངས་སྤྱོད་ཀྱི་མཚན་ཉིད་དམ་པར་དགའ་བ་སྐྱེད་པར་བྱེད་ཅེས་བྱ་བའི་དོན་ཏོ། །ཨོ་ཌི་ནར་ཐིམ་ཞེས་བྱ་བ་ནི། དེ་ལ་ལོངས་སྤྱོད་མ་ཐག་ཏུ། ལྷན་ཅིག་སྐྱེས་པའི་བདེ་བ་ཆེན་པོ་
[169b.2]བསམ་གྱིས་མི་ཁྱབ་པ་སྐད་ཅིག་རྗེས་སུ་མྱོང་ནས། མ་གོམས་པའི་དབང་གིས་ཐིམ་པ་ཞེས་བྱ་བ་ནི། བྱིང་བའི་མཚན་ཉིད་ཅན་དགའ་བ་དང་བྲལ་བའི་དགའ་བ་རབ་ཏུ་སྐྱེ་བར་འགྱུར་ཞེས་བྱ་བའི་དོན་ཏོ། །དེ་ལྟར་གནས་ཐམས་ཅད་དུ་དགའ་བ་རྣམ་པ་བཞི་དང་། སྐད་ཅིག་མ་དང་། འབྲས་
[169b.3]བུ་ལ་སོགས་པ་མངོན་དུ་བྱའོ། །དེས་ན་གནས་ཉི་ཤུ་རྩ་བཞི་ལ། རབ་གཏུམ་མ་ལ་སོགས་པ་དཔའ་མོ་རྣམས་དང་། ཐོད་པའི་དུམ་བུ་ལ་སོགས་པ་དཔའ་བོ་ཐམས་ཅད་ཆོས་དང་ཆོས་ཅན་གྱི་ཚུལ་དུ་ལྷན་ཅིག་སྐྱེས་པ་ངོ་བོ་ཉིད་ཀྱི་བྱང་ཆུབ་ཀྱི་ཐིག་ལེར་བསྡུས་པ་རྣམས་ཀྱི་ཀུན་དུ་སྤྱོད་པ་
[169b.4]བདུན་ཅུ་རྩ་གཉིས་རྟོགས་པར་བྱ་ཞེས་མན་ངག་གོ། །དམ་ཚིག་དང་མི་ལྡན་ཞིང་དད་པ་མེད་པ་ལ། གང་གི་སྟོན་པར་འགྱུར་ན། དེའི་བསམ་པ་ཐམས་ཅད་དོན་མེད་པར་འགྱུར་རོ། །ད་ནི་དགའ་བ་གསུམ་པོ་སྐུ་གསུམ་ལས་གཞན་མ་ཡིན་པ་ཉིད་བསྟན་པར་བྱ་བའི་ཕྱིར། གནས་
[169b.5]འདི་རྣམས་སུ་དེ་བཞིན་གཤེགས་པ་རྣམས་ཀྱི་ཞེས་བྱ་བ་ལ་སོགས་པ་སྨོས་ཏེ། བཤད་མ་ཐག་པའི། པུལླི་ར་མ་ལ་ཡ་ལ་སོགས་པའི་གནས་ཏེ། རང་གི་སྐུའི་འཁོར་ལོའི་རྩིབས་རྣམས་སུ། བྱང་ཆུབ་ཀྱི་སེམས་ལ་གནས་པའི་དཔའ་བོ་དང་། དཔའ་མོ་དང་། ཀུན་དུ་སྤྱོད་པའི་གནས་
[169b.6]སོ། །དེ་བཞིན་གཤེགས་པ་རྣམས་ཀྱི་ཞེས་བྱ་བ་ནི། དཔའ་བོ་དང་དཔའ་མོ་རྣམས་ཀྱི་ལྷན་ཅིག་སྐྱེས་པའི་བདེ་བ་ཆེན་པོའི་ཡེ་ཤེས་སྐྱེ་བར་འགྱུར་ཞེས་འོག་ནས་ཚིག་སྦྱར་རོ། །ཇི་ལྟར་ཞེ་ན། བདེ་བ་ཇི་ལྟ་བ་བཞིན་དུ་ཞེས་བྱ་བ་སྨོས་ཏེ། བདེ་བ་ནི་འདོད་པའི་ཡོན་ཏན་ལྔ་བསྟན་པས་སོ། །
[169b.7]ཡང་ན་རང་རྒྱུན་དུ་གནས་པའི་སྲོག་དང་རྩོལ་བ་བརྒྱུད་པའི་རྗེས་སུ་འབྲང་བའོ། །གོ་རིམས་བཟློག་སྟེ་ཞེས་བྱ་བ་ནི། གོ་རིམས་སྤངས་ཏེ་གསུངས་ཀྱང་། །འཇུག་པའི་རིམ་པ་བཞིན་དུ་ཤེས་པར་བྱའོ། །དེ་བས་ན་སྤྲུལ་པ་དང་། ལོངས་སྤྱོད་དང་། ཆོས་ཀྱི་སྐུའི་ཚུལ་དུ་ཤེས་པར་བྱ་སྟེ། དེ་ལ་
[170a]
[170a.1]དབང་བ་ནི་སྤྲུལ་པའི་སྐུའི་ཡེ་ཤེས་ཏེ། ཀུན་རྫོབ་ཀྱི་བྱང་ཆུབ་སེམས་དཔའ་ལ་དམིགས་པའི་ཡེ་ཤེས་ནི། སྤྲུལ་པའི་སྐུའི་སོ་སོར་སྣང་བ་སྐྱེད་པར་བྱེད་པའི་ཕྱིར་རོ། །བར་མེད་པའི་གནས་སྐབས་སུ་ལོངས་སྤྱོད་པའི་དབང་གིས། ལོངས་སྤྱོད་རྫོགས་པའི་སྐུའི་ཡེ་ཤེས་ཏེ། རང་
[170a.2]རིག་པའི་ཆོས་ཉིད་ཀྱི་རོ་ཉམས་སུ་མྱོང་བ་ལ་ལོངས་སྤྱོད་པས་སོ། །དེའི་རྗེས་ལ་དོན་དམ་པའི་བྱང་ཆུབ་སེམས་ཀྱི་མཚན་ཉིད་ངོ་བོ་ཉིད་ཀྱི་སྐུ་ཡེ་ཤེས་ལྷན་ཅིག་སྐྱེས་པ་ཞེས་བྱ་བ་སྐྱེས་པར་འགྱུར་ཞེས་མན་ངག་གོ། །དེ་བཞིན་དུ་ཡང་བར་བཅད་པ་ལ་ཐིམ་པའི་དབང་གིས་ཆོས་ཀྱི་སྐུའི་ཡེ་ཤེས་སྐྱེ་
[170a.3]བར་འགྱུར་ཏེ། དགའ་བ་དང་བྲལ་བའི་དབང་གིས། །འདོད་ཆགས་དང་བྲལ་བའི་ཆོས་ཉིད་ཙམ་ལ། མངོན་པར་ཞེན་པའི་ཕྱིར་ཞེས་དགོངས་པའོ། །དེ་བས་ན་དམ་པ་དགའ་བ་ལས་ཕྱི་མ་དང་། དགའ་བྲལ་གྱི་གོང་མ་སྟེ། ལྷན་ཅིག་སྐྱེས་པ་ཞེས་བྱ་བ། ངོ་བོ་ཉིད་ཀྱི་སྐུ་དེ་ཁོ་ན་ཉིད་རིག་
[170a.4]པའི་རྣལ་འབྱོར་པས་བསྒོམ་པར་བྱའོ། །སྐུ་གསུམ་གྱི་ཡེ་ཤེས་ཀྱི་མཚན་ཉིད་བསྟན་པས་ཐིམ་པའི་སྒྲ་ལ་སློབ་དཔོན་ཉིད་ཀྱིས་ཆོས་ཀྱི་སྐུའི་དོན་སོ་སོར་བསྟན་པར་བྱ་བའི་ཕྱིར། གནས་པ་ནི་རབ་ཏུ་ཐིམ་པའོ་ཞེས་བྱ་བ་སྨོས་ཏེ། དེ་ལ་ཥྛ་ནི་འགྲོ་བ་ལས་ལོག་པའི་དོན་ཞེས་སྐད་ཀྱི་དབྱིངས་
[170a.5]ལས་འབྱུང་ངོ་། །དེས་ན་འགྲོ་བ་ནི་ལོངས་སྤྱོད་པ་དང་། །སྤྲུལ་བའི་སྐུའི་འགྲོ་བའི་དོན་བྱེད་པའོ། །དེ་ལས་ལོག་ཅིང་ཐིམ་པ་སྟེ། འགོག་པ་ཞེས་བྱ་བ་འདིས་ཆོས་ཀྱི་སྐུའི་མཚན་ཉིད་རྟོགས་པར་བྱའོ། །དེ་རྣམས་ཀྱི་གཙོ་བོ་ཉིད་ཀྱིས་ཞེས་བྱ་བ་ལ། སྐུ་གསུམ་རྟོགས་པའི་གནས་དེ་རྣམས་ཀྱི་
[170a.6]ནང་ནས། གཙོ་བོ་ཉིད་ཀྱིས་ཞེས་བྱ་བ་ནི། གནས་གཙོ་བོ་ལས་མི་འདའ་བར་ངེས་པར་འབྱུང་བའི་ལམ་ནས་ཞེས་བྱ་བའི་དོན་ཏོ། །ལམ་དེ་བསྟན་པར་བྱ་བའི་ཕྱིར། ཨོ་ཌི་ནར་གནད་ཀྱི་སྒོ་ཕྱེ་བ་ཞེས་བྱ་བ་སྨོས་པ་ལ། འཕུར་བའི་ལམ་ནས་འགྲོ་བ་ཡིན་གྱི། མྱ་ངན་ལས་འདས་པའི་
[170a.7]ལམ་ནས་འགྲོ་བར་མི་རིགས་ཞེས་དགོངས་པའོ། །རྡོ་རྗེ་མཁའ་འགྲོ་མས་བསྐུལ་བ་དང་ཞེས་བྱ་བ་ལ། སྔགས་ཀྱི་སྒྲོན་མེའི་སྐབས་འདིར། རྡོ་རྗེ་མཁའ་འགྲོ་མ་ནི་རེ་པའི་ཕོ་ཉ་མོ་བསྐུལ་བའི་བསྒོམ་པ་གཙོ་བོ་ཡིན་གྱི། དབྱངས་ཀྱི་ཕོ་ཉ་མོའི་བསྒོམ་པ་གཙོར་མ་བསྟན་ཏེ། དང་པོ་གོམས་
[170b]
[170b.1]པའི་དུས་སུ་དམན་པའི་ཡེ་ཤེས་སྐྱེ་བའི་ཕྱིར་རོ། །རྡོ་རྗེ་མཁའ་འགྲོ་མས་བསྐུལ་བས་ཅི་དགོས་ཤེ་ན། ཛཱ་ལནྡྷ་རར་བདེ་བ་ཆེན་པོའི་ཡེ་ཤེས་དང་། ཕྲད་ཅིང་འདུ་བས་ཞེས་བྱ་བ་སྨོས་པའོ། །དེ་བཞིན་གཤེགས་པ་རྣམས་ཀྱི་ཡེ་ཤེས་ཀྱི་བདུད་རྩི་བླངས་ལ། ཛཱ་ལནྡྷ་རར་ཞེས་བྱ་བ་ནི། རང་རིག་མི་
[170b.2]ཤིགས་པའི་ཡི་གེའི་གམ་དུ་ཕྱིན་ནས། དགའ་བར་བྱས་ལ། ཟླ་བ་རྒྱས་པ་ལྟར་བལྟས་ཏེ། བདེ་བ་ཆེན་པོའི་ཡེ་ཤེས་ལ་ཉེ་བར་དམིགས་ཤིང་། འཁྱུད་པ་ལ་སོགས་པའི་བྱ་བ་བརྩམ་པར་བྱ་ཞེས་མཚོན་ཏོ། །དེའི་རྗེས་སུ་དེ་བཞིན་གཤེགས་པའི་ཆོས་ཐམས་ཅད་ཡང་དག་པར་བརྗོད་ཅིང་སྣང་
[170b.3]བའོ་ཞེས་བྱ་བ་སྨོས་པ་ལ། དེ་བཞིན་གཤེགས་པའི་ཐུགས་ཡང་དག་པའི་ཡེ་ཤེས་ཀྱི་བདུད་རྩི་བླངས་པའི་རྗེས་ལ། དེ་བཞིན་གཤེགས་པའི་ཆོས་ཐམས་ཅད་ཅེས་བྱ་བ་ནི། སྟོབས་དང་མི་འཇིགས་པ་ལ་སོགས་པའོ། །དེ་རྣམས་ཡང་དག་པར་བརྗོད་ཅིང་སྣང་བ་ནི། རང་གི་ལུས་ལ་ཟག་པ་
[170b.4]མེད་པའི་ཡེ་ཤེས་ཀྱིས་བྱིན་གྱིས་བརླབས་པས། སྟོབས་དང་མི་འཇིགས་པ་ལ་སོགས་པ། དེ་བཞིན་གཤེགས་པའི་ཆོས་ཐམས་ཅད་སྐྱེས་པར་འགྱུར་རོ། །དེ་བས་ན་རྣལ་འབྱོར་པ་ལ་དེ་བཞིན་གཤེགས་པའི་ཆོས་དང་འབྲེལ་བས། །དཀྱིལ་འཁོར་ལ་སོགསེ་པའི་བསོད་ནམས་དང་། ཡེ་ཤེས་
[170b.5]ཀྱི་རྒྱུར་གྱུར་པ། །དགེ་བའི་བྱ་བ་ཐམས་ཅད་འབད་པ་མེད་པར་གྱུར་པ་ཞེས་བྱ་བ་བསྟན་པར་བྱ་བའི་ཕྱིར་རོན། །འདི་ཉིད་དུ་དཀྱིལ་འཁོར་བ་དང་། སྦྱིན་སྲེག་དང་། མཆོད་སྦྱིན་དང་། བཟླ་བ་དང་། བསམ་གཏན་བྱ་བ་དང་། འཛིན་པ་དང་། རྡུལ་ཚོན་དགྱེ་བ་ཞེས་བྱ་བ་ལ་སོགས་པ་བསྟན་ཏེ།
[170b.6]ཞེས་སྔགས་ཀྱི་རིམ་པའོ་ཞེས་བྱ་བ་སྨོས་ཏེ། འདི་ཉིད་དུ་ཞེས་བྱ་བ་ནི། །རྣལ་འབྱོར་བའི་ལུས་ལའོ། །དཀྱིལ་འཁོར་པ་ཞེས་བྱ་བ་ནི། དཔལ་ཧེ་རུ་ཀ་སྟེ་རབ་གཏུམ་མོ་ལ་སོགས་པའི་དཔའ་མོ་རྣམས་དང་། ཐོད་པའི་དུམ་བུ་ལ་སོགས་པ་དཔའ་བོ་དག །པུལླི་ར་མ་ལ་ཡ་ལ་སོགས་པར་སྤྱི་བོ་
[170b.7]ནས་བརྩམས་ཏེ། པུས་མོའི་བར་དུ་གནས་ཞེས་དགོངས་པའོ། །སྦྱིན་སྲེག་ཅེས་བྱ་བ་ནི། ཀུན་རྫོབ་ཀྱི་བྱང་ཆུབ་ཡིད་ཀྱི་དགང་བླུགས་དོན་དམ་པའི་ཡེ་ཤེས་མེ་ལ་བསྲེགས་པས་སོ། །མཆོད་སྦྱིན་ཞེས་བྱ་བ་ནི། བླ་ན་མེད་པའི་མཆོད་པའོ། །དེ་ཁོ་ན་ཉིད་ལ་བལྟ་བར་བྱ་བའི་ཕྱིར། སྙོམས་པར་
[171a]
[171a.1]ཞུགས་པ་ཞེས་བྱ་བའི་དོན་ཏོ། །ཇི་སྐད་དུ། འདི་ལ་རྟག་པར་གང་ལྟ་བ། །དེ་ཉིད་རྒྱལ་བས་མཆོད་པར་གསུངས། །ཞེས་འབྱུང་ངོ་། །བཟླ་བའི་ཞེས་བྱ་བ་ནི། ཨཱ་ལི་དང་ཀཱ་ལི་གཡས་དང་གཡོན་པ་ཞེས་བྱ་བས། རྡོ་རྗེ་བཟླས་པ་སྔོན་དུ་བཤད་ཟིན་ཏོ། །བསམ་གཏན་ཞེས་བྱ་
[171a.2]བ་ནི། དེ་ཁོ་ན་ཉིད་གཅིག་པུ་ལ་མཐར་ཐུག་པ་ཡོད་དོ། །བསམ་པར་བྱ་བ་ནི་དེ་ཁོ་ན་ཉིད་མཐོང་བའི་ཐབས་ལ་དམིགས་པའོ། །འཛིན་པ་ཞེས་བྱ་བ་ནི། དབང་པོ་མི་འཕྲོ་བའོ། །རྡུལ་ཚོན་ལ་སོགས་པ་ཞེས་བྱ་བ་ནི། བྱང་ཆུབ་ཀྱི་སེམས་ཀྱི་རྡུལ་ཚོན་གྱིས་འཁོར་ལོ་བཞི་གསོ་བའོ། །ཡང་
[171a.3]ན་བྷ་གའི་དཀྱིལ་འཁོར་བྲི་བའོ། །སོགས་པའི་སྒྲས་ནི་རབ་ཏུ་གནས་པ་དང་། སྤྱན་དྲང་བ་དང་། གཤེགས་སུ་གསོལ་བ་ལ་སོགས་པ་སྤྲོས་པ། རླུང་གི་དེ་ཁོ་ན་ལ་བསྡུས་པའོ། །ཡང་ན་ཛཱ་ལནྡྷ་ར་རང་བདེ་བ་ཆེན་པོའི་ཡེ་ཤེས་དང་ཕྲད་པས། རང་རིག་པ་དེ་ཉིད་དུ་ཐམས་ཅད་བསྡུས་ཏེ།
[171a.4]རང་བཞིན་གྱིས་དགེ་བའི་ངོ་བོ་ཉིད་ཡིན་པའི་ཕྱིར་རོ། །ཇི་སྐད་དུ། སྔགས་བཟླས་སྦྱིན་སྲེག་དཀའ་ཐུབ་དེ་ཉིད་དེ། །མདོར་བསྡུས་རང་རིག་སེམས་ཉིད་གཅིག་པུར་གསུངས། །ཞེས་འབྱུང་བས་སོ། །སྔགས་ཀྱི་སྒྲོན་མ་ཞེས་བྱ་བ་ནི། སྔགས་ཀྱི་སྒྲོན་མའི་ཚིག་སྦས་པ་དེ་ཕྱེ་བ་ནི་སྒྲོན་མར་
[171a.5]བཤད་པའོ། །དེ་ལ་བསྒྲུབ་བྱ་མངོན་དུ་བྱེད་པས་ན་སྔགས་སོ། །གཞན་ཡང་ཡིད་སྐྱོབ་པར་བྱེད་པས་ན་སྔགས་སོ། །ཨཱ་ལི་ཀཱ་ལི་ཟུང་ནི་སྔགས་ཀྱི་རྒྱུ་ཡིན་པས་སྔགས་སུ་ཡང་བཤད་དོ། །དེ་ལས་བསྡུས་པའི་ཡི་གེ་གསུམ་མམ། རང་དད་པའི་ལྷའི་སྙིང་པོ་དང་། སྔགས་ཀྱི་དེ་ཁོ་ན་ཉིད་ངོ་
[171a.6]བོ་སྡེ་ཚན་གྱི་ཡི་གེ་ཨཱཿདང་། ཧཱུཾ་དང་། ཨོཾ་དང་། ཧ་དང་། དེ་བཞིན་གཤེགས་པ་དང་། ལྷ་མོའི་ས་བོན་རྣམས། སྔགས་ཀྱི་སྒྲས་མ་བསྟན་ཏོ། །ཇི་སྐད་དུ། སྔགས་ནི་འགུགས་བྱེད་ཅེས་བྱ་སྟེ། །བསྒྲུབ་བྱ་རྣམས་ནི་མངོན་དུ་བྱེད། །ཨཱ་ལི་ཀཱ་ལི་སྔགས་ཡིན་ཏེ། །དེ་ལས་བཏུས་
[171a.7]པའང་སྔགས་སུ་གསུངས། །ཞེས་གསུངས་སོ། །ལས་ཀྱི་རྡོ་རྗེ་སྨྲས་པའི་ཊཱི་ཀཱ་ལས། སྔགས་ཀྱི་སྒྲོན་མ་སྟེ་དང་པོའོ།། །།ད་ནི་རྒྱུད་ཀྱི་སྒྲོན་མ་བཤད་པར་བྱ་སྟེ། དེ་ལ་རྒྱུད་ནི་རྣམ་པ་གསུམ་སྟེ།འཇིག་རྟེན་པའི་ཕ་མའི་རྒྱུད་དང་། འཇིག་རྟེན་ལས་འདས་པའི་ཐབས་དང་ཤེས་
[171b]
[171b.1]རབ་ཀྱི་རྒྱུད་དང་། བླ་ན་མེད་པའི་དེ་བཞིན་གཤེགས་པའི་རྒྱུད་དོ། །དེ་ལ་ཕ་དང་མའི་སྦྱོར་བས་བདེ་བའི་རྟེན་ཅིང་འབྲེལ་བ་ལ་བརྟེན་ཏེ། འགྲོ་བའི་རྒྱུད་བརྩམ་ཞིང་གང་གིས་བསྐྱེད་པ་དེ་ནི་རྒྱུད་ཏེ། འདོད་ཆགས་གཙོར་གྱུར་པའི་སེམས་ཞེས་དགོངས་སོ། །ཇི་སྐད་དུ། ཕ་དང་མ་ཡི་བདེ་ཤུགས་
[171b.2]ཀྱིས། །སྐད་ཅིག་དེ་ལ་ཁམས་གསུམ་སྐྱེས། །ཞེས་བྱ་བ་ལ་སོགས་པ་འབྱུང་ངོ་། །སླར་ཡང་དེ་ཉིད་འཇིག་རྟེན་ལས་འདས་པའི་ཐབས་དང་ཤེས་རབ་ཁྱད་པར་ཅན་གྱི་རྟེན་ཅིང་འབྲེལ་པ་ལ་བརྟེན་ཏེ། བླ་མ་དམ་པའི་མན་ངག་གི་སྟོབས་ཀྱིས་བརྩམ་ཞིང་སྦྱངས་པས་ན་རྒྱུད་དེ། སངས་རྒྱས་
[171b.3]སྐྱེད་པར་བྱེད་པའི་ནུས་པ་དང་ལྡན་པ། འདོད་ཆགས་ཀྱི་རྡུལ་དང་བྲལ་བའི་རྡོ་རྗེ་སེམས་དཔའི་མཚན་ཉིད་ཅན་གྱི་ཡིད་དོ། །ཇི་སྐད་དུ། འདོད་ཆགས་ལས་ནི་འཇིག་རྟེན་སྐྱེ། །འདོད་ཆགས་ཉིད་ཀྱིས་འཇིག་པར་འགྱུར། །རྡོ་རྗེའི་འདོད་ཆགས་ཡོངས་ཤེས་ནས། །ཡིད་ནི་རྡོ་རྗེ་སེམས་དཔར་
[171b.4]འགྱུར། །ཞེས་འབྱུང་ངོ་། །དེ་ནི་འབྲས་བུར་གྱུར་པའི་དེ་བཞིན་གཤེགས་པའི་རྒྱུད་དེ། རིགས་ལྔའི་སྔོན་དུ་འགྲོ་བ་རྡོ་རྗེ་འཆང་ཆེན་པོའི་ཡེ་ཤེས་དྲུག་པ་གང་གིས་རྩོམ་པ། དེ་ནི་མི་གནས་པའི་མྱ་ངན་ལས་འདས་པའི་མཚན་ཉིད། བརྒྱ་བྱིན་གྱི་གཞུ་དང་མཚུངས་པ། བདག་བྱིན་གྱིས་
[171b.5]རློབ་ཅེས་བྱ་བའི་མཚན་ཉིད་ཀྱི་རྣམ་གྲངས་ཅན། སྣ་ཚོགས་གཉིས་སུ་མེད་པའི་ངོ་བོ་ཉིད། དག་པའི་འཇིག་རྟེན་པའི་ཡེ་ཤེས་ཀྱི་རང་བཞིན་ལོངས་སྤྱོད་རྫོགས་པའི་སྐུ་འཆད་པར་འགྱུར་བའི་སྒྲོན་མ་གསུམ་པ་ནས་བསྟན་པར་བྱ་ན། སེམས་ལ་དམིགས་པ་ཐོབ་པ་སྔོན་དུ་འགྲོ་བ་ཅན་ཤེས་པར་བྱའོ། །
[171b.6]དེ་ལ་སེམས་ལ་དམིགས་པ་ཐོབ་པ་དང་པོ་བསྟན་པར་བྱ་སྟེ། བླ་མ་དམ་པ་ལས་དབང་བསྐུར་བ་ཐོབ་པའི་རྣལ་འབྱོར་བས། སེམས་ལ་དམིགས་པ་ཐོབ་པའི་རྒྱུར་གྱུར་པ། གཏུམ་མོ་སྦར་བར་བྱ་བ་ཡིན་ཏེ། ཐབས་དང་ཤེས་རབ་ཁྱད་པར་ཅན་གྱི་འདོད་ཆགས་ཀྱི་རྒྱུད་ལ་བརྟེན་ཅིང་། སྲུབ་
[171b.7]ཤིང་ལས་མེ་བཞིན་དུ་ཡེ་ཤེས་བསྐྱེད་པར་བྱས་ལ། ཟག་པ་དང་བཅས་པའི་ཕ་མའི་རྒྱུད་ལས་འབྱུང་བའི་ཕུང་པོ་དང་། ཁམས་ལ་སོགས་པ་བསྲེགས་ཏེ་སྣང་བའི་ཡེ་ཤེས་ཐོབ་ནས། ཕྱིར་འབྱུང་ཞིང་དེ་བཞིན་གཤེགས་པའི་སྐུ་ལ་རབ་ཏུ་ཞུགས་ཏེ། གཉིས་སུ་སྣང་བ་བསྲེགས་ལ། སྣང་
[172a]
[172a.1]བ་མཆེད་པའི་ཡེ་ཤེས་ཐོབ་ནས། དེ་བཞིན་གཤེགས་པའི་སྐུ་དེ་ཉིད་རྣམ་པར་རྟོག་པ་ཐམས་ཅད་མེད་པའི་ངོ་བོ་ཉིད་ལ། རིམ་གྱི་རིམ་གྱིས་ནམ་མཁའ་ལ་གློག་ལྟར་འཆར་བ་དང་། ནུབ་པ་བསྟན་ནས། སྣང་བ་ཐོབ་པ་ཡེ་ཤེས་ལ་སེམས་ལ་དམིགས་པ་ཐོབ་པའི་མཚན་ཉིད་ཅན་
[172a.2]ལ་གནས་པར་བྱ་ཞེས་གདམས་ངག་གོ། །ཇི་སྐད་དུ། སྣང་བའི་ཕྲེང་བ་ལས། ནུབ་ནས་སླར་ཡང་ཤར་བ་སྟེ། །གཉིས་པ་གཉིས་མེད་གོ་འཕང་ལའོ། །ཞེས་འབྱུང་ངོ་། །དོན་དེ་ཉིད་སོ་སོར་བསྟན་པར་བྱ་བའི་ཕྱིར། སློབ་དཔོན་གྱིས་འདི་གསུངས་ཏེ། སྲུབ་དང་བསྲུང་བྱའི་སྦྱོར་བ་ལས།
[172a.3]ལས་ཀྱི་རླུང་གིས་བསྐྱོད་པའི་ཡེ་ཤེས་ཀྱི་མེ་ཞེས་བྱ་བ་ལ་སོགས་པ་ནི། དེ་ལ་བསྲུང་པར་བྱ་བ་ནི་ཤེས་རབ་བོ། །སྲུབ་པར་བྱེད་པ་ནི་ཐབས་སོ། །དེ་དག་གི་སྦྱོར་བ་ནི་སྙོམས་པར་ཞུགས་པའོ། །དེ་ལས་ཡེ་ཤེས་ཀྱི་མེ་ཞེས་བྱ་བ་ནི་ཨ་ལས་ལངས་པའི་ཤེས་རབ་ཀྱི་མེ་བསྟན་ཏེ། རྣམ་པར་རྟོག་པའི་
[172a.4]བུད་ཤིང་སྲེག་པར་བྱེད་པའི་ངོ་བོ་ཡིན་པའི་ཕྱིར་རོ། །འདིར་ཞེས་བྱ་བ་ནི་ལུས་འདི་ཉིད་ལ། ཇི་ལྟར་འབར་བར་འགྱུར་ཞེ་ན། ལས་ཀྱི་རླུང་གི་བསྐྱོད་པ་ཞེས་བྱ་བ་སྨོས་ཏེ། ལས་ཀྱི་རླུང་ནི་སྲོག་དང་རྩོལ་བའོ། །ཡང་ན་འཁྱུད་པ་དང་། ཙུམྦ་ན་ལ་སོགས་པའི་ལས་སོ། །དེ་ཉིད་རླུང་ཡིན་ཏེ།
[172a.5]ཡེ་ཤེས་ཀྱི་མེ་སྐུལ་བར་བྱེད་པའི་ཕྱིར་རོ། །དེས་བསྐུལ་ནས་ལྟེ་བའི་དཀྱིལ་འཁོར་དུ་ཞེས་བྱ་བ་ནི། སྤྲུལ་པའི་འཁོར་ལོའི་ལྟེ་བའམ། རྡོ་རྗེ་ནོར་བུའི་ཆང་གཟུངས་སུ་དུ་བར་གྱུར་པ་ཞེས་བྱ་བ་ནི། དབྱངས་ཀྱི་ཕོ་ཉ་མོའམ། ལྷན་ཅིག་སྐྱེས་པའི་ཕོ་ཉ་མོ། །དང་པོ་བསྐྱེད་བཞིན་པའི་དུས་སུ།
[172a.6]དུད་པར་འགྱུར་ཞིང་མེའི་རྟགས་བཞིན་དུ་རྣལ་འབྱོར་པ་ལ། འདར་བ་དང་རྡུལ་བ་ལ་སོགས་པའི་གཟུགས་སུ་སྐྱེ་བའམ། དུ་བ་དང་སྨིག་རྒྱུ་ལ་སོགས་པའི་མཚན་མའི་གཟུགས་སུ་སྣང་ཞིང་འབར་བར་འགྱུར་རོ། །མཚན་མ་མཐོང་བའི་རྗེས་ལ་མངོན་དུ་འགྱུར་ཞེས་བྱ་བའི་དོན་ཏོ། །སྐྱེས་ནས་ཅི་
[172a.7]བྱེད་ཅེ་ན། དེའི་འོད་ཀྱིས་དམ་ཚིག་གི་འཁོར་ལོར་གནས་པའི་ཞེས་བྱ་བ་ལ་སོགས་པ་སྨོས་ཏེ། དེའི་འོང་ནི་ཡེ་ཤེས་ཀྱི་མེའི་ནུས་པས་སོ། །དམ་ཚིག་གི་འཁོར་ལོ་ཞེས་བྱ་བ་ནི། ཕུང་པོ་ལྔ་དེ་བཞིན་གཤེགས་པ་ལྔ་ལས་མི་འདའ་བས་ན་དམ་ཚིག་གོ། །དེ་རྣམས་ཀྱི་གཞིར་གྱུར་པའི་འཁོར་ལོ་
[172b]
[172b.1]ནི་དམ་ཚིག་གི་འཁོར་ལོ་སྟེ། ཆོས་ཀྱི་འཁོར་ལོའོ། །དེ་ལ་གནས་པའི་དེ་བཞིན་གཤེགས་པ་རིགས་ལྔར་བསྡུས་པ་དེ་དག་བསྲེགས་ཏེ་ཞེས་བྱ་བ་ནི། སྣང་བ་མེད་པར་བྱས་ནས་སོ། །དེའི་རྗེས་སུ་ལོངས་སྤྱོད་ཀྱི་འཁོར་ལོར་ཆུད་པ་ཞེས་བྱ་བ་ལ་སོགས་པ་ནི། རོ་རྣམ་པ་དྲུག་ལ་ཡང་དག་པར་གཟུགས་
[172b.2]རྡོ་རྗེ་མ་ལ་སོགས་པའི་ངོ་བོ་ཉིད་ཀྱིས་ལོངས་སྤྱོད་པས་ན་ལོངས་སྤྱོད་དོ། །དེའི་གཞིར་གྱུར་པའི་འཁོར་ལོ་ལོངས་སྤྱོད་ཀྱི་འཁོར་ལོ་སྟེ། མགྲིན་པའི་འཁོར་ལོའོ། །དེར་ཆུད་པའི་ཐབས་ཞེས་བྱ་བ་ནི། སྤྱན་ལ་སོགས་པས་ཡོངས་སུ་བསྐོར་བའི་བཟང་བ་པོ་ཞེས་བྱ་བའི་སེམས་ཐབས་སུ་བསྟན་ཏེ།
[172b.3]ལོངས་སྤྱོད་ལ་བརྟེན་པའི་ཐབས་ཀྱིས་དེ་ཁོ་ན་ཉིད་གྲུབ་པའི་ཕྱིར་རོ། །ཇི་སྐད་དུ། དཀའ་ཐུབ་དམ་བཅས་དྲག་པོ་ཡིས། །བསྟེན་པས་གྲུབ་པར་མི་འགྱུར་ཏེ། །འདོད་ཡོན་ལོངས་སྤྱོད་ལྔ་ཡིས་ནི། །བསྟེན་ན་མྱུར་དུ་འགྲུབ་པར་འགྱུར། །ཞེས་གསུངས་པའོ། །ལན་གསུམ་བསྐོར་ཏེ་ཞེས་བྱ་བ་
[172b.4]ལ། ཐབས་མ་གཏོགས་པར་བྱང་ཆུབ་མེད་ཅེས་བཀུར་སྟིའི་ཕྱིར་ལན་གསུམ་ཐབས་དེ་ལས་བསྐོར་ཞེས་དགོངས་པའོ། །བསྐོར་ཏེ་དེའི་རྗེས་སུ་ཅི་བྱེད་ཅེ་ན། མཛོད་སྤུར་གནས་པའི་ཞེས་བྱ་བ་སྨོས་ཏེ། སྨིན་མའི་མཚམས་སུ་ཕྱིན་ནས་ཅུང་ཟད་གནས་པར་བྱས་ལ། སྣང་བའི་ཡེ་ཤེས་ཐོབ་པར་
[172b.5]བྱས་ནས། གནད་ཀྱི་སྒོ་ཨོ་ཌི་ཡ་ན་ཞེས་བྱ་བ་ནས་སྨོས་པ་ནི། རྣ་བ་གཡས་པ་ནི་ཨོ་ཌི་ཞེས་བྱ་བའོ། །གང་གི་ཕྱིར་འཕུར་ཞིང་འགྲོ་བའི་ལམ་ཡིན་ཞེས་དགོངས་སོ། །ངེས་པར་འབྱུང་ཞིང་ཞེས་བྱ་བ་ནི། ཕྱིར་འགྲོ་བར་བྱའོ། །ངག་ཏུ་འགྲོ་ཞེ་ན། ཕྱོགས་བཅུའི་འཇིག་རྟེན་གྱི་ཁམས་ན་
[172b.6]བཞུགས་པའི་ཞེས་བྱ་བ་ལ་སོགས་པ་སྨོས་ཏེ། མཐའ་ཡས་པའི་འཇིག་རྟེན་གྱི་ཁམས་ན་བཞུགས་པའོ། །རང་རང་གི་ངོ་བོ་དེ་བཞིན་གཤེགས་པ་རྣམས་ཀྱི་ཐུགས་དང་འབྲེལ་བའི་སྤྱི་གཙུག་གི་ཁུང་བུ་གསེར་གྱི་སྒོ་ཛཱ་ལནྡྷ་རང་ཞེས་བྱ་བ་ནས་འཇུག་པར་བྱ་ཞེས་ཚིག་གི་འབྲེལ་བའོ། །དེ་ལ་
[172b.7]ཐུགས་ཀྱི་བར་དུ་ཁྱབ་པའི་སྤྱི་གཙུག་གི་ཁུང་བུ་ནི། དབུས་ཀྱི་རྩའི་སྟེང་གི་སྒོའི་རྩེ་མོ་ནས་ཞེས་བྱ་བའི་དོན་ཏོ། །གསེར་གྱི་སྒོ་ནས་ཞེས་བྱ་བ་ནི། ཟིལ་པའི་ཐིགས་པ་དང་མཚུངས་པའི་ཡེ་ཤེས་ཀྱི་གནས་ཡིན་ཞེས་བརྡའི་མྱོང་ངོ་། །ཛཱ་ལནྡྷ་ར་ཞེས་བྱ་བ་ནི། དེ་ཉིད་ཀྱི་མིང་གི་རྣམ་གྲངས་ཡིན་ཏེ། རྩ་
[173a]
[173a.1]སྟོང་ཕྲག་བདུན་ཅུ་རྩ་གཉིས་ཀྱི་དྲ་བའི་འབྱུང་གནས་ཡིན་པའི་ཕྱིར་ཞེས་དགོངས་སོ། །སྒོ་དེ་ནས་ཁུགས་ཏེ་ཅི་བྱས་ཤེ་ན། སྔ་མ་བཞིན་དུ་དམ་ཚིག་གི་འཁོར་ལོ་བསྲེག་སྟེ་ཞེས་བྱ་བ་སྨོས་པ་ལ། སྔ་མ་བཞིན་དུ་ཞེས་བྱ་བ་ནི། སྔར་བསྟན་པའི་རང་གི་ལུས་ལ་གནས་པའི་དེ་བཞིན་
[173a.2]གཤེགས་པ་དང་། ལྷ་མོའི་འཁོར་ལོ་བསྲེགས་པ་བཞིན་དུ། ཀུན་དུ་བརྟགས་པའི་དེ་བཞིན་གཤེགས་པའི་སྐུ་ལ་གནས་པ་ཡང་། །དམ་ཚིག་གི་འཁོར་ལོ་སྲེག་པར་བྱེད་པ་ནི། ཕྱིའི་དེ་བཞིན་གཤེགས་པའི་མངོན་པར་ཞེན་པ་བསྲེགས་ཏེ། སྣང་བ་མཆོད་པའི་ཡེ་ཤེས་ཐོབ་ནས། དེའི་
[173a.3]རྗེས་སུ་རིམ་གྱིས་ཡོངས་སུ་རྫོགས་པའི་མཚན་ཉིད་ཅན་སྣང་བ་ཐོབ་པའི་ཡེ་ཤེས་ཙམ་ལ། དེ་བཞིན་གཤེགས་པའི་ཐུགས་ཀར་ངལ་བསོ་བར་བྱའོ། །ཇི་ལྟར་ཞེ་ན། གསུངས་པ། འགྲོ་བ་དང་འཇུག་པར་བྱེད་ཅིང་ཞེས་བྱ་བ་ལ་སོགས་པ་སྨོས་ཏེ། དེ་བཞིན་གཤེགས་པའི་ཐུགས་ཀར་ངལ་
[173a.4]བསོ་བའི་དུས་སུ། དང་པོར་ཅུང་ཟད་གཡོ་ཞིང་ངེས་པར་འབྱུང་སྟེ། མགྲིན་པ་དང་སྤྱི་བོའི་བར་དུ་ཕྱིན་ནས། སླར་ཡང་ལོག་སྟེ། སྟོང་པ་ཉིད་ཀྱི་དབྱིངས་སུ་འཇུག་ཅིང་མི་མཐོང་ཞིང་མི་སྣང་སྟེ། དེ་ཅིའི་ཕྱིར་ཞེ་ན། དེ་ལ་གསུངས་པ། སྐྲའི་རྩེ་མོ་བརྒྱ་སྟོང་དུ་གཤགས་པའི་ཚད་ཀྱི་ཕྱིར་རོ་
[173a.5]ཞེས་གཏན་ཚིགས་སོ། །འདིས་ནི་གཟུགས་ཅན་གྱི་རྫས་ཀྱི་ངོ་བོ་མེད་པར་བཤད་དོ་ཞེས་རྒྱུད་ཀྱི་སྒྲོན་མ་ཞེས་བྱ་བ་ནི། གོང་དུ་བཤད་པའི་རིགས་པས་སོ། །རྒྱུད་ཀྱི་སྒྲོན་མའི་བརྡའི་སྒྲས། སེམས་ལ་དམིགས་པ་ཐོབ་པའི་རིམ་པ་བསྟན་ཏོ་ཞེས་ལས་ཀྱི་རྡོ་རྗེས་མཛད་པའི་སྒྲོན་མ་བཞིའི་ཊཱི་ཀཱ་
[173a.6]ལས། རྒྱུད་ཀྱི་སྒྲོན་མ་སྟེ་གཉིས་པ་རྫོགས་སོ།། །།ད་ནི་ཡིད་ཀྱི་རང་བཞིན་གྱི་སྐུ་སྒྱུ་མ་ལྟ་བུའི་ཏིང་ངེ་འཛིན་གྱི་མཚན་ཉིད་ཅན་བདག་བྱིན་གྱིས་བརླབ་པའི་རིམ་པ་ལས་གསུངས་པའི་རྗེས་སུ་དཔག་པའི་ཀུན་རྫོབ་ཀྱི་བདེན་པའི་མཚན་ཉིད་ཅན། རྣལ་འབྱོར་མའི་རྒྱུད་ལས་གང་གསུངས་པ་དེ་
[173a.7]བསྟན་པར་བྱ་བའི་ཕྱིར། དེའི་རྗེས་སུ་དེ་བཞིན་གཤེགས་པ་རྣམས་ཀྱི་ཐུགས་ཀ་ན་གནས་པའི་ཞེས་བྱ་བ་ལ་སོགས་པ་སྨོས་ཏེ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ན་གནས་པ་ཞེས་བྱ་བ་ནི། སྟོང་པ་ཉིད་དུ་ཡོངས་སུ་ཐིམ་པའོ། །དམ་ཚིག་གི་འཁོར་ལོ་ཞེས་བྱ་བ་ནི། སྙིང་རྗེའི་
[173b]
[173b.1]མཚན་ཉིད་ཅན་ནོ། །དམིགས་ཏེ་ཞེས་བྱ་བ་ནི་སྔོན་གྱི་སྨོན་ལམ་གྱི་སྟོབས་ཀྱིས་མངོན་དུ་བྱའོ། །ཆོས་ཀྱི་དབྱིངས་ཀྱི་ཡེ་ཤེས་བདུད་རྩི་བླངས་ཏེ་ཞེས་བྱ་བ་ནི། དེ་ལ་ཆོས་ཀྱི་དབྱིངས་ཀྱི་ཕུང་པོ་དང་། ཁམས་དང་སྐྱེ་མཆེད་ལ་སོགས་པ་དེ་རྣམས་ཀྱི་དབྱིངས་ནི། མངོན་པར་གསལ་བར་བྱེད་
[173b.2]པའི་རྒྱུའི་ཡེ་ཤེས་སོ། །དེ་ཉིད་བདུད་རྩི་ཞེས་བྱ་བ་ནི། སེམས་ཅན་གྱི་དོན་དུ་འཁོར་བ་ཇི་སྲིད་ཀྱི་བར་དུ་གནས་ཤིང་། སྐྱེ་བ་དང་རྒ་བ་དང་འཆི་བ་འཕྲོག་པར་བྱེད་པའི་མཚན་ཉིད་དོ། །བླངས་ཏེ་ཞེས་བྱ་བ་ནི། ཡེ་ཤེས་ཀྱི་བདུད་རྩི་དེ་ཤེས་རབ་ཀྱིས་བླངས་ལ། དེའི་བདག་ཉིད་དུ་གྱུར་ནས། སྔར་
[173b.3]བཤད་པའི་སྒོ་ནས་ཞེས་བྱ་བ་ནི། དེ་བཞིན་གཤེགས་པའི་གཙུག་ཏོར་གྱི་གནས་ལས། མངོན་པར་འབྱུང་བ་ནི་ཕྱིར་འབྱུང་ལ། འོ་མའི་རྒྱུན་ལྟར་ཞེས་བྱ་བ་ནི། སྔར་བཤད་པའི་ཤེས་རབ་མེའི་གཟུགས་ཅན་དེ་ཉིད། འོ་མའི་རྒྱུན་ལྟ་བུར་བརྟགས་པ་ནི། བྱང་ཆུབ་ཀྱི་སེམས་ཀྱི་བདུད་རྩིའི་
[173b.4]ཚུལ་དུ་འོང་ཞིང་། སྒོ་དེ་ཉིད་དུ་ཞེས་བྱ་བ་ནི། སྔོན་དུ་བཤད་པའི་དེ་བཞིན་གཤེགས་པའི་འཇུག་པས་སོ། །དེ་བཞིན་དུ། རང་གི་སྤྱི་བོར་ཞུགས་ཏེ། སོའི་ཟམ་པའི་ནང་དུ་ཆུད་པའི་བུག་པ་ནས་ཞེས་བྱ་བ་ནི། བདེ་བ་ཆེན་པོའི་འཁོར་ལོའི་རྩ་དབུ་མའི་སྒོ་ནས། ལོངས་སྤྱོད་ཀྱི་འཁོར་ལོར་
[173b.5]ཞུགས་ཤིང་ཡུལ་ལ་ལོངས་སྤྱོད་པའི་བདེ་བ་བསྐྱེད་ནས། ཅུང་ཟད་འགྲོ་བར་ངལ་བསོས་ཏེ། སྔར་བསྲེགས་པའི་དེ་བཞིན་གཤེགས་པ་རྣམས་ལ་ཞེས་བྱ་བ་ནི། དེ་ཉིད་དུ་སོང་ཞིང་མི་སྣང་བར་གྱུར་པ་རྣམས་ལའོ། །དགའ་བ་སྐྱེད་ཅིང་ཞེས་བྱ་བ་ནི། དག་པ་འཇིག་རྟེན་པའི་ཡེ་ཤེས་ཀྱི་བདུད་
[173b.6]རྩིས་མངོན་པར་གསལ་བར་བྱེད་ཅེས་བྱ་བའི་དོན་ཏོ། །དེ་ལྟ་བུའི་བྱིན་གྱིས་རློབ་པའི་མཚན་ཉིད་ཅན། དབང་པོའི་གཞུ་དང་མཚུངས་པའི་སྐུ་བསྐྱེད་པར་བྱས་ནས། ཀུན་རྫོབ་ཀྱི་བྱང་ཆུབ་སེམས་ཀྱི་ཚུལ་དུ། ལྟེ་བའི་དཀྱིལ་འཁོར་དུ་གནས་པ་ཡིན་ཞེས་བྱ་བ་ལ། བརྟན་པར་འགྱུར་རོ། །
[173b.7]སྤྲུལ་པའི་འཁོར་ལོའི་ལྟེ་བར། རྡོ་རྗེ་ནོར་བུའི་ཆང་གཟུངས་ཀྱི་དབུས་སུ་གནས་པར་འགྱུར་ཞེས་དགོངས་པའོ། །དེ་ལྟ་བུའི་རྣལ་འབྱོར་པ་ལ་ཡང་དང་ཡང་དུ་གོམས་པར་བྱ་བའི་ཕྱིར། དེ་ལས་ཀྱང་ངེས་འབྱུང་སྟེ་ཞེས་བྱ་བ་ལ་སོགས་པ་སྨོས་ཏེ། སྔོན་དུ་བཤད་པ་བཞིན་དུ་ཐམས་ཅད་ཤེས་བྱ་
[174a]
[174a.1]ཡེ་ཤེས་ཀྱི་སྒྲོན་མ་སྟེ། དག་པ་འཇིག་རྟེན་པའི་ཡེ་ཤེས་ཀྱི་རང་བཞིན་ཅན། བདག་ལ་བྱིན་གྱིས་བརླབ་པའི་རིམ་པ་གསུམ་པ་བསྟན་ཏོ་ཞེས་ལས་ཀྱི་རྡོ་རྗེས་མཛད་པའི་སྒྲོན་མ་བཞིའི་ཊཱི་ཀཱ་ལས་ཡེ་ཤེས་ཀྱི་སྒྲོན་མ་སྟེ་གསུམ་པ་རྫོགས་སོ།། །།ད་ནི་ཀུན་རྫོབ་ཀྱི་
[174a.2]བདེན་པ་ཡང་དག་པའི་མཐས་སྦྱར་བར་བྱ་བའི་ཕྱིར། གསང་བའི་སྒྲོན་མའི་བརྡས་མངོན་པར་བྱང་ཆུབ་པའི་རིམ་པ་བསྟན་པར་བྱ་བའི་ཕྱིར། སློབ་དཔོན་གྱིས་འདི་ལྟར་གསུངས་པ་སྟེ། ད་ནི་སྔགས་དང་རྒྱུད་དང་ཡེ་ཤེས་སྤངས་པ་ཞེས་བྱ་བ་སྨོས་པ་ལ། ངག་དང་སེམས་དང་ལུས་རྣམ་པར་
[174a.3]དབེན་པ་དོན་དམ་པའི་བདེན་པ། རང་བཞིན་གྱིས་འོད་གསལ་བ། ཐབས་ལས་བྱུང་བའི་དེ་ཁོ་ན་ཉིད་དོ། །ཇི་ལྟར་མཚོན་པར་བྱ་ཞེས་སྒོ་འགགས་པ་ཞེས་བྱ་བ་སྨོས་ཏེ། ཤེས་རབ་ཀྱི་དབང་བསྐུར་བའི་དུས་སུ། བླ་མ་དམ་པའི་མན་ངག་ལས། ཕྱི་དང་གསང་བའི་སྒོ་འགགས་པའི་
[174a.4]དུས་སུ། འགྲོ་བ་དང་འོང་བ་ལས་ངེས་པར་གྲོལ་ཞིང་ཞེས་བྱ་བ་ནི། རྣམ་པར་རྟོག་པའི་རླུང་གིས་བསྐྱོད་དུ་མེད་པའི་བདེ་བ་ཆེན་པོའི་དེ་ཁོ་ན་ཉིད་ཉེ་བར་མཚན་པར་འགྱུར་ཞེས་བྱ་བའི་དོན་ཏོ། །ཕུང་པོ་དང་ཁམས་དང་སྐྱེ་མཆེད་དང་གླལ་བ་ཡུལ་ལས་ངེས་པར་ལོག་པ་ཞེས་བྱ་བ་ལ། དོན་
[174a.5]དམ་པའི་བྱང་ཆུབ་ཀྱི་སེམས་ཀྱི་མཚན་ཉིད་ཀྱི་གནས་སྐབས་སུ། ཕུང་པོ་ལ་སོགས་པ་དེར་མི་དམིགས་པའི་ཕྱིར་ཞེས་བྱ་བའི་དོན་ཏོ། །དེ་ལྟ་བུའི་དེ་ཁོ་ན་ཉིད་དཔེ་གང་གིས་ཤེས་པར་བྱ་ཞེ་ན། མུན་ནག་འཐིབས་པ་ལ་ཟླ་བའི་ནོར་བུ་ལྟར་འོད་གསལ་བ་ཞེས་བྱ་བ་སྨོས་ཏེ། མུན་ནག་ཐིབས་པོ་ནི་
[174a.6]གནམ་སྟོང་གི་དུས་སོ། །སྐལ་བའི་ཟླ་བ་ནི་ཟླ་བའོ། །དེའི་མཐའ་ནི་ཙནྡྲ་ཀཱནྟ་སྟེ། རང་བཞིན་མེད་པའི་ཆའོ། །དེ་ཉིད་ནོར་བུ་དང་འདྲ་བས་ན་ནོར་བུ་སྟེ། རང་གིས་འོད་གསལ་བ་ཉིད་ཡིན་པའི་ཕྱིར་རོ། །དེ་བཞིན་དུ་རང་བཞིན་གྱིས་འོད་གསལ་བ་དེ་ཁོ་ན་ཉིད་བཞི་པ་དོན་དམ་པའི་བྱང་ཆུབ་ཀྱི་
[174a.7]སེམས་ནི་ཟླ་བའི་ནོར་བུས་རྟོགས་པར་བྱ་ཞེས་མན་ངག་གོ། །དེ་བས་ན། རྡུལ་དང་བྲལ་བ་སྟོང་པ་ཉིད། །ཅེས་བྱ་བ་སྨོས་ཏེ། འདོད་ཆགས་ཀྱི་ཚུལ་ལ་གནས་པས་ཀྱང་འདོད་ཆགས་ཀྱི་རྡུལ་གྱིས་མ་གོས་པའོ། །སྟོང་པ་ཞེས་བྱ་བ་ནི་རང་བཞིན་དང་། སྣང་བ་དང་། སྟོང་པ་ཉིད་གསུམ་གྱིས་རྣམ་པར་
[174b]
[174b.1]དག་པས། ཐམས་ཅད་སྟོང་པ་ཡིན་ཞེས་བྱ་བའི་དོན་ཏོ། །མཚན་མ་མེད་པ་ཞེས་བྱ་བ་ནི། མཚན་མ་དང་བཅས་པའི་སྒོམ་པ་ལྷསྤངས་པའི་ཕྱིར་རོ། །ཡང་ན་དེ་ལ་མཚན་མ་གཞན་མེད་པ་ཡིན་ཏེ། རང་མིན་པའི་ཕྱིར་རོ། །དེ་ཡང་གཞན་གྱི་མཚན་མ་མ་ཡིན་ཏེ། འགྱུར་བ་མེད་པའི་ཕྱིར་
[174b.2]རོ། །སྨོན་པ་མེད་པ་ཞེས་བྱ་བ་ནི། སྨོན་ལམ་མེད་པས་ཀྱང་སྒྲུབ་པའི་ཕྱིར། ཡེ་ཤེས་ཞེས་བྱ་བ་ནི། མི་ཤེས་པ་ལས་ལོག་པའི་ཕྱིར་རོ། །རང་དང་གཞན་གྱིས་རྟོགས་པ་སྤངས་པ་ཞེས་བྱ་བ་ནི། གཉིས་སུ་མེད་པ་ཡིན་པའི་ཕྱིར་རོ། །མཆོག་ཏུ་ཞི་བ་ཞེས་བྱ་བ་ནི། པ་ཞེས་བྱ་བས་དོན་
[174b.3]དམ་པའི་བདེན་པ་སྟོན་ཏོ། །དེ་བཞིན་དུ་རཾ་གྱིས་ཀྱང་དམ་པ་དེ་ཉིད་ལ་མེ་དང་འདྲ་བའི་ངོ་བོ་ཉིད་བསྟན་ཏེ། ཕུང་པོ་དང་ཁམས་དང་སྐྱེ་མཆེད་ཀྱི་བུད་ཤིང་སྲེག་པར་བྱེད་པའི་ངོ་བོ་ཡིན་པའི་ཕྱིར་རོ། །ཞི་བ་ཞེས་བྱ་བ་ནི་ཤཱནྟིཾ་སྟེ། ཡི་གེ་ཤེས་པའི་བདེ་བ་ཤེས་པར་བྱའོ། །ཨནྟའི་
[174b.4]སྒྲས་ཀྱང་དཔེ་ལས་བྱུང་བའི་དོན་གྱིས་བདེ་བ་ལྷུན་གྱིས་གྲུབ་པའི་མཚན་ཉིད་ཅན། དེ་ཁོ་ན་ཉིད་ལྔ་པ་བསྟན་ཏོ། །ཇི་སྐད་དུ། དེ་ཉིད་ལྔ་པ་རྫོགས་པ་ཡིན། །རིམ་གྱིས་ལྷན་ཅིག་སྐྱེས་མི་ཟད། །ཅེས་གསུངས་སོ། །ཆགས་པ་དང་ཆགས་བྲལ་འདྲེས་པར་གྱུར་པ་ཞེས་བྱ་བ་ལ། དགའ་བ་ལ་
[174b.5]སོགས་པའི་སེམས་ཀྱིས་ཉེ་བར་མཚོན་པའི་འཁོར་བ་དང་མྱ་ངན་ལས་འདས་པ་རོ་གཅིག་གི་ངོ་བོ་ཉིད། མི་གནས་པའི་མྱ་ངན་ལས་འདས་པའི་མཚན་ཉིད་ཅེས་བྱ་བའི་དོན་ཏོ། །ཇི་སྐད་དུ། དགྱེས་པའི་རྡོ་རྗེ་ལས་ཀྱང་གསུངས་པ། དེ་ལ་ཐོག་མ་ཐ་མ་བར་མེད་ཅིང་། །དེ་ནི་སྲིད་པ་མ་ཡིན་མྱ་ངན་
[174b.6]ལས་འདས་མིན། །གང་ཞིག་བདེ་བ་ཆེན་པོ་དེ་ནི་གཞན་མིན་བདག་ཏུ་གྱུར་པའང་མིན། །ཞེས་གསུངས་སོ། །མར་ལ་མར་བླུགས་པ་ལྟ་བུར་འགྱུར་བ་ཞེས་པ་ནི། ཡེ་ཤེས་དང་ཤེས་བྱ་དབྱེར་མེད་པའི་ཕྱིར་རོ། །ཡང་ན་བསྒོམ་པར་བྱ་བ་དང་སྒོམ་པ་པོ་མི་དམིགས་པའི་ཕྱིར་རོ། །ཇི་སྐད་དུ། བདེ་
[174b.7]བ་དམ་པ་དེ་ལ་ནི། །བསྒོམ་བྱ་སྒོམ་པ་པོ་ཡང་མེད། །ལུས་མེད་བཟུང་བ་དང་ནི་དེ་བཞིན་ཉིད་ཀྱང་མེད། །ཤ་མེད་ཁྲག་མེད་བཤང་བ་མེད་ཅིང་གཅི་བའང་མེད་གྱུར་པ། །རླབས་མེད་ལྷན་ཅིག་སྐྱེས་པ་དེ་ནི་སྣ་ཚོགས་ངོ་མཚར་ཡིན། །ཞེས་དགྱེས་པའི་རྡོ་རྗེ་ལས་གསུངས་སོ། །མྱ་ངན་ལས་
[175a]
[175a.1]འདས་ཤིང་ཞེས་བྱ་བ་ལ། རྣམ་པར་རྟོག་པ་བག་ཆགས་བཅས་པར་འགགས་པའི་ཕྱིར་རོ། །བདག་མེད་པ་ཞེས་བྱ་བ་ནི། སྒྱུ་མ་དང་མཚུངས་པའི་སྐུ་ལའང་མངོན་པར་ཞེན་པ་མེད་པའི་ཕྱིར་རོ། །དེ་ལྟར་མཚན་གཞིར་གྱུར་པའི་ཐབས་ལས་འབྱུང་བ་སོ་སོར་བསྟན་ནས།
[175a.2]དེའི་མཚོན་པར་བྱེད་པའི་ངོ་བོ་ཉིད་ཐབས་བསྟན་པར་བྱ་བའི་ཕྱིར། བྱང་ཆུབ་ཀྱི་སེམས་ཞེས་བྱ་བ་སྨོས་ཏེ། བྱང་ཆུབ་ཀྱི་སེམས་ནི་ཀུན་རྫོབ་ཀྱི་ཐིག་ལེའོ། །དེ་ཉིད་ལྷན་ཅིག་སྐྱེས་པའི་བདེ་བ་ཆེན་པོའི་གཞིར་གྱུར་པ། ཤེས་རབ་ཀྱི་སྦྱར་བས་བསྐྱེད་ཅིང་གསུངས་ལ། མཚན་ཉིད་དང་མཚན་
[175a.3]གཞིའི་སྦྱོར་བས་ངོ་བོ་ཉིད་ཀྱི་སྐུ་བཞི་པ་ཞེས་བྱ་བ། རྡོ་རྗེ་འཆང་ཆེན་པོའི་གོ་འཕང་གོམས་པར་བྱ་ཞེས་དགོངས་པའོ། །དེ་གང་དུ་གོམས་ཤེ་ན། འདོད་ཆགས་ཅན་གྱི་ངོ་བོའི་ཕྱིར། མཚོན་པར་བྱེད་པའི་གནས་བསྟན་པར་བྱ་བའི་ཕྱིར། བཙུན་མོའི་བྷ་ག་བདེ་བ་ཅན། །ཞེས་བྱ་བར་བཞུགས་
[175a.4]སོ་ཞེས་བྱ་བ་སྨོས་པ་ལ། བཙུན་མོ་ནི་ཕྱག་རྒྱའོ། །དེ་ཡང་རྣམ་པ་གསུམ་སྟེ། ལས་ཀྱི་ཕྱག་རྒྱ་དང་། ཡེ་ཤེས་ཀྱི་ཕྱག་རྒྱ་དང་། ཕྱག་རྒྱ་ཆེན་པོའོ། །དེ་རྣམས་ཀྱི་བྷ་ག་ནི་རྟགས་ཏེ། དེ་ཁོ་ན་ཉིད་ཉེ་བར་དམིགས་པའི་གནས་མཆོག་གོ། །ཇི་སྐད་དུ། གནས་ནི་ཤེས་རབ་བྷ་གར་
[175a.5]བཤད། །ཁམས་རྣམས་ཀུན་གྱི་མཆོག་གྱུར་པའོ། །ཞེས་འབྱུང་ངོ་། །དེ་བས་ན་བྷ་ག་དེ་བདེ་བ་ཅན་ཞེས་བྱ་བ་སྨོས་པ་ལས། འཇིག་རྟེན་དང་འཇིག་རྟེན་ལས་འདས་པའི་བདེ་བ་གང་ལ་ཡོད་པ་དེ་ནི་བདེ་བ་ཅན་དེ་ལ་བཞུགས་ཞེས་ཚིག་སྦྱར་རོ། །གཞན་ཡང་ཇི་ལྟ་བུ་ཞེ་ན། བཞུགས་
[175a.6]གནས་སུ་ཞེས་བྱ་བ་སྨོས་པ་ནི། བདེ་བ་ཆེན་པོའི་རང་བཞིན་ཅན་གྱི་རྡོ་རྗེ་འཆང་ཆེན་པོའི་སྤྱོད་ལམ་གྱི་གནས། བྷ་ག་ཡིན་པས་དེར་བཞུགས་ཞེས་འབྲེལ་པའོ། །གང་གི་ཕྱིར་བཅོམ་ལྡན་འདས་ཀྱི་བཞུགས་གནས་ཡིན་པས་དེའི་ཕྱིར་དེ་ཉིད་དུ་འཚོལ་བར་བྱ་བ་ཞེས་དགོངས་པའོ། །ལས་ཀྱི་
[175a.7]ཕྱག་རྒྱ་དང་། ཡེ་ཤེས་ཀྱི་ཕྱག་རྒྱའི་རྣལ་འབྱོར་པ་རྣམས་ལ་མཚོན་པའི་གནས་བསྟན་ནས། ང་ནི་ཕྱག་རྒྱ་ཆེན་པོ་པའི་རྣལ་འབྱོར་པ་ལ། གླེང་གཞིའི་ཚིག་ལས་གསུངས་པའི། བཙུན་མོའི་བྷ་གའི་ཁྱད་པར་གྱི་སྒོ་ནས། མཚན་ཉིད་དང་མཚན་གཞིའི་གསན་རབ་རབ་ཏུ་བསྟན་པར་བྱ་བའི་
[175b]
[175b.1]ཕྱིར། དེ་བཞིན་གཤེགས་པ་ཐམས་ཅད་ཅེས་བྱ་བ་ནི། ཕུང་པོ་ལ་སོགས་པའོ་ཞེས་བྱ་བ་སྨོས་པ་ལ། ཕུང་པོ་དང་ཁམས་ལ་སོགས་པ་དེ་བཞིན་ཉིད་ཀྱི་ངོ་བོ་ཉིད་ཡིན་པས། །དེ་བཞིན་གཤེགས་པ་ཉིད་དུ་བཤད། ཇི་སྐད་དུ། དཔལ་ལྡན་དེ་བཞིན་གཤེགས་ཞེས་པ། །དེ་བཞིན་དུ་ཡང་
[175b.2]འོངས་པ་སྟེ། །དེས་ཚིག་སྦྱོར་བ་འདི་ཡིས་ནི། །དེ་བཞིན་གཤེགས་ཞེས་བརྗོད་པ་ཡིན། །ཞེས་གསུངས་སོ། །དེ་རྣམས་ཀྱི་སྐུ་དང་གསུང་དང་ཐུགས་ནི་ཞེས་བྱ་བ་ལ། ཕུང་པོ་ལ་སོགས་པའི་རང་བཞིན་ཅན་གྱི་དེ་བཞིན་གཤེགས་པ་རྣམས་ཀྱི་སྐུ་དང་གསུང་དང་ཐུགས་ནི། སྐྱེ་གནས་དང་།
[175b.3]སྙིང་ག་དང་། མགྲིན་པའི་ཐིག་ལེའོ། །དེའི་བརྡའི་བསྟན་པར་བྱ་བའི་ཕྱིར། །ཨོཾ་ཨཱཿཧཱུཾ། ཡི་གེ་རྣམས་ཞེས་བྱ་བ་སྨོས་ཏེ། ཟག་པ་མེད་པའི་བདེ་བ་ཆེན་པོའི་བར་མ་ཆད་པའི་རྒྱུ་ཡིན་པའི་ཕྱིར་ཞེས་དགོངས་པའོ། །དེ་རྣམས་ཀྱི་རྡོ་རྗེས་ནི་ཞེས་བྱ་བ་ལ། སྤྱི་བོར་གནས་པའི་ཡེ་ཤེས་ཀྱི་
[175b.4]ཐིག་ལེ་བཞི་པ་ཞེས་བྱ་བའི་དོན་ཏོ། །ཇི་སྐད་དུ། སྐུ་གསུམ་ཡོངས་སུ་ཤེས་པ་ནི། །བདེ་ཆེན་འཁོར་ལོ་ཡང་དག་བཤད། །ཅེས་བྱ་བ་འབྱུང་ངོ་། །བྱང་ཆུབ་ཀྱི་སེམས་ཏེ་ཞེས་བྱ་བ་ལ། དེ་ཉིད་དོན་དམ་པའི་ཆ་ལ་བརྟེན་ཏེ། རྣམ་གྲངས་སུ་བཤད་དོ། །ཤུ་ཀྲ་ཞེས་བྱ་བ་ལ། དེ་ཉིད་ཀྱི་
[175b.5]ཀུན་རྫོབ་ཀྱི་ཆ་ལ་བརྟེན་ཏེ། མིང་གི་རྣམ་གྲངས་བསྟན་ཏེ། དེ་མེད་ན་མི་འབྱུང་བའི་ཕྱིར་རོ། །དེའི་བཙུན་མོ་ཞེས་བྱ་བ་ནི། དེ་བཞིན་གཤེགས་པས་བརྡས་གསུངས་པའི་རོལ་བྱེད་མའི་སྒྲས་ཆོས་ཉིད་ཀྱི་མཚན་ཉིད་བདེ་བ་ཆེན་པོ་སྟེ། བཙུན་མོ་ཉིད་དུ་ཤེས་པར་བྱའོ། །མི་ལ་སོགས་པའི་མོའི་
[175b.6]གཟུགས་སོ་ཞེས་བྱ་བ་ལ། དེ་ལ་དགོངས་པ་ནི། ལས་ཀྱི་ཕྱག་རྒྱ་དང་། ཡེ་ཤེས་ཀྱི་ཕྱག་རྒྱ་ལ་མངོན་པར་ཞེན་པ་ཅན། དབང་པོ་དམན་པ་དང་། བར་པ་རྣམས་འཇུག་པར་བྱ་བའི་ཕྱིར་གསུངས་པ་ཡིན་གྱི། དབང་པོ་རྣོ་བའི་ཕྱག་རྒྱ་ཆེན་པོའི་རྣལ་འབྱོར་བ་རྣམས་ལ་མ་ཡིན་ཞེས་
[175b.7]དགོངས་པའོ། །དེའི་བྷ་ག་ནི་ཞེས་བྱ་བ་ལ། དོན་དམ་པའི་བདེན་པའི་མཚན་ཉིད་ཅན་གྱི། རོལ་བྱེད་མ་ཞེས་བྱ་བའི་གནས་ཕྱག་རྒྱ་ཆེན་པོའོ། །དེའི་བྷ་ག་ཞེས་བྱ་བ་ནི་ལུས་དང་ངག་དང་ཡིད་ཀྱི་རྣམ་པར་རྟོག་པའི་ཉོན་མོངས་པ་གསུམ་མ་ཚང་བའི་གནས་སོ། །དེར་བཞུགས་སོ་ཞེས་ཚིག་
[176a]
[176a.1]སྦྱོར་བསམ་པའི་བྱེ་བྲག་གི་ཕྱག་རྒྱ་དུ་མ་ཡིན་པས། བྷ་ག་རྣམས་ལ་བཞུགས་སོ་ཞེས་བྱེད་པའི་ཚིག་མང་པོའི་མཐའ་ཅན་དུ་བསྟན་ཏོ་ཞེས་བྱ་བ་ནི། །དོན་འདི་ལས་དོན་གཞན་མེད་ཅེས་དགོངས་པའོ། །ཇི་སྐད་དུ། ཤུ་ཀྲའི་རྣམ་པ་བཅོམ་ལྡན་འདས། །
[176a.2]དེ་བདེ་རོལ་བྱེད་མ་རུ་བཤད། །ཅེས་དགྱེས་པའི་རྡོ་རྗེ་ལས་བྱུང་ངོ་། །གང་ཚེ་རང་བཞིན་གྱིས་འོད་གསལ་བའི་བཅོམ་ལྡན་འདས་ཏེ། བྷ་ག་ལ་བཞུགས་པ་དེའི་ཚེ། བདག་གིས་ཐོས་ཞེས་སྡུད་པ་པོས་བསྟན་པར་བྱ་བའི་ཕྱིར་ཞེས་གསུངས་ཏེ། ཨེ་ཝཾ་ཞེས་བྱ་བ་འདིས། ཐབས་དང་ཤེས་
[176a.3]རབ་གཉིས་སུ་མེད་པའི་དེ་ཁོ་ན་ཉིད་འདིའི་གསལ་བ། སངས་རྒྱས་ཐམས་ཅད་ཀྱི་རིན་པོ་ཆེའི་འབྱུང་གནས་སུ་གྱུར་པར་མཚོན་ཏོ། །དོན་འདི་ཉིད་སློབ་དཔོན་ཉིད་ཀྱིས་ཀྱང་། །རྒྱུད་ཀྱི་ཚིག་ལ་བརྟེན་ཏེ། དྲན་པར་བྱ་བའི་ཕྱིར་གསུངས་པ། །ཨེ་ཡི་རྣམ་པ་ལྷ་ཡི་གང་། །ཞེས་བྱ་བ་ལ་སོགས་
[176a.4]པ་ལ། ཕྱག་རྒྱ་ཆེན་པོའི་ཕྱོགས་སུ་སྔོན་དུ་བཤད་པའི་དོན་ཁོ་ན་ཤེས་པར་བྱའོ། །གཞན་དུ་ན་ནི་ཟུར་གསུམ་གྱི་རྣམ་པ་ཁོ་ནའོ། །ལྷའི་ཞེས་བྱ་བ་ནི། རོལ་པའི་གནས་སམ། འོད་གསལ་བ་ཡེ་ཤེས་མཚོན་པར་བྱེད་པའོ། །ཡང་ན་ལྷའི་ཞེས་བྱ་བ་ནི། མི་ལ་སོགས་པའི་མོའི་ཟུར་
[176a.5]གསུམ་ལེགས་པར་སྦྱངས་པ་ཞེས་བྱ་བའི་དོན་ཏོ། །དབུས་སུ་ཝཾ་གིས་རྣམ་པར་བརྒྱན། །ཅེས་བྱ་བ་ལས། ཕྱོགས་དང་པོ་ལས་ནི་ཐབས་སུ་གྱུར་བའི་བྱང་ཆུབ་ཀྱི་ཡིད་ཀྱིས་བརྒྱན་ཅིང་མཛེས་པ་སྟེ་ལྡན་པའི་དོན་ཏོ། །ཕྱོགས་གཉིས་པ་ལ་ཡང་། ཡི་གེ་ཝཾ་ཞེས་བྱ་བ་ནི་རྡོ་རྗེ་སྐྱེས་བུའི་རྟགས་
[176a.6]ཀྱིས་བརྒྱན་ཅིང་། །ལེགས་པར་མཛེས་ཤིང་ཞེས་བྱ་བའི་དོན་ཏོ། །གང་ང་ཞེས་བྱ་བ་ནི། གཏན་ཚིགས་ཀྱི་དོན་ཏོ། །གང་གི་ཕྱིར་ཡི་གེ་ཨེ་ནི་ཐབས་དང་ཤེས་རབ་ཀྱི་བདག་ཉིད་ཡིན་པ་དེའི་ཕྱིར་ན་འདི་གསུམ་སྟེ། །བདེ་བ་ཀུན་གྱི་གནས་ཡིན་ཏེ། །སངས་རྒྱས་རིན་ཆེན་ཟ་མ་ཏོག །ཅེས་བྱ་
[176a.7]བ་ནི། བདེ་བ་ཀུན་ནི་དགའ་བ་ལ་སོགས་པ་ཐམས་ཅད་འཇིག་རྟེན་དང་འཇིག་རྟེན་ལས་འདས་པ་བཞི་བཞིའོ། །དེ་རྣམས་ཀྱི་གནས་ནི་རྟོགས་པར་བྱེད་པའི་བརྡའོ། །དེ་ལ་གསུམ་གསུམ་ནི་འཇིག་རྟེན་པའིའོ། །རེ་རེ་ནི་འཇིག་རྟེན་ལས་འདས་པའོ། །དེ་ལྟར་ན་རང་བཞིན་བརྟགས་
[176b]
[176b.1]པ་འདིས་དགོངས་པ་གང་ཡོད་ཅེ་ན། དེ་ལ་དགོངས་པ་ནི་འདི་ཡིན་ཏེ། འདོར་བར་བྱ་བ་དང་། བླང་བར་བྱ་བའི་སྒོམ་པའི་དངོས་པོ་ཡོངས་སུ་ཤེས་པས། །བྱང་ཆུབ་ཐོབ་པར་འགྱུར་ཞེས་དགོངས་པའོ། །སངས་རྒྱས་རིན་ཆེན་ཟ་མ་ཏོག །ཅེས་བྱ་བ་ལ། གངྒཱའི་ཀླུང་གི་བྱེ་མ་སྙེད་སངས་
[176b.2]རྒྱས་རིན་པོ་ཆེ་རྣམས་ཀྱི། ཟ་མ་ཏོག་ཅེས་བྱ་བ་ནི་སྣོད་ཡིན་ཏེ། འབྱུང་གནས་དང་ཐིམ་པའི་ས་ཞེས་དགོངས་པའོ། །དེ་ཅིའི་ཕྱིར་ཞེ་ན། སངས་རྒྱས་ཐམས་ཅད་འོད་གསལ་བའི་ངོ་བོ་ཉིད་དུ་འདུས་པའི་ཕྱིར་རོ། །ཡང་ན་འོད་གསལ་བའི་དོན་དམ་པ་ལས། །སྔོན་ཅད་ཀྱི་སྨོན་ལམ་གྱི་དབང་
[176b.3]གིས། སེམས་ཅན་རྗེས་སུ་གཟུང་བར་བྱ་བའི་ཕྱིར། སངས་རྒྱས་རིན་པོ་ཆེ་རྣམས། རིན་པོ་ཆེའི་ཟ་མ་ཏོག་ཕྱེ་བ་ལྟར་སྣང་བའི་ཕྱིར་རོ། །དེ་ནི་གླེང་གཞིའི་ཚིག་ལས་སྡུད་པ་པོས་སྟོན་པ་ཕུན་སུམ་ཚོགས་པ་ལ་སོགས་པ་གང་གསུངས་པ། དེ་དག་སློབ་དཔོན་ཉིད་ཀྱིས་བསྟེན་པར་བྱ་བའི་
[176b.4]ཕྱིར། །དེ་དག་སྤྲུལ་པའི་ལུས་ཞེས་བྱ་བ་ལ་སོགས་པ་སྨོས་པ་ལ། དེ་ལ་ཐོས་ཞེས་བྱ་བ་ལ་ཚིག་སྦྱར་རོ། །དེ་ཞེས་བྱ་བ་ནི། བསྟན་པའི་སྙིང་པོར་གྱུར་པ་ཐབས་དང་ཤེས་རབ་གཉིས་སུ་མེད་པའི་དེ་ཁོ་ན་ཉིད་དོ། །བདག་གིས་ཞེས་བྱ་བ་ནི། འཁོར་ཕུན་སུམ་ཚོགས་པ་ལག་ན་རྡོ་རྗེ་བདག་
[176b.5]གིས་སོ། །དེ་ལ་སྤྲུལ་པའི་སྐུ་ཞེས་བྱ་བ་སྨོས་ཏེ། །བཅོམ་ལྡན་འདས་རྡོ་རྗེ་འཆང་ཆེན་པོའི་ཕྱག་རྒྱ་ཆེན་པོ་ཡོངས་སུ་གྱུར་པའི་གཟུགས་ཀྱིས་ཞེས་བྱ་བའི་དོན་ཏོ། །དེ་ལྟ་བུའི་བདག་གིས་ཐོས་པ་ཞེས་བྱ་བ་ནི། ཉམས་སུ་མྱོང་ཞེས་བྱ་བའི་དོན་ཏོ། །གང་ལས་ཐོས་ཤེ་ན། ལོངས་སྤྱོད་རྫོགས་
[176b.6]པའི་སྐུ་ལས་ཞེས་བྱ་བ་སྨོས་ཏེ། གང་གི་ཚེ་སྟོན་པ་བཅོམ་ལྡན་འདས་ཀྱིས་སྤྲུལ་པ་བདག་ཅག་རྣམས་ལ་བྱིན་གྱིས་བརླབ་པ་མཛད་པའི་ཕྱིར། །ལོངས་སྤྱོད་རྫོགས་པའི་སྐུ་ལ་བཞུགས་པ་སྟེ། ཟླ་བ་རྒྱས་པ་དང་འདྲ་བའི་བྱང་ཆུབ་ཀྱི་སེམས་ཀྱི་ཐིག་ལེར་བཞུགས་ཤིང་། འོད་གསལ་བ་སྤྲིན་
[176b.7]མེད་པའི་ནམ་མཁའ་དང་མཚུངས་པའི་ངོ་བོ་ཉིད་ཀྱིས་བཞུགས་ཤིང་གནས་པ་དེའི་ཚེ། །བདག་གིས་བཅོམ་ལྡན་འདས་དེ་ལས་ཐོས་ཤིང་ཞེས་བྱ་བ་ནི། རྟོགས་སོ་ཞེས་དགོངས་པའོ། །ཇི་སྐད་དུ། གཅིག་ནི་ནམ་མཁའ་དང་མཚུངས་པ། །ཅིག་ཤོས་ཟླ་བ་རྒྱས་འདྲའི་འོད། །ནམ་མཁའ་དང་
[177a]
[177a.1]མཚུངས་གང་ཡིན་པ། །དེ་ཉིད་སྐྱོབ་པའི་ཆོས་སྐུར་འདོད། །ཅེས་འབྱུང་ངོ་། །དེ་ལྟར་ཞེས་བྱ་བ་ནི་སྔོན་དུ་བཤད་པའི་དོན་ཉེ་བར་སྡུད་པར་མཛད་དེ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་བཙུན་མོའི་བྷ་ག་ལ་བཅོམ་ལྡན་འདས་བཞུགས་སོ་
[177a.2]ཞེས་གསུངས་པའོ། །སྡུད་པ་པོས་ཁྱད་པར་ཅན་གྱིས་ཉམས་སུ་མྱོང་བའི་མཚན་ཉིད་ཀྱི་སྐད་ཅིག་མ་གང་གླེང་གཞིའི་ཚིག་ལས་སོ་སོར་བསྟན་པ། དེ་སློབ་དཔོན་གྱིས་བཤད་པར་བྱ་བའི་ཕྱིར། །འདི་གསུངས་ཏེ། དེ་ནི་བྱང་ཆུབ་ཀྱི་སེམས་གང་བཞུགས་པ་ཞེས་བྱ་བ་ནི། བྱང་ཆུབ་ཀྱི་སེམས་
[177a.3]ཀྱི་ཚུལ་དུ་རྡོ་རྗེ་འཛིན་པ་གང་བཞུགས་པ་དེ་ལས། དུས་གཅིག་ན་ཞེས་བྱ་བ་ནི། མངོན་པར་བྱང་ཆུབ་པའི་སྐད་ཅིག་མའི་དུས་སུ། བདག་གིས་ཐོས་ཞེས་སྔ་མ་བཞིན་དུ་ཚིག་གི་འབྲེལ་པ་ཤེས་པར་བྱའོ། །ཇི་སྐད་དུ། སྣང་བ་མཚན་མོའི་ཆ་སྟེ་གསལ་བ་ཉི་མའི་འོད་ཟེར་
[177a.4]འགྱེད་པ་སྣང་བ་མཆེད་པ་ཡིན། །མཚམས་ནི་སྣང་བ་ཐོབ་པ་རང་གི་རང་བཞིན་རྣམས་དང་རྟག་ཏུ་ལྡན་པ་ཡིན། །མཚན་མོ་མ་ཡིན་མཚན་མིན་ཉིན་མིན་གང་ཞིག་རང་བཞིན་རྣམས་དང་བྲལ། །དེ་ནི་བྱང་ཆུབ་སྐད་ཅིག་བླ་མ་དམ་པས་གསུངས་པའི་རྣལ་འབྱོར་སྤྱོད་ཡུལ་ཡིན། །ཞེས་གསུངས་
[177a.5]སོ། །སྐད་ཅིག་མ་དེ་ཉིད་རྣལ་འབྱོར་མའི་རྒྱུད་ཀྱི་རིམ་པས། སློབ་དཔོན་ཉིད་ཀྱིས་སྟོན་པར་མཛད་དེ། དུས་གཅིག་ཅེས་བྱ་བ་ནི། །དཔྱིད་ཀྱི་དུས་གཅིག་ཏུ་སྟེ་ཞེས་བྱ་བ་ལ། དགོངས་པའི་ཚིག་འདི་ཡིན་ཏེ། དེས་ན་སྐལ་བ་དང་ལྡན་པའི་ཁྱད་པར་ཅན་གྱི་དུས། །མངོན་པར་ཤེས་པ་ལ་
[177a.6]སོགས་པའི་མེ་ཏོག་འབྱུང་དུ་རུང་བ། །རང་འབྱུང་མེ་ཏོག་འབྱུང་བའི་དུས་སུ་མཚོན་པར་བྱ་བ་ཡིན་ཏེ། བདེ་བ་ཉམས་པའི་ངོ་བོ་ཡིན་པའི་ཕྱིར་རོ། །དེ་ཡང་གང་གིས་མཚོན་པར་བྱ་བ་ཡིན་ཞེ་ན། སྣའི་བུག་པ་གཡས་པ་དང་གཡོན་པའི་རླུང་འགགས་པའི་ཚེ་ཞེས་བྱ་བའི་དོན་ཏོ་ཞེས་བྱ་བ་ལ།
[177a.7]ཕྱག་རྒྱ་དང་མཉམ་པར་སྦྱོར་བའི་དབང་གིས། །སྲོག་དང་རྩོལ་བ་འགོག་པ་ལས་མཚོན་པར་བྱའོ་ཞེས་བྱ་བའི་དོན་ཏོ་ཞེས་བྱ་བ་ལ། །འདིས་ནི་ཁྱད་པར་ཤེས་པར་བྱ་སྟེ། དེས་ནི་གཡས་དང་གཡོན་པ་ཞེས་བྱ་བ་ལ་སོགས་པས། །འགྲོ་བ་དང་འོང་བའི་མཚན་ཉིད་ཅན་འདོད་ཆགས་དང་
[177b]
[177b.1]བྲལ་བའི་ངོ་བོ་ཉིད། དུས་བཟངས་དང་དུས་ངན་དག་བཤད་དོ། །འགོག་པ་ཞེས་བྱ་བ་འདིས་ཀྱང་བསམ་གྱིས་མི་ཁྱབ་པའི་དུས་ཤེས་པར་བྱའོ། །ཇི་སྐད་དུ། དུས་ནི་དམ་ཚིག་བརྗོད་པ་སྟེ། །དུས་དེ་རྣམ་པ་གསུམ་དུ་འདོད། །བཟང་དུས་དང་ནི་ངན་དུས་དང་། །བསམ་གྱིས་མི་ཁྱབ་དུས་དེ་
[177b.2]བཞིན། སྣ་ཡི་བུག་པ་ཁ་སྦྱར་ལས། །འོང་བ་དུས་བཟངས་རབ་ཏུ་གྲགས། །སོང་བ་ཉིད་ནི་དུས་ངན་ཏེ། །དེ་ཡི་བར་གྱི་དུས་གཅིག་གྲགས། །གྲོགས་མེད་གཅིག་པུར་གྱུར་པ་སྟེ། །དུས་དེ་བསམ་གྱིས་མི་ཁྱབ་པའོ། །སྲོག་དང་རྩོལ་བ་རྣམ་སྤངས་པ། །དེ་བཞིན་འབྱུང་རྔུབ་དག་ལས་
[177b.3]འདས། །འགྲོ་འོངས་དག་ལས་ངེས་པར་གྲོལ། །དེ་ནི་དུས་གཅིག་ཅེས་བརྗོད་དོ། །ཞེས་གྲགས་སོ། །ཆགས་པ་མ་ཡིན་ཆགས་བྲལ་མིན། །དབུ་མར་ཡང་ནི་དམིགས་མི་འགྱུར། །ཆགས་དང་ཆགས་བྲལ་དག་གིས་ནི། །འདྲེས་པར་གྱུར་པ་མི་ཤིགས་པའོ། །མར་ལ་མར་ནི་འདྲེས་པ་
[177b.4]བཞིན། །གཅིག་ཏུ་གྱུར་པ་རྙོག་པ་མེད། །དེ་བཞིན་ཆགས་དང་ཆགས་བྲལ་གྱིས། །རོ་གཅིག་སྐད་ཅིག་གཅིག་ཏུ་གསུངས། །འགོག་པ་དང་ནི་འདོད་པ་དང་། །དཔྱིད་ཀྱི་དུས་ནི་དེ་བཞིན་ཏེ། །དུས་གསུམ་མཉམ་པར་སྦྱོར་བ་ལས། །དེ་ནི་དུས་གཅིག་ཅེས་བརྗོད་དོ། །ཟླ་བ་དང་ནི་ཉི་མ་
[177b.5]དག །དེ་བཞིན་ཤར་བ་ནུབ་པ་དང་། །སྙིང་སྟོབས་རྡུལ་དང་མུན་པ་དག །གང་ཚེ་ལོག་པར་གྱུར་པ་ལས། །བྱང་ཆུབ་སེམས་ནི་བརྟན་གྱུར་ན། །དེ་ཉིད་རོ་གཅིག་སྐད་ཅིག་ཡིན། །དེ་འདྲའི་དུས་གཅིག་དེ་ལ་ནི། །བཅོམ་ལྡན་དེ་ནི་ཡང་དག་བཞུགས། །ཞེས་བཤད་པའི་རྒྱུད་ལས་འབྱུང་
[177b.6]ངོ་། །ཀྱེ་ལྷ་དང་མི་རྣམས་དུས་དེ་ལ་རྡོ་རྗེ་འཛིན་པས། །བདག་གིས་ཐོས་པའི་དེ་ཁོ་ན་ཉིད་ཉོན་ཅིག །གང་ཕྱིར་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པས། ཁྱེད་ཅག་རྣམས་ལ་བདག་ཁོ་ན་སྟོན་པ་ཡིན་གྱི་གཞན་མ་ཡིན་ནོ། །ཁྱེད་ཅག་རྣམས་ཀྱང་སྐལ་པ་དང་ལྡན་པའི་སྐྱེས་བུ་
[177b.7]རྣམས་ལ། ཕྱིས་སྟོན་པར་འགྱུར་ཞེས་ལུང་གི་མན་ངག་གཅིག་ནས་གཅིག་ཏུ་མ་ཉམས་པའི་དེ་ཁོ་ན་ཉིད་འགྲུབ་ཅེས་སྡུད་པ་པོ་བྱང་ཆུབ་སེམས་དཔའ་རྣམས་ཀྱི། བདག་གིས་ཐོས་ཞེས་ཚིག་གི་དགོས་པ་མཁས་པས་ཤེས་པར་བྱའོ། །དེ་ནི་སྔོན་དུ་བཤད་པའི་སྲོག་དང་རྩོལ་བ་ཉིད་ཁོ་ན།
[178a]
[178a.1]འཁོར་བ་དང་མྱ་ངན་ལས་འདས་པའི་རྒྱུ་ཡིན་ཞེས་དྲན་པར་བྱ་བའི་ཕྱིར། སློབ་དཔོན་གྱིས་འདི་གསུངས་ཏེ། ཇི་སྐད་དུ། ཆོས་རྣམས་ཐམས་ཅད་རྒྱུ་ལས་བྱུང་། །ཞེས་བྱ་བ་ལ་སོགས་པ་ལས། །ཆོས་རྣམས་ཞེས་བྱ་བ་ནི། ཕུང་པོ་དང་ཁམས་དང་སྐྱེ་མཆེད་ཀྱི་མཚན་ཉིད་དེ།
[178a.2]རང་བཞིན་དང་སྣང་བའི་ངོ་བོ་ཉིད་སེམས་དང་སེམས་ལས་བྱུང་བའོ། །རྒྱུ་ལས་བྱུང་ཞེས་བྱ་བ་ནི། །རྟེན་ཅིང་འབྲེལ་བ་ལས་འབྱུང་བའོ། །དེ་རྒྱུ་ཞེས་བྱ་བ་ནི། །གཙོ་བོར་འགྱུར་བའི་རྒྱུ་སྟེ། །ཁམས་ཕྲ་བའོ། །ཇི་སྐད་དུ། རླུང་ནི་ཕྲ་བའི་གཟུགས་དང་ནི། །ཤེས་དང་ཡང་ནི་འདྲེས་གྱུར་ནས། །
[178a.3]དབང་པོའི་ལམ་ནས་འབྱུང་འགྱུར་ཞིང་། །ཡུལ་རྣམས་ལ་ནི་དམིགས་པར་བྱེད། །གང་ཚེ་སྣང་བར་ལྡན་གྱུར་ན། །རླུང་ནི་བཞོན་པ་ཉིད་གྱུར་ནས། །དེ་ཚེ་རང་བཞིན་དེ་དག་ཀུན། །ལུས་མེད་པ་རྣམས་ག་ལ་འཇིག །ཅེས་གསུངས་སོ། །དེ་བཞིན་གཤེགས་པས་གསུངས་ཞེས་བྱ་བ་
[178a.4]ནི། ཐམས་ཅད་མཁྱེན་པས་བསྟན་ཏོ། །དེ་རྣམས་ཀྱི་འགོག་པ་གང་ཡིན་པ་དེ་ཡང་གསུངས་ཞེས་ཚིག་ལྷག་མ་སྦྱར་རོ། །ཆོས་དེ་རྣམས་ཀྱི་འགོག་པ་ནི་དོན་དམ་པའི་བདེན་པ་སྟེ། །འོད་གསལ་བའོ། །དེ་ཡང་རང་བཞིན་དང་། སྣང་བ་དང་། སྟོང་པ་ཉིད་གསུམ་རྣམ་པར་དག་པས་ཐར་
[178a.5]པའི་དོན་དུ་སོ་སོར་བསྟན་ཅེས་བྱ་བའི་དོན་ཏོ། ཇི་སྐད་དུ། སྟོང་པ་གསུམ་གྱི་རྣམ་དག་གང་། །འོད་གསལ་བར་ནི་དེ་བཤད་དོ། །ཡེ་ཤེས་གསུམ་པོ་རྣམ་དག་པ། །ཐམས་ཅད་སྟོང་པའི་གནས་སུ་བཤད། །ཡེ་ཤེས་དག་ནས་དེ་ཉིད་དང་། །ཐམས་ཅད་མཁྱེན་པ་བླ་ན་མེད། །སྣང་བ་
[178a.6]མེད་ཅིང་འགྱུར་བ་མེད། །གཉིས་མེད་མཆོག་ཏུ་ཞི་བ་སྟེ། །དེ་ནི་ཡོད་མིན་མེད་མིན་ཞིང་། །ངག་གི་སྤྱོད་ཡུལ་ལས་འདས་པ། །དེ་བས་འོད་གསལ་དག་པ་ལས། །ཡེ་ཤེས་གསུམ་པོ་འབྱུང་འགྱུར་ཏེ། །སུམ་ཅུ་རྩ་གཉིས་མཚན་འཆང་ཞིང་། །དཔེ་བྱད་བརྒྱད་ཅུ་ཡང་དག་ལྡན། །
[178a.7]རྣམ་པ་ཐམས་ཅད་ཀུན་ལྡན་པ། །ཐམས་ཅད་མཁྱེན་པ་དེ་ལས་འགྱུར། །ཞེས་གསུངས་སོ། །དགེ་སྦྱོང་ཆེན་པོས་འདི་སྐད་གསུངས། །ཞེས་བྱ་བ་ལ། འདི་སྐད་ཅེས་བྱ་བ་ནི། དེ་བཞིན་གཤེགས་པས་གསུངས་པའི་རྟེན་ཅིང་འབྲེལ་པར་འབྱུང་བའི་ཚིགས་སུ་བཅད་པའི་དོན་ཏོ། །དེ་སྨྲ་བར་
[178b]
[178b.1]བྱེད་པས་ན། འདི་སྐད་གསུངས་ཞེས་བྱའོ། །དེ་གང་ཞེ་ན། དགེ་སྦྱོང་ཆེན་པོ་ཞེས་བྱ་བ་སྨོས་ཏེ། སྡུད་པ་པོ་འཕགས་པ་དགེ་སྦྱོང་ཀུན་དགའ་བོའོ། །ཚིག་དེ་ཉིད་ཀྱང་གང་གིས་སྨྲས་ཤེ་ན། ཤཱ་རིའི་བུ་དང་། རྡོ་རྗེའི་ཐེག་པ་ལས་ཀྱང་ཕྱག་ན་རྡོ་རྗེས་སོ། །དེ་ནི་ཤིན་ཏུ་རྣམ་པར་དག་པའི་བློ་
[178b.2]ཅན་རྣམས་ལ་སྲིད་པ་དང་མྱ་ངན་ལས་འདས་པ་དག །དབྱེར་མེད་པ་ཉིད་དུ་སོ་སོར་བསྟན་པར་བྱ་བའི་ཕྱིར། །སྲིད་པ་རང་བཞིན་གྱིས་དག་པ། །ཞེས་བྱ་བ་ལ་སོགས་པ་སྨོས་ཏེ། དེ་ལ་སྲིད་པ་ནི་རྣམ་པ་གསུམ་སྟེ། སྐྱེ་བའི་སྲིད་པ་དང་། འཆི་བའི་སྲིད་པ་དང་། བར་མ་དེའི་སྲིད་པའོ། །དེ་དག་
[178b.3]ངོ་བོ་ཉིད་ཀྱིས་དག་པ་ཡིན་ཏེ། དོན་དམ་པས་ཁྱབ་པའི་ཕྱིར་རོ། །དེ་ལ་འཆི་བའི་སྲིད་པ་ནི་འོད་གསལ་བ་ལ་འཇུག་པའི་མཚན་ཉིད་ཅན་ཏེ། ཆོས་ཀྱི་སྐུ་ཡིན་ཏེ། ཕུང་པོ་ལ་སོགས་པ་མཚོན་པའི་ཕྱིར་རོ། །སྲིད་པ་བར་མ་དོ་ནི་འཇའ་ཚོན་དང་མཚུངས་པ་ལོངས་སྤྱོད་རྫོགས་པའི་སྐུ་ཡིན་ཏེ།
[178b.4]འོད་གསལ་བ་ལས་དང་པོར་སྐྱེས་པའི་ཕྱིར་རོ། །སྐྱེ་བའི་སྲིད་པ་ནི་སྤྲུལ་པའི་སྐུའི་མཚན་ཉིད་ཡིན་ཏེ། འགྲོ་བའི་དོན་བྱེད་པའི་ཕྱིར་རོ། །ཇི་སྐད་དུ། ཇི་ལྟར་ཕྱི་རོལ་དེ་བཞིན་ནང་། །ཞེས་གསུངས་སོ། །དེ་ཇི་ལྟར་ཤེས་པར་བྱ་ཞེ་ན། རང་བཞིན་གྱིས་ནི་སྲིད་བྲལ་བྱས། །ཞེས་བྱ་བ་སྨོས་ཏེ།
[178b.5]རང་བཞིན་ཞེས་བྱ་བ་ནི། །ཆོས་ཐམས་ཅད་ཀྱི་རང་གཟུགས་སོ། །དེས་སྲིད་པ་སྲིད་བྲལ་བྱ་ཞེས་བྱ་བ་ནི། སྲིད་པའི་མིང་ཙམ་ཡང་མེད་པར་བྱས་ཞེས་བྱ་བའི་དོན་ཏོ། །ངོ་བོ་ཉིད་ཀྱིས་ཞེས་དེར་ཆོས་ཅན་དུ་མ་ཡིན་པས། །ཆོས་ཉིད་ཀྱང་མང་པོའི་ཚིག་གི་མཐའ་ཅན་དུ་ཤེས་པར་བྱའོ། །ཇི་
[178b.6]ལྟར་ན་འཁོར་བ་ཉིད་མྱ་ངན་ལས་འདས་པ་དབྱེར་མེད་པ་བཞིན་དུ། །དགྱེས་པའི་རྡོ་རྗེ་ལས་ཀྱང་གསུངས་ཏེ། རྣམ་དག་ཡིད་ལྡན་རྣམས་ལ་ནི། །འཁོར་བ་ཉིད་ནི་མྱ་ངན་འདས། །ཞེས་བྱ་བ་ལ་སོགས་པ་གསུངས་སོ། །རིམ་པ་ལྔ་པ་ལས་ཀྱང་། །སེམས་གང་གིས་ནི་བྱས་པ་རྣམས། །
[178b.7]འཁོར་བར་བཅིངས་པར་གྱུར་པ་སྟེ། །སེམས་དེ་ཉིད་ཀྱིས་རྣལ་འབྱོར་པ། །བདེ་བར་གཤེགས་པའི་གནས་སུ་འགྲོ། །ཞེས་གསུངས་སོ། །གཞན་ཡང་སྣང་བའི་ཕྲེང་བ་ལས་ཀྱང་། །སྲིད་གསུམ་མཐར་བྱེད་ཀྱིས་ནི་སྲིད་པ་གསུངས་པ་སྟེ། མདོར་བསྡུས་པ་ནི་སེམས་ཀྱི་རྟོག་པ་ཙམ། །སྙིང་གནས་
[179a]
[179a.1]དེ་ནི་གལ་ཏེ་རྣམས་སྤངས་ན། །སྐྱེ་བའི་ཉིང་མཚམས་སྦྱོར་བའི་འཆིང་བ་ལས་གྲོལ་འགྱུར། །ཞེས་སློབ་དཔོན་ཟླ་བ་པའི་ཞབས་ཀྱིས་གསུངས་སོ། །དེ་ལྟར་ན་རང་རིག་པའི་འོད་གསལ་བ་རང་བཞིན་གྱིས་ཡོངས་སུ་རྣམ་པར་དག་པ། །འགྲོ་བ་འདི་དག་སངས་རྒྱས་ཀྱི་རང་བཞིན་དུ་
[179a.2]ཤེས་ནས། །རྣལ་འབྱོར་པས་ཐར་པའི་ཡུལ་དུ་རིང་བའི་འདུ་ཤེས་བསྐྱེད་པར་མི་བྱ་ཞེས་བསྟན་པར་བྱ་བའི་ཕྱིར། །ད་ལྟར་བྱུང་བའི་ངོ་བོ་ཉིད་ལ་རིང་བའི་འདུ་ཤེས་སྤང་བར་བྱའོ་ཞེས་བྱ་བ་སྨོས་ཏེ། ད་ལྟར་བྱུང་བ་ནི་དེ་ལྟར་གནས་པ་སྟེ། འདས་པ་དང་མ་འོངས་པ་ནི་མ་ཡིན་ནོ། །དེ་ལྟ་བུའི་ངོ་བོ་ཉིད་དེ་
[179a.3]ཁོ་ན་ཉིད་གང་ལ་ཡོད་པ་དེ་ལ་དེ་སྐད་ཅེས་བྱའོ། །ཡང་ན་སྐད་ཅིག་མ་རེ་རེ་ལ་འབྱུང་ཞིང་གནས་པས་ན། ད་ལྟར་བྱུང་བའི་ངོ་བོ་སྟེ། དུས་ཐམས་ཅད་དུ་མི་འགྱུར་ཞིང་དོན་དམ་པའི་བདེན་པ་སྟེ་ཆོས་ཀྱི་དབྱིངས་སོ། །དེ་ལ་ནི་རིང་བའི་འདུ་ཤེས་སྤང་བར་བྱའོ་ཞེས་བྱ་བ་ནི། །དེ་ཁོ་ན་ཉིད་རིག་པས་
[179a.4]བསྐལ་བ་གྲངས་མེད་པ་གསུམ་གྱིས་བྱང་ཆུབ་ཐོབ་པར་འགྱུར་ཞེས་རིང་བའི་འདུ་ཤེས་བྱ་བ་མ་ཡིན་ནོ། །སྣང་བའི་ཕྲེང་བ་ལས་ཀྱང་། །རྣལ་འབྱོར་རིག་པས་ཐར་བ་ལ། རིང་བའི་འདུ་ཤེས་བྱ་བ་མིན། །སྟོང་པ་ཉིད་ཀུན་བརྟགས་པ་ཡི། །ཚུལ་གྱིས་མཐོང་ཡང་བདག་ཉིད་གྲོལ། །ཞེས་
[179a.5]སློབ་དཔོན་ལ་བ་པས་གསུངས་སོ་ཞེས། །གསང་བའི་སྒྲོན་མ་ཞེས་བྱ་བ་ལ། །སྡུད་པ་པོས་མངོན་པར་བྱང་ཆུབ་པའི་རིམ་པ་བརྒྱུད་པའི་རིམ་པའི་སྒོ་ནས། གསང་བ་སྟོན་པར་བྱེད་པའི་ཚིག་ཕྱེ་བ་ནི་སྒྲོན་མ་སྟེ་རྫོགས་སོ་ཞེས་ཚིག་སྦྱར་རོ།། །།དེའི་རྗེས་སུ་རབ་ཏུ་བྱེད་པའི་མཁན་པོ་སློབ་དཔོན་ཉིད་ཀྱིས་
[179a.6]གསུངས་ཏེ། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ཞེས་བྱ་བ་ལ་སོགས་པ་ལ། སྒྲོན་མ་ལྟ་བུ་བཞི་བོ་འདི་མདོར་བསྡུས་ཏེ་མཚོན་པར་བྱས་ཞེས་ཚིག་སྦྱར་རོ། །དེ་ལ་མན་ངག་དྲན་པར་བྱ་བའི་ཕྱིར། སློབ་དཔོན་གྱིས་མཚོན་པར་བྱ་བ་ཡིན་གྱིས། །རྒྱས་པར་མ་བཤད་དོ། །དགོངས་པ་ནི་གང་གི་ཕྱིར་
[179a.7]གང་ཤེས་རབ་རྣོ་བ་དེ་དག་གིས། །བདག་གི་སློབ་མའི་རྒྱུད་ཀྱི་རྗེས་སུ་འབྲང་ཞིང་ཤེས་པར་འགྱུར་ཏེ། གང་ཡང་བློ་དམན་ཞིང་སློབ་དཔོན་གྱི་མན་ངག་གི་རྒྱུད་ཀྱི་རིམ་པ་དང་བྲལ་བ། རབ་བྱུང་དེ་རྣམས་ལ་གསང་བར་བྱ་བའི་ཕྱིར། །སློབ་དཔོན་གྱིས་རྒྱས་པར་མ་བཤད་ཅིང་འགྲེལ་བ་མ་
[179b]
[179b.1]མཛད་དོ། །གང་གིས་ཕྱིར་འགྲེལ་པ་ཙམ་ལ་བརྟེན་ཏེ། དགོངས་པ་མེད་པའི་བཤད་པས། རང་ཉམས་པ་དེ་རྣམས་ཀྱིས་གཞན་རྣམས་ལ་ཡང་ཕྱིན་ཅི་ལོག་པའི་ལམ་སྟོན་པས། ཉམས་པར་བྱེད་ཅེས་དགོངས་ན་སྟེ། སློབ་དཔོན་གྱིས་སྒྲོན་མ་བཞི་པོ་འདི་མདོར་བསྡུས་ཏེ་མཚོན་པ་ཙམ་མཛད་དོ་
[179b.2]ཞེས་དགོངས་པའོ། །དེ་ལྟ་ན་ཅི་རང་བཟོས་བསྟན་བཅོས་འདི་མཛད་ཅེ་ན། དེ་བཞིན་གཤེགས་པའི་གསུང་རབ་ལས་ཞེས་བྱ་བ་སྨོས་ཏེ། དེ་བཞིན་གཤེགས་པའི་གསུང་རབ་ཁོ་ན་འདི་ཡིན་གྱིས། །བདག་གི་ནི་མ་ཡིན་ནོ། །འོན་ཏེ་བདག་གིས་བཏུས་ཞེས་སློབ་དཔོན་ཉིད་ཀྱི་ལུང་གི་རྗེས་
[179b.3]སུ་འབྲང་བ་ཉིད་ཤེས་པར་བྱའོ། །དེ་ལྟར་ན་དེ་བཞིན་གཤེགས་པའི་གསུང་རབ་ལས་གང་བཏུས་ཤེ་ན། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ཞེས་བྱ་བ་སྨོས་ཏེ། དེ་ལ་དགོངས་པ་འདི་ཡིན་ཏེ། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ལས་བརྗོད་པར་བྱ་བའི་དེ་ཁོ་ན་ཉིད་གང་གསུངས་པ། དེ་ཉིད་
[179b.4]གཞུང་རེ་རེ་ལས་སེམས་ཅན་གྱི་དབྱིངས་གསུངས་པ་སྟེ། དེའི་རྗེས་སུ་འབྲང་ཞིང་མདོར་བསྡུས་པའི་མན་ངག་སྒྲོན་མ་བཞི་ཞེས་བྱ་བ་བསྡུས། ཇི་སྐད་དུ། ཆོས་ཕུང་བརྒྱད་ཁྲི་བཞི་སྟོང་ལས། །ཐུབ་པ་ཆེན་པོས་གསུངས་པ་དག །སྙིང་པོ་ལས་ནི་སྙིང་པོ་མཆོག །མངོན་པར་བྱང་ཆུབ་
[179b.5]མཚན་ཉིད་དོ། །ཞེས་གསུངས་སོ། །དེ་ལ་གལ་ཏེ་གང་ཞིག་འདིར་སྨྲ་ན་ཅིའི་ཕྱིར་འདུས་པའི་རིམ་པས་འདི་བཤད་ཅེ་ན། དེ་ནི་སྐྱོན་མེད་དེ། གང་གི་ཕྱིར་རྒྱུད་ཀྱིས་རྒྱུད་གཞན་རྟོགས་པར་བྱ་ཞེས་བཤད་པའི་རྒྱུད་ལས་གསུངས་པའི་ཕྱིར་རོ། །དེ་ལྟ་ཡིན་ན་ཅིའི་ཕྱིར། །མངོན་པར་བྱང་ཆུབ་
[179b.6]པའི་འོག་ཏུ། ཟུང་དུ་འཇུག་པའི་རིམ་པ་མ་བསྟན་ཅེ་ན། དེ་ལ་ཡང་འགལ་བ་མེད་དེ་གང་གི་ཕྱིར་བདེན་པ་གཉིས་ལ་མ་འདུས་པའི་བསྒྲུབ་བྱ་གཞན་མེད་པས་སོ། །གལ་ཏེ་ཡོད་ན་དོན་ནི་འདི་ཉིད་ལས་གཞན་མ་ཡིན་ནོ། །དེ་ཅིའི་ཕྱིར་ཞེ་ན། སྒྱུ་མའི་ཏིང་ངེ་འཛིན་དང་། འོད་གསལ་
[179b.7]བ་དག་ལ་ཟུང་དུ་འཇུག་པ་ཞེས་མིང་ཙམ་བཏགས་སོ། །དེ་བས་ན་ལས་དང་པོ་བའི་དུས་སུ་ཁོ་ན་ཀུན་རྫོབ་དང་དོན་དམ་པ་ལ་དབྱེར་མེད་པའི་ཚུལ་ཞེས་ནས་འཇུག་པའི་རྣལ་འབྱོར་པས་ཟུང་དུ་འཇུག་པ་ཞེས་བྱ་བའི་འབྲས་བུ་ལྷུན་གྱིས་གྲུབ་པ་ཡིན་པས་འདིར་མ་བསྟན་ཏོ། །དེ་ལྟར་ན་ཟུང་དུ་འཇུག་
[180a]
[180a.1]པ་དང་རྗེས་སུ་མཐུན་པའི་སྤྱོད་པ་ཡང་ཅིའི་ཕྱིར་མ་བསྟན་ཅེ་ན། །དེ་ལ་འདིར་སྨྲ་བ་ཡིན་ཏེ། །རྣལ་འབྱོར་མའི་བླ་མའི་རྒྱུད་འདི་ལ་དབང་བསྐུར་ཐོབ་པའི་སྒྲུབ་པ་པོས་དུས་དེ་ཉིད་དུ་གཉིས་སུ་མེད་པའི་སྤྱོད་པ་ལ་ངེས་པ་སྐྱེས་པའི་ཕྱིར་རོ། །དེས་ནི་སྒྲོན་མ་བཞི་པོས་ཡིན་གྱི་ལྔ་ནི་མ་ཡིན་
[180a.2]ནོ་ཞེས་དགོངས་པའོ། །མན་ངག་ཚིག་ཙམ་རྨོངས་པ་ཡིན། །གང་གིས་རྟོགས་པར་མི་འགྱུར་ན། །མཚམས་མེད་ལས་ཀྱི་འཇིགས་པས་ནི། །དེ་ཡིས་བསྐུར་བར་བྱ་བ་མིན། །བདག་གིས་བླ་མ་དམ་པ་ལས། །ཡང་དག་ལེགས་པར་འདི་ཐོས་ཏེ། །དོན་འདི་དྲན་པར་བྱ་བའི་ཕྱིར། །ཅི་ནུས་
[180a.3]པར་ནི་བཤད་པར་བྱས། །འདི་ལ་ཉེས་པ་ཡོད་གྱུར་ན། །དམ་པ་རྣམས་ཀྱིས་བཟོད་པར་རིགས། །རྨོངས་པ་གསལ་བྱེད་ཊཱི་ཀཱ་འདི། །ཚིག་དོན་མ་ལུས་སྟོན་བྱེད་པ། །བརྩམས་ཏེ་བསོད་ནམས་གང་བསགས་པ། །དེ་ཡིས་འཇིག་རྟེན་གྲོལ་བར་ཤོག །སློབ་དཔོན་ནག་པོས་མཛད་པའི། །
[180a.4]སྒྲོན་མ་བཞི་ཞེས་བྱ་བའི་མན་ངག་གི་ཊཱི་ཀཱ་ལས། གསང་བའི་སྒྲོན་མ་སྟེ་བཞི་པ་རྫོགས་སོ།། །།རྒྱ་གར་གྱི་མཁན་པོ་ཆེན་པོ་ཤྲཱི་དྷ་ར་ཉིད་ཀྱི་ཞབས་ཀྱི་ཞལ་སྔ་ནས་ཀྱིས་བསྒྱུར་ཅིང་གཏན་ལ་ཕབ་པའོ།། {T1541}༄༅༅། །རྒྱ་གར་སྐད་དུ། ཤྲཱི་བཛྲ་བཱ་རཱ་ཧཱི་སཱ་དྷ་ནཾ། བོད་སྐད་དུ། དཔལ་རྡོ་རྗེ་ཕག་མོའི་
[180a.5]སྒྲུབ་ཐབས། །དཔལ་རྡོ་རྗེ་ཕག་མོ་ལ་ཕྱག་འཚལ་ལོ། །འདིར་བསྒོམ་པ་ལ་དབང་བར་གྱུར་བས། རི་བོ་ལ་སོགས་པ་ཇི་སྐད་གསུངས་པའི་གནས་སུ་བདེ་བའི་སྟེན་ལ་འདུག་ནས་སེམས་ཅན་གྱི་དོན་ལ་མངོན་པར་བརྩོན་པའི་བློས། རང་གི་སྙིང་གར་ཉི་མ་ལ་གནས་པའི་བཾ་ཡིག་ལི་ཁྲིའི་མདོག་ལྟར་
[180a.6]དམར་བའི་འོད་ཟེར་གྱིས། །བླ་མ་དང་སངས་རྒྱས་དང་བྱང་ཆུབ་སེམས་དཔའ་དང་བཅས་པའི་རྡོ་རྗེ་ཕག་མོ་གསལ་བར་བལྟས་ལ་ཡིད་ལས་བྱུང་བའི་མཆོད་པ་རྣམས་ཀྱིས་ཡང་དག་པར་མཆོད་པ། སྡིག་པ་བཤགས་པ་ལ་སོགས་པ་བྱའོ། །དེ་ནས་བྱམས་དང་སྙིང་རྗེ་དང་། དགའ་དང་བཏང་སྙོམས་
[180a.7]ལས་འདས་པས། །ཆོས་ཀུན་གདོད་ནས་གནས་པས་ན། །ངོ་བོ་ཉིད་མེད་དེས་རྟོགས་བྱ། །སྟོང་པའི་ནམ་མཁའ་པཾ་བྱུང་བའི། །ཆུ་སྐྱེས་དམར་པོའི་དབུས་གནས་པའི། །དབྱངས་དང་གསལ་བྱེད་ལས་བྱུང་བའི། །ཟླ་བ་ཉི་མའི་རྣམ་པར་བསྒོམས། །དེ་དབུས་བཾ་ལས་ཛ་བ་ལྟར། །དམར་
[180b]
[180b.1]བའི་རྡོ་རྗེའི་མེ་དབུས་སུ། །སླར་ཡང་བཾ་ཡིག་དེ་འོད་སྤྲོས། །བསྡུས་ལས་རང་ལྷའི་གཟུགས་སུ་རྫོགས། །པདྨ་རཱ་གའི་མདོག་མཚུངས་པ། །ཞལ་གསུམ་ཕྱག་ནི་དྲུག་པ་སྟེ། །སྤྱན་གསུམ་དབུ་སྐྲ་གྲོལ་བ་མོ། །ཐོད་པའི་ཕྲེང་བས་དབུ་བརྒྱན་ཅིང་། །རྒྱན་རྣམས་ཐམས་ཅད་ཡོངས་སུ་
[180b.2]རྫོགས། །སེམས་དཔའི་སྐྱིལ་ཀྲུང་གིས་བཞུགས་པའོ། །རྡོ་རྗེ་དྲིལ་བུ་འཛིན་འཁྱུད་ཅིང་། །མདའ་དང་གཞུ་ནི་འགེངས་པས་འཛིན། ཐོད་པ་ཁ་ཊྭཱཾ་ག་བཅས་དང་། །ལྕགས་ཀྱུ་མཆོག་གིས་དགུག་པ་དང་། །རྡོ་རྗེ་གསུམ་གྱིས་བྱིན་བརླབས་ནས། །ཡེ་ཤེས་མཆོག་དང་མཉམ་སྦྱོར་བས། །
[180b.3]རང་སྙིང་བཾ་ཡིག་ལས་འོད་ཟེར། །སྤྲོ་དང་བསྡུ་བའི་བཟླས་པ་བྱ། །ཨོཾ་ཤྲཱི་བཛྲ་བཱ་རཱ་ཧཱི་ཨཱཿབཾ་ཧཱུྃ་ཧཱུྃཕཊ་སྭཱ་ཧཱ། །སྤྲུལ་བའི་འཁོར་ལོར་དབྱངས་ཀྱི་དང་པོ་ཐིག་ལེས་རྣམ་པར་བརྒྱན། །སྙིང་དབུས་དྲོ་བའི་བཞི་པ་ཨུ་ཡིག་བསིལ་ཟེར་སྟོང་པས་མཛེས། །ལོངས་སྤྱོད་འཁོར་ལོའི་དབུས་སུ་སོན་པའི་རིག་
[180b.4]བྱེད་དང་པོ་ཉིད། །སྤྱི་བོར་ཀྵ་ལྷག་ནཱ་ད་དང་བཅས་ཐིག་ལེས་རྣམ་མཛེས་པའི། །སྲོག་དང་རྩོལ་བ་ལེགས་བསྡམས་པའི། །ཡེ་ཤེས་མེ་ནི་རྣམ་པར་འབར། །རླུང་བྲལ་མར་མེ་ལྟར་གསལ་ཞིང་། །གློག་གི་འོད་མཚུངས་གྱེན་སོང་བས། །ཐུགས་ཀྱི་རྡོ་རྗེའི་གནས་སོན་མཆོག་གི་ས་བོན་
[180b.5]ལེགས་བསྲེགས་ནས། །གསུང་གནས་བཞུགས་དང་སྐུ་ཡི་རྡོ་རྗེའི་ཡི་གེ་རྣམས་བཅོམ་སྟེ། །བདེ་ཆེན་གནས་འགྲོ་ལུས་ཅན་རྣམས་ཀྱི་སྐྱེད་བྱེད་ཞུ་བ་ལས། །འཛག་པ་གང་ཡིན་འདི་ནི་ཀུན་དགའ་མཆོག་གི་གནས་སྟེར་བའོ། །མཆོག་ཏུ་དགའ་བའི་མཐར་གནས་པ། །ཡེ་ཤེས་ཅི་འདྲ་དེ་
[180b.6]འདྲ་བ། །རྒྱུན་མི་འཆད་པས་མངོན་གོམས་པས། །སེམས་ནི་གཉིས་སུ་མེད་པར་འགྲོ། །སྙིང་གི་པདྨར་ཟླ་བ་ཉི་མ་ཁ་སྦྱར་དབུས་གནས་པ། །ཕྲ་བའི་ཐིག་ལེ་གསལ་བའི་གཟུགས་ཀྱིས་གནས་པ་རྣམ་བལྟས་ཏེ། །དེར་ནི་ཡང་དང་ཡང་དུ་སྲོག་འགོག་སྦྱོར་བ་ལས་འདས་པས། །མཁའ་
[180b.7]མཉམ་དྲི་མེད་མཆོག་ནི་རྣལ་འབྱོར་པས་མཐོང་འགྱུར། །ལུས་ཀྱི་དབུས་གནས་སྐུད་པ་ལ། །ཕྲ་བའི་རྣམ་ཤེས་འགྲོ་འོང་བ། །རྩེ་གཅིག་སེམས་ཀྱིས་གོམས་བྱས་ན། །རྟོག་མེད་ཡེ་ཤེས་ཡང་དག་འཇུག །དཔལ་རྡོ་རྗེ་ཕག་མོ་སྒྲུབ་པའི་ཐབས། །ཨཱ་ཙརྱ་པྲཛྙཱ་བྷ་དྲས་མཛད་པ་
[181a]
[181a.1]རྫོགས་སོ།། །།བལ་པོའི་པཎྜི་ཏ་སུ་མ་ཏི་ཀཱིརྟི་དང་། བོད་ཀྱི་ལོ་ཙཱ་བ་མར་པ་ཆོས་ཀྱི་དབང་ཕྱུག་གིས་བསྒྱུར་བའོ།། {T1542}༄༅༅། །རྒྱ་གར་སྐད་དུ། བཛྲ་བཱ་རཱ་ཧཱི་སཱ་དྷ་ནཾ། བོད་སྐད་དུ། རྡོ་རྗེ་ཕག་མོ་སྒྲུབ་པའི་ཐབས། རྡོ་རྗེ་ཕག་མོ་ལ་ཕྱག་འཚལ་ལོ། །
[181a.2]གཞན་ཡང་ཕྱོགས་ཀྱི་མཁའ་འགྲོ་མ། །བྱིས་པ་བུད་མེད་བདེ་སྟེར་བ། །དེ་ཡི་སྒྲུབ་ཐབས་བསྟན་པར་བྱ། །རྣལ་འབྱོར་པས་ནང་པར་སྔ་བར་ལངས་ཏེ་གདོང་དག་པ་ལ་སོགས་པ་བྱས་ཏེ། དམ་ཚིག་གི་རིལ་བུ་ཁར་བཅུག་ལ། རི་བོའམ་ཚང་ཚིང་ལ་སོགས་པ་ཡིད་དུ་འོང་བའི་གནས་སུ། སྣ་
[181a.3]ཚོགས་གདན་ལ་གནས་ཏེ། ཨཱ་ལི་ཀཱ་ལི་ལན་གསུམ་གྱི་བར་དུ་བརྗོད་དེ། རྡོ་རྗེ་ཕག་མོའི་ང་རྒྱལ་དུ་གྱུར་པས། དེའི་རྣམ་པར་དག་པ་ཐམས་ཅད་བྱས་ཏེ་ངེས་པར་བྱས་ལ་རང་གི་སྙིང་གར་རྡོ་རྗེ་དང་ཉི་མ་ལ་བཾ་དམར་པོ་བལྟ་བར་བྱའོ། །དེའི་འོད་ཟེར་རྣམས་དམར་པོ་བསྐལ་པ་འཇིག་པའི་དུས་
[181a.4]ཀྱི་མེ་ལྟ་བུར་འོག་མིན་གྱི་བར་དུ་འཕྲོས་པས་རྡོ་རྗེ་ཕག་མོ་འཆད་པར་འགྱུར་བའི་ཕྱག་དང་མཚོན་ཆ་དང་། བླ་མ་དང་། སངས་རྒྱས་དང་བྱང་ཆུབ་སེམས་དཔའ་རྣམས་བཀུག་སྟེ། མདུན་གྱི་ནམ་མཁའ་ལ་ཡང་དག་པར་བཞུགས་ཏེ་དེ་ནས་འོད་ཟེར་རྣམས་བྱུང་སྟེ། དེ་དག་གི་མདུན་དུ་མཆོད་ནས་
[181a.5]སྡིག་པ་བཤགས་པ་དང་། སྡིག་པ་སླར་བསྡམ་པ་དང་། བསོད་ནམས་ལ་རྗེས་སུ་ཡི་རང་བ་དང་། བསོད་ནམས་ཡོངས་སུ་བསྔོ་བ་དང་། གསུམ་ལ་སྐྱབས་སུ་འགྲོ་བ་དང་། བྱང་ཆུབ་ཏུ་སེམས་བསྐྱེད་པ་ལ་སོགས་པ་བྱས་ཏེ་ཚངས་པའི་གནས་བཞི་བསྒོམ་པར་བྱའོ། །དེ་ནས་ཨོཾ་ཤུ་ནྱ་
[181a.6]ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་རྔུཀོལྷཧཾ། ཞེས་བྱ་བའི་སྔགས་ཀྱིས་མངོན་དུ་བྱས་ཏེ། ཡུད་ཙམ་ཀྱིས་རབ་ཏུ་མི་གནས་པའི་ངོ་བོར་གནས་པ་ལ་སྔོན་གྱི་སྨོན་ལམ་གྱི་དབང་གིས་ནམ་མཁའི་དཀྱིལ་འཁོར་དུ་ལངས་ཏེ། ཡི་རཾ་བཾ་ལཾ་རྣམས་ཡོངས་སུ་གྱུར་པ་ལས་གཞུ་དང་། གྲུ་གསུམ་པ་དང་། ཟླུམ་
[181a.7]པོ་དང་གྲུ་བཞི་པ་རྣམས་ནི་སྔོན་པོ་དང་། དམར་པོ་དང་། དཀར་པོ་དང་། སེར་པོ་རྣམས་འབྱུང་བ་ཆེན་པོ་བཞིའི་དཀྱིལ་འཁོར་སྟེང་ནས་སྟེང་དུ་བལྟའོ། །དེའི་སྟེང་དུ་སུཾ་ལས་ཡང་དག་པར་བྱུང་བའི་རི་རབ་གྲུ་བཞི་པ་རིན་པོ་ཆེ་སྣ་བཞི་ལས་བྱུང་བའི་རྭ་བརྒྱད་ཀྱིས་ཉེ་བར་མཛེས་པ། དེའི་སྟེང་དུ་
[181b]
[181b.1]ཨོཾ་མེ་དི་ནཱི་བཛྲཱི་བྷཱ་བ་བཛྲ་བནྟ་ཧཱུཾ་བཾ་ཧཱུཾ། ཨོཾ་བཛྲ་པྲ་ཀཱ་ར་ཧཱྃ་བཾ་ཧཱྃ། ཨོཾ་བཛྲ་པཉྩ་ར་ཧཱྃ་བཾ་ཧཱུྃ། ཨོཾ་ཨཱཿབཛྲ་བི་དཱ་ན་ཧཱུྃ་ཁཾ་ཧཱུྃ། ཨོཾ་བཛྲ་ཤ་ར་ཛཱ་ལ་ཏྲཾ་སཾ་ཏྲཾ། ཨོཾ་བཛྲ་ཛྭ་ལ་ཨ་ན་ལཱརྐ་ཧཱུྃ་ཧཱུྃཧཱུྃ། སྔགས་དེ་དག་གིས་རྡོ་རྗེའི་ས་གཞི་ལ་སོགས་པ་དྲུག་རྣམ་པར་བསྒོམ་པར་བྱའོ། །དེའི་ནང་དུ་གྲུ་བཞི་
[181b.2]པ་ལ་སོགས་པ་ལ་མཚན་ཉིད་ཐམས་ཅད་དང་ཡང་དག་པར་ལྡན་པའི་ཁང་པ་ལ་སོགས་པ་རྣམ་པར་བསམས་ཏེ། དེའི་སྟེང་དུ་པདྨ་འདབ་མ་བརྒྱད་པའོ། །དེ་ལས་ཨཱ་ལི་ཀཱ་ལི་ཡོངས་སུ་གྱུར་པ་ལས་ཟླ་བ་དང་ཉི་མ་ཁ་སྦྱོར་ཀྱི་ནང་དུ་རྡོ་རྗེ་དམར་པོའི་ནང་དུ་ཆུད་པའི་བཾ་དམར་པོ་རང་བཞིན་གྱིས་འོད་
[181b.3]གསལ་བ་བལྟའོ། །དེ་དག་ཐམས་ཅད་ཡོངས་སུ་གྱུར་པ་ལས་བདག་ཉིད་བཅོམ་ལྡན་འདས་མ་རྡོ་རྗེ་ཕག་མོ་བལ་པོའི་སེའུ་ཤིང་གི་མེ་ཏོག་དང་མཚུངས་པ་ཕྱག་གཉིས་པ། ཞལ་གཅིག་པ། སྤྱན་གསུམ་པ། སྐྲ་གྲོལ་བ། ཕྱག་རྒྱ་དྲུག་གིས་རྒྱས་བཏབ་པ། ནམ་མཁའི་གོས་ཅན།
[181b.4]ཡེ་ཤེས་ལྔའི་བདག་ཉིད། ལྷན་ཅིག་སྐྱེས་པའི་རང་བཞིན་ཕྱག་གཡས་ཀྱིས་རྡོ་རྗེ་དང་སྡིགས་མཛུབ་མཛད་པ། གཡོན་གྱིས་ཐོད་པ་དང་ཁ་ཊྭཱཾ་ག་བསྣམས་པ། གཡོན་བརྐྱང་བའི་ཞབས་ཀྱིས་འཇིགས་བྱེད་དང་དུས་མཚན་མནན་པ། བརྒྱ་ཕྱེད་ཀྱི་ཕྲེང་བས་སྐུ་ལ་བརྒྱན་པ། ཁྲག་འཛག་
[181b.5]བཞལ་དུ་གསོལ་བར་བསྒོམ་མོ། །དེ་ནས་ཤར་ཕྱོགས་ལ་སོགས་པའི་འདབ་མ་བཞི་ལ་གོ་རིམས་ཇི་ལྟ་བར་གཡོན་སྐོར་གྱིས་མཁའ་འགྲོ་མ་དང་། ལཱ་མ་དང་། དུམ་སྐྱེས་མ་དང་། གཟུགས་ཅན་མ་རྣམས་ནག་མོ་དང་། སྔོ་བསངས་མ་དང་། དམར་མོ་དང་། དཀར་མོ་རྣམས་ཞལ་
[181b.6]གཅིག་མ། ཕྱག་གཡོན་གྱིས་ཁ་ཊྭཱཾ་ག་དང་ཐོད་པ་བསྣམས་པ་གཡས་ཀྱིས་ཌ་མ་རུ་དང་། གྲི་གུག་གོ། །སྤྱན་གསུམ་པ། སྐྲ་གྲོལ་བ། གཅེར་བུ། གཡོན་བརྐྱང་བས་ཡང་དག་པར་གནས་པ། ཕྱག་རྒྱ་ལྔ་ཡིས་རྣམ་པར་བརྒྱན་པ་བསྒོམ་པར་བྱའོ། །མཚམས་ཀྱི་འདབ་མ་བཞི་
[181b.7]ལ་བྱང་ཆུབ་ཀྱི་སེམས་ལ་སོགས་པས་གང་བའི་ཐོད་པ་བསམ་པར་བྱའོ། །དེའི་རྗེས་སུ་བཅོམ་ལྡན་འདས་མའི་སྙིང་གའི་ས་བོན་ལས་རྣམ་པར་བྱུང་བའི་འོད་ཟེར་དང་། ཛའི་གེས་ཡེ་ཤེས་ཀྱི་འཁོར་ལོ་དགུག་པ་དང་། ཧཱུཾ་གི་ཡི་གེས་དམ་ཚིག་གི་འཁོར་ལོ་ཚུལ་བཞིན་དུ་གཞུག་པ་
[182a]
[182a.1]དང་། བཾ་ཀྱི་ཏྲེཡི་གེས་བཅིངས་པ་དང་། ཧོཿའི་ཡི་གེས་དགྱེས་པར་བྱའོ། །དེ་ནས་བྷྲཱུ་ཧཱུཾ་ཁཾ་ཨཾ་ཧཾ་ཧཱྃ་གིས་ཡི་གེས་རྣམ་པར་སྦྱང་བར་བྱའོ། །ལྷ་མོ་དྲུག་གི་སྔགས་ཀྱིས་བཅོམ་ལྡན་འདས་མའི་གོ་བགོའོ། །ཨོཾ་བཾ་ནི་ལྟེ་བར་རོ། །ཧཾ་ལོ་ནི་སྙིང་གར་རོ། །ཧྲིཾ་མོཾ་ནི་ཁ་ལའོ། །
[182a.2]ཧྲིཾ་ཧྲིཾ་ནི་མགོ་ལའོ། །ཧཱུཾ་ཧཱུཾ་ནི་སྤྱི་གཙུག་ཏུའོ། །ཕཊ་ཕཊ་ནི་ཡན་ལག་ཐམས་ཅད་ལ་མཚོན་ཆའོ། །དེ་ནས་བཅོམ་ལྡན་འདས་མའི་སྐུ་དང་གསུང་དང་ཐུགས་ཀྱི་གནས་རྣམས་སུ་ཨོཾ་ཨཱཿཧཱུྃ་དགོད་པར་བྱའོ། །བསྒོམ་པས་དུབ་ན་སྔགས་བཟླའོ། །དེ་ནས་སྔགས་ཨོཾ་བཛྲ་བཻ་རོ་ཙ་ནཱི་ཡེ་ཧཱུྃ་ཧཱུྃ་ཕཊ་
[182a.3]སྭཱ་ཧཱ། ཐུན་གསུམ་དུ་གཏོར་མ་སྔོན་དུ་འགྲོ་བས་བཅོམ་ལྡན་འདས་མ་བསྒོམ་པར་བྱའོ། །དེ་ལ་འདིའི་གཏོར་མའི་རིམ་པ་ནི་དམ་ཚིག་གི་རིལ་བུ་ཁར་བཅུག་པའི་རྣལ་འབྱོར་པས་གཡོན་བརྐྱང་བའི་ཞབས་ཀྱིས་མནན་ཏེ། མཐོ་བའི་གནས་ལ་བརྟེན་པས་ཁ་ལྷོར་བལྟས་ཏེ་སྐྲ་གྲོལ་
[182a.4]ཞིང་གཅེར་བུས་མཚན་ཕྱེད་ན་རྐང་པ་མནན་ཅིང་གྱེན་དུ་བལྟས་པའི་སྟེང་དུ་ཕེཾ་གི་སྒྲ་སྒོགས་པས་རྡོ་རྗེ་ཐལ་མོ་གྱེན་དུ་ཁ་ཕྱེ་སྟེ། དེའི་རྗེས་སུ་དྲན་པའི་ཕྱག་རྒྱ་བཅིངས་ཏེ་བསྐོར་ཞིང་བསྐོར་བར་དཔའ་བོ་དང་རྣལ་འབྱོར་མ་རྣམས་དགུག་གོ། །ཨོཾ་ཨ་རལླི་ཧོ་ཛཿཧཱུྃ་བཾ་ཧོཿབཛྲ་ཌཱ་ཀི་ནཱི་ས་མ་ཡ་
[182a.5]སྟྭཾ་དྲྀ་བྱུ་ཧོ། དེ་ལྟར་ལན་གསུམ་ལན་བཞི་ལན་ལྔའི་བར་དུ་བརྗོད་དེ་བསྔགས་སོ། །དེའི་རྗེས་སུ་བདུད་རྩི་མྱང་བའི་ཆོ་གས་རྫོགས་པ་དེའི་གཏོར་མ་སྔགས་འདིས་སྦྱིན་ནོ། །ཨོཾ་ཁ་ཁ་ཁཱ་ཧི་ཁཱ་ཧི་སཏྠ་ཡཀྵ་རཱཀྵ་སརྦ་བྷཱུ་ཏ་པྲེ་ཏ་པི་ཤཱ་ཙོ་ན་མཱ་ད་ཨ་པ་སྨྲ་ར་ཌཱ་ཀི་ནྱ་ད་ཡ་ཨི་བཾ་བ་ལོ་གྲིཧྞ་ཏུ་ས་མ་
[182a.6]ཡ་རཀྵན་ཏུ་མ་མ་སརྦ་སིདྡྷིམྨེ་པྲ་ཡཙྪན་ཏུ་ཡ་ཐཻ་བཾ་ཡ་ཐེཥྚི་བྷུཉྫ་ཐ་པི་བ་ཐ། མཱ་ཏི་ཀྲ་མ་ཐ་མ་མ་སཏྠ་ཀརྟ་ཡ་སདཱུ་ཁཾ་པི་པྲྀདྡྷ་ཡེ་ས་ཧཱ་ཡི་ཀཱ་བྷ་བན་ཏུ་ཧཱུཾ་ཧཱུཾ་སྐྱེཕཊ་ཕཊ་སྭཱ་ཧཱ། དེ་ནས་གནས་པ་ན་བཅོམ་ལྡན་འདས་མའི་གཟུགས་སུ་གནས་སོ། །རྡོ་རྗེ་ཕག་མོ་སྒྲུབ་པའི་ཐབས་རྫོགས་
[182a.7]སོ།། །།མཁས་པ་ཆེན་པོ་ཨ་བ་དྷཱུ་ཏཱི་པ་གཉིས་སུ་མེད་པའི་རྡོ་རྗེས་མཛད་པའོ།། །།རྒྱ་གར་ཀྱི་མཁན་པོ་བཛྲ་པཱ་ཎིའི་ཞལ་སྔ་ནས་དང་། ལོ་ཙཱ་བ་མཚུར་སྟོན་དབང་ངེས་བསྒྱུར་བའོ།། །།{T1543}༄། །རྡོ་རྗེ་རྣལ་འབྱོར་མ་ལ་མཆོད་བ་མདོར་བསྡུར་པ་བཞུགས།། །།
[182b]
[182b.1]༄༅༅།།རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །བླ་མ་རྗེ་བཙུན་མངའ་བདག་རི་ཁྲོད་པའི། །ཞབས་ཀྱི་རྡུལ་ལ་བདག་གིས་ཕྱག་འཚལ་ཏེ། །རྡོ་རྗེ་རྣལ་འབྱོར་མ་ནི་མཆོད་པའི་ཐབས། །བླ་མའི་བཀའ་ནི་ཇི་བཞིན་དྲན་ནས་བྲིས། །རྣལ་འབྱོར་པ་ཡིས་དང་པོར་ནི། །གྲུ་
[182b.2]བཞི་ལ་སོགས་དཀྱིལ་འཁོར་བྱ། །མེ་ཏོག་ལྷ་ཡི་གྲངས་བཞིན་དགོད། །མཆོད་སོགས་གཏོར་མ་ཇི་བཞིན་བྱ། །བདག་ཉིད་འདོད་པའི་ལྷ་ཡི་ནི། །སྐད་ཅིག་ང་རྒྱལ་གནས་པ་ལ། །ལག་པ་གཡོན་པས་རེག་བྱས་པས། །དཔའ་བོ་དྲུག་གི་གོ་ཆ་དང་། །དཔའ་མོའི་གོ་ཆ་དེ་བཞིན་བྱས། །
[182b.3]ཨོཾ་ཧ་ནི་སྙིང་གར་རོ། །ན་མཿཧི་ནི་མགོ་ལའོ། །སྭཱ་ཧཱ་ཧུ་ནི་སྤྱི་གཙུག་ཏུའོ། །བཽ་ཥཊ་ཧེ་ནི་ཕྲག་པ་གཉིས་ལའོ། །ཧཱུཾ་ཧཱུཾ་ཧོ་ནི་མིག་དག་ལའོ། །མཚོན་ཆར་ཕཊ་ཧཾ་ནི་ཡན་ལག་ཐམས་ཅད་ལའོ། །ཨོཾ་བཾ་ནི་ལྟེ་བར་རོ། །ཧཾ་ཡོཾ་ནི་སྙིང་གར་རོ། །ཧྲིཾ་མོཾ་ནི་ཁ་ལའོ། །ཧྲེཾ་ཧྲིཾ་ནི་མགོ་ལའོ། །
[182b.4]ཧཱུཾ་ཧཱུཾ་ནི་སྤྱི་གཙུག་ཏུའོ། །མཚོན་ཆ་ཕཊ་ཕཊ་ཡན་ལག་ཐམས་ཅད་ལའོ། །དེ་ལྟར་ན་གོ་ཆ་གཉིས་བགོས་ནས་དང་པོར་སྦྱང་བར་བྱ་བ་ནི། ཡཾ་ལས་རླུང་དང་རཾ་ལས་མེ། །དེ་སྟེང་ཨ་ལ་མགོ་གསུམ་དང་། །དེ་ཡི་སྟེང་དུ་ཀ་པཱ་ལ། །བྷཱུ། ཨཱཾ། ཛྲཱིཾ། ཁཾ། ཧཱུཾ། དེ་དག་ཡོངས་སུ་གྱུར་པ་
[182b.5]ལས། །བཤང་བ་ལ་སོགས་བདུད་རྩི་ལྔ། །དེ་སྟེང་ཡི་གེ་ལྔ་ཉིད་ལས། །གོ་ཀུ་ད་ཧ་ན་ལ་སོགས་རྣམ་ལྔར་གྱུར། །ཨོཾ་གྱིས་ཡེ་ཤེས་སྦྱང་བར་བྱ། །ཨཱཿཡིས་ཡེ་ཤེས་རྟོགས་པར་བྱ། །ཧཱུཾ་གིས་ཡེ་ཤེས་རབ་ཏུ་འབར། །ཧཾ་གིས་ཡེ་ཤེས་བདུད་རྩིར་གྱུར། །གཡོན་པའི་ལག་པས་སྤྱད་
[182b.6]པར་བྱ། །གཡས་པའི་ལག་པས་རྟོག་པར་བྱ། །ཐལ་མོ་བཀབ་པས་འབར་བར་བྱེད། །བྱ་ཁྱུང་ཕྱག་རྒྱས་བདུད་རྩིར་བསྒྱུར། །ཟླ་བ་བཞི་བའི་རང་བཞིན་ཏེ། །དེ་ནས་གཡོན་པའི་མིང་མེད་ཀྱིས། །ཆང་གི་ཐིགས་པ་བླངས་ནས་སུ། །ས་ལ་ཆོས་འབྱུང་གྲུ་གསུམ་བྱ། །དེ་ཡི་དབུས་སུ་ཟླུམ་པོ་
[182b.7]ནི། །ཐིག་ལེ་ཡི་ནི་གཟུགས་སུ་བྱ། །དཀྱིལ་འཁོར་འཁོར་ལོ་བསམ་པར་བྱ། །དེ་ནས་ཐིག་ལེ་མཆོད་པར་བྱ། །རང་གི་མགྲིན་པར་མྱང་བར་བྱ། །ཨོཾ་ཨཱཿཧཱུཾ། ཐབས་དང་ཤེས་རབ་ཚིམ་པར་བྱེད་པ་སྟེ་ཐུན་མོང་བའོ། །གཡོན་པ་ཡི་ནི་ལག་མཐིལ་ལ། །པདྨ་དམར་པོ་འདབ་ལྔ་བསྒོམ། །
[183a]
[183a.1]དབུས་སུ་ཨོཾ་བཾ་རྡོ་རྗེ་ཕག །གཤིན་རྗེ་ཡུམ་བརྩམས་འདབ་མ་ལ། །ཧཾ་ཨོཾ་དང་ནི་ཡ་མི་ནི། །ཧྲིཾ་མོཾ་དག་ནི་རྨོངས་བྱེད་མ། །ཧྲེཾ་ཧྲིཾ་དག་ནི་སྐྱོད་བྱེད་མའོ། །ཧཱུཾ་ཧཱུཾ་སྐྲག་བྱེད་མ་རུ་ཤེས། །ཕཊ་ཕཊ་དག་ནི་ཙཎྜི་ཀས། །རྒན་པོ་ལ་ནི་རྡོ་རྗེ་སེམས། །མཛུབ་མོ་ལ་ནི་རྣམ་སྣང་
[183a.2]མཛད། །པདྨ་གར་དབང་གུང་མོ་ལ། །ཧེ་རུ་ཀ་དཔལ་མིང་མེད་ལ། །རྡོ་རྗེ་ཉི་མ་མཐེ་ཆུང་ལ། །རྟ་མཆོག་རྡོ་རྗེ་སེན་ཕྲེང་ལའོ། །དེ་ལྟར་ཡིད་ཀྱིས་བསྒོམས་པ་ནི། །སྔགས་ཀྱི་ཡི་གེའི་གཟུགས་ཉིད་དམ། །ཡང་ན་ཁ་དོག་དབྱིབས་ཀྱི་གཟུགས། །རང་གི་མིང་བརྗོད་མེ་ཏོག་
[183a.3]བཅས། །དེ་དག་གིས་ནི་དགོད་པར་བྱ། །དེ་ལ་མེ་ཏོག་སྤོས་ཀྱིས་མཆོད། །ཆང་གིས་ཀྱང་ནི་ཚིམ་པར་བྱ། །དེ་ནས་མཎྜལ་སྟེང་དུ་བླུགས། །སླར་ཡང་རང་གི་མགོ་ལ་གཞག །ཕྱི་ནས་འཁོར་ལོ་སྡོམ་པ་མཆོད། །དཀྱིལ་འཁོར་འཁོར་ལོ་རྫོགས་པའམ། །ཡང་ན་བཅུ་གསུམ་བདག་
[183a.4]ཉིད་སོགས། །རང་གི་སྙིང་གའི་ས་བོན་ལས། །དམ་ཚིག་འཁོར་ལོ་སྤྲོ་བར་བྱ། །ཡེ་ཤེས་འཁོར་ལོ་དེ་ལ་གཞུག །མེ་ཏོག་ལ་སོགས་རེ་རེ་ཡང་། །སྙིང་པོའི་སྔགས་སམ་ཉེ་སྙིང་གིས། །རྡོ་རྗེ་ཕག་མོ་མཆོད་པར་བྱ། །མཁའ་འགྲོ་མ་སོགས་ལྷ་མོ་རྣམས། །རང་གི་མིང་བརྗོད་སྔགས་ལ་
[183a.5]ནི། །ཨོཾ་ནི་ཐོག་མར་ཧུཾ་ཧཱུཾ་མཐར། །སྦྱོར་བ་ཡིས་ནི་མཆོད་པར་བྱ། །ཕྱོགས་རྣམས་དག་ནི་གཡོན་སྐོར་ཏེ། །མཚམས་རྣམས་དེ་བཞིན་གཡས་སྐོར་དུ། །རྐང་པ་བརྒྱད་པའི་བསྟོད་པས་མཆོད། །དེ་ལྟར་མཆོད་པ་རྫོགས་པ་དང་། །སྣོད་གཞན་དག་ནི་བྱིན་བརླབས་ལ། །སྣོད་
[183a.6]གཉིས་གཅིག་ཏུ་བསྲེ་བར་བྱ། །ཅཱ་རུའི་བཟའ་བ་དེ་ལ་བཤད། །དེ་ནས་གཏོར་མ་བྱིན་བརླབས་ལ། །དང་པོ་སྔགས་ཀྱིས་སྙན་གསན་དབབ། །ཨ་རལླི་སོགས་སྔགས་ཀྱིས་ནི། །གཏོར་མ་རྗེས་སུ་དབུལ་བར་བྱ། །དེ་ནས་རྣལ་འབྱོར་ཚུལ་བཞིན་བྱ། །འདོད་པའི་ལོངས་སྤྱོད་རྣམས་
[183a.7]ལ་གནས། །གླུ་དང་གར་སོགས་ཐམས་ཅད་བྱ། །བཛྲ་མཎྜལ་མུཿཞེས་པའི། །སྔགས་ཀྱི་མཐར་ནི་གཤེགས་སུ་གསོལ། །ལྷག་མ་དག་ནི་སྔོན་བཞིན་དུ། །གཏོར་མ་བྱིན་གྱིས་བརླབ་པར་བྱ། །ཟོས་ཤིང་འཐུངས་པའི་ལྷག་མ་རྣམས། །སོར་མོ་ལྔས་ནི་བདུད་རྩིའི་རྒྱུན། །འབབ་
[183b]
[183b.1]པར་བསམས་ནས་ཡི་དགས་ཀྱི། །ཚོགས་རྣམས་དག་ལ་སྦྱིན་པར་བྱ། །དེ་དག་ནི་ཚོགས་ཀྱི་འཁོར་ལོ་དང་ཐུན་མོང་བའི་ཆོ་གའོ། །ཚེས་བཅུ་ལ་སོགས་དུས་དག་ཏུ། །གཞན་ཡང་བླ་མའི་མན་ངག་དུས། །གོང་བཞིན་མཎྜལ་བྱས་པ་ལ། །རྣལ་འབྱོར་མ་ཡི་མཚན་མ་ཡི། །གཡུང་
[183b.2]དྲུང་འཁྱིལ་པ་བྲི་བར་བྱ། །མཚམས་སུ་ཆང་གི་ཐིག་ལེ་བྱ། །དེ་ཡི་དབུས་སུ་མཆོད་བྱ་བ། །སླར་ཡང་དེ་བཞིན་དྲི་མེད་ཕྱིར། །སྣོད་དུ་མཛེས་མས་ལེགས་པར་བཙགས། །ཆོས་འབྱུང་ཁ་སྦྱོར་ཙ་ཀྲའི་དབུས། །གསང་སྔགས་མ་སྨད་པ་ཞེས་འདི། །ཆོ་ག་བཞིན་དུ་དབེན་པར་བྲི། །འཁོར་
[183b.3]ལོའི་མཚམས་སུ་ཕག་མོ་སོགས། །ཆོ་གའི་ལྷ་མོ་མཚན་མ་དྲུག །གཡུང་དྲུང་འཁྱིལ་པའི་མཚན་མ་བྲི། །མེ་ཏོག་དྲི་ཞིམ་ཕྲེང་བས་བསྐོར། །འབྲས་བུ་བཞི་དང་ཁུར་སྣ་བཞི་དག་དང་། །ཁྱད་པར་ཅན་གྱི་མཆོད་པ་དྲི་ཞིམ་མེ་ཏོག་དང་། །མཆོད་པ་རྣམ་པ་དུ་མས་འཁོར་ལོ་
[183b.4]ལེགས་པར་མཆོད། །གྲོང་ཁྱེར་འཇིག་པར་འགྱུར་བ་འདི་ནི་མཆོག་ཡིན་ནོ། །འདི་ལྟར་ལྷ་མོའི་སྙིང་པོ་དང་། །ཉེ་བའི་སྙིང་པོའི་སྔགས་རྒྱུན་མི་འཆད་པར་བཟླས་པ་ལ་བརྩོན་པ་ན་འགྲོ་བའི་དོན་བྱེད་པ་ལ་དཀའ་བ་ཡོད་པ་མ་ཡིན་ཞིང་ཆོས་དོན་འདོད་པ་ཐམས་ཅད་འགྲུབ་པར་འགྱུར་ཏེ།
[183b.5]དེ་ནི་ཐུན་མོང་མ་ཡིན་པའི་ཆོ་གའོ།། །།རྣལ་འབྱོར་པ་ཡིས་རྟག་ཏུ་ནི། །གང་དེ་ཡི་དམ་དུ་བྱེད་ན། །དེ་ནས་སྔ་དྲོའི་དུས་དག་ཏུ། །ཆོག་བཞིན་དུ་མཎྜལ་བྱ། །རང་འདོད་ལྷ་ཡི་གྲངས་བཞིན་དུ། །མེ་ཏོག་དག་ནི་དགྲམ་པར་བྱ། །རང་གི་སྙིང་གའི་ས་བོན་ལས། །སྤྲོས་ལ་དམ་
[183b.6]ཚིག་སེམས་དཔའ་གཞུག །ཡེ་ཤེས་སེམས་དཔའ་དེ་ལ་གཞུག །དེ་ནས་མེ་ཏོག་ལ་སོགས་པ། །སྙིང་པོའི་སྔགས་དང་ཉེ་སྙིང་སྔགས། །རྐང་པ་བརྒྱད་པའི་སྔགས་ཀྱིས་མཆོད། །མཁའ་འགྲོ་མ་སོགས་ཐམས་ཅད་ལ། །རང་གི་མིང་བརྗོད་སྔགས་ལ་ནི། །ཐོག་མར་ཨོཾ་དང་ཧཱུཾ་
[183b.7]ཕཊ་མཐར། །སྦྱར་བའི་སྔགས་ཀྱིས་མཆོད་པ་བྱ། །དེ་ལྟ་བུར་ནི་རྒྱས་པར་བཤད། །ཕྱག་རྒྱ་ཆེན་པོ་ལ་གཞོལ་ཞིང་། །དེ་ལྷའི་ལམ་ལ་ཞུགས་པ་དག། །གོལ་བའི་ལམ་དུ་མི་འགྲོ་ཞེས། །བདག་གི་བླ་མ་དེ་སྐད་གསུངས། །རྡོ་རྗེ་རྣལ་འབྱོར་མ་མཆོད་པ་ལ་སོགས་པ་མདོར་བསྡུས་
[184a]
[184a.1]པ་རྫོགས་སོ།། །།རྒྱ་གར་གྱི་མཁན་པོ་བཛྲ་པཱ་ཎིའི་ཞལ་སྔ་ནས་དང་། ལོ་ཙཱ་བ་མཚུར་གྱིས་བསྒྱུར་བའོ།། {T1544}༄༅༅། །རྒྱ་གར་སྐད་དུ། ཤྲཱི་བཛྲ་བཱ་རཱ་ཏཱི་སཱ་དྷ་ན་ནཱ་མ། བོད་སྐད་དུ། དཔལ་རྡོ་རྗེ་ཕག་མོ་སྒྲུབ་པའི་ཐབས། དཔལ་འཁོར་
[184a.2]ལོ་སྡོམ་པ་ལ་ཕྱག་འཚལ་ལོ། །དཔལ་ལྡན་ངེས་བརྗོད་འབུམ་པ་ལས་བཏུས་ལྷ་མོའི་འཁོར་ལོ་ནི། །སྒོམ་པའི་ཆོ་ག་སེམས་ཅན་དོན་གྱི་རྒྱུར་ཏེ་དྲང་དོན་དང་། །ངེས་དོན་འདི་སྟེ་དྲང་བའི་དོན་གྱིས་འོག་མིན་གནས་གྲུབ་བྱེད། །ངེས་པའི་དོན་གྱིས་ཕྱག་རྒྱ་ཆེན་པོའི་མཚན་ཉིད་ཐོབ་པར་བྱེད། །
[184a.3]དྲང་དོན་བརྗོད་པར་བྱ་སྟེ་དང་པོར་རེ་ཞིག་རྣལ་འབྱོར་གྱི་དབང་ཕྱུག་གིས་བདག་བསྲུང་བའི་དོན་དུ་དམ་ཚིག་གི་རི་ལུ་ཁར་བཅུག་ལ་ཕྱི་ནས་ཚངས་པའི་གནས་བཞི་བསྒོམས་ཏེ། དེ་ནས་ཕུང་པོ་ལྔའི་ང་རྒྱལ་བསྐྱེད་པར་བྱའོ། །གཟུགས་ཀྱི་ཕུང་པོ་ལ་རྣམ་པར་སྣང་མཛད་དོ། །ཚོར་བའི་ཕུང་
[184a.4]པོ་ལ་རིན་ཆེན་འབྱུང་ལྡན་ནོ། །འདུ་ཤེས་ཀྱི་ཕུང་པོ་ལ་པདྨ་གར་གྱི་དབང་ཕྱུག་གོ། །འདུ་བྱེད་ཀྱི་ཕུང་པོ་ལ་རྡོ་རྗེ་རྒྱལ་པོའོ། །རྣམ་པར་ཤེས་པའི་ཕུང་པོ་ལ་རྡོ་རྗེ་སེམས་དཔའོ། །དེ་བཞིན་གཤེགས་པ་ཐམས་ཅད་ཀྱི་བདག་ཉིད་ནི་རྡོ་རྗེ་ཕག་མོའོ། །མིག་དག་ལ་གཏི་མུག་རྡོ་རྗེའོ། །
[184a.5]རྣ་བ་དག་ལ་ཞེ་སྡང་རྡོ་རྗེའོ། །སྣ་དག་ལ་ཕྲག་དོག་རྡོ་རྗེའོ། །ཁ་ལ་འདོད་ཆགས་རྡོ་རྗེའོ། །རེག་ལ་སེར་སྣ་རྡོ་རྗེའོ། །སྐྱེ་མཆེད་ཐམས་ཅད་ལ་དབང་ཕྱུག་རྡོ་རྗེའོ། །སའི་ཁམས་ནི་ལྟུང་བྱེད་མའོ། །ཆུའི་ཁམས་ནི་གསོད་བྱེད་མའོ། །མེའི་ཁམས་ནི་འགུགས་བྱེད་མའོ། །རླུང་
[184a.6]གི་ཁམས་ནི་གར་གྱི་དབང་ཕྱུག་མའོ། །ནམ་མཁའི་ཁམས་ལ་པདྨོ་ལྐུའབར་མའོ། །དེ་ལྟར་ཕུང་པོ་དང་ཁམས་དང་སྐྱེ་མཆེད་དག་ལ་ལྷ་རྣམས་ཀྱི་རྣམ་པར་དག་པའོ། །དེ་ནས་རྣལ་འབྱོར་རྒྱུད་ཀྱི་ཆོ་གས་གཤིན་རྗེ་གཤེད་ལ་སོགས་པའི་ཁྲོ་བོའི་རྒྱལ་པོ་དབང་པོ་རྣམས་བསྲུང་བའི་འཁོར་
[184a.7]ལོ་སྒོམ་པར་བྱ་སྟེ། འཁོར་ལོའི་གཙོ་བོ་ནི་རྡོ་རྗེ་ཧཱུཾ་མཛད་དོ། །དེ་ཡང་ཕྱག་དྲུག་པའི་ཏེ་རུ་ཀའོ། །སྔགས་པ་དེ་ཡིས་དང་པོར་རཾ་ལས་ཉི་མའི་དཀྱིལ་འཁོར་མདུན་དུ་བསྒོམས་ལ། དེའི་དབུས་སུ་ཧཱུཾ་ཡིག་ཡོངས་སུ་གྱུར་པ་ལས་སྣ་ཚོགས་རྡོ་རྗེ་གདོང་བཞི་པའོ། །སྣ་ཚོགས་རྡོ་རྗེ་དང་
[184b]
[184b.1]ཉི་མ་དེ་དག་རོ་གཅིག་ཏུ་གྱུར་པ་ལས་ཕྱོགས་ཐམས་ཅད་དུ་རྡོ་རྗེའི་ར་བ་དང་སྟེང་དུ་རྡོ་རྗེའི་གུར་རོ། །འོག་ཏུ་རྡོ་རྗེའི་ས་གཞི་བདུད་ཐམས་ཅད་ཀྱིས་མི་ཕྱེད་པའོ། །ར་བའི་ཕྱི་རོལ་དང་སྟེང་འོག་ཏུ་མཚོན་ཆ་སྣ་ཚོགས་སུ་རུང་བ་བསྒོམ་པར་བྱའོ། །ཁྲོ་རྒྱལ་རྣམས་ལ་རིམ་པ་བཞིན། །གདན་ནི་བསྟབས་
[184b.2]པར་བྱས་ནས་སུ། །ཞལ་མདོག་ཕྱག་དང་མཚོན་ཆ་དང་། །གཡོན་བརྐྱང་བ་ཡི་ཞབས་ཀྱིས་ནི། །རྡོ་རྗེ་ར་བའི་དབུས་སུ་ནི། །འཁོར་ལོ་རྩིབས་བརྒྱད་པ་ལ་དགོད། །ཨ་ཡིག་ས་བོན་ལས་བྱུང་བ། །དེ་ནི་བསྒོམས་ནས་དེ་ནས་ཡང་། །གུར་གྱི་ཡང་ནི་སྟེང་འོག་ཏུ། །རྩིབས་གཉིས་
[184b.3]ཀྱང་ནི་བྱ་བ་སྟེ། །རེ་ཕ་བཅུ་གཅིག་རྣམས་ཀྱིས་ནི། །ཉི་མའི་དཀྱིལ་འཁོར་རིམ་པ་བཞིན། །ཉི་མའི་རྐང་པ་དེ་དག་ཀྱང་། །ཉི་མ་བཅུ་གཅིག་པོ་ཉིད་ཀྱི། །སོ་སོའི་ཉི་མའི་དཀྱིལ་འཁོར་དུ། །དེར་ནི་ཧཱུཾ་ཡིག་དགོད་པར་བྱ། །ཧཱུཾ་ཡིག་ལས་བྱུང་ཉི་མར་གནས། །ཁྲོ་རྒྱལ་རྣམས་ནི་བསྒོམ་
[184b.4]པར་བྱ། །དབུས་མའི་ཉི་གདན་ལ་བསྒོམས་པ། །འདྲེན་པ་རྡོ་རྗེ་ཧཱུཾ་མཛད་དེ། །སྔོན་པོ་ཞལ་གསུམ་ཕྱག་དྲུག་པ། །གཡས་བརྐྱང་བ་ནི་ཞབས་ཀྱིས་མནན། །རྩ་བའི་ཞལ་ནི་སྔོན་པོ་ལ། །མི་བཟད་མཆེ་གཙིགས་འཇིགས་པ་པོ། །གཡོན་དང་གཡས་ནི་དཀར་དང་དམར། །ཇི་ལྟར་རྩ་
[184b.5]གསུམ་གནས་པའོ། །རྡོ་རྗེ་གྲི་གུག་རྩེ་གསུམ་པ། །གཡས་པའི་ཕྱག་ནི་རིམ་པ་བཞིན། །རྡོ་རྗེ་དྲིལ་བུ་ཐོད་པ་དང་། །ཁ་ཊྭཱཾ་ག་ཡང་གཡོན་ནའོ། །སྣ་ཚོགས་རྡོ་རྗེ་རལ་པ་ཡི། །ཅོད་པན་མི་བསྐྱོད་ཟླ་ཕྱེད་ཡིན། །མགོ་བོའི་ཕྲེང་བ་ཕྲག་ལ་གནས། །སྤྱི་བོ་ལ་ནི་ཐོད་པ་ཉིད། །ཕྱག་རྒྱ་
[184b.6]ལྔ་ནི་རུས་ལས་བྱས། །རྐེད་པ་སྟག་གི་པགས་པས་དཀྲིས། །སྤྱན་དགུ་ལྗགས་ནི་བསྒྱུར་བ་སྟེ། །སྦྲུལ་གྱི་རྒྱན་གྱིས་ཀླུབས་པའོ། །འདི་འདྲའི་རྡོ་རྗེ་ཧཱུཾ་མཛད་ནི། །འདྲེན་པ་བསྒོམ་མོ་དེ་ནས་ནི། །ཧཱུཾ་ཡིག་ནག་པོ་ལས་བྱུང་བ། །ཤར་གྱི་ཉི་མར་དགོད་པར་བྱ། །གཤིན་རྗེ་གཤེད་ནག་
[184b.7]དྲག་པ་སྟེ། །གཡས་བརྐྱང་བ་ཡི་ཞབས་ཀྱིས་མནན། །གནག་དང་དཀར་དང་དམར་བའི་ཞལ། །གསུས་ཁྱིམ་ཆེ་ལ་སྤྱན་གསུམ་པ། །ཕྱག་རྒྱ་ལྔ་དང་ཐོད་པ་ཡི། །ཕྲེང་བ་རྐེད་ལ་སྟག་ལྤགས་སོ། །ཀུན་གྱི་ཅོད་པན་ཐ་དད་དང་། །སྐུ་མདོག་མཚོན་ཆ་དེ་དག་ལ། །དེ་བཞིན་དུ་ནི་ཞབས་
[185a]
[185a.1]བཞི་པའོ། །དབྱུག་པ་འཁོར་ལོ་རྡོ་རྗེ་དག །གཡས་པའི་ཕྱག་ན་རྡོ་རྗེ་བདག །སྙིང་གར་སྡིགས་མཛུབ་ཞགས་པ་དང་། །དྲིལ་བུ་དགྲ་སྟ་གཡོན་བསྣམས་ལ། །སྤྱི་བོ་སངས་རྒྱས་རྣམ་སྣང་མཛད། །རྡོ་རྗེ་ཅོད་པན་གཞན་མིན་པའོ། །ཧཱུཾ་ཡིག་དཀར་པོ་ལས་བྱུང་བ། །
[185a.2]དཀར་དང་སྔོ་དང་དམར་བའི་ཞལ། །ཤེས་རབ་མཐར་བྱེད་ཉི་མར་དགོད། །ལྷོ་རུ་རིན་ཆེན་ཅོད་པན་ཅན། །རལ་གྲི་རྡོ་རྗེ་དབྱུག་པ་ནི། །གཡས་པའི་ཕྱག་ན་རིམ་པ་བཞིན། །སྙིང་གར་སྡིགས་གས་མཛུབ་ཞགས་པ་དང་། །དྲིལ་བུ་དགྲ་སྟ་གཡོན་པ་ནི། །ཧཱུཾ་ཡིག་དམར་པོ་ལས་གྲུབ་པ། །དམར་
[185a.3]དང་སྔོ་དང་དཀར་བའི་ཞལ། །པདྨ་མཐར་བྱེད་ཉི་མར་དགོད། །ནུབ་ཏུ་འོད་དཔག་མེད་ཅོད་པན། །གཏུན་ཤིང་རྡོ་རྗེ་རལ་གྲི་བསྣམས། །གཡས་པའི་ཕྱག་ཏུ་འཛིན་པའོ། །སྙིང་གར་སྡིགས་མཛུབ་ཞགས་པ་དང་། །དྲིལ་བུ་དགྲ་སྟ་གཡོན་པ་ལ། །ཧཱུཾ་ཡིག་སྔོན་པོ་ལས་བྱུང་བ། །དོན་
[185a.4]ཡོད་གྲུབ་པའི་ཅོད་པན་ཅན། །སྔོ་དང་དམར་དང་དཀར་བའི་ཞལ། །མཆེ་གཙིགས་ཞལ་ནི་འགྱུར་བའོ། །སྣ་ཚོགས་རྡོ་རྗེ་དེ་བཞིན་དུ། །འཁོར་ལོ་གཏུན་ཤིང་གཡས་པ་ན། །དྲིལ་བུ་སྡིགས་མཛུབ་ཞགས་པ་དང་། །དགྲ་སྟ་ཡང་ནི་གཡོན་པ་ན། །བགེགས་མཐར་བྱེད་པ་ཉི་མར་དགོད། །
[185a.5]བྱང་དུ་བདུད་རྩི་འཁྱིལ་པ་ཡང་། །ཧཱུཾ་ཡིག་སྔོན་པོ་ལས་བྱུང་བ། །མེ་རུ་ཉི་མ་མི་གཡོ་དགོད། །སྔོ་དང་དམར་དང་དཀར་བའི་ཞལ། །དབུ་རྒྱན་རྣམ་པར་སྣང་མཛད་དཔལ། །རལ་གྲི་རྡོ་རྗེ་དེ་བཞིན་དུ། །འཁོར་ལོ་གཡས་པའི་ཕྱག་ན་བསྣམས། །སྙིང་གར་སྡིགས་མཛུབ་ཞགས་པ་
[185a.6]དང་། །དྲིལ་བུ་དགྲ་སྟ་གཡོན་ནའོ། །ཧཱུཾ་ཡིག་སྔོན་པོ་ལས་བྱུང་བ། །སྔོ་དང་དམར་དང་དཀར་བའི་ཞལ། །སྲིན་པོར་འདོད་པའི་རྒྱལ་པོ་སྟེ། །རིན་ཆེན་འབྱུང་ལྡན་ཅོད་པན་ཅན། །ཕྱག་གཉིས་ཁམས་གསུམ་རྣམ་རྒྱལ་གྱི། །ཕྱག་རྒྱ་དག་ནི་བཅིངས་པའོ། །གཡས་ན་རྡོ་རྗེ་རལ་གྲི་
[185a.7]སྟེ། །གཡོན་ན་ཞགས་པ་ལྕགས་ཀྱུའོ། །ཧཱུཾ་ཡིག་སྔོན་པོ་ལས་བྱུང་བ། །འོད་དཔག་མེད་པའི་ཅོད་པན་ཅན། །སྔགས་པས་དབྱུག་སྔོན་དགོད་པར་བྱ། །རླུང་དུ་ཉི་མའི་དཀྱིལ་འཁོར་ལ། །རྩ་བ་གཡས་དང་ཅིག་ཤོས་དག །སྔོ་དང་དམར་དང་དཀར་བའི་ཞལ། །དབྱུག་པ་དེ་
[185b]
[185b.1]བཞིན་རལ་གྲི་སྟེ། །རྡོ་རྗེ་ཕྱག་གཡས་རིམ་པ་བཞིན། །གཡོན་ན་སྡིགས་མཛུབ་ཞགས་པ་དང་། །པདྨ་ཉི་མ་ཉིད་ཡིན་ནོ། །ཧཱུཾ་ཡིག་སྔོན་པོ་ལས་བྱུང་བ། །དོན་ཡོད་གྲུབ་པའི་ཅོད་པན་ཅན། །སྟོབས་པོ་ཆེ་ནི་སྐུ་མདོག་སྔོ། །དབང་ལྡན་ཉི་མར་སྔགས་པས་དགོད། །ནག་དང་དམར་དང་
[185b.2]དཀར་བའི་ཞལ། །འཇིགས་བྱེད་གསུས་པ་འཕྱང་བའོ། །དབྱུག་པ་རལ་གྲི་དེ་བཞིན་དུ། །འཁོར་ལོ་གཡས་ལ་རིམ་པ་བཞིན། །སྙིང་གར་སྡིགས་མཛུབ་ཞགས་པ་དང་། །རྩེ་གསུམ་དགྲ་སྟ་རིམ་པས་སོ། །ཧཱུཾ་ཡིག་ལྗང་གུ་ལས་བྱུང་བ། །མི་བསྐྱོད་པ་ཡི་ཅོད་པན་ཅན། །ལྗང་གུ་
[185b.3]དམར་དང་དཀར་བའི་ཞལ། །སྤྱན་གསུམ་ཁྱབ་བདག་གསུས་པ་འཕྱང་། །གཡོན་དང་གཡས་པའི་ཕྱག་གཉིས་ཀྱིས། །སྤྱི་བོར་གཙུག་ཏོར་འཛིན་པར་མཛད། །རྡོ་རྗེ་པདྨ་གཡས་དག་ལ། །གཞན་ལ་སྡིགས་མཛུབ་རལ་གྲིའོ། །ནམ་མཁར་ཉི་མ་གནོད་པ་ནི། །ཚངས་པའི་
[185b.4]གནས་སུ་རྣམ་བསམ་བྱ། །སྔོན་པོའི་ཧཱུཾ་ཡིག་ལས་བྱུང་བ། །མི་བསྐྱོད་པ་ཡི་ཅོད་པན་ཅན། །འོག་གི་ཉི་མར་གནོད་མཛེས་རྒྱལ། །གནག་དང་དཀར་དང་དམར་བའི་ཞལ། །རྡོ་རྗེ་འཁོར་ལོ་རིན་ཆེན་དག །གཡས་པའི་འཇིག་རྟེན་རིམ་པ་བཞིན། །སྙིང་གར་སྡིགས་མཛུབ་
[185b.5]ཞགས་པ་དང་། །རལ་གྲི་པདྨ་གཡོན་པ་ལ། །དེ་རྣམས་རྣམ་པར་བསྒོམས་ནས་སུ། །འཇིགས་བྱེད་ཁྲོ་བོ་དགོད་པ་ནི། །རྣལ་འབྱོར་པ་ཡིས་ཉེ་བར་བསྡུས། །རང་གི་ལུས་ལ་གཞུག་པར་བྱ། །དཔུང་པ་གཡོན་པར་གཤིན་རྗེ་གཤེད། །གཡས་པར་ཤེས་རབ་མཐར་བྱེད་དགོད། །
[185b.6]ལག་གཡོན་པདྨ་མཐར་བྱེད་དོ། །གཡས་ལ་བགེགས་མཐར་བྱེད་པ་དགོད། །གཡོན་པའི་བརླ་ལ་མི་གཡོ་བ། །འདོད་པའི་རྒྱལ་པོ་གཡས་ལའོ། །རྐང་པ་གཡོན་ལ་དབྱུག་སྔོན་ཏེ། །རྐང་གཡས་པ་སྟོབས་པོ་ཆེ། །སྤྱི་གཙུག་གནས་སུ་གཙུག་ཏོར་ཆེ། །གནོད་མཛེས་རྒྱལ་པོ་
[185b.7]བཤང་ལམ་དགོད། །སྙིང་གར་རྡོ་རྗེ་ཧཱུཾ་མཛད་དོ། །རང་མཚན་ཡི་གེ་དང་བོ་དགོད། །ཡཾ་པྲཾ་བཾ་བཾ་ཨཾ་ཏཾ་ནཾ་མཾ་ཨུཾ་སུཾ་པཾ། །དེ་ལྟར་བསྒྲུབ་པའི་ཆོ་ག་ནི། །སྔགས་པས་རིམ་བཞིན་བྱས་ནས་ནི། །བདག་ཉིད་ཁྲོ་བཅས་རྡོ་རྗེ་ཡིས། །ཧཱུཾ་མཛད་དུ་ནི་བསྒོམ་པར་བྱ། །སྡིག་པའི་བག་ཆགས་
[186a]
[186a.1]ཐམས་ཅད་ནི། །གནོད་མཛེས་བཀའ་བསྒོ་ཕུར་བུས་གདབ། །ཨོཾ་གྷ་གྷ་གྷཱ་ཏ་ཡ་སརྦ་དུཥྚྲཾ་ཕཊ། ཀཱི་ལ་ཡ་ཤཱི་ལ་ཡ། །ཨོཾ་སུཾ་བྷ་ནི་སུཾ་བྷ་ཧཱུཾ། ཨོཾ་གྲྀཧཱ་གྲྀཧྭྱ་ཧཱུཾ། ཨོཾ་གྲྀཧྞྲ་པ་ཡ་གྲྀགྞྲ་པ་ཡ་ཧཱུཾ་ཕཊ། ཨོཾ་ཨཱ་ན་ཡ་ཧོཿབྷ་ག་ཝྲཾ་བིཏྱཱ་རཱ་ཛ་ཧཱུཾ་ཕཊ། ཁྲོ་བོའི་གཟུགས་
[186a.2]ཅན་འདི་ཡིས་ནི། །ལོག་འདྲེན་བགེགས་རྣམས་ཀུན་ནས་ནི། །ཆོ་ག་བཞིན་དུ་ཕུར་བུས་གདབ། །རྣལ་འབྱོར་འདི་ཡིས་བློ་ལྡན་གྱིས། །ཐམས་ཅད་ལའོ་ལྟེ་བ་ནས། །འོག་གི་ཆ་ནི་མདུང་ལྟར་དུ། །རྣམ་བསམ་ཁྲོ་ཆེན་བགེགས་མཐར་བྱེད། །སྟོད་ནི་ཞལ་གསུམ་ཕྱག་དྲུག་པ། །འོག་
[186a.3]གི་བགེགས་ཚོགས་ལ་གཟིགས་ནས། །དེ་ནས་སྔགས་ནི་ཡང་དག་བརྗོད། །རྡོ་རྗེ་ཕུར་བུ་གཟུང་ནས་ནི། །བགེགས་ཀྱི་ལུས་ལ་གཡོ་བ་མེད། །ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚྲཾ་ཧཱུཾ་ཕཊ། ཀཱི་ལ་ཀཱི་ལ་ཡ་ས་རྦ་པཱ་པཾ་ཕཊ། །ཧཱུཾ་ཧཱུཾ་ཧཱུཾ་བཛྲ་ཀཱི་ལ་བཛྲ་དྷ་ར་ཨཱ་ཛྙཱ་པ་ཡ་ཏི། སརྦ་བིགྷྣ་ཀཱ་
[186a.4]ཡ་ཝཱཀ་ཙིཏྟཾ་ཀཱི་ལ་ཡ་ཀཱི་ལ་ཡ་ཧཱུ་ཕཊ། རྡོ་རྗེ་ཐོ་བ་ཕྱག་བསྣམས་པའི། །གནོད་མཛེས་རྒྱལ་པོ་བསྒོམ་པར་བྱ། །སྔགས་རིག་པ་ཡི་ཆོ་ག་འདིས། །རྡོ་རྗེ་ཕུར་བུས་བརྡུང་བར་བྱ། །ཨོཾ་བཛྲ་མུངྒ་ར་ཨཱ་ཀོ་ཊ་ཡཱ་ཀོ་ཊ་ཡ། ཏིཥྛ་ཏིཥྛ་ད་ཤ་ཏ་ཀཱི་ལ་ཡེད། དུཥྚི་ཙྪེ་ད་ཡེད། དེ་ནས་ཀུན་ནས་རྡོ་
[186a.5]རྗེའི་མ། །རྣམ་པར་འཕྲོ་བ་ངེས་པར་བསམ། །དེ་དེ་དེ་ཡི་སྲེག་བཞིན་དུ། །གདུག་པ་རྣམས་ནི་འབྲོས་པར་འགྱུར། །དེ་ནས་རང་གི་སྙིང་གར་ཡི་གེ་ཨ་ལས་ཟླ་བའི་དཀྱིལ་འཁོར། དེའི་སྟེང་དུ་བཾ་ཡིག་འོད་ཟེར་སྣ་ཚོགས་རྣམ་པར་འཕྲོ་བར་བསམ་པར་བྱའོ། །དེའི་སྣང་བས་མདུན་དུ་
[186a.6]བླ་མ་དང་སངས་རྒྱས་ལ་སོགས་པ་རྣམས་བལྟས་ལ་ཡང་དག་པར་མཆོད་དེ་ཕྱག་བྱས་བཟོད་པ་གསོལ། དེ་ནས་དཀོན་མཆོག་གསུམ་ལ་སྐྱབས་སུ་འགྲོ་བར་བྱའོ། །ཨོཾ་སྭ་བྷཱ་བ་ཤུདྡྷཱཿསརྦ་དྷརྨཱཿསྭ་བྷཱ་བ་ཤུདྡྲོ་྅ཧཾ། ཡང་ནི་སྟོང་པར་རྣམ་བསམ་བྱ །སེམས་ཙམ་ལ་ནི་ངེས་གནས་ཏེ། །
[186a.7]བྱང་ཆུབ་ཚོགས་ནི་བསྒོམས་པ་ཡིས། །སྣང་བ་ཙམ་གྱིས་ཤེས་པ་ལ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅་ཧཾ། དེ་ནས་སད་ནས་རྟེན་དང་བརྟེན་པའི་ཚུལ་གྱིས་བྱེ་རམ་ལ་སོགས་པ་ཡང་དག་པར་གནས་པ་རྣམ་པར་བསམ་མོ། །ཡཾ་ཡིག་ཡོངས་སུ་གྱུར་པ་ལས། རླུང་གི་དཀྱིལ་འཁོར་རྒྱལ་
[186b]
[186b.1]མཚན་གྱིས་མཚན་པ་གཞུའི་དབྱིབས་ཅན་ཁ་དོག་སྔོན་པོའོ། །དེའི་སྟེང་དུ་རེ་ལས་མེའི་དཀྱིལ་འཁོར་གྲུ་གསུམ་ཁ་དོག་དམར་པོའོ། །དེའི་སྟེང་དུ་བཾ་ཡིག་ཡོངས་སུ་གྱུར་པ་ལས་ཆུའི་དཀྱིལ་འཁོར་ཟླུམ་པོ་ཁ་དོག་དཀར་པོའོ། །དེའི་སྟེང་དུ་ལཾ་ཡིག་ཡོངས་སུ་གྱུར་པ་ལས་སའི་དཀྱིལ་འཁོར་
[186b.2]གྲུ་བཞི་ཁ་དོག་སེར་པོའོ། །དེའི་སྟེང་དུ་སུཾ་ཡིག་ཡོངས་སུ་གཡོ་བ་ལས་རིའི་རྒྱལ་པོ་རི་རབ་གྲུ་བཞི་པ་རིན་པོ་ཆེ་སྣ་བཞིའི་རང་བཞིན་ཅན་རྩེ་མོ་བརྒྱད་ཀྱིས་ཉེ་བར་མཛེས་པའོ། །དེའི་སྟེང་དུ་ཧཱུཾ་ལས་ངེས་པར་འབྱུང་བ་སྣ་ཚོགས་རྡོ་རྗེའོ། །དེའི་སྟེང་དུ་པཾ་ཡོངས་སུ་གྱུར་པ་ལས་སྣ་ཚོགས་པདྨ་འདབ་
[186b.3]མ་བརྒྱད་པ་ལྟེ་བ་དང་གེ་སར་དུ་བཅས་པའོ། །དེའི་སྟེང་དུ་ཨཱ་ལི་ཀཱ་ལིའི་སྦྱོར་བ་སྟེ། མེ་ལོང་ལྟ་བུའི་ཡེ་ཤེས་ཟླ་བ་དང་། མཉམ་པ་ཉིད་ཀྱི་ཡེ་ཤེས་ཉི་མའོ། །དེ་དག་ཏུ་སྲོག་སོང་བ་ནི་བཾ་ཡིག་ཏུ་བརྗོད་དེ་སོ་སོར་རྟོག་པའི་ཡེ་ཤེས་སོ། །དེ་དག་གཅིག་ཏུ་གྱུར་པ་བྱ་བ་ནན་ཏན་གྱི་ཡེ་ཤེས་སོ། །
[186b.4]གཟུགས་ཡོངས་སུ་གྲུབ་པ་ནི་ཆོས་ཉིད་དག་པའི་ཡེ་ཤེས་ཏེ། ཡེ་ཤེས་ལྔ་ཡི་བདག་ཉིད་ལུས། །རྡོ་རྗེ་རྣལ་འབྱོར་མ་རུ་གྲགས། །དེ་ཡོངས་སུ་གྱུར་པ་ལས་རྡོ་རྗེ་ཕག་མོ་ཉི་མའི་དཀྱིལ་འཁོར་ལ་བཞུགས་ཤིང་འཇིགས་བྱེད་དང་། དུས་མཚན་མ་མནན་པ་འཁོར་ལོ་དང་བཅས་སྒྲུབ་པའི་དུར་ཁྲོད་
[186b.5]བརྒྱད་ཀྱིས་བསྐོར་བའོ། །དེ་ལ་བཅོམ་ལྡན་འདས་མ་ནི་སྐུ་མདོག་དམར་མོ་ཞལ་གཅིག་ཕྱག་གཉིས་མ་སྤྱན་གསུམ་མ་དབུ་སྐྲ་གྲོལ་བ་གཅེར་བུ་དུམ་བུས་བརྒྱན་པའི་སྐེ་རགས་ཅན། ཞབས་གཡོན་བརྐྱང་བས་བཞུགས་པ། འཇིགས་བྱེད་ཆེན་བོའི་ཆ་ལུགས་ཅན། གཡོན་པའི་ཕྱག་ན་རྡོ་རྗེ་ཁ་ཊྭཱི་
[186b.6]ག་དང་ཐོད་པར་བདུད་མ་རུངས་པའི་ཁྲག་བསྣམས་པ། གཡས་པས་ཕྱོགས་ཐམས་ཅད་དུ་གདུག་པ་རྣམས་ལ་སྡིགས་མཛུབ་མཛད་པའི་རྡོ་རྗེ་ཅན། བསྐལ་པའི་མེ་ལྟར་གཟི་བརྗིད་ཆེ། །ཁྲག་ལ་དགྱེས་ཤིང་ཁྲག་འཛག་པ། །བདེ་ཆེན་ཐུགས་རྗེའི་བདག་ཉིད་ཅན། །ཕྱག་རྒྱ་ལྔ་ཡིས་
[186b.7]བརྒྱན་པའོ། །སངས་རྒྱས་རྣམ་པར་སྣང་མཛད་ཆེ། །ཐུབ་པ་ཆེན་པོ་ཐུབ་ཆེན་ལྡན། །གསང་སྔགས་ཚུལ་ཆེན་ལས་བྱུང་བ། །གསང་སྔགས་ཚུལ་ཆེན་བདག་ཉིད་ཅན། །རིག་པ་འདིས་ནི་སྤྱི་བོར་རྣམ་པར་སྣང་མཛད་ཀྱིས་རྒྱས་བཏབ་པ་སྟེ། སྣ་ཚོགས་པ་པདྨའི་ལྟེ་བར་རྩ་བའི་གདན་དུ་
[187a]
[187a.1]རིགས་ལྡན་མ་རྡོ་རྗེ་ཕག་མོའོ། །པདྨའི་ཤར་གྱི་འདབ་མར་ཤར་གྱི་ལུས་འཕགས་བདག་གི་གདན་དུ་རྡོ་རྗེ་མཁའ་འགྲོ་མའོ། །ལྷོའི་འདབ་མར་འཛམ་བུའི་གླིང་གཞན་གྱི་གདན་དུ་ཁཱ་མའོ། །ནུབ་ཀྱི་འདབ་མར་བ་ལོངས་སྤྱོད་སྔགས་ཀྱི་གདན་དུ་ཁཎྜ་རོ་ཧཱའོ། །བྱང་གི་འདབ་
[187a.2]མར་སྒྲ་མི་སྙན་དེ་ཁོ་ན་ཉིད་ཀྱི་གདན་དུ་གཟུགས་ཅན་མའོ། །ཐུགས་གསུང་ཡེ་ཤེས་སྐུ་སྟེ་འཁོར་ལོ་བཞིའི་དབྱེ་བས་མཁའ་འགྲོ་མ་ལ་སོགས་པ་རྣལ་འབྱོར་མ་བཞི་ནག་མོ་དམར་མོ་སེར་མོ་ལྗང་གུ་སྟེ་དངོས་གྲུབ་མཛད་མའོ། །ཞལ་གཅིག་ཕྱག་བཞི་མ། གཡོན་གྱིས་ཁ་ཊྭཱཾ་ག་དང་ཐོད་པ་
[187a.3]བསྣམས་པ། གཡས་ཀྱིས་ཅང་ཏེའུ་དང་གྲི་གུག་གོ། །སྤྱན་གསུམ་པ་དབུ་སྐྲ་གྲོལ་བ་གཅེར་བུ་གཡས་བརྐྱང་བས་གདན་ལ་བཞུགས་པ། ཕྱག་རྒྱ་ལྔ་ཡིས་རྣམ་པར་བརྒྱན་མ། མཆེ་བ་རྣམ་པར་གཙིགས་པའི་ཞལ། མི་བསྐྱོད་པ་དང་། འོད་དཔག་མེད་དང་། རིན་ཆེན་འབྱུང་ལྡན་དང་།
[187a.4]དོན་ཡོད་གྲུབ་པས་རྣལ་འབྱོར་མ་འདི་རྣམས་ལ་རྒྱས་བཏབ་པའོ། །མཚམས་སུ་གླིང་ཕྲན་ཉེ་བའི་གནས་སུ་བྱང་ཆུབ་ཀྱི་སེམས་ཀྱི་སྣོད་བཞི་སྟེ་ཡེ་ཤེས་ཀྱི་འཁོར་ལོའི་དཀྱིལ་འཁོར་རོ། །དེ་ནས་ས་འོག་མེ་དང་རླུང་གི་དཀྱིལ་འཁོར་ཀྱི་མཚམས་སུ་རི་རབ་ཀྱི་ཕྱོགས་མཚམས་སུ་དམྱལ་བ་ཆེན་པོ་
[187a.5]བརྒྱད་དེ། དེ་ལ་ཤར་གྱི་དུར་ཁྲོད་དཀྱིལ་འཁོར་གྱེ་ཤར་སྒོར་མདུང་གིས་འབིགས་པར་ཁྭ་གདོང་མའོ། །ལྷོའི་དུར་ཁྲོད་སྒོར་ཚིག་པའི་རོར་འུག་གདོང་མའོ། །ནུབ་ཀྱི་དུར་ཁྲོད་སྒོར་བརྣགས་པའི་དྲིར་ཁྱི་གདོང་མའོ། །བྱང་གི་དུར་ཁྲོད་སྒོར་རུལ་པ་ཅན་དུ་ཕག་གདོང་མའོ། །དེ་ནས་དབང་
[187a.6]ལྡན་གྱི་མཚམས་སུ་དུར་ཁྲོད་བྱིས་པ་ཤི་བར་གཤིན་རྗེ་བརྟན་མོའོ། །རླུང་གི་མཚམས་སུ་དུར་ཁྲོད་སྦྲུལ་གྱིས་ཟིན་པར་གཤིན་རྗེ་ཕོ་ཉ་མོའོ། །སྲིན་པོའི་མཚམས་སུ་དུར་ཁྲོད་འཇིགས་པའི་དབུས་སུ་གཤིན་རྗེ་མཆེ་བ་མའོ། །མེའི་མཚམས་ཀྱི་དུར་ཁྲོད་ལྷག་མ་ཅན་དུ་གཤིན་རྗེ་འཇོམས་མའོ། །
[187a.7]དེ་ལྟར་ན་གཡས་སྐོར་དང་གཡོན་སྐོར་གྱིས་ལུགས་སུ་འབྱུང་བ་དང་ལུགས་ལས་བཟློག་པས་དུར་ཁྲོད་བརྒྱད་དུ་ལོངས་སྤྱོད་མ་རྣམས་ཏེ། ཇི་ལྟར་མཁའ་འགྲོ་མ་ལུས་ལ་སོགས་པ་དེ་ལྟར་ཁྭ་གདོང་མ་ལ་སོགས་པའི་སྐུ་མདོག་དང་ཕྱག་མཚན་དང་རྒྱས་གདབ་ཀྱང་ངོ་། །མཚམས་སུ་གནས་མ་
[187b]
[187b.1]རྣམས་ནི་གཟུགས་གཉིས་མ་ཡིད་འཕྲོག་པ་སེམས་ཅན་གྱི་དོན་མཛད་པར་བརྩོན་པའོ། །རྣལ་འབྱོར་མ་འདི་དག་ཐམས་ཅད་ཡི་དྭགས་ཀྱི་གདན་ཅན་མགོ་བོའི་ཕྲེང་བ་འཛིན་པ་དཔྲལ་བར་རྡོ་རྗེའི་ཕྲེང་བའོ། །དེ་ནས་གཞན་ཡང་བཅུ་གཉིས་ལྷའི་རྣལ་འབྱོར་གྱིས་སྦྱར་བར་བྱ་སྟེ། དེ་དག་ཀྱང་གང་ཞེ་ན།
[187b.2]རབ་ཏུ་དགའ་བ་ནི་མཁའ་འགྲོ་མའོ། །དྲི་མ་མེད་པ་ནི་ལཱ་མའོ། །འོད་བྱེད་པ་ནི་ཁཎྜ་རོ་ཧཱིའོ། །འོད་འཕྲོ་བ་ནི་གཟུགས་ཅན་མའོ། །སྦྱང་དཀའ་བ་ནི་ཁྭ་གདོང་མའོ། །མངོན་དུ་གྱུར་པ་ནི་འུག་གདོང་མའོ། །རིང་དུ་སོང་བ་ནི་ཁྱི་གདོང་མའོ། །མི་གཡོ་བ་ནི་ཕག་གདོང་མའོ། །ལེགས་
[187b.3]པའི་བློ་གྲོས་ནི་གཤིན་རྗེ་བརྟན་མའོ། །ཆོས་ཀྱི་སྤྲིན་ནི་གཤིན་རྗེ་ཕོ་ཉ་མའོ། །དེ་བཞིན་གཤེགས་པ་ཅན་ནི་གཤིན་རྗེ་མཆེ་བ་མའོ། །རྡོ་རྗེ་སྤྱོད་པ་ཅན་ནི་གཤིན་རྗེ་འཇོམས་མའོ། །དབུས་ཀྱི་རྡོ་རྗེ་ཕག་མོ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ས་བཅུ་རྣམ་པར་དག་པའོ། །དེ་
[187b.4]ནས་ཡང་དག་བཤད་བྱ་བ། །གནས་སོགས་མིང་ཡིག་དང་པོའོ། །རང་གི་ལུས་ལ་དགོད་པར་བྱ། །མུཾ་ཨཾ་པཾ་མཾ་ཏཾ་ཥུཾ་ཤཾ་ཕུཾ་གཱཾ་བླཾ་སླཾ་གྷཾ་ཨུཾ། རྩ་བའི་གདན་གསང་བའི་འཁོར་ལོ་རྡོ་རྗེ་ཕག་མོ་རིགས་ལྡན་མའོ། །བདག་གི་གདན་སྙིང་གི་པདྨར་རྡོ་རྗེ་མཁའ་འགྲོ་མའོ། །གཞན་གྱི་གདན་
[187b.5]ལྐོག་མའི་པདྨར་ཁཱ་མའོ། །སྔགས་ཀྱི་གདན་ལྟེ་བའི་པདྨར་ཁཎྜ་རོ་ཧའོ། །དེ་ཁོ་ན་ཉིད་ཀྱི་གདན་དཔྲལ་བར་གཟུགས་ཅན་མའོ། །ཐམས་ཅད་པདྨའི་གདན་གཙུག་ཏོར་གྱི་པདྨར་དཔལ་ཏེ་རུ་ཀའོ། །འདི་དག་ནི་ཡེ་ཤེས་ཀྱི་འཁོར་ལོ་སྟེ་གཡས་སྐོར་གྱིས་སོ། །ཁྭ་གདོང་མ་ལ་སོགས་པ་སྒོ་
[187b.6]བརྒྱད་དུ་དགོད་པ་བརྗོད་པར་བྱ་སྟེ། མདུང་གིས་འབིགས་པ་ཁའི་སྒོར་ཁྭ་གདོང་མའོ། །ཚིག་པའི་རོ་སྣ་བུག་གཡས་ཀྱི་སྒོར་འུག་གདོང་མའོ། །བརྣགས་པའི་དྲིར་བཤང་བའི་སྒོར་ཁྱི་གདོང་མའོ། །རུལ་པ་ཅན་སྣ་བུག་གཡོན་པའི་སྒོར་ཕག་གདོང་མའོ། །གཡས་སྐོར་གྱིས་སོ། །
[187b.7]བྱིས་པ་ཤི་བ་རྣ་བ་གཡོན་པའི་སྒོར་གཤིན་རྗེ་བརྟན་མའོ། །སྦྲུལ་གྱིས་ཟོས་པ་རྣ་བ་གཡས་པའི་སྒོར་གཤིན་རྗེ་ཕོ་ཉ་མའོ། །དུར་ཁྲོད་འཇིགས་པའི་དབུས་སུ་མིག་གཡས་པའི་སྒོར་གཤིན་རྗེ་མཆེ་བ་ཅན་མའོ། །ལྷག་མ་སྤྱན་མིག་གཡོན་པའི་སྒོར་གཤིན་རྗེ་འཇོམས་མའོ། །འདི་ནི་གཡོན་
[188a]
[188a.1]ནས་བསྐོར་བ་སྟེ། སྐད་ཅིག་རྣམ་པའི་རྣལ་འབྱོར་བདག །སྐད་ཅིག་གིས་ནི་སྐུ་གཅིག་འགྱུར། །དེ་ཉིད་གསུམ་གྱེས་བྱིན་གྱིས་བརླབ་པར་བྱ་སྟེ། ཨོཾ་ཨཱཿཧཱུཾ། སརྦ་བཱི་ར་ཡོ་གི་ནི་ཀཱ་ཡ་ཝཱཀ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོལྷཧཾ། ཨོཾ་བཛྲ་ཤུདྡྷ་སརྦ་དྷརྨཱ་བཛྲ་ཤུདྡྷོ་྅ཕོ་ཧཾ། དེ་ནས་
[188a.2]གོ་ཆ་གཉིས་ཤེས་ནས། །ཡེ་ཤེས་འཁོར་ལོ་རྣམ་པར་སྒོམ། །སྔགས་དང་ཕྱག་རྒྱའི་སྦྱོར་ཤེས་པས། །དམ་ཚིག་འཁོར་ལོ་ལ་མྱུར་གཞུག །དེ་ནས་གོ་ཆ་གཉིས་བཤད་པར་བྱ་སྟེ། ཨོཾ་ཧ་སྙིང་གར་རོ། །ན་མཿཧི་སྤྱི་བོར་རོ། །སྭཱ་ཧཱ་ཧུ་གཙུག་ཏོར་ཏུའོ། །བོ་ཥ་ཊ་ཧེ་ཕྲག་པ་གཉིས་
[188a.3]སུའོ། །ཧཱུཾ་ཧཱུཾ་ཧོ་མིག་གཉིས་ལའོ། །ཕཊ་ཧཾ་ཡན་ལག་ཐམས་ཅད་ལ་སྟེ་མཚོན་ཆའོ། །དང་པོར་རྡོ་རྗེ་སེམས་དཔའ་སྟེ། །གཉིས་པ་རྣམ་པར་སྣང་མཛད་བཞུགས། །གསུམ་པ་པདྨ་གར་དབང་ཕྱུག །བཞི་པ་དཔལ་ལྡན་ཧེ་རུ་ཀར་བརྗོད། །རྡོ་རྗེ་ཉི་མ་རྟ་མཆོག་སྟེ། །གོ་ཆ་དྲུག་གིས་
[188a.4]འདི་ལ་བསྲུངས། །ཨོཾ་བཾ་རྡོ་རྗེ་ཕག་མོའོ། །ཧཾ་ཡོཾ་ཡ་མི་ནིའོ། །ཧྲིཾ་མོ་རྨོངས་བྱེད་མའོ། །ཧྲེཾ་ཧྲིཾ་སྐྱོད་བྱེད་མའོ། །ཧཱུཾ་ཧཱུཾ་འཇིགས་བྱེད་མའོ། །ཕཊ་ཕཊ་ཙཎྜི་ཀ་སྟེ་ཡན་ལག་ཐམས་ཅད་ལ་མཚོན་ཆའོ། །ལྟེ་བ་སྙིང་ག་དེ་བཞིན་ཁ། །མགོ་དང་སྤྱི་གཙུག་མཚོན་ཆ་ཉིད། །མཛུབ་མོ་
[188a.5]མདུད་བྱས་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པོ་རབ་ཏུ་སྦྱར། །དེ་ནས་དཔྲལ་བའི་དབུས་སུ་རབ་བཞག་ནས། །བསྐོར་ཞིང་བསྐོར་བས་ཀུན་དུ་སྒྱུར་བར་བྱེད་པ་སྟེ། །རྐང་པ་མནན་ཞིང་གྱེན་དུ་བལྟ། །གྱེན་དུ་ཕེཾ་གྱི་སྒྲ་སྒྲོགས་ཤིང་། །ཕྱོགས་བཅུའི་འཇིག་རྟེན་ཁམས་
[188a.6]བཞུགས་པའི། །དཔའ་བོ་རྣལ་འབྱོར་མ་རྣམས་དགུག །ཨོཾ་ཡོ་ག་ཤུདྡྷཿསརྦ་དྷརྨཱ་ཡོ་ག་ཤུདྡྷོ྅ཧཾ། ཇི་ལྟར་བལྟམས་པ་ཙམ་གྱིས་ནི། །དེ་བཞིན་ཀུན་དུ་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བྱའོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་
[188a.7]ཡེ་ཧཱུཾ། དབང་བསྐུར་བའི་སྔགས་སོ། །རྡོ་རྗེ་ཕག་མོའི་སྙིང་པོའི་སྔགས་བཟླ་ཞིང་སྦྱིན་སྲེག་བྱ་སྟེ། ཨོཾ་བཛྲ་བཻ་རོ་ཙ་ནི་ཡེ་སྭཱ་ཧཱ། འདི་ནི་སྙིང་པོའི་སྔགས་ཡི་གེ་བཅུ་པ་སྟེ་ཕ་རོལ་ཏུ་ཕྱིན་པ་བཅུའི་དག་པའོ། །ཨོཾ་སརྦ་བུདྡཱ་ཌཱ་ཀི་ནྡི་ཡེ་བཛྲ་ཝརྞ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ཉེ་བའི་སྙིང་
[188b]
[188b.1]པོའི་སྔགས་ཡི་གེ་བཅུ་དགུ་པའོ། །ཨོཾ་བཾ་ཡོཾ་མོཾ་ཧྲིཾ་ཧྲིཾ་ཕཊ། འདི་ནི་ཡི་གེ་བརྒྱད་པའི་གོ་ཆའི་སྔགས་སོ། །ཨོཾ་སུཾ་བྷ་ནི་སུཾ་བྷ་བཛྲ་ཌཱ་ཀི་ནཱི་ཧཱུཾ་ཧཱུཾ་ཕཊ། བཅུ་བཞི་པ་ཤར་གྱི་ཞལ་རྡོ་རྗེ་མཁའ་འགྲོ་མའི་སྔགས་སོ། །ཨོཾ་གྲེཧྞ་ཀྲྀཧྞ་བཛྲ་ལཱ་མེ་ཧཱུཾ་ཧཱུཾ་ཕཊ། ཡི་གེ་བཅུ་གཉིས་པ་ལྷོའི་ཞལ་ལཱ་མའི་
[188b.2]སྔགས་སོ། །ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་བཛྲ་ཁཎྜ་རོ་ཧེ་ཧཱུཾ་ཧཱུཾ་ཕཊ། ཡི་གེ་བཅོ་བརྒྱད་པ་ནུབ་ཀྱི་ཞལ་ཁཎྜ་རོ་ཧཱིའི་སྔགས་སོ། །ཨོཾ་ཨཱ་ན་ཡ་ཧོ་བྷ་ག་བཱེ་བཛྲ་རཱ་ཛ་བཛྲ་རཱུ་པི་ནི་ཧཱུཾ་ཧཱུཾ་ཕཊ། ཡི་གེ་བཅོ་བརྒྱད་པ་བྱང་གི་ཞལ་གཟུགས་ཅན་མའི་སྔགས་སོ། །ལྷ་མོ་བཞི་སྟེ་གླིང་བཞི་པའི་སྔགས་
[188b.3]སོ། །ཨོཾ་ན་མོ་བྷ་ག་ཝ་ཏེ་ཝཱི་རེ་ཤཱ་ཡ་བཛྲ་ཀཱ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་མ་ཧཱ་ཀཝཱ་གྣི་སཾ་ནི་བྷཱ་ཡ་བཛྲ་ཨུ་ལུ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཛ་ཊ་མ་ཀུ་ཊོངྐ་ཊཱ་ཡ་བཛྲ་ཤྭ་ནཱ་སྱེ་ཧཱུཾ་ཧཱུཾ་ཕཊ། ཨོཾདཾཥ་ཀརཱ་གྲདྷཱིཥ་ཎ་མུ་ཁཱ་ཡ་བཛྲ་སཱུ་ཀཱ་རཱ་སྱེ་ཧཱུཾ་ཧཱུཾ་ཕཊ། ཨོཾ་ས་ཧ་སྲ་བྷུ་ཛ་བྷཱ་སུ་རཱ་ཡ་ཡ་མ་ད་དྷི་ཧཱུཾ་ཧཱུཾ་ཕཊ།
[188b.4]ཨོཾ་པ་ར་ཤུ་པཱ་ཤོ་རྱ་ཏ་ཤུ་ལ་ཁ་ཊྭཱཾ་ག་དྷ་རི་ཎི་བཛྲ་ཡ་མ་དྲུ་ཏཱེ་ཧཱུཾ་ཧཱུཾ་ཕཊ། ཨོཾ་བྱུ་གྷཱ་ཛི་ན་ཨཾ་བ་ར་བྷ་རཱ་ཡ་བཛྲ་ཡ་མ་དཾ་ཥྚ་ཎི་ཧཱུཾ་ཧཱུཾ་ཕཊ། ཨོཾ་མ་ཧཱ་དྷུཾམྦྲཱན་དྷ་ཀཱ་ར་ཝ་བུ་ཥཱ་ཡ་བཛྲ་ཡ་མ་མ་ཐཱ་ནཱི་ཡེ་ཧཱུཾ་ཧཱུཾ་ཕཊ། ལྷ་མོ་བརྒྱད་ཀྱི་རྐང་པ་བརྒྱད་ཀྱི་སྔགས་སོ། །གཏོར་མ་སྦྱང་བའི་སྔགས་ནི། ཨོཾ་བཛྲ་
[188b.5]ཀྲོ་དྷེ་ཤྭ་རི་སརྦ་དྲ་བྱ་ཎི་བི་ཤྭ་དྷ་ནི་ཧཱུཾ་ཕཊ། ཨོཾ་གྱིས་སྦྱང་བའོ། །ཨཿཡིས་རྟོགས་པའོ། །ཧཱུཾ་གིས་གཟི་བརྗིད་བསྐྱེད་པའོ། །ཧོ་ཡིས་བདུད་རྩིར་བྱའོ། །ཧཾ་ཡིག་གིས་དགུག་གོ། །ཀྵ་ཡིག་གིས་གཤེགས་སུ་གསོལ་བའོ། །ལག་པ་གཡོན་པས་ནི་སྦྱང་བའོ། །གཡས་ཀྱིས་ནི་
[188b.6]རྟོགས་པར་བྱའོ། །ཐལ་མོ་གཤིབས་ཏེ་བརྐྱང་བས་དོན་ནི་གཟི་བརྗིད་བསྐྱེད་དོ། །ནམ་མཁའ་ལྡིང་གི་ཕྱག་རྒྱས་ནི་བདུད་རྩིར་བྱའོ། །ཁམས་གསུམ་རྣམ་རྒྱལ་གྱི་ཕྱག་རྒྱས་ནི་དགུག་གོ། །རྡོ་རྗེའི་ཕྱག་རྒྱས་ནི་སྟབ་ཅིང་ལག་པའི་རྒྱབ་ཏུ་སེ་གོལ་གསུམ་གྱིས་གཤེགས་སུ་གསོལ་ལོ། །ཨོཾ་
[188b.7]བཛྲ་ཨ་རལླི་ཧོ། ཛཿཧཱུཾ་བཾ་ཧོཿབཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོ། མཚན་ཕྱེད་ན་རྡོ་རྗེ་ཐལ་མོ་ཁ་གྱེན་དུ་ཕྱེ་ལ་གཏོར་མ་གཏང་ངོ་། །ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཱཀྵ་ས། བྷཱུ་ཏ། པྲེ་ཏ། པི་ཤཱ་ཙ། ཨུཾ་མ་ད། ཨ་པ་སྨ་ར། ཌཱ་ཀི་ནྱ་ད་ཡ། ཨི་མཾ་བ་ལིཾ་གྲྀཧྞ་ན་ཏུ། ས་མ་ཡ་རཀྵཾ་ཏུ། མ་མ་སརྦ་སིདྡྷི་པྲ་
[189a]
[189a.1]ཡཙྪ་ན་ཏུ། ཡ་ཐཻ་བཾ། ཡ་ཐེ་ཥྛཾ། བྷཱཾ་ཛ་ཐ། པི་པ་ཐ། མཱ་ཏི་ཀྲ་མ་ཐ། མ་མ་སརྦ་ཀ་ར་ཏ་ཡ། སདྶུ་ཁཾ་བི་བྲིདྷེ་ཡེ་ས་ཧཱ་ཡི་ཀ་བྷ་བནྡུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཏོར་མ་གཏང་བའི་སྔགས་སོ། །ཡུལ་དང་གྲོང་གི་བདག་པོ་ལ་གཏོར་མ་སྦྱིན་ཏེ། ཡི་གེ་མི་མཉམ་པ་ནི་ཐོག་
[189a.2]མའམ་དབུས་སམ་ཐ་མའི་ཡི་གེའོ། །ཡི་གེ་མཉམ་པ་ནི་དང་པོའམ་ཐ་མའི་ཡི་གེའོ། །དེ་ཉིད་གསུམ་གྱིས་བྱིན་གྱིས་བརླབས་ཏེ། ཨོཾ་ཨཱཿཧཱུཾ་ཀྵེ་ཏྲ་པ་ལ་བ་ལི་གྲྀཧྞ་གྲྀཧྞ་ས་པ་རི་ཝཱ་རེ་དྷྱཿསརྦ་སཏྭ་ནཱཾ་ཤཱཾ་ཏི་ཙིཏྟ་ནི་ཀུ་རུ་སྭཱ་ཧཱ། ཨོཾ་ཧ་རི་ཏི་པཎྜེ་ཀྱི་པྲ་ཏཱེཅྪ་སྭཱ་ཧཱ། འཕྲོག་མ་ལ་ཆང་བུ་གཉིས་བྱིན་
[189a.3]ནས། ཨོཾ་དུ་ཏི་ཀྱེ་ཨ་གྲ་གྲ་སཾ་དྲཏཱི་ཙྪ་སྭཱ་ཧཱ། ཁ་ཁ་ཁཱ་ཧི་ཁཱ་ཧི་ཨུ་ཙིཥྚ་བ་ལིཾ་ཨུ་ཙིཥྚ་བྷཀྵ་བྷཀྵ་སྭཱ་ཧཱ། བསྟབས་པའི་ཆོ་ག་བཤད་པར་བྱ་སྟེ། ཨོཾ་ཨ་ཧོ་ཀྵ་རིམ་པས་གནས་པ་རྣམས་ཀྱིས་སྦྱང་བ་ལ་སོགས་པ་བྱའོ། །ཟླ་བ་ཞུ་བ་ལྟ་བུར་བསྒོམ་སྟེ། རིམ་གྱིས་སྣོད་དེ་ནས་ནི་ཐིག་ལེ་ཟླ་བའི་འོད་ཟེར་དག་
[189a.4]གིས་ངེས་པར་ལག་པའི་པདྨའི་མིང་མེད་ནི་ས་གཞིར་ཕྱི་རོལ་ནི། གྲུ་གསུམ་བྱས་ནས་ནང་དུ་ཉི་མའི་དཀྱིལ་འཁོར་ལྟ་བུའི་ཟླུམ་པོ་དེའི་དབུས་སུ་ནི། ཡེ་ཤེས་འཁོར་ལོ་སྲིད་པ་གསུམ་ཡང་ཆུད་པའི་དཀྱིལ་འཁོར་འཁོར་ལོ་བསམ་བྱ་དང་། ཞིང་གསལ་དེ་ལ་སྔགས་ཀྱི་ཚིག་འདི་རྣམས་ཀྱིས་བསྟབས་པར་
[189a.5]བྱ་སྟེ། ཨོཾ་ཨཱཿཧཱུཾ་ཧོ་སྐུ་གསུང་ཐུགས་རྡོ་རྗེ་ཅན་ལའོ། །དེ་ནས་ཨ་ཨཱ་ཨི་ཨཱི་རྀ་རཱྀ་ཨུ་ཨཱུ་ལྀ་ལཱྀ་ཨཾ་ཨཱཿ། རྣམ་པར་ཤེས་པ་ལ་སོགས་པའི་ཕུང་པོ་དང་། ནམ་མཁའ་ལ་སོགས་པའི་ཁམས་རྣམས་སོ། །ཨ་ཨཱ་ཨེ་ཨཻ་ཨར་ཨཱར་ཨོ་ཨཽ་ཨ་ལ་ཨཱ་ལ་ཨཾ་ཨཿ། དབང་པོ་དྲུག་དང་ཡུལ་དྲུག་གོ། །ཧ་ཧཱ་
[189a.6]ཡ་ཡཱ་ར་རཱ་ཝ་ཝཱ་ལ་ལཱ་ཧཾ་ཧཿ། ཐབས་དང་ཤེས་རབ་ཀྱི་ལུས་ཅན་རྣམས་ཏེ། ལས་ཀྱི་དབང་པོ་ཞེ་སྡང་རྡོ་རྗེ་ལ་སོགས་པའི་རང་བཞིན་ནོ། །ཀ་ཀཱ་ཁ་ཁཱ་ག་གཱ་གྷ་གྷཱ་ང་དཱ། ཙ་ཙཱ་ཚ་ཚཱ་ཛ་ཛཱ་ཛྷ་ཛྙཱ་ཉ་ཧཱ། ཊ་ཊཱ་ཋ་ཋཱ་ཌ་ཌཱ་ཌྷཱ་ཎ་ཎཱ། པ་པཱ་ཕ་ཕཱ་བ་བཱ་བྷ་བྷཱ་མ་མཱ། ཏ་ཏཱ་ཐ་ཐཱ་ད་དཱ་དྷ་དྷཱ་ན་ནཱ། ས་སཱ་ད་དཱ་
[189a.7]ཤ་ཤཱ་ཥ་ཥཱ། ངྐ་ཤྐཱ་ཧ་ཧཱ་ཡ་ཡཱ་ར་རཱ་ལ་ལཱ་ཝ་ཝཱ་ཀྵ་ཀྵུ། ཐབས་དང་ཤེས་རབ་སུམ་ཅུ་རྩ་དྲུག་གི་རིགས་རྣམས་ལ་རྣལ་འབྱོར་པས་བསྟབས་པའི་ཆོ་ག་འདི་དག་པར་བྱའོ། །ཕུང་པོ་དྲུག་པོ་གཟུགས་སོགས་ནི། །སུམ་ཅུ་རྩ་དྲུག་རྟག་ཏུ་མཆོད། །ས་ཆུ་དང་ནི་མེ་དང་རླུང་། །དེ་བཞིན་ཁུ་བ་དང་ནི་རྡུལ།།
[189b]
[189b.1]ཁམས་དྲུག་ཏུ་ནི་འདི་ལ་བཤད། །ལུས་ཅན་རྣམས་ཀྱི་གཟུགས་པོའོ། །ཤོག་མ་རྐན་དང་སྤྱི་བོ་དང་། །མཆུ་དང་སོ་རྗེས་སྣ་ལྡན་ཏེ། །འདུ་ཤེས་ཀྱང་ནི་དྲུག་ཏུ་བཤད། །དངོས་དང་དངོས་མེད་སྟོན་བྱེད་པ། །བལྟ་དང་ཉན་དང་སྣོམ་པ་དང་། །ལྕེ་ལུས་ཡིད་ཀྱི་དབང་རྣམས་ཀྱིས། །མིག་ལ་
[189b.2]སོགས་པ་རྣམ་པ་དྲུག །རྣམ་ཤེས་ཕུང་པོར་བཤད་པ་ཡིན། །དེ་བཞིན་གཟུགས་དང་སྒྲ་དང་ནི། །དྲི་དང་ཡང་ནི་རོ་དང་སྟེ། །རེག་བྱ་དང་ནི་ཆོས་ཀྱི་ཁམས། །མྱོང་བ་ལས་ནི་ཚོར་བར་བརྗོད། །དེ་བཞིན་དབང་པོ་དྲུག་སྒོ་ནས། །རྣམ་པར་ཤེས་རྣམས་རབ་འཇུག་པ། །འདུ་བྱེད་རྣམ་པ་དྲུག་ཏུ་
[189b.3]བརྗོད། །ཡུལ་རྣམས་ལ་ནི་འཇུག་བྱེད་པའི། །སྲོག་དང་རྩོལ་བའི་ཉིན་མཚན་གང་། །སྟེང་དང་འོག་གི་ལམ་གསུམ་དུ། །རྩ་ནི་དྲུག་པོ་རབ་རྒྱུ་བ། །ཡེ་ཤེས་ཀྱང་ནི་རྣམ་པ་དྲུག །སུམ་ཅུ་བདུན་པ་སེམས་ཆེན་པོ། །སུམ་ཅུ་རྩ་དྲུག་རྣལ་འབྱོར་མ། །ཁམས་རྣམས་ཀྱིས་བསྐོར་རྣལ་འབྱོར་པ། །ལྷ་ཡི་
[189b.4]གཟུགས་ཀྱིས་རྣལ་འབྱོར་སྤྱོད། །རྡོ་རྗེ་ཕག་མོའི་སྔགས་གང་ཡིན། །མགྲིན་པའི་མགུལ་དངོས་རྣམ་པར་བརྒྱན། །ལྷ་ཡི་སྙིང་པོའི་སྔགས་ཀྱིས་ནི། །ཕྲེང་བ་བརྒྱ་ཡི་ཕྱེད་ཀྱིས་བརྒྱན། །ཡི་གེ་བདུན་པའི་སྔགས་ཀྱིས་ནི། །རྣ་ཆ་ཡིས་ནི་རྣ་བ་བརྒྱན། །སངས་རྒྱས་ཀུན་གྱི་མཁའ་འགྲོ་མས། །
[189b.5]ལག་པ་གཉིས་ཀྱིས་གདུ་བུའོ། །རྣལ་འབྱོར་མ་དྲུག་སྔགས་ཀྱིས་ནི། །སྐེ་རགས་ཀྱིས་ནི་རྐེད་པ་བརྒྱན། །འཁོར་ལོ་ཀུན་གྱིས་རྣལ་འབྱོར་མའི། །སྔགས་ཀྱིས་བཏུང་བའི་ཐོད་པ་ཡིན། །རྣམ་པར་སྣང་མཛད་སྔགས་གང་ཡིན། །ཐོད་པས་མགོ་བོ་རྣམ་པར་བརྒྱན། །དེ་ལྟར་བདག་
[189b.6]ཉིད་རྣམ་བསམས་ནས། །ཚམ་ངམ་སྔགས་ཀྱིས་ཤིན་ཏུ་བསྲུང་། །ཚངས་པར་སྤྱོད་པ་རྟག་འགྱུར་བས། །མི་འགྱུར་རྣལ་འབྱོར་བསྒོམ་བྱ་སྟེ། །དེ་ལྟར་ལེགས་བསམས་རྣལ་འབྱོར་བདག །འཇིགས་པ་ཐམས་ཅད་རྣམ་པར་སྤངས། །དེ་ཉིད་རྣལ་འབྱོར་ཡང་དག་ལྡན། །རྣལ་འབྱོར་བློ་
[189b.7]ལྡན་རྣམ་པར་སྤྱོད། །ངེས་པའི་དོན་གྱིས་ལྷ་མོ་བསྒོམ་པ་བརྗོད་པར་བྱ་སྟེ། འདི་ཡི་དངོས་མེད་མེད་མི་འགྱུར། །དངོས་པོས་སྟོང་དོན་མཐོང་ཕྱིར་རོ། །སྒྱུ་མ་རྨི་ལམ་མིག་འཕྲུལ་བཞིན། །སྣང་བ་ཙམ་གྱིས་ཡེ་ཤེས་ནི། །སྐྱེ་མེད་རང་བཞིན་འཇིག་རྟེན་གསུམ། །ལུས་གནས་ཡེ་ཤེས་ཆེན་པོ་ལ། །
[190a]
[190a.1]ཀུན་དུ་རྟོགས་པ་ཐམས་ཅད་སྤངས། །དངོས་པོ་ཀུན་གྱིས་ཁྱབ་བྱེད་དེ། །ལུས་ལ་གནས་ཀྱང་ལུས་སྐྱེས་མིན། །སངས་རྒྱས་ཀུན་གྱིས་སྡོམ་པ་ནི། །ཨེ་ཝཾ་ཡི་གེར་རབ་ཏུ་གནས། །ལུས་ངག་ཡིད་ཀྱི་རྩ་གསུམ་ལ། །ལུས་ངག་ཡིད་ཀྱི་དངོས་པོ་རྣམས། །རྡོ་རྗེ་གསུམ་རྣམས་ཡང་
[190a.2]དག་སྤྱོད། །དུང་ཅན་མར་ནི་ཡེ་ཤེས་དངོས། །དེ་བཞིན་ལྷ་མོ་མཁའ་འགྲོ་གདོང་། །ཨེ་ཝཾ་ཡི་གེར་རབ་ཏུ་གནས། །ཡི་གེ་ཨེ་ཡིས་སྟོང་ཉིད་རྒྱུ། །ཝཾ་ཡིག་གིས་ནི་སྙིང་རྗེ་འབར། །སྟོང་ཉིད་སྙིང་རྗེ་དབྱེར་མེད་ལ། །བྱང་ཆུབ་སེམས་ཞེས་དེ་ལ་བརྗོད། །སེམས་ནི་ནམ་མཁར་ཞེན་པས་ནི། །
[190a.3]མིག་ནི་ཕབ་སྟེ་རྡོ་རྗེ་ཡི། །ལམ་དུ་རབ་ཏུ་ཆུད་བྱས་པས། །སྟོང་པ་ལ་ནི་དུ་བ་སྨིག་རྒྱུ་རབ་གསལ་དྲི་མེད་སྲིན་བུ་མེ་ཁྱེར་སྒྲོན་མ་ཉིད། །འབར་བ་དང་ནི་ཟླ་ཉི་རྡོ་རྗེ་ཡང་ནི་མཆོག་གི་ཆ་ནི་མཐོང་གྱུར་ཐིག་ལེ་ཅན། །དེ་ཡི་དབུས་སུ་སངས་རྒྱས་གཟུགས་ནི་ཡུལ་ལས་རྣམ་གྲོལ་ལོངས་སྤྱོད་རྫོགས་སྐུ་དུ་མའོ། །
[190a.4]ཇི་ལྟར་ཆུ་ལ་ཆུ་འདྲེས་དང་། །ཇི་ལྟར་མར་ལ་མར་བཞིན་དུ། །རང་གི་ཡེ་ཤེས་ལྔ་ཡི་དངོས། །རང་ཉིད་ཀྱིས་ནི་འདིར་མཐོང་འགྱུར། །དངོས་པོ་མེད་ལ་བསྒོམ་པའི་དངོས། །བསྒོམ་པར་བྱ་བ་བསྒོམ་པ་མིན། །དེ་བས་དངོས་པོ་དངོས་མེད་པས། །བསྒོམ་པ་དམིགས་སུ་མེད་པའོ། །གང་སུ་
[190a.5]དག་གི་མཐུ་ཡིས་ནི། །གང་དུ་དེར་ནི་ཡང་དག་གནས། །དུས་ཀྱི་ངེས་པ་ཡོངས་སྤངས་པས། །གོ་འཕང་མཆོག་ནི་ཐོབ་པར་འགྱུར། །དེ་ནི་སྔགས་བཟླས་དཀའ་ཐུབ་ཧོ། །དཀྱིལ་འཁོར་དཀྱིལ་འཁོར་པ་ཡང་དེ། །ཕྱག་རྒྱ་ཆེན་པོའི་དོན་བསྒོམས་ལ། །ཡོན་ཏན་ཀུན་གྱི་གཞིར་གྱུར་པའི། །
[190a.6]རྡོ་རྗེ་སྟོང་པ་ཉིད་དུ་བརྗོད། །ཕག་མོ་ཡང་ནི་སྙིང་རྗེར་གྲགས། །སྟོང་ཉིད་སྙིང་རྗེ་གཅིག་པ་ལ། །རྡོ་རྗེ་ཕག་མོ་ཞེས་སུ་བརྗོད། །འདི་ནི་བདག་གིས་ངེས་པའི་དོན་བསྒོམ་པ་བཤད་པ་ཡིན་ནོ། །དཔལ་རྒྱ་ནག་བྱང་ཕྱོགས་ལམ་གྱི་རིམ་པ། རྗེ་བཙུན་རྡོ་རྗེ་ཕག་མོ་སྒྲུབ་པའི་ཐབས་བྱང་ཆུབ་སེམས་དཔའ་རྒྱལ་པོ་
[190a.7]སེང་གེའི་གདོང་ཅན་ཁྱབ་འཇུག་སྤངས་པས་ངེས་པར་སྦྱར་བ་རྫོགས་སོ།། །།རྒྱ་གར་ཀྱི་མཁན་པོ་དཔལ་ཨ་ཝ་དྷཱུ་ཏཱི་པ་ཕྱཆེན་པོ། རྒྱལ་པོའི་སྲས་འཇིགས་མེད་ལྷའི་ཞལ་སྔར་ཤཱཀྱའི་དགེ་སློང་རྗེ་བཙུན་པྲཛྙཱ་ཏཱིརྟིས་བསྒྱུར་བའོ།། །།
[190b]
[190b.1]{T1545}༄༅༅། །རྒྱ་གར་སྐད་དུ། སིདྷི་བཛྲ་ཡོ་ག་ནི་སཱ་དྷ་རྒོ་ནཾ། བོད་སྐད་དུ། གྲུབ་པའི་རྡོ་རྗེ་རྣལ་འབྱོར་མའི་སྒྲུབ་པའི་ཐབས། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དཔལ་ལྡན་རྡོ་རྗེ་རྣལ་འབྱོར་མ། །སྟོང་ཉིད་སྙིང་རྗེའི་བདག་ཉིད་ཅན། །གཟི་བྱིན་བསྐལ་པའི་མེ་ལྟར་འབར། །ཁམས་
[190b.2]གསུམ་རང་བཞིན་བདག་ཕྱག་འཚལ། །རྡོ་རྗེ་རྣལ་འབྱོར་མ་ཡི་ནི། །སྒྲུབ་ཐབས་མཆོག་ནི་མདོར་བསྡུས་པ། །རྗེས་གནང་གཅིག་གི་སྤྱོད་ཡུལ་ཏེ། །བླ་མ་བརྒྱུད་པའི་མན་ངག་བཤད། །དང་པོར་རེ་ཞིག་སྔགས་པས་བླ་མ་དང་། སངས་རྒྱས་དག་ལ་མི་ཕྱེད་པའི་གུས་པའི་ཡིད་ཅན། བྱང་ཆུབ་ཀྱི་
[190b.3]སེམས་བརྟན་པོར་བཟུང་བ། དབང་བསྐུར་བ་ཡང་དག་པར་ཐོབ་པ་ཆོས་ཐམས་ཅད་རང་བཞིན་གྱིས་འོད་གསལ་བར་ལྷག་པར་མོས་པ་བྱས་ཏེ། རང་དང་གཞན་གྱི་དོན་ཕུན་སུམ་ཚོགས་པ་མངོན་དུ་བྱ་བའི་ཕྱིར། དུར་ཁྲོད་ལ་སོགས་པ་དབེན་པའི་ས་ཕྱོགས་སུ་ཤིན་ཏུ་འཇམ་པའི་སྟན་ལ་རྣལ་
[190b.4]འབྱོར་གྱི་རོལ་པས་གནས་སུ་ཨུ་རྒྱན་གྱི་ཡུལ་དུ་ཁ་བལྟས་ཏེ་འདུག་ནས། དེའི་རྗེས་ལ་ལུས་དང་ངག་དང་ཡིད་དག་པར་བྱ་བའི་ཕྱིར། ལྷ་རྫས་ཀྱི་བཏུང་བ་སྦྲང་ངམ་བུ་རམ་བདུད་རྩི་སྦྱར་བ་ལས་བྱུང་བ་སྟེ། རྣམ་པ་གསུམ་པོ་ཇི་ལྟར་རྙེད་པ་བདུད་རྩི་ལྔ་དང་བཅས་པ་མཆོད་ཡོན་གྱི་སྣོད་དུ་བཞག་སྟེ།
[190b.5]ཡི་གེ་གསུམ་མངོན་པར་བཟླས་ནས། བཏུང་བ་དེ་ལག་པ་གཡོན་པ་ནས་བརྩམས་ཏེ་ཡན་ལག་དང་ཉེ་བའི་ཡན་ལག་ཐམས་ཅད་ལ་སྔགས་ཀྱིས་ཁྲུས་བྱའོ། །དེ་ཉིད་ཀྱི་མཆོད་པའི་རྫས་རྣམས་ཀྱང་བསང་བར་བྱའོ། །དེའི་རྗེས་ལ། ཨོཾ་བཾ། ཧཾ་ཡོ། །ཧེཾ་མོཾ། །ཧྲིཾ་ཧྲིཾ། ཧཱུཾ་ཧཱུཾ་ཕཊ་ཕཊ། ཞེས་བྱ་བའི་
[190b.6]སྔགས་ཀྱི་ཡི་གེ་འདི་རྣམས་ཀྱིས། ལག་པ་གཡོན་པའི་སོར་མོ་རྣམས་ཡང་དག་པར་སྤངས་ཏེ། དག་པ་བརྗོད་པར་བྱའོ། །ཨོཾ་སྭ་བྷ་བ་ཤུདྡྷཿསརྦྦ་དྷརྨྨཱཿསྭ་བྷཱ་བ་ཤུདྡྷོ྅ཧཾ། ཨོཾ་བཛྲ་ཤུདྡྷཿསརྦ་དྷརྨྨཱ་བཛྲ་ཤུདྡྷོ྅ཧཾ། ཨོཾ་ཡོ་ག་ཤུདྡྷཿསརྦྦ་དྷརྨྨ་ཡོ་ག་ཤུདྡྷོ྅ཧཾ། དེ་ནས་རང་གི་ལུས་ཁམས་གསུམ་རྣམ་
[190b.7]པར་དག་པའི་གཞལ་ཡས་ཁང་དུ་བསམས་ནས་སྐད་ཅིག་གིས་ལྟེ་བའི་དཀྱིལ་དུ་རྡོ་རྗེ་ཕག་མོ་ཕྱག་གཉིས་མ་གྲི་གུག་དང་ཀ་པཱ་ལ་དང་། ཁ་ཊྭཱཾ་ག་བསྣམས་པ། དབུ་སྐྲ་གྲོལ་བ། གཅེར་བུ་སྤྱན་གསུམ་མ་སྟེ། ན་ཚོད་གསར་པས་མཛེས་པ་ལ། །ཕྱག་རྒྱ་ལྔ་ཡིས་རྣམ་པར་བརྒྱན། །སངས་རྒྱས་ལྔ་
[191a]
[191a.1]ཡི་ཅོད་པན་ཆེ། །སྐྱིལ་ཀྲུང་ཕྱེད་པའི་གར་གྱིས་ནི། །ཟླ་ཉི་མེ་ཡི་དབུས་ན་བཞུགས། །ཛ་བ་སིནྡྷུ་ར་ཡི་མདོག །འདི་འདྲའི་གཟུགས་འཆང་ལྷ་མོ་ནི། །རྣལ་འབྱོར་རིགས་པས་རྟག་ཏུ་བསྒོམ། །དེ་ཡི་གཡས་ནི་ཕག་གདོང་སྟེ། །དེ་བཞིན་གཡོན་པའི་ཁྲོ་མོའི་ཞལ།
[191a.2]ཀུན་རྫོབ་དང་ནི་དོན་དམ་གཉིས། །ཞལ་ནི་གཉིས་སུ་རབ་ཏུ་བརྗོད། །བླ་མའི་མན་ངག་ལམ་གྱིས་ནི། །རིམ་པ་རྒྱས་པར་ཤེས་པར་བྱ། །དེ་ཡི་པདྨའི་ནང་གནས་པའི། །འཁོར་ལོ་དོན་ཀུན་གྲུབ་གསོལ་བ། །ཡོན་ཏན་གསུམ་བརྒྱན་མཚན་མ་ནི། །འོད་ཆེན་ཁ་དོག་ཤིན་ཏུ་འབར།
[191a.3]སྔགས་ཀྱི་ཡི་གེ་ལེགས་པར་གང་། །རྫ་མཁན་འཁོར་ལོ་བཞིན་དུ་འཁོར། །སྲིན་པོའི་ཞལ་ནི་ལེགས་བསྡམས་ནས། །མེ་ནི་ཀུན་ནས་སྦར་བར་བྱ། །གཡུང་དྲུང་འཁྱིལ་པ་འཁོར་བ་ཡི། །དཀྱིལ་འཁོར་ཕག་གདོང་ཉེ་བར་བལྟ། །ཕྱག་རྒྱ་གཉིས་ཀྱི་སྦྱོར་བ་ཡིས། །འཇིག་རྟེན་གསུམ་ཡང་
[191a.4]སྒྲུབ་པར་བྱེད། །སྐད་ཅིག་རྣམ་པའི་རྣལ་འབྱོར་དག །རྣལ་འབྱོར་འགྲུབ་འགྱུར་གཞན་དུ་མིན། །དེ་ནས་གཞན་ཡང་བཤད་བྱ་བ། །གསང་སྔགས་བཏུ་བའི་ཆོ་ག་མཆོག །དཀྱིལ་འཁོར་གྲུ་གསུམ་ཉམས་དགའ་བར། །རྡོ་རྗེ་ཨ་རལླི་ལས་བྱུང་། །ཆོས་ཀྱི་འབྱུང་གནས་ཞེས་
[191a.5]བཤད་ཅིང་། །བཙུན་མོའི་བྷ་ག་ཞེས་ཀྱང་ངོ་། །ཨཱ་ལི་ཀཱ་ལི་དབྱེ་བས་དེར། །སྡེ་ཚན་བརྒྱད་ནི་རིམ་པས་བྲི། །གཟུགས་མེ་མདའ་དང་ཐུབ་པ་དང་། །བུག་པ་དྲག་པོ་འདོད་པ་ཡི། །རིམ་པས་མན་ངག་ཇི་བཞིན་དུ། །རེ་མིག་རྣམས་སུ་དགོད་པར་བྱ། །དང་པོར་ཨ་ཡིག་ནས་བརྩམས་ཏེ། །ཡི་གེ་
[191a.6]ཧ་ཡི་མཐར་ཐུག་པར། །གཡས་སྐོར་གྱིས་ནི་སྦྱོར་བ་ཡིས། །སྡོམ་པ་རྒྱ་མཚོར་གསུངས་པ་བཞིན། །ཐ་སྟེང་སུམ་འགྱུར་བྱས་ནས་ནི། །སྒྲ་དང་ཐིག་ལེས་རྣམ་པར་བརྒྱན། །བྷ་མ་ཐུག་སྟེང་དང་ཚ་སྟེང་ཡིག །སྤྱི་བོར་ཏ་ལོག་སྟེང་མས་བརྒྱན། །ཙ་སའི་དབུས་ནས་བླངས་ནས་སུ། །དེ་བཞིན་ཌ་
[191a.7]ཡི་འོག་མས་བརྒྱན། །ཤ་ལོག་སྟེང་མ་ཤ་སྟེང་བསྐྱོན། །དེ་བཞིན་ཡང་དག་སྦྱར་བར་བྱ། །ལི་ཐུང་འོག་གི་ཡི་གེ་ལ། །ཉ་ཡི་འོག་མས་རྣམ་པར་བརྒྱན། །བ་སྟེང་ཏ་ལོག་འོག་མས་སྦྱར། །ཕ་སྟེང་ཐ་ལོག་གིས་ནི་དབྱེ། །ཧ་དང་ནི་ལོག་དབུས་ཡིག་ལ། །ན་ལོག་སྟེང་ན་གནས་པས་བརྒྱན། །
[191b]
[191b.1]ཤ་ཡི་འོག་ན་གནས་པས་གཟུང་། །བྷ་མཐུག་འོག་མན་ལོག་གི །འོག་མ་ཡིས་ནི་གདན་དུ་བྱ། །ཧ་སྟེང་གནས་པའི་ཡི་གེ་ཉིད། །ར་སྟེང་ར་ཡི་སྟེང་མས་སྦྱར། །ཏ་ལོག་སྟེང་ན་གནས་པ་ཡི། །སྤྱི་བོར་སྦྱར་བ་ཡོངས་སུ་གྲགས། །ཕ་སྟེང་ཐ་ལོག་འོག་མ་ཡིས། །རྣམ་པར་སྦྱར་བར་བརྗོད་
[191b.2]པར་བྱ། །ཉ་ཡི་སྟེང་དུ་ན་ལོག་སྟེ། །སྦྱར་བ་མན་ངག་གིས་ཤེས་བྱ། །ཙ་སའི་དབུས་ནས་བླངས་ནས་ནི། །བྷམ་ཐུག་འོག་མ་ན་ལོག་གི །འོག་མ་ཡིས་ནི་གདན་དུ་བྱ། །དེ་བཞིན་ཙ་ཡི་སྟེང་ནས་བླངས། །ཏ་ཡི་སྟེང་ན་གནས་པས་བརྒྱན། །ཐ་སྟེང་ན་ལོག་འོག་ལ་བརྒྱན། །དེ་བཞིན་
[191b.3]ཕ་ཡི་འོག་གནས་ཡིག །དྷ་བའི་དབུས་གནས་ཡི་གེ་ལ། །ཐ་ལོག་འོག་མས་རྣམ་པར་བརྒྱན། །ཉ་ལའི་དབུས་གནས་ཡི་གེ་ལ། །ན་ལོག་སྟེང་མས་རྣམ་པར་བརྒྱན། །ས་ཡའི་དབུས་གནས་ཡི་གེ་ལ། །རཱྀ་རིང་འོག་མས་དབྱེ་བར་བྱ། །ཐིག་ལེ་ནཱ་དར་ཡང་དག་ལྡན། །དེ་ཡང་སུམ་
[191b.4]འགྱུར་བྱ་བ་ཉིད། །ན་ཡི་འོག་ནས་ཏ་ལོག་དབྱེ། །དེར་ཡང་སུམ་འགྱུར་བྱ་བའོ། །ཤ་ལོག་འོག་གནས་ཤ་ལོག་ཞོན། །ཉ་འོག་གནས་ལས་དབྱེ་བར་བྱ། །མ་ཝའི་དབུས་གནས་ཡང་དག་ལྡན། །ཛྷ་མཐུག་རྒྱབ་ཀྱི་དབྱངས་ཀྱིས་བརྒྱན། །བླ་མའི་མན་ངག་ལམ་གྱིས་ནི། །གསང་སྔགས་བཏུ་
[191b.5]བ་ཤེས་པར་བྱ། །གླེགས་བམ་ལས་ནི་གཟུང་བའི་སྔགས། །ཡང་དག་བླང་བ་བྱས་པ་ཡིས། །བསྐལ་པ་བྱེ་བ་བརྒྱར་ཡང་ནི། །དངོས་གྲུབ་རྣམས་སུ་མི་འགྱུར་ཉིད། །དེ་ནས་ཡང་དག་བཤད་པར་བྱ། །མཆོད་པའི་རྡོ་རྗེ་ཀུན་འབྱུང་བ། །ཚེས་བཅུའི་དུས་སུ་བབ་པ་ན། །མཆོད་པ་ལྔ་དང་ཡང་
[191b.6]དག་ལྡན། །བཟའ་བཅའ་དེ་བཞིན་བཏུང་བ་དང་། །ཕྱི་དང་གསང་བར་ཡང་དག་ལྡན། །དྲི་མེད་སྣོད་ནི་ཡང་དག་པར། །གུར་གུམ་སོགས་ཀྱིས་བྱུགས་ནས་སུ། །བཟང་པོ་བཏུང་བ་ཡང་དག་ལྡན། །སིནྡྷུར་ཕྱེ་མ་བཙགས་པ་ལ། །གསེར་སྨྱུག་གི་ནི་སྦྱོར་བ་ཡིས། །མཁས་པས་ཨེ་ཝཾ་རྣམ་
[191b.7]པར་བྲི། །དབུས་སུ་གསང་སྔགས་རྒྱལ་པོ་འདི། །བསྟན་བཅོས་ཀྱིས་ནི་དབྱེ་བས་བྲི། །གཡུང་དྲུང་དགེ་བའི་ཕྱག་རྒྱ་ནི། །འཁོར་ལོ་ཡི་ནི་ལོགས་སུ་དགོད། །མེེ་ཏོག་རྣམ་པ་སྣ་ཚོགས་པ། །ཆུ་དང་དེ་བཞིན་ཐང་ལས་སྐྱེས། །སྒྲོན་མ་ཙཱ་རུ་དམ་ཚིག་ཅེས། །དེ་བཞིན་གཞོན་ནུ་མ་དག་མཆོད། །མཆོད་
[192a]
[192a.1]པའི་ལས་ནི་ཁྱད་པར་དུ། །གདོན་མི་ཟ་བར་བྱ་བ་སྟེ། །སྐྲ་གྲོལ་གཅེར་བུར་བྱས་པ་ཡིས། །སྔར་བཤད་ཕྱོགས་སུ་ཁ་བལྟས་ནས། །མཉམ་པར་གཞག་པས་མཆོད་པ་ཡིས། །དུས་སུ་ཤིན་ཏུ་གསང་སྟེ་བྱ། །མ་གསང་བགེགས་ནི་འབྱུང་བར་འགྱུར། །དེ་བཞིན་དུ་ཡང་དངོས་
[192a.2]གྲུབ་ཉམས། །ནད་ཀྱི་རྣམ་པ་སྣ་ཚོགས་པ། །དམ་ཚིག་ཉམས་ལས་བྱུང་བར་འགྱུར། །སྲོག་ནི་ཡོངས་སུ་གཏོང་བའམ། །འཆི་བ་དང་ནི་ཕྲད་ཀྱང་སླ། །གལ་ཏེ་དངོས་གྲུབ་མཆོད་འདོད་ན། །དམ་ཚིག་རྟག་ཏུ་བསྲུང་བར་བྱ། །འགྲོ་ཀུན་གཡོན་ལས་འབྱུང་བ་སྟེ། །འཇིག་རྟེན་གསུམ་པོ་
[192a.3]བརྟན་དང་གཡོ། །རྟག་ཏུ་རྣལ་འབྱོར་གཡོན་པས་སྤྱད། །རྐང་པ་གཡོན་པ་སྔོན་དུ་དོར། །མཆོད་པ་ལག་པ་གཡོན་གྱིས་བྱ། །གཡོན་གྱིས་བསྟབས་ཤིང་བཟའ་བར་བྱ། །རིགས་ལྔ་ཀུན་དུ་སྤྱོད་པས་ན། །རིགས་གཅིག་ཏུ་ནི་བརྟག་པར་བྱ། །བཟའ་དང་བཟའ་མིན་དེ་བཞིན་བཏུང་། །གཙང་སྨེ་
[192a.4]ངོ་ཚ་སྤང་བར་བྱ། །ཀུན་རྟོག་ཀུན་ལས་ངེས་གྲོལ་བས། །གཉིས་པ་ཐམས་ཅད་རྣམ་པར་སྤངས། །རྣལ་འབྱོར་དྲ་བའི་སྡོམ་པ་ཡིས། །རྣལ་འབྱོར་སེང་གེ་བཞིན་དུ་སྤྱོད། །གསང་སྔགས་རྣལ་འབྱོར་མ་ཡི་དངོས། །རྣལ་འབྱོར་མ་ཡང་གསང་སྔགས་དངོས། །གལ་ཏེ་གོ་འཕང་མཆོག་འདོད་
[192a.5]ན། །དེ་དག་ཐ་དད་མི་བྱ་སྟེ། །བསམ་པ་གང་དང་གང་གིས་ནི། །མི་རྣམས་ཡིད་ནི་ཡང་དག་སྦྱོར། །དེ་དང་དེ་ཡི་ངོ་བོར་འགྱུར། །སྣ་ཚོགས་ནོར་བུ་ཇི་བཞིན་ནོ། །སེམས་ནི་རྗེས་མཐུན་རྣལ་འབྱོར་གྱིས། །གང་ཞིག་གོམས་པར་བྱེད་པ་ནི། །བསོད་ནམས་ཆུང་བའི་མི་ཡིས་ཀྱང་། །འགྲུབ་
[192a.6]འགྱུར་འདི་ལ་ཐེ་ཚོམ་མེད། །བླ་མ་སངས་རྒྱས་བླ་མ་ཆོས། །བླ་མ་དེ་བཞིན་དགེ་འདུན་ཏེ། །བླ་མ་དཔལ་ལྡན་རྡོ་རྗེ་ཅན། །འདིར་ནི་བླ་ཡི་རྒྱུ་ཡིན་ནོ། །སངས་རྒྱས་གོ་འཕང་འདོད་པ་ཡིས། །དེ་ཕྱིར་བླ་མ་མཉེས་པར་བྱ། །དགོས་པ་བླ་ན་མེད་པ་ཉིད། །དཔལ་ལྡན་ཨུ་རྒྱན་གནས་ཀྱིའོ། །
[192a.7]དཔལ་ལྡན་རྡོ་རྗེ་རྣལ་འབྱོར་མའི་གསང་བ་སྙན་ནས་སྙན་ཞལ་ནས་ཞལ་དུ་བརྒྱུད་པའི་རྗེས་སུ་གནང་བའི་གཞུང་ལུགས། །སློབ་དཔོན་ཆེན་པོ་དཔལ་ཨུ་རྒྱན་གྱི་མི་དབང་ཨིནྡྲ་བྷཱུ་ཏིས་མཛད་པ་རྫོགས་སོ།། །།རྒྱ་གར་གྱི་མཁན་པོ་དཔལ་ན་ལེནྡྲ་པ་དང་། །ལོ་ཙཱ་བ་དགེ་སློང་པྲཛྙ་ཀཱི་རྟིས་
[192b]
[192b.1]བསྒྱུར་བའོ། །{T1546}༄༅༅། །རྒྱ་གར་སྐད་དུ། ཤྲཱི་བཛྲ་ཡོ་གི་ནཱི་མནྟྲ་ཏཏྟ། ཨརྠ་ནིར་དེ་ཤ་སླ་ཨ་དྷི་ཥཋཱ་ན་ནཱ་མ། བོད་སྐད་དུ། དཔལ་རྡོ་རྗེ་རྣལ་འབྱོར་མའི་སྔགས་ཀྱི་དེ་ཁོ་ན་ཉིད་ཀྱིས་བྱིན་གྱིས་བརླབས་པའི་རིམ་པ་ཞེས་བྱ་བ། །དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །སྔགས་
[192b.2]གཟུགས་རྒྱལ་བའི་དབང་ཕྱུག་མ། །ཤིན་ཏུ་འཇིགས་ཤིང་མཆོག་སྟེར་བྱེད། །ཐིག་ལེ་ཕྲ་མོར་ཉེར་གནས་པ། །ཕྱག་འཚལ་རྡོ་རྗེ་ཕག་མོ་དཔལ། །ཡི་གེ་རེའི་དེ་ཁོ་ན་ཉིད། །འཕྲལ་དུ་ཡང་དག་ཡིད་ཆེས་བྱེད། །བགེགས་རྣམས་ཐམས་ཅད་རླག་པར་བྱེད། །གསང་སྔགས་དོན་ནི་བཤད་
[192b.3]པར་བྱ། །བུ་ཡི་ཡི་གེའི་མདུན་དུ་བལྟ། །ཕྱག་འཚལ་ཡི་གེ་རབ་གསལ་བ། །ཆོས་ཀྱིས་ལམ་དེ་བཤད་པར་བྱ། །རྦ་རླབས་མེད་ཅིང་དྲི་མ་མེད། །ཉི་མ་ལྟ་བུའི་རྣམ་པ་ཅན། །ཆོས་ཀུན་རབ་ཏུ་མི་གནས་པ། །དངོས་དང་དངོས་མེད་རྣམ་པར་སྤངས། །བློ་དང་ལྡན་པས་རྟག་ཏུ་བསྒོམ། །ཆོས་ཀྱི་
[192b.4]སྐུ་ནི་ཐོབ་འགྱུར་བ། །བློ་ལྡན་སྐྱེ་བ་འདི་ཡིས་ནི། །དེ་ལ་གོམས་པ་ཙམ་གྱིས་ནི། །འཕྲལ་དུ་ཡང་དག་ཡིད་ཆེས་འགྱུར། །རིག་བྱེད་དང་པོ་གཡོན་དུ་བསམ། །ལོངས་སྐུ་སྤྱོད་ལམ་ལེགས་པ་ཡིན། །རྟེན་ཅིང་འབྲེལ་འབྱུང་ཡེ་ཤེས་ཏེ། །ཤིན་ཏུ་ལེགས་པའི་འོད་གསལ་བ། །འདི་ནི་ཟུང་འཇུག་
[192b.5]ཤེས་བྱ་སྟེ། །ཇི་ལྟར་བྲག་ཅ་འདྲ་བ་ཡིས། །ལོངས་སྤྱོད་རྫོགས་པའི་སྐུ་ཐོབ་འགྱུར། །རང་རིག་བདེ་བའི་མཆོག་གྱུར་བ། །གཡས་པ་ཡེ་ཤེས་རྒྱ་མཚོ་སྟེ། །སྤྲུལ་པའི་ལམ་ནི་དྲི་མ་མེད། །སྒྱུ་མ་ལྟ་བུའི་ཏིང་འཛིན་གྱིས། །ཆུ་ཟླ་འདྲ་བར་བསམ་པར་བྱ། །སྤྲུལ་པའི་སྐུ་ནི་ཡང་དག་ཐོབ། །མེ་
[192b.6]ལོང་གཟུགས་བརྙན་འདྲ་བ་བཞིན། །ལྷན་ཅིག་སྐྱེས་རྣམས་རྒྱུ་མཐུན་པས། །བླ་ན་མེད་པའི་གོ་འཕང་ཐོབ། །ཨོཾ་ཡིག་གསུམ་དང་ཡང་དག་སྤྱོར། །ཐིག་ལེ་ཡང་དག་བསྡུས་པ་གཅིག། །དེ་ཤེས་རབ་ཏུ་མི་གནས་པ། །ཆོས་དབྱིངས་བདག་ཉིད་ངེས་པ་ཡིན། །ཡིད་ནི་དེར་སོང་སྔགས་པ་ནི། །སྣང་བ་མེད་
[192b.7]པའི་གོ་འཕང་འགྲོ། །བླ་ན་མེད་པའི་ལམ་སྤྱད་དེ། །ཡང་དག་རྫོགས་སངས་རྒྱས་ཀྱིས་གསུངས། །ས་ཡིག་རི་བོང་ཅན་གཟུགས་གནས། །ཐིག་ལེ་ལྷན་སྐྱེས་མི་འཇིགས་པ། །དེ་ནི་སྲོག་གིས་རྣམ་པར་ཤེས། །བླ་མ་དམ་པའི་མན་ངག་གིས། །མཛོད་སྤུ་ཆེན་པོའི་སྒོ་རུ་ནི། །སྣ་ཚོགས་ཐིག་ལེ་
[193a]
[193a.1]རྣམ་པར་སྒོམ། །དངོས་གྲུབ་མ་ལུས་ཐོབ་དོན་དུ། །ཡང་དག་རྫོགས་པའི་བྱང་ཆུབ་འགྲོ། །བ་ཡིག་ར་དང་ཡང་དག་ལྡན། །ཚངས་པའི་བུ་གའི་རྣལ་འབྱོར་བྱེད། །ལེགས་པའི་འོད་ཟེར་རྣམ་པ་ལྔ། །སྣ་ཚོགས་རྡོ་རྗེ་རྣམ་དག་འགྲོ། །ཛ་ཡིག་ནང་དུ་ཡང་དག་བསམ། །ཇི་ལྟར་
[193a.2]མེ་ཤེལ་ཇི་བཞིན་ནི། །གཞན་གྱིས་གྲོང་དུ་འཇུག་པར་ནུས། །རྫུ་འཕྲུལ་སྣ་ཚོགས་ནུས་པར་འགྱུར། །བུ་ཡིག་ཆུ་བུར་རྣམ་པ་འདྲ། །དག་པའི་ཤེལ་དང་མཚུངས་པ་ནི། །འགྲོ་དྲུག་རྒྱུ་ནི་བསྲེག་བྱས་ནས། །མངོན་ཤེས་དྲུག་གི་གོ་འཕང་ཐོབ། །སངས་རྒྱས་བྱང་ཆུབ་སེམས་དཔའ་ཉིད། །ཡུན་མི་
[193a.3]རིང་བར་ངེས་པར་ཐོབ། །ཨོཾ་ཡིག་ལ་གནས་རྣམ་པར་ལྟ། །བླ་མེད་གོ་འཕང་ཡང་དག་འཐོབ། །དྷ་ཡིག་གཉིས་མེད་ངོ་བོ་སྟེ། །སྟོང་ཉིད་སྙིང་རྗེའི་བདག་ཉིད་ཅན། །གློག་དང་བྱི་རུ་ཡང་དག་འདྲ། །ཨ་ཡིག་ནང་དུ་སང་གནས་པས། །ཉིན་མཚན་དག་པར་བསྒོམ་པ་ལས། །འཕྲལ་དུ་ཡིད་ཆེས་བྱེད་
[193a.4]པ་སྟེ། །མཁས་པས་བསྒོམས་པའི་སྟོབས་ཀྱིས་ནི། །ཅི་ཕྱིར་ངོ་མཚར་གསལ་མི་འགྱུར། །ཌཱ་ཡིག་མཁའ་འགྲོ་མ་ཡིས་འདྲ། །བདེ་བའི་གཞི་ནི་ཟླ་འོད་ཅན། །གོ་ཡིག་ནང་དུ་རྣམ་བསྒོམས་པས། །མཁའ་ལ་སྤྱོད་པ་ནུས་པར་འགྱུར། །གི་ཡིག་རྒྱ་སྐྱེགས་མེ་ཏོག་མཚུངས། །འོད་ཟེར་འབར་
[193a.5]བ་གསལ་གྱུར་པ། །ར་ཡིག་ནང་དུ་ཡང་དག་གནས། །འོད་ཀྱི་ཕུང་པོར་རྣམ་པར་བསྒོམས། །བསྒོམས་པས་བདེ་བ་ཡང་དག་སྐྱེ། །ནད་མེད་གོ་འཕང་ཐོབ་པར་འགྱུར། །ཕྱི་ནས་ཐུབ་དབང་གོ་འཕང་ནི། །བྱང་ཆུབ་མཆོག་ནི་ཐོབ་པར་འགྱུར། །ནི་ཡི་ཡི་གེ་ནད་སེལ་བ། །ཨིནྡྲ་ནཱི་ལ་ལྟར་ནུས་པ། །
[193a.6]དེ་ཡིག་སྙིང་པོར་ཡང་དག་འབྱུང་། །སྟོན་ཀའི་ཟླ་བ་ལྟ་བུར་བསྒོམ། །ཡང་དག་བླ་མའི་མན་ངག་སྟེ། །ལྷ་ཡི་མིག་གིས་བལྟ་བར་བྱ། །སྤྱན་ལྔ་པོ་ནི་ཐོབ་འགྱུར་ཏེ། །དེ་ཚེ་སངས་རྒྱས་ཉིད་དུ་འགྱུར། །ཡི་ཡིག་མཁའ་འདྲའི་ཡེ་ཤེས་ནི། །འོད་ཟེར་ཕྲེང་བ་འཁྲུགས་པས་འཁྲུགས། །རྣལ་འབྱོར་
[193a.7]ཆེན་པོས་ལྟ་བར་བྱེད། །མ་ཡིག་ནང་དུ་ཡང་དག་གནས། །མཉམ་པ་ཉིད་ཀྱི་ཡིད་ཀྱིས་ནི། །ཐེ་ཚོམ་མེད་པར་བསམ་པར་བྱ། །རྒས་དང་འཆི་བ་རྣམ་པར་སྤངས། །བླ་ན་མེད་པ་རབ་ཏུ་འཐོབ། །བ་ཡིག་ཐིག་ལེ་ཟླུམ་པོ་ནི། །མཛེས་པའི་སྐར་མ་སྐར་ཆེན་འདྲ། །ཀ་ཡིག་བཞི་ལ་ཡང་དག་
[193b]
[193b.1]གནས། །བསྒོམ་བྱ་རང་བཞིན་གཡོ་མེད་པ། །འདོད་དོན་འབྲས་བུ་ཐོབ་འགྱུར་ཏེ། །ཡང་དག་རྫོགས་པའི་བྱང་ཆུབ་བྱེད། །དངོས་དང་དངོས་མེད་རྣམ་པར་གྲོལ། །ལུས་ཅན་གྱིས་ནི་མངོན་སུམ་བྱེད། །མེ་ཡི་ས་བོན་གཟི་བརྗིད་ལྡན། །འབར་བ་གསེར་འགྱུར་ལྟ་བུའི་མེ། །ཨོ་ཡིག་དབུས་སུ་གཞག་
[193b.2]པར་བྱ། །ལེགས་པའི་བློ་ཡིས་རྟག་ཏུ་བསམས། །ནམ་མཁའ་བསྲེགས་པ་ཙམ་གྱིས་ནི། །དངོས་གྲུབ་རི་ཡི་བདུད་རྩི་འཛག། །དེ་ཡིས་ཡང་དག་བྱུགས་ཙམ་གྱིས། །བྱང་ཆུབ་གསེར་ནི་ཐོབ་པར་འགྱུར། །ཝ་ཡིག་ཁ་དོག་སྣ་ཚོགས་པ། །གཞན་ཡང་ཡིད་བཞིན་ནོར་བུ་ལྟར། །ཏྲི་ཡིག་དབུས་སུ་
[193b.3]ཡང་དག་གནས། །མར་ཁུའི་མེ་བཞིན་འབར་བ་ཡིས། །ཉོན་མོངས་མ་ལུས་བསྲེག་བྱས་ནས། །ཁམས་དང་དབང་པོ་ལ་སོགས་ཀྱང་། །ལེགས་ཞུ་ཧེ་རུ་ཀ་ཡི་མཆོག །བླ་ན་མེད་པ་མྱུར་དུ་ཐོབ། །ཎྞ་ཡིག་ར་དང་ཡང་དག་ལྡན། །ཡི་གེ་གསུམ་ནི་ཆེ་བར་འབར། །ཀོ་ཡི་ཡི་གེའི་ཕུག་ཏུ་གཞག།
[193b.4]བློ་དང་ལྡན་པས་རང་སེམས་བསྒོམ། །འབྱུང་བ་མཆོག་ཏུ་དགའ་བ་སྟེ། །སྲིད་དང་མྱ་ངན་འདས་ངོ་ནི། །རབ་འཇུག་བྲལ་བས་དགའ་བ་སྟེ། །མྱ་ངན་འདས་པའི་ཆོས་ནི་བསམ། །ལྷན་ཅིག་སྐྱེས་དགའ་མི་གཡོ་བ། །ལྷན་ཅིག་སྦྱོར་བས་ནང་དུ་གནས། །བསྒོམ་པ་བརྟན་པར་འགྱུར་པ་ཡིན། །བླ་
[193b.5]ན་མེད་པའི་གོ་འཕང་ཐོབ། །ཨུཏྤལ་སྔོན་པོ་ལྟ་བུ་ཡི། །ནི་ཡིག་སྔོན་པོའི་ཐིག་ལེ་ནི། །ཀ་ཡིག་སྒོ་ཡི་དབུས་གནས་པར། །མེ་ཤེལ་ལྟ་བུར་བསྒོམ་པར་བྱ། །དེ་ཡི་དབུས་སུ་སོང་བའི་སེམས། །བདེ་བ་ཆེན་པོས་ཡོངས་སུ་གང་། །སྒྱུ་མ་ལྟ་བུའི་ཏིང་འཛིན་གནས། །བླ་མེད་གོ་འཕང་ཐོབ་པར་
[193b.6]འགྱུར། །ཡི་གེ་ཉི་མའི་གཟུགས་དང་འདྲ། །དེ་ཡི་དབུས་སུ་བདེ་མཛད་མ། །ལ་ཡིག་ཕུག་ཏུ་ཡང་དག་གནས། །དྲི་མ་བྲལ་བ་རྟག་ཏུ་བསྒོམ། །སེམས་ནི་དེ་རུ་སོང་བ་ལ། །རང་རིག་པ་ནི་ཐོབ་པར་འགྱུར། །རང་རིག་རྣལ་འབྱོར་པ་དེ་ཡིས། །བླ་མེད་གོ་འཕང་ཐོབ་པར་འགྱུར། །བ་ཡིག་
[193b.7]གློག་འགྱུའི་རྣམ་པ་ནི། །སྣང་བ་སྒྲ་ཡི་རྗེས་ཆགས་སྐྱེས། །ཀ་ཡིག་དབུས་སུ་ཡང་དག་བལྟ། །དུས་མཚན་ཉིད་ནི་ལོག་པར་བྱེད། །རྡོ་རྗེ་ལྟ་བུའི་ཏིང་འཛིན་གནས། །ནཱ་དའི་མཐའ་ནི་ཡེ་ཤེས་ལྟར། །དེར་གནས་སེམས་ནི་ཡང་དག་འགྱུར། །ཕྱག་རྒྱ་ཆེན་པོ་མངོན་པར་ཐོབ། །མེ་ཡི་ས་བོན་ཤིང་
[194a]
[194a.1]རྟ་ཞོན། །ཛྲ་ཡིག་ཇི་ལྟར་འབར་བ་ནི། །ཧི་ཡིག་ལ་གནས་གཟི་བརྗིད་ཆེ། །ཡེ་ཤེས་ལྔ་ཡི་རང་བཞིན་ཅན། །རྟོག་པ་མེད་པའི་སྦྱིན་སྲེག་གིས། །ཡུལ་དང་དབང་པོའི་ཚོགས་པ་རྣམས། །དེ་ཡིས་མེ་ལྷ་མཉེས་གྱུར་ནས། །དགྱེས་པས་དངོས་གྲུབ་སྟེར་བར་བྱེད། །བཻ་ཡིག་
[194a.2]ཐིག་ལེའི་རང་བཞིན་ནི། །རྫ་མཁན་འཁོར་ལོ་ལྟ་བུར་འཁོར། །སྲེ་ཡིག་རྩེ་མོར་བལྟ་བར་བྱ། །ལྷན་ཅིག་སྐྱེས་དགའ་མི་གཡོ་བར། །སྲིད་དང་མྱ་ངན་བྲལ་བས་ནི། །དྲི་མ་མེད་པའི་འབྲས་བུ་ཐོབ། །རྟག་ཏུ་གོམས་པའི་རྣལ་འབྱོར་གྱིས། །སྐྱེ་བ་འདི་ལ་དངོས་གྲུབ་ཐོབ། །རོ་ཡིག་འབར་དམར་
[194a.3]འཇིགས་པ་ཡི། །ངུ་འབོད་ལ་སོགས་འཇིགས་པར་བྱེད། །གྲི་ཡིག་བཤད་པའི་ལམ་ལ་གནས། །འོད་ལྡན་ཐིག་ལེ་བསྒོམ་པར་བྱ། །རྣམ་པར་སྣང་མཛད་གཟི་བརྗིད་ཆེ། །བསྒྲུབ་བྱ་ཐམས་ཅད་བསམ་པར་བྱ། །ཡུན་མི་རིང་བའི་དུས་ཀྱིས་ནི། །སངས་རྒྱས་ཆེན་པོ་ཐོབ་པར་འགྱུར། །ཟླ་
[194a.4]བ་ཆུ་ཤེལ་ལྟ་བུའི་འདྲ། །རྩ་ཡིག་མཛེས་པར་བསམ་པར་བྱ། །སོ་ཡིག་ནང་དུ་ཡང་དག་གནས། །རྣལ་འབྱོར་པ་ཡིས་རྟག་ཏུ་བསྒོམ། །བདེ་གཤེགས་གོ་འཕང་ཐོབ་པར་འགྱུར། །བཞི་བའི་སྐུ་ཡི་མཆོག་གི་མཆོག །རྟག་ཏུ་གོམས་པའི་རྣལ་འབྱོར་གྱི། །རྣལ་འབྱོར་གྱིས་ནི་དངོས་གྲུབ་
[194a.5]འགྲུབ། །ནི་ཡིག་དྲི་མ་མེད་པ་ཉིད། །སྤྲིན་བྲལ་ནམ་མཁའ་ལྟ་བུ་ཡི། །སུ་ཡིག་ཡི་གེའི་ནང་གནས་པ། །ཉིན་དང་མཚན་དུ་བསྒོམ་པར་བྱ། །དངོས་དང་དངོས་མེད་རྣམ་གྲོལ་བ། །མཆོག་ཏུ་ཞི་བའི་ཆ་དང་བྲལ། །བསམ་གཏན་ཙམ་གྱིས་ཡང་དག་ཐོབ། །མཁའ་སྤྱོད་གནས་སུ་ཁྲིད་པར་
[194a.6]བྱེད། །ཡི་ཡིག་རང་བཞིན་མེད་པ་ཡི། །སྟོང་ཉིད་ཕྲ་ལ་རྡུལ་མེད་པ། །ན་ཡིག་གནས་པའི་ཡང་དག་ལྷ། །འོད་ལྡན་རང་བཞིན་དྲི་མ་མེད། །དེ་ཡི་དབུས་སུ་སེམས་གཞག་པ། །དངོས་དང་དངོས་མེད་རྣམ་པར་སྤངས། །སྲིད་ལས་གྲོལ་བ་བལྟ་བར་བྱ། །སངས་རྒྱས་ཉིད་ནི་གྲགས་པ་བསྟན། །
[194a.7]ཕཊ་ཡིག་སེར་པོ་ཐིག་ལེ་ནི། །རྩེ་མོ་རྣམས་ལ་མར་ལྟ་བུ། །ས་ཡིག་ནང་དུ་གཞག་པར་བྱ། །འདོད་ལྡན་དྲང་ཞིང་བསམ་པར་བྱ། །ཉོན་མོངས་ཁམས་ནི་ཡང་དག་བསྲེགས། །ཕུང་པོ་ཁམས་ནི་ཟད་པར་འགྲོ། །ཚེ་འདི་ཉིད་ལ་ཐོབ་པར་འགྱུར། །སྐྱེ་བ་དང་ནི་འཆི་བ་སྤངས། །ས་འདོད་རང་འདོད་
[194b]
[194b.1]རིག་མར་གྲགས། །ཡིད་ཀྱི་སྤྲུལ་པས་མཛེས་པའོ། །མ་ཡིག་གཞོན་པ་རྣམ་པར་བལྟ། །ཡིད་ལ་སིང་བ་ཡོད་སྙམ་བྱེད། །སྒྱུ་མ་ལྟ་བུར་ཡང་དག་གནས། །དྲི་ཟ་ཡི་ནི་གྲོང་ཁྱེར་ལྟར། །སེམས་ཀྱི་འཇུག་པ་ཙམ་གྱིས་ནི། །དེ་ལ་གོ་འཕང་བླ་ན་མེད། །ཧ་ཡིག་ཕལ་མ་ཡང་དག་གནས། །འོད་ཟེར་
[194b.2]འཁོར་ལོ་གཡོ་ཞིང་འབྱུང་། །ཀུ་ཡི་དབུས་སུ་ཡང་དག་བལྟ། །ཐིག་ལེ་རང་བཞིན་དྲི་མ་མེད། །བསྒོམ་པ་བསྟན་པར་འགྱུར་པ་ཡིས། །འཆི་མེད་ཉིད་དུ་སྐྱེ་བར་འགྱུར། །ཡུན་མི་རིང་བའི་དུས་ཀྱིས་ནི། །གོ་འཕང་བླ་ན་མེད་པ་ཐོབ། །ཧྲི་བྲིའི་ཡི་གེའི་དབུས་སུ་ནི། །ཡིད་དུ་འོང་བའི་སངས་རྒྱས་
[194b.3]གནས། །དྲག་པོ་གསུམ་དང་ལྡན་པ་ལ། །དེའི་དབུས་གསལ་བར་བསྒོམ་པའོ། །གཡས་ན་མར་མེ་ཉི་མའི་ཆ། །སྲིད་དང་སྙིང་རྗེ་སྤྲུལ་པའོ། །ཉིན་མོ་རབ་གནས་ཡེ་ཤེས་གྲགས། །དུས་དང་ཐབས་ཀྱིས་ཀུན་རྫོབ་པོ། །ལྷོ་རུ་རྒྱུ་བབ་འདུ་བ་སྟེ། །རྩ་ནས་ཁྲག་ནི་འབར་བར་བྱེད། །འབྱིན་
[194b.4]པས་ཉོན་མོངས་ངེས་པར་འཇོམས། །ལུས་ནི་མྱ་ངན་འདས་བསྒོམ་བྱ། །གཡོན་གྱི་ཧཱུཾ་གི་ཡི་གེ་དཀར། །རྣམ་ཤེས་རྨི་ལམ་ཟླ་བ་ཉིད། །བྱང་དུ་འགྲོ་བ་ཤེས་རབ་བརྗོད། །སྟོང་ཉིད་མཚན་མོ་དེ་བཞིན་དུ། །འཇུག་པའི་ལམ་ནི་ལོངས་སྤྱོད་རྫོགས། །ཆུ་ནི་འབབ་པར་བྱེད་པའི་རྩ། །ཚངས་པ་
[194b.5]མྱ་ངན་འདས་པར་གྲགས། །ཉེ་བའི་ཉོན་མོངས་ཟད་བྱེད་པ། །མདུན་དུ་སྔོན་པོ་དྲག་པོ་སྟེ། །སྙིང་ལ་ཨཱ་ཡིག་མི་གཡོ་བ། །གཉིས་མེད་ཡེ་ཤེས་ཞེས་བརྗོད་པ། །དམིགས་མེད་དྲི་མ་མེད་པའོ། །ཆུ་ཤིང་མེ་ཏོག་ཡང་དག་འདྲ། །ཏིལ་གྱི་མེ་མར་བཞིན་དུ་འབར། །ཉོན་མོངས་ཀུན་ནི་ཟད་པར་བྱེད། །
[194b.6]དེར་སོང་སེམས་ནི་མྱ་ངན་འདས། །ཆོས་ཀྱི་ལམ་ཞེས་ཡེ་ཤེས་ནི། །ཡང་དག་ཡེ་ཤེས་མཆོག་གི་མཆོག །ཡུན་མི་རིང་བར་ཐོབ་འགྱུར་ཏེ། །རྡོ་རྗེ་སེམས་དང་མཉམ་པར་འགྱུར། །སྐུ་གསུང་རང་བཞིན་ཞེས་བརྗོད་པ། །དབུས་སུ་ཐིག་ལེ་གཞི་མེད་པ། །ལྷན་ཅིག་སྐྱེས་པའི་རང་བཞིན་ཉིད། །
[194b.7]སེམས་ཅན་ཀུན་ལ་རྣམ་པར་གནས། །དེ་ལྟར་བསྒོམས་པའི་རྣལ་འབྱོར་པས། །དངོས་གྲུབ་མྱུར་དུ་ཐོབ་པར་འགྱུར། །རབ་ཏུ་མི་གནས་འབྲས་ཐོབ་པས། །བླ་ན་མེད་པ་བཞི་རུ་འགྲོ། །ཨཱ་ལི་ཀཱ་ལི་འགོག་པ་ལས། །རི་མོ་དེ་ནི་ངེས་པར་སྦྱར། །རང་བཞིན་འོད་གསལ་མཆོག་གི་མཆོག། །ནཱ་དའི་
[195a]
[195a.1]མཐར་ནི་འབར་བ་ཆེ། །ཕྲ་མོར་བྱས་པའི་སེམས་ཉིད་ནི། །མི་གཡོ་ཉིད་དུ་འགྲོ་བ་ཡི། །དེ་ཡི་ལོངས་སྤྱོད་བསམས་པ་ཡི། །ལྷུན་གྱིས་གྲུབ་པ་རྟག་པ་ཉིད། །དེ་ལྟར་གུས་པས་རྒྱུན་མི་འཆད། །བསྒོམ་པ་ཡུན་རིང་རྣམ་པར་བསམ། །ཡུན་རིང་བསྒོམས་པའི་ཡིད་ཀྱིས་
[195a.2]ནི། །བདེ་བ་ཆེན་པོ་ཐོབ་པར་འགྱུར། །དེ་ནི་དོ་ཧ་ཀོ་ཥར་གསུངས། །ས་བོན་གཅིག་ལ་སྡོང་པོ་གཉིས། །རྒྱུ་མཚན་དེས་ན་འབྲས་བུ་གཅིག། །དབྱེར་མེད་དེ་ནི་མངོན་བྱས་པ། །དེ་ནི་སྲིད་འདས་རྣམ་པར་གྲོལ། །སྒྱུ་འཕྲུལ་དྲ་བའི་རྒྱུད་ལས་གསུངས། །ཐིག་པ་སྣ་ཚོགས་ཐབས་ཚུལ་གྱིས། །
[195a.3]འགྲོ་བའི་དོན་ལ་རྟོག་པ་པོ། །ཐེག་པ་གསུམ་གྱིས་ངེས་འབྱུང་བ། །ཐེག་པ་གཅིག་གི་འབྲས་བུར་གནས། །ཉོན་མོངས་ཁམས་རྣམས་དག་པའི་བདག། །ལས་ཀྱི་ཁམས་རྣམས་ཟད་བྱེད་པ། །ཆུ་བོའི་རྒྱ་མཚོ་ཀུན་ལས་རྒལ། །སྦྱོར་བའི་དགོད་པ་ལས་བྱུང་བ། །ཉོན་མོངས་ཉེ་བ་ཀུན་ཉོན་
[195a.4]མོངས། །བག་ཆགས་བཅས་པས་གཏན་སྤངས་པ། །སྙིང་རྗེ་ཆེན་པོ་ཤེས་རབ་ཐབས། །དོན་ཡོད་འགྲོ་བའི་དོན་བྱེད་པ། །འདུ་ཤེས་གསུམ་གྱིས་དོན་སྤངས་པ། །རྣམ་ཤེས་དོན་ནི་འགག་པར་བྱེད། །སེམས་ཅན་ཀུན་ཡིད་ཡུལ་དང་ལྡན། །སངས་རྒྱས་ཀུན་གྱི་ཐུགས་རིག་པ། །སེམས་ཅན་ཀུན་
[195a.5]གྱི་ཡིད་ལ་གནས། །དེ་ལྟར་དེ་ཤེས་རྣལ་འབྱོར་པས། །གང་ཞིག་བློ་ལྡན་རྟག་ཏུ་སློབ། །འགྲུབ་པར་འགྱུར་བ་ཐེ་ཚོམ་མེད། །བསོད་ནམས་དམན་པའི་མི་ཡིས་ཀྱང་། །ཐེ་ཚོམ་མེད་པར་དེ་ཡིས་འགྲུབ། །གུས་པས་སྒྲུབ་པ་པོ་ཡིས་ནི། །གུས་བཅས་སྟོན་པ་མཆོད་བྱ་ཞིང་། །ལས་རྣམས་
[195a.6]ཀུན་ལ་གུས་པར་བྱ། །རོ་གཅིག་གིས་བརྗོད་རྣམ་པར་རྨོངས་པའི་སེམས་ཀྱིས་བསྒོམ་པ་ཡང་དག་གསལ་དོན་དུ། །རྩ་དང་ཁམས་ནི་མཉམ་ཉིད་མཁའ་འགྲོ་མར་ལྡན་གནས་ལ་སོགས་པའི་ས་རྣམས་དང་། །དེ་ཉིད་རེ་རེའི་དབྱེ་བ་བྱས་ལས་དཔལ་ལྡན་རྡོ་རྗེ་ལྷ་མོའི་ཐུགས། །བདེ་བ་རོ་གཅིག་གང་ལ་
[195a.7]གསང་བ་སུམ་ཅུ་རྩ་གཉིས་དེ་ཉིད་དྲི་མ་མེད་པ་ནི། །སྔགས་དོན་ངེས་བསྟན་བྱས་པ་ལ། །བདག་གི་དགེ་བ་གང་བསྒྲུབས་པ། །དཔལ་ལྡན་ཕྱག་རྒྱ་ཆེན་པོའི་གོ་འཕང་ནི། །དེས་ནི་འགྲོ་རྣམས་མྱུར་དུ་འགྲུབ་གྱུར་ཅིག །མཆོག་ཏུ་ཟབ་པ་དཔལ་ལྡན་རྡོ་རྗེ་རྣལ་འབྱོར་མའི་སྔགས་ཀྱི་དེ་ཁོ་ན་ཉིད་ངེས་
[195b]
[195b.1]པར་བསྟན་པ། །སློབ་དཔོན་ཨིནྡྲ་བྷཱ་ཏིས་མཛད་པ་རྫོགས་སོ།། །།ལོ་ཙཱ་ཡེ་ཤེས་རྡོ་རྗེས་བསྒྱུར་ཅིང་ཞུས་ཏེ་གཏན་ལ་ཕབ་པའོ།།{T1547}༄༅༅། །རྒྱ་གར་སྐད་དུ། བཛྲ་ཡོ་གི་ནཱི་སཱ་དྷ་ནཾ། བོད་སྐད་དུ། རྣལ་འབྱོར་མའི་སྒྲུབ་པའི་ཐབས། །རྣལ་འབྱོར་དཀྱིལ་
[195b.2]འཁོར་ནང་ནམ་ཉིད་གཙོ། །ཁྱོད་ནི་འཇིག་རྟེན་གསུམ་གྱི་ཐིག་ལེ་སྟེ། །ཁྱོད་ནི་སེམས་ཅན་ཀུན་ལ་ཕན་པར་བྱེད། །རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །ཨོཾ་ཨཱཿཧཱུཾ། དང་པོར་རེ་ཞིག་སྔགས་པས་ས་ཕྱོགས་གང་ཡང་རུང་བར་བསྟན་ནས་གང་ཡང་རུང་བར་འདུག་ནས་རྡོ་རྗེ་རྣལ་འབྱོར་མ་བསྒོམ་པ་
[195b.3]ལ་བརྩོན་པར་བྱ་སྟེ། །དེ་ཡང་རང་གི་ལྟ་བར་པདྨ་དམར་པོ་ཁ་བྱེ་བར་བསྒོམས་ལ། དེའི་སྟེང་དུ་ཤིན་ཏུ་དམར་བའི་ཉི་མའི་དཀྱིལ་འཁོར་བསྒོམ་པར་བྱའོ། །དེའི་སྟེང་དུ་ལི་ཁྲིའི་མདོག་ལྟ་བུའི་དབུས་སུ་ཡི་གེ་ཧྲིཾ་ཧྲིཾ་གནས་པའི་ཆོས་ཀྱི་འབྱུང་གནས་བསྒོམས་སོ། །དེ་ལ་གནས་པའི་ཡི་གེ་ཧྲི་ཡོངས་སུ་
[195b.4]གྱུར་པ་ལས། དེའི་སྟེང་དུ་རྗེ་བཙུན་རྣལ་འབྱོར་མ་སྐུ་མདོག་སེར་མོ། །རང་གི་གྲི་གུག་གིས་རང་གི་མགོ་བཅད་ནས། །རང་གི་ལག་པ་གཡོན་པས་གྱེན་དུ་བརྐྱང་སྟེ། བཟུང་བ་ཕྱག་གཡས་པའི་གྲི་གུག་དང་བཅས་པ་འོག་ཏུ་བརྐྱང་བ། གཅེར་བུ་ཞབས་གཡས་པ་བརྐྱང་བ། །གཡོན་བསྐུམ་པ་
[195b.5]བསྒོམ་པའོ། །མགྲིན་པ་བཅད་འཕྲོ་ནས་ཁྲག་གི་རྒྱུན་འཛག་པ། རང་གི་ཞལ་དུ་འཇུག་ཅིང་། གཞན་གཉིས་གྱེན་ལ་ལོག་ནས་གནས་པ། །རྣལ་འབྱོར་གཉིས་ཀྱི་ཞལ་དུ་འབབ་པ་བསྒོམ་པར་བྱའོ། །གཡས་དང་གཡོན་པའི་ལོགས་ན་གནས་པའི་ཁ་དོག་སྔོ་བསངས་མ་བཛྲ་ཝརྞ་ནི་མ་དང་།
[195b.6]ཁ་དོག་སེར་མོ་རྡོ་རྗེ་རྣམ་པར་སྣང་མཛད་མའོ། །གཡོན་དང་གཡས་ཀྱི་ཕྱག་གི་གྲི་གུག་དང་བཅས་པ་དང་། གཡོན་པ་དང་གཡས་པའི་ཕྱག་ཐོད་པ་དང་བཅས་པའོ། །གཡས་ཕྱོགས་ཀྱི་ཞབས་གཡས་པ་བརྐྱང་བ། གཡོན་ཕྱོགས་ཀྱི་གཡོན་པ་བརྐྱང་བ། ཞབས་གཞན་བསྐུམ་པ། ཐོད་
[195b.7]པ་དང་མགོ་བོས་བརྒྱན་པ། །ཡན་ལག་རྒྱན་ཀུན་གྱིས་བརྒྱན་པ། སྐྲ་གྲོལ་བ་བསམ་པར་བྱའོ། །ལོགས་གཉིས་ཀྱི་དབུས་མའི་རྣལ་འབྱོར་མ་ཤིན་ཏུ་འཇིགས་པ་བསྒོམ་པར་བྱའོ། །དེ་ནི་བསྒོམ་པའོ། །མཆོད་པ་བརྗོད་པར་བྱ་སྟེ། མཎྜལ་བྱས་ནས་ཉི་མའི་གཞི་ལ་གནས་པའི་
[196a]
[196a.1]ཆོས་ཀྱི་འབྱུང་གནས་བྲིས་པ་ནི་ཡི་གེ་ཧྲཱིཿདང་བཅས་པའོ། །དེ་ནས་སྔོན་དུ་བསྟན་པའི་བསྒོམས་པས་རྗེ་བཙུན་མ་དབུས་སུ་བསམ་པར་བྱ་སྟེ། ཨོཾ་སརྦ་བུདྡྷ་ཌཱ་ཀི་ནཱི་ཡེ། ཞེས་བྱ་བ་ལ་སོགས་པའི་སྔགས་ཀྱིས་ཆོས་ཀྱི་འབྱུང་གནས་ཀྱི་དབུས་སུ་མཆོད་པར་བྱའོ། །ཕྱི་ནས་ཨརྒྷ་དང་།
[196a.2]མེ་ཏོག་དང་། བདུག་སྤོས་དང་། དྲི་ལ་སོགས་པ་རྣམས། ཨོཾ་སརྦ་བུདྡྷ་ཌཱ་ཀི་ནཱི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་བྱ་བའི་སྔགས་ཀྱིས་མཆོད་པར་བྱའོ། །ཕྱིས་ནས་གཡོན་ཕྱོགས་སུ། ཨོཾ་བཛྲ་ཝ་རྞ་ནཱི་ཡེ་ཧཱུཾ་སྭཱ་ཧཱ། ཞེས་བྱ་བའི་སྔགས་ཀྱིས་སོ། །དེ་ནས་གཡས་ཕྱོགས་སུ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་
[196a.3]སྭཱ་ཧཱ། ཞེས་བྱ་བ་འདིས་སོ། །དེ་ནས་གཞན་ཡང་། ཨེ་དི་ཡ་ན་སུ་ལ། གི་རི་ཀ་མ་ཀ་ཤི་རི་ཧ་ཧ་ཏ། ཞེས་བྱ་བའི་སྔགས་ཀྱིས་ཀྱང་མཆོད་པར་བྱའོ། །གཞན་ཡང་དྷརྨཱ་སམྦྷ་ག །ནིར་མ་མ་ཧཱ་སུ་ཁ། ཞེས་བྱ་བའི་སྔགས་ཀྱིས་ཀྱང་མཆོད་པར་བྱའོ། །ཨོཾ་སརྦ་བུདྡྷ་ཌཱ་ཀི་ནཱི་ཡ། ཨོཾ་བཛྲ་ཝ་རྞ་ནཱི་
[196a.4]ཡེ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཞེས་བྱ་བའི་སྔོན་དུ་བསྙེན་པ་འབུམ་ཕྲག་གཅིག་བཟླས་པ་བྱས་ན་བགེགས་ཐམས་ཅད་སྐྲོད་པར་འགྱུར་རོ། །འབུམ་ཕྲག་གསུམ་བཟླས་ན་གྲོང་ཁྱེར་སྐྲོད་པར་འགྱུར་རོ། །འབུམ་ཕྲག་བཞི་བཟླས་ན་གྲོང་རྡལ་སྐྲོད་པར་འགྱུར་རོ། །འབུམ་ཕྲག་
[196a.5]ལྔ་བཟླས་ན་གང་འདོད་པ་དེ་འགྲུབ་པར་བྱེད་དོ། །ཆུ་མདོའམ། དུར་ཁྲོད་དམ། ཤིང་གཅིག་གམ། ལྷའི་ཁང་བ་འམ། མ་མོའི་ཁང་བའམ། ཡུལ་གྱི་མཐར་བསྒྲུབ་པར་བྱའོ། །སྐྲ་གྲོལ་བ། གཅེར་བུར་གྱུར་པ། དོགས་པ་ཐམས་ཅད་སྤངས་ཏེ་སྨྲ་བ་བཅད་ལ་བསྒོམ་པར་བྱའོ། །ཨོཾ་སརྦ་
[196a.6]བུདྡྷ་ཌཱ་ཀི་ནཱི། ཨོཾ་བཛྲ་ཝ་རྞ་ནཱི་ཡེ། ཨོཾ་བཛྲ་བཻ་རོ་ཙ་ནཱི་ཡེ། གནྡྷཾ་པུཥྤཾ། བ་ལིངཾ་གྲྀཧྞ་མ་མ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། དཔལ་ལྷ་ལྕམ་ལཀྴྨཱི་ཀ་རས་མཛད་པའི་རྣལ་འབྱོར་མའི་སྒྲུབ་ཐབས་རྫོགས་སོ། །{T1548}༄༅༅། །རྒྱ་གར་སྐད་དུ། རཀྟ་བཛྲ་ཡོ་གི་
[196a.7]ནཱི་སཱ་དྷ་ན། བོད་སྐད་དུ། རྡོ་རྗེ་རྣལ་འབྱོར་མ་དམར་མོའི་སྒྲུབ་ཐབས། རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །དང་པོ་ཨེའི་དཀྱིལ་དུ་པཾ་ལས་བྱུང་བའི་སྣ་ཚོགས་པདྨའི་ལྟེ་བར། །རཾ་དམར་པོ་ཡོངས་སུ་གྱུར་བ་ལས་ཉི་མའི་དཀྱིལ་འཁོར་རོ། །དེའི་སྟེང་དུ་ཧཱུཾ་ཡོངས་སུ་གྱུར་པ་ལས་བཅོམ་ལྡན་
[196b]
[196b.1]འདས་མ་བསམས་ལ། མཆོད་པ་བྱས་ཏེ། ཨོཾ་བཛྲ་ཡོ་གི་ནཱི་ཧཱུཾ་བཛྲ་པུཥྤཾ་པྲ་ཏཱི་ཙྪ་སྭཱ་ཧཱ། དེ་བཞིན་དུ་ཤར་གྱི་འདབ་མ་ལ་ཨོཾ་ཌཱ་ཀི་ནཱི་ཧཱུཾ་བཛྲ་པུཥྤཾ་པྲ་ཏཱི་ཙྪ་སྭཱ་ཧཱ། ལྷོའི་འདབ་མ་ལ་ཨོཾ་ལཱ་མེ་ཧཱུཾ་བཛྲ་པུཥཱཾ་པྲ་ཏཱི་ཙྪ་སྭཱ་ཧཱ། ནུབ་ཀྱི་འདབ་མ་ལ་ཨོཾ་ཁཎྜ་རོ་ཧཱི་ཧཱུཾ་བཛྲ་པུཥྤཾ་པྲ་ཏཱི་ཙྪ་སྭཱ་ཧཱ། བྱང་གི་འདབ་མ་ལ་ཨོཾ་རཱུ་
[196b.2]པི་ནཱི་ཧཱུཾ་བཛྲ་པུཥྤཾ་པྲ་ཏཱི་ཙྪ་སྭཱ་ཧཱ། ཞེས་བྱ་བས་མཆོད་ལ། དེ་ནས་བསྒོམ་པ་ནི་གཅེར་བུ་སྐུ་མདོག་དམར་བ་འོད་ཟེར་འབར་བ། ཞལ་གཅིག་ཕྱག་གཉིས་པ། ཞལ་ལ་བདུད་རྩི་འཆང་བ། སྤྱན་གསུམ་པ། སྤྱན་ཟླུམ་ཞིང་དམར་ལ་འགྱུར་པ། དཔྲལ་བའི་མཛོད་སྤུལ་ཁྲོ་གཉེར་ཡོད་པ།
[196b.3]མཆེ་བ་གཙིགས་པ། ལྗགས་འདྲིལ་བ། དབུ་སྐྲ་གྲོལ་བ། རོའི་གདན་ལ་ཞབས་གཡོན་བསྐུམ་པའི་ཚུལ་དུ་བཞུགས་པ། གཞོན་ནུ་མའི་ཆ་བྱད་དང་ལྡན་པ། དྲ་བ་དང་དྲ་བ་ཕྱེད་པ་དང་དྲིལ་བུ་གཡེར་ཁའི་ཕྲེང་བས་ཞབས་གདུབ་བྱས་ཤིང་སྒྲ་གྲགས་པ། ཕྱག་རྒྱ་དྲུག་གིས་བརྒྱན་པ་
[196b.4]ཕྱག་གཡོན་ན་ཐོད་པ་དང་ཁ་ཊྭཱཾ་ག་ཐོགས་པ། གཡས་པས་རྡོ་རྗེ་གྲི་གུག་འཆང་བ། དྲག་མོའི་གཟུགས་ཅན། དུར་ཁྲོད་ལ་སོགས་པར་རྣལ་འབྱོར་པ་སྙིང་རྗེ་དང་ལྡན་པས་བསྒོམ་པར་བྱའོ། །བསྒོམ་པས་སྐྱོ་ན་སྔགས་ཀྱི་བཟླས་པ་བྱའོ། །ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞ་ནཱི་ཡེ། བཛྲ་བཻ་རོ་ཙ་
[196b.5]ནཱི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། རྩ་བའི་སྔགས་སོ། །ཨོཾ་སརྦ་སིདྡྷིཾ་པྲ་ཏཱི་ཙྪ་ཧྲཱི་ཧཱུཾ་ཕཊ་སྭཱ་ཧཱ། སྙིང་པོའོ། །ཨོཾ་བཛྲ་ཡོ་གཱི་ནཱི་ཡེ་ཧཱུཾ་ཕཊ་སྭཱ་ཧཱ། ཉེ་བའི་སྙིང་པོའོ། །ཨོཾ་བཛྲ་ཌཱ་ཀི་ནཱི་ཡེ་ཧེཾ་ཧཱུཾ། ཨི་དཾ་བ་ལིཾ་གྲྀཧྞ་གྲྀཧྞ་ཧ་ཧ་ཁ་ཁ་ཛ་ཛ་ཨ་ཨ་ཧཱུཾ་མ་མ་སིདྡྷི་པྲ་ཏཱི་ཙྪ་སྭཱ་ཧཱ། གཏོར་མའི་སྔགས་སོ། །
[196b.6]ཚེས་བརྒྱད་དང་བཅུའམ་བཅུ་བཞི་ལ་དུར་ཁྲོད་ལ་སོགས་པར་ངེས་པར་མཆོད་པར་བྱའོ། །གདམས་ངག་ཆེན་པོའི་ཡུལ་དུ་གྱུར་པ། དཔལ་རི་ཁྲོད་དབང་ཕྱུག་གིས་བསྟན་པ་རྡོ་རྗེ་རྣལ་འབྱོར་མ་དམར་མོའི་སྒྲུབ་ཐབས་རྫོགས་སོ། །{T1549}༄༅༅། །རྒྱ་གར་སྐད་དུ། སུ་ཀླ་
[196b.7]བཛྲ་ཡོ་གི་ནཱི་སཱ་དྷ་ནཾ། བོད་སྐད་དུ། རྡོ་རྗེ་རྣལ་འབྱོར་མ་དཀར་མོའི་སྒྲུབ་ཐབས། །རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །དང་པོ་རེ་ཞིག་ཨེ་ཝཾ་གི་དབུས་སུ་པཾ་ཡིག་ལས་བྱུང་བའི་སྣ་ཚོགས་པདྨའི་ལྟེ་བ་ལ། ཨཾ་ཡིག་དཀར་པོ་ཡོངས་སུ་གྱུར་པ་ལས་ཉི་མའི་དཀྱིལ་འཁོར། །དེའི་སྟེང་དུ་ཧཱུཾ་
[197a]
[197a.1]དཀར་པོ་ཡོངས་སུ་གྱུར་པ་ལས་བཅོམ་ལྡན་འདས་མ་རྡོ་རྗེ་རྣལ་འབྱོར་མ་སྐུ་མདོག་དཀར་མོ། །གཅེར་བུ་རྒྱན་མེད་པ་སྐྲ་གྲོལ་བ། ཞལ་གཅིག་མ། ཕྱག་གཉིས་མ། ཕྱག་གཡོན་པ་ཁ་ཊྭཱཾ་ག་དང་ཐོད་པ་ཐོགས་པ། གཡས་པས་རྡོ་རྗེ་ཐོ་བ་ཐོགས་པ། ཞབས་གཅིག་བཏེག་པས་བརྒྱ་
[197a.2]བྱིན་དང་ཚངས་པ་མནན་པ། ཞབས་གཅིག་གི་འོག་ཏུ་འཇིགས་བྱེད་ཆེན་པོ་དང་དུས་མཚན་མནན་པ། ཞལ་ལས་རྟག་ཏུ་བདུད་རྩི་འཕྱང་བ། སྤྱན་གསུམ་པ་སྤྱན་རྩ་དམར་ཞིང་ཟླུམ་པ། འགྱུར་བ་གཏུམ་པའི་སྤྱན། །དཔྲལ་བའི་མཛོད་སྤུར་ཁྲོ་གཉེར་དང་ལྡན་པ། མཆེ་བ་གཙིགས་པ། ཤིན་ཏུ་
[197a.3]གཏུམ་པའི་གཟུགས་ཅན། དུར་ཁྲོད་ལ་སོགས་པར་བསྒོམ་པར་བྱའོ། །སྐྱོན་བཟླས་པ་བྱ་སྟེ། །བཟླས་པའི་སྔགས་ནི། །ཨོཾ་སརྦ་བུདྡྷ་ཌཱ་ཀི་ནཱི་ཡེ། བཛྲ་ཝརྞ་ནཱི་ཡེ། བཛྲ་བཻ་རོ་ཙ་ནཱི་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། སྭཱ་ཧཱ། རྩ་བའི་སྔགས་ནི། ཨོཾ་བཛྲ་ཌཱ་ཀི་ནཱི་ཧྲཱིཿ་ཧཱུཾ་ཕཊ་སྭཱ་ཧཱ། ཉེ་བའི་སྙིང་པོའོ། །ཨོཾ་
[197a.4]བཛྲ་ཡོ་གི་ནཱི་ཧཱུཾ་ཕཊ་སྭཱ་ཧཱ། ཨོཾ་བཾ་ཧཱུཾ། སྙིང་པོའི་སྔགས་སོ། །དེ་བཞིན་དུ་གཏོར་མའི་སྔགས་ནི། ཨོཾ་བཛྲ་ཡོ་གི་ནཱི་ཨི་མཾ་བ་ལིཾ་གྲྀཧྞ་གྲྀཧྞ་རུ་རུ་ཁ་ཁ་ཁ་ཁ་ཕེཾ་ཕེཾ་ཕེཾ་ཕེཾ་ཨ་ཨ་ཨ་ཨ་མ་མ་སིདྡྷི་པྲ་ཡཙྪ་ཧཱུཾ་ཕཊ་སྭཱ་ཧཱ། ཚེས་བརྒྱད་དང་བཅུ་བཞི་ལ་ངེས་པར་མཆོད་པ་དང་། བསྒོམ་པར་བྱའོ། །
[197a.5]རྒྱལ་པོ་ཨིནྡྲ་བྷུ་ཏིའི་གཞུང་རྡོ་རྗེ་རྣལ་འབྱོར་མ་དཀར་མོའི་སྒྲུབ་ཐབས་རྫོགས་སོ།། །།བླ་མ་བཻ་རོ་ཙ་ནས་བསྒྱུར།།{T1550}༄༅༅། །རྒྱ་གར་སྐད་དུ། ཤྲཱི་བཛྲ་ཡོ་གི་ནཱི་སཱ་དྷ་ནཾ། བོད་སྐད་དུ། དཔལ་རྡོ་རྗེ་རྣལ་འབྱོར་མའི་སྒྲུབ་ཐབས། །དཔལ་རྡོ་རྗེ་རྣལ་འབྱོར་མ་ལ་
[197a.6]ཕྱག་འཚལ་ལོ། །སྟོང་ཉིད་སྙིང་རྗེའི་བདག་ཉིད་ཅན། །ཁམས་གསུམ་པ་ཡི་ངོ་བོ་ཉིད། །བསྐལ་བའི་མེ་ལྟར་འབར་བའི་འོད། །རྡོ་རྗེ་རྣལ་འབྱོར་མ་དཔལ་འདུད། །བླ་མ་བརྒྱུད་པའི་རིམ་པ་ནི། །རྟོགས་པ་གཅིག་གི་སྤྱོད་ཡུལ་ཏེ། །རྡོ་རྗེ་རྣལ་འབྱོར་མའི་སྒྲུབ་ཐབས། །མདོར་བསྡུས་བདག་གིས་
[197a.7]བཤད་པར་བྱ། །སྔགས་པས་ཐོག་མར་རེ་ཞིག་བླ་མ་དང་སངས་རྒྱས་རྣམས་ལ་མངོན་པར་གུས་པའི་ཡིད་ཀྱིས། །བྱང་ཆུབ་ཀྱི་སེམས་བརྟན་པོར་བཟུང་སྟེ། དབང་བསྐུར་བ་ཡང་དག་པར་ཐོབ་ནས། ཆོས་ཐམས་ཅད་ངོ་བོ་ཉིད་ཀྱིས་འོད་གསལ་བའི་རང་བཞིན་ཡིན་ཡང་། རང་དང་གཞན་གྱི་དོན་ཕུན་སུམ་
[197b]
[197b.1]ཚོགས་པ་ལ་མངོན་དུ་ཕྱོགས་པར་བྱ་སྟེ། དུར་ཁྲོད་ལ་སོགས་པ་ཡིད་དང་རྗེས་སུ་མཐུན་པའི་དབེན་པའི་གནས་སུ་སྟན་འཇམ་པོ་ལ་རྣལ་འབྱོར་གྱི་རོལ་པས་རབ་ཏུ་བསྔགས་པའི་གནས་སུ་བལྟས་ཏེ་འདུག་པར་བྱའོ། །དེའི་རྗེས་ལ་ལུས་དང་ངག་དང་སེམས་ཡོངས་སུ་དག་པར་བྱ་བ་ནི། རྒུན་འབྲུམ་མམ་
[197b.2]བུ་རམ་ཤིང་ངམ། འབྲས་ལས་བྱས་པའི་བཏུང་བ་བཟང་པོ་ཇི་ལྟར་རྙེད་པའི་དམ་ཚིག་ལྔ་དང་ལྡན་པར་བྱས་ལ་མཆོད་སྦྱིན་གྱི་སྣོད་དུ་བཞག་སྟེ། ཡི་གེ་གསུམ་གྱི་སྔགས་ཀྱིས་མངོན་པར་བསྔགས་ནས། ཆུ་དེ་ཉིད་ཀྱིས་ལག་པ་གཡོན་པ་ནས་བརྩམས་ནས་ཡན་ལག་དང་ཉིང་ལག་ཐམས་ཅད་སྔགས་
[197b.3]ཀྱི་ཆུས་ཁྲུས་བྱ་ཞིང་། དེ་ཉིད་ཀྱིས་མཆོད་པའི་རྫས་ཀྱང་བསང་གཏོར་བྱ་བའོ། །དེའི་རྗེས་ལ། ཨོཾ་བཾ་ཧོཾ་ཡོཾ་ཧྲིཾ་མོཾ་ཧྲེཾ་ཧྲི་ཧཱུཾ་ཧཱུཾ་ཕཊ་ཕཊ། ཅེས་བྱ་བའི་སྔགས་ཀྱི་ཡི་གེས་ལག་པ་གཡོན་པའི་སོར་མོ་རྣམས་ལ་སྦྱར་ཏེ། དག་པ་གསུམ་བརྗོད་པར་བྱའོ། །ཨོཾ་སྭ་བྷཱ་བ་ཤུདྡྷཿསརྦྦ་དྷརྨཱཿསྭ་བྷཱ་བ་ཤུདྡྷོ྅ཧཾ།
[197b.4]ཨོཾ་བཛྲ་ཤུདྡྷཿསརྦ་དྷརྨཱ་བཛྲ་ཤུདྡྷོ྅ཧཾ། ། ཨོཾ་ཡོ་ག་ཤུདྡྷཿསརྦ་དྷརྨཱ་ཡོ་ག་ཤུདྡྷོ྅ཧཾ། དེ་ནས་རང་གི་ལུས་ཁམས་གསུམ་པོ་རྣམ་པར་དག་པའི་གཞལ་ཡས་ཁང་དུ་བརྟགས་ཏེ། སྐད་ཅིག་ཙམ་གྱིས་ལྟེ་བའི་དཀྱིལ་འཁོར་དུ་རྡོ་རྗེ་རྣལ་འབྱོར་མ་ཕྱག་གཉིས་ན་གྲི་གུག་དང་ཐོད་པ་བསྣམས་པ། སྐྲ་གྲོལ་
[197b.5]བ་ཐུར་དུ་འཕྱང་བ། གཅེར་བུ་སྤྱན་གསུམ་པ། གཟུགས་དང་ལང་ཚོ་ཕུན་སུམ་ཚོགས་པ། ཕྱག་རྒྱ་ལྔ་ཡིས་རྣམ་པར་བརྒྱན། །སངས་རྒྱས་ལྔ་ཡི་དབུ་རྒྱན་ཅན། །ཟླ་བ་ཉི་མ་མེ་དཀྱིལ་དུ། །སྐྱིལ་ཀྲུང་ཕྱེད་པས་གནོན་མཛད་ཅིང་། །ཛ་བ་སིནྡྷུ་ར་དང་མཚུངས། །དེ་ལྟའི་གཟུགས་ཅན་ལྷ་
[197b.6]མོ་ནི། །རྣལ་འབྱོར་པ་ཡིས་རྟག་ཏུ་བསྒོམ། །དེ་ཡི་གཡས་ནི་ཕག་གདོང་སྟེ། །དེ་བཞིན་གཡོན་པ་ཁྲོ་མོ་ཉིད། །ཀུན་རྫོབ་དོན་དམ་རང་བཞིན་གྱིས། །ཞལ་གཉིས་སུ་ནི་རབ་ཏུ་གྲགས། །བླ་མའི་མན་ངག་ལམ་གྱིས་ནི། །རིམ་པ་རྒྱས་པར་རྟོགས་པར་བྱ། །དེ་ཡི་པདྨའི་ནང་དུ་ནི། །དོན་
[197b.7]ཀུན་སྒྲུབ་བྱེད་འཁོར་ལོ་བསྒོམ། །རིམ་པ་གསུམ་གྱིས་མཚན་ནས་སུ། །ཁ་དོག་དམར་པོའི་འོད་ཟེར་ཅན། །སྔགས་ཀྱི་ཡི་གེས་ཡོངས་རྫོགས་ནས། །རྫ་མཁན་འཁོར་ལོ་བཞིན་དུ་འཁོར། །སྲིན་པོའི་ཞལ་ནི་ཅུང་ཞིག་བསྡམ། །རབ་ཏུ་འབར་བའི་རྣམ་པར་བསྒོམ། །ཕག་གདོང་གྱེན་དུ་
[198a]
[198a.1]ཉེ་བར་བལྟ། །གཡུང་དྲུང་འཁྱིལ་བ་མྱུར་དུ་འཁོར། །ཕྱག་རྒྱ་གཉིས་པོའི་རྣལ་འབྱོར་གྱིས། །ཁམས་གསུམ་པོ་ཡང་འགྲུབ་པར་འགྱུར། །རྣལ་འབྱོར་བདག་ཉིད་སྐད་ཅིག་གིས། །འགྲུབ་འགྱུར་རྣལ་འབྱོར་པས་གཞན་མིན། །དེ་ནས་གཞན་ཡང་བཤད་བྱ་བ། །སྔགས་བཏུ་
[198a.2]བ་ཡི་ཆོ་ག་མཆོག །གྲུ་གསུམ་དཀྱིལ་འཁོར་ཉམས་དགའ་བ། །རྡོ་རྗེ་རོལ་པ་ལས་བྱུང་བའི། །ཆོས་ཀྱི་འབྱུང་གནས་ཞེས་བཤད་པ། །བཙུན་མོའི་བྷ་ག་ཉིད་ཀྱང་དེ། །ཨཱ་ལི་ཀཱ་ལིའི་དབྱེ་བས་དེར། །སྡེ་ཚན་བརྒྱད་ཀྱི་རིམ་པ་ནི། །གཟུགས་མེ་མདའ་དང་ཐུབ་པ་དང་། །བུ་ག་དྲག་པོ་འདོད་
[198a.3]པ་ཉིད། །འཁོར་ལོ་རྣམས་ནི་རིམ་བཞིན་དུ། །མན་ངག་གིས་ནི་དགོད་པར་བྱ། །དང་པོར་ཨ་ནས་བརྩམས་ནས་སུ། །ཡི་གེ་ཧ་ཡི་མཐར་ཐུག་པར། །བསྐོར་བའི་ཚུལ་གྱི་སྦྱོར་བ་ཡིས། །བདེ་མཆོག་རྒྱ་མཚོ་གསུང་བཞིན་བྲི། །དྭ་ཡི་ཐོག་མ་སུམ་འགྱུར་བྱ། །ཐིག་ལེ་ནཱ་དས་རྣམ་པར་བརྒྱན། །
[198a.4]བྷ་ཐོག་ཚ་ཐོག་ཡི་གེ་ཉིད། །ཊ་ཡིག་ཐོག་མས་མགོ་བོར་བརྒྱན། །ཙ་སའི་བར་ནས་གཟུང་བྱས་ཏེ། །ཊྭ་ཡིག་འོག་མ་འོག་ཏུ་སྦྱོར། །ཤ་ཐོག་ཥ་ཐོག་འབྲེལ་བ་ནི། །དེ་བཞིན་སྦྱོར་བར་ཤེས་པར་བྱ། །ལི་ཡི་མགོ་གྱུར་ཡི་གེ་ལ། །ཉ་ཡི་འོག་ནས་གནས་པས་བརྒྱན། །པ་ཐོག་ཊ་ཡིག་འོག་མར་
[198a.5]ལྡན། །ཕ་ཐོག་ཐ་ཡིག་འོག་མས་བཅིངས། །ཧ་ཊའི་བར་གནས་ཡི་གེ་ལ། །ཎ་ཡིག་ཐོག་ན་གནས་པས་བརྒྱན། །ཥ་ཡི་འོག་ན་གནས་པས་གཟུང་། །བྷ་འོག་གི་སྟན་ཎ་འོག་སྦྱར། །ཧ་ཡི་སྟེང་གནས་ཡི་གེ་ཉིད། །ར་ཡིག་གོང་མ་ཉིས་བརྩེགས་ལྡན། །ཊ་ཡིག་གོང་མ་སྦྱར་བྱ་སྟེ། །མགོ་བོ་རུ་
[198a.6]ནི་ཡོངས་སུ་གྲགས། །ཕ་ཡི་ཐོག་ན་གནས་པ་ལ། །ཋ་ཡིག་ཐོག་ན་གནས་པས་བརྒྱན། །ཉ་ཐོག་ཎ་ཐོག་གིས་བརྒྱན་པ། །མན་ངག་བཞིན་དུ་ཤེས་པར་བྱ། །ཙ་སའི་བར་ན་གནས་པ་བླང་། །བྷ་འོག་གི་སྟན་ཎ་འོག་སྦྱར། །དེ་བཞིན་ཚ་ཡི་གོང་མ་ཟུང་། །དེ་བཞིན་ཏ་ཡི་སྟེང་མས་བརྒྱན། །
[198a.7]ཐ་ཡི་སྟེང་མས་ན་འོག་བརྒྱན། །ཕ་ཡི་འོག་གནས་ཡི་གེ་བླང་། །དྷ་བ་བར་གནས་ཡི་གེ་ལས། །ཐ་ཡི་འོག་མས་བརྒྱན་པ་ཉིད། །ཡི་གེ་ཉ་ལའི་བར་གནས་པ། །ཎ་ཡི་གོང་མས་བརྒྱན་པར་བྱ། །སའི་བར་གནས་ཡི་གེ་ལ། རཱྀ་ཡི་འོག་མ་གདགས་པར་བྱ། །ཐིག་ལེ་ནཱ་ད་མཉམ་ལྡན་པ། །གསུམ་
[198b]
[198b.1]འགྱུར་དུ་ནི་དབྱེ་བ་ཉིད། །ན་འོག་ར་ཡི་འོག་མ་ནི། །སྔ་མ་བཞིན་དུ་སུམ་འགྱུར་བྱ། །ཤ་འོག་ཥ་ཡི་མགོ་མས་བརྒྱན། །ཉ་ཡི་འོག་ན་གནས་པ་སྦྱར། །མ་ཝ་བར་ན་གནས་པ་གཟུང་། །ཛྷ་ཡིག་གདོང་མས་རྣམ་པར་བརྒྱན། །བླ་མའི་མན་ངག་ལམ་གྱིས་ནི། །སྔགས་བཏུ་བ་ནི་ཤེས་པར་བྱ། །
[198b.2]གླེགས་བམ་ཀློག་པའི་སྔགས་པ་ཡིས། །ཇི་ལྟའི་རིམ་པ་སྤངས་པ་ཡིས། །གང་དེས་བསྐལ་བ་བྱེ་བར་བྱས། །དངོས་གྲུབ་གོ་འཕང་མི་ཐོབ་བོ། །གཞན་ཡང་རབ་ཏུ་བཤད་བྱ་བ། །རྡོ་རྗེ་ཅན་གྱི་མཆོད་པ་ནི། །ཚེས་བཅུའི་དུས་སུ་ཁྱད་པར་དུ། །མཆོད་པ་ལྔ་དང་ལྡན་གྱུར་ཅིང་། །བཟའ་
[198b.3]སྟོན་དེ་བཞིན་བཏུང་བ་དང་། །ཕྱི་དང་གསང་བར་བཅས་པར་ལྡན། །སྣོད་ནི་དྲི་མེད་སྦྱངས་པ་རུ། །གུར་ཀུམ་ལ་སོགས་སྦྱར་བར་བྱ། །ཆུ་བཟང་པོ་དང་ལྡན་པ་ལ། །སིནྡྷུ་རའི་ཕྱེ་མ་བཙགས། །གསེར་གྱི་སྨྱུ་གུའི་སྦྱོར་བ་ཡིས། །བློ་དང་ལྡན་པས་ཨེ་དབྱིབས་བྲིས། །དབུས་སུ་སྔགས་ཀྱི་རྒྱལ་
[198b.4]པོ་ནི། །རིམ་པ་བཞིན་དུ་བྲི་བར་བྱ། །གཡུང་དྲུང་འཁྱིལ་བའི་ཕྱག་རྒྱ་ནི། །དགེ་བའི་འཁོར་ལོའི་ལོགས་ལ་དགོད། །མེ་ཏོག་རྣམ་པ་སྣ་ཚོགས་ཉིད། །ཆུ་ལས་སྐྱེས་དང་ཐང་ལས་སྐྱེས། །མར་མེ་ཙཱ་རུ་དམ་ཚིག་ཆེ། །དེ་བཞིན་གཞོན་ནུ་མ་ཡང་མཆོད། །མཆོད་པའི་ཁྱད་པར་འདི་དག་ནི། །ངེས་པ་
[198b.5]ཉིད་དུ་བྱ་བ་ཡིན། །སྐྲ་གྲོལ་གཅེར་བུར་བྱས་ནས་ནི། །སྡར་བཤད་ཕྱོགས་བཅུ་བལྟས་ནས་ཀྱང་། །ཤིན་ཏུ་གསང་བར་བྱ་བ་ཉིད། །མཆོད་པའི་དུས་སུ་མཉམ་པར་གཞག། །མ་གསང་བགེགས་ནི་སྐྱེ་འགྱུར་ཏེ། །དངོས་གྲུབ་དེ་བཞིན་ཉམས་པར་འགྱུར། །དམ་ཚིག་ཉམས་པར་གྱུར་པ་ན། །ནད་
[198b.6]རྣམས་སྣ་ཚོགས་འབྱུང་བར་འགྱུར། །སྲོག་ནི་གཏོང་བར་གྱུར་པ་ཡིས། །འཆི་བའི་དུས་ལ་བབ་ཀྱང་བླའི། །གལ་ཏེ་དངོས་གྲུབ་མཆོག་འདོད་ན། །དམ་ཚིག་རྟག་ཏུ་བསྲུང་བར་བྱ། །ཁམས་གསུམ་བརྟན་དང་གཡོ་བ་ཡིས། །འགྲོ་བ་ཐམས་ཅད་གཡོན་ནས་འབྱུང་། །གཡོན་པ་སྔོན་དུ་བསྐྱོད་བྱ་
[198b.7]སྟེ། །རྣལ་འབྱོར་རྟག་ཏུ་གཡོན་པས་སྤྱད། །མཆོད་པ་ལག་པ་གཡོན་པས་ཏེ། །བཟའ་བཏུང་གཡོན་པས་བྱ་བ་ཉིད། །རིགས་ལྔ་ལ་ནི་ཀུན་སྤྱོད་པ། །རིགས་གཅིག་ཏུ་ནི་བརྟག་པར་བྱ། །བཟའ་དང་བཟའ་མིན་དེ་བཞིན་བཏུང་། །སྨེ་གཙང་ངོ་ཚ་རྣམ་པར་སྤངས། །རྟོག་པ་ཀུན་ལས་ངེས་པར་
[199a]
[199a.1]གྲོལ། །རྩོད་པ་ཐམས་ཅད་རྣམ་པར་སྤངས། །མཁའ་འགྲོ་མ་ཡི་དྲ་བ་སྡོམ། །དཔའ་བོ་སེང་གེ་བཞིན་དུ་སྤྱོད། །སྔགས་ནི་རྣལ་འབྱོར་མའི་རང་བཞིན། །རྣལ་འབྱོར་མ་ནི་སྔགས་ཀྱི་གཟུགས། །གལ་ཏེ་གོ་འཕང་མཆོག་འདོད་ན། །དེ་དག་ཐ་དད་པར་མི་བྱ། །མི་ཡིས་གང་
[199a.2]དང་གང་བསྒོམ་པ། །ཡིད་དང་ཡང་དག་ལྡན་བྱས་ནས། །དེས་ན་དེ་ཡི་བདག་ཉིད་འགྱུར། །སྣ་ཚོགས་ནོར་བུ་ཇི་བཞིན་ནོ། །སེམས་དང་རྗེས་མཐུན་རྣལ་འབྱོར་གྱིས། །གང་ཞིག་ཤིན་ཏུ་གོམས་བྱེད་ན། །མི་གང་བསོད་ནམས་དམན་པ་ཡང་། །དེ་ནི་གྲུབ་འགྱུར་ཐེ་ཚོམ་མེད། །བླ་མ་
[199a.3]སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །བླ་མ་དཔལ་ལྡན་རྡོ་རྗེ་ཅན། །འདིར་ནི་བླ་མ་བླ་མེད་པའོ། །སངས་རྒྱས་འབྲས་བུ་འདོད་པ་ཡིན། །དེ་ཕྱིར་བླ་མ་བསྙེན་བཀུར་བྱ། །དཔལ་དང་ལྡན་པའི་རབ་ཏུ་སྔགས་པའི་གནས་ཨུ་རྒྱན་ནས་བྱུང་བའི་དགོངས་པ་བླ་ན་མེད་པ་དཔལ་རྡོ་རྗེ་རྣལ་
[199a.4]འབྱོར་མའི་གསང་ཆེན་རྣ་བ་ནས་རྣ་བ་རུ་ཞལ་ནས་ཞལ་དུ་བརྒྱུད་པའི་རིམ་པ་རྫོགས་སོ།། །།རྒྱ་གར་གྱི་མཁན་པོ་བསོད་ནམས་འབྱུང་གནས་བཟང་པོའི་ཞལ་སྔ་ནས་དང་། བོད་ཀྱི་ལོ་ཙཱ་བ་རྨ་བན་ཆོས་འབར་གྱིས་བསྒྱུར་བའོ། །{T1551}༄༅༅། །རྒྱ་གར་སྐད་དུ།
[199a.5]ཤྲཱི་ཏཏྟྭ་ཛྙཱ་ན་སིདྡྷི། བོད་སྐད་དུ། དཔལ་དེ་ཁོ་ན་ཉིད་ཡེ་ཤེས་གྲུབ་པ། དཔལ་རྡོ་རྗེ་ཕག་མོ་ལ་ཕྱག་འཚལ་ལོ། །རླུང་གིས་བསྐྱོད་པས་འོག་གི་འཁོར་ལོ་ནས་བཞེངས་གློག་གི་ཟེར་ལྟར་འོད་གསལ་ཞིང་། །རྩིབས་གནས་གསུམ་དུ་བསྲེགས་ནས་འཇིག་རྟེན་གསུམ་གྱིས་མཆོད་གྱུར་བདུད་
[199a.6]རྩི་རྒྱུན་རབ་འབབ། །སངས་རྒྱས་ཡེ་ཤེས་བཅུད་དང་འདྲེས་ཤིང་སྐྱོན་བྲལ་ཤིན་ཏུ་དགའ་བའི་ཚོགས་སྟེར་བ། །དངོས་དང་དངོས་མེད་རྣམ་པར་སྤྱོད་དང་བྲལ་བའི་ཕག་མོ་ཡིས་ནི་ཁྱེད་ལ་སྲུངས། །ཀ་སོགས་ཡི་གེར་བསྐོར་ནས་སྤྲུལ་པའི་རྩིབས་ཅན་ཉིད་དབང་དཀྱིལ་འཁོར་ལས་
[199a.7]བཞུགས་ཤིང་། །འབར་བའི་མེ་ལྟར་རབ་འབར་བདུད་རྩི་རབ་འཛག་པདྨའི་སྐུད་པ་ལྟར་ཕྲ་བ། །རིག་མ་སངས་རྒྱས་ཚོགས་རྣམས་བསྲེག་ཅིང་འཁོར་ལོ་གསུམ་པོ་འབྱེད་པ་གང་ཡིན་པ། །ཀུན་དགའ་དང་བཅས་རོལ་པས་གྱེན་གཤེགས་ཕག་མོ་ཁྱེད་ནི་སེམས་ལ་གསལ་གྱུར་ཅིག །རྡོ་རྗེ་ཡི་ནི་
[199b]
[199b.1]རྣལ་འབྱོར་མ། །རྡོ་རྗེ་སྔོན་སོང་ཕག་མོ་ལ། །མགོས་ཕྱག་འཚལ་ནས་རང་དྲན་ཕྱིར། །བདག་གིས་དེ་ཉིད་ཤེས་གྲུབ་བརྗོད། །ཡིད་དང་མཐུན་པའི་དབེེན་གནས་སུ། །མགོན་པོས་མགོ་མཚན་བློ་ལྡན་ཞུགས་ནས་ནི། །དེར་ནི་ཤིན་ཏུ་འཇམ་པའི་སྟན་དག་ལ། །ཀུན་ནས་དག་པར་རྣམ་པར་བསྒོམ་
[199b.2]པར་བྱ། །དེ་རྗེས་ཡི་གེ་གསུམ་གྱིས་སྔགས་གྲུབ་པ། །རྒྱལ་བ་རྡོར་འཛིན་སྙིང་པོ་མིང་མེད་ཀྱིས། །བྲིས་ནས་མེ་ཏོག་དམར་པོས་མཆོད་པར་བྱ། །རྡོ་རྗེ་དང་པོ་མཆོག་གི་སྣོད་དུ་ནི། །གཡས་པ་ལས་གཞན་ལག་པ་བཅུག་ནས་ཀྱང་། །ཉེ་བར་བསྟན་པ་ཇི་ལྟ་བ་བཞིན་དུ། །ལག་པ་རེག་ནས་རྡོ་
[199b.3]རྗེའི་ཁྲུས་བྱའོ། །མཐེ་བོང་ཆེན་པོ་དང་ནི་སོར་མོ་རྣམས། །ཡང་དག་ལྡན་པས་ལག་པས་བཀོད་བྱས་ནས། །དཔའ་བོ་ཡི་ནི་དབང་ཕྱུག་དྲུག་པོ་ཡི། །སྔགས་རྣམས་ཀྱིས་ནི་ལུས་ལ་དགོད་པར་བྱ། །དེ་རྗེས་ལ་ཡང་རྡོ་རྗེ་འཆང་སྟེང་དུ། །ཚོན་བཟང་སྦྱར་བ་ལས་སྐྱེས་སྣོད་སྙོམས་ལ། །ཞ་ཉེ་
[199b.4]ལས་སྐྱེས་ཕྱེ་མ་སོ་མ་དག །སེང་རས་བདག་ཏུ་དལ་བུས་བཙགས་ལ་འགྲམ། །དེར་ནི་གསེར་ལས་བྱས་པའི་ཐུར་མ་ཡིས། །རྒྱལ་བའི་སྙིང་པོའི་སྙིང་པོ་འཁོར་ལོ་ནི། །གཙུག་ཕུད་ཅན་གྱིས་ཟུར་ལྡན་མངོན་བྲིས་ནས། །དེ་ཡི་སྙིང་པོར་སྔགས་ཀྱི་ཕྲེང་བ་བྲི། །འཁོར་ལོའི་ཕྱི་རོལ་ཤར་གྱི་ཆ་དང་
[199b.5]ནི། །བྱང་དང་ནུབ་དང་གཟི་ལྡན་སྲས་ཕྱོགས་སུ། །བཀྲ་ཤིས་དམ་པ་རྣམས་ནི་རིམ་པ་བཞིན། །ལག་པ་གཡོན་པ་ཡིས་ནི་མངོན་པར་བྲི། །ཛཿཧཱུཾ་བཾ་ཧོཿ། །ཞེས་ནི་རབ་བརྗོད་ནས། །རྡོ་རྗེ་ལྷ་མོ་བཀུག་ནས་གསང་སྔགས་ཀྱི། །ཡི་གེ་ལ་ནི་བཅུག་ནས་བསྡམས་པ་དང་། །ཆོ་ག་ཡིས་ནི་ཡོངས་སུ་
[199b.6]མཉེས་པར་བྱ། །དེ་རྗེས་སྔགས་ཀྱི་རང་བཞིན་དེ་ལ་ནི། །བཟའ་དང་བཅའ་དང་བལྡག་དང་བཏུང་བ་དང་། །གཞིབ་བྱ་འདོད་ཡོན་ལྔ་དང་བཅས་རྣམས་ཀྱིས། །མཆོད་པ་རྣམ་པ་སྣ་ཚོགས་པ་དག་བྱ། །སྣ་ཚོགས་སྟོབས་ནི་མྱོས་བྱེད་དང་བཅས་པ། །ཤིན་ཏུ་ཁྱད་འཕགས་མཆོད་པ་རྣམ་ལྔ་དང་། །
[199b.7]གླུ་དང་རོལ་མོ་དང་ནི་གར་རྣམས་དང་། བསྐོར་བ་ཕྱག་འཚལ་བསྟོད་པ་རྣམས་ཀྱིས་ནི། །ཉིན་རེ་བཞིན་ནམ་ཟླ་ཕྱེད་སོ་སོའམ། །ཟླ་རེ་བཞིན་ནམ་ཚེས་ནི་བཅུ་པ་ལས། །དངོས་གྲུབ་འདོད་པའི་དམ་པས་ཇི་སྐད་དུ། །བཤད་བཞིན་མཆོད་པའི་ཆོ་ག་འདི་ལ་བྱ། །དེ་ཁོ་ན་ཉིད་ཡེ་ཤེས་གྲུབ་པ་ལས། །
[200a]
[200a.1]ཕྱི་རོལ་མཆོད་པའི་ཆོ་གའོ།། །།དེ་ནས་གཙོ་ཆེན་ཕྱི་རོལ་མཆོད་པའི་ཚུལ། །བྱས་པས་སྤྲུལ་པའི་རྩིབས་ཅན་པད་དབུས་སུ། །དབུགས་བྲལ་སྙིང་གར་ཚ་ཟེར་ཅན་གཟུགས་ལ། །སྔར་བརྗོད་པ་ཡི་ལྷ་མོ་བསྒོམ་བྱ་སྟེ། །དགོངས་ཀའི་ཐུན་མཚམས་དམར་ཐག་མདོག་ཅན་འོད་
[200a.2]དཔུང་ཚོགས་ཀྱིས་མདུན་གྱི་གཟིར་བཅོམ་ཞིང་། །དཔག་མེད་འོད་འཕྲོ་ཉམ་ཐག་ཀུན་གཅོད་པ་ཡི་གྲི་གུག་གཡས་ཀྱི་ཕྱག་ན་འཛིན། །རྒྱལ་མཚན་དང་བཅས་གཡོན་པས་པད་སྣོད་ཤིན་ཏུ་དཀར་བ་ཁྲག་གིས་བཀང་འཛིན་ཅིང་། །ཐོད་ཕྲེང་རྡོ་རྗེ་ཕྲེང་བས་དབུ་བཅིངས་མགོ་སྐྲ་གྲོལ་ཞིང་གྱེན་དུ་འགྲེང་གྱུར་པ། །
[200a.3]མགོ་བོའི་ཕྲེང་བས་སྐུ་བརྒྱན་ཁྲག་གིས་ཞལ་བཀང་རོ་ཡི་སྤྱན་ལྡན་གྲོལ་བའི་གདངས། །སྐལ་ལྡན་ས་གློག་ཞལ་ནི་གྱེན་དུ་ལྟ་ཞིང་རྩ་བའི་ཞལ་ནི་ཅུང་ཟད་ཁྲོ། །ཀུན་དགའ་དང་བཅས་རྗེས་སུ་ཆགས་ཤིང་སྣ་ཚོགས་ཉམས་ཅན་སྐྱིལ་ཀྲུང་ཕྱེད་པའི་གར། །ཕྱག་རྒྱ་ལྔས་ནི་རྒྱས་བཏབ་ན་བཟའ་དང་བྲལ་བཅུ་
[200a.4]དྲུག་ལོ་ཚད་སྐུ་མཆོག་ཅན། །ཡེ་ཤེས་དགུག་སོགས་སྔ་མ་བཞིན་དུ་ནི། །ཆོ་གའི་རིམ་པ་སྔགས་པས་བྱས་ནས་ནི། །བཀྲ་ཤིས་དཔྲལ་བ་ཡིས་ནི་མངོན་ཕྱོགས་ལ། །མྱུར་བར་འཁོར་བ་གཅིག་ནི་བསྒོམ་པར་བྱ། །དེ་ཡི་རྗེས་ལ་བྱ་ལམ་ཁམས་སུ་ནི། །གྲུ་གསུམ་རི་མོ་ཡི་ནི་སུལ་ནང་དུ། །
[200a.5]འཁོར་ལོ་དམར་པོ་རབ་ཏུ་འབར་བ་ནི། །མྱུར་བར་སྔར་བཤད་ལྟ་བུར་འཁོར་བར་བསྒོམ། །ལྷག་པའི་ཤུགས་ཀྱིས་བསྟན་པ་ལྟར་གནས་ཤིང་། །རླུང་མེད་མི་གཡོ་མར་མེ་ལྟར་གསལ་དེས། །བདེ་བ་ཆེན་པོའི་འཁོར་ལོ་བཞུ་བྱས་ནས། །བདུད་རྩིའི་ཐིག་ལེ་ཟགས་པས་ཁྲུས་བྱས་ཤིང་། །སྐུ་
[200a.6]གསུམ་ངོ་བོ་མཆོག་ཏུ་ལྷན་ཅིག་ཏུ། །སྐྱེས་པའི་བདག་ཉིད་འགྲོ་ལ་ཁྱབ་བྱེད་ཅིང་། །བདེ་བ་དཔག་ཏུ་མེད་པའི་རྒྱུར་འཕྲོ་བ། །ནུབ་ཏུ་བལྟས་ནས་ཕྱི་ནས་བལྟ་བར་བྱ། །ཉི་མ་རེ་རེ་བཞིན་དུ་ཐུན་རེའམ། །ཇི་ལྟར་ཁོམ་བཞིན་འདི་ནི་ཇི་སྲིད་དུ། །དངོས་གྲུབ་མཚན་མ་མཐོང་བ་དེ་སྲིད་པར། །བསྒོམ་
[200a.7]བྱ་དེ་ཡང་གསལ་བར་བརྗོད་པར་བྱ། །འབད་མེད་སྐྱེས་པ་དགའ་མའི་ཤུགས་དང་རྗེས་འབྲེལ་བས། །གང་ཚེ་རྣམ་པར་བསྒོམས་པ་འདི་ནི་གསལ་གྱུར་ཅིང་། །ལྕགས་ཀྱིས་བཞུ་བ་ལ་སོགས་གནོད་པ་མི་ཚོར་བ། །དེ་ཚེ་གྲུབ་པ་ཉེ་བར་གནས་པར་གྱུར་པ་ཡིན། །རྔ་བོ་ཆེ་སོགས་རབ་ཏུ་བརྡུངས་པ་
[200b]
[200b.1]རྣམས་ཀྱི་སྒྲ། །གསལ་པོར་ཉན་པའི་སྤྱོད་ཡུལ་དུ་ནི་མི་འགྱུར་ཞིང་། །གང་ཚེ་རྨི་ལམ་དུ་ནི་བླ་མེད་བྱང་ཆུབ་མཆོག །ཐོབ་ན་རིང་པོར་མི་ཐོགས་བསམ་གཏན་པས་མཆོག་འགྲུབ། །གྲུབ་པའི་མཚན་མ་མཐོང་ནས་འདྲེ་གནས་དང་། །རི་ལྗོངས་ལྗོན་པའི་རྣ་བ་ལ་སོགས་སུ། །གནས་ནས་རྫོགས་པའི་རིམ་
[200b.2]པའི་རྣལ་འབྱོར་ནི། །བློ་བཟང་གིས་ནི་རྒྱུན་མི་ཆད་པར་བསྒོམ། །གྲུབ་ནས་ནོར་འཛིན་ལ་སོགས་རིམ་པ་ཡིས། །གོང་ནས་གོང་དུ་རབ་ཏུ་ཐིམ་འགྱུར་ཞིང་། །དེ་ཚེ་ནམ་མཁའ་ལྟ་བུར་སྣང་བ་ཡིས། །འོད་གསལ་བ་ཡི་ཡེ་ཤེས་ཙམ་དུ་འགྱུར། །དེ་དག་མཚན་མར་ཤེས་བྱ་མཚན་མ་ཡང་། །རྣམ་པ་
[200b.3]ལྔར་ནི་དེ་ཤེས་པས་རིག་བྱ། །དེ་ཉིད་ཕྱིར་ན་དེ་དག་རྣལ་འབྱོར་པས། །མཉམ་པར་གཞག་པའི་སེམས་ཀྱིས་རྟོགས་པར་བྱ། །དང་པོ་རི་དགས་སྲེད་བཞིན་སྣང་བ་སྟེ། །མཚན་མ་གཉིས་པ་དུད་པའི་རྣམ་པ་ཅན། །གསུམ་པ་མེ་ཁྱེར་དང་འདྲ་བཞི་པ་དེ། །སྒྲོན་མ་འབར་བ་ལྟ་བུར་གསལ་བ་ཡིན། །
[200b.4]མཚན་མ་ལྔ་པ་རྣམ་པར་མི་རྟོག་པ། །སྤྲིན་བྲལ་ནམ་མཁའ་ལྟ་བུར་སྣང་བ་ཡིན། །དེ་ལྟ་བུ་ཡི་མཚན་མ་མཐོང་ནས་ནི། །ཕྱག་རྒྱ་ཆེན་པོ་འཐོབ་པར་འགྱུར་བ་ཡིན། །ལྡང་བར་འདོད་པ་རྣལ་འབྱོར་མ་དང་མགོར་གནས་པའི། །མགོན་ལ་འདུད་ནས་ཡི་གེ་མུཿནི་རབ་ཏུ་བརྗོད། །ལངས་ནས་དེ་ཉིད་བློ་
[200b.5]ཡིན་བྱ་བ་བསྒྲུབ་བྱ་ཞིང་། །རྣལ་འབྱོར་རིགས་པས་རྟག་ཏུ་རྣལ་འབྱོར་ལྡན་པར་གནས། །དེ་ཁོ་ན་ཉིད་ཡེ་ཤེས་གྲུབ་པ་ལས། །བསྒོམ་པའི་ཆོ་གའོ།། །།སློབ་མས་མཎྜལ་བྱས་ཤིང་ཞབས་པད་ལ། །འདོད་པས་གསོལ་བ་མང་དུ་བཏབ་གྱུར་པའི། །སྔགས་པ་ཡིས་ནི་ཚེས་བཅུ་པ་དག་ལ། །དེ་
[200b.6]དག་རྣམས་ནི་རྗེས་སུ་གཟུང་བར་བྱ། །རྣལ་འབྱོར་བྱས་པ་སྔགས་ཀྱི་རང་བཞིན་གྱིས། །ལྷ་མོ་འཁོར་ལོའི་བདག་ཉིད་ཅན་མཆོད་ཅིང་། །བཟླས་པ་བྱས་པར་གྱུར་པའི་དང་པོ་མཆོག །ཀུན་དུ་བླངས་ཏེ་དེ་ལས་འདའ་བར་བྱ། །དེ་ནས་མཎྜལ་ལྔ་ནི་བྱས་གྱུར་ཅིང་། །ཡོན་ཕུལ་ནས་ནི་མདུན་དུ་འགྲང་
[200b.7]གྱུར་པའི། །མེ་ཏོག་ཕྲེང་འཛིན་སློབ་མའི་མགོ་བོ་ལ། །མགོན་པོ་བསྒོམས་ལ་བླ་མས་བལྟ་བར་བྱ། །དེ་རྗེས་ཇི་སྐད་བཤད་པའི་ལྷ་མོ་དང་། །འོད་ཟེར་འབར་བའི་འཁོར་ལོའི་ཤུགས་ལྡན་པ། །ཉེ་བར་གནས་པའི་ལུས་ལ་བསམས་ནས་ནི། །དེ་ལ་རྡོ་རྗེ་འཛིན་པ་སྦྱིན་པར་བྱ། །མཐར་གྱིས་དེ་
[201a]
[201a.1]ལྟར་བབས་པ་དེ་ལ་ནི། །སྤུ་ལྡང་བ་དང་རབ་ཏུ་འདར་བ་དང་། །མཆི་མ་བྱུང་བ་དང་ནི་འགྱེལ་བ་དང་། །ཡེ་ཤེས་སྐྱེས་པའི་རང་བཞིན་འབྱུང་བར་འགྱུར། །དེ་རྗེས་དང་ལྡན་ཡོན་ཏན་དང་བཅས་ཤིང་། །བླ་མས་སངས་རྒྱས་གཉིས་མེད་གུས་པ་ལ། །རྡོ་རྗེ་ཡི་ནི་རྣལ་འབྱོར་མ་
[201a.2]རྣམས་ཀྱི། །ཏིང་འཛིན་མཆོད་དང་སྔགས་རྣམས་བརྗོད་པར་བྱ། །དད་པ་དང་ནི་རྣམ་པར་བྲལ་བ་ཡི། །གྲུས་པ་རྣམ་པར་ཉམས་པའི་སློབ་མ་ལ། །ཡིད་ཆེས་འཕྲལ་བསྐྱེད་ཤིན་ཏུ་རྣམ་དག་པའི། །རྣལ་འབྱོར་འདི་ནི་བརྗོད་པར་མི་བྱའོ། །གང་ཞིག་སྔགས་དང་བཅས་པར་གྱུར་པ་ཡི། །ལྷ་མོའི་
[201a.3]འཁོར་ལོ་ལ་ནི་མཆོད་བྱེད་པ། །དེ་ལ་འཇིགས་བརྒྱད་པོ་རྣམས་དང་ནི། །སྡིག་པ་ཆེན་པོ་རྣམས་དང་སྐལ་ངན་དང་། །དབུལ་བ་དང་ནི་ནད་དང་རྒས་པ་དང་། །སྡུག་བསྔལ་ཡིད་མི་བདེ་བ་རྣམས་དང་ནི། །འཁྲུག་དང་འཐབ་རྩོད་ཉེས་སྐྱོན་ཉོན་མོངས་དང་། །གདུང་བ་སྣ་ཚོགས་རྣམས་ཀྱང་
[201a.4]འཇིག་པར་འགྱུར། །གང་ཞིག་སྙིང་གར་འཁོར་ལོའི་གསང་སྔགས་ནི། །བསྒོམས་ནས་འགོག་པའི་ཚིག་གིས་ཟློས་བྱེད་དེས། །དངོས་གྲུབ་བརྒྱད་པོ་རྣམས་དང་མངོན་ཤེས་ལྔ། །དེ་བཞིན་ཡོན་ཏན་བརྒྱད་པོ་ཐོབ་པར་འགྱུར། །ཉིན་རེ་བཞིན་དུ་ཐུན་བཞིར་འབད་ནས་སུ། །ས་རློག་ཞལ་ནི་བསྒོམ་
[201a.5]པ་གང་ཡིན་ལ། །སེང་གེ་འཕྲོག་བྱེད་དབྱིག་གི་སྙིང་པོ་ཡིས། །ཐུབ་པར་དཀའ་བའི་དྲན་པ་སྐྱེ་བར་འགྱུར། །འཁོར་ལོ་དང་བཅས་ཕག་ཞལ་ཅན་འདི་གང་ཞིག་སྒོམ་བྱེད་པ། །དེ་ལ་བུད་མེད་རྣམས་དང་རིགས་པ་སྣ་ཚོགས་གོས་དང་ནི། །བཟའ་བཏུང་སྣ་ཚོགས་ནོར་འབྲུ་ས་གཞི་དང་ནི་ཁང་
[201a.6]བཟངས་དང་། །ལྷ་རྫས་ཀྱི་ནི་མལ་སྟན་དག་དང་སྒྲུབ་བྱེད་རྣམས་ཀྱང་འབྱུང་། །དེ་ཁོ་ན་ཉིད་ཡེ་ཤེས་གྲུབ་པ་ལས་ཕན་ཡོན་དང་སློབ་མ་རྗེས་སུ་གཟུང་བའི་ཆོ་གའོ།། །།དེ་ནས་རྡོ་རྗེ་རྣལ་འབྱོར་མའི། །སྔགས་བཏུ་མཆོག་གྱུར་རིམ་པ་བཞིན། །རྣ་ནས་རྣ་དང་དེ་བཞིན་དུ། །ཞལ་ནས་ཞལ་དུ་འོངས་
[201a.7]འདི་བརྗོད། །སྔར་བརྗོད་ལྟ་བུའི་འཁོར་ལོ་ལྷའི། །ཚོགས་ཀྱི་གནས་དང་ལྡན་པ་བྲི། །ཨ་ཕྲེང་ཀ་ཕྲེང་དེ་བཞིན་དེར། །གཅིག་མ་ཚང་བ་རིམ་གྱིས་བྲི། །ཛྷ་འོག་དང་སྟེང་གནས་སྦྱར་བ། །ཧ་འོག་བསྟེན་པས་རྣམ་བརྒྱན་པའི། །ཡིག་མཆོག་དེ་ཉིད་གསལ་བྱེད་ནི། །དང་པོ་ཉིད་དུ་གསུམ་
[201b]
[201b.1]བྲི་བྱ། །བྷ་སྟེང་རྟེན་དང་ཚ་སྟེང་གནས་པ་ནི། །ཊ་སྟེང་གནས་དང་འབྲེལ་པ་དེ་རྗེས་བྲི། །ཥ་འོག་རྟེན་པ་ཌ་འོག་མར་བཅས་དང་། །ཤ་སྟེང་རྟེན་པ་ཥ་སྟེང་གནས་དང་བཅས། །ལི་འོག་གནས་པ་ཉ་འོག་དང་ལྡན་པ། །པ་སྟེང་ཊ་འོག་ལྡན་པ་དེ་རྗེས་བྲི། །ཕ་སྟེང་སོན་པ་ཋ་འོག་དང་ལྡན་པ། །ཧ་ཊའི་བར་
[201b.2]གནས་ཨཻ་གཡོན་དང་བཅས་ཏེ། །ཙ་སའི་དབུས་གནས་པ་དང་བྷ་འོག་དང་། །གནས་པ་ཐ་གཡས་དང་འབྲེལ་དེ་རྗེས་ལ། །ཧ་ཐའི་དབུས་སོན་པ་དང་ཏ་གཡོན་རྟེན། །ཋ་ལའི་དབུས་དང་འབྲེལ་པ་ཕྱི་ནས་བྲི། །ཆ་ཀུན་གྱི་ནི་མཐའ་དང་ཕ་ཡི་བར། །དེ་གསུམ་པ་ཡི་དང་པོའི་གཡོན་ནས་འབྲེལ། །ལ་ཡི་
[201b.3]འོག་ན་ཎ་སྟེང་པ་དང་ལྡན། །ཚ་སྟེང་གནས་དང་དྷ་འོག་ཋ་གཡས་ལྡན། །ཥ་འོག་གནས་པ་ཏ་སྟེང་བ་དང་ལྡན། །ཎ་འོག་ཐ་སྟེང་དང་ལྡན་ཕྱི་ནས་ཡིན། །ཕ་འོག་རྟེན་དང་ཕ་སྟེང་ཐ་འོག་མར། །ལྡན་དང་ལ་འོག་ཎ་སྟེང་ད་ལྡན་ནོ། །ཝ་འོག་གནས་པ་རཱྀ་འོག་སྟོང་པ་ཅན། །གསུམ་དང་ཙ་སྟེང་ར་འོག་
[201b.4]གནས་བཅས་གསུམ། །ཤ་འོག་གནས་པ་ཐ་འོག་དང་ལྡན་ཞིང་། །ཉ་ཡི་འོག་མ་དང་ཡང་ལྡན་པ་ཡིན། །ས་ཡི་བར་གནས་ཛྷ་ཡི་གཡོན་བཅས་ཏེ། །གསང་ཆེན་ཡི་གེའི་རྣམ་པ་བརྗོད་གྱུར་པ། །རྡོ་རྗེ་ལྷ་མོ་རྣམས་ཀྱི་སྔགས་འདི་ནི། །བྲི་ཞིང་བསྒོམ་པ་བརྗོད་པར་བྱ་བ་ཡིན། །ཡིད་བཞིན་ནོར་བུ་
[201b.5]དཔག་བསམ་ཤིང་དང་བུམ་པ་མཆོག །དཔལ་ལྡན་འདོད་པའི་འོ་མའི་བ་ཡང་རབ་ཏུ་བསྔགས། །དེ་དག་བསྒྲུབ་བྱས་འདིར་ནི་ནོར་སྟེར་ཙམ་འགྱུར་ཏེ། །འདིས་ནི་བདེ་དང་བཅས་པའི་ནོར་རྣམས་སྟེར་བར་བྱེད། །དེ་ཁོ་ན་ཉིད་ཡེ་ཤེས་གྲུབ་པ་ལས་སྔགས་བཏུ་བའི་ཆོ་གའོ།། །།མཆོད་པའི་གྱུར་ནི་ཆོ་
[201b.6]ག་མཁས་པ་ཡིས། །སྣོད་ལ་བརྟེན་པ་གང་ལ་འདི་བྲིས་པ། །དེས་ནི་མགོ་དང་མགུལ་པ་དཔུང་བ་ལ། །བརྟགས་པས་བྱིས་པའི་ཚུལ་བཞིན་བསྲུང་བར་བྱ། །བསྲུང་བཅས་བྱིས་པ་མཐོང་ནས་ལྟོ་འཕྱེ་འབྱུང་པོ་དང་། །གདོན་དང་མཚན་མོ་རྒྱུ་དང་ཤ་ཟའི་ཚོགས་བཅས་དང་། །བྱིས་པ་འཇིགས་པས་ཉམ་ཐག་
[201b.7]བྱེད་པའི་རབ་འཇིགས་གཞན། །སྟོབས་ལྡན་སེང་གེས་ནགས་སུ་སྐྲག་ལ་འདར་བཞིན་འབྱེར། །རྣལ་འབྱོར་གྱི་ནི་མན་ངག་དམ་པ་ཐོབ་ཅིང་ཡིད་ཆེས་མཐོང་གྱུར་ནས། །བདག་གིས་གསལ་བའི་ཡེ་ཤེས་དྲི་མེད་ཡང་དག་གྲུབ་པ་འདི་བྲིས་ཏེ། །དེས་ན་དེ་ཐོབ་དོན་དུ་གུས་སྨྲ་བབ་ཏུ་སྦྱིན་པའི་ཚུལ་
[202a]
[202a.1]རྣམས་དང་། །ལུས་ངལ་བ་དང་རབ་འདུད་རྣམས་ཀྱིས་བླ་མ་དམ་པའི་ཞབས་པད་བསྟེན། །འཇིག་རྟེན་དག་ནམ་བཞིན་ཕན་པ་མང་པོ་སྐྱེད་བྱེད་དེ་ཉིད་མཆོག་གྲུབ་གང་ཡིན་པ། །དེ་བྱས་དགེ་བ་སྐྱོན་བྲལ་ཟླ་བ་ཉ་བའི་འོད་ལྟར་དཀར་བ་ཡང་དག་གང་ཐོབ་པ། །དེས་ནི་འཇིག་རྟེན་རྩོད་
[202a.2]པའི་དྲི་བྲལ་རྫོགས་པའི་བྱང་ཆུབ་དག་པ་ཡི་ནི་སྣོད་གྱུར་ཅིག །ཕྱག་རྒྱ་རྒྱ་ཆེན་སྲིད་དང་ཞི་བ་མཉམ་གྱུར་སེམས་ཅན་ཀུན་དོན་བྱེད་པ་ཐོབ་པར་ཤོག །དེ་ཁོ་ན་ཉིད་ཡེ་ཤེས་ཡང་དག་པར་གྲུབ་པ་ཞེས་བྱ་བ་བདག་བྱིན་གྱིས་བརླབ་པའི་རིམ་པ་དཔལ་འཇམ་པའི་དབྱངས་ཀྱིས་བྱིན་གྱིས་བརླབས་པ་མཁས་པ་ཆེན་
[202a.3]པོ་ཏིང་ངེ་འཛིན་རྡོ་རྗེའི་ཞལ་སྔ་ནས་ཀྱི་ཞབས་ཀྱི་རྡུལ་ལ་རེག་པ་པཎྜི་ཏ་སྟོང་ཉིད་ཏིང་ངེ་འཛིན་གྱིས་མཛད་པ་རྫོགས་སོ།། །།བལ་པོའི་ཨཱ་ཙཱརྱ་བྷ་རེནྡྲ་རུ་ཙི་དང་། ལོ་ཙཱ་བ་བློ་ལྡན་ཤེས་རབ་ཀྱིས་བསྒྱུར་བའོ།། །།འགྲོ་ཀུན་སངས་རྒྱས་མྱུར་ཐོབ་ཤོག། །{T1552}༄༅༅། །རྒྱ་གར་སྐད་དུ།
[202a.4]སརྦ་ཨརྠ་སིདྡྷི་སཱ་དྷ་ནཾ་ནཱ་མ། བོད་སྐད་དུ། དོན་ཐམས་ཅད་གྲུབ་པ་ཞེས་བྱ་བའི་སྒྲུབ་ཐབས། རྡོ་རྗེ་ཕག་མོ་ལ་ཕྱག་འཚལ་ལོ། །དོན་ཀུན་གྲུབ་པའི་སྒྲུབ་ཐབས་འདི། །བླ་མ་ཉེ་བར་བསྟེན་པས་བརྗོད། །མན་ངག་གསང་ཕྱིར་རྣལ་འབྱོར་འདི། །སྐལ་བ་ཅན་རྣམས་ཉིད་ལ་འོས། །དེ་ལ་དང་པོར་
[202a.5]རེ་ཞིག་སྔགས་པས་སྐྱེ་བོས་དབེན་ཞིང་ཡིད་དང་མཐུན་པའི་ས་ཕྱོགས་སུ་སྟན་བདེ་བ་ལ་འདུག་སྟེ། །དམ་ཚིག་དང་བཅས་པས་གནས་དང་། བདག་དང་རྣལ་འབྱོར་བསྲུང་བའི་དོན་དུ། །བགེགས་ཐམས་ཅད་ཉེ་བར་ཞི་བར་བྱེད་པའི་སྔགས་བརྗོད་པར་བྱ་བ་ནི། ཨོཾ་ཧྲཱིཿགྷ་གྷ་གྷཱ་ཏ་ཡ་གྷཱ་ཏ་ཡ་སརྦྦ་དུཥྚཱ་ན་ཧཱུཾ་ཕཊ་
[202a.6]སྭཱ་ཧཱ། དེ་ནས་གཏོར་མ་སྦྱིན་པ་སྔོན་དུ་འགྲོ་བ་ཅན་གྱིས་བཅོམ་ལྡན་འདས་མ་རྡོ་རྗེ་ཕག་མོ་བསྒོམ་པར་བྱའོ། །དེ་ནས་རང་གི་ལྟེ་བའི་དབུས་སུ་འཁོར་ལོ་གྲུ་གསུམ་དམར་པོ་བསྒོམས་ནས། དེའི་དབུས་སུ་པདྨ་དམར་པོ་འདབ་མ་བཞི་པའི་ལྟེ་བར་རོ་དང་ཉི་མའི་དཀྱིལ་འཁོར་གྱི་སྟེང་དུ་ཡི་གེ་ཧྲཱི་དམར་པོ་བསྐལ་
[202a.7]པའི་མེ་འབར་བ་བལྟ་བར་བྱའོ། །དེའི་རྗེས་ལ་ས་བོན་དེ་ཡོངས་སུ་གྱུར་པ་ལས་སྐྱེས་པའི་རྡོ་རྗེ་ཕག་མོ་ལི་ཁྲི་ལྟར་དམར་བའི་མདོག་ཅན། པདྨ་དང་ཡི་དགས་དང་ཉི་མའི་དཀྱིལ་འཁོར་ལ་གཡས་བརྐྱང་པའི་ཞབས་ཀྱིས་བཞུགས་པ། སྐྲ་དང་བ་སྤུ་དང་སྤོ་གཞུང་གི་སྤུ་གྱེན་དུ་ལངས་པ། །ཐོད་པ་ལྔས་དཔྲལ་
[202b]
[202b.1]པར་བརྒྱན་པར་བྱས་ལ། །མགོ་བོའི་ཕྲེང་བས་སྐུ་ལ་བརྒྱན་པ། །ཕྱག་རྒྱ་ལྔས་མཛེས་པར་བྱས་པ། ཞལ་གཅིག་པ་སྤྱན་གསུམ་པ། །ཞལ་ཁྲོ་གཉེར་བསྙེར་བ་རྡོ་རྗེའི་འོད་མངའ་ཞིང་ལྗགས་འདྲིལ་བ། །གཅེར་བུ་ཕྱག་བཞི་པ། གཡས་ན་རྡོ་རྗེ་དང་། རྡོ་རྗེ་ལྕགས་ཀྱུ་འཛིན་པ། གཡོན་ན་ཐོད་པ་དང་།
[202b.2]ཁ་ཊྭཱཾ་ག་དང་། སྡིགས་མཛུབ་དང་། ཞགས་པ་བསྣམས་པ། ཐུང་ཞིང་གསུས་པ་འཕྱང་བ། །གདུག་པ་ཅན་ཐམས་ཅད་ཀྱིས་བཟོད་པར་དཀའ་བའི་གད་མོ་དགོད་པ། ཁྲོ་མོའི་རང་བཞིན་ཅན་དེ་ལྟ་བུར་གྱུར་པར་བསྒོམ་པར་བྱའོ། །དེ་ནས་ཡེ་ཤེས་ཀྱི་ལྷ་མོ་བཀུག་ནས་ཆོ་ག་བཞིན་དུ་བཙུག་སྟེ། ཡང་དག་
[202b.3]པར་མཆོད་ནས། །མཉམ་པར་གཞག་པའི་སེམས་ཀྱིས་བསྙེན་པའི་དུས་སུ་སྔགས་ཀྱི་བཟླས་པ་བྱའོ། །ཨོཾ་བཛྲ་བཱ་རཱ་ཧཱི་ཨཱ་བེ་ཤ་ཡ་སརྦྦ་དུ་ཥྚཱཾ་ཧྲཱི་སྭཱ་ཧཱ། འཁོར་ལོ་གྲུ་གསུམ་ལ་གནས་པའི་གསང་སྔགས་བཟླས་པ་དང་། མཆོད་པ་དང་། བསྒོམ་པའི་ཆོ་ག་འབུམ་བཟླས་པས་འགྲུབ་སྟེ་འདི་ལ་ཐེ་ཚོམ་མི་
[202b.4]བྱའོ། །ཐང་ཁ་ལ་སོགས་པའི་མདུན་དུ་ཤ་ཆེན་གྱི་ཕྱེ་མའི་བདུག་པ་སྔགས་འདིས་མཉམ་པར་གཞག་པས་དབུལ་ལོ། །ཨོཾ་ཨཱཿཧྲཱིཾ་ཧཱུཾ་ཧཱུཾ་ཧཿཧཿཞེས་པ་ལ་ལན་ཉི་ཤུ་རྩ་གཅིག་བརྗོད་པ་དང་བཅས་པས་བདུག་པ་དབུལ་ཏེ་གཞན་དུ་མ་ཡིན་ནོ། །ཨོཾ་ཧྲིཾ་ཧཾ་ཧཾ། ཧེ་ཧེ། ཧ་ཧ། ཧི་ཧི། ཕེཾ་ཕེཾ་ཕེཾ། ཞེས་བྱ་བའི་
[202b.5]སྔགས་སྒྲ་དང་བཅས་པ་བརྗོད་ཅིང་། མཆོད་པའི་ཡོ་བྱད་ལྔ་དང་བཅས་པའི་གཏོར་མ་མཚན་ཕྱེད་ན་དབུལ་བར་བྱ་སྟེ། །གཏོར་མ་བྱིན་པ་འདི་ཡིས་ནི། །རྟག་ཏུ་བདུད་སོགས་ཞི་བར་བྱེད། །ཉེ་བར་བསྟན་པ་ཇི་ལྟ་བ་བཞིན་དུ་གསང་ནས་མཆོད་པ་བྱས་ན་རྡོ་རྗེ་རྣལ་འབྱོར་མ་འགྲུབ་པར་འགྱུར་རོ། །དེ་ལྟར་
[202b.6]བསྙེན་པ་བྱས་ནས་དངོས་གྲུབ་གྲུབ་པའི་དུས་སུ་ནི་ཚོགས་པ་ཚང་བ་ཅན་གྱིས་ཉེ་བར་བསྟན་པ་ཇི་ལྟ་བ་བཞིན་དུ་ཐམས་ཅད་བྱས་ན་དེ་ལ་རྣལ་འབྱོར་མས་བྱིན་གྱིས་བརླབ་ཀྱི་གཞན་དུ་ནི་མ་ཡིན་ནོ། །དོན་ཐམས་ཅད་གྲུབ་པའི་སྒྲུབ་ཐབས་སློབ་དཔོན་མཁས་པ་གྲུབ་པ་བརྙེས་པ་ཨ་བ་དྷཱུ་ཏཱི་པས་མཛད་པ་རྫོགས་
[202b.7]སོ།། །།བལ་པོའི་ཨཱ་ཙཱརྱ་བྷ་རེནྡྲ་རུ་ཙི་དང་། ལོ་ཙཱ་བ་བློ་ལྡན་ཤེས་རབ་ཀྱིས་བསྒྱུར་བའོ། །{T1553}༄༅༅། །རྒྱ་གར་སྐད་དུ། ཛྙཱ་ནཱ་བེ་ཤ་ནཱ་མ། བོད་སྐད་དུ། ཡེ་ཤེས་འཕོ་བ་ཞེས་བྱ་བ། རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །མུ་ཏིག་གིས་སྤྲས་བྱི་རུའི་ཆུན་
[203a]
[203a.1]པོ་ལྟར་གསལ་སྐར་བཅས་དགོངས་ཀའི་ཐུན་མཚམས་འདྲ། །མེ་སྟག་རབ་འཕྲོ་འཇིགས་བྱེད་མེ་འབར་ལྟ་བུར་ཕྱོགས་དང་ནམ་མཁའ་གསལ་བྱེད་ཅིང་། མེ་ཏོག་དཀར་པོ་དང་ལྡན་གྱི་ཤུ་ཀ་ཡི་མེ་ཏོག་འབར་བའི་ཚོགས་འདྲ་བ། །གཟི་བརྗིད་དུ་མས་རྣམ་བརྒྱན་དམར་བའི་སྐུ་མངའ་
[203a.2]རྡོ་རྗེ་ཕག་མོ་ཁྱེད་ལ་བསྲུངས། །ཉེས་མཚོའི་ཆུ་རྣམས་མ་ལུས་པ་ལས་རྒལ་གྱུར་ཡེ་ཤེས་དམ་པས་ཡང་དག་བརྒྱན། །གཞན་དོན་ལ་བརྩོན་བཅོམ་ལྡན་འདས་མ་རྡོ་རྗེ་ཕག་མོ་འཇིགས་མ་ལ་བཏུད་ནས། །ཤིན་ཏུ་གཏིང་ཟབ་དཔལ་ལྡན་འཁོར་ལོ་སྡོམ་པའི་རྒྱུད་ལས་ཡང་དག་བླངས་གྱུར་པ། །ཡེ་ཤེས་
[203a.3]དབབ་པའི་ཆོ་གས་གསང་བ་ཡིད་ཆེས་སྐྱེད་བྱེད་ཚུལ་བཞིན་བརྗོད་པར་བྱ། །བསམ་གཏན་ཁང་པ་ཡིད་འོང་སྐྱེ་བོ་དང་བྲལ་དྲི་ཞིམ་ཆུས་བརླན་སར་ཞུགས་ཏེ། །ཤིན་ཏུ་འཇམ་ཞིང་མཐོ་བའི་སྟན་ལ་འདུག་ནས་ཕྱིར་ལ་འཇིགས་པ་སེལ་བྱེད་པའི། །གསང་སྔགས་བརྗོད་ནས་དེ་འོག་མདུན་དུ་མེ་ཏོག་གིས་
[203a.4]ནི་བྱུགས་གྱུར་དཀྱིལ་འཁོར་དག །ཆོ་ག་བཟང་པོ་བྱས་ནས་བཟླས་པ་བྱས་པའི་རྡོ་རྗེའི་ཆུ་ཡིས་ཁྲུས་བྱས་ཏེ། །འབྱུང་པོའི་ཚོགས་ལ་གཏན་པའི་གཏོར་མ་བཏང་ནས་འབད་པ་དམ་པས་ཐང་ཀ་དག །མདུན་དུ་བཀྲམ་ནས་སྤོས་ཀྱིས་བདུགས་ཤིང་མཆོད་ནས་བློ་བཟངས་ཀྱིས་ནི་བསམ་གཏན་བྱ། །སྤྲུལ་
[203a.5]པའི་འཁོར་ལོར་ཉི་མའི་ས་བོན་ལས་གྱུར་མེ་གཟུགས་དམར་པོ་གྲུ་གསུམ་ལ། །ཆུ་སྐྱེས་དམར་པོ་དུས་ཀྱི་འདབ་མ་དང་ལྡན་རབ་ཏུ་འབར་ཞིང་རྒྱས་པ་བསྒོམ། །དེར་ནི་རོ་ཡི་སྙིང་གར་འོད་དྲོད་ཅན་སྟེང་ཤིན་ཏུ་གཡོན་བརྐྱང་ཞབས་བཞུགས་པ། །བཅོམ་ལྡན་འདས་མ་རྡོ་རྗེ་ཕག་མོ་ཕག་པའི་ཞལ་མངའ་
[203a.6]རབ་ཏུ་ཁྲོ་མོ་ནི། །ཕྱག་རྒྱ་ལྔ་པོས་བརྒྱན་ཅིང་སྤྱན་གསུམ་དང་ལྡན་རྒྱས་ཤིང་གསུས་པ་ཤིན་ཏུ་གྲིམས། །ཁྲོ་གཉེར་རབ་ཏུ་བསྙེར་ཞིང་ལྗགས་གཡུག་ཧྲཱིཿཡི་སྒྲ་ཡིས་ཞལ་ནི་གང་གྱུར་ཅིང་། །འཇིགས་མ་འོད་ཚོགས་འཕྲོ་བ་ལས་སྐྱེས་རྒྱལ་བས་སེམས་ཅན་དོན་རྣམས་མཛད། །གཅེར་བུ་ཐོད་ཕྲེང་
[203a.7]རྡོ་རྗེས་བརྒྱུས་པས་དབུ་སྐྲ་ཁམ་པ་གྱེན་བརྫེས་མ། །རྡོ་རྗེ་ལྕགས་ཀྱུ་རྒྱལ་མཚན་ཐོད་བཅས་སྡིགས་མཛུབ་བཅས་པའི་ཞགས་པ་དག །རིག་བྱེད་ཚད་ཀྱིས་ཕྱག་མཆོག་རྣམས་ཀྱིས་བསྣམས་ཤིང་སྤྱང་མོ་འགྱིང་བག་དང་ལྡན་མ། །རྒྱ་སྐྱེགས་ཀི་ཤུ་བནྡུ་ཛི་བ་ཀ་དང་ཀི་ལིའི་མེ་ཏོག་ལྟར་དམར་བ། །
[203b]
[203b.1]སྐུལ་མགོ་ཕྲེང་ལས་བྱས་དོ་ཤལ་གྱིས་བརྒྱན་རྒྱས་ཤིང་མཁྲེགས་པའི་ནུ་འབུར་ཅན། །འོད་བདུན་པ་དང་དཔལ་མོ་ཟླ་ཚེས་མཁའ་བཅས་ས་མཐའ་ལས་སྐྱེས་མཆོག་གྱུར་མ། །ཀུན་དགའ་དང་བཅས་ཐུགས་རྗེའི་ཆུས་བརླན་ཐུགས་ཅན་ཡེ་ཤེས་མངོན་རྟོགས་སྐྱེད་མཛད་བལྟ། །དེ་ནས་ཡེ་ཤེས་
[203b.2]འབར་བ་དམ་ཚིག་ཆུད་ཅིང་ལུས་ལ་དྲུག་པོ་བཀོད་བྱས་ནས། །དེ་ལ་སེམས་ལས་བྱུང་བའི་ཆོ་ག་དག་དང་ཕྱི་ནང་ཤིན་ཏུ་གསང་རྣམས་དང་། །བསྟོད་པ་སྣ་ཚོགས་དག་དང་གླུ་དབྱངས་མཆོག་རྣམས་ཀྱིས་ནི་རབ་ཏུ་མཆོད་བྱ་ཞིང་། །ཐལ་མོ་སྦྱར་ནས་གུས་དང་བཅས་པའི་སེམས་ཀྱིས་དེ་ལ་མགོ་བོས་
[203b.3]ཕྱག་བྱའོ། །དེ་ལ་སྤྲུལ་འཁོར་ལ་གནས་རྒྱལ་བའི་ཕོ་བྲང་ལེ་བརྒན་རྩི་ལྟར་དམར་བ་ལ། །སྟེང་ཟུར་འོག་ཏུ་རིག་བྱེད་སྒོ་དང་དྲག་པོ་ཉི་མ་ལྟ་བུ་དག་དང་ནི། །འོག་ཟུར་སྟེང་དུ་བསིལ་ཟེར་ཅན་དང་མཁའ་ལྡན་ཡི་གེ་ཐ་མའི་གོང་མ་དང་། །དབུས་སུ་འོད་ཟེར་དམར་པོ་མཐའ་ཡས་རྣམས་ཀྱིས་ཕྱོགས་མཐར་
[203b.4]སྣང་བྱེད་ས་བོན་བསྒོམ། །དེ་ནས་རྒྱལ་བའི་བཞུགས་གནས་རབ་མཛེས་འཁོར་ལོ་ལྟ་བུར་འཁོར་བར་བསྒོམས་ནས་ནི། །སྔགས་ཀྱང་བཟླས་ཏེ་སྟོབས་བཟངས་ལས་བྱས་བདུག་པ་སྔགས་ལྡན་བློ་དང་ལྡན་པས་བསྲེགས། །མ་ལུས་རྒྱལ་བའི་སྐུ་ལྡན་ལྷ་མོ་འབོད་པའི་དེ་མ་ཐག་ཏུ་ཨཱ་བེེ་ཤ་ཡ་དང་། །
[203b.5]དེ་ནས་སྐུལ་བྱེད་དེ་རྗེས་རང་གི་ས་བོན་དེ་འོག་མེ་ཡི་བཙུན་མོ་ཡིན། །སྐུ་དང་ཆ་ཀུན་ཐ་མའི་རྗེས་ལ་མཆོག་གི་ས་བོན་དེ་ནས་གླང་པོ་སྟེ། །དེ་རྗེས་དྲན་ཡིག་བརྟེན་པའི་ཀྵ་ལྟག་ནམ་མཁའ་ཟུར་ལྡན་རྗེས་ལའང་དེ་ཉིད་ཡིན། །ཨོཾ་ཧྲཱིཾ་ཧཾ་དང་ཡི་རྗེས་ལའང་བདེ་བའི་ཡི་གེ་གསུམ་དང་ནི། །ཧི་ཧི་ཕེཾ་གསུམ་དེ་
[203b.6]དག་རིམ་བཞིན་བཟླས་དང་བསྲེག་དང་མཚན་མོའི་གཏོར་མའི་ཡིན། །ནག་པོའི་ཕྱོགས་ཀྱི་བཅུ་པ་ནས་བརྩམས་ཉི་མ་སོ་སོར་ཆོ་ག་ཡི། །བཟླས་པ་གཏོར་མ་མཆོད་པར་ལྡན་པའི་བསམ་གཏན་དམ་པ་བསྒྲུབས་བྱས་ན། །ཤིན་ཏུ་རྒྱ་ཆེན་མི་མཉམ་མཉམ་པའི་རང་བཞིན་དངོས་གྲུབ་བླང་བ་ཡིས། །ཐོད་
[203b.7]པ་འདི་ལ་ལེགས་པ་ལ་སྟོན་བློ་ཆེན་རྣམས་ཀྱིས་འཁྲུལ་མི་བྱ། །ཡེ་ཤེས་དབབ་པའི་ཆོ་ག་ལས་བསྒོམ་པའི་ཆོ་གའོ།། །།སློབ་མ་གུས་ལྡན་ཞབས་པད་ལ་བཏུང་རྣམས་ཀྱིས་གསོལ་བ་བཏབ་གྱུར་བླ་མ་ཡིས། །ནག་པོའི་ཚེས་མཆོག་ཇི་སྐད་བརྗོད་པ་དེ་དག་ལེགས་པ་ཁོ་ནར་ཡང་དག་གཟུང་། །དེ
[204a]
[204a.1]འོག་འཁོར་ལོར་ཆོ་ག་བཟང་པོས་ཇི་སྐད་བརྗོད་པའི་ལྷ་མོ་མཆོག་བསྒོམས་ནས། །དེ་ཡི་རྩི་བས་ལྡན་འོག་མར་སྔར་བཞིན་འཁོར་ལོ་མཛེས་པ་འཁོར་བར་བསྒོམས་ནས་ནི། །དེ་འོག་ལག་ནས་རྡོར་འཛིན་ཕུལ་ཏེ་ཇི་སྲིད་མགོ་ལ་མགོན་ལྡན་མེ་ཏོག་ཅན། །དེ་དག་མ་ལུས་ཤིན་ཏུ་
[204a.2]བབས་གྱུར་བར་དུ་ཡང་དག་བདུག་ཅིང་གསང་སྔགས་བརྗོད། །ཕེབས་པར་གྱུར་ཚེ་གྲང་དང་ཚད་པ་ཆེན་པོ་ལ་གནས་ལྟ་བུར་སྤུ་ལྡང་ཞིང་། །མིག་ནས་མཆི་མ་འཛག་ཅིང་འདར་ལ་འགྱེལ་ཞིང་ཡེ་ཤེས་དག་ནི་སྐྱེ་བར་འགྱུར། །དེ་དག་རྣམ་གནས་གྱུར་པ་རྣམས་ལ་རྣལ་འབྱོར་ཆེན་པོ་མཆོད་པའི་ཆོ་ག་དང་། །
[204a.3]བསྒོམ་བྱ་བཟླས་བྱ་བདུག་པར་ལྡན་པའི་གསང་སྔགས་དོན་ཀུན་སྒྲུབ་བྱེད་རྣམས་ཀྱང་བརྗོད། །གང་དག་དང་དང་བྲལ་བའི་སེམས་ལྡན་བླུན་ཞིང་སྡིག་པའི་ལས་ལ་བརྩོན་གྱུར་པ། །གུས་པས་བཀུར་སྟི་བྱེད་པའི་ངོར་ནི་མི་དེ་རྣམས་ལ་འདི་ནི་བརྗོད་མི་བྱ། །ཡེ་ཤེས་དབབ་པའི་ཆོ་ག་ལས་སློབ་མ་རྗེས་སུ་
[204a.4]འཛིན་པའི་ཆོ་གའོ།། །།ཡང་དག་གྲུབ་དང་སློབ་མ་བཟང་འཛིན་བྱེད་པས་ཕྱི་རོལ་མཆོད་པ་བྱེད་གྱུར་པས། །མདུན་དུ་ཁུ་བ་དམར་པོས་མེ་ཏོག་དམར་པོ་དང་ལྡན་མཎྜལ་བྱས་ནས་ནི། །རྡོ་རྗེས་མཚན་པའི་འཁར་སྣོད་ལ་བརྟེན་སྣོད་ཆེན་མཉམ་པ་དེ་ལ་ལག་གཡོན་གྱིས། །འཁོར་ལོ་ཟུར་གསུམ་
[204a.5]མཛེས་པ་སྣ་ཚོགས་རྡོ་རྗེ་དང་བཅས་མངོན་པར་བྲིས་ནས་ནི། །དེ་ལ་སྔར་བཤད་ཡི་གེ་བཞི་པོ་བགེགས་བདག་དབང་པོའི་མགོ་རྒྱན་ཕྱེ་བ་ཡིས། །ནུབ་ཏུ་ཁ་བལྟས་གསང་སྔགས་རིག་པས་ལག་པ་གཡོན་གྱིས་སྔ་མ་བཞིན་དུ་བྲི། །དེ་ནས་ཆོ་གའི་རིམ་པས་ཡེ་ཤེས་བཀུག་ནས་མྱུར་དུ་དམ་ཚིག་ལ་གཞུག་བྱ། །
[204a.6]དེ་ལ་དྲི་དང་སྤོས་མཆོག་མེ་ཏོག་དྲི་ཞིམ་མར་མེ་ལྷ་བཤོས་རྣམས་དང་ནི། །འདོད་པ་ལྔ་དང་མཆོག་གྱུར་བདུད་རྩི་སྟོབས་དང་ཐུག་པ་གཞིབ་པ་བཟང་པོ་དང་། །བཅས་དང་བཟའ་བ་བདེ་གཤེགས་དྲུག་པ་དང་ནི་ཁར་བའི་སིལ་ཁྲོལ་བཅས་གླུ་དང་། །པི་ཝང་གླིང་བུའི་རྔ་རིམ་རྫ་རྔ་པ་ཊ་ཧ་རྣམས་དང་ནི་དུང་དག་
[204a.7]དང་། །ཟངས་དུང་རྣམས་ཀྱི་སྒྲ་སྙན་གར་བཅས་དགེ་ལེགས་ཀྱིས་ནི་མཆོད་ཅིང་བསྟོད་པ་སྟེ། །མཆོད་པའི་ཚུལ་མཆོག་ལེགས་པ་སྣ་ཚོགས་རྣམས་ཀྱིས་རྣམ་པ་ཀུན་དུ་མཆོད་བྱ་ཞིང་། །གུས་པས་ཐལ་སྦྱར་ཞེས་བཅས་པས་དཔེ་མེད་ཕྱག་ནི་རབ་ཏུ་བཙལ་བར་བྱ། །སྔགས་རྣམ་སོ་སོར་ཆོ་ག་བཟང་པོས་
[204b]
[204b.1]བཟླས་པ་ཡིས་ནི་འབུམ་དུ་ལོངས་བྱས་ཏེ། །རྡོ་རྗེ་ལ་སོགས་དབྱེ་བས་འདིས་ནི་བཟླས་ན་གསུམ་དུ་ངེས་པར་འགྱུར་བ་ཡིན། །གང་ཚེ་ལྟ་བར་འདོད་པ་སྐྱེས་ན་དེ་ཚེ་ཡི་གེ་དང་བཅས་པའི། །འཁོར་ལོ་མཛེས་པ་དེ་དག་བཞུགས་པའི་བླ་མ་ལ་ཡང་རབ་བཏུད་ནས། །མུཿཡིག་བཅས་སྔགས་ཆོ་ག་ལྡན་པར་འདུག་
[204b.2]པ་རབ་ཏུ་བརྗོད་ནས་ནི། །སྐྱེས་བུ་དོན་མཆོག་ལ་བརྩོན་བློ་ཡིས་བསམ་གཏན་ལས་ནི་ཡང་དག་ལྡང་། །ཡེ་ཤེས་དབབ་པའི་ཆོ་ག་ལས་ནི་ཕྱི་རོལ་མཆོད་པའི་ཆོ་གའོ། །གང་ཞིག་བཤད་ཟིན་ཆོ་ག་མཆོག་གིས་ཉིན་རེ་བཞིན་དུ་འཁོར་ལོ་མཆོད་བྱེད་ཅིང་། །ཆོ་ག་ཇི་བཞིན་ཐང་ཀའི་མདུན་དུ་ལྷ་མོའི་
[204b.3]སྔགས་ཀྱི་བཟླས་པ་ཡང་བྱེད་པ། །དེས་ནི་འགྲོ་དོན་སྣ་ཚོགས་སྐྱེད་པའི་ཡང་དག་གྲུབ་པ་ངེས་པར་ཐོབ་འགྱུར་ཞིང་། །འཇིག་རྟེན་དག་ན་མདངས་འབར་ལྷ་མོ་ལྟ་བུར་ཤིན་ཏུ་མཆོད་པ་ཉིད་དུ་འགྱུར། །རྗེས་ཆགས་སྙིང་ལྡན་གོས་དམར་ཅན་གྱི་བསྒྲུབ་བྱ་གང་ཡིན་མདུན་དུ་བལྟས་བྱས་ནས། །རྡོ་རྗེ་
[204b.4]ཞགས་པས་མགུལ་ནས་ལེགས་པར་བཅིངས་ཤིང་བྲང་ནས་ལྕགས་ཀྱུས་ཕུག་ནས་ནི། །ཐལ་སྦྱར་གཅེར་བུར་དྲངས་ནས་རང་གི་རྐང་གཉིས་ལ་ནི་འགྱེལ་བར་གར་བྱེད་པ། །ཌོ་མ་བིས་ར་ཌའི་སྐྱེ་བོ་ལྟ་བུར་དེས་ནི་ཤིན་ཏུ་བྱེད་པར་འགྱུར། །གང་གི་མགོ་ལ་རྡོ་རྗེའི་རྩེ་མོས་བསྣུན་ཅིང་ཐོད་གནས་ཁྲག་གིས་
[204b.5]མིག་བཀང་བ། །དེ་ནི་རྡོ་རྗེའི་ལུས་ཅན་ཡིན་དུ་ཟིན་ཀྱང་མྱུར་བར་གཤིན་རྗེའི་གནས་སུ་འགྲོ། །ས་བོན་འོད་ཟེར་བདུད་རྩིའི་རང་བཞིན་ཚོགས་ཀྱིས་ཤི་བ་གང་གི་རྨ་བཀྲུས་ཤིང་། །ཁ་ཊྭཱཾ་ལ་གནས་སྒྲ་དང་བཅས་པའི་དྲིལ་བུས་དེས་ནི་ཡང་དག་འཚོ་བར་འགྱུར། །ཡེ་ཤེས་དབབ་པའི་ཆོ་ག་ལས་ཕན་ཡོན་
[204b.6]སྦྱོར་བ་དང་བཅས་པའི་ཆོ་གའོ།། །།ཡེ་ཤེས་དབབ་པའི་ཆོ་ག་ཚུལ་བཞིན་བརྗོད་པས་བསོད་ནམས་ཟླ་བ་ཉ་བ་ཡི། །འོད་ལྟར་དཀར་ཞིང་ཉེས་པ་མ་ལུས་སེལ་བ་བདག་གིས་བསྒྲུབས་གྱུར་གང་ཡིན་པ། །དེས་ནི་འགྲོ་རྣམས་ཉོན་མོངས་མ་ལུས་དང་བྲལ་ཡོན་ཏན་རྣམས་ཀྱི་གཏེར་གྱུར་པ། །བཅོམ་
[204b.7]ལྡན་འདས་མ་རྡོ་རྗེ་ཕག་མོའི་ཡེ་ཤེས་སྣང་བས་རབ་ཏུ་འབར་བར་འགྱུར། །ཡེ་ཤེས་དབབ་པ་ཞེས་བྱ་བ་རྣལ་འབྱོར་གྱི་ཆོ་གའི་མཆོག་དཔལ་སྟོང་ཉིད་ཏིང་འཛིན་གྱིས་མཛད་པ་རྫོགས་སོ།། །།བལ་པོའི་ཨཱ་ཙཱརྱ་བྷ་རེནྡྲ་རུ་ཙི་དང་། ལོ་ཙཱ་བ་བློ་ལྡན་ཤེས་རབ་ཀྱིས་བསྒྱུར་བའོ།། །།
[205a]
[205a.1]{T1554}༄༅༅། །རྒྱ་གར་སྐད་དུ། ཚིནྡ་མུཎྜ་བཛྲ་བཱ་རཱ་ཧཱི་སཱ་དྷ་ནཾ། བོད་སྐད་དུ། རྡོ་རྗེ་ཕག་མོ་དབུ་བཅད་མའི་སྒྲུབ་ཐབས། །དཔལ་རྡོ་རྗེ་ཕག་མོ་ལ་ཕྱག་འཚལ་ལོ། །རྣལ་འབྱོར་མ་ཡི་འཁོར་ལོ་གཙོ། །འཇིག་རྟེན་གསུམ་བརྒྱན་སེམས་ཅན་རྣམས། །ཀུན་གྱིས་ཕན་འབྱུང་དཔལ་རྡོ་རྗེ། །
[205a.2]རྣལ་འབྱོར་མ་ཁྱོད་ལ་ཕྱག་འཚལ། །སྔགས་པས་ཐོ་རངས་ལངས་ཏེ། རྣལ་འབྱོར་མ་དང་མཐུན་པའི་སའི་ཆར་སྟན་བདེ་བ་ལ་འདུག་སྟེ། །ཇི་སྐད་བརྗོད་པའི་ཕྱོགས་སུ་བལྟས་ནས། དང་པོར་རེ་ཞིག་སྔགས་པས། །གནས་དང་བདག་དང་རྣལ་འབྱོར་བསྲུང་བའི་དོན་ཏུ། ཨོཾ་ཨཱཿཧཱུཾ། ཞེས་བརྗོད་
[205a.3]དོ། །དེ་ནས་དམ་ཚིག་ཅན་རང་གི་ལྟེ་བའི་དབུས་སུ་པདྨ་དཀར་པོ་རྣམ་པར་རྒྱས་པ་བསྒོམས་ཏེ། དེའི་སྟེང་དུ་འོད་ཟེར་ལྷག་པ་དང་བཅས་པའི་ཉི་མའི་དཀྱིལ་འཁོར་བལྟའོ། །དེའི་སྟེང་དུ་ཨ་རྐའི་མེ་ཏོག་འདྲ་བའི་ཡི་གེ་ཧྲཱི་ལས་ཡང་དག་པར་བྱུང་བའི་སྣ་ཚོགས་པདྨ་དང་ཉི་མའི་དཀྱིལ་འཁོར་ལ་གནས་པའི་
[205a.4]ཆོས་འབྱུང་རྣམ་པར་བསྒོམས་ནས། དེར་ཡི་གེ་ཧྲཱིཿཡོངས་སུ་གྱུར་པ་ལས་བཅོམ་ལྡན་འདས་མ་རྡོ་རྗེ་ཕག་མོ་སྐུ་མདོག་སེར་མོ་དཔལ་དམར་བ་ཉིད་ཀྱིས་ཕྱག་གི་གྲི་གུག་གིས་ཉིད་ཀྱིས་དབུ་བཅད་ནས་ཕྱག་གཡོན་པས་སྟེང་དུ་འཛིན་ཅིང་། །གྲི་གུག་དང་བཅས་པའི་ཕྱག་འོག་ཏུ་བརྐྱང་བ་ལ། ཞབས་
[205a.5]གཡས་བརྐྱང་བས་བཞུགས་པ། ཐོད་པས་དབུ་བརྒྱན་པ། །དབུ་སྐྲ་དང་ན་བཟའ་གྲོལ་བ། ཕྱག་རྒྱ་ལྔས་བཏབ་པའི་སྐུ་ཅན་གྱི་སངས་རྒྱས་མཁའ་འགྲོ་མ་དབུས་སུ་བསྒོམ་པར་བྱའོ། །དེ་ནས་དབུ་བཅད་པའི་མགྲིན་པའི་སྦུབས་ནས་གྱེན་དུ་འབབ་པའི་ཁྲག་གི་རྒྱུན་རང་གི་ཞལ་དུ་འཇུག་ཅིང་། །དེ་
[205a.6]བཞིན་དུ་ངོས་གཉིས་ན་གནས་པའི་རྣལ་འབྱོར་མ་གཉིས་པོའི་ཞལ་དུ་ཡང་འཇུག་པར་བསྒོམ་པར་བྱའོ། །དེ་ནས་གཡོན་ངོས་ན་བཞུགས་པའི་ལྷ་མོ་རྡོ་རྗེ་རབ་བསྔགས་མ་མདོག་ལྗང་གུ་དང་། གཡས་ཀྱི་ཆར་བཞུགས་པའི་མ་ལྷ་མོ་རྡོ་རྗེ་རྣམ་པར་སྣང་མཛད་མ་མདོག་སེར་མོ་སྟེ། གཡོན་དུ་ནི་གཡོན་
[205a.7]དང་གཡས་པས་གྲི་གུག་དང་ཐོད་པ། །གཡས་སུ་ནི་གཡས་དང་གཡོན་པས་གྲི་གུག་དང་ཐོད་པ་འཛིན་པ། །གཡས་སུ་ནི་ཞབས་གཡས་བརྐྱང་། །གཡོན་དུ་ནི་ཞབས་གཡོན་པ་བརྐྱང་བ། །དབུ་སྐྲ་དང་ན་བཟའ་གྲོལ་བ་བསྒོམ་པར་བྱའོ། །ངོས་གཉིས་ན་བཞུགས་པ་དབུས་དང་བཅས་པའི་རྣལ་
[205b]
[205b.1]འབྱོར་མ་རྣམས་འགྱིང་ཞིང་འཇིགས་སུ་རུང་བ་བསྒོམ་པར་བྱ་སྟེ། འདི་ནི་བསྒོམ་པར་བྱ་བའི་གནས་ཡིན་ནོ། །དེ་ནས་མཆོད་པ་བརྗོད་པར་བྱ་སྟེ། །མདུན་དུ་ཙནྡན་དམར་པོ་ཡི། །ཆུ་ཡིས་མཎྜལ་བྱས་ནས་ནི། །དེར་ནི་ཉི་མའི་དཀྱིལ་འཁོར་ལ། །གནས་པའི་ཆོས་འབྱུང་བྲི་བར་བྱ། །དེ་ནས་དེར་ནི་ཧྲཱིཿ
[205b.2]ཡིག་ལས། །སྐྱེས་གྱུར་སྔར་བཤད་མཚན་ཉིད་ཅན། །རྡོ་རྗེ་རྗེ་བཙུན་ལྷ་མོ་ནི། རིམ་གྱིས་ཆོ་ག་བཞིན་དུ་མཆོད། །དེ་ལ་ཨོཾ་སརྦྦ་བུདྡྷ་ཌཱ་ཀི་ནཱི་ཡེ་ཧཱུཾ་སྭཱ་ཧཱ། ཞེས་བྱ་བའི་སྔགས་ཀྱིས་ཆོས་ཀྱི་འབྱུང་གནས་ཀྱི་དཀྱིལ་དུ་མེ་ཏོག་དབུལ་བར་བྱའོ། །དེ་ནས་དེར་ཡོན་ཆབ་དང་མེེ་ཏོག་དང་སྤོས་དང་དྲི་
[205b.3]དང་མར་མེ་དང་ཀུན་དུ་བཟང་པོས་མཆོད་པར་བྱའོ། །དེ་ནས་དེ་བཞིན་དུ་གཡོན་ངོས་སུ་ཨོཾ་བཛྲ་ཝ་རྞྞ་ནཱི་ཡེ་ཧཱུཾ་སྭཱ་ཧཱ། ཞེས་པའི་སྔགས་ཀྱིས་སོ། །དེ་ནས་གཡས་ངོས་སུ་ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་སྭཱ་ཧཱ། ཞེས་པའི་སྔགས་ཀྱིས་སོ། །དེ་ནས་གཞན་ཡང་། །ཨུདྷི་ལ་པུ་ལླི་ར་མ་ལ་གི་རི་ཀ་མ་
[205b.4]ལ་ཁྱམ་ཤྲཱི་ཧ་ཏ། ཞེས་པའི་སྔགས་ཀྱི་བསྟོད་པས་མཆོད་པ་བྱའོ། །གཞན་ཡང་དྷརྨྨ་སཾ་བྷོ་ག་ནི་ར་མ་ཎ་མ་ཧཱ་སུ་ཁ་ཀཱ་ཡ། ཞེས་པའི་སྔགས་བརྗོད་པར་བྱའོ། །དེ་ནས་ཨོཾ་སརྦྦ་བུདྡྷ་ཌཱ་ཀི་ནཱི་ཡེ། །ཨོཾ་བཛྲ་ཝ་རྞྞ་ནཱི་ཡེ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཞེས་པའི་སྔགས་སྔོན་དུ་
[205b.5]བསྙེན་པ་འབུམ་ཕྲག་གཅིག་ཡོངས་སུ་བཟླས་ན། བགེགས་ཐམས་ཅད་ཉེ་བར་ཞི་བར་བྱེད་དོ། །འབུམ་ཕྲག་གཉིས་བཟླས་པས་བུད་མེད་རྣམས་གཡོ་བར་བྱེད་དོ། །འབུམ་ཕྲག་གསུམ་བཟླས་ན་གྲོང་ཁྱེར་གཡོ་བར་བྱེད་དོ། །འབུམ་ཕྲག་བཞི་བཟླས་ན་རྒྱལ་པོ་གཡོ་བར་བྱེད་དོ། །འབུམ་ཕྲག་ལྔ་
[205b.6]བཟླས་ན་ཇི་ལྟར་འདོད་པའི་དོན་སྒྲུབ་པར་བྱེད་དོ། །ཆུ་འགྲམ་མམ། །དུར་ཁྲོད་དམ། ཤིང་གཅིག་གི་དྲུང་ངམ། །ལྷ་གནས་སམ། མ་མོའི་ཁྱིམ་མམ། གྲོང་མཚམས་སུ་དེ་བཞིན་དུ་བསྒྲུབ་པར་བྱའོ། །ནམ་མཁའི་གོས་ཀྱི་རང་བཞིན་ཅན། །སྐྲ་བཤིག་པ་ཡི་རྣལ་འབྱོར་པས། །ཇི་སྲིད་རྣམ་
[205b.7]རྟོག་ཀུན་སྤངས་ཀྱི། །རབ་ཏུ་ཐུབ་པ་གནས་པར་བྱ། །ཨོཾ་སརྦ་བུདྡྷ་ཌཱ་ཀི་ནཱི་ཡེ། །ཨོཾ་བཛྲ་ཝརྞྞ་ནཱི་ཡེ། ཨོཾ་བཛྲ་བཻ་རོ་ཙ་ནཱི་ཡེ། པུཥྤཾ་དྷཱུ་པཾ་དཱི་པཾ་གནྡྷཾ་བ་ལིཾ། གྲྀཧྞ་གྲྀ་དྞ་མ་མ་རཀྵ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཞེས་པས་གཏོར་མ་སྦྱིན་ནོ། །ལྷ་མོ་དཔལ་གྱི་བློ་གྲོས་མས་མཛད་པའི་སྒྲུབ་
[206a]
[206a.1]ཐབས་རྫོགས་སོ།། །།བལ་པོའི་པཎྜི་ཏ་ཨཱ་ཙཱ་ཪྻ་བྷ་རེནྡྲ་རུ་ཙི་དང་། ལོ་ཙཱ་བ་བློ་ལྡན་ཤེས་རབ་ཀྱིས་བསྒྱུར་བའོ། །{T1555}༄༅༅། །རྒྱ་གར་སྐད་དུ། ཚིནྡ་མུཎྜ་སཱ་དྷ་ན་ནཱ་མ། བོད་སྐད་དུ། དབུ་བཅད་མའི་སྒྲུབ་ཐབས་ཞེས་བྱ་བ། དཔལ་རྡོ་རྗེ་མཁའ་འགྲོ་མ་ལ་
[206a.2]ཕྱག་འཚལ་ལོ། །བདེ་སྦྱིན་བཅོམ་ལྡན་འདས་ཕག་མོ། །གཡས་བརྐྱང་ཞབས་ཀྱིས་ཡང་དག་མནན། །ཁམས་གསུམ་རང་བཞིན་གསུམ་སྤྱན་གསུམ། །དེ་ལ་རྟག་ཏུ་ཕྱག་འཚལ་ལོ། །ཇི་ལྟར་བླ་མའི་མན་ངག་ལྟར། །ཁམས་གསུམ་པ་ཡི་རང་བཞིན་ཕྱིར། །ཉི་མ་གཞོན་ནུའི་འོད་འཕྲོ་བ། །
[206a.3]དེ་ཡི་སྒྲུབ་ཐབས་བདག་གིས་བརྗོད། །མཚན་མ་གཅིག་པའམ་དུར་ཁྲོད་དམ། །ཁང་སྟོང་དུ་ནི་དུས་རྟག་ཏུ། །རིག་མ་སྲིད་གསུམ་མཐར་མཛད་མ། །དེ་ནི་རྣལ་འབྱོར་པས་བསྒྲུབ་བྱ། །འབོལ་སྟན་འཇམ་ལ་གནས་པའམ། །འཇམ་པའི་སྟན་གཞན་དག་ལ་ཡང་། །ཡང་དག་བརྟེན་ཏེ་གནས་
[206a.4]ནས་ནི། །དངོས་གྲུབ་དམ་པ་བསྒྲུབ་པར་བྱ། །དེ་རྗེས་ཡིག་གསུམ་སྔགས་ཀྱིས་ནི། །མངོན་པར་བསྔགས་པའི་དམ་ཚིག་ཆུས། །མཆོད་རྫས་དག་ལའང་བསང་གཏོང་བྱ། །སྔགས་དེ་ཉིད་ཀྱིས་ཁྲུས་བྱས་ཏེ། །དེ་ཡི་རྗེས་ལ་གོ་བགོའོ། །ཡན་ལག་ཉིང་ལག་ཐམས་ཅད་ལ། །གཡོན་གྱི་ལག་པ་
[206a.5]ནས་བརྩམས་ནས། །ཨོཾ་བཾ། ཧཾ་ཡོཾ། ཧྲིཾ་མོཾ་ཧྲེཾ་ཧྲིཾ། ཧཱུཾ་ཧཱུཾ། ཕཊ་ཕཊ། ཅེས་པའི་སྔགས་ཀྱི་ཡི་གེ་རྣམས། །ལག་པ་གཡོན་པའི་རྩེ་མོ་ཡིས། །དང་པོ་ལྟེ་བ་ནས་བརྩམས་ནས། །བརྗོད་བྱ་དེ་ནས་དག་གསུམ་མོ། །ཨོཾ་སྭ་བྷཱ་བྷ་ཤུདྡྷཿསརྦྦ་དྷརྨྨཱཿསྭ་བྷཱ་བ་ཤུདྡྷོ྅ཧཾ། ཨོཾ་བཛྲ་ཤུདྡྷཿསརྦྦ་དྷརྨྨཱ་བཛྲ་
[206a.6]ཤུདྡྷོ྅ཧཾ། ཨོཾ་ཡོ་ག་ཤུདྡྷཿསརྦྦ་དྷརྨྨཱ་ཡོ་ག་ཤུདྡྷོ྅ཧཾ། དེ་རྗེས་བློ་ལྡན་གྱིས་ང་རྒྱལ། །བསྐྱེད་བྱ་ཁམས་གསུམ་དག་པའི་ཕྱིར། །ཕྱོགས་མཚམས་མཉམ་པར་ལྡན་པ་ལ། །དུར་ཁྲོད་བརྒྱད་པོ་དེ་བཞིན་དུ། །མྱུར་བའི་རྣམ་པའི་རྣལ་འབྱོར་གྱིས། །དེ་རྗེས་གསུམ་པོ་མཉམ་པར་གཞག །གནས་
[206a.7]གསུམ་ལ་ནི་བསྒོམ་བྱའོ། །འོད་ཟེར་རྣམ་པར་སྤྲོས་པ་ལས། །སྲིད་གསུམ་ལ་གནས་སེམས་ཅན་རྣམས། །གསལ་བར་བྱས་ཏེ་དེ་ནས་ཡང་། །ཉེ་བར་བསྡུ་བའི་སྒོམ་པ་ལས། །སྣ་ཚོགས་ཀུན་དུ་སྟོང་པར་བྱའོ། །དག་པ་ཡིས་ནི་ཤེལ་ལྟ་བུར། གཉིས་མེད་ཡེ་ཤེས་རང་བཞིན་ནོ། །དེ་རྗེས་སྟོང་སོགས་
[206b]
[206b.1]རང་བཞིན་གྱིས། །རྒྱལ་བའི་སྔགས་ཀྱི་བྱིན་གྱིས་བརླབ། །དེ་ནས་ནམ་མཁའ་བསྒོམ་བྱ་བ། །ཧྲཱིཿདམར་པོ་ལས་འདམ་སྐྱེས་སོ། །ཡང་ནི་དེ་སྟེང་བསྒོམ་བྱ་བ། །ཟླ་བ་ཉི་མ་མེ་དེར་བལྟ། །དེ་དཀྱིལ་ཡང་ནི་བསྒོམ་བྱ་བ། །བཾ་ཡིག་སྣ་ཚོགས་མདོག་ལྟ་བུ། །དེ་ནས་བཾ་སྐྱེས་བལྟ་བྱ་བ། །གྲི་གུག་བཾ་
[206b.2]གྱིས་བརྒྱན་པའོ། །གྲི་གུག་ཡོངས་གྱུར་བསྒོམ་བྱ་བ། །སྤྲོས་ལས་བདག་ཉིད་རྣལ་འབྱོར་ནི། །རྡོ་རྗེ་ཡི་ནི་རྣལ་འབྱོར་མ། །གཟུགས་གསུམ་ཁ་དོག་གསུམ་ལྡན་མ། །ལྗང་གུ་དམར་སེར་སེར་མོ་སྟེ། །གྲི་གུག་ཐོད་པ་འཛིན་པའོ། །དབུ་སྐྲ་གྲོལ་ཞིང་གཅེར་བུ་ལ། །དམར་ཞིང་ཟླུམ་པའི་
[206b.3]སྤྱན་གསུམ་པ། །ལང་ཚོ་གཞོན་ནུ་ཡང་དག་ལྡན། །ཕྱག་རྒྱ་ལྔ་ཡིས་རྣམ་པར་བརྒྱན། །ཞལ་གཅིག་ཕྱག་གཉིས་མཛེས་མ་སྟེ། །མི་བཟད་དྲག་ཏུ་བཞད་ཅིང་དཔའ། །བདེ་བའི་ཞབས་གཡས་བརྐྱང་མི་བཟད། །མགོ་བོའི་ཕྲེང་བ་རབ་ཏུ་དབྱངས། །རྡོ་རྗེ་གྲི་གུག་གིས་བདག་དབུ། །བཅད་ནས་སྐུ་
[206b.4]སྟེང་དབྱངས་པའོ། །གཡས་པ་རྡོ་རྗེ་གྲི་གུག་དང་། །གཡོན་པས་སྐྲ་ཕྱེད་ཀྱིས་གཡོགས་པ། །དབུ་ཡི་སྟེང་དུ་ཐོད་པ་དང་། །དབུ་སྐྲ་ཕྱེད་བཟུང་འོག་བལྟས་ཞལ། །ཁ་ཊྭཱ་ག་འཛིན་སེར་མོ་དང་། །གུར་ཀུམ་དམར་པོ་མཉམ་པར་ལྡན། །དུས་མཚན་མ་ནི་མཉམ་པར་མནན། །རྣལ་འབྱོར་པ་ཡིས་
[206b.5]རྟག་བསྒོམ་བྱ། །ལམ་གསུམ་ནས་ནི་ཁྲག་འཛག་ཅིང་། །ཟླ་བ་ཉི་མ་ནམ་མཁའ་ལྟར། །གཡོན་དང་གཡས་དང་དེ་བཞིན་དབུས། །རྩ་གསུམ་ནས་ནི་བྱུང་ནས་ནི། །རྟག་ཏུ་འབྱུང་བར་བསྒོམ་པར་བྱ། །ཨ་བ་དྷཱུ་ཏཱི་གྱེན་དུ་འགྲོ། །གཡོན་དང་གཡས་ཀྱི་རྩ་གཉིས་ཀྱང་། །དེ་ལྟར་མྱུར་དུ་བསྒོམ་
[206b.6]པར་བྱ། །སྐུ་གསུང་ཐུགས་ཀྱི་རང་བཞིན་གྱིས། །རྩ་གསུམ་གྱི་ནི་ངོ་བོར་གནས། །ཤེས་རབ་ངོ་བོ་ལ་ལ་ནཱ། །ར་ས་ནཱ་ནི་ཐབས་སུ་གནས། །དབུས་གནས་ཨ་བ་དྷཱུ་ཏཱི་ནི། །བདེ་ཆེན་རྣམ་པའི་རང་བཞིན་ནོ། །དེ་དག་ཐུན་མཚམས་གསུམ་དུ་བསྒོམ། །སྣ་ཚོགས་གཟུགས་ནི་རིན་ཆེན་བཞིན། །ཇི་
[206b.7]ལྟར་སྔ་ཕྱི་རིམ་བཞིན་དུ། །དེ་ནས་སྔགས་བཏུ་བཤད་པར་བྱ། །སྔགས་པས་གཙང་མའི་ས་ཕྱོགས་སུ། །གནས་ཏེ་དེ་ནས་སྔགས་བརྗོད་ནས། །རིག་བྱེད་མངོན་གསུམ་དང་པོར་གཞག །འདོད་པའི་སུམ་ཅུ་གཅིག་པ་བླང་། །ཉི་ཤུ་གསུམ་པ་དེ་བཞིན་དུ། །ཉི་ཤུ་བདུན་པ་མགོ་སྟེངས་སུའོ། །
[207a]
[207a.1]ཡང་ནི་ཉི་ཤུ་གསུམ་པ་གཟུང་། །དབྱངས་ཡིག་ལྔ་པོ་འོག་ཏུ་སྦྱར། །ཐ་རྒྱབ་ཡི་གེ་ཡང་དག་བླང་། །ད་རྒྱབ་འོག་ཏུ་སྦྱར་བར་བྱ། །དེ་རྗེས་བཅུ་གསུམ་པ་སྦྱིན་བྱ། །དབྱངས་ཡིག་གཉིས་པ་ཡང་དག་སྦྱར། །དང་པོའི་ཡི་གེ་བླང་བྱས་པ། །དབྱངས་ཡིག་གསུམ་པ་སྦྱར་བར་བྱ། །དེ་
[207a.2]ནས་ཉི་ཤུ་པ་བྱིན་ལ། །དབྱངས་ཡིག་བཞི་པས་བརྒྱན་པར་བྱ། །དེ་ནས་ཉི་ཤུ་དྲུག་པ་བཟུང་། །བཅུ་གཅིག་པ་དང་ལྡན་པར་བྱ། །ཡང་ནི་ཉི་ཤུ་གསུམ་པ་སྦྱིན། །བརྒྱད་པ་ཡང་ནི་བླང་བྱས་ནས། །འོག་ཏུ་ཉི་ཤུ་བདུན་པ་སྦྱར། །སུམ་ཅུར་གཅིག་གིས་མ་ཚང་བ། །བཅོ་ལྔ་པ་ནི་བརྩེགས་པར་བྱའོ། །
[207a.3]ཉི་ཤུ་བདུན་པ་མགོ་བོར་གཞག །ཡང་ན་དྷ་རྒྱབ་སྦྱིན་བྱས་ལ། །བཞི་པ་ཡིས་ནི་བརྒྱན་པར་བྱ། །ར་ཡིག་འོག་མ་གཟུང་བྱས་ལ། །བཅུ་གཅིག་པ་ཡིས་བརྒྱན་པར་བྱ། །ཡང་ན་ཉི་ཤུ་གསུམ་པ་གཟུང་། །ཙ་ནས་བགྲངས་པའི་གསུམ་པ་ལ། །འོག་ཏུ་ཉི་ཤུ་བདུན་པ་སྦྱར། །ཕ་རྒྱབ་ཡི་གེ་བླང་
[207a.4]བྱས་ལ། །དབྱངས་ཡིག་བཅུ་གཉིས་པ་ཡིས་བརྒྱན། །པ་ནས་བགྲངས་པའི་བདུན་པ་ལ། །བཅུ་གསུམ་པ་ཡིས་བརྒྱན་པར་བྱ། །དྲུག་པ་བཅུ་ཕྲག་གཉིས་པ་སྦྱིན། །སྒྱུ་མའི་ས་བོན་གྱིས་བརྒྱན་བྱ། །དེ་རྗེས་རླུང་གི་ས་བོན་སྦྱིན། །བཅུ་གཅིག་པ་དང་ལྡན་པར་བྱ། །སུམ་ཅུ་པ་ནི་ལན་གསུམ་
[207a.5]བགྲང་། །དབྱངས་ཡིག་དྲུག་པ་མཉམ་ལྡན་བྱ། །ནཱ་ཐིག་ལེར་ཡང་དག་ལྡན། །ཕཊ་ནི་ལན་གསུམ་སྦྱར་བར་བྱ། །སྭཱ་ཧཱ་དེ་ནས་སྦྱིན་པར་བྱ། །ཡང་དག་རྫོགས་པའི་དངོས་གྲུབ་སྔགས། །མཁས་པས་གསང་བའི་གནས་སུ་ནི། །ནི་རང་སུམ་ཕྲེང་ལ་བསྒོམ་པ། །སྤྲོ་དང་བསྡུ་བའི་
[207a.6]རྣལ་འབྱོར་གྱིས། །སྔགས་མཆོག་ཡང་དག་བཟླས་པར་བྱ། །སྔགས་རྣམས་གསལ་བའི་རྣལ་འབྱོར་ནི། །ལས་ཇི་བཞིན་དུ་སྦྱར་བར་བྱ། །ཁྱོད་མིན་སྐྱེས་པས་སྦྲུམ་པ་བཞིན། །འབད་པ་ཡིས་ནི་གསང་བར་བྱ། །སྦྱིན་མིན་གང་སུ་གང་ལ་ལར། །ཤིན་ཏུ་གསང་སྟེ་དེ་བཞིན་དུ། །ལེགས་
[207a.7]པར་བརྟགས་ཏེ་སྦྱིན་པར་བྱ། །གུས་མེད་གཡོ་དང་ལྡན་ཞིང་གཏུམ། །སློབ་དཔོན་བླ་མ་གཞན་སྨོད་ལ། །གཏོང་དང་མི་ལྡན་རྟོག་པ་ཆེ། །བརྟགས་ཏེ་སྦྱིན་པར་མི་བྱའོ། །བླ་མ་ལ་གུས་རྟོག་པ་མེད། །རྟག་ཏུ་ཆོས་ལ་དགའ་ཞིང་གཙང་། །དད་པས་ཡང་དག་གང་གྱུར་ཅིང་། །བཟོད་ལྡན་བློ་
[207b]
[207b.1]དང་ལྡན་པ་ལ། །སྒྲུབ་པའི་རྣལ་འབྱོར་ཆོས་གསུངས་པ། །སྔགས་བཏུ་བ་ནི་སྦྱིན་པར་བྱ། །རྣལ་འབྱོར་སྤྱོད་པའི་རྗེས་འབྲངས་ཏེ། །དེ་ནས་མཆོད་པའི་ཆོ་ག་བཤད། །ཕྲེང་བ་གསུམ་གྱིས་བསྐོར་བ་ཡིས། །སུམ་འགྱུར་གྱིས་ནི་མཚན་པ་སྟེ། །ཨེ་ཡི་ལྟེ་བའི་དཀྱིལ་འཁོར་དུ། །ལེགས་པར་
[207b.2]རྫོགས་ཤིང་གྲུབ་སྔགས་དགོད། །རྣལ་འབྱོར་པ་ཡིས་རྟག་བསམས་པ། །ཁྱད་པར་དུ་ནི་མཆོད་པའི་དུས། །དཀར་ནག་དུས་ཀྱི་ཚེས་བཅུ་དང་། །བརྒྱད་དམ་ཡང་ན་བཅུ་བཞི་ལ། །མཆོད་པ་ལྔ་དང་ལྡན་པ་ཡིས། །ལག་གཡོན་གྱིས་ནི་མཆོད་པར་བྱ། །བཟའ་དང་སྟོན་མོ་དེ་བཞིན་
[207b.3]བཏུང་། །ཕྱི་ནང་གསང་བ་དེ་བཞིན་དུ། །ཙནྡན་དམར་པོས་ལེགས་པར་བྱུག །གུར་ཀུམ་ག་པུར་ཨ་ག་རུས། །བསྒོས་པ་ཡིས་ནི་དམ་ཚིག་ཆུས། །ལེགས་པར་གསེར་སོགས་སྣོད་དག་ཏུ། །སིནྡྷུ་ར་བཟང་ཕྱེ་མ་ནི། །རས་ཀྱི་ནང་དུ་བཙགས་ཏེ་དགྲམ། །གསེར་ལས་བྱས་པའི་སྨྱུ་གུ་ཡིས། །
[207b.4]མཁས་པ་ཡིས་ནི་ཆོས་འབྱུང་གི། །དཀྱིལ་དུ་སྔགས་ཀྱི་རྒྱལ་པོ་ནི། །ཕྲེང་བ་གསུམ་ནི་ལེགས་པར་བྲི། །ཕྱི་རུ་མི་བཟང་འཁོར་བ་ཡིས། །ཁ་དོག་སྣ་ཚོགས་ཆེར་འབར་བའོ། །ཤིན་ཏུ་གསང་བས་དུས་གསུམ་དུ། །སྐྲ་བཤིག་གཅེར་བུར་བྱས་ནས་ནི། །སྔགས་པས་ནུབ་ཕྱོགས་ཁ་བལྟས་ཏེ། །
[207b.5]རྩོལ་བས་བསམ་གཏན་ལ་བརྟེན་ནས། །གྲོལ་དང་གྲུབ་པའི་དོན་གྱི་ཕྱིར། །འབད་པ་ཡིས་ནི་མཆོད་པར་བྱ། །དྲི་དང་སྤོས་ནི་དྲི་ཞིམ་སོགས། །དེ་བཞིན་ལྷ་བཤོས་རབ་དབྱེས་མཆོད། །ཨཱ་ལི་ཕལ་གུ་ཕག་དྲ་ནེ། །ཁ་ཆེ་ཙནྡན་དམར་པོ་དང་། །དྲི་ཞིམ་པ་ཡི་ཙནྡན་དང་། །དེ་བཞིན་ཨ་ཤོ་ཀའི་
[207b.6]མེ་ཏོག །ཀུ་མུ་ཏ་ཀ་ན་བི་ར། །དེ་བཞིན་མེ་ཏོག་སྣ་ཚོགས་པ། །ཁ་དོག་མཛེས་ཤིང་དྲི་ཞིམ་དབུལ། །མེ་ཏོག་དན་དུ་ལ་འབྲས་བུ། །སྐུད་པ་མེ་ཏོག་རབ་དབྱེ་བས། །མཆོད་པར་བྱ་བའི་གནས་རིམ་བཞིན། །དྲི་ཞིམ་སྤོས་དང་མེ་ཏོག་ཀྱང་། །དེའི་ཚེ་ཇི་ལྟའི་རིམ་བཞིན་མཆོད། །བཏུད་དེ་བསྟོད་
[207b.7]པ་བྱ་བ་དང་། །ཕྱག་འཚལ་ནས་ནི་བཟོད་པར་གསོལ། །དེར་ནི་དེ་བཞིན་རྣལ་འབྱོར་པས། །དེ་བཞིན་གཞོན་ནུ་མ་མཉེས་བྱས། །རྣལ་འབྱོར་གྲུབ་པའི་དོན་གྱི་ཕྱིར། །གཏོར་མའི་སྔགས་ནི་རབ་བརྗོད་བྱ། །ཨོཾ་ཨ་ར་ལཱི་ཧོཿ། །ཛཿཧཱུཾ་བཾ་ཧོཿབཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོ། །ཞེས་པ་ལན་གསུམ་
[208a]
[208a.1]མཾ། །བཞིའམ་ལྔའི་བར་དུ་བརྗོད་པར་བྱའོ། །རིམ་དང་རིམ་པ་མིན་པ་ཡིས། །ཐོད་པ་རུ་ནི་སྦྱིན་པར་བྱ། །རྡོ་རྗེ་ཐལ་མོ་ཁ་གྱེན་དུ། །ཕྱེ་ལ་སྔགས་འདི་བརྗོད་པར་བྱའོ། །ཨོཾ་ཁ་ཁཱ་ཧི་ཁཱ་ཧི། སརྦྦ་ཡཀྵ་རཱ་ཀྵ་ས་བྷཱུ་ཏ་པྲེ་ཏ་པི་ཤཱ་ཙ་ཨུད་མན་ད་ཨ་པ་སྨ་ར་ཌཱ་ཀི་ནྱ་ད་ཡ། །ཨི་མཾ་
[208a.2]བ་ལིཾ་གྲྀཧྞ་མ་མ་ས་མ་ཡ་ར་ཀྵཾ་དུ་ཡ་ཐཻ་བཾ་ཡ་ཐེཥྚཾ་བྷུ་ཉྫ་ཐེ་པི་བ་ཐ་ཛི་གྷྲ་ཐ་མཱ་ཏི་ཀྲམ་ཐ་མ་མ་སརྦ་ཀརྟ་ཡ་སཏྥུ་ཁཾ་བི་བྲྀདྡྷཱ་ཡེ་ས་ཧ་ཡི་ཀ་བྷ་བནྡུ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། །ཚེས་བརྒྱད་དང་ནི་བཅུ་བཞི་ལ། །ཐུན་མཚམས་གསུམ་དུ་རབ་ཏུ་དབུལ། །བློ་དམན་གྱུར་ཀྱང་སྒྲུབ་པའི་ཐབས། །སྡོམ་པ་རྒྱ་
[208a.3]མཚོ་ལས་བཏུས་ནས། །དོན་སྒྲུབ་ཐབས་ནི་འདི་ཁོ་ན། །བརྦི་ཡིས་འདི་བྱས་ཏེ། །སྒྲ་ཡིག་ལེགས་པར་མ་རྫོགས་ཀྱང་། །མཁའ་འགྲོ་མ་རྣམས་བཟོད་པར་རིགས། །འདི་ནི་རྣལ་འབྱོར་མའི་མན་ངག་གསང་བ་ལས་ཤིན་ཏུ་ཆེས་གསང་བའི་ཤིན་ཏུ་སྦ་བར་བྱའོ། །དབུ་བཅད་མའི་སྒྲུབ་ཐབས་
[208a.4]སློབ་དཔོན་ཆེན་པོ་བརྦི་པས་མཛད་པ་རྫོགས་སོ།། །།བལ་བོའི་པཎྜི་ཏ་བྷ་རེནྡྲ་རུ་ཙི་དང་། །བོད་ཀྱི་ལོ་ཙཱ་རྨ་ཆོས་འབར་གྱིས་བསྒྱུར་ཞིང་ཞུས་ཏེ་གཏན་ལ་ཕབ་པའོ། །{T1556}༄༅༅། །རྒྱ་གར་སྐད་དུ། ཤྲཱི་བཛྲ་ཡོ་གི་ནཱི་ཧོ་མ་བི་དྷི། བོད་སྐད་དུ། དཔལ་རྡོ་རྗེ་རྣལ་
[208a.5]འབྱོར་མའི་སྦྱིན་སྲེག་གི་ཆོ་ག །དཔལ་རྡོ་རྗེ་ཕག་མོ་ལ་ཕྱག་འཚལ་ལོ། །དང་པོར་རེ་ཞིག་དཔལ་རྡོ་རྗེ་རྣལ་འབྱོར་མའི་བཞེད་པས་འཇིག་རྟེན་དང་། །འཇིག་རྟེན་ལས་འདས་པའི་ལས་ཀྱི་ཚོགས་དང་། དངོས་གྲུབ་བསྒྲུབ་པའི་དོན་དུ་སྦྱིན་སྲེག་གི་བྱ་བ་བྱེད་པར་འདོད་པའི་སྔགས་པས། གྲུ་གསུམ་པའི་
[208a.6]རྣམ་པ་ཅན་གྱི་ཐབ་ཁུང་གི་རྒྱ་ཁྱོན་གྱི་ཕྱེད་ཐུར་དུ་བརྐོས་པ་ཕྱི་སྐོར་དང་བཅས་པ་དམར་བ་ལ་སོགས་པའི་མདོག་དང་ལྡན་པ་ལེགས་པར་འཆོས་པ་བྱས་ལ། །ནུབ་ལ་སོགས་པར་བལྟས་པའི་ཚུལ་གྱིས་འདུག་ལ། མཆོད་པའི་ཡོ་བྱད་ལྔས་མཆོད་དེ་ཐབ་ཁུང་དུ་བསྲེག་ཅིང་བཀོད་ནས་ཡི་གེ་རཾ་གྱི་ས་བོན་
[208a.7]ལས་སྐྱེས་པའི་མོ་ལྷ་མདོག་དམར་པོ་རིལ་བ་སྤྱི་བླུགས་དང་། མི་འཇིགས་པ་སྦྱིན་པ་དང་། དབྱིག་པ་དང་། བགྲང་ཕྲེང་ལག་ན་འཛིན་པ་རྣམ་པར་བསྒོམ་པར་བྱའོ། །དེ་ནས་ཡེ་ཤེས་སེམས་དཔའ་དགུག་པ་ལ་སོགས་པ་བྱས་ནས་ནི། །ཡང་དག་པར་མཆོད་དེ། དེའི་ལྕེའི་རྩེ་མོར་རཾ་བཀོད་ནས་
[208b]
[208b.1]བདུད་རྩི་ལྔ་ལ་སོགས་པའི་རྫས་དང་། འཇིག་རྟེན་པའི་རྫས་རྣམས་ཨོཾ་ཨགྣེ་དེ་བ་ཏཱ་སྭཱ་ཧཱ། །ཞེས་བྱ་བའི་སྔགས་འདིས་སྦྱིན་སྲེག་བྱས་ནས་སྔགས་དེ་ཉིད་ཀྱིས་དགང་བླུགས་དབུལ་བར་བྱའོ། །དེ་ནས་དེ་བཞིན་ཉིད་ཀྱི་ཡེ་ཤེས་ཀྱི་བདག་ཉིད་ཀྱི་སྔགས་ཀྱིས་མེ་ལྷའི་དཀྱིལ་འཁོར་དུ། །དཀྱིལ་འཁོར་གྱི་འཁོར་
[208b.2]ལོ་ལྷག་པར་མོས་པར་བྱས་ནས་མཆོད་པ་ལ་སོགས་པ་བྱས་ཏེ། །བདུད་རྩི་ལྔ་ལ་སོགས་པའི་རྫས་རྣམས་ཀྱིས་ལྷ་མོའམ་ལྷ་རྣམས་ལ་སྔགས་ཀྱིས་སྦྱིན་སྲེག་བྱའོ། །ཞི་ལ་བསྲེག་རྫས་མར་སོགས་ཏེ། རྒྱས་པ་ལ་ནི་མངར་ཉིད་དོ། །དབང་ལ་མར་དང་ལན་ཚྭ་ཉིད། །དྲག་པོ་ཚ་དང་ཁ་སོགས་ཀྱིས། །
[208b.3]ཞི་ལ་གཟུགས་ནི་དཀར་པོ་སྟེ། །རྒྱས་པ་ལ་ནི་སེར་པོ་བསྒོམ། །དབང་ལ་དམར་པོ་ཞེས་བྱར་བརྗོད། །དྲག་པོ་ནག་པོར་རབ་ཏུ་གྲགས། །དངོས་གྲུབ་སྒྲུབ་པའི་དུས་སུ་ནི། །ཁ་དོག་དམར་པོར་རྣམ་པར་བསྒོམ། །དེ་ལྟར་བྱས་ནས་དཀྱིལ་འཁོར་གྱི་འཁོར་ལོ་རང་གི་ལུས་ལ་བཅུག་ནས། །གཏོར་
[208b.4]མ་བཏང་སྟེ་ཚོགས་ཀྱི་འཁོར་ལོའི་ཚུལ་དུ་འཇིག་རྟེན་ལས་འདས་པའི་མཆོད་པ་བྱས་ནས། རང་མངོན་པར་འདོད་པའི་དངོས་གྲུབ་ཞུ་བར་བྱའོ། །བསྟན་པར་བྱ་མིན་སྦྱིན་སྲེག་འདི། །རབ་ཏུ་འབད་པས་སྦ་བར་བྱ། །དེ་ནས་དངོས་གྲུབ་སྐྱེ་འགྱུར་གྱི། །གཞན་དུ་གྲུབ་ལ་བརྟེན་མི་འགྱུར། །ཡང་དག་
[208b.5]དད་པས་རྗེས་སྦྱར་བ། །ཡིད་བཞིན་ནོར་བུ་ལྟ་བུའི་སྔགས། །ཕྱག་རྒྱ་ཆེན་པོའི་འདོད་པ་ཡི། །དད་ལྡན་རྣམས་ལ་བསྟན་པར་བྱ། །དཔལ་རྡོ་རྗེ་རྣལ་འབྱོར་མའི་བཞེད་པ་ལས། གསང་བའི་སྦྱིན་སྲེག་གི་ཆོ་ག་སློབ་དཔོན་ཆེན་པོ་བསོད་སྙོམས་པའི་སློབ་མ་རྒྱལ་བས་བྱིན་གྱི་ཚ་བོ་སངས་རྒྱས་བྱིན་
[208b.6]གྱིས་མཛད་པ་རྫོགས་སོ།། །།བལ་པོའི་པཎྜི་ཏ་བྷ་རེནྡྲ་རུ་ཙི་དང་། །བོད་ཀྱི་ལོ་ཙཱ་བ་བློ་ལྡན་ཤེས་རབ་ཀྱིས་བསྒྱུར་བའོ།། །།འགྲོ་ཀུན་སངས་རྒྱས་ཐོབ་པར་ཤོག །{T1557}༄༅༅། །རྒྱ་གར་སྐད་དུ། ཀུ་ལི་ག་ན་མ་ཏ་ཏྟྭ་ནཱི་ར་ན་མ། །བོད་སྐད་དུ། །རིགས་ལྡན་མའི་དེ་ཁོ་ན་ཉིད་
[208b.7]ངེས་པ་ཞེས་བྱ་བ། རྡོ་རྗེ་མཁའ་འགྲོ་མ་རྣམས་ལ་ཕྱག་འཚལ་ལོ། །རིགས་ལྡན་མ་སུམ་ཅུ་རྩ་བདུན་པོ་རྣམས་བཤད་དེ། རིགས་ལྡན་མ་སུམ་ཅུ་རྩ་བདུན་མ་ནི་འདི་ལྟ་སྟེ། རྩ་བའི་རྒྱུད་དུ་གསུངས་པའི་རིགས་ལྡན་མ་རྡོ་རྗེ་ཕག་མོ་ནི། རིག་བྱེད་མ་ཌོ་མྦི་མའོ། །མཁའ་འགྲོ་མ་ནི་དམངས་
[209a]
[209a.1]རིགས་མའོ། །ལཱ་མ་ནི་རྒྱལ་རིགས་མའོ། །དུ་མ་སྐྱེས་མ་ནི་རྗེའུ་རིགས་མའོ། །གཟུགས་ཅན་མ་ནི་བྲམ་ཟེ་མའོ། །ཁྭ་གདོང་མ་ནི་ཀླ་ཀློ་མའོ། །འུག་པའི་གདོང་ཅན་མ་ནི་ཕྱག་དར་མའོ། །ཁྱི་གདོང་མ་ནི་གདོལ་པ་ཅན་མའོ། །ཕག་གདོང་མ་ནི་ཉེ་བའི་གླིང་མའོ། །གཤིན་
[209a.2]རྗེའི་མཆེ་བ་ཅན་མ་ནི་རི་ཁྲོད་མའོ། །གཤིན་རྗེའི་ཕོ་ཉ་མོ་ཉ་གསོད་མའོ། །གཤིན་རྗེའི་མཆེ་བ་གཙིགས་མ་ནི་ལྦོས་བྱེད་མའོ། །གཤིན་རྗེ་བསླབ་བྱེད་མ་ནི་འབར་བ་རི་མའོ། །རབ་ཏུ་གཏུམ་མོ་ནི་འདྲི་མཁན་མ་དང་ཐགས་མཁན་མའོ། །གཏུམ་པའི་མིག་ཅན་མ་ནི་ཆང་འཚོང་མའོ། །འོད་ལྡན་མ་
[209a.3]ནི་ཕྲེང་འཚོང་མའོ། །སྣ་ཆེན་མ་ནི་སྟག་གཟིག་མའོ། །དཔའ་བོའི་བློ་མ་ནི་མི་སྨིན་མའོ། །མིའུ་ཐུང་མ་ནི་སྨྱུག་གར་མའོ། །སྲིན་པོའི་དབང་ཕྱུག་མ་ནི་འབར་བ་མཁན་མའོ། །ཤིང་གྲིབ་མ་ནི་ནོར་བུ་མཁན་མའོ། །ས་སྲུང་མ་ནི་ལྕགས་མཁན་མའོ། །འཇིགས་བྱེད་ཆེན་པོ་མ་ནི་རྒྱ་སྐྱེགས་
[209a.4]མཁན་མའོ། །རླུང་གི་ཤུགས་ཅན་མ་ནི་སྲིན་མཁན་མའོ། །ཆང་འཐུང་མ་ནི་ཏིལ་མཁན་མའོ། །ལྷ་མོ་སྔོ་བསངས་མ་ནི་འདྲེག་མཁན་མའོ། །ཤིན་ཏུ་བཟང་མོ་ནི་པགས་པ་མཁན་མའོ། །རྟ་རྣ་མ་ནི་ཤིང་འཚོང་མའོ། །བྱ་གདོང་མ་ནི་སྨྱིག་མ་འཚོང་མའོ། །འཁོར་ལོའི་ཤུགས་ཅན་མ་ནི་
[209a.5]ཤན་པ་མའོ། །དུམ་སྐྱེས་མ་ནི་ཁུར་མཁན་མའོ། །ཆང་དགའ་མ་ནི་སྲུབ་མཁན་མའོ། །འཁོར་ལོའི་གོ་ཆ་མ་ནི་གར་མཁན་མའོ། །ཤིན་ཏུ་དཔའ་མོ་ནི་ཚོས་མཁན་མའོ། །སྟོབས་ཆེན་མ་ནི་ཉ་ཤ་འཚོང་མའོ། །འཁོར་ལོས་སྒྱུར་མ་ནི་རྫ་མཁན་མའོ། །བརྩོན་ཆེན་མ་ནི་རྩིས་མཁན་
[209a.6]མའོ། །དེ་རྣམས་ནི་གོ་རིམས་ཇི་ལྟ་བར་ཕྱི་རོལ་དུ་ལོངས་སྤྱོད་ཅིང་དུས་ཚོད་ལ་བབ་པའི་ཉིན་པར་ལོངས་སྤྱོད་པ་སྟེ། ལས་ཀྱི་ཚོགས་རྣམས་ཀྱིས་འཇིག་རྟེན་པའི་དངོས་གྲུབ་སྒྲུབ་པའི་དོན་དུ། སྔོན་ལ་རིགས་ཀྱི་ཕོ་ཉ་མོ་དེ་རྣམས་ལ་མཆོད་པའི་ཆོ་ག་བྱ་བར་བཅོམ་ལྡན་འདས་ཀྱིས་གསུངས་སོ། །
[209a.7]ད་ནི་རང་གི་གཟུགས་ཡོངས་སུ་བསྒྱུར་བ་རྣམས་ཀྱིས་དམ་ཚིག་གི་ཕོ་ཉ་མོ་རྣམས་བཤད་དེ། འདིར་རིགས་ལྡན་མ་རྡོ་རྗེ་ཕག་མོ་ནི་ཀུན་གྱི་གཟུགས་ཐམས་ཅད་ཡོངས་སུ་བསྒྱུར་མའོ། །རྡོ་རྗེ་མཁའ་འགྲོ་མ་ནི་ཁྱི་མོའོ། །ལཱ་མ་ནི་རྟ་མོའོ། །དུམ་སྐྱེས་མ་ནི་གླང་པོ་མའོ། །གཟུགས་ཅན་མ་ནི་བའོ། །
[209b]
[209b.1]རབ་ཏུ་གཏུམ་མ་ནི་ལུག་མའོ། །གཏུམ་པའི་མིག་ཅན་མ་ནི་ར་མོའོ། །འོད་ལྡན་མ་ནི་རི་དགས་མའོ། །སྣ་ཆེན་མ་ནི་བོང་མའོ། །དཔལ་བོའི་བློ་མིན་ཕག་མོའོ། །མིའུ་ཐུང་མ་ནི་རྔ་མོའོ། །སྲིན་པོའི་དབང་ཕྱུག་མ་ནི་ནགས་ཀྱི་ཝ་མོའོ། །ཤིང་གྲིབ་མ་ནི་ནགས་མཐའི་སེང་གེ་མའོ། །
[209b.2]ས་སྲུང་མ་ནི་བསེ་རུ་གཅིག་མའོ། །འཇིགས་བྱེད་ཆེན་མོ་ནི་སྟག་མོའོ། །རླུང་གི་ཤུགས་ཅན་མ་ནི་རི་ཁྲོད་མའོ། །ཆང་འཐུང་མ་ནི་ནེའུ་ལེ་མའོ། །ལྷ་མོ་སྔོ་བསངས་མ་ནི་འབྲི་མོའོ། །ཤིན་ཏུ་སྔོ་བསངས་མ་ནི་སྦྱང་མའོ། །རྟ་རྣ་མ་ནི་སྲམ་མོའོ། །བྱ་གདོང་མ་ནི་བྱི་ལ་མའོ། །འཁོར་ལོའི་
[209b.3]ཤུགས་ཅན་ཆེན་མོ་ནི་ཆུ་སྲིན་ཀུམྦྷི་ར་མའོ། །དུམ་སྐྱེས་མ་ནི་འགྲོན་བུ་མའོ། །ཆང་དགའ་མ་ནི་ཆུ་སྲིན་བྱིས་པ་གསོད་མའོ། །འཁོར་ལོའི་གོ་ཆ་མ་ནི་ཉ་མོའོ། །ཤིན་ཏུ་དཔའ་མོ་ནི་ཆུ་སྲིན་མ་ཀ་ར་མོའོ། །སྟོབས་ཆེན་མ་ནི་རུས་སྦལ་ཆུང་ཤོས་མའོ། །འཁོར་ལོས་སྒྱུར་མ་ནི་རུས་སྦལ་མོའོ། །བརྩོན་
[209b.4]ཆེན་མ་ནི་དུང་མོའོ། །ཁྭ་གདོང་མ་ནི་རྨིགས་པ་མའོ། །འུག་གདོང་མ་ནི་བྱི་བ་མའོ། །ཁྱི་གདོང་མ་ནི་མ་ཧེ་མའོ། །ཕག་གདོང་མ་ནི་སྤྲེའུ་མའོ། །གཤིན་རྗེའི་མཆེ་བ་ཅན་མ་ནི་བ་མེན་མའོ། །གཤིན་རྗེ་ཕོ་ཉ་མོ་ནི་སྲོག་ཆགས་ཤི་ལ་ཀི་མའོ། །གཤིན་རྗེ་མཆེ་བ་གཙིགས་མ་ནི་མཛེས་ཏ་ཀྲི་མོའོ། །
[209b.5]གཤིན་རྗེ་རླག་བྱེད་མ་ནི་རྩངས་པ་མོའོ། །འདི་དག་ནི་སྐམ་ལ་གནས་པ་དང་། གཤེར་ལ་གནས་པ་དང་། ནགས་ན་གནས་པ་རྣམས་ཀྱི་གཟུགས་ཡོངས་སུ་བསྒྱུར་བ་ལྷ་མོ་རྣམས་ཀྱི་དམ་ཚིག་སྟེ། གང་གི་ཚེ་རྣལ་འབྱོར་བ་རྣམས་རང་རང་གི་རང་བཞིན་གཟུགས་དེ་རྣམས་སུ་ཤེས་ན་རྣལ་འབྱོར་མ་
[209b.6]སུམ་ཅུ་རྩ་དྲུག་གི་དངོས་གྲུབ་ཏུ་འགྱུར་རོ། །ད་ནི་ནམ་མཁའ་ལ་སྤྱོད་པ་རྣམས་ཀྱི་གཟུགས་ཡོངས་སུ་བསྒྱུར་བ་བཤད་པ་སྟེ། །འདིར་ཡང་རིགས་ལྡན་མ་རྡོ་རྗེ་ཕག་མོ་ཉིད་ཐམས་ཅད་ཀྱི་གཟུགས་སུ་བསྒྱུར་མའོ། །དེ་ལ་རྡོ་རྗེ་མཁའ་འགྲོ་མ་ནི་ཁུག་རྟ་མའོ། །ལཱ་མ་ནི་ནེ་ཙོ་མའོ། །དུམ་སྐྱེས་མ་
[209b.7]ནི་བྱ་ཤ་རི་ཀ་མོའོ། །གཟུགས་ཅན་མ་ནི་བྱ་ཀོ་ཀི་ལ་མའོ། །རབ་ཏུ་གཏུམ་མོ་ནི་བྱ་ལ་བི་མའོ། །གཏུམ་པའི་མིག་ཅན་མ་ནི་ཕུག་རོན་མའོ། །འོད་ལྡན་མ་ནི་ཁྭ་མོའོ། །སྣ་ཆེན་མ་ནི་མཆིལ་པ་མོའོ། །དཔའ་བོའི་བློ་ལྡན་མ་ནི་དུར་པ་མའོ། །མི་མཐུན་མ་ནི་ངང་པ་མའོ། །སྲིན་པོའི་དབང་
[210a]
[210a.1]ཕྱུག་མ་ནི་ཆུ་སྲེག་མའོ། །ཤིང་གྲིབ་མ་ནི་བྱ་ཀོ་དྷི་མའོ། །ས་སྲུང་མོ་ནི་ཀྲུང་གྲུང་མོའོ། །འཇིགས་བྱེད་ཆེན་པོ་ནི་བྱ་རྒོད་མའོ། །རླུང་གི་ཤུགས་འཆང་མ་ནི་བྱ་ཌཱ་ཀི་མོའོ། །ཆད་མཐུད་མ་ནི་འོལ་བ་མོའོ། །ལྷ་མོ་སྔོ་བསངས་ནི་བྱ་བུ་དྡྷ་ཙི་ལི་ཀ་མོའོ། །ཤིན་ཏུ་བཟང་མོ་ནི་ཁྱིམ་
[210a.2]བྱ་མོའོ། །རྟ་རྣ་མོ་ནི་བྱ་ཀ་ཀ་མཆུ་རིངས་མོའོ། །བྱ་གདོང་མ་ནི་ཧ་རི་རྡ་ཀ་རི་མོའོ། །འཁོར་ལོའི་ཤུགས་ཅན་མ་ནི་ངང་སྐྱ་མོའོ། །དུམ་སྐྱེས་མ་ནི་བྱ་ཀོ་ཀི་ལི་ཀུ་ཀུ་ཧི་མའོ། །ཆང་དགའ་མ་ནི་བྱ་རི་རྩ་ཀི་མའོ། །འཁོར་ལོའི་གོ་ཆ་མ་ནི་ཁྲ་མའོ། །བཅོམ་ལྡན་འདས་ཤིན་ཏུ་དཔའ་མོ་ནི་སྲེག་པ་མོའོ། །
[210a.3]སྟོབས་ཆེན་མ་ནི་བྱས་ད་ས་མོའོ། །འཁོར་ལོས་སྒྱུར་མ་ནི་ཆུ་བྱ་མོའོ། །བརྩོན་ཆེན་མོ་ནི་ཆུ་སྐྱར་མོའོ། །ཁྭ་གདོང་མ་ནི་བྱ་ལ་ཚ་ན་ཚི་མོའོ། །འུག་གདོང་མ་ནི་བྱ་བང་མོའོ། །ཁྱི་གདོང་མ་ནི་བྱ་འུག་ནག་མོའོ། །ཕག་གདོང་མ་ནི་འུག་པ་མོའོ། །གཤིན་རྗེ་མཆེ་བ་ཅན་ནི་བྱ་ཀ་ལི་ར་མོའོ། །གཤིན་
[210a.4]རྗེ་ཕོ་ཉ་མོ་ནི་བྱ་ཏི་ཏི་བི་མོའོ། །གཤིན་རྗེ་མཆེ་བ་གཙིགས་མ་ནི་བྱ་མགོ་གཉིས་མའོ། །གཤིན་རྗེ་འཇོམས་མ་ནི་བྱ་ཨ་མ་བར་ཀི་མོའོ། །འདི་དག་ནི་ནམ་མཁའ་ལ་སྤྱོད་པ་རྣམས་ཀྱི་གཟུགས་ཡོངས་སུ་བསྒྱུར་བ་རྣམས་ཏེ། རྣལ་འབྱོར་མ་སུམ་ཅུ་རྩ་དྲུག་རྣམས་སོ། །སྐམ་ལ་གནས་པ་དང་།
[210a.5]ཆུ་ལ་གནས་པ་དང་། ནམ་མཁའ་ལ་གནས་པ་རྣམས་གཅིག་ལ་གཅིག་བསྣུན་ཏེ་ཤི་བདེ་དག་གི་ཤ་ཁ་ན་མ་ཐོ་བ་མེད་པ་ཇི་ལྟར་རྙེད་པ་དང་། བདུད་རྩི་ལྔ་མཉམ་བར་བྱས་ལ། འོག་ནས་བཤད་པའི་རིམ་པས་དུར་ཁྲོད་ཀྱིས་གཞིར་རི་ལུར་བྱས་ཏེ། གསུང་གི་རྡོ་རྗེ་ལ་སོགས་པའི་མཆོད་པ་རྣམས་ཀྱིས་
[210a.6]སྦྲགས་ཏེ་བསྒྲུབ་པར་བྱའོ། །དེ་ནས་ཇི་ལྟར་རྙེད་པའི་དམ་ཚིག་གི་རྫས་རྣམས་རྟོགས་པས་རབ་ཏུ་སྤར་ཏེ་བདུད་རྩིར་བྱས་ཏེ་སྦྱངས་པས་རྡོ་རྗེ་མཆོད་པའི་དུས་སུ་ནི་རྣལ་འབྱོར་མ་རྣམས་ལ་སྔགས་པས་དབུལ་བར་བྱའོ། །བསྒོམ་པའི་དུས་སུ་ནི་ཡང་དག་པར་སྤྱོད་པའོ། །ཡང་དག་པར་སྤྱོད་པའི་དུས་སུ་
[210a.7]སྙོམས་པར་འཇུག་པར་བྱའོ། །སྙོམས་པར་འཇུག་པའི་དུས་སུ་ནི་རི་ལུ་དེ་བདག་ཉིད་ཀྱི་ཁར་བཞག་ཅིང་ཤེས་རབ་ཀྱི་ཁར་ཡང་གཞུག་གོ། །དཔའ་བོ་དང་དཔའ་མོའི་དབང་ཕྱུག་མ་རྣམས་ཀྱི་ཁར་ཡང་གཞུག་པར་བྱའོ། །འདི་དག་ནི་དམ་ཚིག་གི་མཆོད་པའི་ངེས་པའི་ཚིག་གོ། །ད་ནི་མཆོད་པའི་ཆོ་ག་
[210b]
[210b.1]བཤད་དེ། །འདིར་ཕྱི་དང་ནང་གི་རིགས་བྲལ་མ་རྡོ་རྗེ་ཕག་མོ་ནི་མི་འགྱུར་བ་ཆེན་པོ་བདེ་བའི་འབྲས་བུ་ཡིན་པས་ན། འབྲིང་དང་མཆོག་གི་དབུགས་ཀྱིས་དུས་ཀུན་དུ་མཆོད་པར་བྱ་སྟེ། སྔགས་པ་ཕྱག་རྒྱ་ཆེན་པོའི་དངོས་གྲུབ་ཀྱི་དོན་དུའོ། །འཇིག་རྟེན་པའི་དངོས་གྲུབ་ཀྱི་དོན་དུ་ནི་རྡོ་རྗེ་མཁའ་འགྲོ་མ་ལ་
[210b.2]སོགས་པ་རྣམས་གོ་རིམས་ཇི་ལྟ་བའི་ཁྱད་པར་གྱིས་མཆོད་པར་བྱའོ། །ཕྱི་རོལ་དུ་ཆུ་སྲིན་མ་ཀ་རར་ཡང་དག་པར་འཕོས་པ་ནི་ཞལ་ཤར་ཕྱོགས་མ་སྟེ། རྡོ་རྗེ་མཁའ་འགྲོ་མ་ལ་བསང་བའི་ལས་བྱ་བའི་དོན་དུ་མཆོད་པར་བྱའོ། །འོག་ཏུ་ཡང་དག་པར་འཕོས་པ་ལ་གཡས་པའི་ཞལ་ཏེ་ལཱ་མ་ལ་
[210b.3]དབང་གི་ལས་བསྒྲུབ་པའི་དོན་དུའོ། །ཉ་ཁྱི་བར་ཡང་དག་པར་འཕོས་པ་ན་ནུབ་ཀྱི་ཞལ་ཏེ། དུམ་སྐྱེས་མ་ལ་རེངས་པའི་དོན་དུའོ། །སྲང་དུ་ཡང་དག་པར་འཕོས་པ་ལ་གཡོན་གྱི་ཞལ་ཏེ་གཟུགས་ཅན་མ་ལ་ཞི་བར་བྱེད་པའི་དོན་དུ་སྟེ། ཟླ་བ་དེའི་རྒྱུ་སྐར་ས་རི་ཡང་དག་པར་འཕོས་པ་ནི་སྔགས་
[210b.4]པས་མཆོད་པར་བྱའོ། །གཞན་རྣམས་ནི་ཟླ་བ་དག་གི་ཐ་མར་རོ། །ལོའི་དུས་ཀྱི་ཆར་ཟད་པ་རྣམས་བཞི་པོ་ནོར་དང་། ནོར་གྱི་ལན་དང་། འཕེལ་བ་དང་འཇོམས་པ་ཞེས་བྱ་བར་ཕྱེ་བ་དེ་རྣམས་ཀྱི་ཡང་དག་པར་འཕོས་པའི་ཉིན་པར་རིམ་བཞིན་རྣམས་ལ་ཇི་ལྟར་བཤད་པའི་རིམ་པས་མཁའ་འགྲོ་
[210b.5]མ་བཞི་པོ་རྣམས་སུ་ལོངས་སྤྱོད་པར་བྱའོ། །བཅོམ་ལྡན་འདས་ཀྱི་ཐུགས་གསུང་སྐུ་ཞལ་དབྱེ་བས། ཤར་དང་། ལྷོ་དང་། ནུབ་དང་། བྱང་ཕྱོགས་ཀྱི་ལྷ་མོ་རྣམས་ཁོང་དུ་ཆུད་པར་བྱའོ། །བསད་པ་ལ་སོགས་པའི་ལས་རྣམས་སྒྲུབ་པར་བྱེད་པ་ལ་སོགས་པའི་ཁམས་ཀྱི་དབྱེ་བས་ངེས་པ་ཡང་
[210b.6]ཡིན་ནོ། །དེ་ལྟར་ཐམས་ཅད་དུ་ཞལ་གྱི་དབྱེ་བས་བཤད་པའི་ལས་ཀྱི་ཚོགས་རྣམས་བསྒྲུབ་པ་ལས་ལྷ་མོ་དེ་རྣམས་མཆོད་པའོ། །ད་ནི་དུར་ཁྲོད་ཀྱི་ལྷ་མོ་རྣམས་ཀྱི་མཆོད་པ་བཤད་དེ། འདིར་ཆུ་སྲིན་མ་ཀ་རར་འཕོ་བའི་ཉིན་པར་ཁྱི་གདོང་མ་སྟེ་བསྐྲད་པའི་དོན་དུའོ། །བུམ་པར་འཕོས་པའི་ཕྱེད་
[210b.7]ཀྱི་ཉིན་པར་འུག་པའི་གདོང་ཅན་མ་སྟེ། དགུག་པའི་དོན་དུའོ། །ལུག་ཏུ་འཕོས་པའི་ཉིན་པར་ཁྱི་གདོང་མ་སྟེ་ཕུར་བའི་དོན་དུའོ། །གླང་དུ་འཕོས་པའི་ཕྱེད་ཀྱི་ཉིན་པར་ཕག་གདོང་མ་སྟེ་རྒྱས་པའི་དོན་དུའོ། །ཉ་ཁྱི་བར་ཡང་དག་པར་འཕོས་པའི་ཉིན་པར་གཤིན་རྗེ་མཆེ་བ་ཅན་ཏེ་དུག་མེད་པར་
[211a]
[211a.1]བྱ་བའི་དོན་དུའོ། །སེང་གེ་འཕོས་པའི་ཕྱེད་ཀྱི་ཉིན་བར་གཤིན་རྗེ་ཕོ་ཉ་མོ་སྟེ་རྨོངས་པར་བྱ་བའི་དོན་དུའོ། །སྲང་དུ་ཡང་དག་པར་འཕོས་པའི་ཉིན་པར་གཤིན་རྗེ་མཆེ་གཙིགས་མ་སྟེ་རེངས་པར་བྱ་བའི་དོན་དུའོ། །སྡིག་པར་འཕོས་པའི་ཕྱེད་ཀྱི་ཉིན་པར་གཤིན་རྗེ་འཇོམས་མ་སྟེ་
[211a.2]དབྱེ་བར་བྱ་བའི་དོན་དུའོ། །ལོ་གཅིག་ལ་ཟླ་བ་ཕྱེད་དང་། རེངས་པ་ལ་རྣལ་འབྱོར་པས་མཆོད་པའི་དོན་དུའོ། །ཐུན་མཚམས་བརྒྱད་ཀྱི་ཐ་མ་ལ་སོགས་པར་ཕྱེ་བའི་ཉིན་པར་ཇི་སྐད་བཤད་པའི་རིམ་པས་རྣལ་འབྱོར་པ་བརྒྱད་པོ་རྣམས་ལོངས་སྤྱོད་པ་སྟེ། ཇི་སྲིད་ཟླ་བ་ཕྱེད་ཕྱེད་དང་ཟླ་བ་རྫོགས་
[211a.3]པར་རྣལ་འབྱོར་མ་འདི་དག་ཏུ་ངེས་སོ། །ད་ནི་ཐུགས་དང་གསུང་དང་སྐུའི་འཁོར་ལོ་རྣམས་ཀྱི་ལྷ་མོ་རྣམས་ལ་མཆོད་པར་བཤད་དོ། །འདིར་དགུན་ཟླ་ར་བར་འཕོས་པ་ལ། རབ་ཏུ་གཏུམ་མོ་དང་ཐོད་པའི་དུམ་བུ་ལ་བསད་པར་བྱ་བའི་དོན་དུའོ། །ཉའི་ངོར་འཕོས་པ་ལ་གཏུམ་པའི་
[211a.4]མིག་ཅན་མ་དང་། ཀེང་རུས་ཆེན་པོ་ལ་དབང་གི་དོན་དུའོ། །དགུན་ཟླ་འབྲིང་པོར་འཕོས་པའི་ངོ་ལ་ནི་འོད་ལྡན་མ་དང་། ཀེང་རུས་ལ་རེངས་པར་བྱ་བའི་དོན་དུའོ། །ཉའི་ངོར་འཕོས་པ་ལ་ནི་སྣ་ཆེན་མོ་དང་མཆེ་བ་རྣམ་པར་གཙིགས་མལ་རྒྱས་པར་བྱ་བའི་དོན་དུའོ། །དགུན་ཟླ་ཐ་ཆུངས་
[211a.5]ལ་ནི་དཔའ་བོའི་བློ་ཅན་མ་དང་། ཆང་དགའ་ལ་ཞི་བའི་དོན་དུའོ། །ཉའི་ངོར་འཕོས་པ་ལ་ནི་མིའུ་ཐུང་མ་དང་། འོད་དཔག་མེད་ལ་རྨོངས་པའི་དོན་དུའོ། །དཔྱིད་ཟླ་ར་བར་འཕོས་པའི་ངོ་ལ་ནི་སྲིན་པོའི་དབང་ཕྱུག་མ་དང་། རྡོ་རྗེ་འོད་ལ་དགུག་པའི་དོན་དུའོ། །ཉར་འཕོས་པའི་ངོ་ལ་ནི་ཤིང་
[211a.6]གྲིབ་མ་དང་རྡོ་རྗེའི་སྐུ་ལ་དབྱེ་བའི་དོན་དུའོ། །འདི་དག་ནི་དགུན་ཟླ་ར་བ་ལ་སོགས་པའི་ཟླ་བ་བཞི་པོའི་ངོ་བརྒྱད་ཀྱི་ཉིན་པར་རྣམས་ལ་ཇི་ལྟར་གསུངས་པའི་རིམ་པས་ཐུགས་ཀྱི་འཁོར་ལོའི་དཔའ་བོ་དང་དཔའ་མོ་རྣམས་ལ་ལོངས་སྤྱོད་པའོ། །ད་ནི་གསུང་གི་འཁོར་ལོའི་མཆོད་པ་བཤད་དེ། འདིར་
[211a.7]དཔྱིད་ཟླ་འབྲིང་པོ་འཕོས་པའི་ངོ་ལ་ནི་ས་སྲུང་མ་དང་རྡོ་རྗེ་མྱུ་གུ་ལ་བསྐྲད་པའི་དོན་དུའོ། །ཉར་འཕོས་པའི་ངོ་ལ་ནི་དཔའ་མོ་ཆེན་མོ་དང་། །རྡོ་རྗེ་རལ་ཅན་ལ་མཛའ་བར་བྱ་བའི་དོན་དུའོ། །དཔྱིད་ཟླ་ཐ་ཆུངས་སུ་འཕོས་པའི་ངོ་ལ་ནི་རླུང་གི་ཤུགས་ཅན་མ་དང་། དཔའ་བོ་ཆེན་པོ་ལ་སྡེ་དཔུང་རེངས་པར་
[211b]
[211b.1]བྱ་བའི་དོན་དུའོ། །ཉ་རུ་འཕོས་པའི་ངོ་ལ་ནི་ཆང་འཐུང་མ་དང་། རྡོ་རྗེ་ཧཱུཾ་མཛད་ལ་སྤྲིན་ལས་ཆར་དབབ་པའི་དོན་དུའོ། །དབྱར་ཟླ་ར་བར་འཕོས་པའི་ངོ་ལ་ནི། ལྷ་མོ་སྔོ་བསངས་མ་དང་ཤིན་ཏུ་བཟང་མོ་ལ་རིམས་བསལ་བའི་དོན་དུའོ། །ཉར་འཕོས་པའི་ངོ་ལ་ནི་ཤིན་ཏུ་བཟང་མོ་དང་། །རྡོ་རྗེ་བཟང་མོ་ལ་
[211b.2]བཅིང་བ་དབྱེ་བའི་དོན་དུའོ། །དབྱར་ཟླ་འབྲིང་པོ་འཕོས་པའི་ངོ་ལ་ནི་རྟ་རྣམ་དང་འཇིགས་བྱེད་ཆེན་པོ་ལ་དབབ་པར་བྱ་བའི་དོན་དུའོ། །ཉར་འཕོས་པའི་ངོ་ལ་ནི་བྱ་གདོང་མ་དང་མིག་མི་བཟང་ལ་སྤྲིན་བྲལ་བའི་དོན་དུའོ། །འདི་དག་ནི་དཔྱིད་ཟླ་འབྲིང་པོ་ལ་སོགས་པ་བཞི་པོ་ངོ་བརྒྱད་ཀྱི་ཉིན་པར་རྣམས་
[211b.3]ལ། ཇི་ལྟར་བཤད་པའི་རིམ་པར་གསུང་གི་འཁོར་ལོའི་དཔའ་བོ་དང་དཔའ་མོ་རྣམས་ལ་ལོངས་སྤྱོད་པའོ། །ད་ནི་སྐུའི་འཁོར་ལོའི་མཆོད་པ་བཤད་དེ། འདིར་དབྱར་ཟླ་ཐ་མར་འཕོས་པའི་ངོ་ལ་ནི་འཁོར་ལོའི་ཤུགས་ཅན་མ་དང་། སྟོབས་པོ་ཆེ་ལ་རལ་གྲི་ཆེན་པོ་བསྒྲུབ་པའི་དོན་དུའོ། །ཉར་
[211b.4]འཕོས་པའི་ངོ་ལ་ནི་དུམ་སྐྱེས་མ་དང་། རིན་ཆེན་རྡོ་རྗེ་ལ་སྔགས་ཀྱི་དངོས་གྲུབ་ཀྱི་དོན་དུའོ། །སྟོན་ཟླ་ར་བར་འཕོས་པའི་ངོ་ལ་ནི། ཆང་དགའ་མ་དང་རྟ་མགྲིན་ལ་ཀླུའི་རྒྱལ་པོ་རེངས་པར་བྱ་བའི་དོན་དུའོ། །ཉར་འཕོས་པའི་ངོ་ལ་ནི་འཁོར་ལོའི་གོ་ཆ་མ་དང་། ནམ་མཁའི་སྙིང་པོ་ལ་བཅུད་ཀྱིས་ལེན་ཆེན་
[211b.5]པོ་བསྒྲུབ་པའི་དོན་དུའོ། །སྟོན་ཟླ་འབྲིང་པོ་འཕོས་པའི་ངོ་ལ་ནི། ཤིན་ཏུ་དཔའ་མོ་དང་། ཧེ་རུ་ཀ་ལ་འབྲས་བུ་བདུད་རྩིར་བསྒྲུབ་པའི་དོན་དུའོ། །ཉར་འཕོས་པའི་ངོ་ལ་ནི་སྟོབས་ཆེན་མ་དང་། པདྨ་གར་གྱི་དབང་ཕྱུག་མ་ལ་གཏེར་བསྒྲུབ་པའི་དོན་དུའོ། །སྟོན་ཟླ་ཐ་ཆུངས་ལ་འཕོས་པའི་ངོ་ལ་ནི།
[211b.6]འཁོར་ལོས་སྒྱུར་མ་དང་རྣམ་པར་སྣང་མཛད་ལ་རིན་པོ་ཆེ་བསྒྲུབ་པའི་དོན་དུའོ། །ཉར་འཕོས་པའི་ངོ་ལ་ནི་བརྩོན་ཆེན་མ་དང་རྡོ་རྗེ་སེམས་དཔའ་ལ་འཇིག་རྟེན་གསུམ་གྱི་གནས་སུ་བགྲོད་པར་བྱ་བའི་དོན་དུའོ། །འདི་དག་དབྱར་ཟླ་ཐ་ཆུངས་ལ་སོགས་པའི་ཟླ་བ་བཞི་པོའི་ངོ་བརྒྱད་པོའི་ཉིན་པར་རྣམས་ལ་
[211b.7]ཇི་ལྟར་བཤད་པའི་རིམ་པས་སྐུའི་འཁོར་ལོའི་དཔའ་བོ་དང་དཔའ་མོ་རྣམས་ལ་ལོངས་སྤྱོད་པའོ། །ཡང་ན་སྡིག་པར་འཕོས་པའི་ཉིན་པར་ལ། སྡིག་པར་འཕོས་པའི་ཉིན་པར་ཕྱེད་དག་དང་། གཞུར་འཕོས་པ་ལ་གཞུའི་ཕྱེད་དག་དང་། ཆུ་སྲིན་མ་ཀ་རར་འཕོས་པ་ལ། ཆུ་སྲིན་མ་ཀ་རའི་
[212a]
[212a.1]ཕྱེད་དག་དང་། །བུམ་པར་འཕོས་པ་ལ་བུམ་པའི་ཉིན་པར་ཕྱེད་དུ་བྱས་སྟེ། །ཉིན་པར་བརྒྱད་པོ་དེ་རྣམས་ལ། ཐུགས་ཀྱི་འཁོར་ལོའི་དཔའ་བོ་དང་དཔའ་མོ་རྣམས་ལ་ལོངས་སྤྱོད་པའོ། །དེ་བཞིན་དུ་ཉར་འཕོས་པ་ལ་ཉའི་ཉི་མ་ཕྱེད་དག་དང་། ལུག་ཏུ་འཕོས་པ་ལ་ལུག་གི་ཉི་མ་
[212a.2]ཕྱེད་དག་དང་། གླང་དུ་འཕོས་པ་ལ་གླང་གི་ཉི་མ་ཕྱེད་དག་དང་། སྦྱོར་བར་འཕོས་པ་ལ་སྦྱོར་བའི་ཉི་མ་ཕྱེད་དག་དང་། །ཉི་མ་བརྒྱད་པོ་འདི་རྣམས་ལ་ཇི་ལྟར་བཤད་པའི་རིམ་པས། གསུང་གི་འཁོར་ལོའི་དཔའ་བོ་དང་དཔའ་མོ་རྣམས་ལ་ལོངས་སྤྱོད་པའོ། །དེ་བཞིན་དུ་ཉ་ཁྱི་བར་འཕོས་
[212a.3]པའི་ཉིན་པར་ལ་ཉ་ཁྱི་བའི་ཕྱེད་དག་དང་། སེང་གེར་འཕོས་པའི་ཉིན་པར་ལ་སེང་གེའི་ཕྱེད་དག་དང་། བུ་མོར་འཕོས་པའི་ཉིན་པར་རྣམས་ལ་བུ་མོའི་ཕྱེད་དག་དང་། སྲང་དུ་འཕོས་པའི་ཉིན་པར་ལ་སྲང་གི་ཕྱེད་དག་སྟེ། ཉི་མ་བརྒྱད་པོ་དེ་རྣམས་ལ་ཇི་ལྟར་བཤད་པའི་རིམ་པས་སྐུའི་འཁོར་
[212a.4]ལོའི་དཔའ་བོ་དང་དཔའ་མོ་རྣམས་ལ་ལོངས་སྤྱོད་པའོ། །དེ་ལྟ་བུའི་མཐུ་རྣམས་ཀྱིས་ལོ་གསུམ་དུ་ཕྱེ་བས་ལོ་དགུར་དང་པོར་ཡི་གེ་ཨོཾ་མཆོད་པར་གཟུང་སྟེ། དེ་ནས་ལོ་དང་པོར་ནི་ལྷ་མོ་བཞི་མིང་དང་སྤེལ་བའི་ཞལ་བཞི་བའི་སྔགས་ཟླ་བ་གསུམ་གསུམ་དུ་ཕྱེ་བས་བཟླ་བར་བྱའོ། །ལོ་གཉིས་པ་ལ་ནི་
[212a.5]རྣལ་འབྱོར་མ་བརྒྱད་པོ་རྣམས་ཀྱི་མིང་དང་སྤེལ་བའི་རྐང་པ་བརྒྱད་པོའི་སྔགས་ཟླ་བ་ཕྱེད་དང་གཉིས་གཉིས་སུ་ཕྱེ་བས་བཟླའོ། །ལོ་གསུམ་པ་ལ་ནི་ལྷ་མོ་ཉི་ཤུ་རྩ་བཞི་པོ་རྣམས་ཀྱི་མིང་དང་སྤེལ་བའི་རང་རང་གི་སྔགས་ཀྱི་ཕྲེང་བ་རྣམས་བཟླས་ཏེ། སྔོན་དུ་བཤད་པའི་བསྒྲུབ་པའི་དོན་དུའོ། །དེ་
[212a.6]ལྟར་ལོ་གསུམ་དང་ལོ་དྲུག་དང་ལོ་དགུ་རུ་མཁའ་འགྲོ་མ་སུམ་ཅུ་རྩ་དྲུག་པོ་རྣམས་བསྒྲུབས་ཏེ། དེ་ནས་འཇིག་རྟེན་པའི་ལས་ཀྱི་ཚོགས་རྣམས་ཀྱི་དངོས་གྲུབ་བསྒྲུབས་ན། སྔགས་པ་གྲུབ་པར་བྱེད་དོ་ཞེས། དེ་བཞིན་གཤེགས་པས་ངེས་པར་གསུངས་སོ། །དེ་བཞིན་དུ་ནང་ལ་ཡང་ཟུང་བཞི་
[212a.7]དང་ཐུན་མཚམས་བརྒྱད་དེ་ཆུ་ཚོད་ཕྱེད་དང་གསུམ་གྱི་བདག་ཉིད་ཕྱོགས་རེ་རེར་སྦྱར་ན་ཉི་ཤུ་རྩ་བཞིའོ། །དུས་ཚོད་དེ་རྣམས་སུ་སོ་སོའི་ཉིན་པར་རྣམས་ལ། རྡོ་རྗེ་མཁའ་འགྲོ་མ་ལ་སོགས་པ་རྣམས་ལ་མཆོད་པ་བྱས་ཏེ། སྔར་བཤད་པའི་དངོས་གྲུབ་རྣམས་བསྒྲུབ་པོ། །དུས་ཀྱི་ཁྱད་པར་
[212b]
[212b.1]གྱིས་ཕོ་ཉ་མོ་རྣམས་ལ་མཆོད་པའི་ཆོ་ག་ངེས་པའོ། །ད་ནི་ཐེག་པ་ཆེན་པོའི་རྒྱུད་ལས་གསུངས་པའི་འབྲས་བུའི་ཁྱད་པར་བཤད་པ་དང་། འདིར་དུས་ཀྱི་ཁྱབ་པར་བཅོམ་ལྡན་འདས་ཀྱི་རྒྱུད་གཞན་དང་གཞན་ལས་གསུངས་པ་དེ་འདིར་སྡུད་པ་ཙམ་གྱིས་བཤད་དེ། འདིར་རྒྱུད་ལས་གསུངས་པའི་དགོངས་
[212b.2]པ་རྣམས་ཁོང་དུ་ཆུད་པར་བྱ་བ་ནི་རྒྱུད་དེ་དང་དེས་ཁོང་དུ་ཆུད་པར་བྱའོ་ཞེས། དེ་བཞིན་གཤེགས་པས་གསུངས་སོ། །དེ་ལྟ་བུ་འདི་ནི་དུས་ཀྱི་ཁྱད་པར་རོ། །ད་ནི་དང་པོ་ཁོ་ན་ཆུ་སྲིན་མ་ཁ་ར་ལ་སོགས་པར་གང་སྦྱར་བ་དེ་དག་བཞིན་ནི་རོ་ཧི་ཏ་ལ་སོགས་པ་བཅུ་གཉིས་དང་ཆུ་ཚོད་རྣམས་དང་། དགུན་ཟླ་ཐ་
[212b.3]ཆུངས་ལ་སོགས་པ་ཟླ་བ་བཅུ་གཉིས་པོ་གང་ཡིན་པ་རྣམས་དང་། འདིར་མ་རིག་པ་ལ་སོགས་པ་བཅུ་གཉིས་པོ་རྣམས་ནི་དེ་བཞིན་དུ་ཕྱི་དང་ནང་གི་ལ་སོ་སོ་དང་ཉི་མ་སོ་སོ་ལ་འབྱོར་བ་བཅུ་གཉིས་ཏེ། ཆུ་ཚོད་ལྔ་ལྔའི་བདག་ཉིད་ནི་འབྱོར་པ་རེ་རེའོ། །ཆུ་ཚོད་དྲུག་ཅུ་ཐམ་པ་ལ་ཆུ་ཚོད་ནི་དབུགས་དྲུག་ཅུ་
[212b.4]ཕྲག་དྲུག་ཅུའི་ཚད་ཀྱི་ཆུས་ཆུ་ཚོད་ཀྱི་སྣོད་གང་བའི་བདག་ཉིད་དོ། །འདི་ལྟར་ཉིན་མཚན་གཅིག་གིས་ནི་དབུགས་ཀྱི་འབྱུང་རྔུབ་རྣམས་བརྒྱ་ཕྲག་དྲུག་དང་། སྟོང་ཕྲག་ཤི་ཤུ་རྩ་གཅིག་པོ་ནི་ཕྱི་རོལ་ཉི་མའི་ཆུ་ཚོད་དང་དབུགས་རྣམས་ཏེ་དེ་ལྟར་ཉིན་མོ་དང་མཚན་མོས་ཆུ་ཚོད་དྲུག་ཅུ་རྩ་བཞིར། བཅོམ་
[212b.5]ལྡན་འདས་དེ་བཞིན་གཤེགས་པ་ཀྱཻའི་རྡོ་རྗེའི་གསུངས་པ་འདིར་ནི། ཆུ་ཚོད་ཀྱིས་ཚད་དབུགས་དྲུག་ཕྲག་ལྔ་བཅུ་རྩ་དྲུག་ལ་བཞི་བཞི་ལ་དགོངས་སོ། །དེ་ལ་ཆུ་ཚོད་དྲུག་ཅུ་རྩ་བཞི་ནི། །སྤྲུལ་པའི་འཁོར་ལོའི་བདག་ཉིད་དོ། །ཅུང་ཟད་སུམ་ཅུ་རྩ་གཉིས་ནི་བདེ་བ་ཆེན་པོའི་འཁོར་ལོའོ། །ཡང་དག་པར་
[212b.6]འཕོ་བ་བཅུ་དྲུག་ནི་ཅུ་ཟད་གཉིས་གཉིས་ཀྱི་བདག་ཉིད་དེ། ལོངས་སྤྱོད་རྫོགས་པའི་འཁོར་ལོའི་བདག་ཉིད་དོ། །ཐུན་མཚམས་བརྒྱད་ནི་ཆོས་ཀྱི་འཁོར་ལོའོ། །ལོངས་སྤྱོད་རྫོགས་པའི་འཁོར་ལོ་དང་། བདེ་བ་ཆེན་པོའི་འཁོར་ལོར་རིམ་པར་མ་སྨྲས་པ་རིམ་པར་སྦྱར་བ་ནི་འདིར་བླ་མའི་མན་དག་ལས་
[212b.7]ཤེས་པར་བྱའོ། །དེ་ལྟ་བུར་ཉིན་མཆན་གྱི་དུས་ཀྱི་ཁྱད་པར་རྣམས་བསྡུས་པའི་རྒྱུད་དེ་དང་དེ་ལས་རིག་པར་བྱའོ། །རྩ་བའི་རྒྱུད་རྒྱ་མཚོ་ཆེན་པོའི་མཚན་གྱི་མཆོག་ཅེས་བྱ་བ་ནི་རྒྱུད་ཁྲི་ལ་སོགས་པ་རྣམས་སུ་ཡང་གསུངས་པ་ནི་འདི་ལྟ་སྟེ། ཕྱི་རོལ་གྱི་ཉི་མའི་ལོ་སོ་སོའི་ཉིན་པར་ཡང་དེ་བཞིན་དེ། ཉིན་
[213a]
[213a.1]མཚན་དེ་ནི་དུས་ཀྱི་ཁྱད་པར་བརྒྱ་ཕྲག་དྲུག་དང་སྟོང་ཕྲག་ཉི་ཤུ་རྩ་གཅིག་གི་དབུགས་ནི། ཕྱི་རོལ་གྱི་ཉིན་མཚན་ཉིད་ཆུ་ཚོད་ཀྱི་ཚད་དོ། །དེ་དག་གི་ནང་གི་ནི་ཉིན་མཚན་སོ་སོའི་དབུགས་ཏེ། ལུས་ཅན་རྣམས་ཀྱིའོ། །དེ་ལྟ་བུའི་ཆུ་ཚོད་དྲུག་ཅུ་པ་ཉིད་བརྒྱ་ཕྲག་གསུམ་དང་དྲུག་ཅུ་
[213a.2]ནི་ཕྱི་རོལ་གྱི་ལོའི་ཉིན་མཚན་གྱི་ཚད་དོ། །ནང་གི་ན་དྲུག་ཅུ་དྲུག་ཅུ་པ་སུམ་བརྒྱ་དྲུག་ཅུའི་དབུགས་ཀྱི་བདག་ཉིད་དོ། །དེ་དག་འདི་ལྟར་ཟླ་བའི་ངོ་བོ་ཉི་ཤུ་རྩ་གཉིས་ལ་ཆུ་ཚོད་དགུ་བརྒྱ་དགུ་བརྒྱའི་བདག་ཉིད་དོ། །ནང་གི་ཡང་དེ་ལྟར་དབུགས་ཀྱི་ཆུ་ཚོད་དགུ་བརྒྱ་དགུ་བྱའི་བདག་ཉིད་དོ། །དེ་དག་འདི་ལྟ་
[213a.3]སྟེ་ཕྱི་རོལ་གྱི་བརྒྱ་ཕྲག་བཅོ་བརྒྱད་པོ་རྣམས་ནི་ཟླ་བ་བཅུ་གཉིས་སོ། །ཕྱི་རོལ་གྱི་སུམ་བརྒྱ་དྲུག་ཅུ་པོ་ནི། ཆུ་ཚོད་དྲུག་ཅུ་པོ་ཕྲག་གསུམ་བརྒྱ་དྲུག་ཅུ་སྟེ་ལོའིའོ། །ནང་གི་ནི་དབུགས་ཀྱི་ཆུ་ཚོད་དྲུག་ཅུ་པ་ཕྲག་སུམ་བརྒྱ་དྲུག་ཅུ་པའི་བདག་ཉིད་དོ། །ཕྱི་རོལ་གྱི་ཆུ་ཚོད་བཞི་དང་ལྔ་དང་དྲུག་བསྡོམས་པའི་
[213a.4]བདག་ཉིད་ནི་ཟུང་བཞིའི་བདག་ཉིད་ཀྱིའོ། །ནང་གི་ནི་དབུགས་ཀྱི་ཆུ་ཚོད་བཞི་དང་ལྔ་དང་དྲུག་ཏུ་བསྡོམས་པ་སྟེ། དབུགས་ཀྱི་བདག་ཉིད་ཀྱི་ཆུ་ཚོད་བཞི་དང་ལྔ་དང་དྲུག་པའོ། །ཕྱི་རོལ་གྱི་ཆུ་ཚོད་བདུན་ཕྲག་གཉིས་དང་དྲུག་གི་བདག་ཉིད་ནི་ཐུན་གསུམ་མོ། །ནང་གི་ཡང་བདུན་ཕྲག་གཉིས་དང་
[213a.5]དྲུག་ཏུ་བསྡོམས་པ་སྟེ། དབུགས་ཀྱི་ཆུ་ཚོད་བདུན་ཕྲག་གཉིས་དང་དྲུག་པའོ། །ཕྱི་རོལ་གྱི་སྟོང་ཕྲག་བཅུ་དང་དེ་ལས་གཞན་པའི་བརྒྱད་བརྒྱ་ནི་ཆུ་ཚོད་ཀྱི་བདག་ཉིད་དེ། བགྲོད་པ་གཉིས་པོ་སོ་སོ་རེ་རེའོ། །ནང་གི་ཡང་སྟོང་ཕྲག་བཅུ་པོ་དེ་ལས་གཞན་པ་བརྒྱད་བརྒྱ་སྟེ། དབུགས་ཀྱི་ཆུ་ཚོད་ཀྱི་
[213a.6]བདག་ཉིད་དོ། །དེ་ལྟར་ཉིན་མོ་དང་མཚན་མོས་བརྒྱ་ཕྲག་དྲུག་དང་སྟོང་ཕྲག་ཉི་ཤུ་རྩ་གཅིག་ནི་ཕྱི་རོལ་གྱི་ཉིན་མཚན་སོ་སོའི་ཆུ་ཚོད་རྣམས་སོ། །ནང་གི་ཡང་ལུས་ཅན་རྣམས་ཀྱི་སོ་སོའི་ཉིན་མཚན་གྱིས་དབུགས་རྣམས་ཏེ། འདིར་ནི་མི་རྣམས་ཀྱི་ལུས་པོ་དབུགས་འབྱུང་བ་དང་། རྔུབ་པའི་བསྐྱེད་
[213a.7]བྱ་རིགས་དང་། དབྱིབས་སྣ་ཚོགས་པ་ཅན་རྣམས་ཀྱི་ཉིན་མཚན་གྱིའོ། །དེ་ལྟ་བུ་ནི་འདིར་དུས་ཀྱི་ཁྱད་པར་དུ་མངོན་པར་རྟོགས་པར་བྱའོ། །འདི་རྣམས་ཀྱི་ཟླ་བ་གཅིག་ལ་ཡི་དགས་རྣམས་ཀྱི་ཉིན་མཚན་གཅིག་གོ། །ལྷ་མ་ཡིན་རྣམས་ཀྱི་ལོ་གཅིག་ནི་ནོར་སྦྱིན་རྣམས་ཀྱི་ལོ་དྲུག་ཅུ་ཐམ་པར་
[213b]
[213b.1]འདུ་ཤེས་ཏེ། སེམས་ཅན་རྣམས་ཀྱི་དབུགས་ཀྱི་འཁོར་ལོ་བསྡུས་པའོ། །ལོ་དང་ཉིན་མཚན་དེ་ལྟ་བུའི་བདག་ཉིད་གསུངས་ཤིང་བཤད་དེ། སེམས་ཅན་རྣམས་ཀྱི་དོན་གྱི་བྱ་བ་བྱེད་པའོ། །དེ་ལྟ་བུའི་དུས་ཀྱི་ཁྱད་པར་ཐམས་ཅད་ཀྱི་ཉིན་པར་སོ་སོ་བར་ཁོང་དུ་ཆུད་པར་བྱ་བ་རྒྱུད་དེ་དང་དེ་ལས་བཅོམ་ལྡན་
[213b.2]འདས་ཀྱིས་གསུངས་སོ། །འདི་ལྟར་རྩ་བའི་རྒྱུད་དུ་ཐོབ་པར་མ་གྱུར་ན་ཡང་། །འཁོར་ལོ་སྡོམ་པར་གདན་བཞི་པའི་ལྷ་མོ་རྣམས་ཀྱིས་དུས་ཀྱི་བྱེ་བྲག་ཤེས་པར་བྱ་སྟེ། རྒྱུད་འདིར་གསུངས་པ་ནི་གནས་ལ་སོགས་པར་རྣལ་འབྱོར་བ་རྣམས་ཀྱིས་སྤྱོད་པ་ནི། ལོངས་སྤྱོད་པ་དང་། ཐིམ་པ་དང་འཇུག་
[213b.3]པ་རྣམས་སུ་མཁས་པ་རྣམས་ཀྱིས་རྟོགས་པར་བྱ་སྟེ། ཕྱི་དང་ནང་གི་དུས་སུ་ཁྱད་པར་གྱི་མཆོད་པའི་ཆོ་ག་ངེས་པ་ནའོ། །དེ་ནས་འོག་གི་གཞི་དང་། མེ་དང་། རླུང་དང་། ཆུའི་དབུས་སུ་རི་རབ་པོ། །ཕྱོགས་བརྒྱད་ན་མིའི་ཐོད་པ་ཆེན་པོ་དེར་ཤིན་ཏུ་དྲག་པའི་དུད་པ་ཅན་ནི་དུར་ཁྲོད་ཆེན་པོ་བརྒྱད་དེ།
[213b.4]གསལ་ཤིང་གི་རྩེ་མོར་བསྐྱོན་པ་ནི་ཁའི་སྒོ་སྟེ་ཁྭ་གདོང་མའོ། །ལྷོར་ནི་རོ་ཚོགས་མ་སྟེ། སྣ་བུག་གཡས་པར་ནི་འུག་པའི་གདོང་མའོ། །ནུབ་ཕྱོགས་སུ་ནི་དྲིང་བ་ཅན་ཏེ། བཤད་བའི་སྒོར་ནི་ཁྱི་གདོང་མའོ། །བྱང་ཕྱོགས་སུ་ནཾ་འཇིགས་པ་ཅན་ཏེ། རྣ་བུག་གཡོན་པའི་སྒོར་ནི་ཕག་གདོང་མའོ། །
[213b.5]འདི་དག་ནི་གཡས་སྐོར་དུ་བསྐོར་བར་བྱའོ། །དེ་ནས་དབང་ལྡན་དུ་ནི་བྱིས་པ་སྤས་པ་སྟེ། རྣ་བ་གཡོན་གྱི་སྒོར་ནི་གཤིན་རྗེ་མཆེ་བ་ཅན་མའོ། །རླུང་དུ་ནི་སྤྲུལ་གྱིས་ཟིན་པ་སྟེ། རྣ་བ་གཡས་པའི་སྒོར་ནི་གཤིན་རྗེ་ཕོ་ཉ་མོའོ། །བདེན་བྲལ་དུ་ནི་དྲག་ཏུ་འཐབ་པ་སྟེ། མིག་གཡས་པར་
[213b.6]གཤིན་རྗེ་མཆེ་བ་གཙིགས་མའོ། །མེ་མཚམས་སུ་ནི་མེ་ལྕེ་གྱེན་དུ་འབར་བ་སྟེ། མིག་གཡོན་པའི་སྒོར་གཤིན་རྗེ་འཇོམས་མའོ། །རྣལ་འབྱོར་མ་འདི་དག་གཡོན་སྐོར་དུ་བསྐོར་རོ། །དེ་ལྟ་བུར་དུར་ཁྲོད་ཆེན་པོ་བརྒྱད་ཀྱི་རྣལ་འབྱོར་མ་རིམ་པ་དང་རིམ་པ་མ་ཡིན་པར་གཡས་སྐོར་དང་གཡོན་
[213b.7]སྐོར་དུའོ། །འཁོར་ལོ་འདུས་པ་ནི་འདི་དག་མཆོད་པ་ནི། འདི་ལྟར་ལྟེ་བ་དང་སྙིང་ག་དང་མགྲིན་པ་དང་དཔྲལ་བ་རྣམས་སུ་ཡེ་ཤེས་དང་ཐུགས་དང་གསུང་དང་སྐུའི་འཁོར་ལོ་རྣམས་དང་། ཁའི་སྒོ་ལ་སོགས་པའི་སྒོ་བརྒྱད་པོར་སྒོ་སྐྱོང་མ་རྣམས་ལའོ། །དེ་ལྟར་རྣལ་འབྱོར་མ་སུམ་ཅུ་རྩ་དྲུག་པོ་
[214a]
[214a.1]རྣམས་ཀྱི་ཕྱི་དང་ནང་གི་གནས་ཀྱི་བདག་ཉིད་རྣམས་བསྟན་ཏོ། །ད་ནི་ལོངས་སྤྱོད་པ་དང་། ཐིམ་པ་དང་། གནས་པ་དང་། འཇུག་པ་དང་། ཁྱབ་བདག་རྣམས་བཤད་དེ་འདིར་ནི་རིགས་ལན་མ་ལ་སོགས་པ་རྣམས་ཀྱི་ཐམས་ཅད་དུ། རིགས་ལྡན་མའི་ལོངས་སྤྱོད་པ་དང་། ཐིམ་
[214a.2]པ་དང་། འཇུག་པ་དང་། ཁྱབ་བདག་རྣམས་ནི་བདག་གི་གདན་ལ་སོགས་པ་དང་། རྡོ་རྗེ་མཁའ་འགྲོ་མ་ལ་སོགས་པ་རྣམས་ཀྱི་རིམ་པ་ཇི་ལྟ་བ་བདག་གི་གདན་ལ་སོགས་པའོ། །འདིར་བདག་གི་གདན་ནི་ལོངས་སྤྱོད་པའོ། །གཞན་གྱི་གདན་ནི་ཐིམ་པའོ། །དེ་ཁོ་ན་ཉིད་ཀྱི་གདན་ནི་འཇུག་
[214a.3]པའོ། །སྔགས་ཀྱི་གདན་ནི་ཁྱབ་བདག་གོ། །གཞན་གྱི་གདན་ནི་ལོངས་སྤྱོད་པའོ། །སྔགས་ཀྱི་གདན་ནི་ཐིམ་པའོ། །བདག་གི་གདན་ནི་འཇུག་པའོ། །དེ་ཁོ་ན་ཉིད་ཀྱི་གདན་ནི་ཐིམ་པའོ། །གཞན་གྱི་གདན་ནི་འཇུག་པའོ། །བདག་གི་གདན་ནི་ཁྱབ་བདག་གོ། །དེ་ཁོ་ན་ཉིད་ཀྱི་
[214a.4]གདན་ནི་ལོངས་སྤྱོད་པའོ། །བདག་གི་གདན་ནི་ཐིམ་པའོ། །སྔགས་ཀྱི་གདན་ནི་འཇུག་པའོ། །གཞན་གྱི་གདན་ནི་ཁྱབ་བདག་གོ། །དེ་ཁོ་ན་ཉིད་བདག་ཉིད་ཀྱི་གདན་ནི་ཁྱབ་བདག་གོ། །སྔགས་ཀྱི་གདན་ནི་ལོངས་སྤྱོད་པའོ། །འདི་དག་ནི་ཐུན་མཚམས་བཞིར་ཕྱེ་བས་ཕོ་ཉ་མོའི་ཀུན་དུ་
[214a.5]སྤྱོད་པ་འཁོར་ལོ་འདུས་པ་སྟེ། ལྟེ་བ་ཡེ་ཤེས་ཀྱི་འཁོར་ལོ་གཡས་སྐོར་དུ་བསྐོར་བའོ། །རིགས་ལྡན་མའི་དེ་ཁོ་ན་ཉིད་ངེས་པ་ཞེས་བྱ་བ་ཨུ་རྒྱན་དུ་གྲུབ་པས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཆེན་པོ་དཱི་པཾ་ཀ་རའི་ཞལ་སྔ་ནས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།
[214a.6]{T1558}༄།།རྗེ་བཙུན་རྡོ་རྗེ་རྣལ་འབྱོར་མའི་སྒྲུབ་ཐབས་བཞུགས་སོ། ། ༄༅༅། །རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །བླ་མ་རྗེ་བཙུན་མངའ་བདག་རི་ཁྲོད་པའི། །ཞབས་ཀྱི་རྡུལ་ལ་བདག་ནི་ཕྱག་འཚལ་ལོ། །རྡོ་རྗེ་རྣལ་འབྱོར་མ་ཡི་མཆོད་པ་ཡི། །ཐབས་ནི་བླ་མའི་གསུང་བཞིན་དྲན་
[214a.7]ནས་བྲིས། །རྣལ་འབྱོར་པ་ཡིས་དང་པོར་ནི། །གྲུ་བཞི་ལ་སོགས་དཀྱིལ་འཁོར་བྱ། །མེ་ཏོག་ལྷ་ཡི་གྲངས་བཞིན་དགོད། །མཆོད་སོགས་གཏོར་མ་ཇི་བཞིན་བྱས། །བདག་ཉིད་འདོད་པའི་ལྷ་ཡི་ནི། །སྐད་ཅིག་ང་རྒྱལ་གནས་པ་ལ། །ལག་པ་གཡོན་པས་རེག་བྱས་པས། །དཔའ་བོ་དྲུག་གི་གོ་ཆ་དང་། །
[214b]
[214b.1]དཔའ་མོའི་ཆོ་ག་དེ་བཞིན་བྱ། །ཨོཾ་ཧ་ནི་སྙིང་གར་རོ། །ན་མ་ཧི་ནི་མགོ་བོ་ལའོ། །སྭཱ་ཧཱ་ཧུ་ནི་སྤྱི་གཙུག་ཏུའོ། །བཽཥཊ་ཧེ་ནི་ཕྲག་པ་གཉིས་ལའོ། །ཧཱུཾ་ཧཱུཾ་ཧོ་ནི་མིག་དག་ལའོ། །མཚོན་ཆར་ཕཊ་ཕཊ་ཧཾ་ནི་ཡན་ལག་ཐམས་ཅད་ལའོ། །ཨོཾ་བཾ་ནི་ལྟེ་བར་རོ། །ཧཾ་ཡོཾ་ནི་སྙིང་གར་རོ། །ཧྲིཾ་མོཾ་ནི་ཁ་
[214b.2]ལའོ། །ཧྲེཾ་ཧྲིཾ་ནི་མགོ་ལའོ། །ཧཱུཾ་ཧཱུཾ་ནི་སྤྱི་གཙུག་ཏུའོ། །མཚོན་ཆར་ཕཊ་ཕཊ་ནི་ཡན་ལག་ཐམས་ཅད་ལའོ། །དེ་ལྟར་གོ་ཆག་གཉིས་བགོས་ནས། །དང་པོ་སྦྱར་བར་བྱ་བ་ནི། །ཡཾ་ལས་རླུང་དང་རཾ་ལས་མེ། །དེ་སྟེང་ཨ་ལས་མགོ་གསུམ་དང་། །དེ་ཡི་སྟེང་དུ་ཀ་པཱ་ལ། །བྷཱུཾ་ཨཱཾ་ཛྲཱྀཾ་ཁཾ་ཧཱུཾ། དེ་དག་
[214b.3]ཡོངས་སུ་གྱུར་པ་ལས། །བཤང་ལ་སོགས་པ་བདུད་རྩི་ལྔ། །དེ་སྟེང་ཡི་གེ་ལྔ་ཉིད་ལས། །གོ་ཀུ་ལ་སོགས་རྣམ་ལྔར་འགྱུར། །ཨོཾ་གྱི་ཡི་གེས་སྦྱང་བར་བྱ། །ཨཱཿཡི་ཡི་གེས་རྟོགས་པར་བྱ། །ཧཱུཾ་གི་ཡི་གེས་རབ་ཏུ་འབར། །ཧོ་ཡི་ཡི་གེས་བདུད་རྩིར་འགྱུར། །གཡོན་པའི་ལག་པས་སྦྱང་
[214b.4]བར་བྱ། །གཡས་པའི་ལག་པས་རྟོགས་པར་བྱ། །ཐལ་མོ་བཀབ་པས་འབར་བར་བྱེད། །བྱ་ཁྱུང་ཕྱག་རྒྱས་བདུད་རྩིར་བསྒྱུར། །ཟླ་བ་ཞུ་བའི་རང་བཞིན་ཏེ། །དེ་ནས་གཡོན་པའི་མིང་མེད་ཀྱི། །རང་གི་ཐིགས་པ་བླངས་ནས་སུ། །ས་ལ་ཆོས་འབྱུང་གྲུ་གསུམ་བྱ། །དེ་ཡི་དབུས་སུ་ཟླུམ་པོ་ནི། །ཐིག་
[214b.5]ལེ་ཡི་ནི་གཟུགས་སུ་བྱ། །དཀྱིལ་འཁོར་འཁོར་ལོ་བསམ་པར་བྱ། །དེ་ནས་ཐིག་ལེ་མཆོད་པར་བྱ། །རང་གི་མགྲིན་པར་མྱང་བར་བྱ། །ཨོཾ་ཨཱཿཧཱུཾ། ཐབས་དང་ཤེས་རབ་ཚིམ་པར་བྱེད་པའི་ཆོ་ག་སྟེ་ཐུན་མོང་བའོ། །གཡོན་པའི་ལག་པའི་མཐིལ་ལ་ནི། །པདྨ་དམར་པོ་འདབ་ལྔ་བསྒོམ། །
[214b.6]དབུས་སུ་ཨོཾ་བཾ་རྡོ་རྗེ་ཕག། །གཤིན་རྗེ་ཡུམ་མཚམས་འདབ་མ་ལ། །ཧཾ་ཡོ་དག་ནི་ཡ་མི་ནི། །ཧྲིཾ་མོཾ་དག་ནི་རྨོངས་བྱེད་མ། །ཧྲེཾ་ཧྲིཾ་དག་ནི་སྐྱེད་བྱེད་མ། །ཕཊ་ཕཊ་དག་ནི་ཙཎྚི་ཀའོ། །རྒན་པོ་ལ་ནི་རྡོ་རྗེ་སེམས། །མཛུབ་མོ་ལ་ནི་རྣམ་སྣང་མཛད། །པདྨ་གར་དབང་གུང་མོ་ལ། །ཧེ་རུ་ཀ་
[214b.7]དཔལ་མིང་མེད་ལའོ། །རྡོ་རྗེ་ཉི་མ་མཐེའུ་ཆུང་ལའོ། །རྟ་མཆོག་རྡོ་རྗེ་སེན་ཕྲེང་ལའོ། །དེ་ལྟར་ཡིད་ཀྱིས་བསྒོམ་པ་ནི། །སྔགས་ཀྱི་ཡི་གེའི་གཟུགས་ཉིད་དམ། །ཡང་ན་ཁ་དོག་དབྱིབས་ཀྱི་གཟུགས། །རང་གི་མིང་བརྗོད་མེ་ཏོག་བཅས། །དེ་དག་གིས་ནི་དགོད་པར་བྱ། །དེ་ལ་མེ་ཏོག་སྤོས་
[215a]
[215a.1]ཀྱིས་མཆོད། །ཆང་གིས་ཀྱང་ནི་ཚིམ་པར་བྱ། །དེ་ནས་མཎྜལ་སྟེང་དུ་བླུགས། །སླར་ཡང་རང་གི་མགོ་ལ་གཞག །ཕྱི་ནས་འཁོར་ལོ་སྡོམ་པ་མཆོད། །དཀྱིལ་འཁོར་འཁོར་ལོ་རྫོགས་པའམ། །ཡང་ན་བཅུ་གསུམ་བདག་ཉིད་སོགས། །རང་གི་སྙིང་གའི་ས་བོན་ལས། །
[215a.2]དམ་ཚིག་འཁོར་ལོ་སྤྲོ་བར་བྱ། །ཡེ་ཤེས་འཁོར་ལོ་དེ་ནས་གཞུག །མེ་ཏོག་ལ་སོགས་རེ་རེ་ཡང་། །སྙིང་པོ་སྔགས་སམ་ཉེ་སྙིང་གིས། །རྡོ་རྗེ་ཕག་མོ་མཆོད་པར་བྱ། །མཁའ་འགྲོ་ལ་སོགས་ལྷ་མོ་རྣམས། །རང་གི་མིང་བརྗོད་སྔགས་ལ་ནི། །ཨོཾ་ནི་ཐོག་མར་ཧཱུཾ་ཧཱུཾ་མཐར། །སྦྱར་བ་ཡིས་ནི་
[215a.3]མཆོད་པར་བྱ། །ཕྱོགས་རྣམས་དག་ནི་གཡོན་སྐོར་ཏེ། །མཚམས་རྣམས་དག་ནི་གཡས་སྐོར་དུའོ། །རྐང་པ་བརྒྱད་པའི་བསྟོད་པས་མཆོད། །དེ་ལྟར་མཆོད་པ་རྫོགས་པ་དང་། །སྣོད་གཞན་དག་ནི་བྱིན་བརླབས་ལ། །སྣོད་གཉིས་གཅིག་ཏུ་བསྲེ་བར་བྱ། །ཙཱ་རུའི་བཟའ་བ་དེ་ལ་བཤད།
[215a.4]དེ་ནས་གཏོར་མ་བྱིན་བརླབས་ལ། །དང་པོ་སྔགས་ཀྱིས་སྙན་གསན་དབབ། །ཁ་ཁ་ལ་སོགས་སྔགས་ཀྱིས་ནི། །གཏོར་མ་རྗེས་སུ་དབུལ་བར་བྱ། །དེ་ནས་རྣལ་འབྱོར་ཚུལ་ཇི་བཞིན། །འདོད་པའི་ལོངས་སྤྱོད་རྣམས་ལ་གནས། །གླུ་དང་གར་སོགས་ཐམས་ཅད་བྱ། །བཛྲ་མཎྜལ་མུཿཞེས་
[215a.5]པའི། །སྔགས་ཀྱི་མཐར་ནི་གཤེགས་སུ་གསོལ། །ལྷག་མ་རྣམས་ནི་སྔོན་བཞིན་དུ། །གཏོར་མ་བྱིན་གྱིས་བརླབ་པར་བྱ། །ཟོས་ཤིང་འཐུངས་པའི་ལྷག་མ་རྣམས། །སོར་མོ་ལྔ་ལས་བདུད་རྩིའི་རྒྱུན། །བབ་པར་བསམས་ནས་ཡི་དགས་ཀྱི། །ཚོགས་དག་ལ་ནི་སྦྱིན་པར་བྱ། །དེ་དག་
[215a.6]ནི་ཚོགས་ཀྱི་འཁོར་ལོ་དང་ཐུན་མོང་པའི་ཆོ་གའོ། །ཚེས་བཅུ་ལ་སོགས་དུས་དག་ཏུ། །གཞན་ཡང་བླ་མའི་གདམས་དུས་སུ། །གོང་བཞིན་མཎྜལ་བྱས་པ་ལ། །རྣལ་འབྱོར་མ་ཡི་མཚན་མ་ནི། །གཡུང་དྲུང་འཁྱིལ་པ་བྲི་བར་བྱ། །མཚམས་ཀྱི་ཆར་ནི་ཐིག་ལེ་བྱ། །དེ་ཡི་དབུས་སུ་མཆོད་བྱ་བ། །
[215a.7]སླར་ཡང་དེ་བཞིན་དྲི་མེད་ཕྱིར། །སྣོད་དུ་མཛེས་མ་ལེགས་པར་བཙགས། །ཆོས་འབྱུང་ཁ་སྦྱོར་འཁོར་ལོ་དབུས། །གསང་སྔགས་མ་སྨད་པ་ཞེས་འདི། །ཆོ་ག་བཞིན་དུ་དབེན་པར་བྲི། །འཁོར་ལོའི་མཚམས་སུ་ཕག་མོ་སོགས། །གོ་ཆའི་ལྷ་མོ་མཚན་མ་དྲུག །གཡུང་དྲུང་འཁྱིལ་པའི་མཚན་
[215b]
[215b.1]མ་བྲི། །མེ་ཏོག་དྲི་ཞིམ་ཕྲེང་བས་བསྐོར། །འབྲས་བུ་བཞི་དང་ཁུར་སྣ་བཞི་དག་དང་། །ཁྱད་པར་ཅན་གྱི་མཆོད་པ་དྲི་ཞིམ་མེ་ཏོག་དང་། །མཆོད་པ་རྣམ་པ་དུ་མས་འཁོར་ལོ་ལེགས་པར་མཆོད། །གྲོང་ཁྱེར་འཇིག་པར་གྱུར་པ་འདི་ནི་མཆོག་ཡིན་ནོ། །འདིར་ནི་ལྷ་མོའི་སྙིང་པོ་དང་། ཉེ་བའི་སྙིང་པོའི་སྔགས་
[215b.2]ནི་རྒྱུན་མི་འཆད་པར་བཟླས་ལ་བརྩོན་པ་ན། འགྲོ་བའི་དོན་བྱེད་པ་ལ་དཀའ་བ་ཡོད་པ་མ་ཡིན་ཏེ། ཆོས་དོན་འདོད་པ་ཐམས་ཅད་འགྲུབ་འགྱུར་ཏེ། དེ་དག་ནི་ཐུན་མོང་མ་ཡིན་པའི་ཆོ་གའོ། །རྣལ་འབྱོར་པ་ཡིས་རྟག་ཏུ་ནི། །གལ་ཏེ་ཡི་དམ་དུ་བྱེད་ན། །དེས་ན་སྔ་དྲོའི་དུས་དག་ཏུ། །ཆོ་ག་བཞིན་དུ་
[215b.3]དཀྱིལ་འཁོར་བྱ། །རང་འདོད་ལྟ་ཡི་གྲངས་བཞིན་དུ། །མེ་ཏོག་དག་ནི་དགྲམ་པར་བྱ། །རང་གི་སྙིང་གའི་ས་བོན་ལས། །སྤྲོས་པའི་དམ་ཚིག་སེམས་དཔའ་གཞག །ཡེ་ཤེས་སེམས་དཔའ་དེ་ལ་གཞུག །དེ་ནས་མེ་ཏོག་ལ་སོགས་པ། །སྙིང་པོ་སྔགས་དང་ཉེ་སྙིང་པོ། །རྐང་པ་བརྒྱད་
[215b.4]པའི་སྔགས་ཀྱིས་མཆོད། །མཁའ་འགྲོ་མ་སོགས་ཐམས་ཅད་ནི། །རང་གི་མིང་བརྗོད་སྔགས་ལ་ནི། །ཐོག་མར་ཨོཾ་དང་ཧཱུཾ་ཧཱུཾ་ཕཊ། །མཐར་སྦྱར་བ་ཡི་སྔགས་ཀྱིས་མཆོད། །དེ་ལྟའི་ཚུལ་དུ་རྒྱས་པར་བྱས། །ཕྱག་རྒྱ་ཆེ་ལ་མཆོག་གཞོལ་ཞིང་། །དེ་ལྟའི་ལམ་ལ་ཞུགས་པ་དག །འོག་མའི་ལམ་
[215b.5]དུ་མི་འགྲོ་ཞེས། །བདག་གི་བླ་མས་དེ་སྐད་གསུངས། །རྡོ་རྗེ་རྣལ་འབྱོར་མའི་མཆོད་པ་ལ་སོགས་པ་མདོར་བསྡུས་པ་རྫོགས་སོ།། །།རྒྱ་གར་གྱི་མཁན་པོ་བཛྲ་པཱ་ཎའི་ཞལ་སྔ་ནས། ལོ་ཙཱ་བ་མཚུར་གྱིས་བསྒྱུར་བའོ། །{T1559}༄༅༅། །རྒྱ་གར་སྐད་དུ། ཀུརྨ་པཱ་ད་
[215b.6]སཱ་དྷ་ནཾ། བོད་སྐད་དུ། རུས་སྦལ་ཞབས་ཀྱི་སྒྲུབ་པའི་ཐབས། དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རེ་ཞིག་དུར་ཁྲོད་ལ་སོགས་ཕྱོགས་དབེན་པར། །རྣལ་འབྱོར་པ་ཡིས་རྡོ་རྗེ་རྣལ་འབྱོར་མའི། །རྟེན་དགྲམ་མཆོད་དམ་གཏོར་མ་ལ་སོགས་བཤམས། །གཡེང་བའི་རྒྱུ་སྤངས་བདེ་
[215b.7]བའི་སྟན་འདུག་སྟེ། །སྔོན་འགྲོའི་ཆོ་ག་རྫོགས་བྱས་ཕྱི་ཡི་ནི། །སྣང་བ་ཡུལ་ལ་སེམས་གཏད་དེ་བརྟན་ནས། །གཉིས་པ་རང་ཉིད་ཆུ་སྐྱེས་རིག་བྱེད་གཏེར། །རལ་པ་ཆེན་དབུས་སྟོབས་ཆེན་པགས་པ་མནན། །རི་རྒྱལ་བྱ་མདོག་མིག་གི་ཕྱག་དང་ལྡན། །གྲི་གུག་ཀ་པཱ་ལ་ནི་ར་ཛོས་བཀང་། རུས་སྦལ་
[216a]
[216a.1]སྟེང་བཞུགས་ཐོད་པས་མགོ་ལུས་བརྒྱན། །ཤ་རྒྱས་ཞལ་ནི་ཅུང་ཟད་འཛུམ་པ་ཡི། །དེ་འདྲའི་ལྷ་ལ་སེམས་བརྟན་གསུམ་པ་ནི། །སྣ་རྩེར་ཡུངས་འབྲུ་ཙམ་གྱི་ལྷ་ལ་དམིགས། །དེ་ཡང་རིམ་གྱིས་སྣང་མེད་མཁའ་ལྟ་བུ། །གསལ་ནས་དངོས་གྲུབ་རྣལ་འབྱོར་པ་ཡིས་མཐོང་། །
[216a.2]ཐུན་མཚམས་མཆོད་དང་གཏོར་མ་བཟླས་པ་དང་། །བསྔོ་བ་བྱ་སྟེ་ཅི་བདེར་གནས་པར་བྱ། །རྔོན་པའི་གདམས་པ་རྫོགས་སོ།། །།རྒྱ་གར་གྱི་པཎྜི་ཏ་ཨ་ནནྡ་ཀ་རའི་ཞལ་སྔ་ནས་དང་། དཔྱལ་ལོ་ཙཱ་བ་ཆོས་ཀྱི་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།
[216a.3]{T1560}༄། །ཕག་མོ་ཐུགས་ཀྱི་སྒྲུབ་ཐབས་བཞུགས། །༄༅༅། །རྗེ་བཙུན་མ་རྡོ་རྗེ་ཕག་མོ་ལ་ཕྱག་འཚལ་ལོ། །རྗེ་བཙུན་མ་སེར་མོའི་གདམས་པ་འདི་ཉམས་སུ་ལེན་པར་འདོད་པས་འདི་ལྟར་བྱ་སྟེ། །ཐོག་མར་རྗེ་བཙུན་མའི་ཐང་སྐུ་གཅིག་རང་དང་ཉེ་བར་བཀྲམ་པ་དེའི་སྤྱན་སྔར།
[216a.4]པཱུ་ཛ་བཟང་པོ་བཤམས་ལ་འདིར་ཁྱད་པར་དུ་ཤ་ཆེན་གྱི་སྤོས་ཅིག་གལ་ཆེའོ། །དེ་ནས་བདག་གིས་སེམས་ཅན་ཐམས་ཅད་ཀྱི་དོན་དུ། །རྗེ་བཙུན་མ་འདི་བསྒྲུབ་པོ་སྙམ་དུ་སེམས་བསྐྱེད་ལ་སྐྱབས་སུ་འགྲོ་བ་དང་། སྡིག་པ་བཤགས་པ་ལ་སོགས་པ་བྱས་ལ་དེའི་རྗེས་ལ། །ཐང་སྐུ་ལ་མིག་
[216a.5]བལྟས་ལ་སེམས་ཤིན་ཏུ་མ་ཡེངས་པར་དེ་ཀ་ལ་ཤེས་བ་གཏད་ལ་བསྒོམ། དེ་ནས་མིག་ན་ཞིང་ངལ་བར་གྱུར་ན། མིག་བཙུམས་ལ་ཡིད་ཀྱི་ཡུལ་དུ་རྗེ་བཙུན་མ་དེ། ཐང་སྐུ་ལ་བྲིས་པ་དེ་ཀ་ལྟ་བུ་གཅིག་མདུན་དུ་བསྒོམ། བཞུགས་ཚུལ་ནི་ཀུརྨ་པཱ་ད། བྱ་བ་རུས་སྦལ་གྱི་འདུག་ལུགས་དང་
[216a.6]འདྲ་བ་ཡིན་པས། མཚན་ཡང་རུས་སྦལ་ཞབས་བྱ་བ་ཡིན། རྒྱ་སྐད་དུ། ཀུརྨ་པཱ་ད་ཟེར་བའོ། །དེ་ལྟར་བསྒོམས་པས། ཐང་སྐུ་དང་ཡིད་ལ་ཡོད་པ་གཉིས་ཁྱད་མི་འདུག་ན་དམིགས་པ་ཟིན་པ་ཡིན་པས། ཡང་བདག་ཉིད་ཀྱི་ལྟེ་བར་པདྨ་དཀར་པོ་འདབ་མ་བཞི་པ་ཅིག་གི་ལྟེ་བར་སྣ་ཚོགས་པདྨ་
[216a.7]འདབ་མ་བརྒྱད་པའི་སྟེང་དུ། བྷཻ་ར་ཝ་ནག་པོ། །ཞལ་གཅིག་ཕྱག་གཉིས་པ་གཅིག་པ་ཁ་སྦུབ་ཏུ་བསྒྱེལ་བ། གྲི་གུག་དང་ཐོད་པ་འཛིན་པ། སྟག་གི་པགས་པའི་ཤམ་ཐབས་རུས་པའི་རྒྱན་ཅན་ཅིག་གི་ཐོག་ཏུ་མི་ལྤགས་རློན་པའི་གདན་བཏིང་བའི་སྟེང་དུ་རྗེ་བཙུན་མ་སྐུ་མདོག་སེར་མོ། །ཞལ་
[216b]
[216b.1]གཅིག་ཕྱག་གཉིས་པ། གཡས་གྲི་གུག་འཛིན་པའི་ཕྱག་ཐུར་ལ་བརྐྱང་བ། གཡོན་པ་ཐོད་པ་ཐུགས་ཀར་འཛིན་པ། དབུ་སྐྲ་སེར་པོ་ཐུར་དུ་འཕྱང་བ། མི་མགོ་རློན་པའི་ཕྲེང་བ་ཡོད་པ། ཞབས་གཉིས་པ་ཁ་རུ་བཞུགས་པ། ཕྱག་རྒྱ་ལྔ་དང་ལྡན་པ། འོད་ཟེར་བསྐལ་བའི་མེ་ལྟར་འབར་བ་
[216b.2]ཅིག་ཏུ་བསྐྱེད་ལ་བསྒོམ། དེ་ལྟར་བསྒོམས་པས་ཡེ་ཤེས་སྐྱེ་བར་འགྱུར་རོ། །ཤེས་པ་རྒོད་པ་དང་། འདར་བ་དང་། སྤུ་ལྡང་བ་དང་། ཕྱི་རོལ་གྱི་རྟོག་པ་འགགས་ནས། འགུལ་མི་ཤེས་པ་ལྟ་བུ་བྱུང་ན་ཐུན་རན་པར་བསྒོམ། ལུས་ལ་བསྐུ་མཉེ་བྱ། སེམས་གློད། བཟླས་པ་མང་དུ་
[216b.3]བྱ། བཟླས་པ་བྱ་བའི་ཐབས་ནི། རྗེ་བཙུན་མ་གོང་དུ་བཤད་པ་ལྟར་བསྐྱེད་ལ། སེམས་མ་ཡེངས་པའི་སྒོ་ནས། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཕཊ་སྭཱ་ཧཱ། ཞེས་བཟླས་སོ། །དེ་ལྟར་བཟླས་པ་ཚར་ནས་གཏོར་མ་གཏང་བ་ནི། སྐྱེས་པའི་ཐོད་པ་དུམ་བུ་གཅིག་པའམ། གཞན་གང་ཡང་རུང་
[216b.4]བའི་ནང་དུ་གཏོར་མ་བཤམས་ལ། འབྲུ་གསུམ་གྱིས་བྱིན་གྱིས་བརླབས་ཏེ། རྗེ་བཙུན་མ་མདུན་དུ་དམིགས་ལ་སྙིང་པོ་དེ་ལན་གསུམ་མམ་བདུན་བརྗོད་པས། མདུན་གྱི་རྗེ་བཙུན་མ་དེས་གསོལ་བར་བསམ། འདོད་པའི་དོན་ལ་གསོལ་བ་གདབ། ཡི་གེ་བརྒྱ་པ་བརྗོད་པས་ལྷག་ཆད་ཁ་
[216b.5]བསྐང་ཞིང་བཟོད་པར་གསོལ། དེ་ལྟར་བསྒོམས་པས་ཚེ་འདི་ཉིད་ལ་ཕྱག་རྒྱ་ཆེན་པོ་མཆོག་གི་དངོས་གྲུབ་འགྲུབ་པར་འགྱུར་རོ། །ཀུརྨ་པཱ་ད་ཞེས་བྱ་བའི་གདམས་པ་ཕག་མོ་ཐུགས་ཀྱི་སྒྲུབ་ཐབས་རྫོགས་སོ།། །།པཎྜི་ཏ་ཨཱ་ནནྡ་ཀ་རའི་ཞལ་སྔ་ནས་དཔྱལ་ལོ་ཙཱ་བ་དཔལ་ཆོས་ཀྱི་
[216b.6]བཟང་པོས་བསྒྱུར་བའོ། །{T1561}༄༅༅། །རྒྱ་གར་སྐད་དུ། ཁེ་ཙ་ར་རཀྟ་བཛྲ་ཡོ་གི་ནཱི་སཱ་དྷ་ནཾ། བོད་སྐད་དུ། རྡོ་རྗེ་རྣལ་འབྱོར་མ་མཁའ་སྤྱོད་མ་དམར་མོའི་སྒྲུབ་ཐབས། རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རེ་ཞིག་དུར་ཁྲོད་ལ་སོགས་པར་ཞལ་བཞི་པའི་
[216b.7]སྔགས་ཀྱིས་བསྲུང་བ་བྱས་ནས། ཨེའི་ཆོས་འབྱུང་དབུས་སུ་པདྨ་དང་ཟླ་བ་ལ། མ་ནིང་གི་ས་བོན་སྤུན་པ་མེད་པ་བལྟས་ཏེ། ས་བོན་དེ་ཡོངས་སུ་གྱུར་པ་ལས། ཞབས་སྟེང་དུ་བསྐྱོད་ཅིང་གྱེན་དུ་གཟིགས་པ། གཡས་ན་རྡོ་རྗེ་ཁ་ཅུང་ཟད་གྱེས་པ། གཡོན་པའི་ཕྱག་གིས་བརླ་ལ་འཁྱུད་ཅིང་
[217a]
[217a.1]ཐོད་པ་མེ་ཏོག་ཕྲེང་བ་དང་བཅས་པ་བསྐལ་པའི་མེ་ལྟར་དམར་བ། གཅེར་བུ་རྒྱན་མེད་པ། སྐྲ་གྲོལ་བ། རིག་མ་འཛིན་མ། སེང་གེའི་སྟང་སྟབས་ཀྱིས་བཞུད་ཅིང་། རྡོ་རྗེ་མཉེས་བྱེད་མ་ནི་བསྒོམ་པར་བྱ། མནྡཱ་ར་བ་དང་། མྱ་ངན་མེད་པ་དང་། པ་རི་ཛ་ཏ་ག་ཡིས་ཡོངས་སུ་
[217a.2]འཕགས་པ། རིན་པོ་ཆེའི་ཁང་པ་བརྩེགས་པར་བཞུད་ཅིང་རབ་ཏུ་འཇུག་པ་ལྟ་བུ། རྡོ་རྗེ་རྣལ་འབྱོར་མ་དམར་མོ་ཞབས་གཡོན་པ་སྟེང་དུ་བསྐྱོད་པ། རང་བཞིན་གྱིས་ཡེ་ཤེས་སེམས་དཔའི་བདག་ཉིད་བསམ་པར་བྱ། །སིནྡྷུ་ར་དམར་པོའི་འོད་ཟེར་ཅན་སླར་ཡང་སྤྲོས་ཞིང་བསྡུ་བ་སྔོན་དུ་སོང་བས། དེ་
[217a.3]ནས་ལྟེ་བར་ཆོས་འབྱུང་ནང་དུ། ཡེ་ཤེས་ཀྱི་རང་བཞིན་ནཱ་ད་དང་། རིམ་གྱིས་སྐྲ་རྩེ་བརྒྱ་དང་། སྟོང་གི་ཆ་རུ་མ་དམིགས་ཏེ། རྣལ་འབྱོར་རླུང་ནི་བཅུ་གཉིས་འགག །དོན་ཆེན་འགྲུབ་པར་ཐེ་ཚོམ་མེད། །ཨོཾ་ཤྰྲི་ཧེ་རུ་ཀ་མ་ཧཱ་བཛྲ་ཨཱ་ཀཪྵ་ཡ། པྲ་བེེ་ཤ་ཡ་པྲ་བེེ་ཤ་ཡ། བནྡྷ་ཡ་བནྡྷ་ཡ།
[217a.4]སརྦ་བུདྡྷ་ཌཱ་ཀི་ནཱི་ནཾ་ཧྲྀ་ཡཾ་ཨོཾ་ཨཱཿཧཱུཾ་ཕཊ། རྡོ་རྗེའི་བཟླས་པ་དང་ངག་གི་བཟླས་པའོ། །ཨོཾ་སརྦ་བུདྡྷ་ཌཱ་ཀི་ནཱི་ཡེ་པྲ་ཏཱི་ཙྪེ་མཾ་བ་ལིཾ་ཨོཾ་ཨཱཿཧཱུཾ་ཧཱུཾ་ཧཱུཾ་ཧ་ཧ་ཧིཿབཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོ། ལན་གསུམ་བརྗོད་པས་གཏོར་མ་སྦྱིན་པར་བྱའོ། །དེ་ལ་མཁའ་འགྲོ་མས་དགེ་བའི་མཚན་མ་སྟོན་ཅིང་དབུགས་
[217a.5]འབྱིན་པར་འགྱུར་རོ། །རྣལ་འབྱོར་མ་དྲུག་གི་སྔགས་ཀྱི་བདག་ཉིད་ཀྱང་གོ་ཆ་བགོ་ཞིང་རྣལ་འབྱོར་པས་བཅོམ་ལྡན་འདས་མའི་ང་རྒྱལ་གྱིས་གནས་པར་བྱའོ། །གྲུབ་ཐོབ་རྔོན་པའི་ཞལ་སྔ་ནས་ཀྱི་རིམ་པ་མཁའ་སྤྱོད་མ་དམར་མོའི་སྒྲུབ་ཐབས་རྫོགས་སོ།། །།བླ་མ་རྡོ་རྗེ་གདན་པ་ནི་ཥྐ་
[217a.6]ལིངྒའི་ཞལ་སྔ་ནས། དཔྱལ་ལོ་ཙཱ་བ་ཆོས་ཀྱི་བཟང་པོས་བསྒྱུར་བའོ། །{T1562}༄༅༅། །རྒྱ་གར་སྐད་དུ། ཤིཀྵྱ་ནུ་གྲ་ཧ་བི་དྷི་ནཱ་མ། བོད་སྐད་དུ། སློབ་མ་རྗེས་སུ་གཟུང་བའི་ཆོ་ག་ཞེས་བྱ་བ། རྡོ་རྗེ་ཕག་མོ་ལ་ཕྱག་འཚལ་ལོ། །དེ་ནས་གསང་བ་བཤད་པར་བྱ། །བླ་
[217a.7]མའི་བཀའ་ཡི་རྗེས་འབྲངས་ནས། །སྣ་ཚོགས་སྒྲུབ་ཐབས་རྟོགས་དོན་དུ། །སློབ་མ་འབེབས་པའི་ཆོ་ག་མཆོག །དང་པོ་རེ་ཞིག་སློབ་དཔོན་གྱིས། །སློབ་མ་རྗེས་སུ་གཟུང་དོན་དུ། །ཤྜ་ཧེ་རུ་ཀ་ཞེས་པའི་ཡི་གེ་བཞིའི་དོན་དང་ལྡན་པའི་རྣལ་འབྱོར་པས། རང་གི་ཡིད་དང་རྗེས་སུ་མཐུན་པའི་གནས་
[217b]
[217b.1]སུ་འཇམ་པའི་སྟན་ལ་གནས་ལ། ལག་པའི་སོར་མོ་རྣམས་ལ་སྔགས་བཀོད་ལ། བདུད་རྩི་ལྔ་དང་ཡང་དག་པར་ལྡན་པའི་བཟའ་བཏུང་བཟང་པོ་པདྨའི་སྣོད་དུ་བཞག་ལ་ཆོ་ག་ཇི་ལྟ་བ་བཞིན་སྦྱངས་ལ། ཞུ་བའི་རྫས་ཀྱི་བདག་ཉིད་ཁྲུས་བྱའོ། །དེའི་རྗེས་སུ་གནས་དང་བདག་དང་རྣལ་འབྱོར་བསྲུང་བའི་དོན་དུ་
[217b.2]སེ་གོལ་གཏོགས་པ་སྔོན་དུ་འགྲོ་བས། །སུམྦྷ་ལ་སོགས་པ་ཞལ་བཞི་པའི་སྔགས་ཀྱི་སྒྲས་མཚམས་བཅིང་བ་དང་། །གོ་ཆའི་སྔགས་དྲུག་དགོད་པ་དང་། དག་པ་གསུམ་གྱི་སྔགས་བརྗོད་པ་དེ་ཉིད་ཀྱིས་སེམས་བསྲུང་བར་བྱའོ། །དེའི་རྗེས་སུ་ཡོངས་སུ་དག་པའི་ས་གཞི་ཁྲུ་གང་ཙམ་ལ་མཎྜལ་བྱུག་པར་བྱ་སྟེ།
[217b.3]ཙནྡན་དམར་པོ་ལ་སོགས་པས་ཟུར་དྲུག་པའི་འཁོར་ལོ་བྲིས་ཏེ། དེའི་དབུས་སུ་རྣལ་འབྱོར་མའི་ས་བོན་དགོད། །ཟུར་དྲུག་ལ་འཁོར་ལོས་སྒྱུར་མའི་སྔགས་དགོད་པ་སྔོན་དུ་འགྲོ་བས་ཇི་ལྟ་བ་བཞིན་དུ་སྐད་ཅིག་གིས། དཔའ་མོ་དྲུག་དང་ལྡན་པའི་བཅོམ་ལྡན་འདས་མའི་དཀྱིལ་འཁོར་བསྐྱེད་ལ། དེ་ནས་
[217b.4]དེའི་ཕྱི་རོལ་དུ་ཁྭ་གདོང་མ་ལ་སོགས་པ་རྣམ་པ་བརྒྱད་དང་། དུར་ཁྲོད་བརྒྱད་ཀྱིས་བརྒྱན་པ་བསམ་པར་བྱའོ། །དེ་ནས་ཨརྒྷཾ་ལ་སོགས་པས་ཡང་དག་པར་མཆོད་ལ། ཡེ་ཤེས་ཀྱི་འཁོར་ལོ་ཆོ་ག་བཞིན་དུ་དགུག་པ་དང་གཞུག་པ་དང་། བཅིང་བ་དང་དབྱེར་མེད་པར་བྱ་བ་དང་། སྐུ་གསུང་ཐུགས་བྱིན་
[217b.5]གྱིས་བརླབ་པ་ལ་སོགས་པ་བྱ། བདུད་རྩི་མྱང་བའི་མཐར་ཐུག་པ་བྱས་ལ་བསྟོད་པ་དང་བཟོད་གསོལ་བྱའོ། །སྔོན་དུ་བསྙེན་པ་བྱའོ། །དེ་ནས་སློབ་མ་རྗེས་སུ་གཟུང་བའི་དོན་དུ་ཚེས་བཅུ་ལ་དེ་བཞིན་དུ་མཎྜལ་བྱུགས་པའི་དབུས་སུ། ལྷའི་བཏུང་བ་བཟང་པོས་བཀང་བའི་དབྱངས་ཀྱི་སྣོད་ཡང་དག་པར་བཞག་ལ་དེའི་
[217b.6]སྟེང་དུ་འཁར་བའི་སྣོད་དྲི་མ་མེད་པ་གུར་ཀུམ་ལ་སོགས་པས་བྱུགས་ལ། དེར་ནི་སིནྡྷུ་རའི་ཕྱེ་མ་བཙགས་ལ་གསེར་གྱི་སྨྱུ་གུས་ཆོ་ག་བཞིན་དུ་མངོན་པར་བྲིས་ཏེ། དེ་ནས་ཡེ་ཤེས་ཀྱི་འཁོར་ལོ་དགུག་གཞུག་བྱས་ལ་མཆོད་པ་ལ་སོགས་པས་ཡང་དག་པར་མཆོད་ལ། དེའི་རྗེས་སུ་བཅོམ་ལྡན་འདས་
[217b.7]མ་རྡོ་རྗེ་རྣལ་འབྱོར་མའི་རྐང་པ་བརྒྱད་དང་ལྡན་པ་དང་། རྡོ་རྗེ་གསོར་ཞིང་དྲིལ་བུ་གསིལ་བ་སྔོན་དུ་འགྲོ་བས་བསྟོད་ལ་རས་དམར་པོས་གཡོགས་ལ་གཞག་གོ། །དེ་ནས་ཕྱོགས་སྐྱོང་རྣམས་ལ་གཏོར་མ་བྱིན་ལ་ཡི་གེ་བརྒྱ་པ་ལན་གསུམ་བཏོན་ལ་བཟོད་པར་གསོལ་བར་བྱའོ། །སློབ་མ་རྗེས་སུ་གཟུང་
[218a]
[218a.1]བ་ལས་ཕྱིའི་མཆོད་པའི་ཆོ་གའོ།། །།དེའི་རྗེས་སུ་མཚན་ཉིད་ཐམས་ཅད་དང་ལྡན་པའི་བུམ་པ་ཡང་དག་པར་བཞག་ལ་ལྷག་པར་གནས་པར་བྱའོ། །རས་དམར་པོས་མགུལ་པ་བཅིངས་པ་དང་། ཁ་རྒྱན་ཙུ་ཏ་ལ་སོགས་པའི་ཤིང་ལོ་མ་ཅན་དང་། རིན་པོ་ཆེ་ལྔ་དང་། སྨན་ལྔ་དང་།
[218a.2]འབྲུ་ལྔ་དང་ལྡན་པར་བྱས་ལ་དེ་ཉིད་ཀྱིས་གྲུབ་པའི་འཁོར་ལོ་ལ། ཡེ་ཤེས་ཀྱི་འཁོར་ལོ་དགུག་གཞུག་ལ་སོགས་པ་བྱས་ལ། ཨརྒྷཾ་ལ་སོགས་པའི་མཆོད་པ་མཐར་ཕུལ་ལ། སྐུ་གསུང་ཐུགས་བྱིན་གྱིས་བརླབ་པ་དང་དབང་བསྐུར་བ་དང་བདུད་རྩི་མྱང་བའི་མཐར་ཐུག་པ་ཆོ་ག་བཞིན་བྱས་ལ། མཆོད་པ་
[218a.3]ལ་སོགས་པས་ཡང་དག་པར་མཆོད་ལ། རྐང་པ་བརྒྱད་པའི་སྔགས་ཀྱིས་བསྟོད་པ་བྱའོ། །མེ་ཏོག་དམར་པོའི་ཕྲེང་བ་དང་ལྡན་པའི་རྡོ་རྗེ་བུམ་པའི་ཁར་བཞག་ལ། དེ་དག་གི་སྔགས་ཇི་སྲིད་འདོད་ཀྱི་བར་དུ་བཟླས་ལ་མེ་ཏོག་དམར་པོ་གཏོར་བས་འཁོར་ལོ་དེ་ཉིད་ཞུ། དེ་ཉིད་ཀྱི་ངོ་བོར་བལྟ་བར་བྱའོ་
[218a.4]ཞེས་སློབ་མ་རྗེས་སུ་གཟུང་བ་ལས་བུམ་པ་ལྷག་པར་གནས་པའི་ཆོ་གའོ། །དེ་ནས་དེའི་རྗེས་སུ་བླ་མ་དང་སངས་རྒྱས་དག་ལ་མི་ཕྱེད་པའི་གུས་པའི་ཡིད་ཅན་སློབ་མ་དམ་པས་མཎྜལ་བྱས་ལ། ཡང་ནས་ཡང་དུ་གསོལ་བ་བཏབ་སྟེ། སངས་རྒྱས་ཀུན་གྱི་རང་བཞིན་སྐུ། བླ་མ་ལ་ནི་སྐྱབས་སུ་མཆི། །
[218a.5]དཔལ་ལྡན་རྡོ་རྗེ་རྣལ་འབྱོར་མས། །བདག་ནི་བྱིན་གྱིས་བརླབ་ཏུ་གསོལ། །བྱང་ཆུབ་རྡོ་རྗེ་སངས་རྒྱས་ལ། །མཆོད་ཆེན་ཇི་ལྟར་གསོལ་བ་ལྟར། །བདག་ཀྱང་རྗེས་སུ་དྲང་བའི་ཕྱིར། །ནམ་མཁའི་རྡོ་རྗེ་བདག་ལ་སྩོལ། །ཞེས་པས་སོ། །ཚེས་བཅུའི་དུས་སུ་ཐུགས་རྗེ་དང་ལྡན་པའི་བླ་མས་སློབ་
[218a.6]མའི་ལག་པ་ནས་བཟུང་ནས་འདི་སྐད་བརྗོད་དོ། །རྟོག་པས་གཡོགས་པའི་སེམས་ཀྱིས་ནི། །ལེགས་པའི་སྔགས་རྒྱལ་ཕྱིར་ཟློས་ལྟར། །དད་པའི་ཆུ་ཡིས་བཀྲུས་པའི་སེམས། །ཕན་པའི་སེམས་ཀྱིས་འདིར་གཞུག་བྱ། །དད་པ་མེད་པའི་སེམས་ཅན་ལ། དཀར་པོའི་ཆོས་ནི་མི་འབྱུང་སྟེ།
[218a.7]དཔེར་ན་ས་བོན་ཚིག་པ་ལ། །མྱུ་གུ་སྔོན་པོ་སྐྱེ་མི་སྲིད། །ཅེས་གསུངས་སོ། །དེའི་ཕྱིར་སློབ་མ་དད་ལྡན་གྱིས། །གསང་སྔགས་བྱིན་རླབས་བསྒྲུབས་པ་ལ། །ཡོན་དང་བཅས་ཏེ་ཕྱག་འཚལ་ན། །ཐལ་མོ་སྦྱར་ཏེ་སྤྱི་བོར་གཞག །དེ་ཡི་རྗེས་སུ་སློབ་དཔོན་གྱིས། །བུམ་པའི་ཆུ་ནི་བཟུང་
[218b]
[218b.1]བྱས་ནས། །ཆོ་ག་བཞིན་དུ་ཁྲུས་བྱས་ལ། །དེ་ནས་རས་དམར་པོས་གདོང་གཡོགས་བཅིངས་ལ་ཐལ་མོ་སྙིང་གར་སྦྱར་དུ་བཅུག་ལ། ཨུ་རྒྱན་གྱི་གནས་སུ་ཁ་བལྟས་ཏེ། །ཆོ་ག་བཞིན་དུ་སློབ་མ་གཞག །དེ་ནས་སུམྦྷ་ནི་ལ་སོགས་པའི་སྒྲ་ཡིས་བསྲུང་བ་དང་མཚམས་བཅིང་བ་བྱས་ལ། མཉམ་
[218b.2]པར་བཞག་ལ། རྐང་འོག་རླུང་གི་དཀྱིལ་འཁོར་ནི། །གཞུ་ཡི་དབྱིབས་ཅན་དུ་བའི་མདོག །དེ་སྟེང་སྤྲུལ་པའི་འཁོར་ལོ་རུ། །གྲུ་གསུམ་མེ་ནི་འབར་བར་བལྟ། །ཕུང་པོ་ལ་སོགས་དྲི་དག་ཕྱིར། །དག་པའི་སྔགས་ནི་བརྗོད་པར་བྱ། །རང་གི་སྔགས་ནི་སྒྱུ་མ་བཞིན། །སྤྲུལ་པ་རུ་ཡང་
[218b.3]རྟོགས་པར་བྱ། །སྐད་ཅིག་གིས་ནི་ལྷ་མོ་བསམ། །ཕག་མོ་སྙིང་རྗེའི་བདག་ཉིད་ཅན། །ཀུན་ནས་ཀུན་དུ་སྐད་ཅིག་སྟེ། །སྐད་ཅིག་གིས་ནི་གསང་སྔགས་བརྗོད། །སྤྲུལ་པའི་འཁོར་ལོ་ནས་སོང་སེམས། །གཡུང་དྲུང་འཁྱིལ་པ་དགེ་བར་བལྟ། །སྨིན་མཚམས་གནས་པའི་ཐིག་ལེ་ནི། །དྲག་
[218b.4]ཏུ་འཁོར་བའི་འཁོར་ལོ་ལྟར། །ཕྱག་རྒྱ་གཉིས་ཀྱི་སྦྱོར་བ་ཡིས། །སོ་སོར་བསྡུ་བའི་རིམ་པའམ། །བླ་མའི་མན་ངག་ལམ་གྱིས་ནི། །རིམ་པ་རྒྱས་པར་ཤེས་པར་བྱ། །དེ་ལྟར་བསྟན་པའི་སེམས་ཀྱིས་ནི། །གྲུབ་པའི་རྟགས་ནི་འབྱུང་བར་འགྱུར། །ཡེ་ཤེས་ཐོབ་པའི་སློབ་མ་ལ། །དེ་ཡི་ཚེ་ནི་
[218b.5]བ་སྤུ་ལྡང་། །འཆི་མ་འབྱུང་དང་ཆུ་འཛགས་དང་། །ཚ་བ་དང་ནི་གྲང་བ་དང་། །འདར་བ་དང་ནི་གཡོ་བ་དང་། །ཨོཾ་ཏིཥྛ་བཛྲ་ཞེས་བརྗོད་དོ། །དེ་དུས་བརྟན་པར་གྱུར་ཅིག་ཅེས་བརྗོད་དོ། །རང་བཞིན་དུ་ནི་གནས་པ་ནི། །བསྒོམ་པ་ཕྱི་ནས་བརྟན་པར་བྱ། །མཆོད་པ་སྔགས་དང་ལྷ་མོ་
[218b.6]ཡི། །ལྷན་ཅིག་སྐྱེས་པའི་བདག་ཉིད་དོ། །ཞེས་སློབ་མ་རྗེས་སུ་གཟུང་བ་ལས་ཡེ་ཤེས་འབེབས་པའི་ཆོ་གའོ།། །།དེ་ནས་ཡང་དག་རབ་བཤད་བྱ། །ཚོགས་ཀྱི་འཁོར་ལོའི་ཆོ་ག་མཆོག །དད་པ་མེད་པས་མི་བྱ་སྟེ། །སྦྱིན་པ་པོ་རྣམས་སྙིང་རྗེར་ལྡན། །རང་གི་ཁྱེམ་མམ་དབེེན་པ་
[218b.7]རུ། །ཙནྡན་ལ་སོགས་བྱུག་པར་བྱ། །བླ་ན་མེད་པའི་དོན་དུ་ནི། །ཚོགས་ཀྱི་འཁོར་ལོ་བསྐོར་བར་བྱ། །དད་པ་ཆེན་པོའི་ཡོན་བདག་གིས། །དང་པོར་བླ་མ་ལ་ཕྱག་འཚལ། །ཇི་ལྟར་འབྱོར་པ་ལྡན་པ་ཡིས། །ལྷ་རྣམས་ལ་ནི་སྙན་གསན་དབབ། །མཉམ་པར་གཞག་པའི་བླ་མ་ནི། །
[219a]
[219a.1]རྡོ་རྗེ་དྲིལ་བུ་ཡང་དག་ལྡན། །ཐོད་པ་ལ་སོགས་བརྒྱན་པ་ལ། །རྣལ་འབྱོར་བཞི་དང་ཡང་དག་ལྡན། །ཐོག་མར་གཏོར་མ་མདུན་དུ་གཞག །ཆོ་ག་བཞིན་དུ་མཆོད་པར་བགྱི། །སྙན་གསན་ཕབ་པ་བྱིན་པ་ལ། །གཙང་མ་ཡིས་ནི་ཞབས་བཀྲུ་བྱ། །ཡོངས་སུ་སྦྱངས་པའི་
[219a.2]དཀྱིལ་འཁོར་དུ། །དེར་གཞུག་གདན་གྱི་རིམ་པ་ལ། །རྒན་དང་གཞོན་གྱི་རིམ་པ་ཡིས། །བླ་མ་ཕྱག་འཚལ་འདུད་པར་བྱ། །སྐལ་བ་མེད་དང་ང་རྒྱལ་ཅན། །ཚོགས་ཀྱི་འཁོར་ལོར་སྤང་བར་བྱ། །བསྒོམ་པ་ལྡན་པ་ཤེས་བྱས་ལ། །དེ་ཚེ་མཆོད་པའི་ཆོ་ག་བྱ། །ཉེ་བར་སྤྱོད་པ་ལྔ་ཡིས་མཆོད། །
[219a.3]ཁྱད་པར་དུ་ནི་ཙནྡན་དང་། །གུར་ཀུམ་ལ་སོགས་ལྡན་པ་དང་། །མེ་ཏོག་ཕྲེང་བ་དམར་པོ་དང་། །མཆོད་པ་ལྔ་ཡིས་མཆོད་པར་བྱ། །ལས་ཀྱི་རྡོ་རྗེ་མཁས་པ་ཡིས། །དང་པོ་ལྕགས་ཀྱུ་བཟུང་བྱས་ལ། །སྦྲང་ངམ་བུ་རམ་སྦྱར་བའམ། །ཇི་ལྟར་རྙེད་པ་བཟུང་བྱས་ལ། །ཆོས་འདི་ལ་ནི་ཁྱོད་
[219a.4]ལྟོས་ལ། །མེད་པའི་རྣམ་རྟོག་དོར་ནས་ནི། །ཁྱི་དང་བྲམ་ཟེ་གདོལ་པ་དང་། །རང་བཞིན་གཅིག་ཏུ་བཟའ་བར་གྱིས། །ཞེས་ཚིགས་སུ་བཅད་པ་འདིས་དབུལ་བར་བགྱིའོ། །རིན་ཐང་མེད་ལས་ལེགས་འོང་ཆོས། །འདོད་ཆགས་དྲི་མ་དག་པའི་ཕྱིར། །གཟུང་བ་དང་ནི་འཛིན་པ་སྤངས། །དེ་ཉིད་
[219a.5]ཀྱི་ནི་ཕྱག་འཚལ་ལོ། །ཞེས་དེས་བླང་བར་བྱའོ། །ལས་ཀྱི་རྡོ་རྗེ་མཁས་པ་ཡིས། །ཐུན་མོང་དུ་ནི་དབུལ་བར་བྱ། །བཟའ་བ་དང་ནི་བཏུང་བ་ཡང་། །ཉ་དང་ཤ་དང་དེ་བཞིན་དུ། །བཟའ་བ་ལ་སོགས་རྫོགས་པ་ལ། །སློབ་དཔོན་གྱིས་ནི་བྱིན་བརླབ་བྱ། །ཡི་གེ་གསུམ་གྱིས་བྱིན་གྱིས་
[219a.6]བརླབ། །ཁ་དོག་དྲི་ཡང་དག་པར་བྱེད། །ཨོཾ་སརྦྦ་བཛྲ་ཀཱ་མི་ཎི་སརྦྦ་བྷ་ཀྵཾ་བི་ཤོ་དྷ་ཡ་གུ་ཧྱ་བཛྲ་ཎི་ཧཱུཾ་སྭཱ་ཧཱ། །ཞེས་པས་སོ། །དེ་ནས་མདུན་དུ་མཎྜལ་བྱས་ལ། པུས་མོ་ཕབ་ལ་ཐལ་མོ་སྦྱར། །སེམས་ཅན་ཀུན་གྱི་དོན་དུ་ནི། །རེ་ལ་སྨོན་ལམ་གདབ་པར་བྱ། །གདན་ལ་སོགས་པ་བཅུ་ཡིས་ནི། །
[219a.7]ས་དང་ཕ་རོལ་ཕྱིན་པ་སོགས། །དཔའ་བོ་དཔའ་མོ་དབང་ཕྱུག་རྣམས། །གུས་པས་བདག་ནི་ཕྱག་འཚལ་ལོ། །ལྷ་མོ་ཚད་མ་དམ་ཚིག་ཚད། །དེ་གསུང་མཆོག་ཏུ་ཚད་མ་སྟེ། །བདེན་པ་དག་གིས་ལྷ་མོ་ཡིས། །དེ་དག་བདག་གི་རྗེས་འཛིན་ཤོག །ཇི་སྙེད་རྡོ་རྗེ་མཁའ་འགྲོ་མ། །ཀུན་དུ་རྟོག་
[219b]
[219b.1]པ་འཆིང་གཅོད་ཅིང་། །འཇིག་རྟེན་བྱ་བ་རབ་འཇུག་མ། །ཇི་སྙེད་རྣམས་ལ་ཕྱག་འཚལ་ལོ། །དགའ་བར་བཅས་པ་ཚོགས་འཁོར་ལ། །ཚིགས་བཅད་གསུམ་པོས་བསྟོད་བྱས་ལ། །སྙིང་རྗེ་ལྡན་པའི་སྦྱིན་པ་པོས། །ཇི་ལྟར་དགྱེས་པར་གསོལ་བར་ཞུ། །དེ་ནས་ལྷ་ཡི་ཕུད་ཕུལ་ནས། །
[219b.2]ཆོ་ག་བཞིན་དུ་བཟའ་བར་བྱ། །བཏུང་བས་དགྱེས་པར་གྱུར་པ་ཡི། །རྡོ་རྗེའི་གླུ་ནི་བླང་བས་བྱ། །ཅང་ཏེའུ་ལ་སོགས་སྒྲ་དང་ནི། །སྣ་ཚོགས་ལྔ་ཡིས་ཡིད་འཕྲོག་བྱེད། །སྔགས་དང་ཕྱག་རྒྱ་རྣལ་འབྱོར་གྱིས། །མཆོག་ཏུ་དགའ་བས་གར་བྱའོ། །དེ་ནས་ཚོགས་ཀྱི་སློབ་དཔོན་གྱིས། །སྦྱིན་
[219b.3]པ་པོ་ལ་དགེ་སེམས་དང་། །རྣལ་འབྱོར་མ་རྣམས་འདུས་པ་ཡིས། །བཀྲ་ཤིས་དེ་ལ་སྦྱིན་པར་བྱ། །ལག་པ་འཁྲུ་དང་སོ་རྩི་དང་། །ཁྱད་པར་དུ་ནི་ཡོན་དང་བཅས། །ཁྲོ་བ་བྲལ་བའི་ཡོན་བདག་གིས། །ཐུན་མོང་དུ་ནི་དབུལ་བར་བྱ། །རྫོགས་སངས་རྒྱས་དང་ལྷ་རྣམས་དང་། །དེ་སྲས་བཅས་
[219b.4]དང་ཚངས་ལ་སོགས། །འཇིག་རྟེན་སྐྱོང་དང་ངེས་འབྱུང་ལ། །ཆོ་ག་འདི་ལ་བཟོད་པར་གསོལ། །ཞེས་པའི་རིམ་པའི་བཟོད་གསོལ་ཏེ། །ལྷ་མོའི་ཚོགས་ཀྱི་འཁོར་ལོ་ལ། །ལྷག་མ་བསྡུ་བའི་གཏོར་མ་ནི། །འབྱུང་པོ་ཡི་དགས་ཀུན་ལ་སྦྱིན། །ཞེས་སློབ་མ་རྗེས་སུ་གཟུང་བ་ལས་ཚོགས་ཀྱི་འཁོར་ལོའི་
[219b.5]ཆོ་གའོ།། །།དེ་ནས་ཡང་དག་བཤད་པར་བྱ། །གཞོན་ནུ་མ་འམ་རྣལ་འབྱོར་མ། །རྡོ་རྗེ་རྣལ་འབྱོར་མ་ཡི་དངོས། །ཆོ་གར་ལྡན་པས་མཆོད་པར་བགྱི། །ནག་པོའི་ཕྱོགས་ཀྱི་ཚེས་བཅུའམ། །དཀར་པོ་ཡང་དེ་བཞིན་དུ། །དད་པའི་སེམས་ཀྱིས་སྙན་གསན་དབབ། །གུས་དང་བཅས་པས་
[219b.6]ཁྲུས་སོགས་བྱ། །གཅིག་གམ་གཉིས་སམ་བཞིའམ་ལྔ། །དྲུག་པ་གཉིས་ནི་དེ་བཞིན་དུ། །ཇི་སྲིད་ཉི་ཤུ་རྩ་བཞི་དང་། །མཆོད་པ་ལ་སོགས་གནས་གནས་ལ། །ཡིད་འོང་གནས་སུ་ཚུར་བཀུག་ནས། །དྲི་དང་མེ་ཏོག་ལ་སོགས་ལྡན། །ཀུ་ཤའི་ཆུན་པོ་བཟུང་བྱས་ནས། །དེ་ཡི་མདུན་དུ་སྟན་དུ་
[219b.7]འདུལ། །གནས་ལ་སོགས་པ་བསྲུང་དོན་དུ། །སུམྦྷ་ལ་སོགས་སྔགས་བརྗོད་བྱ། །ནུབ་ཕྱོགས་ཁ་ནི་ལྟར་གཙུག་ལ། །ཆོ་ག་བཞིན་དུ་ལྷ་བསྐྱེད་ལ། །སིནྡྷུ་ར་ཡིས་དཔྲལ་བར་བསྐུ། །གླ་རྩི་གུར་ཀུམ་ག་པུར་དང་། །ཁྱད་པར་དུ་ནི་ཙནྡན་བཅས། །ལག་པ་རྐང་པ་གདོང་པ་དང་། །རྐང་མཐིལ་
[220a]
[220a.1]ལག་མཐིལ་བསྐུ་བར་བྱ། །མེ་ཏོག་དམར་པོའི་ཕྲེང་བས་བརྒྱན། །དེ་བཞིན་ན་བཟའ་དམར་པོ་དང་། །མིག་སྨན་ནག་པོ་སྤྱན་ལ་བསྐུ། །སྤོས་ཀྱི་དུ་བས་བདུག་པར་བྱ། །ལྷ་ཡི་བཏུང་བ་ལྡན་པ་དང་། །བཟའ་དང་བཅས་པ་ཡང་དག་ལྡན། །གཏོར་མ་སྔོན་དུ་འགྲོ་བྱས་ལ། །ཙ་རུ་
[220a.2]སྒྲོན་མ་དབུལ་བར་བྱ། །རྡོ་རྗེ་རྣལ་འབྱོར་མ་མཆོད་ལ། །སྔགས་ཀྱི་ནུས་པ་ལྡན་པ་ཡིས། །དགེ་དང་མི་དགེ་ལས་བྱུང་བས། །དེ་ལ་བརྟགས་པ་རྟོགས་པར་འགྱུར། །བདེ་མཆོག་རྒྱུད་ལས་གསུངས་པ་བཞིན། །རིམ་པ་རྒྱས་པར་ཤེས་པར་བྱ། །དེ་ཕྱིར་ཀུན་ནས་འབད་པ་ཡིས། །
[220a.3]རྣལ་འབྱོར་ཤེས་པས་མཆོད་པར་བགྱི། །ཡོངས་སུ་རྫོགས་པའི་བྱང་ཆུབ་ཏུ། །འགྲོ་བའི་དོན་དུ་ཡོངས་སུ་བསྔོ། །སོ་རྩི་ཡོད་ཀྱང་ཕུལ་བྱས་ནས། །ཆོ་ག་བཞིན་དུ་གཤེགས་སུ་གསོལ། །ཞེས་སློབ་མ་རྗེས་སུ་གཟུང་བའི་ཆོ་ག་ལས་གཞོན་ནུ་མ་མཆོད་པའི་ཆོ་གའོ།། །།དེ་ནས་ཡང་
[220a.4]དག་རབ་བཤད་བྱ། །གཏོར་མའི་ལས་ཀྱི་ཆོ་ག་ནི། །གཏོར་མ་ལས་དང་བྲལ་བ་ལ། །དངོས་གྲུབ་མཆོག་ནི་དེ་ལ་མེད། །དེའི་ཕྱིར་ཀུན་ནས་འབད་པ་ཡིན། །གཏོར་མ་མཆོད་པར་བྱེད་པ་ལ། །འདོད་པའི་དོན་ནི་དེ་ཡིས་ཐོབ། །ཐམས་ཅད་རྒྱུད་ལས་གསུངས་པ་བཞིན། །དང་པོར་རེ་ཞིག་
[220a.5]རྣལ་འབྱོར་པས། །དཔལ་རྡོ་རྗེ་རྣལ་འབྱོར་མའི་རྣལ་འབྱོར་དང་ལྡན་པས། །ཁ་ཟས་ལ་སོགས་པ་མདུན་དུ་ཡང་དག་པར་བཞག་ལ་སྦྱང་བར་བྱའོ། །ཡཾ་ལས་རླུང་གི་དཀྱིལ་འཁོར་དེའི་སྟེང་དུ་རཾ་ལས་མེའི་དཀྱིལ་འཁོར། །དེ་ནས་ཨ་ཡིག་དཀར་པོ་ལས་པདྨའི་སྣོད་དཀར་པོ་མགོ་བོ་གསུམ་གྱི་སྒྱེད་(བུའི་,པུའི་)
[220a.6]ཁར་གཞག་གོ། །དམ་ཚིག་རྫས་ཀྱིས་བཀང་བ་ལ། །ཨོཾ་ཨཱཿཏྲཾ་ཁཾ་ཧཱུཾ། ལཱཾ་མཱཾ་པཱཾ་ཏྲཾ་བཱཾ་དེ་རྣམས་ལ་བྱིན་གྱིས་བརླབས་ལ་བདུད་རྩི་ལྔ་དང་སྒྲོན་མ་ལྔའི་ངོ་བོར་བསྒྲུབ་པར་བྱ། །དེའི་སྟེང་དུ་ཟླ་བའི་དཀྱིལ་འཁོར་ལ་ཧཱུཾ་ལས་ཁ་ཊྭཱཾ་ག་དཀར་པོ་མགོ་ཐུར་དུ་བལྟས་པའོ། །དེའི་རྗེས་ལ་རླུང་གིས་མེ་སྦར་བས་ས་
[220a.7]བོན་རྣམས་ཞུ་བར་གྱུར་པས་ཉི་མ་གཞོན་ནུའི་ཁ་དོག་འདྲ་བར་བལྟས་ལ། །ཨོཾ་ཨཱཿཧཱུཾ་གི་ཡི་གེ་རྣམས་རིམ་གྱིས་སྟེང་ནས་སྟེང་དུ་གནས་པ་ལས་སྐུ་གསུང་ཐུགས་ཀྱི་ལྷ་སྤྲོས་པ་ལས་འགྲོ་བའི་དོན་དུ་བྱ་བ་ཇི་ལྟ་བུ་བཞིན་དུ་དེ་རྣམས་ལ་ཞུགས་པར་བལྟས་ལ། དེ་ནས་ཧཱུཾ་ཡིག་ལ་སོགས་པ་རིམ་པ་བཞིན་དུ་
[220b]
[220b.1]ཞུགས་པར་བལྟའོ། །འབྲུ་གསུམ་གྱིས་བྱིན་གྱིས་བརླབ་པར་བྱ། །དེ་ནས་འབར་བའི་ཕྱག་རྒྱ་བཅིངས་ལ། དེའི་སྔགས་དང་བཅས་པས་ཡེ་ཤེས་ཀྱི་འཁོར་ལོ་མདུན་དུ་ཡང་དག་པར་བཞག་ལ། །མཆོད་ཡོན་ལ་སོགས་པས་ཡང་དག་པར་མཆོད་ལ་བདུད་རྩི་མྱང་བའི་ཆོ་གས་མཆོད་པར་བྱའོ། །མངོན་
[220b.2]པར་འདོད་པའི་དོན་དུ་གདོན་པར་བྱ་སྟེ། །ལྷ་མོ་ཚད་མ་དམ་ཚིག་ཚད། །དེས་གསུངས་མཆོག་ཏུ་ཚད་མ་སྟེ། །བདེན་པ་བདག་གིས་ལྷ་མོ་ཡིས། །དེ་དག་བདག་ལ་རྗེས་འཛིན་ཤོག །མཆོད་པའི་མཆོད་བྱ་མཆོད་པ་རྣམས། །མི་ཕྱེད་པར་ནི་བལྟ་བར་བྱ། །དེ་ནས་རྡོ་རྗེ་ཐལ་མོ་ཁ་ཕྱེ་བ། །བདུད་
[220b.3]རྩིའི་སྣོད་ལག་མཐིལ་དུ་བཞག་ལ་གཡོན་དང་གཡས་སུ་བསྐོར་བར་བྱའོ། །ལྕེ་ནི་རྡོ་རྗེར་སྦྱོར་བ་ཡིས། །ལྷ་མོའི་ཚོགས་ནི་ཚིམ་པར་བྱ། །དེ་ནས་དུར་ཁྲོད་ཆེན་པོ་བརྒྱད་ལ་གནས་པའི་ཕྱོགས་སྐྱོང་རྣམས་ལ། །ཨོཾ་ཁ་ཁ་ཧི་ཁཱ་ཧི་ལ་སོགས་པའི་སྔགས་ཀྱིས་ཕྱོགས་ལ། གཡོན་སྐོར་
[220b.4]མཚམས་རྣམས་ལ་གཡས་སྐོར་དུ་ཕུལ་བས། །དེ་རྣམས་ཀྱིས་བདུད་རྩི་མྱངས་པས། བདེ་བ་ཆེན་པོ་ཐོབ་པར་བསམས་ལ། དེ་ནས་མཆོད་པ་ལ་སོགས་པས་ཡང་དག་པར་མཆོད་པ་དང་། རྐང་པ་བརྒྱད་པའི་སྔགས་ཀྱིས་བསྟོད་ལ་འདོད་པའི་དོན་ལ་གསོལ་བ་གདབ་བོ། །ལྷག་ཆད་ཁ་
[220b.5]བསྐང་བར་བྱ་བའི་དོན་དུ་ཡི་གེ་བརྒྱ་པ་ལན་གསུམ་བརྗོད་དོ། །དེའི་རྗེས་སུ་ཨོཾ་བཛྲ་མུཿ །ཞེས་བརྗོད་ལ་པདྨའི་ཕྱག་རྒྱ་བསྐོར་བས་དགྱེས་པར་བྱས་ལ། དེ་ནས་སེ་གོལ་གཏོགས་པ་སྔོན་དུ་འགྲོ་བས་ལྷག་མའི་གཏོར་མ་བསྡུས་པ་ལ། །དམ་ཚིག་གིས་ནི་ཁ་བསྐང་ནས། །འབར་བའི་ཕྱག་རྒྱས་
[220b.6]བཅིང་བར་བྱ། །དྲག་པོའི་ཧཱུཾ་ཡིག་གདོན་བྱས་ནས། །ལྷག་མའི་གཏོར་མའི་སྣོད་དུ་དབུལ། །ཨོཾ་སརྦྦ་བྷ་ཀྵ་ཁ་ཁ་ཁཱ་ཧི་ཁཱ་ཧི་ཨུ་ཙྪི་ཥྚ་བྷཀྵ་བྷྱཿསྭཱ་ཧཱ། ཞེས་གཤེགས་སུ་གསོལ་ལོ། །སློབ་མ་རྗེས་སུ་གཟུང་བ་ལས་གཏོར་མའི་ལས་ཀྱི་ཆོ་གའོ།། །།དེ་ནས་སྦྱིན་སྲེག་ཆོ་ག་བཤད། །རྡོ་རྗེ་རྣལ་
[220b.7]འབྱོར་མ་མཆོད་པའི། །ཕྱི་དང་ནང་གི་དབྱེ་བ་ཡིས། །སྦྱིན་སྲེག་ཡང་ནི་གཉིས་སུ་འབྱུང་། །ཕྱི་ཡི་ལས་ཀྱི་དབྱེ་བ་ཡིས། །སྦྱིན་སྲེག་ཡང་ནི་བཞི་རུ་བཤད། །ནང་གི་སྦྱིན་སྲེག་གཉིས་སུ་ཤེས། །རོ་དང་ཚིམ་པར་བྱ་བའོ། །ཕྱི་ནི་འདི་རུ་བཤད་པར་བྱ། །རྡོ་རྗེ་རྣལ་འབྱོར་མ་སྒྲུབ་པའི། །དེ་བཞིན་
[221a]
[221a.1]ཆོ་ག་ལྷག་ཆད་ལ། །སྦྱིན་སྲེག་གིས་ནི་བསྐང་བར་བྱ། །རྣལ་འབྱོར་ནུབ་ཏུ་ཁ་བལྟས་ལ། །རྒྱན་ཆ་དམར་པོ་ཡིས་བརྒྱན་ལ། །སྐྱེ་གནས་ལྟ་བུའི་ཐབ་ཁུང་དུ། །ཕྱེད་ནི་བསྐོར་ཏེ་དམར་པོར་བྱ། །སོར་གསུམ་དོར་བའི་དབུས་སུ་ནི། །རྡོ་རྗེ་དམར་པོ་འབར་བ་དགོད། །ཕྱི་
[221a.2]རོལ་རྡོ་རྗེ་ཕྲེང་བས་བསྐོར། །ཁྱད་པར་དུ་ནི་གྲི་གུག་བསྐོར། །གསང་སྔགས་བཞི་ཡིས་བསྲུང་བྱ་དང་། །མཚམས་ཀྱང་དེ་བཞིན་བཅིང་བར་བྱ། །མཆོད་ཡོན་ལ་སོགས་སྣོད་ཀྱང་ནི། །བསྲེག་པའི་རྫས་རྣམས་གཡོན་དུ་གཞག །ཡམ་ཤིང་འོ་མ་ཅན་ནི་བརྩིག །ཆོ་ག་ཡིས་ནི་བསམ་པར་བྱ། །
[221a.3]མེ་ནི་རཾ་ཡིག་ལས་བྱུང་བ། རླུང་ཡབ་ཀྱིས་ནི་གཡབ་པར་བྱ། །ཞལ་གཅིག་པ་ལ་ཁ་དོག་དམར། །སྤྱི་བླུགས་མཆོད་སྦྱིན་དབྱུག་པ་དང་། བགྲང་ཕྲེང་དེ་བཞིན་འཛིན་པ་ལ། །ལག་པ་གཡས་དང་གཡོན་པ་ཡི། །མཐེ་བོང་གཉིས་ནི་དགུག་པར་བྱ། །ཨོཾ་ཨེ་ཧྱེ་ཧི་མ་ཧཱ་བྷཱུ་ཏ་དེ་བ་རྀ་ཥི་དྭི་ཛ་
[221a.4]སཏྭ་མ། གྲྀ་ཧི་ཏྭཱ་མ་ཧཱ་རཱ་སྨིན་སནྣི་ཧི་ཏོ་བྷ་བ་ཞེས་བྱ་བས། ཡེ་ཤེས་མེ་ནི་དེ་ལ་གཞུག །དེ་ལ་འཐོར་འཐུང་མཆོད་ཡོན་སོགས། །ཁྲུས་ཀྱི་ཆོ་ག་དེ་བཞིན་དབུལ། །རཾ་ཡིག་ས་བོན་ལྕེ་ལ་བསམས། །དེ་ལ་དགང་བླུགས་དབུལ་བར་བགྱི། །ཨོཾ་ན་མཿས་མནྟ་བུདྡྷཱ་ནཱཾ། ཨོཾ་ཨགྣ་ཡེ་ཨ་མུ་ཀ་
[221a.5]སྱ་སཏྭ་སིདྡྷི་ཀུ་རུ། ཞེས་པས་སོ། །ཇི་ལྟར་རིམ་པ་གསུམ་གསུམ་གྱིས། །སྲེག་རྫས་ཐམས་ཅད་བསྲེག་པར་བྱ། །མར་གྱིས་བསྲེག་པའི་སྲེག་རྫས་ནི། །དོན་གྱི་ཁྱད་པར་སྒྲུབ་པར་བྱེད། །ཨོཾ་ཨགྣ་ཡེ་སྭཱ་ཧཱ། མར་གྱིའོ། །ཨོཾ་སརྦྦ་པཱ་པཾ་ད་ཧན་བཛྲཱ་ཡ་སྭཱ་ཧཱ། ཏིལ་གྱིའོ། །ཨོཾ་ཨཱ་ཡུའེ་
[221a.6]སྭཱ་ཧཱ། དཱུ་རྦའིའོ། །ཨོཾ་བཛྲ་པུཥྚ་ཡེ་སྭཱ་ཧཱ། འབྲས་མ་ཉམས་པའོ། །ཨོཾ་སརྦྦ་སམྤ་དེ་སྭཱ་ཧཱ། ཞོ་ཟན་གྱིའོ། །ཨོཾ་བཛྲ་བེ་གཱ་ཡ་སྭཱ་ཧཱ། གྲོའིའོ། །ཨོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། ཀུ་ཤའིའོ། །ཨོཾ་བཛྲ་བོ་དྷི་བྲྀཀྵཱ་ཡ་སྭཱ་ཧཱ། ཡམ་ཤིང་གིའོ། །ལྷག་མ་ཀུན་དེ་ཉིད་གསུམ་གྱིས་བསྲེག་
[221a.7]པར་བྱའོ། །དེ་ནས་དགང་བླུགས་ཕུལ་ལ་མཆོད་པ་དང་བསྟོད་པས་བསྟོད་ལ། དེའི་ཐུགས་ཀར་ཉི་མའི་དཀྱིལ་འཁོར་ལ། སྙིང་རྗེའི་བདག་ཉིད་ཕག་མོ་ནི། །ཆོ་ག་བཞིན་དུ་བསམ་པར་བྱ། །ཆོ་ག་ཡིས་ནི་ཡེ་ཤེས་དགུག །དམ་ཚིག་ལ་ནི་ཡང་དག་གཞུག །འཐོར་འཐུང་མཆོད་ཡོན་ལ་
[221b]
[221b.1]སོགས་དང་། །ཆོ་གའི་རིམ་པས་དེ་ལ་དབུལ། །ལྕེ་ལ་རཾ་ཡིག་བྱུང་བ་ལས། །དེ་ལ་དགང་བླུགས་དབུལ་བར་བྱ། །ལས་ཀྱི་དངོས་གྲུབ་བྱེ་བྲག་གིས། །སྲེག་རྫས་ཀུན་གྱིས་བསྲེག་པར་བྱ། །མཆོད་པ་དང་ནི་བསྟོད་པས་བསྟོད། །བཟོད་པར་གསོལ་ལ་དངོས་གྲུབ་བླང་། །ཡང་དང་ཡང་དུ་གསོལ་
[221b.2]བྱས་ལ། །ཨོཾ་བཛྲ་མུཿཞེས་པས། ཆོ་ག་བཞིན་དུ་གཤེགས་སུ་གསོལ། །ལྷག་པ་དང་ནི་ཆད་པ་ལ། །ཡོངས་སུ་རྫོགས་པའི་དོན་དུ་ནི། །སྲེག་རྫས་ཀུན་གྱིས་བསྲེག་པར་བྱ། །ཡི་གེ་བརྒྱ་པ་གདོན་པར་བྱ། །སློབ་མ་རྗེས་སུ་གཟུང་བ་ལས་སྦྱིན་སྲེག་གི་ཆོ་གའོ།། །།དེ་ནས་སྲུང་
[221b.3]འཁོར་རབ་བཤད་བྱ། །རྡོ་རྗེ་སེམས་དཔའ་ཉིད་གསུངས་པ། །གང་ལ་བཏགས་པ་ཙམ་གྱིས་ནི། །ནད་ཀུན་དང་ནི་བྲལ་བར་བྱེད། །གུར་ཀུམ་དང་ནི་གི་ཝང་བསྲེས། །རྒྱལ་གྱི་ཉི་མ་དགེ་བ་ལ། །རྩིབས་དྲུག་འཁོར་ལོ་བྲི་བར་བྱ། །གོ་ཆའི་སྔགས་ནི་མཁས་པས་དགོད། །སུམྦྷུ་ལ་སོགས་
[221b.4]སྔགས་དང་ནི། །རྡོ་རྗེ་ཕྲེང་བས་བསྐོར་བར་བྱ། །གཙང་མའི་རས་སམ་དར་ལའམ། །ཡང་ན་སྨྱུག་ཤུན་གྲོ་བ་ལ། །དབུས་སུ་མིང་ཡིག་བསྲུང་བ་དང་། །དྲུག་པོ་ལ་ནི་དེ་བཞིན་དུ། །འབད་པ་ཡིས་ནི་བྲི་བར་བྱ། །ཡེ་ཤེས་འཁོར་ལོ་གཞུག་པར་བྱ། །མགྲིན་པའམ་ནི་དཔུང་པ་ལ། །ཡང་ན་
[221b.5]སྤྱི་བོའི་གཙུག་ཏུ་ནི། །དུས་རྟག་ཏུ་ནི་བཅང་བར་བྱ། །འབྱུང་པོ་ལ་སོགས་འཇིགས་དང་བྲལ། །ཚེ་ནི་རིང་བ་ཐོབ་པར་འགྱུར། །ཡང་ན་བུམ་པ་དཀར་པོ་ལ། །ཙནྡན་ཆུ་ཡིས་དགང་བར་བྱ། །དམ་པའི་འཁོར་ལོ་དེར་བཅུག་ལ། །ཆོ་ག་བཞིན་དུ་བསྒོམ་པར་བྱ། །གང་གི་ཁྱིམ་དུ་གཞག་པ་
[221b.6]ལས། །དེ་ཡི་སྡུག་བསྔལ་ཞི་བར་བྱེད། །མེ་ཏོག་དམར་པོས་དུས་གསུམ་དུ། །ཆོ་ག་བཞིན་དུ་རྟག་ཏུ་མཆོད། །ཅེས་སློབ་མ་རྗེས་སུ་གཟུང་བ་ལས། །སྲུང་བའི་འཁོར་ལོའི་ཆོ་གའོ།། །།གང་གི་དགེ་བས་ལེགས་གནས་ཆོས་ཀྱི་མཆོག །ཐོབ་ནས་རི་ཁྲོད་ཞབས་ཀྱིས་འགྲོ་བའི་
[221b.7]དོན། །རྫོགས་མཛད་རྡོ་རྗེ་ཕག་མོའི་སྐུར་གྱུར་ཅིག། །སློབ་མ་རྗེས་སུ་གཟུང་བའི་ཆོག་ཞེས་བྱ་བ་གྲུབ་ཐོབ་ཤ་བ་རི་པཱ་དས་མཛད་པ་རྫོགས་སོ།། །།ཡུལ་མ་ག་དྷྭའི་པཎྜི་ཏ་གཽ་ཏ་མ་བྷ་དྲའི་ཞལ་སྔ་ནས་ལེགས་པར་མཉན་ཏེ། ལོ་ཙཱ་བ་ཤཱཀྱའི་དགེ་སློང་ཉི་མ་རྒྱལ་མཚན་དཔལ་བཟང་པོས་
[222a]
[222a.1]གཙང་ཉང་རོ་ཚོང་དུས་ཀྱི་སའི་ཆ་ལ་ཆོས་གནས་ཆེན་པོ་གཉལ་སྤེར་ལེགས་པར་བསྒྱུར་བའོ།། །།ས་སྟེང་ཉི་ཟླ་ལྟར་གྱུར་ཅིག །འགྲོ་ཀུན་སངས་རྒྱས་ཐོབ་པར་ཤོག།{T1563}༄༅༅། །རྒྱ་གར་སྐད་དུ། བཛྲ་ཡོ་གི་ནཱི་ཨ་བྷི་ཥེ་ཀ་སཾ་ཀྵེ་པ་ནཱ་མ། བོད་སྐད་དུ།
[222a.2]རྡོ་རྗེ་རྣལ་འབྱོར་མའི་དབང་མདོར་བསྡུས་པ་ཞེས་བྱ་བ། རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །སྤྲོས་པ་དང་བཅས་ཞལ་ནས་གསུངས་པ་མང་ཡོད་ཀྱང་། །སྤྲོས་བྲལ་མོས་པ་བདག་འདྲའི་བྱིན་རླབས་དོན། །ཕག་མོ་མངོན་འབྱུང་རྒྱུད་ལ་བརྟེན་ནས་ནི། །བྱིན་རླབས་མདོར་བསྡུས་བདག་གིས་
[222a.3]བཤད་པར་བྱ། །དེ་ལ་སྙིང་པོའི་དོན་ངོ་སྤྲོད་པའི་མན་ངག་ལ་ཐུན་མོང་གི་དབང་དང་། ཐུན་མོང་མ་ཡིན་པའི་དབང་ངོ་། །དེ་ལ་ཐུན་མོང་གི་དབང་ནི་བུམ་པའི་དབང་ལ་སོགས་པའི་རིག་པའི་དབང་ལྔའོ། །ཐུན་མོང་མ་ཡིན་པའི་དབང་ནི་རྡོ་རྗེ་རྣལ་འབྱོར་མའི་བྱིན་རླབས་ཀྱི་དབང་ངོ་། །དེ་ལ་རྡོ་རྗེ་
[222a.4]རྣལ་འབྱོར་མའི་བྱིན་རླབས་ཀྱི་དབང་ནི་དང་པོ་དུར་ཁྲོད་ལ་སོགས་པ་དབེན་པའི་གནས་སུ་ས་གཞི་བརྟག་པ་ལ་སོགས་པ་བྱས་པའི་རྗེས་སུ་ལྷག་གནས་གསུམ་ནི་གཞན་ནས་ཤེས་པར་བྱའོ། །དེ་ནས་རྡོ་རྗེ་རྣལ་འབྱོར་མའི་བྱིན་རླབས་ཀྱི་དུས་སུ་དཀྱིལ་འཁོར་ཚུལ་བཞིན་དུ་བྲི་བར་བྱ་སྟེ། དབུས་
[222a.5]གྲུ་གསུམ་བསྣོལ་མ་ལ་དགའ་བ་འཁྱིལ་བ་བྲི། དེའི་མཐར་པདྨ་འདབ་མ་བཅུ་དྲུག་གམ་བརྒྱད་ལ་རྡོ་རྗེ་མེ་རིས་འཁོར་བར་བྲིའོ། །དབང་བསྐུར་བའི་རྫས་ནི་དེའི་སྟེང་དུ་བུམ་པ་དམར་པོ་གསུམ་གྱི་ནང་དུ། རིན་ཆེན་ལྔ་དང་སྨན་ལྔ་དང་རྫས་གཞན་ཆུ་ལ་སོགས་པས་བཀང་ལ། ཁ་རྒྱན་དང་
[222a.6]མགུལ་ཆིངས་དམར་པོས་བརྒྱན་ཏེ་གཞག །དབུ་རྒྱན་དང་རྡོ་རྗེ་དྲིལ་བུ་རྩར་གཞག །དེའི་སྟེང་དུ་ཐོད་པ་མཚན་ཉིད་དང་ལྡན་པ་གསུམ་གྱི་ནང་དུ། མཚན་ཉིད་དང་ལྡན་པའི་བུ་མོ་གཞོན་ནུ་མ་བཅུ་དྲུག་མའམ་ཉི་ཤུ་རྩ་ལྔ་མའི་ལག་པས་ཆང་གིས་ཐོད་པ་འགེངས་སུ་གཞུག་གོ། །དེ་ལ་མཚན་མ་བརྟག་
[222a.7]པར་བྱའོ། །དེ་ནས་བུ་མོས་མཆོད་པ་བྱས་ཡོན་ཡང་དབུལ་ལོ། །དེའི་དགོས་པ་ནི་རྟགས་རབ་འབྲིང་གསུམ་གང་རུང་ཅིག་བྱུང་བ་དང་། དེའི་སྟེང་དུ་མེ་ལོང་གཡའ་དག་པ་ལ་གུར་ཀུམ་གྱི་ཆུས་བཀྲུས་ལ་སིནྡྷཱུ་ར་བཙགས་ལ་གསེར་སྨྱུག་གིས་གྲུ་གསུམ་བསྣོལ་མ་བྲི། དེའང་གཉིས་སྤྲད་དུ་བྱའོ། །
[222b]
[222b.1]དེའི་དབུས་སུ་སྔགས་ཀྱི་རྒྱལ་པོ་བྲིས་ལ། དེ་ལས་སྔགས་གཞན་ཡང་གཡོན་སྐོར་དུ་བྲིའོ། །དེའང་མན་ངག་གིས་བྲིའོ། །དེའང་རས་དམར་པོས་ཞལ་ཁེབས་བྱའོ། །དེའང་མཆོད་པ་སྣ་ཚོགས་པའི་རྫས་ལ། མཁའ་འགྲོ་མ་མཆོད་པའི་རྫས་ནི་ཞལ་གཅིག་མའི་དབང་དུ་བྱས་ནས་མཆོད་པ་བཞི་
[222b.2]བཞིར་བྱ་ཞིང་། མེ་ཏོག་དམར་པོ་ཤ་བཞི་ཆུ་ལས་སྐྱེས་དང་ཐང་ལས་སྐྱེས། སྤོས་སྣ་བཞི་ལ་གུ་གུལ་ནག་པོ་དང་ཨ་རུ་ར་ཤ་ཆེན་དང་བྱི་ལ་ནག་པོའི་རིལ་མའམ་རང་བྱུང་གི་མེ་ཏོག་དམར་པོ་དང་བཞིའོ། །དྲི་སྣ་བཞི་ནི་ཙནྡན་དང་གླ་རྩི་དང་ག་པུར་དང་གུར་ཀུམ་མོ། །སྒྲོན་མེ་སྣ་བཞི་ལ་
[222b.3]འབྲུ་མར་དང་མར་དཀར་ལ་སོགས་པ་ལས་བྱའོ། །ལྷ་བཤོས་སྣ་བཞི་འབྲས་ལ་སོགས་པ་ལས་བྱའོ། །དེ་དག་ནི་ཁྲོ་མོའི་ཞལ་དུ་མཆོད་པའོ། །དེ་ལ་གཏོར་མའི་ཀེན་ནི་ཆང་སྣ་བཞི་ལ་འབྲུ་ཆང་སྦྲང་ཆང་གཉིས། །བུར་ཆང་འབྲས་ཆང་གཉིས་ཏེ་བཞིའོ། །ཁུར་བ་སྣ་བཞི་ལ་གྲུ་གསུམ་ཟླ་གམ་
[222b.4]གཉིས། ཟླུམ་པོ་གྲུ་བཞི་གཉིས་ཏེ་བཞིའོ། །ཤ་སྣ་བཞི་ལ་མི་ཤ་རྟ་ཤ་ཁྱི་ཤ་བ་ལང་དང་བཞིའོ། །བདུད་རྩི་སྣ་བཞི་ལ་བྱང་སེམས་དཀར་དམར་གཉིས་དང་དྲི་ཆེན་དྲི་ཆུ་གཉིས་ཏེ་བཞིའོ། །ཕག་གདོང་གི་ཞལ་དུ་མཆོད་པའི་རྫས་སོ། །དེ་ལྟར་མཆོད་པ་ལ་སོགས་པའི་རྫས་
[222b.5]བཤམས་པ་དང་། རྡོ་རྗེ་རྣལ་འབྱོར་མའི་བསྐྱེད་རིམ་ལ་སོགས་པ་བསྒོམ་པར་བྱའོ། །དེ་ནས་སྐྱོ་ན་བཟླས་པ་བྱའོ། །དེ་ནས་བསྟོད་པ་བྱ་སྟེ་མཆོད་པ་དང་ཚོགས་དབུལ་བ་ལ་སོགས་པ་བྱའོ། །དེ་ནས་བྱིན་གྱིས་བརླབ་པར་བྱའོ། །དེ་ལ་བཞི་སྟེ། མཆོད་པ་དང་རྫས་དང་སྔགས་དང་ཏིང་
[222b.6]ངེ་འཛིན་ཏོ། །དེ་ནས་སློབ་མ་གཞུག་ཅིང་དབང་བསྐུར་བ་ནི་སློབ་མ་རྣམས་ལ་མིག་རས་དམར་པོས་བཀབ་སྟེ། ལས་ཀྱི་སློབ་དཔོན་གྱིས་ནང་དུ་དྲངས་ཏེ། བགེགས་བསྐྲད་ལ་དཀྱིལ་འཁོར་གྱི་ཤར་ནས་འཇུག་པར་བྱའོ། །ཇི་སྐད་བརྗོད་དེ། །དེ་རིང་ཁྱོད་མཁའ་འགྲོ་མ་ཐམས་ཅད་ཀྱི་རིགས་སུ་
[222b.7]གཞུག་གི །ཡེ་ཤེས་གང་གིས་མཁའ་འགྲོ་མ་ཀུན་གྱི་དངོས་གྲུབ་ཐོབ་པར་འགྱུར་ལ། དངོས་གྲུབ་གཞན་ལྟ་སྨོས་ཀྱང་ཅི་དགོས་ཏེ་དེ་ལྟ་བུའི་རྡོ་རྗེ་ཡེ་ཤེས་ངས་ཁྱོད་ལ་བསྐྱེད་པར་བྱ་ཡིས། ཁྱོད་ཀྱིས་རྡོ་རྗེ་རྣལ་འབྱོར་མའི་དཀྱིལ་འཁོར་མ་མཐོང་བ་རྣམས་ཀྱི་དྲུང་དུ་སྨྲ་བར་མ་བྱེད་ཅིག།
[223a]
[223a.1]གལ་ཏེ་ཁྱོད་ཀྱིས་སྨྲས་ན་དམ་ཚིག་ཉམས་པར་འགྱུར་ཏེ། དེ་ནས་ཡང་འདི་ནི་དམ་ཚིག་རྡོ་རྗེ་སྟེ། གལ་ཏེ་ཚུལ་འདི་གང་སུ་ཡང་རུང་བའི་དྲུང་དུ་བཟླས་ན། ཁྱོད་ཀྱི་མགོ་རྡོ་རྗེ་རྣལ་འབྱོར་མས་འགས་པར་བྱེད་དོ། །རྡོ་རྗེ་མཁའ་འགྲོ་མ་ཁྱོད་དེངས། །ཁྱོད་ཀྱི་སྙིང་ལ་ཡང་དག་ཞུགས། །
[223a.2]གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་ཉམས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་བཛྲ་ཌཱ་ཀཱི་ནཱི་ཨ་མྲྀ་ཏོ་ད་ཀ །དེ་ནས་འདི་བརྗོད་དེ། དེ་རིང་ཕན་ཆད་ཁྱོད་ཀྱི་
[223a.3]རྡོ་རྗེ་མཁའ་འགྲོ་མ་ང་ཡིན་གྱི། ངས་གང་གྱིས་བརྗོད་པ་དེ་བུ་ཁྱོད་ཀྱིས་བྱ་དགོས་ལ། ང་ལ་བརྙས་པའི་ལས་མ་བྱེད་ཅིག །གལ་ཏེ་བྱས་ན་ཡང་བ་མ་སྤངས་པར་ཚེ་འདིའི་འདུ་བྱེད་བྱས་ནས། སེམས་ཅན་དམྱལ་བ་ཆེན་པོ་རྣམས་སུ་ལྷུང་བར་གྱུར་ཏ་རེ། དེ་ནས་འདི་སྐད་བརྗོད་དེ། དེ་བཞིན་གཤེགས་
[223a.4]པ་དང་མཁའ་འགྲོ་མ་ཐམས་ཅད་ཀྱིས་བྱིན་གྱིས་རློབས་ལ་རྡོ་རྗེ་རྣལ་འབྱོར་མ་བདག་ལ་དབབ་ཏུ་གསོལ། དེ་ནས་འདི་སྐད་བརྗོད་པར་བྱ་སྟེ། རྡོ་རྗེ་མཁའ་འགྲོའི་དཀྱིལ་འཁོར་འདིར། །བདག་གིས་སློབ་མ་གཞུག་པར་བྱ། །མཁའ་འགྲོའི་རིགས་ཀྱི་རིམ་པ་བཞིན། །བསོད་ནམས་གང་ཡིན་
[223a.5]དེ་བཞིན་ཤོག། །འདིས་ནི་དངོས་གྲུབ་གང་ཐོབ་པ། །རིགས་ནི་གང་གི་སྣོད་དུ་འགྱུར། །འདི་ལ་བསོད་ནམས་ཅི་ཡོད་པ། །དཀྱིལ་འཁོར་འདིར་ནི་དེ་བཞིན་ཤོག །བཛྲ་ཌཱ་ཀི་ནཱི་བཛྲ་ཧོཿ། ལྷ་གང་གིས་དངོས་གྲུབ་ཐོབ་པ་བརྟག་པར་བྱའོ། །དེ་ནས་མེ་ཏོག་བླངས་ལ་སློབ་མའི་མགོ་ལ་གདགས་པར་
[223a.6]བྱའོ། །མིག་དབྱེ་བ་ནི། ཨོཾ་རྡོ་རྗེ་མཁའ་འགྲོ་ཁྱོད་ཉིད་ཀྱིས། །མིག་དབྱེ་བར་ནི་ནན་ཏན་མཛད། །ཕྱེ་བས་ཐམས་ཅད་མཐོང་འགྱུར་ལ། །རྡོ་རྗེའི་མིག་ནི་བླ་ན་མེད། །ཅེས་བརྗོད་དོ། །དེ་ནས་སློབ་མ་ལ་ལྷའི་དཀྱིལ་འཁོར་བསྟན་པར་བྱའོ། །དེ་ནས་དབང་བསྐུར་བར་བྱ་སྟེ། །རྡོ་རྗེ་རྣལ་
[223a.7]འབྱོར་མ་རྣམས་ལ། །མཆོད་ཆེན་ཇི་ལྟར་མཛད་པ་ལྟར། །བདག་ཀྱང་རབ་ཏུ་བསྒྲུབ་སླད་དུ། །དབང་བསྐུར་དམ་པ་བདག་ལ་སྩོལ། །ཞེས་གསོལ་བ་གདབ་བོ། །དེ་ནས་བུམ་པས་དབང་བསྐུར་བ། །སངས་རྒྱས་ཀུན་གྱི་བུམ་པའི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་ནི་རབ་
[223b]
[223b.1]བསྒྲུབ་ཕྱིར། །བུམ་པའི་དབང་ནི་ཁྱོད་ལ་བསྐུར། །བུམ་པ་བྱང་ཆུབ་སེམས་ཀྱིས་བཀང་། །སྤྱི་བོ་ནས་ཚངས་པའི་བུག་པ་ན་མར་སོང་བས་བདུད་རྩིའི་རྒྱུན་གྱི་ལྷག་མ་སྤྱི་བོར་མི་བསྐྱོད་པར་བཞུགས་པར་བསམ་མོ། །དེ་ནས་དབུ་རྒྱན་གྱི་དབང་བསྐུར་བ་ནི། སངས་རྒྱས་ཀུན་གྱི་དབུ་རྒྱན་དབང་། །
[223b.2]དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་དུ་རབ་བསྒྲུབ་ཕྱིར། །དབུ་རྒྱན་དབང་ནི་ཁྱོད་ལ་བསྐུར། །དེ་ནས་དྲིལ་བུའི་དབང་བསྐུར་བ་ནི། སངས་རྒྱས་ཀུན་གྱི་དྲིལ་བུའི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་དུ་རབ་བསྒྲུབ་ཕྱིར། །དྲིལ་བུའི་དབང་ནི་ཁྱོད་ལ་བསྐུར། །དེ་
[223b.3]ནས་མིང་གི་དབང་བསྐུར་བ་ནི། །སངས་རྒྱས་ཀུན་གྱི་མིང་གི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་དུ་རབ་བསྒྲུབ་ཕྱིར། །མིང་གི་དབང་ནི་ཁྱོད་ལ་བསྐུར། །ཞེས་མ་རིག་པ་ལས་གནས་གྱུར་ནས་རིག་པ་ཡེ་ཤེས་སུ་བསྒྲུབ་པས་རིག་པའི་དབང་བཞིའོ། །ད་ནི་གསང་
[223b.4]བའི་དབང་བསྐུར་བ་ནི། སངས་རྒྱས་ཀུན་གྱི་ཐོད་པའི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་དུ་རབ་བསྒྲུབ་ཕྱིར། །གསང་བའི་དབང་འདི་ཁྱོད་ཀྱིས་ལོང་། །ཞེས་ཐོད་པའི་ཆང་འཐུང་དུ་གཞུག་གོ། །དེ་ནས་ཤེས་རབ་ཡེ་ཤེས་ཀྱི་དབང་བསྐུར་བ་ནི། །སངས་རྒྱས་ཀུན་གྱི་མེ་ལོང་
[223b.5]དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་དུ་རབ་བསྒྲུབ་ཕྱིར། །ཤེས་རབ་ཡེ་ཤེས་ཁྱོད་ཀྱིས་ལོང་། །སྐབས་འདིར་རྫོགས་པའི་རིམ་པ་བསྒོམ་སྟེ། །རང་གི་ལྟེ་བའི་ནང་དུ་མེ་ལོང་གི་དཀྱིལ་འཁོར་འབར་བར་བསམ་མོ། །ཕག་གདོང་གི་དཔྲལ་བར་གཡུང་དྲུང་རིས་དམར་པོ་
[223b.6]འཁོར་བར་བསམས་ལ། །སྲིན་པོའི་ཞལ་ཅུང་ཟད་བསྡོམ་མོ། །གསུམ་པའི་དོན་དྲན་པས་བསྒོམ་མོ། །དེ་ལ་དབང་བཞི་བའི་ཐུན་མོང་མ་ཡིན་པའི་ལྟ་བ་ཕྱག་རྒྱ་ཆེན་པོའི་དོན་ཇི་ལྟ་བ་བཞིན་དུ་རྟོགས་པར་བྱས་ལ། གང་དུ་ཡང་གནས་པར་མི་བྱའོ། །དེ་ཡང་བརྡ་སྣ་ཚོགས་ཀྱི་སྒོ་ནས་བསྟན་
[223b.7]པར་བྱའོ། །དེ་ལྟ་བུའི་བྱིན་རླབས་ཐོབ་པའི་སློབ་མས་བླ་མ་ལ་ཡོན་ཕུལ་ནས་མཉེས་པར་བྱ་སྟེ། མཁའ་འགྲོ་མ་ལ་གཏོར་མ་གཏང་། ཚོགས་ཀྱི་འཁོར་ལོས་མཉེས་པར་བྱས་ནས་གཏོར་མ་གཏང་བར་བྱའོ། །བཀྲ་ཤིས་བརྗོད། །སྦྱིན་སྲེག་ཀྱང་བྱའོ། །དེ་ནས་རྡུལ་ཚོན་གཤེགས་ལ་ཡི་གེ་
[224a]
[224a.1]བརྒྱ་པས་ཁ་བསྐང་བར་བྱའོ། །རྡོ་རྗེ་རྣལ་འབྱོར་མའི་བྱིན་བརླབས་ཀྱི་ཆོ་ག་མདོར་བསྡུས་པ་ཞེས་བྱ་བ་གྲུབ་པ་ཐོབ་པ་ཤ་བ་རི་ཞབས་ཀྱིས་མཛད་པ་རྫོགས་སོ།། །།རྒྱ་གར་གྱི་ཡུལ་མ་ག་དྷཱའི་པཎྜི་ཏ་གཽ་ཏ་མ་བྷ་དྲའི་ཞལ་སྔ་ནས་མཉན་ཏེ། ལོ་ཙཱ་བ་ཤཱཀྱའི་དགེ་སློང་ཉི་མ་རྒྱལ་མཚན་དཔལ་
[224a.2]བཟང་པོས། གཙང་ཚོང་དུས་མགུར་མོའི་ས་ཆ། ཆོས་གནས་ཆེན་པོ་གཉལ་སྤེར་ལེགས་པར་བསྒྱུར་བའོ། །{T1564}༄༅༅། །རྒྱ་གར་སྐད་དུ། བཛྲ་ཡོ་གི་ནཱི་ག་ཎ་ཙཀྲ་བི་དྷི་ནཱ་མ།བོད་སྐད་དུ། རྡོ་རྗེ་རྣལ་འབྱོར་མའི་ཚོགས་ཀྱི་འཁོར་ལོའི་ཆོ་ག་ཞེས་བྱ་བ། དཔལ་རྡོ་རྗེ་རྣལ་འབྱོར་མ་ལ་
[224a.3]ཕྱག་འཚལ་ལོ། །ཚོགས་གཉིས་ཚོགས་ནི་བསགས་པ་དང་། །རྣལ་འབྱོར་དམ་ཚིག་གསོ་བ་དང་། །བདེ་གཤེགས་མཁའ་འགྲོ་མཆོད་བྱའི་ཕྱིར། །དཔའ་བོའི་སྟོན་མོ་ཚོགས་འཁོར་བཤད། །དེ་ལ་ཀ་པཱ་ལའམ་སྣོད་ཤིན་ཏུ་མཛེས་པ་མཚན་ཉིད་དང་ལྡན་པའི་ནང་དུ་ཚོགས་ཀྱི་ཡོ་བྱད་
[224a.4]བཤམས་པ་ནི་ཤ་ལྔ་དང་བདུད་རྩི་ལྔ་དང་དམ་ཚིག་གི་རྫས་བདུད་རྩི་རིལ་བུ་དང་གཞན་ཡང་ཞལ་ཟས་ཀྱི་ཁྱད་པར་རྣམ་པ་སྣ་ཚོགས་པ་དང་བཟའ་བ་དང་བཏུང་བ་ལ་སོགས་པའི་ལོངས་སྤྱོད་བྱ་བ་རྣམས་བཤམས་ལ་རས་དམར་པོས་གཡོགས་ལ་གཞག་གོ། །དེར་དང་པོར་རྣལ་འབྱོར་ཕོ་མོ་ཐམས་
[224a.5]ཅད་ཁྲུས་བྱས་ཏེ། བདུད་རྩི་ལྔ་དང་དྲི་བཟང་པོས་ལུས་བྱུགས་ཏེ། གོས་སར་པ་དང་། རུས་པ་ལ་སོགས་པའི་རྒྱན་དང་། མགོ་ལ་མེ་ཏོག་བཞག་པའམ། ཕྲེང་བ་བཅིངས་ཏེ་ཐིག་བཏབ་པའི་ལེའུ་ཚེའམ། ཕོ་མོས་སྤེལ་བ་རང་རང་གི་གནས་སུ་འདུག་སྟེ། རྗེ་བཙུན་མའི་རྣལ་འབྱོར་
[224a.6]དུ་བྱ་སྟེ། དེ་ལ་ལས་ཀྱི་སློབ་དཔོན་གྱིས་མཆོད་པ་རྣམ་པ་ལྔ་རིམ་པ་ལྟར་དབུལ་ལོ། །དེ་ནས་ཚོགས་ཀྱི་སློབ་དཔོན་གྱིས་ཚོགས་བྱིན་གྱིས་བརླབ་པར་བྱ་སྟེ། རྫས་རྣམས་ཀྱི་འོག་ཏུ་ཨེ་ལས་ཆོས་འབྱུང་བསམ། དེའི་སྟེང་དུ་ཡཾ་ལས་རླུང་གི་དཀྱིལ་འཁོར་གཞུ་བཀང་བ་ལྟ་བུ་བ་དན་གྱིས་མཚན་
[224a.7]པ་དེའི་སྟེང་དུ་རཾ་ལས་མེའི་དཀྱིལ་འཁོར་གྲུ་གསུམ་དམར་པོ། །དེ་ནས་ཨོཾ་ཨཱཿཧཱུཾ་གསུམ་ལས་སྐྱེད་པུ་མི་མགོ་སྐམ་པོ་གསུམ་དེའི་སྟེང་དུ་ཨ་ལས་ཐོད་པ་སྐམ་པོའི་ནང་དུ་དེ་བཞིན་གཤེགས་པ་ལྔའི་རང་བཞིན་ཤ་ལྔ་བདུད་རྩི་ལྔ་ཟླ་བས་ཁ་བཀབ་པ། དེའི་སྟེང་དུ་རྡོ་རྗེ་ལྟེ་བ་ལ་ཧཱུཾ། དེ་ལ་འོད་ཟེར་སྤྲོ་
[224b]
[224b.1]བསྡུ་བྱས་པས། རླུང་གིས་མེ་སྦར་བས་དེ་རྣམས་བཞུ་ནས་བདུད་རྩིའི་རང་བཞིན་གྱིས་ཁམས་གསུམ་དང་དུས་གསུམ་ན་བཞུགས་པའི་སངས་རྒྱས་ཐམས་ཅད་སྤྱན་དྲངས་པ་ལ་རྡོ་རྗེ་རྣལ་འབྱོར་མའི་རང་བཞིན་དུ་བསམས་ལ། དེ་ནས་གཏོར་མ་ཆེན་པོས་མཆོད་པར་བྱ་སྟེ། ཚོགས་ཀྱི་ཕུད་བཅད་དེ་
[224b.2]དེ་ལག་ཏུ་ཐོགས་ནས་འདི་སྐད་ཅེས་བརྗོད་དོ། །ཨོཾ་བཛྲ་བཱ་རཱ་ཧྲཱི་པཉྩ་ཏ་ཐཱ་ག་ཏ་ཨརྒྷཾ་པཱུ་ཛ་ཡཱ་མི། པུཥྤཾ་ཛ་ཡཱ་མི། དྷཱུ་པཾ་པཱུཾ་ཛ་ཡཱ་མི། དཱི་པཾ་པཱུ་ཛ་ཡཱ་མི། གནྡྷ་པཱུ་ཛ་ཡཱ་མི། ནཻ་བི་དྱེ་པཱུ་ཛ་ཡཱ་མི། ཨཱ་དཪྴ་པཱུ་ཛ་ཡཱ་མི། ཤཔྟ་པཱུ་ཛ་ཡཱ་མི། ཞེས་གླུར་བླངས་ལ་ལྷ་མོ་བརྒྱད་ཀྱིས་མཆོད་དོ། །དེ་ནས་
[224b.3]ལས་ཀྱི་སློབ་དཔོན་གྱིས་ཕུད་རྣམས་གཏོར་མར་བསམས་ལ་གུ་རུ་ཨ་དྷིཥྵཱ་ན་མ་ཧཱ་བ་ལ་བཛྲ་པྲ་ཏཱི་ཙྪ་ཧོཿ། ཁ་ཁ་ཁཱ་ཧི་ཁཱ་ཧི་བྷུ་ཉྫ་ཧོཿ། བཛྲ་ཌཱ་ཀི་ནཱི། བུདྡྷ་ཌཱ་ཀི་ནཱི། རཏྣ་ཌཱ་ཀི་ནཱི། པདྨ་ཌཱ་ཀི་ནཱི། ཀརྨྨ་ཌཱ་ཀི་ནཱི། ཨདྷིཥྵྲཱི་ན་མ་ཧཱ་བ་ལིཾ་པྲ་ཏཱི་ཙྪ་ཧོ། །ཞེས་གླུར་བླང་ཞིང་ལྷའི་མིང་སྦྱར་ལ་དབུལ་ལོ། །
[224b.4]དེ་ནས་ལས་ཀྱི་སློབ་དཔོན་གྱིས་ཚོགས་ཀྱི་སློབ་དཔོན་ལ་སོགས་པ་ཀུན་གྱི་མདུན་དུ་མཎྜལ་བྱ་སྟེ། རྡོ་རྗེ་ལག་སྐོར་དང་བཅས་པས་གར་བྱ་ཞིང་། ཁྱེད་ནི་རྣལ་འབྱོར་དམ་པའི་མཆོག །བདེ་བ་ཆེན་པོའི་རོས་གང་བའི། །དེ་ཡི་རྐྱེན་དུ་དབུལ་ལགས་ཀྱིས། །དགྱེས་པའི་མདངས་ཀྱིས་བཞེས་
[224b.5]སུ་གསོལ། །དེ་ནས་བཟའ་བ་དང་བཏུང་པ་ལ་སོགས་པས་ཚིམ་པ་དང་ཁྱད་པར་དང་ཐུན་མོང་དུ་བྱས་ལ། རྣལ་འབྱོར་ཕོ་མོ་ཀུན་ལངས་ལ། །རྡོ་རྗེའི་གར་དང་གླུ་བླང་བར་བྱ། །ཨོཾ་བཛྲ་ཌཱ་ཀི་ནཱི་པཱུ་ཛ་ཡཱ་མི། ཞེས་མཁའ་འགྲོ་མ་ལྔ་གླུར་བླང་ངོ་། །གཞན་ཡང་སྐད་ཅིག་གླུར་བླང་བ་ནི། །ཨེ་མ་ཧོ། །
[224b.6]འོ་དང་འཁྱུད་པ་ལ་སོགས་པ། །རྣམ་པ་སྣ་ཚོགས་སྐད་ཅིག་མ། །དགའ་བའི་ལོངས་སྤྱོད་རབ་ཏུ་འབུལ། །རྣམ་པ་སྣ་ཚོགས་དུ་མའོ། །སྒེག་དང་ལྟ་བ་སོགས་པ། །རྣམ་པར་སྨིན་པའི་སྐད་ཅིག་མ། །མཆོག་དགའི་ལོངས་སྤྱོད་རབ་ཏུ་དབུལ། །རྣམ་པ་སྣ་ཚོགས་དུ་མའོ། །བདེ་བའི་
[224b.7]སྟོན་མོ་ལ་སོགས་པ། །རྣམ་པར་སྨིན་མའི་སྐད་ཅིག་མ། །མཆོད་དགའི་ལོངས་སྤྱོད་རབ་ཏུ་དབུལ། །རྣམ་པ་སྣ་ཚོགས་དུ་མའོ། །བདེ་བའི་སྟོན་མོ་ལ་སོགས་པ། །རྣམ་པ་མེད་དང་མཚན་ཉིད་བྲལ། །དགའ་བྲལ་ལྷན་སྐྱེས་ལོངས་སྤྱོད་དབུལ། །རྣམ་པ་སྣ་ཚོགས་དུ་མའི། །མ་ལུས་
[225a]
[225a.1]པ་ཡི་འཇིག་རྟེན་ཀྱང་། །ནམ་མཁའ་ཀུན་གྱི་རྣལ་འབྱོར་བ། །ནམ་མཁའི་མཚན་ཉིད་ལ་ཞུགས་ཤིང་། །ཐམས་ཅད་མཁའ་ལྟར་ལོངས་སྤྱོད་པའོ། །དེ་རྣམས་གླུར་བླང་བའོ། །དེ་ནས་ལྷག་མ་བསྡུས་ལ་མཁའ་འགྲོ་མའི་གཏོར་མ་དང་ལྷན་ཅིག་ཏུ་བཞག་ལ། ཨོཾ་བཛྲ་
[225a.2]ཌཱ་ཀི་ནཱི་པ་ལིཾ་པྲ་ཏཱི་ཙྪ་ཧོ། །ཁ་ཁ་ཁཱ་ཧི་ཁཱ་ཧི་བྷུ་ཉྫ་ཉོ། ཞེས་ལྷག་མ་བསྡུས་ལ་གཏང་ངོ་། །དེ་ནས་ཆོས་སྐྱོང་གི་གཏོར་མ་རང་གི་ཆོ་ག་ལྟར་གཏང་ངོ་། །གཏོར་མ་གསུམ་གཏོང་བའི་ཚེ། །དཔའ་བོ་དང་ནི་དཔའ་མོ་དང་། རྡོ་རྗེ་མཁའ་འགྲོའི་ཚོགས་བཅས་དང་། །ཞེས་པ་ལ་སོགས་པ་བརྗོད་དོ། །དེ་
[225a.3]ནས་སྨོན་ལམ་གདབ་སྟེ། །སྐྱེ་བ་གང་ཐོབ་དེ་དང་དེར། །དོན་ཀུན་སངས་རྒྱས་ཐམས་ཅད་ཀྱི། །རྡོ་རྗེ་མཁའ་འགྲོའི་གོ་འཕང་དེ། །འགྲོ་བ་ཀུན་གྱིས་ཐོབ་པར་ཤོག །བྱང་ཆུབ་རྡོ་རྗེ་སྔགས་པ་དང་། །རྫོགས་པའི་བྱང་ཆུབ་སེམས་ཐོབ་དང་། །རྫོགས་སངས་རྒྱས་ཀྱི་སྤྱོད་པའམ། །བདག་ནི་
[225a.4]དེ་ཉིད་ཐོབ་པར་ཤོག །རིགས་སུ་སྐྱེ་དང་དམ་ཚིག་ཅན། །ཞེས་པ་ལ་སོགས་པའི་སྨོན་ལམ་ཡང་གདབ་བོ། །དེ་ནས་ཨོཾ་ཤཱུ་ནྱ་ཏཱ་མཎྜལ་མུཿ། ཞེས་པ་ཡེ་ཤེས་ཀྱི་མཁའ་འགྲོ་གཤེགས་སུ་གསོལ། དམ་ཚིག་གི་མཁའ་འགྲོ་རྣམས་རང་ལ་བསྡུ། རང་མི་དམིགས་པར་སྟོང་པ་ཉིད་དུ་བསམས་ཏེ།
[225a.5]སྐྱེ་བ་མེད་པར་རྒྱས་གདབ་བོ། །དེ་ནས་རྗེ་བཙུན་མའི་ང་རྒྱལ་གྱིས་སྤྱོད་ལམ་ལ་གནས་པར་བྱའོ། །རྡོ་རྗེ་ཕག་མོའི་ཚོགས་ཀྱི་འཁོར་ལོའི་ཆོ་ག་ཞེས་བྱ་བ་གྲུབ་པ་ཐོབ་པ་ཤ་བ་རི་ཞགས་ཀྱིས་མཛད་པ་རྫོགས་སོ།། །།ཡུལ་མ་ག་དྷཱའི་པཎྜི་ཏ་གཽ་ཏ་མ་བྷ་དྲའི་ཞལ་སྔ་ནས་ལེགས་པར་མཉན་
[225a.6]ཏེ། ལོ་ཙཱ་བ་ཤཱཀྱའི་དགེ་སློང་ཉི་མ་རྒྱལ་མཚན་དཔལ་བཟང་པོས། །ཉ་རོ་ཁྲོས་ཀྱི་གཙུག་ལག་ཁང་དུ་ལེགས་པར་བསྒྱུར་བའོ། །{T1565}༄༅༅། །རྒྱ་གར་སྐད་དུ། ཡོ་ག་ཨ་ནུ་སཱ་རི་བྷཱ་ནཱ་མ་བཛྲ་ཡོ་གི་བེེ་ཊཱི་ཀཱ། བོད་སྐད་དུ། རྣལ་འབྱོར་གྱི་རྗེས་སུ་འབྲང་བ་ཞེས་བྱ་བ། རྡོ་རྗེ་རྣལ་
[225a.7]འབྱོར་མའི་འགྲེལ་པ། རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །དེ་བཞིན་ཉིད་ཀྱི་རང་བཞིན་གྱིས། །གང་ཞིག་ལུས་མཆོག་འཛིན་གྱུར་པ། །རྟག་ཏུ་རྡོ་རྗེ་ཕག་མོ་དེས། །ཁྱེད་ལ་ཕུན་ཚོགས་བྱེད་པར་ཤོག །རྡོ་རྗེ་ཕག་མོ་ལ་བཏུད་ནས། །དེ་ཡི་སྒྲུབ་ཐབས་བདེ་རྟོགས་པར། །རྣལ་འབྱོར་
[225b]
[225b.1]རྗེས་སུ་འབྲང་བ་ཡི། །བདག་གིས་འགྲེལ་པ་བྲི་བར་བྱ། །འདིར་ནི་མ་རིག་པ་ལ་སོགས་པའི་དབྱར་གྱི་ཉི་མའི་གུང་ལྟ་བུ་ལ་གནས་པའི་འགྲོ་བ་རིགས་དྲུག་གི་སྤྲོས་པས་བསྡུས་པའི་འཁོར་བའི་སྐམས་ས་ཆེན་པོ་ལས་ཐར་བར་བྱེད་པའི་ཐབས་ཀྱི་མཆོག་གསང་བའི་རྒྱལ་པོའི་གཏམ་བྱེད་པ་དང་
[225b.2]བྲལ་བ། རྩོད་དུས་ལ་ཆགས་པའི་སེམས་དང་ལྡན་པ། སྦྱིན་པ་ལ་སོགས་པ་བསོད་ནམས་ཀྱི་ལམ་བརྒྱགས་དང་། ཏིང་ངེ་འཛིན་ལ་བློ་གཏད་པ་ལྷུང་བ་ཅན། དགེ་བའི་ཤིང་གི་ཤིང་ཐོག་ཐོབ་པར་མི་འགྱུར་བ་རྣམས་ཡུལ་གྱི་དགྲ་ཡིས་དགེ་བའི་བག་ཆགས་ཕྲོགས་པ་དང་ལྡན་པའི་ཕྱིན་ཅི་ལོག་པ་དང་
[225b.3]བཅས་པའི་གཟའ་ཆེན་པོ་བབས་པར་གྱུར་པ་མྱ་ངན་ལས་འདས་པའི་ལམ་མ་ཤེས་པས་ཡང་དང་ཡང་དུ་དེ་ཁོ་ནར་འཁོར་བར་གྱུར་པའི་སྲིད་པའི་བདེ་བ་འདོད་པའི་ཤ་ཟས་བསླུ་བར་བྱས་པ་དང་། དེ་ཉིད་མ་ཡིན་པའི་ཆགས་ཞེན་མང་པོ་ལ་གནས་པ་དང་། རེས་འགའ་གནས་སྐབས་ཀྱི་བདེ་བ་བག་
[225b.4]ཙམ་ཡང་ཐོབ་པར་མི་འགྱུར་བའི་སྲིད་པ་གསུམ་ལ་གནས་པར་འགྱུར་བའི་འཇིག་རྟེན་རྣམས། སྡུག་བསྔལ་ཚ་བ་ཁོ་ནར་ཞུགས་པ་དེ་དག་ལ་བྱམས་པའི་སྙིང་རྗེའི་གྲོགས་མོའི་སྟོབས་ཀྱིས་བདེ་འགྲོར་ཡོངས་སུ་གཟུང་བ་མེད་པའི་ཀུན་རྫོབ་ཀྱིས་སྐྱེ་བ་ཡོངས་སུ་འཛིན་པ་དང་ཡོན་ཏན་དཔག་ཏུ་མེད་པའི་
[225b.5]གཞིས་གཞི་འཛིན་པ་དང་། མྱ་ངན་ལས་འདས་པའི་ལམ་བླ་ན་མེད་པ་ཉེ་བར་སྟོན་པ་དང་། བསྐལ་པ་དཔག་ཏུ་མེད་པར་གཞན་དོན་བྱེད་པའི་སྙིང་རྗེའི་བརྟུལ་ཞུགས་ཆེན་པོ་འཛིན་པ་བཅོམ་ལྡན་འདས་རྡོ་རྗེ་འཆང་དཔལ་འཁོར་ལོ་སྡོམ་པ་ཞེས་བྱ་བ་ཧེ་རུ་ཀའི་རྒྱལ་པོས་ཇི་ལྟར་སྣོད་དུ་རུང་བའི་སྐྱེ་བོ་གདུལ་
[225b.6]བའི་བྱ་བའི་ཐབས་བསྟན་པར་འདོད་པས། དབང་པོ་རྣོ་བའི་དབང་གིས་རྣལ་འབྱོར་གྱི་ལམ་ཁོ་ནར་ཤིན་ཏུ་སླ་བས་རྣལ་འབྱོར་མའི་ཚུལ་གྱིས་རྗེས་སུ་འབྲངས་པས་གཡོན་པའི་སྤྱོད་པས་མཛེས་པར་འགྱུར་བའི་རྣལ་འབྱོར་མ་ཐམས་ཅད་ཀྱི་གསང་བ་མཁའ་འགྲོ་མ་དྲ་བ་སྡོམ་པའི་རྒྱུད་སྟོན་པས་
[225b.7]གསུངས་པའོ། །རྙེད་པར་སླ་བའི་བབས་ཀྱི་མན་ངག་རྙེད་པར་དཀའ་བ་ཐོབ་པར་འགྱུར་ཞེས་པས་ཆོས་ཐམས་ཅད་རང་བཞིན་མེད་པ་དེ་བཞིན་ཉིད་ཀྱི་རྡོ་རྗེ་ཕག་མོའི་ལུས་ཅན་མ་ཤེས་རབ་ཀྱི་རང་བཞིན་ཉིད་བཅོམ་ལྡན་འདས་ཀྱིས་ཉེ་བར་བསྟན་ཏོ། །དེའི་གདུལ་བྱའི་བསམ་པས་ཕྲིན་ལས་ཀྱི་དབྱེ་བ་
[226a]
[226a.1]རྣམ་པ་དཔག་ཏུ་མེད་པ་མཐོང་བར་གྱུར་ཀྱང་འདིར་ནི་རྣམ་པ་དེ་དག་གཙོར་བསྟན་པར་མི་བྱའོ། །འོན་ཏེ་ཞལ་གཉིས་ཕྱག་གཉིས་རྡོ་རྗེ་ལྷ་མོ་གཅིག་པུའི་སྒྲུབ་ཐབས་མངོན་པར་བརྗོད་དོ། །དེ་ནི་རྒྱུད་མང་པོ་ལ་ཉེ་བར་བསྟན་པའི་དེ་ཉིད་མ་ལུས་པ་སོ་སོར་ཐོབ་པར་འགྱུར་བའི་
[226a.2]ཐབས་ཀྱི་ཆོ་ག་མཁྱེན་པའི་ཕྱག་རྒྱ་ཆེན་པོའི་དངོས་གྲུབ་སྒྲུབ་པའི་ཐབས་ཀྱིས་རྒྱལ་པོ་ཆེན་པོ་ཨིནྡྲ་བྱཱུ་ཏི་ཞབས་ཀྱིས་རང་གི་རྟོགས་པར་གྱུར་པའི་ལམ་གྱི་མཚན་ཉིད་ཀྱི་མཁའ་འགྲོ་མའི་གསང་བ་མངོན་པར་བརྗོད་པས་དང་པོ་དོན་ཆེན་པོའི་དངོས་གྲུབ་ཀྱི་རྒྱུ་ཡིན་པས། འགྲོ་བ་འདུལ་བར་བྱེད་
[226a.3]པའི་ཐབས་རྡོ་རྗེ་རྣལ་འབྱོར་མའི་སྒྲུབ་ཐབས་དང་། དེའི་སྔགས་ཀྱི་བཏུ་བ་དང་། བཟླས་པའི་ཆོ་ག་དང་། འཁོར་ལོ་མཆོད་པའི་ལས་རྣམས་དང་། ལྷག་མས་སྤྱོད་པའི་མཚན་ཉིད་ཀྱང་བརྗོད་པར་བྱའོ། །དེའི་ཕྱིར་དང་པོར་འདིར་རྣལ་འབྱོར་མ་ཡི་དམ་ལྷའི་བར་ཆད་ཐམས་ཅད་རབ་ཏུ་ཞི་བར་
[226a.4]བྱེད་པའི་དོན་ཆེན་པོ་ཚོགས་པར་བྱེད་པའི་ཕྱག་འཚལ་བ་གསུངས་པ་ནི། བདུད་ཅེས་པ་ལ་སོགས་པས་རྡོ་རྗེ་ནི་འུ་སྤྲོས་པ་དང་བྲལ་བའི་ཡེ་ཤེས་ཀྱི་རང་བཞིན་ཀྱང་ཡིན་ལ་སྦྱོར་བ་ཡང་ཡིན་ནོ། །ཐབས་ཤེས་རབ་སྙོམས་པར་འཇུག་པ་ཡང་ཡིན་ནོ། །དེ་ཡང་དཔལ་གསང་བ་འདུས་པའི་རྒྱུད་ཕྱི་མ་
[226a.5]ལས། ཐབས་དང་ཤེས་རབ་སྙོམས་འཇུག་པ། །རྣལ་འབྱོར་ཞེས་ནི་མངོན་པར་བརྗོད། །གང་ཞིག་དངོས་མེད་ཤེས་རབ་དང་། །ཐབས་ནི་དངོས་པོའི་མཚན་ཉིད་དོ། །ཞེས་གསུངས་སོ། །དེ་འདི་ལ་ཡོད་པས་རྡོ་རྗེ་རྣལ་འབྱོར་མའོ། །ཡང་ན་རྣལ་འབྱོར་པ་དེ་འདིས་སྙོམས་པར་འཇུག་
[226a.6]པའི་ཕྱིར་རྣལ་འབྱོར་ནི་གཉིས་སུ་མེད་པའི་ཡེ་ཤེས་སོ། །དེ་འདི་ལ་རང་བཞིན་གྱིས་ཡོད་པས་རྣལ་འབྱོར་མ་ནི་རྡོ་རྗེ་ཕག་མོའོ། །ཡང་ན་རྣལ་འབྱོར་པར་བྱ་བ་ནི་བརྟེན་པར་བྱ་བས་རྣལ་འབྱོར་ནི་པདྨའོ། །དེ་འདི་ལ་ཡོད་པས་རྣལ་འབྱོར་མའོ། །བྱེ་བྲག་གི་བརྟེན་པའི་རྣམ་པར་གཅོད་པའི་དོན་དུ་
[226a.7]རྡོ་རྗེས་གོང་བཞིན་དུ་ཁྱད་པར་རོ། །རང་དང་གཞན་གྱི་དོན་ཕུན་སུམ་ཚོགས་པ་བླ་ན་མེད་པར་སྦྱོར་བའི་ཕྱིར་དང་། ཚོགས་གཉིས་སྦྱོར་བའི་ཕྱིར་དང་། གཉིས་སུ་མེད་པའི་ཡེ་ཤེས་སྦྱོར་བའི་ཕྱིར་དཔལ་ཡང་དེ། རྡོ་རྗེ་རྣལ་འབྱོར་པ་ཡང་དེ་ཡིན་པས་དཔལ་རྡོ་རྗེ་རྣལ་འབྱོར་མའོ། །དེ་ཇི་ལྟ་བུ་
[226b]
[226b.1]ཡིན་ཞེ་ན། སྟོང་ཉིད་ནི་ཆོས་ཐམས་ཅད་སྤྲོས་པ་དང་བྲལ་བ་ཉིད་རྟོགས་པའི་བདག་ཉིད་ཅན་ཤེས་རབ་བོ། །སྙིང་རྗེ་ནི་དམིགས་པ་མེད་པའི་འགྲོ་བ་མ་ལུས་པའི་དོན་བྱེད་པ་ལྷན་ཅིག་སྐྱེས་པའི་བདེ་བ་ཆེན་པོའི་ངོ་བོ་ཐབས་སོ། །དེ་ཡང་སྟོང་ཉིད་སྙིང་རྗེ་ཐབས་དང་ཤེས་རབ་གཉིས་སུ་མེད་པ་གང་གི་
[226b.2]བདག་ཉིད་དེ་དེ་བཞིན་ནོ། །ཡང་ཇི་ལྟ་བུ་ཞེ་ན། ཁམས་གསུམ་ནི་འདོད་ཁམས་གཟུགས་ཁམས་གཟུགས་མེད་ཀྱི་ཁམས་ནི་སྐུ་གསུང་ཐུགས་ཀྱི་རྡོ་རྗེ་དེ་གང་གིས་བདག་ཉིད་དེ་དེ་བཞིན་ནོ། །སྐུ་གསུམ་དབྱེར་མེད་པའི་རང་བཞིན་ཡིན་པའི་ཕྱིར་རོ། །ཡང་ཇི་ལྟ་བུ་ཞེ་ན། འབར་བ་ནི་གསལ་བ་
[226b.3]བསྐལ་པའི་མེའི་འོད་ལྟར་གང་གི་འོད་དེ་དེ་བཞིན་ནོ། །མི་ཤེས་པའི་མུན་པ་སེལ་བར་བྱེད་པའི་འོད་ཀྱི་རང་བཞིན་ཡིན་པའི་ཕྱིར་རོ། །དེ་ལྟ་བུའི་རྣལ་འབྱོར་མ་དེ་ལ་ཕྱག་འཚལ་ལོ་ཞེས་ཤེས་པར་བྱའོ། །ཡང་ན་སྤྲོས་པ་མེད་པའི་ཡེ་ཤེས་ཀྱི་རང་བཞིན་སྟོང་ཉིད་དང་སྙིང་རྗེ་ཟུང་དུ་འཇུག་པའི་
[226b.4]རྡོ་རྗེ་རྣལ་འབྱོར་མའོ། །ཐབས་དང་ཤེས་རབ་ཀྱི་རང་བཞིན་མི་ཟད་པ་བདེ་བ་མཆོག་གི་རང་བཞིན་ཡིན་པས་ལྷན་ཅིག་སྐྱེས་པའི་སྐུའི་རང་བཞིན་ནོ། །སྟོང་ཉིད་སྙིང་རྗེའི་བདག་ཉིད་ཅེས་པ་ནི་ཡང་དོན་དེ་ནི་དོན་གཞན་རྟེན་པས་བཟླས་པར་བྱ་བའི་རིགས་པས་ཟབ་པ་དང་། རྒྱ་ཆེ་བའི་རང་བཞིན་
[226b.5]གྱིས་སེམས་རྣམ་པར་དག་པའི་ངོ་བོ་ཉིད་ཀྱི་ཆོས་ཀྱི་སྐུའི་རང་བཞིན་ནོ། །སེམས་ཅན་གྱི་དོན་དུ་ཁམས་གསུམ་ལ་ཐུན་མོང་མ་ཡིན་པའི་ངོ་བོ་ཉིད་ཀྱི་ཆོས་ཀྱིས་རྟག་པར་བྱེད་པས་ཁམས་གསུམ་པའི་ངོ་བོ་ཉིད་ནི་ལོངས་སྤྱོད་རྫོགས་པའི་སྐུའི་རང་བཞིན་ནོ། །བག་ཆགས་དང་བཅས་པའི་སྒྲིབ་
[226b.6]པ་ཉིད་དང་བྲལ་བས་ཁམས་གསུམ་ལ་སྐུའི་འོད་ཟེར་གྱིས་རབ་ཏུ་གསལ་བའི་ཕྱིར་བསྐལ་པའི་མེ་ལྟར་འབར་བའི་འོད་ནི་སྤྲུལ་པའི་སྐུའི་རང་བཞིན་ནོ། །དེ་ལྟ་བུའི་སྐུ་བཞིའི་རང་བཞིན་ཡང་བཅོམ་ལྡན་འདས་མ་དཔལ་རྡོ་རྗེ་ཕག་མོ་བཤད་ཅེས་གསུངས་སོ། །ཡང་ན་ལྟེ་བའི་མཚོ་སྐྱེས་ནི་ཁ་གྱེན་
[226b.7]དུ་གདེངས་པ་དང་། སྤྱི་བོའི་མཚོ་སྐྱེས་ནི་ཁ་ཐུར་དུ་བལྟས་པ་ཨའི་རྣམ་པ་ཟུར་གསུམ་པ། ཤེས་རབ་ཀྱི་ངོ་བོར་ལྷག་པར་མོས་པར་བྱའོ། །སྙིང་གའི་མཚོ་སྐྱེས་ནི་ཁ་འོག་ཏུ་ལྟ་བ་དང་། མགྲིན་པའི་མཚོ་སྐྱེས་ནི་ཁ་གྱེན་དུ་གདེངས་པའི་བཾ་ཡིག་གི་རྣམ་པ་ཅན་ཟླུམ་པོ་ཐབས་ཀྱི་རང་བཞིན་ནོ། །
[227a]
[227a.1]དེ་བཞིན་དུ་ཁ་སྦྱོར་གྱི་རྒྱུད་ལས་ཀྱང་། སྤྱི་བོ་ལྟེར་གནས་འཁོར་ལོ་ནི། །ཨེ་ཡི་རྣམ་ཅན་ཡང་དག་གནས། །སྙིང་དང་མགྲིན་པར་གནས་པ་ཡི། །བཾ་གྱི་རྣམ་པ་ལྟ་བུར་ཤེས། །ཞེས་གསུངས་པས་ལྟེ་བ་དང་། སྙིང་གའི་པདྨ་དང་། སྤྱི་བོ་དང་མགྲིན་པའི་པདྨ་གཉིས་གཉིས་ལ་
[227a.2]གཏུམ་མོའི་འགྲོ་བ་དང་འོང་བས་བདེ་བ་ཆེན་པོ་རོ་གཅིག་པ་ཉིད་ཀྱིས་སྙོམས་པར་འཇུག་པའི་རྣལ་འབྱོར་རོ། །དེ་ལྟ་བུའི་ཨེའི་ཡི་གེ་ཐབས་དང་ཤེས་རབ་ཀྱི་རང་བཞིན་ནོ། །བཾ་གྱི་ཡི་གེ་ཡང་དེ་བཞིན་ནོ། །རྡོ་རྗེ་ནི་བྱང་ཆུབ་སེམས་ཀྱི་རང་བཞིན་ནོ། །དེའི་རང་བཞིན་རྣལ་འབྱོར་མ་འདི་ལ་ཡོད་པས་
[227a.3]རྡོ་རྗེ་རྣལ་འབྱོར་མས་སོ། །ཁྲག་གི་ངོ་བོ་གཏུམ་མོའི་རང་བཞིན་ནི་དཔལ་གཉིས་སུ་མེད་པའི་རང་བཞིན་ཡང་ཡིན་ལ། དེ་ཉིད་རྡོ་རྗེ་རྣལ་འབྱོར་མའི་རང་བཞིན་ཡང་ཡིན་པས་དཔལ་རྡོ་རྗེ་རྣལ་འབྱོར་མའོ། །ཇི་ལྟ་བུ་ཞེ་ན། སྟོང་ཉིད་སྙིང་རྗེའི་བདག་ཉིད་ཅན་གྱི་དོན་ནི་སྔར་བཤད་པའོ། །ཡང་ཇི་
[227a.4]ལྟ་བུ་ཞེ་ན། ཁམས་ནི་སྐུ་གསུམ་ལ་སྤྲོ་བ་དང་བསྡུ་བའི་བྱེ་བྲག་གིས་སོ། །ངོ་བོ་ཉིད་ནི་སྐྱེ་བ་གང་ལ་ཡོད་པ་དེ་ལ་དེ་སྐད་ཅེས་བྱའོ། །ཅིའི་ཕྱིར་ཞེ་ན། གྱེན་དུ་འགྲོ་བས་སྙིང་ག་དང་མགྲིན་པ་དང་། དཔྲལ་བའི་འཁོར་ལོ་རྣམས་བསྲེགས་ནས་ཧཾ་ཡིག་ཞུ་ནས་ཐུར་དུ་སོང་བས་འཁོར་ལོ་གསུམ་ཡང་
[227a.5]སོས་པར་འགྱུར་བའི་ཕྱིར་རོ། །དེ་ལྟར་ཡང་དགྱེས་པ་རྡོ་རྗེ་ལས། ལྟེ་བར་གཏུམ་མོ་འབར་བ་ཡིས། །དེ་བཞིན་གཤེགས་པ་ལྔ་བསྲེགས་ཏེ། །སྤྱན་ལ་སོགས་པ་ཡང་བསྲེགས་པ། །བསྲེགས་པས་རི་བོང་ཧཾ་འཛག་ལྟར། །ཞེས་པའོ། །ཡང་ཇི་ལྟ་བུ་ཞེ་ན། བསྐལ་པའི་མེ་ལྟར་འབར་བའི་
[227a.6]འོད་ནི་ཇི་ལྟར་བསྐལ་པའི་མེས་ཁམས་བསྲེག་པར་འགྱུར་བས་མེ་འབར་བས་གསལ་བར་འགྱུར་བ་ལྟར། དེ་བཞིན་དུ་ལས་ཀྱི་གཏུམ་མོ་ལ་སོགས་པའི་སྦྱོར་བས་འབར་བར་འགྱུར་བའི་གཏུམ་མོ་ལྟེ་བ་ལས་གྱེན་དུ་འགྲོ་བས་ཆོས་དང་ལོངས་སྤྱོད་དང་། བདེ་བ་ཆེན་པོའི་འཁོར་ལོ་རྣམས་བསྲེགས་
[227a.7]ཤིང་རང་འོད་ཀྱིས་འབར་རོ། །འདི་ལ་དོན་འདི་ཡིན་ཏེ། བཅོམ་ལྡན་འདས་མ་ཁྲག་གི་ངོ་བོ་གཏུམ་མོའི་རང་བཞིན། དཔལ་རྡོ་རྗེ་རྣལ་འབྱོར་མ་གྱེན་ལ་འགྲོ་བས་འབར་བ་ངེས་པར་འབྱུང་བའི་ཕྲ་མོའི་འོད་ཟེར་དཔག་ཏུ་མེད་པའི་ཚོགས་ཀྱིས་བ་སྤུའི་བུ་གའི་མཚམས་རྣམས་ཁྱབ་ཅིང་། དེ་དག་ལ་
[227b]
[227b.1]སྤྲོས་ནས་རྩ་དབུ་མའི་ལམ་དུ་གྱེན་ལ་འགྲོ་བས། ཆོས་དང་ལོངས་སྤྱོད་དང་སྤྲུལ་པའི་འཁོར་ལོ་བསྲེགས་པས་བདེ་བ་ཆེན་པོའི་འཁོར་ལོ་ཞུ་ནས་དེའི་ཁུ་བ་དང་རོ་གཅིག་པ་འོག་ཏུ་འཛག་པར་འགྱུར་བས། ཕུང་པོ་དང་ཁམས་དང་སྐྱེ་མཆེད་གསོ་བར་བྱེད་པ། ཕུང་པོ་ལ་སོགས་པ་སྒྲོ་བཏགས་པ་ཟིལ་
[227b.2]གྱིས་གནོན་ཅིང་། ཐབས་དང་ཤེས་རབ་རོ་གཅིག་པ་བདེ་བ་ཆེན་པོ་རྗེས་སུ་མྱོང་བའི་ངོ་བོ་ཉིད་ལྟེ་བར་གནས་པ་བསྒོམ་པར་བྱའོ། །ཡང་ན་འཆད་པར་འགྱུར་བའི་སྒོམ་གྱི་གོ་བར་བྱེད་པའི་ཚིགས་སུ་བཅད་པ་ནི་དེ་ལ་དང་པོར་བསོད་ནམས་ཀྱི་ཚོགས་ནི་དཔལ་རྡོ་རྗེ་རྣལ་འབྱོར་མའི་མཆོད་པའོ། །མཆོད་
[227b.3]པ་སྔོན་དུ་འགྲོ་བས་བསོད་ནམས་བསྦུས་པའི་ཕྱིར་རོ། །ཡེ་ཤེས་ཀྱི་ཚོགས་བསགས་པ་ནི་སྟོང་པ་ཉིད་བསྒོམ་པའོ། །དེ་བས་ན་སྟོང་ཉིད་སྙིང་རྗེའི་བདག་ཉིད་དོ། །དེ་ནས་ཁམས་གསུམ་རྣམ་པར་དག་པའི་ཆོས་འབྱུང་ཟུར་གསུམ་དབྱེར་མེད་པའི་བདག་ཉིད་ཡིན་པའི་ཕྱིར་རོ། །དེ་ལ་བརྟེན་པའི་
[227b.4]ལྷ་བསྒོམ་པ་ནི་བསྐལ་པའི་མེ་ལྟར་འབར་བའི་འོད་ནི་དྲག་པོ་དང་བཅས་པའི་སྒེག་པ་ལ་སོགས་པའི་རོ་དང་ལྡན་པའི་ལུས་འབར་བའི་ཕྲེང་བའི་རང་བཞིན་ཡིན་པའི་ཕྱིར་རོ་ཞེས་དོན་རྣམ་པ་བཞི་དང་ལྡན་པའི་ཚིགས་སུ་བཅད་པའོ། །ཕྱག་འཚལ་བའི་རྗེས་ལ་བློ་ཅན་གྱི་འཇུག་པའི་ཡན་ལག་གིས་བརྗོད་
[227b.5]པར་བྱ་བ་ལ་སོགས་པ་བརྗོད་ནས་མན་ངག་དང་བཅས་པའི་སྒྲུབ་ཐབས་བསྟན་པ་ཉེ་བར་གསུངས་པ་ནི་བླ་མ་ཞེས་པ་ལ་སོགས་པའོ། །དེ་ལ་སྒྲུབ་ཐབས་ཞེས་པ་ནི་བརྗོད་པར་བྱ་བའི་ཉེ་བར་བསྟན་པའོ། །གཞུང་གི་ཚོགས་ནི་བརྗོད་པའོ། །བླ་མ་ཞེས་པ་ལ་སོགས་པ་ནི་ཁོང་དུ་ཆུད་པའི་དགོས་པའོ། །
[227b.6]རྡོ་རྗེ་རྣལ་འབྱོར་མ་མངོན་དུ་བྱེད་པ་ནི་དགོས་པའི་དགོས་པའོ། །འགྲེལ་པ་ནི་བཤད་པར་བྱ་བ་དང་བཤད་པར་བྱེད་པའི་མཚན་ཅན་ནམ། ཐོས་པ་དང་ཐོས་པར་བྱེད་པའི་མཚན་ཉིད་ཤུགས་ལ་བཤད་པའོ། །བཤད་ཅེས་པ་ནི་བསྡུས་པའི་དོན་ཏོ། །ཡན་ལག་གི་རྡོ་རྗེ་བརྗོད་པ་ནི་བཤད་པ་ཞེས་འགྲེལ་
[227b.7]ཏོ། །སྒྲུབ་ཐབས་ནི་རྡོ་རྗེ་རྣལ་འབྱོར་མའི་ཕྱག་རྒྱ་ཆེན་པོའི་དངོས་གྲུབ་ཐོབ་པར་བྱེད་པའི་མཚན་ཉིད་ཀྱི་ལམ་མོ། །རང་ཉིད་ཀྱིས་ནི་རྫོགས་པ་ཡང་ཕྱིའི་དེ་ཉིད་ཀྱི་རབ་ཏུ་གསལ་བར་བྱ་བའི་ཕྱིར་བཤད་པར་བྱ་ཞེས་མ་འོངས་པ་བསྟན་པའོ། །སྒྲུབ་པའི་ཐབས་ཇི་ལྟ་བུ་ཞེ་ན། བླ་མ་རྡོ་རྗེ་སློབ་དཔོན་
[228a]
[228a.1]རྣམས་ཀྱི་བརྒྱུད་པའི་རིམ་པ་དེ་ལས་བྱུང་བའི་མན་ངག་གམ། དེའི་གྲུབ་མཐའ་དེ་ཁོ་ན་གང་གི་སྤྱོད་ཡུལ་དེ་ལ་དེ་སྐད་ཅེས་བྱའོ། །དེ་ནི་བླ་མ་དམ་པའི་བརྒྱུད་པ་ཉེ་བར་བསྟན་པའི་བརྡའི་དོན་གྱི་རང་བཞིན་གྱི་དོན་ཏོ། །ཡང་དེ་ཇི་ལྟ་བུ་ཞེ་ན། མཆོག་ནི་སྒྲུབ་ཐབས་ཐམས་ཅད་ཀྱི་སྙིང་
[228a.2]པོ་དོན་གྱི་མཆོག་ཡིན་པའི་ཕྱིར་རོ། །གང་གི་སྒྲུབ་ཐབས་ཞེ་ན། རྡོ་རྗེ་རྣལ་འབྱོར་མའིའོ། །དེའི་དོན་བཤད་ཟིན་ཏོ། །འོན་ཏེ་བདེ་མཆོག་སྡོམ་པ་རྒྱ་མཚོ་ལ་སོགས་པའི་རྒྱུད་ལས་བཅོམ་ལྡན་འདས་ཀྱིས་སྒྲུབ་ཐབས་འདི་རྒྱས་པར་བཤད་པ་མ་ཡིན་ནམ། དེས་ན་སྒྲུབ་ཐབས་གཞན་གྱིས་ཅི་ཞིག་བྱ་
[228a.3]ཞེ་ན། མདོར་བསྡུས་ཞེས་པ་ནི་སྙེང་པོའི་དོན་བསྡུས་པས་འདི་ནི་གདམས་ངག་དང་བཅས་པ་དང་། ཉུང་བ་དང་། སྙིང་པོའི་དོན་དང་ལྡན་པ་དང་བསྡུས་པའི་དོན་ཏོ། །ད་ནི་སྒྲུབ་པ་པོའི་མཚན་ཉིད་དང་སྒྲུབ་ཐབས་དང་། རིམ་པ་ཇི་ལྟ་བར་ཉེ་བར་བརྗོད་པ་ནི་དང་པོར་ཞེས་པ་ལ་སོགས་
[228a.4]པ་རེ་ཞིག་སྔགས་པས་གནས་དང་བདག་དང་། རྣལ་འབྱོར་ཀྱི་བསྲུང་བའི་སྔགས་དང་ལྡན་པས་སྟོང་ཉིད་དང་སྙིང་རྗེ་དབྱེར་མེད་པའི་ཡེ་ཤེས་ཀྱི་བདག་ཉིད་ཅན་གྱི་སྒྲུབ་པ་པོ་སྔགས་ཀྱི་ཁྲུས་ཀྱི་དག་པ་ནི་མ་ད་ནས་ཁྲུས་བྱའོ། །ཡང་ཇི་ལྟར་ཞེ་ན། བླ་མ་ནི་རྡོ་རྗེ་སློབ་དཔོན་ནོ། །སངས་
[228a.5]རྒྱས་ནི་སྤང་བྱ་དང་། བླང་བྱའི་དོན་ཐམས་ཅད་ཀྱི་དེ་ཉིད་རྟོགས་པའོ། །དེ་དག་ལ་ཐུན་མོང་མ་ཡིན་པའི་མོས་པ་དང་ལྡན་པའི་ཡིད་ཀྱིས་སོ། །སློབ་དཔོན་ལ་དད་པ་ཅན་གྱིས་དངོས་གྲུབ་ཐོབ་པར་འགྱུར་བའི་ཕྱིར་རོ། །དེ་སྐད་དུ་ཡང་། བཛྲ་ཨ་རལླི་ལས། རྒྱུད་དང་རྒྱུད་ལས་བདག་
[228a.6]གིས་བརྗོད། །དངོས་གྲུབ་རྣམས་ནི་མཆོག་ཞལ་མ། །བླ་མ་དགྱེས་ནས་ཐོབ་འགྱུར་ཕྱིར། །རྟག་ཏུ་བླ་མ་མཉེས་པར་བྱ། །ཞེས་པ་དང་། གཞུང་གཞན་དག་ལས་ཀྱང་། བླ་མ་སངས་རྒྱས་བླ་མ་ཆོས། །ཞེས་པ་ལ་སོགས་པའོ། །ཡང་ཇི་ལྟར་ཞེ་ན། བརྟན་པ་ནི་མི་ལྡོག་པ། གཟུང་
[228a.7]བ་ནི་བླངས་པ། བྱང་ཆུབ་ནི་སྟོང་ཉིད་སྙིང་རྗེའི་རང་བཞིན་བདེ་བ་ཆེན་པོའི་ངོ་བོ་ཉིད་ཡིན་ལ་སེམས་ནི་ཡིད་ཡིན་ནོ། །བྱང་ཆུབ་ལ་སེམས་བསྐྱེད་པས་ནི་ལམ་བདེ་བས་རྟོགས་པར་འགྱུར་རོ། །ཡང་དེ་ཇི་ལྟ་བུ་ཞེ་ན། དབང་ལ་སོགས་པས་ནི་སྐུ་གསུང་ཐུགས་ཀྱི་ཡེ་ཤེས་ཀྱི་དྲི་མ་བཀྲུས་
[228b]
[228b.1]པས་རྫོགས་པའི་དབང་བསྐུར་ཐོབ་པའི་དོན་ཏོ། །དེ་ཁོ་ན་ཉིད་ཀྱི་རྣལ་འབྱོར་མའི་རྒྱུད་བླ་ན་མེད་པ་ལ་དབང་བའི་ཕྱིར་རོ། །འདིས་སྒྲུབ་བ་པོའི་མཚན་ཉིད་གསུངས་སོ། །གཞུང་གཞན་ལས་ཀྱང་། དང་པོར་དད་པ་མཁས་པ་ཡིས། །རྣལ་འབྱོར་དབང་ཕྱུག་མ་ཉིད་ལ། །སྔགས་ལ་གྲུབ་པ་
[228b.2]མཁས་གྱུར་པས། །འཇིག་རྟེན་ཕན་པ་སྤྲོས་པའི་དབང་གྱུར་ཅིང་། །བླ་མ་མཆོག་ནི་ཞབས་ཀྱི་རྗེས་འབྲང་བ། །གཏི་མུག་བྱིང་དང་ལེ་ལོ་བྲལ། །དམ་ཚིག་གསུམ་དོན་སྒྲུབ་བྱེད་པ། །དག་ལྡན་ཡིད་ཀྱི་མཐའ་ཅན་གྱི། །ཆགས་ཞེན་རྟོག་པ་རྣམ་སྤང་བ། །འཁོར་བའི་བག་ཆགས་ཐབས་
[228b.3]ཀྱིས་རབ་ཞི་བ། །བདེན་པ་གཉིས་ཀྱི་ཡོངས་སུ་སྤྱོད་གོམས་པའི། །ལས་སུ་རུང་བའི་ཡིད་ཅན་བློ་དང་ལྡན། །ཐོས་པ་ཅན་དང་སློབ་དཔོན་དཔག་མེད་པ། །རྟོག་བྲལ་མཁའ་འགྲོ་མ་ལ་རབ་ཏུ་འདུད། །མཆོད་པའི་ལས་ལ་གོམས་པ་ཡིས། །བླ་མ་རྒྱལ་བ་རྡོ་རྗེ་ལྷ་མོ་ལ་མོས་ཅན། །ཁྱད་
[228b.4]པར་ཆོ་ག་མང་པོ་ཡི། །མན་ངག་ཆོ་ག་མ་ལུས་རིག་པ་ཅན། །བླ་མ་དམ་པ་བསྟེན་ལ་མཁས་གྱུར་མ། །རྗེས་གནང་ཐོབ་ཅིང་ཡན་ལག་དུལ་བའི་སྔགས་པ་ནི། ཞེས་སོ། །འདི་ལྟ་བུའི་སྔགས་པས་གང་དང་གང་བྱས་ནས་འཆད་པར་འགྱུར་བའི་ལས་བྱེད་ཅེ་ན། སྭ་བྷཱ་བ་ཞེས་པ་ནི་རང་བཞིན་
[228b.5]གྱིས་འོད་གསལ་བ་དངོས་པོ་མེད་པའི་བདག་ཉིད་དེ་གང་རྣམས་ཀྱི་ངོ་བོ་ཡིན་པ་དེ་ལ་དེ་སྐད་ཅེས་བྱའོ། །སརྦྚ་དྷརྨཱཿནི་ཆོས་རྣམས་སོ། །དེ་དག་ཀྱང་གང་ཡིན་ཞེ་ན། དེ་ལ་འཇིག་རྟེན་གྱི་ཆོས་རྣམས་ནི་ཕུང་པོ་ལྔ་དང་། སྐྱེ་མཆེད་བཅུ་གཉིས་དང་། ཁམས་བཅོ་བརྒྱད་རྣམས་སོ། །ལམ་གྱི་ཆོས་
[228b.6]རྣམས་ཉེ་བར་བསྟན་པ་ནི་དྲན་པ་ཉེ་བར་གཞག་པ་བཞི་དང་། ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་རྣམས་སོ། །འཇིག་རྟེན་ལས་འདས་པའི་ཆོས་རྣམས་ནི་བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་
[228b.7]པ་རྣམས་སོ། །སངས་རྒྱས་ཀྱི་ཆོས་རྣམས་ནི་སྟོབས་བཅུ་དང་། མི་འཇིགས་པ་རྣམས་སོ། །ཡང་ཇི་ལྟར་ཞེ་ན། དུར་ཁྲོད་ལ་སོགས་པ་ནི་རོས་བྱ་བ་བྱེད་པས་དུར་ཁྲོད་དེ། མགོ་མེད་པ་དང་། གྱེན་དུ་བཅིངས་པ་དང་། ཉལ་བ་དང་། རྩེ་གཅིག་པ་ལ་བཏགས་པ་རྣམས་ཀྱི་རིམ་པ་བཞིན་
[229a]
[229a.1]དུ་འགྲོ་བ་དང་། གནས་པ་དང་། ཉལ་བ་དང་བསྟེན་པར་དུར་ཁྲོད་ལ་སོགས་པས་རིའི་རྩེ་མོ་དང་། བྲག་ཕུག་དང་། ཤིང་གི་རྩ་བ་དང་ཆུའི་འགྲམ་དང་། ཆུ་བོ་གཉིས་ཕྲད་ས་དང་། དབང་ཕྱུག་ཆེན་པོའི་གནས་དང་། ཁང་སྟོང་དང་། སྐྱེད་མོས་ཚལ་དང་། འཁྲུག་པ་ཆེན་པོ་
[229a.2]བྱུང་བའི་སྡོད་ས་ལ་སོགས་པའོ། །དེ་ལ་དབེེན་པའི་གནས་སུ་འཇམ་པའི་གདན་རོ་ལངས་ལ་སོགས་པ་ལ། རྣལ་འབྱོར་གྱིས་རོལ་པ་ནི་སྟོང་པ་ཉིད་དང་སྙིང་རྗེ་ཟུང་དུ་འཇུག་པ། རྡོ་རྗེ་སྐྱིལ་ཀྲུང་གིས་གནས་པ། སྒལ་ཚིགས་དྲང་པོ་དང་། ཏིང་ངེ་འཛིན་གྱི་ཕྱག་རྒྱ་སྣ་རྩེ་ལ་བལྟ་བ་དང་། སྨྲ་བ་
[229a.3]བཅད་པ་དང་། སེམས་རྩེ་གཅིག་པའི་རོལ་པས་བསྡད་པའོ། །ཇི་ལྟར་ཞེ་ན། རབ་ཏུ་བསྔགས་པ་ཞེས་པ་ནི་གནས་པ་དང་ཉེ་བའི་གནས་པ་ལ་སོགས་པའི་ནང་ནས་གནས་རྣམ་པ་བཞི་སྟེ། ཛཱ་ལནྡྷ་ར་དང་། ཨུ་ཊྱན་དང་། པཱུརྞ་གི་རི་དང་། ཀཱ་མ་རུ་པའོ། །དེ་ལ་ཁྲོ་ཌི་ཡ་ནའི་དང་པོའི་ཡི་གེ་
[229a.4]ནི་ཟླ་བ་ཕྱེད་དང་ཐིག་ལེ་དང་བཅས་པས། ཨོཾ་ཀྱི་ཡི་གེ་ནི་རབ་ཏུ་བསྔགས་པའི་དོན་ཏོ། །ས་བོན་དེས་མཚོན་པས་གནས་ཨོ་ཌི་ཡ་ནའོ། །དེ་ལ་ཞལ་མངོན་པར་ཕྱོགས་པས་བདེ་བར་འགྱུར་བའི་དོན་ཏོ། །ཅིའི་ཕྱིར་ནུབ་ཕྱོགས་སུ་ཞལ་ལྟ་ཞེ་ན། ཨུ་རྒྱན་རྡོ་རྗེ་རྣལ་འབྱོར་མའི་ཞལ་ནས་སྒྲུབ་ཐབས་
[229a.5]འདི་བྱུང་བའི་ཕྱིར་དང་། དེ་ལ་དེ་ཡོད་པ་དང་། དེ་ལ་དད་པར་བྱེད་པ་རུང་བའི་ཕྱིར་རོ། །ཅིའི་ཕྱིར་འདུག་པར་བྱ་ཞེ་ན་རང་དང་གཞན་ཞེས་པ་ལ་སོགས་པ་ནི་རང་གི་ཕུན་སུམ་ཚོགས་པ་དེ་སྒྲིབ་པ་དང་བཅས་པའི་བག་ཆགས་གཉིས་སྤངས་ནས་ཕྱག་རྒྱ་ཆེན་པོའི་དངོས་གྲུབ་ཐོབ་པའོ། །
[229a.6]གཞན་གྱི་ཕུན་སུམ་ཚོགས་པ་ནི་རྩོལ་བ་མེད་པས་སེམས་ཅན་ཐམས་ཅད་སྨིན་པ་དང་གྲོལ་བ་ལ་སོགས་པའི་ལས་སོ། །ཡང་ན་རང་དང་གཞན་གྱི་ཕུན་སུམ་ཚོགས་པ་ནི་འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་གྱི་ཚོགས་སོ། །དེ་དག་མངོན་པར་མཆོད་པའི་ཆེད་དུའོ། །ཡང་
[229a.7]གང་ཞེ་ན། དེའི་རྗེས་སུ་ཞེས་པ་སྨོས་པ་ནི་འདུག་པའི་རྗེས་ལ་སྐུ་གསུང་ཐུགས་ཀྱི་ཀུན་ནས་རྟོག་པ་སྤངས་པའི་ཕྱིར། རྒུན་འབྲུམ་དང་། བུ་རམ་དང་། འབྲས་འདག་ལས་བྱུང་བའི་མ་ད་ན་རྣམ་པ་གསུམ་སྟེ། བདུད་རྩི་རྣམ་པ་ལྔ་དང་བཅས། པདྨའི་སྣོད་ལ་བླུགས་ནས་མངོན་པར་
[229b]
[229b.1]བསྔགས་པ་ནི་ཨོཾ་ཨཱཿཧཱུཾ་གི་ཡི་གེ་གསུམ་གྱིས་བྱིན་གྱིས་བརླབས་པར་བྱས་ནས་ཆུ་དེ་ཉིད་ནི་ལྷའི་ཆུས་ལག་པ་གཡོན་ནས་བརྩམས་ནས་ཡན་ལག་ནི་ལུས་ཐམས་ཅད། ཉིང་ལག་ནི་ལྟེ་བ་དང་། སྙིང་ག་དང་། མགྲིན་པ་དང་། མགོ་བོ་རྣམས་སོ། །ཡན་ལག་དང་ཉིང་ལག་སྟེ། ཐམས་ཅད་
[229b.2]ལ་སྔགས་ཀྱི་ཆུས་ཁྲུས་བྱའོ། །ལྷའི་རྫས་དེ་ཉིད་ཀྱིས་མཆོད་པའི་རྫས་ནི་མཆོད་པའི་ཆེད་དུ་རྫས་ཏེ། མེ་ཏོག་དམར་པོ་ལ་སོགས་པ་ལ་བསང་གཏོར་བྱའོ། །དེའི་རྗེས་ལ་ཞེས་བྱ་བ་ནི་བསང་གཏོར་གྱི་རྗེས་ལ་ལག་པ་གཡོན་པའི་སོར་མོ་རྣམས་དང་། ལག་པའི་མཐིལ་དུ་ཡང་གོ་བར་བྱའོ། །
[229b.3]དེ་ལ་ལག་པ་གཡོན་པའི་དབུས་དང་། མཐེའུ་ཆུང་དང་། སྲིན་ལག་དང་། གུང་མོ་དང་། སྡིགས་མཛུབ་དང་། མཐེ་བོ་རྣམས་ལ་རིམ་པ་ཇི་ལྟ་བར་ཕག་མོ་དང་། གཤིན་རྗེ་མ་དང་། རྨོངས་བྱེད་མ་དང་། སྤྱོད་བྱེད་མ་དང་། སྡིགས་བྱེད་མ་དང་། གཏུམ་མོའི་རང་བཞིན་
[229b.4]གྱིས་དམར་མོ་དང་། སྔོན་མོ་དང་། དཀར་མོ་དང་། སེར་མོ་དང་། ལྗང་གུ་དང་། དུ་བའི་མདོག་ཅན་ནོ། །ཨོཾ་བཾ་ཧཾ་ཡོཾ། ཧྲིཾ་མོཾ་ཧྲིཾཧྲིཾཧཱུཾ་ཧཱུཾ། ཕཊ་ཕཊ། ཅེས་པའི་ཡི་གེ་འདི་རྣམས་ཀྱིས་སྦྱངས་ཏེ། རྣལ་འབྱོར་མ་དྲུག་གི་ཚིག་གདགས་པར་བྱས་ཏེ། རྣལ་འབྱོར་མ་དྲུག་གི་ཡི་གེ་འདི་དག་
[229b.5]གི་སྔགས་དང་ལྷ་དབྱེར་མེད་པའི་ཕྱིར་སྔགས་འདི་རྣམས་ཁོ་ན་རྣལ་འབྱོར་མ་དྲུག་ཏུ་ལྷག་པར་མོས་ནས་ཡང་དག་པར་བྱ་ཞིང་མཆོད་པ་ལ་སོགས་པ་བྱའོ་ཞེས་གདགས་པར་བྱའོ། །ཡི་གེ་གསུམ་གྱིས་བྱིན་གྱིས་བརླབས་པའི་སྔགས་ཀྱི་ཆུས་བཀྲུས་པ་ཁོ་ན་ལུས་ངག་ཡིད་གསུམ་ཡོངས་སུ་དག་པའོ། །
[229b.6]འདི་ནི་འདི་ཁོ་ན་ཉིད་བསོད་ནམས་ཀྱི་ཚོགས་ཡོངས་སུ་བསགས་པའོ། །འགའ་ཞིག་ནི་གཞུང་གི་རིམ་པ་སྤངས་ནས་འདི་སྐད་དུ། ལྷའི་ཆུ་བྱིན་གྱིས་བརླབས་པའི་རྗེས་སུ་གཡོན་པའི་སོར་མོ་རྣམས་ལ་རྣལ་འབྱོར་མ་དྲུག་གི་སྔགས་ཀྱི་ཡི་གེ་རྣམས་བསྒོམས་ཤིང་ལྷའི་ཆུས་མཆོད་ནས་དེ་ཁོ་ནས་ལྟེ་བ་ལ་
[229b.7]སོགས་པའི་ཡན་ལག་དང་ཉིང་ལག་རྣམས་ལ་བསང་གཏོར་བྱའོ། །དེ་ནས་ལྷའི་ཆུ་དེ་ཁོ་ནས་མེ་ཏོག་ལ་སོགས་པ་ལ་བསང་གཏོར་བྱ་ཞིང་ལྷའི་ཆུ་དེ་ཉིད་ཀྱིས་གཡོན་པའི་སྲིན་ལག་གིས་ཆོས་འབྱུང་བྲིས་ལ་དེའི་དབུས་སུ་དཔལ་རྡོ་རྗེ་རྣལ་འབྱོར་མ་སྐད་ཅིག་གི་རྣམ་པས་བསྒོམས་ཏེ། མེ་ཏོག་ལ་སོགས་
[230a]
[230a.1]པས་མཆོད་ཅིང་ཕྱག་འཚལ་བ་ལ་སོགས་པ་ནས་བཏང་སྙོམས་ཀྱི་བར་དུ་བྱའོ། །འདི་ནི་སྐྱབས་སུ་འགྲོ་བ་ལ་སོགས་མི་དགོས་ཏེ། གང་ཟག་དབང་པོ་རབ་ཀྱི་ཡིན་པའི་ཕྱིར་རོ་ཞེས་ཟེར་རོ། །དེས་ན་འདི་ཉིད་རང་ཁོ་ན་དགེ་བའི་ཚོགས་སོ། །ད་ནི་བསོད་ནམས་ཀྱི་ཚོགས་ཀྱི་
[230a.2]རྗེས་ལ་ཡེ་ཤེས་ཀྱི་ཚོགས་བསགས་པའི་ཆེད་དུ་སྟོང་པ་ཉིད་ཀྱི་དོན་དུ་བསྒོམ་པ་ནི་དག་པ་གསུམ་ཞེས་པ་ལ་སོགས་པའོ། །དེ་ལ་འདིར་སྟོང་པ་ཉིད་ཇི་ལྟར་བསྒོམ་པ་ནི་ཆོས་ཐམས་ཅད་དངོས་པོ་མེད་པར་བསྒོམ་པ་ཉིད་ཀྱིས་ཐོག་མ་མེད་པ་ནས་བསགས་པའི་སྐྱེ་བོའི་རྒྱུ་ལས་བྱུང་བའི་དྲི་མ་དག་པས་
[230a.3]སོ་སོ་སྐྱེ་བོའི་ཕུང་པོར་འཛིན་པ་ཡོངས་སུ་སྤོང་བ་སྔོན་དུ་འགྲོ་བས་བསྐྱེད་རྫོགས་གཉིས་ཀྱིས་ལྷ་བསྒོམ་པར་བྱའོ། །འདིར་གང་གི་ཕྱིར་སྟོང་པ་ཉིད་བསྒོམ་པ་ནི་རིགས་པ་སྐབས་ཀྱིས་ཆོས་ཐམས་ཅད་ཀྱི་གཟུང་འཛིན་གྱིས་དབེེན་པའི་སེམས་གཅིག་པུའི་ངོ་བོ་རྣམས་ལ་རང་བཞིན་མེད་པ་ནི་སྟོང་པ་ཉིད་དོ། །
[230a.4]འདི་ལྟར་སྔོན་པོ་ལ་སོགས་པ་ཕྱི་རོལ་ཐམས་ཅད་དང་ནང་གི་མིག་ལ་སོགས་པ་རྣམས་ཀྱིས་སྒྲོ་བཏགས་པའོ། །གང་གི་ཕྱིར་སེམས་ལས་གཞན་བེེམས་པོ་རྣམས་ཐ་དད་མེད་དོ། །དེ་མེད་པས་འཛིན་པའང་མེད་དོ། །སེམས་གཅིག་པུ་ངོ་བོ་གཉིས་མི་འཐད་པའི་ཕྱིར་རོ། །འོན་ཏེ་སེམས་ཙམ་
[230a.5]བདེན་པར་གྱུར་ན་དེ་མ་ཡིན་ཏེ། ཆོས་ཐམས་ཅད་ཀྱི་ནང་དུ་འདུས་པས་དེ་ལ་ཡང་དངོས་པོ་མེད་པར་ཁོང་དུ་ཆུད་པའི་ཕྱིར་རོ། །གང་གི་ཕྱིར་ཆོས་རྣམས་དངོས་པོ་མེད་པ་སྟེ་དེའི་ཕྱིར་མ་སྐྱེས་པའོ། །དེ་ཉིད་ཀྱི་རང་བཞིན་གྱིས་སྒོ་བཏགས་པ་ཐམས་ཅད་ཀྱི་མུན་པ་དང་བྲལ་བས་འོད་གསལ་བའོ། །
[230a.6]གང་གི་ཕྱིར་དང་པོ་མ་སྐྱེས་པའི་ཕྱིར་རོ། །དང་པོ་སྐྱེས་ནས་ཕྱི་མར་གང་ལ་ཡང་རྣམ་པར་འཇིག་པ་དེ་མ་ཡིན་ནོ། །དེའི་ཕྱིར་ཆོས་རྣམས་གཞན་སྒྱུ་མ་ལ་སོགས་པ་བཞིན་དུ་དང་པོར་མ་སྐྱེས་པ་ཉིད་ཀྱི་དོན་དམ་པའི་དངོས་པོའི་སྟོང་པ་ཉིད་དེ་བཞིན་དུ་སེམས་ཡང་ངོ་། །རིགས་པས་མཚུངས་པའི་
[230a.7]ཕྱིར་རོ། །འདི་ནི་ད་ལྟ་བར་བསྟན་ནས་འདས་པ་དང་མ་འོངས་པ་གཉིས་ལ་ཡང་སྤྱིར་སྟོང་པ་ཉིད་ལ་བསྟན་ནས་སྟོང་པ་ཉིད་ལ་སོགས་པའི་ཏིང་ངེ་འཛིན་རྣམ་པར་ཐར་པའི་སྒོ་གསུམ་བསྟན་ཏོ། །དེ་བས་ན་དག་པ་གསུམ་བརྗོད་པར་བྱའོ་ཞེས་པ་ནི། ཨོཾ་གསུམ་གྱིས་རང་བཞིན་དང་། རྡོ་རྗེ་དང་རྣལ་
[230b]
[230b.1]འབྱོར་རྣམ་པ་གསུམ་གྱིས་ཡོངས་སུ་དག་པའི་སྔགས་གསུམ་བརྗོད་པར་བྱའོ། །དེ་ལ་རང་བཞིན་སྟོང་པ་ཉིད་ཀྱིས་དངོས་པོ་དང་དངོས་མེད་དང་། གཟུང་འཛིན་སྒོ་བཏགས་དང་བྲལ་བས་དྲི་མ་མེད་པའོ། །ཕུང་པོ་ལ་སོགས་པ་ཐམས་ཅད་དང་བདག་ཀྱང་དེ་བཞིན་ནོ། །ཆོས་ཐམས་ཅད་ཀྱི་ནང་དུ་
[230b.2]ཆུད་པའི་ཕྱིར་རོ། །རྡོ་རྗེ་ནི་སྟོང་པ་ཉིད་དེ། སྟོང་ཉིད་རྡོ་རྗེར་བརྗོད་པར་བྱ། །ཞེས་གསུངས་པའི་ཕྱིར་རོ། །དེ་བས་ན་མཚན་མ་མེད་པ་མ་ལུས་པ་སྒྲོ་བཏགས་པ་དང་བྲལ་བས་དག་པའོ། །རྣལ་འབྱོར་ནི་བྱང་ཆུབ་ཀྱི་སེམས་ཏེ། སྨོན་པ་དང་བྲལ་བས་དག་པའོ། །བདག་འཛིན་སྤང་དཀའ་
[230b.3]བའི་ཕྱིར་ཏེ། བདག་རང་བཞིན་གྱིས་དག་པ་ས་ལ་སོགས་པ་ཞེས་གསུངས་པའི་ཕྱིར་རོ། །སྔགས་གསུམ་གྱིས་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་རྣམ་པར་ཐར་པའི་སྒོ་རྣམ་པ་གསུམ་བཤད་དོ། །རང་བཞིན་གྱིས་ཡོངས་སུ་དག་ཀྱང་འདི་དག་གིས་གློ་བུར་དུ་དྲི་མ་སྤངས་པའི་
[230b.4]ཕྱིར་རོ། །དེའི་རྗེས་སུ་སྨོན་པ་སྔོན་དུ་འགྲོ་བས་སྙིང་རྗེ་ཆེན་པོས་སྟོང་པ་ཉིད་ལས་རབ་ཏུ་སད་ནས་ལྷའི་རྣམ་པས་བསྒོམ་སྐབས་སུ་བྱེད་གསུངས་པ་ནི། དེ་ལས་ཞེས་བྱ་བ་ལ་སོགས་པ་ནི་དེ་ལས་སྟོང་པ་ཉིད་ཀྱི་རྗེས་ལ་རང་གི་ལུས་ཁམས་གསུམ་སྟེ། ལུས་ངག་ཡིད་རྣམ་པ་གསུམ་དེས་ཡོངས་
[230b.5]སུ་དག་པར་གྱུར་པའི་གཞལ་ཡས་ཁང་དཀྱིལ་འཁོར་གྱི་ཕོ་བྲང་ཀྱང་དེ་ཡིན་པས་ཁམས་གསུམ་གྱིས་རྣམ་པར་དག་པའི་གཞལ་ཡས་ཁང་ངོ་། །ཁམས་གསུམ་ཀྱང་གཞལ་ཡས་ཁང་གིས་རྣམ་པར་དག་གོ །དེ་ནས་རང་གི་ལུས། ཁམས་གསུམ་འདི་དག་གཞལ་ཡས་ཁང་ལས་ཐ་དད་མ་ཡིན་
[230b.6]སྲོག་ཅན་རྣམས་འདི་རྒྱལ་བ་ཡིན། །འཁོར་ལོའི་དབང་ཕྱུག་བདག་ཡིན་མི་མིན་ཡུལ་དང་དབང་པོ་ལ་སོགས་མིན། །གཟུགས་སོགས་ཆོས་ཉིད་བདག་ཉིད་ཀྱིས་མིན་དཀྱིལ་འཁོར་ལས་བྱུང་འདི་རྣམས་ཡིན། །སྣ་ཚོགས་དཀྱིལ་འཁོར་ཀུན་ནས་ཤེས་ཤིང་མ་བཅོས་དཀྱིལ་འཁོར་བོར་ནས་བཏགས་
[230b.7]པའི་དཀྱིལ་འཁོར་ཅི་སྟེ་བསྒོམ། །ཞེས་དུས་ཀྱི་འཁོར་ལོ་ལས་བཤད་དོ། །ཁམས་གསུམ་རྣམ་པར་དག་པའི་གཞལ་ཡས་ཁང་དུ་ལྷག་པར་མོས་པ་སྟེ། སྐད་ཅིག་ཙམ་གྱིས་ས་བོན་དང་ཕྱག་མཚན་ལ་མི་ལྟོས་པར་ལྟེ་བའི་དཀྱིལ་འཁོར་ལ་དཔལ་རྡོ་རྗེ་རྣལ་འབྱོར་མ། རྣལ་འབྱོར་པ་ཡིས་རྟག་ཏུ་བསྒོམ། །
[231a]
[231a.1]ཞེས་འབྲེལ་ཏེ་དེ་ཇི་ལྟ་བུ་ཞེ་ན། ཕྱག་གཉིས་པ། གཡས་པས་གྲི་གུག །གཡོན་པས་ཐོད་པ་འཛིན་པ། དབུ་སྐྲ་གྲོལ་བ། ཐུར་དུ་འཕྱང་བ། གཅེར་བུ་བ། ཞལ་གཉིས་པ་སྤྱན་གསུམ་པ། ལང་ཚོ་ཞེས་པ་ནི་ལོ་བཅུ་གཉིས་ལོན་པ་ལྟ་བུ་ཡིད་དུ་འོང་བའོ། །ཕྱག་རྒྱ་ལྔ་ནི་
[231a.2]འཁོར་ལོ་དང་། སྙན་ཆ་དང་། མགུལ་རྒྱན་དང་། ལག་གདུབ་དང་། སྐ་རགས་རྣམས་ཀྱིས་བརྒྱན་པའོ། །སངས་རྒྱས་ལྔ་ཞེས་པ་ནི་ཐོད་པ་ལྔས་དབུ་ལ་བརྒྱན་པའོ། །སྐྱིལ་ཀྲུང་ཕྱེད་པ་ཞེས་པ་ནི་བརླ་གཡོན་པའི་ཐད་ཀར་གཡས་པའི་ཞབས་ཀྱི་རྩེ་གཞག་པའོ། །ཟླ་བ་ནི་བརྡའི་སྐད་ཀྱིས་རོའོ། །
[231a.3]དེའི་སྟེང་དུ་ཉི་མའི་དཀྱིལ་འཁོར་རོ། །མེ་ཞེས་པ་ནི་ཆོས་འབྱུང་གྲུ་གསུམ་སྟེ། སྟེང་དུ་རྒྱས་པ་འོག་ཏུ་ཕྲ་མོའོ། །དཀྱིལ་འཁོར་ཞེས་པ་ནི་ཟླ་བ་དང་། ཉི་མ་དང་མེའི་དཀྱིལ་དུ་གནས་པའོ། །ཛ་བ་སིནྡྷུ་ར་དང་མཚུངས་ཞེས་པ་ནི་ཨོ་ཌའི་མེ་ཏོག་དང་། སིནྡྷུ་ར་ཉིད་དམར་པོ་དང་འདྲའོ། །ལྷ་མོ་
[231a.4]ཞེས་པ་ནི་རང་གི་ཕུན་སུམ་ཚོགས་པ་ལ་རྩེ་བར་འགྱུར་བས་ལྷ་མོའོ། །ཞལ་གཉིས་ཞེས་བྱ་བ་ནི་གཡས་ཕག་གདོང་ངོ་། །གཡོན་པ་ཁྲོ་བོའི་རོ་དང་ལྡན་པས་ཁྲོ་མོའོ། །ཞལ་གཉིས་ཀྱི་རྣམ་པར་དག་པ་ནི་ཀུན་རྫོབ་ཅེས་པ་ལ་སོགས་པ་ནི་བདེན་པ་གཉིས་ཀྱི་རྣམ་པར་དག་པ་ཞལ་གཉིས་སོ། །
[231a.5]གནས་སྐབས་ཀྱི་དག་པ་གཞན་བརྗོད་པར་བྱ་བ་ནི་རྡོ་རྗེ་ཕག་མོ་ནི་རྡོ་རྗེ་སེམས་དཔའ་རྣམ་པར་དག་པའམ། རྣམ་པར་སྣང་མཛད་ཀྱིས་སོ། །དེ་བཞིན་ཉིད་ཀྱི་རྣམ་པར་དག་པས་རྡོ་རྗེ་ཕག་མོའོ། །བདེན་པ་གཉིས་ཀྱི་རྣམ་པར་དག་པས་ཞབས་གཉིས་དང་ཕྱག་གཉིས་སོ། །ཁམས་གསུམ་
[231a.6]ལ་མི་དམིགས་པར་བསྟན་པའི་དོན་དུ་རྣམ་པར་དག་པས་རྡོ་རྗེའི་སྐྱིལ་ཀྲུང་ཕྱེད་པའོ། །ཐམས་ཅད་དུ་སྒྲོ་མ་བཏགས་པའི་སྙིང་རྗེ་ཆེན་པོ་ལ་ཆགས་པའི་རྣམ་པར་དག་པས་གདན་ལ་མཐེ་བོང་ཅུང་ཟད་རེག་པའོ། །མངོན་པར་ཤེས་པ་དྲུག་གི་རྣམ་པར་དག་པས་སྤྱན་དྲུག་གོ། །ལོག་པར་ལྟ་བ་མངོན་པར་སྤོང་
[231a.7]བས་ཁྲོ་མོའི་ཞལ་ལོ། །གཏི་མུག་རྣམ་པར་དག་པས་ཕག་ཞལ་ལོ། །དབང་གི་ལས་དང་སྙེང་རྗེའི་རྣམ་པར་དག་པས་དམར་བའོ། །གཉིས་སུ་མེད་པའི་དེ་ཉིད་ཆོས་ཀྱི་ཕུང་པོ་བརྒྱད་ཁྲིའི་སྤྲོ་བའི་རྣམ་པར་དག་པས་དབུ་སྐྲ་གྲོལ་བའོ། །མེ་ལོང་ལྟ་བུ་ལ་སོགས་པའི་ཡེ་ཤེས་ལྔའི་རྣམ་པར་དག་
[231b]
[231b.1]པས་དཔྲལ་བར་རྡོ་རྗེའི་ཕྲེང་བའོ། །རིགས་ལྔའི་རྣམ་པར་རྟོག་པ་དག་པས་ཐོད་པ་ལྔའོ། །དེ་བཞིན་གཤེགས་པ་ལྔའི་རྣམ་པར་དག་པས་འཁོར་ལོ་ལ་སོགས་པའི་ཕྱག་རྒྱ་ལྔའོ། །རྡོ་རྗེ་སེམས་དཔའི་རྣམ་པར་དག་པས་ཐལ་བའོ། །ཨཱ་ལི་ཀཱ་ལིའི་རྣམ་པར་དག་པས་མི་མགོ་ལྔ་བཅུའི་དོ་ཤལ་ལོ། །
[231b.2]དངོས་པོ་དང་དངོས་པོ་མེད་པའི་རྣམ་པར་དག་པས་གྲི་གུག་གོ། །བྱང་ཆུབ་ཀྱི་སེམས་ཀྱི་རྣམ་པར་དག་པས་ཁ་ཊྭཱཾ་གའོ། །བདེ་བ་ཆེན་པོའི་སྙིང་རྗེའི་རོ་རྣམ་པར་དག་པས་སམ་བདུད་བཞི་བཅོམ་པའི་རྣམ་པར་དག་པས་ཐོད་པ་ཁྲག་གིས་བཀང་བའོ། །དེ་བཞིན་གཤེགས་པའི་དེ་བཞིན་ཉིད་དང་འགྲོ་བ་
[231b.3]མ་ལུས་པའི་དེ་བཞིན་ཉིད་དབྱེར་མེད་པར་བསྟན་པའི་ཕྱིར་འཁོར་བར་གནས་པའི་ཉེས་པས་མ་གོས་པའི་རྣམ་པར་དག་པས་ཆུ་སྐྱེས་ཀྱི་གདན་ནོ། །ཞི་བ་ལ་སོགས་པའི་ཕྲིན་ལས་ཐམས་ཅད་ཀྱི་རྣམ་པར་དག་པས་སྣ་ཚོགས་པདྨའོ། །སེམས་ཅན་མ་ལུས་པའི་རྒྱུད་ཀྱི་མ་རིག་པའི་མུན་པ་རྣམ་པར་
[231b.4]འཇོམས་པར་བྱེད་པ་དང་། མི་དགེ་བའི་འདམ་སྐེམས་པར་བྱེད་པ་དང་། བྱང་ཆུབ་ཀྱི་སེམས་ཀྱི་མྱུ་གུ་རྣམ་པར་སྨིན་པར་བྱེད་པའི་ཤེས་རབ་ཀྱི་རྣམ་པར་དག་པས་ཉི་མའི་དཀྱིལ་འཁོར་གྱི་གདན་ནོ། །དངོས་པོ་མེད་ཅིང་གཉིས་སུ་མེད་པའི་དེ་ཉིད་ལ་ཉེས་པ་བསལ་བའི་རྣམ་པར་དག་པས་རོའི་གདན་
[231b.5]ནོ་ཞེས་རྟེན་དང་བརྟེན་པའི་རྣམ་པར་དག་པའོ། །ད་ནི་དམ་ཚིག་སེམས་དཔའི་ལྷ་མོ་རྫོགས་པའི་རྗེས་སུ་ཇི་ལྟར་བྱ་ཞེ་ན། བླ་མའི་མན་ངག་ཅེས་པ་ལ་སོགས་པ་གསུངས་པ་ནི། བླ་མའི་མན་ངག་ཁོ་ན་ལམ་མོ། །དེས་དངོས་གྲུབ་རྗེས་སུ་འབྲང་བའི་ཕྱིར་རོ། །རིམ་པ་ཞེས་པ་ནི་བསྒོམ་མོ། །
[231b.6]རྒྱས་པ་ནི་མང་བའོ། །དེ་ཡང་འདི་ལྟ་སྟེ། ལྟེ་བའི་ཆུ་སྐྱེས་དང་ཉི་མ་ལ་གནས་པའི་འོད་ཟེར་དམར་པོ་རབ་ཏུ་འབར་བའི་བཾ་གྱི་ཡི་གེ་ལས་འཕྲོས་པའི་འོད་ཟེར་དམར་པོ་ལྕགས་ཀྱུ་ལྟ་བུས་ཡེ་ཤེས་ཀྱི་རྣལ་འབྱོར་མ་དགུག་ཅིང་དྲང་བའི་ཕྱག་རྒྱ་དང་ཕེཾ་བརྗོད་པས་དགུག་ཅིང་བདག་ཉིད་ལ་རབ་ཏུ་གཞུག་
[231b.7]གོ། །ལྟེ་བ་ལ་སོགས་པར་ཨོཾ་བཾ་ཞེས་པ་ལ་སོགས་པའི་སྔགས་ཀྱི་ཡི་གེ་བསྐྱེད་ཅིང་ཡི་གེ་གསུམ་གྱིས་བྱིན་གྱིས་བརླབས་ཏེ། ཡེ་ཤེས་ཀྱི་ལྷ་མོ་དང་ལྷན་ཅིག་ཏུ་འོངས་པའི་རྡོ་རྗེ་རྣལ་འབྱོར་མ་རྣམས་ཡེ་ཤེས་ཀྱི་བདུད་རྩིས་བཀང་བའི་ཐོད་པ་དང་ཌ་མ་རུ་འཛིན་པ་རྣམས་ཀྱིས། ཇི་ལྟར་བལྟམས་པ་
[232a]
[232a.1]ཙམ་གྱིས་ནི། །ཞེས་པ་ལ་སོགས་པའི་ཚིགས་སུ་བཅད་པ་བརྗོད་ཅིང་ཕྱག་གཡོན་ན་གནས་པའི་ཐོད་པ་ཅུང་ཟད་སྨད་པས་ཡེ་ཤེས་ཀྱི་བདུད་རྩིའི་རྒྱུན་གྱིས་དབང་བསྐུར་ཞིང་བདེ་བ་ཆེན་པོའི་རང་བཞིན་དུ་བདག་ཉིད་རྣམ་པར་བསྒོམས་ལ། ཆུ་ལྷག་མ་ལས་ཡོངས་སུ་རྫོགས་པའི་རང་
[232a.2]གི་སྤྱི་བོར་རྡོ་རྗེ་སེམས་དཔའ་འམ་རྣམ་པར་སྣང་མཛད་བསྒོམ་པར་བྱའོ། །ཨོཾ་སརྦྦ་ཏ་ཐཱ་ག་ཏ་ཨ་བྷྲི་ཥེ་ཀ་ཏ་ས་མ་ཡ་ཤྲི་ཡེ་ཧཱུཾ་ཧཱུཾ་ཕཊ། ཅེས་བརྗོད་པར་བྱའོ། །དེ་ནས་མཆོད་པའི་ལྷ་མོ་རྣམས་ཀྱིས་མཆོད་ཅིང་རྐང་པ་བརྒྱད་པའི་སྔགས་ཀྱིས་བསྟོད་དོ། །འོད་ཟེར་ཀྱིས་བསྐུལ་བའི་སེམས་ཅན་
[232a.3]རྣམས་ཀྱིས་ཕྱག་བྱ་བ་དང་། བསྟོད་པ་བྱ་བ་དང་། གསོལ་བ་གདབ་པར་བདག་ཉིད་ལྷག་པར་མོས་ཏེ། དེ་ནས་ཆོ་ག་ཇི་ལྟར་བྱས་པས་བདུད་རྩི་སྦྱངས་ལ་ཧཱུཾ་དཀར་པོ་ལས་བྱུང་བའི་རྡོ་རྗེ་རྩེ་གཅིག་ཏུ་གྱུར་པའི་ལྗགས་ཀྱི་འོད་ཟེར་འཇག་མའི་བུ་ག་ལྟ་བུ་ཅན་གྱིས་སམ། ཡིད་ཀྱིས་བཀུག་ནས་ཆགས་པ་
[232a.4]མེད་པ་དེ་བཞིན་གཤེགས་པ་ཐམས་ཅད་ཀྱི་བདག་ཉིད་དུ་གྱུར་པའི་དཔའ་བོ་དང་དཔའ་མོ་དབང་ཕྱུག་མའི་གཟུགས་སུ་བདག་ཉིད་ལྷག་པར་མོས་ཤིང་བདུད་རྩི་མྱང་བར་བྱའོ། །དེས་བདེ་བ་ཅན་གྱི་སེམས་ཅན་ཏིང་ངེ་འཛིན་ལ་གནས་པར་འགྱུར་བར་རིག་པ་ཡིན་པའི་ཕྱིར་རོ། །གདན་ལ་སོགས་པ་
[232a.5]ཡང་དཀྱིལ་འཁོར་གྱི་དེ་ཉིད་བདེན་པ་གཉིས་ཀྱིས་བརྟག་པར་བྱའོ། །དེའི་རྗེས་སུ་དངོས་གྲུབ་ཐམས་ཅད་མྱུར་དུ་རྫོགས་པར་བྱ་བའི་སེམས་བརྟན་པར་འདོད་པའི་རྣལ་འབྱོར་པའི་བསྒོམ་གསུངས་པ་ནི། དེ་ཡི་པདྨའི་ནང་དུ་ནི། །ཞེས་པ་ལ་སོགས་པ་ནི་རྡོ་རྗེ་རྣལ་འབྱོར་མ་དེའི་པདྨའི་ནང་དུ་གནས་
[232a.6]པའི་འཁོར་ལོ་ཟུར་གསུམ་པ་ཆོས་འབྱུང་བསྒོམ་པར་བྱའོ་ཞེས་ལྷག་པར་བཤད་པར་བྱའོ། །འཁོར་ལོ་དེ་ཇི་ལྟ་བུ་ཞེ་ན། དོན་ཀུན་ནི་འཇིག་རྟེན་དང་འཇིག་རྟེན་ལས་འདས་པའི་མངོན་པར་འདོད་པའོ། །དེ་དག་གི་སྒྲུབ་བྱེད་ནི་ཡོངས་སུ་རྫོགས་པར་སྦྱིན་པར་བྱེད་པའི་ཕྱིར་རོ། །དོན་ཀུན་བསྒྲུབ་སྦྱིན་ནི་
[232a.7]འདོད་པའི་དོན་ལ་མ་ལུས་པར་རྫོགས་པར་བྱེད་པའི་གནས་པ་ཞེས་བྱ་བའི་དོན་ཏོ། །ཡང་ཇི་ལྟ་བུ་ཞེ་ན། ཡོན་ཏན་གསུམ་བརྒྱན་མཚན་གནས་སུ། །ཞེས་པ་ནི་ལ་ལ་ནཱ་དང་། ར་ས་ནཱ་དང་ཨ་བ་དྷཱུ་ཏཱིའི་རྩ་རྣམས་ནི་སྙིང་སྟོབས་དང་། རྡུལ་དང་མུན་པའི་རང་བཞིན་ནོ། །རང་བཞིན་དེ་དག་གིས་རྣམ་
[232b]
[232b.1]པར་བརྒྱན་པའི་དོན་ཏོ། །ཡང་ཇི་ལྟ་བུ་ཞེ་ན། མཚན་གནས་སུ་ཤེས་པ་ནི་ཕྱག་རྒྱ་ཆེན་པོའི་བདག་ཉིད་ཆོས་ཐམས་ཅད་སྐྱེད་པའི་གནས་སུ་གྱུར་པའི་རྐྱེན་ཡིན་པའི་ཕྱིར་རོ། །ཡང་ཇི་ལྟ་བུ་ཞེ་ན། ཁ་དོག་དམར་པོ་ཞེས་པ་ནི་ཛ་བའི་མེ་ཏོག་ལས་ཀྱང་ཤིན་ཏུ་དམར་བའོ། །དེའི་ཕྱིར་འོད་ཆེན་ནི་འབར་
[232b.2]ཞིང་ཤིན་ཏུ་གསལ་བའོ། །ཡང་འཁོར་ལོ་ནི་ཇི་ལྟ་བུ་ཞེ་ན། སྔགས་ཀྱིས་ཡི་གེ་ཡོངས་སུ་རྫོགས། །ཞེས་པ་ནི་མན་ངག་གིས་བཾ་དབུས་སུ་ཡོད་པ་ལ་གོ་བར་བྱའོ། །རྡོ་རྗེ་རྣལ་འབྱོར་མའི་རྩ་སྔགས་ཀྱིས་ཇི་ལྟར་ཡོངས་སུ་གང་བའི་དབུས་སུ་གྱེན་དུ་ལངས་པའི་སྔགས་ཀྱི་ཕྲེང་བས་ཡོངས་སུ་གང་བ་ཞེས་བྱ་
[232b.3]བའི་དོན་ཏོ། །ཡང་ཇི་ལྟ་བུ་ཞེ་ན། བསྐོར་ཞེས་པ་ནི་རྫ་མཁན་གྱི་འཁོར་ལོ་བཞིན་དུ་ཤུགས་དྲག་པའི་ཞེས་བྱ་བའི་དོན་ཏོ། །ཇི་ལྟ་བུར་འཁོར་ལོ་བསྒོམ་པར་བྱ་ཞེ་ན། སྲིན་པོ་ཞེས་བྱ་བ་ལ་སོགས་པ་ནི་སྲིན་པོ་གཏུམ་མོ། དུས་ཀྱི་མེའི་རང་བཞིན་གྱི་ཕུང་པོ་ལྔ་པོ་མི་དམིགས་པའི་བདག་ཉིད་བཟའ་
[232b.4]བར་རུང་བ་དང་མཚུངས་པའི་ཕྱིར་སྲིན་པོའོ། །དེའི་ཞལ་ནི་རྩོལ་རུང་ངོ་། །དེའི་ལམ་ནི་གྱེན་དུ་དྲངས་ནས་སུ་ཞེས་སོ། །ཡང་ཇི་ལྟ་བུ་ཞེ་ན། རྣམ་འོད་ཅེས་བྱ་བ་ལ་སོགས་པ་ནི་རྣམ་འོད་དབྱིག་གཉེན་ནི་གཏུམ་མོ་སྟེ་མེའི་ངོ་བོ་ཡིན་པའི་ཕྱིར་རོ། །གཏུམ་མོ་དེ་རབ་ཏུ་འབར་བས་སོ། །འདིར་
[232b.5]བསྡུས་པའི་དོན་ནི་སེམས་བརྟན་པར་བྱེད་པའི་དོན་དུ་རྣལ་འབྱོར་པས་ལྟེ་བ་དང་། སྙིང་ག་དང་། མགྲིན་པ་དང་། བདེ་བ་ཆེན་པོའི་འཁོར་ལོར་གནས་པའི་མདུད་པའི་བུ་ག་རྣམས་ལ། ཨོཾ་ཧཱུཾ་སཾ་ཧཾ་ཞེས་པའི་ཡི་གེ་རྣམས་རྣམ་པར་བལྟས་ལ། གསང་བའི་འཁོར་ལོ་གནས་པའི་རླུང་དང་མེས་
[232b.6]བསྐྱོད་པའི་གཏུམ་མོའི་ངོ་བོ་ཉིད་སཾ་གི་སྣེཡི་གེ་འབར་བའི་འོད་ཟེར་གྱིས་འཛག་པར་གྱུར་བའི་ཧཾ་ལ་སོགས་པའི་ཡི་གེ་གསུམ་དང་ལྷན་ཅིག་ཏུ་དབྱེར་མེད་པའི་ཨོཾ་གྱི་ཡི་གེ་ལྷན་ཅིག་ཏུ་སྐྱེས་པའི་དགའ་བའི་རང་བཞིན་ཐིག་ལེར་གྱུར་པར་རྣམ་པར་བསྒོམ་ཞིང་སྒོམ་པ་ཡོངས་སུ་སྨིན་པར་ལྷག་པར་མོས་ནས།
[232b.7]ཨོཾ་དེ་ཁོ་ན་ལས་འོད་ཟེར་གྱི་རེ་ཁཱ་ཕྲ་མོ་འབར་བ་གཅིག་ཏུ་གྱུར་པར་གནས་པར་བལྟའོ། །དེའི་མཐུས་བདུད་རྩིའི་གོང་དུ་འཛག་པར་འགྱུར་བས་ཁྱབ་བདག་ཕེབས་པར་འགྱུར་ཞིང་འོད་ཟེར་གྱིས་རེ་ཁཱ་དེ་ཡང་བསིལ་བར་འགྱུར་ཏེ། དེ་ནས་ཐིག་ལེ་ལ་སེམས་རྩེ་གཅིག་པས་བལྟ་བར་བྱའོ། །ཇི་སྲིད་
[233a]
[233a.1]དུ་རྟགས་རྣམས་ཀྱིས་ཀྱང་བརྟན་པ་རྙེད་པ་ཉེ་བར་མཚོན་པར་བྱའོ། །བརྟན་པ་རྙེད་ནས་འོད་ཟེར་གྱི་རི་མོ་དེའི་སྣང་བ་སྣ་ཚོགས་གསལ་བར་འགྱུར་བར་རྣམ་པར་བསམས་ལ། སྐྱུ་རུ་ར་ལག་མཐིལ་དུ་བཞག་པ་བཞིན་དུ་ཐམས་ཅད་མཐོང་བར་འགྱུར་རོ། །ཏིང་ངེ་འཛིན་ཐམས་ཅད་ཀྱང་
[233a.2]མྱུར་དུ་རྫོགས་པར་འགྱུར་རོ་ཞེས་པ་ནི་ཐིག་ལེའི་རྣལ་འབྱོར་རོ། །དེའི་རྗེས་སུ་ཕྲ་བའི་རྣལ་འབྱོར་སྒོམ་པར་བྱེད་པའི་ཐབས་ཀྱི་མཆོག་གསུངས་པ་ནི་ཕག་གདོང་ཞེས་པ་ལ་སོགས་པ་ནི་ཕག་གདོང་ལས་མཐོ་གང་གིས་སྟེང་དུ་གཡུང་དྲུང་ཡོངས་སུ་འཁོར་བར་བལྟས་ནས་འཁོར་ལོ་བསྒོམ་པར་བྱའོ། །
[233a.3]དེ་བཞིན་དུ་འཛག་པར་འགྱུར་བའི་ཧཾ་ལ་སོགས་པའི་ཡི་གེ་རྣམས་རོ་གཅིག་ཏུ་གྱུར་པའི་ལྷན་ཅིག་སྐྱེས་པའི་དགའ་བའི་རང་བཞིན་བྱང་ཆུབ་སེམས་ཀྱི་ཐིག་ལེ་ཡུངས་འབྲུ་ཙམ་སྐད་ཅིག་མས་སྐྱེས་པའི་རྣལ་འབྱོར་མ་དང་བཅས་པ་རྡོ་རྗེའི་ནོར་བུའམ། པདྨའི་ཟེ་འབྲུའི་རྩེ་མོ་ལ་བཞག་ནས་དམིགས་པར་
[233a.4]བྱའོ། །ཇི་སྐད་བཤད་པ་བརྟན་པར་གྱུར་ན་རྟགས་མཐོང་ལ། རྡོ་རྗེ་ཕག་མོ་ལ་སོགས་པ་རྣལ་འབྱོར་མའི་དཀྱིལ་འཁོར་སྤྲོ་བར་བྱའོ་ཞེས་པ་ནི་ཕྲ་མོའི་རྣལ་འབྱོར་རོ། །ཁ་ཅིག་ནི་རྣམ་པར་རྟོག་པའི་ཉོན་མོངས་ཀྱིས་གནོད་པར་འགྱུར་བའི་སེམས་རྒྱུད་ཅན་གཡུང་དྲུང་བསྒོམ་པར་བྱའོ། །དེ་
[233a.5]ནས་སེམས་ཏིང་ངེ་འཛིན་ལ་གནས་པའི་གསང་བའི་གནས་སུ་འཁོར་ལོ་འཁོར་བར་བལྟའོ་ཞེས་ཟེར་རོ། །ཡང་འགའ་ཞིག་ནི་གཡུང་དྲུང་བསྐོར་བར་མཐོང་ནས་སྲིན་པོའི་ཞལ་ཅུང་ཟད་བསྡམས་པས་རྣམ་འོད་དབྱིག་གཉེན་འབར་བ་ནས་འཁོར་ལོ་སྒོམ་ཞེས་ཟེར་རོ། །འདི་ལྟ་སྟེ། གཡུང་
[233a.6]དྲུང་ལ་སེམས་བརྟན་པར་གྱུར་ན་སྲོག་རྩོལ་གྱི་རླུང་བརྟན་པར་འགྱུར་རོ། །རྩོལ་རླུང་བརྟན་པར་གྱུར་ན་དེས་བསྐྱོད་པའི་གཏུམ་མོས་ཧཾ་ལ་སོགས་པའི་ཡི་གེ་ལས་ཐ་མི་དད་པའི་བདུད་རྩི་བབ་པས་གསང་བའི་འཁོར་ལོ་དེ་ཡང་ལྷན་ཅིག་སྐྱེས་པའི་དགའ་བའི་རང་བཞིན་ཐིག་ལེར་གྱུར་པ་སྒོམ་པར་
[233a.7]བྱའོ། །དེ་སྐད་དུ་ཡང་སྒྲུབ་ཐབས་ཆེན་པོ་ལས། དེ་ཡི་རྗེས་ལ་མཁས་ཅན་ཁམས་སུ་ནི། །སྒང་གསུམ་རི་བོ་ཡི་ནི་སུལ་ནང་དུ། །འཁོར་ལོ་དམར་པོ་རབ་ཏུ་འབར་བ་ནི། །མྱུར་བར་སྔར་བཤད་ལྟ་བུར་འཁོར་བར་བསྒོམ། །ལྷག་པའི་ཤུགས་ཀྱིས་བརྟན་པ་ལྟར་གནས་ཤིང་། །རླུང་མེད་
[233b]
[233b.1]མི་གཡོ་མར་མེ་ལྟར་གསལ་ཏེ། །བདེ་བ་ཆེན་པོའི་འཁོར་ལོར་བཞུགས་བྱས་ནས། །བདུད་རྩིའི་ཐིག་ལེ་ཟགས་པས་ཁྲུས་བྱས་ཏེ། །ཞེས་པ་ནས་ཕྱག་རྒྱ་ཆེན་པོ་ཐོབ་པར་འགྱུར་བ་ཡིན། །ཞེས་པའི་བར་དུ་བཤད་པའོ། །འདི་ལྟ་བུ་རྣམ་པར་བསྒོམས་པའི་རྣལ་འབྱོར་པ་ལ་ཅི་གྲུབ་པར་འགྱུར་ཞེ་ན།
[233b.2]ཕྱག་རྒྱ་ཞེས་པ་ལ་སོགས་པ་ནི་དགའ་བ་ལ་འགྲོ་བས་སམ་སྤྲོས་པ་ཐམས་ཅད་དང་བྲལ་བས་སྟོང་པ་ཉིད་ཡོངས་སུ་དག་པའི་ཕྱིར་རོ། །ཕྱག་རྒྱ་གཉིས་ནི་གཡུང་དྲུང་དང་འཁོར་ལོའོ། །དེ་ལ་མཐར་ཐུག་པའི་སྦྱོར་བ་ནི་གཉིས་སུ་མེད་པའི་ཡེ་ཤེས་སོ། །ཡང་ན་སྲིན་པོའི་ཞལ་ཅུང་ཟད་བསྡམས་པ་
[233b.3]དང་། རྣམ་འོད་དབྱིག་གཉེན་རབ་ཏུ་འབར་བས་ཕྱག་རྒྱ་གཉིས་སོ། །ཡང་ན་བདེ་བ་ཆེན་པོའི་འཁོར་ལོ་དང་སྤྲུལ་པའི་འཁོར་ལོ་གཉིས་ལ་བདེ་བ་ཆེན་པོའི་རོས་ཕྲད་པ་ནི་ཕྱག་རྒྱ་གཉིས་ཀྱིས་རབ་སྦྱོར་རོ། །དེས་ཁམས་གསུམ་སྐུ་གསུམ་དུ་འགྲུབ་པ་ནི་རྫོགས་པར་འགྱུར་རོ། །ཡང་གི་ཚིག་
[233b.4]གིས་དངོས་གྲུབ་ཕྲ་མོ་སྨོས་ཅི་དགོས། འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་ཐོབ་པར་འགྱུར་རོ་ཞེས་བྱ་བའི་དོན་ཏོ། །འོན་ཏེ་བསྐྱེད་རིམ་ཙམ་ལ་གནས་པས་དངོས་གྲུབ་ཐོབ་པར་འགྱུར་རོ་ཞེས་ཟེར་ན། སྐད་ཅིག་གིས་ཞེས་བྱ་བ་ལ་སོགས་པ་ནི་ས་བོན་
[233b.5]དང་ཕྱག་མཚན་ལ་སོགས་པ་མེད་པས་སྐད་ཅིག་ནི་ཅིག་ཅར་རོ། །རྣམ་པ་ནི་ལྷའི་རྣམ་པའོ། །དེའི་རྣལ་འབྱོར་ནི་སྟོང་པ་ཉིད་དང་། སྙིང་རྗེ་ཟུང་དུ་འཇུག་པའོ། །བདག་ཉིད་ནི་ངོ་བོ་གང་ལ་ཡོད་པ་དེ་སྐད་ཅིག་རྣམ་པའི་རྣལ་འབྱོར་པ་བདག་གོ། །རྣལ་འབྱོར་པ་ནི་གཉིས་སུ་མེད་པའི་ཡེ་ཤེས་
[233b.6]དང་ལྡན་པས་འགྲུབ་པར་འགྱུར་བ་ནི་ཕྱག་རྒྱ་ཆེན་པོའི་དངོས་གྲུབ་ཐོབ་པར་འགྱུར་རོ། །རྣམ་གཞན་མིན་ཞེས་བྱ་བ་ནི་རྫོགས་རིམ་མེད་པ་ཞེས་བྱ་བའི་དོན་ཏོ། །འདི་ལྟ་སྟེ། རིམ་པ་གཉིས་ནི་ཡང་དག་རྟེན། །རྡོ་རྗེ་ཅན་གྱིས་ཆོས་བསྟན་ཏོ། །བསྐྱེད་པའི་རིམ་པ་དང་རྫོགས་པའི་རིམ་པར་
[233b.7]གནས་པའི་རྣལ་འབྱོར་པས་ཕྱག་རྒྱ་ཆེན་པོའི་དངོས་གྲུབ་མྱུར་དུ་ཐོབ་པར་འགྱུར་རོ་ཞེས་པ་ནི་བསྒོམ་གྱི་ཆོ་གའོ། །སྔགས་བཏུ་བ་ནི་གོ་སླའོ།། །།དེ་ནས་གཏོར་མ་བཤད་པར་བྱ་བ་ནི། གཅེར་བུ་ཞེས་པ་ལ་སོགས་པ་ནི་གཅེར་བུ་སྐྲ་གྲོལ་བས་སྔར་བཤད་པའི་ནུབ་ལ་སོགས་པའི་ཕྱོགས་
[234a]
[234a.1]སུ་བལྟ་ཞིང་མན་ངག་ཇི་ལྟ་བར་བྱིན་གྱིས་བརླབས་ནས་གཏོར་མ་བཏང་ཞེས་འགུགས་ནས་བཤད་པར་བྱའོ། །འདི་ནི་ཡཾ་ལས་བསྐྱེད་པའི་རླུང་གི་འཁོར་ལོའི་སྟེང་དུ་རཾ་ལས་བསྐྱེད་པའི་མེའི་དཀྱིལ་འཁོར་དེའི་སྟེང་དུ་ཀ་ལས་བྱུང་བའི་མི་མགོ་གསུམ་ལ། ཨ་ལས་བྱུང་བའི་པདྨའི་སྣོད་
[234a.2]ཀྱི་བདུད་རྩི་ལྔ་དང་། སྒྲོན་མ་ལྔ་དང་། ཧ་ཧོ་ཧྲིཿའི་ཡི་གེ་རྣམས་ཀྱི་ཐ་མལ་པའི་མདོག་དང་། དྲི་དང་ནུས་པ་སྤངས་ནས་རླུང་གིས་བསྐྱོད་པའི་མེ་འབར་བས་བདུད་རྩི་ལྔ་ལ་སོགས་པ་ཞུ་ནས་འོ་མ་དང་སིནྡྷུ་ར་འདྲེས་པ་བཞིན་དུ་བལྟས་ནས་བཾ་ལས་སྐྱེས་པ་ཁ་ཊྭཱཾ་ག་མགོ་ཐུར་དུ་བསྟན་པས་དཀྲུགས་ནས་ཞུ་
[234a.3]ཞིང་དེའི་འོག་ཏུ། ཨོཾ་ཨཱཿཧཱུཾ། བསྒོམས་པའི་འོད་ཟེར་གྱིས་རྒྱ་མཚོ་ལ་སོགས་པའི་བདུད་རྩི་ཡང་བཀུག་པར་བྱས་ལ། གྲུབ་པའི་དངུལ་ཆུ་ལྟར་བདུད་རྩི་ཡང་རབ་ཏུ་གྲུབ་ལ། ཡི་གེ་གསུམ་གྱིས་འདོད་པ་ཇི་ལྟ་བར་བྱིན་གྱིས་བརླབས་ནས། སྔགས་དང་ཕྱག་རྒྱས་བཀུག་པའི་རྡོ་རྗེ་རྣལ་འབྱོར་མ་
[234a.4]ལ་སོགས་པའི་ཚོགས་མདུན་དུ་བཞག་ཅིང་ཡང་དག་པར་མཆོད་དེ། ཧཱུཾ་དཀར་པོ་ལས་རྡོ་རྗེའི་ལྗགས་ཀྱི་བུ་ག་དང་ལྡན་པའི་རྡོ་རྗེ་མཁའ་འགྲོ་མ་ལ། ཨོཾ་བཛྲ་ཌཱ་ཀི་ནཱི། ཨི་མཾ། བ་ལིཾ། གྲྀཧྞ་གྲྀཧྞ་ཧཱུཾ་ཕཊ། ཨོཾ་ཛཿཧཱུཾ་བཾ་ཧོཿ། ས་མ་ཡ་སྟྭཾ་དྲྀ་ཤྱ་ཧོཿ། ཞེས་པའི་སྔགས་འདིས་སོ། །མཁའ་
[234a.5]འགྲོ་མ་ལ་སོགས་པ་ལ་ནི། ཨོཾ་བཛྲ་ཨ་རལླི་ཧོཿཛཿཧཱུཾ་བཾ་ཧོཿ། བཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོཿ། ཞེས་པ་འདིས་ལན་གཅིག་གམ་གཉིས་སམ་གསུམ་མམ་བཞིའམ་ལྔ་བརྗོད་པར་བྱའོ། །དེ་ནས་དུར་ཁྲོད་བརྒྱད་ལ་གནས་པའི་ཕྱོགས་སྐྱོང་རྣམས་ལ་དབུལ་བ་ནི། ཨོཾ་ཁ་ཁ་ཁཱ་ཧི་ཁཱ་ཧི།
[234a.6]སསྦ་ཡཀྵ་རཱཀྵ་ས། བྷཱུ་ཏེ། པྲེ་ཏ། པི་ཤཱ་ཙ། ཨུནྨཱ་དཀུཥྵྨཱ་ཎྚ། ཨ་བ་སྨཱ་ར། ཌཱ་ཀིནྱ་ད་ཡ། ཨི་མཾ་བ་ལིཾ། གྲྀཧྞ་ཏུ། ས་མ་ཡཾ་རཀྵན་ཏུ། མ་མ་སྦྦ་སིདྡྷིམྨེ། པྲ་ཡཙྪན་ཏུ། ཡ་ཐཻ་བཾ། ཡ་ཐེཥྚཾ། བྷུ་ཉྫ་ཐ། པི་པ་ཐ། མཱ་ཏི་ཀྲ་མ་ཐཱ། མ་མ་སརྦྦ་ཀརྟ་ཡ་སཧྥུ་ཁ། བི་དྲྀ་དྷ་
[234a.7]ཡེ། ས་ཧ་ཡི་ཀ་བྷ་བནྡྲ། ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་པ་འདི་ལན་བདུན་བརྗོད་པས་དབུལ་ལོ། །བདུད་རྩི་མྱངས་ནས་བདེ་བ་ཆེན་པོ་ཐོབ་པར་འགྱུར་བའི་རྡོ་རྗེ་རྣལ་འབྱོར་མ་ལ་སོགས་པའི་ལྷ་རྣམས་བསྒོམ་པར་བྱའོ། །དེས་ན་རང་གི་ས་བོན་ལས་བྱུང་བའི་མཆོད་པའི་ལྷ་མོ་རྣམས་ཀྱིས་ཡང་དག་
[234b]
[234b.1]པར་མཆོད་ཅིང་རྐང་པ་བརྒྱད་པའི་སྔགས་ཀྱིས་བསྟོད་དེ་འདོད་པའི་དངོས་གྲུབ་ལ་གསོལ་བ་བཏབ་ནས་ལྷག་ཆད་ལ་སོགས་པའི་ཉེས་པ་སྤངས་ནས་བཟོད་པར་གསོལ་ཏེ། སྲིན་ལག་དང་མཐེ་བོང་གིས་སེ་གོལ་གཏོགས་ཤིང་ཨོཾ་བཛྲ་མུཿ། ཞེས་བརྗོད་པས་སེ་གོལ་གཏོགས་ཤིང་དཀྱིལ་འཁོར་བདག་ཉིད་
[234b.2]ཀྱི་ས་བོན་ལ་བསྟིམ་པར་བྱའོ། །བཅོམ་ལྡན་འདས་མའི་གཏོར་མའོ། །དམ་ཚིག་ཅེས་པ་ནི་འགལ་བར་མི་བྱ་བའི་ཕྱིར་དམ་ཚིག་ནི་སྲོག་གཅོད་པ་ལ་སོགས་པ་ཁ་ན་མ་ཐོ་བའི་ལས་སྡོམ་པའོ། །ཡང་དམ་ཚིག་ནི་ཤེས་རབ་མ་བསྟེན་པ་ལས་བྱུང་བའི་དགའ་བ་བཅུ་དྲུག་གི་ཐིག་ལེའི་བདག་ཉིད་ཀྱི་རོ་
[234b.3]གཅིག་ཏུ་གྱུར་ནས་རྡོ་རྗེ་ནོར་བུ་རབ་ཏུ་འཇུག་པ་ནི་ཚངས་པར་སྤྱོད་པའོ། །ཡང་དམ་ཚིག་ནི་དགའ་བ་བཅུ་དྲུག་གི་ཐིག་ལེ་དེ་ཉིད་འཛག་པར་མི་འགྱུར་བའི་ཚུལ་ཁྲིམས་ཀྱི་རང་བཞིན་ནོ། །དེ་ཇི་ལྟར་ཞེ་ན། རྡོ་རྗེ་ནོར་བུ་ལས་གྱེན་དུ་གསང་བ་དང་། ལྟེ་བ་དང་། སྙིང་ག་དང་། མགྲིན་པ་དང་། དཔྲལ་
[234b.4]བའི་ཟེ་འབྲུས་འདྲེན་པ་ནི་གསང་བའི་དམ་ཚིག་གོ། །བཟའ་བ་ནི་གོ་ཀུ་ད་ཧ་ན། སྒྲོན་མ་ལ་སོགས་པ་ཆོ་ག་ཇི་ལྟ་བུས་བདུད་རྩིར་བསྒྱུར་བའི་བཟའ་བའོ། །དམ་ཚིག་ཉམས་པ་ལ་གླད་གཟེར་དང་མཛེ་ནད་ལ་སོགས་པ་ནད་རྣམ་པ་སྣ་ཚོགས་འབྱུང་བར་འགྱུར་རོ། །དམ་ཚིག་གཉིས་བསྲུངས་པ་ཁོ་ནས་
[234b.5]དངོས་གྲུབ་འགྲུབ་པར་འགྱུར་རོ།། །།རྡོ་རྗེ་ཕག་མོ་ཕྱག་འཚལ་ནས། །ཚེས་བཅུའི་ཆོ་ག་རྒྱས་པ་རུ། །སྒྲུབ་པ་པོ་ལ་ཕན་པའི་ཕྱིར། །སྟོབས་ཆེན་རབ་ཏུ་བརྗོད་པར་བྱ། །ཉོན་མོངས་དྲ་བས་རྣམ་གཅོད་པའི། །མར་གྱི་ཚེས་བཅུ་ངེས་པ་སྟེ། །ཤཱཀྱ་སེང་གེ་སྔར་བྱང་ཆུབ། །སྙིང་པོ་
[234b.6]བྱང་ཆུབ་ཐོབ་པར་འགྱུར། །དང་པོའི་སངས་རྒྱས་མ་དང་གར། །མར་གྱི་ཚེས་བཅུར་སངས་རྒྱས་གྱུར། །མང་པོ་སྨྲས་པས་ཅི་ཞིག་བྱ། །དེ་ཀུན་དེ་བཞིན་གཤེགས་ལས་འབྱུང་། །ལུ་ཨི་བི་རཱུ་ཁྱེལ་སོགས་རྣམས། །གྲུབ་ཐོབ་གྲུབ་ཉིད་ཐོབ་པར་འགྱུར། །ཚེས་བཅུ་དེ་ཉིད་དེས་ན་དེ། །ཚེས་བཅུ་
[234b.7]མཚུངས་མེད་བསོད་ནམས་ཅན། །དེ་ལ་བསམ་གཏན་བཟླས་བརྗོད་པ། །དེ་བཞིན་གཏོར་མ་སྦྱིན་སྲེག་གོ། །མཐའ་མེད་འབྲས་བུ་བསྟན་པ་ནི། །སྲོད་ལ་ཁྱད་པར་འཕགས་པས་སུ། །དཔའ་བོ་རྣལ་འབྱོར་མ་འཁོར་ལོ། །གཞོན་ནུའི་འཁོར་ལོ་གཅིག་པུའམ། །གྲུབ་ཐོབ་རིམ་པའི་ཆོ་ག་ཡིས། །
[235a]
[235a.1]མཆོད་ན་དངོས་གྲུབ་ཐོབ་པར་འགྱུར། །རྣལ་འབྱོར་རོལ་པས་རབ་ཞུགས་པའི། །རིམ་གྱིས་ཐིམ་པའི་རླུང་སེམས་ཀྱིས། །སེམས་ཀྱི་སྤྲོས་པ་ཚེས་བཅུ་སྟེ། །རང་རིག་ཚེས་བཅུར་རབ་ཏུ་གྲགས། །བླ་མ་མན་ངག་གིས་གནས་པའི། །མི་ཤིགས་པ་ཡི་སྒྲ་ལས་བྱུང་། །ལྷན་སྐྱེས་ཚེས་
[235a.2]བཅུ་ཚིག་ཏུ་བཤད། །སྲོག་གི་རྣལ་འབྱོར་ཚེས་བཅུ་ཡིན། །དབུ་མའི་ལམ་དུ་རོལ་པ་ཡིས། །གཏུམ་མོ་གྱེན་དུ་འགྲོ་བ་སྟེ། །སྤྱི་བོར་འཁོར་ལོ་ཀུན་ནས་གནོད། །ལུས་ཀྱི་ཚེས་བཅུ་དྲན་པ་ཡིན། །དེ་ནས་ཚེས་བཅུར་ཏིལ་དང་ནི། །སྐྱུ་རུ་ར་དང་ཡུངས་འབྲུ་སྟེ། །བཀྲུས་ནས་སྒྲུབ་པོ་
[235a.3]མཉམ་གཞག་ནས། །མཆོད་པའི་བྱེ་བྲག་འགྲུབ་པར་འགྱུར། །གསང་འདུས་ལ་སོགས་རིམ་པ་ཡིས། །རང་རང་ཡི་དམ་མཆོད་པར་བྱ། །ཁྱད་པར་དུ་ནི་སྲོད་ལ་སྟེ། །སྒྲུབ་པོས་དེ་ཉིད་བསྒོམ་པར་བྱ། །རང་གིས་རྟོགས་པར་བཤད་པའམ། །གྲུབ་ཐོབ་ལམ་གསུངས་གཏོར་མ་འབུལ། །
[235a.4]སྤྱི་ཡི་རིམ་པ་རབ་ཏུ་བཤད། །ད་ནི་ཁྱད་པར་བརྗོད་པར་བྱ། །ཡར་གྱི་ཚེས་བཅུར་མཆོད་སྦྱིན་གཉིས། །མར་ངོར་སྦྱིན་སྲེག་མཆོད་པ་གཉིས། །སྟོན་ཟླ་ཐ་ཆུངས་ཚེས་བཅུ་ལ། །གྲུབ་ཐོབ་བརྒྱུད་པའི་དཔའ་བོ་རྣམས། །སྤོབས་པའི་རང་བཞིན་སེམས་ལྡན་ལ། །ཆང་གི་མཆོག་གིས་མཆོད་པར་བྱ། །
[235a.5]ཀུནྡའི་མེ་ཏོག་རབ་བརྒྱུས་པའི། །མེ་ཏོག་དམར་པོས་མཆོད་པར་བྱ། །ཡིད་ཀྱི་བཟླས་པར་རོལ་པ་ནི། །ས་འོག་ལ་ནི་དམིགས་གྱུར་པ། །མར་ངོར་ཏིལ་ལ་དམར་པོ་ཡིས །ནནྟི་ནི་ཡི་ཁུ་བས་སྤངས། །དང་པོའི་སྲོད་ལ་སྦྱིན་སྲེག་བྱ། །དབེེན་པའི་གནས་སུ་བསྒོམ་གནས་སོ། །དགུན་ཟླ་ར་བར་
[235a.6]སྣམ་བུའམ། །རས་བལ་འབྱུང་གོས་དབུལ་བར་བྱ། །མེ་ཏོག་སེར་པོ་རབ་བརྒྱུས་པའི། །མེ་ཏོག་དམར་པོའི་ཕྲེང་བས་མཆོད། །ཉིང་ལག་རོལ་པས་བཟླས་པ་དང་། །ས་སྟེང་ས་འོག་རྗེས་འབྲངས་པའི། །ཟླ་བ་མར་ངོ་ཏིལ་ནག་གི། །ལྷག་པར་གོང་བཞིན་སྦྱིན་སྲེག་བྱ། །གོང་བཞིན་འབྲིང་
[235a.7]པོར་བ་དམར་དང་། །ཀེཾ་ཀི་ར་ཏས་འདྲེས་མཆོད་པ། །གོང་བཞིན་དུ་ནི་སྤྱད་པར་བྱ། །གསང་སར་ཚིག་གིས་བཟླས་པ་དང་། །མི་ཡི་འཇིག་རྟེན་གནས་རོལ་ནི། །ཟག་པ་ཀུན་ནས་རྣམ་འཇིག་པ། །དེ་བཞིན་ཏིལ་ཀར་སྦྱིན་སྲེག་ནི། །མཚན་ཕྱེད་དག་ལ་ཡང་དག་སྤྱོད། །དགུན་ཟླ་ཐ་ཆུངས་མར་
[235b]
[235b.1]ཚེས་བཅུར། །ཞོ་ནི་དྲི་ཞིམ་དབུལ་བར་བྱ། །གསེར་གྱི་སྙེ་མ་མེ་ཏོག་འདྲེས། །མཆོད་པ་སྔར་བཞིན་སྤྱད་པར་བྱ། །ཡིད་ཀྱིས་བཟླས་པ་རོལ་པ་ནི། །སྨིན་མཚམས་གནས་ལ་གནས་གྱུར་པའི། །མར་ངོ་ཡི་ནི་ཚེས་བཅུ་ལ། །པྲི་ཡང་ཀུ་ནི་སྦྱིན་སྲེག་ནི། །དང་པོའི་ཐུན་ལ་དྲན་པ་ཡིན། །དཔྱིད་
[235b.2]ཟླ་ར་བའི་མར་ངོ་ལ། །བུ་རམ་བཅའ་སྒ་དབུལ་བར་བྱ། །པ་ཊ་ལ་ཡི་མེ་ཏོག་འདྲེས། །མེ་ཏོག་དམར་པོས་མཆོད་པ་དང་། །བཟླས་པས་འོག་མིན་རབ་གནས་པའི། །རོལ་པ་དྲག་པོའི་རོ་དང་བཅས། །མར་ངོར་ལ་ཕུག་ས་བོན་གྱིས། །ཐོ་རས་ཐུན་ལ་སྦྱིན་སྲེག་བྱ། །དཔྱིད་ཟླ་འབྲིང་པོར་ཡར་ཚེས་བཅུར། །
[235b.3]ཨ་ཤོ་ཀ་ནི་དམར་པོ་ཡིས། །དེ་བཞིན་རྣལ་འབྱོར་མཆོད་པར་བྱ། །ཚིག་གིས་བཟླས་དང་རོལ་པ་ནི། །རབ་ཏུ་མི་གནས་གནས་གྱུར་པ། །ཀ་ར་དང་བཅས་མ་ཧེའི་ཞོ། །དྲི་མ་མེད་པ་སྦྱིན་པར་བྱ། །མར་ངོར་མེ་ཏོག་སུ་མ་ཀའི། །སྦྲང་རྩི་མར་བཅས་སྦྱིན་སྲེག་བྱ། །དཔྱིད་ཟླ་ཐ་ཆུངས་ཡར་ངོ་ལ། །
[235b.4]ཀ་ར་བཱི་ར་མ་ལུས་མཆོད། །ཡིད་ཀྱིས་བཟླས་དང་རོལ་པ་ནི། །རི་རབ་སྐྱོད་བྱེད་མཆོག་གྱུར་པ། །རྐེད་དཀྲེས་ཡོངས་སུ་གྱོན་ནས་སུ། །གཡོགས་པའི་གོས་ཕྲ་སྦྱིན་པར་བྱ། །མར་ངོ་མར་དང་འདྲེས་པ་ཡི། །གུ་གུལ་གྱི་ནི་སྦྱིན་སྲེག་བྱ། །དབྱར་ཟླ་ར་བའི་ཡར་ངོ་རུ། །མར་མེ་རླུང་སྨན་
[235b.5]བཙོས་ཏིལ་མར། །མེ་ཏོག་དམར་པོས་རབ་བརྒྱུས་པའི། །སྙེ་མའི་མེ་ཏོག་རྣམས་ཀྱིས་མཆོད། །གསང་བའི་བཟླས་དང་རོལ་པ་ནི། །སྟོང་ཉིད་ལམ་ནི་མཐོང་བྱེད་མ། །མར་ངོ་འོ་ཐུག་མར་དང་བཅས། །རྟག་པར་དེས་ནི་སྦྱིན་སྲེག་བྱ། །དབྱར་ཟླ་འབྲིང་པོ་ཡར་ངོ་ལ། །ཀ་ར་བཱི་རས་མཆོད་
[235b.6]པར་བྱ། །ཚིག་གིས་བཟླས་དང་རོལ་པ་ནི། །ཉིང་ལག་ཀུན་དུ་བལྟ་བར་བྱ། །སྦྲང་རྩིས་བཀང་བའི་འཁར་སྡེར་དང་། །ཡང་ན་རལ་གུ་དབུལ་བར་བྱའོ། །མར་ངོ་གྲུབ་པའི་རྗེས་བཅས་པའི། །འབྲས་ཡོས་ཀྱིས་ནི་སྦྱིན་སྲེག་བྱ། །དབྱར་ཟླ་ཡར་ངོར་ཛ་བ་དང་། །བནྡྷུ་མ་དང་ཡནྟིམ་
[235b.7]མཆོད། །རྣལ་འབྱོར་བཟླས་དང་རོལ་པ་ནི། །སྣ་ཡི་རྩ་བར་རབ་གཟིགས་པ། །གདུགས་དང་གཙུག་ཏོར་དཀར་པོའམ། །པྲ་ཚིལ་བྱུགས་པའི་རས་སྦྱིན་བྱ། །མར་ངོ་ནས་ཀྱིས་སྦྱིན་སྲེག་བྱ། །ཏིལ་མར་མར་དཀར་འདྲེས་པས་སོ། །སྟོན་ཟླ་ར་བར་ཙམ་པ་ཀ །ནཱ་ག་གེ་སར་ཆུ་སྐྱེས་དང་། །ཨུཏྤལ་
[236a]
[236a.1]ཀུ་མུ་ད་ཡིས་མཆོད། །རང་གིས་ཐོས་བཟླས་རོལ་པ་ནི། །ནམ་མཁའི་སྐར་མ་དམིགས་པར་བྱ། །ཙུ་ན་ཙུ་ག་ལྷམ་ཞོ་ཆུ། །རབ་ཏུ་གྲགས་པ་སྦྱིན་པར་བྱ། །མར་ངོར་དྲུར་བ་མར་བཅས་པའི། །སྦྱིན་སྲེག་ཚེས་ཀུན་ཕན་པར་གྲགས། །སྟོན་ཟླ་འབྲིང་པོའི་ཡར་ཚེས་བཅུར། །
[236a.2]ཨིནྡི་བ་ར་དམར་པོས་མཆོད། །དྲི་ཞིམ་མདོག་བཟང་མེ་ཏོག་གིས། །ཡི་དམ་ལྷ་ནི་མཉེས་པར་བྱ། །གསང་སར་བཟླས་པ་ཚིག་བརྗོད་བྱུང་། །རོ་མ་རྐྱང་མ་དང་བཅས་པའི། །ཕྱག་རྒྱ་རི་རབ་རྣམ་འཇིག་པ། །ཡོངས་སུ་གྲགས་པར་ཤེས་པར་བྱ། །རྣལ་འབྱོར་གོས་དང་རྣལ་འབྱོར་དབྱུག །
[236a.3]རྣལ་འབྱོར་བསྒོམས་ཐབས་ཁོ་ན་ཉིད། །སྔོན་དུ་བཤད་གཟུགས་བླ་མ་ཡིས། །ཡང་དག་ཏིང་འཛིན་གནས་པས་དབུལ། །མར་ངོར་དྲི་ཞིམ་རྫས་རྣམས་ནི། །མར་བཅས་ཨ་ཀ་རུ་བསྲེག་བྱ། །ཏིལ་རྣམས་དང་ནི་གྲུབ་པའི་རྫས། །ཐམས་ཅད་དག་པ་ཐམས་ཅད་སྦྱོར། །པ་ལ་ཤ་དང་
[236a.4]ཨརྐ་དང་། །ཀསྨི་ར་དང་པ་ཏྲ་དང་། །ཨུ་དུམྺཱ་ར་ཁ་དི་ར། །པ་ལཀྭ་དང་ཨ་ཤྭདྠ། །ཀ་པེད་དཱུར་བ་ཥ་ན་རྣམས། །སྟོན་ཟླ་ཐ་ཆུངས་ལ་སོགས་སུ། །ཡམ་ཤིང་འདི་རྣམས་རིམ་པས་བསྲེག །ཡང་ན་ཇི་ལྟར་རྙེད་པས་སུ། །གྲུབ་པའི་རྫས་དང་བཅས་པ་ཡི། །ཐམས་ཅད་ཀུན་ལ་
[236a.5]བསྲེག་པར་བྱ། །དངོས་གྲུབ་ཡིད་དུ་འོང་འདོད་པས། །སྐྱེས་པའམ་ནི་བུད་མེད་ཀྱིས། །དཔའ་བོའི་ཕྱེ་མ་དང་བཅས་པའི། །འཁར་བའི་སྣོད་དུ་སྦྱིན་པར་བྱ། །རྣལ་འབྱོར་དངོས་གྲུབ་བསྒྲུབ་པ་དང་། །བདུད་འདུལ་ཕྱིར་ནི་སོ་རྩིས་དབུལ། །བུ་འདོད་ཕྱིར་ནི་དགའ་བ་ཡིས། །ཆང་ནི་སྦྲང་རྩི་
[236a.6]འདྲེས་པ་འབུལ། །གང་དང་གང་དུ་ཁྱད་པར་འདོད། །ཁྱད་པར་འཕགས་པ་གང་ཡིན་པ། །མི་ཟད་འབྲས་བུ་འདོད་པ་ཡི། །དེ་དེར་ཚེས་བཅུར་དབུལ་བར་བྱ། །དེར་ནི་གསང་བའི་སྦྱིན་པ་ནི། །སྦྱིན་པ་ཀུན་གྱི་མཆོག་གི་མཆོག །སེམས་ཀྱི་རྣམ་རྟོག་ལས་བྱུང་བ། །དགའ་མཛད་རྣམ་པ་ཇི་སྙེད་
[236a.7]པ། །སྒྲུབ་པ་པོས་ནི་མྱོང་གྱུར་པ། །དེ་དག་དངོས་གྲུབ་ས་བོན་འགྱུར། །དེ་ཕྱིར་གསང་བའི་སྦྱིན་པ་ནི། །དོན་ཀུན་སྒྲུབ་བྱེད་ཁྱད་པར་འགྱུར། །ཟླ་མཚན་མྱོང་བ་དངོས་གྲུབ་ལ། །མ་རྒྱས་པ་ཡི་རྣལ་འབྱོར་ལ། །དར་མས་སྡིག་པ་ཟད་བྱེད་མ། །སངས་རྒྱས་ཆོས་རྣམས་འཕེལ་འགྱུར་མ། །
[236b]
[236b.1]གང་ལ་གང་དག་འདོད་འགྱུར་མ། །དེ་ལ་དེ་ལྟར་སྦྱིན་པར་བྱ། །གང་གིས་ཟླ་མཚན་བྱུང་བ་ཡི། །སྐྱེ་བ་གང་དུ་སྦྱིན་བྱས་པ། །འདས་པའི་སྐྱེ་བ་བཅུ་ཐམ་པ། །ཁྱབ་བདག་དེས་ནི་སངས་རྒྱས་འགྱུར། །སྐྱེ་བ་དགུ་ལ་ལཱུ་ཡི་པ། །བི་རཱུ་པ་ཡང་དགུ་ལས་བྱུང་། །སྐྱེ་བ་ལྔ་ལ་ཤ་བ་རི། །སྐྱེ་བ་
[236b.2]དྲུག་ལ་དཱ་རི་ཀའོ། །མང་པོས་ཅི་བྱ་ཐམས་ཅད་ནི། །གྲུབ་ཐོབ་རྣམས་ནི་ཐོབ་པར་འགྱུར། །མར་ངོའི་ཚེས་བཅུར་ཟླ་མཚན་ཅན། །སྦྱིན་པར་རབ་ཏུ་ནུས་པ་ནི། །གྲུབ་ཐོབ་གྲུབ་མཐའི་ཕྲེང་བ་རུ། །གཏམ་ནི་རྒྱས་པར་བརྗོད་པ་ཡིན། །ཁྭ་དའི་སྐད་ནི་མི་གྲག་པར། །ཚེས་བཅུར་སྒྲོལ་
[236b.3]མའི་ཡི་གེ་བཅུ། །བྱ་རོག་མ་ཡིན་ཕྱག་རྒྱར་གནས། །ཏིང་ངེ་འཛིན་གྱིས་སྔགས་བཟླས་པས། །འཆི་བའམ་བར་ཆད་ཉིད་གྱུར་ཀྱང་། །རྒྱལ་བར་འགྱུར་བར་ཐེ་ཚོམ་མེད། །དེ་ཉིད་ཁོ་ནའི་དུས་ཚོད་དུ། །ཡི་གེ་གསུམ་པ་སྔགས་བརྗོད་ཅིང་། །ཆུ་ནི་སྙིམ་པ་བརྒྱ་ཕུལ་ན། །ལོ་གཅིག་ནང་
[236b.4]དུ་ནོར་རྙེད་གྱུར། །ཡིད་དུ་འོང་བར་འདོད་བྱེད་པའི། །མཁའ་འགྲོ་མ་ལ་ཕག་མོས་འདྲེན། །འདིར་ནི་མང་སྨྲ་ཅི་ཞིག་བྱ། །དེ་ཚེ་ཐམས་ཅད་འགྲུབ་པར་འགྱུར། །དངོས་གྲུབ་རྟོག་མའི་ཕག་མོ་ཡི། །ཆོ་གས་ནན་དཱི་ནི་དང་བཅས། །མཚན་མོར་ཏིལ་གྱི་སྦྱིན་སྲེག་གིས། དངོས་གྲུབ་མཆོག་ནི་རྙེད་
[236b.5]པར་འགྱུར། །གྲུབ་ཐོབ་གྲུབ་མཐའི་མཁའ་འགྲོ་མའི། །སྦྱིན་སྲེག་ཆོ་གས་དེ་ཚེ་རུ། །སྦྱིན་སྲེག་བྱེད་པ་སྐྱེ་བོ་དཀྲུགས། །ལ་སོགས་དངོས་གྲུབ་ཐོབ་པར་འགྱུར། །བསམ་གཏན་སྦྱིན་པ་བྱ་སྦྱིན་སྲེག །མཆོད་པས་འཁོར་ལོ་ཚིམ་པར་བྱེད། །གཞན་ལ་ཚེས་བཅུར་སྟོང་འགྱུར་བའི། །འབྲས་
[236b.6]བུ་ཡང་དག་སྐྱེ་བར་འགྱུར། །གུར་ཀུམ་དང་ནི་སིནྟུ་ར། །ཀའུ་སུམ་པ་གོས་བཟངས་མདོག །ཟླ་མཚན་བྱུང་བའི་སྦྱིན་པ་དག །ཚེས་བཅུར་ཁྱད་པར་འཕགས་པར་འགྱུར། །བླ་གབ་མེད་པའི་ས་ཕྱོགས་སུ། །མཁས་པས་བྱ་རོག་གཏོར་མ་འབུལ། །ཕྱིར་སོང་ཉི་མའི་གུང་དག་ལ། །ཀུ་ཀུ་ར་ལ་
[236b.7]གཏོར་མ་སྦྱིན། །ཉི་མ་ནུབ་པར་འབྱུང་པོ་རྣམས། །དགའ་བའི་ཆེད་དུ་གཏོར་མ་དབུལ། །མཚན་མོར་གཏོར་མ་བྱིན་ནས་སུ། །སྤྱང་ཀུའི་ཚོགས་རྣམས་དགའ་བར་བྱ །ཚེས་བཅུར་ཁྱད་པར་གཏོར་མ་འདིས། །དངོས་གྲུབ་ཆེན་པོ་འབྱུང་བར་འགྱུར། །སྟོང་ཕྲག་ཉི་ཤུ་རྩ་བཞི་ལས། །སྙིང་པོའི་
[237a]
[237a.1]དོན་ནི་བཀུག་ནས་སུ། །ཚེས་བཅུའི་རྟོག་པ་འདི་ཡིན་ཏེ། །སྙིང་རྗེ་ཅན་གྱི་མཁས་པས་བྱ། །མ་ཐུལ་བ་ཡི་སློབ་མ་རྣམས། །ནོར་བདག་ཡིན་ཀྱང་སྦྱིན་མི་བྱ། །གྲུབ་ཐོབ་བརྒྱུད་པར་གནས་པ་ཡིས། །དབང་པོ་དུལ་བ་རྣམས་ལ་སྦྱིན། །དེ་མ་ཡིན་ན་གྲུབ་ཐོབ་བརྒྱུད། །སྣོད་
[237a.2]དང་བྱང་ཆུབ་ཉམས་པར་འགྱུར། །དངོས་གྲུབ་རྒྱ་མཚོ་ཁྱད་པར་དུ། །མཆོད་པ་སྦྱིན་སྲེག་ཆོ་ག་ནི། །གཞུང་དེ་བདག་གིས་རྒྱས་པར་བཤད། །དེ་ཕྱིར་མཁས་པས་ཉམས་སུ་ལོང་། །སེམས་ཅན་ཕན་འདོད་བདག་གིས་ནི། །བྱས་པའི་བསོད་ནམས་གང་ཐོབ་དེས། །རྟག་ཏུ་ཉོན་མོངས་བྲལ་བ་ཡི། །
[237a.3]སེམས་ཅན་ཚོགས་རྣམས་ཡིན་པར་གྱུར། །དཔལ་རྡོ་རྗེ་རྣལ་འབྱོར་མའི་འགྲེལ་པ་ཚེས་བཅུའི་མཆོད་པའི་རྟོག་པ། གྲུབ་ཐོབ་ཆེན་པོ་དཱ་རི་ཀ་པས་མཛད་པ་རྫོགས་སོ།། །།རྒྱ་གར་ཤར་ཕྱོགས་ཛ་ག་ཏ་ལའི་པཎྜི་ཏ་དཔལ་མཁས་པ་ཆེན་པོ་དཱ་ན་ཤཱི་ལས་བོད་ཡུལ་ཀྱི་དབུས་དྲང་སྲོང་སྲིན་པོ་རིར་
[237a.4]ལྷའི་སྐད་ལས་བོད་ཀྱི་སྐད་དུ་འཁྲུལ་བ་མེད་པ་རང་འགྱུར་དུ་མཛད་པ་རྫོགས་སོ།། །།{T1566}དེ་ནས་བྱ་རོག་ལ་སོགས་པའི་གཏོར་མའི་སྔགས་བྲི་བ་ནི། ཨོཾ་ཀླཾ་ཀླཾ་ཀླཾ། དྷ་རྨྨ་ཏཱ། ཨཱ་ཀཱ། ཤཱ་ཙཱརེཎིཿསིདྡྷི། བཱ་ཡ་ས་ནཿཀཾ་བཱ་ཡ། ཤཾ་པ་ལ། སིངྡྷ། ཀཱ་ཀ་སན། ཏན། པྲ་སུཏ། ཀཱ་ཀ། བ་ལིཾ་
[237a.5]གྲྀཧྞ་ཏ། ཀླཾ་ཀླཾ་ཀླཾ། སྭྦ་ཧཱ།། །།ཨོཾ་ཤླཾ་ཤླཾ་ཤླཾ། ཨ་པྲ་ཏི་ཥྛ། ཅ་ལྤ། ཙཱི་རི་ཎྦིཿཤྱ་མ། ཤ་བ་ལ། སིངྡྷི་ཤུན་ཀཱ། སཾཏཱ། ནཛཱ། ཤུན་ཀྭ། བལིཾ། གྲྀཧྞནྡྱ། གྲྀཧྞནྡྱ། ཤླཾ་ཤླཾ་ཤླཾ་སྭཱ་ཧཱ།། །།ཨོཾ་བྷྲིཾ་བྷྲིཾ། ཤཱུནྱཏྭ། དཤཱ་ཤཱ་ཤཱ་ཅཱ་རི་ཎ། ནི་སཾབྷ་ལ། སིངྔྷ་བྷཱུཏ།
[237a.6]གོ་ཏ། ཇ་ནི། བྷཱུཏ་ནི། བལཱིཾ། གྲྀཧྞ་ཏུ། གྲྀ་ཧྞ་ཏུ། བྷྲིཾ་བྷྲིཾ་བྷྲིཾ་བྷཱུ་སྭཱ་ཧཱ།། །།ཨོཾ་ཨོཾ་ཨོཾ་ཧྲོཾ་ཧྲོཾ་ཧྲོཾ་ཕེཊ་ཀཱ་ར། ཕེཊ་ཀ་རཾ་ཎཿཀུ་ལ་ཕྲ། སུཏཱ། སིབཱ། ཧི་ལི་ཧི་ལི། བ་ལིཾ། གླྀ་ཧྞ་ནྟུ།སརྦསིངྔྷིཾ་ད་དནྟུ། ད་ད་ནྟུ། ཧྲོཾ་ཧྲོཾ་ཧྲོཾ་སྭཱ་ཧཱེ།། །།ཚེས་བཅུར་མེ་ཏོག་རྣམས་ཀྱིས་ནི། །རྡོ་རྗེ་
[237a.7]མཁའ་འགྲོ་མ་ལ་མཆོད། །དར་གྱི་ལག་གདུབ་སྦྱིན་པར་བྱ། །གྲུབ་པའི་རྫས་ཆེན་མར་དང་བཅས། །ཏིལ་ནས་ཀྱིས་ནི་གསང་ས་རུ། །སྦྱིན་སྲེག་བཟླས་པ་དོ་ཤལ་སྦྱིན། །མཁའ་སྡིགས་བྱེད་པའི་ཕྱག་རྒྱ་དང་། །ཕྱག་རྒྱ་ཆེན་པོ་དང་བཅས་པའི། །རི་ཁྲོད་དབང་ཕྱུག་སྙིང་པོས་བསྡུས། །
[237b]
[237b.1]པཎྜི་ཏ་ཀླུའི་སྦྱིན་པའི་རྣལ་འབྱོར་གྱིས་སྙིང་པོའི་དོན་བསྦུས་པ་བསྟན་པའོ། །གྲུབ་པ་ཐོབ་པའི་གནས་དྲང་སྲོང་སྲིན་པོ་རིར་རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་དཱ་ན་ཤཱི་ལས་ལྷའི་སྐད་ལས་བོད་ཀྱི་སྐད་དུ་རང་འགྱུར་དུ་མཛད་པའོ།། {T1567}༄༅༅། །རྒྱ་གར་སྐད་དུ། བཛྲ་ཡོ་
[237b.2]གི་ནཱི་པཱུ་ཛ་བི་དྷི། བོད་སྐད་དུ། རྡོ་རྗེ་རྣལ་འབྱོར་མའི་མཆོད་པའི་ཆོ་ག །དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །དེ་ནས་མན་ངག་ལས་བྱུང་བའི་མཆོད་པའི་ཆོ་ག་བརྗོད་པར་བྱ་སྟེ། ཨོཾ་ཨཱཿརཀྵ་རཀྵ་ཧཱུཾ་ཧཱུཾ་ཕཊ་སྭཱ་ཧཱ། ཞེས་པས་ས་སྦྱང་ངོ་། །གནས་དང་ཉེ་བའི་གནས་དང་། ཞིང་དང་ཉེ་
[237b.3]བའི་ཞིང་དང་། ཚོགས་པ་དང་ཉེ་བའི་ཚོགས་པ་དང་། འདུ་བ་དང་ཉེ་བའི་འདུ་བ་ཅན་དང་། པཱ་ལ་བ་དང་། ཨུ་པི་པཱ་ལ་བ་དང་། དུར་ཁྲོད་དང་ཉེ་བའི་དུར་ཁྲོད་དང་ཞེས་བརྗོད་ཅིང་། མཎྜལ་ཉེ་བར་བྱུགས་ལ། དེའི་དབུས་སུ་རྩིབས་དྲུག་པའི་ཆོས་འབྱུང་སྟེ། དེའི་དབུས་སུ་ཡི་གེ་བཾ་དང་ལྡན་པ་
[237b.4]བྲིའོ། །ཨོཾ་སརྦ་བུདྡྷ་ཌཱ་ཀི་ནཱི་ཡེ། བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་བཛྲ་ཝརྞྞ་ནཱི་ཡེ། བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་བཛྲ་བཻ་རོ་ཙ་ནཱི་ཡེ། ཨོཾ་བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་ཨཾ་ཨཱཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཨིཾ་ཨཱིཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཧུཾ་ཧཱུཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་རྀཾ་རཱྀཾ་ཧཱུཾ་ཧཱུཾ་ཧཱུཾ་
[237b.5]ཕཊ་སྭཱ་ཧཱ། ཨོཾ་ལྀཾ་ལཱྀཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཨོཾ་ཨོཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཨོཾ་ཨཽཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཨཾ་ཨཱཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། བཅོམ་ལྡན་འདས་མའི་རྐང་པ་བརྒྱད་པའི་སྔགས་འདིས་མཆོད་པར་བྱའོ། །ཨོཾ་བཾ་བཛྲ་བཱ་རཱ་ཧཱི། བཛྲ་པུཥྤེ་ཨཱཿ་ཧཱུཾ་ཕཊ་སྭཱ་ཧཱ། ཨོཾ་ཧཾ་ཡོཾ། ཡ་མི་ནཱི་
[237b.6]བཛྲ་པུཥྤེ་ཨཱཿ་ཧཱུཾ་ཕཊ་སྭཱ་ཧཱ། ཨོཾ་ཧྲིཾ་མོཾ་ཧཱ་ནཱི། བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་ཧྲེཾ་ཧྲིཾ། པཉྫ་ལཱི་ནཱི། བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་ཧཱུཾ་ཧཱུཾ་སནྟྲ་ས་ནཱི། བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་ཕཊ་ཕཊ། ཙཎྜི་ཀཱ། བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། རྣལ་འབྱོར་མ་དྲུག་གི་སྔགས་ཏེ་འདིས་གཡོན་སྐོར་གྱིས་
[237b.7]མཆོད་པར་བྱའོ། །ཡང་ཨོཾ་ཨོ་ཌི་ཡ་ན། བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་པཱུརྞ་གི་རི། བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་ཀཱ་མ་རཱུ་པ། བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་ཤྲཱི་ཧཱཊྚ་བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཞེས་པས་ཤར་ལ་སོགས་པ་དང་། དེའི་རྗེས་སུ་དབང་ལྡན་ལ་སོགས་པའི་མཚམས་
[238a]
[238a.1]སུ་ནི། ཨོཾ་དྷརྨྨ་ཀཱ་ཡ། བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་སཾ་བྷོ་ག་ཀཱ་ཡ་བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་ནི་རྨྨཎ་ཀཱ་ཡ་བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་བཛྲ་མ་ཧཱ་སུ་ཁཱ་ཀཱ་ཡ། བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་བཛྲ་ཌཱ་ཀི་ནཱི་ཡེ་བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་ལཱ་མེ། བཛྲ་
[238a.2]པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་ཁཎྜ་རོ་ཧེ་བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཨོཾ་རཱུ་པི་ཎི་ཡེ་ཨོཾ་བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ལོགས་བཞིའི་དགའ་བ་འཁྱིལ་བ་ལ་མཆོད་པ་ནི། ཨོཾ་ནན་དྱ་བརྡྷ། བཛྲ་པུཥྤེ་ཨཱཿཧཱུཾ་ཕཊ་སྭཱ་ཧཱ། ཞེས་པའོ། །ཨོཾ་ཨཾ་ཨཱཾ། ཨིཾ་ཨཱིཾ། ཨུཾ་ཨཱུཾ། རྀཾ་རཱྀཾ། ལཱྀཾ་ལཱྀཾ། ཨེཾ་ཨཻཾ།
[238a.3]ཨོཾ་ཨཽཾ། ཨཾ་ཨཱཾ་ཕཊ་སྭཱ་ཧཱ། ཞེས་པ་ནི་བཅོམ་ལྡན་འདས་མའི་ཕྲེང་བའི་སྔགས་སོ། །གཏོར་མའི་ཆོ་ག་ནི་མདུན་དུ་གཏོར་མའི་སྣོད་ཟན་ལ་སོགས་པས་ཡོངས་སུ་གང་བ་བདུད་རྩིའི་ཆོ་གས་ཡོངས་སུ་སྦྱང་བ་བྱས་ནས། དེའི་རྗེས་སུ། ཨོཾ་ཨ་རལླི་ཧོ། ཛཿཧཱུཾ་བཾཧོཿས་མ་ཡ། མ་ནུ་པཱ་ལ་ཡ། དྲྀ་ཤྱཧོ། །
[238a.4]ཨོཾ་ཁ་ཁ་ཁཱ་ཧི་ཁཱ་ཧི། སརྦྦ་ཡཀྵ། རཱཀྵ་ས། སརྦྦ་བྷཱུ་ཏ་པྲེ་ཏ། པི་ཤཱ་ཙ་སྨ་ར་ཨ་པ་སྨ་ར་ཌཱ་ཀ །ཌཱ་ཀི་ནྱ་ད་ཡ། ཨི་མིཾ། བཾ་ལིཾ། གྲྀཧྞནྟུ། ས་མ་ཡཾ། རཀྵནྟུ། མ་མ་སརྦྦ་སིདྡྷིཾ་མྨེ། པྲ་ཡ་ཙྪནྟུ། ཡ་ཐཻ་བཾ། ཡ་ཐཻཥྚཾ། བྷུཉྫ་ཐ། པི་པ་ཐ། ཛི་གྷྲ་ཐ། མ་ཏི་ཀྲ་མ་ཐ། མ་མ། སརྦྦ་
[238a.5]ཀཱརྟ་ཡ། སདྶུ་ཁ། བི་བྲྀདྡྷ་ཡེ། ས་ཧ་ཡི་ཀཱ་བྷ་བནྟུ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་པ་ནི་གཏོར་མའི་ཆོ་ག་གཅིག་གོ། །ཡང་ན་ལྷ་མོའི་སྔགས་ཉིད་ཀྱིས་ལྷ་ལ་དབུལ་ལོ། །ཕག་ཞལ་མའི་ཕྱིའི་མཆོད་པའི་གཏོར་མའི་ཆོ་གའོ།། །།དང་པོ་རང་གི་མདུན་དུ་གང་ཡང་རུང་བ་སྣང་བ་དེ་བཅོམ་
[238a.6]ལྡན་འདས་མའི་གཟུགས་སུ་ལྷག་པར་མོས་ཏེ་དེ་ཉིད་རང་ལ་བསྟིམ་པར་བྱའོ། །གཉིས་པ་ནི་བདག་ཉིད་བཅོམ་ལྡན་འདས་མའི་གཟུགས་སུ་བསྒོམ་ཞིང་བརྟན་གཡོའི་བདག་ཉིད་སྣ་ཚོགས་པའི་རྣམ་པར་བཅོམ་ལྡན་འདས་མའི་གཟུགས་སུ་བསྒོམ་པའོ། །གསུམ་པ་ནི་དེ་རྣམས་བདག་ལ་ཐིམ་པར་
[238a.7]བསམས་ནས་འཁོར་འདས་དབྱེར་མེད་པར་བསྒོམ་པར་བྱའོ། །བཞི་པ་ནི་བཅོམ་ལྡན་འདས་མའི་རྣལ་འབྱོར་དུ་དམིགས་ཤིང་སྲིན་པོའི་ཞལ་བསྡམས་ཏེ། ལྟེ་བར་པདྨ་དམར་པོ་འདབ་མ་བཞི་པ་དེ་ལ་ལྔ་པ་ལྔའི་གསུམ་པའི་ནཱ་ད་ལས་ཕྱིར་འབྱུང་བའི་རླུང་གི་ཉི་མ་ལྟ་བུའི་སྐུད་པའི་རྣམ་པས་ཕྱིར་
[238b]
[238b.1]བྱུང་ནས་ནང་དུ་རྒྱུ་བའི་རླུང་གི་ནཱ་ད་དེ་ཁོ་ན་ལ་ཐིམ་པ་སྟེ་དེ་ཉིད་ཕྱག་རྒྱའོ།། །།ལྔ་པ་ནི་རྐང་པ་གཉིས་ཀྱི་བར་དུ་བྱུང་བའི་རླུང་གི་དཀྱིལ་འཁོར་དང་། ལྟེ་བའི་འོག་ཏུ་ཡི་གེ་རཾ་ལས་མེའི་དཀྱིལ་འཁོར་དང་། དེའི་སྟེང་དུ་ལྟེ་བ་ལ་པདྨ་དམར་པོ་འདབ་མ་བཞི་པ་དེ་ལ་ལྔ་པ་ལྔའི་གསུམ་པའི་ནཱ་ད་ལས་ཕྱིར་
[238b.2]འཕྲོ་བའི་འོད་ཟེར་གྱིས་བཅོམ་ལྡན་འདས་མའི་སྐུ་ལུས་ཐམས་ཅད་འོད་ཟེར་གྱི་རང་བཞིན་དུ་བསྒོམ་པར་བྱའོ། །དྲུག་པ་ལ་འོད་ཟེར་དང་བཅས་པའི་སྐུ་ལུས་དེ་ཉིད་དུ། ཇི་ལྟར་དབུགས་རླུང་མེ་ལོང་ལ། །ཀུན་དུ་ཐིམ་པར་འགྱུར་བ་ཉིད། །དེ་བཞིན་རྣལ་འབྱོར་ཡང་དག་མཐར། །ཡང་དང་
[238b.3]ཡང་དུ་རབ་ཏུ་ཐིམ། །ཞེས་པའི་རིམ་པ་འདིས་ཐམས་ཅད་ཏུ་གྱུར་ཏེསྟོང་པ་ཉིད་དུ་བསྒོམ་པར་བྱའོ། །སྟོང་པའི་རང་བཞིན་དེ་ལས་ལྔ་པ་ལྔའི་གསུམ་པ་ཉི་མ་ལྟ་བུ་དེའི་སྟེང་དུ་མགོ་ཐུར་དུ་འཕྱང་བའི་ཥི་ཌ་གང་བའི་བྱང་ཆུབ་ཀྱི་སེམས་ཀྱི་རང་བཞིན་ལྔ་པ་ལྔའི་གསུམ་པའི་འོད་ཟེར་གྱིས་བཞུ་ནས་སྔར་བཤད་
[238b.4]པའི་ནཱ་ད་དེ་ཉིད་ལ་རབ་ཏུ་ཐིམ་སྟེ། དེ་ནས་ལྔ་པ་ལྔའི་གསུམ་པའི་ནཱ་ད་དེས་ཟུང་འཇུག་གི་གཟུགས་ཅན་བཅོམ་ལྡན་འདས་མ་བསྒོམ་པར་བྱའོ། །ཁྱད་པར་དུ་སྲིན་པོའི་ཞལ་བསྡམས་ནས། ཕྲེང་བ་གསུམ་མམ་བདུན་རྣམ་པར་བསྒོམས་ལ་ལྟེ་བར་ལྔ་པ་ལྔའི་གསུམ་པའི་ནཱ་དའི་འོད་ཟེར་གྱིས་ཥི་ཌ་
[238b.5]གང་བཞུ་བ་གཉི་གས་བདེ་བ་ཆེན་པོ་གཅིག། ཆོས་འབྱུང་ནས་འཐོན་ནས། སྲིན་པོའི་ཞལ་བསྡམས་པའི་འོད་ཟེར་གྱིས་འཁོར་ལོ་ལྟ་བུར་འཁོར་བའོ། །ཁྱད་པར་གཉིས་པ་ནི་སྲིན་པོའི་ཞལ་བསྡམས་པའི་འོད་ཟེར་གྱིས་ལྕེའི་མདུན་དུ་གཡུང་དྲུང་དམར་པོ་འཁོར་ཞིང་རྣ་བ་གཡོན་པའི་ལ་ལ་
[238b.6]ནཱའི་འོག་སྒོ་ནས་ཆོས་འབྱུང་དུ་སོང་སྟེ། ཕྲེང་བ་གསུམ་མམ་བདུན་གྱིས་གཡོན་སྐོར་འཁོར་ལོ་ལྟ་བུར་འཁོར་བའོ། །གྲུབ་པ་ཐོབ་པ་རྣམས་ཀྱི་མན་ངག་ལས་བྱུང་བ། །དཔལ་རྡོ་རྗེ་རྣལ་འབྱོར་མའི་མན་ངག་སློབ་དཔོན་ཆེན་པོ་དཱ་རི་ཀ་པས་མཛད་པ་རྫོགས་སོ།། །།རྒྱ་གར་ཤར་ཕྱོགས་ཛ་
[238b.7]ག་ཏ་ལའི་པཎྜི་ཏ་ཆེན་པོ་དཱ་ན་ཤཱི་ལས་བོད་ཡུལ་དབུས་ཀྱི་དྲང་སྲོང་སྲིན་པོ་རིར་རང་འགྱུར་དུ་མཛད་པའོ། །{T1568}༄༅༅། །རྒྱ་གར་སྐད་དུ། ཀཾ་ཀ་ལ་ཏཱ་ར་ན་སཱ་དྷ་ནཾ། བོད་སྐད་དུ། ཀེང་རུས་ཏཱ་ར་ནའི་སྒྲུབ་ཐབས། རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རྡོ་རྗེའི་
[239a]
[239a.1]ཁྲུས་ནི་བྱས་ནས་ནི། །ལག་པས་ལུས་ལ་ལྷ་རྣམས་དགོད། །གནས་དང་རྣལ་འབྱོར་བདག་བསྲུང་བྱ། །རྩེ་གཅིག་གི་ནི་སེམས་ཀྱིས་བསྒྲུབ། །འཁོར་ལོ་འདི་ནི་ནམ་མཁའ་འདྲ། །བདེ་བ་ཆེན་པོས་རབ་ཏུ་གང་། །ཐུབ་པ་གོ་མཚམས་མེད་པར་བཞུགས། །བདེ་བ་
[239a.2]བདག་གིས་བརྗོད་མི་ནུས། །དེ་དག་ན་ཡི་དོན་ཡིན་ནོ། །ནམ་མཁའ་གཉིས་ནི་ཁ་སྦྱོར་ལས། །འཁོར་ལོ་དྲུག་པོ་འོད་ཟེར་རྫོགས། །འགྲོ་དྲུག་རྒྱུ་ནི་མེད་པར་བྱེད། །དེ་ནི་ཡེ་ཤེས་ཆེན་པོ་གནས། །དེ་ཉིད་མ་ཡི་དོན་དུ་བཤད། །ཤྲཱི་ཡིས་འཁོར་ལོ་སྐྱེད་པར་བྱེད། །འདབ་མ་གསུམ་ལྡན་
[239a.3]སྐུད་པ་ཅན། །དེ་ཉིད་གསུམ་གྱི་རང་བཞིན་ལྡན། །གསུམ་གྱི་ལམ་དུ་བཤད་པ་ཡིན། །ཤྲཱི་ཡི་དོན་དུ་ཤེས་པར་བྱ། །བ་ལས་སྐྱེས་པ་རྒྱལ་མཚན་ཏེ། །དེ་ཉིད་ཕྱག་རྒྱ་བཞི་ཡིས་བརྒྱན། །བསམ་གཏན་བཞི་དང་ལྡན་པའི་མཆོག །རྣམ་ཐར་བཞི་ཡང་དེ་ལས་གྲུབ། །བ་ཡི་དོན་དུ་ཤེས་
[239a.4]པར་གྱིས། །ཛ་ལས་བཀྲ་ཤིས་འབྱུང་བ་ཡིས། །ཤིན་ཏུ་མྱུར་བར་འཁོར་བ་ལས། །དགའ་བ་མཆོག་དགའི་རང་བཞིན་ཅན། །ལྷན་ཅིག་སྐྱེས་པ་སྟེར་བར་བྱེད། །ཛ་ཡི་རང་བཞིན་དེས་ཤེས་བྱོས། །ཛོ་ལས་བྱུང་བའི་དོན་མཆོག་ནི། །སྙོམས་འཇུག་རྫོགས་པའི་ངོ་བོར་འདོད། །གཉིས་
[239a.5]མེད་ཡེ་ཤེས་མཐོང་བར་བྱེད། །ཕྱག་རྒྱ་ཆེན་པོ་སྟེར་མཛད་པ། །ཛོ་ཡི་ངོ་བོ་དེ་ལྟ་བུ། །གཞན་ཡང་གི་ལས་བྱུང་བ་ནི། །ཉི་མའི་གཟུགས་དང་ཟླ་བ་ཡི། །དེ་ནི་གར་ཡང་གནས་པ་མེད། །ཆོས་ཀྱི་སྐུ་ཡི་གནས་ཀྱང་སྟེར། །གི་ཡི་དོན་དུ་ཤེས་པར་གྱིས། །ནི་ལས་བྱུང་བའི་རང་བཞིན་
[239a.6]ནི། །བླ་མ་དམ་པའི་མན་ངག་གིས། །བརྟན་གཡོ་ཐམས་ཅད་སྟོང་པར་ཤེས། །དེ་ཡིས་སངས་རྒྱས་མྱུར་དུ་ཐོབ། །ནི་ཡི་རང་བཞིན་བཤད་པའོ། །ཡི་གེ་དེ་བརྒྱད་དཀྱིལ་འཁོར་ནི། །དངོས་གྲུབ་འདོད་པས་བྲི་བར་བྱ། །བདུད་རྩི་ལྔའམ་ཆང་ཡང་རུང་། །ཡུང་འབྲས་ཡང་ན་འོ་མས་བྱས། །
[239a.7]སྟོབས་ལྡན་བཙོས་པའི་ཁུ་བའམ། །དྲི་ཞིམ་རྣམས་ཀྱི་ཆུ་ཡང་རུང་། །ཁུ་བའི་རྣམ་པ་ཅི་ཡོད་པས། །གདམས་པས་གཟབས་ཏེ་བྲི་བར་བྱ། །དེ་དག་གིས་ནི་གུག་པོ་བྲི། །དེ་ལ་ཀེང་རུས་ཏཱ་ར་ན། །དམ་ཆོས་བདུད་རྩི་དེ་ཉིད་ཡིན། །སྒོ་ཡི་མན་ངག་དེ་ཉིད་ཡིན། །དེ་ཡི་དབུས་ན་
[239b]
[239b.1]མཁའ་འགྲོའི་གཙོ། །ཡི་གེ་ནི་ལས་བྱུང་བ་ཡིན། །རྡོ་རྗེ་རྣལ་འབྱོར་མ་དང་བཅས། །དེ་ནི་མ་ལས་བྱུང་ཞེས་བརྗོད། །བདག་ཉིད་ཡིན་པར་རྟོགས་ཀྱིས་ལ། །ལྷན་སྐྱེས་ཡེ་ཤེས་བསྒྲུབ་པར་བྱ། །ཚོགས་གཉིས་བསགས་པས་ཡེ་ཤེས་སྐྱེ། །དེ་ཉིད་དེ་ཡི་ཐབས་སུ་བཤད། །རབ་དགའ་ལ་
[239b.2]སོགས་ས་བཅུ་པོ། །སངས་རྒྱས་རྣམས་ཀྱིས་ལམ་དུ་གསུངས། །སྙོམས་འཇུག་ཡོངས་སུ་རྫོགས་པ་ལས། །ཐིག་ལེ་གཉིས་པོ་འོད་ཟེར་འཕྲོ། །ཐིག་ལེ་ལ་ནི་ཐིག་ལེ་ཐིམ། །མཁས་པ་ཡིས་ནི་བསྒོམ་པར་བྱ། །འདི་རྣམས་བསྒོམ་པ་བྱས་པ་ཡིས། །མཚན་དང་དཔེ་བྱད་ཐོབ་པར་
[239b.3]འགྱུར། །འདི་ལས་སྐྱེས་པའི་རྣལ་འབྱོར་མ། །རྡོ་རྗེ་རྣལ་འབྱོར་མ་རུ་གྱུར། །ལྟེ་བའི་ནང་ལོགས་པདྨ་བལྟ། །ཉོན་མོངས་ཐམས་ཅད་བྱང་བར་བྱེད། །བ་ལས་སྐྱེས་པ་སྐུ་མདོག་གནག །སྙིང་གར་ཡ་མ་ནི་རུ་ཤེས། །ཛ་ལས་སྐྱེས་པའི་དཀར་མོ་ནི། །ངག་ལ་མོ་ཧ་ནི་རུ་བསམ། །ཡོ་ལས་
[239b.4]བྱུང་བའི་སེར་མོ་ནི། །སཉྫ་ལི་ཞེས་མགོ་ལ་གནས། །གི་ལས་སྐྱེས་པ་ཤིན་ཏུ་སྔོ། །སནྟྲ་ས་ནི་སྤྱི་གཙུག་གནས། །ནི་ལས་བྱུང་བའི་མི་བཟད་པ། །ཙ་ཎྜི་སྣ་ཚོགས་ཀུན་ལ་ཁྱབ། །ཕྱག་འཚལ་ཡི་གེ་ཐམས་ཅད་ལས། །ལྷ་མཆོག་ཏུ་ནི་བྱིན་གྱིས་བརླབས། །བདེ་བ་ཆེན་པོ་ལས་སྐྱེས་པ། །
[239b.5]ཟབ་མོར་བྱུང་བའི་མན་ངག་གོ། །དེ་དོན་ཡང་ནི་བཤད་པར་བྱ། །བསྲུབས་པའི་སྦྱོར་བའི་ནང་དུ་ནི། །ན་ལས་འཁོར་ལོ་སྡོམ་པ་འབྱུང་། །མ་ལས་རྡོ་རྗེ་རྣལ་འབྱོར་མ། །པདྨར་ཡི་གེ་བྷ་ག་ལས། །བདེ་བ་ཆེན་པོ་ལས་སྐྱེས་པ། །དེ་ཉིད་རྣལ་འབྱོར་མ་རུ་ཤེས། །རྡོ་རྗེ་གཉིས་ཀྱི་བར་གནས་པའི། །
[239b.6]དམ་པ་དེ་ནི་ཤིན་ཏུ་བསྟན། །རྩ་བར་འཁོར་ལོ་ཡོད་པ་ལ། །རྩིབས་བརྒྱད་འོད་དང་བཅས་པའོ། །དཀར་པོ་ཕྱི་རོལ་འཁོར་ལོས་བསྐོར། །སྟོབས་དང་ལྡན་པ་ལ་སོགས་བརྒྱད། །གཡོན་ཕྱོགས་སུ་ནི་རབ་བསྐོར་ཞིང་། །དབུས་ན་ཡེ་ཤེས་རྒྱ་མཚོའོ། །འཁོར་ལོ་དམར་མོ་རྩིབས་བརྒྱད་པ། །
[239b.7]པདྨའི་ཕྲེང་བས་བསྐོར་བའོ། །འཇིགས་བྱེད་ལ་སོགས་བརྒྱད་པོ་ནི། །འཁོར་ལོ་རྩིབས་བརྒྱད་ལ་གནས་ཤིང་། །གཡས་ཕྱོགས་སུ་ནི་རབ་ཏུ་བསྐོར། །ཚོགས་ཀྱི་ཞལ་ནི་དབུས་གནས་པའོ། །རྡོ་རྗེ་རིན་ཆེན་འཁོར་ལོ་བསྡུས། །རྩིབས་བརྒྱད་འོད་དང་བཅས་པའོ། །རྡོ་རྗེ་ནག་པོའི་ཕྲེང་བས་
[240a]
[240a.1]བསྐོར། །ཐོད་པའི་དུམ་བུ་ལ་སོགས་བརྒྱད། །དབུས་ན་སྙོམས་འཇུག་རང་བཞིན་བསྟན། །བསྐལ་པ་འཇིག་པའི་མེ་ལྟ་བུ། །སྐུད་ཅན་པདྨ་རྡོར་དྲིལ་དབུས། །མཁས་པ་ཡིས་ནི་བསྒོམ་པར་བྱ། །ཨོཾ་ཧ་སྐུད་པའི་དབུས་ནའོ། །ཟླ་བ་མེ་ཏོག་དཀར་པོ་འདྲ། །བཽ་ཥ་ཊ་ཧེ་དང་
[240a.2]པོ་ལ། །ན་མཿཧི་ནག་པོ་གཡས་སྐུད་ལ། །སྭཱ་ཧཱ་དམར་པོ་རྒྱབ་ནའོ། །ཕཊ་ཕཊ་ཧཾ་ལྗང་གུ་གཡོན་ཕྱོགས་ནི། །ཧཱུཾ་ཧཱུཾ་ཧོ་སེར་པོ་སྟེང་ནའོ། །མེ་འབར་བ་ཡི་འོད་མངའ་བ། །སྔར་བཤད་པ་ཡི་འཁོར་ལོ་ནི། །ཀ་ཀོ་ལ་ཡི་བར་དུའོ། །རྒྱུན་མི་འཆད་པར་འཁོར་བར་ལྟ། །སྒོམ་
[240a.3]པ་འདི་ལྟར་བསྒོམ་པར་བྱ། །གཏོར་མ་དྲུག་ཅུ་རྩ་བཞི་སྦྱིན། །ཉོན་མོངས་རྣམས་ནི་བྱང་འགྱུར་ཞིང་། །ཕན་ཡོན་མཉམ་མེད་ཐོབ་པར་འགྱུར། །ཟབ་མོར་གྱུར་པའི་རིམ་པའོ། །ན་ལས་ནཱ་དའི་གཟུགས་ཀྱིས་སོ། །ཐབས་དང་རྩེ་བ་དྲི་མ་མེད། །དངོས་པོའི་རང་བཞིན་
[240a.4]དཔྱོད་པས་སྟོང་། །བདེ་བ་སྐྱེས་པ་སྦྱིན་པར་བྱེད། །མ་ནི་སྟོང་པའི་ངོ་བོ་ལ། །ཤེས་རབ་ངེས་པའི་རང་བཞིན་ཡིན། །བདེ་བ་ཆེན་པོས་རབ་ཏུ་གང་། །ཕྱག་རྒྱ་ཆེན་པོ་དེ་ཉིད་ཡིན། །གཉིས་པོ་གཅིག་ཏུ་འགྱུར་བ་ཡིན། །རྟོག་པ་མེད་ཅིང་དྲི་མ་བྲལ། །རང་བྱུང་ཡེ་ཤེས་
[240a.5]མཉམ་པ་མེད། །འཇིག་རྟེན་གསུམ་གྱི་གཙོ་བོ་ཡིན། །སེམས་ལས་སེམས་འབྱུང་བ་ལྟ་བར་བྱ། །སེམས་ཀྱི་དབུས་སུ་བཞག་པ་ཡིན། །དེ་གཉིས་འདྲེས་པས་དང་པ་གཉིས། །མི་འབྱུང་བ་ནི་བརྟན་པ་ཡིན། །འདི་སྒྲུབ་རྡོ་རྗེ་ཏིང་འཛིན་གྱིས། །སྐད་ཅིག་གིས་ནི་བདེ་བ་རྒྱས། །
[240a.6]ལྷན་སྐྱེས་དྲི་མེད་ཐིག་ལེ་གཉིས། །དྲི་མེད་ལྡན་པས་དྲི་མེད་སྤྲོ། །སྐྱེ་བ་དང་ནི་འགག་པའི་གཟུགས། །དེ་གཉིས་རྟོགས་པས་དྲི་མ་བྲལ། །འཇིག་རྟེན་ཤེས་པ་མེ་ཏོག་དཀར། །འཇིག་རྟེན་བླ་མ་བདེ་ཆེན་གཟུགས། །མཆོག་ཏུ་ཟབ་པ་ཀེང་རུས་ཏཱ་ར་ནའི་རིམ་པ། །རྡོ་རྗེ་རྣལ་འབྱོར་
[240a.7]མའི་སྒྲུབ་ཐབས་བདག་བྱིན་གྱིས་བརླབས་པ་དཔལ་རྡོ་རྗེ་གདན་ན་བཞུགས་པ། ལྷ་འདྲེ་བྲན་དུ་འཁོལ་བའི་སློབ་དཔོན་ཆེན་པོ་དཱ་རི་ཀ་པས་མཛད་པ་རྫོགས་སོ། །{T1569}༄༅༅། །རྒྱ་གར་སྐད་དུ། ཀཾ་ཀ་ལ་ཏཱ་ར་ན་སཱ་དྷ་ནཾ་ཊཱི་ཀཱ་པ་ར་ཧི་ཏ་ནཱ་མ། བོད་སྐད་དུ།
[240b]
[240b.1]ཀེང་རུས་ཏཱ་ར་ནའི་སྒྲུབ་ཐབས་ཀྱི་འགྲེལ་པ་གཞན་ལ་ཕན་པ་ཞེས་བྱ་བ། དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །བླ་མ་རྡོ་རྗེ་ཕག་མོ་ཡི། །ཞབས་ལ་སྤྱི་བོས་ཕྱག་འཚལ་ཏེ། །བློ་དམན་རྣམས་ཀྱིས་རྟོགས་བྱའི་ཕྱིར། །དེ་ཡི་སྒྲུབ་ཐབས་བདག་གིས་བཤད། །རྡོ་རྗེའི་ཁྲུས་
[240b.2]ནི་བྱས་ནས་ནི། །ཞེས་པ་ལ་སོགས་པའི་དོན་ནི། །སྔགས་པས་དབེན་ཞིང་ཡིད་དུ་འོང་བའི་གནས་སུ་སྟན་བདེ་བ་ལ་འདུག་ནས། སེམས་ཅན་རྣམས་བྱང་ཆུབ་ལ་དགོད་པར་བསམ། །བླ་མ་རྣམས་ཀྱི་སྤྱི་བོར་བལྟ། །དག་པ་གསུམ་བརྗོད་པས་བདག་ཉིད་ལྷ་མོའི་ང་རྒྱལ་དུ་བྱ། །གདོང་
[240b.3]བཞི་པས་བསྲུང་འཁོར་བྱ། རྣམ་པར་སྦྱངས་པའི་བདུད་རྩིས་ཁྲུས་བྱས་ལ་གོ་བགོ། །དེའི་འོག་ཏུ་སེམས་རྩེ་གཅིག་གིས་ཡི་གེ་བརྒྱད་ཀྱི་དོན་ལས་རྡོ་རྗེ་རྣལ་འབྱོར་མའི་རང་བཞིན་བསྒོམ་པར་བྱ་སྟེ་དེ་ལ། འཁོར་ལོ་འདི་ནི་ནམ་མཁའ་འདྲ། །ཞེས་པ་ནི་ཕྱི་སྣོད་ཀྱི་འཇིག་རྟེན་ནི་
[240b.4]ནམ་མཁའ་དང་འདྲ་སྟེ་མཐའ་མེད་པའོ། །བདེ་བ་ཆེན་པོས་རབ་ཏུ་གང་། །ཞེས་པ་ནི་དེ་ཉིད་གདོད་མ་ནས་མ་སྐྱེས་པའི་ཕྱིར་རང་བཞིན་གྱིས་སྟོང་པ་ཉིད་ཡིན་ནོ། །ཐུབ་པ་གོ་མཚམས་མེད་པར་བཞུགས། །ཞེས་པ་ནི་ནང་བཅུད་ཀྱི་སེམས་ཅན་རྣམས་ངོ་བོ་ཉིད་ཀྱི་སངས་རྒྱས་ཀྱི་རང་
[240b.5]བཞིན་ཡིན་པས་སོ། །དེ་ཡང་རྟག་པ་གཉིས་པ་ལས། །སེམས་ཅན་རྣམས་ནི་སངས་རྒྱས་ཏེ། །འོན་ཀྱང་གློ་བུར་དྲི་མས་བསྒྲིབས། །དེ་ཉིད་བསལ་ནས་སངས་རྒྱས་ཉིད། །ཅེས་པ་དང་། ཡང་། རང་དང་རང་གི་རྟོག་པ་ལས། །སངས་རྒྱས་མ་ཡིན་སེམས་ཅན་ནི། །གཅིག་
[240b.6]ཀྱང་ཡོད་པ་མ་ཡིན་ནོ། །ཞེས་གསུངས་པས་སོ། །ཐུབ་པ་ནི་སྒྲིབ་པ་གཉིས་ཐུབ་པའོ། །གོ་མཚམས་མེད་པ་ནི། སྣོད་ཀྱི་ཁྱབ་ཚད་བཅུད་ཀྱིས་ཁྱབ་པས་ན་གོ་མཚམས་མེད་པས་སོ། །བདེ་བ་ངག་གིས་བརྗོད་མི་ནུས། །ཞེས་པ་ནི་དེ་གཉིས་ཀ་བདེ་བ་ཆེན་པོའི་ཡེ་ཤེས་ཡིན་
[240b.7]པས་བརྗོད་དུ་མེད་པའོ། །ཡང་ན། འཁོར་ལོ་འདི་ནི་ནམ་མཁའ་འདྲ། །ཞེས་པ་ནི། ལུས་ནི་ནམ་མཁའ་དང་འདྲ་སྟེ། །རང་བཞིན་མེད་པས་སོ། །བདེ་བ་ཆེན་པོས་རབ་ཏུ་གང་། །ཞེས་པ་ནི་ལུས་ཀྱི་རྩ་དང་ཐིག་ལེ་ལ་བརྟེན་ནས། བདེ་བ་ཆེན་པོ་སྐྱེ་བས་སོ། །ཐུབ་པ་གོ་
[241a]
[241a.1]མཚམས་མེད་པར་བཞུགས། །ཞེས་པ་ནི་ཕུང་པོ་དང་། ཁམས་དང་སྐྱེ་མཆེད་རྣམས་ལྷ་དང་ལྷ་མོའི་རང་བཞིན་ཡིན་པས་སོ། །བདེ་བ་ངག་གིས་བརྗོད་མི་ནུས་ནི། ཡེ་ཤེས་ཆེན་པོ་དེ་བརྗོད་པའི་ཡུལ་ལས་འདས་པའོ། །ཡང་ན་འཁོར་ལོ་འདི་ནི་དོན་དམ་གྱི་བདེན་
[241a.2]པའོ། །ནམ་མཁའ་འདྲ་ནི་སྤྲོས་པ་མེད་ཅིང་མཐའ་དབུས་དང་བྲལ་བའོ། །བདེ་བ་ཆེན་པོས་རབ་ཏུ་གང་ནི། ཡེ་ཤེས་དེ་མི་རྟོག་ཅིང་མི་འགྱུར་བས་སོ། །ཐུབ་པ་གོ་མཚམས་མེད་པར་བཞུགས་ནི། །དུས་གསུམ་གྱི་སངས་རྒྱས་རྣམས་ཏེ། ཡེ་ཤེས་དེའི་བདག་ཉིད་ཡིན་པའི་ཕྱིར་
[241a.3]རོ། །བདེ་བ་ངག་གིས་བརྗོད་མི་ནུས་ནི། དོན་དམ་གྱི་བདེན་པ་དེ་ནི་ཤེས་བརྗོད་ཐམས་ཅད་ལས་འདས་པའོ། །དེ་དག་ནི་ཡི་གེ་ནའི་དོན་བཤད་པའོ། །ནམ་མཁའ་གཉིས་ནི་ཁ་སྦྱོར་ལས། །ཞེས་པ་ནི་ནམ་མཁའ་དང་ས་གཞི་གཉིས་ཁ་སྦྱོར་གྱི་རྣམ་པའོ། །དབང་ཕྱུག་
[241a.4]རྒྱུར་སྨྲ་བ་རྣམས་ན་རེ། ནམ་མཁའ་ནི་དབང་ཕྱུག་ཆེན་པོའོ། །ས་གཞི་ནི་ལྷ་མོ་ཨུ་མའོ་ཞེས་བྱ་སྟེ། ཁམས་གསུམ་བརྟན་གཡོ་རྣམས་དེ་ལས་བྱུང་བའོ། །ནམ་མཁའ་སྐབས་ཕྱེ་ས་གཞིས་རྟེན་བྱས་པའི་ཕྱིར་རོ། །དེ་བས་ན་ཐམས་ཅད་ཀྱི་བྱེད་པ་པོ་དབང་ཕྱུག་ཡིན་ནོ་
[241a.5]ཞེས་ཟེར་རོ། །དེས་ན་ཐབས་དང་ཤེས་རབ་ལས་མ་འདས་པའོ། །འཁོར་ལོ་དྲུག་པོ་འོད་ཟེར་རྫོགས་ནི། དེ་ཉིད་ལ་བརྟེན་ནས་རིགས་དྲུག་གནས་པའོ། །འགྲོ་དྲུག་རྒྱུ་ནི་མེད་པར་བྱེད་ནི། །རང་བཞིན་གྱིས་སྟོང་པའོ། །ཡང་ན། ནམ་མཁའ་གཉིས་ནི་ཁ་སྦྱོར་ལས་ནི།
[241a.6]ལུས་དང་སེམས་སོ། །དེ་གཉིས་ལ་འགྲོ་བ་རིགས་དྲུག་གྲུབ་ནས་དབང་པོ་དྲུག་རྫོགས་པར་བྱུང་བའོ། །དེ་གཉིས་ཀྱི་རྒྱུ་ལས་དང་ཉོན་མོངས་པ་ཡིན་ལ། །གཉིས་སུ་མེད་པའི་ཡེ་ཤེས་ཀྱིས་དེ་སྤོང་བར་བྱེད་པའོ། །དེ་ནི་ཡེ་ཤེས་ཆེན་པོའི་གནས་ནི་ཆོས་ཀྱི་སྐུའི་ཡེ་ཤེས་དེ་ནི་བདེ་
[241a.7]བ་ཆེན་པོའི་རང་བཞིན་ནོ། །ཡང་ན། ནམ་མཁའ་གཉིས་ནི་ཁ་སྦྱོར་ལས་ནི། ཐབས་དང་ཤེས་རབ་བོ། །འཁོར་ལོ་དྲུག་གི་འོད་ཟེར་རྫོགས་ནི། ཟུང་འཇུག་གི་ཡེ་ཤེས་ལས་སངས་རྒྱས་དྲུག་འབྱུང་བའོ། །འགྲོ་དྲུག་རྒྱུ་ནི་མེད་པར་བྱེད་ནི། སངས་རྒྱས་དྲུག་པོ་དེ་ཉིད་ལ་
[241b]
[241b.1]ཡང་རང་བཞིན་མེད་དེ། ཆོས་ཀྱི་སྐུ་ཡིན་པའི་ཕྱིར་རོ། །དེ་ནི་ཡེ་ཤེས་ཆེན་པོའི་གནས་ནི། །ཆོས་ཀྱི་སྐུ་དེ་ཉིད་ཡེ་ཤེས་ལྔའི་རང་བཞིན་ཡིན་པའི་ཕྱིར་རོ། །དེ་ཉིད་མ་ཡི་དོན་དུ་བཤད། །ཤྲཱི་ཡིས་འཁོར་ལོ་སྐྱེད་པར་བྱེད་ནི། འཁོར་ལོ་ནི་དམར་པོ་ཨཱ་ལི་ཀཱ་ལིའི་སྙིང་པོ་ཅན་ནོ། །
[241b.2]འདབ་མ་གསུམ་ལྔ་ནི་གྲུ་གསུམ་པའོ། །སྐུད་པ་ཅན་ནི་རེའུ་མིག་བཞི་བཅུ་ཞེ་དགུ་སོ་སོར་འབྱེད་པའི་རེ་ཁཱའོ། །དེ་ཉིད་གསུམ་གྱི་རང་བཞིན་ལྡན་ནི། ལུས་ངག་ཡིད་གསུམ་གྱི་ངོ་བོ། །ཡང་ན་སྐུ་གསུམ་གྱི་རང་བཞིན་ན། །གསུམ་པོ་ལམ་དུ་བཤད་པ་ཡིན་ནི། ལུས་
[241b.3]ངག་ཡིད་གསུམ་གྱིས་མི་དགེ་བ་རྣམས་སྤོང་ཞིང་དགེ་བ་རྣམས་སྤྱོད་པ་ནི་གསུམ་པོ་ལམ་དུ་བཤད་པའོ། །ཡང་ན་རླུང་འབྱུང་འཇུག་གནས་པ་གསུམ་ངོ་བོ་ཉིད་ཀྱིས་ཡི་གེ་གསུམ་ལྷ་གསུམ་གྱི་བདག་ཉིད་དུ་གནས་པ་དང་སྒོམ་པས་སྐུ་གསུམ་ཐོབ་པ་ནི་གསུམ་པོ་ལམ་དུ་བཤད་པའོ། །
[241b.4]ཡི་གེ་ཤྲཱིའི་བཤད་པའོ། །བ་ལས་སྐྱེས་པ་རྒྱལ་མཚན་ཏེ། །ཞེས་པ་ནི་ཁ་ཊྭཱཾ་ག་ལ་འཕྱང་བའི་བ་དན་ནོ། །དེ་ཉིད་ཕྱག་རྒྱ་བཞི་ཡིས་བརྒྱན་ནི། །ལས་ཀྱི་ཕྱག་རྒྱ་དང་། །དམ་ཚིག་གི་ཕྱག་རྒྱ་དང་། ཆོས་ཀྱི་ཕྱག་རྒྱ་དང་ཕྱག་རྒྱ་ཆེན་པོ་སྟེ། དེ་བཞིའི་བདག་ཉིད་དོ། །ཡང་
[241b.5]ན་ཕྱག་རྒྱ་བཞི་ཡིས་བརྒྱན་ནི། འདུས་བྱས་ཐམས་ཅད་མི་རྟག་པ་དང་། ཆོས་ཐམས་ཅད་བདག་མེད་པ་དང་། ཟག་པ་དང་བཅས་པ་རྣམས་སྡུག་བསྔལ་བ་དང་། མྱ་ངན་ལས་འདས་པ་ནི་ཞི་བས་ཏེ་བཞི་དང་ལྡན་པས་མཚོན་པའོ། །བསམ་གཏན་བཞི་དང་ལྡན་པའི་
[241b.6]མཆོག་ནི། །བསམ་གཏན་བཞིའི་རང་བཞིན་ཡིན་པས་དེ་ཐོབ་པར་འགྱུར་བའོ། །རྣམ་ཐར་བཞི་ཡང་དེ་ལས་འགྲུབ་ནི། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུས་མ་བྱས་པ་སྟེ། དེ་རྣམས་ཀྱང་ཐོབ་པར་འགྱུར་ཞེས་པའི་དོན་ཏོ། །
[241b.7]ཡི་གེ་བའི་བཤད་པའོ། །ཛ་ལས་བཀྲ་ཤིས་འབྱུང་བ་ཡིས། །ཞེས་པ་ནི་གཡུང་དྲུང་འཁྱིལ་བའོ། །ཤིན་ཏུ་མྱུར་བར་འཁོར་བ་ལས། །ཞེས་པ། ནི་སྟེང་དུ་གཡུང་དྲུང་འཁྱིལ་བ། དེའི་འོག་ཏུ་འཁོར་ལོ་དེ་ཉིད་དྲག་ཏུ་འཁོར་བས་སོ། །དགའ་བ་མཆོག་དགའི་རང་བཞིན་
[242a]
[242a.1]ཅན་ནི། ཧཾ་ལས་ཐིག་ལེ་བསམ་པ་ལས་དགའ་བ་གསུམ་པོ་རིམ་གྱིས་སྐྱེ་བའོ། །ལྷན་ཅིག་སྐྱེས་པ་སྟེར་བར་བྱེད། །ཅེས་པ་ནི་ཐིག་ལེ་ལས་ཨཾ་ལ་སླེབ་པའི་དུས་ན་ལྷན་ཅིག་སྐྱེས་པའི་ཡེ་ཤེས་སྐྱེས་ཏེ། མི་རྟོག་པའི་རང་བཞིན་དུ་འགྱུར་རོ། །ཡི་གེ་ཛའི་བཤད་པའོ། །ཛོ་
[242a.2]ལས་བྱུང་བའི་དོན་མཆོག་ནི། །ཞེས་པ་ནི་དེའི་དོན་བཤད་པར་བྱ་ཞེས་པའི་དོན་ཏོ། །སྙོམས་འཇུག་རྫོགས་པའི་ངོ་བོར་འདོད། །ཅེས་པ་ནི་ཐབས་དང་ཟུང་དུ་འཇུག་པ་སྟེ། ལས་ཀྱི་ཕྱག་རྒྱ་མ་ལ་བརྟེན་པའམ། རྩ་དང་ཐིག་ལེ་ལ་བརྟེན་པས་སོ། །གཉིས་མེད་ཡེ་ཤེས་
[242a.3]མཐོང་བར་བྱེད། །ཅེས་པས་ནི་སྙོམས་འཇུག་མཐར་ཐུག་པ་ལས་ལྷན་ཅིག་སྐྱེས་པའི་ཡེ་ཤེས་ངོས་གཟུང་བའོ། །ཕྱག་རྒྱ་ཆེན་པོ་སྟེར་བར་མཛད། །ཅེས་པ་ནི་ཡེ་ཤེས་དེ་ཉིད་ལ་རྒྱུན་མི་ཆད་པར་གོམས་པར་བྱས་པས་སངས་རྒྱས་ཐོབ་པར་བྱེད་དོ་ཞེས་པའི་དོན་ཏོ། །
[242a.4]གཞན་ཡང་གི་ལས་བྱུང་བ་ནི། །ཉི་མའི་གཟུགས་དང་ཟླ་བ་རྒྱས། །ཞེས་གསུངས་ཏེ། གཡས་དང་གཡོན་དུ་རྒྱུ་བའི་རླུང་གཉིས་དབུ་མར་འཛུད་པའོ། །དེ་ནི་གར་ཡང་གནས་པ་མེད། །ཅེས་པ་ནི། རླུང་དབུ་མར་ཚུད་པ་ན་གར་ཡང་མི་གནས་པ་སྟེ། མི་རྟོག་
[242a.5]པར་གྱུར་པའོ། །ཆོས་ཀྱི་སྐུ་ཡི་གནས་ཀྱང་སྟེར། །ཞེས་པ་ནི་སྟོང་པ་ཉིད་ཀྱི་ཡེ་ཤེས་ལས་ཆོས་ཀྱི་སྐུ་ཐོབ་པས་ན་རྒྱུ་ཡིན་ནོ། །ཡི་གེ་གིའི་དོན་བཤད་པའོ། །ནི་ལས་བྱུང་བའི་དོན་མཆོག་ནི། བླ་མ་དམ་པའི་མན་ངག་གིས། །ཞེས་གསུངས་ཏེ། བླ་མ་དམ་པའི་གསང་
[242a.6]སྔགས་ཀྱི་ཐེག་པ་སྟོན་པའི་སློབ་དཔོན་རྣམས་སོ། །མན་ངག་གིས་ནི་རིམ་པ་གཉིས་ཀྱི་རྣལ་འབྱོར་རོ། །བརྟན་གཡོ་ཐམས་ཅད་སྟོང་པར་ཤེས་ནི་ཁམས་གསུམ་སྣོད་དང་བཅུད་དུ་བཅས་པ་རང་བཞིན་མེད་པར་ཁོང་དུ་ཆུད་པའོ། །དེ་ཡིས་སངས་རྒྱས་མྱུར་དུ་ཐོབ་ནི། དེ་
[242a.7]ལྟ་བུའི་རྣལ་འབྱོར་པས་རིང་པོ་མི་ཐོགས་པར་སངས་རྒྱས་ཐོབ་པར་འགྱུར་རོ་ཞེས་བྱ་བའི་དོན་ཏོ། །ཡི་གེ་ནའི་བཤད་པའོ། །ཡི་གེ་དེ་བརྒྱད་དཀྱིལ་འཁོར་ནི། །ཞེས་པ་ནི་ཡི་གེ་དེ་བརྒྱད་ཀྱི་དོན་ནི་རྡོ་རྗེ་རྣལ་འབྱོར་མའི་རང་བཞིན་ནོ། །དཀྱིལ་འཁོར་ནི་འཁོར་ལོ་སྟེ། དམར་པོ་ནི་གྲུ་
[242b]
[242b.1]གསུམ་པ་ཨཱ་ལི་ཀཱ་ལིའི་སྙིང་པོ་ཅན་ནོ། །དངོས་གྲུབ་འདོད་པས་བྲི་བར་བྱ་ནི། མཆོག་དང་ཐུན་མོང་གི་དངོས་གྲུབ་ཐོབ་པར་བྱ་བའི་ཕྱིར་འཁོར་ལོ་བྲིས་ལ་ཕྱི་རོལ་གྱི་མཆོད་པ་བྱའོ་ཞེས་པའི་དོན་ཏོ། །འཁོར་ལོ་དེ་ཅི་ཡིས་བྲི་བར་བྱ་ཞེ་ན། བདུད་རྩི་ལྔ་ལ་སོགས་པའི་ཁུ་བའི་རྣམ་པ་ཅི་
[242b.2]ཡོད་པས་སོ། །གདམས་པས་གཟབས་ཏེ་བྲི་བར་བྱ་ནི། བླ་མའི་མན་ངག་བཞིན་དུ་མ་འཁྲུལ་བར་བྲི་བར་བྱའོ། །དེ་དག་གིས་ནི་གུག་པོ་བྲི་ནི་ཆོས་འབྱུང་དང་། ཨཱ་ལི་ཀཱ་ལིའི་སྙིང་པོ་ཅན་གཡུང་དྲུང་འཁྱིལ་པ་བཞི་དང་བཅས་པ་བྲིས་ལ། ཡེ་ཤེས་སེམས་དཔའ་བཀུག་ལ་བསྟིམ་
[242b.3]པ་མཆོད་པ་དང་བསྟོད་པ་ནས་གཤེགས་སུ་གསོལ་བའི་བར་དུ་དེ་ཁོ་ན་ཉིད་ཡེ་ཤེས་གྲུབ་པའི་སྒྲུབ་ཐབས་ནས་བཤད་བཞིན་དུ་བྱའོ། །དེ་ནི་ཕྱི་རོལ་གྱི་མཆོད་པ་བསྟན་ནས། ནང་ལྷའི་རྣལ་འབྱོར་བསྒོམ་པ་བསྟན་པར་བྱ་སྟེ། །དེ་ལ་ཀེང་རུས་ཏཱ་ར་ན། །ཞེས་པ་ནི་ཀེང་རུས་སུམ་ཅུ་
[242b.4]རྩ་གཉིས་ཀྱིས་ཕྱོགས་བཞིར་བསྐོར་བ་བཅུ་དྲུག་གིས་གདུགས་བྱས་པའི་དབུས་སུ་ལྷ་མོ་བསྒོམ་པའོ། །དམ་ཆོས་བདུད་རྩི་དེ་ཉིད་ཡིན། །ཞེས་པ་ནི་རིམ་པ་གཉིས་ཀྱིས་རྣལ་འབྱོར་བྱ་བ་སྟེ། ཆོ་ག་བརྒྱད་པའི་དེ་ཁོ་ཉིད་ཡེ་ཤེས་གྲུབ་པ་ནས་བཤད་པ་བཞིན་ནོ། །སྒོ་ཡི་མན་ངག་དེ་ཉིད་
[242b.5]ཡིན། །ཞེས་པ་ནི་ཕྱོགས་གསུམ་གྱི་ཀེང་རུས་རྣམས་ནི་སྐྲ་གསུང་ཐུགས་ཀྱི་ལྷ་ཚོགས་སོ། །ཕྱོགས་གཅིག་གི་ཀེང་རུས་རྣམས་ནི་བདེ་བ་ཆེན་པོའི་འཁོར་ལོའི་ལྷ་མོ་བཞི་དང་ཐོད་པ་བཞིའོ། །གདུགས་ཀྱི་བཅུ་དྲུག་མ་བརྒྱད་ནི་དམ་ཚིག་གི་འཁོར་ལོའི་ལྷ་མོ་བརྒྱད་པའོ། །བརྒྱད་
[242b.6]ནི་དུར་ཁྲོད་བརྒྱད་དོ། །དེ་རྣམས་ཀྱིས་བསྐོར་བའི་དབུས་ན་ལྷ་མོ་བཞུགས་པའོ། །གཡོན་གྱི་ཁ་ཊྭཱཾ་ག་ནི་དཔལ་བདེ་མཆོག་གོ། །དེ་ལྟར་ན་འདི་ལྟར་བསྒོམས་པས་དཔལ་བདེ་མཆོག་གི་དཀྱིལ་འཁོར་ཡོངས་སུ་རྫོགས་པར་བསྒོམས་པར་འགྱུར་བའོ། །དེས་ནི་ལྷ་མོ་བསྒོམས་པ་བསྟན་
[242b.7]ཏོ། །དེ་ནི་ཡབ་ཡུམ་མཉམ་པར་སྦྱོར་བའི་རྣལ་འབྱོར་བསྟན་པར་བྱ་སྟེ། །དེ་ཡི་དབུས་ན་མཁའ་འགྲོའི་གཙོ། །ཡི་གེ་ནི་ལས་བྱུང་བ་ཡིན། །ཞེས་པ་ནི་བདག་ཉིད་ལྷ་མོར་བསྒོམས་པའི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ནི་ལས་བྱུང་བའི་དཔལ་འཁོར་ལོ་སྡོམ་པ་ཞལ་
[243a]
[243a.1]གཅིག་ཕྱག་གཉིས་པར་གྱུར་པའོ། །རྡོ་རྗེ་རྣལ་འབྱོར་མ་དང་བཅས། །དེ་ནི་མ་ལས་བྱུང་ཞེས་བརྗོད། །ཅེས་པ་ནི་ཡི་གེ་དེ་གཉིས་ལས་ཡབ་ཡུམ་གཉིས་དུས་གཅིག་ལ་བྱུང་བའོ། །བདག་ཉིད་ཡིན་པར་རྟོགས་ཀྱིས་ལ་ནི་སྟོང་པ་ཉིད་དང་། སྙིང་རྗེ་གཉིས་རོ་
[243a.2]གཅིག་པར་སྒོམ་པའོ། །ལྷན་སྐྱེས་ཡེ་ཤེས་བསྒྲུབ་པར་བྱ་ནི་ཡབ་ཡུམ་གཉིས་སྙོམས་འཇུག་བྱས་པ་ལས་བདེ་བ་ཆེན་པོའི་ཡེ་ཤེས་བསྐྱེད་པའོ། །ཚོགས་གཉིས་བསགས་པས་ཡེ་ཤེས་སྐྱེ་ནི་ཐབས་དང་ཤེས་རབ་གཉིས་ཟུང་དུ་འཇུག་པ་གཉིས་སུ་མེད་པའི་ཡེ་ཤེས་སྐྱེ་བའོ། །དེ་
[243a.3]ཉིད་དེ་ཡི་ཐབས་སུ་བཤད་ནི། སྔགས་ཀྱི་ཐེག་པ་འདིར་ཐབས་དང་ཤེས་རབ་ཀྱི་སྙོམས་འཇུག་ལས་མི་རྟོག་པ་སྐྱེ་བ་འདི་ཉིད་ཐབས་སུ་གསུངས་པའོ། །རབ་དགའ་ལ་སོགས་ས་བཅུ་པོ། །སངས་རྒྱས་རྣམས་ཀྱིས་ལམ་དུ་གསུངས། །ཞེས་པ་ནི་ཕ་རོལ་ཏུ་ཕྱིན་པའི་ཐེག་པ་
[243a.4]ལས་ནི་ལམ་ལྔ་དང་། ཕ་རོལ་ཏུ་ཕྱིན་པ་དྲུག་དང་། ས་བཅུ་པོ་སངས་རྒྱས་ཀྱི་ལམ་དུ་གསུངས་སོ། །སྙོམས་འཇུག་ཡོངས་སུ་རྫོགས་པ་ལས་ནི། ཡབ་ཡུམ་བསྲུབས་པའི་སྦྱོར་བ་བྱས་པས་སོ། །ཐིག་ལེ་གཉིས་པོ་ནི་ཀུན་རྫོབ་བྱང་ཆུབ་ཀྱི་སེམས་དང་དོན་དམ་བྱང་ཆུབ་
[243a.5]ཀྱི་སེམས་སོ། །འོད་ཟེར་འཕྲོ་ནི་དགའ་བཞི་རིམ་གྱིས་སྐྱེ་བའོ། །ཐིག་ལེ་ལ་ནི་ཐིག་ལེ་ཐིམ་ནི། ལྷན་སྐྱེས་ཀྱི་དགའ་བ་སྟེ་གཉིས་མེད་ཀྱི་ཡེ་ཤེས་སོ། །མཁས་པ་ཡིས་ནི་བསྒོམ་པར་བྱ་ནི། །བླ་མའི་མན་ངག་ཁོང་དུ་ཆུད་པའི་རྣལ་འབྱོར་པས་བསྒོམ་པར་བྱ་ཞེས་པའི་དོན་
[243a.6]ཏོ། །འདི་རྣམས་བསྒོམ་པ་བྱས་པ་ཡིན། །མཚན་དང་དཔེ་བྱད་ཐོབ་པར་འགྱུར། །ཞེས་པ་ནི་གཉིས་སུ་མེད་པའི་ཡེ་ཤེས་བསྒོམ་པ་ལས་མཚན་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུ་ལྡན་པའི་སངས་རྒྱས་ཐོབ་པར་འགྱུར་རོ་ཞེས་པའི་དོན་ཏོ། །ཡང་རྣལ་འབྱོར་མི་
[243a.7]འདྲ་བ་གཞན་སྟོན་ཏེ། འདི་ལས་སྐྱེས་པའི་རྣལ་འབྱོར་མ་ནི། ཐབས་དང་ཤེས་རབ་ལས་བྱུང་བའི་ཟུང་འཇུག་གི་ཡེ་ཤེས་སོ། །རྡོ་རྗེ་རྣལ་འབྱོར་མ་རུ་གྱུར་ནི། །བདེ་བ་ཆེན་པོའི་ཡེ་ཤེས་དེ་ལས་རྡོ་རྗེ་རྣལ་འབྱོར་མའི་སྐུ་རུ་གྱུར་པའོ། །ལྟེ་བའི་ནང་སོགས་པདྨ་བལྟ་ནི། སྤྲུལ་
[243b]
[243b.1]བའི་འཁོར་ལོའི་སྟེང་དུའོ། །ཉོན་མོངས་ཐམས་ཅད་བྱད་པར་བྱེད་ནི་དེ་ལྟར། བསྒོམས་པས་སྒྲིབ་པ་གཉིས་སྤོང་པའོ། །ཡི་གེ་དྲུག་གིས་ལྷ་མོའི་གནས་དྲུག་ཏུ་གོ་བགོ་བ་ནི་གོ་སླའོ། །ཕྱག་འཚལ་ཡི་གེ་ཐམས་ཅད་ལས་ནི། །ཡི་གེ་བརྒྱད་པའོ། །ལྷ་མཆོག་ཏུ་ནི་བྱིན་གྱིས་བརླབ་
[243b.2]ནི་ཡི་གེ་དེ་བརྒྱད་ལས་ཡབ་ཡུམ་གཉིས་དང་གོ་ཆའི་ལྷ་མོ་དྲུག་བསྐྱེད་པའི་ས་བོན་ཡིན་ནོ་ཞེས་པའི་དོན་ཏོ། །བདེ་བ་ཆེན་པོ་ལས་སྐྱེས་པ་ནི་ཟུང་འཇུག་ལྷན་སྐྱེས་ཀྱི་ཡེ་ཤེས་ལས་ལྷ་མོ་དེ་བྱུང་བས་སོ། །ཟབ་མོར་འབྱུང་བའི་མན་ངག་གོ་ནི། །རྣལ་འབྱོར་འདི་ནི་རྟོགས་པར་དཀའ་
[243b.3]བ་སྟེ། མན་ངག་འདི་ཤིན་ཏུ་ཡང་ཁོང་དུ་ཆུད་པར་དཀའ་བའོ་ཞེས་པའི་དོན་ཏོ། །དེ་དོན་ཡང་ནི་བཤད་པར་བྱ་ནི། ཟབ་མོའི་དོན་གྱི་རྣལ་འབྱོར་མི་འདྲ་བ་གཞན་ཡང་བསྟན་པར་བྱའོ་ཞེས་པའི་དོན་ཏོ། །བསྲུབས་པའི་སྦྱོར་བའི་ནང་དུ་ནི་ཞེས་པ་ནི་རྡོ་རྗེ་དང་པདྨོ་གཉིས་བསྲུབས་པ་
[243b.4]ལས་ཐིག་ལེ་བྱུང་བའོ། །ན་ལས་འཁོར་ལོ་སྡོམ་པ་བྱུང་ནི། ཐབས་ཀྱི་ཐིག་ལེན་རུ་གྱུར་པ་ལས་འཁོར་ལོ་སྡོམ་པ་བྱུང་བའོ། །མ་ལས་རྡོ་རྗེ་རྣལ་འབྱོར་མ་ནི། ཤེས་རབ་ཀྱི་ཐིག་ལེ་མ་རུ་གྱུར་པ་ལས་རྡོ་རྗེ་རྣལ་འབྱོར་མ་བྱུང་བའོ། །པདྨར་ཡི་གེ་བྷ་ག་ལས་ནི། ཡུམ་
[243b.5]གྱི་བྷ་གའི་ནང་དུ་ཡི་གེ་དེ་གཉིས་ལས་ཡབ་ཡུམ་གཉིས་བྱུང་བའོ། །བདེ་བ་ཆེན་པོ་ལས་སྐྱེས་པ་ནི། ལྷན་ཅིག་སྐྱེས་པའི་ཡེ་ཤེས་ལས་བྱུང་བའོ། །དེ་ཉིད་རྣལ་འབྱོར་མ་རུ་ཤེས་ནི། ཤེས་རབ་ཀྱི་རང་བཞིན་ཡིན་པས་རྣལ་འབྱོར་མའོ། །རྡོ་རྗེ་གཉིས་ཀྱི་དབུས་
[243b.6]གནས་པའི་ནི། །རྡོ་རྗེ་པདྨའི་དབུས་ན་ཡོད་པའོ། །དམ་པ་དེ་ནི་ཤིན་ཏུ་བསྟན་ནི། འདི་ནི་ཕྲ་མོའི་རྣལ་འབྱོར་ཡིན་པས་གསལ་པོར་བསྟན་པར་བྱའོ། །རྩ་བར་འཁོར་ལོ་ཡོད་པ་ལ་ནི། འདིར་འཁོར་ལོ་གསུམ་པདྨ་དང་བཞི་བརྩེགས་སུ་བསྒོམས་པའོ། །རྩིབས་
[243b.7]བརྒྱད་འོད་དང་བཅས་པའོ། །དཀར་པོ་ཕྱི་རོལ་འཁོར་ལོས་བསྐོར། །སྟོབས་དང་ལྡན་པ་ལ་སོགས་བརྒྱད། །གཡོན་ཕྱོགས་སུ་ནི་རབ་བསྐོར་ཞིང་། །དབུས་ན་ཡེ་ཤེས་རྒྱ་མཚོའོ། །ཞེས་པ་ནི་སྐུའི་འཁོར་ལོའོ། །འཁོར་ལོའི་ཤར་ཕྱོགས་ཀྱི་རྩིབས་ལ་སྟོབས་པོ་ཆེ།
[244a]
[244a.1]བྱང་དུ་རིན་ཆེན་རྡོ་རྗེ། ནུབ་ཏུ་རྟ་མགྲིན། ལྷོ་རུ་ནམ་མཁའི་སྙིང་པོ། ཤར་ལྷོར་དཔལ་ཧེ་རུ་ཀ །བྱང་ཤར་དུ་རྡོ་རྗེ་སེམས་དཔའ། ནུབ་བྱང་དུ་རྣམ་པར་སྣང་མཛད། ལྷོ་ནུབ་ཏུ་པདྨ་གར་གྱི་དབང་ཕྱུག་གོ། །དབུས་ན་ཡེ་ཤེས་རྒྱ་མཚོ་སྟེ་སྐུ་རྡོ་རྗེའོ། །
[244a.2]འཁོར་ལོ་དམར་པོ་རྩིབས་བརྒྱད་པ། །པདྨའི་ཕྲེང་བས་བསྐོར་བའོ། །འཇིགས་བྱེད་ལ་སོགས་བརྒྱད་པོ་ནི། །འཁོར་ལོའི་རྩིབས་བརྒྱད་ལ་གནས་ཤིང་། །གཡས་ཕྱོགས་སུ་ནི་རབ་ཏུ་བསྐོར། །ཆོས་ཀྱི་ཞལ་ནི་དབུས་གནས་པའོ། །ཞེས་པ་ནི་གསུང་གི་འཁོར་ལོའོ། །
[244a.3]ཤར་གྱི་རྩིབས་ལ་འཇིགས་བྱེད་ཡང་ན་ཨ་ཀུ་རིའོ། །ལྷོ་ཕྱོགས་སུ་ནི་རྡོ་རྗེ་ཧཱུཾ་མཛད་པའོ། །ནུབ་ཕྱོགས་སུ་དཔའ་བོ་ཆེན་པོ། བྱང་དུ་རྡོ་རྗེ་རལ་པ་ཅན། ཤར་ལྷོར་རབ་ཏུ་བཟང་པོ། ལྷོ་ནུབ་ཏུ་རྡོ་རྗེ་བཟང་པོ། ནུབ་བྱང་དུ་འཇིགས་བྱེད་ཆེན་པོ། །བྱང་ཤར་དུ་མིག་མི་
[244a.4]བཟང་ངོ་། །དབུས་སུ་ཆོས་ཀྱི་ཞལ་ཏེ་གསུང་རྡོ་རྗེའོ། །རྡོ་རྗེ་རིན་ཆེན་འཁོར་ལོ་དབུས། །རྩིབས་བརྒྱད་འོད་དང་བཅས་པའོ། །རྡོ་རྗེ་ནག་པོའི་ཕྲེང་བས་བསྐོར། །ཐོད་པའི་དུམ་བུ་ལ་སོགས་བརྒྱད། །དབུས་ན་སྙོམས་འཇུག་རང་བཞིན་བསྟན། །ཞེས་པ་ནི་
[244a.5]ཐུགས་ཀྱི་འཁོར་ལོའོ། །ཤར་གྱི་རྩིབས་ལ་ཁཎྜ་ཀ་པཱ་ལ། བྱང་དུ་མ་ཧཱ་ཀཾ་ཀ་ལ། ནུབ་ཏུ་ཀཾ་ཀ་ལ། ལྷོ་རུ་མཆེ་བ་རྣམ་པར་གཙིགས་པ། ཤར་ལྷོ་རུ་སུ་ར་བྷེ་རི། ལྷོ་ནུབ་ཏུ་འོད་དཔག་མེད། ནུབ་བྱང་དུ་རྡོ་རྗེའི་འོད། བྱང་ཤར་དུ་རྡོ་རྗེའི་སྐུའོ། །དབུས་ན་སྙོམས་
[244a.6]འཇུག་གི་རང་བཞིན་ཏེ་ཐུགས་རྡོ་རྗེའོ། །བསྐལ་པ་འཇིག་པའི་མེ་ལྟ་བུ་ནི། ཇི་ལྟར་བསྐལ་པ་འཇིག་པའི་མེས་སྣོད་ཀྱི་འཇིག་རྟེན་མ་ལུས་པར་བསྲེགས་པ་བཞིན་དུ་འཁོར་ལོ་འདི་རྣམས་ཀྱི་འོད་ཀྱིས་ཀྱང་སྒྲིབ་པ་གཉིས་མ་ལུས་པར་སྲེག་པར་བྱེད་པའོ། །སྐུ་ཅན་པདྨ་རྡོར་དྲིལ་
[244a.7]དབུས་ནི། སྣ་ཚོགས་པདྨ་འདབ་མ་བཞི་པའོ། །མཁས་པ་ཡིས་ནི་བསྒོམ་པར་བྱ་ནི། འཁོར་ལོའི་སྟེང་དུ་པདྨ་དེ་ལ་དཔའ་བོ་དྲུག་གི་གོ་ཆའི་སྔགས་དགོད་པར་བྱ་བ་སྟེ་གོ་སླའོ། །འཁོར་ལོ་རྣམས་ཀྱི་རིམ་པ་ཡང་། །སྐུའི་འཁོར་ལོའི་སྟེང་དུ་གསུང་གི་འཁོར་ལོའོ། །དེའི་
[244b]
[244b.1]སྟེང་དུ་ཐུགས་ཀྱི་འཁོར་ལོའོ། །མེ་ལྟར་འབར་བའི་འོད་མངའ་བ་ནི། འཁོར་ལོ་དེ་རྣམས་ལ་མེ་དཔུང་འབར་བའི་འོད་འཕྲོ་བས་ཕྱི་ནང་གི་བར་ཆད་རྣམས་བསྲེག་པའོ། །སྔར་བཤད་པའི་འཁོར་ལོ་ནི་གོང་དུ་བསྟན་པའི་འཁོར་ལོ་གསུམ་དང་པདྨའོ། །ཀ་ཀོ་ལའི་བར་དུའོ་ནི་ལྷ་
[244b.2]མོའི་པདྨའི་ནང་དུའོ། །རྡོ་རྗེའི་རྩེ་མོ་དང་པདྨའི་ཕུག་གི་བར་དུ་བཞི་བརྩེགས་སུ་སྒོམ་པའོ། །རྒྱུན་མི་འཆད་པར་འཁོར་བར་བལྟ་ནི།འཁོར་ལོ་དེ་རྣམས་གཡོན་སྐོར་དུ་འཁོར་བར་བལྟའོ། །སྒོམ་པ་འདི་ལྟར་བསྒོམ་པ་བྱ་ནི་འཁོར་ལོ་རྣམས་རྒྱུན་མི་འཆད་པར་
[244b.3]འཁོར་བ་ལ་སེམས་གཏད་པས་ཨཾ་ལས་མེ་ལངས་པས་འཁོར་ལོ་གསུམ་པོ་སྲེག་པའོ། །གཏོར་མ་དྲུག་ཅུ་རྩ་བཞི་སྦྱིན་ནི། སྤྱི་གཙུག་བདེ་བ་ཆེན་པོའི་འཁོར་ལོ་ལ་གནས་པའི་ཧཾ་བཞུ་ནས་བདུད་རྩིའི་རྒྱུན་མར་བབས་ཏེ། ལྟེ་བ་སྤྲུལ་པའི་འཁོར་ལོ་འདབ་མ་དྲུག་ཅུ་རྩ་བཞི་
[244b.4]པ་ལ་གནས་པའི་ཨཾ་ལ་བབས་པས། བདེ་བ་ཆེན་པོའི་ཡེ་ཤེས་སྐྱེས་པས་རྟོག་པ་མཐའ་དག་འགག་པའོ། །ཉོན་མོངས་རྣམས་ནི་བྱང་གྱུར་ཞིང་། །ཞེས་པ་ནི་དེ་ལྟར་བསྒོམས་ན་སྒྲིབ་པ་གཉིས་མ་ལུས་པ་ཟད་པར་འགྱུར་རོ། །ཕན་ཡོན་མཉམ་མེད་ཐོབ་པར་འགྱུར་ནི།
[244b.5]འབྲས་བུ་བླ་ན་མེད་པའི་བྱང་ཆུབ་ཐོབ་པར་འགྱུར་རོ་ཞེས་པའི་དོན་ཏོ། །ཟབ་མོར་གྱུར་པའི་རིམ་པའོ་ནི། དེ་རྣམས་ཤིན་ཏུ་ཟབ་པའི་རྣལ་འབྱོར་རིམ་པ་བཞིན་དུ་བཤད་པའོ། །ཡང་རྣལ་འབྱོར་མི་འདྲ་བ་གཞན་སྟོན་ཏོ། །ན་ལས་ནཱ་དའི་གཟུགས་ཀྱིས་སོ་ནི། སྙིང་གར་
[244b.6]ཡི་གེ་ན་གྱུར་པ་ལས་བདག་ཉིད་ཀྱི་ལུས་ནཱ་ད་ཤིན་ཏུ་ཕྲ་བར་གྱུར་པར་བསམ་མོ། །ཐབས་དང་བརྩེ་བ་དྲི་མ་མེད་ནི། །དེ་ཉིད་ཐབས་ཡིན་ཏེ་དམིགས་པ་དང་བཅས་པས་སོ། །བརྩེ་བ་ནི་སྙིང་རྗེའི་སྙིང་སྟེ་ནཱ་ད་དེ་ཀུན་རྫོབ་ཡིན་པས་སོ། །དྲི་མ་མེད་ནི་རིག་པར་འཛིན་པའི་ཤེས་པ་མེད་
[244b.7]པ་སྟོང་པ་ཉིད་ཀྱི་ཡེ་ཤེས་ཀྱི་དངོས་ཀྱི་རྒྱུ་ཡིན་པས་སོ། །དངོས་པོ་རང་བཞིན་སྤྱོད་པས་སྟོང་ནི་ནཱ་ད་དེ་ཡང་དཔྱད་ན་གང་གི་ངོ་བོར་ཡང་མ་གྲུབ་པའོ། །བདེ་བ་སྐྱེ་བ་སྦྱིན་པར་བྱེད་ནི། ཆོས་ཀྱི་སྐུའི་ཡེ་ཤེས་སྐྱེ་བའི་ཐོགས་པ་མེད་མའི་རྒྱུ་བྱེད་པས་སོ། །མ་ནི་སྟོང་པའི་ངོ་བོ་ལ་ནི།
[245a]
[245a.1]ནཱ་ད་དེ་ཡང་མི་དམིགས་པར་བྱས་ནས་འོད་གསལ་གྱི་ཡེ་ཤེས་སུ་གྱུར་པའོ། །ཤེས་རབ་ངེས་པའི་རང་བཞིན་ཡིན་ནི། ཡེ་ཤེས་དེ་ལས་སངས་རྒྱས་ཞེས་བྱ་སྟེ། ཆོས་ཀྱི་སྐུའི་ཡེ་ཤེས་ཡིན་པས་སོ། །བདེ་བ་ཆེན་པོས་རབ་ཏུ་གང་ནི། ཡེ་ཤེས་ཏེ་མི་རྟོག་ཅིང་
[245a.2]མི་འགྱུར་བས་སོ། །ཕྱག་རྒྱ་ཆེན་པོ་དེ་ཉིད་ཡིན་ནི། ཡེ་ཤེས་དེ་གང་གིས་མངོན་དུ་བྱས་པ་དེ་ནི་ཕྱག་རྒྱ་ཆེན་པོའི་དངོས་གྲུབ་ཐོབ་པ་ཡིན་ཏེ། མངོན་པར་རྫོགས་པར་སངས་རྒྱས་པའོ། །གཉིས་པོ་གཅིག་ཏུ་གྱུར་པ་ཡིན་ནི། ནཱ་ད་སྟོང་པར་ཐིམ་ནས་འོད་གསལ་གྱི་ངང་དུ་གྱུར་
[245a.3]པའོ། །རྟོག་པ་མེད་ཅིང་དྲི་མ་བྲལ་ནི། ནམ་མཁའ་ལྟར་རྟོག་པ་དང་བྲལ་བས་གཟུང་འཛིན་གྱི་དྲི་མ་རྣམས་མ་ལུས་པར་ཟད་པའོ། །རང་བྱུང་ཡེ་ཤེས་མཉམ་པ་མེད་ནི། འཇིག་རྟེན་ན་འགྲན་ཟླ་མེད་ཅིང་དཔེ་བརྗོད་ལས་འདས་པའོ། །འཇིག་རྟེན་གསུམ་གྱི་གཙོ་བོ་ཡི་ནི།
[245a.4]ཁམས་གསུམ་གྱི་བླ་མ་ཡིན་ཏེ། ཐམས་ཅད་ཀྱིས་ཕྱག་བྱས་པ་དང་། མཆོད་པའི་འོས་སུ་གྱུར་པའོ། །སེམས་ལས་སེམས་འབྱུང་བལྟ་བར་བྱ་ནི། གོང་གི་ཡེ་ཤེས་དེ་ཉིད་རྒྱུན་མ་ཆད་པར་སྔ་ཕྱི་ཐ་མི་དད་པར་བསྒོམ་པའོ། །སེམས་ཀྱི་དབུས་སུ་གཞག་པ་ཡིས་ནི། སེམས་
[245a.5]བློའི་ནང་དུ་བཙུད་ནས་ཡུལ་ལ་མི་འཕྲོ་བར་རྩེ་གཅིག་ཏུ་བྱེད་པའོ། །དེ་གཉིས་འདྲེས་པས་དང་པ་གཉིས་ནི། སེམས་དང་བློ་གཉིས་རོ་གཅིག་ཏུ་གྱུར་པས་སོ། །དད་པ་གཉིས་ནི་གཡས་གཡོན་ནས་འབྱུང་བའི་རླུང་གཉིས་པའོ། །མི་འབྱུང་བས་ནི་བསྟན་པ་ཡིན་ནི། །རླུང་འབྱུང་
[245a.6]བ་དང་འཇུག་པ་གཉིས་འགགས་ནས་སེམས་མི་གཡོ་བར་བརྟན་པོར་གནས་པའོ། །འདི་སྒྲུབ་རྡོ་རྗེ་ཏིང་ངེ་འཛིན་གྱིས་ནི། འདི་སྒྲུབ་ནི་སྐུ་བཞིའོ། །རྡོ་རྗེ་ཏིང་འཛིན་གྱིས་ནི་སྟོང་པ་ཉིད་ཀྱི་ཡེ་ཤེས་ནི་རྡོ་རྗེ་ལྟ་བུ་ཡིན་ཏེ། སྒྲིབ་པ་གཉིས་མ་ལུས་པར་འཇོམས་པའོ། །སྐད་ཅིག་
[245a.7]གིས་ནི་བདེ་བ་རྒྱས་ནི། སྒྲིབ་པ་གཉིས་སྤངས་པའི་སྐད་ཅིག་ལས་འཚང་རྒྱ་བ་སྟེ། སྐུ་བཞི་མངོན་དུ་བྱེད་དོ་ཞེས་པའོ་དོན་ཏོ། །ལྷན་སྐྱེས་དྲི་མེད་ཐིག་ལེ་གཉིས་ནི། ཇི་ལྟ་བ་མཁྱེན་པའི་ཡེ་ཤེས་དང་། ཇི་སྙེད་པ་མཁྱེན་པའི་ཡེ་ཤེས་གཉིས་ཐོབ་པ་ཡིན་ནོ་ཞེས་པའི་དོན་ཏོ། །
[245b]
[245b.1]དྲི་མེད་ལྡན་པས་དྲི་མེད་སྤྲོ་ནི། ཆོས་སྐུ་ལས་གཟུགས་སྐུ་རྣམ་པ་གཉིས་བྱུང་ནས་གཞན་གྱི་དོན་མ་ལུས་པར་མཛད་པའོ། །སྐྱེ་བ་དང་ནི་འགག་པ་གཟུགས་ནི། ཀུན་རྫོབ་ཀྱི་བདེན་པ་དང་། དོན་དམ་པའི་བདེན་པའོ། །དེ་གཉིས་རྟོགས་པས་དྲི་མ་བྲལ་ནི། བདེན་པ་
[245b.2]གཉིས་ཀྱི་དོན་ཐ་མི་དད་དུ་རྟོགས་པས་སྒྲིབ་པ་གཉིས་ཟད་པའོ། །འཇིག་རྟེན་ཤེས་པ་མེ་ཏོག་དཀར་ནི། འཇིག་རྟེན་ཤེས་པ་ནི་དངོས་པོའི་གནས་ལུགས་ཇི་ལྟ་བ་བཞིན་དུ་ཁོང་དུ་ཆུད་པ་སྟེ། ཐམས་ཅད་མཁྱེན་པའི་ཡེ་ཤེས་སོ། །དེ་ཉིད་མེ་ཏོག་དཀར་པོ་དང་འདྲ་བས་དྲི་
[245b.3]མས་མ་གོས་ཤིང་རང་འབྱུང་བའོ། །འཇིག་རྟེན་བླ་མ་བདེ་ཆེན་གཟུགས་ནི། སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་གསུམ་གྱི་གཙོ་བོ་ཡིན་ཞིང་བླ་མར་གྱུར་པ་སྟེ། ཡེ་ཤེས་འབའ་ཞིག་གི་སྐུ་ཡིན་ནོ་ཞེས་པའི་དོན་ཏོ། །ཚིག་ཉུང་དོན་ཟབ་སྟོན་པ་ཡིན། །ཀེང་རུས་ཕོ་
[245b.4]བྲང་བཤད་པ་ལས། །བསོད་ནམས་བདག་གིས་གང་བསགས་པ། །འགྲོ་ཀུན་གཉིས་མེད་ཐོབ་པར་ཤོག །ཀེང་རུས་ཏཱ་ར་ནཱའི་རིམ་པ་རྡོ་རྗེ་རྣལ་འབྱོར་མའི་སྒྲུབ་ཐབས་བདག་བྱིན་གྱིས་བརླབ་པའི་འགྲེལ་པ་གཞན་ལ་ཕན་པ་ཞེས་བྱ་བ་མང་དུ་ཐོས་པའི་སློབ་དཔོན་ཀུ་མཱ་ར་བོ་དྷིས་
[245b.5]མཛད་པ་རྫོགས་སོ། །{T1570}༄༅༅། །རྒྱ་གར་སྐད་དུ། བཛྲ་ཡོ་གི་ནཱི་སཱ་དྷ་ནཾ་ནཱ་མ། བོད་སྐད་དུ། རྡོ་རྗེ་རྣལ་འབྱོར་མའི་སྒྲུབ་ཐབས་ཞེས་བྱ་བ། རྗེ་བཙུན་དཔལ་རྡོ་རྗེ་ཕག་མོ་ལ་ཕྱག་འཚལ་ལོ། །དང་པོར་རྣལ་འབྱོར་པ་བློ་དང་ལྡན་པས་
[245b.6]ཐེག་པ་ཆེན་པོ་གསང་སྔགས་ཀྱི་དོན་གང་དང་གང་དུ་བསྡུ་བ་དེ་སྔོན་དུ་ཤེས་པར་བྱ་སྟེ། ཆོས་ཐམས་ཅད་ནི་ལུང་དང་བཅས་པ། ལུང་དེ་ཡང་གདམས་ངག་དང་བཅས་པ། གདམས་ངག་དེ་ཡང་བརྒྱུད་པ་དང་བཅས་པ། བརྒྱུད་པ་དེ་ཡང་བྱིན་རླབས་དང་བཅས་པ། དེ་རྣམས་
[245b.7]ནི་ཐེག་པ་ཆེན་པོ་གསང་སྔགས་ཀྱི་དངོས་གྲུབ་ཉེ་བར་ཐོབ་པའི་རྒྱུའོ། །དེའི་རྗེས་ལ་བླ་མའི་ཞལ་ལས་རྟེན་གྱི་གང་ཟག་གཅིག་གི་ཆ་རྐྱེན་ཤེས་པར་བྱ། སྒྲུབ་པའི་དུས་ནི་མར་ངོའི་ཚེས་བཅུའམ། ཡར་ངོའི་ཚེས་བཅུའམ་གནམ་སྟོང་ངོ་། །ཡིད་དང་མཐུན་པའི་གནས་ནི་དང་པོ་བྱིན་
[246a]
[246a.1]རླབས་ཅན་གྱི་གནས་ཉིད་དུ་བརྟག་པར་བྱའོ། །དེའི་རྗེས་ལ་གནས་བསྲུང་བར་བྱའོ། །དེ་ནས་རྣལ་འབྱོར་པ་སྟན་བདེ་བར་འདུག་སྟེ། དགོན་པ་ཁ་ནུབ་ཏུ་བལྟ་བའམ། ཡང་ན་རྣལ་འབྱོར་པ་ཁ་ནུབ་ཏུ་བལྟ། ཡང་ན་ནུབ་ཏུ་བལྟ་བའི་མོས་པ་བྱ། དེ་ནི་དང་
[246a.2]པོ་ཨུ་རྒྱན་ནས་དར་བ་དང་། །དངོས་གྲུབ་ཉེ་བར་འཐོབ་པའི་རྒྱུའོ། །དེའི་རྗེས་ལ་པདྨ་བྷ་ཉྫ་ན་དུམ་བུ་གཅིག་པའམ། གཉིས་པའམ། གསུམ་པའམ། རིན་པོ་ཆེའི་སྣོད་གང་ཡང་རུང་བ་དཔའ་བོའི་བཏུང་བས་གང་བ་དེའི་ནང་དུ་བདུད་རྩིའི་རི་ལུ་བླུགས་པར་བྱའོ། །དེ་ནས་མདུན་
[246a.3]དུ་བཞག་ལ་རྣལ་འབྱོར་པས་ཕུང་པོ་དང་ཁམས་དང་སྐྱེ་མཆེད་སྒྱུ་མ་རྨི་ལམ་ལྟ་བུ་སྐད་ཅིག་གིས་དམིགས་པར་བྱ། །དེ་ནས་ལག་པ་གཡས་གཡོན་གཉིས་ལ་ཨ་དང་རཾ་གཉིས་ཡོངས་སུ་གྱུར་པ་ལས། ཉི་ཟླ་གཉིས་ནི་བསམ་པར་བྱའོ། །དེའི་དབུས་སུ་ཨེ་ཝཾ་གཉིས་ཀྱི་མཐའ་མ་ཨཱ་ལི་
[246a.4]ཀཱ་ལིས་བསྐོར་བ་བསམ་པར་བྱའོ། །དེ་རྣམས་འོད་དུ་ཞུ་བ་བདུད་རྩིར་གྱུར་པ་སྣོད་དུ་བླུགས། །དེ་ནས་སྣོད་དེ་ལག་པ་གཡས་སུ་བླངས་ལ་གཡོན་པའི་སྲིན་ལག་གིས་ཆོས་འབྱུང་གི་དབུས་སུ་བཾ་བྲི། ཨོཾ་ཨཱཿཧཱུཾ། གསུམ་གྱིས་བྱིན་གྱིས་བརླབ། སྲིན་ལག་གཡོན་པས་བདུད་
[246a.5]རྩིའི་ཟེར་མ་ཕྱོགས་བཅུར་གཏོར། དེའི་ཚེ་སྐུ་གསུང་ཐུགས་ཀྱི་སྔགས་བཟླས། བདུད་རྩིའི་ཟེར་མ་དེ་མཁའ་འགྲོ་མའི་བདག་ཉིད་འཕྲོ་བར་བསམ། དེས་བགེགས་དང་བར་དུ་གཅོད་པ་ཐམས་ཅད་བསལ་ལ་གནས་པ་དང་རྣལ་འབྱོར་བྱིན་གྱིས་བརླབ། དེའི་རྗེས་ལ་བདུད་
[246a.6]རྩི་མྱངས་ལ། ཨོཾ་ཨཱཿཧཱུཾ། གསུམ་གྱིས་སྐུ་གསུང་ཐུགས་བྱིན་གྱིས་བརླབ་པོ། །དེའི་རྗེས་ལ་སྐྱེ་མཆེད་དྲུག་བྱིན་གྱིས་བརླབ་པ་ནི། ཨོཾ་བཾ་བཛྲ་བཱ་རཱ་ཧཱི་ལྟེ་བ་ལའོ། །ཧཾ་ཨ་མི་ནི་སྙིང་གར་རོ། །ཧྲཾ་མོཾ་མོ་ཧི་ནི་ཁ་ལའོ། །ཧྲེཾ་ཧྲིཾ་ཙ་ལ་ནི་མགོ་ལའོ། །ཧཱུཾ་ཧཱུཾ་སཾ་ཏྲཱ་ས་
[246a.7]ནི་སྤྱི་གཙུག་ཏུའོ། །ཕཊ་ཕཊ་ཙཎྜི་ཀ་ནི་ལུས་ཐམས་ཅད་ལའོ། །དེ་རྣམས་ཀྱི་གོ་ཆ་བྱའོ། །མདུན་དུ་མཎྜལ་གྲུ་བཞིའི་དབུས་སུ་ཟླུམ་པོར་བྱས་ལ། ཙནྡན་དམར་པོ་ལ་སོགས་པའི་དྲི་ཞིམ་པོ་རྣམ་པ་སྣ་ཚོགས་དང་གོང་དུ་དཔའ་བོའི་བཏུང་བ་བྱུག་པར་བྱ། ལག་པ་
[246b]
[246b.1]གཡོན་པའི་སྲིན་ལག་གི་དབུས་སུ་ཆོས་འབྱུང་ཉིས་བརྩེགས་ཀྱི་གཟུགས་བྲི། ཆོས་འབྱུང་གི་དབུས་སུ་བཾ་བྲི། མེ་ཏོག་གཅིག་དབུས་སུ་བཞག་ལ་བསྲུང་བར་བྱ། ཨོཾ་རཀྵ་རཀྵ་ཧཱུཾ་ཧཱུཾ་ཕཊ་སྭཱ་ཧཱ། ཞེས་སོ། །དེ་ནས་སེམས་བསྐྱེད་པར་བྱའོ། །དེའི་རྗེས་ལ་མེ་ཏོག་སྔོན་མ་བླངས་
[246b.2]ལ་གོ་ཆའི་སྔགས་ཀྱིས་རིམ་པ་བཞིན་དུ་མེ་ཏོག་བཀྲམ། དབུས་སུ་རྡོ་རྗེ་རྣལ་འབྱོར་མའི་སྐུ་རྒྱན་ཆ་ལུགས་དང་ལྡན་པ་ཇི་ལྟ་བ་བཞིན་དུ་དམིགས་པར་བྱ། མཐའ་མ་ལྷ་མོ་དྲུག་ནི་དམར་དང་། སེར་དང་ནག་དང་སྔོ་དང་ལྗང་དང་དུད་ཀའོ། །དེ་ཡང་ཞལ་གཅིག་ཕྱག་
[246b.3]གཉིས་ན་རྡོ་རྗེ་གྲི་གུག་དང་ཐོད་པ་དང་ཁ་ཊྭཱཾ་ག་བསྣམས་པ། ཞབས་གཡས་བརྐྱང་གཡོན་བསྐུམ་པའི་ཚུལ་དུ་རྒྱན་དང་ལྡན་པར་དམིགས་པ་བྱ། དེའི་རྗེས་ལ་ཕྱག་འཚལ། མཆོད་པ་དབུལ། མཆོད་པའི་སྔགས་ནི། ཨོཾ་ཨཱཿཧཱུཾ། ཨརྒྷཾ་པྲ་ཏཱི་ཙྪ་ཧཱུཾ་སྭཱ་ཧཱ། ཨོཾ་བཛྲ་པུཥྤེ་ཨཱཿཧཱུཾ་སྭཱ་ཧཱ། ཨོཾ་བཛྲ་དྷཱུ་པེ་ཨཱཿ
[246b.4]ཧཱུཾ་སྭཱ་ཧཱ། ཨོཾ་བཛྲ་ཨཱ་ལོ་ཀེ་ཨཱཿསྭཱ་ཧཱ། ཨོཾ་བཛྲ་གནྡྷེ་ཨཱཿཧཱུཾ་སྭཱ་ཧཱ། ཨོཾ་བཛྲ་ནཻ་བིདྱ་ཨཱཿཧཱུཾ་སྭཱ་ཧཱ། ཞེས་མཆོད་པ་བྱས་ལ་སྡིག་པ་བཤགས་པ་དང་། ཕྱིས་མི་བགྱིད་པའི་སྡོམ་པ་འཛིན་པ་དང་། གཞན་གྱི་དགེ་བའི་རྩ་བ་ལ་རྗེས་སུ་ཡི་རང་བ་དང་།
[246b.5]རང་གི་དགེ་བའི་རྩ་བ་བྱང་ཆུབ་ཏུ་བསྔོ་བ་དང་། སྐྱབས་སུ་འགྲོ་བ་དང་། ལམ་འཛིན་པ་དང་། བྱང་ཆུབ་ཏུ་སེམས་བསྐྱེད་པ་དང་། ཆོས་ཀྱི་འཁོར་ལོ་བསྐོར་བར་བསྐུལ་བ་དང་། མྱ་ངན་ལས་མི་འདའ་བར་གསོལ་བ་གདབ་པ་དང་ལུས་དབུལ་བ་ནི་ཕྱིའི་མཆོད་པའོ། །གསང་བའི་
[246b.6]མཆོད་པ་ནི་གོང་གི་བདུད་རྩི་ལ་སོགས་པས་རྩ་བའི་སྔགས་དང་གོ་ཆ་དང་རྐང་པ་བརྒྱད་པའི་སྔགས་ཀྱིས་མཆོད་པར་བྱའོ། །ཨོཾ་ན་མོ་བྷ་ག་བ་ཏེ་བཛྲ་བཱ་རཱ་ཧཱི། ཨཱརྱ་ཨ་པ་རཱ་ཛི་ཏེ་ཏྲཻ་ལོ་ཀྱ་མཱ་ཏེ་མ་ཧཱ་བིདྱེ་ཤྭ་རི། སརྦ་བྷཱུ་ཏ་བྷ་ཡཱ་བ་ཧེ་མ་ཧཱ་བཛྲེ། བཛྲེ་ཨཱ་ས་ན་ཨ་ཛི་ཏེ་ཨ་པ་རཱ་ཛི་ཏེ། བ་ཤཾ་ཀ་རི་ནི་ནེ་
[246b.7]ཏྲ་བྷྲཱ་མ་ཎི། རོ་ཥ་ཎི་ཀྲོ་དྷེ་ཀ་རཱ་ལི་ནེ། ཏྲཱ་ས་ནི་མཱ་ར་ཎི་སུ་པྲ་བྷེ་ད་ནི་པ་རཱ་ཛ་ཡེ། བི་ཛ་ཡེ་ཛམྦྷ་ནི་སྟམྦྷ་ནི་མོ་ཧ་ནི། བཛྲ་ཐཱ་རཱ་ཧཱི་མ་ཧཱ་ཡོ་གི་ནཱི་ཀཱ་མེ་ཤྭ་རི་ཁ་གེ། །པྲོ་ཏཾ་གེ། །ཧ་ན་ཧ་ན། པྲཱ་ཎཱ་ན། ཀིང་ཀི་ཎཱི་ཁིང་ཁི་ནི། དྷུ་ན་དྷུ་ན། བཛྲ་ཧ་སྟེ། ཤོ་ཥ་ཡ་ཤོ་ཥ་ཡ། བཛྲ་ཀ་པཱ་ལ་ཁ་ཊྭཱཾ་ག་དྷཱ་རི་ཎི།
[247a]
[247a.1]མ་ཧཱ་བི་ཤི་ཏ་མཱཾ་སཱ་ས་ནི། མ་ནུ་ཥ་ཨནྟྲ་པྲཱ་བྲྀ་ཏེ། སཱ་ནྣི་དྷྱ་ན་ར་ཤི་རོ། །མཱ་ལ་གྲནྠི་ཏ་དྷཱ་རི་ནི། སུམྦྷ་ནི་སུམྦྷེ། ཧ་ན་ཧ་ན་སཱ་པཱ་ཎི། སརྦ་པཱ་པ་སཏཱ་ནཱཾ། སརྦ་པ་ཤུ་ནཱཾ། མ་ཧཱ་མཱཾ་ས། ཙྪེ་ད་ནི་ཀྲོ་དྷ་མཱུ་རྟི། དཾ་ཥྡྲ་ཀ་རཱ་སི་ནི། མ་ཧཱ་མུ་དྲེ། ཤྰྲི་ཧེ་རུ་ཀ་དེ་བ་སྱ། ཨ་གྲ་ས་མ་ཧི་ཥཱི། ས་ཧ་སྭ་ཤི་རེ། ས་ཧ་ས་
[247a.2]བྷ་ཧ་བ། ས་ཏ་ས་ཧ་སྲ་ན་ནེ། ཛྭ་ལི་ཏ་ཏེ་ཛ་སྱ། ཛྭ་ལ་མུ་ཁི། པིངྒ་ལ་ལོ་ཙ་ནི། བཛྲ་ས་རཱི་རེ། བཛྲ་ཨཱ་ས་ནེ། མི་ལི་མི་ལི། ཏི་མི་ལི་ཏི་མི་ལི། ཧེ་ཧེ་ཧཱུཾ་ཧཱུཾ། ཁ་ཁ། དྷུ་རུ་དྷུ་རུ་དྷུ་རུ་དྷུ་རུ། མུ་རུ་མུ་རུ། ཨ་དྭེ་ཏེ། མ་ཧཱ་ཡོ་གི་ནཱི། པ་ཥི་ཏ། སིདྡྷི་དྲེཾ་དྷཾ་དྲེཾ་དྷཾ། གྲཾ་གྲཾ། ཧེ་ཧེ་ཧ་ཧ། བྷེ་མེ་ཧ་ས་ཧ་ས། བཱི་ར་ཧཱ་ཧཱ། ཧོ་ཧོ་ཧཱུཾ་ཧཱུཾ། ཏྲེ་ལོ་ཀྱ་བི་ནཱ་ཤ་
[247a.3]ནི། ཤ་ཏ་ས་ཧ་སྲ་ཀོ་ཊི་ཏ་ཐཱ་ཏ་པ་རི་ཝཱ་རེ། །ཧཱུཾ་ཧཱུཾ་ཕཊ། སེཾ་ཧ་རཱུ་པེ་ཁཿག་ཛ་རཱུ་པེ་གཿཏྲཻ་ལོ་ཀྱ་ད་རི། ས་མུ་དྲ་མེ་ཁ་ལེ་གྲ་ས་གྲ་ས། ཧཱུཾ་ཧཱུཾ་ཕཊ། བཱི་ར་ཨ་དྲཻ་ཏ་ཧཱུཾ་ཧཱུཾ་ཕཊ། ཧ་ཧ་མ་ཧཱ་པ་ཤུ། མོ་ཧ་ནི་ཡོ་གཱི་ཤྭ་རི་ཏྭཾ་བཛྲ་ཌཱ་ཀི་ནཱི། སརྦ་ལོ་ཀཱ་ནཱཾ་བནྡྷ་ནི་ས་དྱ་པྲ་དྱ་ཡ་ཀ་རི་ཎི། ཧཱུཾ་ཧཱུཾ་ཕཊ། བྷཱུཾ་ཏ་ཏྲཱ་ས་ནི། མ་ཧཱ་བཱི་རཻ་བ་ར་མ་ས་དྡྷི་ཡོ་གཱི་ཤྭ་རཱི་ཧཱུཾ་ཧཱུཾ་ཕཊ་སྭཱ་ཧཱ།
[247a.4]ལྷ་མོའི་ཕྲེང་བའི་སྔགས་རིང་འདི་ནི་རྐང་པ་བརྒྱད་པ་མཆོད་པའི་སྔགས་སོ། །སྔགས་འདིས་མཆོད་པ་བྱས་ནས། །དེའི་རྗེས་ལ་ཚངས་པའི་གནས་བཞི་བསྒོམ་པར་བྱ་སྟེ། དང་པོ་སེམས་ཅན་གྱི་དོན་དུ་བསྐུལ་བ་ནི་བྱམས་པའོ། །དེ་ནས་འཁོར་གྱི་ལྷ་མོ་རྣམས་ཁམས་གསུམ་གྱི་སེམས་ཅན་གྱི་དོན་དུ་སྤྲོས་ཏེ།
[247a.5]སེམས་ཅན་ཐམས་ཅད་སྡུག་བསྔལ་དང་བྲལ་བར་བྱས་ནས་ཐར་པ་མྱ་ངན་ལས་འདས་པ་ལ་བཀོད་པ་ནི་སྙིང་རྗེའོ། །དེ་ནས་ལྷ་མོ་རྣམས་ཀྱིས་ཁམས་གསུམ་གྱི་སེམས་ཅན་ཐམས་ཅད་འཁོར་ལོ་བདེ་མཆོག་གི་གོ་འཕང་ཐོབ་པར་བྱས་ནས་གདན་ལ་བྱོན་པ་ནི་དགའ་བའོ། །དེ་ནས་ལྷ་མོ་དེ་རྣམས་གཙོ་མོ་ལ་འདུས་
[247a.6]གཙོ་མོ་ནི་ས་བོན་ལ་འདུས། ས་བོན་དེ་ཉིད་རྣལ་འབྱོར་པ་ལ་འདུས་སོ། །དེའི་རྗེས་ལ་དག་པ་རྣམ་པ་གསུམ་བསྒོམ་པར་བྱའོ། །ཨོཾ་སྭཱ་བྷཱ་བ་ཤུདྡྷཿསརྦ་དྷརྨཱཿསྭ་བྷཱ་བ་ཤུདྡྷོ྅ཧཾ། ཆོས་ཐམས་ཅད་རང་བཞིན་གྱིས་རྣམ་པར་དག་པའོ། །ཨོཾ་ཡོ་ག་ཤུདྡྷཿསརྦ་དྷརྨཱ་ཡོ་ག་ཤུདྡྷོ྅ཧཾ། རྣལ་འབྱོར་རང་བཞིན་གྱིས་
[247a.7]རྣམ་པར་དག་པའོ། །ཨོཾ་བཛྲ་ཤུདྡྷཿསརྦ་དྷརྨཱ་བཛྲ་ཤུདྡྷོ྅ཧཾ། རྡོ་རྗེ་རང་བཞིན་གྱིས་རྣམ་པར་དག་པའོ། །དེ་ལྟར་དག་པ་གསུམ་བསྒོམ་པ་ནི་བཏང་སྙོམས་ཏེ། །རྒྱུད་བསོད་ནམས་ཀྱི་ཚོགས་ལ་འབྲས་བུ་ཡེ་ཤེས་ཀྱི་ཚོགས་ཀྱི་རྒྱས་བཏབ་པ་ཞེས་བྱའོ། །དེ་རྗེས་སྟོང་ཉིད་བདག་ཉིད་ལས། །ཆོས་འབྱུང་ཕྱག་རྒྱ་
[247b]
[247b.1]བསྒོམ་པར་བྱ། །དེའི་དཀྱིལ་དུ་བཾ་ཡོངས་སུ་གྱུར་པ་ལས། །རྡོ་རྗེ་ཕག་མོ་བསྒོམ་པར་བྱ། །དམ་ཚིག་སེམས་དཔའ་གསལ་ནས་ནི། །དམ་ཚིག་སེམས་དཔའི་ལྟེ་བ་རུ། ཆོས་འབྱུང་ཉིས་བརྩེགས་བསྒོམ་པར་བྱ། །དེ་དཀྱིལ་ས་བོན་ཡི་གེ་ལས། འོད་ཟེར་རྣམས་ནི་འཕྲོ་བར་བསམ། །ཡེ་ཤེས་འཁོར་ལོ་
[247b.2]སྤྱན་དྲངས་ལ། །མདུན་གྱི་ནམ་མཁར་བསྒོམ་པར་བྱ། །དམ་ཚིག་སེམས་དཔའི་སྐུ་ལས་ནི། །ལྷ་མོ་དྲུག་པོ་སྤྲོས་པ་ཡིས། །ཡེ་ཤེས་འཁོར་ལོས་དབང་བསྐུར་ནས། །མཆོད་པ་རྣམས་ནི་དབུལ་བར་བསམ། །དེ་རྗེས་ལྷ་མོ་རྣམས་ནི་ཚུར་འདུས་ནས། །ཡེ་ཤེས་འཁོར་ལོ་གཞུག་པར་
[247b.3]བྱ། །ཛཿཞེས་བྱ་བས་དགུག་ཧཱུཾ་གིས་གཞུག །བཾ་གྱིས་བཅིང་། ཧོཿས་མཉེས་པར་བྱ། ཡེ་ཤེས་འཁོར་ལོ་བཅུག་རྗེས་ནི། མེ་དང་མེ་ནི་བསྲེས་པའམ། །ཆུ་དང་ཆུ་ནི་བསྲེས་པ་བཞིན། །དེ་ཡི་བདག་ཉིད་བསྒོམ་པར་བྱ། །དེ་རྗེས་ཕྱི་ཡི་རིམ་པ་ནི། །གསལ་བར་ཡོངས་སུ་བསྒོམ་པར་བྱ། །གནས་གསུམ་པ་
[247b.4]ནི་ལྷག་གིས་གསལ་བར་བསྒོམ། །སྲིན་པོའི་ལམ་ནི་ཅུང་ཞིག་བསྡམས། །ཆོས་སྐུའི་ངོ་བོ་ཉིད་ནི་འོད་ཞུ་བས། བདེ་བ་ཆེན་པོས་ཡོངས་སུ་གང་། །དེ་ཚེ་བདེ་སྟོང་ཟུང་འཇུག་གིས། །ཁམས་གསུམ་པ་ནི་རོ་གཅིག་པ། །ཕྱག་རྒྱ་ཆེན་པོ་མ་ལུས་དོན། །གསལ་བར་ཡོངས་སུ་བསྒོམ་པར་བྱ། །མཐར་ཐུག་འབྲས་བུ་
[247b.5]ཐོབ་པར་འགྱུར། །མཉམ་པར་གཞག་པའི་ཤེས་པའོ། །རྗེས་ཐོབ་བདེ་སྟོང་གཉིས་ཀྱི་ངང་ཉིད་ལས། །རྟོག་བྲལ་ལོངས་སྤྱོད་སྐུ་ནི་གསལ་བར་བསྒོམ། །དེ་རྗེས་དོ་ལི་ལྟར་ནི་བཟླས་པར་བྱ། །བཏུ་ཡིག་རྣམས་ཀྱིས་སྔགས་རྣམས་དག་པར་བྱ། །བཟླས་པའི་སྔགས་ནི་སྐུ་གསུང་ཐུགས་ཀྱི་བཟླ། །སྐུ་གསུམ་
[247b.6]ཕྱག་རྒྱ་རྒྱན་དང་གདན་བཅས་པ། །དེ་རྣམས་རྣམ་པར་དག་པའི་རིམ་པ་ནི། །གཞན་དོན་བླ་མའི་ཞལ་ལས་ཤེས་པར་བྱ། །དེ་རྗེས་གཏོར་མ་ལ་སོགས་བྱ་བ་ནི། །སྣོད་ནི་ཡོངས་སུ་དག་པ་ལས། །ཀ་པཱ་ལའམ་རིན་ཆེན་སྣོད། །ཤ་ལྔ་དང་ནི་བདུད་རྩི་ལྔ། །དེ་རྣམས་ཀྱི་ནི་ས་བོན་ནོ། །གོ་ཀུ་ད་ཧ་ན། བྷཱུཾ་ཨཱཾ་
[247b.7]ཛྲཱིཾ་ཁཾ་ཧཱུཾ། །དེ་ནས་མེ་རླུང་སྦྱོར་བ་བྱ། །ཡོ་ལས་རླུང་གི་འཁོར་ལོ། །རཾ་ལས་མེའི་དཀྱིལ་འཁོར་ཀཾ་ལས་ཐོད་པ་གསུམ། །ཨ་ལས་ཀ་པཱ་ལ། །དེའི་ནང་དུ་གོང་གི་ཡི་གེ་རྣམས་ནི་བསམ། དེའི་སྟེང་དུ་ཁ་ཊྰྭཾ་ག་མགོ་ཐུར་དུ་བལྟ་བ། །ཡུ་བ་ལ་ཨོཾ་རྐེད་པ་ལ། ཨཱཿརྩ་མོ་ལ་ཧཱུཾ། དེ་རྣམས་ཁ་སྦྱོར་ཡི་གེ་བསྒོམ་པར་བྱ། །དེ་རྗེས་དེ་རྣམས་
[248a]
[248a.1]སྦྱངས་ནས་ནི། །ཡེ་ཤེས་བདུད་རྩིའི་བདག་ཉིད་བསྒོམ་པར་བྱ། །ཟླ་བའི་དཀྱིལ་འཁོར་ཁ་ལེབ་བྱས་ནས་ནི། །འཇིག་རྟེན་འཇིག་རྟེན་ལས་འདས་པའི། །མགྲོན་རྣམས་སྤྱན་ནི་དྲང་བར་བྱ། །ལྕེ་ལ་རྡོ་རྗེའི་སྦུ་གུ་བསམ། །ཟླ་བའི་དཀྱིལ་འཁོར་བཙལ་ནས་ནི། །ཡེ་ཤེས་བདུད་རྩི་གསོལ་བར་བསམ། །
[248a.2]འཇིག་རྟེན་འདས་པས་གསོལ་རྗེས་ལ། །འཇིག་རྟེན་པ་ལ་དབུལ་བར་བྱ། །དེ་རྗེས་གནས་སྐྱོང་འབྱུང་པོ་རྣམས་ལ་སྦྱིན། །འདོད་པའི་དོན་རྣམས་བསྒྲུབ་དོན་དུ། །དེ་རྣམས་ལ་ནི་གསོལ་བ་གདབ། །དེ་ནས་རྣལ་འབྱོར་མའི་ཡི་གེ་བརྒྱ་པས། །མགྲོན་རྣམས་གཤེགས་སུ་གསོལ་བར་བྱ། །གཏོར་མའི་སྔགས་ནི།
[248a.3]འདི་ལྟ་སྟེ། །ཨོཾ་བཛྲ་ཨ་རལླི་ཧོ། ཛཿཧཱུཾ་བཾ་ཧོཿབཛྲ་ཌཱ་ཀི་ནྱཱ། ས་མ་ཡ་སྟྭཾ་དྲྀ་ཤྱ་ཧོ། །རྡོ་རྗེ་ཐལ་མོ་ཁ་གྱེན་དུ་ཕྱེ་ལ་ནམ་ཕྱེད་ན་གཏོར་མ་སྦྱིན་ནོ། །ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཱཀྵ་བྷཱུ་ཏ་པྲེ་ཏ་པི་ཤཱ་ཙ་ཨུན་མཱ་ད། ཨ་པ་སྨཱ་ར་ཌཱ་ཀ་ཌཱ་ཀི་ནྱ། ད་ཡ་ཨི་དཾ་བ་ལིཾ། གྲྀཧྞ་ནྟུ་ས་མ་ཡཾ་ར་ཀྵ་ནྟུ། སརྦ་སིདྡྷི་མྨེ་པྲ་ཡཙྪ་ཐཱ། ཡ་ཐཻ་བཾ་
[248a.4]ཡ་ཐེ་བྚཾ་བྷུ་ཉྫ་ཐ། པི་པ་ཐ་མཱ་ཏི་ཀྲ་མ་ཐ། མ་མ་སརྦ་ཀ་ར། སཏྶུ་ཁ་བྲི་བྲྀ་དྡ་ཡེ། ས་ཧཱ་ཡི་ཀ་བྷ་ཝཱཾ་ཏུ་ཧཱུཾ་ཕཊ་ཕཊ་སྭཱ་ཧཱ། གཏོར་མའི་སྔགས་སོ། །ཨོཾ་བཛྲ་ཡོ་གི་ནཱི་ས་ཏྭ་ས་མ་ཡ། མ་ནུ་པཱ་ལ་ཡཾ་བཛྲ་ཡོ་གཱི་ནཱི་ས་ཏྭ་ཏྭེ་ནོ་པ་ཏིཥྚ། དྲྀ་ཌྷོ་མེ་བྷ་བ། སུ་པོ་ཥྱོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་ར་ཀྟོ་མེ་བྷ་བ། སརྦ་སིདྷི་མྨེ་པྲ་ཡཙྪ། སརྦ་ཀརྨཱ་སུ།
[248a.5]ཙམེ་ཙཏྟ་ཤྲི་ཡཿཀུ་རུ་ཧཱུཾ་ཧ་ཧ་ཧ་ཧ་ཧོཿབྷ་ག་བཱན་སརྦ་ཏ་ཐཱ་ག་ཏ་བཛྲ་ཡོ་གི་ནཱི་མཱ་མེ་མུ་ཉྩ། བཛྲི་དྷ་པ་མ་ཧཱ་ས་མ་ཡ་ས་ཏྭ་ཨཱཿརྡོ་རྗེ་རྣལ་འབྱོར་མའི་ཡི་གེ་བརྒྱ་པའོ། །རྡོ་རྗེ་རྣལ་འབྱོར་མའི་སྒྲུབ་ཐབས། སློབ་དཔོན་ཆེན་པོ་ཛཱ་ལནྡྷ་ར་བས་མཛད་པ་རྫོགས་སོ། །{T1571}༄༅༅། །རྒྱ་གར་སྐད་དུ། བཛྲ་བཱ་རཱ་ཧཱི་སཱ་དྷ་
[248a.6]ནཾ། བོད་སྐད་དུ། རྡོ་རྗེ་ཕག་མོའི་སྒྲུབ་ཐབས། དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །བདེ་བ་དམ་པ་རྒྱུན་གྱི་རྒྱུ། །རྡོ་རྗེ་ཕག་མོ་ལ་བཏུད་དེ། །དེ་ཡི་སྒྲུབ་ཐབས་དྲག་པོ་ནི། །མདོར་བསྡུས་པ་ནི་བརྩམ་པར་བྱ། །མཾ་ལས་ཉི་མ་ལ་གནས་པའི་ཧྲཱིཿདཀར་པོའི་འོད་ཟེར་ཐོན་ནས་རབ་ཏུ་གཏུམ་
[248a.7]མོ་ལ་སོགས་པ་འཁོར་ལོ་གསུམ་གྱི་ལྷ་མོ་རྣམས་དང་། རྡོ་རྗེ་ཕག་མོ་ལ་སོགས་པ་ཡང་དག་པར་མཆོད་དེ། ངོ་བོ་ཉིད་ཀྱིས་ཡང་དག་པར་མོས་པས་སྟོང་པ་ཉིད་ལ་སོགས་པའི་སྔོན་དུ་འགྲོ་བས་པདྨ་དམར་པོའི་སྟེང་དུ་མཾ་ལས་བྱུང་བའི་ཉི་མ་ལ་ཧཱུཾ་དཀར་པོ་ལས་སྐྱེས་པའི་རྡོ་རྗེ་དཀར་པོ་རྩེ་
[248b]
[248b.1]ལྔ་པ་ལས་སྐྱེས་པའི་རྡོ་རྗེ་ཕག་མོ་སྤྱན་གསུམ་དམར་བ། ཞལ་མཚེ་བ་གཙིགས་པ། སྐྲ་གྲོལ་བ། རྡོ་རྗེ་ཕྲེང་བ་གཉིས་ཀྱི་བར་དུ་ཐོད་པའི་ཕྲེང་བ་འཛིན་པ། ཕྱག་རྒྱ་ལྔས་རྒྱས་བཏབ་པ། ཕྱག་གཡས་པ་ན་རྡོ་རྗེ་བསྣམས་པ། གཡོན་ན་ཐོད་པ་དང་ཁ་ཊཱཾ་གང་སྣམས་པ། །གཡས་བརྐྱང་
[248b.2]པས་བཞུགས་པ། གཅེར་བུ་ལྷ་དང་མི་དང་ལྷ་མ་ཡིན་རྣམས་འཇིགས་པར་མཛད་པ། །འོད་ཟེར་མཐའ་ཡས་པ་འཕྲོ་བའི་ཧྲཱིཿཉི་མ་ལ་གནས་པས་སྙིང་གར་བྱིན་གྱིས་བརླབས་པའི་རྡོ་རྗེ་ཕག་མོར་བདག་ཉིད་བསྒོམ་པར་བྱའོ། །རང་གི་སྔགས་ཀྱི་འོད་ཟེར་གྱིས་ཡེ་ཤེས་ཀྱི་འཁོར་ལོ་བཀུག་
[248b.3]སྟེ་དེ་ཆོ་ག་བཞིན་དུ་བཅུག་སྟེ། ཨོཾ་ཡོ་ག་ཤུདྡྷཿསརྦ་དྷརྨཱ་ཡོ་ག་ཤུདྡྷོ྅ཧཾ། དེའི་འོད་ཟེར་གྱིས་དེ་བཞིན་གཤེགས་པ་ཐམས་ཅད་བཀུག་ནས་གནས་དབང་བསྐུར་བས་སྤྱི་བོར་མི་བསྐྱོད་པར་གྱུར་པར་བལྟའོ། །རབ་ཏུ་གཏུམ་མོ་ལ་སོགས་པས་བདག་ཉིད་ལ་མཆོད་ནས་བདུད་རྩི་མྱང་བར་བྱ་སྟེ། ལྟེ་བར་
[248b.4]སྣ་ཚོགས་པདྨ་ལ་ཉི་མ་དམར་པོ་ལ་ཧྲཱིཿདཀར་པོ་ཕྲེང་བའི་རྣམ་པ་ལྟ་བུར་སྔགས་ཀྱི་ཕྲེང་བ་དཀར་པོ་ཁ་ནས་འཐོན་ནས་སངས་རྒྱས་ཀྱི་ཡོན་ཏན་ལ་སོགས་པ་བླངས་ཏེ་ལྟེ་བའི་བུ་གར་ཞུགས་པ་ལས་བཟླས་པར་བྱའོ། །བསོད་ནམས་ཡོངས་སུ་བསྔོ་བ་ལ་སོགས་པ་བྱ་སྟེ། ལངས་ནས་དེའི་
[248b.5]གཟུགས་ཀྱིས་རྒྱུན་དུ་བྱའོ། །ཐུན་མཚམས་གཞན་ཡང་དེ་བཞིན་བྱའོ། །ཨ་ལས་གྱུར་པའི་ལྕེ་པདྨའི་རྣམ་པ་ལ་ཡི་གེ་ཧཱུཾ་འཕྲོས་པས་ཇི་སྲིད་འདོད་ཀྱི་བར་དུ་ཐུན་བཞིར་སྔགས་ཟློས་པའི་རྣལ་འབྱོར་བསྒོམ་པར་བྱའོ། །དེ་ལྟར་བསྟན་བཅོས་ཐམས་ཅད་ལ་མཁས་ཤིང་རྩོད་པ་ཆེན་པོར་འགྱུར་
[248b.6]རོ། །དུག་ལ་སོགས་བདུད་རྩིར་འགྱུར་རོ། །དབང་དུ་བྱས་པ་ལ་སོགས་པ་དེའི་ས་བོན་དམར་པོ་དང་ཁ་དོག་དམར་པོས་སྔོན་བཞིན་དུ་བྱའོ། །རྣལ་འབྱོར་མ་ཡི་འཁོར་ལོ་གཙོ། །རྡོ་རྗེ་ཕག་མོ་སྒྲུབ་པའི་ཐབས། །བྱས་ལས་དགེ་བ་གང་ཐོབ་པ། །དེས་ནི་བདག་དང་སེམས་ཅན་རྣམས། །དུས་
[248b.7]ཡུན་རིང་ལ་མི་ལྟོས་པར། །བླ་མེད་བྱང་ཆུབ་རྒྱལ་གྱུར་ཅིག །རྡོ་རྗེ་ཕག་མོའི་སྒྲུབ་ཐབས། །སློབ་དཔོན་མཁས་པ་ཆེན་པོ་རྡོ་རྗེ་དྲིལ་བུ་པས་མཛད་པ་རྫོགས་སོ།། །།རྒྱ་གར་གྱི་མཁན་པོ་སུ་མ་ཏི་ཀཱིརྟི་དང་། བོད་ཀྱི་ལོ་ཙཱ་བ་མཁས་པ་ཆེན་པོར་མར་པ་ཆོས་ཀྱི་དབང་ཕྱུག་གིས་བསྒྱུར་ཅིང་
[249a]
[249a.1]ཞུས་ཏེ་གཏན་ལ་ཕབ་པའོ། །{T1572}༄༅༅། །རྒྱ་གར་སྐད་དུ། བཛྲ་བཱ་རཱ་ཧཱི་སཱ་དྷ་ནཾ། བོད་སྐད་དུ། རྡོ་རྗེ་ཕག་མོའི་སྒྲུབ་ཐབས། བཅོམ་ལྡན་འདས་མ་རྡོ་རྗེ་ཕག་མོ་ལ་ཕྱག་འཚལ་ལོ། །ཡི་གེ་པཾ་ཡོངས་སུ་གྱུར་པ་ལས་པདྨ་དམར་པོའོ། །དེའི་སྟེང་དུ་ཡི་
[249a.2]གེ་ཡཾ་ཡོངས་སུ་གྱུར་པ་ལས་རླུང་གི་དཀྱིལ་འཁོར་ཁ་དོག་ནག་པོ་གཞུའི་ཚུལ་རྒྱལ་མཚན་གྱིས་བརྒྱན་པའོ། །ཡི་གེར་རཾ་ཡོངས་སུ་གྱུར་པ་ལས་མེའི་དཀྱིལ་འཁོར་དམར་ཟུར་གསུམ་པ་འབར་བས་མཚན་པའོ། །ཡི་གེ་བཾ་ཡོངས་སུ་གྱུར་པ་ལས་ཆུའི་དཀྱིལ་འཁོར་ཟླུམ་པོ་ཁ་དོག་དཀར་པོ་
[249a.3]བུམ་པས་མཚན་པའོ། །ཡི་གེ་ལཾ་ཡོངས་སུ་གྱུར་པ་ལས་སའི་དཀྱིལ་འཁོར་ཟུར་བཞི་པ་ལྗང་གུ་རྡོ་རྗེས་མཚན་པའོ། །ཡི་གེ་སུཾ་ཡོངས་སུ་གྱུར་པ་ལས་རི་རབ་ལྷུན་པོ་ཟུར་བཞི་པ་རིན་པོ་ཆེ་བཞི་ལས་གྲུབ་པ་རྩེ་མོ་བརྒྱད་ཀྱིས་ཉེ་བར་མཛེས་པའོ། །དེའི་དབུས་སུ་ཡི་གེ་བཾ་ཡོངས་སུ་
[249a.4]གྱུར་པ་ལས་སྣ་ཚོགས་པདྨའོ། །དེའི་དབུས་སུ་ཡི་གེ་ཧཱུཾ་ཡོངས་སུ་གྱུར་པ་ལས་སྣ་ཚོགས་རྡོ་རྗེའི། །དེའི་དབུས་སུ་ཨཱ་ལི་ཀཱ་ལིའི་སྦྱོར་བའོ། །དེའི་དབུས་སུ་ཡི་གེ་བཾ་ཡོངས་སུ་གྱུར་པ་ལས་རྡོ་རྗེ་སྟེ། དེའི་ལྟེ་བ་ལ་ཡི་གེ་བཾ་མོ། །དེ་ཡོངས་སུ་གྱུར་བ་ལས་རྗེ་བཙུན་མ་རྡོ་རྗེ་ཕག་མོ་སྐུ་མདོག་
[249a.5]དམར་པོ་སྐྲ་བཤིག་པ་གཅེར་མོ། །འོག་པག་དུམ་བུས་བརྒྱན་པ། མིའི་མགོ་བོ་རློན་པ་ལྔ་བཅུའི་ཕྲེང་བ་དཔྱངས་པ། ཕྱག་གཡོན་པའི་ཐོད་པ་ན་སྡང་བ་བདུད་ལ་སོགས་པའི་ཁྲག་བསྣམས་པ། གཡས་པ་ཕྱོགས་ཐམས་ཅད་དུ་སྡང་བ་ལས་བསྡིགས་པའི་རྡོ་རྗེ་ཅན་གྱིས་སྡིགས་མཛུབ་མཛད་པ།
[249a.6]བསྐལ་པའི་མེ་བཞིན་ཆེར་འབར་བ། །ཁྲག་ལ་དགྱེས་པ་ཁྲག་འཛག་པ། གཡས་བརྐྱང་པས་གདན་ལ་བཞུགས་པ། །མཁའ་འགྲོ་དེ་བཞིན་ལཱ་མ་དང་། དུམ་སྐྱེས་མ་དང་གཟུགས་ཅན་མ། འདིའི་བཟླས་པའི་སྔགས་ནི་ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། སྙིང་པོའི་སྔགས་སོ། །ཨོཾ་སརྦ་བུདྡྷ་
[249a.7]ཌཱ་ཀི་ནཱི་ཡེ། བཛྲ་ཝརྞཱ་ནཱི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཉེ་བའི་སྙིང་པོའི་སྔགས་སོ། །དཔལ་ཨུ་རྒྱན་རྡོ་རྗེ་རྣལ་འབྱོར་མའི་གནས་ནས་རྣམ་པར་བྱུང་བ་རྡོ་རྗེ་ཕག་མོའི་སྒྲུབ་ཐབས་རྫོགས་སོ།། །།བོད་ཀྱི་ལོ་ཙཱ་བ་བནྡེ་མར་བ་ཆོས་ཀྱི་དབང་ཕྱུག་ཉིད་ཀྱིས་བསྒྱུར་བའོ།། །།