[1a]
[1b]
[1b.1]{T2174}༄༅༅། །རྒྱ་གར་སྐད་དུ། མ་ཧཱ་ཡཀྵ་སེ་ནཱ་པ་ཏ་ཡེ་ནཱི་ལཱམྦ་ར་དྷ་ར་བཛྲ་པཱ་ཎི་མ་ཧཱ་ག་ན་བི་དྷིཿ། བོད་སྐད་དུ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་སྦྱོར་ཀ་ཆེན་པོའི་ཆོ་ག །
[1b.2]བཅོམ་ལྡན་འདས་ཕྱག་ན་རྡོ་རྗེ་གོས་སྔོན་པོ་ཅན་ལ་ཕྱག་འཚལ་ལོ། །དུས་གསུམ་བདེ་གཤེགས་ཐམས་ཅད་ཀྱིས། །རིག་སྔགས་གསང་སྔགས་བདག་པོ་རུ། །དབང་བསྐུར་འབྱུང་པོ་ཚར་གཅོད་པ། །གསང་སྔགས་
[1b.3]སྡུད་མཛད་ཁྱོད་ཕྱག་འཚལ། །བཅོམ་ལྡན་ཕྱག་ན་རྡོ་རྗེ་ཡི། །རྒྱུད་རྣམས་མ་ལུས་ཀུན་དང་ནི། །རྣལ་འབྱོར་ཕ་རྒྱུད་མ་རྒྱུད་ཀྱི། །རྣལ་འབྱོར་ཆེན་པོའི་རྒྱུད་དང་ནི། །རྣལ་འབྱོར་རྒྱུད་དང་སྤྱོད་པའི་རྒྱུད། །རྒྱུད་རྣམས་
[1b.4]ཀུན་དང་མི་འགལ་ཕྱིར། །མན་ངག་ཅུང་ཟད་དྲན་པ་འདི། །བློ་དམན་བསྒྲུབ་པའི་དོན་དུ་ནི། །རྣལ་འབྱོར་ཆ་རྐྱེན་བསྟན་པར་བྱ། །སྦྱོར་བའི་རིམ་པ་དཔག་མེད་ཀྱང་། །སྒྲུབ་པ་པོ་ཡི་དོན་སླད་དུ། །དགོས་
[1b.5]པ་བསྡུས་པ་བསྟན་པ་འདི། །སྒྲུབ་པོ་སློབ་དཔོན་དང་བྲལ་ན། །སྦྱོར་བ་འདི་རྣམས་བསྟན་པར་གསུངས། །དེ་ལ་སྦྱོར་བ་རིམ་བཞིན་བསྟན། །དང་པོ་ཚོགས་གཉིས་རྫོགས་བྱའི་ཕྱིར། །བདག་ཉིད་སྐད་
[2a]
[2a.1]ཅིག་ལྷར་སྤྲུལ་ལ། །སྙིང་གར་ཟླ་བའི་མཎྜལ་བསམ། །ཧཱུཾ་གི་འོད་ཟེར་འཕྲོས་པ་ལས། །སྒྲིབ་པ་སྦྱངས་ནས་ཕྱི་ནང་གསལ། །མདུན་དུ་ཟླ་བའི་གཟུགས་བརྙན་དང་། །པདྨའི་གཟུགས་བརྙན་གསུམ་མམ་
[2a.2]གཅིག །ལ་ལ་གཞལ་ཡས་སྤྲུལ་པར་འདོད། །དེ་རུ་དཀྱིལ་འཁོར་བསམ་པ་དང་། །བསོད་ནམས་དོན་ཕྱིར་སྤྱན་དྲངས་བསྟིམ། །བླ་མ་སྦྱང་སོགས་བྱས་ནས་ཀྱང་། །གཞན་སོགས་མན་ངག་བཞིན་དུ་བྱ། །ཕྱག་འཚལ་ཕྱི་
[2a.3]ནང་གསང་བས་མཆོད། །མཚམས་མེད་མི་དགེ་སྡོམ་ཉམས་ནས། །རྩ་བའི་དམ་ཚིག་ཉམས་པ་ཀུན། །སྒྱུ་མའི་སེམས་ཀྱིས་བཤགས་པར་བྱ། །དགེ་བ་ཀུན་ལ་རྗེས་ཡི་རང་། །ཆོས་ཀྱི་འཁོར་ལོ་བསྐོར་བར་བསྐུལ། །
[2a.4]མྱ་ངན་མི་འདའ་གསོལ་བ་འདེབས། །རྡོ་རྗེ་ཅན་ལ་སྐྱབས་སུ་མཆི། །རྡོ་རྗེ་རྣམས་ལ་ལུས་འབུལ་ལོ། །བསོད་ནམས་ཅི་བསགས་ཐམས་ཅད་ཀུན། །བྱང་ཆུབ་ཆེན་པོར་བསྔོ་བར་བྱ། །ཚད་མེད་བཞི་ཡང་བསྒོམ་པར་བྱ། །དེ་ནས་
[2a.5]ཕྱི་ནང་སྣོད་བཅུད་ཀུན། །སྟོང་པ་ཉིད་དུ་བསྒོམ་པར་བྱ། །དེ་ནས་ནམ་མཁའི་ཆོས་འབྱུང་ལ། །ཡི་གེ་ཆོ་འཕྲུལ་འཕྲོས་པ་ལས། །འབྱུང་བའི་དཀྱིལ་འཁོར་རིམ་བཞིན་བསྐྱེད། །དེ་ཡི་སྟེང་དུ་རི་རབ་བསྐྱེད། །དེ་སྟེང་རྡོ་རྗེ་
[2b]
[2b.1]རྒྱ་གྲམ་ལ། །འཁོར་ལོ་རྩིབས་བཅུ་འབར་བས་མཚན། །ཟླ་བའི་སྟེང་དུ་གནོད་མཛེས་སྤྲུལ། །ཡི་གེ་ཧཱུཾ་གི་འཕྲོ་འདུ་ལས། །ཁྲོ་བོ་བཅུ་སྤྲུལ་ཧཱུཾ་བཞི་ཡི། །གསང་སྔགས་བཟླས་ནས་བཀའ་བསྒོ་བྱ། །ཁྲོ་བོ་སྤྲུལ་པས་བགེགས་རྣམས་བཀུག །ཡང་སྒོ་སྐུ་གསུང་ཐུགས་ཀྱི་ནི། །ཕུར་བུའི་
[2b.2]སྔགས་བརྗོད་ཐོ་བས་བརྡུང་། །བསྲེགས་ནས་ནམ་མཁའ་ཉིད་དུ་འགྱུར། །དེ་ནས་ཧཱུཾ་གི་འཕྲོ་འདུ་ཡིས། །རྡོ་རྗེ་གུར་དང་ར་བར་འགྱུར། །ཡི་གེ་བྷྲཱུཾ་གྱི་འཕྲོ་འདུ་ལས། །གནོད་མཛེས་འོད་དུ་ཞུ་ནས་ཀྱང་། །གཞལ་ཡས་ཁང་ནི་མཛེས་པར་གྱུར། །དེ་སྟེང་པདྨ་འདབ་བརྒྱད་གདན། །རང་
[2b.3]གི་སེམས་ཀྱི་ཆོ་འཕྲུལ་ལས། །ཟླ་བའི་དཀྱིལ་འཁོར་ཆེན་པོ་ལ། །ཡི་གེ་ཨཱ་ལིས་མཚན་པར་བྱ། །ཉི་མའི་དཀྱིལ་འཁོར་ཆེན་པོ་ལ། །ཡི་གེ་ཀཱ་ལིས་མཚན་པར་བྱ། །ཧཱུཾ་ལས་རྡོ་རྗེ་དེ་ཉིད་མཚན། །བྱིན་རླབས་བསྡུས་ནས་འོད་དུ་ཞུ། །དེ་ལས་སྐུ་ནི་བསྐྱེད་པར་བྱ། །པདྨ་དབུས་ཀྱི་ལྟེ་བ་
[2b.4]ལ། །བཅོམ་ལྡན་རྡོ་རྗེ་གོས་སྔོན་ཅན། །ཤར་གྱི་པདྨའི་འདབ་མ་ལ། །ཁྲོ་བོ་རྣམ་པར་རྒྱལ་བ་བསྐྱེད། །ལྷོ་ཡི་པདྨའི་འདབ་མ་ལ། །བཅོམ་ལྡན་མགོན་པོ་ནག་པོ་བསྐྱེད། །ནུབ་ཀྱི་པདྨའི་འདབ་མ་ལ། །ལུས་ངན་རྒྱལ་པོ་བསྐྱེད་པར་བྱ། །བྱང་གི་པདྨའི་འདབ་མ་ལ། །བདུད་རྩི་འཁྱིལ་པ་
[2b.5]བསྐྱེད་པར་བྱ། །བྱང་ཤར་དུ་ནི་གནོད་སྦྱིན་བསྐྱེད། །ཤར་ལྷོ་རུ་ནི་རོ་ལངས་མ། །ལྷོ་ནུབ་རྡོ་རྗེ་མཁའ་འགྲོ་མ། །ནུབ་བྱང་དུ་ནི་འཇིགས་བྱེད་མ། །མཚམས་རྣམས་སུ་ནི་ལྷ་མོ་བཞི། །འོད་སྐྱེད་མ་དང་ཡིད་འཕྲོག་མ། །ཀུན་བཟང་མ་དང་གླུ་སྒྲ་མ། །ཤར་གྱི་སྒོ་རུ་སྲོག་གཅོད་མ། །ལྷོ་ཡི་སྒོ་རུ་
[2b.6]དབུགས་རྔུབ་མ། །ནུབ་ཀྱི་ཕྱོགས་སུ་ཁྲག་འཐུང་མ། །བྱང་གི་ཕྱོགས་སུ་ཤ་ཟ་མ། །དེ་ལྟར་དཀྱིལ་འཁོར་བསྐྱེད་ནས་ཀྱང་། །ཡི་གེ་ཧཱུཾ་གི་འོད་ཟེར་དང་། །སྔགས་དང་ཕྱག་རྒྱའི་ཚིགས་བཅད་སྒྲས། །རང་བཞིན་དཀྱིལ་འཁོར་སྤྱན་དྲངས་ལ། །མཆོད་བསྟོད་བྱས་ནས་དམ་ཚིག་ལ། །
[2b.7]བྱིན་རླབས་བསྟིམས་ཏེ་དབང་བསྐུར་རོ། །དེ་ལྟའི་དཀྱིལ་འཁོར་ཆེན་པོ་ལ། །ཐུན་བཞི་ཐུན་བརྒྱད་པར་དག་ཏུ། །བསྒོམས་ནས་བརྟན་པར་གྱུར་པས་ན། །ལས་རྣམས་གཞན་ནམ་རྫོགས་རིམ་ལ། །གཞུག་པར་བྱ་བ་ཁོ་ན་ཡིན། །འཁོར་ལོ་ཆེན་པོའི་སྦྱོར་ཀ་སྟེ་དང་པོའོ།། །།བཅོམ་
[3a]
[3a.1]ལྡན་རྡོ་རྗེ་བསྣམས་ལ་ཕྱག་འཚལ་ལོ། །དཀྱིལ་འཁོར་ཆེན་པོ་མི་ནུས་པས། །ལྷ་རྣམས་སོ་སོ་ཀུན་ལ་ཡང་། །རྒྱན་གཅིག་པ་ལ་སྦྱོར་བ་བསྟན། །དང་པོ་གཙོ་བོའི་སྦྱོར་བ་ནི། །བདག་ཉིད་སྐད་ཅིག་ལྷར་སྤྲུལ་ལ། །ཡི་གེ་ཧཱུཾ་གི་མན་ངག་སོགས། །རིམ་པ་བཞིན་དུ་ཤེས་
[3a.2]པར་བྱ། །ཕྱག་འཚལ་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་བ་དང་། །གསོལ་བ་གདབ་ཅིང་སྐྱབས་སུ་གསོལ། །ལུས་འབུལ་དགེ་རྩ་བསྔོ་བར་བྱ། །ཚད་མེད་བཞི་བསྒོམ་སྟོང་ཉིད་བསྒོམ། །སྟོང་པའི་ངང་ལས་ཡི་གེ་ཧཱུཾ། །དེ་ལས་ཕྱག་མཚན་རྡོ་རྗེར་གྱུར། །དེ་ཉིད་ལས་
[3a.3]ནི་སྐུ་བསྐྱེད་དོ། །སྐུ་མདོག་སྔོན་པོ་ཞལ་གཅིག་པ། །མཆེ་བ་གཙིགས་མཛད་སྤྱན་མིག་བཟློག །ཕྱག་གཡས་རྡོ་རྗེ་བསྣམས་མཛད་ནས། །ཕྱག་གཡོན་ནམ་མཁའ་ལྡིང་ནི་བསྣམས། །གཡོན་བརྐྱང་གཡས་བསྐུམ་ཀླུ་ལ་ཤིས། །གཡས་པ་རྡོ་རྗེ་བསྣམས་མཛད་ནས། །གཡོན་པ་རྩེ་
[3a.4]གསུམ་བསྣམས་པ་ནི། །གཤིན་རྗེ་དག་ལ་ཤིས་པར་བསྟན། །གཡས་པ་རྡོ་རྗེ་གསོར་ནས་ནི། །གཡོན་པ་དྲིལ་བུ་བསྒྲགས་པ་ནི། །གནོད་སྦྱིན་དྲག་ལ་ཤིས་པར་བསྟན། །ཡེ་ཤེས་དཀྱིལ་འཁོར་སྤྱན་དྲངས་བསྟིམས། །བྱིན་རླབས་དབང་བསྐུར་བྱས་ནས་ཀྱང་། །ཐུན་མཚམས་བཞིར་
[3a.5]ནི་བརྟན་པར་བསྒོམ། །གཙོ་བོའི་སྦྱོར་ཀ་སྟེ་གཉིས་པའོ།། །།བཅོམ་ལྡན་འདས་རྣམ་པར་རྒྱལ་བ་ལ་ཕྱག་འཚལ་ལོ། །སྐད་ཅིག་ལྷར་སྤྲུལ་ཐུགས་ཀ་རུ། །ཉི་མའི་སྟེང་དུ་ཧཱུཾ་སོགས་རྫོགས། །ཕྱག་འཚལ་མཆོད་ཅིང་བཤགས་པར་བྱ། །རྗེས་སུ་ཡི་རང་ལ་སོགས་བྱ། །སྟོང་པ་ཉིད་དུ་
[3a.6]བསྒོམས་ནས་ཀྱང་། །སྟོང་པའི་ངང་ལས་ཆོ་འཕྲུལ་དུ། །རྡོ་རྗེ་པདྨའི་ཉི་ཟླའི་སྟེང་། །དེ་སྟེང་ཧཱུཾ་ལས་རྡོ་རྗེར་གྱུར། །རྡོ་རྗེ་ལས་ནི་སྐུ་བསྐྱེད་དོ། །ཁྲོ་ཆེན་ཁམས་གསུམ་རྣམ་རྒྱལ་ནི། །སྐུ་མདོག་དམར་པོ་དབུ་གསུམ་པ། །ཕྱག་དྲུག་དང་པོ་རྡོ་རྗེའོ། །གཡོན་གྱི་དང་པོ་དགྲ་སྟའོ། །བར་མ་
[3a.7]གཉིས་ཀྱིས་འཆིང་བྱེད་པ། །གུང་མོ་མཐེ་བོང་ངོས་བཏུད་ནས། །གཞན་རྣམས་ཡོངས་སུ་བརྐྱང་བ་ཡིན། །དེ་ཉིད་སྙིང་གར་བཟུང་ནས་ནི། །དེ་འོག་གཡས་པས་ཞགས་པ་བསྣམས། །གཡོན་པ་རལ་གྲི་བསྣམས་པའོ། །ཡེ་ཤེས་སྤྱན་དྲངས་བསྟིམས་ནས་ཀྱང་། །བྱིན་རླབས་
[3b]
[3b.1]དབང་བསྐུར་བྱས་ནས་ནི། །ཐུན་མཚམས་བཞི་རུ་བརྟན་པར་བསྒོམས། །སྙིང་གའི་མན་ངག་གསལ་ནས་ཀྱང་། །ལྕེ་ནི་རྡོ་རྗེར་བྱིན་གྱིས་བརླབས། །བཟླས་བརྗོད་འཕྲོས་འདུས་བསྙེན་པ་བྱ། །དུས་གྲངས་མཚན་མ་ཐིམ་པ་དང་། །བསྒྲུབ་པ་གང་འདོད་བརྩམ་པར་བྱའོ། །རྣམ་པར་རྒྱལ་
[3b.2]བའི་སྦྱོར་ཀ་སྟེ་གསུམ་པའོ།། །།བཅོམ་ལྡན་འདས་དཔལ་མགོན་པོ་ནག་པོ་ལ་ཕྱག་འཚལ་ལོ། །སྐད་ཅིག་ལྷ་རུ་སྤྲུལ་ནས་ཀྱང་། །ཧཱུཾ་གི་མན་ངག་རྫོགས་པ་ཡིས། །ཕྱག་འཚལ་མཆོད་པ་ལ་སོགས་བྱ། །སྟོང་པ་ཉིད་ཀྱི་ངང་ཉིད་ལས། །རིན་ཆེན་གདན་སོགས་རྫོགས་བྱས་ལ། །
[3b.3]ཡི་གེ་ཧཱུཾ་ལས་བེ་ཅོན་གྱུར། །དེ་ཉིད་ལས་ནི་སྐུ་རྫོགས་གྱུར། །དཔལ་ལྡན་མགོན་པོ་ནག་པོ་ནི། །སྐུ་མདོག་ནག་པོ་དུད་སྤྲིན་འདྲ། །ཞལ་གཅིག་པ་ལ་ཕྱག་གཉིས་པ། །གཡས་པ་ཙནྡན་བིང་ཆེན་བསྣམས། །གཡོན་པ་ཞགས་པ་བསྣམས་པའོ། །ཞབས་ནི་བརྐྱང་བསྐུམ་
[3b.4]ཚུལ་དུ་བཞུགས། །ཡེ་ཤེས་མགོན་པོ་སྤྱན་དྲངས་བསྟིམ། །བྱིན་རླབས་དབང་བསྐུར་ལ་སོགས་བྱ། །དེ་ལྟར་བསྟན་ནས་བཟླས་བརྗོད་བྱ། །མགོན་པོ་མདུན་དུ་སྤྱན་དྲངས་ནས། །བཟླས་བརྗོད་ལ་སོགས་རྫོགས་བྱས་ལ། །དེ་ནས་སྒྲུབ་པ་བརྩམ་པར་བྱ། །མགོན་པོ་ལས་ཀྱི་
[3b.5]སྦྱོར་ཀ་སྟེ་བཞི་པའོ།། །།ལུས་ངན་གསུང་མཆོག་སྤྲུལ་ལ་ཕྱག་འཚལ་ལོ། །སྐད་ཅིག་ལྷར་སྤྲུལ་ཧཱུཾ་གིས་ནི། །སྤྱན་དྲངས་ལ་སོགས་རྫོགས་བྱས་ལ། །ཕྱག་འཚལ་མཆོད་པ་ལ་སོགས་བྱ། །སྟོང་པའི་ངང་ལས་པད་སོགས་གདན། །ཡི་གེ་ཧཱུཾ་ལས་མཆོད་རྟེན་གྱུར། །དེ་ཉིད་ལས་ནི་སྐུ་
[3b.6]བསྐྱེད་དོ། །ལུས་ངན་སྐུ་མདོག་ལྗང་གུའོ། །ཞལ་གཅིག་ཕྱག་གཡས་མཆོད་རྟེན་བསྣམས། །གཡོན་པ་ལེའུ་ལེ་བསྣམས་པའོ། །ཡེ་ཤེས་སྤྱན་དྲངས་བསྟིམས་ནས་ནི། །བྱིན་གྱིས་བརླབ་ཅིང་དབང་བསྐུར་རོ། །བཟླས་བརྗོད་བསྙེན་པ་རྫོགས་ནས་ནི། །དེ་ནས་སྒྲུབ་པ་བརྩམ་པར་བྱའོ། །
[3b.7]ལུས་ངན་པོའི་སྦྱོར་ཀ་སྟེ་ལྔ་པའོ།། །།ཁྲོ་ཆེན་བདུད་རྩི་འཁྱིལ་ལ་ཕྱག་འཚལ་ལོ། །སྐད་ཅིག་ལྷར་སྤྲུལ་ཧཱུཾ་གིས་ནི། །སྦྱོར་བ་ལ་སོགས་རྫོགས་པར་བྱ། །དེ་ནས་ཕྱག་འཚལ་མཆོད་སོགས་བྱ། །སྟོང་པའི་ངང་ལས་རྡོ་རྗེའི་གདན། །དེ་སྟེང་ཧཱུཾ་ལས་རྡོ་རྗེའོ། །དེ་ཉིད་ལས་ནི་སྐུ་
[4a]
[4a.1]རྫོགས་གྱུར། །ཁྲོ་ཆེན་བདུད་རྩི་འཁྱིལ་པ་སྐུ་སྔོན་པོ། །ཞལ་གཅིག་ཕྱག་གཉིས་བྲང་དུ་བསྣོལ། །ཞབས་གཉིས་བརྐྱང་བསྐུམ་ཚུལ་དུ་བཞུགས། །ཡེ་ཤེས་དཀྱིལ་འཁོར་སྤྱན་དྲངས་བསྟིམ། །བྱིན་གྱིས་བརླབ་ཅིང་དབང་བསྐུར་རོ། །བསྙེན་པ་ལ་སོགས་
[4a.2]རྫོགས་ནས་ནི། །དེ་ནས་བསྒྲུབ་པ་བརྩམ་པར་བྱའོ། །བདུད་རྩི་འཁྱིལ་པའི་སྦྱོར་ཀ་སྟེ་དྲུག་པའོ།། །།མཁའ་འགྲོ་མ་རྣམས་ལ་ཕྱག་འཚལ་ལོ། །གནོད་སྦྱིན་མཁའ་འགྲོ་ལ་སོགས་ཀྱང་། །སྤྲུལ་པ་དང་ནི་རང་རྒྱུད་ཀྱི། །མན་ངག་རྣམས་ནི་ཤེས་པར་བྱ། །མདུན་དུ་སྤྲུལ་དང་
[4a.3]བསྐྱེད་པ་ནི། །གཙོ་བོའི་དབང་དུ་བྱ་བ་དང་། །སོ་སོ་རང་རང་དབང་དུའོ། །དེ་རྣམས་ཆོ་ག་ལ་སོགས་ཀྱང་། །མན་ངག་བཞིན་དུ་ཤེས་པར་བྱའོ། །གནོད་སྦྱིན་ཁ་དོག་དམར་ནག་ལ། །ཞལ་གཅིག་པ་ལ་ཕྱག་གཉིས་པ། །གཡས་གཡོན་གྲི་གུག་ཅང་ཏེའུ་བསྣམས། །རོ་ལངས་མ་ནི་སྔོ་སྐྱ་
[4a.4]སྟེ། །ཞལ་གཅིག་པ་ལ་ཕྱག་གཉིས་པ། །རྡོ་རྗེ་ལྕགས་སྒྲོག་བཟུང་ནས་ནི། །གུང་མོ་སྲིན་ལག་ལ་སོགས་གསུམ་པོ་རྣམས། །དམ་པོར་བཀུག་པས་ཡོངས་སུ་བསྡམས། །མཐེབ་མཛུབ་བཞི་རྣམས་རབ་བརྐྱང་སྟེ། །སྤྱི་བོར་ངེས་པར་བསྣོལ་ནས་བསྡམས། །རྡོ་རྗེ་མཁའ་འགྲོ་
[4a.5]མདོག་སེར་སྐྱ། །ཕྱག་གཉིས་སྤྱི་བོར་སྦྱར་ནས་སུ། །མེ་ལྕེའི་ཕྲེང་བ་ཡོངས་སུ་འཛིན། །འཇིགས་བྱེད་མདོག་ནི་སྔོ་ནག་ལ། །ཞལ་གསུམ་ཕྱག་དྲུག་ཞབས་གཉིས་པ། །གཡས་ཀྱི་དང་པོ་གླང་པོ་བསྣམས། །གཡོན་པ་གླང་པོའི་པགས་པ་བསྣམས། །དེ་འོག་གཡས་པ་རྡོ་
[4a.6]རྗེ་བསྣམས། །གཡོན་པ་དགྲ་སྟ་བསྣམས་པའོ། །དེ་འོག་གཡས་པ་ལྕགས་ཀྱུ་བསྣམས། །གཡོན་པ་མི་མགོ་རློན་པ་བསྣམས། །གནོད་སྦྱིན་མཁའ་འགྲོ་དེ་རྣམས་ཀྱང་། །གཙོ་བོ་གོས་སྔོན་ལ་བསྐོར་ལྷན་ནེའི་ཚུལ། །དཀྱིལ་འཁོར་ཚུལ་གྱིས་བསྒོམ་ཐབས་དང་། །ཡང་ན་སོ་སོ་
[4a.7]རེ་རེ་དང་། །རྗེ་ཁོལ་ཚུལ་དུ་གནས་ནས་ཀྱང་། །ལས་རྣམས་ཀུན་ལ་མངགས་པ་དང་། །ཡང་ན་སྦྱོར་ཐབས་ཚུལ་གནས་ནས། །གསང་མཆོད་འབུལ་ཞིང་ཕྱག་རྒྱ་བསྒྲུབ། །གནོད་སྦྱིན་མཁའ་འགྲོ་མའི་སྦྱོར་ཀ་སྟེང་བདུན་པའོ།། །།རྡོ་རྗེ་ལྷ་མོ་རྣམས་ལ་ཕྱག་འཚལ་ལོ། །
[4b]
[4b.1]ལྷ་མོ་འདི་རྣམས་ཆོ་ག་ཡང་། །མཁའ་འགྲོ་བཞིན་དུ་འདིར་ཤེས་བྱ། །འོད་སྐྱེད་མ་ཞལ་གཅིག་ཕྱག་གཉིས་སྐུ་མདོག་དཀར་མོའོ། །ཕྱག་གཉིས་མེ་ཏོག་བསྣམས་པའོ། །ཡིད་འཕྲོག་མ་ཞལ་གཅིག་ཕྱག་གཉིས་པ། །སྐུ་མདོག་སེར་མོ་མཛེས་པའི་ཚུལ། །ཕྱག་གཉིས་དྲི་
[4b.2]ཡི་སྤོས་ཕོར་བསྣམས། །ཀུན་བཟང་མ་ཞལ་གཅིག་ཕྱག་གཉིས་པ། །སྐུ་མདོག་དམར་མོ་མཛེས་པའི་ཚུལ། །ཕྱག་གཉིས་ཞལ་ཟས་རོ་བརྒྱ་ལྡན་པ་བསྣམས། །གླུ་སྒྲ་ཅན་ནི་ཞལ་གཅིག་ཕྱག་གཉིས་པ། །སྐུ་མདོག་སྔོན་མོ་མཛེས་པའི་ཚུལ། །ཕྱག་གཉིས་སྒྲ་སྙན་གར་གྱིས་
[4b.3]རོལ། །ལྷ་མོ་འདི་རྣམས་ཀུན་ལ་ཡང་། །དཀྱིལ་འཁོར་ལས་དང་མཆོད་པའི་ཚུལ། །གསུམ་པའི་མན་ངག་ཤེས་མོད་ཀྱང་། །ཁྱད་པར་མཆོད་པའི་ཚུལ་དུ་བསྟན། །མཆོད་པའི་ལྷ་མོའི་སྦྱོར་ཀ་སྟེ་བརྒྱད་པའོ།། །།སྒོ་མ་བཞི་ལ་ཕྱག་འཚལ་ལོ། །སྒོ་མའི་ཆོ་ག་ལ་སོགས་ཀྱང་། །
[4b.4]གོང་གི་ཆོ་ག་སྦྱོར་ཤེས་བྱའོ། །སྲོག་གཅོད་ཞལ་གཅིག་ཕྱག་གཉིས་པ། །སྐུ་མདོག་མཐིང་ག་འཇིགས་པའི་ཚུལ། །ཕྱག་གཉིས་ཐོ་བ་ཞགས་པ་བསྣམས། །དབུགས་རྔུབ་མ་ཞལ་གཅིག་ཕྱག་གཉིས་པ། །སྐུ་མདོག་སེར་མོ་འཇིགས་པའི་ཚུལ། །ཕྱག་གཉིས་ཧོམ་གཟར་
[4b.5]ཞགས་པ་བསྣམས། །ཁྲག་འཐུང་མ་ཞལ་གཅིག་ཕྱག་གཉིས་པ། །སྐུ་མདོག་དམར་མོ་འཇིགས་པའི་གཟུགས། །ཕྱག་གཉིས་གྲི་གུག་ཞགས་པ་བསྣམས། །ཤ་ཟ་མ་ཞལ་གཅིག་ཕྱག་གཉིས་པ། །སྐུ་མདོག་སྔོན་པོ་འཇིགས་པའི་ཚུལ། །ཕྱག་གཉིས་རྣོན་པོ་ཞགས་པ་བསྣམས། །
[4b.6]ཁྲོ་མོ་འདི་རྣམས་སྤྱད་ཚུལ་ཡང་། །དཀྱིལ་འཁོར་ལས་སྦྱོར་བའི་ཚུལ། །ཁྱད་པར་གསད་པའི་ལས་ལ་ཤིས། །སྒོ་མ་བཞིའི་སྦྱོར་ཀ་སྟེ་དགུ་པའོ།། །།བཅོམ་ལྡན་འདས་རྡོ་རྗེ་བསྣམས་པ་ལ་ཕྱག་འཚལ་ལོ། །རྣལ་འབྱོར་བློ་རྣམས་རིམ་པ་ཡིས། །བསྡུས་རྒྱས་རིམ་པ་བསྟན་
[4b.7]པར་བྱ། །པདྨ་འདབ་བརྒྱད་དཀྱིལ་འཁོར་ལ། །དབུས་དང་འདབ་བརྒྱད་ལྷ་དགུའོ། །ཕྱི་རིམ་ཀེང་རུས་འབར་བས་བསྐོར། །གྲུ་ཆད་བཞི་ལ་ལྷ་མོ་བཞི་པོ་གནས། །སྒོ་རྣམས་བཞི་ལ་སྒོ་མ་བཞི། །འདི་ནི་རྣལ་འབྱོར་རྒྱས་པའི་ཚད། །རྣལ་འབྱོར་བསྡུས་ལ་མོས་པ་ཡིས། །
[5a]
[5a.1]ལྷ་ནི་བཅུ་གསུམ་བསྒོམ་པར་བྱ། །དེ་ལས་ཀྱང་ནི་བསྡུས་འདོད་ན། །ལྷ་ནི་དགུ་པོ་བསྒོམ་པར་བྱ། །དེ་ལས་ཀྱང་ནི་བསྡུས་འདོད་ན། །ལྔ་དང་གསུམ་དང་གཉིས་དང་གཅིག །མན་ངག་ཆོ་ག་མཐོང་བས་བྱ། །མ་མཐོང་བས་ནི་དམ་ཚིག་ཉམས། །དེ་དག་ཐམས་
[5a.2]ཅད་ཀུན་ལ་ཡང་། །ཚོགས་བསག་ལྷ་བསྐྱེད་མཁས་པས་བྱ། །བསྡུས་རྒྱས་ཀྱི་སྦྱོར་ཀ་སྟེ་བཅུ་པའོ།། །།བཅོམ་ལྡན་འདས་རྡོ་རྗེ་བསྣམས་པ་ལ་ཕྱག་འཚལ་ལོ། །ལྷ་རྣམས་མཆོད་པའི་རིམ་པ་ནི། །ཤ་ཆེན་པོ་ལས་བྱུང་བ་ཡི། །དྲི་མཆོག་དུད་པ་རྒྱུན་མི་གཅད། །བདེ་གཤེགས་
[5a.3]ཤངས་ལ་ཕུལ་གྱུར་པ། །སྐུ་གསུང་ཐུགས་མཆོག་མཉེས་གྱུར་ཅིག །ཤ་ཆེན་བདུག་སྤོས་དབུལ་བའོ། །བྷ་ག་རང་བྱུང་མེ་ཏོག་འདི། །ཡིད་འོང་ནམ་མཁའ་ཁྱབ་ཙམ་དུ། །བདེ་གཤེགས་དབུ་ལ་ཕུལ་བ་ཡིས། །སྐུ་གསུང་ཐུགས་མཆོག་མཉེས་གྱུར་ཅིག །རཀྟའི་མེ་ཏོག་
[5a.4]དབུལ་བའོ། །ཚིལ་ཆེན་དུར་ཁྲོད་རས་ལས་ནི། །མ་རིག་མུན་སེལ་སྒྲོན་མ་བྱུང་། །བདེ་གཤེགས་སྤྱན་ལ་ཕུལ་གྱུར་པས། །སྐུ་གསུང་ཐུགས་མཆོག་མཉེས་གྱུར་ཅིག །ཚིལ་ཆེན་མར་མེ་དབུལ་བའོ། །མཚན་དང་ལྡན་པའི་ཀ་པཱ་ལར། །རྡོ་རྗེ་དྲི་ཆུས་བཀང་ནས་སུ། །བདེ་
[5a.5]གཤེགས་ཐུགས་ལ་ཕུལ་གྱུར་པས། །སྐུ་གསུང་ཐུགས་མཆོག་མཉེས་གྱུར་ཅིག །རྡོ་རྗེ་ཆུ་ཡིས་མཆོད་པའོ། །མཚན་དང་ལྡན་པའི་ཀ་པཱ་ལར། །རྡོ་རྗེ་དྲི་ཆེན་གཏམས་ནས་སུ། །བདེ་གཤེགས་ལྗགས་ལ་ཕུལ་གྱུར་པས། །སྐུ་གསུང་ཐུགས་མཆོག་མཉེས་གྱུར་ཅིག །དྲི་ཆེན་ལྷ་
[5a.6]བཤོས་མཆོད་པའོ། །སིལ་སྙན་རོལ་མོ་དཔག་མེད་རྣམས། །ཡིད་འོང་མཛེས་པར་སྤྲུལ་ནས་སུ། །བདེ་གཤེགས་སྙན་ལ་ཕུལ་གྱུར་བས། །སྐུ་གསུང་ཐུགས་མཆོག་མཉེས་གྱུར་ཅིག །སྒྲ་དང་རོལ་མོས་མཆོད་པའོ། །རྡོ་རྗེ་ལྷ་མོ་འོད་སྐྱེད་མ། །རྡོ་རྗེ་མེ་ཏོག་བསྣམས་ནས་
[5a.7]ནི། །མཛེས་པའི་ཚུལ་གྱིས་མཆོད་ཕུལ་ན། །མཆོད་པ་དམ་པའི་ཚུལ་གྱིས་བཞེས། །རྡོ་རྗེ་ལྷ་མོ་ཡིད་འཕྲོག་མ། །དྲི་ཡི་དུང་ཕོར་བསྣམས་ནས་སུ། །གསེར་འོད་བཞད་པའི་ཚུལ་གྱིས་སུ། །མཆོད་པ་དམ་པ་འབུལ་གྱིས་བཞེས། །རྡོ་རྗེ་ལྷ་མོ་ཀུན་བཟང་མ། །ཞལ་ཟས་རོ་མཆོག་
[5b]
[5b.1]བསྣམས་ནས་སུ། །དམར་མོ་བཞད་པའི་ཚུལ་གྱིས་ནི། །མཆོད་པ་དམ་པ་འབུལ་ལོ་བཞེས། །རྡོ་རྗེ་ལྷ་མོ་གླུ་སྒྲ་ཅན། །སྒྲ་སྙན་གར་གྱི་རོལ་མོ་ཡིས། །འོད་སྔོན་འཕྲོས་པའི་བཞད་ཚུལ་གྱིས། །མཆོད་པ་དམ་པ་འབུལ་ལོ་བཞེས། །སྒེག་མོ་ལ་སོགས་བརྒྱད་རྣམས་ཀྱང་། །
[5b.2]རྒྱུད་རྣམས་གཞན་དང་མཐུན་པས་ན། །དེ་བཞིན་འདིར་ཡང་དབུལ་བར་བྱ། །རྡོ་རྗེ་གླུ་རྣམས་མཛེས་པ་ཡིས། །བསྟུན་ནས་ལྷ་ལ་མཆོད་པ་འབུལ། །མཆོད་པའི་སྦྱོར་ཀ་སྟེ་བཅུ་གཅིག་པའོ།། །།བཅོམ་ལྡན་འདས་རྡོ་རྗེ་ཅན་ལ་ཕྱག་འཚལ་ལོ། །ལྷ་རྣམས་བསྟོད་པའི་རིམ་
[5b.3]པ་ནི། །བཅོམ་ལྡན་རྡོ་རྗེ་གོས་སྔོན་ཅན། །སྐུ་མདོག་སྔོན་པོ་འཇིགས་པའི་ཚུལ། །རྡོ་རྗེ་སྟོབས་ཀྱིས་འབྱུང་པོ་འདུལ། །རྡོ་རྗེ་བསྣམས་ལ་ཕྱག་འཚལ་བསྟོད། །རྣམ་རྒྱལ་རྡོ་རྗེ་ཁྲོ་བོ་ནི། །དབུ་གསུམ་ཕྱག་དྲུག་འཇིགས་པའི་གཟུགས། །སྐུ་མདོག་འོད་དམར་བགེགས་རྣམས་
[5b.4]བསྲེག །བདུད་ལས་རྒྱལ་ལ་ཕྱག་འཚལ་བསྟོད། །དཔལ་ལྡན་མགོན་པོ་ནག་པོ་ནི། །ནག་པོའི་ཞགས་པ་འཛིན་མཛད་ཅིང་། །ཙནྡན་བིང་གིས་ཐམས་ཅད་འཇོམས། །མཐུ་ཆེན་ཁྱོད་ལ་ཕྱག་འཚལ་བསྟོད། །ལུས་ངན་པོ་ནི་རྒྱལ་པོའི་མཆོག །མཆོད་པའི་རྟེན་གྱིས་དོན་རྣམས་
[5b.5]འགྲུབ། །ནེའུ་ལེ་རིན་ཆེན་གཏེར་བརྟན་བསྣམས། །དགོས་འདོད་སྐོང་ལ་ཕྱག་འཚལ་བསྟོད། །ཁྲོ་བོ་བདུད་རྩིས་བདུད་རྣམས་འཇོམས། །ཕྱག་རྒྱ་སྡིགས་མཛུབ་མཛད་པ་ཡིས། །སྡང་མིག་མི་འགྱུར་ཞེ་ལ་གནོན། །འོད་སྔོན་པོ་ལ་ཕྱག་འཚལ་བསྟོད། །གནོད་སྦྱིན་ཁྲོ་བོ་
[5b.6]འཇིགས་པའི་གཟུགས། །སྐུ་མདོག་དམར་ནག་འོད་ཟེར་ཅན། །གྲི་གུག་འབར་བས་གཅོད་མཛད་མ། །ཅང་ཏེའུ་སྒྲོགས་ལ་ཕྱག་འཚལ་བསྟོད། །རོ་ལངས་མ་ནི་མཐུ་མོ་ཆེ། །སྔོ་སྐྱ་རྡོ་རྗེ་ལྕགས་སྒྲོག་སྡོམ། །ཕྱག་རྒྱ་སྤྱི་བོར་བསྣོལ་མཛད་མ། །རོ་ལངས་མ་ལ་ཕྱག་འཚལ་བསྟོད། །རྡོ་རྗེ་མཁའ་
[5b.7]འགྲོ་དཔལ་འབར་མ། །དམར་སྐྱ་མེ་ལྕེ་ཕྲེང་བ་འཛིན། །རྡོ་རྗེ་མེས་ནི་ཐམས་ཅད་བསྲེག །རྡོ་རྗེ་མཁའ་འགྲོ་ཕྱག་འཚལ་བསྟོད། །འཇིགས་བྱེད་མ་ནི་ཐམས་ཅད་འཇོམས། །སྔོ་ནག་ཞལ་གསུམ་ཕྱག་དྲུག་པ། །ཕྱག་མཚན་དྲུག་གིས་འབྱུང་པོ་འདུལ། །འཇིགས་བྱེད་མ་ལ་ཕྱག་
[6a]
[6a.1]འཚལ་བསྟོད། །རྡོ་རྗེ་ལྷ་མོ་འོད་སྐྱེད་མ། །ཞལ་གཅིག་ཕྱག་གཉིས་སྐུ་མདོག་དཀར། །རྡོ་རྗེ་མེ་ཏོག་ཕྱག་ན་བསྣམས། །འོད་སྐྱེད་མ་ལ་ཕྱག་འཚལ་བསྟོད། །རྡོ་རྗེ་ལྷ་མོ་ཡིད་འཕྲོག་མ། །ཞལ་གཅིག་ཕྱག་གཉིས་སྐུ་མདོག་སེར། །དྲི་མཆོག་དཔག་
[6a.2]མེད་ཕྱག་ན་བསྣམས། །ཡིད་འཕྲོག་མ་ལ་ཕྱག་འཚལ་བསྟོད། །རྡོ་རྗེ་ལྷ་མོ་ཀུན་བཟང་མ། །ཞལ་གཅིག་ཕྱག་གཉིས་སྐུ་མདོག་དམར། །ཞལ་ཟས་རོ་མཆོག་བརྒྱ་ལྡན་བསྣམས། །ཀུན་བཟང་མ་ལ་ཕྱག་འཚལ་བསྟོད། །རྡོ་རྗེ་ལྷ་མོ་གླུ་སྒྲ་ཅན། །ཞལ་གཅིག་ཕྱག་
[6a.3]གཉིས་སྐུ་མདོག་སྔོ། །སྒྲ་སྙན་གར་གྱི་རོལ་པས་གནས། །གླུ་སྒྲ་ཅན་ལ་ཕྱག་འཚལ་བསྟོད། །རྡོ་རྗེ་ཁྲོ་མོ་སྲོག་གཅོད་མ། །ཞལ་གཅིག་ཕྱག་གཉིས་སྐུ་མདོག་གནག །སྒྲུབ་ལ་གནོད་པའི་སྲོག་གཅོད་མ། །ཐོ་བ་ཞགས་པ་བསྣམས་ལ་ཕྱག་འཚལ་བསྟོད། །ཁྲོ་མོ་
[6a.4]རྡོ་རྗེ་དབུགས་རྔུབ་མ། །ཞལ་གཅིག་ཕྱག་གཉིས་སྐུ་མདོག་སེར། །སྒྲུབ་ལ་གནོད་པའི་དབུགས་རྔུབ་མ། །ཧོམ་གཟར་ཞགས་པ་བསྣམས་ལ་ཕྱག་འཚལ་བསྟོད། །ཁྲོ་མོ་ཆེན་མོ་ཁྲག་འཐུང་མ། །ཞལ་གཅིག་ཕྱག་གཉིས་སྐུ་མདོག་དམར། །སྒྲུབ་ལ་གནོད་པའི་ཁྲག་
[6a.5]འཐུང་མ། །གྲི་གུག་ཞགས་པ་བསྣམས་ལ་ཕྱག་འཚལ་བསྟོད། །ཁྲོ་མོ་ཆེན་མོ་ཤ་ཟ་མ། །ཞལ་གཅིག་ཕྱག་གཉིས་སྐུ་མདོག་སྔོ། །སྒྲུབ་ལ་གནོད་པའི་ཤ་ཟ་མ། །རྣོན་པོ་ཞགས་པ་བསྣམས་ལ་ཕྱག་འཚལ་བསྟོད། །རྡོ་རྗེ་གླུ་ནི་མཛེས་པ་ཡིས། །བསྟོད་པ་རྣམས་ཀྱིས་ལྷ་བསྟོད་པས། །
[6a.6]ཚོགས་ཆེན་དཔག་མེད་སོགས་པར་འགྱུར། །བསྟོད་པའི་སྦྱོར་ཀ་སྟེ་བཅུ་གཉིས་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ཏེ། །རྡོར་དྲིལ་བྱིན་བརླབས་མཆོད་པ་བསྟན། །རྡོར་དྲིལ་རབ་གནས་བྱས་པ་དང་། །དང་པོ་སྟོང་དང་སྙིང་རྗེ་ལས། །ཡི་གེ་ཨོཾ་ཧཱུཾ་རྣམ་གཉིས་
[6a.7]ཕྱུང་། །དེ་ལས་རྡོར་དྲིལ་བསྐྱེད་པར་བྱ། །ཡེ་ཤེས་རྡོར་དྲིལ་བྱིན་བརླབ་བསྟིམ། །ཡང་ན་རབ་གནས་བྱས་པ་ལ། །དང་པོ་བྱིན་བརླབས་གསལ་བས་ཆོག །ལག་ན་རྡོ་རྗེ་བྱིན་བརླབས་ལ། །ལག་མཐིལ་ཉི་ཟླར་བྱིན་གྱིས་བརླབས། །ལག་གཡོན་མཐེ་བོང་སྲིན་ལག་གིས། །
[6b]
[6b.1]རྡོ་རྗེ་དྲིལ་བུ་བླང་བར་བྱ། །དྲིལ་བུ་འོག་ལ་རྡོ་རྗེ་སྟེང་། །བརླ་གཡོན་སྟེང་དུ་གཞག་པར་བྱ། །ལག་གཡས་སྲིན་ལག་མཐེ་བོང་གིས། །རྡོ་རྗེ་ར་དབྲག་བཙུགས་ནས་ནི། །བསྐོར་བའི་ཚུལ་གྱིས་ཐུགས་ཀར་བླང་། །རྒྱུ་ཡི་ཡི་གེ་གཉིས་པོ་ཡང་། །རྡོར་དྲིལ་ལ་ནི་མཚན་མར་བསམ། །
[6b.2]ཕྱག་ན་རྡོ་རྗེའི་ཏིང་འཛིན་གྱིས། །འགྱིང་བག་ཚུལ་གྱིས་བསྟན་པར་བྱ། །དང་པོ་གཡོན་དུ་གར་གསུམ་བསྒྱུར། །དེ་ནས་གཡས་སུ་གར་གསུམ་བསྒྱུར། །དེ་ནས་ཐུགས་ཀ་མགྲིན་པ་དང་། །སྤྱི་བོ་དག་ཏུ་གར་གསུམ་བསྒྱུར། །དེ་ནས་སླར་ལ་ཕབ་ནས་ནི། །ལྟེ་བ་ལ་སོགས་
[6b.3]གནས་བརྒྱད་དུ། །རྡོ་རྗེ་དྲིལ་གཉིས་གསོར་བར་བྱ། །དེ་ནས་དྲིལ་བུ་བབས་གསུམ་དང་། །རྡོ་རྗེ་ལན་གསུམ་གསོར་བར་བྱ། །དེ་ནས་རྡོ་རྗེ་དྲིལ་ཐབས་ནི། །བརྒྱད་ཀྱི་ཚུལ་དུ་མཆོད་པར་བྱ། །དང་པོར་རྡོ་རྗེ་དྲིལ་བུ་གཉིས། །གསོར་ཞིང་ཐུགས་ཀར་བརྟན་པར་གཟུང་། །དེ་ནས་རྡོ་
[6b.4]རྗེ་དྲིལ་བུ་གཉིས། །བསྣོལ་ཞིང་འཁྱུད་ནས་མཆོད་པ་འབུལ། །དེ་ནས་རྡོ་རྗེ་དྲིལ་བུ་གཉིས། །ནུ་མ་གཡས་གཡོན་ཐད་ཀ་རུ། །རྡོ་རྗེ་སྟེང་ལ་དྲིལ་བུ་འོག །བསྣོལ་ཞིང་འགྱིང་བག་ཕན་ཚུན་བཀྱེར། །དེ་ནས་རྡོ་རྗེ་དྲིལ་བུ་གཉིས། །གར་གྱི་ཚུལ་དུ་བསྐོར་ནས་ཀྱང་། །རྡོར་དྲིལ་ལན་གཉིས་
[6b.5]གསོར་བར་བྱ། །དྲིལ་བུ་ཐུགས་ཀའི་ཐད་ཀར་གསིལ། །རྡོ་རྗེ་དཔུང་གཡོན་ཐད་གསོར་ནས། །དེ་ནས་ས་ལ་བཀྱེར་བར་བྱ། །སླར་ལ་ལོག་ཅིང་དཔུང་གཡོན་བསྐོར། །དྲིལ་བུ་ཐུགས་ཀའི་ཐད་གསིལ་ལ། །རྡོ་རྗེ་གསོར་ནས་ཐུགས་ཀར་ནི། །ཐད་ཀར་དཀྲོལ་ཞིང་གཟུང་བར་
[6b.6]བྱ། །རྡོ་རྗེ་དང་ནི་དྲིལ་བུ་གཉིས། །གར་གྱི་ཚུལ་དུ་བཀྱེར་བ་དང་། །རྡོ་རྗེ་དང་ནི་དྲིལ་བུ་གཉིས། །གཡས་གཡོན་དབང་དུ་བཀྱེར་བ་དང་། །དེ་ལྟར་རྡོ་རྗེ་དྲིལ་ཐབས་ཀྱིས། །རྡོ་རྗེ་གླུ་དང་བསྟུན་ནས་སུ། །བདེ་གཤེགས་རྣམས་ལ་མཆོད་པ་འབུལ། །གླུ་གར་རྩེད་འཇོའི་ཕྱག་རྒྱ་ཡིས། །
[6b.7]འཛུལ་ལམ་ནམ་མཁར་འཕུར་བར་འགྱུར། །རྣལ་འབྱོར་ཚོགས་འཁོར་ཚོགས་མཆོད་ཀྱི། །སྤྲོས་ལ་དགལ་བའི་དུས་སུ་བྱ། །རྣལ་འབྱོར་བསྡུས་པ་འདོད་པ་ཡིས། །སྦྱོར་ཐབས་ཚུལ་གྱིས་བཞི་པོ་བྱ། །ཤིན་ཏུ་བསྡུས་པ་འདོད་པ་ཡིས། །ལྷ་རྣམས་བསྟོད་པ་བར་བར་དུ། །
[7a]
[7a.1]རྡོ་རྗེ་དྲིལ་ཐབས་གསོར་བར་བྱ། །ཡང་ན་དྲིལ་བུ་རྒྱུན་དུ་ལ། །རྡོ་རྗེ་མཚམས་སུ་ཤེས་པར་བྱ། །དེ་རྣམས་བསམ་པའི་མཆོད་པ་ཡང་། །ཡི་གེ་གཉིས་ཀྱི་མན་ངག་གམ། །ཐབས་དང་ཤེས་རབ་མཆོད་པའམ། །ཕྱག་འཚལ་ཚུལ་དུ་བྱ་བའོ། །རྡོ་རྗེ་དྲིལ་
[7a.2]ཐབས་ཀྱི་སྦྱོར་ཀ་སྟེ་བཅུ་གསུམ་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །ཕྱག་རྒྱའི་རིམ་པ་བསྟན་པ་ནི། །གཡས་ཀྱི་གུང་མོ་དག་ལ་ནི། །སོར་མོ་བཞི་པོ་བཙུགས་ནས་ཀྱང་། །རྩེ་ལྔའི་ཚུལ་དུ་བྱ་བ་དང་། །གཡོན་པའི་སོར་མོ་སྤྲོ་པའམ། །སྒྲ་སྒྲོགས་
[7a.3]ཚུལ་དུ་བྱེད་པའམ། །ཡང་ན་མཐེ་བོང་མཐེ་ཆུང་གཉིས། །བཀུག་ནས་གསུམ་པོ་རྩེ་གསུམ་ཚུལ། །གཡས་པ་སྔ་མ་དང་འདྲ་ལ། །གཡོན་པའི་གུང་མོ་བཀུག་ནས་སུ། །མཛུབ་མོ་རྒྱ་བ་སྦྱར་བཀུག་པའོ། །སོར་མོ་རྣམས་ཀྱང་བཅིངས་ནས་སུ། །གུང་མོ་མཐེ་བོང་ངོས་
[7a.4]བཏུད་ནས། །གཞན་རྣམས་ཡོངས་སུ་བརྐྱང་པ་ཡིས། །ལག་གཡས་མཐེབ་མཛུབ་ཞགས་པ་བྱ། །གཡོན་གྱི་མཐེབ་མཛུབ་རལ་གྲིའི་ཚུལ། །གཉིས་ཀ་ལྷག་མ་རྣམས་ནི་བཅིང་། །གཡས་ཀྱི་ཁུ་ཚུར་བཅིངས་ནས་སུ། །མཐེ་བོང་ནང་ནས་གདོན་པར་བྱ། །གཡོན་གྱི་
[7a.5]མཐེ་བོང་མཛུབ་མོར་སྦྱར། །ལྷག་མ་རྣམས་ནི་བཅིང་བར་བྱ། །ལག་གཉིས་རྡོ་རྗེ་ཐལ་མོ་ལས། །གུང་མོ་ལ་ནི་མཛུབ་མོ་སྦྱར། །མཐེ་བོང་བསྣོལ་ཏེ་སྦྱར་བར་བྱ། །ཡང་ན་ལག་གཉིས་སྦྱར་བའམ། །གཡོན་གྱི་སོར་མོ་སྤྱིར་བསྡུས་པའོ། །ལག་གཉིས་ཁུ་ཚུར་བཅངས་
[7a.6]ནས་ནི། །མཛུབ་མོ་བསྒྲེང་སྟེ་བྲང་དུ་བསྣོལ། །གཡས་ཀྱི་ཁུ་ཚུར་བཅངས་ནས་ནི། །མཛུབ་མོ་དང་ནི་གུང་མོ་དགུག །གཡོན་གྱི་ཁུ་ཚུར་བཅངས་ཏེ་བསྐོར། །གུང་སྲིན་ལ་སོགས་གསུམ་པོ་རྣམས། །དམ་པོར་བཀུག་ནས་ཡོངས་སུ་བསྡམ། །མཐེབ་མཛུབ་བཞི་རྣམས་རབ་
[7a.7]བརྐྱང་སྟེ། །སྤྱི་བོར་ངེས་པར་བསྣོལ་ནས་གནས། །ཕྱག་གཉིས་སྤྱི་བོར་ཐལ་སྦྱར་ནས། །མེ་ལྕེ་ཕྲེང་བ་ཡོངས་སུ་འཛིན། །ལག་པ་གཡས་གཡོན་འཛིན་ཚུལ་དང་། །གཡས་པ་ཁུ་ཚུར་བཅངས་ནས་ནི། །གུང་མོ་བཀུག་པའི་རྒྱབ་ཏུ་ནི། །མཛུབ་མོ་ངེས་པར་སྦྱར་བར་
[7b]
[7b.1]བྱ། །མཛུབ་མོ་ལྕགས་ཀྱུའི་ཚུལ་དང་ནི། །གཡོན་གྱི་སོར་མོ་བསྡུས་ཏེ་བསྐོར། །ལག་གཉིས་མཐེབ་མཛུབ་སྦྱར་ནས་ནི། །གསུམ་པོ་བརྐྱང་སྟེ་རྩེ་མོར་སྦྱར། །ལག་གཡས་ཁུ་ཚུར་བཅངས་ནས་ནི། །གུང་མོ་བརྐྱང་སྟེ་གཡོན་པ་ཡི། །ཁུ་ཚུར་བཅངས་ཏེ་གྲུ་མོ་གཟུགས། །ལག་
[7b.2]པ་སྦྱར་ཏེ་བསྐོངས་པ་དང་། །སྒྲ་སྙན་གར་གྱི་རོལ་པས་གནས། །ལག་གཡས་ཁུ་ཚུར་ཐོ་བའི་ཚུལ། །གཡོན་པ་མཐེབ་མཛུབ་ཞགས་པའི་ཚུལ། །ལག་གཡས་སོར་མོ་བསྐོངས་པ་དང་། །གཡོན་པ་མཐེབ་མཛུབ་སྦྱར་ཏེ་བཅངས། །ལག་གཡས་གུང་མོ་སྲིན་ལག་གཉིས། །
[7b.3]བཀུག་སྟེ་གསུམ་པ་བཅིང་བར་བྱ། །ལག་གཡོན་མཐེབ་མཛུབ་སྦྱར་ཏེ་བཅང་། །གཡས་ཀྱི་གུང་མོ་མཛུབ་མོ་བརྐྱང་། །སྲིན་ལག་མཐེའུ་ཆུང་མཐེ་བོས་མནན། །གཡོན་གྱི་མཐེབ་མཛུབ་སྦྱར་ཏེ་བཅང་། །ཕྱག་རྒྱའི་སྦྱོར་ཀ་སྟེ་བཅུ་བཞི་པའོ།། །།བཅོམ་ལྡན་འདས་ཕྱག་
[7b.4]ན་རྡོ་རྗེ་ལ་ཕྱག་འཚལ་ལོ། །ཨོཾ་ནཱི་ལཱམྦ་རདྷ་ར་བཛྲ་པཱ་ཎི་ཧཱུཾ་ཧཱུཾ་ཕཊ། ཨོཾ་ཏྲཻ་ལོཀྱ་བི་ཛ་ཡ་ཧཱུཾ་ཕཊ། ཨོཾ་མ་ཧཱ་ཡཀྵ་སེ་ནཱ་པ་ཏ་ཡེ། ནཱི་ལཱམྦ་ར་དྷ་ར་བཛྲ་པཱ་ཎི་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། ཨོཾ་བཛྲ་ཡཀྵ་ཧཱུཾ་ཕཊ། ཨོཾ་ནཱི་ལཱམྦ་ར་དྷ་ར་མ་ཧཱ་ཡཀྵ་སེ་ནཱ་པ་ཏ་ཡེ་བཛྲ་པཱ་ཎཱི་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་མ་ཧཱ་ཀཱ་ལ་
[7b.5]རོ་ཥ་ཎ་ཧཱུཾ་ཕཊ། ཨོཾ་བཻ་ཤྲ་བ་ཎ་ཧཱུཾ་ཕཊ། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མ་ཧཱ་ཡཀྵ་སེ་ནཱ་པ་ཏ་ཡེ་ཧཱུཾ་ཕཊ། ཨོཾ་པྲ་བི་ཏ་པ་ཏ་ཡེ་ཧཱུཾ་ཕཊ། ཨོཾ་ན་མོ་མེ་ཧ་རཱ་ཡ་ཧཱུཾ་ཕཊ། ཨོཾ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཨོཾ་ས་མནྟ་བཀྟྲ་ཡེ་ཧཱུཾ་ཕཊ། ཨོཾ་ཤབྡ་གཱིརྟ་ཡེ་ཧཱུཾ་ཕཊ། ཨོཾ་བཛྲ་བེ་ཏཱ་ལཱི་ཧཱུཾ་ཕཊ། ཨོཾ་
[7b.6]པྲ་ཏཾ་སྟ་ནཱ་ཡ་ཧཱུཾ་ཕཊ། ཨོཾ་ཤ་སོ་གུ་པཱ་ཡ་ཧཱུཾ་ཕཊ། ཨོཾ་ར་ག་དྷ་པྲི་ཡ་ནི་ཧཱུཾ་ཕཊ། ཨོཾ་བཛྲ་ཌཱ་ཀ་ཡེ་ཧཱུཾ་ཕཊ། ཨོཾ་ཡ་མནྟ་ས་པཀྵི་ནི་ཧཱུཾ་ཕཊ། ཨོཾ་བཛྲ་བེ་ར་ཡེ་ཧཱུཾ་ཕཊ། ཨོཾ་རཀྟ་ཀ་ར་ལོ་ཀ་བི་ཤ་ན། ནཱི་ལཱམྦ་ར་དྷ་ར་བཛྲ་པཱ་ཎཱ་ཡེ། ན་གྭ་ལ་ག་ར་བ་ར་ཏ་ཀེ་ཏྭ་བྱཱ་གྷྲ་ཙརྨ་ཎི་བ་ས་ནི་ཡ་བྷ་མ་ཀོ་རེ་ག་
[7b.7]རུ་ར་རུ་སྟིམ་ཏི་མཾ། ཀྲོ་དྷ་མུ་རྟེན་ཏྲཻ་ལོཀྱ་ཏྲ་ཧ་ཡ། །བྷྲཱུཾ་མེ་ན་ཀོ་པ་ཡ་ས་ན་རུ་དྲཱ་ཡ་ནཱ་ག་ར་ཙ་ཏུ་རྨཱ་ར་བྷཀྵ་ཡ་ཧཱུཾ་ཕཊ། ཨོཾ་ཏྲེ་ལོ་ཀྱ་བི་ཛ་ཡ་ཧཱུཾ་ཕཊ། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མཎྜལ་དེ་བ་ཏཱ་ནཱཾ། པུཥྤ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མཎྜལ་དེ་བ་
[8a]
[8a.1]ཏཱ་ནཱཾ། དྷཱུ་པ་པཱུ་ཛ་མེ་གྷ་ས་མུ་དྲ་སྥར་ཎ་ས་མ་ཡེ་ཧཱུཾ། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མཎྜལ་དེ་བ་ཏཱ་ནཱཾ། ཨཱ་ལོ་ཀེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མཎྜལ་དེ་བ་ཏཱ་ནཱཾ། གནྡྷེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ནཱི་ལཱམྦར་དྷར་བཛྲ་པཱ་
[8a.2]ཎི་མཎྜལ་དེ་བ་ཏཱ་ནཱཾ། ནཻ་བི་ཏྱེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མཎྜལ་དེ་བ་ཏཱ་ནཱཾ། ཤབྡ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མཎྜལ་དེ་བ་ཏཱ་ནཱཾ། ཙ་རི་པཱུ་ཛ་མེ་བྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མཎྜལ་
[8a.3]དེ་བ་ཏཱ་ནཱཾ། ཏ་ར་ནི་རྱཱ་ཏ་ཡཱ་མི་ཧཱུཾ། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མཎྜལ་དེ་བ་ཏཱ་ནཱཾ། བསྟྲ་ནི་ཪྱཱ་ཏ་ཡཱ་མི་ཧཱུཾ། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མཎྜལ་དེ་བ་ཏཱ་ནཱཾ། གནྡྷ་རྦ་ནི་རྱཱ་ཏ་ཡཱ་མི་ཧཱུཾ། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མཎྜལ་དེ་བ་ཏཱ་ནཱཾ། མ་ཎི་རཏྣ་སརྦ་བསྟུ་ནི་རྲྫཏྣ་ཡཱ་མི་ཧཱུཾ། ཨོཾ་ནཱི་ལཱམྦ་ར་དྷ་ར་བཛྲ་
[8a.4]པཱ་ཎི་མཎྜལ་དེ་བ་ཏཱ་ནཱཾ། སྥ་ཪྵེ་ནི་ཪྱཱ་ཏ་ཡཱ་མི་ཧཱུཾ། ཨོཾ་ཙཎྜ་མ་ཧཱ་རོ་ཥ་ཎ་ཨཱཪྱཱ་ཨརྠ་སིདྡྷ་ཡེ་ཧཱུཾ་ཕཊ་སྭཱ་ཧཱ། ཨོཾ་མ་ཎི་དྷ་རི་བཛྲ་པཱ་ཎི་ཧཱུཾ་ཕཊ་སྭཱ་ཧཱ། ཨོཾ་བསྟུ་རཏྣ་བ་ཏི་ཧཱུཾ་ཕཊ། ཨོཾ་ཨ་མྲྀ་ཏ་སི་ཏི་ཧཱུཾ་ཕཊ། ཨོཾ་སཾ་མ་ཤི་ཏ་ཡ་བ་ར་བ་ཧཱུཾ་ཕཊ། ཨོཾ་ཙམྦ་ཤ་ས་པ་རི་ཧཱུཾ་ཕཊ། ཨོཾ་ཀུ་མཱ་རི་བྷ་ཛ་ཤ་མ་
[8a.5]ནི་ཧཱུཾ་ཕཊ། ཨོཾ་བཛྲ་པཱ་ཎི་ཧཱུཾ་ཕཊ། ཨོཾ་བཛྲ་པཱ་ཎི་ཧཱུཾ་ཧཱུཾ། ཏདྱ་ཐཱ། བྷོ་བྷོ་བན་ནཱ་ག་ཨ་དྷི་པ་ཏ་ཡེ། ཨི་དཾ་ནཱི་ལཱམྦ་ར་དྷ་ར་ཤ་རཱི་རཾ་བཛྲ་པཱ་ཎཱི། ཧྲྀ་ད་ཡ་ན་ས་མ་ཡ་མ་ཏི་ཀྲ་མ་ཏེ་ཨུཙྪ་ཏ་ནཾ། བྷ་བི་ཤུ་ཏི། ཏདྱ་ཐཱ། བུདྡྷ་བུདྡྷ། བི་བུདྡྷ། མ་ཏི་པྲ་ཏི་བ་བ་ཏ། ཧ་ར་ཧ་ར་ནཱ་ག་ནཱཾ། པྲ་ཧ་ར་
[8a.6]པྲ་ཧ་ར། ཙྪིནྡ་ཙྪིནྡ། ནཱ་ག་ཧྲྀ་ད་ཡ་ནི། བིནྡ་བིནྡ། བི་སི་ནཱ་གེ་ཏ་མ་ནི་དཾ་མ་ན་ད། ནཱ་ག་ཤ་རཱི་ར་ན། བི་སྥོ་ཊ་ཡ། །ནཱ་ག་ཡ་ན་ནི། ཏདྱ་ཐཱ། ནཱ་ག་བི་དྷ་ར་ནཱ་མཱ་ཡ་ཧཱུཾ་ཕཊ། ནཱ་ག་ཨུཙྪ་ཊ་ནཱ་ཡ་ཧཱུཾ་ཕཊ། ནཱི་ལཱམྦ་ས་ནཱ་ཡ་ཧཱུཾ་ཕཊ། ཨ་པྲ་ཏི་ཧ་ན་བ་ལ་བ་ར་ཀྲ་མཱ་ཡ་ཧཱུཾ་ཕཊ། །ཀྲྀ་ཏཱ་ནྟཱ་ཡ་
[8a.7]ཕཊ། ཀྲྀ་ཏཱནྟ་རཱུ་པཱ་ཡ་ཕཊ། རོ་ཥ་ཎཱ་ཡ་ཕཊ། ཀུ་ཤ་ཏ་ན་ཨུཏྟ་ནཱ་ཡ་ཕཊ། པྲེ་ཏ་བི་ནཱ་ཤ་ཀ་རཱ་ཡ་ཕཊ། ཡཀྵ་ཨ་པསྨ་ར་བི་ནཱ་ཤ་ཀ་ར་ཡ་ཕཊ། ཧ་ས་ཧ་ས། དྷ་ར་དྷ་ར། མཱ་ར་ཡ་མཱ་ར་ཡ། ནཱི་ལཱམྦ་ར་དྷ་ར་བཛྲ་པཱ་ཎི། ནཱ་ཤ་ཡ་ནཱ་ཤ་ཡ། སརྦ་བིགྷ་ནཱཾ། བི་ནཱ་ཤ་ཀ་ར་ཡ་ཕཊ།
[8b]
[8b.1]སརྦ་ཤ་ཏྲཱུཾ་སཾ་གྷ་བི་ནཱ་ཤ་ཀ་ར་ཡ་ཕཊ། རཱ་ཛྙཱ་པ་ཡ་ཏི་སྭཱ་ཧཱ། སྔགས་ཀྱི་སྦྱོར་བའི་རིམ་པ་ཡང་། །བསྙེན་དང་བསྒྲུབ་པ་ལས་ཀྱི་སྦྱོར་ཀའི་སྔགས་ཀྱི་རིམ་པར་བྱའོ། །དབྱེ་བའི་རིམ་པ་མ་ཤེས་ན། །ལས་རྣམས་འགྲུབ་པར་མི་འགྱུར་རོ། །དེ་བརྩོན་སློབ་དཔོན་ལ་གུས་པས། །སེར་སྣ་
[8b.2]གཡོ་སྒྱུ་མེད་པས་སུ། །ཡོན་གྱིས་བླ་མ་མཉེས་བྱས་ལ། །ཡང་ཡང་མཉན་པས་མན་ངག་ནི། །ཐེ་ཚོམ་མེད་པ་ཤིན་ཏུ་གཅེས། །དེ་བས་མན་ངག་ཅན་ནི་བཙལ། །མན་ངག་མེད་པའི་ནན་རྟགས་ལ། །དངོས་གྲུབ་ཐོབ་པར་མི་འགྱུར་རོ། །སྔགས་ཀྱི་སྦྱོར་ཀ་སྟེ་བཅོ་ལྔ་པའོ།། །།
[8b.3]བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །སྔགས་རྣམས་ཀྱི་ནི་བཏུ་བའི་མཆོག །བྱས་པས་ཐེ་ཚོམ་སེལ་བར་འགྱུར། །ཕྱག་འཚལ་མགོ་ལ་བརྒྱན་པར་བྱ། །ཀཱ་ལིའི་སྡེ་ཚན་བཞི་པ་ཡིས། །བཞི་པ་དག་ལ་ཨིས་སུ་བརྒྱན། །ཀཱ་ལིའི་སྡེ་ཚན་དྲུག་པ་ཡི། །གསུམ་
[8b.4]པ་དག་ལ་མས་སུ་བརྒྱན། །བ་ཞེས་བྱ་བ་ཡི་གེ་ལ། །ཧ་ཞེས་བྱ་བའི་ཡི་གེ་བཏགས། །དེ་འོག་ར་ཡི་ཡི་གེའོ། །ད་ལ་ཧ་བཏགས་དེའོ་གར། །དེ་འོག་བ་དང་ཛ་ལ་ནི། །ར་བཏགས་པ་ནི་དེ་ཡི་འོག །ན་ལ་ཨིས་སུ་བརྒྱན་ཧཱུཾ་ཕཊ། །ཡང་ན་ཧཱུཾ་གཉིས་སོགས་པའམ། །ཡི་གེ་བཅུ་གསུམ་
[8b.5]པ་ཞེས་བྱ། །ཚེག་བར་ཆོད་པའི་དབང་དུ་བྱས། །ཨོཾ་གྱི་ཡི་གེ་དང་པོར་མཚན། །ཡི་གེ་ན་ལ་ཨིས་སུ་བརྒྱན། །ཡི་གེ་ལ་ལ་མས་སུ་བརྒྱན། །བ་ལ་ཏ་ནི་གདགས་པར་བྱ། །ར་ཡི་ཡི་གེ་གཅིག་པུ་གནས། །ད་ལ་ཧ་ནི་གདགས་པར་བྱ། །ར་ཡི་ཡི་གེ་གཅིག་པུ་གནས། །
[8b.6]བ་དང་ཛ་ནི་སྡེབས་པ་ལ། །ཡི་གེ་ར་ནི་གདགས་པར་བྱ། །བ་ནི་གཅིག་པུ་གནས་པ་ལ། །ན་ལ་ཨིས་སུ་བརྒྱན་པར་བྱ། །མ་དང་ཧ་དང་ཡ་དང་གསུམ། །གདགས་པ་མེད་དེ་སོ་སོར་གནས། །ཀ་ལ་ཤ་ནི་གདགས་པར་བྱ། །ས་ལ་ཨིས་སུ་བརྒྱན་པར་བྱ། །ན་དང་པ་དང་ཏ་དང་
[8b.7]གསུམ། །གདགས་པ་མེད་དེ་ལུགས་སུ་གནས། །ཡ་ལ་ཨེས་སུ་བརྒྱན་པར་བྱ། །ཧ་ལ་ཨུ་ནི་བཏགས་ནས་སུ། །ཟླ་ཚེས་ཐིག་ལེས་བརྒྱན་པར་བྱ། །ཕ་ནི་གཅིག་པུ་ཏ་ནི་བཟློག །ཡང་ན་ཧཱུཾ་གསུམ་ཕཊ་ཀྱང་གསུམ། །ཧཱུཾ་གཉིས་དང་ནི་ཕཊ་གཉིས་ནི། །ལས་གཞན་
[9a]
[9a.1]དྲག་པོའི་སྐབས་དང་སྦྱར། །མན་ངག་ཅན་གྱིས་ཤེས་པར་བྱ། །ཡི་གེ་ཉི་ཤུ་རྩ་གཅིག་ཅེས། །ཚེག་བར་བཅད་པར་ཤེས་པར་བྱ། །ཡང་ན་ཧཱུཾ་གཉིས་བསྣན་པ་རྩ་གཉིས་པ། །ཡ་ཡི་ཡི་གེ་དྲག་པོ་གཉིས། །བསྣན་པས་རྩ་བཞི་པ་ཞེས་བྱ། །དེ་ཡང་དྲག་པོའི་
[9a.2]སྐབས་ཡིན་པས། །ཁྱད་པར་དུ་ནི་ཤེས་པར་བྱ། །ཡི་གེ་རྐང་གྲངས་དབང་བྱས་ན། །དེ་ལྟར་མ་ངེས་རྩ་དྲུག་ནས། །སུམ་ཅུ་རྩ་གཅིག་བར་དུ་ཡོད། །ཨོཾ་གྱི་ཡི་གེ་དང་པོར་མཚན། །མཚན་གྱི་ཡི་གེའི་སྟེང་དུ་ནི། །མ་དང་ཧ་དང་ཚ་དང་ན་དང་ནི། །ད་ལ་ཧ་ནི་གདགས་པར་བྱ། །ར་ལ་
[9a.3]ཨོས་སུ་བརྒྱན་པ་ནི། །ཤ་དང་ན་དང་ཧ་ལ་ཨུ། །ཟླ་ཚེས་ཐིག་ལེ་ཧ་ལ་བརྒྱན། །ཕ་དང་ཏ་ལོག་ཡི་གེའོ། །ཡི་གེ་བཅུ་གསུམ་ཞེས་སུ་བྱ། །ཡི་གེ་དྲུག་ཅེས་བྱ་བ་ནི། །མཚན་གྱི་མན་ངག་ཁོ་ནའོ། །སྭཱ་ཧཱ་ཨོཾ་དང་ཧོ་དང་གསུམ། །ཞི་རྒྱས་དབང་གི་ཡི་གེ་མཐའ། །ཛ་སོགས་པ་
[9a.4]ཡི་ཡི་གེ་རྣམས། །འགུགས་པ་ལ་སོགས་མཐའ་རུ་བསྟན། །མན་ངག་ཅན་གྱིས་སྦྱོར་ཞེས་བྱའོ། །ཡི་གེ་ཧཱུཾ་ནི་འབྲུ་གཅིག་པོ། །འདི་ཡང་བཟླས་པའི་ཡི་གེ་སྙིང་པོ་ཡིན། །ཡི་གེ་བཏུ་བ་མ་ཤེས་ན། །སྔགས་ཀྱི་མཐུ་ནི་ཉམས་པར་འགྱུར། །དེ་བས་ནན་ཏན་བསྐྱེད་དེ་བཏུ། །ལྷ་
[9a.5]རྣམས་གཞན་པོའི་སྔགས་རྣམས་ཀྱང་། །བདག་གིས་བཏབ་མ་ནུས་པས། །སློབ་དཔོན་ལ་ནི་གུས་བྱའི་ཕྱིར། །སློབ་དཔོན་རྣ་བརྒྱུད་མན་ངག་ལས། །ཡི་གེ་བཏུ་བ་ཤེས་པར་བྱ། །ཡི་གེ་བཏུ་བའི་སྦྱོར་བ་སྟེ་བཅུ་དྲུག་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་
[9a.6]འཚལ་ལོ། །བཟླས་བརྗོད་མན་ངག་བསྟན་པར་བྱ། །ཕྱི་དང་ནང་དང་གསང་བ་དང་། །བླ་མེད་བཟླས་བརྗོད་བཞི་རུ་བསྟན། །དང་པོ་ཕྱི་ཡི་བཟླས་པ་ནི། །སེམས་དཔའ་སུམ་བརྩེགས་ཚུལ་དུ་བྱ། །དེ་ནི་ཀུན་གྱི་ཐུན་མོང་ཡིན། །ཁྱད་པར་རེ་རེའམ་གཉིས་སྡེབས་སུ། །ལས་ཀྱི་ཁྱད་
[9a.7]པར་སྐབས་དང་སྦྱར། །མཚོན་གང་ནས་དང་རྟ་རྔའི་ཚད། །མཚོན་གྱི་སུམ་ཆ་དེ་ཡི་ཕྱེད། །པདྨ་ལ་སོགས་མཚོན་གྱི་ཕྱེད། །རིན་ཆེན་སྨུག་པོ་གུར་ལྟ་བུ། །ངང་པའི་རྒྱུ་ཡི་ཚད་ཙམ་མོ། །ཡང་ན་དར་མོ་གྲུ་གསུམ་ནི། །ཙི་ཏའི་ཚད་ཙམ་ཉིད་དུ་
[9b]
[9b.1]འདོད། །དེ་ལྟའི་གནས་ནི་ཉིད་དུ་ཡང་། །ཡེ་ཤེས་བཞུགས་པའི་གནས་སུ་འདོད། །ལ་ལ་དག་གི་བཞེད་ཀྱིས་ནི། །རང་བྱུང་ཉིད་དུ་ཡོད་པར་འདོད། །དེ་ནི་རྒྱུའམ་ནུས་པའི་ཚུལ། །ལ་ལ་དག་གི་བཞེད་ཀྱིས་ནི། །དེ་ཉིད་ལས་ནི་སྤྲུལ་པ་ཡི། །ཀུན་བརྟགས་དེ་ལ་དེ་སྐད་
[9b.2]གདགས། །གཞན་ཡང་གཞུང་ལུགས་མི་མཐུན་པའི། །དང་པོ་དབང་བསྐུར་དུས་སུ་ནི། །དང་པོར་དཀྱིལ་འཁོར་བཅུག་པའི་ལྷ་དང་ནི། །དེ་ཉིད་སོ་སོ་ཐ་དད་འདོད། །ཐུགས་ཀ་དབུ་སྟེང་གོང་འོག་གནས། །ལྷ་ཉིད་འཇུག་པའི་ཚུལ་ལ་ཡང་། །འཁོར་ལོ་རྫོགས་པའམ་ལྷ་དེ་
[9b.3]ཉིད། །བདག་ཉིད་མན་ངག་ཐོབ་གཞུང་གིས། །ལྷ་དེ་རྐྱེན་གྱི་ཚུལ་ཡིན་ལ། །རང་འབྱུང་ནུས་པ་རྒྱུ་ཡིན་པས། །གཉིས་མེད་གཅིག་ཏུ་སྡེབས་ཏེ་བསྒོམས། །དེ་ལྟར་ཐེ་ཚོམ་བཅད་ནས་ནི། །རང་གི་རིག་པ་ཕོ་བྲང་ཉིད། །ཤིན་ཏུ་གསལ་བར་སྦྱངས་ནས་ནི། །ཡེ་ཤེས་ལྷ་
[9b.4]ལ་བསྙེན་པ་འབུལ། །དང་པོ་འོད་ཟེར་སྤྲོས་ནས་ནི། །ཡེ་ཤེས་སྤྱན་དྲངས་ལྷ་དེ་ལ། །མཚན་མ་ལ་སོགས་གསལ་ནས་ནི། །འཁོར་ལོ་བཞིན་དུ་དབུལ་བ་དང་། །པདྨ་བརྩེགས་དང་རིན་ཆེན་ཐག །དེ་ཉིད་ཐུན་མོང་ཤེས་པར་བྱའོ། །ལུགས་འབྱུང་ལུགས་བཟློག་འཁོར་
[9b.5]ལོའི་ཚུལ། །ཤེས་རབ་སྦྱོར་ཐབས་མཆོད་པའི་ཚུལ། །མཆོག་གི་དངོས་གྲུབ་འདོད་པའོ། །ལྕེ་ནི་རྡོ་རྗེ་དཀར་པོར་བསྒྱུར། །ཡང་ན་སྔོ་ལྗང་ཉིད་དུ་བྱ། །ཉི་མ་ཤར་བ་བཞིན་དུ་གདལ། །དེ་ནི་སྔོན་དུ་བསྙེན་པའི་ཚུལ། །དྲག་པོ་བསྒྲུབ་པའི་གནས་སྐབས་སུ། །མན་ངག་
[9b.6]གོང་བཞིན་བཟློག་སྟེ་གསལ། །ལྕེ་ནི་རྡོ་རྗེ་སེར་པོ་དང་། །དམར་པོ་རྒྱས་དང་དབང་ལ་ཤིས། །མཐིང་ག་དྲག་པོའི་ཚུལ་དུ་བསྟན། །འོད་ཟེར་འཁོར་ལུགས་གོང་བཞིན་ནོ། །ལས་ཀྱི་རིམ་པའི་སྐབས་དང་སྦྱར། །བ་ཐག་ཚ་ཚའི་ཚུལ་དང་ནི། །དྲག་པོ་ཁོ་ནའི་སྐབས་དང་
[9b.7]སྦྱར། །རྔུལ་ཆུ་བྲུག་པ་བཞིན་དུའམ། །སྲིན་པོ་ངུར་སྐད་ཇི་བཞིན་དུ། །ཤིན་ཏུ་དྲག་ཅིང་མྱུར་བར་བཟླས། །ལས་ཀྱི་ཁྱད་པར་གཞན་དག་ལ། །སྤྲོས་ཏེ་སྦྱང་བའི་ཚུལ་དང་ནི། །འོད་ཟེར་སྦུ་གུ་བཙུགས་པ་དང་། །མེ་ཡི་ཚུལ་གྱིས་བསྲེགས་པ་དང་། །ལྕགས་ཀྱུ་ལྟ་བུས་བཀུག་པ་དང་། །
[10a]
[10a.1]མཚོན་ཆ་ཆར་བཞིན་དབབ་པ་དང་། །འཁོར་ལོ་བཞིན་དུ་བསྐོར་བ་དང་། །མནན་པའི་ཚུལ་དུ་བྱ་བ་དང་། །མདའ་ཟམ་ཚུལ་དུ་བྱ་བ་དང་། །འཁྲུལ་འཁོར་ཚུལ་དུ་བྱ་བ་དང་། །འཕེན་སྡུད་ཚུལ་དུ་བྱ་བ་དང་། །དང་པོས་བཀུག་ལ་གཉིས་པས་བསྲེག །
[10a.2]དང་པོས་བཀུག་ལ་གཉིས་པས་བསད། །དང་པོས་བཀུག་ལ་གཉིས་པས་མནན། །ཡང་ན་གསུམ་སྡེབས་ཚུལ་གྱིས་བྱ། །བཞི་སྡེབས་ལྔ་སྡེབས་པ་ཡང་ཡིན། །སྡེབས་སྦྱོར་ཆོ་ག་ཐམས་ཅད་ཀྱང་། །མན་ངག་བཞིན་དུ་ཤེས་པར་བྱ། །དེ་ལ་སོགས་པའི་མན་
[10a.3]ངག་རྣམས། །བརྒྱུད་པ་ལས་ནི་ཤེས་པར་བྱའོ། །དེ་རྣམས་བཟླས་བརྗོད་བྱེད་པ་ཡང་། །སེམས་ནི་གཞན་དུ་མི་གཡེང་ཞིང་། །ཚིག་གཞན་གྱིས་ནི་བར་མི་ཆོད། །ཡི་གེ་མན་ངག་མ་ཉམས་པར། །སྒྲ་ཡི་བརྗོད་ཚུལ་སྐབས་དང་སྦྱར། །དེ་ལ་ནན་ཏན་ཆེར་བསྐྱེད་ལ། །མཚན་
[10a.4]མའི་དངོས་གྲུབ་འབྱུང་བར་འགྱུར། །མཚན་མའི་དངོས་གྲུབ་གསུམ་པོ་ཡང་། །དང་པོ་རབ་ལ་གསུམ་དུ་བསྟན། །སྤྲུལ་དང་ཡང་སྤྲུལ་སུམ་སྤྲུལ་ལོ། །འབྲིང་ལ་སྒྲ་དང་དྲི་དང་ནི། །འོད་དུ་ཡང་ནི་བསྟན་པ་ཡིན། །ཐ་མ་ནམ་སྨད་ནམ་སྟོད་དང་། །ཉིན་མོ་དག་དང་གསུམ་དུ་
[10a.5]བསྟན། །དེ་དག་རྟགས་རྣམས་ཀུན་ལ་ཡང་། །གཟུགས་ནི་སྡུག་དང་མི་སྡུག་དང་། །དྲི་ནི་ཞིམ་དང་མི་ཞིམ་དང་། །སྒྲ་ནི་སྙན་དང་མི་སྙན་དང་། །རོ་ཡང་ཞིམ་དང་མི་ཞིམ་དང་། །འོད་དཀར་འོད་སེར་འོད་དམར་པོ། །ལྗང་དང་ནག་ལ་སོགས་པ་ཡི། །རྟགས་ལ་སོགས་པ་དེ་དག་
[10a.6]ལ། །གསུམ་དང་བདུན་དང་བཅོ་ལྔ་དང་། །ཉི་ཤུ་རྩ་གཅིག་ཞག་ཏུ་བརྟག །ཐམས་ཅད་བརྟན་ཞིང་མི་འགྱུར་དང་། །ཕུང་པོ་ཁམས་གསལ་ཏིང་འཛིན་གསལ། །འོད་ལ་སོགས་པ་ཞི་བའི་ཚུལ། །དེ་སོགས་རྟགས་རྣམས་བྱུང་བ་ན། །ལྷ་ཡི་དངོས་གྲུབ་ཡིན་པར་བརྟག །མཚན་
[10a.7]མ་ལ་སོགས་མི་བརྟན་ཞིང་། །ཕུང་པོ་ལ་སོགས་མོས་འགྱུར་ཞིང་། །ཏིང་འཛིན་རྣམས་ནི་མི་གསལ་བ། །འོད་དམར་གནག་ཅིང་རྩུབ་འགྱུར་ན། །དེ་ལ་སོགས་པའི་རྟགས་རྣམས་ཀྱང་། །བདུད་ཀྱི་རྟགས་སུ་ཤེས་པར་བྱ། །རྟགས་རྣམས་དེ་རྣམས་བྱུང་ན་ཡང་། །
[10b]
[10b.1]དོན་དམ་རང་བཞིན་མེད་པ་ལ། །ཀུན་རྫོབ་སྒྱུ་མ་ལྟ་བུའི་སེམས། །རེ་དང་དོགས་པ་རྣམས་སྤངས་ཏེ། །དགའ་དང་མི་དགའི་སེམས་མི་བྱ། །འཇིགས་པ་ལ་སོགས་སེམས་སྤངས་ཏེ། །མཎྜལ་མེ་ཏོག་བཅས་ཕུལ་ནས། །སྦྱིན་སྲེག་འཁོར་ལོ་ལ་སོགས་བྱ། །དེ་ལྟར་བྱས་
[10b.2]ཚེ་མཁའ་འགྲོ་མས། །ལུང་བསྟན་གནས་སུ་ཁྲིད་པ་དང་། །མན་ངག་འཇིགས་པ་མེད་པས་བླང་། །བདུད་ཀྱི་ལྟས་རྣམས་འབྱུང་བ་ནི། །གོང་བཞིན་བྱས་པས་མེད་པར་འགྱུར། །ནང་ན་མཚན་མ་བསྙེན་པ་གཙོ། །དེ་འོག་གྲངས་ཀྱི་བསྙེན་པར་གཙོ། །དུས་ཀྱི་བསྙེན་
[10b.3]པ་ཐ་མའོ། །གྲངས་ཀྱི་རབ་འབྲིང་ཐ་མ་ནི། །གཙོ་བོ་འབུམ་དང་ཉིས་འབུམ་དང་། །སུམ་འབུམ་དག་ཏུ་ཤེས་པར་བྱ། །རྣམ་རྒྱལ་ལ་སོགས་བཞི་པོ་ལ། །འབུམ་ཕྱེད་འབུམ་དང་ཉིས་འབུམ་མོ། །འཁོར་རྣམས་ལྷག་མ་ཀུན་ལ་ནི། །ཁྲི་དང་ཉི་ཁྲི་སུམ་ཁྲིའོ། །ཡང་ན་
[10b.4]ལྷ་རྣམས་སོ་སོ་ཡི། །སྐུ་གཅིག་བསྙེན་པ་བྱེད་པ་ན། །རབ་ཀྱི་བསྙེན་པ་སུམ་འབུམ་མོ། །འབྲིང་གི་བསྙེན་པ་བདུན་འབུམ་མོ། །ཐ་མའི་བསྙེན་པ་བྱེ་བའོ། །དུས་ལ་ཡང་ནི་གསུམ་གསུམ་ཡོད། །ཟླ་གཅིག་ཟླ་གཉིས་ཟླ་གསུམ་བར། །ལོ་ཕྱེད་ཟླ་དགུ་ལོ་གཅིག་གི །
[10b.5]ལོ་གཉིས་དང་ནི་ལོ་གསུམ་དང་། །ལོ་བཞི་ཐ་མར་ཤེས་པར་བྱ། །དེ་ལྟར་བྱས་ཀྱང་མ་བྱུང་ན། །དམ་ཚིག་ཉམས་པ་ཡིན་པས་ན། །སྦྱིན་སྲེག་ཚོགས་འཁོར་ལ་སོགས་ཀྱིས། །དམ་ཚིག་ཉམས་པ་བསྐང་ནས་ནི། །སླར་ལ་སོགས་པའི་ཆོ་ག་བྱ། །དེ་ལྟར་བྱས་ཀྱང་མ་
[10b.6]བྱུང་ན། །རྣལ་འབྱོར་སྡིག་སྒྲིབ་ཆེ་བས་ན། །སྦྱིན་སྲེག་ཚོགས་འཁོར་ལ་སོགས་ཀྱིས། །སྡིག་སྒྲིབ་ལ་སོགས་སྦྱངས་ནས་ནི། །སླར་ལ་སོགས་པའི་ཆོ་ག་བྱ། །དེ་ལྟར་བྱས་ཀྱང་མ་བྱུང་ན། །ཡང་ན་བསྒོམ་པ་གཅིག་པུས་བྱ། །ཡང་ན་བཟླས་བརྗོད་གཅིག་པུས་སོ། །
[10b.7]བསྒོམ་དང་བཟླས་པའི་དངོས་གྲུབ་ནི། །བྱུང་བར་དེ་ནི་མ་གྱུར་ན། །ཚོགས་འཁོར་ཚོགས་མཆོད་སྦྱིན་སྲེག་དང་། །གཏོར་མ་ལ་སོགས་སོ་སོ་ལ། །མན་ངག་ཆོ་ག་ཐོབ་པས་ན། །དངོས་གྲུབ་ངེས་པར་འབྱུང་བར་འགྱུར། །དེ་དག་ཐམས་ཅད་ཀུན་ལ་ཡང་། །ཐེ་ཚོམ་ཅན་
[11a]
[11a.1]གྱིས་མི་འགྲུབ་སྟེ། །ཐེ་ཚོམ་མེད་ངེས་འགྲུབ་པར་འགྱུར། །དེ་ལྟར་བྱས་ཀྱང་མ་བྱུང་ན། །མཚན་མ་གསུམ་མམ་ནུས་པ་བརྟག །ཡུངས་ཀར་དག་ལ་སྔགས་བཟླས་ནས། །ཤིང་ལྗོན་ལ་སོགས་མེ་ཏོག་ལ། །བཏབ་ནས་བསྐམས་གྱུར་རབ་ཡིན་ནོ། །
[11a.2]ཆུ་ལ་བཟླས་ཏེ་གཏོར་བ་ན། །ཆར་པ་ལ་སོགས་འབེབས་པ་དང་། །ཐལ་བ་ལ་ནི་སྔགས་བཟླས་ན། །ཆར་བ་ལ་སོགས་གཅོད་པར་འགྱུར། །དེ་ནི་འབྲིང་གི་ནུས་པའི་རྟགས། །ཡུངས་ཀར་ཕྱག་མཚན་ལ་སོགས་པས། །སྔགས་བཟླས་གཏོར་ཞིང་བྲབས་པ་ཡིས། །གདོན་
[11a.3]དང་ནད་ལ་སོགས་པ་སེལ། །དེ་ནི་ཐ་མའི་ནུས་པའི་རྟགས། །དེ་ལྟར་བྱས་ཀྱང་མ་བྱུང་ན། །ལྷ་སོགས་མན་ངག་ཐམས་ཅད་སྤྲོ། །ཁམས་དང་བག་ཆགས་མེད་ཕྱིར་རོ། །ཆོ་ག་ཐམས་ཅད་གོང་བཞིན་ནོ། །མན་ངག་མི་མཐུན་གཞན་ཡང་སྦྱར། །དེ་ལྟར་བྱས་ན་དངོས་
[11a.4]གྲུབ་འབྱུང་། །དངོས་གྲུབ་བྱུང་བར་མ་གྱུར་ཀྱང་། །སྒྲིབ་པ་རྣམས་ནི་མགོ་མནན་ནས། །ཚོགས་ཆེན་ཁྱད་པར་བསགས་ནས་ནི། །དམ་ཚིག་མ་ཉམས་རྣལ་འབྱོར་པས། །སྐྱེ་བ་ཕྱི་མ་ལ་སོགས་སུ། །དངོས་གྲུབ་རྣམས་ནི་ཐོབ་པར་འགྱུར། །དངོས་གྲུབ་ཁྱད་པར་མ་ཐོབ་ན། །
[11a.5]སྐྱེ་བ་བདུན་ལ་གདོན་མི་ཟ། །ནང་གི་བཟླས་བརྗོད་བསྟན་པ་ནི། །རྣལ་འབྱོར་ལམ་པ་རྣམས་ཀྱིས་ནི། །སྙིང་གའི་འཁོར་ལོ་ལ་སོགས་ལ། །རང་འབྱུང་ཡི་གེ་ནུས་པ་ནི། །རླུང་གི་རྟ་ལ་ཞོན་ནས་ཀྱང་། །སྙིང་གའི་འཁོར་ལོ་ལ་སོགས་བསྐོར། །གསང་བའི་བཟླས་བརྗོད་
[11a.6]མན་ངག་ནི། །བྱང་ཆུབ་སེམས་ཀྱི་མན་ངག་གམ། །ཕྱག་རྒྱ་ལ་བརྟེན་ཇི་བཞིན་ནོ། །མཐར་ཐུག་གི་ནི་བཟླས་པ་ཡང་། །སྣང་བ་གསུམ་གྱི་མཐའ་ལ་ནི། །མེ་རྟོག་ཡེ་ཤེས་སྟོང་ཉིད་གསལ། །དེ་ནི་བཟླས་པའི་མཆོག་ཡིན་ནོ། །བཟླས་པའི་རིམ་པའི་མན་ངག་ནི། །རྣལ་
[11a.7]འབྱོར་བློ་དམན་དོན་དུ་བསྟན། །བཟླས་བརྗོད་ཀྱི་མན་ངག་གི་སྦྱོར་ཀ་སྟེ་བཅུ་བདུན་པའོ།། །།བཅོམ་ལྡན་འདས་རྡོ་རྗེ་བསྣམས་ལ་ཕྱག་འཚལ་ལོ། །རྫོགས་རིམ་མན་ངག་ཅུང་ཞིག་བསྟན། །དངོས་པོ་གནས་པའི་གནས་ལུགས་དང་། །བློས་སུ་བསམ་པའི་རིམ་པ་ཡི།
[11b]
[11b.1]དངོས་པོ་གནས་པའི་གནས་ལུགས་དག་ལ་ཡང་། །རྩ་དང་རླུང་དང་བྱང་ཆུབ་སེམས། །ཙ་ཡི་གཙོ་བོ་དྷཱུ་ཏཱི་ཡིན། །དྷཱུ་ཏཱ་ཉིད་ཀྱི་གཞུང་ལུགས་ཀྱང་། །སྲོག་རྩ་ནང་དུ་རྒྱུ་བ་དང་། །དེ་ལ་བརྟན་པར་འདོད་པའོ། །དེ་ལ་སོགས་པའི་གཞུང་ལུགས་མང་། །བདག་གི་གཞུང་གིས་ནང་དུ་རྒྱུ། །
[11b.2]ཤིན་ཏུ་ཕྲ་བ་རྟ་རྔ་ཚད། །དེ་བས་ཕྲ་བར་འདོད་པའང་ཡོད། །དབུགས་ཀྱི་དངས་མ་ཤིན་ཏུ་ཕྲ། །འོད་དང་ལྡན་པ་ཉིད་ལ་ནི། །བྱང་ཆུབ་སེམས་ནི་ཏིལ་མར་བཞིན། །དེ་ལ་ཁྱབ་པར་བརྟེན་པ་ཡི། །གཡས་དང་གཡོན་གྱི་རྩ་གཉིས་ནི། །ལ་ལ་ནཱ་དང་ར་ས་ནཱ། །མདུན་གྱི་རྩ་ནི་
[11b.3]ད་ད་ཛྙ། །དེ་རྣམས་ཚད་ལ་སོགས་པ་ཡང་། །དྷཱུ་ཏཱི་ཉིད་དང་མཐུན་པའོ། །རྩ་ཡི་འཁོར་ལོ་རྣམས་ལ་ཡང་། །གཞུང་ལུགས་མི་འདྲ་མང་དུ་བསྟན། །འཁོར་ལོ་གཅིག་དང་འཁོར་ལོ་གཉིས། །འཁོར་ལོ་བཞི་དང་འཁོར་ལོ་དྲུག །འཁོར་ལོ་བརྒྱད་དང་འཁོར་ལོ་དགུ། །རྡོ་
[11b.4]རྗེ་ནོར་བུའི་ཆ་ལ་ཡང་། །ཕོ་བྲང་བཞི་ཡི་གནས་རྟག་ཏུ། །འཁོར་ལོ་མི་མཐུན་འདོད་པ་དང་། །འཁོར་ལོ་མང་པོ་འདོད་པ་རྣམས། །ཨིནྡྲ་བྷཱུ་ཏི་གཞུང་ལུགས་ཡིན། །རླུང་གི་གཞུང་ལུགས་དག་ལ་ཡང་། །ལྟེ་བའི་ལྐོག་དང་ལྟེ་བ་དང་། །སྙིང་ག་མགྲིན་པ་ཡན་ལག་གི །གནས་
[11b.5]ནི་ལྔ་པོ་དག་ལས་ཀྱང་། །སྲོག་གི་རླུང་དང་གྱེན་དུ་རྒྱུ། །མེ་དང་མཉམ་ནས་ཐུར་དུ་སེལ། །ཀུན་ལ་ཁྱབ་པའི་རླུང་རྣམས་ནི། །གནས་ལྔ་ཐ་དད་གཙོ་བོ་ཡིན། །ཡན་ལག་ལྔ་དང་དབང་པོ་ལྔ། །དེ་ལྟར་ཐ་དད་འདོད་པའང་ཡོད། །བདག་གི་གཞུང་གི་གནས་སྐབས་ཀྱིས། །
[11b.6]ལས་ཀྱི་སྒོ་ནས་ཕྱེ་བས་ན། །ཐམས་ཅད་ངོ་བོ་གཅིག་ཡིན་ནོ། །བྱང་སེམས་འབེབས་པའི་གཏུམ་མོ་ཡང་། །འཁོར་ལོ་བརྟེན་དང་མི་བརྟེན་པའི། །དྲེགས་འཛིན་མ་ནི་བཅུ་བཞི་པོ། །ཨིནྡྲ་བྷཱུ་ཏི་ལ་སོགས་གཞུང་། །རང་བཞིན་གཏུམ་མོ་འདོད་པར་ནི། །མཁས་པ་རྣམས་ནི་
[11b.7]ཀུན་ཀ་མཐུན། །བྱང་ཆུབ་སེམས་ལ་གཉིས་ཡོད་དོ། །དོན་དམ་དང་ནི་ཀུན་རྫོབ་བོ། །ཀུན་རྫོབ་ལ་ཡང་གཉིས་ཡོད་དེ། །སྙིགས་མར་གྱུར་དང་བཅུད་དུ་གྱུར། །བཅུད་དུ་གྱུར་ལ་གཉིས་ཡོད་དེ། །ཏིལ་མར་བཞིན་དུ་ཁྱབ་པ་དང་། །འཆི་བའི་དུས་ཚེ་འབྱུང་བའོ། །
[12a]
[12a.1]དེ་ལ་བརྟེན་པའི་མན་ངག་ཚོགས། །རིམ་པ་བཞིན་དུ་ཤེས་པར་བྱའོ། །བསམ་ཞིང་བསྒོམ་པའི་རིམ་པ་ཡང་། །རང་འབྱུང་ཡི་གེའི་གནས་ཚུལ་ནི། །ཡི་གེ་ཧཱུཾ་དང་ཨ་དང་ནི། །ཨོཾ་དང་ཧཾ་གི་རྣམ་པ་བཞི། །མན་ངག་སྦྱོར་རྫོགས་ཤེས་པར་བྱ། །འཁོར་
[12a.2]ལོ་རྣམས་ནི་གསལ་བྱས་ལ། །ལྟེ་བར་ཀཱ་ལི་ཉིས་ལྔ་པ་པོ། །སྙིང་གར་དང་པོ་སྡེ་ཚན་དང་པོ་བརྒྱད། །མགྲིན་པར་ཨཱ་ལི་བཅུ་དྲུག་པོ། །དུང་ཁང་ལ་ནི་ཉིས་ལྡབ་བོ། །གཏུམ་མོ་ཞེས་བྱ་ལྟེ་བའི་ལྐོག །སོར་གཉིས་སོར་བཞི་སོར་དྲུག་ཏུ། །མར་མེ་བཞིན་དུ་གནས་པ་ལས། །
[12a.3]རླུང་མ་ཉིད་མའི་སྟོབས་ཀྱིས་སུ། །ལས་ཀྱི་རླུང་ནི་སྔོན་མོ་བཅུས། །སྦར་ནས་དེ་ལ་གཏད་པར་བྱ། །རྟགས་བརྒྱད་བྱུང་ནས་ཤིན་ཏུ་སྤར། །དགའ་བ་ལ་སོགས་རིམ་སྐྱེས་པས། །རྟགས་ལྔའི་མཐར་ནི་སྟོང་པར་འགྱུར། །འཁོར་ལོ་གཅིག་དང་འཁོར་ལོ་གཉིས། །གསུམ་
[12a.4]ལ་སོགས་པའི་མན་ངག་ནི། །རིམ་པ་བཞིན་དུ་སྦྱོར་ཤེས་བྱའོ། །རླུང་རྣམས་གཡས་དང་གཡོན་དུ་ནི། །གཉི་གར་རྒྱུ་དང་དལ་བར་རྒྱུ། །དེ་ལ་གཏད་པའི་རིམ་གྱིས་ནི། །སྤྲོ་བར་ནུས་ན་བསྡུ་བར་བྱའོ། །རྟགས་ལྔའི་མཐར་ནི་སྟོང་ཉིད་འགྱུར། །ཡང་ན་ཐིག་ལེའི་རྣམ་པ་ལ། །
[12a.5]སྤྲོ་བ་དང་ནི་བསྡུ་བ་དང་། །ལྔ་རུ་བལྟ་དང་གཅིག་ཏུ་བལྟ། །རིམ་གྱིས་བསྟན་པར་གྱུར་ནས་ནི། །ཕྱག་རྒྱའི་དངོས་གྲུབ་ཐོབ་པའོ། །རྫོགས་པའི་རིམ་པའི་སྦྱོར་ཀ་སྟེ་བཅོ་བརྒྱད་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །བགེགས་བསྐྲད་པའི་ཆོ་ག་བསྟན་
[12a.6]པ། བགེགས་བསྐྲད་པའི་ཐབས་ལ། ཆོ་ག་ཆེ་ཆུང་གི་རིམ་པ་བསྒྲུབ་བྱའི་སྐབས་དང་སྦྱར་ཏེ། ཐབས་དཔག་ཏུ་མེད་པར་བྱའོ། །དེ་ལ་རྫས་ཀྱིས་བསྐྲད་པ་དང་། སྔགས་ཀྱིས་བསྐྲད་པ་དང་། སྟང་སྟབས་ཀྱིས་བསྐྲད་པ་དང་། །ཕྱག་རྒྱས་བསྐྲད་པ་དང་། ཏིང་ངེ་འཛིན་
[12a.7]གྱིས་བསྐྲད་པ་དང་། །ཡང་ན་རྫས་དང་སྔགས་ཀྱིས་བསྐྲད་པ་དང་། རྫས་དང་སྟང་སྟབས་ཀྱིས་བསྐྲད་པ་དང་། རྫས་དང་ཕྱག་རྒྱས་བསྐྲད་པ་དང་། །རྫས་དང་ཏིང་ངེ་འཛིན་གྱིས་བསྐྲད་པ་དང་། །ཡང་ན་སྔགས་དང་གཉིས་འདུས་དང་། །སྟང་སྟབས་དང་གཉིས་འདུས་དང་།
[12b]
[12b.1]ཕྱག་རྒྱ་དང་གཉིས་འདུས་དང་། ཏིང་ངེ་འཛིན་དང་གཉིས་འདུས་དང་། ཕྱག་རྒྱ་སྟང་སྟབས་གཉིས་འདུས་པ་དང་། བཞི་ཀ་ལ་ནི་སྦྱར་བར་བྱ། །ཕྱག་རྒྱ་ལ་ཡང་དེ་བཞིན་ཏེ། །ཏིང་ངེ་འཛིན་ཀྱང་དེ་ལྟར་བྱ། །གཉིས་འདུས་གསུམ་འདུས་བཞི་འདུས་སུ། །ཐམས་ཅད་ཀུན་ལ་སྦྱར་
[12b.2]བར་བྱ། །ཡང་ན་ལྔ་འདུས་ཁོ་ནས་བྱ། །བགེགས་ཀྱི་རིམ་པའང་ལྔར་ཤེས་བྱ། །སྣེ་གདོན་ཕྲ་མོ་ཀུན་ལ་ནི། །སྦྱོར་ཀ་གཅིག་པུ་ཁོ་ནས་བཟློག །རྒྱལ་འགོང་ལ་སོགས་གདོན་ལ་ནི། །སྦྱོར་བ་གཉིས་ཀྱིས་བཟློག་པར་བྱ། །དེ་བས་མཐོ་བའི་བགེགས་གཉིས་ལ། །གསུམ་
[12b.3]དང་བཞི་ནི་བྱ་བ་ཡིན། །བགེགས་ནི་ཆེན་པོ་ཐམས་ཅད་ལ། །སྦྱོར་བ་ལྔ་པོ་ཁོ་ནས་བྱ། །རྫས་ཀྱི་བྱ་ཐབས་བསྟན་པ་ནི། །གུ་གུལ་ཡུངས་ཀར་ཤ་ཆེན་དང་། །ཚིལ་ཆེན་དང་ནི་ཐལ་ཆེན་དང་། །དུར་ཁྲོད་སོལ་བ་གྲོག་མཁར་ས། །དེ་ལ་སོགས་པའི་རྫས་རྣམས་ལ། །གཟུགས་
[12b.4]བརྙན་བཅའ་བར་བྱ་བའམ། །བརྡེག་པའི་རྫས་སུ་བྱ་བ་དང་། །བདུག་པའི་རྫས་སུ་བྱ་བ་དང་། །བསྲུང་བའི་རྫས་སུ་བྱ་བ་ནི། །གླ་རྩི་དང་ནི་རྨ་བྱ་ཡི། །རྒྱལ་མཚན་ཀླུ་ལ་ཤིས་པར་བསྟན། །ཡང་ན་དུར་ཁྲོད་ཆེན་པོའི་རྫས། །རྒྱན་ཆ་རྣམས་ཀྱིས་བྱིན་བརླབས་ལ། །བསྐོན་
[12b.5]པས་སྲུང་བར་འགྱུར་བ་ཡིན། །སྐུ་ནི་བྱིན་གྱིས་བརླབས་ནས་སུ། །བསྲུང་བར་དེ་ནི་འགྱུར་བ་ཡིན། །སྐུ་དང་གླེགས་བམ་ལ་སོགས་པ། །བྱིན་གྱིས་བརླབས་ནས་མདུན་བཞག་པས། །བསྲུང་བར་དེ་ནི་འགྱུར་བ་ཡིན། །རྡོ་རྗེ་དྲིལ་བུ་ལ་སོགས་ཕྱག་མཚན་ལ། །བྱིན་གྱིས་
[12b.6]བརླབས་ནས་ལག་བཞག་ན། །བསྲུང་བར་དེ་ནི་འགྱུར་བ་ཡིན། །ཁྱད་པར་ནག་པོ་ཆེན་པོ་ཡི། །སྐུ་ནི་བྱིན་བརླབས་བཞག་པས་སུ། །བསྲུང་བར་དེ་ནི་འགྱུར་བ་ཡིན། །སྐུད་སྔོན་མདུད་པ་བདུན་བྱས་ནས། །མགུལ་དུ་བཅིངས་པས་བསྲུང་བར་འགྱུར། །ཡང་ན་སྨྱག་ཤད་
[12b.7]ལྕུག་མ་ཡིས། །བྱབས་པས་དེ་ནི་ཚར་གཅོད་དོ། །དེ་ལ་སོགས་པའི་མཐུན་རྫས་རྣམས། །ཐམས་ཅད་ཀྱིས་ནི་བྱ་བ་ཡིན། །འཁོར་ལོ་བཅས་ནས་ལུས་ལ་གདགས། །བསྲུང་བའི་མཆོག་ནི་ཡིན་པར་གསུངས། །སྔགས་ཀྱིས་བསྐྲད་པ་བསྟན་པ་ནི། །ཨོཾ་ན་མོ་ནཱི་ལཱམྦ་
[13a]
[13a.1]ར་དྷ་ར་བཛྲ་པཱ་ཎི་ཆེ་གེ་མོ་ཧཱུཾ་ཧཱུཾ་ཕཊ། ཅེས་བསྐྲད་པའོ། །མཱ་ར་ཡ་ཕཊ་གདགས་པ་ནི་གསད་པའོ། །ཡང་ན་འཁྲུལ་འཁོར་སྦྱོར་བ་བཞིན་དུ་བྱའོ། །ཨོཾ་ན་མོ་ནཱི་ལཱམྦ་ར་དྷ་ར་བཛྲ་པཱ་ཎི་མ་ཧཱ་ཡཀྵ་སེ་ནཱ་པ་ཏི་ཡེ་ཧཱུཾ་ཧཱུཾ་ཕཊ། ཅེས་བྱ་བ་དང་སྤེལ་ཏེ་བྱའོ། །བསྒྲུབ་
[13a.2]བྱའི་མིང་གི་མཐའ་ལ་སྲེད་བྱེད་ཀྱི་ཡི་གེ་དང་ལྡན་པ་ནི་བགེགས་ཞི་བར་བྱེད་པའི་སྔགས་སོ། །མིང་གི་མཐའ་ལ་བསྲུང་བའི་སྔགས་དང་ལྡན་པ་ནི་བསྲུང་པའི་སྔགས་སོ། །མིང་གི་མཐའ་ལ་དགུག་པ་དང་། དབང་དུ་བྱ་བའི་སྔགས་ཀྱང་ཤེས་པར་བྱའོ། །སྔོན་དུ་བསྙེན་པ་
[13a.3]རྫོགས་པས་ནི། །སྔགས་རིང་ཁོ་ནས་བྱ་བ་ཡིན། །ཁྱད་པར་དུ་ནི་ཀླུ་ལ་ཤིས། །ཡང་ན་དྲག་པོའི་སྔགས་འདི་ནི། །ཨོཾ་མ་ཧཱ་ཙཎྜ་རོ་ཥ་ཎ་ཧཱུཾ་ཧཱུཾ་ཕཊ་ཅེས་བྱ་བ་དང་སྤེལ་ཏེ་བྱའོ། །ཡང་ན་རྒྱུད་བཞིན་བཏུབ་པ་དང་། །མི་བཏུབ་པ་ཡི་རིམ་པ་ནི། །སློབ་དཔོན་སོ་སོའི་གཞུང་
[13a.4]ལུགས་སོ། །ཇི་ལྟར་མོས་པས་འགྲུབ་པར་འགྱུར། །དྲག་པོའི་འཁྲུལ་འཁོར་གཞན་རྣམས་ཀྱང་། །མན་ངག་གཞན་གྱིས་སྦྱོར་ཤེས་བྱའོ། །སྟང་སྟབས་སྦྱོར་བས་ཚར་བཅད་ནི། །མཉམ་པའི་སྟང་སྟབས་ལ་སོགས་པ་བཅོ་བརྒྱད་ཀྱིས་ཚར་བཅད་པ་དང་། །ཕེག་རྡོབ་
[13a.5]སྐོར་བུ་ལ་སོགས་པ། །གྱད་འགྲོས་རྣམས་ཀྱིས་ཚར་བཅད་པ་དང་། གཡས་བརྐྱང་ལ་སོགས་པས་ཚར་བཅད་པ་དང་། དེ་གསུམ་གང་ཡང་རུང་བས་བྱའོ། །སྟང་སྟབས་ཀྱི་སྦྱོར་བ་ལས་ཤེས་པར་བྱའོ། །ཕྱག་རྒྱ་ལ་སོགས་པའི་སྦྱོར་བ་ཡང་། ལག་སྟབས་ལ་སོགས་
[13a.6]པའི་སྦྱོར་བ་ལ་སོགས་པ་ཤེས་པར་བྱའོ། །ཏིང་ངེ་འཛིན་གྱི་ཐབས་ནི། དང་པོར་བདག་ཉིད་ཕྱག་ན་རྡོ་རྗེ། གཏུམ་ཁྲོ་འབར་བ། མཆེ་བ་གཙིགས་པ། སྤྱན་བགྲད་པ། གོས་སྔོན་པོ་གསོལ་བ། སྐུ་ཆེ་བ། ཡན་ལག་རགས་པ། གཡས་བསྐུམ་པ། གཡོན་བརྐྱང་བས་
[13a.7]བགེགས་ཀྱི་སྙིང་གར་མནན་པ། ཕྱག་གཡས་པས་རྡོ་རྗེ་གསོར་བ་ལས་འོད་ཟེར་འཕྲོས་པས། རྡོ་རྗེ་ཕྲ་མོའི་མཚོན་ཆ་གྲངས་མེད་པར་བརྒྱུད་མར་བྱུང་ནས། སྤྱི་གཙུག་ཏུ་བརྒྱབ་པས་རྐང་པའི་མཐིལ་དུ་འབྱིན་པ། ཧཱུཾ་སྒྲ་དང་ཞགས་པའི་སྒྲ་བསྒྲགས་པས་ཐམས་ཅད་
[13b]
[13b.1]དང་རས་ཤིང་བརྒྱལ་བར་བྱེད་པ། །སྐུ་ལས་ཁྲོ་བོ་དཔག་ཏུ་མེད་པ་བྱུང་བས། བསྒྲུབ་བྱའི་བ་སྤུའི་བུ་གར་ཞུགས་ནས་ཁྲག་འཇིབས་པར་བྱེད་པ། ཐུགས་ཀ་ནས་ཁྲོ་བོ་དཔག་ཏུ་མེད་པ་བྱུང་ནས། བསྒྲུབ་བྱའི་སྙིང་གར་གཟིར་བ། སྐུ་ལས་མེ་དཔུང་བྱུང་ནས་སྲེག་པར་བྱེད་པ། ཞལ་ནས་
[13b.2]སྔགས་ཀྱི་སྒྲ་བརྗོད་པས་འབྱུང་པོ་ཐམས་ཅད་བརླག་པར་བྱེད་པ། དེ་ལྟ་བུའི་ཁྲོ་བོ་གཅིག་བསྒོམས་ལ། ཡེ་ཤེས་བསྟིམ། བྱིན་གྱིས་བརླབ། དབང་བསྐུར་ལ་ནུས་པའི་མཐུ་ཅན་དུ་བྱའོ། །བགེགས་ཆེན་པོ་བསྐྲད་པ་ཡང་། ཆོ་ག་ཕྲ་མོས་མི་ཐུབ་སྟེ། དང་པོ་ཁོ་ནར་སྔོན་དུ་
[13b.3]བསྙེན་པའི་ཆོ་ག་རྫོགས་པར་བྱས་ལ། བདག་ཉིད་ལྷའི་རྣལ་འབྱོར་དུ་བསྐྱེད་ལ། བདུད་རྩི་ལྔ་དང་ལྡན་པའི་གཏོར་མ་གཅིག་བྱིན་གྱིས་བརླབས་ལ། །བདེ་བར་གཤེགས་པ་ལ་དབུལ། མཐུ་བསྐྱེད་ལ་གསོལ་བ་གདབ། ཡང་གཏོར་མ་གཅིག་ལ་ཐུན་མོང་གི་རྫས་དང་ལྡན་
[13b.4]པའི་སྟེང་དུ། ཁྲག་སྣ་སྙིང་སྣ་ཤ་སྣ་གསུམ་དང་ལྡན་པའི་རྫས་ལ། བྱིན་གྱིས་བརླབས་ལ་ཆོས་སྐྱོང་བའི་སྲུང་མ་ལ་ཕུལ་ལ། བདག་གི་སྟོང་གྲོགས་མཛད་པར་ལས་བསྒོའོ། །གཏོར་མ་ཆ་གཅིག་ལ་དྲུག་ཅུ་པ་ལྡན་པའི་རྫས་ལ་བྱིན་གྱིས་བརླབས་ལ། འབྱུང་པོ་ཐམས་ཅད་
[13b.5]ལ་བྱིན་ལ། གནོད་པ་མ་བྱེད་པར་བསྒོ་བ་བྱ། ཡང་ན་ཞི་བའི་སྦྱིན་སྲེག་གིས་བགེགས་ཞི་བར་བྱ་སྟེ། དེ་ལྟར་ཡང་ནས་ཡང་དུ་བྱས་པས་བགེགས་ཞི་བར་འགྱུར་རོ། །དེ་ལྟར་བྱས་ཀྱང་འགྲོར་མ་བཏུབ་ན། དྲག་པོའི་ལས་བྱ་སྟེ། དང་པོ་ཁོ་ན་བདག་གི་ཐུགས་ཀ་ནས་ཁྲོ་བོའི་སྤྲུལ་
[13b.6]པ་བཀྱེ་བས། འབྱུང་པོ་ཐམས་ཅད་བཀུག་པ་དང་། ཡང་ན་ནད་པ་ཉིད་ལ་བསམས་ཏེ། ཡི་གེ་སུཾ་ལས་འཕྲོས་འདུས་པ་ལས། རི་རབ་ཏུ་གྱུར་ནས། རི་རབ་ཀྱིས་སྙིང་གར་མནན་པར་བསམ། དེ་ནི་མནན་པའི་སྦྱོར་བའོ། །བགེགས་བསྲེག་པ་ནི། ཡི་གེ་ཧཱུཾ་གི་འཕྲོ་
[13b.7]འདུས། ལྕེ་ནག་པོ་རྡོ་རྗེ་སྦུ་གུ་ཅན་དུ་གྱུར་ནས། དེའི་ནང་ན་ཚུར་འོད་ཟེར་མེ་འདྲ་བ་བྱུང་ནས་གང་ལ་གནོད་པའི་སར་གཏད་ལ་བགེགས་ཐམས་ཅད་བསྲེག་པར་བྱ་སྟེ། ཡང་ན་ལྕེ་རྡོ་རྗེ་སྔོན་པོར་བསྒྱུར་ལ། འོད་ཟེར་སྔོན་པོ་རླུང་འདྲ་བས་ཐམས་ཅད་གཏོར་ཞིང་བསྐྲད་པར་བསམ་
[14a]
[14a.1]མོ། །ཡང་ན་སྲོག་གི་འོད་ཟེར་འཕྲོས་པས། བགེགས་ཐམས་ཅད་བཅོམ་ནས་སླར་འདུས་པས་སྙིང་གའི་ལྷ་ལ་མཆོད་པར་བསམ་མོ། །ཡང་ན་མདུན་གྱི་ལྷ་མཆོད་པར་བསམ་མོ། །བསྲེག་གཏོར་བཅོམ་པའི་སྦྱོར་བའོ། །ཡང་ན་གསད་པའི་སྦྱོར་བ་ནི། གོང་
[14a.2]གི་སྐུ་བསྐྱེད་པ་ལ་སོགས་པ་མན་ངག་སྦྱོར་བ་ཡོད་པ་རྣམས། རིམ་པ་བཞིན་དུ་ཤེས་པར་བྱའོ། །ཁྱད་པར་སྦྱོར་བ་བསྟན་པ་ནི། །ཐུགས་ཀྱི་འོད་ཟེར་འཕྲོ་བ་དང་། །གསུང་གི་ཡིག་འབྲུ་སྤྲོ་བ་དང་། །སྐུ་ཡི་སྤྲུལ་པ་སྤྲོ་བ་དང་། །ཡང་ན་ཐུགས་ཀྱི་ཕྱག་མཚན་ཡིན། །ལྟེ་
[14a.3]འོག་གནས་སུ་བསྟིམ་པ་དང་། །གནས་དགུ་དག་ཏུ་བསྟིམ་པ་དང་། །ཐམས་ཅད་ཀུན་དུ་བསྟིམ་པ་དང་། །དེ་ལྟར་བསྟིམ་ལ་ལུས་དགང་ངོ་། །ཐུར་དུ་བདའ་དང་གྱེན་དུ་བདའ། །སྲོག་འགྲོ་སྟེང་འོག་བདའ་བ་དང་། །འབྱུང་ས་གཉིས་ནས་གདོན་པ་དང་། །ཐམས་ཅད་
[14a.4]བཅོམ་ནས་གདོན་པ་དང་། །འདོད་པའི་ཚུལ་གྱིས་བདའ་བ་དང་། །བཏོན་ནས་བཞུ་བཏུལ་བྱ་བ་དང་། །དེ་ནས་ལྷ་ལ་མཆོད་པ་བྱ། །དེ་ལ་སོགས་པའི་མན་ངག་གིས། །སྦྱོར་བ་གཞན་ཡང་ཤེས་པར་བྱ། །དེ་ལྟའི་སྦྱོར་བ་བྱེད་པ་ཡང་། །ཕལ་དང་ཕལ་གྱི་ཐུན་མོང་
[14a.5]མིན། །ལུས་ཀྱི་རྒྱན་ཆ་ལ་སོགས་ལྡན། །ངག་གི་མ་ཉམས་ཡོན་ཏན་ལྡན། །བར་ཆད་རྡུལ་ཙམ་མ་ཤོར་བར། །དཔེར་ན་རྔུལ་ཆུ་བྲུག་པ་བཞིན། །དེ་གསུམ་གསལ་བར་བརྗོད་པ་ཡིན། །སྣོད་མིན་པ་ལ་གསང་འགྱུར་ཡིན། །དཔེར་ན་སྲིན་པོ་ངུར་སྐད་བཞིན། །ཚིག་མི་
[14a.6]གསལ་བར་དོན་གསལ་བ། །ཡིད་བརྟན་དྲག་ཏུ་བཟླ་བར་བྱ། །དེ་ལྟའི་བགེགས་བསྐྲད་སྦྱོར་བ་ཡང་། །ཐམས་ཅད་ཀུན་ལ་བྱ་བ་མིན། །བསྒོམ་སྒྲུབ་པར་ཆད་བྱུང་བ་དང་། །སློབ་དཔོན་གཞན་དོན་མཛད་པ་ལ། །འབྱུང་པོས་བར་ཆད་བྱས་པ་ལ། །སྦྱོར་བ་འདི་ནི་བྱ་
[14a.7]བར་གསུངས། །རྡོ་རྗེ་སྤུན་ལ་བྱ་བ་ཡིན། །གཞན་ཡང་སེམས་ཅན་གཞན་པོ་ནི། །མི་དགེ་སྤང་ཞིང་དགེ་བཅུ་སྤྱོད། །དེ་ལའང་བྱ་བར་གསུངས་པ་ཡིན། །གཉི་ག་མི་བྱེད་སེམས་ཅན་ལ། །སྦྱོར་བ་ཆུང་ངུ་བྱ་བར་གསུངས། །མི་དགེ་བཅུ་ནི་དང་ལེན་ཅིང་། །རྡོ་རྗེ་སློབ་
[14b]
[14b.1]དཔོན་ལ་སྨོད་ཅིང་། །སངས་རྒྱས་བསྟན་པ་འཇིག་པ་དང་། །རྒྱལ་ཁམས་ཡོངས་སུ་གནོད་པ་དང་། །དགེ་འདུན་འདུ་བའི་སྒོ་འཕྲོག་དང་། །ཐེག་ཆེན་གསང་སྔགས་སྨོད་པ་དང་། །རྣལ་འབྱོར་སྤྱི་ཡི་དགྲར་འགྱུར་ལ། །སྦྱོར་བ་འདི་ནི་བྱར་མི་རུང་། །གལ་ཏེ་སེམས་ཅན་
[14b.2]དེ་དག་ཀྱང་། །གནོང་ཞིང་འགྱོད་པས་མཐོལ་བཤགས་ནས། །སངས་རྒྱས་ཐེག་པའི་སྒོར་འཇུག་ཅིང་། །ཡང་དང་ཡང་དུ་གསོལ་འདེབས་ན། །སྦྱོར་བ་འདི་ནི་བྱ་བར་གསུངས། །སྦྱོར་བ་འདི་ཡི་མན་ངག་ཀྱང་། །རང་གི་སྲོག་བཞིན་མ་བཙས་ན། །སྣོད་དང་མི་ལྡན་ལ་སྤེལ་ནས། །བེའུ་སྦྲེལ་
[14b.3]གཡང་གར་ཁྲིད་པ་བཞིན། །གཅིག་ལྷུང་བས་ན་གཉིས་ཀ་ལྷུང་། །དེ་བས་ནན་ཏན་ཆེར་གྱིས་ལ། །རིན་ཆེན་ལྟ་བུའི་གང་ཟག་ལ། །བཙས་ཀ་དམ་བཞག་བྱས་ཏེ་གཏང་། །བགེགས་བསྐྲད་པ་ལ་སོགས་པའི་སྦྱོར་ཀ་སྟེ་བཅུ་དགུ་པའོ།། །།བཅོམ་ལྡན་འདས་རྡོ་
[14b.4]རྗེ་བསྣམས་པ་ལ་ཕྱག་འཚལ་ལོ། །དུག་སྔགས་ཀྱི་ནི་གཙོ་བོ་རུ། །སྔོན་དུ་བསྙེན་པ་བྱ་བའི་ཕྱིར། །སྔོན་དུ་བསྙེན་པའི་མན་ངག་རྣམས། །ཅུང་ཞིག་བསྡུས་ཏེ་བསྟན་པར་བྱའོ། །དང་པོ་སྐད་ཅིག་ལྟར་བསམས་ཏེ། །སྙིང་གར་ཟླ་བའི་དཀྱིལ་འཁོར་བསམ། །དེ་སྟེང་ཧཱུཾ་གི་འཕྲོ་
[14b.5]འདུ་ཡིས། །མཆོད་པ་ལ་སོགས་རྫོགས་བྱས་ནས། །སྟོང་པ་ཉིད་དུ་བསྒོམ་པར་བྱ། །སྟོང་པ་ཉིད་ཀྱི་ངང་ལས་ནི། །པཾ་ལས་པདྨ་འདབ་མ་བརྒྱད་པ་བསམ། །པདྨའི་ལྟེ་བར་ཟླ་བའི་དཀྱིལ་འཁོར་བསམ། །དེ་སྟེང་ཧཱུཾ་གི་འཕྲོ་འདུ་ཡིས། །རྡོ་རྗེའི་གུར་དུ་གྱུར་ནས་ཀྱང་། །ཆོ་
[14b.6]ག་གསུམ་མམ་སྐད་ཅིག་མས། །ཕྱག་ན་རྡོ་རྗེའི་སྐུ་བསྐྱེད་ལ། །དོན་དུ་རྡོ་རྗེ་སེམས་ཤེས་བྱ། །རྡོ་རྗེ་བསྣམས་དང་ཆོས་ཉིད་ཀྱི། །དོན་ལ་སེམས་དཔའི་ཡེ་ཤེས་ལ། །ལས་སུ་མིང་དང་ཐ་དད་ཙམ། །དེ་ཉིད་སྐུ་མདོག་དཀར་ལ་འཚེར། །ཕྱག་གཉིས་རྡོ་རྗེ་དྲིལ་བུ་བསྣམས། །
[14b.7]རྒྱན་རྣམས་ཐམས་ཅད་རྫོགས་ལྡན་ཞིང་། །རྡོ་རྗེ་སྐྱིལ་ཀྲུང་ཚུལ་དུ་བཞུགས། །ཡེ་ཤེས་སྤྱན་དྲངས་སྙིང་གར་བསྟིམ། །སྐུ་གསུང་ཐུགས་ནི་བྱིན་བརླབས་དབང་བསྐུར་བྱ། །དེ་ལྟར་བརྟན་བསྒོམས་ཐུགས་ཀ་རུ། །ཟླ་བ་པདྨ་ལྟེ་བ་ལ། །མན་ངག་བཞིན་དུ་བསྒོམ་པར་བྱ། །དེ་
[15a]
[15a.1]ལྟར་གསལ་ནས་བཟླས་བརྗོད་བྱ། །ཐུགས་འཁོར་གསལ་དང་ལྷ་མཆོད་དང་། །སྦྱང་དང་བསྡུ་བའི་ཚུལ་བཞིན་དུ། །འབུམ་གསུམ་བསྙེན་པ་བྱ་བ་དང་། །དུས་དང་གྲངས་དང་མཚན་མ་ཡི། །བསྙེན་པ་ལ་སོགས་ཚད་ཕྱིན་ནས། །དེ་ནས་འཁོར་རྣམས་
[15a.2]སོ་སོ་ལ། །འབུམ་ཕྲག་རེ་རེ་བསྙེན་པ་བྱ། །འཁོར་རྣམས་བསྙེན་པའི་མན་ངག་ནི། །མདུན་དུ་པདྨའི་གདན་བསྐྱེད་དེ། །སྐད་ཅིག་ཀླུ་བརྒྱད་སྤྲུལ་ནས་ནི། །སྤྱན་དྲངས་ལ་སོགས་རྫོགས་བྱས་ལ། །འོད་ཟེར་འཕྲོས་པས་མཆོད་མཉེས་ལ། །དོན་རྣམས་གང་ཡིན་གྲུབ་པར་
[15a.3]བསམ། །གོང་བཞིན་མཚན་མའི་རྟགས་ཕྱིན་ནས། །དེ་ནས་བསྒྲུབ་པ་བརྩམ་པར་བྱའོ། །ལྷ་བསྐྱེད་ལ་སོགས་ཆོ་ག་ནི། །བསྙེན་པའི་དུས་དང་མཐུན་པར་བྱ། །གཙོ་བོའི་བཟླས་བརྗོད་འབུམ་ཕྲག་གཅིག །འཁོར་རྣམས་ཁྲི་དང་སྟོང་དང་ནི། །བརྒྱ་ཡི་བར་དུ་རབ་འབྲིང་
[15a.4]ངོ་། །དུག་གིས་ཟིན་པའི་བསྒྲུབ་བྱ་སྟེ། །མདུན་སོགས་བྱ་བ་རྫོགས་བྱས་ལ། །ལུས་ཀྱི་ཡན་ལག་བརྒྱད་པོ་ལ། །ཡི་གེ་དགོད་སོགས་བྱ་བ་ནི། །མགོར་ཀྵུཾ་སྣ་དང་རྣ་བར་ཡུཾ། །མིག་དུ་ཧཱུཾ་དང་ཁར་ནི་སུཾ། །མགྲིན་པ་སྨྲཾ་སྙིང་ཁར་ཡྨྲྱུཾ། །ལྟེ་བར་ཀྵྨྲྱུཾ་དུ་ཤེས་པར་བྱའོ། །
[15a.5]ཁ་དོག་དཀར་པོ་བསམ་པར་བྱ། །སྔགས་རྣམས་དེ་ཡི་མཐུས་སུ་ནི། །སྙིང་གའི་དུག་ནི་བཅིང་བར་བྱ། །ཡེ་ཤེས་ཡི་གེ་ཧཱུཾ་གིས་ནི། །དུག་འཕྲོག་ལ་སོགས་མན་ངག་སྦྱར། །དེ་འོག་ཕྱི་མའི་ལས་བརྩམ་མོ། །རིན་ཆེན་ལ་སོགས། བུམ་པ་ལ། །སྐྱོན་བྲལ་ཡོན་ཏན་
[15a.6]ལྡན་པ་རུ། །ཆུ་དང་འོ་མ་བསྲེས་པས་དགང་། །དང་པོ་བུམ་སྦྱང་བུམ་བསྐྱེད་ལ། །པདྨ་ཟླ་བའི་གདན་སྟེངས་སུ། །དེ་སྟེང་ཡི་གེ་སུཾ་ལས་ནི། །གྱུར་པའི་རྡོ་རྗེ་མཁའ་འགྲོ་མ། །གདུགས་དཀར་གྱིས་ནི་བརྒྱན་མཛད་ཅིང་། །སྐུ་མདོག་དཀར་པོ་ཕྱག་གཉིས་པ། །ཁ་ཊྭཱཾ་ཐོད་པ་
[15a.7]ཕྱག་ན་བསྣམས། །སྦྲུལ་གྱི་རྒྱན་དང་ལྡན་པ་ལ། །སེམས་དཔའ་ཡི་ནི་སྐྱིལ་ཀྲུང་བཅས། །ཀླུ་རྣམས་མགོ་བོའི་ཆ་རྣམས་ནི། །ཟླ་བའི་དཀྱིལ་འཁོར་འོག་བསྡུས་ནས། །དེ་སྟེང་རྡོ་རྗེ་མཁའ་འགྲོ་མ། །པདྨ་ཡི་ནི་འདབ་མ་ལ། །ཀླུ་ཆེན་བརྒྱད་པོ་བསྒོམ་པར་བྱ། །ཤར་
[15b]
[15b.1]དུ་ནོར་རྒྱས་བུ་དཀར་པོ། །བྱང་དུ་འཇོག་པོ་སེར་པོའོ། །ནུབ་ཏུ་སྟོབས་རྒྱུ་དམར་པོ་སྟེ། །ལྷོར་ནི་པདྨ་སྔོན་པོའོ། །དབང་ལྡན་དུ་ནི་པདྨ་ཆེ། །དཀར་སེར་དུ་ནི་བསྒོམ་པར་བྱ། །མེ་མཚམས་སུ་ནི་དུང་སྐྱོང་དཀར་སྔོའོ། །བདེན་བྲལ་དུ་ནི་རིགས་ལྡན་སྔོ་དམར་པོ། །རླུང་མཚམས་
[15b.2]འཁྱིལ་པ་དམར་སེར་པོ། །དེ་ལྟར་ཀླུ་བརྒྱད་བསམ་པ་ནི། །མཆོད་དང་གཏོར་མ་ལ་སོགས་བྱ། །དེ་དུས་རྡོ་རྗེ་མཁའ་འགྲོ་རུ། །དུག་སེལ་བ་ཡི་དུས་འདི་རུ། །བདག་ཉིད་ལྷ་ཡི་རྣལ་འབྱོར་བྱ། །ཆོ་ག་བསྐྱེད་ཚུལ་ཐབས་དང་མཐུན། །རྨ་བྱའི་སྒྲ་ཡི་ཆུན་པོ་ཡིས། །མགོ་
[15b.3]བོ་ལ་སོགས་ལུས་ཀུན་ལ། །བྱབ་ཅིང་མན་ངག་སྦྱོར་ཤེས་བྱའོ། །རྐང་མཐིལ་བར་དུ་དྲངས་ནས་ནི། །བུམ་པའི་ནང་དུ་དབོ་བར་བྱ། །ལྷ་གསལ་ལ་སོགས་མན་ངག་བྱ། །ཨོཾ་ཧྲི་ཏནྡ་ར་ཧཱུཾ་ཕཊ་སྭཱ་ཧཱ། ཞེས་བྱ་བ་མན་ངག་ཏུ། །ཧཱུཾ་གསུམ་ཕཊ་གསུམ་ཤེས་པར་བྱ། །ཨོཾ་
[15b.4]བཱ་སུ་ཀི་ཧྲི་ཏནྡ་ར་སྭཱ་ཧཱ། ཨོཾ་ཏཀྵ་ཀ་ཧྲི་ཏནྡ་ར་སྭཱ་ཧཱ། ཕཊ་ཕཊ་ཕཊ་སྭཱ་ཧཱ། ཨོཾ་ཀརྐོ་ཊ་ཧྲི་ཏནྡ་ར་སྭཱ་ཧཱ། ཨོཾ་པདྨ་ཏྲི་ཏནྡ་ར་སྭཱ་ཧཱ། ཨོཾ་མ་ཧཱ་པདྨ་ཧྲི་ཏནྡ་ར་སྭཱ་ཧཱ། ཨོཾ་ཤཾ་ཁ་པཱ་ལ་ཧྲི་ཏནྡ་ར་སྭཱ་ཧཱ། ཨོཾ་ཀུ་ལི་ཤ་ལཾ་ཧྲི་ཏནྡ་ར་སྭཱ་ཧཱ། ཨོཾ་ཧུ་ལུ་ཏ་ཀེ་ལི་ཧྲི་ཏནྡ་ར་སྭཱ་ཧཱ། ཨོཾ་ཧྲི་ཏནྡ་
[15b.5]ར་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། ཨ་མུ་ཀ་ས་ནིརྦ་ཤིཾ་ཀུ་རུ་ཧཱུཾ་ཕཊ་སྭཱ་ཧཱ། ཨོཾ་བ་སུ་ཀི་ཧྲྀ་ཏནྡ་རེ་དེ་བ་དཏྟ་ནིརྦ་ཤིཾ་ཀུ་རུ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། བསྙེན་བསྒྲུབ་ལ་སོགས་བྱ་བ་ཡང་། །སྔགས་ཀྱི་དབྱེ་བ་ལ་སོགས་ཀྱང་། །མན་ངག་ཅན་གྱིས་སྦྱོར་ཤེས་བྱ། །དུག་ཕྲོགས་འོ་མ་ནག་པོར་
[15b.6]འགྱུར། །དེ་འོག་ཡུངས་ཀར་ལ་སོགས་ཀྱིས། །སྔགས་བཟླས་པས་སུ་བརྡེག་པར་བྱ། །བརྡེགས་པ་ཙམ་གྱིས་བསྒྲུབ་བྱ་ཡི། །སྙིང་ནི་འབར་བ་ལ་སོགས་འགྱུར། །དེ་ཡི་སྙིང་གར་ཡི་གེ་ཧཱུཾ། །བསྒོམས་པས་རྣམ་ཤེས་བཅིངས་ཤིང་གཟུང་ས། །དེ་ཙམ་གྱིས་ནི་དབུགས་གཡོ་
[15b.7]འགྱུར། །བདག་གི་སྣ་སྒོའི་འོད་ཟེར་གྱིས། །མཆེ་བས་ཟིན་པའི་སྣ་སྒོར་ཐིམ། །ལུས་བཀང་བས་ནི་རྐང་ལག་འདར། །དེ་ནས་ཧཱུཾ་གི་གླུ་བླང་བྱ། །དེ་ཡང་སྔོན་དུ་སེ་གོལ་གཏོགས། གསུམ་གྱི་སྒྲ་ཡིས་ལྡང་བར་འགྱུར། །ལངས་ནས་རྡོ་རྗེ་མཁའ་འགྲོ་བསྒོམ། །ཡན་ལག་ཐམས་ཅད་
[16a]
[16a.1]བསྲུང་བར་བྱའོ། །ཀླུ་སྨན་དཀར་གསུམ་སྣ་ཚོགས་ཀྱིས། །མཆོད་དང་གཏོར་མ་ཀླུ་ལ་ཤིས། །དེ་སོགས་སྦྱོར་བ་གཞན་ཡང་། །སློབ་དཔོན་མཁས་པས་སྦྱོར་ཤེས་བྱ། །དུག་གིས་ཟིན་པའི་གནས་བསྟན་པ། །ཁ་དང་སྨིན་མ་རྐན་དང་ནི། །སྣ་རྩེ་སྣ་སྒོ་མཚན་
[16a.2]མ་དང་། །བཤང་བ་མཐེ་བོང་གཟུང་བ་རྣམས། །གསོ་རུ་མི་རུང་སྤང་བར་བྱ། །རིགས་ལྡན་མགོ་བརྒྱ་གཙིགས་པ་དང་། །ཀ་མ་ལ་ནི་དུག་གི་མཆེ་བ་སྟེ། །བཞིས་ཟིན་པ་ནི་འཆི་བར་འགྱུར། །ལྷག་མ་རྣམས་ནི་གསོར་རུང་བས། །རྣལ་འབྱོར་སྙིང་རྗེ་དང་ལྡན་པ། །དབང་
[16a.3]བསྐུར་མན་ངག་ལྡན་པ་ཡིས། །ཆོ་ག་གཞུང་བཞིན་བྱས་པ་དང་། །གཞན་སྒྲོལ་སྟོབས་ཀྱིས་བདག་ཀྱང་སྒྲོལ། །དངོས་གྲུབ་ཀྱང་ནི་ཐོབ་པར་གསུངས། །དེ་བས་བརྩོན་འགྲུས་བསྐྱེད་དེ་བསྒྲུབ། །མཆོད་བསྟོད་ལ་སོགས་བྱས་ནས་ནི། །ལྷ་གཤེགས་ཏིང་འཛིན་བསྡུ་བར་བྱ། །
[16a.4]དེ་འོག་སྨོན་ལམ་གདབ་བྱ་བ། །དཔེར་ན་སྨན་རྣམས་མཐུ་ཡིས་ནི། །རྫས་ཀྱི་དུག་ནི་འཇོམས་པ་བཞིན། །དེ་བཞིན་ཀླུ་ཡི་དུག་རྣམས་ནི། །སྔགས་ཀྱི་མཐུས་སུ་འཇོམས་པར་འགྱུར། །རྣམ་པར་རྟོག་པའི་དུག་རྣམས་ནི། །ཡེ་ཤེས་མཐུ་ཡིས་འཇོམས་པར་འགྱུར། །རྫས་ཀྱི་མཐུ་
[16a.5]ཡི་སྟོབས་རྣམས་ཀྱིས། །དུག་རྣམས་མ་ལུས་ཞི་གྱུར་ཅིག །སྔགས་ཀྱི་མཐུ་ཡི་སྟོབས་རྣམས་ཀྱིས། །དུག་རྣམས་མ་ལུས་ཞི་གྱུར་ཅིག །ཡེ་ཤེས་མཐུ་ཡི་སྟོབས་རྣམས་ཀྱིས། །དུག་རྣམས་མ་ལུས་ཞི་གྱུར་ཅིག །དུག་རྣམས་ཞི་བྱེད་མཐུ་ཡིས་ནི། །ཐམས་ཅད་བྱང་ཆུབ་ཐོབ་པར་
[16a.6]ཤོག །དུག་ཞི་བར་བྱེད་པའི་སྦྱོར་ཀ་སྟེ་ཉི་ཤུ་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །དགུག་པ་ལ་སོགས་སྦྱོར་བ་གཞན་ཡང་བསྟན། །ལྷ་བསྐྱེད་སྦྱོར་བ་རྫོགས་ནས་ནི། །སྔགས་རྣམས་སོ་སོའི་མཐའ་ལ་ནི། །དགུག་པའི་ཡི་གེ་གདགས་པར་བྱ། །
[16a.7]ཡང་ནཱ་ག་རཱ་ཛཱ་ཛ་ཛ་ཞེས་པས། ཐུན་མོང་གི་སྔགས་སུ་ཤེས་པར་བྱའོ། །སྔགས་ཀྱི་ཡི་གེའི་འོད་ཟེར་གྱིས། །གང་འདོད་གནས་ནས་བཀུག་ནས་ནི། །ཤིང་ཆེན་དག་གི་སྡོང་པོ་ལ། །ཤིང་གི་ཆོལ་ནི་ཕྱུང་ནས་སུ། གྲོ་ག་དག་ལ་ཀླུ་གཟུགས་བྲི། །འོད་ཟེར་འཕྲོས་པས་དེ་ལ་
[16b]
[16b.1]བཀུག །དེ་ནས་ཤིང་ཆེན་ནང་དུ་གཞུག །ཁ་བཅད་ཚོན་གྱི་སྐུད་པས་བཅིང་། །ཐལ་སོགས་འདག་པས་ཞལ་ཞལ་བྱ། །ཡང་ན་ཕ་བོང་ལ་གོང་མ་བཞིན་དུ་ཤེས་པར་བྱའོ། །དེ་ལྟར་མི་བྱ་བསྐྲད་པ་ནི། །ཤིང་ཤུན་ལ་སོགས་དག་ལ་ནི། །རླུང་ངམ་ཤ་བའི་གཟུགས་བྲིས་ལ། །དེ་ཡི་
[16b.2]སྟེང་དུ་བསྒྲུབ་བྱའི་གཟུགས། །གང་འདོད་པས་ནི་བྲིས་ནས་བཞག །རྩ་སྔགས་མཐའ་ལ་བསྐྲད་སྔགས་གདགས། །གང་ལྟར་འདོད་པའི་ས་ཕྱོགས་སུ། །སྔགས་ཀྱི་འོད་ཟེར་སྟོབས་ཀྱིས་འཕང་། །གོང་གི་སྦྱོར་བས་བཀུག་ནས་སུ། །གྲུ་གསུམ་ནག་པོའི་བྲུབ་ཁུང་
[16b.3]དུ། །ནག་པོའི་སྦྱོར་བས་ཁ་བཅད་ལ། །རི་རབ་གཟུགས་བྲི་མནན་པར་བྱའོ། །ལྷ་རྣམས་བཅུ་བདུན་སྟང་སྟབས་ཀྱིས། །ཇི་ཙམ་འདོད་པར་མནན་པར་བྱའོ། །གསང་བར་འདོད་པའི་སྦྱོར་ཀ་ཡིས། །གཟུགས་བརྙན་ལ་སོགས་གོང་བཞིན་བཅའ། །བསྙེན་པ་ལ་སོགས་རྫོགས་
[16b.4]པ་ཡིས། །གསང་སྔགས་ལ་སོགས་ཤེས་བྱས་ལ། །མཚོན་ཆ་ཕྱག་མཚན་བྱིན་བརླབས་ལ། །ཁྲོ་བོ་མཚོན་ཆ་ཐོགས་པ་ཡིས། །ལུས་རྣམས་གཏུབ་ཅིང་གསོད་བར་བསམ། །ཡང་ན་འཁྲུལ་འཁོར་སྦྱོར་བ་བྱ། །ཡང་ན་སྔགས་ཀྱི་འོད་ཟེར་གྱིས། །གང་འདོད་པར་ནི་བསྲེག་པར་
[16b.5]བྱ། །ཡང་ན་སྦྱིན་སྲེག་དག་གིས་བྱ། །དམ་ལ་མ་ཐོགས་ཀླུ་རྣམས་ནི། །སྒྲུབ་པ་པོ་ལ་བར་ཆད་བྱེད། །དང་པོ་ཞི་བས་གདུལ་བར་བྱ། །ཞི་བས་འདུལ་བར་མ་གྱུར་ན། །དེ་ལ་དྲག་པོའི་ལས་རྣམས་བརྩམ། །དམ་ལ་ཐོགས་པའི་ཀླུ་རྒྱལ་ནི། །བསྟེན་ཅིང་བསྒྲུབས་ན་དངོས་གྲུབ་སྟེར། །
[16b.6]བདེ་གཤེགས་སྤྲུལ་པ་བསྒྲུབས་ན་ནི། །དངོས་གྲུབ་མཆོག་ཀྱང་སྟེར་བར་བྱེད། །ཀླུ་རྒྱལ་དེ་བསྒྲུབ་སྦྱོར་བ་ཡང་། །སྔོན་འགྲོ་ཆོ་ག་རྫོགས་ནས་ནི། །དེ་ནས་སྟོང་པ་ཉིད་དུ་བསྒོམ། །སྟོང་པའི་ངང་ལས་པད་ཟླའི་གདན། །དེ་སྟེང་ཆོ་ག་གསུམ་གྱིས་བསྐྱེད། །ལྷག་པའི་ལྷ་ནི་གང་
[16b.7]འདོད་བསྐྱེད། །གཞན་དག་སྤྲུལ་པའང་གང་འདོད་པ་ཡང་ཡོད། །མདུན་དུ་པད་ཟླའི་གདན་སྟེང་དུ། །ཆོ་ག་གསུམ་མམ་སྐད་ཅིག་སྦྲུལ། །སྐུ་མདོག་དཀར་པོ་སྦྲུལ་ཞགས་བསྣམས། །ཀླུ་རྒྱལ་དེ་འདྲ་སྤྱན་དྲངས་བསྟིམ། །མཆོད་བསྟོད་ལ་སོགས་རྫོགས་བྱས་ལ། །དེ་ནས་
[17a]
[17a.1]གང་ཡིན་བཟླས་བརྗོད་བྱ། །ཀླུའི་ཆོ་གའི་སྦྱོར་ཀ་སྟེ་ཉི་ཤུ་གཅིག་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །རྣལ་འབྱོར་བསྙེན་པ་རྫོགས་པ་ཡིས། །འཁྲུལ་འཁོར་རིམ་པ་བརྩམ་པར་བྱ། །དང་པོ་ལས་བཞིའི་རིམ་པ་ནི། །ཞི་བ་གོ་རོ་ཙ་
[17a.2]ན་བླང་། །གྲོ་གའམ་སྨྱུག་མའི་ཤུན་པ་ལ། །རྩ་སོགས་དཀར་པོ་མ་ཡིན་སྤངས། །ཞི་བ་འདོད་པའི་སྨྱུ་གུ་ཡིས། །བསྒྲུབ་བྱ་སྒྲུབ་བྱེད་འཁོར་ལོ་བྲི། །འཁོར་ལོའི་དཀྱིལ་འཁོར་བྲི་བ་ནི། །བརྒྱད་དང་བཅུ་གཉིས་བཅུ་དྲུག་བྲི། །ཤེས་རབ་ཆོ་གས་ཡང་དག་བྲི། །ཡང་ན་གཅིག་
[17a.3]དང་གཉིས་སུ་བྱ། །སྔགས་ནི་ཐམས་ཅད་དགོད་པ་དང་། །གཅིག་དང་གཉིས་སུ་དགོད་པའོ། །ཡི་གེ་རེ་རེ་དགོད་པ་དང་། །ཐམས་ཅད་རྫོགས་པར་དགོད་པའོ། །ཤར་ནས་བརྩམས་ཏེ་བྲི་བར་བྱ། །དེ་མ་ཐག་ཏུ་དོར་བ་ཡང་། །བསྒྲུབ་བྱའི་མིང་དང་ནཱ་མ་དང་། །བསྐུལ་བའི་ཚིག་
[17a.4]དང་བཅས་པ་བྲི། །རྡོ་རྗེ་འཛིན་པའི་སྦྱོར་བ་ཡིས། །ཡི་གེ་ཧཱུཾ་གི་འོད་ཟེར་ལས། །སྔོན་པོའི་དཀྱིལ་འཁོར་སྤྱན་དྲངས་ནས། །མཆོད་བསྟོད་བསྙེན་པ་བྱས་ནས་སུ། །དཀྱིལ་འཁོར་ཉིད་ལ་གཞུག་པར་བྱ། །བྱིན་དང་ལྡན་པའི་ལྷ་ཉིད་ནི། །ཡི་གེའི་གཟུགས་ལས་འཕྲོས་པས་ན། །
[17a.5]དཀར་པོ་དོན་བྱེད་བརྟུལ་ཞུགས་ཅན། །མར་དང་སྦྲང་རྩི་དབུས་དཀར་ནས། །སྐུད་པ་དཀར་པོས་བཅིང་བར་བྱ། །མེ་ཏོག་དཀར་པོས་ཐུན་གསུམ་དུ། །ཞི་བའི་སེམས་ཀྱིས་གཏོར་བར་བྱ། །བདག་ཉིད་སྔོན་པོའི་དཀྱིལ་འཁོར་ནི། །བསྐྱེད་པའི་རིམ་པ་གང་འདོད་བྱ། །ཞི་བའི་
[17a.6]དཀྱིལ་འཁོར་དཀར་པོ་ལ། །དེ་ཡི་མདུན་དུ་བསྒྲུབ་བྱ་ནི། །པདྨ་ཟླ་བར་གནས་པ་སྟེ། །ཁོ་དོག་དཀར་པོ་ཟླ་བའི་མདངས། །བསྒྲུབ་བྱ་གནས་པར་མཐོང་ནས་ནི། །བུམ་པ་དཀར་པོའི་ཟླ་བའི་མདངས། །བདུད་རྩི་ལྔས་ནི་བཀང་བ་ཡིས། །དབང་བསྐུར་བ་ནི་བསམ་པར་བྱ། །རྫོགས་སངས་
[17a.7]རྒྱས་པ་གྲངས་མེད་དབང་། །ཐོབ་ནས་བསྒྲུབ་བྱ་གང་ཡིན་ལ། །བདུད་རྩི་སྤྱི་བོར་བླུགས་པར་བྱ། །བདག་ཉིད་སྔོན་པོའི་སྦྱོར་བ་ཡིས། །སྔགས་ཀྱི་འོད་ཟེར་སྤྲོས་པ་ལས། །བསྒྲུབ་བྱའི་མི་མཐུན་ཞི་བར་བྱ། །དེ་ནས་བཟླས་པ་བརྩམ་པར་བྱ། །ཨོཾ་ན་མོ་ནཱི་ལཱམྦ་ར་དྷར་བཛྲ་པཱ་ཎི་ཧཱུཾ་ཕཊ་སྭཱ་ཧཱ།
[17b]
[17b.1]ཆེ་གེ་མོ་ཞི་བར་གྱིས་ཤིག །ན་མ་སྭཱ་ཧཱ། དུག་ནི་ཞི་བར་འདོད་པ་ནི། །གུར་གུམ་དག་གིས་འཁོར་ལོ་བྲི། །དཀར་པོའི་ཕྱོགས་ཀྱི་ཚེས་གཅིག་ནས། །ནག་པོའི་གཅིག་ཏུ་ལས་རྣམས་འགྲུབ། །དེ་ལྟར་རྣལ་འབྱོར་སྒྲུབ་པ་པས། །འཁོར་ལོའི་མན་ངག་ཡོད་པ་ན། །ཐེ་ཚོམ་མེད་པར་
[17b.2]བྱས་ནས་ནི། །སྔགས་ནི་ནན་ཏན་ཆེར་བསྐྱེད་ན། །ངེས་པ་ཁོ་ནར་འགྲུབ་པར་འགྱུར། །ཞི་བའི་འཁྲུལ་འཁོར་གྱི་སྦྱོར་ཀ་སྟེ་ཉི་ཤུ་གཉིས་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །དེ་ནས་གཞན་ཡང་རྒྱས་པ་ཡི། །ཐམས་ཅད་སྔོན་བཞིན་བྱས་ནས་ནི། །
[17b.3]སྔགས་ནི་ཐམས་ཅད་དགོད་པ་ན། །མི་དགོད་པ་ནི་སྔོན་བཞིན་བྱ། །འཁོར་ལོ་ཡང་ནི་སྔོན་བཞིན་ནོ། །སྟོང་པའི་མཚམས་ནི་བླངས་ནས་སུ། །མིང་དང་བསྐུལ་ཚིག་སྭཱ་ཧཱ་སྤེལ། །གཞི་ནི་གྲོ་གའམ་རས་ལ་བྱ། །གུར་གུམ་ཁ་ཆེ་སྐྱེས་ལ་སོགས། །གང་འདོད་པ་ཡིས་བྲི་བར་བྱ། །ཁམ་
[17b.4]པོར་སེར་བོར་ཁ་སྦྱར་ནས། །སྐུད་པ་སེར་པོས་བཅིང་བར་བྱ། །བདག་ཉིད་རྒྱས་པའི་ལྷ་ཉིད་དུ། །བསྐྱེད་པ་ལ་སོགས་རྫོགས་པར་བྱ། །ཡི་གེ་ཧཱུཾ་ནི་སེར་པོ་ཡིས། །ལྕགས་ཀྱུའི་དབྱིབས་འདྲ་སྤྲོས་ནས་ནི། །རྒྱས་པའི་དཀྱིལ་འཁོར་བཀུག་ནས་ནི། །སྔོན་བཞིན་མཆོད་པ་ལ་སོགས་
[17b.5]བྱ། །དེ་ནས་འཁྲུལ་འཁོར་དག་ལ་བསྟིམ། །བྱིན་དང་ལྡན་པའི་ལྷ་རྣམས་ནི། །ཡི་གེའི་གཟུགས་ལས་འོད་འཕྲོས་པས། །སེར་པོའི་བྱེད་པ་བརྟུལ་ཞུགས་ཅན། །མར་དང་སྦྲང་རྩིས་སྣོད་བཀང་ལ། །སྐུད་པ་སེར་པོས་བཅིང་བར་བྱ། །མེ་ཏོག་སེར་པོས་ཐུན་གསུམ་དུ། །རྒྱས་པའི་
[17b.6]སེམས་ཀྱིས་གཏོར་ཞིང་མཆོད། །བདག་ཉིད་སྔོན་པོའི་དཀྱིལ་འཁོར་ནི། །ཆོ་ག་གང་འདོད་ལ་སོགས་བྱ། །ཡི་གེའི་གཟུགས་སུ་མཐོང་བྱས་ལ། །བསྒྲུབ་བྱའི་མི་མཐུན་རྒྱས་བྱས་ཏེ། །མེ་ཏོག་སེར་པོ་དུས་སུ་མཆོད། །ལྷ་ཡི་རྣལ་འབྱོར་ཤེས་པ་ཡིས། །ཐམས་ཅད་རྫོགས་ནས་
[17b.7]དཀྱིལ་འཁོར་ལ། །པདྨ་ཟླ་བའི་གདན་སྟེང་དུ། །བསྒྲུབ་བྱ་སེར་པོ་མདུན་བསམས་ལ། །གསེར་སོགས་བུམ་པས་དབང་བསྐུར་བྱ། །རྒྱས་པའི་མི་མཐུན་སྐྱོན་རྣམས་ནི། །བཀྲུ་ཞིང་དེ་ཉིད་རྒྱས་པར་བསམ། །སྔོན་དུ་གསུངས་པའི་ས་བོན་ལས། །མེ་ཏོག་སེར་པོས་དུས་
[18a]
[18a.1]གསུམ་དུ། །སྔགས་བཟླས་སྐྱོན་རྣམས་སྦྱང་བར་བསམ། །ཨོཾ་ན་མོ་ནཱི་ལཱམྦ་ར་དྷ་ར་བཛྲ་པཱ་ཎི་ཧཱུཾ་ཆེ་གེ་མོ་རྒྱས་པར་གྱིས་ཤིག་སྭཱ་ཧཱ། རྒྱས་པའི་དུས་ནི་ཡང་དག་བསྟན། །ཉ་དང་དེ་བཞིན་རྒྱས་པའི་ཉ། །དེ་ཡི་དུས་སུ་ཡང་དག་སྦྱར། །རྒྱས་
[18a.2]པའི་ལས་ནི་འདི་དག་ལ། །རྣལ་འབྱོར་ཅན་གྱིས་བརྩོན་པར་བྱའོ། །རྒྱས་པའི་འཁྲུལ་འཁོར་གྱི་སྦྱོར་ཀ་སྟེ་ཉི་ཤུ་གསུམ་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །དེ་ནས་དབང་གི་འཁྲུལ་འཁོར་འདི། །གྲཱ་བ་དམར་པོའི་རྫས་རྣམས་ལ། །འཁོར་
[18a.3]ལོ་གཉིས་ནི་སྔོན་བཞིན་བྲི། །སྔགས་སོགས་དགོད་པ་སྔོན་བཞིན་བྱ། །བསྙེན་པ་ཡང་ནི་སྔོན་བཞིན་བྱ། །རྒྱ་སྐྱེགས་ཙནྡན་ཁུ་བའམ། །སྲིན་ལག་ཁྲག་གིས་བྲི་བར་བྱ། །ཁམ་ཕོར་ནག་པོ་ལ་སོགས་མིན། །ཁ་སྦྱར་འཁོར་ལོ་གཞུག་པར་བྱ། །སྦྲང་རྩི་མར་གྱིས་
[18a.4]བཀང་ནས་སུ། །སྐུད་པ་དམར་གྱིས་བཅིང་བར་བྱ། །ལྷ་ཡི་རྣལ་འབྱོར་ལྡན་པ་ཡིས། །འོད་འཕྲོས་སྤྱན་དྲངས་སྔོན་བཞིན་མཆོད། །དེ་ནས་འཁོར་ལོ་དག་ལ་བསྟིམ། །དབང་དུ་བྱེད་པའི་ལྷ་རྣམས་ནི། །སྔགས་ཀྱི་གནས་སུ་ནུས་མཐུ་ཅན། །འོད་ཟེར་དམར་
[18a.5]པོའི་སྦྱོར་བ་ཡིས། །བསྒྲུབ་བྱ་དབང་དུ་བྱ་བར་བསམ། །མེ་ཏོག་དམར་པོས་དུས་གསུམ་མཆོད། །ཆོ་ག་ལས་བསྐྱེད་རྡོ་རྗེ་འཛིན། །དམར་པོ་ཁ་དོག་དབང་དུ་བྱེད། །ནུབ་ཕྱོགས་ངོས་སུ་ཁ་བལྟས་ལ། །ཟླ་བ་དམར་པོ་དག་ལ་ནི། །བསྒྲུབ་བྱ་བསམ་པར་
[18a.6]བྱས་ནས་ནི། །སྙིང་གའི་ཡི་གེའི་འོད་ཟེར་གྱིས། །བསྒྲུབ་བྱ་གནས་ནས་བཀུག་བསམས་ལ། །ཁྲི་ཡི་སྔགས་ནི་བཟླས་པར་བྱ། །བསྒྲུབ་བྱའི་ལུས་ལ་ཕོག་གྱུར་པས། །དེ་ཡི་སེམས་ནི་ཡེངས་གྱུར་ནས། །ཞབས་ཀྱི་དྲུང་དུ་འགྱེལ་བར་བསམ། །སྐྲ་གྲོལ་བ་
[18a.7]ལ་གོས་མེད་པ། །ཤིན་ཏུ་གཡེང་བའི་བསྒྲུབ་བྱ་བསམ། །དབང་དུ་མི་འགྱུར་གང་ཡང་མེད། །ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མ་ཧཱ་ཙཎྜ་རོ་ཥ་ཎ་ཧཱུཾ་ཧཱུཾ་ཕཊ། ཆེ་གེ་མོ་དབང་དུ་བགྱིས་པས་མ་ཡ་ཧོ། །གང་དག་དབང་དུ་མི་འགྱུར་བ། །ཁ་ཏི་མ་ཡི་མེ་ནི་དུ་བ་
[18b]
[18b.1]མེད། །སྔགས་བཟླས་འཁྲུལ་འཁོར་ལ་ནི་བསྲོ། །ལས་སུ་བྱ་བ་དུས་བསྟན་པ། །ནག་པོའི་བརྒྱད་ནས་བརྩམས་ནས་ནི། །དེ་བཞིན་ནག་པོའི་བརྒྱད་ཀྱི་བར། །བརྟུལ་ཞུགས་ཅན་གྱིས་དབང་ལ་སྦྱོར། །དེ་བཞིན་དབང་གི་འཁྲུལ་འཁོར་ལ། །རྣལ་འབྱོར་ཅན་གྱིས་
[18b.2]བརྩོན་པར་བྱའོ། །དབང་གི་འཁྲུལ་འཁོར་གྱི་སྦྱོར་ཀ་སྟེ་ཉི་ཤུ་བཞི་པའོ།། །།བཅོམ་ལྡན་འདས་རྡོ་རྗེ་བསྣམས་ལ་ཕྱག་འཚལ་ལོ། །དྲག་པོ་ཡི་ནི་འཁྲུལ་འཁོར་དག །དུར་ཁྲོད་དག་གི་རས་མ་ལ། །སྐེ་ཚེ་ནི་མ་པའི་བྱེ་བྲག་གིས། །ཚ་བ་གསུམ་གྱི་
[18b.3]མར་དང་དུར་ཁྲོད་སོལ། །ད་དུ་ར་དང་གཏུམ་པོའི་ས་བོན་དང་། །ཁྲོ་མཛུབ་ཁྲག་དང་ཙི་ཏ་ཁུ་བ་དང་། །བྱི་བྲུན་གྱི་ནི་འཇིམ་པ་བླང་། །གཏུམ་བྱེད་ཀྱི་ནི་ཕྲུ་བའི་ཆུས། །ལྟོགས་ཆེན་སྒྲོ་ཡི་སྨྱུ་གུ་ཡིས། །བདག་ཉིད་ལྷ་ཡི་རྣལ་འབྱོར་ལྡན། །གཏུམ་པོ་
[18b.4]ཁྲོས་པའི་ས་བོན་གྱིས། །བརྟུལ་ཞུགས་ཅན་གྱིས་འཁོར་ལོ་བྲི། །བཅུ་ཡི་ཉི་མ་ཕྱེད་ན་བྲི། །སྔགས་ལ་སོགས་པ་དགོད་པ་ནི། །སྔོན་དུ་གསུངས་པའི་རྣམ་པ་ནི། །དེ་ནས་སྟོང་པའི་ལེའུ་ཚེ་རྣམས། །མིང་དང་བསྐུལ་ཚིག་ཧཱུཾ་ཕཊ་ལྡན། །རྣལ་འབྱོར་
[18b.5]ཁྲོས་པའི་གཟུགས་ཅན་གྱིས། །འོད་ཟེར་འཕྲོས་པས་ལྷ་རྣམས་དགུག །ཆོ་ག་ལ་སོགས་བྱས་པ་ལ། །དེ་ནས་བཀུག་སྟེ་འཁོར་ལོར་གཞུག །གསོད་དང་ལྡན་པའི་ཁྲོ་བོ་ནི། །ནུས་དང་ལྡན་པའི་ཡི་གེ་རྣམས། །གདུག་པའི་ཚོགས་ཀྱིས་གསད་
[18b.6]པར་བྱ། །དེ་ལྟར་བྱིན་གྱིས་བརླབ་པར་བྱ། །བྱི་བྲུན་འཇིམ་པ་གཏུམ་བྱེད་ཆུས། །ཁམ་ཕོར་སྦྱར་ཞིང་དགང་བར་བྱ། །མེ་ཏོག་ནག་པོས་དུས་གསུམ་མཆོད། །བདག་ཉིད་ཁྲོས་པའི་རྣལ་འབྱོར་གྱིས། །ལྷོ་ཕྱོགས་ཁ་བལྟས་བསྒྲུབ་བྱ་མདུན། །འབྲུབ་
[18b.7]ཁུང་ལ་སོགས་མན་ངག་རྫོགས། །གཟུགས་བརྙན་མདུན་དུ་བཞག་ནས་ནི། །གསོད་པའི་མན་ངག་ལ་སོགས་བྱ། །གནས་དེར་བདག་ཉིད་སྦྱོར་ལྡན་པས། །རྒྱལ་རིགས་ཐོད་པའམ་གཞན་ཡང་རུང་། །ནང་གི་འབྲུ་དང་སྨན་དག་དང་། །གླིང་རྟ་མི་ཁྲག་ཐོད་པ་བཀང་། །
[19a]
[19a.1]བཀང་སྟེ་ཐོད་པ་གསུམ་སྒྱེད་བཞག །དུར་ཁྲོད་དག་གི་རོ་ཤིང་བསྐུལ། །ཁྲོས་པའི་མེ་ཡིས་བསྐུལ་བར་བྱ། །དུར་ཁྲོད་རས་མར་བསྒྲུབ་བྱའི་མིང་གཟུགས་བྲི། །སྟེང་གི་ཐོད་པ་བཅུག་སྟེ་བཞག །ཐོད་པ་ཁ་སྦུབ་ཐལ་བ་ཕྱོགས་སུ་གཏོར། །འདིས་ནི་ངེས་པར་གསོད་
[19a.2]པར་འགྱུར། །ཡང་ན་གཞན་སོགས་སྦྱོར་བ་ནི། །མཁས་པ་ཡིས་ནི་ཤེས་པར་བྱ། །ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་མཧཱ་ཡཀྵ་སེ་ནཱ་པ་ཏ་ཡེ་ཧཱུཾ་ཧཱུཾ་ཕཊ་ཕཊ། དེ་བ་དཏྟ་མཱ་ར་ཡ་ཧཱུཾ་ཕཊ། དྲག་པོའི་འཁྲུལ་འཁོར་གྱི་སྦྱོར་ཀ་སྟེ་ཉི་ཤུ་ལྔ་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་
[19a.3]ཕྱག་འཚལ་ལོ། །དེ་ནས་བསྐྲད་པའི་འཁྲུལ་འཁོར་བརྩམ། །དུར་ཁྲོད་རས་མ་ཁྲུ་གང་ལ། །སྔོན་དུ་གསུངས་པའི་རྫས་རྣམས་ཀྱིས། །འཁོར་ལོའི་སྔགས་སོགས་སྔོན་བཞིན་བྲི། །སྟོང་པའི་ལེའུ་ཚེ་བླངས་ནས་ནི། །གང་མིང་བསྐུལ་བའི་སྔགས་དང་ལྡན། །བདག་ཉིད་ལྷ་ཡི་སྦྱོར་
[19a.4]སོགས་ལྡན། །འོད་ཟེར་འཕྲོས་ནས་སྤྱན་དྲངས་མཆོད། །གསོལ་བསྟོད་བྱས་ནས་བསྙེན་པ་བྱ། །ཁྲི་ནི་ཐོས་ནས་ནག་པོའི་ཕྱོགས། །ནག་པོའི་ཕྱོགས་ཀྱི་ཚེས་བཞི་ལ། །གསོལ་བ་བཏབ་སྟེ་བསྟོད་པ་བྱ། །ཐེམ་པའམ་རྒྱ་གྲམ་ལམ་དུ་སྦ། །བསྒྲུབ་བྱ་ཇི་སྲིད་མནན་པ་རུ། །འཐབ་
[19a.5]ཅིང་འཐབ་པས་དབྱེ་བར་བསམ། །གཏོར་མ་བྱིན་ནས་སྐྲོད་ཅིག་ཅེས། །གསོལ་བ་མང་དུ་གདབ་པར་བྱ། །ཁྲོས་པས་ནུབ་བྱང་ཁ་བལྟས་ཏེ། །སྔགས་བཟླས་མྱུར་བར་འབྲོས་པར་འགྱུར། །ཁྱིམ་དུ་རྟག་ཏུ་འཐབ་འབྲོས་པས། །ཨོཾ་ནཱི་ལཱ་མྦ་ར་དྷ་ར་བཛྲ་པཱ་ཎི་མ་ཧཱ་ཡ་ཀྵ་སེ་ནཱ་པ་ཏ་ཡེ་ཧཱུཾ་
[19a.6]ཧཱུཾ་ཕཊ་ཕཊ། དེ་བ་དཏྟ་ཆེ་གེ་མོ་སྐྲོད་ཅིག་དཏྟཱ་ཡ་ཧཱུཾ་ཕཊ། སྦྱོར་བའི་མན་ངག་འདི་ཡིས་ནི། །ངེས་པར་གནས་ནས་སྐྲོད་པར་འགྱུར། །སྐྲོད་པའི་སྦྱོར་ཀ་སྟེ་ཉི་ཤུ་དྲུག་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །གཞན་ཡང་འཁྲུལ་འཁོར་སྦྱོར་ཀ་ནི། །གོང་དུ་
[19a.7]བསྟན་པའི་རྫས་རྣམས་ཀྱིས། །འཁོར་ལོ་བྲིས་ནས་ཆོ་ག་བྱ། །བཟླས་པ་ཁྲི་ནི་ཐེམ་ནས་ནི། །བྲྀ་ཏི་ཀ་ཡེ་ཤིང་ལ་གདགས། །མི་ཡི་རྗེ་ངར་བསྒྲུབ་བྱ་ཡི། །དྲི་ཆེན་དག་གིས་ཐོད་པ་དགང་། །མིང་དང་བསྐུལ་བའི་སྔགས་ལྡན་པ། །འབུམ་ཚོ་བཞི་ནི་ཐོན་པ་དང་། །ཤིང་གི་གོང་མ་
[19b]
[19b.1]དག་ལ་གདགས། །འཁོར་ཞིང་འཁྲུག་ཅིང་མྱོས་པར་འགྱུར། །ཡང་ན་སྐད་ཅིག་ཙམ་གྱིས་འགུགས། །ཨོཾ་ནཱི་ལཱམྦར་དྷ་ར་མ་ཧཱ་ཡ་ཀྵ་སེ་ནཱ་པ་ཏ་ཡེ་བཛྲ་པཱ་ཎི་ཡེ་ཧཱུཾ་ཧཱུཾ་ཕཊ་ཕཊ། དེ་བ་དཏྟ་མཱ་ར་ཡ་ཧཱུཾ་ཆེ་གེ་མོ་ཛཿ། ཞེས་བྱ་བ་ཡི་སྔགས་ཀྱིས་ན། །ཇི་ལྟར་འདོད་པ་འདི་རྣམས་འགྲུབ། །
[19b.2]འགུགས་པ་ལ་སོགས་པའི་འཁྲུལ་འཁོར་གྱི་སྦྱོར་ཀ་སྟེ་ཉི་ཤུ་བདུན་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །ལུང་བསྟན་སྦྱོར་བའི་མན་ངག་ནི། །རྒྱུད་རྣམས་ཀུན་དང་མི་འགལ་བའི། །མཁའ་འགྲོ་མ་ཡིས་རྒྱས་བཏབ་ལ། །རྣལ་འབྱོར་བླ་དམན་དོན་དུ་ནི། །
[19b.3]ཡང་ནས་ཡང་དུ་གསོལ་བཏབ་པས། །ཡིད་ཆེས་བྲོད་པ་བསྐྱེད་པའི་ཕྱིར། །མན་ངག་རིམ་པ་བསྟན་པ་ལ། །བླ་མ་ལས་ནི་གསན་བར་གྱིས། །གསང་སྔགས་སྒོ་ནི་དཔག་མེད་ནས། །ཐབས་ཀྱི་རིམ་པ་མང་གསུངས་པ། །སེམས་ཅན་ལས་ནི་སྣ་ཚོགས་པས། །སོ་སོའི་མོས་པ་
[19b.4]མི་མཐུན་ཕྱིར། །དཔེར་ན་སྨན་རྣམས་ནུས་པ་ཡིས། །ནད་རྣམས་སོ་སོར་སེལ་བ་བཞིན། །མན་ངག་ཐབས་རྣམས་སོ་སོས་ཀྱང་། །དུག་གི་ནད་རྣམས་འཇོམས་པར་བྱེད། །དཔེར་ན་སྨན་ནུས་གཅིག་གིས་ཀྱང་། །ཕྲད་པ་ཙམ་གྱིས་ནད་འཇོམས་པའོ། །ཡང་ན་གཉིས་
[19b.5]འཇོམས་གསུམ་འཇོམས་དང་། །བཞི་འཇོམས་ལྔ་འཇོམས་ལ་སོགས་དང་། །མང་པོ་འདུས་ནས་འཇོམས་པ་དང་། །དེ་དག་ཀུན་གྱིས་མ་ཆོམས་པ། །སྦྱོར་བ་གཞན་སོགས་འཇོམས་པ་དང་། །གཞན་པོ་ཁོ་ནས་འཇོམས་པ་དང་། །སྨན་དང་སྦྱོར་བ་དེ་དག་ཀྱང་། །མཁས་
[19b.6]པ་ཡིས་ནི་འཇོམས་པར་འགྱུར། །མི་མཁས་པ་ཡིས་གནོད་པར་འགྱུར། །སྨན་པ་མཁས་པར་གྱུར་ཀྱང་ནི། །བརྩོན་འགྲུས་ནན་ཏན་མ་བྱས་ན། །དུག་རྣམས་འཇོམས་པར་མི་འགྱུར་རོ། །དེ་བཞིན་མཐུན་པའི་དཔེ་རྣམས་ནི། །མཁའ་འགྲོ་མ་ཡིས་ལུང་བསྟན་ནས། །
[19b.7]ཞིབ་པས་འདི་རུ་མ་ཕྱེའོ། །བསྒོམ་པའི་སྟོབས་ཀྱིས་ཉོན་མོངས་འཇོམས། །བསྒོམས་པ་ལས་བྱུང་དངོས་གྲུབ་ཀྱིས།། མཆོག་གི་དངོས་གྲུབ་ཐོབ་པར་འགྱུར། །ཏིང་འཛིན་ཐོབ་པར་མ་གྱུར་པས། །ཚོགས་འཁོར་ཚོགས་མཆོད་དངོས་གྲུབ་བོ། །དེས་མ་བྱུང་ན་སྦྱིན་སྲེག་
[20a]
[20a.1]གིས། །དངོས་གྲུབ་བསྒྲུབ་པར་གསུངས་པ་ཡིན། །དེས་མ་བྱུང་ན་བཟླས་བརྗོད་དོ། །དེས་མ་བྱུང་ན་གཏོར་མའོ། །དེ་རྣམས་ཀུན་ལ་མ་བྱུང་ན། །ལས་ཀྱི་ཕྲན་ཚེགས་གཞན་ཡང་བསྟན། །ཡང་ན་དེ་དག་ཐམས་ཅད་ཀྱང་། །གཅིག་འདུས་གཉིས་འདུས་གསུམ་འདུས་
[20a.2]དང་། །བཞི་འདུས་ལྔ་འདུས་ལ་སོགས་པས། །འབྱུང་བར་འགྱུར་བར་གསུངས་པ་ཡིན། །ཡང་ན་མཆོག་འདོད་པ་ལ་ནི། །ཐམས་ཅད་རྫོགས་པར་དགོས་པར་གསུངས། །ཐུན་མོང་དངོས་གྲུབ་བསྒྲུབ་པ་ལ། །ཆེ་ཆུང་གི་ནི་རིམ་པས་གསུངས། །སྦྱོར་བ་རེ་རེས་ཀྱང་ནི་འགྲུབ། །གསང་
[20a.3]སྔགས་ལ་ལའི་བཞེད་ཀྱིས་ནི། །དཔེར་ན་སྦྲུལ་ནི་སྨྱུ་གུར་ཞུགས། །རྩ་བར་འགྲོ་དང་རྩེ་མོར་འགྲོ། །དེ་བཞིན་རྣལ་འབྱོར་སྔགས་པ་ཡང་། །རིག་འཛིན་ས་དང་རྡོ་རྗེ་དམྱལ། །ལ་ལ་དག་གི་གཞུང་གིས་ནི། །བར་མ་དོ་ནས་འགྲོ་བའོ། །ལ་ལ་སྐྱེ་བ་ཕྱི་མ་ལ། །ལ་ལ་དག་གི་
[20a.4]བཞེད་ཀྱིས་ནི། །གཉིས་པ་གསུམ་པ་དག་ལའོ། །བཞི་པ་ལྔ་པར་འདོད་པའང་ཡོད། །ལ་ལ་སྐྱེ་བ་བདུན་པ་ལ། །ཕྱག་རྒྱའི་དངོས་གྲུབ་ཐོབ་པར་བཤད། །དེ་ལྟར་གཞུང་ལུགས་མི་འདྲ་བ། །མང་དུ་གསུངས་པ་དེ་དག་ཀྱང་། །འགལ་བ་མེད་དེ་ཀུན་ཀ་བདེན། །གསང་སྔགས་
[20a.5]ཀྱི་ནི་གཞུང་གིས་ཀྱང་། །སྐྱེ་བ་བདུན་ལས་མི་འདའ་བས། །མ་བསྒོམས་ཀྱང་ནི་སངས་རྒྱས་ས། །ཞེས་སུ་རྒྱུད་ལས་གསུངས་པ་ཡིན། །སྐྱེ་བ་བདུན་ཞེས་བྱ་བ་ཡང་། །སྔགས་པའི་བྱང་ཆུབ་སེམས་དཔའ་ཡིན། །སྔགས་དང་སྨན་ལ་སོགས་པ་ཡི། །སྟོབས་ཀྱིས་ལུས་སེམས་ལས་
[20a.6]རུང་བའི། །ཤ་དང་ཐོད་པ་ལ་སོགས་པ། །བསྟེན་ཅིང་ཟོས་པས་དངོས་གྲུབ་ཐོབ། །དེ་བས་སྔགས་མཐུའི་ཡོན་ཏན་ནོ། །ས་དང་ཕ་རོལ་ཕྱིན་པ་ལ། །སྐྱེ་བ་བདུན་པ་འོང་སྲིད་ཀྱང་། །དེ་ལྟ་འོང་བ་ཤིན་ཏུ་དཀོན། །སྐྱེ་བ་བདུན་པ་ཞེས་བྱའི་གནས། ཕལ་ཆེར་དུར་ཁྲོད་ཆེན་པོ་ཡི། །
[20a.7]མཁའ་འགྲོ་མ་ཡི་གནས་སུ་སྐྱེ། །རིག་འཛིན་ས་ཞེས་བྱ་བ་ཡང་། །གཅིག་ནི་དེ་ལ་བྱ་བ་ཡིན། །རིག་འཛིན་ས་ལ་གསུམ་ཡོད་དེ། །དུར་ཁྲོད་རིག་འཛིན་ས་དང་ནི། །བར་སྣང་ལྷ་གནས་ས་རྟེན་དང་། །མཁའ་སྤྱོད་འོག་མིན་སྟུག་པོའི་ས། །གནས་ནི་དེ་གསུམ་ཡིན་པར་གསུངས། །
[20b]
[20b.1]སྐྱེ་བ་བདུན་པའི་གང་ཟག་ནི། །མི་ཡུལ་གནས་ནི་ཁྱད་པར་ཅན། །སྔགས་སྤྱོད་པ་ཡི་གནས་དག་ཏུ། །འགའ་ཙམ་འབྱུང་བ་དག་ཀྱང་ཡོད། །སྐྱེ་བ་གཅིག་པ་ལ་སོགས་གཞན། །དེ་རྣམས་གནས་ཀྱང་དེ་བཞིན་ནོ། །སྐྱེ་བ་བདུན་པའི་གང་ཟག་ནི། །དད་དང་སྙིང་རྗེ་ལ་སོགས་
[20b.2]ལྡན། །ཕ་རོལ་ཕྱིན་བཅུའི་ཆོས་ལ་སྤྱད། །མཐུན་འཇུག་སྤྱོད་པ་ཀུན་ལ་མཁས། །བཟོ་དང་རིག་པའི་གནས་ལ་མཁས། །ལྟ་བ་མ་ནོར་གདེང་དུ་གྱུར། །སྤྱོད་པ་ལ་དོར་ཐབས་ལ་མཁས། །མན་ངག་ཐོབ་པ་ཙམ་གྱིས་ནི། །ཐེ་ཚོམ་མེད་པར་འཇུག་པར་བྱེད། །མན་ངག་བསྒོམས་
[20b.3]མ་ཐག་ཏུ་ནི། །ཏིང་འཛིན་སྐྱེས་འགྱུར་རང་བཞིན་གྱིས། །ཁམས་དང་དུས་དང་བྱེ་བྲག་ཤེས། །རྒྱུད་ལུང་མཚན་གྱི་མན་ངག་ལ། །ཐོས་པ་ཙམ་གྱིས་དབུ་ཞབས་ཀྱི། །མན་ངག་རྣམས་ནི་ཁོང་དུ་ཆུད། །བཤད་པའི་རྒྱུད་དང་འགྲེལ་པ་དང་། །མངོན་པར་རྟོགས་པའི་རིམ་པ་
[20b.4]རྣམས། །མ་ཐོབ་པ་རུ་ཤེས་པར་འགྱུར། །དཔེར་ན་ཤིང་མཛེར་བསལ་བ་ཙམ། །རྒྱུད་ལུང་མན་ངག་མདོ་མདོ་ཡི། །མཁས་པ་ལ་ནི་བརྟེན་ནས་སུ། །ཐམས་ཅད་དོན་རྣམས་ཁོང་ཆུད་པས། །སྐབས་ཕྱེད་ཤིན་ཏུ་སྤྱི་དོན་རྒྱས། །དཀའ་འགྲེལ་མངོན་རྟོགས་རིམ་པ་ནི། །རྩོམ་ནུས་དོན་
[20b.5]ལ་ཤིན་ཏུ་མཁས། །མིག་ནི་ཡུན་རིངས་མི་འཛུམས་ཤིང་། །ཡི་དམ་ལྷ་བསྒོམ་དུས་སུ་ནི། །སྐྱེ་བ་བདུན་པའི་གྲིབ་མ་སྣང་། །སྐྱེ་བ་གཉིས་ལ་གྲིབ་མ་གཉིས། །གསུམ་ལ་གསུམ། བཞི་ལ་བཞི། །ལྔ་ལ་ལྔ། །དྲུག་ལ་སོགས་པ་གཞན་པོ་ལ། །གྲིབ་མའི་རྟགས་ཀྱང་དེ་བཞིན་
[20b.6]ནོ། །བསྒོམ་པའི་སྟོབས་ཀྱིས་ཁྱད་པར་ནི། །ཞག་བདུན་ཟླ་གཅིག་ཟླ་བདུན་དུ། །མཁའ་འགྲོ་མས་ནི་ལུང་སྟོན་ཅིང་། །ཆོས་བཤད་རྟགས་རྣམས་སྟོན་པར་མཛད། །ཆོས་སྟོན་པ་ཡི་མཛད་སྤྱོད་ཀྱང་། །དངོས་སུ་སྤྲུལ་ནས་སྟོན་པ་དང་། །ཡང་སྤྲུལ་སུམ་སྤྲུལ་ལ་སོགས་སུ། །
[20b.7]སྤྲུལ་ནས་སྟོན་དང་ཡང་ན་ནི། །སྐུ་ནི་མི་སྣང་སྒྲ་ཡིས་སུ། །ནམ་མཁའ་ལས་སུ་སྟོན་པ་དང་། །ཡང་ན་ཕྱག་མཚན་ལ་སོགས་ལ། །སྒྲ་བྱུང་ནས་ནི་སྟོན་པ་དང་། །ཡང་ན་རྨི་ལམ་མཚན་མས་སུ། །དུས་བཞི་དུས་གསུམ་དུས་གཅིག་ཏུ། །ཡང་ནས་ཡང་དུ་སྟོན་པའོ། །མ་ཐོས་
[21a]
[21a.1]པ་ཡི་མན་ངག་རྣམས། །སྟོན་པར་བྱེད་ན་སྐྱེ་བདུན་སོགས། །སྔགས་ཀྱི་དངོས་གྲུབ་ཐོབ་པ་ཡི། །རྣལ་འབྱོར་རིག་འཛིན་བྱང་ཆུབ་སེམས། །ཡང་ན་དང་པོ་སྐྱེས་ནས་ནི། །ཐེག་ཆེན་ཆོས་ལ་མོས་ནས་ཀྱང་། །མན་ངག་བསྒོམ་ལ་ཤིན་ཏུ་དགའ། །སློབ་དཔོན་ལ་ནི་
[21a.2]མན་ངག་གི། །རྣ་བརྒྱུད་གཅིག་ཙམ་ཐོས་ནས་སུ། །བསྒོམས་པས་དངོས་གྲུབ་ཐོབ་པར་འགྱུར། །དེ་ནས་གོང་བཞིན་བྱུང་ནས་སུ། །གཞན་ལ་ཡང་ནི་སྟོན་པར་ནུས། །ཡང་ན་སྐྱེ་བདུན་གང་ཟག་དེ། །སྐྱེས་མ་ཐག་ཏུ་ཡི་དམ་ལྷས། །རྨི་ལམ་ལ་ནི་ཆོས་བསྟན་ནས། །མན་ངག་དེ་
[21a.3]བསྒོམས་དངོས་གྲུབ་ནི། །ཕྲ་མོ་དག་གིས་ཐོབ་ནས་ཀྱང་། །གཞན་ལ་ཆོས་ནི་སྟོན་པར་ནུས། །དེ་ནས་རིམ་གྱིས་གཞན་ཡང་འབྱུང་། །ཡང་ན་སྐྱེ་བདུན་གང་ཟག་དེ། །རྐྱེན་ནི་གཉིས་པོ་འཛོམ་པ་ལས། །བསྒོམ་པ་ལ་ནི་དགའ་བར་འགྱུར། །སྔོན་གྱི་བསྒོམས་པའི་སྟོབས་ཀྱིས་སུ། །
[21a.4]འབད་རྩོལ་དྲག་པོ་མ་བྱས་པར། །ཐུན་གཅིག་ལ་ནི་བསྒོམ་པ་རྙེད། །དེ་ནས་རིམ་གྱིས་བསྒོམས་པས་སུ། །ཞག་བདུན་ནས་ནི་ལུང་སྟོན་འབྱུང་། །དེ་ནས་རིམ་གསུམ་གོང་མ་བཞིན། །དེ་ནས་མངོན་ཤེས་དྲུག་ལྡན་ནས། །ཕྱག་རྒྱའི་དངོས་གྲུབ་ཐོབ་པར་འགྱུར། །སྔགས་པའི་
[21a.5]རྣལ་འབྱོར་ཐམས་ཅད་ཀུན། །སྐྱེ་བ་འདི་ལ་ཕྱག་རྒྱ་ཐོབ། །དེ་ལྟར་མ་གྱུར་རྣལ་འབྱོར་པ། །གོད་མ་བཞིན་དུ་སྐྱེ་བདུན་དུ། །ལེན་པའི་རྟགས་ནི་གོང་བཞིན་འབྱུང་། །སྐྱེ་བ་འདི་ཐོབ་ཚུལ་རྣམས་ཀྱང་། །ཐེག་ཆེན་སྣོད་དུ་རུང་བ་ལས། །དབང་བསྐུར་མན་ངག་ཐོབ་པ་ཡིས། །དམ་ཚིག་
[21a.6]མ་ཉམས་བཤགས་ལ་བརྩོན། །བསྐྱེད་རིམ་བརྟན་པར་འགྱུར་བ་ཡིས། །ལུས་ཀྱི་རྣམ་རྟོག་བཟློག་ནས་ཀྱང་། །རྡོ་རྗེ་བཟླས་ལ་བརྟན་པར་བྱ། །རྡོ་རྗེ་བཟླས་ལ་བརྟན་ནས་ཀྱང་། །དག་གི་རྣམ་རྟོག་བཟློག་ནས་ནི། །སེམས་དབེན་པ་ནི་བརྟན་པར་བྱ། །སེམས་ཀྱི་འཁྲུལ་རྟོག་
[21a.7]བཟློག་ནས་ཀྱང་། །སྒྱུ་མའི་ཏིང་འཛིན་ལ་གནས་ནས། །འོད་གསལ་ལ་ནི་འཇུག་པར་བྱ། །དེ་ནས་སྤྲོས་མེད་མན་ངག་ལས། །ལྷུན་གྱིས་གྲུབ་འགྱུར་ཕྱག་རྒྱའི་མཆོག །ཡང་ན་བསྐྱེད་རིམ་ལ་བརྟེན་ནས། །ཚེ་ལ་དབང་བའི་རིག་འཛིན་སྒྲུབ། །ཚེ་ལ་དབང་བའི་རིག་འཛིན་
[21b]
[21b.1]གྱིས། །རྫོགས་པའི་མན་ངག་བསྒོམ་པར་བྱ། །ངེས་སུ་ཕྱག་རྒྱའི་དངོས་གྲུབ་འཐོབ། །ཡང་ན་བསྐྱེད་རིམ་བརྟན་པ་ཡིས། །རྫོགས་རིམ་མན་ངག་གང་བསྒོམས་ཀྱང་། །ཟླ་བ་དྲུག་གིས་ཕྱག་རྒྱ་འཐོབ། །རྫོགས་རིམ་བསྐྱེད་པ་ལ་བརྟེན་ནས། །དེ་ནས་རྫོགས་པའི་རྫོགས་པ་ཡིས། །
[21b.2]ཕྱག་རྒྱའི་དངོས་གྲུབ་ཐོབ་པར་གསུངས། །དེ་ནི་སློབ་དཔོན་ཆེན་པོའི་གཞུང་། །སྤྱིར་ན་ལྟ་བ་གདེང་གྱུར་གཙོ། །ལན་ཅིག་བཟློག་པའི་ཚུལ་དུ་ནི། །བྱས་ན་ཐེ་ཚོམ་མི་སྐྱེ་ཞིང་། །ལྡོག་པར་མི་འགྱུར་འབྱུང་པོས་ཀྱང་། །ཚུགས་པར་མི་འགྱུར་འབྲས་བུ་འབྱུང་། །དེ་ལྟ་མ་གྱུར་རྣལ་
[21b.3]འབྱོར་པས། །མན་ངག་ཉམས་སུ་ལོན་པར་བྱ། །མན་ངག་བསྒོམས་པའི་སྟོབས་ཀྱིས་སུ། །མཁའ་འགྲོ་མ་ཡི་ལུང་སྟོན་པས། །ལུང་སྟོན་པ་ཡི་དུས་སུ་ནི། །ལྟ་བ་མན་ངག་ཟབ་མོ་ནི། །བསྟན་པ་བསྒོམས་པས་ཕྱག་རྒྱ་འཐོབ། །ཡང་ན་རྣལ་འབྱོར་རིམ་པ་ནི། །བློ་ཡི་རབ་
[21b.4]འབྲིང་ཁྱད་པར་ནི། །བག་ཆགས་རྐྱེན་ལ་སོགས་པ་ཡིས། །རབ་འབྲིང་དགུ་དང་གསུམ་དང་ནི། །དབྱེ་བར་བྱ་བའི་དོན་ཤེས་བྱ། །རྒྱུ་རྐྱེན་ཚོགས་པའི་རྣལ་འབྱོར་ནི། །སྐྱེ་བ་འདི་ལ་ལུང་སྟོན་པས། །ཕྱག་རྒྱའི་དངོས་གྲུབ་ཐོབ་པར་འགྱུར། །རྐྱེན་ནི་རབ་ཏུ་མ་གྱུར་པ། །རབ་ཀྱི་
[21b.5]འབྲིང་སོགས་ལྡན་པས་ནི། །བར་མ་དོ་ལ་ལུང་སྟོན་འགྱུར། །རབ་ཀྱི་ཐ་མ་ལྡན་པ་ནི། །སྐྱེ་བ་ཕྱི་མ་ལུང་སྟོན་ནོ། །འབྲིང་གི་གསུམ་པོ་རིགས་ལྡན་ཡང་། །གཉིས་དང་གསུམ་དང་བཞི་རུ་སྦྱར། །ཐ་མའི་རིགས་ལྡན་གསུམ་པོ་ཡང་། །ལྔ་དང་དྲུག་དང་བདུན་དུ་སྦྱར། །ཡང་ན་
[21b.6]རྐྱེན་སོགས་ལྡན་འགྱུར་ཡང་། །རྒྱུ་ལ་སོགས་པའི་ནུས་པ་རྣམས། །དྲག་ཞན་གྱི་ནི་ནུས་པ་ཡིས། །རྐྱེན་གྱི་ཚུལ་བཞིན་སྦྱོར་ཤེས་བྱའོ། །རྒྱུ་རྐྱེན་གཉི་ག་འབྲིང་སོགས་ཀྱི། །རིམ་པ་ནི་ལྡན་པ་རྣམས། །གོང་མ་གཉིས་དང་མི་མཐུན་པས། །གསུམ་དང་བདུན་དུ་སྦྱོར་ཤེས་
[21b.7]བྱའོ། །གཉིས་ཀ་གཞན་པར་གྱུར་པ་ནི། །གསང་སྔགས་སྣོད་དུ་མི་རུང་བས། །དབང་བསྐུར་མི་བྱ་འཇུག་པ་ཙམ། །དགེ་བའི་ས་བོན་ཆུང་འགྱུར་ཡང་། །སྨོན་ལམ་བཏབ་པའི་དད་ལྡན་ཏེ། །གསང་སྔགས་ལས་ནི་མོས་འགྱུར་ནས། །ཡང་དང་ཡང་དུ་གསོལ་འདེབས་ལ། །
[22a]
[22a.1]ཕྱི་ཡི་དབང་བསྐུར་ཙམ་བྱས་ལ། །མི་ཟབ་དབྱིངས་ཀྱི་མན་ངག་བསྟན། །དེ་ལ་བསྟན་པའི་གང་ཟག་ལ། །ལྷག་པ་རྣམས་ནི་རིམ་གྱིས་བསྟན། །ཡང་ན་རྣལ་འབྱོར་རིམ་པ་ནི། །ཡི་དམ་ལྷ་སོགས་སོ་སོ་རུ། །སོ་སོར་བག་ཆགས་བཞག་པ་དང་། །མོས་པ་ལ་
[22a.2]སོགས་རིམ་པ་ཡིས། །ཐེ་ཚོམ་ལ་སོགས་མེད་མོད་ཀྱི། །དངོས་གྲུབ་འགྲུབ་པར་མ་གྱུར་ན། །སྒྱུ་མ་ལྟ་བུའི་འདུ་ཤེས་ཀྱིས། །ཐ་མི་དད་པར་བསྒོམས་ནས་ཀྱང་། །མན་ངག་ཡང་ཡང་སྦོས་ཀྱང་ནི། །འགལ་པ་མེད་དེ་དངོས་གྲུབ་འགྲུབ། །དེ་ལྟར་བྱས་ཀྱང་མ་བྱུང་ན། །སྒྲིབ་པ་
[22a.3]ཤིན་ཏུ་ཆེ་གསུངས་པས། །སྦྱིན་སྲེག་ཚོགས་འཁོར་བཟླས་བརྗོད་དང་། །གཏོར་མ་ལ་སོགས་ཆོ་ག་ཡིས། །བདུན་ནས་སྟོང་གི་བར་དུ་ནི། །མཁས་པས་ཅི་ནུས་རྒྱུད་བརྟགས་ལ། །ཆོ་གས་སྡིག་པ་བྱང་བར་གསུངས། །དཔེར་ན། །ལུས་ཀུན་ལ་ནི་གནོད་པ་ཡི། །ཚེར་མའི་ཕུང་
[22a.4]པོས་ལམ་རྣམས་འགགས། །མེ་ཡི་སྦྱོར་བ་མཁས་པ་ཡིས། །བསྲེགས་པས་ཐམས་ཅད་མེད་པར་བྱེད། །དེ་ནས་ལམ་ནི་བསྐྱེད་ནས་ནི། །གང་དུ་ཕྱིན་པར་འགྲོ་བར་བྱེད། །དེ་བཞིན་སྔགས་སོགས་མཐུ་རྣམས་ཀྱིས། །སྒྲིབ་པ་ལ་སོགས་བཅོམ་ནས་ཀྱང་། །ཏིང་ངེ་འཛིན་
[22a.5]གྱི་ལམ་བསྐྱེད་ནས། །དངོས་གྲུབ་ཀྱང་ནི་ཐོབ་པར་འགྱུར། །དངོས་གྲུབ་ཁྱད་པར་མ་ཐོབ་ན། །ཕྲ་མོ་ལ་སོགས་ཐོབ་པར་འགྱུར། །མཚན་མའི་ལུང་སྟོན་ཕྲ་མོ་འབྱུང་། །གལ་ཏེ་དེ་ལྟར་མ་གྱུར་པར། །ཚེ་དབང་མ་ཐོབ་རྣལ་འབྱོར་པས། །སྒྲིབ་པ་རྣམས་ནི་བྱང་གྱུར་ནས། །སྐྱེ་
[22a.6]བ་ཕྱི་མ་ལ་སོགས་སུ། །དངོས་གྲུབ་ཀྱང་ནི་ཐོབ་པར་འགྱུར། །ཡང་ན་སྔགས་ཀྱི་མཐུ་ཡིས་ནི། །སྡིག་སྒྲིབ་རྩད་ནས་མ་ཆོད་ཀྱང་། །ཆེ་ལོང་རགས་པ་མགོ་བཅོམ་ནས། །གཞན་དག་མི་སྤྱོད་མགོ་གནོན་ཅིང་། །དམ་ཚིག་མ་ཉམས་བཤགས་ལ་བརྩོན། །སྨོན་ལམ་དགེ་བ་
[22a.7]བསྔོ་ལེགས་པས། །སྐྱེ་བ་འདི་བརྗེས་གཞན་དག་ཏུ། །དུས་དང་གནས་དང་སློབ་དཔོན་དང་། །རིགས་དང་ཕྱག་རྒྱའི་མན་ངག་སོགས། །སྐྱེས་མ་ཐག་ཏུ་རྙེད་པར་འགྱུར། །དེ་རུ་དམ་ཚིག་ལྡན་སོགས་པས། །རིམ་གྱིས་སྐྱེ་བདུན་བརྒྱུད་ནས་སུ། །འབད་རྩོལ་དྲག་པོ་མ་བྱས་
[22b]
[22b.1]བར། །སངས་རྒྱས་ས་ལ་འགྲོ་བར་གསུངས། །དེ་སོགས་ལུད་བསྟན་སྦྱོར་བ་རྣམས། །མཁའ་འགྲོ་མ་ཡི་ལུང་སྟོན་དུ། །རྣལ་འབྱོར་མཁས་པས་ཤེས་པར་བྱའོ། །འདིར་ནི་བློ་དམན་དོན་ཆེད་དུ། །ཅུང་ཟད་བསྡུས་ཏེ་བསྟན་པ་ཡིན། །མཁའ་འགྲོ་མ་ཡི་ལུང་བསྟན་
[22b.2]ཡང་། །འཇིག་རྟེན་པ་དང་འཇིག་རྟེན་འདས། །འཇིག་རྟེན་འདས་ལ་གཉིས་ཡོད་དེ། །ས་གནས་རིག་འཛིན་མཁའ་འགྲོ་དང་། །བདེ་གཤེགས་བྱིན་བརླབས་མཁའ་འགྲོའོ། །མཁའ་འགྲོ་དེ་དག་གཉིས་ཀ་ཡང་། །མཛེས་པའི་གཟུགས་དང་མི་མཛེས་པའི། །གཟུགས་དང་
[22b.3]སྣ་ཚོགས་སྤྲུལ་ནས་སྟོན། །དེ་ལ་འཇིགས་དང་མི་འཇིགས་དང་། །རོ་དང་དོགས་པའི་སེམས་སྤངས་ཏེ། །ཕྱག་རྒྱ་བརྡ་ལ་སོགས་པ་ཡི། །སྟོན་པའི་དུས་སུ་ལན་རྣམས་ནི། །སྟོན་པར་ཤེས་པར་མ་ནུས་ན། །དངོས་གྲུབ་མེད་དེ་ཉམས་པར་འགྱུར། །དེ་བས་ནན་ཏན་ཆེར་བསྐྱེད་
[22b.4]དེ། །མན་ངག་ཐོས་པ་ཆེ་བ་གཅེས། །ཐོས་པ་ཆེ་བར་མ་གྱུར་ཀྱང་། །གང་བསྒྲུབ་རྒྱུད་སྐོར་ལ་སོགས་ལ། །སློབ་དཔོན་ལ་ནི་ཡང་ནས་ཡང་། །ཐེ་ཚོམ་ཆོད་པར་མཉན་པར་བྱ། །རྒྱུད་རྣམས་ཐོས་པར་མི་ནུས་པས། །བསྒྲུབ་པའི་ཆ་རྐྱེན་བཅུ་བདུན་པོ། །ཤེས་པར་དེ་ནི་མ་བྱས་ན། །
[22b.5]དངོས་གྲུབ་འགྲུབ་པར་མི་འགྱུར་རོ། །སློབ་དཔོན་བླ་མ་ལ་བརྟེན་པས། །མ་ཚང་ཡང་ནི་འགྲུབ་པར་གསུངས། །འཇིག་རྟེན་པ་ལ་གཉིས་ཡོད་དེ། །རྒྱལ་བས་བཀའ་ལ་བཏགས་པ་ཡིས། །སངས་རྒྱས་བསྟན་པ་བསྲུང་བ་དང་། །བདུད་ནི་ནག་པོ་ལ་སོགས་པ། །དམ་ལ་མ་ཐོགས་
[22b.6]བར་ཆོད་མཁན། །དེ་ལྟར་གཉིས་སུ་མ་ཤེས་ན། །དངོས་གྲུབ་ཐོབ་ཀྱང་སླར་ལ་འཆོར། །དེ་གཉིས་གཟུགས་དང་རྟགས་སོགས་ཀྱང་། །གོང་མ་བཞིན་དུ་སྟོན་པས་ན། །དེ་ཡི་རིམ་པའང་གོང་བཞིན་བྱ། །དེ་ཡང་བརྟག་པའི་ཆོ་ག་ཡང་། །ཞག་གསུམ་ཞག་བདུན་རྩ་གཅིག་ཏུ། །
[22b.7]རེ་དོགས་ལ་སོགས་ཐམས་ཅད་ཀུན། །སྤངས་ནས་རྣལ་འབྱོར་ཏིང་འཛིན་ལ། །ནན་ཏན་དུ་ནི་བརྩོན་འགྲུས་བྱ། །ཚོགས་འཁོར་ལ་སོགས་ཡང་དང་ཡང་། །བྱེད་པའི་དུས་སུ་རྡོ་རྗེ་གླུ། །བྱེད་ཅིང་ཕྱག་རྒྱ་སོགས་སྟོན་པས། །ཏིང་འཛིན་ཕྱག་རྒྱ་གསལ་བ་དང་། །མཚན་མ་ལ་སོགས་
[23a]
[23a.1]གསལ་འབར་ཞིང་། །གཟུགས་དང་སྒྲ་དང་དྲི་ལ་སོགས། །ཐམས་ཅད་བརྟེན་ཞིང་མི་འགྱུར་བ། །ལྷ་ཡི་མཚན་མར་ཤེས་པར་བྱའོ། །དེ་ལས་བཟློག་པ་ཐམས་ཅད་ཀུན། །བདུད་ཀྱི་རྟགས་སུ་ཤེས་པར་བྱའོ། །དེ་ལ་སོགས་པ་མཐའ་ཡས་མཆོག །
[23a.2]མཁའ་འགྲོའི་ལུང་དུ་བསྟན་པས་ན། །འདིར་ནི་བསྒྲུབ་པའི་དོན་དུ་བསྡུས། །བསྒྲུབ་པའི་ཆ་རྐྱེན་མན་ངག་རྣམས། །སྒྲུབ་པ་ཉམས་སུ་ལེན་པ་ལ། །བསྟན་ཅིང་སྤེལ་ན་བསོད་ནམས་འཕེལ། །ཉམས་སུ་མི་ལེན་སེར་སྣ་ཅན། །རྫས་དང་ལུས་སྲོག་ལ་སོགས་པ། །བླ་མ་ལ་ནི་
[23a.3]འབུལ་མི་ནུས། །དེ་ལ་མན་ངག་བསྟན་མི་བྱ། །དེ་ལ་མན་ངག་བསྟན་པ་ན། །དངོས་གྲུབ་ཉམས་ཏེ་སྡིག་པ་འཕེལ། །དམ་ཚིག་ཉམས་ཏེ་མཁའ་འགྲོས་གསོད། །ཆ་རྐྱེན་ལ་སོགས་བཅུ་བདུན་པོ། །སྟོན་པ་ཕྱག་ན་རྡོ་རྗེ་ཡིས། །སེམས་དཔའ་ཕྱག་ན་རྡོ་རྗེ་ལ། །རྣ་བ་བརྒྱུད་
[23a.4]པའི་མན་ངག་དེ། །རྡོ་རྗེ་མཁའ་འགྲོ་མ་ལ་བསྟན། །དེས་ནི་རོ་ལངས་མ་ལ་བསྟན། །གནོད་སྦྱིན་ཕྱག་ན་རྡོ་རྗེ་དང་། །སློབ་དཔོན་ཕྱག་ན་རྡོ་རྗེ་ལ། །བརྒྱུད་པའི་མན་ངག་རིམ་པ་རྣམས། །ནན་ཏན་གྱིས་ནི་བཙའ་བར་བྱ། །དེ་ལ་བཙའ་བ་མ་ཤེས་ན། །དཔེར་ན་ཡིད་བཞིན་ནོར་བུ་
[23a.5]ནི། །ཀླུ་རྒྱལ་གཙུག་ནས་རྙེད་ནས་ནི། །འདམ་རྫབ་ནང་དུ་སྟོར་བ་བཞིན། །དེ་བཞིན་མན་ངག་རིན་ཆེན་འདི། །ལུས་ངག་ཡིད་གསུམ་དཀའ་བ་ཡི། །སྒོ་ནས་སློབ་དཔོན་ལ་བཙལ་ནས། །དམ་མེད་རྨོངས་པའི་ལག་ཤོར་ན། །དངོས་གྲུབ་མི་ཐོབ་ཉམས་པར་འགྱུར། །དེ་བས་
[23a.6]ནན་ཏན་བསྐྱེད་དེ་བཙའ། །ལུང་བསྟན་པའི་སྦྱོར་ཀ་སྟེ་ཉི་ཤུ་བརྒྱད་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །དེ་ནས་སེམས་ཅན་རྩོད་ལྡན་གྱི། །དུས་སུ་རྣལ་འབྱོར་སྒྲུབ་པ་པོས། །དམ་ཚིག་ཉམས་པ་མང་འབྱུང་བས། །ཡོ་བྱད་རྫས་ཆུད་སྒྲུབ་པ་པོས། །
[23a.7]ཉམས་པ་འཕེལ་དུ་མི་གཞུག་ཕྱིར། །མཎྜལ་ཆོ་གས་བསྐང་བ་ནི། །དང་པོ་རྣལ་འབྱོར་འགྱོད་སེམས་ཀྱིས། །ཤིན་ཏུ་གུས་པས་མཎྜལ་བཅའ། །མཎྜལ་བཅའ་བའི་ཐབས་བསྟན་པ། །ས་གཞི་ཤིན་ཏུ་མཉེན་པ་ལ། །སྐྱོན་སྤངས་ཡོན་ཏན་ལྡན་པ་ཡི། །མཎྜལ་ལྔ་ནི་བཅའ་བྱ་སྟེ། །
[23b]
[23b.1]དང་པོ་མཎྜལ་དཀར་པོ་བཅའ། །གཉིས་པ་སྔོན་པོ་དག་ཏུ་བྱ། །གསུམ་པ་མཐིང་ག་དག་ཏུ་བྱ། །བཞི་པ་སེར་པོ་དག་ཏུ་བྱ། །ལྔ་པ་དམར་པོ་དག་ཏུ་བྱ། །དཀར་རྩི་དང་ནི་བ་བླ་དང་། །ཡང་ན་རྩྭ་སྔོན་མེ་ཏོག་གིས། །གཉིས་པ་དང་ནི་གསུམ་པ་ནི། །མཚལ་ལ་སོགས་པའི་རིགས་
[23b.2]དང་ནི། །གུར་གུམ་ལ་སོགས་རིགས་དག་དང་། །སྦྱར་བའི་ནག་པོའི་རིགས་དག་གིས། །ཁ་དོག་བསྒྱུར་བར་བསྟན་པ་ཡིན། །ཡང་ན་ཐམས་ཅད་དཀར་དང་སྔོ། །དེ་གཉིས་གཅིག་གིས་བྱ་བ་ཡིན། །བསྡུས་རྒྱས་མཁས་པས་ཤེས་པར་བྱ། །བ་ཡི་རྣམ་པ་ལྔ་དང་ནི། །བདུད་རྩི་རྣམ་པ་ལྔ་དག་ནི། །དངོས་གྲུབ་ཅན་
[23b.3]གྱི་སྣོད་དུ་གཞག །རིན་ཆེན་བུམ་པ་ལ་སོགས་ཀྱི། །སྐྱོན་སྤངས་ཡོན་ཏན་ལྡན་པ་ཡི། །སྣོད་དུ་ཐུན་མོང་ཁྱད་པར་རྫས། །ཙནྡན་མེད་དུ་མི་རུང་ངོ་། །ཁ་རྒྱན་འབྲས་བུ་ཅན་གྱིས་བྱ། །དང་པོར་བདག་ཉིད་རྣལ་འབྱོར་པས། །ཐ་མལ་འདུ་ཤེས་སྤངས་ནས་ནི། །ལྷ་ཡི་ང་རྒྱལ་ལྡན་པ་ཡིས། །
[23b.4]དང་པོ་བུམ་པ་བྱིན་གྱིས་བརླབས། །བདུད་རྩི་འཁྱིལ་པའི་སྔགས་ཀྱིས་གདབ། །ཨོཾ་ཨ་མྲྀ་ཏ་ཀུཎྜ་ལི་ཧཱུཾ། ཉི་ཤུ་རྩ་གཅིག་བདུན་དུ་གདབ། །གོང་གི་བཀྲ་ཤིས་སྣོད་ཀྱི་རྫས། །བདུད་རྩི་འཁྱིལ་པས་བཏབ་ནས་ཀྱང་། །དང་པོ་བུམ་པའི་ཆུས་སུ་བསང་། །བདུད་རྩི་འཁྱིལ་
[23b.5]པའི་སྔགས་ཀྱང་བཟླས། །ཐུགས་ཀའི་ཨ་ལས་ཟླ་བ་ཡི། །དཀྱིལ་འཁོར་ཆེན་པོ་ཉིད་དུ་བསམ། །ཨོཾ་ཨ་ཙནྡྲ་མཎྜལ་ཧཱུཾ། །བདུན་དང་ལྔ་དང་གསུམ་དུ་བཟླས། །ཙནྡན་ལས་ཀྱི་བུམ་པས་བསང་། །ཡི་གེ་དུ་འཕྲོས་ཙནྡན་ཕོག །དེ་ལས་འཕྲོས་པས་མཎྜལ་གང་། །ཨོཾ་དྷཱུཾ་པ་སྥ་
[23b.6]ར་ཎ་ཧཱུཾ། ཞེས་པས་ལན་བདུན་བཟླས་སོ། །མེ་ཏོག་ལྔ་དང་གཉིས་གཅིག་ལ། །ཁ་དོག་མཚན་ཉིད་ཤེས་བྱས་ལ། །ཡི་གེ་པཾ་ལས་པདྨ་ནི། །སྟོང་ལྡན་བརྒྱད་ལྡན་དག་ཏུ་ནི། །གྱུར་པར་བསམས་ནས་སྔགས་བཟླས་དགྲམ། །ཨོཾ་བཾ་པདྨ་མཎྜལ་ཧཱུཾ། ཞེས་གོང་མ་བཞིན་དུ་
[23b.7]བརྗོད་པར་བྱའོ། །དེ་སྟེང་བྷྲཱུཾ་ལས་གཞལ་ཡས་ཁང་། །ལྔ་དང་གཉིས་དང་གཅིག་ཏུ་བྱ། །དེ་ནས་ཐམས་ཅད་ཀུན་ལ་ཡང་། །གསུམ་དུ་བྱ་བར་འདོད་པའང་ཡོད། །ཟླ་བ་པདྨ་གཞལ་ཡས་ཁང་། །གསུམ་དང་གཉིས་དང་གཅིག་ཏུ་ཡང་། །རྣལ་འབྱོར་བསྡུས་དང་རྒྱས་པ་ནི། །
[24a]
[24a.1]ཉམས་པ་ཆེ་ཆུང་གོ་རིམས་སོ། །དེ་ནས་རྣལ་འབྱོར་བདག་ཉིད་དང་། །དམ་ཚིག་ཉམས་པའི་རྣལ་འབྱོར་ཀུན། །ཁྲུས་བྱས་གོས་ནི་བཟང་པོ་གོན། །རྒྱན་ཆ་ལ་སོགས་མཛེས་པར་བྱས། །ཤར་རམ་ནུབ་ཏུ་ཁ་བལྟས་ཏེ། །སོ་སོ་ལྷ་ཡི་ཏིང་འཛིན་བསྐྱེད། །རྡོ་རྗེ་
[24a.2]དྲིལ་བུ་བྱིན་གྱིས་བརླབས། །རྡོ་རྗེ་དྲིལ་བུས་བསྐུལ་ནས་ཀྱང་། །ཚིགས་བཅད་དག་གིས་གསོལ་བ་བཏབ། །སྔགས་ཀྱི་རྒྱལ་པོ་མཐའ་ལ་གདགས། །ཐུགས་ཀའི་ཟླ་བའི་དཀྱིལ་འཁོར་དུ། །ཡི་གེ་བཞི་འཕྲོས་ལྷ་མོར་གྱུར། །བླ་མ་ཡི་དམ་ལྷ་དང་ནི། །གསང་སྔགས་བདག་
[24a.3]པོ་དཀྱིལ་འཁོར་ལྷ། །དཀོན་མཆོག་གསུམ་སོགས་སྤྱན་དྲངས་ནས། །བླ་མ་སྦྱངས་ནས་མི་བསྐྱོད་འགྱུར། །མཆོད་ཡོན་མཆོད་སོགས་རྒྱས་པར་དབུལ། །དེ་ཡི་སྔོན་དུ་ཕྱག་རྣམས་བྱ། །གཞན་ཡང་མཆོད་པ་སྣ་ཚོགས་ཀྱིས། །མཆོད་ནས་བསྟོད་པ་རྒྱས་པར་བྱའོ། །དེ་ནས་
[24a.4]སྔགས་བཟླས་འོད་ཟེར་གྱིས། །ལྷ་རྣམས་ལ་ནི་ཕོག་ནས་སུ། །འོད་ཟེར་བསྐུལ་ནས་ཚུར་ལ་འདུས། །ཉམས་པའི་ལུས་ལ་ཕོག་ནས་སུ། །བ་སྤུའི་ཁུང་ཞུགས་སྡིག་པ་བསྡུས། །སྙིང་གར་ཡི་གེ་ཀཾ་ངམ་ནི། །འོད་ནག་ཏུ་ནི་གྱུར་པར་བསམ། །སྲོག་གོ་འདུས་ཀྱི་སྣ་ནས་བྱུང་། །
[24a.5]ལྷ་དང་བདག་གི་བར་དུ་ནི། །པདྨ་ནག་པོའི་གདན་བསམས་ལ། །སྡིག་པའི་གཟུགས་དེ་དེ་རུ་བཞག །དེ་ནས་ཡི་དམ་ལྷ་ཡི་སྔགས། །བཟླས་པའི་འོད་ཟེར་འཁྲུལ་འཁོར་གྱིས། །སྡིག་པ་རྣམས་ནི་སྦྱང་བར་བྱ། །ཡང་ན་སྡིག་པ་དེ་ཉིད་སྦྱངས་ནས་ཀྱང་། །ལུས་ཀྱི་ལྷག་མ་
[24a.6]སྦྱང་བའམ། །དེ་ནས་ཡི་གེ་བརྒྱ་པ་ཡིས། །མན་ངག་བཞིན་དུ་བསྒོམས་ནས་ཀྱང་། །སྔ་མ་བཞིན་དུ་སྦྱང་བར་བྱ། །ཡང་ན་ཡི་གེ་བརྒྱ་པ་གཅིག་པུས་བྱ། །ཡི་གེ་བརྒྱ་པ་འབུམ་དང་ནི། །རང་གི་སྙིང་པོ་འབུམ་གྱིས་ནི། །རྩ་བ་ཉམས་པ་ཆེན་པོ་སྐོངས། །སུམ་ཆ་ཕྲི་བས་གཉིས་
[24a.7]པ་སྐོངས། །ཕྱེད་ཕྲི་བས་ནི་གསུམ་པ་སྐོངས། །སུམ་གཉིས་ཕྲི་བས་བཞི་པ་སྐོངས། །སུམ་ཆའི་སུམ་ཆ་ཕྲི་བས་ནི། །ལྔ་པ་སྐོངས་ཏེ་དྲུག་པ་ནི། །སུམ་གཉིས་ཕྲི་བས་སྐོངས་པའོ། །དེ་ཡི་ཕྱེད་ཕྱེད་ཕྲི་བས་ནི། །ཐ་མ་གསུམ་གྱིས་གོ་རིམས་སྦྱོར། །ཡན་ལག་བརྒྱད་དང་བརྒྱ་
[24b]
[24b.1]ཕྱེད་དང་། །ཉི་ཤུ་རྩ་གཅིག་དག་གིས་སོ། །ཆེ་ཆུང་རིམ་པ་དག་གིས་ནི། །ཐ་མ་མེའམ་ཆུ་ཡི་ནི། །སྦྱིན་སྲེག་དག་གིས་སྦྱིན་པར་བྱ། །གསང་སྔགས་བདག་གམ་བདུད་རྩི་འཁྱིལ། །རྟ་མགྲིན་བུམ་པ་གོང་བཞིན་བཅས། །བྱིན་བརླབས་ལ་སོགས་བྱས་ནས་ནི། །ཐ་མ་དག་པར་
[24b.2]བཀྲུ་བའོ། །སྦྱིན་སྲེག་ཁྲུས་དང་ལྡན་པའམ། །ཡང་ན་མཎྜལ་བཟླས་པ་ཡི། །ཆོ་ག་གཅིག་པུས་བྱར་ཡང་རུང་། །དམ་ཚིག་ཉམས་པ་བསྐང་བ་ཡི། །སྦྱོར་ཀ་འདི་ལ་བརྩོན་པར་བྱའོ། །དམ་ཚིག་ཉམས་པ་བསྐང་པའི་སྦྱོར་ཀ་སྟེ་ཉི་ཤུ་དགུ་པའོ།། །།བཅོམ་ལྡན་འདས་རྡོ་རྗེ་
[24b.3]འཛིན་པ་ལ་ཕྱག་འཚལ་ལོ། །དབང་གི་རིམ་པ་བསྟན་པ་ནི། །བུམ་པ་གསང་བ་ཡེ་ཤེས་དང་། །བཞི་པར་བསྟན་པ་དེ་རྣམས་ལ། །གནས་ནི་ཡིད་འོང་ལ་སོགས་སུ། །དུས་ལ་སོགས་པ་འཇོམས་པ་དང་། །སློབ་དཔོན་སློབ་མ་མཚན་ཉིད་ལྡན། །སྔོན་གྱི་གླིང་གཞི་རྗེས་མཐུན་
[24b.4]པར། །དཀྱིལ་འཁོར་བྱས་ནས་སློབ་མ་གཞུག །དབང་བསྐུར་རིམ་པ་མ་ནོར་བར། །རྣམ་གྲངས་རྣམས་ནི་ཤེས་པར་བྱ། །བསྐུར་ཐབས་མན་ངག་ཤེས་བྱས་ལ། །བསྐུར་བའི་གནས་ཀྱང་མ་ནོར་བརྟག །དེ་ལྟར་བྱས་པས་སྒྲིབ་པ་འབྱང་། །ས་ཡང་རིམ་གྱིས་ནོན་པར་འགྱུར། །
[24b.5]དེ་ཕྱིར་མན་ངག་བསྟན་པར་བྱ། །རྟགས་ལ་སོགས་པའང་ཤེས་པར་བྱ། །བརྡ་མི་ཤེས་ན་སྔགས་པ་མིན། །ལས་དང་པོ་ཡིས་རྫས་ལ་བརྟེན། །དགོས་པ་ཤེས་ན་ཐེ་ཚོམ་མེད། །ནུས་པ་མཐུ་དང་ལྡན་པས་ནི། །འབྲས་བུ་ཁྱད་པར་ཐོབ་པར་འགྱུར། །དེ་དག་སྤྱི་དང་ཁྱད་པར་ནི། །ཆོ་
[24b.6]ག་མན་ངག་རྒྱས་པ་རྣམས། །རྒྱུན་འགྲེལ་ཀུན་ན་གསལ་བས་ན། །འདི་རུ་བདག་གིས་མདོ་ཙམ་བསྡུས། །བུམ་པའི་དབང་ནི་རྣམ་བཞི་སྟེ། །ཕྱི་དང་ནང་དང་གསང་བ་དང་། །མཐར་ཐུག་པ་རུ་ཤེས་པར་བྱ། །ཕྱི་ནི་ཕྱི་རྒྱུད་དག་དང་མཐུན། །ནང་ནི་ནང་རྒྱུད་དག་དང་མཐུན། །ཡང་
[24b.7]ན་གཉིས་ཀ་ཕྱི་རུ་བསྟན། །ནང་གི་སློབ་དཔོན་ལུས་ལ་གཞག །གསང་བ་ཡུལ་ནི་ཉིད་ལ་སྦྱར། །མཐར་ཐུག་སློབ་མ་མགོ་བོ་རུ། །དགའ་བ་བསྐྱེད་པའམ་རྡོ་རྗེའི་རྩ། །དེ་རྣམས་མན་ངག་རྒྱས་བཤད་པ། །ལས་ཀྱི་ཕྲེང་བར་ཤེས་པར་བྱ། །གསང་བ་དབང་ལ་བཞི་རུ་བསྟན། །ཕྱི་ནི་
[25a]
[25a.1]བདུད་རྩི་བྱིན་བརླབས་སྦྱིན། །ཡང་ན་མཚན་ལྡན་ཕབ་ནས་ནི། །སྲིན་མཐེབ་དག་གིས་སྦྱིན་པར་བྱ། །ནང་གི་གསང་བ་ཕོ་བྲང་ནས། །ལག་པའི་ཕྱག་རྒྱ་བཟུང་ནས་སྦྱིན། །གསང་བ་ཡུམ་གྱི་མཁའ་ནས་བླངས། །མཐར་ཐུག་གསང་བའི་ཕོ་བྲང་དུ། །མཆོག་དགའ་
[25a.2]སྐྱེས་པར་ཤེས་པར་བྱ། །ཤེས་རབ་ཡེ་ཤེས་ལ་ཡང་བཞི། །ཕྱི་ནི་ལས་ཀྱི་ཕྱག་རྒྱ་མ། །ནང་ནི་འོད་ཀྱི་རིག་མ་ཡིན། །གསང་བ་བྱ་གདོང་མ་ལ་བྱ། །མཐར་ཐུག་དྲེགས་འཛིན་གཏུམ་མོ་ཡིན། །མཐར་ཐུག་ལ་ནི་གཉིས་སུ་བསྟན། །རྟེན་བཅས་དང་ནི་རྟེན་མེད་དོ། །རྟེན་མེད་ལ་ཡང་
[25a.3]གཉིས་སུ་བསྟན། །སྤྲོས་བཅས་དང་ནི་སྤྲོས་མེད་དོ། །དབང་གི་མན་ངག་རྒྱས་བཤད་པ། །སློབ་དཔོན་ཞལ་གྱི་མན་ངག་དང་། །ལས་ཀྱི་ཕྲེང་བར་ཤེས་པར་བྱ། །བརྡ་ཡི་ཆོ་ག་མདོ་ཙམ་བསྟན། །ཀ་ལ་ཤ་ཨ་བྷེ་ཥེ་ཀ་ཞེས་པ་ནི། །བུམ་པའི་ངག་བརྡ་ལུས་ཀྱི་བརྡ། །ལག་པའི་སོར་མོ་བཀང་ནས་
[25a.4]ནི། །རྩེ་མོ་བསྡུས་པའི་བུམ་པའི་ཚུལ། །གུ་ཧྱ་ཨ་བྷི་ཥེ་ཀ་ཞེས་པ། གསང་བའི་ངག་བརྡ་ལུས་ཀྱི་བརྡ། །སྡོམ་པོས་ཁྲོ་མོ་གནོན་པ་ནི། །ལག་བརྡ་འདྲི་ན་ཤེས་པར་བྱ། །པྲཛྙཱ་ཛྙཱ་ན་གུ་ཧྱ་ཨ་བྷི་ཥེ་ཀ་ཞེས་པ་ནི། །ཤེས་རབ་ཡེ་ཤེས་ངག་གི་བརྡ། །ལུས་ཀྱི་བརྡ་ནི་ལྷ་སྦྱིན་བརྡ། །ཡང་ན་ཁྱད་
[25a.5]པར་དགའ་བ་མཚོན། །པྲ་ཛྙཱ་ཛྙཱ་གུ་ཧྱ་ཨ་བྷི་ཥེ་ཀ་ཞེས་པ། །བཞི་པའི་ངག་བརྡ་ལུས་ཀྱི་བརྡ། །ལྷན་ཅིག་དགའ་བ་སྐྱེས་ས་རུ། །མཐེ་བོ་བཅུག་ནས་མཚོན་པར་བྱའོ། །དེ་ལྟར་བརྡ་རྣམས་མ་ཤེས་ན། །མཁའ་འགྲོ་དངོས་གྲུབ་སྟེར་བ་ན། །བརྡ་རྣམས་དྲིས་ནས་སྟེར་བར་བྱེད། །བརྡ་
[25a.6]རྣམས་དྲི་ཤེས་སླར་ལ་འཆོར། །ཡང་ན་བརྡ་རྣམས་གཞན་པོ་ཡང་། །མ་ཤེས་ན་ནི་མཁའ་འགྲོས་གསོད། །བརྡ་ལ་སོགས་པ་མ་ཤེས་ན། །གསང་སྔགས་སྤྱོད་པའི་དུས་དང་ནི། །འབྱུང་པོ་ཉམས་གསོད་གསོལ་བ་དང་། །མུ་སྟེགས་ཤན་འདྲེས་འབྱུང་བ་དང་། །ཕྱག་དང་ཕྱག་གི་
[25a.7]ལན་དུས་སུ། །བརྡ་མི་ཤེས་ན་སྔགས་པ་མིན། །དབང་བསྐུར་བ་ཡི་རིམ་པ་ཡང་། །ཆགས་ལམ་གྲོལ་ལམ་གཉིས་ཤེས་བྱའོ། །དབང་བསྐུར་མེད་ན་འབྲས་བུ་མེད། །དེ་བས་དབང་བསྐུར་ནན་ཏན་བྱ། །དབང་གི་སྦྱོར་ཀ་སྟེ་སུམ་ཅུ་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་
[25b]
[25b.1]འཚལ་ལོ། །དམ་ཚིག་རྣམས་ནི་ཅུང་ཞིག་བསྟན། །དང་པོ་སྤྱོད་པའི་དམ་ཚིག་ནི། །ཆགས་ལམ་སྤྱོད་ལམ་གྲོལ་ལམ་སྤྱོད། །དེ་ལྟར་གཉིས་ཀ་སྤྱོད་པ་ལ། །དང་པོ་མཆོག་དང་རབ་མཆོག་གོ། །དེ་ལ་ཡང་ནི་ཕྱི་ནང་ངོ་། །དང་པོ་ཕྱི་ཡི་སྤྱོད་དུས་སུ། །ཡུལ་དང་དུས་ཀྱི་གནས་སྐབས་
[25b.2]ཀྱིས། །ཞི་བས་འདུལ་དང་དྲག་པོས་འདུལ། །མཐུན་འཇུག་སྤྱོད་པ་མཁས་ཤིང་ཟབ། །ཟས་དང་གོས་སོགས་ཐམས་ཅད་ཀྱང་། །རང་དང་གཞན་ནི་གཉིས་ཀ་ལ། །ཕན་སེམས་སྤྱོད་པས་འཇུག་བྱའོ། །ཕན་སེམས་མེད་པ་ཉོན་མོངས་ཅན། །བདག་གཞན་ལྷ་དང་སྙིང་རྗེ་སྤངས། །
[25b.3]འགྲོ་དོན་མཆོད་པ་སྤངས་པས་ན། །དམ་ཚིག་ཉམས་ཏེ་ངན་འགྲོར་ལྟུང་། །ནང་སྤྱོད་དུ་ནི་བསྟན་པ་ནི། །བདུད་རྩི་ལྔ་ལ་སོགས་པ་ལ། །ཆགས་པའི་ལམ་པས་འཇུག་པར་བྱ། །གྲོལ་བའི་ལམ་པས་བྱིན་གྱིས་བརླབས། །དེ་ལྟར་བྱིན་བརླབས་བདུད་རྩི་བ་ལྟ། །ཐམས་ཅད་ལྷ་བསྒོམས་
[25b.4]མཆོད་བྱས་ན། །བསོད་ནམས་ཆེན་པོ་ཐོབ་པར་འགྱུར། །ཁྱི་ཕག་སྤྱོད་པ་བཞིན་བྱས་ན། །དམ་ཚིག་ཉམས་ཏེ་ཡི་དགས་ས། །ཆང་ནི་བདུད་རྩི་ཆེན་པོ་སྟེ། །བཏུང་བར་བྱ་བ་ཁོ་ན་ཡིན། །ཞེས་རྒྱུད་ལས་གསུངས་པ་སྟེ། མཚན་དང་ལྡན་པའི་སྣོད་མཆོག་ཏུ། །རུལ་སོགས་
[25b.5]སྐྱོན་རྣམས་སྤངས་པ་ཡི། །བདུད་རྩི་རོ་ལྡན་སྣོད་བཀང་སྟེ། །བདག་ཉིད་ལྷ་ཡི་རྣལ་འབྱོར་བྱ། །ཨ་ལས་ཀ་པཱ་ལ་ནི་བསྐྱེད། །ཟླ་བ་དང་ནི་དེ་ཡིས་བསྐྱེད། །ཧས་ནི་གཟུགས་སོགས་རྣམ་རྟོག་སྦྱངས། །ཧྲཱིཿས་ནི་རོ་སོགས་རྣམ་རྟོག་སྦྱངས། །ཧོཿས་ནི་བདུད་རྩི་ཆེན་པོར་
[25b.6]བཞུ། །མཐེ་བོང་ཧཱུཾ་ལས་ས་གཞིའི་ཚུལ། །སྲིན་མཐེབ་སུཾ་ལས་རི་རབ་ཚུལ། །བར་ནས་མཾ་འཕྲོས་བདུད་རྩི་བཀུག །བདག་གཞན་ལྷ་ནི་མཆོད་བྱས་པས། །བསོད་ནམས་ཆེན་པོ་ཐོབ་པར་འགྱུར། །དེ་ལྟར་མ་བྱས་གླང་ཆེན་བཞིན། །ཆགས་ཤིང་བརྐམ་སོགས་
[25b.7]མྱོས་འཐུང་ན། །སྐྱེ་བ་ལྔ་བརྒྱར་སྨྱོན་པར་སྐྱེ། །བྱིན་གྱིས་བརླབས་པའི་རིམ་པ་ཡང་། །ཡང་ན་རིགས་ལྔའི་སྦྱོར་སོགས་བྱ། །ཡང་ན་མཱ་མ་ཀཱི་ཡིས་སྦྱངས། །ཡང་ན་བདུད་རྩི་འཁྱིལ་སོགས་བྱ། །མཚན་ལྡན་སྣོད་དང་ཆོས་འབྱུང་དང་། །ཟླ་བ་ལ་སོགས་བསམས་བྱས་
[26a]
[26a.1]པ། །མཆོད་པར་བྱ་བའམ་ཡང་ན་བདུན། །སྤྱི་གཙུག་བླ་མ་གཞག་བྱས་ལ། །སྐུ་གསུང་ཐུགས་ནི་གནས་གསུམ་གཞག །དེ་ནས་འཐོར་ཞིང་མཆོད་པ་ཡིས། །ཕྱག་རྒྱ་སྔགས་ཀྱིས་དབུལ་བར་བྱ། །སོ་སོའི་རྩ་བའི་སྔགས་ལ་ཨ་མྲྀ་ཏ་ཀུཎྜ་ལི་
[26a.2]ཞེས་པའམ། །ཨ་མྲྀ་ཏ་ཁཱ་ཧི་ཞེས་པ་གང་ཡང་རུང་། །གསུམ་གསུམ་ཀུན་ལ་དབུལ་བར་བྱ། །དེ་ནས་རང་སྙིང་ལྷ་གསལ་ལ། །ཅི་རན་གནོད་པ་མེད་ཙམ་བཏུང་། །ནད་ལ་གནོད་པར་གྱུར་ཀྱང་ནི། །ཐིགས་པ་གསུམ་ནི་དམ་ཚིག་གོ། །གྲོལ་བས་ཀྱང་ནི་མཆོད་པ་ཡི། །དུས་
[26a.3]སུ་བཏུང་བར་བྱ་ཕྱིར་ནི། །ཡུལ་དུས་གནས་སྐབས་སྦྱར་ཏེ་བཏུང་། །བཏུང་བ་ལ་སོགས་གཞན་པོ་ཡང་། །བདུད་རྩི་མ་བྱས་འཐུང་བྱེད་པ། །ཡི་དགས་གནས་སུ་སྐྱེ་བར་འགྱུར། །གསང་བའི་སྤྱོད་པའི་དུས་སུ་ནི། །ཕྱག་རྒྱ་མ་ནི་བསྟེན་པ་ཡང་། །རྣལ་འབྱོར་ཆགས་པའི་ལམ་
[26a.4]པས་ནི། །རྟགས་ལྡན་མཚན་ཉིད་ལ་སོགས་ལྡན། །དེ་ལྟར་བསྟེན་པའི་གནས་སྐབས་ནི། །དབང་བསྐུར་རྣམ་གཉིས་དུས་དང་ནི། །མཆོད་པའི་དུས་དང་ཏིང་འཛིན་ནི། །ཡེ་ཤེས་སྐྱེ་བ་བོགས་དབྱུང་ཕྱིར། །དམ་ཚིག་ཏུ་ནི་བསྟན་པ་ཡིན། །ཡང་ན་བསྐྱེད་རིམ་བསྟན་པ་དང་། །
[26a.5]རླུང་རྣམས་ལས་སུ་རུང་འགྱུར་ན། །ཕྱག་རྒྱའི་དངོས་གྲུབ་མྱུར་འདོད་ཕྱིར། །ཕྱག་རྒྱ་ལ་ནི་བརྟེན་པར་བྱ། །རྣལ་འབྱོར་གྲོལ་བའི་ལམ་པས་ནི། །ཡིད་ཀྱི་ལྷ་མོ་གཟུགས་མཛེས་མ། །མཆོད་པའི་དུས་སུ་དམ་ཚིག་གོ། །དེ་ནས་མཁའ་འགྲོ་ལུང་སྟོན་དུས། །དངོས་གྲུབ་མྱུར་དུ་
[26a.6]ཐོབ་འདོད་ན། །མཁའ་འགྲོའི་མན་ངག་ལ་བརྟེན་ནོ། །དེ་ལྟར་གོ་རིམས་མ་ཤེས་ན། །དམ་ཚིག་ཉམས་ཏེ་སྲིན་བུར་སྐྱེ། །སངས་རྒྱས་བསྟན་པ་འཇིག་པ་ལ། །འཁྲུལ་འཁོར་སྦྱོར་བ་ཤེས་བཞིན་དུ། །མི་རྩོམ་པ་ནི་དམ་ཚིག་ཉམས། །མི་ཤེས་གནོད་པ་མི་བྱེད་ལ། །བྱེད་ན་
[26a.7]ཡང་ནི་དམ་ཚིག་ཉམས། །དེ་སོགས་སྦྱོར་བ་གཞན་པོ་ཡང་། །མན་ངག་གིས་ནི་ཤེས་པར་བྱ། །མཆོག་གི་སྤྱོད་པའི་དུས་སུ་ནི། །བརྟུལ་ཞུགས་སྨྱོན་པ་ལྐུགས་པ་དང་། །གཅེར་བུ་ལ་སོགས་དུས་སྐབས་སྦྱར། །དེ་ལྟར་མ་ཤེས་དམ་ཚིག་ཉམས། །རབ་མཆོག་གི་ནི་
[26b]
[26b.1]དུས་དག་ཏུ། །དོན་དམ་རང་བཞིན་མེད་པའམ། །སྒྱུ་མའི་ཏིང་འཛིན་ལ་བརྟེན་ནས། །རྫོགས་པའི་ཏིང་འཛིན་དུས་སུ་ནི། །སྤྱོད་པ་ལ་སོགས་བྱེད་པ་ནི། །དམ་ཚིག་ཉམས་ཏེ་བོགས་ཆུང་ངོ་། །མཐུན་འཇུག་སྤྱོད་པ་འགལ་བ་མེད། །ལྟ་བའི་དམ་ཚིག་བསྟན་པ་ནི། །ཆོས་
[26b.2]རྣམས་སེམས་ཀྱི་འཁྲུལ་པ་སྟེ། །སེམས་ལས་མ་གཏོགས་ཆོས་རྣམས་མེད། །ཆོས་སུ་སྣང་བ་འཁྲུལ་པའི་སེམས། །སེམས་ཉིད་དེ་ཡང་སྐྱེ་མེད་ཕྱིར། །ཡོད་མེད་མཐའ་ལས་འདས་པའོ། །བསམ་དུ་མེད་ཅིང་བརྗོད་དུ་མེད། །དཔེར་ན་ནམ་མཁའ་ཇི་བཞིན་ནོ། །ལྟ་སྤྱོད་
[26b.3]ཀྱི་དམ་ཚིག་གི་སྦྱོར་ཀ་སྟེ་སུམ་ཅུ་གཅིག་པའོ།། །།བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །རབ་གནས་ཆོ་ག་བསྟན་པར་བྱ། །སྐུ་གཟུགས་ལ་སོགས་ཀུན་ལ་ནི། །རབ་ཏུ་གནས་པ་མ་བྱས་ན། །མུ་སྟེགས་ལྷ་རྟེན་བཅས་དང་འདྲའོ། །རིགས་དང་ན་ཚོད་མེད་
[26b.4]པའི་མི། །ཐམས་ཅད་ཀུན་གྱིས་བཀུར་མི་བྱེད། །དེ་བཞིན་འདིར་ཡང་སྐུ་སོགས་ལ། །ཕྱག་ལ་སོགས་པ་བྱས་གྱུར་ཀྱང་། །བསོད་ནམས་ཆེན་པོ་ཐོབ་མི་འགྱུར། །བསོད་ནམས་ཆེན་པོ་ཐོབ་འདོད་ན། །རབ་གནས་བྱས་པས་ཐོབ་པར་འགྱུར། །དེ་བས་རབ་གནས་བྱ་བ་
[26b.5]གཅེས། །སློབ་དཔོན་མཚན་ཉིད་ལྡན་པ་ཡིས། །སྔོན་དུ་བསྙེན་པ་བྱ་བ་ནི། །སོ་སོ་རང་རང་བསྙེན་པ་བྱ། །དེ་ལྟར་མི་འགྲུབ་རྣལ་འབྱོར་པས། །ཤཱཀྱ་ཐུབ་བསྙེན་པ་ཀུན་གྱི་མ། །རྡོ་རྗེ་འཛིན་པའི་བསྙེན་པ་ཡིས། །གསང་སྔགས་ཐུན་མོང་བསྟན་པ་ཡིན། །བསྙེན་པ་རྣམ་
[26b.6]གསུམ་རྫོགས་བྱས་ལ། །དེ་ནས་ས་ཆོག་ལ་སོགས་པ། །གཞན་དང་མཐུན་པར་རྒྱས་པར་བྱ། །མཎྜལ་བྱི་དོར་ལེགས་བྱས་ལ། །རྒྱན་དང་རོལ་མོ་ལ་སོགས་དགྲམ། །ལྷ་ཡི་སྟ་གོན་རྫོགས་བྱས་ལ། །དེ་ནས་བུམ་པའི་སྟ་གོན་བྱ། །མཎྜལ་མེ་ཏོག་གཅལ་བཀྲམ་ལ། །བདག་ཉིད་
[26b.7]ལྷ་རུ་བསྒོམས་ནས་སུ། །ཡུངས་ཀར་ནིམ་པ་ལག་གཉིས་ཀྱིས། །བླངས་ནས་གསུམ་གསུམ་མེར་བསྟབས་བྱ། །ཨོཾ་སརྦ་པཱ་པཾ་ད་ཧ་ན་བཛྲ་ཡ། སརྦ་པཱ་པཾ་ད་ཧ་ན་བཛྲ་སྭཱ་ཧཱ། ཆུ་སྙིམ་པ་བཀང་བ་ལན་གསུམ་བླུགས་ལ། །བླ་མས་ཟན་ཆུ་བསྲེ་སྣོད་ཐོགས། །ལན་གསུམ་
[27a]
[27a.1]བྱབས་ཏེ་མེར་བཅས་རྣམས། །ཕྱི་རོལ་དག་ཏུ་བསྐྱལ་བར་བྱ། །ནམ་མཁའ་ལྷ་བཀང་སྤོས་ཐོགས་ནས། །དཀྱིལ་འཁོར་ལྷ་ལ་གསོལ་བ་གདབ། །རིག་སྔགས་རྒྱལ་ལ་ཕྱག་འཚལ་ལོ། །ཞེས་ཚིགས་བཅད་ལ་སོགས་བསྒྲག་པར་བྱའོ། །དེ་ནས་
[27a.2]མཎྜལ་སྟེང་དུ་ནི། །སྐུ་གདུང་ལ་སོགས་གཞག་བྱས་ལ། །སློབ་དཔོན་ནུབ་ཏུ་གནས་ནས་ནི། །ཨོཾ་ཧཱུཾ་བཾ་ཨ་ཞེས་བརྗོད་པས། །བ་ཡི་རྣམ་ལྔ་གང་ཡིན་པ། །དེ་ནི་མར་ཆུ་སྦྱར་བ་དང་། །དྲི་ཞིམ་ཙནྡན་ཆུ་ཉིད་དང་། །འདག་ཆལ་ཤིང་ཤུན་ཆུ་གསུམ་ནི། །བྱིན་བརླབས་དཱུར་བས་རིམ་
[27a.3]བཞིན་བསྐུ། །ཨུ་དུམྺཱར་བྷང་ཏྲ་དང་། །ཙ་བ་ལེ་ཀེ་ན་དང་ནི། །ཨ་ཤྭད་བྱང་ཆུབ་ཤིང་གང་རྙེད། །ཞིབ་བཏགས་ཆུ་སྦྱར་སྣོད་གཡས་གཞག །དེ་ནས་ཁྲུས་རྣམས་རིམ་པར་བྱ། །དེ་ལ་སོགས་པའི་ཆོ་ག་ཡིས། །སྐུ་གཟུགས་སྟ་གོན་གནས་པར་བྱ། །དེ་ནས་དཀྱིལ་འཁོར་
[27a.4]བསྒྲུབ་པར་བྱ། །དེ་རྗེས་རབ་གནས་བརྩམ་པར་བྱ། །སྐུ་རྣམས་སོ་སོའི་ས་བོན་ལས། །ཆོ་ག་གསུམ་སོགས་གང་འདོད་བསྐྱེད། །ཡེ་ཤེས་ལྷ་ཡང་སོ་སོར་བསྟིམ། །སྐུ་གདུང་བརྟན་པར་བསྐྱེད་ཅིང་བསྟིམ། །གླེགས་བམ་སོ་སོའི་སྙིང་པོ་ལ། །ཡང་ན་ཨཱ་ལི་ཀཱ་ལིའམ། །སོ་སོའི་
[27a.5]དཀྱིལ་འཁོར་དག་ཀྱང་རུང་། །ལྷ་ཁང་ལ་སོགས་ཀུན་ལ་ཡང་། །སོ་སོའི་དཀྱིལ་འཁོར་གང་འདོད་བྱ། །ཡང་ན་ཡི་གེ་བྷྰྲཱུཾ་ནི་རྟེན་ཡིན་ལ། །དེ་ལ་བརྟེན་པ་གང་འདོད་པའོ། །རྡོ་རྗེ་དྲིལ་བུ་དག་ལ་ནི། །ཧཱུཾ་དང་ཨ་ཡི་ས་བོན་ལས། །དྷརྨ་ཨ་བཛྲ་ཧཱུཾ་ཞེས། །སྔགས་ཀྱིས་
[27a.6]བསྐྱེད་པ་བྱས་ནས་ནི། །ཕྱག་མཚན་ལྷ་ནི་གང་འདོད་བསྟིམ། །ཕྱག་མཚན་ལ་སོགས་གཞན་ལ་ཡང་། །ཕྱག་མཚན་སྙིང་པོ་ལྷ་གསུམ་དང་། །སྒྲུབ་པ་པོ་ཡི་ལས་དང་སྦྱར། །ཕྲེང་བ་ལ་ཡང་དེ་བཞིན་ནོ། །མཚན་ལྡན་ཡི་གེ་ཨ་ཡིན་ནོ། །རྒྱན་དང་རྒྱན་ཆ་ལ་སོགས་པ། །
[27a.7]བྱིན་གྱིས་བརླབ་པ་ཙམ་ནི་བྱ། །དེ་དག་ཐམས་ཅད་ཀུན་ལ་ཡང་། །བསྐྱེད་དད་བསྟིམ་པ་བྱས་ནས་ནི། །དེ་ནས་བྱིན་རླབས་དབང་བསྐུར་བྱ། །དེ་ནས་མཆོད་ལྔ་དབུལ་བར་བྱ། །དེ་འོག་ལཱ་སྱ་ལ་སོགས་བརྒྱད། །མཆོད་པ་ཉི་ཤུ་པོ་ཡང་བྱ། །གོས་དང་རྒྱལ་མཚན་ལ་
[27b]
[27b.1]སོགས་པ། །རིན་ཆེན་བཀྲ་ཤིས་སྒྲ་དང་ནི། །རོལ་མོ་ལ་སོགས་ཆོ་ག་རྣམས། །རྒྱས་པར་ཕུལ་ནས་བསྟོད་པ་བྱ། །དེ་ནས་བཟླས་བརྗོད་ཅི་རན་བྱ། །སྤྱན་འབྱེད་སྔགས་ལ་སོགས་པ་ནི། །གློག་ཕྲེང་རྒྱུད་དུ་ཤེས་པར་བྱ། །ཡང་ན་ཕྱག་མཚན་ལ་སོགས་ཀྱི། །ཆོ་ག་བསྡུས་
[27b.2]པར་ཤེས་པར་བྱ། །ཤིན་ཏུ་བསྡུས་པའི་ཆོ་ག་སོགས། །བྱིན་གྱིས་བརླབས་ལ་སོགས་པ་ཙམ། །དེ་ལྟར་རབ་གནས་ཟིན་ནས་ནི། །བླ་མ་མཁས་པ་དེ་ལ་ནི། །ཅི་བདོག་ཡོན་རྣམས་དབུལ་བར་བྱ། །དེས་ནི་བསོད་ནམས་ཆེན་པོ་ཐོབ། །ཇི་ལྟར་ཕོངས་པར་འགྱུར་ཡང་ནི། །
[27b.3]མཆོད་པའི་ཡོ་བྱད་རྣམས་ནི་དབུལ། །སེར་སྣ་ཅན་ནི་དབུལ་མི་ནུས། །དེས་ནི་སྡིག་འཕེལ་བསོད་ནམས་མེད། །རབ་གནས་བཟང་པོ་ཟིན་ནས་ནི། །རབ་གནས་བཟང་པོར་གཤེགས་སུ་གསོལ། །རབ་ཏུ་གནས་པའི་སྦྱོར་ཀ་སྟེ་སུམ་ཅུ་གཉིས་པའོ།། །།བཅོམ་ལྡན་འདས་
[27b.4]རྡོ་རྗེ་འཛིན་པ་ལ་ཕྱག་འཚལ་ལོ། །འཆི་བ་བསླུ་བའི་མན་ངག་ནི། །འཆི་རྟགས་རྣམ་པར་བསྟན་པ་དང་། །འཆི་བསླུ་ཆོ་ག་རྒྱས་པ་རྣམས། །འཆི་བསླུ་ཆེན་པོར་ཤེས་པར་བྱ། །འདིར་ནི་བསྒྲུབ་པའི་དོན་དུ་ནི། །གོས་སྔོན་འཆི་བ་བསླུ་བ་མཆོག །མན་ངག་ཅུང་ཞིག་བཀོལ་
[27b.5]ནས་བསྟན། །སྤྱིར་ནི་འཆི་བ་བསླུ་བ་ལ། །དགེ་བའི་ཕྱོགས་ནི་མཐའ་ཡས་མཆོག །གང་བྱས་ཀྱང་ནི་བཟློག་པར་འགྱུར། །གོས་སྔོན་འཆི་བསླུའི་རིམ་པ་ཡང་། །ནད་པ་སེམས་ནི་དག་པ་ཡིས། །གོས་སྔོན་རྣ་བརྒྱུད་མན་ངག་ཅན། །མཁས་པ་དེ་ནི་སྤྱན་དྲངས་ལ། །
[27b.6]གནས་ཁང་དགོན་པར་མཎྜལ་བྱ། །མཎྜལ་བྱས་པའི་འོག་ཏུ་ནི། །རྒྱན་རྣམས་མ་ལུས་དགྲམ་པར་བྱ། །ནད་པ་ལ་ནི་ཆོས་བཤད་ལ། །དང་པོ་སེམས་ནི་དག་པར་བྱ། །སྒྱུ་མ་ལྟ་བུའི་སེམས་ཀྱིས་ནི། །ནོར་རྣམས་མ་ལུས་ཐམས་ཅད་དང་། །རང་ལུས་སྲོག་དང་བཅས་པ་དབུལ། །
[27b.7]དེ་ལྟར་འབུལ་བ་དེ་ལ་ནི། །དང་པོ་དབང་བསྐུར་རྫོགས་པ་ལ། །དེ་ནས་མན་ངག་གཞན་སོགས་བྱ། །དེ་ལྟར་བྱས་འོག་སོས་གྱུར་ལ། །རང་འཚོ་རྫས་ཙམ་སླར་ལ་སྦྱིན། །ནོར་རྫས་སྲོག་རྣམས་དབུལ་མི་ནུས། །སེར་སྣ་ཅན་ནི་བཟློག་པར་དཀའ། །དེ་ལྟར་སེར་སྣ་ཅན་དེ་ལ། །དབང་
[28a]
[28a.1]བསྐུར་མི་བྱ་གཞན་པོ་བྱ། །ཆོ་གའི་རིམ་པ་བསྟན་པ་ནི། །རྒྱས་པར་བྱེད་ན་བསྐྱེད་རིམ་རྫོགས་པར་བྱ། །ཡང་ན་བསྡུས་དང་ཤིན་ཏུ་བསྡུས། །དེ་ལྟར་བྱས་འོག་ནད་པས་ནི། །ཁྲུས་ཀྱི་རིམ་པ་རྫོགས་བྱས་ལ། །གོས་བཟང་བྱིན་བརླབས་བསྐོན་ནས་ནི། །
[28a.2]ཤར་གྱི་ཕྱོགས་སུ་ཁ་བལྟས་ནས། །མདུན་དུ་མཎྜལ་ལྔ་བྱས་ཏེ། །དང་པོ་ཕྱག་འཚལ་མཆོད་པ་འབུལ། །དེ་ནས་སྡིག་བཤགས་ལ་སོགས་བྱ། །ནད་པ་དེ་ནི་མི་ནུས་ན། །མཆོད་གཡོག་དག་གིས་བྱེད་དུ་གཞུག །དེ་ནས་སྐྱབས་གསོལ་ཚིགས་བཅད་བརྗོད། །བཅོམ་
[28a.3]ལྡན་རྡོ་རྗེ་གོས་སྔོན་ཅན། །སྐུ་མཆོག་སྟོབས་ལྡན་ཁྱོད་ཕྱག་འཚལ། །གསུང་མཆོག་སྒྲ་མཆོག་འབར་ལ་ཕྱག་འཚལ་ལོ། །ཐུགས་མཆོག་ཡེ་ཤེས་ལྡན་ལ་ཕྱག་འཚལ་ལོ། །སྐུ་མཆོག་སྟོབས་ཆེན་ཁྱོད་ལ་ཕྱག་འཚལ་ལོ། །དེ་ནས་ལུས་འབུལ་ཞེས་ནི་སྦྱར། །བདག་ལ་གནོད་པའི་
[28a.4]ནད་རྣམས་ཀུན། །ཁྱོད་ཀྱི་མཐུ་ཡིས་སྦྱང་དུ་གསོལ། །འབྱུང་པོའི་གནོད་པ་བཟློག་ཏུ་གསོལ། །ཟོར་དང་དུག་རྣམས་ཐམས་ཅད་ཀྱང་། །མཐུ་སྟོབས་བདག་པོས་བཟློག་ཏུ་གསོལ། །བཅོམ་ལྡན་ཁྲོ་ཆེན་རྣམ་པར་རྒྱལ། །སྐུ་གསུང་ཐུགས་ལྡན་ཁྱོད་ལ་ཕྱག་འཚལ་ལོ། །དཔལ་
[28a.5]ལྡན་མགོན་པོ་ནག་པོ་ཆེ། །ལུས་ངན་རྒྱལ་པོ་མཐུ་བོ་ཆེ། །ཁྲོ་བོ་ཆེན་པོ་བདུད་རྩི་འཁྱིལ། །རྡོ་རྗེ་གནོད་སྦྱིན་འཇིགས་ཆེན་པོ། །རོ་ལངས་མ་ནི་མཐུ་མོ་ཆེ། །རྡོ་རྗེ་མཁའ་འགྲོ་དཔལ་འབར་མ། །འཇིགས་བྱེད་མ་ནི་མཐུ་མོ་ཆེ། །རྡོ་རྗེ་ལྷ་མོ་འོད་སྐྱེད་མ། །རྡོ་རྗེ་ལྷ་མོ་ཡིད་འཕྲོག་
[28a.6]མ། །རྡོ་རྗེ་ལྷ་མོ་ཀུན་བཟང་མ། །རྡོ་རྗེ་ལྷ་མོ་ཀླུ་སྒྲ་ཅན། །ཁྲོ་མོ་ཆེན་མོ་སྲོག་གཅོད་མ། །ཁྲོ་མོ་ཆེན་མོ་དབུགས་རྔུབ་མ། །ཁྲོ་མོ་ཆེན་མོ་ཁྲག་འཐུང་མ། །ཁྲོ་མོ་ཆེན་མོ་ཤ་ཟ་མ། །སྐུ་གསུང་ཐུགས་ཞེས་བྱ་བ་ལ་སོགས་པར་སྦྱར་བར་བྱའོ། །དེ་ནས་སྡོམ་པ་འཛིན་དུ་གཞུག །
[28a.7]དེ་བཟླས་པས་ནི་བཟློག་པར་བྱའོ། །དང་པོ་སྐུ་ཡི་བཟླས་པའི་འོད་ཟེར་གྱིས། །ལུས་ཀྱི་ནད་རྣམས་སྦྱང་བར་བྱའོ། །དེ་ནས་ཐུགས་དང་གསུང་གིས་སྤྱད། །ཐལ་ཆེན་རཀྟ་བྱང་ཆུབ་སེམས། །སྦྱང་སོགས་བྱིན་བརླབས་བྱས་ནས་ནི། །གནས་གསུམ་དག་ཏུ་མཚན་ཅིང་བྱུག །
[28b]
[28b.1]དེ་ནས་ཁྲུས་ཀྱི་བུམ་པ་ཡིས། །བཀྲ་ཤིས་ཚིགས་བཅད་བཏོན་ནས་ནི། །ནད་རྣམས་སྡིག་སྒྲིབ་བཀྲུ་བར་བྱ། །དེ་ནས་སྐུ་གསུང་ཐུགས་ཀྱི་སྔགས། །བཟླས་པས་བདེ་གཤེགས་འོད་ཟེར་བསྟིམ། །དེ་ནས་ནད་པའི་སྟེང་ཕྱོགས་སུ། །བདེ་གཤེགས་དཀྱིལ་འཁོར་བཞུགས་
[28b.2]བསམས་ལ། །འོད་ཟེར་འཕྲོ་འདུའི་སྦྱོར་བ་ཡིས། །ཡེ་ཤེས་བདུད་རྩི་སྙིང་གར་གཟུང་། །དེ་རྣམས་བྱས་པས་འཆི་བ་བཟློག །འཆི་བཟློག་ཆེན་པོ་བྱ་བ་ནི། །སྦྱིན་སྲེག་ཚོགས་འཁོར་དབང་བསྐུར་བྱ། །གཏོར་ཆེན་ལ་སོགས་གཞན་ཡང་བྱའོ། །དེ་ལྟར་བྱས་པས་འཆི་བ་བཟློག །
[28b.3]རང་དང་གཞན་ནི་གཉིས་ཀ་ལ། །མན་ངག་སྟོབས་ཀྱིས་བཟློག་པ་ན། །རླུང་དང་ཐིག་ལེ་ཡི་གེ་དང་། །གཏུམ་མོ་འཁོར་ལོ་ལ་སོགས་ནི། །འཆི་བསླུ་ཆོ་ག་དག་དང་ནི། །བླ་མའི་མན་ངག་བརྒྱུད་པས་བྱའོ། །འཆི་བ་བསླུ་བའི་སྦྱོར་ཀ་སྟེ་སུམ་ཅུ་གསུམ་པའོ།། །།བཅོམ་ལྡན་
[28b.4]འདས་རྡོ་རྗེ་འཛིན་པ་ལ་ཕྱག་འཚལ་ལོ། །སྟང་སྟབས་རིམ་པ་ཅུང་ཞིག་བསྟན། །ཤར་ཕྱོགས་གཡས་བརྐྱང་ལ་གནས་ནས། །རྐང་པ་དང་ནི་ལག་པ་ཡིས། །རྡོ་རྗེ་རྩེ་གསུམ་སྟང་སྟབས་བྱ། །གར་བསྒྱུར་དེ་ནི་ཐབས་རེ་བྱ། །རྐང་ལག་མཐུན་པར་བསྒྱུར་བ་བཟློག །ལྷོ་རུ་གཡོན་
[28b.5]བརྐྱང་ལ་གནས་ནས། །རལ་གྲིའམ་དབྱུག་ཏོ་འཛིན་པས་སུ། །རྐང་པ་ལག་པ་གཉིས་ཀས་སུ། །ས་དང་བར་སྣང་གཉིས་ཀ་ལ། །རིན་ཆེན་འབར་མ་བྲེ་བར་བྱ། །ནུབ་ཕྱོགས་གཡས་བརྐྱང་ལ་གནས་ནས། །འཁོར་ལོའམ་རལ་གྲི་དེ་བཞིན་བྲེ། །བྱང་ཕྱོགས་གཡོན་བརྐྱང་ལ་
[28b.6]གནས་ནས། །རྡོ་རྗེ་རྒྱ་གྲམ་ཚུལ་དུ་བྲེ། །ཡང་ན་ཟླུམ་པོ་ལ་སོགས་རིམ། །བསྲུང་བའི་ཚུལ་དུ་བྱ་བ་དང་། །ཕྱོགས་བཞིར་འབྱུང་པོ་བཀུག་ནས་ནི། །མནན་ཅིང་བསྣུན་པའི་ཚུལ་དུ་བྱ། །གཞན་ཡང་སྟང་སྟབས་རྒྱས་པ་ནི། །སྙོམས་འཇུག་ལ་སོགས་རྒྱུད་ན་གསལ། །མཁས་པས་དེ་རུ་
[28b.7]ཤེས་པར་བྱ། །འདིར་ནི་བསྒྲུབ་པའི་དོན་དུ་བསྡུས། །སྟང་སྟབས་སྦྱོར་བ་འདི་དག་ནི། །བགེགས་བསྐྲད་དོན་དུ་ནན་ཏན་བྱའོ། །སྟང་སྟབས་ཀྱི་སྦྱོར་ཀ་སྟེ་སུམ་ཅུ་བཞི་པའོ།། །།སྟོན་པ་ཕྱག་ན་རྡོ་རྗེ་ནས། །མཁའ་འགྲོ་མ་ནི་ཡན་ཆད་དུ། །བརྒྱུད་པའི་རིམ་པའི་མན་ངག་འདི། །
[29a]
[29a.1]སྙིང་པོ་ལ་སོགས་སྒྲུབ་པའོ། །གསང་བའི་སློབ་མ། རིན་ཆེན་བཀྲ། །དེ་རྩར་ཧཱུཾ་གི་རྣལ་འབྱོར་དང་། །བརྟུལ་ཆེན་པོ་ནི་རྣལ་འབྱོར་ལ། །ལོ་གསུམ་བར་དུ་སྣོད་བརྟགས་ནས། །བདེ་ལྡན་རིན་ཆེན་ཡང་གཏེར་དུ། །བཙའ་དཀའ་དམ་བཞག་བྱས་ནས་གཏད། །
[29a.2]རིན་ཆེན་རྫས་དང་སྲོག་ལུས་ཀྱིས། །བླ་མ་མཉེས་པས་མན་ངག་ཐོབ། །དེ་བཞིན་ཕྱི་རབས་རྣལ་འབྱོར་གྱིས། །དེ་བཞིན་དུ་ཤེས་པར་བྱའོ། །ཕྱི་རབས་བློ་དམན་ལ་སོགས་ཤིང་། །སེར་སྣ་ལ་སོགས་གཡོ་སྒྱུ་ཅན། །སྒོམ་སྒྲུབ་ལ་སོགས་མི་ནུས་ལ། །མན་ངག་བསྟན་ན་དམ་
[29a.3]ཚིག་ཉམས། །དེ་བས་ཕྱི་རབས་རྣལ་འབྱོར་པས། །སྣོད་ལྡན་བརྟགས་ལ་སྦྱིན་པར་བྱ། །ཐབས་དང་ཤེས་རབ་ལས་བྱུང་བའི། །རིན་ཆེན་ཕྲེང་བ་སྦྱོར་ཀ་འདི། །བདག་གིས་སྣོད་ལྡན་དོན་བརྩམས་པས། །འདི་བརྩམས་པ་ཡི་དགེ་བ་ཡིས། །བདག་དང་སེམས་ཅན་ཐམས་
[29a.4]ཅད་ཀྱང་། །བླ་མེད་བྱང་ཆུབ་ཐོབ་པར་ཤོག །སྦྱོར་ཀ་ཆེན་པོའི་མན་ངག་སློབ་དཔོན་ཆེན་པོ་བྷ་བས་མཛད་པ་རྫོགས་སོ།། །།དགེ་སློང་ཚུལ་ཁྲིམས་གཞོན་ནུས་བསྒྱུར་རོ། །{T2175}༄༅༅། །རྒྱ་གར་སྐད་དུ། བཛྲ་པཱ་ཎི་ནཱི་ལཱམྦ་ར་དྷ་ར་བ་ལིཾ་ཏ་བིདྷིཿ། བོད་སྐད་དུ། ཕྱག་
[29a.5]ན་རྡོ་རྗེ་གོས་སྔོན་ཅན་གྱི་གཏོར་མའི་ཆོ་ག །འཕགས་པ་ཕྱག་ན་རྡོ་རྗེ་གོས་སྔོན་པོ་ཅན་ལ་ཕྱག་འཚལ་ལོ། །སྒྲུབ་པ་རྣམས་ལ་ཕན་གདགས་ཕྱིར། །བདག་གིས་གཏོར་མ་བཤད་པར་བྱ། །ཕན་གདགས་པ་དང་ཚར་གཅད་པ། །ཕན་པ་མཆོག་དང་ཐུན་མོང་ངོ་། །གསང་
[29a.6]བ་བླ་མེད་མཆོག་ཏུ་འདོད། །ཕྱི་ནང་ཐུན་མོང་ཤེས་པར་བྱ། །རྒྱས་དང་བསྡུས་དང་ཤིན་ཏུ་བསྡུས། །ཚར་གཅད་པ་ཡང་ཤེས་པར་བྱ། །དགུག་དང་བསྐྲད་དང་གསད་པ་དང་། །མནན་དང་བསྲེག་པར་ཤེས་པར་བྱ། །རྒྱུན་ནམ་དུས་ཆེན་བཞི་གསུམ་གཉིས། །ཆུང་ངུ་རྒྱུན་
[29a.7]ནམ་ཆེན་པོ་ནི། །བཅུ་གཉིས་བཞིའམ་ཐ་མ་གཅིག །རྩ་བ་ལྔ་དང་ཡན་ལག་ལྔ། །འབྲུ་དང་ཤིང་ཐོག་སྨན་རྣམས་དང་། །ཆན་ཐུག་ཁུར་བ་ལ་སོགས་པའི། །རྫས་རྣམས་ཐམས་ཅད་ཚོགས་པར་བསགས། །དེ་སྟེང་དཀར་གསུམ་ཀླུ་ལ་ཤིས། །ཁྲག་སྣ་སྙིང་སྣ་ཤ་སྣ་
[29b]
[29b.1]གསུམ། །དེ་སོགས་ཐུན་རྫས་ཚར་གཅོད་དོ། །བསྐྱེད་རིམ་ཚུལ་དུ་བྱ་བ་དང་། །བླ་མ་ནས་བཟུང་བསྲུང་བྱས་ལ། །ཆོ་ག་གསུམ་དུ་བསྐྱེད་པའམ། །ཆུང་ངུ་སྐད་ཅིག་ལྷར་བསྐྱེད་ལ། །མཚན་དང་ལྡན་པའི་པདྨ་རུ། །རྫས་རྣམས་ཀུན་གྱིས་བཀང་ནས་ནི། །སྟེང་དུ་རྡོ་རྗེ་སྔོན་པོ་
[29b.2]བསམ། །ཁོང་སེང་ཅན་ལ་ཧཱུཾ་གིས་མཚན། །མཐོ་གང་ལ་ནི་རི་བོང་ཅན། །དེ་ལ་བཅུ་དྲུག་བདུན་པས་མཚན། །རྡོ་རྗེ་མཚན་ལྡན་བར་དུ་ནི། །སྡུད་སྦྱོང་འཕྲོ་བའི་མཐིང་དམར་དཀར། །པད་འོག་ཡེ་ཤེས་ལྔ་ལྡན་གསུམ། །གྲུ་གསུམ་འོག་ན་ཟླ་གམ་ཅན། །ཐུགས་ཀྱི་མཐིང་གནག་
[29b.3]འཕྲོས་པ་ལས། །རྡོ་རྗེ་ལྟེ་བསྐུལ་མཐའ་གཉིས་བསྐྱོད། །དམར་པོ་འབར་བས་མཚན་ལྡན་དྲོས། །ཐུགས་ཀྱིས་བསྡུས་ཤིང་གསུང་གིས་སྦྱངས། །སྐུ་ལས་འཕྲོས་པས་རི་བོང་བསྐུལ། །ཤེས་རབ་ཅན་ལས་འོད་ཟེར་འཕྲོས། །དེ་ཡིས་ཡབ་ཡུམ་བསྐུལ་ནས་ནི། །ཁ་དོག་
[29b.4]དཀར་པོས་བདུད་རྩི་ཕོབ། །དང་པོ་སྐུལ་བྱེད་འོག་ཏུ་ཞུ། །ཁོང་སེང་ཅན་ནས་པདྨར་བབས། །བབས་པའི་རྟིང་ལ་དེ་ཉིད་ལྷུང་། །ལན་གསུམ་བསྐོར་ནས་འོ་མ་བཞིན། །ལྔ་པའི་དང་པོ་ལྔ་པས་མཚན། །དེ་ཡིས་གདན་བསྐྱེད་འཁོར་བཅས་དགུག །ཛི་ཧཱུཾ་རྡོ་རྗེ་ཁོང་སེང་ཅན། །
[29b.5]བདུད་རྩི་གསོལ་བས་མཉེས་པར་བསམ། །ཡང་ན་ལྷ་མོ་དཀར་མོ་ཡིས། །མཚན་ལྡན་གྱིས་ནི་བཀད་ནས་མཆོད། །བསྟོད་ནས་བཤགས་ཤིང་ལས་བཅོལ་ལོ། །དེ་ཡང་རྒྱས་དང་བསྡུས་དང་ཤིན་ཏུ་བསྡུས། །དེ་ལྟར་བྱས་ནས་གཤེགས་སུ་གསོལ། །ཡང་ན་སྐད་ཅིག་
[29b.6]ལྷར་བསྐྱེད་ལ། །ཐུགས་ཀའི་ཧཱུཾ་གིས་བདུད་རྩི་སྦྱངས། །སླར་ཡང་ཡེ་ཤེས་བདུད་རྩི་ཕབ། །ཡུད་ཙམ་སྤྲུལ་པས་ལྷ་ཡིས་གསོལ། །ཡུད་ཙམ་མོས་པས་གསུམ་ཀ་གསོལ། །ཤིན་ཏུ་བསྡུས་པས་ཟས་དེ་བཞིན། །ཕན་གདགས་པའི་སྦྱོར་ཀ་སྟེ་དང་པོའོ།། །།དགུག་པའི་
[29b.7]གཏོར་མའི་ཆོ་ག་ནི། །ཐུན་མོང་ཆོ་ག་ཐམས་ཅད་ནི། །ཐུན་མོང་གཏོར་མ་དང་མཐུན་ནོ། །ཁྱད་པར་གཏོར་མ་བསྟན་པ་ནི། །དུར་ཁྲོད་འཇིགས་པའི་གནས་དག་ཏུ། །ཤིན་ཏུ་དམར་བའི་གོས་གྱོན་ལ། །ནུབ་ཀྱི་ཕྱོགས་སུ་ཁ་བལྟས་ཏེ། །ཆོ་ག་གསུམ་གྱིས་ལྷར་བསྐྱེད་པའམ། །
[30a]
[30a.1]ཆོ་ག་རྣམ་ལྔས་ལྷར་བསྐྱེད་པ། །གང་ཡང་རུང་བྱས་བྱིན་གྱིས་བརླབ། །གཏོར་མའི་རྫས་ནི་ཐུན་མོང་རྫས་སྟེང་དུ། །ཁྱད་པར་རྫས་ནི་རཀྟ་སྣ་ཚོགས་དང་། །གཤོག་པ་ཅན་གྱི་ཤ་སྣ་སྣ་ཆོགས་ཤིས། །བྱིན་གྱིས་བརླབས་ལ་བདེ་གཤེགས་མཆོད། །གཉིས་པ་མཁའ་འགྲོ་མ་
[30a.2]ལ་མཆོད། །གསུམ་པ་ཆོས་སྐྱོང་རྣམས་ལ་མཆོད། །བཞི་པས་འབྱུང་པོ་ཐམས་ཅད་ཚིམ་པར་བྱ། །ཡང་ན་འཇིག་རྟེན་པ་དང་འཇིག་རྟེན་ལས་འདས་པ་གཉིས་སུ་མཆོད་པར་བྱའོ། །སྔགས་ནི་རྩ་བའི་སྔགས་ལ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི་ཞེས་ལན་བདུན་ནམ་ཉི་ཤུ་རྩ་གཅིག་
[30a.3]བཟླས། །མཁའ་འགྲོ་མའི་སྔགས་ནི་ཨོཾ་བུདྡྷ་ཌཱ་ཀི་ནཱི། །བཛྲ་ཌཱ་ཀི་ནཱི། རཏྣ་ཌཱ་ཀི་ནཱི། པདྨ་ཌཱ་ཀི་ནཱི། བི་ཤྭ་ཌཱ་ཀི་ནཱི། །ས་མ་ཡ་ཌཱ་ཀི་ནཱི། །སརྦ་ཌཱ་ཀི་ནཱི། ཨི་དི་བ་ལིཾ་ཏ་ཁ་ཁ། ཁཱ་ཧི་ཁཱ་ཧི། འཇིག་རྟེན་ལས་འདས་པའི་དཔལ་མགོན་པོ་ནག་པོ་ནི་མཁའ་འགྲོ་མའི་གཙོ་བོ་ཡིན་པས། །
[30a.4]རྩ་བའི་སྔགས་ལ་བཏགས་ཏེ་དབུལ། །འཇིག་རྟེན་པའི་མགོན་པོ་ནག་པོ་ནི་ཕྱོགས་སྐྱོང་གི་གཙོ་བོ་ཡིན་པས་སྔགས་ཀྱང་གོང་བཞིན་ཤེས་པར་བྱ། ཕྱོགས་སྐྱོང་གི་སྔགས་ནི། ཨིནྡྲ་ཞེས་བྱ་བ་ལས་ཀྱི་ཚོགས་དང་མཐུན། འབྱུང་པོ་ཐམས་ཅད་པའི་གཏོར་མའི་སྔགས་
[30a.5]ནི་ཨོཾ་ཨ་ཀཱ་རོ་མུ་ཁཾ་ཞེས་བྱ་བ་ལ་སོགས་པས་བྱའོ། །དེ་ནས་བསྟོད་པ་བྱ་ཞིང་ཕྲིན་ལས་བཅོལ། །འོད་ཟེར་འཕྲོས་པས་ཐལ་མོ་བརྡབ། །དེས་སུ་ཐམས་ཅད་བསྐུལ་ནས་ནི། །གང་ལ་བྱ་བ་དགུག་པར་བསམ། །དེ་འདྲ་ལན་གྲངས་བརྒྱ་ནས་སྟོང་། །ཁྲི་ནས་འབུམ་གྱིས་
[30a.6]ཁུགས་པར་འགྱུར། །འགུགས་པའི་སྦྱོར་ཀ་སྟེ་གཉིས་པའོ།། །།བསྐྲད་པའི་གཏོར་མའི་སྦྱོར་ཀ་ནི། །ཐུན་མོང་ཆོ་ག་ཐམས་ཅད་ནི། །ཐུན་མོང་གཏོར་མ་དག་དང་མཐུན། །ཁྱད་པར་གཏོར་མ་ཕལ་ཆེར་ཡང་། །བསྐྲད་པའི་ཚོགས་ཀྱི་སྦྱོར་ཀ་སྟེ། །མན་ངག་ཁྱད་
[30a.7]པར་བསྟན་པ་ནི། །ཤིང་ལོའམ་གྲོ་ག་དག་ལ་ནི། །རླུང་དང་བསྒྲུབ་བྱའི་གཟུགས་བྲིས་ལ། །འོད་ཟེར་རླུང་གིས་བསྐྱོད་པ་དང་། །ཁྲོ་བོ་དག་གིས་བསྐྱོད་པ་དང་། །རླུང་ལྷ་དག་གིས་བསྐྱོད་ནས་ནི། །ནམ་མཁའ་མཐའ་གཏུགས་བསྐྱལ་བར་བྱ། །བསྐྲད་པའི་གཏོར་
[30b]
[30b.1]མའི་སྦྱོར་ཀ་སྟེ་གསུམ་པའོ།། །།མནན་པའང་གོང་མ་བཞིན་ཏེ་མཐུན། །ཁྱད་པར་རི་རབ་འབུམ་དང་ནི། །རྡོ་རྗེ་དང་ནི་ཁྲོ་བོ་ཡང་། །འབུམ་དུ་བྱས་ཏེ་འོད་ཟེར་སོགས། །སྦྱོར་བ་གཞན་དང་མན་ངག་བཞིན། །མནན་པའི་སྦྱོར་ཀ་སྟེ་བཞི་པའོ།། །།གསད་པ་ཁྲོ་བོས་གསད་
[30b.2]པ་དང་། །མཚོན་ཆའི་ཆར་སོགས་དབབ་པས་གསད། །སྔགས་དང་ཕྱག་རྒྱ་རྫས་སོགས་གཞན། །མཁས་པས་མན་ངག་སྦྱར་བར་བྱའོ། །གསད་པའི་སྦྱོར་ཀ་སྟེ་ལྔ་པའོ།། །།བསྲེག་པ་སྐུ་གསུང་ཐུགས་ཀྱིས་བསྲེག །ཡང་ན་མེ་ལ་སོགས་པ་ཡི། །སྦྱོར་བ་གཞན་དུ་ཤེས་
[30b.3]པར་བྱའོ། །བསྲེག་པའི་སྦྱོར་ཀ་སྟེ་དྲུག་པའོ།། །།བཅིང་བ་ཡི་ནི་སྦྱོར་བ་ཡང་། །སྐུ་གསུང་ཐུགས་ཀྱི་སྦྱོར་བ་ཡིས། །ལུ་གུ་རྒྱུད་དང་ཞགས་པ་དང་། །ལྕགས་སྒྲོག་ལ་སོགས་སྦྱོར་བ་ཡིས། །མཁས་པ་ཡིས་ནི་བཅིང་བར་བྱ། །བཅིང་བའི་སྦྱོར་ཀ་སྟེ་བདུན་པའོ།། །།ཀླུ་དང་རྒྱལ་པོ་གཉིས་ལས་
[30b.4]ནི། །ཁྱད་པར་གཏོར་མ་བསྟན་པ་ནི། །དངུལ་དང་འཁར་བ་ཤིང་ཕོར་དང་། །ས་དཀར་སྣོད་དུ་བྱ་བར་ཤིས། །སྨན་སྣ་འབྲུ་སྣ་སྙིང་པོ་ལྔ། །དཀར་གསུམ་མངར་གསུམ་ཀླུ་ལ་ཤིས། །རིན་ཆེན་སྣོད་ནི་མཛེས་པ་རུ། །རིན་ཆེན་ལྔ་དང་འབྲུ་སྣ་ལྔ། །དར་ཟབ་ཤིང་ཐོག་ལ་སོགས་པ། །རྒྱལ་པོ་
[30b.5]ཉིད་ལ་ཤིས་པར་གསུངས། །དེ་གཉིས་བྱིན་གྱིས་བརླབ་པ་ཡང་། །རྫས་ཀྱི་སྟེང་དུ་ཧྲཱིཿའམ་ཧཱུཾ། །དེ་ཡི་འོད་ཀྱིས་རྫས་རྣམས་བསྲེག །སྐྱེན་དག་ནས་ནི་བདུད་རྩིར་བསམ། །དེ་ནས་ལག་པ་གཡས་པ་ནི། །མཆོག་སྦྱིན་བྱས་པའི་ལག་མཐིལ་དུ། །བྲིཾ་ལས་དཔག་བསམ་ཤིང་
[30b.6]ལོ་བསམ། །དེ་ཡི་ཡལ་གའི་གསེབ་ཏུ་ནི། །སི་ལས་བདུད་རྩིའི་བུམ་པ་བསམ། །དེ་ཡིས་བདུད་རྩི་ཡི་ནི་རྒྱུན། །ལག་མཐིལ་དུ་ནི་བབས་ནས་ཀྱང་། །གཏོར་མའི་ནང་དུ་འདྲེས་པར་བསམ། །དེ་ནས་ཨོཾ་ཨཱཿཧཱུཾ་ལན་གསུམ་བཟླས། །དེ་ནས་རང་གི་མདུན་དུ་པདྨ་བཞི་བསམ།
[30b.7]དེ་ནས་རང་གི་སྙིང་གའི་ཧཱུཾ་གི་འོད་ཀྱིས། ཀླུ་ཐམས་ཅད་ནི་པདྨར་བཀུག །འོད་ཟེར་འཕྲོས་པས་སྦྱོང་སོགས་བྱ། །ཐམས་ཅད་འོད་དུ་ཞུ་བ་ལས། །བདེ་གཤེགས་སྐུ་ཡི་སྤྲུལ་པའམ། །གསུང་གི་རིགས་ཀྱི་ལྟ་རུ་གྱུར། །སྤྱན་དྲངས་བསྟིམ་ཞིང་དབང་བསྐུར་བྱ། །དེ་ནས་ལྕེ་རྡོ་རྗེ་
[31a]
[31a.1]རྩེ་ལྔ་སྦུ་གུ་ཅན་དུ་བསམས་ལ། དེས་དྲངས་ལ་གསོལ་བར་བསམ། བསྟབས་པའི་སྔགས་ནི། ཨོཾ་བ་སུ་ཀི་བ་ལིཾ་ཏ་ཁཱ་ཧི་ཞེས་ཀླུ་རྣམས་ཀྱི་སོ་སོའི་རྩ་བའི་སྔགས་ལ་བཏགས་ལ་དབུལ་བར་བྱའོ། །གཤེགས་སུ་གསོལ་བའི་སྔགས་ནི་བཛྲ་མུཿ་ཞེས་བཏགས་
[31a.2]ལ་གཤེགས་སུ་གསོལ། །རྒྱལ་པོ་ཡང་སྤྲུལ་པ་དང་ལས་ཀྱི་རིགས་སུ་བསམ། ཕྱི་མ་མཐུན་ཏེ་མན་ངག་ཏུ་ཤེས་པར་བྱའོ། །ཀླུ་དང་རྒྱལ་པོའི་སྦྱོར་ཀ་སྟེ་བརྒྱད་པའོ།། །།དེ་དག་ཐམས་ཅད་ཕྱི་ཡིན་ནོ། །ནང་གི་སྙིང་གའི་ལྷ་རྣམས་ལ། །གཏོར་མ་ཟས་རྣམས་ཡིན་པས་ན། །
[31a.3]བདུད་རྩིར་བྱིན་གྱིས་བརླབས་ནས་ནི། །ལྷ་ལ་ཏིང་ངེ་འཛིན་གྱིས་དབུལ། །དེ་ནི་རྣལ་འབྱོར་ལམ་པ་ཡིན། །ཕྱག་རྒྱ་ཕྱག་རྒྱའི་མན་ངག་བཞིན། །ནང་གི་གཏོར་མའི་སྦྱོར་ཀ་སྟེ་དགུ་པའོ།། །།གསང་བའི་གཏོར་མའི་སྦྱོར་ཀ་ནི། །ལྟེ་བ་པདྨ་གཏོར་མའི་སྣོད། །དེ་སྟེང་ཟླ་བའི་སྟེང་དུ་
[31a.4]ནི། །བྱང་ཆུབ་སེམས་ཀྱི་ཀུནྡ་ལ། །བདུད་རྩི་ལ་སོགས་ཡོན་ཏན་སོགས། །གཏོར་མའི་རྫས་སུ་བསྟན་པ་ཡིན། །དེ་འོག་རླུང་སྔོན་བསྐྱོད་པ་ལས། །མེ་འབར་བདུད་རྩི་ཞུ་སྟེ་ཕབ། །འཁོར་ལོ་མཁའ་འགྲོ་རྣམས་ལ་མཆོད། །རྟོག་པ་ཞི་བ་ལས་རྣམས་འགྲུབ། །གསང་བའི་གཏོར་
[31a.5]མའི་སྦྱོར་ཀ་སྟེ་བཅུ་པའོ།། །།བླ་མེད་གཏོར་མའི་སྦྱོར་ཀ་ནི། །ལྷན་ཅིག་སྐྱེས་པའི་དགའ་བ་ལ། །ཐམས་ཅད་རྫོགས་པའི་མན་ངག་ཚང་། །བླ་ན་མེད་པའི་མན་ངག་གི་སྦྱོར་ཀ་སྟེ་བཅུ་གཅིག་པའོ།། །།གཏོར་མའི་མན་ངག་སྦྱོར་ཀ་རྣམས། །མན་ངག་རིམ་པ་བཀོད་པ་ཡིས། །
[31a.6]བདག་དང་མཐའ་ཡས་སེམས་ཅན་རྣམས། །བླ་མེད་བྱང་ཆུབ་ཐོབ་པར་ཤོག །སློབ་དཔོན་བྷ་བས་མཛད་པ་རྫོགས་སོ།། །།ལོ་ཙཱ་བ་དགེ་སློང་ཚུལ་ཁྲིམས་གཞོན་ནུས་བསྒྱུར་ཅིང་ཞུས་ཏེ་གཏན་ལ་ཕབ་བ།། {T2176}༄༅༅། །རྒྱ་གར་སྐད་དུ། ག་ཎ་ཙཀྲ་བི་དྷིཿ བོད་སྐད་དུ།
[31a.7]ཚོགས་ཀྱི་འཁོར་ལོའི་ཆོ་ག །དཔལ་རྡོ་རྗེ་ཅན་ལ་ཕྱག་འཚལ་ལོ། །ཚོགས་ཆེན་ཁྱད་པར་བསགས་པ་དང་། །དམ་ཚིག་ཉམས་པ་བསྐང་བ་དང་། །སྒྲིབ་སྦྱང་མཆོག་ནི་ཐོབ་བྱའི་ཕྱིར། །རྣལ་འབྱོར་ལུགས་མཐུན་བདག་གིས་བཤད། །ཚོགས་ནི་གཉིས་སུ་ཤེས་པར་བྱའོ། །
[31b]
[31b.1]ཕན་གདགས་པ་དང་ཚར་གཅད་པའི། །དེ་ཡང་འཁོར་ལོ་བསྐོར་དང་མཆོད་པ་བརྩམ། །ཕན་པ་མཆོག་དང་ཐུན་མོང་ངོ་། །དགུག་དང་བསྐྲད་དང་མནན་པ་དང་། །གསད་པ་ལ་སོགས་ཚར་གཅད་པའོ། །དེ་སྒྲུབ་རྣལ་འབྱོར་བསྟན་པ་ནི། །སྔགས་པ་གཅིག་ཏུ་རྟོག་བྱེད་དང་། །
[31b.2]དུས་རྣམས་ཀུན་དུ་རྩེ་གཅིག་ལྡན། །རྒྱུད་རྣམས་ཀྱི་ནི་སྙིང་པོ་ཤེས། །དེ་ཉིད་བཅུ་ནི་མཆོག་ཏུ་རིག །ཟབ་ཅིང་རྒྱ་ཆེན་ཆོས་ལ་མོས། །ཡིད་ནི་ཤིན་ཏུ་འཇམ་པ་དང་། །བསྙེན་བཀུར་ལྡན་ཞིང་འཇིགས་པ་མེད། །ང་རྒྱལ་མེད་ཅིང་གཤེགས་ལ་བརྩོན། །བརྡ་དང་ཕྱག་རྒྱའི་
[31b.3]མཆོད་པ་ཡི། །ལན་དང་སྦྱོར་པ་སོགས་ལ་མཁས། །གསང་ཐུབ་ཚོད་རིག་ལུས་ངག་གཟོ། །དེ་ལ་སོགས་པའི་ཆོ་ག་མཁས། །གུ་རུ་ལ་སོགས་ལྷ་དང་བསྟུན། །དེ་སྟེང་ལས་ཀྱི་རྣལ་འབྱོར་གཉིས། །བྱན་པོ་བྱན་མོ་གསོལ་ཀ་གསུམ། །ཕྱི་མཚམས་ནང་མཚམས་
[31b.4]རོལ་མོ་པ། །དེ་ནི་རྣལ་འབྱོར་རྒྱས་པའི་ཚད། །ལྷ་སྟེང་ལས་ཀྱི་སྐར་མ་དང་། །མཚན་མ་ཉིད་ནི་བསྡུས་པའོ། །ལྔ་པ་ཡན་ཆད་ཤིན་ཏུ་བསྡུས། །འཁོར་ལོ་བསྡུས་རྒྱས་མཁས་པས་བྱ། །མཆོད་པ་བཞི་གསུམ་གཉིས་སུ་བྱ། །དེ་ཡི་རིམ་པའང་གོང་བཞིན་དུ། །བསོད་
[31b.5]ནམས་རིམ་པའང་དེ་བཞིན་ཐོབ། །འཁོར་ལོ་གྲལ་ནི་དཀྱིལ་འཁོར་ཚུལ། །ཡང་ན་མཆོག་འདོད་པ་དང་ཐུན་མོང་ནི། །གྲགས་མ་གྲངས་ཀྱི་རིམ་པ་ཡིས། །མཆོད་པའི་ཚུལ་གྱིས་རིམ་པས་བྱ། །བྱིན་གྱིས་བརླབས་སམ་རིགས་མཐུན་པར། །ཉམས་དགའ་ཡིད་འཇུག་གནས་
[31b.6]དག་ཏུ། །འཁོར་ཁང་སུམ་རིམ་དང་པོ་ཡི། །སྒོ་བཞི་གཉིས་པ་ལྷོ་ལ་གསུམ་པ་ཤར། །དེ་ཡི་ཐུན་མོང་ཁྱད་པར་ནི། །དང་པོ་ས་འོག་ཕྱི་མ་སྟེ། །རིམ་གསུམ་གྱེན་དུ་བརྩིགས་པ་ནི། །ལུས་འདོད་པ་དང་ཕྱི་མའི་ལུགས། །ཕན་འདོགས་དོན་དུ་བསྟན་པའོ། །དུར་ཁྲོད་མཚོ་གླིང་
[31b.7]འཇིགས་པའི་གནས། །འདི་འདྲའི་རིགས་མཐུན་ལ་སོགས་པས། །ཚར་གཅད་དོན་དུ་གོང་བཞིན་བྱ། །དུས་ནི་རྒྱུན་ནམ་ལོའམ་ཟླར། །ཁྱད་པར་བཞི་གསུམ་གཉིས་དང་གཅིག །བཅུ་གཉིས་བཞི་རུ་དམ་ཚིག་གོ། །དེ་ལྟར་མ་བྱས་མཁའ་འགྲོས་གསོད། །བྱས་ན་དངོས་
[32a]
[32a.1]གྲུབ་ཆེན་པོ་འཐོབ། །ཡོན་ཏན་སྦྱོར་བའི་རིམ་པ་དང་། །སྒྲུབ་པོ་འདོད་པའི་རིམ་པ་ཡིས། །གོང་གི་ཁྱད་པར་ཤེས་པར་བྱ། །ཕྱི་ལྟར་བ་ཡི་རྣམ་ལྔས་བྱུག །ནང་ནི་བདུད་རྩི་རྣམ་ལྔས་བྱུག །ཕྱི་ནི་མཛེས་པའི་རྒྱན་རྣམས་བྲིས། །ནང་ནི་དུར་ཁྲོད་ཆས་ཀྱིས་
[32a.2]བརྒྱན། །དཀྱིལ་འཁོར་གསང་མཆོག་ནུབ་མོ་བྲི། །ངག་གི་བརྡ་སྐད་ཐབས་གསུམ་གྱིས། །རྣལ་འབྱོར་རྣམས་ནི་བསྡུ་བར་བྱ། །དབྱུག་སྔོན་གྱིས་ནི་ལུས་ངག་བརྡ། །བུམ་པ་ནས་བཟུང་ཕྱི་ནང་གསང་། །དྲིལ་ནས་དབྱེ་གསལ་རིམ་པས་བྱ། །སློབ་དཔོན་མདུན་དུ་འཁོན་གཅུགས་
[32a.3]སྦྱང་། །ལས་ཀྱི་སེམས་དཔའ་གྲལ་ལ་དགོད། །རྒྱན་ཆ་གན་ལ་གོ་བགོར་གནས། །སློབ་དཔོན་གྱིས་ནི་བྱིན་བརླབས་ཤིང་། །ལས་ཀྱི་སེམས་མས་རྟགས་གསུམ་གདབ། །རང་གིས་ལྷག་པའི་ང་རྒྱལ་བྱ། །གར་མས་མཎྜལ་མཆོད་པ་རྣམས། །རིམ་པར་བྱས་ནས་གསོལ་བ་
[32a.4]གདབ། །བསྐྱེད་པའི་རིམ་པ་ཚུལ་བཞིན་བསྒོམ། །སོ་སོའི་ལྷ་ཡི་ང་རྒྱལ་བྱ། །དེ་ལྟར་མི་ཤེས་ལྷག་པའི་ལྷ། །དེ་ལྟར་བྱས་ནས་གཙོ་བོའི་བརྡས། །ཀརྨ་ལ་ནི་བསྐུལ་བར་བྱ། །ཀརྨ་འཁོར་མ་དང་བཅས་ལ། །ཚོགས་ཀྱི་བྱེ་བྲག་བརྒྱ་རྩ་བརྒྱད། །འགྱིང་བག་ཚུལ་གྱིས་དྲང་བར་བྱ། །
[32a.5]ཚོགས་ཀྱི་དབྱེ་བ་བསྟན་པ་ནི། །རྩ་བ་ལྔ་ལས་རྩ་ལྔར་གྱུར། །ཐུན་མོང་དུ་ནི་བརྒྱ་བྱ་ལ། །རྣལ་འབྱོར་ཟབ་མོའི་སྤྱོད་པ་ཡིན། །ཤ་ཡི་བྱེ་བྲག་ཉི་ཤུ་ལྔ། །བཏུང་བའི་བྱེ་བྲག་དེ་བཞིན་ནོ། །སྨན་གྱི་བྱེ་བྲག་ཉི་ཤུ་དང་། །བཤོས་དང་དཀར་གྱི་བྱེ་བྲག་ཀྱང་། །ཕྱེད་མར་བྱས་པའི་སུམ་ཅུ་
[32a.6]ཡིན། །སྤོས་ཀྱི་བྱེ་བྲག་བརྒྱད་དུ་བསྟན། །དེ་ནས་བསྡུས་པ་ཕྱེད་དུ་བསྟན། །ཤིན་ཏུ་བསྡུས་པ་དེ་ཡི་ཕྱེད། །དེ་ནི་ཚོགས་ཀྱི་འཁོར་ལོའོ། །ཚོགས་ཀྱི་འཁོར་ལོའི་མཆོད་པའི་རིམ་པ་ནི། །བཅུ་དང་ལྔ་དང་གསུམ་དུ་བྱ། །དེ་ཡི་རབ་འབྲིང་སྒྲུབ་པའོ། །བསོད་ནམས་ཆེ་ཆུང་རིམ་པ་
[32a.7]དེའོ། །ཚོགས་དེ་སློབ་དཔོན་བྱིན་གྱིས་བརླབས། །རླུང་གིས་མེ་སྦར་མཚན་ལྡན་དྲོས། །དེ་ཉིད་གསུམ་གྱི་ལས་བྱས་ལ། །བདུད་རྩི་བབ་ཅིང་རྡོ་རྗེས་དཀྲུགས། །བདུད་རྩིའི་རང་བཞིན་འོད་དུ་ཞུ། །བཏུང་བའི་བྱིན་རླབས་ལ་སོགས་ཀྱང་། །མན་ངག་བཞིན་དུ་བྱིན་བརླབས་ལ། །
[32b]
[32b.1]བདུད་རྩི་མཆོད་པ་ཕྱོགས་བཀྲམ་ལ། །དང་པོ་ལས་ཀྱི་རྣལ་འབྱོར་གྱིས། །མདུན་དུ་ལྷ་བསྐྱེད་སྤྱན་དྲངས་བསྟིམ། །དང་པོ་ཕྱག་འཚལ་མཆོད་ལྔ་འབུལ། །དེ་ནས་བདུད་རྩིའི་མཆོད་པ་འབུལ། །དེ་འོག་ལྕགས་ཀྱུ་ལྔ་པོ་དང་། །གླུ་དང་གར་གྱི་མཆོད་པ་འབུལ། །ཧཱུཾ་གི་གླུ་
[32b.2]བླངས་མཆོད་པ་ནི། །ཉི་ཤུ་ཡང་ནི་བྱ་བར་གསུངས། །བསྟོད་ཅིང་རོལ་མོའི་མཆོད་པ་འབུལ། །དེ་ནས་རྣལ་འབྱོར་རྣམས་ལ་མཆོད། །ལྷག་མ་མཁའ་འགྲོ་རྣམས་ལ་མཆོད། །མཎྜལ་སྔོན་པོ་བྱས་ནས་ནི། །བདུད་རྩི་ལྔ་ཡིས་ཆག་ཆག་གདབ། །མེ་ཏོག་སྔོན་པོའི་ཚོམ་བུ་བྱ། །
[32b.3]ས་ལ་གནས་པའི་མཁའ་འགྲོ་མ། །བསྐྱེད་ཅིང་སྤྱན་དྲངས་བསྟིམ་བྱས་ལ། །བྱིན་གྱིས་བརླབས་ལ་མཆོད་པ་བྱ། །ལྷག་མ་ཁ་ཆུས་བཏབ་ནས་ནི། །སྦྱང་དང་སྤྲོ་བ་བསྡུས་བྱས་ལ། །འཁོར་ཁང་ཕྱི་ལོགས་མཎྜལ་བྱ། །ཁྲག་གིས་བྱུག་ཅིང་མེ་ཏོག་དགྲམ། །བཤུད་གླུ་བརྡ་
[32b.4]ཡིས་སྤྱན་དྲངས་ནས། །རྣལ་འབྱོར་སྐྲ་བཤིག་ཐལ་བས་བྱུག །རྒྱན་ཆས་གོན་ལ་རྟགས་རྣམས་གདབ། །ལྷ་ཡི་ཏིང་འཛིན་གསལ་བྱས་ནས། །རྡོ་རྗེའི་གླུ་བླངས་རོལ་མོ་བརྡུང་། །མཆོད་ཅིང་བསྟོད་ནས་མཐོལ་བཤགས་བྱ། །ཕྲིན་ལས་བཅོལ་ལ་གཤེགས་སུ་གསོལ། །
[32b.5]ཚོགས་ཀྱི་སྦྱོར་ཀའི་ཕྲིན་ལས་ཀྱིས། །རྣལ་འབྱོར་པ་ཡི་ལས་རྣམས་འགྲུབ། །སློབ་དཔོན་བྷ་བས་མཛད་པ་རྫོགས་སོ།། ༄༅། །ཟབ་བ་དོན་གྱི་ཆོ་ག་རྣམས། །རིན་ཆེན་ལྟ་བུའི་གང་ཟག་ལ། །ཟབ་ཕྱིར་མན་ངག་བཀོལ་ནས་བསྟན། །མཆོག་གི་ཚོགས་
[32b.6]ཀྱི་འཁོར་ལོ་ནི། །ཐུན་མོང་ཆོ་ག་ཐམས་ཅད་ནི། །ཐུན་མོང་ཚོགས་འཁོར་དང་མཐུན་ནོ། །ཁྱད་པར་ཆོ་ག་བསྟན་པ་ནི། །རིན་ཆེན་ཕུབ་པ་དགུ་རིམ་མམ། །བདུན་རིམ་ལྔ་རིམ་སུམ་རིམ་ནི། །མུ་སྟེགས་ཉན་ཐོས་སྐྱེ་བོ་ཡིས། །སྐྲག་འགྱུར་ལོག་སྤྱོད་སྤྱད་བྱེད་གསུམ། །
[32b.7]དེ་དག་སྤང་ཕྱིར་གོང་བཞིན་བསྟན། །རྒྱལ་རིགས་རྗེའུ་རིགས་བྲམ་ཟེའི་རིགས། །བུ་མོ་མཚན་དང་ལྡན་པ་ནི། །མཚན་རྣམས་བཅུ་པོ་རྫོགས་པ་དང་། །ཤེས་རབ་ཆེ་དང་སྙིང་རྗེ་ཆེ། །དད་པ་ལ་སོགས་ཆེ་བ་དང་། །རྣལ་འབྱོར་ལྡན་པ་ཕྱག་རྒྱ་མཁས། །སྦྱོར་ཐབས་
[33a]
[33a.1]ཀུན་ལ་རབ་ཏུ་མཁས། །དེ་ལྟའི་རྣལ་འབྱོར་ཉུང་ཡང་ལྔ། །མང་བར་གྱུར་ན་རྣལ་འབྱོར་ཀྱང་། །བསྐྱེད་དེ་དེ་ལྟར་རིགས་པར་སྤྱད། །ལྔ་གཉིས་ཟུང་དུ་གནས་པ་ལས། །བསྐྱེད་པའི་རིམ་པ་མཐར་ཕྱིན་པས། །ནང་གི་མཆོད་པ་བརྩམ་པར་བྱ། །དེ་ནས་
[33a.2]གསང་བའི་མཆོད་པ་བརྩམ། །གསང་བའི་མཆོད་པའི་ཆོ་ག་ཡིས། །དགའ་བའི་ཡེ་ཤེས་བཅུ་དྲུག་ནི། །འཁོར་ལོའི་ཚུལ་ལས་ལྷན་ཅིག་བསྐྱེད། །ཡེ་ཤེས་འཁོར་ལོ་ཞེས་སུ་གྲགས། །ཡང་ན་སྤྲུལ་པའི་འཁོར་ལོ་ལ། །ཐིག་ལེ་ཕྲ་མོ་བསམ་པ་ནི། །རྣལ་འབྱོར་
[33a.3]ཕ་ཡིན་རྩ་རྣམས་མ། །རླུང་ནི་ལས་ཀྱི་སེམས་དཔའ་ཡིན། །དེ་ལ་སོགས་པའི་མན་ངག་རྣམས། །སློབ་དཔོན་ཞལ་ལས་ཤེས་པར་བྱ། །འཁོར་ལོ་གསུམ་ལའང་དེ་བཞིན་ནོ། །ཚོགས་ཞེས་བྱ་བ་མང་པོ་ཡིན། །འཁོར་ལོ་ཞེས་བྱ་བ་སྐོར་དུ་བཏུབ། །མཆོག་ཅེས་བྱ་བ་ལྷན་
[33a.4]ཅིག་དགའ། །དེ་ལྟར་མཆོག་གི་འཁོར་ལོ་ནི། །ཡང་ཡང་སྦྱང་ཞིང་བསྒོམ་པར་བྱ། །མཆོག་གི་ཚོགས་ཀྱི་འཁོར་ལོའི་སྦྱོར་ཀ་སྟེ་གཉིས་པའོ།། །།དགུག་པའི་ཚོགས་ཀྱི་འཁོར་ལོ་ནི། །ཐུན་མོང་ཆོ་ག་ཐམས་ཅད་ནི། །ཐུན་མོང་ཚོགས་འཁོར་དང་མཐུན་ནོ། །ཁྱད་པར་ཆོ་ག་
[33a.5]བསྟན་པ་ནི། །དུར་ཁྲོད་འཇིགས་པའི་གནས་དག་ཏུ། །ཤིན་ཏུ་དམར་བའི་གོས་གྱོན་ནས། །ནུབ་ཕྱོགས་སུ་ནི་ཁ་བལྟས་ཏེ། །ཆོ་ག་གསུམ་གྱིས་ལྷར་བསྐྱེད་ནས། །འཁོར་བསྐྱེད་པའམ་མི་བསྐྱེད་པའོ། །བསྐྱེད་པ་ཧཱུཾ་གིས་བསྐྱེད་པ་དང་། །མི་བསྐྱེད་སྐད་ཅིག་སྤྲུལ་པའོ། །ཡེ་ཤེས་
[33a.6]དཀྱིལ་འཁོར་སྤྱན་དྲངས་སོགས། །བྱས་ནས་བསྐྱེད་རིམ་མཐར་ཕྱིན་ནས། །མདུན་གྱི་དཀྱིལ་འཁོར་སྤྲུལ་པ་ལ། །ཆོ་ག་ལ་སོགས་རྫོགས་བྱས་ནས། །དུར་ཁྲོད་རས་མ་དག་ལ་ནི། །མདུན་དུ་གཟུགས་སམ་འཁོར་ལོ་བྲི། །དགུག་པའི་ཡི་གེའི་འོད་ཟེར་གྱིས། །བསྒྲུབ་བྱ་བཀུག་
[33a.7]ནས་བསྟིམ་པར་བྱ། །འཇིག་རྟེན་འདས་དང་འཇིག་རྟེན་པའི། །དཀྱིལ་འཁོར་བཞི་པོ་དེ་དག་ལ། །མཆོད་བསྟོད་ལ་སོགས་བྱས་ནས་ནི། །ཕྲིན་ལས་བཅོལ་ཞིང་རྦད་པ་དང་། །སྔགས་བཟླས་བརྒྱ་རྩ་བརྒྱད་དུ་ནི། །རབ་ཀྱིས་བྱ་བ་འབྲིང་གིས་ནི། །ལྔ་བརྒྱ་ཐ་མ་སྟོང་གིས་ནི། །
[33b]
[33b.1]བཞི་པོ་རབ་ཏུ་རེ་རེ་ཡང་། །དེ་བཞིན་གཅིག་གིས་འགྲུབ་པ་དང་། །ཡང་ན་ཐུན་པར་བཞི་དག་ཏུ། །རྩ་གཅིག་ལྔ་བཅུ་བརྒྱ་རྩ་བརྒྱད། །དེ་ལྟའི་འཁོར་ལོ་རྩ་གཅིག་དང་། །ལྔ་བཅུ་བརྒྱ་རྩ་བརྒྱད་དུ་ནི། །སྒྲུབ་པོ་ཁྱད་པར་རབ་འབྲིང་གིས། །བསྒྲུབ་བྱ་གང་ཡིན་ཁུག་པར་འགྱུར། །
[33b.2]ཉི་ཤུ་རྩ་དྲུག་མཐའ་ལ་ནི། །བསྒྲུབ་བྱའི་མིང་ནི་བཅུག་ནས་སུ། །འགུགས་བྱེད་བསྲེ་བས་གཞུག་པར་བྱ། །དགུག་པ་ཚོགས་ཀྱི་སྦྱོར་ཀ་ལ། །ཉིན་དང་མཚན་དུ་བརྩམ་པར་བྱ། །དགུག་པ་ཚོགས་ཀྱི་སྦྱོར་ཀ་སྟེ་གསུམ་པའོ།། །།བསྐྲད་པ་ཚོགས་ཀྱི་འཁོར་ལོ་ནི། །ཐུན་མོང་
[33b.3]ཆོ་ག་ཐམས་ཅད་ནི། །ཕན་གདགས་པ་ནི་ཉིད་དང་མཐུན། །ཁྱད་པར་འཇིགས་པའི་གནས་དག་ཏུ། །ལྷོ་ཕྱོགས་སུ་ནི་ཁ་བལྟས་ཏེ། །སྔོན་པོ་ལ་སོགས་གོས་གོན་ལ། །བསྐྱེད་རིམ་ཚུལ་དུ་བྱ་བ་དང་། །ཆོ་ག་གསུམ་གྱིས་བྱ་བ་ཡིན། །དེ་ནས་ཡེ་ཤེས་སྤྱན་དྲངས་ནས། །ཆོ་ག་ལ་
[33b.4]སོགས་རྫོགས་པར་བྱ། །མདུན་དུ་དུར་ཁྲོད་རས་མ་ལ། །རླུང་གི་དཀྱིལ་འཁོར་བྲིས་ནས་ནི། །དེ་སྟེང་ཟླ་བའི་དཀྱིལ་འཁོར་ལ། །བསྒྲུབ་བྱའི་གཟུགས་བརྙན་བྲིས་ནས་ནི། །རྣལ་འབྱོར་ཅི་འདོད་མདུན་དུ་བསམ། །ཡང་ན་གཙོ་བོ་ལྔའམ་དྲག་པོ་གཉིས། །ལས་ལ་མེད་དུ་མི་རུང་ངོ་། །
[33b.5]གཙོ་བོ་དྲག་པོའི་ལས་ནི་བསྡུས། །སློབ་དཔོན་གཉིས་པོ་ཤིན་ཏུ་བསྡུས། །དཀྱིལ་འཁོར་གསུམ་པོ་སྤྲུལ་པ་ལས། །ཆོ་ག་ལ་སོགས་རྫོགས་པར་བྱ། །ཚོགས་ཀྱི་རྫས་རྣམས་མ་ལུས་བསགས། །ཁྱད་པར་ཙིཏྟ་སྣ་ཚོགས་དང་། །ཤ་སྣ་ཁྲག་སྣ་ལ་སོགས་པས། །ཚུལ་ཁྲིམས་བསྲུང་
[33b.6]ལྡན་ནས་བཟུང་ནས། །སྒོ་མངས་ཅན་ནི་ཡན་ཆོད་ཀྱི། །རང་གི་སྦྱོར་བ་མ་བྱས་པར། །གཞན་ལ་ཉོས་དང་བསླངས་པ་ཡིས། །རྫས་རྣམས་རྡོ་རྗེ་ཅན་གྱིས་ནི། །རྒྱུད་ལས་བསྔགས་པར་བཅོམ་ལྡན་གསུངས། །བྱན་པོས་བཙོ་བསྲེག་བྱས་ནས་ནི། །ཡོན་བདག་འཁོར་དང་བཅས་ནས་
[33b.7]ནི། །བསྐོར་བ་བདུན་ནམ་གསུམ་བྱས་ལ། །འགྱིང་བག་འཛུམ་པའི་མདངས་ཀྱིས་ནི། །སློབ་དཔོན་ལ་ནི་རྡོ་རྗེའི་གླུས། །ཕྱག་རྒྱ་བསྒྱུར་ནས་དྲང་བར་བྱ། །ཧཱུཾ་བླ་མ་རྡོ་རྗེ་སློབ་དཔོན་ནི། །གཉིས་མེད་ཡེ་ཤེས་མཐུ་ལྡན་པས། །དབྱིངས་ལས་མ་གཡོས་རྟོགས་མེད་ཀྱང་། །སེམས་
[34a]
[34a.1]ཅན་གདུལ་བའི་དོན་སླད་དུ། །རྡོ་རྗེ་ཅན་གྱི་སྐུ་སྤྲུལ་ནས། །རྩེ་གཅིག་ལྡན་པའི་ཏིང་འཛིན་གྱིས། །ཚོགས་ཀྱི་འཁོར་ལོ་རྒྱ་ཆེན་འདི། །བདག་གཞན་ལྷ་རྣམས་མཆོད་པའི་ཕྱིར། །བྱིན་གྱིས་བརླབ་པ་མཛད་དུ་གསོལ། །དེ་ནས་རྡོ་རྗེ་སློབ་དཔོན་གྱིས། །ཡི་གེ་
[34a.2]གསུམ་གྱི་བདུད་རྩི་ཡིས། །བསྲེག་སྦྱངས་བདུད་རྩི་ཞུ་ནས་ཀྱང་། །བདེ་གཤེགས་མཆོད་བསྟོད་རྫོགས་བྱས་ནས། །ཕྲིན་ལས་བཅོལ་བས་ཁྲོ་བོ་ཡི། །སྔགས་བཟླས་པས་ནི་བསྒྲུབ་བྱ་སྟེ། །འཁོར་ལོ་རླུང་གི་དཀྱིལ་འཁོར་ལ། །བསྒྲུབ་བྱ་དེ་རུ་བཞག་ནས་སུ། །ཁྲོ་བོ་དཔག་མེད་སྤྲོས་
[34a.3]པ་ཡི། །ཞལ་ནས་རླུང་ནག་འཚུབ་མ་ནི། །བཏང་བས་བསྒྲུབ་བྱ་བཏེག་ནས་ཀྱང་། །ནུབ་བྱང་མཚམས་ཀྱི་རླུང་ལྷས་ནི། །ཁྱད་པར་དེ་ཉིད་བསྐྱོད་ནས་ཀྱང་། །ནམ་མཁའི་མཐས་གཏུགས་ས་རུ་བསྐྱལ། །དེ་ལྟར་ལན་གསུམ་ལྷ་གསུམ་གྱིས། །ཆོ་ག་བྱས་ཏེ་བསྐྱལ་བར་བྱ། །བསྐྲད་
[34a.4]པའི་ཚོགས་ཀྱི་འཁོར་ལོའི་སྦྱོར་ཀ་སྟེ་བཞི་པའོ།། །།མནན་པ་ཚོགས་ཀྱི་འཁོར་ལོ་ནི། །ཐུན་མོང་ཆོ་ག་ཐམས་ཅད་ནི། །ཕན་གདགས་པ་ནི་ཉིད་དང་མཐུན། །ཁྱད་པར་ཆོ་ག་བསྟན་པ་ནི། །རི་བོ་དབེན་པའི་གནས་དག་ཏུ། །སློབ་དཔོན་ལྷོ་ཕྱོགས་ཁ་བལྟས་ཏེ། །སེར་ནག་ལ་
[34a.5]སོགས་རྒྱན་ཆ་གོན། །ཆོ་ག་ལ་སོགས་རྫོགས་བྱས་ལ། །རྣལ་འབྱོར་རྣམས་ཀྱི་མདུན་དུ་ནི། །དུར་ཁྲོད་རས་མ་དག་ལ་ནི། །བ་བླའམ་ལྡོང་རོས་ཁུ་བས་སམ། །གསེར་གྱིས་རི་རབ་བྲིས་ནས་ཀྱང་། །དེ་འོག་མཐིང་ཤུན་དག་གིས་ནི། །རྒྱ་མཚོ་ཆེན་པོའི་གཟུགས་བྲིས་ལ། །དེ་གཉིས་
[34a.6]དག་གི་བར་དུ་ནི། །བསྒྲུབ་བྱའི་མིང་རྣམས་བྲིས་ནས་ཀྱང་། །ཤུགས་ལྡན་པ་དང་མགོ་འཆོས་དང་། །ཀུན་དུ་རྒྱུག་པ་ཡན་ཆོད་ཀྱི། །རྣམ་གསུམ་པོ་ནི་ཐམས་ཅད་ཀུན། །ཆོས་མཐུན་སྤྱོད་པས་བཙལ་ནས་ཀྱང་། །བྱན་པོ་དེ་རྫོགས་རྫས་རྣམས་ལ། །ཡིད་འོང་དཔག་མེད་
[34a.7]བཤམས་ནས་ཀྱང་། །བསྐོར་ནས་སློབ་དཔོན་ལ་ཕུལ་བས། །ཆོ་ག་ལ་སོགས་རྫོགས་ནས་ནི། །དཀྱིལ་འཁོར་གཉིས་པའི་ཆོ་ག་ཡིས། །སྔགས་བཟླས་བརྒྱ་རྩ་བརྒྱད་པ་གཉིས། །ཏིང་འཛིན་ལྡན་པས་བསྒྲུབ་བྱ་སྟེ། །མིང་གི་ཡི་གེ་བསྐྱེད་ནས་ཀྱང་། །ཡི་གེ་གཉིས་པོ་རི་
[34b]
[34b.1]རབ་བྲི། །རྒྱ་མཚོ་བསྐྱེད་ནས་མནན་པར་བྱ། །དཀྱིལ་འཁོར་མཐའ་མའི་ཆོ་ག་ཡིས། །ཁང་པའི་ཕྱི་རོལ་དག་ཏུ་ནི། །དྲག་པོའི་འབྲུབ་ཁུང་བྱས་ནས་ཀྱང་། །ནག་པོས་ཁ་ནི་བཅད་ནས་ཀྱང་། །དེ་སྟེང་ལས་ཀྱི་རྒྱ་གྲམ་བྲི། །དེ་སོགས་ཆོ་གའི་སྦྱོར་བས་སུ། །མཁའ་འགྲོ་
[34b.2]རྣམས་ཀྱིས་མནན་པར་བྱའོ། །མནན་པའི་ཚོགས་ཀྱི་སྦྱོར་ཀ་སྟེ་ལྔ་པའོ།། །།གསད་པའི་ཚོགས་ཀྱི་སྦྱོར་ཀ་ནི། །ཐུན་མོང་ཆོ་ག་ཐམས་ཅད་ནི། །ཕན་གདགས་པ་དང་མཐུན་པར་བསམ། །ཁྱད་པར་ཆོ་ག་བསྟན་པ་ནི། །དུར་ཁྲོད་འཇིགས་པའི་གནས་དག་ཏུ། །སློབ་དཔོན་ལྷོ་
[34b.3]ཕྱོགས་ཁ་བལྟས་ཏེ། །གནག་ཅིང་དྲག་པོའི་རྒྱན་ཆ་གོན། །རྣལ་འབྱོར་རྣམས་ཀྱི་མདུན་དུ་ནི། །དུར་ཁྲོད་རས་ལ་གཟུགས་བྲིས་ལ། །ཕུར་བུ་གྲི་གུག་མཚོན་ཆ་རྣམས། །ཁྲོ་བོའི་སྔགས་ཀྱིས་བྱིན་བརླབས་ནས། །ཕུར་བུས་གདབ་ཅིང་གྲི་གུག་གཏུབ། །ཐུན་མོང་རྫས་
[34b.4]རྣམས་སྟེང་དུ་ནི། །གདོང་པ་ཅན་ནི་སྣ་ཚོགས་ཀྱིས། །གསུམ་དང་ལྡན་པ་ཡིད་དུ་འོང་། །སློབ་དཔོན་ལ་ནི་ཕུལ་ནས་ཀྱང་། །དང་པོ་བསྒྲུབ་བྱ་དེ་ཉིད་ལ། །བཀུག་ནས་ཁྲོ་བོའི་མཚོན་ཆ་ཡིས། །གསང་བའི་ཆོ་ག་བྱས་ནས་སུ། །རྩ་གཅིག་ལ་སོགས་སྔགས་ཀྱིས་ནི། །དེ་བཞིན་
[34b.5]བྱིན་བརླབས་བྱས་ནས་ནི། །དང་པོ་འཁོར་ལོ་མཆོད་ནས་ཀྱང་། །ཆོ་ག་ལ་སོགས་རྫོགས་བྱས་ལ། །སླར་ཡང་བསྒྲུབ་བྱ་བཀུག་ནས་ནི། །མདུན་བསམས་གསད་པའི་སྦྱོར་བ་ཡིས། །ཆོ་ག་རྫོགས་ནས་ཐ་མ་ནི། །མཁའ་འགྲོ་མ་ཡིས་གསད་པ་ཡི། །སྦྱོར་བས་ཆོ་ག་རྫོགས་པར་
[34b.6]བྱའོ། །གསད་པའི་ཚོགས་ཀྱི་འཁོར་ལོའི་སྦྱོར་ཀ་སྟེ་དྲུག་པའོ།། །།སྲེག་པ་ཚོགས་ཀྱི་སྦྱོར་ཀ་ནི། །ཆོ་ག་ཐམས་ཅད་གཞན་དང་མཐུན། །དཀྱིལ་འཁོར་གསུམ་དུ་སྦྱིན་སྲེག་གསུམ། །རྣལ་འབྱོར་པ་ནི་ཐམས་ཅད་ཀྱིས། །སྔགས་ལ་སོགས་པའི་འཁོར་ལོ་ཡིས། །བསྐོར་
[34b.7]བའི་ཚུལ་དུ་ཐ་མ་ནི། །ལས་མཁན་གྱིས་ནི་བསྲེག་པར་བྱའོ། །དེ་ཡི་ཆོ་ག་ཐམས་ཅད་ནི། །སྦྱིན་སྲེག་ཆོ་གར་ཤེས་པར་བྱའོ། །སྲེག་པའི་ཚོགས་ཀྱི་འཁོར་ལོའི་སྦྱོར་ཀ་སྟེ་བདུན་པའོ།། །།བསྟབས་པ་ཚོགས་ཀྱི་འཁོར་ལོ་ནི། །ཆོ་ག་ཐམས་ཅད་གཞན་དང་མཐུན། །ཁྱད་པར་
[35a]
[35a.1]ཆོ་ག་བསྟན་པ་ནི། །རྣམ་པར་བམ་པ་མ་ཡིན་པའི། །མཚན་ལྡན་བམ་ཆེན་བླངས་ནས་ནི། །མིང་གི་ཡི་གེ་བསྐྱེད་ནས་ཀྱང་། །དེ་ཉིད་དཀྱིལ་འཁོར་གསུམ་པོ་ལ། །བསྟབས་ཏེ་ཡང་ན་རྫས་ལ་ནི། །བསམས་ཏེ་བྱིན་བརླབས་བྱས་ནས་ཀྱང་། །གར་མ་དབྱུག་སྔོན་
[35a.2]རྟ་མགྲིན་གྱིས། །ལན་གསུམ་ལན་བདུན་ཉི་ཤུ་གཅིག །བསྟབས་པའི་ཚོགས་ནི་མཁས་པས་སོ། །དེ་ནས་ཕྱི་རོལ་དག་ཏུ་བྱ། །དེ་ལྟར་གཉིས་བསྟབས་གསུམ་དུ་བསྟབས། །སློབ་དཔོན་མན་ངག་ཤེས་པར་བྱའོ། །བསྟབས་པ་ཚོགས་ཀྱི་འཁོར་ལོའི་སྦྱོར་ཀ་སྟེ་བརྒྱད་
[35a.3]པའོ།། །།ཐུན་གསུམ་ཐུན་བཞི་དག་ཏུ་ནི། །ཉིན་དང་མཚན་ནི་ལན་གསུམ་དུ། །ཚོགས་ཀྱི་འཁོར་ལོའི་སྦྱོར་ཀ་ལ། །རྣལ་འབྱོར་ཅན་གྱིས་བརྩོན་པར་བྱའོ། །དངོས་གྲུབ་རྣམ་གཉིས་འདོད་པ་དང་། །བར་ཆད་རྣམ་གཉིས་བསལ་བའི་ཕྱིར། །ཆོ་ག་འདི་བྱས་དགེ་བས་སུ། །
[35a.4]ཐམས་ཅད་བྱང་ཆུབ་ཐོབ་པར་ཤོག །ཚོགས་ཀྱི་འཁོར་ལོའི་སྦྱོར་ཀ་སློབ་དཔོན་བྷ་བས་མཛད་པ་རྫོགས་སོ།། །།ལོ་ཙཱ་བ་དགེ་སློང་ཚུལ་ཁྲིམས་གཞོན་ནུས་བསྒྱུར་ཅིང་གཏན་ལ་ཕབ་པའོ། {T2177}༄༅༅། །རྒྱ་གར་སྐད་དུ། ཧོ་ཏྲྀ་བི་དྷིཿ། བོད་སྐད་དུ། སྦྱིན་སྲེག་གི་ཆོ་ག །
[35a.5]བཅོམ་ལྡན་འདས་རྡོ་རྗེ་ཅན་ལ་ཕྱག་འཚལ་ལོ། །སྡིག་པ་གཞིལ་དང་བསོད་ནམས་འཕེལ། །དགུག་དང་དབང་བྱེད་གསད་པའི་ས། །སྒྲུབ་པོ་རྣམས་ལ་ཕན་བཏགས་ཕྱིར། །བདག་གིས་སྦྱིན་སྲེག་བཤད་པར་བྱ། །དང་པོ་བཀྲ་ཤིས་གནས་དག་ཏུ། །བརྟག་སོགས་བསྡུས་
[35a.6]རྒྱས་རྣམ་གསུམ་བྱ། །འབྲིང་ནི་རང་ཉིད་གོས་སྔོན་གྱི། །ཏིང་འཛིན་ལྡན་པས་བཀའ་བསྒོ་ཞིང་། །ཤར་དུ་ཁ་བལྟས་འབྱུང་པོ་ལ། །ཡིད་དང་མཐུན་པའི་གཏོར་མ་སྦྱིན། །ཡི་གེ་ཉི་ཤུ་རྩ་གཉིས་པའམ། །ཧཱུཾ་གིས་ཡང་ནི་སྦྱང་བར་བྱ། །རྡོ་རྗེ་ཕྱག་རྒྱ་དེ་བཞིན་ཤེས། །སྙིང་གའི་ཡི་
[35a.7]གེས་སྐྱོན་སྦྱངས་ཤིང་། །སྔགས་དང་ཕྱག་རྒྱས་སྦྱང་བའོ། །དེ་ནི་རྒྱས་པའི་རྟགས་སོགས་འདོད། །འབྲིང་ནི་སྔགས་དང་ཕྱག་རྒྱས་སྦྱངས། །མེ་ཏོག་ཚོམ་བུ་གྲངས་མཉམ་པ། །གཞུང་བཞིན་བྲིས་པ་རྫོགས་པར་འདོད། །ཐ་མ་མཛེས་པའི་སྣོད་དག་ལ། །ཡིག་འབྲུ་
[35b]
[35b.1]གསུམ་གྱིས་བྱིན་བརླབས་ནས། །ཏིང་འཛིན་སྦྱང་བ་ཁོ་ནར་འདོད། །ས་སྐྱོན་སྦྱང་བ་གསུམ་ཤེས་བྱ། །ཐབ་བརྩིགས་རྒྱར་ནི་ཁྲུ་གང་ལ། །ཟབས་སུ་ཁྲུ་ཕྱེད་ཟླུམ་པོས་བསྐོར། །སོར་བཞི་གསུམ་ནི་དོར་བྱས་ལ། །རྡོ་རྗེ་དབུས་སུ་བརྒྱད་པའི་ཚད། །ཐབ་
[35b.2]ཁུང་དཀར་པོ་རྒྱབ་ཏུ་མེ་རིའོ། །སྟེང་དུ་རྡོ་རྗེ་ཕྱི་རོལ་འོད་ཟེར་དཀར། །བུད་ཤིང་དཀར་པོ་ཁྲུ་གང་ཚད། །ཙནྡན་དཀར་པོ་འོ་མས་སྤངས་ཏེ་བཞག །མཆོད་སྦྱིན་ཤིང་ནི་མཛུབ་གང་ཚད། །འདབ་མ་དང་བཅས་རྩེ་མོའི་ངོས། །སྔར་བཞིན་སྤངས་པས་ཡམ་ཤིང་བྱ།
[35b.3]དཀར་གསུམ་མངར་གསུམ་མར་གྱི་འོག །འབྲས་ཆན་འབྲུ་ནི་སྣ་ཚོགས་དང་། །ཀུ་ཤ་ཡོན་ཆབ་གཡས་སུ་གཞག །མེ་ཏོག་ལ་སོགས་བསང་གཏོར་དང་། །ཞལ་བསིལ་རྣམས་ནི་གཡོན་དུ་གཞག །དགང་གཟར་དང་ནི་བླུགས་གཟར་གཉིས། །མཚན་ཉིད་རྒྱས་
[35b.4]པར་གཞན་དུ་བསྟན། །ཡང་ན་གཡས་ཀྱི་སོར་མོ་བསྐུམ་པ་ལས། །ཡི་གེ་ཧཱུཾ་གི་འོད་ཟེར་དེ་ཡིས་ནི། །རྡོ་རྗེ་ཅན་གྱི་འོད་ཟེར་བཀུག་པ་ཡིས། །རྡུལ་བ་ཤིག་ཡེ་ཤེས་གོང་བུ་ལས། །རྡོ་རྗེ་ཁྲོ་བོའི་དགང་གཟར་གྱུར། །གཡོན་གྱི་མཐེ་བོས་མཐེ་ཆུང་མནན། །གོང་བཞིན་
[35b.5]སྦྱངས་ནས་བླུགས་གཟར་གྱུར། །དེ་ཉིད་རྡོ་རྗེ་དྲིལ་ནི་མདུན། །དེ་ནས་དཀར་པོའི་རྒྱན་ཆ་བགོ། །ཡིད་དང་མཐུན་པའི་ཀུ་ཤའི་སྟེང་། །སེམས་དཔའི་སྐྱིལ་ཀྲུང་ཤར་དུ་བལྟ། །ཐབ་སོགས་ཙནྡན་ཆུས་གཏོར་ཏེ། །བུད་ཤིང་མ་ནོར་ཟླུམ་པོར་བརྩིག །དེ་ནས་རྩྭ་
[35b.6]ནི་ཀུ་ཤ་ལ། །ཨོཾ་ཨ་མྲྀ་ཏ་ཀུཎྜ་ལི་སརྦ་བིགྷྣཾ་ནཱ་ཤ་ཡ་ཧཱུཾ་ཕཊ། ལས་ཀྱི་སྔགས་ཀྱིས་བསང་གཏོར་བྱ། །བུམ་སྦྱངས་བསྐྱེད་དགུག་བཟླས་པ་ཡིས། །རྩ་གཅིག་བདུན་གྱིས་འོད་ཟེར་དགང་། །ཐབ་ཀྱི་ཁོ་ར་ཁོར་ཡུག་ལ། །ཀུ་ཤའི་རྩེ་མོ་ཕྱི་རུ་བསྟན། །
[35b.7]དེ་ནས་ལྷ་ཡི་རྣལ་འབྱོར་ནི། །ཆོ་ག་ལྔའམ་ཆོ་ག་གསུམ། །སྐད་ཅིག་བསྡུས་རྒྱས་ཤེས་པར་བྱ། །ཐབ་ལ་སོགས་པའི་མན་ངག་ཀྱང་། །ལས་ཀྱི་ཚོགས་སུ་ཤེས་པར་བྱ། །དེ་ཡང་སློབ་དཔོན་མན་ངག་གཙོ། །བྲམ་ཟེའི་ཁྱིམ་མམ་གཙུབ་ཤིང་མེ། །
[36a]
[36a.1]རླུང་གཡབ་ཀྱིས་སྦར་ལས་ཀྱིས་བསང་། །སྦྱང་ཞིང་བསྐྱེད་ནས་རཾ་དཀར་པོས། །མེ་ལྷ་དཀར་པོ་དྲང་སྲོང་ཞི་བའི་ཚུལ། །ཚངས་པའི་སྐུད་པ་དཀར་པོར་ལྡན། །ཕྱག་ན་དབྱུག་པ་བགྲང་ཕྲེང་དང་། །གུནྡྷེ་སྐྱབས་སྦྱིན་བསྣམས་པའོ། །འོད་འཕྲོས་སྔར་བཞིན་
[36a.2]སྤྱན་དྲངས་ཏེ། །ཨོཾ་བ་པ་ཀ་ཨགྣ་ཡེ་ཨཱ་གཙྪ་ཡ་ཨཱ་གཙྪ་ཡ། །མ་མ་ཤཱནྟིཾ་ཀུ་རུ་སྭཱ་ཧཱ། ལྕགས་ཀྱུའི་ཕྱག་རྒྱ་བཅིངས་ཏེ་སྤྱན་དྲང་ངོ་། །བགེགས་བསྐྲད་བསྟིམས་ཏེ་མཆོད་པ་དབུལ། །རྩ་སྔགས་ཉིད་ལ་མཆོད་སྔགས་བཏགས་ཏེ་དབུལ། །ཨོཾ་བ་པ་ཀ་ཨགྣ་ཡེ། ཆེ་གེ་
[36a.3]མོ་ཤཱིནྟཾ་ཀུ་རུ་སྭཱ་ཧཱ། ཞེས་སྲེག་རྫས་དབུལ་བར་བྱའོ། །དེ་ཡི་མན་ངག་འོད་ཟེར་ནི། །སུམ་སྐོར་དུ་ནི་བྱ་བ་དང་། །ཉིས་སྐོར་དུ་ནི་བྱ་བ་དང་། །བདག་ཉིད་རབ་ཏུ་ཤེས་པར་བྱ། །བཞི་སྐོར་དག་དང་སློབ་མའོ། །འོད་ཟེར་དཀར་པོ་འཕྲོས་པ་ལས། །ཐུགས་དང་སྙིང་ག་བརྒྱུད་པ་
[36a.4]དང་། །གསུམ་ནས་ངག་ལ་བརྒྱུད་པ་དང་། །དབུ་ནས་མགོ་ལ་བརྒྱུད་པ་ཡི། །ལུས་ངག་ཡིད་ཀྱི་སྒྲིབ་པ་སྦྱང་། །རྩ་བ་གསུམ་འདུས་བསྐང་བར་བྱ། །སྤྱི་བོའི་གཙུག་ནས་བརྩམས་ནས་ནི། །སྡིག་དང་སྲིན་བུ་ཟད་པའི་ཕྱིར། །དམར་པོས་བསྲེག་ཅིང་དཀར་པོས་བཀྲུ། །སྒོ་དགུ་
[36a.5]དག་ནས་བསྡུ་བ་དང་། །ཐམས་ཅད་ཀུན་ནས་བསྡུ་བ་དང་། །སྙིང་གར་བསྡུས་ནས་དབྱུང་བ་དང་། །ཏིལ་གྱིས་གཟུགས་བརྙན་བྱས་ནས་ནི། །སྡིག་པའི་གཟུགས་ལ་དེ་གཞུག་བྱ། །རྫས་རྣམས་བདུད་རྩིས་མཆོད་པས་ནི། །དེ་ནས་སྡིག་པ་དེ་བསྲེག་བྱ། །ཡང་ན་རྫས་ལ་བསྟིམས་ཏེ་
[36a.6]བསྲེག །ནད་རྣམས་ཞི་བར་བྱེད་པ་ནི། །ནད་ཀྱི་མིང་ནས་སྨོས་ནས་ནི། །གོང་མ་དེ་བཞིན་བསྲེག་པའམ། །ནད་ཀྱི་མིང་དང་གཟུགས་བྲིས་ལ། །འོད་ཟེར་དམར་པོས་བསྲེགས་ནས་ནི། །དཀར་པོས་སྦྱང་ཞིང་ཞི་བསམས་ལ། །འབྱུང་བའི་དགྲ་རྣམས་དེ་བཞིན་བསམ། །འབྱུང་
[36a.7]པོ་ཀུན་དང་དགྲ་ཀུན་ཡང་། །འོད་ཟེར་བཀྱེ་བས་ཞི་བར་བསམ། །གཟུགས་དང་མིང་བྲིས་ཞི་བར་བྱ། །སྲེག་རྫས་བདུད་རྩི་འོད་ཀྱིས་མཆོད། །མཆོད་པས་མཉེས་པས་གོང་བཞིན་བསྐོར། །དེ་ལྟ་མིན་ན་འོག་བཞིན་ནོ། །མན་ངག་དེ་ལ་ནན་ཏན་བྱ། །མར་དང་དཀར་གསུམ་
[36b]
[36b.1]མངར་གསུམ་དང་། །ཡམ་ཤིང་དཀར་པོ་ཞོ་ཅན་དང་། །དེ་ལ་སོགས་པའི་ཐུན་རྫས་རྣམས། །རིམ་པ་བཞིན་དུ་དབུལ་བར་བྱ། །ཏིལ་ནི་མེད་དུ་མི་རུང་ངོ་། །ཐ་མ་དགང་བླུགས་མཐོལ་བཤགས་བྱ། །བསྟོད་ཅིང་ཕྲིན་ལས་བཅོལ་བར་བྱ། །ཐུགས་ཀ་ཉིད་དུ་ཕོ་བྲང་བཅའ། །སྐད་ཅིག་
[36b.2]དེ་གསལ་ཡེ་ཤེས་དགུག །བསྟིམ་ལ་མཆོད་པ་རྣམ་ལྔ་བྱ། །རྩ་སྔགས་མཆོད་སྔགས་བཏགས་ཏེ་དབུལ། །སྲེག་རྫས་ཀུན་ཀྱང་དེ་བཞིན་བྱ། །མན་ངག་རིམ་པ་འདིར་ཤེས་བྱ། །སློབ་དཔོན་ཞལ་ནས་ཤེས་པར་བྱ། །བདུན་ནམ་ཉི་ཤུ་རྩ་གཅིག་དག །བརྒྱ་རྩ་བརྒྱད་ནི་བསྡུས་
[36b.3]རྒྱས་པའོ། །རྩ་ལྔ་ལྔ་བཅུ་བརྒྱ་ཡིས་ནི། །ཇི་ལྟར་འདོད་པ་ཞི་བར་འགྱུར། །སྡིག་པ་ཆེ་བར་གྱུར་ན་ནི། །ཉིས་འགྱུར་གསུམ་ནི་བརྒྱད་བརྒྱའོ། །ཤིན་ཏུ་ཆེ་གྱུར་སྟོང་གི་བར། །དེ་ཡིས་སྡིག་དང་བསོད་ནམས་ནི། །ཆེ་ཆུང་རབ་འབྲིང་ཤེས་པར་བྱའོ། །དེ་ལྟར་བྱས་ན་ངེས་པར་
[36b.4]ཞི། །ཐ་མ་དགང་བླུགས་མཐོལ་བཤགས་བྱ། །བསྟོད་ཅིང་ལས་བཅོལ་གཤེགས་སུ་གསོལ། །ཏིང་འཛིན་བསྡུས་ནས་མེ་ལྷག་མས། །མཆོད་ནས་སྲེག་རྫས་གོང་བཞིན་དབུལ། །དགང་བླུགས་ལ་སོགས་རྫོགས་བྱས་ལ། །ཏིང་འཛིན་བསྡུས་ཏེ་སྤྱོད་ལམ་བྱ། །ཐུན་
[36b.5]གསུམ་སྦྱོར་ཀ་སྦྱིན་སྲེག་ལ། །རྣལ་འབྱོར་ཅན་གྱིས་བརྩོན་པར་བྱ། །སྦྱིན་སྲེག་གི་སྦྱོར་ཀ་སློབ་དཔོན་བྷ་བས་མཛད་པ་རྫོགས་སོ།། {T00}༄༅། །རྒྱས་པའི་སྦྱིན་སྲེག་བྱ་བ་ནི། །མཎྜལ་ཁ་དོག་སེར་པོ་ལ། །ཁྲུ་དོ་ཁྲུ་ཕྱེད་ཁྲུ་གང་དུ། །བསྐོར་ཏེ་གྲུ་བཞིའམ་ཟུར་བརྒྱད་
[36b.6]དུ། །བྱས་ནས་སོར་གཉིས་སོར་བཞི་ཅན། །དབུས་སུ་རིན་ཆེན་འབར་བས་མཚན། །བར་དུ་མེ་རིའི་ཁ་ཁྱེར་སྟེང་། །རིན་ཆེན་རྡོ་རྗེས་བསྐོར་བར་བྲི། །སེར་པོའི་རྒྱན་ཆས་བགོས་ནས་ནི། །བྱང་ཕྱོགས་ངོས་སུ་ཁ་བལྟས་ལ། །བསྐྱེད་པའི་རིམ་པའི་ཚུལ་བསྒོམས་ནས། །ལས་ཀྱི་བུམ་པ་
[36b.7]སྦྱང་སོགས་བྱའོ། །འབྲས་བུ་འོ་མ་ཅན་གྱི་ཤིང་། །ཁ་དོག་སེར་པོ་དབུས་ཀྱི་ཆ། །ཐབ་ཁུང་དབུས་སུ་བརྩེགས་པར་བྱ། །ཁྲུ་གང་ཁྲུ་ཕྱེད་མཛུབ་གང་དུ། །དྲི་ཞིམ་སྤངས་པ་ཡམ་ཤིང་བྱ། །ལས་ཀྱི་བུམ་པས་བསངས་ནས་ནི། །མཆོད་རྫས་སེར་པོ་ལ་སོགས་རྣམས། །གཡོན་དུ་མར་སར་
[37a]
[37a.1]ཞོ་ལ་སོགས། །མེ་སྦར་བརྟག་ཅིང་ཐབ་ཁུང་སྦྱང་། །ཐབ་བསྐྱེད་མེ་ལྷ་བསྐྱེད་པ་ནི། །སྡེ་ཚན་དྲུག་པའི་གསུམ་པ་དང་། །གཉིས་པ་ལྔ་པའི་དང་པོ་ནི། །བསྐྱེད་པ་ལ་ནི་བསྔགས་པར་གསུངས། །མེ་ལྷ་སེར་པོ་ཞལ་གཅིག་ནི། །ཕྱག་བཞི་ཞབས་གཉིས་དབང་ཆེན་
[37a.2]གདན། །སྤྱན་དྲངས་བསྟིམས་ཏེ་དབང་བསྐུར་རོ། །མཆོད་པ་ལ་སོགས་བྱས་ནས་ནི། །དེ་ནས་སྲེག་རྫས་རྣམས་ནི་དབུལ། །རྩ་སྔགས་ཉིད་ལ་མཐའ་བཞི་རུ། །གཟར་བུ་རིན་ཆེན་རྡོ་རྗེས་བྱའོ། །རྒྱས་པར་བསྟན་པ་ཞི་དང་མཐུན། །མན་ངག་ཉིས་སྐོར་ལ་སོགས་ཀྱང་། །ཞི་དང་
[37a.3]མཐུན་ཏེ་ཁྱད་པར་ནི། །འོད་ཟེར་སྣ་བུག་ཞུགས་ནས་ནི། །སྙིང་ག་དག་ཏུ་ཕྱིན་ནས་ནི། །ལུས་ཀུན་རྩ་ཡི་རླུང་རྣམས་དང་། །བྱང་ཆུབ་སེམས་ནི་གསལ་ཞིང་རྒྱས། །ཡང་ན་འོད་ཟེར་ལུས་ཀུན་ལ། །ཁྱབ་པས་ཚེ་དང་བསོད་ནམས་དང་། །སྟོབས་རྣམས་གང་འདོད་རྒྱས་པར་འགྱུར། །ཐ་
[37a.4]མ་དགང་བླུགས་བསྟོད་པར་བྱ། །དེ་ནི་འབར་བའི་རྣམ་པའམ། །ཐུགས་ཀ་ཉིད་དུ་གོས་སྔོན་ཅན། །བསྐྱེད་ནས་སྤྱན་དྲངས་བསྟིམ་བྱས་ལ། །དབང་བསྐུར་མཆོད་པ་ལ་སོགས་བྱ། །དགང་བླུགས་བསྟོད་ནས་བཤགས་པ་བྱ། །ཡེ་ཤེས་གཤེགས་ནས་ཏིང་འཛིན་བསྡུ། །ཡི་གེ་བཅུ་བདུན་
[37a.5]མཐའ་བསྒྱུར་ལ། །བདུན་ནམ་ཉི་ཤུ་རྩ་གཅིག་ཏུ། །བརྒྱ་རྩ་བརྒྱད་དུ་བཟླས་ཏེ་བྱ། །མེ་ལྷ་རྫས་རྣམས་བསྡུས་ནས་ནི། །ཆོ་ག་ལ་སོགས་གོང་བཞིན་བྱ། །ཉི་ཤུ་རྩ་གཅིག་ནས་བཟུང་ནས། །སྟོང་གི་བར་དུ་ཚུན་ཆད་དུ། །སྦྱོར་བ་གཉིས་པོ་གང་བྱས་ཀྱང་། །ཇི་ལྟར་འདོད་པ་རྒྱས་པར་
[37a.6]འགྱུར། །ཐུན་གསུམ་སྦྱིན་སྲེག་སྦྱོར་ཀ་ལས། །རྣལ་འབྱོར་ཅན་གྱིས་བརྩོན་པར་བྱའོ། །རྒྱས་པའི་སྦྱིན་སྲེག་གི་སྦྱོར་ཀ་སྟེ་གཉིས་པའོ། །སློབ་དཔོན་བྷ་བས་མཛད་པ་རྫོགས་སོ།། {T00}༄༅། །དབང་གི་སྦྱིན་སྲེག་སྦྱོར་ཀ་ནི། །ས་གཞི་དམར་བའི་ཐབ་ཁུང་དུ། །
[37a.7]བྷ་ག་ལྟ་བུའམ་ཟླ་གམ་བྱ། །ཚད་ནི་རྒྱས་པའི་ཆུང་འབྲིང་ངོ་། །ཁ་ཁྱེར་མུ་རན་གཉིས་དང་བཞི། །གྲི་གུག་གམ་གཞུས་ནི་དབུས་སུ་མཚན། །པདྨ་དམར་པོ་འདབ་བརྒྱད་ལའོ། །བུད་ཤིང་དམར་པོ་ཚེར་མའི་ཤིང་། །ཡམ་ཤིང་སོར་ནི་བཅུ་གཉིས་སམ། །སོར་བརྒྱད་ཚད་ལ་དྲི་
[37b]
[37b.1]མར་བསྐུ། །མཆོད་རྫས་དམར་པོ་གཡས་སུ་གཞག །མར་ལ་སོགས་པའི་སྲེག་རྫས་ནི། །དམར་པོའི་རོ་དང་དྲིས་བསྒྱུར་ནས། །གཡོན་དུ་བཞག་ནས་སྟན་དམར་པོ། །རོལ་པའི་འདུག་སྟངས་ནུབ་ཕྱོགས་བལྟ། །དམར་པོ་ལ་སོགས་རྒྱན་ཆས་བགོ །བུད་ཤིང་བཅེར་ཏེ་
[37b.2]གསང་བར་བྱ། །བསྐྱེད་པའི་རིམ་པ་ཚུལ་བསྒོམས་ནས། །མེ་སྦར་ལ་སོགས་ཆོ་ག་བྱ། །རླུང་གི་ཡི་གེ་བསྔགས་པ་ཡིན། །ཁ་དོག་དམར་པོ་རླུང་ལ་གནས། །སྤྱན་དྲངས་བསྟིམས་ཏེ་དབང་བསྐུར་རོ། །མཆོད་པ་ལ་སོགས་དབུལ་བ་ནི། །མེ་ལྷའི་སྔགས་ལ་མཐའ་བསྐྱུར་ལ། །
[37b.3]ཆོ་ག་ལ་སོགས་རྫོགས་ནས་ནི། །མེ་ལྷའི་ཐུགས་ཀར་ལྷ་བསྐྱེད་ནས། །སྤྱན་དྲངས་ལ་སོགས་ཆོ་ག་བྱ། །འོད་ཟེར་དམར་པོ་འཕྲོས་ནས་ནི། །ལྷ་མཉེས་པས་ནི་དགུག་པར་བསམ། །ཡང་ན་མན་ངག་སྦྱོར་བ་གསུམ། །ཐ་མ་མེ་ཡི་ཆོ་ག་ནི། །མེ་ལྷའི་སྔགས་ཀྱིས་གསུམ་མམ་
[37b.4]བདུན། །ལྷ་ཡི་ཉི་ཤུ་རྩ་བརྒྱད་སྔགས། །བདུན་ནམ་བརྒྱ་ཡི་བར་དུ་བྱ། །དེ་ལྟར་སྦྱིན་སྲེག་སྦྱོར་ཀ་ལ། །ཉིན་མཚན་དུ་ནི་བརྩོན་པར་བྱའོ། །སློབ་དཔོན་བྷ་བས་མཛད་པ་དབང་གི་སྦྱིན་སྲེག་གི་སྦྱོར་ཀ་སྟེ་གསུམ་པ་རྫོགས་སོ།། {T00}༄༅། །གསད་པའི་སྦྱིན་སྲེག་སྦྱོར་ཀ་ནི། །
[37b.5]ཐབ་ཁུང་གྲུ་གསུམ་ཁ་དོག་གནག །རྡོ་རྗེ་གྲི་གུག་ནང་དང་སྟེང་། །བར་དུ་མེ་རི་རྩེ་མོ་འཕགས། །བདུད་རྩི་ལ་སོགས་ཚོན་རྩི་བྱུག །བུད་ཤིང་ནག་པོ་ཚེར་མ་ཅན། །ཡམ་ཤིང་དེ་མཐུན་བཅུ་གཉིས་ཚད། །མཆོད་རྫས་ལ་སོགས་ནག་པོ་ཤིས། །ཚིལ་ཆེན་མར་ནག་ལ་སོགས་པའི། །
[37b.6]ཁྱད་པར་གདོང་པ་ཅན་གྱི་ཤ་།རྒྱུད་ལས་བྱུང་བའི་སྲེག་རྫས་ཤིས། །ནམ་ཕྱེད་ཉིན་ཕྱེད་དུས་དག་ཏུ། །ས་གཞི་མཐོ་བའི་སྟན་དག་ལ། །བརྐྱང་བསྐུམ་ལ་སོགས་རྒྱན་ཆ་རྫོགས། །བསྐྱེད་རིམ་ཚུལ་དུ་བྱས་ནས་ནི། །མེ་སྦར་ལ་སོགས་ཆོ་ག་བྱ། །མེ་ལྷ་གང་འདོད་བསྐྱེད་ནས་ནི། །ཡེ་ཤེས་
[37b.7]སྤྱན་དྲངས་མཆོད་སོགས་དབུལ། །རྣལ་འབྱོར་སྦྱོར་ཀའི་མན་ངག་ནི། །འདི་ནི་ཤིན་ཏུ་ཟབ་ཅེས་པས། །གཟུ་ལུམས་རྟོག་གེ་དགག་པའི་ཕྱིར། །སློབ་དཔོན་ཞལ་ལས་ཤེས་པར་བྱའོ། །ལྷ་ཡི་ཆོ་ག་རྫོགས་ནས་ནི། །མེ་ལྷ་བསམས་ཏེ་བསང་བྱས་ལ། །རྫས་རྣམས་ཐམས་ཅད་བསྡུས་ནས་
[38a]
[38a.1]ནི། ཆོ་ག་ལ་སོགས་རྫོགས་བྱའོ། །དྲག་པོ་ལས་ཀྱི་སྦྱོར་ཀ་སྟེ་བཞི་པ་རྫོགས་སོ།། {T00}༄༅། །བསྦུས་པ་ལས་ཀྱི་སྦྱོར་ཀ་ནི། །ཐུན་མོང་ཆོ་ག་ཐམས་ཅད་ནི། །གོང་མ་བཞིན་དུ་ཤེས་བྱས་ལ། །བརྐོ་ཞིང་བྲུ་བ་མ་ནུས་པས། །མཎྜལ་བདུད་རྩིས་བྱུགས་ནས་སུ། །
[38a.2]ཚོན་རྣམས་ཀྱིས་ནི་བྲི་བར་བྱ། །དེ་ནས་ཆོ་ག་རྫོགས་བྱའོ། །ཤིན་ཏུ་བསྡུས་པའི་སྦྱོར་ཀ་ནི། །མཎྜལ་བྱས་ལ་མེ་ཏོག་དགྲམ། །སྐད་ཅིག་ལྷར་བསྐྱེད་བྱིན་བརླབས་ལ། །བསྲུང་བའི་ཆོ་ག་བྱས་ནས་ནི། །ཆོ་ག་ལ་སོགས་རྫོགས་བྱའོ། །ཁྱད་པར་ཞི་བ་དངུལ་དངུལ་དང་ནི། །ཁར་བ་དག་ནི་ཤིས་པ་
[38a.3]སྟེ། །རྒྱས་པའི་གསེར་དང་ར་གན་དང་། །དབང་གི་ཟངས་ལ་དྲག་པོའི་ལྕགས། །ཁྱི་ཡི་ཐོད་པའང་བྱ་བར་གསུངས། །དབྱིབས་རྣམས་སོ་སོར་བྱས་པའམ། །ཡང་ན་བསམས་ཏེ་བྱས་པའོ། །དེ་རྣམས་རྙེད་པར་མ་གྱུར་ན། །ས་ནི་རིན་ཆེན་དང་འདྲ་བས། །ཁམ་ཕོར་སྣོད་རྣམས་ཀུན་ལ་ནི། །སོ་
[38a.4]སོའི་དབྱིབས་ནི་བྱས་པ་དང་། །བསམས་ཏེ་བྱིན་གྱིས་བརླབས་བྱས་ལ། །ཆོ་ག་ལ་སོགས་རྫོགས་བྱའོ། །སྦྱིན་སྲེག་ལས་ཀྱི་སྦྱོར་ཀ་རྣམས། །རྣ་བར་བརྒྱུད་པའི་རིམ་པ་ཡིས། །རྒྱུད་ལ་གབ་པའི་དོན་རྣམས་ཀུན། །བདག་གིས་སྒྲུབ་པ་པོ་ལ་བསྟན། །འདི་བསྟནཔ་ཡི་དགེ་བས་ནི། །ཐམས་
[38a.5]ཅད་བྱང་ཆུབ་ཐོབ་པར་ཤོག །སྦྱིན་སྲེག་ལས་ཀྱི་ཆོ་ག། །སློབ་དཔོན་བྷ་བས་མཛད་པ་རྫོགས་སོ།། {T2182}༄༅། །རྒྱ་གར་སྐད་དུ། བཛྲ་པཱ་ཎི་མྦི་ལཱལྦ་ར་དྷ་ར་ཧོ་ཏྲོ་བི་བྱེཿ། བོད་སྐད་དུ། ཕྱག་ན་རྡོ་རྗེ་གོས་སྔོན་པོ་ཅན་གྱི་སྦྱིན་སྲེག་གི་ཆོ་ག །དཔལ་གོས་སྔོན་ཅན་ལ་ཕྱག་འཚལ་ལོ། །མན་ངག་
[38a.6]རིམ་པ་དྲན་ཙམ་ཞིག །སློབ་མའི་དོན་དུ་བཤད་པར་བྱ། །སྔོན་དུ་བསྙེན་པ་རྫོགས་པ་ཡིས། །སྒྲུབ་པ་ཡི་ནི་དུས་དག་ཏུ། །སྦྱིན་སྲེག་དག་གིས་གསད་པར་བྱ། །ས་བརྟག་བསླང་ཞིང་སྦྱང་བ་དང་། །བྱིན་གྱིས་བརླབ་ཅིང་བསྲུང་བ་དང་། །སྙིང་པོ་དག་ཏུ་བྱ་མི་དགོས། །མཎྜལ་གྲུ་གསུམ་ལྷོ་ཕྱོགས་
[38a.7]བསྟན། །ཁྲུ་གང་ཚད་ལ་ཕྱེད་བརྐོས་ནས། །གསུམ་དོར་གསུམ་ནི་ཁ་ཁྱེར་རོ། །བདུད་རྩི་སོགས་ཚོན་ནག་པོར་བྱ། །དེ་དབུས་རྡོ་རྗེ་སྟེང་ཡང་དེ། །བར་དུ་མེ་རི་རྩེ་མོ་འཕགས། །བུད་ཤིང་གནག་ཅིང་གདུག་པའི་ཤིང་། །ཐབ་ཀྱི་ཚད་ལས་སོར་མཐོ་ཙམ། །ཡམ་ཤིང་དེ་མཐུན་བཅུ་གཉིས་ཚད། །
[38b]
[38b.1]མཆོད་རྫས་ནག་པོ་ལ་སོགས་ཤིས། །སྲེག་རྫས་མར་ནག་རུས་ཁྲག་ཤ། །སྐྱེ་ཚེ་ཤང་ཚེ་ཡུངས་ཀར་དང་། །དེ་ལ་སོགས་པའི་ཐུན་རྫས་བྱ། །རྫས་དེ་རྣམས་ཀྱིས་གཟུགས་བརྙན་བྱ། །མཆོད་རྫས་གཡས་ལ་སྲེག་རྫས་གཡོན། །བྱིན་གྱིས་བརླབ་ཅིང་གཞག་པར་བྱ། །དགང་
[38b.2]གཟར་བླུགས་གཟར་གཞན་དང་མཐུན། །ཡང་ན་ལག་པ་དག་གིས་བྱ། །དེ་གཉིས་རྡོ་རྗེ་དྲིལ་བུ་ཡང་། །མདུན་ཉིད་དུ་ཡང་གཞག་པར་བྱ། །བཟང་ངན་དེ་ནི་བྱ་མི་དགོས། །ལས་ཀྱི་བུམ་པས་ཐམས་ཅད་བསང་། །དུས་ནི་ནམ་ཕྱེད་ཉིན་ཕྱེད་བྱ། །རྒྱན་ཆ་གོན་ལ་ལྷོ་ཕྱོགས་བལྟ། །
[38b.3]གཡོན་བརྐྱང་འདུག་སྟེ་དྲག་ཏུ་བཟླས་། །མཆེ་བ་གཙིགས་ཤིང་ཁྲོ་གཉེར་བསྦུ། །དང་པོ་བསྐྱེད་པ་སྔོན་སོང་ནས། །མེ་སྦར་བརྟག་ཅིང་བགེགས་བཟློག་བྱ། །བཟང་ན་དེ་ནི་བྱ་མི་དགོས། །ཐ་མས་སྦྱང་ཞིང་བསྐྱེད་པ་དང་། །ཆོ་ག་གསུམ་དང་སྐད་ཅིག་མས། །མེ་ལྷ་ནག་པོ་ཁྲོས་
[38b.4]པ་བསྐྱེད། །ཡེ་ཤེས་མེ་ལྷ་སྤྱན་དྲངས་བསྟིམ། །གཉིས་སུ་མེད་པར་རྒྱས་བཏབ་ལ། །མེ་ལྷའི་སྔགས་ལ་མཆོད་སྔགས་བཏགས་ཏེ་དབུལ། །དེ་ནས་སྲེག་རྫས་དབུལ་བར་བྱ། །དེ་དག་དབུལ་བའི་མན་ངག་ཀྱང་། །ཁྲོ་བོ་དག་གི་ཆོ་འཕྲུལ་གྱིས། །གཟུགས་བརྙན་དགུག་
[38b.5]བསྟིམ་གཏུབས་ཏེ་དབུལ། །ཡང་ན་རྫས་མཆོད་མཉེས་པ་ལས། །འོད་ཟེར་ཁྲོ་བས་རྐ་དགུག་ཅིང་བསྲེག །མན་ངག་དེ་ལ་ནན་ཏན་བྱ། །ཨོཾ་བཛྲ་ཀྲོ་དྷ་ཨསྣེ། ཆེ་གེ་མོ་མཱ་ར་ཡ་ཕཊ། སྟོང་རྩ་བརྒྱད་ནས་བརྒྱ་རྩ་བརྒྱད། །ཉི་ཤུ་རྩ་གཅིག་བར་དུའོ། །ཡང་ན་བསོད་ནམས་དག་
[38b.6]གི་རིམ་པ་ཡིས། །བརྒྱ་དང་སྟོང་དང་ཁྲི་རུ་བྱ། །དེ་ལྟར་བྱས་པས་དེ་གསོད་ཅིང་། །ཁྱད་པར་དུ་ནི་འབྱུང་པོ་གསོད། །ཐ་མ་དགང་བླུགས་བསྟོད་བྱའོ། །དེ་ཡི་ཐུགས་ཀར་གོས་སྔོན་བསྐྱེད། །ཡེ་ཤེས་སེམས་དཔའ་སྤྱན་དྲང་བསྟེམ། །རྒྱས་བཏབ་མཆོད་པ་གོང་བཞིན་དབུལ། །དེ་
[38b.7]ནས་སྲེག་རྫས་།རིམ་བཞིན་དབུལ། །རྩ་སྔགས་ཉིད་ཀྱིས་དབུལ་བར་བྱ། །གོང་གི་མན་ངག་ཤེས་པར་བྱ། །དགང་དྲུགས་ཕུལ་ལ་བསྟོད་པར་བྱ། །ཕྲིན་ལས་བཅོལ་ཞིང་གཤེགས་སུ་གསོལ། །ཏིང་འཛིན་བསྡུས་ཏེ་མེ་ལྷ་བསང་། །རྫས་རྣམས་ཐམས་ཅད་བསྡུས་ནས་ནི། །མེ་
[39a]
[39a.1]ཡི་ལྷ་ལ་དབུལ་ཞིང་བསྟོད་པ་བྱ། །ཕྲིན་ལས་བཅོལ་ཞིང་གཤེགས་སུ་གསོལ། །ཏིང་འཛིན་བསྡུས་ཏེ་སྤྱོད་ལམ་བྱ། །སློབ་མ་རྣམས་ཀྱི་དོན་ཆེད་དུ། །བདག་གིས་མན་ངག་འདི་བཀོད་པས། །སློབ་དང་སེམས་ཅན་ཐམས་ཅད་ཀྱང་། །གོས་སྔོན་དངོས་གྲུབ་
[39a.2]ཐོབ་པར་ཤོག །སློབ་དཔོན་བྷ་བས་མཛད་པ་རྫོགས་སོ།། {T2183}༄༅། །དུས་བཞི་རྩོད་པ་རྒྱས་དུས་སུ། །སྒྲུབ་པ་པོ་ཡང་མང་འབྱུང་ཞིང་། །དམན་ལ་མོས་པའང་མང་དུ་འབྱུང་། །བླ་མར་གུས་པའང་དཔག་ཏུ་མེད། །དེ་འདྲའི་སེམས་ཅན་དཔག་མེད་ཀྱང་། །བསྡུ་ན་གསུམ་དུ་
[39a.3]འདུས་འགྱུར་ཏེ། །སྤྲུལ་དང་ཁ་དོག་རྗེས་འཇུག་པའོ། །རྗེས་འཇུག་གཉིས་སུ་ཤེས་པར་བྱའོ། །སྤྲུལ་ལ་མཐུན་འཇུག་སྦྱང་བ་མེད། །སྤྲུལ་རྗེས་འཇུག་གི་གང་ཟག་ལ། །དམ་ཚིག་ཉམས་པ་མང་འབྱུང་ཡང་། །ཉམས་པ་རྣམ་པ་གསུམ་དུ་འདུས། །ལུས་ངག་ཡིད་དུ་ཤེས་
[39a.4]པར་བྱ། །ལུས་ཀྱི་དམ་ཚིག་ཉམས་པ་ནི། །ཚ་ཚས་སྦྱོངས་ཏེ་ཚོགས་སྦྱོར་ལྟོས། །ངག་གི་ཉམས་པ་བཟླས་པས་འདག །ཡིད་ཀྱི་ལྷ་ཡི་སྦྱོར་ཀར་ལྟོས། །ཐུན་མོང་སྦྱིན་སྲེག་ཚོགས་གཏོར་རྣམས། །ཕན་འདོགས་སྦྱོར་ཀར་བལྟ་བར་གྱིས། །ནུས་པ་ཆུང་བའི་རྣལ་འབྱོར་པས། །མ་
[39a.5]བཤགས་མཎྜལ་གྱིས་སྦྱང་བྱ། །མཎྜལ་བསྡུ་ན་རྣམ་གཉིས་ཏེ། །ཡིད་ཀྱིས་བསམས་དང་དངོས་བྱེད་པའོ། །དངོས་བྱེད་སྐྱོན་སྤངས་གཉེན་བཞི་ལ། །བརྒྱའམ་ལྔ་བཅུ་ཉི་ཤུ་ལྔ། །ལྔའམ་བསྡུས་པ་གཅིག་ཀྱང་བྱ། །དབྱིབས་ལེགས་མཛེས་པ་བཤམ་པར་བྱ། །ཁ་དོག་ཀུན་ནས་སྔོ་ཡང་རུང་། །
[39a.6]དཀར་པོ་མཐིང་ག་སེར་དམར་བྱ། །ཡང་ན་ཡིད་དང་མཐུན་པའང་རུང་། །ཚད་ནི་ཁྲུ་གང་ཡན་ཆད་བྱ། །ཚོན་ནི་དཀར་རྩི་ཡུང་བ་དང་། །སྔོ་རྩི་གུར་གུམ་མཚལ་གྱིས་བྱ། །བ་ཡི་རྣམ་ལྔ་བདུད་རྩི་ལྔ། །དུམ་བུ་གཅིག་པར་བཞག་ནས་ཀྱང་། །དྲི་ཞིམ་པ་ཡི་སྨན་གྱིས་བསྒོ། །བདུད་རྩི་
[39a.7]ལྔ་དང་ཐུན་མོང་རྫས། །གསེར་སོགས་ཁ་རྒྱན་ལྔ་ལྡན་དུ། །བཅུག་ལ་བྱིན་བརླབས་ཚུལ་བཞིན་བྱ། །རང་ཉིད་ཆོ་ག་གསུམ་གྱིས་བསྐྱེད། །བདུད་རྩི་འཁྱིལ་པའི་སྔགས་འདིས་གདབ། །ཨོཾ་ཨ་མྲྀ་ཏ་ཀུཎྜ་ལི་ཧཱུཾ་ཕཊ། བྱིན་བརླབས་བཀྲ་ཤིས་རྫས་དང་སྲེག །དེ་ཡིས་ཐམས་ཅད་
[39b]
[39b.1]བསང་བར་བྱ། །ཨོཾ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཡུངས་ཀར་ལ་གདབ་འབྱུང་པོ་བསྲེལ། །རང་གི་སྙིང་གའི་ཡིག་འབྲུ་ལས། །འོད་འཕྲོས་ཡི་གེ་ཨ་རུ་གྱུར། །དེ་འཕྲོས་ཏཾ་གི་ཡི་གེ་ལས། །ས་གཞི་རིན་ཆེན་བཞི་རུ་གྱུར། །སྔགས་འདི་བཏབ་པས་བཟླས་པར་འགྱུར། །ཨོཾ་
[39b.2]ཨ་ཙནྡྲ་མཎྜལ་ཧཱུཾ། གྲངས་ཉི་ཤུ་རྩ་གཅིག་ཏུ་བཟླས། ཨོཾ་རཏྣ་ཏྲཾ་མཎྜལ་ཧཱུཾ། ཙནྡན་ག་པུར་གླ་རྩི་སོགས། །མཛེས་པའི་སྣོད་དུ་བཞག་པ་ལ། །འོད་འཕྲོས་པས་ནི་དྷཱུ་ཡིག་ཐིམ། །བདུག་པའི་མཆོག་ཏུ་གྱུར་པར་བསམ། །རྣལ་འབྱོར་འབྱོར་པ་ཆུང་གྱུར་ཡང་། །ཙནྡན་མེད་དུ་མི་རུང་
[39b.3]ངོ་། །རྒྱན་གྱི་མེ་ཏོག་ལྔ་གསུམ་སོགས། །གཅིག་སོགས་ཡང་ན་ལྔ་གྲངས་བསྟུན། །དེ་སྟེང་པཾ་ལས་པདྨ་བྱ། །སྔགས་འདིས་བདག་པོའི་རྐྱེན་བྱའོ། །ཨོཾ་པདྨ་མཎྜལ་ཧཱུཾ། སྟོང་ལྡན་འབུམ་ལྡན་དུ་གྱུར་བསམ། །དེ་ཡི་སྟེང་དུ་བྷྲཱུཾ་ཡིག་ལས། །གཞལ་ཡས་ཁང་ནི་མཛེས་པ་བསམ། །
[39b.4]བཛྲ་རེ་ཁཱའི་སྔགས་ནི་ཀུན་ལ་གདབ། །སྙིང་གའི་འོད་ཀྱིས་བྱིན་གྱིས་བརླབས། །མཆོད་རྫས་པདྨ་མདུན་དུ་བསྐྱེད། །རྒྱུན་ནི་གོང་གི་ཡི་གེ་ལས། །དེ་དག་ཐམས་ཅད་རྫོགས་པ་ནི། །ཉམས་པ་དགོས་པ་གཞན་མོས་འཇུག །དེ་འོག་དམ་ཚིག་ཉམས་པ་ཀུན། །ལུས་བཀྲུ་གོས་བཟང་
[39b.5]རྒྱན་ཆ་བགོ། །ལྷར་བསམ་རྡོར་དྲིལ་སྔགས་བྱིན་བརླག །ས་བོན་ཡི་གེ་འོད་ཟེར་གྱིས། །ལྷ་མོ་བཞི་བསྐྱེད་ལྷ་སྤྱན་དྲངས། །གསོལ་བ་གདབ་ལ་རྩ་སྔགས་གདགས། །བླ་མ་མི་བསྐྱོད་གྱུར་སོགས་ལ། །ཕྱག་འཚལ་མཆོད་པ་ཐམས་ཅད་བྱ། །རྒྱུད་ལས་བྱུང་བའི་བསྟོད་པ་བྱ། །མཉེས་པས་
[39b.6]འོད་ཟེར་རང་འདུས་པས། །རང་གི་སྙིང་གའི་པདྨ་ལ། །ཀཾ་དང་ན་ལ་སྡིག་པ་བསྡུ། །སྡོམ་ནག་གཟུགས་སུ་གྱུར་བསམས་ཏེ། །ཕྱིར་འགྲོ་རླུང་གིས་མདུན་དུ་དབྱུང་། །སྡིག་པའི་གཟུགས་དབྱུང་སྔགས་ཀྱིས་བསྲེག །ལུས་ངག་སོ་སོའི་སྡིག་སྦྱོང་བ། །སོ་སོའི་གནས་སུ་ནི་བསམས་ཏེ། །
[39b.7]སོ་སོའི་སྡིག་པ་འདུས་ནས་བྱུང་། །གསོད་པ་ཁྲོ་བའམ་གོང་སྦྱོར་བཞིན། །ཡང་ན་ལུས་ཀྱི་སྲོག་ཆགས་གཟུགས། །ངག་གི་ཡིག་འབྲུ་སེམས་ཀྱི་འོད། །གཟུགས་སུ་དབྱུང་སྟེ་རྒྱུད་ལས་འབྱུང་། །ཡང་ན་ལྷ་ཡི་འོད་ཟེར་གྱིས། །བ་སྤུའི་བུ་ག་ཀུན་ཁྱབ་སྟེ། །རྒྱུད་ཀྱི་སྡིག་པ་བསྲེགས་པར་བསམ། །
[40a]
[40a.1]དེ་འོག་འོད་ཟེར་དཀར་པོའི་རྒྱུན། །བདུད་རྩི་ལྟ་བུས་ལུས་ཁྱབ་ནས། །གསོས་ནས་མཆོག་ཏུ་གྱུར་པར་བསམ། །ཡང་ན་བརྒྱ་རྩ་རྩ་བའི་སྔགས། །བཟླས་པས་གོང་བཞིན་སྡིག་པ་སྦྱོང་། །ཡི་གེ་བརྒྱ་པའི་དབང་པོར་བསྒྱུར། །བརྒྱ་རྩ་སྔགས་འབུམ་བཟླས་པ་
[40a.2]དང་། །སུམ་ཆ་ཕྱེད་ཕྲི་རབ་ཉམས་སྦྱོང་། །སུམ་གཉིས་སུམ་ཆ་སུམ་ཆ་དང་། །སུམ་གཉིས་ཕྲི་བས་འབྲིང་གསུམ་སྦྱོང་། །དེ་ལས་ཕྱེད་ཕྱེད་ཕྲི་བས་ནི། །ཐ་མའི་ཉམས་པ་རྣམ་གསུམ་སྤྱོད། །སུམ་བརྒྱ་ཉིས་བརྒྱ་ལྔ་བཅུ་དང་། །ཉི་ཤུ་རྩ་གཅིག་བཟླས་པས་ནི། །ཡན་ལག་ཆེ་ཆུང་
[40a.3]ཉམས་པ་སྦྱོང་། །དེ་འོག་ཞི་བའི་སྦྱིན་སྲེག་བྱ། །ནུས་པ་ཡོད་ན་ཚོགས་འཁོར་བྱ། །དེ་འོག་བུམ་པ་རྣམས་བསམས་ཏེ། །གཅིག་ཏུ་ལྷ་མོ་རྣམས་བསྐྱེད་དེ། །གཅིག་ཏུ་རྡོར་འཛིན་མི་བསྐྱོད་པ། །བསྐྱེད་ནས་བྱིན་བརླབ་ཚུལ་བཞིན་བྱ། །དང་པོ་ལྷ་མོས་ཁྲུས་བྱས་ཏེ། །རྡོ་རྗེ་འཛིན་
[40a.4]པས་གཉིས་མེད་བསམ། །མི་བསྐྱོད་བུམ་པས་དབང་བསྐུར་བས། །ཡང་ན་གཉིས་ཀས་དབང་བསྐུར་བྱ། །དེ་འོག་མཆོད་ནས་འོད་ཁྲུས་བྱ། །དེ་འོག་བཀྲ་ཤིས་ཚིགས་བཅད་བརྗོད། །གོང་གི་སྦྱོར་བ་རྫོགས་པ་ཀུན། །དམ་ཚིག་ཉམས་པའི་མཎྜལ་ཡིན། །དེ་ལས་གཞན་དུ་གཅིག་
[40a.5]ཀྱང་རུང་། །རྫོགས་ལ་བརྟན་པ་མ་ཐོབ་པར། །མཎྜལ་འཇོག་ན་མཁའ་འགྲོས་གསོད། །རྣལ་འབྱོར་སྤྱོད་ལམ་མ་ཞུགས་པར། །གོང་མའི་མཎྜལ་དེ་དག་ཀུན། །ཡིད་ཀྱིས་མདུན་དུ་བསམ་བྱས་ནས། །ཡིད་ཀྱིས་དབུལ་བ་ཡིད་ཀྱིས་ཡིན། །བདུད་རྩི་རྣམ་ལྔའི་དྲི་ཞིམ་རྫས། །བསྐུ་
[40a.6]བ་ནང་གི་ཡིན་པར་འདོད། །ཕྱི་རུ་ཕྱི་ཡི་མེ་ཏོག་ཡིན། །བླ་མ་ལས་བརྒྱུད་མཎྜལ་སྦྱོར་ཀ་འདི། །བློ་ཞན་དོན་དུ་བདག་གིས་ཅུང་ཟད་བསྡུས། །འཁྲུལ་པར་གྱུར་ན་མཁས་རྣམས་བཟོད་པར་མཛོད། །འདི་བྱས་དགེ་བས་གོས་སྔོན་ཅན་ཐོབ་ཤོག །རྣལ་འབྱོར་དབང་གིས་ཉེས་པར་སྣང་། །
[40a.7]བླུན་པོ་ལེགས་པར་བཤད་པ་དམན། །མཐོང་རྒྱ་ཆུང་ན་ཡངས་པའང་དོག །རྒྱུད་དང་མན་ངག་ལ་བརྟེན་ནས། །རྙེད་འདོད་རྣམས་ཀྱིས་འདོད་འདོད་སྤྱད་དུ་མེད། །མ་མཐོང་དོགས་ན་སྐལ་རྣམས་མེད་པར་ཐལ། །སློབ་དཔོན་བྷ་བས་མཛད་པའི་མཎྜལ་གྱི་སྦྱོར་ཀ་རྫོགས་སོ།། །།
[40b]
[40b.1]{T2184}༄༅༅། །རྒྱ་གར་སྐད་དུ། ཀརྨ་ཀྲ་མ་ནཱ་མ་མུཀྟི་ཀཱ་བ་ལི། བོད་སྐད་དུ། ལས་ཀྱི་རིམ་པ་མུ་ཏིག་ཕྲེང་བ་ཞེས་བྱ་བ། འཇམ་པའི་དབྱངས་དང་རྡོ་རྗེ་བསྣམས། །སྤྱན་རས་གཟིགས་ལ་ཕྱག་འཚལ་ལོ། །སྐུ་གསུང་ཐུགས་ཀྱི་མཐུ་ལྡན་པས། །ཉོན་མོངས་གདུང་བཞི་བྱེད་པ། །
[40b.2]ཞབས་ཀྱི་པདྨ་ལ་བཏུད་ནས། །དང་བས་ཤིན་ཏུ་གུས་ཕྱག་འཚལ། །སེམས་ཅན་རྣམས་ལ་ཕན་གདགས་ཕྱིར། །ལས་ཀྱི་རྡོ་རྗེ་ཕྲེང་བ་འདི། །རྒྱུད་རྣམས་མ་ལུས་སྣ་ཚོགས་ནས། །མན་ངག་དགོས་པ་བཏུས་ཏེ་བཤད། །རྒྱལ་བས་སྔོན་གྱི་དུས་དག་ཏུ། །ཞལ་ནས་གསུངས་པ་ཙམ་
[40b.3]གྱིས་ནི། །སེམས་ཅན་དོན་གྲུབ་གླེགས་བམ་མེད། །དེ་ལྟར་རྩོད་པའི་དུས་སུ་ནི། །པོ་ཏི་དག་ལ་བརྟེན་གྱུར་པས། །བླ་མས་དགོངས་པའི་པོ་ཏི་ལ། །དགའ་བ་ཆེན་པོ་བསྐྱེད་པར་བྱ། །དེ་ནས་མ་ག་གང་ཟག་ལ། །སྟོན་པ་ཐུགས་རྗེ་ཆེ་ལྡན་པས། །སྡུད་པ་རྡོ་རྗེ་གསང་བདག་ལ། །
[40b.4]བརྒྱུད་པ་རིམ་གྱིས་འོངས་པ་འདི། །བཀའ་དང་མི་འགལ་མཐུན་པ་རུ། །བཀའ་ཡི་དོན་ཉིད་དཔྱིས་ཕྱིན་པར། །མན་ངག་རིམ་པ་བསྟན་པ་ལ། །དགའ་བ་ཆེན་པོ་བསྐྱེད་པར་གྱིས། །མན་ངག་འདི་ལྟར་སྟོན་པ་ནི། །སློབ་དཔོན་མཁས་པ་ཡང་དག་ལྡན། །དུས་གསུམ་བདེ་གཤེགས་དང་
[40b.5]མཚུངས་པ། །ཤིན་ཏུ་དྲིན་ཆེ་གུས་པས་བསྟོད། །སེམས་ཅན་མུན་ཁང་འཁྱམས་པ་ལ། །མར་མེ་བསྟན་པས་ལམ་རྙེད་བཞིན། །འཁོར་བར་འཁྱམས་པའི་སེམས་ཅན་ལ། །མན་ངག་རིན་ཆེན་འདི་བསྟན་པས། །ཕྱག་རྒྱ་མཆོག་གི་ལམ་རྙེད་འགྱུར། །དེ་བས་ཤིན་ཏུ་དྲིན་ཆེ་བས། །
[40b.6]ཡུལ་ཞིང་སྣེ་ཕྲན་བཅས་པ་དང་། །རིན་ཆེན་ལ་སོགས་ནོར་རྫས་དང་། །བུ་དང་ཆུང་མ་བྲན་འཁོར་བཅས། །སྲོག་ལུས་མན་ཆད་ཕུལ་གྱུར་ཀྱང་། །བླ་མའི་སྐུ་དྲིན་འཁོར་མི་འགྱུར། །དེ་བས་འབད་པ་ཐམས་ཅད་ཀྱིས། །བླ་མ་མཉེས་པར་མི་བྱེད་ན། །མན་ངག་ཐོབ་ཀྱང་ལྟུང་བར་འགྱུར། །
[40b.7]གཞན་ཡང་རྒྱུད་ནི་སྣ་ཚོགས་ལས། །བསྟན་པ་བསྲུང་བའི་དོན་སླད་དུ། །མཐུ་ཡི་སྦྱོར་བའི་མན་ངག་རྣམས། །དགོས་པ་བསྡུས་ཏེ་བསྟན་པར་བྱ། །དེ་ལྟའི་བླ་མ་རིན་ཆེན་ལ། །གོང་མ་བཞིན་དུ་ཤེས་པར་བྱ། །མན་ངག་བསྟན་པའི་སློབ་མ་ལ། །རྣམ་པ་བཞི་རུ་ཤེས་བྱས་ལ། །ཕྱི་
[41a]
[41a.1]ལྟར་ནང་ལྟར་གསང་བ་ལྟར། །དེ་ཁོ་ན་ཉིད་བཞི་རུ་བསྟན། །ཕྱི་ལྟར་བསྟན་པའི་སློབ་མ་ཡང་། །དང་པོ་དཀྱིལ་འཁོར་བཅུག་ནས་ནི། །བུམ་པའི་དབང་བསྐུར་རྫོགས་བྱས་ལ། །མི་ཟད་དབྱིངས་ཀྱི་ཆོས་རྣམས་བཤད། །དེས་སུ་རྟོགས་པའི་རིམ་པ་ནི། །ཐུན་མོང་
[41a.2]དམ་ཚིག་ཉམས་བླངས་ལ། །ཉམས་ན་བཤགས་ལ་བརྩོན་པར་བྱ། །ཉམས་པ་ཆེན་པོ་བྱུང་བ་ན། །བཤགས་ནས་རིམ་པར་བསྐྱར་བར་བྱ། །དེ་ནི་སློབ་དཔོན་ཉིད་ལས་བླང་། །གཞན་གྱི་སྐབས་དང་སྦྱོར་ཤེས་བྱ། །ཁྲུས་ལ་སོགས་པའི་རྣལ་འབྱོར་རྣམས། །ཉམས་སུ་བླངས་ཏེ་སྤྱད་
[41a.3]པར་བྱ། །དེ་ཡི་རྣལ་འབྱོར་མོས་པ་ནི། །མས་མཐའ་ཐུན་ཚོད་ཆུང་ངུ་གཅིག །ཉིན་ཞག་འདས་ན་ཉམས་པར་འགྱུར། །དང་པོར་བསྐྱེད་རིམ་བསྒོམ་པ་ནི། །རིམ་གྱིས་སམ་ནི་ཅིག་ཅར་དུ། །བསྐྱེད་པ་བརྟན་པར་གྱུར་པའི་ཆད། །ཐུན་ཚོད་ཆེན་པོ་བརྟན་པ་དང་། །ཁ་དོག་སྤྲོས་པར་ཤེས་
[41a.4]པ་དང་། །ལུས་ངག་ཡིད་གསུམ་སྐྱོན་རྣམས་ནི། །རིམ་གྱིས་བྲི་བར་གྱུར་པ་དང་། །ཁྱད་པར་ལུས་ཀྱི་སྐྱོན་བྲིའོ། །ལུས་ཀྱི་མདོག་བཟང་ལུས་སྙོམས་དང་། །ཡུན་རིངས་བཏང་ཡང་མི་ཚོར་ན། །བསྐྱེད་པའི་རིམ་པ་བརྟན་པའི་ཚེ། །དེ་ནས་གསང་དབང་བསྐུར་ནས་ནི། །ནང་ལྟར་
[41a.5]བསྟན་ནས་རིམ་གྱིས་བསྒོམ། །དེ་ལྟར་ཕྱི་ཡི་གང་ཟག་ནི། །དེ་ནས་མར་ལ་འགྲོ་བ་དཀོན། །སྐྱེ་བ་འདི་རྗེས་ཕྱི་མ་རུ། །རྟེན་དང་དབང་པོ་ཁྱད་པར་འགྱུར། །དེ་ནི་རིམ་གྱིས་འབྲས་བུ་ཐོབ། །ནང་ལྟར་བཤད་པའི་སློབ་མ་ནི། །ཕྱི་ལྟར་ཐུན་མོང་སྔོན་དུ་འགྲོ། །ནང་ལྟར་མན་ངག་
[41a.6]ཁྱད་པར་བསྟན། །དེ་ནས་རླུང་དང་གཏུམ་མོ་དང་། །ཡིག་འབྲུ་ཐིག་ལེ་རྣམས་ལ་བསླབ། །དེ་ཡང་གསང་དབང་བསྐུར་ནས་ནི། །རླུང་དང་ཡིག་འབྲུ་བསྒོམ་པར་བྱ། །དེ་ལ་བརྟན་པར་གྱུར་ནས་ནི། །སྣང་བ་གསུམ་ལ་རིམ་གྱིས་བསླབ། །དེ་ནས་ཚེ་ནི་ནམ་འཕོས་ནས། །
[41a.7]གོང་མ་རྣམས་ལ་རིམ་གྱིས་བསླབ། །གསང་བ་ལྟར་ནི་བསྟན་པ་ཡིས། །སློབ་མ་དེ་ལ་གོང་མ་གཉིས། །ཐུན་མོང་དུ་ནི་སྔོན་དུ་འགྲོ། །ཤེས་རབ་ཡེ་ཤེས་དབང་བསྐུར་ནས། །གཉིས་པོ་ལ་ནི་ཞུགས་ནས་སུ། །མན་ངག་སྟོབས་ཞུགས་ཏིང་འཛིན་གྱིས། །བདེ་བ་ཡེ་ཤེས་རིམ་སྐྱེས་
[41b]
[41b.1]ནས། །སྣང་བ་མཆེད་པར་གྱུར་པས་སུ། །ཀུན་རྫོབ་སྒྱུ་མ་ཇི་བཞིན་པ། །ཐུགས་སུ་ཆུད་པའི་སྟོབས་ཀྱིས་ནི། །ལྷན་ཅིག་དགའ་བ་ལ་ཞུགས་པས། །སྤྲོས་མེད་འོད་གསལ་དེ་བཞིན་ཐོབ། །དེ་ནས་རིམ་གྱིས་མཐར་ཐུགས། །ཐོབ་པར་དེ་ནི་མ་གྱུར་ཀྱང་། །ཚེ་དབང་བསྒྲུབ་པས་ཐོབ་
[41b.2]པའམ། །ཡང་ན་རྫས་དང་མན་ངག་དང་། །ཐབས་ཀྱི་སྦྱོར་བ་ལ་སོགས་ཀྱིས། །ཕུང་པོ་བཞུ་བཏུལ་བྱས་ནས་སུ། །གསེར་འགྱུར་རྩི་བཞིན་གྱུར་ནས་ཀྱང་། །དེ་ནས་རིམ་གྱིས་འགྲོ་བའམ། །ཡང་ན་འཆི་བར་གྱུར་ན་ནི། །བྱང་ཆུབ་སེམས་ཀྱི་མན་ངག་བླང་། །དེ་ལྟར་མི་འདོད་
[41b.3]མན་ངག་བླངས། །སྐྱེ་བ་ཕྱི་མ་དག་ཏུ་ནི། །མཐར་ཐུག་པ་ནི་ཐོབ་པར་འགྱུར། །དེ་ཡང་། །ཚེ་དབང་བསྒྲུབ་པའི་མན་ངག་ནི། །ཚེ་དབང་བསྒྲུབ་པའི་རྣལ་འབྱོར་ནི། །དམ་ཚིག་ལྡན་ཞིང་ཡོན་ཏན་ལྡན། །སྐྱོན་སྤངས་དབང་ཐོབ་མན་ངག་ཐོབ། །རྒྱུད་ཀྱི་དོན་མཁས་ཆ་རྐྱེན་ཚང་། །དམ་ཅན་
[41b.4]མཁའ་འགྲོ་བསྟེན་པ་ཡིས། །ལུང་བསྟན་ཕྲ་མོ་ཐོབ་ནས་ཀྱང་། །ཚེ་སྲོག་ཉམས་པ་འཚོ་བར་བྱེད། །དེ་ཡང་། ཚེ་ཡི་རང་བཞིན་གནས་དང་ནི། །མིང་ཞེས་བྱ་བའི་རྣམ་གྲངས་ནི། །དེ་ཡི་ཚེ་ཡི་རང་བཞིན་ནི། །འོད་ཟེར་ཁ་དོག་ལྔ་དཀྱིལ་ན། །ཐིག་ལེ་བྱང་ཆུབ་སེམས་ཞེས་བྱ། །དཀར་
[41b.5]ལ་འཚེར་ཞིང་སྣུམ་ལ་འགྲིལ། །དེ་ཡང་ཆེ་ཆུང་རབ་འབྲིང་གསུམ། །སྲན་མ་ཡུངས་འབྲུ་ཤིན་ཏུ་ཕྲ། །མུ་སྟེགས་དག་གིས་དེ་ལ་འཁྲུལ། །རྟག་པ་མི་འགྱུར་གཅིག་པུར་འཛིན། །དེ་ནི་དམ་པའི་དོན་དུ་འདོད། །འཇིག་རྟེན་པ་ཡི་སྐད་དུ་ནི། །བླ་དང་ཚེ་ཞེས་ཀྱང་ནི་ཟེར། །བདག་ཅག་
[41b.6]རྣལ་འབྱོར་པ་ཡི་གཞུང་། །དེ་ནི་ཀུན་རྫོབ་སྒྱུ་མར་འདོད། །དམ་པའི་དོན་དུ་རང་བཞིན་མེད། །གནས་ནི་ཙིཏྟའི་དཀྱིལ་ན་གནས། །དེ་ཡང་རྩ་བརྒྱད་དཀྱིལ་ན་གནས། །ཤིན་ཏུ་རྟོགས་དཀའ་དྷཱུ་ཏཱིའི་ནང་། །དེ་ཉིད་དབྱེ་ན་རྣམ་གསུམ་སྟེ། །དེ་ལ་བརྟེན་པའང་རྣམ་པ་གསུམ། །གཅིག་
[41b.7]ནི་འཆི་བའི་དུས་ཚེ་འབྱུང་། །གཅིག་ནི་ལུས་ཀུན་ཁྱབ་པར་གནས། །དེ་ལ་གཞན་དག་གཉིས་སུ་འདོད། །ཁྱད་པར་གནས་དང་ལས་ཀུན་བྱེད། །ཁ་ཅིག་ཁྱད་བྱེད་དེ་ཀུན་ལ། །ལུད་ཅིང་ཟག་པ་ཐུར་དུ་འབབ། །གཞན་ནི་ཀུན་དུ་ཁྱབ་ཅིང་རྒྱུ། །དེ་ལའང་ལས་ཀྱི་འཕེན་ཤུགས་ཀྱིས། །
[42a]
[42a.1]མང་པོ་ལ་ནི་རྒྱུ་རུ་འདོད། །སྲོག་དང་དབང་པོ་ཆེ་ཞེས་པ། །མིང་གི་རྣམ་གྲངས་ཉིད་དུ་འདོད། །དེ་ཡང་རླུང་དང་རྩ་དང་ནི། །བྱང་ཆུབ་སེམས་སུ་བྱས་པས་ན། །ཐ་དད་ཉིད་དུ་འདོད་པའང་ཡོད། །ཤེས་པ་བསྡུས་དང་མ་བསྡུས་པ། །གནས་སྐབས་དོན་གྱིས་འཇུག་
[42a.2]པ་ཡིན། །ཚེ་བསྒྲུབ་པའི་ཆོ་ག་ནི། རང་གི་སྙིང་གར་འོད་ཀྱི་གཞལ་ཡས་ཁང་། །དེ་ཡི་དཀྱིལ་ན་ཨ་དཀར་གཉིས། །ཕྲ་འདུས་ཟླ་བ་ཁ་སྦྱོར་གྱུར། །དེ་ནས་ཧཱུཾ་གཉིས་འཕྲོ་འདུ་ལས། །རྡོ་རྗེར་གྱུར་པས་སྟེང་འོག་མནན། །ཚེ་རྣམས་འཕྲོག་པའི་འབྱུང་པོ་དེ། །དྲག་པོ་སྦྱོར་བ་ལ་སོགས་
[42a.3]ཀྱིས། །སྔགས་བརྗོད་ཕྱག་རྒྱ་བཅས་ནས་སུ། །བཅོམ་ཞིང་བརླག་ནས་མེད་པར་བྱས། །ལྷ་མོའི་སྤྲུལ་པས་ཚེ་རྣམས་དགུག །སྔགས་བརྗོད་ཕྱག་རྒྱས་བཀུག་ནས་ཀྱང་། །བསྲུང་ཞིང་ཡེ་ཤེས་ཆེ་ཡང་དབབ། །དབབ་པའི་ཕྱག་རྒྱ་བཅིང་བ་ནི། །རྡོ་རྗེ་སོར་མོ་ནང་བསྣོལ་ཏེ། །མཐེ་
[42a.4]བོང་གཉིས་ཀྱི་ནང་དུ་དཔེ་བ། །ཨོཾ་བཛྲ་ཨཱ་ཡུ་ཥེ་ཧཱུཾ། ཨཱ་བེ་ཤ་ཡ་ཨཱ་ཨཱ། ལུས་ལ་མར་རིམ་བཞིན་དུ་བསྟིམ། ཁྱད་པར་སྙིང་གི་དཀྱིལ་དུ་བསྟིམ། །བཾ་ཡིག་དམར་པོ་འཕྲོས་པ་ལས། །མན་ངག་ལ་སོགས་སྦྱོར་བས་བཅིང་། །བསྡུ་ཞིང་གཟུང་བའི་མན་ངག་ནི། །ཤེས་རབ་ལ་སོགས་
[42a.5]ཐབས་ཀྱིས་བསྟན། །ཚེ་ཡི་ཡོན་ཏན་ལ་སོགས་ནི། །རྒྱུད་ལ་སོགས་ལས་ཤེས་པར་བྱ། །ཚེ་དང་དུམ་བུ་རྣམ་སྨིན་གསུམ། །དེ་གསུམ་ཐབས་སོགས་མཐུན་པ་ཡང་། །གཅིག་ལ་གཅིག་བསྟན་མདུང་ཁྱིམ་འདྲ། །ཡི་གེ་གསུམ་གྱི་མན་ངག་ཀྱང་། །གནས་གསུམ་དག་ཏུ་
[42a.6]བཅིང་བ་ཡིན། །སྦྱོར་བ་ལ་སོགས་བཅིང་བར་བྱ། །དེ་ནི་ཚེ་སྒྲུབ་མན་ངག་གོ། །བྱང་སེམས་བླང་བའི་མན་ངག་ཀྱང་། །དེ་ཡང་རྣལ་འབྱོར་སྤྱོད་པ་ཡི། །མཁས་པས་འཆི་རྟགས་ཤེས་ནས་ནི། །རིན་ཆེན་འབར་བའི་སྣོད་ནང་དུ། །བླངས་ནས་མཚལ་ཆེན་དང་སྦྱར་ནས། །སྦྱོར་
[42a.7]བའི་སྟོབས་ཀྱི་ཤངས་སུ་འཕང་། །རྣམ་ཤེས་རླུང་ལ་ཞོན་པ་དེ། །དང་པོ་རྟེན་དང་བྲལ་ཙམ་ན། །སྔགས་བཟླས་འོད་ཟེར་སྟོབས་ཀྱིས་སུ། །སྙིང་ག་ཉིད་དུ་བཅིང་བར་བྱ། །དེ་ནས་སྔ་མའི་རྟེན་ལ་གཞུག །སྦྱོར་བ་ལ་སོགས་གཞན་ཡང་མྱུར་བར་བྱ། །གཞན་ཡང་གསང་བ་སྤྱོད་པ་ནི། །
[42b]
[42b.1]མཛད་པའི་དུས་ནི་རྣམ་གསུམ་སྟེ། །དང་པོ་བདུད་རྩི་སྤྱོད་པ་ལ། །མོས་པས་འཇུག་དང་དངོས་ལ་འཇུག །མོས་པས་འཇུག་པ་གཞན་དང་མཐུན། །དངོས་སུ་འཇུག་པའི་ཐབས་བསྟན་པ། །བདུད་རྩི་རྩ་བ་ལྔ་བཙལ་ལ། །རང་གི་ལུས་ལས་བཙལ་བར་བྱ། །བཙལ་ནས་བསྒྲུབ་པའི་
[42b.2]རི་ལུ་དེ། །ཚད་དུ་ཕྱིན་ནས་བཟའ་བར་བྱ། །བཟའ་བ་དང་པོ་རིམ་གྱིས་བསླབ། །ཟས་དང་རྗེས་ཟིན་རྟིང་ཉིད་ལ། །ཞག་གསུམ་ན་ནི་ཅི་རན་བཟའ། །བཏུང་བའང་དེ་བཞིན་དེ་རྟིང་ལ། །ཞག་ལྔ་ན་ནི་བཟའ་བར་བྱ། །དེ་ནས་ཟླ་ཕྱེད་ཟླ་གཅིག་གོ། །དེ་རྣམས་པར་གྱི་འཚོ་བ་ནི། །
[42b.3]ནང་གི་བདུད་རྩི་སླར་བསྡམས་ལ། །བཟའ་ཞིང་བཏུང་བ་ཉིད་དུ་བྱ། །དེ་རྣམས་བག་ལ་ཞ་ནས་ནི། །བར་བར་གོང་བཞིན་བཟའ་བར་བྱ། །ཡང་ན་རིམ་བཞིན་དེ་བཞིན་ལྔ་བ། །དེ་ནས་ནང་གི་རྒྱུན་བཟློག་གིས། །རིམ་བཞིན་ལུས་རྣམས་གསོ་བར་བྱ། །ལུས་ནི་ཤིན་ཏུ་རྒྱས་གྱུར་ན། །
[42b.4]ཏིང་འཛིན་བོགས་ནི་སྐྱེ་བར་འགྱུར། །མན་ངག་སྟོབས་ཀྱིས་ཞུགས་པ་ཡིས། །མི་རྟོག་ཡེ་ཤེས་སྐྱེ་བར་འགྱུར། །ཡང་ན་བོགས་ནི་དབྱུང་བའི་ཐབས། །ནང་གི་གསོ་ཐབས་སྤོ་བ་དང་། །ཕྱི་ཡི་གསོ་ཐབས་སྤོ་བ་དང་། །ལུས་ལ་རྫས་རྣམས་བྱུགས་པ་ཡིས། །ཏིང་འཛིན་བོགས་
[42b.5]རྣམས་སྐྱེ་བར་འགྱུར། །ཐབས་དེས་སྐྱེ་བར་མ་གྱུར་ན། །མན་ངག་བསྒོམ་པས་སྤོ་བར་བྱ། །དེས་ཀྱང་སྐྱེ་བར་མ་གྱུར་ན། །གནས་ལ་སོགས་པ་སྤོ་བར་བྱ། །སྤོས་ཀྱང་སྐྱེ་བར་མ་གྱུར་ན། །འབྱུང་པོའི་གནོད་པ་ཡོད་པ་ཡིན། །འབྱུང་པོ་བསལ་བའི་ཐབས་རྣམས་བྱ། །
[42b.6]འབྱུང་པོ་བསལ་ཀྱང་མ་བྱུང་ན། །སྔོན་གྱི་བག་ཆགས་མཐུག་པས་ནི། །དེ་ཉིད་སྦྱང་བའི་ཆོ་ག་བྱ། །དེས་ཀྱང་སྐྱེ་བར་མ་གྱུར་ན། །ཐ་མི་དད་པའི་འདུ་ཤེས་ཀྱིས། །དཀྱིལ་འཁོར་ལ་སོགས་སྤོས་པ་ཡིས། །ཏིང་ངེ་འཛིན་ནི་སྐྱེ་བར་འགྱུར། །དེས་ཀྱང་སྐྱེ་བར་མ་གྱུར་ན། །སློབ་
[42b.7]དཔོན་མན་ངག་ཉམས་པ་ཡིན། །སློབ་དཔོན་དམ་ཚིག་ཉམས་པས་ཀྱང་། །མན་ངག་མཐུ་ནི་ཆུང་བར་བྱེད། །ཡེ་ཤེས་སྐྱེ་བའི་གནས་རྣམས་ནི། །སློབ་དཔོན་དམ་ཚིག་ཉམས་སོགས་ལ། །དམ་ཚིག་ལ་སོགས་ནོངས་པ་དང་། །རང་གི་མན་ངག་ཉམས་པ་དང་། །དམ་ཚིག་ཉམས་
[43a]
[43a.1]པའི་ཐེ་ཚོམ་ཟོས། །ལྟ་སྤྱོད་ཉམས་སུ་མ་ལོན་དང་། །དུས་དང་རྟགས་སོགས་མ་ཤེས་དང་། །མན་ངག་བསྒོམ་རིམ་མ་ཤེས་དང་། །སྦྱང་བ་ལ་སོགས་མ་ཤེས་དང་། །སེམས་འཛིན་ཕྲ་མོ་ཡོད་སྲིད་ཀྱང་། །ཡེ་ཤེས་སྐྱེ་བར་མི་འགྱུར་རོ། །དེ་རྣམས་སྐྱོན་སྤངས་
[43a.2]ཡོན་ཏན་ལྡན། །དེ་ནི་ཡེ་ཤེས་མ་སྐྱེས་ཀྱང་། །ཚོགས་ཆེན་ཁྱད་པར་བསགས་ནས་སུ། །སྐྱེ་བ་ཕྱི་མར་ཡེ་ཤེས་ཀྱི། །ངེས་པ་དོན་ཡིན་ཐོགས་མེད་དོ། །མཚན་ཉིད་ལ་སོགས་གཞན་དག་ཏུ། །སྔ་མ་ལས་ཀྱི་འཕེལ་ཤུགས་ཀྱིས། །མ་ངེས་པ་དག་བསྟན་པ་དེ། །སྔགས་ཀྱི་
[43a.3]ནུས་མཐུ་ཁྱད་པར་གྱིས། །ལས་ཀྱི་འཕེན་པ་བཅོམ་ནས་ཀྱང་། །སྐྱེ་བ་ཕྱི་མར་ངེས་པའི་དོན། །ཕྱི་མར་རྐྱེན་སོགས་ཐམས་ཅད་ཀུན། །ངེས་པ་ཁོ་ནར་འཛོམ་པར་འགྱུར། །དེ་རུ་རྐྱེན་རྣམས་གཞན་འགྱུར་ན། །དགེ་བར་བསྔོ་བ་ལེགས་འགྱུར་བར། །མ་འཚམ་སྐྱེ་བ་བདུན་ལ་
[43a.4]ངེས། །དེ་བས་གསང་སྔགས་མཐུ་རྣམས་ནི། །དུག་གིས་སྨན་འགྱུར་ཇི་བཞིན་ནོ། །དེ་བས་གསང་སྔགས་མཐུ་རྣམས་ཀྱིས། །ལན་ནི་ཉེ་བར་འབྲས་བུ་མྱུར། །ས་དང་ཕ་རོལ་ཕྱིན་པ་ནི། །དེ་བས་མཐུ་ཆུང་བསྐལ་པ་གསུམ། །ཉན་ཐོས་དེ་བས་མཐུ་ཆུང་བས། །བསྐལ་པ་བཞི་ནི་
[43a.5]འགོར་བ་ཡིན། །དེ་དག་ཀུན་ལ་རབ་འབྲིང་གསུམ། །རིང་དང་མྱུར་དང་ཤིན་ཏུ་མྱུར། །གསང་སྔགས་ལ་ལའི་གཞུང་དང་ནི། །སློབ་དཔོན་ལ་ལའི་གཞུང་གིས་ནི། །བཅུད་ཀྱིས་ལེན་གྱི་མན་ངག་གིས། །ལུས་སེམས་ལས་སུ་རུང་གྱུར་ནས། །མན་ངག་སྟོབས་ཀྱིས་ཡེ་ཤེས་
[43a.6]སྐྱེ། །དེས་ནི་ཕྱག་རྒྱའི་དངོས་གྲུབ་ཐོབ། །ཕྱག་རྒྱ་མཆོག་ནི་འདོད་པ་ན། །ཚེ་ལ་དབང་སྒྱུར་བསྒྲུབས་ནས་ནི། །མན་ངག་བསྒོམས་པའི་སྟོབས་ཀྱིས་ནི། །ཕྱག་རྒྱ་མཆོག་ནི་ཐོབ་པར་འགྱུར། །སློབ་དཔོན་ལ་ལའི་གཞུང་གིས་ནི། །བསྐྱེད་རིམ་བརྟན་པར་གྱུར་པ་དང་། །
[43a.7]བཅུད་ཀྱིས་ལེན་གྱི་མན་ངག་བསྒྲུབ། །དེས་ནི་ཚེ་ལ་དབང་སྒྱུར་འགྲུབ། །ཚེ་དབང་ཐོབ་པ་དེས་ཀྱང་ནི། །ཕྱག་རྒྱ་ཕྱག་རྒྱ་མཆོག་གཉིས་ཐོབ། །བཅུད་ཀྱིས་ལེན་གྱི་མན་ངག་ཀྱང་། །མཁའ་འགྲོའི་རྒྱུད་དུ་ཤེས་པར་གྱིས། །ཕྱག་རྒྱ་མཆོག་གི་མན་ངག་ཅུང་ཞིག་ཙམ། །རྙེད་པར་
[43b]
[43b.1]བྱ་བའི་ལུས་ཀྱི་ཕྲེང་བ་ཐབས་ཀྱི་རིམ་པ་བཀོད་པའོ། །གཞན་ཡང་། །བསྟན་པ་བསྲུང་བའི་དོན་སླད་དུ། །ལས་ཀྱི་ཕྲེང་བ་གཞན་ཡང་བསྟན། །བདག་ཉིད་ལྷག་པའི་ལྷར་བསྐྱེད་ལ། །མདུན་དུ་མགོན་པོ་ནག་པོ་ནི། །སྐུ་གསུང་ཐུགས་ལས་བྱུང་བ་ཡི། །ཧཱུཾ་དེ་ཉིད་ལས་བསྐྱེད་པ་
[43b.2]ནི། །ཞལ་གཅིག་ཕྱག་ནི་གཉིས་པ་དེ། །མདོག་གནག་འོད་འབར་ཆེན་པོ་ནི། །གྲི་གུག་ཐོད་པ་ལག་ན་འཛིན། །ཐོད་པའི་ཕྲེང་བའི་དོ་ཤལ་བྱས། །མཆེ་བ་གཙིགས་མཛད་འཇིགས་བྱེད་པ། །བོང་ཐུང་ལུས་གནག་གཟི་བརྗིད་ཆེ། །ཁ་ནས་ཁྲག་ནི་འབབ་པའོ། །དེ་ལ་
[43b.3]བཟླས་པའི་མན་ངག་ནི། །ཨོཾ་མ་ཧཱ་ཀཱ་ལ་ཧ་ན་ཧ་ན་བཛྲེ་ན་སྭཱ་ཧཱ། བཟླས་པ་ཡི་ནི་མན་ངག་ཀྱང་། །རྟེན་དང་བརྟེན་པའི་གནས་ཚུལ་དེས། །གྲུ་གསུམ་གཞལ་ཡས་སྒོ་གཅིག་པ། །དེ་ཡི་བདག་པོ་རིགས་དང་བསྟུན། །འཕྲོ་འདུ་བྱ་བའི་ཚུལ་རྣམས་ཀྱང་། །འཁོར་ལོ་ཚ་ཚ་གདབ་
[43b.4]པའི་ཚུལ། །ལྕེ་ཡང་རིགས་དང་བསྟུན་པ་ཡིན། །ངག་གི་བཟླས་པ་བྱེད་ཚུལ་ཡང་། །ཉི་མ་ཤར་དང་རུ་ཆུ་བྲུག །དེ་ཡི་བཟླས་པའི་གྲངས་རྣམས་ཀྱང་། །སུམ་འབུམ་དྲུག་འབུམ་ས་ཡ་རུ། །བཟླས་པ་བྱས་པས་མཚན་མ་རྙེད། །དེས་སུ་འབྱུང་བར་མ་གྱུར་ན། །སྦྱང་བ་བྱས་ཏེ་
[43b.5]བཟླ་བར་བྱ། །སྔགས་ཀྱི་ནུས་པ་ཆེ་ཆུང་དང་། །མོས་པ་ཡི་ནི་ཁྱད་པར་དང་། །བག་ཆགས་ཆེ་ཆུང་ཁྱད་པར་གྱིས། །རྡོ་རྗེ་དྲག་པོའི་རྒྱུད་རྣམས་ལས། །སྔགས་ཀྱི་སྦྱོར་བ་གཞན་དག་གིས། །བསྙེན་དང་གསད་པའི་ལས་རྣམས་བྱ། །ལྷ་ཡི་སྦྱོར་བ་སྤོ་བ་ཡང་། །དེ་བཞིན་དུ་
[43b.6]ནི་ཤེས་པར་བྱ། །གནས་ལ་སོགས་པའི་སྦྱོར་བ་ནི། །གཞན་པ་དག་ཀྱང་སྤོ་བར་བྱ། །ལྷ་རྣམས་སོ་སོ་སྤོ་བ་ཡང་། །ཞལ་གཅིག་ཕྱག་ནི་བཞི་པ་དང་། །ཞལ་གསུམ་ཕྱག་ནི་དྲུག་པ་དང་། །ཞལ་བཞི་ཕྱག་ནི་བརྒྱད་པ་དང་། །ཕྱག་མཚན་རྣམས་ཀྱང་འགྱུར་བ་དང་། །སྐུ་མདོག་ལ་སོགས་
[43b.7]འགྱུར་བ་རྣམས། །སོ་སོའི་རྒྱུད་དང་བསྟུན་པ་ཡིན། །སྔགས་ལ་སོགས་པའི་སྦྱོར་བ་ཡང་། །དེ་བཞིན་དུ་ནི་ཤེས་པར་བྱ། །ཁྱད་པར་ལས་རྣམས་སོ་སོའི་སྔགས། །ཨོཾ་མ་ཧཱ་ཀཱ་ལཱ་ཡ། ཡ་ཏི་པྲ་ཏི་ཛྙཱ་སྨ་ར་སི་ཏ་དི་དཾ། མ་མ་རུ་ཤཱ། ཁ་ཁ་ཁཱ་ཧི་ཁཱ་ཧི། མ་ར་མ་ར། གྲྀཧྞ་གྲྀཧྞ། བནྡྷ་
[44a]
[44a.1]བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དི་ན་མི་ཀེ་ན་ཧཱུཾ་ཧཱུཾ་ཕཊ། ཧཱུཾ་བྷ་ག་པཱ་ན། ཨོཾ་བི་ལཾ་བ་ཧཱུཾ་ཧཱུཾ་ཕཊ། ཨོཾ་གྷུ་སྭཱ་ཧཱ། གསང་བའི་སྔགས་སོ། །ཨོཾ་བྷྲཱུཾ། མངོན་སྤྱོད་ཀྱིའོ། །ཨོཾ་ཛྲཱྀཾ་སྭཱ་ཧཱ། དབྱེ་བའོ། །ཨོཾ་ཁཾ་སྭཱ་ཧཱ། བསྐྲད་པའོ། །ཨོཾ་ཧཱུཾ་སྭཱ་ཧཱ། དགུག་པའོ། །ཨོཾ་
[44a.2]ཨ་སྭཱ་ཧཱ། དབང་གིའོ། །ཨོཾ་ཧཱུཾ་སྭཱ་ཧཱ། རེངས་བྱེད་ཀྱིའོ། །སྔགས་འདི་དག་ཐམས་ཅད་ཡི་གེ་འབུམ་བཟླས་པས་འགྲུབ་པར་བྱེད་དོ། །མགོན་པོའི་ལས་ནི་ཐུན་མོང་པའི་ལས་སོ། །སྦྱིན་སྲེག་དག་གིས་གསད་པ་ནི། །གྲུ་གསུམ་ནག་པོའི་ཐབ་ཁུང་དུ། །ཤིན་ཏུ་དྲག་པོའི་མེ་
[44a.3]ལྷ་བསམ། །སྦྱང་ཞིང་བྱིན་གྱིས་བརླབ་པ་དང་། །བསྡུས་རྒྱས་མྱུར་བའི་རིམ་པ་རྣམས། །མན་ངག་ལ་སོགས་ཤིན་ཏུ་གབ། །མཆོད་པ་དབུལ་བའི་རིམ་པ་ནི། །ཚ་བའི་མར་དང་ཚེར་མ་ཅན། །ཏིལ་ནག་པོ་དང་དུག་ཆུས་བྱུག །ཨོཾ་མ་ཧཱ་ཀཱ་ལ་མིང་འདི་ཞེས་བྱ་བ་ཤ་ཏྲཱུ་ན་མཱ་ར་
[44a.4]ཡ་ཧཱུཾ་ཕཊ། ཅེས་བརྒྱ་རྩ་བརྒྱད་དབུལ་བར་བྱའོ། །མངོན་པར་བསྒྲུབ་པའི་ལས་དྲག་ཤུལ་ཤི་བའི་རོ་བཟུང་ལ། དེ་ནི་ཡང་ནི་གཏུབ་པར་བྱ། །སྟོང་པར་བྱིན་བརླབས་ཡི་གེ་ལས། །བསྒྲུབ་བྱ་ཅི་འདྲ་དེ་ལ་བསམ། །ལྕགས་ཀྱུས་སྙིང་དྲང་རླུང་གིས་བཏེག །རྣམ་པར་ཤེས་པ་དེ་
[44a.5]ལ་བསྟིམ། །རྡོ་རྗེ་ཕུར་བུས་དེ་ལ་བརྡེག །བསད་ནས་མེ་ལ་སྦྱིན་སྲེག་བྱ། །མེ་ཡི་ལྷ་ལ་བརྒྱ་རྩ་བརྒྱད། །མིང་ནས་སྨོས་པ་དེ་ལ་དབུལ། །ལྷ་ལ་རྩ་བའི་སྔགས་ཀྱིས་ནི། །དབུལ་བར་དགྲ་ཡི་མིང་དེ་གཞུག །འབུམ་ལ་བརྒྱད་ཀྱིས་བསྟབས་ལ་དབུལ། །དེ་ནི་དུར་ཁྲོད་གདོན་
[44a.6]རྣམས་ཀྱིས། །འདུ་ཞིང་དེ་ཉིད་ཟ་བར་བསམ། །དེ་ཡང་བསོད་ནམས་རབ་འབྲིང་གིས། །བཅུ་གཉིས་ཕྱེད་དང་དེ་ཡི་ཕྱེད། །འཆི་བར་དེ་ནི་གདོན་མི་ཟ། །བསྲེག་པས་གསད་པའི་ལས་རིམ་མོ།། །།གཞན་ཡང་ཏིང་འཛིན་རིམ་པ་ཡིས། །གསད་པ་རབ་ཏུ་བརྩམ་པར་བྱ། །
[44a.7]འདི་ནི་བསམ་པ་ཙམ་གྱིས་ཀྱང་། །སངས་རྒྱས་ཉིད་ཀྱང་ངེས་པར་འཇིག །མ་ཧཱ་ཀཱ་ལའི་རྣལ་འབྱོར་གྱིས། །གདུག་པ་ཁྲོ་བོའི་སེམས་ཀྱིས་ནི། །དེ་ཡི་ལྟེ་བའི་རྩ་བ་ལ། །རྣལ་འབྱོར་ཅན་གྱིས་ལག་པ་གཅད། །མིང་གི་ཡི་གེ་དང་པོ་ལས། །གསད་བྱ་མདུན་དུ་བསམ་
[44b]
[44b.1]པར་བྱ། །རྣམ་ཤེས་དེ་ལ་བཅུག་ནས་ནི། །ཁ་སྦྱར་ནང་ནས་གནས་མཐོང་ནས། །དེ་ཕྱུང་སྲོག་དང་དབྲལ་མཐོང་ནས། །རོ་ནི་དུམ་བུ་སྟོང་དུ་གཏུབ། །བཟའ་འམ་ཡང་ན་གཏོར་མ་བྱ། །དེ་མ་ཐག་ཏུ་སྤྱི་གཙུག་བསམ། །ཁྲག་སྐྱུགས་འདར་ཞིང་མགོ་སྐྱེས་ཀྱང་། །ཁ་ནི་ཐུར་
[44b.2]དུ་བུབ་པར་བསམ། །སུམ་རྩེ་མེ་ཡི་གཟུགས་ཅན་ནི། །བཤང་ལམ་ཞུགས་ནས་སྙིང་གར་ནི། །ཐེ་ཚོམ་མེད་ཅིང་བརྟན་གྱུར་ན། །ངེས་པར་འཛིན་པར་འགྱུར་བ་ཡིན། །ཏིང་ངེ་འཛིན་གྱིས་གསད་པའི་རིམ་པའོ།། །།གཞན་ཡང་རབ་ཏུ་བཤད་པར་བྱ། །ཐོད་པ་མ་ཆག་མ་གསལ། །
[44b.3]མ་ཧཱ་ཀཱ་ལའི་སྙིང་པོ་བྲི། །བཟླས་པའི་ཡུངས་ཀར་དེ་རུ་བླུགས། །དགྲ་ཡི་སྒོ་ཁར་སྦས་ན་ནི། །ནོར་དང་བཅས་པ་ཟླ་དྲུག་གིས། །བརླག་པར་འགྱུར་བ་གདོན་མི་ཟ། །གང་ཡིན་པ་ཡི་རིགས་རྒྱུད་ཀྱི། །ཐོད་པ་དེ་ཉིད་བླངས་ནས་ནི། །ཅིག་ཤོས་ཀྱི་ནི་ཁྲག་གིས་བྲི། །སྔགས་ནི་
[44b.4]ནག་པོ་ཉིད་ཀྱིས་བྱ། །ཡང་ན་མ་ཧཱ་ཀཱ་ལ་དང་། །ནག་པོ་ཉིད་ཀྱིས་བསྲེས་ནས་བྱ། །མ་ཧཱ་ཀཱ་ལས་བྱེད་པ་ན། །མིང་སྤེལ་བ་ནི་ཚོགས་རྒྱུར་བཅད། །ཡང་ན་གླིང་བཅད་འཁོར་ལོ་བཅད། །གྲོ་གའམ་དུར་ཁྲོད་རས་མ་ལ། །གཟུགས་དང་མིང་ནི་བྲིས་པ་གཞུག །དེ་སྟེང་དེ་གཤེད་
[44b.5]གཟུགས་རྣམས་གཞུག །སྨིན་པར་བྱེད་པས་ཁ་བཅད་ནས། །དེ་སྟེང་གཞན་གྱིས་དགག་པར་བྱ། །གནག་དང་དཀར་བས་རྒྱ་གྲམ་བཅིང་། །ནག་པོ་ཡོད་པའི་སར་སྦས་ན། །གདོན་མི་ཟ་བར་བརླག་པར་འགྱུར། །དེ་ནི་ཐབས་ཀྱིས་གསད་པའི་རིམ་པའོ།། །།གཞན་ཡང་
[44b.6]གསང་བའི་རིམ་པ་ནི། །གྲུ་གསུམ་ནག་པོའི་སྣོད་ནང་དུ། །ཁྲག་སྣ་སྙིང་སྣ་སྦྱར་བ་ཡི། །མཐུན་པའི་དམ་རྫས་རྣམས་ཀྱིས་དགང་། །དུར་ཁྲོད་རས་མ་དག་ལ་ནི། །དེ་ཡི་མིང་དང་གཟུགས་བྲིས་ལ། །བརྒྱ་རྩ་བརྒྱད་ནི་གཏོར་མར་དབུལ། །ནག་པོའི་རྟེན་ནི་ཡོད་པའི་སར། །
[44b.7]བསྟབས་པའི་ཚུལ་གྱིས་རྦད་པར་བྱ། །དེ་ལྟར་བྱས་པའི་གཏོར་མ་ནི། །བརྒྱ་ནས་སྟོང་གི་བར་དུ་ནི། ཨོཾ་མ་ཧཱ་ཀཱ་ལ་ཤཱ་ས་ན་ཨུ་པ་ཧཱ་རི་ཎཾ་ཨེ་ཥ་ཨ་པ་ཤྩི་མཱ་ཀཱ་ལོ་ཡ་མི་ཏི་ཏད་རཏྣ་ཏྲ་ཡ། ཨ་པ་ཀ་རི་ཎཾ་ཡ་དི་པྲ་ཏི་ཛྙཱ་སྨ་ར་སི་ཏ་དི་དཾ། དུཥྚཱཾ་སཏྭ་ཁ་ཁ་ཁཱ་ཧི་ཁཱ་ཧི། མ་ར་མ་ར། གྲྀཧྞ་གྲྀཧྞ། བནྡྷ་
[45a]
[45a.1]བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དི་ན་མེ་ཀེ་ན་ཧཱུཾ་ཕཊ། ཅེས་པའི་སྔགས་ཀྱིས་གསད་པར་བྱའོ། །གཞན་ཡང་འཁོར་ལོས་གསད་པ་ནི། །བདེ་གཤེགས་སྤྲུལ་པའི་ནག་པོ་ནི། །ཤིན་ཏུ་འཇིགས་པའི་སྐུ་འཆང་བ། །བསྐྱེད་པ་ལ་སོགས་རྫོགས་
[45a.2]བྱས་ལ། །ཚེས་གྲངས་ཤིས་པ་ཉིད་ལ་ནི། །འཁོར་ལོ་ལེགས་པར་བཅའ་བར་བྱ། །འཁོར་ལོ་བཅའ་བའི་ལུགས་རྣམས་ནི། །དུར་ཁྲོད་རས་མ་དག་ལ་ནི། །འཇིག་རྟེན་མགོན་པོའི་གཟུགས་བྲིས་ལ། །ལྟོ་བར་འཁོར་ལོ་བཅའ་བར་བྱ། །རྩིབས་ནི་བཅུ་གཉིས་བརྒྱད་དུ་བྱ། །
[45a.3]ལེ་ཚེ་རེ་རེ་པོར་ལེན་བྱ། །མིང་དང་དྲག་སྔགས་སྤེལ་ཏེ་བྲི། །སྔོན་དུ་ཆོ་ག་རྫོགས་བྱས་ལ། །འཁོར་ལོ་བསྒྲུབ་དང་བསྒྲུབ་བྱ་གཉིས། །བསྐྱེད་ཅིང་དགུག་པའི་ལས་བྱས་ཏེ། །མཆོད་པ་ལ་སོགས་རྫོགས་བྱའོ། །དེ་ནས་གསང་པའི་ལས་རྣམས་བྱ། །ཉི་མ་བཞིས་བསྐོར་ཐིམ་
[45a.4]པར་བྱེད། །སྔགས་ནི་ཁྲི་དང་བཞི་ཁྲིར་བཟླས། །དེ་ནས་བཅིང་བའི་སྦྱོར་བ་བྱ། །དུར་ཁྲོད་ནག་པོའི་གནས་དག་ཏུ། །གྲུ་གསུམ་ནག་པོའི་གཏིང་བྲུས་ལ། །གཏིང་བྲུས་སྦས་ཏེ་མནན་པར་བྱ། །དེས་སུ་མ་བྱུང་བསྐྱར་བར་བྱ། །ཨོཾ་མ་ཧཱ་ཀཱ་ལ་ཤ་ཏྲཱུན་མཱ་ར་ཡ་ཕཊ། ཅེས་པ་མིང་དང་
[45a.5]སྤེལ་བར་བྱ། །འཁོར་ལོས་གསད་པའི་རིམ་པའོ།། །།གནོད་སྦྱིན་གྱིས་ནི་གསད་པའི་ཐབས། །རང་ཉིད་ལྷག་པའི་ལྷར་གནས་པའི། །ཆོ་ག་ཐམས་ཅད་རྫོགས་བྱས་ལ། །མདུན་དུ་གྲུ་གསུམ་དཀྱིལ་འཁོར་ལ། །གནོད་སྦྱིན་དྲག་པོ་བསྐྱེད་པར་བྱ། །དེ་ཉིད་ནུས་པ་བསྐྱེད་
[45a.6]པའི་ཕྱིར། །སྦྱོར་བ་གཞན་ཡང་ཤེས་པར་བྱ། །དྲག་པོའི་གསང་སྔགས་བཟླས་པ་ཡིས། །གང་ཡང་མི་འདུ་རང་དབང་མེད། །ལྕགས་ཀྱི་ཚ་ཚ་གདབ་པ་བཞིན། །འཕྲོས་པས་ཐམས་ཅད་བརླག་པར་བྱེད། །སུམ་འབུམ་དྲུག་འབུམ་དགུ་འབུམ་དུ། །བཟླས་པས་དོན་རྣམས་
[45a.7]གྲུབ་པར་བྱེད། །ཚད་དུ་ཕྱིན་པའི་དུས་སུ་ནི། །ཤིན་ཏུ་དག་ཅིང་པོས་པས་སུ། །རང་དབང་མེད་པར་ལས་རྣམས་བྱེད། །ཨོཾ་བཛྲ་མ་ཧཱ་ཀཱ་ལ་ཡཀྵ་ཧཱུཾ་ཕཊ། ཛཿམཱ་ར་ཡ། ཤ་ཏྲཱུན་མཱ་ར་ཡ། སྔགས་ཀྱི་མན་ངག་བསྒྱུར་ཤེས་བྱ། །སྦྱིན་སྲེག་ཏིང་འཛིན་ཐབས་དང་ནི། །གཏོར་མ་
[45b]
[45b.1]འཁྲུལ་འཁོར་གསད་ལ་སོགས། །ཐབས་ཀྱིས་ཟིན་པའི་སྦྱོར་ཤེས་བྱ། །གནོད་སྦྱིན་གྱིས་གསད་པའི་རིམ་པའོ།། །།རོ་ལངས་མས་ནི་གསད་པའི་ཐབས། །རང་ཉིད་ལྷག་པའི་ལྷར་གནས་པས། །དུར་ཁྲོད་ཆེན་པོའི་དཀྱིལ་དག་ཏུ། །རོ་ལངས་མ་ནི་བསྐྱེད་བྱས་ལ། །རང་
[45b.2]བཞིན་མ་ཡང་སྤྱན་དྲངས་ཏེ། །དེ་གཉིས་ཆོ་ག་རྫོགས་བྱས་ཏེ། །བསྙེན་པ་ཚད་དུ་ཕྱིན་པ་ན། །དུར་ཁྲོད་རོ་ཡི་ཐོད་པ་རུ། །ཁྲག་ཐུན་རྫས་ལ་སོགས་པ་ལ། །དྲག་པོའི་ཐུན་སྔགས་བཟླ་བར་བྱ། །ཁྲི་ཡི་བར་དུ་བཟླ་བར་བྱ། །དེ་ནས་གང་ཡིན་ས་རུ་བརྡེག །དེ་ལྟར་ལན་གསུམ་བྱས་པ་
[45b.3]ཡིས། །གང་ཡིན་དེ་ནི་བརླག་པར་འགྱུར། །དུར་ཁྲོད་འབར་བའི་གནས་དག་ཏུ། །ནག་པོའི་ནང་དུ་འཁྲུལ་འཁོར་མནན། །ནག་པོའི་ནང་དུ་གཏོར་མས་དགང་། །ཅིག་ཤོས་ནང་དུ་བཅས་པ་ཡིས། །ནག་པོ་ཉིད་ལ་གཏད་པར་བྱ། །ཚ་བའི་རྫས་ཀྱིས་བསྲེག་པར་བྱ། །དེ་ལྟར་
[45b.4]སྦྱོར་བའི་མན་ངག་རྣམས། །མཁས་པས་བསྒྲིམས་ཏེ་མ་བྱས་ན། །རང་ཉིད་ལ་ནི་གནོད་པར་འགྱུར། །ཨོཾ་བཛྲ་བེེ་ཏཱ་ལཱི་ཧཱུཾ་ཕཊ། ཤ་དྲཱུན་མཱ་ར་ཡ་ཧཱུཾ་ཕཊ། ཁ་ཁ་ཁཱ་ཧི་ཁཱ་ཧི། སྔགས་ཀྱི་མན་ངག་སྦྱོར་ཤེས་བྱ། །རོ་ལངས་མས་གསད་པའི་རིམ་པའོ།། །།མཁའ་འགྲོ་མ་ཡིས་
[45b.5]གསད་པའི་ཐབས། །ཆུ་ངོགས་ཐིབས་པོའི་གནས་དག་ཏུ། །མཁའ་འགྲོ་མ་ནི་བསྒྲུབ་པར་བྱ། །ཞིང་ཆེན་གྱི་ནི་གདན་བཏིང་ལ། །དྲག་པོ་རོལ་པའི་འདུག་སྟངས་བྱ། །མཁའ་འགྲོ་མ་སྐུ་མདུན་གཞག་ལ། །ཞིང་གི་རྒྱུས་པ་ཐུགས་ཀར་གཟུང་། །དྲག་ཏུ་བཟླས་པའི་སྟོབས་ཀྱིས་སུ། །
[45b.6]སྦྱོར་བ་གང་འདོད་འགྲུབ་པར་བྱེད། །ཁྱད་པར་སྦྱོར་བ་བསྟན་པ་ནི། །གནག་ཅིང་ཐིབས་པོའི་ནང་དག་ཏུ། །གྲུ་གསུམ་ནག་པོ་བྲུས་ནས་ཀྱང་། །གཟུགས་བརྙན་བཅའ་བའི་ཐབས་བྱས་ཏེ། །དེ་རུ་གསད་པ་ལ་སོགས་བྱ། །ཡང་ན་འབབ་ཆུའི་དོགས་དག་ཏུ། །སྦ་ཞིང་མནན་
[45b.7]པའི་ཐབས་བྱའོ། །ཨོཾ་བཛྲ་ཌཱ་ཀཱི་ཧཱུཾ་ཕཊ། ཤ་ཏྲཱུ་ན་མཱ་ར་ཡ་ཧཱུཾ་ཕཊ། ཨོཾ་ལཾ་ཧཱུཾ་ལཾ་སྟཾ་བྷ་ནན། སྔགས་ཀྱི་སྡེབ་ནི་མ་ཤེས་ན། །སྦྱོར་བ་འགྲུབ་པར་མི་འགྱུར་རོ། །མཁའ་འགྲོ་མས་གསད་པའི་རིམ་པའོ།། །།འཇིགས་བྱེད་མ་ཡིས་གསད་པའི་ཐབས། །ཤིན་ཏུ་འཇིགས་པའི་
[46a]
[46a.1]གནས་དག་ཏུ། །དྲག་ཅིང་གཏུམ་པའི་ཆས་གོས་གོན། །དང་པོར་བསྙེན་སྦྱོར་ཚང་བས་སུ། །ནག་པོ་འགྲོ་མགྱོགས་སྒྱུར་དཀའ་དང་། །བདག་པོ་སྨེ་བརྩེགས་ཐོད་ནང་དུ། །དེ་རྣམས་རིགས་མཐུན་རྫས་བསགས་ཏེ། །ཆུ་གསུམ་ལ་སོགས་རྫས་རྣམས་ལ། །
[46a.2]སྔགས་ཀྱི་སྦྱོར་བ་བཏབ་པས་ནི། །ནུས་པའི་མཐུ་དང་ལྡན་པར་འགྱུར། །ཨོཾ་བཛྲ་བྷཻ་ར་ཝཱ་ཡ་ཧཱུཾ་ཕཊ། ཤ་ཏྲཱུ་ན་མཱ་ར་ཡ་ཧཱུཾ་ཕཊ། ཁ་ཁ་ཁཱ་ཧི་ཁཱ་ཧི། དྲག་པོའི་སྦྱོར་བ་མཁས་པ་ཡིས། །འབྱུང་པོ་རྣམས་ནི་བརླག་པར་འགྱུར། །སྦྱོར་བ་གཞན་ཡང་སྦྱོར་ཤེས་བྱ། །འཇིགས་བྱེད་
[46a.3]མས་གསད་པའི་རིམ་པའོ།། །།ཁྲོ་མོ་ཆེན་མོ་སྲོག་གཅོད་མ་ཡིས་གསད་པ་ཡི། །མན་ངག་ཐབས་ཀྱི་རིམ་པ་བསྟན། །སྔོན་དུ་བསྙེན་པ་རྫོགས་པ་ཡིས། །ཡི་གེ་ཨི་ཡི་གདན་སྟེངས་སུ། །བསྒྲུབ་བྱ་དེ་རུ་བཞག་ནས་ནི། །བཟླས་པ་དྲག་ཏུ་བྱས་ནས་སུ། །སྲོག་གཅོད་པ་
[46a.4]ནི་བསྐུལ་བར་བྱ། །ཁྲི་ཡི་སྔགས་ཀྱིས་དགུག་པར་བྱ། །ཁྲི་ཡི་སྔགས་ཀྱིས་གསད་པར་བྱ། །རང་ཉིད་ལྷག་པའི་ལྷར་གནས་པས། །སྲོག་གཅོད་མ་ནི་མདུན་དུ་བསྐྱེད། །གྲུབ་པ་མོ་ཡང་སྤྱན་དྲངས་ཏེ། །མཐུ་བསྐྱེད་ལ་སོགས་བྱས་ནས་ནི། །སྐུ་དང་གསུང་དང་ཐུགས་རྣམས་
[46a.5]ལས། །དྲག་པོའི་བརྒྱུད་པའི་མཐུ་རྣམས་ནི། །མདའ་ཟམ་བཏགས་པའི་ཚུལ་དུ་བྱུང་། །སྤྱི་བོ་མགྲིན་པ་སྙིང་ག་ནས། །ཆར་བཞིན་དུ་ནི་འབབ་པར་འགྱུར། །ཨོཾ་པྲ་ཏི་ཏ་ན་ཧཱུཾ་ཕཊ། ཤ་ཏྲཱུ་ན་མཱ་ར་ཡ་ཧཱུཾ་ཕཊ། ཁ་ཁ་ཁཱ་ཧི་ཁཱ་ཧི། སྔགས་ཀྱི་སྦྱོར་བ་གཞན་དང་མཐུན། །དྲག་
[46a.6]པོའི་ལས་རྣམས་གཞན་པོ་ཡང་། །མན་ངག་སྟོབས་ཀྱིས་སྦྱོར་ཤེས་བྱའོ། །སྲོག་གཅོད་མས་གསད་པའི་རིམ་པའོ།། །།དབུགས་རྔུབ་མས་གསད་པའི་རིམ་པ་ནི། །རང་ཉིད་ལྷག་པའི་ལྷར་གནས་ནས། །སྔོན་དུ་བསྙེན་པ་རྫོགས་བྱས་ནས། །དྲག་པོའི་ལས་ཀྱི་སྦྱོར་བ་ནི། །
[46a.7]གྲུ་གསུམ་འབར་བའི་གནས་དག་ཏུ། །འཇིགས་པའི་རྒྱན་ཆ་གོན་ནས་ནི། །བྲམ་ཟེའམ་རྒྱལ་རིགས་ནག་པོའི་ཕྱོགས། །མཐུན་པའི་རྫས་ནི་བཙལ་ནས་ཀྱང་། །གྲུ་གསུམ་སྟེང་དུ་རྟེན་བཅས་ནས། །ནག་པོ་འབར་བའི་སྦྱོར་བ་བརྩམ། །དྲག་པོའི་རྫས་ལ་སྔགས་བཟླས་ཏེ། །བདུན་
[46b]
[46b.1]དང་ཉི་ཤུ་རྩ་གཅིག་དང་། །ཟླ་བ་དང་གཅིག་གི་བར་དུ་བསྒྲུབ། །དེ་ནས་འཁོར་ལོ་ལྡན་པའམ། །ཤུགས་དང་ལྡན་པའི་སྦྱོར་བ་ཡིས། །ཤིན་ཏུ་མྱུར་བར་འཕང་བར་བྱ། །དེ་ཉིད་བསྐོར་བའི་ཚུལ་དུའམ། །རི་མོའི་ཚུལ་དུ་བྱས་པ་ཡིས། །ཏིང་འཛིན་སྦྱོར་བའང་དེ་བཞིན་བསམ། །ཨོཾ་
[46b.2]ཤྭཱ་ས་གཱ་པ་ཡེ་ཧཱུཾ་ཆེ་གེ་མོ་ཤ་ཏཱུ་ན་མཱ་ར་ཡ་ཧཱུཾ་ཕཊ། ཡང་ན་དྲག་པོའི་འབྲུབ་ཁུང་དུ། །ཚེར་མ་ཅན་གྱི་ཤིད་བཀང་སྟེ། །རཾ་ལས་དྲག་པོའི་མེ་དཔུང་བསམ། །གྲོ་ག་འམ་ནི་ཤིང་ཤུན་ལ། །བསྒྲུབ་བྱའི་མིང་ནི་བྲིས་ནས་ཀྱང་། །ཁྲིའམ་འབུམ་དུ་བཟླས་ནས་ནི། །བསྒྲུབ་བྱ་བཀུག་
[46b.3]ནས་བསྟིམ་པར་བྱ། །དྲག་པོ་ཡི་ནི་སྔགས་ཀྱིས་བསྲེག །འཆི་བར་འགྱུར་བ་གདོན་མི་ཟ། །སྦྱོར་བ་ལ་སོགས་གཞན་པོ་ཡང་། །མན་ངག་ཅན་གྱིས་སྦྱོར་ཤེས་བྱའོ། །ཤྭཱ་ས་གཱ་པས་གསད་པའི་ལས་ཀྱི་རིམ་པའོ།། །།རཀྟའི་ལས་ཀྱི་ཕྲེང་བ་ཡིས། །གསད་པའི་
[46b.4]ལས་འདི་བརྩམ་པར་བྱ། །དམར་ཞིང་ཆགས་པའི་རང་བཞིན་ཅན། །ཁོག་པའི་རྟེན་ནི་བཙལ་བར་བྱ། །འོད་མའི་གཞུ་ནི་ལྟ་བུ་ཡི། །དཀྱིལ་དུ་དེ་ཉིད་བཞག་ནས་ཀྱང་། །དུས་ལ་དེ་ནི་བབ་པ་ཡི། །སྨིན་བྱེད་དང་པོ་རྒྱུག་པ་དང་། །མདོངས་དང་ལྡན་པའི་མཚལ་ཆེན་གཉིས། །བསྲེས་
[46b.5]ལ་སྔགས་ནི་གདབ་པར་བྱ། །དུས་ཚོད་གསུམ་དུ་བསྒྲུབས་ནས་ཀྱང་། །བསྒྲུབ་བྱའི་འོག་ཏུ་སྦས་ན་ནི། །གང་འདོད་པ་ཡི་དོན་རྣམས་འགྲུབ། །ཡང་ན་འོད་མ་ལྟ་བུའི་དཀྱིལ། །འདབ་བརྒྱད་དང་ནི་ལྡན་པ་ལ། །ཁ་མཐིང་ལ་སོགས་མེས་སྤར་ལ། །དབང་བྱེད་སྔགས་ནི་བཟླས་པས་
[46b.6]སུ། །ངེས་པ་ཁོ་ནར་ཁུགས་པར་འགྱུར། །ཨོཾ་རཀྟ་པྲི་ཡ་ནི་ཧཱུཾ་ཆེ་གེ་མོ་བ་ཤིཾ་ཀུ་རུ་ཧཱུཾ། སྦྱོར་བ་ལ་སོགས་གཞན་པོ་ཡང་། །མན་ངག་སྟོབས་ཀྱིས་ཕྱེ་བར་ཡང་། །རཀྟ་བྲི་ཡ་ནིས་གསད་པའི་ལས་ཀྱི་རིམ་པའོ།། །།མཾ་ས་བག་ཏྲིས་གསད་པ་ནི། །སྔོན་དུ་འགྲོ་བ་རྫོགས་བྱས་ལ། །
[46b.7]ཤ་ཟན་དེ་ནི་སྟོང་དག་གི །རྟེན་ལ་སོགས་པ་རྫོགས་བྱས་ལ། །བུག་པ་ཅན་གྱི་སྣོད་ནང་དུ། །རྡོ་རྗེའི་མཆུ་ནི་སྦྱར་ནས་ཀྱང་། །རླུང་གི་ཤུགས་ཀྱིས་སྔགས་འདི་འཕང་། །དེ་ཡི་སྦྱོར་བ་མ་ཞིག་པར། །གང་ལ་བྱ་བ་དེ་རུ་བརྡེག །དེས་ནི་གྲོང་རྣམས་འཁྲུག་ཅིང་འགས། །འདི་ཡི་སྦྱིན་
[47a]
[47a.1]སྲེག་གཏོར་མ་དང་། །ཐབས་དང་འཁྲུལ་འཁོར་དག་གིས་ནི། །གསད་པའི་མན་ངག་སྦྱོར་ཤེས་བྱ། །ཨོཾ་མཱཾ་ས་བག་ཏྲི་ཆེ་གེ་མོ་ཤ་ཏྲཱུན་མཱ་ར་ཡ་ཕཊ། མཾ་ས་བག་ཏྲིས་གསད་པའི་ལས་ཀྱི་རིམ་པའོ།། །།གཞན་ཡང་རྫས་ཀྱིས་གསད་པ་ནི། །ད་དུ་ར་དང་འོལ་མ་སེ། །
[47a.2]འགུ་ཕཊ་ཏཾ་དང་ཁུ་བར་སྦྱར། །ཐབས་ལ་མཁས་པའི་སྦྱོར་བ་ཡིས། །མི་ལ་བླུད་ན་སྨྱོ་བར་འགྱུར། །གསོལ་བ་འདེབས་ན་གསོ་བར་བྱ། །ཁུ་བ་ལ་སོགས་རྣམས་ཀྱིས་ནི། །ལུས་ལ་བྱུགས་ཤིང་ཁོང་དུ་བླུད། །དེས་ནི་ངེས་པར་ཐར་པར་འགྱུར། །གསད་པའི་སྦྱོར་བའི་ལས་རྣམས་
[47a.3]ཀྱང་། །སངས་རྒྱས་ལ་སོགས་བསྟན་པ་ནི། །འཇིག་པ་ལ་སོགས་ངེས་པ་དང་། །རུ་དྲ་ནག་པོར་གྱུར་པ་ལ། །སྦྱོར་བ་འདི་ནི་བྱ་བར་གསུངས། །དེ་ལས་གཞན་དུ་བྱས་པ་ན། །རང་ཉིད་ཉམས་ཏེ་དམྱལ་བར་ལྟུང་། །དེ་ཡི་སྦྱོར་བ་བྱེད་པ་ཡང་། །ཚད་མེད་སྔོན་དུ་འགྲོ་བྱས་ལ། །
[47a.4]མན་ངག་ཐེ་ཚོམ་མེད་པར་ནི། །བྱས་ན་གདོན་མི་ཟ་བར་འགྲུབ། །དེ་ཡང་བསྒྲལ་བྱའི་ཡུལ་དེ་ལ། །ལུས་ངག་ཡིད་གསུམ་ཞི་བས་ནི། །ཚུལ་དང་མཐུན་པའི་བདེན་པ་བདར། །ལན་གསུམ་བྱས་ཀྱང་མ་ཉན་ན། །ལྟུང་བར་མི་འགྱུར་བྱ་བར་གསུངས། །བསད་པ་ལས་ཀྱི་ཕྲེང་བའོ།། །།བཅོམ་ལྡན་
[47a.5]འདས་དེ་བཞིན་གཤེགས་པ་སྐུ་གསུང་ཐུགས་ཀྱི་མངའ་བདག་ལ་ཕྱག་འཚལ་ལོ། །དྲག་པོ་སྐུ་ཡི་སྦྱོར་བ་དང་། །གསུང་དང་ཐུགས་ཀྱི་སྦྱོར་བ་དང་། །ལས་ནི་གཞན་སོགས་སྦྱོར་བ་དང་། །རྫོགས་པ་མཐར་ཐུག་སྦྱོར་བ་རྣམས། །རིམ་པ་བཞིན་དུ་བསྟན་པར་བྱ། །ནག་པོ་འཇིགས་
[47a.6]པའི་ཆ་ལུགས་འཆང་། །ཞལ་གཅིག་གམ་ནི་གཉིས་པའམ། །ཞལ་གསུམ་པའམ་ཕྱག་དྲུག་པ། །གང་འདོད་པ་ནི་བསྐྱེད་པར་བྱ། །དེས་སུ་བསྙེན་པ་རྫོགས་བྱས་ལ། །རོ་བསྲེགས་ཐལ་བའི་འཇིམ་པ་ལ། །ནག་པོའི་གཟུགས་བརྙན་བྱས་པ་ལ། །དེ་ཉིད་སྦྱིན་སོགས་
[47a.7]བསྐྱེད་བྱས་ལ། །སྔགས་བཟླས་པ་ཡི་སྟོབས་ཀྱིས་སུ། །ཤིན་ཏུ་འདར་ཞིང་འགུལ་བར་འགྱུར། །གཏོར་མ་ལ་སོགས་བྱིན་ནས་ཀྱང་། །བསྟོད་ཅིང་གསོལ་བ་བཏབ་པས་སུ། །དགྲ་རྣམས་ངེས་པར་འཆི་བར་འགྱུར། །དྲག་པོའི་གྲུ་གསུམ་ཐབ་ཁུང་དུ། །གདུག་པ་ཅན་གྱི་མེ་
[47b]
[47b.1]སྦར་ནས། །མར་ནག་ཚ་བ་གསུམ་དང་ནི། །ཤ་ཁྲག་གསུམ་གྱི་རྫས་བསྲེགས་ལ། །བསྒྲུབ་བྱ་བཀུག་སྟེ་དེ་ལ་བསྟིམ། །དྲག་པོའི་སྔགས་ནི་བཟླས་ནས་ཀྱང་། །རྫས་རྣམས་མེ་ཡི་ནང་གཏོར་བས། །ངེས་པ་ཁོ་ནར་འཇིག་པར་འགྱུར། །ཐབས་དང་ཏིང་འཛིན་འཁོར་ལོ་དང་། །
[47b.2]གཏོར་མ་ལ་སོགས་སྦྱོར་བ་ཡིས། །གསད་པའི་མན་ངག་སྦྱོར་བ་ནི། །བརྟུལ་ཞུགས་ཅན་གྱིས་སྦྱོར་ཤེས་བྱས། །དེ་ནས་གསུང་གི་ནག་པོ་ཡི། །སྦྱོར་བ་བསྟན་པ་གང་ཡང་མཐུན། །ཐུགས་ཀྱི་ནག་པོའི་སྦྱོར་བ་ཡང་། །གཞན་དུ་བརྒལ་ཏེ་བསྟན་པ་ན། །བརྟུལ་ཞུགས་ཅན་གྱིས་
[47b.3]སྦྱོར་ཤེས་བྱའོ། །གསུམ་ཀ་ལ་ཡང་བཞི་བཞིར་བསྟན། །དཔེར་ན་རྒྱལ་པོ་བློན་པོ་དང་། །ལས་བྱེད་འཁོར་དང་མི་མཐུན་ཕྱོགས། །དེ་བཞིན་བདེ་གཤེགས་སྤྲུལ་པ་དང་། །ས་ནས་རིག་པ་འཛིན་པ་དང་། །དམ་ཅན་དམ་ལ་གནས་པ་དང་། །དེས་སུ་གདུལ་བར་བྱ་བ་བཞིན། །
[47b.4]དེ་བཞིན་མཁས་པས་ཤེས་པར་བྱའོ། །དེ་རྣམས་སྐུ་གསུང་ཐུགས་ཀྱི་དོན། །བསྡུས་པ་བསྟན་པའི་རིམ་པའོ། །སྐུ་གསུང་ཐུགས་ཀྱིས་གསད་པའི་ལས་ཀྱི་རིམ་པའོ།། །།ལས་ཀྱི་རིམ་པ་གཞན་བསྟན་པར་བྱ་སྟེ། །གྲོང་ཁྱེར་དཀྲུག་པའི་ཆོ་ག་ནི། །རང་ཉིད་ལྷག་པའི་ལྷར་
[47b.5]གནས་པས། །སྔོན་དུ་བསྙེན་པ་རྫོགས་བྱས་ཏེ། །ནག་པོ་ཆེན་པོ་ལྔ་བརྩལ་ལ། །སྔགས་ཀྱི་འཁོར་ལོའི་ཕྲེང་བ་བྲི། །མཐུན་པའི་རྫས་ཀྱིས་དགང་བར་བྱ། །སྔགས་བཟླས་པས་ན་དོན་རྣམས་འགྲུབ། །ཨོཾ་ཨ་ཀ་ཙ་ཊ་ཏ་པ་ཡ་ཤ་སྭཱ་ཧཱ། སྔགས་ནི་ཁྲི་ཚོ་རེ་རེ་བཟླས། །ནག་པོ་འབར་
[47b.6]བ་ཁ་བཅད་དོ། །གྲོང་གི་དཀྱིལ་དང་ཕྱོགས་བཞི་རུ། །རྐེད་ནུབ་ཙམ་དུ་བརྐོས་ནས་སུ། །དེ་དག་ས་གཏེར་སྦ་བར་བྱ། །ཐོད་པ་ལ་སོགས་སྣོད་ནང་དུ། །མཐུན་པའི་རྫས་ནི་བསག་པར་བྱ། །མཁའ་འགྲོ་མ་ཡི་དགྲ་སྔགས་བཟླས། །དེ་ཡང་གྲོང་ཁྱེར་གསེབ་དུ་བསྐྱལ། །བདུན་
[47b.7]བདུན་བར་ནི་བཅད་བྱས་ལ། །དེ་ལྟར་བྱས་ན་གྲོང་ཁྱེར་འཁྲུག །གྲོང་ཁྱེར་དཀྲུག་པའི་ལས་ཀྱི་རིམ་པའོ།། །།ཆར་ནི་དབབ་པའི་རིམ་པ་ཡང་། །དང་པོར་བསྙེན་སྦྱོར་གོམས་པ་ཡིས། །རང་ཉིད་ལྷག་པའི་ལྷར་བསྐྱེད་ལ། །རྫས་རྣམས་བསགས་པའི་ཐབས་དག་ནི། །ཡི་གེ་
[48a]
[48a.1]གཉིས་ཀྱིས་སྦྱང་བྱས་ལ། །ཀླུ་ཡི་རྒྱལ་པོ་མཐའ་ཡས་ཀྱི། །གཟུགས་བརྙན་བྱས་ལ་ཁམ་ཕོར་དུ། །བཞག་ནས་བདུད་རྩི་སོགས་ཀྱིས་དགང་། །བ་ནག་འོ་མས་བཀང་ནས་ནི། །གཞོན་ནུ་ནག་མོས་བཀལ་བ་ཡི། །སྐུད་པ་ཡིས་ན་བཅིང་བར་བྱ། །རླུང་ལྷའི་
[48a.2]ཕྱོགས་སུ་རྫིང་བུ་བྱ། །ཀླུ་ཡི་རྒྱལ་པོ་དེ་རུ་བཞག །དེ་ཡི་འགྲམ་དུ་དཀྱིལ་འཁོར་བྱ། །སོལ་བ་རུས་པ་ལྡོང་རོས་དང་། །སོ་ཕག་ལོ་མ་རུས་ཕྱེ་ལ། །ནག་པོ་དཀར་པོ་སེར་པོ་དང་། །དམར་པོ་ལྗང་གུའི་ས་ཚོན་བྱ། །དུར་ཁྲོད་སྲད་བུས་ཐིག་གདབ་བོ། །དཀྱིལ་འཁོར་གྲུ་གསུམ་
[48a.3]བྱས་ནས་ནི། །དེ་ཡི་དབུས་སུ་མཐའ་ཡས་བཞག །མགོན་པོའི་བདག་པོ་ཆེན་པོ་བཞི། །རྒྱུད་བཞི་དང་ནི་བསྟུན་ནས་ཀྱང་། །གང་མོས་མགོན་པོས་གནན་པར་བྱ། །བདུད་རྩི་མེ་ཏོག་ནག་པོ་དང་། །འདུ་བྱེད་ཁུ་བ་གླང་པོའི་ཆང་། །བླུགས་དང་མཆོད་པ་དབུལ་བར་བྱ། །རང་གིས་
[48a.4]རྣལ་འབྱོར་རྣམ་པ་ཡིས། །བཟླས་པའི་མན་ངག་ཤེས་བྱས་ཏེ། །སྔགས་བཟླས་པས་ནི་ཆར་དབབ་པའོ། །གལ་ཏེ་མི་འབབ་དེ་ཡི་ཚེ། །ཀླུ་ཡི་མགོ་ནི་འགས་པར་འགྱུར། །སྤྲིན་དབྲལ་བ་ཡི་ཐབས་རྣམས་ནི། །དུར་ཁྲོད་རས་ལ་ཉེར་འདུག་ནས། །སྔགས་བཟླས་པས་ནི་
[48a.5]འགྲུབ་པར་འགྱུར། །ཨོཾ་ཨཱཪྱཱ་ཤྨ་ཤཱ་ན་པྲི་ཡཱ་ཡ་ཧཱུཾ་ཧཱུཾ་ཧཱུཾ་ཕཊ། སྔགས་ལས་འོད་ཟེར་འཕྲོས་པ་ཡི། །སྤྲིན་པ་བསྡུས་ཤིང་སྤྲིན་དྲལ་བས། །གསེབ་ནས་ཆར་ནི་འབབ་པར་བསམ། །ཆར་དབབ་པའི་སྔགས་བཟླས་པ། ཨོཾ་གྷུ་རུ་གྷུ་རུ། །གྷུ་ཌུ་གྷུ་ཌུ། མ་ཤ་མ་ཤ་གྷ་ཊ་གྷ་ཊ། གྷོ་
[48a.6]ཊ་ཡ་གྷོ་ཊ་ཡ། ཨ་ནནྟ་ཀྵོ་བྷ་ཀ་རཱ་ཡ་ནཱ་གཱ་དྷི་པ་ཏ་ཡེ་ཧེ་ཧེ་རུ་རུ་ཀཾ་ས་པྟ་པཱ་ཏཱ་ལ་ག་ཏཱ་ན་ནཱ་གཱ་ཀཪྵ་ཡ་བཪྵ་ཡ་གརྫྫ་ཡ་གརྫྫ་ཡ། ཏརྫྫ་ཡ་ཏརྫྫ་ཡ་ཕུཿཕུཿཕུཿཕུཿཕུཿཕུཿཕུཿཕུཿ། ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། དེས་ནི་ཆར་རྣམས་མི་འབབ་ན། །སྔགས་བཟློག་ནས་བཟླས་པས་ཆར་འབབ་བོ། །དེས་ཆར་
[48a.7]མི་འབབ་ན་མགོ་འགས་པར་འགྱུར་རོ།། །།ཆར་སོགས་བཟློག་པའི་ཆོ་ག་ནི། །རང་ཉིད་ལྷག་པའི་ལྷར་གནས་པས། །སྔོན་དུ་བསྙེན་པ་རྫོགས་བྱས་ལ། །དུར་ཁྲོད་སོལ་བའི་རྫས་དག་ལ། །སྔགས་དེ་བཟླས་ཤིང་བཏབ་པས་སུ། །དེ་ནས་ནམ་མཁར་གཏོར་བར་བྱ། །དེ་ལྟར་
[48b]
[48b.1]བྱས་པས་བཟློག་པར་འགྱུར། །དེས་ནི་བཟློག་པར་མ་གྱུར་ན། །གནས་ནི་དབེན་པར་གནས་བྱས་ཏེ། །བདག་ཉིད་ལེགས་པར་བསྲུང་བྱས་ལ། །བདག་གི་ལུས་ནི་མེར་བསྒོམས་ཏེ། །གཞན་ནས་ཀྱང་ནི་མེ་བྱུང་ནས། །འཇིག་རྟེན་ཐམས་ཅད་མེས་གང་བསམ། །སྔགས་ཀྱི་འོད་
[48b.2]ཟེར་ལས་མེ་བྱུང་། །ཆར་པ་ལ་སོགས་བསྲེགས་པར་བསམ། །དེས་ཀྱང་བཟློག་པར་མ་གྱུར་ན། །གློག་ཕྲེང་གི་ནི་སྦྱོར་བ་ལས། །ཇི་ལྟར་འབྱུང་ཞིང་བཟློག་པར་བྱའོ། །དེས་ནི་ངེས་པར་བཟློག་པར་འགྱུར། །ཆར་དང་སེར་བ་ལ་སོགས་པ་བཟློག་པའི་ཆོ་ག་རྫོགས་སོ།། །།
[48b.3]རྣལ་འབྱོར་པ་ལ་སོགས་པ་ནི། །དུས་ལ་བབ་ནས་འཆི་འགྱུར་ན། །ཕུང་པོ་བསྲེག་པར་བྱ་བ་ནི། །རྡོ་རྗེ་སློབ་དཔོན་མཁས་པས་སུ། །སྔོན་དུ་བསྙེན་པ་རྫོགས་བྱས་ཏེ། །ལྷ་ཡི་གནང་བ་ཐོབ་པར་བྱ། །ལྷ་ཡི་གནང་ཐོབ་མ་གྱུར་ན། །སེམས་ནི་ལས་སུ་རུང་བར་བྱ། །སེམས་འཛིན་ནུས་
[48b.4]པར་མ་གྱུར་ན། །དུས་དང་གྲངས་ཀྱི་བསྙེན་པ་ནི། །མོས་དང་ལྡན་པས་རྫོགས་བྱས་ལ། །དེ་ནས་བརྩམ་པར་བྱ་བ་ཡིན། །དེ་ཡང་ཐུན་མོང་སྔོན་སོང་ནས། །ཕྱིས་ནི་བསྙེན་པ་གསོ་དོན་དུ། །བསྡུ་ན་ལྔ་དང་གསུམ་དུ་བྱ། །དང་པོ་འཆི་རྟགས་བརྟག་པར་བྱ། །བདག་ཉིད་ཕྱག་ན་རྡོ་རྗེར་
[48b.5]བསྐྱེད། །སྐད་ཅིག་ཙམ་མོས་ཐུགས་ཀར་ནི། །ཟླ་བའི་དཀྱིལ་འཁོར་གྱི་སྟེང་དུ། །ཡི་གེ་ཧཱུཾ་གི་འོད་ཟེར་གྱིས། །བླ་མ་ལ་སོགས་སྤྱན་དྲངས་ལ། །ཕྱག་འཚལ་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་བ་དང་། །གསོལ་བ་གདབ་ཅིང་སྐྱབས་སུ་འགྲོ། །ལུས་དབུལ་
[48b.6]དགེ་རྩ་བསྔོ་བར་བྱ། །ཚད་མེད་བཞི་དང་སྟོང་ཉིད་བསྒོམ། །སྟོང་པའི་ངང་ལས་ཆོ་ག་ནི། །རྣམ་པ་ལྔས་བསྐྱེད་བདེ་གཤེགས་ཚུལ། །ཆོ་ག་གསུམ་བསྐྱེད་སེམས་དཔའི་ཚུལ། །དེ་ཡང་མྱུར་བར་བསྐྱེད་འདོད་ན། །སྟོང་པའི་ངང་ལས་ས་བོན་བྱུང་། །དེ་ཉིད་འཕྲོས་པས་སྐུ་བསྐྱེད་
[48b.7]ངོ་། །ཞལ་གཅིག་ཕྱག་གཉིས་ཨུཏྤལ་མདོག །མཆེ་བ་གཙིགས་པ་སྒེག་དང་བཅས། །རྡོ་རྗེ་གསོར་ཞིང་སྡིགས་མཛུབ་འཆང་། །འོད་ཀྱི་སྤྲུལ་པའི་དཀྱིལ་ན་གནས། །པདྨ་སྟོང་ལྡན་འདབ་དཀྱིལ་ན། །ཉི་ཟླའི་གདན་ལ་ཞབས་ཀྱིས་བརྟེན། །ཡེ་ཤེས་ཀྱི་ནི་མཐུ་བསྐྱེད་ཅིང་། །བྱིན་
[49a]
[49a.1]གྱིས་བརླབས་པ་ལ་སོགས་བྱ། །སྐུ་དེ་ཉིད་ནི་བརྟེན་པར་བསྒོམ། །གཤིན་རྗེ་སྲོག་གཅོད་དེ་ལ་ཡང་། །བདེན་པའི་ཚིག་གིས་བཀའ་བསྒོ་བྱ། །དེ་དག་འོངས་པར་གྱུར་ནས་ཀྱང་། །གཏོར་མ་ཡང་ནི་གཏང་བར་བྱ། །དེ་ནས་རྣམ་ཤེས་འཕོ་བའི་ཕྱིར། །
[49a.2]མན་ངག་སྟོབས་ཀྱི་སྦྱོར་བ་ཡིས། །རྣ་བའི་དྲུང་དུ་སྔགས་འདི་བཟླས། །རྡོ་རྗེ་འཛིན་པའི་རྡོ་རྗེ་བསམ། །ཨོཾ་ན་མོ་བྷ་ག་བ་ཏེ། སརྦ་དུརྒ་ཏི་པ་རི་ཤོ་དྷ་ནེ་རཱ་ཛཱ་ཡ། ཏ་ཐཱ་ག་ཏཱ་ཡ་ཡརྷ་ཏེ་སམྱཀྶཾ་བདྡྷ་ཡ། ཏདྱ་ཐཱ། ཨོཾ་བྷྱ་མ་བྷྱ་བི་ནི། བྱོ་མ་རཱུ་པ་ཡ། །སརྦ་བྱ་པི་ནི་ཤི་པ་ཡ་ཧྲི། བྲརྨ་མཱ་ཏ་
[49a.3]ཧྲིམ། བཥྥྱི་དང་ཡ་ཏེ། ཧཱུཾ་རུ་དྲ་དང་ཡི་ཏེ། ཀྵུ་རུ་དྲཀྵ་ར་པི་སརྦ་ནི་ཧཱུཾ་རུ་དྲཀྵ་ར་པི་སརྦ་ནི་ཧཱུཾ་རུ་དྲེ་ས་རུ་པེ། ཧྲི་ན་ད། ཨཱཏྨ་ཀེ ། ཧཱུཾ་བིནྡུ་ཤ་རེ་རེ། ཨོཾ་ཤག་ཏྲི་སཾ་ཤག་ཏྲི་སམ་ཤ་ཏྲི་ས་ཡོ་ཛ་ནི། མ་བྱོ་མ་ཡོ་ཛ་ནི། བྷོ་ཥ་ཏ་ཀཻ་བ་ལྱེ་བ་དེ་ཧྨ་བིདྷྱེ་ན་མ། ཨཱུཾ་ཧཱུཾ་ཧཱུཾ་ལྟུཾ་ཀྵུཾ་ཀྵུཾ་ཀྵུཾ་ན། ཨོཾ་ཨོཾ་ཨཱི་ཨུ། བྱོ་མ་
[49a.4]བྱ་པི་ནི་པོ་ཤ་ཊ། དེ་ནས་གསང་སྔགས་འདི་ཡིས་ནི། །མི་བསྐྱོད་གནས་ནི་ཉམས་དགའ་བ། །དགའ་དང་འཆི་བ་རྣམ་སྤངས་པར། །རྣམ་པར་ཤེས་པ་བྱུང་ནས་འགྲོ། །དེ་ཡི་ཚངས་པའི་སྒོ་ནས་ནི། །རྣམ་ཤེས་མྱུར་དུ་འབྱུང་བར་འགྱུར། །བཞིན་ནི་རབ་ཏུ་འཛུམ་བྱེད་ཅིང་། །རོ་ནི་ངོ་
[49a.5]མཚར་ཕྱག་རྒྱར་ལྡན། །དེ་ལྟ་བུ་ཡི་སེམས་ཅན་དེ་ལ་ནི། །བར་མ་དོ་ཡི་གནས་དག་ཏུ། །འོད་ཀྱི་ཕྲེང་བའི་འཁོར་ལོ་ཡིས། །མི་བསྐྱོད་པ་དང་ཐ་མི་དད། །འོད་ཀྱིས་བཟུང་ནས་འཁོར་ལོ་ཡི། །ཆ་ལུགས་འཛིན་པ་ཉིད་དུ་ལྟ། །དེ་ཡི་སྡིག་པ་བསྡུས་ནས་ཀྱང་། །ཁོག་པའི་རྟེན་ལ་
[49a.6]བསྡུ་བར་བྱ། །ག་ཕུར་གུར་ཀུམ་ལ་སོགས་པའི། །སྤོས་ཀྱི་ཆུ་ཡིས་བཀྲུ་བར་བྱ། །དྲི་མ་མེད་པའི་རས་ལ་ནི། །བྱིན་གྱིས་བརླབས་ནས་གཡོགས་པར་བྱ། །རོལ་མོའི་ཆ་བྱད་དང་ལྡན་པས། །དུར་ཁྲོད་དགོན་པའི་གནས་སུ་བསྐྱལ། །དེ་ནས་རོ་ནི་བསྲེག་བྱ་སྟེ། །ས་དང་སྟ་གོན་
[49a.7]ཆོ་ག་དང་། །སློབ་དཔོན་ལས་དང་དཀྱིལ་འཁོར་བསྒྲུབ། །དེ་ནས་རོ་ནི་བསྲེག་པར་བྱ། །ཡང་ན་སྟ་གོན་བྱས་རྟིང་ལ། །བསྲེག་པར་བྱ་བ་ཉིད་དུ་བྱ། །ས་ནི་བརྟག་དང་བསླང་བ་དང་། །སྦྱང་དང་བྱིན་གྱིས་བརླབས་པ་དང་། །གཟུང་དང་བསྲུང་བ་ཉིད་དུ་བྱ། །དེ་རྣམས་ཞིབ་ཏུ་བྱ་བ་
[49b]
[49b.1]ཡང་། །དཀྱིལ་འཁོར་སྤྱི་རྒྱུད་གཞན་དང་མཐུན། །དེ་ནས་མཎྜལ་སྟེང་དུ་ནི། །ཐིག་ལེ་བྱས་ཏེ་ཚོམ་བུ་དགྲམ། །ལྷ་བསྐྱེད་པའམ་ལྷ་སྤྲུལ་པ། །ཡེ་ཤེས་སྤྱན་དྲངས་གཉིས་སུ་བསྲེ། །བྱིན་བརླབས་དབང་བསྐུར་བྱས་ནས་ནི། །ཕྱི་མཆོད་ནང་མཆོད་གསང་མཆོད་དང་། །རྡོ་རྗེ་
[49b.2]གླུ་དང་གར་སོགས་ཀྱིས། །མཆོད་ཅིང་བསྟོད་པ་རྒྱས་པར་བྱ། །གསོལ་བ་བཏབ་སྟེ་སྙན་གསན་དབབ། །དེ་ནས་སྦྱིན་སྲེག་དག་གིས་སྦྱང་། །བུམ་པ་བྱིན་གྱིས་བརླབ་པ་ཡང་། །བྱ་དང་མི་བྱ་གཉིས་སུ་བསྟན། །བྱེད་ན་ཆོ་ག་གཞན་དང་མཐུན། །སློབ་མ་སྟ་གོན་གནས་པ་
[49b.3]ཡང་། །གཤིན་དང་གསོན་ནི་གཉིས་སུ་བསྟན། །མི་བསྐྱོད་གནས་ན་གནས་པ་དེར། །དབང་བསྐུར་བྱེད་ན་འདིར་བཀུག་ལ། །སྟ་གོན་ཡང་ནི་རྒྱས་པར་བྱ། །སྟ་གོན་བྱེད་པའི་ཚུལ་རྣམས་ཀྱང་། །གསོན་ལ་བྱེད་པ་ཇི་བཞིན་བྱ། །དབང་བསྐུར་དེ་ནི་མི་བྱེད་ན། །སྟ་གོན་དེ་ཡང་མི་བྱ་སྟེ། །མི་བསྐྱོད་གནས་སུ་
[49b.4]བཞག་ནས་ནི། །བྱིན་བརླབས་བྱས་ཏེ་སྨོན་ལམ་གདབ། །རོ་དེ་ཉིད་ནི་བྱིན་བརླབས་ལ། །སྲེག་ཁང་ཐུར་ལ་ཁྲུ་དོའམ། །ཁྲུ་གང་རྐོ་བ་ཆེ་ཆུང་ཚད། །རྒྱར་ཡང་གྲུ་བཞི་ཁྲུ་དོའམ། །མུ་རན་སོར་བརྒྱད་བཅུ་དྲུག་ཚད། །ཁ་དོག་དཀར་པོ་ཟླུམ་ཞིང་འཁྱིལ། །དབུས་སུ་པདྨ་འདབ་བརྒྱད་
[49b.5]བྲི། །ཕྱི་རོལ་བྲི་དང་མི་བྲི་དང་། །འབྲི་བར་རྒྱན་རྣམས་གཞན་དང་མཐུན། །རྒྱན་རྣམས་ཐམས་ཅད་རྫོགས་པར་དགྲམ། །ཤིང་རྣམས་དྲི་དང་ལྡན་པ་དང་། །འཇག་མ་ཀུ་ཤ་ལ་སོགས་ཀྱིས། །ཐབ་ཁུང་འོག་ཏུ་གདིང་བར་བྱ། །ཕུང་པོ་ཤར་དུ་ཁ་བསྟན་ཏེ། །ཙོག་པུར་བཅས་ཏེ་
[49b.6]གཞག་པར་བྱ། །ཤིང་རྣམས་མཆོད་རྟེན་དབྱིབས་སུ་བརྩིག །ཕྱི་ནི་མཆོད་རྟེན་དབྱིབས་འདྲ་ལ། །ཁ་དོག་དཀར་པོར་བྱས་ནས་ཀྱང་། །སྐར་ཁུང་བཞི་ནི་གཏོད་པར་བྱ། །མཆོད་རྫས་ལ་སོགས་བཀྲམ་ནས་ཀྱང་། །བདག་ཉིད་བསྐྱེད་པ་རྫོགས་བྱས་ལ། །ཕོ་བྲང་བྱིན་གྱིས་
[49b.7]བརླབས་ནས་ཀྱང་། །མེ་ལྷ་རྒྱལ་པོ་བསྐྱེད་པར་བྱ། །ཡེ་ཤེས་མེ་ལྷ་སྤྱན་དྲངས་ལ། །བགེགས་བསྩལ་མཆོད་ཅིང་བསྟོད་པ་བྱ། །ཡེ་ཤེས་དགུག་ཅིང་བསྟིམས་བྱས་ལ། །རྒྱས་གདབ་དམ་ཚིག་བསྒོ་བ་དང་། །དབང་བསྐུར་བྱས་ནས་མཆོད་པར་བྱ། །བསྟོད་པ་ལ་སོགས་རྫོགས་
[50a]
[50a.1]ནས་ཀྱང་། །མེ་ལྷ་ཤར་ལྷོར་བཞུགས་པའམ། །ཡང་ན་ཐུགས་ཀར་ཕོ་བྲང་བཅའ། །ཡེ་ཤེས་དཀྱིལ་འཁོར་སྤྱན་དྲངས་བསྟིམ། །བྱིན་བརླབས་ལ་སོགས་རྫོགས་བྱས་ལ། །ཕྱི་མཆོད་ནང་མཆོད་གསང་མཆོད་བྱ། །དེ་ནས་རྩ་བའི་སྔགས་ལ་ནི། །སྡིག་པ་
[50a.2]ཞི་བྱེད་སྔགས་བཟླས་ལ། །བར་དུ་མིང་ནི་གཞུག་པར་བྱ། །ཉི་ཤུ་རྩ་གཅིག་བརྒྱ་རུ་བཟླས། །མཆོད་རྫས་གཡོན་དུ་བཀྲམ་ནས་ཀྱང་། །སྲེག་རྫས་གཡས་སུ་དགྲམ་པར་བྱ། །མར་དང་ཡམ་ཤིང་ཞོ་དང་ནི། །མངར་གསུམ་འབྲས་ཆན་ལ་སོགས་པ། །རིམ་པ་བཞིན་དུ་དབུལ་
[50a.3]བར་བྱ། །ཐ་མར་དགང་བླུགས་ཕུལ་ནས་ནི། །མཆོད་ཅིང་བསྟོད་དེ་གསོལ་བ་གདབ། །བཛྲ་མུཿཡི་མཐའ་ཅན་གྱིས། །གཤེགས་སུ་གསོལ་ཏེ་དམ་ཚིག་བསྡུ། །ཐ་མ་མེ་ཡི་ལྷ་ལ་ནི། །ཆོ་ག་གོང་བཞིན་བསྡུས་ཏེ་བྱ། །ཡེ་ཤེས་མེ་ལྷ་གཤེགས་ནས་ནི། །དམ་ཚིག་མེ་ལྷ་བསྡུ་
[50a.4]བར་བྱ། །དེ་ལྟར་རྟེན་དང་སྡིག་བཤགས་ལ། །བརྟེན་པོ་གོང་བཞིན་བཀུག་ནས་ནི། །ཕོ་བྲང་གཉིས་སུ་བཅའ་བྱས་ནས། །རང་ཉིད་ལྷག་པའི་ལྷར་གནས་པས། །དཀྱིལ་འཁོར་ཆོ་ག་ཇི་བཞིན་པར། །དཀྱིལ་འཁོར་བཅུག་ལ་དབང་བསྐུར་བྱ། །དེ་ནས་སྨོན་ལམ་གདབ་པར་བྱ། །
[50a.5]མི་བསྐྱོད་པ་ཡི་གནས་དག་ཏུ། །ཟླ་བའི་དཀྱིལ་འཁོར་སྟེང་བཞག་སྟེ། །རླུང་གི་འཁོར་ལོའི་ཤུགས་ཀྱིས་འཕང་། །དེ་ལྟར་བྱེད་པའི་རྣལ་འབྱོར་གྱིས། །མན་ངག་ལག་ལེན་གོམས་པ་ཡིས། །སྦྱངས་ནས་བདེ་འགྲོར་ངེས་པར་སྐྱེ། །རིམ་གྱིས་བྱང་ཆུབ་ཐོབ་པར་འགྱུར། །ངན་སོང་
[50a.6]གསུམ་ན་འཁྱམས་ན་ཡང་། །སྔགས་ལ་སོགས་པའི་མཐུ་རྣམས་ཀྱིས། །དུས་དེ་རུ་ནི་ཤིན་ཏུ་བདེ། །དེ་ནས་མྱུར་དུ་ཐར་བར་བྱེད། །གཞན་ཡང་དུར་ཁྲོད་རུས་པ་ནི། །ལོ་བརྒྱའམ་ལོ་སྟོང་ལོན་པ་ལ། །བསྲེག་པ་ལ་སོགས་བྱས་པ་ན། །སྡུག་བསྔལ་ལས་ནི་ཐར་བར་འགྱུར། །
[50a.7]རུས་པ་མེད་ན་མིང་སོགས་ལ། །ཆོ་ག་བྱས་ན་ཐར་བར་འགྱུར། །ཉམས་སུ་མ་ལོན་ཆོ་ག་འཁྲུགས། །རང་ཉིད་དམྱལ་བར་འགྲོ་བའི་རྒྱུ། །དེ་བས་མཁས་པས་བསྒྲིམས་ཏེ་བྱའོ། །ཕུང་པོ་རྟེན་དང་བཅས་པ་ཡི། །བསྲེག་པ་ལས་ཀྱི་རིམ་པ་ཨི་ཐི།། །།རྫོགས་པའི་མན་ངག་
[50b]
[50b.1]བསྟན་པ་ནི། །རང་ཉིད་ལྷག་པའི་ལྷར་བསྒོམས་ལ། །ལྟེ་བ་སྙིང་ག་མགྲིན་པ་དང་། །མགོ་བོ་ཡི་ནི་གནས་དག་ཏུ། །སྤྲུལ་པ་ཆོས་ཀྱི་སྐུ་དང་ནི། །ལོངས་སྤྱོད་བདེ་ཆེན་གནས་ཞེས་བྱ། །ལྟེ་བར་དྲུག་ཅུ་རྩ་བཞི་ལ། །གསལ་བྱེད་ཡི་གེ་ཉིས་ལྔ་བ་དགོད། །སྙིང་གར་སྡེ་ཚན་
[50b.2]མང་པོ་བརྒྱད། །མགྲིན་པར་ཨཱ་ལི་བཅུ་དྲུག་དགོད། །དུང་ཁང་གི་ནི་གནས་དག་ཏུ། །ཨཱ་ལི་གཉིས་ནི་བཟླས་པར་བྱ། །བདེ་ཆེན་གྱི་ནི་གནས་དག་ཏུ། །ཨ་ཝ་དྷཱུ་ཏཱི་དབུས་སུ་རྒྱུག །ལ་ལ་ནཱ་དང་ར་ས་ནཱ། །གཡས་དང་གཡོན་དུ་རྒྱུག་པ་ཡིན། །དེ་རྣམས་ནང་ན་རྡོ་རྗེ་རླུང་། །ཕྲ་མོ་
[50b.3]དག་ནི་གནས་པ་ཡིན། །དེ་ལ་རྟེན་གྱི་བྱང་ཆུབ་སེམས། །ཉི་མའི་ཟེར་བཞིན་ཁྱབ་པར་གནས། །བདེ་ཆེན་ཚངས་པའི་མཐོངས་ཁུང་ནས། །རྡོ་རྗེ་ནོར་བུ་མཐར་ཐུག་པར། །ཤིན་ཏུ་ཁྱབ་པར་རྒྱས་པ་ཡིན། །གཏུམ་མོ་སྦར་བའི་སྟོབས་ཀྱིས་ནི། །དེ་ཉིད་གསལ་བ་རྒྱས་པ་དང་། །བྱང་
[50b.4]ཆུབ་སེམས་ཀྱང་ཤིན་ཏུ་གསལ། །དེ་ལ་བརྟེན་པའི་བྱང་ཆུབ་སེམས། །མི་འགྱུར་སྟོབས་འཛིན་ས་ལེགས་ལ། །བདེ་ཆེན་འཁོར་ལོའི་གནས་དག་ཏུ། །དགའ་བ་སྐྱེས་པ་བུམ་པའི་དབང་། །འབྲས་བུ་ཡང་ནི་བསྟན་པ་ཡིན། །ལ་ལ་དག་གི་བཞེད་ཀྱིས་ནི། །རྩ་དང་རླུང་དང་བརྟེན་
[50b.5]པ་ལ། །བཤད་ཚུལ་བཞི་ཡིས་བུམ་པའི་དབང་། །དངོས་སུ་དགའ་བའི་དོན་ལ་ཡང་། །དགའ་བདེ་བཞི་ཡི་དོན་ཚང་བས། །བུམ་པའི་དབང་བཞི་དེ་ལ་སྦྱར། །མགྲིན་པ་ལོངས་སྤྱོད་འཁོར་ལོ་ལ། །རྩ་རླུང་རྟེན་དང་བརྟེན་པ་ལ། །ཤེས་པའི་དབང་ནི་ཚུལ་བཞིན་བཤད། །དེ་ནི་མཆོག་
[50b.6]དགའ་སྐྱེ་བའི་ས། །མཆོག་དགའ་ཉིད་དང་དགའ་བཞི་ཚང་། །གསང་བའི་དབང་བཞི་དེ་ལ་སྦྱར། །སྙིང་ག་ཆོས་ཀྱི་འཁོར་ལོ་ལ། །ཁྱད་པར་དགའ་བ་བསྐྱེད་པའི་ས། །རླུང་སོགས་ཤེས་རབ་ཡེ་ཤེས་དབང་། །ཁྱད་པར་དགའ་བ་དེ་ལ་ཡང་། །དགའ་བཞི་སྐྱེད་པའི་རིམ་པ་ལ། །ཤེས་རབ་
[50b.7]ཡེ་ཤེས་དོན་ཤེས་བྱ། །ལྟེ་བ་སྤྲུལ་པའི་འཁོར་ལོ་ལ། །ལྷན་ཅིག་སྐྱེས་པ་དགའ་བའི་ས། །མཐར་ཐུག་བཞི་ཡི་དབང་འདི་ཡིན། །དེ་ཡི་གཞུང་ལུགས་གཉིས་པོ་ཡང་། །མན་ངག་རིམ་པར་སྦྱར་བར་བྱ། །བཞི་པ་དེ་ལའང་གཉིས་སུ་བསྟན། །རྟེན་བཅས་དང་ནི་རྟེན་མེད་དོ། །རྟེན་
[51a]
[51a.1]བཅས་ལ་ཡང་གཉིས་སུ་བསྟན། །སྤྲོས་བཅས་དང་ནི་སྤྲོས་མེད་དོ། །རྟེན་བཅས་གཏུམ་མོ་ཉིད་ལ་བརྟེན། །སྤྲོས་བཅས་ཀུན་དུ་བཟང་མོའི་མཁའ། །རྣམ་དག་ཀློང་དཀྱིལ་བསྟན་པའི་ཕྱིར། །ཡེ་ཤེས་ཐབས་ཀྱིས་མཚོན་བྱེད་ནི། །མན་ངག་སྤྲོས་ཏེ་བསྟན་པས་སུ། །
[51a.2]མཁའ་དབྱིངས་རྣམ་དག་རྟོགས་པར་འགྱུར། །སྤྲོས་མེད་མན་ངག་བསྟན་པ་ནི། །གོང་གི་མན་ངག་དེ་དག་ཀུན། །འདི་ཡིས་རྟོགས་པ་སྤང་བྱ་ཡིན། །དངོས་པོ་གནས་པའི་གནས་ལུགས་ནི། །རང་གི་བྱང་ཆུབ་སེམས་ཉིད་ནི། །དཀར་པོ་ལ་སོགས་མ་ཡིན་ཞིང་། །མཚོན་བྱེད་ཀུན་གྱིས་
[51a.3]མཚོན་དུ་མེད། །ཤས་བརྗོད་ཀུན་ལས་འདས་པས་ན། །གང་དུ་ཡང་ནི་བསམ་དུ་མེད། །ཡེངས་སུ་ཡང་ནི་རྡུལ་ཙམ་མེད། །ཆོས་རྣམས་ཡེ་ནས་སྐྱེ་མེད་ལ། །སྐྱེ་བ་མེད་ཅེས་སྒྲོ་མི་འདོགས། །ཆོས་སུ་སྣང་བ་འཁྲུལ་པའི་སེམས། །སེམས་ཉིད་ཡེ་ནས་སྐྱེ་མེད་ལ། །སྐྱེ་བ་མེད་ཅེས་
[51a.4]སྒྲོ་མི་འདོགས། །བླུན་པོ་གང་ཞིག་མི་ཤེས་པས། །དཔེར་ན་ནམ་མཁའ་འདི་མེད་ཅེས། །སྒྲོ་འདོགས་འབྱེས་པས་རྟོགས་མི་འགྱུར། །རྣལ་འབྱོར་མཁས་པ་རྣམས་ཀྱིས་སུ། །སྐྱེ་བ་མེད་ལ་སོགས་པ་རུ། །ཡེ་ཉིད་ནས་སུ་སྒྲོ་མི་འདོགས། །དེ་ལྟ་བུ་ཡི་དོན་ཉིད་ལ། །ཐེ་ཚོམ་མེད་
[51a.5]པར་གཏན་ལ་དབབ། །དེ་ནས་རྣལ་འབྱོར་གདེང་གྱུར་པས། །བསམ་མེད་ཡེངས་མེད་ཙམ་དུ་ནི། །བསྒོམ་པས་མན་ངག་རྟོགས་པར་འགྱུར། །དེ་ལྟར་རྟོགས་པས་རྫོགས་རིམ་གྱི། །དབང་གི་མན་ངག་མཐར་ཐུག་ཡིན། །རབ་ཏུ་གནས་པའི་རྫོགས་རིམ་ཡང་། །རྣལ་འབྱོར་མཁས་
[51a.6]པས་སྦྱོར་ཤེས་བྱའོ། །མི་མཁས་པས་ནི་དུག་ཏུ་འགྱུར། །དེ་ཡང་དུས་སྐབས་བཞི་རུ་ནི། །རིམ་པ་བཞིན་དུ་རྟོགས་པར་བྱའོ། །དང་པོ་བྱ་བའི་དུས་དག་ནི། །སྔོན་དུ་འགྲོ་བ་རྫོགས་བྱས་ལ། །ནམ་མཁར་གནས་པ་དེ་དག་ལ། །སྔོན་གྱི་བཞིན་དུ་གསོལ་བ་གདབ། །ཆོ་ག་ཡན་ལག་རྫོགས་
[51a.7]བྱས་ནས། །དག་པ་ལ་སོགས་བྱས་པ་ལ། །དང་པོ་དེ་ལ་ནུས་པ་གཞུག །ནུས་མཐུ་བསྐྱེད་པའི་ཆོ་ག་ནི། །བྱས་ནས་དེ་ལ་ཚོགས་བསག་གོ། །དེ་ནས་དུས་ནི་གཉིས་པ་རུ། །ཕྲ་མོ་འཐོབ་པའི་རྣལ་འབྱོར་གྱིས། །སྙིང་གའི་ཕོ་བྲང་གནས་དག་ཏུ། །དེ་དང་དེ་ནི་ཐ་མི་དད། །དེ་ཉིད་
[51b]
[51b.1]ལ་ནི་དེ་ཉིད་ཀྱིས། །དེ་ཉིད་དུ་ནི་ཅུང་ཞིག་ཏུ། །དེ་ཡི་དེ་ཡི་ཐབས་ཀྱིས་སུ། །དེ་ལྟ་དེ་ལྟར་རྫོགས་པར་བྱ། །དུས་ནི་གསུམ་པ་དག་ལ་ནི། །ཡེ་ཤེས་ཐོབ་པའི་རྣལ་འབྱོར་པས། །འཁོར་ལོ་རྟེན་གྱི་གནས་དག་ཏུ། །དེ་ཉིད་དེ་ལྟར་གནས་པ་ན། །དེ་ཉིད་ལ་ནི་དེ་ཉིད་དོ། །དེ་ཉིད་ཐབས་
[51b.2]ཀྱི་སྦྱོར་བས་སུ། །དེ་དེ་མན་ངག་རྫོགས་པར་ཐོབ། །དུས་ནི་བཞི་པ་དག་ལ་ཡང་། །རྣམ་རྒྱུད་སྟོབས་ཀྱི་སྤྱོད་ཡུལ་ཡིན། །དེ་ལྟར་རབ་གནས་རྫོགས་རིམ་བྱ། །རྡོ་རྗེ་ནོར་བུའི་རྩ་བ་རུ། །དགའ་བ་སྐྱེས་པ་བུམ་པའི་དབང་། །གསང་བའི་ཕོ་བྲང་གནས་དག་ཏུ། །མཆོག་དགའ་
[51b.3]སྐྱེས་པ་གསང་བའི་དབང་། །ཁྱད་པར་དགའ་བའི་གནས་དག་ཏུ། །ཁྱད་པར་དགའ་བ་སྐྱེས་པ་ནི། །ཤེས་རབ་ཡེ་ཤེས་དབང་ཉིད་དོ། །རིན་ཆེན་ཕོ་བྲང་གནས་དག་ཏུ། །ལྷན་ཅིག་དགའ་བ་སྐྱེས་པ་ནི། །དབང་ནི་བཞི་པར་ཤེས་པར་བྱ། །དེ་ལ་རྫོགས་རིམ་ལས་ཀྱི་རིམ། །
[51b.4]ཕྲེང་བ་ལྟ་བུར་བརྒྱུད་དེ་འོངས། །དེ་དག་དྲག་པོའི་ལས་སོགས་རྣམས། །རིན་ཆེན་ཕྲེང་བ་ལྟར་བརྒྱུད་འདི། །སྲོག་ལུས་རྫས་རྣམས་འབུལ་བྱེད་པའི། །རིན་ཆེན་ལྟ་བུའི་གང་ཟག་ལ། །བཙའ་དཀའ་དམ་བཞག་བྱས་ཏེ་གཏད། །དེ་ལྟར་མི་བྱེད་རྨོངས་པས་སུ། །དམ་མེད་
[51b.5]རྨོངས་པའི་ལག་ཤོར་ན། །དུས་མིན་ཤི་ནས་དམྱལ་བར་ལྟུང་། །དེ་ནས་ནན་ཏན་བསྐྱེད་དེ་བཙའ། །བདག་གིས་སེམས་ཅན་གདོན་པའི་ཕྱིར། །མན་ངག་རིན་ཆེན་འདི་བྱས་པས། །བདག་དང་འགྲོ་བའི་སེམས་ཅན་རྣམས། །ཕྱག་རྒྱ་མཆོག་ནི་ཐོབ་པར་ཤོག །ལས་ཀྱི་རིམ་པ་
[51b.6]མུ་ཏིག་ཕྲེང་བ་ཞེས་བྱ་བ་སློབ་དཔོན་བྷ་བས་མཛད་པ་རྫོགས་སོ།། །།རྒྱ་གར་གྱི་མཁན་པོ་རྡོ་རྗེ་སློབ་དཔོན་བཱིརྱ་གུ་པ་སཱུ་ཏྲཱི་ཞལ་སྔ་ནས་དང་། ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས་ཀྱིས་བསྒྱུར་ཅིང་ཞུས་ཏེ། དུར་ཁྲོད་ནགས་ཚལ་དུ་བརྒྱུད་པའི་སློབ་དཔོན་ལ་ཤིན་ཏུ་གསང་ཞིང་
[51b.7]ཞུས་པའི་དོན་ལགས་སོ། །{T2185}༄༅༅། །ཕྱག་ན་རྡོ་རྗེ་ལྕེ་དབབ་ཀྱི་འགྲེལ་པ་མུ་ཏིག་གི་ཕྲེང་བ་བཞུགས། ༄༅༅། །ཕྱག་ན་རྡོ་རྗེ་ལྕེ་དབབ་ཀྱི་འགྲེལ་པ་མུ་ཏིག་གི་ཕྲེང་བ་ཞེས་བྱ་བ། །དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །དང་ལ་བསྙེན་པའི་རིམ་པ་ནི། །མཎྜལ་
[52a]
[52a.1]འདོམ་གང་གྲུ་བཞི་པ། །བ་ཡི་རྣམ་ལྔས་བྱི་དོར་བྱ། །དབུས་སུ་ལྔ་ལྡན་སྦྲུལ་དགུ་དགོད། །མདུན་དུ་བུམ་པ་བཟེད་ཞལ་དང་། །མཆོད་པ་རྣམ་ལྔ་བཅས་པར་དགོད། །འཁོར་སོགས་སྣོད་ནི་མཛེས་པ་རུ། །འོ་མ་དང་བཅས་སྨན་རྣམས་ཀྱིས། །བཀང་སྟེ་མདུན་
[52a.2]དུ་བཞག་པའོ། །ཞེས་པ་ནི། འོ་མའི་ནང་དུ་ཀླུ་སྨན་སྣ་ཚོགས་པ་བླུགས་ལ་གཞག་པའོ། །དེ་སྟེང་གཞག་པའི་རྫས་རྣམས་ནི། །རྫས་གོང་དུ་བསགས་པ་དེ་རྣམས་ལ་བྱའོ། །རྫས་དེ་རྣམས་གང་ལ་དབུལ་བར་བསྟན་པའི་ཕྱིར། ཤིན་ཏུ་གསལ་བྱེད་གདན་སྟེངས་སུ། །ལྔ་ལྡན་
[52a.3]མཐའ་ཡས་སྦྲུལ་དགུ་པ། །ཞེས་བྱ་བ་ནི་མདུན་དུ་རྒྱ་མཚོ་ཆེན་པོ་བསམས་པའི་ནང་དུ། ཕུཿལས་ཀླུ་མཐའ་ཡས་སྐུ་མདོག་སེར་པོ། ཕྱག་གཉིས་ཐུགས་ཀར་ཐལ་མོ་སྦྱར་བ། དབུ་ལ་སྦྲུལ་མགོ་དགུ་ཡོད་པ། སྦྲུལ་འཁྱིལ་པ་ལྔའི་སྟེང་ན་བཞུགས་པར་བསམ་མོ། །ཧཱུཾ་ལས་ཕྱག་ན་རྡོ་རྗེ་ཆུ་
[52a.4]ལས་ཉ་ལྡང་པའི་ཚུལ་དུ་དཀྲོངས་ཀྱིས་བསྐྱེད་དོ། །སྐུ་མདོག་མཐིང་ག །དབུ་སྐྲ་ཐོར་ཚུགས་གཅིག་ཏུ་བཅིངས་པ། ཞལ་བགྲད་པ་མཆེ་བ་གཙིགས་པ། སྤྱན་བཟློག་པ། ཟས་སུ་སྦྲུལ་ཟ་བ། རྒྱན་ཐམས་ཅད་ཀྱིས་བརྒྱན་པ། ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པར་བསམས་
[52a.5]ལ། ཛཿཧཱུཾ་བཾ་ཧོཿས། ཡེ་ཤེས་སེམས་དཔའ་སྤྱན་དྲང་། དགུག་གཞུག་བཅིང་བསྟིམ། དེ་ལ་མཆོད་པའི་ཡན་ལག་དང་། མཆོད་པ་རྣམ་པ་ལྔས་མཆོད་བསྟོད། ཨོཾ་ཨཱཿཧཱུཾ་གསུམ་གྱིས་གནས་གསུམ་བྱིན་གྱིས་བརླབས། དེ་ནས་ཀླུ་ལ་མཆོད་པའི་ཕྱིར། རྩི་སྨན་མཆོད་ཅིང་
[52a.6]མདུན་གནས་པའོ་ཞེས་འབྱུང་སྟེ། གོང་དུ་བསྐྱེད་པའི་ཀླུ་ལ་ཡེ་ཤེས་སེམས་དཔའ་དགུག་གཞུག་བཅིང་བསྟིམས་ལ་མཆོད་པ་རྣམ་པ་ལྔས་མཆོད་དོ། །དེ་ནས་སྔགས་བརྗོད་ཅིང་འོ་མ་དང་བཅས་རྩི་སྨན་གྱིས་མཆོད་དོ། །ཀླུའི་ནད་དང་གདུག་རྩུབ་ཐམས་ཅད་དང་བྲལ་བར་གྱུར་ཅིག་
[52a.7]ཅེས་བརྗོད་ཅིང་བསྟོད་དོ། །དེ་ནས་སྔགས་འདི་བདུན་འབུམ་དུ་བཟླས་སོ། །ཨོཾ་བཛྲ་ཉི་མ་ས་བླ་ན་ཀླད་པ་ནཾ། ཀུན་ན་ཞི། ཙི་ཏྟ་ཀུ་ལི་ནཾ། ཙི་ཏྲ་མུ་ཏྲ་བཟློག་བྱེར། དུས་བཞིའི་མཆོད་པ་རྒྱུན་དུ་བྱའོ། །ཀླུ་ཡི་གཏོར་མ་དུས་བཞིར་བཏང་། མཐའ་མ་རྟགས་བྱུང་བ་དང་། ལས་ཀྱི་མཐའ་བརྟུལ་
[52b]
[52b.1]བར་བྱ་བའི་ཕྱིར། །བདག་རྣལ་འབྱོར་པ་སྡང་མིག་ཏུ་བལྟ་ཞིང་། ཞེས་པ་ནི། བདག་ཕྱག་ན་རྡོ་རྗེའི་ང་རྒྱལ་དུ་གནས་ལ། མདུན་དུ་གྲུ་གསུམ་མཐིང་ནག་བྲུས་ལ། ངར་ཕྱེ་ལ་སོགས་པའི་རྫས་ལ་ལིངྒ་བྱས་ལ། །མིང་རུས་གྲོ་གའམ་ཤིང་ཤུན་ལ་བྲིས་ལ་གཞུག་གོ། །དེ་སྦལ་པ་
[52b.2]ནག་པོ་དང་ལྟོ་སྦྱར་ལ་ཚོན་སྐུད་ཀྱིས་དཀྲིས་ལ་གྲུ་གསུམ་དུ་གཞུག་གོ། །དེའི་བླ་དགུག་པར་བསྟན་པར་བྱ་བའི་ཕྱིར། ཡང་ལྕགས་ཀྱུའི་ཕྱག་རྒྱ་བཅས་ལ་གོང་གི་ལིངྒ་ལ་བསྟིམ་མོ་ཞེས་པ་ནི་གོ་སླའོ། །སྔགས་ནི་ཨོཾ་བཛྲ་ཉི་མ་ས་བླ་ནའི་རྟིང་ལ་བཛྲ་ཨཾ་ཀུ་ཤ་ཛཿཞེས་པས་དགུག་
[52b.3]པའོ། །དེ་ནས་དགྲ་བགེགས་བསྒྲལ་བ་བསྟན་པར་བྱ་བའི་ཕྱིར། སེང་ལྡེང་གི་ཕུར་པས་གདབ་ཅིང་བྲུབ་པར་བྱ་ཞེས་པ་ནི། ལག་ཏུ་ཉུངས་ཀར་བླངས་ལ། ཉི་མ་ས་བླ་ནའི་རྟིང་ལ་ཆེ་གེ་མོ་མཱ་ར་ཡ་རྦད་ཅེས་བཟླས་ཤིང་། གྲུ་གསུམ་དུ་ཉུངས་ཀར་བྲབ་བོ། སེང་ལྡེང་གི་ཕུར་པས་
[52b.4]དྲིལ་ཞིང་། ཉི་མ་ས་བླ་ནའི་རྟིང་ལ། ཨོཾ་བཛྲ་ཀཱི་ལི་ཀཱི་ལ་ཡ། ཆེ་གེ་མོ་མཱ་ར་ཡ་སརྦ་བིགྷྣཱན་བཾ་ཧཱུཾ་ཕཊ། ཅེས་ཕུར་པས་གདབ་བོ། །རྣམ་པར་ཤེས་པའི་ཚོགས་བརྒྱད་ལ། དེ་ནས་ཐལ་མོ་བརྡབ་ཅིང་ནད་དང་གདོན་བགེགས་ཐམས་ཅད་བརླག་པར་བསམ་མོ་ཞེས་པ་ནི། ཐལ་མོ་བརྡབ་
[52b.5]ཅིང་གདོན་བགེགས་སྟོང་ཕྲག་བརྒྱད་ཅུ། སྐུ་ལ་བསྔོ་བའི་དགྲ་ཐམས་ཅད་དང་། རྣམ་པར་ཤེས་པ་དབང་དུ་བསྡུས་ཤིང་ལུས་རྡུལ་ཕྲན་དུ་རློགས་ཤིག་ཅེས་བརྗོད་དོ། །དེ་ནས་ལས་ཀྱི་མཐའ་བརྟུལ་བར་བྱ་བའི་ཕྱིར། བསྲེག་མནན་བསྐྱར་བ་ཉམས་དང་སྦྱར། །ཞེས་འབྱུང་
[52b.6]སྟེ། ཐབ་ཁུང་རྙིང་པའམ་སར་པར་གདུག་པ་ཅན་གྱི་ཤིང་ལ་མེ་བཏང་ལ། སྦྱིན་སྲེག་བྱ་བ་དང་། མནན་པ་བསྐྱར་བ་ཀུན་མན་ངག་བཞིན་དུ་ཤེས་པར་བྱའོ། །བསྙེན་པའི་རིམ་པ་བསྟན་པའོ།། །།བཅོམ་ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །བསྟོད་པ་ནི། ལྕང་ལོ་
[52b.7]ཅན་གྱི་གནས་མཆོག་དམ་པ་ནས། །རིག་སྔགས་གསང་སྔགས་ཀུན་གྱི་བདག་པོ་སྟེ། །ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པ། །བཅོམ་ལྡན་རྡོ་རྗེ་བསྣམས་ལ་ཕྱག་འཚལ་བསྟོད། །ཀླུ་ཆེན་རྒྱལ་པོ་མཐའ་ཡས་ནི། །སྐུ་མདོག་ལྗང་གུ་སྣ་ཚོགས་མདོག །
[53a]
[53a.1]ཕྱག་གཉིས་ཐལ་སྦྱར་རིན་ཆེན་འཛིན། །སྦྲུལ་མགོ་དགུ་ཡི་བཙུན་མོ་ཡིས། །མགུལ་ནས་འཁྱུད་པའི་འཁོར་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །བདུད་རྩི་ཟིལ་དངར་སྨན་གྱིས་མཆོད། །ཀླུ་ཡི་གདུག་རྩུབ་ཞི་གྱུར་ཅིག །ཨོཾ་ནཱ་ག་བཛྲ་པུ་ཥྤེ་ཧཱུཾ། ཨོཾ་
[53a.2]ནཱ་གེ་བཛྲ་དྷཱུ་པེ་ཧཱུཾ། ཨོཾ་ནཱ་ག་བཛྲ་ཨཱ་ལོ་ཀེ་ཧྲཾཿ། ཨོཾ་ནཱ་ག་བཛྲ་གནྡཱེ་གཾ། ཨོཾ་ནཱ་ག་བཛྲ་ནི་བི་དྱེ་ཧཱུཾ། ཨོཾ་ནཱ་ག་བཛྲ་བོ་དྷ་ཀ་རེ་ཧཱུཾ། བསྟོད་པ་དང་མཆོད་པའི་རིམ་པའོ།། །།བཅོམ་ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །སེར་བ་དབབ་པར་འདོད་ན། མཎྜལ་གྲུ་བཞི་པ་ཅིག་
[53a.3]བྱས་ལ། དེའི་སྟེང་དུ་ལྔ་ལྡན་མཐའ་ཡས་སྦྲུལ་རྒྱུ་བའི་གཟུགས་དང་། བཟེད་ཞལ་དང་། མཆོད་པ་རྣམ་པ་ལྔ་དང་།དུག་རྫས་སྣ་ཚོགས་དང་། ཡུངས་ཀར་ལ་སོགས་པའི་རྫས་དང་། དྲི་མི་ཞིམ་པ་སྣ་ཚོགས་བསག་གོ། །རབས་ཆད་ཀྱི་ཐོད་པ་མཚན་ངན་ཅིག་གི་ནང་དུ། ཚིལ་
[53a.4]དང་། ཁྱི་ནག་དང་། བོང་བུ་ནག་པོ་དང་། རྟ་ནག་པོ་དང་། དེ་རྣམས་ཀྱི་ཁྲག་བླུགས་སོ། །ཐོད་པའི་ཕྱི་རོལ་དུ་ཡང་བསྐུའོ། །ཚིལ་ཆེན་དང་། ཁྲག་ཕྱེད་ཕྱེད་དོང་ཆུང་དུ་ཡང་བླུགས་ལ། ཟོར་ཐུན་གྱི་རྫས་སུ་གཞག་གོ། །ཐོད་པའི་ནང་དུ་སེར་བ་བྱུང་བའི་ཆུ་ཡང་བླུགས་སོ། །ཐོད་
[53a.5]པ་དེ་ཡུགས་ས་མོའི་དོར་རྟས་དྲིལ་ལ་མཎྜལ་གྱི་བྱང་ཤར་དུ་གྲུ་གསུམ་གྱི་སྟེང་དུ་གཞག་གོ། །འགྲམ་དུ་སེང་ལྡེང་གི་ཕུར་པ་ཅིག་ཀྱང་གཞུག་གོ། །དེ་ནས་ཕྱག་ན་རྡོ་རྗེ་བསྐྱེད་ལ་མཆོད་པ་དང་། བསྟོད་པ་དང་། སྔགས་བཟླས་པ་ཀུན་བསྙེན་པ་ལྟར་བྱའོ། །དེ་ནས་ལས་ལ་སྦྱོར་ཀ་ནི།
[53a.6]མཆོད་བསྟོད་གོང་བཞིན་བྱ། །སྔགས་འདི་བདུན་འབུམ་བཟླས་ཤིང་། ཐོད་པ་དོང་ཆུང་དུ་སེར་རྟའི་ནང་དུ་ཡུངས་ཀར་ལ་སོགས་པའི་ཐུན་བརྡེག་གོ། །ཉི་མས་བླ་ན་སེར་བ་ཕོབ། ཀླད་པ་ནན་སེར་བ་ཕོབ། ཀུན་ཞི་སེར་བ་ཕོབ། ཙིཏྟ་ཀུ་ལི་ནན་སེར་བ་ཕོབ། །ཙི་ཏྲ་མུཏྲ་སེར་བ་ཕོབ།
[53a.7]བཟློག་བྱེར་སེར་བ་ཕོབ། ནཱ་ག་ཧྲིལ་ཧྲིལ་སེར་བ་ཕོབ། །ནཱ་ག་ཕྲོམ་སེར་བ་ཕོབ། ནཱ་ག་ཕོབ་སེར་བ་ཕོབ་ཅེས་བཟླས་སོ། །སྔགས་དེ་རྣམས་ཡི་གེར་བྲིས་པ་ཐོད་པར་གཞུག་གོ། །དེ་ནས་སྐབས་སྐབས་སུ་གཏོར་མ་གཏོང་ངོ་། །དེ་ནས་ཐོད་པ་ཁྱེར་ལ་ཡུལ་གྱི་ཆུ་མིག་གམ། ལྷ་
[53b]
[53b.1]ཐོའི་རྩར་སོང་ལ་གསེར་སྐྱེམས་གཏང་། །ལྷ་འདྲེ་ལ་དམོད་བཙུགས་ལ་ཐོད་པ་གཞག་གོ། །འགྲམ་དུ་ཕྱག་ན་རྡོ་རྗེར་བྱིན་གྱིས་བརླབས་ལ་གཟུགས་སོ། །དེ་ནས་དོང་ཆུང་གི་ཁྲག་དུམ་ཀ་ཡང་གཏོར་རོ། །དེ་ནས་དོང་ཆུང་གི་ཁྲག་ལ་ཁྲག་དུམ་ཀ་ཡང་བསྣན་ལ། གོང་བཞིན་ཟོར་སྒྲུབ་ཞག་
[53b.2]ལྔའམ་དྲུག་ཏུ་བྱའོ། །དེ་ནས་རྟག་ཏུ་སྔས་སུ་བཅུག་ལ་ཐུན་བརྡེག་གོ། །དེ་ནས་དགྲའི་ཡུལ་དུ་ཕྱིན་ལ། ཞིང་ཐོག་དང་སེར་རྟའི་ཐོག་ཏུ་ཟོར་འཕང་ངོ་། །ཐུན་བརྡེག་གོ། །ཡུལ་འདིར་སྔགས་བཟླས་ཤིང་སེར་བ་ཕོབ་བྱའོ། །སེར་བ་དབབ་པའི་རིམ་པའོ།། །།བཅོམ་ལྡན་འདས་རྡོ་རྗེ་
[53b.3]འཛིན་ལ་ཕྱག་འཚལ་ལོ། །སེར་བ་བསྲུང་བར་འདོད་ན་མཎྜལ་མཆོད་པ་གོང་བཞིན་དུ་བྱས་ནས། ཐལ་ཆེན་དང་། སྐེ་ཚེ་དང་། ཕུར་པ་རྣམས་བསགས་ལ། ལག་ན་རྡོ་རྗེར་བྱིན་གྱིས་བརླབས་ལ། ཉི་མ་ས་བླའི་རྟིང་ལ་བཛྲ་པྲ་བེེ་ཤ་ཡ་ཕཊ། ས་འདི་སྲུངས་ཤིག་བྱེར་ཡ་ཞེས་
[53b.4]འབུམ་ཙམ་བཟླས་སོ། །སྐབས་སུ་གཏོར་མ་གཏང་ངོ་། །ཐལ་ཆེན་དང་སྐེ་ཚེ་རས་ཀྱི་ཁུང་དུ་ཕུར་ལ་ཕུར་པའི་སྐེ་ལ་གདགས་སོ། །ཕུར་པ་ཁྱེར་ལ་ཡུལ་ཕྱོགས་བཞི་མཚམས་བརྒྱད་དུ་ལྷ་མ་སྲིན་སྡེ་བརྒྱད་ལ་ཕུར་པ་བཏབ་པར་དམིགས་ལ་ཐོ་གཟུགས་སོ། །དེ་ནས་སེར་བ་བྱུང་ན།
[53b.5]སེར་བ་འོང་བའི་ཕྱོགས་སུ་ཐལ་ཆེན་དང་སྐེ་ཚེ་འཕང་ཞིང་སྔགས་བཟླས། གཡས་གཡོན་དུ་མཛུབ་རིས་བྱས་ལ་བསྲུང་ངོ་། །དེས་ཀྱང་མ་ཐུབ་ན། རང་གི་ལག་པ་གཡས་གཡོན་དུ། བསྲུང་བའི་ཞིང་ཡུལ་བསམས་ལ། ཐལ་མོ་ཁ་སྦུབ་སྟེ། སེར་བ་ཕ་རི་ལ་འཕངས་པར་བསམ་
[53b.6]མོ། །སྔགས་ནི་ཉི་མ་ས་བླ་ནའི་རྟིང་ལ། བཛྲ་པྲ་བེ་ཤ་ཡ་ཕཊ། ས་འདི་སྲུངས་ཤིག་བྱེར་ཡ་བྱའོ། །དེས་སེར་བ་ཐུབ་པར་འགྱུར་རོ། །སེར་བ་བསྲུང་བའི་རིམ་པའོ།། །།བཅོམ་ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །ཆར་དབབ་པར་འདོད་ན། ཀླུའི་རྟེན་ས་ཆུ་མིག་གི་བགབ་
[53b.7]ནི་དམའ་བར་སྦྲ་ཕུབ་ལ་མཎྜལ་བྱ། ཕྱག་ན་རྡོ་རྗེ་དང་ལྔ་ལྡན་སྦྲུལ་དགུ་པ་མཆོད་པ་དང་། བསྟོད་པ་བྱས་ལ་གཟུངས་གདོན། ཀླུ་མཆོད་བྱའོ། །ཆུ་གཏོར་གཏང་། དེ་ནས་མདུན་དུ་གྲུ་གསུམ་བྲུས་ལ། བག་ཕྱེ་ལས་ཀླུའི་གཟུགས་བྱས་ལ་གཞུག་གོ། །དེ་ནས་བདག་ཉིད་ཕྱག་ན་རྡོ་
[54a]
[54a.1]རྗེའི་ང་རྒྱལ་བྱས་ལ། སེང་ལྡེང་གི་ཕུར་པ་ཐོགས་ལ། ཉི་མ་ས་བླ་ནའི་རྟིང་ལ། ནཱ་ག་ཧྲིལ་ཧྲིལ། ནཱ་ག་ཕྲོམ་ཕྲོམ། ནཱ་ག་ཕོབ། ཆར་པ་ཕོབ་ཅེས་མང་དུ་བཟླས་སོ། །ཀླུའི་སྤྱི་བོར་ཕུར་པ་བཏབ་ལ་ཆར་པ་ཕོབ་ཅེས་བྱའོ། །དེ་ནས་གཏོར་མ་གཏང་། དེ་ནས་དོང་
[54a.2]སས་བཀབ་ལ་ཆར་པ་ཕོབ་ཅེས་བྱའོ། །དུས་དུས་བསླང་ཞེས་བྱ་བ་ནི། ཞག་རེ་ལོན་ཞིང་ཆུ་མིག་ལ་ཡར་ཡར་སྦྲ་ཕུབ་ལ་མཎྜལ་དང་། དེ་ལྟར་ནུབ་རེ་རེ་ཞིང་རེ་རེ་བྱའོ། །ཞག་བདུན་པ་ལ་ཆུ་མིག་གི་ཐོག་ཏུ་སྦྲ་ཕུབ་ལ་མཎྜལ་དང་མཆོད་བསྟོད་ལ་སོགས་པ་གོང་བཞིན་དུ་བྱས་ལ།
[54a.3]ཀླུའི་གཟུགས་ལ་སྔགས་བཟླས་ལ་ཕུར་པ་གདབ་པོ། །ཞག་བདུན་དུ་བྱའོ། །ཆར་དབབ་བའི་རིམ་པའོ།། །།བཅོམ་ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །ཀླུ་བཟློག་པར་འདོད་ན། མཎྜལ་བྱ་བ་དང་། བསྐྱེད་པ་དང་། མཆོད་པ་དང་། བསྟོད་པ་ཀུན་གོང་བཞིན་དུ་བྱས་ལ། མདུན་
[54a.4]དུ་དོང་གྲུ་གསུམ་བྲུས་ལ། དོང་གི་ནང་དུ་བག་ཕྱེ་ལས་ཀླུའི་གཟུགས་བྱས་ལ་གཞུག་གོ། །རྫས་ནི་ཚིལ་ཆེན་དང་། གླ་རྩི་དང་། ཚོན་སྐུད་སྣ་ལྔ་ལས་སྔགས་མདུད་བྱས་པ་དང་། སེང་ལྡེང་གི་ཕུར་པ་དང་། དེ་རྣམས་ལ་ལྷར་བསྐྱེད་པ་དང་། མཆོད་བསྟོད་བྱས་ལ་སྔགས་འདི་བཟླས་
[54a.5]སོ། །ཉི་མ་ས་བླ་ན་ཀླད་པ་ནཾ། ཀུ་ན་ཞི་ཙིཊྚ་ཀུ་ལིནཾ། ཙེཊྲ་མུཊྲ་བཟློག་བྱེར། ནཱ་ག་ཤིག་ནཱ་ག་བྱེར། ནཱ་ག་ནཾ། ནཱ་ག་མགོ་ནཾ། ནཱ་ག་ཧ་ན་ཧ་ན། ནཱ་ག་ཧ་ན་ཧ་ན་མཱ་ར་ཡ་རྦད་ནཾ་ཞེས་གྲངས་མང་དུ་བཟླས་ལ། ཚིལ་ཆེན་ན་སར་བསྐུ། གླ་རྩི་ལུས་ཀུན་དུ་བསྐུ། སྔགས་མདུད་ལུས་ལ་གདགས། མདུན་
[54a.6]དུ་དོང་གྲུ་གསུམ་བྲུས་ལ། བག་ཕྱེ་ལས་ཀླུའི་གཟུགས་བྱས་ཏེ་བཅུག་ལ། དེ་ལ་བདག་ལ་གནོད་པའི་ཀླུ་དགུག་གཞུག་བྱ། བདག་ཉིད་ཕྱག་ན་རྡོ་རྗེར་བསྐྱེད་ལ་ཕུར་པ་དྲིལ་ཞིང་སྔགས་བཟླས་ལ། སེང་ལྡེང་གི་ཕུར་པ་ཀླུ་ལ་གདབ་བོ། དེ་ནས་ཀླུའི་གཟུགས་དེའི་ཐོད་པར་བཅུག་ལ།
[54a.7]ལྷ་ཁང་གི་ཐེམ་པའི་འོག་ཏུ་མནན་ནོ། །དུས་ཐམས་ཅད་དུ་ལྷའི་ང་རྒྱལ་དུ་བྱས་ལ་བཟླས་པ་བྱའོ། །བསྲུང་བའི་ཆོ་ག་བླ་ན་མེད་པའི་དིས་ཅི་འདྲ་བ་ཡང་ཐུབ་བོ། །ཀླུ་བཟློག་པའི་རིམ་པའོ།། །།བཅོམ་ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །ས་བདག་གནོད་པ་བཟློག་པར་འདོད་
[54b]
[54b.1]ན་བསྙེན་པ་གོང་བཞིན་དུ་བྱ། མཎྜལ་དང་མཆོད་པ་ཀུན་བྱས་ལ། མདུན་དུ་དོང་གྲུ་གསུམ་བྲུས་ལ་ནད་དུ་བག་ཕྱེ་ལས་ས་བདག་གི་གཟུགས་བྱས་ལ། ཚོན་སྐུད་ཀྱིས་སྐེ་ནས་བཏགས་ལ་གཞུག །རྫས་ལ་ཚིལ་ཆེན་དང་། ཚོན་སྐུད་སྣ་ལྔ་ལས་སྔགས་མདུད་བྱས་ལ། གླ་རྩི་དང་། སེང་
[54b.2]ལྡང་གི་ཕུར་པ་ལ་སྔགས་འདི་བདུན་འབུམ་བཟླས། །སྐབས་སུ་གཏོར་མ་གཏང་། ཉི་མས་བླ་ནའི་རྟིང་ལ། ས་དོམ་ནག་པོ་སོད། ས་དོམ་ནག་པོ་སོད། ས་དོམ་ནག་པོ་ནན། ས་དོམ་ནག་པོ་ནན་ཞེས་བཟླས་ལ། ཚིལ་ཆེན་ན་སར་བསྐུ། སྔགས་མདུད་ལུས་ལ་གདགས་ལ། གླ་
[54b.3]རྩིས་ལུས་ཀུན་དུ་བཀྲུ། སེང་ལྡེང་གི་ཕུར་པ་ལ་སྔགས་འདི་བདུན་འབུམ་བཟླས་ལ། ས་བདག་གི་སྙིང་གར་གདབ། ས་བདག་ཐོད་པར་བཅུག་ལ་མཆོད་རྟེན་གྱི་འོག་ཏུ་མནན། དུས་ཐམས་ཅད་དུ་གོང་བཞིན་དུ་བྱའོ། །ས་བདག་བཟློག་པའི་རིམ་པའོ།། །།བཅོམ་ལྡན་འདས་
[54b.4]རྡོ་རྗེ་འཛིན་ལ་ཕྱག་འཚལ་ལོ། །བདུད་དང་མ་མོ་དང་། བཙན་དང་འབྱུང་པོ་ཕལ་པའི་གནོད་པ་བཟློག་པར་འདོད་ན། སྔོན་དུ་བསྙེན་པ་བྱས་ལ། ཡང་མཎྜལ་དང་། ལྷ་བསྐྱེད་པ་དང་། མཆོད་པ་དང་། བསྟོད་པ་ཀུན་བྱས་ལ། མདུན་དུ་དོང་གྲུ་གསུམ་བྲུས་ལ། ངར་ཟན་ལས་འབྱུང་པོའི་གཟུགས་བྱས་ལ། ཚོན་
[54b.5]སྐུད་ཀྱིས་སྐེ་ནས་བཏགས་ལ་ནང་དུ་གཞུག་གོ། །གནོད་པའི་འབྱུང་པོ་དེ་ལ་དགུག་གཞུག་བྱས་ལ། བདག་ཉིད་ལྷའི་ང་རྒྱལ་དུ་གནས་ཏེ། ཕུར་པ་དང་ཡུངས་ཀར་ལ་སྔགས་འདི་བཟླས་ལ། འབྱུང་པོ་ལ་ཡུངས་ཀར་གྱི་ཐུན་བརྡེག །ཉི་མ་ས་བླ་ནའི་རྟིང་ལ་ཕྱུག་ཙི་ཕཊ། ཙི་ག་ཕྱུ་ཕཊ། ལྕེ་བ་ཏི་ཕཊ་ཅེས་ནུས་ཚད
[54b.6]བཟླས་ལ། །འབྱུང་པོའི་གཟུགས་ཐོད་པར་བཅུག་ལ། མཆོད་རྟེན་གྱི་འོག་ཏུ་མནན་ནོ། །སྐྲང་འབུར་བྱུང་བ་ལ་ཡང་གདབ་བོ། །བདུད་དང་མ་མོ་དང་བཙན་དང་། འབྱུང་པོ་ཐམས་ཅད་བཟློག་པའི་རིམ་པའོ།། །།བཅོམ་ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །ཀུན་དུ་བསྲུང་བ་
[54b.7]འདི་ཁྱད་པར་དུ་རྒྱལ་པོ་ལ་བྱའོ། །བསྙེན་པ་གོང་དུ་བྱས་ལ། མཎྜལ་དང་། ལྷ་བསྐྱེད་པ་དང་། མཆོད་བསྟོད་བྱས་ལ། མདུན་དུ་དོང་གྲུ་གསུམ་དུ། ངར་ཟན་ལས་རྒྱལ་པོའི་གཟུགས་བྱས་ལ་བཅུག་ལ་ཚོན་སྐུད་ཀྱིས་སྐེ་ནས་གདགས་སོ། །དེ་ནས་ཕུར་པ་དང་། ཉུངས་ཀར་
[55a]
[55a.1]དང་། ཉུངས་ནག་དང་། སྐེ་ཚེ་དང་། ཐལ་ཆེན་ལ་སྔགས་འདི་བཟླས་པ་མང་དུ་བྱའོ། །སྐྲ་སྤྱི་བོར་བཅིངས་ལ། ཉི་མ་ས་བླ་ནའི་རྟིང་ལ། ཨེ་པ་ཀ་ར་ཙེ། དི་ནཱ་ག་བར་མ་པ་ལ་སེ་ཏོ་ཡེ་ཞེས་བཟླས་ལ། གཟུགས་ལ་ཡུངས་ཀར་ལ་སོགས་པའི་ཐུན་བརྡེག་གོ། །སྙིང་
[55a.2]གར་ཕུར་པ་བཏབ་པ་ཐོད་པར་བཅུག་ལ། ཅེ་ཏིའི་འོག་ཏུ་མནན་ནོ། །རྒྱལ་པོ་བཟློག་པའི་རིམ་པའོ།། །།བཅོམ་ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །ཀུན་དུ་སྲུང་བར་བྱེད་ན། བཅའ་གཞི་གོང་དང་འདྲ། སྐྲ་སྤྱི་བོར་བཅིངས་ལ། སྔགས་འདི་བཟླས། ཉི་མ་ས་བླ་ནའི་རྟིང་ལ།
[55a.3]ཨེ་པ་ཀ་ར་ཙེ། དི་ནཱ་ག་བར་མ། པ་ལ་སེ་ཏོ་ཡེ། ཤིག་བྱེར་ནན། གོ་ནན། ཧ་ན་ཧ་ན་མཱ་ར་ཡ་རྦད་ནན་ཞེས་མང་དུ་བཟླས་ལ། །ཐུན་དང་མནན་པ་ཀུན་གོང་བཞིན་བྱའོ། །ཐམས་ཅད་བསྲུང་བའི་རིམ་པའོ།། །།བཅོམ་ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །འགོང་པོས་གནོད་ན་འདི་ལྟར་བྱ་སྟེ།
[55a.4]སྔོན་དུ་བསྙེན་པ་བྱས་ལ། མདུན་དུ་དོང་གྲུ་གསུམ་བྲུས་ལ། དོང་གི་ནང་དུ་ངར་ཟན་ལྔ་བཅུག་ལ་ཚོན་སྐུད་ཀྱིས་སྐེ་ནས་བཏགས་ལ་གཞག་གོ། །གང་གནོད་པའི་འགོང་པོ་བྲིས་ལ་ལུས་ལ་གཞུག །དེ་ནས་མཎྜལ་བྱས་ལ། ལྷ་བསྐྱེད་པ་དང་། མཆོད་བསྟོད་བྱས་ལ་སྔགས་བཟླས་སོ། །ཉི་མ་ས་
[55a.5]བླ་ནའི་རྟིང་ལ། མགོ་སྟེ་ས་སྟེ་ནན་ཞེས་མང་དུ་བཟླས་ལ་ཐུན་བརྡེག་གོ། །ཕུར་པ་བཏབ་ལ་ཐོད་པར་གཞུག །རབ་གནས་བྱས་པའི་མཆོད་རྟེན་འོག་ཏུ་མནན་ནོ། །ཕྱག་ན་རྡོ་རྗེའི་ང་རྒྱལ་དང་སྟང་སྟབས་ཀྱིས་མཚམས་བཅད་དོ། །འགོང་པོ་ཐམས་ཅད་བཟློག་པའི་རིམ་པའོ།། །།བཅོམ་
[55a.6]ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །ཀུན་དུ་བསྲུང་བ་ཞེས་བྱ་བ། སྔགས་པ་གཞན་གྱི་སྦོད་གཏོང་བསྲུང་བར་འདོད་ན། སྔོན་དུ་བསྙེན་པ་བྱས་ལ། དེ་ནས་མཎྜལ་བྱ་བ་དང་། བཟེད་ཞལ་དང་། མཆོད་པ་བཤམ་པ་དང་། མཎྜལ་གྱི་སྟེང་དུ་མཆོད་རྟེན་ནག་པོ་ཁོང་སྟོང་བརྩིགས་
[55a.7]པའི་ནང་དུ་ཁོའི་གཟུགས་བག་ཟན་ལས་བྱས་ལ། མིང་རུས་བཅུག་ལ་གཞག་གོ། །བུམ་པའི་ནང་དུ་ཕྱག་ན་རྡོ་རྗེ་བག་ཟན་ལས་བྱས་ལ་གཞུག་གོ། །རྡོ་རྗེས་དེའི་ལུས་འགེམས་པར་བསམ་མོ། །མཆོད་རྟེན་གྱི་འོག་ཏུ་དོང་གྲུ་གསུམ་བྲུས་ལ། དེའི་ནང་དུ་ཡང་ཁོའི་གཟུགས་
[55b]
[55b.1]དང་། མིང་རུས་བཅུག་ལ། སྦྲུལ་དང་སྦལ་པ་གཉིས་ཀྱི་ལྟོ་བར་བཅུག་ལ། ཀླུ་ལྔ་ལྡན་སྦྲུལ་དགུ་པས་ཟ་བར་བསམ་མོ། དེ་ཐོད་པར་བཅུག་ལ་གྲུ་གསུམ་དུ་གཞུག །ལན་ཅིག་གཞུང་བཞིན་དུ་མནན་པར་བྱའོ། །བདག་རང་ཕྱག་ན་རྡོ་རྗེར་བསམས་ལ། ཕུར་པ་འདྲིལ་ཞིང་སྔགས་
[55b.2]བཟླས་པས། ཁོའི་སྲུང་མ་བདག་གི་བཀའ་ཉན་ཅིང་ལས་བྱེད་པར་བསམ་མོ། །བདག་གིས་རྦད་པས་ཁོ་རང་གི་སྲོག་གཅོད་པར་བསམ་མོ། །དེ་ནས་ཐུན་རྫས་དང་ཕུར་པ་རྣམས་བསགས་ལ། ལྷ་བསྐྱེད་པ་དང་། མཆོད་བསྟོད་དང་། སྔགས་ནི་ཉི་མ་ས་བླ་ནའི་རྟིང་ལ། བར་
[55b.3]མ་མ་ཧཱ་ཨཱཿཧཱུཾ་ཧཱུཾ་ཕཊ་ཕཊ་སྭཱ་ཧཱ་ཞེས་འགྲུབ་ཚད་བཟླས། བསྐོར་བ་ཕྱིན་ཅི་ལོག་ཏུ་བྱ། ཐུན་བརྡེག །མནན་ཟོར་གྱི་མཐའ་བརྟུལ་ལོ། །སྦོད་གཏོང་ཐམས་ཅད་བཟློག་པའི་རིམ་པའོ།། །།བཅོམ་ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །མདུན་དུ་འབྲུབ་ཁུང་གྲུ་གསུམ་
[55b.4]དུ། །དགྲ་དང་བགེགས་ཀྱི་ལིངྒེ་གཞུག །དགྲ་ཡི་ལིངྒ་རྐང་རྗེས་དང་། །དྲི་མ་ཕྱི་ས་གཅིན་ལས་བྱའོ། །རབས་ཆད་ཐོད་པར་བཅུག་ནས་ནི། །ཐོད་པ་ཡུགས་སའི་ཞབས་མས་དྲིལ། །དེ་ཡང་རེ་བའི་སྟེང་དུ་གཞག །འགྲམ་དུ་དུག་རྫས་སྣ་ཚོགས་དང་། །དྲག་པོའི་རྫས་རྣམས་བཞག་
[55b.5]ནས་ནི། །སྐབས་སུ་དུག་ཐུན་རྫས་ཐུན་བརྡེག །དེ་ཡི་འགྲམ་དུ་མཎྜལ་ཏེ། །བཟེད་ཞལ་མཆོད་པ་རྣམ་ལྔ་བཤམ། །བདག་ཉིད་ཕྱག་ན་རྡོ་རྗེ་དང་། །ལྔ་ལྡན་བསྐྱེད་ཅིང་སྤྱན་དྲངས་དང་། །མཆོད་དང་བསྟོད་དང་གསོལ་བ་གདབ། །དེ་ནས་སྔགས་ཀྱི་བཟླས་བརྗོད་ནི། །ཉི་མ་ས་བླ་ནཾ། ཀླད་
[55b.6]པ་ནཾ། ཀུན་ཞི་ཙིཏྟ་ཀུ་ལི་ནཾ། ཙི་ཏྲ་མུ་ཏྲ་བཟློག་བྱེར། ཐུམ་རིལ་རྦད་ཆེ་གེ་མོ་མཱ་ར་ཡ་ཛཿརྦད་ནཾ། འབུམ་མམ་སུམ་འབུམ་བཟླས་ལ། སྐབས་སྐབས་སུ་ཨག་ཚེ་བ་ན་མར་ཐུན་བརྡེག་གོ། །དེ་ལྟར་བྱས་ནས་ཐོད་པ་ཁྱེར་ལ། ལམ་རྒྱ་གྲམ་མམ། མཆོད་རྟེན་དང་། དུར་ཁྲོད་དམ། གོང་
[55b.7]གསུམ་མམ། ཆུ་མིག་གམ། ལ་བཙས་སམ། ཆུ་གླིང་ལ་མནན་པ་གཞུང་བཞིན་དུ་བྱའོ། །དགྲ་དང་བགེགས་ཀྱི་ལིངྒ་བཅའ་བའི་རིམ་པའོ།། །།བཅོམ་ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །དགྲ་གསད་པའི་རིམ་པ་ནི་དང་པོར་བདག་རྣལ་འབྱོར་པའི་མདུན་དུ་མཛུབ་
[56a]
[56a.1]གང་པའི་འབྲུབ་ཁུང་གྲུ་གསུམ་བྲུས་ཏེ། དུར་ཁྲོད་ཀྱི་སོལ་བས་ནག་པོར་བྱུག་གོ། །དེའི་ནང་དུ་དགྲ་བོའི་རྐང་རྗེས་ཀྱི་ས་དང་། བག་ཕྱེ་ལས་ལིངྒ་བྱས་ལ། མིང་བྱང་བཅུག་ལ་གྲུ་གསུམ་དུ་གཞུག །དེའི་ཁར་གཡམ་པ་སྔོན་པོ་ཅིག་ལ། །ཡུང་བ་སེར་
[56a.2]པོས་རི་རབ་དང་། རྡོ་རྗེ་རྒྱ་གྲམ་གྱི་གཟུགས་བྲིས་ལ། ཁ་བཅད་ལ་གཞག་གོ། །འགྲམ་དུ་བཟེད་ཞལ་དང་མཆོད་པ་རྣམ་ལྔ་བཤམས་ལ། བདག་ཉིད་ཕྱག་ན་རྡོ་རྗེ་དང་། མདུན་དུ་ལྔ་ལྡན་བསྐྱེད་ཅིང་སྤྱན་དྲངས། མཆོད་པ་དང་། བསྟོད་པ་དང་། གསོལ་བ་གདབ། གུ་གུལ་དག་
[56a.3]གིས་ལྷ་དང་དབྲལ། ཐུན་གྱི་རྫས་རྣམས་བསགས་ནས་ནི། དྲག་པོའི་སྔགས་ནི་བཟླས་བརྗོད་བྱའོ། །ཉི་མས་བླ་ནཾ། ཀླད་པ་ནཾ་ཀུ་ན་ཞི། ཙིཏྟ་ཀུ་ལི་ནཾ། ཙི་ཏྲ་མུ་ཏྲ་བཟློག་བྱེར། ཐུམ་རིལ་རྦད་ཆེ་གེ་མོ་མཱ་ར་ཡ་ཛཿ་རྦད་ནཾ་ཞེས་འབུམ་བཟླས། དེ་ནས་ལིངྒའི་མགོ་བཅད་ལ། །མགོ་དང་
[56a.4]ལིངྒ་སར་པ་གཉིས། །རབས་ཆད་ཐོད་པའི་ནང་དུ་གཞུག །མནན་པ་སྒྲུབ་པ་ཚུལ་བཞིན་བྱ། །ལྷ་འདྲེ་གནས་པའི་ས་རུ་གཞུག །ལིངྒའི་ལུས་དང་གསར་པ་གཉིས། །རལ་གྲིས་གཏུབས་ལ་དྲག་པོའི་རྫས་དང་གདུག་པ་ཅན་གྱི་ཤིང་ལ་སྦྱིན་སྲེག་ཚུལ་བཞིན་དུ་བྱའོ། །དགྲ་ལ་བྱ་བའི་
[56a.5]རིམ་པའོ།། །།བཅོམ་ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །སྦྱིན་སྲེག་བྱེད་ན་སླ་བའམ་ཐབ་ཁུང་རྙིང་པ་རུ། བརྒྱའམ་ཡང་ན་ལྔ་བཞི་གཅིག །བསྐྱར་ཞིང་ལས་ལ་སྦྱར་བར་བྱ། །གདུག་པའི་རྫས་ནི་སྣ་ཚོགས་དང་། མར་ནག་ཚིལ་ཆེན་སྐེ་ཚེ་དང་། །ཏིལ་དང་མིང་
[56a.6]བྱང་སྤེལ་ཏེ་བསྲེག །མེ་ལྷ་བསྐྱེད་ལ་སྦྱིན་སྲེག་དབུལ། །སྔགས་ནི་ཉི་མ་ས་བླ་ནའི་རྟིང་ལ་ཆེ་གེ་མོ་རཀྵ་ཤཱནྟིཾ་ཀུ་རུ་མཱ་ར་ཡ་རྦད་ཅེས་པས། དུག་སྣ་ཚོགས་དང་། དྲི་མི་ཞིམ་པ་སྣ་ཚོགས་དང་། དྲག་པོའི་རྫས་སྣ་ཚོགས་དང་། མར་ནག་ལ་སོགས་པས་སྦྱིན་སྲེག་བྱའོ། །ཏིང་ངེ་འཛིན་དགྲ་
[56a.7]བགེགས་གང་ཡིན་པར་མོས་པར་བྱས་ལ། །རྫས་རེ་དང་སྔགས་རེ་བསྟུན་ཞིང་སྦྱིན་སྲེག་བྱའོ་ཕྱག་ན་རྡོ་རྗེ་དང་། ལྔ་ལྡན་བསྐྱེད་པ་དང་། སྤྱན་དྲངས་པ་དང་། མཆོད་པ་དང་། བསྟོད་པ་བྱས་ལ། དེ་ནས་མེ་ལྷ་བསྐྱེད་ལ་སྦྱིན་སྲེག་བྱའོ། །དྲག་པོ་དང་ཞི་བའི་སྦྱིན་སྲེག་གི་རིམ་པའོ།། །།
[56b]
[56b.1]བཅོམ་ལྡན་འདས་རྡོ་རྗེ་འཛིན་ལ་ཕྱག་འཚལ་ལོ། །གྲུ་གསུམ་ཉིས་འགྱུར་བྲིས་ལ་ནང་ཐལ་བ་འཇམ་པོས་བྱུག །ཁ་རྩང་དམར་གྱིས་བསྐོར། ཉི་མ་ས་བླ་ན་ལ་སོགས་པ་ལ་འདི་གདགས་སོ། །ཤིག་བྱེར་ནན། མགོ་ནན། ཧ་ན་ཧ་ན་མཱ་ར་ཡ་རྦད་ནན། སྦལ་པའམ། སྦྲུལ་ལྟ་བུའི་རྗེས་
[56b.2]བྱུང་ན་འགོང་པོ་ཡིན། བོང་བུའི་རྗེས་བྱུང་ན་འགོང་པོ་ཡིན། །ཨུ་མ་པའི་བཤགས་པ་འདྲ་བ་བྱུང་ན་རྒྱལ་པོ་ཡིན། ཤིང་ལོ་ལྟ་བུའི་རྗེས་སམ་རལ་པ་བསྙིགས་པ་ལྟ་བུའི་རྗེས་བྱུང་ན་བདུད་ཡིན། མདའ་མང་པོ་བཞག་པ་འདྲ་བའི་རྗེས་བྱུང་ན་བཙན་ཡིན། ཕུག་རོན་གྱི་བྱ་བྲའི་རྗེས་འདྲ་
[56b.3]བའམ། ལྕགས་ཐག་སྤྲེལ་བའི་རྗེས་བྱུང་ན་མ་མོ་ཡིན། དེ་རྣམས་གང་བྱུང་བ་དང་ལས་ལ་སྦྱར་རོ། །རྡོ་རྗེ་ལྕེ་དབབ་ཀྱི་འགྲེལ་པ་མུ་ཏིག་གི་ཕྲེང་བ་ཞེས་བྱ་བའི་རིམ་པ། རྒྱ་གར་གྱི་མཁན་པོ་རྒྱལ་བུ་སྤྲིན་གྱི་ཤུགས་ཅན་གྱིས་མཛད་པ་རྫོགས་སོ།། །།སླད་ཀྱི་པཎྜི་ཏ་ཛ་ཡཱ་ཀ་ར་
[56b.4]དང་། ལོ་ཙཱ་བ་མར་པས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། {T2186}༄༅༅། །རྒྱ་གར་སྐད་དུ། བྷ་ག་བཱན་ཛི་ཧྭཱཾ་བེ་ཤ་མནྟྲ་ཧྲྀ་ད་ཡཾ། བཛྲ་པཱ་ཎི་སཱ་དྷ་ནཱཾ་ནཱ་མ། བོད་སྐད་དུ། བཅོམ་ལྡན་འདས་ཕྱག་ན་རྡོ་རྗེ་ལྕེ་དབབ་ཀྱི་གསང་བའི་ཡང་བཀོལ་གྱི་སྒྲུབ་པའི་
[56b.5]ཐབས་ཞེས་བྱ་བ། བཅོམ་ལྡན་འདས་ཕྱག་ན་རྡོ་རྗེ་གོས་སྔོན་པོ་ཅན་ལ་ཕྱག་འཚལ་ལོ། །གཡས་བསྐུམ་གཡོན་བརྐྱང་གར་དགུས་ནི། །རི་བོང་འཛིན་ལ་གར་གྱིས་བཞུགས། །རིག་སྔགས་གསང་སྔགས་ཀུན་གྱི་གཙོ། །རྡོ་རྗེ་འཆང་ལ་ཕྱག་འཚལ་ནས། །དེ་ནས་བླ་མའི་བཀའ་
[56b.6]དྲིན་གྱིས། ཇི་ལྟར་རིམ་པས་སྒྲུབ་པའི་ཐབས། །བདག་ནི་བླ་མའི་རྗེས་དྲན་པས། །དེ་ཡི་སྒྲུབ་ཐབས་ཆོ་ག་བཤད། །དང་པོར་རྣལ་འབྱོར་སྣོད་ལྡན་གྱིས། །རྡོ་རྗེ་འཛིན་པ་བསྒྲུབ་འདོད་པས། །དུར་ཁྲོད་དབེན་པའི་གནས་ཕྱོགས་སུ། །རོ་གསུམ་མེད་པའི་ས་ལ་ནི། །མཎྜལ་
[56b.7]དཀྱིལ་འཁོར་ལེགས་བྱས་ལ། །མེ་ཏོག་སྔོན་པོས་མཛེས་བྱས་ལ། །མདུན་དུ་རྟེན་ལ་སོགས་པ་དགྲམ། །ཕྱི་ཡི་མཆོད་པ་རྣམ་ལྔ་དང་། །ནང་གི་བདུད་རྩི་གཏོར་མར་བཅས། །ཤ་ཆང་ཟས་ཀྱི་ལོངས་སྤྱོད་བཤམ། །རྣལ་འབྱོར་གནས་བཅས་ཤེས་རབ་ཅན། །ཁྲུས་བྱ་
[57a]
[57a.1]ཉེ་རེག་འཐོར་འཐུང་བསང་གཏོར་བྱའོ། །བདེ་བའི་སྟན་ལ་རབ་འདུག་ནས། །རྡོ་རྗེ་རྒྱལ་པོའི་སྐྱིལ་ཀྲུང་བཅའ། །ཡན་ལག་བདུན་དང་ལྡན་པ་ཡིས། །སེམས་བསྐྱེད་སྔོན་དུ་འགྲོ་བར་བྱ། །དེ་ནས་རང་གི་སྙིང་གར་ཟླ་བའི་དཀྱིལ་འཁོར་ལ་གནས་པའི་ས་བོན་
[57a.2]གྱིས། །བླ་མ་དང་གོས་སྔོན་ཅན། སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤྱན་དྲངས་ལ། ས་བོན་ལས་བྱུང་བའི་མཆོད་པའི་བྱེ་བྲག་གིས། གདན་དབུལ་བ་དང་། ཕྱག་བཙལ་བ་དང་། ཉེ་རེག་དང་། འཐོར་འཐུང་བསང་གཏོར་དབུལ་བ་དང་། མཆོད་པ་ལ་སོགས་
[57a.3]ཏེ་ཡན་ལག་བདུན་པ་བྱའོ། །བླ་མ་དང་ནི་གོས་སྔོན་ཅན། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཆོད་པ་སྣ་ཚོགས་པ་དང་། མེ་ཏོག་ལ་སོགས་པ་ཕུལ་ལ། སེམས་ཅན་ཐམས་ཅད་སྡུག་བསྔལ་ལས་བསྐྱབ་པའི་ཕྱིར། བདག་གིས་
[57a.4]སྡིག་པ་མ་ལུས་པར་ནི་བཤགས་པར་བགྱི། དེ་ནས་བླ་མ་དང་ནི་གོས་སྔོན་ཅན། སངས་རྒྱས་དང་བྱང་ཆུབ་སེམས་དཔའི་ཚོགས་དང་ནི། སློབ་དང་མི་སློབ་ལ་སོགས་སེམས་ཅན་རྣམས་ཀྱི་དོན་དུ། བསོད་ནམས་ཀུན་ལ་རྗེས་ཡི་རང་། དཀོན་མཆོག་གསུམ་ལ་སྐྱབས་སོང་ཞིང་། །བྱང་
[57a.5]ཆུབ་ཏུ་ནི་དེ་དག་བསྔོ། །ཆོས་ཀྱི་འཁོར་ལོ་བསྐོར་བར་བསྐུལ་བ་དང་། མྱ་ངན་ལས་མི་འདའ་བར་གསོལ་བ་གདབ་པ་དང་། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་སོ། །ཚངས་པའི་གནས་བཞི་བསྒོམ་པར་བྱའོ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭཱ་བྷཱ་བ་ཨཱཏྨ་ཀོ྅ཧཾ།
[57a.6]དེའི་མཚན་ཉིད་བྲལ་བས་སྟོང་། །རྒྱུ་མེད་པས་ན་མཚན་མ་མེད། །རང་བཞིན་གྱིས་ན་དངོས་པོ་རྣམས། །སྨོན་པ་དང་བྲལ་བསྒོམ་པར་བྱའོ། །དེ་ནས་སྟོང་པའི་རང་བཞིན་ལས། །འོད་ཀྱི་ཕུང་པོར་བདག་རང་ཉིད། །དེ་ནས་ཨེ་དང་ཡཾ་རཾ་བཾ་ལཾ་སུཾ་ཧཱུཾ་རྣམས་ཡོངས་སུ་གྱུར་པ་ལས།
[57a.7]གྲུ་གསུམ་པ་དང་། གཞུའི་དབྱིབས་དང་། གྲུ་གསུམ་པ་དང་། ཟླུམ་པོ་དང་། གྲུ་བཞི་དང་། ནག་པོ་དང་། སྔོ་སྐྱ་དང་། དམར་པོ་དང་། སྔོན་པོ་དང་། སེར་པོ་བསམ་པར་བྱའོ། །འབྱུང་བ་ལྔའི་དཀྱིལ་འཁོར་གོང་ནས་གོང་དུ་བསམ་པར་བྱའོ། །དེའི་སྟེང་དུ་སུཾ་གྱི་ཡི་གེ་ལས་བྱུང་བའི་ཟུར་
[57b]
[57b.1]བཞི་རིན་པོ་ཆེའི་རང་བཞིན་ཅན། རྭ་བརྒྱད་ཀྱིས་ཉེ་བར་མཛེས་པའི་སྟེང་དུ། ཨོཾ་མེ་དཱི་ནཱི་བཛྲཱི་བྷ་བ་བཛྲ་བནྡྷ་ཧཱུཾ། ཨོཾ་བཛྲ་པྲཱ་ཀཱ་ར་ཧཱུཾ་བཾ་ཧཱུཾ། ཨོཾ་བཛྲ་པཉྩ་ར་ཧཱུཾ་ཡཾ་ཧཱུཾ། ཨོཾ་བཛྲ་བི་ཏཱ་ན་ཧཱུཾ་ཁཾ་ཧཱུཾ། ཨོཾ་བཛྲ་ས་ར་ཛྭཱ་ལ་ཏྲཾ་སཾ་ཏྲཾ། ཨོཾ་བཛྲ་ཛྭ་ལ་ཨ་ན་ལཱ་རྐ་ཧཱུཾ་རཾ་ཧཱུཾ་སྔགས། དེ་རྣམས་ཀྱིས་རྡོ་རྗེའི་ས་
[57b.2]གཞི་ལ་སོགས་དྲུག་མངོན་དུ་གྱུར་ཏོ། །དེའི་ནང་དུ་བྷཱུཾ་དང་། ཙ་དང་པཾ་དང་ཨ་ཉིད་དོ། །དེ་སྟེང་ཟླ་བ་རྡོ་རྗེ་བསམ། །དེ་ཡི་ལྟེ་བར་ཧཱུཾ་གིས་མཚན། །ཧཱུཾ་སྔོན་འོད་ཟེར་ལྔར་ལྡན་པ། །རྡོ་རྗེ་ཡོངས་སུ་གྱུར་པ་ལས། །སྐུ་མདོག་མཐིང་ནག་ཞལ་གཅིག་པ། །རབ་ཏུ་ཁྲོས་པས་བརྐྱང་བསྐུམ་
[57b.3]སྟེ། །བཅུ་དྲུག་ལོ་ལོན་ཤ་ཚུགས་ཅན། །སྤྱན་གསུམ་མེ་ལྟར་འབར་བ་ལ། །ཤིན་ཏུ་ཁྲོས་པའི་ལྟ་སྟངས་ཅན། །བསྣུན་པའི་ཚུལ་གྱིས་ལེགས་བཟུང་ཞིང་། །དྲིལ་བུ་སྡིགས་མཛུབ་ཐུགས་ཀར་བསྒྲེང་། །སྟོད་གཡོགས་ན་བཟའ་སྔོན་པོ་ལ། །སྨད་གཡོགས་སྟག་གི་ཤམ་ཐབས་
[57b.4]ཅན། །ཉི་མའི་འོད་ཅན་ཟླ་བའི་མདངས། །ཧ་ཧའི་འོ་དོད་ཆེན་པོ་ཡིས། །ལོག་འདྲེན་ལ་སོགས་སྐྲག་པར་མཛད། །འཇིགས་བྱེད་ཁྲོ་བོའི་བདག་པོར་ནི། །བདག་ཉིད་རྣམ་པར་བསྒོམ་པར་བྱ། །ཞེས་བྱ་བ་ནི་སྐུའི་མཚན་ཉིད་དོ། །ཟས་སུ་སྦྲུལ་ཟ་བ་དང་རྒྱན་ཐམས་ཅད་ཀྱིས་བརྒྱན་
[57b.5]པའོ། །དེ་ནས་རང་གི་སྙིང་གར་ཟླ་བའི་དཀྱིལ་འཁོར་ལ་ས་བོན་བཀོད་ལ། ཡེ་ཤེས་སེམས་དཔའ་སྤྱན་དྲང་བར་བྱའོ། །བཞུགས་སུ་གསོལ་བ་དང་། ཕྱག་བཙལ་ཞིང་བསྟོད་པ་དང་མཆོད་པ་ལ་སོགས་པ་བྱའོ། །ཨོཾ་བཛྲ་ཧྲཱི་ཏྲི་ཧ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨརྒྷས་ཞལ་བསིལ་བའོ། །ཨོཾ་བཛྲ་པུཥྤ་པཱུ་ཛ་མེ་
[57b.6]གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། མེ་ཏོག་དབུལ་བའོ། །ཨོཾ་བཛྲ་དྷཱུ་པ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། བདུག་སྤོས་ཤངས་སུའོ། །ཨོཾ་བཛྲ་དཱི་པ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། མར་མེ་སྤྱན་ལའོ། །ཨོཾ་བཛྲ་གནྡྷ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། དྲི་ཐུགས་ཀར་རོ། །
[57b.7]ཨོཾ་བཛྲ་ནཻ་བི་དྱེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཞལ་ཟས་ཞལ་དུའོ། །ཨོཾ་བཛྲ་ཤཔྟ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། སིལ་སྙན་སྙན་དུའོ། །ཛཿཧཱུཾ་བཾ་ཧོཿས། དགུག་པ་དང་། གཞུག་པ་དང་། བཅིང་བ་དང་། དབང་དུ་བྱའོ། །ཡང་ལུས་དང་ངག་དང་སེམས་བྱིན་གྱིས་
[58a]
[58a.1]བརླབ་པར་བྱའོ། །མགོ་བོ་དང་ལྐོག་མ་དང་། སྙིང་གར་པདྨ་དང་། ཟླ་བའི་དཀྱིལ་འཁོར་ལ། སྐུ་དང་གསུང་དང་ཐུགས་ཀྱི་སྙིང་པོ་ཇི་ལྟ་བར་བཀོད་ལ། དཀར་པོ་དང་སྔོན་པོ་ལ་སོགས་པ་བསམ་མོ། །དེ་ནས་སྤྱི་བོ་དང་། མགྲིན་པ་དང་། སྙིང་གར་པདྨ་དང་།
[58a.2]ཟླ་བ་ལ་སོགས་པ། རིམ་པ་ཇི་ལྟ་བ་བཞིན་དུ་དམིགས་ལ། གསང་སྔགས་བཟླས་པར་བྱ་བ་ནི་འདི་ཡིན་ཏེ། ཉི་མ་ས་བླ་ན་ཀླད་པ་ནཾ། ཀུ་ན་ཞི། ཙིཏྟ་ཀུ་ལི་ནཾ། ཙི་ཏྲ་མུ་ཏྲ་ཡཀྵ་ཏྲ་བཟློག་བྱེར། གསལ་པོར་དམིགས་ལ་བཟླས་པ་བྱ། སྐྱོ་བའམ་དུབ་པར་གྱུར་ན། གསང་སྔགས་ཡིད་ཀྱིས་
[58a.3]བཟླས་པར་བྱ་སྟེ། སྔགས་ཀྱི་སྐྱོན་སྤངས་ཏེ། མི་གསལ་བ་ལ་སོགས་པའི་རྣམ་པར་རྟོག་པ་སྤང་བར་བྱའོ། །བཟླས་པས་སྐྱོ་ན་ཡེ་ཤེས་ཀྱི་འཁོར་ལོ་བཏོན་ལ། མཆོད་པ་དང་། བསྟོད་པ་དང་། བཟོད་གསོལ་བྱ། དེ་ནས་ཨོཾ་ཨཱཿ་ཧཱུཾ། ས་མ་ཡ་མུཿས། ཡེ་ཤེས་ཀྱི་འཁོར་ལོ་གཤེགས་སུ་
[58a.4]གསོལ། དེ་ནས་མི་དམིགས་པར་བསྒོམ་པར་བྱའོ། །ལྡང་བར་འདོད་ན། ཡི་གེ་བརྒྱ་པའི་སྔགས་བརྗོད་ལ། ལྡང་བར་བྱའོ། །ཕྱག་ན་རྡོ་རྗེ་ལྕེ་དབབ་ཀྱི་སྒྲུབ་ཐབས། གསང་བའི་ཡང་བཀོལ་གྱི་ཆོ་ག་བཀོད་པ་ཡི། བདག་གིས་སྒྲུབ་ཐབས་འདི་བཀོད་པས། བདག་དང་
[58a.5]སེམས་ཅན་ཐམས་ཅད་ཀྱི། །བྱང་ཆུབ་ཏུ་ནི་དེ་དག་བསྔོ། །རྒྱལ་པོ་སྤྲིན་གྱི་ཤུགས་ཅན་གྱིས་མཛད་པ་རྫོགས་སོ།། །།{T2187}༄༅༅། །སླད་ཀྱི་བླ་མ་ཛ་ཡཱ་ཀ་ར་དང་། མར་པ་ལོ་ཙཱས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །ན་མོ་བུདྡྷཱ་ཡ། བཛྲ་བཛྲ་ཧཱུཾ་ཐཱ། རྡོ་རྗེ་ལྕེ་དབབ་པའི་སྔགས་ནི། ཉི་མ་ས་བླ་ན། ཀླད་པ་
[58a.6]རྣ། ཀུ་ན་ཞི། ཙིཏྟ་ཀུ་ལི་ནཾ། ཙི་ཏྲ་མུ་ཏྲ་ཡཀྵ་ཏྲ་བཟློག་བྱེར། ནཱ་ག་ཤིག་ནཱ་ག་བྱེར། ནཱ་ག་ནཾ། ནཱ་ག་མགོ་ནཾ། ནཱ་ག་ཧ་ན་ཧ་ན་མཱ་ར་ཡ་རྦད་ནཾ། ཚིལ་ཆེན་དང་། ཚོན་སྐུད་རྣམ་ལྔ་ལ་སྔགས་མདུད་བྱས་པ་དང་། གླ་རྩི་དང་སེང་ལྡེང་གི་ཕུར་པ་ལ་སྔགས་བཟླས་ལ་བསྲུང་ངོ་། །ས་དོམ་ནག་པོ་སོད།
[58a.7]ས་དོམ་ནག་པོ་སོད། ས་དོམ་ནག་པོ་ནན། །ས་དོམ་ནག་པོ་ནན། ཞེས་གོང་བཞིན་ནོ། །སེར་བ་སྲུང་ན། ཐལ་ཆེན་དང་། སྐེ་ཚེ་དང་། རྩང་དང་། ཐོ་དང་། མཛུབ་རིས་ཀྱིས་བསྲུང་ངོ་། །སྔགས་འདི་གདགས་སོ། །ས་འདི་སྲུངས་ཤིག་བྱེར་ཡ་བྱའོ། །ཕྱུ་ག་ཙི་ཕཊ། ཙི་ག་ཕྱུ་ཕཊ། ལྕེ་བ་
[58b]
[58b.1]ཏི་ཕཊ། ཐུཾ་རིལ་རྦད། ཆེ་གེ་མོ་མཱ་ར་ཡ་རྦད་ནཾ། ནཱ་ག་ཧྲི་ལ་ཧྲི་ལ། ནཱ་ག་ཕྲོམ། ནཱ་ག་ཕོབ། ཕུར་པ་དང་ཚིལ་ཆེན་དང་། ཁྱི་དང་བོང་བུ་དང་རྟ་རྣམས་ཀུ་ནག་པོའི་ཁྲག་དང་། ཐོད་པ་མཚན་ངན་ཅིག་དང་། དོར་རྟ་དང་། ཆུ་དངོས་དང་། དེ་རྣམས་ལ་བྱའོ། །ལིངྒ་དང་། གཟུགས་ལ་བརྟེན་
[58b.2]ལ་བྱའོ། །ཆར་པ་འབེབས་ན། རྟེན་ས་རུ་སྦྲ་ཕུབ་ལ་གཟུངས་གདོན། སྔགས་གོང་མ་བཟླས། ཀླུ་མཆོད་དང་། ཆབ་གཏོར་བྱ། དུས་དུས་སུ་བསླང་། ཞག་བདུན་བྱའོ། །འདིས་ཀྱང་བསྲུང་། ཨེཿབ་གཿར་ཚེ་འདི་ན་བ་གཿབར་མ། པ་ལཿས་ཏ་ཡེ། མགོ་སྟེ་ས་སྟེ། བར་མ་ཧཱ་ཨཿ
[58b.3]ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་ཅི་མང་དུ་བཟླས་སོ། །རང་ཕྱག་ན་རྡོ་རྗེ་བསྒོམ་ཤེས་ན་རབ། མ་ཤེས་ན་རང་ཏམ། མང་དུ་བཟླས་ན་གང་ཡང་རུང་བ་ཐུབ་བོ། །ཕྱག་ན་རྡོ་རྗེ་ཀླུ་འདུལ་བའི་དྲག་སྔགས་བསྒོམ་དུ་མེད་པའོ། །ཐེ་ཚོམ་ཡིད་གཉིས་རྐྱེན་གྱི་རྒྱུ་བསྙེན་པ་དང་སྒྲུབ་པ་ཟབ་མོ་རྫོགས་
[58b.4]སོ།། །།དེ་ཡང་བྱ་བའི་དུས་ནི། སྔགས་ཀྱི་ནུས་པ་བསྐྱེད། ཉམས་རྟགས་བྱུང་བ་དང་། ལས་མཐའ་བསྡུས་ཏེ། མནན་པ་ལ་སོགས་གཞན་དང་མཐུན། སྦྱིན་སྲེག་གི་རིམ་པ་ལ། རྫས་ནི་ཞི་རྒྱས་གཞན་དང་མཐུན། །གདུག་པའི་རྫས་ནི་སྣ་ཚོགས་དང་། །མར་ནག་ཚིལ་ཆེན་སྐེ་
[58b.5]ཚེ་དང་། །ཏིལ་དང་མིང་བྱང་སྤེལ་ཏེ་བསྲེག །སླ་ངའམ་ཐབ་ཁུང་རྙིང་པ་རུ། །བརྒྱ་འམ་ཡང་ན་ལྔ་བཞི་གཅིག །བསྐྱར་ཞིང་ལས་ལ་སྦྱར་བ་དང་། །སྔགས་ཀྱི་མཐར་ནི་རཀྵ་ཤཱནྟིཾ་གདགས་པར་བྱ། །སྤྱན་དྲངས་མཆོད་དང་བསྟོད་པ་ནི། །གཞན་ཡང་དཀྱུས་ལས་ཤེས་པར་བྱ། །
[58b.6]ཉམ་ཆུང་སྣོད་མེད་ཐེ་ཚོམ་རང་འཕུང་འགྱུར། །ཉམས་ལྡན་མ་ཡེངས་བསྒྲུབས་བྱས་ནས། །བླ་མ་དམ་པ་རྣམས་ཀྱི་ཞབས་ལ་གཏུགས། ཨ་ཏི། གུ་ཧེ། ཞར་ལ་འདི་ཡང་མཆོད་པ་སྟེ། །འཁར་སོགས་སྣོད་ནི་མཛེས་པ་རུ། །འོ་མ་དང་བཅས་སྨན་རྣམས་ཀྱིས། །བཀང་སྟེ་མདུན་དུ་བཞག་
[58b.7]པའོ། །དེ་སྟེང་བཞག་པའི་རྫས་རྣམས་ནི། །ཤིན་ཏུ་གསལ་བྱེད་གདན་སྟེངས་སུ། །ལྔ་ལྡན་མཐའ་ཡས་སྦྲུལ་དགུ་པ། །རྩི་སྨན་མཆོད་ཅིང་མདུན་གནས་པའོ། །བསྲེག་མནན་བསྐྱལ་བ་ཉམས་དང་སྦྱར། །བདག་རྣལ་འབྱོར་པ་སྡང་མིག་གིས་ལྟ་ཞིང་། ཡུངས་ཀར་གྱིས་བྲབ་
[59a]
[59a.1]པའོ། །གྲུ་གསུམ་དུ་བྲུབ་བོ། །དེ་ནས་སྔགས་གདབ་བོ། །དེ་ནས་ཐལ་མོ་བརྡབ་ཅིང་ནད་དང་གདོན་བགེགས་ཐམས་ཅད་བརླག་པར་བསམ་མོ། །ཡང་ཡང་ལྕགས་ཀྱུའི་ཕྱག་རྒྱ་བཅས་ཏེ་གོང་གི་མི་ལ་བསྟིམ་མོ། །དེ་ནས་ཕུར་པ་གདབ་ཅིང་བྲུབ་པར་བྱའོ། །ཨ་
[59a.2]ཏི་ཨེའི་ཚོགས་ཀྱི་རིམ་པ་ལ། དང་པོ་བདག་རྣལ་འབྱོར་པའི་མདུན་དུ་མཛུབ་གང་བའི་བྲུབ་ཁུང་གྲུ་གསུམ་བྲུས་ཏེ། དེའི་ནང་དུ་མིང་བྱང་བུ་ལ་བྲིས་ལ་གཞག །དེའི་ཁ་རུ་གཡམ་པ་སྔོན་པོ་ཅིག་ལ་ཡུང་བ་སེར་པོས་རི་རབ་དང་རྡོ་རྗེ་རྒྱ་གྲམ་གྱི་གཟུགས་བྲིས་ལ་བཞག །མ་གྲུབ་བྱས་ན་ལྟས་
[59a.3]ངན་འབྱུང་། །ཀུན་ལ་ཡོད་ན་ངོ་མཚར་ཆུང་། །ལྕེ་དབབ་པའི་བྱ་ཐབས་རྫོགས་སོ།། །།རྟེན་འབྲེལ་གྱི་མཐུས་བསྲུང་བའི་ཐབས་ནི། རྨ་བྱའི་མཁྲིས་པ་དང་། ཀ་ར་བསྲེ་ལ་བསྐུ། སའི་བདུད་རྩི་ལོ་ལྔ་བརྒྱ་ལོན་པ་ཡན་ཆོད་བསྐུའོ། །སྤོས་གུ་གུལ་ནག་པོ་དང་། གླ་རྩི་དང་། མུ་ཟི་དང་།
[59a.4]ལྡོང་རོས་དང་། དྲི་ཆེན་དང་ཆ་མཉམ་དུ་སྦྱར་ཏེ། སྦྲང་རྩིས་སྦྲུས་ཏེ་དུད་པ་བཏང་ངོ་། །སྨན་གྱི་ནུས་པ་ནི་འབྲས་བུ་གསུམ་དང་། བུས་པ་སྐྱེས་མ་ཐག་པའི་རང་འབྱུང་དང་བསྲེས་ཏེ། དྲི་ཆུས་སྦྲུས་པའི་རི་ལུ་ཁར་གཞག་གོ། །སྨན་གྱི་མཆོག་གིས་བསྲུང་བ་ནི། ཨ་རུ་ར་རྣམ་པར་
[59a.5]རྒྱལ་བ་བཅངས་པས་བསྲུང་བའོ། །ས་བདག་གི་ནད་ཐུབ་བོ།། །།ཉི་མ་ས་བླ་ན་ལ་སོགས་པ་ལ་འདི་གདགས་སོ། །ཤིག་བྱེར་ནན། མགོ་ནན། ཧ་ན་ཧ་ན་མཱ་ར་ཡ་རྦད་ནན། ཞེས་བཟླས་ཤིང་བསྲུང་བ་བྱའོ། །རྟེན་འབྲེལ་གྱི་མཐུས་བསྲུང་བ་རྫོགས་སོ།།{T2188}༄༅༅། །ལག་ན་རྡོ་རྗེ་ལྕེ་
[59a.6]དབབ་ཀྱི་སྔོན་འགྲོའི་ལག་ལེན་རྣལ་འབྱོར་སྤྱོད་ལམ་བརྒྱད་པ་བཞུགས། ༄༅༅། །བཅོམ་ལྡན་འདས་ཕྱག་ན་རྡོ་རྗེ་གོས་སྔོན་པོ་ཅན་ལ་ཕྱག་འཚལ་ལོ། །རྣལ་འབྱོར་པ་རྣམས་རྒྱུན་དུ་བྱ་བའི་ཆོ་ག་ནི། ཐུན་མོང་གི་སྤྱོད་ལམ་བརྒྱད་ཀྱིས་བསྟན་ཏེ། ཁྲུས་དང་། མཆོད་པའི་རྣལ་འབྱོར་དང་། ཟས་
[59a.7]དང་། སྐོམ་དང་། གཏོར་མ་དང་། སྒོམ་པ་བཟླས་བརྗོད་ཀྱི་སྤྱོད་ལམ་བརྒྱད་དོ། །དང་པོ་ཁྲུས་ཀྱི་རྣལ་འབྱོར་ནི། །རང་ཉིད་བསྐྱེད་པའི་རིམ་བསྒོམས་ཏེ། །རིན་ཆེན་བུམ་པ་མཛེས་པ་རུ། །ཆུ་གཙང་སྲོག་ཆགས་མེད་པ་དང་། །ཙནྡན་ལ་སོགས་དྲིས་སུ་དགང་། །བདག་གི་ཐུགས་ཀའི་ས་
[59b]
[59b.1]བོན་གྱིས། །བུམ་པ་སྦྱངས་ཏེ་བྷྲཱུཾ་གྱིས་བསྐྱེད། །དེ་རུ་ལྷ་བསྐྱེད་ཡེ་ཤེས་བསྟིམ། །མཆོད་བྱས་སྔགས་ནི་བཟླས་ནས་སུ། །གྲངས་ནི་ཐིམ་ནས་འོད་དུ་ཞུ། །རང་གི་ཐུགས་ཀའི་ས་བོན་གྱི། །ཡི་གེ་པཾ་བསྒོམ་པདྨར་གྱུར། །དེ་ཉིད་ནམ་མཁའི་སྟེང་ཕྱོགས་བསམ། །དེ་སྟེང་སངས་
[59b.2]རྒྱས་སྤྱན་ལ་སོགས། །རྫུས་སྐྱེས་བུམ་པ་ཐོགས་པ་བསམ། །རང་བཞིན་དཀྱིལ་འཁོར་ལྷ་མོ་ཡང་། །བདུད་རྩི་བུམ་པ་ཐོགས་ནས་སུ། །བཀྲ་ཤིས་རྡོ་རྗེ་གླུ་ལེན་ཅིང་། །བདུད་རྩི་དཀར་པོ་དྲི་མེད་ཀྱིས། །རང་གི་སྤྱི་བོར་བླུགས་པར་བསམ། །དྲི་མེད་དག་ནས་མི་བསྐྱོད་འགྱུར། །དེ་ནི་
[59b.3]དུས་ཆེན་ཁྱད་པར་དུ། །རྒྱུན་དུ་འགྲུབ་ན་བསོད་ནམས་ཆེ། །དེ་ནི་ཁྲུས་ཀྱི་རྣལ་འབྱོར་རྒྱས་པའོ། །དེ་ལས་བསྡུས་པ་འདོད་པ་ལ། །རང་ཉིད་སྟོང་པའི་ངང་ལས་ནི། །ས་བོན་ལས་ནི་ལྷར་བསྐྱེད་དེ། །ཁྲུས་ཀྱི་བུམ་པ་དག་ལ་ཡང་། །སྔགས་བཏབ་སྦྱངས་ཏེ་བདུད་རྩིར་གྱུར། །ཐུགས་
[59b.4]ཀའི་ཧཱུཾ་ལས་འོད་ཟེར་འཕྲོས། །རང་བཞིན་དཀྱིལ་འཁོར་ལྷ་ལ་ཕོག །ལྷོ་མོ་བུམ་པ་ཐོགས་པ་ཡིས། །བདུད་རྩིའི་ཆུ་བླུགས་སྒྲིབ་པ་དག །དེ་ལས་ཤིན་ཏུ་བསྡུས་པ་ནི། །སྐད་ཅིག་རྫུས་སྐྱེས་ལྷ་རུ་བསམ། །ཐུགས་ཀའི་ཧཱུཾ་ལས་འོད་ཟེར་འཕྲོས། །ཆུ་ལ་ཕོག་པས་བདུད་རྩིར་གྱུར། །ལྷ་མོ་
[59b.5]བུམ་པ་ཐོགས་པ་ཡིས། །ཁྲུས་བྱས་དྲི་མ་དག་པར་འགྱུར། །དེ་དག་ཀུན་གྱི་སྔོན་དུ་ནི། །སེམས་བསྐྱེད་པ་དང་ལྡན་བྱས་ཏེ། །བདག་དང་སེམས་ཅན་ཐམས་ཅད་ཀུན། །ཕྱག་རྒྱའི་དངོས་གྲུབ་ཐོབ་བྱའི་ཕྱིར། །བདག་གིས་ཁྲུས་ནི་འདི་བྱའོ། །མཐར་སྨོན་པ་ཡི་བྱང་ཆུབ་སེམས། །ཕྱག་
[59b.6]རྒྱའི་མཆོག་ཏུ་བསྔོ་བར་བྱའོ། །དེ་རྣམས་སྔགས་དང་ཕྱག་རྒྱ་ནི། །ཨོཾ་བཛྲ་སྣཱ་ན་ཧཱུཾ་ཕཊ། ཕྱག་རྒྱ་རྡོ་རྗེ་ཁུ་ཚུར་གཉིས། །མཐེ་བོང་བསྒྲེང་སྟེ་སྤྱི་བོར་བཞག །ཡང་ན་རྒྱུད་གཞན་སོ་སོ་ཡི། །སྔགས་དང་ཕྱག་རྒྱ་དག་གིས་བྱ། །དབང་བསྐུར་ཁྲུས་དང་ལྡན་པ་ཡིན། །དེ་ནས་མཆོད་པའི་རྣལ་
[59b.7]འབྱོར་བསྟན། །ས་གཞི་སྐྱོན་སྤངས་ཡོན་ཏན་ལྡན། །བ་ཡི་རྣམ་ལྔར་ལྡན་པ་ཡིས། །མཎྜལ་ཡིད་འོང་མཛེས་པར་བྱ། །ཚད་ལྡན་དབྱིབས་ལྡན་དེ་ལ་ནི། །དང་པོར་དྲི་ལྡན་ཆུ་ཡིས་ནི། །བྱུགས་ཚེ་ཉི་ཟླའི་གདན་དུ་བསམ། །དེ་སྟེང་མེ་ཏོག་འགྲེམས་པའི་ཚེ། །པདྨ་དག་ཏུ་གྱུར་བར་བསམ། །
[60a]
[60a.1]དེ་གསུམ་སྔགས་དང་བརྗོད་པར་བྱ། །མཆོད་པ་དྲི་མེད་བཤམས་ནས་ཀྱང་། །རང་ཉིད་ཆོ་གས་ལྷར་བསྐྱེད་དེ། །རང་གི་ཐུགས་ཀྱི་ས་བོན་ལས། །འོད་འཕྲོས་ཐུགས་ཀའི་ལྷ་ཡང་གསལ། །པདྨའི་སྟེང་དུ་གཟུགས་བརྙན་ཤར། །དེ་ནས་སྔགས་དང་ཕྱག་རྒྱ་
[60a.2]དང་། །ཏིང་འཛིན་ལྡན་པའི་འོད་ཟེར་གྱིས། །ཡེ་ཤེས་ལྷ་ནི་སྤྱན་དྲངས་ཏེ། །གཟུགས་བརྙན་ཉིད་ལ་བསྟིམ་པར་བྱ། །ཡང་ན་འོད་ཟེར་འཕྲོས་པས་སུ། །བླ་མ་སྤྱན་དྲངས་སྒྲིབ་པ་སྦྱང་། །མི་བསྐྱོད་གྱུར་ནས་དབུ་ལ་བཞུགས། །དང་པོ་ཕྱག་ནི་བཙལ་བྱ་སྟེ། །དེ་ནས་མཆོད་པ་
[60a.3]རྒྱས་པར་དབུལ། །དེ་ཡང་དང་པོ་བླ་མ་ལ། །དེ་ནས་དཀྱིལ་འཁོར་ལྷ་ལ་དབུལ། །མཆོད་པ་དབུལ་བའི་དབུལ་ས་ཡང་། །དང་པོ་མེ་ཏོག་གདན་བསམ་སྟེ། །ཞབས་གཉིས་ལ་ནི་དབུལ་བར་བྱ། །དེ་ནས་ཞལ་བསིལ་གདོང་དང་ཕྱག །འཐོར་འཐུང་ཞལ་གྱི་ནང་དུ་དབུལ། །ཉེ་རེག་
[60a.4]ཐུགས་ཀར་བྱུག་པར་བྱ། །ཡོན་ནི་ཞབས་ཀྱི་དྲུང་དུ་དབུལ། །སྐུ་ཁྲུས་དབུལ་དབུལ་བར་བྱ། །བདུག་སྤོས་ཤངས་ལ་དབུལ་བར་བྱ། །མེ་ཏོག་དབུལ་དབུལ་བར་བྱ། །ལྷ་བཤོས་ལྗགས་ལ་དབུལ་བར་བྱ། །སིལ་སྙན་སྙན་ལ་དབུལ་བར་བྱ། །རིན་ཆེན་མཛོད་སྤུར་དབུལ་བར་
[60a.5]བྱ། །གདུགས་དང་རྒྱལ་མཚན་ལ་སོགས་པ། །སྐུ་ཉིད་ལ་ནི་དབུལ་བར་བྱ། །དེ་ནི་ཕྱི་ཡི་མཆོད་པའོ། །ནང་གི་མཆོད་པ་འདི་ལྟ་སྟེ། །སྒེག་མོ་ལ་སོགས་ལྷ་མོ་རྣམས། །སྤྲུལ་ལ་མཆོད་པ་དབུལ་བར་བྱ། །གསང་བའི་མཆོད་པ་བདུད་རྩི་ཡིས། །ལྷ་རྣམས་དགྱེས་པ་
[60a.6]བསྐྱེད་པར་བསམ། །དེ་འོག་རྩ་བའི་ལྟུང་བ་རྣམས། །རང་གི་བློ་ལ་བགྲང་བསྔོ་བྱ། །ཉེས་པ་གང་བྱུང་དེ་ལ་ནི། །ཆེད་དུ་གཏང་དེ་བཤགས་པ་བྱ། །དང་པོར་བསམ་པ་གཙོར་བྱས་ཏེ། །ཚིག་གིས་ཀྱང་ནི་བཤགས་པ་བྱ། །དེ་འོག་ཡི་གེ་བརྒྱ་པས་སྦྱངས། །དེ་ནས་འཇིག་
[60a.7]རྟེན་འདས་པ་དང་། །འཇིག་རྟེན་པ་ཡི་དགེ་བ་ལ། །དགའ་བ་བསྐྱེད་དེ་རྗེས་ཡི་རང་། །དེ་འོག་བླ་མ་དཀྱིལ་འཁོར་དང་། །སངས་རྒྱས་བྱང་ཆུབ་སེམས་དཔའ་ལ། །མྱ་ངན་མི་འདའ་གསོལ་བ་གདབ། །དེ་ནས་ཆོས་ཀྱི་འཁོར་ལོ་ནི། །བསྐོར་བར་ཡང་ནི་གསོལ་བ་གདབ། །དེ་ནས་
[60b]
[60b.1]བླ་མ་སངས་རྒྱས་དང་། །བྱང་ཆུབ་སེམས་དཔའ་དག་ལ་ཡང་། །སྐྱབས་སུ་མཆི་ཞིང་ལུས་ཀྱང་དབུལ། །དེ་འོག་སྡོམ་པ་གཟུང་བར་བྱ། །རོལ་མོ་སིལ་སྙན་ལྡན་པ་ཡིས། །རྡོ་རྗེ་སྔགས་ནི་མགུར་བཅས་ནས། །ཉི་ཤུ་རྩ་གཅིག་བདུན་གསུམ་གྱིས། །ལྷ་རྣམས་ལ་ནི་བསྐོར་བར་
[60b.2]བྱ། །དེ་འོག་མཆོད་སོགས་དགེ་བ་རྣམས། །བྱང་ཆུབ་ཆེན་པོར་བསྔོ་བར་བྱ། །ཡེ་ཤེས་གཤེགས་ནས་ཏིང་འཛིན་བསྡུ། །དེ་ནས་ཅི་བདེར་དོན་གཞན་བྱ། །དེ་ནི་མཆོད་པ་རྒྱས་པའི་ཚད། །དེ་ལས་བསྡུས་པ་འདོད་པ་རྣམས། །མཎྜལ་དངོས་སམ་ཡིད་ཀྱིས་བསམ། །རང་
[60b.3]ཉིད་སྟོང་པའི་ངང་ལས་ནི། །ས་བོན་ལས་ནི་ལྷར་བསྐྱེད་དེ། །ཡེ་ཤེས་དཀྱིལ་འཁོར་སྤྱན་དྲངས་ཏེ། །རྫས་རྣམས་དངོས་སུ་མ་འབྱོར་ཡང་། །སྔགས་དང་ཕྱག་རྒྱ་ཏིང་འཛིན་གྱིས། །མཆོད་པ་རྣམ་ལྔ་གསང་མཆོད་ཙམ། །ཡིད་ཀྱིས་བཤགས་པ་ལ་སོགས་བྱ། །ཤིན་ཏུ་བསྡུས་
[60b.4]པ་འདོད་པ་ལ། །རང་ཉིད་སྐད་ཅིག་ལྷར་བསམས་ཏེ། །བླ་མ་ཡི་དམ་ལྷ་ལ་སོགས། །རྫུས་སྐྱེས་ཚུལ་དུ་མདུན་དུ་བསམ། །བསམ་པས་བདུད་རྩི་མཆོད་པ་དང་། །སྡིག་པ་བཤགས་དང་དགེ་རྩ་བསྔོ། །འདི་ནི་ཤིན་ཏུ་བསྡུས་པའོ། །ཟས་ཀྱི་རྣལ་འབྱོར་བསྟན་པ་ནི། །རང་ཉིད་
[60b.5]ཆོ་གས་ལྷར་བསྐྱེད་ལ། །ལྟེ་བའི་འོག་ཏུ་རླུང་བསམས་ཏེ། །དེ་སྟེང་འབྱུང་བ་མེ་བསམ་མོ། །རླུང་གི་མེ་ལྕེས་སྙིང་གར་སླེབས། །སྙིང་གའི་དཀྱིལ་འཁོར་ལྷ་གསལ་ཏེ། །འོད་ཀྱི་ཁང་པའི་ནང་ན་འབར། །ལྕེ་ནི་ཧཱུཾ་ལས་རྡོ་རྗེར་བསམ། །ཡར་རྐན་པཾ་ལས་པདྨ་བསམ། །དེ་ཉིད་ཐབས་
[60b.6]དང་ཤེས་རབ་ལྡན། །ཡང་ན་ཁ་ནི་དགང་གཟར་བསམ། །ལག་པ་བླུགས་གཟར་ཉིད་དུ་བསམ། །ཟས་རྣམས་བྱིན་གྱིས་བརླབ་པ་ནི། །སྣོད་ནི་ཨ་ལས་ཀ་པཱ་ལ། །རྫས་ནི་བདུད་རྩིའི་ཡི་གེ་ཡིས། །བདུད་རྩི་རྣམ་པ་ལྔ་རུ་བསམ། །དེ་འོག་རཾ་དང་ཡཾ་ལས་ནི། །མེ་དང་རླུང་གི་དཀྱིལ་
[60b.7]འཁོར་ནི། །གྲུ་གསུམ་ཟླ་གམ་བ་དན་ཅན། །ཐོད་པའི་ནང་གི་ཡི་གེ་གསུམ། །མུ་ཏིག་བསྟར་ལ་བརྒྱུས་པ་བཞིན། །དེ་སྟེང་རྡོ་རྗེའི་ལྟེ་བ་ལ། །ཡི་གེ་ཧཱུཾ་གིས་མཚན་པར་བསམ། །དེ་སྟེང་ཟླ་བའི་དཀྱིལ་འཁོར་ལ། །ཡི་གེ་ཨོཾ་གྱིས་མཚན་པར་བསམ། །ཡི་གེ་ཧཱུཾ་གི་འོད་ཟེར་གྱིས། །
[61a]
[61a.1]བ་དན་བསྐྱོད་པས་རླུང་བྱུང་སྟེ། །རླུང་གིས་མེ་སྦར་བདུད་རྩི་བཞུ། །ཧཱུཾ་གིས་བསྡུས་ཤིང་ཨཱཿ་ས་སུ་ཞུ། །ཨོཾ་གྱིས་ཁ་དོག་དཀར་པོར་བསྒྱུར། །སླར་ཡང་གྱེན་དུ་སྤྲོས་པས་སུ། །སྟེང་གི་ཨོཾ་བསྐུལ་འོད་ཟེར་འཕྲོས། །རང་བཞིན་ལྷ་ཡི་མཛོད་སྤུར་ཕོག །གཉིས་མེད་
[61a.2]རོལ་པས་བྱང་སེམས་ཕབ། །དང་པོར་ཨོཾ་ཕོག་ཟླ་བ་ཞུ། །དམ་ཚིག་དང་འདྲེས་རྡོ་རྗེ་ཕབ། །ཆ་གཉིས་གཅིག་འདྲེས་རྡོ་རྗེར་ཞུ། །བདུད་རྩི་དྲི་མེད་དཀར་པོ་དེས། །སྙིང་གའི་ལྷ་ལ་མཆོད་བྱས་ཏེ། །སྦྱིན་སྲེག་ཚུལ་དུ་བཟའ་བར་བྱ། །ཟས་ཀྱི་རྣལ་འབྱོར་རྒྱས་པའོ། །རང་ཉིད་ལྷག་
[61a.3]པའི་ལྷར་བསམས་ཏེ། །སྙིང་གར་ལྷ་ཡི་རྣལ་འབྱོར་བསམ། །ཟས་རྣམས་བྱིན་གྱིས་བརླབ་པ་ནི། །པདྨ་མཛེས་པའི་སྣོད་དག་ཏུ། །བདུད་རྩི་རྣམ་པ་ལྔ་བསམས་ཏེ། །ལག་པ་གཡོན་པའི་ཟླ་སྟེང་ནས། །ཨོཾ་ལས་འོད་འཕྲོས་བདུད་རྩི་བསྲེགས། །གཡས་ཀྱི་ཉི་མའི་སྟེང་ནས་ནི། །
[61a.4]ཨཱཿལས་འོད་འཕྲོས་བདུད་རྩི་སྤེལ། །གཉིས་ཀ་ལས་ནི་ཧཱུཾ་འཕྲོས་ཏེ། །བདུད་རྩི་རྣམས་ནི་འོད་དུ་འབར། །ཧོ་ལས་འོད་འཕྲོས་བདུད་རྩི་ཞུ། །དེ་ནས་ཐུགས་ཀའི་ལྷ་མཆོད་དོ། །དེ་ནི་བསྡུས་པའི་རྣལ་འབྱོར་རོ། །སྐད་ཅིག་རྫུས་སྐྱེས་རྣལ་འབྱོར་གྱིས། །བདག་དང་ཐུགས་ཀའི་ལྷ་
[61a.5]གཉིས་གསལ། །ཐུགས་ཀའི་ཧཱུཾ་ལས་འོད་འཕྲོས་པས། །ཟས་ལ་སོགས་པ་བདུད་རྩིར་བཞུ། །སླར་ཡང་ཡེ་ཤེས་བདུད་རྩི་འབབ། །ཆ་གཉིས་འདྲེས་པའི་བདུད་རྩི་དེ། །ཐུགས་ཀའི་ལྷ་ལ་མཆོད་པར་བྱ། །ཤིན་ཏུ་བསྡུས་པའི་རྣལ་འབྱོར་རོ། །བཏུང་བའི་རྣལ་འབྱོར་བསྟན་པ་ནི། །
[61a.6]རང་ཉིད་བསྐྱེད་པ་ལ་སོགས་ནི། །ཟས་ཀྱི་རྣལ་འབྱོར་ཉིད་དང་མཐུན། །བཏུང་བ་བྱིན་གྱིས་བརླབ་པ་ནི། །སྣོད་ནི་ཨ་ལས་ཀ་པཱ་ལ། །བྱིན་གྱིས་བརླབས་ནས་དེ་ནང་དུ། །བྱང་ཆུབ་སེམས་ཀྱི་ས་བོན་བསམ། །ཐུགས་ཀའི་ཡི་གེའི་ས་བོན་ལས། །ཧ་འཕྲོས་པས་ནི་རྣམ་རྟོག་སྦྱངས། །
[61a.7]ཧྲཱིཿ་ས་ནི་འོད་འབར་རོ་རྣམས་སྦྱངས། །ཧོས་ནི་དྲི་མེད་བདུད་རྩིར་བཞུ། །ལག་པ་གཡོན་གྱི་མཐེ་བོང་ནི། །ཧཱུཾ་གིས་ས་གཞི་བྱིན་གྱིས་བརླབས། །སྲིན་ལག་གསུམ་ལས་རི་རབ་ཏུ། །བྱིན་གྱིས་བརླབས་པའི་བང་རིམ་ལས། །ཡི་གེ་མཾ་ལས་འོད་འཕྲོས་ཏེ། །དེ་བཞིན་གཤེགས་པའི་སྨིན་
[61b]
[61b.1]མཚམས་ཕོག །ཡབ་ཡུམ་གཉིས་མེད་སྦྱོར་བ་ལས། །བྱང་ཆུབ་སེམས་ཀྱི་བདུད་རྩི་བབ། །ཡང་ན་ཡུམ་ཆེན་མཱ་མ་ཀཱི། །བདུད་རྩི་ཐོགས་པ་དཔག་མེད་བྱུང་། །དམ་ཚིག་བདུད་རྩིའི་ནང་དུ་བྱའོ། །ཆ་གཉིས་གཅིག་ཏུ་འདྲེས་པ་ཡི། །བདུད་རྩི་རི་རབ་དག་གིས་བསྲུབས། །རི་
[61b.2]རབ་ཉིད་ཀྱང་འོད་དུ་ཞུ། །བདུད་རྩི་དྲི་མེད་དཀར་པོ་དེས། །ཐུགས་ཀའི་དཀྱིལ་འཁོར་ལྷ་རྣམས་ལ། །སྦྱིན་སྲེག་ཚུལ་ལམ་མཆོད་པ་ཡི། །ཚུལ་གྱིས་འཐུངས་པས་བདེ་བ་བསྐྱེད་པར་འགྱུར་བའམ། །ཡང་ན་བདུད་རྩིའི་མཆོད་པ་ནི། །ཕྱི་རོལ་མཎྜལ་སྣོད་སྟེང་དུ། །ཆོས་
[61b.3]འབྱུང་གྲུ་གསུམ་བྲི་བར་བྱ། །མེ་ཏོག་ཚོམ་བུ་དགོད་པར་བྱ། །རྫོགས་པའི་རྣལ་འབྱོར་ཏིང་འཛིན་གྱིས། །ཡེ་ཤེས་དཀྱིལ་འཁོར་སྤྱན་དྲངས་ཏེ། །པདྨའི་སྟེང་དུ་བཞུགས་བསམས་ལ། །སོ་སོའི་རྩ་བའི་སྔགས་ཀྱིས་ནི། །བདུད་རྩིའི་འཐོར་འཐུང་མཆོད་པ་དབུལ། །ཐབས་དང་
[61b.4]ཤེས་རབ་དང་ལྡན་པས། །རྡོ་རྗེའི་གླུ་ནི་ཕྲ་མོ་ཡིས། །ལན་གསུམ་སྐུ་གསུང་ཐུགས་ལ་མཆོད། །དེ་ནས་ཐུགས་ཀའི་དཀྱིལ་འཁོར་མཆོད། །དེ་ནི་རྒྱས་པའི་རྣལ་འབྱོར་རོ། །བསྡུས་དང་ཤིན་ཏུ་བསྡུས་པ་གཉིས། །ཟས་ཀྱི་རྣལ་འབྱོར་ཉིད་དང་མཐུན། །གཏོར་མའི་རྣལ་འབྱོར་བསྟན་
[61b.5]པ་ནི། །རང་ཉིད་བསྐྱེད་རིམ་ཚུལ་བསྒོམས་ལ། །གཏོར་མ་བྱིན་གྱིས་བརླབ་པ་ནི། །ཟས་ཀྱི་རྣལ་འབྱོར་ཉིད་དང་མཐུན། །མཆོད་པར་བྱ་བའི་མགྲོན་རྣམས་ནི། །འཇིག་རྟེན་འདས་དང་འཇིག་རྟེན་པ། །མདུན་དུ་པཾ་ལས་པདྨར་བསྐྱེད། །འདབ་བརྒྱད་སྟེང་དུ་དུར་ཁྲོད་བརྒྱད། །དབུས་
[61b.6]ཀྱི་ལྟེ་བར་ཨེ་ལས་ནི། །དར་མོ་ད་ཡའི་ཆོས་འབྱུང་བསམ། །དེ་ནས་འཇིག་རྟེན་འདས་པར་བསྐྱེད། །ཕྱི་རོལ་དུར་ཁྲོད་བརྒྱད་ལ་ནི། །འཇིག་རྟེན་པ་ཡི་འཁོར་རྣམས་བསྐྱེད། །རང་བཞིན་དཀྱིལ་འཁོར་རྣམ་གཉིས་ཀྱང་། །སྤྱན་དྲངས་དམ་ཚིག་དག་ལ་བསྟིམ། །སོ་སོའི་
[61b.7]སྔགས་དང་ཕྱག་རྒྱ་ཡིས། །གཏོར་མ་བསྟབས་ཤིང་ཕྲིན་ལས་བཅོལ། །སིལ་སྙན་རྡོ་རྗེ་མགུར་གླུར་ལྡན། །མཆོད་ཅིང་བསྟོད་ནས་གཤེགས་སུ་གསོལ། །ཏིང་འཛིན་བསྡུས་ཏེ་དགེ་རྩ་བསྔོ། །དེ་ནི་རྣལ་འབྱོར་རྒྱས་པའོ། །བསྡུས་པ་སྟོང་ཉིད་ངང་ལས་ནི། །ས་བོན་ལས་ནི་ལྷར་
[62a]
[62a.1]བསྐྱེད་དེ། །གཏོར་མ་བྱིན་གྱིས་བརླབ་པ་ནི། །ཟས་ཀྱི་རྣལ་འབྱོར་འབྲིང་དང་མཐུན། །ཤིན་ཏུ་བསྡུས་པའི་རྣལ་འབྱོར་ནི། །སྐད་ཅིག་རྫུས་སྐྱེས་ལྷར་བསྐྱེད་ལ། །གཏོར་མ་སོ་སོའི་ས་བོན་གྱིས། །སྦྱང་བ་བྱས་ཏེ་གོང་དང་མཐུན། །དེ་རྣམས་གཏོར་མའི་
[62a.2]རྣལ་འབྱོར་རོ། །དེ་ནས་སྤྱོད་ལམ་རྣལ་འབྱོར་ནི། །ནང་པར་ལངས་པའི་ཚེ་ན་ནི། །བདག་རང་ཡི་དམ་ལྷར་བསམས་ཏེ། །འགྲོ་བ་ཕོ་རྣམས་ཐམས་ཅད་ནི། །བདེ་གཤེགས་སྤྲུལ་པ་ཉིད་དུ་བལྟ། །འགྲོ་བ་མོ་རྣམས་ཐམས་ཅད་ནི། །བདེ་གཤེགས་ཡུལ་གྱི་ལྷ་མོར་བལྟ། །སྣོད་
[62a.3]ཀྱི་འཇིག་རྟེན་འདི་དག་ཀུན། །ལྷ་ཡི་གཞལ་ཡས་ཉིད་དུ་བལྟ། །ཐམས་ཅད་སྒྱུ་མའི་རང་བཞིན་དུ། །ཐབས་དང་ཤེས་རབ་རོལ་པས་སྤྱོད། །ཉོན་མོངས་དྲག་པོ་ལངས་ཙམ་ན། །གང་དང་གང་འདུལ་གཉེན་པོར་བསྟེན། །འགྲོ་བ་སེམས་ཅན་དོན་བྱ་སྙམ། །འདུག་ན་བྱང་ཆུབ་སྙིང་
[62a.4]པོར་འཇུག །ནུབ་མོ་ཉལ་བའི་ཚེ་ན་ནི། །ཆོས་ཉིད་སྟོང་པའི་ངང་ལས་ཉལ། །དགེ་བའི་བསམ་པས་ཉལ་བར་བྱའོ། །བསྡུས་པའི་སྤྱོད་ལམ་བྱ་བ་ནི། །དང་པོ་ནང་པར་ལངས་ཚེ་དང་། །ཉིན་མོ་ཐུན་མཚམས་བཞི་རྣམས་དང་། །ནུབ་མོ་ཉལ་བའི་དུས་དག་ཏུ། །རྣལ་འབྱོར་པ་ཉིད་གོང་
[62a.5]བཞིན་བྱ། །ཤིན་ཏུ་བསྡུས་པའི་སྤྱོད་ལམ་ནི། །དང་པོར་ནང་པར་ལངས་དུས་དང་། །ནུབ་མོ་ཉལ་བའི་དུས་དག་ཏུ། །སྤྱོད་ལམ་གོང་བཞིན་དྲན་པར་བྱ། །རྣལ་འབྱོར་དེ་རྣམས་ཀུན་ལ་ཡང་། །སྔོན་དུ་བྱང་ཆུབ་སེམས་བསྐྱེད་ཅིང་དགེ་བ་བྱང་ཆུབ་བསྔོ། །དེ་ལྟར་རྒྱུན་
[62a.6]དུ་བྱས་པ་ཡི། །དགེ་བའི་མཐུ་ཡི་བྱིན་རླབས་ཀྱིས། །ཕྱག་རྒྱ་མཆོག་གི་གྲོགས་འགྱུར་ཞིང་། །ཐུན་མོང་དངོས་གྲུབ་ཐོབ་པར་འགྱུར། །དངོས་གྲུབ་རྣམ་གཉིས་མ་ཐོབ་ཀྱང་། །ལྷ་དང་མི་ཡི་རིགས་སྐྱེ་ཞིང་། །བསོད་ནམས་ལྷུན་གྲུབ་ཐོབ་པར་འགྱུར། །བསྒོམ་དང་བཟླས་པའི་
[62a.7]བསྡུས་རྒྱས་ནི། །རྒྱུད་དང་སྒྲུབ་ཐབས་ལ་སོགས་སུ། །བླ་མའི་ཞལ་གྱི་མན་ངག་གིས། །ཤེས་པར་བྱས་ཏེ་ཉམས་སུ་བླང་། །སྒོམ་པ་བསྟན་པའི་རིམ་པ་ཡང་། །བླ་མ་འཆད་པའི་རྒྱུད་ཤེས་པས། །སློབ་མ་ཉིད་ཀྱིས་ཤེས་པར་བྱ། །རིན་ཆེན་ལྟ་བུའི་གང་ཟག་ལ། །རྫོགས་
[62b]
[62b.1]པའི་མན་ངག་རིམ་པ་བསྟན། །དེ་ལས་གཞན་པའི་སློབ་མ་ལ། །བསྐྱེད་པའི་རིམ་པའི་མན་ངག་བསྟན། །དེ་ལ་བསྟན་ནས་ཕྱི་དུས་སུ། །རྫོགས་པའི་རིམ་པ་བསྟན་དུ་རུང་། །དེ་ལས་གཞན་པ་ཁ་ཅིག་ལ། །ཟབ་མོའི་དོན་རྣམས་མི་བསྟན་པར། །མི་ཟད་དབྱིངས་ཀྱི་ཆོས་རྣམས་
[62b.2]བསྟན། །དེ་རྣམས་གསུམ་གྱི་འབྲས་བུ་ནི། །སྐྱེ་བ་འདི་ལ་འབྱུང་བ་དང་། །སྐྱེ་བ་བདུན་ལ་འབྱུང་བའོ། །འཇིག་རྟེན་གསུམ་གྱི་ལས་ཀྱིས་ནི། །ཐུན་མོང་དངོས་གྲུབ་ཁོ་ན་འགྲུབ། །དཔེར་ན་སྟོན་གྱི་མེ་ཏོག་བཞིན། །འབྲས་བུ་དག་ལ་སྤྲོ་བསྐྱེད་ལ། །བརྩོན་འགྲུས་ཆེན་པོའི་གོ་ཆ་
[62b.3]གྱོན། །ལེ་ལོ་སྤངས་ཤིང་ཉིན་མཚན་དུ། །རྣལ་འབྱོར་དག་ནི་ཆགས་མི་བྱ། །སྙོམ་ལས་ལེ་ལོས་ཆགས་གྱུར་ནས། །བདེ་གཤེགས་བཀའ་ལས་འདས་པ་ན། །རྩ་བའི་རབ་འབྲིང་ཐ་མ་ལ། །ཐ་མས་ཉམས་པའི་ཆར་འགྱུར་བས། །ཉམས་པ་སྦྱང་ཞིང་སླར་གསོ་བ། །བླ་མ་
[62b.4]མཆོད་པའི་དུས་སུ་ནི། །ཡི་གེ་བརྒྱ་པའི་ཆོ་ག་ཡིས། །སྦྱངས་པས་སླར་ནི་སོར་ཆུད་འགྱུར། །འདི་དང་མི་ལྡན་སྔགས་པ་ནི། །གླང་ཆེན་མྱོས་འདྲ་ཇི་བཞིན་ནོ། །འདི་དང་ལྡན་པའི་སྔགས་པ་ནི། །སེང་ཕྲུག་སེང་གེའི་གདུང་འཚོབ་འདྲ། །དེ་ལ་ནན་ཏན་ཆེར་བསྐྱེད་ཅིག །ཕྱག་ན་རྡོ་
[62b.5]རྗེ་ལྕེ་དབབ་ཀྱི་སྔོན་དུ་འགྲོ་བའི་ཡན་ལག །རྣལ་འབྱོར་གྱི་སྤྱོད་ལམ་བརྒྱད་པ་ཞེས་བྱ་བ། སློབ་དཔོན་རྒྱལ་བུ་སྤྲིན་གྱི་ཤུགས་ཅན་གྱིས་མཛད་པ་རྫོགས་སོ།། །།སློབ་དཔོན་རྒྱལ་བུ་སྤྲིན་གྱི་ཤུགས་ཅན་གྱིས་རྒྱུད་དང་མི་འགལ་བར་མཛད་པའོ། །ཛ་ཡཱ་ཀ་ར་དང་། མར་པ་ལོ་
[62b.6]ཙཱ་བས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།{T2189}༄། །གསང་བའི་བདག་པོ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་བཞུགས། ༄༅༅། །གསང་བའི་བདག་པོ་ལག་ན་རྡོ་རྗེ་གོས་སྔོན་ཅན་ལ་ཕྱག་འཚལ་ལོ། །ཕྱག་ན་རྡོ་རྗེ་གོས་སྔོན་པོ་ཅན་བསྒྲུབ་པར་འདོད་པའི་རྣལ་འབྱོར་
[62b.7]པས། དང་པོར་ཁྲུས་བྱས་སྟན་བདེ་བ་ལ་འདུག་སྟེ། ཡན་ལག་བདུན་དང་ལྡན་པའི་སེམས་བསྐྱེད་པར་བྱའོ། །རང་གི་སྙིང་གར་ཉི་མ་དང་ཟླ་བ་ལ་གནས་པའི་ས་བོན་གྱིས་གོས་སྔོན་པོ་ཅན་དང་། སངས་རྒྱས་དང་བྱང་ཆུབ་སེམས་དཔའ་ལ་སོགས་པ་སྤྱན་དྲངས་ཏེ། ས་བོན་ལས་
[63a]
[63a.1]བྱུང་བའི་མཆོད་པས་མཆོད་དོ། །དེ་ནས་འདི་སྐད་དུ། དཔལ་ཕྱག་ན་རྡོ་རྗེ་དང་། སངས་རྒྱས་དང་བྱང་ཆུབ་སེམས་དཔའ་ལ་སོགས་པ་ཕྱོགས་བཅུ་ན་བཞུགས་སོ་འཚལ་ལ། །བདག་ལུས་ངག་ཡིད་ཀྱིས་སྒོ་ནས་ཕྱག་འཚལ་ཞིང་སྐྱབས་སུ་གསོལ་ལོ། །མཆོད་པ་བླ་
[63a.2]ན་མེད་པ་འདོད་པའི་ཡོན་ཏན་གྱི་ཆར་དག་པའི་སེམས་ཀྱིས་སྤྲུལ་ཞིང་མཆིས་ན། ཐུགས་རྗེའི་དབང་གིས་བཞེས་སུ་གསོལ། ཐོག་མ་མེད་པའི་དུས་ནས་དུག་གསུམ་གྱི་དབང་གིས་སྡིག་པ་ཅི་བགྱིས་པ་རྣམས་སོ་སོར་བཤགས་ཤིང་སླན་ཆད་ཀྱང་སྡོམ་པར་བགྱིད་དོ། །བདེ་བར་
[63a.3]གཤེགས་པ་གང་དག་བསྐུལ་བའི་ས་ལ་བཞུགས་པ་རྣམས་ལ། ཆོས་ཀྱི་འཁོར་ལོ་བསྐོར་བར་བསྐུལ་བར་བགྱིའོ། །བདེ་བར་གཤེགས་པ་གང་དག་མྱ་ངན་ལས་འདའ་བར་བཞེད་པ་རྣམས་ལ་འཁོར་བ་ཇི་སྲིད་པར་མྱ་ངན་ལས་མི་འདའ་བར་གསོལ་བ་འདེབས་སོ། །དགེ་བའི་རྩ་བ་དེ་དག་ཐམས་ཅད་ཀྱང་བླ་ན་
[63a.4]མེད་པའི་བྱང་ཆུབ་ཏུ་བསྔོ་བར་བགྱིའོ། །ཇི་ལྟར་དུས་གསུམ་སངས་རྒྱས་རྣམས་ཀྱི་ཐུགས་བྱང་ཆུབ་ཏུ་སེམས་བསྐྱེད་ཅིང་དངོས་པོ་ཐམས་ཅད་དང་བྲལ་བ། སྟོང་པ་ཉིད་ཀྱི་རང་བཞིན་དུ་ཐུགས་བསྐྱེད་པ་བཞིན། །བདག་གིས་ཀྱང་སེམས་བསྐྱེད་པར་བགྱིའོ། །གཞན་ཡང་བདག་གིས་
[63a.5]འཕགས་པ་རྣམས་ལ་ལུས་ཕུལ་ཏེ། སེམས་ཅན་ཐམས་ཅད་མྱ་ངན་ལས་འདའ་བར་བགྱིའོ། །དེ་ནས་རྒྱུ་བ་དང་མི་རྒྱུ་བའི་དངོས་པོ་ཐམས་ཅད་སྟོང་པ་ཉིད་དུ་བསམ་པར་བྱའོ། །དེའི་ངང་ལས་ཡཾ་ལས་རླུང་གི་དཀྱིལ་འཁོར་གྱི་སྟེང་དུ་ཟླ་བ་དང་ཉི་མའོ། །དེའི་སྟེང་དུ་ཧཱུཾ་སྔོན་པོ་ལས་བྱུང་
[63a.6]བའི་རྡོ་རྗེ་ཡོངས་སུ་གྱུར་པ་ལས་བྱུང་བའི་གོས་སྔོན་ཅན་གྱི་གཟུགས་སུ་གྱུར་པར་བྱའོ། །དེ་ནས་ཡུངས་ཀར་ཕྱོགས་སུ་གཏོར་བར་བྱ་ཞིང་། ཨོཾ་ཨཱཿབིགྷྣཱནྟ་ཀྲྀཏ་ཧཱུཾ་ཕཊ། ཅེས་བརྗོད་ཅིང་བསྐྲད་པར་བྱའོ། །ལྕགས་ཀྱུའི་ཕྱག་རྒྱ་བཅས་ཏེ། ས་བོན་ལས་འོད་ཟེར་སྤྲོས་ཏེ་སྤྱན་དྲང་
[63a.7]བར་བྱའོ། །གཟུངས་ཀྱི་མཇུག་ལ། ཨོཾ་ན་མཿས་མ་ཡ་མཎྜལ་མ་དེ། ཨཱ་གཙྪ་ཡ་ཨཱ་གཙྪ་ཡ། པྲ་བེ་ཤ་ཡ་པྲ་བེ་ཤ་ཡ། ཨཱ་བ་ལོ་ཀཱ་ཡ་ཨཱ་བ་ལོ་ཀཱ་ཡ་ཧཱུཾ་སྭཱ་ཧཱ། ཞེས་བྱ་བ་བཏགས་ཏེ་སྤྱན་དྲང་བར་བྱའོ། །དེ་ནས་དེ་ལ་མཆོད་པ་དབུལ་བར་བྱའོ། །ཧྲཱི་ཏི་ཧ་ཞེས་པས་ཨརྒྷ་ཡིའོ། །ཨོཾ་
[63b]
[63b.1]བཛྲ་པུཥྤེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་སྭཱ་ཧཱ། ཞེས་པས་མེ་ཏོག་དབུལ་དབུལ་ལོ། །ཨོཾ་བཛྲ་དྷཱུ་པ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་སྭཱ་ཧཱ། ཞེས་པས་བདུག་པ་མདུན་དུའོ། །ཨོཾ་བཛྲ་དཱི་པཾ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་སྭཱ་ཧཱ། ཞེས་པས་མར་མེ་སྤྱན་ལའོ། ཨོཾ་བཛྲ་གྷནྡྷེ་པཱུ་ཛ་མེ་
[63b.2]གྷ་ས་མུ་དྲ་སྥ་ར་ཎ་ས་མ་ཡེ་སྭཱ་ཧཱ། ཞེས་པས་དྲི་ཐུགས་ཀར་རོ། །ཨོཾ་བཛྲ་ནཻ་བི་དྱེ་པཱུ་ཛ་མེགྷ་ས་མུ་དྲ་སྥ་ར་ཎ་ས་མ་ཡེ་སྭཱ་ཧཱ། ཞེས་པས་ཞལ་ཟས་ཞལ་དུའོ། །ཨོཾ་བཛྲ་གཱི་ཏི་གྷཎྚ་གྷཎྚ་སྭཱ་ཧཱ། ཞེས་པས་སི་ལ་སྙན་སྙན་ལའོ། །དེ་ནས་བསྟོད་དོ། །ཨོཾ་བཛྲ་ས་མ་ཡ་སྟྭཾ། ཞེས་པས་གཉིས་སུ་
[63b.3]མེད་པར་བྱའོ། །དེ་ནས་དབང་བསྐུར་བར་བྱའོ། །དེ་ནས་རང་གི་སྙིང་གར་རཾ་ལས་བྱུང་བའི་ཉི་མའི་སྟེང་དུ། རང་གི་ས་བོན་ལས་བཟླས་པར་བྱ་བའི་ཡི་གེས་བསྐོར་བར་བྱའོ། །བློས་དམིགས་པར་བྱ་སྟེ། སྔགས་བཟླས་པར་བྱའོ། །སྔགས་ནི་འདི་ཡིན་ཏེ། ཏདྱ་ཐཱ། བྷོ་བྷོ་བན་ནཱ་གཱ་
[63b.4]དྷི་པ་ཏ་ཡེ། ཨི་དན་ནཱི་ལཱཾ་བ་ར་དྷ་ར་ཤ་རཱི་རཾ། བཛྲ་པཱ་ནི་ཧྲྀ་ད་ཡཾ། ཡཿ་ས་མཱ་ཏི་ཀྲ་མཱ་ཏི། །ཨུཏྶཱ་ད་ནཾ། བྷ་བི་ཤུདྡྷེ། ཏདྱ་ཐཱ། བུདྡྷྱ་བུདྡྷྱ། བི་བུདྡྷ། མ་ཏི་པྲཱ་པྟ། ཧ་ར་ཧ་ར། ནཱ་གཱ་ནཱཾ། པྲ་ཧ་ར་པྲ་ཧ་ར། ནཱ་གཱ་ནཱཾ། ཙྪིནྡ་ཙྪིནྡ། ནཱ་ག་ཧྲྀ་ད་ཡ་ནི། བྷིནྡ་བྷིནྡ། ནཱ་ག་ད་མཱ་
[63b.5]ནི། བི་སི་མཱ་ད་ནཱ་ག་ཤ་རཱི་ར་ཎི། བི་སྥོ་ཊ་ཡ། ནཱག་ན་ཡ་ནཱ་ནི། །ཏདྱ་ཐཱ། ནཱ་ག་བི་དཱ་ར་ཎཱ་ཡ་ཧཱུཾ་ཕཊ། ནཱ་གོ་ཚ་ད་ནཱ་ཡ་ཧཱུཾ་ཕཊ། ནཱི་ལཱཾ་བ་ས་སྟ་ནཱ་ཡ་ཧཱུཾ་ཕཊ། ཨ་པྲ་ཏི་ཧ་ཏ་པ་ལ་པ་རཱ་ཀྲ་མཱ་ཡ་ཧཱུཾ་ཕཊ། རོ་ཥ་ཎཱ་ཡ་ཕཊ། ཀུཥྨ་ཎྜོ་ཏྶཱ་ཡ་ཕཊ། པྲེ་ཏ་
[63b.6]པི་ཤཱ་ཙ་བི་ནཱ་ཤ་ཀ་རཱ་ཡ་ཕཊ། ཡཀྵ་ཨ་པ་སྨཱ་ར་བི་ནཱ་ཤ་ཀ་རཱ་ཡ་ཕཊ། ཧ་ས་ཧ་ས། དྷ་ར་དྷ་ར། མཱ་ར་ཡ་མཱ་ར་ཡ། བྷ་ཀྵ་ཡ་བྷ་ཀྵ་ཡ། སརྦ་བགྷྣ་བི་ནཱ་ཤ་ཀ་རཱ་ཡ་ཕཊ། སརྦྦ་ཤ་ཏྲཱུཾ་སཾ་གྷ་བི་ནཱ་ཤ་ཀ་རཱ་ཡ་ཕཊ། ནཱི་ལཱཾ་བ་ར་དྷ་ར་བཛྲ་པཱ་ཎི་ཛྙཱ་པ་ཡ་ཏི་སྭཱ་ཧཱ། ཞེས་བཟླས་པར་བྱའོ། །གལ་ཏེ་གཏོང་བར་
[63b.7]འདོད་ན། བཟོད་པར་གསོལ་བ་དང་། དགེ་བའི་རྩ་བ་བསྔོ་ཞིང་། སྨོན་ལམ་གདབ་བོ། །དེ་ནས་ཨོཾ་ཨཱཿཧཱུཾ་མུཿ་ཞེས་པས་ཡེ་ཤེས་ཀྱི་ལྷ་གཤེགས་སུ་གསོལ། དེ་ནས་ཐམས་ཅད་མི་དམིགས་པར་བསྒོམ་པར་བྱའོ། །ཡི་གེ་བརྒྱ་བའི་གསང་སྔགས་བརྗོད་པར་བྱའོ། །བླ་མ་ལ་གུས་པ་
[64a]
[64a.1]དང་། ཤེས་རབ་དང་། སྙིང་རྗེ་དང་ལྡན་ཞིང་། ཁྱད་པར་དུ་གང་ལ་དད་པ་ཆེར་ཡོད་པ་དེ་ལ་མྱུར་དུ་འགྲུབ་པར་འགྱུར་རོ། །གསང་བ་པའི་བདག་པོ་ལག་ན་རྡོ་རྗེའི་སྒྲུབ་ཐབས། སློབ་དཔོན་ཆེན་པོ་ནག་པོ་ཞབས་ཀྱིས་མཛད་པ་རྫོགས་སོ།། །།{T2190}༄༅༅། །རྒྱ་གར་སྐད་དུ།
[64a.2]ཙཎྜ་#བཛྲ་ཀྲོ་དྷ་དེ་བ་པཉྩ་ནཱ་#མ་མཎྜལ་བི་དྷིཿ། བོད་སྐད་དུ། རྡོ་རྗེ་#ཁྲོ་བོ་གཏུམ་པོ་ལྷ་ལྔ་པ་ཞེས་བྱ་བའི་དཀྱིལ་འཁོར་གྱི་ཆོ་ག །བཅོམ་ལྡན་འདས་ཕྱག་ན་རྡོ་རྗེ་ལ་ཕྱག་འཚལ་ལོ། །གཏུམ་པོ་ཁྲོས་པས་ཞེ་སྡང་འཇོམས། །སྟོང་ཉིད་སྙིང་རྗེ་དབྱེར་མེད་པ། །རྡོ་རྗེ་འཆང་ལ་རབ་བཏུད་
[64a.3]ནས། །དེ་ཡི་དཀྱིལ་འཁོར་ཆོ་ག་བཤད། །དུར་ཁྲོད་ལ་སོགས་གནས་ཆེན་དུ། །གཟའ་#སྐར་དུས་ཚེས་བཟང་པོ་ལ། །བསྙེན་པ་རྫོགས་པའི་སློབ་དཔོན་གྱིས། །ས་བརྟག་པ་དང་བསླང་#བ་དང་། །མེ་ཏོག་སྔོན་པོ་ལྔ་དོར་ཞིང་། །བྱིན་དང་མ་བྱིན་ལྟས་ཀྱང་བརྟག །ཕན་ཚུན་མང་
[64a.4]ཉུང་ཨུཏྤལ་ཁ། །ཨོཾ་བཛྲ་པཱ་#ཎི་པུཥྤ་པཱུ་ཛ་ཧཱུཾ། །སྔགས་དེར་བསྐྱར་#ཞིང་མེད་དང་མཚུངས། །བཙོ་མ་གསེར་མདོག་རིན་ཆེན་ལ། །རྔན་པ་བྱིན་ལ་བརྐོ་#བར་བྱ། །ས་སྦྱང་བ་དང་བསྲུང་བྱ་སྟེ། །དྲི་ཡི་ཐིག་ལེ་མེ་ཏོག་ཁར། །དམ་ཚིག་ལྷ་མོ་བསྐྱེད་བྱས་ལ། །ཡེ་ཤེས་ལྷ་མོ་
[64a.5]དགུག་གཞུག་བསྟིམ། །ས་ཡི་ཆོ་ག་རྫོགས་བྱས་ལ། །#དེ་ནས་ལྷ་ཡི་སྟ་གོན་ནི། །མཎྜལ་ཡིད་འོང་དྲི་མེད་ཁར། །དྲི་ཡི་ཐིག་ལེ་མེ་ཏོག་ལྔ། །ཨོཾ་ཧཱུཾ་ཏྲཱཾ་ཧྲཱིཿ#ཁཾ་དག་ལས། །དམ་ཚིག་#འཁོར་ལོ་བསྐྱེད་བྱས་ཏེ། །ཡེ་ཤེས་འཁོར་ལོ་སྤྱན་དྲངས་ལ། །མཆོད་གཏོར་བསྟོད་པས་
[64a.6]མཉེས་བྱས་ལ། །བདུག་པ་ལག་ཐོགས་པུས་བཙུགས་ཏེ། །དྲིལ་བུའི་སྒྲ་སྒྲོགས་ལྔ་ལྡན་ཧཱུཾ། །དེ་ནས་གསོལ་བ་གདབ་བྱ་བ། །བཅོམ་ལྡན་རྡོ་རྗེ་འཛིན་པའི་མཆོག །རིག་སྔགས་རྒྱལ་པོ་དགེ་བའི་མགོན། །གཟུངས་སྔགས་གསང་སྔགས་ཀུན་གྱི་གཙོ། །གསང་བའི་
[64a.7]བདག་པོ་ཕྱག་འཚལ་ལོ། །ཐུགས་རྗེའི་བདག་ཉིད་ཅན་རྣམས་ཀྱི། །དཀྱིལ་འཁོར་བདག་ཉིད་འདྲི་བར་འཚལ། །སློབ་མ་རྣམས་ལ་བརྩེ་བ་དང་། །ཁྱེད་རྣམས་མཉེས་པར་མཆོད་ཕྱིར་དུ། །བཅོམ་ལྡན་བདག་ཉིད་གུས་པ་ལ། །དེ་ཡི་གནང་བར་མཛད་པའི་རིགས། །སངས་
[64b]
[64b.1]རྒྱས་འགྲོ་དོན་བྱས་དོན་གསོལ། །བྱང་ཆུབ་སེམས་དང་གསང་སྔགས་ལྷ#། །འཇིག་རྟེན་སྐྱོང་དང་མཐུ་ཆེན་དང་། །ཡང་དག་རྡོ་རྗེའི་སྤྱན་མངའ་བའི། །སེམས་ཅན་བསྟན་ལ་དགའ་རྣམས་ལ། །བདག་མིང་འདི་ཞེས་བྱ་བ་ཡིས། །རྡོ་རྗེ་གཏུམ་པོའི་དཀྱིལ་འཁོར་ནི། །ཡོ་བྱད་ཅི་
[64b.2]འབྱོར་བས་བྲི་#ན། །དེང་བདག་སློབ་མར་བཅས་པ་ལ། །ཐུགས་ནི་བརྩེ་བར་དགོངས་ནས་སུ། །ཚོགས་པ་ཐམས་ཅད་དཀྱིལ་འཁོར་དུ། །བྱིན་གྱིས་བརླབ་པ་མཛད་དུ་གསོལ། །དེ་ལྟར་ལན་གསུམ་གསོལ་བཏབ་ནས། །ར་བ་དྲ་བས་མཚམས་བཅད་དོ། །ཧཱུཾ་ཉོན་ཅིག་བགེགས་
[64b.3]དང་ལོག་འདྲེན་ཚོགས། །ང་ནི་བཅོམ་ལྡན་གཏུམ་པོ་ཡིན། །ང་ཡི་བཀའ་ལས་མ་འདའ་ཞིག །ང་ཡི་བཀའ་ལས་འདའ་བྱེད་ན། །རྡོ་རྗེ་ཁྲོ་བོས་མགོ་འགེམས་སོ། །མ་འདུག་སོང་ཤིག་#ལོག་འདྲེན་ཚོགས། །ཨོཾ་སུཾབྷ་ནི་སུཾབྷ་ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞཱ་#པ་ཡ་གྲྀཧྞཱ་#པ་ཡ་ཧཱུཾ། ཨཱ་ན་ཡ་
[64b.4]#ཧོ། བྷ་ག་བཱན་#བཛྲ་པཱ་ཎི་ཧཱུཾ། །ཨཱརྱ་ཏེ་ཙར་ཧི་ན་ཧཱུཾ་ཕཊ།# དེ་ནས་བུམ་པའི་སྟ་གོན་ནི། །གསེར་ལ་སོགས་པའི་བུམ་པ་ནི། །ལྟོ་བ་#ཆེ་ལ་མགྲིན་པ་རིང་། །སྐྱོན་ལ་སོགས་པ་དང་བྲལ་བས། །ལས་ཀྱི་བུམ་པ་མ་གཏོགས་པ། །ཡོན་ཏན་ལྡན་པས་ལྷ་གྲངས་བསྟུན། །ནས་དང་
[64b.5]གྲོ་དང་སོ་བ་འབྲས། །ཏིལ་དང་ལན་ཚྭ་བུ་རམ་དང་། །མར་དང་སྦྲང་རྩི་རྣམ་པ་ལྔ། །གསེར་དངུལ་ཟངས་ལྕགས་མུ་ཏིག་དང་། །བྱཱ་གྷྲ་སིང་ཧ་#ཧ་ས་དེ་བ་དང་། །ཀཎྜ་ཀ་རི་#ནི་དྲ་སྨན་ལྔ་དང་། །དྲི་ཆེན་དྲི་ཆུ་དམར་ཟིལ་མདངས། །མི་རྟ་ཁྱི་བྱ་གླང་པོའི་#ཤ །དམར་སེར་འོ་མ་གཞོན་ནུའི་ཆུས། །
[64b.6]ཕྱེད་མཐོ་ཙམ་དུ་དགང་བར་བྱ། །ཁ་ཚར་མ་ཉམས་རས་ཀྱིས་བཅིངས། །འབྲས་བུ་ཅན་གྱིས་#ཁ་བརྒྱན་ཏེ། །དྲིས་བདུག་མཎྜལ་ཁར་བཞག་ལ། །མི་དམིགས་བྷྲཱུཾ་#བཾ་བདུད་རྩི་ཡི། །རྒྱ་མཚོའི་དབུས་སུ་རི་རབ་ཆེ། །སྤྲིན་སྒྲ་བསྣོལ་བས་སྣ་ཚོགས་སྒྲ། །ལྟེ་བར་བྷྲཱུཾ་#ལས་གཞལ་ཡས་
[64b.7]ཁང་#། །བཾ་ལས་ཆུ་སྐྱེས་དམ་ཚིག་བསྐྱེད། །ཡེ་ཤེས་འཁོར་ལོ་སྤྱན་དྲངས་ལ། །ཕྱག་རྒྱ་བཞི་ཡིས་གཉིས་མེད་བསྟིམ། །སྐུ་གསུང་ཐུགས་སུ་བྱིན་གྱིས་བརླབ། །སྤྱན་ལ་སོགས་པས་དབང་བསྐུར་རོ། །མཆོད་དང་གཏོར་མས་བསྟོད་བྱས་ལ། །གཟུངས་ཐག་ལྡན་པས་
[65a]
[65a.1]བསྙེན་པ་འབུམ། །དེ་ནས་སློབ་མའི་སྟ་གོན་ནི། །རྡོ་རྗེ་སློབ་མ་ཁྲུས་བྱས་ལ། །སློབ་མ་སྒོ་ཡི་དྲུང་གནས་ནས། །དགའ་ཆེན་ཁྱོད་བདག་སྟོན་པ་པོ། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །
[65a.2]དམ་ཚིག་དེ་ནི་སྩལ་དུ་གསོལ། །བྱང་ཆུབ་སེམས་ནི་སྩལ་དུ་གསོལ། །སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ནི་སྩལ་དུ་གསོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་འཇུག་པར་འཚལ། །དེ་ལྟར་#ལན་གསུམ་གསོལ་བཏབ་ནས། །
[65a.3]སློབ་དཔོན་གཙོ་བོའི་ཏིང་འཛིན་ཞུགས། །ཚིགས་བཅད་འདིས་ནི་གསང་སྔགས་སྦྱིན། །བུ་ཚུར་ཐེག་པ་ཆེན་པོ་ཡི#། །གསང་སྔགས་ཚུལ་སྤྱོད་ཆོ་ག་ནི། །ཁྱོད་ལ་ཡང་དག་བསྟན་པར་བྱ། །ཁྱོད་ནི་ཚུལ་ཆེན་སྣོད་ཡིན་ཏེ། །དུས་གསུམ་འབྱུང་བའི་སངས་རྒྱས་རྣམས། །སྐུ་གསུང་
[65a.4]ཐུགས་ཀྱི་རྡོ་རྗེ་དང་། །རྡོ་རྗེ་གསང་སྔགས་རབ་བསྒོམས་པས། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་ཚད་མེད་བསྐྱེད། །གསང་སྔགས་སྦྱོར་བ་མཉམ་མེད་དེ། །ཤཱཀྱ་སེང་གེ་སྐྱོབ་པ་ཡིས། །བདུད་སྡེ་ཤིན་ཏུ་མི་བཟད་པ། །དཔུང་ཆེན་དག་ཀྱང་དེ་ཡིས་བཅོམ། །
[65a.5]འཇིག་རྟེན་རྗེས་འཇུག་པར་རྟོགས་ནས། །འཁོར་ལོ་བསྐོར་ནས་མྱ་ངན་འདས། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །དེ་ནས་སྐྱབས་འགྲོ་སྡིག་བཤགས་བྱ། །བླ་མ་རྡོ་རྗེ་སློབ་དཔོན་གྱི། །མཉམ་ཉིད་ཐུགས་ལ་ཕྱག་འཚལ་ལོ། །སྤྲུལ་པའི་སྐུ་
[65a.6]ལ་ཕྱག་འཚལ་ལོ། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་ངོར་གནས་པས། །གསང་བའི་བདག་པོ་ཕྱག་འཚལ་ལོ། །སངས་རྒྱས་ཆོས་དང་དགེ་འདུན་གསུམ། །བྱང་ཆུབ་སེམས་དཔའི་ཚོགས་རྣམས་ལ། །བདག་ཡིད་དང་བས་ཕྱག་འཚལ་ལོ། །བདག་
[65a.7]གིས་#ཐོག་མཐའ་མེད་པ་ནས། །སྡིག་པ་བགྱིས་པ་མ་ལུས་ཀུན། །བཅོམ་ལྡན་ཕྱག་ན་རྡོ་རྗེ་ཡི#། །སྤྱན་སྔར་ད་ལྟར་#མཐོལ་ཞིང་བཤགས། །བླ་མ་དཀོན་མཆོག་གསུམ་པོ་དང་། །གསང་སྔགས་ཀུན་བདག་རྡོ་རྗེ་ཅན། །དེ་རིགས་འཛིན་པའི་རྣལ་འབྱོར་ཀུན། །དགེ་བ་མཛད་ལ་
[65b]
[65b.1]རྗེས་ཡི་རང་། །བཅོམ་ལྡན་ཕྱག་ན་རྡོ་རྗེ་ནི། །དུས་གསུམ་བདེ་གཤེགས་ཐམས་ཅད་ཀྱི། །གསང་སྔགས་བདག་པོར་དབང་བསྐུར་ལ། །གསང་སྔགས་འཁོར་ལོ་བསྐོར་བར་བསྐུལ། །སྐྱོན་བྲལ་མཐུ་ལྡན་ཁྱེད་རྣམས་ལ། །སྐྱེ་རྒ་ན་འཆི་མི་མངའ་ཡང་། །འགྲོ་བའི་དོན་དུ་
[65b.2]སྐུ་སྤྲུལ་ལ། །མཐུན་འཇུག་མྱ་ངན་མི་འདའ་གསོལ། །བདག་གིས་དགེ་བ་ཅི་བསགས་ཀུན། །གཅིག་ཏུ་བསྡུས་ཏེ་བསྡོམས་#ནས་སུ། །བླ་མེད་བྱང་ཆུབ་ཐོབ་བྱའི་ཕྱིར། །སེམས་ཅན་ཀུན་གྱི་དོན་དུ་བསྔོ། །བྱང་ཆུབ་མཆོག་ཏུ་སེམས་བསྐྱེད་པ། །བླ་མ་རྡོ་རྗེ་སློབ་དཔོན་དང་། །
[65b.3]བཅོམ་ལྡན་ཕྱག་ན་རྡོ་རྗེ་ཉིད། །སངས་རྒྱས་བྱང་ཆུབ་སེམས་དཔའི་མཆོག །ཀུན་ནས་དང་བས་དགོངས་སུ་གསོལ། །བདག་མིང་འདི་ཞེས་བགྱི་བ་ཡིས། །དུས་འདི་ནས་སུ་བཟུང་ནས་སུ། །བྱང་ཆུབ་སྙིང་པོར་གནས་ཀྱི་བར། །སེམས་ཅན་ཀུན་གྱི་དོན་གྱི་ཕྱིར། །བླ་ན་
[65b.4]མེད་པའི་བྱང་ཆུབ་སེམས། །དམ་པ་བདག་གིས་བསྐྱེད་པར་བགྱི། །འགྲོ་བ་སེམས་ཅན་ཐམས་ཅད་ལ། །ཕ་མ་སྤུན་དང་མིང་སྲིང་སེམས། །བུ་ཕོ་བུ་མོའི་སེམས་བསྐྱེད་དེ། །མ་བསྒྲལ་བ་རྣམས་བསྒྲལ་བར་བགྱི། །མ་གྲོལ་བ་རྣམས་དགྲོལ་བར་བགྱི། །དབུགས་མ་ཕྱུང་བ་
[65b.5]དབུགས་དབྱུང་བགྱི། །སྲིད་པ་ཆགས་པ་ཞི་ལ་སྒྲོལ། །སྦྱིན་པའི་ཕ་རོལ་ཕྱིན་པ་བཏང་། །ཚུལ་ཁྲིམས་ཕ་རོལ་ཕྱིན་པ་བསྲུང་། །བཟོད་པའི་ཕ་རོལ་ཏུ་#ཕྱིན་པ་བསྒོམ། །བརྩོན་འགྲུས་ཕ་རོལ་ཕྱིན་པ་སྤྱད། །བསམ་གཏན་ཕ་རོལ་ཕྱིན་པར་གནས། །ཤེས་རབ་ཕ་རོལ་ཕྱིན་པར་#ཕྱིན། །
[65b.6]ཕ་རོལ་ཕྱིན་པ་འདི་དྲུག་པོ། །མཐར་གྱིས་བསླབ་#དང་མཐར་གྱིས་སྤྱོད#། །མཐར་གྱིས་བསྒྲུབ་ལ་ནན་ཏན་བྱ། །དེ་ནས་སྡོམ་པ་དཔོག་བྱ་བ། །སྲོག་ཆགས་རྣམས་ནི་གསད་#མི་བྱ། །མ་བྱིན་པ་ཡང་བླང་#མི་བྱ། །འདོད་པ་དག་ནི་སྤྱད་མི་བྱ། །བརྫུན་པ་དག་ཀྱང་ཡང་#མི་སྨྲ། །ཉེས་པ་ཀུན་
[65b.7]གྱི་རྩ་བ་ཡིན#། །ཆང་ནི་མྱོས་པར་བཏུང་མ་ཡིན། །སེམས་ཅན་གདུལ་བྱ་མ་གཏོགས་པ། །བྱ་བ་མ་ཡིན་ཐམས་ཅད་སྤང་། །དམ་པ་ཉེ་བར་མཉེས་#བྱས་ཤིང་། །རྣལ་འབྱོར་ཅན་ལ་བསྙེན་བཀུར་བྱ། །ལུས་ཀྱི་ལས་ནི་རྣམ་གསུམ་དང་། །ངག་གི་རྣམ་པ་བཞི་དག་དང་། །ཡིད་ཀྱི་
[66a]
[66a.1]རྣམ་པ་གསུམ་དག་ནི། །ཅི་ནུས་པ་ཡིས་རྗེས་སུ་བསྲུང་། །སེམས་ཅན་དོན་ལ་རྒྱབ་ཕྱོགས་མིན། །ཐེག་པ་དམན་ལ་#དོར་མི་བྱ། །འཁོར་བ་དག་ཀྱང་ཡོང་མི་སྤང་། །རྟག་ཏུ་མྱ་ངན་འདའ་མི་ཆགས། །ལྷ་དང་ལྷ་མིན་གསང་བ་པ། །དེ་ལ་བརྙས་པར་མི་བྱ་ཞིང་། །
[66a.2]ཕྱག་རྒྱ་བཞོན་པ་མཚོན་ཆ་དང་། །མཚན་མ་བགོམ་པར་མི་བྱའོ། །བླ་མ་ལ་གུས་བཀའ་མི་འདའ། །སྟོང་ཉིད་སྙིང་རྗེ་རབ་བསྒོམ་ཞིང་། །མདོར་#ན་རྩ་བ་ཡན་ལག་གི། །དམ་ཚིག་ཉིན་མཚན་གྲངས་ཀྱིས་བསྲུང་། །དེ་ནས་བླ་མས་གསུངས་པ་ཡི། །སྡོམ་པ་ལེགས་པར་བསྲུང་
[66a.3]བར་བྱ། །ཚུལ་ཁྲིམས་ཞེས་བྱ་སོགས་པ་ནས། །དུས་འདི་ནས་ནི་བཟུང་ནས་ནི། །ཇི་སྲིད་སྙིང་པོ་བྱང་ཆུབ་བར། །བདག་ནི་རབ་ཏུ་སྡོམ་པར་བགྱིད། །དེ་ནས་སློབ་མའི་གནས་གསུམ་དུ། །རྡོ་རྗེ་ཁུ་ཚུར་དྲི་ཡི་#ཆུས། །ཐིག་ལེ་ཉི་ཟླ་པད་སྟེངས་སུ། །ཡི་གེ་གསུམ་གྱི་སྦྱོར་བ་
[66a.4]ལས། །སྐུ་གསུང་ཐུགས་ཀྱིས་#བྱིན་གྱིས་བརླབས#། །ལས་ཀྱི་ཆུ་ཡིས་གཏོར་ཞིང་བསྲུང་། །ཨོཾ་བཛྲ་ཨུ་ད་ཀ་ཧཱུཾ་ཕཊ། མཆོད་པ་ལྔ་ཡིས་ལེགས་མཆོད་དེ། །སྤྱི་བོར་མེ་ཏོག་སྤོས་བྱིན་ལ། །མར་མེ་དྲི་ནི་སྙིང་གར་རོ། །དྲིལ་བུ་དཀྲོལ་ཞིང་བཤོས་གཙང་མདུན། །དེ་ནས་ཚིགས་
[66a.5]བཅད་སྔགས་འདིས་སྦྱིན། །དུས་འདི་ནས་ནི་བཟུང་ནས་སུ། །འཁོར་བའི་ཉེས་པས་མ་གོས་པར། །མཆོད་པ་ཀུན་དང་ལྡན་པ་ཡི། །དུས་ཀུན་དུ་ནི་བདེ་ལེགས་ཤོག །ཨོཾ་པཉྩ་ལིངྒ་ཨ་བྷི་ཥིཉྩཱ་#མི། དེ་ནས་སོ་ཤིང་སྦྱིན་པར་བྱ། །འོ་མ་ཅན་གྱི་ཤིང་དག་ལ། །སོར་བརྒྱད་དང་ནི་བཅུ་
[66a.6]གཉིས་པ། །མེ་ཏོག་ཅན་ནི་དོར་བར་བྱ། །འཇིག་རྟེན་དུ་ནི་ཀུན་མཁྱེན་རྣམས། །ཨུ་དུམྺཱ་#རའི་མེ་ཏོག་བཞིན། །བརྒྱ་#ལམ་ན་ནི་འབྱུང་འགྱུར་རམ། །ཞེས་པ་ལ་སོགས་ཆོས་བཤད་བྱ། །ཨོཾ་ཏྲ་ཀི་སྟི་བ་ཧྲཱི་#ཤུདྡྷ་སརྦ་དྷརྨཱ་སྭབྷཱ་བ་བཛྲ་ཨཱཏྨ་ཀོ྅ཧཾ#། དེ་ནས་སྲུང་#སྐུད་སྔོན་པོ་ཡིས། །
[66a.7]མདུད་པ་ལྔ་ལྡན་བྱིན་བརླབས་ཅན། །དཔུང་པ་གཡས་གཡོན་དག་ཏུ་བཅིང་#། །ཀུ་ཤ་སྟན་གདིང་མཚན་མ་གདབ། །ངན་ན་ཕུར་བུའི་སྦྱིན་སྲེག་བྱ། །བཟང་ན་མཁའ་འགྲོའི་གཏོར་མ་བཏང་། །དེ་ནས་ཐིག་ནི་གདབ་བྱ་བ། །མ་དང་ཏཾ་གི་ཏིང་འཛིན་གྱིས། །བསྙེན་པའི་དཀྱིལ་འཁོར་
[66b]
[66b.1]མཁའ་ལ་བཏེག །གཞོན་ནུས་སྲད་བུ་བཀལ་བ་ལ། །ཁ་དོག་དཀར་པོའི་ཐིག་གདབ་སྟེ། །མཛེས་པའི་སྣོད་དུ་བཅུག་ནས་ཀྱང་། །ལས་ཀྱིས་བསང་#ཞིང་ལྷར་བསྐྱེད་ལ། །ཡེ་ཤེས་འཁོར་ལོ་སྤྱན་དྲངས་མཆོད། །ཉིས་འགྱུར་ཚད་ལ་སྲད་བུ་བསྟིམ། །རང་ཉིད་རྡོར་འཛིན་ལྷར་
[66b.2]སྤྲུལ་ནས། །བྱིན་གྱིས་བརླབ་དང་བསྲུང་བའི་#ཕྱིར། །བདེ་གཤེགས་མཆོད་ཕྱིར་ནམ་མཁར་གདབ། །སྒོ་དབྱེ་གསལ་ཕྱིར་ས་ཐིག་གདབ། །ཚངས་ཐིག་གདབ་སྟེ་བགེགས་བསྐྲད་དོ། །ཨོཾ་བཛྲ་རཀྵ་ཧཱུཾ་ཕཊ། སློབ་དཔོན་ཤར་བལྟས་སློབ་མ་ནུབ། །ཛ་གསུམ་བརྗོད་ལ་ལག་ཏུ་
[66b.3]གཏད། །དང་པོ་ནུབ་སྟེ་དེ་ནས་ནི། །ལྷོ་བྱང་གདབ་སྟེ་དེ་ནས་ཤར། །ནུབ་བྱང་ལྷོ་ནས་མཚམས་བཞིར་ཐིག །རིམ་པ་བཞིན་དུ་གདབ་པར་བྱ། །ཆ་བཞི་ཆ་བརྒྱད་རིམ་བཞིན་དུ། །དབྱེ་བ་ལ་སོགས་ཤེས་པར་བྱ། །འཁོར་ལོ་རྩིབས་བཞི་མུ་ཁྱུད་བཅས། །ཁྱམས་འདོད་#པ་དང་
[66b.4]མི་འདོད་པ། །དེ་དག་ཐམས་ཅད་ཤེས་པར་གྱིས། །སྔགས་འདིས་ཐིག་ནི་གདབ་པར་བྱ། །ཨོཾ་བཛྲ་ས་མ། དམར་སེར་སྨིན་མ་སྨ་ར་ཁྲོ། །ཁམ་ནག་གྱེན་བརྫེས་#དབུ་ཡི་སྐྲ། །ཟླ་ཚེས་མཆེ་དཀར་ལྗགས་གློག་འཁྱུག །ལྟོ་འགྲོས་བརྒྱན་ཅིང་སྟག་ཤམ་ཅན། །ཡུམ་དང་
[66b.5]གཉིས་མེད་ཐུགས་ལས་འཁྱུད། །སྤྲུལ་པ་གདུག་པའི་ཚོགས་རྣམས་འཇོམས། །བགེགས་ཆེན་བསྣོལ་བའི་གདན་ལ་བཞུགས། །དྲག་པོ་མེ་དཔུང་དབུས་ན་འཕྲོ། །བཅོམ་ལྡན་ཐུགས་ཀྱི་སྤྲུལ་པ་ལས། །རིགས་བཞི་གཏུམ་པོ་རང་ཉིད་དོ། །ཤར་དུ་རྡོ་རྗེ་གཏུམ་པོ་ནི། །
[66b.6]བདུད་ལས་རྒྱལ་བྱེད་དྲི་ཟའི་གདན། །ཞལ་གཅིག་ཕྱག་གཉིས་སྐུ་མདོག་དཀར། །སྤྱན་གསུམ་མཆེ་གཙིགས་ཞབས་བགྲད་པ། །སྐྲ་བརྫེས་ལྟོ་འགྲོ་སྟག་གིས་བརྒྱན། །གཡས་པ་རྡོ་རྗེ་བསྣུན་པའི་ཚུལ། །གཡོན་པ་སྡིགས་#མཛུབ་རབ་ཏུ་གདེངས། །མེ་དཔུང་འབར་
[66b.7]བའི་རྣམ་པ་ཅན། །ཐུགས་ལ་རྡོ་རྗེའི་ཁྱུང་སྤྲུལ་ལོ། །ལྷོ་རུ་རིན་ཆེན་གཏུམ་པོ་ནི། །གཟི་བརྗིད་འབར་བ་གཤིན་རྗེའི་གདན། །ཞལ་གཅིག་ཕྱག་གཉིས་སྐུ་མདོག་སེར། །སྤྱན་གསུམ་ཞབས་བགྲད་མཆེ་བ་ཅན། །སྐྲ་བརྫེས་ལྟོ་འགྲོ་སྟག་གིས་བརྒྱན། །གཡས་པ་རྡོ་རྗེ་བསྣུན་
[67a]
[67a.1]པའི་ཚུལ། །གཡོན་པ་སྡིགས་#མཛུབ་རབ་ཏུ་གདེངས#། །མེ་རི་འབར་བའི་རྣམ་པ་ཅན། །ཐུགས་ལས་རིན་ཆེན་ཁྱུང་སྤྲུལ་ལོ། །ནུབ་ཏུ་པདྨ་གཏུམ་པོ་ནི། །རྔམ་པའི་སྒྲ་སྒྲོགས་ཀླུ་དབང་གདན། །ཞལ་གཅིག་ཕྱག་གཉིས་སྐུ་མདོག་དམར། །སྤྱན་གསུམ་མཆེ་གཙིགས་
[67a.2]ཞབས་བགྲད་པ། །སྐྲ་བརྫེས་#ལྟོ་འགྲོ་སྟག་གིས་བརྒྱན། །གཡས་པ་རྡོ་རྗེ་བསྣུན་པའི་ཚུལ། །གཡོན་པ་སྡིགས་#མཛུབ་རབ་ཏུ་གདེངས#། །མེ་དཔུང་འབར་བའི་རྣམ་པ་ཅན། །ཐུགས་ལས་པདྨའི་ཁྱུང་སྤྲུལ་ལོ། །བྱང་དུ་ལས་ཀྱི་གཏུམ་པོ་ནི། །བདུད་རྩི་འཁྱིལ་པ་གནོད་སྦྱིན་
[67a.3]གདན། །ཞལ་གཅིག་ཕྱག་གཉིས་སྐུ་མདོག་སྔོ། །སྤྱན་གསུམ་ཞབས་བགྲད་#མཆེ་བ་ཅན། །སྐྲ་བརྫེས་ལྟོ་འགྲོ་སྟག་གིས་བརྒྱན། །གཡས་པ་རྡོ་རྗེ་བསྣུན་པའི་ཚུལ། །གཡོན་པ་སྡིགས་#མཛུབ་རབ་ཏུ་གདེངས#། །མེ་རི་འབར་བའི་རྣམ་པ་ཅན། །ཐུགས་ལས་ལས་ཀྱི་ཁྱུང་སྦྲུལ་
[67a.4]ལོ། །དེ་ལྟར་དམ་ཚིག་བསྐྱེད་བྱས་ལ། །ཛཿཧཱུཾ་བཾ་ཧོཿས་#ཕྱག་རྒྱ་བཞི། །ཡེ་ཤེས་དཀྱིལ་འཁོར་སྤྱན་དྲངས་ཏེ། །ཕྱག་འཚལ་བ་དང་མཆོད་ཅིང་བཤགས། །རྗེས་སུ་ཡི་#རང་བསྐུལ་ཞིང་གསོལ། །དགེ་བ་ཅི་བསགས་ཐམས་ཅད་ཀུན། །བྱང་ཆུབ་ཐོབ་ཕྱིར་བདག་གིས་བསྔོ#། །ཕྱག་
[67a.5]རྒྱ་བཞི་ཡིས་གཉིས་མེད་བསྟིམ། །འབྲུ་གསུམ་སྔགས་ཀྱིས་བྱིན་གྱིས་བརླབ། །སྤྱན་ལ་སོགས་པས་དབང་བསྐུར་རོ། །དེ་ནས་སློབ་མ་ཁྲུས་བྱས་ལ། །ཡོལ་བས་བར་བཅད་གདོང་#གཡོགས་བཅིངས། །སྔགས་འདི་ཡིས་ནི་ཕྱག་བྱེད་གཞུག །ཨོཾ་བཛྲ་ན་མ་མི་ཧཱུཾ། ཨོཾ་བཛྲ་ན་མ་སྟེ་#ཧཱུཾ།
[67a.6]ཨོཾ་བཛྲ་ན་མོ་ན་མ་#ཧཱུཾ། བདེ་བ་འདོད་པ་སུ་ཞིག་ཡིན། །བླ་མས་དོན་ནི་བྲི་#བར་བྱ། །སྐལ་#ལྡན་བདེ་ཆེན་བདག་ཅག་ལགས། །སློབ་མས་ལན་ནི་གདབ་པར་བྱ། །དེ་ནས་བླ་མས་བདེ་བའི་གླུ། །དགྱེས་པས་བླང་བར་བྱ་བ་འདི། །ཨོཾ་ཨ་ནུཏྟ་རདྡྷ་#པཱུ་ཛ་མེ་གྷ་ཨུདྒ་ཏེ་སྥ་ར་ཎ་ཨི་མཾ་#ག་ག་ན་
[67a.7]ཁཾ་སྭ་ཧཱ། དེ་ནས་སློབ་མས་གསོལ་གདབ་པ། །སྟོན་པ་ཁྱོད་ལ་བདག་དགའོ། །བླ་མ་དམ་པ་#དགོངས་སུ་གསོལ། །བྱང་ཆུབ་ཆེན་པོར་#ཚུལ་བསྟན་པའི། །བྱང་ཆུབ་སེམས་ནི་བདག་ལ་གསོལ#། །དེ་ཉིད་དམ་ཚིག་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །
[67b]
[67b.1]དཀོན་མཆོག་གསུམ་ནི་བདག་ལ་སྩོལ། །ལུས་དང་ལོངས་སྤྱོད་འདི་བཞིས་#ལ། །དབང་བསྐུར་དམ་པ་མཛད་དུ་གསོལ། །ཐར་པ་ཆེན་པོའི་གྲོང་ཁྱེར་དུ། །མགོན་པོ་བདག་ནི་འཇུག་པར་འཚལ། །དེ་ཡི་ལན་ནི་སྦྱིན་བྱ་བ། །བུ་ཚུར་ཐེག་པ་ཆེན་པོའི་སྣོད། །གསང་སྔགས་
[67b.2]སྤྱོད་པའི་ཚུལ་འདི་ནི། །ཁྱོད་ལ་ཡང་དག་བཤད་པར་བྱ། །ཚུལ་ཆེན་ཁྱོད་ཀྱིས་ཤེས་པར་གྱིས#། །དཀྱིལ་འཁོར་དམ་པར་དབང་བསྐུར་གྱིས། །བུ་ཡི་བློ་གྲོས་བརྟན་པར་བྱོས། །དེ་ནས་ཡང་#ནི་སྡིག་པ་བཤགས། །རྗེས་སུ་ཡི་རང་བསྐུལ་ཞིང་གསོལ། །མྱ་ངན་མི་འདའ་
[67b.3]#གསོལ་བ་གདབ། །བྱང་ཆུབ་སེམས་བསྐྱེད་ལུས་ཕུལ་ལ#། །སྡོམ་པ་ཕོག་སྟེ་གཟུང་དུ་གཞུག །བསླབ་པ་ཡི་ནི་ཚུལ་ཁྲིམས་དང་། །དགེ་བ་ཆོས་སྡུད་ཚུལ་ཁྲིམས་དང་། །སེམས་ཅན་དོན་བྱེད་ཚུལ་ཁྲིམས་གསུམ། །དེ་ནས་བཟུང་སྟེ་གཟུང་#བར་བྱ། །རྡོ་རྗེ་རིགས་མཆོག་
[67b.4]ཆེན་པོ་ཡི། །རྡོ་རྗེ་དྲིལ་བུ་#ཕྱག་རྒྱ་དག །ཡང་དག་ཉིད་དུ་གཟུང་#བར་བགྱི། །སློབ་དཔོན་དག་ཀྱང་གཟུང་བར་བགྱི། །#རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་ནི་#དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་
[67b.5]བྱུང་བའི། །པདྨའི་རིགས་མཆོག་དག་པ་ལ། །ཕྱི་ནང་གསང་བའི་ཐེག་པ་གསུམ། །ཡང་དག་ཉིད་དུ་གཟུང་བར་བགྱི། །ལས་ཀྱི་རིགས་མཆོག་ཆེན་པོ་ཡི#། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་#བར་བགྱི། །མཆོད་པའི་ལས་ཀྱང་ཅི་ནུས་བྱ། །དེ་ནས་རྡོ་
[67b.6]རྗེའི་ལམ་ཁྲིད་ལ། །ཚིགས་བཅད་སྔགས་འདིས་དམ་ཆུ་བླུད། །སྤྱི་བོར་བཅོམ་ལྡན་བསྐྱེད་བྱས་ལ། །བདུད་རྩིའི་ཆུ་ནི་བླུད་པར་བྱ། །འཐུངས་ཤིག་རྡོ་རྗེ་བདུད་རྩིའི་ཆུ། །དམ་ལས་འདས་ན་དམྱལ་བར་བསྲེག །དམ་ཚིག་བསྲུངས་ན་དངོས་གྲུབ་འབྱུང་། །རྡོ་རྗེ་བདུད་རྩིའི་
[67b.7]ཆུ་ཡིས་གྲུབ#། །ཨོཾ་བཛྲ་སཏྭཱ་#ཧཱུཾ། ལས་ཀྱི་ཆུ་ཡིས་བགེགས་བསྐྲད་དེ། །ཕྲེང་བས་མགུལ་ནས་བཅིང་བར་བྱ། །ཨོཾ་བཛྲོད་#ཀ་ཧཱུཾ། རྡོ་རྗེ་ཐུགས་ཀར་བཟུང་བྱས་ནས། །དམ་ཚིག་ཁྲོ་བོའི་ང་རྒྱལ་གྱིས། །ཚིགས་བཅད་སྔགས་འདི་བརྗོད་པར་བྱ། །དེ་རིང་ཕན་ཆད་ཁྱོད་ཀྱིས་
[68a]
[68a.1]ནི། །ཕྱག་ན་རྡོ་རྗེ་ང་ཡིན་པས། །ང་ཡི་བཀའ་ཉན་གསུང་སྡོད་པས། །ཁྱོད་ཀྱིས་བྱས་ན་དངོས་གྲུབ་འབྱུང་། །མ་བྱས་རྡོ་རྗེ་དམྱལ་བར་ལྟུང་། །དེ་ཕྱིར་བཀའ་ཉན་གསུང་སྡོད་ཅིག །ཨོཾ་བཛྲ་ས་མ་ཡེ་ཧཱུཾ། དེ་ནས་རྡོ་རྗེ་སྤྱི་བོར་གཞག# །ཁྱོད་ཀྱིས་དཀྱིལ་འཁོར་
[68a.2]ཆེན་པོ་འདིའི། །དེ་ཉིད་མ་མཐོང་མི་རྣམས་མདུན། །དུས་ཀུན་དུ་ནི་མ་སྨྲ་ཞིག# །མ་སྨྲས་དངོས་གྲུབ་མྱུར་བ་ཡིན། །སྨྲས་ན་ཁྲོ་བོས་མགོ་འགེམས་སོ། །ཨོཾ་བཛྲ་ཀྲོ་དྷ་ཡ་ཧཱུཾ་ཕཊ། དེ་ནས་སྔགས་འདིས་ཡོལ་བ་བསལ། །ཨོཾ་བཛྲ་པྲ་ཏཱིཙྪ་ཧོ། །ལན་གསུམ་བརྗོད་ལ་མཐོང་ངམ་དྲི། །
[68a.3]དབང་ཐོབ་ཕྱིར་ན་ཡོན་ཀྱང་འབུལ། །སྔགས་འདིས་#མེ་ཏོག་དཀྱིལ་འཁོར་དོར། །ཨོཾ་སརྦ་ཏ་ཐཱ་ག་ཏེ་པུཥྤ་པཱུ་#ཛ་ཧཱུཾ། །སྔགས་འདིས་སློབ་མའི་མགོ་ལ་གདགས། །ཨོཾ་རཏྣ་མེ་ལ་ཨ་བྷི་ཥིཉྩཱ་#མི། བླ་མ་རྡོ་རྗེ་སློབ་དཔོན་གྱིས། །ལྷ་ཡི་འཁོར་ལོ་བསྐུལ་བྱས་ལ། །སློབ་མའི་སྙིང་གར་གཞུག་པར་
[68a.4]བྱ། །ཨོཾ་མཎྜལ་དེ་བ་བ་ཏིཥྛ་ལྷན། །ཚིགས་བཅད་སྔགས་འདིས་གདོང་གཡོགས་བཀྲོལ#། །ཇི་ལྟར་མིག་མཁན་རྒྱལ་པོ་ཡིས། །མ་རིག་ལིང་ཐོག་#བསལ་བ་ལྟར། །དེ་བཞིན་དེ་རིང་བུ་ཁྱོད་ཀྱི། །མ་རིག་ལྡོངས་པའི་མུན་པ་བསལ། །ཨོཾ་བཛྲ་པཱ་ཤ་ཧཱུཾ། ཡེ་ཤེས་ཁྲོ་བོའི་ཏིང་འཛིན་
[68a.5]གྱིས། །ལྕགས་ཀྱུའི་ཕྱག་རྒྱས་དགྲོལ་བར་བྱ#། །དེ་རྣམས་ལས་ཀྱི་བླ་མས་བྱ། །ལྷ་ངོ་བསྟན་ལ་དབང་བསྐུར་རོ། །ཇི་ལྟར་དུས་གསུམ་སངས་རྒྱས་ལ། །རྡོ་རྗེ་སེམས་དཔས་#དབང་བསྐུར་ལྟར། །བདག་ཀྱང་རབ་ཏུ་བསྒྲལ་སླད་དུ། །བདེ་གཤེགས་བུམ་པའི་དབང་མཆོག་
[68a.6]སྕོལ། །དེ་སྐད་གསོལ་བ་གདབ་པར་བྱ། །ཡབ་ཡུམ་སྙོམས་ཞུགས་འོད་ཟེར་ལས། །བདེ་གཤེགས་འོད་བསྐུལ་བུམ་པར་ཐིམ། །ཆ་འདྲེས་འོད་ཞུ་བདུད་རྩི་དེ། །སྤྱི་བོ་#ཆུ་ཡི་དབང་བསྐུར་རོ། །མི་བསྐྱོད་པ་ཡི་#སྤྲོ་བསྡུ་ཡིས། །ཚིགས་བཅད་སྔགས་འདིས་བུམ་པ་སྦྱིན། །ཧཱུཾ་སྐུ་
[68a.7]གསུམ་#དམ་ཚིག་ལས་བྱུང་བའི། །ཡེ་ཤེས་བདུད་རྩི་དྲི་མ་མེད། །ལྷ་ཡི་ཆུ་ནི་དག་པ་ཡིས། །མི་བསྐྱོད་པ་ཡི་དབང་བསྐུར་རོ། །ཨོཾ་བཛྲ་ཨཱ་དཪྴ་ཤཱུ་#ནྱ་ཏཱ་ཛྙཱ་ན། ཨ་བྷི་ཥིཉྩཱ་#མི། རིན་ཆེན་འབྱུང་ལྡན་སྤྲོ་བསྡུ་ཡིས། །ཚིགས་བཅད་སྔགས་འདིས་ཅོད་པན་སྦྱིན། །ཏྲཱཾ་#སངས་
[68b]
[68b.1]རྒྱས་ཀུན་གྱི་རྒྱལ་སྲིད་དོ། །དབུ་རྒྱན་རིན་ཆེན་བླ་ན་མེད། །དབུ་རྒྱན་རིན་ཆེན་མཆོག་འགྲོ་བ། །རྫོགས་སངས་རྒྱས་སུ་དབང་བསྐུར་རོ། །ཨོཾ་བཛྲ་ས་མཱ་#ཏཱ་ཛྙཱ་ན་རཏྣ་མ་ཧཱུཾ་ཏ་ཡ་ཨ་བྷི་ཥིཉྩཱ་#མི། འོད་དཔག་མེད་ཀྱི་སྤྲོ་བསྡུ་#ཡིས། །ཚིགས་བཅད་སྔགས་འདིས་རྡོ་རྗེ་སྦྱིན། །ཧྲཱིཿ་
[68b.2]#སངས་རྒྱས་ཀུན་གྱི་རྡོ་རྗེའི་#དབང་། །མི་ཕྱེད་རྡོ་རྗེ་གསལ་བ་ལས། །ཆོས་རྣམས་ཀུན་གྱི་སྒོར་གྱུར་པ། །རྡོ་རྗེ་ཆོས་ཀྱི་དབང་བསྐུར་རོ། །ཨོཾ་པྲཛྙཱ་ཨཱ་བེ་ཤ་ཡ་ས་མནྟ་ཛྙཱ་ན་པ་ནེ་བཛྲ་ཨ་བྷི་ཥིཉྩཱ་#མི། །དོན་རྣམས་གྲུབ་པའི་སྤྲོ་བསྡུ་ཡིས། །ཚིགས་#བཅད་སྔགས་འདིས་དྲིལ་བུ་སྦྱིན། །
[68b.3]ཧཱུཾ #ཐབས་དང་ཤེས་རབ་ལྡན་པ་ཡི#། །འགྲོ་དོན་མཉམ་མེད་བྱེད་པ་དང་། །མཆོད་པའི་ལས་རྣམས་རྫོགས་བྱེད་པ། །དྲིལ་བུ་ལས་ཀྱི་དབང་བསྐུར་རོ། །ཨོཾ་ཀྲི་ཏ་ཨ་ནུཥྛ་#ན་ཛྙཱ་ན་པ་ནེ་བཛྲ་ཨ་བྷི་ཥིཉྩཱ་#མི། རྣམ་སྣང་མཛད་ཀྱི་སྤྲོ་བསྡུ་ཡིས། །ཚིགས་བཅད་སྔགས་འདིས་མིང་
[68b.4]སྦྱིན་ནོ། །ཨོཾ་རྡོ་རྗེའི་མིང་དུ་དབང་བསྐུར་བས། །བྱང་ཆུབ་སྙིང་པོའི་བར་དུ་ནི། །ཅིས་ཀྱང་མི་ཆོད་#མི་ཤིགས་པར། །རྡོ་རྗེའི་མིང་དུ་རབ་སྒྲོགས་#ཤིག །ཨོཾ་པ་རི་#ཤོ་དྷ་དྷརྨ་ཛྙཱ་ན་ནཱ་མ་#ཛྙཱ་ན་ཨ་བྷི་ཥིཉྩཱ་#མི། ཆོས་རྣམས་སྒྱུ་མ་ལྟ་བུ་སྟེ། །དག་ཅིང་གསལ་ལ་དྲི་མ་མེད། །མེ་ལོང་གི་ནི་
[68b.5]གཟུགས་བརྙན་བཞིན། །རང་གི་ལྷ་ནི་ཤེས་པར་གྱིས། །ཨོཾ་#ཨཱཿཧཱུཾ། མེ་ལོང་དག་གི་དབང་ཡིན་ནོ། །རྡོ་རྗེ་བརྟུལ་ཞུགས་དབང་བསྐུར་བ། །ཕྲེང་བ་ཆེན་པོ་སྐེ་ལ་སྐོན#། །འོད་ཟེར་འཕྲོ་འདུས་བྱིན་བརླབས་ལ། །ཚིགས་བཅད་སྔགས་འདིས་སྦྱིན་པར་བྱ། །མ་སྐྱེས་རྡོ་
[68b.6]རྗེ་གསང་བའི་ཐུགས། །འགག་མེད་#ཤེས་རབ་དྲིལ་བུའི་གསུང་། །གཉིས་མེད་ཡེ་ཤེས་ཆོས་ཀྱི་#སྐུ། །འདི་ནི་སངས་རྒྱས་ཐམས་ཅད་དང་། །དཔལ་ལྡན་རྡོ་རྗེ་འཛིན་པ་འཆང་། །ཁྱོད་ཀྱིས་ཀྱང་ནི་རྟག་ཏུ་འཆང་། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོཾ་ཨ་ཨཱ། ཨི་ཨཱི།
[68b.7]ཨུར་ཨཱུར། ཨུ་ཨཱ་ཨུ་#ཨཱ་ཨལ་ཨཱལ། བེ་ཤ་ན་ཡ་ན་གྲེ་བྷ་བེ་ཤུདྡྷ་ནི་སྭཱ་ཧཱ། བཛྲ་པཱ་ཎི་ཧཱུཾ་ཕཊ། དེ་ནས་ལུང་བསྟན་དབང་བསྐུར་ནི། །ཡོན་གྱིས་བླ་མ་མཉེས་བྱས་ལ། །ཕྱག་འཚལ་ནས་ནི་གསོལ་བ་གདབ། །བྱང་ཆུབ་རྡོ་རྗེ་སངས་རྒྱས་ལ། །ཇི་ལྟར་མཆོད་ཅིང་གསོལ་
[69a]
[69a.1]མཛད་པ། །བདག་ལ་གདུང་བའི་དོན་གྱི་ཕྱིར། །ནམ་མཁའི་རྡོ་རྗེ་བདག་ལ་གསོལ། །བུ་#དེ་སེང་གེའི་ཁྲིར་བཞག་ལ། །རྡོ་རྗེ་དྲིལ་བུ་ལག་བྱིན་ཏེ། །འོད་ཟེར་སྤྲོ་བསྡུ་ཏིང་འཛིན་བྱ། །དེ་ནས་ཚིགས་བཅད་སྔགས་འདིས་སྦྱིན། །བུ་ཚུར་རྡོ་རྗེའི་སློབ་
[69a.2]དཔོན་གྱིས#། །དེ་བཞིན་གཤེགས་པའི་འཁོར་ལོ་བསྐོར། །རྡོ་རྗེ་རིན་ཆེན་པདྨ་ལས། །འགྲོ་བའི་དོན་དུ་ཁྱོད་ཀྱིས་བསྐོར། །ཨོཾ་ཧཾ་ཀྵ་དྷརྨ་ཙ་ཀྲ་པྲ་པརྟ་#ཀ་སྭཱ་ཧཱ། སརྦ་ཏ་ཐཱ་ག་ཏ་དྷརྨ་#ཙ་ཀྲ་ཨ་བྷི་ཥིཉྩཱ་#མི། །དེ་ནས་གསང་བའི་དབང་བསྐུར་ནི། །སྟེགས་བུ་བདུད་རྩི་ལྔ་ཡིས་བྱུག །
[69a.3]པི་པརྟ་འམ་ཞིང་གི་ཁར། །མཚན་ལྡན་རིག་མའི་བྷ་ག་ལ། །དཔའ་བོ་སེང་གེ་བཞིན་དུ་རོལ། །ཙཎྜ་ལཱི་#ནི་རབ་སྦར་བས། །ཨེ་ཝཾ་ཟླ་#བ་ཧཾ་ལས་འཛག །སྤྲོ་བསྡུ་བྱང་ཆུབ་སེམས་དེ་སྦྱིན། །བུ་ཡིས་མགོན་ལ་འདི་སྐད་གསོལ། །རྒྱལ་བ་ཐམས་ཅད་རོལ་པ་ཡིས། །སངས་
[69a.4]རྒྱས་ཆུ་བོ་རྒྱུན་བབ་#སྟེ། །ཉོན་མོངས་སྡིག་པ་སྦྱངས་པ་བཞིན། །བདག་ལ་བྱང་ཆུབ་སེམས་དཔའ་#སྩོལ། །བྱེ་བ་ཕྲག་བརྒྱས་གངྒཱའི་#ཀླུང་། །ཇི་སྙེད་མགོན་པོ་ཐམས་ཅད་ཀྱི། །གཉིས་མེད་སྦྱོར་བའི་བདུད་རྩི་རྒྱུན། །མགོན་པོ་བདག་གི་གསུང་ལ་གསོལ། །ཚིགས་
[69a.5]བཅད་སྔགས་འདིས་བུ་ལ་སྦྱིན། །ཡབ་ཡུམ་སྙོམས་ཞུགས་བདེ་བའི་རྒྱུན། །གཉིས་མེད་སེམས་ཀྱི་རོས་#གང་བ། །ཐབས་དང་ཤེས་རབ་བདུད་རྩིའི་མཆོག །བུ་ཡི་ངག་ལ་སྦྱིན་པར་བྱ། །ཨོཾ་ཨ་མྲྀ་ཏ་གུ་ཧྱ་ཨ་བྷི་ཥིཉྩཱ་#མི། མགྲིན་པར་གསུང་ལ་སྦྱིན་པར་བྱ། །དེས་ཀྱང་ཨ་ཧོ་
[69a.6]སུ་ཁས་#བཏུང་། །དེ་ནས་ཤེས་རབ་ཡེ་ཤེས་དབང་། །མཎྜལ་དྲིས་བྱུགས་དྲི་མེད་ཁར། །བདུད་རྩི་དཀར་དམར་ཐིག་ལེ་གདབ། །སྟེང་དུ་སྟག་གི་ཤམ་ཐབས་ཁར། །མཚན་ལྡན་རིག་#མ་ཁྲུས་བྱས་གཞག# །གནས་ལྔ་རུ་ནི་ལྷ་ལྔ་དགོད། །སྤྱན་དྲངས་བསྟིམ་ཞིང་མཆོད་བསྟོད་
[69a.7]བྱ། །དེ་ནས་སློབ་མས་གསོལ་བ་གདབ། །ཕྱོགས་དུས་བཞུགས་པའི་སངས་རྒྱས་ཀུན། །ཤེས་རབ་ཕ་རོལ་ཕྱིན་པས་འགྲུབ། །བདག་ཀྱང་རབ་ཏུ་བསྒྲལ་སླད་དུ། །གསུམ་པའི་དཀྱིལ་འཁོར་བསྟན་དུ་གསོལ། །མགོན་པོས་ཀྱང་ནི་ལན་སྦྱིན་པ། །བུ་ཚུར་ཤོག་ཅིག་རིགས་ཀྱི་བུ། །
[69b]
[69b.1]གང་ལ་དགའ་བའི་དངོས་གྲུབ་ནི། །ཤེས་རབ་མ་ལ་བརྟེན་པས་གྲུབ#། །རྟག་ཏུ་ཤེས་རབ་དོན་འདོད་པས། །ཐབས་ལ་སྐྲག་པར་མི་བྱ་ཞིང་། །པདྨའི་སྟེང་དུ་ལྕེ་ཡིས་རེག །དྲི་ཆེན་དྲི་ཆུ་བཟའ་བར་བྱ། །ཁུ་བ་དཀར་དམར་བདུད་རྩི་མཆོག །ལྕེ་ཡི་དབུས་སུ་བརྟན་པར་བཟུང་། །
[69b.2]དཀའ་ཐུབ་མེད་ཅིང་བརྟུལ་ཞུགས་ཆེ། །འདི་དང་ལྡན་ན་འགྲུབ་པར་འགྱུར། །དེ་ནས་སློབ་མའི་མིག་ཕྱེ་སྟེ། །ཡུམ་གྱི་གསང་བའི་དཀྱིལ་འཁོར་བལྟ། །རྟག་ཏུ་གཅེར་བུའི་ཚུལ་གྱིས་ནི། །རྡོ་རྗེ་དྲིལ་བུ་ཁ་ཕྱེ་ནས། །མཐོང་བའི་བློས་ནི་གསོལ་བ་གདབ། །རྨད་བྱུང་བཙུན་མོའི་
[69b.3]བྷ་ག་མཆོག །ཡེ་ཤེས་ཐམས་ཅད་བསྐྱེད་པའི་གནས། །མ་སྨིན་མ་གྲོལ་བ་ཡི་སར། །ཡེ་ཤེས་དམ་པ་བསྐྱེད་དུ་གསོལ། །ཤེས་རབ་ཡུམ་གྱི་བྷ་ག་ལ། །སློབ་མ་དཔའ་བོའི་ཚུལ་དུ་རོལ། །སྙོམས་པར་ཞུགས་པའི་བདེ་བ་ཡིས། །ཨཱ་ལི་ཀཱ་ལི་གཉིས་མེད་ལས། །བརྐྱང་མས་རོ་
[69b.4]མ་མནན་པ་བསྟན། །བཅུ་དྲུག་ཕྱེད་ཕྱེད་ཐིག་ལེ་ནི། །གཏུམ་#མོས་རི་བོང་ཅན་ཧཾ་འཛག །དཀྱིལ་དྲངས་#བཟློག་དང་དགྲམ་ཞིང་བསྟིམ། །དགའ་བཞི་གཉུག་མ་ཉམས་སུ་མྱོང་། །ཤེས་རབ་གསལ་བའི་ངང་ལ་གནས། །ཚིགས་བཅད་སྔགས་འདིས་བྱིན་གྱིས་བརླབ། །ཧཱུཾ་
[69b.5]ཐབས་དང་ཤེས་རབ་གཉིས་མེད་པས། །ཡེ་ཤེས་ཆེན་པོ་མཆོག་གི་ལམ། །སྲིད་དང་ཞི་ལས་རབ་གྲོལ་#པའི། །བདེ་བ་ཆེན་པོ་བདེ་བའི་མཆོག །ཡུམ་ལ་བརྟེན་པའི་བདེ་བ་འདིས། །བུ་ལ་བྱིན་བརླབས་དབང་བསྐུར་རོ། །ཨོཾ་པྲཛྙཱ་ཛྙཱ་ན་ཨ་བྷི་ཥིཉྩཱ་#མི། སངས་རྒྱས་ཀུན་གྱི་ཐབས་
[69b.6]ཆེན་པོ། །བདེ་བ་ཆེན་པོ་ཟབ་མོའི་ཆོས། །དངོས་གྲུབ་དམ་པ་བདག་གིས་བླང་། །ཨོཾ་ཛྙཱ་ན་སིདྡྷི་ཧཱུཾ། དེ་ཡི་དངོས་གྲུབ་དམ་པ་བླང་། །བཞི་པ་ཆོས་ཉིད་མངོན་རྟོགས་དབང་། །ལྷན་ཅིག་སྐྱེས་པ་བདུད་རྩིའི་རོ། །མཚོན་དུ་ཡོད་པ་མ་ཡིན་ཏེ། །སྲིད་དང་མྱ་ངན་འདས་ལས་#གྲོལ། །
[69b.7]དེ་ནས་བཀྲ་ཤིས་སྨོན་ལམ་གདབ། །སྔགས་འདིས་བཟོད་པ་གསོལ་བར་བྱ། །ཨོཾ་བཛྲ་ཙཎྜ་#ས་མ་ཡ། མ་ནུ་པཱ་ལ་ཡ། བཛྲ་ཙཎྜ་ཏྭེ་ནོ་པ། ཏིཥྛ་དྲྀ་ཌྷོ་#མེ་བྷ་བ། སུ་ཏོ་ཥྱོ་མེ་བྷ་བ#། ཨ་ནུ་རཀྟོ་མེ་བྷ་བ། སུ་པོ་ཥྱོ་མེ་བྷ་བ#། སརྦ་སིདྡྷིམྨི་#པྲ་ཡཙྪ། སརྦ་ཀརྨ་#སུ་ཙ་མེ་ཙིཏྟཾ་ཤྲེ་ཡཾ་ཀུ་རུ་ཧཱུཾ། ཧ་ཧ་
[70a]
[70a.1]ཧ་ཧ་ཧོཿབྷ་ག་བཱན#། སརྦ་ཏ་ཐཱ་ག་ཏ། བཛྲ་མཱ་མེ་མུཉྩ་བཛྲཱི་བྷ་བ#། མ་ཧཱ་ས་མ་ཡ་སཏྭ་ཨཱཿ#། བུམ་པའི་ལྷ་དང་དཀྱིལ་འཁོར་ལྷ། །སྤྱན་དྲངས་ནམ་མཁར་གཤེགས་སུ་གསོལ། །དམ་ཚིག་འཁོར་ལོ་རང་ལ་བསྡུ། །དེ་ནས་སྤྱོད་ལམ་རྣམ་བཞི་ནི། །འགྲོ་བའི་
[70a.2]དོན་དུ་དགེ་བ་སྤྱད། །གཉིས་པོ་མི་འབྲལ་ང་རྒྱལ་ལྡན། །འདི་བརྩམས་པ་ཡིས་#དགེ་བ་གང་། །ཟླ་བ་རྒྱས་པ་དྲི་མེད་བཞིན། །འགྲོ་བ་དུག་ཅན་ཐམས་ཅད་ནི། །ཞིང་མཆོག་གཙང་མར་སྐྱེ་བར་ཤོག །ཕྱག་ན་རྡོ་རྗེ་གཏུམ་པོ་ལྷ་ལྔ་པ་ཞེས་བྱ་བའི་དཀྱིལ་འཁོར་གྱི་ཆོ་ག་འཕགས་པ་ཀླུ་སྒྲུབ་
[70a.3]#ཀྱི་ཞལ་སྔ་ནས་མཛད་པ་རྫོགས་སོ།། །།{T2191}#༄༅༅། །རྒྱ་གར་སྐད་དུ། བཛྲ་པཱ་ཎི་མཱརྒཱཥྚཱཾ་བ#། བོད་སྐད་དུ། ཕྱག་ན་རྡོ་རྗེའི་ལམ་ཡན་ལག་བརྒྱད་པ། འཕགས་པ་ལག་ན་རྡོ་རྗེ་ལ་ཕྱག་འཚལ་ལོ། །རིགས་ལྔ་ཁྲོ་བོ་རིགས་གཅིག་པས། །གཉིས་པོ་དབྱེར་
[70a.4]མེད་རྣམ་བཞི་འདྲས། །བཅོམ་ལྡན་དེ་བཏུད་སྒྲུབ་པའི་ཐབས། །གཏུམ་པོ་ཁྲོས་པའི་གཞུང་བཞིན་བྱ། །དེ་ལ་དུར་ཁྲོད་ལ་སོགས་པའི་གནས་སུ་གདོང་ལ་སོགས་པ་དག་པར་བྱས་ཏེ་དྲི་ཆུའི་ཆག་ཆག་བཏབ་ལ། རྣལ་འབྱོར་པ་དབང་ཐོབ་པས་སྟན་བདེ་བ་ལ་འདུག་སྟེ་རང་གི་སྙིང་གར་
[70a.5]ཧཱུཾ་སྔོན་པོ་བསམ། དེའི་འོད་ཟེར་གྱིས་བླ་མ་དང་ལྷ་དང་རྒྱལ་བ་སྲས་དང་བཅས་པ་རྣམས་ཐུགས་བསྐུལ་ཏེ་བསོད་ནམས་ཀྱི་ཚོགས་བསགས་པ་ནི། སངས་རྒྱས་ཆོས་དང་དགེ་འདུན་དང་། །བྱང་ཆུབ་སེམས་དཔའི་ཚོགས་རྣམས་དང་། །བཅོམ་ལྡན་ཕྱག་ན་རྡོ་རྗེ་ལ། །བདག་
[70a.6]ནི་གུས་པས་ཕྱག་འཚལ་ལོ། །འདོད་ཡོན་ལྔ་དང་རིན་ཆེན་བདུན། །བཀྲ་ཤིས་རྫས་བརྒྱད་འཁོར་#ཡུག་བཅས། །ཕྱི་ནང་གསང་བའི་མཆོད་པ་རྣམས། །བླ་ན་ཡོད་མེད་མཆོད་པར་བཞེས། །བདག་གིས་ཐོག་མཐའ་མེད་པ་ནས། །སྡིག་པ་བགྱིས་པ་མ་ལུས་ཀུན། །བཅོམ་
[70a.7]ལྡན་ཕྱག་ན་རྡོ་རྗེ་ཡི། །སྤྱན་སྔར་ད་ལྟ་མཐོལ་ཞིང་བཤགས། །བླ་མ་དཀོན་མཆོག་གསུམ་པོ་དང་། །གསང་སྔགས་ཀུན་བདག་རྡོ་རྗེ་ཅན། །དེ་རིགས་འཛིན་པའི་རྣལ་འབྱོར་ཀུན། །དགེ་བ་མཛད་ལ་རྗེས་ཡི་རང་། །བཅོམ་ལྡན་ཕྱག་ན་རྡོ་རྗེ་ནི། །དུས་གསུམ་བདེ་གཤེགས་
[70b]
[70b.1]ཐམས་ཅད་ཀྱི། །བྱིན་གྱི་རླབས་#ཀྱིས་དབང་བསྐུར་ལ། །གསང་སྔགས་འཁོར་ལོ་བསྐོར་བར་བསྐུལ། །སྐྱོན་བྲལ་མཐུ་ལྡན་ཁྱེད་རྣམས་ལ། །སྐྱེ་རྒ་ན་འཆི་མི་མངའ་ཡང་། །འགྲོ་བའི་དོན་དུ་སྐུ་སྤྲུལ་ལ#། །མཐུན་འཇུག་མྱ་ངན་མི་འདའ་གསོལ། །བདག་གིས་དགེ་བ་ཅི་
[70b.2]བསགས་ཀུན། །གཅིག་ཏུ་བསྡུས་ཏེ་བསྡོམས་ནས་སུ། །བླ་མེད་བྱང་ཆུབ་ཐོབ་བྱའི་ཕྱིར། །སེམས་ཅན་ཀུན་གྱི་དོན་དུ་བསྔོ། །དེ་ནས་བྱམས་པ་དང་སྙིང་རྗེ་དང་། དགའ་བ་དང་བཏང་སྙོམས་བསྒོམ་མོ། །དེ་ནས་ཡེ་ཤེས་ཀྱི་ཚོགས་བསགས་ཏེ། ཨོཾ་སརྦ་དྷརྨཱ་སྭ་བྷཱ་བ་ཨཱཏྨ་
[70b.3]ཀོ྅ཧཾ་#ཞེས་བརྗོད་པས་ཆོས་ཐམས་ཅད་སྟོང་པ་ཉིད་དུ་བསྒོམ་མོ། །དེ་ནས་རང་གི་སྙིང་གར་ཨ་ལས་བྱུང་བའི་ཟླ་དཀྱིལ་དུ་ཧཱུཾ་བསམ་མོ། །དེའི་འོད་ཀྱིས་དོན་བྱས། བར་ཆད་བསལ། མཆོད་པ་ཕུལ། བྱིན་རླབས་བསྡུས་ས་བོན་ལ་ཐིམ་པས་ཁྲོ་བོའི་རྡོ་རྗེ་རྩེ་ལྔ་པར་བལྟས་ཏེ། དེའི་
[70b.4]ལྟེ་བ་ཅན་གྱི་ཡང་དེ་ལྟར་བྱས། །དེ་ཡོངས་སུ་གྱུར་པ་ལས། ཞལ་གཅིག་པ། ཕྱག་གཉིས་པ་སྐུ་མདོག་མཐིང་ག །གཡས་རྡོ་རྗེ་བསྣུན་པའི་ཚུལ། གཡོན་སྡིགས་མཛུབ་ཐུགས་ཀར་བཀན་པ། ལྟོ་འགྲོས་བརྒྱན་ཅིང་སྟག་ཤམ་གསོལ་བ། སྤྱན་གསུམ་པ། མཆེ་བ་གཙིགས་པ།
[70b.5]སྐྲ་བརྫེས་#ཤིང་སྨ་ར་སེར་བ། ཞབས་གྱད་ཀྱི་འདོར་སྟབས་#སུ་བགྲད་པ། ཐུགས་ལས་རིགས་བཞི་ཡུམ་དང་འཁྱུད#། །སེང་གེ་སྟག་དང་ཅེ་སྤྱང་ཕག །སྤྲུལ་པའི་ཁྲོ་ཆུང་བསམ་མི་ཁྱབ། །མེ་དཔུང་འབར་བའི་བདག་ཉིད་བསམ། །དེ་རྗེས་ཧཱུཾ་ལས་འོད་འཕྲོས་པས། །ཡེ་ཤེས་སྤྱན་དྲངས་
[70b.6]མཆོད་སོགས་བྱ། །ཕྱག་རྒྱ་བཞི་ཡིས་རྒྱས་བཏབ་ལ། །སྐུ་གསུང་ཐུགས་སུ་བྱིན་གྱིས་བརླབ། །སྤྱན་ལ་སོགས་པས་དབང་བསྐུར་ལ། །སྤྲོ་བསྡུ་མི་སྐྱོའི་#བར་དུ་བསྒོམ། །དེ་ནས་ཏིང་འཛིན་གསུམ་དང་མ་བྲལ་བར་བཟླས་པ་བྱ་སྟེ། ཨོཾ་བཛྲ་ཙཎྜ་མཧཱ་#རོ་ཥ་ཎ་ཧཱུཾ་ཕཊ#། གཟུངས་སམ་
[70b.7]རིགས་ལྔའི་སྙིང་པོ་གང་ཡང་འདྲའོ། །དེ་ནས་གཏོར་མ་གཏང་#། བསྟོད་པ་བྱ། ཡི་གེ་བརྒྱ་པ་བཀླག །ཡེ་ཤེས་པ་གཤེགས། དམ་ཚིག་པ་བསྡུ། སྤྱོད་ལམ་བཞི་དགེ་བའི་ཆོས་སུ་སྤྱད་པར་བྱའོ། །དེ་ནས་རྫོགས་པའི་རིམ་པ་ནི། ས་བོན་རཾ་དུ་འབར་བ་ཡིས། །ཁ་སྦྱོར་ཉི་ཟླའི་
[71a]
[71a.1]འཕྲོ་འདུ་ལས། །ཐབས་དང་ཤེས་རབ་སྦྱོར་བ་ཡིས། །བདེ་བ་ཆེན་པོ་གསོ་མཛད་པ། །ཐིག་ལེའི་རང་བཞིན་མི་ཤིགས་ཀྱིས། །བགེགས་རིགས་སྟོང་ཕྲག་འཇོམས་པར་མཛད། །དེ་ནས་ཡང་དག་བཤད་པར་བྱ། །གཏོར་མ་ལས་རབ་ཀུན་གྱི་མཆོག །
[71a.2]ལས་རྣམས་ཀུན་གྱི་སྔོན་དུ་འགྲོ །ཡཾ་རཾ་ཀཾ་དག་ས་བོན་ལས། །རླུང་དང་མེ་དང་ཐོད་པའི་སྒྱེད། །ཨ་ལས་ཐོད་པའི་གཞལ་ཡས་སུ། །ཤུ་#དང་བི་མུ་མ་ར་ལས། །ན་དང་གོ་དང་ཀུ་ད་ཧ། །མི་འཆི་ལྔ་དང་རབ་གསལ་ལྔ། །སྟེང་དུ་ས་བོན་དགོད་བྱ་བ། །ཨོཾ་དང་ཧཱུཾ་དང་ཏྲཱཾ་#ལཾ་ཁཾ། །
[71a.3]ལཾ་མཱཾ་པཾ་ཏཱཾ་#བཾ་དག་ལས། །ཡབ་ཡུམ་སྙོམས་འཇུག་བདུད་རྩིའི་ཆུར། །དཔའ་བོ་གསུམ་གྱིས་བྱིན་བརླབས་ལ། །བརྗོད་པས་དཀར་དམར་དངུལ་ཆུའི་མདོག །ཡེ་ཤེས་བདུད་རྩིར་བྱིན་བརླབས་ལ། །རྡོ་རྗེ་ཁོང་གསེང་ཡེ་ཤེས་ལྗགས#། །ཧཱུཾ་མཛད་སྔགས་འདིས་གསོལ་བར་
[71a.4]བསམ། །ཨོཾ་ཙཎྜ་བཛྲ་པཱ་ཎ་#ཡེ་མ་ཧཱ་བ་ལིཾ་ཨི་དཾ། གྲྀཧྞ་གྲིཧྞ། ཁཱ་ཧི་ཁཱ་ཧི། མུཉྫ་#ཧོ་ས་མ་ཡེ་སྭཱ་ཧཱ། དེ་ནས་སྨན་གྱི་མཆོད་པ་ནི། ཨ་མྲྀ་ཏ་པཱུ་ཛ་ཧོ#། །རཀྟའི་མཆོད་པ་ནི། རཀྟ་པི་པ་ཏ་ཡོ། ཚོགས་ཀྱི་མཆོད་པ་ནི། ག་ཎ་པཱུ་ཛ་ཧོ#། །དེ་ནས་ལྷག་མ་བསྔོ་#བྱ་བ། །སྔགས་འདི་བརྗོད་
[71a.5]པས་ཐིམ་པར་བསམ། །ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་#ཨཱ་དྱ་ནུཏྤནྣ་#ཏྭཱཏ། ཨོཾ་ཨཱཿཧཱུཾ་སྭཱ་ཧཱ། ཞེས་པའི་སྔགས་ཀྱིས་འབྱུང་པོ་ཐམས་ཅད་ལ་གཏོར་མ་གཏང་ངོ་། །#དེ་ནས། སངས་རྒྱས་ཀུན་གྱིས་གནང་བའི་ལྷ། །མཆེ་བ་གཙིགས་ཤིང་མེ་མདག་སྤྱན། །མེ་ལྕེའི་དབུགས་ལ་
[71a.6]འཇིགས་པའི་ངར། །ཕྱག་ཞབས་ནོར་རྒྱས་བུ་ཡིས་བརྒྱན། །ནག་པོ་གདོལ་བའི་སེ་རལ་ཁ། །དགའ་བོ་ཉེ་དགས་སྙན་ཆ་མཛད། །སྦྲུལ་གདུག་འབར་བས་ཕྱག་ཞབས་བརྒྱན། །སྐུ་ཡི་བཞིན་དང་གཟི་བརྗིད་རྒྱས། །ཁྲོ་གཉེར་སྨིན་མ་དཔྲལ་བར་བསྡུས། །ཡ་སོས་མ་མཆུ་
[71a.7]དྲག་ཏུ་མནན། །གཤིན་རྗེའི་ཆ་བྱེད་#འཇིགས་བྱེད་སྐུ། །གློག་ལྟར་འཁྱུག་པའི་ལྗགས་འདྲིལ་ཞིང་། །གསུས་པ་ཆེ་ཞིང་སྦྲུལ་ཟ་བ། །ལག་པ་བརྡབས་པའི་སྒྲ་ཡིས་ནི། །ཁམས་གསུམ་རྣམས་ནི་འཇིགས་པར་བྱེད། །སྨ་ར་སེར་པོ་གྱེན་དུ་འཁྱིལ། །ཁྲོ་གཉེར་སྨིན་མ་མེ
[71b]
[71b.1]ལྕེར་འཁྱུག །ཁམ་ནག་རལ་པ་གྱེན་དུ་བརྫེས། །ཕྱག་གཡས་གསེར་གྱི་རྡོ་རྗེ་བསྣམས། །གཡོན་པ་སྡིགས་མཛུབ་ལོག་འདྲེན་གཟིར། །སྐུ་ལ་མེ་འབར་སྲིད་གསུམ་འདུལ། །འདབ་བཟངས་རྒྱལ་པོས་སྐ་#རགས་མཛད། །དཔག་ཚད་བརྒྱད་ཁྲི་རྒྱ་མཚོའི་ཟབས། །ཞབས་
[71b.2]ཀྱི་པུས་མོར་ཕྱིན་མཛད་ནས། །དབང་པོ་ཉི་མ་ཕྲག་ལ་ཁུར། །ཨཱ་ལིའི་#གད་རྒྱངས་ཆེན་པོ་ཡིས#། །ཀུན་དུ་དགོད་#ཅིང་འཁྲུག་པར་བྱེད། །ཧཱུཾ་དང་ཕཊ་གྱི་གད་རྒྱངས་ཀྱིས། །ཧ་ཧ་བཞད་ཅིང་དྲག་ཤུལ་ཆེ། །ཀླུ་རྣམས་འདུལ་བར་བྱེད་ལ་བསྟོད། །དེ་ནས་སྔགས་ཀྱི་བྱེ་བྲག་ནི། །ཨོཾ་བཛྲ་
[71b.3]ཙཎྜ་མ་ཧཱ་རོ་ཥ་ཎ་ཧཱུཾ་ཕཊ། ཨོཾ་ནཱི་ལཱཾ་#བ་ར་དྷ་ར་བཛྲ་པཱ་ཎི་ཧཱུཾ་ཕཊ། ཨོཾ་བཛྲ་པཱ་ཎི་#ཧཱུཾ་བཛྲ་རོ་ཥ་ཎ་ཧཱུཾ་ཕཊ། ཨོཾ་བཛྲ་ཙཎྜ་སརྦ་དུཥྚཱན་#ཏ་ཀ་ཧ་ན་ད་ཧ་#པ་ཙ་ཧཱུཾ་ཕཊ། ཨོཾ་བཛྲ་པཱ་ཎི་ས་མནྟ་ཀ་ར་མ་རཀྵ་ཙིཏྟ་བཛྲ་ནཱ་ག་ས་མནྟ་ཧཱུཾ་ཕཊ། རིགས་ལྔ་གཏུམ་པའི་དྲག་སྔགས་ཏེ། །རིམ་པ་ཡིས་ནི་ཤེས་པར་
[71b.4]བྱ། །ཏདྱ་ཐཱ་ནས་བྷ་ག་བཱན#། ར་ཛྙཱ་པ་ཡི་#པར་དུ་ནི། །གཏུམ་པོ་ཁྲོས་པའི་རྒྱུད་བཞིན་ནོ། །དེ་དག་གདགས་པའི་དྲག་སྔགས་ནི། །སྦྱོར་བས་ཡང་དག་བསྟན་པར་བྱ། །ཨོཾ་ཧ་ཡཀྵ་སོད་རྡོ་རྗེ་ཎ་རི་ཐཱ་རྦད། ཛཱ་#བུ་རཾ་རྦད། མུཾ་རིག་མུཾ་རིག་མཱ་ར་ཡ་ཤིག །སོག་ཚིག་ནན་#རྦད། ལུས་
[71b.5]རུལ་ནཱ་ག་མཱ་ར་ཡ་ཕཊ། རཾ་རཾ་ཛ་ལ་ཛ་ལ། ཤིག་ཤིག་མཱ་ར་ཡ། རྡུལ་བུན་རྦད་སོད། ཨོཾ་བཛྲ་ཙནྜ་སརྦ་དུཥྚཱན་ཀྲིག་ནན། ཨེ་ཧུར་ཐུཾ་ཛ་#མཱ་ར་ཡ་རྦད། ནཱ་ག་ཙིཏྟ་མཱ་ར་ཡ་རྦད། ཡཀྵ་ཙིཏྟ་མཱ་ར་ཡ་རྦད། རུ་ཀྲཾ་ཙིཏྟ་མཱ་ར་ཡ་རྦད། ར་ཛཱ་ཙིཏྟ་མཱ་ར་ཡ་རྦད། རཀྵ་ཙིཏྟ་མཱ་ར་ཡ་རྦད། ཙ་ར་ཙིཏྟ་མཱ་
[71b.6]ར་ཡ་རྦད། ཧཾ་ཤཾ་ཙིཏྟ་མཱ་ར་ཡ་རྦད། བ་ར་ས་ཏུ་ཙིཏྟ་མཱ་ར་ཡ་རྦད། མུས་མུན་ཙིཏྟ་མཱ་ར་ཡ་རྦད། རུ་ཀྲི་ཙིཏ་མཱ་ར་ཡ་#རྦད། ཉི་མས་བླ་ནན། ཀླད་པ་ནན#། ཙི་ཏྲ་ཀུ་ལི་ནན#། ཀུ་ན་ཤིག།།ཙི་ཏྲ་མུ་ཏྲ་བཟློག་བྱེར། ནཱ་ག་ཤིག །ནཱ་#ག་གློག་ནཱ་ག་#གྷོ་ལ་ནན#། ཆེ་གེ་ཙིཏྟ་མཱ་#ར་ཡ་ཧཱུཾ་ཕཊ། གདུག་པ་
[71b.7]རྣམ་གསུམ་གསད་#བྱ་བ། །ཐོག་མར་ཤེ་དང་རྩོ་ལ་སྦྱར། །དྲེགས་པ་བཅུ་ནི་འདུལ་བྱེད་པ། །གོང་ལྟར་མཐུན་དང་བར་པ་གཟུང་། །བསྲུང་ཞིང་ཟློག་#པར་བྱེད་པ་ནི། །འགྲེས་#ཀྱིས་ཐ་མར་ཤེས་པར་བྱ། །གཞན་ཡང་སྔགས་ཀྱི་སྦྱོར་བ་ནི། །འདི་ལྟར་རབ་ཏུ་བསྟན་པར་བྱ། །ཨོཾ་ག་རུ་
[72a]
[72a.1]ཌ་ཧཾ་ས་ཡ#། ཙ་ལ་ཙ་ལ་སྭཱ་ཧཱ། སེར་བ་བཅད་པའོ། །ཐལ་ཆེན་དང་ཡུངས་ཀར་གྱིས་བྱའོ། །ཨོཾ་ཨེ་ཤོང་ཐི་ཏོ། ཧུ་ལུ་ཧུ་ལུ། ཛ་ལ་ཛྙི་#ཧོ། ཧུ་ལུ་ཧུ་#ལུ། ཡང་ཏྲིའི་བ་ཐི་ཏོ། ཧུ་ལུ་ཧུ་#ལུ། ཏད་ཏྲེ་བ་པྲ་ཏི་ག་ཛ་ཏུ། ཧུ་ལུ་ཧུ་ལུ་སྭཱ་ཧཱ། སྔགས་ཀྱི་རྒྱལ་པོ་འདི་འཐབ་
[72a.2]པ་དང་། རྣམ་པར་རྩོད་པ་ཐམས་ཅད་ལ་བཟླས་པས་ཞི་བར་བྱེད་དོ། །ཨོཾ་མོ་ཙ་ནི་མོ་ཙ་ཡ#། མོ་ཀྵ་ནི་མོ་ཀྵ་ཡ། ཛྲི་རྦམ་#བ་ར་དེ་སྭཱ་ཧཱ། ཆུ་ལ་བཏབ་སྟེ་#གཏོར་ན་བཅིངས་པ་ལས་རྣམ་པར་གྲོལ་ལོ། །ཨོཾ་ཏ་རི་ནི་ཏ་ར་ཡ#། མོ་ཙ་ནི་#མོ་ཙ་ཡ#། མོ་ཀྵ་ནི་མོ་ཀྵ་ཡ#། བཛྲ་བཾ་བ་ར་དེ་སྭཱ་ཧཱ། ཏིལ་
[72a.3]མར་ལ་མངོན་པར་བསྔགས་ཏེ། སྐྱེ་བའི་སྒོ་ལ་བསྐུས་ན་སྦྲུམ་མ་བདེ་བར་བཙའ་བར་འགྱུར་རོ། །ཨོཾ་ཏཱ་རེ་ཏུཏྟཱ་རེ། མོ་ཀྵ་ཡཱ་བཛྲི་པཾ་སྭཱ་ཧཱ། གུར་གུམ་གྱིས་གྲོ་ག་ལ་གང་གི་མིང་སྨོས་པའི་སྔགས་མངོན་པར་བྲིས་ལ། སྤྲ་ཚིལ་གྱིས་གཏུམས་#ཏེ་དྲི་ཞིམ་པོས་བཀང་བའི་ཆུའི་
[72a.4]བུམ་པར་བླུགས་ཏེ། མེ་ཏོག་དྲི་ཞིམ་པ་ལ་དུས་གསུམ་དུ་མཆོད་པ་བྱས་ན། འཐབ་རྩོད་ཐམས་ཅད་ལས་རྣམ་པར་རྒྱལ་བར་འགྱུར་རོ། །ཨོཾ་ཨ་མ་ར་ཎི་ཛཱི་བནྟཱི་#ཡེ་སྭཱ་ཧཱ། སྔགས་འདི་ལེགས་པར་བཟླས་ན་ལས་ཐམས་ཅད་འགྲུབ་པར་འགྱུར། ཁྱད་པར་དུ་འབྲུམ་བུ་ལ་
[72a.5]སོགས་པ་ལ་ཆུ་ལ་བཏབ་ནས་འཐུངས་ན་འབྲུམ་བུ་ཐམས་ཅད་ཞི་བར་འགྱུར་རོ། །ཨོཾ་ཙཎྜ་མ་ཧཱ་རོ་ཥ་ཎ་ཧཱུཾ་ཕཊ། སྔགས་ཀྱི་རྒྱལ་པོ་འདི་ལན་ཅིག་བཟླས་པས་སྡིག་པ་ཐམས་ཅད་སྲེག་#པར་བྱེད་དོ། །འབྱུང་པོ་ལ་སོགས་པའི་གདོན་ལ་ཡུངས་ཀར་ལ་བསྔགས་ཏེ་གཏོར་བས་
[72a.6]འབྱེར་རོ། །བྱིས་པ་གསར་དུ་བཙའ་བ་ལ་སྐམ་པ་ལ་རྡོ་རྒྱུས་ཀྱིས་བྲིས་ཏེ་སྒོ་གོང་དུ་བཏགས་ན་བསྲུང་བའི་མཆོག་ཏུ་འགྱུར་རོ། །ཨོཾ་ཛཾ་བྷ་ལ་ཛ་ལེནྡྲ་#ཡེ་སྭཱ་ཧཱ། ཨོཾ་མ་ཎི་#བྷ་དྲཱ་ཡ་སྭཱ་ཧཱ། ཨོཾ་པུརྞྞ་#བྷ་དྲཱ་ཡ་#སྭཱ་ཧཱ། ཨོཾ་དཱ་ན་དཱ་#ཡ་སྭཱ་ཧཱ། ཨོཾ་བཻ་ཤྲ་བ་#ཎཱ་ཡ་སྭཱ་ཧཱ། ཨོཾ་ཀི་ལི་མ་ལི་ནི་སྭཱ་ཧཱ།
[72a.7]ཨོཾ་པི་ཙི་ཀུཎྜ་ལི་ནེ་སྭཱ་ཧཱ། ཨོཾ་མུ་ཁེནྡྲཱ་ཡ་སྭཱ་ཧཱ། ཨོཾ་ཙ་ལེནྡཱ་ཡ་སྭཱ་ཧཱ། ཛཾ་བྷ་ལ་ལ་གནོད་སྦྱིན་ཆེན་པོ་བརྒྱད་ཀྱིས་བསྐོར་བའི་ནོར་བསྒྲུབ་པའོ།། །།དེ་ནས་རབ་གནས་བཤད་པར་བྱ། །གཟའ་སྐར་དུས་ཚེས་བཟང་པོ་ལ། །བཀྲ་ཤིས་བུམ་པ་མཚན་ལྡན་དུ། །འདག་ཆལ་ལ་
[72b]
[72b.1]སོགས་ཆུ་བརྒྱད་ལ། །སྟོང་རྩ་བརྒྱད་དུ་གཟུངས་བརྗོད་དོ། །ཁྲུས་ཁང་#གསེར་དང་མུ་ཏིག་ཅན། །རིན་ཆེན་སིལ་མ་སྤུང་#བར་བཀྲུ། །ཇི་ལྟར་བལྟམས་པའི་ཚིགས་བཅད་བརྗོད། །ལུགས་མ་བཀྲུ་ཞིང་མེ་ལོང་ལ། །པོ་#ཏི་ལྷ་ཁང་བཀྲུ་བྱའོ། །ཁྲུས་བྱེད་ན་བཀྲ་ཤིས་ཀྱི་ཚིགས་
[72b.2]བཅད་དང་རོལ་མོའི་སྒྲ་སྣ་ཚོགས་དགྲོལ་ལོ། །སྲན་ཕྱེ་དང་འབྲས་ཡོས་དང་ཏིལ་མར་ལ་སོགས་པ་ལ་ཀུ་ཤའི་པིར་གྱིས་#ཁྲུས་བྱ་ཞིང་སྔགས་འདི་བརྗོད། ན་མོ་སརྦ་ཏ་ཐཱ་ག་ཏ་དུ་རྞ་#དུ་པ་པ་ཀྲ་སྟ་ཡེ་#སྭཱ་ཧཱ་ཞེས་བརྗོད་དོ། །དེ་ནས་རས་ཁ་ཚར་མ་ཉམས་པས་དྲིལ་ཕྱིས་བྱ་ཞིང་སྔགས་དེ་
[72b.3]བརྗོད་དོ། །དེ་ནས་དཀྱིལ་འཁོར་ཆེན་པོ་སྤྱན་དྲངས་ལ་བདག་གིས་དཀྱིལ་འཁོར་བསྒྲུབ་#སྟེ། བདག་ཉིད་#དཀྱིལ་འཁོར་མཆོད་པ་རྫོགས་པའི་རྗེས་ལ་རབ་གནས་ཀྱི་ལྷ་རྣམས་ཤིན་ཏུ་གསལ་བར་བྱས་ཏེ། ཡེ་ཤེས་ཀྱི་འཁོར་ལོ་བར་སྣང་དུ་བསྡུས་ཏེ་སྤྱན་དྲངས་ལ་གཉིས་སུ་མེད་
[72b.4]པར་བསྟིམས་#ལ། དབང་བསྐུར་རྒྱས་བཏབ་ལ་མཆོད་པ་ཤིན་ཏུ་རྒྱས་པར་བྱའོ། །དེ་ཡང་གསེར་གྱི་ཐུར་མས་སྤྱན་དབྱེ་བའི་སྔགས་ནི་འདིའོ། །ཨོཾ་ཙཀྵུ་ཛྙཱ་ན་ཙཀྵུ་པྲ་བེ་ཤ་ཡ་སྭཱ་ཧཱ། སྙན་དབྱེ་བ་ནི་ཨོཾ་ཀརྞ་#ཡེ་སྭཱ་ཧཱ། ཤངས་དབྱེ་བ་ནི་#ཨོཾ་ན་ག་གནྡྷེ་སྭཱ་ཧཱ། ཞལ་དབྱེ་བ་ནི་ཨོཾ་མུ་
[72b.5]ཁ་ཡེ་སྭཱ་ཧཱ། ན་བཟའ་#གསོལ་བ་ནི་ཨོཾ་བ་ཙན་ཙ་ལི་ཀ་ཡེ་སྭཱ་ཧཱ། དུང་གི་སོ་མངས་དང་གསེར་གྱི་སྤུ་གྲིས་རབ་ཏུ་བྱུང་བ་དང་། བྱང་ཆུབ་སེམས་དཔའི་བྱ་བ་བྱའོ། །པུསྟི་#གླེགས་བམ་རྣམས་ནི་རྡོ་རྗེ་ཆོས་དང་ཡུམ་ཆེན་མོར་བྱིན་གྱིས་བརླབ་བོ། །མཆོད་རྟེན་ནི་རྣམ་པར་སྣང་
[72b.6]མཛད་དུ་བྱིན་གྱིས་བརླབ་བོ། །རྡོ་རྗེ་དང་དྲིལ་བུ་ལ་སོགས་པ་ནི་རང་རང་གི་ཕྱག་མཚན་དུ་བྱིན་གྱིས་བརླབ་བོ#། །གཙུག་ལག་ཁང་ལ་སོགས་པ་དེ་དག་ཐམས་ཅད་ལ་ཡེ་ཤེས་སེམས་དཔའ་བཅུག་ལ་རྒྱས་བཏབ་ཅིང་བྱིན་གྱིས་བརླབས་ཏེ་དབང་བསྐུར་ལ་མཆོད་པ་རྒྱ་ཆེན་པོས་
[72b.7]མཆོད་ལ་བཀྲ་ཤིས་ཆེན་པོར་མངའ་གསོལ་ལོ།། #༄༅། །#དེ་ནས་བདུན་ཚིགས་བྱེད་པར་འདོད་ན། བསྙེན་པ་སྔོན་དུ་སོང་བས་གསོན་པོའི་བསྲུང་བ་བྱས་ཏེ། རུས་བུའམ་མཚན་བྱང་ལ་སོགས་པའི་དྲི་མ་སྦྱངས་ཏེ། འདོད་ལྷའི་#ཐུགས་རྗེས་གཤིན་པོ་ངན་སོང་
[73a]
[73a.1]གསུམ་ནས་དྲང་ཞིང་། གཤིན་པོའི་ཤེས་པ་ཨ་ཐུང་གནས་པ་དེ་མཚན་བྱང་ལ་བསྟིམས་ཏེ#། དྲག་པོའི་སྦྱིན་སྲེག་གིས་གཤེད་ཕྲལ་ལ། དུག་སྦྱང་ཞིང་འགྲོ་དྲུག་ནས་དྲངས་ཏེ། འདོད་ཆགས་ཞེ་སྡང་གཏི་མུག་གསུམ། །འདི་གསུམ་འཇིག་རྟེན་
[73a.2]དུག་ཡིན་ཏེ། །སངས་རྒྱས་ཆོས་དང་དགེ་འདུན་གསུམ། །བཅོམ་ལྡན་ཕྱག་ན་རྡོ་རྗེ་ཉིད། །དཀོན་མཆོག་བདེན་པས་དུག་མི་མངའ། །#དཀོན་མཆོག་བདེན་པས་དུག་བཅོམ་མོ། །དུག་ཀ་ཤཱནྟིཾ་#ཀུ་རུ་ཡེ་སྭཱ་ཧཱ། ཞེས་བརྗོད་ཅིང་འགྲོ་དྲུག་ནས་དྲངས་ལ་དཀྱིལ་འཁོར་ཆེན་པོར་དབང་
[73a.3]བསྐུར་ཏེ། མེ་མར་གྱིས་ལམ་བསྟན་#ལ་བདེ་བ་ཅན་གྱི་ཞིང་ཁམས་སུ་གནས་སྤར་རོ།། #༄༅། །#དེ་ནས་སྦྱིན་སྲེག་བཤད་པར་བྱ། །ཞི་བ་དཀར་ཞིང་ཟླུམ་པ་ལ། །ཀུ་ཤ་འོ་མ་ཅན་གྱིས་བསྲེག །འབྲས་ཆན་དཀར་གསུམ་མངར་གསུམ་དབུལ། །ཏ་#ལ་ནྱ་གྲོ་དྷ་ཡིས་
[73a.4]བསྲེག །གྲུ་བཞི་རིན་ཆེན་མཛེས་པས་སྤྲས། །སྨན་#དང་རིན་ཆེན་སྣ་ལྔ་དབུལ། །དབང་ལ་དམར་ཞིང་ཟླ་གམ་ལ། །ཙནྡན་དམར་དང་སེང་ལྡེང་ཤིང་། །ཁྲུ་གང་ཚད་ལ་པདྨའི་དབྱིབས། །དཱུར་བ་ཤིང་ཐོག་#ལ་སོགས་དབུལ། །དྲག་པོ་#མཐིང་ནག་གྲུ་གསུམ་ལ། །ཆུ་ཤིང་
[73a.5]ཚེར་མ་ཅན་གྱིས་བསྲེག །རྡོ་རྗེ་ལྕགས་ཀྱུས་སྤྲས་པ་ལ། །དུག་དང་ཁྲག་དང་དྲག་པོས་དབུལ། །མེ་ལྷའི་ཆོ་ག་རྫོགས་བྱས་ལ། །དེ་ཡི་གཞལ་ཡས་དྲག་པོ་རུ། །བཅོམ་ལྡན་ཆོ་ག་ལེགས་པ་ཡིས། །སྦྱིན་སྲེག་སྔགས་ནི་འདི་ལྟར་རོ། །ཨོཾ་ཨགྣ་ཡེ་#ཛྭ་ལ་རཾ། སརྦ་ཤ་ཏྲཱུཾ། ཤཱནྟིཾ་ཀུ་
[73a.6]རུ་#སྭཱ་ཧཱ། ཞི་བའི་འོ#། །པུ་ཥྚིཾ་ཀུ་རུ་#སྭཱ་ཧཱ། རྒྱས་པའིའོ། །བ་ཤཾ་ཀུ་རུ་#སྭཱ་ཧཱ། དབང་གིའོ། །མཱ་ར་ཡ་ཀུ་རུ་#ཧཱུཾ་ཕཊ། དྲག་པོའིའོ། །ན་མཤྩཎྜ་#བཛྲ་པཱ་ཎ་#ཡེ། མ་ཧཱ་ཡ་ཀྵ་སེ་ནཱ་#པ་ཏ་ཡེ། སརྦ་ཤ་ཏྲཱུཾ་#ཞེས་པ་ཕྲིན་ལས་བཞིའི་སྔགས་གདགས་པ་ནི་ཕྱག་ན་རྡོ་རྗེའིའོ#།། །།
[73a.7]༄༅། །#དེ་ནས་གདོན་བཤད་པར་བྱ། དབྱིབས་ལེགས་མཛེས་པའི་མཎྜལ་གསུམ། །བདག་དང་ནད་པའི་བར་དུ་བྱ། །དང་པོ་གཟུངས་#ཀྱི་བུམ་པ་ལ། །གཉིས་པ་སྨྱུག་ཤད་ལྕུག་མས་བྱབ#། །གསུམ་པ་བ་སུ་རིགས་དྲུག་དགོད། །འཁར་གཞོང་སྨན་གྱིས་བཀང་བ་ནི། །ལྕུག་
[73b]
[73b.1]མའི་གདན་དེ་ནད་རྣམས་གདབ། །མཱ་#ག་ཡུ་ལུ་ཞེས་བརྗོད་ལ། །དགང་གཟར་བླུགས་གཟར་དག་གིས་དབུལ། །ཞི་བ་ཆུ་ཡི་སྦྱིན་སྲེག་གོ། །གུ་གུལ་དུད་པས་བདུག་པ་དང་། །བྲ་མའི་ལྕག་གིས་བྲབ་པ་དང་། །ཁྱུང་དང་མཐུ་ཆེན་བསྡིགས་#ཤིང་བྲབ། །མདོངས་ཀྱིས་#དུད་ཁུང་ལྟ་བུར་
[73b.2]བྱབ#། །རླུང་གི་དཀྱིལ་འཁོར་བསྐྱོན་བྱས་ལ། །གདོན་དེ་དཔག་ཚད་བརྒྱད་ཁྲིར་འཕང་། །གདོན་རིགས་ཉི་ཤུ་རྩ་ལྔ་ལ། །སྨན་ཡང་རྩ་ལྔས་ནད་རྣམས་འཇོམས#། །མཐོང་བའི་དུག་དང་རེག་པའི་དུག །ཁ་རླངས་#དུག་དང་བསམ་#པའི་དུག །མྱོས་པའི་དུག་དང་དུག་མཚོ་ལྔ། །གཏུམ་
[73b.3]པོ་ཁྲོས་པའི་རྒྱུད་བཞིན་དུ། །རྟེན་ཅིང་འབྲེལ་པའི་རྫས་རྣམས་དང་། །ཡེ་ཤེས་ལྷ་ཡི་སྔགས་ཀྱིས་དགྲོལ། །མཛེ་རིགས་སུམ་བརྒྱ་དྲུག་ཅུ་ལས། །བསྡུ་#ན་བཅོ་བརྒྱད་ཤིན་ཏུ་བརྒྱད#། །རྩ་དང་ཆུ་དང་དབང་པོ་དངས། །སྐྲ་དང་རུས་པ་སེན་མོ་སྤུ། །དུག་དང་རྐྱེན་དང་རིགས་དང་གདོན། །
[73b.4]མངལ་དང་སྲིན་བུ་ཆུ་དང་ལྟས། །དང་པོ་བརྟག་པ་གཅེས་#པ་ཡིན། །གཉིས་པ་གསོ་ཐབས་བསྟན་པར་བྱ། །བརྟག་པ་བརྒྱད་ལ་གསོ་ཐབས་གཉིས། །སྨན་དང་ལྷ་རུ་ཤེས་པར་བྱ། །ལྷ་ནི་སྔོན་#དུ་སོང་བ་ཡིས། །སྨན་ནི་རྟེན་ཅིང་འབྲེལ་པའི་རྫས། །བཅངས་པ་
[73b.5]ཙམ་གྱིས་བསྲུང་བའི་མཆོག །རྩ་བཤལ་རྩུབ་བཤལ་རྣ་#བཤལ་སོགས། །རྔབས་རུའི་#ཐབས་སྦྱོར་དག་དང་ནི། །གཏར་དང་མེ་ཐུར་ལ་སོགས་པས། །རིག་#པས་དཔྱད་ལ་ཀུན་ནས་དགྲོལ། །མཛེ་རིགས་བརྒྱད་ལ་གསོ་ཐབས་བརྒྱད། །#བརྟག་
[73b.6]ཐབས་བརྒྱད་ལ་མན་ངག་བརྒྱད། །བླ་མའི་ངག་གིས་བརྒྱན་པར་བྱ། །དུག་ལ་སྨན་གྱིས་གསོ་བར་བྱ། །རྐྱེན་ལ་རྟེན་ཅིང་འབྲེལ་པའི་ཐབས། །རིགས་ལ་རིན་ཆེན་གཏེར་གྱིས་#གཟེར། །གདོན་ལ་བྱབ་བསྲུངས་ལྷ་ཡི་སྔགས། །མངལ་དང་སྲིན་ལ་རྩ་བཤལ་ལོ། །ཆུ་ལ་གཏར་དང་དེ་བཞིན་
[73b.7]ཏེ། །ལས་ལ་དགེ་བའི་སྟོབས་ཀྱིས་གསོ། །ལང་ཀར་གཤེགས་པའི་མདོ་དག་ལས། །བདག་ཉིད་འཕགས་པས་ལུང་བསྟན་པས། །བརྩམ་པར་མི་འོས་མ་ཡིན་ཏེ། །ཡན་ལག་བརྒྱད་དུ་དེ་བཤད་དོ། །རྒྱུད་ཀྱི་དགོངས་པ་ཡན་ལག་བརྒྱད། །ལྷག་ཆད་རྒྱལ་པོ་བཀའ་ལས་
[74a]
[74a.1]འགལ། །ཟབ་མོ་སྒྲུབ་ཐབས་འདི་བྲིས་པས། །འདིར་འཇུག་གསང་བདག་འགྲུབ་པར་ཤོག །ཕྱག་ན་རྡོ་རྗེའི་ལམ་ཡན་ལག་བརྒྱད་པ་ཞེས་བྱ་བ། འཕགས་པ་ཀླུ་སྒྲུབ་#ཀྱི་ཞལ་སྔ་ནས་མཛད་པ་རྫོགས་སོ། །{T2192}༄༅༅། །རྒྱ་གར་སྐད་དུ། །མ་ཧཱ་
[74a.2]ཡཀྵ་སེ་ནཱ་པ་ཏི་ནཱི་ལཱཾ་པ་ར་དྷ་ར་བཛྲ་པཱ་ཎི་ག་རུ་ཌ་སཱ་དྷ་ནཾ། བོད་སྐད་དུ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་དང་། བྱ་ཁྱུང་གི་སྒྲུབ་ཐབས། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །རྡོ་རྗེ་མཁའ་འགྲོའི་རྒྱུད་དང་ནི། །གསེར་མིག་འཁྱིལ་བའི་
[74a.3]རྒྱུད་དག་ལ། །བརྟེན་ནས་ནང་གི་སྒྲུབ་ཐབས་འདི། །བདག་གིས་དྲན་ཕྱིར་བཤད་པར་བྱ། །ལྷ་ཡི་རྣལ་འབྱོར་ཡུད་ཙམ་བསམ། །རང་གི་སྙིང་གར་ཟླ་དཀྱིལ་བསམ། །དེ་ཡི་སྟེང་དུ་ཧཱུཾ་ཡིག་བསམ། །ཧཱུཾ་ལས་འོད་ཟེར་འཕྲོས་པ་ཡིས། །ཕྱི་ནང་གསལ་ནས་འོད་ཟེར་འཕྲོས། །
[74a.4]བླ་མ་དང་ནི་གོས་སྔོན་ཅན། །དཀོན་མཆོག་ལ་སོགས་སྤྱན་དྲངས་ནས། །ཕྱག་འཚལ་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ། །སྐྱབས་འགྲོ་ལུས་དབུལ་དགེ་རྩ་བསྔོ་། །ཚད་མེད་བཞི་ཡང་བསྒོམ་པར་བྱ། །དེ་ནས་སྟོང་པའི་ཏིང་འཛིན་བསྒོམ། །
[74a.5]དེ་ན་འོད་དཔུང་ཚུལ་དུ་བདག །དེ་ཡི་ནང་དུ་ཧཱུཾ་གནས་པ། །དེ་ལས་ཛཿའཕྲོས་འཁོར་ལོར་གྱུར། །ལྟེ་བར་ཉི་བསམ་ཧཱུཾ་དེ་ཉིད། །དེ་ནས་གནོད་མཛེས་རྒྱལ་པོར་གྱུར། །ཐུགས་ཀའི་ཧཱུཾ་གི་འཕྲོ་འདུ་ལས། །ཁྲོ་བོ་ཆེན་པོ་བཅུ་རུ་གྱུར། །ཧཱུཾ་བཞིའི་གསང་སྔགས་བརྗོད་པ་ཡིས། །
[74a.6]ཁྲོ་ཆུའི་སྤྲུལ་བས་གདུག་པ་བཀུག །སྐུ་གསུང་ཐུགས་ཀྱི་ཕུར་པ་བཏབ། །བཏུལ་ཞིང་སྦྱངས་ནས་ནམ་མཁར་གྱུར། །དེ་ནས་ཧཱུཾ་གི་འཕྲོ་འདུ་ལས། །རྡོ་རྗེའི་གུར་དང་ར་བ་དང་། །དྲ་བ་ཉིད་དུ་གྱུར་པའོ། །ཧཱུཾ་གི་འཕྲོ་འདུས་སླར་ལ་ཞུ། །སྟོང་པ་ཉིད་ལས་འོད་དཔུང་བྱུང་། །དེ་ལས་ཉི་
[74a.7]ཟླ་ཁ་སྦྱར་གྱུར། །ཨཱ་ལི་ཀཱ་ལི་ཉི་ཟླས་བརྒྱན། །དབུས་སུ་ཨཿདང་ཧཱུཾ་སྦྱར་ཏེ། །ཁ་དོག་དཀར་དམར་ཉིད་དུ་གྱུར། །འོད་ཟེར་དཀར་དམར་འཕྲོ་འདུ་ལས། །ཞུ་བས་རྡོ་རྗེ་པདྨར་གྱུར། །པད་ལྟེར་རྡོ་རྗེ་རྐེད་ནུབ་ཙམ། །ལྟེ་བ་གཉིས་ལ་སྙིང་པོས་བསྐོར། །དེ་ཉིད་ངོ་བོ་ཐུགས་དང་
[74b]
[74b.1]གསུང་། །གཉིས་ཀས་སྐུ་གསུང་བྱིན་གྱིས་བརླབ། །དེ་ཉིད་འོད་དུ་ཞུ་བ་ལས། །རྡོ་རྗེ་ལས་ནི་ཁྲོ་བོར་གྱུར། །པདྨ་ལས་ནི་ཁྲོ་མོར་གྱུར། །ཁྲོ་བོ་རྡོ་རྗེ་གོས་སྔོན་ནི། །སྐུ་མདོག་མཐིང་ནག་ཞལ་གཅིག་པ། །ཕྱག་གཉིས་རྡོ་རྗེ་དྲིལ་བུ་བསྣམས། །མཆེ་བ་གཙིགས་ཤིང་སྤྱན་
[74b.2]གསུམ་དམར། །རལ་པ་ཁམ་ནག་གྱེན་དུ་འཁྱིལ། །ཕྱག་རྒྱ་དྲུག་དང་ཡང་དག་ལྡན། །ཞབས་གཉིས་བརྐྱང་བསྐུམ་འཁྲིལ་བའི་ཚུལ། །མདུན་དུ་རྡོ་རྗེ་ཕག་མོ་ནི། །སྐུ་མདོག་དམར་མོ་ཞལ་གཅིག་མ། །གཡས་པ་རྡོ་རྗེ་གྲི་གུག་བསྣམས། །གཡོན་པ་བྷན་དྷ་དམར་གྱིས་
[74b.3]བཀང་། །གཅེར་བུ་སྤྱན་གསུམ་དབུ་སྐྲ་བརྫེས། །ཕྱག་རྒྱ་དྲུག་དང་ཡང་དག་ལྡན། །གདན་དུ་རྡོ་རྗེ་རྒྱ་གྲམ་བསམ། །ཨོཾ་ཧཱུཾ་ཏྲཱཾ་ཧྲཱིཿ་ཨཿ། ཨེ་ཝཾ་མཱ་ཡ། ཧཱུཾ་སྭད་ཧྲཱིཿ་ཨཱཿ་ཛཿཧཱུཾ་བཾ་ཧོཿ། ཨོཾ་ཨཱཿ་ཧཱུཾ་ས་མ་ཡ་སྟྭཾ། ཨོཾ་ཨཱཿཧཱུཾ་ས་མ་ཡ་ཛཿ། ཨོཾ་ཨཱཿ་ཧཱུཾ་ས་མ་ཡ་ཨཱཿ། བུདྡྷ་ག་རུ་ཌ་ཨོཾ། བཛྲ་ག་རུ་ཌ་
[74b.4]ཧཱུཾ། རཏྣ་ག་རུ་ཌ་ཏྲཱཾ། པདྨ་ག་རུ་ཌ་ཧྲཱིཿ། ཀརྨ་ག་རུ་ཌ་ཨཿ། ཨེ་པུཥྤ་ག་རུ་ཌ། ཝཾ་དྷཱུ་པ་ག་རུ་ཌ། མཱ་ཨཱ་ལོ་ཀེ་ག་རུ་ཌ། ཡ་གནྡྷ་ག་རུ་ཌ། ག་རུ་ཌ་ཡཀྵ། ག་རུ་ཌ་ཡ་མ། ག་རུ་ཌ་ཧུ་ལུ། ག་རུ་ཌ་ཙི་ནྡ། ཛཿག་རུ་ཌ། ཧཱུཾ་ག་རུ་ཌ། བཾ་ག་རུ་ཌ། ཧོཿག་རུ་ཌ། ཡབ་ཀྱི་གོ་ཆའོ། །ཨོཾ་བཾ། ཧཾ་ཨོཾ།
[74b.5]ཧྲི་ནཨོཾ། ཧྲོ་ཧྲི། ཧཱུཾ་ཧཱུཾ། ཕཊ་ཕཊ། ཡུམ་གྱི་གོ་ཆའོ། །ཐུགས་ཀའི་འོད་ཟེར་འཕྲོས་པ་ཡིས། །ཡེ་ཤེས་སེམས་དཔའ་སྤྱན་དྲངས་ལ། །ཕྱི་ནང་བདུད་རྩི་བཅས་པས་མཆོད། །ཛཿཧཱུཾ་བཾ་ཧོཿབཅས་པས་བཅིང་། །བདུད་རྩི་བུམ་པས་དབང་བསྐུར་བས་རིགས་ཀྱི་གཙོ་བོས་དབུ་
[74b.6]བརྒྱན་བསམ། །དེ་ནི་བསྐྱེད་པའི་རིམ་པའོ། །ཐིག་ལེ་གེ་སར་བཅས་པའི་དབུས། །ཨཱ་ལི་ཀཱ་ལི་ཡང་དག་ལྡན། །དེ་ཡི་དབུས་ན་གནས་པའི་ལྷ། །དར་དཀར་ཕྲ་བའི་སྐུད་པ་ཙམ། །དེ་ལས་བསམ་གྱིས་མི་ཁྱབ་བསམ། །བསམ་གྱིས་མི་ཁྱབ་དེ་བསམས་ནས། །དེ་ལས་གཟུགས་
[74b.7]སྐུ་རྣམ་གཉིས་འགྱུར། །དང་པོ་རྣལ་འབྱོར་ལུང་གིས་བརྒྱན། །དེ་ནས་ཆོས་ཀྱི་དབྱིངས་སུ་ཐིམ། །ཕག་མོའི་དེ་ཁོ་ན་ཉིད་ནི། །ཕག་ཞལ་དོན་དམ་དངོས་པོ་མེད། །ཀུན་རྫོགས་ཁྲོ་ཞལ་མཚོན་པ་ལ། །བྱ་ནི་གསལ་བའི་ཐབས་ཡིན་ཏེ། །ཁྱུང་ནི་གསལ་བ་དངོས་མེད་ཡིན། །
[75a]
[75a.1]ག་ནི་གང་དུ་མི་གནས་ཏེ། །རུ་ནི་ཚོགས་དང་བྲལ་བ་ཉིད། །བྱ་ནི་གཟུགས་སྐུ་རྣམ་གཉིས་ཏེ། །ཁྱུང་ནི་རང་བཞིན་འོད་གསལ་བས། །གདོད་ནས་དག་པས་ནམ་མཁའ་བཞིན། །རང་སེམས་གདོད་ནས་མ་སྐྱེས་པ། །སྟོང་པ་ཉིད་ཀྱི་རང་བཞིན་ནོ། །ཨོཾ་བཛྲ་
[75a.2]ཙཎྜ་མ་ཧཱ་རོ་ཥ་ཎ་ཧཱུཾ། བཛྲ་ག་རུ་ཌ་ཧཱུཾ་ཧཱུཾ་ཕཊ་ཕཊ། མཱ་ར་ཡ་མཱ་ར་ཡ། སྥོ་ཊ་ཡ་སྥོ་ཊ་ཡ། བཛྲ་པཱ་ཎི་ག་རུ་ཌ་བེ་ག་ཧཱུཾ་ཧཱུཾ་ཛཿཛཿར་ཙེ་པྲེ་ཙི་ཧཱུཾ་ཕཊ། ཨོཾ་བཛྲ་ཌཱ་ཀི་ནཱི་ཧཱུཾ་ཧཱུཾ་ཕཊ། ཡུམ་གྱི་སྙིང་པོའོ། །ཛཿཧཱུཾ་དར་མ་ཤཾ་ག་ཀི་ནི་ད་རི། དར་མ་ཧེ་ཤ་དྷུ་དྷུ་ར། རཏྣ་ཏེ་ཤཾ་ཀ་རི། དར་མ་
[75a.3]ཏི་ཤ་ཙ་ཀ་ར། དར་མ་ཏེ་ཤ་ས་མ་ཡ། སྤུ་ཏ་ཡ་སྤུ་ཏ་ཡ། ཏེ་པ་ཏེ་པ་ཁ་ཁ་རཾ། ཏེ་པ་ཏེ་པ་ཙ་ཀ་རི། ཏེ་པ་ཏེ་པ་མུན་དུ་རི། ཏེ་པ་ཏེ་པ་བྲྦུདྡྷོ་ཏ་ར། ཏེ་པ་ཏེ་པ་ས་མུ་ས་མུཉྫ། ཙ་ཁ་མུན་དུར་ཁྱེ། བཛྲ་ཙ་ན་རན་ཛ་ཛཿབཛྲ་ཙ་མུནྡྷ་ར་ཛཿབཛྲ་ཁ་མུནྡྷ་ར་ཛཿ། ཏེ་ཤ་མུན་དུ་ར་ནཾ། ཛུ་རུ་ཛུ་རུ་རཾ། ཛུ་རུ་ཛུ་
[75a.4]རུ་མུན་བཛྲ། ཛཿཧཱུཾ་རྡོ་རྗེ་ཀ་ཆེན་བསྐྱོད། རྡོ་རྗེ་དྲག་པོ་བསྐྱོད། །རྡོ་རྗེ་མཐའ་ཡས་བསྐྱོད། རྡོ་རྗེ་མཐར་ཐུག་བསྐྱོད། ཁ་ཛ་ར་ཛ་མུན་དུར་ཁྱེ། པདྨ་རན་ཁ་ཛ་ར་ཛ་མུན་དུར་ཁྱེ། ཁ་ཛ་ར་ཛ་མུན་དུ་ར་ར་ས་མུཉྫ། ཨོཾ་ཌཱ་ཀི་ནཱི་ཛཿསྤྱན་དྲངས་པའི་སྔགས་སོ། །ཨོཾ་ཀཱ་ཡ་བཱཀ་ཙིཏྟ། ཨི་དཾ་བ་ལིཾ་
[75a.5]བྷུཉྫ་ཛ་ཀ་ལ་ཕུལླ་དྷཱུ་པ་མཱ་ས། སེ་ས་ཁ་ན་དི། ཏེ་ཀ་ཀ་ཏོ། ཨོཾ་ཨ་མྲྀ་ཏ་པ་ཏི་ཛཿཀ་ས་ཀ་རུ། པཱུ་ཛ་ཁཱ་ཧི་པུཥྤ། ཨཱ་ལོ་ཀེ ། གནྡྷེ། ནཻ་བེ་དྱ། ཀ་ས་ཀ་རུ་པཱུ་ཛ་ཁཱ་ཧི་ནཱ་ག་པུ་ཨ་དྷི་པ་ཏི། ཀ་ས་ཀ་རུ་པཱུ་ཛ་ཁཱ་ཧི། ཨོཾ་ཨཱཿཧཱུཾ། ཨ་ཀཱ་ཧཱུཾ། ཨ་ཀཱ་རོ་མུ་ཁཾ་སརྦ་དྷ་རྨྨཱ་ཎཱཾ། ཨཱ་དྱ་ནུཏྤནྣ་ཏྰྭ་ཏ་ཨོཾ་
[75a.6]ཨཱཿཧཱུཾ། གཏོར་མ་བསྟབས་པའི་སྔགས་སོ། །ཀ་ཀ་རཀྵ། ཧཱུཾ་ཧཱུཾ་སྟྱོཾ་བྷྱོཾ་ཛཿཛཿ། ཁ་ཁ་ཏེ་ཤ་རཀྵ། ཧཱུཾཧཱུཾསྟྱོཾ་བྷྱོཾ་ཛཿ། ཁ་ཁ་ཁ་ཙ་བ་རཀྵ། ཧཱུཾ་ཧཱུཾ་སྟྱོཾ་བྷྱོཾ་ཛཿ། ཁ་ཁ་ཁ་ཙ་ཁ་རཀྵ། ཧཱུཾ་ཧཱུཾ་སྟྱོཾ་བྷྱོཾ་ཛཿ། ཁ་ཁ་ཁ་མུ་དུ་རཀྵ། ཧཱུཾ་ཧཱུཾ་སྟྱོཾ་བྷྱོཾ་ཛཿ། ཁ་ཁ་ཁ།། ཛཿཧཱུཾ་བཾ་ཧོཿ་གདོན་ཕྱག་རྒྱས་དགུག་པའི་
[75a.7]སྔགས་སོ། །ཀ་ཀ་རཀྵ་ས་མ་ཡ། སྤུ་ཏ་ཡ། སྤུ་དྷ་ར། ཙ་ག་རཀྵ་ས་མ་ཡ། དུ་ཏ་ཡ་སད་ཏ་ར། མུ་དུ་རཀྵ་ས་མ་ཡ། སྤུ་ཏ་ཡ་སྤུ་ཏ་ར། གདོན་གཤེད་མ་དང་འབྲལ་བའི་སྔགས་སོ། །ཧཱུཾ་ཧྲིལ་ཧྲིལ་དིམ་དིམ་ཀུན་ཕོབ་ཕོབ་ཤར་ཤར་དི་རི་དི་རི་རྦད། ཁ་ཐཾ་ཐཾ་ཐུམ། ཛ་རེ་ཛ་རེ་བྷྱོ་
[75b]
[75b.1]ཧ་ས་ཧ་ས། ཏེ་པ་ཏེ་པ། ཏྲི་ཏ་ཧ་ཏྲི་ཏ་ཧ། ཏྲི་ཁུག་ཏྲི་ཁུག །ཚལ་པ་ཚལ་པ། སྲོག་ཚིག་ནན་རྦད། ལུས་རྡུལ་མཱ་ར་ཡ་རྦད། རཾ་རཾ་ཛ་ལ་ཛ་ལ། ཤིག་ཤིག་རྡུལ་བུན་རྦད་སོད། ནཱ་ག་སརྦ་ག་རུ་ཌ་ཁཱ་ཧི། སྤྱི་དྲིལ་བའི་སྔགས་སོ། །ཨོཾ་ན་མོ་བུ་དྡྷཱ་ཡ། ཀཱི་ལི་མི་ལི་ཙནྟ་ན་ག་བནྡྷ་ཡ་སྭཱ་ཧཱ།
[75b.2]ཕུར་པའི་སྔགས་སོ། །ར་ལི་ཧུར་ཧུར་ཐུམ་བྷྱོ་དྷ་ཤ་ཧུར་ཐུམ་བྷྱོ། མ་མ་ཤི་བྷྱོ། སརྦ་ག་རུ་སེར་བ་ལ་བྷྱོ། སེར་བ་བཟློག་པའི་སྔགས་སོ། །ཨོཾ་བེ་ར་བེ་ར་བཛྲ་དྷ་རི་ཡེ་སྭཱ་ཧཱ། རིམས་ནད་བསྲུང་བའི་སྔགས་སོ། །ཧཱུཾ་དི་རི་དི་རི་ག་རུ་ཌ་བྷྱོ་ཧཱུཾ་ཧཱུཾ་ཛཿཛཿ། ཨེ་ཨ་རི་ལི་ཧྲི་བྷྱོ། འཁོར་
[75b.3]གྱི་ཀླུ་ཞི་བར་བྱེད་པའི་སྔགས་སོ། །ཧཱུཾ་ཛུ་ཏི་ཏིང་ཏིང་ཏེག་ཏེག་ཧོ་ཧོ། ཧཱུཾ་སྟོ་བྷྱོ། གཏད་འདོན་པའི་སྔགས་སོ། །ཏྲི་ནཾ་མཱ་ར་ཡ་ཧཱུཾ་ཕཊ། འབྱུང་པོ་སྐྲོད་པའི་སྔགས་སོ། །བདག་གིས་སྒྲུབ་ཐབས་འདི་བརྩམས་པས། །བདག་དང་མཐའ་ཡས་སེམས་ཅན་རྣམས། །འདི་ལ་བརྟེན་
[75b.4]པའི་རྣལ་འབྱོར་རྣམས། །ཕྱག་རྒྱ་ཆེན་པོ་ཐོབ་པར་ཤོག །རྡོ་རྗེ་སྐོར་གྱི་ནང་སྒྲུབ་ཡིད་བཞིན་གྱི་ནོར་བུ་ཞེས་བྱ་བ། ཕྱག་ན་རྡོ་རྗེ་ཞལ་མངོན་སུམ་དུ་གཟིགས་པ་སློབ་དཔོན་ལས་ཀྱི་རྡོ་རྗེས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཝ་ལ་ཙནྟྲ་དང་། ལོ་ཙཱ་བ་གླན་ཆུང་དར་མ་ཚུལ་ཁྲིམས་
[75b.5]ཀྱིས་བསྒྱུར་ཅིང་གཏན་ལ་ཕབ་པའོ།། {T2193}༄༅༅། །རྒྱ་གར་སྐད་དུ། ཤྲཱི་བཛྲ་པཱ་ཎི་སཱ་དྷ་ན་ནཱ་མ། བོད་སྐད་དུ། དཔལ་ཕྱག་ན་རྡོ་རྗེ་སྒྲུབ་པའི་ཐབས་ཞེས་བྱ་བ། དཔལ་ཕྱག་ན་རྡོ་རྗེ་གཏུམ་པོ་ལ་ཕྱག་འཚལ་ལོ། །གསང་བའི་བདག་པོ་བསྒྲུབ་པར་འདོད་པས། །
[75b.6]དང་པོར་ཆོས་ཐམས་ཅད་སྟོང་པར་བསམ། དེ་ནས་སྙིང་རྗེ་ཆེན་པོ་བསྐྱེད། དེའི་སྟེང་དུ་ཉི་མའི་དཀྱིལ་འཁོར། དེའི་དཀྱིལ་དུ་ཧཱུཾ་མཐིང་ནག་འབར་བ་བསམ། ཧཱུཾ་གི་འཕྲོ་འདུ་ལས་རྡོ་རྗེ་མཐིང་ནག་འབར་བ་ཧཱུཾ་གིས་མཚན་པ་བསམ། ཨོཾ་བཛྲ་པཱ་ཎི་ཧཱུཾ་ཕཊ། ཅེས་བརྗོད་པས། དེ་
[75b.7]དག་ཡོངས་སུ་གྱུར་པ་ལས་རྡོ་རྗེ་གཏུམ་པོ་ཤིན་ཏུ་ཁྲོས། འཇིགས་སུ་རུང་བ། སྐུ་མདོག་མཐིང་ནག །སྤྱན་གསུམ་པ། འཇིགས་སུ་རུང་བ་སྦྲུལ་དང་རྒྱན་གྱིས་བརྒྱན་པ། སྟག་ལྤགས་ཀྱི་ཤམ་ཐབས་ཅན། ཕྱག་གཡས་རྡོ་རྗེ་རྒྱ་གྲམ་གྱི་ཐོ་བ་འཕྱར་བ། གཡོན་མི་རུས་ཀྱི་ཕུར་པ་འདྲིལ་
[76a]
[76a.1]བ་ཅིག་ཏུ་བསམས་ལ། ཨོཾ་བཛྲ་རཀྵ་རཀྵ་ཧཱུཾ། ཨོཾ་ཧཱུཾ་ཏྲཱཾ་ཧྲཱིཿཨཿཞེས་གོ་བགོའོ། །དེ་ནས་ཡེ་ཤེས་སེམས་དཔའ་མདུན་དུ་བསམ། བདུན་རྣམ་དག་བྱ། ཛཿཧཱུཾ་བཾ་ཧོཿས་རང་ལ་བསྟིམ། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུཾ་ཕཊ། སུམ་འབུམ་ཉི་ཤུ་རྩ་གཅིག་ཏུ་བཟླས་སོ། །
[76a.2]{T2194}༄༅༅། །སྔགས་ཀྱི་རྒྱལ་པོ་འདི་ཅུང་ཟད་བཟླས་པས་སྡིག་པ་ཐམས་ཅད་སྲེག་པར་བྱེད་དོ། །ཐམས་ཅད་སྲུང་པར་བྱེད་དོ། །གནོད་པའི་ལོག་འདྲེན་ཐམས་ཅད་མེད་པར་བྱེད་དོ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུཾ་ཕཊ། བ་ལིཾ་ཨི་དཾ་གྲྀཧྞ་གྲྀཧྞ། །ཁཱ་ཧི་ཁཱ་ཧི། བྷུཉྫ་ཧོཿརཀྟ་པི་པ་ཏོ། ས་མ་ཡེ་སྭཱ་ཧཱ།
[76a.3]དེ་བསྙེན་པ་བྱེད་པའི་དུས་སུ་རྒྱུན་དུ་གཏོར་མ་གཏོང་བའི་སྔགས་སོ། །དེ་ནས་དྲག་པོའི་ལས་བྱ་བར་འདོད་པས། དང་པོར་དཀྱིལ་འཁོར་ཇི་ཙམ་དྲན་པ་ཅིག་བྱ། རྡོ་རྗེ་རྒྱ་གྲམ་བྲི། ར་ཀུན་ནག་པོར་བྱ། རེ་ཁཱ་ཚིལ་དང་ཐལ་ཆེན་བསྲེས་པས་བྲི། དེའི་དབུས་སུ་ཨེ་གྲུ་གསུམ་
[76a.4]ཟབས་སུ་མཛུབ་གང་བ་ཅིག་བྲུས་ལ། ནང་རོ་བསྲེགས་པའི་ཐལ་བས་བྱུག །གྲུ་གསུམ་དེའི་ཕྱི་རོལ་དམར་པོར་བྱ། དེ་ནི་དཀྱིལ་འཁོར་བྱ་བའི་ཐབས་སོ། །དེ་ནས་ལིངྒ་བཅའ་བའི་ཐབས་ན། སྤྲ་ཚིལ་ལས་ལིངྒ་སོར་བཞི་པ་བྱས་ལ་དེའི་སྙིང་གར་ཤོག་བུ་ལ་དམར་ཆེན་གྱིས་རྡོ་རྗེ་རྒྱ་
[76a.5]གྲམ་བྲིས་ལ། བསྒྲུབ་བྱ་རང་གི་རྟེན་དང་བྲལ་བར་བསམ། གྲུ་གསུམ་དེའི་དབུས་སུ་མིང་བྲིས་ལ་གཞུག །དེ་ནས་གྲུ་གསུམ་ནང་དུ་བཅུག་ལ། སྐེ་ནས་སྐུད་པ་སྔོན་དམར་གྱིས་བཏགས་ལ། དེའི་སྣ་ལ་མིའི་རྗེ་ངར་གྱི་ཕུར་པ་སོར་བཞི་པ་ཅིག་བཏགས་ལ། འཇིགས་བྱེད་
[76a.6]ཆེན་པོར་མངའ་གསོལ་ཏེ། སྔགས་ནམ་ཕྱེད་དམ་ཉི་མ་ཕྱེད་ན་བརྡེག་གོ། །ཕྱི་རོལ་དུ་འགྲོ་བ་ལ་སོགས་པ་བྱེད་ན་ལིངྒ་ལས་ཕུར་བ་མི་དབྱུང་བར་བཏབ་ལ་གཞག་གོ། །མཎྜལ་དབུས་སུ་ལྷའི་གདན་དུ་བྱས་ལ། སུམ་འབུམ་དུ་བཟླས་ལ་གདབ། དེའི་དུས་སུ་གཏོར་མ་དང་
[76a.7]མཆོད་པ་དུས་དྲུག་ཏུ་དབུལ་ལོ། །དེ་འདེབས་ཙ་ན་རང་ཉིད་ཕྱག་ན་རྡོ་རྗེ་སྐུ་མདོག་སྔོ་ནག །ཞལ་གཅིག་པ་ཕྱག་གཉིས་པ། སྤྱན་གསུམ་པ། སྦྲུལ་གྱིས་བརྒྱན་པ། སྟག་ལྤགས་ཀྱི་ཤམ་ཐབས་ཅན། བསྒྲུབ་བྱའི་སྟེང་ན་འདུག་པ། ཕྱག་ན་ཕུར་བུ་དང་སྡིགས་མཛུབ་མཛད་པ་ཅིག་ཏུ་
[76b]
[76b.1]བསྒོམ་ཞིང་སྔགས་བཟླས་ལ་བརྡེག་གོ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུཾ་ཆེ་གེ་མོ་ཤི་རི་ཀཱི་ལ་ཡེ་ཏ་ཧཱུཾ་ཕཊ། ཨ་མུ་ཀ་སྟཾ་བྷ་ཡ། ཧྲི་སྟཾ་བྷ་ཡ་ཀཱི་ལ་ཡེ་ཏ་ཧཱུཾ་ཕཊ་ཅེས་བཟླས་ལ་བརྡེག་གོ། །དེ་ལྟར་དྲག་པོའི་ལས་བྱེད་པའི་དུས་སུ་གཏོར་མ་གཏོང་བའི་སྔགས་སོ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུཾ་
[76b.2]ཕཊ། མ་མ་སརྦ་ཤ་ཏྲཱུཾ། ཨ་མུ་ཀ་མ་ཙ་ཡེ་ཏ་པྲ་ཡ་མཱཾ་ས་ཛི་བོ། བུ་ག་རུ་དྷི་ར་པྲི་ཡཾ་བྷཀྵེ་ན་བ་ལིཾ་ཡི་དཾ་གྲྀཧྞ་གྲྀཧྞ། ཁཱ་ཧི་ཁཱ་ཧི་བྷུཉྫ་ཧོཿ། རཀྟ་པི་པ་ཏོ། ཨཱརྱ་པྲ་ཙ་གྲྀཧྞ། ཁཱ་ཧི་ཁཱ་ཧི། རཀྟ་པི་པ་ཏོ། ཨ་ཏི་ཀྲ་མཱ་ཏི་ས་མ་ཡེ་སྭཱ་ཧཱ། ཕུར་བུའི་ལས་རྫོགས་ནས་མཚོན་རྣོན་པོས་
[76b.3]ལིངྒ་སྟོད་སྨད་དུ་གཏུབས་ལ། སྨད་ལྷའི་ཞལ་དུ་སྦྱིན་སྲེག་བྱ། སྟོད་མིང་བྱང་དང་བཅས་པར་མནན་པ་བྱ། ལས་ཀྱི་དུས་སུ་རྡོ་རྗེ་རྒྱ་གྲམ་གཉིས་ཀྱི་བར་དུ་གཟུགས་བརྙན་དེ་བཅུག་ལ་ཐོད་པའི་ནང་དུ་སྐུད་པ་སྔོན་དམར་གྱིས་དཀྲིའོ། །སྐུད་པ་ལག་པ་གཡོན་པས་བཟུང་ལ།
[76b.4]ལས་ཀྱི་དུས་སུ་གཟུགས་བརྙན་ལ་གནས་ལྔར་ཕུར་པས་གདབ། དེ་ནས་སླར་བཅུག་ལ་སྔོན་དམར་གྱིས་དཀྲིས་ལ་ལམ་རྒྱ་གྲམ་དུ་སྦའོ། །དེའི་སྟེང་དུ་ཕྱེ་དང་སྲེ་མོག་གིས་རྒྱ་གྲམ་བྲིས་ལ་གཞག་གོ། །ལས་འགོར་ན་བསྐྱར་ལ་བྱའོ། །སྤྲ་ཚིལ་ལས་ལིངྒ་སོར་བཞི་པ་བྱས་ལ།
[76b.5]བསྒྲུབ་བྱའི་མིང་དང་བཅས་པར་བཅུག་ལ་ཚེར་མས་དེའི་ཁ་ལ་བཙུགས་ན། ཕྱིར་རྒོལ་བའི་ཁ་ཚུམས་པར་འགྱུར་རོ། །ལྕགས་ཀྱི་ཕུར་བུ་དང་མིའི་རྗེ་ངར་ལ་མིང་ནས་སྨོས་ཏེ། ཡན་ལག་གང་དང་གང་ལ་བཏབ་པ་དེ་རེངས་པར་འགྱུར་རོ། །མཚོ་ལྐུགས་པར་སྦས་ན་ངག་རེངས་
[76b.6]པར་འགྱུར་རོ། །སྒོ་རྩར་སྦས་ན་འབྱེར་བར་འགྱུར་རོ། །རལ་གྲི་ལ་བསྔགས་ནས་གཡུལ་དུ་ཞུགས་ན་རྒྱལ་བར་བྱེད་དོ། །ཁྲོས་བས་སྙིང་གར་བསྣུན་ན་འཆི་བར་འགྱུར་རོ། །མེའི་དུར་དུ་སྦས་ན་རིམས་ཀྱིས་འཆི་བར་འགྱུར་རོ། །རབས་ཆད་ཀྱི་ཐོད་པ་ལ་མིང་དང་སྔགས་བྲིས་
[76b.7]ནས་རབས་ཆད་ཀྱི་དུར་དུ་སྦས་ན་རབས་ཆད་པར་འགྱུར་རོ། །མངོན་པར་བསྔགས་ལ་དུར་ཁྲོད་ཀྱི་ཐལ་བའི་སྟེང་དུ་བཞག་ན་འབྱེར་བར་བྱེད་དོ། །ཁྱི་ནག་པོའི་ཐོད་པ་ལ་སྔགས་དང་མིང་བཅས་པ་བྲིས་ནས་ཀླུའི་གནས་སུ་སྦས་ན་མཛེས་ཟིན་པར་འགྱུར་རོ། །དབང་མ་ཐོབ་ཅིང་
[77a]
[77a.1]མན་ངག་མེད། །ཚད་དང་མི་ལྡན་འདི་མི་བྱ། །འདི་ལ་ཉེས་པ་ཡོད་པས་ན། །ཤིན་ཏུ་གསང་ཞིང་སྤེལ་མི་བྱ། །སློབ་དཔོན་ལས་ཀྱི་རྡོ་རྗེས་མཛད་པའི་གསང་བ་ཐུགས་ཀྱི་ཕུར་གཅིག་མའོ།། །། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་མ་གྷོ་མི་ཤ་ཧཱུཾ། ཆེ་གེ་མོ་ཤི་རཾ་ཀཱི་ལ་ཡེ་
[77a.2]ཏ་ཧཱུཾ་ཕཊ། ཤི་རཾ་སྟྭཾ་བྷ་ཡ་ཧཱུཾ་ཕཊ། ཀ་ཏི་མུ་ལ་ཡེ་ཏ་ཧཱུཾ་ཕཊ། ཀ་ཏི་མུ་ཁ་སྟྭཾ་བྷ་ཡ་ཧཱུཾ་ཕཊ། ཧྲཱི་ཏ་སྟཾ་བྷ་ཡ་ཧཱུཾ་ཕཊ། པ་ཏ་ཀཱི་ལ་ཡེ་ཏ་ཧཱུཾ་ཕཊ། མཆོག་ཕུར་གྱིས་གནས་ལྔར་གདབ་བོ། །སྟོང་གསུམ་སྣོད་ཀྱི་སེམས་ཅན་རྣམས། །ཁྲོ་བོ་གཏུམ་པའི་སྐུ་རུ་བསྒོམ། །འགྲོ་དྲུག་བཅུད་
[77a.3]ཀྱི་འཇིག་རྟེན་དག །བཅོམ་ལྡན་གཏུམ་པོར་བསམ་པར་བྱ། །དེ་ལ་བསམ་རྒྱུད་ནི། རླུང་རྡོ་རྗེ་རྒྱ་གྲམ་ནས་སྲིད་པའི་རྩེ་མོའི་བར་དུ་སྟོང་གི་ཕྱི་མཐའ་དག་རྡོ་རྗེ་གཏུམ་པོ་རྡུལ་སྙེད་ཀྱི་སྐུའི་རང་བཞིན་དུ་བསམས་ཏེ། དེའི་དབུས་སུ་ཟླ་བའི་དཀྱིལ་འཁོར་ལ་ཞབས་གཡོ་ཞིང་བརྡབས་
[77a.4]པས་སྟོང་གསུམ་གྱི་སྟོང་ཆེན་པོ་འཇིག་རྟེན་ཁམས་ཀྱི་ཚད་ཙམ་ཟླ་བའི་དཀྱིལ་འཁོར་འདར་བ་དང་། སྐུའི་བ་སྤུའི་བུ་ག་ནས་ཉི་མ་སྟོང་གི་འོད་གཟི་བརྗིད་ཅན་གྱི་མེའི་འོད་ཟེར་འཕྲོ་བ་དང་། ལྗགས་ཀྱི་རྡོ་རྗེ་ལས་བཟླས་པའི་སྔགས་ཀྱི་འོད་ཟེར་རིམ་པ་གསུམ་འཕྲོས་སྟོང་གསུམ་གྱི་
[77a.5]སྟོང་རྡོ་རྗེ་ཕྲ་མོའི་འོད་ཟེར་གྱིས་འགེངས་པ་དང་། ཀླུ་བརྒྱད་ཀྱི་རྒྱན་གྱིས་བརྒྱན་པས་གདུག་པ་དུ་བའི་འོད་ཀྱིས་ཀླུ་ཕྲ་མོ་དང་ས་བདག་རྣམས་བསྲེགས་པ་དང་། ཐུགས་ཀྱི་རྡོ་རྗེ་ལས་ཁྲོ་བོ་དུ་མ་འཕྲོས་པས། བསྐལ་པ་ཆེན་པོའི་རླུང་བཞིན་དུ་བགེགས་ཀུན་དུ་འཐོར་བ་དང་།
[77a.6]ཕྱག་གིས་རྡོ་རྗེ་གསོར་བས་གོང་དུ་གནོད་པར་སེམས་པ་དེའི་ས་ཕྱོགས་སུ། རྡོ་རྗེ་ཆེན་པོ་འོད་ཟེར་སྒྱོགས་འཕེན་པ་བཞིན་དུ་ཡང་དང་ཡང་བསྣུན་པར་བསམ། དེ་ནས་བཟླས་པ་མ་ཟིན་པར་དུ་ཧཱུཾ་འབྲུག་གི་སྒྲ་ལྟ་བུ་རྒྱུན་དུ་གདོན། བསྣུན་པའི་འཁོར་ལོ་ཟངས་ལྕགས་ཀྱི་ཕྱེ་མ་དང་།
[77a.7]ཡུངས་ཀར་སྐེ་ཚེ་དུག་ཆུས་བྲབ་བོ། །ཡང་རྣམ་པ་གཅིག་ལ། སྙིང་གའི་ཧཱུཾ་ལས་འཕྲོས་པས་སངས་རྒྱས་ཐམས་ཅད་ཕྱག་ན་རྡོ་རྗེར་གྱུར་ཏེ། འཇིམ་པ་མི་དམིགས་པ་ལས་ཕྱག་ན་རྡོ་རྗེར་གྱུར། སྔགས་བརྒྱ་རྩ་བརྒྱད་བཟླས་ནས། ཤོག་བུ་ལ་གནོད་པའི་གདོན་ལཾ་སྟྭཾ་བྷ་ནན་
[77b]
[77b.1]ཤཱནྟིཾ་སྟཾ་བྷ་ནཾ་ཀུ་རུ་ནཾ་ཧཱུཾ་ཕཊ་སཱཙྪ་དེ་མཆོད་རྟེན་ནག་པོ་འོད་འབར་བ་མཐོང་བ་ཙམ་གྱིས་སྐྲག་པར་བྱེད་པ། བུམ་པའི་ནང་དུ་ཕྱག་ན་རྡོ་རྗེ་འཁོར་དང་བཅས་པ་ཐམས་ཅད་མཚོན་ཆ་ཐོགས་པ་བཞུགས་པར་བསམ་མོ། །དེ་ནས་སྙིང་གའི་འོད་ཟེར་གྱིས་གཞན་གྱི་སྲུང་མའི་རིགས་
[77b.2]རྣམས་བཀུག་ནས་མཐུ་མེད་པར་བསམ་ཞིང་། གཏུམ་པོའི་ཞབས་འོག་ནས་མི་འཆོར་བར་བསམ། དེ་ནས་མཆོད་པ་དང་བདེན་པའི་བྱིན་རླབས་བརྗོད་པ་ལ་སོགས་པ་བྱའོ། །དེ་ལྟ་བུ་འབུམ་བཏབ་ན། དྲང་སྲོང་དམོད་པ་ཡང་བཟློག་པར་འགྱུར་རོ། །རིག་སྔགས་བཅད་
[77b.3]པ་དང་མནན་པའི་ཆོ་གའོ།། {T2195}༄༅༅། །དཔལ་ཕྱག་ན་རྡོ་རྗེའི་སྦྱིན་སྲེག་མདོར་བསྡུས་པ། བཀྲ་ཤིས་པའི་གནས་སུ་མེ་ཐབ་ཟླུམ་པོ་དཀར་པོ་བྱས་ལ། ཙནྡན་ནམ་འོ་མ་ཅན་གྱི་ཤིང་དཀར་པོ་ལ་ཟླུམ་པོར་བརྩིགས་ཏེ། ཡེ་ཤེས་སེམས་དཔའ་སྤྱན་དྲངས་ལ། དང་
[77b.4]ལ་བདུན་རྣམ་དག་བྱ། དེ་ནས་མེ་ཏོག་དཀར་པོས་དུས་གསུམ་དུ་མཆོད་ཅིང་། འབྲས་ཆན་དང་མར་གྱི་སྦྱིན་སྲེག་བྱ། བརྒྱ་རྩ་བརྒྱད་བྱས་ནས་གང་ལ་དམིགས་པ་དེ་ཞི་བར་འགྱུར་རོ། །ཤཱནྟིཾ་ཀུ་རུ་སྭཱ་ཧཱ། དཔལ་འཕེལ་བའི་གནས་སུ་མེ་ཐབ་གྲུ་བཞི་སེར་པོ་བྱས་ལ། ཤིང་
[77b.5]སེར་པོ་གྲུ་བཞི་བརྩིགས་ཏེ། མེ་ཏོག་སེར་པོས་དུས་གསུམ་དུ་མཆོད་ཅིང་། རིན་པོ་ཆེ་ལྔ་དང་འབྲུ་སྣ་ལྔའི་སྦྱིན་སྲེག་བྱས་ན། གང་ལ་དམིགས་པ་དེ་རྒྱས་པར་འགྱུར་རོ། །བུཥྚིཾ་ཀུ་རུ་སྭཱ་ཧཱ། རྒྱས་པ་ལྟ་བུའི་གནས་སུ་ནི། །མེ་ཐབ་ཟླ་གམ་དམར་པོ་བརྩིགས། །སེང་ལྡེང་
[77b.6]དམར་པོའི་ཟླ་གམ་བརྩིགས་ལ། མེ་ཏོག་དམར་པོས་དུས་གསུམ་དུ་མཆོད་ཅིང་། མེ་ཏོག་དང་སྨན་གྱི་སྦྱིན་སྲེག་བྱས་ན། གང་ལ་དམིགས་པ་དེ་ཉིད་དབང་དུ་འགྱུར་རོ། །ཛཿཛཿཧོ། དུར་ཁྲོད་ལ་སོགས་པའི་གནས་སུ་མེ་ཐབ་གྲུ་གསུམ་མཐིང་ནག་བརྩིགས། ཤིང་ནག་པོ་ཚེར་
[77b.7]མ་ཅན་གྲུ་གསུམ་བརྩིགས་ལ། མེ་ཏོག་སྔོན་པོས་དུས་གསུམ་དུ་མཆོད་ཅིང་། དུག་སྣ་ཤ་ཆེན་ཚིལ་ཆེན་ཡུངས་ཀར་སྐེ་ཚེ། བགེགས་ཀྱི་ལིངྒ་ལ་བརྒྱ་རྩ་བརྒྱད་དུ་བསྲེགས་ན། གཟས་པ་པོ་ཚངས་པའི་ཚེ་དང་ལྡན་པ་ཡང་འཆི་བར་འགྱུར་རོ། །མཱ་ར་ཡ་ཧཱུཾ་ཕཊ། གོ་རིམས་དང་པོ་མཎྜལ་
[78a]
[78a.1]བྱ། དེ་ནས་ལྷ་མཆོད། དེ་ནས་སྤྱན་དྲངས། དེ་ནས་བདུན་རྣམ་དག་བྱ། དེ་ནས་མེ་ལྷའི་སྦྱིན་སྲེག་བྱ། དེ་ནས་ཐབ་ཁུང་མི་དམིགས་པར་བྱ། དེ་ནས་མེ་ལྷ་རང་གནས་སུ་གསོལ། སློབ་དཔོན་ལས་ཀྱི་རྡོ་རྗེས་མཛད་པ་རྫོགས་སོ།། །།ཧཱུཾ་བདེ་གཤེགས་
[78a.2]གཙོ་བོ་གཏུམ་པོ་དང་། །ལྷ་རྣམས་ཕྱོགས་སུ་འཁོར་བ་རྣམས། །བདག་དང་སེམས་ཅན་རྒྱུད་སྦྱང་ཕྱིར། །སྐད་ཅིག་ཙམ་གྱིས་གཤེགས་སུ་གསོལ། །ཨོཾ་ཨེ་ཧྱེ་ཧི་བྷ་ག་བཱན། མ་ཧཱ་ཀཱ་རུ་ཎི་ཀ་ཧོ། ས་མ་ཡ་སྟྭཾ་ས་མ་ཡ་ཛཿབཛྲ་ཨཱཾ་ཀུ་ཤ་ཛཿཞེས་པས་སྤྱན་དྲངས་ལ། ཡི་
[78a.3]གེ་བརྒྱ་པས་སྤྱི་ཁྲུས་དབུལ། ཨོཾ་ས་མ་ཡ་སྟྭཾ། ས་མ་ཡོ་ཧཾ་ཞེས་པས་ཞལ་བསིལ་དབུལ། ཨོཾ་པྲ་ར་སཏྐཱ་ར་ཨཱ་དཱི་ཙིད་སྭཱ་ཧཱ། ཞེས་ཞབས་བསིལ་དབུལ། ཨོཾ་ཀ་མ་ལཱ་ཡ་སྭཱ་ཧཱ། ཞེས་པས་མེ་ཏོག་ཕུལ་ལ་གདན་དབུལ། གང་གིས་འཁོར་བའི་ཉེས་པ་ནི། །དྲན་པ་
[78a.4]ཙམ་གྱིས་འཇོམས་མཛད་ཅིང་། །བླ་མེད་བྱང་ཆུབ་ཐོབ་མཛད་པ། །བླ་མའི་ཞབས་ལ་ཕྱག་འཚལ་ལོ། །ལྕང་ལོ་ཅན་གྱི་གནས་མཆོག་དམ་པ་ན། །བཅོམ་ལྡན་རྡོ་རྗེ་གཏུམ་པོ་ནི། །ཡོན་ཏན་ཐམས་ཅད་སྐུ་ལ་རྫོགས། །སྐྱོན་མེད་སྐུ་ལ་ཕྱག་འཚལ་ལོ། །ཆོས་ཉིད་སྟོང་
[78a.5]པའི་ངང་ལས་མ་གཡོས་ཀྱང་། །ཐམས་ལ་མཁས་ཕྱིར་སྣ་ཚོགས་སྐུར་སྟོན་པ། །རྒྱལ་སྲས་ཁྱུང་གི་ཚོགས་ལ་ཕྱག་འཚལ་ལོ། །ཕྱོགས་བཅུར་བཞུགས་པའི་སངས་རྒྱས་ཐམས་ཅད་ལ། །ཡིད་ཀྱིས་ཅི་ནུས་དམིགས་པའི་མཆོད་འབུལ་ན། །ཀུན་དུ་བཟང་པོའི་མཆོད་སྤྲིན་
[78a.6]ཆེན་པོ་ལྟར། །སྐུ་གསུང་ཐུགས་ལ་མཉེས་པའི་མཆོག་གྱུར་ཅིག །བདག་གིས་ཐོག་མ་མེད་པའི་དུས་མཐའ་ནས། །སྡིག་པ་མ་ལུས་བགྱིས་པ་རྣམས། །བཅོམ་ལྡན་ཕྱག་ན་རྡོ་རྗེ་ཡི། །སྤྱན་སྔར་སོ་སོར་སྡིག་བཤགས་སོ། །ཤེས་རབ་སྙིང་རྗེར་ལྡན་པའི་བྱང་ཆུབ་
[78a.7]སེམས། །དུས་གསུམ་རྒྱལ་བས་ཇི་ལྟར་བསྐྱེད་པ་བཞིན། །དེ་ཡི་རྗེས་སུ་བདག་གིས་བསྐྱེད་པར་བགྱི། །བྱང་ཆུབ་སེམས་དེ་ནམ་ཡང་མི་གཏོང་ངོ་། །བླ་མ་རྡོ་རྗེ་འཆང་དང་ནི། །གསང་སྔགས་ཀུན་བདག་རྡོ་རྗེ་འཆང་། །རིགས་འཛིན་པ་ཡི་རྣལ་འབྱོར་རྣམས། །དགེ་
[78b]
[78b.1]བ་མཛད་ལ་རྗེས་ཡི་རང་། །བཅོམ་ལྡན་རྡོ་རྗེ་གཏུམ་པོ་དང་།། འཁོར་དང་བཅས་ལ་ལུས་འབུལ་ན། །བཞེས་ནས་བདག་ལ་རྗེས་མཐུན་པར། །དངོས་གྲུབ་རྣམས་ནི་སྩལ་དུ་གསོལ། །དང་པོ་བྱང་ཆུབ་མཆོག་ཏུ་སེམས་བསྐྱེད་ནས། །ད་ལྟ་དགེ་བ་གང་སྤྱད་པ། །བདག་དང་
[78b.2]སེམས་ཅན་དོན་སླད་དུ། །བྱང་ཆུབ་ཏུ་ནི་བསྔོ་བར་བགྱི། །ཕྱག་རྡོར་བདུན་རྣམ་དག་གོ། །གསེར་མེས་མ་ཚིག་པ། གཡུ་མིག་མ་ཕུག་པ། མུ་ཏིག །རིན་པོ་ཆེ་མདུང་ལེན། གུར་གུམ་གྱིས་བྲིས་པའི་རྟེན་འབྲེལ་གྱི་སྙིང་པོ། རྨ་བྱའི་མདོངས། བྱ་ཁྱུང་གི་སྙིང་པོ་ཁྲོ་གསེར་གྱིས་
[78b.3]བྲིས་པ། གླ་རྩི། ག་པུར། མུ་ཟི། བཙན་དུག །གུ་གུལ། ཙནྡན་གོ་ཤིཪྵ། སྨན་གི་སྦང་། བྱ་རྒོད་ཀྱི་ཚིལ་བུ། སྦྲེའུའི་པགས་པ་ལ་གཏུམ།། {T2196}༄༅༅། །ཀླུ་གཏོར་རྒྱས་པ་ནི། རིན་པོ་ཆེའི་སྣོད་མཛེས་པའི་ནང་དུ་འབྲུ་སྣ་ཚོགས་དང་། ཀླུ་སྨན་སྣ་ཚོགས་དང་། ཟན་ལ་སོགས་པའི་ཕུང་པོ་སྩལ་ལ། ཟན་ལ་སོགས་
[78b.4]པའི་ཕུང་པོ་ལ་བཾ་ལས་རིན་པོ་ཆེ་སྣ་ལྔ་ལས་གྲུབ་པའི་སྣོད། ཨ་ལས་ཟླ་བའི་དཀྱིལ་འཁོར། དེའི་སྟེང་དུ་པཾ་ལས་བདུད་རྩིའི་རྒྱ་མཚོ། དེའི་སྟེང་དུ་ཧྲཱིཿལས་འོད་འཕྲོས་པས་བདུད་རྩིའི་རྒྱ་མཚོ་དང་འོ་མའི་རྒྱ་མཚོ་ཁ་དོག་དཀར་ཞིང་རོ་མཆོག་བརྒྱད་
[78b.5]དང་ལྡན་པ་དྲི་ཞིམ་པ་བསམ། ཨོཾ་ལས་སྨན་གྱི་སྡོང་པོ་སྟོང་གསུམ་གང་བ། སྭ་ལས་ཨུཏྤལ་གྱི་ནགས་ཚལ་མེ་ཏོག་གི་ཚལ་ཆགས་པ་བསམ་གྱིས་མི་ཁྱབ་པར་བསམ། ཏཾ་ལས་དཔག་བསམ་གྱི་ཤིང་འོ་མ་དད་བུམ་པ་དཔག་ཏུ་མེད་པ་འབབ་པ་བསྐྱེད་ལ། བདག་ལྷའི་རྣལ་
[78b.6]འབྱོར་དུ་གནས་པའི་སྙིང་གའི་ཡི་གེ་ལས་འོད་འཕྲོས་པས། ཀླུ་རིགས་ཐམས་ཅད་སྦྲུལ་མགོ་བདུན་པ་ལ་སོགས་པའམ། ཀླུ་རིགས་ས་བདག་ཏུ་བསམ། འོད་ཟེར་ལྕགས་ཀྱུ་དང་ཞགས་པ་ལྟ་བུས། གླིང་བཞི་རི་རབ་དང་བཅས་པ་ནམ་མཁའ་དང་ས་གཞི་ཐམས་ཅད་ནས་
[78b.7]བཀུག་ལ། དེའི་ལྕེ་ལ་རྡོ་རྗེ་བསམ། དེའི་སྟེང་དུ་ཧཱུཾ་ལས་འོད་འཕྲོས་པས། འོད་ཟེར་གྱི་སྦུ་གུས་འཐུངས། གཉིས་སུ་མེད་པའི་སེམས་དང་ལྡན་པར་བསམ། མཆོད་པ་ལྔ་དང་ལྡན་པ་ལ། ཨོཾ་བ་ཏ་ལི་མ་ཧཱ་བ་ཏ་ལི། ཧཱུཾ་ཧཱུཾ་ཧཱུཾ། ཛཿཧཱུཾ་བཾ་ཧོཿསྙན་གསན་དབབ་པའོ། །ཨོཾ་བྷུ་ཨ་དྷི་པ་ཏི་མ་ཧཱ་
[79a]
[79a.1]པདྨ། མཱ་ལེ་མྲྀ་ཛཿ་ཨཱ་ཀཪྵ་ཡ་ཛཿཧཱུཾ་བཾ་ཧོཿ། ཨོཾ་བ་རུ་ཎ་ནཱ་ག་དེ་བ་ཏཱ། ཨོཾ་ཨཱ་ཀཪྵ་ཡ་ཛཿཧཱུཾ་བཾ་ཧོཿ། ཨོཾ་ཨཱ་གཙྪ་ཨཱ་གཙྪ། མ་ཧཱ་ནཱ་ག་ཧོཿབ་ཏི་སརྦ་ཕུཿཕུཿ། ས་མ་ཡ་ཛཿཧཱུཾ་བཾ་ཧོཿ། མེ་ཏོག་དབུལ། ཨོཾ་བྷཀྵ་ས་མ་ཡ་ཏིཥྛ་ཛཿཧཱུཾ་སྭཱ་ཧཱ། འོ་མ་ལ་སོགས་དབུལ། ཨོཾ་བ་རུ་
[79a.2]ཎ་ནཱ་ག་དེ་བ་ཏཱ་ཡེ་སྭཱ་ཧཱ། ཨོཾ་ནཱ་ག་སརྦ་ཕུཿཕུཿ་ཨ་ནནྟ་ཀཱ་ཡ་སྭཱ་ཧཱ། ཨོཾ་ཕུཿཕུཿཏཀྵཱ་ཡ་སྭཱ་ཧཱ། ཨོཾ་ཕུཿཕུཿབ་སུ་ཀི་ཡེ་སྭཱ་ཧཱ། ཨོཾ་ཕུཿཕུཿཀརྐོ་ཊ་ཀཱ་ཡ་སྭཱ་ཧཱ། ཨོཾ་ཕུཿཕུཿཔདྨཱ་ཡ་སྭཱ་ཧཱ། ཨོཾ་ཕུཿ་ཕུཿམ་ཧཱ་པདྨཱ་ཡ་སྭཱ་ཧཱ། ཨོཾ་ཕུཿཕུཿཤཾ་ཁ་པཱ་ལཱ་ཡ་སྭཱ་ཧཱ། ཨོཾ་ཕུཿཕུཿཧུ་ལུ་ཀཱ་ཡ་སྭཱ་ཧཱ། ཨོཾ་
[79a.3]ཕུཿཕུཿཨ་ནནྟ་ཤཱནྟིཾ་ཀུ་རུ་སྭཱ་ཧཱ། ཨོཾ་ནཱ་ག་རཱ་ཛ་ཨ་ནནྟཱ་ཡ་སྭཱ་ཧཱ། ཨོཾ་ནཱ་ག་ཤཾ་ཁ་པཱ་ལཱ་ཡ་སྭཱ་ཧཱ། ཨོཾ་ནཱ་ག་སརྦ་པཱུ་ཛ་མེ་གྷ་ས་མ་ཡེ་སྭཱ་ཧཱ། ཨོཾ་ནཱ་ག་སརྦ་ཨི་དཾ་ལིཾ་གྲྀཧྞ་གྲྀཧྞ་ས་མ་ཡེ་སྭཱ་ཧཱ། ནཱ་ག་ཧུ་ལུ་ཀཱ་ཡ་སྭཱ་ཧཱ། ཨོཾ་ནཱ་ག་བ་སུ་ཀི་ཡེ་སྭཱ་ཧཱ། ཏཀྵ་ཡ་སྭཱ་ཧཱ། བ་ཏ་ལི་སྭཱ་ཧཱ། ཨུ་པ་ནནྡ་
[79a.4]སྭཱ་ཧཱ། ཝ་རུ་ཎཱ་ཡ་སྭཱ་ཧཱ། ཨོཾ་བི་རཱུ་པ་ཀྵ་ཎཱ་ཡ་སྭཱ་ཧཱ། ཨོཾ་ནཱ་ག་ལེ་ནཱ་ག་ལེ་སྭཱ་ཧཱ། ཨོཾ་ནཱ་ག་ཀེ་ཤེ་ཕུད་ཡ་ཏེ་ནཱ་མ་ཀ་པྲ་མརྡ་ནཱ་ཡ་སྭཱ་ཧཱ། ཨོཾ་བྷཱུ་ཨ་དྷི་པ་ཏི་མ་ཧཱ་པདྨ་མཱ་ལེ་མྲྀ་ཛ། ཨི་དཾ་བ་ལིཾ་གྲྀཧྞ་གྲྀཧྞ་པ་ཡ་སྭཱ་ཧཱ། ཨོཾ་བྷཱུ་ཨ་དྷི་པ་ཏི་མ་ཧཱ་པ་ར། མ་ཧཱ་པདྨ་མ་ལོ་མྲྀ་ཛ། མ་ཧཱ་པཱུ་ཛ་ས་མ་ཡ་
[79a.5]སྭཱ་ཧཱ། ས་བདག་མཆོད་པ། ཀླུ་ཤི་ས་བསྟན་པ་ནི། བཛྲ་པྲཱ་ཎི་ནཱ་ག་ཤྰྣྟིཾ་ཀུ་རུ་སྭཱ་ཧཱ། སྟོང་བཟླས་ན་ས་བདག་ཀླུ་གཉན་ཁ་འཆིང་བར་འགྱུར་རོ། །ཟབ་ཆེ་ཆུང་བལྟ། ཟབ་ཆེ་ན་གཟུགས་སྣ་ཚོགས་བྱ་བ་བར་བར་དུ་ཤ་དང་ཉ་ཤ་དང་། ཆུ་མིག་ནས་ཆུ་བླངས་ལ་བ་དམར་སེར་གྱིའོ་
[79a.6]མས་བྱ། ཆུང་ན་གཏོར་མས་ཆོག །བྱ་ཁྱུང་ས་མ་ཡ་ཏནྟྲའི་རྒྱུད་ལས་བཏུས་པ། ལོ་ཙཱ་བ་གླན་ཆུང་དར་མ་ཚུལ་ཁྲིམས་ཀྱིས་བསྒྱུར་བའི་ཀླུ་གཏོར་རྒྱས་པ་རྫོགས་སོ།། {T2197}༄༅༅། །རྒྱ་གར་སྐད་དུ། བཛྲ་ཙཎྜ་ཀྲོ་དྷ་སཱ་དྷ་ན་ནཱ་མ། བོད་སྐད་དུ། ཁྲོ་བོ་རྡོ་རྗེ་གཏུམ་
[79a.7]པོའི་སྒྲུབ་ཐབས་ཞེས་བྱ་བ། དཔལ་རྡོ་རྗེ་གཏུམ་པོ་ལ་ཕྱག་འཚལ་ལོ། །དང་པོ་སྒྲུབ་པ་པོ་དཀོན་མཆོག་གསུམ་ལ་དང་། བས། བྱང་ཆུབ་ཏུ་སེམས་བསྐྱེད་ལ། བླ་མ་དང་དཀོན་མཆོག་གསུམ་ལ་མཆོད་པར་བྱའོ། །དེ་ནས་སྟོང་པ་ཉིད་དུ་བསམས་ལ། པདྨ་དང་། ཉི་མའི་སྟེང་དུ་ཧཱུཾ་ལས་
[79b]
[79b.1]ཡང་དག་པར་བྱུང་བའི་རྡོ་རྗེ་གཏུམ་པོ་སྐུ་མདོག་ནག་པོ། ཞལ་གཅིག་པ། ཕྱག་གཉིས་པ། ཕྱག་གཡས་པས་གནམ་ལྕགས་ཀྱི་རྡོ་རྗེ་ཞུན་མ་བསྣམས་པ། གཡོན་པས་ཐུགས་ཀར་སྡིགས་མཛུབ་མཛད་པ། ཞབས་གཡོན་བརྐྱང་བ། གཡས་བསྐུམ་པ། སྤྱན་གསུམ་
[79b.2]མེའི་མདོག་འདྲ་བ། སྦྲུལ་གྱིས་བརྒྱན་པ། སྐྲ་ཁམ་པ་གྱེན་དུ་འབར་བ། བསྐལ་པའི་མེའི་ནང་ན་བཞུགས་པ། སྐུ་ལས་ཁྲོ་ཆུང་དང་ཁྱུང་མང་པོ་འཕྲོ་བ་ཅིག་གསལ་བར་བསྐྱེད་ལ། སྙིང་གར་ཧཱུཾ་ལ་སྔགས་འདིས་བསྐོར་ལ་བཟླས་སོ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུཾ་ཕཊ། སྐྱོན་
[79b.3]སྔགས་ཧཱུཾ་ལ་བསྡུའོ། །དེ་ནས་གདོན་གཞོམ་པར་འདོད་ན། རྡོ་རྗེ་དེ་ཁྱུང་ནག་པོ་ཕྱག་གཉིས་ཀྱིས་སྤྲུལ་མགོ་ནས་ཟ་བ། གཤོག་པ་གདེངས་པ་མཆུ་སྡེར་རྡོ་རྗེ་འབར་བར་བསམ། གཡོན་པའི་སྡིགས་མཛུབ་ཐུར་དུ་བསྔམས་པ་ལས་མེ་འབར་བར་བསམས་ལ། སྔགས་
[79b.4]འདི་བཟླས་པར་བྱའོ། །ཧཱུཾ་ཕཊ་ཥ་ཎ་རོ་མ་ཧཱ་ཙཎྜ་བཛྲ་ག་རུ་ཎ་དེ་བ་ཐེན་ཕྱུང་། ས་ག་ནཱ་ག་སྙིང་ལ་གཟིར། ཐུམ་རིལ་རྦད་དྲག་པོ་གསུམ་དང་ལྡན་པར་བཟླས་སོ། །དེ་ནས་གདོན་གསད་པར་འདོད་ན། རང་གི་རྨི་ལམ་དུ་ཅི་བྱུང་བ་ཐམས་ཅད་བསྲེག་ཅིང་སྔགས་འདི་བཟླས་སོ། །
[79b.5]ཨོཾ་ནཱ་ག་ཙཎྜ་ཚལ་པ་ཨུ་རྟ་ཀེ །ནཱ་ག་ཙིཏྟ་ཤཀྟི་ཚལ་པ་ནཾ། ནཱ་ག་ཏྲི་ས་ཡ་ཏི། བིགྷྣཾ་ཏ། ནཱ་ག་ཀྲོ་དྷ་བི་ད་རཱ་ཛ་ཡ། ཤི་ཤི། ནན་ནན། དུལ་དུལ་རྦུད་རྦུད་ཐུམ་རིལ་ཛཿཛཿ། ལན་གསུམ་གྱིས་ཐུབ་པར་འགྱུར་རོ། །ཐ་མ་མནན་པར་བྱའོ། །གཏུམ་ཆུང་ཁྲ་ཐོགས་མའི་སྒྲུབ་ཐབས་
[79b.6]རྒྱལ་པོ་ཟླ་བའི་སྙིང་པོས་མཛད་པ་རྫོགས་སོ།། །།ལོ་ཙཱ་བ་སྒེག་པའི་དཔལ་གྱིས་བསྒྱུར་བའོ།། {T2198}༄༅༅། །རྒྱ་གར་སྐད་དུ། བཛྲ་ག་རུ་ཌ་སཱ་དྷ་ན། བོད་སྐད་དུ། རྡོ་རྗེ་ཁྱུང་གི་སྒྲུབ་ཐབས། རྡོ་རྗེ་གཏུམ་པོ་ལ་ཕྱག་འཚལ་ལོ། །དཀོན་མཆོག་གསུམ་ལ་
[79b.7]སྐྱབས་སུ་འགྲོ་བ་བྱས་ལ། རང་ཉིད་རྡོ་རྗེ་ཁྱུང་ཁ་དོག་ནག་པོ་ལག་པ་གཉིས་ཀྱིས་སྦྲུལ་ཟ་བ། གཤོག་པ་དང་སྒྲོ་ལ་སོགས་པ་གནམ་ལྕགས་ཀྱི་རལ་གྲི་མེ་འབར་བ། མིག་ཁྲོ་ཆུ་ཁོལ་བ་ལྟ་བུ། སྐུ་ཆེ་བ་ཅིག་ཏུ་བསམས་ཏེ། ཨོཾ་བཛྲ་ག་རུ་ཌ་ཙཎྜ་མ་ཧཱ་ནཱ་ག་མཱ་ར་ཡ་སོད་སོད།
[80a]
[80a.1]ནཱ་ག་མཱ་ར་ཡ་ཐུམ་རིལ་རྦད་རྦད་ཧཱུཾ་ཕཊ། རྟག་ཏུ་བཟླས་ལ་མ་ཡེངས་པས་བསྒྲུབ་པར་བྱའོ། །འདི་ནི་ལས་ཐམས་ཅད་པའི་སྔགས་ཏེ། གང་ལ་ཡང་བུམ་པར་ཆུ་བླུགས་ལ་ཁྱུང་བསྐྱེད་ལ་བཟླས་པ་བརྒྱ་རྩ་བརྒྱད་བཟླས་ཏེ། དེ་ནས་ཡུངས་ཀར་བླུགས་ལ་ཁྲུས་
[80a.2]བྱའོ། །ནད་གང་ན་བར་ཡང་བྱུག་པར་བྱའོ། །བྱའི་ཤ་མི་བཟའ། སྒོ་ང་མི་བཟའ། བྱ་ལ་མི་བརྡེག །རྟག་ཏུ་ལྷར་བསྒོམ་པར་བྱའོ། །རྡོ་རྗེ་ཁྱུང་གི་སྒྲུབ་པའི་མན་ངག །སློབ་དཔོན་རྡོ་རྗེ་པདྨས་མཛད་པ་རྫོགས་སོ།། །།པཎྜི་ཏ་སའི་སྙིང་པོ་དང་། ལོ་ཙཱ་བ་རྨ་བན་གྱིས་
[80a.3]བསྒྱུར་བའོ།། {T2199}༄༅༅། །རྒྱ་གར་སྐད་དུ། བཛྲ་ཙཎྜ་མཎྜལ་བིདྷི་བཱ་ས་ཛ་ཀ་བྷ་དྲ་ནཱ་མ། བོད་སྐད་དུ། རྡོ་རྗེ་གཏུམ་པོའི་དཀྱིལ་འཁོར་གྱི་ཆོ་ག་བཟང་པོ་མདོར་བསྡུས་པ་ཞེས་བྱ་བ། གསང་བའི་བདག་པོ་རྡོ་རྗེ་གཏུམ་པོ་ལ་ཕྱག་འཚལ་ལོ། །གསང་བ་
[80a.4]བསྟན་པའི་རྒྱུད་དང་ནི། །བླ་མའི་གདམས་པའི་ལམ་ཞུགས་ནས། །ཆོ་ག་བཟང་པོ་མདོར་བསྡུས་འདི། །རང་དགའ་ཉེས་པ་དོར་ཏེ་བྲི། །སློབ་དཔོན་མཚན་ཉིད་ཀུན་ལྡན་ཞིང་། །རྒྱུད་ཀྱི་དབང་ཐོབ་དམ་ཚིག་བརྟན། །གཞན་ཕན་བསྒྲུབ་ལ་དགའ་བ་ལ། །གཞན་དག་གུས་
[80a.5]པས་གསོལ་འདེབས་སམ། །ཡང་ན་རང་བཞིན་བསྒྲུབ་དོན་དུ། །ནུས་པ་དྲིས་ལ་ཚིག་གིས་སྦྱིན། །དུར་ཁྲོད་ལ་སོགས་དབེན་པའི་གནས། །བསྐྱེད་པའི་རིམ་པ་གསལ་བྱས་ལ། །གཙོ་བོ་འབུམ་ལ་འཁོར་རྣམས་ཁྲི། །རབ་འབྲིང་མཚན་མ་ཐོབ་པར་བྱ། །དེ་ནས་བླ་གོས་
[80a.6]ལེགས་བགོས་ནས། །སྙིམ་པ་མེ་ཏོག་གིས་བཀང་སྟེ། །གུས་པས་གསོལ་བ་གདབ་པར་བྱ། །དེ་ནས་དཀྱིལ་འཁོར་བྱ་བའི་ཕྱིར། །དུར་ཁྲོད་དབེན་པ་རྡོ་ལེབ་དང་། །སྔོན་བྱས་ཡིད་འོང་ལ་སོགས་སུ། །ལྟོ་འཕྱེའི་སྦྱོར་བས་བརྐོ་བར་བྱ། །བརྟག་ཅིང་སྦྱང་དང་བསྲུང་བར་བྱ། །
[80a.7]ཉེས་པ་མེད་པའི་ས་གཞི་དེར། །རྡོ་རྗེ་འཛིན་པར་གསལ་བ་དང་། །བཾ་ལས་སྐྱེས་པའི་ལྷ་མོ་སེར། །མཛེས་པ་རྒྱན་ལྡན་ལུས་ཕྱེད་སྣང་། །བུམ་པ་འཛིན་ལ་མཆོད་བསྟོད་དེ། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་རྣམ་ཐར་ནི། །ས་དང་ཕ་རོལ་ཕྱིན་པ་ལ། །ལྷ་
[80b]
[80b.1]མོ་ཁྱོད་ནི་དབང་དུ་གྱུར། །སྐྱོབ་པ་ཤཱཀྱ་སེང་གེ་ཡིས། །ཇི་ལྟར་བདུད་ཀྱི་སྡེ་བཅོམ་ལྟར། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་བྲི། །ལག་པ་ས་ལ་བརྡབས་པ་ལས། །དགའ་བའི་མདངས་ལྡན་ལྷ་མོ་ཡང་། །ཁྱོད་ནི་སློབ་དཔོན་མཆོག་ཡིན་གྱི། །
[80b.2]དཀྱིལ་འཁོར་བྲི་བའི་ལས་ཀྱིས་ཞེས། །ཟེར་ཞིང་ས་ལ་ཐིམ་པར་འགྱུར། །རོ་བསལ་ཉེས་པ་སྤངས་པ་སྟེ། །འཐས་པར་བཅག་ཅིང་རྣམ་ལྔ་དང་། །དབུགས་འབྱུང་གིས་ནི་བྱུང་པར་བྱ། །ཡང་ན་མེ་ཡི་ལས་ཀྱིས་སྦྱང་། །སྟོང་པའི་སྔགས་ཀྱིས་བྱིན་བརླབས་ཏེ། །རིམ་པས་
[80b.3]ལྷ་ཡི་ཁང་པར་བསམ། །མེ་ཏོག་སྟེང་དུ་རྡོ་རྗེ་བཞག །བླ་མས་ཁྲུས་བྱས་རྡོ་རྗེ་འཆང་། །བསྐྱེད་པའི་ཡན་ལག་ཀུན་རྫོགས་པས། །ཤར་བལྟས་དཀྱིལ་འཁོར་སྟེང་འདུག་ལ། །ཚད་མེད་བཞི་ཡིས་གཞན་དོན་བསྒྲུབ། །རྣམ་རྒྱལ་ལ་སོགས་བསྐྱེད་པ་ཡི། །སློབ་མ་གུས་པས་
[80b.4]སྤོས་ཐོགས་ལ། །མཆོད་ལ་ཚིག་འདི་བརྗོད་པར་བྱ། །ཧཱུཾ་བྱམས་པ་ཆེན་པོ་རྡོ་རྗེ་འཛིན། །ཞེ་སྡང་དག་པས་མེ་ལོང་ཡེ་ཤེས་གསལ། །གཏུམ་པོ་གདུག་པ་འདུལ་མཛད་པ། །རྡོ་རྗེ་བསྣམས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཞི་བ། །དེ་བཞིན་གཤེགས་པ་
[80b.5]མ་ལུས་གནས། །ཆོས་ཀུན་བདག་དང་བྲལ་བའི་མཆོག །དཀྱིལ་འཁོར་དམ་པ་བཞེངས་སུ་གསོལ། །དེ་བཞིན་ལྷོ་ཕྱོགས་ལ་སོགས་ནས། །ཧཱུཾ་སྙིང་རྗེ་ཆེན་པོ་རྡོ་རྗེ་འཛིན། །ང་རྒྱལ་དག་པ་མཉམ་ཉིད་ཡེ་ཤེས་མཆོག །གཏུམ་པོ་གདུག་པ་འདུལ་མཛད་པ། །རྡོ་རྗེ་
[80b.6]བསྣམས་ལ་ཕྱག་འཚལ་ལོ། །མཚན་རྣམས་ཡོངས་སུ་རྫོགས་པ་ཡི། །མཚན་མིན་ཐམས་ཅད་སྤངས་པ་སྟེ། །ཀུན་དུ་བཟང་པོ་སྐུ་ཡི་མཆོག །དཀྱིལ་འཁོར་དམ་པ་བཞེངས་སུ་གསོལ། །ཧཱུཾ་དགའ་བ་ཆེན་པོ་རྡོ་རྗེ་འཛིན། །འདོད་ཆགས་དག་པ་སོ་སོར་རྟོག །གཏུམ་པོ་
[80b.7]གདུག་པ་ཀུན་འདུལ་བ། །རྡོ་རྗེ་བསྣམས་ལ་ཕྱག་འཚལ་ལོ། །ཞི་བ་མཆོག་གི་ཆོས་ཆེན་པོ། །ཡེ་ཤེས་སྤྱོད་པ་རྣམ་སྤྱོད་པ། །ཀུན་དུ་བཟང་པོ་གསུང་གི་མཆོག །དཀྱིལ་འཁོར་དམ་པ་བཞེངས་སུ་གསོལ། །ཧཱུཾ་བཏང་སྙོམས་ཆེན་པོ་རྡོ་རྗེ་འཛིན། །གཏི་མུག་རྣམ་དག་ནན་
[81a]
[81a.1]ཏན་ཡེ་ཤེས་མཆོག །གཏུམ་པོ་གདུག་པ་ཀུན་འདུལ་བ། །རྡོ་རྗེ་བསྣམས་ལ་ཕྱག་འཚལ་ལོ། །སེམས་ཅན་ཀུན་གྱི་སྲོག་ཆེན་པོ། །རང་བཞིན་རྣམ་དག་དྲི་མ་མེད། །ཀུན་དུ་བཟང་པོ་ཐུགས་ཀྱི་མཆོག །དཀྱིལ་འཁོར་དམ་པ་བཞེངས་སུ་གསོལ། །
[81a.2]དེ་ནས་རྡོ་རྗེ་སློབ་དཔོན་གྱིས། །ཁྲོ་ཞིང་བརྗིད་པའི་སྐུར་བྱས་ཏེ། །རྐང་པ་ཧཱུཾ་ལས་རྡོ་རྗེ་བསམ། །མིག་གཉིས་ཉི་ཟླ་འབར་བ་སྟེ། །རྡོ་རྗེ་དྲིལ་བུའི་ཕྱག་རྒྱ་ཡིས། །འཇིགས་སྤངས་བྱང་ཤར་མཚམས་སོང་ལ། །རང་གིས་བསྟོད་ཅིང་ང་རྒྱལ་གྱིས། །ཧཱུཾ་དཀྱིལ་འཁོར་ས་གཞི་ལ་
[81a.3]གནས་པའི། །ལྷ་ཚོགས་བགེགས་ཚོགས་ཀུན་ཉོན་ཅིག །ང་ནི་དཔལ་ལྡན་རྡོ་རྗེ་འཛིན། །ང་ཡི་བཀའ་ལས་མ་འདའ་བར། །བགེགས་ཀྱི་ཚོགས་རྣམས་འགྲོ་བར་གྱིས། །གལ་ཏེ་ཁྱེད་རྣམས་མི་འགྲོ་ན། །ཡེ་ཤེས་རྡོ་རྗེ་འབར་བ་ཡིས། །མགོ་བོ་ཚལ་པ་བརྒྱར་
[81a.4]འགས་ཤིང་། །ལུས་རྣམས་སྟོང་དུ་གྱུར་ནས་ནི། །རྣམ་པར་འཇོམས་པར་གདོན་མི་ཟ། །དེ་བས་ཁྱེད་རྣམས་གཞན་དུ་དེངས། ཨོཾ་བཛྲ་ཙཎྜ་མ་ཧཱ་རོ་ཥ་ཎ་སརྦ་བིགྷྣཱན་ཨུཙྪ་ཏ་ཡ་ཕཊ། ཅེས་པས་བགེགས་རྣམས་བསྐྲད་པར་བྱ། །གར་སྟབས་ཀྱིས་ནི་བསྐོར་བ་དང་། དང་པོར་
[81a.5]ཕྱིན་ལ་འདི་སྐད་བརྗོད། །གང་དག་མི་འགྲོ་བགེགས་ཡོད་ན། །ལུས་ངག་ཡིད་ཀྱི་ནུས་པ་རྣམས། །གཞོམ་ཕྱིར་ཁྲོ་བོའི་ཕུར་བུས་གདབ། །ཀཱི་ལ་ཡ་ཞེས་བཏབ་ནས་ཀྱང་། །ཨཱ་ཀོ་ཊ་ཡས་བརྡུང་བར་བྱ། །མེ་རི་ལ་སོགས་སྔགས་ཀྱིས་བསྲུང་། །གཙོ་བོའི་གདོན་ནི་གྲུ་བཞི་སྟེ། །
[81a.6]འཁོར་ལོ་དྲི་ཆུས་ཟླུམ་པོར་བྱ། །ཁ་དོག་མཐུན་པའི་མེ་ཏོག་དགྲམ། །ས་ཡི་ཆོ་ག་རྫོགས་པ་དང་། །ལྷ་ནི་ལྷག་པར་གནས་པར་བྱ། །རང་སར་ལྷ་རྣམས་རྫོགས་པ་དང་། །མཆོད་བསྟོད་མེ་ཏོག་སྤོས་ཐོགས་ལ། །ཧཱུཾ་དུས་གསུམ་བདེ་གཤེགས་ཐམས་ཅད་ཀྱི། །ཐུགས་ཀྱི་སྲས་
[81a.7]པོ་རྡོ་རྗེ་འཆང་། །དཔའ་བོ་རྡོ་རྗེ་བདེ་མས་འཁྱུད། །འཁོར་གྱི་ཁྲོ་བོ་མ་ལུས་ཀུན། །ཀུན་ནས་བདག་ལ་དགོངས་ནས་ཀྱང་། །ཁྱེད་རྣམས་ལ་ཡང་མཆོད་པ་དང་། །སློབ་མ་རྣམས་ལ་ཕན་པའི་ཕྱིར། །རྡོ་རྗེ་ཅན་བདག་ཆེ་གེ་ཞེས། །དཀྱིལ་འཁོར་དམ་པ་བཞེངས་སུ་གསོལ། །རྗེས་སུ་བརྩེ་
[81b]
[81b.1]བས་ཉེར་དགོངས་ཏེ། །སོང་ནི་དགྱེས་པས་བྱོན་པར་མཛོད། །གཞན་ཡང་གསང་སྔགས་ལྷ་རྣམས་དང་། །འཇིག་རྟེན་སྐྱོང་བ་མ་ལུས་དང་། །རྫོགས་པའི་བྱང་ཆུབ་སེམས་བསྐྱེད་རྣམས། །སངས་རྒྱས་བསྟན་པའི་ཆོས་སྐྱོང་རྣམས། །གང་དག་རྡོ་རྗེའི་སྤྱན་ལྡན་པ། །རྡོ་
[81b.2]རྗེ་འཆང་གི་དཀྱིལ་འཁོར་མཆོག །དེང་བདག་འདྲི་བར་གྱུར་པ་ལ། །བདག་དང་སྐལ་ལྡན་སློབ་མ་རྣམས། །བྱིན་གྱིས་བརླབ་ཕྱིར་བསྲུང་བར་མཛོད། །བུམ་པ་ལྷག་པར་གནས་འདོད་པས། །རིན་ཆེན་འབྱུང་ཁུངས་ལས་བྱུང་བ། །དྲི་མ་མེད་ཅིང་ལྟོ་བ་ཆེ། །མགྲིན་ཕྲ་མཆུ་
[81b.3]འཕྱང་དྲི་ཞིམ་ཆུས། །དཀར་ཞལ་བྱས་ནས་མཚན་མ་དགོད། །རྣམ་རྒྱལ་ཕྱག་མཚན་རྫོགས་པར་བྲི། །བསྐྲད་ཅིང་ཆུ་དང་བྱང་སེམས་དང་། །བྱཱ་གྷྲ་སིང་ཧ་དབྱིག་པ་དང་། །ཨུཏྤལ་གཞན་གྱིས་མི་ཐུབ་པ། །ཧ་ས་དེ་བ་གསེར་དངུལ་དང་། །མུ་ཏིག་མུ་མེན་བྱེ་རུ་གཞུག །ནས་
[81b.4]ཏིལ་གྲོ་སྲན་མུངྒ་དང་། །ག་པུར་ཛཱ་ཏི་གུར་གུམ་མཆོག །ཙནྡན་གཉིས་དང་ཨ་ག་རུ། །མར་དང་བུ་རམ་སྦྲང་རྩི་དང་། །ལན་ཚྭ་རྣམས་ཀྱིས་ལྟོ་བ་དགང་། །གོས་ཀྱིས་མགྲིན་པ་བཀབ་པ་དང་། །ཙུ་ཏ་ལ་སོགས་འབྲས་བུ་ཅན། །ཡང་ན་མེ་ཏོག་ཡོད་པས་བརྒྱན། །མེ་
[81b.5]ཏོག་ལྡན་པའི་ར་སྟེགས་སམ། །ཀུ་ཤའི་གདན་ལ་རང་སར་བཞུགས། །བུམ་པ་བྷྲཱུཾ་ལས་གཞལ་ཡས་ཁང་། །ཆུ་སྐྱེས་ཉི་ཟླའི་གདན་བཅས་པ། །རྣམ་རྒྱལ་ལྷ་རྣམས་ཚོགས་པར་བསྐྱེད། །གཞན་དུ་ས་བོན་གང་ཡིན་པས། །ཆོ་ག་མ་ལུས་རྫོགས་པར་བསྐྱེད། །ཧཱུཾ་ཁྲོ་བོ་
[81b.6]གཏུམ་པོ་གདུག་པ་འདུལ། །རང་བཞིན་ཡེ་ཤེས་ལྔ་ཡི་དངོས། །རྣམ་དག་དྲི་མེད་སྐུ་འཆང་བ། །འགྲོ་དོན་མཛད་ལ་ཕྱག་འཚལ་ལོ། །བདེ་གཤེགས་སྐུ་ལ་གཉིས་མེད་འཁྱུད། །སྟོང་པ་ཉིད་ཀྱི་བདེ་སྟེར་མ། །དམར་ལྗང་གྲི་གུག་ཐོད་པ་འཛིན། །དཔའ་མོ་བདེ་མ་ཕྱག་
[81b.7]འཚལ་ལོ། །སྐུ་གསུང་ཐུགས་དང་ཕྲིན་ལས་ཀྱི། །གཙོ་བོ་ཁྲོ་ཆེན་འཇིགས་པ་ཆེ། །གདུག་པ་ཚར་གཅོད་འཇིགས་པའི་སྐུ། །ཕྱོགས་ཀྱི་ཁྲོ་བོ་ཕྱག་འཚལ་ལོ། །མར་མེ་བདུག་སྤོས་དྲི་ཆབ་མ། །ཞལ་ཟས་ཀྱིས་ནི་ཚིམ་བྱེད་པ། །མཆོད་པའི་ལྷ་མོ་དགོས་འདོད་འབྱུང་། །
[82a]
[82a.1]མཚམས་སུ་བཞུགས་ལ་ཕྱག་འཚལ་ལོ། །ལྕགས་ཀྱུ་ཞགས་པ་ལྕགས་སྒྲོག་མ། །དགྱེས་པའི་དྲིལ་བུ་སྒྲོག་མཛད་མ། །ཁྲོ་མོ་དབང་ཕྱུག་ཆེན་མོ་རྣམས། །སྒོམ་བཞི་ལ་ཕྱག་འཚལ་ལོ། །བསྟོད་ཅིང་སྲད་བུ་དང་ལྡན་པས། །ཕྲིན་ལས་སྦྱར་ཞིང་བཟླས་
[82a.2]པར་བྱ། །གཏོར་མས་མཆོད་ཅིང་གསོལ་བ་བཏབ། །སློབ་མ་ལྷག་པར་གནས་པ་ཡང་། །བསྲུང་ཞིང་མཛེས་པའི་མེ་ཏོག་ཐོགས། །ཁྲུས་བྱས་གཙང་མའི་གོས་ལྡན་ཞིང་། །དགའ་བའི་སེམས་ཀྱིས་གསོལ་བ་གདབ། །དཔལ་ལྡན་རྡོ་རྗེ་འཛིན་པ་ཆེ། །བྱང་ཆུབ་
[82a.3]ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་མཆོག་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་
[82a.4]པོའི་གྲོང་མཆོག་ཏུ། །མགོན་པོ་བདག་ནི་གཞུག་པར་མཛོད། །ལན་གསུམ་བར་དུ་གསོལ་བ་གདབ། །འོད་ཀྱིས་ཕུར་བྱས་སྡིག་པ་སྦྱང་། །རྗེས་སུ་གཟུང་བས་སྤྲོ་བ་ནི། །བུ་ཚུར་ཐེག་པ་ཆེན་པོ་ཡི། །ཚུལ་ཆེན་སྣོད་ནི་ཁྱོད་ཡིན་ཏེ། །གསང་སྔགས་སྤྱོད་ཚུལ་ཆོ་ག་མཆོག།
[82a.5]ཁྱོད་ལ་ཡང་དག་བཤད་པར་བྱ། །རྡོ་རྗེ་མི་ཕྱེད་མཐུ་ཡིས་ནི། །མཉམ་པ་མེད་པའི་ཡེ་ཤེས་མཆོག །དེ་བས་ཀུན་མཁྱེན་ཐོབ་འདོད་པས། །བུ་ཡིས་བློ་གྲོས་འདི་གྱིས་ཤིག །བླ་མ་སངས་རྒྱས་ཀུན་མཆོད་ཅིང་། །རྩ་བ་ཡན་ལག་ཉེས་པ་སྤོངས། །མ་བསྒྲལ་འཁོར་བའི་
[82a.6]སེམས་ཅན་ལ། །སྙིང་རྗེ་ཆེན་པོ་རབ་བསྐྱེད་ནས། །བསྒྲལ་ཞིང་གྲོལ་བའི་ལམ་ལ་བཀོད། །བདེ་བར་དབུགས་ནི་དབྱུང་བར་གྱིས། །སློབ་མའི་ཚོགས་ཀྱིས་སྡིག་བཤགས་ལ། །དགེ་བསྙེན་ལ་སོགས་རིམ་པས་སྦྱིན། །གང་ཡིན་བསླབ་པ་བསྟན་པ་དང་། །སློབ་མ་ལྷར་
[82a.7]བྱས་ཡང་ན་ནི། །གནས་གསུམ་ལྷར་བཅས་རྟགས་བཏབ་ལ། །བླ་མ་དཀོན་མཆོག་གསུམ་པོ་དང་། །བཅོམ་ལྡན་ཕྱག་ན་རྡོ་རྗེ་ནི། །འཁོར་བཅས་མ་ལུས་ཐམས་ཅད་ཀྱང་། །བདག་ལ་དགོངས་ནས་གཟིགས་སུ་གསོལ། །བདག་གིས་ཐོག་མ་མེད་པ་ནས། །སྡིག་པ་
[82b]
[82b.1]བགྱིས་པ་མ་ལུས་ཀུན། །བཅོམ་ལྡན་ཕྱག་ན་རྡོ་རྗེ་ཡི། །སྤྱན་སྔར་ད་ལྟ་མཐོལ་ཞིང་བཤགས། །བླ་མ་དཀོན་མཆོག་གསུམ་པོ་དང་། །སངས་རྒྱས་ཀུན་བདག་རྡོ་རྗེ་ཅན། །དེ་རིགས་འཛིན་པའི་རྣལ་འབྱོར་རྣམས། །དགེ་བ་མཛད་ལ་རྗེས་ཡི་རང་། །བཅོམ་ལྡན་
[82b.2]ཕྱག་ན་རྡོ་རྗེ་ནི། །དུས་གསུམ་བདེ་གཤེགས་ཐམས་ཅད་ཀྱི། །གསང་སྔགས་བདག་པོས་དབང་བསྐུར་ལ། །གསང་སྔགས་འཁོར་ལོ་བསྐོར་བར་བསྐུལ། །མཐུ་ལྡན་སྐྱོན་མེད་ཁྱེད་རྣམས་ལ། །སྐྱེ་རྒས་ན་འཆི་མི་མངའ་ཡང་། །འགྲོ་བའི་དོན་དུ་སྐུ་སྤྲུལ་པ། །
[82b.3]མཐུན་འཇུག་མྱ་ངན་མི་འདའ་གསོལ། །དོན་དམ་རང་བཞིན་མཚན་མ་མེད། །མཚན་མར་མི་རྟོག་ཆོས་སྐུ་ལ། །བདེ་གཤེགས་མཚན་དཔེའི་སྐུར་སྣང་བ། །རྡོ་རྗེ་ཅན་ལ་སྐྱབས་སུ་མཆི། །དུས་གསུམ་མགོན་པོ་ཐུགས་རྗེ་ཅན། །བྱམས་པའི་ཐུགས་ལས་མ་གཡོས་ཀྱང་། །
[82b.4]དགོངས་པའི་དབང་གིས་ཁྲོ་སྤྲུལ་ལ། །གསང་སྔགས་ལྷ་ཚོགས་ཀུན་སྐྱབས་མཆི། །དེ་སྒྲུབ་དེས་མཚོན་གསུང་གི་ཆོས། །ཉི་ཤུ་རྩ་བརྒྱད་དྲག་པོའི་ཚོགས། །ཆོས་ཀྱི་རང་བཞིན་དྲི་མ་མེད། །ཆོས་ཀྱི་མཆོག་ལ་སྐྱབས་སུ་མཆི། །སྣ་ཚོགས་སྐུར་སྤྲུལ་དོན་མཆོག་བསྒྲུབ། །
[82b.5]རིན་ཆེན་སྐྱབས་མཆོག་དགེ་འདུན་དང་། །འཕགས་པ་གོས་སྔོན་བྱང་ཆུབ་སེམས། །དགེ་འདུན་མཆོག་ལ་སྐྱབས་སུ་མཆི། །བླ་མ་དུས་གསུམ་མགོན་པོ་དང་། བཅོམ་ལྡན་ཕྱག་ན་རྡོ་རྗེ་ནི། །འཁོར་དང་བཅས་ལ་ལུས་འབུལ་བས། །བཞེས་ནས་བདག་ལ་རྗེས་བརྩེ་བས། །
[82b.6]རྗེས་སུ་མཐུན་པའི་དངོས་གྲུབ་སྩོལ། །དང་པོ་བྱང་ཆུབ་སེམས་བསྐྱེད་ནས། །ཚོགས་གཉིས་ལས་བྱུང་དགེ་བ་རྣམས། །འཁོར་བའི་སེམས་ཅན་མ་ལུས་དོན། །བྱང་ཆུབ་ཆེན་པོར་བསྔོ་བར་བྱ། །བྱང་ཆུབ་ཏུ་ཡང་སེམས་བསྐྱེད་ལ། །སྔགས་ཀྱི་དམ་ཚིག་སྦྱིན་པར་བྱ། །མཎྜལ་
[82b.7]སྔོན་དུ་འགྲོ་བ་ཡིས། །བླ་མ་རྡོ་རྗེ་སློབ་དཔོན་དང་། །བཅོམ་ལྡན་རྡོ་རྗེ་གཏུམ་པོ་དང་། །དཀོན་མཆོག་གསུམ་དང་བསྟན་དགའ་ཀུན། །བདག་ལ་དགོངས་ནས་གཟིགས་སུ་གསོལ། །བདག་མིང་འདི་ཞེས་བགྱི་བ་འདི། །དུས་འདི་ཉིད་ནས་བཟུང་ནས་སུ། །བྱང་
[83a]
[83a.1]ཆུབ་སྙིང་པོར་མཆིས་ཀྱི་བར། །སེམས་ཅན་ཀུན་གྱི་དོན་གྱི་ཕྱིར། །བླ་ན་མེད་པའི་བྱང་ཆུབ་སེམས། །དམ་པ་བདག་གིས་བསྐྱེད་པར་བགྱི། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་གནས་པ། །ཚུལ་ཁྲིམས་རྣམ་གསུམ་སྡོམ་པ་
[83a.2]དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་རྣམས། །སོ་སོར་བདག་གིས་གཟུང་བར་བྱ། །བླ་ན་མེད་པའི་དཀོན་མཆོག་གསུམ། །སངས་རྒྱས་ཆོས་དང་དགེ་འདུན་ཏེ། །དམ་པ་བདག་གིས་བསྐྱེད་པར་བགྱི། །འདི་ནི་སངས་རྒྱས་རིགས་
[83a.3]དག་པའི། །དམ་ཚིག་ཡིན་པར་རྒྱལ་བས་བསྒྲགས། །རྡོ་རྗེ་དྲིལ་བུ་ཕྱག་རྒྱ་དང་། །སྐྱོན་བྲལ་རྡོ་རྗེ་ཆེན་པོའི་རིགས། །ཐུགས་རྗེས་འབྲེལ་བའི་སློབ་དཔོན་ནི། །ཡང་དག་ཉིད་དུ་གཟུང་བར་བྱ། །དྲི་མ་མེད་པའི་དམ་ཚིག་ཆོས། །རིན་ཆེན་རིགས་མཆོག་ཆེན་པོ་ལ། །ཉིན་རེ་
[83a.4]བཞིན་དུ་དུས་དྲུག་ཏུ། །སྦྱིན་པ་རྣམ་བཞི་སྦྱིན་པར་བྱ། །བྱང་ཆུབ་ཆེན་པོ་ལས་བྱུང་བ། །པདྨའི་རིགས་མཆོག་དག་པ་ལ། །ཕྱི་ནང་གསང་བ་ཐེག་པ་གསུམ། །ཡང་དག་ཉིད་དུ་གཟུང་བར་བྱ། །ལས་ཀྱི་རིགས་ཀྱི་དམ་ཚིག་ནི། །ཐུན་མོང་ཐུན་མོང་མ་ཡིན་པའི། །སྡོམ་པ་མ་
[83a.5]ལུས་ཐམས་ཅད་ཀུན། །དེ་བཞིན་ཉིད་དུ་སོ་སོར་གཟུང་། །བྱང་ཆུབ་སྙིང་པོར་མཆིས་ཀྱི་བར། །མཆོད་པའི་ལས་ནི་ཅི་ནུས་བགྱི། །མ་བསྒྲལ་བ་ནི་བདག་གིས་བསྒྲལ། །མ་གྲོལ་བ་ནི་བདག་གིས་དགྲོལ། །དབུགས་མ་ཕྱིན་པ་དབུགས་ཕྱུང་བགྱི། །སེམས་ཅན་དངོས་གྲུབ་
[83a.6]ཆེ་ལ་དགོད། །དཀྱིལ་འཁོར་མེ་ཏོག་སྔོན་པོར་བཅས། །རྡོ་རྗེ་འཆང་ལ་དབུལ་བར་བྱ། །བདུད་རྩི་རྣམ་ལྔ་གཏོར་མའི་ཚོགས། །རྣམ་པ་ཀུན་དུ་བསྟེན་པར་བྱ། །ཐབས་ཀྱིས་བསྒྲལ་བའི་དམ་ཚིག་ནི། །སྙིང་རྗེ་ལས་བྱུང་བསྒྲལ་བར་བྱ། །ལན་གསུམ་བར་དུ་དམ་བཅས་པ། །
[83a.7]རིགས་ཀྱི་ལྷ་ལས་འོད་འཕྲོས་པས། །རང་རང་ཡེ་ཤེས་ཡིག་བཞིས་བསྟིམ། །རྡོ་རྗེ་ཁུ་ཚུར་དྲི་ཡི་ཆུས། །མས་རིམ་བཞིན་དུ་བརྟན་པར་བྱ། །དེ་རྗེས་མཆོད་པ་སྤྲོ་བར་བྱ། །ཨ་ཤྭཏྠ་དང་པ་ལ་ཤ །ཨུ་དུ་མྺཱ་ར་ལ་སོགས་པའི། །སོར་བཅུ་གཉིས་སམ་ཡང་ན་བརྒྱད། །རྩེ་
[83b]
[83b.1]མོ་མེ་ཏོག་མཛེས་པས་བརྒྱན། །དཀྱིལ་འཁོར་འདབ་བརྒྱད་རྣམ་ལྔས་བྱུག །ཤར་བལྟས་དབུས་སུ་སོས་བཟུང་ནས། །པདྨའི་ཕྱག་རྒྱས་དོར་བྱས་ཏེ། །ཁྱོད་ནི་དཀྱིལ་འཁོར་དམ་པ་འདིར། །ཞུགས་པའི་དངོས་གྲུབ་བརྟག་པའི་ཕྱིར། །རྣམ་ཤེས་དག་པའི་སོ་ཤིང་འདི། །སོས་
[83b.2]བཟུང་ནས་ནི་དབུས་སུ་དོར། །བདག་དང་བླ་མ་སྟེང་བལྟས་ནས། །མཆོག་གི་དངོས་གྲུབ་དམ་པ་ཡིན། །ཕྱོགས་སུ་ཕྱིན་ལས་སོ་སོ་སྟེ། །མཚམས་སུ་འཇིག་རྟེན་དངོས་གྲུབ་འབྱུང་། །ཐུར་བལྟས་ས་འོག་གྲུབ་པ་ཡིན། །ས་ལ་མ་ལྷུང་མཁའ་སྤྱོད་དོ། །བདུད་རྩི་བྱིན་བརླབས་ཐོད་པར་
[83b.3]བླུགས། །རྡོ་རྗེ་འདི་ནི་རྡོ་རྗེའི་ཆུ། །འཐུངས་ཤིག་དམ་ཚིག་བྱིན་གྱིས་བརླབས། །གལ་ཏེ་དམ་ཚིག་འདས་པ་ན། །དམྱལ་བར་ངེས་པར་སྲེག་པར་བྱེད། །ཨོཾ་ཧྲཱིཿབི་ཤུདྡྷ་དྷརྨཱ་སརྦ་བཱ་པཾ་ནི་ཤྩ། ཤོ་ཡ་བི་ཀཱལྤཱན་ཨ་པ་ན་ཡ་ཧཱུཾ་ཧཱུཾ། ལན་གསུམ་སྐྱོར་ཆུས་ངག་དག་བྱས། །ལྷ་དང་རྗེས་མཐུན་
[83b.4]སྐུད་པ་ལ། །སྔགས་བཏབ་གཡས་དང་ཕྲིན་ལས་གཡོན། །ཁྲོ་བོ་གཏུམ་པོའི་བྱིན་རླབས་དང་། གསང་སྔགས་ནུས་པ་བླ་ན་མེད། །སྐལ་ལྡན་བར་ཆད་མེད་པར་བསྲུང་། །སུ་ཡང་གནོད་པ་མ་བྱེད་ཅིག །ཀུ་ཤ་གཙང་མ་བྱིན་བརླབས་ཏེ། །བཞིན་བཟངས་ཚུར་ཉོན་དཀྱིལ་
[83b.5]འཁོར་དུ། །འཇུག་པའི་རྟགས་རྣམས་བརྟག་པའི་ཕྱིར། །ཀུ་ཤའི་རྩྭ་འདི་སྔས་དང་སྟན། །ཐུབ་པས་ཏིང་འཛིན་གྲུབ་ལྟར་ཤོག །མ་ནོར་སེང་གེ་བཞིན་ཉལ་ནས། །མཚན་མ་ཇི་ལྟར་བྱུང་བ་ལྟར། །བླ་མའི་མདུན་དུ་བརྗོད་པར་བྱ། །བཟང་ན་དངོས་གྲུབ་སྤྲོ་བ་བསྐྱེད། །གལ་ཏེ་ངན་
[83b.6]ན་བསྐྲད་དང་བསྲུང་། །མེ་ཡི་ལས་ཀྱིས་བཟློག་པར་བྱ། །གཞན་ཡང་དགེ་བའི་ལས་ཀུན་ཤིས། །བླ་མས་རྡོ་རྗེ་ཅན་ཁྱོད་ལ། །ནང་པར་ལངས་ཏེ་དཀྱིལ་འཁོར་པ། །ནམ་མཁར་བཏེག་ལ་ཐིག་གད་པ་སྟེ། །བུ་མོ་གཙང་ཞིང་སྡོམ་ལྡན་གྱིས། །བཀལ་བ་རས་བལ་ལས་བྱུང་བ། །
[83b.7]ཡེ་ཤེས་ལྔ་ནི་གཅིག་བསྡུས་པའམ། །ཡང་ན་སྐུ་གསུང་ཐུགས་ཀྱང་རུང་། །ཨོཾ་ཨ་ནྱོ་ནྱ་ཨ་ནུ་ག་ཏ་སརྦ་དྷརྨཱ་སྤ་ར་སྥ་ར་ཨ་ནུ་ག་ཏ་སརྦ་དྷརྨཱ་ཏྱནྟ་ཨ་ནུ་པྲ་བིཥྚི་སརྦ་དྷརྨཱཿ། ཞེས་བརྗོད་པས་ནི་བསྒྲིལ་པར་བྱ། །པདྨའི་སྣོད་དུ་བཞག་ནས་ཀྱང་། །མི་འཆི་ལྔ་ཡིས་སྤངས་བྱས་ལ། །བློ་ལྡན་
[84a]
[84a.1]ཡེ་ཤེས་བསྟིམ་བྱས་ལ། །ནམ་མཁར་ཡེ་ཤེས་ཛ་ཛས་གདབ། །སྒོ་ཡི་བཅུ་གཉིས་ཆ་དང་ལྡན། །སྲིད་ཀྱང་ཁང་པ་ཉིས་འགྱུར་ལ། །ཚངས་པའི་ལས་ཐིག་དྲང་བྱས་ནས། །ཨོཾ་བཛྲ་ས་མ་ཡ་སཱུ་ཏྲཾ་མཱ་ཏི་ཀྲ་མ་ཧཱུཾ། །ཚངས་དང་ཟུར་ཐིག་ལ་སོགས་པ། །
[84a.2]བསྟན་བཅོས་མཐོང་ཞིང་བློ་ལྡན་དེས། །ཆ་ནི་གང་ཡིན་རྣམ་པར་དབྱེ། །གལ་ཏེ་ཉེས་པའི་འབྲས་བུ་ནི། །ཆད་ན་བླ་མའི་སྲོག་གཡོ་ཞིང་། །དམན་ལྷག་ནད་ཀྱིས་བཏབ་པར་འགྱུར། །ཕྱོགས་འཁྲུལ་སློབ་མ་རྨོངས་པར་འགྱུར། །བློ་ལྡན་ཉེས་པ་མེད་པར་བྱ། །གྲུ་བཞི་སྒོ་དང་རྟ་
[84a.3]བབས་བཅས། །དྲ་བ་དྲ་བ་ཕྱེད་པས་བརྒྱན། །ཉི་ཟླ་དྲིལ་བུ་གཡེར་ཁས་སྤྲས། །པདྨ་ཁྱམས་དང་རྡོ་རྗེའི་ཕྲེང་། །དུར་ཁྲོད་མེ་རི་ལ་སོགས་པ། །རྣམ་པ་མ་ལུས་རྫོགས་པར་བྱ། །རིན་ཆེན་རྣམ་ལྔ་འབྲུ་ཕྱེ་དང་། །འབྱུང་ཁུངས་ལས་བྱུང་རྣམ་པ་ལྔ། །པདྨར་སོ་སོར་གཞག་བྱས་ཏེ།
[84a.4]སྔགས་ཀྱིས་བཏབ་པ་ཡིག་འབྲུ་བསམ། །ཡེ་ཤེས་བསྟིམས་ལ་ཡིག་གསུམ་གྱིས། །བྱིན་གྱིས་བརླབས་ཏེ་མཐིང་ག་བླངས། །དབང་ལྡན་མཚམས་སུ་དྲང་བྱ་སྟེ། །འདི་ནི་ཆོས་དབྱིངས་དག་པ་སྟེ། །སེམས་ཅན་ཁམས་ནི་སྒྲོལ་བྱེད་པ། །དཔལ་ལྡན་རྡོ་རྗེ་འཛིན་པ་གནས། །
[84a.5]དེ་བཞིན་གཤེགས་པ་ཀུན་གྱི་གནས། །དེ་བཞིན་ལྗང་གུ་དྲང་བྱས་ལ། །འདི་ནི་སོ་སོར་རྟོག་པ་དག །དམར་པོ་མཉམ་ཉིད་ཡེ་ཤེས་ཏེ། །སེར་པོ་བྱ་བ་གྲུབ་པ་ལ། །དཀར་པོ་མེ་ལོང་ཡེ་ཤེས་དག །མེ་ཏོག་དོར་ལ་མཚན་མ་བརྟག །ཐམས་ཅད་གཡས་སྐོར་མ་ནོར་བར། །སྦོམ་ཕྲ་ཆད་པ་མེད་པར་བྲི། །ཉེས་
[84a.6]པ་འབྱུང་བའི་རིམ་པ་ནི། །ཚོན་མི་མཉམ་ཞིང་ཡོ་དང་དམའ། །དངོས་གྲུབ་ཉམས་པར་འགྱུར་བ་ཡིན། །ཡོན་པོས་རྩོད་ལ་གདུང་བར་འགྱུར། །སྦོམ་ན་ནད་འབྱུང་གལ་ཏེ་ཕྲ། །ནོར་ཉམས་ཆད་པར་གྱུར་པས་ན། །འཆི་འགྱུར་ཕྱོགས་ཉམས་ཕུར་བུས་འདེབས། །ཤར་དཀར་
[84a.7]ལྷོ་སེར་ནུབ་ཕྱོགས་དམར། །བྱང་ཕྱོགས་ཨིནྡྲ་ནཱི་ལའི་མདོག །ལྟེ་བ་མཐོན་མཐིང་འཁྱིལ་པར་བྱ། །མཚམས་སོགས་ཆོ་གས་བརྟག་པ་དང་། །དུར་ཁྲོད་རྣམས་ནི་རིམ་པས་བྲི། །རྡོ་རྗེ་དཀྱིལ་འཁོར་ལྷར་བསྒྲུབ་པ། །ཡོལ་བས་བཅད་པའི་དཀྱིལ་འཁོར་དུ། །ཁྲུས་བྱས་
[84b]
[84b.1]དྲི་ཡིས་ལུས་བྱུགས་ཏེ། །གོས་བཟང་གིས་བརྒྱན་ལན་གསུམ་བསྐོར། །དེ་ནས་རྡོ་རྗེ་འཛིན་པ་ཡིས། །ང་རྒྱལ་བྱས་ཏེ་ཧཱུཾ་སྒྲོགས་པས། །ཤར་གྱི་སྒོ་ནས་ནང་དུ་ཞུགས། །སྒོ་བཞི་ཡང་ནི་དབྱེ་བར་བྱ། །ཨོཾ་བཛྲ་ཨུདྒྷ་ཊ་ས་མ་ཡཱ་བེ་ཤ་ཡ་ཧཱུཾ། བུམ་པར་རང་གནས་འདུག་བྱས་
[84b.2]ཏེ། །མཆོད་པའི་རྫས་ཀྱིས་ལེགས་བརྒྱན་ནས། །དཀྱིལ་འཁོར་ལྷ་རྣམས་རྫོགས་པར་བསྐྱེད། །ཡེ་ཤེས་བསྟིམས་ལ་མཆོད་པར་བྱ། །བསྟོད་ཅིང་གླུ་དང་ལྡན་པ་ཡིས། །ཚོགས་ཀྱི་འཁོར་ལོས་མཆོད་པར་བྱ། །དེ་ནས་ལྷག་པའི་ལྷ་ཡང་བསྡུ། །བཟླས་པའི་རིམ་པ་བཞིན་དུ་བརྗོད། །
[84b.3]ཤར་དུ་ཞི་བའི་མེ་ལས་བྱ། །དེ་ནས་ཤར་གྱི་དབང་སྟེགས་ལ། །སློབ་མའི་ཆོ་ག་ཇི་ལྟ་བར། །སློབ་དཔོན་དབང་དང་ལྡན་པར་བྱ། །མེ་ཏོག་ཐོགས་ལ་ཚིག་འདི་བརྗོད། །ཧཱུཾ་ཐུགས་ཀྱི་སྲས་པོ་རྡོ་རྗེ་འཛིན། །གདུག་པ་འདུལ་མཛད་གཏུམ་པོ་ཡིས། །སློབ་མ་སྨིན་པར་བྱ་བའི་ཕྱིར། །
[84b.4]བདག་ལ་དབང་བསྐུར་སྦྱིན་པར་མཛོད། །དེ་ལྟར་རིམ་པ་རྫོགས་པ་དང་། །དེ་ནས་སློབ་མ་གཞུག་པར་བྱ། །ཡོལ་བའི་ཕྱིར་གནས་རིམ་པ་བཞིན། །ཁྲུས་བྱས་སྔགས་འདིས་དག་པར་བསམ། །ཀཱ་ཡ་བཱཀ་ཙིཏྟ་སརྦ་པཱ་པཾ་ཤོ་དྷ་ནི་སྭཱ་ཧཱ། དེ་ནས་ལྷར་བྱས་གནས་གསུམ་དུ། ཨོཾ་བཛྲ་
[84b.5]བནྡྷ་ཏྲཊ་ཀཱ་ཡ་བཱཀ་ཙིཏྟ། ཞེས་པས་སྡིག་པ་དྲལ་བྱས་ལ། །རང་རང་ཡི་གེ་བསམ་པར་བྱ། །བགེགས་བསྐྲད་སྡིག་པ་གཞོམ་པ་དང་། །བླ་མས་རང་གི་ས་བོན་གྱིས། །སློབ་མའི་སྡིག་པ་སྦྱང་བར་བྱ། །ཨོཾ་ཀཱ་ཡ་ཤུདྡྷ་སརྦ་དྷརྨཱ་ཀཱ་ཡ་ཤུདྡྷོ྅ཧཾ། ཨོཾ་བཱཀ་ཤུདྡྷ་སརྦ་དྷརྨཱ་
[84b.6]བཱཀ་ཤུདྡྷོ྅ཧཾ། ཨོཾ་ཙིཏྟ་ཤུདྡྷ་སརྦ་དྷརྨཱ་ཙིཏྟ་ཤུདྡྷོ྅ཧཾ། རྣམ་དག་ལྷ་ཡི་ངོ་བོར་བྱ། །གདོང་པ་རས་ཀྱིས་བཀབ་ནས་ནི། །བུ་ཁྱོད་སུ་ཡིན་ཅི་ལ་དགའ། །སངས་རྒྱས་ཀུན་གྱི་རང་བཞིན་སྐུ། །སློབ་དཔོན་མགོན་ལ་སྐྱབས་སུ་མཆི། །གཙོ་བོ་ཁྲོ་བོར་བཅས་པ་ཡིས། །ལྷ་རྣམས་
[84b.7]ཀུན་ལ་ཕྱག་འཚལ་ལོ། །བདག་ནི་སྐལ་བཟངས་རིགས་ཡིན་ཏེ། །རྡོ་རྗེ་འཛིན་པ་ཁྱོད་ལ་དགའ། །ཕྲིན་ལས་མ་ལུས་ཁྱོད་ལ་རྫོགས། །ཐར་པ་ཆེན་པོའི་གྲོང་ཁྱེར་དུ། །མགོན་པོས་བདག་ནི་གཞུག་པར་མཛོད། །སློབ་མས་ཡོན་ཕུལ་སྔགས་འདི་བརྗོད། །ཨོཾ་ཨཱ་ཁཾ་བཱི་ར་
[85a]
[85a.1]ཧཱུཾ། རང་རང་གནས་སུ་བཞག་ནས་ཀྱང་། །བགེགས་ཀྱི་བར་ཆད་བསལ་བར་བྱ། །དཀྱིལ་འཁོར་ལ་ནི་བསྐོར་བྱས་ཏེ། །ཤར་གྱི་ཕྱོགས་ནས་སྒོ་ཕྱེ་ལ། །ལྷ་དང་སངས་རྒྱས་རྣམས་བསྐུལ་ཏེ། །སྐུ་གསུང་ཐུགས་ཀྱི་བྱིན་རླབས་ཀྱིས། །བདུད་བཞི་རྣམ་པར་
[85a.2]དག་བཅོམ་ནས། །སྔགས་འདིས་ཕྱག་གསུམ་བརྐྱང་ལ་བྱ། །ཨོཾ་ན་མ་སྟེ་ཧཱུཾ། ཨོཾ་ན་མ་མི་ཧཱུཾ། ན་མོ་ན་མ་ཧཱུཾ་སྭཱ་ཧཱ། དེ་ནས་ཐལ་སྦྱར་ཤར་ཕྱོགས་ནས་ཨོཾ་ཏྲཻ་ལོཀྱ་བི་ཛ་ཡ། བཱུ་ཛོ་པསྠཱ་ནཱ་ཡ། ཨཱཏྨ་ནཱཾ་ནི་ཪྻཱ་ཏ་ཡཱ་མི། སརྦ་ཏ་ཐཱ་ག་ཏ་ཨ་ཀྵོ་བྷྱ། །ཨ་བྷི་ཥཉྩི་ཨ་དྷི་ཏིཥྛ་སྭ་མཾ། མི་
[85a.3]བསྐྱོད་བརྒྱ་བྱིན་སྟེང་དུ་གསལ། །ཨོཾ་མ་ཧཱ་ཀཱ་ལ་པཱུ་ཛོ་པསྠཱ་ནཱ་ཡ། །ཨཱཏྨ་ནཱཾ་ནིཪྻཱ་ཏ་ཡཱ་མི། སརྦ་ཏ་ཐཱ་ག་ཏ་རཏྣ་སཾ་བྷ་བ། ཨ་བྷི་ཥཉྩི་ཨ་དྷི་ཏིཥྛ་སྭ་མཾ། ལྷོ་ཡི་ཕྱོགས་ནས་ཕྱག་བྱས་ཏེ། །དཔྲལ་བར་སྐུ་ནི་ཁྱབ་འཇུག་མནན། །ནུབ་ནས་གསུང་གི་དབང་ཕྱུག་གཞོམ། །ཨོཾ་ཨ་མྲྀ་ཏ་ཀུཎྜ་
[85a.4]ལི། པཱུ་ཛོ་པསྠཱ་ནཱ་ཡ། ཨཱཏྨ་ནཱཾ་ནིཪྻཱ་ཏ་ཡཱ་མི། སརྦ་ཏ་ཐཱ་གེ་ཏ་པདྨ་དྷ་རི། ཨ་བྷི་ཥཉྩི་ཨ་དྷི་ཏིཥྛ་སྭ་མཾ། ཨོཾ་ཨཱཪྱ་ཛཾ་བྷ་ལ་པཱུ་ཛོ་པསྠཱ་ནཱ་ཡ། ཨཱཏྨ་ནཱཾ་ནི་ཪྻཱ་ཏ་ཡཱ་མི། སརྦ་ཏ་ཐཱ་ག་ཏ་ཨ་མོ་གྷ་སིདྷི། ཨ་བྷི་ཥཉྩི་ཨ་དྷི་ཏིཥྛ་སྭ་མཾ། ནུབ་བྱང་རིམ་པས་ཕྱག་བྱའོ། །ལས་ཀྱི་བུམ་པས་ཁྲུས་
[85a.5]བྱས་ཏེ། །སྡོམ་པ་མ་ལུས་པ་ཡང་སྦྱིན། །བྱིན་གྱིས་བརླབ་ཕྱིར་ཡེ་ཤེས་ཀྱང་། །བླ་མ་ལ་ནི་གསོལ་བ་གདབ། །དེ་བཞིན་གཤེགས་པ་ཐམས་ཅད་ཀྱིས། །བདག་ལ་བྱིན་གྱིས་བརླབ་མཛོད་ལ། །རྡོ་རྗེ་སེམས་དཔའ་བླ་ན་མེད། །བདག་ལ་ད་ལྟ་བསྐྱེད་དུ་གསོལ། །སྡིག་བྲལ་སྤོས་ཀྱིས་
[85a.6]བདུག་བྱས་ནས། །འགྱིང་བཅས་རྡོ་རྗེ་དྲིལ་འཛིན་པས། །སངས་རྒྱས་མ་ལུས་ལྷག་པའི་ལྷར། །བསྡུས་ལ་གཉིས་མེད་བདེ་བ་ཆེ། །ཟག་མེད་བདེ་བས་ཡན་ལག་ཁྱབ། །ཧཱུཾ་འདི་ནི་རྡོ་རྗེའི་དམ་ཚིག་སྟེ། །རྡོ་རྗེ་གཏུམ་པོ་སེམས་དཔའ་ཆེ། །ཡེ་ཤེས་རྡོ་རྗེ་བླ་མེད་འདི། །ད་ལྟ་ཉིད་དུ་
[85a.7]འབབ་པར་ཤོག །ཨོཾ་བཛྲ་ཙཎྜ་མ་ཧཱ་རོ་ཥ་ཎ། ཨཱ་བེེ་ཤ་ཡ་སྟྭཾ་བྷཱ་ཡ། རཱ་རཱ་རཱ་རཱ། ཙ་ལཱ་ཡ། ཨ་ཧཱུཾ་མ་ཧཱ་ཛྷེཾ་བཛྲ་ཙཎྜ་ཨཱ་བེ་ཤ་ཡ། ཨ་ཨ་ཨ་ཨ་ཨ། ཞེས་བཟླས་གང་ལ་བབས་གྱུར་ཀྱང་། ཨོཾ་བཛྲ་ཙཎྜ་མ་ཧཱ་རོ་ཥ་ཎ། ཨ་དྷིཥྛི་ཏེ་ས་མ་ཡ། སྔགས་ཀྱིས་བརྟན་བྱས་ལྕེ་ལ་ཨ། །དགེ་
[85b]
[85b.1]མི་དགེ་ཡི་ལུང་བསྟན་བྱ། །མེ་ཏོག་རྡོ་རྗེ་དང་བཅས་པ། །སྤྱི་བོར་བཞག་ལ་འདི་སྐད་བརྗོད། །ཧཱུཾ་རྡོ་རྗེ་གཏུམ་པོ་དེང་ཁྱོད་ཀྱི། །སྙིང་ལ་ཡང་དག་ཞུགས་པ་ནི། །གལ་ཏེ་ཚུལ་འདི་གཞན་སྨྲས་ན། །དེ་མ་ཐག་ཏུ་དྲལ་ཏེ་གཤེགས། །བདུད་རྩི་ལྔས་བཀང་ཀ་པཱ་ལར། །
[85b.2]སྔགས་བཏབ་རྡོ་རྗེ་དང་བཅས་སྦྱིན། །ཧཱུཾ་འདི་ནི་ཁྱོད་ཀྱི་རྡོ་རྗེའི་ཆུ། །དམ་ཚིག་ཉམས་ན་སྲེག་པར་བྱད། །དམ་ཚིག་བསྲུངས་ན་དངོས་གྲུབ་རྣམས། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་ཨཱཿཧཱུཾ་བཛོད་ཀ་ཋ་ཧཱུཾ། །ཤར་དུ་འདུག་ལ་འདི་སྐད་བརྗོད། །དེ་ནས་
[85b.3]བརྩམས་ཏེ་ཁྱེད་རྣམས་ཀྱི། །རྡོ་རྗེ་གཏུམ་པོ་ང་ཡིན་གྱི། །ཁྱེད་ཀྱིས་ང་ལ་བརྙས་པ་ན། །མི་བདེ་མ་སྤངས་དུས་བྱས་ནས། །དམྱལ་བར་ལྟུང་བར་གྱུར་ཏ་རེ། །ཕྱོགས་བཞི་ནས་ནི་དངོས་གྲུབ་བརྟག །མཛེས་པའི་མེ་ཏོག་ལྷ་ལ་དོར། །གསང་བ་བླ་མེད་མེ་ཏོག་འདི། །ཕོ་བྲང་
[85b.4]དཀྱིལ་འཁོར་ལྷ་མཆོག་ལ། །ལས་དང་རྗེས་མཐུན་བརྩེ་བ་ཡིས། །རིགས་དང་མཐུན་པར་འབབ་པར་ཤོག །པྲ་ཏཱིཙྪ་ཧོ་བཛྲ། ལྷ་ཡི་སྟོད་དང་རྐེད་པ་དང་། །སྨད་དང་ཉེ་རིང་གཙོ་འཁོར་གྱི། །བྱེ་བྲག་དངོས་གྲུབ་རྟགས་ཡིན་ནོ། །དེ་ནས་བླ་མས་མེ་ཏོག་བླངས། །སློབ་མའི་མགོར་
[85b.5]བཅིངས་སྔགས་འདི་བརྗོད། །ཨོཾ་དྷརྨ་ཀུཎྜ་ཨ་བྷི་ཥིཉྩ། ལྷ་བསྟིམ་རིགས་ཀྱི་མིང་ཡང་གཟུང་། །སྔོན་གྱི་མིག་མཁན་རྒྱལ་པོ་ཡིས། །མ་རིག་ལིང་ཏོག་བསལ་བ་ལྟར། །དེ་བཞིན་ཁྱོད་ཀྱི་མིག་དབྱེ་སྟེ། །ཡེ་ཤེས་མིག་གིས་མཐོང་བར་ཤོག །བཛྲ་ཙཀྵུ་པ་ཏྲ་ལཾ་ཧྲི། །གདོང་
[85b.6]གཡོགས་བཤུས་ལ་འདི་སྐད་བརྗོད། །དཀྱིལ་འཁོར་བཟང་པོ་འདི་ལ་ལྟོས། །མཐོང་ན་དད་པ་རབ་ཏུ་སྐྱེ། །ཁྱོད་ནི་སངས་རྒྱས་རིགས་སུ་གྱུར། །སྔགས་དང་ཕྱག་རྒྱས་བྱིན་བརླབས་ཏེ། །དངོས་གྲུབ་མ་ལུས་སྣོད་དུ་འགྱུར། །རིགས་ཀྱི་རྣམ་པར་དག་པ་བསྟན། །དེ་ནས་སློབ་མ་དད་ལྡན་
[85b.7]པས། །བླ་མའི་ཞབས་ལ་ཕྱག་བྱས་ཏེ། །ཡོན་མཆོག་བླ་མེད་ཕུལ་ནས་ཀྱང་། །དབང་བསྐུར་བ་ཡི་གསོལ་བ་གདབ། །བྱང་ཆུབ་རྡོ་རྗེ་སངས་རྒྱས་ལ། །ཇི་ལྟར་མཆོད་ཅིང་གསོལ་མཛད་པ། །བདག་ལ་བྱིན་གྱིས་བརླབ་པའི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །
[86a]
[86a.1]སེམས་ཅན་ཀུན་གྱི་དོན་གྱི་ཕྱིར། །བདག་ནི་སློབ་དཔོན་མཆོག་བགྱིད་དོ། །ལན་གསུམ་བརྗོད་ནས་ཤར་ཕྱོགས་སུ། །པདྨ་འདབ་བརྒྱད་ཁྲི་ལ་འདུག །རྣམ་རྒྱལ་བུམ་པ་ལ་སོགས་པས། །ཆུ་རྣམས་ཐོད་པའམ་བུམ་པར་བསྡུས། །རྡོ་རྗེའི་གླུ་དང་དྲིལ་བུར་ལྡན། །
[86a.2]རིགས་ལྔ་རིག་པའི་ལྷ་མོར་ལྡན། །བག་ཆགས་མ་ལུས་དག་བྱས་ཏེ། །སྐུ་གསུམ་དམ་ཚིག་ལས་བྱུང་བའི། །ཡེ་ཤེས་བདུད་རྩི་དྲི་མ་མེད། །ལྷ་ཡི་བདུད་རྩི་རྣམ་དག་འདིས། །མི་བསྐྱོད་རྡོ་རྗེའི་དབང་བསྐུར་རོ། །ཨོཾ་ཨཱ་དཪྴ་ཛྙཱ་ན་ཨ་བྷི་ཥིཉྩ་ཧཱུཾ། ཆུ་ཡི་དབང་བསྐུར་དམ་པ་
[86a.3]འདིས། །སྒྲིབ་པ་རྣམ་པ་གསུམ་བྲལ་ནས། །མི་བསྐྱོད་རྣམ་དག་ཡེ་ཤེས་འཐོབ། །མི་བསྐྱོད་རྡོ་རྗེ་དངོས་གྲུབ་ཤོག །ལུགས་མའམ་ཐང་ག་འབུར་བྲིས་པའི། །གསེར་སོགས་དབུ་རྒྱན་རིན་འབྱུང་བསམ། །དབུ་རྒྱན་རིན་ཆེན་དམ་པ་འདིས། །སེམས་ཅན་ཚིམ་པར་བྱེད་པའི་མཆོག །
[86a.4]ཡིད་བཞིན་བསམ་པ་འགྲུབ་བྱེད་པ། །རྫོགས་སངས་རྒྱས་སུ་དབང་བསྐུར་རོ། །ཨོཾ་བཛྲ་ས་མནྟཱ་ཛྙཱ་ན་ཧཱུཾ་ཏིཥྛ་ཨ་བྷི་ཥིཉྩ་ཧཱུཾ། དབུ་རྒྱན་དབང་བསྐུར་དམ་པ་འདིས། །རིགས་ལྔའི་སངས་རྒྱས་བདེ་བར་གཤེགས། །བདག་གི་མགོ་ལ་བརྒྱན་གྱུར་ཏེ། །རིན་ཆེན་འབྱུང་ལྡན་དངོས་གྲུབ་
[86a.5]ཤོག །རིན་ཆེན་ལ་སོགས་རྡོ་རྗེ་ལ། །སྣང་བ་མཐའ་ཡས་བཅུག་བྱས་ལ། །ལག་ཏུ་གཏང་ལ་ཚིག་འདི་བརྗོད། །སངས་རྒྱས་ཀུན་གྱི་རྡོ་རྗེའི་དབང་། །མི་ཕྱེད་རྣམ་དག་འོད་གསལ་སྟོང་། །དམ་ཆོས་འབྱུང་བའི་སྒོར་གྱུར་པ། །རྡོ་རྗེ་ཆོས་ཀྱི་དབང་བསྐུར་རོ། །ཨོཾ་བཛྲ་པྲ་ཏི་བེ་ཤ་ཡ་
[86a.6]ཛྙཱ་ན་ཨ་བྷི་ཥིཉྩ་ཧཱུཾ། རྡོ་རྗེའི་དབང་བསྐུར་དམ་པ་འདིས། །རྡོ་རྗེ་ལྟ་བུའི་ཏིང་ངེ་འཛིན། །བདག་གི་རྒྱུད་ལ་སྐྱེས་གྱུར་ཏེ། །སྣང་བ་མཐའ་ཡས་དངོས་གྲུབ་ཤོག །དྲིལ་བུར་དོན་ཡོད་གྲུབ་པ་བཅུག །ལག་པ་གཡོན་གཏད་ཚིག་འདི་བརྗོད། །ཐབས་དང་ཤེས་རབ་ལྡན་པ་ཡིས། །
[86a.7]འགྲོ་དོན་མཉམ་པ་མེད་བྱེད་པ། །འདོད་པའི་ཕྲིན་ལས་རྫོགས་བྱེད་ཅིང་། །དྲིལ་བུ་ལས་ཀྱི་དབང་བསྐུར་རོ། །ཨོཾ་ཨ་དྷིཥྛ་ན་ཨ་ནུཥྛཱ་ན་སིདྡྷི་ཛྙཱ་ན་ཨ་བྷི་ཥིཉྩ་ཧཱུཾ། དྲིལ་བུའི་དབང་བསྐུར་དམ་པ་འདིས། །དུས་གསུམ་བདེ་གཤེགས་ཐམས་ཅད་ཀྱི། །གསུང་གི་དངོས་གྲུབ་
[86b]
[86b.1]བདག་གྱུར་ཏེ། །དོན་ཡོད་གྲུབ་པའི་དངོས་གྲུབ་ཤོག །རྣམ་སྣང་བསྐྱེད་ལ་མཚོག་མའི་སྟེང་། །འཁོར་ལོ་ཐོགས་པའི་མིང་སྒྲོགས་ཏེ། །རྡོ་རྗེ་མིང་གི་དབང་བསྐུར་བས། །བྱང་ཆུབ་ཐོབ་པའི་བར་དུ་ནི། །ཅིས་ཀྱང་གཞོམ་པར་མི་ནུས་པས། །རྡོ་རྗེའི་མིང་དུ་རབ་ཏུ་གྲགས། །
[86b.2]ཨོཾ་པྲ་ཏི་ཤོདྷ་དྷརྨ་དྷཱ་ཏུ་ཛྙཱ་ན་ནཱ་མ་ཨ་བྷི་ཥིཉྩཱ་མི་ཧཱུཾ། མིང་གི་དབང་བསྐུར་དམ་པ་འདིས། །སྟོང་གསུམ་བྱེ་བ་ཕྲག་བརྒྱ་རུ། །སྤྲུལ་པས་འགྲོ་རྣམས་ཆོས་སྟོན་ཅིང་། །རྣམ་པར་སྣང་མཛད་དངོས་གྲུབ་ཤོག །རིགས་ལྔ་ཡུམ་གྱིས་མ་རིག་ལྔ། །རྣམ་དག་ཡེ་ཤེས་ལྔ་སྦྱོར་བས། །
[86b.3]རིག་པའི་དབང་དུ་རྒྱུད་པས་བསྟན། །ཤར་དུ་སེང་གེའི་ཁྲི་ལ་འདུག །སྟེང་དུ་གདུགས་དཀར་ཕུབ་ནས་ཀྱང་། །ཕྱིར་མི་ལྡོག་པའི་དབང་བསྐུར་ཏེ། །སློབ་དཔོན་རང་བཞིན་འོད་དཔག་མཆོག །སྐལ་བ་ཆེན་པོ་བདག་ལ་གསོལ། །བདེ་གཤེགས་རྣམས་ཀྱི་དབང་བསྐུར་ནི། །
[86b.4]སངས་རྒྱས་བྱང་ཆུབ་རབ་བསྒྲུབ་པ། །དེ་ནི་སངས་རྒྱས་དཔག་མེད་དོ། །བརྟུལ་ཞུགས་བླ་ན་མེད་པ་དེ། །ཇི་ལྟར་འདུལ་བཞིན་བདག་ལ་གསོལ། །དེ་ནས་རྣམ་རྒྱལ་བུམ་པ་བླངས། །སྟེང་འོག་བཞག་ལ་ཚིག་འདིས་སྦྱིན། །དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་
[86b.5]ཀུན་གྱིས་ཕྱག་བྱས་པ། །གསང་གསུམ་གནས་ལས་བྱུང་བ་ཡི། །སངས་རྒྱས་ཀུན་གྱིས་བྱིན་པ་ཡིས། །ཕྲིན་ལས་ཐོགས་པ་མེད་པ་རྣམས། །བུ་ཡིས་གཞན་དོན་བླ་མེད་བྱོས། །ཁྱོད་ནི་རྡོ་རྗེ་སློབ་དཔོན་ཡིན། །དུས་གསུམ་སངས་རྒྱས་སྲས་ཡིན་ནོ། །ཞེས་བྱ་དུང་དང་རོལ་མོ་
[86b.6]དབུལ། །ལུང་བསྟན་བྱ་ཕྱིར་བླ་མ་ཡིས། །སྤྲུལ་པའི་སྐུར་བཅས་དགའ་དང་བཅས། །ཆོས་གོས་བཟུང་ལ་འདི་སྐད་བརྗོད། །རྡོ་རྗེ་སེམས་དཔའི་རང་བཞིན་གཤེགས། །སྲིད་པའི་མཐའ་ནི་གྲུབ་པའི་ཕྱིར། །སྲིད་པའི་ངན་འགྲོ་ཉིད་ལས་བཏོན། །ཀྱེ་རྡོ་རྗེ་དེ་བཞིན་གཤེགས་
[86b.7]པ་ཆེ་གེ་མོ་ཞེས། སིདྡྷི་བཛྲ་ཙཎྜ་ཏེ་ཐཱ་ག་ཏ་ས་མ་ཡ་སྟྭཾ་བྷུར་བྷུ་བ་སྭཿ། ཕྱོགས་བཅུའི་སངས་རྒྱས་མ་ལུས་པས། །ཁྱོད་ལ་ལུང་བསྟན་བྱས་པ་འདི། །གསང་སྔགས་རྡོ་རྗེའི་མཐུ་ཡིན་པས། །དད་པས་འདི་ལ་སྤྲོ་བར་གྱིས། །དེ་ནས་རྡོ་རྗེ་བརྟུལ་ཞུགས་སྦྱིན། །རྡོ་རྗེ་ལག་ཏུ་ལེགས་
[87a]
[87a.1]བྱིན་ལ། །འདི་དེ་སངས་རྒྱས་ཐམས་ཅད་ཀྱི། །རྡོ་རྗེ་སེམས་དཔའི་ཕྱག་ན་བསྣམས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་ས་མ་ཡ་ཏིཥྛ་ཨེ་ཥ་སྟྭཾ་དྷ་ར་ཡ་མི་ཧི་ཧི་ཧཱུཾ། དེ་ནས་དྲིལ་བུ་སྦྱིན་བྱས་ཏེ། །འདི་ནི་
[87a.2]སངས་རྒྱས་ཐམས་ཅད་ཀྱིས། །ཤེས་རབ་དབྱངས་ཀྱི་རྗེས་འགྲོ་བ། །ཁྱོད་ཀྱིས་ཀྱང་ནི་རྟག་ཏུ་བཅང་། །བྱང་ཆུབ་མཆོག་ཏུ་རྒྱལ་བས་བཞེད། །ཨོཾ་སརྦ་ཏ་ཐཱ་ག་ཏ་སིདྡྷ་གྷཎྜ་ས་མ་ཡ་ཏིཥྛ་ཨེ་ཥ་སྟྭཾ་དྷ་ར་ཡ་མི་ཧི་ཧི་ཧཱུཾ། ཇི་ལྟར་མིག་མཁན་རྒྱལ་པོ་ཡིས། །མི་ཤེས་རབ་རིབ་བསལ་བ་
[87a.3]ལྟར། །བུ་ཁྱོད་ཀྱི་ཡང་མི་ཤེས་པའི། །མ་རིག་ལིང་ཐོག་བསལ་བར་བྱ། །སྨན་ལྡན་གསེར་གྱི་ཐུར་མ་ཡིས། །ཡེ་ཤེས་དག་པར་མིག་འབྱེད་དོ། །ཨོཾ་བཛྲ་ནེ་ཏྲ་ཨ་པ་ཧ་ར་པ་ཏྲ་ལཾ་ཧྲི། །དེ་ནས་མེ་ལོང་གཡའ་དག་བསྟན། །ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་
[87a.4]ལ་རྙོག་པ་མེད། །བརྗོད་དུ་མེད་ཅིང་གཟུང་དུ་མེད། །རྒྱུ་དང་ལས་ལས་ཐམས་ཅད་འབྱུང་། །དེ་ནས་རྡོ་རྗེ་མེ་ལོང་ཕྱར། །རྡོ་རྗེ་སེམས་དཔའ་མེ་ལོང་ལྟར། །དག་ཅིང་གསལ་ལ་དྲི་མ་མེད། །སངས་རྒྱས་ཀུན་བདག་རང་བཞིན་ནི། །བུ་ཁྱོད་ཀྱི་ནི་སྙིང་ལ་གནས། །ཞེས་བྱ་ཧོ་ཡིས་
[87a.5]མདའ་གཞུ་སྦྱིན། །བསྐྱོད་ལ་ཕྱོགས་བཞིར་བདུད་ལ་འཕངས། །དེ་ནས་ཧཱུཾ་ལས་སྐྱེས་པ་ཡི། །འཁོར་ལོ་རྐང་པའི་བར་བཅུག་ལ། །དེ་རིང་ཕན་ཆད་འཇིག་རྟེན་ལ། །སྐྱོབ་པ་རྣམས་ཀྱིས་འཁོར་ལོ་བསྐོར། །ཆོས་ཀྱི་འཁོར་ལོ་བླ་ན་མེད། །ཀུན་དུ་དྲི་མེད་སྡིག་དང་བྲལ། །དེ་ནས་དུང་
[87a.6]བྱིན་བུས་ནས་ཀྱང་། །ཆོས་ཀྱི་དུང་ནི་བླ་ན་མེད། །སོམ་ཉི་ཡིད་གཉིས་མི་བྱ་ཞིང་། །དོགས་པ་མེད་པའི་སེམས་ཀྱིས་སུ། །སངས་རྒྱས་སྤྱོད་པའི་ཚུལ་གྱི་མཆོག །འཇིག་རྟེན་འདིར་ནི་རབ་ཏུ་སྒྲོགས། །དེ་ལྟར་བྱས་ན་སངས་རྒྱས་ལ། །ཕན་བཏགས་དྲིན་དུ་གཟོ་ཞེས་བྱ། །རྡོ་རྗེ་འཛིན་
[87a.7]པ་འདི་ཀུན་ཀྱང་། །ཁྱོད་ལ་རྗེས་སུ་སྲུང་བར་བྱེད། །དེ་ནས་རིགས་ལྔར་བསམ་བྱས་ལ། །འཇིག་རྟེན་ཁམས་ནི་མ་ལུས་པར། །སེམས་ཅན་མ་ལུས་དྲང་བའི་ཕྱིར། །ཆགས་པ་མེད་པའི་བསམ་པ་ཡིས། །ཇི་ལྟར་གདུལ་བྱ་སྣ་ཚོགས་པའི། །ཆོས་ཀྱི་འཁོར་ལོ་བསྐོར་བར་
[87b]
[87b.1]གྱིས། །དེ་བཞིན་རིགས་ཀྱིས་གང་འདུལ་བ། །ཁྱོད་ཀྱི་ཕྲིན་ལས་མཆོག་ཡིན་ནོ། །དེ་ནས་སླར་ཡང་རྡོ་རྗེ་འཛིན། །གསལ་བར་བྱས་ཏེ་ཚིག་འདི་བརྗོད། །དེང་ནས་བཟུང་ནས་རིགས་ཀྱི་བུས། །ཞི་རྒྱས་ང་དང་གསད་པ་དང་། །དགུག་དང་བཅིང་དང་བསྲེག་པ་དང་། །
[87b.2]བསྐྲད་དང་གཡོ་བ་ལ་སོགས་པའི། །ཕྲིན་ལས་སྣ་ཚོགས་བསྒྲུབ་པར་གྱིས། །རལ་གྲི་མིག་སྨན་ས་འོག་དང་། །མཆིལ་ལྷམ་དེ་བཞིན་རི་ལུ་སྟེ། །ཐུན་མོང་དངོས་གྲུབ་མ་ལུས་པ། །དེ་དག་ཁྱོད་ཀྱིས་བསྒྲུབ་པར་གྱིས། །མ་ལུས་གནང་བ་སྦྱིན་པར་བྱ། །བདེ་བར་དབུགས་
[87b.3]དབྱུང་རྣམས་ཀྱང་སྦྱིན། །ཁྱད་པར་བཀྲ་ཤིས་དབང་རྣམས་ཀྱང་། །རིམ་པ་བཞིན་དུ་རྫོགས་པར་བྱ། །གལ་ཏེ་གསང་བའི་དབང་བསྐུར་བ། །བཞིན་བཟངས་མིག་ཡངས་ལང་ཚོར་ལྡན། །ལུས་ལ་དྲི་ཡིས་བྱུགས་བྱས་ཏེ། །རྩེ་དང་དགོད་པས་གཡོ་བྱས་ལ། །ཐབས་དང་
[87b.4]ཤེས་རབ་གཉིས་ཕབ་སྟེ། །ནོར་བུ་བྱང་ཆུབ་སེམས་ལྟུང་བས། །བདེ་གཤེགས་ཁུ་བ་མཐེབ་སྲིན་གྱིས། །དྲིར་བཅས་སློབ་མའི་ཁ་རུ་དབབ། །ཨ་ཧོ་སུ་ཁས་དེ་བཏུང་ངོ་། །རྡོ་རྗེ་རོ་ཡིས་ཉོན་མོངས་འཇོམས། །མཚན་ལྡན་བདེ་བ་བསྐྱེད་པ་དེ། །ཡོལ་བས་བར་བཅད་
[87b.5]སྙོམས་འཇུག་བརྩམ། །བསྲུབ་དང་སྲུབས་པའི་སྦྱོར་བ་ཡིས། །སྒྲ་ཡི་རྒྱུན་མེད་ལོངས་སྤྱོད་ཀྱི། །རླབས་ཀྱི་རྒྱུན་ནི་ཆད་པ་ལས། །ལྷན་ཅིག་སྐྱེས་པ་ཡེ་ཤེས་ཀྱང་། །རྒྱུན་གྱི་རྣལ་འབྱོར་དྲན་པར་བྱ། །སྐད་ཅིག་དེ་དང་མ་བྲལ་ན། །མི་རྟོག་ཡེ་ཤེས་སྐྱེ་བར་འགྱུར། །དེ་ཉིད་བརྗོད་
[87b.6]དུ་མེད་པ་ལ། །བརྗོད་མེད་ཚིག་གི་དབང་དུ་བཤད། །གལ་ཏེ་དེ་ལ་མི་རྟོག་པས། །བཞི་པ་དབང་དུ་རྒྱུད་དུ་བསྟན། །དཀྱིལ་འཁོར་རྣམ་ལྔའི་དབང་བསྐུར་ནས། །ཚོགས་དང་མཆོད་པ་རྒྱ་ཆེན་བྱ། །སློབ་མ་དད་ལྡན་མཆོག་དེས་ཀྱང་། །རྟ་དང་གླང་པོ་མ་ཧེ་དང་། །བུ་དང་ཆུང་
[87b.7]མ་སྲོག་དང་དབྱིག །ཅི་ཡོད་ཕྱག་བྱས་མ་ཞེན་པས། །བླ་མ་མཉེས་ཕྱིར་དབུལ་བར་བྱ། །བླ་མས་སློབ་མ་དམ་པའི་མགོར། །བཀྲ་ཤིས་བརྗོད་ཅིང་གདུགས་ཕུབ་པས། །སློབ་མ་མཆོད་པ་རྫས་ཐོགས་ནས། །དྲིན་ལེན་དཀྱིལ་འཁོར་ལན་གསུམ་བསྐོར། །སྨོན་ལམ་
[88a]
[88a.1]གདབ་ཅིང་དགེ་བ་བསྔོ། །ཐོ་རངས་ཚོན་བསྡུས་བུམ་པར་བླུགས། །ཆུའམ་རིའམ་ནགས་ཕུག་སྦ། །དྲི་བཟངས་ཀྱིས་ནི་ཐིག་ཕྱིས་ལ། །ས་དེར་ཞི་བའི་མེ་ལས་བྱ། །ཡང་ན་ཕོངས་པ་ཚིམ་པ་དང་། །ཙཻ་ཏེའི་ལས་ལ་བརྩོན་པར་བྱ། །ཇི་ལྟར་རྒྱུད་ལས་
[88a.2]གསལ་གྱུར་ཅིང་། །བླ་མའི་མན་ངག་ཐོབ་གྱུར་ཀྱང་། །ཅུང་ཟད་སྤྲོས་ཕྱིར་བདག་ཉིད་སྤྲོ་བར་བྱས། །འོན་ཀྱང་ཉེས་ཚོགས་ཅི་མཆིས་བཤགས་པར་བྱ། །བཟང་པོ་མདོར་བསྡུས་ཆོ་ག་མཆོག །གཞན་ཕྱིར་བཀོད་པའི་དགེ་བ་ཡིས། །རིགས་དྲུག་གཏུམ་པོའི་ལམ་ཞུགས་ནས། །
[88a.3]མྱུར་དུ་དེ་ཡི་འབྲས་ཐོབ་ཤོག །རྡོ་རྗེ་གཏུམ་པོའི་དཀྱིལ་འཁོར་གྱི་ཆོ་ག་བཟང་པོ་མདོར་བསྡུས་པ་ཞེས་བྱ་བ་སློབ་དཔོན་ལས་ཀྱི་རྡོ་རྗེས་མཛད་པ་རྫོགས་སོ།། །།རྒྱ་གར་གྱི་པཎྜི་ཏ་ཟླ་བ་བཟང་པོ་དང་། བོད་ཀྱི་ལོ་ཙཱ་བ་གླན་ཆུང་དར་མ་ཚུལ་ཁྲིམས་ཀྱིས་བསྒྱུར་བའོ། །
[88a.4]{T2200}༄༅༅། །རྒྱ་གར་སྐད་དུ། ནཱི་ལཱཾ་བ་ར་དྷ་ར་བཛྲ་པཱ་ནཎི་ཨཱརྱ་ནཱ་མ་ཏནྟྲ་ཊཱི་ཀཱ། བོད་སྐད་དུ། འཕགས་པ་ལག་ན་རྡོ་རྗེ་གོས་སྔོན་པོ་ཅན་ཞེས་བྱ་བའི་རྒྱུད་ཀྱི་རྣམ་པར་བཤད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །བདེན་པ་གཉིས་ལ་རབ་
[88a.5]གནས་ཤིང་། །ཐབས་དང་ཤེས་རབ་ཟུང་འབྲེལ་པའི། །མགོན་པོ་སྒྲིབ་པ་ཀུན་སྤངས་ཡོན་ཏན་མ་ལུས་ཀུན་གྱི་བདག་པོ་དེ། །ཤེས་རབ་ཐབས་ཀྱིས་མྱ་ངན་མཐའ་སྤངས་ནས། །སྙིང་རྗེ་ཆེན་པོས་སེམས་ཅན་མུན་འཐིབས་པ། །མུན་མ་མཐོང་སྒོམ་རྩ་བ་ཉོན་མོངས་ཞི་མཛད་པ། །
[88a.6]གསང་སྔགས་སྡུད་མཛད་མི་གཡོ་བཅོམ་ལྡན་འདས། །ཐུགས་རྗེ་བསྙེལ་བ་མེད་ལ་ཕྱག་འཚལ་ལོ། །གང་གིས་གསལ་བར་བྱས་པ་དེ་རྣམས་བྱས་པ་མ་ཡིན་ཚིག་དོན་སྐྱོན་དང་ལྡན། །དེ་ནས་འདིར་ནི་གསང་བ་དོན་ལས་དགའ་བ་སྐྱེས། །ཚིག་གི་སྐྱོན་བྲལ་མན་ངག་ཉམས་
[88a.7]དང་ལྡན། །ཤཱཀྱའི་རིགས་ཀྱི་མན་ངག་དོན་ལྡན་རྒྱས་པར་བསྟན་པ་ལས། །ཤེས་རབ་དམིགས་མ་ཕྱེད་པས་བཤད་ཟིན་བསྟན་པ་དག །དེ་དག་སྨན་འགྱུར་འདིར་ནི་གསལ་བར་བྱས། །དེས་ནི་ཉི་ཟླ་དག་དང་མཐུན་པའི་དམ་ཆོས་འདི། །ཐུགས་རྗེ་ཉེ་བར་བསྔོས་པ་ཡིས། །
[88b]
[88b.1]སྙིང་རྗེ་ལྡན་པའི་སེམས་ཀྱིས་སུ། །རྩ་རྒྱུད་མན་ངག་བཤད་པར་བྱ། །རྩ་རྒྱུད་རང་བཞིན་དོན་རྣམས་ལ། །སྡེ་ཚན་ལྔ་ལྔ་ཉི་ཤུ་ལྔ། །ཡ་ཤ་མཐའ་བཅས་རྩ་བ་ལྡན། །ཐབས་དང་ཤེས་རབ་ཡི་གེ་གཉིས་ལྡན་གསུམ་དུ་འདུས། །བརྗོད་བྱ་རྟོགས་བྱེད་ཚིག་གི་དོན། །རྩ་བ་བཤད་དང་
[88b.2]ཚིག་གི་དོན་ཕྱིར་མ། །ཕྱི་མ་མཆོག་དང་མ་ལོག་བཞི་རུ་སྟོན། །བཅོམ་ལྡན་རྡོ་རྗེ་འཆང་ཆེན་པོས། །འོག་མིན་ཆོས་དབྱིངས་ཕ་བྲང་དུ། །རྫོགས་པའི་སངས་རྒྱས་དེར་སངས་རྒྱས། །སྤྲུལ་པ་པོ་ནི་འདིར་སངས་རྒྱས། །མ་ལུས་པ་ཡི་སྟོབས་ཀྱིས་སུ། །སྐུ་དེ་རྣམ་པ་གསུམ་
[88b.3]གྱི་དོན། །ཐོབ་བྱེད་རྒྱུ་འབྲས་གཉིས་ཀྱི་ལམ། །དངོས་བྱེད་འབྲས་བུའི་ལམ་ཡིན་ཏེ། །རྒྱུ་ནི་ཚིག་དེ་དྲན་སོགས་པའི། །ཕྱིར་ཞིང་དྲོ་བའི་རང་བཞིན་ཏེ། །ཉོན་མོངས་མ་ཚིག་ཞི་རྩེ་མོའོ། །ཕྱིར་མི་ལྡོག་དང་འཇིག་རྟེན་མཐར་སྟོབས་ལྔ། །དབང་པོ་ལྔ་ཡི་རང་བཞིན་ནོ། །བྱང་ཆུབ་ཡན་
[88b.4]ལག་བདུན་པོ་ནི། །མཐོང་ལམ་སྐད་ཅིག་བཅུ་དྲུག་གོ། །ས་དང་བསྒོམ་ལམ་མཐར་ཕྱིན་འབྲས་བུའོ། །དངོས་བྱེད་ལམ་ནི་འབྲས་བུ་སྔགས། །བྱེན་གྱིས་བརླབས་པས་སྔགས་མཐུ་ཡོན་ཏན་ནོ། །ལམ་མ་བགྲོད་པས་འབྲས་བུ་མེད། །དཔེར་ན་གྲུ་གཟིངས་བསྐྱོད་པ་ཡིས། །རིན་
[88b.5]ཆེན་མཆོག་ནི་ཐོབ་པར་འགྱུར། །བརྗོད་བྱ་སྟོན་པའི་ཚིག་གིས་ཀྱང་། །འབྲས་བུ་བདེན་པ་མྱུར་དུ་འབྱིན། །དེས་ན་སྔགས་ནི་གསང་སྔགས་ལམ། །ལམ་མ་བགྲོད་པར་གསལ་བྱེད་འགྱུར། །དེས་ན་བརྗོད་བྱའི་ཁྱད་ཀྱི་ནུས་པ་ཡིན་ནོ། །འདི་སྐད་ལ་སོགས་པ་བཤད་པ་མཛེས་པར་
[88b.6]བྱ་བའི་ཕྱིར། རྒྱུད་འདི་པར་བརྗོད་བྱ་དང་། དགོས་པ་དང་། འབྲེལ་པ་དང་། མཆོག་གི་དགོས་པ་བསྟན་པར་བྱ་སྟེ། བརྗོད་བྱ་དངོས་པོ་མེད་པའི་ཚིག་ནི་བསྟན་ཀྱང་རྟོགས་པ་སྔོན་དུ་གཏོང་བ་རྣམས་འཇུག་པར་མི་འགྱུར་ཏེ། དུང་ལ་དཀར་པོ་སྤྱི་ནི་འཇུག་གི་བྱེ་བྲག་ལ་འཁྲུལ་
[88b.7]པ་བཞིན་ནོ། །དེས་ན་སྐྱོན་ཡོད་པའི་ཕྱིར་ཆོས་ཀྱི་རྗེས་སུ་འབྲང་བ་རྣམས་མི་འཇུག་གོ། །དེས་ན་བྱིས་པ་དང་སྨྱོན་པ་དང་མཆོག་ཡིན་ཞིང་གཞན་ལ་སོགས་པ་ནི་དགོས་པ་མེད་སྙམ་པའམ། འདི་ཉིད་ཀྱི་མ་ཡིན་སྙམ་པས་མི་འཇུག་སྟེ། ཚིག་དང་དོན་ཐམས་ཅད་ཀྱི་འབྲེལ་པ་དང་།
[89a]
[89a.1]བརྗོད་བྱ་དང་། དགོས་པ་དང་། དགོས་པའི་ཡང་དགོས་པ་རྣམས་གཏན་ལ་ཕབ་པ་སྔོན་དུ་བྱས་ནས་མཆོད་པས་ན།འདི་ཉིད་འབྲེལ་པ་ལ་སོགས་པ་ཡང་བརྗོད་པར་བྱའོ། །དེ་བཞིན་དུ་འབྲེལ་པ་དང་བརྗོད་པ་བཤད་པར་ཅིས་ཏེ་མི་བྱ། སྨྱོན་པའི་ཚིག་བཞིན་
[89a.2]དུ་མི་འབྲེལ་པའམ། མོ་གཤམ་ལ་སོགས་པ་ལ་དོན་མེད་པར་འདོད་པའི་ཞེན་པས་ཚིག་ཆད་པར་འགྱུར་བས་མ་ནིང་གི་གཟུགས་ལ་ཞེན་པའི་འདོད་པ་རྣམས་ཅི་ནས་ཀྱང་ཚིག་ཆད་པར་འགྱུར་ཞེས་བརྟགས་ནས་འཇུག་པར་མི་འགྱུར་བ་ཉིད་དོ། །དེ་བས་ན་འཇུག་པའི་ཡན་
[89a.3]ལག་གི་གཙོ་བོ་ཡིན་པའི་ཕྱིར་ཏེ། ཐོག་མ་ཉིད་དུ་དགོས་པ་བརྗོད་པར་བྱའོ། །དེ་གང་ལས་ཤེས་པར་བྱ་བའི་ཕྱིར། དགོས་པ་དང་འབྲེལ་པ་བརྗོད་པར་བྱ་བ་ཡང་བསྟན་ཏོ། །དེ་ནས་དགོས་པའི་དགོས་པ་ལ་སོགས་པ་བསྟན་ཏོ། །བརྗོད་བྱ་ཇི་ལྟ་བུ་སྙམ་པ་ལ། འདི་ལྟར་ལམ་
[89a.4]དང་འབྲས་བུ་བརྗོད་བྱའི་འབྲས་བུར་རྟོག་ཅེས་བྱའོ། །བརྗོད་བྱ་ནི་གཉིས་སུ་མེད་པའི་ཡེ་ཤེས་སོ། །དེ་ཡང་སྒྲས་དྲངས་ནས་བློ་ལ་དངོས་སུ་སྣང་བས་དངོས་ཀྱི་བརྗོད་བྱ་ཞེས་པ་ནས་སྣང་བ་ཞེན་པའི་བརྗོད་བྱས། སྒྲ་དྲངས་པའི་ཚིག་གི་།དོན་འདིས་བརྗོད་བྱ་རྟོགས་པས་བརྗོད་བྱ་
[89a.5]མཚོན་པར་བྱེད་པའི་ཚིག་ལ་ཡང་བརྗོད་བྱ་འདིའི་དོན་ཞེས་འབྲེལ་པར་བྱ་སྟེ། འདི་ལྟར་ལམ་ལ་བརྟེན་པས་འབྲས་བུ་ཐོབ་སྟེ། དེ་ནི་དེ་དང་འགལ་བའི་ཆོས་སྤོང་བར་འགྱུར་རོ། །གལ་ཏེ་དེ་ལྟར་ཡིན་དུ་ཟད་མོད། དེ་ཉིད་བསྟན་པ་ཅི་ཕྱིར་སྙམ་ནས་དེས་ན་འདིར་སྒྲའི་ཚོགས་ལ་མ་བརྟེན་པར་
[89a.6]ནམ་ཡང་རྟོགས་པ་མི་འབྱུང་ངོ་། །ཅིའི་ཕྱིར་གལ་ཏེ་བྱུང་ན་ནི་ཐམས་ཅད་གཞུང་གི་ཚོགས་ལ་སོགས་པ་ལ་མི་ལྟོས་པར་འགྱུར་ན་ནི་དོན་མེད་དོ། །གལ་ཏེ་ཡོད་ན་ཐམས་ཅད་སྐྱེ་བའམ། རྐྱེན་མེད་པ་རྟོགས་པ་ཐར་པར་གྱུར་པ་ལས། རྒྱུ་མེད་འབྲས་བུ་སྐྱེ་བར་རིགས་པ་མེད་དོ། །
[89a.7]ནམ་མཁའི་མེ་ཏོག་བཞིན་ནོ། །དེས་ན་རྒྱུ་ལ་རང་བཞིན་དུ་བྱེ་བྲག་གྱུར་པ་མེད་པ་ལས་འབྱུང་བར་འགྱུར་རོ། །ཕྱི་མ་ལྟར་ན་ཡང་འབའ་ཞིག་པ་རྣམས་ལ་ནི་འབའ་ཞིག་རང་ལས་གཞན་ནུས་པའི་ཕྱིར་མི་འབྱུང་ངོ་། །འབྲས་བུ་ཡན་ལག་རྒྱུ་ལ་མ་ཚང་བར་བྱུང་ན་ནི། དུས་ཐམས་
[89b]
[89b.1]ཅད་དུ་འབྲས་བུ་འབྱུང་སྟེ། དེ་ནི་མེད་པའི་ཕྱིར་རོ། །དེ་བས་ན་གཞུང་གི་ཚོགས་མེད་ན་བརྗོད་བྱའི་རྟོགས་པ་མི་འབྱུང་ངོ་། །དེ་བཞིན་དུ་གཞུང་ཐབས་ཡིན་པ་དང་གཞུང་ཡང་བརྗོད་བྱའི་དོན་རྟོགས་པ་ཐབས་ལས་འབྱུང་བའི་འབྲེལ་པའོ། །དེ་བས་ན་གཞུང་གི་ཚོགས་
[89b.2]འདི་བརྗོད་བྱ་ཤུགས་ཀྱིས་རྟོགས་བྱ་ཡིན་ལ། དགོས་པ་ནི་ཐབས་ལས་འབྱུང་བ་ཡིན་ལ། ཉིད་ཀྱིས་འབྲེལ་ཏེ་དེ་དག་རང་ཉིད་ཀྱིས་འབྲེལ་པའོ། །དེའི་ཕྱིར་གཞུང་བསྟན་པས་བླང་དོར་ནི་དགོས་པ་ཡིན་ནོ། །དེས་ཅིར་འགྱུར་ཞེ་ན། རང་གི་དོན་ཕུན་སུམ་ཚོགས་པར་འགྱུར་ཏེ།
[89b.3]ལམ་གྱི་རིམ་པས་ཚོགས་ལམ་དང་དྲོད་ལ་སོགས་པར་འབྱུང་ངོ་། །ཚུ་རོལ་གྱི་ཡེ་ཤེས་དང་མཐོང་སྒོམ་ལ་སོགས་པས་འབྲེལ་ཞེས་ཏེ་དེ་ནི་མཐར་ཕྱིན་པ་ཡང་བཟུང་སྟེ། རིགས་ཀྱི་བུ་རྣམས་དགོས་པའོ། །དེ་ནི་མེ་དང་དུ་བ་བཞིན་དུ་དེ་དང་དེ་ལས་འབྱུང་བའི་འབྲེལ་པ་སྟེ། །ཐབས་དང་
[89b.4]ཐབས་ལས་འབྱུང་བའི་ཚུལ་གྱིས་འབྲེལ་པའོ། །དེས་ན་ཉོན་མོངས་པ་དང་ཤེས་བྱ་རྩ་ནས་བྱང་བ་ནི་རང་དོན་ནོ། །འབྲེལ་པ་ལ་ཡང་དེ་ཉིད་དོ། །ས་བོན་དང་བཅས་པ་སྟོན་པ་ནི་རང་དོན་ཕུན་སུམ་ཚོགས་པའོ། །དེས་ན་དགོས་པའི་དགོས་པ་ཡང་། །གཞན་ལ་བརྟེན་གཞན་མུ་
[89b.5]སྟེགས་དང་། །ཉན་ཐོས་དང་རང་སངས་རྒྱས་དང་། བྱང་ཆུབ་སེམས་དཔའ་དང་། ཕྱག་རྒྱ་ཆེན་པོས་གཞན་མཐར་ཕྱིན་པ་ལ་སོགས་པ་ནི། དགོས་པའི་དགོས་པའོ། །དེས་ན་ཆོས་ཀྱི་རྗེས་སུ་འབྲང་བ་རྣམས་ལ་ནི། རྒྱུད་འདི་བརྗོད་བྱའི་འབྲེལ་པ་དང་། དགོས་པའི་དགོས་
[89b.6]པ་བསྟན་ཏོ། །དེ་ནས་བརྗོད་བྱ་དང་འབྲེལ་པ་དང་། དགོས་པ་དང་འབྲས་བུ་དགོས་པའི་དགོས་པ་ལ་སོགས་པ་བཞི་ངེས་པར་བསྟན་ཏོ། །གང་ཟག་དད་པའི་རྗེས་སུ་འབྲང་བ་རྣམས་ནི། སྲིད་པའི་མཚོ་ངེས་པར་བཟུང་ནས། སངས་རྒྱས་ཀྱི་བཀའ་ངེས་པར་འཇུག་པའི་ཕྱིར་
[89b.7]བསྟན་མི་དགོས་སོ། །དེ་ལྟར་བརྗོད་བྱ་དང་དགོས་པ་བརྗོད་ནས། ཡན་ལག་བསྟན་པ་ནི་གཞུང་དོན་ཏོ། །དེ་ལ་འདི་སྐད་བདག་གིས་ཐོས་པ་ཞེས་པ་ལ་སོགས་པ་སྨོས་ཏེ། སྦུད་པ་པོའི་ཚིག་ཏུ་སྨོས་ཏེ། འདི་སྐད་སྨྲས་པ་ཐོས་ཞེས་སྦྱར་རོ། །འདིའི་ཚེ་འདིས་ཐོས། གཞན་
[90a]
[90a.1]གྱི་ཚེ་གཞན་གྱིས་ཐོས་པར་བསྟན་ཏོ། །ཐོས་པ་ནི་བདག་ཁོ་ནས་ཐོས་ཏེ། གཞན་དང་འབྲེལ་པ་མེད་དེ། དེ་ནི་གཞན་ཐོས་པའོ། །འདི་ནི་རི་རབ་རྩེ་རྩ་རྒྱུད་ཉི་ཁྲི་སུམ་སྟོང་ཁ་ནས་ཐོས་པའོ། །དེས་ནི་ཐོས་པར་དཀའ་བ་དང་། ཐོས་པ་མང་བ་ལ་སོགས་པ་ཡང་
[90a.2]ཡོངས་སུ་བཟུང་ངོ་། །གཞན་ནི་བཱ་རཱ་ཎ་སཱིར་བདེན་པ་བཞི་ལ་སོགས་པ་སྟེ། གཞན་ཉེ་བ་འཁོར་དང་། ཤཱ་རིའི་བུ་ལ་སོགས་པའི་གཙོ་འཁོར་ཐ་དད་པའི་ཕྱིར་རོ། །འདི་སྐད་བདག་གིས་ཐོས་ནི་རྒྱལ་བ་མར་མེ་མཛད་དང་། ཤཱཀྱ་ཐུབ་པ་དང་། གཙོ་བོ་རྡོ་རྗེ་འཆང་དང་། རྣམ་
[90a.3]རྒྱལ་ལ་སོགས་པས་ལས་ཐོས་པ་སྟེ་སྔོན་དང་ད་ལྟ་ལ་སོགས་པ་དང་། བར་དུ་ཡང་ཐོས་པ་སྟེ། གཙོ་བོ་དང་འཁོར་ཐ་མི་དད་པར་བསྟན་ཏོ། །ཐ་མི་དད་ན་རང་གི་ཚིག་དང་འགལ་ལོ། །གཅིག་པ་ཡིན་པའི་ཕྱིར་སྙམ་པ་ལ། གཅིག་ཀྱང་མི་སྟོ་སྟེ། ཀུན་རྫོབ་ཏུ་སྣང་བ་ཐམས་ཅད་ཀྱང་
[90a.4]འཁྲུལ་པ་མི་བདེན་པ་སྒྱུ་མ་ཡིན་པས་དོན་ནི་སྟོང་པ་ཉིད་ཁོ་ནའོ་ཞེས་རྒྱུད་ལས་གསུངས་པ་ཡིན་ནོ། །ཐ་དད་ཀྱང་མི་འགལ་ཏེ་བདེ་བར་གཤེགས་པ་ལ་སྐྱོན་གཉིས་མེད་དེ། ཐམས་ཅད་ཞི་བ་མྱ་ངན་ལས་འདས་པ་ཁམས་དང་སྐྱེ་མཆེད་བྲལ་བས་དུས་ཐམས་ཅད་བདག་དང་བདག་གིས་
[90a.5]སྟོང་པ་ཉིད་དུ་མེད། ཟླ་བ་དང་ཆུ་བཞིན་ནོ། །དེ་བས་ཁམས་གསུམ་རྣམ་པར་རྒྱལ་བ་ནི། ཕྱག་ན་རྡོ་རྗེ་ཉིད་དང་རང་བཞིན་གཅིག་པས། བྱང་ཆུབ་སེམས་དཔའ་རྣམས་ཀྱི་གདུལ་བྱ་ནི། སྣང་བས་སྣང་ཞེས་བསྟན་ཏེ་མེ་ལོང་རྐྱེན་གྱིས་གཟུགས་རང་ལས་གཉིས་སུ་སྣང་བའོ། །དེ་
[90a.6]བཞིན་དུ་སེམས་བསྐྱེད་པའི་སྨོན་ལམ་དང་སྙིང་རྗེ་ཆེན་པོས་སེམས་ཅན་གཞུག་པའི་ཆེད་དུ་སྟོན་པ་དང་། འཁོར་དང་ལྡན་པ་དང་ལམ་དང་དྲི་ཟའི་གཟུགས་དང་། ཕུང་པོ་དང་སྐྱེ་མཆེད་བཅུ་གཉིས་དང་། ཁམས་དང་རྣམ་པར་བྱང་པའི་འབྲས་བུ་དང་། ཉོན་མོངས་པ་དང་། མང་
[90a.7]དུ་བསྟན་པ་རྣམས་ནི། སེམས་ཅན་གཞུག་པའི་ཆེད་ཡིན་པས་ཐོས་ཞེས་བྱ། གཞན་ནས་ཐེག་པ་བསྟན་པ་སེམས་ཅན་གཞུག་པའི་ཆེད་དུ་ལགས། ཐེག་པ་མེད་ཅིང་འབྲས་བུ་མེད། །ཅེས་གསུངས་སོ། །དེས་ན་ཕྱག་ན་རྡོ་རྗེ་ལ་ཁམས་གསུམ་རྣམ་པར་རྒྱལ་བས་ཐོས་པ་སྟེ།
[90b]
[90b.1]གཙོ་འཁོར་ཐ་མི་དད་པར་བསྟན་ཏོ། །གཅིག་པའི་ཕྱིར་ཐོས་པ་དང་འགལ་སྙམ་པ་ལ། མི་འགལ་ཏེ། བཅོམ་ལྡན་འདས་རྡོ་རྗེ་འཆང་ཕྱག་ན་རྡོ་རྗེར་སྣང་ལ། དེ་ཡང་ཁམས་གསུམ་རྣམ་པར་རྒྱལ་བ་རུ་སྣང་ངོ་།། །འོ་ན་དེ་དངོས་སུ་སྣང་ངམ་མི་སྣང་བ་ཡིན། སྤྲུལ་པ་ཡིན་ནམ་མ་
[90b.2]སྤྲུལ་པ་ཡིན། སྣང་ཞིང་སྤྲུལ་པ་ཡིན་ན་སངས་རྒྱས་མ་ཡིན་ཏེ། དངོས་པོ་ཐ་དད་དུ་སྣང་ཞིང་ཤེས་པ་གཉིས་དང་ལྡན་པའི་ཕྱིར་རོ། །བཅོམ་ལྡན་འདས་ནི་ལོག་པའི་ཤེས་པ་དང་སྟེ། ས་ལ་གནས་པའི་བྱང་ཆུབ་སེམས་དཔའ་དང་ཁྱད་མེད་དོ། །དེའི་ཕྱིར་དེ་ནི་སངས་རྒྱས་སུ་བལྟ་
[90b.3]བར་མི་བྱའོ། །སྤྲུལ་པ་མ་ཡིན་ན་སྣང་བར་མི་རིགས་སོ། །ཅིའི་ཕྱིར། རྒྱུ་མེད་འབྲས་བུ་སྣང་བའི་ཕྱིར། །རི་བོང་རྭ་སོགས་སྣང་བར་རིགས། །ཞེས་བྱའོ། །བདེན་ཏེ་ལོག་པའི་ཤེས་པ་དང་ལྡན་ན་དེ་གཉིས་འབྱུང་གི། དེ་མེད་པའི་ཕྱིར་དེ་མི་འབྱུང་ངོ་། །དངོས་སུ་སྤྲུལ་ཡང་མི་སྟོ་
[90b.4]འདུལ་བའི་དུས་ལ་བབ་པའི་ཕྱིར། དེའི་རང་བཞིན་དེར་སྣང་བའོ། །མ་སྤྲུལ་ཡང་རང་ཉིད་དེའི་ཚེ་དེས་འདུལ་ལ་རྣམ་པར་རྒྱལ་བར་སྣང་བའོ། །དེ་ནས་བཀའ་ལ་བར་མེད་པའི་ཕྱིར་རང་གིས་ཐོས་པ་དང་ཡང་སྡུད་པ་པོས་ཐོས་ཞེས་བྱའོ། །འདིར་སེམས་ཅན་གདུལ་བྱས་མ་
[90b.5]རྟོགས་པར་སྟོན་པ་དང་སྡུད་པ་པོ་ཐ་དད་དུ་བྱ་བ་མེད་དོ། །སྨོན་ལམ་དང་ཐུགས་རྗེ་དཔག་ཏུ་མེད་པའི་འགྲོ་དོན་འབྱུང་བའི་ཕྱིར་ཐོས་ཞེས་སྦྱར་རོ། །དེས་ན་སྐྱོན་དེ་གཉིས་མི་འབྱུང་སྟེ། དེ་ནི་སྐྱོན་ཐམས་ཅད་དང་བྲལ་བའི་ཕྱིར་རོ། །དུས་ཀྱང་དེ་སྟེ་བདེའི་ཚེ་ཐོས། གཞན་གྱི་ཚེ་
[90b.6]གཞན་ཐོས་པ་སྟེ་དུས་ཀྱང་དེའི་ཚེ་ཞེས་བསྟན་ཏོ། །འདི་སྐད་བདག་གིས་ཐོས་པ་ནི་ཨེ་ཝཾ་མཱ་ཡ་ཞེས་འབྱུང་བས་བྱང་ཆུབ་སེམས་དཔའ་རྣམས་ཀྱིས་འབྱུང་བ་ལྔ་རིགས་དང་ཡེ་ཤེས་ལྔ་དང་སྒྲ་དང་སྐྱེ་མཆེད་དང་། ཁམས་བཅོ་བརྒྱད་དང་། གཡོ་བ་དང་། མི་གཡོ་བ་དང་། རྩ་
[90b.7]ལྔ་དང་དབང་དང་དགའ་བ་ལ་སོགས་པ་ལ་ཤེས་པར་བྱའོ། །དེ་དག་བསྟན་པའི་ཡན་ལག་ནི། །ཕྱི་ནང་མཐར་ཐུག་རྣམ་པ་གསུམ། །ཅི་བཞིན་མིན་དང་ཇི་བཞིན་སྒྲ། །དགོངས་པས་བཤད་དང་དགོངས་པ་མིན། །དྲང་བའི་དོན་དང་ངེས་པའི་དོན། །ཕྱི་ནི་མི་བཟད་དབྱིངས་
[91a]
[91a.1]དང་སྦྱར། །ནང་ནི་རྩ་རླུང་བྱང་ཆུབ་སེམས། །རྩ་ལྔ་གཏུམ་མོའི་མན་ངག་གོ། །མཐར་ཐུག་མཐོང་ལམ་ཡེ་ཤེས་ཏེ། །དཔེ་ཡེ་ཤེས་གཉིས་མེད་ཕྱག་རྒྱ་ཆེན་པོའི་ལམ་བཅུ་གཉིས་ནི་དངོས་པོ་བྲལ་བ་དེས་ན་བྲལ་བའི་ཤེས་པའོ། །གཞན་ཡང་ཕུང་པོ་ལྔ་
[91a.2]དང་། ཚོགས་དྲུག་དང་། སྐྱེ་མཆེད་བཅུ་གཉིས་དང་། ཁམས་དང་། བག་ཆགས་རྣམས་སོ། །དེ་ནི། བརྡ་མིན་སྐྱེ་བོ་ཐལ་བའི་ཚིག །དགོས་པ་མ་ཡིན་ཞེས་སུ་བྱ། །ཤུ་ཀྲ་སུ་ཏྲ་མ་ནུ་ཧ་ར་དང་། །ཏནྟྲ་ཡནྟྲ་མནྟྲའོ། །བྱང་སེམས་ཀྱིས་སེམས་ཅན་ཕལ་པ་རྣམས་
[91a.3]ཐུགས་རྗེ་ཟག་བཅས་ཐམས་ཅད་སྐྱོབ་པའོ། །སྔགས་དང་ཤེས་པ་མ་ལུས་ཡོངས་སུ་འཛིན་རྒྱུད་ནི། །འཁོར་བ་བརྒྱུད་དེ་ཆོས་ཉིད་བྱང་ཆུབ་སེམས། །འདི་ཡང་གནས་པ་མ་ལུས་སྟོང་པས་འཛིན་པར་བྱེད། །ལུང་ལས་འདི་ལྟ་སྟེ། ཇི་ལྟ་ཇི་ལྟར་འདུལ་འགྱུར་བས། །སེམས་
[91a.4]ཅན་མ་ལུས་གསད་པར་བྱ། །མ་བྱིན་ལེན་དང་བརྫུན་སྨྲ་དང་། །དེ་ལྟ་དེ་ལྟར་སེམས་ཅན་དོན། །འདོད་ཆགས་ལ་སོགས་སྤང་བས་སྤྱད། །སེམས་ཅན་ཀུན་ལ་ཕན་དོན་དུ། །སངས་རྒྱས་བསྟན་པ་རྒྱུ་ཡི་ཕྱིར། །སེམས་ཅན་ཐམས་ཅད་བསད་ན་ཡང་། །དེ་ལ་སྡིག་པས་མི་
[91a.5]གོས་སོ། །སེམས་ཅན་ཀུན་ལ་ཕན་དོན་དུ། །སངས་རྒྱས་ཀུན་ལ་སྦྱོར་བ་ཡིས། །གཞན་གྱི་ནོར་རྣམས་ཕྲོག་ན་ཡང་། །དེ་ལ་སྡིག་པས་མི་གོས་སོ། །འདོད་ཆགས་ལྟ་བུའི་བདེ་བ་མེད། །དེ་ནི་རྒྱལ་བ་རྣམས་ལ་ཕུལ། །སེམས་ཅན་དོན་དུ་གཞན་བུད་མེད། །བསྟེན་
[91a.6]པས་བསོད་ནམས་ཐོབ་པར་འགྱུར། །སེམས་ཅན་ཀུན་ལ་ཕན་དོན་དུ། །སངས་རྒྱས་བསྟན་པའི་རྒྱུ་ཡི་ཕྱིར། །མི་དགེ་བཅུ་སོགས་སྤྱད་པ་ཡང་། །བསོད་ནམས་རྣམ་མང་འཕེལ་ཞེས་གསུངས། པར་འཇུག་པ་ནས་བཟུང་བ། །ཕ་དང་མ་ནི་གསད་པར་བྱ། །རྒྱལ་
[91a.7]པོ་ངན་པ་བཀུར་མི་བྱ། །བྲམ་ཟེའི་གྲོང་ཁྱེར་གཞོམ་པར་བྱ། །དེས་ཀྱང་གྲོང་བར་གསུངས་པ་སྟེ། །དགོས་པ་བཤད་པ་ཞེས་ནི་བྱ། །དྲང་བའི་དོན་ནི་ཐེག་པ་གསུམ་དང་དགུ་རུ་བསྟན་པའོ། །ཡོད་པས་ཉན་ཐོས་རང་རྒྱལ་རྣམས་ནི་སྨོས། །ཕྲ་རབ་རྫས་སུ་འདོད་པ་ཉན་ཐོས་
[91b]
[91b.1]རྣམས། །བྱང་ཆུབ་སེམས་དཔའ་དེ་ནི་བྱིས་པའི་རང་བཞིན་ནོ། །མེད་པར་ཞེན་ཅིང་ཆགས་པར་འདོད་པའི་བྱིས་པ་སྟེ། །ཐེག་པ་དམན་པ་ལོག་པའི་ཤེས་པ་སྟེ། །དེ་ཁོ་དེ་ལ་དེ་ཡི་ཐེག་བསྟན་པ། །ཞེས་རྒྱུད་ལས་གསུངས་སོ། །ཡང་དག་དོན་དང་ལྡན་གྱུར་པ། །སྟོང་
[91b.2]ཉིད་རང་བཞིན་ལྷུག་པ་ནི། །བྱང་ཆུབ་སེམས་དཔའ་རྣམས་ཀྱི་དངོས། །བླང་དོར་མེད་པ་ཐར་པའི་ལམ། །ལུང་ལས་ཀྱང་། བྱང་ཆུབ་སེམས་དཔའ་ཆེན་པོ་སྦྱིན་པ་ནི་བཅིང་བའོ། །ཚུལ་ཁྲིམས་ནས་ཡེ་ཤེས་ཀྱི་བར་དུ་ནི་བཅིང་བའོ། །བདེ་བ་དང་། སྟོང་པ་དང་། རིག་པ་དང་། བདག་
[91b.3]མེད་པ་ནི་བཅིང་བའོ། །ཅིའི་ཕྱིར་ཞེ་ན་བདག་ཐམས་ཅད་དང་བྲལ་བའི་ཕྱིར་རོ། །དེ་ནས་བྲལ་བའི་ཆོས་ལ་ཡང་རིགས་ཀྱི་བུའམ། རིགས་ཀྱི་བུ་མོ་བསླབ་པར་མི་བྱའོ། །དེས་ན་མུ་སྟེགས་པ་ལ་སོགས་པའི་བདག་ལྟ་དང་། བྱིས་པ་རྣམས་ཀྱི་ཡོད་པའི་ཤེས་པ་རྣམས་ནི་གཞོམ་
[91b.4]པ་སླའོ། །བདག་མེད་དང་། རིག་སྟོང་ལ་སོགས་པ་ཕྱོགས་བྲལ་གྱི་བདག་རྣམས་ནི་གཞོམ་པར་དཀའ་བ་ཡིན་པའི་ཕྱིར་འཁོར་བ་ལས་མི་ཐར་བ་བསྟན་ཏོ། །དེས་ན་འདོད་པ་ལམ་དུ་བྱས་པའི་བཅིང་བའོ། །བྱ་བ་མེད་པ་ཐོབ་པ་མེད་པ་ནི་ངེས་པའི་དོན་ཞེས་བྱའོ། །དེ་སྐད་གསུངས་པ་
[91b.5]ཡིན་པའི་ཕྱིར། །དེ་ནི་དུས་ཕུན་སུམ་ཚོགས་པའོ། །གནོད་སྦྱིན་ཐམས་ཅད་ཡོངས་སུ་རྒྱུ། །ཤིན་ཏུ་དབེན་པ་ཤིན་ཏུ་ཡོངས་དག་པ། །ཞེས་པས་གནས་ཕུན་སུམ་ཚོགས་པ་བསྟན་པ་ཡིན་ཏེ། གནོད་སྦྱིན་ཐམས་ཅད་ཡོངས་སུ་རྒྱུ་བ་ནི་རི་རབ་རྩེ་མོ་སྟེ། དེ་ན་ནི་གནོད་སྦྱིན་གང་བ་བཟང་པོ་དང་།
[91b.6]ནོར་བུ་བཟང་པོ་དང་ལྔས་རྩེན་ལ་སོགས་པ་སྟེ། གནོད་སྦྱིན་གོས་སྔོན་ཅན་གྱི་འཁོར་དུ་བསྟན་ཏེ། དེ་ན་ནི་གནོད་སྦྱིན་མ་རུངས་པ་གཞན་ཡང་ཡོད་པ་སྟེ། དེ་རྣམས་ཡོད་པ་ནི་གནོད་སྦྱིན་ཐམས་ཅད་ཡོངས་སུ་རྒྱུ་བ་ཞེས་བྱའོ། །ཤིན་ཏུ་དབེན་པ་ནི་སྟུག་པོ་བཀོད་པའི་གནས་ཏེ། འདི་
[91b.7]ཡང་དཔེ་ཤེལ་གསལ་བའི་ནང་དུ་ཆུད་པའི་དཀྱིལ་འཁོར་གསལ་བ་ནི། གཞལ་ཡས་ཁང་འདུག་པ་ནི་མ་ལུས་པའི་ལྷུན་གྱིས་གྲུབ་པའི་རྒྱན་དང་ལྡན་ཞེས་བྱའོ། །དེ་ན་ཡེ་ཤེས་ཆེན་པོ་སྟོན་པ་བཞུགས་ཏེ། འཁོར་དང་ཆོས་ལ་སོགས་པ་གཅིག་ཏུ་བཞུགས་ཏེ་མེ་དང་ཚ་བ་
[92a]
[92a.1]བཞིན་ནོ། །རང་བཞིན་གཅིག་པར་ཤེས་པར་བྱའོ། །དེས་ན་གནས་གསུམ་མོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་ཞེས་བྱ་བ། དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱིས་ལས་ཀྱི་ཁྲོ་བོའི་དབང་བསྐུར་བ་ཞེས་བྱ་བར་
[92a.2]གནས་གསུམ་དུ་སྟོན་པ་གསུམ་ཐ་མི་དད་པར་བསྟན་ཏོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ཞེས་བྱ་བ་ནི། གནོད་སྦྱིན་མ་རུངས་པ་དེ་རྣམས་ཀྱི་གཙོ་བོ་སྤྲུལ་སྐུ་ལག་ན་རྡོ་རྗེས་འདུལ་བར་བསྟན་ཏོ། །དེ་ལ་ནི་སྦྲུལ་གྱེ་རྒྱན་ནི། ཉིད་ལས་ཐ་མི་དད་པའི་འཁོར་གྱི་གནོད་
[92a.3]སྦྱིན་རྣམས་སྟོན་པའི་གཟི་བརྗིད་ཀྱིས། ཉེ་བའི་འཁོར་བྱང་ཆུབ་སེམས་དཔའ་རྣམས་ཀྱིས་སྤྲུལ་པའི་སྦྲུལ་གྱི་རྒྱན་བཏབ་ཅེས་བྱ་བར་བསྟན་ཏོ། །སྟག་གི་ཤམ་ཐབས་དང་གོས་སྔོན་པོ་བླ་གོས་རྣམས་ནི། གནོད་སྦྱིན་བྲེད་པའི་སྟོབས་ཀྱིས་སྐྱབས་ཀྱི་འོད་ལ་ཕུལ་ཞེས་བྱའོ། །དུས་
[92a.4]གསུམ་བདེ་གཤེགས་ཞེས་བྱ་བ་ནི། བྱང་ཆུབ་སེམས་དཔའ་ཕྱག་ན་རྡོ་རྗེ་བཅུ་ལ་གནས་པའི་ཚེ། པདྨ་སྟོང་དང་ལྡན་པའི་དབུས་སུ་བཞག་སྟེ། དུས་གསུམ་སངས་རྒྱས་ཐམས་ཅད་ཀྱི་ཐུགས་ཀྱི་སྟོང་པ་ཉིད་ཀྱི་རྡོ་རྗེ་ཕྱུང་ནས་ཕྱག་ན་རྡོ་རྗེ་ཐུགས་ཀྱི་བདག་པོར་སྡུད་པ་པོར་དབང་བསྐུར་
[92a.5]ཞིང་བཀའ་གནང་ནས། ལས་ཐམས་ཅད་བཏིང་ཕན་ཆད་ཀྱིས་ཞེས་པའོ། །མཆེ་བ་གཙིགས་པ། ཡིད་ཁྲོས་པ་ལྟ་བུ། མིག་མེ་མདག་གི་ཕུང་པོ་འདྲ་བ། དབུགས་མེ་ལྟར་འབར་བ། འཇིགས་པའི་ང་རོ་ཅན་ཞེས་པ་ལ་མཆེ་བ་གཙིགས་པས་ནི་ལོག་པར་རྟོག་པའི་བདུད་
[92a.6]རྣམས་ཟ་ཞིང་འཇོམས་པའོ། །ཡིད་ཁྲོས་པས་ནི་དོན་སྙིང་རྗེ་ཆེན་པོ་དང་ལྡན་པ་ཡིན་ཏེ། ཀུན་རྫོབ་ཏུ་ཁྲོ་བོའི་ཆ་བྱད་དོ། །མིག་མེ་མདག་གི་ཕུང་པོ་ནི། ལས་གཉིས་ལ་འཇུག །རང་སྨིན་པའི་ལས་དང་བལྟས་པ་ཙམ་གྱིས་འཇིགས་པར་བྱེད་པའོ། །དབུགས་མེ་ལྕེ་ལྟར་
[92a.7]འབར་བ་ནི། སྨིན་མ་དང་སྒྲ་ཙམ་གྱིས་འདུལ་བར་བསྟན་ཏོ། །འཇིགས་པའི་ང་རོ་ནི་ངག་གི་སྐྱོན་བཞི་དང་བྲལ་ཞིང་ཡིད་ཀྱི་ཟུག་རྡུ་འདོན་ཞིང་། ཧཱུཾ་དང་ཕཊ་ཀྱི་སྒྲ་སྒྲོགས་པས་འཁོར་རྣམས་སྐྲག་པའོ། །ལག་པ་དང་རྐང་པ་ཀླུ་ནོར་རྒྱས་ཀྱིས་བརྒྱན་པ། ཀླུ་ནག་པོ་སེ་རལ་
[92b]
[92b.1]ཁར་ཐོགས་པ། ཀླུ་ནག་པོ་དང་ཉེ་དགའ་བོས་སྙན་ཆ་བརྒྱན་པ་ཞེས་པ་ནི། ལག་པ་ལ་སྦྲུལ་ནག་པོ་དང་སེར་པོས་བརྒྱན་པར་ཤེས་པར་བྱའོ། །རྐང་པ་ལ་སྦྲུལ་ནག་པོས་བརྒྱན་པའི་སྐ་རགས་དམར་པོ་བྱས་པའོ། །སེ་རལ་ཁ་ནི་ཀླ་ཁེངས་པོའི་རིགས་ཀྱིས་ག་ཤར་བྱས་པའོ། །
[92b.2]ཀླུ་དགའ་བོ་དང་ཉེ་དགའ་བོའི་མིང་ཡིན་ལ། དེ་དང་འདྲ་བའི་སྦྲུལ་དཀར་པོས་སྙན་ཆ་བརྒྱན་པར་བསྟན་ཏོ། །སྦྲུལ་འབར་བ་རིན་པོ་ཆེའི་ཅོད་པན་ཐོགས་པ། སྦྲུལ་གདུག་པ་འབར་བ་ཟ་ཞེས་པ་ལ། སྦྲུལ་འབར་བ་རིན་པོ་ཆེའི་ཅོད་པན་ཐོགས་པ་ནི། དབུ་ལ་ནོར་བུ་རིན་པོ་
[92b.3]ཆེས་བརྒྱན་པའོ། །འབར་བ་ནི་ནག་པོ་ལ་སོགས་པའི་ཁ་དོག་བཞིན། སྦྲུལ་རིན་པོ་ཆེ་དང་ལྡན་པས་དབུ་ལ་བརྒྱན་པར་བསྟན་ཏོ། །གདུག་པ་ཟ་བ་ནི་ཞལ་དུ་སྦྲུལ་ནག་པོ་གསོལ་བར་བསྟན་ཏོ། །དེས་ཀྱང་གཙོ་བོ་འདོད་ཆགས་རྣམ་པར་དག་པ་དང་། ཚུལ་ཁྲིམས་ཉམས་
[92b.4]པའི་སྐྱོན་དང་བྲལ་ཞིང་། ཕྱི་རོལ་གྱི་ཀླུའི་རིགས་དྲུག་འདུལ་བའི་རྟགས་སུ་བསྟན། །བཞིན་རྒྱས་པ། སྨིན་མ་དཔྲལ་བར་བསྡུས་པ། ཡ་སོས་མ་མཆུ་མནན་པ། གཤིན་རྗེའི་ཆ་བྱད་ཅན་ཞེས་བྱ་བ་ནི། བཞིན་རྒྱས་པ་ནི་སྟོང་པ་ཉིད་ཀྱི་དོན་རྒྱས་པས་གདོང་གི་འཕེལ་
[92b.5]བ་སྟེ། ལྷ་ལ་སོགས་པ་གདུལ་བྱ་འདུལ་བར་བསྟན་ཏོ། །ཡ་སོས་མ་མཆུ་མནན་པ་ནི། ཡ་སོས་མ་མཆུའི་སྟེང་དུ་ཕྱིན་པ་སྟེ། བྱེ་བྲག་ཏུ་སྲིན་པོ་འདུལ་བའི་རྟགས་སོ། །སྨིན་མ་དཔྲལ་བར་བསྡུས་པ་ནི། ཁྲོ་གཉེར་གསུམ་དཔྲལ་བར་འདུག་པ་སྐུ་གསུམ་དང་ལྡན་
[92b.6]པའི་རྟགས། གཤིན་རྗེའི་ཆ་བྱད་ཅན་ནི་ཁྲོ་བོ་མིའུ་ཐུང་གི་གཟུགས་འདྲ་བའོ། །དེས་ནི་གཤིན་རྗེའི་རིགས་འདུལ་བའོ། །ལྕེ་གློག་ལྟར་འགྱུ་བ། སྦྲུལ་ཟ་བ། གསུས་པ་ཆེ་བ། ལག་པ་བརྡབས་པའི་སྒྲས་འཇིགས་པར་བྱེད་པ་ཞེས་བྱ་བ་ནི། ལྕེ་གློག་ལྟར་འགྱུ་བ་ནི། སྤྲུལ་པ་གློག་
[92b.7]པས་མྱུར་བའོ། །སྦྲུལ་ཟ་བ་ནི་སྦྲུལ་ཀླུའི་ནད་ངན་འདྲ་བས་འདོད་ཆགས་ཀྱི་གདུང་བ་སེལ་བའོ། །གསུས་པ་ཆེ་བ་ནི་གསུས་ཁྱིམ་ཆེ་བ་སྟེ། སྟོང་པ་ཉིད་ཀྱང་བསྟན་ཏོ། །ལག་པ་བརྡབས་པ་ནི་གཙོ་བོ་ལག་པ་རྡོ་རྗེ་དང་ལྡན་པས་མ་རུངས་པ་འཇིགས་པར་བྱེད་པའོ། །ཀླུའི་རྒྱལ་
[93a]
[93a.1]པོ་འདབ་བཟངས་སྐ་རགས་སུ་བཅིངས་པ། ཨ་ལ་ལ་ཞེས་སྒྲོགས་པར་བྱེད་པ་ཞེས་པ་ལ། འདབ་བཟངས་ནི་སྦྲུལ་དམར་པོའི་སྐ་རགས་སུ་བཅིངས་པ། ཨ་ལ་ལ་ནི་དེ་འདྲའི་རྒྱན་ཆ་ལ་ངོ་མཚར་བའོ། །དེ་སྒྲོགས་པ་ནི་སྒྲ་སྒྲོགས་པའོ། །རྒྱ་མཚོའི་ཟབས་སུ་
[93a.2]དཔག་ཚད་བརྒྱད་ཁྲི་བཞི་སྟོང་ཡོད་པ་རྐང་པའི་པུས་མོར་ཕྱིན་པ། དབང་པོ་དང་ཉི་མ་ཕྲག་པ་ལ་ཁུར་ཞེས་པ་ལ། རྒྱ་མཚོ་ལ་དཔག་ཚད་བརྒྱད་ཁྲི་ཡོད་པས་ཕྱག་ན་རྡོ་རྗེའི་བུས་མོ་ནུབ་པ། སྐུ་བྱིན་པོ་ལ་ཉིས་འབུམ་དྲུག་ཁྲི་ཡོད་པ་ཞེས་པ་སྟེ། སྤྲུལ་པའི་སྐུའི་བོང་ཚད་བསྟན་ཏོ། །དབང་
[93a.3]པོ་དང་ཉི་མ་ནི་ཐབས་ཤེས་རབ་ཀྱི་སྟེ། ནང་གཙོ་བོ་བཞུགས་ཞེས་པ་ལ། ཡང་ན་གཙོ་བོའི་ཕྲག་པ་ལ་ཉི་ཟླ་རྒྱུ་བ་སྟེ་ཞེས་པའི་ཚད་དོ། །ལ་ལ་ན་རེ་ལྷའི་དབང་པོའི་ཕྲག་པ་ལ་ཉི་ཟླ་རྒྱུ་སྟེ། དེའི་སྟེང་ན་ཕྱག་ན་རྡོ་རྗེ་བཞུགས་ཞེས་པ་སྟེ། ལྷ་འདུལ་བའོ། །ཀླུ་ཐམས་ཅད་རླག་པར་
[93a.4]བྱེད་པ། གད་རྒྱངས་ཆེན་པོ་དགོད་པས་ཀུན་དུ་འཁྲུགས་པར་བྱེད་པ་ཞེས་པ་ལ། ཀླུའི་རིགས་ཀྱི་བདག་པོ་ལ་སོགས་པ་བརླག་པའི་ཕྱིར། ཧ་ཧ་ཞེས་བྱ་བའི་སྒྲ་དྲངས་པའི་ཕྱིར་རོ། །གད་རྒྱངས་ནི་ཧ་ས་དེ་བ་ཏའི་སྒྲ་བསྒྲགས་པས་ཀླུ་ཐམས་ཅད་སྔངས་ཤིང་བརྒྱལ་ཏེ་ཤ་རུས་ཁྲོ་བོའི་
[93a.5]ཞལ་དུ་སྟོབས་ཞེས་པའོ། །ཀླུ་ཐམས་ཅད་འཆིང་བར་བྱེད་པ། འབྱུང་པོ་ཐམས་ཅད་འགུགས་ཤིང་ཞི་བར་མཛད་པ་ཞེས་བྱ་བ་ལ། འབྱུང་པོའི་བདག་པོ་དབང་ལྡན་ལ་སོགས་པ་འགུགས་ཤིང་བཅིང་བ་སྟེ། ལྕགས་ཀྱུའི་སྦྱོར་བས་བཀུག་ནས། དཀར་གསུམ་དང་མངར་
[93a.6]གསུམ་དང་ལྡན་པའི་གཏོར་མ་སྦྱིན་ཞེས་པའོ། །ཀླུ་ཐམས་ཅད་ཅེས་པ་ནི། བཅིང་བ་ནི་གཅོད་མི་ནུས་ཏེ། གཞན་གཤིན་རྗེ་དང་འབྱུང་པོ་སྤྱི་ཡང་ཡོངས་སུ་བཟུང་བ་སྟེ། སྦྱོར་བ་ཐམས་ཅད་གཅོད་པར་མཛད་པ། སྦྱོར་བ་ཐམས་ཅད་ཟློག་པར་མཛད་པ། སྦྱོར་བ་ཐམས་ཅད་གནོན་པར་
[93a.7]མཛད་པ། ཡོན་ཏན་མ་ལུས་པའི་བདག་པོ་དེ་ཞེས་པ་ལ་སྦྱོར་པ་ནི་ཕྱིའི་དྲུག་དང་། ཁྲག་དང་སྔགས་ཀྱིས་བྱས་པའི་གནོད་པ་སྟེ། གཞན་གྱིས་བྱས་པའི་རིག་སྔགས་ཚུར་མི་ཚུགས་པར་བཟློག་པའོ། །སྦྱོར་བ་བཟློག་པ་ནི་རང་བསྲུང་བ་དང་ཕ་རོལ་རང་ལ་བཟློག་པའོ། །སྦྱོར་བ་གནོན་པ་ནི་ཕ་རོལ་
[93b]
[93b.1]བཟློག་པའི་འཁོར་ལོ་ཐོད་པ་མི་མཐུན་པས་གནོན་ཞེས་པའོ། །ཚིག་དེ་གསུམ་ཡང་ཟབ་པའི་ཕྱིར་བླ་མའི་མན་ངག་ལ་རག་ལས་པར་བྱ་བའི་ཕྱིར་བཤད་པར་མི་བྱའོ། །ཡོན་ཏན་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། སྟོབས་བཅུ་དང་མི་འཇིགས་པ་བཞི་དང་། སོ་སོ་
[93b.2]ཡང་དག་པར་རིག་པ་བཞི་དང་། བྱམས་པ་ལ་སོགས་པའི་ཡོན་ཏན་དང་ལྡན་པའོ། །དེས་ཀྱང་གནས་ཁྱད་པར་ཅན་ན་སྟོན་པ་ཡོན་ཏན་དང་ལྡན་པ་བཞུགས་པར་བསྟན་ཏོ། །གནོད་སྦྱིན་གྱི་སྡེ་དཔོན་ཉི་ཤུ་རྩ་བརྒྱད་དང་། གནོད་སྦྱིན་མཐུ་བོ་ཆེ་ཐམས་ཅད་ཅེས་པས་འཁོར་
[93b.3]ཕུན་སུམ་ཚོགས་པར་བསྟན་ཏེ། རང་གི་འཁོར་ནི་ས་བཅུའི་བྱང་ཆུབ་སེམས་དཔའ་ལག་ན་རྡོ་རྗེ་དང་ལྷ་དང་མི་དང་མི་མ་ཡིན་པ་ལ་སོགས་པའོ། །གཞན་ཡང་རིགས་ལྔའི་ཁྲོ་བོ་དང་ལྷ་མོ་དང་། སྒོ་མ་ལ་སོགས་པའི་ནང་ནས་ཁྲོ་བོ་ཁམས་གསུམ་རྣམ་རྒྱལ་ལངས་ཏེ། འདི་
[93b.4]སྐད་གསོལ་ཞེས་འོག་དང་འབྲེལ་ཏོ། །བར་དུ་གཅོད་པའི་ཕྱིར་གནོད་སྦྱིན་སྨོས་ཏེ་གང་བ་བཟང་པོ་དང་། ནོར་བུ་བཟང་པོ་དང་། ལྡས་རྩེན་ལ་སོགས་པ་ཉི་ཤུ་རྩ་བརྒྱད་དོ། །གནོད་སྦྱིན་མཐུ་བོ་ཆེ་ཐམས་ཅད་དང་ཞེས་པ་ལ་མཐུ་ནི་རང་གི་འཁོར་རྣམས་ཐམས་ཅད་ལ་འདུལ་སེམས་
[93b.5]ཅན་ཐམས་ཅད་ལ་ཤིང་གི་ཡོལ་གོས་ཆུ་འཐོར་བའོ། །གནོད་སྦྱིན་དྲག་པོ་ཐམས་ཅད་ནི་ཤ་རློན་པ་རྗེན་པར་ཐ་བའོ། །དེ་ནི་ལྷ་མིན་དང་ལྷ་དང་གནོད་སྦྱིན་མ་རུངས་པ་འདུལ་བ་ཡང་ཤེས་པར་བྱའོ། །ལྷ་ཐམས་ཅད་དང་། ཀླུ་ཐམས་ཅད་དང་། དྲི་ཟ་ཐམས་ཅད་དང་། ལྷ་མ་ཡིན་
[93b.6]ཐམས་ཅད་དང་ཞེས་པ་ལྷ་ནི་བརྒྱད་དེ། ལྷ་དང་། ལྷའི་དབང་པོ་དང་། ལྷ་མིན་བདག །མ་ཧཱ་དེ་བ་དང་། ཁྱབ་འཇུག་ཆེན་པོ་དང་། ཨུ་མ་དེ་བ། ཀུན་དུ་རྒྱུག །འཆི་མེད་དབང་པོའོ། །ཀླུ་ཡང་དགའ་བོ་ལ་སོགས་པ་བརྒྱད་དེ། དེ་ཡང་འཁོར་དང་བཅས་པའོ། །དྲི་ཟ་
[93b.7]ནི་ཟུར་ཕུད་ལྔ་པའོ། །ལྷ་མ་ཡིན་ནི་ཐགས་བཟངས་རིས་འཁོར་དང་བཅས་པའོ། །ནམ་མཁའ་ལྡིང་ཐམས་ཅད་དང་། མིའམ་ཅི་ཐམས་ཅད་དང་། ལྟོ་འཕྱེ་ཆེན་པོ་ཐམས་ཅད་དང་། འབྱུང་པོ་དང་ཞེས་པ་ལ། ནམ་མཁའ་ལྡིང་ནི་གསེར་མིག་ཅན་འཁོར་དང་བཅས་
[94a]
[94a.1]པའོ། །མིའམ་ཅི་ནི་ལྗོན་པ་རྟ་མགོ་ཅན་ལ་སོགས་པ་རི་རབ་ཀྱི་ཁོང་གསེང་ན་གནས་པའོ། །ལྟོ་འཕྱེ་ནི་ལྟོ་འཕྱེ་ཉིད་དེ། མིའི་ལུས་པོ་ལ་སྦྲུལ་གྱི་མགོ་བོ་ལ་སོགས་པའོ། །འབྱུང་པོ་ནི་དབང་ལྡན་ལ་སོགས་པ་བརྒྱད་དོ། །ཡི་དགས་དང་བརྗེད་བྱེད་ལ་
[94a.2]སོགས་པ་དང་ཐབས་ཅིག་ཏུ་བཞུགས་ཏེ་ཞེས་བྱ་བ་ལ། ཡི་དགས་ནི་ཁ་ནས་མེ་འབར་ལ་སོགས་པའོ། །བརྗེད་བྱེད་ནི་བྱོལ་སོང་གི་རྒྱལ་པོ་རི་རབ་ལ་གནས་པ་རྣམས་སོ། །ཐབས་ཅིག་ནི་བསྐོར་བའོ། །འདི་ལྟར་ཉི་མ་དང་ཟླ་བ་དང་སྐར་མའི་ཚོགས་ལྟ་བུ་བཞུགས་སོ་ཞེས་པ་ལ་ཉི་ཟླ་དང་འདྲ་བ་ནི་
[94a.3]བདེན་པ་གཉིས་དང་ཐབས་ཤེས་རབ་དང་ལམ་གཉིས་ལ་སོགས་པའོ། །སྐར་མ་དང་འདྲ་བ་ནི་ལམ་དེ་དག་གི་ཡན་ལག་གི་ཚོགས་དང་ཐབས་ཅིག་ཏུ་སྐར་མ་ལྟ་བུ་བཞུགས་ཞེས་པ་སྟེ། གནས་དེར་སྟོན་པ་དེ་འཁོར་རྣམས་དང་ལྷན་ཅིག་ཏུ་ཆོས་གསུང་ངོ་ཞེས་བསྟན། དེ་ནི་ཆོས་ཕུན་སུམ་ཚོགས་པ་ཡང་ཡོངས་སུ་
[94a.4]བསྟན་ཏོ། །དེའི་ཆོས་ཡང་ཞེས་པ་མི་སྣང་བར་གྱུར་གྱི་བར་ལ་དངོས་སུ་བསྟན། སྟོན་པ་དང་ཆོས་ཀྱི་བྱིན་རླབས་ཡིན་པའི་ཕྱིར་དེ་མ་གསུངས་སོ། །དེ་ནས་འཕགས་པ་ལག་ན་རྡོ་རྗེ་གོས་སྔོན་པོ་ཅན་ལ་འཁོར་ཐམས་ཅད་ཀྱིས་གསོལ་བ་ཞེས་པ་ལ། དེ་ནས་ནི་
[94a.5]ཆོས་དེ་ལྟ་བུ་ལ་སྟོན་པ་བཞུགས་ཏེ་ཞེས་པའོ། །འཕགས་པ་ནི་སྒྲིབ་པ་རྣམ་པ་གཉིས་སྤངས་པའོ། །གོང་མ་དང་ཁྱད་པར་གྱི་དོན་དེ་ནི་སྤྲུལ་སྐུ་ལག་ན་རྡོ་རྗེ་གོས་སྔོན་པོ་ཅན་ནོ། །དེ་ལ་འཁོར་ཐམས་ཅད་ཀྱི་ནང་ནས་ཁམས་གསུམ་རྣམ་པར་རྒྱལ་བ་ལངས་ནས་བླ་གོས་
[94a.6]སྔོན་པོ་གསོལ་ཏེ། །གོས་སྔོན་པོ་ཅན་ཁྱོད་ཅི་ཞེས་ཏེ། ཁྱོད་ཀྱི་བྱ་བའི་ལས་དང་ངོ་བོ་ཇི་ལྟ་བུ་ལགས། བདེ་གཤེགས་ཀུན་གྱི་སྤྲུལ་པ་ཡིན་ནམ། སངས་རྒྱས་ཀུན་གྱི་སྤྲུལ་པའི་ངོ་བོ་ཁྱོད་ཡིན་ནམ། གལ་ཏེ་སྐུ་གསུང་ཐུགས་ཀྱི་བདག་པོར་བསྡུས་པ་ཡིན་
[94a.7]ནམ། ཕྲིན་ལས་ཐམས་ཅད་ཀྱི་བདག་པོར་དབང་བསྐུར་བ་ཡིན་ནམ། བདག་ཁམས་གསུམ་རྣམ་པར་རྒྱལ་བ་དང་འཁོར་རྣམས་ཀྱིས་བྱ་བ། ལས་བསྐྱེད་རྫོགས་གྲོགས་དང་ལས་ཀྱི་ཚོགས་ལ་སོགས་པ་སྟོན་པའི་བསྟན་པ་སངས་རྒྱས་ཐམས་ཅད་
[94b]
[94b.1]གཅིག་གི་ངོ་བོ་ལས་ཀྱི་བྱ་རྒྱུད་ཇི་ལྟ་བུ་ལགས། བདག་ཅག་གིས་བཀའ་ཉན་གྱི་ཁྱོད་ཀྱི་སྐུ་གསུང་ཐུགས་དྲག་པོར་བསྟན་པ་ནི། ལམ་ཉེ་བ་སྟེ་འཁོར་བ་ལས་མྱུར་དུ་སྒྲོལ་ཞལ་པའོ། །དེ་བདག་ཅག་འཁོར་དང་བཅས་པ་རྣམས་སྟོན་པས་གསུངས་པ་ཉན་ཏོ་ཞེས་པའི་
[94b.2]དོན་ཏོ། །ལེའུ་གང་ལ་མིང་དེ་ཡོད་པ་ལ་དེ་སྐད་ཅེས་བྱ་སྟེ། གླེང་གཞི་ཕུན་སུམ་ཚོགས་པ་ལྔ་ཡོད་པས། དེ་ལ་དང་པོ་གླེང་གཞིའི་ལེའུ་ཞེས་བྱའོ། །ལག་ནི་རྡོ་རྗེ་རྩ་བའི་རྒྱུད་ལས་གླེང་གཞིའི་ལེའུ་སྟེ་ལེའུ་དང་པོའི་བཤད་པའོ།། །།དེ་ལྟར་
[94b.3]གླེང་གཞི་བསྟན་ཀྱང་བསྐྱེད་རྫོགས་ཀྱི་དོན་མ་བསྟན་ན་འགྲུབ་པར་མི་འགྱུར་བས་ད་ནི་ལེའུ་གཉིས་པ་བསྟན་ཏོ། །དེས་ན་ལག་ན་རྡོ་རྗེས་རྡོ་རྗེས་རྡོ་རྗེ་དྲག་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་གསུངས་སོ་ཞེས་པ་ལ། དེ་ནས་ཞེས་བྱ་བ་
[94b.4]ལ། དེ་ནས་ཀྱི་སྒྲ་ནི་གླེང་གཞི་སོང་བའི་རྟིང་དེ་ནས། བར་ཅིས་ཀྱང་མ་ཆོད་པར་ལག་ན་རྡོ་རྗེའི་སྟོན་པ་སྐུ་གསུང་ཐུགས་དྲག་པོའི་ཆོས་གསུམ་གྱི་ཏིང་ངེ་འཛིན་ལ་སྙོམས་པར་བཞུགས་ཏེ་འདི་སྐད་གསུངས་ཞེས་བྱ་བར་སྦྱར་རོ། །ཕྱག་རྒྱ་གསང་སྔགས་ཐུགས་
[94b.5]སྦྱོར་ལ། །ཁྲོ་བོའི་རྒྱལ་པོ་བསམ་པར་བྱ། །ཁྲོ་བོ་རྡོ་རྗེའི་ཏིང་འཛིན་གྱི། །བྱིན་རླབས་ཡ་མཚན་སྣ་ཚོགས་ལྡན། །ཞེས་བྱ་བ་ལ། བླ་མ་གཅིག་ནས་གཅིག་ཏུ་བརྒྱུད་པའི་རིམ་པ། ཕྱག་རྒྱ་ནི་སྲུང་བ་དང་བསོད་ནམས་ཀྱི་ཚོགས་དང་ཡེ་ཤེས་དངོས་སམ་
[94b.6]གཞལ་ཡས་ཁང་བསྐྱེད་པ་ལ་སོགས་པའོ། །གསང་སྔགས་ནི་གཞལ་ཡས་ཁང་གི་ནང་དུ་སེང་གེ་དང་པདྨ་ལ་སོགས་པའི་སྟེང་དུ། སྙིང་རྗེའི་སྟོབས་ཀྱིས་ངོ་བོ་ཧཱུཾ་དུ་བྱུང་བའོ། །ཐུགས་སྦྱར་ནི་ཡིག་འབྲུ་ལས་ཕྱག་མཚན་དུ་གྱུར་པ་སྟེ། ལས་གཉིས་བྱས་པའོ། །དེ་
[94b.7]ལས་སྐུ་རྫོགས་པ་ནི། ཁྲོ་བོའི་རྒྱལ་པོ་སྟེ་རྡོ་རྗེ་རིགས་ཀྱི་ཁྲོ་བོའོ། །ཁྲོ་བོའི་མིང་ནི་གོས་སྔོན་ཅན། །དེ་མཐོང་ན་ནི་ཁྲོ་བོ་གཞན། །ཐམས་ཅད་ཀྱིས་ནི་ལག་ཆ་འཆོར། །ཞེས་གསུངས་པ་སྟེ། རི་རབ་ཏུ་གནོད་སྦྱིན་འདུལ་བའི་དུས་སུའོ། །དེ་རྣམས་ཀྱི་རྒྱལ་པོ་ཡིན་པའི་ཕྱིར་
[95a]
[95a.1]རྒྱལ་པོའོ། །ཁྲོ་བོ་རྡོ་རྗེའི་ཏིང་འཛིན་ནི། །ཨོཾ་ཨཱཿཧཱུཾ་གིས་བསྡུས་པ་དང་། བསྲེག་པ་དང་སྦྱངས་པ་སྟེ། སྐུ་གསུམ་གྱི་ལྷར་བསྐྱེད་པའོ། །བྱིན་རླབས་ནི་ལྷག་པའི་ཡེ་ཤེས་བསྟིམ་པ་དང་། རིག་པའི་དབང་ལྔ་བསྐུར་ཏེ་སངས་རྒྱས་ལྡས་གཙོ་བོ་ལ་དབང་
[95a.2]རྟགས་སུ་བརྒྱན་པའོ། །བླ་མའི་རིགས་ལྷའི་རང་བཞིན། ཨཱཿཧཱུཾ་དཀར་དམར་གྱི་ངོ་བོ། གུ་ཧྱ་ཨ་བྷི་ཥིཉྩ་ཞེས་པས་ལྕེ་ལ་བཞག་ནས་གསུང་དབྱངས་ཡན་ལག་བརྒྱད་ཅུ་དང་ལྡན་ཏེ། ཨ་ཧོ་སུ་ཁ་ཞེས་བཏུང་བར་བྱའོ། །དེས་སྔགས་བཟླས་པ་དང་འབྲེལ་ཏོ། །ཡ་མཚན་
[95a.3]སྣ་ཚོགས་དང་ལྡན་པའི་དངོས་གྲུབ་ཐོབ་པའོ། །ཡང་མན་ངག་རྒྱ་ཆེན་པོ་དང་སྦྱར་ཏེ་བཤད་དེ། ཕྱག་རྒྱ་ནི་གཞལ་ཡས་ཁང་དང་གཙོ་བོ་བསྐྱེད་པ་བསྟན་ཏེ། དེ་ཡང་ཚོགས་བསགས་པ་དང་། ཚད་མེད་པ་བསྒོམ་པ་དང་། ཨོཾ་མ་ཧཱ་ཤཱུ་ནྱ་ཏཱ་རྨྱེཛྙཱ་ན་བཛྲ་སྭཱ་བྷཱ་བ་ཨཱཏྨ་
[95a.4]ཀོ྅ཧཾ་ཞེས་པས་ཡེ་ཤེས་ཀྱི་ཚོགས་བསགས་ཏེ། དེ་ནས་བསྲུང་བ་བཞི་དང་པདྨ་ཡང་ཧཱུཾ་གི་ཆོ་འཕྲུལ་གྱིས་བསྐྱེད་པར་བྱའོ། །གསང་སྔགས་ནི་སྟོང་པ་ཉིད་དོ། །དེའི་བྱིན་རླབས་ཀྱི་ཡཾ་རཾ་བཾ་ལཾ་སུཾ་བྷཱུཾ་ལས་འབྱུང་བའི་དཀྱིལ་འཁོར་དང་། གཞལ་ཡས་ཁང་སྒོ་བཞི་པ་དུར་
[95a.5]ཁྲོད་བརྒྱད་དང་བཅས་པ་ཕྱིའི་རྒྱན་དང་ནང་གི་རྒྱན་གྱིས་མཛེས་པ་བསྐྱེད་དོ། །དེའི་དབུས་སུ་གདན་གྱིས་མཚན་པ་སྟེ། གཞལ་ཡས་ཁང་དེ་ཡང་རིན་པོ་ཆེ་ལྔ་ཡིས་བརྩིགས་པ་ལྷའི་སྣམ་བུ་དང་བཅས་པའོ། །དེར་ཧཱུཾ་གི་ཆོ་འཕྲུལ་གྱིས་ཆོ་ག་གསུང་གི་གཙོ་བོར་ཡབ་ཡུམ་
[95a.6]རྫོགས་པར་བསྐྱེད་པའོ། །དེ་ཡང་ཡུམ་ལ་ནི་བསྐྱེད་པ་མེད། ལུས་དང་གྲིབ་མ་བཞིན་དུ་རྫོགས་ཞེས་པའོ། །གསང་སྔགས་ནི་ཡབ་ཡུམ་གྱི། ཨེ་ལྦཾ་བྱིན་གྱིས་བརླབས་ཏེ་ཡབ་ཡུམ་སྙོམས་པར་ཞུགས་ཏེ། དེས་རིགས་ལྔ་ཡབ་ཡུམ་བསྐུལ་ཏེ་ཐིག་ལེ་དཀར་དམར་
[95a.7]གཞལ་ཡས་ཁང་གི་ནང་དུ་གསང་སྔགས་ཀྱི་ངོ་བོ་ཐིག་ལེ་དང་ཡིག་འབྲུ་བསམ་པའོ། །ཐུགས་ནི་དེ་ལས་ཕྱག་མཚན་དུ་གྱུར་པའོ། །ཁྲོ་བོའི་རྒྱལ་པོ་ནི་དེ་ལས་སྐུ་རྫོགས་པའོ། །ཁྲོ་བོ་རྡོ་རྗེ་ཏིང་འཛིན་ནི། གསང་བ་ནས་ལྷ་རྣམས་སྤྲོ་བ་བསྟན་ཏེ། ཨོཾ་བཛྲ་ཀྲོ་དྷ་
[95b]
[95b.1]ནཱི་ལཱཾ་བ་ར་དྷ་ར་ཧཱུཾ། ཨོཾ་བུདྡྷ་ཀྲོ་དྷ་ནཱི་ལཱཾ་བ་ར་དྷ་ར་ཧཱུཾ། ཨོཾ་རཏྣ་ཀྲོ་དྷ་ནཱི་ལཱཾ་བ་ར་དྷ་ར་ཧཱུཾ། ཨོཾ་པདྨ་ཀྲོ་དྷ་ནཱི་ལཱཾ་བ་ར་དྷ་ར་ཧཱུཾ། ཨོཾ་ཀརྨ་ཀྲོ་དྷ་ནཱི་ལཱཾ་པར་དྷ་ར་ཧཱུཾ། ཨོཾ་ཏྲིཻ་ལོཀྱ་བི་ཛ་ཡེ་ཧཱུཾ། ཨོཾ་མ་ཧཱ་ཀཱ་ལ་རོ་ཥ་ཎ་ཧཱུཾ། ཨོཾ་བི་རཱུ་ཊྷ་ཀ་ཡེ་ཧཱུཾ། ཨོཾ་བཻ་ཤྲ་བ་ཎ་ཡེ་ཧཱུཾ། ཨོཾ་བཛྲ་ལཱ་སྱེ་ཧཱུཾ། ཨོཾ་བཛྲ་
[95b.2]མཱ་ལེ་ཏྲཱཾ། ཨོཾ་བཛྲ་གཱི་ཏི་ཧྲཱིཿ། ཨོཾ་བཛྲ་ནྲྀ་ཏི་ཨཿ། ཨོཾ་བཛྲ་དྷཱུ་པེ་ཧཱུཾ། ཨོཾ་བཛྲ་པུཥྤེ་ཏྲཱཾ། ཨོཾ་བཛྲ་ཨཱ་ལོ་ཀེ་ཧྲཱི། ཨོཾ་བཛྲ་གནྡྷེ་ཨཿ། ཨོཾ་བཛྲ་ཨཾ་ཀུ་ཤ་ཛཿ། ཨོཾ་བཛྲ་པཱ་ཤ་ཧཱུཾ། ཨོཾ་བཛྲ་སྥོ་ཊ་བཾ། ཨོཾ་བཛྲ་བྷཎྚེ་ཧོཿ།། ཨོཾ་བུདྡྷ་ཊཱ་ཀི་ཨ་ཧྲཱི་ཧཱུཾ། ཨོཾ་བཛྲ་ཌཱ་ཀི་ཨ་ཧྲཱི་ཧཱུཾ། ཨོཾ་རཏྣ་ཌཱ་ཀི་ཨ་ཧྲཱི་ཧཱུཾ། ཨོཾ་
[95b.3]པདྨ་ཌཱ་ཀི་ཨ་ཧྲཱི་ཧཱུཾ། ཨོཾ་ཀརྨཱ་ཌཱ་ཀི་ཨ་ཧྲཱི་ཧཱུཾ། ཡང་ན་ཀྲོ་དྷི་ཤྭ་རི་ཧཱུཾ་ཞེས་སྦྱར་བར་བྱའོ། ཞེས་བྱ་བའི་སྔགས་ཀྱིས་ཁྲོ་བོ་རྣམས་མཁའ་ནས་བཏོན་ཏེ། དབུས་ཀྱི་ཁྲོ་བོ་རང་སོར་སོང་ནས། གཞན་ཡང་། རང་རང་རིགས་ཀྱི་ཁ་དོག་ལ། །སྟག་དང་གོས་སྔོན་ཤམ་ཐབས་ཅན། །
[95b.4]རང་རང་རིགས་ཀྱིས་དབུ་རྒྱན་བྱས་པའོ། །ཁྲོ་བོ་རྡོ་རྗེ་ཏིང་ངེ་འཛིན་གྱིས་ཞེས་པ་ལ། ཤར་དུ་སངས་རྒྱས་གོས་སྔོན་ཅན། །ལྷོ་རུ་རིན་ཆེན་གོས་སྔོན་ཅན། །ནུབ་ཏུ་པདྨ་གོས་སྔོན་ཅན། །བྱང་དུ་ལས་ཀྱི་གོས་སྔོན་ཅན། །སངས་རྒྱས་སྤྱན་ལ་ཁྲོ་བོ་ཞལ། །ཕྱག་མཚན་
[95b.5]རྣམས་ནི་ཀུན་ཀྱང་གཡས་ན་རྡོ་རྗེ་དང་། འཁོར་ལོ་དང་། རིན་པོ་ཆེ་དང་། པདྨ་དང་། རྒྱ་གྲམ་བསྣམས་པ་ལ་གཡོན་པས་དྲིལ་བུ་བསྣམས་པའོ། །རྣམ་རྒྱལ་ནི་སྐུ་མདོག་དམར་པོ་འཁོར་ལོ་དང་དབྱུག་པ་བསྣམས་པའོ། །མགོན་པོ་ཡང་སྐུ་མདོག་ནག་པོ་དུད་ཀ་ལ་ཕྱག་ན་
[95b.6]རིན་པོ་ཆེ་དང་། ཙནྡན་བསྣམས་པ། འཕགས་སྐྱེས་པོ་ཡང་སྐུ་མདོག་སྔོན་པོ་ལ་ཕྱག་ན་མཆོད་རྟེན་དང་པདྨ་བསྣམས་པའོ། །རྣམ་ཐོས་སྲས་ཀྱང་སྐུ་མདོག་སེར་པོ་ལ། ཕྱག་ན་མཆོད་རྟེན་དང་ནེའུ་ལེ་བསྣམས་པའོ། །ལྷ་མོ་དང་སྒོ་བ་ཡང་རང་རང་གི་སྐུ་མདོག་དང་ཕྱག་མཚན་
[95b.7]བསྣམས་པའོ། །དེ་རྣམས་ལ་སྐུ་གསུང་ཐུགས་བྱིན་གྱིས་བརླབས་པ་ནི་ཡིག་འབྲུའམ། ཕྱག་མཚན་ནམ་སྐུས་བྱིན་གྱིས་བརླབ་ཅེས་པའོ། །བྱིན་རླབས་ནི་ཡེ་ཤེས་སེམས་དཔའ་མདུན་གྱི་ནམ་མཁའ་ལ་སྤྱན་དྲངས་ཏེ། བགེགས་བསྐྲད་པ་དང་མཆོད་ཡོན་དང་མཆོད་
[96a]
[96a.1]པ་དང་བསྟོད་པ་བྱ་སྟེ། ལྕང་ལོ་ཅན་གྱི་ཕོ་བྲང་ནས། །བཅོམ་ལྡན་རྡོ་རྗེ་གོས་སྔོན་ཅན། །འོད་ཟེར་སྟོབས་ཀྱིས་ཀླུ་རྣམས་འདུལ། །མཐུ་སྟོབས་ཅན་ལ་ཕྱག་འཚལ་ལོ། །བཅོམ་ལྡན་སངས་རྒྱས་གོས་སྔོན་ཅན། །སྐུ་མདོག་དཀར་པོ་སྐྱོན་མ་གོས། །
[96a.2]འཁོར་ལོ་དྲིལ་བུ་ཕྱག་ན་བསྣམས། །མེ་ལོང་ཡེ་ཤེས་ཁྱོད་ཕྱག་འཚལ། །བཅོམ་ལྡན་རིན་ཆེན་གོས་སྔོན་ཅན། །སྐུ་མདོག་སེར་པོ་དོན་རྣམས་རྒྱས། །རིན་ཆེན་དྲིལ་བུ་ཕྱག་ན་བསྣམས། །མཉམ་ཉིད་ཡེ་ཤེས་ཁྱོད་ཕྱག་འཚལ། །བཅོམ་ལྡན་པདྨ་གོས་སྔོན་ཅན། །སྐུ་མདོག་
[96a.3]དམར་པོ་ཆགས་པར་ལྡན། །ཆུ་སྐྱེས་དྲིལ་བུ་ཕྱག་ན་བསྣམས། །ཀུན་རྟོག་ཡེ་ཤེས་ཁྱོད་ཕྱག་འཚལ། །བཅོམ་ལྡན་ལས་ཀྱི་གོས་སྔོན་ཅན། །སྐུ་མདོག་ལྗང་གུ་ཕྲིན་ལས་རྒྱས། །རྒྱ་གྲམ་དྲིལ་བུ་ཕྱག་ན་བསྣམས། །བྱ་གྲུབ་ཡེ་ཤེས་ཁྱོད་ཕྱག་འཚལ། །ཁྱམས་
[96a.4]ཀྱི་ཆ་ལ་གནས་པ་ནི། །ཁམས་གསུམ་རྒྱལ་དང་མགོན་པོ་གནག །འཕགས་སྐྱེས་པོ་དང་རྣམ་ཐོས་སྲས། །སྤྲུལ་པ་སྐུ་ཡི་ཚུལ་བསྟན་པ། །སྟོང་པའི་རང་བཞིན་ཁྱོད་ཕྱག་འཚལ། །དཀར་མོ་སྒེག་དང་རིན་ཆེན་སེར། །བི་ཝང་མ་ནི་དམར་མོ་སྟེ། །ནྲྀ་ཏི་ལྗང་གུ་
[96a.5]གར་རྣམས་བསྒྱུར། །སྟོང་པའི་དོན་གྱིས་ཚིམ་མཛད་པ། །མཆོད་པའི་ལྷ་མོ་ཁྱོད་ཕྱག་འཚལ། །ཤར་ལྷོ་ལྷ་མོ་བདུག་པ་སྟེ། །ལྷོ་ནུབ་མཐིང་ག་མེ་ཏོག་མ། །ནུབ་བྱང་དམར་མོ་གསལ་བྱེད་མ། །བྱང་ཤར་ལྗང་གུ་དྲི་ཆབ་མ། །ཕ་རོལ་ཕྱིན་བཅུ་རྫོགས་མཛད་ཅིང་། །འདོད་
[96a.6]པའི་དོན་གྲུབ་ཕྱག་འཚལ་བསྟོད། །ལྕགས་ཀྱུ་ཞགས་པ་ལྕགས་སྒྲོག་དྲིལ། །བདུད་བཞི་མ་ལུས་ཚར་གཅོད་ཅིང་། །ཕྲིན་ལས་རྣམ་བཞི་ལྷུན་གྲུབ་པ། །སྒོ་བ་བཞི་ལ་ཕྱག་འཚལ་བསྟོད། །སངས་རྒྱས་མཁའ་འགྲོ་དཔལ་འབར་མ། །སྨུག་ནག་འབར་བའི་རལ་པ་
[96a.7]ཅན། །རྡོ་རྗེ་མཁའ་འགྲོ་དཔལ་འབར་མ། །མཐིང་ནག་འབར་བའི་རལ་པ་ཅན། །རིན་ཆེན་མཁའ་འགྲོ་དཔལ་འབར་མ། །སེར་ནག་འབར་བའི་རལ་པ་ཅན། །པདྨ་མཁའ་འགྲོ་དཔལ་འབར་མ། །དམར་ནག་འབར་བའི་རལ་པ་ཅན། །ལས་ཀྱི་མཁའ་འགྲོ་
[96b]
[96b.1]དཔལ་འབར་མ། །ལྗང་ནག་འབར་བའི་རལ་པ་ཅན། །སྟོང་པ་བཞི་ཡི་རང་བཞིན་ཅན། །སྤྲུལ་པའི་སྐུ་ཡི་ཚུལ་སྟོན་པ། །ཕྱག་ན་ཅང་ཏེའུ་ཁ་ཊྭཱཾ་བསྣམས། །མཁའ་འགྲོ་རྣམས་ལ་ཕྱག་འཚལ་ལོ། །ཞེས་པས་བསྟོད་ལ་སྔགས་བཞིས་གཉིས་སུ་མེད་པར་
[96b.2]བསྟིམ་མོ། །དབང་ཡང་སྔ་མ་བཞིན་དུ་བླང་བ་སྟེ། །གོང་དུ་བསྟན་པ་འདིར་མི་བཤད་དོ། །དེས་གཏོར་མ་དང་བསྟོད་པ་ཐུན་གྱི་བར་དུ་བྱས་ཏེ། བཟླས་པ་བྱ་བ་ནི། རིན་པོ་ཆེའི་ཕོ་བྲང་དུ་སེམས་པ་སུམ་བརྩེགས་གསལ་བར་བྱས་ཏེ། གྲངས་ཀྱི་བསྙེན་པ་བསྐྱལ་
[96b.3]ཞེས་པ་སྟེ། མཚན་མ་དང་དུས་ཀྱང་ཡོངས་སུ་ཤེས་ཤིང་གཟུང་ངོ་། །ཐུན་གྱི་རྣལ་འབྱོར་གྱི་སྤྱོད་པའི་སྐབས་སུ་ལམ་གྱི་སེམས་བསྐྱེད་ཀྱང་བསྒོམ་ཞིང་བཟླས་སོ། །སྭཱ་ཧཱ་ཧཱུཾ་ཕཊ་ཅེས་བརྗོད་ཅིང་ཡོངས་སུ་སྨིན་པར་བྱའོ། །སྨོན་ལམ་དགེ་རྩ་བསྔོ་ལེགས་པས་ཚེ་འདི་ལ་ནད་
[96b.4]དང་སྡུག་བསྔལ་བྱང་སྟེ། ཐུན་མོང་ཀུན་གྱི་དངོས་གྲུབ་འབྱུང་། །ཞེས་བླ་མ་རྣམས་གསུང་ངོ་། །དེ་ནི་ཡ་མཚན་སྣ་ཚོགས་ལྡན། །ཞེས་པའོ། །ལས་རྣམས་གྲུབ་ལ་ཐེ་ཚོམ་མེད། །ཞི་རྒྱས་དབང་དང་དྲག་པོ་སྟེ། །གསད་རྨོངས་སྣ་ཚོགས་ངེས་པར་གྲུབ། །དེ་ཉིད་ངེས་
[96b.5]འགྲུབ་གདོན་མི་ཟ། །ཞེས་པ་ལ་གོང་དུ་བསྟན་པ་བཞིན་བསྒྲུབས་ན། ལས་སྣ་ཚོགས་ཞི་བ་དང་རྒྱས་པ་འགྲུབ་པར་ཐེ་ཚོམ་མི་ཟ་སྟེ། རྩ་བ་ན་གསལ་བས་མ་བྲིས་སོ། །དེས་ན་དཀྱིལ་འཁོར་དེ་ལ་གཙོ་བོའི་དབང་དུ་བྱས་ཏེ། ལྷ་གཅིག་དང་། གཉིས་དང་། གསུམ་དུ་
[96b.6]སྒྲུབ་པ་དང་། ལྷ་བཅུ་དང་། བཅོ་བརྒྱད་ཉི་ཤུ་རྩ་གཉིས་དང་། རྩ་དྲུག་སུམ་ཅུ་ལྔའི་དཀྱིལ་འཁོར་ལྔ་དང་ནི། མཁའ་འགྲོ་བཞིའི་དཀྱིལ་འཁོར་དང་དྲུག་ཏུ་འགྱུར། རང་དང་གཞན་གྱི་དཀྱིལ་འཁོར་དུ་བླ་མ་མཁས་པ་རྣམས་ཀྱིས་བསྟན་ཏོ། །དེ་དག་བསྟན་པ་ཀུན་ལ་ཡང་། །
[96b.7]ཚོགས་བསགས་བསྲུང་དང་ལྷ་བསྐྱེད་པ། །ཆོ་གའི་སྦྱོར་བ་མཁས་པས་བྱ། །ཞེས་པ་སྟེ། བླ་མའི་མན་ངག་ལ་རག་ལས་པའོ། །ཡང་ཤི་བ་ལ་ཕན་གདགས་པའི་ཕྱིར། ཕྱག་རྒྱ་གསང་སྔགས་གསུངས་ཏེ། རྒྱས་པར་རོ་བསྲེག་ཆོ་ག་ནས་ཤེས་པར་བྱའོ། །
[97a]
[97a.1]འདིར་དང་པོར་རོ་ལ་ཁྲུས་བྱས་བགེགས་བསྐྲད། གོས་དང་རྒྱན་བཟང་པོ་བཏགས་ནས། རྒྱུན་འཆགས་དང་སྡོམ་པ་བཟུང་བ་ཡང་གཉེན་འདུན་ནམ་ཕ་མས་བྱ་སྟེ། རོལ་བསྲུང་བ་དང་བསྙེན་པ་བྱ་སྟེ། ཕྱི་རོལ་དུ་ས་ཆོག་རྒྱས་བསྡུས་གང་རུང་བྱ་སྟེ།
[97a.2]དཀྱིལ་འཁོར་གྲུ་བཞི་མཐའ་ཡས་པར་བྱ་སྟེ། ཐིག་གི་ཆོ་གས་ཐིག་གདབ་སྟེ། དབུས་དང་ཚངས་ཐིག་བཏབ་ལ་ཐིག་ཆེན་དང་ཆ་ཆེན་དང་ཆ་བྲན་ལེགས་པར་བཏབ་ལ། ས་ཚོན་བྱིན་གྱིས་བརླབས་ལ། དཀྱིལ་འཁོར་སྒོ་གཉིས་རྩིག་པ་རྒྱན་དང་བཅས་པ་བྲི་ཞེས་པའོ། །
[97a.3]ལུང་ལས། ཤི་ལ་ཕན་གདགས་དོན་ཆེད་དུ། །ས་ཆོག་རྫོགས་པའི་དཀྱིལ་འཁོར་བརྩམ། །སྒོ་གཉིས་རྫོགས་ནས་རྒྱན་རྣམས་མཛེས། །མཆོད་དང་གཏོར་མ་ཡོངས་སུ་བཏང་། །ཞེས་གསུངས་སོ། །དེ་ནས་མཆོད་པའི་ཡོ་བྱད་གཏོར་མ་ཆ་གཉིས་ལ་སོགས་པ་རྫོགས་ལ།
[97a.4]དཀྱིལ་འཁོར་དབུས་སུ་ཐབ་བརྩིགས་ལ། རོ་ཤིང་རྟའི་འཁོར་ལོས་སྤྱན་དྲངས་ཏེ། རྔ་དང་དུང་དང་པི་ཝང་ཆེན་པོ་དང་བཅས་པའི་སིལ་སྙན་དང་རོལ་མོས་སྣ་དྲངས་ཏེ། དབང་གི་བུམ་པས་ཁྲུས་བྱེད་ཅིང་། བཅོམ་ལྡན་རྡོ་རྗེ་གོས་སྔོན་ཅན། །སྐུ་གསུང་ཐུགས་ཀྱི་བྱིན་
[97a.5]རླབས་ཀྱིས། །གཤིན་ལ་ཕན་གདགས་དོན་ཆེད་དུ། །དབང་བསྐུར་བྱིན་རླབས་མཛད་དུ་གསོལ། །ཨོཾ་སརྦ་ཏ་ཐཱ་ག་ཏ་ནཱི་ལཱཾ་བ་ར་དྷ་རཤུདྡྷཿཤུདྡྷོ྅ཧཾ་ཞེས་བརྗོད་དོ། །བསྲེག་ཁང་ལ་བསྐོར་བ་བྱས་ཏེ་རོ་བསྲེག་ཁང་དུ་བཞག་ལ། རང་སེམས་བསྐྱེད་པ་དང་སྡོམ་པ་
[97a.6]གཟུང་བ་དང་ལྷག་པའི་ལྷའི་ཏིང་ངེ་འཛིན་བསྒོམས་ལ། བདེ་བར་གཤེགས་པ་སྤྱན་དྲང་བ་དང་། བཞུགས་སུ་གསོལ་བ་ཡན་ཆོད་བྱ་སྟེ། རྡུལ་ཚོན་གྱི་སྟེང་གི་ནམ་མཁའ་ལ་མཆོད་པ་དང་། ཕྱག་འཚལ་བ་དང་རིན་པོ་ཆེ་སྣ་བདུན་དང་རྡོ་རྗེ་ལྷ་མོས་མཆོད་པ་དང་། བསྟོད་པ་ལ་
[97a.7]སོགས་པ་ཡང་ཡོངས་སུ་རྫོགས་པར་བྱས་ལ། བསང་གཏོར་དང་འབྱུང་པོ་ཐམས་ཅད་པའི་གཏོར་མ་བྱིན་གྱིས་བརླབས་པ་དང་མགྲོན་བསྐྱེད་པ་དང་། གཏོར་མ་དབུལ་བ་ལ་སོགས་པ་བྱའོ། །ཚངས་པ་ཆེན་པོ་མི་མཇེད་ཀྱི་བདག་པོ་གཟུགས་ཁམས་ལྷ་ཚོགས་ཞེས་བྱ་
[97b]
[97b.1]བ་ལ་སོགས་པའི་ཚིགས་བཅད་ཡང་ཕྱི་རྒྱུད་བཞིན་བརྗོད་པར་བྱའོ། །དེ་བཞིན་དུ་གཏོར་མ་གཉིས་པ་ཡང་དགའ་བའི་ཚལ་དང་། ལྷ་རྣམས་སྤྱན་དྲང་བ་དང་བྱིན་གྱིས་བརླབས་པ་དང་བསྟོད་པ་དང་སྔགས་ཀྱིས་དབུལ་བ་ལ་སོགས་པ་བྱའོ། །གཏོར་མ་ཕུལ་ཏེ། ངན་སོང་
[97b.2]ཡོངས་སུ་སྦྱོང་བའི་སྔགས་དང་། ཡེ་ཤེས་པའི་འོད་ཟེར་གྱིས་གཤིན་གྱི་ལས་སྦྱང་བ་ལ་སོགས་པ་བྱ་ཞེས་སོ། །ཐ་མར་གཤིན་དང་ཡོངས་སུ་འབྲེལ་པའི་སྨོན་ལམ་བཏབ་ལ་རུས་བུ་ཚ་ཚར་ཡོངས་སུ་གདབ་པར་བྱ་ཞེས་འབྲེལ་ཏོ། །དེ་ནི་བྱིན་བརླབས་མཚན་སྣ་ཚོགས་
[97b.3]དང་། དེ་ཉིད་ངེས་འགྲུབ་གདོན་མི་ཟ། །ཞེས་བྱའོ། །ཡང་། ཕྱག་རྒྱ་གསང་སྔགས་ཐུགས་སྦྱོར་ལ། །ཞེས་པ་ལ། གསང་བའི་དབང་དང་གསུམ་པ་དང་བཞི་པ་དང་རྩ་རླུང་ཐིག་ལེ་དང་། བྱང་ཆུབ་ཀྱི་སེམས་དང་རིམ་པ་ལྔ་ལ་སོགས་ཡང་སྦྱར་བར་ཤེས་པར་བྱའོ། །རང་
[97b.4]གཞན་འཕགས་དང་བླ་མ་དང་། །ཤིན་ཏུ་བླ་མ་དམ་པ་མཆོད། །དངོས་གྲུབ་མྱུར་དུ་འབྱུང་ཞེས་པ་ལ། རང་ངམ་གཞན་གྱིས་འཕགས་པ་སྟེ། དཀོན་མཆོག་གསུམ་མམ། རང་གི་ལྷག་པའི་ལྷ་ལ་དངོས་སམ་ཡིད་ཀྱིས་མཆོད་ཅེས་པའོ། །བླ་མ་ནི་སྡེ་སྣོད་གསུམ་
[97b.5]སྟོན་པའི་བླ་མ་སྟེ། བྱིན་གྱིས་རློབ་པ་དང་འདྲེན་པ་ཡང་ཡོངས་སུ་གསུང་ངོ་། །ཤིན་ཏུ་བླ་མ་དམ་པ་ནི་གསང་བ་བླ་ན་མེད་པའི་སློབ་དཔོན་ཏེ། དེ་ལ་དངོས་སམ་ཡིད་ཀྱིས་མཆོད་ན། འདོད་པའི་དོན་མྱུར་ཞེས་པའོ། །ཚིག་གསུམ་གྱིས་ནི་བསྐྱེད་པའི་སྐབས་སུ།
[97b.6]ཚོགས་པའི་ཆོ་ག་བསྟན་ཏོ། །གལ་ཏེ་གཞན་ལ་ཕན་འདོགས་ན། །སྐུ་དེ་སྣ་ཚོགས་སྐུ་རུ་སྣང་། །སྣང་བ་སྒྱུ་མའི་སྐུ་ཡིན་ཏེ། །ཞེས་པ་ལ། གཞན་ལ་ཕན་འདོགས་པ་ནི་སྤྲུལ་སྐུའོ། །སྐུ་དེ་སྣ་ཚོགས་སྐུ་རུ་སྣང་། །ཞེས་པ་ལ། གང་དང་གང་འདུལ་བ་དེ་དང་དེ་རུ་སྣང་
[97b.7]སྟེ། དེས་དེའི་དོན་བྱེད་ཅེས་པའི་དོན་ཏོ། །ལྷའི་དཀྱིལ་འཁོར་དུ་སྣང་བ་ཡོད་པ་མ་ཡིན་ཏེ། སྒྱུ་མའམ་རྨི་ལམ་དུ་སྣང་གིས་དོན་དམ་པ་ལ་མེད་ཅེས་བྱའོ། །འོ་ན་སྒོ་མེད་ན་སྣང་བར་མི་རིགས་སོ་སྙམ་ན། གདུག་པ་འདུལ་ཕྱིར་རགས་པའི་སྐུར་སྟོན་ཏོ། །སྣ་ཚོགས་དེ་
[98a]
[98a.1]ཉིད་བསམ་བྲལ་བས། །དངོས་གཞི་ཐར་པར་ཡང་དག་གཅིག །ཅེས་པ་ལ། སྣ་ཚོགས་དངོས་པོའི་དོན་ཏོ། །བསམ་པ་ནི་ཤེས་པའོ། །ངོ་བོ་ནི་སྣ་ཚོགས་པར་སྣང་བའོ། །དེ་ཡང་ལུང་ལས། ཆུ་རྡུལ་འཛའ་ཡི་སྣང་བ་བཞིན། །སེམས་ཉིད་དངོས་
[98a.2]པོ་ཡུལ་དུ་སྣང་། །ཞེས་པའོ། །འོ་ན་སེམས་ཉིད་དངོས་པོར་བདེན་ནམ་སྙམ་པ་ལ་ཤེས་པར་སྣང་ཡང་ཤེས་པར་མི་བདེན་ཏེ། རིགས་པས་བརྟགས་ན་སྣང་བ་ཉིད། །དངོས་པོ་སྟོང་པ་ཉིད་ཅེས་གསུངས་སོ། །སྟོང་པ་ཡང་བདེ་བ་དང་སྣང་བའོ། །སྣང་བ་ཡང་བདེ་སྟོང་དེ་
[98a.3]བཞིན་ཉིད། ཐར་པར་ཡང་གཅིག་ནི་བདེན་པ་ཉིད་ལས་འདས་ཏེ་དངོས་པོ་ལ་བདེན་པ་གཉིས་པོ་ཡང་མ་བསྟན་ཅེས་བྱའོ། །གཉིས་སམ་གཅིག་ཏུ་ཡང་མ་གྲུབ་པ་སྟེ། །གཉིས་མེད་བསམ་བྲལ་དངོས་ཀྱི་དོན། །ཞེས་གསུངས་སོ། །དེས་ན། སྣ་ཚོགས་སེམས་ཀྱི་ཆོ་འཕྲུལ་ཏེ། །
[98a.4]སེམས་ལས་མ་གཏོགས་ཆོས་གཞན་མེད། །ཆོས་སུ་སྣང་བ་འཁྲུལ་པའི་སེམས། །སེམས་ཉིད་དེ་ཡང་སྐྱེ་མེད་ཕྱིར། །ཡོད་མེད་མཐའ་ལས་འདས་པའོ། །བསམ་དུ་མེད་དེ་བརྗོད་དུ་མེད། །མིང་མེད་ཚིག་མེད་ཡི་གེ་མེད། །ཅེས་གསུངས་སོ། །ལེའུ་གཉིས་པ་ནི་གྲངས་
[98a.5]ཀྱི་གཉིས་པའོ། །ལག་ན་རྡོ་རྗེ་རྩ་བའི་རྒྱུད་ལས་ལེའུ་གཉིས་པའི་བཤད་པའོ།། །།དེ་ལྟར་ལེའུ་གཉིས་པར་བདག་དོན་དང་གཞན་དོན་བསྟན་ཡང་། གོས་སྔོན་པོ་ཅན་གྱི་རྩ་བའི་སྔགས་དང་། མཐའ་སྒྱུར་མ་ཤེས་ན། གྲུབ་པར་མི་འགྱུར་བས། དེའི་ཕྱིར་དེ་ལ་དེ་སྟོན་ཏོ། །དེ་
[98a.6]ནས་ཡང་འཁོར་གྱི་ནང་ནས་ཁྲོ་བོ་ཁམས་གསུམ་རྣམ་པར་རྒྱལ་བ་ལངས་ནས། བླ་གོས་ཕྲག་པ་གཡས་སུ་སྦྱར་ནས་འདི་སྐད་གསོལ་ཞེས་སྦྱར་རོ། །མཐའ་ཡང་གསུངས་པ་གང་། གཞན་ཡང་གསང་སྔགས་སྦྱོར་བ་ཡིས། །ད་ཧ་བསྲེགས་སོགས་གསང་སྔགས་
[98a.7]ཀྱི། །ཐོགས་མེད་ལས་རྣམས་འགྲུབ་པ་ཡིན། །ཞེས་པ་ལ། གཞན་ཡང་གསང་སྔགས་སྦྱོར་བ་ནི། །ཞེས་པ་ལ། ཞི་གནས་དང་ཏིང་ངེ་འཛིན་གྱི་ལས་མ་ཡིན་ཏེ། རྩ་སྔགས་དང་ལས་འགྲུབ་པ་དང་། ཤམ་བུའི་སྔགས་བསྟན་ཏོ། །ད་ཧ་ཞེས་པས་སྔགས་སྔོན་དུ་
[98b]
[98b.1]བསྟན་ཏེ་སྲེག་པར་བྱེད་པ་རྩ་བའི་སྔགས་དང་། ད་ཧ་ད་ཧ་པ་ཙ་ཞེས་གསུངས་སོ། །ཐོགས་མེད་ལས་རྣམས་འགྲུབ་པ་ནི། །ལྷའི་ང་རྒྱལ་དང་ལྡན་པས་སྔགས་བཟླས་ན། གང་ལ་བྱ་བ་འགྲུབ་སྟེ། དཔེར་ན་གནམ་ལས་ལྕེ་འབབ་པ་བཞིན་ནོ། །གཉིས་ཀྱི་འོག་མ་གསུམ་
[98b.2]པར་བརྒྱན། །དེ་ལ་གཉིས་ཀྱི་གོང་ལྡན་པས། །ཟུང་རབ་ཟུང་མིང་དང་ལྡན་པ། །ཡང་མིང་སྐུལ་དང་བསམ་གཏན་ནི། །ལྕགས་ཀྱུ་སྦྱོར་བས་རབ་ཏུ་བྱ། །ཞེས་པ་ལ། གཉིས་ཀྱི་འོག་མ་ནི་ཤེས་རབ་ཀྱི་ཡི་གེ་གཉིས་པའོ། །གསུམ་པ་ཐབས་ཀྱི་ཡི་གེ་རིང་པོར་གསུམ་པའོ། །
[98b.3]བརྒྱད་ནི་དྲུག་པ་གཉིས་པའོ། །དེ་ལ་གཉིས་ཀྱི་གོང་ལྡན་པ་ནི། ཐབས་ཀྱི་ཡི་གེ་ཟད་པའོ། །གོང་མ་ནི་ཧའོ། །ལྡན་པ་ནི་ཐབས་ཀྱི་གསུམ་པའི་མཐའོ། །གྲྀཧྞ་གྲྀཧྞ་སྟེ་ཟུང་རབ་ཏུ་ཟུང་བའོ། །ཡང་མིང་ཆེ་གེ་མོ་ཞེས་བྱ་བའོ། །བསམ་གཏན་ནི་ལྕགས་ཀྱུ་ཐོགས་པའི་ཁྲོ་བོ་
[98b.4]རྣམས་སོ། །རང་གི་ལག་པས་ལྕགས་ཀྱུའི་ཕྱག་རྒྱ་བཅའ། །ཞེས་པའོ། །སྔགས་ནི་དངོས་སུ་བས་ཏེ། ལྷའི་ང་རྒྱལ་དང་ལྡན་པས། གོང་གི་སྔགས་བཟླས་པས་འགུགས་པས་ཐོགས་མེད་པ་ཞེས་པའོ། །མཇུག་རྫོགས་གོང་དང་གསུམ་པའི་མཐའ། །ལན་གཉིས་
[98b.5]གོང་བཞིན་བརྡེག་སྔགས་ཤེས། །ཞེས་པས་མཇུག་རྫོགས་ཤྐ་གསུམ་པ་ཐབས་ཀྱི་ཡི་གེ་ཁོ་ནའོ། །གོང་ནི་ཧའོ། །གཉིས་གོང་བཞིན་ནི་ཧ་ན་ཧ་ན་ཞེས་བརྗོད་པས། རང་དང་འབྲེལ་པའི་སྔགས་བརྗོད་པས་རལ་གྲི་དང་མཚོན་ཐོགས་པའི་ཁྲོ་བོ་རྣམས་ཀྱིས་གནད་སར་མཚོན་
[98b.6]རྒྱོབ་ཅིག་པའོ། །གསུམ་པའི་དང་པོའི་གཉིས་པ་དང་། །གོང་གི་དྲུག་པའི་ཐབས་ཡིག་ལྡན། །ལྡན་གཉིས་གོང་བཞིན་རྟོགས་བྱེད་སྔགས། །ཞེས་པ་ལ། གསུམ་པའི་དང་པོ་ནི་ཕོ་ཡིག་ཊའོ། །གཉིས་པ་ནི་ཐའོ། །གང་གི་དྲུག་པ་ནི་ཕོ་ཡིག་ཡའོ། །ལན་གཉིས་
[98b.7]གོང་བཞིན་བརྡེག་སྔགས་ཤེས་ནི། ཐོ་བ་དང་ཐོག་དང་། རྡོ་རྗེ་རྣམས་ཀྱིས་རྡུངས་རབ་ཏུ་རྡུངས་ཤིག་པའོ། །གཉིས་དང་ལྡན་པའི་དང་པོ་ལ། །དྲག་པོའི་དགའ་བའི་ས་བོན་ལྡན། །ལན་གཉིས་ལན་བཏུས་ལས་འགྲུབ་པར། །གོང་མ་བཞིན་དུ་འཚོད་བྱེད་དོ། །
[99a]
[99a.1]ཞེས་པ་ལ། གཉིས་པ་ནི་ཐབས་ཀྱི་སྟེ། གཙོ་བོ་དང་པོ་སྟེ་གོང་བཞིན་དུ་ཤེས་པར་བྱའོ། །ལྔ་པའི་དང་པོའོ། །དྲག་པོ་དགའ་བ་ནི་ཧའོ། །ལན་གཉིས་ནི་པ་ཙ་ཧ་ཞེས་པ་སྤུན་གཉིས་སོ། །ལས་འགྲུབ་པ་ནི་གང་བྱས་པ་དེ་འགྲུབ་པའོ། །འཚོད་བྱེད་ནི་མཚོན་
[99a.2]དང་ཐོ་བས་ཤིན་ཏུ་ཚོས་པར་སྲེགས་ཤིག་པའོ། །ལེའུ་གསུམ་པ་ནི་གྲངས་ཀྱི་གསུམ་པའོ། །ལག་ན་རྡོ་རྗེ་རྩ་བའི་རྒྱུད་ལས་ལེའུ་གསུམ་པའི་རྒྱ་ཆེར་བཤད་པའོ།། །།དེ་ལྟར་སྔགས་བཏུ་བ་བཤད་ཀྱང་རྩ་བའི་སྔགས་དང་ཤམ་བུ་མ་བསྟན་ན་གང་ལ་བྱ་བ་མི་འགྲུབ་
[99a.3]པས། དེ་ལ་དེ་བསྟན་ཏོ། །དེ་ནས་འཕགས་པ་ལག་ན་རྡོ་རྗེ་གོས་སྔོན་པོ་ཅན་སྣ་ཚོགས་མངོན་པར་བསྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ནས། དེ་སྐད་གསུངས་སོ་ཞེས་པ་ལ། འཕགས་པ་ལག་ན་རྡོ་རྗེ་ནི་སྤྲུལ་སྐུ་གཞན་ལས་བྱ་བ་ཁྱད་པར་འཕགས་
[99a.4]པ་སྟེ། དེ་ནི་ལག་ན་རྡོ་རྗེ་སྟེ། ཉོན་མོངས་པ་དང་ཤེས་བྱའི་སྒྲིབ་པ་ཡོངས་སུ་སྤངས་པས་ན་ལག་ན་རྡོ་རྗེ་འཕགས་ཞེས་པའོ། །སྣ་ཚོགས་སྔོན་པོའི་སྐུ་གསུམ་སྣ་ཚོགས་པའི་ཏིང་ངེ་འཛིན་ལ་སྙོམས་པར་ཞུགས་པ་ནི། ལས་ཀུན་འགྲུབ་པའི་སྔགས་འདི་གསུངས་སོ། །སྔགས་
[99a.5]འདི་སྔོན་དུ་བས་ཏེ་འཕགས་པ་ལག་ན་རྡོ་རྗེ་གྲུབ་པའི་སྔགས་འདི་རྒྱུན་དུ་བཟླས་ཞེས་པའོ། །རྒྱུན་དུ་རྩ་བའི་གསང་སྔགས་བཟླས། །གདོན་དང་སྡུག་བསྔལ་ཐམས་ཅད་ལས། །ཐར་པར་འགྱུར་བ་གདོན་མི་ཟ། །ཞེས་གསུངས་སོ། །གང་ཞིག་འདི་འཛིན་རྣལ་འབྱོར་དེ། །
[99a.6]ཉེས་པ་ཀུན་ལས་རབ་ཏུ་ཐར། །ལེགས་པའི་ཡོན་ཏན་ཐམས་ཅད་ཐོབ། །ཅེས་པ་ལ། གང་ཞིག་འདི་འཛིན་པ་ནི་སྒྲུབ་པ་པོར་རིགས་ཀྱི་བུའམ་རིགས་ཀྱི་བུ་མོ་གང་ལ་ལས་སྔགས་འདི་འཛིན་ན། དེ་རྣལ་འབྱོར་ཏེ་སྟོང་པའི་དོན་དང་ལྡན་ཞེས་པའོ། །ཉེས་པ་ནི་ངན་འགྲོ་དང་།
[99a.7]སྡུག་བསྔལ་གསུམ་མམ་བརྒྱད་དང་ནད་དེ་ལས་ཐར་པའོ། །ལེགས་པའི་ཡོན་ཏན་ནི་སངས་རྒྱས་ཀྱི་ཡོན་ཏན་ཐམས་ཅད་ཐོབ་ཅེས་པའོ། །འབྲས་བུ་ཡང་དག་མངོན་པར་འགྲུབ། །སྔགས་འདི་གང་ཡིན་མིང་ཡིན་ཏེ། །གདུལ་བྱ་མཐའ་དང་ལྡན་པ་ལ། །ཐ་མ་ལས་
[99b]
[99b.1]སྔགས་མཐའ་དང་ལྡན། །ཞེས་པ་ལ། འབྲས་བུ་ཡང་དག་མངོན་པར་འགྲུབ་ནི། མཆོག་གི་ཡོན་ཏན་དང་ཐུན་མོང་འགྲུབ་ཅེས་པའོ། །སྔགས་འདི་གང་ཡིན་མིང་ཡིན་ན། །དོན་དམ་པའི་མིང་ཡིན་ཏེ། །ཀུན་རྫོབ་ཏུ་ཕྱག་ན་རྡོ་རྗེའོ། །གདུལ་བྱའི་མཐའ་ནི་ཆེ་གེ་མོ། །
[99b.2]ཞེས་པ་དང་། ཕྲིན་ལས་བཞི་ཡི་སྔགས་འབྲེལ་པས། །རྩ་སྔགས་བསྡོངས་པ་དེ་འགྲུབ་པོ། །ཞེས་པའི་དོན་ཏོ། །ལེའུ་བཞི་པ་ནི་གྲངས་ཀྱི་བཞི་པའོ། །ལག་ན་རྡོ་རྗེ་རྩ་བའི་རྒྱུད་ལས་ལེའུ་བཞི་པའི་རྒྱ་ཆེར་བཤད་པའོ།། །།རྩ་བའི་སྔགས་དང་ཤམ་བུ་བསྟན་ཀྱང་། །
[99b.3]ཀླུའི་ནད་དབྱུང་བའི་གཉེན་པོ་མ་བསྟན་ན་འགྲུབ་པར་མི་འགྱུར་བས། དེ་ལ་དེ་བསྟན་ཏོ། །དེ་ནས་འཕགས་པ་ལག་ན་རྡོ་རྗེ་གོས་སྔོན་པོ་ཅན་འོད་ཟེར་མངོན་པར་འགྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་གསུངས་སོ་ཞེས་བྱ་བ་ལ། འཕགས་པ་ནི་གོང་དུ་
[99b.4]བསྟན་པས་འདིར་མ་བཤད་དོ། །དེ་ལ་ཁམས་གསུམ་རྣམ་པར་རྒྱལ་བས་ཞུས་ཏེ། དེ་ནས་སྟོང་པས་འོད་ཟེར་ནི་འབྱུང་བ་ལྔའི་འོད་ཟེར་ནུས་པ་དང་ལྡན་པ་དེ་ལ་སྙོམས་པར་ཞུགས་ཏེ། ཀླུའི་ནད་དབྱུང་བའི་ཆོས་འདི་གསུངས་ཞེས་སྦྱར་བར་བྱའོ། །འབྱུང་བཞི་སངས་རྒྱས་
[99b.5]རབ་བསྒོམས་ན། །སོ་སོ་ལས་ཀྱི་སྒོམ་པ་ནི། །མེ་བརྒྱད་རླུང་གཉིས་ལྡན་པར་བསམ། །ཆུ་བརྒྱད་དངོས་པོ་དེ་ཡིན་ཏེ། །དེ་བཞིན་ས་བརྒྱད་ཧཱུཾ་འབྲས་ལྡན། །ཞེས་བྱ་བ་ལ། འབྱུང་བཞིའི་སངས་རྒྱས་ནི་ཆུའི་རྡོ་རྗེ་གོས་སྔོན་ཅན་ལ་སོགས་པའོ། །སོ་སོ་ལས་འབྱུང་བའི་
[99b.6]སྒྲ་འཐབ་པ་དང་། ལུགས་བཞིན་གསོ་བའོ། །སྔགས་ཀྱང་རཾ་དང་པཾ་དང་ལཾ་དང་ཡཾ་ཞེས་རང་རང་གི་གཉེན་པོ་གནས་བརྒྱད་དུ་ཡིག་འབྲུ་བསྒོམས་ཏེ་རང་གི་སྔགས་བཟླས་ཞེས་པ་དང་འབྲེལ་ཏོ། །འབྱུང་བཞི་ནི་ལས་ཐ་དད་པ་སྣང་བ་མཐའ་ཡས་ཀྱི་དབང་དུ་བྱས་ཏེ་གནས། རྐང་
[99b.7]མཐིལ་གཉིས་དཔྱི་མིག་གཉིས་ལག་པ་གཉིས་མདོམས་དང་མགྲིན་པ་བརྒྱད་དུ། རཾ་ལས་འབྱུང་བའི་གྲུ་གསུམ་དམར་སེར་བརྒྱད་བསྒོམས་ནས། ནད་སེལ་བ་དང་། ཡཾ་ལས་རླུང་བརྒྱད་ཀྱིས་འཐོར་བ་དང་། བཾ་ལས་ཆུ་བརྒྱད་ཀྱིས་འཁྲུ་བ་དང་། །ལཾ་ལས་ས་གཞི་སེར་པོ་
[100a]
[100a.1]བརྒྱད་ཀྱིས་བརྟན་པར་བྱ་སྟེ། རིན་ཆེན་འབྱུང་ལྡན་བརྒྱད་བསམས་ཏེ་བརྟན་པའི་དོན་ཏོ། །དེ་བཞིན་དུ་འབྱུང་བ་གཞན་ལ་ཡང་དེ་ལྟར་སྣང་ཞེས་གསུངས་སོ། །ལུགས་གཅིག་ལ་འབྱུང་བ་བཞིའི་རང་བཞིན་ནུས་པ་སྒྲུབ་པ་ལས་བསྟིམས་པར་སྟོན་ཏེ། རླུང་
[100a.2]བརྒྱད་མེ་གཉིས་ལྡན་པ་ནི། །མེ་གཉིས་རང་དང་ཁྱད་པར་གྱི་མེ་སྟེ་ལས་དང་བག་ཆགས་སད་པར་བྱེད་པའི་དོན་ཏོ། །རླུང་ཡང་སྟེང་དང་འོག་གི་དེས་ནི་མེའི་སྔགས་གསུམ་བསྲེས་ཏེ་བཟླས་པས་འགྲུབ་སྟེ་ཁྱད་པར་དུ་མཛེ་ནད་དོ། །མེ་གཉིས་པོ་ཡང་ཟབ་པའི་ཕྱིར་བླ་མའི་
[100a.3]མན་ངག་ལ་རག་ལས་པས་འདིར་མ་བྲིས་སོ། །འབྲས་བུ་རིགས་ཀྱི་གནོད་སྦྱིན་གཙོ། །གྲུབ་པའི་སྔགས་བཞི་མངོན་པར་འགྲུབ། །ཅེས་པ་ལ། འབྲས་བུ་རིམ་གྱིས་ནི་འབྱུང་བ་བཞིས་ནད་བྱང་ནས། ཐིག་ལེ་བཾ་གྱིས་བཀྲུས་ཏེ། ཡི་གེ་ལས་རང་ལྷག་པའི་ལྷ་རུ་བསྐྱེད།
[100a.4]གནས་བརྒྱད་དུ་རིན་ཆེན་འབྱུང་ལྡན་བསྒོམ་ཞེས་པའོ། །གྲུབ་པའི་སྔགས་བཞི་ནི་རཾ་ལ་སོགས་པའོ། །དེས་འགྲུབ་པ་ཡིན་པའི་ཕྱིར་རོ། །ཨེ་དང་སོ་སོ་མཐའ་ལྡན་པས། །མེ་ལྷ་གོང་མས་མངོན་པར་འགྲུབ། །རྒྱུན་དུ་རྩ་བའི་གསང་སྔགས་བཟླས། །ཞེས་པ་ལ། ཨེ་དང་
[100a.5]ནི་གོང་དུ་བསྟན་པ་དེ་ལ་ངོ་མཚར་བའི་ཚིག་གོ། །སོ་སོའི་མཐའ་ནི་འབྱུང་བ་བཞིའི་སྔགས་སོ། །མེ་ལྷས་གོང་མ་འགྲུབ་ནི་ཆུའི་ལྷ་ལ་སོགས་པ་ཡང་དེ་བཞིན་དུ་འགྲུབ་ཅེས་བསྟན་ཏོ། །རྒྱུན་དུ་རྩ་བའི་སྔགས་བཟླས་ཞེས་པ་ལ། རྒྱུན་དུ་དེ་ཉིད་མ་གྲུབ་ཀྱི་བར་དུ་བཟླས་པ་སྟེ།
[100a.6]ལས་སྔགས་ནི་ལས་ཀྱི་སྐབས་སུའོ། །ལེའུ་ལྔ་པ་ནི་གྲངས་ཀྱི་ལྔ་པའོ། །ལག་ན་རྡོ་རྗེ་གོས་སྔོན་པོ་ཅན་གྱི་རྩ་བའི་རྒྱུད་ལས། ལེའུ་ལྔ་པའི་རྒྱ་ཆེར་བཤད་པའོ།། །།འབྱུང་བ་བཞིའི་གསོ་བ་བསྟན་ཀྱང་ཀླུའི་ནད་ལ་ཕྲིན་ལས་བཞིའི་སྦྱིན་སྲེག་མ་བསྟན་ན་འགྲུབ་པར་མི་
[100a.7]འགྱུར་བས་དེ་ལ་དེ་བསྟན་ཏོ། །དེ་ནས་འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱིས་ལས་བཅུའི་མངོན་པར་འགྲུབ་པའི་ཏིང་ངེ་འཛིན་ལ་སྙོམས་པར་ཞུགས་ནས། ལས་བཅུའི་སྦྱིན་སྲེག་འདི་གསུངས་སོ། །འཕགས་པ་ནི་གོང་དུ་བསྟན་ཏོ། །ལས་བཅུ་ནི་ཕྲིན་ལས་
[100b]
[100b.1]བཞི་དང་འབྲེལ་ཞིང་བསྐྲད་པ་དང་། དམིགས་པར་བྱ་ཞིང་མནན་པ་དང་། མྱོས་ཞིང་དགུག་པ་དང་། མི་སྣང་ཞིང་རྐང་མགྱོགས་དང་། དོན་ཐམས་ཅད་འགྲུབ་པ་དང་། བསྲུང་བའི་ཏིང་ངེ་འཛིན་དེ་ལ་སྙོམས་པར་ཞུགས་ཞེས་པའོ། །ཕྲིན་ལས་དེ་ལ་སྙོམས་པར་ཞུགས་པའོ། །
[100b.2]ལས་བཅུའི་སྦྱིན་སྲེག་འདི་ཁོ་ན་གསུངས་ཞེས་བྱའོ། །ཞི་ལ་ཤཱནྟིཾ་ཀུ་རུ་སྟེ་ཞེས་པ་ནས། ཐབ་ཁུང་འདབ་བརྒྱད་དབྱིབས་ཡིན་ཏེ། །ཞེས་པ་ནི་རྩ་བ་ན་གསལ་བས་མ་བྲིས་སོ། །བི་དྷྭནྶ་ཡ་ནི་དབྱེ་བའོ། །ཨུ་ཙ་ཏ་ན་ནི་བསྐྲད་པའོ། །མོ་ཧ་ཡས་རྨོངས་པར་གསུངས་སོ། །
[100b.3]སྟམྦྷ་ཡ་མནན་པའོ། །ཨུད་མ་ན་ཐུན་མོང་གི་དངོས་གྲུབ་པོ། །ཨཱ་ཀཪྵ་ཡ་དགུག་པའོ། །བ་ཤིང་ཀ་ར་མི་མངོན་ཞིང་འགུགས་སུ་གཞུག་པའོ། །རཀྵ་བསྲུང་བའོ། །མོ་ཧ་ཡ་དོན་གྲུབ་པའོ། །དེ་ལ་ལས་ཀྱི་མན་ངག་ནི། །ཐབ་ཟླུམ་པོ་དཀར་བོ་དང་། སེར་པོ་གྲུ་བཞི་དང་
[100b.4]དབང་ཟླ་གམ་དང་། དྲག་པོ་གྲུ་གསུམ་དང་། བྷ་གའམ་པདྨ་ལྟ་བུ་ལ་བྱ་ཞེས་གསུངས་པའི་ཕྱིར་ཐབ་ནི་ལྔ་རུ་ཤེས་པར་བྱའོ། །བ་བག་ན་མི་ཏྲ་མ་ཧེ་ཏྲོ་ཀྲོ་ད་མི་ཐ་ཞེས་པའི་མེ་ལྷ་ལས་དང་མཐུན་པར་སོ་སོའི་བྱ་བའི་རིམ་པ་དང་། ཐབ་ཁུང་སོ་སོའི་གཞལ་ཡས་ཁང་དུ་
[100b.5]མེ་ལྷ་སོ་སོར་བསྐྱེད་དེ་མཆོད་ཅིང་སྲེག་རྫས་ཕུལ་ཞིང་། ཤཱནྟིཾ་ཀུ་རུའི་སྔགས་ལ་སོགས་པ་བཟླས་པས། དོན་སོ་སོར་འགྲུབ་པར་བསྟན་ཏོ། །ཙནྡན་གྱིས་ཤིང་དང་། མི་ཋ་ཞེས་པ་ཡོངས་སུ་འབྲེལ་ཏེ། འུག་པ་དང་ཕོ་རོག་ཤ་དང་། རྔ་མོའི་ཤ་དང་། ཡང་ན་ནད་དམུ་ཆུས་ཤི་བའི་ཤ་དང་
[100b.6]ཕྱེ་མ་གསུམ་གྱི་ཐུན་ནོ། །བྱ་རྒོད་ཤ་དང་ཁྲ་དང་ཀླག་གི་ཤ་དང་། སྲིན་བྱའི་ཤའམ། ཙནྡན་མཆོད་ཅིང་ཡོངས་སུ་བསྔགས་ལ་པུག་ཤུད་ཤ་ཡོངས་སུ་བསྲེགས་པའོ། །དེ་ཡང་ལུང་ལས། ཐབ་ཁུང་གཞལ་ཡས་སོ་སོ་རུ། །སོ་སོར་མེ་ལྷ་སྤྱན་དྲངས་ཏེ། གཉིས་མེད་བསྟིམ་
[100b.7]དང་མཆོད་བྱ་སྟེ། །འཕགས་པ་གོས་སྔོན་བསྐྱེད་བྱ་སྟེ། །སོ་སོའི་མེ་ལྷས་དབུ་རྒྱན་བྱ། །མཆོད་ཅིང་བསྟོད་ན་ལས་རྣམས་འགྲུབ། །ཅེས་པའོ། །དེ་བཞིན་དུ་སྤྱན་དྲངས་པ་དང་མཆོད་པ་དང་འདོད་པ་གསོལ་བ་བཏབ་པས་གང་ལ་བྱ་བའི་དོན་འགྲུབ་པར་བསྟན་ཏོ། །ལེའུ་
[101a]
[101a.1]དྲུག་པ་ནི་གྲངས་ཀྱི་དྲུག་པའོ། །ལག་ན་རྡོ་རྗེ་གོས་སྔོན་པོ་ཅན་གྱི་རྩ་བའི་རྒྱུད་ལས། ལེའུ་དྲུག་པའི་བཤད་པའོ།། །།དེ་ལེའུ་དྲུག་པར་སྦྱིན་སྲེག་གི་ཆོ་ག་བསྟན་ཡང་། རྨེ་སྲེག་དང་དབང་བསྐུར་བ་མ་བསྟན་ན་འགྲུབ་པར་མི་འགྱུར་བས། དེ་ལ་དེ་སྐད་
[101a.2]བསྟན་ཏོ། །དེ་ནས་དཔལ་ལྡན་གོས་སྔོན་ཅན། །གདུལ་བར་དཀའ་བ་འདུལ་བའི་མཆོག །གསང་བའི་བདག་པོ་གོས་སྔོན་ཅན། །ཞེས་བྱ་བ་ལ། དེ་ནས་ནི་ལེའུ་དྲུག་པ་བཤད་པའི་རྟིང་དེ་ནས་སོ། །དཔལ་ལྡན་ནི་རྒྱུ་ཡེ་ཤེས་ལས་བྱུང་བའི་བདག་དང་གཞན་གྱི་དཔལ་ཏེ། ལྷ་མོ་རྡོ་
[101a.3]རྗེ་ཏིང་ངེ་འཛིན་པ་ནི། སྟོང་པ་དང་ནི་སྙིང་རྗེའོ། །གདུལ་བར་དཀའ་བའི་གནོད་སྦྱིན་བས་པ་དང་། ཀླུ་སྟེ་གདུག་པ་ཅན་ནོ། །འདུལ་བ་ནི་ལག་ན་རྡོ་རྗེ་སྟེ། རི་རབ་རྩེ་ལ་འདུལ་བ་ཡིན་ཏེ་སྔར་བཤད་པས་སོ། །གསང་བའི་བདག་པོ་ནི་སྐུ་གསུང་ཐུགས་ཀྱི་བདག་པོ་སྟེ། དེ་ནི་སྡུད་བ་
[101a.4]པོ་ཡིན་པར་བསྟན་ཏོ། །དྲག་པོ་ཆེན་པོ་རབ་ཏུ་འབར་བའི་ཏིང་ངེ་འཛིན་ལ་སྙོམས་པར་ཞུགས་ནས། འཁོར་གྱི་ཀླུ་ཚོགས་དབང་སྡུད་ཚེ། །ཞེས་བྱ་བ་ལ། དྲག་པོ་ནི་སྐུ་གསུང་ཐུགས་དྲག་པོར་སྟོན་པས་དེའི་ཏིང་ངེ་འཛིན་ལ་སྙོམས་པར་ཞུགས་ཏེ། མཁའ་ལྡིང་རྒྱལ་པོས་
[101a.5]སྤྲུལ་པ་བཀྱེ་ནས་རྒྱ་མཚོ་ཆེན་པོར་གཤེགས་ཏེ། རིགས་བཞིའི་ཀླུ་ཡང་དབང་བསྡུས། །ཞེས་པའོ། །ཉེན་རྣམས་བཟློག་པའི་ཆོ་གར་གསུངས། །གནས་ཁང་རིམ་པ་གསུམ་དག་ལ། །ཕྱི་རོལ་རྨེ་སྲེག་བྲལ་བར་བྱ། །ཉེན་རྣམས་ནི་ཀླུ་དང་འབྱུང་པོས་ཟིན་པ་སྡུག་བསྔལ་གྱིས་ཉེན་པ་
[101a.6]རྣམས་སོ། །གནས་ཁང་རིམ་པ་གསུམ་ནི་ཁང་པ་རིམ་པ་གསུམ་པ་ལ། སྒོ་ཤར་དང་ནུབ་དང་ལྷོ་རུ་འདོད་དོ། །ཕྱི་རོལ་རྨེ་སྲེག་ནི་ཁང་པ་ཕྱི་བ་བྱ་བ་བསྟན་ཏོ། །གྲུ་གསུམ་ནག་པོའི་འབྲུབ་ཁུང་དུ། །ཙནྡན་དུག་ཤིང་བསྲེ་བྱས་ཏེ། །མི་ནག་ཕྱི་ཐ་རྣམས་ཀྱི་མེས་སྦར་ཏེ། །ལྷ་དང་མེ་
[101a.7]ལྷ་གཉིས་མེད་གཅིག་ཏུ་བསྐྱེད། །ཡེ་ཤེས་བསྟིམ་དང་བྱིན་བརླབས་བསྡུ་བ་བྱས། །ལྷ་དང་མེ་གཉིས་གཉིས་མེད་གསལ་བྱས་ལ། །ནད་པའི་སྟེང་དང་འོག་ཏུ་མེ་བསམ་ཞིང་། །གནས་བརྒྱད་མེ་དེས་བགེགས་ཀྱི་ནུས་མཐུ་རྣམས། །སྲེག་ཅིང་སྣ་བུག་ཡོངས་བཀབ་ལ། །
[101b]
[101b.1]སློབ་དཔོན་བྱ་ཁྱུང་གི་ཏིང་ངེ་འཛིན་དང་ལྡན་པས། མཆོད་པ་དང་སྲེག་རྫས་ཕུལ་ཞིང་། ཀླུ་གཟིར་བའི་དྲག་སྔགས་བཟླས་ཤིང་། གུ་གུལ་དང་མི་ཚིལ་ལ་སོགས་པའི་དུད་པས་བདུག་ཅིང་དེས་བགེགས་མེད་པར་བྱ་ཞིང་བྲལ་ན་འབྲོས་པའོ། །བར་ཁང་དེར་ནད་པ་ལ་ཕྱི་
[101b.2]བདུད་དང་བདུད་ལྟས་རང་བཞིན་གྱི་ནུས་པ་བསྐྱེད་པར་སྟོན་ཏོ། །དེ་ཡང་ཡུམ་ནི་ལྕང་ལོ་ཅན། །བདུད་རྩི་བུམ་པ་ཐོགས་པ་ཡིས། །འོད་འཕྲོས་སྟོང་གསུམ་མ་ལུས་ཚེ། །ཕྱི་ནང་དགུག་དང་བསྟན་པ་ནི། །ཡི་གེ་གསུམ་གྱི་ལས་སུ་གསུངས། །དེ་ནས་ཨོཾ་ཨཱཿ
[101b.3]ཧཱུཾ་བཛྲ་ཨཱ་ཡུཿཥིཉྩ་ཧཱུཾ། ཞེས་གསུངས་ཏེ། རང་རང་གིས་སྔོན་དུ་བདུད་རྩིའི་ངོ་བོས་ཁྲུས་བྱའོ། །ནང་གི་ཁྲུས་སྟོང་པ་ཉིད་བསྒོམ་མོ། །དེར་སློབ་དཔོན་ལ་ཡོན་གྱིས་མཉེས་པར་བྱའོ། །ནང་དུ་བུམ་པའི་དབང་བསྐུར་ལ། །ཉེན་རྣམས་བཟློག་པར་ཐེ་ཚོམ་མེད། །ཅེས་པ་
[101b.4]ལ། དང་པོ་བསྙེན་པ་བསྐྱལ་ཏེ། དུས་གྲངས་མཚན་མའི་བསྙེན་པའོ། །ཡང་ན་གོང་དུ་བསྙེན་པ་སོང་བས། བསྙེན་སྦྱོར་བསྒོམ་པར་བྱ་ཞེས་སོ། །ས་དང་སྟ་གོན་དང་། དཀྱིལ་འཁོར་སྒྲུབ་པ་དང་། སློབ་མ་གཞུག་པའི་ཆོ་ག་ཕྱི་ནང་འཇུག་པ་ཡོངས་སུ་དག་པར་བྱ་སྟེ།
[101b.5]དབང་སྟེགས་ཁྲི་ལ་བཞག་ལ། རིགས་དང་རང་རིག་ཤེས་པ་དང་། སྦྱིན་དང་ཉོན་མོངས་འཁྲུད་པར་བྱེད། །བདག་པོ་ལ་སོགས་དབང་གིས་སུ། །རྒྱུད་དག་འབྲས་བུ་ཐོབ་པར་བྱེད། །ཅེས་གསུངས་སོ། །དེ་ནས་སླར་བཤད་པ། །ཨོཾ་སརྦ་ཏ་ཐ་ག་ཏ་ནཱི་ལཱཾ་བ་ར་དྷ་ར་ཨ་བྷི་ཥིཉྩ་
[101b.6]ཧཱུཾ། ཞེས་པས་མེ་ཏོག་སྔོན་པོ་དང་འབྲེལ་ཏོ། །ཨོཾ་སརྦ་ཏ་ཐཱ་ག་ཏ་ནཱི་ལཱཾ་བ་ར་དྷ་ར་བཛྲ་ཨཱ་དཪྴ་ཨ་བྷི་ཥིཉྩ་ཧཱུཾ། ཞེས་པས་ཆུའི་དབང་དང་འབྲེལ་ཏེ་ཞེ་སྡང་རྣམ་པར་དག་པའོ། །ཨོཾ་སརྦ་ཏ་ཐཱ་ག་ཏ་རཏྣ་བཛྲ་ཨ་བྷི་ཥིཉྩ་ཧཱུཾ། ཞེས་པས་དབུ་རྒྱན་དང་འབྲེལ་པས་ང་རྒྱལ་རྣམ་
[101b.7]པར་དག་པའོ། །ཨོཾ་སརྦ་ཏ་ཐཱ་ག་ཏ་ས་མནྟ་ཨ་བྷི་ཥིཉྩ་ཧཱུཾ། ཞེས་པས་རྡོ་རྗེ་དང་འབྲེལ་པས་འདོད་ཆགས་རྣམ་པར་དག་པའོ། །ཨོཾ་སརྦ་ཏ་ཐཱ་ག་ཏ་པྲ་ཏི་ས་མ་ཎ་ཡ་ཨ་བྷི་ཥིཉྩ་ཧཱུཾ། ཞེས་པས་དྲིལ་བུ་དང་འབྲེལ་པས་ཕྲག་དོག་སེལ་བའོ། །ཨོཾ་སརྦ་ཏ་ཐཱ་ག་ཏ་ཀྲི་ཏ་ཨ་ནུཥྛཱ་མ་ཨ་བྷི་
[102a]
[102a.1]ཥིཉྩ་ཧཱུཾ། ཞེས་པས་གཏི་མུག་རྣམ་པར་དག་སྟེ། ཡེ་ཤེས་ལ་དབང་བའོ། །དེ་ནས་དུས་གསུམ་སངས་རྒྱས་ཀྱིས་དབང་བསྐུར་ཞིང་། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཨ་བྷི་ཥིཉྩ་ཧཱུཾ་ཧཱུཾ་ཧཱུཾ་ཞེས་བརྗོད་དོ། །དེ་ནས་ལས་ཐ་དད་པ་དང་གསང་བའི་དབང་ཡང་བསྐུར་ཏེ་
[102a.2]ཐིག་ལེ་དཀར་དམར་ལྕེ་ལ་བཞག་སྟེ། གུ་ཧྱ་ཨ་བྷི་ཥིཉྩ་ཧཱུཾ་ཧཱུཾ་ཧཱུཾ་ཞེས་བརྗོད་དོ། །དེ་ནས་སློབ་དཔོན་གྱིས་ལྷ་སྒོམས་ཤིག་པ་དང་སྔགས་ལ་སོགས་པའི་གནང་བ་སྦྱིན་པའོ། །དེ་ཡང་དབང་བསྐུར་བའི་རྒྱུད་ནས། ཉན་ཅིང་སྒྲུབ་པ་ལ་སོགས་པ། །དབང་བསྐུར་གནང་བར་
[102a.3]མ་བྱས་ན། །འབྲས་བུ་མེད་ཅིང་བརླག་པར་འགྱུར། །དེ་བས་དབང་བསྐུར་རབ་ཏུ་གཅེས། །ཞེས་གསུངས་སོ། །དེ་ལྟར་བྱས་པས་སྡུག་བསྔལ་ནད་དང་ངན་འགྲོ་ལས་བཟློག་ཅེས་གསུངས་སོ། །ཀྱེ་ཧོ་ཉེན་རྣམས་གདུལ་བའི་མཆོག །ཨེ་མ་སྔགས་ཆེན་དྲག་པོ་ཆེ། །ཨེ་
[102a.4]མ་མ་རུངས་འཇིགས་པ་ཅན། །ཞེས་པ་ལ། དབང་བསྐུར་བ་སྟོན་པ་ཡིན་ཏེ། དབང་གི་ལྷ་དང་རྩ་སྔགས་འབྲེལ་པར་བཟླས་པ་ལ་ངོ་མཚར་བསྟོད་པའོ། །ཨེ་མ་སྔགས་ཆེན་དབང་དང་འབྲེལ་པའི་ཀླུའི་དྲག་སྔགས་སོ། །ཨེ་མ་མ་རུངས་འཇིགས་པ་ཅན་ནི་ཀླུའི་གདོན། །དབང་དང་ལས་
[102a.5]སྦྱོར་གྱིས་འཇོམས་པའོ། །ཨེ་མ་ཡང་གསང་རྣལ་འབྱོར་ཆེ། །ཕྱག་ན་རྡོ་རྗེ་ཁྱོད་ཕྱག་འཚལ། །ཕྱོགས་བྲལ་ཁྲོ་བོ་ཁྱོད་ཕྱག་འཚལ། །ཞེས་པ་ལ། ཨེ་མ་ཡང་གསང་ནི་སྨྲ་བཅད་པའི་ངོ་བོ་རྡོ་རྗེ་ཤུབ་བུར་བཟླས་པ་གསང་བའི་དོན་བྱེ་བ་ཕྲག་གཉིས་སུ་བཟླས་པས། །རྣལ་
[102a.6]འབྱོར་ལྷ་དང་འབྲེལ་པས་རྣལ་འབྱོར་དེས་བཟླས་ཞེས་པའོ། །གོང་གི་ཡོན་ཏན་བསྟན་པ་ནི་ཁྱོད་ཡིན་པས་ཁྱོད་ལ་བསྟོད། །ཕྱོགས་བྲལ་ནི་གདུལ་བྱ་མ་ལུས་པ་དང་། ཡེ་ཤེས་མ་ལུས་མངའ་བ་ཁྱོད་ལ་བསྟོད། །ཅེས་གསུངས་སོ། །ལེའུ་བདུན་པ་ནི་གྲངས་ཀྱི་བདུན་པའོ། །
[102a.7]ལག་ན་རྡོ་རྗེ་རྩ་བའི་རྒྱུད་ལས་ལེའུ་བདུན་པའི་རྣམ་པར་བཤད་པའོ།། །།གདོན་བྲལ་བ་དང་དབང་བསྐུར་བ་བསྟན་ཀྱང་། གཏོར་མའི་ལས་མེད་ན་འགྲུབ་པར་མི་འགྱུར་བས་དེའི་ཕྱིར་དེ་ལ་དེ་བསྟན་ཏོ། །ཡང་འཁོར་གྱི་ནང་ནས་ཁམས་གསུམ་རྣམ་པར་རྒྱལ་བ་སྟན་
[102b]
[102b.1]ལས་ལངས་ནས། འདི་སྐད་ཞུས་པའི་ཚིག་ལིའུ་ཀུན་ལ་སྦྱར་རོ། །ལན་གསུངས་པས་དེ་སྐད་གསུངས་ནས། འཁོར་ཐམས་ཅད་དགའ་བའི་རྗེས་ལ་འདི་སྐད་གསུངས་སོ་ཞེས་པ་ལ། དེ་སྐད་གསུངས་པ་ལ་གོང་གི་ཚིག་གོ། །འཁོར་འགའ་མིན་དབང་དང་རྨེ་
[102b.2]འབྲེལ་ལོ། །འདི་སྐད་གསུངས་ནི་འོག་མའི་ཚིག་རྣམས་སོ། །དེས་དེ་རྣམས་གསུངས་པར་བསྟན་ཏོ། །ཐམས་ཅད་ལྡན་པའི་གཏོར་མ་ལ། །ཞེས་པས། ཕྱི་ནང་གཉིས་ཀྱི་གཏོར་མ་སྟེ། དེ་ཡང་ཕྱིའི་གཏོར་མ་ལ། གཙང་གཏོར་དང་བགེགས་གཏོར་གཉིས་ཏེ་དང་པོ་
[102b.3]ནི། དཀར་གསུམ་མངར་གསུམ་འབྲས་ཟན་དང་། །ལྡན་པའི་གཏོར་མ་སྦྱིན་པར་བྱ། །ཞེས་གསུངས་པ་ལ། པདྨ་དཀར་པོ་སྡོང་པོའི་སྟེང་དུ། ཨོཾ་སྭ་སྭཱ་ཧཱ་ཧཱུཾ་ཛཿ། ཨོཾ་ཨིནྡྲ་ཡེ་ཧཱུཾ་ཛཿ། ཨགྣ་ཡེ་ཧཱུཾ་ཛཿ། ཡ་མཱ་ཡ་ཧཱུཾ་ཛཿ ནི་རྲྀ་ཏྱཱ་ཡ་ཧཱུཾ་ཛཿ། བ་རུ་ཎཱ་ཡ་ཧཱུཾ་ཛཿ། བཱ་ཡ་བེ་ཧཱུཾ་
[102b.4]ཛཿ། ཀུ་བེ་རཱ་ཡ་ཧཱུཾ་ཛཿ། ཨཱི་ཤ་ནཱ་ཡ་ཧཱུཾ་ཛཿ། ཧེ་ཏ་ཨ་དྷི་པ་ཏ་ཡེ་ཧཱུཾ་ཛཿ། སཱུ་ཪྻ་ཙནྡྲཱ་ཡ་ཧཱུཾ་ཛཿཞེས་པས་སྤྱན་དྲངས་ཏེ། གཏོར་མ་ཕྱི་རྒྱུད་བཞིན་ཕུལ་ལ། གོང་དུ་བསྟན་པའི་སྔགས་ཀྱི་ཤམ་བུ་ཡང་ཧཱུཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨནྡི་ཛ་མ་ཛ་ལ་ཛཀྑ་བྷཱུ་ཏི་བ་ཧྞི་ཡ་བ་རཀྵ་ཙནྡ་
[102b.5]སུ་ཙ་མ་ཏ་པབེེ་ཏཱ་ལ་བ་ཏཱ་ལ་ཨཥྚ་སཐྲ་སྭཱ་ཧཱ་ཨི་དཾ་བ་ལིཾ་བྷུ་ཛ་ཞེས་པས་ཀྱང་གཏོར་མ་དབུལ། སྤྱན་དྲང་བར་བྱ་སྟེ། སྟོང་གསུམ་མི་མཇེད་འཇིག་རྟེན་ཞེས་པས་སྤྱན་དྲངས་ལ་མཆོད་པས་མཆོད་དེ། ཚངས་པ་ཆེན་པོ་མི་བདག །གཟུགས་ཁམས་ལྷ་ཚོགས་ཐམས་
[102b.6]ཅད་དང་། །ཆོས་བཟངས་ལྷ་ཡི་འདུན་ས་ན། །རྡོ་རྗེ་འཆང་རྒྱལ་ཐར་ལམ་སྟོན། །བརྒྱ་བྱིན་འཁོར་དང་བཅས་པ་རྣམས། །རི་རབ་སྟེང་ན་ལྷ་ཚོགས་དང་། །དབང་པོ་རྡོ་རྗེ་འཆང་བ་ཞེས་པ་ལ་སོགས་པའི་ཚིགས་བཅད་ཡང་བསྒྲགས་སོ། །དེས་མཆོད་ཅིང་སྨོན་ལམ་བསྒྲགས་
[102b.7]པར་བྱའོ། །ཤ་ཆང་དང་ལྡན་པའི་གཏོར་མ་ལ་ཨོཾ་ཨ་ནྲྀ་སུ་ཏྲི་པྲེ་དུ་ཛ་ཞེས་པ་ལྕགས་ཀྱུ་དང་བཅས་པས་སྤྱན་དྲངས་ལ། གཏོར་མ་གོང་བཞིན་ཡང་མཆོད་པ། ལྷ་དང་ལྷ་མིན་གནོད་སྦྱིན་ལྟོ་འཕྱེ་གྲུལ། །ནམ་མཁའ་ལྡིང་དང་འདབ་བཟངས་ལུས་སྲུལ་པོ། །གང་དག་ས་ལ་གནས་
[103a]
[103a.1]པའི་རྫུ་འཕྲུལ་ཅན། །བུ་སྨད་བཅས་ཤིང་གཡོག་འཁོར་བཅས་པ་རྣམས། །གནས་ནས་ཕན་གདགས་ཕྱིར་ནི་འདིར་གཤེགས་ཤིག །སྲིད་པའི་རྩེ་ནས་དམྱལ་བའི་གནས་ཡན་ཆད། །རྒྱུད་དྲུག་སྐྱེ་འགྲོ་མ་ལུས་ཐམས་ཅད་ཀུན། །གནས་ནས་ཕན་
[103a.2]གདགས་ཕྱིར་ནི་འདིར་གཤེགས་ཤིག །ཅེས་བརྗོད་དོ། །མཆོད་པས་མཆོད་དེ་དགའ་བའི་ཚལ་དང་ཞེས་པ་དང་འདི་ལྟར་ཕན་པར་བྱེད་པ་ལ་ཞེས་བརྗོད་ལ། གཏོར་མ་གཉིས་བཏང་སྟེ་དེ་ནི་རོ་སྲེག་གམ་རབ་གནས་སམ། དབང་བསྐུར་དུས་སུ་ཕྱི་མཆོད་བགེགས་ཉེ་བར་ཞི་བའོ། །
[103a.3]ནང་གཏོར་ནི་ཐམས་ཅད་ལྡན་པའི་ཟེར་མས་ཤ་ལྔ་བདུད་རྩི་ལྔ། ཕྱིའི་ཡོ་བྱད་དང་འབྲེལ་པའོ། །རཾ་གྱིས་སྦྱངས་ནས། ཡཾ་གིས་བུས། ཁཾ་གིས་བཀྲུས་ཏེ་དག་པ་ལ་ཞེས་པ་ལ། རཾ་དམར་པོ་ཀ་པཱ་ལ་དང་གསང་བའི་དམ་རྫས་སྲེག་པའོ། །བསྲེགས་པའི་ཐལ་བ་ཡཾ་ལས་རླུང་གིས་
[103a.4]གཏོར་བའོ། །བཾ་གྱི་ཆུ་རྒྱུན་གྱིས་བཀྲུས་པའོ། །ཡཾ་རཾ་དབབ་པའི་སྦྱོར་བ་བྱ། །ཞེས་པ་ལ་ཡཾ་ལས་རླུང་རཾ་ལས་མེ་ཨ་ལས་ཀ་པཱ་ལ། རླུང་གིས་བཏེག་པའམ་སྐུ་གསུང་ཐུགས་ཀྱི་ངོ་བོས་བཏེག་པའོ། །ནང་དུ་ཨ་ལས་ཟླ་བའི་ནང་དུ་བདུད་རྩི་ལྔ་ཉི་མའི་སྟེང་དུ་ཤ་ལྔ། དེ་སྟེང་གསང་
[103a.5]སྔགས་རྒྱལ་པོ་འབྲུ་གསུམ། རྡོ་རྗེ་སྔོན་པོ་དང་ཤེས་རབ་ཨཱ་ལི་དང་བཅས་པའོ། །རླུང་བསྐྱེད་མེ་འབར་ཐབས་ཤེས་རབ་ཞུ་ནས་ཡིག་འབྲུ་གསུམ་པོས་སྦྱངས་ཏེ། ཨེ་ལས་འོད་འཕྲོས་པ་དང་། ཧཱུཾ་གིས་བདག་པོ་འོད་ཟེར་རྩེ་ལ་ཛ་འཕྲོས་པས་ཡེ་ཤེས་བདུད་རྩི་དབབ་པའོ། །
[103a.6]ཨོཾ་ཨཱ་རལླི་ཧོ་ས་མ་ཡ་ཛཿ། ཞེས་ཀྱང་བརྗོད་ཅིང་ཨོཾ་ཨཱཿཧཱུཾ་སྭཱ་ཧཱ། ཞེས་བརྗོད་ལ་གཏོར་མ་བྱིན་གྱིས་བརླབ་བོ། །རིགས་དྲུག་སེམས་ཅན་ཛཿཞེས་པས་བཀུག་ལ་ཡེ་ཤེས་ལྷ་ཚོགས་ཀྱི་ངོ་བོ་བྱིན་གྱིས་བརླབས་ལ་ཡེ་ཤེས་ཀྱི་ལྷ་ཚོགས་མང་པོ་ཡང་སྤྱན་དྲངས་གཉིས་སུ་མེད་
[103a.7]པར་བསྟིམས་ལ་བླ་མ་ཡང་མི་བསྐྱོད་པར་བྱིན་གྱིས་བརླབས་ལ། རང་རང་གི་རྩ་བའི་སྔགས་ལ་བ་ལིཾ་ཏ་ཁཱ་ཧི་ཞེས་ལན་བདུན་ནམ་ཉི་ཤུ་རྩ་གསུམ་བརྗོད་ལ། མ་མ་སརྦ་ཤ་ཏྲཱུཾ་ཧཱུཾ་ཨ་མུ་ཀ་མ་ཧི་མ་ཙ་མོ་ཏ་བ་སཾ་བ་བུ་ག་རུ་ཏི་རཾ་ཕྲ་ཡོ་བཀྵ་བ་ལི་ཨི་དཾ་གྲྀཧྞ་ཧི་ཁཱ་ཧི་རཀྟ་
[103b]
[103b.1]པི་བ་ཏོ་ཨཱཿཧཱུཾ་ཀྲ་མ་ས་མ་ཡེ་སྭཱ་ཧཱ། ཞེས་ལན་གསུམ་བརྗོད། ཨོཾ་ཨ་ཀཱ་རོས་སེམས་ཅན་ཐམས་ཅད་ལ་དབུལ། དེ་ནས་བསམ་གཏན་ལྷ་མོས་མཆོད་པ་དབུལ། ཧཱུཾ་གི་འོད་ཟེར་རྩེ་ལ་ལྷ་མོ་མང་པོ་བྱུང་ནས་མཆོད་ཅེས་པའོ། །གཙང་གཏོར་ནི་གོང་དང་མཐུན་པས་འདི་རུ་ཡང་ཤེས་
[103b.2]པར་བྱའོ། །དེས་ན་དབང་བསྐུར་བའི་ཏྭ་ནྷྲ་ལས། གཏོར་མའི་ལས་རྣམས་ཀུན་ལ་ཡང་། །སྔོན་བྱས་མེད་ཅིང་གོ་རིམས་བྲལ། །རྫས་མ་ཚོགས་དང་བསམ་གཏན་བྲལ། །འདི་ཡང་བར་ཆོད་སྦྱོང་བའོ། །ཞེས་གསུངས་པའི་ཕྱིར། སྔོན་འགྲོ་ལྷ་བསྒོམས་པ་དང་། ཕྱི་ནང་གི་གཏོར་མའི་
[103b.3]རྫེས་མ་འདྲེས་པར་སོ་སོར་ཚང་པ་ལ་བྱིན་གྱིས་བརླབས་ཏེ་བསྔོ་ཞིང་སྨོན་ལམ་བཏབ་ལ་ས་གཙང་སར་བསྐྱལ་ཞེས་པའོ། །ད་ནི་ཁྲོ་བོ་གོས་སྔོན་ཅན་ཞེས་པས་དམ་ཚིག་བསྒྲག་པ་སྟེ་དངོས་སུ་བས། ཨ་ཀཱ་རོ་མུ་ཁཾ་ཡང་ཀུན་ལ་སྦྱིན་པ་སྟེ། གོང་དུ་བསྟན་ཏོ། །ལེའུ་བརྒྱད་པ་
[103b.4]ནི་གྲངས་ཀྱི་བརྒྱད་པའོ། །ལག་ན་རྡོ་རྗེ་རྩ་བའི་རྒྱུད་ལས་ཕྱི་ནང་གི་གཏོར་མ་རྒྱ་ཆེར་བཤད་པ་སྟེ་ལེའུ་བརྒྱད་པའོ།། །།དེས་ཕྱི་ནང་གི་གཏོར་མ་བཏང་ཡང་སྔགས་མ་བསྟན་ན་དེ་ལ་མོས་པ་རྣམས་ཀྱིས་མི་འགྲུབ་པས་དེ་བསྟན་ཏོ། །དེ་ནས་དཔལ་ལྡན་གོས་སྔོན་ཅན། །གདུལ་
[103b.5]ཀ་འདུལ་བའི་བདག་པོ་དེས། །ཞེས་པ་ལ་དེ་ནས་ལེའུ་བརྒྱད་པ་སོང་བའི་རྟིང་དེ་ནས། དཔལ་ནི་བསོད་ནམས་དང་ཡེ་ཤེས་ཀྱི་ཚོགས་དཔལ་གཉིས་ཏེ་ལྷ་མོའོ། །གདུལ་དཀའ་ནི་གོང་དུ་བསྟན་ཏོ། །བདག་པོ་ནི་སྤྲུལ་སྐུ་བཛྲ་པཱ་ཎི། བསམ་གཏན་འཁོར་ལོ་མེད་པ་ལ། །སྔགས་
[103b.6]ཀྱི་ངེས་པ་བཤད་པར་བྱ། །ཞེས་པ་ལ། བསམ་གཏན་ནི་ཞི་གནས་དང་ལྷག་མཐོང་མེད་པ་ལ་སྟེ། རྣལ་འབྱོར་དེ་ལ་མི་མོས་པའོ། །སྔགས་ཀྱི་ངེས་པ་ནི་དབྱེ་བ་བཤད་པའོ། །དེ་ལ་ཏདྱ་ཐཱ་ནས་བ་པི་ཤུདྡྷི་ཞེས་པའི་ཡིག་འབྲུ་སོ་གཅིག་པས། རྩ་སྔགས་བསྟན་ཏོ། །ཏདྱ་ཐཱ་བུདྡྷ་
[103b.7]ཞེས་པ་ནས། ནཱ་ག་ཏྲ་ཏ་ས་ཏ་ན་ཡ་ཕཊ་ཅེས་པས་ཀླུ་གཟིར་བའི་སྨེ་བྲལ་གྱི་དུས་སམ་མནན་ཅིང་གསད་པའི་དུས་སོ། །ནཱི་ལཱཾ་བ་ས་ན་ཡ་ཕཊ་ཅེས་པ་ནས། ཀུན་ཤན་མ་དོད་ས་ཧ་ཡ་ཕཊ་ཅེས་པས། གཤིན་རྗེའི་གདོན་བཟློག་པ་དང་ནོར་བསྒྲུབ་པ་དང་སྒོ་ལྕགས་དབྱེ་བ་དང་། དེའི་
[104a]
[104a.1]ལས་བསྟན་ཏོ། །པྲེ་ཏ་ཞེས་པ་ཡི་དགས་དང་ཤ་ཟ་བཟློག་པར་བསྟན་ཏོ། །ཡཀྵ་ཞེས་པས་གནོད་སྦྱིན་བཟློག་པར་ཤེས་པར་བྱའོ། །ཧ་ས་ནས་བིག་ཤ་ཀ་ར་ཡ་ཕཊ་ཕཊ་ཀྱིས་འབྱུང་པོ་སྤྱིར་གསད་པ་སྟེ། ཀུན་ལ་སྦྱར་བར་ཤེས་པར་བྱའོ། །སརྦ་ཤ་ཏྲཱུཾ་
[104a.2]ནི་དགེ་འདུན་གྱི་དགྲ་འདུལ་བ་སྟེ། འབྲུབ་ཁུང་གྲུ་གསུམ་པ་རུ་གསེག་ཤང་གི་རྩེ་གཉིས་པས་བརྡུངས་ཏེ། སྔགས་ཀྱང་སྟོད་སྨད་དང་ཡང་ན་གསུམ། ནཱི་ལཱཾ་བར་དང་སང་ཧ་ནི་ཡབ་ཡུམ་གྱི་སྔགས་སོ། །དེ་ལ་བསྙེན་པ་དང་སྒྲུབ་པ་ལ་སྦྱར་རོ། །གཏུབས་ཏེ་བཟླས་པ་དང་མི་
[104a.3]གཏུབ་པ་དང་། བདེ་བར་གཤེགས་པ་མ་གསུངས་ཏེ། གང་ལ་བྱ་བ་དེ་གྲུབ་ཅེས་གསུངས་སོ། །ཡང་སྔགས་རིངས་ཁོ་ན་ལ་ཨོ་ཙནྜ་མ་ཧཱ་རོ་ཥ་ཎ་ཧཱུཾ་ཕཊ། ཅེས་རྟགས་ནི་ཀླུ་གདོན་དུ་གྱུར་པ་ལ་བཟླས་པར་ཤེས་པར་བྱའོ། །རྡོ་རྗེ་བེ་ཅོན་ནས་ཁྱོད་ཕྱག་འཚལ་གྱིས་བསྟོད་པ་
[104a.4]བསྟན་ཏེ། མ་བཀྲོལ་ལོ། །ལེའུ་དགུ་པ་ནི་གྲངས་ཀྱི་དགུ་པའོ། །ལག་ན་རྡོ་རྗེ་རྩ་བའི་རྒྱུད་རྒྱ་ཆེར་བཤད་པ་ལས་ལེའུ་དགུ་པའི་བཤད་པའོ།། །།ཀླུ་མ་ཁུགས་ན་གསད་པའི་ལས་མི་འགྲུབ་པས་དགུག་པ་བསྟན་ཏོ། །དེ་ནས་ཀླུ་དགུག་པའི་སྔགས་བསྟན་ཏོ། །རྡོ་
[104a.5]རྗེ་ལྕགས་ཀྱུ་རླུང་གི་སྦྱོར་བས་འགྲུབ་པར་འགྱུར། །དེ་བཞིན་མེ་ཡིས་ཀྱང་ནི་འདུལ་བར་ནུས་པ་ཡིན། །ཞེས་པ་ལ། དེ་ནས་ནི་ལེའུ་དགུ་པ་སོང་བའི་རྟིང་དེ་ནས་བར་ཚིག་ཀྱང་མཆོད་པར་ཀླུ་ནི་ཀླུ་སྟེ་ཞེས་རིང་བའོ། །རྡོ་རྗེའི་ཏིང་ངེ་འཛིན་དང་ལྡན་པས། ལག་ན་རྡོ་རྗེ་ལྕགས་ཀྱུའི་
[104a.6]སྔགས་འོག་མ་ཟློས་ཤིང་། འོག་ཏུ་རླུང་ལྷ་རྔ་མོས་བཏེག་སྟེ་འགུགས་པའོ། །དེ་བཞིན་མེ་ཡིས་ཀྱང་འདུལ་བར་ནུས་པ་ཡིན། དེ་ལྟར་ནུས་ཕྱིར། དགུག་པའི་སྔགས་འདི་བསྟན་པར་བྱ། །ཞེས་པ་ལ། མི་ཡིས་ཀྱང་འདུལ་ཞེས་པ་ལ། གནོད་པའི་གནས་སུ་མེའི་སྔགས་དང་
[104a.7]འབྲེལ་པས་སྲེག་སྟེ། དེ་ནས་དགུག་པར་ཤེས་པར་བྱའོ། །སྔགས་ནི་ཆེ་གེ་མོ་ཞེས་པ་དང་འབྲེལ་ཏོ། །དངོས་སུ་བསྟན་ཏོ། །བསམ་གཏན་དྲག་པོས་བཟླས་པར་བྱ། །བཟླས་པ་འདི་ལ་རབ་འབད་བྱ། །ཞེས་བྱ་བ་ལ། བསམ་གཏན་དྲག་པོ་ནི་ཁྲོ་བོའི་ཆ་བྱད་ཅན་ཏེ། རྔམ་པ་
[104b]
[104b.1]འཇིགས་སུ་རུང་བའོ། །བཟླས་པ་གྲྀ་ཧྞ་ཞེས་པ་དང་འབྲེལ་ཏོ། །ཁྲོ་བོ་ལྕགས་ཀྱུ་ཐོགས་པ་མང་པོས་ཁྲིད་ནས་འོངས་པར་གསུངས་སོ། །ཀླུ་རིགས་དུ་མ་ཐམས་ཅད་ཀུན། །འགུགས་འགྱུར་འདི་ལ་གཞན་དུ་མིན། །ཞེས་པ་ལ། ཀླུ་རིགས་དུ་མ་ནི་ཀླུ་རིགས་བཞིའི་ཀླུ་དང་
[104b.2]གཉན་དང་ས་བདག་ཀྱང་ཡོངས་སུ་གསུང་ངོ་། །ཏིང་ངེ་འཛིན་དང་སྔགས་གོང་དུ་བསྟན་པ་འདི་མ་ཡིན་པ་གཞན་གྱིས་ཁུག་པ་མ་ཡིན་པར་བསྟན་ཏོ། །ཇི་སྲིད་ཁུག་པའི་ཏིང་འཛིན་གྱིས། ཁུགས་པར་གྱུར་པའི་ཀླུ་རྣམས་ཀུན། །ཞེས་པ་ལ། འགུགས་པའི་ཏིང་ངེ་
[104b.3]འཛིན་ནི་གོང་དུ་གསུངས་པའོ། །ཁུགས་པར་གྱུར་པ་ནི་གནས་ནས་འོངས་པའོ། །དེ་ལ་དམ་ལ་མ་བཏགས་པའི་ཀླུ་ལ། སྐྱེར་པའི་བམ་པོ་དང་སྦྱིན་སྲེག་བྱེད་པར་འབྲེལ་ཏེ། ཐབ་སྐུད་པ་ལ་སོགས་བླ་མའི་གདམས་ངག་ལ་རག་ལུས་པར་བྱའོ། །ཟངས་གཞོང་ནང་དུ་སྤྱན་
[104b.4]དྲངས་ཏེ། ཞེས་པ་ཟངས་གཞོང་དུ་ཀླུ་བ་སུ་དྷ་རིས་དྲུག་གི་གཟུགས་བག་ཟན་ལས་བྱས་ལ་ཀླུ་སྨན་སྣ་ཚོགས་ཡང་བླུགས་ལ། ཉེན་པས་ཟིན་པའི་གཟུགས་ལ་སྦལ་པ་ལ་སོགས་པ་བཀོད་ལ། ལྕགས་ཀྱི་སྐམ་པ་ཀ་ཡ་ཙས། །ཤིང་དག་སོར་ནི་བཅུ་གཉིས་པ། །ཡོངས་
[104b.5]སུ་བཅད་པར་བྱ་བ་ཡིན། །ཟེར་བས། སྨྱག་ཤད་ཀྱི་ལྕུག་མ་སོར་བཅུ་གཉིས་པ། བྱིས་པ་ལོ་བརྒྱད་ལོན་པས་བརྔས་ཏེ། རྨ་བྱའི་མདོངས་དང་ཚོན་སྐུད་ཀྱིས་བཅིངས་ལ། ཉེན་པ་རྣམས་ལ་བྱབས་ཏེ། སྦལ་པ་ཡང་མཎྜལ་སྟེང་དུ་ཕབ་ལ། ཉེན་དང་ལྡན་པ་ལྷར་བསྒོམས་ཏེ་
[104b.6]བསྲུང་བ་བྱ་ཞེས་པ་དང་འབྱེལ་ཏེ། དེ་ནས་དམ་ཚིག་བསྲེ་བ་དང་། སྨན་གྱི་མཆོག་གིས་ཚིགས་བཅད་དང་བཅས་པས་གསོ་སྟེ། ཁྲོ་བོའི་ཆེ་བ་བརྗོད་ཅིང་གནོད་པ་མ་བྱེད་པར་བསྒོ་ལ། གང་གནོད་པའི་སར་བསྐྱལ་ཞེས་བྱའོ། །ལེའུ་བཅུ་པ་ནི་གྲངས་ཀྱི་བཅུ་པའོ། །ལག་
[104b.7]ན་རྡོ་རྗེ་རྩ་བའི་རྒྱུད་རྒྱ་ཆེར་བཤད་པའི་འགྲེལ་པ་ལས་ལེའུ་བཅུ་པའི་བཤད་པའོ།། །།དགུག་པ་བསྟན་ཀྱང་དྲག་པོ་ཁོ་ནའི་ལས་མ་བསྟན་ན་ཚར་ཆོད་པར་མི་འགྱུར་བས་དྲག་པོའི་ལས་བསྟན་ཏོ། །དེ་ནས་གཞན་ཡང་བཤད་བྱ་སྟེ། །ཞི་བའི་ལས་ཀྱིས་མི་འདུལ་བའི། །ཀླུ་
[105a]
[105a.1]གཟིར་དྲག་སྔགས་བསྟན་པར་བྱ། །ཞེས་པ་ལ། དེ་ནས་གཞན་ཡང་བཤད་པ་ནི་ཁུགས་པའི་རྟིང་ལ་གཞན་ཀླུ་གཉན་ས་བདག་ཞི་བས་མི་ཉན་པ་ལ། ཀླུ་གཟིར་བའི་སྔགས་དང་ཕྱག་རྒྱ་དང་རྫས་དང་ཏིང་ངེ་འཛིན་བསྟན་ཏོ། །དམ་ལ་མ་ཐོགས་པ་
[105a.2]ལ་དང་པོར་ཞི་བས་བྱས་ལ་དེ་ནས་དྲག་པོས་གདུལ་ཞེས་པའོ། །ཨོཾ་བཛྲ་པཱ་ཎི་ཞེས་པ་ནས། ཧཱུཾ་ཕཊ་ཀྱི་བར་གྱི་སྔགས་གསུངས་སོ། །དེ་ཡང་བདག་གི་མིང་དང་འབྲེལ་པ་ལས་ཁྲོ་བོ་རྣམས་ཀྱིས་ཀླུ་ལ་རྒྱོབ་མཚོན་ཆ་རྒྱོབ་ཅེས་པའོ། །ད་ཧ་ནི་སྲེགས་རོ་སྲེགས་ཞེས་པའོ། །ནོན་
[105a.3]ནོན་ནུས་པའམ། སྟོབས་ཁྲོ་བོ་རྣམས་ཀྱིས་ནོན་ཞེས་པ་དང་ཤིན་ཏུ་ནོན་རྣམ་པར་ཚོགས། རྣམ་པར་ཚོགས། འགུལ་མི་ནུས་པར་རྒྱོབ་རྒྱོབ་ཅེས་བྱའོ། །བསམ་གཏན་རྡོ་རྗེ་ཐོགས་པ་ཡིས། །གདུལ་བྱའི་སྟེང་ནས་དབབ་པར་བྱ། །འོག་ཏུ་མེ་ཡི་འཁོར་ལོ་བསམ། །
[105a.4]ཞེས་པ་ལ། བསམ་གཏན་ནི་རང་རྩ་བའི་དཀྱིལ་འཁོར་གསལ་བའོ། །ཁྲོ་བོ་རྣམས་ཀྱི་སྤྲུལ་པ། རྡོ་རྗེ་དང་ཐོ་བ་ཐོགས་པའོ། །གདུལ་བྱ་ནི་སྟེང་ནས་ཁྲོ་བོ་རྣམས་ཀྱིས་ཆར་འབེབས་པའོ། །འོག་ཏུ་མེ་ཡི་འཁོར་ལོ་བསམ། །ཞེས་པ་ལ། གྲུ་གསུམ་གདེངས་པར་དམྱལ་
[105a.5]བའི་སྡུག་བསྔལ་དང་འདྲ་བར། ས་གཞི་མེ་འབར་བ་ན། བསྒྲུབ་བྱའི་ལྟེ་བ་ནས་ཀྱང་མེ་འབར་ཏེ་བསྲེག་པའོ། །མེ་དཔུང་ཆེན་པོའི་ཏིང་འཛིན་གྱིས། །མེ་འབར་ཀློང་ཆེན་དཀྱིལ་དུ་གཟིར། །ཞེས་པ་ལ། མེ་དཔུང་ནི་དུས་མཐའི་མེ་བས་ཆེ་བས་སྲེག་པར་འགྱུར། གཟིར་བ་ནི་
[105a.6]ཁྲོ་བོ་དང་མཚོན་ཆ་དང་འོད་ཟེར་རོ། །དེ་ཡང་བདག་གི་ཏིང་ངེ་འཛིན་རབ་གསལ་བས། ལས་ཀྱི་ས་གཞི་མེ་འབར་བའི་སྟེང་ནས་མཚོན་ཆའི་ཆར་བབས་པས། དེ་དང་བྲལ་བར་ཐེ་ཚོམ་མེད། །ཅེས་གསུངས་སོ། །ཡུངས་ཀར་དང་ནི་ཡུངས་ནག་གམ། །སྐྱེ་ཚེས་
[105a.7]བརྡེག་ཅིང་ཁྲོ་བོ་སྤྲོས། །ཞེས་པ་ལ། ཡུངས་ཀར་ལ་སོགས་པའི་ཡིག་འབྲུ་ཁྲོ་བོ་མཚོན་ཆ་ཐོགས་པར་སྤྲོས་ཏེ་གཟིར་བ་ནི་ཁྲོ་བོ་རྣམས་ཞེས་མན་ངག་ཏུ་བསྟན་ཏེ། སྔགས་གོང་མ་དང་འབྲེལ། །ཁྲ་སྤྱན་ལ་སོགས་རྩ་བའི་གསོབ་གདབ་ཅིང་ཁྲོ་བོའི་སྤྲུལ་པ་སྤྲོ། ཞེས་
[105b]
[105b.1]པ་ལ། ཁྲ་དང་ཀླག་དང་འུག་རྒོད་དང་། ཕོ་རོག་བྱ་གཅན་ལྔའི་ཐུན་གྱིས་བྲབ་ཅིང་སྲོག་ཅོག་ནན་རྦད་ལུས་རྡུལ་མཱ་ར་ཡ་ཕཊ་ཅེས་བརྗོད་ནས། བྱ་ཁྱུང་གི་སྤྲུལ་པ་མང་པོས་གསང་ཅིང་གཟིར་བའོ། །གཅན་གཟན་སྣ་ཚོགས་མཆུ་སྡེར་དང་། །མཆུ་སྡེར་འབྲད་ཅིང་སྤྲུལ་པ་སྟོན། །
[105b.2]ཞེས་པ་ལ། སྟག་དང་སེང་གེ་དྲེད་དང་ནི། །བྱི་ལ་སྤྱང་ཀིའི་སྡེར་མོས་བྲད་ཅིང་ཁྲོ་བོ་མང་པོས་གཅན་གཟན་དང་འདྲ་བས་ཤ་དང་རུས་པ་འབྱེད་པའོ། །མྱུར་དུ་ཐར་བ་ནི་ཀླུའི་ནད་ལས་མྱུར་དུ་ཐར་བའོ། །ལེའུ་བཅུ་གཅིག་པ་ནི་གྲངས་ཀྱི་བཅུ་གཅིག་པའོ། །ལག་ན་རྡོ་རྗེ་རྩ་བའི་རྒྱུད་རྒྱ་ཆེར་བཤད་པ་ལས་ལེའུ་བཅུ་
[105b.3]གཅིག་པའི་བཤད་པའོ།། །།ཀླུ་གཟིར་བ་བསྟན་ཀྱང་མཆོད་པ་མེད་ན་དོན་མི་འགྲུབ་པས་མཆོད་པ་བསྟན་ཏོ། །དེ་ནས་འཕགས་པ་གོས་སྔོན་ཅན་གྱིས། ཉིད་ཀྱིས་མཆོད་ཕུལ་བས། །ཞེས་པ་ལ། འཕགས་པ་གོས་སྔོན་ནི་གོང་དུ་བསྟན་ཏོ། །ཉིད་ལ་ཉིད་ཀྱིས་མཆོད་པ་ཕུལ་བ་
[105b.4]ནི། །འཁོར་གྱིས་གཙོ་བོ་མཉེས་པ་དང་། །གཙོ་བོས་འཁོར་མཉེས་པ་དང་། རང་གིས་རང་མཉེས་པ་དང་། སེམས་ཅན་ཚོགས་རྣམས་བསགས་པའི་ཕྱིར། །ཉིད་ཀྱིས་ཉིད་ལ་མཆོད་པ་ལ། །འདི་ཡང་མཆོད་པ་ཆེན་པོ་སྟེ། །མི་དམིགས་བློ་ཡིས་རབ་ཟིན་པས། །བླ་མེད་མཆོད་
[105b.5]པ་ཞེས་སུ་གྲགས། །ཞེས་ལག་ན་རྡོ་རྗེ་རྒྱུད་ཕྱི་མ་ལས་གསུངས་སོ། །ཧཱུཾ་རྡོ་རྗེ་བདུག་པ་མ་ཧཱུཾ་ཞེས་པ་ནས། བཛྲ་ཨཱ་ལོ་ཀེའི་བར་གྱིས་ཕྱིའི་མཆོད་པ་བསྟན་ཏེ། དེ་ཡང་དང་པོ་སྤྱན་དྲང་གདན་དབུལ། ཕྱི་ནང་གི་མཆོད་པ་མང་པོ་ཕུལ་མཉེས་པར་བྱས་ཏེ་སྡིག་པ་བཤགས་
[105b.6]ཤིང་དགེ་རྩ་བསྔོ་ཞེས་གསུངས་སོ། །བཅོམ་ལྡན་ཆོས་དབྱིངས་རང་བཞིན་སྐྱོན་བྲལ་བ། །ཆོས་ཀྱི་དབྱིངས་ལས་བསྐྱོད་པ་མི་མངའ་ཡང་། །སྒྲུབ་སོགས་སེམས་ཅན་རྣམས་ལ་སྨན་བྱའི་ཕྱིར། །འགྲོ་མགོན་སྤྲུལ་པའི་ཚུལ་སྟོན་གཤེགས་སུ་གསོལ། །ཛཿཧཱུཾ་བཾ་ཧོཿ།
[105b.7]སེངྒེ་གླང་ཆེན་འཁོར་ལོ་པདྨ་ཉི་ཟླ་ཁྲི་ཡི་གདན། །རབ་ཏུ་མཛེས་པའི་གདན་མཆོག་དྲི་མེད་དབྱངས། །མཐུ་ལྡན་རྡོ་རྗེ་བསྣམས་ལ་ལེགས་འབུལ་ལོ། །འགྲོ་མགོན་མི་མཆོག་གདན་ལ་བཞུགས་སུ་གསོལ། །མེ་ཏོག་དམ་པ་ཞབས་འོག་འདོར། །གདན་གྱི་མཆོད་
[106a]
[106a.1]པའི་རིམ་པའོ། །བླ་མ་རང་བཞིན་གསང་བའི་དཀྱིལ་འཁོར་ནས། །ཐུབ་པ་རྒྱུད་རྣམས་ཀུན་གྱི་སྡུད་པ་པོ། །ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པ། །བཅོམ་ལྡན་རྡོ་རྗེ་བསྣམས་ལ་སྐྱབས་སུ་མཆི། །ཞེས་པ་ཚིག་གི་རྟེན་ཁྱད་པར་ཅན་
[106a.2]འཚལ་ཏེ། །བདུག་སྤོས་ཐོགས་པའི་ལྷ་མོ་སེར་མོ་དང་། མེ་ཏོག་ཐོགས་པའི་དཀར་མོ་དང་། །མར་མེ་ཐོགས་པའི་དམར་མོ་དང་། །དྲི་ཆབ་ཐོགས་པའི་ལྗང་གུ་སྟེ། །སྔགས་ནི་མངོན་སུམ་དུ་རྒྱུད་དུ་གསུངས་པས་མ་བྲིས་སོ། །ནང་གི་ལཱ་སྱེ་མཱ་ལེ་གཱི་ཏི་དྲྀ་ཏི་སྟེ། གཙོ་བོ་ཡང་ཡོངས་
[106a.3]སུ་ཤེས་ཏེ་ནང་གི་ཉམས་དང་མཐུན་པར་མཆོད་ཅིང་བསྟོད་པའི་ཕྱིར་རོ། །ཉི་ཤུ་མཆོད་པ་དང་། བཀྲ་ཤིས་རྟགས་བརྒྱད། རིན་པོ་ཆེ་སྣ་བདུན་ལ་སོགས་པ་ཡང་ཕྱི་རྒྱུད་དང་། མཐུན་པར་མཆོད་དོ། །ཇི་སྲིད་ཐམས་ཅད་མཆོད་པ་ཆེ། །ཇི་སྲིད་མཆོད་པ་བདེ་བ་ཆེ། །ཞེས་བསྟན་པ་ལ། ཇི་
[106a.4]སྲིད་ཐམས་ཅད་ནི་ཕྱི་རྫས་མ་ལུས་པ་སྟེ། བདུག་པ་དང་། མེ་ཏོག་དང་། མར་མེ་དང་། དྲི་ཆབ་དང་། ཞལ་ཟས་ལ་སོགས་པས་མཆོད་ཅེས་པའོ། །ཇི་སྲིད་བདེ་བ་ཆེ་བ་ནི། །ལྷ་མོ་དཀར་དམར་སེར་ལྗང་གུ། །མཐིང་གས་བྱང་སེམས་ཤ་ཆེན་དང་། །རཀྟ་བ་ལ་དྲི་ཆེན་
[106a.5]གྱིས། །རང་གི་ཉམས་སུ་བདེ་བ་བསྐྱེད། །ཅེས་གསུངས་སོ། །ཇི་སྲིད་མཆོད་པ་བླ་ན་མེད། །ཇི་སྲིད་མཆོད་པ་ཡང་དག་ཆེ། །ཞེས་པ་ལ། ཇི་སྲིད་བླ་མེད་ནི་ཐབས་ཤེས་རབ་ཟུང་དུ་འབྲེལ་བའི་མཆོད་པ། རྒྱས་བཏབ་གཉིས་སུ་མེད་པའོ། །ཇི་སྲིད་ཡང་དག་ནི་མི་དམིགས་པའི་
[106a.6]མཆོད་པའོ། །དེས་མཆོད་པའི་གཙོ་བོ་ཡང་བསྟན་ཏོ། །དེ་ནས་སྡིག་པ་བཤགས་པའི་ཆོ་ག་བྱ་བར་ཡང་གསུངས་ཏེ། སྡིག་པ་ཕྱིས་མི་བྱེད་པའི་ཕྱིར། བླ་མེད་དཀོན་མཆོག་གསུམ་པོ་དང་། །བཅོམ་ལྡན་ཕྱག་ན་རྡོ་རྗེ་དང་། །འཁོར་བཅས་མ་ལུས་ཐམས་ཅད་ཀུན། །
[106a.7]བདག་ལ་དགོངས་ནས་གཟིགས་སུ་གསོལ། །ཇི་ལྟར་དུས་གསུམ་སངས་རྒྱས་ཀྱིས། །ཡང་དག་བྱང་ཆུབ་ངེས་མཛད་པའོ། །རྣམ་གསུམ་ཚུལ་ཁྲིམས་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་
[106b]
[106b.1]བརྟན་པོར་གཟུང་བར་བགྱི། །དཀོན་མཆོག་དམ་པ་བླ་ན་མེད། །དེང་ནས་བརྩམས་ཏེ་གཟུང་བར་བགྱི། །རྡོ་རྗེ་རིགས་མཆོག་ཆེན་པོ་ཡི། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་
[106b.2]ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་དུ་ལན་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་མཆོག་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ཀྱང་སོ་སོར་གཟུང་། །ལས་ཀྱི་རིགས་
[106b.3]མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །བླ་ན་མེད་པའི་བྱང་ཆུབ་སེམས། །དམ་པ་བདག་གིས་བསྐྱེད་པར་བགྱི། །སེམས་ཅན་ཀུན་གྱི་དོན་གྱི་ཕྱིར། །སྡོམ་པ་མ་ལུས་བདག་གིས་གཟུང་། །མ་བསྒྲལ་བ་ནི་བདག་གིས་
[106b.4]བསྒྲལ། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱུང་བ་དབུགས་ཕྱུང་བགྱི། །སེམས་ཅན་དམ་པའི་དོན་ལ་དགོད། །དཀྱིལ་འཁོར་མེ་ཏོག་སྔོན་པོར་བཅས། །རྡོ་རྗེ་བསྣམས་ལ་དབུལ་བར་བགྱི། །བདུད་རྩི་རྣམ་ལྔའི་གཏོར་མ་སོགས། །རྣམ་པ་ཀུན་དུ་
[106b.5]བསྟེན་པར་བགྱི། །ཆང་གིས་འཇིག་རྟེན་མྱོས་འགྱུར་ཏེ། །ཆང་གིས་མྱོས་འགྱུར་བདག་གིས་སྤང་བར་བགྱི། །སེམས་ཅན་མ་ལུས་དོན་གྱི་ཕྱིར། །སྙིང་རྗེ་ཆེན་པོ་བདག་གིས་བསྐྱེད། །ཤེས་རབ་སྟོང་པ་ཉིད་རྣམས་ལ། །རྣམ་པ་ཀུན་དུ་སྨད་མི་བྱ། །སེམས་ཅན་བདེ་བ་
[106b.6]ཡིད་མི་དཀྲུག །ཅེས་པ་ལན་གསུམ་གྱིས་སྔོམ་པ་གཟུང་སྟེ། ཕྱིས་མི་བྱེད་པར་དམ་བཅའ་བའོ། །སྔོམ་པ་བླང་བ་ནི་ཁྲིམས་ལས་འདུག་པ་དང་འདྲ་བར་བསྟན་ཏེ་ཉེས་པ་ཡོད་པའི་ཕྱིར་རོ། །དེ་ནས་སྨོན་ལམ་གསུམ་གྱི་ཚུལ་དུ་བསྔོ་བ་ནི། །བྱང་ཆུབ་སེམས་དཔའ་
[106b.7]རྣམས་ཀྱི་ལམ་མོ། །དེ་ནི་དགེ་བའི་ཕྱོགས་གཞན་ཡང་ཡོངས་སུ་བཟུང་ངོ་། །ཨེ་མའོ་ནི་དགྱེས་པ་དང་ངོ་མཚར་བའོ། །ལེའུ་བཅུ་གཉིས་པ་ནི་གྲངས་ཀྱི་བཅུ་གཉིས་པའོ། །ལག་ན་རྡོ་རྗེ་རྩེ་བའི་རྒྱུད་རྒྱ་ཆེར་བཤད་པ་ལས་ལེའུ་བཅུ་གཉིས་པའི་བཤད་པའོ།། །།
[107a]
[107a.1]གྲོགས་སྤྱོད་བསྟན་ཀྱང་ཞི་དྲག་དང་འབྱུང་བ་བཞིས་བསྟོད་པ་མ་བསྟན་ན་འགྲུབ་པར་མི་འགྱུར་བས་དེ་ལ་དེ་བསྟན་ཏོ། །དེ་ནས་གཞན་ཡང་བཤད་བྱ་སྟེ། །བཅོམ་ལྡན་གསང་བདག་གོས་སྔོན་ཅན། །ཞེས་པ་ལ། དེ་ནས་ནི་ལེའུ་བཅུ་གཉིས་པའི་རྟིང་
[107a.2]དེ་ནས་སོ། །གཞན་ནི་ཞི་དྲག་གིས་ཀླུ་འདུལ་བའི་བསྟོད་པ་དང་། འཁོར་ལོ་བཞིས་བསྟོད་པ་བསྟན་ཏོ། །བཅོམ་ལྡན་གསང་བདག་ནི། བདུད་བཞི་འཇོམས་ཤིང་ཡེ་ཤེས་ལྔ་དང་ལྡན་པའོ། །དེས་ནི་སྐུ་གསུང་ཐུགས་ཀྱི་བདག་པོའི་རྡོ་རྗེ་རྣམས་ཡིན་པར་རབ་སྟན་ཏོ། །བསྡུ་
[107a.3]བའི་ཐབས་ཀྱི་ཏིང་ངེ་འཛིན། །འཁོར་གྱི་ཀླུ་རྣམས་སྡུད་མཛད་ནས། །ཞེས་པ་ལ། བསྡུ་ཐབས་ནི་སྔོན་རི་རབ་ཀྱི་རྩེ་ལ་གནོད་སྦྱིན་དང་ཀླུའི་རིགས་འདུལ་བའི་ཚེ། ཀླུ་དང་གནོད་སྦྱིན་རྣམས་བསྡུ་བ་མཛད་ཅེས་བསྟན་ཏོ། །མེ་ཡི་འཁོར་ལོར་སྙོམས་ཞུགས་ནས། །གསང་བ་
[107a.4]མེ་ཡི་སྔགས་བཟླས་པས། །ཞེས་པ་ལ། མེའི་སྙོམས་ཞུགས་ནི། བཅོམ་ལྡན་འདས་ཀྱིས་མེ་བརྒྱད་ཀྱི་འཁོར་ལོར་སྙོམས་པར་ཞུགས་ཏེ། ཀླུ་རྣམས་སྐྲག་པར་བྱ་བའི་དོན། མེའི་རང་བཞིན་མེའི་སྔགས་བཟླས་པས། ཀླུ་རྣམས་འདུལ་བར་ཚིག་འོག་མ་རྣམས་དང་འབྲེལ་ཏོ། །
[107a.5]ཀླུ་རྣམས་མ་ལུས་ཚིམ་པར་མཛད། །བྲལ་ནས་དཔག་ཚད་གནས་སུ་བྲོས། །ཞེས་པ་ལས། བཅོམ་ལྡན་འདས་མེའི་ཏིང་ངེ་འཛིན་ལ་སྙོམས་པར་ཞུགས་པ། འཁོར་གྱི་ཀླུ་རྣམས་ལ་འདིར་གནས་ན་མེ་ཡིས་འཆི་བའི་འཇིགས་པ་འབྱུང་བར་འགྱུར་སྙམ་པའི་འཇིགས་པ་འབྱུང་།
[107a.6]དེ་ནས། བདག་གི་འཁོར་ན་མི་གནས་པར་འབྲོས་ཏེ་འགྲོ། །བོག་སྟེ་འགྲོ་བ་ནི་དཔག་ཚད་དང་རྒྱང་གྲགས་སུ་འབྱེར་བའོ། །སླར་འདུས་བདུད་རྩི་སྨན་གྱིས་གསོ། །ལས་བཅོལ་སོ་སོའི་གནས་སུ་དགོད། །ཅེས་པ་ལ། སླར་ཞི་བའི་ཐུགས་རྗེས་བསྡུས་ཏེ་ཡེ་ཤེས་བདུད་རྩིས་
[107a.7]གསོས་ཏེ། གནོད་པ་མ་བྱེད་པར་བཀའ་བསྒོ་ནས། རང་རང་གི་གནས་སུ་བསྐྱལ་ཞེས་པའོ། །དེ་བཞིན་དུ་ཀླུའི་གདོན་གྱིས་ཉེན་པ་རྣམས་ལ་ནི། མེའི་ཏིང་ངེ་འཛིན་མེ་བརྒྱད་ཀྱི་འཁོར་ལོ་ལ་གནས་ནས་མེའི་སྔགས་བཟླས་པས། འཆི་སྙམ་པའི་འཇིགས་པ་དང་བྲལ་ཞིང་
[107b]
[107b.1]འགྲོ། དཔག་ཚད་དུ་བྱེར་ཞིང་འགྲོ་ཞེས་པའོ། །གནོད་པ་མི་བྱེད་པའམ་དམ་ལ་ཐོགས་པའི་ཀླུ་རྣམས་ལ་ནི་སླར་བདུད་རྩི་སྨན་གྱིས་གསོ། དེ་ནས་ཀླུ་ནད་གསོ་བ་རྣམས་ཀྱི་ནང་ན་ནི་མེ་ཡིས་གསོ་བ། དགེ་སློང་ཀླུའི་བྱང་ཆུབ་ཀྱིས་གསུངས་པ་བདེན་པའོ། །མི་སླུ་བའོ། །དེ་ནས་
[107b.2]འཁོར་རྣམས་ཀྱི་ནང་ནས་ཁམས་གསུམ་རྣམ་པར་རྒྱལ་བ་སྟན་ལས་ལངས་ཏེ། འབྱུང་བ་བཞིའི་བསྟོད་པ་གསུངས་པ། ཐལ་མོ་སྦྱར་བ་ནི་དངོས་ཏེ། པུས་མོ་བཙུགས་པའོ། །མོ་བརྒྱད་འཁོར་ལོ་བདག་ཉིད་ཆེ། །རྟག་ཏུ་མེ་ཡི་ཏིང་འཛིན་ལ། །སྙོམས་འཇུག་ཁྱོད་ནི་རྒྱལ་གྱུར་ཅིག །ཅེས་པ་ལ་
[107b.3]གནས་བརྒྱད་ཀ་རྐང་མཐིལ་གཉིས། ལག་མཐིལ་གཉིས་དཔྱི་མིག་གཉིས། གསང་བ་དང་མགྲིན་པ་གཉིས་ཏེ་བརྒྱད་ནས་རཾ་ལས་བྱུང་བའི་དམར་སེར་བརྒྱད་གནས་པའོ། །དེས་བསྲེགས་པས་ན་འཆི་བའོ། །རྟག་ཏུ་ནི་དེའི་ཏིང་ངེ་འཛིན་ལ་གནས་ན་སྙོམས་པར་ཞུགས་ནས་བརྒྱལ་ཞིང་
[107b.4]འཇིགས་པ་སྟེ། ལྷན་ཅིག་མི་གནས་པའི་འགལ་བ་བཞིན་ནོ། །བདེ་བའི་རོལ་མོ་མེ་ཀློང་དུ། །སྲེག་མཛད་མེ་བརྒྱད་ཁྱོད་ཕྱག་འཚལ། །རང་བཞིན་མངའ་བདག་ཁྱོད་ཕྱག་འཚལ། །ཞེས་པ་ལས། བདེ་བའི་རོལ་མོ་མེ་ཀློང་ནི་ཡེ་ཤེས་ཀྱི་མེ་དང་ལྡན་པས་ཉོན་མོངས་པ་
[107b.5]སྲེག་པའོ། །སྲེག་པ་ནི་ནད་དང་ཉོན་མོངས་པའོ། །ཡང་སྨིན་ཅིང་སེལ་བས་ན་མེ་ལ་ཕྱག་འཚལ་ལོ། །དེས་ནི་ཁྱོད་ལས་མི་འདའ་བར་སྟོན་ཏོ། །རང་བཞིན་ནུས་པ་དེ་ཡོད་པས་ཁྱོད་ཕྱག་འཚལ་ཞེས་བྱའོ། །ཆུ་ཡི་ངང་ལ་གནས་དོད་ན། །ཆུ་བརྒྱད་ཏིང་འཛིན་ལ་
[107b.6]གནས་ཏེ། །ཞེས་པ་ལ། དེ་དང་འདྲ་བའི་ནད་དང་ཉོན་མོངས་པ་ཞི་བར་འདོད་ན། ཆུ་བརྒྱད་ནི་གོང་གི་གནས་བརྒྱད་དུ་བཾ་དཀར་པོ་ལས་ཆུ་བསྒོམས་པས་ནད་སེལ། དེ་ཚེ་འཁོར་གྱིས་འདི་སྐད་བསྟོད། །ཆུ་བརྒྱད་འཁོར་ལོ་བདག་ཉིད་ཆེ། །རྟག་པར་ཆུ་ཡི་དཀྱིལ་འཁོར་
[107b.7]ཅན། །ཞེས་པ་ལ། འཁོར་རྣམས་ནི་རྣམ་པར་རྒྱལ་བ་ལ་སོགས་པའོ། །དེས་ནུས་པ་ཆུ་དང་འདྲ་བའི་སྒོ་ནས་བསྟོད། ཆུ་བརྒྱད་འཁོར་ལོ་ནི་གནས་བརྒྱད་ནས་ཁྲུང་པའོ། །རྟག་ཏུ་འཁྲུང་པར་བྱེད་པའི་ནུས་པ་ཡོད་པས། ཆུའི་དཀྱིལ་འཁོར་ཅན་ནོ། །འབྱུང་བའི་གཙོ་
[108a]
[108a.1]བོ་ཆུ་ཡི་བདག །མངའ་བདག་གཙོ་བོ་ཁྱོད་ཕྱག་འཚལ། །ཞེས་པ་ནི། འབྱུང་བའི་གཙོ་བོ་ཆུ་ཡིན་ཏེ། དེ་དག་གི་གཙོ་བོ་གོས་སྔོན་པོ་ཡང་དེ་དང་འདྲ་ཞེས་སོ། །མངའ་བདག་གི་གཙོ་བོ་ཁྱོད་རང་བཞིན་ནམ་ནུས་པ་དེ་དང་ལྡན་པས་ཁྱོད་ཕྱག་འཚལ་ལོ། །རླུང་
[108a.2]བརྒྱད་ཏིང་འཛིན་ལ་གནས་པས། །འཐོར་ཞིང་འབུད་པའི་བདག་ཉིད་ཆེ། །ཞེས་པས་ནི་གནས་བརྒྱད་དུ་བསྲེགས་པའི་ཤུལ་རླུང་བརྒྱད་ཀྱིས་འཐོར་བའོ། །གཞན་དེའི་ནུས་པའི་དུག་འཐོར་བ་སྟེ་གོང་མའོ། །འཐོར་ཞིང་འབུད་པས་ན་རླུང་དང་འདྲ་བའི་ནུས་པས་འཐོར་
[108a.3]ཞེས་པའོ། །ཆེ་བ་སྟེ་སྤོབས་པ་དང་ལྡན་པའོ། །རླུང་ཆེན་དྲག་པོ་རྩལ་ཤུགས་ཅན། །རླུང་ལྷ་གོས་སྔོན་ཁྱོད་ཕྱག་འཚལ། །ཞེས་པ་ལ། ཆེན་པོ་ནི་ཡེ་ཤེས་ཀྱི་རླུང་ངོ་། །དྲག་པོ་རྩལ་ཤུགས་ནི་ཐོགས་པ་མེད་པའོ། །རླུང་ལྷ་གོས་སྔོན་ཅན་ནི། །དངོས་ཏེ་དེ་ལ་དེའི་ནུས་པ་ཡོད་
[108a.4]པའི་ཕྱིར་རོ། །ས་ཡི་དཀྱིལ་འཁོར་ལ་གནས་ནས། །མི་གཡོ་བརྟན་པའི་ལས་མཛད་པ། །ཞེས་པ་ལ། ས་ནི་གཞན་གྱི་ནུས་པ་གནོན་པ་སྟེ་གཞན་གྱི་ནུས་པ་གནོན་པའི་ཚེས་དང་འདྲ་བ་ལ་གནས་ཞེས་བྱའོ། །མི་གཡོ་བ་ནི་བདག་ཉིད་ལ་ཚུར་ལ་མི་བརྫི་བའོ། །བརྟན་པ་ནི་
[108a.5]མིས་མི་ལྡང་ཞེས་པའོ། །གསེར་ལྡན་རོལ་མོ་སྣ་ཚོགས་བདག །ས་བདག་འཁོར་བདག་ཁྱོད་ཕྱག་འཚལ། །ཞེས་པ་ལ། གནོན་པའི་ཚེ་གསེར་གྱི་འཁོར་ལོ་དང་འདྲ་བའི་ཕྱིར་ཏེ། རོལ་མོ་ནི་དེས་སྣང་བའོ། །སྣ་ཚོགས་ནི་འབྱུང་བ་བཞིས་འདུལ་བའོ། །ས་བརྒྱད་ཀྱི་འཁོར་
[108a.6]ལོ་གནས་བརྒྱད་དུའོ། །ཁྱོད་ནི་དེའི་རང་བཞིན་ཡིན་པས་ཕྱག་འཚལ་ལོ། །ལེའུ་བཅུ་གསུམ་པ་ནི་གྲངས་ཀྱི་བཅུ་གསུམ་པའོ། །ལག་ན་རྡོ་རྗེ་རྩ་བའི་རྒྱུད་ལས་ལེའུ་བཅུ་གསུམ་པའི་རྣམ་པར་བཤད་པའོ།། །།དེ་ལྟར་བསྐྱེད་པ་དང་གྲོགས་སྤྱོད་བསྟན་ཀྱང་། རྫོགས་རིམ་མ་བསྟན་ན་འགྲུབ་པར་
[108a.7]མི་འགྱུར་བས་དེ་བསྟན་ཏོ། །དེ་ནས་དཔལ་ལྡན་གོས་སྔོན་ཅན། །ཕྲ་མོའི་ཏིང་འཛིན་ལ་གནས་པ། །ཞེས་པ་ལ། དེ་ནས་ལེའུ་བཅུ་གསུམ་པ་སོང་བའི་རྟིང་དེ་ནས། ཡོན་ཏན་གཉིས་དང་ལྡན་པའི་གོས་སྔོན་ཅན་དེས། ཕྲ་མོའི་ཏིང་ངེ་འཛིན་ནི་དཔེའི་ཡེ་
[108b]
[108b.1]ཤེས་དང་། ལས་དང་ལམ་གྱི་ཡེ་ཤེས་མ་ཡིན་ཏེ། འབྲས་བུ་ཕྱག་རྒྱ་ཆེན་པོ་ལ་གནས་ནས་ཞེས་བཤད་དོ། །ལམ་ཡང་མཚན་བཅས་དང་མཚན་མེད་དོ། །ཕྲ་མོ་སྟོང་ཉིད་གོམས་པའོ། །སྣང་བ་དངོས་སུ་མེད་པ་སྟེ། །སྣང་བ་སྟོང་པའི་རང་བཞིན་ནོ། །སྟོང་ལ་བདེ་བའི་རིག་
[108b.2]པའོ། །དེ་ནི་སྣང་བ་དངོས་སུ་བསྟན། །ཐབས་དང་ཤེས་རབ་ཟུང་དུ་འབྲེལ། །མི་རྟོག་སྤྲོས་བྲལ་གོམས་པ་ནི། །མཚན་མེད་ལམ་དུ་བསྟན་པ་ཡིན། །སྐྱེ་བ་རྨི་ལམ་བར་དོ་ནས། །སྲིད་པ་བར་དོ་གསུམ་དུའོ། །དེ་ཡང་མི་རྟོག་སྤྲོས་བྲལ་ལོ། །དེ་ནི་གསང་བའི་སྲིད་པའི་
[108b.3]ལུང་ལས། །སྲིད་གསུམ་རང་བཞིན་འཕོ་བ་ཡང་། །འབྲས་བུ་ཡང་དག་འབྱིན་པ་སྟེ། །འདི་ནི་རྣམ་ཤེས་འཕོ་འཇུག་གོ། །མཚན་བཅས་ཀུན་བརྟགས་རྩ་རླུང་གི། །འཁོར་གྱི་གནོད་སྦྱིན་མང་པོ་ཀུན། །ཤིན་ཏུ་ཡིད་དགའ་དང་བས་ཞུས། །ཞེས་པ་ལ། འཁོར་གྱི་གནོད་
[108b.4]སྦྱིན་མང་པོ་ཀུན་ནི་གནོད་སྦྱིན་དུ་མའོ། །གོང་དུ་བསྟན་པའི་ཏིང་ངེ་འཛིན་ལ་དགའ་ནས། འཁོར་གྱི་ནང་ནས་རྣམ་པར་རྒྱལ་བཞེས་བྱའོ། །ཕྲ་མོ་ཐིག་ལེ་ཆེན་པོ་ཡིས། །ཅིར་སྣང་དངོས་པོ་གཅིག་ཏུ་འདུས། །དེ་ཉིད་མཐའ་འདས་རང་བཞིན་མེད། །ཅེས་པ་ལ། ཕྲ་མོ་
[108b.5]ཐིག་ལེ་ཆེན་པོ་ནི། །སྤྱི་བོ་དང་ནི་མགྲིན་པ་དང་། །སྙིང་ག་དང་ནི་ལྟེ་བ་དང་། །གཏུམ་མོ་རླུང་གི་འཁོར་ལོ་རྣམས་སོ། །རང་འབྱུང་གི་ཡི་གེ་གནས་པ་ནི་ཐིག་ལེའོ། །ཕྲ་བ་ནི་ཨཱ་ལི་དང་ལྡན་པའི་རྩ་ལ་རླུང་བུས་ཏེ། ཐིག་ལེ་ལས་མེ་འབར་ཏེ་བདེ་བ། ཤིན་ཏུ་བདེ་བ།
[108b.6]མཆོག་ཏུ་བདེ་བ་བསྐྱེད་པ་ནི་ཕྲ་བའོ། །ཏིང་ངེ་འཛིན་དེ་ལ་མིང་དེ་ཡོད་པས་དེ་སྐད་ཅེས་བྱའོ། །ཅི་སྣང་དངོས་པོ་ནི་ཀུན་དུ་རྟོག་པ་ཐམས་ཅད་འབར་བ་སྟོང་པ་ཉིད་དུ་ཞུ་ཞེས་པའོ། །དེ་ཉིད་མཐའ་འདས་ནི་ལམ་ཆོས་ཀྱི་ཕྱག་རྒྱ་འོད་གསལ་ཉམས་སུ་བླངས་པས་དེ་ནི་ལམ་གྱི་འོད་
[108b.7]གསལ་ཞེས་བྱའོ། །རང་བཞིན་མེད་ནི་འབྲས་བུ་ཆོས་ཀྱི་སྐུ་ཐོབ་པའོ། །དངོས་པོ་མཐའ་དང་། བྲལ་བས་རང་བཞིན་མེད་ཅེས་བྱའོ། །ཡུམ་ལྕང་ལོ་ཅན་ལ། སྤྲུལ་པ་བདེ་ཆེན་ལོངས་སྤྱོད་ཆོས། །རླུང་དང་མེ་ལ་རབ་གནས་པས། །མཐའ་འདས་རང་བཞིན་ཆོས་སྐུ་ཐོབ། །ཅེས་
[109a]
[109a.1]གསུངས་སོ། །དེ་ནས་དཔལ་ལྡན་གོས་སྔོན་ཅན། །བླ་མེད་རྫོགས་པའི་ཀློང་ཆེན་དུ། །འདོད་ཆགས་ཏིང་འཛིན་ལ་གནས་པ། །ཞེས་པ་ལས། སེམས་ཅན་ཆགས་པ་ཅན་དྲངས་པའི་ཕྱིར། །ཐབས་དང་ཤེས་རབ་ཀྱི་སྤྱོད་པ་བསྟན་ཏེ། རི་རབ་ཀྱི་རྩེ་ལ་
[109a.2]དཔལ་ལྡན་གོས་སྔོན་ཅན་ནི་ཁྲོ་མོ་རྡོ་རྗེ་སྲེག་མ་དང་སྙོམས་པར་ཞུགས་པའི་ཚུལ་བསྟན་ཏོ། །སངས་རྒྱས་གོས་སྔོན་ཅན་ནི་རྡོ་རྗེ་གསང་བ་མོ་དང་སྙོམས་པར་ཞུགས་སོ། །རིན་པོ་ཆེའི་མཚན་གོས་སྔོན་ཅན་ནི་རྡོ་རྗེ་ཞི་བ་མོ་དང་སྙོམས་པར་ཞུགས་སོ། །པདྨ་གོས་སྔོན་ཅན་ནི་ཁྲོ་མོ་
[109a.3]དག་བྱེད་མ་དང་སྙོམས་པར་ཞུགས་སོ། །ལས་ཀྱི་གོས་སྔོན་ཅན་ནི་རྡོ་རྗེ་རྒྱལ་བ་མོ་དང་སྙོམས་པར་ཞུགས་སོ། །དེ་དགའ་བ་བཞི་རྣམ་པར་དག་པ་སྐྱེ་བའི་ཚུལ་བསྟན་ཏེ། དེ་ནི་འདོད་པ་ལ་ཞེན་པ་རྣམས་རབ་ཏུ་འཇོམས་པའོ། །ལུང་ལས་རྡོ་རྗེ་ཁྲོ་བོ་རྣམས་དང་སྦྱོར། །གཞན་ལ་བདེ་བ་འཕྲོ་
[109a.4]འདུ་བྱ། །འོ་དང་འཁྱུད་པ་ལ་སོགས་པ། །དགའ་བཞིའི་ཚུལ་དང་ཡང་དག་ལྡན། །དེས་ཀྱང་རྣམ་པར་གྲོལ་བར་འགྱུར། །ཞེས་པའོ། །འཁོར་གྱི་གནོད་སྦྱིན་མང་པོ་ཀུན། །གནས་དང་དུས་དང་རྒྱལ་བ་ལས། །ཞེས་པ་ལ། འཁོར་གྱི་གནོད་སྦྱིན་མང་པོ་ཆགས་པ་དང་བྲལ་བའི་
[109a.5]རིགས་སོ། །དེ་ལྟ་བུའི་སྤྱོད་པས་སངས་རྒྱས་མཐོང་བས་འདི་ནི་ཐ་མལ་པ་སྤྱོད་པའི་འཁོར་བའི་ལམ་ཞེས་སྨྲ་ཞིང་སྔངས་པ་དང་། དུས་ཐོབ་པའི་ཐབས་མེད་དོ་ཞེས་ཟེར་ནས་བརྒྱལ་བའོ། །བསླང་སྟེ་བླ་མེད་དོན་བསྟན་པས། །ཐམས་ཅད་འདོད་ཆགས་མངོན་སངས་རྒྱས། །ཞེས་
[109a.6]པ་ལ། བཾ་སཾ་ས་མ་ཡ་ཧོ། །ཞེས་བརྗོད་ནས་བརྒྱལ་བ་ཀུན་བསླངས། བླ་ན་མེད་པ་ཕོ་ཉའི་ལམ་དགའ་བ་བཞི་དངོས་པོ་ལམ་སྟོང་པ་ཉིད་བཞི་ལམ་ལ་བཙུད་པས་ཆགས་པ་དང་བྲལ་བའི་གནོད་སྦྱིན་ཀུན་ཕོ་ཉའི་ལམ་ལས་སངས་རྒྱས་ཤིང་འབྲས་བུ་ཐོབ་བོ། །དེས་ན་འདོད་ཆགས་མངོན་
[109a.7]སངས་རྒྱས་ཞེས་བྱའོ། །འཁོར་གྱིས་སྐུ་ལ་བསྟོད་པ་ནི། །འཁོར་ལྷག་མ་རྣམས་ཡི་རངས་ཏེ། །བསྟོད་པ་གསུངས་པ་ཀྱེ་ཧོ་ཞེས་གཙོ་བོ་ཡེ་ཤེས་ལ་བསྟོད་དོ། །དེ་ནས་བསྟོད་པ་བཞིའི་ངོ་བོས་རྟོགས་པ་ཐམས་ཅད་འདག་པ་སྟེ། བསྟོད་པ་གཅིག་ནི་རྩ་བ་ན་གསལ་བས་མ་བྲིས་སོ། །སྙོམས་
[109b]
[109b.1]བར་འཇུག་པ་ནས་ཐབས་དང་ཤེས་རབ་ཟུང་དུ་འབྲེལ་པའི་མངོན་ཤེས་སེལ་བའི་འདོད་ཆགས་ནི། སངས་རྒྱས་བྱང་ཆུབ་སེམས་དཔའི་ལམ། །བསྟོད་པའི་གནས་སུ་འདི་གསུངས་སོ། །ཞེས་པའོ། །ལེའུ་བཅུ་བཞི་པ་ནི་གྲངས་ཀྱི་བཅུ་བཞི་པའོ། །ལག་ན་རྡོ་རྗེ་རྩེ་བའི་རྒྱུད་རྒྱ་ཆེར་བཤད་པ་ལས་ལེའུ་བཅུ་བཞི་པའི་བཤད་པའོ།། །།
[109b.2]དེ་ནས་འདུས་པའི་འཁོར་རྣམས་ཞེས་པ་ནས་འཁོར་གྱིས་གཙོ་བོ་ལ་བསྟོད་པ་ནས་བླ་མེད་སྐྱབས་མཛད་ཀྱི་བར་ལ། ཁམས་གསུམ་རྣམ་པར་རྒྱལ་བ་ལ་སོགས་པས་གཙོ་བོ་ལ་བསྟོད་པ་བསྟན་ཏེ། ཉམས་སུ་བླང་བ་མེད་པའི་ཕྱིར་དང་། གཙོ་བོ་ལ་མོས་པའི་ཕྱིར་དང་། ཚིག་དོན་ཡིན་
[109b.3]པས་རྒྱུད་དངོས་སུ་བསྟན་པས་བཤད་པ་ནི་མ་བྱས་སོ། །ཡི་རང་བ་ནི་སྟོན་པའི་ཆོས་གསུམ་དུ་བསྟན་པ་ལ་མོས་པས་ཡི་རང་བ་སྟེ། ལྷ་དང་ཀླུ་དང་ལྷ་མ་ཡིན་ལ་སོགས་པ་ཡང་ཡིད་དགའ་བའི་མཆོད་པས་ཁྱབ་པར་གྱུར་ཏོ་ཞེས་བྱ་བ་ལ། ལྷ་ནི་ཚངས་པ་དང་། པཉྩི་ཀ་ལ་སོགས་པའོ། །
[109b.4]ཀླུ་ནི་དགའ་བོ་ལ་སོགས་པའོ། །ལྷ་མ་ཡིན་ནི་ཐགས་བཟངས་ལ་སོགས་པའོ། །མིའམ་ཅི་ནི་རྟ་མགོ་ཅན་དང་། དྲི་ཟ་དང་། སྲིན་པོ་དང་། ནམ་མཁའ་ལྡིང་དང་། ལྟོ་འཕྱེ་ཆེན་པོ་ལ་སོགས་པ་རྣམས་བྱང་ཆུབ་སེམས་དང་ལྡན་ཞིང་། སྟོང་པ་ཉིད་ཀྱི་དོན་ཟབ་མོ་ལ་མོས་པའོ། །
[109b.5]མི་ལ་སོགས་པ་ཐམས་ཅད་འཇིག་པའི་རྟེན་དང་ལྡན་པ་ཐམས་ཅད་བདེ་བ་ལ་བཀོད་དོ་ཞེས་བྱ་བ་ལ། རི་རབ་ཀྱི་རྩེ་ལ་རྒྱུད་འདི་བཤད་པས། དེའི་བྱིན་གྱི་རླབས་ཀྱིས། མི་དང་ལྷ་དང་ཀླུ་དང་ལྷ་མ་ཡིན་ལ་སོགས་པ་རྣམས་ནད་ལས་གྲོལ་བར་གྱུར་ཏོ། །བདེ་གཤེགས་ཞལ་
[109b.6]ནས་གསུངས་པའི་རྒྱུད་རྣམས་ལ། །བཤད་ཅིང་མན་ངག་འགྲེལ་པར་བྱས་པ་རྣམས། །ཀུན་ལ་དོན་དང་ངག་གི་སྐྱོན་རྣམས་ཡོད་པ་སྟེ། །བཟང་པོར་སེམས་ཀྱང་སྐྱོན་ཏེ་དེ་ནི་རང་གི་ཁེངས་པའི་སེམས། །དཔེར་ན་འདམ་གྱི་སེངྒེ་སེངྒེ་ཡིན་ཞེས་ཉ་རྣམས་སྨྲ། ཞེས་
[109b.7]པ་ལྟ་བུའོ། །དེས་ན་འདིར་ནི་རྒྱུད་ཀྱི་དགོངས་པ་ལ། སྐྱེས་དང་ལྷག་པའི་མཐོང་ལས་ཚོགས་པ་གསུམ་དུ་འདུས། བསྐྱེད་པའི་རྒྱས་པ་བསྡུས་དང་ཤིན་ཏུ་བསྡུས་པར་གསུངས། །དེ་ཡང་། རིམ་གྱིས་བསྐྱེད་དང་ཅིག་ཅར་གྱིས། །གང་ཟག་བློ་ཡིས་རིམ་པར་གསུངས། །
[110a]
[110a.1]རྫོགས་པ་གཉིས་སུ་བསྟན་པ་ཡང་། །མཚན་བཅས་དང་ནི་མཚན་མེད་དོ། །མཚན་བཅས་ཀུན་བརྟགས་ལམ་དུ་བྱེད། །རྩ་རླུང་བྱང་ཆུབ་སེམས་ཀྱིས་སུ། །རིམ་གྱིས་ཡེ་ཤེས་སྐྱེ་བར་འདོད། །མཚན་མེད་ཉམས་སུ་སྐྱེ་ལུགས་ཀྱང་། །མི་རྟོག་སྟོང་པ་
[110a.2]ཉམས་སུ་བླང་། །སྟོང་པས་སྟོང་པ་གོམས་པར་བྱེད། །སྐད་ཅིག་གོམས་སོགས་སྤངས་པ་ཡིས། །ལམ་ལྔ་དང་ནི་ལམ་གཉིས་བགྲོད། །འདི་ཡང་གསང་སྔགས་འབྲས་བུ་ལམ། །དྲི་བཅས་དང་ནི་དྲི་མ་མེད། །འདི་ནི་ཐར་པའི་ལམ་ལ་གནས། །དྲི་བཅས་དཔེ་ཡི་ཡེ་
[110a.3]ཤེས་ཚོལ། །དྲོད་དང་རྩེ་མོ་ཆོས་མཆོག་རྣམས། །མ་རྟོགས་མཐོང་ལམ་སྐྱེ་བ་མེད། །མཐོང་ལམ་སྐད་ཅིག་བཅུ་དྲུག་གིས། །མཐོང་སྤངས་ཉོན་མོངས་སྤོང་བར་བྱེད། །གཉེན་པོ་ཡེ་ཤེས་བཅུ་དྲུག་གོ། །ཉི་མ་གྲིབ་མ་ཚུལ་དུ་སྤོང་། །ཆོས་ནི་སྣང་བར་གསལ་བའོ། །
[110a.4]སྐད་ཅིག་ཕྱི་མ་སྣང་བ་མཆེད། །མཐོང་ལམ་ཡེ་ཤེས་མ་མཐོང་མཐོང་། །སྣང་བ་སྟོང་པར་ཐོབ་པའོ། །དྲོད་རྩེ་ལ་སོགས་གཉིས་ཀྱི་རྟེན། །ངེས་པར་བྱེད་པའི་ཆ་བརྒྱད་པོས། །སྒོམ་པ་སྤོང་བའི་ཉོན་མོངས་སྤོང་། །འདི་ནི་དྲོད་སྤང་བསྒོམ་པའི་ལམ། །རྒྱུ་ཡི་ཐེག་པར་རབ་བསྟན་
[110a.5]པའི། །ལམ་ལྔ་རིམ་གྱིས་བགྲོད་མི་དགོས། །འདི་རུ་ལམ་ལྔ་གསུངས་པ་ཡང་། །ཡེ་ཤེས་སྐྱེ་བའི་བགྲོད་ཚུལ་ལོ། །གྲོགས་ནི་ཚོགས་ཀྱི་གཏོར་མ་དང་། །སཱཙྪ་ཀློག་འདོན་ལ་སོགས་པ། །ཞི་གནས་ལྷག་མཐོང་སྐྱེ་བའི་རྒྱུ། །རྒྱུ་ལ་མ་བརྟེན་འབྲས་མེད། །དཔེར་
[110a.6]ན་ནམ་མཁའི་མེ་ཏོག་བཞིན། །འབྱུང་ངོ་ཞེ་ན་ཀུན་བརྟགས་འགྱུར། །དེ་ནི་མི་རིགས་སྨྲ་བ་སྟེ། །རི་བོང་རྭ་སོགས་ཚང་འཇལ་བཞིན། །ལེགས་པར་བསྟན་ཀྱང་དོན་མེད་འགྱུར། །ཡང་གསུངས་པ། རྒྱུ་ལས་འབྲས་བུ་འབྱུང་བ་མེད། །རྒྱུ་ལས་འབྲས་བུ་དངོས་ཡོད་ན། །
[110a.7]རྒྱུ་ལས་འབྲས་བུ་རྟོགས་པར་འགྱུར། །གལ་ཏེ་རྒྱུ་ཡིས་འབྲས་བསྐྱེད་ན། །འབྲས་བུ་དུས་སུ་རྒྱུ་མེད་པས། །རྒྱུ་འབྲས་ལྷན་ཅིག་མི་གནས་པས། །ཕན་ཚུན་སྤངས་པ་མི་གནས་འགྱུར། །ཡང་གསུངས་པ། རྒྱུ་ཡང་མཐོང་ལམ་ཡེ་ཤེས་ཏེ། །དེ་བསྒོམས་མཐར་ཕྱིན་
[110b]
[110b.1]འབྲས་བུའོ། །སྟོང་ཉིད་བདེ་བའི་ཡེ་ཤེས་དང་། །སྐད་ཅིག་གོམས་སོགས་ཉམས་བླངས་པས། །རྒྱུ་འབྲས་གཉིས་མེད་བགྲོད་པ་ནི། །འབྲས་བུ་གསང་སྔགས་ཐོབ་ལུགས་སོ། །སྐད་ཅིག་གོམས་པ་རྒྱུ་ཡིན་ཏེ། །གོམས་པ་མཐར་སྔོན་རྟོགས་པའོ། །རྒྱུ་ལས་རྟེན་
[110b.2]བྱུང་ཤུགས་ཀྱིས་རྟོགས། །དེ་ནི་དངོས་མེད་འབྲས་བུའོ། །ཁོ་བོ་གཞུང་གིས་དེ་སྐད་སྨྲས། །ཡང་གསུངས་པ། བདེན་པ་གཉིས་སུ་རབ་བསྟན་པ། །བློ་ཡི་རྟོགས་ཚུལ་བྱེ་བྲག་གོ། །གཉིས་བྲལ་ཡང་དག་རྟོགས་ཚུལ་ནི། །བླ་མེད་དོན་ལ་གནས་ཞེས་གསུངས། །
[110b.3]དེས་ནི་རྒྱུད་ཀྱི་སྡོམ་ཚིག་ནི། །གཉིས་དང་གསུམ་དུ་འདུས་པར་གསུངས། །བདག་འདྲ་དམན་པའི་གང་ཟག་གིས། །ས་མ་ནོན་ཅིང་ཡི་དམ་ཞལ་མ་མཐོང་། །ཡང་སྤྲུལ་མཁའ་འགྲོ་རྣམས་དང་བདེ་གཤེགས་ལམ། །རང་ཉིད་གོས་སྔོན་ཅན་ལ་མོས་པ་ཡིས། །རང་ལ་བརྟེན་
[110b.4]དང་ཐར་པའི་ལམ། །རང་བས་བློ་ཞན་རྣམས་ལ་ཕན་པར་བྱ་ཕྱིར་དང་། །དུས་གསུམ་སངས་རྒྱས་ཐམས་ཅད་ཀྱི། །དགོངས་པ་མ་ཆད་བྱ་ཕྱིར་དང་། །སྙིང་རྗེ་གཉིས་མེད་སོགས་ཀྱི་མཚམས། །མན་ངག་ཚིག་དོན་རྒྱས་པར་བསྟན། །ཚིག་ལ་ཉེས་པ་མེད་དེ་སྔ་མ་སྔ་དང་གསང་
[110b.5]སྔགས་དག་ཏུ་སྦྱར། །དེ་གཞན་མེད་དེ་འདི་ལ་དགའ་བ་སྐྱེས། །གལ་ཏེ་བདག་གིས་ཁྲོ་ཚིག་དང་། །དོན་ལ་ཉེས་པ་ཤོར་སྲིད་ན། །དུས་གསུམ་རིགས་ལྔའི་བདེ་བར་གཤེགས་པ་དང་། །མཁས་ཤིང་ཤེས་པ་རྣམས་ལ་བཟོད་པར་གསོལ། །དད་པ་ཆེ་ལ་གྱོང་ཁེངས་མེད། །
[110b.6]སྒང་བུ་དམའ་ལ་འགྲོ་དོན་རྩོམ། །སྙིང་རྗེ་ཤེས་རབ་ཆེ་རྩོམ་ཞིང་། །གསང་སྔགས་ཆོས་དང་བླ་མ་ལ་ནི་གུས། །དབང་བསྐུར་ཐོབ་ཅིང་དམ་ཚིག་ལྡན་སོགས་པ། །དེ་ལ་གོང་མའི་མན་ངག་རྒྱུན་མ་ཆད་པར་སྦྱིན། །དེ་མ་བྱིན་ན་གསང་སྔགས་དམ་ཚིག་ཉམས། །ཡང་གསུངས་
[110b.7]པ། རྫོགས་ལྡན་དུས་ཀྱི་ཐ་མ་ལ། །རྩ་བ་དང་ཆད་སྙིང་རྗེ་བྲལ། ཁྭ་ལྟར་མུ་ཅོར་སྨྲ་ཞིང་གསང་སྔགས་ཕྲག་ཁྱེར་བ། །དེ་ལ་སོགས་པ་གང་ཟག་རྣམས་ལ་ནོར་ལ་བལྟས་ཏེ་བྱིན། །འཕེན་བྱེད་ལས་ཀྱིས་འཕངས་ན་རྡོ་རྗེ་དམྱལ་བར་སྐྱེ། །རྫོགས་བྱེད་ལས་ཀྱིས་ངན་སོང་
[111a]
[111a.1]གསུམ་དུ་འཁོར། །ཞེས་རྒྱུད་ནས་གསུངས་སོ། །མནར་མེད་ངན་སོང་དུ་སྐྱེ་འབྲས་བུ་ཚ་གྲང་སྡུག་བསྔལ་མྱོང་། །ཐབས་དང་ཤེས་རབ་ཟུང་འབྲེལ་བའི། །ཉི་ཟླ་ལྟ་བུའི་དམ་ཆོས་འདི། །བདེན་པ་གཉིས་དང་མི་འགལ་གསང་སྔགས་འབྲས་བུའི་ལམ། །ཆོས་
[111a.2]འདི་ལེགས་པར་བྲིས་པས་ཁམས་གསུམ་སེམས་ཅན་རྣམས། །དྲོད་དང་རྩེ་མོ་བཟོད་པའི་ཆོས་ཀྱི་རྩེ། །ཡེ་ཤེས་བཞི་ཡི་ཚུལ་གྱིས་ཉོན་མོངས་སྡུག་བསྔལ་ཞི། །མཐོང་སྒོམ་སྒྲིབ་པ་རྣམས་དང་བྲལ་བ་དང་། །སྡུག་བསྔལ་གསུམ་དང་བརྒྱད་དང་ཡོངས་བྲལ་བའི། །མཛེ་
[111a.3]འབྲས་ནད་དང་བཞི་བརྒྱ་རྩ་བཞི་སོགས། །སྡུག་བསྔལ་རབ་ཞི་མྱུར་དུ་བདེ་བར་ཤོག །བདག་དང་ཁམས་གསུམ་སེམས་ཅན་རྣམས། །སྡུག་བསྔལ་མ་ལུས་རབ་ཞི་ནས། །གོས་སྔོན་དངོས་གྲུབ་ཐོབ་པར་ཤོག །འཕགས་པ་གོས་སྔོན་པོ་ཅན་གྱི་རྩ་བའི་རྒྱུད་ཀྱི་འགྲེལ་པ་
[111a.4]རྫོགས་སོ།། །།སྐྱེ་བ་ལྔ་བརྒྱར་བློ་རབ་སྦྱངས། །སྔགས་ཀྱི་ཐེག་པའི་བསྟན་བཅོས་འདི། །དབུ་མའི་ལྟ་བ་ཡང་དག་སྟེ། །མཁས་བཙུན་རྣམས་ཀྱིས་ཡོངས་སུ་གཟུང་། །སྒྲོལ་མ་གསལ་བ་ཞེས་བྱ་བའི་འགྲེལ་པ་དགེ་སློང་ཀླུའི་བྱང་ཆུབ་ཀྱིས་མཛད་པ་རྫོགས་སོ།། །།
[111a.5]{T2201}༄༅༅། །རྒྱ་གར་སྐད་དུ། སརྦ་ཀལྤ་ས་མུཙྩ་ཡ་ནཱ་མ་དཱིཔྟ། བོད་སྐད་དུ། རྟོག་པ་ཐམས་ཅད་བསྡུས་པའི་སྒྲོན་མ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །སྐྱེ་བོ་ཕལ་ཆེར་འདོད་པའི་ཡུལ་ལ་ཆགས་ཤིང་རང་གི་བདེ་བས་གཞན་གྱི་དོན་དུ་མི་བསྒྲུབ་པ། །དེ་ལ་
[111a.6]གསང་ཕྱིར་ཕྱག་ན་རྡོ་རྗེས་རང་གི་རྒྱུད་དུ་མ་བྱས་སངས་རྒྱས་ཡུལ་དུ་འགྱུར། །གསང་བ་ཉེར་བཀོད་དེ་ཉིད་རྟོག་པ་བསྡུས་དང་མེ་ལྕེ་འབྱེད་སོགས་རྗེས་འབྲངས་ནས། །ཇི་སྲིད་ཀླུ་ཡི་མན་ངག་མ་ཆད་གསང་བའི་བདག་ལ་བཏུད་དེ་བདག་གིས་བཤད། །མངོན་པར་བྱང་ཆུབ་སྐུ་མངའ་བའི། །
[111a.7]གསང་བའི་བདག་པོ་གོས་སྔོན་ཅན། །འཇིག་རྟེན་ལྷ་ལ་སོགས་པས་བསྟོད། །རྡོ་རྗེ་འཆང་བའི་དབང་མཆོག་ཐོབ། །ཉི་མ་དང་འདྲའི་བདག་ཉིད་ཅན། །གཉིས་མེད་ལྷུན་གྲུབ་བདེ་གནས་སུ། །གསང་བདག་གོས་སྔོན་དེར་སངས་རྒྱས། །འོག་མིན་ཆོས་དབྱིངས་ཕོ་བྲང་དུ། །
[111b]
[111b.1]ལོངས་སྤྱོད་རྫོགས་པའི་སྐུ་སྤྲུལ་ནས། །བྱང་ཆུབ་མང་པོའི་འཁོར་དང་བཅས། །སྟོབས་ཆེན་གསང་བའི་དོན་བཀའ་སྩལ། །སྤྲུལ་བའི་སྐུ་ཡི་ཚུལ་བསྟན་ནས། །རི་རབ་རི་ཡི་རྩེ་མོ་ལ། །ལྷ་སྲིན་སྡེ་བརྒྱད་འཁོར་དང་བཅས། །གསང་ཆེན་རྒྱུད་དང་ཐུན་མོང་དག །ལེགས་པར་
[111b.2]བསྟན་པའི་དོན་རྣམས་ལ། །སྡེ་ཚན་ལྔ་ལྔ་ཉི་ཤུ་ལྔ། །མཐའ་དང་ལྷག་པའི་མཐའ་བཅས་པ། །སུམ་ཅུ་རྩ་བཞི་རྩ་བར་ལྡན། །ཡན་ལག་རྒྱུད་ནི་གྲངས་ལས་འདས། །དེ་དག་གསུམ་མམ་བཞིར་འདུས་ཏེ། །རྩ་བ་བཤད་དང་ཕྱི་མ་དང་། །ཕྱི་མའི་རྒྱུད་དུ་ངེས་པར་གསུངས། །
[111b.3]དེ་དག་དོན་འདི་ཐུབ་ཆེན་དང་། །རྡོ་རྗེ་འཆང་དང་གོས་སྔོན་ཅན། །དེ་ལ་སོགས་པས་རྒྱས་པར་གསུངས། །དེ་ཉིད་བསྡུས་པའི་དོན་གསུམ་སྟེ། །བསྐྱེད་རྫོགས་གྲོགས་དང་རྣམ་པ་གསུམ། །བསྐྱེད་པ་དག་ནི་གཉིས་ཡིན་ཏེ། །རིམ་གྱིས་བསྐྱེད་དང་ཅིག་ཅར་བ། །ཡི་གེ་ཕྱག་
[111b.4]མཚན་སྐུར་གྱུར་བར། །རིམ་གྱིས་བསྐྱེད་པ་ཞེས་སུ་གསུངས། །དྲན་པས་ལྡང་བ་ཆུ་བུར་ཚུལ། །ཅིག་ཅར་བསྐྱེད་པ་ཉིད་དུ་གསུངས། །རྫོགས་པའི་དོན་ནི་རྣམ་གཉིས་ཏེ། །རིམ་གྱིས་འཇུག་དང་ཅིག་ཅར་འཇུག །རྩ་དང་ཡན་ལག་རྟེན་བྱེད་པ། །རིམ་གྱིས་འཇུག་པའི་ཚུལ་དུ་
[111b.5]གསུངས། །ཅིག་ཅར་འཇུག་པ་ཞེས་བྱ་བ། །རྒྱུ་དང་འབྲས་བུ་སྐད་ཅིག་མ། །ཁྱད་པར་རྒྱུད་ཀྱི་དབང་དུ་གསུངས། །གྲོགས་ནི་དམ་ཚིག་ཤེས་རབ་དང་། །སྙིང་རྗེ་འཁོར་ལོ་ལ་སོགས་དང་། །ཁྱད་པར་སྤྱོད་པའི་དོན་ཤེས་པའོ། །དེ་དག་བཤད་པའི་ཡན་ལག་ནི། །དྲང་བའི་
[111b.6]དོན་དང་ངེས་པའི་དོན། །དགོངས་པས་བཤད་དང་དགོངས་པ་མིན། །ཇི་བཞིན་སྒྲ་དང་ཇི་བཞིན་མིན། །དེ་དག་བཤད་པ་རྣམ་པ་གསུམ། །དགོངས་པའི་གཞི་དང་གང་ཟག་དང་། །དགོངས་པ་སྐྱོན་དང་བཅས་པའོ། །སེམས་ཅན་མོས་པ་མི་མཐུན་པས། །གསང་བ་མ་
[111b.7]ཡིན་སོ་སོར་སྟོན། །དྲང་བའི་དོན་དུ་གསུངས་པ་ཡིན། །ཡང་དག་དོན་དང་ལྡན་པ་ལ། །དེ་ཉིད་མན་ངག་རབ་སྟོན་པ། །ངེས་པའི་དོན་དུ་འགྱུར་བ་ཡིན། །མ་བྱིན་ལེན་པ་ལ་སོགས་པ། །སྤྱད་པས་གྲོལ་བར་གསུངས་པ་སྟེ། དགོངས་པས་བཤད་པ་ཞེས་བྱར་གསུངས། །
[112a]
[112a.1]དེ་ཉིད་དོན་དང་མཐུན་གྱུར་པ། །དགོངས་པ་མིན་པ་ཞེས་སུ་གསུངས། །ཤུ་ཀྲ་སུ་ཁ་ཞེས་པ་དང་། །མ་ནུ་ཏ་ར་ཞེས་བྱ་བ། །ཇི་བཞིན་མ་ཡིན་སྒྲ་རུ་འདོད། །ཕུང་པོ་ཁམས་དང་སྐྱེ་མཆེད་ལ། །དེ་ཉིད་བརྡ་མིན་སྐྱེ་བའི་ཚིག །རྒྱུད་ཀྱི་བཤད་པ་མདོར་བསྡུས་
[112a.2]ཡིན། །དེ་ལ་གསང་བའི་བདག་པོ་ལག་ན་རྡོ་རྗེའི་རྒྱུད་དུ་ལེགས་པར་མ་གསུངས་ཏེ། དེའི་དོན་མ་ལུས་པ་བཤད་པའི་རྒྱུད་ཀྱི་རྗེས་སུ་འབྲངས་ནས། བཤད་པར་བྱ་དགོས་སོ། །འོ་ན་རྩ་བའི་རྒྱུད་དུ་ལེགས་པར་མ་གསུངས་པ་ཅིའི་ཕྱིར་ཞེ་ན། དེ་ནི་གང་ཟག་གཟུ་ལུམས་
[112a.3]མཁན་གྱིས་རང་དགར་སྤྱད་ཀྱིས་དོགས་པའི་ཕྱིར་རོ། །འོ་ན་དེ་བཞིན་གཤེགས་པའི་ཐུགས་རྗེ་ཆེན་པོས་སེམས་ཅན་གྱི་དོན་ལ་མ་ཁྱབ་པས་ལུང་དང་འགལ་ལོ་ཞེ་ན་མ་ཡིན་ཏེ། སེམས་ཅན་ཐམས་ཅད་ཐེག་པ་ཆེན་པོའི་རིགས་ཅན་དུ་གྱུར་ན་མི་བདེན་ཏེ་མ་ཡིན། འདི་ནི་གང་ཟག་
[112a.4]ཐེག་པ་ཆེན་པོའི་རིགས་ཅན་མ་ཡིན་པ་ལམ་བསྟན་ཏེ། དེ་ཡང་ཐུགས་རྗེས་མ་ཁྱབ་པ་མ་ཡིན་ཏེ། དེ་ལ་དེའི་རྣམ་པར་སྟོན་པའི་ཕྱིར་རོ། །དེ་ནི་ལུང་གཞན་དག་ལས་ཀྱང་། །ཐེག་ཆེན་རིགས་མིན་འོག་མ་པ། །གསང་བའི་དོན་འདི་ཐོས་ན་སྐྲག །གང་ཟག་གཟུ་ལུམས་མཁན་
[112a.5]དག་ནི། །བླ་མའི་ཁ་དང་རབ་བྲལ་ནས། །ཐུག་ཐུབ་གཟུ་ལུམས་རས་ཆོད་བྱེད། །དེ་ནི་ངན་སོང་སྡུག་བསྔལ་མྱོང་། །དེ་བས་སངས་རྒྱས་ཐམས་ཅད་ཀྱིས། །ཇི་ལྟ་ཇི་ལྟར་འདུལ་འགྱུར་བ། །དེ་ལྟ་དེ་ལྟར་རྣམ་པར་སྤྲུལ། །ཞེས་པའོ། །དེ་ལ་རེ་ཞིག་དང་པོར་རྒྱུད་ཀྱི་ཕྱུངས་གང་
[112a.6]པར་བྱ་སྟེ། དེ་ཡང་ལེའུ་དང་པོས་ནི་རྒྱུད་ཀྱི་གླེང་གཞི་བསྟན་ཏོ། །ལེའུ་གཉིས་པས་བསྐྱེད་རྫོགས་རིམ་གྱིས་འབྱུང་བ་བསྟན་ཏོ། །ལེའུ་གསུམ་པས་ནི་ལས་སྣ་ཚོགས་ཀྱི་སྔགས་བསྟན་ཏོ། །ལེའུ་བཞི་པས་ནི་བསྲེག་པའི་སྔགས་ལ་སོགས་པའི་ཡོན་ཏན་བསྟན་ཏོ། །ལེའུ་ལྔ་
[112a.7]པས་ནི་འཁོར་ལོ་སུམ་ཅུ་རྩ་གཉིས་ཀྱི་དོན་བསྟན་ཏོ། །ལེའུ་དྲུག་པས་ནི་ལས་བཅུའི་སྦྱིན་སྲེག་བསྟན་ཏོ། །ལེའུ་བདུན་པས་ནི་བདུད་བཏུལ་བ་བསྟོད་པ་དང་བཅས་པ་བསྟན་ཏོ། །ལེའུ་བརྒྱད་པས་ནི་ཕྱི་ནང་གི་གཏོར་མའི་ཆོ་ག་བསྟན་ཏོ། །ལེའུ་དགུ་པས་ནི་སྔགས་ཐམས་ཅད་
[112b]
[112b.1]བསྟན་ཏོ། །ལེའུ་བཅུ་པས་ནི་ཀླུ་དགུག་ཅིང་དུག་གཞོམ་པ་དང་བཅས་པ་བསྟན་ཏོ། །ལེའུ་བཅུ་གཅིག་པས་ནི་ཀླུ་གཟིར་བ་བསྟན་ཏོ། །ལེའུ་བཅུ་གཉིས་པས་ནི་མཆོད་པའི་ཆོ་ག་བསྟན་ཏོ། །ལེའུ་བཅུ་གསུམ་པས་ནི་འཁོར་ལོ་བརྒྱད་ཀྱི་ཡན་ལག་དང་ཡོན་ཏན་སྔོན་བྱུང་
[112b.2]བ་བསྟན་ཏོ། །ལེའུ་བཅུ་བཞི་པས་ནི་རྫོགས་རིམ་འབའ་ཞིག་བསྟན་ཏོ། །ལེའུ་བཅོ་ལྔ་པས་ནི་རྗེས་སུ་ཡི་རང་བའི་བསྟོད་པ་བསྟན་ཏོ། །དེ་ལ་ལེའུ་གཉིས་པས་ནི། བསྐྱེད་རྫོགས་རིམ་གྱིས་འཇུག་པའི་ཚུལ་བསྟན་ཏོ། །གཞན་ནི་ཕལ་ཆེར་གྲོགས་སུ་འགྱུར་རོ། །དེ་ལ་
[112b.3]གླེང་གཞི་བསྟན་པའི་ཕྱིར། འདི་སྐད་བདག་གིས་ཐོས་པའི་དུས་གཅིག་ན་ཞེས་བྱ་བ་ལ་སོགས་པ་གསུངས་ཏེ། དེ་ལ་དང་པོར་འཕགས་པ་ལག་ན་རྡོ་རྗེས་ཡི་གེ་དང་ཕྱག་མཚན་ལ་སོགས་པའི་སྒོ་ནས་འབྲས་བུའི་ཆོས་ཐམས་ཅད་ཀྱི་ཆོས་ཉིད་མངོན་དུ་གྱུར་ཏོ། །དེའི་ཚེ་ཆོས་
[112b.4]ཉིད་རང་བཞིན་གྱིས་འོད་གསལ་བ་ནི་རྡོ་རྗེ་སེམས་དཔའ་འམ། རྡོ་རྗེ་འཆང་ཆེན་པོའི་ངོ་བོ་ཉིད་དོ། །དེ་བས་ན་རྡོ་རྗེ་སེམས་དཔའ་ལ་ཕྱག་ན་རྡོ་རྗེས་ཐོས་ཞེས་པའོ། །ཡང་ན་ཕྱག་ན་རྡོ་རྗེ་ཉིད་འོག་མིན་ཆོས་ཀྱི་དབྱིངས་ཀྱི་ཕོ་བྲང་དུ། ལོངས་སྤྱོད་རྫོགས་པའི་སྐུར་སྤྲུལ་ཏེ་དེ་ཉིད་ལས་
[112b.5]ཐ་དད་པའི་འཁོར་ཁམས་གསུམ་རྣམ་པར་རྒྱལ་བས་དོན་ཞུས་ནས་གསུངས་པའང་ཐོས་ཤེ་ན། ཡང་ན་ཕྱག་ན་རྡོ་རྗེ་ཉིད་བརྒྱ་བྱིན་ལྷའི་དབང་པོའི་གནས་སུ་སྤྲུལ་པའི་སྐུར་ཕྱུང་སྟེ། དེ་ཉིད་ལ་ཐ་དད་པའི་འཁོར་ལ་བཤད་ཅིང་སྡུད་པ་ནི་ཐོས་པ་ཞེས་སོ། །དེ་དག་ནི་དྲང་བའི་དོན་ཏོ། །
[112b.6]ཡང་ངེས་པའི་དོན་དུ་བཤད་པ། དེ་བཞིན་གཤེགས་པ་རྡོ་རྗེ་འཆང་ཉིད་ཕྱག་ན་རྡོ་རྗེའི་སྐུར་སྤྲུལ་ཏེ། མངོན་པར་བྱང་ཆུབ་པ་ལྔའི་སྒོ་ནས་ཕྱག་རྒྱ་ཆེན་པོའི་ཚུལ་བསྟན་པའོ། །འོ་ན་གང་རྡོ་རྗེ་འཆང་ཆེན་པོ་ཉིད་ཕྱག་ན་རྡོ་རྗེའི་སྐུར་སྤྲུལ་པ་ཅིའི་ཕྱིར་ཡིན་ཞེ་ན། དེ་ནི་འདི་ལྟར་ཕྱག་ན་
[112b.7]རྡོ་རྗེ་ལ་དད་པའི་གང་ཟག་གདུལ་བའི་ཕྱིར་རོ། །འོ་ན་རྡོ་རྗེ་འཆང་ཆེན་པོ་ཉིད་ཕྱག་ན་རྡོ་རྗེའི་སྐུར་བསྟན་པ་མ་ངེས་པ་མ་ཡིན་ནམ། དངོས་སུ་སྤྲུལ་པ་ཞིག་གམ་འོན་ཏེ་མ་སྤྲུལ་ཞེ་ན། དེ་ནི་སྤྲུལ་དུ་ཡང་རུང་མ་སྤྲུལ་དུ་ཡང་རུང་ངོ་། །རྒོལ་ཏེ་དངོས་སུ་སྤྲུལ་ན་ནི་ས་བཅུའི་བྱང་ཆུབ་
[113a]
[113a.1]སེམས་དཔའི་ཡང་དངོས་སུ་སྤྲུལ་པས་ཁྱད་མེད་པ་དང་། ཇི་ལྟར་རང་གི་གནས་པར་འགྱུར། འོན་ཏེ་མ་སྤྲུལ་ན་སྣང་བར་མི་རིགས་སོ་ཞེ་ན། བདེན་ཏེ་ལོག་པའི་ཤེས་པའམ། རྣམ་པར་རྟོག་པ་ལྡན་ནས་ནི་ཤེས་པ་དེ་གསུམ་འབྱུང་སྟེ། དེ་མ་ཡིན།
[113a.2]དེ་བཞིན་གཤེགས་པ་རྡོ་རྗེ་འཆང་ཆེན་པོ་ནི། །ཡང་དག་པའི་ཡེ་ཤེས་ཀྱིས་རྣམ་པར་རྟོག་པ་ཐམས་ཅད་རིང་དུ་སྤངས་ཏེ་ཐམས་ཅད་མཁྱེན་པའི་ཡེ་ཤེས་ཀྱི་བྱེ་བྲག་དང་ལྡན་པས་དངོས་སུ་སྤྲུལ་པའང་ལོག་པ་མ་ཡིན་ནོ། །དེ་ཅིའི་ཕྱིར་ཞེ་ན། ཇི་ལྟ་བའི་ལས་སུ་གྱུར་བ་ཐམས་
[113a.3]ཅད་ལ་ཐོགས་པ་མེད་དེ། །དེ་ལྟ་ན་ནི་སེམས་ཅན་གྱི་ཤེས་པས་གོས་པར་འགྱུར་ཞེ་ན། མ་ཡིན་ཏེ། སངས་རྒྱས་ཀྱི་ཡོན་ཏན་ཐམས་ཅད་དང་ལྡན་པའི་ཕྱིར། གལ་ཏེ་མ་སྤྲུལ་ཡང་འགལ་བ་མ་ཡིན་ཏེ། སྨོན་ལམ་དང་ཐུགས་རྗེ་ཆེན་པོའི་བྱིན་གྱི་རླབས་དང་། སེམས་ཅན་གྱི་མོས་
[113a.4]པ་ཐ་དད་པས་ཇི་ལྟར་ཡང་སྣང་དུ་རུང་ངོ་། །དེ་བས་ན་སྟོན་པ་ཕྱག་ན་རྡོ་རྗེ་ནི་འདིར་རྡོ་རྗེ་འཆང་ཆེན་པོ་ཉིད་དོ། །ཐོས་པ་ཞེས་པ་ནི། འདི་ལྟར་ཤེས་རབ་མཆོག་ཏུ་གྱུར་པ་དང་། རྒྱུད་ཐོས་པར་དཀའ་བ་དང་། ཐོས་པ་མང་པོའི་སྒོ་ནས་བདག་གིས་ཐོས་ཤེའོ། །དེ་ལ་ཤེས་རབ་མཆོག་
[113a.5]ཏུ་གྱུར་པ་ནི་སྐད་ཅིག་ཙམ་གྱིས་ཐོས་ཤེའོ། །རྒྱུད་འདི་ཐོས་པར་དཀའ་བ་ནི་གཞན་དུ་འདི་མ་ཐོས་ཤེའོ། །ཐོས་པ་མང་བ་ནི་འདིའི་ཚེ་འདི་ཐོས་ལ་གཞན་གྱི་ཚེ་གཞན་ཐོས་ཤེའོ། །དེ་ལ་ཁམས་གསུམ་རྣམ་པར་རྒྱལ་བ་ནི་གནས་དེར་སྟོན་པ་དེ་ལས་ཐོས་པ་ནི་གཞན་ཐོས་པ་སྟེ། ཕ་རོལ་
[113a.6]ཏུ་ཕྱིན་པ་ལ་སོགས་པའོ། །གནས་འདིར་འདི་ལ་འདི་དང་ལྷན་ཅིག་ཐོས་པ་ཞེས་པ་ནི་ཕྱག་ན་རྡོ་རྗེའི་རྒྱུད་དོ། །ཐེག་པ་ཆེན་པོའི་ཁམས་གསུམ་རྣམ་པར་རྒྱལ་བ་མ་ཡིན་ནོ་ཞེ་ན། དེ་ནི་བདེན་ཏེ། ཐེག་པ་ཆེན་པོའི་ཁམས་གསུམ་རྣམ་པར་རྒྱལ་བ་ཞེས་བྱ་བ་ནི་མ་ཡིན་ཏེ། འོན་ཀྱང་ཤཱ་རིའི་
[113a.7]བུ་ལ་སོགས་པར་སྣང་ངོ་། །དེ་བས་ན་ཁམས་གསུམ་རྣམ་པར་རྒྱལ་བ་ཞེས་བྱ་བ་དངོས་སུ་ཕྱག་ན་རྡོ་རྗེ་ཉིད་དོ། །རྒོལ་ཏེ་འོན་སྡུད་པ་པོ་མེད་པར་ཐལ་བར་འགྱུར་རོ་ཞེ་ན། དེ་ནི་བདེན་ཏེ། སྡུད་པ་པོ་ནི་མེད་དོ། །དེའི་ཕྱིར་འདི་སྐད་ཅེས་སྟོན་པའམ་ཡང་དག་པའི་དོན་སྟོན་པའི་བརྡར་བཤད་དོ། །
[113b]
[113b.1]ཕྱག་ན་རྡོ་རྗེ་འཆི་བདག་གི་རྒྱུད་ཕྱི་མ་ལས། །གང་ཚེ་བཅོམ་ལྡན་གོས་སྔོན་ཅན། །འདུས་པ་ཆེན་པོའི་འཁོར་དང་བཅས། །ཇི་ལྟར་གཟུགས་སུ་སྣང་བ་དང་། །གཞན་ཡང་སངས་རྒྱས་དཀྱིལ་འཁོར་དག །གཅིག་དང་ཐ་དད་ཅི་འགྱུར་བ། །གསང་བའི་བདག་པོས་བཀའ་
[113b.2]སྩལ་མཛོད། །དེ་སྐད་གསུངས་པར་གྱུར་པ་དང་། །ལེགས་ཞེས་ལན་གསུམ་གསུངས་མཛད་ནས། །བདུད་རྩི་འཁྱིལ་ལ་སླར་གསོལ་པ། །དེ་བཞིན་གཤེགས་པའི་ཐུགས་རྗེ་དང་། །སེམས་ཅན་སོ་སོའི་ལས་འགྲོ་ཡིས། །སྐུ་གཅིག་བསྟན་པའི་སངས་རྒྱས་ལ། །སྣ་ཚོགས་
[113b.3]གཟུགས་སུ་རྣམ་པར་སྣང་། །གཅིག་དང་ལྔ་དང་བརྒྱ་དང་སྟོང་། །དེ་ལ་སོགས་པ་མཐའ་ཡས་པ། །གཙོ་དང་འཁོར་གྱི་རྣམ་པར་སྣང་། །སྤྱི་བོ་མགྲིན་པ་ལྟེ་བ་དང་། །སྙིང་ནང་བཙུན་མོའི་བྷ་ག་ན། །གསང་བའི་ཐིག་ལེའི་གཟུགས་གནས་ཚེ། །ཀུན་གྱི་སྣང་བ་སོ་སོར་སྣང་། །
[113b.4]ཞེས་འབྱུང་བའི་ཕྱིར་རོ། །དེ་ནས་གནས་ཕུན་སུམ་ཚོགས་པ་བསྟན་པའི་ཕྱིར། གནོད་སྦྱིན་ཐམས་ཅད་ཡོངས་སུ་འགྱུར་བ་ཞེས་བྱ་བ་ལ་སོགས་པ་སྨོས་ཏེ། དེ་ལ་གནོད་སྦྱིན་ནི་གནོད་སྦྱིན་གོས་སྔོན་ཅན་ཏེ། གནོད་སྦྱིན་ཐམས་ཅད་ཀྱི་སྡེ་དཔོན་དུ་གྱུར་པའོ། །དེའི་གནས་ཡིན་
[113b.5]པས་དེ་ལ་དེ་སྐད་ཅེས་བྱའོ། །ཡང་ན་སྟུག་པོ་བཀོད་པའི་ཕོ་བྲང་དུ་ཕྱག་ན་རྡོ་རྗེ་མཐོང་བའི་སྐལ་བ་མེད་པས་དེ་ན་བཞུགས་ཞེས་བྱའོ། །ཤིན་ཏུ་དབེན་པ་ཡོངས་སུ་དག་པ་ཞེས་པ་ནི། འོག་མིན་གྱི་གནས་ཏེ། དེ་བས་ན་གནས་གཉིས་ཁོ་ནའོ་ཞེས་ལ་ལ་འཆད་དོ། །ལ་ལ་དག་
[113b.6]ནི་གནས་ནི་གསུམ་དུའང་འདོད་དོ། །དེ་དག་ནི་ཕྱག་ན་རྡོ་རྗེའི་སྤྲུལ་པའི་སྐུ་ཁོ་ནའི་གནས་ཡིན་ཏེ། འབྱུང་པོ་དང་བར་དུ་གཅོད་པའི་རྣམ་པས་དབེན་པས་དབེན་པའོ། །ཡོངས་སུ་དག་པའང་དེ་ཉིད་དེ། དེ་ལས་རིང་དུ་གྱུར་པའོ། །དེ་ཅིའི་ཕྱིར་ཞེ་ན། ཕྱག་ན་རྡོ་རྗེའི་བྱིན་གྱི་
[113b.7]བརླབས་ཀྱིས་ཁྱབ་པའི་ཕྱིར་རོ། །ཡོན་ཏན་རྣམ་པ་མང་པོ་དང་ལྡན་པའི་གནས་ནི་སྟོན་པ་བཞུགས་པའི་ཚུལ་འདིས་སྟོན་ཏོ། །གནོད་སྦྱིན་གྱི་སྡེ་དཔོན་ཆེན་པོ་ཞེས་པ་ནི། གནོད་སྦྱིན་ནི་གང་བ་བཟང་པ་ལ་སོགས་པ་སྟེ། དེའི་དཔོན་དུ་གྱུར་པ་ནི་གོས་སྔོན་ཅན། ཆེན་པོ་ནི་ཕྱག་ན་
[114a]
[114a.1]རྡོ་རྗེའོ། །དེའི་དོན་ནི་གནོད་སྦྱིན་གྱི་གཙོ་བོར་གྱུར་པ་ལག་ན་རྡོ་རྗེ་ཞེས་བྱ་བ་ཡིན་ཏེ། དེ་གདུལ་བའི་ཕྱིར་སྤྲུལ་པའི་སྐུ་ལག་ན་རྡོ་རྗེ་ཁྲོ་བོར་བསྟན་པའོ་ཞེའོ། །ལག་ན་རྡོ་རྗེ་ཐོགས་པས་ལག་ན་རྡོ་རྗེའོ། །དེ་ཡང་ཡེ་ཤེས་རྣམ་པ་ལྔ་གསང་བའི་ཐིག་ལེས་འཛིན་
[114a.2]པས་ལག་ན་རྡོ་རྗེའོ་ཞེས་ཀྱང་བཤད་དོ། །གོས་སྔོན་པོ་གོན་པས་འདི་ནི་གོས་སྔོན་པོ་ཅན་ཉིད་དེ་ཕྱི་ལྟར་བཤད་པའོ། །ཐབས་དང་ཤེས་རབ་ཀྱི་བར་ན་བྱང་ཆུབ་སེམས་ཀྱི་ཐིག་ལེ་ཡོད་པས་ན། གོས་སྔོན་པོ་ཅན་ཏེ་སྦས་པའོ། །གཉིས་སུ་མེད་པའི་ཆོས་ཀྱི་སྐུ་ནི། གོས་སྔོན་པོ་ཅན་
[114a.3]ཏེ་མཐར་ཐུག་པའོ། །དུས་གསུམ་གྱི་སངས་རྒྱས་ནི་མར་མེ་མཛད་ལ་སོགས་པ་སྟེ། དེ་ཐམས་ཅད་ཀྱིས་ལས་ཀྱི་ཁྲོ་བོར་དབང་བསྐུར་བ་ནི། །ལས་ཀྱི་ཁྲོ་བོ་གྱིས་ཤིག་པའོ། །ལུང་གཞན་ལས་ཀྱང་། ཕྱག་ན་རྡོ་རྗེ་ཁྱོད་སོང་ལ་འཇིག་རྟེན་གྱི་ཁམས་ལྷ་དང་བདུད་ལ་སོགས་པ་སེམས་
[114a.4]ཅན་རྣམས་ཀྱི་མདངས་འཕྲོག་ཅིང་འཚེ་བར་བྱེད་པ་གང་དག་ཟུང་ཞིག་ཅེས་ལུང་བསྟན་པའི་ཕྱིར་རོ། །མཆེ་བ་གཙིགས་པ་ནི་མཆེ་བ་བཞི་གཙིགས་པའོ། །ཡིད་ཁྲོས་པ་ནི་ཁྲོས་པའི་བཞིན་བསྟན་པའོ། །མིག་མེ་མདག་གི་ཕུང་པོ་འདྲ་བ་ནི། མིག་རྩ་དམར་སེར་འབར་བར་འདུག་
[114a.5]པའོ། །དབུགས་མེ་ལྕེ་ལྟར་འབར་བ་ནི། དབུགས་མེ་ལྟར་ཚ་བར་གྱུར་པའོ། །འཇིགས་པའི་ང་རོ་ནི། ཧཱུཾ་དང་ཕཊ་ད་ང་ཧ་ལ་སོགས་པས་རང་ལས་གཞན་པའི་འཁོར་འཇིགས་པར་བྱེད་པའོ། །ལག་པ་དང་རྐང་པ་ཀླུ་ནོར་རྒྱས་ཀྱི་བུས་བརྒྱན་བ་ཞེས་པ་ནི་སྦྲུལ་དཀར་པོས་བརྒྱན་
[114a.6]པའོ། །ཀླུ་ནག་པོ་སེར་ལ་ཁར་ཐོགས་པ་ནི། སྦྲུལ་ནག་པོ་སེ་རལ་ལ་གཟེད་པའོ། །དགའ་བོ་དང་ཉེ་དགའ་བོས་སྙན་བརྒྱན་པ་ནི། སྦྲུལ་སེར་པོས་སྙན་བརྒྱན་པའོ། །སྦྲུལ་འབར་བ་ནི་རིན་པོ་ཆེའི་ཅོད་པན་ཐོགས་པ་ནི་སྦྲུལ་མགོ་རིན་པོ་ཆེའི་ཅོད་པན་གྱིས་དབུལ་གདེངས་
[114a.7]པའོ། །སྦྲུལ་གདུག་པ་ཟ་བ་ཞེས་པ་ནི། ཞལ་ནས་སྦྲུལ་ཕྱེད་འཕྱང་ནས་འདུག་པའོ། །བཞིན་རྒྱས་པ་ཞེས་པ་ནི། བཞིན་གྱིས་དཀྱིལ་འཁོར་འཕེལ་ཁ་ཆེ་བའོ། །སྨིན་མ་དང་འཕྲལ་བ་བསྡུས་པ་ནི། ཁྲོ་གཉེར་མེའི་ཕྲེང་བ་དང་ལྡན་པའོ། །ཡ་སོས་མ་མཆུ་མནན་པ་ནི། ཡ་
[114b]
[114b.1]སོས་མ་མཆུའི་སྟེང་དུ་ཕྱིན་པའོ། །གཤིན་རྗེའི་ཆ་བྱད་ནི་གཤིན་རྗེ་དང་གཟུགས་མཐུན་པའམ། གཤིན་རྗེའི་སྐྱེས་བུ་ལྟར་གསུས་པ་འཕྱང་བའོ། །གསུམ་པ་ཆེ་བ་ནི་གསུས་ཁྱེམ་ཆེ་བའོ། །ལག་པ་བརྡབས་པའི་སྒྲས་འཇིགས་པར་བྱེད་པ་ནི་རྡོ་རྗེ་དང་ལྡན་པའི་ལག་པ་
[114b.2]བརྡབས་པས་འབྱུང་པོ་ཐམས་ཅད་འཇིགས་པར་བྱེད་པའོ། །ཡེ་ཤེས་རྡོ་རྗེ་ལག་པ་དག །ས་ལ་བརྡབས་པས་བརྒྱལ་བར་འགྱུར། །ཞེས་པ་ལྟ་བུའོ། །འདབ་བཟངས་ནི་སྦྲུལ་དམར་པོ་སྟེ། དེ་ཉིད་སྐ་རགས་སུ་བཅིངས་པའོ། །ཨ་ལ་ལ་ཞེས་པ་ནི། ངོ་མཚར་གྱི་ཚིག་སྟེ། དེ་
[114b.3]སྒྲོགས་པ་དེ་ལ་དེ་སྐད་ཅེས་བྱའོ། །རྒྱ་མཚོའི་ཟབས་སུ་དཔག་ཚད་བརྒྱད་ཁྲི་བཞི་སྟོང་ཡོད་པས་རྐང་པའི་པུས་མོར་ཕྱིན་པ་ནི་པུས་མོ་མན་ཆད་ནུབ་པའོ། །དབང་པོ་དང་ཉི་མ་ཕྲག་པ་ལ་ཁུར་ཞེས་པ་ནི། ཨཱ་ལི་དང་ཀཱ་ལིར་ལྡན་པའི་ཉི་ཟླའི་སྟེང་དུ་ལྷའི་དབང་པོ་འདུག་སྟེ། དཔེར་ན་ཉི་ཟླ་ཕྲག་
[114b.4]པ་ལ་ཁུར་ཞེས་ལ་ལ་དག་འདོད་དོ། །ལ་ལ་དག་ནི་ལྷའི་དབང་པོས་ཉི་ཟླ་ཕྲག་པ་ལ་ཁུར་ཞིང་དེའི་སྟེང་དུ་འདུག་གོ་ཞེས་འདོད་དོ། །ལ་ལ་དག་ནི་ཕྱག་ན་རྡོ་རྗེའི་ཕྲག་པ་ལ་དབང་པོ་ཁུར་ཏེ། དེས་དབང་པོ་ཁུར་རོ་ཞེས་འདོད་དོ། །ཀླུ་ཐམས་ཅད་ནི་མ་ལུས་པ་སྟེ་ཀླུའི་རིགས་སུ་
[114b.5]གཏོགས་པ་ཐམས་ཅད་རླག་པར་བྱེད་ཅེའོ། །གད་རྒྱངས་ནི་དྲག་པོའི་ཤུགས་ཀྱིས་ཧ་ཧ་ཞེས་དགོད་པ་སྟེ། དེས་འཇིག་རྟེན་གྱི་འབྱུང་པོ་ཐམས་ཅད་འཁྲུགས་པར་བྱེད་པའོ། །ཀླུ་ཐམས་ཅད་འཆིང་བ་ཞེས་པ་ནི་འགུལ་མི་ནུས་པར་བྱེད་པའོ། །དེ་དག་ནི་སྤྱིར་གདུག་པ་ཅན་འདུལ་
[114b.6]བར་བྱེད་པ་དང་། ཁྱད་པར་ཀླུ་དང་གཤིན་རྗེའི་ཚོགས་དང་ལྷ་ཐམས་ཅད་འདུལ་བར་བྱེད་པའོ། །འབྱུང་པོ་ཐམས་ཅད་འགུགས་ཤིང་འཆིང་བ་ཞེས་པ་ནི། འབྱུང་པོའི་བདག་པོ་དབང་ལྡན་ལ་སོགས་པ་ཐམས་ཅད་ལྕགས་ཀྱུའི་སྤྱོར་བས་འགུགས་ཤིང་ཞགས་པས་བཅིངས་
[114b.7]ཏེ་འགུལ་མི་ནུས་པར་བྱེད་པའོ། །སྦྱོར་བ་ནི་དུགས་དང་ཁྲག་བྱུགས་པ་དང་། སྔགས་ཀྱི་སྦྱོར་བ་སྟེ་དབང་ཕྱུག་ལ་སོགས་པའི་སྦྱོར་བའོ། །དེ་གཅོད་པ་ནི་རལ་གྲིའི་སྦྱོར་བས་གཏུབས་ཏེ་གཅོད་པའོ། །ལུང་གཞན་ལས་ཀྱང་། བྱས་པའི་གཟུགས་དང་མིང་རུས་ལ།
[115a]
[115a.1]རལ་གྲིས་གཏུབས་ཏེ་གཅོད་པར་བྱེད། །ཅེས་པ་ལྟ་བུའོ། །བཟློག་པ་ནི་རང་གི་གནས་སུ་བཟློག་པའོ། །གནོད་པ་ནི་ཕྱིས་མི་ལྡང་བར་བྱེད་པ་སྟེ། གང་ལ་དེ་ལྟ་བུའི་ནུས་པ་ཡོད་པ་དེ་ལ་དེ་སྐད་ཅེས་བྱའོ། །ཡོན་ཏན་མ་ལུས་པ་ཐམས་ཅད་ཀྱི་བདག་པོ་ནི་ཕྱག་
[115a.2]ན་རྡོ་རྗེ་ཉིད་དོ། །སངས་རྒྱས་ཀྱི་ཡོན་ཏན་ཐམས་ཅད་ཀྱིས་བརྒྱན་པ་དེ་བཞུགས་ཞེས་བྱ་བར་སྦྱར་རོ། །གང་དང་ལྷན་ཅིག་བཞུགས་ཤེ་ན། འཁོར་གནོད་སྦྱིན་གྱི་སྡེ་དཔོན་ཉི་ཤུ་རྩ་བརྒྱད་ཅེས་བྱ་བ་ལ་སོགས་པ་སྨོས་ཏེ། ནོར་བུ་བཟང་པོ་ལ་སོགས་པའོ། །ཡང་ན་གང་པོ་དང་
[115a.3]མིག་མི་བཟང་ལ་སོགས་པའོ། །གནོད་སྦྱིན་མཐུ་བོ་ཆེ་ནི་རང་གི་གདུལ་བྱ་འཇོམས་པའི་མཐུ་ཁྱད་པར་ཡོད་པའོ། །དྲག་པོ་ནི་ཞི་བའི་ལས་ཀྱི་སྦྱོར་བ་དང་བྲལ་བའོ། །ལྷ་ནི་དབང་ཕྱུག་ཆེན་པོ་ལ་སོགས་པ་རྣམ་པ་བརྒྱད་དེ། དེ་ལྟར་དེའི་འཁོར་དང་བཅས་པ་ཐམས་ཅད་དོ། །ཀླུ་
[115a.4]ནི་དགའ་བོ་ལ་སོགས་པ་སྟེ། དེ་ཡང་གོང་མ་བཞིན་ནོ། །དྲི་ཟ་ནི་གཙུག་ཕུད་ལྔ་པོ་ལ་སོགས་པའོ། །ལྷ་མ་ཡིན་ནི་ཐགས་བཟངས་རིས་ལ་སོགས་པ་ཐམས་ཅད་དོ། །ནམ་མཁའ་ལྡིང་ནི་གསེར་མིག་ཅན་ལ་སོགས་པའོ། །མིའམ་ཅི་ནི་ལྗོན་པ་ལ་སོགས་པའོ། །ལྟོ་འཕྱེ་ནི་
[115a.5]ལྟོ་འཕྱེ་ཉིད་དོ། །དེ་ལ་སོགས་པ་དང་ཐབས་ཅིག་ཏུ་བཞུགས་ཤེའོ། །ཉི་མ་ལ་སོགས་པ་ནི་འདི་ཡིན་ཏེ། འདི་ལྟར་སྟོན་པ་པོ་དང་། སྡུད་པ་དང་འཁོར་གྱི་རྣམ་པར་བཞུགས་ཤེའོ། །ཟླ་བ་ཞེས་པ་ནི་ཐུན་མོང་པའི་སྡུད་པ་བསྟན་ཏོ། །ཁྱད་པར་དུ་རྡོ་རྗེ་ཁྲོས་མ་ལ་ལ་དག་ན་རེ་
[115a.6]སྡུད་པ་པོ་ནི་མེད་ཀྱི་འདིར་འདུས་པ་ཆེན་པོ་ཐམས་ཅད་ཀྱིས་ཞུས་པའི་ཕྱིར་རོ་ཤེའོ། །དེ་ནི་མ་ཡིན་ཏེ། འདུས་པ་ཆེན་པོའི་འཁོར་གྱི་ནང་ནས་ཁམས་གསུམ་རྣམ་པར་རྒྱལ་བ་སྟན་ལས་ལངས་ཏེ། འདུས་པ་ཆེན་པོའི་འཁོར་དང་མགྲིན་གཅིག་ཏུ་གསོལ་བ་བཏབ་པོ་ཞེས་པ་ནི་
[115a.7]ཚིག་ཏུ་མ་སྨོས་ཀྱང་དོན་གྱི་ཤུགས་ཀྱིས་ཤེས་པར་བྱའོ། །དོན་གྱི་ཤུགས་ཀྱིས་གང་ལས་ཤེས་ཤེ་ན། དུར་ཁྲོད་ཆེན་པོའི་གནས་ན་རྡོ་རྗེ་བེ་ཅོན་གྱི་རྒྱུད་ཅེས་བྱ་བ་བམ་པོ་ཉི་ཁྲི་བསྟོད་ཡོད་དེ། དེར་བསྟན་པའི་ཕྱིར་རོ། །གཞན་ནི་གོ་སླའོ། །གོས་སྔོན་པོ་ཅན་ཁྱོད་ནི་ཞེས་བྱ་
[115b]
[115b.1]འོག་མ་དང་འབྲེལ་ཏེ། བདེ་གཤེགས་ཀུན་གྱེ་སྤྲུལ་པ་འམ། །ཞེས་པ་ནི། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་སྤྲུལ་པའི་ཁྲོ་བོ་ཡིན་ནམ་ཞེས་པའོ། །ལས་ཀྱི་ཁྲོ་བོར་དབང་བསྐུར་བའམ་ཞེས་པ་ནི། ལས་ཐམས་ཅད་གྲུབ་པའི་དབང་བསྐུར་བའམ་ཞེས་
[115b.2]པའོ། །འོན་ཏེ་བསྡུས་པའི་སྐུ་ཡིན་ནམ་ཞེས་པ་ནི། དེ་བཞིན་གཤེགས་པ་ཐམས་ཅད་བསྡུས་པའི་སྐུ་ཡིན་ཞེས་པའོ། །དེའི་དོན་ནི་གསང་བའི་བདག་པོ་གོས་སྔོན་ཅན་ཁྱོད་ཅི་ཡིན། བདག་ཅག་ལ་བཀའ་སྩོལ་མཛོད་ཅིག་ཅེས་སྦྱར་རོ། །དེ་ནི་ཚིག་ཏུ་མ་སྨོས་ཀྱང་དོན་གྱིས་
[115b.3]ནི་གཅིག་ཏུ་བསྡུས་པའི་སྐུ་ཡིན། རྡོ་རྗེ་སེམས་དཔའ་ཉིད་དེ་ལྟར་སྣང་བའི་ཕྱིར་རོ། །གཞན་གྱི་སྡུད་པ་པོར་གྱུར་པའི་དུས་ན་ནི་ཐུགས་ལས་སྤྲུལ་པའི་སྐུ་ཡིན་པའི་ཕྱིར་རོ། །དེའི་དུས་ན་ནི་ལས་ཀྱི་ཁྲོ་བོར་དབང་བསྐུར་བ་ཡང་ཡིན་ཏེ། གོང་དུ་བསྟན་པའི་ཕྱིར་རོ། །ལུང་ལས།
[115b.4]ཇི་ལྟའི་རྣམ་པར་སྣང་མཛད་དང་། །དེ་ལྟའི་ཞི་བའི་ལྷ་ཚོགས་ཀུན། །རྡོ་རྗེ་སེམས་ལས་གཞན་མ་ཡིན། །དེ་ཉིད་ང་ཡི་དབང་ཡང་རྫོགས། །ཞེས་འབྱུང་བ་དང་། འཁོར་ལོ་ཉེ་བར་བཀོད་པའི་རྒྱུད་ལས། ཕྱག་ན་རྡོ་རྗེའི་རིགས་ཅན་དང་། །དེས་འདུལ་བ་ཡི་སྐྱེ་བོ་ལ། །སངས་
[115b.5]རྒྱས་རྡོ་རྗེའི་རིགས་ཅན་དང་། །ཕྱག་ན་རྡོ་རྗེའི་སྐུ་རུ་སྣང་། །དངོས་སུ་སྣང་བ་མ་ཡིན་ཏེ། །སྨོན་ལམ་ཐུགས་རྗེའི་བྱིན་རླབས་དང་། །སེམས་ཅན་མོས་པའི་དབང་དུ་སྣང་། །ཇི་ལྟར་སྣང་ཡང་རང་བཞིན་མེད། །ཅེས་འབྱུང་བ་ལྟ་བུའོ། །གླེང་གཞི་ནི་དུས་དང་། གནས་དང་།
[115b.6]འཁོར་ལ་སོགས་པ་སྟོན་ཏེ། །ལེའུ་གང་ལ་གླེང་གཞི་གཏན་ལ་དབབ་པ་ཡོད་པ་དེ་ལ་དེ་སྐད་ཅེས་བྱའོ། །རྟོག་པ་ཐམས་ཅད་བསྡུས་པའི་སྒྲོན་མེ་ཞེས་བྱ་བ་ལས་ལེའུ་དང་པོའི་བཤད་པའོ།། །།དེ་ལྟར་གླེང་གཞི་བསྟན་ཀྱང་བསྐྱེད་པའི་རིམ་པའི་སྒྲུབ་པའི་
[115b.7]ཐབས་དང་། ལས་ཀྱི་རིམ་པའི་དོན་མདོར་བསྡུས་པ་མ་བསྟན་ན་མེད་པར་འགྱུར་བས་དེའི་ཕྱིར་ལེའུ་གཉིས་པ་བསྟན་ཏོ། །དེ་ནས་ཞེས་པ་ནི་བར་ཅིས་ཀྱང་མ་ཆོད་པ་སྟེ། གླེང་གཞི་བསྟན་མ་ཐག་པ་དེ་ནས་ཞེས་སྦྱར་རོ། །རྡོ་རྗེ་དྲག་པོ་ནི་རྡོ་རྗེ་དྲག་པོ་སྟེ་སྐུ་གསུང་ཐུགས་
[116a]
[116a.1]ཀྱི་རྡོ་རྗེ་དྲག་པོ་ཞེས་བྱའི་མིང་གང་ལ་ཡོད་པའི་ཏིང་ངེ་འཛིན་དེ་ལ་དེ་སྐད་ཅེས་བྱའོ། །ཡང་ན་སྐུ་གསུང་ཐུགས་དྲག་པོ་ཐོབ་པར་བྱེད་པའི་རྒྱུ་རིམ་པ་གཉིས་ཏེ་ཏིང་ངེ་འཛིན་དེ་ལ་སྙོམས་པར་ཞུགས་ཞེས་བྱའོ། །ཞུགས་ནས་དེའི་ཚེ་འདི་སྐད་ཅེས་གསུངས་
[116a.2]སོ། །ཕྱག་རྒྱ་གསང་སྔགས་ཐུགས་སྦྱོར་ལས། །ཞེས་པ་ནི། དང་པོར་བསྐྱེད་པའི་རིམ་པའི་དབང་དུ་ཡི་གེ་ཧཱུཾ་ལས་རྡོ་རྗེ། དེ་ལས་ཕྱག་རྒྱ་ཆེན་པོར་གྱུར་པའོ། །ཁྲོ་བོའི་རྒྱལ་པོའང་དེ་ཉིད་དེ། གདུག་པ་ཅན་རུ་ཏྲ་ལ་སོགས་པ་ལས་ཁྱད་པར་དུ་བྱས་པའོ། །ཁྲོ་བོ་
[116a.3]རྡོ་རྗེའང་དེ་ཉིད་དེ། རྣམ་པར་རྟོག་པའི་རི་འཇོམས་པས་རྡོ་རྗེའོ། །དེ་ལ་བསྟན་པར་གྱུར་ནས་བྱིན་གྱི་རླབས་སྣ་ཚོགས་པ་དང་ལྡན་པ་ནི། འདི་རིམ་གྱིས་བསྐྱེད་པའི་དབང་དུ་བྱས་པའོ། །ཅིག་ཅར་འབྱུང་བའི་དབང་དུ་བྱས་པ་ནི། ཕྱག་རྒྱ་ནི་དྲན་པ་ཙམ་གྱིས་ལྷའི་སྐུར་
[116a.4]གྱུར་པའོ། །དེའི་སྙིང་གི་ནང་ན་ཡེ་ཤེས་སེམས་དཔའི་སྐུ་གསུང་ཐུགས་ཀྱི་ངོ་བོར་གནས་པ་དང་། དེའི་གསང་བའི་གནས་ནས་ནི་ཐུགས་སྦྱོར་ཞེས་བྱའོ། །དེ་ཡེ་ཤེས་ཀྱི་དཀྱིལ་འཁོར་གྱིས་བྱིན་གྱིས་བརླབས་པས་ཁྱད་པར་དུ་གྱུར་པའི་སྐུ་ནི་ཁྲོ་བོའི་རྒྱལ་པོའོ། །ཁྲོ་བོའི་རྡོ་རྗེ་ནི་ཁྲོ་
[116a.5]བོ་རྡོ་རྗེའི་རིགས་ཏེ། དེས་ནི་རིན་པོ་ཆེ་དང་། པདྨ་དང་། ལས་ཀྱི་རིགས་དང་། མཉེས་ཤིང་སྲུང་བར་བྱེད་པའང་གཟུང་ངོ་། །དེ་བསྒོམས་པའི་བྱིན་གྱི་རླབས་ལས་ཐམས་ཅད་ཐོགས་པ་མེད་པས་ནི། ཡ་མཚན་སྣ་ཚོགས་ལྡན་ཞེས་བྱའོ། །དེ་ནི་གསང་བའི་དབྱིངས་ཆེན་ཞེས་བྱ་བའི་
[116a.6]རྒྱུད་ལ་བརྟེན་ནས། སྒྲུབ་པའི་ཐབས་སུ་བསྡུ་བར་བྱའོ། །ཡིད་དང་མཐུན་ཞིང་ཉམས་དགའ་བར། །ཕྱི་ན་ཁྲུས་ལ་ལེགས་གནས་ཏེ། །སྟེགས་བུ་མེ་ཏོག་གཅལ་བཀྲམ་ལ། །གསང་བདག་སྐུ་གཟུགས་མདུན་དུ་དགྲམ། །རང་གི་ལུས་སྤངས་བདེ་གཤེགས་སྐུ། །ཉི་
[116a.7]མའི་དཀྱིལ་འཁོར་མདུན་དུ་བསམ། །དེའི་སྟེང་ཁྱད་པར་བླ་མ་དགུག །འོད་ཞུ་རྡོ་རྗེ་སེམས་དཔར་བརླབ། །ཡེ་ཤེས་སེམས་དཔའ་སྤྱན་དྲངས་གཞུག །ཕྱག་འཚལ་མཆོད་པ་ལ་སོགས་བྱ། །དེ་ནས་བདེ་གཤེགས་ཀུན་བཀུག་ནས། །སེམས་དཔའ་དགུ་ཡི་སྟེང་དུ་
[116b]
[116b.1]བཞུགས། །དེ་ལ་ཕྱག་འཚལ་མཆོད་པ་དང་། །སྡིག་བཤགས་སྡོམ་པ་གཟུང་བར་བྱ། །ཡི་རང་བསྐུལ་ཞིང་སྐྱབས་སུ་འགྲོ། །སེམས་བསྐྱེད་སྨོན་ལམ་གདབ་པར་བྱ། །ཚད་མེད་བཞི་པོ་སྔོན་དུ་བསམ། །དེ་ནས་སྟོང་པ་ཉིད་དུ་བསྒོམ། །ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭཱ་བྷཱ་
[116b.2]བ་ཨཱཏྨ་ཀོ྅ཧཾ། དེ་ནས་སྙིང་རྗེའི་ངོ་བོ་ལས། །སེམས་ཉིད་ཡི་གེ་ཧཱུཾ་དུ་གསལ། །ཡཾ་རཾ་བཾ་ལཾ་ཀཾ་བྲུཾ་གྱི། །རླུང་མེ་ཆུ་ཡི་དཀྱིལ་འཁོར་དང་། །ས་གཞི་རི་རབ་གཞལ་ཡས་ཁང་། །འཁོར་ལོ་བརྒྱད་དང་མུ་ཁྱུད་དང་། །གྲུ་ཆད་ཁྱམས་དང་སྒོ་བཞིར་ལྡན། །དྲ་བ་དྲ་བ་
[116b.3]ཕྱེད་པ་དང་། །ཀ་བ་བརྒྱད་དང་ཕ་གུས་བརྒྱན། །ཏྭ་ར་བཞིས་ནི་ཡང་དག་བརྒྱན། །ཉི་མའི་སྟེང་དུ་ཧཱུཾ་བསམས་ཏེ། །འཕྲོ་འདུ་རྩེ་ལྔ་ཁྲོ་བོ་ཡི། །རྡོ་རྗེ་གདེངས་པོ་ཧཱུ་དང་ལྡན། །དེ་ནས་འཕགས་པ་གོས་སྔོན་ཅན། །སྐུ་མདོག་སྔོ་སྐྱ་འབར་བ་ལ། །ཞལ་གཅིག་ཕྱག་ནི་གཉིས་
[116b.4]པ་སྟེ། །གཡས་ན་རྡོ་རྗེ་རྩེ་ལྔ་ཐོགས། །གཡོན་ན་བེ་ཅོན་དབྱུག་ཏོ་འཛིན། །མི་བསྐྱོད་པ་ཡིས་དབུ་ལ་བརྒྱན། །སྤྱན་དམར་མཆེ་གཙིགས་ཁྲོ་གཉེར་ལྡན། །བཞིན་གྱི་དཀྱིལ་འཁོར་ཉི་མ་འདྲ། །ཧཱུཾ་གི་རླངས་པ་མེ་ལྕེ་འབར། །གློག་གི་ལྗགས་ལྡན་གསུས་པ་འཕྱང་། །སྦྲུལ་སེར་རྣ་
[116b.5]ཆས་རབ་ཏུ་མཛེས། །རིན་ཆེན་སྦྲུལ་བརྒྱད་གདེངས་ཀ་ཅན། །ལྟོས་འགྲོ་དཀར་པོས་རྐང་ལག་བརྒྱན། །དམར་པོའི་སྐ་རགས་འཆིང་བར་མཛད། །སྦྲུལ་གྱེ་ཟ་འཕྲོས་བྲང་དུ་སླེབས། །དབང་པོ་ཉི་མ་ཕྲག་པར་ཁུར། །རྡོ་རྗེ་གོས་སྔོན་སྐུ་ལ་འཁྲིལ། །སྙིང་ནས་ཉི་མའི་དཀྱིལ་
[116b.6]འཁོར་ཏེ། མཚོན་གང་སྙིང་ནང་རྡོ་རྗེ་ལྡན། །བུམ་པར་ཧཱུཾ་དང་བཟླས་པར་ལྡན། །ཡེ་ཤེས་དཀྱིལ་འཁོར་མདུན་དུ་དགུག །མཆོད་དང་གཏོར་མས་མཉེས་བྱས་ནས། །འདོད་པའི་དངོས་གྲུབ་གསོལ་བ་གདབ། །ཐིམ་འགྱུར་སྦྱོར་བའམ་འོད་ཟེར་ལས། །ཧཱུཾ་འཕྲོས་སྟོད་
[116b.7]གསུམ་བཀང་བར་གྱུར། །སླར་འདུས་ཚོམ་བུ་ལྔ་རུ་གྱུར། །དབུས་ལས་གོས་སྔོན་བདག་ལ་བསྟིམ། །རྡོ་རྗེ་སྐུ་ཡི་གོས་སྔོན་ཅན། །འཁོར་ལོ་དྲིལ་བུ་ཐོགས་པ་དཀར། །ཤར་གྱི་ཕྱོགས་སུ་བསམ་པར་བྱ། །ཡོན་ཏན་རིན་ཆེན་གོས་སྔོན་ཅན། །རིན་ཆེན་དྲིལ་བུ་ཐོགས་པ་
[117a]
[117a.1]སེར། །ལྷོ་ཡི་ཕྱོགས་སུ་བསམ་པར་བྱ། །པདྨ་གསུང་མཆོག་གོས་སྔོན་ཅན། །པདྨ་དྲིལ་བུ་ཐོགས་པ་དམར། །ནུབ་ཀྱི་ཕྱོགས་སུ་བསམ་པར་བྱ། །ལས་ཀྱི་གོས་སྔོན་སྐུ་མདོག་ལྗང་། །རྒྱ་གྲམ་དྲིལ་བུ་ཐོགས་པ་ནི། །བྱང་གི་ཕྱོགས་སུ་བསམ་
[117a.2]པར་བྱ། །དཀར་མོ་བདུག་པ་ཤར་ལྷོ་སྟེ། །ལྷོ་ནུབ་སེར་མོ་མེ་ཏོག་མ། །ཡང་ན་མཐིང་གའི་ཁ་དོག་ལྡན། །དམར་མོ་མར་མེ་ནུབ་བྱང་སྟེ། །ལྗང་གུ་དྲི་ཆབ་བྱང་ཤར་ལྡན། །གསལ་ནས་ཡེ་ཤེས་དཀྱིལ་འཁོར་གཞུག །མཆོད་དང་བསྟོད་པ་རྣམ་གཉིས་ནི། །ཆོ་
[117a.3]ག་བཞིན་དུ་དབུལ་བར་བྱ། །སྔགས་ཀྱི་བསྙེན་པ་ཐིམ་གྱུར་ནས། །སྤྱི་བོ་དཔྲལ་བ་མགྲིན་པ་སྙིང་། །གནས་བཞིར་བཞི་པོ་བསྡུ་བར་བྱ། །མིག་དང་རྣ་བ་ལ་སོགས་ལ། །ས་ཡི་སྙིང་པོ་ལ་སོགས་ལྡན། །ཞེས་འབྱུང་བ་དང་། ལུང་གཞན་ལས། བསྐྱེད་པ་བརྟན་པ་ཐོབ་
[117a.4]གྱུར་ནས། །ལས་རྣམས་ཐམས་ཅད་བྱ་བར་གསུངས། །མཐར་ཕྱིན་གྱུར་ནས་སྨོས་ཅི་དགོས། །ཤེའོ། །དེ་ཉིད་སླར་བཤད་པ། རིན་པོ་ཆེ་སྒྲོན་མའི་རྒྱུད་ལས། །གོས་སྔོན་ཕྱག་རྒྱ་ལྡན་གྱུར་ནས། །བར་མ་ཆད་པར་བྱེ་བ་བཟླས། །རྟགས་ཐོབ་གྱུར་ནས་ལས་རྣམས་
[117a.5]བརྩམ། །ཞེས་འབྱུང་ངོ་། །འདི་དག་ནི་ནང་གི་དབང་དུ་གསུངས་སོ། །ཕྱིའི་དབང་དུ་ནི་ཁམས་གསུམ་རྣམ་རྒྱལ་དང་། །མགོན་པོ་མི་སྲིད་དང་། འཕགས་སྐྱེས་པོ་དང་། མིག་མི་བཟད་དགོད་ཅེའོ། །དཀྱིལ་འཁོར་དག་ནི་འཁོར་ལོའམ། །པདྨ་རྡོ་རྗེ་རྒྱ་གྲམ་མམ། །ཚོམ་
[117a.6]བུ་ལྔའམ་དགུར་འདོད་པ། །གསང་བའི་སྙིང་པོའི་རྒྱུད་ལས་འབྱུང་། །ཞེས་ཀྱང་གསུངས་སོ། །ཡང་ན་ཕྱག་རྒྱ་ནི་བསྐྱེད་པའི་རིམ་པ་ལས་བྱུང་བའི་སྐུའོ། །གསང་སྔགས་ནི་སྔགས་ཀྱི་བཟླས་པ་སྟེ། །འདིར་དང་པོར་རླུང་དང་སྔགས་འདྲེས་པའི་བཟླས་པའོ། །དེའི་དོན་ཡང་
[117a.7]བསྐྱེད་པའི་ལྷའི་སྐུའི་གནས་བཞིར་རླུང་གི་དཀྱིལ་འཁོར་ལ་བལྟས་ཏེ། དེ་ནས་གཡས་ནས་འགྱུ་བ་དང་། གཡོན་དུ་འགྱུ་བ་དང་། གཉིས་ནས་འགྱུ་བ་ཀུན། ཨོཾ་ཨཱཿཧཱུཾ་འདི་ལ་བསླབས་པས་གནས་པ་ལ་བརྟན་པར་གྱུར་པ་དང་། དེ་ཉིད་རང་བཞིན་མེད་པར་བསམས་པའི།
[117b]
[117b.1]ཐུགས་ནི་སེམས་ཏེ། འདིར་སེམས་ལ་དམིགས་པ་དེ་ཡང་གནས་པའི་ཨའི་ཐིག་ལེ་ལ་བློ་གཏད་དེ། ཐམས་ཅད་དེའི་ངོ་བོར་བསྒོམ་པའོ། །ཁྲོ་བོའི་རྒྱལ་པོ་ནི་སྒྱུ་མ་ལྟ་བུའི་སྐུ་སྟེ། སྒྱུ་མའི་དཔེ་བཅུ་གཉིས་ཀྱིས་ཉེ་བར་མཚོན་པའོ། །དེ་དང་དེ་ཡང་དེ་ཉིད་ཀྱི་རྣམ་པར་དག་
[117b.2]པ་དང་། གོང་མ་ལ་རག་ལས་པར་འདོད་པའོ། །ཁྲོ་བོ་ནི་གོང་མ་ཉིད་དེ། དེ་རང་བཞིན་གྱིས་ཡོངས་སུ་དག་པ་ནི་རྡོ་རྗེའོ། །དེ་བས་ན་དེ་ཐོབ་པའི་ཐབས་ལའང་དེ་སྐད་ཅེས་བྱའོ། །བྱིན་བརླབས་ཞེས་པ་ནི་གཉིས་སུ་མེད་པར་བྱིན་གྱིས་བརླབས་པའོ། །ཏིང་ངེ་འཛིན་དེ་ལ་
[117b.3]དབང་ཐོབ་ནས་ཞེས་པ་ནི་གཉིས་སུ་མེད་བའི་བསམ་གཏན་མཐར་ཕྱིན་ནས་སེམས་ཅན་གྱི་སྣང་བ་ལ་ལོངས་སྤྱོད་རྫོགས་པ་དང་། སྤྲུལ་པའི་སྐུ་ཇི་ལྟར་ཡང་སྣང་བ་སྟེ་གོ་སླའོ། །ཡང་ན་ཕྱག་རྒྱ་ནི་ཕྱག་རྒྱ་མ་སྟེ། ལྷན་ཅིག་སྐྱེས་པའི་རིགས་ཅན་ནམ། པདྨ་ཅན་ལ་སོགས་
[117b.4]པའོ། །གསང་སྔགས་ནི་དེའི་གནས་ཐམས་ཅད་དུ་ཡི་གེ་བཀོད་པའོ། །དེ་ལ་ཕྱག་མཚན་དུ་གྱུར་པ་ནི་ཐུགས་སྦྱོར་ཞེས་བྱའོ། །ཁྲོ་བོའི་རྒྱལ་པོ་ནི་དེ་ལས་བྱུང་བའི་ཁྲོ་བོའོ། །གཞན་ལས་རྡོ་རྗེ་ཁྲོས་མའི་གནས་རྣམས་སུ། རིམ་གྱིས་འབྱུང་བ་བསམ་ཞེས་སོ། །ཁྲོ་བོ་རྡོ་རྗེ་
[117b.5]ནི་གོས་སྔོན་པོ་ཅན་ཏེ། བདག་ཉིད་དེ་ལྟར་གསལ་བའོ། །བྱིན་གྱིས་བརླབས་པ་ནི། པདྨ་དང་རྡོ་རྗེ་བྱིན་གྱིས་བརླབས་པ་སྟེ། གཉིས་སུ་མེད་པའི་སྦྱོར་བ་ལས་བྱུང་བའི་བྱང་ཆུབ་ཀྱི་སེམས་སློབ་པའི་ལྕེ་ལ་བཞག་པ་འདི་ནི་གསང་བའོ། །ཡང་ན་ཕྱག་རྒྱ་མའི་གསང་བའི་འཁོར་ལོའི་
[117b.6]ཡི་གེ་ནི། གསང་སྔགས་ཏེ་འཁོར་ལོ་ནི་ཕྱག་མཚན་ཐུགས་ཀྱི་ངོ་བོའོ། །ཡང་ན་དེ་བཞིན་གཤེགས་པ་ཐམས་ཅད་ཀྱི་ངོ་བོ་ནི་བྱང་ཆུབ་ཀྱི་སེམས་ཏེ། དེ་གང་ལ་ཡོད་པ་དེ་ལ་དེ་སྐད་ཅེས་བྱའོ། །ཁྲོ་བོའི་རྒྱལ་པོ་ནི་གོས་སྔོན་ཏེ། དེའི་ཏིང་ངེ་འཛིན་དང་ལྡན་པས་ཁ་ཁ་མུ་ཁ་བྱིན་གྱིས་བརླབས་ཏེ། དེ་
[117b.7]ནི་བྱིན་གྱིས་བརླབས་ཞེས་བྱའོ། །གནས་དེར་ཤེས་རབ་ཡེ་ཤེས་ཀྱི་དབང་བསྐུར་ཏེ། བདེ་བ་ཆེན་པོ་ཉམས་སུ་མྱོང་བ་ནི་ཡ་མཚན་སྣ་ཚོགས་ལྡན་ཞེས་སོ། །སྦས་པའི་དབང་དུ་བཤད་པའོ། །ལུང་གཞན་ལས་ཀྱང་། ཕྱག་རྒྱ་ལ་སོགས་རྣམ་པ་ལྔ། །བསྐྱེད་པའི་ཏིང་འཛིན་ལ་མཛེས་
[118a]
[118a.1]ལ། །རླུང་དང་སྔགས་གཉིས་འདྲེས་པ་ཡེ། །རྡོ་རྗེའི་བཟླས་པ་བརྩམ་པར་བྱ། །སེམས་དང་སྒྱུ་མ་དོན་དམ་པ། །གཉིས་མེད་ཏིང་ངེ་འཛིན་ལ་གནས། །འབྲས་བུ་བླ་མེད་ཐོབ་པར་འགྱུར། །ཞེས་པ་དང་གོས་སྔོན་པོ་ཅན་མེ་རི་འབར་བའི་རྒྱུད་ལས། ཕྱག་
[118a.2]རྒྱ་མ་ནི་ལེགས་མཛེས་ལ། །གནས་ཀུན་དུ་ནི་ཡི་གེ་བསམ། །དེ་ལས་ཕྱག་མཚན་སྐུ་གྱུར་ཏེ། །ཉིད་ནི་རྡོ་རྗེ་ཁྲོས་མར་བསམ། །གཉིས་མེད་སྦྱོར་བའི་སེམས་དབང་བསྐུར། །ཞེས་འབྱུང་བ་དང་། ཕྱག་ན་རྡོ་རྗེ་བདེ་བ་རྒྱན་གྱི་རྒྱུད་ལས། །གང་ལ་གསང་བའི་རྩ་ཡོད་པའི། །ཕྱག་
[118a.3]རྒྱ་མ་ནི་ལེགས་མཛེས་ལ། །ཡི་གེ་ཙ་ཡ་གི་བྱིན་བརླབས་ཏེ། །བཏང་ཞིང་བཟློག་པས་དངོས་གྲུབ་འགྱུར། ཞེས་པ་ལྟ་བུའོ། །དེ་ནས་དེ་ཉིད་ཀྱི་གྲོགས་བསྟན་པའི་ཕྱིར། རང་བཞིན་འཕགས་དང་བླ་མ་དང་། །ཞེས་བྱ་བ་ལ་སོགས་པ་སྨོས་ཏེ། མཆོད་པའི་ཡུལ་དུ་རབ་ཏུ་གྱུར་བ་རྡོ་རྗེ་
[118a.4]འཆང་ཆེན་པོ་དང་། དེ་ལས་གཞན་པ་ནི་སངས་རྒྱས་དང་བྱང་ཆུབ་སེམས་དཔའ་གཞན་རྣམས་སོ། །བླ་མ་ནི་ལུང་སྟོན་པའི་སློབ་དཔོན་ཏེ། དབང་བསྐུར་བ་ནི་བླ་མར་གཟུང་ངོ་། །དེ་ནི་འཇིག་རྟེན་གྱི་ལྷ་མ་ཧཱ་དེ་བ་ལ་སོགས་པ་དང་། ལོག་པའི་སློབ་དཔོན་བསལ་ལོ། །གོང་མ་
[118a.5]དེ་ལ་མཆོད་ན་ནི། །དངོས་གྲུབ་མྱུར་དུ་འཐོབ་པ་སྟེ། །སྔོན་དུ་འགྲོ་བ་དང་འབྲེལ་ཏོ། །གལ་ཏེ་གཞན་ལ་ཕན་འདོགས་ན། །སྐུ་དེ་སྣ་ཚོགས་སྐུ་རུ་སྣང་། །ཞེས་པ་ནི། གང་དག་ལྷའི་སྙན་དང་ལྡན་པ་ལ། །ལྷའི་སྐུར་སྣང་སྟེ། དེ་བས་ན་དེ་ལ་སོགས་པ་ལ་དེ་དང་དེའི་རྣམ་པ་
[118a.6]བསྟན་ཏོ། །གཞན་ནི་གོ་སླའོ། །ལེའུ་གཉིས་པ་ནི་གྲངས་ཀྱི་གཉིས་པའོ། རྟོག་པ་ཐམས་ཅད་བསྡུས་པའི་སྒྲོན་མ་ལས་ལེའུ་གཉིས་པའི་བཤད་པའོ།། །།དེ་ལྟར་ལེའུ་གཉིས་པར་རིམ་པ་གཉིས་བདག་དང་གཞན་གྱི་དོན་ཕུན་སུམ་ཚོགས་པར་བསྟན་ཀྱང་།
[118a.7]སྔགས་ཀྱི་མཐའ་མ་ཤེས་ན་དེ་ཉིད་ཀྱི་དོན་མི་འགྲུབ་པས་དེའི་ཕྱིར་དེ་ལ་དེ་བསྟན་ཏོ། །གཞན་ཡང་གསང་སྔགས་སྦྱོར་བ་ན། །ཞེས་པ་ནི། བསམ་གཏན་དང་ཕྱག་རྒྱ་ལ་སོགས་པའི་སྦྱོར་བ་མ་ཡིན་གྱི་སྔགས་ཁོ་ནའི་ཤས་ཆེ་བ་སྟེ། གང་ལ་དེ་ཡོད་པ་དེ་ལ་དེ་སྐད་ཅེས་བྱའོ། །
[118b]
[118b.1]དེ་ཉིད་གང་ཞེ་ན། ད་ལྷ་ཞེས་པ་ནི་དངོས་སུ་བསྟན་པ་སྟེ། དེས་འོག་མའང་ཤེས་པར་བྱའོ། །ཐོགས་མེད་ཅེས་པ་ནི་རྡོ་རྗེ་བཞིན་ཐོགས་པ་མེད་པ་སྟེ། དེའི་དོན་ཡང་བདག་ཉིད་ཀྱི་སྐུ་དང་ལྡན་པས་བསྒྲུབ་བྱའི་མིང་གི་མཐར་ད་ཧ་ཞེས་བྱ་བའི་མིང་དང་སྤེལ་ཏེ། དེའི་སྦྱོར་བ་དང་ལྡན་
[118b.2]པར་གྱུར་ན་རྡོ་རྗེ་བཞིན་ཐོགས་པ་མེད་པར་སྲེག་པའི་ལས་གྲུབ་པར་འགྱུར་ཏེ། གཞན་ལའང་དེ་ལྟར་ཤེས་པར་བྱའོ། །གཉིས་ཀྱི་འོག་མིན་ནི་ཨིའོ། །གསུམ་པ་ནི་གའོ། །རའི་མཐའ་ནི་རིང་པོ་སྟེ། གསུམ་པའི་མཐའ་ནི་ན་སྟེ། དྲག་པོ་དགའ་བའི་ཧ་གཉིས་ལན། །ཞེས་
[118b.3]པ་ནི་ག་ལ་ཧ་བཏགས་པ་དང་། ནའི་གོ་སྟེ་དངོས་སུ་གྲྀཧྞ་གྲིཧྞ་ཞེས་པའོ། །ལན་གཉིས་སྨོས་པ་ནི་ཟུང་ཤིག་པའོ། །དེའི་བསམ་གཏན་ནི་ལྕགས་ཀྱུ་ཅན་གྱི་ཚོགས་སྤྲོས་ཏེ། ཞེས་པ་དང་གནས་པའི་ས་ནས་སྙིང་གནས་བཟུང་ནས་འོང་བར་བསམ་པ་ནི་ལྕགས་ཀྱུའི་སྦྱོར་བ་ཞེས་
[118b.4]བྱའོ། །ཧཱུཾ་ཕཊ་ནི་ཀུན་ལ་སྦྱོར་རོ། །བཛྲ་པཱ་ཎི་ནི་ཕྱག་ན་རྡོ་རྗེའོ། །ནཱི་ལཱཾ་བ་ར་ནི་གོས་སྔོན་ཅན་ཏེ་གོང་མ་དང་འབྲེལ་པས་ཀྱེ་ཕྱག་ན་རྡོ་རྗེ་གོས་སྔོན་པོ་ཅན་ཆེ་གེ་མོ་ཟུང་ཤིག་རབ་ཏུ་ཟུང་ཤིག་པའོ། །མཇུག་ཏུ་རྫོགས་པ་ནི་ཀྵ་སྟེ་དེའི་གོང་ན་འདུག་པ་ནི་ཧའོ། །གསུམ་པའི་མཐའ་ནི་
[118b.5]ནའོ། །ལན་གཉིས་ནི་ཧ་ན་ཧ་ན་ཞེས་པ་སྟེ་རྒྱོབ་ཅིག་པའོ། །གསུམ་པ་ནི་སྡེ་ཚན་གསུམ་པ་སྟེ་དེའི་དང་པོ་ནི་ཏའོ། །གཉིས་པ་ནི་ཐ་སྟེ། དྲུག་པའི་དང་པོའི་ཡི་གེ་ནི་ཡའོ། །ལན་གཉིས་ནི་ཏ་ཐཱ་ཡ་ཏ་ཐཱ་ཡ་ཞེས་པ་སྟེ། གཏོགས་ཤིག་པའོ། །དེ་གཉིས་ནི་ཐོ་བ་ཅན་དང་
[118b.6]གཏུན་ཕྲུགས་ཅན་བསྐུལ་བའོ། །གཉིས་པའི་དང་པོ་ནི་ཙའོ། །ལྔ་པའི་དང་པོ་ནི་པའོ། །དྲག་པོ་དགའ་བའི་ས་བོན་ནི་ཧ་སྟེ་གོང་མའང་ཤེས་པར་བྱའོ། །འདི་ནི་པ་ཙ་པ་ཙ་ཞེས་པས་ཚོས་ཤིག་པ་སྟེ། གཉིས་གཉིས་ཤེས་པར་བྱའོ། །ལེའུ་གསུམ་པ་ནི་ལེའུ་གསུམ་
[118b.7]པའོ། །རྟོག་པ་ཐམས་ཅད་བསྡུས་པའི་སྒྲོན་མ་ལས་ལེའུ་གསུམ་པའི་བཤད་པའོ།། །།དེ་ལྟར་སྔགས་རབ་ཏུ་བཤད་ཀྱང་སྤེལ་བ་དང་ཡོན་ཏན་མ་ཤེས་ན་འགྲུབ་པར་མི་འགྱུར་བས་དེའི་ཕྱིར་དེ་ལ་དེ་བསྟན་ཏོ། །དེ་ལ་སྣ་ཚོགས་མངོན་པར་འགྲུབ་པ་ནི། སྐུ་གསུང་ཐུགས་
[119a]
[119a.1]སྣ་ཚོགས་པར་འགྱུར་བ་སྟེ། ལས་བཅུའི་ཕྱག་རྒྱ་ལ་སྩོགས་པའོ། །ཏིང་ངེ་འཛིན་གང་ལ་དེ་སྐད་ཅེས་བྱ་བ་ཡོད་པའི་ཏིང་ངེ་འཛིན་དེ་ལ་སྙོམས་པར་ཞུགས་ཏེ་གསུངས་ཞེས་བྱ་བར་སྦྱར་རོ། །གང་གསུངས་ཤེ་ན། སྔགས་དང་དོན་དུ་བཅས་པ་འོག་
[119a.2]མའོ། །དེ་ལ་ད་ཧ་ནི་སྲེགས་ཤིག་པའོ། །བཛྲ་ནི་རྡོ་རྗེ་སྟེ་རྡོ་རྗེ་བཞིན་ཐོགས་པ་མེད་པར་སྲེགས་ཤིག་པའོ། །གང་གིས་གང་ཞེ་ན། ཕྱག་ན་རྡོ་རྗེ་གོས་སྔོན་པོ་ཅན་བསམ་གཏན་གྱི་མེས་སྲེགས་ཤིག་པའོ། །དེ་ཡང་ཀླུ་བསྲེག་པ་ནི་ནཱ་ག་རཱ་ཛ་ཞེས་པའམ། ཡང་ན་སརྦ་ནཱ་ག་ཡ་
[119a.3]རཀྵ་རཀྵས་ཞེས་པ་དང་སྦྱར་རོ། །ལྷ་བསྲེགས་ན་སརྦ་དེ་བ་རཱ་ཛ་ཞེས་པ་དང་སྦྱར་རོ། །གནོད་སྦྱིན་བསྲེགས་ན་ཀུ་བེར་སརྦ་ཞེས་པ་དང་སྦྱར་རོ། །ཡི་དགས་བསྲེགས་ནས་སརྦ་ཡ་མ་ཞེས་པ་དང་སྦྱར་རོ། །སྲིན་པོ་བསྲེགས་ན་སརྦ་རཀྵས་ཞེས་པའོ། །དགྲ་བསྲེགས་ན་སརྦ་ཤ་ཧཱུཾ་ཞེས་པ་དང་སྦྱར་
[119a.4]རོ། །དེ་ལ་སོགས་པ་གང་ལ་བྱ་བའི་མིང་གི་སྔགས་དང་བསྲེགས་པའི་སྔགས་སྤེལ་ཏེ། སྔགས་འདི་དག་ནི་ཕྱག་ན་རྡོ་རྗེ་ལ་སོགས་པའི་རྒྱུད་ལས་གསལ་བར་གསུངས་སོ། །ཇི་ལྟར་བསྲེག་པའི་སྔགས་ལ་སྤེལ་བ་དེ་ལྟར་དགུག་པ་ལ་སོགས་པ་ལའང་སྤེལ་ལོ། །གང་ཞིག་འདི་
[119a.5]འཛིན་རྣལ་འབྱོར་དེ། །ཞེས་པ་ནི། རྣལ་འབྱོར་པ་གང་ཞིག་སྔགས་འདི་འཛིན་པར་འགྱུར་ཏེ་ཞེས་པའོ། །ཉེས་པ་ཀུན་ལས་རབ་ཏུ་ཐར། །ཞེས་པ་ནི། འབྱུང་པོ་དང་ཡི་དགས་ལ་སོགས་པས་བྱས་པའི་རིག་སྔགས་ཀྱི་སྦྱོར་བ་ལས་ཐར་བའོ། །ལེགས་པའི་ཡོན་ཏན་ཐམས་ཅད་
[119a.6]འཐོབ། །ཅེས་པ་ནི། ཉེས་པ་ལས་ལོག་པའོ། །ཡང་ན་རྒྱུད་འདིའི་དོན་འཛིན་པ་དེ་རྣམ་པར་རྟོག་པའི་འཆིང་བ་ལས་ཐར་ནས་དངོས་གྲུབ་རྣམ་གཉིས་འཐོབ་བོ། །གཞན་གང་དུ་བཤད་པས་རྟོགས་པར་ནུས་སོ། །རྟོག་པ་ཐམས་ཅད་བསྡུས་པའི་སྒྲོན་མ་ལས་ལེའུ་བཞི་པའི་བཤད་པའོ།། །།
[119a.7]སྤེལ་བ་དང་ཡོན་ཏན་བསྟན་ཀྱང་འཁོར་ལོ་བསྒོམ་པ་མ་བསྟན་ན་འགྲུབ་པར་མི་འགྱུར་བས་དེའི་ཕྱིར་དེ་ལ་དེ་བསྟན་ཏོ། །འོད་ཟེར་ནི་འཁོར་ལོ་སྟེ་སོ་སོའི་འོད་དང་ལྡན་པའོ། །དེས་བསྲེག་པ་ལ་སོགས་པ་མངོན་པར་འགྲུབ་པའི་ཏིང་ངེ་འཛིན་གང་ལ་དེ་སྐད་ཅེས་བྱ་བ་ཡོད་པའི་ཏིང་ངེ་
[119b]
[119b.1]འཛིན་དེ་ལ་དེ་སྐད་ཅེས་བྱའོ། །འབྱུང་བཞིའི་སངས་རྒྱས་རབ་བསྒོམས་ནས། །ཞེས་པ་ནི་ལས་སོ་སོའི་དབང་དུའོ། །མེ་བརྒྱད་ནི་རྐང་མཐིལ་གཉིས་དང་། དཔྱི་མིག་གཉིས་དང་། ལག་པ་གཉིས་དང་། མདོམས་དང་མགྲིན་པ་བརྒྱད་དུ་རཾ་ལས་བྱུང་བའི་གྲུ་གསུམ་དམར་བ་
[119b.2]བརྒྱད་བསྒོམ་མོ། །ཆུ་བརྒྱད་ཀྱང་དེ་ལྟར་བརྒྱད་དུ་བཾ་ལས་བདུད་རྩིའི་ཆུ་རྒྱུན་བྱུང་བས་དག་པར་བསམ་མོ། །གནས་བརྒྱད་དུ་ལཾ་ལས་ས་གཞི་སེར་པོ་གྲུ་བཞི་པ་ཟུར་བཞི་རྡོ་རྗེ་བཞིས་མཚན་པའོ། །དེ་ནི་ས་བརྒྱད་པའོ། །ཡང་ན་གནས་དེར་ཡཾ་བརྒྱད་ལས་རླུང་གི་དཀྱིལ་
[119b.3]འཁོར་བརྒྱད་བསྒོམ་པའོ། །དེ་ནི་རླུང་ངོ་། །འཁོར་ལོ་ནི་དེས་དེ་དང་དེའི་རྣམ་པར་གཅོད་པའི་ཕྱིར་རོ། །འབྲས་བུ་རིམ་གྱིས་གནོད་སྦྱིན་གཙོ། །ཞེས་པ་ནི་ཧཱུཾ་དང་རྡོ་རྗེ་ལས་གོས་སྔོན་པོའི་སྐུར་འགྲུབ་པའོ། །ཡང་ན་འདི་འདི་ལྟར་ཡང་སྟོན་ཏེ། སློབ་དཔོན་ནམ་ཡང་མདུན་
[119b.4]གནས་པས། །བདག་ཉིད་མཐའ་ཡས་མེ་བརྒྱད་དུ། །རཾ་ལས་བྱུང་བའི་མེ་འབར་བ། །འོག་ཏུ་རླུང་གིས་གཡབ་པས་འབར། །འབྱུང་པོ་ཐམས་ཅད་ཚིག་ནས་བྱེར། །ཐལ་བའི་ཤུལ་དུ་ཡཾ་ལས་རླུང་། །བསྐྱོད་པས་གཏོར་ནས་དག་པའི་སར། །ཡི་གེ་བཾ་ལས་ཆུ་སྐྱེས་པས། །
[119b.5]དངོས་དང་བག་ཆགས་དག་པས་དཀྲུས། །ཀུན་གཞི་བྱང་ཆུབ་ཐིག་ལེ་ལས། །ཧཱུཾ་གྱུར་དེ་ལས་རྡོ་རྗེའི་སྐུ། །གསང་བའི་བདག་པོའི་གོས་སྔོན་གསལ། །ཡེ་ཤེས་གོས་སྔོན་གཉིས་མེད་བསྟེམ། །ཡང་ན་མདུན་གྱི་དེ་ཉིད་གཞུག །གནས་བརྒྱད་ལཾ་ལས་ས་གཞི་བརྒྱད། །
[119b.6]སྟེང་དུ་རིན་ཆེན་འབྱུང་ལྡན་སྐུ། །བདུད་རྩིའི་བུམ་པ་ཐོགས་པ་བརྒྱད། །འོད་ཀྱི་འཕྲོ་འདུས་སྟོང་གསུམ་ཚེ། །བདུད་རྩིའི་བུམ་པར་བླུགས་ཤིང་དགས། །མདུན་རྒྱབ་གཡས་གཡོན་གོས་སྔོན་བཞི། །ཚེ་ལ་གནོད་པའི་བགེགས་རྣམས་བསྲུང་། །དེ་ལྟར་བྱས་ནས་
[119b.7]བཟླས་པ་བྱ། །ཕྱི་ནང་དགུག་དང་བརྟན་པ་དང་། །ཡི་གེ་ཨོཾ་གྱིས་གསུམ་ལ་དམིགས། །ཕྱོགས་དུས་ལྷ་མོས་མཆོད་པ་བྱེད། །ཅེས་པ་ནི། སྒྲུབ་པའི་ཐབས་སུ་ཤེས་པར་བྱའོ། །རྟོག་པ་ཐམས་ཅད་བསྡུས་པའི་སྒྲོན་མ་ལས་ལེའུ་ལྔ་པའི་བཤད་པའོ།། །།འཁོར་
[120a]
[120a.1]ལོའི་སྦྱོར་བ་དང་ལྡན་ཡང་སྦྱིན་སྲེག་གི་ཆོ་ག་མེད་ན་འགྲུབ་པར་མི་འགྱུར་བས་དེའི་ཕྱིར་དེ་ལ་དེ་བསྟན་ཏོ། །ལས་བཅུའི་སྦྱིན་སྲེག་ནི་ལས་བཅུ་ཁོ་ནའི་སྦྱིན་སྲེག་སྟེ། སྦྱིན་སྲེག་གང་ལ་མིང་དེ་སྐད་ཅེས་བྱ་བ་ཡོད་པ་དེ་ལ་དེ་སྐད་ཅེས་བྱའོ། །གསུངས་ཞེས་བྱ་བ་ནི་དེ་
[120a.2]ལྟ་བུའི་སྦྱིན་སྲེག་གསུངས་སོ། །ཞི་ལ་ཞེས་པ་ནི་ཞི་བའི་སྦྱིན་སྲེག་གི་སྔགས་སོ། །ཤཱནྟིཾ་ཀུ་རུ་ཞེས་པ་ནི་ཞི་བར་གྱིར་ཤིག་པའོ། །དེས་བདུད་དང་སྲིན་པོ་ལ་སོགས་པ་ནི་བར་འགྱུར་བས་དེ་སྐད་ཅེས་བྱའོ། །རྒྱས་པ་ནི་ཚེ་དང་བསོད་ནམས་ལ་སོགས་པ་རྒྱས་པར་བྱེད་པ་
[120a.3]སྟེ། དེའི་སྔགས་གསུངས་པ་བུཥྚིཾ་ཀུ་རུ་ཞེས་པ་ནི་རྒྱས་པར་གྱིས་ཤིག་པའོ། །དབང་ནི་ཀླུའི་བུ་མོ་དབང་དུ་བྱ་བ་དང་། ལྷའི་རྒྱལ་པོ་དབང་དུ་བྱ་བ་ལ་སོགས་པའོ། །དེའི་སྔགས་གསུངས་པ། པ་ཤཾ་ཀུ་རུ་ཞེས་པ་ནི་དབང་དུ་གྱིས་ཤིག་པའོ། །དྲག་པོ་ནི་དྲག་པོ་སྟེ། འདིར་བསད་
[120a.4]པའི་ལས་ཁོ་ན་དྲག་པོའོ། །དེའི་སྔགས་གསུངས་པ། མཱ་ར་ཡའམ་ཡང་ན་སུཾ་བྷ་ནི་ལ་སོགས་པ་སྟེ། རྩ་བ་དང་མིང་དང་བསྐུལ་བར་བྱ་བ་སྤེལ་བ་ནི་སྔགས་སོ། །ཤིང་ནི་གོ་སླའོ། །ཐབ་ཁུང་དབྱེབས་ནི་ལས་བཞི་སྟེ། །ཞེས་པ་ཟླུམ་པོ་དང་གྲུ་བཞི་དང་། ཟླ་གམ་དང་བྷ་ག་
[120a.5]ལྟ་བུའོ། །ལས་ཐམས་ཅད་པའི་ནི་པདྨའི་དབྱིབས་ཀྱི་ཐབ་ཁུང་དུ་ཙནྡན་གྱི་ཤིང་ལ་མེ་བས་ཏེ་བསྲེགས་པའོ། །དེ་ཉིད་ཀྱི་སྔགས་གསུངས་པ། བི་དྷྭནྶ་ཡ་ནི་དབྱེ་བའོ། །ཨུཙྪ་ཏ་ནི་བསྐྲད་པའོ། །མོ་ཧ་ཡ་ནི་རྨོངས་པའོ། །སྟམ་བྷ་ཡ་ནི་མནན་པའོ། །ཨུད་མན་ནི་སྨྱོ་བའོ། །
[120a.6]ཨཱ་ཀཪྵ་ཡ་ནི་དགུག་པའོ། །ལྷག་མ་ནི་སྨྱོ་བར་བྱའོ། །དེའི་ལས་ཀྱི་མན་ངག་ནི་ཐབ་ཁུང་གཞལ་ཡས་ཁང་དུ་སོ་སོའི་མེ་ལྷ་སྤྱན་དྲངས་ཏེ། མཆོད་པ་དང་། བསྟོད་པ་དང་། གཉིས་སུ་མེད་པར་བྱས་ནས་དབུས་སུ་འཕགས་པ་གོས་སྔོན་པོ་ཅན་ལས་སོ་སོའི་དབུ་རྒྱན་
[120a.7]དང་ལྡན་པ་ལ་ཡེ་ཤེས་ཀྱི་འཁོར་ལོ་བཅུག་སྟེ། གཉིས་སུ་མེད་པ་ལ་སྦྱིན་སྲེག་བྱས་པས་དེ་དང་དེའི་རྣམ་པར་འགྲུབ་པར་འགྱུར་རོ། །རྟོག་པ་ཐམས་ཅད་བསྡུས་པའི་སྒྲོན་མ་ལས་ལེའུ་དྲུག་པའི་བཤད་པའོ།། །།དེ་ལྟར་ལེའུ་དྲུག་པར་སྦྱིན་སྲེག་གི་ཆོ་ག་བསྟན་ཀྱང་། སྨེ་
[120b]
[120b.1]བའི་སྦྱིན་སྲེག་མ་བསྟན་ན་དོན་མེད་པར་འགྱུར་བས་དེའི་ཕྱིར་དེ་ལ་དེ་བསྟན་ཏོ། །དཔལ་ལྡན་གོས་སྔོན་ཅན་ཞེས་བྱ་བ་བཤད་ཟིན་ཏོ། །གདུལ་བར་དཀའ་བ་འདུལ་བའི་མཆོག །ཅེས་པ་རུ་ཏྲ་ལ་སོགས་པ་འདུལ་བའོ། །གསང་བ་ནི་སྐུ་གསུང་ཐུགས་ཏེ། དེའི་བདག་པོ་
[120b.2]ཡིན་པ་དེ་ལ་དེ་སྐད་ཅེས་བྱའོ། །དྲག་པོ་ཆེན་པོ་ནི་དྲག་པོ་ཆེན་པོ་སྟེ། དྲག་པོ་གང་ལ་རབ་ཏུ་འབར་བ་ཡོད་པ་དེ་ལ་དེ་སྐད་ཅེས་བྱའོ། །ཏིང་ངེ་འཛིན་ལ་སྙོམས་པར་ཞུགས་པའི་ཚེ་འཁོར་གྱི་ཀླུ་ནི་འཁོར་ན་གནས་པའི་ཀླུ་སྟེ། དགའ་བོ་ལ་སོགས་པའོ། །གང་གིས་དེ་དབང་དུ་
[120b.3]བསྡུས་པའོ། །གང་གི་ཚེ་ཀླུ་དབང་དུ་སྡུད་པ་དེའི་ཚེ། ཁམས་གསུམ་རྣམ་པར་རྒྱལ་བས་ཞུས་ཏེ་ལུང་བསྟན་པའོ། །ཞུས་པའི་རྒྱུད་ནི་མཁའ་འགྲོ་མའི་གླིང་ན་འདུག་པའོ། །གང་གིས་བསྡུས་པ་ལ་དགའ་བ་འཇུག་པར་འགྱུར་བ་དེའི་ཚེ་བསྡུས་པ་བསྟན་ཏོ། །གང་གི་ཚེ་
[120b.4]ཁམས་གསུམ་རྣམ་པར་རྒྱལ་བས་ཞུས་པ་དེའི་ཚེ་གསུངས་ཞེས་སྦྱར་རོ། །ཞུས་པའི་ལེའུ་རེ་རེ་ལས་སྦྱར་ཏེ། འདིར་མ་སྨོས་སོ། །ཉེན་བཟློག་པའི་གནས་གསུངས་པ། རིམ་པ་གསུམ་སྟེ། འདི་ལ་རིམ་པ་གསུམ་ཡོད་པས་རིམ་པ་གསུམ་པའོ། །དེར་ཅི་བྱ་ཞེ་ན། ཕྱི་
[120b.5]རོལ་གྱི་ཁང་པར་སྨེ་བའི་སྦྱིན་སྲེག་སྟེ། དེ་ཉིད་གསུངས་པ། ཧོམ་ཁུང་གྲུ་གསུམ་གདེངས་པའི་སྟེང་། །དུག་སོགས་ཤིང་ལས་མེ་སྦར་ཏེ། །སྟེང་དུ་ནད་པ་མེ་བརྒྱད་བསྒོམ། །གུ་གུལ་ལ་སོགས་དུད་པས་བདུག །སློབ་དཔོན་གསང་བའི་ཕྱག་རྒྱ་ཡིས། །བྱ་ཁྱུང་གཟུགས་
[120b.6]ལ་དབབ་པ་བརྩམ། །དེ་ཡིས་སྟེང་ནས་བརྡབ་པ་དང་། །ཀླུ་གཟིར་དྲག་སྔགས་བཟླས་པར་བྱ། །དེ་ལས་ཐོན་པའི་ཀླུ་རྣམས་བཀུག །ཕྱི་ཡི་གཞལ་ཡས་ཁང་དུ་དགུག །དུག་བཅོམ་སོས་ནས་གནས་སུ་བསྐྱལ། །ཞེས་སོ། །བར་དུ་ཕྱི་ནང་ཁྲུས་བྱས་ཏེ། །ཞེས་པ་
[120b.7]ནི། དེ་ནས་བར་གྱི་ཁང་པར་ཕྱི་ནང་གི་ཁྲུས་ཀྱིས་དག་པར་བྱའོ། །དེར་ནི་ཚོགས་ཀྱི་འཁོར་ལོ་ལ་སོགས་པའང་བྱ་སྟེ་མཉེས་པར་བྱའོ། །ནང་དུ་བུམ་པའི་དབང་བསྐུར་ཞེས་པ་ནི། ནང་དུ་དཀྱིལ་འཁོར་ཆེན་པོའི་ཆོ་ག་རྫོགས་པར་བྱས་ཏེ། བུམ་པ་ལ་སོགས་པའི་དབང་བསྐུར་
[121a]
[121a.1]བའོ། །དེས་ཅིར་འགྱུར་ཞེ་ན། ཉེན་རྣམས་བཟློག་ལ་ཐེ་ཚོམ་མེད། །ཅེས་གསུངས་ཏེ། འབྱུང་པོའི་ཉེན་ལ་སོགས་པ་མྱུར་དུ་བཟློག་པར་འགྱུར་རོ། །རིགས་མཐུན་པའི་ཀླུ་ལ་སོགས་པ་ཁ་ཅིག་ལ་ནི་རུང་བ་མ་ཡིན་ནོ། །གཞན་ནི་གོ་སླའོ། །རྟོག་པ་ཐམས་ཅད་
[121a.2]བསྡུས་པའི་སྒྲོན་མ་ལས་ལིའུ་བདུན་པའི་བཤད་པའོ།། །།ཡི་དགས་ཐམས་ཅད་བཟློག་པའི་ཆོ་ག་གསུངས་ཀྱང་གཏོར་མའི་ལས་མེད་ན་འགྲུབ་པར་མི་འགྱུར་བས་དེའི་ཕྱིར་དེ་ལ་དེ་བསྟན་ཏོ། །ཐམས་ཅད་ལྡན་པའི་གཏོར་མ་ནི། །ཕྱེ་དང་མེ་ཏོག་ལ་སོགས་
[121a.3]པ་དང་སྨན་དང་འབྲུ་དང་དྲི་དང་སྙིང་པོའོ། །རཾ་གྱིས་སྦྱངས་ཞེས་པ་ནི། ཡི་གེ་རཾ་གྱིས་དངོས་པོ་བག་ཆགས་སུ་གྱུར་པ་བསྲེགས་པ་དང་། ཨཾ་ལས་རླུང་གི་བུས་ཁཾ་ལས་ཆུས་བཀྲུས། དེའི་དབུས་སུ་བཾ་ལས་ཆུ་རྒྱུན་བྱུང་བས་མཉེས་པར་བྱས་ཏེ། ཕྱི་ལྟར་བཤད་པའོ། །
[121a.4]ཡང་ན་ཐམས་ཅད་ལྡན་པ་ནི་ཤ་ལྔ་དང་བདུད་རྩི་ལྔ་ལ་སོགས་པ་སྟེ། དེ་ལ་ཡི་གེ་གསུམ་གྱིས་དག་པ་ལས་ཤ་ལྔ་བདུད་རྩི་ལྔ་བསྐྱེད་དེ། དབབ་པ་ནི་ཨོཾ་ལས་འོད་བྱུང་བས་ཡེ་ཤེས་ཀྱི་བདུད་རྩི་པ་བ་སྟེ། གཉིས་སུ་མེད་པ་ནི་སྦྱོར་བའོ། །ཛ་ཡིས་བཀུག་སྟེ་ཞེས་པ་ནི་བདག་
[121a.5]འཕགས་པ་གོས་སྔོན་པོ་ཅན་གྱི་བསམ་གཏན་དང་ལྡན་པའི་འོད་ཟེར་ལས་ལྷ་མོ་ལྕགས་ཀྱུ་ཅན་གྱི་ཚོགས་ཀྱིས་འབྱུང་པོ་ཐམས་ཅད་བཀུག་སྟེ། ཡེ་ཤེས་ཀྱི་འཁོར་ལོ་བཀུག་ནས་གཏོར་མ་སྦྱིན་ནོ། །ང་ནི་ཞེས་བྱ་བ་ལ་སོགས་པ་ནི་གོ་སླའོ། །རྟོག་པ་ཐམས་ཅད་བསྡུས་པའི་སྒྲོན་
[121a.6]མ་ལས་ལེའུ་བརྒྱད་པའི་བཤད་པའོ།། །།བསམ་གཏན་འཁོར་ལོ་མེད་པ་ལ། །ཞེས་པ་ནི་བསམ་གཏན་མི་ནུས་པའོ། །སྔགས་ཀྱི་ངེས་པ་ནི་སྔགས་ཀྱི་མན་ངག་སྟེ། ནུས་པ་ཁྱད་པར་ཅན་འབྱུང་བའི་སྔགས་བཤད་པའོ། །དེ་ལ་ཏདྱ་ཐཱ་ཞེས་པ་ནི། དང་པ་ལས་
[121a.7]ཐམས་ཅད་པའི་སྔགས་སོ། །དེ་བས་སྔགས་དེ་ནི་ཀུན་ལ་སྦྱོར་རོ། །ལས་སོ་སོ་བ་ནི་འབྱུང་པོ་སོ་སོ་འདུལ་བའི་སྔགས་ཏེ། དེ་ནི་དང་པོ་ཀླུ་འདུལ་བའི་སྔགས་སོ། །བུདྡྷ་ལ་སོགས་པ་ནི་སྨེ་བའི་སྦྱིན་སྲེག་གི་དུས་སོ། །ཡང་ན། དཀྱིལ་འཁོར་པདྨ་འདབ་བརྒྱད་ལ། །དགའ་
[121b]
[121b.1]བོ་ལ་སོགས་ཀླུ་བརྒྱད་དགོད། །མཉེས་པར་བྱས་ནས་བདུག་པ་དབུལ། །ཞེའོ། །དེའི་འོག་མ་གཤིན་རྗེ་དགོད་པ་དང་བཟློག་པ་སྟེ། འཁོར་ལོ་བཅུ་དྲུག་དཀྱིལ་འཁོར་དུ། །འཇམ་དཔལ་སྤྲུལ་པ་བཅུ་དྲུག་དགོད། །མཉེས་ནས་འཁོར་དུ་གཏོགས་པས་བཟློག །
[121b.2]ཅེའོ། །པྲེ་ཏ་ནི་ཡི་དགས་བཟློག་པ་སྟེ། དེ་ཡང་། འཁོར་ལོ་བརྒྱད་ཀྱི་དཀྱིལ་འཁོར་དུ། །ཡི་དགས་གཙོ་བོ་བརྒྱད་པ་མནན། །འདོད་རྒྱལ་འཆིང་བྱེད་སྲོག་ལེན་དང་། །རལ་གཅིག་གཅེར་བུ་བུམ་པའི་སྣ། །མགོ་སྐྱེས་མིག་བཟང་ཞེས་སུ་བཤད། །དེ་ཡིས་
[121b.3]དེ་དག་གདུལ་བར་མཛད། །ཅེའོ། །གནོད་སྦྱིན་བཟློག་པ་ནི། གནོད་སྦྱིན་སྡེ་དཔོན་ཉི་ཤུ་ལྔ། །བསྡུས་པའི་གཙོ་བོ་རྣམ་པ་བརྒྱད། །འདབ་མ་བརྒྱད་ལ་བཀོད་ཅིང་བཟློག །ཅེའོ། །གཞན་ནི་གཞུང་ལས་ཤེས་པར་བྱའོ། །དེ་ལྟ་བུའི་སྔགས་གསུངས་པར་འགྱུར་བས་
[121b.4]བདག་པོ་སྟེ། དེ་ལྟ་བུའི་སྒོ་ནས་ཡོན་ཏན་བརྗོད་པ་ནི་བསྟོད་པའོ། །རྟོག་པ་ཐམས་ཅད་བསྡུས་པའི་སྒྲོན་མ་ལས་ལེའུ་དགུ་པའི་བཤད་པའོ།། །།དེ་ནས་དགུག་པའི་ལས་བཤད་པར་བྱ་སྟེ། རྡོ་རྗེ་ལྕགས་ཀྱུ་ནི་ཕྱག་ན་རྡོ་རྗེའི་འོད་ཟེར་ལས་བྱུང་བས་ལྕགས་ཀྱུའོ། །ཡང་
[121b.5]ན་རླུང་གི་རྔ་མོའམ། རླུང་གི་དཀྱིལ་འཁོར་གྱི་སྟེང་དུ་བཀུག་ནས་འོང་བར་བསམ་མོ། །རླུང་དང་ལྕགས་ཀྱུས་འགྲུབ་པ་དེ་བཞིན་དུ་མེ་ཡིས་ཀྱང་ནུས་ཞེས་སྦྱར་རོ། །སྔགས་གོང་དུ་བསྟན་ཏོ། །བསམ་གཏན་དྲག་པོ་ནི་གོང་མ་ཉིད་དོ། །ཀླུ་རིགས་དུ་མ་ཐམས་ཅད་ཀུན། །
[121b.6]ཞེས་པ་ནི་རྒྱལ་རིགས་ལ་སོགས་པའོ། །འགུགས་འགྱུར་ཞེས་པ་ཐབས་འདི་ལས་གཞན་གྱིས་མ་ཡིན་ནོ། །ཁུགས་པ་དེ་ཇི་ལྟར་བྱ་ཞེ་ན། ཟངས་གཞོང་ནང་དུ་སྤྱན་དྲངས་ཏེ། །ཞེས་པ་ཟངས་གཞོང་དུ་དགུག་ཅེས་སོ། །དེ་ནི་ཉེན་གྱིས་ཟིན་པའི་ལུས་ལ་སྦལ་པ་ལ་སོགས་
[121b.7]པ་བཀོད་ལ་སྔགས་དང་ཕྱག་རྒྱས་དབྱུང་བ་བྱས་ཏེ། ཟངས་གཞོང་དུ་དགུག་ཅེའོ། །དུག་གཞོམ་པ་ནི་འདོད་ཆགས་ལ་སོགས་པའོ། །སྨན་གྱིས་གསོ་ཞེས་པ་ནི། དབང་པོ་ལ་སོགས་པས་གསོ་བའོ། །གང་གནོད་ཕྱོགས་སུ་བསྐྱལ་ཞེས་པ་ནི། གང་ལ་གནས་
[122a]
[122a.1]པའི་སར་བསྐྱལ་བའོ། །རྟོག་པ་ཐམས་ཅད་བསྡུས་པའི་སྒྲོན་མ་ལས་ལེའུ་བཅུ་པའི་བཤད་པའོ།། །།དེ་ནས་ཀླུ་གཟིར་བ་བཤད་པར་བྱ་སྟེ། ཞི་བའི་ལས་ཀྱིས་མི་འདུལ་བ་ནི་ཞི་བར་མི་འགྱུར་བའོ། །དེ་གཟིར་བའི་སྔགས་ནི་ཧ་ན་ལ་སོགས་པའོ། །
[122a.2]བསམ་གཏན་ཞེས་པ་ནི་སྔགས་དེ་དང་འབྲེལ་པའི་བསམ་གཏན་ནོ། །དེ་ནི་གང་ཞེ་ན། རྡོ་རྗེ་ལ་སོགས་པ་ཐོགས་པའི་ཁྲོ་བོས་བརྡེགས་པར་བསམ་མོ། །འོག་ཏུ་མེ་ཡི་འཁོར་ལོ་བསམ། །ཞེས་པ་མེ་བརྒྱད་བསྒོམ་པའོ། །གཞན་གོ་སླ་རོ། །ཡུངས་ཀར་ཡུངས་ནག་ལ་
[122a.3]སོགས་པ་ཁྲོ་བོའི་ཚོགས་སུ་བསམས་ལ་བརྡེག་ཅེའོ། །ཁྲ་སྤྱང་ལ་སོགས་པ་ནི། ཁྲ་དང་སྤྱང་ཀི་ལ་སོགས་པའི་གསོབ་ཀྱིས་བརྡབ་ཅིང་སྔགས་གོང་མའོ། །ཀླུ་གཟིར་བའི་ཆོ་ག་བསྟན་པ་དེ་བཞིན་དུ་ཡི་དགས་གཞན་ལ་ཡང་ཤེས་པར་བྱའོ། །མྱུར་དུ་ཐར་བ་ནི་མྱུར་དུ་གནོད་པ་
[122a.4]སེལ་བའོ། །རྟོག་པ་ཐམས་ཅད་བསྡུས་པའོ་སྒྲོན་མ་ལས་ལེའུ་བཅུ་གཅིག་པའི་བཤད་པའོ།། །།དེ་ནས་མཆོད་པ་སྟོན་ཏེ། ཉིད་ལ་ཉིད་མཆོད་པ་ཞེས་པ་ནི་ཉིད་ཀྱིས་མཆོད་པ་ཉིད་ལ་ཁྱབ་པ་སྟེ། འོག་ནས་སྟོན་ཏོ། །རྡོ་རྗེ་བདུག་པ་མོ་ནི་ཕྱག་ན་རྡོ་རྗེ་མཉེས་པར་བྱེད་པའི་
[122a.5]སྤོས་སོ། །ཡང་ན་ཐོགས་པ་མེད་པས་རྡོ་རྗེའོ། །བདག་ཉིད་དྲི་ཡིས་རྒྱས་མཛད་མ། །ཞེས་བྱ་བ་ནི། དྲིའི་མཆོད་པས་མཉེས་པར་བྱེད་མ་ཞེའོ། །མེ་ཏོག་ཐོགས་པ་མེ་ཏོག་མའོ། །བདག་ཉིད་དཀྱིལ་འཁོར་གསལ་བར་བཀྲ་བས་བཀྲ་བའོ། །སྤོས་དང་སྨན་གྱི་འདེ་གུ་
[122a.6]ཐོགས་པས་དྲི་ཆབ་མའོ། །ཉོན་མོངས་པ་ཐམས་ཅད་དག་པར་བྱེད་པས་དག་མའོ། །མར་མེ་ཐོགས་པས་མར་མེ་མའོ། །བདག་ཉིད་ཀྱི་དཀྱིལ་འཁོར་གསལ་བར་བྱེད་པས་གསལ་བྱེད་མའོ། །ཇི་སྲིད་ཐམས་ཅད་མཆོད་པ་ཆེ། །ཞེས་པ་ནི། ཇི་སྲིད་དུ་བསམ་གཏན་
[122a.7]གྱིས་ཁྱབ་པ་དེ་སྲིད་དུ་མཆོད་པའོ། །ཡང་ན་ཇི་སྲིད་དུ་ནམ་མཁའི་གར་ཁྱབ་པ་དེ་སྲིད་དུ་མཆོད་པ་ཆེན་པོ་ཞེའོ། །དེ་ཉིད་ཀྱིས་དབང་པོའི་རྒྱུད་ཚིམ་པས་བདེ་བའོ། །ཡང་ན། རྩ་ཡི་པདྨའི་སངས་རྒྱས་ལ། །བྱང་ཆུབ་སེམས་ཀྱིས་མཆོད་པས་བདེ། །ཞེའོ། །དེ་ཉིད་
[122b]
[122b.1]ནི་བླ་ན་མེད་པའི་མཆོད་པ་སྟེ། ཁྱད་པར་དུ་འཕགས་པའོ། །ཡང་དག་པའི་མཆོད་པ་ནི་ལག་པའི་མཆོད་པ་དང་བྲལ་བའོ། །རྟོག་པ་ཐམས་ཅད་བསྡུས་པའི་སྒྲོན་མ་ལས་ལེའུ་བཅུ་གཉིས་པའི་བཤད་པའོ།། །།དེ་ནས་འཁོར་ལོ་སྔོན་བྱུང་སྟོན་ཏེ། བསྡུ་བ་ནི་ཀླུའི་
[122b.2]ཚོགས་ལ་སོགས་པ་བསྡུ་བའོ། །སྡུད་པར་བྱེད་པའི་ཏིང་ངེ་འཛིན་གང་ལ་མིང་དེ་སྐད་ཅེས་བྱ་བ་ཡོད་ཏིང་ངེ་འཛིན་དེ་ལ་སྙོམས་པར་ཞུགས་སོ། །མེའི་འཁོར་ལོ་ནི་འཁོར་ལོ་བརྒྱད་པའོ། །དེའི་སྔགས་ནི་གོང་དུ་བསྟན་པའོ། །དེས་ཅི་བྱེད་ཅེ་ན། ཀླུ་ཚིག་པར་བྱས་ཞེས་
[122b.3]སོ། །བྲལ་ནས་དཔག་ཚད་གནས་སུ་འབྲོས། །ཞེས་པའོ། །བྲེད་ཤ་ཐོད་ནས་བྲོས་པའོ། །སླར་བསྡུས་བདུད་རྩི་སྨན་གྱིས་གསོས། །ཞེས་པ་ནི་བདུད་རྩིས་སོས་པར་གྱུར་པའོ། །སོ་སོའི་གནས་སུ་བཀོད་ཅེས་པ་ནི། སོ་སོའི་གནས་སུ་སོང་ཞེས་སོ། །གཞན་གོ་སླའོ། །ཆུ་
[122b.4]ཡི་ངང་ལ་གནས་འདོད་ན། །ཞེས་པ་ནི། ཆུ་ཡི་འཁོར་ལོ་བསྒོམས་པར་འདོད། །ཅེའོ། །ཆུ་བརྒྱད་ཏིང་འཛིན་ལ་གནས་ནས། །ཞེས་པ་ནི། གོང་མ་ལྟར་བསམ་པའོ། །འོག་མ་ནི་སྡོད་པའོ། །གཞན་ལའང་དེ་ལྟར་ཤེས་པར་བྱའོ། །དེ་ལྟར་འཁོར་ལོ་བཞི་བསྒོམས་
[122b.5]པས་ཡོན་ཏན་གོང་དུ་སྨོས་པ་ཉིད་དོ། །རྟོག་པ་ཐམས་ཅད་བསྡུས་པའི་སྒྲོན་མ་ལས་ལེའུ་བཅུ་གསུམ་པའི་བཤད་པའོ།། །།དེ་ནས་རྫོགས་པའི་རིམ་པ་བཤད་པར་བྱ་སྟེ། ཕྲ་མོའི་ཏིང་འཛིན་ལ་གནས་པས། །ཞེས་པ་ནི། ཆོས་དང་། སྤྲུལ་པ་དང་། ལོངས་སྤྱོད་དང་
[122b.6]བདེ་བ་ཆེན་པོ་ལ་སོགས་པ་ལ་ཐིག་ལེ་གནས་པ་དང་། རང་བྱུང་གི་ཡི་གེ་གནས་པ་ནི་ཕྲ་མོའོ། །ཏིང་ངེ་འཛིན་གང་ལ་མིང་དེ་སྐད་བྱ་བ་ཡོད་པའི་ཏིང་ངེ་འཛིན་དེ་ལ་སྙོམས་པར་ཞུགས་ནས་ཞེས་པའོ། །ཞུགས་པ་དང་དེའི་ངང་ལ་གནས་པ་ནི་རྣམ་གྲངས་སུ་གཏོགས་
[122b.7]པའོ། །འཁོར་གྱི་གནོད་སྦྱིན་ནི་མིག་མི་བཟང་ལ་སོགས་པ་སྟེ། དེ་དག་གིས་ཞུས་པའོ། །ཕྲ་མོའི་ཐིག་ལེ་ནི་འཁོར་ལོ་བཞིའི་ཐིག་ལེའོ། །ཅིར་སྣང་དངོས་པོ་གཅིག་ཏུ་འདུས། །ཞེས་པ་ནི། འབར་བའི་མེའི་ངང་ལ་གནས་པས་བྱང་ཆུབ་སེམས་ཀྱི་ཁུ་བ་ཞུ་བའོ། །དེ་
[123a]
[123a.1]ཉིད་མཐའ་འདས་རང་བཞིན་མེད། །ཅེས་པ་ནི། འོད་གསལ་ཆོས་སྐུ་ཐོབ་པ་སྟེ། རྣལ་འབྱོར་གྱི་ལམ་གྱི་དབང་དུ་བྱས་པའོ། །འདོད་ཆགས་ཏིང་འཛིན་ལ་གནས་ནས། །ཞེས་པ་ནི། རྡོ་རྗེ་ཁྲོས་མ་དང་སྦྱོར་བས་ཞེས་པ་སྟེ། གཞན་ལས། བདེ་བའི་འཕྲོ་
[123a.2]འདུ་རབ་བྱེད་ཅིང་། །འོ་དང་འཁྱུད་པ་ལ་སོགས་པ། །ཞེའོ། །འཁོར་གྱི་གནོད་སྦྱིན་མང་པོ་ཀུན། །ཞེས་པ་ནི། འཁོར་གྱི་གནོད་སྦྱིན་ནི་འདོད་ཆགས་དང་བྲལ་བའོ། །སྔགས་དང་ངུས་དང་བརྒྱལ་བ་དང་། །ཞེས་པ་ནི། དེ་ལྟ་བུའི་འདོད་ཆགས་ཀྱི་ཆོས་མཐོང་བས་སྔངས་པ་
[123a.3]ལ་སོགས་པའོ། །བསླང་སྟེ་བླ་མེད་དོན་བསྟན་པས། །ཞེས་པ་ནི། བརྒྱལ་བ་ཐམས་ཅད་བསླང་སྟེ། བླ་ན་མེད་པའི་ཕོ་ཉའི་མན་ངག་བཤད་པའོ། །དེས་ཅིར་འགྱུར་ཞེ་ན། ཐམས་ཅད་འདོད་ཆགས་མངོན་སངས་རྒྱས། །ཞེས་པ་ནི། གནོད་སྦྱིན་ཐམས་ཅད་ཕོ་ཉའི་ལམ་
[123a.4]དུ་ཞུགས་པས་སངས་རྒྱས་པར་འགྱུར་པའོ། །འཁོར་གྱིས་སྐུ་ལ་མངོན་པར་བསྟོད། །ཅེས་པ་ནི། འཁོར་གནོད་སྦྱིན་གྱི་ཚོགས་ཀྱི་ཡིད་རབ་ཏུ་དགའ་སྟེ། བསྟོད་པ་བྱས་ཤེའོ། །ལུང་གཞན་ལས། ཆོས་དང་ལོངས་སྤྱོད་བདེ་ཆེན་སྤྲུལ། །སུམ་ཅུ་གཉིས་དང་བཅུ་དྲུག་བརྒྱད། །དྲུག་
[123a.5]ཅུ་གཉིས་ཀྱི་དབུས་དག་ཏུ། །ཐིག་ལེ་བཞི་ལས་གཅིག་ཏུ་གྱུར། །དེས་ནི་བླ་མེད་མངོན་པར་འགྲུབ། །ཅེའོ། །རྟོག་པ་ཐམས་ཅད་བསྡུས་པའི་སྒྲོན་མ་ལས་ལེའུ་བཅུ་བཞི་པའི་བཤད་པའོ།། །།དེའི་རྗེས་སུ་ཡི་རང་བསྟོན་པའི་ཕྱིར། །འདུས་བའི་འཁོར་རྣམས་ཀྱིས་ཞེས་
[123a.6]བྱ་བ་ལ་སོགས་པ་གསུངས་ཏེ། ལྕང་ལོ་ཅན་གྱི་ཕོ་བྲང་ན། །ཞེས་པ་ནི། འོག་མིན་གྱི་གནས་ན་ཞེས་པའོ། །གསང་བའི་བདག་པོ་གོས་སྔོན་ཅན། །ཞེས་པ་གོང་དུ་བཤད་པའོ། །ཡོན་ཏན་ཐམས་ཅད་སྐུ་ལ་རྫོགས། །ཞེས་པ་ནི། མཚན་དང་དཔེ་
[123a.7]བྱད་དང་ལྡན་པའོ། །ཡང་ན་དངོས་གྲུབ་རྣམ་པ་གཉིས་འབྱུང་བའི་གནས་སུ་གྱུར་བའོ། །དངོས་མེད་དག་པ་ནི་ཐུགས་རྣམ་པར་མི་རྟོག་པའི་ཡེ་ཤེས་སོ། །དེ་དང་ལྡན་པ་དེ་ལ་ཕྱག་འཚལ་ལོ། །ཞེས་སྦྱར་རོ། །འཁོར་གྱི་ཀླུ་ཚོགས་འདུལ་
[123b]
[123b.1]བའི་ཚེ། །ཞེས་པ་ནི། །འཁོར་ན་གནས་པ་ཀླུ་རིགས་བཞི་འདུལ་བའོ། །ཀླུ་བརྒྱད་སྐུ་ལ་རབ་བརྒྱན་ནས། །ཞེས་པ་ནི་ཀླུ་དགའ་བོ་ལ་སོགས་པས་བརྒྱན་པའོ། །ཀླུ་གཙོ་ཞལ་དུ་གསོལ་བར་མཛད། །ཅེས་པ་ནི། སྦྲུལ་ནག་པོ་ཞལ་དུ་གསོལ་བར་མཛད་ཅེའོ། །དེ་ལྟར་ན་ཀླུ་
[123b.2]ཐམས་ཅད་འདུལ་བར་འགྱུར། དེའི་ལུས་ལ་བརྒྱན་པ་ནི་སྤྲུལ་པར་ཤེས་པར་བྱའོ། །ཀླུ་འདུལ་བའི་བྱམས་པ་ཆེན་པོས་ཀླུ་ཐམས་ཅད་འདུལ་བར་བྱེད་ཅེའོ། །སྣ་ཚོགས་དག་པའི་སྐུ་མངའ་ཞིང་། །ཞེས་པ་ནི། རང་བཞིན་གྱིས་རྣམ་པར་དག་པ་ལས་ལོངས་སྤྱོད་རྫོགས་པ་དང་
[123b.3]སྤྲུལ་པའི་སྐུ་སྣ་ཚོགས་པར་སྣང་བའོ། །རིགས་དྲུག་སྡེ་བརྒྱད་འདུལ་བར་མཛད། །ཅེས་པ་ནི་འགྲོ་བ་རིགས་དྲུག་གམ་ལྷ་མ་སྲིན་སྡེ་བརྒྱད་འདུལ་བར་བྱེད་པ་ཞེའོ། །སྐྱོན་གྱིས་མ་གོས་རང་སངས་རྒྱས། །ཞེས་པ་ནི། དངོས་པོ་དང་མཚན་མའི་སྐྱོན་གྱིས་མ་གོས་ཤིང་རང་བཞིན་
[123b.4]གྱིས་རྣམ་པར་དག་པའོ། །ཐོགས་མེད་ཀུན་འདུལ་ཞེས་པ་ནི། གདུག་པ་ཅན་ལ་སོགས་པ་འདུལ་བ་ལ་ཐོགས་པ་མེད་པ་ཞེའོ། །ཇི་ལྟར་བསམ་པའི་དངོས་པོ་ཀུན། །ཞེས་པ་ནི། ཇི་ལྟར་འདོད་པའི་དངོས་གྲུབ་ཀུན་ཤེས་པའི་དོན་ཏོ། །ཁྱོད་ལས་བྱུང་བས་མི་ཟད་གཏེར། །ཞེས་
[123b.5]པ་ནི་ཡིད་བཞིན་གྱི་ནོར་བུ་བཞིན་དུ་འབྱུང་ཞེའོ། །སྣ་ཚོགས་ཡིད་བཞིན་འཕྲུལ་པོ་ཆེ། །ཞེས་པ་ནི། སྐུ་གསུང་ཐུགས་སྣ་ཚོགས་པར་འབྱུང་བ་སྟེ། སྒྱུ་མའམ་མིག་འཕྲུལ་དང་འདྲ་བ་ཞེས་པའི་དོན་ཏོ། །ཡིད་བཞིན་ནོར་བུ་ཁྱོད་ཕྱག་འཚལ། །ཞེས་པ་ནི། ཡིད་བཞིན་གྱི་ནོར་
[123b.6]བུ་དང་འདྲ་བའི་སྐུ་མངའ་བ་ཁྱོད་ལ་ཕྱག་འཚལ་ལོ་ཞེས་པའི་དོན་ཏོ། །ནད་དང་རིམ་གྱི་གཉེན་པོ་མཛད། །ཅེས་པ་ནི། ནད་དང་རིམས་ཐམས་ཅད་སེལ་བར་མཛད་པ་སྟེ། སྣང་བ་དང་མུན་པ་ལྟ་བུའོ། །ནོར་དང་རྫས་ཀྱི་བདག་པོ་མཛད། །ཅེས་པ་ནི། ནོར་དང་རྫས་ཐམས་
[123b.7]ཅད་ལ་མངའ་བརྙེས་པ་ཞེས་པའོ། །འཇིགས་པ་ཀུན་ལས་བསྐྱབ་པར་མཛད། །ཅེས་པ་ནི། ནད་དང་དུག་དང་སྦྲུལ་ལ་སོགས་པའི་འཇིགས་པ་མི་འབྱུང་བའོ། །དེ་ཅིའི་ཕྱིར་ཞེ་ན། འཕགས་པ་ལག་ན་རྡོ་རྗེ་གོས་སྔོན་ཅན་ལ་ཕྱག་འཚལ་བ་དང་། མཆོད་པ་བྱེད་པ་དེ་ནི་
[124a]
[124a.1]ནད་ལ་སོགས་པའི་འཇིགས་པ་ཐམས་ཅད་ལས་ཐར་བར་འགྱུར་རོ། །ཆུ་དང་མེ་ལ་སོགས་པས་འཇིགས། །གོས་སྔོན་མིང་ཙམ་ཐོས་པས་ཐར། །ཞེའོ། །བླ་མེད་སྐྱོབ་མཛད་ཅེས་པ་ནི། །བླ་ན་མེད་པའི་སྐུ་གསུམ་སྟེ་དེ་དང་ལྡན་པ་དེ་ཡང་བླ་ན་མེད་པའོ། །དེས་
[124a.2]སྐྱོབ་པ་ནི་གོང་དུ་བཤད་པའོ། །དེ་ལྟ་བུའི་ཡོན་ཏན་དང་ལྡན་པ་ཁྱོད་ལ་ཕྱག་འཚལ་ལོ་ཞེས་པའོ། །ལྷ་དང་ཀླུ་ལ་སོགས་པ་ནི་ཡི་དགས་དང་བརྗེད་བྱེད་དང་མངག་པ་དང་ཕོ་ཉ་ཡང་བསྡུའོ། །ཡིད་དགའི་མཆོད་པས་ཁྱབ་པར་འགྱུར། །ཞེས་པ་ནི་གོས་སྔོན་པོ་ཅན་མཉེས་པར་
[124a.3]འགྱུར་ཞེའོ། །མི་ལ་སོགས་པའི་འཇིག་རྟེན་ཉེན་དང་ལྡན་པ་ཐམས་ཅད་བདེ་བ་ལ་བཀོད་དོ་ཞེས་པ་ནི། རིམས་ནད་ལ་སོགས་པའི་ཉེན་ཐམས་ཅད་ལས་ཐར་བར་འགྱུར་ཞེའོ། །འཕགས་པ་ལག་ན་རྡོ་རྗེ་གོས་སྔོན་པོ་ཅོན་རྒྱུད། །བདེ་གཤེགས་ཡུལ་གྱུར་རྟོགས་དཀའ་
[124a.4]སྦས་པའི་གསང་ཆེན་ཏེ། །བློ་དམན་བདག་གིས་ཤིན་ཏུ་བརྩམ་པར་མི་རིགས་ཀྱང་། །བདེ་གཤེགས་བཀའ་ལ་བདག་གིས་རབ་བརྟེན་ནས། །བདག་པས་དམན་ལ་ཕན་ཕྱིར་རྒྱུད་ཀྱི་འགྲེལ་འདི་བརྩམ། །འདི་ལ་ཉེས་པར་གྱུར་པའི་སྐྱོན་རྣམས་ཀུན། །ཕྱོགས་བཅུའི་
[124a.5]དུས་གསུམ་བདེ་གཤེགས་ཐམས་ཅད་དང་། །ས་གནས་རྡོ་རྗེ་སེམས་ལ་བཟོད་པར་གསོལ། །བདག་གིས་བརྩམས་པའི་དགེ་རྩ་ཅི་ཐོབ་དེ་དང་དེ་དག་གིས། །འཇིག་རྟེན་ཁམས་འདིར་རྟོག་པ་བསྡུས་པའི་སྒྲོན་འདི་འདིར་གནས་ཤིང་། །འདི་ལ་བརྟེན་ནས་བདག་དང་
[124a.6]མཐའ་ཡས་སེམས་ཅན་ཐམས་ཅད་ཀུན། །བླ་མེད་གོས་སྔོན་མཆོག་དང་ཐུན་མོང་ཐམས་ཅད་ཐོབ་པར་ཤོག །རྟོག་པ་ཐམས་ཅད་བསྡུས་པའི་སྒྲོན་མ་སློབ་དཔོན་ཆེན་པོ་ཤྲཱི་བྷ་དྲས་མཛད་པ་རྫོགས་སོ། །{T2202}༄༅༅། །རྒྱ་གར་སྐད་དུ། ཨཱ་རྱ་ནཱི་ལཱཾ་བ་ར་དྷ་ར་ནཱ་མ་
[124a.7]ཏནྟྲ་ཊཱི་ཀཱ། བོད་སྐད་དུ། འཕགས་པ་གོས་སྔོན་པོ་ཅན་ཞེས་བྱ་བའི་རྒྱུད་ཀྱི་རྒྱ་ཆེར་བཤད་པ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འགྲོ་བ་གང་གིས་མི་ཤེས་རབ་རིབ་སེལ་ཅིང་བདེ་བ་དག་ལ་ལེགས་འགོད་པ། །མགོན་པོ་སྒྲིབ་པ་ཀུན་སྤངས་
[124b]
[124b.1]ཡོན་ཏན་མ་ལུས་ཀུན་གྱི་བདག་ཉིད་འཁོར་ལོ་དཔའ་བོ་སྡེ་དཔོན་ཆེ། །ཉེས་དང་ཉེས་བྲལ་ཀུན་སྤངས་བདེ་བ་བླ་མེད་དག་དང་རབ་བཅས་ཀུན་དུ་སྣ་ཚོགས་དོན་གྲུབ་པ། །རྒྱལ་བ་གསང་ཆེན་རྡོ་རྗེ་ཅན་དང་བདག་པོར་བཅས་ལ་ཀུན་ནས་དང་བས་ཕྱག་འཚལ་ཏེ། །གང་
[124b.2]ཞིག་གསལ་བར་མ་བཤད་འགྲོ་བ་ཐམས་ཅད་མུན་འདྲར་འཐོམས་འགྱུར་ཞིང་། །ཤེས་རབ་མིག་དམར་ཕྱེ་ཕྱིར་གང་གིས་གང་བཤད་པ། །དེ་དག་དམན་པར་གྱུར་ཅིང་གསལ་བར་མ་བྱས་པ། །གྲོང་ཁྱེར་སེར་སྐྱ་ལ་སོགས་གནས་པའི་བདག་པོ་ལེགས་མཉེས་དེ་ཡི་སྟོབས་
[124b.3]ཀྱིས་འོངས། །ཅི་ནུས་གང་གནས་དཔུང་བཅས་ཤེས་རབ་ལེགས་བསྡམས་གང་ཐོབ་དེ་དག་དགྲོལ་བར་བྱ། །འདི་སྐད་བདག་གིས་ཐོས་ཞེས་བྱ་བ་ལ་སོགས་པའི་ཚིག་འདི་དག་གིས་ནི་རྒྱུད་འདི་བརྗོད་པར་བྱ་བ་དང་། དགོས་པ་དང་འབྲེལ་པ་དང་། དགོས་པའི་ཡང་
[124b.4]དགོས་པ་བསྟན་ཏེ། འདི་ལྟར་བརྗོད་པར་བྱ་བ་མེད་པའི་ཚིག་ལ་ནི། ནམ་ཡང་རྟོག་པ་སྔོན་དུ་གཏོང་བ་རྣམས་འཇུག་པར་མི་འགྱུར་ཏེ། སྨྱོན་པའི་ཚིག་ལྟ་བུ་ཡིན་ལ། ཉན་པ་པོ་སློབ་པ་དག་ཀྱང་དེ་ལྟ་བུའི་ཚིག་ལ་ཞུགས་ནས་ལྡོག་པར་འགྱུར་བ་ཉིད་དོ། །བརྗོད་པར་བྱ་བ་
[124b.5]ཡང་ཐ་སྙད་ཙམ་དུ་མེད་པ་མ་ཡིན་གྱི། དངོས་པོ་ལ་མེད་པ་ཉིད་དོ། །གལ་ཏེ་བརྗོད་པར་བྱ་བ་བསྟན་ཀྱང་དགོས་པ་མ་བསྟན་ན་ཡང་དེ་བཞིན་ཏེ། བྱེས་པའི་ཚིག་གམ་གང་དུ་གཞན་གྱི་ཚིག་བཞིན་དུ་དགོས་པ་མེད་དོ་ཞེས་བསྟན་པར་འགྱུར་བ་ཉིད་དོ། །བརྗོད་དགོས་པའང་
[124b.6]གཞན་གྱི་བསྒྲུབ་པ་ཡིན་གྱི། དེ་ལ་གཞན་དུ་ནི་མ་ཡིན་ནོ། །འབྲེལ་པ་མེད་པའི་ཚིག་ལ་དེ་བཞིན་ཏེ། དཔེར་ན་རྟ་བརྗོད་པའི་སྒྲས་གླང་པོ་ལ་སོགས་པ་ལྟ་བུ་ཡིན་ལ། དེ་ལྟ་ན་ཡང་དེ་བཞིན་དུ་འགྱུར་བ་ཉིད་དོ། །གལ་ཏེ་དགོས་པའི་དགོས་པ་མ་བསྟན་ན་ཡང་དེ་
[124b.7]བཞིན་ཏེ། འདི་ལྟར་གང་ཞིག་གི་འབྲས་བུ་མེད་པའི་རྟོགས་པ་འདིས་ཅི་ཞིག་བྱ། དཔེར་ན་བུད་མེད་བུད་མེད་ལ་འབྲེལ་པའི་ཡན་ལག་རྟེན་པ་ལྟ་བུ་དང་མ་ནི་ང་གི་གཟུགས་ལ་འདོད་ཆགས་ཅན་རྟོག་པ་ལྟ་བུ་སྟེ། བདག་ཀྱང་ཅི་ནས་ཡི་འཆད་པར་འགྱུར་རོ་ཞེས་ཡོངས་སུ་
[125a]
[125a.1]བརྟགས་ནས་འཇུག་པར་མི་འགྱུར་བ་ལྟ་བུའོ། །དེ་བས་ན་འཇུག་པའི་ཡན་ལག་གི་གཙོ་བོ་ཡིན་པའི་ཕྱིར། ཐོག་མ་ཉིད་དུ་ནི་དགོས་པའི་དགོས་པ་བརྗོད་པར་བྱའོ། །དེ་གང་ལས་འབྱུང་བ་ཤེས་པར་བྱ་བའི་ཕྱིར། དེ་ནས་དགོས་པ་དང་འབྲེལ་པ་བརྗོད་པར་བྱའོ། །དེ་ལྟར་གཞན་དུ་ཡང་བརྗོད་
[125a.2]པར་བྱ་བ་ལ་སོགས་པ་ཚོལ་བར་ནུས་པ་ལ་ནི་ཐོག་མར་བརྗོད་པར་བྱ་བ་བསྟན་ཏོ། །དེ་ནས་དགོས་པ་ལ་སོགས་པ་བསྙད་པར་བྱའོ། །དེ་ལས་འདི་བརྗོད་པར་བྱ་བ་གང་ཞིག་ཅེ་ན། འདི་ལྟར་ལམ་དང་འབྲས་བུ་དང་སྤང་བྱ་སྟེ། འདི་ལྟར་ལམ་ལ་བརྟེན་ནས་འབྲས་བུ་ཐོབ་
[125a.3]པ་དེས་ན་དེ་དང་འགལ་བའི་ཆོས་སྤོང་བར་འགྱུར་རོ། །གལ་ཏེ་དེ་ལྟ་ཡིན་དུ་ཟད་མོད། དེ་ཉིད་བསྟན་པ་ཅིའི་ཕྱིར་ཞེ་ན། དེའི་ཕྱིར་སྒྲའི་ཚིག་ལ་མ་བརྟེན་པར་ནམ་ཡང་རྟོགས་པ་མི་འབྱུང་ངོ་། །གལ་ཏེ་བྱུང་ན་ནི་ཐམས་ཅད་གཞུང་གི་ཚིག་ལ་སོགས་པ་ལ་མི་ལྟོས་པར་དེར་
[125a.4]འགྱུར་བ་ཞིག་ན་དེ་ནི་མེད་དོ། །གལ་ཏེ་ཡོད་ན་རྐྱེན་གཞན་ལ་ལྟོས་ཏེ་སྐྱེ་བའམ་རྐྱེན་གཞན་དང་བྲལ་བས་སྐྱེ་བ་རྟོགས་གྲང་ན་དང་པོ་ལྟར་ན་ཡང་ཐམས་ཅད་ལ་ཐམས་ཅད་སྐྱེ་བའམ། རྒྱུ་ཐམས་ཅད་དུ་རྒྱུ་ལ་རང་བཞིན་བྱེ་བྲག་ཏུ་འགྱུར་བ་མེད་པས་མེད་པར་ཐལ་བར་
[125a.5]འགྱུར་རོ། །ཕྱི་མ་ལྟར་ན་འབའ་ཞིག་པ་རྣམས་ལ་ནི་ནུས་པ་མེད་པའི་ཕྱིར་རོ། །གལ་ཏེ་དེ་ལྟ་ན་ཡང་འགྱུར་རོ་ཞེ་ན། ནི། འབྲས་བུ་ཡན་ལག་མ་ཚང་བ་མེད་པའི་ཕྱིར་དུས་ཐམས་ཅད་འབྱུང་བ་ཞིག་ན་དེ་ནི་མེད་དོ། །དེ་བས་ན་གཞུང་གི་ཚོགས་མེད་ན་བརྗོད་པར་བྱ་བ་རྟོགས་པ་
[125a.6]མི་འབྱུང་ངོ་། །དེ་བཞིན་དུ་རྟོགས་པ་དགོངས་པ་ཡིན་པ་དང་། གཞུང་ཐམས་ཅད་ཡིན་པ་ལ་སོགས་པར་རྟོགས་པའི་དགོངས་པར་ཡང་མི་འབྱུང་ངོ་། །དེ་བས་ན་ཤུགས་ཀྱིས་གཞུང་གི་ཚོགས་འདི་དག་ཐབས་ཡིན་ལ། དགོས་པ་ཐབས་ལས་བྱུང་བ་ཉིད་ཀྱིས་འབྲེལ་
[125a.7]པའང་བསྙད་པ་ཡིན་ནོ། །དེ་བས་ན་གཞུང་གིས་བསྟན་པ་བླང་བ་དང་དོར་བ་ལ་སོགས་པ་ནི་དགོས་པ་ཡིན་ནོ། །དེ་ལ་ཅིར་འགྱུར་ཞེ་ན། རང་དང་གཞན་གྱི་དོན་ཕུན་སུམ་ཚོགས་པར་འགྱུར་ཏེ། བསྒོམ་པའི་རིམ་གྱིས་ཐོག་མ་ཉིད་དུ་ཚོགས་ཀྱི་ལམ་ལ་གནས་པར་
[125b]
[125b.1]བྱེད་དོ། །དེ་ནས་ཟབ་པ་དང་མི་ཟབ་པའི་བྱེ་བྲག་གི་རིམ་གྱིས་དྲོད་ཐོབ་པར་འགྱུར་བ་ལ་སོགས་པ་སྦྱོར་བའི་རིམ་གྱིས་ཐོབ་པར་འགྱུར་རོ། །དེ་ནས་ཆོས་ཐམས་ཅད་ཀྱི་དེ་ཁོ་ན་ཉིད་མངོན་སུམ་དུ་གྱུར་པས་མཐོང་བའི་ལམ་ལ་སོགས་པ་ཐོབ་ནས། ཉོན་མོངས་པའི་
[125b.2]སྒྲིབ་པ་དང་། ཤེས་བྱའི་སྒྲིབ་པ་ལ་སོགས་པ་ས་བོན་དང་བཅས་པ་བཏོན་པ་ནི་རང་གི་དོན་ཕུན་སུམ་ཚོགས་པར་གྱུར་པའོ། །བསྐྱེད་པ་ལ་སོགས་པ་ལས་སུ་རུང་ནས་སེམས་ཅན་རྣམས་ཀྱི་སྣོད་དང་སྣོད་མ་ཡིན་པ་ལེགས་པར་བརྟགས་ཏེ། མཐོ་རིས་ཀྱི་ལམ་ནི་དགེ་བ་དང་བསམ་
[125b.3]གཏན་དང་སྙོམས་པར་འཇུག་པ་ལ་སོགས་པ་དང་། ཉན་ཐོས་དང་། རང་རྒྱལ་དང་། བྱང་ཆུབ་སེམས་དཔའ་དང་། བླ་ན་མེད་པའི་སངས་རྒྱས་ཀྱི་ལམ་ལ་དགོད་པ་ནི་གཞན་གྱི་དོན་ཕུན་སུམ་ཚོགས་པ་སྟེ། ཇི་སྐད་དུ། དེ་བཞིན་གཤེགས་པ་ཐམས་ཅད་ཀྱི། །གསང་བ་ལ་ནི་
[125b.4]གསང་གནས་པའི། །མཐོང་དང་གོམས་པའི་རིམ་པ་ཡིས། །སངས་རྒྱས་སར་ནི་འགྲོ་བར་བྱེད། །སེམས་ཅན་རྣམས་ཀྱི་དོན་གྱི་ཕྱིར། །སྣ་ཚོགས་སྐུ་གསུང་ཐུགས་རྣམས་ཀྱིས། །བྱང་ཆུབ་སེམས་ནི་བསྐྱེད་བྱས་ན། །སོ་སོའི་འབྲས་བུ་ཐོབ་པར་བྱེད། །ཅེས་འབྱུང་བ་
[125b.5]དང་། གཞན་ཡང་ཐེག་པ་ཆེན་པོའི་རིགས་ཀྱི་གང་ཟག་གིས། །དང་པོ་བྱང་ཆུབ་སེམས་བསྐྱེད་དེ། །བསམ་གཏན་བསྒོམས་པའི་རིམ་པ་ཡིས། །སངས་རྒྱས་སར་ནི་འགྲོ་བར་བྱེད། །ཅེས་བྱ་བ་ལ་སོགས་པ་ལྟ་བུའོ། །དེ་ལྟར་དགོས་པའི་དགོས་པ་མཐར་ཐུག་པ་བརྗོད་
[125b.6]ནས། གང་དག་དད་པའི་རྗེས་སུ་འབྲང་བ་དག་ཀྱང་སྲིད་པ་ལེགས་པར་བཟུང་ནས་འཇུག་པར་འགྱུར་ལ། ཆོས་ཀྱིས་རྗེས་སུ་འབྲང་བ་དག་ཀྱང་དེ་ལྟ་བུ་ལ་གནོད་པ་དང་བྲལ་བས་འཇུག་པར་འགྱུར་རོ། །དེ་ལྟར་དགོས་པ་བརྗོད་ནས། ད་ནི་ཡན་ལག་བཤད་པར་བྱ་སྟེ།
[125b.7]དེ་ལ་འདི་སྐད་བདག་གིས་ཞེས་བྱ་བ་ལ་སོགས་པ་ལ། འདི་སྐད་བདག་གིས་ཞེས་བྱ་བ་འདིས་ནི་སྡུད་པ་པོའི་ཚིག་ཏུ་བརྗོད་དེ། འདི་ཁོ་ན་སྐད་བཤད་པ་བདག་གིས་ཐོས་ཞེས་པར་སྟོན་ཏེ། འདིའི་དུས་ནི་འདི་ཁོ་ན་ལྟར་ཐོས་ཞེས་སོ། །གལ་ཏེ་གཞན་དུ་མི་འཁྲུལ་བར་འགྱུར་རོ།
[126a]
[126a.1]ཞེས་བྱ་བ་ལ་སོགས་པ་སྤངས་པ་ཡིན་ནོ། །ཡང་འདི་སྐད་དུ་བདག་ཁོ་ནས་ཐོས་ཞེས་པར་ཡང་སྟོན་ཏོ། །གང་གིས་འདི་ལྟར་གཞན་གྱིས་ནི་མ་ཡིན་ནོ་ཞེས་སྟོན་ཏོ། །དུས་གཅིག་ཁོ་ནའི་ཚེ་ཐོས་ཞེས་པས་ཀྱང་གཞན་སྤོང་བ་ཉིད་དུ་འགྱུར་རོ་ཞེས་བྱ་བས་ཏེ།
[126a.2]འདིས་ཆོས་གཞན་དང་ལྡན་པ་དང་། དུས་གཞན་དང་ལྡན་པ་རྣམས་གཅོད་པའོ། །གལ་ཏེ་དེ་ལྟ་ན་ནི་འཁོར་ཕུན་སུམ་ཚོགས་པ་དང་། སྡུད་པ་ཐོས་པ་མང་བ་དང་། ཆོས་ཀྱི་འཁོར་ལོ་རྒྱུན་མི་འཆད་པ་ལ་སོགས་པ་སྤངས་པ་ཉིད་དོ་ཞེན་མ་ཡིན་ཏེ། གཅིག་གིས་གཅིག་
[126a.3]གསལ་བ་ཉིད་ཀྱི་ཡང་ཕྱིར་རོ། །འཁོར་ཕུན་སུམ་ཚོགས་པ་ཡང་མ་ཡིན་ཏེ། འདི་དང་ལྷན་ཅིག་ཏུ་ཞེས་པའོ། །གལ་ཏེ་དེ་ལྟར་ན་འགལ་བ་ཉིད་དོ་ཞེ་ན་མ་ཡིན་ཏེ་སྡུད་པ་པོར་གྱུར་བ་བདག་ཁོ་ན་ཞེས་པའི་དོན་ཏེ། འདི་ལྟར་བཅོམ་ལྡན་འདས་ཀྱིས་ཁམས་གསུམ་རྣམ་པར་
[126a.4]རྒྱལ་བ་ལ་གཟིགས་ཏེ་འཛུམ་པ་མཛད་ནས། ཁམས་གསུམ་རྣམ་པར་རྒྱལ་བ་ཁྱོད་སྤོབས་པར་གྱིས་ཤིག་ཅེས་གསུངས་པ་དང་། དེ་ནས་ཁྲོ་བོ་ཁམས་གསུམ་རྣམ་པར་རྒྱལ་བ་སྟན་ལས་ལངས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ་ཞེས་འབྱུང་བའི་ཕྱིར་རོ། །
[126a.5]འདི་ཁོ་ན་སྐད་བཤད་པས་ཀྱང་། ཆོས་གཞན་སྤངས་པ་མ་ཡིན་ཏེ་དེའི་དུས་སོ། །གལ་ཏེ་དེ་ལྟ་ན་སྡུད་པ་པོ་ཐོས་པ་ཆུང་བ་ཡང་མ་ཡིན་ཏེ་གཞན་གྱི་ཚེ་གཞན་ཐོས་སོ། །ཆོས་ཀྱི་འཁོར་ལོ་རྒྱུན་མ་ཆད་པ་དང་འགལ་བ་ཡིན་ཏེ། དུས་གཞན་དུ་གཞན་ལ་རྒྱུན་མི་འཆད་པའི་ཕྱིར་དང་།
[126a.6]འདི་ཁོ་ན་ཞེས་ངེས་པར་གཟུང་བར་མི་ནུས་ཏེ། རྒྱུན་དུ་ཡང་དང་ཡང་དུ་འབྱུང་བ་མ་ཡིན་པས་རྙེད་པར་དཀའ་བ་ཉིད་དོ། །དེ་བས་ན་བདག་ཁོ་ནས་ཐོས་ཞེས་པ་ནི་བློ་རྣོ་བ་དང་། ཐོས་པ་ཆེ་བ་དང་། རྒྱུད་རྙེད་པར་དཀའ་བ་སྟོན་ཏེ། ཐོས་ཞེས་པའི་སྒྲས་སྐད་ཅིག་གཅིག་ཙམ་གྱིས་ཐོས་
[126a.7]ཞེས་པ་ནི་བློ་རྣོ་བ་བསྟན་ཏོ། གཞན་དུ་ནི་སྐད་ཅིག་ཙམ་གྱིས་འཛིན་པར་ག་ལ་ནུས། ཐོས་པ་ཆེ་བ་ཡང་འདིའི་ཚེ་འདི་ཐོས་གཞན་དུ་གཞན་ཐོས་ཞེས་པས་བསྟན་ཏེ། དེས་ནི་ཁྱབ་པ་ཉིད་ཀྱང་བསྟན་ཏོ། །གཞན་དུ་མ་ཐོས་ཞེས་པ་ནི་རྒྱུད་རྙེད་པར་དཀའ་བ་བསྟན་ཏེ། ཐམས་ཅད་
[126b]
[126b.1]ཀྱིས་གཞན་གྱི་གནས་སུ་ཐོས་པ་དང་རྙེད་པར་ག་ལ་ནུས། དེ་བས་བདག་ཁོ་ན་ཞེས་པ་འགལ་བ་མེད་པ་ཉིད་དོ། །གལ་ཏེ་སྐད་ཅིག་ཙམ་གྱིས་ཐོས་ན་ནི་དེའི་རིམ་པ་དང་འགལ་བ་ཉིད་དོ་ཞེ་ན། མ་ཡིན་ཏེ། བྱིན་གྱི་རླབས་ཀྱིས་མ་འགགས་པའི་རྨི་ལམ་བཞིན་ནོ། །གཞན་གྱི་ཚེ་
[126b.2]གཞན་ཐོས་ཞེས་པ་ཡང་དེ་ཉིད་དེ་ཡིན་པའམ། དེ་ཡང་ཡིན་པ་ཉིད་དོ་ཞེ་ན། དེ་ལ་ཅིར་འགྱུར། གལ་ཏེ་འདི་ཉིད་ཡིན་ནོ་ཞེ་ན། མངོན་སུམ་དུ་གང་ལ་ཡང་གཞན་དུ་དེ་མ་གྲུབ་པ་ཉིད་དོ། །གལ་ཏེ་དེ་ཡང་དེ་ཡིན་ནོ་ཞེ་ན། ཐམས་ཅད་ཐམས་ཅད་དུ་འགྱུར་བ་ཤིན་ཏུ་གཅིག་པ་
[126b.3]ཉིད་དོ་ཞེ་ན་ནི། དེ་ནི་ཉེས་པ་མེད་པ་སྟེ། འདི་ལྟར་ཁམས་གསུམ་རྣམ་པར་རྒྱལ་བ་ཉིད་དེ་དེའི་དུས་ན་ནི་དེར་སྣང་སྟེ་བསམ་གྱིས་མི་ཁྱབ་པའི་མཐུ་དང་སོ་སོའི་རྐྱེན་གྱིས་དེར་སྣང་བ་ཉིད་དེ་ཟླ་བ་དང་ཆུ་བཞིན་ནོ། །དེ་བས་ན་དོན་དུ་ནི་ཁམས་གསུམ་རྣམ་པར་རྒྱལ་བ་ཡང་ཕྱག་ན་རྡོ་རྗེ་
[126b.4]ཉིད་དོ། །གཞན་དུ་ན་དེ་ལྟར་སྟོན་པར་ག་ལ་ནུས། གལ་ཏེ་དེ་ལྟར་ན་བཅོམ་ལྡན་འདས་ཀྱིས་བཀའ་སྩལ་པ་ཞེས་ཅིའི་ཕྱིར་མ་བརྗོད་ཅེ་ན། དེ་སྐད་སྨྲས་པ་ལ་ཡོན་ཏན་ལྷག་པ་ཅི་ཡོད། །བཅོམ་ལྡན་འདས་ཀྱི་བཀའ་ཉིད་དུ་བསྟན་པ་ཉིད་དོ། །གལ་ཏེ་དེ་ལྟར་ན། བཅོམ་
[126b.5]ལྡན་འདས་ཀྱིས་བསྟན་པ་བདག་གིས་ཐོས་ཞེས་བྱ་བར་ཡང་འགྱུར་རོ། །བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་པ་ཞེས་བྱ་བས་སྡུད་པ་པོ་བདག་ཉིད་ཀྱིས་མངོན་སུམ་དུ་ཐོས་པར་གསལ་ཏེ། ཅི་ནས་ཀྱང་གཅིག་ཏུ་བརྒྱུད་པས་སྨོན་པས་བར་གཅོད་པ་དང་། སྨན་
[126b.6]པས་ལུང་བསྟན་པ་ལ་སོགས་པ་དང་། ཇི་སྐད་བཤད་པས་སྡོག་པར་འགྱུར་བ་ཉིད་དོ། །གལ་ཏེ་བཅོམ་ལྡན་འདས་ཀྱིས་བཀའ་སྩལ་པ། བདག་གིས་དུས་གཅིག་ན་ཐོས་ཞེས་པས་ཇི་སྐད་སྨོས་པའི་ཉེས་པ་མེད་དོ། །སྨན་པ་རྣམས་ཀྱིས་བདེ་བར་རྟོགས་སོ། །དེ་ལྟ་ན་ནི་འདི་
[126b.7]དང་ལྷན་ཅིག་ཏུ་ཞེས་པ་དང་། འདིར་ཞེས་པ་ལ་སོགས་པ་ཡང་སྨོས་པར་འགྱུར་རོ། །དེ་ལ་དེར་འགྱུར་ལ་ཤུགས་ཀྱིས་རྟོགས་སོ་ཞེས་བྱ་བར་ཡང་མི་ནུས་ཏེ་མཚུངས་པའི་ཕྱིར། གལ་ཏེ་དེ་ལྟར་ན་གཞུང་མང་པོར་འགྱུར་བའི་ཉེས་པ་དང་ལྡན་པར་འགྱུར་རོ། །གལ་ཏེ་མི་
[127a]
[127a.1]རྟོག་པ་ཉིད་དེ་ལ་དེར་འགྱུར་རོ་ཞེས་བྱ་བ་ཡང་གང་གི་ཕྱིར། དངོས་སུ་ཐོས་ཞེས་པ་ལྟར་ན་དེས་གསུངས་པ། དངོས་སུ་ཐོས་ཏེ་མ་གསུངས་པ་ལ་ནི་ནམ་ཡང་ཐོས་པ་མེད་དོ་ཞེས་འཇིག་རྟེན་ན་གསལ་བར་བཤད་ཟིན་ཏོ། །གལ་ཏེ་མ་གསུངས་ཀྱང་བྱིན་གྱིས་
[127a.2]བརླབས་པ་ལས་ཐོས་པ་ཞེས་བྱ་བ་འབྱུང་བས། དེ་གསུངས་པའི་ཕྱིར་རོ་ཞེ་ན། བྱིན་གྱིས་བརླབས་དང་སྨོན་ལམ་གྱི་མཐུས་ཞེས་བྱ་བ་ལས་རྟོགས་པར་གསུངས་སོ། །ཞེས་བྱ་བའི་ངེས་པ་ཅི་ཞིག་ཡོད། །གལ་ཏེ་མདོ་ལས་གནོད་པ་དང་། །གཞན་སྒྲུབ་པ་ནི་ཅུང་ཟད་མེད་དེ།
[127a.3]འདི་ནི་བསམ་པར་བྱའོ། །གལ་ཏེ་དེ་ལྟར་ན་བཀའ་མ་ཡིན་ཏེ་དུས་ཕྱིས་འབྱུང་བའི་ཕྱིར་རོ་ཞེ་ན། མ་ཡིན་ཏེ། འཕགས་པ་ཡོངས་སུ་མྱ་ངན་ལས་འདས་པ་ལས་འཁོར་ཉེ་བ་རྣམས་ཀྱིས་དྲིས་པ་དང་། མདོ་སྡེ་རྣམས་ལ་འདི་སྐད་བདག་གིས་ཐོས་པའི་དུས་གཅིག་ན། བཅོམ་
[127a.4]ལྡན་འདས་ཆེ་གེ་མོ་ཞེས་བྱ་བ་ལ་སོགས་པ་ནས། འཁོར་དེ་དག་ཐམས་ཅད་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ་ཞེས་བྱ་བའི་བར་གྱིས་ཡང་དག་པར་བྱོས་ཤིག་པར་ལུང་ཕོག་གོ། །དེ་ནས་བཅོམ་ལྡན་འདས་ཀྱིས་ལུང་དང་མཐུན་པར་ཡང་དག་པར་
[127a.5]སྡུད་པར་བྱེད་པས་དེ་སྐད་དུ་བསྟན་པ་ཉིད་དོ། །དེ་ལྟར་ན་མངོན་པར་ཡང་སྡེ་སྣོད་གསུམ་སྡུད་པའི་དུས་སུ་ཀུན་དགའ་བོའི་གདོང་མཆི་མ་དང་བཅས་པས་འདི་སྐད་བདག་གིས་ཞེས་བྱ་བ་ལ་སོགས་པ་གསུངས་པ་ལས། གསུང་གིས་མ་ནོར་བར་བསྟན་པ་བཞིན་ནོ། །དེ་བས་
[127a.6]ན་རྒྱུད་ཐམས་ཅད་ཀྱི་དོན་མ་ལུས་པར་བསྟན་པའི་ཕྱིར། འདི་སྐད་བདག་གིས་ཞེས་བྱ་བ་ལ་སོགས་པ་གསུངས་ཏེ། ཚིག་འདིའི་དོན་དང་བཅས་པ། ཡོན་ཏན་དང་བཅས་པ། བྱིན་རླབས་ཆེན་པོ་ལ་སོགས་པ་དང་རབ་ཏུ་བཅས་པའོ། །གལ་ཏེ་འདི་ལྟར་ན་འདི་ཞེས་
[127a.7]པའམ། འདི་དག་ཅེས་པའམ། །འདི་རྣམས་ཞེས་པས་ཀྱང་དེ་ཁོ་ནའི་དོན་ཐམས་ཅད་སྟོན་པར་ནུས་པས། འདི་ཁོ་ན་ཞེས་པ་ངེས་པར་གསུང་བར་མི་བྱའོ་ཞེ་ན། མ་ཡིན་ཏེ། གང་གི་ཕྱིར་ཐབས་དང་ཤེས་རབ་ཟབ་མོ་སྟོན་པའི་བརྡར་འགྱུར་བའི་ཕྱིར་ཏེ། ཛ་རི་ཁཾ་ཞེས་པ་བཞིན་
[127b]
[127b.1]ནོ། །དེ་ལྟར་ན་བདག་གིས་ཞེས་བྱ་བ་ལ་སོགས་པ་དང་འབྲེལ་པ་ཉིད་དུ་ཞེ་ན། འདོད་པ་ཉིད་དོ། །གལ་ཏེ་དེ་ལྟར་ན་སྡུད་པ་པོ་མེད་པར་འགྱུར་རོ་ཞེ་ན། འདོད་པ་ཉིད་དོ། །འདིར་སེམས་ཅན་འདུལ་བའི་དབང་མ་གཏོགས་པར་སྟོན་པ་ཞེས་བྱ་བ་དང་། སྡུད་པ་པོ་ཞེས་བྱ་བ་
[127b.2]ལ་སོགས་པ་ཐ་དད་དུ་བྱ་བ་ཅུང་ཟད་ཀྱང་མེད་དོ། །དེ་ལྟར་ཡང་གསུངས་པ། དེ་བཞིན་གཤེགས་པ་ཐམས་ཅད་ཀྱི། །གསང་བའི་ཡི་གེའི་དོན་རྣམས་ཀུན། །རྫོགས་སངས་རྒྱས་ཀྱིས་བསྟན་དུ་གསོལ། །བདེ་བར་གཤེགས་པས་བསྟན་དུ་གསོལ། །དེ་སྐད་ཅེས་གསོལ་རབ་
[127b.3]གསན་ནས། །ལེགས་ཞེས་ལན་གསུམ་གསུངས་མཛད་ནས། །རྒྱལ་བའི་སྲས་ལ་དོན་འདི་གསུངས། །དེ་བཞིན་གཤེགས་པ་ཐམས་ཅད་ཀྱི། །གསང་བའི་ཡི་གེ་དེ་རྣམས་ཀུན། །ངས་ནི་ཁྱོད་ལ་བཤད་པར་བྱ། །ཁྱོད་ནི་རྩེ་གཅིག་ཡིད་ཀྱིས་ཉོན། །ཨེ་ནི་ནམ་མཁའི་ཁམས་
[127b.4]ཡིན་ཏེ། །འབྱུང་བ་སྡུད་པ་ཡོངས་དག་པའི། །འབྲས་བུ་བདེ་གཤེགས་ཀུན་གྱི་བདག །གཙོ་བོ་རྡོ་རྗེ་གོས་སྔོན་ཅན། །བ་ནི་འབྱུང་བ་ཀུན་སྡུད་ཆུ། །དཀྱིལ་འཁོར་དག་བྱང་ཆུ་ཡི་ཁམས། །ཡོངས་སུ་དག་པ་ལྷ་ཡི་སྐུ། །རིན་ཆེན་གོས་སྔོན་ཞེས་སུ་བཤད། །ལ་ནི་གཅོད་
[127b.5]པའི་སྒྲ་གཅན་ས། །བརྟན་དང་གཡོ་བའི་ངོ་བོ་ཉིད། །ཡོངས་སུ་དག་པ་ལྷ་ཡི་སྐུ། །བདེ་གཤེགས་གོས་སྔོན་ཞེས་སུ་བཤད། །མ་ནི་འབྱུང་བ་མེ་རང་བཞིན། །ཚ་ཞིང་སྨིན་པའི་བདག་ཉིད་ཅན། །ཡོངས་སུ་དག་པ་ལྷ་ཡི་སྐུ། །པདྨ་གོས་སྔོན་ཞེས་སུ་བཤད། །ཡ་ནི་རླུང་དུ་གྲགས་པ་
[127b.6]སྟེ། །ཡང་ཞིང་གཡོ་བའི་བདག་ཉིད་ཅན། །ཡོངས་སུ་དག་པ་ལྷ་ཡི་སྐུ། །ལས་ཀྱི་གོས་སྔོན་ཞེས་སུ་བཤད། །གསང་བ་བདེ་མ་བསྒྲུབ་པ་ལས། །གཞན་དུ་གསང་བ་རྙེད་མ་ཡིན། །གསང་བ་འདི་ཡི་དུས་རྣམས་སུ། །རྣལ་འབྱོར་མཆོག་གིས་ནན་ཏན་བྱ། །ཨ་ནི་ནམ་མཁའ་
[127b.7]ཡོངས་སུ་དག །ལུས་ཀུན་ལ་ནི་གནས་པའི་རླུང་། །ཁྱབ་བྱེད་ཅེས་སུ་གྲགས་པ་སྟེ། །ནམ་མཁའ་རྣམ་དག་འདི་ལས་བྱུང་། །ལ་ནི་ས་ཡི་དཀྱིལ་འཁོར་ཏེ། །སྙིང་ན་དྲོད་རླུང་ཁ་དོག་སེར། །གཉི་ག་ལས་ནི་འབྱུང་བ་སྟེ། །ཡི་གེ་ལ་དང་ཡང་དག་ལྡན། །བ་ནི་ཆུ་ཡི་དཀྱིལ་འཁོར་
[128a]
[128a.1]ཏེ། །ལྟེ་བར་མཉམ་གནས་དཀར་ཟླུམ་བདག །གཉི་ག་ལས་ནི་དལ་བར་འབྱུང་། །ཡི་གེ་བ་དང་ཡང་དག་ལྡན། །མ་ནི་མེ་ཡི་དཀྱིལ་འཁོར་ཏེ། །མགྲིན་པ་གྱེན་རྒྱུ་གྲུ་གསུམ་དམར། །གཡོན་པ་ནས་ནི་འབྱུང་བ་སྟེ། །ཡི་གེ་མ་དང་ཡང་དག་ལྡན། །ཡཾ་ནི་
[128a.2]རླུང་གི་དཀྱིལ་འཁོར་ཏེ། །གསང་བ་ཐུར་སེལ་གཞུ་དབྱིབས་ལྗང་། །གཡས་པ་ནས་ནི་འབྱུང་བ་སྟེ། །ཡི་གེ་ཡ་དང་ཡང་དག་ལྡན། །ཨེ་ནི་སྒྲ་ཡི་རང་བཞིན་ཅན། །ལ་ནི་གཟུགས་ཀྱི་བདག་ཉིད་ཅན། །དེ་བཞིན་པ་ནི་དྲི་ཡི་བདག །མ་ནི་རོ་ཡི་བདག་ཉིད་དེའི། །ཡ་ནི་བྱ་ཡི་
[128a.3]བདག་ཉིད་ཡིན། །དེ་ཉིད་སྲུང་བའི་མཆོག་གི་རྒྱུད། །གསང་བ་བདེ་བ་ཆེན་པོར་འབྱུང་། །གང་ཞིག་འདི་ལ་རྟག་གནས་ན། །རྡོ་རྗེ་དེ་ཉིད་སྡུད་པ་ཐོབ། །ཅེས་བདེ་བ་ཆེན་པོ་བསྒྲུབ་པའི་རྟོག་པ་དེ་ཁོ་ན་ཉིད་ལས་འབྱུང་བ་དང་། གཞན་ཡང་། ཨེ་ནི་བདེ་བ་ཆེན་པོར་འབྱུང་། །
[128a.4]ཡོན་ཏན་ཐམས་ཅད་འབྱུང་འགྱུར་བའི། །ས་བོན་གསང་བ་མཆོག་གི་རྒྱས། །དེ་དབུས་ནོར་བུ་བཟང་པོ་ཉིད། །བཾ་གྱི། འཁོར་ལོ་འདི་ནི་གསང་བ་ཆེ། །གང་ཞིག་ཡོན་ཏན་མཆོག་གིས་རྒྱས། །སྤྲུལ་པའི་ས་བོན་ཡང་དག་ལྡན། །གསང་བ་དེ་ནི་བདེ་བ་ཆེ། །མ་ནི། ལོངས་སྤྱོད་
[128a.5]ཆེན་པོ་དམ་པ་ཉིད། །གསང་བ་འདི་ལས་འབྱུང་བ་སྟེ། །རོལ་པའི་ཆོ་འཕྲུལ་དམ་པ་སྟེ། །དགའ་བ་འདིར་ནི་བསམ་པར་བྱ། །ཡ་ནི་ཀུན་དུ་སྐྱོད་བྱེད་རྟེན། །སྣ་ཚོགས་གསང་བ་བླ་ན་མེད། །ཡོན་ཏན་ཆོས་ཀྱི་འཁོར་ལོ་སྟེ། །རྡོ་རྗེ་ཐུགས་ཀྱི་བདག་ཉིད་འགྲུབ། །རླུང་དང་རྩ་དང་
[128a.6]འཁོར་ལོ་དང་། །དག་པའི་ཐིག་ལེའི་རྟགས་རྣམས་ནི། །ཡི་གེ་བཞི་པས་ཡང་དག་འབྱུང་། །ཆགས་དང་གྲོལ་བའི་དབང་དུ་གཉིས། །ཞེས་དེ་ཁོ་ན་ཉིད་བསྡུས་པའི་རྒྱུད་ལས་འབྱུང་བ་ལྟ་བུའོ། །གཞན་ཡང་གསུངས་པ། ཨེ་ནི་སྐུ་ཡི་འཁོར་ལོ་ཉིད། །བཾ་ནི་ཐུགས་ཀྱི་འཁོར་ལོ་ཉིད། །མ་ནི་གསུང་གི་འཁོར་ལོ་
[128a.7]ཉིད། །ཡ་ནི་བདེ་བ་ཆེན་པོ་ཉིད། །དབང་བཞི་ལ་ནི་གང་གནས་པ། །རྣལ་འབྱོར་དངོས་པོ་བཞི་དང་འབྲེལ། །ཡི་གེ་ཨེ་ནི་དབྱིངས་ཡིན་ཏེ། བ་ནི་རོལ་པའི་ཡེ་ཤེས་ཏེ། །ཐིག་ལ་གཉིས་མེད་ཕྱག་རྒྱ་སྟེ། །དེ་ལ་ལོངས་སྤྱོད་སྤྲུལ་པ་འབྱུང་། །
[128b]
[128b.1]ཞེས་པ་ལ་སོགས་པ་འབྱུང་བ་ལྟ་བུའོ། །དེ་ནས་གནས་ཕུན་སུམ་ཚོགས་པ་བསྟན་པའི་ཕྱིར། །གནོད་སྦྱིན་ཐམས་ཅད་ཡོངས་སུ་རྒྱུ་པ་ཞེས་བྱ་བ་ལ་སོགས་པ་སྨོས་ཏེ། དེ་ལ་གནོད་སྦྱིན་གང་བ་བཟང་པོ་དང་། །ནོར་བུ་བཟང་པོ་དང་། ལྔས་རྩེན་ཞེས་བྱ་བ་ལ་སོགས་པ་སྟེ།
[128b.2]དེ་གང་ན་གནས་པའི་ཕྱོགས་དེ་ནི། གནོད་སྦྱིན་ཐམས་ཅད་ཡོངས་སུ་རྒྱུ་བའི་གནས་སོ། །ཤིན་ཏུ་བདེན་པ་ནི་གནོད་པས་བརྫི་བ་མེད་པ་ཉིད་དོ། །འདིའི་གདུལ་བྱ་ཕུན་སུམ་ཚོགས་པ་གཙོར་བསྟན་པ་དང་། བར་དུ་གཅོད་པར་འགྱུར་བ་སྤངས་པར་བསྟན་ཏོ། །ཡོངས་སུ་དག་པ་
[128b.3]ནི་ཤེལ་དངས་པ་ལྟ་བུར་གནས་པ་སྟེ། འདི་དག་གི་དོན་ཡང་ཤེལ་གྱི་ནང་དུ་ཆུད་པ་ལྟ་བུའི་གཞལ་ཡས་ཁང་ཤེལ་དུ་གསལ་བ། དཀྱིལ་འཁོར་རྒྱན་དང་ལྡན་པའི་དབུས་ན་བཅོམ་ལྡན་འདས་བཞུགས་སོ་ཞེས་བྱ་བའི་དོན་ཏོ། །གང་ཞིག་བཞུགས་ཤེ་ན། གནོད་སྦྱིན་སྡེ་
[128b.4]དཔོན་ཆེན་པོ་ཞེས་བྱ་བ་ལ་སོགས་པ་སྨོས་ཏེ། དེ་ལ་གནོད་སྦྱིན་ཐམས་ཅད་ཀྱི་གཙོ་བོའི་ཡང་གཙོ་བོ་ཡིན་པའི་ཕྱིར་རོ། །དུས་གསུམ་གྱི་དེ་བཞིན་དུ་བྱ་བ་ལ་སོགས་པའི་དོན་ནི། བྱང་ཆུབ་སེམས་དཔའ་ས་བཅུ་ལ་གནས་པའི་དུས་སུ་པདྨ་སྟོང་དང་ལྡན་པའི་དབུས་སུ་བཞུགས་
[128b.5]ཏེ། དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བ་དང་། ཕྱག་ན་རྡོ་རྗེ་ཁྱོད་སོང་ལ། །ཞེས་བྱ་བ་ལ་སོགས་པ་གཞན་གྱིས་ཀྱང་གསུངས་པ་ཉིད་དོ། །མཆེ་བ་གཙིགས་པ་ནི་གང་གིས་ལོག་པར་རྟོགས་པ་ཟ་བའི་ཕྱིར་རོ། །ཡིད་ཁྲོས་པ་ནི་ཞི་བའི་ལས་ཀྱིས་
[128b.6]ནི་མི་འདུལ་བའི་ཕྱིར་རོ། །མིག་མེ་མདག་གི་ཕུང་པོ་འདྲ་བ་ནི་བལྟས་པ་ཙམ་གྱིས་འཇིགས་པར་བྱ་བའི་ཕྱིར་རོ། །དབུགས་མེ་ལྕེ་ལྟར་འབར་བ་ནི། སྒྲ་ཙམ་གྱིས་འདུལ་བའི་ཕྱིར་རོ། །འཇིགས་པའི་ང་རོ་ཅན་ནི། ངག་གི་ཉེས་པ་ཅན་ཐམས་ཅད་ཟིལ་གྱིས་གནོན་པའི་ཕྱིར་རོ། །
[128b.7]འདི་དག་ཀྱང་དམན་པའི་ཟས་དང་། ཡིད་ཀྱི་ཟུག་རྡུ་དང་། དམན་པ་ལ་བལྟ་བ་དང་། བརྫུན་ལ་སོགས་པའི་ཉེས་པ་དང་བྲལ་བར་ཡང་བསྟན་ལ། གདུལ་བྱའི་རྟགས་ཐུན་མོང་མ་ཡིན་པ་ཡང་བསྟན་ཏེ། ལེགས་པ་དང་ཞེས་བྱ་བ་ལ་སོགས་པའི་དོན་ཏོ། །སྦྲུལ་དཀར་པོ་
[129a]
[129a.1]དང་ནག་པོ་དང་། སེར་པོ་དང་འོག་ནས་སྟོན་པའི་དམར་པོ་རྣམས་ཀྱིས་ལུས་བརྒྱན་པ་སྟེ། རང་འདོད་ཆགས་གཙོ་བོར་གྱུར་པའི་ཚུལ་ཁྲིམས་ཉམས་པ་དང་བྲལ་ཞིང་། ཕྱི་རོལ་གྱི་ཀླུ་རིགས་དྲུག་ལ་སོགས་པ་འདུལ་བའི་རྟགས་སུ་བསྟན་ཏོ། །བཞིན་
[129a.2]རྒྱས་པ་ནི་གདོང་འཕེལ་ཁ་ཆེ་བ་སྟེ། ལྷ་ཐམས་ཅད་འདུལ་བའི་རྟགས་སུ་བསྟན་པའོ། །སྨིན་མ་དཔྲལ་བར་བསྡུས་པ་ནི་ཁྲོ་གཉེར་མེའི་ཕྲེང་བ་དང་བཅས་པ་སྟེ་མེ་ལྟ་འདུལ་བའི་ཕྱིར་རོ། །ཡ་སོས་མ་མཆུ་མནན་པ་ནི། སྲིན་པོ་འདུལ་བའི་ཕྱིར་རོ། །གཤིན་རྗེའི་ཆ་བྱད་ཅན་
[129a.3]ནི། གསུས་པ་ཆེ་བ་སྟེ་གཤིན་རྗེའི་རིགས་འདུལ་བའི་ཕྱིར་རོ། །ལག་པ་བརྡབས་པས་ནི་རྡོ་རྗེ་དང་ལྡན་པ་སྟེ་ཐམས་ཅད་ཀྱང་ངོ་། །ཨ་ལ་ལ་ཞེས་སྒྲ་སྒྲོགས་པ་ནི་རླུང་ལྷ་དང་གནོད་སྦྱིན་འདུལ་བའི་ཕྱིར་རོ། །གད་རྒྱངས་དགོད་པ་ནི་འབྱུང་པོ་འདུལ་བའི་ཕྱིར་རོ། །རྒྱ་མཚོ་ལ་
[129a.4]སོགས་པ་གསུམ་ནི་ཀླུ་དང་ལྷ་འདུལ་བའི་རྟགས་ཏེ་ཅི་རིགས་སུ་སྦྱར་རོ། །དེ་དང་དེ་དག་གིས་ཅི་ཞིག་འདུལ་བར་མཛད་ཅེ་ན། སྦྱོར་བ་ཐམས་ཅད་ཅེས་བྱ་བ་ལ་སོགས་པ་སྨོས་ཏེ། སྦྱོར་བ་ནི་ལྷ་ལ་སོགས་པ་ནད་སྣ་ཚོགས་གཏོང་བའི་ཐབས་བྱས་སོ། །བཟློག་པ་ནི་རང་གི་གནས་
[129a.5]སུ་སྦྱར་ཏེ། གནོད་པའི་བདག་པོ་དང་བཅས་པའོ། །གཅོད་པ་ནི་སྦྱོར་བའི་བདག་པོ་ཤི་བར་བྱེད་པའོ། །ཡོན་ཏན་ནི་སངས་རྒྱས་ཀྱི་དང་ལྡན་པ་སྟེ། མ་ལུས་པའི་བདག་པོ་ནི་ཐམས་ཅད་ཀྱི་དང་ལྡན་པ་སྟེ། དེ་ལྟ་བུའི་ཡོན་ཏན་ནི་སྟོབས་བཅུ་དང་། མི་འཇིགས་པ་བཞི་དང་། བསྲུང་
[129a.6]བ་མེད་པ་གསུམ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། བསྙེལ་བ་མི་མངའ་བའི་ཆོས་ཉིད་ལ་སོགས་པ་དང་ལྡན་པར་བཞུགས་སོ་ཞེས་བྱ་བ་དང་སྦྱར་རོ། །འཁོར་གང་དང་ཞེ་ན། འདི་ལྟར་བདེ་གཤེགས་གོས་སྔོན་ཅན་ཞེས་བྱ་བ་ལ་སོགས་པ་དང་། གཞན་
[129a.7]ཡང་། གནོད་སྦྱིན་གྱི་སྡེ་དཔོན་ཆེན་པོ་ནི་སྔ་མ་བཞིན་ཏེ། གནོད་སྦྱིན་ཐམས་ཅད་ཀྱི་གཙོ་བོར་གྱུར་པ་ཉིད་དོ། །གནོད་སྦྱིན་མཐུ་བོ་ཆེ་ནི་གནོད་སྦྱིན་གཞན་པས་མཐུའི་བྱེ་བྲག་ཐམས་ཅད་དུ་དཔགས་པའོ། །གནོད་སྦྱིན་དྲག་པོ་ནི་འདིར་ཞི་བ་ལ་སོགས་པའི་ལས་ཀྱིས་
[129b]
[129b.1]འདུལ་བའི་སྤྲུལ་པ་ཡིན་ཏེ། འདིར་གདུལ་བྱའི་གཙོ་བོ་གོས་སྔོན་ཅན་གྱི་དབང་དུ་བྱས་ནས་ཤིན་ཏུ་གོང་དུ་སྨོས་པ་ཉིད་དུ་རིག་པར་བྱའོ། །ལྷ་ནི་མ་ཧཱ་དེ་བ་དང་། ཁྱབ་འཇུག་ལ་སོགས་པའོ། །དེ་བཞིན་གཞན་ཡང་རང་གི་ཆུང་མ་དང་འཁོར་དང་བཅས་ཏེ་འཁོད་པར་གྱུར་ཏོ། །
[129b.2]འདི་ལྟར་ཉི་མ་དང་ཞེས་བྱ་བས་ནི་གཙོ་བོའི་ཡང་གཙོ་བོའི་གཟི་བརྗིད་དོ། །ཟླ་བ་དང་ཞེས་བྱ་བས་ནི། བདེ་གཤེགས་གོས་སྔོན་པོ་ཅན་ལ་སོགས་པའི་གཟི་བརྗིད་ཉིད་དོ། །ལྷ་ལ་སོགས་པའི་གཟི་བརྗིད་དེ། དེ་ལྟ་བུར་གྱུར་པ་དེ་ནི་སངས་རྒྱས་བཅོམ་ལྡན་འདས་རྣམས་ཀྱི་ཆོས་
[129b.3]ཉིད་དོ། །དམན་པར་གྱུར་པའི་གཟི་བརྗིད་ཟིལ་གྱིས་གནོན་པ་དང་། རང་གདུལ་བྱའི་དོན་དུ་སྣ་ཚོགས་པར་གྱུར་པ་ཉིད་དོ། །དེའི་ཚེ་ས་ཡང་ཆེར་གཡོས་པ་ཞེས་བྱ་བ་ལ་སོགས་པ་ནི་གོ་སླའོ། །དེ་ནས་གླེང་བསླང་བ་བསྟན་པ། འཁོར་ཐམས་ཅད་ནི་ལྷ་ལ་སོགས་པ་སྟེ། ཁམས་
[129b.4]གསུམ་རྣམ་པར་རྒྱལ་བ་གཙོ་བོར་གྱུར་པ་དང་ཞེས་བྱ་བའི་དོན་ཏོ། །བླ་མེད་གོས་སྔོན་ཅན་ཁྱོད་ཅེས་པ་ནི་གང་ཡིན་ཞེས་པའོ། །གང་དང་གང་ཡོད་ཅེ་ན། །བདེ་གཤེགས་ཀུན་གྱིས་སྤྲུལ་པའམ། །ཞེས་པ་ནི། དེ་བཞིན་གཤེགས་པ། །ཐམས་ཅད་ཀྱི་ཐུགས་འོད་ཟེར་ལས་སྤྲུལ་པ་
[129b.5]ཞིག་གམ་ཞེས་པའོ། །དེ་ལྟ་མ་ཡིན་ན། གལ་ཏེ་བསྡུས་པའི་སྐུ་ཡིན་ནམ་ཞེས་པ་སངས་རྒྱས་ཐམས་ཅད་དེའི་ངོ་བོར་བྱས་པ་ཞིག་གམ། གལ་ཏེ་ལས་ཀྱི་ཁྲོ་བོར་དབང་བསྐུར་བའམ་ཞེས་པ་ནི། །སངས་རྒྱས་ཐམས་ཅད་ཀྱིས་དབང་བསྐུར་བའམ། དེར་གྱུར་པ་ཞིག་
[129b.6]གམ་ཞེས་པའོ། །བདག་འཁོར་དང་བཅས་པ་ནི་དེར་ཚོགས་པ་ཉིད་དོ། །ཇི་ལྟར་དུས་གསུམ་བཀའ་ཉན་ཏེ། །ཞེས་པའི་དུས་གསུམ་བཀའ་ལས་མི་འདའ་བ་ཉིད་དོ། །ལས་དང་བྱ་བ་ནི་གོ་སླའོ། །དྲག་པོའི་ཏིང་ངེ་འཛིན་བསྟན་དུ་གསོལ་ཞེས་པ་ནི། སེམས་ཅན་གྱི་
[129b.7]དོན་དུ་ཏིང་ངེ་འཛིན་སྣ་ཚོགས་པ་ལ་སྙོམས་པར་ཞུགས་ཤིག་པའོ། །དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་ཁམས་གསུམ་རྣམ་པར་རྒྱལ་བ་ལ་སོགས་པ་འདུས་པ་ཆེན་པོའི་འཁོར་རྣམས་ལ་བཀའ་སྩལ་པ། ཀྱེ་མ་འདུས་པ་ཆེན་པོའི་ཚོགས། །ལེགས་སོ་
[130a]
[130a.1]ལེགས་སོ་ལེགས་པར་གསུངས། །གང་ཕྱིར་དུས་གསུམ་སངས་རྒྱས་རྣམས། །རང་བཞིན་མེད་ཅིང་མཚན་ཉིད་མེད། །སྤྲོས་མེད་གཡོ་བ་མེད་པ་སྟེ། །འགྲོ་བ་འདུས་པར་གྱུར་པ་རྣམས། །ང་ཡི་བསྟན་ལ་གནས་པ་ལ། །རིམས་དང་དུག་ལ་སོགས་པས་
[130a.2]འཚེ། །དེ་ཕྱིར་ང་ནི་ཁྲོ་བོའི་གཟུགས། །སྣ་ཚོགས་རྒྱན་གྱིས་རྣམ་པར་སྣང་། །གང་ཞིག་དེ་ཉིད་སངས་རྒྱས་གཟུགས། །འགྲོ་བའི་དབང་དུ་སྤྲུལ་པ་སྟེ། །སེམས་ཅན་ཀུན་གྱི་དོན་བསྒྲུབ་ཕྱིར། །དབང་བསྐུར་བར་ཡང་ཡང་དག་བཤད། །ང་ནི་དུས་གསུམ་ཀུན་དུ་འབྱུང་། །ང་ནི་
[130a.3]སངས་རྒྱས་ཀུན་རང་བཞིན། །ང་ནི་རྒྱུད་རྣམས་སྟོན་པ་སྟེ། བླུན་པར་གྱུར་པའི་འགྲོ་བ་ལ། །མིག་འཕྲུལ་ཚུལ་ནི་སྟོན་བྱེད་པ། །ཞེས་གསུངས་མ་ཐག་ཏུ་འདུས་པ་ཆེན་པོའི་འཁོར་ཐམས་ཅད་ཀྱིས་རྨད་དུ་བྱུང་བའི་རོལ་པའི་མཆོད་པ་ཆེན་པོས་ཁྱབ་པར་གྱུར་ཏེ་ཞེས་བྱ་བ་འདི་སྐད་
[130a.4]དུ་སྟོན་ཏེ། བདག་ནི་དངོས་སུ་སངས་རྒྱས་ཐམས་ཅད་ཀྱི་ངོ་བོ་ཡིན་ཡང་སེམས་ཅན་གྱི་དོན་དུ་དབང་བསྐུར་བར་སྣང་ངོ་ཞེས་སོ། །འདིར་ལེའུ་དང་པོ་གླེང་གཞིའི་ལེའུ་སྟེ་ངེས་པར་འབྱིན་པར་བྱེད་པས་གླེང་གཞི་ཞེས་བྱའོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཀྱི་རྒྱ་
[130a.5]ཆེར་བཤད་པ་ལས་ལེའུ་དང་པོའི་རྒྱ་ཆེར་བཤད་པའོ།། །།དེ་ལྟར་གླེང་གཞི་ཕུན་སུམ་ཚོགས་པ་བསྟན་ཀྱང་། ལམ་རྣམ་པ་གཉིས་རྫོགས་པར་མ་བསྟན་ན། །སྒྲུབ་པ་ལ་འཇུག་པ་དག་ཀྱང་དམན་པར་འགྱུར་བའི་ཕྱིར། དེ་ནས་འཕགས་པ་གོས་སྔོན་པོ་ཅན་གྱིས་ཞེས་བྱ་
[130a.6]བ་ལ་སོགས་པ་གསུངས་ཏེ། དེ་ལ་རྡོ་རྗེ་དྲག་པོ་ནི་བསྐྱེད་པ་དང་རྫོགས་པ་སྔོན་དུ་འགྲོ་བ་དང་བཅས་པ་སྟེ། སྒྲིབ་པའི་རི་འཇོམས་པའི་ཕྱིར་དེ་སྐད་ཅེས་བྱའོ། །གང་གི་ཕྱིར་དང་པོ་རགས་པའི་རྣལ་འབྱོར་གྱི་དབང་དུ་བྱས་ཏེ་བསྐྱེད་པའི་རིམ་པ་ལ་བསླབ་བོ། །དེ་ནས་རགས་པའི་
[130a.7]རྣམ་པར་རྟོག་པ་ལས་ལོག་སྟེ། ཡུལ་གང་ལ་ཡང་རྩེ་གཅིག་པ་ཐོབ་པར་འགྱུར་རོ། །དེ་ནས་ཡིད་ནི་ནང་དུ་བཀུག་སྟེ་རྫོགས་པའི་རིམ་པ་ལ་སློབ་བོ། །དེ་ནས་ཕྲ་བའི་རྣམ་པར་རྟོག་པ་ལས་ལོག་ནས་སྟོང་པ་ཉིད་ལ་ཉེ་བར་འགྱུར་ཏེ། གཞན་ལ། གང་གིས་དང་པོར་བསྐྱེད་
[130b]
[130b.1]ལ་གནས། །རང་གི་ལས་ནི་ཡང་དག་རྫོགས། །དེ་ནས་སློབ་བརྟག་བྱ་སྟེ། །ལས་སུ་རུང་ནས་ཆོས་རྣམས་ཀྱི། །དེ་ཉིད་ངེས་པར་ཐོབ་པར་འགྱུར། །ཞེས་འབྱུང་བ་ལ་སོགས་པས་ཀྱང་། །དེ་ཉིད་གསལ་བར་འགྱུར་རོ། །དེ་ནས་བསྐྱེད་པ་ལ་སོགས་པའི་རིམ་པ་རྒྱས་པར་བསྟན་པར་བྱ་
[130b.2]བའི་ཕྱིར། ཕྱག་རྒྱ་གསང་སྔགས་ཐུགས་སྦྱོར་ལས། །ཞེས་བྱ་བ་ལ་སོགས་པ་གསུངས་ཏེ། བྱང་ཆུབ་ཀྱི་སེམས་སྔོན་དུ་སོང་བའི་ཡི་གེ་ནི་སེམས་ཡིན། །ཧཱུཾ་གསང་སྔགས་སོ། །དེ་ལ་ཐུགས་ཀྱི་རྟགས་འབྱུང་བ་ནི་ཐུགས་སྦྱོར་རོ། །དེ་ལས་བྱུང་བའི་དཔལ་ལྡན་གོས་སྔོན་
[130b.3]ཅན་ནི་ཁྲོ་བོ་དེ་ལ་ཡེ་ཤེས་ཀྱི་དཀྱིལ་འཁོར་འཁོར་ལོས་དབང་བསྐུར་བ་ནི་བྱིན་གྱིས་བརླབས་པའོ། །དེ་དག་ནི། དོན་ཡང་ཡ་མཚན་སྣ་ཚོགས་ལྡན། །ཞེས་པ་གང་ལ་སྤྲོས་པའི་དཀྱིལ་འཁོར་གྱི་ཕྱི་རོལ་གྱི་གདུག་པ་ཅན་བཏུལ་ཏེ་སླར་འདུས་པ་འདིས་སྤྲུལ་པའི་དཀྱིལ་
[130b.4]འཁོར་གཅིག་ཏུ་མཛད་པའོ། །དེ་དག་གི་དོན་ཡང་ཐོག་མར་འོག་ནས་འབྱུང་བའི་རིམ་པས། བླ་མ་དང་། སངས་རྒྱས་ཐམས་ཅད་མདུན་དུ་སྤྱན་དྲངས་ཏེ། སྤོས་དང་། མེ་ཏོག་དང་། མར་མེ་དང་། དྲི་དང་། ཞལ་ཟས་ལ་སོགས་པས་ཡང་དག་པར་མཆོད་དེ། བདག་གིས་
[130b.5]སྡིག་པ་ཅི་བགྱིས་དང་། །བགྱིད་དུ་སྩལ་དང་ཡི་རང་ལ། །སངས་རྒྱས་སྤྱན་སྔར་མཆིས་ནས་སུ། །མ་ལུས་སོ་སོར་བཤགས་པར་བགྱི། །ཞེས་སྡིག་པ་བཤགས་པར་བྱའོ། །དེ་ནས་ཕྱོགས་བཅུ་དག་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་དག་དང་། ཉན་ཐོས་ནས་
[130b.6]སོ་སོའི་སྐྱེ་བོའི་ལམ་ལ་གནས་པ་ལ་རྗེས་སུ་ཡི་རང་བར་བྱའོ། །དེ་ནས། ཕྱོགས་བཅུ་དག་ན་གང་བཞུགས་པའི། །སངས་རྒྱས་བྱང་ཆུབ་སེམས་དཔའ་རྣམས། །སེམས་ཅན་མ་ལུས་ཐམས་ཅད་ལ། །ཆོས་ཀྱི་འཁོར་ལོ་བསྐོར་དུ་གསོལ། །ཞེས་བསྐུལ་ལོ། །དེའི་རྗེས་སུ། རྒྱལ་
[130b.7]བ་མྱ་ངན་འདའ་བཞེད་དམ། །ཇི་སྲིད་སེམས་ཅན་གནས་ཀྱི་བར། །འགྲོ་ལ་ཕན་པའི་དོན་གྱི་ཕྱིར། །བླ་མེད་ཆོས་རྣམས་བསྟན་དུ་གསོལ། །ཞེས་བརྗོད་ལ། དེ་ནས་རང་ཉེས་པ་ལས་ལྡོག་པའི་བསམ་པས་ཅི་ནུས་ཀྱིས་ལྡོག་པར་བྱ། གཟུང་བར་བྱའོ། །དེ་ནས་ཚད་མེད་པས་བྱང་
[131a]
[131a.1]ཆུབ་ཏུ་སེམས་བསྐྱེད་དེ། བསོད་ནམས་ཀྱི་ཚོགས་ལ་དགེ་བའི་རྩ་བ་བསྔོ་བར་བྱའོ། །དེ་ནས་ཕྱི་ནང་གི་ཆོས་ཐམས་ཅད་རང་བཞིན་མེད་པར་བྱའོ། །དེ་ལས་ལངས་ཏེ་སེམས་ཉིད་ཧ་ལྗང་གུ་ལས་སྣ་ཚོགས་རྡོ་རྗེ་ལས་རབ་དང་དྲ་བར་གྱུར་པར་བྱའོ། །དེའི་
[131a.2]དབུས་སུ་ཡཾ་ལས་རླུང་། བཾ་ལས་ཆུ། སུཾ་ལས་ས་གཞིར་རབ་ཏུ་བཅས་པ། དེའི་སྟེང་དུ་བྷྲཱུཾ་ལས་གཞལ་ཡས་ཁང་བསྐྱེད། པདྨ་བརྒྱད་པ་མུ་ཁྱུང་དང་། །གྲུ་ཆད་ཁྱམས་དང་སྒོ་བཞིར་བཅས། །ར་བ་དྲ་བ་ཕྱེད་པ་དང་། །ཕ་གུ་དང་ནི་རྟ་བབས་དང་། །དར་གྱི་བླ་རེ་བ་དན་དང་། ཕྱི་དང་
[131a.3]ནང་གི་རྒྱན་གྱིས་མཛེས། །ཀུན་དུ་གསང་བའི་བདག་ཉིད་ཅན། །ཡོངས་སུ་རྫོགས་པའི་རྟེན་དུ་འགྱུར། །ཞེས་བྱ་བ་ལ་སོགས་པ་དང་ལྡན་པའི་ནང་དུ་རང་ཆོ་ག་གསུམ་གྱིས་ཇི་སྐད་སྨོས་པའི་རྒྱན་དང་ལྡན་པའི་སྐུར་བསྐྱེད་ལ། ཡེ་ཤེས་ཀྱི་ལྷ་མདུན་དུ་སྤྱན་དྲངས་ཏེ་མཆོད་པ་
[131a.4]དང་། བསྟོད་པས་མཉེས་པར་བྱས་ཏེ་གཉིས་སུ་མེད་པར་བསྟིམ་མོ། །དེ་ནས་རང་གི་རྡོ་རྗེ་དག་ལ་ཧཱུཾ། དེ་ནས་རྡོ་རྗེ་དཀར་པོ་རྩེ་ལྔ་པ་ནོར་བུས་མཚན་པ་དང་། པདྨའི་གཞལ་ཡས་ཁང་དུ་བྱས་ལ། ཁ་བྱང་དུ་བལྟས་པའི་པདྨའི་སྒོ་ཅན་དུ་བྱས་བས་བྱིན་གྱིས་བརླབས་ནས་སྙོམས་
[131a.5]པར་ཞུགས་པའི་བྱང་ཆུབ་ཀྱི་སེམས་སྤྲོས་ཏེ། ཐིག་ལེ་དང་ཡི་གེ་ལས་སྐུར་བྱས་ཏེ། ཧཱུཾ་ཧཱུཾ་བྱས་པ་ཕྱི་རོལ་དུ་སྤྲོས་ཏེ། ཕྱིའི་གདུག་པ་ཅན་རྣམས་བཏུལ་ནས་སླར་འདུས་ཏེ། ཕྱིའི་གཞལ་ཡས་ཁང་དུ་བཞུགས་པ་འདི་ལྟ་སྟེ། བདེ་གཤེགས་གོས་སྔོན་ཅན་ནི་ཤར་གྱི་འདབ་མ་
[131a.6]ལ་བཞུགས་ཏེ། མདོག་དཀར་པོ་གོས་སྔོན་པོའི་ཤམ་ཐབས་ཅན། སྦྲུལ་དཀར་པོའི་རྒྱན་ཆ་ཅན། གཡས་ན་འཁོར་ལོ། གཡོན་ན་དྲིལ་བུ་ཐོགས་པ། རང་དང་འདྲ་བའི་ཡུམ། ཕྱག་གཡས་ཀྱི་དྲིལ་བུ་ཐུགས་ཀར་འཁྱུད་ནས། གཡོན་པས་ཁྲག་གི་ཐོད་པ་སྟོབས་པ། སྐུའི་
[131a.7]ཁ་དོག་དཀར་པོས་ཤར་ཕྱོགས་ཀྱི་འཇིག་རྟེན་གྱི་ཁམས་ཁྱབ་པའོ། །དེ་བཞིན་དུ་རིན་ཆེན་གོས་སྔོན་ཅན་ལྷོའི་འདབ་མ་ལ་བཞུགས་ཏེ། མདོག་སེར་པོ་གོས་སྔོན་པོའི་ཤམ་ཐབས་གསོལ་བ། སྦྲུལ་སེར་པོའི་རྒྱན་ཅན། གཡས་ན་རིན་པོ་ཆེ་འབར་བ། གཡོན་ན་དྲིལ་བུ་ཐོགས་
[131b]
[131b.1]པའོ། །ནུབ་ཀྱི་འདབ་མ་ལ་པདྨ་གོས་སྔོན་ཅན་བཞུགས་ཏེ། མདོག་དམར་པོ་གོས་སྔོན་པོའི་ཤམ་ཐབས་གསོལ་བ། སྦྲུལ་དམར་པོའི་རྒྱན་ཅན། གཡས་ན་པདྨ་དམར་པོ། གཡོན་ན་དྲིལ་བུ་ཐོགས་པའོ། །བྱང་གི་ཕྱོགས་ཀྱི་འདབ་མལ་ལས་ཀྱི་གོས་སྔོན་ཅན་བཞུགས་ཏེ།
[131b.2]མདོག་ལྗང་གུ། གོས་སྔོན་པོའི་ཤམ་ཐབས་གསོལ་བ། སྦྲུལ་ལྗང་གུའི་རྒྱན་ཅན། གཡས་ན་རྡོ་རྗེ་རྒྱ་གྲམ། གཡོན་ན་དྲིལ་བུ་ཐོགས་པའོ། །མཚམས་རྣམས་སུ་ནི་རང་གི་ལྷ་མོ། སྤོས་མ། མེ་ཏོག་མ། མར་མེ་མ། དྲི་ཆབ་ཐོགས་པ་དཀར་པོ་དང་། སེར་པོ་དང་། དམར་པོ་དང་།
[131b.3]ལྗང་གུའི་མདོག་ཅན་ནོ། །ཁྱམས་ཀྱི་གྲྭ་ལ་ནི། སྒེག་མོ་དང་། ཕྲེང་བ་མ་དང་། གླུ་མཁན་མ་དང་། གར་མཁན་མ་རྣམས་སོ། །དེའི་ཕྱོགས་སུ་ནི་ཁམས་གསུམ་རྣམ་པར་རྒྱལ་བ་དང་། མགོན་པོ་ནག་པོ་དང་། མིག་མི་བཟང་དང་། རྣམ་ཐོས་སྲས་རྣམས་སོ། །ནང་དུ་པདྨའི་
[131b.4]མཚམས་སུ་ནི། ཐོད་པ་བྱང་ཆུབ་ཀྱི་སེམས་ཀྱིས་བཀང་བའོ། །དེ་ལྟར་ལྷའི་འཁོར་ལོ་ཡང་དག་པར་བསྐྱེད་ནས་ལྷ་ཐམས་ཅད་ཀྱི་གནས་གསུམ་དུ་ཡི་གེ་ཨོཾ་ཨཱཿཧཱུཾ་གསུམ་བཀོད་དེ། དེ་ནས་སྔ་མ་བཞིན་དུ་དབང་བླང་བར་བྱའོ། །དེ་ནས་རང་གི་སྐུ་ལ་སེམས་གཏད་དེ་ཡང་དང་
[131b.5]ཡང་དུ་བསྒོམ་ཞིང་འདྲེས་པར་བྱའོ། །དེ་ནས་གལ་ཏེ་སྐྱོ་ན་རང་གིས་སྔགས་བརྒྱའམ་སྟོང་ལ་སོགས་པ་བཟླས་ཏེ། འདི་དག་གི་དུས་སུ་ཡང་རང་གི་ས་བོན་ལས་འོད་འཕྲོས་པས། ཕྱོགས་བཅུའི་སངས་རྒྱས་ཐམས་ཅད་ལ་ཕོག་པས། དེའི་འོད་ཀྱིས་རང་གི་ལུས་ངག་ཡིད་གསུམ་
[131b.6]གྱི་སྡིག་པ་ཐམས་ཅད་དབྱུང་བ་དང་། བསྲེག་པ་དང་། བསྲུང་བར་བསམ་མོ། །ཡང་ན་རང་གི་འོད་སངས་རྒྱས་ཐམས་ཅད་ཀྱི་ཤངས་སུ་བརྒྱུད་ནས། རྡོ་རྗེའི་ལམ་དུ་ཡང་བརྒྱུད་དེ་འཁོར་བར་བསམ་པ་དང་། སྐུ་དང་། ཡི་གེ་དང་། མཚན་མ་དང་། བྱང་ཆུབ་ཀྱི་སེམས་ལ་
[131b.7]སོགས་པ་བཀུག་ཅིང་རང་གི་ལུས་ལ་འོངས་པར་བསམས་ལ་སྔགས་བཟླས་པར་བྱའོ། །སྔགས་བཟླས་པའི་དུས་སུ་སྐྱེན་པ་དང་། བུལ་བ་དང་། ལྷག་པ་དང་། སྒྲ་ཆེ་བ་དང་། ཆུང་བ་མ་ཡིན་པར་བཟླས་ཏེ། འདི་ལྟར་འདོད་ཆགས་ཀྱིས་མ་ཡིན་ཏེ། ཞེ་སྡང་དང་། གཏི་མུག་ལ་
[132a]
[132a.1]སོགས་པའི་སེམས་ཀྱིས་མ་ཡིན། ཟླ་བོ་དང་གཉིད་ལ་སོགས་པའི་བར་ཆོད་མ་ཡིན་པར་བཟླས་པར་བྱའོ། །དེ་ནས་གཏོར་མ་གཏོང་བར་འདོད་ན་འོག་ནས་འབྱུང་བའི་གཏོར་མས་འབྱུང་པོ་ཐམས་ཅད་ཚིམ་པར་བྱ་སྟེ། ཡེ་ཤེས་ཀྱི་ལྷ་གཤེགས་སུ་གསོལ་
[132a.2]ལ་དམ་ཚིག་སེམས་དཔའ་རང་ལ་བསྡུས་ཏེ། གཉིས་སུ་མེད་པའི་ཏིང་ངེ་འཛིན་ལ་གནས་པར་བྱའོ། །གཞན་དུ་ཉལ་བ་དང་། འགྲོ་བ་སོགས་པ་སྤྱོད་ལམ་ཅི་བདེ་བས་གནས་པར་བྱའོ། །བསྐྱེད་པའི་རིམ་པའི་ཡན་ལག་དང་བཅས་པ་བཤད་ཟིན་ཏོ། །རྫོགས་པའི་རིམ་
[132a.3]པའི་དབང་དུ་བཤད་པ། ཕྱག་རྒྱ་ནི་བསྐྱེད་པའི་རིམ་པའི་སྐུ་མཐར་ཕྱིན་པའོ། །གསང་སྔགས་ནི་རྡོ་རྗེའི་བཟླས་པ་སྟེ། རླུང་དང་སྔགས་འདྲེས་པའོ། །དེ་ཉིད་རླུང་དང་སྔགས་འདྲེས་པའི་ཚུལ་དུ་དབྱུང་བ་དང་། འཇུག་པ་དང་། གནས་པའི་རིམ་གྱིས་སློབ་བོ། །ཐུགས་ནི་སེམས་ཏེ་
[132a.4]འདིར་སྦྱོར་བ་ནི་དམིགས་པའོ། །དེ་བས་ན་འདིར་སེམས་ཉིད་ཀྱི་ངོ་བོར་རྟོགས་པའོ། །ཁྲོ་བོའི་རྒྱལ་པོ་ནི་དེ་ལས་འབྱུང་བ་ན་སྒྱུ་མའི་དཔེ་ཉེ་བར་མཚོན་པའི་སྐུའོ། །ཁྲོ་བོ་ནི་རྡོ་རྗེ་ཉིད་དེ། མི་འགྱུར་ཞིང་མི་ཤིགས་པའོ། །བྱིན་རླབས་ཡ་མཚན་སྣ་ཚོགས་ལྡན། །ཞེས་པ་ནི།
[132a.5]གཉིས་སུ་མེད་པའི་ཡེ་ཤེས་སོ། །དེ་ལ། དང་པོ་བསྐྱེད་པའི་རིམ་པ་བསྒོམ། །བསྐྱེད་ལ་བརྟན་པར་གྱུར་བ་དང་། །གསལ་བ་རླུང་ལ་གནས་པར་བྱ། །དེ་ནས་རླུང་དང་ཐིག་ལེར་བསམ། །འགྲོ་དང་འོང་བའི་ཐིག་ལེ་ལ། །བློ་གཏད་གནས་པ་བརྟན་གྱུར་ན། །ཐོག་མཐའ་མེད་པའི་
[132a.6]བསམ་གཏན་བྱ། །དེ་ནས་ཆོས་རྣམས་ཐིག་ལེ་སྟེ། །ཐིག་ལེ་སེམས་ཀྱིས་རྣམ་འཕྲུལ་ནས། །ཆོས་རྣམས་སེམས་ཀྱི་ངོ་བོར་བརྟན། །སེམས་ཉིད་ཧཱུཾ་ལས་རྡོ་རྗེར་གྱུར། །དེ་ལས་གསང་བའི་བདག་པོར་བསམ། །སྒྱུ་མའི་དཔེ་ཡིས་ཉེར་མཚོན་ན། །རང་བཞིན་ཀུན་བྲལ་རྟོགས་
[132a.7]ལས་འདས། །དེ་ལས་སྣ་ཚོགས་དོན་མེད་འགྱུར། །ཞེས་པ་སྟེ། འདི་དག་གི་དོན་ཡང་ཐོག་མར་བསྐྱེད་པའི་རིམ་པ་ལ་བརྟེན་ནས། རང་གི་སྙིང་གའི་དབུས་སུ་ཟླ་བ་དང་། ཉི་མ་ཁ་སྦྱོར་དུ་གནས་པ་ལ་བྱང་ཆུབ་ཀྱི་སེམས་བལྟས་ལ། དབུགས་འབྱུང་བའི་དུས་སུ་དེ་ལ་
[132b]
[132b.1]འོད་ཁ་དོག་རྣམ་པ་ལྔ་སྟེང་གི་སྒོར་འཐོན་ཏེ། སོར་བཞིའི་རྣམ་པར་གྱུར་པ་སྟེ་འཇུག་པའི་དུས་སུ་དེ་ཉིད་འཇུག་པ་དང་གནས་པར་བྱ་སྟེ། ཐོག་མ་ཉིད་དུ་ནི་གཙོ་བོའི་འོད་ལ་སློབ་བོ། །དེ་ནས་གནས་སོ། །དེ་ནས་གཉིས་པ་ལ་སློབ་པོ། །དེ་ནས་གསུམ་པོ་ལ་སློབ་པོ། དེ་ནས་ལྔ་པའི་བར་ལ་སློབ་བོ། །དེ་ནས་
[132b.2]གནས་སོ། །དེའི་ཐོག་མའི་གཙོ་བོའི་ཡང་རྟེན་ཅན་ནོ། །དེ་ནས་བདེ་གཤེགས་ལ་སོགས་པའི་རྟེན་ཅན་ནོ། །དེ་ལྟར་གནས་ནས་རང་གི་ཐིག་ལེ་ལ་བལྟས་ཏེ། འདོད་ཆགས་ལ་སོགས་པ་འདི་དག་ནི་རང་གི་སེམས་ལས་བྱུང་ནས། འདི་ལས་
[132b.3]རྒྱུ་ཡང་ངེས་པ་ཅི་ཞིག་ཡོད། ཅེས་བརྟག་པར་བྱའོ། །དེས་ནི་དེའི་གཏིང་དཔགས་པར་འགྱུར་བ་དང་། གལ་ཏེ་དུས་ལས་འབྱུང་ངོ་ཞེ་ན། སྐད་ཅིག་ལ་སོགས་པ་ཤིན་ཏུ་ཕྲ་བའི་དངོས་པོ་བརྟག་པར་བྱའོ། །དེ་ནས་རང་ལྷའི་སྐུར་ལངས་ཏེ། སྐུ་དེ་དག་ཀྱང་སྒྱུ་མ་དང་། ཆུ་ཟླ་དང་།
[132b.4]གཟུགས་བརྙན་དང་། བྲག་ཅ་དང་མིག་ཡོར་དང་། དྲི་ཟའི་གྲོང་ཁྱེར་དང་། མགལ་མེའི་ཕྲེང་བའི་འཁོར་ལོ་ལ་སོགས་པར་བརྟག་པར་བྱའོ། །དེ་ལྟར་ལེགས་པར་རྟོགས་པ་དེ་ལ་དེ་བཞིན་གཤེགས་པ་རྣམས་ཀྱིས་བྱིན་གྱིས་རློབ་པ་དང་ལུང་སྟོན་པར་འགྱུར་རོ། །དེ་ལྟར་
[132b.5]གྱུར་ནས་རང་འོད་དུ་ཞུ་ནས་ཐིག་ལེ་སྙིང་པོའི་སྟོབས་ཀྱིས་དོན་དམ་པའི་ལ་གཞག་པར་བྱའོ། །དེ་ལ་རང་ལྷའི་སྐུར་ལངས་ཏེ་དོན་དམ་པའི་སྐུ་དང་དོན་དམ་པ་དང་འདྲེས་པའི་སྐུ་དང་། དོན་དམ་པ་དང་ཉེ་བར་འདྲེས་པའི་སྐུས་བདེན་པ་གཉིས་མངོན་དུ་བྱས་ཏེ། ཕྱིས་མི་སློབ་
[132b.6]པའི་ཏིང་ངེ་འཛིན་གསལ་བར་འགྱུར་རོ། །སྤྱོད་ལམ་གྱི་རིམ་པའང་ཐོག་མར་ནི་ཐམས་ཅད་རླུང་གི་འགྲོ་ལྡོག་ཏུ་བལྟའོ། །དེས་ཆོས་ཐམས་ཅད་སེམས་ཀྱི་ངོ་བོར་བལྟའོ། །དེ་ནས་ཆོས་ཐམས་ཅད་སྒྱུ་མ་ལ་སོགས་པར་བལྟའོ། །དེ་ནས་ཆོས་ཐམས་ཅད་སྟོང་པ་ཉིད་དུ་བལྟའོ། །
[132b.7]དེ་ལྟར་གོམས་པས་སངས་རྒྱས་ཀྱི་ཡོན་ཏན་ཐུན་མོང་མ་ཡིན་པ་ལེགས་པར་གོང་ན་མེད་པར་འགྱུར་རོ་ཞེས་བྱ་བའི་དོན་ཏོ། །དེ་ནས་བུམ་པའི་དབང་བསྐུར་བ་བསྟན་པའི་ཕྱིར། ཕྱག་རྒྱ་ཞེས་བྱ་བ་ལ་སོགས་པ་གསུངས་ཏེ། དེ་ལས་ལེགས་པར་བསྐྱེད་པའི་བུམ་པའི་ནང་དུ་
[133a]
[133a.1]ཧཱུཾ་ལ་སོགས་པ་སོ་སོའི་ཡི་གེ་བསམས་པ་ནི་གསང་སྔགས་སོ། །དེ་ལས་རྡོ་རྗེར་གྱུར་པ་ནི་ཐུགས་སྦྱོར་རོ། །དེ་ལས་སྐུར་གྱུར་པ་ནི་ཁྲོ་བོའི་རྒྱལ་པོའོ། །དེ་ལས་ཡེ་ཤེས་ཀྱི་འཁོར་ལོ་གཞུག་པ་དང་། མཆོད་པ་དང་། བསྟོད་པ་དང་། གསོལ་བ་དང་། རྫས་
[133a.2]བསྒྲུབ་པའི་བར་ནི་བྱིན་གྱིས་བརླབས་པའོ། །དེས་གང་ལ་དབུ་རྒྱན་ལ་སོགས་པ་དང་བཅས་པས་དབང་བསྐུར་བས་ཉོན་མོངས་པའི་དྲི་མ་འཁྲུ་བ་ལ་སོགས་པ་འདི་ནི་ཡ་མཚན་སྣ་ཚོགས་ལྡན་ཞེས་སོ། །དེ་ཡང་གཞན་ལས། ལེགས་པར་སྦྱངས་པའི་བུམ་པ་རུ། །རིམ་གྱིས་
[133a.3]འབྱུང་བའི་སྐུ་བསམས་ཏེ། །བྱིན་བརླབས་ཆུ་ཡིས་བཀྲུས་པ་ཡིས། །དངོས་གྲུབ་འབྱུང་འགྱུར་དབུ་རྒྱན་དང་། །རྡོ་རྗེ་དྲིལ་བུ་བདག་པོའི་མཚན། །ཉོན་མོངས་ལྔ་ཡི་དྲི་མ་འཁྲུ། །རྟག་ཏུ་སྐུ་ལྔ་རྫོགས་པར་འགྱུར། །ཞེས་སོ། །གསང་བའི་དབང་དུ་བྱས་ཏེ་བཤད་པ། ཕྱག་རྒྱ་
[133a.4]ནི་ཕྱག་རྒྱ་མ་སྟེ་ལྷན་ཅིག་སྐྱེས་པ་མ་དང་། ཞིང་ལས་སྐྱེས་པ་དང་། སྔགས་ལས་སྐྱེས་པ་དང་། དེའི་བྱིན་གྱིས་བརླབ་པ་སྟེ། དེའི་གནས་ཐམས་ཅད་དུ་ཡི་གེ་དགོད་པ་ནི་གསང་སྔགས་ཐུགས་སྦྱོར་ནི་བསམ་གཏན་ཏེ། བྱང་ཆུབ་ཀྱི་སེམས་དབབ་པ་ལ་སོགས་པའི་ཏིང་ངེ་འཛིན་
[133a.5]ཏོ། །ཁྲོ་བོའི་རྒྱལ་པོ་ནི་བདག་གཙོ་བོའི་ཏིང་ངེ་འཛིན་ཅན་ཏེ་ཐབས་དང་ཤེས་རབ་ཀྱི་ངོ་བོའོ། །དེ་སློབ་མའི་ངག་ལ་བྱིན་ལ་སྣང་བ་མཐའ་ཡས་སུ་གནས་པ་ནི། བྱིན་གྱིས་བརླབས་པའོ། །དེས་ལྕེ་གསུང་ལ་བདེ་བ་སྐྱེས་པ་ནི། ཡ་མཚན་སྣ་ཚོགས་ལྡན་ཞེས་པ་སྟེ། ཇི་སྐད་
[133a.6]དུ། ལྷན་ཅིག་སྐྱེས་པའི་རིགས་ཅན་དང་། །སྔགས་དང་ཞིང་ལས་སྐྱེས་པ་ལ། །གནས་རྣམས་སུ་ནི་ཡི་གེ་བཀོད། །དེ་ལས་སྐུར་གྱུར་ཡབ་ཡུམ་གསལ། །གཉིས་མེད་སྦྱོར་བས་སེམས་ཕབ་སྟེ། །མ་འཐོར་མ་གྲམ་དག་ལ་བྱིན། །ལྕེ་གསུང་བདེ་བ་མྱོང་བ་ནི། །དངོས་
[133a.7]གྲུབ་རབ་མཆོག་ཉིད་དུ་བཤད། །ཅེས་འབྱུང་བ་ལྟ་བུའོ། །དེ་ནས་ཤེས་རབ་ཡེ་ཤེས་ཀྱི་དབང་བསྐུར་བསྟན་པའི་ཕྱིར། ཕྱག་རྒྱ་ཞེས་བྱ་བ་ལ་སོགས་པས་སྟོན་ཏེ། ཕྱག་རྒྱ་ལ་སོགས་པ་གོང་དང་འདྲའོ། །སློབ་མ་ལེགས་པར་སྦྱངས་པ་དང་། དང་པོར་གཡའ་བསླད་པ་སྔོན་དུ་འགྲོ་
[133b]
[133b.1]བས་གཉིས་སུ་མེད་པར་སྙོམས་པར་ཞུགས་ཏེ། བྱང་ཆུབ་ཀྱི་སེམས་ཕབ་ནས་ལྕགས་ཀྱུས་བཟུང་བས་ཟག་པ་མེད་པའི་བདེ་བ་ཉམས་སུ་མྱོང་བ་ནི། ཡ་མཚན་སྣ་ཚོགས་ལྡན་ཞེས་བྱའོ། །དེ་ཡང་གསུངས་པ། ཕྱག་རྒྱ་མ་འདི་ལེགས་གནས་ལ། །འདོད་པའི་རྩ་
[133b.2]ནི་བཟུང་གྱུར་ནས། །ནམ་མཁའ་གང་བར་གྱུར་པ་དང་། །ལྷ་སྦྱིན་སྣ་ནི་སྤྲད་བྱས་ཏེ། །གནས་དགུ་དག་ནི་སེན་མོ་དག །གཉིས་མེད་གཅིག་སྦྱོར་དག་ཏུ་གནས། །འཁོར་ལོ་གསང་བ་བསམ་བྱ་སྟེ། བསྐྱོད་པའི་རླུང་གིས་དྲོད་འབར་བས། །བདེ་ཆེན་བྱང་ཆུབ་མགྲིན་པར་
[133b.3]བབས། །དེ་ནི་མི་བསྐྱོད་དག་པ་སྟེ། །མི་བསྐྱོད་སྙིང་གར་མི་བསྐྱོད་བརྟེན། །ལྟ་བ་ལ་སོགས་དེ་བཞིན་ནོ། །དེ་ནས་རྡོ་རྗེ་རྩེ་མོ་ལས། །རླུང་གི་ལྕགས་ཀྱུས་དཀྲུགས་པར་བསམ། །དེས་ནི་བདེ་བ་ཆེན་པོར་འགྱུར། །ཞེས་སོ། །དབང་བཞི་པའི་འབྲས་བུར་གྱུར་བ་དེའི་གནས་
[133b.4]སྐབས་སུ་གཞག་གི ། གཞན་དུ་མ་ཡིན་ནོ། །གལ་ཏེ་ཐམས་ཅད་ཀྱང་དེ་ལྟ་བུའོ་ཞེ་ན། འདིར་མཆོག་ཏུ་གྱུར་བའི་ཕྱིར་རོ། །གལ་ཏེ་འོད་མཆོག་མ་ཡིན་ཞེས་བྱ་བ་ནི། ངེས་པར་གཟུང་བ་ནི་ཅི་ཡང་མེད་དོ། །གཞན་དག་ནི་ཤེས་རབ་ཡེ་ཤེས་ཀྱི་དབང་ལན་གཉིས་མ་ཡིན་ནོ་
[133b.5]ཞེས་ཟེར་རོ། །ཁ་ཅིག་ཅི་དེ་ལས་དཔག་པའི་རྟེན་ཅན་དང་བརྟེན་པ་མེད་པ་ཁོ་ནའོ་ཞེས་ཟེར་རོ། །གཞན་ནི་རྗེས་སུ་གནང་བ་ལ་སོགས་པའོ་ཞེས་ཟེར་རོ། །དེ་ནས་བསོད་ནམས་ཀྱི་ཚོགས་ཀྱི་ཞར་ལ་དམ་ཚིག་བསྟན་པའི་ཕྱིར། །རང་གཞན་འཕགས་དང་ཞེས་བྱ་བ་ལ་སོགས་
[133b.6]པ་སྨོས་ཏེ། དེ་འཕགས་པ་རབ་ནི་དབང་བསྐུར་བ་དང་། བསྒྲུབ་པའི་ལྷ་མཉེས་པར་བྱེད་པ་སྟེ། ཇི་སྐད་དུ། ཡང་དག་སངས་རྒྱས་མཉེས་བྱའི་ཕྱིར། །བྱང་ཆུབ་སེམས་ནི་སྤང་མི་བྱ། །ལྷ་ལ་སྤོང་ལེན་མི་བྱ་སྟེ། །སྔགས་དང་ཕྱག་རྒྱ་རྒྱུན་མི་བཅད། །འགྲོ་བ་དམན་ལ་བྱམས་
[133b.7]པ་དང་། །གང་གིས་གསང་བ་བསྟན་པར་བྱ། །གསང་བའི་སྡོམ་པ་ཐམས་ཅད་བསྲུང་། །མཆོད་དང་མཉེས་པ་བཤགས་ལ་བརྩོན། །ཞེས་བྱ་བ་ལ་སོགས་པ་ཤེས་པར་བྱའོ། །བླ་མ་དང་ཤིན་ཏུ་བླ་མ་ཞེས་པ་ནི། །དབང་བསྐུར་མན་ངག་སྟོན་པ་ཡི། །བླ་མ་སངས་
[134a]
[134a.1]རྒྱས་པས་ལྷག་སྟེ། །གང་གིས་ཡོན་ཏན་འབྱུང་བ་དེས། །བླ་མ་སྲོག་བཞིན་གཟུང་བར་བྱ། །གཞན་ཡང་སེམས་དང་འགལ་བ་ཡི། །ཆོས་ནི་ནམ་ཡང་སྤང་བར་བྱ། །བླ་མའི་ཐུགས་དང་འགལ་བ་ནི། །སེམས་ནི་བདུད་ཀྱིས་བྱིན་གྱིས་བརླབས། །གང་
[134a.2]ཡང་འཇིག་རྟེན་འདི་དག་ཏུ། །དགེ་བ་གང་དང་གང་སྤྱད་པ། །དེ་དག་འབྲས་བུ་མེད་འགྱུར་ཞིང་། །བསྐལ་པ་ཆེན་པོར་ངན་འགྲོར་སྲེག །བླ་མ་ལ་ནི་འཁྱལ་ཚིག་སྨྲས། དམྱལ་སྲུང་རབ་ཏུ་གཏུམ་པོ་ཡིས། །ལྕེ་ནི་ཕུར་པས་བརྒྱངས་བྱས་ཏེ། །རབ་ཏུ་དྲག་པོའི་མཚོན་
[134a.3]གྱིས་གཏུབ། །བླ་མ་ལ་ནི་སེར་སྣ་ལྡན། །བླ་མའི་ཡོ་བྱད་ཚོགས་ལ་ལེན། །དུས་ཀུན་བདེ་བ་ཟས་དང་བྲལ། །སྐད་ཅིག་བཅུ་བཅུའི་བར་དག་ཏུ། །ལྕགས་ཟངས་ཁུ་བ་འབར་བ་ལྡུགས། །ཤེས་རབ་མཛེས་པའི་རྒྱན་ཅན་དང་། །གང་ཡང་རྡོ་རྗེ་སྤུན་རྣམས་ལ། །གང་གིས་
[134a.4]ཉེས་དང་བཅས་པའི་ལས། །རྣམ་པ་ཀུན་དུ་སྤྱད་འགྱུར་ལ། །དུས་ཀུན་དགེ་བ་ཟད་ནས་ནི། །མྱུར་བར་ངན་འགྲོར་འགྲོ་བར་འགྱུར། །དེ་ནས་དངོས་གྲུབ་འདོད་པ་ཡིས། །བླ་མ་སངས་རྒྱས་སྔོན་དུ་མཆོད། །དེ་ལས་འཇིག་རྟེན་ལེགས་པ་རྣམས། །མ་ལུས་མྱུར་དུ་འགྲུབ་
[134a.5]པར་འགྱུར། །གང་ཞིག་དཔལ་ལྡན་རྡོ་རྗེ་ཅན། །འབད་པ་མེད་པར་ཐོབ་པར་འགྱུར། །ཞེས་སོ། །དེ་ལས་སྡོམ་པ་ཕུན་སུམ་ཚོགས་པ་ནི་དངོས་གྲུབ་དམ་པའི་རྟེན་དམ་པའོ་ཞེས་བྱ་བ་ངེས་པར་བཟུང་ནས་དེ་ལ་གནས་ནས་ཇི་སྐད་སྨོས་པའི་བསྐྱེད་པའི་རིམ་པ་དང་། རྫོགས་པའི་
[134a.6]རིམ་པ་ལ་གནས་ནས་བདུད་དང་བར་དུ་གཅོད་པ་ཐམས་ཅད་ངང་གིས་ཞི་སྟེ། བདེ་བ་ཐོབ་པར་འགྱུར་རོ་ཞེས་བྱ་བའི་དོན་ཏོ། །གལ་ཏེ་གཞན་ལ་ཕན་འདོགས་ན། །སྐུ་དེ་སྣ་ཚོགས་སྐུ་རུ་སྣང་། །ཞེས་པ་ནི་གལ་ཏེ་གདུག་པ་ཅན་འདུལ་བར་འདོད་ན། གོས་སྔོན་པོ་ཅན། ཕྱག་
[134a.7]གཡོན་པས་དྲིལ་བུ་དོར་ཏེ། གདུག་པ་ཅན་གང་ཡིན་པ་གཟུང་བར་བསམ་མོ། །ཞི་བ་དང་། རྒྱས་པ་དང་། དབང་ནི། བདེ་གཤེགས་གོས་སྔོན་ཅན། རིན་པོ་ཆེ་དང་པདྨ་གོས་སྔོན་པོ་ཅན་དུ་གྱུར་བས་བྱེད། ཅེས་བསམ་པ་ཉིད་དོ། །ཐོག་མའི་སྐུར་སངས་རྒྱས་ཐམས་
[134b]
[134b.1]ཅད་མདུན་དུ་བལྟས་ལ། དེ་ནས་མཆོད་པ་ལ་སོགས་པ་ཐམས་ཅད་ཀྱིས་མཉེས་པར་བྱས་ལ། དབང་ཐོབ་ནས་དེ་རུ་འགྱུར་རོ་ཞེས་བྱ་བའི་དོན་ཏོ། །ལྷག་མ་རྣམས་ཀྱི་སྐུ་དེ་དག་དོན་དམ་པར་མ་གྲུབ་པ་ལས་སྣང་བ་ཙམ་དུའོ་ཞེས་བྱ་བའི་དོན་ཏོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་
[134b.2]རྒྱུད་ཀྱི་རྒྱ་ཆེར་བཤད་པ་ལས་ལེའུ་གཉིས་པའི་རྒྱ་ཆེར་བཤད་པའོ།། །།དེ་ལྟར་ལམ་རྣམ་པ་གཉིས་བསྟན་ནས། ད་ནི་སྔགས་བཏུ་བ་བཤད་པའི་ཕྱིར། གཞན་ཡང་ཡང་དག་བཤད་བྱ་བ། །ཞེས་བྱ་བ་ལ་སོགས་པ་སྨོས་ཏེ། ད་ཧ་ནི་སྲེགས་ཤིག་པའོ། །སོགས་པ་ཞེས་བྱ་
[134b.3]བས་གཞན་གྱི་སྔགས་ཀྱི་མཐའི་དོན་ཡང་ཤེས་པར་བྱ་སྟེ། གང་གིས་ཨཱ་ལི་དང་ཀཱ་ལི་ལེགས་པར་སྦྱར་བ་ལས་འབྱུང་བའི་སྔགས་རྩ་བའི་སྔགས་སྦྲེལ་བས། དེའི་དོན་དང་མཐུན་པའི་ལས་ཐམས་ཅད་བརྩམ་པར་བྱའོ་ཞེས་བྱ་བའི་དོན་ཏོ། །གཉིས་ཀྱི་འོག་མ་གསུམ་པས་བརྒྱན་
[134b.4]ཞེས་བྱ་བ་ལ་སོགས་པའི་དོན་ཏོ། །གྲྀཧྞ་གྲྀཧྞ་ཞེས་པ་ནི་ཟུང་ཤིག་རབ་ཏུ་ཟུང་ཤིག་པའོ། །རྩ་བའི་སྔགས་དངོས་སུ་བས། ཧ་ན་ཧ་ན་ནི། རྒྱོབ་ཅིག་པའོ། །ཏ་ཐཱ་ཡ་ཏ་ཐཱ་ཡ་ཞེས་པ་གཏོགས་ཤིག་པའོ། །པ་ཙ་པ་ཙ་ཚོས་ཤིག་པའོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཀྱི་རྒྱ་ཆེར་
[134b.5]བཤད་པ་ལས་ལེའུ་གསུམ་པའི་བཤད་པའོ།། །།དེ་ནས་མེའི་འཁོར་ལོའི་སྔགས་ཀྱི་ཡོན་ཏན་བཤད་པར་བྱ་བའི་ཕྱིར། དེ་ནས་འཕགས་པ་ཞེས་བྱ་བ་ལ་སོགས་པ་སྨོས་ཏེ། སྣ་ཚོགས་མངོན་པར་གྲུབ་པ་ནི་ལས་སྣ་ཚོགས་མངོན་པར་བྱེད་པའི་སྔགས་བསྲུང་བར་
[134b.6]དགོས་པའོ། །དེའི་སྔགས་དངོས་སུ་བས། གང་ཞིག་འདི་འཛིན་རྣལ་འབྱོར་དེ། །ཞེས་པ་ནི་སྔགས་གཟུངས་སུ་འཛིན་པ་སྟེ། སྔགས་ཀྱི་གཉིས་པ་སྤངས་ནས་བསམ་གཏན་དང་བཅས་པས་མ་ཆད་པར་བྱེད་པའོ། །བསམ་གཏན་ཐོག་མ་ཉིད་དུ་ནི། །རང་གི་དམིགས་
[134b.7]པར་གསལ་བར་བྱེད་དོ། །དེ་ནས་ནི་ཧཱུཾ་རཾ་ཧཾ་གི་རྣམ་པ་ལ་དམིགས་ཏེ་ལུས་དང་ངག་དང་ཡིད་ཀྱི་སྡིག་པ་དག་པར་བྱེད་དོ། །དེ་ནས་དེ་བཞིན་གཤེགས་པ་བཙུན་མོ་དང་བཅས་པ་གང་ཡེ་ཤེས་སེམས་དཔའ་དང་བཅས་པ་དང་། དེ་ཉིད་རང་གི་འཁོར་དང་བཅས་པ་དང་། འཁོར་
[135a]
[135a.1]འབའ་ཞིག་པ་དང་བཅས་པ་དང་། ཕྲ་མོའི་ཏིང་ངེ་འཛིན་དང་བཅས་པ་དང་། མགལ་མེ་ལྟ་བུ་དང་ཕྲེང་བ་ཉི་མ་ལྟ་བུའི་རིགས་བདག་གི་མཚན་མངོན་དུ་བྱེད་དོ། །ལས་ཁྱད་པར་གྱི་དུས་སུ་ཡང་སོ་སོའི་བསམ་གཏན་དང་བཅས་པ་ལས་གྲུབ་པར་བྱེད་པའོ། །
[135a.2]ཉེས་པ་ཀུན་ལས་རབ་ཏུ་ཐར། །ཞེས་པ་ནི། སྒྲིབ་པ་ཐམས་ཅད་ལས་ཐར་བར་གྱུར་པའོ། །ལེགས་པའི་ཡོན་ཏན་ཐམས་ཅད་ཐོག་ཅེས་པ་ནི་འཇིག་རྟེན་པའི་དངོས་གྲུབ་ཐམས་ཅད་དོ། །འབྲས་བུ་ཡང་དག་མངོན་པར་གྲུབ། །ཅེས་པ་ནི་སྐུ་གསུམ་ཐོབ་པའོ། །སྔགས་འདི་གང་ཡིན་
[135a.3]མིང་ཡིན་ཏེ། །ཞེས་པ་ནི་གོས་སྔོན་ཅན་ནོ། །གདུལ་བྱའི་ཞེས་བྱ་བ་ལ་སོགས་པ་ནི་སྔགས་སྦྲེལ་བར་བསྟན་ཏོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཀྱི་རྒྱ་ཆེར་བཤད་པ་ལས་ལེའུ་བཞི་པའི་བཤད་པའོ།། །།དེ་ནས་ཞེས་བྱ་བ་ལ་སོགས་པས་ནི་འཁོར་ལོ་བཞི་བསྒོམ་པ་
[135a.4]བསྟན་ཏོ། །མངོན་པར་གྲུབ་པ་ནི་མངོན་པར་བྱེད་པ་སྟེ། གང་གིས་འཁོར་ལོ་བཞི་བསྒོམས་ནས་ལས་ཐམས་ཅད་འགྲུབ་པར་འགྱུར་བའི་ཕྱིར་རོ། །འབྱུང་བཞིའི་སངས་རྒྱས་རབ་བསྒོམས་ནས། །ཞེས་བྱ་བ་ནི་པདྨའི་གོས་སྔོན་པོ་ཅན་ལ་སོགས་པའོ། །མེ་བརྒྱད་ནི་རྐང་མཐིལ་
[135a.5]གཉིས་དང་། དཔྱི་མིག་གཉིས་དང་། ལག་པ་གཉིས་དང་། མདོམས་དང་། མགྲིན་པའི་བར་དུའོ། །རླུང་གཉིས་འབར་བ་དང་ཟློག་པར་བྱེད་པ་རླུང་སྟེ། རྐང་པའི་འོག་དང་སྤྱི་བོར་རོ། །དེས་ལུས་བསྡོམས་པར་བྱས་པ་ནི་དེའི་འབྲས་བུའོ། །རྒྱུ་ཆུ་བརྒྱད་དངོས་པོ་ཡིན་ཏེ། །
[135a.6]ཞེས་ནི་མེའི་གནས་བཞིན་ནོ། །དེ་བཞིན་ས་བརྒྱད་འབྲས་བུར་བསྟན། །ཞེས་པ་ནི་སྙིང་གའི་གནས་སུ་སའི་དཀྱིལ་འཁོར་བཀོད་པའོ། །རླུང་བརྒྱད་གཉིས་ལྡན་པ་སྟེ་ཞེས་པ་ནི་མདོམས་དང་མགྲིན་པའི་ཕྱོགས་གཉིས་མེད་དོ། །དེ་དག་གི་གནས་སུ་རིམ་གྱིས་གནོད་
[135a.7]སྦྱིན་གཙོ། །དེའི་ཕུང་པོ་སྦྱངས་པ་ལས་ཕྱག་ན་རྡོ་རྗེར་གྱུར་པར་བྱ་སྟེ་གནས་ནས་འོད་ཕྱུང་སྟེ་ཞུ་བ་ལས་དེར་གྱུར་བ་ཉིད་དོ། །གྲུབ་པའི་སྔགས་བཞིས་མངོན་པར་འགྲུབ། །ཅེས་པ་ནི་ལས་སོ་སོའི་དབང་དུའོ། །འདི་དག་གི་དོན་ཡང་ཐོག་མ་ཉིད་དོ་ནི། གང་གི་མདུན་དུ་སངས་
[135b]
[135b.1]རྒྱས་ཐམས་ཅད་སྤྱན་དྲངས་ཏེ། མཆོད་པས་མཉེས་པར་བྱས་ནས་སྔགས་བཟླས་པའི་འོད་ཀྱིས་བསྐུལ་ནས་རང་གི་འཁོར་ལོ་ནུས་པ་བསྐྱེད་ལ། དེས་ཕུང་པོ་སྦྱངས་ཏེ་ཇི་སྲིད་དུ་སྟོང་པ་ཉིད་དུ་བསྒོམ་པར་བྱའོ། །དེ་ལ་བསྐྱེད་པའི་རིམ་པས་ཇི་ལྟ་བས་རང་ལྷའི་སྐུར་བསྐྱེད་པ་ལ་
[135b.2]སོགས་པའོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཀྱི་རྒྱ་ཆེར་བཤད་པ་ལས་ལེའུ་ལྔ་པའི་བཤད་པའོ།། །།དེ་ནས་སྦྱིན་སྲེག་གི་ཆོ་ག་བཤད་པ། ལས་བཅུ་ནི་ཞི་བ་ལ་སོགས་པ་སྟེ། དེ་གང་སྒྲུབ་པའི་ཐབས་དེ་ལ་རྩེ་གཅིག་ཏུ་གནས་ནས་གསུངས་ཞེས་སྦྱར་རོ། །
[135b.3]ཞི་བ་ལ་ཤཱནྟིཾ་ཀུ་རུ་ཞེས་པ་ལ་སོགས་པ་ནི་སྔགས་ཀྱི་མཐའ་བསྟན་ཏོ། །ཐབ་ཁུང་ནི། །ཞི་བ་ལ་ནི་ཟླུམ་པོ་ཁྲུ་གང་། ཟབས་སུ་དེའི་ཕྱེད་སོར་གསུམ་བསྐྱེད་ལ། སོར་གསུམ་བརྩིག །ཁ་ཁྱེར་ལ་ཡང་སོར་གསུམ་མོ། །མདོག་དཀར་པོ་འཁོར་ལོས་ལེགས་པར་བསྐོར་
[135b.4]བའོ། །རྒྱས་པ་ལ་ནི་གྲུ་བཞིར་གྱུར་པ་ཁ་དོག་སེར་པོ་རིན་པོ་ཆེ་འབར་བས་བསྐོར་བའོ། །དབང་ལ་ནི་ཟླ་གམ། ཁ་དོག་དམར་པོ་པདྨའི་ཕྲེང་བས་སོ། །དྲག་པོ་ལ་ནི་གྲུ་གསུམ་ཁ་དོག་ནག་པོ་རལ་གྲིའི་ཕྲེང་བས་བསྐོར་བའོ། །ཆད་གོང་མ་བཞིན་ནོ། །ཤིང་ནི་འོག་ནས་འཆད་
[135b.5]དེ། ཞི་བའི་ཐབ་ཁུང་བྱིན་གྱིས་བརླབས་ནས། ཞོ་ཅན་དཀར་བའི་ཤིང་ལ་མེ་སྦར་ཏེ། པདྨ་དཀར་པོའི་སྟེང་དུ་རཾ་དཀར་པོ་ལས་བྱུང་བའི་མེ་ལྷ་མདོག་དཀར་པོ་ཕྱག་བཞི་པ། གཡས་ན་དབྱུག་ཏོ་དང་སྐྱབས་སྦྱིན། གཡོན་ན་གུནྡྷེ་དང་བགྲང་ཕྲེང་དང་དར་དཀར་ལ་སོགས་པའི་
[135b.6]སྟོད་གཡོགས་འཆད་བ་དེ་དང་བཅས་པའི་ལྷ་ཆ་ཞོ་དང་འོ་མ་ལ་སོགས་པའི་དཀར་པོའི་རྫས་ཀྱིས་སྦྱིན་སྲེག་བྱས་ན་ཞི་བ་དང་བསྲུང་བ་ལ་སོགས་པ་འགྲུབ་པར་འགྱུར་རོ། །རྒྱས་པ་ལ་གསེར་ཤིང་ཞེས་པ་ནི་སྔ་མ་བཞིན་དུ་བྱས་ལ་སེར་པོར་གྱུར་པའི་ཤིང་ལ་མེ་སྦར་ཏེ། མེ་ལྷ་སེར་
[135b.7]པོར་བསྐྱེད་ལ། ལྡོང་རོས་ལ་སོགས་པ་ཁ་དོག་བསྒྱུར་བའི་རྫས་ཕུལ་བས་ཚེ་རིང་བ་དང་ལོངས་སྤྱོད་ཕུན་སུམ་ཚོགས་པ་ལ་སོགས་པ་འགྲུབ་པར་འགྱུར་རོ། །དབང་ལ་ནི་སེང་ལྡེང་གི་ཤིང་ལ་མེ་སྦར་ཏེ་ཇི་སྐད་སྨོས་པ་བཞིན་མེ་ལྷ་མདོག་དམར་པོ་རལ་གྲི་དང་། དབྱུག་ཏོ་དང་ཞགས་པ་
[136a]
[136a.1]བ་དང་། བགྲང་ཕྲེང་ཐོགས་པ་ལ་གླང་གི་ཤ་དང་དམར་པོའི་རྫས་ཕུལ་ན་དབང་དུ་བྱ་བར་འདོད་པ་ཐམས་ཅད་དབང་དུ་འགྱུར་རོ། །དྲག་པོའི་ལས་ནི་ཚེར་མ་ཅན་དང་། དུག་གི་ཤིང་ལ་མེ་སྦར་ཏེ། མེ་ལྷ་མདོག་ནག་པོ་ལ་ཤ་དང་ཁྲག་གིས་མཆོད་པ་བྱས་ན་གང་
[136a.2]འདོད་པ་འཆི་བར་འགྱུར་རོ། །གཞན་ནི་ཙནྡན་ཤིང་གིས་བྱ་ཞེས་པ་པདྨ་ལྟ་བུའི་ཐབ་ཁུང་གི་དབུས་སུ་ཙནྡན་གྱི་ཤིང་ལ་མེ་སྦར་ཏེ། མྲྀ་ཐ་ཞེས་པས་ནི་མེ་ལྷ་དང་རང་གི་གཙོ་བོ་ལ་གང་འགྲོ་བར་འདོད་ན་བྱ་རྒོད་ཀྱི་ཤ་བསྲེག་པར་བྱའོ། །པུ་ཤུད་ཀྱི་ཤ་བསྲེགས་པས་ནི་དོན་
[136a.3]གྲུབ་པར་འགྱུར་རོ། །ཝའི་ཤ་བསྲེགས་པས་ནི་མི་སྣང་བར་འགྱུར་རོ། །སྔགས་ནི་དངོས་སུ་བས་སོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཀྱི་རྒྱ་ཆེར་བཤད་པ་ལས་ལེའུ་དྲུག་པའི་རྒྱ་ཆེར་བཤད་པའོ།། །།དེ་ནས་བདུག་པའི་སྦྱིན་སྲེག་བཤད་པར་བྱ་སྟེ། དེའི་ཕྱིར་དཔལ་ལྡན་རྡོ་རྗེ་
[136a.4]འཛིན། །ཞེས་པ་ལ་སོགས་པ་སྨོས་ཏེ། དེ་ལ་དྲག་པོ་རབ་འབར་བ་ནི་སྨེ་བའི་སྦྱིན་སྲེག་གོ། །གནས་གང་དུ་ཞེ་ན། གནས་ཁང་རིམ་པ་གསུམ་དུའོ། །དེས་ཅི་ཞིག་བྱེད་ཅེ་ན། ཕྱི་རོལ་སྨེ་སྲེག་དབྲལ་བར་བྱ། །ཞེས་པས་ཕྱི་རོལ་གྱི་ཁང་པར་དྲག་པོའི་ཐབ་ཁུང་བྱ་སྟེ། དེར་
[136a.5]གུ་གུལ་སྦྱར་མ་དང་ནིམ་པའི་ཤིང་ལ་བསྲེག་ཅིང་། ཀླུ་ལ་སོགས་པས་གཟིར་བའི་ནད་པའི་སྟེང་དུ་འདུག་སྟེ། མེ་བརྒྱད་ཀྱི་ཏིང་ངེ་འཛིན་ལ་གནས་པར་བྱ་སྟེ། བར་དུ་ཕྱི་ནང་ཁྲུས་བྱས་ཞེས་པ་ནི་སྨན་སྣ་ཚོགས་དང་དང་། བདུད་རྩི་ལྔའི་ཁྲུས་བྱའོ། །དེར་ཚོགས་བྱ་བ་དང་། གཏོར་
[136a.6]མ་དང་། འཕགས་པ་མཆོད་པ་ལ་སོགས་པ་མཉེས་པའི་ལས་ཅི་ནུས་བྱའོ། །ནང་དུ་བུམ་པའི་དབང་བསྐུར་བྱ། །ཞེས་པ་ནི། དེ་ནས་བུམ་པ་རྗེས་སུ་གནང་བ་ལས་དབང་བསྐུར་བར་བྱའོ། །དེ་དག་གི་དོན་ནི་ཐོག་མར་གནས་ཡིད་དུ་འོང་བར་ཕྱིན་ཏེ། ས་བརྟག་པ་ལ་སོགས་
[136a.7]སྔོན་དུ་སོང་ནས། དེ་ནས་དཀྱིལ་འཁོར་གྱི་སྟ་གོན་གྱི་དབང་དུ་བྱ་བ་རྫོགས་པར་བྱས་ནས། གང་གི་ཐོག་མར་ནད་པ་ལ་སྨེ་བའི་སྦྱིན་སྲེག་སྟེ། དེ་ནས་ནད་པ་ལ་ཁྲུས་ལེགས་པར་བྱ་སྟེ། གོས་བཟང་པོ་གྱོན་ནས་དེ་ནས་རང་གི་སེམས་བསྐྱེད་ནས་བཟུང་ནས་སྟ་གོན་གྱི་
[136b]
[136b.1]ཆོ་ག་རྫོགས་པར་བྱའོ། །དེ་ནས་དཀྱིལ་འཁོར་ཆེན་པོ་བཞེངས་སུ་གསོལ་དེར་འཇུག་པའི་ཆོ་ག་རྫོགས་ནས་དབང་བསྐུར་བར་བྱའོ། །དེ་ལྟ་བུའི་གཞུང་སྟོན་པ། ཀྱེ་ཧོ་ཞེས་པ་དག་ནི་དགའ་བའི་ཚིག་ཏུ་སྟོན་པའོ། །ཉེན་རྣམས་འདུལ་བའི་མཆོག་ཅེས་པ་འབྱུང་པོ་དང་གདུག་པ་
[136b.2]འདུལ་བའི་མཆོག་ལ་མཁས་པའོ། །ཨེ་མ་གསང་ཆེན་དྲག་པོ་ཆེ། །ཞེས་པ་ལ་གསང་ཆེན་པོ་འདི་དྲག་པོའི་སྦྱོར་བ་དམ་པའོ། །དེ་ཉིད་བསྟན་པ། ཨེ་མ་མ་རུངས་འཇིགས་པ་ཅན། །ཞེས་པ་ནི་མ་རུངས་པ་འདུལ་བ་སྟེ། ཞི་བའི་ལས་ཀྱིས་མ་འདུལ་བའི་ལོག་འདྲེན་
[136b.3]ཐམས་ཅད་ངེས་པར་འཇོམས་པའོ། །ཡང་གསང་ནི་ཡང་དག་པར་གསང་བ་སྟེ། དོན་དམ་པ་ལས་བྱུང་བའོ། །ཕྱག་ན་རྡོ་རྗེ་ནི་རྡོ་རྗེ་ཐོགས་བའོ། །ཕྱོགས་བྲལ་ནི་རྟག་པ་ལ་སོགས་པའི་ཉེས་པ་དང་བྲལ་བའོ། །དེ་དག་གི་དོན་ནི། གང་ཕྱིར་ཆོས་ཀྱི་དབྱིངས་ལས་བྱུང་ནས་
[136b.4]གདུལ་བྱའི་མཐར་ཐུག་པ་ཐམས་ཅད་ངེས་པར་འཇོམས་པ་ཁྱོད་ལ་ཕྱག་འཚལ་ལོ། །ཞེས་བྱ་བའོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཀྱི་རྒྱ་ཆེར་བཤད་པ་ལས་ལེའུ་བདུན་པའི་རྒྱ་ཆེར་བཤད་པའོ།། །།དེ་ནས་གཏོར་མའི་ཆོ་ག་བཤད་པར་བྱ་སྟེ། དེ་ལ་ཐམས་ཅད་དང་ལྡན་
[136b.5]པའི་གཏོར་མ་ནི་འཇིག་རྟེན་པ་ཡིད་དུ་འོང་བའི་རྫས་མ་ལུས་པའམ། ཡང་ན་ཤ་ལྔ་ལ་སོགས་པའོ། །དེ་ཉིད་སྦྱང་བ་བསྟན་པའི་ཕྱིར། །རཾ་གྱིས་སྦྱངས་ལ་ཡཾ་གིས་བུས། །ཞེས་པ་རཾ་ལས་མེས་ཐོག་མར་དག་པར་བྱས་ནས། དེ་ན་ཡཾ་ལས་རླུང་དང་། ཁཾ་ལས་ཆུ་བྱུང་
[136b.6]བས་དག་པར་བྱས་པ་ལ། བཾ་ལས་བདུད་རྩིའི་ཆུ་རྒྱུན་བསྐྱེད། །ཅེས་པ་དེའི་ནང་དུ་བཾ་ལས་བདུད་རྩིའི་ཆུ་རྒྱུན་བྱུང་བས་རྒྱས་པར་བྱ་སྟེ། སྦྱིན་པ་འདི་ནི་ཐུན་མོང་གི་གཏོར་མའོ། །ཡཾ་རཾ་ཞེས་པོ་སྔ་མ་བཞིན་དུ་སྦྱངས་པ་ལས། ཡཾ་ལས་རླུང་དང་། རཾ་ལས་མེ་དང་། ཨ་
[136b.7]ལས་ཀ་པཱ་ལར་གྱུར་བའི་ནང་དུ་ཤ་ལྔ་དང་། བདུད་རྩི་ལྔར་བསྐྱེད་དོ། །དེའི་སྟེང་དུ་རྡོ་རྗེ་ཟླ་བས་མཚན་པ་བསམས་ལ། དེ་ནས་ཡེ་ཤེས་བདུད་རྩི་དབབ་ཅིང་རླུང་དང་མེ་སྦར་བའི་ལས་བྱའོ། །ཛཿཡིས་བཀུག་སྟེ་གཏོར་མར་བསྟིམ། ཞེས་པ་འོད་ཟེར་ལྕགས་ཀྱུའི་ཚུལ་ཅན་གྱིས་
[137a]
[137a.1]འབྱུང་པོ་ཐམས་ཅད་བཀུག་སྟེ། ལྕེ་དང་གནས་བྱིན་གྱིས་བརླབས་ནས་གཏོར་མ་སྦུ་གུ་ཅན་གྱིས་འཐུངས་བའམ། །ཡང་ན་ལྷ་མོའི་ཚོགས་ཀྱིས་དབུལ་བར་བྱའོ། །དེ་ནས་རང་ཏིང་ངེ་འཛིན་དང་ལྡན་པས། ཧཱུཾ་ང་ནི་དཔལ་ལྡན་གོས་སྔོན་ཅན། །ཞེས་བྱ་བ་ལ་
[137a.2]སོགས་པས་བསྡིགས་ཏེ། རང་གི་སྡོམ་པ་ཡང་དག་པར་བསམ་མོ། །ཐུན་མོང་གི་གཏོར་མ་ནི་ཚོགས་ཆེན་པོ་ལ་སོགས་པའི་གནས་སུའོ། །ཐུན་མོང་མ་ཡིན་པའི་གཏོར་མ་ནི་དགོན་པ་ཆེན་པོ་ལ་སོགས་པའི་གནས་སུའོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་
[137a.3]ཀྱི་རྒྱ་ཆེར་བཤད་པ་ལས་ལེའུ་བརྒྱད་པའི་བཤད་པའོ།། །།དེ་ནས་སྔགས་ཀྱི་ལེའུ་བཤད་པར་བྱ་སྟེ། དང་པོ་གང་ཟག་གི་དབང་དུ་བྱས་ཏེ་བཤད་ཅེ་ན། བསམ་གཏན་འཁོར་ལོ་མེད་པ་ལ། །ཞེས་པ་ནི། བསམ་གཏན་ལས་སུ་མི་རུང་བའོ། །དེའི་དབང་དུ་སྔགས་བཤད་ཅེས་སོ། །གང་ཡིན་
[137a.4]ཞེ་ན། ཏ་དྱ་ཐཱ། བྷོ་བྷོ་པ་ན་ནཱ་ག །ཞེས་བྱ་བ་ལ་སོགས་པ་ཉིད་དོ། །ལས་ཐམས་ཅད་པའི་སྔགས་ནི་ལས་ཐམས་ཅད་ཀྱི་ཐོག་མར་འགྲོ་བའོ། །ཀླུ་འདུལ་བ་ནི་ཀླུ་ངེས་བར་འཇོམས་པ་སྟེ། གཞན་དང་དེ་བཞིན་དུ་སྦྱར་རོ། །འདི་དག་ནི་དོན་ཡང་བསྐྱེད་བའི་རིམ་པ་ལ་གནས་པའི་
[137a.5]རྣལ་འབྱོར་པས་ཐོག་མ་ཉིད་དུ་རང་གི་རྩ་བའི་སྔགས་ཀྱི་བཟླས་པ་རྫོགས་པར་བྱ་སྟེ། དེ་ནས་འབྱུང་པོ་འདུལ་བའི་དུས་སུ་འབྱུང་པོ་གང་འདུལ་བ་སྔགས་བཟླས་པའི་འོད་ཟེར་ལས་ཁྲོ་བོ་གོས་སྔོན་པོ་སོ་སོའི་ཆ་ལུགས་ཀྱི་ཚོགས་ཀྱིས་འཇིག་རྟེན་གང་བས་གདུལ་བར་བྱ་བ་ལས། ཞི་
[137a.6]བ་དང་། དབང་དང་། རེངས་པ་དང་། ལྐུགས་པ་དང་། གསད་པ་ལ་སོགས་པའི་སྦྱོར་བ་མ་ལུས་བར་བྱས་པས་འདུལ་བར་བསམ། ཡང་ན་ནད་པ་ཞིག་གི་ལུས་ལ་ཀླུ་ལ་སོགས་པ་གནས་པ་བཟློག་པའི་ཆོ་གར་བཤད་དོ། །བུ་མོ་གཞོན་ནུས་ལེགས་པར་གཅད་པའི་
[137a.7]ལྕུག་མས་ནད་པ་ལ་བྱབ་ཅིང་། སྐབས་སུ་འོ་མས་བཀྲུས་ཏེ། སྔགས་འདི་བཟླས་ན་ཀླུ་ཞི་བར་འགྱུར་རོ། །རིམས་ལ་ནི་སྐུད་པ་སྔོན་པོས་སོ། །དུག་ལ་ནི་རྩྭ་ཀུ་ཤས་སོ་ཞེས་བྱ་བ་ལ་སོགས་པ་འདི་ནི་ཆོ་གའི་ཐབས་སུ་བཤད་པའོ། །དེ་ནས་བསྟོད་པའི་ཆོ་ག་བཤད་པར་བྱ་སྟེ།
[137b]
[137b.1]དེ་ལ། རྡོ་རྗེ་བེ་ཅོན་དྲག་པོ་ཆེ། །ཞེས་པ་ནི་དྲག་པོའི་ཁྲོ་བོའི་ཚུལ་ཅན་དུ་གནས་ཏེ། དེ་ལ་དེ་སྐད་ཅེས་བྱའོ། །རྡོ་རྗེ་བརྗིད་པ་སྔགས་ཀྱི་བདབ། །ཅེས་པ་ནི་སྔགས་ཐམས་ཅད་ཀྱི་འབྱུང་ཁུངས་སུ་གྱུར་པ་ཉིད་དོ། །རྡོ་རྗེ་ཁྲོ་བོ་བགེགས་ཀྱི་གཤེད། །ཅེས་པ་ནི་བགེགས་
[137b.2]ཐམས་ཅད་འདུལ་བའི་མཐུ་སྟོབས་ཅན་ནོ། །རྡོ་རྗེ་མི་ཐུབ་འཇིགས་པ་ཅན། །ཞེས་པ་ནི། གང་གིས་བདུད་དང་སྲིན་པོ་ཐམས་ཅད་ཀྱིས་མི་ཐུབ་པའི་ཕྱིར་རོ། །ལས་ཀུན་བསྒྲུབ་པ་ནི་ཞི་བ་ལ་སོགས་པ་བསྒྲུབ་བའོ། །ལས་ཀུན་མཛད་པ་ནི། གང་གི་ཚེ་སྒྲུབ་པ་ཡང་ཡིན་ལ་མཛད་
[137b.3]པ་ཡང་ཡིན་པའི་ཕྱིར། དེ་ལ་དེ་སྐད་ཅེས་བྱའོ། །དེ་ལྟ་བུའི་ཡོན་ཏན་དང་ལྡན་པ་ནི་ཕྱག་འཚལ་བའི་ཡུལ་ཡིན་ཕྱིར་རོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཀྱི་རྒྱ་ཆེར་བཤད་པ་ལས་ལེའུ་དགུ་པའི་བཤད་པའོ།། །།དེ་ནས་ཀླུ་དགུག་པའི་སྔགས་བཤད་པར་བྱ་སྟེ།
[137b.4]རྡོ་རྗེ་ལྕགས་ཀྱུ་རླུང་གི་སྦྱོར། །ཞེས་པ་ནི་གང་གི་ཕྱིར་རྡོ་རྗེ་ཁྲོ་བོ་ལྕགས་ཀྱུ་ཅན་གྱི་ཚོགས་ཀྱིས་བཀུག་པར་བསམས་ནས། ཕྱག་ན་རྡོ་རྗེ་རང་ཡང་བཀུག་པར་འགྱུར་ན། གཞན་ལྟ་ཅི་ཞིག་སྨོས། དེ་བཞིན་མེ་ཡིས་ཀྱང་ནི་འདུལ་བར་ནུས། །ཞེས་པ་ནི་མེའི་འཁོར་ལོས་ཀྱང་
[137b.5]བགེགས་ཐམས་ཅད་བསྲེག་པར་ནུས་སོ། །གཞན་རེངས་པ་ལ་སོགས་པའང་ནུས་ཏེ། བསམ་གཏན་དང་སྔགས་ལ་ནུས་པ་ཐོགས་པ་མེད་པའི་ཡང་ཕྱིར་རོ། །སྔགས་དངོས་སུ་བས་བསམ་གཏན་དྲག་པོ་ནི་ཁྲོ་བོ་ལྕགས་ཀྱུ་ཅན་ལ་སོགས་པའོ། །གཞན་གོ་སླའོ། །
[137b.6]དེ་ལྟར་གང་འགུགས་ཤེ་ན། ཟངས་གཞོང་ནང་དུ་ཞེས་བྱ་བ་སྨོས་ཏེ། གང་གིས་ཟངས་གཞོང་པདྨ་འདབ་མ་དྲུག་པར་བསྐྱེད་ལ། དེ་ནས་དེར་དགུག་པར་བྱའོ་ཞེས་སོ། །ཁྲོ་བོའི་ཆེ་བ་ནི་གཏོར་མ་བཞིན་ནོ། །དམ་ཚིག་བསྲེ་བ་ནི་ཆུས་སོ། །དུག་གཞོམ་པ་དང་གསོ་བ་ནི་
[137b.7]སྨན་གྱིས་ཏེ་དབང་པོ་ལག་པ་ལ་སོགས་པས་སོ། །གང་གནས་ཕྱོགས་སུ་བསྐྱལ་བ་ནི། ནེའུ་གསིང་ལ་སོགས་པའི་གནས་སུའོ། །འདི་དག་གི་གཏོར་མའི་ཆོ་ག་དང་ནད་གསོ་བའི་ཆོ་ག་ལ་ལྷག་པར་བསྟན་ཏོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཀྱི་རྒྱ་ཆེར་བཤད་པ་ལས་
[138a]
[138a.1]ལེའུ་བཅུ་པའི་བཤད་པའོ།། །།དེ་ནས་ཀླུ་གཟིར་བའི་ཕྱིར་ཆོ་ག་བཤད་པར་བྱ་སྟེ། དེ་ནས་ཡང་དག་བཤད་པར་བྱ། །ཞེས་པ་ལ་སོགས་པ་སྨོས་ཏེ། ཞི་བའི་ལས་ཀྱིས་མི་འདུལ་བ་ནི། ཡོངས་སུ་གདམས་པས་མི་འདུལ་བའོ། །དེ་གང་
[138a.2]གིས་གཟིར་བ་དེ་ནི་ཀླུ་གཟིར་བའི་དྲག་སྔགས་སྦོ། །སྔགས་དངོས་སུ་བས། བསམ་གཏན་རྡོ་རྗེ་ཐོགས་པ་ཡིས། །གདུལ་བྱའི་སྟེང་ནས་དབབ་པར་བྱ། །ཞེས་པ་ནི། སྔགས་ཀྱི་འོད་ཀྱིས་ཁྲོ་བོ་དབྱུག་ཏོ་ཐོགས་པ་དང་། རལ་གྲི་དང་། སྤུ་གྲི་དང་། འཁོར་ལོ་ལ་སོགས་པས་
[138a.3]ཀླུ་ཐམས་ཅད་ཀྱི་མིག་ལ་སོགས་པ་འཇོམས་པ་དང་། གཞན་ཡང་མཚོན་ཆའི་ཆར་བབ་པས་མྱོས་པར་བསམ་པ་ལ་སོགས་པའོ། །འོག་ནས་མེ་ཡི་འཁོར་ལོ་བསམ། །ཞེས་པ་ནི། འོག་ནས་མེ་དང་། ཕྱོགས་བརྒྱད་ནས་མེ་འབར་བར་བསམས་ཏེ། དེའི་དབུས་ན་གདུལ་
[138a.4]བྱ་གནས་པ་ཉིད་དོ། །ཡུངས་ཀར་དང་ཞེས་བྱ་བ་ལ་སོགས་པའི་དོན་ནི། ཇི་སྐད་སྨོས་པའི་རྫས་ཐམས་ཅད་ཀྱིས་ཁྲོ་བོ་ཕྲ་མོ་ལ་སོགས་པར་བྱ་སྟེ། དེས་གཟིར་བས་བརྡེག་པར་བྱའོ། །ཁྲ་སྤྱང་ལ་སོགས་རྩ་ལྔའི་གསོབ། །གཅན་གཟན་སྣ་ཚོགས་མཆེ་སྡེར་དང་། ཞེས་པ་ནི། གཤོག་པ་ཅན་དང་། མཆེ་བ་ཅན་དང་། སྣ་
[138a.5]ཚོགས་ཀྱི་རྫས་ཐམས་ཅད་འཕགས་པ་གོས་སྔོན་པོའི་སྔགས་ཀྱིས་དུང་བར་བྱས་ནས་དེ་ནས་བརྡེག་ཅིང་ཁྲོ་བོ་དེ་དང་མཐུན་པར་བྱའོ། །གཅན་གཟན་སྣ་ཚོགས་ཞེས་བྱ་བ་འདི་ནི། མཆེ་སྡེར་ཞེས་བྱ་བ་ལ་སོགས་པའི་དོན་ནོ། །གང་གི་གཅན་གཟན་ལ་སོགས་པའི་རྫས་
[138a.6]ཀྱིས་གང་གི་ལུས་ལ་བྱབ་ཅིང་སྤྲུལ་པའི་ཁྲོ་བོ་ཐམས་ཅད་ཀྱིས་དེ་དང་མཐུན་པར་བྱའོ། །དེའི་དོན་ཡང་ཐོག་མར་ལྷས་བྱིན་གྱིས་བརླབ་ཅིང་བསྙེན་པ་རྫོགས་པའི་རྣལ་འབྱོར་བས་གནས་ཡིད་དུ་འོང་བར་ཁུང་བུ་ཟུར་གསུམ་པ་བྱ་སྟེ། ཙནྡན་དང་། ལྡོང་རོས་ལ་སོགས་པས་སྦྲུལ་
[138a.7]ནག་པོའི་གཟུགས་བྱས་ནས་འགུགས་པ་སྔོན་དུ་སོང་སྟེ། གོང་གི་ཆོ་ག་རྫོགས་པར་བྱས་ནས། ཐ་མ་ལམ་ཆེན་པོར་སྦས་ན་དེའི་སྦྱོར་བས་ཞི་བ་ལ་སོགས་པར་འགྱུར་རོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཀྱི་རྒྱ་ཆེར་བཤད་པ་ལས་ལེའུ་བཅུ་གཅིག་པའི་བཤད་
[138b]
[138b.1]པའོ།། །།དེ་ནས་མཆོད་པའི་ཆོ་ག་བཤད་པར་བྱ་བའི་ཕྱིར་དེ་ནས་འཕགས་པ་གོས་སྔོན་པོ་ཅན་གྱི་སོ་ཞེས་བྱ་བ་ལ་སོགས་པ་གསུངས་ཏེ། ཉིད་ལ་ཉིད་ཀྱིས་མཆོད་པ་དབུལ། །ཞེས་པ་ནི། རང་གིས་རང་ལ་སྤྲུལ་པ་སྟེ། འདི་ལྟར་རང་གི་དཀྱིལ་འཁོར་གཅིག་
[138b.2]ཏུ་མངོན་པར་བསྡུ་བ་མཛད་ནས་ལེགས་པར་སྤྲུལ་པས་སེམས་ཅན་འདོད་ཆགས་འདུལ་བར་མཛད་པའི་ཕྱིར་རོ། །ཧཱུཾ་རྡོ་རྗེ་བདུག་པ་མ་ཞེས་པ་ནི། ལྷ་མོ་དམར་མོ་ལག་ན་རྡོ་རྗེ་དྲིའི་བྱེ་བྲག་ཐོགས་པའི་ཚོགས་ཏེ། ཅི་བྱེད་ཅེ་ན། བདག་ཉིད་དྲི་ཡིས་རྒྱས་མཛད་མ། །
[138b.3]ཞེས་པ་ནི། དེ་བཞིན་གཤེགས་པ་ཐམས་ཅད་ཀྱི་བདག་ཉིད་གོས་སྔོན་པོ་ཅན་གྱི་དཀྱིལ་འཁོར་དྲིའི་བྱེ་བྲག་གིས་ཡོངས་སུ་རྒྱས་མཛད་མ་ཞེས་བའོ། །དེ་ལྟར་བཅོམ་ལྡན་འདས་ཀྱིས་རང་གི་ལྷ་མོ་ལ་བོས་ནས་ཅི་བྱེད་ཅེ་ན། རྒྱུད་ཆེན་པོ་ལས་དེ་བཞིན་གཤེགས་པ་ཐམས་ཅད་ཀྱི་
[138b.4]གསང་བའི་བདག་པོའི་དཀྱིལ་འཁོར་མཉེས་བར་གྱིས་ཤིག །བདག་དང་བཅས་པ་ཞེས་བྱ་བའི་དོན་ཏོ། །དེ་ལྟར་བཀའ་སྩལ་པ་དང་ལྷ་མོའི་ཚོགས་ཐམས་ཅད་ཀྱིས་ཀུན་ནས་བསྐོར་ཏེ་འདི་སྐད་ཅེས་གསོལ་པ། ཧཱུཾ་མགོན་པོ་དུས་གསུམ་བདེ་བ་ཆེ། །གང་ཕྱིར་འགྲོ་བའི་
[138b.5]དབང་པོ་ཉིད། །བདག་གི་དབང་པོ་འདི་བཞེས་ལ། །ཁྱབ་བདག་དཔའ་བོ་མཉེས་བར་མཛོད། །ཅེས་བྱ་བ་དང་། བཛྲ་དྷཱུ་པེ་པཱུཾ་ཛ་ཧཱུཾ་ཞེས་པའི་དོན་ཏོ། །སྤོས་ཀྱི་མཆོད་པ་བཞེས་ཤིག་པའི་དོན་ནོ། །དེ་བཞིན་དུ་གཞན་ལ་ཡང་སྦྱར་ཏེ། ཧཱུཾ་རྡོ་རྗེ་མེ་ཏོག་མ་ཞེས་པ་ནི་ལྷ་མོ་མཐིང་
[138b.6]ག་ལག་ན་མེ་ཏོག་ཐོགས་བའི་ཚོགས་ཞེས་པའོ། །བདག་ཉིད་ཡོངས་སུ་བཀྲམ་མཛད་མ། །ཞེས་པ་ནི། བདག་གི་གནས་སུ་མེ་ཏོག་གི་ཚོགས་ཀྱིས་ཡོངས་སུ་བཀྲམ་ཞེས་པའི་དོན་ཏོ། །ཧཱུཾ་རྡོ་རྗེ་མར་མེ་མ་ཞེས་པ་ནི། ལྷ་མོ་མདོག་དམར་མོ་ལག་ན་མར་མེ་ཐོགས་པའི་
[138b.7]ཚོགས་ཞེས་པའོ། །དཀྱིལ་འཁོར་དྲི་མའི་མུན་པ་སེལ་མཛད་མ། །ཞེས་པའི་དོན་ཏོ། །རྡོ་རྗེ་དྲི་ཆབ་མ་ནི་ལྷ་མོ་ལྗང་གུ་མ་ལག་ན་དྲི་སྣོད་ཐོགས་པའོ། །བདག་ཉིད་དངོས་པོ་དག་མཛད་མ། །ཞེས་པ་ནི། བདག་གི་དྲི་མར་གྱུར་པ་དག་པར་བྱེད་མ་ཞེས་པའི་དོན་ཏོ། །
[139a]
[139a.1]དེ་བཞིན་དུ་རྡོ་རྗེ་སྒེག་མོ། བདེ་གཤེགས་སྤྱན་རྣམས་ཚིམ་མཛད་མ། །ཞེས་པ་ནས། སྒྲ་དང་། དྲི་དང་། རོ་དང་། རིག་བྱའི་བར་དུ་ཇི་སྐད་གསུངས་པ་ལྟ་བུ་དང་། དེ་བཞིན་དུ། རྡོ་རྗེ་དུར་ཁྲོད་གསང་བ་མོ། །བདེ་གཤེགས་བྱང་ཆུབ་སེམས་ཀྱིས་མཉེས། །ཞེས་
[139a.2]བྱ་བ་ལ་སོགས་པའི་ཚིགས་སུ་བཅད་པའི་རྒྱུད་ཆེན་པོ་ལས་བྱུང་བ་རྣམས་ཀྱིས་རྒྱུད་ཆེན་པོའི་མཆོད་པའི་ཆོ་ག་ཡོངས་སུ་བསྟན་ནས། ད་ནི་མཆོད་པའི་དེ་ཁོ་ན་ཉིད་བསྟན་པར་བྱ་སྟེ། དེ་ལ། ཇི་སྲིད་ཐམས་ཅད་མཆོད་པ་ཆེ། །ཞེས་པ་ནི་ཐམས་ཅད་སྦོས་ལ་སོགས་པའི་ལྷ་མོར་བྱས་
[139a.3]ཏེ་དབུལ་བའི་ཕྱིར་རོ། །ཇི་སྲིད་མཆོད་པ་བདེ་བ་ཆེ། །ཞེས་པ་ནི། འདོད་པའི་ཡོན་ཏན་གྱི་མཆོད་པ་སྟེ། དབང་པོའི་རྒྱུད་ཚིམ་པར་བྱེད་པའི་ཕྱིར་རོ། །ཇི་སྲིད་མཆོད་པ་བླ་ན་མེད། །ཅེས་པ་ནི། གསང་བའི་མཆོད་པ་སྟེ། གང་གིས་གང་ལ་དེ་ཕུལ་བ་དེ་ལ་དམ་པ་བསྐྱེད་
[139a.4]པའི་ཕྱིར་རོ། །མཚན་མའི་མཆོག་ཏུ་གྱུར་བའི་ཕྱིར། །ཇི་སྲིད་ཡང་དག་མཆོད་པ་ཆེ། །ཞེས་པ་ནི་མཆོད་པ་དེའི་དེ་བཞིན་ཏེ་གང་གིས་མཆོད་པ་ཐམས་ཅད་སྤྲོས་པ་དང་བྲལ་བར་ཤེས་ན་སྒྲིབ་པ་ཐམས་ཅད་ལས་གྲོལ་བར་བྱེད་པའི་ཕྱིར་རོ། །དེ་དག་གི་དོན་ཡང་ཐོག་མ་ཉིད་དུ་
[139a.5]བྱང་ཆུབ་ཏུ་སེམས་བསྐྱེད་དོ། །བླ་མ་དང་སངས་རྒྱས་ཐམས་ཅད་མདུན་དུ་བསམས་ལ་རྫས་ལས་བྱུང་བའམ་ཡོ་བྱད་ལས་བྱུང་བའི་ལྷ་མོ་ལ་སོགས་པས་མཆོད་དེ་བསྟོད་པ་ལ་སོགས་པ་བྱས་ན། དེ་བཞིན་གཤེགས་པའི་དངོས་གྲུབ་དམ་པ་ཐོབ་པར་འགྱུར་རོ། །གཞན་
[139a.6]ཡང་ཀུན་དགའ་འགྱུར་བ་ཡི། །རྫས་ནི་རྣལ་འབྱོར་པ་ཡིས་བཟུང་། །རྫོགས་སངས་རྒྱས་ལ་ཕུལ་གྱུར་ན། །འབྲས་བུ་དམ་པ་ཐོབ་པར་འགྱུར། །སྒྱུ་མ་ཙམ་གྱི་བློ་གཏད་དེ། །རྟོག་མེད་བདུད་རྩི་ལྔ་ལ་སྤྱད། །གང་གིས་གཞན་ལ་ཕུལ་གྱུར་ན། །རྟོག་བྲལ་འདོད་པ་ཕུན་སུམ་
[139a.7]ཚོགས། །མཆོད་པའི་ཚོགས་རབ་བཟུང་ནས་ནི། །གང་གིས་སྤྲོས་དང་བྲལ་བར་བྱ། །སྤྲོས་མེད་དོགས་པ་མེད་པ་ཡིས། །ཕྱག་རྒྱ་ཆེན་པོ་ཐོབ་བར་འགྱུར། །མཆོད་པ་འདི་ནི་ཕྱག་རྒྱ་ཆེ། །རྫོགས་པའི་སངས་རྒྱས་ཀུན་གྱིས་བསྟན། །སངས་རྒྱས་ཀུན་གྱི་དམ་ཚིག་ནི། །
[139b]
[139b.1]མཆོད་པ་ཆེན་པོ་འདི་ལ་གནས། །དེ་ཡང་དངོས་གྲུབ་འདོད་པ་ཡིས། །དུས་རྣམས་ཀུན་དུ་སེམས་བསྐྱེད་དེ། །བླ་མེད་མཆོད་པས་གཟུང་བར་བྱ། །ཞེས་བྱ་བ་ལ་སོགས་པ་འབྱུང་བ་ལྟ་བུའོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཀྱི་རྒྱ་ཆེར་བཤད་པ་ལས། ལེའུ་བཅུ་གཉིས་པའི་
[139b.2]བཤད་བའོ།། །།དེ་ནས་འཁོར་ལོ་བརྒྱད་སྔོན་བྱུང་བ་བཤད་པར་བྱ་སྟེ། དེ་ལ་སྡུད་པའི་ཐབས་ཀྱི་ཏིང་ངེ་འཛིན་གྱིས་ཞེས་པ། ཐུགས་ཀའི་འོད་ཟེར་དང་སྐུའི་འོད་ཟེར་གྱིས་ཞེས་སོ། །འཁོར་གྱི་ཀླུ་རྣམས་བསྡུ་མ་མཛད་ནས། །ཞེས་པ་ནི། འཁོར་ན་གནས་པའི་ཀླུ་ཐམས་
[139b.3]ཅད་འོད་ཟེར་གྱིས་སྡུད་བར་མཛད་དོ། །མེ་ཡི་འཁོར་ལོར་སྙོམས་ཞུགས་ཚེ། །ཞེས་པ་ནི། སྡུག་བསྔལ་དྲག་པོ་ཉམས་སུ་མྱོང་བར་བྱ་བའི་ཕྱིར་གནས་བརྒྱད་མེ་སྤོར་ཞེས་པའོ། །གསང་བ་མེ་ཡི་སྔགས་བཟླས་པས། །ཞེས་པ་ནི། ད་ཧ་ན་བཛྲ་ཞེས་པའི་སྒྲ་དང་བཅས་པའོ། །ཅིར་འགྱུར་ཞེ་ན།
[139b.4]ཀླུ་རྣམས་མ་ལུས་ཚིགས་པར་མཛད། །ཅེས་པ་ནི། ཚ་བ་ཉམས་སུ་མྱོང་བའོ། །བྲལ་ནས་དཔག་ཚད་གནས་སུ་བྲོས་ཞེས་པ་ནི། བྲེ་ད་བའི་སྟོབས་ཀྱིས་འཇིག་རྟེན་གྱི་གནས་གཞན་དུ་བྲོས་ཞེས་བའོ། །སླད་བསྡུས་བདུད་རྩི་སྨན་གྱིས་གསོས། །ཞེས་པ་ནི། སླར་ཏིང་ངེ་
[139b.5]འཛིན་གྱི་ཆོ་འཕྲུལ་གྱིས་བསྡུས་ནས་བདུད་རྩིའི་རྒྱུན་འབྱུང་བ་ཞེས་པའི་ཏིང་ངེ་འཛིན་ལ་སྙོམས་བར་ཞུགས་སོ། །དེའི་ཚེ་འཇིག་རྟེན་གྱི་ཁམས་ཐམས་ཅད་རྡོ་རྗེ་བདུད་རྩི་བཀོད་པ་ཞེས་བྱ་བར་གྱུར་ཏོ། །དེ་ལྟར་གྱུར་མ་ཐག་དེ་ན་གནས་པའི་སེམས་ཅན་གྱིས་བདུད་རྩི་ལ་རེག་
[139b.6]བར་གྱུར་ཏོ། །དེ་རེག་མ་ཐག་ཏུ་ཐམས་ཅད་ཀྱིས་བདུད་རྩི་སྣང་བས་བརྒྱན་ཞེས་བྱ་བའི་ཏིང་ངེ་འཛིན་ཐོབ་པར་གྱུར་ཏོ། །དེའི་ཚེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེ་བཞིན་གཤེགས་པ་ཐམས་ཅད་ཀྱི། །གསང་བ་ཆེན་པོའི་བདག་ཉིད་པས། །གང་ཕྱིར་
[139b.7]བདེ་བ་ཆེན་པོ་ཡིས། །བདག་ཅག་ཡིད་ནི་ཚིམ་པར་གྱུར། །བཅོམ་ལྡན་འདས། གསང་བ་འདི་ལས་བདག་འདས་ན། །མགོ་ནི་འགས་བར་འགྱུར་བ་དང་། །ལུས་ནི་དུམ་བུ་དུམ་བུར་འགྱུར། །རྟག་ཏུ་དམྱལ་ལ་སོགས་པར་བསྲེག །ཅེས་གསོལ་ཏོ། །ལས་བཅོལ་སོ་
[140a]
[140a.1]སོའི་གནས་སུ་བཀོད། །ཅེས་པ་ནི། དེ་ནས་བཅོམ་ལྡན་འདས་ཀྱིས་འདུས་པ་ཆེན་པོ་དེ་དག་ལ་བཀའ་སྩལ་པ། འདུས་པ་ཆེན་པོ་དག་དེ་ལྟར་ཤེས་པར་གྱིས་ལ། དེ་བཞིན་གཤེགས་པ་ཐམས་ཅད་ཀྱི་གསང་བ་ཆེན་པོ་འདི་ལས་འདའ་བར་མ་བྱེད་
[140a.2]ཅིག །དེ་ཅིའི་ཕྱིར་ཞེ་ན། དེ་བཞིན་གཤེགས་པའི་གསུང་འདི་ནི་གསུང་སྙན་ལ། གསུང་ཟབ་པ། གསུང་འདའ་བར་དཀའ་བ། གསུང་དྲི་མ་མེད་པ། གསུང་ཐོགས་པ་མེད་པ། གསུང་ཡོན་ཏན་ཐམས་ཅད་དང་ལྡན་པའོ་ཞེས་བྱ་བ་ལ་སོགས་པའོ། །དེ་ནས་ཁམས་
[140a.3]གསུམ་རྣམ་པར་རྒྱལ་བ་ལ་སོགས་པས་ནི། རྫོགས་པའི་སངས་རྒྱས་ཀྱི་མཛད་པ་ཕུན་སུམ་ཚོགས་པ་དེ་ལ་ངོ་མཚར་ཆེན་པོ་སྐྱེས་ནས་བསྟན་བའོ། །མེ་བརྒྱད་འཁོར་ལོའི་བདག་ཉིད་ཆེ། །ཞེས་པ་ལ་སོགས་པས་ནི་དེ་བཞིན་གཤེགས་པ་ཐམས་ཅད་ཀྱི་ངོ་བོ་ཉིད་དུ་གྱུར་བ་དང་
[140a.4]འཁོར་ལོ་ཅན་གྱི་ཏིང་ངེ་འཛིན་འབྱུང་པོ་ཐམས་ཅད་འདུལ་བ་དང་། ཐོགས་བ་མེད་པའི་ལས་གཞན་ཡང་གྲུབ་བར་འགྱུར་བས། ཡོན་ཏན་གྱི་བདག་པོ་ཡོན་ཏན་གྱི་རང་བཞིན་དུ་གྱུར་བ་སྟོན་པའི་ཡུལ་ཡིན་པ་ཉིད་དུ་སྟོན་བའོ། །ཆུའི་ཞེས་པ་ལ་སོགས་པའི་དོན་ནི། དེ་ནས་
[140a.5]འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྡོ་རྗེ་ཆུ་བོའི་སྦྱོར་བ་ཞེས་བྱ་བའི་ཏིང་ངེ་འཛིན་ལ་སྙོམས་བར་ཞུགས་སོ། །ཏིང་ངེ་འཛིན་དེ་ལ་སྙོམས་བར་ཞུགས་མ་ཐག་ཏུ་སྐུའི་འོད་ཁ་དོག་སྣ་ཚོགས་ལས་བདུད་རྩིའི་ཆུ་རབ་ཏུ་འབར་བ་བྱུང་བ་ནི་འདི་ལྟ་སྟེ། ཀུན་དུ་དངས་པ་ཞེས་
[140a.6]བྱ་བའི་རྡོ་རྗེའི་ཆུ་བོ་དང་། ཀུན་དུ་སྦྱིན་པ་ཞེས་བྱ་བའི་རྡོ་རྗེའི་ཆུ་བོ་དང་། ཀུན་དུ་བསེལ་བ་ཞེས་བྱ་བའི་རྡོ་རྗེའི་ཆུ་བོ་ལ་སོགས་པ་དང་། རྡོ་རྗེའི་ཆུ་བོ་དཔག་ཏུ་མེད་ཅིང་བགྲང་བ་ལས་འདས་པ་ཅིག་བྱུང་ནས་ཀུན་དུ་དབུགས་ཕྱིན་པར་
[140a.7]བྱས་སོ་ཞེས་བྱ་བས་བསྟོད་པའི་ཡུལ་ཉིད་དུ་བསྟན་ཏོ། །གཞན་གོ་སླའོ། །རླུང་བརྒྱད་ཀྱི་ཏིང་ངེ་འཛིན་ལ་གནས་པ་ནི། དེ་ན་ཡང་འཕགས་པ་ལག་ན་རྡོ་རྗེ་བི་དུ་གཡོ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་བར་ཞུགས་སོ། །དེའི་ཚེ་འཇིག་རྟེན་གྱི་ཁམས་འདི་ཡང་
[140b]
[140b.1]རྣམ་པ་དྲུག་ཏུ་གཡོས། རབ་ཏུ་གཡོས་ཏེ། འུར་འུར་རབ་ཏུ་འུར་འུར། ཀུན་དུ་འུར་འུར། རབ་ཏུ་འུར་འུར་རོ་ཞེས་བྱ་བ་ལ་སོགས་པ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་རླུང་གི་དཀྱིལ་འཁོར་ནི་ཚད་མེད་གྲངས་མེད་དེ་དཔག་
[140b.2]ཏུ་མེད་ཅིང་བགྲང་བ་ལས་འདས་པའོ། །གཞན་འདི་ལ་ནི་སེམས་རྩེ་གཅིག་ཏུ་བྱ་བ་ཉིད་དོ། །བསྡུ་བར་བྱ་བ་ཉིད་དོ། །བརྟས་བར་བྱ་བ་ཉིད་དོ། །བརྟན་པར་བྱ་བ་ཉིད་དོ། །ཡོངས་སུ་བརྟན་པར་བྱ་བ་ཉིད་དོ་ཞེས་བྱ་བ་ལ་སོགས་པ་འདི་ནི་བསྟོད་པའི་ཡུལ་ཉིད་དུ་བསྟན་པའོ། །
[140b.3]དེ་ལ་བསྟོད་པ་ནི་རླུང་བརྒྱད་ཏིང་ངེ་འཛིན་ལ་གནས་ནས་ཞེས་བྱ་བ་ལ་སོགས་པས་བསྟན་ཏོ། །དེའི་དོན་ཡང་རླུང་བརྒྱད་ཀྱི་ཏིང་ངེ་འཛིན་ལ་གནས་ནས་ལས་ཐམས་ཅད་ཐོགས་པ་མེད་པ་དང་། དེ་ལ་གསུངས་པ་དེ་ལ་ཕྱག་འཚལ་ལོ་ཞེས་པ་ཉིད་དོ། །འདི་ཡང་ཡོན་ཏན་ཇི་ལྟ་བ་ཉིད་
[140b.4]ཡིན་གྱི་གཞན་དུ་ནི་མ་ཡིན་ནོ། །ས་ཡི་ཏིང་འཛིན་ལ་གནས་ནས། །ཞེས་པ་ནི། དེ་ནས་བཅོམ་ལྡན་འདས་ཀྱིས་རྡོ་རྗེ་བརྟན་པ་ཞེས་པའི་ཏིང་ངེ་འཛིན་ལ་སྙོམས་བར་ཞུགས་སོ། །དེའི་ཚེ་ཁམས་གསུམ་རྣམ་བར་རྒྱལ་བ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་གོང་ཁྱེད་
[140b.5]ཀྱིས་ངའི་རྫུ་འཕྲུལ་གྱི་ཚད་ཅི་ཙམ་དུ་གྱུར་བ་གསལ་བ་དེ་ནི་ཡེ་ཤེས་སོ། །བཀའ་སྩལ་བ་རྫུ་འཕྲུལ་བསྟན་པའི་ཚད་ཕྱོགས་གཅིག་ཤེས་སམ། གསོལ་བ་བཅོམ་ལྡན་འདས་དེ་ནི་མི་ཤེས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ངས་
[140b.6]སའི་འཁོར་ལོའི་ཏིང་ངེ་འཛིན་ལ་སྙོམས་བར་ཞུགས་པས་སའི་རྡུལ་ཕྲ་རབ་གཅིག་ཀྱང་སེམས་ཅན་གཅིག་གིས་འདེགས་པར་ནུས་པ་མ་ཡིན་ཏེ། སེམས་ཅན་བཅུས་མ་ཡིན། བརྒྱས་མ་ཡིན། བྱེ་བ་བརྒྱའི་ཆར་གྱིས་མ་ཡིན་ཏེ། དེ་ཅིའི་ཕྱིར་ཞེ་ན། དེ་བཞིན་གཤེགས་པའི་
[140b.7]ཏིང་ངེ་འཛིན་གྱི་ཚད་ནི་དཔག་ཏུ་མེད་ཅིང་གཞལ་དུ་མེད་དོ་ཞེས་བྱ་བ་ལ་སོགས་པ་རྒྱ་ཆེར་འབྱུང་བ་ལྟ་བུའོ། །དེས་ནི་སའི་ཏིང་ངེ་འཛིན་ལ་ཕྱག་འཚལ་བའི་ཡུལ་ཉིད་དུ་བསྟན་ཏོ། །གཞན་ནི་གོ་སླའོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཀྱི་རྒྱ་ཆེར་
[141a]
[141a.1]བཤད་པ་ལས་ལེའུ་བཅུ་གསུམ་པའི་རྒྱ་ཆེར་བཤད་པའོ།། །།དེ་ནས་རྫོགས་པའི་རིམ་པ་བསྟན་པར་བྱ་བའི་ཕྱིར་དེ་ནས། དཔལ་ལྡན་རྡོ་རྗེ་གོས་སྔོན་ཅན། །ཞེས་བྱ་བ་ལ་སོགས་པ་གསུངས་ཏེ། ཕྲ་མོའི་ཏིང་ངེ་འཛིན་གྱིས་འཁོར་ལོ་རྣམ་པ་བཞི་ལ་
[141a.2]དམིགས་པའི་ཏིང་ངེ་འཛིན་ཏེ། དེ་ལ་སྙོམས་པར་ཞུགས་པ་ནི། འཁོར་གྱིས་གནོད་སྦྱིན་སྤྲུལ་པའི་གནོད་སྦྱིན་རྣམས་སོ། །ཤིན་ཏུ་ཡིད་དགའ་དང་བས་ཞུས། །ཞེས་པ་ནི། ཤིན་ཏུ་ཡིད་མགུ་བར་གྱུར་ཅིང་དང་བའི་སྟོབས་ཀྱིས་ཞུས་པའོ། །དེའི་ལན་དུ། ཕྲ་མོའི་ཐིག་ལེ་ཆེན་པོ་ཡིས། །
[141a.3]ཞེས་པ་ནི། གང་གི་ཕྱིར་དབང་པོའི་ཡུལ་དུ་ཕྱིན་པར་དཀའ་བ་ནི་ཕྲ་མོ་སྟེ་རྡུལ་ཕྲ་མོའོ། །དེ་དང་འདྲ་བར་ཕྲ་མོའི་ཕྱིར་ན་ཕྲ་མོ་སྟེ་འཁོར་ལོ་རྣམ་པ་བཞི་པོ་དེ་ལ་བདེ་བ་ཆེན་པོ་ནི་རྩ་སུམ་ཅུ་རྩ་གཉིས་པ། པདྨ་ལྟ་བུའི་དབྱིབས་ཅན་ངོ་བོ་ཉིད་ཀྱི་སྐུའི་རང་བཞིན་ནོ། །ལོངས་སྤྱོད་ཀྱི་འཁོར་
[141a.4]ལོ་ནི་རྩ་དྲུག་པ་ཆོས་ཀྱི་སྐུའི་རང་བཞིན་ནོ། །ཆོས་ཀྱི་སྐུའི་འཁོར་ལོ་ནི་རྩ་བརྒྱད་པ། ལོངས་སྤྱོད་རྫོགས་པའི་སྐུའི་རང་བཞིན་ནོ། །སྤྲུལ་པའི་འཁོར་ལོ་ནི་རྩ་དྲུག་ཅུའི་རང་བཞིན་པ་སྤྲུལ་པའི་རང་བཞིན་ནོ། །ཡང་ན་བདེ་བ་ཆེན་པོ་ནི་སུམ་ཅུ་རྩ་གཉིས་པ་སྟེ། མཚན་སུམ་ཅུ་རྩ་གཉིས་ཀྱི་རང་བཞིན་ནི་སྤྲུལ་པའི་
[141a.5]ལོངས་སྤྱོད་ཀྱི་དཔེ་བྱད་བཟང་པོའི་རང་བཞིན་ནོ། །ཆོས་ཀྱི་འཁོར་ལོ་ནི་སོ་སོ་ཡང་དག་པར་རིག་པ་བཞི་དང་། མི་འཇིགས་པ་བཞིའི་རང་བཞིན་ནོ། །དེ་ལས་གཞན་པའི་ཆོས་ཐམས་ཅད་ཀྱང་འདིའི་ནང་དུ་འདུས་པར་འགྱུར་ཏེ། ཇི་སྐད་དུ་མཚན་བཟང་པོ་དང་དཔེ་བྱད་དང་། དེ་བཞིན་
[141a.6]དུ་སྟོབས་དང་མི་འཇིགས་པ་དང་། གཟུངས་དང་། ཏིང་ངེ་འཛིན་ལ་སོགས་པ། ལུས་འདི་ལ་ནི་རབ་ཏུ་གནས། །གང་ཞིག་སངས་རྒྱས་ཡོན་ཏན་འདི། །ལུས་འདི་ལ་ནི་གནས་འགྱུར་ལ། །རང་གི་རྣམ་རྟོག་ལས་ཀྱི་ཕྱིར། །དམན་པ་རྣམས་ཀྱིས་རྟོགས་མ་ཡིན། །དེ་བས་གསང་
[141a.7]དོན་འདོད་རྣམས་ཀྱིས། །བསྐྱེད་པ་ལ་ནི་གནས་པར་བྱ། །བསྐྱེད་པ་ལ་ནི་གནས་གྱུར་ནས། །རྫོགས་པའི་རིམ་པ་བསྒོམ་པར་བྱ། །རྫོགས་པ་ཆེན་པོའི་རང་བཞིན་ལ། །རྩེ་གཅིག་གནས་པར་གྱུར་པ་ཡིས། །ཆོས་ཀྱི་དེ་ཉིད་མཐོང་བར་འགྱུར། །གཟུང་དང་འཛིན་པ་མི་དམིགས་ཤིང་། །
[141b]
[141b.1]བྱ་དང་བྱེད་པ་མི་དམིགས་ཏེ། །གཉིས་མེད་གཅིག་གི་ངོ་བོ་དང་། །དེ་ལས་འདས་པ་མི་དམིགས་པས། །ཆོས་ཀྱི་སྙིང་པོ་བླ་ན་མེད། །གསལ་བར་ཉམས་སུ་མྱོང་བ་དང་། །རབ་ཏུ་གནས་པར་གྱུར་ཅེས་བྱ་བ་ལ་སོགས་པ་ལྟ་བུ་སྟེ། འདི་དག་གི་དོན་ཡང་རང་གི་ས་བོན་ལ་བརྟེན་
[141b.2]ནས། རང་གིས་ཐོག་མར་བསྐྱེད་པའི་རིམ་པ་མཆོག་ཏུ་གྱུར་ནས་རྫོགས་པ་ལ་སོགས་པ་རིམ་གྱིས་སྙིང་པོའི་དོན་ཁོང་དུ་ཆུད་པར་འགྱུར་རོ་ཞེས་བྱ་བའི་ཚིག་གིས། གཞན་ཡང་བདེ་བ་ཆེན་པོ་ནི་ཆུ་ཚོད་ཀྱི་རང་བཞིན་ལོངས་སྤྱོད་ཀྱི་རང་བཞིན་འཁོར་ལོའི་འཕོ་བ་བཅུ་དྲུག་གི་རང་
[141b.3]བཞིན་ནོ། །ཆོས་ཀྱི་འཁོར་ལོ་ནི་ཐུན་བརྒྱད་ཀྱི་རང་བཞིན་ནོ། །སྤྲུལ་པའི་འཁོར་ལོ་ནི་དབུགས་རྒྱུ་བ་དྲུག་ཅུ་རྩ་བཞིའི་རང་བཞིན་ནོ། །གཞན་ཡང་བདེ་བ་ཆེན་པོ་ནི་སོ་སོའི་གནས་ཀྱི་རང་བཞིན་ཏེ། །ལོངས་སྤྱོད་ཀྱི་འཁོར་ལོ་ནི་བསྡུས་པའི་གནས་ཀྱི་རང་བཞིན་ནོ། །ཆོས་ཀྱི་འཁོར་
[141b.4]ལོ་ནི་གཉིས་སུ་མེད་པའི་གནས་ཀྱི་རང་བཞིན་ནོ། །སྤྲུལ་པའི་འཁོར་ལོ་ནི་དེ་ཁོ་ན་ཉིད་ཀྱི་གནས་ཀྱི་རང་བཞིན་ནོ། །གཞན་ཡང་བདེ་བ་ཆེན་པོ་ནི་གསང་བའོ། །ལོངས་སྤྱོད་ཀྱི་འཁོར་ལོ་ནི་སྦྱོར་བའོ། །ཆོས་ཀྱི་འཁོར་ལོ་ནི་བདེ་བའོ། །སྤྲུལ་པའི་འཁོར་ལོ་ནི་དེ་ཁོ་ན་ཉིད་དོ། །
[141b.5]གཞན་ཡང་བདེ་བ་ཆེན་པོ་ལ་སོགས་པ་བཞི་ནི་ཕྱག་རྒྱ་བཞི་དང་། ཚད་མེད་པ་བཞི་དང་། བསམ་གཏན་བཞི་དང་། ངེས་པར་བྱེད་པ་བཞི་དང་། ལམ་བཞི་ལ་སོགས་པའི་རང་བཞིན་ཅན་ཡིན་ཏེ། ཇི་སྐད་དུ། གང་གིས་བདེ་བ་ཆེན་པོ་ལ་སོགས་པའི། །འཁོར་ལོ་ཆོས་རྣམས་
[141b.6]ཀུན་གྱི་རང་བཞིན་ནོ། །གང་ཕྱིར་བདག་ཉིད་རྒྱལ་པོ་ཆེ། །ཀུན་ལ་དབང་སྒྱུར་བདེ་བའི་མཆོག །སངས་རྒྱས་སངས་རྒྱས་དམ་པ་དང་། །བྱང་ཆུབ་སེམས་དཔའ་དམ་པ་ཡང་། །གསང་བ་གཞན་ལས་རྙེད་མ་ཡིན། །དེ་བས་འདིར་ནི་ཐབས་ཀྱི་མཆོག །ཅེས་བྱ་བ་ལ་སོགས་པ་ལྟ་
[141b.7]བུའོ། །དེའི་ཐིག་ལེ་ནི་གང་གིས་བདེ་བ་ཆེན་པོ་ལ་ཨཱ་ལི་ཉིས་སྐོར་དང་ཧཾ་མགོ་ཐུར་དུ་བལྟས་པས་བརྒྱན་པའོ། །ལོངས་སྤྱོད་ལ་ཨཱ་ལིས་བསྐོར་བ་གཅིག་དང་། ཨོཾ་གྱེན་དུ་བལྟས་པས་བརྒྱན་པའོ། །ཆོས་ཀྱི་འཁོར་ལོ་དང་པོའི་ཡི་གེ་བརྒྱད་དང་། ཧཱུཾ་མགོ་ཐུར་དུ་བལྟས་པས་
[142a]
[142a.1]བརྒྱན་པའོ། །སྤྲུལ་པའི་འཁོར་ལོ་ལ་ཨཱ་ལི་གཉིས་དང་། ཨོཾ་མགོ་གྱེན་དུ་བལྟས་པས་བརྒྱན་པའོ། །དེ་དག་ནི་འཁོར་ལོ་དཀར་པོ་དང་། དམར་པོའི་ཉིད་དུ་བལྟ་བར་བྱའོ། །ཅིར་སྣང་དངོས་པོ་གཅིག་ཏུ་འདུས། །ཞེས་པ་ནི། །དགའ་བ་ལ་སོགས་པའི་རིམ་
[142a.2]གྱིས་བདེ་བ་དམ་པ་ཐོབ་པར་འགྱུར་ཏེ། རྣལ་འབྱོར་གྱི་ལམ་དུ་བྱས་པའོ། །དེ་ནས་ཕྱག་རྒྱའི་ལམ་བཤད་པར་བྱ་བའི་ཕྱིར། དེ་ནས་དཔལ་ལྡན་གོས་སྔོན་ཅན། །ཞེས་བྱ་བ་ལ་སོགས་པ་སྨོས་ཏེ། འདོད་ཆགས་ཀྱི་ཏིང་ངེ་འཛིན་ལ་གནས་པ་ནི་དེ་བཞིན་གཤེགས་པ་དང་གཙོ་མོ་གཉིས་
[142a.3]སུ་མེད་པར་རོལ་པ་སྟེ། འདི་ལྟར་བཅོམ་ལྡན་འདས་རྡོ་རྗེ་གོས་སྔོན་པོ་ཅན་སྲེག་མ་དང་གཉིས་སུ་མེད་པར་སྙོམས་པར་ཞུགས་སོ། །བདེ་གཤེགས་གོས་སྔོན་ཅན་ནི་གསང་བ་མོ་དང་གཉིས་སུ་མེད་པར་སྙོམས་པར་ཞུགས་སོ། །རིན་ཆེན་གོས་སྔོན་ཅན་ནི་ཞི་བ་མོ་དང་གཉིས་
[142a.4]སུ་མེད་པར་སྙོམས་པར་ཞུགས་སོ། །པདྨ་གོས་སྔོན་ཅན་ནི། གཅེར་བུ་མ་དང་གཉིས་སུ་མེད་པར་སྙོམས་པར་ཞུགས་སོ། །ལས་ཀྱི་གོས་སྔོན་ཅན་ནི། རྒྱལ་བ་མོ་དང་གཉིས་སུ་མེད་པར་སྙོམས་པར་ཞུགས་སོ། །དེ་གང་གིས་ལོངས་སྤྱོད་ཆེན་པོ་གསང་བའི་ལྷ་མོ་རྣམས་ཀྱང་
[142a.5]འདི་ལྟ་སྟེ། རྡོ་རྗེ་བདུག་པ་མོ་ཞེས་བྱ་བ་དང་། རྡོ་རྗེ་མེ་ཏོག་མ་ཞེས་བྱ་བ་དང་། རྡོ་རྗེ་མར་མེ་མ་ཞེས་བྱ་བ་དང་། རྡོ་རྗེ་དྲི་ཆབ་མ་ཞེས་བྱ་བ་དང་། གཞན་རྡོ་རྗེ་སྒེག་མོ་ཞེས་བྱ་བ་དང་། ཕྲེང་མ་ཞེས་བྱ་བ་དང་། གླུ་མཁན་མོ་ཞེས་བྱ་བ་དང་། གར་མཁན་མ་ཞེས་བྱ་བ་དང་། གཟུགས་
[142a.6]དང་། སྒྲ་དང་། དྲི་དང་། རོ་དང་། རེག་བྱ་དང་། བདུད་རྩི་མ་ལ་སོགས་པའི་ལྷ་མོ་འདི་དག་གིས་ཕྱོགས་ཀུན་ནས་བསྐོར་ཏེ་མཆོད་པ་སྣ་ཚོགས་བྱེད་པའོ། །གཞན་དག་ལས་ཀྱང་། གང་གིས་བདེ་བ་ཆེན་པོ་ཡིས། །འཁོར་ལོ་གསང་བ་འདི་དག་བསྒོམ། །ཤེས་རབ་ཡིད་དུ་
[142a.7]འོང་བ་ལ། །ལེགས་བརྟགས་བྱིན་གྱིས་བརླབ་པར་བྱ། །མཁས་པའི་ཆོ་ག་བཞིན་གནས་པའང་། །བྷ་ག་ལ་ནི་ལིང་ག་བཞག །ལ་འདས་པ་ལ་མཉམ་སྦྱོར་བ། །མཆོག་གི་རྩ་ནི་གཟུགས་པར་བྱ། །གང་གིས་འདོད་པ་ལོངས་སྤྱོད་རྣམས། །ཅི་ནུས་པ་ནི་ལེགས་པར་
[142b]
[142b.1]བྱ། །གསང་བའི་བསྲུང་བའི་ཆོ་ག་ཡིས། །ཕྱག་རྒྱ་དམ་ཚིག་ལེགས་པར་བཞག །དམ་ཚིག་རྫས་རྣམས་བསྡུ་བྱ་སྟེ། །གསང་བའི་ཆོ་ག་བཞིན་དུ་བླང་། །པ་ར་ག་ཏི་སྭ་ཏི་ཀ །ཧི་ཏི་ཀེར་ཤིང་ཀ་དག་དང་། །ཧ་ན་པ་ད་ཀ་ར་ཡ། །ར་དང་ད་དང་རཱུ་བ་ཡི། །དུད་
[142b.2]འགྲོ་དགུག་འདྲ་སྐད་འབྱིན་དང་། །གཡས་བརྐྱང་གཡོན་པ་བརྐྱང་བ་དང་། །འོག་བཟློག་པར་དང་ཡུན་རིང་གནས། །གླུ་མ་འདྲེན་མ་སྨྲ་བ་མོ། །དྲག་མོ་འགྲོ་བ་དུང་མཁན་མ། །སྐད་སྒྲོགས་དང་ནི་ལྕེ་འབྱིན་མ། །ཀླུ་དབང་ལྗོན་ཤིང་འཕྱད་བ་དང་། །སྟེང་དུ་འབྱིན་པ་ལ་
[142b.3]སོགས་པ། །རོལ་པའི་སྒྲ་ཆེན་ལེགས་འབྱིན་པ། །གསང་བ་སྒྱུ་དྲ་གོ་འབྱེད་དང་། །རྒྱས་དང་གྱེན་དུ་འདྲེན་པ་དང་། །སེང་གེ་མོ་ཡི་སྤྱོད་པ་བཞིན། །གང་གིས་ལེགས་པར་རོལ་པ་ཡིས། །མཁའ་ལ་སྤྱོད་པའི་འདུག་སྟངས་ཀྱི། །རིམ་གྱིས་ཡང་དག་གནས་པར་
[142b.4]བྱེད། །གླང་པོ་ལ་སོགས་རིགས་མཛེས་པ། །གསང་ཆེན་ཉི་མ་མཛེས་པ་ཡིན། །དེ་ཉིད་ཡང་དག་གྲུབ་པར་འགྱུར། །ཞེས་བྱ་བའི་རིམ་པ་འདིས་གསང་བའི་སྤྱོད་པ་ལ་གནས་པ་ལ། འཁོར་གྱི་གནོད་སྦྱིན་མང་པོ་ཀུན། །ཞེས་བྱ་བ་ལ་སོགས་པ་ནི་འདོད་ཆགས་དང་
[142b.5]བྲལ་བ་རྣམས་སོ། །སྔགས་དང་དུས་དང་བརྒྱལ་བ་ནི། །དེའི་རིགས་ཀྱི་བྱེ་བྲག་རྣམས་སོ། །དེ་ཡང་བཤད་པ། ཆགས་བྲལ་འགྱུར་བའི་རྫོགས་སངས་རྒྱས། །མི་རིགས་དམན་པའི་སྤྱོད་ལ་གནས། །ལམ་ནི་གཞན་དུ་གྲོལ་བར་འགྱུར། །རྒྱལ་བའི་བསྟན་པ་འཛིན་པ་
[142b.6]རྣམས། །སེམས་ནི་རབ་ཏུ་བསྲེག་པར་འགྱུར། །གང་གིས་གསང་བ་མ་ཡིན་ཏེ། །སྐྱེ་བོའི་སྤྱོད་པས་གནས་པར་འགྱུར། །ཀྱེ་ཧོ་འདུས་པར་གྱུར་པ་རྣམས། །སྐལ་བ་མ་ཡིན་མྱུར་དུ་འོངས། །སངས་རྒྱས་རང་གི་མཚན་སྤངས་པས། །གང་ཞིག་འཁོར་བའི་བཙོན་རར་གནས། །
[142b.7]དེ་བས་དེ་ཡང་དེ་ཉིད་ནི། །ཀུན་དུ་བརླག་པར་འགྱུར་བ་ཡིན། །ཞེས་བྱ་བ་ལ་སོགས་པའི་རིམ་པ་འདིས་ཐམས་ཅད་ཐེ་ཚོམ་དང་སོམ་ཉི་སྐྱེས་ནས་ཡིད་མི་དགའ་ཞིང་མྱ་ངན་གྱི་གདུང་བ་ཆེན་པོས་ཡོངས་སུ་གདུངས་ཏེ། དེའི་ཚེ་བསླང་སྟེ་བླ་མེད་དོན་བསྟན་ཏེ། ཞེས་པ་ནི། གཞན་
[143a]
[143a.1]ཡང་། དེང་ནས་རྒྱལ་པོ་གོས་སྔོན་ཅན། །ཁམས་གསུམ་བ་ལ་ལེགས་པར་བལྟས། །ཁམས་གསུམ་རྒྱལ་པོ་ཁྲོ་བོ་ཡིས། །མྱ་ངན་གདུང་བའི་འགྲོ་ཀུན་བསླང་། །ཀྱེ་མ་སངས་རྒྱས་མཛད་པ་ཆེ། །ཀྱེ་མ་མཛད་པ་མཛད་པ་ཆེ། །ཀྱེ་མ་མཛད་པ་རྨད་
[143a.2]དུ་བྱུང་། །ཀྱེ་མ་མཛད་པ་ཤིན་ཏུ་ཟབ། །ཀྱེ་མ་མཛད་པ་མཛད་པའི་མཆོག །བླུན་པ་དུག་གིས་འཆི་བར་སྟོན། །ཐབས་དང་ལྡན་པ་བདུད་རྩིར་འགྱུར། །ཡང་དག་འགྲོ་བ་ཀུན་སྒྲོལ་བར། །བུད་མེད་ཀྱི་ནི་གནས་ན་གནས། །གང་ལ་སྙིང་པོ་རེག་འགྱུར་བ། །དེ་ལ་སྙིང་པོ་སྙིང་པོ་
[143a.3]འབྱུང་། །དེ་ལ་གཡོ་བ་བདེ་བ་ཉིད། །ཕོ་རྣམས་མཚན་མའི་ལམ་དུ་འབྱུང་། །ལམ་གྱི་འཁོར་ལོ་ནང་དུ་ཞུགས། །ཡེ་ཤེས་འཁོར་ལོ་ཁ་ཕྱེ་ནས། །བྱང་ཆུབ་སེམས་ནི་རྒྱུན་དུ་འབབ། །དམན་པའི་ས་བོན་བྱིན་བརླབས་ཏེ། །འགྲོ་བ་རྣམས་ཀྱི་མིག་ཕྱེད་འགྱུར། །དཔའ་
[143a.4]བོ་འདི་ལ་གནས་བརྟེན་པ། །ངེས་པར་བྱང་ཆུབ་སྙིང་པོ་འཐོབ། །འདུས་པ་ཆེན་པོའི་འཁོར་དེ་དག་རྨད་དུ་བྱུང་བའི་ཐེག་པ་ཆེན་པོའི་སེམས་སྐྱེས། དེ་ནས་འཁོར་གྱིས་ཡིད་ཆེས་པ་དང་། དེས་པ་སྐྱེས་ནས་བསྟོད་པ་ནི། །ཀྱེ་ཧོ་གསང་བདག་གོས་སྔོན་ཅན། །ཞེས་བྱ་བ་ལ་
[143a.5]སོགས་པ་སྟེ། བླ་མེད་རྫོགས་པའི་བྱང་ཆུབ་རང་བཞིན་ནི་ཆོས་ཐམས་ཅད་ཀྱི་དེ་བཞིན་ཉིད། གང་གིས་དེ་མངོན་དུ་གྱུར་པ་དེའི་ཕྱིར། དེ་ལ་དེ་སྐད་ཅེས་བྱའོ། །དེའི་ངང་དུ་འདོད་ཆགས་དག་པའི་བློ་ལྡན་པས། །ཞེས་པ་ནི། །འདོད་ཆགས་དང་དེའི་ཡུལ་ལ་སོགས་པའི་སྣད་བའི་
[143a.6]དུས་ཉིད་ན་རང་བཞིན་མེད་པའི་བློ་དང་ལྡན་པའོ། །མངོན་པར་སངས་རྒྱས་པ་ནི་ཡེ་ཤེས་ཕུན་སུམ་ཚོགས་པ་ཕུལ་དུ་དབྱུང་དུ་མེད་པར་རང་དང་འགལ་བའི་སྒྲིབ་པ་ཐམས་ཅད་སྤངས་པས་བསྟོད་པའི་ཡུལ་ཉིད་དུ་བསྟན་ཏོ། །དེའི་བཤད་པ། གསང་བ་ཆེན་པོ་སྤྱོད་པ་ལ། །
[143a.7]གནས་པ་གོས་པ་ཅི་ཡང་མེད། །པདྨ་ལ་ནི་འདམ་གྱིས་བཞིན། །མཉེས་པ་ཡང་ནི་མཆོག་ཏུ་འགྱུར། །ཆོས་རྣམས་དངོས་པོ་དང་བྲལ་བས། །དངོས་པོ་ལ་ནི་མི་གནས་ཀྱང་། །འགྲོ་བ་ཉོན་མོངས་འདུལ་བའི་ཕྱིར། །དམ་པའི་སྤྱོད་པ་སྟོན་པར་མཛད། །དམན་པ་རྣམས་ལ་
[143b]
[143b.1]དམན་པ་རྣམས་འགྱུར་ཀྱང་། །གང་གིས་ཁྱོད་ལ་མཆོག་ཏུ་མཆོག་ཏུ་འགྱུར། །ཉེས་བས་ལེགས་པ་ཀུན་ལྡན་ཞིང་། །ཡོན་ཏན་ཐམས་ཅད་འབྱུང་བའི་གཏེར། །མ་སྨིན་པ་དང་མ་གྲོལ་བའི། །འཁོར་ལས་རྒྱལ་བར་བྱེད་པ་ཉིད། །སྐལ་བ་དམན་པར་གྱུར་བའི་ཕྱིར། །གསང་བ་
[143b.2]བདག་གིས་སྔར་མ་མཐོང་། །དེ་བས་རྒྱལ་པོ་བཅོམ་ལྡན་འདས། །ལེགས་པར་སྟོན་པའི་རྫི་བོ་ལ། །གཙུག་གི་ནོར་བུས་གཟུང་བར་གྱིས། །ཞེས་པ་ནི་རིགས་པ་འདི་ལ་ཡང་། ཡང་དག་པའི་གཙོ་བོ་ལ་མངོན་སུམ་དུ་བསྟོད་པར་འོས་པ་བསྟན་པའོ། །འཕགས་པ་ལག་ན་རྡོ་རྗེ་གོས་སྔོན་པོ་
[143b.3]ཅན་གྱི་རྒྱུད་ཀྱི་རྒྱ་ཆེར་བཤད་པ་ལས་ལེའུ་བཅུ་བཞི་པའི་བཤད་པའོ།། །།དེ་ནས་འདུས་པའི་འཁོར་རྣམས་ཀྱིས་འཁོར་གྱི་གཙོ་བོ་ལ་བསྟོད་པ་མཛད་པ། གསང་བར་གྱུར་པའི་དོན་ལ་ཡིད་ཆེས་རྗེས་སུ་ཡི་རང་ཞིང་དགའ་བར་གྱུར་ནས་ཤེས་པའི་དོན་ཏེ། །ལྕང་ལོ་ཅན་གྱི་ཞེས་བྱ་བ་
[143b.4]ལ་སོགས་པ་ནི་སྤྱོད་པའི་ཡོན་ཏན་གྱི་སྒོ་ནས་བསྟོད་པའོ། །འཁོར་གྱི་ཀླུ་ཚོགས་འདུལ་མཛད་པ། །ཞེས་བྱ་བ་ལ་སོགས་པས་ནི་ཁྱད་པར་དུ་རང་གི་གདུལ་བྱ་འདུལ་བའི་སྒོ་ནས་བསྟོད་པའོ། །སྣ་ཚོགས་དག་པའི་སྐུ་མངའ་ཞིང་། །ཞེས་བྱ་བ་ལ་སོགས་པས་ནི། སྤྱིར་གདུག་པ་ཅན་
[143b.5]ཐམས་ཅད་འདུལ་བའི་སྒོ་ནས་བསྟོད་པའོ། །ཇི་ལྟར་བསམ་པའི་དངོས་པོ་ཀུན། །ཞེས་བྱ་བ་ལ་སོགས་པས་ནི་ཡོན་ཏན་ཐམས་ཅད་ཀྱི་འབྱུང་གནས་སུ་གྱུར་པར་བསྟོད་དོ། །འདི་དག་གི་དོན་རྒྱས་པར་ནི་ལེའུ་དང་པོར་བཤད་ཟིན་ཞེས་པའི་དོན་ཏོ། །བདག་གིས་དམན་པར་གྱུར་པའི་འགྲོ་བ་ཡིས། །
[143b.6]རྟོགས་ཕྱིར་བསྡུས་པའི་རྣམ་པར་བཤད་པ་འདི། བློ་དམན་གྱུར་ཕྱིར་བརྩམ་པར་མི་རིགས་ཀྱང་། །གང་ལ་གྲགས་པར་བརྟེན་ཏེ་བརྩམས་པ་འདིས། །དགེ་བ་འདི་ཡིས་འགྲོ་བའི་སྐྱེ་བོ་རྣམས། །གསང་ཆེན་སྣོད་དུ་གྱུར་དང་བཟློག་པ་ཀུན། །སྣོད་གྱུར་དམ་པ་དེ་ཡི་ཞལ་མཐོང་ནས། །ཕུན་སུམ་ཚོགས་པ་
[143b.7]རྣམས་ཀྱིས་འབྱོར་བར་ཤོག །འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཀྱི་རྒྱ་ཆེར་བཤད་པ། སློབ་དཔོན་ཆེན་པོ་མཆོག་རབ་སྙིང་པོས་མཛད་པ་རྫོགས་སོ། །{T2203}༄༅༅། །རྒྱ་གར་སྐད་དུ། བཛྲ་པཱ་ཎི་ནཱི་ལཱམ་བ་ར་དྷ་ར་ནཱ་མ་ཏནྟྲ་ཊཱི་ཀཱ། །བོད་སྐད་དུ། ལག་ན་
[144a]
[144a.1]རྡོ་རྗེ་གོས་སྔོན་པོ་ཅན་ཞེས་བྱ་བའི་རྒྱུད་ཀྱི་རྒྱ་ཆེར་བཤད། དཀོན་མཆོག་གསུམ་ལ་ཕྱག་འཚལ་ལོ། །དེ་ནས་འཕགས་པ་གོས་སྔོན་ཅན་གྱིས་ལྕང་ལོ་ཅན་གྱི་ཕོ་བྲང་དུ། འཁོར་གནོད་སྦྱིན་ལ་སོགས་པ་ལ་དེའི་ཚེ་འདི་སྐད་ཅེས་བཀའ་སྩལ་ཏོ། །རྡོ་རྗེ་
[144a.2]བེ་ཅོན་བཤད་པ་ལ། །བསྡུས་པའི་ལས་ནི་རྣམ་པ་ལྔ། །བསྙེན་བསྒྲུབ་གསད་དང་དབྱེ་བ་དང་། །དམན་པའི་ལས་ཏེ་རྣམ་པ་ལྔ། །བསྙེན་པའི་ལས་ནི་འདི་ལྟ་སྟེ། །ཡིད་འོང་དགའ་བའི་ས་ཕྱོགས་སུ། །སྟེགས་བུ་མེ་ཏོག་གཅལ་བཀྲམ་སྟེ། །ཁྲོ་བོའི་སྐུ་གཟུགས་གཞག་
[144a.3]པར་བྱ། །དེ་ལ་ཡན་ལག་བརྒྱད་ལྡན་པའི། །སྔགས་ཀྱི་བསྙེན་པ་རབ་ཏུ་འབད། །དེ་ཚེ་འདི་ཡི་རྟགས་འབྱུང་སྟེ། །ཤིན་ཏུ་སྐུ་གཟུགས་འཛུམ་པ་དང་། །མེ་ཏོག་སྔོན་པོ་འཐུ་བ་དང་། །གནོད་སྦྱིན་སྡེ་དཔོན་བྱེད་པ་དང་། །གོས་སྔོན་རྟག་ཏུ་གོན་པ་དང་། །རྡོ་རྗེ་ལག་ཏུ་ཐོགས་པ་
[144a.4]དང་། །རྒྱ་མཚོར་རྐང་པ་བསྐྱོད་པ་དང་། །རི་རབ་ཀླད་ལ་བསྐོར་བ་དང་། རུས་སྦལ་ལག་གིས་ལེན་པ་དང་། །སྦྲུལ་བརྒྱད་ལུས་ལ་བརྒྱན་པ་དང་། །རྟག་ཏུ་དམ་ཆོས་སྟོན་པ་འབྱུང་། །དེ་ནས་བསྒྲུབ་པ་བརྩམ་པར་བྱ། །སྒྲུབ་པ་བྱེད་པ་རྣམ་གཉིས་ཏེ། །སྤྱི་ཡི་སྒྲུབ་དང་བྱེ་བྲག་
[144a.5]སྒྲུབ། །བྱེ་བྲག་སྒྲུབ་པ་འདི་ལྟ་སྟེ། །བདག་དང་གཞན་དང་ཐུན་མོང་ངོ་། །བདག་གི་དོན་ནི་བཤད་བྱ་བ། །མེ་བརྒྱད་འཁོར་ལོ་སངས་རྒྱས་ལྡན། །རྐང་མཐིལ་གཉིས་དང་དཔྱི་མིག་གཉིས། །ལག་མཐིལ་གཉིས་དང་མགྲིན་པ་མདོམས། །དེ་རེ་རཾ་ལས་མི་བསྐྱེད་པ། །རླུང་གཉིས་
[144a.6]འབྲས་བུ་ས་བོན་ལྡན། །མེ་བརྒྱད་འཁོར་ལོ་རབ་བསྒོམས་ནས། །དེ་ཉིད་སྔགས་ལ་རབ་འབད་ན། །ཞག་དགུས་འགོང་པོ་འབྲོས་པར་འགྱུར། །བཅུ་གཅིག་པ་ཡིས་ཀླུ་སྲིན་འབྲོས། །ཟླ་བ་གཅིག་ཏུ་སྙོམས་ཞུགས་ན། །གནོད་སྦྱིན་ཐམས་ཅད་འབྲོས་པར་འགྱུར། །ཅི་ཕྱིར་ང་
[144a.7]སྔོན་དྲག་པོ་ཡིས། །བསྡུ་བའི་ཏིང་འཛིན་རྣམ་པར་བསྒོམས། །གཡོག་འཁོར་ཚོགས་ནི་འདུས་ནས་ནི། །མེ་བསྒོམས་མེ་ཡི་སྔགས་བཟླས་པས། །ཚོགས་ཀུན་ཚིག་ནས་འབྲོས་པར་འགྱུར། །བསྡུས་ནས་བདུད་རྩི་དྲི་མེད་གསོས། །མི་གནས་པ་རུ་རྣམ་པར་བསྒོམ། །
[144b]
[144b.1]དེ་བཞིན་དེ་ལ་འབད་པར་བྱ། །ཆུ་བརྒྱད་འཁོར་ལོ་སངས་རྒྱས་ལྡན། །ཀླད་པ་མགྲིན་པ་དཔུང་མགོ་གཉིས། །སྙིང་ག་ལྟེ་བ་བརླ་གཉིས་སུ། །ཡི་གེ་བཾ་ལས་ཆུ་བསྐྱེད་པས། །བདུད་རྩིར་བཅས་པས་འབྲས་བུར་ལྡན། །ཆུ་བརྒྱད་འཁོར་ལོར་རབ་བསྒོམས་ནས། །དེ་ཉིད་སྔགས་
[144b.2]ལ་རབ་འབད་ནས། །ལན་ཅིག་བཅོ་བརྒྱད་ཆུ་ཡིས་ནི། །སྐྱོན་དག་བག་ཆགས་དག་པར་འགྱུར། །ཅི་ཕྱིར་ང་སྔོན་ཞི་བ་ཡིས། །བག་ཆགས་ངན་པའི་ཉེན་གྱིས་ཟིན། །ཆུ་བརྒྱད་ཆུ་ཡི་སྔགས་བཟླས་པས། །དག་པས་ཀུན་དགའ་གྲོལ་བར་འགྱུར། །རླུང་བརྒྱད་འཁོར་ལོ་སངས་
[144b.3]རྒྱས་ལྡན། །གོང་མའི་གནས་བརྒྱད་ཡཾ་ལས་བསྐྱེད། །མེ་གཉིས་ཡང་དག་འབྲས་མཆོག་དེ། །ཐལ་བར་འགྱུར་ལ་གདོན་མི་ཟ། །དེ་ཡང་དྲག་པོའི་དྲག་པོའོ། །ས་བརྒྱད་འཁོར་ལོའི་སངས་རྒྱས་ལྡན། །གནས་བརྒྱད་ལམ་ལས་ས་གྲུབ་པ། །གྲུ་བཞི་ཧཱུཾ་ནི་འབྲས་བུར་
[144b.4]ལྡན། །སྟེང་དུ་འཕགས་པ་གོས་སྔོན་བརྒྱད། །དངོས་གྲུབ་ཐམས་ཅད་ལྡན་བྱེད་པའི། །འཁོར་ལོ་བརྒྱད་ཀྱི་རྣམ་པ་ནི། །དམ་ཚིག་འཁོར་ལོ་དེ་བཞིན་ཏེ། །ཇི་བཞིན་ཡེ་ཤེས་འཁོར་ལོ་ཡང་། །དེ་བཞིན་མདུན་ན་རྣམ་པར་སྤྲོ། །སངས་རྒྱས་མཛད་པ་རྫོགས་ཕྱིར་རོ། །གལ་ཏེ་
[144b.5]གཞན་ལ་སྒྲུབ་ན་ནི། །རང་ཉིད་ཇི་བཞིན་གོས་སྔོན་ཅན། །གནོད་སྦྱིན་ཉེན་གྱིས་ཟིན་གྱུར་ན། །དཀྱིལ་འཁོར་འཁོར་ལོ་རྩིབས་བརྒྱད་ལ། །སྡེ་དཔོན་ཉི་ཤུ་རྩ་བརྒྱད་དགོད། །བུ་མོ་ལོ་བརྒྱད་ལོན་པ་ལ། །ཡན་ལག་བརྒྱད་སྤྲོས་དྲིས་བྱུགས་ནས། །རིན་ཆེན་བུམ་པ་སྐུས་དབང་
[144b.6]བསྐུར། །དེ་ཉིད་དབུས་ནས་གཟུངས་ཐག་འདྲེན། །བཟླས་ཡུངས་གཟུངས་སྔགས་སྟོང་བཟླས་ལ། །བདག་ཉིད་ཁ་ནས་ཆུ་གཏོར་བས། །ནད་པའི་ལུས་ལ་ཆུ་བརྒྱད་བསྒོམ། །ཕྲལ་ནས་ཇི་བཞིན་ཆུ་གཏོར་བས། །རྡོ་རྗེ་ཁང་པ་ཁྲོ་བཅུར་ལྡན། །ཀླུ་དང་དབྲལ་བའི་ལས་བྱེད་པ། །
[144b.7]སློབ་མ་མེད་ལ་མཉམ་གཞག་སྟེ། །སློབ་དཔོན་གོས་སྔོན་ཏིང་འཛིན་ལྡན། །འཁར་གཞོང་འདབ་མ་དྲུག་པ་ལ། །སྟེང་དུ་ཆ་གསུམ་རིགས་དྲུག་དགོད། །ནད་པའི་ལུས་ལ་སྣ་ཚོགས་དགོད། །སྨྱག་ཤད་ཡང་ན་བལ་པོ་སེའུ། །བྱ་ཁྱུང་ག་རུར་བྱིན་གྱིས་བརླབ། །གསང་
[145a]
[145a.1]སྔགས་གཟིར་བའི་གསང་སྔགས་ཀྱིས། །ནད་པའི་ལུས་ལ་བྲབ་ཅིང་གཟིར། །ལྕགས་ཀྱུས་མདུན་བཀོད་སྟེང་དུ་བླང་། །དེ་སོས་གྱུར་ན་གནས་སུ་བསྐྱལ། །ཁྲུས་ཀྱི་དུས་ན་ཆུ་བརྒྱད་བསྒོམ། །ཚེ་ཡི་དུས་ན་ས་བརྒྱད་བསྒོམ། །ཕྲལ་བའི་རྗེས་སུ་རླུང་བརྒྱད་
[145a.2]བསྒོམ། །ཡི་དགས་བརྗེད་བྱེད་བཟློག་འདོད་ན། །ཚོན་སྣ་ལྔ་ཡི་སྐུད་པ་ལྔ། །བགེགས་གཉིས་བཟློག་པའི་སྔགས་བཟླས་ཤིང་། །མདུད་པ་སྔགས་བཅས་རེ་རེ་ལ། །ཡེ་ཤེས་གོས་སྔོན་རེ་རེ་བསྟིམ། །ཐིམ་འགྱུར་སྐུད་པ་མགུལ་བཏགས་ན། །ཡི་དགས་ཉེན་རྣམས་
[145a.3]བཟློག་པར་འགྱུར། །ནད་ཀྱི་ཚོགས་རྣམས་བཟློག་འདོད་ན། །སྐུད་པ་དཀར་པོ་དག་བཀྲུས་ཏེ། །མེ་ཏོག་སྔོན་པོས་མདོག་བསྒྱུར་ལ། །སྔགས་སྤེལ་ན་སར་བཏགས་ན་འཚོ། །བྱིས་པ་གདོན་ལས་སྲུང་འདོད་ན། །སྐུད་པ་གོང་དང་འདྲ་བ་ལ། །སྔགས་བཟླས་བསྲུང་བའི་མདུད་
[145a.4]པ་བྱ། །ཐིམ་ནས་བྱས་པའི་མགུལ་དུ་གདགས། །བསམ་གཏན་ཁྲོ་བོའི་ཁང་པར་གཞུག །ནོར་འདོད་པ་དག་བསྒྲུབ་བྱ་སྟེ། །ཀླུ་རྣམས་བྱང་ཤར་མཚམས་སུ་དགུག །གཙོ་བོའི་སྔགས་ཀྱིས་ཁམས་གསུམ་རྒྱལ། །བཀྲོལ་ལ་ཁྲོ་བོ་ཁམས་གསུམ་རྒྱལ། །རྣམ་ཐོས་སྲས་ལ་ནོར་
[145a.5]སྦྱིན་བསྒོམ། །རྨི་ལམ་གསེར་གྱི་དོང་ཚེ་སྟེར། །སྣོད་སྟོང་དཀོན་མཆོག་གསུམ་ལ་བསྔོ། །གང་བ་དག་གིས་དཀོན་མཆོག་གོ། །གསང་པའི་ལས་ནི་འདི་ལྟ་སྟེ། །གང་ལ་བྱ་བའི་དགྲ་བོ་དེའི། །གཟུགས་བྱས་སྟེང་དུ་དབབ་བྱས་ནས། །ལྕགས་སམ་སྔོན་པོའི་ཤིང་ཕུར་ལ། །
[145a.6]གོས་སྔོན་དྲག་པོར་བྱིན་བརླབས་ཏེ། །དྲག་པོའི་གསང་སྔགས་བཟླས་ཤིང་གདབ། །ཐེབས་པའི་ལུས་ལ་སྦྲུལ་ནག་གི །ཞགས་པས་བཅིངས་ལ་གཞག་བྱས་ནས། སྙིང་ནང་ཀླུ་ཡི་དཀྱིལ་འཁོར་དགོད། །ཀླུ་ཡོད་ཆུ་མིག་ནང་དུ་སྦས། །དེས་ནི་མྱུར་དུ་གསོད་པའོ། །དབྱེ་བའི་
[145a.7]ལས་ནི་འདི་ལྟ་སྟེ། །ཐམས་ཅད་དབྱེ་བ་གོང་བཞིན་ནོ། །བསྒྲུབ་བྱ་ལྷ་དང་དབྲ ལ་འདོད་ན། །འོག་ཏུ་སྨེ་བའི་དུད་པ་གཏོང་། །ཏིང་འཛིན་བསྒོམ་བ་འདི་ལྟ་སྟེ། །བདག་ཉིད་དྲག་པོའི་སྔགས་བཟླས་པ། །སྔགས་ཀྱི་སྤྲུལ་པ་སྣ་ཚོགས་སྤྲོས། །སྤྲུལ་པ་དྲག་པོའི་ཁྲོ་ཚོགས་ཀྱིས། །འོ་
[145b]
[145b.1]དོད་འདེབས་ཤིང་ཐལ་མོ་བརྡེབས། །དྲག་པོའི་མཚོན་ཆའི་ཐོག་ཕབ་པས། །དུས་མཐའ་མེད་ཅིང་དྲག་ཤུལ་ཆེ། །དེ་ཚེ་འདི་ཡི་ལྟ་འབྲོས་འགྱུར། །མནན་ལ་རི་རབ་ཆེན་པོ་བྱས། །སེམས་ནི་རི་རབ་དྲན་པས་གནོན། །ངག་ནི་རི་རབ་སྨྲ་བས་གནོན། །ལུས་ནི་རི་རབ་གཡོ་འགུལ་
[145b.2]གནོན། །ཕྱག་ན་རྡོ་རྗེ་བེ་ཅོན་ཅན་གྱི་རྒྱུད་ཕྱི་མ་ལས་རྟོག་པ་དང་པོ་རྫོགས་སོ།། །།དེ་ནས་ཡང་དག་ངེས་པའི་དོན་ནི་རབ་བཤད་པ། །དཔལ་ལྡན་གོས་སྔོན་གསང་བའི་བདག་པོ་ཁྲོ་བོའི་སྐུ། །རྒྱུད་རྣམས་ཀུན་གྱི་སྡུད་པ་པོར་ནི་རབ་གྲགས་ཀྱང་། །འཁོར་གྱི་ཀླུ་རྣམས་མ་ལུས་འདུལ་ཕྱིར་
[145b.3]སྟོན་པ་མཛད། །དེ་དག་ཇི་སྲིད་དོན་ལ་ནི། །ཡང་དག་གསང་བདག་གོས་སྔོན་ཅན། །རྣལ་འབྱོར་དོན་ལ་རབ་གནས་ནས། །བླ་མེད་འཁོར་ལོའི་དོན་གསུངས་པ། །ཀྱེ་ཧོ་སྒྲོལ་བ་བྱེད་པ་ཅན། །ཆགས་པ་རབ་ཏུ་བདེ་བ་ཆེ། །མ་ལུས་འཁོར་དང་མྱ་ངན་འདས། །རྟག་ཆད་གཉིས་
[145b.4]སྟོང་བདེ་བ་ཆེ། །ཡང་དག་བླ་ན་མེད་པའི་ཀློང་། །ཐམས་ཅད་སྟོང་དུ་ཆ་གཅིག་སྟེ། །མི་གནས་མ་བྲལ་འདུས་མ་བྱས། །བླ་མེད་གོས་སྔོན་མཚན་ཉིད་དོ། །གསུང་དང་བསྡུས་པའི་རྒྱུད་རྣམས།། །གྲངས་ལས་འདས་ཤིང་བརྗོད་དུ་མེད། །མདོར་བསྡུས་རྣམ་པ་བཞི་རུ་བསྟན། །རྩ་
[145b.5]བའི་རྒྱུད་དང་བརྟག་པའི་རྒྱུད། །བཤད་པའི་རྒྱུད་དང་ཕྱི་རྒྱུད་མ། །སྟོན་པ་ཉིད་ཀྱིས་རྒྱུད་འདི་ཡང་། །གདུལ་བྱའི་དབང་དུ་གསུངས་པ་སྟེ། །ཀླུ་འདུལ་དབང་དུ་གོས་སྔོན་ཅན། །མ་མོ་འདུལ་ཕྱིར་རོ་ལངས་རྒྱུད། །གཤིན་རྗེ་འདུལ་ཕྱིར་གཅེར་བུའི་རྒྱུད། །བདུད་ཆེན་འདུལ་ཕྱིར་གྱིང་
[145b.6]ཆེན་རྒྱུད། །གཟའ་ཆེན་འདུལ་ཕྱིར་ཐུགས་གསང་རྒྱུད། །མཁའ་འགྲོ་འདུལ་ཕྱིར་ཁྱུང་ཆེན་རྒྱུད། །རྒྱལ་པོ་འདུལ་ཕྱིར་འཇིགས་བྱེད་རྒྱུད། །དགྲ་བོ་འདུལ་ཕྱིར་གནོད་བྱེད་རྒྱུད། །གནོད་སྦྱིན་འདུལ་ཕྱིར་འཆི་བདག་རྒྱུད། །གདུལ་བྱ་དགུ་ཡི་དབང་དུ་ནི། །སྟོན་པ་དགུ་ཡིས་
[145b.7]རྒྱུད་དགུ་གསུངས། །སྟོན་པ་དགུ་ཡང་གཅིག་ཡིན་ཏེ། །གཅིག་ཉིད་བདེ་གཤེགས་སྤྲུལ་པའོ། །ཕྱག་ན་རྡོ་རྗེ་བེ་ཅོན་ཅན་གྱི་རྒྱུད་ཕྱི་མ་ལས་རྟོག་པ་གཉིས་པ་རྫོགས་སོ།། །།འདི་སྐད་བསྟན་པའི་དུས་གཅིག་ན། །སྟོང་གསུམ་སྟོང་གི་འཇིག་རྟེན་ཁམས། །གང་གཱའི་ཀླུང་
[146a]
[146a.1]གི་བྱེ་སྙེད་ན། །སྤྲུལ་པའི་རྒྱུད་དང་ཇི་སྙེད་དེ། །ཤིན་ཏུ་ཁྲོ་བ་གདུག་ཅིང་གཏུམ། །ཇི་ལྟ་བ་ཡིས་ཐོགས་མེད་སྐུ། །དབང་བསྐུར་གསང་བའི་བདག་པོ་ཡིན། །ཇི་ལྟར་ཁྲོ་བོའི་དབང་བསྐུར་བ། །དབང་ཐོབ་ཕྱག་ན་རྡོ་རྗེ་ཡིན། །མཐུ་དང་གཟི་བརྗིད་ཁྱད་པར་
[146a.2]འཕགས། །ཇི་ལྟར་ཞི་བའི་སྐུར་བསྟན་ཀྱང་། །ཐམས་ཅད་ཞི་བའི་བདག་ཉིད་ཆེ། །དཀར་པོ་རྡོ་རྗེ་འཛིན་པ་ཆེ། །བྱང་ཆུབ་མང་པོས་འཁོར་དུ་བསྐོར། །ཇི་ལྟར་རྒྱས་པའི་སྐུར་བསྟན་ཡང་། །ཐམས་ཅད་རྒྱས་པའི་བདག་ཉིད་ཆེ། །སེར་ལ་སྡང་བའི་རིན་ཆེན་བདག །གཤིན་རྗེའི་
[146a.3]ཚོགས་ཀྱིས་འཁོར་དུ་བསྐོར། །དེ་ལྟར་དབང་གི་སྐུར་བསྟན་ཀྱང་། །ཐམས་ཅད་དབང་གི་བདག་ཉིད་ཆེ། །དམར་ནག་པདྨའི་ཁ་དོག་ཐོགས། །ཀླུ་ཚོགས་མང་པོས་འཁོར་དུ་བསྐོར། །ཇི་ལྟར་དྲག་པོའི་སྐུར་བསྟན་ཀྱང་། །ཐམས་ཅད་དྲག་པོའི་བདག་ཉིད་ཆེ། །སྔོ་ནག་རྡོ་རྗེ་
[146a.4]དབྱུག་ཏོ་འཕྱར། །ལྷ་སྲིན་སྡེ་བརྒྱད་འཁོར་དུ་བསྐོར། །གསང་བའི་བདག་པོ་གོས་སྔོན་ཡང་། །རིམ་པར་མངོན་པར་བྱང་ཆུབ་པས། །བླ་མེད་བྱང་ཆུབ་ཆེན་པོ་བརྙེས། །ཡང་དག་ཐོགས་མེད་འགྲོ་དོན་བྱེད། །འཁོར་ལོ་ཐར་ལམ་རྣམ་དག་ནས། །ཡང་དག་གསང་བའི་ཐིག་
[146a.5]ལེ་ལས། །ཨས་བརྒྱན་ཟླ་བའི་དཀྱིལ་འཁོར་བསམ། །དེ་སྟེང་ཡི་གེ་ཧཱུཾ་ནག་བསམ། །ཧཱུཾ་དེ་ཀུན་གྱིས་བྱིན་བརླབས་པས། །རྡོ་རྗེ་ནག་པོ་ཧཱུཾ་འབར་ལྡན། །རྡོ་རྗེ་ཀུན་གྱིས་བྱིན་བརླབས་པ། །སྐུ་གཉིས་གྲུབ་པའི་བདག་ཉིད་ཆེ། །མངོན་པར་ཁྲོ་བོའི་བཟླས་པ་བྱ། །དཔྲལ་བ་
[146a.6]མགྲིན་པ་མིག་གཉིས་དང་། །རྣ་བ་ལུས་ལ་སོགས་པ་རུ། །ཕྱག་ན་རྡོ་རྗེ་ས་སྙིང་པོ། །ནམ་མཁའི་སྙིང་པོ་སྤྱན་རས་གཟིགས། །མིང་གི་ཡི་གེ་དང་པོར་བསྐྱེད། །བདེ་གཤེགས་གསང་བར་བྱིན་བརླབས་པས། །སྐྱེ་མཆེད་ལྷ་རྣམས་འབྲོས་པར་འགྱུར། །སྤྱི་བོ་སྙིང་ག་
[146a.7]མགྲིན་པ་དང་། །ལྟེ་བ་གསང་བ་གནས་ལྔ་རུ། །མི་བསྐྱོད་རྣམ་སྣང་རིན་པོ་ཆེ། །སྣང་བ་མཐའ་ཡས་དོན་ཡོད་གྲུབ། །མིང་གི་ཡི་གེ་དང་པོར་བསྐྱེད། །བྱིན་བརླབས་རིགས་ལྔ་ཁྲོས་པར་བསྐྱེད། །མིག་གཉིས་ཕྱི་རོལ་མེ་དཔུང་ནང་། །གོས་སྔོན་ཁྲོས་པ་མཚོན་གང་བསྐྱེད། །དེ་ནི་
[146b]
[146b.1]འབྱུང་པོ་འདུལ་བའི་མཆོག །སྙིང་ནང་གསང་བདག་གོས་སྔོན་ཅན། །རྡོ་རྗེ་དབྱུག་ཏོ་ཐོགས་པ་སྔོ། །དེ་ཡི་སྙིང་ནང་རྡོ་རྗེ་གནག །ཟླ་བའི་གདན་ལ་བསམ་པར་བྱ། །དེ་དབུས་ཧཱུཾ་ལས་སྔགས་ཀྱིས་བསྐོར། །དེ་ཡི་འོད་ཀྱིས་བསྐུལ་ནས་ནི། །བདེ་བར་གཤེགས་པ་སྤྱན་དྲངས་ནས།
[146b.2]མདུན་ན་གནས་ལ་གསོལ་གདབ་ཅིང་། །དེ་ཡིས་བདག་ཉིད་བྱིན་བརླབས་འགྱུར། །དེ་ནས་གསང་སྔགས་བཟླས་བརྗོད་བྱ། །མྱུར་དུ་ཉེན་ལས་ཐར་བ་དང་། །ཐུགས་རྗེས་རྨི་ལམ་ལུང་སྟོན་འགྱུར། །མ་ལུས་དབང་དུ་བསྡུ་བས་འགྲུབ། །ཕྱག་ན་རྡོ་རྗེ་བེ་ཅོན་ཅན་གྱི་རྒྱུད་ཕྱི་མ་ལས་
[146b.3]རྟོག་པ་གསུམ་པ་རྫོགས་སོ།། །།འདི་སྐད་བཤད་པའི་དུས་གཅིག་ན། །དྲག་པོ་འབར་བའི་གཞལ་ཡས་སུ། །དཔལ་ལྡན་གོས་སྔོན་དཀྱིལ་འཁོར་ལྡན། །དབུས་ན་དཔལ་ལྡན་གོས་སྔོན་ལྡན། །སྔོན་པོ་རྡོ་རྗེ་དབྱུག་ཏོ་བསྣམས། །གཡས་ཕྱོགས་ཧཱུཾ་ལས་དཔལ་ལྡན་
[146b.4]མགོན། །ནག་པོ་གྲི་གུག་ཐོད་པ་ཐོགས། །མཆེ་གཙིགས་མགོ་ཕྲེང་དོ་ཤལ་བྱས། །མདུན་དུ་ཧཱུཾ་ལས་ཁམས་གསུམ་རྒྱལ། །དམར་གནག་ཐོད་དབྱུག་སྡིགས་མཛུབ་ཐོགས། །མཆེ་གཙིགས་སྟག་གི་ཤམ་ཐབས་ཅན། །གཡོན་དུ་བཻ་ལས་རྣམ་ཐོས་སྲས། །ལྗང་སེར་བེ་
[146b.5]ཅོན་ཞགས་པ་བསྣམས། །ཧ་ཧ་འབྱིན་ཅིང་དྲག་པོར་བཅས། །རྒྱབ་ཏུ་ན་ལས་མིག་མི་བཟང་། །སྔོ་གནག་རལ་གྲི་སྦྲུལ་ཞགས་བསྣམས། །མཆེ་བ་གཙིགས་ཤིང་ཤིན་ཏུ་འཇིགས། །འཁོར་ལོའི་རྩིབས་ཀྱི་ཕྱི་མཆན་ན། །སྤོས་དང་མེ་ཏོག་མར་མེ་དྲི། །ཇི་བཞིན་ཕྱོགས་སུ་
[146b.6]དགོད་པར་བྱ། །སྒེག་མོ་ཕྲེང་དང་དབྱངས་ཅན་གར། །ནང་གི་མཚམས་ལ་དགོད་པར་བྱ། །ཨོཾ་ན་མོ་བུདྡྷ་དྷརྨ་སཾ་གྷེ་བྷྱཿ། ཨི་དཾ་པུ་ཥྤེ། དྷཱུ་བེ། གནྡྷི། ཨཱ་ལོ་ཀེ། བ་ལིཾ་ཏ་པཱུ་ཛ་མེ་གྷས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་ན་མོ་ནཱི་ལཱམྦ་ར་དྷ་ར་བཛྲ་པཱ་ཎི། ཨི་དཾ་པུཥྤེ། དྷཱུ་བེ། གནྡྷེ། ཨཱ་ལོ་ཀེ ། བ་ལིཾ་ཏ་པཱུ་
[146b.7]ཛ་མེ་གྷ་ཧཱུཾ། ཨོཾ་ན་མོ་མ་ཧཱ་ཀཱ་ལ་ཧཱུཾ། ཨི་དཾ་པུཥྤེ། དྷཱུ་པེ། གནྡྷེ། ཨཱ་ལོ་ཀེ་ཧཱུཾ། ཨོཾ་ན་མཿཏྲཻ་ལོཀྱ་བི་ཛ་ཡ་ཧཱུཾ། ཨི་དཾ། ཨོཾ་ན་མོ་བི་རཱུ་ཌྷ་ཀཱ་ཡེ་ཧཱུཾ། ཨི་དཾ། ཨོཾ་ན་མོ་བི་རཱུ་ཌྷ་ཀ་ཡེ་ཧཱུཾ། ཨི་དཾ། ཨེ་ཧྱེ་ཧི་མ་ཧཱ་བོ་དྷི་སཏྭ་མིང་དང་ལྡན། ཛཿཧཱུཾ་བཾ་ཧོཿམཐར་ལྡན་པ། །ལྕགས་ཀྱུའི་སྦྱོར་བ་རབ་
[147a]
[147a.1]ཏུ་བྱ། །ཕྱག་ན་རྡོ་རྗེ་བེ་ཅོན་ཅན་གྱི་རྒྱུད་ཕྱི་མ་ལས་རྟོག་པ་བཞི་པ་རྫོགས་སོ།། །།འདི་སྐད་བཤད་པའི་དུས་གཅིག་ན། །རྡོ་རྗེ་གདན་གྱི་རྩེ་མོ་ལ། གནོད་སྦྱིན་ཚོགས་རྣམས་མ་ལུས་ཏེ། །དྲག་པོ་རྟོག་པ་ཆེན་པོ་འདི། །རྡོ་རྗེ་སྒེག་མོའི་རྟོག་པར་གསུངས། །
[147a.2]གསང་སྔགས་བསྐུལ་བའི་མཐའ་དང་ལྡན། །རྩ་སྔགས་དག་ལ་མིང་ལྡན་པ། །ལས་སྔགས་མཐའ་མ་བསྒྱུར་མཐར་ལྡན། །དེ་ཡིས་ལས་ཀུན་བྱེད་པའི་མཆོག །ཕྱག་ན་རྡོ་རྗེ་ཁྲོ་བོའི་སྐུ། །དེ་ཉིད་གཞན་མིན་བདག་ཉིད་སྐུ། །དེ་ལྡན་དྲག་པོའི་ཐོག་ཆེན་འབེབས། །གསང་
[147a.3]སྔགས་ཏིང་འཛིན་རབ་ལྡན་ན། །ཕེབས་པར་འགྱུར་བར་གདོན་མི་ཟ། །ཧ་ན་ཧ་ན་བཛྲ། ནཱི་ལཱ་མྦ་ར་མ་ཧཱ་ཡཀྵ་ཧཱུཾ་ཕཊ། ད་ཧ་ད་ཧ། པ་ཙ་པ་ཙ། བནྡྷ་ཧཱུཾ། ཧུ་ལུ་ཧུ་ལུ་ཕཊ། ཏིཥྛ་ཏིཥྛ་བཛྲ། ཙྩི་ནྡ་ཙྩིནྡ་བཛྲ། བྷིནྡ་བཛྲ། སྥོ་ཊ་སྥོ་ཊ་བཛྲ། གྲྀ་ཧྞ་གྲྀ་ཧྞ་བཛྲ། ཏ་ཐཱ་ཡ་ཏ་ཐཱ་ཡ་བཛྲ།
[147a.4]ཧ་ས་ཡ་ན་ཧ་ས་ཡ་ན་བཛྲ། བྲི་ཧཱུཾ་ཨ་ན་ཡ་བཛྲ། ཙཀྲ་ཙཀྲ་བཛྲ། ཛ་ལ་པ་ཡ་བཛྲ། ནཱི་ལཱ་མྦ་ར་མ་ཧཱ་ཡཀྵ་ཧཱུཾ་ཕཊ། ལྕེ་དང་དབང་པོ་ཁྲོ་བོ་དང་། །འོད་འཕྲོས་ཐོག་ཆེན་དབབ་པར་བྱ། །ཁམས་གསུམ་མྱུར་དུ་སྒྲོལ་བར་འགྱུར། །ཨེ་མ་གསང་སྔགས་ངོ་མཚར་ཆེ། །ཕྱག་ན་རྡོ་རྗེ་བེ་
[147a.5]ཅོན་ཅན་གྱི་རྒྱུད་ཕྱི་མ་ལས་རྟོག་པ་ལྔ་པ་རྫོགས་སོ།། །།འདི་སྐད་བཤད་པའི་དུས་གཅིག་ན། །ལྷ་མོ་རོ་ལངས་དཀྱིལ་འཁོར་དུ། །ལྷ་མོའི་ཚོགས་དང་ལྡན་ཅིག་ཏུ། །ལྷ་མོ་རྣམས་ཀྱིས་ལེགས་བསྟོད་པ། །ཀླུ་རྣམས་འདུལ་བའི་མཐུ་སྟོབས་ཅན། །དཔལ་ལྡན་གོས་སྔོན་ཕྱག་
[147a.6]འཚལ་བསྟོད། །དྲག་ཤུལ་སྐུ་ནི་ཁྲོས་པའི་ཆས། །ཀླུ་རྣམས་འདུལ་བའི་རྟགས་འཆང་ཞིང་། །ཁམས་གསུམ་གདུག་པ་ཀུན་སྒྲོལ་ཞིང་། །ཀླུ་རྣམས་འདུལ་མཛད་གོས་སྔོན་ཁྱོད་ཕྱག་འཚལ། །ཨེ་མ་བརྗོད་འདས་དྲག་ཤུལ་གསུང་། །གད་རྒྱངས་དགོད་ཅིང་འོད་ཟེར་འཁྱུག །ཀླུ་
[147a.7]ཚོགས་འདུལ་བའི་གསུང་འཆང་བ། །སྣ་ཚོགས་དྲག་པོ་གསུམ་ལ་ཕྱག་འཚལ་བསྟོད། །ཨེ་མ་མི་དམིགས་དམིགས་པ་ཆེ། །རྣམ་པར་དག་ལས་རབ་གྲུབ་བས། །མ་ལུས་དམིགས་མེད་ཕྲ་མོའི་བདག །འོད་འབྱུང་ཐུགས་ལ་ཕྱག་འཚལ་བསྟོད། །ཨེ་མ་མི་འབྱུང་འབྱུང་བ་
[147b]
[147b.1]ཆེ། །མཚན་དང་དཔེ་བྱད་ཁྱད་པར་འཕགས། །ཡོན་ཏན་སྣ་ཚོགས་བརྗོད་ལས་འདས། །བླ་མེད་གོས་སྔོན་ཁྱོད་ལ་ཕྱག་འཚལ་བསྟོད། །ཐོགས་པ་མེེད་པའི་སྐུ་བརྙེས་ནས། །ཞི་རྒྱས་དབང་དྲག་ལས་རྣམས་ཀུན། །སྐུ་གསུང་ཐུགས་ཀྱིས་ཐོགས་མེད་འགྲུབ། །ཐོགས་མེད་
[147b.2]གོས་སྔོན་ཕྱག་འཚལ་བསྟོད། །ཧཱུཾ་བསྐྱེད་ནག་པོ་མགོན་པོ་སྟེ། །གྲི་གུག་ཕྱག་ན་སྣོད་ཐོགས་ཤིང་། །སྣང་བ་དཔལ་མགོན་ཐུགས་སུ་སྒྲོལ། །འཁོར་ལོའི་མངའ་བདག་ཕྱག་འཚལ་བསྟོད། །ཕྱག་ན་རྡོ་རྗེ་བེ་ཅོན་ཅན་གྱི་རྒྱུད་ཕྱི་མ་ལས་རྟོག་པ་བསྡུས་པ་རྫོགས་སོ།། །།རྒྱུད་
[147b.3]ཀྱི་རྒྱལ་པོ་རྡོ་རྗེ་བེ་ཅོན་གོས་སྔོན་ཅན་གྱི་རྒྱུད། །གུ་ཡ་རཱུ་པའི་ཞལ་སྔ་ནས་ནི་ལེགས་བསྒྱུར་བས། །མཁའ་འགྲོའི་གླིང་ནས་དུམ་བུ་བརྒྱད་དུ་ལེགས་བྲིས་པ། །དེ་ཡི་བཤད་རྒྱུད་འབུམ་ཕྲག་ཕྱེད་དང་སུམ་སྟོང་ལས་ནི་ཕྱུང་བ་ཡིན། །རྟོག་པ་དྲུག་པའི་རྒྱུད་རྫོགས་སོ།། །།
[147b.4]{T2204}༄༅༅། །རྒྱ་གར་སྐད་དུ། ཏཏྟྭ་པྲ་དཱི་པཾ་ནཱ་མ་བཛྲ་པཱ་ཎི་སརྦ་པཱུརྞཱ་ལཾ་ཀཱ་ར། བོད་སྐད་དུ། དེ་ཁོ་ན་ཉོད་སྒྲོན་མ་ཞེས་བྱ་བ། །ཕྱག་ན་རྡོ་རྗེའི་སྒྲུབ་ཐབས་ཐམས་ཅད་རྫོགས་པའི་རྒྱན། དཔལ་ལྡན་གོས་སྔོན་ཅན་ལ་ཕྱག་འཚལ་ལོ། །སྡུག་བསྔལ་མ་ལུས་སེལ་མཛད་ཅིང་། །
[147b.5]འདོད་པ་ཐམས་ཅད་འགྲུབ་མཛད་པའི། །ཟླ་བ་ལྟ་བུ་ར་མཐུ་མངའ་བ། །བདེ་བའི་དངོས་པོ་འབྱུང་མཛད་པའི། །ཡིད་བཞིན་ནོར་བུ་མཐུ་མངའ་བ། རྡོ་རྗེ་ཆན་ལ་རབ་བཏུད་ངེ་། །སྒྲུབ་པའི་ལམ་མཆོག་སྒྲོན་མ་འདི། །གསང་བའི་རྒྱུད་མན་དག་རིམ་པའི་དོན། །རྩོད་ལྡན་སྡུག་བསྔལ་ཞི་
[147b.6]མཛད་ཀླུ་སྒྲུབ་ཉིད་ཀྱིས་བཤད། །གང་ཞིག་གིས་ནི་ལེགས་པའི་གསུངས་ཚིག་དོན་སྐྱོན་ལྡན། །དེ་བྱས་ལམ་ནི་ཚིག་སྒྲོགས་ལམ་གསལ། །དེས་ན་གང་ཞིག་སྡུག་བསྔལ་སྤོང་འདོད་དེ་ལ་ཐབས་རྣམས་མེད་གྱུར་པ། །བདེ་བ་ཐོབ་པའི་ཐབས་ནི་དེ་ལ་འདིར་ནི་གསལ་བར་
[147b.7]བྱས། །འདི་ལས་བྱུང་བ་གཞན་ན་ཡོང་མེད་དེ། །གསང་བའི་ལམ་ལ་དགའ་བ་སྒྱེས། །དེས་ན་གསང་བ་འདི་བསྟན་འདི་ལ་གུས་པར་གྱིས། །དབང་དང་ལྟ་སྤྱོད་དམ་ཚིག་ལྡན། སྙིང་རྡེ་ཆེ་ཞིང་རིགས་རྣམས་བཟང་། །དུས་སུ་འདོམས་ཤིང་ཞིང་ཡང་དག །ཐོས་པ་ཆེ་ཞིང་
[148a]
[148a.1]ཀློང་དུ་གྱུར། །སྒང་བུ་དམའ་ཞིང་བརྩོན་འགྲུས་ལྡན། །འདི་ནི་རྡོ་རྗེ་འཆང་དུ་གསུངས། །སྙིང་རྗེ་ཆེ་བརྩོན་སྒང་བུ་དམའ་དམ་ཚིག་ལ་གནས་གསང་ལ་མོས། །ཡང་དང་ཡང་དུ་གོལ་བ་འདེབས། །དུས་རིང་འཁོར་བྱེད་བྱང་ཆུབ་སེམས། །རྣལ་འབྱོར་
[148a.2]སྣོད་ཅན་གང་ཞིག་གིས། །རི་བོ་ཟླུམ་མམ་ཆུ་བོའི་འགྲམ། །མངོན་སུམ་གྲགས་པས་མ་སྨད་ཅིང་། །ཡིད་འོད་ཡོན་ཏན་ལྡན་གནས་སུ། །ཡོ་བྱང་རྗེས་རྣམས་ཚོགས་པ་ཡིས། །སེམས་བསྐྱེད་པར་ནི་ཡང་དག་བྱ། །དང་པོར་སྲུང་བ་རབ་ཏུ་བྱ། །སྟོང་པ་ཉིད་ལས་ལྟར་གསལ་
[148a.3]ཏེ། བྱིན་བརླབས་གདུག་པ་ཅན་རྣམས་ལ། །གཞན་དུ་འགྲོ་བའི་བཀའ་ཡང་བསྒོ། །མི་འགྲོ་བ་ཡི་བགེགས་རྣམས་ལ། །རྡོ་རྗེ་འཁོར་ལོ་ཐོགས་ཀྱིས་གསང་། །དེ་རྗེས་ཐུགས་ཀའི་འོད་ཟེར་ལས། །སྣ་ཚོགས་རྡོ་རྗེ་ཁང་པ་དང་། །འཁོར་ལོ་མཚོན་ཆ་མེ་ལ་སོགས། །དེ་བཞིན་
[148a.4]ཁང་པ་མེ་དང་ཐོག །ཚ་ཚ་འཁྲུག་པའི་རྣམ་བར་བསམ། །དེ་བཞིན་ཁམས་གསུམ་རྒྱལ་སོགས། །ཁྲོ་བོ་དེ་སྤྲོས་འབྱུང་པོ་བཀུག། །རལ་གྲིས་བཏུབ་ཅིང་ཕུར་བུས་གདབ། །འབྱུང་པོ་བཏུལ་ནས་ཁང་པ་བསྒོམ། །ཡང་ན་རང་གི་གནས་དག་ཏུ། །བཅིང་གཏུབ་བྱས་ནས་བགེགས་
[148a.5]རྣམས་བཟློག །དེ་ནས་ཁྲོ་བོའི་ཁང་བ་བསྒོམ། །འདི་གསུངས་གང་གིས་ལས་རྣམས་འགྲུབ། །ཕྱི་ནི་བགེགས་རྣམས་གསོ་བར་བྱ། །དང་པོར་མཚམས་ཀྱི་མན་ངག་གོ། །དེ་ནས་ཚོགས་རྣམས་རྫོགས་བྱའི་ཕྱིར། །ཉི་ཟླའི་གཏན་བསམ་བླ་མ་དགུག །སེམས་བསྐྱེད་རྡོ་རྗེ་འཆང་
[148a.6]ཆེན་སྐུ། །བྱིན་བརླབས་མཆོག་ཏུ་བསྐྱེད་པ་ལ། །ཕྱག་འཚལ་བ་དང་མཆོད་བ་དང་། །རང་ལ་ངན་བརྗོད་སྡིག་པ་བཤགས། །སྡོམ་པ་བཟུང་དང་ལུས་ཀྱང་དབུལ། །དགེ་རྩ་བསྔོ་བྱས་སྨོན་ལམ་གདབ། ཕྱིས་ནི་བདེ་གཤེགས་མཆོད་པར་བྱ། །ཧཱུཾ་གི་འོད་ལས་སྣང་བ་ཀུན། །སྲིད་
[148a.7]པ་མ་ལུས་ལྷར་གསལ་ཏེ། །འོད་ཀྱིས་དཔལ་ལྡན་ཡེ་ཤེས་ཚོགས། །བསོད་ནམས་འདོད་ཕྱིར་སྤྱན་དྲང་བསྟིམ། །གདན་ལ་བཞུགས་པར་གསོལ་བ་གདབ། །ཕྱག་འཚལ་སྤོས་དང་མེ་ཏོག་དང་། མར་མེ་དྲི་ཆབ་ལ་སོགས་པ། །དངོས་དང་ཡིད་ཀྱིས་མཆོད་རྣམས། །ཅི་ནུས་
[148b]
[148b.1]པར་ནི་དབུལ་བར་བྱ། །དེ་འོག་སྡིག་པ་བཤགས་བ་དང་། །སྡོམ་པ་མ་ལུས་བཟུང་བ་ཡང་། །བླ་མེད་དཀོན་མཆོག་གསུམ་པོ་དང་། །འཕགས་པ་གོས་སྔོན་བྱང་ཆུབ་སེམས། །མ་ལུས་བདག་ལ་དགོངས་སུ་གསོལ། །ཇི་ལྟར་དུས་གསུམ་མགོན་པོ་ཡིས། །ཡང་དག་བྱང་
[148b.2]ཆུབ་ངེས་མཛད་པའི། །རྣམ་གསུམ་ཚུལ་ཁྲིམས་བསླབ་པ་དང་། དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །དེ་ང་ནས་བརྩམས་ཏེ་གཟུང་བར་བགྱི། །སེམས་བསྐྱེད་སྐྱབས་འགྲོ་མ་ལུས་ཀུན། །དེང་ནས་མཉམས་ཡོངས་སུ་གཟུང་། །རྡོ་
[148b.3]རྗེ་རིགས་མཆོག་ཆེན་པོ་ཡི། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞིན་རྟག་ཏུ་སྦྱིན། །བྱང་ཆུབ་
[148b.4]ཆེན་པོ་ལས་བྱུང་བའི། །པདྨའི་རིགས་མཆོག་དག་པ་ལ། །ཕྱི་ནང་གསན་བ་ཐེག་པ་གསུམ། །དམ་པའི་ཆོས་ནི་སོ་སོར་གཟུང་། །ལས་ཀྱི་རིགས་མཆོག་ཐམས་ཅས་ལ། །སྡོམ་པ་མ་ལུས་ལྡན་པ་ནི། །ཡང་དག་མ་ལུས་གཟུང་བར་བགྱི། །སེམས་ཅན་སྡུག་བསྔལ་ལས་
[148b.5]སྒྲོལ་བགྱི། །སྲིད་པའི་མཚོ་རུ་བྱིང་བ་ཡིས། །མ་བརྒལ་བ་ནི་བདག་གིས་བསྒྲལ། །མ་གྲོལ་བ་ནི་བདག་གིས་དགྲོལ། །དབུགས་མ་ཕྱུང་བ་དབུགས་དབྱུང་བགྱི། །སེམས་ཅན་མྱ་ངན་འདས་ལ་དགོད། །བདུད་རྩི་རྣམ་ལྔ་གཏོར་མ་དང་། དཀྱིལ་འཁོར་མེ་ཏོག་སྔོན་པོར་
[148b.6]བྱས། །ཉིན་རེ་བཞིན་དུ་ལན་དྲུག་ཏུ། །གོས་སྔོན་ཅན་ལ་དབུལ་བར་བགྱི། །རང་གི་ལྷག་པའི་ལྷ་རྣམས་ལ། སྐད་ཅིག་ཙམ་ཡང་འབྲལ་མི་བྱ། །ཆང་གིས་སྲིད་པ་བསྐྱེད་པ་བསྐྱེད་པའི་རྒྱུ། །ཆང་ནི་བདག་གིས་སྤང་བར་བགྱི། །ཤེས་རབ་སྟོང་པ་ཉིད་ལ་ཡང་། །རྣམ་པ་ཀུན་དུ་སྨད་མི་བགྱི། །
[148b.7]སེམས་ཅན་བདེ་བའི་ཡིད་མི་དཀྲུག །ཅེས་པ་དངོས་སམ་ཡིད་ཀྱི་བླངས། །ཡི་རང་བ་དང་བསྐུལ་བ་དང་། །གསོལ་གདབ་རང་གི་ལུས་དབུལ་ཞིང་། །བདག་ལ་སྤྲུལ་པའི་ཚོགས་རྣམས་ཀྱིས། །སེམས་ཅན་ཀུན་གྱི་དོན་བྱ་དང་། །ཕྱི་མའི་དུས་ཀྱི་སྨོན་ལམ་གདབ། །དགེ་བྱས་
[149a]
[149a.1]བྱང་ཆུབ་བསྔོ་བ་དང་། སེམས་ཅན་དོན་བྱས་བསམ་པ་བསྐྱེད། །སེམས་བསྐྱེད་ལམ་ནི་རབ་ཏུ་བསྒོམ། །ཆད་མེད་བཞི་པོ་ཡོངས་སུ་བསྒོམ། །སེམས་བསྐྱེད་རབ་ཏུ་བརྟན་བར་འགྱུར། །ཡེ་ཤེས་ཆོགས་ཀྱི་མན་ངག་ཀྱང་། །དང་པོར་རང་བཞིན་མེད་
[149a.2]པ་ལ། །གཅིག་དང་དུ་མར་མ་གྲུབ་པས། དེ་ལ་མོས་པར་བྱེད་པ་དང་། །ཧཱུཾ་གི་འོད་ཀྱིས་ཞུ་འགྱུར་ཏེ། །ཕྱེ་ནང་རང་བཞིན་མེད་བ་སྟེ། །ཡུལ་ནི་གང་ལ་འང་མི་བཅའ་སྟེ། །རྟེན་ཡང་གང་ལའང་གཏང་པ་མེད། །དེ་ཡི་དང་ལ་གནས་པ་ལས། །མཆོག་གི་རྒྱུ་རུ་ངེས་པར་གསུངས།
[149a.3]དེ་ལ་གང་གི་བྱང་ཆུབ་སེམས། །ཡཾ་རཾ་བཾ་ལཾ་ལས་ཀྱང་ཀྱང་། །སུཾ་དང་བྷཱུཾ་ལས་བྱུང་བ་ཡི། །རླུང་མེ་ཆུ་ཡིད་ཀྱིལ་འཁོར་དང་། ས་གཞི་རའི་བ་སྟེང་དག་ཏུ། །གཞལ་ཡས་ཁང་པ་བསྐྱེད་པ་ཡང་། །གྲུབ་ཞི་པ་ལ་སྒོ་བཞི་པ། །འོག་ཏུ་པདྨ་བཞི་ཡིས་བརྒྱན། །ནང་གི་གྲུ་ཆད་བར་ཁྱམས་
[149a.4]དང་། །དྲ་བ་དྲ་ཕྱེད་ཕ་གུ་དང་། །དྲིལ་བུ་དར་དཔྱངས་ལ་སོགས་དང་། །ཕྱི་དང་ནང་གི་རྒྱན་མཛེས་ཤིང་། །དུར་ཁྲོད་བརྒྱད་དང་ཡང་དག་ལྡན། །དབུས་སུ་སེང་གེ་པདྨ་དང་། །ཉི་ཟླ་གདན་ལ་སོགས་པས་བརྒྱན། །དེ་ལས་ཧཱུཾ་བྱུང་རྡོ་རྗེ་འབར། །དེ་ལས་དཔལ་ལྡན་གོས་སྔོན་སྐུ། །
[149a.5]ཞལ་གཅིག་ཕྱག་གཉིས་སྐུ་མདོག་མཐིང་། །སངས་རྒྱས་ལྔ་ཡིས་དབུ་བརྒྱན་ཅིང་། དབུ་ལ་སྦྲུལ་དང་རིན་ཆེན་མཛེས། །དབུ་སྐྲ་ཁམ་ན་ག་གྱེན་དུ་བསྐྱོད། །གནས་ལྔ་སྐུ་ལྔའི་མཚན་མ་ཅན། །སྤྱན་གསུམ་མེ་ཡི་མདོག་འདྲ་ཞིང་། །ཤངས་དབུགས་འཐོར་བྱེད་རླུང་ནག་འཚུབ། །
[149a.6]མཆེ་བ་གཙིགས་ཤིང་བརྗིད་པའི་པའི་ཞལ། །ལྗགས་ནི་གློག་བཞིན་མྱུར་འདྲིལ་བ། །ཞལ་ནས་སྤྲུལ་ནག་གསོལ་བའི་ཚུལ། །སྦྲུལ་ནག་སེར་ལ་ཁ་ཏུ་བྱས། །སྦྲུལ་བཞིས་རྐང་ལག་སྐ་རགས་བྱས། །གསུས་པ་ཆེ་ཞིང་མཁྲང་བདག་ཅན། །གྱོན་བརྐྱང་གཡས་བསྐུམ་
[149a.7]འབྱུང་པོ་འདུལ། །སྐུ་སྟོད་གོས་སྔོན་ན་བཟའ་གསོལ། །སྐུ་སྨང་སྟག་གི་ཤམ་ཐབས་ཅན། །རྡོ་རྗེ་ཁྲོས་མ་སྐུ་ལ་འཁྲིལ། །སྐུ་མདོག་ལྗང་དམར་ཆགས་པ་སལ། །གཡོན་གྱི་གཉིས་མེད་འཁྲིལ་ནས་ནི། །ཕྱོགས་བཅུའི་སངས་རྒྱས་སྤྱན་དྲངས་ཏེ། བགེགས་བསྐྲད་
[149b]
[149b.1]བསྟོད་མཉེས་བྱས་ནས་ནི། །ཨེ་མ་དཔལ་ལྡན་གོས་སྔོན་ཅན། །གསང་འཛིན་རིགས་ཀྱི་བདག་པོ་ཡིས། །ཐུགས་རྗེ་ཆེན་པོའི་རང་བཞིན་གྱིས། །བདག་ཉིད་བདེ་གཤེགས་སྐུར་བྱིན་བརླབས། །ཞེས་བྱ་གསོལ་བ་གདབ་བོ། །གནས་གསུམ་བྱིན་གྱིས་བརླབས་བ་ཡང་།
[149b.2]སྐུ་གསུང་ཐུགས་ཀྱི་ཡི་གེ་ཡིས། །མི་སྡུག་འོད་དང་ཡི་གེའི་གཟུགས། །ལུས་དག་ཡིད་ཀྱི་སྒྲིབ་པ་རྣམས། །བསྡུས་ཏེ་བསྲེགས་ཤིང་སྦྱངས་པ་ལས། །སྐུ་གསུང་ཐུགས་ཀྱི་ལྟ་ཏུ་གསལ། །སྔོན་ནས་གནས་པའི་སངས་རྒྱས་དང་། །ཕྱོགས་བཅུའི་སངས་རྒྱས་བསྟིམ་བས་
[149b.3]བྱ། །བླ་མ་དུས་གསུམ་སངས་རྒྱས་ལ། །བུམ་པ་ལ་སོགས་དབང་རྣམས་བླང་། །དོན་དམ་བདེ་བ་ཆེན་པོ་དང་། །གྲུབ་པ་ཕྱོགས་བྲལ་ཚུལ་དུ་གནས། །དེ་ལ་ཕྱོགས་བཅུའི་སངས་རྒྱས་ཀྱིས། །ཨ་ལ་ལ་ལ་ལ་ཧོ། །ཨ་ལ་ལ་ལ་ཤུ་ཀྲ་སུ་ཁ་ཧོ། །བདེ་བ་ཆེན་པོ་མཆོག་ནི་ཉམས་
[149b.4]དགའ་ན། །བཅོམ་ལྡན་གསང་མཆོག་ཐུགས་རྗེའི་བདག་ཉིད་ཀྱིས། །མ་རིག་སྲིད་པའི་མཚོ་ལས་བརྒལ་བའི་ཕྱིར། །ཁྲོ་བོའི་སྐུར་སྟོན་སྤྲུལ་སྐུ་དགོད་དུ་གསོལ། །ཞེས་བསྐུལ་ལོ། །དོན་དམ་བདེ་བའི་སྐུ་བཞེངས་ཏེ། །ཆགས་དང་གྲོལ་བའི་ཚུལ་དུ་གཉིས། །ཆགས་པའི་སྦྱོར་བའི་ཚུལ་སྟོན་པ། །རང་
[149b.5]གི་ཧཱུཾ་ལས་ཕྱེད་བད་དང་། ཟླ་བ་ཉི་མའི་སྟེང་དུ་འཕྲོས། །ཆོ་ག་གསུམ་ལས་དོན་བྱེད་གྲུབ། །ཨེ་ཝཾ་བྱིན་བརླབས་བདེ་བ་ཡིས། །ལྷ་མོས་གསོལ་འདེབས་ཆོ་ག་ཡོས། །དགའ་ཞིང་སྤྱོད་པས་བྷ་ག་རུ། །ཡེ་ཤེ་ཐིག་ལེ་དཀར་དམར་འདྲེས། །སྤྱོད་པ་བྱས་པས་ལྟ་ཡི་སྐུ། །སུམ་ཅུའམ་
[149b.6]ནི་ཉི་ཤུ་ལྔ། །ཆགས་པའི་ཚུལ་དུ་བསྐྱེད་པར་བྱ། །དེ་ལ་གཅོ་བོའི་སྔགས་ཀྱིས་གདོན། །ཨོཾ་བཛྲ་ཀྲོ་དྷ་ནཱི་ལཱ་མྦ་ར་དྷ་ར་ཧཱུཾ། ཨོཾ་སརྦ་ཏ་ཐཱ་ག་ཏ་ཙཀྲ་ནཱི་ལཱམྦ་ར་དྷ་ར་ཧཱུཾ། ཨོཾ་རཏྣ་ཀྲོ་དྷ་ནཱི་ལཱ་མྦ་ར་དྷ་ར་ཧཱུཾ། ཨོཾ་པདྨ་ཀྲོ་དྷ་ནཱི་ལཱ་མྦ་ར་དྷ་ར་ཧཱུཾ། ཨོཾ་ཀརྨ་ཀྲོ་དྷ་ནཱི་ལཱ་མྦ་ར་དྷ་ར་ཧཱུཾ། ཨོཾ་སརྦ་ཏ་ཐཱ་ག་
[149b.7]ཏ་ཀྲོ་དྷ་ཤྭ་རི་ནཱི་ལཱ་མྦ་ར་དྷ་ཧཱུཾ། ཨོཾ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུཾ། ཨོཾ་མ་ཧཱ་ཀཱ་ལཱ་སནྟི་ཧཱུཾ། ཨོཾ་བི་རཱུ་ཌྷ་ཀ་ཡེ་ཧཱུཾ། ཨོཾ་བཻ་རཱུ་པཀྵ་ཡེ་ཧཱུཾ། ཨོཾ་བཛྲ་ལཱ་སྱེ་ཧཱུཾ། ཨོཾ་བཛྲ་མཱ་ལེ་ཏྲཱཾ། ཨོཾ་བཛྲ་གཱི་ཏི་ཧྲཱིཿ། ཨོཾ་བཛྲ་ནྲྀ་ཏྱ་ཨཿ། ཨོཾ་བཛྲ་དྷཱུ་པེ་ཧཱུཾ། ཨོཾ་བཛྲ་པུ་ཥྤེ་ཏྲཱཾ། ཨོཾ་བཛྲ་ཨཱ་ལོ་ཀེ་ཧྲཱིཿ། ཨོཾ་བཛྲ་གནྡྷེ་ཨཱཿ། ཨོཾ་
[150a]
[150a.1]བཛྲ་ཨཾ་ཀུ་ཤ་ཛཿ། ཨོཾ་བཛྲ་པཱ་ཤ་ཧཱུཾ། ཨོཾ་བཛྲ་སྤོ་ཊ་བཾ། ཨོཾ་བཛྲ་གྷཎྚེ་ཧོཿཞེས་པས་ལྷ་རྣམས་ལས་ལ་གཞག །སོ་སོར་སྤྲོ་ཞིང་གདུག་པ་སེལ། །གཙོ་བོ་དབུས་ཀྱི་ངོ་བོ་ལ། །གཞན་རྣམས་རང་གི་གོ་རུ་གནས། །ཤར་དུ་སངས་རྒྱས་གོས་སྔོན་ཅན། །ཞལ་དང་
[150a.2]སྐུ་མདོག་དཀར་བོ་ལ། །ཕྱག་ན་འཁོར་ལོ་དྲིལ་བུ་བསྣམས། །བདེ་བྱེད་གསང་བ་ཡིས་ནི་འཁྲིལ། །སྦྲུལ་དཀར་པོས་ནི་རྣམ་པར་བརྒྱན། །ལྷོ་རུ་རིན་ཆེན་གོས་སྔོན་ཅན། །ཞལ་དང་སྐུ་མདོག་སེར་ལ་འཕྲོ། །ཞིབ་མོ་དང་གཉིས་མེད་འཁྲིལ། །རིན་ཆེན་དྲིལ་བུ་ཕྱག་ན་བསྣམས། །
[150a.3]སྦྲུལ་ལ་སེར་པོས་ནི་ཡོངས་སུ་བརྒྱན། །ནུབ་ཏུ་གོས་སྔོན་སྣང་མཐའ་ཡས། །ཞལ་དང་སྐུ་མདོག་དམར་ལ་འཁྲུག། །ཆུ་སྐྱེས་རྟོག་བྲལ་འཁྲིལ་བ་ལས། །པདྨ་དྲིལ་བུ་ལག་ན་བསྣམས། །བྱང་དུ་ལས་ཀྱི་གོས་སྔོན་ཅན། ཞལ་དང་སྐུ་མདོག་ལྗང་གུལ།། སྟོང་ཉིད་རྡོ་རྗེ་འཁྲིལ་བའི་ཚུལ། །
[150a.4]རལ་གྲི་དང་ནི་དྲིལ་བུ་བསྣམས། །དམངས་རིགས་སྦྲུལ་གྱིས་རྣམ་པར་བརྒྱན། །ཆ་གཉིས་འཛིན་ཚུལ་བདེ་གཤེགས་སྤྱན། །དབུ་ལ་སངས་རྒྱས་བཞི་ཡིས་བརྒྱན། །ཀུན་ཀྱང་གཙོ་བོའི་ཤམ་ཐབས་ལ། །དར་དང་རིན་ཆེན་ཆས་ཀྱིས་བརྒྱན། །ནང་གི་གྲྭ་ལ་བསྐྱེད་པ་ནི། །དཀར་མོ་
[150a.5]སྒེག་དང་རིན་ཆེན་སེར། །པི་ཝང་མ་ནི་དམར་མོ་སྟེ། ནྲྀ་ཏྱ་ལྗང་གུ་གར་གྱི་ཚུལ། །མེ་ལོང་ལ་སོགས་ཕྱག་མཚན་འཛིན། །སྔགས་ཀྱི་བདག་པོ་གཞན་རྣམས་ཀྱང་། སོ་སོར་གནས་སུ་བསྐྱེད་པས་ནི། །ཁམས་གསུམ་རྒྱལ་དང་མགོན་པོ་གནག །ལུས་ངན་པོ་དང་
[150a.6]རྣམ་ཐོས་སྲས། །གཡས་ཀྱི་ཕྱག་ན་བསྣམས་པ་ནི། །དབྱུག་ཏོ་དྲི་དང་རིན་ཆེན་དང་། །མཆོད་རྟེན་ངེས་པར་གཟུང་བ་ལ། གཡོན་ནི་གཙོ་རྟགས་ཕྱག་རྒྱ་འཛིན། །ཤར་ལྷོ་ལ་སོགས་མཚམས་སུ་ཡང་། སྤོས་དང་མེ་ཏོག་མར་མེ་དྲི། །དར་གྱི་ཆས་ཀྱིས་ཡོངས་
[150a.7]སུ་གནས། །སྤོས་དང་སོགས་པ་ངེས་པར་གནས། སྒོ་བཞི་སྒོ་སྲུང་བཞི་བོ་ཡང་། །རང་གི་རིགས་ཀྱི་ཏུལ་དུ་འཛིན། །དེ་རུ་དཀྱིལ་འཁོར་གསལ་གྱུར་ནས། །འོད་ཀྱིས་ཕྱོགས་བཅུའི་སངས་རྒྱས་རྣམས། །སྤྱན་དྲངས་བགེགས་བསྐྲད་མཆོག་མཉེས་ནས། །གནས་གསུམ་
[150b]
[150b.1]བྱིན་གྱིས་བརླབས་པའམ། །ཡང་ན་གསུམ་འདུས་སྦྱོར་བའམ། །གོང་གིས་གསོལ་བ་བཏབ་བ་ཡིས། །བསྟིམ་ཞིང་ལྟ་མོས་དབང་བསྐུར་ནས། དབུལ་བཙོ་བོ་རིགས་ཀྱིས་བརྒྱན། །རགས་དང་ཕྲ་བའི་རྣམ་པ་ཡིས། །དམིགས་དང་གསལ་བར་གྱུར་ནས་ནི། །དབང་
[150b.2]བསྐུར་རབ་གནས་གཏོར་མ་སོགས། །རྣལ་འབྱོར་ཡོངས་སུ་རྣལ་འབྱོར་གྱིས། །བསྒྲུབ་པ་བྱ་བར་ཡོངས་སུ་གསུངས། །ཞེས་པ་དེ་ནི་རིགས་ཀྱི་བུའམ་རིགས་ཀྱི་བུ་མོས་སྦྱོར་བ་རྒྱས་པ་བསྟན་བའི་དམ་ཚིག་ཆེན་པོའོ། །རྒྱས་ལ་དང་པར་མ་གྱུར་པའི། །སྦྱོར་བ་བསྡུས་པར་
[150b.3]གསུངས་པ་ཡང་། །སེམས་སྦྱངས་ལུས་དག་ཡིད་ཀྱི་ལས། བགེགས་བསལ་བསྲུང་བའི་ཁང་པ་དབུབ། །ནང་དུ་བླ་བ་སངས་རྒྱས་ལ། །ཕྱག་འཚལ་མཆོད་དང་བཤེགས་བྱས་ནས། །ཡི་རང་བསྐུལ་གསོལ་དགེ་རྩ་བསྔོ། །ཡང་དག་བྱང་ཆུབ་ཡིད་ལ་བཞག །འབྱུང་བ་
[150b.4]གཞལ་ཡས་རིམ་གྱིས་བསྐྱེད། །གང་ན་གསུམ་ཆོ་ག་གསུམ་ལས་ནི། །གཙོ་བོ་སྐུ་སོགས་འཁོར་བཞི་ཡང་། །རང་རང་ཡུམ་དང་བཅས་པ་བསྐྱེད། །ཁྲོ་བོ་ལྷ་མོ་ལ་སོས་ཀུན། །བཞིན་བཞིར་གཙོ་བོ་ལ་བསྐོར་བ། །རང་རང་རིགས་ཀྱི་དངོས་གྲུབ་སྟེར། །བཅུ་ལས་མང་བའི་
[150b.5]ལྷ་རྣམས་ཀུན། །བསྡུས་པའི་སྐབས་སུ་སྤང་བ་ཡིན། །ཡེ་ཤེས་འཁོར་ལོ་སྤྱན་དྲངས་ནས། མཆོད་ཅིང་སྟིམ་ནས་དབང་བསྐུར་ནས། །དམིགས་དང་བསལ་བར་རབ་ཏུ་བྱ། །དེ་ལ་དེ་ཡི་ཆོ་ག་བྱ། །ཞེས་པ་ནི། །སྦྱོར་བ་བསྡུས་བའི་མན་དང་གོ། །གཞན་ཡང་སྦྱོར་བ་ཤིན་ཏུ་
[150b.6]བསྡུས། །མན་དག་ཉམས་མྱོང་བསྟན་པར་བྱ། །དང་པོར་གཞན་གྱི་དོན་བྱ་དང་། རང་ཉིད་བླ་མེད་འབྲས་ཐོབ་དང་། །འཁོར་འདམ་འདོན་པའི་བསམ་པ་བསྐྱེད། །སྟོང་པའི་དང་ལས་ཅིག་ཅེར་གྱིས། །བསྲུང་དང་གཞལ་ཡས་གཙོ་བོར་བཅས། །ཅིག་ཅར་བསྐྱེད་དེ་གསལ་བ་
[150b.7]དང་། །ཡེ་ཤེས་འཁོར་ལོ་མྱུར་དུ་གཞུག །ཡང་ན་སྲུང་བ་ལ་སོགས་པ། །རིམ་གྱིས་སྐྱེས་དེ་ལྟར་བསྐྱེད་ལ། །ཡེ་ཤེས་བསྟིམ་དང་དབང་བསྡུས་བླང་། །གཉིས་མེད་འགྱུར་ནས་སེམས་གཟུང་བྱ། །དེ་ལ་སྔགས་དང་གཏོར་མ་དང་། །ཚོགས་དང་སཱ་ཙྪ་ལ་སོགས་པ། །དེས་
[151a]
[151a.1]ན་དེ་ཡི་སྦྱོར་བ་བྱ། །སྦྱོར་བ་རྒྱས་བསྡུས་གསུམ་པོ་འདི། །གང་བ་ག་དབང་དུ་རྒྱལ་བས་གསུངས། །དེ་ལ་ཞི་གནས་སེམས་གཟུང་བ། །དང་པོ་བླ་མ་མཆོད་སོགས་བསྟན། །དེ་ནས་འབྱུང་བ་རིམ་བརྩེགས་དང་། །ཡིག་འབྲུ་ཕྱག་མཚན་སྐུ་སོགས་བསྟན། །
[151a.2]གཙོ་བོ་གསོལ་བར་གྱུར་ནས་ནི། །དབང་པོ་རབ་འབྲིང་བྱེ་བྲག་གིས། །དུས་གཅིག་པའམ་རིམ་གྱིས་བསྟན། །བསྟིམ་དང་དབང་བསྐུར་བྱིན་བརླབས་ཀྱིས། །ཤིན་ཏུ་གསལ་བར་བསྟན་པ་ཡིན། །ཡང་ན་དུས་ཀྱི་བྱེ་བྲག་གིས། །བླ་མ་མཆོད་པ་ལ་སོགས་ལ། །རྗེས་དྲན་གསལ་
[151a.3]དང་སྐད་ཅིག་མས། །གསལ་དང་སྐད་ཅིག་བཅུ་དང་བརྒྱས། །སྟོང་དང་ཐུན་ཕྱེད་ཐུན་གཅིག་པ། །ཐུན་མཚམས་མེད་པར་བསྒོམ་པར་བྱ། །དེ་ལ་ནན་ཏན་ཆར་བསྐྱེད་པས། །བྱིང་དང་རྒོད་པར་གྱུར་པ་ན། །རྟོག་པ་སྤང་ཞིང་ཉོན་མོངས་དགྲ། །རྒྱུ་འབྲས་བཅས་པར་རབ་
[151a.4]སྤངས་ནས། །དུལ་ནས་སེམས་གཟུང་མན་དག་ཀྱང་། །དབང་པོ་གང་དང་གང་གིས་རྩ། །སྐྱེ་མཆེད་འཕྲོས་པར་གྱུར་པ་ན། །བ་ཐག་རང་གི་བྱང་ཆུབ་སེམས། །ཐིག་ལེ་དེ་ལ་བློ་གཏད་པས། །བདག་རང་བཞིན་སྟོང་བ་ཉིད། །སྣང་བ་མ་ལུས་རབ་ཞི་བས། །དེ་ནས་བྱིང་བར་གྱུར་
[151a.5]པ་ན། །གཟུགས་ཁམས་གནས་སུ་སྤྲོ་བ་དང་། །ཁམས་གསུམ་མ་ལུས་གསལ་བ་དང་། །སེམས་ནི་ཕྱི་དང་ནང་དུ་གཞུག །འོག་ཏུ་བསྟིམ་དང་སྟེང་དུ་སྤྲོ། །ཡང་ན་ཤེས་པ་གློད་ལ་བསྒོམ། །ཡང་ན་གཙོ་བོ་འཁོར་རྣམས་ལ། །གང་དང་གང་ནི་གསལ་འགྱུར་བ། །དེ་ལ་དམིགས་ལ་
[151a.6]བསྒོམ་པར་བྱ། །ཕྱག་མཚན་གསལ་ན་ཕྱག་ལ་དམིགས། །སྐུ་མདོག་ཕྱག་མཚན་ལ་སོགས་པ། །མ་གསལ་བར་དུ་བསྐྱེད་ལ་བསྒོམ། །གཙོ་འཁོར་གཞལ་ཡས་མ་ལུས་པ། །ཐམས་ཅད་དམིགས་ཤིང་གསལ་བར་བསྒོམ། །ཐམས་ཅད་གསལ་བར་མ་གྱུར་ན། །སྡིག་
[151a.7]པ་ཤིན་ཏུ་ཆེ་བ་ཡིས། །སྡིག་པ་ཞི་དང་བསོད་ནམས་སྤེལ། །སྦྱིན་སྲེག་ཚོགས་དང་གཏོར་མ་དང་། །སཱ་ཙྪ་མཎྜལ་སོགས་བ། །སྡིག་པ་བཤགས་ཤིང་བསྒོམ་པར་བྱ། །རེས་གསལ་རེས་མི་གསལ་བྱུང་ན། །བར་དུ་གཅོད་པའི་གེགས་ཡིན་པས། །ལྷ་ལ་མཆོད་
[151b]
[151b.1]ཅིང་གསོལ་བ་གདབ། །དེས་ཀྱང་གསལ་བར་འགྱུར་བ་ཡིན། །དེས་ཀྱང་གསལ་བར་མ་གྱུར་ན། །དྲག་པོའི་སྦྱིན་སྲེག་ཚོགས་འཁོར་དང་། །གཏོར་མས་བཟློག་ཅིང་དྲག་སྔགས་དང་། །མནན་ཅིང་གཟིར་བའི་ལས་སུ་གསུངས། །སྲུང་བ་བྱས་ཤིང་སྐྱབས་འགྲོ་བྱ། །ཕྱག་ནི་
[151b.2]གསལ་ན་ཕྱག་ལ་དམིགས། །ཕྱག་ནི་གསལ་བར་མ་གྱུར་ན། །ཕྱག་མཚན་འོད་ཀྱིས་གསལ་བར་བྱ། །སྤྱན་ནི་གསལ་ན་དེ་བཞིན་ནོ། །སྤྱན་ནི་གསལ་བར་མ་གྱུར་ན། །ཁྲག་གི་ཞམ་བུས་སྤྱན་རྣམས་གསལ། །བཀྲག་དང་རི་མོ་ལྡན་པར་གསལ། །ཞལ་མདོག་གསལ་
[151b.3]བར་མ་གྱུར་ན། །སྟོང་གསུམ་འོད་ཀྱིས་གང་བ་ལ། །ཞལ་ལ་བསྡུས་ཏེ་བསྒོམ་པར་བྱ། །དེ་བཞིན་ཐམས་ཅད་རགས་གསལ་ན། །ཕྲ་མོ་མི་གསལ་གྱུར་ཀྱང་བླ། །གང་དུ་གང་གིས་མ་གསལ་ན། །ཟས་དང་སྒོམ་དང་གནས་དག་ལ། །འདུ་བ་བཅོམ་པས་གསལ་བར་འགྱུར། །ཞི་
[151b.4]གནས་ཏིང་འཛིན་གསལ་བ་ཡིས། །མངོན་ཤེས་ཐུན་མོང་དངོས་གྲུབ་ཀུན། །མ་ལུས་དག་ལ་འབྱུང་བར་འགྱུར། །དེ་ཕྱིར་ཏིང་འཛིན་ནུས་པ་ཡང་། །བྱང་ཆུབ་ཐོབ་པར་འདི་ཡིས་བྱེད། །བླ་མ་སངས་རྒྱས་གསུངས་པ་ཡིས། །དེ་ནི་སེམས་གཟུང་མན་ངག་གོ། །ཕྱག་རྒྱ་ལྷ་
[151b.5]ཡི་དཀྱིལ་འཁོར་ལ། །བརྟེན་དང་བོགས་དབྱུང་རབ་ཏུ་གསུངས། །དཀར་པོ་སེར་པོ་ལྗང་ལ་སོགས། །རེ་རེ་གསུམ་དང་ལྔ་འདུས་པ། །གསལ་ཞིང་གསལ་བར་གྱུར་པ་དང་། །དེ་ལ་རི་རབ་ཏིལ་འབྲུ་བར། །དབྱིབས་ལ་བོགས་དབྱུང་ཁ་དོག་བཞིན། །སྟོང་གསུམ་གང་དང་
[151b.6]གཅིག་ཏུ་འདུས། །སྐུ་ལ་བོགས་དབྱུང་རབ་ཏུ་གསུངས། །དེ་ལྟར་སྐུ་ལ་བོགས་ཕྱིན་པས། །གསུང་ལྡན་ཐུགས་ལ་བསླབ་བྱ་སྟེ། །ཁ་དོག་དབྱིབས་དང་གྲངས་དེ་བཞིན། །དེ་ལྟར་སྦྱོར་བ་བསྟན་པ་ཡང་། །གང་ཟག་རིགས་ནི་རྣམ་གཉིས་ཏེ། །མཆོག་དང་དམན་དང་གང་ཟག་
[151b.7]གོ། །ཇི་ལྟར་རྐྱེན་དབང་གྱུར་པ་ལ། །ཀུན་བརྟགས་བློས་བདག་རྐྱེན་བྱས་པ། །མི་འགྱུར་རང་བཞིན་འགྱུར་བའོ། །ཟས་དང་སྐོམ་ལ་སོགས་པ་ལས། །ཇི་ལྟར་བསམ་གཏན་འཕེལ་བྱེད་པ། །འདི་ནི་ཟས་ལ་སོགས་པ་ཡིས། །འདུ་བ་ལ་བརྟེན་བོག་ས་དབྱུང་འགྱུར། །དེ་ལྟར་
[152a]
[152a.1]བསྒོམས་པའི་མན་དག་གིས། །བསྒོམ་པ་འཕེལ་བར་འགྱུར་བ་ཡིན། །དེ་ལྟར་བསྒོམ་པའི་སྐུ་ཡིས་སུ། །ལས་རྣམས་མ་ལུས་གྲུབ་པར་བྱེད། །ཁམས་གསུམ་མ་ལུས་ཤེས་པ་དང་། །དལ་འབྱོར་མི་ལུས་ཐོབ་བྱེད་པ། །ལྷ་ཡི་སྐུ་ལས་འབྱུང་ཞེས་
[152a.2]གསུངས། །ཕྱི་ནང་དག་པར་བྱེད་པ་ཡི། །ལྷ་བསྒོམས་སེམས་ལ་ཁྱད་པར་ཡང་། །རིན་པོ་ཆེ་ཡི་གང་ཟག་གིས། །དང་པོ་དབང་རྣམས་ཐོབ་བྱ་ཞིང་། །དམ་ཚིག་མ་ཉམས་བཤགས་ལ་བརྩོན། །ཞི་གནས་སེམས་བ་ཁྱད་པར་ཅན། །སྲིད་པ་གསུམ་གྱི་གནས་སྐབས་སུ། །
[152a.3]བག་ཆགས་ངན་པ་འཇུག་མི་འགྱུར། །ཕྱི་དང་ནང་ཀུན་ལྷ་དང་རྟེན། །ཁྱད་པར་ཅན་གྱི་བག་ཆགས་ཀྱིས། །ཀུན་འབྱུང་རྒྱུ་ཡི་བདེན་པ་སྤངས། །དེ་མ་བྱུང་བའི་དེ་ཡང་མེད། །དེས་ན་ཞི་ནས་གཅེས་པར་གསུངས། །ཚུལ་ཁྲིམས་ཉོན་མོངས་སྤོང་བ་ཡང་། །སྤྱད་བྱ་སྤོང་བྱེད་ཚུལ་
[152a.4]དུ་འཇུག །རྟོགས་པས་རྟོག་པ་སེལ་བ་ཡང་། །ཐབས་མེད་པས་སུ་སེལ་མི་འགྱུར། །རྟོགས་པ་སྤང་ཞིང་རྟོག་པ་ལེན། །རྟོགས་པས་རྟོག་པ་གཅིག་ཉིད་པས། །དལ་འབྱོར་མྱུར་དུ་ཐོབ་པ་དཀའ། །གཏན་མི་ཐོབ་པ་མ་ཡིན་ཏེ། །དལ་འབྱོར་ལམ་ལ་འཇུག་པར་བྱེད། །ངེས་ན་སྔགས་མཐུ་ཡོན་ཏན་ཡང་། །
[152a.5]གཞལ་ཡས་ཁང་དང་ལྷ་དུ་སྣང་། །མི་དགེ་སྡུག་བསྔལ་ས་བོན་བྲལ། །དེ་ལ་སོགས་པའི་ས་བོན་མེད། །དལ་འབྱོར་མྱུར་དུ་འབྱིན་པ་ཡང་། །སེམས་དཔའ་ལྷ་ཡི་ངོ་བོ་ཡིས། །ལོག་པའི་རྒྱུ་བྲལ་འབྲས་བུ་མྱོང་། །དེ་ནས་ངན་སོང་འགྲོ་མི་འགྱུར། །དེ་ནས་ལྷ་དང་སྔགས་རྣམས་ཀྱིས།
[152a.6]ཀུན་འབྱུང་རྩ་ནས་སྤོང་བར་བྱེད། །ཞི་གནས་རྣམ་པར་དག་འདོད་པས། །རྩ་བའི་སྔགས་ལ་རབ་བརྩོན་བྱ། །ལྷ་དང་ཞི་གནས་འབྲེལ་བ་ཡིས། །བརྩོན་འགྲུས་གོ་ནི་རྣམ་པར་བོག། །བརྩོན་འགྲུས་ཕ་རོལ་འགྲོ་བར་བྱེད། །དཔེར་ན་གྲུ་གཟིངས་བསྐྱོད་པ་ཡིས། །རྒྱ་མཚོའི་ཕ་རོལ་
[152a.7]འགྲོ་བར་བྱེད། །གྲུ་གཟིངས་སྐྱ་བ་བྲལ་བ་ཡིས། །ཕ་རོལ་འགྲོ་བ་བསྐྱོད་མི་ནུས། །དེ་བཞིན་འདིར་ཡང་ཞི་གནས་དང་། །སྐྱེ་བ་བརྩོན་འགྲུས་བྲལ་བ་ཡིས། །སྲིད་པའི་མཚོ་ལས་རྒལ་མི་ནུས། །རྣམ་རྟོག་ལས་སྐྱེས་སྲིད་པ་འདི། །སྲིད་པའི་མཐོ་མངའ་རང་བཞིན་ཏེ། །ཞི་དང་མཚོན་
[152b]
[152b.1]ཆས་ལས་བྱུང་བའི། །བར་མཆོད་པར་བདེ་འགྲོ་ཡིས། །འབྲས་བུ་མྱུར་དུ་འབྱིན་པར་བྱེད། །ཤེས་རབ་སྟོབས་ལྡན་མྱུར་ཐོབ་ནས། །སྟོང་ཉིད་དོན་ལ་རེག་པར་བྱེད། །བསོད་ནམས་ལས་བྱུང་དགེ་བ་ཡང་། །དད་ལྡན་སྨོན་ལམ་བཏབ་པ་ཡིས། །སྨོན་ལམ་བཏབ་པ་ཡིས། །སྨོན་ལམ་དགེ་བའི་གཟིངས་ཐག་
[152b.2]གིས། །ཕ་མ་ཡུལ་དང་གྲོགས་དང་རྐྱེན། །དེ་རུ་མྱུར་དུ་སྐྱེ་བ་འབྱུང་། །དེ་རུ་སྔོམ་གསུམ་ལྡན་གྱུར་ནས། །ཤེས་རབ་གཉིས་ལས་བྱུང་བ་ཡིས། །བདེ་བ་མཆོག་ལ་རེག་པར་འགྱུར། །སྨོན་ལམ་ནུས་པ་འཕེལ་བར་བྱེད། །སྨོན་ལམ་ངན་འགྲོའི་སྡུག་བསྔལ་འདྲེན། །སྨོན་ལམ་
[152b.3]གྱིས་བྱས་དགེ་བ་ཡང་། །འབྲས་བུ་བཟང་པོ་འབྱིན་པར་བྱེད། །རང་བཞིན་འཕགས་དང་བླ་མ་དང་། །ཤིན་ཏུ་བླ་མ་དམ་པ་ཡིས། །དེས་བསྔོས་གང་འདོད་འབྲས་བུ་འབྱིན། །ཡང་ན་དེ་མིན་ཡུལ་དག་ཏུ། །སྡོམ་གསུམ་ལྡན་པས་འབྲས་བུ་འབྱིན། །དེ་ཡང་རྒྱུ་རྐྱེན་ལས་གཉིས་
[152b.4]འཛོམ། །མ་འཛོམ་པས་ནི་འབྱུང་མི་འགྱུར། །རྒྱུ་རྐྱེན་ནུས་པ་འཛོམ་པ་ཡིས། །གོང་གི་འབྲས་བུ་འབྲིང་སོགས་འགྱུར། །ཀུན་འབྱུང་ལས་བསྐྱེད་རྣམ་རྟོག་གིས། །ངན་སོང་གནས་སུ་འཁྲིད་པར་བྱེད། །དེ་ལྟར་ངེས་པར་གསུངས་པ་ན། །དགེ་བའི་རྟོག་པ་ཤིན་ཏུ་གཅེས། །དེ་
[152b.5]མེད་པར་ནི་དེ་མི་འབྱུང་། །དེས་ནི་ཐམས་ཅད་སྐྱེད་པར་བྱེད། །དེས་ན་འཁོར་བ་སྒྲོལ་བ་ཡིས། །སྲིད་པ་བདེ་བ་ཤིན་ཏུ་གཅེས། །དེ་བཞིན་གསང་སྔགས་ནུས་པ་ཡིས། །འཁོར་ལོ་བསྐོར་བའི་སྦྱོར་བ་བཞིན། །འབྲས་བུ་མཆོག་ལ་མྱུར་དུ་རེག །ཐེག་པ་འོག་མར་བརྟེན་པ་ཡིས། །བསྐལ་
[152b.6]པ་མང་པོར་སྡོད་མི་འགྱུར། །བསྐལ་པ་སྐྱེ་བ་གཅིག་གིས་འབྱིན། །འདི་ནི་གསང་སྔགས་ཐབས་ཀྱི་ལམ། ཞིག་ནས་ལྷག་པ་བསྒོམ་པ་ཡང་། །ཚོགས་དང་གཏོར་མ་དགེ་བའི་སྟོབས། །ནུས་དང་སྦྱར་བས་ཅི་ནུས་བྱ། །དབང་བསྐུར་མན་ངག་མྱུར་བར་སྤྱད། །དེ་ལ་སོགས་པའི་ལམ་རྣམས་
[152b.7]ཀྱིས། །འབྲས་བུ་མྱུར་དུ་འབྱིན་པར་འགྱུར། །ཞི་གནས་ལྷ་ཡི་སྐུར་བསྒོམ་པའི། །དམ་ཚིག་ཆེན་པོ་སྟོན་པ་སྟེ་ལེའུ་དང་པོའོ།། །།གང་ཚེ་སྒོམ་ལ་མི་གནས་པ། །ལས་ཀྱི་ཚོགས་ཀྱི་གཙོ་བོ་བསྟན། །དེ་ནས་ལས་ཚོགས་གསང་སྔགས་བྲི། །དོན་དམ་བརྡ་དང་དམིགས་དང་
[153a]
[153a.1]བརྗོད། །འདིས་སུ་སྲིད་མཚོ་སེམས་པར་བྱེད། །ཅེས་གསུངས་སོ། །དམིགས་དང་བརྗོད་པ་དང་པོར་བསྟན། །ཐུན་མོང་དང་ནི་ཁྱད་པར་རོ། །གཙོ་བོ་གཞལ་ཡས་འཁོར་བཅས་དམིགས། །སེམས་དཔའ་སུམ་བརྩེགས་ལ་སོགས་པའི། །ཕྲ་བའི་རྟོག་པ་
[153a.2]གསལ་བ་དང་། །ཡིད་ཀྱང་ཤིན་ཏུ་མ་ཡེངས་པར། །སྐྱེན་དང་བུལ་དང་ཡན་ལག་ཉམས། །སྒྲ་ཆེ་བ་དང་སྒྲ་ཆུང་བ། །གསང་སྔགས་ཚིག་ལ་སྒྲ་ཞུགས་དང་། །དམིགས་པ་མ་རྫོགས་འཇོམས་པ་དང་། །ཐེ་ཚོམ་ཟ་ཞིང་ཉེས་པ་བྱུང་། །སྒྲ་རྣམས་སྤངས་ལ་ཤིན་ཏུ་བཟླས། །ཤིན་ཏུ་
[153a.3]མོས་ཤིང་བརྩོན་འགྲུས་ཀྱིས། །དང་པོ་མཚན་མ་ཐོབ་བྱའི་ཕྱིར། །ཐིག་ལེ་སྔགས་དང་འོད་ཟེར་ལས། །འོད་ཟེར་དཀར་པོ་བག་ཆགས་དང་། །གདུག་རྩུབ་མ་ལུས་ཞི་བར་བྱེད། །སྙིང་ནང་བརྩོན་འདྲའི་བཟླས་པའོ། །འོད་ཟེར་དཀར་དམར་འཕྲོ་འདུ་ཡིས། །ཉེ་བསྙེན་མན་དག་རབ་ཏུ་
[153a.4]གསུངས། །གཙོ་དང་འཁོར་གྱི་བཟླས་པ་ཡང་། །མེས་སུ་བསྲེག་ཅིང་རྣམ་པར་སྦྱོང་། །ཚོགས་པ་གཙོ་འཁོར་བཅས་པ་ཡང་། །མེ་གཉིས་ཆགས་པས་ཉོན་མོངས་བསྲེག །རང་ཉིད་ཡེ་ཤེས་ལུས་སུ་སྣང་། །སྒྲུབ་པ་ཆེན་པོའི་ཚུལ་དུ་བླས། །མགལ་མེ་ཕྲེང་བས་ཀུན་ལ་ཁྱབ། །གྲངས་
[153a.5]ནི་རྣལ་འབྱོར་བྱེ་བྲག་གིས། །སུམ་འབུམ་དྲུག་དང་བཅུ་གཉིས་སོགས། །མཚན་མ་མཐོང་བ་མྱུར་དུ་འབྱུང་། །དེས་ཀྱང་མ་གྲུབ་པ་རྣམས་ལ། །བསྙེན་སྒྲུབ་མན་དག་ཚུལ་དུ་སོགས། །དེས་ནི་མཚན་མ་མཐོང་བ་གསུངས། །རྟགས་རྣམས་བྱུང་བར་མ་གྱུར་ན། །སྡིག་སྒྲིབ་ཤིན་ཏུ་ཆེ་བས་
[153a.6]ན། །རྒྱུད་སྦྱོང་བཟླས་པ་བར་འདིར་གསུངས། །ལུས་ངག་ཡིད་ཀྱི་རྣམ་སྨིན་ལས། །སྡིག་འགྱུར་དབྱུང་དང་བསྲེག་དང་བཀྲུ། །མི་སྡུག་ཡིག་འབྲུ་འོད་ཀྱི་གཟུགས། །ཧཱུཾ་དང་རཾ་དང་ཧཾ་རྣམས་ལ། །མིང་གི་ཡི་གེ་རབ་བསྐུལ་ཏེ། །མགལ་མེ་ཕྲེང་བ་ཉི་མ་ཡིས། །རྒྱུད་རྣམས་ཡོངས་སུ་
[153a.7]སྦྱངས་པར་གསུངས། །སྤོགས་ཏེ་བསྙེན་སོགས་གོང་བཞིན་བསྐྱལ། །དེས་ནི་མཚན་མའི་རྟགས་ཕྱིན་འགྱུར། །ཐེ་ཚོམ་མེད་པ་ཤིན་ཏུ་གཅེས། །མཚན་མ་འདོད་པའི་བཟླས་པའོ། །ཁྱད་པར་བཟླས་པའི་མན་ངག་ཡང་། །བར་དུ་གཅོད་པའི་འབྱུང་བའོ། །བདག་འོད་དཀྱིལ་འཁོར་
[153b]
[153b.1]ལྷ་ལ་འཕྲོས། །འགུགས་ཤིང་དབང་དུ་སྡུད་པར་བྱེད། །དེ་ལ་ཁྲོ་བོ་མད་སྤྲོས་ཏེ། །རལ་གྲི་མཚོན་དང་ཐོག་འབེབས་དང་། །གཅད་གཏུབས་གཟིར་བའི་ཤ་ཁྲག་རྣམས། །མ་ལུས་ཤ་ཁྲག་མདུན་དུ་བསྟབས། །ཧ་ཧ་རུ་ལུ་སྒྲ་སྒྲོགས་ཤིང་། །པ་སྟབས་པའི་དུས་ཀྱི་བཟླས་པའོ། །རང་
[153b.2]སྲུང་ཕྱི་ལ་བཟློག་པ་དང་། །ཁྲོ་ཚོགས་འཁོར་ལོ་ཐོགས་པ་ཡིས། །སྙིང་དང་ཀླད་པ་འཁོར་ལོ་བསྐོར། །བཟློག་པ་དུས་ཀྱི་བཟླས་པའོ། །རྔ་མོ་ཅང་ཡི་ཁྲོ་ཚོགས་ཀྱིས། །ཕྱོགས་སུབ་ཟུང་ནས་འཕེན་པར་བྱེད། །བསྐྲད་ནས་ཚར་གཅོད་དོན་དུ་གསུངས། །འོད་ཟེར་དཀར་པོའི་ཚོགས་
[153b.3]བྱུང་ནས། །ལྷ་ལ་སོགས་པའི་སྡིག་པ་སྦྱོང་། །ཚུར་འདུས་རང་གི་སྡིག་པ་སྦྱོང་། །ཞི་བའི་མན་ངག་རབ་ཏུ་གསུངས། །འོད་འཕྲོས་གང་ཞིག་གང་གི་སྟོབས། །མ་ལུས་བསྡུས་ནས་རང་གི་སྟོབས། །གཟི་བརྗིད་རང་འབྱུང་ཚེ་ཡིད་གསོས། །བཀྲག་དང་གཟིམ་མ་དངས་རབ་ཏུ་རྒྱས། །
[153b.4]འདི་ནི་རྒྱས་བའི་མན་དག་གོ། །མིང་གི་སྔགས་བཟླས་ཏིང་ངེ་འཛིན་ལྡན། །འོད་ཟེར་ཁ་དོག་རྣམ་ལྔ་འཕྲོས། །སྤོས་སོགས་ལྷ་མོ་རྣམས་ཀྱིས་གང་། །གང་ལ་ཕུལ་ན་དོན་གྲུབ་པ། །མཆོད་པར་འདོད་པའི་བཟླས་པའོ། །རིན་ཆེན་ཚོགས་བསྐང་མཆོད་པ་ཡང་། །གོང་མ་བཞིན་དུ་རབ་ཏུ་
[153b.5]གསུངས། །འོད་ཟེར་དམར་ནག་འཕྲོས་པ་ལས། །སྤྱི་བོ་གཙུག་གནས་རྣམས་སུ་གཟིར། །འོད་ཟེར་གཞན་གྱིས་གསོས་འདེབས་པ། །རེངས་པར་བྱེད་པའི་བཟླས་པའོ། །དམིགས་པ་དོན་གྱིས་བཟླས་པ་ཡང་། །རྩ་རླུང་བདེ་བ་བྱང་ཆུབ་སེམས། །ཡིད་ལ་བརྟེན་པའི་མན་ངག་གམ། །
[153b.6]རང་གི་ཧཱུཾ་ལས་འོད་བྱུང་ནས། །བདག་ཞུ་དེར་འདུས་པ་ཐོབ་པ། །རྡོ་རྗེ་ཚིག་གི་གསོལ་འདེབས་ཤིང་། །དམིགས་པ་སྟོང་ཉིད་གསལ་བ་སྟེ། །གསང་བ་དུས་ཀྱི་བཟླས་པའོ། །རྣམ་དག་དོན་ལ་རབ་དམིགས་ཤིང་། །མི་རྟོག་སྔ་ཕྱི་རྒྱུ་འབྲས་སུ། །སྐྱེད་པར་བྱེད་པ་སྟོང་ཉིད་གསལ། །རྡོ་
[153b.7]རྗེ་ཚིག་དང་རབ་ལྡན་པ། །འདི་ནི་དོན་དམ་བླ་མེད་སྔགས། །གསང་སྔགས་བརྗོད་པ་མ་ལུས་པ། །འདི་རུ་ཅུང་ཞིག་བསྟན་པར་བྱ། །ཨོཾ་ན་མོ་ནཱི་ལཱ་མྦརྲ་དྷ་རཱ་ཡ། བཛྲ་པཱ་ཎི་ཧཱུཾ་ཕཊ། ཨོཾ་ན་མོ་བཛྲ་པཱ་ཎི་མ་ཧཱ་ཡ་ཀྵ་སེ་ནཱ་པ་ཏ་ཡེ། བཛྲ་ཀྲོ་དྷ་ནཱི་ལཱ་མྦརྲ་དྷ་ར་ཧཱུཾ་ཧཱུཾ་ཕཊ། ཨོཾ་ན་མོ་བཛྲ་ཀྲོ་དྷེ་ཤྭ་རི་མུ་
[154a]
[154a.1]ཧཱུཾ་ཧཱུཾ་ཕཊ། ཨོཾ་ར་ཏི་ཤ་ཡ་དེ་བ་ཏཱ་ཛ་མུ་ཁཾ་ཀུ་རུ་ཧཱུཾ་ཕཊ། ཨོཾ་སརྦ་དེ་བ་མཱ་ར་ཡ། ཙྪི་ནད་ཙྪི་ནད་ཧཱུཾ་ཕཊ། བྷི་ནད་བྷི་ནད་ཧཱུཾ་ཕཊ། གྲྀ་ཧྞཱ་གྲྀ་ཧྞཱ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཛྭ་ལ་ཛྭ་ལ་ཧཱུཾ་ཕཊ། སུ་རུ་སུ་རུ་ཧཱུཾ་ཕཊ། མུ་རུ་མུ་རུ་ཧཱུཾ་ཕཊ། ནཱ་ཤ་ཡ་ནཱ་ཤ་ཡ་ཧཱུཾ་
[154a.2]ཕཊ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུཾ་ཕཊ། ཧ་ས་ཡ་ན་ཧ་ས་ཡ་ན་ཧཱུཾ་ཕཊ། ཀཱི་ལི་ཀཱི་ལི་ཨ་མུ་ཀ་མཱ་ར་ཡ་ཧཱུཾ་ཕཊ། དེ་བ་རཱ་ཛ་བ་ལི་བ་ལི། གྲྀ་ཧྞཱ་གྲྀ་ཧྞཱ། ཁ་ཁ་ཁཱ་ཧི་ཁཱ་ཧི། ཨ་ཀཱ་རོ་མུ་ཁཾ་སརྦ་དྷ་རྨཱ་ནཱཾ་ཨཱ་དྱ་ནུ་ཏཔ་ནན་ཏྭཱ་ཏ་ཨོཾ་ཨཱཿཧཱུཾ་ཕཊ་སྭཱ་ཧཱ། ཨོཾ་ཤཱ་ནཏིཾ་ཀུ་རུ་སྭཱ་ཧཱ། བུ་ཥཊིཾ་ཀུ་རུ་སྭཱ་ཧཱ། བ་ཤཾ་
[154a.3]ཀུ་རུ་མ་ཎི་དྷཱི་ཧཱུཾ། མཱ་ར་ཡ། མཱ་ར་ཡ། སྟྭཾ་མབྷ་ཡ། སྟྭཾམབྷ་ཡ། ནཱ་ག་རཱ་ཛ། ནཱ་ག་རཱ་ཛ། རཀྵ་ར་ཀྵ་བི་དྷྭཱ་ནས་ཡ། ཧེ་བྷ་ག་བཱ་ན་ཀུ་རུ་ཀུ་རུ། བ་ཤཾ་ཀུ་རུ་ཧཱུཾ་ཕཊ། ཨོཾ་ཨ་པ་སྨྲའ་ར་བི་ནཱ་ཤ་ཀ་རཱ་ཡ་ཧཱུཾ། སརྦ་བྲེ་ཏ་བི་ནཱ་ཤ་ཀ་རཱ་ཡ་ཧཱུཾ། ཨོཾ་ཤུ་དདྷེ་ཤུ་དདྷེ་བི་ཤོ་དྷ་ནི་བི་ཞོག་དྷ་ནི། སརྦ་བཱ་བཾ་བི་ཤོ་དྷ་ནི་
[154a.4]ཧཱུཾ་ཕཊ། ཨོཾ་ཛྭ་ལ་ཛྭ་ལ་སརྦ་པའི་པཾ་ད་ཧ་ནི་ཛྭ་ལ་ཧཱུཾ་ཕཊ། ཧ་པ་ཨོཾ་ས་ཁྲི། ཨོཾ་གྲྀ་ཧྞཱ་གྲྀ་ཧྞཱ་སརྦ་ཤ་ཏྲཱུཾ་མཱ་ར་ཡ་མཱ་ར་ཡི། ནཱ་ཤ་ཡ་ནཱ་ཤ་ཡ་ཧཱུཾ་ཕཊ། ནཱ་ག་བི་ཏན་ནཱ་ག་ར་ཀྵ་ར་ཀྵ་ཡ་ཀྵ། ཀ་རྨ་གོ་རུ་པ་ར་བི་ཏན། ཞེས་པའི་ཚིག་གིས། །བསྙེན་པ་ལ་སྦྱོར་ཤ་མ་བུའི་སྔགས། །གཅིག་ཏུ་བྱས་ལ་
[154a.5]ཡོངས་སུ་བཟླས། །རྒྱུ་དང་འབྲས་བུ་ཡོངས་བསྐྱེད་ལ། །གསང་སྔགས་སྐྱོན་རྣམས་རབ་སྤངས་ནས། །འདིས་ནི་འབྲས་བུ་འབྱིན་པ་ལས། །ལས་རྣམས་གཞན་གྱིས་ཐོབ་པ་མིན། །ཞེས་པ་ནི། སྔགས་ཀྱི་མན་ངག་གི་ལེའུ་གཉིས་པའོ།། །།ཚོགས་རྣམས་ཁྱད་པར་འདོད་པ་
[154a.6]ཡིས། །ཚོགས་པས་བསགས་ངེས་པ་འདིར་རུ་བསྟན། །འཇིག་རྟེན་རྫས་རྣམས་མ་ལུས་པའི། །ཀུན་ཚོགས་རང་གིས་མ་ཉམས་བཤམ། །རྣལ་འབྱོར་ལྷ་གྲངས་བསྟུན་པའམ། །ཡང་ན་རྣལ་འབྲོ་མང་ཡང་རུང་། །འཚམས་པ་དང་ནི་མཆོད་པ་དང་། །དེ་ཉིད་མེད་དུ་མི་རུང་ངོ་། །
[154a.7]རྒྱས་པའི་ཚོགས་འཁོར་དུས་སུའོ། །སྔོན་འགྲོས་ཚོགས་ལ་སོགས་རྫོགས། །མཎྜལ་ལྔའམ་བཅུ་སོགས་ལ། །མེ་ཏོག་དང་མཆོད་པ་དགྲམ། །གསང་བའི་དཀྱིལ་འཁོར་བྲི་བཱཾ། །སློབ་དཔོན་རྒྱལ་པོས་སེམས་དཔའི་བསྐུལ། །ཕྱི་རོལ་རྣལ་འབྱོར་ནང་དུ་བསྡུ། །དེ་ཚེ་
[154b]
[154b.1]རྒྱལ་པོས་མཚམས་རྣམས་བཅད། །དགེ་སློང་ནུབ་ལ་དགེ་ཚུལ་བྱང་། །སྔགས་བ་ལྷོ་ལ་ཡོན་བདག་དང་། །རྫས་རྣམས་ཤར་དུ་བསག་བར་བྱ། །ཕྱོགས་ཀྱི་དངོས་གྲུབ་ཐོབ་པར་གསུངས། །རང་རང་ནང་དུ་མཎྜལ་བྱ། །རྒལ་པོས་མཚམས་བྱས་ཚོགས་རྣམས་བསག།
[154b.2]བསྐྱེད་དེ་མེད་པ་ལས་བྱུང་བའི། །རྒྱལ་པོས་བཞིན་ནི་ཐོབ་བྱ་སྟེ། །བདེ་བ་ལ་གནས་ཉིད་དག་ལས། །ལྷ་མོ་བཞིས་གསོལ་སྐུར་ལྡང་སྟེ། །དཀྱིལ་འཁོར་རྒྱས་ནས་རྒྱལ་པོ་ལེན། །སོ་སོར་གདན་དང་གསལ་བ་ལས། །བདག་གིས་འཇུག་པ་ཇི་བཞིན་དུ། །འཁོར་རྣམས་
[154b.3]དམ་པ་དོན་ལ་འཇུག །མཆོད་པ་སྒོམ་དང་སྔོན་དུ་རྫོགས། །ལས་དང་བདག་པོར་འབྲེལ་པ་ཡིས། །སྒྲ་དང་ལྡན་བས་ཚོགས་ཅན་དང་། །དམ་ཚིག་ལྡན་པས་བྱིན་གྱིས་བརླབ། །ལས་ཀྱིས་བསང་བའི་ཆོ་ག་ཡང་། །ཡཾ་རཾ་ཨ་ལས་རླུང་མེ་ཐོད། །ནང་དུ་དམ་རྫས་བཅུ་རུ་
[154b.4]དམིགས། །ཡི་གེ་གསུམ་གྱིས་བྱིན་གྱིས་བརླབས། །ཡང་ནི་ཡེ་ཤེས་བདུད་རྩི་ཕབ། །བླ་མ་རང་དང་ལྷ་མཆོད་ལ། །ཆོ་ག་ཡན་ལག་རྫོགས་པ་དང་། །ལྷ་མ་གཅིག་ཏུ་བསྡུ་བྱ་སྟེ། །ཁ་ཆུས་བྲན་ལ་མཁའ་འགྲོ་བསྐང་། །གསང་བའི་དོན་དང་འབྲེལ་པའི་ཚོགས། །ཚེས་གྲངས་
[154b.5]བཟང་པོ་ཤིས་པ་ལ། །ནམ་ཕྱེད་དུས་སུ་བྱ་བར་གསུངས། །གྲོགས་ཀྱི་ཚོགས་ལ་ངེས་པ་མེད། །ཞི་རྒྱས་ཚོགས་ལ་སོགས་པ་ཡང་། །སྔགས་ཀྱི་མན་ངག་བཞིན་དུ་གསུངས། །འདི་ལ་རྟག་ཏུ་གནས་པ་ཡང་། །བར་ཆད་སེལ་ཅིང་དངོས་གྲུབ་མྱུར། །འདི་ཡིས་འབྱུང་གི་གཞན་
[154b.6]གྱིས་མིན། །རྒྱལ་པོ་ལ་སོགས་པས་ཚོགས་བསག་པའི་མན་ངག་གོ། །དེ་མ་ནུས་པའི་རྣལ་འབྱོར་གྱིས། །འབྱོར་པ་ཆུང་ཞིང་བསམ་གཏན་ལྡན། །ཚོགས་ཀྱི་མཆོད་པ་བསྟན་པ་ཡང་། །རྫས་ནི་ལྔའམ་བཅུ་ཡི་བར། །སློབ་དཔོན་གཅིག་དང་གཉིས་དང་གསུམ། །སྐྱེད་
[154b.7]དེ་ཁྱབ་བྱད་བུ་མོ་ཡང་། །རིམ་གྱིས་འདི་རུ་བྱ་བ་ཡིན། །དྲང་དང་བྱིན་གྱིས་བརླབས་བྱས་ནས། །དཀྱིལ་འཁོར་གཅིག་པའི་བར་དུ་མཆོད། །བཞི་པའི་བར་ཡང་གསུངས་པ་ཡིན། །སློབ་དཔོན་ནུས་པ་བྱེ་བྲག་གིས། །ལས་ནི་གོང་དང་འོག་ཏུ་སྦྱར། །མི་རྩོམ་འདི་ཡིས་སྡིག་པ་
[155a]
[155a.1]སྦྱོང་། །འདིས་ཀྱང་ལས་ཀུན་འགྲུབ་པར་གསུངས། །འབྲས་བུ་གང་འདོད་ངེས་པར་འབྱིན། །ཚོགས་ཀྱི་མན་ངག་བསྟན་པ་སྟེ་ལེའུ་གསུམ་པའོ།། །།དེ་ནས་རིགས་ཀྱི་བུའམ་བུ་མོ། །བསྒྲུབ་པའི་འབྲས་བུ་མྱུར་དུ་སྨིན་པར་འདོད། །སྦྱིན་སྲེག་ལས་ལ་བརྩོན་
[155a.2]པར་བྱའོ། །ས་ཆོག་ལ་སོགས་གཞན་བཞིན་ཏེ། །ས་ཡི་རིགས་བཞིན་ཐབ་ཁུང་བཞི། །ཟླུམ་པོ་གྲུ་བཞི་ཟླ་གམ་ཨེ། །ཐག་ཁུང་དབྱིབས་ཀྱི་མཚན་ཉིད་དོ། །དཀར་སེར་དམར་དང་ནག་པོ་ཡང་། །ཐབ་ཀྱི་ཁ་དོག་ཉིད་དུ་གསུངས། །བྲུ་དང་བྲི་བ་གང་ཡིན་པ། །སོར་གསུམ་བཞི་
[155a.3]གཉིས་གསུམ་ཡང་དོར། །འཁོར་ལོ་རིན་ཆེན་པདྨ་བྲི། །ཐབ་ལ་མཚན་པར་རབ་ཏུ་བྱ། །དེ་ཡང་རྒྱུད་ལས། ཞི་ལ་དཀར་པོའི་ཤིང་རྣམས་ཏེ། །རྒྱས་ལ་སེར་ཤིང་ལས་རྣམས་བྱ། །དབང་ལ་སེང་ལྡེང་ཤིང་བསྲེགས་ཏེ། །དྲག་པོ་ཚེར་མ་ནག་པོའི་ཤིང་། །གཞན་ནི་ཙནྡན་ཤིང་གིས་བྱ། །
[155a.4]ཞེས་གསུངས་པས། རང་རང་གི་ཐབ་ཏུ་དང་རང་གི་ཐབ་ཏུ་རང་དང་བསྡེབས་པའི་ཤིང་། །ཟླུམ་པོ་ལ་སོགས་པ་བཅེར་བར་གསུངས་སོ། །ལས་མང་པའི་ཐབ་ནི་རིན་པོ་ཆེ་འབར་བའམ། །བྷ་ག་ལྟ་བུའི་དབྱིབས་ལ་ཁ་དོག་སྣ་ཚོགས་པར་བྱ་བར་གསུངས་སོ། །ཤིང་ཡང་དེ་ཉིད་དོ། །གཟར་བུ་རྡོ་རྗེ་བཞི་
[155a.5]ཡི་དབྱིབས། །རྡོ་རྗེ་རིན་ཆེན་ཆུ་སྲིན་གྱི། །རིན་ཆེན་ལས་བྱས་གཟར་བུ་བརྒྱན། །བྱིན་བརླབས་སོ་སོ་དབྱིབས་དང་ལྡན། །མཆོད་རྫས་གཡས་ལ་སྲེག་རྫས་གཡོན། །མི་དམིགས་ཏྲཾ་ལས་རིན་ཆེན་སྣོད། །སོ་སོ་དེ་ཉིད་རྒྱས་པ་ལས། །ཧ་ཧོ་ཧྲཱི་ཡིས་བདུད་རྩི་སྦྱང་། །སྐུ་གསུང་ཐུགས་ཀྱིས་
[155a.6]བྱིན་གྱིས་བརླབས། །རང་རྫོགས་རང་གི་ས་བོན་ལས། །འོད་འབྲོས་མི་དམིགས་བྷཱུཾ་དུ་གྱུར། །དེ་ལས་མེ་ཡི་ཁང་པ་ནི། །རང་གི་གསོང་མའི་དབྱིབས་དང་ལྡན། །མེ་ལྷ་བསྐྱེད་པའི་རིམ་པ་ཡང་། །བྷཱུཾ་ལས་གྲུ་བཞིའི་དེ་ཉིད་གསུམ། །སོ་སོའི་ཁ་དོག་དབྱིབས་དང་ལྡན། །དེ་ཞུ་རཾ་ལས་ཡེ་ཤེས་
[155a.7]མེ། །པད་སྟེང་རཾ་བཅས་ཡི་གེ་བཞི། །སོ་སོའི་མེ་ལྷ་ཁ་དོག་བཞི། །སོ་སོའི་རིགས་ཀྱིས་དབུ་བརྒྱན་བྱས། །ཞི་བའི་མེ་ལྷ་བབ་པ་ཀ ། སྐུ་མདོག་དཀར་པོ་ཚུལ་གནས། །ཁྲོ་དྷ་མེ་ཏྲ་མ་ཡེ་ཏྲ། མ་ཏ་ཞེས་པ་ལ་སོགས་པ། །སོ་སོའི་རིགས་ཀྱི་ཁ་དོག་ལ། །སྣ་ཚོགས་པ་རུ་ཡང་དག་གནས། །ཞལ་
[155b]
[155b.1]གཅིག་ཕྱག་ནི་བཞི་པ་ལ། །གཡས་ཀྱི་དང་པོས་འཛིན་པ་ནི། །དབྱུག་པ་བགྲང་ཕྲེང་རལ་གྲི་དང་། །ལྕགས་ཀྱུ་ངེས་པར་བསྣམས་པའོ། །གཞན་ཡང་ཕྱག་མཚན་སོ་སོར་འཛིན། །ཡེ་ཤེས་སྤྱན་དྲངས་དབང་བསྐུར་ཞིང་། །རྒྱན་དང་རྒྱས་གདབ་འཐོར་འཐུད་རྫོགས། །སྙིང་གར་
[155b.2]ཕྱོགས་སྐྱོང་བཅུ་པོ་རྫོགས། །སོ་སོ་པཱུ་ཛ་རྒྱས་པ་ལ། །དང་པོ་མཆོད་པས་མཆོད་བྱ་སྟེ། །གཙོ་བོ་དང་པོ་མན་ངག་ཀྱང་། །ཤིང་གི་འོད་ནི་སྐྱེད་བྱེད་པ། །མར་གྱིས་འོད་འཕྲོས་ཀུན་ལ་ཁྱབ། །དཀར་གསུམ་སྤྱི་ཡི་སྡིག་པ་སེལ། །བུ་རམ་ལུས་ལ་གཉིས་པ་ཡིས། །འོག་མ་གཉིས་པོ་སོ་
[155b.3]སོར་འབྱིན། །འབྲས་དང་འབྲུ་ཡི་ཆན་དག་གིས། །གོང་མ་གཉིས་པོ་སོ་སོར་འབྱིན། །ནས་ཐུག་འོ་མའི་ཐུགས་པ་ཡིས། །རྣམ་སྨིན་རེ་རེ་གནས་སུ་བསྲེག །ཏིལ་གྱིས་སྙིང་གི་ནད་རྣམས་འབྱིན། །ཡང་ན་ཏིལ་གྱིས་སྒོ་དགུ་འབྱིན། །ཐ་མ་མར་གྱིས་བསྐུར་བར་བྱེད། །རྫས་དེ་སེར་པོ་བྱས་པ་
[155b.4]ལ། །དམར་སེར་ཞི་ཡིས་ཀུན་ལ་ཁྱབ། །དཀར་གཉིས་ཀྱིས་ནི་གཟི་བྱིན་བསྐྱེད། །མངར་གསུམ་ཕུལ་བས་གསལ་བར་སྣང་། །འབྲུ་དང་འབྲས་ཀྱི་སྦྱོར་བ་ཡིས། །ཡེ་ཤེས་བཅུད་རྣམས་སྤྱི་བོར་སྡུད། །ནས་དང་འོ་མའི་སྦྱོར་བ་ཡིས། །འཇིག་རྟེན་བཅུད་རྣམས་ཀུན་དུ་སྡུད། །ཐ་མ་
[155b.5]དཱུར་བའི་བསང་གཏོར་གྱིས། །ཙཱ་རུ་བཙོ་ཞིང་དངོས་གྲུབ་ལེན། །མར་གྱི་དགང་བླུགས་གསུམ་པོ་ཡིས། །རྒྱས་པར་བྱེད་པ་མན་དག་སོགས། །བདག་གི་སྤྱིར་བ་བྱེད་པ་ལ། །བ་ལང་ཤ་དང་ཏིལ་ལ་སོགས། །དམར་པོ་སྦྱོར་བ་ཕུལ་པ་ཡིས། །སྟེང་གི་འཁོར་ལོ་རབ་ཏུ་འཕྲོས། །
[155b.6]མྱུར་དུ་འགུགས་ཤིང་དབང་དུ་བསྡུས། །གསད་པ་ལས་གཞན་ཐ་མ་ཡང་། །དང་པོ་ཁྲག་གིས་འདོད་དུ་འཕྲོ། །དེ་བཞིན་ཤ་ཡིས་ཁྲོ་བར་བྱེད། །རུས་པས་སྟེང་གི་འཁོར་ལོ་འཕྲོ། །བདུད་རྩིའི་འོད་འཕྲོས་སྦྲུལ་བ་འགྱེད། །འབྲུ་ནག་སྦྲུལ་པས་དྲག་ཏུ་བསྲེག །དུག་རྣམས་རྫས་
[155b.7]ཀྱིས་འགུགས་ཤིང་བསྲེག །ཡུངས་ཀྲ་ཕྱེ་མ་གསུམ་པོ་ཡིས། །འབྱུང་པོ་མ་ལུས་ཐུན་གྱིས་བསྲེག །ཐ་མ་མར་ནག་སྲུང་ཞིང་བསྲེག །མེ་ཡི་ཆོ་ག་རྫོགས་པ་དང་། །སྙིང་གར་བཀོད་པ་ལྷ་རྣམས་ལ། །སོ་སོ་དེ་ཉིད་རྒྱས་པ་ལས། །གོང་དུ་མཆོད་པ་བདུན་འགྱུར་རྫོགས། །
[156a]
[156a.1]བསྡུ་དང་གཤེགས་སུ་གསོལ་བྱས་ནས། །བཟོད་གསོལ་མེ་ཡི་སྦྱོར་བ་ཡང་། །གཅིག་ཏུ་བསྡུས་ཏེ་དབུལ་བར་བྱ། །བསྟོད་ཅིང་ཕྲིན་ལས་དངོས་གྲུབ་བླང་། །ཉིས་སྐོར་སུམ་སྐོར་ལ་སོགས་པ། །གང་གི་མ་ན་ངག་དོན་དང་ལྡན། །ཚེ་དང་རིགས་སེལ་རྒྱས་
[156a.2]པའོ། །བསྲུང་བ་ཞི་བ་ཆ་ལ་གདགས། །དགུག་པ་དབང་གི་ཆ་ཡིན་ཏེ། །དྲག་པོ་ལས་གཞན་ཐ་མ་ཆ། །དངོས་གྲུབ་བཞི་དང་འབྲེལ་པ་ཡི། །འདི་ཡིས་འགྲུབ་པ་མ་གཏོགས་པ། །གང་ཞིག་གཞན་གྱིས་འགྲུབ་མ་ཡིན། །དེས་ན་མན་ངག་ནན་ཏན་གཅེས། །སྦྱིན་སྲེག་བསྟན་པའི་
[156a.3]ལེའུ་སྟེ་བཞི་པའོ།། །།ལས་རྣམས་མ་ལུས་འཇུག་པ་ལ། །ཀུན་གྱི་ཁ་སྐོང་གཏོར་མ་ཤིས། །གཏོར་མ་ལས་རབ་ཀུན་གྱི་མཆོག །ལས་ཀུན་ལ་ནི་ཡོངས་སུ་བསྔགས། །ཞེས་གསུངས་པས། གཏོར་མ་ཡོངས་སུ་བསྟན་ཏོ། །ཕྱི་ནང་རྫས་རྣམས་མ་ལུས་ལྡན། །མ་ཉམས་
[156a.4]རྫས་ཀྱིས་ཡོངས་སུ་གང་། །ལྷག་འགྱུར་འོད་ཟེར་ཀུན་དུ་འཕྲོས། །རཾ་གྱིས་བསྲེགས་ཏེ་ཡཾ་གིས་བུས། །ཁཾ་གིས་བཀྲུས་ཏེ་དག་པ་ལས། །ཡཾ་རཾ་རྟེན་དང་ཉི་ཟླ་བཅས། །སྐུ་གསུང་ཐུགས་དང་རྡོ་རྗེ་བཅས། །ཡཾ་རཾ་དབབ་པའི་སྦྱོར་བ་ཡིས། །ཡེ་ཤེས་བདུད་རྩི་གཉིས་མེད་འདྲེས། །དེ་
[156a.5]དང་གསང་སྔགས་འདིས་ཀྱང་དགུག། །ཨོཾ་ཨ་ར་ལིལ་ཧོ་ཛཿཧཱུཾ་བཾ་ཧོཿ་ས་མ་ཡ་དྲྀ་ཤྱ་ཧོཿ་ཞེས་གཉིས་མེད་བསྲེ། ཡི་གེ་གསུམ་གྱིས་བྱིན་གྱིས་བརླབས། །གདན་གསུམ་དང་ལྡན་ཡེ་ཤེས་ཚོགས། །གཉིས་དང་བཞི་ཡི་བར་དུ་མཆོད། །རང་གི་རྩ་བའི་སྔགས་ལ་ནི། །ཁ་ཁ་ཁཱ་ཧི་
[156a.6]ཁཱ་ཧིས་དབུལ། །གྲངས་ནི་ཉི་ཤུ་རྩ་གཅིག་གམ། །བརྒྱའམ་སྟོང་གི་སྦྱོར་བས་འགྲུབ། །བཤགས་ཤིང་བསྟོད་པ་དངོས་གྲུབ་བླང་། །སྨོན་ལམ་བཏབ་ལ་གཏོར་མ་དགེ། །ལན་ཆགས་ཆུ་བོའི་གཞུང་ལའམ། །ཡང་ན་རི་རབ་རྩེ་ལ་བསྐྱལ། །ཕྲིན་ལས་རྣམ་བཞིའི་གཏོར་མ་ཡང་། །རང་རང་
[156a.7]ཆོ་ག་བྱས་པས་འགྲུབ། །རྫས་མ་ཚོགས་དང་བསམ་གཏན་བྲལ། །སྔོན་བྱ་མེད་ཅིང་གོ་རིམས་བྲལ། །འདི་ནི་བར་ཆད་སྦྱོར་བ་སྟེ། །མཁས་པ་རྣམས་ཀྱིས་སྤང་བར་བྱ། །ཕྱི་ཡི་གཏོར་མ་རྒྱ་ཆེན་ཡང་། །ཤ་ཆང་སྤངས་པ་རྫས་རྣམས་ཚོགས། །བྱིན་གྱིས་བརླབ་ཅིང་སྤྱན་དྲངས་
[156b]
[156b.1]ལ། །སོ་སོ་རང་གི་ཁྱད་པར་ཡང་། །སྔགས་དང་ཚིགས་བཅད་ཡོངས་སུ་བསྒྲགས། །ཟ་བ་རྒྱུན་གྱི་གཏོར་མ་ཡང་། །ཆགས་པ་ཉམས་པ་ཚིག་དང་བྲལ། །མཆོད་ཅིང་སྲིད་མཚོ་ཡོངས་བསྒྲལ་བ། །སེམས་ཀྱིས་ཡོངས་སུ་ཟིན་པ་དང་། །རང་གསལ་སྙིང་གའི་ལྷ་རྣམས་
[156b.2]བཀོད། །ཡེ་ཤེས་འཁོར་ལོ་གཉིས་མེད་བསྟིམ། །ཟས་ནི་ཤ་ལྔ་བདུད་རྩི་ལྔ། །ཡཾ་རཾ་སྦྱོར་བས་བྱིན་གྱིས་བརླབ། །ཡང་ན་སྐུ་གསུང་ཐུགས་ཀྱིས་སོ། །བྱིན་གྱིས་བརླབ་ལ་དབུལ་བར་བྱ། །ལྕེ་ནི་རྡོ་རྗེར་བསམས་ལ་དབུལ། །ལག་པ་ལྷ་དང་ལྷ་མོའམ། །གཟར་བུ་རྡོ་
[156b.3]རྗེར་བསམས་ལ་དབུལ། །ཟོས་པས་མཉེས་ཤིང་ལྡད་པ་བཞི། །རྒྱས་དང་ཕྲིན་ལས་ལ་སོགས་ཀུན། །གོང་དུ་བསྟན་པ་བཞིན་དུ་བྱ། །བཏུང་བ་ལ་སོགས་གཞན་པ་ཡང་། །བདུད་རྩིར་བྱིན་བརླབས་གོང་བཞིན་མཆོད། །ཆང་སོགས་ལོངས་སྤྱོད་བྱེད་པ་ཡང་། །ནད་སེལ་བཏུང་
[156b.4]བ་བྱེ་བ་ཡིན། །ཅི་རན་སྨན་གྱི་ཚོད་ཙམ་མོ། །བདུད་རྩིར་བྱིན་བརླབས་མ་འཐུངས་ནས། །ཆགས་ཤིང་སྐོམ་སོགས་འཐུང་བྱེད་པ། །སྐྱེ་བ་ལྔ་བརྒྱར་སྨྱོན་པར་སྐྱེ། །ནད་སེལ་ཡོངས་སུ་སྤང་བར་བྱ། །དུག་ལྔའི་གྲོགས་སུ་འགྲོ་བ་ནི། །འཐུང་ཞིང་སྤྱད་པར་བྱ་བ་མིན། །འགྲོལ་
[156b.5]བས་མཆོད་པའི་དུས་སུ་ཡང་། །སྐུ་གསུང་ཐུགས་ཀྱི་དངོས་གྲུབ་བརྟེན། །ཐིགས་གསུམ་ལྕེ་ལ་བཞག་པ་ཡང་། །ཀཱ་ཡ་བཱཀྐ་ཙིཏྟ་ཧཱུཾ་ཞེས་བརྗོད་ལ་རེག་པར་བྱའོ། །ཟས་སོགས་བདུད་རྩི་ཐམས་ཅད་ཀྱང་། །ལག་ན་རྡོ་རྗེར་དབུལ་བ་དང་། །ཡང་ན་ལྷ་མོས་དབུལ་བའོ། །
[156b.6]རྡོ་རྗེ་ལྕེ་འཐུང་ལས་བྱེད་པ། །ནང་གི་གཏོར་མ་བསྟན་པ་ཡིན། །འདི་ནི་རྣལ་འབྱོར་མཆོག་ཡིན་ནོ། །སྣ་ཚོགས་སྟོང་པ་ཡེ་ཤེས་དང་། །དྲན་མེད་མཐའ་སྤོངས་ས་སྤྲོས་བྲལ་བ། །བླ་མེད་གཏོར་མ་ཞེས་ནི་གསུངས། །གང་ཞིག་གཏོར་མའི་སྦྱོར་བ་ལ། །མི་བརྟེན་དངོས་གྲུབ་སྦྱར་
[156b.7]བ་སྤངས། །ཞེས་གསུངས་སོ། །གཏོར་མའི་ལེའུ་སྟེ་ལྔ་པའོ།། །།བསམ་གཏན་དག་ལ་མ་མོས་ཤིད། །མཆོད་པ་དག་ལ་མོས་གྱུར་པར། །དེ་ཡི་གང་ཟག་གཟུང་བར་བྱ། །དངོས་སམ་ཡིད་ཀྱི་མཆོད་པ་ལས། །དང་པོ་དངོས་པོ་མཆོད་པ་བསྟན། །སྤོས་དང་མེ་ཏོག་
[157a]
[157a.1]མར་མེ་དྲི། །བཤོས་གཙང་ལ་སོགས་སྦྱོར་བ་ཡང་། །ཐམས་ཅད་མ་སྤྱད་སྣོད་དུ་བླུགས། ལས་ཀྱི་ཆུ་ཡིས་སྦྱར་བྱས་ནས། །བསངས་ཏེ་སྐྱོན་རྣམས་བསལ་བ་ལས། །སྣོད་རྣམས་ཏྲཾ་ལས་རིན་ཆེན་སྣོད། །ཡོན་ཆབ་ཞུ་སྟེ་ཡི་གེ་ཨ། །དེ་ལས་ཡོན་ཆབ་དཔག་མེད་
[157a.2]གྱུར། །ཨཱཿ་ཡིས་རྟོག་སྦྱངས་ཨོཾ་གྱིས་འབར། །མཆོད་པ་གཞན་ཡང་དེ་བཞིན་དུ། །བྱིན་གྱིས་བརླབ་པར་བྱ་བ་ཡིན། །དེ་མ་ནུས་པའི་གང་ཟག་གིས། །གསང་སྔགས་འབྲུ་གསུམ་བྱིན་གྱིས་བརླབ། །འདི་ནི་སྤྱི་རྒྱུད་མན་ངག་གོ། །ཡང་ན་རྒྱུད་འདི་མན་ངག་ཡང་། །ཡོན་ཆབ་
[157a.3]ལ་སོགས་མན་ངག་ཡང་། །ཧ་ཧོ་ཧྲཱི་ཡིས་སྦྱང་བྱས་ཏེ། །ཡོན་ཆབ་ཞུ་བས་ཡི་གེ་ཨཱཿ།། དེ་ནས་སྟོང་གསུམ་ཡོན་ཆབ་བསྡུས། །སླར་ལ་ལྷ་མོ་མེ་ཏོག་མ། །དེ་ཡི་འོད་ལས་མེ་ཏོག་ཚོགས། །བསྙེན་པའི་སྐབས་སུ་ཁ་དོག་ལྔ། །ལྡན་པར་བྱས་ཏེ་མཆོད་པའོ། །མཆོད་པ་གཞན་ཡང་
[157a.4]དེ་བཞིན་བྱས། །ཡང་ན་མིང་གི་དང་པོ་ལ། །ཧཱུཾ་ཞེས་པ་ཡིས་བྱིན་གྱིས་བརླབ། །བྱིན་གྱིས་བརླབས་ལ་མཆོད་པ་ཡང་། །སེངྒེ་གླང་པོ་པད་སོགས་ལ། །ཕྱོགས་བཅུའི་སངས་རྒྱས་སྤྱན་དྲངས་ཏེ། །མདུན་དུ་གསལ་བར་བསམ་བྱས་ལ། །རིན་ཆེན་མེ་ཏོག་མདུན་དུ་གཏོར། །
[157a.5]རིན་ཆེན་ལ་སོགས་གདན་གྱི་མཆོད་པའི་རིམ་པའོ། །ཡོན་ཆབ་ཐོགས་པ་ལྷ་མོའི་ཚོགས། །དཔག་ཏུ་མེད་པ་མདུན་དུ་སྤྲུལ། །རྡོ་རྗེ་གླུ་དང་ལྡན་པ་ཡིས། །དང་པོ་ལྷ་མོ་སྦྲུལ་བྱས་ཏེ། །གཉིས་པ་ནམ་མཁར་བཞུགས་པ་གསལ། །གསུམ་པ་ནམ་
[157a.6]མཁའི་རྡོ་རྗེའི་ཚིག །བཞི་པ་སོ་སོའི་གནས་སུ་དབུལ། །ཨཱ་ཧ་ར་ཡི་སྔགས་བཟླས་པས། །ཡོན་ཆབ་ཀྱིས་ནི་ཕྱག་ཞབས་བཀྲུ། །སྤོས་མེ་ཤངས་ལ་མེ་ཏོག་དབུ། །དེ་ལ་སོགས་པའི་མཆོད་པ་རྣམས། །མིང་དང་རང་གི་སྔགས་རྗེས་ལ། །སོ་སོའི་གནས་སུ་དབུལ་བར་བྱ། །
[157a.7]ཞེས་གསུངས་སོ། །གཞན་ཡང་འདོད་ཡོན་ལྷ་མོ་ནི། །སྐུ་གསུངས་ཐུགས་ཀྱི་སྔགས་རྗེས་ལ། །ཏ་ཤ་ར་ཏི་སྔགས་བཟླས་པས། །དཀར་མོ་གཟུགས་ནི་སྤྱན་ལ་ཐིམ། །པདྨ་ར་ཏི་སྔགས་ལས་བྱུང་། །དམར་མོ་སྒྲ་ནི་སྙན་ལ་ཐིམ། །ཀརྨ་ར་ཏི་སྔགས་ལས་བྱུང་། །ལྗང་གུ་དྲི་ནི་
[157b]
[157b.1]ཤངས་ལ་ཐིམ། །རཏྣ་ཏི་སྔགས་ལས་བྱུང་། །སེར་མོ་རོ་ནི་ལྗགས་ལ་ཐིམ། །བཛྲ་ར་ཏི་སྔགས་ལས་བྱུང་། །མཐིང་ག་རེག་བྱ་ལུས་ལ་ཐིམ། །ཤིན་ཏུ་འགྱིང་བཅས་ཀྱིས་མཆོད་དོ། །བཛྲ་ཀྲོ་དྷཱི་ཤྭ་རེ་བརྗོད། །སྔགས་ལས་མཐིང་ཀ་བྱང་ཆུབ་སེམས། བི་ཤྭ་ཀྲོ་དྷཱི་ཤྭ་རི་ཡིས། །ལྗགས་
[157b.2]ལས་དཀར་མོ་དྲི་ཆེན་ནོ། །རཏྣ་ཀྲོ་དྷཱི་སྔགས་ལས་ནི། །སེར་མོ་ཤ་ཆེན་ཞེས་སུ་གསུངས། །པདྨ་ཀྲོ་དྷཱི་སྔགས་ལས་ནི། །དམར་མོ་ཁྲག་གི་ཐོད་པ་སྟེ། །ཀ་རྨ་ཀྲོ་དྷཱི་ཤྭ་རིའོ། །སྔགས་ལས་ལྗང་གུ་དྲི་ཆུའོ། །ལྷ་མོ་འདི་དག་ཐམས་ཅད་ཀྱང་། །ཐལ་བའི་མཚན་མས་ལུས་བྱུགས་
[157b.3]ཤིང་། །དར་དང་ཞིང་ཆེན་དྲིལ་བུ་ཐོགས། །གཡས་བ་ཐོད་པའི་སྣོད་ནང་དུ། །བདུད་རྩི་སོ་སོར་བཀང་ནས་སུ། །རྡོ་རྗེ་ཚིག་གིས་ལྗགས་ལ་དབུལ། །གསང་བའི་པཱུ་ཛ་བསྟན་པ་ཡང་། །བཛྲ་ཀྲོ་དྷཱི་གུ་ཧྱ་ཡིས། །མཐིང་ག་བྱང་སེམས་ཡང་གསལ། །དཀར་དམར་སེར་དང་ལྗང་
[157b.4]གུ་ཡིས། །གནས་ལྔ་ཕྱི་དང་གནས་ལྔ་ཡི། །ནང་དུ་ཡང་དག་བསྟན་པ་ཡིན། །གནས་གཅིག་བྱང་སེམས་གསལ་ཞིང་རྒྱས། །འདི་ནི་རང་འབྱུང་བཅོམ་ལྡན་འདས། །འགྲོ་བའི་དཔའ་བོ་མཉེས་པ་ཡིན། །སྒེག་དང་ཁྲོ་བོ་ལ་སོགས་པ།། །རིན་ཆེན་སྣ་བདུན་དག་དང་ཡང་། །མཆོད་
[157b.5]པ་ཉི་ཤུ་དབུལ་བར་བྱ། །བདག་དང་ལྷ་མོ་གང་གིས་དབུལ། །ཡི་གེ་ཨོཾ་གྱིས་མགོ་བརྒྱན་ཅིང་། །རྡོ་རྗེ་གླུ་ཡིས་བརྟེན་བྱས་ཏེ། །ལྷ་མོ་བསྐྱེད་པས་སྐྱེད་པར་བྱེད། །རང་གི་གཙོའམ་གང་བྱེད་པའི། །མིང་གི་སྔགས་ཀྱིས་མགོ་དྲངས་ཏེ། །རྡོ་རྗེ་ལྷ་མོའི་སྔགས་རྗེས་ལ། །པཱུ་ཛ་མེ་གྷས་
[157b.6]མུ་དྲ་སྤ་ར་ཎ་ས་མ་ཡི་ཧཱུཾ། །ཞེས་པས་དབུལ་བར་བྱའོ། །ཡང་ན་བཛྲ་ཨོཾ་གཉིས་ལ། །པཱུ་ཛ་ཡང་ནི་གཉིས་དང་ལྡན། །སོ་སོའི་མིང་གི་རིང་པོ་ལ། །མཇུག་ཏུ་ཧཱུཾ་ཞེས་བྱ་བ་ཡིན། །ཚེགས་རྣམས་བསགས་པའི་མན་ངག་ལ། །ལས་ཀྱི་སེམས་དང་འཁོར་གྱི་སྐུ། །མཆོད་པའི་ལྷ་དང་
[157b.7]ཡུམ་གྱིས་སུ། །བདག་ཉིད་མཉེས་པར་བྱེད་པ་ཡིན། །གཙོ་བོ་གཞན་མཆོད་མཉེས་པ་ཡང་། །དཀྱིལ་འཁོར་གཉིས་དང་གསུམ་མཉེས་པའོ། །རྫས་དང་བསམ་གཏན་ཕྱག་རྒྱ་སྔགས། །རྡོ་རྗེ་གླུ་དང་གཉིས་འདུས་དང་། །གསུམ་འདུས་ལ་སོགས་མཆོད་པ་བྱ། །དངོས་དང་
[158a]
[158a.1]ཡིད་ནི་རེ་རེའམ། །གཉིས་ཀས་མཆོད་པར་བྱ་བའོ། །སྲིད་པའི་མཚོ་ལས་རྒྱལ་བ་དང་། །ཐུན་མོང་དངོས་གྲུབ་མ་ལུས་པ། །མཆོད་པ་བྱས་པས་འབྱུང་བར་འགྱུར། །དེས་ན་བརྩོན་འགྲུས་བཟང་པོ་ཡིས། །མཆོད་པ་རྒྱུན་དུ་གསལ་བ་གསུངས། །གཞན་ཡང་གསང་
[158a.2]སྔགས་ལམ་སྒྲུབ་པ། །རྣལ་འབྱོར་བླ་མེད་སྦྱོར་བ་ཡིས། །གསང་སྔགས་འབྲས་བུ་བསྒྲུབ་པར་བྱ། །བར་ཆོད་བགེགས་སེལ་དངོས་གྲུབ་མྱུར། །རྩོད་ལྡན་དབུལ་ཕོངས་དུས་སུ་ནི། །དེས་ན་འབྱུང་བའི་སྐུ་མཐུན་བསྟན། །དོན་དང་ལྡན་པའི་རྣལ་འབྱོར་གྱིས། །མཛེས་པ་མཎྜལ་རིན་ཆེན་
[158a.3]རྒྱན། །དེ་ལ་བསྒྲུབ་པར་འདོད་པ་ཡིས། །རིན་ཆེན་ལྡས་མཚན་ས་བརྐོས་ཏེ། །བདག་ལས་བྱུང་བའི་འོད་ཟེར་གྱིས། །ས་སྐྱོན་དག་པ་བརྐོ་བར་བྱ། །རིན་ཆེན་སྣ་ལྔ་རང་བཞིན་ཏེ། །སྲོག་ཆགས་མེད་པ་ས་དང་ཆུ། །གཉིས་མེད་བསྲེས་པ་འོད་དུ་ཞུ། །འཁོར་ལོ་པདྨ་ཉི་མའི་གདན། །
[158a.4]ཡི་གེ་གསུམ་ལས་ལེགས་གྲུབ་པའི། །སྐུ་གསུམ་ལྷ་རུ་གསལ་བ་ལ། །ཡེ་ཤེས་སྤྱན་དྲངས་མཆོད་ནས་བསྟིམས། །གཉིས་མེད་འགྱུར་ལ་མཆོད་ཕུལ་ཏེ། །འོད་དང་སྔགས་ཀྱིས་བསྐུལ་གྱུར་ཏེ། །འོད་ཞུ་བྱང་ཆུབ་ཐིག་ལེའམ། །ཡང་ན་འོད་ཀྱི་གོང་བུར་གྱུར། །བྱང་ཆུབ་ཚོན་
[158a.5]གྱི་སྣུམ་ཡང་བསྐུ། །ཀོང་བུ་བྱིན་གྱིས་བརླབ་པ་ཡང་། །འོད་ཞུ་མེ་ལས་ནམ་མཁའ་སྟེ། །བཅང་བ་ཀོང་བུ་ཕྲ་མོ་ཉིད། །རླུང་གིས་ནམ་མཁའ་སྟོང་ལ་ཐིམ། །བརྡབས་ཤིང་གཉིས་མེད་སྔགས་སྒྲ་སྦྱོར། །ཕྱུང་བས་བདེ་གཤེགས་རིང་བསྲེལ་ནི། །རིན་ཆེན་བཞི་ལས་ལེགས་ཕྱུང་བ། །
[158a.6]བར་རིམ་བཞི་གཉིས་ཟུར་བཞི་པ། །དབུ་གསུམ་ལྔ་དང་དགུ་སོགས་ཏེ། །འོད་ཟེར་ལྔ་དང་ལྡན་པ་ལ། །བཞག་པས་གདན་སྟེང་དོན་བྱེད་འགྱུར། །སྟོང་ལས་སྡོང་བུ་ཡུམ་ཡིན་ཏེ། །ཐིག་ལ་ལག་པ་ཡབ་ཏུ་གྱུར། །རླུང་གི་སྟོབས་ཀྱིས་བྷ་གར་ཞུགས། །གཉིས་མེད་དཔལ་ལྡན་
[158a.7]སྐུ་མཆོག་ཡིན། །བཞུགས་པས་གདན་སྟེང་དོན་བྱེད་འགྱུར། །ཡང་ན་ནམ་མཁའ་སྟོང་པ་ལས། །བརྡབས་དང་སྔགས་སྒྲས་ལྷ་མོ་བསྐུལ། །ནམ་མཁའི་དབྱིངས་ནས་སྐུ་བྱུང་བཞུགས། །དེ་དག་གི་ནི་སྔགས་གསུངས་པ། །ཨོཾ་ན་མ་སྟྲཻ་ཡ་དྷའི་སརྦ་ཏ་ཐཱ་ག་ཏ་ཧྲྀ་ད་ཡ།
[158b]
[158b.1]གརྦྷེ་ཛྭ་ལ་ཧྲྀ་ད་ཡ། དྷ་རྨ་དྷཱ་ཏུ་གརྦྷེ་སཾ་ཧ་ར། ཨཱ་ཡུཿ་སཾ་ཤོ་དྷ་ཡ། ཨུཥྞི་ཥ་བི་མ་ལེ། །བི་ཤུདྡྷི་སྭཱ་ཧཱ། །ལྷ་ཡི་སྐུ་རུ་སྒྲུབ་པ་ལ། གསང་སྔགས་ཨོཾ་ན་མོ་ནཱི་ལཱ་མྦ་ར་ཞེས་པ་དང་སྤེལ་བར་བྱའོ། །རབ་ཏུ་གནས་པ་བསྡུས་པ་ཡང་། །ཡེ་ཤེས་སྤྱན་དྲངས་མཆོད་བསྟོད་ནས། །རང་
[158b.2]རང་ངོ་བོར་གནས་པ་ལས། །གཉིས་མེད་བསྟིམས་ལ་དབང་བསྐུར་ལ། །མཆོད་བསྟོད་མ་ལུས་རྫོགས་པར་བྱ། །ཕྱག་འཚལ་ཡིད་ཀྱིས་མཆོད་བྱས་ལ། །རྐང་པ་བརྒྱུད་མར་ལོང་བཏགས་ལ། །མགྲིན་པའི་སིལ་སྙན་བསྐུལ་ནས་ནི། །འོད་ལས་རིན་ཆེན་པདྨའི་གདན། །སྡིག་
[158b.3]སྦྱོང་དོན་བྱས་བསམ་པ་བསྐྱེད། །བསྐོར་བ་བྱ་ཞིང་སྨོན་ལམ་གདབ། །ཁྱད་པར་ཏིང་ངེ་འཛིན་སྤྲོས་འདོད་ན། །སྡིག་པ་དབྱུང་དང་སྲེག་པ་ཡི། །ཛྭ་ལ་རཾ་དང་གྲི་ཧ་ཛ། ཤུདྡྷོ྅ཧཾ་གི་ཤམྦུའམ། །ཕྲིན་ལས་བཞི་ཡི་སྔགས་དང་འོད། །རང་རང་རིགས་ཀྱིས་ཡོངས་སུ་བསྟན། །འབྱུང་བ་
[158b.4]མཆོད་རྟེན་དག་མི་བརྟེན་པ། །དངོས་གྲུབ་སྦྱོར་བ་ཀུན་སྤངས་སྡུག་བསྔལ་དག་དང་ཕྲད། །སྔོན་གྱི་བྲམ་ཟེ་བློ་གྲོས་མཆོག །ཚེ་འདི་ནད་མེད་དངོས་གྲུབ་ཀུན་དང་ལྡན། །ཤི་དུས་དཔལ་འབྱོར་ལུང་བསྟན་ལ། །བརྟེན་ནས་བླ་མེད་ཐོབ་ཀུན་གྱིས། །ལུང་བསྟན་ཡིན་པར་བླ་མ་
[158b.5]གསུངས། །མཆོད་རྟེན་ཕྲ་རབ་རྡུལ་དུ་མ་བརླགས་པར། །མི་དེ་ངན་སོང་གསུམ་དུ་ནམ་ཡང་འགྲོ་མ་ཡིན། །མཚམས་མེད་ལྔ་བྱས་འབུམ་ཚོ་གཅིག་གིས་བྱང་། །གོང་མའི་ཡོན་ཏན་དེ་བཞིན་འཕེལ་བར་གསུངས། །བར་མཆོད་ཀུན་སེལ་འདི་ལ་བརྩོན་པར་བྱའོ། །མཆོད་པ་དང་
[158b.6]ཚོགས་བསགས་པའི་ལེའུ་སྟེ་དྲུག་པའོ།། །།དེ་ལྟར་ཚོགས་རྣམས་སོགས་པ་ལ། །བདུད་འབྱུང་མན་ངན་བསྟན་པར་བྱའོ། །བདུད་ནི་རྣམ་པར་གཉིས་ཡིན་ཏེ། །ལས་ཀྱི་བག་ཆགས་སྨིན་པ་དང་། །འཕྲལ་གྱི་བར་དུ་གཅོད་པའོ། །དེ་ལ་ཡང་ནི་ཕྱི་དང་ནང་། །ཕྱི་ནི་དད་
[158b.7]ལྡན་གང་ཟག་ལ། །ཕ་མ་མཁན་པོ་གཉེན་བཤེས་ཚོགས། །ཞི་བས་ལོག་པའི་ལམ་ལ་འཛུད། །ཚོགས་དྲུག་རོ་ལ་ཆགས་འགྱུར་ཞིང་། །གཟུངས་ནི་དཀར་དམར་ལ་སོགས་པ། །གསལ་འགྱུར་མི་གནས་བདུད་ཀྱི་རྟགས། །སྙན་དང་མི་སྙན་ཏིང་འཛིན་ཉམས། །བདུད་
[159a]
[159a.1]ཀྱི་རྟག་ས་སུ་བསྟན་པ་ཡིན། །ཏིང་ངེ་འཛིན་ལ་བཞག་པའི་ཚེ། །རང་བཞིན་མེད་དྲིས་སྨད་པ་དང་། །མང་བའི་རིགས་ལ་ཉུང་བ་སྟོན། །ཆེ་བའི་རིགས་ལ་ཆུང་བ་སྟོན། །དེ་ལས་བཟློག་པར་ཤེས་པ་དང་། །དཀར་མོའི་རིགས་ལ་གཞན་སོགས་སྟོན། །ཟབ་པའི་རིགས་
[159a.2]ལ་མི་ཟབ་སྟོན། །མི་ཟབ་པ་ལ་ཟབ་པ་སྟོན། །གྲོལ་བའི་རིགས་ལ་ཆགས་ལམ་དང་། །ཆགས་པ་ལ་ཡང་བཟློག་པ་སྟོན། །མཚན་བཅས་ལ་ཡང་མཚན་མེད་རྫོགས། །དངོས་སུ་སངས་རྒྱས་སྤྲུལ་པ་རྣམས། །གསེར་དང་གཡུ་ཡིས་སྤྲས་པ་ལ། །ཟེགས་པར་ལམ་རྣམས་ནོན་
[159a.3]ནོ་དང་། །བསྟན་བཅོས་མཐའ་དག་བརྩོན་ཟེར་དང་། །སེམས་ཅན་བྱང་ཆུབ་ལམ་ལ་ཡང་། །དགོད་ཅིང་མ་ལུས་དོན་རྣམས་ཀྱིས། །དེ་ལ་སོགས་པའི་གདམས་དག་སྟེར། །འདི་ནི་ཕྱི་ཡི་བདུད་དུ་གསུངས། །ནང་གི་བདུད་ཀྱི་སྦྱོར་བ་ཡང་། །བསམ་གཏན་ཏིང་འཛིན་དུས་ལ་སོགས། །
[159a.4]འདུ་བ་བསྐྱེད་དང་བསམ་པ་བསྒྱུར། །རླུང་མཁྲིས་བད་ཀན་འདུས་པ་རྣམས། །མེད་བཞིན་བསྐྱེད་དང་བསམ་ལོག་དང་། །དམ་པ་དག་ལ་མ་མོས་ཤིང་། །རྟག་ཏུ་བསམ་ལ་མ་མོས་ཤིང་། །ཐ་མ་ལ་པ་ལ་ཆགས་པ་དང་། །ཁྲོ་དང་འཁོན་འཛིན་འཆབ་པ་དང་། །ཕྲག་དོག་སེར་སྣལ་
[159a.5]སོགས་པ། །ཉོན་མོངས་ཉེ་བའི་ཉོན་མོངས་རྣམས། །བསམ་གཏན་དང་ལ་སྐྱེ་འགྱུར་དང་། །ལོག་པའི་ཤེས་པ་བསམ་དགུ་རྒྱུ། །ཤིན་ཏུ་གདུག་རྩུབ་དྲག་པོ་སྐྱེད། །སྔོན་གྱི་འབྲས་བུས་རྐྱེན་བསླང་ཞིང་། །རྟག་ཏུ་མིག་རྩ་རྒོད་པ་དང་། །དེ་བཞིན་འཕྱར་དང་གཡེམ་པ་དང་། །ཞུམ་པ་
[159a.6]དང་ནི་གཡེམ་པ་དང་། །འཇིག་རྟེན་ལོག་ཆོས་བླ་མ་སྤོང་། །འདི་ཡང་བདུད་ཀྱིས་བསླུས་པ་ཡིན། །བསམ་གཏན་འཕྲོ་ལ་མི་གསལ་ཞིང་། །ཉམས་མི་དགའ་ཞིང་ལོག་ལ་དད། །ཟས་དང་སྐོམ་ལ་སྔ་རོལ་བས། །ཆགས་པར་གྱུར་པས་དེ་དག་དང་། །ཀུན་རྫོབ་སྤྱོད་ལ་དགའ་བ་
[159a.7]དང་། །ཕྱག་རྒྱ་རང་གི་རིགས་ལ་བརྟེན། །དེ་ལས་ཉོན་མོངས་སྐྱེ་བ་དང་། །ཆགས་ཤིང་ནུས་ཕ་ཕྲོགས་པ་དང་། །ཚོགས་དྲུག་སྐྱེ་མཆེད་རྣམས་སུ་སྦྱར། །ལོག་པའི་བླ་མ་བསྟེན་པ་དང་། །ཡང་དག་བླ་མ་དོར་བ་དང་། །སྡིག་པའི་གྲོགས་པོ་བསྟེན་པ་དང་། །བསམ་གཏན་མི་མོས་
[159b]
[159b.1]ལོག་ཆོས་མོས། །འཇིག་རྟེན་རྫས་སོགས་ཆོས་རྣམས་འཚོད། །འདི་ཡང་བདུད་ཀྱི་རྟགས་སུ་གསུངས། །སྔར་གྱི་ཆོས་འདོར་གཞན་དག་འདོད། །ཐར་པ་བདེ་འདོད་ཚུལ་ཡང་འཆོས། །ཁ་སྨྲ་དབུགས་རྒོ་དམིག་རྩ་གྲུང་། །ཐར་པ་ཡིན་ཞེས་སྣ་ཚོགས་སྨྲ། །འདི་ཡང་བདུད་
[159b.2]ཀྱི་རྟགས་སུ་གསུངས། །བདུད་ཀྱི་བརྟག་པ་མ་ཤེས་ན། །འབྲས་བུ་མེད་དེ་བདུད་ཀྱིས་བསླུ། །དེ་ལ་སོགས་པའི་སྦྱོར་བ་རྣམས། །བསམ་མི་ཁྱབ་སྟེ་གཞན་ལས་ཤེས། །འདི་རུ་བརྟག་པ་མདོ་ཙམ་བྱས། །མཁས་པ་རྣམས་ཀྱིས་མངོན་དུ་དཔྱོད། །ཅེས་གསུངས་སོ། །བདུད་བརྟག་
[159b.3]པའི་ལེའུ་སྟེ་བདུན་པའོ།། །།ཡང་དག་རྟགས་ཀྱི་མན་དག་ཀྱང་། །དངོས་དང་ཉམས་དང་རྨི་ལམ་གསུམ། །སྔགས་གྲུབ་གདོན་ཐུབ་ནད་ཐོན་རྟགས། །གསུམ་དང་དྲུག་ཏུ་སྟོན་པ་ཡིན། །ཡང་དག་དོན་གྱི་བླ་མ་ལ། །སེམས་བསྐྱེད་དབང་བསྐུར་ཡང་ཡང་བརྩམ། །དམ་
[159b.4]ཚིག་མི་བརྗེད་ནན་ཏན་བྱེད། །རང་རང་རིགས་ཀྱི་ཆོས་རྣམས་བརྟེན། །ཁྱད་པར་སྦྱིན་པ་ཚོགས་སོག་ཅིང་། །དགེ་བའི་གྲོགས་རྣམས་བསྟེན་པར་བྱེད། །སྲིད་པའི་མཚོ་ལས་རྒྱལ་བའི་ཕྱིར། །རྒྱུ་བཅས་དགེ་ལ་ཤིན་ཏུ་མོས། །གཞན་ལ་བསྐུལ་ཞིང་ཉམས་སོགས་ལྡན། །
[159b.5]འདི་ཡང་དངོས་ཀྱི་རྟགས་ཡིན་ནོ། །མེ་ཏོག་སྔོན་པོ་འཐུ་བ་དང་། །གླེགས་བམ་དག་ལ་སྤྱོད་པ་དང་། །ཆོས་ཀྱི་བགྲོ་བ་བྱེད་པ་དང་། །གཞན་གྱིས་མཆོད་དང་གཞན་ལ་མཆོད། །སྟོང་གསུམ་ཐམས་ཅད་མཐོང་བ་དང་། །ཉི་ཟླའི་སྟེང་ན་འདུག་པ་དང་། །ཐོད་དུ་བཅིངས་ཤིང་ཤར་དང་
[159b.6]ཕྲད། །འཁོར་ལོ་ཀླད་ལ་བསྐོར་བ་དང་། །མཆོད་རྟེན་རྩི་ལ་འཛེག་པ་དང་། །རགས་ཤིང་བཀྲག་པའི་རྒྱན་རྣམས་ཐོགས། །གོས་སྔོན་ལུས་ལ་གྱིན་པ་དང་། །གོས་སྔོན་སྐུ་གཟུགས་མཐོང་བ་དང་། །བདེ་གཤེགས་ཁད་པར་ཕྱིན་པ་དང་། །ཡིད་བདེ་ཏིང་ངེ་འཛིན་གསལ་བ་དང་། །མི་
[159b.7]གཙང་མེ་ཡིས་བསྲེག་པ་དང་། །ཁྲག་སོགས་ལུས་ལས་འཐོན་པ་དང་། །ནང་ཁྲོལ་བ་ཏེན་ཅིང་ཆུ་གཙང་ཤོལ། །ལུས་སྐྲངས་རང་སོགས་མང་པོ་འབྱུང་། །ངན་སྐྱུགས་བྱུང་ཞིང་བདུད་རྩིའི་ཆུ། །འོ་མ་དང་འདྲེས་འཁྲུད་པ་དང་། །ཤ་མདོག་སྡོ་འགྱུར་བདུད་རྩི་སྤྱོད། །ལུས་ལ་མི་གཙང་
[160a]
[160a.1]གཟུགས་བྱུང་ན། །མེ་ནང་བསྲེག་ཅིང་དྲི་མ་འཁྲུ། །རྟག་ཏུ་གཅེར་བུར་འདུག་པ་དང་། །རང་ལ་མཚོན་བརྒྱབ་བར་ལ་གྲིས་གཏུབ། །སྟོང་ཉིད་སྟོང་པ་མཐོང་བ་དང་། །བསམས་པས་རྨི་ལམ་ཅི་ཡང་མེད། །མཐོང་ལམ་སྐྱེས་ཤིང་ལུས་དང་བྲལ། །དངོས་ཀྱི་ཉམས་ལ་
[160a.2]བརྟེན་པ་དང་། །དབང་དང་སྲུང་བ་བྱེད་པ་དང་། །སེམས་ཅན་དམན་ལ་ཚང་མེད་འབྱུང་། །ཡང་དག་དོན་ལ་བྲོད་པ་སྐྱེད། །སེམས་ཅན་བདག་དང་འདྲ་བར་སེམས། །འཁོར་བས་སྐྱོ་ལ་རྒྱབ་ཀྱིས་ཕྱོགས། །སྔོན་པས་ང་རྒྱལ་ཉོན་མངས་ཆུང་། །ཟབ་པའི་དོན་ལ་ཆོག་མི་ཤེས། །དངོས་
[160a.3]པོ་རྫས་ལ་ཆགས་པ་མེད། །མིག་ཡང་ཡུན་རིང་མི་འཛུམས་ཤིང་། །འཇིག་རྟེན་གླེང་མོ་འཚོལ་བར་སྨྲ། །མངོན་ཤེས་ཕྲ་མོ་སྟོན་ནུས་ཤིང་། །སེམས་ཅན་སྡུག་བསྔལ་སེལ་བར་ནུས། །གསེར་སོགས་རིན་ཆེན་འདོང་མི་སྐྱེས། །རྐང་ལག་བཅད་ཀྱང་ཡིད་མི་འཁྲུག། །རྟག་ཏུ་སྦྱིན་པ་གཏོང་
[160a.4]བར་བྱེད། །ལྡང་བ་ཡང་ཞིང་ཟོ་མདོག་བདེ། །འབྱུང་བ་བཞི་ཡི་དགྲས་མི་ཚུགས། །བྱང་ཆུབ་སེམས་དཔའ་སྐྱེ་བདུན་ནོ། །གསང་ལ་དད་ཅིང་ཡིད་ཚེ་སོ། །རང་གི་ལྷག་པའི་བླ་མ་ལ། །ཅི་ཡོད་རིན་ཆེན་ཚོགས་བཀད་དབུལ། །བླ་མ་རིགས་དང་མཐུན་པ་ནི། །མཐོང་
[160a.5]ན་དགའ་ཞིང་མན་ངག་ལ། །ཐེ་ཚོམ་མེད་ཅིང་ཡིད་ཆེས་འབྱུང་། །དེ་ཡང་ལམ་ཟིན་གང་ཟག་གོ། །གཞན་ཡང་གྲུབ་པའི་རྟགས་བསྟན་པ། །དང་པོ་བདེ་གཤེགས་སྐུ་གཟུགས་ལ། །བདེ་གཤེགས་སྐུ་གཟུགས་མཐོང་བ་དང་། །འགུལ་དང་བཞད་དང་སྒྲ་འབྱུང་དང་། །
[160a.6]འོད་དང་དུ་བ་འབྱུང་བ་ཡང་། །འདི་ཡང་ཡང་དག་རྟགས་རྣམས་སོ། །ཡོན་ཆབ་ལ་སོགས་མཆོད་པ་ལ། །རང་གིས་བྱིན་བརླབས་འབྲས་བུ་འབྱིན། །སྣང་དང་འོད་དང་སྒྲ་འབྱུང་བ། །འདི་ཡང་ཡང་དག་རྟགས་རྣམས་སོ། །སྦྱིན་སྲེག་དངོས་གྲུབ་ཚོལ་བ་ན། །མེ་བུས་སངས་
[160a.7]རྒྱས་རབ་ཡིན་ཏེ། །དེ་ལས་སྒྲ་བྱུང་འབྲིང་དུ་བཤད། །མ་ནི་བདག་གི་དབང་འགྱུར་ཞིང་། །ལས་དང་མཐུན་པ་འབྱུང་བའོ། །གཏོར་མའི་སྦྱོར་བ་ལ་བརྟེན་པ། །ཁོལ་དང་འོད་སྒྲ་བསྐམས་པ་དང་། །གང་དམིགས་ལ་བྱིན་དེ་དབང་འགྱུར། །རབ་འབྲིད་ཐ་མ་གོ་རིམས་བཞིན། །དུང་དང་
[160b]
[160b.1]དྲིལ་བུ་ལ་སོགས་པ། །མ་བསྒྲགས་སྒྲ་རྣམས་འབྱུང་བ་དང་། །འཇུག་པ་ནང་རྟགས་ཡེ་ཤེས་ཀྱི། །ཐམས་ཅད་ཤེས་ཤིང་སྨྲ་བ་དང་། །འགུལ་དང་ཤེས་པ་བརྟག་པ་དང་། །རབ་འབྲིང་ཐ་མ་གོ་རིམས་བཞིན། །གཞན་ཡང་དཀར་དམར་འོང་གྱུར་པ། །གསལ་བ་སྒྱུ་མར་བསྒོམ་པ་
[160b.2]དང་། །མི་གསལ་གཤེགས་པས་གསལ་འགྱུར་བ། །འདི་ཡང་རབ་ཀྱི་རྟགས་སུ་གསུངས། །སྐུ་གསུང་ཐུགས་ཀྱི་རྟགས་རྣམས་ལ། །རབ་འབྲིང་གོང་གི་སྟོབས་སུ་གསུངས། །མཛེས་པ་ལྷ་མོ་བདེ་སྟེར་དང་། །གང་ཞིག་ནམ་མཁའ་སྟོང་ལས་བསྒྲལ།། །སྡིག་སྤོང་དགེ་ལ་
[160b.3]འཛུད་པ་དང་། །བསྟན་པ་དམ་པ་སྟོན་འགྱུར་ན། །ཡང་དག་རྟགས་སུ་འདི་ཡང་གསུངས། །ནམ་མཁའ་ལྷ་མོས་དབང་བསྐུར་དང་། །བྱང་ཆུབ་སེམས་ཀྱི་ཆུ་འབབ་དང་། །མཆོད་པ་སྣ་ཚོགས་སྟེར་བ་དང་། །གཞན་ཡང་རྟགས་ཀྱི་སྦྱོར་བ་ནི། །འཇའ་ཚོན་དང་ནི་སྦྱིན་སྔོན་དང་། །
[160b.4]ཉི་ཟླས་སྟོང་ཁམས་གང་བ་དང་། །དེ་གསེབ་ནང་ན་འདུག་པ་དང་། །སྤྲུལ་ཚད་རུལ་ཞིང་མཚོ་རྣམས་བསྐམས། །ཙནྡན་ཚལ་དང་ནོར་བུའི་ཚལ། །སྨན་གྱི་སྡོང་པོ་གུར་ཀུམ་སྤང་རི་དང་། །སྔོན་གྱི་ལྗོན་ཤིང་སྡུག་བསྔལ་སེལ་བྱེད་ཅིང་། །འདིར་རིན་རྟག་ཏུ་རང་འདུག་ཞིང་ཁང་ཆེན་
[160b.5]པོ་དང་། །མཆོད་རྟེན་སྐུ་གཟུངས་དག་དང་ནི། །བུམ་པ་སྔོན་པོ་རྡོ་རྗེ་དང་། །རྟག་ཏུ་ཐོད་རློན་ཉམས་སོགས་མདུན་དུ་འབྱུང་། །འདི་ཡང་དམ་པའི་རྟགས་ཡིན་ནོ། །ཁྲག་དང་མཆི་མ་དངོས་སུ་འབྱུང་། །ཡི་དགས་དབང་དུ་སྡུད་ནུས་དང་། །ཡི་དགས་ཟིལ་གྱིས་མནན་པའི་ཚེ། །
[160b.6]མནན་འགྱུར་སྐད་ངན་རྩེར་སྒྲ་འདོན། །འོ་དོད་ཁུས་འདེབས་བྱེད་པ་རྣམས། །འདི་ཡང་གསང་སྔགས་གྲུབ་པའི་རྟགས། །གཞན་ཡང་བསམ་གཏན་བྱེད་དུས་སུ། །དམ་ཆོས་དངོས་སུ་བརྡར་མ་གདགས། །ཕྱིས་ནི་རྗེས་སུ་དྲིན་ཞིང་ཤེས། །མ་ཐོས་ངེས་པ་སྟོན་པ་དང་། །
[160b.7]སེམས་ཅན་སྲིད་དམན་གང་འཁྱམས་པ། །སྙིང་རྗེས་ཟིན་ཅིང་དོན་བྱེད། །ཚུལ་ཁྲིམས་ལྡན་ཞིང་གསང་སྔགས་མོས། །ཐེག་པ་ཐུན་མོང་གཅིག་ཏུ་ཤེས། །ནང་དུ་མུ་སྟེགས་ཆོས་རྣམས་ལ། །མ་གཤེ་རང་རྒྱུད་ཞི་ཞིང་ངེས། །སྒྱུ་མ་རང་བཞིན་མེད་པར་ཤེས། །འདི་
[161a]
[161a.1]ཡང་ཡང་དག་དམ་པའི་རྟགས། །དེ་ལ་སོགས་པ་དཔག་ཏུ་མེད། །འབྱུང་བར་འགྱུར་ཏེ་གཞན་ལས་ཤེས། །དེ་རྣམས་གོང་དུ་བསྟན་པའི་སྐྱེད་པར་བྱེད། །སྲིད་མཚོ་རྒལ་བྱེད་སྲིད་པའོ། །རྟོགས་པས་བསྐྱེད་པ་སྲིད་པ་འཁོར། །ཟད་པར་བྱེད་པའི་ལས་རྣམས་ནི། །
[161a.2]མི་རྟག་འཆི་བ་ལ་སོགས་པ། །སྲིད་པས་འཇིགས་ཤིང་མི་རྟག་པ། །ཡུད་ཙམ་ལས་གྲུབ་ལོ་དང་ཟླ། །རྟག་པར་སེམས་པ་བྱིས་སེམས་ཡིན། །ཐང་ཅིག་ཡུད་ཙམ་མི་སྡོད་པས། །གསང་བའི་བདེ་བ་མྱུར་བར་བྱ། །དམ་ཚིག་དམ་པས་གཞི་ཡིས། །ནན་ཏན་བསྐྱེད་ལ་བསྲུང་ཞིང་བཙའ། །
[161a.3]དེ་འདུ་བདེ་བ་སྤྱོད་པ་ཡང་། །དལ་འབྱོར་མི་ཡིས་སྤྱད་པ་སྟེ། །བསོད་རྣམས་ལས་བྱུང་མི་ལུས་འདི། །ས་དུག་རིམ་པ་གསུམ་པ་རུ། །ཆུ་ཚིགས་འབྱུང་བར་ཤིན་ཏུ་དཀོན། །དཀོན་པའི་དུས་འདི་ཐོབ་པ་ལ། །མི་རྣམས་རྒྱ་མཚོའི་གླིང་དུ་ཕྱིན། །ནོར་བུ་ཆེན་མི་ལེན་པ། །བྱ་བ་ལ་
[161a.4]སོགས་གཡེངས་པ་ནི། །སྐྱེས་བུ་གླེན་པ་བདུད་ཀྱིས་བསླུས། །མི་ལུས་ཐོབ་དཀའ་རིན་ཆེན་འདི། །ཐོབ་ནས་ཡལ་བར་འདོར་བ་ཡང་། །སྐྱེས་བུ་མི་མཁས་འཁོར་བའི་རྒྱུ། །དེས་ན་བརྒལ་དཀའ་འཁོར་བའི་རྒྱུ། །འདི་འདྲའི་སྡུག་བསྔལ་ཟད་མི་ཤེས། །སྔ་ཕྱི་དུས་བྱུང་བ་ཡིས། །
[161a.5]རང་ཉེས་ཁྲེལ་ཞིང་ཉེས་པ་བརྗོད། །ཚེ་འདིའི་བདེ་བ་ཐོབ་དུས་སུ། །ཐང་ཅིག་ཡུད་ཙམ་མི་སྡོད་པར། །སྲིད་མཚོ་འཁོར་བའི་ནང་དུ་རྒྱུག །མི་སྡོད་རྒྱུག་པའི་བར་འདི་རུ། །རང་གསོས་དྲག་པོས་དོན་བསྐྱེད་དེ། །དབང་པོ་མ་ཉམས་ལུས་འདི་ཡིས། །བསམ་གཏན་སྔགས་བཟླས་
[161a.6]བརྩོན་པ་དང་། །རང་གཞན་འཕགས་དང་བླ་མ་དང་། །ཤིན་ཏུ་བླ་མ་དམ་པ་རྣམས། །མཆོག་ཅིང་གསོལ་འདེབས་པས་དགེ་བ་ལ། །ཚུལ་ཁྲིམས་དམ་ཚིག་མ་ཉམས་པར། །བླ་མ་དཀོན་མཆོག་མི་མོས་སྤང་། །ཚོགས་དང་གཏོར་མ་ཅི་ནུས་བྱ། །གལ་ཏེ་དགེ་འདུན་འདུན་པ་དང་། །
[161a.7]དབུལ་བའི་སེམས་ཅན་མ་ལུས་པ། །མཆོད་ཅིང་སྦྱིན་པ་མང་དུ་དགྱེ། །ཕྱི་མར་གྱུར་པའི་སྨོན་ལམ་ཡང་། །གཙང་མར་རྒྱ་ཆེར་གདབ་པར་གསུངས། །སྨོན་ལམ་ལས་བྱུང་དགེ་བ་ཡང་། །ནམ་མཁའ་ནམ་མཁའ་མཐའ་དང་མཚུངས། །ཟད་མི་ཤེས་པའི་འབྲས་བུ་འབྱུང་། །ཡང་
[161b]
[161b.1]ན་འབྱུང་བ་དེ་ཡི་ལས། །ཤིན་ཏུ་བཞུགས་པས་ལས་རྣམས་འགྲུབ། །ཀུན་རྫོབ་ལ་བརྟེན་དོན་དམ་དང་། །ཐབས་ལམ་བརྟེན་ཤེས་རབ་དང་། །སྲིད་པའི་བདེ་བ་མ་བརྟེན་པར། །ཐར་པ་མྱ་ངན་འདས་པ་མེད། །དེས་ན་གསང་སྔགས་ནུས་པ་ཡིས། །མི་བསླུ་འབྲས་བུ་འབྱུང་བ་རུ། །
[161b.2]ངེས་པར་གཙོ་རུ་གཟུང་བར་གསུངས། །ཡང་དག་རྟགས་དང་རྒྱུའི་ལེའུ་སྟེ་བརྒྱད་པའོ།། །།བདུད་ཀྱི་རྟགས་རྣམས་བཟློག་པ་དང་། །སྲིད་པའི་མཚོ་ལས་རྒལ་འདོད་པས། །དང་པོ་བྱང་ཆུབ་སེམས་བསྐྱེད་ནས། །དམ་ཚིག་སྔོམ་པ་གཙང་བ་ཡིས། །ཉེས་པ་མེད་ཅིང་བར་ཆོད་
[161b.3]མེད། །བདུད་རྣམས་བཟློག་པའི་གཙོ་རུ་གསུངས། །དང་པོ་གསང་སྔགས་སྒོར་ཞུགས་ནས། །ལྟ་བ་སྤྱོད་པ་ཟུང་དུ་འབྲེལ། །གསང་སྔགས་ལས་ཀྱི་གཙོ་རུ་གསུངས། །ལྟ་བ་གཏན་ལ་མ་ཕེབས་པས། །དངོས་གྲུབ་འབྱུང་བར་མི་འགྱུར་བས། །བདུད་ཀྱི་བར་ཆོད་པས་ལ་
[161b.4]བ་དང་། །དངོས་གྲུབ་མྱུར་བར་འདོད་པ་ཡིས། །ལྟ་བ་ཉམས་སུ་ལོན་པར་བྱ། །ལྟ་བ་གཉིས་མེད་ཡང་དག་ལོག །དངོས་པོ་རྣམས་དང་མི་མཐུན་པ། །བསམ་མི་ཁྱབ་སྟེ་གཉིས་སུ་འདུས། །རྟག་པ་དང་ནི་ཆད་པའོ། །ཡང་དག་པ་ཡང་གཉིས་སུ་གསུངས། །ཤེས་རབ་སྙིང་
[161b.5]རྗེ་ཆེ་ཆུང་དང་། །ཆུང་བ་འདི་རུ་མི་སྨྲ་སྟེ། །ཤེས་རབ་ཆེ་བ་གཉིས་སུ་གསུངས། །གསང་སྔགས་ཕ་རོལ་ཕྱིན་པའོ། །དེ་དོན་གཏན་ལ་དབབ་པ་ནི། །དོན་དམ་པ་དང་ཀུན་རྫོབ་བོ། །ཡང་ན་བདེན་གཅིག་འདོད་པ་དང་། །ཁས་ལེན་ཀུན་དང་བྲལ་བ་ནི། །རྣམ་གཅོད་མེད་ཅིང་ཡོངས་
[161b.6]གཅོད་མེད། །ཀུན་རྫོབ་གཉིས་ཏེ་དམན་དང་མཆོག །དམན་པ་གཉིས་ཏེ། ལོག་པ་དང་ནི་ཡང་དག་གོ། །ལོག་པ་གཉིས་ཏེ་སྨིག་རྒྱུ་དང་། །གོང་དུ་གསུངས་པའི་གྲུབ་མཐའོ། །ཤེས་རབ་ངན་པའི་རྟོག་པའོ། །མ་བརྟགས་གཅིག་པུ་ཉམས་དགའ་བ། །སྐྱེ་དང་འཇིག་པའི་ཆོས་
[161b.7]ཚུལ་ཅན། །དོན་བྱེད་ནུས་པ་སྣང་བ་ལ། །དེ་ནི་ཡང་དག་ཡིན་པར་གསུངས། །མཆོག་ནི་དངོས་པོ་འདི་རྣམས་ཀུན། །གཞལ་ཡས་ཁང་དང་ལྷ་མོ་དང་། །སེམས་ཀྱི་རང་བཞིན་སྒྱུ་མས་མཚོན། །སེམས་ཀྱི་སྣང་བ་བག་ཆགས་ཚོགས། །སྲིད་པ་བླ་མར་ཤེས་པར་གསུངས། །བླ་མ་ལ་
[162a]
[162a.1]བརྟེན་བག་ཆགས་ཚོགས། །དན་སོང་གསུམ་ལས་རྒལ་བར་གསུངས། །དོན་དམ་པ་ཡང་རྣམ་པ་གཉིས། །ཕྱོགས་སྔ་འདོད་པ་རྟོག་པ་དང་། །རང་གི་རྟོག་པ་གཉིས་སུ་གསུངས། །ཕྱོགས་སྔ་རྟོག་པ་ངན་པ་རྣམས། །ཡང་དག་དོན་ལ་སྐྱེ་བ་མེད། །
[162a.2]མེད་པ་གྲུབ་པར་འདོད་པར་སྣང་། །དེ་ཚེ་སྐྱེ་བ་མེད་གྲུབ་ན། །མེད་དང་གྲུབ་པ་འགལ་བ་ཡིས། །ཕན་ཚུན་སྤངས་པ་མི་གནས་པས། །མེ་པ་གྲུབ་པ་རིགས་མ་ཡིན། །གྲུབ་པོ་ཞེ་ན་རྟོགས་པར་འགྱུར། །གལ་ཏེ་སྐྱེ་མེད་གྲུབ་ན་ནི། །དེ་ནི་ཆོས་ཚུལ་གྲུབ་པར་འདོད། །འགལ་སྐྱོན་
[162a.3]གནས་པར་འགྱུར་མ་ཡིན། །ཆོས་ཚུལ་གྲུབ་བ་རྟོག་ཡིན་ཕྱིར། །བསྒོམས་ཀྱང་མི་རྟོག་ཐོབ་པ་མེད། །དཔེར་ན་མེ་ཤི་ཚ་བ་འབར་བ་བཞིན། །ཡང་། སྟོང་པ་དོན་དམ་མ་ལུས་པ། །ཆོས་ཉིད་རང་བཞིན་མཚན་མ་ཞི། །མི་འགྱུར་ཕྱིར་ན་རྟག་པ་ཡིན། །དེ་ལ། རྟག་པ་ཡོད་ན་མི་རྟག་ཡང་། །
[162a.4]ཆོས་ཚུལ་ཕྱེ་བས་གྲུབ་བས་ན། །མི་རྟོག་མ་ཡིན་རྟོགས་པར་འགྱུར། །སྟོང་ཉིད་མུ་སྟེགས་བདག་ཡོད་དུ། །རྟག་པ་གཅིག་པར་གྲུབ་པར་འགྱུར། །ཁ་ཅིག་རང་བཞིན་མེད་པ་ལ། །མེད་ལས་ཆོས་ཚུལ་རིགས་སྣང་འདོད། །དེ་བཞིན་སེམས་ཀྱིས་སེམས་བརྟགས་པས། །མེད་པར་
[162a.5]གྱུར་ཀྱང་སྣང་ཞེ་ན། །མི་རིགས་རྒྱ་མཚོ་མི་དཔོག་བཞིན། །མི་དམིགས་གྱུར་ཡང་སྣང་ཞེ་ན། །དེ་ནི་ཡིད་རྟོག་དཔྱོད་པ་སྟེ། །ལོད་བས་ཟླ་བའི་གཟུགས་དཔོག་བཞིན། །ཁ་ཅིག་དངོས་པོར་འཛིན་པ་དེ། །དེ་ལྟར་ཡོད་པའི་ཕྱིས་མེད་པར། །འཛིན་ཏོ་དེ་ཡི་གཞུང་ལུགས་ལ། །ཕྱིས་
[162a.6]ནི་རྟོག་པས་མེད་པར་འཛིན། །ཡོད་པས་མེད་པ་གྲུབ་འགྱུར་ན། །མི་རིགས་ཐུག་པ་མེད་པར་འགྱུར། །མི་རིགས་རྒྱུ་འབྲས་འདུས་བྱས་བཞིན། །ལ་ལ་དོན་དམ་གནས་ཚུལ་ལ། །རང་བཞིན་མེད་པའི་ཤེས་པ་ལ། །དེ་དངོས་རང་བཞིན་མེད་པར་འདོད། །ཟླ་ཕྱེད་དངོས་ལ་ཡོད་པར་
[162a.7]འདོད། །དཔེར་ན་བྱས་པ་མི་རྟག་པ། །མ་བྱས་རྟག་པར་ཤེས་པར་འགྱུར། །དེ་ལ་སོགས་པ་དཔག་ཏུ་མེད། །རང་གི་འདོད་པའི་ངོ་བོ་ཡང་། །ལུང་དང་རིགས་པས་ཤེས་པ་ཡི། །རྣམ་གྲངས་དོན་ལ་ཡོངས་འདས་པའི། །ཁས་ལེན་བྲལ་བས་ཡོངས་སུ་འདོད། །དམིགས་སོགས་
[162b]
[162b.1]སེམས་དཔའི་དཀྱིལ་འཁོར་ཅན། །ལྷ་མོ་ཤེས་རབ་སྟོང་པ་ཡིས། །སྲིད་དངོས་བླ་མ་སྟོང་པར་གྲོལ། །དངོས་པོར་སྣང་བའི་རྣམས་ཀུན། །གཅིག་དང་དུ་མར་མ་གྲུབ་པས། །ཤེས་རབ་ཀྱིས་དཔྱད་རང་བཞིན་མེད། །དངོས་པོ་སྣང་བ་འདི་རྣམས་ཀུན། །སྨིག་རྒྱུ་ཆུ་ཟླ་བཞིན་དུ་སྣང་། །
[162b.2]རིགས་པས་གྲུབ་པའི་ཤེས་པ་ལ། །ཆོས་ཅན་སྣང་བར་ངས་མ་མཐོང་། །ངེས་པར་བརྟགས་ན་རིགས་པ་ལ། །ཆོས་ཅན་ཆོས་ཚུལ་གྲུབ་མ་ཡིན། །གང་ཡང་མ་གྲུབ་གྱུར་པ་དེ། །བླ་མེད་དོན་རྙེད་ཅེས་སུ་གསུངས། །དོན་དེ་དངོས་པོ་གནས་ཚུལ་ནི། །མིང་མེད་ཚིག་མེད་ཡི་གེ་མེད། །
[162b.3]རྟག་མེད་ཆད་པ་ཡོད་པ་ཡོད་པ་ཡིན། །དེ་ལྟར་ཡོད་པར་མ་གྲུབ་པས། །མེད་པ་མ་གྲུབ་དེ་ཡི་ཕྱིར། །དེ་ཡི་མཐའ་དང་དབུས་མ་གྲུབ། །དེ་ལྟར་མ་གྲུབ་དེ་ཤེས་ན། །ཕྱག་རྒྱ་ཆེན་པོར་སྦྱོར་ཞེས་བྱ། །དེ་བཞིན་ལུང་རིགས་དུ་མ་ཡི། །རྡོ་རྗེ་གཟེགས་མ་རྟེན་འབྲེལ་སོགས། །ངེས་པར་བརྟགས་
[162b.4]ན་གྲུབ་པ་མིན། །ཞིབ་པ་འདི་རུ་མ་སྤྲོས་སོ། །གསང་སྔགས་ཕྱག་རྒྱ་ཆེན་པོ་ཡི། །རང་བཞིན་མི་གནས་སྤྲོས་བྲལ་ཡང་། །ཐབས་དང་ཤེས་རབ་སྣང་སྟོང་དང་། །རིགས་དང་བདེ་ལ་སོགས་པ་ཡང་། །རིགས་པས་ཅི་ཡང་གྲུབ་པ་མིན། །དོན་དམ་རང་བཞིན་གནས་ཚུལ་ཡང་། །རབ་ཏུ་
[162b.5]མི་གནས་རང་བཞིན་ཏེ། །མི་གནས་པ་ཡི་ངོ་བོར་འདོད། །བདེན་གཉིས་གཅིག་གི་ངོ་བོ་ཡང་། །དོན་དམ་སྤྲོས་བྲལ་སྟོང་ཉིད་བསྒོམ། །ཀུན་རྫོབ་སྒྱུ་མས་བསོད་ནམས་བསག །དེ་ལྟར་རྟོགས་པའི་མན་ངག་ཀྱང་། །བླ་མེད་བླ་མེད་ལས་བྱུང་གི། །ཕ་རོལ་དབུ་མ་པ་ལ་མིན། །ཞེས་
[162b.6]གསུངས་སོ། །དེ་ལྟར་རྟོགས་པའི་གཟང་ཟག་ལ། །ལམ་ལ་བར་ཆོད་བདུད་མེད་དེ། །གང་བྱས་འབྲས་བུ་རྙེད་པར་འགྱུར། །ལྟ་བས་མན་ངག་རྟོགས་པ་སྟེ། །རིགས་པ་བར་ཆོས་མྱུར་དུ་ཞི། །བར་ཆོས་རང་གི་སེམས་ལས་བྱུང་། །དེས་ན་ཤེས་རབ་མིག་ཏུ་གསུངས། །ལྟ་བ་
[162b.7]གཏན་ལ་དབབ་པའི་ལེའུ་སྟེང་དགུ་པའོ།། །།བདུད་རྩི་ལྔ་ལ་སྤྱོད་པ་དང་། །རིག་མ་ཡེ་ཤེས་སྐྱེ་ཚུལ་གྱིས། །གསང་བས་བཟློག་པར་བྱ་བ་ནི། །གསང་བའི་སྤྱོད་པས་བཟློག་པའོ། །ཆོ་ག་བཅུ་ཡིས་བཤགས་པ་དང་། །ཡི་དམ་ལྷ་ལ་ལུས་དབུལ་ཞིང་། །གསོལ་བ་འདེབས་
[163a]
[163a.1]ཤིང་སྐྱབས་སུ་འགྲོ། །ཆོ་གས་དབང་དུ་སྡུད་པའོ། །བདག་ལས་བྱུང་བའི་ཁྲོ་ཚོགས་དང་། །ལུས་ལས་མཚོན་ཆའི་ཆར་འབེབས་དང་། །དེ་དང་དྲག་པོ་སྦྱོར་སྔགས་དང་། །མི་འདའ་གསང་བའི་སྔགས་ཟློས་པ། །བདག་འོད་དབྱིབས་ལས་བྱུང་བ་ཡི། །
[163a.2]ཐོག་འབེབས་སྦྱོར་བ་རྩོམ་པ་དང་། །མེ་དང་ཆུ་ཡི་འཁོར་ལོ་དང་། །མན་ངག་སྟོབས་ཀྱིས་བཟློག་པའོ། །ཡུངས་ཀར་དང་ནི་ཡུངས་ནག་དང་། །སྐྱེ་ཚེ་ཤང་ཚེ་གུ་གུ་ལ་དང་། །དགུ་འབྲས་བྲ་བཅིང་རྫས་ཀྱིས་བསྲུང་། །རྫས་ཀྱིས་བཟློག་པའི་མན་ངག་གོ། །མདུན་གྱི་སྙིང་དུ་སེམས་
[163a.3]དཔའ་བསྐྱེད། །འོད་འཕྲོས་ཡེ་ཤེས་མེ་འབར་བ། །འདི་ཡང་མན་ངག་སྟོབས་ཀྱིས་བཟློག །གང་ཡང་དམིགས་པའི་མགྲིན་པ་རུ། །ཨ་བསམས་དེ་དང་སྤྱི་བོ་རུ། །རྩ་ལས་འཁོར་ལོ་བསྐོར་བ་ཡང་། །སྔགས་དང་ཏིང་འཛིན་སྦྱོར་བ་སྟེ། །འདི་ནི་བསམ་གཏན་བཟློག་པའོ། །རྡོ་རྗེ་
[163a.4]རྩེ་གསུམ་ཕྱག་རྒྱ་དང་། །དམ་ཚིག་རྡོ་རྗེ་སྡིགས་མཛུབ་ཀྱིས། །རྒ་གྲ་རལ་གྲི་ལ་སོགས་པ། །ཕྱག་རྒྱ་བཟློག་པར་གསུངས་པ་ཡིན། །དངོས་དང་ཉམས་ལ་སོགས་པ་རུ། །བཀྲ་ཤིས་འཁོར་ལོ་དགའ་ཞིང་སོགས། །ཆགས་པར་གྱུར་པ་རུལ་མྱགས་དང་། །དུམ་བུ་
[163a.5]ལང་ལིང་རྣམ་པར་བསམ། །ཤིན་ཏུ་ཁྲོ་བར་འགྱུར་བ་ལ། །བྱམས་པ་བསྒོམ་ཞིང་དངོས་པོ་བཙལ། །སྙིང་རྗེ་ལ་སོགས་སྐྱེ་བར་འགྱུར། །གཏི་མགུ་ལ་སོགས་ཆོས་རྣམས་དབྱེ། །དེ་བཞིན་མི་དགེ་གཉེན་པོ་རུ། །དགེ་བ་མ་ལུས་བསམ་པ་ཡིན། །གཞན་ཡང་ལོག་པའི་
[163a.6]དོན་བསྟན་ན། །བདག་ལ་ཆོས་དང་ཆོས་ཅན་རྣམས། །རང་བཞིན་མེད་དང་སྒྱུ་མ་དང་། །སྟོང་དང་ཞི་བ་སེམས་ཀྱི་དང་། །ཚོ་འཕྲུལ་ཡིན་པར་ཤེས་པ་ཡིས། །བརྡ་དང་ཕྱག་རྒྱ་ལ་སོགས་པ། །དོན་དང་སྦྱར་ལ་སྦྱིན་པར་བྱ། །ཐབས་ཀྱིས་སྟོན་ན་ཤེས་རབ་ལ། །ཤེས་རབ་
[163a.7]ཐབས་ལ་སོགས་པར་སྦྱར། །གླེན་པའི་ལན་ཡང་མྱུར་དུ་སྦྱིན། །བདུད་རྣམས་སྦྱོར་བ་མ་ལུས་པ། །ཏིང་འཛིན་གསལ་ཞིང་བརྩོན་འགྲུས་དྲག །བདུད་རྣམས་བཟློག་པའི་མཆོག་ཏུ་གསུངས། །བར་དུ་གཅོད་པ་མ་ཟློགས་ན། །དངོས་གྲུབ་མེད་ཅིང་ཕྱལ་བར་གཏོང་། །དེས་
[163b]
[163b.1]ན་བཟློག་པ་ཤིན་ཏུ་གཅེས། །བདུད་བཟློག་པའི་ལེའུ་སྟེ་བཅུ་པའོ།། །།མདངས་དང་སྲོག་ལ་པར་ཆོས་བྱེད། །གདུག་པ་མ་ལུས་སེལ་བའི་ཕྱིར། །སྦྱོར་བའི་འདི་ཡི་མན་ངག་བསྟན། །གནས་ནི་ཡིད་འོད་ལ་སོགས་སུ། །བསྙེན་པ་རྣམ་གསུམ་རྫོགས་པ་
[163b.2]དང་། །ཞི་བ་ལ་སོགས་སོ་སོ་ཡི། །གང་ལྟར་འདོད་པའི་སྐུ་བསྐྱེད་པ། །བསྡུ་བ་ལ་སོགས་རྫོགས་པ་ཡིས། །ཞི་བ་དང་ནི་རྒྱས་ལ་སོགས། །ཚོགས་དང་གཏོར་མ་སྔོ་ཞིང་བསྡུ། །དེས་ཀྱང་འདུལ་བར་འགྱུར་བྱ་བ་ནི། །ཡང་ན་དེ་ཡི་སྦྱོར་བ་ལ། །རྐང་པ་གཡས་པ་རལ་གྲི་
[163b.3]ལ། །གཡོན་པ་ལྕགས་སུ་ཀྱུའི་སྦྱོར་བ་ཡིས། །ཁྲོ་བོ་མི་གཡོ་བསྒོམ་བྱ་སྟེ། །གཡོན་པས་བཀུག་ཅིང་གཡས་པས་གཏུབ། །རལ་གྲིས་གསང་སྔགས་བཟླས་པ་དང་། །གདབ་པ་ཡང་ནི་དེ་བཞིན་ནོ། །ཡང་ན་གཟིར་པའི་ཆོ་ག་ནི། །ནད་པའམ་ནི་གཟུགས་དག་ལ། །དམིགས་པས་
[163b.4]ལེགས་པར་བཀུག་བྱས་ནས། །རྐང་པ་གཡས་པ་རི་རབ་ལ། །རྒྱ་གྲམ་འབར་བས་མཚན་པའོ། །རྒྱལ་ཆེན་ཕྱོགས་སྐྱོང་གོང་དང་འོག །བད་རིམ་རྣམས་ལ་ངེས་པར་བསམ། །བུས་མོ་ཆུ་སྲིན་རྒྱལ་མཚན་ཏེ། །མཁའ་ལྡིང་རྒྱལ་པོ་རབ་ཏུ་ཁྲོས། །གནས་ལྔ་ལས་དང་སྦྱོར་བ་ཡིས། །
[163b.5]གཡོན་པ་ལྕགས་ཀྱུའི་སྦྱོར་བ་ཡིས། །བཀུག་པ་ལ་སོགས་པ་སྦྱོར་བ་ཡིས། །སྙིང་གར་མནན་གྱུར་དྲག་སྔགས་དང་། །འབྱུང་པོ་ཁྲག་ཏུ་འཐོན་འགྱུར་ཏེ། །མ་མོ་མཁའ་འགྲོས་འཐུང་བར་བྱེད། །མི་བཟོད་སྨྲེ་སྔགས་འདོན་པ་དང་། །ལུས་ལས་བྲལ་ཞིང་འབྲོས་པར་འགྱུར། །ཡང་
[163b.6]ན་སྙིང་ནང་རཾ་ལས་མེ། །འབར་ཞིང་ཤིན་ཏུ་འབར་བ་ཡིས། །གནོན་སེམས་གཏོར་ཞིང་འབྲོས་པར་འགྱུར། །ཕྱོགས་སྐྱོང་གང་དང་འདུལ་བ་ཡི། །གོང་མའམ་ནི་ཁོར་བོ་བཅུས། །གཟིར་ཞིང་རལ་ལ་སྲུང་བར་བྱེད། །ལྷ་ཆེན་པོ་ཡང་འདྲ་ཞིང་འབྲོས། །བར་ཆད་བྱེད་པ་གཞན་ཡང་
[163b.7]སེལ། །འབྲོས་པར་འགྱུར་བ་སྨོས་ཅི་དགོས། །མདངས་ལ་རྒོལ་བའི་གདུག་པ་ཡང་། །ཁྱད་པར་ཀླུ་ཡི་སྦྱོར་བ་སྟེ། །རིགས་བཞི་ལ་སོགས་ཀླུ་རྣམས་ལ། །གཟིར་བ་མཁའ་དིང་ལྔ་པོ་སྟེ། །དགོངས་དང་བཀའ་བརྒྱུད་གཞན་རྣམས་དང་། །འདིར་ཡང་འོས་པ་རབ་ཏུ་བསྟེན། །
[164a]
[164a.1]ཡང་སྙིང་པདྨ་འབར་བ་ཙམ། །དུས་གྲངས་ལ་སོགས་བསྐྱར་བ་ཡང་། །ཧ་པ་ལ་སོགས་ག་རུ་ཏས། །ཤིན་ཏུ་གྲུབ་པར་འགྱུར་བ་ཡིན། །ལྔ་ལ་ལྔ་ནི་ལེགས་གནས་ཏེ། །ལྔ་པོ་ཡི་ནི་སྦྱོར་བས་འཛིན། །བུས་མོ་དཔུང་བ་ནུ་འཛིང་དྲུག། །ཐོགས་མེད་འཁོར་
[164a.2]ལོ་རབ་ཏུ་བསམ། །བྱིན་རླབས་ནུས་དང་ལྡན་པ་ཡིས། །རྡོ་རྗེ་བརྡེག་ཅིང་ལྕགས་ཀྱུས་འཛིན། །སྦྱོར་བ་འདི་ནི་དམ་པའོ། །གང་ཡང་རུང་བར་འདོད་པ་ཡིས། །ཀླུ་གཉེན་བདེ་གཤེགས་སྐུར་གནས་ཏེ། །གཡས་པ་རྩེ་ལྔ་ཐོགས་མེད་ལྔ། །རང་གིས་བོན་འོག་ཏུ་
[164a.3]གནས། །གཡོན་པ་རྩ་ལས་བྱུང་བ་སྟེ། །སུཾ་ལས་རིན་ཆེན་རྡོ་སྟེང་དུ། །ཁྲོ་ལས་བྱུང་བ་སྣ་ལྔ་བསམ། །འོད་ཟེར་གྱིས་ནི་ལེགས་བཀུག་སྟེ། །ལུས་དང་བ་སྤུའི་མཚམས་རྣམས་སུ། །ནུས་དང་ལྡན་པར་བྱས་པ་ལ། །བདག་འོད་བུག་དགུ་སོགས་ཞུགས། །ལྟེ་བ་
[164a.4]འཁོར་ལོ་བསྐོར་བྱས་ཏེ། །གཡས་ཀྱི་རྡོ་རྗེས་པར་བྱས་ཏེ། །གཡོན་པས་ལན་པར་བྱེད་ཅིང་འདོན། །གཡོན་སྦྱོར་ལ་སོགས་མན་ངག་ཀྱང་། །མདངས་རྒོལ་ནད་ལ་ཤིན་ཏུ་བསྔགས། །ཡན་ན་མེ་གཉིས་སྟེག་པར་བྱེད། །ཡན་ན་འཁོར་ལོ་བརྒྱད་འབར་པས། །གནས་བརྒྱད་དུ་ནི་
[164a.5]བསམ་བྱས་ཏེ། །བསྲེགས་པ་རླུང་གིས་གཏོར་བྱས་ཏེ། །བཀྲུས་པ་བྱང་ཆུབ་ཐིག་ལེ་ལས། །དཔལ་ལྡན་སྐུར་གྱུར་བྱིན་གྱིས་བརླབ། །དབང་ཐོབ་སྐུ་ཡི་གསང་སྔགས་བཟླས། །ཡང་ན་ཟངས་སོགས་དམར་པའི་སྣོད། །གཟུགས་བྱས་ཡོངས་སུ་བསྐོར་བ་ལས། །བདུད་རྩི་
[164a.6]གསོ་ཞིང་མཆོད་པ་ལས། །དེ་ནས་རང་གི་གནས་སུ་བསྐྱལ། །དེས་ཀྱང་དུལ་བར་འགྱུར་བ་ཡིན། །ཁྱད་པར་ཅན་གྱིས་བདག་དང་གཞན། །གདུལ་ཐབས་གཉིས་ཕྱིར་བསལ་ཐབས་གཉིས། །མྱུར་དུ་གནོད་སེལ་ནུས་པ་ཡིན། །དེ་བས་འདི་ནི་ཐབས་ཀྱི་མཆོག །
[164a.7]སྦྱོར་བ་གཞན་ལ་ཡོད་པ་མིན། །བར་ཆོད་ཀྱི་བགེགས་བཟློག་པའི་ལེའུ་སྟེ་བཅུ་གཅིག་པའོ།། །།མི་རྒོད་ལ་སོགས་མ་རུངས་པས། །གཙེས་ཤིང་ཆོས་ལ་གནོད་བྱེད་པ། །གནད་ལ་བོར་བའི་དམ་ཚིག་ནི། །དུང་ཁྲོད་མཁའ་འགྲོ་འདུ་གནས་སུ། །དྲག་པོ་གྲུ་གསུམ་
[164b]
[164b.1]དུག་གིས་བྲི། །རྐང་རྗེས་གོས་སོགས་པག་ཟན་དང་། །བསྲེག་ཏེ་མི་རྒོད་གཟུགས་བྱས་ལ། །དེ་ཡི་སྙིང་གར་མིང་རུས་གཞུག །ཚ་བ་བསྐྱེད་པའི་སྦྱོར་བ་བྱ། །དེ་ལ་ཚོན་སྐུད་རྣམ་ལྔས་བཅིང་། །རབས་ཆད་ཐོད་པར་གཞུག་པ་ཡིན། །རང་བསྐྱེད་རང་གི་ཆོག་རྫོགས། །བདེ་
[164b.2]གཤེགས་མཆོད་དང་ཆོས་སྐྱོང་སྦྱིན། །དེ་ཡང་རྣ་ལས་གཟུགས་སུ་གྱུར། །བདག་ལས་སྤྲུལ་པའི་ཁྲོ་ཚོགས་ཀྱིས། །དཔག་ཏུ་མེད་པས་འཇིག་རྟེན་བཀང་། །གཟུང་ནས་ཁྲིད་པར་བྱེད་པ་ལ། །རྡོ་རྗེ་འགུགས་པའི་གསད་སྔགས་བཟླས། །ཁྲོ་བོ་མང་པོ་སྦྲུལ་པ་ཁྲོས། །
[164b.3]གང་གིས་དངོས་པོ་གཟུང་བ་ཡིས། །གཉིས་མེད་བསྟིམ་ལ་ལས་ཀྱིས་མནན། །ཐོགས་ལྔ་ལ་སོགས་མྱོས་སུ་གཞུག །ཡེ་ཤེས་འགོ་བའི་ལྷ་རྣམས་ཀྱིས། །གཤེགས་ཤིང་སྲོག་རྩ་བྲམ་ཟེའི་གཟུགས། །གདུག་པའི་ཁྲོ་མོ་བྱར་མས་བདུག །ཁྲོས་པའི་སྟབས་ཀྱིས་
[164b.4]ཁྲག་འབྱིན་ཅིང་། །རང་གིས་རོལ་ཟ་བར་བྱེད། །བདག་དང་ཡེ་ཤེས་ཁྲོ་བོ་ཡིས། །སྦྲུལ་པ་ཐོགས་ལྔས་འབྱེད་པར་བྱེད། །ཕྱི་མ་གསུམ་གྱིས་གསད་པ་དང་། །ཐེག་ཆེན་སྦྱོར་བའི་ལས་བྱ་ཡི། །དཀྱིལ་འཁོར་ཀུན་གྱི་གསང་སྔགས་ཀྱིས། །གསད་ཅིང་མནན་པའི་ལས་
[164b.5]རྣམས་བྱ། །ཡང་ན་གསང་བའི་དམ་པ་ནི། །ལྕགས་དང་རིགས་མཐུན་གྱུར་པ་ལ། །ཁྲོ་བོ་དེ་དང་མཐུན་བྱས་ལ། །དཀྱིལ་འཁོར་གསུམ་དང་འབྲེལ་པ་ཡི། །ཕུར་བུ་ཁོ་ནས་གསད་པ་ཡི། །ཀི་ལིའི་སྔགས་བརྗོད་གདབ་པར་བྱ། །རལ་གྲི་ཐོབ་གྲི་རྣམས་ཀྱིས། །གཏུབ་
[164b.6]ཅིང་གསད་དང་རྫས་རྣམས་ནི། །ཡུངས་ཀར་ཡུངས་ནག་ཕྱེ་མ་གསུམ། །བདུག་པའི་འགྲུབ་རྣམས་མ་ལུས་ལས། །ཁྲོ་ཆུང་གདུག་པས་ཁྲ་བ་ནས་འབྲུབ། །དྲག་སྔགས་བཟླས་ཤིང་ཐུན་རྣམས་བརྡེག །བསྣུན་ཅིང་གཏུབ་པའི་རྫས་དང་གཟུགས། །མནན་སྲེག་གསད་དང་འཕང་
[164b.7]བ་དང་། །ཡང་དང་ཡང་དུ་དགུག་པ་དང་། །ཐུགས་རྗེས་བག་ཆགས་སྦྱང་བའོ། །གཟུགས་ཅན་གདུལ་བའི་ལས་རྣམས་བསྟན། །མཛེ་ཅན་རབས་ཆད་ཐོད་པ་རུ། །འཁོར་ལོ་གཞུང་དང་མཐུན་པ་ལ། །དུག་དང་མྱོས་པའི་ཆུ་སྦྱར་ཏེ། །སྦྲུལ་ནག་སྦྱོར་བ་མཛེ་ཅན་ཁྲག་གིས་
[165a]
[165a.1]བྱས། །དེ་ལ་དགུག་པ་སྔོན་འགྲོ་པས། །ལུས་ནང་ནང་ནས་ལྕགས་སྦྲང་མང་། །ལུས་ནང་སྦྲུལ་ནག་སྦྱོར་ནས་ནི། །ལྕགས་དིག་སྲིན་བུ་ལ་སོགས་པས། །བ་སྤུའི་བུ་གར་སྦྱོར་བས་ན། །དེ་ནི་མཛེ་ཡིས་འཆི་བ་ཡིན། །དེ་བཞིན་འཁོར་ལོ་ནག་པོའི་སྟེན། །
[165a.2]གང་ཡིན་སྒོས་སུ་གསལ་བྱས་ནས། །བསམ་གྱི་མི་ཁྱབ་ཕུང་ལས་བུ། །སྟོང་གསུམ་སྤྲུལ་ན་དགུག་ཅིང་བསྟིམ། །སྒྲུབ་ལས་ལྕགས་སྤྲང་གཟི་མ་ཡིས། །བ་སྤུའི་བུ་གནས་ཞུགས་པས། །མེ་ཡིས་བསྲེགས་པ་འབྱུང་བ་ཡི། །འདི་ཡང་ཐབས་ཀྱི་དམ་པ་ཡིན། །
[165a.3]བྱང་དུ་བལྟས་པའི་ཆུ་མིག་ཏུ། །ཐོད་དུམ་བུ་དྲུག་ཡོད་པར། །གང་ཡིན་མིང་རུས་སྤགས་ཏེ་གཞུག། །སྦྲུལ་ནགས་སྲིན་ལ་སོགས་བསྟིམ། །ཡང་ཡང་བཀུག་ལ་མནན་པ་ཡིས། །ཞག་བདུན་གྱིས་ནི་འཆི་བར་འགྱུར། །འདི་ནི་གསད་པའི་དམ་པའོ། །ཡང་ནམ་མོའི་སྦྱོར་
[165a.4]བ་ཡང་། །བུད་མེད་ཐོད་པ་ལྕང་ལོ་ནང་། །དྲི་རྒོད་སྙིང་ལ་རབ་བསམས་ཏེ། །བདུད་རྩི་ལྔ་བྱས་ལངྒེ་ལ། །ལྔ་པ་ལས་སོགས་ཕྲལ་བྱས་ན། །སྙིང་ནང་མ་མོའི་སྦྱོར་བ་ཡིས། །ཁར་བླུགས་གྱུར་ན་མྱོས་ནས་འཆི། །ཐོད་པ་གླང་པ་འཁོར་ལོ་བསྐོར། །དུག་དང་མྱོས་པ་དུག་ཁྲག་དང་། །
[165a.5]ལུག་དང་གླང་གི་ཁྲག་དག་གིས། །སྨྱོ་བྱེད་སྦྱོར་བར་བྱས་ཤིང་། །མཁར་བའི་ཐུན་ཡང་རབ་ཏུ་བརྡེག །མ་མ་ར་ཀྵ་ཁ་ཐུན་ཏྲ་མ་ཧི་ཧྲིཾ་ཧི་རུ་ལུ་རུ་ལུ་བྷྱོ། ཞེས་བོད་ཅིང་རྦད་པར་བྱའོ། །དགུག་པ་སྔོན་དུ་སོང་བ་ལ། །མདུན་དུ་མ་མོ་ཁྲག་འཇིབ་པས། །ཕུར་བུས་སྤྱི་བོར་གདབ་
[165a.6]བྱས་ནས། །རྐང་པ་ཁྲག་འཐུང་འཇིབ་པ་ཡིས། །དེ་ལྟར་བྱས་པས་སྐྱ་སླ་མ་འགྱུར། །ཡང་ན་སྤྱི་ཚགས་བྱུག་པ་ལ། །མདུན་དུ་སྐྱི་ཚགས་རྡོ་རྗེ་བརྡེག །ཡང་ནི་ཁ་དོག་ནག་པོ་ལ། །མགོ་པོ་མེ་ཡི་ཕྲེང་བ་བསྐུལ། །སུམ་སྐོར་འོད་ཀྱི་ཕྲེང་བ་ཡིས། །རྡོ་རྗེ་སྤྱི་བོར་ཞུགས་
[165a.7]གྱུར་ནས། །འོད་ཟེར་སྙིང་ནར་སྲེག་པར་བྱེད། །ཐིག་ལེ་དག་ཀྱང་འཛོམས་ལ་ཡིན། །ཡང་ན་འོད་ཟེར་ནག་པོ་ཡང་། །ལྟེ་བར་འཁོར་ལོ་བསྐུལ་བྱས་ཏེ། །མེ་འབར་སྟོབས་ཀྱིས་སྲེག་པ་དང་། །སྤྱི་བོར་ཁུ་བ་བཀུག་ནས་ནི། །རྐང་པ་མེ་ནང་སྲེག་པར་བྱེད། །ཡང་ན་ཟ་བྱེད་ལ་
[165b]
[165b.1]རུ་སྲེག །ཡང་ན་རྡོ་རྗེ་ཡི་གེ་གསལ། །སྤྱི་ནས་གསང་བ་རྡོ་རྗེ་རྒྱབ། །བཤད་པའི་ཡི་གེ་བཤིག་པ་ཡིན། །ཡང་ན་སྙིང་གར་རཾ་ལས་མེ། །སེ་ནང་མེ་ཡིས་སྲེག་པ་དང་། །དབང་ཕྱུག་ལ་སོགས་བདུད་ཆེན་རྣམས། །ཚེ་མི་ཚད་ཀྱང་འཇིགས་པར་འགྱུར། །སྦྱོར་བ་འདི་ནི་
[165b.2]བྱས་ཙམ་གྱིས། །གང་ལྟར་འདོད་པ་མྱུར་དུ་གྲུབ། །ཡང་ན་དབང་ཕྱུག་མཐུ་ཆེན་གྱི། །རིག་པ་འདི་ཡི་སྦྱོར་བ་ཡིས། །ནག་པོ་ཚེས་གཅིག་ཟླ་བ་ལ། །དམིགས་པ་ཆུ་ཡི་འོད་ཟེར་ལ། །སྦྱོར་བ་འདི་ནི་བྱས་ཙམ་གྱིས། །དགུ་དང་མི་ཡི་སྦྱོར་བ་ཡིས། །རྟག་ཏུ་འཆི་བར་
[165b.3]འགྱུར་བ་བཞིན། །གང་ཡང་མྱུར་དུ་འགྲུབ་པ་ཡིན། །སྦྱོར་བ་འདི་ཡི་མན་ངག་ཀྱང་། །བླ་མའི་སྲོག་ལ་གནོད་པ་དང་། །དཀོན་མཆོག་བསྟན་པ་བསྣུབ་པ་དང་། །རང་སྲོག་གཅོད་པར་བྱེད་པ་ལ། །སྦྱོར་བ་འདི་ནི་བྱ་བ་ལས། །གཞན་ལ་བྱས་ན་དམ་ཚིག་ཉམས། །བར་
[165b.4]ཆོད་བསལ་བའི་ལེའུ་སྟེ་བཅུ་གཉིས་པའོ།། །།དངོས་གྲུབ་ཁྱད་པར་འདོད་པ་ཡིས། །སྐུ་གསུངས་ཐུགས་ཀྱི་རྟགས་རྣམས་ལ། །རབ་གནས་བྱས་པ་ཐོབ་པར་འགྱུར། །དེས་ན་རབ་གནས་ཆོ་ག་ལ། །ཡིད་དང་མཐུན་པའི་གནས་དག་ཏུ། །དང་པོ་བསྙེན་པ་སྐྱེལ་བ་
[165b.5]ཡིས། །གཙོ་བོ་འབུམ་ལ་འཁོར་རྣམས་ཁྲི། །ཡོ་བྱད་སོགས་ལ་བསྐྱལ་བ་ཡིན། །ལྷ་དང་བུམ་ལ་སོགས་པ། །སྟ་གོན་ལྷག་པར་གནས་པར་བྱས། །སྐུ་གསུངས་ཐུགས་ཀྱི་རྟག་རྣམས་ལ། །དང་ལ་བགེགས་བསལ་བྱུང་ཕུད་ལ། །ཕུར་བུ་སྦྱིན་སྲེག་ཆང་ཕུད་
[165b.6]གཏོར། །མེ་ལ་ཕུལ་ཞིང་བསྐོར་བྱས་ནས། །ཐལ་བའི་སྦྱིན་སྲེག་ཕྱི་རུ་བསྐྱལ། །དབང་སྟེགས་དག་ལ་ཁྲུལ་རྣམས་བྱས། །དང་པོ་དྲ་ཆུ་དང་སྦྱར་བའི། །མངར་གསུམ་ཨ་ཀ་རུ་ལ་སོགས། །མེ་ལོང་སྦྱིན་ནམ་དཱུར་བས་བཀྲུ། །ལྷག་གནས་སློབ་མ་ཆོ་ག་རྫོགས། །དཀྱིལ་
[165b.7]འཁོར་བྲིས་ལ་ཡོངས་སུ་བསྒྲུབ། །དང་པོ་དབང་བསྐུར་རབ་གནས་ལ། །སློབ་མ་བཅུག་སྟེ་དབང་བསྐུར་བྱ། །སྐུ་གསུང་ཐུགས་ཀྱི་རྟག་རྣམས་ལ། །རང་རང་སྐུ་གསུམ་ལྷར་བསྐྱེད་དེ། །བྱིན་གྱིས་བརླབ་ཅིང་དབང་བསྐུར་ནི། །མེ་ལོང་བཞིན་དུ་ཆུ་དབང་བསྐུར། །
[166a]
[166a.1]དེས་ན་དེ་ལ་དབང་རྣམས་རྫོགས། །རང་གི་སྔགས་སམ་གཞན་རྣམས་ནི། །བཛྲ་སཏྭ་ཞེས་པ་ཡིས། །གང་གི་སྟོབས་ཀྱིས་གོང་དུ་གནས། །ཡང་ན་སྦུ་རྣམས་སོ་སོ་ལ། །རང་གི་བདག་པོ་གཙོ་འམ་གང་བསྐྱེད་ལ། །དབང་བསྐུར་ལ་སོགས་གོང་བཞིན་བྱ། །
[166a.2]ལྷ་ཁང་སྒོམ་པའི་རྟེན་ཡིན་པས། །ཡེ་ཤེས་བྱིན་བརླབ་གོང་བཞིན་བྱ། །རྡོ་རྗེ་དྲིལ་བུ་ཕྲེང་བ་རྣམས། །ཡེ་ཤེས་རྡོ་རྗེ་དྲི་ཕྲེང་རྣམས། །ཨཱ་ལི་ཀཱ་ལི་ཡེ་ཤེས་དང་། །བྱིན་གྱིས་བརླབ་པ་ཙམ་ཡང་བྱ། །དེ་ནས་མཆོད་བསྟོད་ལ་སོགས་པ། །རྒྱས་པར་བྱས་ལ་དཀྱིལ་འཁོར་བསྡུ། །རྡུལ་
[166a.3]ཚོན་ཆུ་བོའི་གཞུང་ལ་དབོ། །དེ་ལྟར་སློབ་དཔོན་དེ་ལ་ཡང་། །ཅི་འབྱོར་བ་ཡིན་ཡོན་རྣམས་དབུལ། །དགའ་སྟོན་བྱ་ཞིང་སྨོན་ལམ་གདབ། །དེས་ནི་བསོད་ནམས་ཆེན་པོ་ཐོབ། །སྐུ་གསུང་ཐུགས་ཀྱི་རྟགས་རྣམས་ལ། །རབ་ཏུ་གནས་པ་མ་བྱས་ན། །མུ་སྟེགས་ལྷ་རྟེན་དང་འདྲ་བས། །དེས་ན་
[166a.4]རབ་གནས་བྱ་བ་གཅེས། །རབ་ཏུ་གནས་པའི་ལེའུ་སྟེ་བཅུ་གསུམ་པའོ།། །།དེ་ལ་དེ་ཡི་སྦྱོར་བ་ཡིས། །ཕྱི་དང་ནང་གི་ཁྲུས་བསྟན་པ། །རྫས་རྣམས་ཚོགས་པའི་བུམ་པ་ལ། །ལྷག་པས་བུམ་པ་སྦྱང་བྱས་ཏེ། །པདྨ་བཞི་སྟེ་གོས་སྔོན་བསྐྱེད། །བསྐྱེད་དེ་ཆོ་ག་རྫོགས་གྱུར་ནས། །
[166a.5]དག་པར་བྱེད་པའི་སྔགས་རྣམས་ཀྱིས། །ཡེ་ཤེས་ཆུ་བོར་བྱིན་བརླབས་ཏེ། །ནམ་མཁའི་ལྷ་མོས་སྣོད་ཐོགས་ནས། །ལྷ་མོས་རྒྱུན་ཕབ་ཆུ་བོ་ཡིས། །གང་ལ་བཀྲུས་པ་ཙམ་གྱིས་ན། །འཐོར་བས་དག་པར་བྱེད་པ་དང་། །དངོས་གྲུབ་ཐམས་ཅད་འབྱུང་བ་ཡིན། །རྣལ་འབྱོར་རྣལ་
[166a.6]འབྱོར་རྣམས་ཀྱིས་ནི། །དེས་ན་ཁྲུས་ལ་བརྩོན་པར་བྱའོ། །རྡོ་རྗེ་ཁྲུས་ཀྱི་ལེའུ་སྟེ་བཅུ་བཞི་པའོ།། །།དེ་ལས་དངོས་གྲུབ་མཆོག་འདོད་པ། །རྣམ་གྲངས་དོན་ནི་རབ་བརྟེན་ལ། །ཐབས་ཀྱི་ལམ་ནི་རབ་ཏུ་བསྟན། །དང་པོར་མཚན་བཅས་མཚན་མེད་ལ། །ནོར་བུ་འཕེལ་
[166a.7]པར་བྱེད་པ་ཡིན། །རྟེན་གྱི་མན་ངག་ཅུང་ཞིག་ཡང་། །གང་ཞིག་སྤྱི་བོ་ཁང་པ་རུ། །བདུན་ཅུ་གཉིས་སམ་དྲུག་ཅུ་བཞི། །སུམ་ཅུ་གཉིས་དང་བརྒྱད་དང་བཞི། །མཁའ་འགྲོ་རྩ་གྲངས་བཞིན་དུའོ། །ཀུན་བརྟགས་རྟོག་པའི་མཚན་ཉིད་དོ། །ཨཱ་ལི་གཉིས་དང་ཀཱ་ལི་གཅིག།།
[166b]
[166b.1]བརྒྱ་དང་འབྱུང་བཞི་ཡང་དག་ལྡན། །དེ་ལྟས་དེ་ལས་ཡེ་ཤེས་འབར། །སྟེང་དང་འོག་ཏུ་རྒྱུ་ཚུལ་ནི། །དབང་པོ་འགག་པར་བྱེད་པ་ཡིན། །ཡང་ན་ཚངས་ནས་སྨིན་མཚམས་བར། །རྩ་ལྔ་ཁ་ཕྱེ་སྤྱོད་པ་ཡིས། །སྐྱེ་མཆེད་ཡུལ་རྣམས་སྦྱོང་བའོ། །སྣང་བ་མཐའ་ཡས་གནས་དག་ཏུ། །
[166b.2]བཞི་བཅུའམ་ནི་སུམ་ཅུ་གཉིས། །བཅུ་དྲུག་བརྒྱད་དུ་སྣང་བ་ལ། །འབྱུང་བཞི་ཨཱ་ལི་བཅུ་དྲུག་ནི། །གཡས་དང་གཡོན་དུ་འཁོར་བར་གནས། །དབུས་ཀྱི་ཨོཾ་ནི་དཔའ་བོའི་བདག། །དབང་གི་དགའ་བཞི་སྐྱེད་པ་དང་། །ཡང་ན་བདེ་ཆེན་ཁ་འབྱེད་ཅིང་། །འབྱུང་འཇུག་འདི་ལ་
[166b.3]གནས་པ་ཡིས། །བདེ་བ་ཆེན་པོ་འགྲུབ་པར་འགྱུར། །སྙིང་གར་བརྒྱད་དང་བཅུ་དྲུག་བཞི། །དབུས་སུ་དྷཱུ་ཏཱི་གཡས་གཡོན་དུ། །ལ་ལ་ནཱ་དང་རས་ནཱའོ། །ཨཱ་ལི་ཀཱ་ལི་ཐབས་ཤེས་རབ། །བྱང་ཆུབ་ཐིག་ལེས་ཉོན་མོངས་ཤིང་། །འབྱུང་བ་བཞི་དང་ཡི་གེ་ཡི། །དང་པོ་བརྒྱད་པོས་
[166b.4]ཡོངས་བསྐོར་བ། །ཐིག་ལེ་ལས་བྱུང་འབྱུང་བ་བསྐུལ། །ཐིག་ལེ་ཡེ་ཤེས་ལ་བརྟེན་ནས། །དབང་གི་དགའ་བཞིའི་ཚུལ་དུ་བསྐྱེད། །འབྱུང་བ་དང་ན་འཇུག་པ་དང་། །གནས་པ་སྟོང་པ་བདག་ཉིད་དེ། །གང་ཞིག་འདི་ལ་རྟོག་གནས་ན། །རྣལ་འབྱོར་བདེ་བ་མྱོང་བར་བྱེད། །ཡང་ན་སྙིང་ག་
[166b.5]ནས་སྤྲོ་བའི། །རྩ་ལྔ་ཁྲག་དང་ཆུ་དང་ཡང་། །བྱང་ཆུབ་སེམས་ཀྱི་ཐིག་ལེ་ལས། །མདུང་དང་རལ་གྲི་ངེས་པ་ལ། །མགྲིན་ང་པདྨ་ཁ་འབྱེད་པས། །ཕྱོགས་སུ་གཞོལ་ཞིང་སློབ་པ་ཡིན། །ཁ་ཕྱེ་ཐིག་ལེ་འགྲོ་འོང་དག། །འབྱུང་དང་འཇུག་པ་འདིར་བསླབས་པས། །རྣལ་འབྱོར་
[166b.6]བདེ་བ་མྱོང་བར་བྱེད། །རེ་རེའམ་ནི་ལྔ་ལྔ་བར། །རྣལ་འབྱོར་སློབ་མ་བདེ་བའི་ལམ། །ལྟེ་བ་སྤྲུལ་པ་དཔའ་བོ་བདག། །བརྒྱད་དང་ཉི་ཤུ་སྦྱོར་བ་ཡིས། །ཀཱ་ལི་ཕྱེད་བཅས་སུ་བཞི་བརྒྱད། །ཨ་ནས་དགའ་བོ་རླུང་སྟོབས་ཀྱིས། །རྩ་ལྔ་སྙིང་གར་སློབ་པ་དང་། །དཔའ་བོ་འགེགས་པར་
[166b.7]བྱེད་པ་ཡིན། །ཁ་ཅིག་སློབ་པའི་དུས་དག་ཏུ། །བཞི་ནི་སོ་སོར་སློབ་པ་སྟེ། །བཞི་ནི་གཅིག་ཏུ་སློབ་པའོ། །ཉི་མ་རྡོ་རྗེ་རླུང་གིས་གསོར། །ལ་ལ་ཡི་གེ་ཐིག་ལེར་འདོད། །གཅིག་ནི་སྡུད་པར་བསླབས་པ་ཡིས། །སྟོང་པ་མེ་ལས་རྣམ་རྟོག་སྲེད། །དབང་གི་དག་པ་དམ་པའོ། །བདེ་
[167a]
[167a.1]པ་ཆེན་བོ་ཐོབ་པར་བྱེད། །གང་ཡང་སྦྱོང་པ་འདི་དག་ནི། །ཉི་མ་མེ་ནི་ལྟེ་བར་འབར། །ཡི་གེ་ཐིག་ལེས་ཡང་དག་གསོས། །དབང་གི་དགའ་བཞི་དག་པ་ཡིས། །དབྱིངས་ལ་ཐུག་ནས་མར་ལ་བྱུང་། །འོག་གི་བཛྲེ་འཁོར་ལོ་ལ། །དབབ་དང་བཟློག་དང་འགྲུབ་
[167a.2]བ་ཡང་། །འཁོར་ལོ་བཞི་ཡིད་དབང་དུ་གསུངས། །རིགས་གཞན་ཆགས་པའི་གང་ཟག་གིས། །རིགས་གཞན་ཕོ་ཉའི་སྦྱོར་བ་བྱ། །གང་ཚ་རང་གི་རིགས་མཐུན་ནམ། །ལ་ལས་སྐྱེས་པའི་བུ་མོ་དང་། །ཡེ་ཤེས་བུ་མོ་སྒྲུབ་པ་དང་། །གཡོན་གྱི་ཡུམ་དང་སྙིང་ག་ལ། །བྱིན་
[167a.3]གྱིས་བརླབས་དང་གཉིས་མེད་སྦྱོར། །རྟག་ཏུ་དམ་པ་བདེ་བ་དང་། །འདི་ཡི་སྦྱོར་པར་དགའ་པ་རྣམས། །རིམ་གྱིས་ཕྱག་རྒྱའི་དངོས་གྲུབ་འགྲུབ། །འབྱུང་བའི་བུ་མོས་སྦྱོར་བྱས་ཤིང་། །དབབ་དང་བཟློག་པའི་མན་ངག་གིས། །རྩེ་ལ་ཕྱིན་ནས་ནུབ་བྱང་འགྱུར། །ཐ་མ་ལས་ཀྱིས་
[167a.4]དུས་རྣམས་སུ། །རྐེད་པ་ཐ་ཀུས་བཀྱིག་པ་དང་། །དབུས་དང་ལུས་ཀྱི་བཟློག་པ་ཡིན། །ཐབས་ནི་ཀུན་ནས་རྫོགས་པ་རུ། །རི་ལུ་ཕྲེང་བས་མགུལ་ནས་ཐོགས། །སྤྲུལ་གྱི་ཞགས་པའི་སྦྱོར་བ་ཡིས། །ཀུན་ནས་འཕྲོས་པས་དངོས་གྲུབ་འབྱུང་། །གང་ནས་རྣལ་འབྱོར་མ་རྣམས་
[167a.5]ཀྱིས། །རྟག་ཏུ་བདེ་བ་སྟེར་བར་བྱེད། །ཡེ་ཤེས་བོགས་དང་དབང་བསྐུར་གཉིས། །གཞན་གྱི་ལས་སུ་མ་གསུངས་ཏེ། །དེ་ནས་དེ་སྤངས་དངོས་གྲུབ་འབྱུང་། །ཞེས་པའོ། །སྣ་ཚོགས་ཐབས་ཀྱི་སྒོམ་པ་ཡིས། །འདོད་པ་རྡོ་རྗེ་བཞིན་དུ་འགྲུབ། །ཞིང་ཁམས་གང་དང་གང་
[167a.6]ཡང་རུང་། །སྤྲུལ་པ་བྱིན་བརླབས་ཕྱོགས་བཅུར་འགྱེད། །འདི་ཡི་སྦྱོར་བ་དག་འགྱུར་ན། །ཞིང་ཁམས་གཙང་མར་སྐྱེ་བར་འགྱུར། །མན་ངག་ངན་སོང་འཁོར་བའི་རྒྱུ། །མཚན་མ་དང་བཅས་པའི་རྫོགས་རིམ་གྱི་ལེའུ་བསྟན་པ་སྟེ་བཅོ་ལྡན་པའོ།། །།ཡང་ན་འཁོར་ལོ་
[167a.7]སྦྱོར་སྤངས་པས། །བཅུ་དྲུག་བརྒྱད་དང་བཞིན་ཡི་དང་། །དབུས་སུ་བྱང་ཆུབ་ཐེག་ལེ་བསྒོས། །སྟོང་ཉིད་ཡོངས་ཆོད་བྲལ་བ་ལ། །སྒོམ་མེད་གོམས་པར་བྱ་བའི་ཡུལ། །གནས་དང་མི་གཡོ་བདེ་བ་དང་། །རྟོག་བྲལ་རང་བཞིན་སྟོང་པ་ཉིད། །ཐ་སྙད་མ་གྲུབ་བདེ་ཆེན་དང་
[167b]
[167b.1]ཐིག་ལེ་ཉམས་ལེན་ཤེས་པ་ཡིས། །སྲིད་རྩེ་སྣ་གསུམ་མཐར་ཕྱིན་ནས། །མཐོང་ལམ་བྱང་ཆུབ་མྱུར་དུ་འབྱུང་། །དེ་ལས་སྲིད་གསུམ་བགྲོད་པ་ཡང་། །སྐྱ་བ་རྨིའམ་བར་དོ་རུ། །ཐིག་ལེ་མི་རྟོག་སྟོང་ཉིད་ཡང་། །ཐིག་ལེ་ཡེ་ཤེས་དེ་དང་ལས། །རྣལ་འབྱོར་བདེ་བ་ཆེན་པོ་ཡང་། །མ་
[167b.2]ལུས་ཅིག་ཤོས་མཐའ་དང་བྲལ། །སྲིད་གསུམ་རང་བཞིན་འཕྲོ་བ་ཡང་། །འབྲས་བུ་སྟོང་ཉིད་འབྱིན་པ་སྟེ། །འདི་ནི་རྣམ་ཤེས་འཕོ་འཇུག་གོ། །ཞེས་ལུང་ལས་གསུངས་སོ། །མཚན་མེད་ཀྱི་མན་ངག་བསྟན་པའི་ལེའུ་སྟེ་བཅུ་དྲུག་པའོ།། །།གང་ཞིག་འདི་ལ་རབ་བཅོམ་
[167b.3]པས། །ཟླ་བ་དྲུག་གམ་བཅུ་གཉིས་ན། །རྣལ་འབྱོར་པས་ནི་རབ་ཏུ་ཐོབ། །སངས་རྒྱས་བྱང་ཆུབ་སེམས་དཔའ་ཡི། །སྤྲུལ་པའི་བྱིན་རླབས་སྣ་ཚོགས་པས། །རྣལ་འབྱོར་པ་དང་རྣལ་འབྱོར་མ། །ཕོ་ཉ་ཚོགས་འཁོར་ཐམས་ཅད་ཀྱིས། །རྟག་ཏུ་བྱིན་བརླབས་བདེ་བ་སྟེར། །བདུད་
[167b.4]དང་གནོད་སྦྱིན་ལྷ་ཀླུའི་ཚོགས། །མ་ལུས་གནོད་པ་བཞི་བར་འགྱུར། །སྡུག་བསྔལ་ནད་ལས་སོགས་པ་རྣམས། །མ་ལུས་མྱུར་དུ་ཐར་བར་འགྱུར། །ཐུན་མོང་དངོས་གྲུབ་མ་ལུས་འགྲུབ། །གཞན་དོན་མ་ལུས་ལྷུན་གྱི་གྲུབ། །ཅེས་གསུངས་སོ། །གང་ཡང་གསང་བའི་མན་ངག་
[167b.5]འདི། །དམ་ཚིག་སྔོམ་པ་ཉམས་པ་དང་། །གསང་སྔགས་ཕྲག་ཁྱེར་འཚོང་བ་དང་། །བླ་མ་མི་གུས་ལེ་ལོ་ཅན། །དབྱར་གྱི་ཙནྡན་ལྟ་བུ་སྟེ། །མཁས་པ་བརྟེན་པ་མི་བརྟེན་པར། །གླེགས་བམ་མཐོང་བས་ཁེངས་པ་ལ། །ཙནྡན་སྦྲུལ་གྱི་ཤུན་པ་འདྲ། །གསང་བའི་དོན་དང་ཕྱི་ལམ་
[167b.6]བསྲེ། །ལ་ལ་ལོག་པའི་ཆོས་དང་བསྲེ། །གང་ཞིག་སྟེར་བར་འགྱུར་བ་སྟེ། །ཚ་གྲང་ང་སོང་སྡུག་བསྔལ་མྱོང་། །མཁའ་འགྲོ་བྱད་མ་སྲིན་པོ་དང་། །རོ་ལངས་སོགས་ཀུན་གྱིས་གསོད། །གསད་པ་འདི་ཡི་དོན་རྣམས་དང་། །རང་སྲོག་གཅེས་དང་ནོར་བུ་དང་། །དྲི་མ་ཆོག་ག་
[167b.7]ཕུར་བཞིན་དུ་བཙའ། །གལ་ཏེ་བཙའ་བ་མ་ཤེས་ན། །སེངྒེའི་འོ་མ་སྣོད་ནང་དུ། །བླུགས་པ་ཇི་བཞིན་འབྲས་བུ་མེད། །གསང་བ་འདི་ཡིས་བརླབ་པར་འགྱུར། །གང་གི་དོན་ལས་ལོག་པའི་སྣོད་དང་ལྡན་བ་ལ། །གསང་བ་འདི་ཡི་མན་ངག་ཡང་། །རང་གི་རང་དོན་ལེན་པ
[168a]
[168a.1]བཞིན། །དེ་ལ་མ་ལུས་སྦྱིན་པར་བྱ། །ནོར་ལ་བལྟས་ཏེ་གསང་དོན་བཅད། །གསང་བ་སྲིད་པའི་རྒྱུ་ལ་བྱིན། །མ་མོས་བཙོངས་པས་དངོས་གྲུབ་ཡུལ། །སེངྒེའི་འོ་མས་སྣོད་འཇིག་བཞི་ན། །སྲིད་ཚོ་ངན་སོང་གསུམ་དུ་འཁོར། །འབྲས་བུ་ཚ་གྲང་སྡུག་
[168a.2]བསྔལ་མྱོང་། །དེས་ན་བུ་དང་འདྲ་བར་སྦྱིན། །དེས་ནི་འབྲས་བུ་བདེ་བ་འབྱུང་། །གཞན་གྱི་ཤུགས་འབྱུང་མ་ལགས་འདི་ལ་དགའ་བ་སྐྱེས། །ཁམས་གསུམ་སེམས་ཅན་སྲིད་མཚོ་དག་ལ་ལས་རྒལ་ཕྱིར་དང་། །རྡོ་རྗེ་བེ་ཅོན་གསང་བའི་དོན་ལ་སོགས་པ་མ་ལུས་པ། །
[168a.3]རང་ཉིད་མོས་དང་གསང་ཐབས་རྣམས། །རྫོགས་པར་ཀུན་ལ་བསྟན་ཕྱིར་བྲིས། །རྙེད་པ་ལ་སོགས་གྲགས་ཕྱིར་མིན། །མན་ངག་བླ་མ་དང་འདྲ་ལམ་འདི་བསྟན། །ལག་ན་རྡོ་རྗེའི་རྒྱུད་ལ་སོགས་པ་མ་ཉམས་བྱ་བའི་ཕྱིར། །གསང་བའི་དོན་རྣམས་ཐབས་ཀྱི་ཡན་ལག་ཏུ། །མན་ངག་
[168a.4]རྒྱས་པར་བསྟན་པའི་ཚོགས་རྣམས་དང་། །ལས་ཀྱི་བག་ཆགས་ངན་པས་མ་གྲོལ་ཡོད་སྲིད་ཅིང་། །ཚིག་དང་དོན་ལ་ཉེས་པ་ཡོད་སྲིད་པས། །རིགས་ལྔ་བདེ་བར་གཤེགས་པ་དང་། །བླ་མ།། མཁས་པ་རྣམས་ལ་བཟོད་པར་གསོལ། །སེམས་ཅན་ལམ་གཉིས་མ་ལུས་བསྒྲལ་
[168a.5]བ་དང་། །བདག་དང་སེམས་ཅན་ཐམས་ཅད་ཀུན། །རགས་དང་ཕྲ་བའི་རྟོག་པ་ཡོངས་ཞི་ནས། །སྔོམ་གསུམ་ལམ་གྱིས་སྲིད་པ་ཡོངས་རྒལ་ནས། །ཚུལ་ཁྲིམས་གཙང་མས་གསང་བའི་དོན་རྣམས་ཞུགས། །ཕྱག་རྒྱ་ཆེན་པོ་དོན་ཉིད་རབ་མཐོང་ཞིང་། །དེ་མ་མཐོང་བའི་
[168a.6]མ་ལུས་སེམས་ཅན་རྣམས། །སྡུག་བསྔལ་སྐྱེད་པའི་ཀུན་འབྱུང་རྩད་གཅོད་ཅིང་། །གཡོན་པ་མཛེ་འབྲས་ནད་རྣམས་རབ་ཏུ་ཞི་བ་དང་། །སྡུག་བསྔལ་རྒྱ་མཚོ་རབ་ཏུ་སྐམས་པ་དང་། །གོས་སྔོན་དངོས་གྲུབ་མྱུར་ཐོབ་ཅིང་། །ཞིང་མཆོག་གཙང་མར་སྐྱེ་བར་ཤོག །དེ་ཁོ་ན་ཉིད་
[168a.7]སྒྲོན་ན་ཞེས་བྱ་བའི་རྒྱན། །བླ་མའི་མན་རྒྱུད་མཆད་པ། །དེ་ཁོ་ན་ཉིད་ཉི་སྣང་བ་ཞེས་བྱ་བའི་སྒྲུབ་ཐབས་ཆེན་པོ་དགེ་སློང་ཀླུ་སྒྲུབ་ཀྱིས་མཛད་པ་རྫོགས་སོ།། །།པཎྜི་ཏ་གུ་རུ་པདྨ་འབྱུང་གནས་དང་། ལོ་ཙཱ་བ་གླང་དཔལ་གྱིས་སེངྒེས་བསྒྱུར་རོ། །སླད་ཀྱིས་ཀྱང་པཎྜི་ཏས་རྒྱ་གར་
[168b]
[168b.1]ཕྱོགས་ནས་སྒྲ་རང་འགྱུར་དུ་བསྒྱུར་རོ། །བི་ལ་བཛྲ་ལས་བླ་མ་སྨན་བཙུན་ཁྲོས་པ་ལ་གནང་། །དེས་དངོས་ལ་གནང་བ་ལགས་སོ།། {T2205}༄༅༅། །རྒྱ་གར་སྐད་དུ། ཨཱ་ཪྻ་བཛྲ་པཱ་ཎི་ནཱི་ལཱ་མྦ་ར་དྷ་ར་སརྦ་མཎྜལ་བི་དྷི་ནཱ་མ་ཨ་ཏི། བོད་སྐད་དུ། འཕགས་པ་ལག་ན་རྡོ་
[168b.2]རྗེ་གོས་སྔོན་པོ་ཅན་གྱི་དཀྱིལ་འཁོར་གྱི་ཆོ་ག་ཐམས་ཅད་རྫོགས་པ་ཞེས་བྱ་བ། །བྱང་ཆུབ་སེམས་དཔའ་ཆེན་པོ་འཇམ་དཔའ་འགྲུབ་པ་ལ་ཕྱག་འཚལ་ལོ། །ཐམས་ཅད་སྟོང་པ་ཆེན་པོའི་མཆོག །མངའ་བརྙེས་ཕྱག་ན་རྡོ་རྗེ་ལ། །ཀུན་ནས་དང་བས་ཕྱག་འཚལ་
[168b.3]ཏེ། །དཀྱིལ་འཁོར་ཆོ་ག་བདག་གིས་བཤད། །རྐྱེན་ཐུབ་ས་ནོན་ཡན་ལག་རྫོགས། །ཏིང་འཛིན་དབང་ཐོབ་གཟུགས་བཟང་ཞིང་། །ལོག་པའི་ལམ་སྤངས་མང་པོས་བཀུར། །དེ་སོགས་ཡོན་ཏན་ཀུན་ལྡན་པས། །ཡིད་དང་མཐུན་པའི་དབེན་པའམ། །ཡང་ན་ཉམས་དགའ་
[168b.4]བཀྲ་ཤིས་གནས། །རི་ཟླུམ་དག་གམ་ཆུ་བོའི་འགྲམ། །བྱིན་ཆེ་ཡོན་ཏན་ལྔ་གནས་སུ། །སྟེགས་བུ་སྔོན་པོ་མཛེས་པ་ལ། །མེ་ཏོག་སྔོན་པོ་གཅལ་བཀྲམ་སྟེ། །སྟེང་དུ་གོས་སྔོན་སྐུ་གཟུགས་གཞག། །ཡན་ལག་ཡེ་ཤེས་བསྐྱེད་ལྡན་པས། །མཆོད་པའི་ཆོ་ག་སྔོན་བཏང་
[168b.5]ནས། །ཕྱི་ནང་དགུག་དང་བསྟིམས་ལ་གནས། །སྔགས་ཀྱི་བསྙེན་པ་འབུམ་སོགས་བྱ། །ཡང་ན་མཚན་མ་གསུམ་ཐོབ་པས། །བསྒྲུབ་པའི་ཆོ་ག་བརྩམས་པར་བྱ། །རབ་ཏུ་བརྟགས་པའི་ས་གཞི་ལ། །ཟླུམ་ལ་མཛེས་པའི་མཎྜལ་བརྩིག། །སྟེང་དུ་དཔལ་ལྡན་དཀྱིལ་འཁོར་
[168b.6]བསྐྱེད། །སྤྱན་དྲང་བྱིན་བརླབས་དབང་བསྐུར་ནས། །ཕྱི་ནང་མཆོད་པ་ཅི་འབྱོར་དབུལ། །སྟོང་པ་དག་ཀྱང་དེ་བཞིན་ནོ། །དེ་ནས་ཕྱོགས་སྐྱོང་སྲུང་མ་དགུག། །ཨོཾ་ཨིནྡྲ་ཡེ་ཧཱུཾ་ཛཿ་ཨགྲྣ་ཡེ་ཧཱུཾ་ཛཿ་ཡ་མཱ་ཡ་ཧཱུཾ་ཛཿ་ནཻ་རྲ་ཏྱཱ་ཨ་ཧཱུཾ་ཛཿ་བ་རུ་ཎཱ་ཡ་ཧཱུཾ་ཛཿ་བ་ཡ་བེ་ཧཱུཾ་ཛཿ། ཀུ་བེ་རཱ་
[168b.7]ཡ་ཧཱུཾ་ཛཿ།། ཨཱི་ཤྭ་ནཱ་ཡ་ཧཱུཾ་ཛཿ་ཏེ་ཧ་ཨ་དྷི་པ་ཏ་ཡེ་ཧཱུཾ་ཛཿ་སཱུཪྻ་ཙནྡྲཱ་ཡ་ཧཱུཾ་ཛཿ་དེ་སྐད་ཅེས་བརྗོད་ལ་སྤྱན་དྲང་ངོ་། །དེ་ནས་སངས་རྒྱས་ཐམས་ཅད་དགུག། །ཕྱོགས་སྐྱོང་ལ་སོགས་བྱིན་གྱིས་བརླབ། །གཏོར་མ་ཚུལ་བཞིན་བྱིན་བརླབས་ཏེ། །ཅི་བདེར་ཕྱོགས་སྐྱོང་ཚོགས་ལ་དབུལ། །
[169a]
[169a.1]དེ་ནས་ལས་རྣམས་བཅོལ་བར་བྱ། །ལྷ་དབང་མེ་ལྷ་གཤིན་རྗེ་དང་། །བདེན་བྲལ་ཆུ་ལྷ་རླུང་གི་ལྷ། །གནོད་སྦྱིན་དབང་ལྡན་ཉི་ཟླ་དང་། །བྲན་དང་བཀའ་ཉན་ཕོ་ཉའི་ཚོགས། །རྡོ་རྗེ་སྤྱན་དང་སྙན་མངའ་བ། །རྫུ་འཕྲུལ་ཆེན་པོའི་དོན་ལྡན་པ། །མངོན་ཤེས་ཅན་གྱིས་
[169a.2]མཆོད་བ་བཞེས། །ས་ཕྱོགས་དགེ་བའི་གནས་འདི་རུ། །བདག་གི་དགེ་བའི་གྲོགས་པོ་མཛོད། །བདག་གིས་བཟོད་པ་དེ་ཡིས་ནི། །མི་བསླུ་དམ་ཚིག་དགོངས་མཛད་ལ། །རྟགས་དང་མཚན་མ་བསྟན་དུ་གསོལ། །ཞེས་ལས་བཅོལ་ལོ། །ལག་པ་ས་ལ་རེག་པ་ཡིས། །ས་ཡི་ལྷ་མོ་
[169a.3]དབུས་སུ་བཏོན། །དེ་ལ་བྱིན་བརླབས་མཆོད་པ་བྱ། །དངོས་སུ་ལས་བཅོལ་ཚིག་འདི་བསྒོའོ། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་ལས། །ས་དང་ཕ་རོལ་ཕྱིན་ལ། །ལྷ་མོ་ཁྱོད་ནི་དབང་དུ་གྱུར། །སྐྱོབ་པ་ཤཱཀྱ་སེངྒེ་ཡིས། །ཇི་ལྟར་བདུད་ཀྱི་སྡེ་བཅོམ་པ། །
[169a.4]དེ་ལྟར་བདག་གིས་བདུད་ལས་ནི། །རྒྱལ་བར་བྱས་ཏེ་དཀྱིལ་འཁོར་བྲི། །ཞེས་བརྗོད་པས་གནང་བ་བྱིན་ནས་ཐིམ་པར་བསམ་མོ། །ས་བསླང་བའོ། །ལེགས་པར་བྱིན་པའི་གནས་ཆེད་དུ། །ས་བདག་ལེགས་པར་བལྟ་བྱས་ལ། །ཟླ་བཞིར་དབང་དུ་ཕྱོགས་བཞིར་བལྟ། །དེ་ཡི་ལྟོ་བའི་
[169a.5]དབུས་ནས་བྲུ། །རོལ་སོགས་པའི་སྐྱོན་རྣམས་བསླ། །མར་གྱི་མདོག་དང་འདྲེས་པར་གྱུར། །མཆོག་ཏུ་གྱུར་བས་བླངས་པར་བྱ། །ས་བརྟག་པའོ། །ས་གཞི་བཟང་པོས་བཀང་དུ་དུས་སུ། །དག་པར་བྱེད་པའི་གསང་སྔགས་བཟླས། །སྟེགས་ཀུན་བུ་ཁྲུ་ནི་བཅུ་དྲུག་གམ། །བཅུའམ་ལྔ་རུ་ལེགས་
[169a.6]བྱས་ཏེ། །ཤིན་ཏུ་འཐས་པར་བཅག་པར་བྱ། །མཐོན་དམན་མེད་པར་གྱུར་པ་དང་། །བདུད་རྩི་ལྔའམ་པ་ཡི་ལྔ། །དྲི་དང་སྨན་གྱིས་ལེགས་པར་བྱུར། །བདག་བསྐྱེད་གསང་སྔགས་བཟླས་པ་ཡིས། །རྩ་བའི་ཡི་གེས་གྲུབ་པར་བྱ། །ས་སྦྱར་བའོ། །དེ་ནས་ས་ལས་འོད་བྱུང་སྟེ།། ཡཾ་
[169a.7]ལས་རྒྱ་གྲམ་རླུང་དུ་གྱུར། །དེ་སྟེང་བཾ་ལས་ཆུ་དཀྱིལ་འཁོར། །གསེར་གྱི་ས་གཞི་ལཾ་ལས་བསྐྱེད། །དེ་སྟེང་སུཾ་ལས་རི་རབ་བསྐྱེད། །རིན་ཆེན་སྣ་བཞིའི་རང་བཞིན་ཅན། །དེ་ལ་ལག་བརྡེག་པར་ཡྦ། །དེ་ཡིས་གསང་སྔགས་འདི་དག་བཟླས། །ཨོཾ་མེ་དཱི་ནཱི་བཛྲཱ་བྷ་བནྡྷ་ནི་ཧཱུཾ་ཕཊ།
[169b]
[169b.1]ཅེས་བཟླས་འོད་དང་ལྡན་བྱས་ཏེ། འོད་ཀྱིས་སྟོང་གསུམ་ཐམས་ཅད་གསལ། །ས་གཞི་བྱིན་གྱིས་བརླབ་པའོ། །དེང་ནས་བརྩམས་ཏེ་གོས་སྔོན་ཅན། །ཕྱག་རྒྱ་ཆེ་དང་ལྡན་གྱུར་པས། །རྒྱན་རྣམས་ཐམས་ཅད་ཡང་དག་ལྡན། །པདྨ་ལ་སོགས་དབུས་བཏིང་ནས། །དེ་ཡི་སྟེང་དུ་
[169b.2]འདུག་པར་བྱ། །ཤར་ལ་སོགས་པའི་ཕྱོགས་རྣམས་སུ། །མཆོད་པ་ལྔ་འམ་ཉི་ཤུ་བརྒྱད། །བདག་གི་ཐུགས་ཀའི་འོད་ཟེར་གྱིས། །ཕྱོགས་བཅུའི་སངས་རྒྱས་སྤྱན་དྲངས་ཏེ། །བསྟིམ་པས་བཀྲག་དང་གཟི་བྱིན་བསྐྱེད། །མངལ་ནས་སྐྱེས་པའི་ཚུལ་ཅན་ནམ། །སྣ་བུག་སྔགས་ཀྱི་
[169b.3]འོད་ཟེར་ལས། །ཡང་ན་ཉི་ཟར་ཚུལ་ཅན་གྱིས། །འཁོར་རྣམས་གསལ་བར་གྱུར་པ་ལས། །ཡེ་ཤེས་བདེ་བཤེགས་སྤྱན་དྲངས་བསྟིམ། །དེ་ནས་གསོལ་བ་ནི། །གསང་བདག་དཀྱིལ་འཁོར་ཆེན་པོའི་ཕྱིར། །བདག་ནིས་ཆེན་བཟུང་བར་བྱེད། །ཕྱོགས་བཅུའི་སངས་རྒྱས་ཐམས་
[169b.4]ཅད་ཀྱིས། །བདག་ལ་བྱིན་གྱིས་བརླབ་ཏུ་གསོལ། །གསོལ་བ་གདབ་པའོ། །དབང་ཐོབ་གྱུར་ནས་གསང་སྔགས་བཟླས། །སྐུ་ཡི་འོད་ཀྱིས་གསང་སྔགས་རྒྱལ། །རེག་པས་བདུད་དང་སྲིན་པོ་འབྲོས། །བསམ་གཏན་ལས་མ་ཡེངས་པས། །སྔགས་ཀྱི་ཕྲེང་བས་བཟླས་བ་བྱ། །
[169b.5]ཞེས་བ་ནི་ས་གཟུང་བའི་ཆོ་གའོ། །དེ་ནས་ཕྱོགས་བཞིར་རྣལ་འབྱོར་བཞི། །ཁམས་གསུམ་རྣམ་རྒྱལ་ལ་སོགས་བསམ། །ཤར་ནས་གཙོ་ལ་མཆོད་པ་ཕུལ། །གསོལ་བ་འདི་ཡང་གདབ་པར་བྱ། །རྡོ་རྗེ་རིགས་མཆོག་དཔལ་ལྡན་གོས་སྔོན་ཅན། །དཔལ་ལྡན་དཀྱིལ་འཁོར་ཆེན་པོ་བྲི་
[169b.6]བའི་ཕྱིར། །མཉམ་བའི་ངག་ལས་འབར་བའི་སྐུར་བཞེངས་ལ། །ཞེ་སྣང་རིགས་ཀྱི་བགེགས་རྣམས་བཟློག་ཏུ་གསོལ། །ཞེས་གསོལ་བ་གདབ་པར་བྱའོ། །ལྷོ་ནས་གཙོ་ལ་མཆོད་པ་ཕུལ། །གསོལ་བ་འདི་དག་གདབ་པར་བྱ། །ཨོཾ་རིན་ཆེན་རིགས་མཆོག་དཔལ་ལྡན་གོས་སྔོན་
[169b.7]ཅན། །དཔལ་ལྡན་རིགས་ཀྱི་དཀྱིལ་འཁོར་གྲི་བའི་ཕྱིར། །མཉམ་པའི་ངང་ལས་འབར་བའི་སྐུར་བཞེངས་ལ། །ང་རྒྱལ་རིགས་ཀྱི་བགེགས་རྣམས་བཟློག་ཏུ་གསོལ། །ཞེས་གསོལ་བ་གདབ་པར་བྱའོ། །ནུབ་ནས་གཏོལ་མཆོད་ཕུལ་ལ། །གསོལ་བའི་དག་གདབ་པར་བྱ། །
[170a]
[170a.1]ཨོཾ་པདྨའི་རིགས་མཆོག་དཔལ་ལྡན་གོས་སྔོན་ཅན། །པདྨའི་རིགས་ཀྱི་དཀྱིལ་འཁོར་བྲི་བའི་ཕྱིར། །མཉམ་པའི་ངང་ལས་འབར་བའི་སྐུར་བཞེངས་ལ། །འདོད་ཆགས་རིགས་ཀྱི་བགེགས་རྣམས་བཟློག་ཏུ་གསོལ། །ཞེས་གསོལ་བ་གདབ་པར་བྱའོ། །བྱང་ནས་གཙོ་ལ་
[170a.2]མཆོད་པ་དབུལ། །གསོལ་བ་འདི་དག་གདབ་པར་བྱ། །ཨོཾ་ལས་ཀྱི་རིགས་མཆོག་དཔལ་ལྡན་གོས་སྔོན་ཅན། །ལས་ཀྱི་རིགས་ཀྱི་དཀྱིལ་འཁོར་བྲི་བའི་ཕྱིར། །མཉམ་པའི་ངང་ལས་འབར་བའི་སྐུར་བཞེངས་ལ། །ཕྲག་དོག་རིགས་ཀྱི་བགེགས་རྣམས་བཟློག་ཏུ་གསོལ། །ཞེས་
[170a.3]གསོལ་བ་གདབ་པར་བྱའོ། །དེ་ནས་ཕྱོགས་བཞིའི་ཁྲོ་བོ་བཞིས། །དཀྱིལ་འཁོར་གཙོ་ལ་གསོལ་བ་གདབ། །མཉེས་པའི་ཚོགས་ཀྱང་ཅི་ནུས་བྱས། །དེས་ནི་བགེགས་རྣམས་འབྱེར་བར་འགྱུར། །ཞེའོ། །དེ་ནི་གཙོ་བོ་བསླང་བའི་ཆོ་གའོ། །དེང་ནས་བརྩམས་ཏེ་གོས་སྔོན་ཅན། །
[170a.4]ཤིན་ཏུ་ཁྲོ་བའི་གཟུགས་སུ་ལངས། །མིག་གཉིས་ཉི་ཟླའི་དཀྱིལ་འཁོར་དུ། །རཾ་དང་ཨ་གཉིས་བསམ་པར་བྱ། །རྐང་པར་ལྗང་གུ་ཡིག་ཧཱུཾ་ལས། །སྣ་ཚོས་རྡོ་རྗེ་འོད་ལྡན་བསམ། །མིག་དང་རྣ་བའི་ནང་དུ་ཡང་། །ཁྲོ་བོའི་ཚོགས་ནི་བསམ་པར་བྱ། །ང་རྒྱལ་ཆེན་པོ་བསྐྱེད་
[170a.5]ནས་ནི། །རྡོ་རྗེ་དྲིལ་བུ་བསྐོར་བྱ་ཞིང་། །རྐང་བ་རྡོ་རྗེའི་སྟབས་ལྡན་པས། །ཕྱོགས་མཚམས་སུ་ནི་བལྟ་བྱ་སྟེ། །ཧཱུཾ་ཞེས་འཇིགས་པའི་སྒྲ་སྒྲོགས་བསམ། །ཧ་ཧའི་གད་མི་ཆེན་པོ་དགོང་། །ང་རྒྱལ་བསྐྱེད་པའོ། །གཡོན་པའི་དྲིལ་བུ་དཀུར་བརྟེན་ནས། །གཡས་བས་རྡོ་རྗེ་གསོར་བྱས་ཏེ། །
[170a.6]སངས་རྒྱས་ཐམས་ཅད་མདུན་བསམས་ཏེ། །བཀའ་བསྒོམ་བདེན་པར་བརྡར་བར་བྱ། །གང་དག་ས་ཕྱོགས་འདི་ན་གནས་པའི། །ལྷའི་ཚོགས་དང་། ཀླུའི་ཚོགས་དང་། །གནོད་སྦྱིན་གྱི་ཚོགས་དང་། ལྟོ་འཕྱེའི་ཚོགས་ལ་སོགས་ཐམས་ཅད་མ་གནས་པར་དེངས་ཤིག། །ཧཱུཾ་ང་ནི་
[170a.7]དཔལ་ལྡན་གོས་སྔོན་ཅན། །སངས་རྒྱས་ཀུན་གྱིས་གནང་བ་སྟེ། །ལྷ་དང་ཀླུ་དང་ལྷ་མ་ཡིན། །བརྗེད་བྱེད་ལ་སོགས་བགེགས་ཀྱི་ཚོགས། །གནས་འདིར་མ་འདུག་གཞན་དུ་དེངས། །གལ་ཏེ་དམ་ཚིག་ལས་འདས་ན། །སྟོབས་ཆེན་ཁྲོ་བོ་གོས་སྔོན་གྱིས། །ཀླད་པ་འགས་པར་
[170b]
[170b.1]གདོན་མི་ཟ། །ཕཊ་ན་མཿ་ས་མ་ནྟ་ཀཱ་ཡ་བཱ་ཀ་ཙི་ཏྟ་བཛྲ་ནཱཾ། །ན་མོ་ནཱི་ལཱ་མྦར་ཧཱུཾ། །ཁ་ཁ་ཁཱ་ཧི། །ཏི་ཥྛ་ཏི་ཥྛ། བཎྡྷ་བཎྡྷ། ཧ་ན་ཧ་ན། །ད་ཧ་ད་ཧ། པ་ཙ་པ་ཙ། གཛ་གཛ། སྤོ་ཊ་ཡ་སྤོ་ཊ་ཡ། སརྦ་བིགྷཱན་བི་ནཱ་ཡ་ཀཱ་ནཱ། མ་ཧཱ་ག་ཎ་ཕ་ཏི་ཛཱི་བནྟཱ་ནྟ་ཀ་རཱ་ཡ་ཧཱུཾ་ཕཊ། བགེགས་བསྐྲད་
[170b.2]པའོ། །དཔལ་ལྡན་གོས་སྔོན་སྙིང་པོ་ལས། །ཡི་གེ་ལྔ་ཡི་སྦྱོར་བ་ཡིས། །མཚོན་ཆ་ལྔ་ཡིས་ཐོག་ཕབ་པས། །གདུག་པ་ཐམས་ཅད་བརྒྱལ་བར་འགྱུར། །ཐོག་འབབ་པའོ། །དེ་ནས་རྐང་པ་རྡོ་རྗེའི་སྟབས། །ལག་པ་གར་སྟབས་བསྐོར་བ་ཡིས། །དབང་ལྡན་གྱི་ཕྱོགས་ནས་བརྩམས་
[170b.3]ཏེ། །རྡོ་རྗེ་བསྐོར་བ་ལ་ན་གསུམ་མམ། །ཡང་ན་ཇི་ལྟར་ནུས་པ་ཡིས། །བསྲུང་བ་ཁྲོ་བོའི་ཁང་པར་བསམ། །ས་བསྲུང་བའོ། །དེང་ནས་བརྩམ་ཏེ་དཀྱིལ་འཁོར་གྱི། །ལྷ་ཡི་སྟ་གོན་བྱ་བར་གསུངས། །བདུད་རྩི་ལྔ་ཡི་ཐིག་ལེ་ཡིས། །ཐིག་ལེ་ལྷ་ཡི་གནས་སུ་ནི། །གདན་དུ་བསམས་ལ་
[170b.4]དབབ་པར་བྱ། །དེ་སྟེང་ཧཱུཾ་ལས་ཕྱག་མཚན་གྱུར། །དེ་ལས་སོ་སོར་སྐུར་རྫོགས་ཏེ། །དབང་བསྐུར་བྱིན་གྱིས་བརླབ་པར་བྱ། །དེ་ལ་ཕྱི་རིན་ང་མཆོད་པ་དབུལ། །བསྟོད་པ་དག་ཀྱང་དེ་བཞིན་ནོ། །དེ་ནས་གསོལ་བ་གདབ་པར་བྱ། །བཅོམ་ལྡན་རྡོ་རྗེ་གོས་སྔོན་ཅན། །རིག་སྔགས་རྒྱལ་ལ་
[170b.5]ཕྱག་འཚལ་ལོ། །བདག་གི་སྙིང་རྗེའི་དཀྱིལ་འཁོར་ནི། །མགོན་པོ་བྲི་བར་འདོད་པ་སྟེ། སློན་མ་རྣམས་ལ་ཕན་ཕྱིར་དང་། །ཁྱེད་ལ་མཆོད་པའི་དོན་དུ་ཡང་། །དེ་ལ་བཅོམ་ལྡན་གུས་བདག་ལ། །བྱིན་བརླབས་གནང་བ་མཛད་པར་འོས། །དགོངས་ཤིག་བཅོམ་ལྡན་གོས་སྔོན་ཅན། །
[170b.6]རྡོ་རྗེ་འཆང་ཆེན་སྤྲུལ་པའོ། །བགེགས་རྣམས་མ་ལུས་འདུལ་བའི་བདག། །གསང་སྔགས་རིག་སྔགས་ཀུན་གྱི་ལྷ། །བདག་ལ་བྱིན་གྱིས་བརླབ་ཏུ་གསོལ། །བདག་ནི་སློབ་མ་རྣམས་ཀྱི་ཕྱིར། །དཔལ་ལྡན་གོས་སྔོན་དཀྱིལ་འཁོར་བྲི། །བདག་དང་སློབ་མར་བཅས་པ་རྣམས། །ཐུགས་
[170b.7]རྗེས་ཉེ་བར་གཟུང་དུ་གསོལ། །བདག་པར་དུ་གཅོད་པའི་བགེགས། །འབྱུང་པོ་ཤ་ཟ་གནོད་སྦྱིན་དང་། །གང་དག་གནོད་སྦྱིན་སེམས་ལྡན་པ། །ཐམས་ཅད་བདག་ལ་བསྲུང་དུ་གསོལ། །ཐུན་མོང་དངོས་གྲུབ་ཐམས་ཅད་དང་། །དེ་བཞིན་མཆོག་ཏུ་གྱུར་པ་དང་། །ཐུགས་རྗེ་ཆེན་པོས་
[171a]
[171a.1]དགོངས་མཛད་ལ། །བདག་ལ་མྱུར་དུ་སྩལ་དུ་གསོལ། །དེ་སྐད་ཅེས་གསོལ་བ་གདབ་པར་བྱའོ། །དཀྱིལ་འཁོར་གྱི་ལྷ་སྟ་གོན་གྱི་ཆོ་གའོ། །དེང་ནས་བརྩམས་ཏེ་གོས་སྔོན་གྱི། །རིན་ཆེན་དངུལ་གྱི་བུམ་པའམ། །ཡང་ན་དཀར་པོ་ཁམས་སོགས་ལ། །ནག་
[171a.2]བོ་དང་ནི་ར་རི་མེད། །དེ་ལྟ་བུ་ཡི་བུམ་པ་ལ། །པདྨ་བརྒྱད་དང་ལྡན་པ་ཡི། །དབུས་སུ་སོ་སོའི་སྙིང་པོའམ། །ཡང་ན་སོ་སོའི་ཕྱག་མཚན་དགོང་། །དེ་ཉིད་འོད་དུ་ཞུ་བ་ལས། །དཀར་པོ་ཡི་ནི་ཡི་གེ་བ། །དེ་ལས་བུམ་པའི་གཞལ་ཡས་ཁང་། །ནང་དུ་པདྨ་ཉི་ཟླའི་གདན། །ལྟོ་ཆེ་མགྲིན་
[171a.3]པ་རིང་བ་དང་། །མཆུ་ནི་ཀང་ཀའི་དབྱིབས་ཅན་ལ། །དབུས་སུ་སོ་སོའི་སྙིང་པོ་བསམ། །དེ་ནས་ཕྱག་མཚན་སྐུ་རྫོགས་འགྱུར། །མི་དམིགས་དབྱིངས་ནས་སངས་རྒྱས་བསྐུལ། །གཉིས་མེད་གྱུར་ལ་མཆོད་པ་དབུལ། །གོང་མའི་གསོལ་བ་གདབ་བར་བྱ། །དེ་ནས་སྨན་ལྔ་འབྲུ་ལྔ་དང་། །
[171a.4]རིན་ཆེན་ལྔ་དང་སྙིང་པོ་ལྔ། །ཐུན་མོང་བུམ་པའི་རྫས་སུ་བླུགས། །རྣམ་རྒྱལ་བུམ་པར་ལྷ་ཚོགས་བསྐྱེད། །བཏུང་བ་སྣུམ་པོ་དག་དང་ནི། །མི་འཆི་ལྡན་ཀྱང་དགང་བར་བྱ། །ལས་ཀྱི་བུམ་པར་ཁམས་གསུམ་རྒྱལ། །འོད་ཞུ་དེ་ཡིས་ལས་ཀུན་བྱེད། །སྔགས་ནི་སོ་སོའི་སྙིང་པོའོ། །
[171a.5]དེ་ནས་བུམ་པ་ཐམས་ཅད་ཀུན། །དཔག་བསམ་ཤིང་དང་འབྲས་བུ་ཅན། །ཡོན་ཏན་ལྡན་པས་ཁ་བརྒྱན་ནས། །དེ་ནི་མ་ཉམས་རས་དག་ལ། །ཁ་དོག་ལྔ་དང་ལྡན་པ་ཡིས། །རྣམ་རྒྱལ་བུམ་པ་བཅའ་བར་བྱ། །གཞན་མ་ཁ་དོག་རེ་རེའོ། །ཤར་དུ་འདབ་མ་བརྒྱད་པ་ཡི། །མཎྜལ་བྱས་ཏེ་དེ་རུ་བཞག །བུམ་པ་སྟ་གོན་
[171a.6]གྱི་ཆོ་གའོ། །དེ་ནས་སློབས་མ་བརྟག་པའི་ཆོ་ག་བྱ་སྟེ། ཆགས་དང་གྲོལ་བའི་གང་ཟག་ནི། །ལྷག་པར་གནས་པ་གཅིག་ཏུ་གྱུར། །དང་པོར་ཕྱི་ནང་ཁྲུས་བྱས་ཏེ། །དྲི་ཞིམ་ཕྱུགས་ལ་གོས་བཟང་བརྒྱན། །དེ་ནས་དཀྱིལ་འཁོར་ཕྱི་རིམ་དགོད། །སློབ་དཔོན་ལ་ནི་གསོལ་བ་
[171a.7]གདབ། །སྟོན་པ་ཁྱོད་ལ་བདག་དགའོ། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་སེམས་དཔའི་ཚུལ་བསྟན་པ། །བྱང་ཆུབ་སེམས་ཀྱང་བདག་ལ་སྐྱའོ། །དེ་ཉིད་དམ་ཚིག་བདག་ལ་སྩོལ། །སངས་རྒྱས་ཆོས་དང་དགེ་འདུན་དང་། །བླ་ན་མེད་དཀོན་མཆོག་
[171b]
[171b.1]གསུམ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་གཞུག་ཏུ་གསོལ། །ལན་སྩལ་བ། །བུ་ཚུར་ཐེག་པ་ཆེན་པོ་ཡི། །གསང་སྔགས་སྤྱོད་པའི་ཚིག་འདི་ནི། །ཁྱོད་ལ་ཡང་དག་བཤད་པར་བྱ། །ཚུལ་ཆེན་ཁྱོད་ཀྱིས་ཤེས་པར་
[171b.2]གྱིས། །ཤེའོ། །དེ་ནས་སྡིག་བ་བཤགས་པ་དང་། རྗེས་སུ་ཡི་རང་བ་དང་། །ཆོས་ཀྱི་འཁོར་ལོ་བསྐོར་བ་དང་། མྱ་ངན་ལས་མི་འདའ་བར་གསོལ་བ་གདབ་པ་དང་། །བྱང་ཆུབ་མཆོག་ཏུ་སེམས་བསྐྱེད་པ་དང་། ལུས་དབུལ་བ་ནི་གཞན་དུ་ཤེས་པར་བྱའོ། །དེའི་རྗེས་ལ་སྡོམ་པ་པོག་ལ་འཛིན་དུ་གཞུག།
[171b.3]བསླབ་པ་ཡི་ནི་ཚུལ་ཁྲིམས་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །དེང་ནས་བརྩམས་ཏེ་གཟུང་བར་བྱ། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་བཀུར་བར་བགྱི། །
[171b.4]རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིད་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་མཆོག་དམ་པ་ལ། །ཕྱི་ནང་གསར་བ་ཐེག་པ་གསུམ། །ཡང་དག་ཉིད་དུ་གཟུང་བར་བགྱི། །ལས་
[171b.5]ཀྱི་རིགས་མཆོག་ཆེན་པོ་ལ། །སྔོམ་པ་ཐམ་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །སེམས་ཅན་ཀུན་གྱི་ངོན་གྱི་ཕྱིར། །བདག་གིས་སྡོམ་པ་མ་ལུས་གཟུང་། །ཞེས་སྡོམ་པ་གཟུང་ངོ་། །དེ་ནས་སློབ་མའི་ཡང་འཕྲོས། །ཕྱག་རྒྱ་ཆེ་དང་ལྡན་གྱུར་ནས། །དེ་བཞིན་གཤེགས་
[171b.6]པའི་གནས་རྣམས་སུ། །དྲི་ཡི་ཐིག་ལེ་རེ་རེ་གདབ། །ལྷ་རྣམས་ཀྱི་ནི་གདན་དུ་བསམ། །སྤྱི་གཙུག་བདེ་གཤེགས་གོས་སྔོན་ཅན། །མགྲིན་པར་པདྨའི་གོས་སྔོན་ཅན། །སྙིང་གར་ཐུགས་ཀྱི་གོས་སྔོ་ཅན། །ལྟེ་བར་རིན་ཆེན་གོས་སྔོན་ཅན། །གསང་བར་ལས་ཀྱི་གོས་སྔོན་ཅན། །
[171b.7]དཔུང་པ་ལ་སོགས་རྐང་ལག་བཞི། །ཁམས་གསུམ་རྣམ་རྒྱལ་ལ་སོགས་བརྟག །དེ་ནས་སྤོས་དང་མེ་ཏོག་དང་། །མར་མེ་དྲི་དང་རྣམ་ལྔ་དབུལ། །དྲི་ཡི་ཆུ་ལ་བདུད་རྩིའམ། །ཁམས་གསུམ་རྣམ་པར་རྒྱལ་བ་བསྐྱེད། །བཅུ་གཅིག་འོད་ཞུ་དག་པའི་ཆུས། །དག་གི་ཉེས་པ་
[172a]
[172a.1]སྦྱང་བར་བྱའོ། །བདུད་རྩིའི་ཆུ་ཡང་བླུད་པར་བྱ། །དེ་ནས་སྲུང་སྐུད་བྱིན་བརླབས་ཏེ། །དག་པའི་ཆུ་གཏོར་འོད་ཞུ་པས། །ཁམས་གསུམ་རྣམ་པར་རྒྱལ་བ་བསྐྱེད། །བཀུག་ནས་འོད་དུ་ཞུ་བ་ལས། །འབར་བའི་འོད་ལྔ་ལྡན་པར་བྱའོ། །དེ་ལ་མདུད་པ་
[172a.2]དྲུག་བྱས་ཏེ། །མདུད་པ་རེ་ལ་ལྷ་རེ་བསྟིམ། །རྡོ་རྗེ་དེ་ཉིད་སྔགས་ཀྱིས་གྲུབ། །དཔུང་བ་གཡོན་པར་གདགས་བྱའོ། །དེ་ནས་སོ་ཤིང་བྱིན་བརླབས་ཏེ། །ཨུ་དུ་མྦཱ་ར་པ་ཤའི་ཤིང་། །མ་ཡོ་མགས་འབུས་མ་ཟོས། །སོར་བཅུ་གཉིས་པའི་ཚད་དུ་བྱའོ། །འོད་ཞུ་བསྐྱེད་པ་གོད་
[172a.3]བཞིན་ཏེ། །ཤར་དུ་ཁ་བལྟས་མི་སྨྲ་བར། །བཅའ་དང་བྲུ་བའི་ཆོ་ག་བྱ། །བསམ་པས་བྱང་ཆུབ་སེམས་བསྐྱེད་དེ། །རྟགས་ནི་གསུམ་དུ་ཤེས་པར་བྱ། །དང་པོ་འཇུག་པའི་རྟགས་བསྟན་ཏེ། །བོར་བས་སློབ་དཔོན་ལ་བལྟས་ན། །དེ་ནི་འཇུག་ཏུ་རུང་བར་བཤད། །གལ་ཏེ་རང་
[172a.4]ལ་བལྟས་གྱུར་ན། །དེ་ནི་ཕྱིར་ཡང་དོར་བར་བྱ། །གཉིས་པ་བགེགས་ཀྱི་རྟགས་རྣམས་ལྟ། །གསུམ་པ་དངོས་གྲུབ་གྲུབ་རྟགས་ནི། །སོར་མོའམ་ནི་བོར་བའི་ཚེ། །སྟེང་དུ་ལུས་ན་མཆོག་འགྲུབ་འགྱུར། །ཤར་དུ་ཡང་ནི་དེ་བཞིན་ཏེ། །མཚམས་དང་བྱང་དུ་བལྟས་ན། །ཞི་བ་ལ་སོགས་
[172a.5]དངོས་གྲུབ་འགྱུར། །དེ་ནས་དག་གི་ཉེས་པ་སྦྱང་། །དེ་ནས་ཀུ་ཤ་བྱིན་བརླབས་ཏེ། ཁམས་གསུམ་རྒྱལ་པོའི་ཁྲོ་བོ་དང་། །ལས་ཀྱི་གོས་སྔོན་ཕྱག་རྒྱ་སྔགས། །དེ་ཡིས་བྱིན་བརླབས་སྔས་དང་སྟན། །དེ་སྟེང་སེང་གེའི་སྟབས་ཀྱིས་ཉལ། །སྦོར་བ་བསྐྱེད་པའི་ཆོ་ག་བྱ། །སངས་རྒྱས་ཆོས་
[172a.6]དང་མཐུན་འགྱུར་བའི། །ཨུ་དུམྦྷཱ་རའི་མེ་ཏོག་ནི། །འབྱུང་འགྱུར་ཡང་ན་མི་འབྱུང་སྲིད། །སྐྱེ་བ་འདི་ཡིས་ཐོབ་པ་ཡིས། །འབྲས་བུ་རྡོ་རྗེའི་ཐེག་པའི་ཆོས། །འབྱུང་འགྱུར་ཡང་ན་མའི་འབྱུང་སྲིད། །གསང་སྔགས་དོན་འདི་ཐོབ་པ་ཡིས། །དགའ་བ་ཐམས་ཅད་མཐར་ཕྱིན་ཏེ། །ལས་འཕྲོ་
[172a.7]དང་ནི་ཐུགས་རྗེས་འབྱུང་། །བཅོམ་ལྡན་རྡོ་རྗེ་འཛིན་པ་ཆེ། །ཐོགས་པ་མེད་པའི་སྐུ་བརྙེས་པ། །འདི་ཡི་ཚུལ་གྱིས་མངོན་པར་བསྒྲུབ། །སེམས་ཅན་སྐལ་བ་ངན་པ་ཡིས། །དེ་ཡི་མིང་ཡང་ཐོས་མི་འགྱུར། །སྤྱད་པར་འགྱུར་བས་མོས་ཅི་དགོས། །སང་གི་ཉིན་མོ་ཁྱེད་རྣམས་ཀུན། །
[172b]
[172b.1]དཀྱིལ་འཁོར་བཟང་པོ་མཐོང་བ་ཡིས། །བླ་མེད་མཆོག་ལ་རེག་པར་འགྱུར། །ཞེས་སྤྲོ་བ་བསྐྱེད་པའི་ཆོས་གཞན་ཡང་བཤད་པར་བྱའོ། །ནང་པར་སྔར་ནི་བའོ་ཅན་ལངས། །རྨི་ལམ་ཅི་མཐོང་དྲ་བར་བྱ། །གོས་སྔོན་སྐུ་གཟུགས་མཐོར་བ་དང་། །རི་བོའི་སྟེང་དུ་འདུག་པ་དང་། །མཆོད་
[172b.2]རྟེན་སྐས་ལ་འཛེག་པ་དང་། །མེ་ཏོག་སྟེང་ན་འདུག་པ་དང་། །ཆོས་ཀྱི་འགྲོ་གླེང་བྱེད་པ་དང་། །གླེགས་བམ་དག་ལ་སྤྱོད་པ་དང་། །གཞན་གྱི་དབང་བསྐུར་དཀྱིལ་འཁོར་མཐོང་། །དེ་དང་གཞན་ཡང་བཟང་འགྱུར་རང་། །ཡི་རང་ཚིག་བརྗོད་གལ་ཏེ་རྟགས། །མི་གསལ་བ་རུ་གྱུར་
[172b.3]པ་ན། །ཉམས་པ་རྣམས་ནི་བསྐང་པར་བྱ། །གལ་ཏེ་བར་ཆོས་རྟགས་བྱུང་ན། །དྲག་པོའི་སྦྱིན་སྲེག་བྱ་བ་དང་། །དྲག་པོའི་ཆོགས་དང་འཁོར་ལོས་བཟློག །གོང་མའི་རྟགས་དང་ལྡན་འགྱུར་པར། །ཐིག་གདབ་པ་ཡི་ཚོགས་བྱ། །ཐིག་སྐུང་ཁ་དོག་ལྔ་ལྡན་ལ། །ཡི་གེ་ལྔས་ནི་
[172b.4]བྱིན་བརླབས་ཏེ། །དེ་ལས་རིགས་ལྔའི་སྐུ་རུ་གྱུར། །ཡེ་ཤེས་རིགས་ལྔ་བཀུག་ཅིང་བསྟིམ། །འོད་ཞུ་ཐིག་སྐུད་སྣ་སྔར་གྲུབ། །ཡང་ན་ཡེ་ཤེས་བྱང་ཆུབ་སེམས། །ཁ་དོག་ལྔ་དང་ལྡན་བར་དགུག །དེས་ནི་ནམ་མཁའི་ཐིག་གདབ་བོ། །ས་ཡི་ཐིག་ཀྱང་འདི་ལྟ་སྟེ། །དང་པོ་ཚངས་པའི་
[172b.5]ཐིག་གཉིས་གདབ། །དེ་བཞིན་འཁོར་ལོ་རྣམས་བརྒྱད་དང་། །གྲུ་ཆད་ཁྱམས་དང་སྒོ་བཞི་དང་། རྟ་བབས་ལ་སོགས་སོ་སོར་དབྱེ། །དེ་ནས་ནད་དུ་ཕུར་བུ་གདབ། །མཐའ་སྐོར་དག་ནི་གཉིས་སུ་བསྐོར། །ནང་གི་སྣམ་བུའི་ནང་དུ་ནི། །ཆུ་ཆུད་གཅིག་ལ་སྐོར་གཉིས་བ་སྐོར། །དབུས་
[172b.6]སུ་བསྐོར་བ་གཅིག་དང་ལྡན། དེ་ནས་རྟུལ་ཆོན་བརྩམ་པར་བྱ། །དབུས་སུ་མཐིང་ག་ཤར་དུ་དཀར། །ལྷོ་ཡི་པདྨ་འདས་མ་སེར། །ནུབ་ཀྱི་པདྨ་འདབ་དམར། །བྱང་གི་པདྨ་ལྗང་གུར་བྱ། །མཚམས་ནི་མཐིང་གར་ཡང་དག་ལྔ། །འཁོར་ལོའི་མདོག་ཀྱང་དེ་བཞིན་ནོ། །དབུས་སུ་
[172b.7]རྡོ་རྗེ་དགོད་བ་སྟེ། །ཤར་དུ་འཁོར་ལོ་དགོད་པར་བྱ། །ལྷོར་ནི་རིན་ཆེན་འབར་བ་དགོང་། །ནུབ་ཏུ་པདྨ་དམར་པོ་སྟེ། །བྱང་དུ་སྣ་ཚོགས་རྡོ་རྗེ་སྟེ། །ཡུམ་ནི་སོ་སོར་འཁྲིལ་བའོ། །མཚམས་རྣམས་སུ་ནི་ཁམས་གསུམ་རྒྱལ། །མགོན་པོ་འཕགས་སྐྱེས་རྣམ་ཐོས་སྲས། །སོ་སོའི་ཕྱག་
[173a]
[173a.1]མཚན་དགོད་པར་བྱ། །གྲུ་ཚད་དང་ནི་ལྷ་མོ་མཚན། །ཁ་དོག་ལྗང་གུའི་ཚོན་གྱིས་བྱ། །ཁྱམས་ཀྱི་ཤར་ནི་དཀར་པོ་བྱ། །ལྟོ་སེར་ནུབ་ནི་རྣམ་པར་དམར། །བྱང་གི་ཁྱམས་ནི་ལྷང་གུའོ། །ཁྱམས་ཏེ་ཇི་བཞིན་སྒོ་དེ་བཞིན། །
[173a.2]ཤར་གྱི་སྒོར་ནི་ལྕགས་ཀྱུ་སྟེ། །ལྷོར་ནི་ཞགས་བ་ནུབ་ལྕགས་སྒྲོག། །བྱང་གི་སྒོར་ནི་དྲི་ལ་བུག་ཏོང་། །སྒོ་ཁྲུང་ཕྱི་རོལ་ལ་སོགས་པ། །ཁྱམས་དང་ཕ་གུ་དྲ་བ་དང་། །དྲ་བ་ཕྱེད་བས་རྣམས་པར་བརྒྱན། །རྟ་བབས་བཞི་ཡང་དེ་བཞིན་ཏེ། །ཏྭ་
[173a.3]ར་ཎ་བཞི་ཡིས་ཀྱང་བརྒྱན། །རི་མོའི་ཚོགས་རྫོགས་གྱུར་ནས། །དམ་ཚིག་འཁོར་ལོ་རྫོགས་པར་བྱེད། །ཡེ་ཤེས་འཁོར་ལོ་བཀུག་གནས་བསྟིམ། །དེ་ནས་མཆོད་པའི་ཚོ་ག་བརྩམ། །བཛྲ་དྷཱུ་བ་སྔགས་ལས་བྱུང་། །དཀར་མོ་སྤོས་ཀྱིས་ཤངས་
[173a.4]ལ་དབུལ། །བཛྲ་པུཥྤེའི་སྔགས་ལས་བྱུང་། །མཐིང་ག་མེ་ཏོག་སྐུ་ལ་གཏོར། །བཛྲ་ཨཱ་ལོ་ཀེ་སྔགས་ལས་བྱུང་། །དམར་མོ་མར་མེས་དཀྱིལ་འཁོར་གསལ། །བཛྲ་གནྡྷི་སྔགས་ལས་བྱུང་། །ལྗང་གུ་དྲི་ཆབ་ཕྱག་ཞབས་བསིལ། །དེ་ལ་
[173a.5]སོགས་པའི་མཆོད་པའི་ཚོགས། །ཅི་འབྱོར་ཐམས་ཅད་དབུལ་བར་བྱ། །དང་པོར་སེམས་བསྐྱེད་ཕྱག་འཚལ་ནས། །སྐྱབས་གསོལ་སྔོམ་པ་གཟུང་བར་བྱ། །དབང་བཞིའི་དཀྱིལ་འཁོར་ལྷ་ལས་བླང་། །ཡང་ན་ནམ་མཁའི་དབྱིངས་སུ་བླང་། །
[173a.6]ཐོས་དང་བསམ་པས་བདག་ཉིད་འཇུག་པའོ། །དེ་ནས་སློབ་མ་གཞུག་པར་བྱ། །ཕྱི་རོལ་ཁྲུས་ཀྱི་ཆོ་ག་བྱ། །བུམ་པར་གྱུར་དང་རྫས་རྣམས་དགྲམ། །ཅི་འབྱོར་ཡོན་རྣམས་དབུལ་བར་བྱ། །སེམས་བསྐྱེད་སྡོམ་པ་ལ་སོགས་སྔོན་བཞིན་བྱ། །
[173a.7]སྡོམ་པ་ལེགས་པར་འཛིན་པ་ལ། །བཀའ་བསྒོ་དམ་ཚིག་བདུད་རྩི་བླུད། །ཡིད་འོང་རྣལ་འབྱོར་ཆེན་པོ་ཁྱོད། །གོས་སྔོན་དཀྱིལ་འཁོར་ཆེན་པོར་ཆུད། །ང་ཡིས་ཁྱོད་ལ་དངོས་གྲུབ་འབྱུང་། །སངས་རྒྱས་ཀུན་གྱིས་བྱིན་གྱིས་རློབ། །ཅེས་བ་ནི་སྤྲོ་བ་
[173b]
[173b.1]བསྐྱེད་པའོ། །གསང་མཆོག་གོས་སྔོན་དཀྱིལ་འཁོར་འདི། །སེམས་ཅན་དད་པ་མེད་པ་དང་། །གང་ཡང་ལོག་ཆོས་སྤྱོད་པ་དང་། །མནར་མེད་ངན་སོང་རྒྱུད་ཅན་དང་། །རྣ་བར་མིང་ཡང་བསྒྲག་མི་བྱ། །ཞེས་པ་ནི་གདམས་ངག་གོ། །གལ་ཏེ་དེ་ལ་སྨྲས་
[173b.2]གྱུར་ན། །དམ་ཅན་ཆད་པས་བཅད་ནས་ནི། །ཆོ་ཡི་འདུ་བྱེད་འདི་བསྐུམ་ནས། །མནར་མེད་དམྱལ་བར་མྱུར་དུ་དེངས། །གོས་སྔོན་ཆེན་པོས་མདོ་ལ་སྤོང་། །ཞེས་པ་འདི་ནི་སྐྱོན་བསྟན་པའོ། །དེ་ནས་སྙིང་ནང་སེམས་དཔའ་བསྐྱེད། །བདུད་རྩི་ལྔ་དང་སྦྱར་
[173b.3]བའམ། །ཡང་ན་དྲི་ཡི་ཆུ་བླུད་དེ། །འཐུང་ཞིག་རྡོ་རྗེ་འབར་བའི་ཆུ། །དམ་ལས་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་ཡིས་འགྲུབ། །ཨོཾ་བཛྲ་ས་ཏྭ་ཧཱུཾ་མ་ཧཱ་པཉྩ་ཨ་མྲ་ཏ། །ཁ་ཁ་ཞེས་པ་ནི་མནའ་བསྒགས་པའོ། །
[173b.4]དེ་རིང་ཕན་ཆད་བུ་ཁྱོད་ཀྱིས། །གསང་ཆེན་རྡོ་རྗེ་ང་ཡིན་གྱིས། །ང་ལ་བ་རྙས་པར་མ་བྱེད་ཅིག །གལ་ཏེ་བརྙས་པར་གྱུར་ན་ནི། །སངས་རྒྱས་ཐམས་ཅད་མཉེན་པ་མིན། །ཚེ་ཡི་འདུ་བྱེད་འདི་བཀུམ་ནས། །དམྱལ་བར་སྐྱེ་བར་གདོན་མི་ཟ། །ཞེས་པ་ནི་མན་ངག་
[173b.5]གོ། །དེ་ནས་རྡོ་རྗེ་སློབ་མ་ཡིས། །སློབ་དཔོན་ལ་ནི་གསོལ་བ་གདབ། །ཆོས་དབྱིངས་བྱིན་རླབས་ལས་བྱུང་བའི། །བཅོམ་ལྡན་རྡོ་རྗེ་ཆད་ཆེན་པོ། །དེ་རིང་བདག་ལ་དབབ་ཏུ་གསོལ། །ཞེས་སོ། །དེ་ནས་སློབ་མ་མཐའ་ཡས་ལ། །རཾ་དང་བཅས་
[173b.6]པའི་ཡི་གེ་བསམ། །བསྐྱོད་ནས་དྲོད་བསྐུལ་ཆུ་ལ་ཕོག །བསྐོལ་བས་ས་ཡི་དཀྱིལ་འཁོར་ཞུ། །ལུས་ནང་མེ་ཡིས་བསྲེག་བྱས་ནས། །སྡིག་པ་ཚིག་པར་གྱུར་པ་དང་། །བདེ་གཤེགས་བྱང་ཆུབ་སེམས་ཕབ་སྟེ། །སྙིང་གནམ་ལུས་ནང་འཁྱིལ་པར་བསམ། །
[173b.7]དེ་ནས་རྡོ་རྗེ་འཆང་ཆེན་བསྒོམ། །མེ་ཏོག་དཀྱིལ་འཁོར་ལྷ་ལ་དབུལ། །པྲ་ཏཱི་ཚྩ་ཧོ་ཞེས་བརྗོད། །དེ་ནས་ཕྲེང་བ་མགོ་ལ་བཅིང་། །ཨོཾ་མ་ཧཱ་བ་ལ་བཛྲ། །ཨ་བྷི་ཥི་ཉྩཱ་མི་ཞེའོ། །རྨད་བྱུང་གསང་བའི་མེ་ཏོག་འདི། །གསང་ལ་བབས་པ་རིགས་ཀྱི་ལྷ། །ལས་འཕྲོ་
[174a]
[174a.1]ཐུགས་རྗེས་འབྱུང་བར་འགྱུར། །གཙོ་བོའི་ཐུགས་སོགས་མཆོག་དངོས་གྲུབ། །དབུས་དང་ཉེན་དངོས་གྲུབ་ཉེ། །རིང་ན་དངོས་གྲུབ་སྟེར་བར་འགྱུར། །ཞེས་པ་ལ་སོགས་པ་ནི་དབབ་པའི་ཆོ་ག་དང་མེ་ཏོག་གོ། །དཔལ་ལྡན་ཆེན་པོ་གོས་སྔོན་ཅན། །ཁྱོད་ཀྱི་མིག་
[174a.2]དབྱེ་བ་བརྩོན་པར་མཛོད། །ཙཀྵུ་པྲ་བེ་ཤ་ཡ་ཕཊ། བརྟབ་པའི་ལྟ་བས་བལྟ་བྱས་ཏེ། །དཀར་པོ་མཐོང་ན་ཞིབ་འགྲུབ། །སེར་པོ་མཐོང་ན་རྒྱས་པ་འགྲུབ། །དམར་པོ་མཐོང་ན་དབང་གི་ལས། །ནག་པོས་གྲག་པོའི་ལས་འགྲུབ་འགྱུར། །ཁྱོད་ཀྱི་མིག་གིས་ཇི་ལྟར་མཐོང་། །ཞེས་དྲི་
[174a.3]བར་བྱའོ། །དེང་ནས་བརྩམས་ཏེ་དཔལ་ལྡན་ཆེ། །ཁྱབ་ནས་བརྩམས་ཏེ་དཀྱིལ་འཁོར་བསྟན། །དཀྱིལ་འཁོར་མཐོང་བའི་འོག་ཏུ་ནི། །ཡོན་ཕུལ་གསོལ་བ་གདབ་པར་བྱ། །ཇི་ལྟར་དུས་གསུམ་སངས་རྒྱས་ལ། །རྡོ་རྗེ་སེམས་དཔས་དབང་བསྐུར་ལྟར། །བདག་ཀྱང་རབ་ཏུ་བསྒྲལ་
[174a.4]སླད་དུ། །བདེ་གཤེགས་བུམ་པའི་དབང་མཆོག་སྩོལ། །ཞེས་པ་ནི་གསོལ་བ་གདབ་པའོ། །དེ་ནས་རྡོ་རྗེ་རྒྱལ་པོ་ཡིས། །བུམ་པའི་ཆུ་ནི་བསྡུས་བྱས་ཏེ། །བྱང་ཆུབ་སེམས་ཀྱི་ངོ་བོ་དག། །རོལ་མོའི་སྒྲ་དང་བཅས་པ་ཡིས། །སྤྱི་གཙུག་དག་ཏུ་དབང་བསྐུར་རོ། །ཨོཾ་གསང་བ་
[174a.5]གསུམ་ལས་ལེགས་བྱུང་བའི། །ལྷ་ཡི་ཆུ་ནི་དག་པ་ཡིས། །དྲི་མེད་རྡོ་རྗེ་ཆུ་དབང་གིས། །མི་བསྐྱོད་དངོས་གྲུབ་ཐོབ་པར་ཤོག །ཨོཾ་སརྦ་ཏ་ཐཱ་ཏ་ཨཱ་ད་ཪྵ་ཨ་བྷི་ཥི་ཉྩཱ་མི། ཆུའི་དབང་ངོ་། །ཨོཾ་སངས་རྒྱས་བྱིན་རླབས་ལས་བྱུང་བའི། །ཡིད་བཞིན་ནོར་བུ་འབར་བ་ཆེ། །
[174a.6]དམ་པ་ཐམས་ཅད་འབྱུང་བའི་གནས། །རིན་ཆེན་གྲུབ་པའི་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་རཏྣ་བཛྲ་ཨ་བྷི་ཥྀ་ཉྩཱ་མི། །ཞེས་པ་ནི་དབུ་རྒྱན་གྱི་དབང་ངོ་། །ཨོཾ་ཡེ་ཤེས་ལྔ་ཡིས་རྟགས་འཆང་བ། །ཐུགས་མཆོག་རྡོ་རྗེ་བླ་མེད་པའི། །དུས་གསུམ་འགྱུར་བ་མེད་པ་ཡི། །སྣང་བ་
[174a.7]མཐའ་ཡས་དབང་བསྐུར་རོ། །ཨོཾ་སརྦ་ཏ་ཐཱ་ག་ཏས་སམན་ཨ་བྷི་ཥི་ཉྩཱ་མི། ཞེས་པ་ནི་རྡོ་རྗེའི་དབང་ངོ་། །ཨོཾ་ཆོས་སྐུ་སྒྱུ་མའི་སྒྲ་སྒྲོགས་ཤིང་། །སྟོང་པའི་དོན་ལས་སད་པར་བྱེད། །བླ་མེད་དྲིལ་བུའི་དབང་བསྐུར་བས། །དོན་ཡོད་གྲུབ་པའི་དངོས་གྲུབ་ཤོག །ཨོཾ་སརྦ་ཏ་ཐཱ་ག་ཏ་ཀྲི་ཏཱ་ནུ་ཥྛཱ་ཨ་
[174b]
[174b.1]བྷི་ཥིཉྩཱ་མི། ཞེས་པ་ནི་དྲིལ་བུའི་དབང་པོ། །ཀྱེ་རྡོ་རྗེའི་མིང་གིས་དབང་བསྐུར་བས། །ཅིས་ཀྱང་མི་ཚུགས་མི་ཤིགས་པའི།། །བྱང་ཆུབ་ཆེན་པོ་ཐོབ་པ་དང་། །རྣམ་པར་སྣང་མཛད་དངོས་གྲུབ་ཤོག །ཨོཾ་སརྦ་ཏ་ཐཱ་ག་ཏ་ཤི་ས་མ་ཡ་ཛྙཱ་ཏ་ནཱ་མ་ཨ་བྷི་ཥིཉྩཱ་མི། ཞེས་པ་ནི་མིང་གི་དབང་ངོ་། །
[174b.2]ཆོས་རྣམས་སྒྱུ་མ་ལྟ་བུ་སྟེ། །དག་ཅིང་གསལ་ལ་རྟོག་པ་མེད། །མི་ལོང་གི་ནི་གཟུགས་བརྙན་བཞིན། །རང་བྱུང་ལྷ་ནི་ཤེས་པར་གྱིས། །ཞེས་པ་ནི་མེ་ལོང་ངོ་། །ལུང་ལས། །དང་པོ་གསོལ་བ་གདབ་བ་སྟེ། །གསན་ནས་ཡེ་ཤེས་འཁོར་ལོ་གཞུག །སྡིག་པ་དག་པར་ཆུས་བཀྲུས་
[174b.3]ཏེ། །སོ་སོའི་དབང་རྫས་ལག་ཏུ་སྦྱིན། །ཉོན་མོངས་ལྔ་ཡི་དྲི་མ་བསྐུར། །དབུ་ལ་རིགས་ལྔའི་སངས་རྒྱས་དགོད། །ཅེའོ། །བཅོམ་ལྡན་རྡོ་རྗེ་འཛིན་པའམ། །རྡོ་རྗེའི་དབང་གིས་མངོན་སངས་རྒྱས། །ཡེ་ཤེས་ལྔ་དང་རྡོ་རྗེ་འདི། །ཁྱོད་ཀྱིས་རྟག་ཏུ་བཅང་པར་གྱིས། །ཞེས་པ་ཐུགས་ཀྱི་དམ་
[174b.4]ཚིག་གོ། །གསུང་རྣམས་སྒྲ་བརྙན་ལྟ་བུ་སྟེ། །རྟོག་པ་མེད་པས་སྣ་ཚོགས་སྒྲ། །བརྗོད་བྲལ་དཔག་གིས་མི་ལང་པའི། །དྲིལ་བུ་འདི་ནི་ཁྱོད་ཀྱིས་ཟུང་། །ཞེས་པ་ནི་གསུང་གི་དམ་ཚིག་གོ། །ཐབས་དང་ཤེས་རབ་གཉིས་མེད་སྒྲ། །མི་ཕྱེད་རྡོ་རྗེའི་ངོ་བོ་འདི། །འཁྱུད་པའི་ཕྱག་རྒྱའི་དམ་
[174b.5]ཚིག་སྟེ། །ཁྱོད་ཀྱིས་ཀྱང་ནི་རྟག་ཏུ་བཅང་། །ཞེས་པ་ནི་སྐུའི་དམ་ཚིག་གོ། །འདི་ནི་སངས་རྒྱས་ཐམས་ཅད་དང་། །དཔལ་ལྡན་རྡོ་རྗེ་འཛིན་ལ་གནས། །ཁྱིད་ཀྱིས་ཀྱང་ནི་རྟག་ཏུ་བཟང་། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་བཛྲ་པའི་ནི་ཧཱུཾ་མ་ཧཱ་ཡ་ཀྵ་སེ་ནཱ་པ་ཏ་ཡེ་ཧཱུཾ་ཏ་
[174b.6]ཡེ་ཧཱུཾ་ཧ་ཧ་ཧ་ཧ་ཧི། །ཞེས་པ་འདི་ནི་རྡོ་རྗེའི་བརྟུལ་ཞུགས་སོ། །ཆགས་དང་གྲོལ་བའི་གང་ཟག་གིས། །ཐུན་མོང་དཀྱིལ་འཁོར་ཆོ་ག་ཡིན། །གང་ཟག་རྣམ་པ་གཉིས་པོ་དེ། །དཀྱིལ་འཁོར་འདི་རུ་ཞུགས་ཙམ་གྱིས། །དངོས་གྲུབ་གཉིས་དང་འབྲེལ་བར་བྱེད། །ཀླུ་དང་འབྱུང་པོས་ཟིན་པ་
[174b.7]ལ། །དང་པོ་ཆོ་ག་སྔོན་སོང་ནས། །སྨྲེ་བའི་རྫས་ཀྱིས་དབྲལ་བར་བྱ། །དེ་ནས་བྲལ་བ་གསོ་བ་དང་། །ནད་པ་ཆུ་ཡིས་བསྐུར་བར་བྱ། །དེ་ལྟར་བྱས་ནས་དཀྱིལ་འཁོར་འདིར། །ཞུགས་པ་ཙམ་གྱིས་མྱུར་དུ་ཐར། །རིམས་དང་འབྲུམ་བུ་ལ་སོགས་པ། །གཏོར་མའི་འཁོར་ལོ་སྔོན་སོང་བས། །
[175a]
[175a.1]དཀྱིལ་འཁོར་འདི་རུ་ཞུགས་གྱུར་ན། །མྱུར་དུ་ཉེན་ལས་ཐར་བར་འགྱུར། །བུད་མེད་དག་ཀྱང་བུ་འདོད་ན། །དང་པོ་ཆོ་ག་སྔོན་སོགས་ནས། །ཁུར་སྐྱིས་དག་ནས་གོས་བཟང་བགོ། །དཀྱིལ་འཁོར་འདིར་ལུགས་པ་ཡིས། །བུས་པའི་གདོན་རྣམས་བཟློག་པ་དང་། །
[175a.2]བུས་པ་དབྱུང་བར་གདོན་མི་ཟ། །ཡིད་གས་བཀོལ་བའི་ཆོ་ག་ཡང་། །ལྷ་ལ་སོགས་པ་བཀུག་གྱུར་ནས། །སྡོམ་པ་ལེགས་པར་བཟུང་ནས་ནི། །དཀྱིལ་འཁོར་འདི་རུ་ཞུགས་གྱུར་ནས། །བདག་གིས་བཅོལ་བ་ཐམས་ཅད་དེ། །ཐོགས་བ་མེད་པའི་རྡོ་རྗེ་བཞིན། །རོ་ཡི་ལས་རྣམས་
[175a.3]བྱེད་འདོད་པས། །བླང་དང་བསྲུང་བ་སྔོན་སོང་ནས། །དཀྱིལ་འཁོར་འདི་རུ་བཅུ་ག་གྱུར་ན། །ལོག་ཆོས་དྲུག་དང་ལྡན་པ་ཡང་། །གཙང་བའི་གནས་སུ་ཉེ་བར་འགྲོ། །དེ་བཞིན་གཤེགས་པའི་སྐུ་གཟུགས་ལ། །དང་པའི་ཆོ་ག་སྔོན་སོང་ནས། །བྱིན་བརླབས་དཀྱིལ་འཁོར་
[175a.4]ཆེན་པོ་འདིར། །དབང་བསྐུར་མཆོད་བ་ཕུལ་གྱུར་ན། །ཤིན་ཏུ་བཀྲ་ཤིས་དོན་ལྡན་ཏེ། །བསྐུར་ཞིག་བསྟིམ་པའི་གནས་སུ་འགྱུར། །ཡོན་ཏན་འབྱུང་བ་འགྱུར་བའི་གནས། །ཆགས་ལམ་པ་དང་གྲོལ་ལམ་པ། །མཛེས་རིམས་ཀྱིས་ཟིན་པ་དང་། །བུད་མེད་དང་ནི་ཡི་དགས་བསྐོལ། །
[175a.5]རོ་དང་སྐུ་གཟུགས་ལྷག་པར་གནས། །བརྒྱད་པོ་དཀྱིལ་འཁོར་འདི་ཡིས་བྱེད། །དེ་ཕྱིར་དཀྱིལ་འཁོར་ཆོ་ག་བརྒྱད། །གཅིག་པར་བསྡུ་བའི་ཆོ་གའོ།། །།དེ་ནས་གསང་བའི་དབང་བསྐུར་ཏེ། །དེ་ཡང་བདུད་རྩི་ལྔ་ཡས་བྱུང་། །སྟེགས་བུའི་སྟེང་དུ་སློབ་དཔོན་དང་། །ཕྱག་རྒྱ་
[175a.6]མ་ནི་སྙོམས་པར་ཞུགས། །སློབ་མས་དེ་ལ་གསོལ་བ་ག་དབ། །ཨོཾ་རྒྱལ་བ་ཐམས་ཅད་རོལ་པ་ཡིས། །སངས་རྒྱས་ཆུ་ཡིས་རྒྱུན་ཕབ་སྟེ། །ཉོན་མོངས་རྟོག་པ་སྦྱར་བ་བཞིན། །བདག་ལ་བྱང་ཆུབ་སེམས་དབང་གསོལ། །ཇི་ལྟར་རྒྱལ་བའི་དབུ་སྐབས་པ། །བྱང་ཆུབ་སེམས་
[175a.7]ཀྱིས་བསྐུས་པ་བཞིན། །བདག་ལ་བྱང་ཆུབ་སེམས་ཁྲུས་གསོལ། །ཞེས་པ་ནི་གསོལ་བ་གདབ་པའོ། །དེ་ནས་བློ་ལྡན་སློབ་དཔོན་དང་། །སློབ་མ་གཉིས་མེད་སྦྱོར་བྱས་པའི། །བྱང་ཆུབ་སེམས་སུ་དགང་གསུངས་པ། །ཡུམ་གྱི་བྷ་གར་བླང་བར་བྱ། །དཔེར་ན་བུད་བ་མེ་ཏོག་
[175b]
[175b.1]བཞིན། །ཡང་ན་གསང་བའི་རྡོ་རྗེ་སྐེར། །སྦོམ་པོས་དབང་པོ་གཉིས་མནན་ཏེ། །སློབ་མའི་ཁ་རུ་དབ་བ་བར་བྱ། །དཔེར་རྣ་མ་ལ་བུ་བཞིན་ནོ། །ཡང་ན་སློབ་མ་གང་ཡིན་པ། །གདུགས་ལ་སོགས་དང་ལྡན་བྱས་ནས། །གསང་ཆེན་བདེ་བའི་རྒྱུ་མཆོག་སྟེ། །བདུད་རྩི་ལྔ་དང་ལྡན་བྱས་
[175b.2]ནས། །བཀྲ་ཤིས་བསྟོད་པས་བསྟོད་པ་དང་། །སློབ་མའི་ལྕེ་ལ་སྦྱིན་པར་བྱ། །དེ་ནས་སློབ་མ་ཆེད་པོ་དེ། །བྱང་ཆུབ་བ་དུད་རྩི་ལྕེས་བླངས་ནས། །སྙིང་གར་འདོད་པ་བསྟེན་པར་བྱ། །བདེ་བ་དེ་ལ་བརྟེན་གྱུར་ནས། །ལྟེ་བའི་དབུས་སུ་བསམ་པར་བྱ།། །སློབ་མས་ཀྱང་ནི་འདི་སྐད་
[175b.3]བརྗོད། །འཆི་བར་གྱུར་པར་རབ་སློང་ཞིང་། །རྟོག་པའི་དྲ་བ་སེལ་མཛད་པ། །ཨེ་མ་མཆོག་གི་བདུད་རྩེ་ཆེ། །བཞི་བརྒྱ་རྒྱ་བཞིའི་ནད་སེལ་ཞིང་། །བླ་མེད་བྱང་ཆུབ་མཆོག་ལ་རེག །བདུད་རྩི་མངའ་བདག་ཁྱོད་ལ་བསྟོད། །གསང་ཆེན་དབྱིངས་ལ་ཕྱག་འཚལ་བསྟོད། །བཅུད་ལྡན་
[175b.4]བདུད་རྩི་ཁྱོད་ལ་བསྟོད། །ཅེས་པ་ནི་གསང་བའི་དབང་ངོ་། །དེ་ནས་ཤེས་རབ་ཡེ་ཤེས་ཀྱི་དབང་བསྐུར་ཏེ། མཎྜལ་དྲི་ཞིམ་ལེགས་བྱུང་ཏེ། །མཆོག་ཏུ་དཀར་དམར་ཐིག་ལེ་གདབ། །སྟེང་དུ་མཚན་ལྡན་བུད་མེད་བཞག །གནས་རྣམས་སུ་ནི་ལྷ་ཚོགས་དགོད། །དབྱིངས་ནས་བསྟིམ་
[175b.5]པའི་ཆོ་ག་བྱ། །དེ་ནས་སློབ་མས་གསོལ་བ་གདབ། །ཇི་ལྟར་སངས་རྒྱས་ཐམས་ཅད་ཀུན། །ཤེས་བ་ཕ་རོལ་ཕྱིན་པས་འགྲུབ། །བདག་ཀྱང་རབ་ཏུ་བསྒྲལ་སླད་དུ། །གསུམ་པའི་དཀྱིལ་འཁོར་བསྟན་དུ་གསོལ། །ཞེས་པ་ནི་གསོལ་བ་གདབ་པའོ། །བུ་ཚུར་ཤོག་ཅིག་རིགས་ཀྱི་
[175b.6]བུ། །གང་ལྟར་དགའ་བའི་དངོས་གྲུབ་ནི། །ཤེས་རབ་མ་ལ་བརྟེན་ནས་འགྲུབ། །རྟག་ཏུ་ཤེས་རབ་དོན་འདོད་པས། །པདྨའི་སྟེང་གི་ལྕེ་ཡིས་རེག །དྲི་ཆེན་དྲི་ཆུ་བཟའ་བར་བྱ། །ཐ་དད་རྟོག་པ་གྱུར་མི་བྱ། །ཁུ་བ་དཀར་དམར་རྣམ་པ་གཉིས། །ལྕེ་ཡི་དབུས་སུ་བརྟན་པར་གཟུང་། །
[175b.7]དཀའ་ཐུབ་མེད་ཅིང་བརྟུལ་ཞུགས་ཆེ། །འདི་དང་ལྡན་པས་འགྲུབ་པར་འགྱུར། །ཞེས་པ་ནི་སྡོམ་པ་དབོག་པའོ། །དེ་ནས་སློབ་མ་ཆེན་པོ་དེས། །རང་གི་བསམ་པའི་བློ་བརྟགས་པ། །ཇི་ལྟར་སྔོམ་པ་གཟུང་བར་བྱ། །སྡོམ་པ་འཛིན་པའི་སློབ་མ་དེ། །དམིགས་མེད་ཡུལ་གྱི་དཀྱིལ་
[176a]
[176a.1]འཁོར་བལྟ། །རྟག་ཏུ་གཅེར་བུའི་ཚུལ་ཅན་གྱིས། །རྡོ་རྗེ་དྲི་ལ་བུ་ཁ་ཕྱེལ། །མཐོང་བའི་སློབ་མ་གསོལ་བ་གདབ། །རྨད་བྱུང་བཙུན་མོའི་བྷ་ག་མཆོག །ཡེ་ཤེས་ཐམས་ཅད་བསྐྱེད་པའི་གནས། །མ་སྨིན་མ་གྲོལ་གྲོལ་བའི་སར། །ཡེ་ཤེས་དམ་པ་བསྐྱེད་དུ་
[176a.2]གསོལ། །ཞེས་པ་ནི་གསོལ་བ་གདབ་པའོ། །དེ་ནས་བདེ་བའི་སྟན་བཏིང་ལ། །སེང་གེའི་སྟབས་ཀྱིས་ཉལ་བ་ཡིས། །ལག་པ་སྟེང་འོག་བསྣོལ་ནས་ནི། །མཆོག་དགའ་བ་ཡི་གཏམ་དང་ལྡན། །གནས་དགུ་རུ་ནི་སེན་མོ་གདབ། །ཐུར་གྱིས་སྨེག་དང་ཁ་སྤད་སྩོགས། །ཆགས་པ་བསྐྱོད་པའི་
[176a.3]ཆོག་བྱ། །ཡུམ་གྱི་བྱ་རྒོད་རྩེ་མོ་མཆོག །དབང་པོའི་ལག་པས་བླང་བར་བྱ། །པདྨ་ཁ་བྱེར་གྱུར་པ་དང་། །གཉིས་སུ་མེད་པར་སྦྱར་གྱུར་ཏེ། །བསྐྱོད་པ་དལ་གྱིས་བསྐྱོད་པར་བྱ། །བསྐྱོད་པའི་རླུང་གིས་མེ་བསྐུལ་དེ། །བདེ་ཆེན་བྱང་ཆུབ་སེམས་ཕབ་སྟེ། །སོ་སོའི་གནས་སུ་འོད་ཚན་གཟུང་། །རྡོ་རྗེ་རུ་ཕྱིན་པ་དང་། །ཡི་
[176a.4]གེ་འོད་ཀྱིས་བུར་འགྱུར་ཏེ། །ཨོཾ་ཁྱོད་ཀྱིས་སྟོབས་ཀྱིས་ཐམས་ཅད་འདུས། །ལོག་པའི་མན་དག་དེར་བསམ་མོ། །མ་བཟློག་པ་ནི་ལྕེ་ཡིས་བླང་། །མ་བཟློག་པ་ནི་ལྕེས་ཡིས་བླང་། །གལ་ཏེ་བཟློག་པར་གྱུར་པ་ན། །རྟོག་པ་ཐམས་ཅད་ནུབ་པར་འགྱུར། །དེ་ལས་ལངས་ཏེ་དེ་བཞིན་བསམ། །ཤེས་རབ་ཡེ་ཤེས་ཀྱི་དབང་ངོ་། །དེ་ནས་
[176a.5]ལུང་བསྟན་པར་བྱ་སྟེ། །ཁམས་གསུམ་འགྲོ་རྣམས་ཐམས་ཅད་ལ། །ཆོས་ཀྱི་འཁོར་ལོ་བསྐོར་བར་བྱ། །དུས་འདི་ནས་ནི་བཟུང་ནས་ནི། །སྲིད་པའི་གཟེབ་ལས་སྒྲོལ་བར་འགྱུར། །ཉོན་མོངས་སྡུག་བསྔལ་གཏན་བཅད་ནས། །བླ་མེད་བྱང་ཆུབ་མཆོག་ལ་རེག །དེ་རིང་ཕན་ཆད་བུ་ཁྱོད་
[176a.6]ནི། །རྒྱལ་བའི་སྲས་ཀྱི་ཐུ་བོ་ཡིན། །ཞེས་པ་ནི་ལུང་བསྟན་པ་དང་དབུགས་དབྱུང་བའོ། །ཇི་ལྟ་ཇི་ལྟར་འདུལ་འགྱུར་བའི། །དེ་ལྟར་ཆོས་ཀྱི་འཁོར་ལོ་བསྐོར། །ཁམས་གསུམ་སེམས་ཅད་ཐམས་ཅད་ལ། །འཁོར་ལོ་བསྐོར་བ་མྱ་ངན་འདས། །ཅེས་པ་དང་། དུང་དང་རལ་གྲི་པདྨོ་
[176a.7]དང་། །རྡོ་རྗེ་ལ་སོགས་པ་འདི་ནི་རྗེས་སུ་གནང་བའོ། །དེ་ནས་སློབ་མ་དམ་པ་དེས། །རིན་ཆེན་གསེར་དངུལ་བྱི་རུ་དང་། །དུང་དང་མུ་ཏིག་ཀུ་མུ་ཏ། །བ་ལང་རྟ་དང་གླང་པོ་ཆེ། །ཡུལ་དང་བུ་སྨད་ལ་སོགས་པ། །མདོར་ན་རང་ལས་གཅེས་པའི་རྫས། །ཐམས་ཅད་བླ་མ་དེ་ལ་དབུལ། །
[176b]
[176b.1]བླ་མ་དམ་པར་གྱུར་པ། །རང་དྲོག་གིས་ཀྱང་མཉེས་བྱེད་ན། གཞན་པའི་རྫས་ལྟ་སྨོས་ཅི་དགོས། །ཞེས་པ་ནི་ཡོན་དབུལ་བའོ། །དེ་ནས་དམ་ཚིག་དཔོག་བྱ་སྟེ། །གསང་དང་དོན་དམ་ཡང་དག་ལ། །ཐོབ་པར་གྱུར་པའི་སློབ་མ་ཡིས། །དམ་ཚིག་ཡིད་བཞིན་ནོར་བུ་བསྲུང་། །ཡང་དག་
[176b.2]རྡོ་རྗེ་སློབ་དཔོན་ལ། །མིད་གེ་ལོག་པ་སྤྱོད་འདོད་ན། །དེ་ནི་དབང་གིས་ཚིག་ནས་ལྟུང་། །ཐུན་མོང་ཁྱད་པར་མཆེད་དང་ཡུམ། །དེ་ལ་ངན་སེམས་གཟུང་མི་བྱ། །སློབ་དཔོན་རྡོ་རྗེ་མཆེད་གྱུར་ལ། །རང་གི་སྲོག་ཀྱང་ཕན་གདགས་ན། །སྒྲིབ་པ་ཀུན་བྱང་ཚོགས་རྫོགས་ནས། །བར་ཆོད་
[176b.3]ཐམས་ཅད་ཞི་བར་འགྱུར། །དེ་མིན་དབང་གིས་ཚིག་ནས་ལྟུང་། །བྱང་ཆུབ་སེམས་ནི་སྤང་མི་བྱ། །དགེ་སློང་ཁྲིམས་ལ་ལྷག་པར་གནས། །སྔོམ་བ་ཐམས་ཅད་ལྷག་པར་བསྲུང་། །འདི་ནི་རྣལ་འབྱོར་ས་གཞི་འདྲ། །རྣལ་འབྱོར་པ་ཡི་རྫས་རྣམས་ལ། རྟོག་པ་ཐམས་ཅད་སྤང་
[176b.4]པར་བྱ། །གཞན་ཡང་དམ་ཚིག་མཐའ་ཡས་པ། །ཐམས་ཅད་འབད་དེ་བསྲུང་བར་བྱ། །དམ་ཚིག་དངོས་གྲུབ་ཀུན་གྱིས་མཆོག །དམ་ཚིག་དངོས་གྲུབ་ཀུན་གྱི་བདག །དམ་ཚིག་གིས་ནི་འབྱུང་པོ་འདུལ། །དམ་ཚིག་རྟོག་པའི་དྲ་བ་གཅོད། །གང་དག་དམ་ཚིག་མི་ལྡན་པ། །དབང་
[176b.5]གིས་ཚིག་ནས་མནར་མེད་པར། །སངས་རྒྱས་བཞུགས་ཀྱི་བར་དུ་གནས། །ཞས་པ་ནི་དམ་ཚིག་དཔོག་པའོ། །དེང་ནས་བརྩམས་ཏེ་བཀྲ་ཤིས་ཀྱི། །སྨོན་ལམ་རྗེས་སུ་གདབ་པར་བྱ། །བུམ་པའི་ལྷ་དང་དཀྱིལ་འཁོར་ལྷ། །སྦྱང་དང་ནམ་མཁར་གཤེགས་སུ་གསོལ། །དམ་ཚིག་
[176b.6]དཀྱིལ་འཁོར་རང་ལ་བསྡུ། །དཀྱིལ་འཁོར་ཕྱག་ལ་ཆུ་བོར་དབོ། །སྣོད་རྣམས་དག་པར་བཀྲུ་བར་བྱ། །རང་ཉིད་མི་དམིགས་དབྱིངས་སུ་བསྡུ། །དེ་ལ་ལས་ཀྱི་ལྷར་བསྒྱུར་ལ། །བཟོད་གསོལ་ལུས་སྲུང་ཆོ་ག་བྱ། །དཀྱིལ་འཁོར་ཆེན་པོའི་ཆོ་ག་འདི། །རྒྱུ་དང་འབྲས་བུའི་དོན་ལ་
[176b.7]རྨོངས། །ཡང་དག་དོན་དང་མི་ལྡན་ཞིང་། །འདོད་པ་ལོག་པའི་ལམ་ཞུགས་དན། །དཀའ་ཐུབ་པ་དང་རྟོག་བ་ཅན། །དེ་ལ་ཟུར་ཙམ་བསྟན་མི་བྱ། །གལ་ཏེ་དེ་ལ་བསྟན་གྱུར་ན། །ཚེ་ཡི་འདུ་བྱེད་དེས་བཀུམ་ནས། །དམྱལ་བར་བསྐལ་པ་སྟོང་དུ་གནས། །བདག་འདྲའི་མ་རིག་རྨོངས་བ་
[177a]
[177a.1]ཡིས། །སྒྲུབ་པའི་ཐབས་འདི་བརྩམས་པར་མི་འོས་ཀྱང་། །སེམས་ཅན་བདག་པས་དམ་ཕྱིར་བདག་གིས་བརྩམས། །འདི་ལས་བདག་གིས་བྱང་ཆུབ་ཅི་ཐོབ་པ། །དེས་ནི་སེམས་ཅན་གོས་སྔོན་གྲུབ་པར་ཤོག །བདག་གི་དགེ་བའི་རྩ་བ་འདིས། །ཁམས་གསུམ་སེམས་ཅན་
[177a.2]ཐམས་ཅད་ཀུན། །ཞང་མཆོག་གཙང་མར་སྐྱེ་བར་ཤོག །དབང་གི་འབྲས་བུ་སྨིན་གྱུར་ཅིག །སེམས་ཅན་ལས་དང་སྐལ་ལྡན་ནས། །རྡོ་རྗེ་འཆང་ཆེན་ཞལ་མཐོང་ཤོག །དེ་ཡི་ཐེག་པའི་དོན་རྟོགས་ཏེ། །མཚོན་པར་རྫོགས་པར་སངས་རྒྱས་ནས། །ཐུགས་རྗེ་ཆེན་པོའི་བྱིན་རླབས་
[177a.3]ཀྱིས། །སེམས་ཅན་འགྲོ་དོན་བྱེད་པར་ཤོག །དཔལ་ལྡན་གོས་སྔོན་ཅན་གྱི་དཀྱིལ་འཁོར་གྱི་ཆོ་ག་སློབ་དཔོན་ནཱ་གཱ་རྫུ་ནས་མཛད་པ་རྫོགས་སོ།། {T2206}༄༅༅། །རྒྱ་གར་སྐད་དུ། མནྟྲཱ་ལཾ་ཀཱ་ར་སཱ་དྷ་ནཾ། བོད་སྐད་དུ། སྔགས་ཀྱི་རྒྱན་གྱི་སྒྲུབ་ཐབས། བཅོམ་ལྡན་
[177a.4]འདས་ཐུགས་ཀྱི་རང་བཞིན་ཕྱག་ན་རྡོ་རྗེ་གཏུམ་པོ་ལ་ཕྱག་འཚལ་ལོ། །སྔགས་རྣམས་བདག་པོ་དཔལ་ལྡན་རྡོ་རྗེ་ཅན། སྐུ་གསུམ་རང་བཞིན་ཡོན་ཏན་ཀུན་གྱི་མཛོད། །ཉོན་མོངས་གདུང་བ་རྩད་ནས་ཞི་མཛད་ཅིང་། །དུས་གསུམ་སངས་རྒྱས་རང་བཞིན་གོས་སྔོན་ཅན། །གསང་བའི་བདག་
[177a.5]ལ་དང་བས་ཕྱག་འཚལ་ལོ། །མྱུར་དུ་གྲུབ་པར་འོང་པར་ཡི། །དེ་ཉིད་སྔགས་ནི་བཤད་པར་བྱ། །གང་ཞི་རྣལ་འབྱོར་པ་ཡིས་ནི། །སྔགས་ལ་གཙོ་ཆེར་བྱེད་པ་ཡིས། །རིགས་བཟང་དོན་དང་ལྡན་པ་ཡིས། །ཡིད་དང་མཐུན་པའི་གནས་དག་ཏུ། །སྔགས་ཀྱི་མི་མཐུན་ཀུན་སྤངས་
[177a.6]ནས། །སྙན་པའི་གནས་སུ་ལེགས་འདུག་སྟེ། །སེམས་སྦྱང་ལྷག་པའི་ལྷར་གྱུར་ཏེ། །བསྲུང་དང་ཚོགས་བསག་སྟོང་པར་བསྒོམ། །དེ་ནས་རང་གི་སེམས་ཉིད་ནི། །ཡི་གེ་ཧཱུཾ་གི་རྣམ་པ་ལས། །བྷཱུཾ་འཕྲོས་གཞལ་ཡས་ཁད་པར་གྱུར། །དེ་སྟེང་ཧཱུཾ་ལས་ཆོ་ག་གསུམ། །དེ་ལས་དཔའ་
[177a.7]ལྡན་གཏུམ་པའི་གཟུགས། །གཡས་ན་རྡོ་རྗེ་རྩེ་ལྔ་པ། །གཡོན་པས་བྱ་ཁྱུད་ངེས་པར་བསྣམས། །སྐུ་མདོག་སྔོན་པོ་དཔའ་བའི་ཆས། །གཡོན་བརྐྱང་གཡས་བསྐུམ་གདུག་པས་བརྒྱན། །ཡེ་ཤེས་བསྟིམ་དང་བྱིན་བརླབས་ནས། དབང་བསྐུར་འབྲས་བུ་ལྔ་དང་ལྡན། །དེ་རྗེས་སྔགས་
[177b]
[177b.1]ཀྱི་བཟླས་པ་བྱ། །བདག་དང་གཞན་གྱི་རྣམ་པ་ཡིས། །རགས་པ་དང་ནི་ཕྲ་བ་ཡི། །ཤིན་ཏུ་ཕྲ་བའི་རྣམ་པ་སྟེ། །སེམས་དཔའ་སུམ་བརྩེགས་གཞལ་ཡས་ཁང་། །གསལ་བར་བྱེད་པ་དེ་ཉིད་དེ། །རྣལ་འབྱོར་ཚུལ་གྱིས་ཡོངས་སུ་བསྒྲུབ། །འདོད་ཆགས་དང་ནི་ཞེ་སྡང་དང་། །གཏི་
[177b.2]མུག་ང་རྒྱལ་ཕྲག་དོག་དང་། །ཉོན་མོངས་ཉེ་བའི་ཉོན་མོངས་དང་། །སྔགས་ཀྱི་དུས་སུ་སྤང་པར་བྱ། །གཟུགས་དང་སྒྲ་དང་དྲི་དང་རོ། །དེ་བཞིན་རིག་བྱ་ལ་སོགས་དང་། །གཡེང་བར་གྱུར་པ་མ་ལུས་པ། །སྔགས་ཀྱི་དུས་སུ་སྤང་བར་བྱ། །སྒྲ་ཆེ་བ་དང་སྒྲ་ཆུང་དང་། །སྐྱེན་པ་དང་ནི་
[177b.3]བུལ་བ་དང་། །མི་གསལ་ཡང་ལག་ཉམས་པ་དང་། །གསང་སྔགས་པར་དུ་སྒྲ་ཞུགས་དང་། །དམིགས་པ་མ་རྫོགས་འཇོག་པ་དང་། །སྔགས་ཀྱི་དུས་སུ་སྤང་བར་བྱ། །རྗེས་ཀྱི་རྣལ་འབྱོར་མ་ལུས་པར། །དུས་དང་གྲངས་དང་མཚན་མ་དང་། །རོ་དང་དབང་བསྐུར་ལ་སོགས་པ། །
[177b.4]སེམས་དཔའ་སུམ་བརྩེགས་གསལ་བ་ཡིས། །རང་ཉིད་ཐིག་ལེའི་ངོ་བོ་ཡི། །འོད་ཟེར་ལ་ནི་ཡིག་འབྲུ་ཞོན། །འོད་དཀར་ཞི་བའི་ཚུལ་དུ་བཟླས། །ཡང་ན་འོད་འཕྲོས་སྐུ་གསུམ་གྱི། །རང་བཞིན་ཚུར་འདུས་གདུག་རྩུབ་སྦྱོང་། །ཡད་ན་དམིགས་པ་མེད་པ་ལས། །འཕྲོ་དང་འདུ་བས་བྱེད་
[177b.5]པ་ཡིན། །འོད་དཀར་དམར་འཕྲོ་འདུ་ཡེས། །རྣམ་སྨིན་ལ་སོགས་བསྲེག་ཅིང་སྦྱོང་། །འཁོར་དང་ཉེ་འཁོར་སུམ་འཁོར་སོགས། །མཚན་མ་འདོད་པ་རྣམས་པ་ལྔ། །གོང་དུ་བསྙེན་པའི་དོན་དུ་གསངས། །སུམ་འབུམ་བདུན་དང་བཅུ་གཉིས་སོ། །འདི་ཡང་གྲངས་ཀྱི་ཚད་དུ་གསུངས། །
[177b.6]དེ་ཡི་གྲོགས་འགྱུར་བཟླས་པ་ནི། །སྡིག་པ་དབྱུང་དང་སྲེག་པ་དང་། །བཀྲུ་བའི་དོན་ལ་དམིགས་པ་སྟེ། །རང་དང་ཕྲ་བའི་དབང་དག་ཏུ། །དྲུག་དང་དགུ་རུ་ཤེས་པར་བྱ། །སྡིག་པ་དབྱུང་པ་ལ་སོགས་ཀྱང་། །མི་དྲུག་གཟུགས་དང་དེ་བཞིན་དུ། །ཡིག་གཟུགས་དང་ནི་འོད་ཀྱི་
[177b.7]གཟུགས། །དེ་དག་དབྱུང་གཏོར་བསྲེག་ཅིང་བཀྲུ། །དམིགས་པ་གསར་རྙིང་བྱེ་བྲག་གིས། །མགལ་མེ་ཕྲེང་བ་ཉི་མའོ། །སྔགས་ཀྱི་དངོས་གྲུབ་འདོད་དུས་སུ། །ཆོ་ག་དང་གཏོར་མ་སཱཙྪ་དང་། །ཀློག་འདོན་དགེ་བ་སྐྱོང་ལ་སོགས། །འདི་ཡང་གྲོགས་སུ་འགྲོ་བ་ཡིན། །རྗེས་ཀྱི་
[178a]
[178a.1]རྣལ་འབྱོར་ཚུལ་དང་ལྡན། །བསྙེན་སྒྲུབ་ཆེན་པོ་ལ་སོགས་པས། །ཡོངས་སུ་བསྒྲུབ་པས་དངོས་གྲུབ་འབྱུང་། །སྐུ་གསུམ་ངོ་བོའི་ཚུལ་ལ་ནི། །འོད་སྒྲ་སྐུ་དང་འགུལ་དང་ལྡེག །ཁོལ་དང་གང་དམིགས་དེ་དབང་འགྱུར། །འདི་ཡང་སྒྲུབ་ངའི་རྟགས་སུ་གསུངས། །
[178a.2]གོས་སྔོས་ལུས་ལ་གནས་པ་དང་། །དུང་འབུད་པ་དང་ཆོས་རྣམས་སྟོན། །སྟོང་གསུམ་མ་ལུས་མཐོང་བ་དང་། །དབང་བསྐུར་ཁྲག་སོགས་ལུས་ལས་འཐོན། །མེ་ཏོག་སྔོན་པོ་ཉི་ཟླ་ཤར། །རྨི་ལམ་དག་ཏུ་བྱུང་བ་ན། །འདི་ཡང་གྲུབ་པའི་རྟགས་སུ་གསུངས། །དེ་དག་བཟླས་པའི་སྔགས་
[178a.3]གསུངས་པ། །ཨོཾ་ན་མོ་ནཱི་ལཱ་མྦ་ར་དྷ་ར་བཛྲ་པཱ་ཎི་ཧཱུཾ་ཕཊ། ཨོཾ་རཱ་ཛ་མ་ཧཱ་ག་རུ་ཌ་ཧཱུཾ་ཧཱུཾ་ཧཱུཾ། བཟླས་ལུགས་མན་དག་ཤེས་པར་བྱའོ། །མིག་གི་མངོན་ཤེས་བསྒྲུབ་པ་ནི། །སྐུ་གསུད་ཐུགས་ཀྱི་རྣམ་པ་ལ། །ཡེ་ཤེས་འཕྲོ་འདུས་བྱིན་རླབས་སྡུད། །བསྙེན་པ་སྐྱོལ་བས་དེ་བཞིན་བྱ། །རྣ་བ་དང་
[178a.4]ནི་དབང་པོ་གཞན། །གོང་མ་དེ་བཞིན་སྦྱོར་ཤེས་བྱའོ། །གང་ཞིག་ཕྲིན་ལས་རྣམ་བཞི་ལས། །དང་པོ་ཞི་བ་གསུངས་པ་ནི། །ཁ་དོག་དཀར་པོ་འཕྲོ་འདུལ་ཡིས། །རང་གི་སྡིག་དང་བག་ཆགས་ཀང་། །གཞན་གྱི་གདུག་རྩུབ་ཞི་བར་བྱེད། །ཚེ་རིང་རིགས་རྒྱུད་ལོངས་སྤྱོད་རྣམས། །
[178a.5]རྒྱས་པར་འདོད་པ་འདོ་ཟེར་སེར། །བདེ་གཤེགས་འོད་བསྐུལ་རང་ལུས་ཀྱི། །རང་བཞིན་ཚེ་རྣམས་རྒྱས་པར་བྱེད། །དཀར་དམར་ཁུ་པའི་འཕྲོ་འདུ་ཡིས། །འཇིག་རྟེན་རིགས་རྒྱུད་རྒྱས་པར་བྱེད། །ནོར་དང་རྫས་ནི་རྒྱས་འདོད་པས། །རིན་ཆེན་བཅུད་ཀྱི་ཚུལ་དུ་བསྒྲུབ། །ཁ་དོག་དམར་
[178a.6]པོ་སྦྱར་བ་ཡིས། །དམིགས་པ་མ་ལུས་དབང་དུ་སྡུད། །ཚར་གཅད་དུས་ཀྱི་སྦྱོར་བ་ནི། །འཁོར་ལོ་འོད་ཟེར་སྐུར་གྱུར་ཏེ། །དགུག་ཅིང་ཐོ་བ་ལ་སོགས་པས། །དྲག་པོའི་མཚོན་ཆག་ཐོག་ཕབ་པས། །སྤྱི་བོ་གཙུག་གནས་རྣམས་སུ་ནི། །ཕུང་པོ་གཞིག་པའི་སྦྱོར་བ་བྱ། །ས་བོན་འཇོམས་
[178a.7]དང་འབྱེད་བྱེད་པས། །འགྲུབ་པར་འགྱུར་བར་གསུངས་པ་ཡིན། །དེ་ལ་སོགས་པའི་སྦྱོར་བ་རྣམས། །མཁས་པ་ཡིས་ནི་ཤེས་པར་བྱ། །དེ་རྣམས་སྔགས་ཀྱི་མཐའ་ལ་ནི། །ནད་དང་སྡུག་བསྔལ་ཐམས་ཅད་ལས། །ཐར་བར་གྱུར་ཅིག་ཧཱུཾ་ཕཊ་སྭཱཧཱ། །ཞེས་པ་སྒྲུབ་པའི་སྙིང་པོར་
[178b]
[178b.1]གསུངས། །འདི་ནི་ཀུན་གྱི་མན་ངག་གོ། །མཁས་པ་ཚིག་ལ་མི་ལྟོས་པར། །གཟུ་ལུམས་ལ་གཞལ་གང་ཟག་གིས། །བསྐལ་པར་བསྒྲུབས་ཀྱང་འབྲས་བུ་མེད། །དེ་བས་མཁས་པ་རབ་ཏུ་གཅེས། །འདི་བརྩམས་པ་ཡི་དགེ་བ་ཡིས། །རིགས་དང་ཕྲ་བའི་རྟོག་པ་དང་། །ནད་ཀྱི་
[178b.2]ཟུག་རྔུ་ཞི་བ་དང་། །སྔགས་ཀྱིས་ཉོན་མོངས་ཀུན་སྤངས་ནས། །གོས་སྔོན་དངོས་གྲུབ་ཐོབ་པར་ཤོག །སྔགས་ཀྱི་རྒྱན་ནཱ་གཱརྗུ་ནས་མཛད་པ་རྫོགས་སོ།། {T2207}༄༅༅། །རྒྱ་གར་སྐད་དུ། པྲ་ཏི་ཥྛ་ཨ་ལཾ་ཀཱ་ར། བོད་སྐད་དུ། རབ་ཏུ་གནས་པའི་རྒྱན། །རྡོ་རྗེ་
[178b.3]བསྣམས་ལ་ཕྱག་འཚལ་ལོ། །དུས་གསུམ་སངས་རྒྱས་ཀུན་གྱི་དང་། །ཟླ་བ་ལྟ་བུའི་མཐུ་མངའ་པའི། །སེལ་ཅིང་སྣང་བར་བྱེད་པ་ཡི། །མངའ་བདག་རྡོ་རྗེ་ཅན་ལ་འདུད། །ཆོགས་སོགས་ནུས་པ་ཚོགས་བྱུང་བས། །རབ་ཏུ་གནས་པ་བཤད་པར་བྱ། །སྔགས་པ་ཡོན་ཏན་ཀུན་ལྡན་བས། །
[178b.4]བཀྲ་ཤིས་པ་ཡི་གནས་དག་ཏུ། །བསྙེན་པ་རྣམ་གསུམ་རྫོགས་པ་ཡིས། །ལྷག་པར་གནས་པའི་ཆོ་ག་བྱ། །མངའ་དབུལ་བ་དང་མཆོད་པ་བརྩམ། །སྔགས་ཀྱིས་གནས་པའི་དོན་དུ་ནི། །རྒྱས་པར་རབ་གནས་ཆེན་པོར་བལྟ། །འདི་རུ་ཅུང་ཞིག་བསྡུས་ནས་བསྟན། །དང་པོ་རྡུལ་
[178b.5]ཚོན་དཀྱིལ་འཁོར་བྲི། །འདོམ་དོ་པ་འམ་འདོམ་གང་བ། །གྲུ་བཞི་འཐས་པར་བྱས་པ་ལ། །ཐིག་ནི་ལེགས་པར་ཡོངས་བཏབ་ལ། །ས་ཚོན་བྱིན་གྱིས་བརླབ་བྱ་ལ། །ཚོན་རྣམས་དགྱེ་བའི་རིམ་པ་ནི། །དབུས་ཀྱི་ཕོ་བྲང་མཐིང་ག་ལ། །པདྨ་འདབ་བརྒྱས་མཛེས་པར་བཏང་། །ཤར་གྱི་
[178b.6]ཆ་ནི་དཀར་པོ་ལ། །ལྷོ་ཡི་ཆ་ནི་སེར་པོ་སྟེ། །ནུབ་ཀྱི་ཆ་ནི་དམར་པོར་སྣང་། །བྱང་ནི་དོན་ཡོད་གྲུབ་པ་ལྗང་། །མཐིང་ག་དཀར་དང་སེར་དང་དམར། །ལྗང་གུ་རྣམས་སུ་གསུངས་བ་ནི། །མཉྩརེ་ཁཱའི་རྩིག་པའོ། །སྒོ་གཉིས་མཚམས་དང་ཏྭ་ར་ཎ། །དྲ་བ་དྲ་བ་ཕྱེད་པ་དང་། །རྒྱན་རྣམས་
[178b.7]ཀྱིས་ནི་རྣམ་པར་སྤྲས། །ཐ་མ་སྲུང་བ་ཕྲེང་བས་བརྒྱན། །དཀྱིལ་འཁོར་གྱི་ནི་ཤར་ངོས་སུ། །དབང་སྟེགས་སྟེང་དུ་མཛེས་པའི་གདན། །སྐུ་གསུང་ཐུགས་ཀྱི་རྟགས་མཆོག་བཞག །ཆུ་གསུམ་འདུས་པས་ཁྲུས་རྣམས་བྱ། །མཆོད་པའི་ཡོ་བྱད་རྫོགས་པ་ལ། །བླ་རེ་གདུགས་དང་རྒྱལ་
[179a]
[179a.1]མཚན་དང་། མེ་ཏོག་རྣམས་ཀྱིས་ཡོངས་སུ་ཀླུ་བས། །དེ་ནས་རང་གི་བསམ་པ་རྫོག་སོ། །ལྷག་པའི་ཏིང་འཛིན་གསལ་བར་ཤེས། །དབང་བསྐུར་བ་ལ་རབ་ཏུ་གནས། །གསུང་ནི་ཧཱིཿ་ལས་བྱུང་བའི་རིགས། །ཐུགས་ནི་མི་བསྐྱོད་རྡོ་རྗེ་སེམས། །སྐུ་ནི་རྟག་པའི་རང་
[179a.2]བཞིན་ནོ། །ཚ་ཚ་མཚོ་རྟེན་ལ་སོགས་པ། །སངས་དེ་ཞུ་ནས་ལྕེ་ལས་ནི། །ཡི་ཞེས་ཚ་ཚ་མཆོད་རྟེན་གྱི། །འབྱུང་བའི་རྒྱུ་རུ་རྣམ་པར་སྣང་། །ལྷ་ཁང་འབྲུ་ཡི་རྟེན་ལས་སུ། །གོང་གི་སྟོབས་ཀྱིས་གང་འགྱུར་བ། །རང་གི་སྣད་བ་འབྱུང་བ་ཡིན། །སློབ་དཔོན་རབ་ཏུ་འགྱིང་བཅས་
[179a.3]པས། །རྡོ་རྗེ་དྲིལ་བུ་ལྡན་པ་ཡིས། །བདེ་གཤེགས་ནམ་མཁར་སྦྱང་དྲངས་ལ། །ཕྱག་འཚལ་མཆོད་བསྟོད་རྒྱས་པར་བྱ། །དེ་ནས་ཕྱག་རྒྱ་བཞི་ལྡན་པས། །རྟགས་གསུམ་དག་ལག་གཞག་པར་བྱ། །དེས་ནི་མཆོད་པ་རྒྱས་པའོ། །དཀྱིལ་འཁོར་གསང་བའི་ལྷ་ལ་དབུལ། །རིན་ཆེན་
[179a.4]སྣ་བདུན་ལྷ་མོ་བརྒྱད། །མ་ལུས་བསྟོད་ཅིང་བཟོད་པར་གསོལ། །གསང་སྔགས་རྒྱལ་པོའི་མཐའ་ལ་ནི། །འབྲུ་གསུམ་ཡི་གེ་བཏགས་པས་ནི། །བརྒྱ་རྩ་བརྒྱད་ནས་སྟོད་རྩ་བརྒྱད། །བཟླས་པ་འོད་ཟེར་གཞུང་བཞིན་བསྟིམ། །ཞུ་བས་སྐུ་གསུང་ཐུགས་ཀྱི་རྟགས། །རང་རང་རྣམས་
[179a.5]ལ་གསལ་ཞིང་རྒྱས། །དེ་ལ་མཆོད་པ་སྣ་ཚོགས་ཀྱང་། །དཀོན་མཆོག་སྐྱབས་ཆེན་རྣམས་དང་ཡང་། །མ་ལུས་ལུས་པ་མེད་པ་ལ། །ཡང་དག་པ་རུ་རབ་ཏུ་བསྔགས། །གཏོར་མ་གཉིས་ཀྱིས་གཙང་རིགས་དང་། །བགེགས་དང་རིགས་དྲུག་མ་ལུས་པ། །གཏོར་མ་ཆེན་པོ་སྦྱིན་དུ་
[179a.6]མཆོད། །བསྐོར་བ་བྱ་ཞིང་སྨོན་ལམ་གདབ། །རབ་གནས་བསྡུས་པའི་ཆོ་ག་ནི། །ནཱི་ལཱཾ་བཛྲ་མཐའ་བསྒྱུར་ལ། །ན་མོ་བུདྡྷཱ་ཡ། ན་མོ་དྷརྨཱ་ཡ། ན་མོ་སྶཾ་གྷཱ་ཡ། ཨདནྟེ། དྷ་ར་ནི། ཏ་དྱཐཱ། ཨཱ་ཀཪྵ་ཎི། སྭཱ་བྷ་སརྦ་དྷརྨཱ། ནིས་སརྦ། ཨིས་མ་ཐི། པི་པ་ཤ་ན། བི་མ་ལ་སུ་པ་རི་དྷརྨཱ་ཀརྟི་ཀ་ན།
[179a.7]བ་ལ་ནིཥྐ། ཡ་ཐ་མ་ལེ། །ཙ་ལེ་ཙ་ལེ། ཧུ་ལུ་ཧུ་ལུ། བི་ཤད་དེ། མནྟྲ་མནྟྲ་སྭཱ་ཧཱ། སྟོང་དང་བརྒྱ་ཡི་བཟླས་པ་ཡིས། །སྐུ་གསུངས་ཐུགས་ཀྱི་ངོ་བོ་རུ། །བྱིན་གྱིས་བརླབས་པ་ཙམ་ནི་བྱ། །ཡང་ན་ཏྲེ་ཡང་དེ། ཞེས་པའི་སྔགས་ཀྱིས་བྱ། དེ་ལྟར་སློབ་དཔོན་དེ་ལ་ནི། །ཅི་ཡོད་རང་
[179b]
[179b.1]གི་ནོར་རྣམས་དབུལ། །དེ་ནས་རབ་གནས་བརྟན་པ་ཡིས། །མགྲོན་རྣམས་དགྱེ་ཞིང་སྨོན་ལམ་གདབ། །ཤི་བ་ཕྱི་ཡི་ཆོ་ག་ཡང་། །ཁྲུས་བྱས་རྡུལ་ཚོན་གོང་བཞིན་བྲི། །སྤྱན་དྲངས་མདུན་གྱི་ནམ་མཁའ་ལ། །མཆོད་ཅིང་ཡེ་ཤེས་མེ་ནས་བསད། །སྦྱང་ཟིང་རོ་ནི་སྲེག་རྫས་སུ། །མེ་
[179b.2]ལྷ་ཉིད་ལ་དབུལ་བར་བྱ། །གཏོར་མ་ཆ་གཉིས་ཆོ་ག་ཡིས། །བསྔོ་ཞིང་སྨོན་ལམ་གདབ་པར་བྱ། །ཐིག་བསྡུས་ས་ཚོན་ཚུལ་དབོ། །འདི་བརྩམས་པ་ཡང་དགེ་བ་ཡིས། །བདག་དང་ཁམས་གསུམ་སེམས་ཅན་རྣམས། །ནད་དང་སྡུག་བསྔལ་རྩད་ནས་ཆོད། །ཞིང་ཁམས་
[179b.3]གཙང་མར་སྐྱེ་བར་ཤོག །དགེ་སློད་ནཱ་གཱ་རྫུ་ནས་མཛད་པ་རྫོགས་སོ།། {T2208}༄༅༅། །རྒྱ་གར་སྐྱང་དུ། བ་ལིཾ་ཏ་ཨ་ལཾ་ཀཱ་ར། བོད་སྐད་དུ། གཏོར་མའི་རྒྱན་བཅོམ་ལྡན་འདས་རྡོ་རྗེ་བསྣམས་ལ་ཕྱག་འཚལ་ལོ། །ཀུན་གྱི་གྲོགས་འགྲོལ་ལས་ཀྱི་མཆོག།
[179b.4]བཀྲ་ཤིས་བར་ཆོད་སེལ་མཛད་པ། །གཏོར་མའི་ལས་ནི་བདག་གིས་བཤད། །ཕྱི་ངག་གཏོར་མ་རྒྱ་ཆེན་འདི། །རྒྱས་པར་གཏོང་མ་ཆེན་པོ་བསྟན། །བསྡུས་པ་ལ་སོགས་མན་ངག་འདི། །སྒྲུབ་པ་པོ་ཡི་དོན་དུ་བསྡུས། །ཐམས་ཅས་ལྡན་པའི་གཏོར་མ་ལ། །ཧཱུཾ་གི་འོད་ཟེར་འཕྲོས་པར་
[179b.5]ཡིས། །རཾ་གྱིས་བསྲེགས་ཏེ་ཡཾ་གིས་བུས། །ཁཾ་གིས་བཀྲུས་ཏེ་དག་པ་ལས། །སྟོད་པའི་དང་ལས་ཡཾ་ལས་རླུང་། །མ་དང་བརྟེན་པའི་དངོས་པོ་དང་། །ཨ་ལས་བདེ་སྐྱོད་ནང་དུ་ནི། །བཾ་ལས་བདུད་རྩིའི་ཆུ་རྒྱུན་འབྱུང་། །དེ་དབུས་ཐབས་དང་ཤེས་རབ་འབར། །གཏོར་མའི་རྫས་ནི་ཡིག་
[179b.6]འཐུབ་བཅུ། །སྐུ་གསུང་ཐུགས་ཀྱིས་བོན་དང་། །རྡོ་རྗེ་ཟླ་བའི་དཀྱིལ་འཁོར་བཅས། །ཐབས་དང་ཤེས་རབ་ཡེ་གེས་མཚན། །ཧཱུཾ་གི་འོད་ཀྱིས་རླུང་སྔོན་བསྐྱེད། །འབར་དང་ཁོལ་བས་ཡབ་ཡུམ་བཞི། །སྐུ་གསུང་ཐུགས་ཀྱིས་བསྡུས་ཤིང་སྦྱངས། །སྤྲོས་པས་ཡེ་ཤེས་བདུད་རྩི་འབེབས། །
[179b.7]ཨོཾ་ཨ་ར་ལླི་ཧོཿ། ཛཿ་ཧཱུཾ་བམ་ཧོཿ། བདེ་གཤེགས་བདུད་རྩི་སྤྱན་དྲངས་ནས། །ཨོཾ་ཨཱཿ་ཧཱུཾ་སྭཱ་ཧཱ། ཞེས་པའི་སྔགས་ལན་བདུན་གྱིས་བརླབ། །གདན་གསུམ་ལྡན་པའི་རིན་ཆེན་མཛེས། །ཧཱུཾ་ལས་འོད་ཟེར་ཛཿ་འཕྲོས་ནས། །རིགས་དྲུག་བཀུག་སྟེ་འོད་དུ་ཞུ། །ཡིག་འབྲུ་ལྔ་ལས་རིགས་
[180a]
[180a.1]ལྔ་ཡི། །བདེ་གཤེགས་ཀླུ་གཉན་མཁའ་འགྲོ་རྣམས། །བསྐྱེད་ཅིང་མ་ལུས་དབང་བསྐུར་ནས། །བླ་མ་མི་བསྐྱོད་གཟུགས་འཛིན་རྣམས། །བདེ་འཚམ་རིམ་པར་བཞུགས་པ་རྣམས། །དེ་ལ་ཕྱག་འཚལ་མཆོད་བྱས་ན། །རང་གི་རྩ་བའི་སྔགས་ལ་ནི། །གསུམ་དང་བདུན་
[180a.2]དང་ཉི་ཤུ་གཅིག །ཨི་དཾ་བ་ལིཾ་ཁ་ཁ་ཁཱ་ཧི་ཁཱ་ཧི་ཞེས་པའི་སྔགས་ལ་བཏགས་ལ་དབུལ་ལོ། །མ་མ་སརྦ་ཤ་ཏཱུཾ་ཨ་མུ་ཀ་མ་ཧི་མན་ཙི་མེ་ཏེ་ས་མ་བ་བུ་གཾ་རུ་བྷི་ར་པྲི་ཡཾ་བྷ་ཀྵ་བལིཾ་ཨི་དཾ་གྲྀ་ཧྞ་ཁ་ཁ་ཁཱ་ཧི་རཀྟ་བི་པ་ཏི། ཨ་ཏི་ཀྲ་སྭ་མ་ཡེ་སྭཱ་ཧཱ། གསང་བའི་སྔགས་དེས་ཀྱང་མགྲོན་
[180a.3]མ་ལུས་པ་ལ་དབུལ་བར་བྱའོ། །ཨོཾ་ཨ་ཀཱ་རོ་མུ་ཁཾ་སརྦ་དྷ་རྨ་ཎཱཾ། ཨཱདྱ་ནུཏྤ་ནྣ་ཏྭཱཏ། ཨོཾ་ཨཱཿཧཱུཾ་ཕཊ་སྭཱ་ཧཱ། རིགས་དྲུག་མ་ལུས་ཀུན་ལ་བྱིན། །དེ་ནས་བསྟོད་པ་དང་། བཤགས་པ་དང་། ཕྲིན་ལས་བཅོལ་ཞིང་སྨོན་ལམ་གདབ། །སྤྱི་ཡི་གཏོར་མ་རྒྱ་ཆེ་ཡང་། །སྨན་ལྔ་འབྲུ་ལྔ་རིན་
[180a.4]ཆེན་ལྔ། །འབྲས་སྣུམ་ཁུར་བ་ལ་སོགས་ལ། །ཐམས་ཅད་མ་སྤྱད་སྣོད་དུ་བླུགས། །སྔགས་དང་ཕྱག་རྒྱས་བྱིན་གྱིས་བརླབ། །པཾ་ལས་པདྨ་དཀར་པོ་སྟེ། །སྔགས་དང་ཕྱག་རྒྱ་ཏིང་འཛིན་གྱིས། །ཕྱོགས་སྐྱོང་རིགས་དྲུག་འཁོར་དང་བཅས། །སྤྱན་དྲངས་གདན་ལ་བཞུགས་སུ་གསོལ། །
[180a.5]ཨོཾ་ཨིནྡྲཱ་ཡ་ཧཱུཾ་ཛཿ། ཨགྣ་ཡེ་ཧཱུཾ་ཛཿ། ཡ་མ་ཡེ་ཧཱུཾ་ཛཿ། ནཻ་རྲྀ་ཏ་ཡེ་ཧཱུཾ་ཛཿ། བ་རུ་ནཱ་ཡ་ཧཱུཾ་ཛཿ། བཱ་ཡ་བེ་ཧཱུཾ་ཛཿ། ཀུ་བེེ་རཱ་ཡ་ཧཱུཾ་ཛཿ། ཨཱི་ཤ་ནཱ་ཡ་ཧཱུཾ་ཛཿ། ཧེ་ཏ་ཨ་དྷྱི་པ་ཏ་ཡེ་ཧཱུཾ་ཛཿ། སཱུཪྻ་ཙནྡཱ་ཡ་ཧཱུཾ་ཛཿ། སྤྱན་དྲངས་བ་ལུཾ་ཡོངས་སུ་དབུལ། །བསྟོད་དང་དངོས་གྲུབ་བླང་བ་དང་། །ཐ་མ་ཚིགས་
[180a.6]བཅད་བསྡོས་བྱས་ནས། །སྨོན་ལམ་རྫོགས་པར་གདབ་པར་བྱའོ། །གཏོར་མའི་མན་ངག་གཞུང་དོན་འདི། །སྒྲུབ་པ་པོ་ཡི་དོན་དུ་བྲིས། །ཚིག་དང་དོན་གྱི་ངེས་པ་རྣམས། །རིགས་ལྔ་བདེ་བར་གཤེགས་པ་དང་། །མཁའ་འགྲོ་རྣམས་ལ་བཟོད་པར་གསོལ། །སྔོན་བྱང་མེད་
[180a.7]དང་གོ་རིམས་བྲལ། །འདི་ནི་བར་ཆོད་སྦྱོར་བ་སྟེ། །དེ་ནས། བར་ཆོད་སྦྱོར་བ་ཡོངས་སྤངས་ནས། །དངོས་གྲུབ་ཀླུ་མོ་མཁའ་འགྲོས་འབྱུང་། །བདག་གིས་འདི་བརྩམས་བསོད་ནམས་ཀྱིས། །རགས་དང་ཕྲ་བའི་རྟོག་པ་ཀུན་སྤངས་ནས། །སེམས་ཅན་མ་ལུས་ཐམས་ཅད་ཀུན། །གསང་
[180b]
[180b.1]ཆེན་ལམ་ལ་རབ་གནས་ནས། །གོས་སྔོན་དངོས་གྲུབ་ཐོབ་པར་ཤོག །གཏོར་མའི་རྒྱན་གྱི་མན་ངག་དགེ་སློང་ཀླུའི་བྱང་ཆུབ་ཀྱིས་མཛད་པ་རྫོགས་སོ།། {T2209}༄༅༅། །རྒྱ་གར་སྐད་དུ། ས་མ་ཡཱ་ལཾ་ཀཱ་ར། བོད་སྐད་དུ། དམ་ཚིག་གི་རྒྱན། ཕྱག་ན་རྡོ་རྗེ་ལ་ཕྱག་
[180b.2]འཚལ་ལོ། །དམ་ཚིག་མེད་དང་འཆལ་པར་གཏོང་། །སོམ་ཉི་ལ་སོགས་བསལ་བའི་ཕྱིར། །དམ་ཚིག་རྣམས་ནི་མདོར་བསྡུས་ནས། །གསང་བའི་བདག་ལ་འདུད་དེ་བཤད། །སྔགས་པས་སྲུང་བའི་དམ་ཚིག་ནི། །དང་པོ་བྱང་ཆུབ་སེམས་བསྐྱེད་ནས། །ཉ་འམ་སྟོང་གི་དུས་
[180b.3]དག་ཏུ། །ཡན་ལག་བརྒྱད་པ་ཉེར་གནས་ཏེ། །ལོ་གཅིག་པའམ་ཟླ་གཅིག་བྱ། །དེ་ནས་ཇི་སྲིད་སེམས་བསྐྱེད་དེ། །བསླབ་པ་ལྔ་པོ་ལེགས་བཟུང་ནས། །ལོ་གཅིག་ཟླ་གཅིག་བར་དག་ཏུ། །སྡོམ་པ་བརྟན་པོར་གཟུང་བར་བྱ། །དེ་ནས་དགེ་ཚུལ་དགེ་སློང་གི། །བསླབ་པ་ལ་ནི་
[180b.4]ལེགས་གནས་ཏེ། །མི་གཏོང་ལོ་འམ་ཟླ་བ་འམ། །སྡོམ་པ་ཉམས་པ་བླང་བར་བྱ། །སོ་སོར་ཐར་པའི་སྡོམ་པ་ལ། །གང་ཞིག་གིས་ནི་ལེགས་གནས་ན། །མཁས་པ་རྣམས་ཀྱིས་དུས་ཀུན་དུ། །སྲོག་གི་ཕྱིར་ཡང་མི་གཏོང་ངོ་། །གང་ཞིག་གིས་ནི་དེ་གོམས་འགྱུར། །གང་ཚེ་གོང་
[180b.5]མའི་བསླབ་གནས་པས། །དེ་ཚེ་འོག་མའི་མིང་དང་བྲལ། །དང་པོ་སྦྱིན་པ་བསླབ་བྱ་སྟེ། །དངོས་པོ་བཅུ་གཉིས་ཡང་དག་ལྡན། །བཟོད་དང་བརྩོན་འགྲུས་བསམ་གཏན་དང་། །ཤེས་རབ་གསུམ་སྟེ་གསུམ་དུ་བསྟན། །གཞན་གྱི་མྱ་ངན་སངས་ལ་སོགས། །སེམས་ཅན་དོན་འགྱུར་
[180b.6]ཐམས་ཅད་ཀུན། །སྲོག་གི་ཕྱིར་ཡང་མི་གཏོང་ངོ་། །སྡོམ་པ་ལོ་འམ་ཟླ་བ་རུ། །བརྟན་ནས་སྔགས་ཀྱི་དམ་ཚིག་བླང་། །སྤྱི་དང་ཁྱད་པར་གཉིས་སུ་ཤེས། །དང་པོ་དག་ནི་བཤད་བྱ་སྟེ། །དང་པོར་སློབ་དཔོན་མཉེས་པར་བྱ། །ཡི་དམ་སྤོང་ལེན་མི་བྱ་སྟེ། །ལུས་དང་ངག་ཡིད་སྐུ་གསུང་
[180b.7]ཐུགས། །ཕྱག་རྒྱ་ཆེ་ལ་རབ་ཏུ་གནས། །དམ་པ་རྣམས་ནི་སྨད་མི་བྱ། །གསང་བའི་དོན་ཡང་བསྟན་མི་བྱ། །རྟགས་ཆེན་སྐུ་ཡང་མི་བསྟན་ཏེ། །བཟླས་དང་སེམས་ཉམས་བསྟན་མི་བྱ། །རྡོ་རྗེ་དྲིལ་བུ་ཕྲེང་བ་དག །སྐད་ཅིག་ཙམ་ཡང་སྤང་མི་བྱ། །གྲོགས་པོའི་སེམས་ནི་དཀྲུག་
[181a]
[181a.1]མི་བྱ། །ཁྱད་པར་གྲོགས་ལ་སྨོས་ཅི་དགོས། །ཚོགས་དང་གཏོར་མ་སྦྱིན་སྲེག་བྱ། །མཎྜལ་ཚ་ཚ་ལ་སོགས་པ། །སྲོག་གི་ཕྱིར་ཡང་མི་གཏོང་ངོ་། །ཆོས་ཀྱི་སྤྱོད་པ་གཞན་རྣམས་ཀྱང་། །སྤང་བར་འགྱུར་བ་སྨོས་ཅི་དགོས། །ཤ་ཆེན་ཁྲག་
[181a.2]དང་ཁུ་བ་དང་། །དྲི་ཆེན་དང་ནི་དྲི་ཆུ་དང་། །བླང་དང་སྤང་བར་བྱ་བ་མིན། །རྩ་བ་བྱང་ཆུབ་སེམས་མི་བཏང་། །ཆོས་ལ་སྨོད་པ་སྤང་བར་བྱ། །དད་ལྡན་བསམ་པ་སུན་མི་དབྱུང་། །བུད་མེད་རྣམས་ནི་སྨད་མི་བྱ། །སྤང་དང་བླང་བར་བྱ་བ་མིན། །བགྲོད་མིན་ལ་ནི་བགྲོད་པ་མིན། །སྦོང་བ་མི་
[181a.3]སྦོང་གྱུར་པ་དང་། །བླང་བྱ་མི་ལན་སྤང་བར་བྱ། །དུག་ལྔ་སྤོང་བ་སྤང་བར་བྱ། །བླང་བ་ཡང་ནི་སྤང་བ་མིན། །དུག་ལྔ་མ་སྤངས་པར་སྤྱད་བྱ། །དམ་པ་མ་ཡིན་བསྟེན་མི་བྱ། །འདུ་འཛིའི་ནང་དུ་འཇུག་མི་བྱ། །དགོངས་པ་ཅན་གྱི་གཞི་རྣམས་ཀུན། །བླ་མ་མེད་པར་བསྟེན་མི་བྱ། །
[181a.4]དཀྱིལ་འཁོར་ལ་སོགས་སྦྱོར་བ་ཡིས། །གཞན་ལ་ཕན་འདོགས་བྱེད་པ་རྣམས། །ཆོ་ག་རྫོགས་པར་བྱ་བར་བྱ། །འཇུག་ཀྱང་ལྷག་ཆད་འགྱུར་བ་ཡི། །དུས་མ་ཡིན་པའི་སྤྱོད་པ་སྤང་། །དུས་ཀྱང་གཞན་དང་མི་མཐུན་སྤང་། །གྲོགས་སུ་འགྱུར་ན་སྨོད་
[181a.5]བ་སྤང་། །རྟག་ཏུ་མི་དང་སྤྱོད་པ་བསྟུན། །དང་པོ་དཀའ་ཐུབ་བསྟེན་པ་སྟེ། །ཐ་མའི་དུས་སུ་སྤང་བར་བྱ། །ཆང་སོགས་ཉེས་པར་གྱུར་པ་སྤང་། །ཐབས་ལྡན་དངོས་གྲུབ་སྦྱོར་བར་འགྱུར། །གང་ཚེ་བཅོམ་ལྡན་རྡོ་རྗེ་ཅན། །དེ་བཞིན་སངས་རྒྱས་ཐམས་ཅད་ཀུན།
[181a.6]བསླབ་པ་འདི་ལ་བརྟེན་པས་འགྲུབ། །བསླབ་པ་དག་ལ་མི་གནས་པར། །རྟག་ཏུ་བྱ་བ་རྣམས་ལ་འཇུག །སྐྱེས་བུ་དེ་ནི་བདུད་ཀྱིས་བསླུས། །གང་ཞིག་བཟོད་པ་མི་བསྟེན་པའི། །རྣལ་འབྱོར་འབྲས་བུ་མི་འདོད་འདུ། །དགྲ་སོགས་ཉེས་པ་ཅི་བྱས་པ། །
[181a.7]རང་གི་ཞེ་སྡང་ཁྲོས་རྦད་པས། །ཉེས་ན་ཞེ་སྡང་ཁྲོ་བར་རིགས། །དགྲ་རྣམས་གཞན་དུ་བྲོས་ཕྱིར་མིན། །དེ་ཕྱིར་དེ་ལ་ཉེས་པ་མེད། །བཟོད་ན་དགེ་རྩ་ཀུན་གྱི་མཆོག །ང་རྒྱལ་ལ་སོགས་ཉོན་མོངས་ཀུན། །བསྐྱེད་པ་དོན་མེད་སྤང་དོན་ཅན། །དེ་ཕྱིར་ཉོན་མོངས་
[181b]
[181b.1]སྤང་བར་བྱ། །ཁྱད་པར་ཐོད་པའི་ཕྲེང་བ་ཅན། །གོས་སྔོན་པོ་དང་རཀྴ་དང་། །རུས་པའི་ཕྲེང་བ་བླང་བར་བྱ། །དུས་ཀུན་དུ་ནི་རང་ལྷ་མཆོད། །རྟག་ཏུ་བླ་མ་མཉེས་པ་བྱ། །རྟག་ཏུ་རང་ལྷའི་བསྙེན་པར་བྱ། །རྟག་ཏུ་རང་གི་དམ་ཚིག་བསྲུང་། །རྟག་ཏུ་སྔགས་ཀྱི་སྤྱོད་པ་བསྟེན། །
[181b.2]རྟག་ཏུ་ཆོས་ཀྱི་དམ་པ་བླང་། །རྟག་ཏུ་ཁྲུས་ཀྱི་ཆོ་ག་བྱ། །སྲོག་གཅོད་པ་ཡི་སེམས་ཅན་པས། །ཀུན་དུ་རྒྱུག་པར་བྱེད་པ་བླ། །དེ་བས་མཁས་པས་དུས་ཀུན་དུ། །སྲོག་གཅོད་པ་ནི་སྤང་བར་བྱ། །གྲོང་ཁྱེར་འཇུག་དང་གཏོར་མ་གཏང་། །སྲོག་གི་ཕྱིར་ཡང་མི་གཏོང་ངོ་། །དམ་
[181b.3]ཚིག་རྟག་ཏུ་སྲུང་བྱེད་པའི། །རྣལ་འབྱོར་དེ་ལ་དངོས་གྲུབ་འབྱུང་། །དམ་ཚིག་རྣམས་ནི་རྡོ་རྗེ་ཆེ། །དམ་ཚིག་གདུག་པ་ཟིལ་གྱིས་ནོན། །དམ་ཚིག་ཐུབ་དཀའ་གདུག་པ་འཇོམས། །དེ་བས་མཁས་པས་དུས་ཀུན་དུ། །དངོས་གྲུབ་འགྲུབ་འགྱུར་དམ་ཚིག་བསྟེན། །གང་དག་དམ་
[181b.4]ཚིག་མེད་ཅིང་སྦྱོར་བ་ཀུན་སྤང་བ། །རྟག་ཏུ་དངོས་གྲུབ་སྦྱོར་སྤངས་སྡུག་བསྔལ་ཐམས་ཅད་བསྐྱེད། །འགྲོ་བའི་སྡུག་བསྔལ་སེལ་མཛད་སངས་རྒྱས་རྡོ་རྗེ་ཅན། །རྟག་ཏུ་ཐུབ་བྱེད་སྡོམ་གནས་རྟག་ཏུ་བདེ་བའི་མཆོག །བླ་མེད་ལམ་མཆོག་གསང་ཆེན་དེ་ཉིད་སྤང་། །མི་གནས་དངོས་
[181b.5]གྲུབ་མེད་ཅིང་ཚ་གྲང་སྡུག་བསྔལ་མྱོང་། །དོན་ནོར་སྨྲ་བ་ཉམས་ཤིང་སློབ་དཔོན་བཀའ་སོགས་བཅག །སྤྱི་ནས་བླ་མེད་བླང་ཞིང་མཁའ་འགྲོས་སྙིང་འདྲེན་ན། །གནོད་བྱེད་མེ་དབལ་རྟག་ཏུ་དགྲ་བཞིན་སྤང་། །ཡིད་བཞིན་ནོར་བུ་རང་གི་སྲོག་བཞིན་བླང་། །སྲུང་དང་བླང་སོགས་
[181b.6]བཅའ་ཐབས་མཁས་པས་བྱ། །དེས་ནི་རྟག་ཏུ་བདེ་ལྡན་སྡུག་བསྔལ་སྤང་། །བདག་གིས་ཐབས་འདི་བརྩམས་པར་མི་རིགས་ཀྱང་། །བསླབ་པ་གནས་ཕྱིར་ནོར་བུ་ལེན་བྱེད་བརྩམས། །འདི་ལས་བདག་གིས་བསོད་ནམས་ཅི་ཐོབ་པ། །དེས་ནི་ཐམས་ཅད་བདེ་བར་གནས་པར་ཤོག །
[181b.7]དམ་ཚིག་གི་རྒྱན་རྫོགས་སོ།། །།སྤྱིར་སྡོམ་པ་ལ། བསྙེན་གནས་སྡོམ་པ་ཉ་སྟོང་ངམ་ཚེས་བརྒྱད་གང་རུང་ལ་བླང་ངོ་། །དགེ་བསྙེན་སྡོམ་པ་ལ། དབྱེ་ན་སྣ་འགའ་སྲུང་བའི་དགེ་བསྙེན་རྩ་བ་ལྔ་ནས་འགའ་སྲུང་བའོ། །ཚངས་པར་སྤྱོད་པའི་དགེ་བསྙེན་ནི། རྩ་བ་ལས་འདོད་ཆགས་
[182a]
[182a.1]རང་གི་བུད་མེད་མིན་པ་སྤངས་པའོ། །ཡོངས་སུ་རྫོགས་པའི་དགེ་བསྙེན་ལ་ལུགས་གཉིས་ཏེ། རྩ་བ་ལྔ་ཀ་སྲུང་བའོ། །ཡོངས་སུ་རྫོགས་པའི་དགེ་བསྙེན་ལ། དགེ་ཚུལ་གྱི་སྡོམ་པ་ནས་ཕྱི་དྲོའི་ཁ་ཟས་ཀྱི་བར་དུ་བྱ་བ་ནས། ཁྱིམ་པའི་རྟགས་སྤང་བ་དེ་གཉིས་མིན་པ་
[182a.2]བཅུའོ། །དགེ་ཚུལ་གྱི་སྡོམ་པ་ལ་བཅུ་གསུམ་མོ། །དགེ་སློང་ལ་ཁྲིམས་ཉིས་བརྒྱ་ལྔ་བཅུ་རྩ་གསུམ་མོ། །བྱང་ཆུབ་སེམས་ཀྱི་སྡོམ་པ་ལ་ཉི་ཤུ་ཐམ་པ། སྔགས་ཀྱི་དམ་ཚིག་ལ་རང་གི་དམ་ཚིག་དང་སྔགས་པའི་གཉིས་སོ། །དེ་ཚོ་ཡོད་ཚད་ཡར་ལྡན་དུ་བརྩི་སྔགས་ཀྱི་
[182a.3]སྡོམ་པའི་ཁོག་ཏུ་བརྩི་གསུངས།། {T2210}༄༅༅། །རྒྱ་གར་སྐད་དུ། ཨཱ་ཪྻ་ནཱི་ལཱ་མྦ་ར་དྷདྷ་ར་བཛྲ་པཱ་ཎི་སཱ་དྷ་ན་ནོ་པི་ཀ །བོད་སྐད་དུ། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས། དཔལ་ལྡན་གོས་སྔོན་ཅན་ལ་ཕྱག་འཚལ་ལོ། །འགྲོ་བ་སེམས་
[182a.4]ཅན་མུན་འཐོམས་པའི། །ཀུན་ནས་དཀྲིས་པའི་ཉོན་མོངས་ཀུན། །སྒྲོན་མེས་གསལ་ཕྱིར་སྒྲུབ་པའི་ཐབས། །དཔལ་ལྡན་རྡོ་རྗེ་འཛིན་ལ་གུས་བཏུད་དེ། །བླ་མ་བརྒྱུད་པའི་མན་ངག་ནི། །ཀླུ་ཡི་བྱང་ཆུབ་ཉིད་ཀྱིས་རིམ། །བཞིན་བཤད་རིགས་རྣམས་འོས་སུ་གྲུབ་པ་ཡི། །སྔགས་
[182a.5]པ་ཡོན་ཏན་ཀུན་ལྡན་པའི། །ཡིད་འོང་བཀྲ་ཤིས་བདེ་གནས་སུ། །བླ་མེད་རྒྱུ་རུ་རག་གནས་ལ། །སྙིང་གར་ཉི་ལ་ཧཱུཾ་བཞག་སྟེ། །བྱིན་བརླབས་བལྟས་ཏེ་བཀའ་བསྒོ་ལ། །འོད་ཀྱིས་བགེགས་ལ་ཐོག་རྣམས་དབབ། །བྷྲཱུཾ་གྱི་ཚིག་དང་ཡང་དག་ལྡན། །ཧཱུཾ་ལས་འོད་ཟེར་ཧ་འཕྲོས་
[182a.6]པས། །རྡོ་རྗེ་འཁོར་ལོ་རལ་གྲི་དང་། །མེ་ཡི་ཁང་པ་ཡོངས་སུ་།བཛྲ་ཙཀྲ་ཧ་ན་དང་། །ཛྭ་ལ་རཾ་ཡང་ཡོངས་སུ་བརྗོད། །གཡས་པའི་རཾ་དང་གཡོན་པའི་ཨ། །སྙིང་རྗེས་བགེགས་གསོས་བྱེར་བར་འགྱུར། །རྒྱུད་འོས་གྱུར་ནས་རང་བྱུང་གི །དེ་འོད་ལས་བྱུང་ཉིད་ཀྱིལ་དུ། །
[182a.7]སློབ་དཔོན་སངས་རྒྱས་བཅས་སྤྱན་དྲང་། །བླ་མ་མི་བསྐྱོད་གཟུགས་འཛིན་ལ། །ཕྱག་འཚལ་ཕྱི་ནང་བཞི་ཡིས་མཆོད། །སྡིག་པ་བཤགས་ནས་སྡོམ་པ་གཟུང་། །ཡི་རང་བསྐུལ་དང་གསོལ་བ་གདབ། །བསྔོ་དང་སྐྱབས་འགྲོ་སེམས་བསྐྱེད་དེ། །ཚད་མེད་བཞི་པོ་ཡོངས་སུ་
[182b]
[182b.1]བསྐྱེད། །རྒྱུ་དང་མི་རྒྱུའི་རྣམ་པ་ཀུན། །ཐམས་ཅད་ཡོངས་སུ་དག་པ་ལས། །རང་བྱུང་སྔགས་བསྐྱེད་འབྱུང་བ་ཡི། །གཞལ་ཡས་ལམ་ལྡན་རབ་ཏུ་བཅས། །གྲུ་བཞི་པ་ལ་སྒོ་བཞི་པ། །ཀ་བ་བརྒྱད་དང་རིན་ཆེན་མཛེས། །དྲ་བ་དྲ་ཕྱེད་ཕ་གུ་དང་། །དར་དཔྱངས་རྟ་བབས་རྣམས་དང་
[182b.2]ལྡན། །སེང་གེ་འཁོར་ལོ་ཉི་ཟླའི་གདན། །དེ་སྟེང་ཧཱུཾ་ལས་རྡོ་རྗེར་གྱུར། །དེ་ལས་དཔལ་ལྡན་གཉིས་ཀྱི་བདག །ཉོན་མོངས་ཀུན་སེལ་གཏུམ་བོའི་གཟུགས། །རིགས་ལྔའི་སངས་རྒྱས་དབུ་ལ་བརྒྱན། །མཐིང་ག་གོས་སྔོན་སྐུ་ལ་གསོལ། །རྡོ་རྗེ་དྲིལ་བུ་ལག་ན་ཐོགས། །ཐུན་མོང་ལས་
[182b.3]དང་རྗེས་མཐུན་ནོ། །མཆོག་ཀྱང་ཐོགས་པ་མེད་པར་རོ། །སྦྲུལ་བཞིས་ལུས་ལ་རྣམ་པར་བརྒྱན། །སྤྱན་དམར་མཆེ་གཙིགས་སྦྲུལ་ནག་ཟ། །རིན་ཆེན་དཔའ་བོའི་ཆས་ཀྱིས་བརྒྱན། །བརྐྱང་བསྐུམ་ཁྲོ་བོ་བརྗིད་པའི་ཞལ། །གསུས་ཁྱིམ་ཆེ་ཞིང་འཇིགས་པ་ཅན། །དེ་གསལ་མདུན་དུ་ཡེ་
[182b.4]ཤེས་དགུག །བགེགས་བསལ་མཆོད་དང་གཏོར་མས་མཉེས། །ཨེ་མ་ཧོ་དཔལ་ལྡན་གོས་སྔོན་ཅན། །ལུས་ཀྱི་རྟོག་པ་བསལ་བའི་ཕྱིར། །ཡེ་ཤེས་ཐུགས་རྗེ་ཆེན་པོའི་དང་། །བདག་ལུས་ཡེ་ཤེས་སྐུར་བྱིན་རློབས། །ཞེས་གསོལ་བ་གདབ་བོ། །དེ་ནས་སྐུ་གསུང་ཐུགས་གནས་
[182b.5]སུ། །ཡིག་འབྲུ་གསུམ་ལས་འོད་བྱུང་ནས། །མི་སྡུག་ཡིག་འབྲུ་འོད་ཀྱི་གཟུགས། །བསྡུས་ཤིང་བསྲེགས་ཏེ་སྦྱངས་པ་ལས། །ཡེ་ཤེས་གསུམ་ནི་གནས་སུ་བཞག །ཡེ་ཤེས་རིགས་ལྔས་བྱིན་གྱིས་བརླབས། །དབང་བསྐུར་མི་བསྐྱོད་རིགས་ལྔས་བརྒྱན། །ཨོཾ་སརྦ་ཏ་ཐཱ་ག་ཏ་གུ་ཧྱ་
[182b.6]ཨ་བྷི་ཥིཉྩ། ཞེས་བྱ་བའི་སྔགས་ཀྱིས། ངག་ཡོངས་སུ་དག་པར་བྱས་ཏེ། གསང་སྔགས་བཟླས་སོ། །གསལ་བ་རྣམ་གཉིས་རགས་དང་ཕྲ། །བདག་དང་གཞན་གྱི་རྣམ་པ་ལ། །གསལ་བར་བྱེད་པ་དེ་ཉིད་དོ། །རྒྱུད་རྣམས་སྦྱངས་པའི་བཟླས་པ་ནི། །རགས་པ་དང་ནི་ཕྲ་བའོ། །རགས་
[182b.7]པ་གཉིས་ཏེ་བ་ཐག་དང་། །བ་ཐག་མེད་དེ་གཉིས་ཀ་ལ། །མགལ་མེ་ཕྲེང་བ་ཉི་མའི་ཚུལ། །ཕྲ་ཡང་གསུམ་དུ་འབྱུང་བ་ནི། །ཧཱུཾ་བསྐུལ་བསྲེག་པ་རཾ་ཡིན་ཏེ། །ལྟེ་བར་བཀྲུ་བ་སྤྱི་བོ་ཨ། །མཚན་མ་འདོད་པའི་བཟླས་པ་ལ། །རྣམ་པ་ལྔར་འདིས་མ་བྱས་པ། །འོད་ཟེར་དཀར་དམར་
[183a]
[183a.1]འཕྲོ་འདུ་དང་། །བ་ཐག་གཟིངས་དང་དམིགས་པ་མེད། །སྙིང་གར་བསྐོར་རོ་མཚན་མ་འབྱུང་། །རཾ་དང་ཧཱུཾ་ལས་མེ་བྱུང་བས། །ཡེ་ཤེས་ལུས་སུ་གསལ་བར་སྣང་། །གྲུབ་རྟགས་ཐོན་པའི་རྟགས་གསུམ་ལས། །འོད་སྒྲ་སྐུ་སྟོན་སྒྱུ་མ་དང་། །ཚོགས་དང་གཏོར་མས་བཟློག་
[183a.2]པར་བྱ། །དེ་རྗེས་སངས་རྒྱས་ལུང་སྟོན་འབྱུང་། །གྲོགས་ནི་ཁྲུས་དང་སྲེག་དང་ཚེ། །བདུད་རྩི་ཀློག་འདོན་མཎྜལ་དང་། །ཚོགས་དང་སྦྱིན་སྲེག་གསད་པ་དང་། །ཚ་ཚ་གཏོར་མ་ལ་སོགས་པ། །འདི་ཡང་གྲོགས་སུ་འགྲོ་བ་ཡིན། །དེ་ནས་གསེར་ལ་སོགས་པ་འགྲུབ། །མཆོག་འདོད་པ་
[183a.3]ཡི་སེམས་ཅན་གྱིས། །ཐབས་དང་ཤེས་རབ་འཁོར་ལོ་བཞི། །སྙིང་ནས་སྦྱོར་བ་གསུམ་གྱི་རྩ། །ཡི་གེ་ཐིག་ལེས་ཡང་དག་མཚན། །དབུས་སུ་ཐབས་དང་ཤེས་རབ་འབར། །དབུ་མ་དབྱིངས་ནས་སྤྲུལ་པ་རུ། །ཡེ་ཤེས་གསལ་བར་དབྱིངས་ལ་ཐུག །དེ་ཚེ་མི་གནས་བསམ་དང་བྲལ། །
[183a.4]འགྲོ་བའི་ཚེ་དབང་གང་གི་རྩ། །ཁ་ཕྱེ་བ་ཡི་ནང་ནས་ཐིག་ལེ་བསམ། །བ་ཐག་ཕུག་ནས་ཐིག་ལེ་ལ། །ཐིམ་མོ་དེ་ལ་བློ་གཏད་པས། །མཐའ་འདས་རང་བཞིན་མེད་པའོ། །འཇུག་པ་བ་ཐག་བཞི་པོ་ཡང་། །སྲིད་གསུམ་འཇོམས་པའི་རང་བཞིན་ཏེ། །སྟོང་པ་བ་ཐག་བཞི་པོར་ཐིམ། །དབང་
[183a.5]པོ་ཐིག་ལེ་མེད་པ་ལ། །དབུ་མ་ཆེན་པོའི་དབྱིངས་ཉིད་དུ། །ཡེ་ཤེས་ཕྲ་མོ་ལས་ཀྱིས་སྤྲོས། །འབྱུང་འཇུག་ཕྲ་བའི་བ་ཐག་ནི། །སྐོར་བདུན་འོང་དང་འགྲོ་བ་འགྲུབ། །རྟགས་ལྔ་ལ་བཟླ་ཕྱག་རྒྱ་ཡི། །ཡེ་ཤེས་ཆེན་པོ་ཐོབ་པར་འགྱུར། །འདི་ནི་གང་ཟག་སྣོད་ཅན་ལ། །གང་ཟག་ཚུལ་འཆོས་
[183a.6]གཡོ་ཅན་རྣམས། །གསང་སྔགས་ཕྲག་ཁྱེར་ངན་སོང་རྒྱུ། །དེ་ལ་སྦྱིན་པར་མི་བྱའོ། །ཚུལ་བཞིན་བསྒྲུབ་པའི་གང་ཟག་ལ། །དངོས་གྲུབ་ཀླུ་མོ་མཁའ་འགྲོས་སྟེར། །བརྒྱུད་པའི་རིམ་པ་མན་ངག་འདི་བཀོད་པས། །ཚིག་དང་དོན་ལ་ཉེས་པ་ཡང་ཡོད་སྲིད། །རིགས་ལྔ་བདེ་བར་གཤེགས་
[183a.7]པ་དང་། །མཁས་པ་རྣམས་ལ་བཟོད་པར་གསོལ། །ཁེངས་པ་རྙེད་པ་བཀུར་སྟིར་ལ་སོགས་མིན། །ཕྱི་རབས་རྩོད་པའི་དུས་སུ་སེམས་ཅན་དངོས་གྲུབ་འབྱུང་། །འདི་བརྩམས་པ་ཡི་བསོད་ནམས་ཀྱིས། །ཁམས་གསུམ་སེམས་ཅན་མ་ལུས་ཀུན། །རགས་དང་ཕྲ་བའི་རྟོག་པ་
[183b]
[183b.1]ཀུན་སྤངས་ནས། །ཡོངས་སུ་དག་པའི་ས་ཐོབ་ཤོག །དགེ་སློང་ཀླུའི་བྱང་ཆུབ་ཀྱིས་མཛད་པའི་སྒྲུབ་ཐབས་རྫོགས་སོ།། {T2211}༄༅༅། །རྒྱ་གར་སྐད་དུ། མནྟྲ་ཨ་ལཾ་ཀཱ་ར་ནཱ་མ་ཊཱི་ཀཱ། བོད་སྐད་དུ། །སྔགས་པ་རྒྱན་གྱི་འགྲེལ་བ་ཞེས་བྱ་བ། །བཅོམ་ལྡན་འདས་
[183b.2]རྡོ་རྗེ་བསྣམས་ལ་ཕྱག་འཚལ་ལོ། །དུས་མཐའ་རྩོད་པ་རྒྱས་དུས་སུ། །ཉི་ཟླ་ལྟ་བུའི་མཐུ་མངའ་ཞིང་། །ཐམས་ཅད་སེལ་ཅིང་སྣང་བ་ཡི། །དུས་གསུམ་སངས་རྒྱས་ཀུན་གྱི་དང་། །རྡོ་རྗེ་ཅན་ལ་ཕྱག་འཚལ་ལོ། །བླ་མའི་མན་ངག་བརྩོན་པ་ཡི། །ཉི་མས་མུན་པ་སེལ་བ་བཞིན། །ཚིག་
[183b.3]སྒྲིབ་སྣང་བར་བྱེད་པ་ཡི། །རྩ་བའི་འགྲེལ་དུ་གསུངས་པ་ཡིན། དེ་ལ་མྱུར་དུ་ནས་བཤད་པའི་བར་དུ་མ་བཀྲལ་ལོ། །གང་ཞིག་རྣལ་འབྱོར་བ་ཡིས་ནི། །སྔགས་ལ་གཙོ་ཆེར་བྱེད་པ་ཡི། །རིགས་བཟང་དོན་དང་ལྡན་པ་ཡིས། །ཞེས་པ་ལ། གང་ཞིག་རིགས་ཀྱི་བུའམ་རིགས་ཀྱི་བུ་མོ་གང་གིས་
[183b.4]འོག་ཏུ་སྔགས་བཟླས་པར་འབྲེལ་ཏོ། །སྔགས་ལ་གཙོ་བོར་ནི་ཞི་གནས་དང་ལྷག་མཐོང་མ་ཡིན་ཏེ། སྔགས་ཁ་ནས་བཟླས་པར་འབྲེལའབྱེལ་ཏོ། །རིགས་བཟང་དོན་ལྡན་ནི་རིན་པོ་ཆེའི་རིགས་ལ་དབང་ལ་སོགས་པ་བཞི་དང་ལྡན་པའོ། །ཡིད་དང་མཐུན་པའི་གནས་དག་ཏུ། སྔགས་ཀྱི་
[183b.5]མི་མཐུན་ཀུན་སྤངས་ནས། །བསྙེན་པའི་གནས་སུ་ལེགས་འདུག་སྟེ། །ཡིད་དང་མཐུན་པའི་གནས་ནི། རང་སྡེ་ཉམས་དགའ་བའི་ཡུལ་ལོ། །སྔགས་ཀྱི་མི་མཐུན་ཞེས་པ་ནི་དགེ་བ་དང་སྡིག་བྱེད་མ་ནག་ལ་སོགས་པའོ། །བསྙེན་པའི་གནས་ནི་བྱང་རིས་སྐྱོབ་པ་ལ་སོགས་པ། སྙན་པ་
[183b.6]ཕུན་སུམ་ཚོགས་པའོ། །དེར་ཚེས་བཞི་ལ་འདུག་ཅེས་འོག་མ་དང་འབྲེལ་ཏོ། །སེམས་སྦྱང་ལྷག་པའི་ལྷར་གྱུར་ཏེ། །བསྲུང་དང་ཚོགས་བསག་སྟོང་པར་བསྒོམ། །ཞེས་པ་ལ། སེམས་སྦྱང་ལྷག་པའི་ལྷ་ནི་སེམས་ནི་སྨོན་འཇུག་སྟེ། ཐེག་པ་ཆེན་པོར་སེམས་བསྐྱེད་པའོ། །འཇུག་པའི་
[183b.7]རིམ་པ་ཡང་སྟོང་པ་ཉིད་ལས་རང་ལྷག་པའི་ལྷར་ཧཱུཾ་གིས་བསྐྱེད་པར་འབྲེལ་ཏེ་རང་གིས་སོ། །བསྲུང་བ་ནི་བཀའ་བསྒོ་ཞིང་བསྐྲད་པ་དང་མ་སོང་བ་ལ་བསད་པའི་ཐོག་དབབ་ཅིང་རྡོ་རྗེ་ལ་སོགས་པའི་བསྲུང་བའི་གཞི་བསྒོམ་པར་འབྲེལ་ཏོ། །དེ་ནི་ངག་དང་ལུས་ཀྱི་ལས་སུ་གསུངས་ཏེ།
[184a]
[184a.1]མཐར་ཕྱིན་པར་བྱེད་པའོ། །ཚོགས་བསག་ཅེས་པ་ནི་བསོད་ནམས་ཀྱི་ཡན་ལག་བཅུ་སྟེ། རྟེན་དང་བའི་ངོ་བོས་བཤགས་པར་འབྲེལ་ཏོ། །སྟོང་པ་ནི་ཡེ་ཤེས་ཀྱི་ཡན་ལག་སྟེ། མེད་ཅིང་མི་དམིགས་པ་སྟེ་ཕྱི་ནང་ངོ་། །དེ་ལས་རང་གི་སེམས་ཉིད་ནི་ཡི་གེ་ཧཱུཾ་གི་
[184a.2]རྣམ་པ་ལས། བྷཱུཾ་འཕྲོས་གཞལ་ཡས་ཁང་པར་གྱུར། །ཞེས་པ་ལ་སྟོང་པ་དེའི་ངང་ལས་སེམས་ཉིད་ཧཱུཾ་བྱུང་སྟེ། དེ་ལས་གཞལ་ཡས་ཁང་གི་བྷཱུཾ་རྣམ་པར་བསྐྱེད་པའོ། །ཡང་ན་ནི་རང་གི་སྒྲུབ་ཐབས་ལས་བྱུང་བ་བཞིན་བསྐྱེད་པར་གསུངས་སོ། །དེ་སྟེང་ཧཱུཾ་ལས་ཆོ་ག་གསུམ། །དཔལ་
[184a.3]ལྡན་གཏུམ་པོའི་གཟུགས་སུ་སྣང་། །ཞེས་པ་ལ། གདན་ལྔ་དང་ལྡན་པའི་ཐོག་ཏུ་ཧཱུཾ་ལས་ཆོ་ག་གསུམ་གྱིས་གཏུམ་པོ་ནི་མིའུ་ཐུང་གི་གཟུགས་བསྐྱེད་པར་གསུངས་སོ། །གཡས་ན་རྡོ་རྗེ་རྩེ་ལྔ་པ། །གཡོན་པས་བྱ་ཁྱུང་ངེས་པར་བསྣམས། །སྐུ་མདོག་སྔོན་པོ་དཔའ་བོའི་ཆས། །ཞེས་པ་ལ། གཡས་པའི་
[184a.4]ཕྱག་ན་ཡེ་ཤེས་ལྔ་དང་ལྡན་པའི་རྡོ་རྗེ་རྩེ་ལྔ་པ་བསྣམས་པ། རིགས་ལྔ་ཡང་ཡོངས་སུ་གཟུང་ངོ་། །གཡོན་ན་བྱ་ཁྱུང་བསྣམས་པ་སྟེ། ཀླུའི་གདོན་དྲུག་འདུལ་བར་བྱེད་པའོ། །སྐུ་མདོག་སྔོན་པོ་ན་བཟའ་སྔོན་པོ་སྟེ། །རང་གི་ངོ་བོ་ཕྱིར་བྱུང་བ་དེས་འདུལ་བའོ། །དཔའ་བོའི་ཆས་ནི་རཀྟ་སོ་
[184a.5]རིས་ཚོམ་བུ་དང་། །སྟག་ལ་སོགས་པ་བརྒྱད་དུ་གསུངས། །ཞེས་ལུང་ལས་འབྱུང་བ་སྟེ། དཔའ་བོའི་ཆས་བརྒྱད་དོ། །གཡོན་བརྐྱང་གཡས་བསྐུམ་འགྱིང་བག་ཅན། །ཞེས་པ་ལ་ཞབས་གཡོན་བརྐྱང་གཡས་བསྐུམ་པ་ནི། སེམས་ཅན་འདུལ་བ་དང་རང་ལ་སྐྱོན་མེད་པར་ཡོངས་སུ་གཟུང་ངོ་། །
[184a.6]འགྱིང་བག་ནི་རང་གི་སྟོབས་ཉེ་བར་སྟོན་པ་སྟེ། ཉམ་ང་མེད་པའི་ལྷ་ཡོངས་སུ་གསལ་བར་བསྒོམ་པར་གསུངས་སོ། །ཡེ་ཤེས་བསྟིམ་དང་བྱིན་བརླབས་ནས། །དབང་བསྐུར་འབྲས་བུ་ལྔ་དང་ལྡན། །ཞེས་པ་ནི་ཧཱུཾ་ལས་ཡེ་ཤེས་པ་སྤྱན་དྲངས་ཏེ། བགེགས་ཉེ་བར་ཞི་བར་བྱ་སྟེ་
[184a.7]རང་གི་ལུས་ངག་ཡིད་གསུམ་ལ། ཡི་གེ་གསུམ་གསལ་བར་བྱ་སྟེ། བསྟིམ་པ་དང་དབང་བསྐུར་བ་ནི་ཆུ་དང་དབུ་རྒྱན་དང་རྡོ་རྗེ་དྲིལ་བུའི་དབང་དང་ལྔས། ཀུན་གཞི་དང་ཉོན་མོངས་པ་དང་རྣམ་པར་རྟོག་པ་དང་སྒོ་ལྔའི་རྣམ་ཤེས་གནས་པ་ནི་ཡེ་ཤེས་ལྔ་དང་འབྲས་བུ་རིགས་ལྔ་དང་ལྡན་པར་
[184b]
[184b.1]གསུངས་སོ། །དེ་ཡང་ལུང་ལས། བདག་ཉིད་གསལ་བར་གྱུར་པ་ནི། །ཡེ་ཤེས་བྱིན་བརླབ་དབང་བསྐུར་ནས། །སྔགས་བཟླས་པ་ལ་ཡོངས་སུ་འཇུག །འབྲས་བུ་ཡོངས་སུ་འབྱིན་པ་ཡིས། །རྡོ་རྗེའི་སྔགས་ཀྱི་བཟླས་པ་བྱ། །བདག་དང་གཞན་པའི་རྣམ་པ་ཡིས། །རགས་པ་དང་ནི་ཕྲ་
[184b.2]བ་ཡིས། །ཞེས་པ་ལ། རྡོ་རྗེས་ནི་བསྒོམ་པའི་རྗེས་ལ་བཟླས་པ་བྱ་སྟེ། དེ་མིན་པར་ནི་མ་ཡིན་ནོ། །བདག་གསལ་བ་དང་གཞན་གསལ་བ་དང་། གཙོ་བོ་གསལ་བ་ནི་བདག་ཁྱབ་བྱེད་མིན་པས་གཙོ་བོ་ལ་བདག་ཅེས་བྱ་བའི་སྒྲ་འཇུག་པས་དེ་སྐད་གསུངས་སོ། །དེ་ནི་གཞལ་ཡས་
[184b.3]ཁང་དང་དུར་ཁྲོད་མི་རོ་ལ་སོགས་པ་གསལ་བའོ། །རགས་པ་ནི་རྣམ་པ་ཅི་གསལ་བ་ཕྲ་བ་ནི་སྤྱན་དང་སྨིན་མ་དང་། ཞག་གི་ཟོ་རིས་ལ་སོགས་པ་ཡོངས་སུ་གཟུང་ངོ་། །ཤིན་ཏུ་ཕྲ་བའི་རྣམ་པ་སྟེ། སེམས་དཔའ་སུམ་བརྩེགས་གཞལ་ཡས་ཁང་། །གསལ་བར་བྱེད་པ་དེ་ཉིད་
[184b.4]དེ། །རྣལ་འབྱོར་ཚུལ་གྱིས་ཡོངས་སུ་སྒྲུབ། །ཅེས་པ་ལ། ཤིན་ཏུ་ཕྲ་བ་ནི་རིན་པོ་ཆེ་ནང་གི་ཡེ་ཤེས་དང་རྡོ་རྗེ་དང་ཧཱུཾ་གི་རྣམ་པར་གསུངས་སོ། །དེ་ཡང་ཡེ་ཤེས་པའི་ངོ་བོ་གསུམ་དུ་གསུངས་ཏེ་བརྩེགས་མར་འདུག་པས་བརྩེགས་མའོ། །གཞལ་ཡས་ཁང་རགས་པ་གསལ་བ་སྟེ།
[184b.5]གོང་གི་དོན་གྱིས་ཡོངས་སུ་གསལ་བས་འདིར་མ་བྲིས་སོ། །རྣལ་འབྱོར་ནི་རང་གི་ཞི་གནས་ཀྱི་ལྷ་གསལ་བ་སྟེ། བལྟ་བར་བྱ་བའི་ངོ་བོའི་རིགས་པས་ཟིན་པ་ནི། ཐུན་བཞིའི་ཚུལ་དུ་བྱེད་པ་ནི་ཆེན་པོའི་རྣལ་འབྱོར། དེ་ཡང་སྟོང་པ་ཉིད་ལ་ཞུགས་རྣལ་འབྱོར། །ཞེས་གསུངས་སོ། །འདོད་
[184b.6]ཆགས་ཞེ་སྡང་ནི་ཞེས་པ་ནས་སྤང་བར་བྱ་བའི་བར་ལ། དྲུག་རྩ་བའི་ཉོན་མོངས་པ་འདོད་ཆགས་ལ་སོགས་པ་དྲུག་དང་། ཁྲོ་བ་ལ་སོགས་པ་ཉི་ཤུ་ཉེ་བའི་ཉོན་མོངས་པ་རྣམས་སྔགས་པས་སྤངས་ཏེ། དེ་དང་འབྱར་བའི་སྔགས་ནི་དངོས་གྲུབ་མི་འབྱུང་བར་གསུངས་སོ། །དེ་ནས་དེ་བསྐྱེད་པའི་
[184b.7]རྒྱུ་དང་འབྲས་བུ་གཉིས་ཀ་སྤང་བར་གསུངས་ཏེ། ཀུན་ཀའི་རྒྱུ་རུ་འགྲོ་བ་ནི་ཆང་ངོ་། །དེས་ན་ཆང་ནི་ཉོན་མོངས་པའི་རྩ་བར་གསུངས་སོ། །གཟུགས་དང་སྒྲ་དང་དྲི་དང་རོ། །དེ་བཞིན་རེག་བྱ་ལ་སོགས་པ། །གཡེང་བར་གྱུར་པ་མ་ལུས་པ། །སྔགས་ཀྱི་དུས་སུ་སྤང་བར་བྱ། །ཞེས་པ་ལ་
[185a]
[185a.1]སྒྲུབ་པ་པོས་འདོད་པའི་ཡོན་ཏན་ལྔ་པོ་གཡེང་བའི་རྒྱུ་ཡིན་པས་དེས་དེ་ནི་ཡོངས་སུ་སྤང་བར་གསུངས་ཏེ་དགྲ་ཡིན་པའི་ཕྱིར་རོ། །སྒྲ་ཆེན་པོ་དང་སྒྲ་ཆུང་དང་། །སྐྱེན་པ་དང་ནི་བུལ་བ་དང་། །མི་གསལ་ཡན་ལག་ཉམས་པ་དང་། །གསང་སྔགས་པར་དུ་སྒྲ་ཞུགས་དང་། །
[185a.2]དམིགས་པ་མ་རྫོགས་འཇོག་པ་དང་། །སྔགས་ཀྱི་དུས་སུ་སྤང་བར་བྱ། །ཞེས་བྱ་བ་ལ་སྒྲ་ཆེ་བ་ནི། ནམ་མཁའི་སྒྲ་སྟེ་གསང་བའི་མན་ངག་ཉམས་པའོ། །ཆུང་བ་ནི་སྔགས་ཀྱི་བརྗོད་པ་ཉམས་པ་སྟེ་སྤང་བའོ། །སྐྱེན་པ་དང་བུལ་བ་ནི་སྒྲ་དམའ་ཞིང་ཉམས་པ་སོགས་སྐྱོན་དུ་མ་
[185a.3]ལས་ནུས་པ་འབྱུང་བའི་རྒྱུ་ནི་རྒྱུ་གཅིག་ལས་མ་ཡིན་ཏེ། སྒྲ་མི་གསལ་ཞིང་ཡི་གེ་མཐུ་ཉམས་པ་དང་བར་དུ་མི་ཚིག་གིས་མ་ཆོད་པར་བྱ་སྟེ་མི་ཚིག་གིས་བར་ཆོད་པ་ནི་སྔགས་མ་ཡིན་ཏེ། མཐུ་མེད་པའི་ཕྱིར་རོ། །དེས་ན་དེ་རྣམས་སྐྱོན་ཡིན་པས་སྤང་བར་གསུངས་སོ། །དེ་རྩ་བའི་རྒྱུད་
[185a.4]ལས། སྒྲ་ཆེ་འབྱུང་པོའི་བར་ཆོད་འབྱུང་། །སྒྲ་ཆུང་ནུས་པ་ཆུང་བར་འགྱུར། །སྐྱེན་འགྱུར་ལུས་ཀྱི་ཕྲད་པ་ཉམས། །བུལ་འགྱུར་སྔགས་ཀྱི་གྲོངས་མ་སྐྱོལ། །མི་གསལ་ཡན་ལག་ཉམས་པ་ཡིས། །བཟླས་པའི་མཐུ་རྣམས་མེད་པར་འགྱུར། །གསང་སྔགས་ཞུགས་ན་གདུག་པའི་བར་
[185a.5]ཆོད་འབྱུང་། །ཞེས་གསུངས་སོ། །དམིགས་པ་མ་རྫོགས་འཇོག་པ་དང་། །སྔགས་ཀྱི་དུས་སུ་སྤང་བར་བྱ། །རྗེས་ཀྱི་རྣལ་འབྱོར་མ་ལུས་པར། །ཞེས་པ་ལ་དམིགས་པ་མ་རྫོགས་པར།། །དམ་བཅས་པའི་གྲངས་ལས་འདས་པའོ། །དེ་མ་རྫོགས་པར་ནི་བཟླས་པ་བྱ་བ་སྟེ་མི་བྱ་
[185a.6]བ་ནི་སྤང་བར་གསུངས་སོ། །རྗེས་ཀྱི་རྣལ་འབྱོར་ནི་ཐུན་བཞིའི་རྣལ་འབྱོར་གྱིས་ཕྱག་བཙལ་བ་ལ་སོགས་པ་ཡོངས་སུ་བྱས་པ་འགྲོ་འདུག་ཉལ་བའི་སྤྱོད་ལམ་གྱིས་བསྒྲུབ་པར་གསུངས་སོ། །དུས་དང་གྲངས་དང་མཚན་མ་དང་། །རོ་དང་དབང་བསྐུར་ལ་སོགས་པ། །ཞེས་
[185a.7]བྱ་བ་ལ། དུས་ནི་ལོའམ་ཟླ་བའི་བར་དུའོ། །གྲངས་ནི། ཉིས་འབུམ་སུམ་འབུམ་བཅུ་ལ་སོགས། །ཉི་ཤུ་རྩ་བའི་གྲངས་སུའོ། །བསྙེན་པ་ཉེ་བསྙེན་བསྒྲུབ་པ་དང་། །བསྒྲུབ་པ་ཆེན་པོའི་ཚུལ་དུ་བསྒྲུབ། །ཅེས་གསུངས་སོ། །རོ་དང་དབང་བསྐུར་ནི་ཤི་བའི་རོ་ལ་དང་པོ་བགེགས་བསྐྲད་ཁྲུས་བྱས་
[185b]
[185b.1]རྒྱན་གདགས་ཏེ་རྒྱུན་ཆགས་དང་རྩ་མ་ལུས་པར་བྱ་སྟེ། །སྔགས་ཟློས་ཤིང་རྣལ་འབྱོར་པ་རྣམ་པ་གསུམ་བསྒྲུབ་པ་ལ་རོ་ལྷའི་ངོ་བོར་བསྐྱེད་ལ་ཞག་བདུན་གྱི་ནང་པར་སྲེག་ཁང་མེའི་གཞལ་ཡས་ཁང་དུ་མཆོད་པར་འབྲེལ་ཏོ། །དེ་ནི་རོའི་ཆོ་གའོ། །དབང་གི་བསྙེན་པ་ནི་གོང་དུ་མཚན་མ་ཐོབ་པས་
[185b.2]གཙོ་བོར་འབུམ་དང་འཁོར་རྣམས་ཁྲི་རུ་གསུངས་སོ། །སེམས་དཔའ་སུམ་བརྩེགས་གསལ་བ་ཡིས། །རང་ཉིད་ཐིག་ལེའི་ངོ་བོ་ཡིས། །འོད་ཟེར་ལ་ནི་ཡིག་འབྲུ་ཞོན། །འོད་དཀར་ཞི་བའི་ཚུལ་དུ་བཟླས། །ཞེས་པ་ལ་སེམས་དཔའ་སུམ་བརྩེགས་ནི་སྐུ་དང་གསུང་དང་ཐུགས་གསལ་
[185b.3]བ་ལས། རང་ཉིད་ཧཱུཾ་གི་ཐིག་ལེ་ལས་སྔགས་དང་འོད་གསལ་བ་ནི་འོད་ཟེར་ལ་ཡིག་འབྲུ་ཞོན་ནས་སྙིང་གར་མགལ་མེ་བཞིན་བསྐོར་བའོ། །དེ་ལས་འོད་ཟེར་ཉི་མའི་ཚུལ་གྱིས་འོད་དེ་ཡང་དཀར་པོ་སྡིག་པ་འཁྲུང་པའོ། །དེ་ནི་འོད་དཀར་པོས་ཞི་བར་བྱ་བར་གསུང་། །ཡང་ནི་འོད་
[185b.4]འཕྲོས་སྐུ་གསུམ་གྱི།། །རང་བཞིན་ཚུར་འདུས་གདུག་རྩུབ་སྤྱོད། །ཞེས་པ་ལ་ཡང་ནི་གོང་མ་བཏགས་པ་ཡིན་ཏེ། འོད་འཕྲོས་ནས་ཡེ་ཤེས་འཁོར་ལོའི་གནས་གསུམ་འོད་ཟེར་གྱིས་སྐུ་གསུམ་མཉེས་ནས་ཚུར་ལ་འདུས་པས་གནོད་པའི་གདུག་སེམས་དང་རང་གི་བག་ཆགས་ལ་སོགས་པ་སྦྱོང་བའོ། །
[185b.5]ཡང་ན་དམིགས་པ་མེད་པ་ལས། །འཕྲོ་དང་འདུ་བས་བྱེད་པ་ཡིན། །ཞེས་པ་ལ་དམིགས་པ་ནི་དངོས་པོའོ། །དངོས་པོ་ལ་མེད་པར་ཡེ་ཤེས་པ་ལས་འོད་འཕྲོས་ནས། ཚུལ་བྱིན་དང་འོད་ཟེར་དང་སྐུའི་རྣམ་པར་གསུངས་ཏེ་མན་དག་གོ། །འོད་ཟེར་དཀར་དམར་འཕྲོ་འདུ་ཡིས། །རྣམ་སྨིན་ལ་
[185b.6]སོགས་བསྲེག་ཅིང་སྦྱོང་། །ཞེས་པ་ལ་རང་གི་ཐིག་ལེ་ལས་འོད་ཕར་འཕྲོས་པས་མཉེས་ཏེ་དཀར་དམར་འདུས་པས་ནི་བསྲེག་ཅིང་སྦྱོང་བའི་ལས་སོ། །རྣམ་པར་སྨིན་པ་དང་ནུས་མཐུ་ལ་སོགས་པ་སྦྱོང་ཞིང་བསྲེག་པའོ། །དེས་ནི་ཞི་བ་དང་དྲག་པོར་གསུངས་ཏེ། མི་སྨྲ་བའི་ངོ་བོས་བཟླས་
[185b.7]པར་གསུངས་སོ། །འཁོར་དང་ཉེ་འཁོར་སུམ་འཁོར་སོགས། །མཚན་མ་འདོད་པ་རྣམ་པ་ལྔ། །ཞེས་བྱ་བ་ལ། རང་ཉིད་འཁོར་ལ་མོས་ན་འཁོར་གང་ཡང་རུང་བ་བསྐྱེད་ལ་བཟླས་པར་གསུངས་སོ། །ལྔ་པོ་དེ་ནི་གོང་དུ་བསྙེན་པའི་བཟླས་པར་གསུངས་སོ། །སུམ་འབུམ་
[186a]
[186a.1]ཞེས་པ་ནས་ཚད་ཀྱི་བར་ལ་གཅིག་ལ་སོགས་པ་འབུམ་དང་། ཉིས་འབུམ་ནི་གྲངས་ཀྱི་བཟླས་པར་གསུངས་ཏེ། རྩ་བ་ན་གསལ་བས་མ་བྲིས་སོ། །དེ་ཡི་གྲོགས་འགྱུར་བཟླས་པ་ནི། །སྡིག་པ་དབྱུང་དང་བསྲེག་པ་ནི། །བཀྲུ་བའི་དོན་ལ་དམིགས་པ་སྟེ། །རགས་དང་
[186a.2]ཕྲ་བའི་དབང་དག་ཏུ། །དྲུག་དང་དགུ་རུ་ཤེས་པར་བྱ། །ཞེས་པ་ལ། བསྙེན་པའི་གྲོགས་ལུས་ངག་ཡིད་ཀྱི་སྡིག་པ་དབྱུང་བ་དང་བསྲེག་པ་དང་བཀྲུ་བ་སྟེ། གདོན་པ་ནི་སྙིང་ག་དང་ལྟེ་བར་བསྲེག་པ་དང་། སྤྱི་བོ་ནས་ང་བཀྲུ་བར་གསུངས་སོ། །རགས་པའི་དབང་དུ་དྲུག་གིས་བཀྲུ་
[186a.3]བ་མ་ཡིན་ཏེ་དངོས་པོ་འདོན་པ་དང་བསྲེག་པ་ནི་རགས་པར་གསུངས་པ་བཀྲུ་བའི་ཆ་དང་འབྲེལ་བས་དགུ་རུ་གསུངས་སོ། །སྡིག་པ་དབྱུང་བ་ལ་སོགས་ཀྱང་། །མི་དྲུག་གཟུགས་དང་དེ་བཞིན་དུ། །ཡི་གེའི་གཟུགས་དང་འོད་ཀྱི་གཟུགས། །དེ་དག་དབྱུང་གཏོར་བསྲེག་ཅིང་བཀྲུ། །
[186a.4]ཞེས་པ་ལ། སྡིག་པ་ནི་ལུས་ངག་ཡིད་ཀྱི་ལས་སམ་རྣམ་པར་སྨིན་པའི་སྒྲིབ་པའོ། །ལུས་ནི་སྔོམ་མམ་སྡིག་པའི་གཟུགས་སོ། །ངག་གི་ཀཾ་དམ་དུའོ། །ཡིད་ནི་འོད་དཔུང་ནག་པོར་གསུངས་སོ། །དེ་ཡང་སྙིང་ལས་ཨུ་སཏ་ཡ་མཐའ་ཅན་གྱིས་གདོན་པ་དང་། ལྟེ་བའི་ཧཾ་ལས་མེ་འབར་ནས་
[186a.5]ཛྭཱ་ལ་རཾ་གྱི་སྔགས་ཀྱིས་བསྲེག་པར་གསུངས་སོ། །བཀྲུ་བ་ནི་ཨ་ལས་སྤྱི་བོ་ནས་ཆུ་འབེབས་པས་ཤུ་ཏོའི་སྔགས་ཀྱིས་བཀྲུའོ། །ཧཱུཾ་དང་ཧཾ་དང་ཨ་ཡིས་ནི། །གདོན་དང་བསྲེག་དང་བཀྲུ་བ་ནི། །མ་ལུས་ལས་རྣམས་འགྲུབ་པར་གསུངས། །དམིགས་པ་གསར་རྙིང་བྱེ་བྲག་གིས། །མགལ་
[186a.6]མེ་ཕྲེང་བ་ཉི་མའོ། །ཞེས་པ་ལ། དམིགས་པ་གསར་པ་ནི་རྣལ་འབྱོར་པ་ཐོག་མར་མགལ་མེ་ལ་བརྟེན་པར་གསུངས་པ་ནི་ཕྲེང་བ་དང་ཉི་མའོ། །མཆོག་གིས་ནི་གསུམ་ཚང་བ་ལ་བཟླས་པར་གསུངས་སོ། །སྔགས་ཀྱི་དངོས་གྲུབ་ནས་གྲོགས་སུ་འགྲོ་བའི་བར་ལ་རྩ་བ་ན་གསལ་
[186a.7]བས་མ་བྲིས་སོ། །རྗེས་ཀྱི་རྣལ་འབྱོར་ཚུལ་དང་ལྡན། །བསྙེན་སྒྲུབ་ཆེན་པོ་ལ་སོགས་པས། །ཡོངས་སུ་བསྒྲུབས་པས་དངོས་གྲུབ་འབྱུང་། །ཞེས་པ་ནི། རྗེས་ཀྱི་རྣལ་འབྱོར་ནི་སྤྱོད་ལམ་གྱི་རིམ་པའི་དུས་སུ་ཚ་ཚ་ལ་སོགས་པ་ཡོངས་སུ་བྱའོ། །དེ་ནས་བསྙེན་པ་དང་།
[186b]
[186b.1]ཉེ་བསྙེན་དང་། སྒྲུབ་པ་ཆེན་པོ་ལ་སོགས་པས་ཡོངས་སུ་བསྒྲུབ་བོ། །དེ་བསྒྲུབ་ན་དངོས་གྲུབ་ཡོངས་སུ་འབྱུང་བར་གསུངས་སོ། །སྐུ་གསུམ་ཞེས་པས། །འདི་ཡང་སྒྲུབ་པའི་རྟགས་སུ་གསུངས། །ཞེས་པའི་བར་དུ་དངོས་དང་རྨི་ལམ་ན་གྲུབ་རྟགས་བསྟན་པ་ཡིན་པས་བརྗོད་པ་མེད་
[186b.2]དེ་གསལ་བར་མ་སྨྲས་སོ། །དེ་དག་བཟླས་པ་ནས་ཤེས་པར་བྱ་བའི་བར་དུ་བཟླས་པའི་དངོས་ཏེ་བཟླས་པའི་སྔགས་སུ་གསུངས་སོ། །མིག་གི་མངོན་ཤེས་བསྒྲུབ་པ་ནི། །སྐུ་གསུང་ཐུགས་ཀྱི་རྣམ་པ་ལ། །ཡེ་ཤེས་འཕྲོ་འདུས་བྱིན་རླབས་སྡུད། །བསྙེན་པ་སྐྱོལ་བས་དེ་བཞིན་བྱ། །ཞེས་པ་
[186b.3]ལ། ད་ནི་ཁྱད་པར་གྱི་བཟླས་པ་གསུངས་ཏེ། མིག་གི་མངོན་ཤེས་འདོད་པས། རང་ལ་སྐུ་གསུང་ཐུགས་ཀྱི་ཡི་གེ་བཀོད་ལ། ཡེ་ཤེས་པའི་འོད་ཟེར་འཕྲོས་ཤིང་ཚུར་འདུས་པས་མིག་གི་སྒྲིབ་པ་དག་པས་ཤའི་སྤྱན་དང་ལྡན་པར་གསུངས་ཤིང་། མཚན་མའི་བསྙེན་
[186b.4]པ་སྐྱོལ་བས་འགྲུབ་པར་གསུངས་སོ། །རྣ་བ་དང་ནི་དབང་པོ་གཞན། །གོང་མ་དེ་བཞིན་སྦྱོར་ཤེས་བྱའོ། །ཞེས་པ་ལ། རྣ་བ་ལ་སོགས་པ་གཞན་རྣམས་ལ་ནི། སྐུ་གསུམ་མམ་ཨཱཿདང་ཧཱུཾ་གིས་འཕྲོས་པ་དང་འདུས་པས། དེའི་དངོས་པོར་དག་པར་བྱས་ཏེ། སྣང་བ་དག་
[186b.5]པར་བསྒྲུབ་པར་གསུངས་སོ། །གང་ཞིག་ཕྲིན་ལས་རྣམ་བཞི་ལས། དང་པོ་ཞི་བ་གསུངས་པ་ནི། །ཞི་བ་ནི་ཞི་བའི་སྟེ་དགྲ་བགེགས་ཞི་བར་འདོད་པའོ། །ཁ་དོག་དཀར་པོའི་འཕྲོ་འདུ་ཡིས། །རང་གི་སྡིག་དང་བག་ཆགས་དང་། །གཞན་གྱི་གདུག་རྩུབ་ཞི་བར་བྱེད། །ཅེས་པ་
[186b.6]ལ། ཁ་དོག་དཀར་པོ་འཕྲོས་པས་རང་གི་སྡིག་པའི་དངོས་པོ་དང་། ཀུན་ནས་དཀྲིས་པའི་བག་ཆགས་ཞི་བ་དང་། གཟུགས་དང་སྒྲ་མེད་ཁམས་ཀྱི་གནོད་བྱེད་ཀྱི་དབལ་དང་གདུག་རྩུབ་ཞི་བར་སོང་ཞེས་གསུངས་སོ། །ཚེ་དང་རིགས་རྒྱུད་ལོངས་སྤྱོད་རྣམས། །རྒྱས་པར་འདོད་པ་འོད་
[186b.7]ཟེར་སེར། །ཞེས་པ་ནི་དེ་ལ་དེས་ཚེ་རིང་བ་དང་། རང་གི་རིགས་རྒྱུད་དར་བ་དང་། ལོངས་སྤྱོད་ནི་ལྷའི་ལོངས་སྤྱོད་དང་ལྡན་པར་འདོད་པ་རྣམས་ཀྱིས་འོད་དང་ལྷ་དང་སེར་པོའི་འཕྲོ་འདུལ་བརྟེན་ཏེ། །རང་གི་སྙིང་པོ་ལ་པུཥྚིཾ་ཀུ་རུ་ཨོཾ་ཞེས་པ་གདགས་སོ། །བདེ་གཤེགས་འོད་བསྐུལ་
[187a]
[187a.1]རང་ལུས་ཀྱི། །རང་བཞིན་ཚེ་རྣམས་རྒྱས་པར་བྱེད། །ཅེས་པ། རང་གི་འོད་རིན་ཆེན་གོས་སྔོན་ཅན་ལ་འཕྲོས་ཏེ། དེས་ཧཱུཾ་གི་དངོས་པོ་གསལ་བར་སྦྱངས་པ་ནི་ཉི་མ་དང་ཟླ་བའི་བར་དུ་ཨཱ་ལི་དང་ལྡན་པས་གསུངས་སོ། །དཀར་དམར་ཁུ་བའི་འཕྲོ་འདུ་ཡིས།
[187a.2]འཇིག་རྟེན་རིགས་རྒྱུད་རྒྱས་པར་བྱེད། །ཅེས་པ་ལས། རང་དང་ལྡན་པའི་འོད་ཡེ་ཤེས་འཁོར་ལོ་ལ་ཕོག་པས་ཐིག་ལེ་ཨཱ་ལི་དང་ཀཱ་ལིའི་ངོ་བོར་སྤྱན་དྲངས་པའི་ངོ་བོ་དེས་དེ་ལ་སྲུང་བ་དང་འབྲེལ་ཏེ། ལས་དེས་བུ་ལ་སོགས་པ་དར་ཞིང་རྒྱས་བར་འགྱུར་རོ། །ནོར་དང་རྫས་
[187a.3]ནི་རྒྱས་འདོད་པས། །རིན་ཆེན་བཅུད་ཀྱི་ཚུལ་དུ་སྒྲུབ། །ཅེས་པ་ལ། ནོར་དང་རྫས་རྒྱས་ནས་བདེ་བར་གཤེགས་པ་མཆོད་པར་འདོད་པས། རཾ་གྱིས་བདུད་རྩི་སྟེར་བ་བུམ་པ་ཁ་རྒྱན་དང་ལྡན་པའི་ནང་དུ། རྒྱལ་པོ་བསྐྱེད་ལ་མཆོད་པས་མཆོད་དེ། ཨོཾ་བཻ་ཤྲ་བ་ཎ་ཡེ་ས་མ་ཡ་བ་ཤཾ་ཀུ་རུ་
[187a.4]ཧོཿ།། ཞེས་པ་དང་འབྲེལ་བ་ནི་སྒྲུབ་པའོ། །བྱ་གྲུབ་ཡེ་ཤེས་ངོ་བོ་སྟེ། །རིན་ཆེན་མཆོད་རྟེན་ནེའུ་ལེ་བསྣམས། །སྒྲུབ་པའི་དགོས་འདོད་སྐོང་མཛད་མ། །རྣམ་ཐོས་ནོར་སྟེར་ཁྱོད་ལ་བསྟོད། །ཅེས་པ་དང་འབྲེལ་ཏོ། །དེའི་ནོར་ནི་སུམ་ཆ་གསུམ་དུ་སྤྱོད་པར་གསུངས་སོ། །ཁ་དོག་
[187a.5]དམར་པོའི་འོད་ཟེར་གྱིས། །དམིགས་པ་མ་ལུས་དབང་དུ་སྡུད། །ཅེས་པ་ལ། འོད་ཟེར་དམར་པོ་ཁ་དོག་དམར་པོ་ལྷ་ལ་ཕོག་པས་གང་དམིགས་པ་ནི་ལྷ་དང་ཀླུ་དང་སྲིན་པོ་ལ་སོགས་པ་དབང་དུ་སྡུད་དེ་དེ་ཡང་བ་ཤཾ་ཀུ་རུ་ཧོཿཞེས་པ་དང་འབྲེལ་ཏོ། །ཚར་གཅོད་དུས་ཀྱི་སྦྱོར་བ་ནི། །འཁོར་
[187a.6]ལོ་འོད་ཟེར་སྐུར་གྱུར་ཏེ། །བཀུག་ཅིང་ཐོ་བ་ལ་སོགས་པས། །ཞེས་པ་ལ། གྲུ་གསུམ་དང་ལྡན་པའི་དཀྱིལ་འཁོར་དུ་ལིངྒའི་གཟུགས་བཅུག་ལ་ཡེ་ཤེས་ཀྱི་འཁོར་ལོ་ལས་འོད་ཟེར་དམར་པོ་འཕྲོས་པའི་འོད་ལས་ལྕགས་ཀྱུ་ཐོགས་པ་མང་པོ་འཕྲོས་ནས་རང་དབང་མེད་པར་བཀུག་སྟེ་
[187a.7]ཐིམ་པ་ནི་བསྡིགས་པ་སྟེ། སྔགས་བཞིས་བསྟིམས་ལ་ཐོ་བ་དང་། རལ་གྲི་ལ་སོགས་པས་ཕབ་ནས་མེད་པར་བྱས་པའོ། །དྲག་པོའི་མཚོན་ཆ་ཐོག་ཕབ་པས། །སྤྱི་བོ་གཙུག་གནས་རྣམས་སུ་ནི། །ཕུང་པོ་གཞིག་པའི་སྦྱོར་བ་བྱ། །ཞེས་པ་ལ། ལུས་ངག་དྲག་པོ་དང་བཅས་པའི་
[187b]
[187b.1]ཁྲོ་བོས་མཚོན་ཆའི་ཐོག་འབེབས་པའོ། །སྤྱི་གཙུག་ནས་རྐང་པའི་མཐིལ་དུ། ཕུར་པ་བརྒྱབ་ཅིང་དེའི་ཕུང་པོ་ལྔ་ལ་སོགས་པ་འཇིག་པར་འགྱུར་ཏེ་དེ་ནི་ཕུང་པོ་བཤིག་པའོ། །ས་བོན་འཇོམས་དང་འབྱེད་བྱེད་པས། །འགྲུབ་པར་འགྱུར་བར་གསུངས་པ་ཡིན། །ཞེས་པ་ལ་ས་བོན་འཇོམས་པ་ནི་
[187b.2]བྱང་སེམས་བསྐམ་པ་སྟེ། རཾ་ལས་མེ་འབར་བ་དང་ཕུར་པ་ཡང་བརྡེག་པར་གསུངས་སོ། །འབྱེད་པ་ཡང་ལྷ་དང་དབྲལ་བ་སྟེ། དོང་དུ་གུ་གུལ་སྦྱར་མ་བདུག་ཅིང་། བནྡྷ་ཀུ་རུ་ཤག་ཤག་ཨཱརྱ་ཨ་ཙ་ལ་ཤག་ཤག་ཅེས་པས་སྔགས་ཀྱིས་འབྱེད་པར་གསུངས་སོ། །དེ་ལ་སོགས་
[187b.3]པའི་སྦྱོར་བ་རྣམས། །མཁས་པ་ཡིས་ནི་ཤེས་པར་བྱ། །ཞེས་པས་བསྲེག་པ་དང་མནན་པ་དང་འཕངས་པ་ལ་སོགས་པ་མཁས་པས་ཤེས་པར་བྱའོ། །དེ་རྣམས་སྔགས་ཀྱི་མཐའ་ལ་ནི། །ཞེས་པ་ནས། མན་ངག་གོ་བར་བྱས་ལ་ཤམ་བུའི་སྔགས་གསད་པ་དང་སྲུང་བ་ལ་སོགས་པ་བླ་མའི་
[187b.4]མན་ངག་ལས་ཤེས་པར་བྱའོ། །མཁས་པའི་ཚིག་ཅེས་པ་ནི་མ་བྲིས་སོ། །བདག་གིས་གཞན་དོན་རྒྱས་པ་ནི། །བྲིས་པས་མ་ལེགས་ཉེན་སྲིད་པས། །བླ་མ་མཁས་པ་དེ་ལ་བཟོད་པར་གསོལ། །ཀླུ་མོ་མཁའ་འགྲོས་བྱིན་གྱིས་བརླབས་པ་དང་། །སེམས་ཅན་བདག་པས་དམན་ལ་ཕན་
[187b.5]པར་བྱ་ཕྱིར་དང་། །རང་མོས་ཤུགས་ཀྱིས་གཞུང་འདི་བརྩམས། །འདི་བརྩམས་པ་ཡི་དགེ་བ་ཡིས། །སེམས་ཅན་མ་ལུས་ཐམས་ཅད་ཀུན། །སྔགས་ཀྱི་མི་མཐུན་ཟད་གྱུར་ནས། །ཡོངས་སུ་དག་པའི་ས་ཐོབ་ཤོག །སྔགས་ཀྱི་རྒྱན་གྱི་འགྲེལ་པ་མཆོག་རབ་ཀྱིས་མཛད་པ་རྫོགས་
[187b.6]སོ།། །།བླ་མ་དམ་པའི་མན་ངག་སྙན་ནས་སྙན་དུ་ཐོབ་པ་རྫོགས་སོ།། {T2212}༄༅༅། །རྒྱ་གར་སྐད་དུ། ས་མ་ཡ་ཨཱ་ལཾ་ཀཱ་ར་ནཱ་མ་ཊཱི་ཀཱ། བོད་སྐད་དུ། དམ་ཚིག་རྒྱན་གྱི་རྣམ་པར་བཤད་པ་ཞེས་བྱ་བ། །སྟོན་ཀའི་ཟླ་བ་དྲི་མེད་འོད། །མ་སྐྱེས་རྡོ་རྗེ་ཡེ་ཤེས་ཉིད། །
[187b.7]རྡོ་རྗེ་ཅན་ལ་ཕྱག་འཚལ་ལོ། །ས་གཞི་དང་ནི་ཡོངས་བསྐྱེད་ལ། །འབྲས་བུ་འབྱིན་པའི་ནུས་པའོ། །ཏིང་འཛིན་རྒྱུ་དང་རབ་སྦྱོར་བའི། །བདག་པོ་གྲོགས་ལ་སོགས་པ་ཡིས། །འདི་ཡང་འབྲས་བུ་འབྱིན་པའི་གྲོགས། །རྟེན་མེད་འབྲས་བུ་འབྱིན་འདོད་པ། །མི་འབྱུང་ས་བོན་མེས་
[188a]
[188a.1]བསྲེགས་བཞིན། །དེ་ན་འདི་ཡི་དོན་འདི་བྲི། །ཞེས་པའོ། །དེ་ནས། །དམ་ཚིག་མེད་དང་འཚལ་བར་གཏོད། །སེམས་ཉི་ལ་སོགས་བསལ་བའི་ཕྱིར། །དམ་ཚིག་རྣམས་ནི་མདོར་བསྡུས་ནས། །གསང་བའི་བདག་བཏུད་དེ་ནི་བཤད། །ཅེས་པ་ནི་རྩ་བའི་དོན་བཤད་པའི་
[188a.2]དོན་དགོངས་སོ། །དེ་ལ་དམ་ཚིག་མེད་པ་ནི་བསྒོམ་པ་དང་། བསྒྲུབ་པ་དང་། སྦྱིན་སྲེག་ལ་སོགས་པ་རྣམས་འབྲས་བུ་མེད་དེ་ས་བོན་མེའམ་ཆུ་ལ་གཏོར་བ་བཞིན་ནོ། །སོམ་ཉི་བསལ་བ་ནི། བླང་བ་དང་། སྲུང་བ་དང་བཅོས་པ་ནི་སྤྱི་དང་ཁྱད་པར་རོ། །དམ་ཚིག་མདོར་བསྡུས་པ་ནི། ཉན་ཐོས་
[188a.3]སྔོམ་པ་དང་། ཐེག་པ་ཆེན་པོའི་དོན་བྱེད་པ་དང་། གསང་སྔགས་སོ། །གསང་བའི་བདག་ལ་བཏུད་དེ་བཤད། །ཅེས་པ་ནི་བཀྲ་ཤིས་པའི་ཡན་ལག་སྟེ། མཆོད་པའི་ཚུལ་གྱིས་ཉོན་མོངས་ཟིལ་གྱིས་ས་མནན་པར་ཆད་མི་འབྱུང་སྟེ། དེ་ནས་བཤད་ཅེས་པས་འོག་མ་དང་འབྲེལ་ཏོ། །སྔགས་
[188a.4]པས་བསྲུང་བའི་དམ་ཚིག་ནི། ཞེས་པ་ནི། སྔགས་པ་ནི་རིན་པོ་ཆེའི་རིགས་ཀྱི་གང་ཟག་ལ་དབང་བསྐུར་བའོ། །ཡིད་སྐྱོབ་ཅིང་འཛིན་པས་ན་དེའི་དོན་ཡོད་པས་ན་སྔགས་པས་སོ། །སྲུང་བ་ནི་སྡོམ་པ་བསྲུང་ཞེས་པའོ། །དམ་ཚིག་ནི་གོང་མའི་དོན་ལས་མི་འདའ་ཞེས་པའི་དོན་ཏོ། །ཉན་ཐོས་
[188a.5]དང་ཐེག་པ་ཆེན་པོ་དང་གསང་སྔགས་ཀྱི་དོན་ལས་འདས་ན། མནར་མེད་སྐྱེ་བས་དོན་བསྲུང་ཞེས་བྱ་བ་སྟེ། སྔགས་པ་རྣམས་སོ། །དང་པོ་བྱང་ཆུབ་སེམས་བསྐྱེད་ནས། །ཉའམ་སྟོང་གི་དུས་དག་ཏུ། །ཡན་ལག་བརྒྱད་པ་ཉེར་གནས་ཏེ། །ལོ་གཅིག་པའམ་ཟླ་གཅིག་བྱ། །ཞེས་པ་
[188a.6]ལ། བྱང་ཆུབ་སེམས་དཔའ་ནི་བདག་གཅིག་པུ་འཁོར་བ་ལས་བསྒྲལ་ལོ། །ཞི་བ་མྱ་ངན་ལས་འདས་པ་ཐར་པ་ཐོབ་པར་བྱ། ཞེས་པ་ཉན་ཐོས་ཀྱི་སེམས་བསྐྱེད་དོ། །ཉའམ་སྟེང་ནི་ཞེས་པ་ལ། སྡོམ་པ་དང་ལྡན་པའི་དགེ་སློང་གཅིག་ལ། ཕྱག་འཚལ་བ་སྔོན་དུ་འགྲོ་བས། ཟླ་བ་འོད་ངོ་
[188a.7]ཅོག་གི་ཉའམ་སྟོང་ལ། དེ་དང་འབྲེལ་བའི་སྔོམ་པ་བླང་། །ཞེས་པའོ། །ཡན་ལག་བརྒྱད་ཅེས་པ་ནི། སྲོག་གཅོད་གཞན་གྱི་ནོར་འཕྲོག་དང་། །མི་ཚངས་སྤྱོད་བརྫུན་བཅོས་པའི་ཆང་། །གླུ་གར་རོལ་མོ་རྒྱན་བྱུག་པ། །མལ་སྟན་ཆེ་དང་ཁ་ཟས་སྤོང་། །འདི་ནི་སྡོམ་པའི་ཚུལ་ཁྲིམས་
[188b]
[188b.1]སོ། །ཡང་ན་སྔོམ་པ་གསུམ་དང་ལྡན་པའི་བླ་མ་ལ། ཕྱག་སྔོན་དུ་འགྲོ་བས། བླ་མས། སྲོག་ཆགས་རྣམས་ནི་གསད་མི་བྱ། །ཞེས་པས་སྔོམ་པ་བྱིན་ཏེ། ལོ་གཅིག་ཟླ་གཅིག་བར་དུ་བསྲུང་། །ཞེས་པ་གོང་མ་བཞི་དང་འབྲེལ་ལོ། །དེ་ནས་ཇི་སྲིད་སེམས་བསྐྱེད་དེ། །བསླབ་པ་ལྔ་པོ་ལེགས་
[188b.2]གཟུང་སྟེ། །ལོ་གཅིག་ཟླ་གཅིག་བར་དག་ཏུ། །སྔོམ་པ་བརྟན་པོར་གཟུང་བར་བྱ། །ཞེས་པ་ལ། དེ་ནས་ཇི་སྲིད་སེམས་བསྐྱེད་ཅེས་པ་ལ། སྨོན་འཇུག་གཉིས་ཀྱིས་དགེ་བསྙེན་དུ་སེམས་བསྐྱེད། དགེ་སློང་ངམ་བླ་མ་རྣམས་ཀྱི་མདུན་དུ། ཕྱག་སྔོན་དུ་འགྲོ་བས། དགེ་བསྙེན་གྱི་ལས་
[188b.3]ཀྱིས། དེའི་སྔོམ་པ་བླངས་ཏེ། ཚངས་པར་སྤྱོད་པའི་དགེ་བསྙེན་ནི། ཡན་ལག་བརྒྱད་པོ་ཇི་སྲིད་འཚོའི་བར་དུ་བསྲུང་བའོ། །སྣ་འགའ་སྲུང་བ་ཕལ་ཆེན་ནོ། །རྩ་བ་བཞི་དང་མྱོས་པའི་ཁུ་བ་དང་། བསླབ་པ་ལྔ་པོ་ལེགས་པར་བསྲུང་བར་གསུངས་པ། དེ་ཡང་ལོ་དང་ཟླ་བའི་བར་དུ་སྡོམ་
[188b.4]པ་གོང་མ་དེ་བརྟན་པོར་གཟུང་ཞེའོ། །དེ་ནས་དགེ་ཚུལ་དགེ་སློང་གི། །བསླབ་པ་ལ་ནི་ལེགས་གནས་ནས། །མི་གཏོང་ལོའམ་ཟླ་བའམ། །སྡོམ་པ་ཉམས་པ་བླང་བར་བྱ། །ཞེས་པ་ལ། དེ་ནས་དགེ་ཚུལ་གྱིས་མཁན་པོ་དང་བཙུན་པ་ལ། བར་ཆད་ཀྱི་ཆོས་ཡོངས་སུ་བསལ་ཞིང་། དཀོན་
[188b.5]མཆོག་ལ་ཕྱག་དག་གིས་སྤོང་བ་བཅུ་འཁོར་དང་བཅས་པས་བླང་ཞིང་བསྲུང་ཞེས་པའི་དོན་ཏོ། །དགེ་སློང་གིས་བཙུན་པ་གསུམ་གྱི་མདུན་དུ་ཁྲིམས་ཉིས་བརྒྱ་ལྔ་བཅུ་རྩ་གསུམ་བླངས་པ་དང་། བསྲུང་བ་དང་བཅས་པའོ། །དེ་ནས། རང་གི་བསླབ་པ་ལེགས་པར་བསྲུང་། །ཞེས་པའོ། །
[188b.6]དེ་ནས་སྔགས་ཀྱི་དམ་ཚིག་གི་ཆེད་དུ། མི་གཏོང་བར་ལོའམ་ཟླ་བའི་བར་དུ་སྔོམ་པ་ཉམས་པ་བླང་ཞིང་བཤགས་ཞེས་སོ། །སོ་སོར་ཐར་པའི་སྔོམ་པ་ལ། །གང་ཞིག་གིས་ནི་ལེགས་གནས་ན། །མཁས་པ་རྣམས་ཀྱིས་དུས་ཀུན་དུ། །སྲོག་གི་ཕྱིར་ཡང་མི་གཏོང་ངོ་། །ཞེས་པ་ནི། སོ་སོར་
[188b.7]ཐར་པའི་སྔོམ་པ་ནི། འདུ་བྱེད་ཤེས་པ་ངོ་ཚ་ཤེས་ཤིང་ཁྲེལ་ཡོད་པའོ། །བག་ཆགས་ལ་སེམས་བསླན་པས་བརྟན་པར་བྱས་ཏེ། རྟེན་གྱི་གང་ཟག་གི་སྔོམ་པ་ལེགས་པར་གནས་པར་བྱས་ཏེ། མཁས་པ་ནི་བླང་བ་དང་བསྲུང་བ་དང་། བཅའ་བ་ཤེས་པས་བཅའ་ཞེས་པའོ། །སྲོག་གི་
[189a]
[189a.1]ཕྱིར་ཡང་མི་གཏོང་སྟེ། ཕུང་པོ་སྲོག་དང་བྲལ་ཡང་རང་གི་སྔོམ་པ་མི་གཏོང་བའོ། །གང་ཞིག་གིས་ནི་དེ་གོམས་འགྱུར། །གང་ཚེ་གོང་མའི་བསླབ་གནས་པས། །དེ་ཚེ་འོག་མའི་མིང་དང་བྲལ། །ཞེས་པ་ལ། གང་ཞིག་གིས་ནི་དེ་གོམས་འགྱུར་ནི། རྟེན་གྱི་གང་
[189a.2]ཟག་དེས་བསྙེན་གནས་དང་། དགེ་བསྙེན་དང་སོ་སོར་ཐར་པའི་སྡོམ་པ་ལ། དང་པོར་རིམ་པར་གོམས་པར་བྱ། །ཞེས་པའོ། །གང་ཚེ་གོང་མའི་བསླབ་གནས་ན། །འོག་མའི་མིང་དང་བྲལ་བ་ནི། །སྤང་བ་ཆེན་པོ་ཆེན་པོ་ལ་གནས་ན། ཆུང་ངུའི་སྤང་བྱ་ནི། སོར་མེད་དེ་གོང་མ་ཁྱབ་བྱ་ལ་དོན་
[189a.3]ཁྱད་པར་གནས་པ་སྟེ། འོག་མའི་དོན་གོང་མ་ལ་འབྲས་བུའི་ཚུལ་དུ་ཁྱབ་ཅེས་པ་ནི། རྩ་དང་རྒྱུད་དང་ལོ་མ་དང་འབྲས་བུ་དང་ས་བོན་གྱིས་ཁྱབ་ཅེས་པའོ། །གོང་མ་གཙོ་བོ་ཡིན་པའི་ཕྱིར་ཡང་འོག་མའི་མིང་དང་བྲལ་ཞེས་པའོ། །དང་པོ་སྦྱིན་པ་བསླབ་བྱ་སྟེ། །དངོས་པོ་བཅུ་གཉིས་ཡང་དག་
[189a.4]ལྡན། ཞེས་པ་ནི། སེམས་ཅན་དོན་བྱེད་ཚུལ་ཁྲིམས་སྟོན་པ་ཡིན་ཏེ། བླ་མའམ་དཀོན་མཆོག་གི་མདུན་དུ། བཀྲ་ཤིས་པས་སེམས་ཅན་དོན་བྱེད་ཚུལ་དུ་སེམས་བསྐྱེད་ནས། ཇི་ལྟར་དུས་གསུམ་མགོན་པོ་ཡིས། །ཡང་དག་བྱང་ཆུབ་ངེས་མཛད་པའི། །ཆོ་གས་སྔོམ་པ་བླང་བ་
[189a.5]ནི། །ཕ་རོལ་ཕྱིན་དྲུག་ཚུལ་དུ་སྤྱད། །ཅེས་པའི་ཚིག་དང་འབྲེལ་ཏོ། །སྦྱིན་པ་ལ་དངོས་པོ་བཅུ་གཉིས་ནི། ཆོས་ཀྱི་སྦྱིན་པ་ལ་དོན་བཤད་པ་དང་། སྨྱུ་གུ་དང་སྣག་ཚ་དང་པོ་ཏི་བཞིའོ། །ཟང་ཟིང་ལ་ནོར་དང་དབྱིག་དང་ཟས་དང་གོས་ཏེ་གཉིས་པའོ། །སྐྱབས་ཀྱི་སྦྱིན་པ་ལ། སྲོག་དང་ལམ་
[189a.6]འཕྲང་དང་འཇིགས་སྐྱབས། བྱམས་པ་དང་བཞི་སྟེ་བཅུ་གཉིས་སོ། །ཚུལ་ཁྲིམས་ལ་ནི་རྣམ་དགུ་སྟེ། །བཟོད་དང་བརྩོན་འགྲུས་བསམ་གཏན་དང་། །ཤེས་རབ་གསུམ་སྟེ་གསུམ་དུ་བསྟན། །ཞེས་པའི་དོན་ལ་སྔོམ་པ་དང་དགེ་བ་དོན་བྱེད་དེ། དེ་ཡང་ལུས་ངག་ཡིད་གསུམ་སྤངས་པ་དང་འབྲེལ་ཏེ། བཟོད་
[189a.7]པ་ནི་ཆོས་ཟབ་མོ་ལ་སེམས་པའི་བཟོད་པ་དང་། སྡུག་བསྔལ་དང་དུ་ལེན་པ་དང་། གནོད་པ་བྱས་པ་ལ་ཇི་མི་སྙམ་པའི་བཟོད་པའོ། །བརྩོན་འགྲུས་ནི་གོ་ཆ་དང་སྦྱོར་བ་དང་མཐར་ཕྱིན་པ་གསུམ་མོ། །བསམ་གཏན་ནི་ཉེས་པ་སྤོང་བ་དང་། དབང་འབྱོར་བ་དང་། རྣམ་པར་གནས་པ་གསུམ་མོ། །
[189b]
[189b.1]ཤེས་རབ་ནི་ཐོས་པ་བསམ་པ་བསྒོམ་པའོ། །གཞན་གྱི་མྱ་ངན་སངས་ལ་སོགས། །སེམས་ཅན་དོན་འགྱུར་ཐམས་ཅད་ཀུན། །སྲོག་གི་ཕྱིར་ཡང་མི་གཏོང་ངོ་། །ཞེས་པ་ལ། གཞན་གྱི་མྱ་ངན་ལས་ལས་ངན་བ་སོགས་པའི་སྡིག་པའི་གང་ཟག་རྣམས་ཏེ། དང་པོ་བརྩོན་འགྲུས་དང་ཤེས་རབ་དང་སྙིང་རྗེ་
[189b.2]དང་ལྡན་ཞིང་སྔར་གྱི་ལས་ངན་པ་སེལ་ཅིང་ཐར་པ་དང་བདེ་བར་གྲོལ་ལོ་ཞེས་བྱའོ། །སེམས་ཅན་སྲོག་གི་ཕྱིར་ཡང་མི་གཏོང་ནི། །སེམས་ཅན་དོན་དང་འབྲེལ་བ་སྲོག་གི་སྐྱབས་ལ་སོགས་པ། རང་གི་སྲོག་དང་བསྔོ་ཞེས་པའོ། །སྔོམ་པ་དེ་ལོའམ་ཟླ་བའི་བར་དུ། བརྟན་ནས་སྔགས་ཀྱི་དམ་
[189b.3]ཚིག་བླང་། །ཞེས་པ་ལ། སྔོམ་པ་དེ་རྣམས་རིམ་པས་ལེན་པ་ནི་གང་ཟག་སྤྲོས་བཅས་ལ་དགའ་བའི་དོན་དུ་གསུངས་པའོ། །ཐེག་པ་ཆེན་པོའི་རིགས་ཅན་ལ་ནི། སྡོམ་པ་གསུམ་གདན་ཐོག་ཏུ་བླང་། །ཞེས་པའོ། །སྔགས་ཀྱི་དམ་ཚིག་བླང་བ་ནི། །བླ་མ་སྡོམ་པ་གསུམ་དང་ལྡན་པ་ལས་དབང་
[189b.4]བླང་ཞིང་། དབང་བཞི་དང་འབྲེལ་པའི་དམ་ཚིག་གསུམ་པའོ། །སྤྱི་དང་ཁྱད་པར་གཉིས་སུ་ཤེས་ནི། སྤྱི་གསང་སྔགས་ཕྱི་ནང་གི་དམ་ཚིག་དང་། ཁྱད་པར་གསང་བའི་བདག་པོའི་དམ་ཚིག་གོ། །དང་པོ་དག་ནི་བཤད་བྱ་ནི། སྔགས་སྤྱིའི་དམ་ཚིག་གོ། །དང་པོ་སློབ་དཔོན་མཉེས་
[189b.5]པར་བྱ། །ཡི་དམ་སྤང་ལེན་མི་བྱ་སྟེ། །ལུས་ངག་ཡིད་གསུམ་སྐུ་གསུང་ཐུགས། །ཕྱག་རྒྱ་ཆེ་ལ་རབ་ཏུ་གནས། །ཞེས་པ་ལ། དང་པོ་དབང་གི་དུས་སུ་བླ་མ་ཡོ་བྱད་དང་སྤྱོད་པས་མཉེས་པར་བྱ་བའོ། །དབང་ཐོབ་པར་བྱ་སྟེ། ཕྱིས་དེ་བཞིན་དུ་བླ་མ་དང་དམ་པ་རྣམས་ལ། རང་གིས་ལུས་
[189b.6]ངག་ཡིད་ཀྱི་ཉེས་པ་མེད་ཅིང་མོས་པར་བྱ། ཞེས་པ་དང་ཉེས་པ་ཆེ་ཆུང་གི་ཚོགས་དང་། གཏོར་མ་བརྒྱད་དང་འབུམ་ལ་སོགས་པས་བཤགས་པ་བྱའོ། །ཡི་དམ་སྤོང་ལེན་མི་བྱ་ནི། །ཤེས་པས་གོང་མའི་ལྷ་སྤངས་ན། །རྩ་བ་ཆད་དེ་ངན་སོང་འགྲོ། །ཞེས་པ་ནི་དེ་ནི་མནར་མེད་པའོ། །
[189b.7]ཤུལ་གྱི་དོན་ལ་ལྷ་སྔ་མའི་འབྲས་བུ་ཡོད་པ་བསྟིམས་ཏེ་གཉིས་མེད་བྱས་ནའམ། །གཉིས་སྣང་མེད་པར་གཅིག་གི་ངོ་བོ་བྱུང་ན་མ་སྤངས་པའོ། །ལུས་ངག་ཡིད་ཕྱག་རྒྱ་ཆེན་པོ་ནི། །ལུས་ལྷ་དང་ངག་གི་རྡོ་རྗེའི་བཟླས་པ་དང་། སེམས་ཕྱག་རྒྱ་ཆེན་པོ་དང་མི་འབྲེལ་པ་སྟེ་མི་དགེ་
[190a]
[190a.1]བ་བཅུ་མེད་པ་ནི་ཕྱག་རྒྱ་ཆེན་པོ་ལ་རབ་ཏུ་གནས་ཞེས་བྱའོ། །དམ་པ་རྣམས་ནི་སྨད་མི་བྱ། །གསང་བའི་དོན་ཡང་བསྟན་མི་བྱ། །རྟགས་ཆེན་སྐུ་ཡང་མི་བསྟན་ཏེ། །བཟླས་དང་སེམས་ཉམས་བསྟན་མི་བྱ། །ཞེས་པ་ལ། དམ་པ་རྣམས་ནི་བླ་མ་དམ་པའམ་སངས་
[190a.2]རྒྱས་འབྱུང་བའི་བླ་མ་དམ་པ་སྟེ། དེ་ལ་སྨད་ན་སངས་རྒྱས་ལ་མཉེས་པ་མི་བགྱིས་པ་སྟེ། ཆོས་མེད་པའི་ཡུལ་དུ་སྐྱེ་ཞེས་པའོ། །གསང་བའི་དོན་ནི་གསང་སྔགས་ཀྱི་དོན་དང་། དབང་གཉིས་པ་གསུམ་པའི་མན་ངག་རྣམས་དང་། རྡོ་རྗེའི་སྤུན་མ་ཡིན་པ་ལ་མི་བསྟན་པ་སྟེ། བསྟན་ན་
[190a.3]སྔགས་ཀྱི་དངོས་གྲུབ་ཡལ། །ཞེས་པའོ། །རྟགས་ཆེན་སུ་ཡང་མི་བསྟན་ཏེ། །རང་གི་ལྟག་པའི་སྐུའི་རྟགས་རྣམས་ཕྱི་པ་ལ་མི་བསྟན་ཏེ། བསྟན་ན་ལྷག་པའི་ལྷའི་དངོས་གྲུབ་མི་འབྱུང་བའོ། །བཟླས་ན་སེམས་ཉམས་མི་བསྟན་ན། །རང་གི་རྡོ་རྗེ་སྤུན་མིན་པ་ལ་བཟླས་པའི་སྤྱོད་པ་དང་།
[190a.4]མན་ངག་དང་དོན་རྣམས་བསྟན་ན། དེའི་དེ་ཉིད་མི་འབྱུང་ཞེས་པའོ། །ཉམས་དང་དངོས་དང་རྨི་ལམ་དང་འབྲེལ་བའི་སེམས་ཉམས་མི་བསྟན་ཏེ། དེའི་དངོས་གྲུབ་ཡལ་ཞེས་པའི་དོན་དང་འབྲེལ་ཏོ། །བླ་མ་དང་རྡོ་རྗེ་སྤུན་ལ་མ་ཡིན་ཏེ། རང་ཡིན་པའི་ཕྱིར་རོ། །དེ་ནི་རྩ་བའི་དམ་
[190a.5]ཚིག་བསྟན་པ་ཡིན་པའི་ཕྱིར་གོང་གི་ཏོན་ཏོ། །རྡོ་རྗེ་དྲིལ་བུ་ཕྲེང་བ་དག །སྐད་ཅིག་ཙམ་ཡང་སྤང་མི་བྱ། །གྲོགས་པོའི་སེམས་ནི་དཀྲུག་མི་བྱ། །ཁྱད་པར་གྲོགས་ལ་སྨོས་ཅི་དགོས། །ཞེས་པ་ལ། རྡོ་རྗེ་དྲིལ་བུ་རྟག་ཏུ་བཅང་སྟེ་མཆོད་རྫས་ཡིན་པ་དང་འབྲེལ་བའི་དོན་ཡིད་ལ་བྱ་བའི་
[190a.6]ཕྱིར་རོ། །ཕྲེང་བ་ནི་བླ་མ་དང་ལྷ་དང་ལམ་ཁྱད་པར་ཅན་ཕྲེང་ཞིང་ཡིད་ལ་བྱ་ཞེས་པའི་དོན་ཏོ། །སྐད་ཅིག་ཀྱང་མ་བརྗེད་པར་ཡིད་ལ་བྱའོ། །གྲོགས་པོའི་སེམས་ནི་རྡོ་རྗེའི་སྤུན་དེ་དབང་དང་། དམ་ཚིག་ཡོངས་སུ་གཟུང་ངོ་། །སེམས་ཅན་གནས་གཅིག་ཏུ་སྐྱེས་པ་ཡང་ཉེ་བའི་སྤུན་
[190a.7]ཡིན་པས་གནོད་པ་མི་བྱ་ཞེས་པའོ། །ཁྱད་པར་གྲོགས་ནི་དབང་དང་མན་ངག་གཅིག་པ་དང་། གྲོལ་བས་མི་བྱ་ཞིང་མཉེས་པའོ། །ཡང་ན་དབང་གསུམ་པའི་རྟེན་ཏེ། དེ་ཉིད་དུ་ཁྲིད་པའི་གྲོགས་ཡིན་པའི་ཕྱིར་རོ། །གྲོགས་ནི་སྲིད་པ་བར་དོ་སྐྱོབ་པ་དང་། གནས་པ་གསུམ་དུ་
[190b]
[190b.1]འགྲོགས་པའི་ཕྱིར་གྲོགས་སོ། །བསྲུང་བའི་ཕྱིར་བསྲུང་བའོ། །ཚོགས་དང་གཏོར་མ་སྦྱིན་སྲེག་དང་། །མཎྜལ་ཚ་ཚ་ལ་སོགས་པ། །སྲོག་གི་ཕྱིར་ཡང་མི་གཏོང་ངོ་། །ཚོགས་དང་གཏོར་མ་དང་ཚ་ཚ་ལ་སོགས་པ་རྣམས། ལུས་ལ་མེ་འབར་བས་མྱུར་བར་བྱ་སྟེ། དུས་རྐྱེན་
[190b.2]གྱིས་འདས་ན་བསྒྲུབ་པའི་སྐལ་བ་དང་མི་ལྡན་པས་མྱུར་བར་བྱ་ཞེས་པའི་དོན་སྟོན་ཏོ། །དེ་ནི་རྩ་བ་དང་ཡན་ལག་ཉམས་ན་བསྐང་བ་ཡིན་ཏེ། ཉེས་པའི་རིམ་པ་བདུན་དང་ཉི་ཤུ་རྩ་གཅིག་དང་། བརྒྱ་རྩ་བརྒྱད་སྟོང་དང་ཁྲི་དྲུག་འབུམ་གྱིས་ཉེས་པའི་རིམ་པ་དང་སྦྱར་ནས་འདག་ཅེས་པའོ། །
[190b.3]ཆོས་ཀྱི་སྤྱོད་པ་གཞན་རྣམས་ཀྱང་སྤང་བར་འགྱུར་བ་སྨོས་ཅི་དགོས་ནི། ཀློག་འདོན་དང་ཉན་པ་བསྐྱབ་བ་སྟེ། ཐར་པའི་ལམ་དང་དགེ་བའི་སྟོབས་འབྱིན་པའི་ཕྱིར་ཏེ། །མི་སྤང་བར་སྤྱད་པ་དང་འབྲེལ་ཏོ། །ཤ་ཆེན་ཁྲག་དང་ཁུ་བ་དང་། །དྲི་ཆེན་དང་ནི་དྲི་ཆུ་དང་། །བླང་དང་སྤང་བར་བྱ་བ་
[190b.4]མིན། །རྩ་བ་བྱང་ཆུབ་སེམས་མི་གཏོང་། །ཞེས་པ་ལ། ཤ་ཆེན་ཁྲག་དང་ཁུ་བ་ལ་དྲི་ཆེན་དང་དྲི་ཆུ་ལ་དྲོད་ཀྱི་ནུས་པ་མེད་པར། སྐྱེ་བོ་ཕལ་པའི་མདུན་དུ་སྤྱད་པ་མ་ཡིན་ཏེ། ཁྱི་ཕག་དང་འདྲ་བའི་ཕྱིར་རོ། །སྤང་ན་ཉན་ཐོས་དང་འདྲ་བས་སྤང་བ་མ་ཡིན་ནོ། །གསང་སྔགས་སྤང་བ་དང་
[190b.5]བླང་བའི་ལམ་མིན་ཏེ་དེ་རྟོག་པ་ཡིན་པས། འདི་ནི་བདེ་བའི་ལམ་ཡིན་ཏེ། རྟོག་མེད་ཅེས་པའི་དོན་ཏོ། །རྩ་བ་བྱང་ཆུབ་སེམས་མི་གཏོང་ནི་ཀུན་རྫོབ་དང་དོན་དམ་སྟེ། དགེ་བའི་འབྲས་བུའི་རྩ་བ་མ་ལུས་པའི་རྩ་བ་བྱང་ཆུབ་ཀྱི་སེམས་ཡིན་པས་སྤངས་ན་ངན་སོང་དུ་འགྲོ་ཞེས་པའོ། །
[190b.6]ཆོས་ལ་སྨོད་པའང་སྤང་བར་བྱ། །དད་ལྡན་བསམ་པ་སུན་མི་དབྱུང་། །བུད་མེད་རྣམས་ལ་སྨད་མི་བྱ། །སྤང་དང་བླང་བར་བྱ་བ་མིན། །ཞེས་པ་ལ། ཆོས་དང་སྨོད་པ་རང་དང་གཞན་གྱི་གྲུབ་པའི་མཐའ་སྟེ། སྨད་ཅིང་སྤངས་ན་རྣམ་པར་སྣང་མཛད་རིང་བའི་རྒྱུའོ། །དད་ལྡན་བསམ་
[190b.7]པ་སུན་མི་དབྱུང་ནི་ཐེག་པ་ཆེ་ཆུང་གི་རིགས་ཅན་ཏེ། ཆུང་ངུ་ནི་ཆེན་པོར་འགལ་ཏེ་སུན་མ་ཕྱུང་བའོ། །གཞན་ནི་ལམ་གཉིས་ངན་སོང་སུན་འབྱིན་པ་ནི་དེ་ནི་རྒྱུ་ལ་འཇུག་པ་སྟེ། རྒྱུ་འབྲས་སུན་འབྱིན་པའོ། །བུད་མེད་ནི་བུད་མེད་དེ་ཆགས་བཅས་རྣམས་དབང་གསུམ་པའི་དུས་རིན་པོ་
[191a]
[191a.1]ཆེའི་རིགས་ཀྱི་གང་ཟག་རྣམས་ལ་མི་སྨད་ཅེས་པའོ། །ཡེ་ཤེས་ངོས་འཛིན་མེད་པར་དེ་སྤང་བའང་མིན་བླང་བའང་མིན། གང་ཟག་གཉིས་ཀྱིས་སོ། །བགྲོད་མིན་ལ་ནི་བགྲོད་པ་མིན། །སྤང་བ་མི་སྤོང་འགྱུར་བ་དང་། །བླང་བྱ་མི་ལེན་སྤང་བར་བྱ། །ཞེས་པ་ལ། ཐེག་པ་
[191a.2]ཆེན་པོའི་ལམ་ལ་ཞུགས་པའི་གང་ཟག་གིས། མུ་སྟེགས་དང་ཉན་ཐོས་ཀྱི་ལམ་ངན་པས་ཕྱིས་མི་བགྲོད་པའོ། །སྤང་བ་ཕྱིས་མི་སྤོང་བར་འགྱུར་པའོ། །ཉོན་མོངས་པ་དང་ལས་ཀྱིས་ཉོན་མོངས་པ་རྣམས་ཏེ། དེའི་གཞི་རྣམས་སྤང་ཞེས་པའོ། །བླང་བྱ་མི་ལེན་ནི་བསྐྱེད་རྫོགས་ཀྱི་དོན་དེ་བརྩོན་
[191a.3]འགྲུས་ཀྱིས་འཇུག་ཅེས་པའོ། །དུག་ལྔ་སྤོང་བ་སྤང་བར་བྱ། །བླང་བ་ཡང་ནི་སྤང་བ་ཡིན། །དུག་ལྔ་མ་སྤངས་པར་སྤྱད་བྱ། །ཞེས་པ་སྟེ། ལུང་ལས། ཕ་དང་མ་ནི་གསད་པར་བྱ། །རྒྱལ་པོ་ངན་པ་བཀུར་མི་བྱ། །བྲམ་ཟེ་གྲོང་ཁྱེར་གཞོམ་པར་བྱ། །སེམས་ཅན་དོན་དུ་གཞན་དག་གི ། བུད་
[191a.4]མེད་བསྟེན་ཅིང་མི་གཙང་སྤྱད། །སྲོག་ཆགས་ཀྱང་ནི་གསད་པར་བྱ། མ་བྱིན་བླང་ཞིང་བརྫུན་སྨྲ་དང་། །གཞན་ལ་ཕྲག་དོག་མྱོས་འགྱུར་བཏུང་། །འདིས་ཀྱང་གྲོལ་བར་འགྱུར་བ་སྟེ། །དགོངས་པས་བཤད་པ། ཞེས་ནི་དུག་ལྔ་སྤང་བ་ཞེས་པ་སྟེ་རང་ཀ་རུ་མི་སྤྱད་ཅེས་པའོ། །གསང་བ་
[191a.5]ཐེག་པ་ཆེན་པོའི་གང་ཟག་སྐྱེས་བུ་རྣམས་ཀྱིས་ནི། དུག་ལྔ་མཐུན་རྐྱེན་གྱིས་བླང་ཞིང་སྤྱད་པར་སྤང་མི་བྱ། འགལ་རྐྱེན་དགྲ་རུ་ཡང་མི་གཟུང་སྟེ། སྤང་བྱ་བླང་བྱ་རུ་བྱས་ནས་ལམ་བགྲོད་ན་ཐེག་པ་ཆེན་པོའི་རིགས་མིན་ཏེ་ཆུང་།དགྲ་དང་གཉེན་དུ་མ་བཟུང་བ་ནི་སྤངས་པ་ཤུགས་ཏེ་
[191a.6]བཏང་སྙོམས་ཆེན་པོའོ། །དེ་ནི་ཐེག་པ་ཆེན་པོ་མི་སླུ་བའི་ལམ་ལ་ཞུགས་པའོ། །དམ་པ་མ་ཡིན་བསྟེན་མི་བྱ། །ཞེས་པ་ནས། རྟག་ཏུ་མི་དང་སྤྱོད་པ་བསྟུན། །ཞེས་པའི་བར་ལ། ལོག་པའི་བླ་མ་མི་བསྟེན་པ་དང་། རྡོ་རྗེ་སློབ་དཔོན་གྱི་ལས་ཀྱི་རིམ་པ་དང་། དེ་ཡང་རྩ་བ་ན་གསལ་བས་མ་བྲིས་སོ། །
[191a.7]དང་པོ་དཀའ་ཐུབ་བསྟེན་པ་སྟེ། །ཐ་མའི་དུས་སུ་སྤང་བར་བྱ། །ཆང་སོགས་ཉེས་པར་གྱུར་པ་སྤང་། །ཞེས་པ་དང་པོ་བསྟེན་པ་ལོའམ་ཟླ་བ་རུ་བརྟན་པར་གཟུང་ལ་དགེ་སློང་གི་བསླབ་པའི་དུས་སུ་བསྙེན་གནས་ལོགས་སུ་མི་གོས་ཏེ་སྤང་བའོ། །ཡང་ན་དང་པོ་སྡོམ་པ་གསུམ་ལ་གནས་པར་
[191b]
[191b.1]བྱས་ལ། འཇིག་རྟེན་མཆོག་གི་ཡེ་ཤེས་སྐྱེས་ཙམ་ན། དཀའ་ཐུབ་མི་དགོས་ཀུན་བརྟགས་ཡིན་པའི་ཕྱིར་རོ། །ཆང་སོགས་ཉེས་པར་གྱུར་པ་ནི། །སྔགས་པའི་བྱང་ཆུབ་སེམས་དཔའི་རྩ་བ་ལྔ་རྒྱུན་དུ་སྤང་ཞེས་པ་སྟེ། བྱང་ཆུབ་སེམས་དཔའ་སྔགས་ཟློས་པ་རྣམས་ཀྱིས་བྲག་བཙོང་ལ་སོགས་
[191b.2]དང་། མི་ནག་སྡིག་བྱེད་དང་གསུར་ཆེན་ལ་མི་འགྲོགས་སོ། །ཐབས་ལྡན་དངོས་གྲུབ་སྦྱོར་བར་འགྱུར་ན། གྲང་བ་ཅན་གྱི་ནད་སེལ་བའི་སྨན་ཕུལ་དག་རེ་བཏུང་བའམ། དེ་རུ་ཡང་རུལ་སུམ་སྐྱོན་སྤངས་པའོ་ཞེས་ནད་གཞིའི་རྟེན་མི་བྱེད་པ་བཏུང་ངོ་། །ཡང་ན་བདུད་རྩི་བསྒྲུབ་པ་བཞིན་
[191b.3]བཏུང་ཞེས་སོ། །གང་ཚེ་བཅོམ་ལྡན་རྡོ་རྗེ་ཅན། །ཞེས་པ་ནས། དེ་ཕྱིར་ཉོན་མོངས་སྤང་བར་བྱའི་བར་དུ་རྩ་བར་གསལ་བས་མ་བྲིས་སོ། །ཁྱད་པར་ཐོད་པའི་ཕྲེང་བ་ཅན། །ཞེས་པ་དང་པོ་བླ་མ་ལ། དཀྱིལ་འཁོར་མེ་ཏོག་སྔོན་པོར་བཅས། །ཞེས་པ་དང་པོ་ཁྱད་པར་གྱེ་སྡོམ་པ་བླངས་
[191b.4]ལ་འཕགས་པ་གོས་སྔོན་པོ་ཅན་གྱི་སྡོམ་པ་བསྲུང་ཞེས་པའོ། །དེ་ནས་ཁྱད་པར་གཞན་དང་མི་འདྲ་བའི་ཐོད་སྤྱི་ཕུད་དང་འདྲ་བའི་སྡོམ་པ་བསྲུང་ཞེས་པའོ། །ཐོད་ནི་བཟང་པོ་སྟེ། དེས་ཕྱག་རྒྱ་ཆེན་པོའི་ལམ་ལ་ཕྲེང་བ་དང་ཕྲེང་ཐག་བཞིན་འབྲེལ་པས་ཀྱང་ཕྲེང་བའོ། །དམ་ཚིག་
[191b.5]ལ་ཕྲེང་བ་དང་འདྲ་བར་ཕྲེང་ཞེས་སོ། །གོས་སྔོན་པོ་དང་རཀྵ་དང་། །རུས་པའི་ཕྲེང་བ་བླང་བར་བྱ། །ཞེས་པ་ལ། གོས་སྔོན་པོ་དང་ཟེར་བས་ངོ་ཚ་ཁྲེལ་ཡོད་གོས། སྟོད་གཡོགས་སྟེང་དུ་གོན་པ་ནི་གོས་སྔོན་པོའི་རིགས་སོ། །རཀྵ་ནི་གནོད་སྦྱིན་སྐྲག་པའི་རྒྱན་སྦྲུལ་དང་
[191b.6]སྟག་དང་བྱ་ཁྱུང་གིས་མཚན་པ་ལ་སོགས་པ་ཁྲོ་བོའི་རྒྱན་བསམ་ཞེས་སོ། །རུས་པའི་ཕྲེང་བ་ནི་རིན་པོ་ཆེ་བཻ་ཌཱུརྱའི་རྒྱན་ཕྲག་པ་གཡས་ལ་ཟར་བུ་ཆགས་སུ་བསམ་མོ། །ཡང་ཕྲེང་བ་ནི་ཕྲེང་བ་སྟེ་ཤིང་ཀུར་རུས་བྱང་ཆུབ་སྒྲིབ་སེལ་གྱི་འབྲས་བུ་དང་དྲག་པོ་ལ། འབོར་ཉེ་
[191b.7]རུས་པ་ཡང་བགྲང་ཞེས་ཏེ། རྒྱན་གྱི་དམ་ཚིག་གོ། །དུས་ཀུན་དུ་ནི་རང་ལྷ་མཆོད། །རྟག་ཏུ་བླ་མ་མཉེས་པར་བྱ། །རྟག་ཏུ་རང་ལྷའི་བསྙེན་པ་བྱ། །རྟག་ཏུ་རང་གི་དམ་ཚིག་བསྲུང་། །དུས་ཞེས་པ་ནི་དུས་ཀུན་དུའོ། །ལྷ་མཆོད་ནི་ཉིན་མཚན་དུ་རང་གི་ལྷག་པའི་ལྷ་ལ་ཕྱི་ནང་དག་དང་
[192a]
[192a.1]བས་མཆོད་ཅིང་དང་བ་དང་མོས་པས་མཉེས་པར་བྱ་སྟེ། འཇིག་རྟེན་པའི་ལྷ་ལ་མི་མཆོད་ཅེས་སོ། །རྟག་ཏུ་བླ་མ་མཉེས་པ་ནི། །དབང་གི་དུས་སུ་ཡོན་གྱིས་བླ་མ་མཉེས་པ་ལས་དབང་ཐོབ་པར་བྱ་སྟེ། ཕྱིས་བླ་མ་དང་མ་ཉམས་པར་དམ་པའི་ཆོས་དང་མཐུན་པས་བླ་མ་
[192a.2]མཉེས་པར་བྱ་ཞེས་པའོ། །རང་ལྷའི་བསྙེན་པ་བྱ་བ་ནི། སྒྲུབ་པ་དང་ལས་སྦྱོར་མིན་པར་རྒྱུན་དུ་རྩ་སྔགས་བཟླས་ཏེ། སྔགས་དེ་ནི་སྦྱོང་ཞིང་ནུས་པ་བསྐྱེད་པའོ། །དེས་ནི་སྐུ་གསུང་ཐུགས་ཀྱི་བྱིན་ཉེ་བའོ། །རྟག་ཏུ་རང་གི་དམ་ཚིག་ནི་འཕགས་པ་གོས་སྔོན་པོ་ཅན་དང་འབྲེལ་པའི་དམ་
[192a.3]ཚིག་རྣམས་ཏེ་མི་དགེ་བ་ལས་ལོག་པའི་ཐ་ཚིག་གོ། །རྟག་ཏུ་སྔགས་ཀྱི་སྤྱོད་པ་བརྟེན། །རྟག་ཏུ་ཆོས་ཀྱི་དམ་པ་བླང་། །རྟག་ཏུ་ཁྲུས་ཀྱི་ཆོ་ག་བྱ། །ཞེས་པ་ལ། རྟག་ཏུ་སྔགས་སྤྱོད་པ་ནི་ཟས་དང་། གཏོར་མ་དང་ཁྲུས་དང་སྤྱོད་ལམ་གོས་དང་ཏིང་ངེ་འཛིན་ལ་སོགས་པ་རྣམས་དང་ནམ་དུ་
[192a.4]ཡང་མི་འབྲལ་བར་བསྟེན་ཞེས་པའོ། །རྟག་ཏུ་ཆོས་ཀྱི་དམ་པ་བླང་ནི་འབྲས་བུ་གསང་སྔགས་ཀྱི་ཆོས་ལ་ཆོག་མ་ཤེས་པར་བྲི་བ་དང་མཉན་པ་དང་བསམ་པ་སྟེ། །ཐེག་པ་འོག་མ་པའི་དོན་དང་མ་འབྲེལ་ཞེས་པའི་དོན་ཏོ། །རྟག་ཏུ་ཁྲུས་ཀྱི་ཆོ་ག་བྱ་ནི་ཕྱི་ནང་གི་ཁྲུས་སྟོང་པ་ཉིད་
[192a.5]ཆེན་པོ་དང་། ཕྱི་ལྷ་ཞུ་བ་སྟེ། རིགས་ལྔ་དང་འབྲེལ་ཞེས་པའོ། །སྲོག་གཅོད་པའི་སེམས་ཅན་པས་ཀུན་དུ་རྒྱུག་པར་བྱེད་པ་བླ་ཞེས་པ་ལ། སྲོག་གཅོད་པ་དང་གཅོད་དུ་སྩལ་བ་དང་། ཡི་རང་བའི་ལས་ཀྱི་ལས་རྣམས་ཀྱིས། ཚ་བ་དང་ཚ་བའི་སེམས་ཅན་རྣམས་སུ་སྐྱེ་སྟེ། ཕྱིས་
[192a.6]དེ་ནི་མནར་དུ་མི་འདོད་པའི་ཕྱིར་རོ། །སེམས་ཅན་རྣམས་ལ་སྲོག་ཕོངས་ཤིང་སྲོག་གི་ཟུག་རྔུ་ཤིན་ཏུ་མི་བཟོད་པའི་ཕྱིར། རྒྱུ་དེས་ན་འབྲས་བུ་ཡང་ངན་སོང་གསུམ་དུ་འགྲོ་ངེས་སོ། །སྡུག་བསྔལ་ཡང་སྤང་དུ་མེད་དེ། གཙོ་བསྲེག་དུས་གཅིག་ལ་མྱོང་བའོ། །དེ་ནས་དགེ་
[192a.7]བའི་ནང་ན་སྲོག་གི་སྦྱིན་པ་ཆེ་ཞེས་རྒྱལ་བས་གསུངས་སོ། །དེས་ན་སྲོག་གཅོད་པའི་སེམས་ཅན་པས། སྤང་ཞིང་ཟས་ཚོལ་བ་བླ་སྟེ་བཟང་ཞེས་པའོ། །དེ་ནས་སྲོག་གཅོད་པའི་ལས་རྣམ་སྨིན་ཆེ་ཞིང་ཆེ་བས་སྲོག་གཅོད་པ་སྤོང་ངོ་། །གྲོང་ཁྱེར་འཇུག་དང་གཏོར་མ་
[192b]
[192b.1]གཏོང་། །སྲོག་གི་ཕྱིར་ཡང་མི་གཏོང་ངོ་། །ཞེས་པ་ལ། གྲོང་ཁྱེར་དུ་འཇུག་སྟེ་རྙེད་པའི་ཕྱིར་སྦྱིན་སྲེག་དང་གཏོར་མ་དང་། གཙོར་ཆང་དང་བྲག་བཙོང་དང་། རྟ་རྐྱང་ཤ་ལ་སྤྱོད་པ་དང་བཅས་པ་ང་མཁས་ཞེས་ཟེར་བ་ནི། ཆོས་ཟོང་དུ་ཁྱེར་ཏེ། དེ་ནི་རོ་མྱགས་མེའི་འདམ་དུ་སྐྱེས། །ཞེས་སོ། །
[192b.2]ཡང་ཆོས་ཀྱི་མཆོག་གི་ཡེ་ཤེས་ཡོད་པ་དེ་རྣམས་ཀྱིས་ནི་གྲོང་ཁྱེར་དུ་གཏོར་མ་ལ་སོགས་པས་ཕན་གདགས་པའོ། །དམ་ཚིག་རྟག་ཏུ་སྲུང་བྱེད་པའི། །རྣལ་འབྱོར་དེ་ལ་དངོས་གྲུབ་འབྱུང་། །དམ་ཚིག་ནི་སྤྱི་དང་ཁྱད་པར་གྱི་དམ་ཚིག་སྟེ་དེ་བསྲུངས་ན་དེ་ལ་མཆོག་གི་དངོས་གྲུབ་དང་
[192b.3]ཐུན་མོང་གི་དངོས་གྲུབ་རི་ལུ་ལ་སོགས་པ་འགྲུབ་ཅེས་སོ། །དམ་ཚིག་རྣམས་ནི་རྡོ་རྗེ་ཆེ། །དམ་ཚིག་གདུག་པ་ཟིལ་གྱིས་གནོན། །དམ་ཚིག་ཐུབ་དཀའ་གདུག་པ་འཇོམས། །དེ་བས་མཁས་པ་དུས་ཀུན་དུ། །དངོས་གྲུབ་རྒྱུར་འགྱུར་དམ་ཚིག་བསྟན། །ཞེས་པ་ལ། དམ་ཚིག་
[192b.4]ཆེ་ནི་དམ་ཚིག་དང་ལྡན་ན། ཉོན་མོངས་རྡོ་རྗེ་ཕ་ལམ་དང་འདྲ་བར་འཇོམས་ཞེས་པའོ། །དམ་ཚིག་བསྲུངས་པའི་གང་ཟག་གིས་གདུག་པ་ལས་ཀླུའི་གདོན་ལ་སོགས་ཏེ། ནད་གཞི་མི་འབྱུང་ཞེས་པའོ། །དཀའ་ཐུབ་དམ་ཚིག་ནི་སྡོམ་པ་གསུམ་ལྡན་ནི་ཤིན་ཏུ་དགའ་བས་
[192b.5]དཀའོ། །བར་དུ་གཅོད་པའི་བདུད་སེལ་བས་རིང་དུ་མི་གནས་ཞེས་པའོ། །དེ་བས་ན་མཁས་པས་ནི་བླང་བ་དང་། བཤགས་པའི་དོན་ཤེས་པའོ། །དངོས་གྲུབ་འགྲུབ་པའི་རྒྱུ་དམ་ཚིག་ཡིན་པས་བསྲུང་ཞེས་པས་གོང་མ་རྣམས་དང་འབྲེལ་ཏོ། །གང་དག་དམ་ཚིག་མེད་ཅིང་
[192b.6]སྦྱོར་བ་ཀུན་སྤངས་པ། །རྟག་ཏུ་དངོས་གྲུབ་སྦྱོར་སྤངས་སྡུག་བསྔལ་ཐམས་ཅད་སྐྱེད། །ཅེས་པ་ལ། གང་དག་དམ་ཚིག་མེད་པ་ནི། །སྡོམ་པ་གསུམ་བླངས་ནས་མི་སྲུན་པ་སྟེ་ཉམས་པ་རྣམས་སོ། །སྦྱོར་བ་ཀུན་སྤོངས་ནི་ཉམས་ན་བཤགས་པ་ལ་མི་འཇུག་ཅིང་ཆོས་ཀྱི་སྤྱོད་པ་གཞན་
[192b.7]འདོར་བའོ། །རྟག་ཏུ་དངོས་གྲུབ་སྦྱོར་སྤངས་ནི། །དམ་ཚིག་སྦྱོར་བ་མེད་ན་མཆོག་ཐུན་མོང་གི་དངོས་གྲུབ་མེད་ཅེས། བླ་མ་དམ་ཚིག་ཉམས་པའི་ཆོས་ཟབ་པ་དང་དབང་དང་མན་ངག་ལ་སོགས་པས་རང་ཉིད་ཀྱང་མི་གྲོལ་ཏེ། ས་བོན་ཉམས་པ་ལ་མྱུ་གུ་སྔོན་པོ་མི་འབྱུང་བའི་ཕྱིར་
[193a]
[193a.1]རོ། །གཞན་ཡང་ངེས་པར་གྲོལ་བར་མི་འགྱུར་ཏེ། །གོང་གི་རྒྱུ་ཉམས་པས་འབྲས་བུ་འབྱིན་མི་ནུས་པའི་ཕྱིར་རོ། །དེས་ན་དམ་ཚིག་ཉམས་པའི་མི་དང་ལུང་པ་གཅིག་གི་ཆུ་ལ་ཡང་མི་བཏུང་སྟེ། སྡུག་བསྔལ་ཐམས་ཅད་བསྐྱེད་པའི་རྒྱུ་དམ་ཚིག་ཉམས་པ་ཡིན་པའི་ཕྱིར་རོ། །
[193a.2]འགྲོ་བའི་སྡུག་བསྔལ་སེལ་མཛད་སངས་རྒྱས་རྡོ་རྗེ་ཅན། །རྟག་ཏུ་ཐུབ་བྱེད་སྡོམ་གནས་རྟག་ཏུ་བདེ་བའི་མཆོག །བླ་མེད་ལམ་མཆོག་གསང་ཆེན་དེ་ཉིད་སྤངས། །ཞེས་པ་ལ། འགྲོ་བ་ནི་རིགས་དྲུག་སྟེ་གཅིག་ནས་གཅིག་ཏུ་འགྲོ་བའི་ཕྱིར་རོ། །སྡུག་བསྔལ་ནི་གསུམ་མམ་བརྒྱད་དོ། །
[193a.3]དེ་སེལ་བ་ནི་སངས་རྒྱས་རྡོ་རྗེ་ཅན་ནོ། །རྟག་ཏུ་ཐུབ་བྱེད་ནི། ཤཱཀྱ་ཐུབ་པའི་བསྟན་པ་ལ། དེའི་སྡོམ་པ་གསུམ་ལ་མ་གནས་པར་ལམ་གཞན་མེད་ཅེས་སོ། །རྟག་ཏུ་བདེ་བའི་མཆོག་ནི། ལམ་དེ་ལ་གནས་པས། རྒྱུ་དང་འབྲས་བུ་དུས་གཉིས་བདེ། །ཞེས་པའོ། །བླ་མེད་
[193a.4]ལམ་ནི་འབྲས་བུ་ལམ་དུ་བྱེད་པའི་ཐེག་པའོ། །གསང་ཆེན་རྣལ་འབྱོར་ཆེན་པོའི་ལམ་མོ། །དེ་ཉིད་སྤངས་བ་ནི་རྡོ་རྗེ་འཆང་གི་ངོ་བོ་སྤངས་པ་ཡིན་པའི་ཕྱིར་རོ། །མི་གནས་དངོས་གྲུབ་མེད་ཅིང་ཚ་གྲང་སྡུག་བསྔལ་མྱོང་། །དོན་ནོར་སྨྲ་བ་ཉམས་ཤིང་སློབ་དཔོན་བཀའ་སོགས་བཅག །
[193a.5]སྤྱི་ནས་བླ་མེད་བླང་ཞིང་མཁའ་འགྲོས་སྙིང་ནས་འདྲེས། །ཞེས་པ་ལ་མི་གནས་ནི་སྡོམ་པ་དམ་ཚིག་ཉམས་པས་དངོས་གྲུབ་རྣམ་གཉིས་མེད་པ་འབྲས་བུ་ཚ་གྲང་གིས་སེམས་ཅན་དམྱལ་བའི་སྡུག་བསྔལ་མྱོང་ཞེས་པ་སྟེ། དེས་ན་ཀྱི་ཧུད་བར་མེད་པའི་སྡུག་བསྔལ་འདི་ལྟ་བུ་ཀྱི་
[193a.6]ཧུད་ཨེ་བཟོད་ཐབས་མེད་པའི་ཚེ་རིང་ཞིང་ཐར་བའི་ཐབས་མེད་ན། དེའི་རྒྱུ་ནི་དོན་ན་སྡོམ་པ་ཉམས་ཤིང་ལྟ་བ་ལོག་རྨིག་ཟླུམ་ཤ་ལ་སོགས་པ་འཕྲལ་དུ་སྲོག་དང་བྲལ་བའི་ཤ་མི་བཟའ་བ་དང་། ཆང་ནི་དུག་ལྔ་བསྐྱེད་པའི་རྒྱུ་ཡིན་པས། ཉོན་མོངས་པ་ཀུན་ནས་སློང་བའོ། །
[193a.7]ཤེས་པ་མྱོས་བྱེད་ནི་མ་ཡིན་ནོ། །དུག་ལྔ་ལ་སོགས་པ་གཡེང་བའི་རྒྱུ་མ་ལུས་པ་སྤངས་ལ། སེམས་ཅན་མ་ལུས་པ་ལ་སྙིང་རྗེ་ཆེན་པོས་སྒྲུབ་ཅེས་ཏེ། སྣོད་ལས་སུ་མ་རུང་བའི་གང་ཟག་གི་རྣམ་པའོ། །སྨྲ་བ་ཉམས་པ་ནི་ཁས་བླངས་ན་དཀོན་མཆོག་བསླུ་བ་ཡིན་པའི་ཕྱིར་དང་། གཞུང་བཞིན་
[193b]
[193b.1]མ་བྱས་པའི་ཕྱིར་རོ། །སློབ་དཔོན་བཀའ་སོགས་བཅག་པ་ནི། བླ་མའི་ངག་མ་མཉན་ཞིང་གསུངས་པ་ལས་བླ་མ་རྒྱབ་ཏུ་གཤེ་ཤིང་ནོར་དང་རྫས་ལ་མ་གནང་བར་ལོངས་སྤྱད་པ་ནི། ཡི་དགས་ཀྱི་སེམས་ཅན་དམྱལ་བའོ། །བླ་མའི་ཁྱད་པར་གྲོགས་ལ་སྤྱད་ཅིང་། བླ་མ་ལ་རྒྱབ་ཀྱིས་ཕྱོགས་
[193b.2]ན། སྤྱི་ནས་རྐང་པ་སོག་ལེ་འབར་བས་འདྲ་ཞིང་། ཐར་ཐབས་མེད་པའི་སྡུག་བསྔལ་མྱོང་བ་སྟེ། རྒྱུ་འབྲས་སོ། །ཚེ་འདི་ལ་མཁའ་འགྲོས་སྙིང་ནས་འདྲེན་ཞེས་པའོ། །གང་ཟག་ལ་ལ་ནི་ཚེ་འདི་ལ་གྲགས་པ་སྙན་ཞིང་བདེ་ཞིང་འཇིག་རྟེན་ཆོས་ལ་དགའ་བ། ཚུལ་འཆོས་གཡོ་ཅན་རྣམས་
[193b.3]སྔ་མའི་བདེ་བའི་ལས་ཀྱིས་འདིར་བདེ་ཞེས་ཏེ། ཚེ་འདི་འདས་ནས་སྡུག་བསྔལ་མྱོང་ཞེས་སོ། །གནོད་བྱེད་མེ་དབལ་རྟག་ཏུ་དགྲ་བཞིན་སྤང་། །ཞེས་ཏེ། དམ་ཚིག་ཉམས་པ་བསྲུང་ཞེས་པའོ། །ཡིད་བཞིན་ནོར་བུ་རང་གི་སྲོག་བཞིན་བཙའ། །སྲོག་དང་འདྲ་བའི་དམ་ཚིག་ཅེས་
[193b.4]སོ། །དང་པོ་བླང་བསྲུང་ཉམས་པ་བཤགས་པར་བྱ་སྟེ། མཁས་པ་ནི་ཤེས་པ་དང་དད་པ་ཅན་ནོ། །གང་ཟག་དེས་བདེ་བ་ལ་གནས་ཤིང་སྡུག་བསྔལ་སྤང་། །ཞེས་པའོ། །བདག་གིས་ཐབས་འདི་ནས། བདེ་བ་ལ་གནས་པར་ཤོག་གི་བར་རྩ་བ་ན་གསལ་ཞིང་ཚང་བས་མ་བཀྲོལ་ལོ། །
[193b.5]བདག་གིས་འགྲེལ་འདི་བརྩམས་པར་མི་རིགས་ཀྱང་། །སེམས་ཅན་དམན་པ་རྣམས་ལ་ཕན་པ་དང་། །དམ་ཚིག་ཉེས་དམིགས་མཐོང་བས་སུ། །སྡོམ་པ་དག་ལ་གནས་པར་འགྱུར། །རང་ཉིད་སྡོམ་པ་ལ་མོས་པས། དད་པའི་དབང་གིས་འགྲེལ་འདི་བརྩམས། །མ་ལེགས་
[193b.6]ཉེས་པ་ཤོར་སྲིད་ན། །བླ་མ་མཁས་པ་རྣམས་ལ་བཟོད་པར་གསོལ། །འཕགས་པ་གོས་སྔོན་དངོས་གྲུབ་ཉིད། །བདག་གིས་མྱུར་དུ་ཐོབ་གནས་པས། །མ་ལུས་མྱུར་དུ་ཐོབ་པར་ཤོག །ཤེས་བྱ་སྒྲིབ་པ་ཕྲ་མོ་རྩད་ནས་རྣམ་གཅོད་ཅིང་། །ཅུང་ཞིག་དེ་ཉིད་རྩད་ནས་མ་ཆོད་
[193b.7]ཀྱང་། །རགས་དང་ཕྲ་བའི་རྟོག་པ་འོག་མནན་ནས། །དྲོད་དང་རྩེ་མོ་ཆོས་ཀྱི་ཕྱག་རྒྱ་དང་། །གསང་སྔགས་ཟབ་མོ་དག་གི་ལམ་ལ་རབ་གནས་ནས། །སྡོམ་པ་གསུམ་གྱིས་ལམ་གྱི་ཕྱག་རྒྱ་ཆེར་གྲོལ་ནས། །སེམས་ཅན་མ་ལུས་འཁོར་བའི་འདམ་ལས་འདོན་པར་ཤོག །
[194a]
[194a.1]བདག་གིས་འགྲེལ་འདི་བརྩམས་པའི་དགེ་བ་ཡིས། །མ་ལུས་སེམས་ཅན་ཐམས་ཅད་ཀུན། །མཛེ་དང་ཤུ་བ་གཡན་ལ་སོགས། །ནད་ཀྱི་ཟུག་རྔུ་རྩད་ནས་འབྱུང་བ་དང་། །འཁོར་བའི་ཆུ་རྒྱུན་བསྐམས་ནས་ཀྱང་། །བདག་དང་མཐའ་ཡས་སེམས་ཅན་
[194a.2]རྣམས། །གོས་སྔོན་དངོས་གྲུབ་ཐོབ་པར་ཤོག །དམ་ཚིག་རྒྱན་གྱི་འགྲེལ་བ་མཆོག་རབ་མ་རྫོགས་སོ།། །།ཟངས་དཀར་ཚུལ་ཁྲིམས་གཞོན་ནུས་བསྒྱུར་བ་ལགས་སོ།། {T2213}༄༅༅། །རྒྱ་གར་སྐད་དུ། ཨཱརྱ་དཱི་ལཱལྦ་ར་དྷ་ར་བཛྲ་པཱ་ཎི་སཱ་དྷ་#ནོ་པི་ཀ་ཊཱི་ཀ་#ནཱ་མ། བོད་སྐད་དུ།
[194a.3]འཕགས་པ་ལག་ན་རྡོ་རྗེ་གོས་སྔོན་ཅན་གྱི་སྒྲུབ་ཐབས་ཀྱི་མན་ངག་རྒྱ་ཆེར་བཤད་པའི་འགྲེལ་པ། དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །འཁོར་བའི་སྡུག་བསྔལ་ཆུ་བོ་སྐེམས་མཛད་པ། །མཐུ་ལྡན་བདེ་བ་ཆེན་པོའི་བདག་ཉིད་དེ། །ཉི་ཟླ་ལྟ་བུར་འགྲོ་དོན་མཛད་པའི་མཆོག །
[194a.4]སྨན་མཆོག་རྡོ་རྗེ་ཅན་ལ་ཕྱག་འཚལ་ལོ། །རང་བཞིན་རིག་པ་སྟོང་པ་ཆེན་པོ་དང་། །གཉུག་མ་བདེ་བ་སྙིང་རྗེ་ཆེན་པོ་དང་། །བདེ་བ་ཆེན་པོ་མཐའ་བྲལ་རྡོ་རྗེ་འཛིན། །ཕྱག་རྒྱ་ཆེན་པོ་རང་བཞིན་འབྲས་བུ་དངོས། །དེ་ཉིད་ཐོབ་པའི་ལམ་ནི་ཡོད་དང་མེད་པ་ཡི། །ཕྱག་རྒྱ་བཞི་པོ་
[194a.5]ལམ་གྱིས་གྲོལ་བའོ། །དེ་བཞིན་#སྟོང་པའི་རང་བཞིན་ཆེན་པོ་ནི། །སྟོང་པ་བདག་མེད་ལམ་གྱིས་གྲོལ་ཞེས་གསུངས། །དེ་བཞིན་ཚོགས་ལམ་སྦྱོར་བའི་གནས་སྐབས་དང་། །མཐོང་ལམ་སྒོམ་ལམ་མཐར་ཕྱིན་ལམ་གྱིས་#ནི། །གནས་པའི་ཡེ་ཤེས་བྱང་ཆུབ་ངོ་བོའི་#ལམ། །ཐོབ་ཅིང་
[194a.6]གྲོལ་བར་ཁ་ཅིག་དེ་སྐད་གསུང་#། །ད་ནི་རྩ་བའི་དོན་བཤད་པར་བྱ་སྟེ། འགྲོ་བ་སེམས་ཅན་མུན་འཐོམས་#པའི། །ཀུན་ནས་དཀྲིས་པའི་ཉོན་མོངས་ཀུན། །སྒྲོན་མེས་#གསལ་ཕྱིར་སྒྲུབ་པའི་ཐབས། །དཔལ་ལྡན་རྡོ་རྗེ་འཛིན་ལ་གུས་བཏུད་དེ། །ཞེས་པ་ལ། འགྲོ་བ་ནི་རིགས་#དྲུག་
[194a.7]སྟེ། སེམས་པའི་བག་ཆགས་ཀྱིས་སྐྱེ་བ་གཅིག་ནས་གཅིག་ཏུ་ལེན་པའི་ཕྱིར་འགྲོ་བའོ། །སེམས་ཅན་ནི་ཉོན་མོངས་པའི་ཡིད་ཅན་ཏེ། ཀུན་གཞི་རྣམ་པར་ཤེས་པ་ཅན་སྐྱེ་འཇིག་གི་ཆོས་ཅན་ནོ། །མུན་པ་ནི་རྡུལ་དང་#མུན་པ་སྙིང་སྟོབས་ལ་སོགས་ཏེ། མཐོང་བས་སྤང་བའི་ཉོན་
[194b]
[194b.1]མོངས་པ། བསྒོམ་པས་#སྤང་བའི་ཉོན་མོངས་པས་ཀུན་ནས་དཀྲིས་ཏེ་བཅིངས་པའོ། །མཐོང་བ་ནི་ལས་དང་ལས་ཀྱི་འབྲས་བུ་མི་ཤེས་པ་སྟེ་མ་རིག་པའོ། །ཀུན་ནས་དཀྲིས་པའི་ཉོན་མོངས་ནི། དང་པོ་ནས་སྒོ་ཀུན་ནས་ཤེས་པ་ལ། རྩ་བའི་ཉོན་མོངས་དང་#ཉེ་བའི་ཉོན་མོངས་པ་
[194b.2]#རྣམས་ཀྱིས་དཀྲིས་པའོ། །སྒྲོན་མེས་#གསལ་བའི་ཕྱིར་ནི། ཉོན་མོངས་པའི་གཉེན་པོ་བདེན་པ་རྣམས་ཀྱི་རང་བཞིན་གསང་སྔགས་འདི་ཉིད་དེ། བསྐྱེད་པ་དང་རྫོགས་པ་ལ་སོགས་པ་ཟག་པ་ཟད་པ་ནི་གསལ་བར་བསྟན་པའི་སྒྲོན་མའོ། །སྒྲུབ་པའི་ཐབས་ནི་འགྲུབ་པ་དང་གྲུབ་
[194b.3]པར་བྱེད་པ་སྟེ་དོན་ཐོབ་པའོ། །དཔལ་ལྡན་ནི་ཡོན་ཏན་རྣམ་པ་གཉིས་ཏེ་རྒྱུ་དང་འབྲས་བུ་ལས་གྲུབ་ཅིང་ཐོབ་པའོ། །རྡོ་རྗེ་ནི་དོན་རྟགས་མཚོན་པ་གསུམ་སྟེ། སྟོང་པའི་རང་བཞིན་ཞེས་པའི་དོན་ནོ། །དེའི་རང་བཞིན་སྟོང་པ་ཉིད་དུ་གནས་པ་ནི་འཛིན་ཅིང་འཆང་བའོ། །བཏུད་#པ་
[194b.4]ནི་གཞུང་བཀྲ་ཤིས་ཤིང་མཛེས་པ་དང་འཇུག་པ་སྟེ། ལུས་ངག་ཡིད་ཀྱི་ཡོན་ཏན་གསུམ་དང་ལྡན་པའི་ཡི་དམ་ལྷ་ལ་དད་པས་འདུད་ཅེས་སོ། །བླ་མ་བརྒྱུད་པའི་མན་ངག་ནི། །ཀླུ་ཡི་བྱང་ཆུབ་ཉིད་ཀྱིས་རིམ་བཞིན་བཤད། །ཅེས་པ་ནི་བློ་གྲོས་རིན་ཆེན་ལ་སོགས་ཀྱི་མན་ངག་གི་རིམ་
[194b.5]པའི་དོན་རྣམས་བཤད་པར་བྱ་ཞེས་སོ། །རིགས་རྣམས་འོས་སུ་གྲུབ་པ་ཡི། །སྔགས་པ་ཡོན་ཏན་ཀུན་ལྡན་པས། །ཞེས་པ་རིགས་རྣམས་ནི་རིན་པོ་ཆེའི་#རིགས་ཀྱི་གང་ཟག་གོ། །འོས་སུ་གྲུབ་པ་ནི་དད་པ་གསུམ་དང་ལྡན་པའོ། །སྔགས་པ་ནི་དོན་བཞི་ཤེས་པའོ། །ཡོན་ཏན་
[194b.6]ཀུན་ལྡན་པ་#ནི། མ་ནོར་བར་དབང་རྣམས་ཐོབ་ཅིང་དམ་ཚིག་སྡོམ་པ་དང་ལྡན་ཏེ་ལམ་གཉིས་ཤེས་པའོ། །ཡིད་འོང་བཀྲ་ཤིས་བདེ་གནས་སུ། །ཞེས་པ་ནི་ཡིད་འོང་བཀྲ་ཤིས་ནི་རྟེན་ཅིང་འབྲེལ་པར་འབྱུང་བས་བཀྲ་ཤིས་པ་སྟེ། བྱང་སྐྱོབ་ཤར་རི་དམའ་བ་ལྷོ་གཞོལ་ནུབ་དགྱེ་བ་སྟེ།
[194b.7]མདུན་ནས་ཕྱོགས་སྔོ་བ་དང་། སྐད་སྙན་འབྱུང་ཞིང་མེ་ཏོག་འབྱུང་། །འཇིག་རྟེན་རྣམས་ཀྱིས་མ་སྨད་པ། །དེ་ཡི་གནས་སུ་ལེགས་འདུག་སྟེ། །ཡང་ན་ཚོགས་ཙམ་སོགས་#པ་ལ། །ཉམས་དགའི་ས་ཕྱོགས་བདེ་གནས་སོ། །བླ་མེད་རྒྱུ་རུ་རབ་གནས་ན#། །སྙིང་གར་ཉི་ལ་ཧཱུཾ་བཞག་
[195a]
[195a.1]སྟེ། །ཞེས་པ་ལ། བླ་མེད་རྒྱུད་#རབ་གནས་ནི་ཐོག་མར་སེམས་བསྐྱེད་#གཉིས་དང་འབྲེལ་པའོ། །སྙིང་གར་ཉི་ལ་ཧཱུཾ་བཞག་སྟེ་ནི། ནང་གི་ཁྲུས་ནམ་མཁའ་ལྟ་བུ་དང་། ཧཱུཾ་ལས་རང་འདོད་པའི་ལྷ་རུ་གྲུབ་པའོ། །དེ་ལ་སྙིང་གར་ཉི་མའི་སྟེང་དུ་ཧཱུཾ་གནས་པའོ། །བྱིན་
[195a.2]བརླབས་བལྟས་ཏེ་བཀའ་བསྒོ་ལ། །འོད་ཀྱིས་བགེགས་ལ་ཐོག་རྣམས་དབབ། །བྷྲཱུཾ་གྱི་#ཚིག་དང་ཡང་དག་ལྡན། །ཞེས་པ་ལ་བྱིན་བརླབས་#ནི། སྙིང་ག་སྤྱི་བོ་མགྲིན་པར་བསྒོམ་#པ་ཡེ་ཤེས་བསྟིམ་པའོ། །ལྟས་དེ་ནི་ཐུགས་རྗེ་དང་ལྡན་པའི་སྔགས་#མིག་གིས་ཕྱོགས་ཀུན་དུ་བལྟ་ཞེས་
[195a.3]སོ། །བཀའ་བསྒོ་ལ་ནི། རྒྱུག་ཤིག་མ་འདུག་ཤིག །འདིར་མཐུ་ལྡན་གྱི་ཁང་པ་ཡིན་ནོ་ཞེས་པར་འགྱུར་བའོ། །འོད་ཀྱིས་བགེགས་ལ་ཐོག་རྣམས་དབབ་ནི་ས་སྦྱོང་#བ་རྣམས་ལ་ས་བོན་གྱི་འོད་དཀྱིལ་འཁོར་ལ་ཕོག་སྟེ། འཁོར་ལོ་ལ་སོགས་པའི་ཐོག་ལྔ་དབབ་པའོ། །བྷྲཱུཾ་གྱི་
[195a.4]#ཚིག་དང་ཡང་དག་ལྡན་ནི། ཙཀྲ་ཨོཾ་བྷྲཱུཾ་ཧཱུཾ་སྭ་བྷྲཱུཾ་ཧ་བྷྲཱུཾ་ཨ་བྷྲཱུཾ#། ཐོག་ལ་ཡང་ནས་ཡང་དུ་ཕབ་སྟེ་བསྒྲལ་བའོ། །ཧཱུཾ་ལས་འོད་ཟེར་ཧ་འཕྲོས་པས། །རྡོ་རྗེ་འཁོར་ལོ་རལ་གྲི་དང་། །མེ་ཡི་ཁང་པ་ཡོངས་སུ་དབུབ#། །བཛྲ་ཙཀྲ་ཧ་ན་དང་། །ཛྭ་ལ་རཾ་ཡང་#ཡོངས་སུ་བརྗོད། །ཅེས་པ་ཧཱུཾ་ལས་འོད་
[195a.5]ཟེར་ནི་རང་གི་ཉི་མ་འབར་བའི་ཧཱུཾ་ལས་འོད་ཟེར་ལ་ཧ་ལྗང་གུ་ཁ་དོག་སྣ་ཚོགས་པ་ཕྱོགས་བཅུར་འཕྲོས་ཏེ། རྡོ་རྗེ་ཁང་པ་ཕྱོགས་མཚམས་སུ་ཁ་དོག་དཀར་པོ་ལ་སོགས་པ་ལྔར་གྱུར་ཏེ། ཧཱུཾ་ཧཱུཾ་ཞེས་བརྗོད་དོ། །འཁོར་ལོ་ནི་འཁོར་ལོའི་ཁང་པ་དྲུག་#པ་སྟེ། ཨོཾ་བཛྲ་ཙཀྲ་ཧཱུཾ་ཧཱུཾ་ཞེས་པ་དང་
[195a.6]འབྲེལ་ཏོ། །རལ་གྲི་ནི་མདའ་དང་མཚོན་ཆའི་ཁང་པ་སྟེ། བཛྲ་ཧ་ན་ཧ་ན་ཞེས་པ་དང་འབྲེལ་ཏོ། །མེ་ཡི་ཁང་པ་ཡོངས་སུ་དབུབ་ནི། མེའི་ཁང་པ་ཤིན་ཏུ་འཐམས་པར་གྲུབ་པ་#བཛྲ་ཛྭ་ལ་རེ་ཞེས་པ་དང་འབྲེལ་ལོ། །གཡས་པའི་རཾ་དང་གཡོན་པའི་ཨ། །སྙིང་རྗེས་#བགེགས་གསོས་
[195a.7]འབྱེར་བར་འགྱུར། །ཞེས་པ། བསྲུང་བ་གྲུབ་ནས་བགེགས་གསོས་པ་#མ་གསོས་ན་སྙིང་རྗེ་དང་བྲལ་བ་ཡིན་པའི་ཕྱིར། གཡས་པའི་རཾ་དང་ནི་མིག་གཡས་པའི་རབ་རིབ་ཀྱི་སྡིག་པ་བསྲེགས་ཏེ་སྙིང་རྗེ་དང་འབྲེལ་ཏོ། །གཡོན་པའི་ཨ་ནི་གཡོན་པའི་ཨས་ཀུན་གཞི་#གསོས་ཏེ
[195b]
[195b.1]གསོད་#པའི་དོགས་པ་དང་བཅས་པས་བྲོས་ཏེ་བྱེར་བའོ། །བགེགས་གསོས་འབྱེར་བར་འགྱུར་ཞེས་པ་དང་འབྲེལ་ལོ། །རྒྱུད་འོས་གྱུར་ནས་རང་བྱུང་གི །དེ་འོད་ལས་བྱུང་ཉི་དཀྱིལ་དུ། །སློབ་དཔོན་སངས་རྒྱས་བཅས་སྤྱན་དྲངས། །བླ་མ་མི་བསྐྱོད་གཟུགས་འཛིན་ལ། །ཞེས་པ་
[195b.2]རྒྱུད་འོས་གྱུར་ནས་ནི་ཉི་མའི་ཧཱུཾ་ལས་འོད་ཟེར་འཕྲོས་ཏེ་མ་ལུས་པའི་སེམས་ཅན་ལ་བསྡུ་བ་བཞིའམ་མཛད་པ་བཅུ་གཉིས་ཀྱི་ཚུལ་གྱིས་དོན་བྱས་ཡེ་ཤེས་པའི་ཐུགས་ཀར་ཐིམ། དེ་ཉིད་དྲངས་ཏེ་རྒྱུད་ལ་ཕོག་པས་སྒྲིབ་པ་རྣམས་དག་པའོ། །དཔེར་ན་ཤེལ་གྱི་ཁ་དོག་དངས་པ་ལྟ་བུར་གྱུར་
[195b.3]པའོ། །རང་བྱུང་གི་ནི་གདན་ཐོག་ཏུ་ཧཱུཾ་#སྲོག་གི་ཚུལ་དུ་གནས་པ་དེའོ། །དེ་འོད་ལས་བྱུང་#ནི་ས་བོན་ལས་འོད་འཕྲོས་ཏེ། སློབ་དཔོན་སངས་རྒྱས་དང་བཅས་པ་སྟེ། བྱང་ཆུབ་སེམས་དཔའ་རྣམས་དང་སྤྱན་དྲངས་པའོ། །དེ་རྣམས་ལ་ཉི་དཀྱིལ་དུ་ཞེས་པས་གདན་ཉི་མ་པདྨ་དང་སེང་གེ་
[195b.4]རྣམས་ལ་བཞུགས་པའོ། །བླ་མ་མི་བསྐྱོད་གཟུགས་འཛིན་ལ་ནི་འོད་ཟེར་གྱི་འཕྲོ་འདུས་མི་བསྐྱོད་པའི་རྣམ་པར་བཞུགས་པའོ། །ཕྱག་འཚལ་ཕྱི་ནང་བཞི་ཡིས་མཆོད། །སྡིག་པ་བཤགས་ནས་སྡོམ་པ་བཟུང་། །ཡི་རང་བསྐུལ་དང་གསོལ་གདབ་པ། །བསྔོ་དང་སྐྱབས་འགྲོ་སེམས་
[195b.5]བསྐྱེད་དེ། །ཞེས་པ་ནི། ཕྱག་འཚལ་ནི་གསུམ་ཀ་ཚོགས་པའམ། ཡང་ན་ཡིད་ཀྱིས་སོ། །ཕྱི་ནང་བཞི་ཡིས་མཆོད་པ་ནི། །ཕྱི་ནི་རྫས་དང་ལྷ་མོ་དང་། །དབུལ་བའི་གནས་ཐ་དད་དུ་མཆོད་པའོ། །ནང་གི་ལྷ་མོ་རྣམས་ཀྱི་རང་གི་རྫས་རང་རང་གཅིག་ཏུ་ངེས་པའོ། །གསང་བ་ནི་ལྷ་མོའི་
[195b.6]མཆོད་པ་གསང་བས་མཉེས་པས་གསང་བའོ། །དེ་གསུམ་ཀ་ཕྱག་རྒྱ་ཆེན་པོར་#རྟོགས་པ་ནི་བླ་ན་མེད་པའོ། །སྡིག་པ་བཤགས་ནི་གསུམ་ལ་གསུམ་གྱིས་གསུམ་པོ་སོ་སོ་རང་རང་དུ་མི་འཆབ་ཅིང་འགྱོད་པ་དང་བཅས་པས་བཤགས་ཤིང་དམ་འཆའ་བའོ། །དེ་ནས་རྒྱུད་དག་པའི་
[195b.7]རྗེས་ནས་སྡོམ་པ་བཟུང་བ་ནི་སྤྱི་དང་ཁྱད་པར་ཏེ་བླངས་པའི་དོན་ལས་ཕྱིར་#མི་འདའ་བ་སྟེ་རིགས་དྲུག་གི་སྡོམ་པ་ལ་སོགས་པ་དང་འབྲེལ་ཏོ། །ཡི་རང་ནི་སྤྱི་དང་ཁྱད་པར་ཏེ་བླ་ན་མེད་པའི་ལམ་ལས་ལྷག་པ་གཞན་ཡོད་པ་མ་ཡིན་ཏེ། ཁྱད་པར་གྱི་དོན་#བསྐུལ་བ་ནི་ཆོས་ཀྱི་འཁོར་ལོ་
[196a]
[196a.1]བསྐོར་བ་སྟེ་སྤྱི་དང་བྱེ་བྲག་གོ། །གསོལ་བ་གདབ་པ་ནི་མྱ་ངན་ལས་འདའ་བ་#མི་མངའ་ཡང་གདུལ་བྱའི་དོན་དུ་སྣང་སྟེ། དེའི་དོན་དུ་གསོལ་བ་འདེབས་པའོ། །བསྔོ་དང་ནི་འབྲས་བུ་ཁྱད་པར་ཅན་དུ་བྱ་བའི་ཕྱིར་བསྔོ་བ་སྟེ། བྱང་ཆུབ་ཏུ་ཡན་ལག་བདུན་པ་
[196a.2]བསྔོ་བའོ། །སྐྱབས་འགྲོ་ནི་ཕྱིའི་ལྷ་ཡོངས་སུ་བཅད་དེ་ཁྱད་པར་འཕགས་པ་གོས་སྔོན་པོ་ཅན་ལ་བདག་ཉིད་འདུད་ཅིང་སྐྱབས་ཞེས་པའི་དོན་ཏོ། །སེམས་བསྐྱེད་ནི་གཉི་གའི་སྟོབས་ཀྱིས་འཁོར་བ་ལས་གྲོལ་ཏེ་ལམ་བསྐྱོད་ལ་འབྲས་བུ་བྱང་ཆུབ་ཐོབ་པར་བྱེད་པའི་བློ་ཅན་ནོ། །དེ་ནི་ལམ་
[196a.3]ཁྱད་པར་ཅན་དུ་སྦྱང་བའི་ཕྱིར་རོ། །སྟེ་ཞེས་པ་ལྷག་པའི་དོན་ཏེ། བསོད་ནམས་ཀྱི་ཚོགས་དེར་མ་ཟད་དེ་ཚད་མེད་པ་ཡང་ཡིན་ཞེས་པའོ། །དེ་རྣམས་ལོངས་སྤྱོད་རྫོགས་པའི་སྐུ་འགྲུབ་པར་བྱེད་པའི་རྒྱུའི་དོན་ནོ། །ཚད་མེད་བཞི་པོ་ཡོངས་སུ་བསྐྱེད། །ཅེས་པ་ནི། བྱམས་པ་སྙིང་རྗེ་
[196a.4]དགའ་བ་བཏང་སྙོམས་བཞི་རིམ་པས་བསྒོམ་པ་སྟེ་ཡུལ་ལ་ཚད་མེད་པའི་ཕྱིར་དགེ་བ་ལ་ཚད་མེད་པའི་#སྤྲུལ་པའི་སྐུའི་ནུས་པའོ། །རྒྱུ་དང་མི་རྒྱུ་རྣམ་པ་ཀུན། །ཐམས་ཅད་ཡོངས་སུ་དག་པ་ལས། །ཞེས་པ་ནི་མོས་པའམ་ཤཱུ་ནྱ་ཏཱའི་སྔགས་ཀྱི་སྟོབས་ཀྱིས་རྒྱུ་དང་ནང་སེམས་ཅན་
[196a.5]#དང་། མི་རྒྱུ་ཕྱི་སྣོད་ཀྱི་འཇིག་རྟེན་རྣམ་པ་ཀུན། གཟུང་བ་དང་#འཛིན་པའི་རྟོག་པ་#ཐམས་ཅད་ཡོངས་སུ་དག་པ་སྟོང་པར་གྲུབ་པའོ། །སྤྲོས་པ་དང་བྲལ་བས་ཆོས་སྐུའི་རྒྱུའི་དོན་ནོ། །རྒྱུ་གསུམ་དང་ཚོགས་གཉིས་ལས་འབྲས་བུ་འགྲུབ་པའོ། །ལས་ནི་རྒྱུ་མཚན་གྱི་དོན་ཏེ།
[196a.6]ཚོགས་གཉིས་ཚོགས་པ་ལས་འབྱུང་ཞེས་པའི་དོན་ཏོ། །རང་འབྱུང་སྔགས་བསྐྱེད་འབྱུང་བ་ཡི། །གཞལ་ཡས་ལམ་ལྡན་རབ་ཏུ་བཅས། །གྲུ་བཞི་པ་ལ་སྒོ་བཞི་པ། །ཀ་བ་བརྒྱད་དང་རིན་ཆེན་མཛེས། །དྲ་བ་དྲ་ཕྱེད་ཕ་གུ་དང་། །དར་དཔྱངས་རྟ་བབས་རྣམས་དང་ལྡན། །ཞེས་པ་ནི་
[196a.7]རྡོ་རྗེ་བསྲུང་བ་ལ་སོགས་པ་བློའི་བྱེ་བྲག་གིས་དག་པ་སྟོང་པ་སྟེ་གྲུབ་པ་དེ་གཅིག་ཏུའོ། །ཐ་མའི་བློ་ལ་དང་པོ་ཡོད་པའི་བློ་བརྟན་པའི་ཁང་པ་གོང་གི་རྐྱེན་གྱིས་མི་གཡོ་སྟེ་གནས་པའོ། །རང་བྱུང་#ནི་སྟོང་པའི་ངང་ལས་སོ། །སྔགས་བསྐྱེད་ནི་ལམ་ལྡན་ཞེས་ཏེ། ཡཾ་རཾ་ཙཾ་ལཾ་སུཾ། བསྐྱེད་
[196b]
[196b.1]ཅེས་པས་རྒྱུར་འགྱུར་བའོ། །གང་འབྱུང་བ་སྟེ་འབྱུང་བའི་དཀྱིལ་འཁོར་རླུང་ཆུ་(གསར་,གསེར་)གྱི་ས་གཞི་དང་། ལྷུན་པོ་རང་གི་མཚན་ཉིད་འཛིན། །གཞལ་ཡས་ལམ་ལྡན་རབ་ཏུ་བཅས་ནི། དེ་སྟེང་བྷྲཱུཾ་#ལས་གཞལ་ཡས་ཁང་པ་རིན་པོ་ཆེ་ལྔ་ལས་གྲུབ་པ་མཚན་ཉིད་དང་ལྡན་པའོ། །གྲུ་བཞི་
[196b.2]བ་ཚད་མེད་བཞི་དང་ལྡན། སྒོ་བཞི་པ་དྲན་པ་ཉེ་བར་གཞག་#པ་བཞི་དང་ལྡན#། །ཀ་བ་བརྒྱད་ནི་འཕགས་པའི་ལམ་ཡན་ལག་བརྒྱད་དང་ལྡན#། རིན་ཆེན་ནི་རིན་པོ་ཆེ་ལྔ་ལས་གྲུབ་པའི་རང་བཞིན་ནོ། །མཛེས་འདོད་པའི་ཡོན་ཏན་གྱི་མཆོད་པས་མཛེས་པ་སྟེ། ལྔ་རྣམ་པར་དག་
[196b.3]པའོ། །དྲ་བ་ཤེས་བྱའི་སྒྲིབ་པ་དག་པའོ། །དྲ་ཕྱེད་ཉོན་མོངས་པའི་སྒྲིབ་པ་སྤངས་པའོ། །ཕ་གུ་ལྡན་ཏེ་ཚུལ་ཁྲིམས་རྣམ་པར་དག་པའོ། །དར་དཔྱངས་ནི་སུམ་ཅུ་རྩ་གཉིས་དང་ལྡན་པ་ནི་མཚན་སུམ་ཅུ་རྩ་གཉིས་སོ། །རྟ་བབས་ནི་ཕྱོགས་ཀྱི་རྟ་བབས་བཞི་ཡང་དག་པར་སྤང་
[196b.4]#པ་བཞི་རྣམས་དང་ལྡན་ནི་ཕྱི་#ནང་གི་རྒྱན་རྣམས་ཚོགས་པར་གྲུབ་པའོ། །དུར་ཁྲོད་བརྒྱད་ཀྱིས་ཉེ་བར་གྲུབ་པ་སྟེ། དུར་ཁྲོད་བརྒྱད་ནི་འདས་པའི་སངས་རྒྱས་རྣམས་ཀྱི་ལམ་མཚོན་པའི་དོན་ཏོ། །ཤིང་དང་མཆོད་རྟེན་དང་ལྷ་དང་ཀླུ་དང་སྤྲིན་#དང་། ཕྱོགས་ཀྱི་བདག་པོ་རྣམས་དང་ཅེ་#སྤྱང་
[196b.5]དང་། ཀང་ཀ་མཆུ་རིངས་དང་། རོ་གསར་རྙིང་གི་རྣམ་པར་#རྟོག་པ་དང་རྒྱུ་བ་མེད་པའོ། །སེང་གེ་འཁོར་ལོ་ཟླ་བའི་#གདན། །ཞེས་པ་ནི། དབུས་སུ་སེང་གེ་འཁོར་ལོ་དང་། །ཉི་ཟླ་#པདྨ་རོ་ཡི་གདན། །ཉོན་མོངས་མགོ་བོ་གནོན་པ་དང་། །རྣམ་ཀུན་མ་ལུས་གཅོད་པ་དང་། །ཐབས་དང་
[196b.6]ཤེས་རབ་ཟུང་དུ་ལྡན། །ཉེས་པའི་སྐྱོན་གྱིས་མ་གོས་པ། །རྣམ་རྟོག་ཐམས་ཅད་རབ་ཏུ་བཅོམ། །དེ་སྟེང་ཧཱུཾ་ལས་རྡོ་རྗེར་#གྱུར། །དེ་ལས་དཔལ་ལྡན་གཉིས་ཀྱི་བདག །ཉོན་མོངས་ཀུན་སེལ་གཏུམ་པོའི་གཟུགས། །ཞེས་པ་ནི། དེ་སྟེང་ནི་གདན་དེ་རྣམས་ཀྱི་ཐོག་ཏུའོ། །ཧཱུཾ་ལས་ཞེས་པ་འོད་
[196b.7]ཟེར་གྱིས་ལས་གཉིས་བྱས་ཏེ། རྡོ་རྗེར་གྱུར་པའོ། །ཡང་གཉིས་ཀྱི་ལས་བྱས་ཏེ། དེ་ལས་དཔལ་ལྡན་གཉིས་ཀྱི་བདག་ནི། །མཆོག་ཐུན་མོང་གི་བདག་པོར་སྣང་བའོ། །ཉོན་མོངས་ཀུན་སེལ་ནི་མཐོང་བས་#སྤང་བ་དང་བསྒོམ་པས་#སྤང་བ་རྣམས་སོ། །གཏུམ་པོའི་གཟུགས་ནི་ཡུམ་
[197a]
[197a.1]མེད་པ་སྟེ། སྤང་བྱ་ཕྱིར་རྒོལ་བ་རྣམས་ལ་གཏུམ་པོའོ། །རིགས་ལྔའི་#སངས་རྒྱས་དབུ་ལ་བརྒྱན། །མཐིང་ག་གོས་སྔོན་སྐུ་ལ་གསོལ། །རྡོ་རྗེ་དྲིལ་བུ་ལག་ན་ཐོགས། །ཐུན་མོང་ལས་དང་རྗེས་མཐུན་ནོ། །མཆོག་ཀྱང་#ཐོགས་པ་མེད་པར་རོ། །སྦྲུལ་བཞིས་
[197a.2]ལུས་ལ་རྣམ་པར་བརྒྱན། །སྤྱན་དམར་མཆེ་གཙིགས་སྦྲུལ་ནག་ཟ། །རིན་ཆེན་དཔའ་བོའི་#ཆོས་ཀྱིས་བརྒྱན། །བརྐྱང་བསྐུམ་ཁྲོ་བོ་བརྗིད་པའི་ཞལ། །གསུས་ཁྱིམ་ཆེ་ཞིང་འཇིགས་པ་ཅན། །ཞེས་པ་ནི། རིགས་ལྔའི་#སངས་རྒྱས་དབུ་ལ་བརྒྱན་པ་ནི་ཕུང་ལྔ་དག་པས་རིགས་ལྔ་དེ་ཡེ་
[197a.3]ཤེས་ལྔའི་ངོ་བོ་དང་ལྡན་པའོ། །མཐིང་གར་གནས་པ་ནི་#དོན་སྟོང་པ་ཉིད་ལ་འགྱུར་བ་མེད་པའོ། །གོས་སྔོན་སྐུ་ལ་གསོལ་བ་ནི་རིགས་འཛིན་པ་སྟེ་དར་ལྗང་གུའི་ཁ་ཆག་ཅན་ནོ། །རྡོ་རྗེ་ནི་ལག་གཡས་ན་ཐོགས་ཏེ་ཐབས་ཀྱི་རང་བཞིན་རྩེ་ལྔ་ལ་ཁྱུང་ལྔ་དང་ས་བོན་བཀོད་པའོ། །གཡོན་
[197a.4]དྲིལ་བུ་ཐོགས་ཏེ་ཤེས་རབ་ཀྱི་རང་བཞིན། ཐུན་མོང་ལས་དང་རྗེས་མཐུན་ནི། ཐུན་མོང་གཙོ་བོར་བསྒྲུབ་#པ་ལ་ཕྱག་མཚན་གདུལ་བྱའི་དབང་གི་སྐབས་དང་སྦྱར་རོ། །མཆོག་ཀྱང་#ཐོགས་པ་མེད་པར་རོ་ནི། མཆོག་གཙོར་སྒྲུབ་པ་ལ་ཟུང་དུ་འབྲེལ་པའི་རང་བཞིན་ནོ། །སྦྲུལ་བཞིས་
[197a.5]ལུས་ལ་རྣམ་པར་བརྒྱན་ནི། །རྒྱལ་རིགས་རྗེའུ་#རིགས་བྲམ་ཟེ་དམངས་རིགས་རྣམས། །ཁ་དོག་སེར་པོ་དམར་པོ་དཀར་པོ་དང་། །ནག་པོ་ཞབས་གདུབ་ལ་སོགས་བྱས་པའོ། །སྤྱན་དམར་བ་ནི་སེམས་ཅན་ལ་ཐུགས་རྗེས་ཆགས་པའོ། །མཆེ་བ་གཙིགས་པ་ནི་བདུད་བཞི་དང་སྡང་
[197a.6]བ་འདུལ་བ་སྟེ་དོན་བྱེད་པའི་རྟགས་སྦྲུལ་ནག་ཟ་བ་ནི་ཉོན་མོངས་པའི་#གདུག་པ་མཇོམས་#པའོ། །རིན་ཆེན་དཔའ་བོའི་#ཆས་ཀྱིས་བརྒྱན་ནི། རིན་པོ་ཆེའི་རྒྱན་དང་དཔའ་བོའི་ཆས་ཀྱིས་བརྒྱན་པའོ། །བརྐྱང་བསྐུམ་ནི་དོན་གཉིས་མཛད་པའོ། །ཁྲོ་བོ་བརྗིད་པའི་ཞལ་ནི་ཁྲོ་ཆགས་གཉིས་
[197a.7]ཀྱི་ཚུལ་གྱིས་དོན་མཛད་པའོ། །གསུས་ཁྱིམ་ཆེ་བ་ནི་སྟོང་པ་ཉིད་ཀྱི་རང་བཞིན་#ཟབ་པའི་དོན་ནོ། །འཇིགས་པ་ཅན་ནི་གཞན་གྱིས་མི་ཚུགས་པའོ། །དེ་གསལ་མདུན་དུ་ཡེ་ཤེས་དགུག། །བགེགས་བསལ་མཆོད་དང་གཏོར་མས་མཉེས། ཞེས་པ་ནི། དེ་གསལ་མདུན་དུ་ནི་
[197b]
[197b.1]དམ་ཚིག་པ་རགས་པ་དང་ཕྲ་བ་གསལ་བའི་མདུན་དུ་ཡེ་ཤེས་པ་དགུག་སྟེ་ཧཱུཾ་གི་འོད་ཀྱིས་འོག་མིན་གྱི་#གནས་ནས་ཡེ་ཤེས་པའི་ལྷ་རྣམས་དགུག་ཅེས་པའོ། །བཛྲ་ས་མནྟ་ཛཿ#ཞེས་པ་དང་འབྲེལ་ཏོ། །བགེགས་བསལ་ནི་ཡེ་ཤེས་པ་དང་ལྷན་ཅིག་པའི་བགེགས་རྣམས་བསྐྲད་པ་
[197b.2]སྟེ། ཨོཾ་བཛྲ་ཡཀྵ་ཧཱུཾ་ཕཊ་ཅེས་པས་འབྱེར་བར་བྱེད་པའོ། །ཕྱིན་ཅི་ལོག་གི་རྟོག་པ་བསལ་བའི་ཕྱིར་གསུང་གི་ཐ་སྙད་ཙམ་དུ་ཡང་མི་འགྱུར་རོ#། །དེ་ཅིའི་ཕྱིར་ཞེ་ན། དེ་གཉིས་འགལ་བའི་ཕྱིར་རོ། །མཆོད་དང་གཏོར་མས་མཉེས་ནི་ཕྱག་སྔོན་དུ་བྱས་ཏེ་དངོས་སམ་མཆོད་པ་ཡིད་ཀྱིས་
[197b.3]#དབུལ་བའོ། །གཞན་ཡང་#མཆོད་པས་མཉེས་པར་བྱ་བའོ། །དེ་ནས་གསོལ་བ་གདབ་པར་བྱ་སྟེ། ཨེ་མ་ཧོ་དཔལ་ལྡན་གོས་སྔོན་ཅན། །ལུས་ཀྱི་རྟོག་པ་བསལ་བའི་ཕྱིར། །ཡེ་ཤེས་ཐུགས་རྗེ་ཆེན་པོའི་ངང་། །བདག་ལུས་ཡེ་ཤེས་སྐུར་བྱིན་རློབས། །ཞེས་གསོལ་བ་གདབ་བོ། །
[197b.4]ཚིག་གཉིས་སུ་ངག་དང་ཡིད་ལ་གཞུག་པར་བྱའོ། །དེ་ནས་སྐུ་གསུང་#ཐུགས་གནས་སུ། །ཡིག་འབྲུ་གསུམ་ལས་འོད་བྱུང་ནས། །མི་སྡུག་ཡིག་འབྲུ་འོད་ཀྱི་གཟུགས། །བསྡུས་ཤིང་བསྲེགས་ཏེ་སྦྱོང་#བ་ལས། །ཡེ་ཤེས་གསུམ་ནི་གནས་སུ་གནས། །ཞེས་པ་ནི་གསོལ་བ་གདབ་
[197b.5]པའི་རྗེས་དེ་ནས་སྐུ་གསུང་ཐུགས་ཀྱི་གནས་སུ་ཡིག་འབྲུ་གསུམ་སྟེ། ཨོཾ་ཨཱཿཧཱུཾ་བཀོད་ལ། དེ་གསུམ་ལས་འོད་བྱུང་#ནས་མི་སྡུག་སྟེ་ལུས་ཀྱི་སྡོམ་མམ་སྡིག་པའི་གཟུགས་སུ་ཡིག་འབྲུ་#ངག་གི་ཀཾ་ནག་པོར་ཡིད་ཀྱི་གཟུགས་ཏེ། ཡིད་ཀྱི་འོད་དཔུང་ནག་པོའི་གཟུགས་སུ་སྙིང་གར་
[197b.6]བསྡུའོ། །དེ་རྣམས་སྙིང་གར་བསྲེག་པའོ། །སྤྱི་བོར་སྦྱར་ཏེ་བཀྲུ་བའོ#། །འོད་ཟེར་གྱི་རྩལ་གྱི་ལས་སོ། །གནས་གསུམ་དུ་རིགས་ཀྱི་ལྷ་གསུམ་གྲུབ་སྟེ། དེ་ཡང་ཡེ་ཤེས་གསུམ་ནི་གནས་སུ་སྟེ། རང་རང་གི་རིགས་ལ་ཡེ་ཤེས་པའི་ལྷ་བསྟིམས་#པའོ། །ཡེ་ཤེས་རིགས་ལྔས་#བྱིན་
[197b.7]གྱིས་བརླབ། །དབང་བསྐུར་#མི་བསྐྱོད་རིགས་ལྔས་བརྒྱན། །ཨོཾ་སརྦ་ཏ་ཐཱ་ག་ཏ་གུ་ཧྱ་ཨ་བྷི་ཥིཉྩ་ཞེས་བྱ་བའི་#སྔགས་ཀྱིས་ངག་ཡོངས་སུ་དག་པར་བྱས་ཏེ་#ཞེས་པ་ནི། བླ་མས་རིག་སྔགས་#གསོལ་བ་གདབ། །ཡེ་ཤེས་རིག་སྔགས་བྱིན་བརླབས་ཏེ། །དབང་བསྐུར་གསོལ་བ་གདབ་པ་
[198a]
[198a.1]ནི། །ཨོཾ་ལ་སོགས་པ་བརྗོད་པའོ། །དབང་བསྐུར་#ཞེས་ནི་གསུངས་པ་སྟེ། །རིགས་ལྔ་ཤར་ནས་ཆུ་ཡི་དབང་། །ཞེ་སྡང་རྣམ་པར་སེལ་བ་དང་། །མེ་ལོང་ཡེ་ཤེས་རྒྱུད་ལ་གནས། །ལྷོ་ནས་དབུ་རྒྱན་དབང་བསྐུར་བས། །སེར་སྣ་རྣམ་པར་སེལ་བ་དང་། །
[198a.2]མཉམ་པ་ཉིད་ཀྱི་ཡེ་ཤེས་གནས། །ནུབ་ནས་རྡོ་རྗེའི་དབང་བསྐུར་བས། །འདོད་ཆགས་རྣམ་པར་སེལ་བ་དང་། །སོ་སོ་#ཐར་པའི་ཡེ་ཤེས་གནས། །བྱང་ནས་དྲིལ་བུའི་#དབང་བསྐུར་བས། །ཕྲག་དོག་སྒྲིབ་པ་སེལ་བ་དང་། །བྱ་བ་ནན་ཏན་ཡེ་ཤེས་གནས། །དབུས་སུ་མིང་གི་དབང་
[198a.3]བསྐུར་བས། །མ་རིག་མུན་པ་སེལ་བ་དང་། །ཆོས་དབྱིངས་ཡེ་ཤེས་གནས་པའོ། །དེ་ལ་རྟགས་དང་རྒྱས་གདབ་ནི། །མི་བསྐྱོད་རིགས་ལྔས་#བརྒྱན་པ་སྟེ། །མི་བསྐྱོད་གཙོ་བོར་གནས་པའོ། །ལུས་ཀྱི་དྲི་མ་རྣམ་པར་སྦྱང་#། །ངག་ཡོངས་སུ་དག་པར་བྱ་སྟེ་ཞེས་པ། གསང་བའི་
[198a.4]དབང་ནི་རབ་ཏུ་བླང་། །རིགས་ལྔ་ཡབ་ཡུམ་སྙོམས་པར་ཞུགས། །ཐུགས་རྗེ་ཆེན་པོའི་ངང་དུ་ཞུ། །ཐིག་ལེ་ཨཱཿདང་ཧཱུཾ་རྣམས་#ལ། །ཨ་བྷི་ཥིཉྩས་སྦྱིན་པར་བྱ། །ཨ་ཧོ་སུ་ཁས་ལྕེས་བླངས་ལ། །ངག་ལས་གྱུར་པའི་དྲི་མ་རྣམས། །ཐམས་ཅད་དག་སྟེ་ནུས་མཐུ་ཅན། །དབྱངས་
[198a.5]དང་རྡོ་རྗེར་#གྱུར་པའོ། །ཐུན་མོང་གཙོ་བོ་གཉིས་པོས་གྲུབ། །གཞན་རྣམས་མོས་པ་ཙམ་ཉིད་དོ། །མཆོག་ལ་རྫོགས་པར་བླང་བར་གསུངས། །སེམས་ནི་ཡོངས་སུ་དག་བྱ་སྟེ། །དོན་གྱིས་གནས་པར་ཤེས་པར་བྱ། །ལྷ་མོ་འདི་ཡང་མཚན་ཉིད་ལྡན། །ལག་པས་བཟུང་
[198a.6]སྟེ་གསོལ་བ་བཏབ། །དག་པ་#བཞི་ཡི་དབྱེ་བ་ལས། །གཉིས་མེད་ཡེ་ཤེས་གནས་པའོ། །དེ་ནས་ཡན་ལག་དྲུག་གིས་བསྐྱེད། །བཞི་པ་ཕྱག་རྒྱ་ཆེན་པོར་གནས། །གསང་སྔགས་བཟླས་སོ་ཞེས་པས་དབང་གི་རྗེས་དེ་ནས་སྔགས་#བཟླས་པའོ། །གསལ་བ་རྣམ་གཉིས་#རགས་
[198a.7]དང་ཕྲ#། །བདག་དང་གཞན་གྱི་རྣམ་པ་ལ་གསལ་བར་བྱེད་པ་དེ་ཉིད་དོ་ཞེས་པ་ནི། གསལ་བ་རྣམ་གཉིས་རགས་དང་ཕྲ་ན་#རགས་པ་གསལ་བ་གཙོ་བོ་གསལ་བ་སྟེ་སྐུ་མདོག་དང་རྒྱན་ཆ་གསལ་བའོ། །ཕྲ་བ་གསལ་བ་ནི་སེམས་དཔའ་སུམ་བརྩེགས་#གསལ་བའོ། །བདག་
[198b]
[198b.1]ནི་བདག་ལྷར་གསལ་བ། གཞན་གྱི་རྣམ་པ་ནི་གཞལ་ཡས་ཁང་དང་བསྲུང་བ་གསལ་བའོ། །གསལ་བར་བསྒོམ་པ་དེ་ཉིད་དོ་ཞེས་པའི་དོན་ཏོ། །རྒྱུད་རྣམས་སྦྱོང་བའི་བཟླས་པ་ནི། །རགས་པ་དང་ནི་ཕྲ་བའོ། །རགས་པ་གཉིས་ཏེ་བ་ཐག་དང་། །བ་ཐག་མེད་དོ་གཉིས་ཀ་ལ། །
[198b.2]མགལ་མེ་ཕྲེང་བ་ཉི་མའི་ཚུལ། །ཕྲ་བའང་གསུམ་དུ་བྱུང་བ་ནི། །ཧཱུཾ་བསྐུལ་#སྲེག་པ་རཾ་ཡིན་ཏེ། །ལྟེ་བར་#བཀྲུ་བ་སྤྱི་བོ་ཨ། །#ཞེས་པ་ནི། དྲི་མ་སྦྱོང་#བའི་བཟླས་པ་ལ། །རྣམ་པ་གཉིས་སུ་ཤེས་བྱ་སྟེ། །རགས་པ་དུས་མཉམ་གདོན་ལ་སོགས། །ཕྲ་བ་རིམ་པས་བྱ་བའོ། །རགས་པ་
[198b.3]ལ་ཟློས་ལུགས་གཉིས་ཏེ། །བ་ཐག་ཡོད་པ་ནི་ལུས་ངག་ཡིད་ཀྱི་#སྐུད་པ་འབྲེལ་པའི་ཚུལ་དུ་དུས་མཉམ་དུ་སྙིང་ག་ནས་སྡོམ་མམ་སྡིག་པའམ་ཡི་གེ་འོད་དཔུང་དུ་འདོན་པ་སྟེ། སརྦ་པཱ་པཾ་ཨུ་ཙ་ཏ་ཡ་ཞེས་པ་དང་འབྲེལ་ཏོ། །དེ་རྣམས་མ་ལུས་ལྟེ་བར་#རཾ་ལ་སེམས་བསྲེགས་ཏེ། ད་
[198b.4]ཧ་ཛྭ་ལ་རཾ་ཞེས་པ་དང་འབྲེལ་ཏོ། །ཐལ་བ་མ་ལུས་པ་སྤྱི་བོ་ནས་ཧཾ་དཀར་པོས་ཆུ་རྒྱུན་ཕབ་སྟེ། སརྦ་པཱ་པཾ་ཤུདྡྷོ྅ཧཾ་#ཞེས་པ་དང་འབྲེལ་ཏོ། །བ་ཐག་མེད་པ་ནི་འོད་ཀྱི་སྐུད་པ་སྦྲེལ་བ་མ་ཡིན་ཏེ། འོད་ཟེར་གྱིས་ལུས་ངག་ཡིད་ཀྱི་ལས་ངན་པ་རྣམས་འབྱེད་པ་སྟེ། ནོར་བུ་ཆུ་འཐུང་བ་
[198b.5]#བཞིན་ནོ། །གཉི་ག་ལ་སྟེ་རགས་པ་དང་ཕྲ་བ་གཉི་ག་ལ་ཚུལ་འདི་ཉིད་དེ་མགལ་མེ་བར་མ་ཆད་པའོ། །ཕྲེང་བ་ཡིག་འབྲུ་ལ་འོད་ཟེར་གནས་པའོ། །ཉི་མ་ནི་འོད་ཟེར་ལུས་ཡོངས་#ལ་ཁྱབ་པའོ། །ཕྲ་བའང་གསུམ་དུ་བྱུང་བ་ནི་དུས་མཉམ་ཡིན་ཏེ་རེ་མོས་རིམ་གྱིས་གསུམ་འབྱུང་
[198b.6]བའོ། །ཧཱུཾ་བསྐུལ་#སྲེག་པ་རཾ་ཡིན་ཏེ། ལྟེ་བ་བཀྲུ་བ་སྤྱི་བོ་ཨ་ནི་ལུས་ཀྱི་སྙིང་ག་ནས་སྡོམ་གྱི་གཟུགས་སུ་བཏོན། ལྟེ་བར་རཾ་ལས་བསྲེག །སྤྱི་བོ་ཨས་བཀྲུ་བའོ། །ངག་གི་ཀཾ་#ནག་པོ་རུ་ཡིད་ཀྱི་འོད་དཔུང་དུ་གདོན་པ་དང་སྲེག་པ་དང་བཀྲུ་བ་རིམ་གྱིས་སོ། །མཚན་མ་འདོད་
[198b.7]པའི་བཟླས་པ་ལ། །རྣམ་པ་ལྔར་ནི་འདིར་མ་བྱས། །ཞེས་པ་ནི། མཚན་མ་བསྙེན་པ་སྐྱེལ་བའི་བཟླས་པ་ལ། །གཞན་དག་ན་རྣམ་པ་ལྔར་བཤད་པ་ཡོད་དེ། འདི་ཡི་དོན་མ་ཡིན་ནོ། །སྙིང་གར་བསྐོར་རོ་མཚན་མ་འབྱུང་། །བ་ཐག་གཟིངས་དང་དམིགས་པ་མེད། །འོད་ཟེར་དཀར་
[199a]
[199a.1]དམར་འཕྲོ་འདུ་དང་། །རཾ་དང་ཧཱུཾ་ལས་མེ་བྱུང་བས། །ཞེས་པས་ཁྱད་པར་གྱི་དོན་ཏེ། འདི་#བཞིར་ཤེས་པར་བྱ་སྟེ། བསྙེན་པ་ནི་སྙིང་གར་བསྐོར་#རོ་མཚན་མ་འབྱུང་ཞེས་བའི་དོན་ཏེ། གྲངས་ཀྱི་བསྙེན་པ་སྐྱེལ་འདོད་ན། །འབུམ་ཚོ་གཅིག་དང་གཉིས་དང་
[199a.2]གསུམ། །གསུམ་དང་བདུན་དང་བྱེ་བའོ། །སྙིགས་མའི་དུས་སུ་ཉི་ཤུ་སྟེ། །གསུམ་ལ་རེ་རེ་སྤྱི་རུ་གཅིག །དེ་ལྟར་ཉི་ཤུ་རྩ་བཞིའོ། །རྩ་བའི་སྔགས་ལ་གཙོ་བོར་བསྐྱལ། །སྙིང་ནང་ཡེ་ཤེས་སེམས་དཔའ་ཡི། །རྡོ་རྗེ་ཧཱུཾ་ལ་བསྐོར་#བ་སྟེ། །མགལ་མེ་ཕྲེང་བ་ཉི་མའི་ཚུལ། །དེ་ལ་
[199a.3]རྟགས་རྣམས་འབྱུང་བའོ། །ཉེ་བའི་བསྙེན་པ་ནི། བ་ཐག་གཟིངས་དང་དམིགས་པ་མེད་ཅེས་པའི་དོན་ཏེ། ཐུགས་ཀའི་ཧཱུཾ་ལས་འོད་ཟེར་འོག་མིན་དུ་ཡེ་ཤེས་པ་ལ་ཕོག་སྟེ་མཆོད་པས་ཚུར་འདུས་ཏེ་ཡེ་ཤེས་ཀྱི་བྱིན་རླབས་#བསྟིམ་པའོ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུཾ་ཕཊ། ཨོཾ་རཱ་ཛ་
[199a.4]མ་ཧཱ་ག་རུ་ཌ་ཧཱུཾ་ཧཱུཾ་ཧཱུཾ་འདི་རྣམས་བཟླས་པའི་དོན་ཏེ། དེ་བཞིན་དུ་བསྐྱལ་བའོ། །འོད་ཟེར་དཀར་དམར་འཕྲོ་འདུ་དང་། །ཞེས་པ་ནི་བསྒྲུབ་#པའི་ལས་སྟོན་#པའོ། །ས་བོན་ལས་འོད་ཟེར་འཕྲོས་ཏེ་དགུག་#ལ་ཡེ་ཤེས་པ་ལ་འོད་ཟེར་གྱིས་མཆོད་ནས་མཉེས་ཏེ། དེ་ལས་འོད་ཟེར་གཉིས་བྱུང་བས་
[199a.5]ལས་ངན་པ་དང་སྒྲིབ་པ་དང་ནུས་མཐུ་རྣམས་དམར་པོས་བསྲེག་པའོ། །ཉི་མ་རྣམས་དཀར་པོས་འགྲུབ་པའོ། །སྔགས་ནི་རྩ་བའི་སྔགས་དང་འབྱིན་པའི་སྔགས་དང་བཅུ་གཅིག་པ་དང་ལྔ་པའོ། །འདི་ཡང་དེ་ལྟར་ཤེས་པར་བྱའོ། །ད་ནི་སྒྲུབ་པ་ཆེན་པོ་ལས་བརྩམ་པར་བྱ་སྟེ། རཾ་
[199a.6]དང་ཧཱུཾ་ལས་མེ་བྱུང་བས་ཞེས་པའི་དོན་ཏོ#། །སེམས་དཔའ་སུམ་བརྩེགས་ཀྱི་རྡོ་རྗེའི་#ལྟེ་བའི་ཧཱུཾ་དམར་ནག་དང་། ལྟེ་བའི་རཾ་ལས་མེ་འབར་ཏེ། སོར་གཅིག་གམ་གཉིས་སམ་ཁྲུ་གང་ལ་སོགས་པ་འཕྲོས་ཏེ། མེ་ཤིན་ཏུ་དྲག་ཅིང་རྩུབ་པ་མྱུར་བ་ཆེ་བའི་རང་བཞིན་ཅན། དེ་རྣམ་སྨིན་གྱི་
[199a.7]ལུས་བག་ཆགས་ངན་པ་ཉོན་མོངས་པ་ཅན་གྱི་ཡིད་བགེགས་ཀྱི་གནོད་སེམས་ནུས་མཐུ་ལས་ཀྱི་སྒྲིབ་པ་རྣམས་བསྲེག་པའོ། །འོད་འོག་མིན་དུ་འཕྲོས་པས་བདེ་བར་གཤེགས་པ་ཐུགས་རྗེ་མེའི་ཕུང་པོར་འདུས་ནས། དེ་རྣམས་མེ་གཉིས་#བསྲེག་པའོ། །སྔགས་བཟླས་པས་
[199b]
[199b.1]ཀྱང་མེའི་རང་བཞིན་དུ་བྱུང་སྟེ་བསྲེག་པའོ། །ངག་གི་སྔགས་བཟླས་པ་ཡང་། གཟུངས་རིང་#གཙོ་བོར་བྱ་སྟེ། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུཾ་ཕཊ། ཀསྟ་སྟམ་གུ་ལི་ཙ་ལ་ན་སརྦ་བེ་ཙ་ཨཱ་མརྫ་ནཱ་ནཱ་ག་མཱ་ར་ཡ་ཕཊ། ཧ་པ་ཨོཾ་པ་ཁྲི་ཨོཾ་རཱ་ཛ་མ་ཧཱ་ག་རུ་ཌ་ཧཱུཾ་ཧཱུཾ་ཧཱུཾ། ཡང་ན་ཟློས་པ་དང་
[199b.2]སྐོར་བཟློག་ཏུ་ཤེས་པར་བྱའོ། །དེ་ལྟར་བསྲེགས་ཏེ་རྣམ་པར་བྱང་བའི་སེམས་ཉིད་ལས། ཡེ་ཤེས་ལུས་སུ་གསལ་བར་སྣང་། །ཞེས་པས། གཙོ་བོ་དང་ཕྱག་གཡོན་པའི་བྱ་ཁྱུང་དང་གཉིས་ཐ་མི་དད་པ་ལྷའི་ངོ་བོ་མེའི་རྣམ་པར་གྲུབ་པའོ། །ཐུན་བཞིའི་#རྣལ་འབྱོར་གྱི་རྗེས་ལ། ལྷ་དང་
[199b.3]སྔགས་འདི་རྣམས་ཀྱིས་ངན་སོང་ལས་སྒྲོལ་བར་#འགྱུར། ནད་ཀྱི་སྡུག་བསྔལ་ལས་ཐར་བར་འགྱུར། གནོད་པའི་བགེགས་ལ་འཆི་སྙམ་པའི་འཇིགས་པ་འབྱུང་། མཆོག་དང་ཐུན་མོང་གི་དངོས་གྲུབ་མ་ལུས་པ་ཐོབ་པར་འགྱུར། །སྔགས་རྣམས་#ཀྱི་གཤམ་དུ་ནད་དང་
[199b.4]སྡུག་བསྔལ་ཐམས་ཅད་བྱང་བར་གྱུར་ཅིག་སྭཱ་ཧཱ་ཧཱུཾ་ཕཊ་ཅེས་བཏགས་ཤིང་སེམས་བསྐྱེད་པར་བྱའོ། །དེ་ནི་མཚན་མ་འདོད་པའོ་འབྱུང་སྟེ། གྲུབ་རྟགས་ཐོན་པའི་རྟགས་གསུམ་ལས། །འོད་སྒྲ་སྐུ་སྟོན་སྒྱུ་མ་དང་། །ཞེས་པ་ནི་རྟགས་རྣམ་པ་གསུམ་འབྱུང་སྟེ། ལྷ་གྲུབ་པ་གོས་སྔོན་པོ་གོན་
[199b.5]པ་མེ་ཏོག་སྔོན་པོ་ཐུ་བ་ཉི་ཟླའི་#སྟེང་ན་འདུག་པ་ལ་སོགས་པའོ། །སྡིག་པ་#དང་ནད་ཐོན་རྟགས་ནི་ལུས་ལས་#མི་གཙང་བ་ལ་སོགས་པ་དང་། རྣག་ཁྲག་ལ་སོགས་པ་འབྱུང་བའོ། །རྟགས་གསུམ་པ་ནི་སྡིག་སྦྲུལ་ལ་སོགས་བསྲེག་ཅིང་འཚོད་པའོ། །དངོས་སུ་འབྱུང་བའི་མཚན་མ་ནི་འོད་ཀྱི་ཕུང་པོའམ།
[199b.6]འོད་ཟེར་གྱི་རྣམ་པའམ། གཞའ་#ཚོན་རྣམ་པར་འབྱུང་བའོ། །དབུགས་འབྱིན་པའི་སྒྲའམ། ལྷའི་སྒྲའམ་ཆོས་སྟོན་པའི་སྒྲའོ། །སྤྲུལ་པ་ལ་སྐུ་གཅིག་གི་ཞལ་མཐོང་བའམ། མང་པོའི་#ཞལ་མཐོང་བའམ། དཔག་ཏུ་མེད་པའི་ཞལ་མཐོང་བ་འབྱུང་སྟེ། ཐ་མ་དང་འབྲིང་དང་རབ་ཏུ་འབྱུང་
[199b.7]བའོ། །དེ་ལྟ་བུའི་རྣམ་པ་བྱུང་#ཡང་། བདེན་པའི་དངོས་པོར་#གང་ཡང་གྲུབ་པ་མེད་དེ། གང་ཞིག་ཡོད་པར་རྟོག་པ་ཡང་། །འདི་ཡང་སྒྱུ་མའི་མཚན་ཉིད་མིན། །གང་ཞིག་མེད་པར་#རྟོག་པ་ཡང་། །འདི་ཡང་སྒྱུ་མའི་མཚན་ཉིད་མིན། །གང་ཞིག་གཉི་#གར་རྟོག་པ་ཡང་། །
[200a]
[200a.1]འདི་ལས་སྒྱུ་མའི་མཚན་ཉིད་མིན། །རྟོགས་#དང་བརྟག་པར་བྱ་བ་དག །གཉིས་སུ་བཟུང་ན་བདུད་ཀྱི་ལས། །རྣམ་པར་སྣང་བ་སེམས་ཉིད་དེ། །གང་དུ་ཡང་ནི་#གྲུབ་པ་མེད། །ཅེས་གསུངས་སོ། །དེ་ཚེ་གཉིས་དང་ལྡན་ནམ་མི་ལྡན་ཡང་རུང་སྟེ་བསོད་ནམས་
[200a.2]ཀྱི་ལས་ཚོགས་དང་གཏོར་མ་ལ་སོགས་པ་བྱའོ། །དགའ་བའམ་མི་དགའ་བའི་སེམས་སྒྱུ་མའི་བློས་བཟློག་པའོ། །དེ་རྗེས་སངས་རྒྱས་ལུང་སྟོན་འབྱུང་། །ཞེས་པས། དེ་ལ་མཁའ་འགྲོ་རྣམས་དང་བྱང་ཆུབ་སེམས་དཔའ་རྣམས་ཀྱིས་བྱིན་གྱིས་རློབ་པར་བྱེད་དོ། །སྤྲུལ་
[200a.3]པའི་#སྐུའི་སངས་རྒྱས་མང་པོས་ལུང་སྟོན་ཏོ། །ཞིང་ཁམས་འདི་ཞེས་བྱ་བར་འཁོར་དང་གདུལ་བྱ་དང་བསྟན་པ་འདི་སྲིད་གནས་སོ་ཞེས་སྟོན་པར་འགྱུར་རོ། །གྲོགས་ནི་ཁྲུས་དང་སྲེག་དང་ཚེ། །བདུད་རྩི་ཀློག་འདོན་མཎྜལ་དང་། །ཚོགས་དང་སྦྱིན་སྲེག་གསད་#པ་དང་། །ཚ་
[200a.4]ཚ་#གཏོར་མ་ལ་སོགས་པ། །འདི་ཡང་གྲོགས་སུ་འགྲོ་བ་ཡིན། །དེ་ནས་གསེར་ལ་སོགས་པ་འགྲུབ། །ཅེས་པ་ནི་བསྐྱེད་རྫོགས་ཀྱི་གྲོགས་བསྟན་པ་ཡིན་ཏེ། ཁྲུས་ནི་ཕྱི་དང་ནང་ངོ་། །དྲིའི་རྣམ་པ་དང་། རྣམ་པར་མི་རྟོག་པ་སྟེ། ཐམས་ཅད་སེལ་བར་བྱེད་དོ། །སྲེག་པ་ནི་ནང་
[200a.5]གི་སྦྱིན་སྲེག་ཏིང་ངེ་འཛིན་ཀྱིས་སྡིག་པ་བསྲེག་པ་སྟེ་གྲོགས་སོ། །ཚེ་ནི་ཕྱིའི་ཚེ་བསྲིང་བའི་ལས་ཀུན་བྱ་བ་དང་། །ནོར་སྤེལ་བ་ལྷ་རྣམ་ཐོས་བུ་#བརྟེན་ཏེ་སྤེལ་བའོ། །ནང་གི་ཚེ་རིན་པོ་ཆེའི་གའུའི་#ནང་དུ་གནས་བཅས་ཏེ་བརྟན་པར་བྱའོ། །བདུད་རྩི་ནི་བདུད་རྩི་རྣམ་པ་ལྔ་དང་འབྲེལ་པ་སྟེ།
[200a.6]བཅུད་ལེན་ཐབས་དང་འབྲེལ་པའོ། །ཀློག་འདོན་ནི་བཀའི་རྒྱུན་འབུམ་ཁ་ཐོན་#ནམ་གླེགས་བམ་ལ་ཚུལ་བཞིན་དུ་ཀློག །ཀུན་ཆུབ་པར་བྱེད་ཡིད་ལ་བྱེད་པའོ། །མཎྜལ་ནི་བླ་མ་རྡོ་རྗེ་འཛིན་པ་ལ་དབུལ་བའི་རིམ་པའོ། །ཚོགས་ནི་ཚོགས་ཀྱི་འཁོར་ལོ་དང་། ཚོགས་ཀྱི་མཆོད་པ་
[200a.7]དང་། དཔའ་བོ་དང་དཔའ་མོའི་སྟོན་མོ་བྱའོ། །སྦྱིན་སྲེག་ནི་ཕྲིན་#ལས་བཞིའི་སྦྱིན་སྲེག་སྟེ་དངོས་གྲུབ་བཞི་འགྲུབ་པའི་སྦྱིན་སྲེག་གོ། །གསད་#པ་ནི་སྐྱེད་པར་བྱེད་པའི་རྒྱུ་གསད་#པའོ། །བླ་མ་དང་དཀོན་མཆོག་གི་སྐུ་དགྲ་རྣམས་མངོན་སྤྱོད་ཀྱི་ལས་བརྩམས་པས་ཏེ་#སྙིང་རྗེའི་
[200b]
[200b.1]བསམ་པ་དང་ལྡན་པས་གསད་པའོ། །ཚ་ཚ་#ནི་སྐུ་གསུང་ཐུགས་ཀྱི་རྟེན་བཞེངས་པའོ། །གཏོར་མ་ནི་ཕྱི་ནང་དུ་ཤེས་པར་བྱའོ། །སོགས་པའི་དོན་ནི་ལས་བཅུ་དང་བསོད་ནམས་ཀྱི་ལས་སོ། །འདི་ཡང་གྲོགས་སུ་འགྲོ་བ་ཡིན་ཏེ#། དངོས་གྲུབ་གཉིས་ཐོབ་པར་བྱེད་ལ་གཙོ་བོ་མ་ཡིན་
[200b.2]ཡང་འདི་རྣམས་བསྐྱེད་དུ་འགྱུར་ཏེ། ཉམས་སུ་བླང་བའི་རིམ་པའོ། །དེ་རྣམས་ལྡན་ན་གསེར་ལ་སོགས་པ་འགྲུབ་སྟེ། ཐུན་མོང་གི་དངོས་གྲུབ་བརྒྱད་འགྲུབ་བོ། །ཡུམ་ལྕང་ལོ་ཅན་གྱི་རྒྱུད་ལས། རི་ལུ་རྐང་མགྱོགས་མིག་སྨན་དང་། །གཏེར་དང་དགྲ་བོ་ཚར་གཅོད་དང་། །གནོད་
[200b.3]#སྦྱིན་མོ་དང་བཅུད་ཀྱིས་#ལེན། །རལ་གྲི་འཇིག་རྟེན་དངོས་གྲུབ་བརྒྱད། །བཟླས་པ་ཚོགས་དང་གཏོར་མས་འགྲུབ། །ཅེས་གསུངས་སོ། །མཆོད་#འདོད་པ་ཡི་སེམས་ཅན་གྱིས། །ཞེས་པ་ནི་རྫོགས་པའི་རིམ་པའི་#མན་ངག་སྟོན་པ་ཡིན་ཏེ། མཆོད་འདོད་པ་ནི་ཕྱག་རྒྱ་ཆེན་པོའི་#འབྲས་བུ་
[200b.4]འདོད་པའོ། །སེམས་ཅན་ནི་རིགས་དང་ལྡན་པ་གང་ཟག་དེ་གཙོ་བོར་གྲུབ་པའོ། །ཐབས་དང་ཤེས་རབ་འཁོར་ལོ་དང་། །སྙིང་ནང་སྦྱོར་བ་གསུམ་གྱི་རྩ། །ཐིག་ལེ་ཐིག་ལེ་ཡི་གེས་#མཚན། །དབུས་སུ་ཐབས་དང་ཤེས་རབ་འབར། །ཐིག་ལེ་ཡེ་ཤེས་གསལ་བར་འབར།
[200b.5]།ཞེས་པ་ནི། ཐབས་དང་ཤེས་རབ་འཁོར་ལོ་བཞི་ནི་སྤྱི་བོ་མགྲིན་སྙིང་ལྟེ་བ་བཞི། ཟུང་དུ་འབྲེལ་#པའི་འཁོར་ལོ་ལ། །འོག་མ་གཉིས་པོ་ཤེས་རབ་སྟེ། །གོང་མ་ཐབས་སུ་ཡང་དག་བཤད། །ཨ་ཝ་#དྷཱུཏཱི་དབུས་གནས་ཏེ། །ལ་ལ་ནཱ་དང་ར་ས་ནཱ། །གཡས་དང་གཡོན་དུ་གནས་པའོ། །སྙིང་པོའི་ཚུལ་དུ་གནས་
[200b.6]པའོ། །རྩ་འདབ་སུམ་ཅུ་རྩ་གཉིས་དང་། །བཅུ་དྲུག་པ་དང་དེ་ཡི་ཕྱེད། །དྲུག་ཅུ་རིམ་གྱིས་གནས་པའོ། །ཐིག་ལེ་ཐིག་ལེ་ཡང་དག་མཚན་ནི་འཁོར་ལོ་དབྱེ་བ་དེ་རྣམས་ལ། ཨཱ་ལི་ཉིས་འགྱུར་#རྐྱང་པ་དང་། །སྡེ་ཚན་བརྒྱད་དུ་ཡང་དག་
[200b.7]གནས། །ཀཱ་ལི་ཉིས་འགྱུར་རྣམ་དབྱེས་མཚན། །གཡས་པའི་#རྩ་ན་ཨཱ་ལི་སྟེ། །གཡོན་པ་ཉིད་ན་ཀཱ་ལིའོ། །ཐིག་ལེ་འཁྱགས་པའི་#ཚུལ་དུ་གནས། །སྙིང་དབུས་སུ་ཐབས་དང་ཤེས་རབ་འབར་ནི། སྙིང་ནང་ཉི་ཟླའི་#བར་དུ་ནི། །ཨཱ་ལི་#ཐིག་ལེ་ཡེ་ཤེས་གསལ་བར་བསམས་ནི་ཧཾ་
[201a]
[201a.1]ཨཱཿཨོཾ་ཧཱུཾ་#གི་ཡི་གེ་ནི། ཐིག་ལེའི་ཚུལ་དུ་གནས་པ་སྟེ། །ཐིག་ལེ་གསལ་བ་ཡེ་ཤེས་རྒྱུ། །དེ་ལ་ཡེ་ཤེས་བརྟགས་པའོ། །ཨུ་མ་དབྱིངས་ནས་སྤྲུལ་པ་རུ། །ཡེ་ཤེས་གསལ་བ་དབྱིངས་ལ་ཐུག །དེ་ཚེ་མི་གནས་བསམ་དང་བྲལ། །ཞེས་པ། དབུ་མ་དབྱིངས་
[201a.2]ནས་སྤྲུལ་པ་རུ། །འོག་གི་ལམ་གྱི་གནས་སུ་ནི། །རླུང་སྔོན་ཁ་དོག་རྣམ་ལྔ་བསྐྱེད། །གཏུམ་མོའི་#མེ་ནི་རབ་ཏུ་བུས། །རྩ་གསུམ་ནང་ན་ཡར་ལ་ཞུགས། །འཁོར་ལོ་རིམ་གྱིས་གསལ་བར་འབྱུང་། །གསལ་ཞིང་ཞུ་བས་བདེ་ཆེན་འབྱུང་། །ཡེ་ཤེས་གསལ་བ་དབྱིངས་ལ་ཐུག་ནི་
[201a.3]འོད་ཟེར་ཚངས་པའི་གནས་ནས་འཕྲོས། ཕྱོགས་བཅུའི་#སངས་རྒྱས་ཐམས་ཅད་ཀྱི། །ཡེ་ཤེས་ཐིག་ལེའི་#རྣམ་པ་བཀུག །གནས་སུ་ཞུགས་ནས་གཉིས་མེད་འདྲེས། །དེ་ཚེ་མི་གནས་བསམ་བྲལ་འབྱུང་། །དེ་ལྟར་དུ་ནི་བསྒོམས་པ་ལ། །ཕྱག་རྒྱ་ཆེན་པོ་སྐྱེ་བ་སྟེ། །བསམ་དང་
[201a.4]རྟོག་པའི་ཡུལ་ལས་འདས། །ཚིག་དང་སྒྲ་ཡི་ཡུལ་ལས་འདས། །གང་དུ་ཡང་ནི་མི་གནས་སོ། །འགྲོ་བའི་དབང་པོ་གང་དང་གང་གི་རྩ། །ཁ་ཕྱེ་སྟེང་དུ་ཐིག་ལེ་བསམ། །ཞེས་པ་ནི་འགྲོ་བའི་ཚེ། དབང་པོ་ཡུལ་ལ་འཕྲོ་འགྱུར་ན། །དབང་པོ་གང་དང་གང་གི་རྩ། །དབང་པོ་
[201a.5]ལྔ་པོ་གང་ཡང་རུང་། །གཟུགས་སྒྲ་དེ་བཞིན་ཡུལ་རྣམས་ལ། །འཛིན་པར་བྱེད་པའི་རྩ་རྣམས་ལ། །ཁ་ཕྱེ་སྟེ། དབང་པོ་ཡུལ་དང་ཡུལ་ཅན་གཉིས། །དེ་གཉིས་ཐིག་ལེ་སྟོང་པར་བསྒོམ#། །འོད་གསལ་མེ་ཡིས་#སྦྱངས་པ་སྟེ། །དེ་ལྟར་དུ་ནི་བསམ་ཞེས་གསུངས། །བ་ཐག་ཕུག་ནས་ཐིག་
[201a.6]ལེ་ལ། །ཐིམ་མོ་དེ་ལ་བློ་གཏད་པས། །མཐའ་འདས་རང་བཞིན་མེད་པའོ། །ཞེས་པ་ནི། བ་ཐག་ཅེས་#ནི་འབྲེལ་པ་སྟེ། །གཟུང་འཛིན་གཉིས་སུ་བཏགས་པའོ། །ཕུག་པས་རབ་ཏུ་འཇོམས་པའོ། །སྣང་བ་ལམ་དུ་བྱེད་པ་ཡིན། །སྣང་བ་ཐིག་ལེའི་#རང་བཞིན་ནོ། །སྣང་བ་སྟོང་པ་གཅིག་
[201a.7]ཏུ་ཐིམ། །སྟོང་པ་རང་བཞིན་དངོས་དེ་ལ། །མི་རྟོག་པ་ཡི་བློ་གཏད་པས། །མཐའ་འདས་རང་བཞིན་མེད་པ་སྟེ། །གང་དུ་ཡང་ནི་གྲུབ་པ་མེད། །བརྗོད་མིན་རྟོག་མིན་ལྷན་ཅིག་སྐྱེས། །འཇུག་པ་བ་ཐག་བཞི་པོ་ཡང་། །སྲིད་གསུམ་འཇོམས་པའི་རང་བཞིན་ཏེ། །སྟོང་པ་བ་
[201b]
[201b.1]ཐག་བཞི་པོར་ཐིམ། །ཞེས་པ་ནི། འཇུག་པ་རྣམ་ཤེས་འཕོ་འཇུག་སྟེ། །བ་ཐག་ཀུན་དུ་བརྟགས་#པའོ། །བཞི་པོ་ཡང་ནི་ཐ་དད་མེད། །སྐྱེ་བ་#རྨི་ལམ་སྲིད་པ་གསུམ། །སྲིད་གསུམ་ཞེས་ནི་རབ་ཏུ་བཤད། །དེ་རྣམས་སྲིད་པའི་རང་བཞིན་ཏེ། །རོ་མཉམ་གཅིག་ཏུ་རྟོགས་པས་སོ། །སྟོང་
[201b.2]པ་བ་ཐག་བཞི་པོར་ཐིམ། །ཆོས་ཀྱི་དབྱིངས་ཀྱི་གནས་ལུགས་ལ། །འབྲས་བུ་རྟོག་པའི་སྟོང་ཉིད་ཐིམ། །མ་ལ་བུ་ནི་ཐིམ་པ་སྟེ། །རྟོག་པ་ཐམས་ཅད་བཅོམ་པའོ། །དབང་པོ་ཐིག་ལེ་མེད་པ་ལ། །ཨུ་མ་ཆེན་པོ་དབྱིངས་ཉིད་དུ། །ཡེ་ཤེས་ཕྲ་མོ་ལས་ཀྱིས་སྤྲོ། །འབྱུང་འཇུག་ཕྲ་བ་བ་ཐག་ནི། །
[201b.3]སྐོར་བདུན་འོང་དང་འགྲོ་བས་འགྲུབ། །ཅེས་པ་ནི། རླུང་རྐྱང་པ་ལ་སྒོམ་པ་སྟེ། །དབང་པོ་ཐིག་ལེ་མེད་པ་ལ་རྩ་དང་ཐིག་ལེ་#མི་སྒོམ་པ་རླུང་རྐྱང་པ་ལ་སྒོམ་པ་སྟེ། རྡོ་རྗེའི་#བཟླས་པ་བྱ་བའི་དོན་ནོ། །རླུང་ནི་འཁོར་བར་བསྐྱེད་པའི་རྒྱུ་ཡིན་པས། །དེ་རྒྱུ་ལམ་དུ་འགྲོ་བར་ཤེས། །རྒྱུ་ལམ་
[201b.4]འབྲས་བུར་རྣམ་པར་བཤད། །ཡང་དག་དོན་ལ་དབྱེ་བ་མེད། །དབུས་མ་ཨ་ཝ་#དྷཱུ་ཏཱིའོ། །བདེ་བ་ཆེན་པོ་འབྱུང་བའི་གནས་ཡིན་པས་དབྱིངས་སོ། །ཡེ་ཤེས་རླུང་གཡས་གཡོན་སྤྲོ་བའོ། །འབྱུང་བ་ཕྱིར་འབྱུང་སྟེ་ཧཱུཾ་གི་ངོ་བོའོ། །འཇུག་པ་རླུང་ནང་དུ་ཨོཾ་གྱི་ངོ་བོ་འཇུག་པའོ། །ཕྲ་བ་
[201b.5]ནི་རྟོག་པ་རགས་པ་སྟོང་པ་སྟེ། གནས་པ་ཨ་སྐྱེ་བ་མེད་པའི་དོན་དུ་བསྒོམ་སྟེ། རླུང་བ་ཐག་དང་འདྲ་བ་དེ་ལ་བརྟེན་པའོ། །ཐུན་ཚོད་ནི་སྐོར་བདུན་ལ་སོགས་ཏེ། ཆུ་ཚོད་དང་། ཆུ་སྲང་དང་། དབྱུ་གུ་དང་ཐུན་ཚད་ལ་སོགས་པའོ། །དེ་ལ་བརྟེན་#ནས་དངོས་གྲུབ་འབྱུང་བའོ། །དེ་
[201b.6]ལ་རྟགས་འབྱུང་བ་ཡི་དོན། །རྟགས་ཕྱག་རྒྱའི་#ཡེ་ཤེས་ཆེན་པོ་ཐོབ་པར་འགྱུར་ཞེས་པ་སྟེ། དུ་བ་སྨིག་རྒྱུ་སྲིན་བུ་མེ་ཁྱེར་མཁར་སྣང་རྟགས#། །འབྲས་བུ་ཕྱག་རྒྱ་ཆེན་པོ་ཐོབ་པར་འགྱུར། །བདེ་ཆེན་སྐུ་ལ་སོགས་པ་གཉིས་མེད་འབྱུང་། །དོན་རྣམས་མ་ལུས་རྫོགས་པར་མཛད། །
[201b.7]འདི་ནི་གང་ཟག་#སྣོད་ཅན་ལས། ཤེས་པ་བདུད་རྩི་དང་འདྲ་བ་འདི་གང་ཟག་སྣོད་ཅན་ལ་བསྟན་པ་ཡིན་ཏེ། དད་ལྡན་ང་རྒྱལ་མེད་ཅིང་དོན་ལ་ཕྱོགས། །བརྩོན་འགྲུས་ལྡན་ཞིང་ཟབ་མོའི་#དོན་ལ་མོས། །བླ་མ་ལ་གུས་དགེ་ལ་རིན་ཆེན་རིགས། །གཞན་ལ་བསྟན་པར་
[202a]
[202a.1]བྱ་བ་མིན། །གང་ཟག་ཚུལ་འཆོས་#གཡོ་ཅན་རྣམས། །གསང་སྔགས་ཕྲག་ཁྱེར་ངན་སོང་རྒྱུ། །དེ་ལ་སྦྱིན་པར་མི་བྱའོ། །ཞེས་གསུངས་སོ། །མཚན་ཉིད་ལྡན་པའི་གང་ཟག་གིས། །བསྒྲུབས་ན་མཁའ་སྤྱོད་ལ་སོགས་པ། །ཐོགས་པ་མེད་པར་འབྱུང་བར་
[202a.2]འགྱུར། །ཚུལ་བཞིན་སྒྲུབ་པའི་གང་ཟག་ལ། །དངོས་གྲུབ་ཀླུ་མོ་མཁའ་འགྲོས་སྟེར། །ཞེས་གསུངས་སོ། །བརྒྱུད་པའི་#རིམ་པ་མན་ངག་འདི་བཀོད་པས། །ཚིག་དང་དོན་ལ་ཉེས་པ་ཤོར་སྲིད་ན། །རིགས་#ལྔ་བདེ་བར་གཤེགས་པ་དང་། །མཁས་པ་རྣམས་ལ་བཟོད་པར་གསོལ།
[202a.3]ཞེས་གོང་མ་རྣམས་ལ་བཟོད་པར་གསོལ་བའི་དོན་ཏེ། བློ་གྲོས་རིན་ཆེན་ལ་སོགས་བདེ་གཤེགས་མཁའ་འགྲོ་རྣམས་ལའོ། །དགོས་པའི་དོན་ནི། ཁེངས་པ་རྙེད་པ་བཀུར་སྟི་ལ་སོགས་མིན། །ཕྱི་རབས་རྩོད་པའི་དུས་སུ་སེམས་ཅན་དངོས་གྲུབ་འབྱུང་། །ཞེས་པའོ། །འདི་བརྩམས་
[202a.4]པ་ཡི་བསོད་ནམས་ཀྱིས། །ཁམས་གསུམ་སེམས་ཅན་མ་ལུས་ཀུན། །རགས་དང་ཕྲ་བའི་རྟོག་#པ་ཡོངས་སྤངས་ནས། །ཡོངས་སུ་དག་པའི་ས་ཐོབ་ཤོག །ཅེས་པ་བསྔོ་བའི་དོན་ཏེ། སེམས་ཅན་ཀུན་གྱིས་#སྤང་བྱ་རྣམས་སྤངས་ནས། །ཕྱག་རྒྱ་ཆེན་པོའི་#ས་ཐོབ་པར་ཤོག །ཅེས་པའོ། །བློ་
[202a.5]ཆུང་བདག་གིས་བརྩམས་#པར་མི་འོས་ཏེ། །དམན་མོས་སེམས་ཅན་དོན་གྱི་ཕྱིར། །ཚིག་དང་དོན་ལ་ཉེས་སྲིད་ན། །དེ་ཉིད་ཁྱེད་རྣམས་བཟོད་པར་མཛོད། །བདག་གིས་འདི་བརྩམས་བསོད་ནམས་ཀྱིས། །འགྲོ་བ་མ་ལུས་ཐམས་ཅད་ཀུན། །དེ་ཉིད་དོན་ནི་རབ་རྟོགས་ཤོག །བདག་
[202a.6]ཀྱང་འགྲོ་དོན་བྱེད་པར་ཤོག །ཀླུའི་བྱང་ཆུབ་ཀྱི་སྒྲུབ་ཐབས་ཀྱི་རྣམ་པར་བཤད་པ་ཞེས་བྱ་བ་རྫོགས་སོ།། །།སློབ་དཔོན་ནཱ་གཱརྫུ་#ན་ཞེས་ཀྱང་བྱ། ཀླུ་སྒྲུབ་སྙིང་པོ་ཞེས་ཀྱང་བྱ། ཀླུ་ཡི་བྱང་ཆུབ་ཞེས་ཀྱང་བྱ། ཀླུ་སྒྲུབ་སྙིང་པོས་མཛད་པ་རྫོགས་སོ།། །།
[202a.7]{T2214}༄༅༅། །རྒྱ་གར་སྐད་དུ། ཨཱརྱ་ནཱི་ལཱ་མྦ་ར་དྷ་ར་བཛྲ་པཱ་ཎི་སཱ་དྷ་ནོ་པི་ཀ་ཊཱི་ཀཱ་ནཱ་མ། བོད་སྐད་དུ། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་ཀྱི་མན་ངག་རྒྱ་ཆེར་བཤད་པའི་འགྲེལ་པ། དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །འཁོར་བའི་སྡུག་བསྔལ་ཆུ་བོ་
[202b]
[202b.1]སྐེམས་མཛད་པ། །མཐུ་ལྡན་བདེ་བ་ཆེན་པོ་བདག་ཉིད་དེ། །ཉི་ཟླ་ལྟ་བུའི་ཐུགས་མངའ་བའི། །བཅོམ་ལྡན་བདེ་ཆེན་ཐུགས་རྗེ་ཆེན་པོའི་དང་། །སྨན་མཆོག་རྡོ་རྗེ་ཅན་ལ་ཕྱག་འཚལ་ལོ། །རང་བཞིན་རིག་པ་སྟོང་པ་ཆེན་པོའི་དང་། །གཉུག་མ་བདེ་བ་སྙིང་རྗེ་ཆེན་པོའི་དང་། །བདེ་བ་
[202b.2]ཆེན་པོའི་མཐའ་བྲལ་རྡོ་རྗེ་འཛིན་པ་ཉིད། །ཕྱག་རྒྱ་ཆེན་པོ་རང་བཞིན་འབྲས་བུ་དངོས། །ཐོབ་པའི་ལམ་ནི་ཡོད་དང་མེད་བ་ཡི། །ཕྱག་རྒྱ་བཞི་པོ་ལམ་གྱིས་གྲོལ་བའོ། །དགའ་བཞི་སྟོང་པའི་རང་བཞིན་ཆིན་པོ་ནི། །སྟོང་པ་བདག་མེད་ལམ་གྱིས་གྲོལ་ཞེས་གསུང་། །དེ་བཞིན་
[202b.3]ཚོགས་ལམ་དོད་དང་རྩེ་མོ་བཟོད་པ་ལམ། །འཇིག་རྟེན་ཆོས་དང་མཐོང་ལམ་དང་། །བསྒོམ་པ་མཐའ་ཕྱིན་ལམ་གྱིས་ནི། །གནས་པའི་ཡི་ཤིས་བྱང་ཆུབ་ངོ་བོའི་ལམ། །ཐོས་ཞིང་གྲོལ་བར་བླ་མ་ཆེན་པོ་གསུངས། །རྒྱུ་འབྲས་གཉིས་མེད་གསང་སྔགས་བླ་མེད་ལམ། །འབྲས་
[202b.4]བུ་དམིགས་བཅས་གསང་བ་བླ་མེད་ལམ། །ལམ་ལ་གོམས་པས་འབྲས་བུ་གསང་སྔགས་ལམ། །འབྲས་བུའམ་འདིར་ནི་རྒྱུ་ནི་ངོ་ཤེས་པ། །དེ་ཡང་བླ་མ་ཆེན་པོའི་འབྲས་བུ་རྟོགས། །ལམ་མེད་འབྲས་བུ་མཆོག་ཏུ་བདག་གི་གཞུང་གིས་རྟོགས། །རྒྱུ་ནི་རྒྱུ་ལས་འབྲས་བུ་
[202b.5]འབྱིན་པས་ཏེ། །ལམ་ལྔ་རྣམ་པས་ཕ་རོལ་ཐོབ་པ་སྟེ། །མཐོང་སྤངས་སྒོམ་སྤངས་འབྲས་བུ་ཐོབ་སྤངས་པ། །བདེན་པ་བཞི་ནི་ཉོན་མོངས་གཉེན་པོའོ། །རྩ་བ་ཉོན་མོངས་ཉེ་བའི་ཉོན་མོངས་རྣམས། །བདེན་པ་རྣམས་ཀྱིས་ཞིང་ནི་གྲོལ་བར་འདོད། །བདེན་པ་གཉིས་ལ་རབ་གནས་
[202b.6]འབྲས་བུ་སྔགས་ཀྱི་ཚུལ། །བསྐྱེད་རྫོགས་མཐར་ཕྱིན་ཐབས་དང་ཤེས་རབ་བོ། །ཡེ་ཤེས་ལྔ་ཡི་ལམ་ལ་གནས་པས་འབྲས་བུ་གྲོལ་བའོ། །དེ་ལ་རྩ་བའི་དོན་བཤད་པར་འདོད་པས། འགྲོ་བ་སེམས་ཅན་མུན་འཐོམས་པའི། །སྒྲོན་མ་བྱ་ཕྱིར་སྒྲུབ་པའི་ཐབས། །དཔལ་ལྡན་
[202b.7]རྡོ་རྗེ་འཛིན་བཏུད་དེ། །ཞེས་པ་ལ། འགྲོ་བ་ནི་རིགས་དྲུག་སྟེ། སེམས་པའི་བག་ཆགས་ཀྱིས་སྐྱེ་བ་གཅིག་ཏུ་ལེན་པའི་ཕྱིར་འགྲོ་བའོ། །སེམས་ཅན་ནི་ཉོན་མོངས་པའི་ཡིད་ཅན་ཏེ། ཀུན་གཞི་རྣམ་པར་ཤེས་པ་ཅན་ཏེ། སྐྱེ་འཇིག་གི་ཆོས་ཅན་ནོ། །མུན་འཐོམས་པ་ནི་མུན་པ་
[203a]
[203a.1]ནི་རྡུལ་དང་མུན་པ་སྙིང་སྟོབས་ལ་སོགས་ཏེ། །མཐོང་བསྒོམ་ཉོན་མོངས་པས་ཀུན་ནས་དཀྲིས་ཏེ་བཅིངས་པའོ། །འཐོམས་པ་ནི་ལས་དང་ལས་ཀྱི་འབྲས་བུ་མི་ཤེས་པ་སྟེ་མ་རིག་པས་སོ། །དེའི་སྒྲོན་མ་བྱ་ཕྱིར་ནི་ཉོན་མོངས་པའི་གཉེན་པོ་བདེན་པ་རྣམས་ཀྱིས་རང་
[203a.2]བཞིན་གསང་སྔགས་གཞུང་འདི་ཉིད་དེ། སྐྱེད་པ་ལ་སོགས་སྟོང་པ་ཉིད་ཀྱི་ཉོན་མོངས་པ་ཟག་པ་ཟད་པ་ནི། ཐབས་གསལ་བར་བསྟན་པ་ནི་སྒྲོན་མའོ། །སྒྲུབ་ཐབས་ནི་འགྲུབ་པ་དང་འགྲུབ་པར་བྱེད་པ་སྟེ་དོན་ཐོབ་པར་བྱེད་པའོ། །དཔལ་ལྡན་ནི་ཡོན་ཏན་རྣམ་པ་གཉིས་ཏེ་རྒྱུ་དང་
[203a.3]འབྲས་བུ་ལས་གྲུབ་ཅིང་སྨིན་པའོ། །རྡོ་རྗེ་ནི་དོན་རྟགས་གསུམ་སྟེ། །སྟོང་པའི་རང་བཞིན་ཞེས་པའི་དོན་ཏོ། །དེའི་རང་བཞིན་ངོ་བོ་སྟོང་པ་ཉིད་ཀྱི་རང་བཞིན་དུ་གནས་པ་ནི་འཛིན་ཅིང་འཆང་བའོ། །བཏུད་པ་ནི་གཞུང་བཀྲ་ཤིས་ཤིང་མཛེས་པ་དང་འཇུག་པ་དང་ཐོབ་པའོ། །ལུས་ངག་ཡིད་
[203a.4]ཀྱིས་ཡོན་ཏན་གསུམ་དང་ལྡན་པའི་ཡི་དམ་ལྷ་ལ་དང་ལ་བཏུད་ཅེས་སོ། །མཆོག་རབ་སྙིང་པོས་རིམ་བཞིན་བཤད་ན། སློབ་དཔོན་གྱི་མན་ངག་ལས་གཞུང་གི་དོན་མཆོག་རབ་ཀྱིས་བྲིས་པའི་དོན་ཏོ། །སྔགས་པ་ཡོན་ཏན་ཀུན་ལྡན་པས། །ཤིན་ཏུ་ཡིད་འོང་བདེ་གནས་སུ། །ཞེས་
[203a.5]པ་ལ། །སྔགས་པ་ནི་རིགས་ཀྱི་བུའམ། རིགས་ཀྱི་བུ་མོ་རིན་པོ་ཆེ་རིགས་ཀྱི་གང་ཟག་དད་པ་གསུམ་དང་ལྡན་པ་ཡོངས་སུ་བཟུང་ངོ་། །ཡོན་ཏན་ཀུན་དང་ལྡན་པ་ནི་དབང་ཐོབ་ཅིང་མ་ནོར་བར། །དམ་ཚིག་སྡོམ་པ་གསུམ་དང་དོན་གྱི་རང་བཞིན་མ་ནོར་བར་མཐོང་བ་དང་ལམ་ཤེས་པའོ། །
[203a.6]ཤིན་ཏུ་ཡིད་འོང་བདེ་གནས་ནི་གྲགས་པས་མ་སྨད་པ་ལ། བྱང་སྐྱོབ་ཤར་དམའ་ལྷོ་གཞོལ་ནུབ་དགྱེ་བའོ། །ཡང་ན་རང་ཉམས་དགའ་ཞེས་པའོ། །སྙིང་གར་ཉི་ལ་ཧཱུཾ་བཞག་སྟེ། །འོད་ཀྱིས་བགེགས་བསལ་ཁང་པ་དབུབ། །ཅེས་པ་ལ། སྔགས་པའི་སྒྲུབ་པ་པོ་ཆོས་བཞི་
[203a.7]དང་ལྡན་པས། ལུས་ལ་དྲན་པ་ཉེ་བར་གཞག་སྟེ། ཐུན་མོང་དང་ཁྱད་པར་གྱི་སེམས་གཉིས་བསྐྱེད་དེ། །ནང་གི་ཁྲུས་སྟོང་པར་སེམས་དཔའ་དང་བཅས་པར་གཞག་པའོ། །དེས་ནི་ཧཱུཾ་རིང་པོར་སྐད་ཅིག་མས་འདོད་པའི་ལྷ་རུ་བསམ་པའོ། །དེ་ལ་སྙིང་ག་དང་སྤྱི་བོ་དང་མགྲིན་
[203b]
[203b.1]པ་གསུམ་དུ། ཡེ་ཤེས་བསྒོམ་པ་དང་བསྟིམ་པ་དང་། ཡེ་ཤེས་པ་མ་ལུས་ཤིང་ལུས་པ་མེད་པར་བསྟིམ་པའོ། །འོད་ཀྱིས་བགེགས་བསལ་ནི་ཐུགས་རྗེ་དང་ལྡན་པའི་སྡང་མིག་གིས་ཕྱོགས་ཀུན་དུ་བལྟ་ཞེས་པའི་དོན་དང་འབྲེལ་ཏོ། །དེས་བཀའ་བསྒོ་བ་ནི་རྒྱུ་གཅིག་མ་འདུག་
[203b.2]ཅིག །འདིར་མཐུ་ལྡན་གྱི་ཁང་པ་ཡིན་ནོ་བ་དང་འབྲེལ་ཏོ། །ཁང་པ་ནི་བསྐྱེད་པ་དང་ཕྱིས་བསྐྱེད་པའི་ཚིག་འབྲེལ་ཏོ། །མ་སོང་བ་ལ་བདག་འོད་དཀྱིལ་འཁོར་ལ་ཕོག་སྟེ། ཙཀྲ་ཨོཾ་བྷྲཱུཾ་ཧཱུཾ་བྷྲཱུཾ་ས་བྷྲཱུཾ་ཧ་བྷྲཱུཾ་ཨ་བྷྲཱུཾ་གྱིས་ཐོག་ལྔ་ཡང་ནས་ཡང་དུ་ཕབ་སྟེ་བསྒྲལ་བའོ། །ཁང་པ་དབུབ་ནི་རང་
[203b.3]གི་ཉི་མའི་འབར་བའི་ཧཱུཾ་ལས་འོད་ཟེར་ལ་ཧ་ལྗང་གུ་ཁ་དོག་སྣ་ཚོགས་པ་ཕྱོགས་བཅུར་འཕྲོས་ཏེ། རྡོ་རྗེའི་ཁང་པ་ཕྱོགས་བཞི་རུ་ཁ་དོག་དཀར་པོ་དང་ཁ་དོག་ལྔར་གྲུབ་པར་གྱུར་པའོ། །ཧཱུཾ་ཧཱུཾ་ཞེས་བརྗོད་དོ། །ཨོཾ་བཛྲ་ཙཀྲ་ཧཱུཾ་ཧཱུཾ་ཞེས་བརྗོད་པ་དང་བཛྲ་ཧ་ན་ཧ་ན་ཞེས་པ་དང་། བཛྲ་
[203b.4]ཛྭ་ལ་རཾ་གྱིས་འཁོར་ལོའི་ཁང་པ་དང་། མདའ་དང་མཚོན་ཆའི་ཁང་པ་དང་། མེའི་སྲུང་བར་ཤིན་ཏུ་འཐས་པར་གྲུབ་པའོ། །བསྲུང་བ་གྲུབ་ནས་བགེགས་གསོ་བ་ནི། སྙིང་རྗེ་དང་བྲལ་བ་ཡིན་པའི་ཕྱིར། མིག་གཡས་པའི་རཾ་གྱིས་སྡིག་པ་བསྲེགས་ཏེ་ཞི་བའོ། །གཡོན་པའི་ཨས་ཀུན་གཞི་
[203b.5]གསོས་ཏེ། གསད་པའི་དོགས་པ་དང་བཅས་པས་བྲོས་ཏེ་བྱེར་བའོ། །དེ་ནི་བསྲུང་བའོ། །དེ་འོད་ལས་བྱུང་ཉི་དཀྱིལ་དུ། །སློབ་དཔོན་སངས་རྒྱས་བཅས་སྤྱན་དྲངས། །ཕྱག་འཚལ་མཆོད་ནས་སྡིག་པ་བཤགས། །སྡོམ་པ་བཟུང་དང་ཡི་རང་དང་། །བསྔོ་དང་སྐྱབས་འགྲོ་
[203b.6]སེམས་བསྐྱེད་དེ། །ཞེས་བ་ལ། ཉི་མའི་ཧཱུཾ་ལས་འོད་ཟེར་འཕྲོས་ཏེ། མ་ལུས་ཤིང་ལུས་པ་མེད་པའི་སེམས་ཅན་ལ་མཛད་པ་བཅུ་གཉིས་ཀྱི་ཚུལ་གྱིས་དོན་བྱས་ཡེ་ཤེས་པའི་ཐུགས་ཀར་ཐིམ་སྙིང་པོ་དེ་ཉིད་དྲངས་ཏེ། བདག་གི་རྒྱུད་ལ་ཕོག་པས་སྒྲིབ་པ་བཞི་དག་ནས། རྒྱུད་རང་
[203b.7]གོས་ཕྱིར་བཟློག་པ་བཞིན་དུ་གྱུར་པའོ། །དེ་འདི་ནི་རང་གི་སྙིང་གི་བདག་པོ་ཡིས། སེང་གེ་ལ་སོགས་པའི་གདན་ལ། བདག་པོ་འོད་ཀྱི་བླ་མ་དང་། སངས་རྒྱས་སྤྱན་དྲངས་ཏེ་གཞུག་པའོ། །ཕྱག་བཙལ་བ་ནི་ལུས་ངག་ཡིད་ཀྱིས་སམ་ཡིད་ཅེས་པ་དང་
[204a]
[204a.1]འབྲེལ་ཏོ། །མཆོད་པ་ནི་ཕྱི་ནང་གསང་བ་སྟེ། ཕྱི་ནི་རྩ་དང་། ལྷ་མོ་དང་། དབུལ་བའི་གནས་ཐ་དད་དུ་མཆོད་པའོ། །ནང་གི་ལྷ་མོ་རྣམས་ཀྱིས་རང་གི་རྩས་རང་རང་གིས་གཅིག་ཏུའོ། །གསང་བ་ནི་ལྷ་ཕོ་མོའི་མཆོད་པའོ། །གསུམ་ག་ཕྱག་རྒྱ་
[204a.2]ཆེན་པོ་གསང་བས་མཉེས་པས་གསང་བའོ། །དེ་གོང་མའི་དོན་རྣམས་ཀུན་སྟོང་པ་བླ་ན་མེད་པའོ། །སྡིག་པ་བཤགས་པ་ནི་གསུམ་ལས་གསུམ་གྱིས་གསུམ་པོ་རང་རང་དུ་མི་འཆབ་ཅིང་འགྱོད་པ་དང་བཅས་པས་བཤགས་ཤིང་ཕྱིས་མི་བྱ་བ་དང་འབྲེལ་ཏོ། །སྡོམ་པ་གཟུང་བ་ནི་སྤྱི་
[204a.3]དང་ཁྱད་པར་དེ་བླངས་པའི་དོན་ལས་ཕྱིས་མི་འདའ་སྟེ། ཡི་དམ་དངོས་སུ་བླང་ཞེས་པ་དང་འབྲེལ་ཏོ། །ཡི་རང་བ་ནི་སྤྱི་དང་ཁྱད་པར་ཏེ་བླ་ན་མེད་པའི་ལམ་ལ་གོས་སྔོན་པོའི་ཆོས་འདི་ལས་ལྷག་པ་གཞན་སུ་ཡང་ཡོད་མ་ཡིན་ཏེ། ཁྱད་པར་དོན་ཞེས་པ་དང་འབྲེལ་པར་ཡོངས་སུ་
[204a.4]གཟུང་བས། །དེ་དང་འབྲེལ་བའི་ནུས་པ་ཁྱད་པར་ཅན་ཐོབ་ཅེས་པའོ། །དེས་ནི་དེའི་སྟོང་པ་མི་འགྲོ་བར་གཞུག་པ་དང་། འབྲས་བུ་མེད་པའི་དོགས་པ་བྱང་ཆུབ་ཏུ་ཡན་ལག་བདུན་པ་བསྔོའོ། །སྐྱབས་འགྲོ་ནི་ཕྱི་མའི་ལྷ་ཡོངས་སུ་བཅད་དེ་ཁྱད་པར་འཕགས་པ་གོས་སྔོན་
[204a.5]ཅན་ལ་བདག་ཉིད་འདུད་ཅིང་། སེམས་ཅན་མ་ལུས་ལུས་པ་མེད་པའི་དོན་བྱས་ཤིང་། བདག་ཉིད་སྐྱབས་ཞེས་པ་དང་འབྲེལ་ཏོ། །སེམས་བསྐྱེད་དེ་ཞེས་པ་ལ། བྱང་ཆུབ་སེམས་དཔའ་རིགས་ཀྱི་བུའམ་བུ་མོས་ལམ་ལ་གནས་པ། ས་གཅིག་པས་གཉིས་པ་དང་
[204a.6]གསུམ་བསྐྱེད་ཅིང་འཛེག་པ་སྟེ། གོང་གི་དགེ་ཤུལ་གྱི་དགེ་བ་དང་བ་མ་ལུས་པས་སེམས་ཅན་མ་ལུས་པ་ཐམས་ཅད་འཁོར་བ་ལས་བསྒྲལ་ཞེས་པའི་དོན་དང་འབྲེལ་ལོ། །ད་ནི་ལམ་གྱི་སེམས་བསྐྱེད་ནི། དགེ་བ་ཁྱད་པར་ཅན་ཐོབ་ཅེས་པའི་དོན་དང་འབྲེལ་ཏོ། །དེ་རྣམས་
[204a.7]རྒྱུ་སྟེ་ལོངས་སྤྱོད་རྫོགས་པའི་མཚན་དང་དཔེ་བྱད་མང་པོ་ཐོབ་ཅེས་པའི་དོན་དང་འབྲེལ་ཏོ། །ཚད་མེད་བཞི་པོ་སྔོན་བཏང་ནས། །ཞེས་པ་ལ། བྱམས་པ་སྙིང་རྗེ་དགའ་བ་བཏང་སྙོམས་བཞི་རིམ་པས་བསྒོམས་ཏེ། སེམས་ཅན་དང་བདག་རང་འབྲེལ་པའི་བདག་པོས་རྒྱུ་དང་གླན་
[204b]
[204b.1]ཞེས་པའོ། །སྤྲུལ་པ་དཔག་ཏུ་མེད་པས་སངས་རྒྱས་ཀྱི་འབྲས་བུ་མཐུན་པ་སྤྲུལ་པའི་ནུས་པ་ཞེས་པ་དང་ཐམས་ཅད་ཡོངས་སུ་དག་པ་ལས་ཞེས་པ་ལ། ཡེ་ཤེས་ཚོགས་དེ་སྟོང་པ་ཉིད་དམ་སྔགས་ལ་སོགས་པས་ཕྱི་ནང་མ་ལུས་པ་སྟོང་པ་ཉིད་དུ་གནས་པ་སྟེ། སྤྲོས་པ་དང་བྲལ་
[204b.2]བས་ཆོས་སྐུའི་རྒྱུ་ཞེས་པའི་དོན་ཏོ། །དེ་རྣམས་རྒྱུ་སྟེ་སྔོན་དུ་བྱ་བའི་རིམ་པའོ། །སྔགས་བསྐྱེད་འབྱུང་བ་གཞས་ཡས་བཅས། །ཉི་སྟེང་ཞེས་བྱ་བའི་དོན་ལ། རྡོ་རྗེ་བསྲུང་བ་བློ་རབ་རྣམས་ལ་ནི། གོང་ནི་གོང་གི་དག་པས་སྟོང་པ་ཞེས་བྱ་སྟེ། ཕྱིས་གཞལ་ཡས་ཁང་གྲུབ་པའི་དུས་
[204b.3]སུ་སྲུང་ཡང་སྣང་ལ་རྣལ་འབྱོར་པ་བློ་བརྟེན་ནོ་ཞེས་པ་དང་འབྲེལ། ཐ་མའི་གང་ཟག་རྣམས་ལ་ནི། དང་པོ་ཡོད་པའི་བློ་བརྟན་པའི་ཁང་པ་གྲོང་གི་རྐྱེན་གྱིས་མི་གཡོ་སྟེ། བློ་བྱེ་བྲག་ཡིན་པའི་ཕྱིར་རོ། །སྔགས་བསྐྱེད་ནི་ཡཾ་དང་རཾ་དང་བཾ་ལཾ་སུཾ་ལས་འབྱུང་བའི་དཀྱིལ་འཁོར་རིམ་པས་
[204b.4]བསྐྱེད་ཅེས་པའི་དོན་ཏོ། །རི་རབ་ལ་སོགས་པའི་ཁང་པར་རང་གི་ཁ་དོག་དང་མཐུན་པའོ། །དེ་སྟེང་བྷཱུཾ་ལས་གཞལ་ཡས་ཁང་པ་རིན་པོ་ཆེ་ལྔ་ལས་བརྩིགས་པ་སྒོ་བཞི་ཀ་བ་བརྒྱད་པ། རྟ་བབས་བཞི་དང་ཟུར་བཞི་པ། ཕྱི་དང་ནང་གི་རྒྱན་གྱིས་བརྒྱན་པ། དུར་ཁྲོད་བརྒྱད་ཀྱིས་
[204b.5]ཉེ་བར་ཀླུ་བས་པ། དུར་ཁྲོད་བརྒྱད་ནི་འདས་པའི་སངས་རྒྱས་རྣམས་ཀྱི་ལམ་ཞེས་པའི་དོན་ཏོ། །རིགས་ཀྱི་བུའམ་རིགས་ཀྱི་བུ་མོ་རྣམས་ཀྱིས་ཤིང་དང་མཆོད་རྟེན་དང་ལྷ་དང་ཀླུ་དང་སྤྲིན་དང་། ཕྱོགས་ཀྱི་བདག་པོ་རྣམས་མཆོད་པའོ། །རོ་གསར་རྙིང་རྟོག་པ་མེད་པ་དང་། ཅེ་སྦྱང་
[204b.6]དང་། ཀང་ཀ་མཆུ་རིངས་ཀྱི་བྱ་དང་། མི་རྟོག་པ་དང་ཕྲ་མོ་རྟོག་པ་སེལ་བའོ། །ཉི་སྟེང་ནི། གཞལ་ཡས་ཁང་གི་དབུས་སུ་སེངྒེ་དང་པདྨ་ཉི་ཟླའི་གདན་བསྐྱེད་པའོ། །ཧཱུཾ་ལས་རྡོ་རྗེར་གྱུར། དེ་ལས་དཔལ་ལྡན་གཉིས་ཀྱི་བདག །རིག་པ་ཡོད་མེད་ཐུན་མོང་བཟློག །ཅེས་
[204b.7]པ་ལ། ཏིང་ངེ་འཛིན་གསུམ་གྱི་རང་བཞིན། རྐྱེན་གྱི་ངོ་བོ་ཧཱུཾ་དུ་སྣང་བའོ། །དེའི་འོད་ཟེར་གྱིས་ལས་གཉིས་བྱས། སངས་རྒྱས་ཀྱི་སྙིང་པོ་ཞུགས་ནས། ཐུགས་ཀྱི་རང་བཞིན་དང་ཧཱུཾ་རིང་པོར་གྱུར་པའོ། །ཡང་འོད་འདུས་པས་གཉིས་བྱས་ཏེ། དཔལ་ལྡན་གཉིས་ཀྱི་བདག །
[205a]
[205a.1]མཆོག་དང་ཐུན་མོང་གི་བདག་པོ་སྤྲུལ་སྐུ་རུ་སྣང་བའོ། །རིག་མ་ཡོད་མེད་ཐུན་མོང་བཟློག་ནི། ཡུམ་ཡོད་ན་མཆོག་གི་འབྲས་བུ་ཤས་ཆེ་སྟེ་གྲིབ་མ་བཞིན་གྲུབ་ཅེས་པའི་དོན་ཏོ། །རིག་མ་མེད་པ་ནི་ཐུན་མོང་དང་འབྲེལ་ཏེ་ཡུམ་མེད་པའོ། །མཐིང་ནག་གོས་སྔོན་སྐུ་
[205a.2]ལ་གསོལ། །རྡོ་རྗེ་དྲིལ་བུ་ལག་ན་ཐོགས། །སྦྲུལ་ཞགས་བཞིས་ལུས་རྣམ་པར་བརྒྱན། །སྤྱན་དམར་མཆེ་གཙིགས་སྦྲུལ་ཞགས་ཟ། །གསུས་ཁྱིམ་ཆེ་ཞིང་འཇིགས་པ་ཅན། །ཞེས་པ་ལ། མཐིང་ག་རུ་བྱུང་བ་ནི་དོན་སྟོང་པ་ཉིད་ལ་འགྱུར་བ་མེད་པའོ། །གོས་སྔོན་སྐུ་ལ་གསོལ་བ་ནི། །
[205a.3]རིགས་འཛིན་པ་དར་ལྗང་གུའི་ཁ་ཅག་ཅན་ནོ། །རྡོ་རྗེ་དྲིལ་བུ་ནི་གཡས་ན་རྡོ་རྗེ་རྩེ་ལྔ་པ་ལ་ཁྱུང་ལྔ་དང་། རིགས་ལྔའི་ས་བོན་བཀོད་པའོ། །གཡོན་ཤེས་རབ་ཀྱི་རང་བཞིན་དྲིལ་བུ་ཐོགས་པའོ། །སྦྲུལ་བཞིས་ལུས་ལ་བརྒྱན་པ་ནི། རྒྱལ་རིགས་དང་རྗེའུ་དམར་པོ་དང་། བྲམ་ཟེ་
[205a.4]དཀར་པོ་དམངས་རིགས་ནག་པོས་རྣ་ཆ་ལ་སོགས་པ་བྱས་པའོ། །སྤྱན་དམར་བ་ནི་སེམས་ཅན་ཆགས་པ་ཞེས་པའི་དོན་ཏེ། གདུག་པ་ཟིལ་གྱིས་གནོན་པ་ཡང་ཞེས་བྱའོ། །མཆེ་བ་གཙིགས་པ་ནི་བདུད་བཞི་དང་སྡང་བ་འདུལ་བ་སྟེ་དོན་བྱེད་པའི་
[205a.5]རྟགས་སོ། །གསུས་པ་ཆེ་བ་ནི་སྟོང་པ་ཉིད་དང་འབྲེལ་བའི་དོན་ཏོ། །འཇིགས་པ་ཅན་ནི་གཤེ་བའམ་དཔའ་ལ་སྒེག་པའོ། །དེ་གསལ་མདུན་དུ་དཀྱིལ་འཁོར་དགུག །མཆོད་དང་གཏོར་མས་མཉེས་བྱས་ནས། །བདག་བྱིན་བརླབ་པའི་གསོལ་བ་གདབ། །དབང་ཐོབ་གྱུར་ནས་གསང་
[205a.6]སྔགས་བཟླས། །ཞེས་པ་ལ། དམ་ཚིག་པའི་རྒྱན་ཆ་དང་ཕྱག་མཚན་གསལ་ནས། ཧཱུཾ་གི་འོད་ཀྱིས་འོག་མིན་ནས་ཡེ་ཤེས་ལྷ་ཚོགས་དགུག་ཅེས་པ་དང་འབྲེལ་ཏེ། བཛྲ་ས་མནྟ་ཛཿཞེས་པས་སོ། །ཡེ་ཤེས་པ་དང་ལྷན་ཅིག་པའི་བགེགས་བཛྲ་ཡཀྵ་ཧཱུཾ་ཕཊ། ཅེས་པས་
[205a.7]དེངས་པར་བྱའོ། །དེ་ལ་བདག་དོན་སྔོན་དུ་འགྲོ་བས་མཆོད་ཡོན་དང་ཡིད་ཀྱི་མཆོད་པ་དབུལ་ཞེས་པའོ། །གཞན་ལ་ནི་ཕྱི་མཆོད་དངོས་དང་གཏོར་མ་སྨན་གྱིས་མཆོད་ལ་གསོལ་བ་གདབ་པའོ། །བདག་བྱིན་གྱིས་བརླབ་པའི་གསོལ་བ་གདབ་པ་ནི། ཨེ་མ་དཔལ་ལྡན་གོས་
[205b]
[205b.1]སྔོན་ཅན། །ཐུགས་རྗེ་ཆེན་པོའི་བྱིན་རླབས་ཀྱིས། །ལུས་ཀྱི་རྟོག་པ་བསལ་བའི་ཕྱིར། །བདག་ལུས་བདེ་གཤེགས་སྐུར་བྱིན་རློབས། །ངག་དང་ཡིད་ལ་ཡང་ཡང་བརྗོད། །དེ་ནས་གནས་གསུམ་དུ་ཨོཾ་དང་ཨཱཿདང་ཧཱུཾ་དཀར་པོ་དང་དམར་པོ་དང་མཐིང་ག་གནས་སུ་བལྟས་ཏེ།
[205b.2]འབྲུ་གསུམ་ལས་འོད་ལངས་ཏེ་སྡོམ་མམ་ཀཾ་ངག་འོད་ནག་པོ་བསྡུས་ཏེ་བསྲེགས་ཤིང་སྦྱང་སྟེ་དེས་ནི་ཀུན་གཞི་ལ་བག་ཆགས་ཡོད་པའི་མཛེའི་ས་བོན་ཡང་སྦྱངས་ཤིང་བསྲེགས་ནས། རང་རང་གི་ཕྱག་མཚན་དང་སྐུ་རུ་གནས་སུ་དགོད་པ་ལ། ཡེ་ཤེས་པ་བསྟིམ་པ་ནི་རང་གི་
[205b.3]བདག་པོའོ། །ཡང་འོད་ཀྱིས་མདུན་ན་གནས་པ་དང་། རིགས་ལྔ་སངས་རྒྱས་གནས་ནས་བསྟིམས་པའོ། །དབང་ཐོབ་ནི་བླ་མས་རིགས་ཀྱི་བདག་པོ་བསྐུལ་ཏེ། རིགས་ལྔས་ཤར་ནས་ཆུའི་དབང་དང་། མེ་ལོང་གསལ་བ་རྒྱུད་ལ་བསྟིམ་པ་དང་། ཞེ་སྡང་རྣམ་པར་དག་
[205b.4]པའོ། །ལྷོ་ནས་དབུ་རྒྱན་གྱིས་མཉམ་པ་ཉིད་དང་། ང་རྒྱལ་ལམ་སེར་སྣ་སེལ་བའོ། །ནུབ་ནས་རྡོ་རྗེ་ནི་སོ་སོར་རྟོག་པས་འདོད་ཆགས་སེལ་བའོ། །དེ་ནས་དྲིལ་བུས་བྱ་བ་ཡེ་ཤེས་དང་ཕྲག་དོག་སེལ། དབུས་ནས་མིང་དང་རྡོ་རྗེ་དྲིལ་བུ་གཏི་མུག་སེལ་ཅིང་ཁྱབ་བྱ་བ་སྟིམ་པའོ། །ཏི་ལ་མར་ལ་
[205b.5]མར་བསྐུས་ཁྱབ་པ་བཞིན་ཏེ། ཐོབ་པ་ནི་དབུ་ལ་རིགས་ལྔས་བརྒྱན་པའོ། །ཡང་བདག་པོ་དང་རིགས་ལྔ་སྦྱོར་བ་བྱས་ལ། ཐིག་ལེ་ཨཾ་དང་ཧཱུཾ་གི་རྣམ་པར་ཐུགས་རྗེ་ཆེན་པོའི་དང་དུ་ཞུ་ནས། གུཧྱ་ཨ་བྷི་ཥིཉྩ་ཞེས་པ་དང་། སློབ་མས་ཨ་ཧོ་སུ་ཁ་བརྗོད་ནས། ལྕེ་ལ་བྱིན་པ་དག་
[205b.6]ལས་གྱུར་པའི་ཉོན་མོངས་པ་དག་སྟེ། སྔགས་ཟློས་པ་ནུས་པ་མཐུ་ཅན་དུ་གྱུར་ནས། གསུང་དབྱངས་ཡན་ལག་བརྒྱད་ཅུའམ། དྲུག་ཅུ་དང་ལྡན་ཏེ་ལྕེ་རྡོ་རྗེའི་རང་བཞིན་དུ་སོང་བའོ། །དབང་གསུམ་པ་དང་བཞི་པའི་ཡོན་ཏན་འོག་ནས་གོང་དུ་འཕེལ་བར་འགྱུར་ཞེས་པ་སྟེ།
[205b.7]ཐུན་མོང་གཙོར་བྱས་པའོ། །མཆོག་རྣམས་ཀྱིས་ནི་གསུམ་པ་དང་བཞི་པ་རིམ་པས་བླངས་ཏེ། ཕྱག་རྒྱ་ཆེན་པོའི་ངང་ལ་གནས་པ་ལས། ཕྱོགས་བཅུར་ལྷ་མོས་གསོལ་བ་བཏབ་སྟེ། ཡན་ལག་ལྔའི་ཚུལ་གྱིས་སྐུ་ལངས་ཏེ། སྔགས་བཟླས་ཞེས་པ་དང་འབྲེལ་ཏོ། །གསལ་
[206a]
[206a.1]བ་རྣམ་གཉིས་རགས་དང་ཕྲ། །ཞེས་པ་ནི། གསལ་བ་གཉིས་ནི་གཙོ་བོ་དང་རྟེན་གཞལ་ཡས་ཁང་དང་སྲུང་བ་གསལ་བའོ། །རགས་པ་ནི་གཙོ་བོ་གསལ་བ་སྟེ། ཕྱི་སྐུ་མདོག་དང་རྒྱན་ཆ་གསལ་བའོ། །ཕྲ་བ་ནི་ནང་གི་སེམས་དཔའ་སུམ་བརྩེགས་
[206a.2]གསལ་བའོ། །དེས་ནི་ཏིང་ངེ་འཛིན་གྱི་རིམ་པའོ། །རྒྱུད་སྤྱོང་རགས་དང་ཕྲ་བའོ། །རགས་པ་གཉིས་ཏེ་བ་ཐག་དང་། །བ་ཐག་མེད་དོ་གཉི་ག་ལ། །མགལ་མེ་ཕྲེང་བ་ཉི་མའི་ཚུལ། །ཞེས་པ་ལ། རྒྱུད་སྦྱངས་པའི་བཟླས་པ་ལ་རགས་པར་བཟླས་
[206a.3]པ་དང་ཕྲ་བར་བཟླས་པའོ། །རགས་པ་བ་ཐག་ཡོད་པར་ཟློས་པ་ནི། ལུས་ངག་ཡིད་ཀྱི་སྒྲིབ་པ་དུས་མཉམ་དུ་སྙིང་ག་ནས་སྡོམ་མམ་ཀཾ་འོད་ཕུང་དུ་འཐོན་ཏེ་སརྦ་པཱ་པཾ་ཨུ་ཙ་ཏ་ཡ་ཞེས་པ་དང་འབྲེལ་ཏོ། །གོང་གི་མ་ལུས་པ་ལྟེ་བར་རཾ་ལས་མེས་བསྲེག་ད་ཧ་ཛྭ་ལ་རཾ་ཞེས་པ་དང་འབྲེལ་ཏོ། །ཐལ་
[206a.4]བ་མ་ལུས་སྤྱི་བོ་ནས་ཧཾ་དཀར་པོས་ཆུ་རྒྱུན་ཕབ་སྟེ། ཤུདྡྷོ྅ཧཾ་ཞེས་པའི་དོན་དང་འབྲེལ་ཏེ་ཡིད་དང་ངག་གི་ལས་སོ། །བ་ཐག་ཡོད་པ་ནི་ལུས་ངག་ཡིད་ཡོ་འོད་ཀྱི་སྐུད་པས་སྦྲེལ་བའི་ཚུལ་དེ་བདག་པོའི་སྔགས་ལས་ཤེས་པའི་འོད་ཀྱི་སྐུད་པས་སྦྲེལ་ནས་འདོན་ཞིང་སྲེག །
[206a.5]ཅེས་པའོ། །བ་ཐག་མེད་པ་ནི་འོད་ཀྱི་སྐུད་པ་སྦྲེལ་བ་མ་ཡིན་འོད་ཟེར་གྱིས། ལུས་ངག་ཡིད་གསུམ་གྱི་ལས་ཀྱི་འབྲས་བུ་འབྱར་ལ་མ་རེག་པར་འདོད་པའོ། །དེས་ནི་འབྲས་དང་ཡེ་མོ་རླུང་གིས་འབྱེད་པ་བཞིན་ནོ། །མགལ་མེ་ནི་བར་མ་ཆད་པའོ། །ཕྲེང་བ་ནི་ཡིག་འབྲུལ་འོད་ཟེར་
[206a.6]ཞོན་པའོ། །ཉི་མ་ནི་འོད་ཟེར་ལུས་ཡོ་ལ་བདལ་བའོ། །ཕྲ་བ་ཡང་གསུམ་དུ་བྱུང་བ་ནི། ཧཱུཾ་སྐུལ་སྲེག་པ་རཾ་ཡིན་ཏེ། །ལྟེ་བར་བ་ཀྲུབ་སྤྱི་བོ་ཨ། །ཞེས་པ་ལ། ཕྲ་བ་གསུམ་དུ་བྱུང་བ་ནི། དུས་མཉམ་དུ་མ་ཡིན་ཏེ་ལུས་ངག་ཡིད་ཀྱི་སྒྲིབ་པ་རེ་མོས་ཞེས་པར་སྙིང་ག་ནས་སྡོམ་མམ་སྡིག་པར་
[206a.7]བཏོན་ལྟེ་བ་རཾ་མེར་སྲེག །སྤྱི་བོ་ཨས་བསྲེགས་པའི་ཐལ་བ་བཀྲུ་ཞེས་པའོ། །ངག་གི་ཀཾ་ནག་པོ་ཞིབ་མོར་སྙིང་ག་ནས་བཏོན་ལྟེ་བར་སྲེག་སྤྱི་བོ་ནས་བཀྲུ་ཞེས་པའོ། །ཡིད་ཀྱི་འོད་དཔུང་དུ་བཏོན་པ་དང་བསྲེག་པ་དང་བཀྲུ་ཞེས་པའི་གོང་དུ་བཤད་པར་བསམས་ཏེ། ཀུན་གཞིའི་སྒྲིབ་པ་
[206b]
[206b.1]སྦྱང་ཞེས་པའོ། །མཚན་མ་འདོད་པ་རྣམ་པ་ལྔ། །ཡུམ་ལ་བསྐོར་བ་རྣམ་གསུམ་དང་། །ཡེ་བདག་རྣམ་པ་གསུམ་ཞེས་པ་ལ། མཚན་མ་འདོད་པ་ལྔ་ཟློས་ལུགས་ལྔའོ། །ཡུམ་ལ་བསྐོར་བ་རྣམ་གསུམ་ནི། །དམ་ཚིག་པ་ཡབ་ཡུམ་དང་ཡེ་ཤེས་གཙོ་བོ་གཅིག་པོ་སྟེ་ཐུགས་
[206b.2]དང་འོག་སྒོ་ཡང་གཟུང་ངོ་། །ཡེ་ཤེས་པ་དང་རྣམ་པ་གསུམ་ནི་ཡེ་ཤེས་ཡབ་ཡུམ་དང་དམ་ཚིག་པ་གཙོ་བོ་སྟེ་གོང་དང་གོང་བཟློག་ཅེས་པའོ། །འཁོར་དང་ཡུམ་བསྐོར་གོང་དང་འདྲ། བདག་བསྐོར་ཉི་བསྐོར་ཐ་མ་ནི། །སྙིང་གར་བསྐོར་རོ་མཚན་མ་འབྱུང་། །ཞེས་པ་ལ། འཁོར་
[206b.3]དང་ཡུམ་བསྐོར་གོང་མ་འདྲ། །ཞེས་པ་ལ་འཁོར་ཡུམ་ཅན་གཙོ་བོ་ཡུམ་མེད་དོ། །བདག་རང་གི་བཟླས་པ་ལ་ཡུམ་ཡོད་ན་ཡུམ་དང་འཁོར་བ་དང་། ཡུམ་མེད་ན་སྙིང་གའི་ཡེ་ཤེས་སེམས་དཔའི་རྡོ་རྗེ་ཧཱུཾ་ཅན་ལ་བཟླས་པ་སྟེ། མགལ་མེའི་ཕྲེང་བ་ཉི་མ་ནི་ཡོ་ལ་སྦྱོར་བའོ། །
[206b.4]གྲངས་ནི་འབུམ་དང་ཉིས་འབུམ་སུམ་འབུམ་དང་བདུན་འབུམ་དང་། བྱེ་བ་དང་ཉི་ཤུ་དང་། ལུས་ངག་ཡིད་གསུམ་རེ་རེ་སྤྱིར་གཅིག་སྟེ། ཉི་ཤུ་རྩ་བཞིའོ། །དེ་ནི་གྲངས་ཀྱི་བསྙེན་པ་སྐྱེལ་བ་སྟེ། འོད་ཟེར་དཀར་པོ་སྒྲིབ་པ་སྦྱང་། །ཞེས་པའོ། །ཉེ་བསྙེན་ཡེ་ཤེས་པ་ལ་འོད་ཀྱིས་
[206b.5]མཆོད་ནས། ལས་དང་སྒྲིབ་པ་སྦྱོང་བ་སྟེ་འོད་ཟེར་དཀར་པོ་ཆུ་རྒྱུན་ཅན་དང་འབྲེལ་ཏེ་ཡེ་ཤེས་བསྟིམ་པ་ཡང་གཟུང་ངོ་། །བསྒྲུབ་པ་ཡང་འོད་ཟེར་དཀར་དམར་ཏེ། དམར་པོས་བསྲེག་ཅིང་དཀར་པོས་འཁྲུད་དེ་དཔེ་ཉི་མ་བཞིན་ནོ། །བགྲང་བའི་སྙིང་པོ་ཡང་གཙོ་བོའི་སྙིང་
[206b.6]པོ་དངོས་དྲག་སྔགས་འབྲེལ་བས་བཟླས་ཞེས་པའོ། །བསྒྲུབ་པ་ཆེན་པོའི་བཟླས་པ་ཡང་བསྒྲུབ་པའི་སྙིང་གའི་ཧཱུཾ་ལས་མེ་འཕྲོ་བའི་རྣམ་པ་ལྟེ་བར་རཾ་ལས་འབར་བ་སོར་བཞི་དང་མཐོ་གང་ཁྲུ་གང་མཆོད་དེ་མེས་འབར་ཞིང་བསྲེག་འཕྲོས་པས་ཡས་འཕྲོ་ཀུན་གཞིའི་སྒྲིབ་པ་དང་། གདོན་
[206b.7]གྱི་ནུས་མཐུ་དང་གདོན་གྱི་གནོད་སེམས་མེ་སྟག་འཐོར་ཞིང་འཕྲོས་བསྲེགས་ཏེ། ཡེ་ཤེས་པ་དང་འཕྲོ་འདུ་སྔགས་ཀྱིས་ཀྱང་མེའི་རང་བཞིན་གྱིས་དུས་གཅིག་པར་དྲག་པོ་ཚུལ་དུ་འཚིག་པའོ། །རྣམ་པར་སྨིན་པའི་ལུས་བསྲེགས་ཡེ་ཤེས་ཕྱག་རྡོར་གྱུར་ཡེ་ཤེས་བསྟིམ་
[207a]
[207a.1]པར་བྱ། བགྲང་བའི་སྙིང་པོ་ཡང་ཨོཾ་བཛྲ་པཱ་ཎི་མ་ཧཱ་ཡཀྵ་ནཱི་ལཱམྦ་རདྷཱ་ར་ཎི་བཛྲ་ཧཱུཾ་ཕཊ། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུཾ་ཕཊ་ཧཱ་པ་ཨོཾ་སྭཱ་ཁྲི་གོ་བཟློག་བཟླས་པའོ། །ཐུན་བཞིའི་རྣལ་འབྱོར་གྱིས། བཟླས་པའི་སྔགས་འདི་རྣམས་
[207a.2]ཀྱིས་བླ་ན་མེད་པའི་འབྲས་བུ་ཐོབ། མཛེ་ལ་སོགས་ཏེ་ནད་ཀྱི་ཐུག་རྡུ་འབྱིན། གནོད་པའི་བགེགས་ལ་འཆི་སྙམ་པ་འབྱུང་། བྲོས་ཏེ་འགྲོ་བ་སྡུག་བསྔལ་ཐམས་ཅད་ལས་ཐར་བར་འོང་སྙམ་པ་དང་དངོས་གྲུབ་ཀུན་དང་འབྲེལ་ཞེས་པ་སྟེ། དེས་ནི་མྱུར་དུ་འགྲུབ་པར་འགྱུར་
[207a.3]རོ། །དེ་ནི་མཚན་མ་འདོད་པའོ། །མཚན་མ་བྱུང་འོད་སྒྲ་སྐུ་སྟོན་སྒྱུར་བཟློག་ནི། སྔགས་གྲུབ་པ་དང་ནང་ཐོན་པ་དང་། གདོན་ཐུབ་པ་སྟེ་གོས་སྔོན་པོ་གོན་པ་དང་མེ་ཏོག་སྔོན་པོ་ཐུ་བ་ལ་སོགས་པ་དང་། ལུས་ལས་རྣག་ཁྲག་ཐོན་པ་ལ་སོགས་པ་དང་། ཉ་སྦལ་ལ་སོགས་པ་རིད་
[207a.4]ཅིང་མེ་ནང་བསྲེགས་པའོ། །འོད་ནི་ཐ་མའོ། །སྒྲ་འབྲིང་སྐུ་རབ་སྟེ། དགའ་མི་དགའ་སེམས་དང་བྲལ་བའི་སྒྱུ་མས་བཟློག་ཅེས་པའོ། །བསྐྱེད་རིམ་པ་ཀུན་བརྟགས་ལམ་དུ་བྱ་ཞེས་པའི་དོན་ཏོ། །དེ་རྗེས་སངས་རྒྱས་ལུང་སྟོན་ནི་སྤྲུལ་སྐུ་དངོས་ཆོས་སྟོན་ཏེ། བསྐྱེད་པའི་རིམ་
[207a.5]པའི་མན་ངག་དང་འབྲེལ་ཏོ། །གྲོགས་ནི་ཁྲུས་དང་སྲེག་དང་ཚ། །བདུད་རྩི་ཚོགས་དང་གཏོར་མས་བྱ། །དེ་ནས་གསེར་ལ་སོགས་པ་གྲུབ་པ་ལ། །བསྐྱེད་རྫོགས་ཀྱི་གྲོགས་བསྟན་པ་ཡིན་ཏེ། ཁྲུས་ནི་ཕྱི་དང་ནང་ངོ་། །དེ་གཉིས་ཀྱིས་ཐམས་ཅད་བདག་ཅེས་པའོ། །
[207a.6]ཕྱི་དྲི་ལྔ་རིག་པས་དག་ཅེས་པའོ། །ནད་ཀུན་ཀྱང་སེལ་བ་མི་རྟོག་པའི་སྲེག་པ་སྟེ། ཕྲིན་ལས་བཞིས་སྲེག་གོ། །དེས་དངོས་གྲུབ་བཞི་གྲུབ་པའི་ཕྱིར་སྦྱིན་སྲེག་གོ། །ཚེ་ནི་ཕྱི་ཚེ་དང་ནོར་རྣམ་ཐོས་བུ་དང་འབྲེལ་པས་ནོར་འཕེལ་ཞིང་ཚེ་བརྟན་པའོ། །ནང་གི་ཚེ་རིན་པོ་ཆེ་ག་
[207a.7]བུའི་ནང་དུ་བརྟན་ཞེས་པའོ། །བདུད་རྩི་ནི་བདུད་རྩིའི་རྣམ་པ་ལྔ་དང་འབྲེལ་པ་སྟེ། རྐྱང་པའམ་བཅུད་ལེན་གྱི་སྒྲུབ་ཐབས་དང་འབྲེལ་ཏོ། །ཚོགས་ཀྱི་ཚོགས་འཁོར་དང་དཔའ་བོའི་སྟོན་མོ་དང་། ཚོགས་མཆོད་དེ་ཚོགས་ཀྱི་མན་ངག་ལས་ཤེས་པར་བྱའོ། །གཏོར་མ་ནི་ཕྱི་དང་
[207b]
[207b.1]ནང་ངོ་། །དྲུག་པོ་དེས་གསེར་ལ་སོགས་པ་འགྲུབ་སྟེ། ཐུན་མོང་གི་དངོས་གྲུབ་རྣམས་སོ། །དེ་ཡུམ་ལྕང་ལོ་ཅན་གྱི་རྒྱུད་ནས། རིལ་བུ་རྐང་མགྱོགས་མིག་སྨན་དང་། །གཏེར་དང་དགྲ་བོ་ཚར་གཅོད་དང་། །གནོད་སྦྱིན་མོ་དང་བདུད་རྩི་ལེན། །རལ་གྲི་འཇིག་རྟེན་
[207b.2]དངོས་གྲུབ་ཆེན་པོ་བརྒྱད། །བཟླས་པ་ཚོགས་དང་གཏོར་མ་རྣམས་ཀྱིས་འགྲུབ། །ཅེས་རྡོ་རྗེ་འཆང་གིས་གསུངས་སོ། །མཆོག་འདོད་པ་ཡི་སེམས་ཅན་གྱིས། སྙིང་གའི་སྦྱོར་བ་གསུམ་གྱི་རྩ། །ཡི་གེ་ཐིག་ལེས་ཡང་དག་མཚན། །ཞེས་པ་ལ་སོགས་པའི་མན་
[207b.3]ངག་སྟོན་པ་ཡིན་ཏེ། མཆོག་འདོད་པའི་འབྲས་བུ་བླ་ན་མེད་པ་ཕྱག་རྒྱ་ཆེན་པོ་འདོད་པའོ། །སེམས་ཅན་ནི་དེ་བསྒྲུབ་པའི་གང་ཟག་སྔགས་པའི་བྱང་ཆུབ་སེམས་དཔའ་རྣམས་སོ། །སྙིང་ག་སྦྱོར་བ་ནི་སྤྱི་བོ་དང་མགྲིན་པ་དང་སྙིང་ག་དང་ལྟེ་བ་དང་མེ་ལོང་དོ། །རྩའང་བ་
[207b.4]སོ་གཉིས་དང་། བཅུ་དྲུག་དང་བརྒྱད་དང་དྲུག་ཅུའོ། །གསུམ་ནི་ཨ་ཝ་དྷཱུ་ཏཱི་ལ་ལ་ནཱ་ར་ས་ནཱ་འཇའ་ཚོན་གྱི་ཚུལ་དུ་གནས་ཞེས་པའོ། །ཡི་གེའི་ཐིག་ལེ་ནི་ཨཱ་ལི་ཉིས་ལྔ་བ་དང་། བཅུ་དྲུག་རྐྱང་པ་དང་། སྡེ་ཚན་བརྒྱད་དང་། ཀཱ་ལི་ཉིས་ལྔ་བ་འཁོར་ལོ་ལའོ། །དྷཱུ་ཏཱི་ན་
[207b.5]ཧཱུཾ་ངོ་། །གཡས་ན་ཨཱ་ལི་གཡོན་ན་ཀཱ་ལིའི་ཐིག་ལེ་འཁྱགས་པའི་དངོས་སོ། །དབུས་ནས་ཐབས་དང་ཤེས་རབ་འབར། །ཐིག་ལེ་བསམ་མོ་འགྲོ་བའི་ཚེ། །ཞེས་པས་དབུས་ཐབས་དང་ཤེས་རབ་འབར་ནི་སྙིང་གར་ཉི་ཟླའི་བར་དུ་ཨ་ཐིག་ལེའི་ངོ་བོར་གནས་པའི་ཧཾ་དང་། ཨོཾ་
[207b.6]ཨཱ་ཡཾ་རིམ་པས་བསམ་པ་སྟེ་ཐིག་ལེའི་ངོ་བོའོ། །འགྲོ་བའི་ཚེ་ནི་རླུང་སྔོན་པོ་ལྔས་གཏུམ་མོའི་མེ་བུས་ཏེ། སྟོང་པ་ཉིད་གསུམ་གྱི་ནང་ན་ཡར་མེ་སོང་སྟེ། སྙིང་གར་ཉི་ཟླ་གསུམ་ལས་སྣང་སྟོང་གི་མེ་འབར་ཏེ་བདེ་བ་ཆེན་པོ་ཐོབ་ཞེས་པའི་དོན་ཏོ། །དེ་ནས་ཡར་ལ་སངས་རྒྱས་
[207b.7]ཞིང་ཁམས་གཞན་ནས། བྱང་ཆུབ་བ་ཆུའི་ངོ་བོ་བཀུག་ནས་རྒྱུད་བརླན་ཞེས་པའོ། །དེ་ན་དབྱུ་གུ་ཆུ་ཚོད་འཕོ་བ་ཐུན་གྱི་བར་དུ་བསྒོམ་ཞེས་པའོ། །དབང་པོ་གང་དང་གང་གི་རྩ། །ཁ་ཕྱེའི་སྟེང་དུ་ཐིག་ལེ་བསམ། །ཞེས་པ་ལ། དབང་པོ་ཡུལ་ལ་འཕྲོ་བར་གྱུར་ན། དབང་པོ་ལྔ་པོ་
[208a]
[208a.1]གང་ཡུལ་ལ་འཕྲོ་བའི་ཚེ། གཟུགས་དང་སྒྲ་ལ་སོགས་པ་ལ་ཁ་ཕྱེ་སྟེ། རང་རང་གི་ཡུལ་སྟོང་པར་མེ་འབར་བར་ཞེས་པའོ། །བ་ཐག་ཕུག་ནས་ཐིག་ལེ་ལ་བློ་གཏད་ནས། འཇུག་པ་བ་ཐག་གཞི་པོར་ཐི་མ། །ཞེས་པ་ལ། བ་ཐག་ནི་དངོས་པོར་སྣང་
[208a.2]བའི་ཡུལ་ལོ། །ཐག་པ་དང་འདྲ་བར་འཛིན་པ་ཡིན་པའི་ཕྱིར་རོ། །ཕུག་ནས་ནི་སྣང་བ་ལམ་དུ་ཁྱེར་བ་སྟེ། །སྣང་བ་ཐིག་ལེ་རང་བཞིན་དུ་གྱུར་བའོ། །ཐིམ་མོ་དེ་ལ་བློ་གཏད་ནི་སྣང་བ་དང་སྟོང་པ་གཅིག་ཏུ་ཐིམ་ཞེས་པའི་དོན་ཏེ། བདེན་པ་གཉིས་འདྲེས་པའི་ལམ་མོ། །
[208a.3]དེ་ནི་དོན་སྟོང་པ་སྟེ། འདྲིས་པར་བྱ་བའི་ཡུལ་ལོ། །འཇུག་པ་བ་ཐག་ནི་རྣམ་ཤེས་འཕོ་འཇུག་སྟེ། སྐྱེ་བ་དང་རྨི་ལམ་དང་སྲིད་པར་འཁོར་བ་རྩད་ནས་གཅོད་པའོ། །དོན་གྱི་ངོ་བོས་གནས་པས་སྟོང་པ་གཅིག་ནས་གཅིག་ཏུ་འཕོ་བ་སྟེ། རང་བཞིན་གནས་པ་ནི་གཅིག་གི་
[208a.4]ཤེས་པའོ། །བ་ཐག་ནི་ཀུན་བརྟགས་ཀྱི་རྟོག་པའོ། །བཞི་པོར་ཐིམ་པ་ནི། གཞི་གནས་པའི་ངོ་བོ་སྟོང་པ་ཉིད་ལ་མ་ལ་བུ་ཐིམ་ཞེས་པ་སྟེ། འབྲས་བུ་རང་བཞིན་ནོ། །དབང་པོ་ཐིག་ལེ་མེད་པ་ལ། །འབྱུང་འཇུག་ཕྲ་བའི་བ་ཐག་ནི། །སྐོར་བདུན་འོང་དང་འགྲོ་བས་འགྲུབ་
[208a.5]ནི། རླུང་རྐྱང་པ་ལ་སྒོམ་པ་སྟོན་པ་ཡིན་ཏེ། དབང་པོ་ཐིག་ལེ་མེད་པ་ནི། བུ་དང་ཐིག་ལེ་མི་སྒོམ་སྟེ། །རླུང་ལ་རྡོ་རྗེ་བཟླས་པ་བྱ། །ཞེས་པའོ། །རླུང་ནི་འཁོར་བར་བསྐྱེད་པའི་རྟ་ཡིན་པས། རླུང་ཉིད་ལམ་དུ་བསླང་ཞེས་པའོ། །འབྱུང་བའི་ཕྱིར་ལུས་ལས་རླུང་འབྱུང་བ་
[208a.6]སྟེ། སྟོང་པ་ཉིད་དང་འགྲོགས་པར་འགྲོགས། །ཞེས་པའི་བ་ཐག་དང་འབྲེལ་ཏོ། །འཇུག་པ་ནི་རླུང་ལུས་ལ་འཇུག་པ་སྟེ། ནང་དུ་སྟོང་པའི་ཐིག་ལེ་ཆེན་པོ་དང་། འགྲོགས་པར་བྱས་ལ། འཇམ་པ་ཉིད་དུ་ཡུན་རིང་དུ་ནང་དུ་བཟླ་ཞེས་བྱའོ། །ཕྲ་བ་
[208a.7]ནི་རླུང་དག་པའི་རང་བཞིན་ཕྲ་བས་ཀྱང་ཤིན་ཏུ་ཕྲ་བའི་ངོ་བོ་ལ་གནས་པའོ། །བ་ཐག་ནི་རྟོག་པའི་མེ་ཆུ་རབ་ཏུ་ཞི་བ་ལས་ཞི་བའོ། །སྐོར་བདུན་འང་དང་འགྲོ་བས་འགྲུབ་ནི། ཕྱི་ནང་དུ་འོང་བ་དང་འགྲོ་བ་སྟེ། སེམས་གཟུང་བའི་ཡུད་ཟད་དོ། །འགྲུབ་དངོས་སུ་བས། ལ་
[208b]
[208b.1]བཟླ་ཕྱག་རྒྱའི་དངོས་གྲུབ་འགྱུར་ནི། ལ་བཟླ་བ་ནི་སྲེད་པའང་བླ་མར་བྱས་ཞེས་པ་སྟེ། སྟོང་པ་ཉིད་དུ་སྟོན་པའི་ཕྱིར་རོ། །བདེན་པ་གཉིས་ཀའི་འཛིན་པ་དང་བྲལ་བ་སྟེ། ཕྱག་རྒྱ་ཆེན་པོ་ཡེ་ཤེས་སྔོན་སོར་སླེབས་པའོ། །དེ་ནས་མཐའ་བྲལ་སྟོང་པར་སོང་བ་ནི། དབུ་མ་པའི་
[208b.2]འདོད་པ་སྟེ། བླ་མའི་མན་ངག་དང་བྲལ་བའི་དབུ་མ་ཡང་འབྲིང་པོ་ཙམ་ཉིད་དོ། །བླ་མའི་མན་ངག་གིས་རབ་བརྒྱན་པ་ཡི། །རྣམ་བཅད་ཡོངས་གཅོད་མེད་པ་ཡི། །བདེ་བ་སྟོན་པ་ཆེན་པོ་ནི། །རང་བཞིན་ཕྱག་རྒྱ་ཆེན་པོ་སྟེ། །དངོས་གྲུབ་འགྱུར་ཞེས་པའི་དོན་ཏོ། །དེ་ནི་རྫོགས་
[208b.3]པའི་འབྲས་བུའོ། །འདི་ནི་གང་ཟག་སྣོད་ཅན་ལས། །གཞན་ལ་སྦྱིན་པར་མི་བྱའོ། །ཞེས་པ་ལ། འདི་གཞུང་བླ་མས་སྙན་ནས་སྙན་དུ་བརྒྱུད་པའི་མན་ངག་ཡིན་པས་གང་ཟག་སྣོད་ཅན་ལ་བསྟན་པ་ཡིན་ཏེ། སྒང་བུ་དམའ་བཞིན་དད་པ་བརྟན། །སེམས་ཅན་འགྲོ་བའི་དོན་ལ་དགའ། །
[208b.4]ཐོས་པ་མང་བ་ཡིད་ཆེས་བརྟན། །བརྩོན་འགྲུས་དྲག་ལ་བསམ་གཏན་མོས། །ཟབ་མོའི་དོན་ལ་ཆོག་མི་ཤེས། །ཚོགས་དང་ཚ་ཚ་ལ་སོགས་པ། །ཐར་པའི་ལམ་ལ་ཤིན་ཏུ་མོས། །དེ་ལ་དེ་ཡིས་བསྒྲུབ་ཅེས་པའོ། །སྨོན་ལམ་དགེ་རྩ་བསྔོ་ལེགས་པས། །གསང་བ་ཟབ་མོའི་དོན་དང་
[208b.5]སྤྲད། །འདི་རུ་འབད་རྩོལ་དྲག་པོ་ཡིས། །དགེ་བ་བག་ཆགས་སྟོབས་རྣམས་སྐྱེས། །ཐར་པའི་ལམ་དུ་འགྲོ་བར་ངེས། །གཞན་ཡང་གང་ཟག་ཕལ་བ་རྣམས། །སྡུག་བསྔལ་ཀུན་འབྱུང་ལམ་ལ་རབ་གནས་པས། །དད་པ་ཞན་ཅིང་ངོ་ཚ་ཆུང་། །ཁྲེལ་འཛེམ་མེད་ལ་སྐྱོ་ངས་ཅན། །ཟས་ནོར་
[208b.6]ཆགས་པའི་དབང་ལ་མོས། །གསང་བའི་དོན་ལ་མི་མོས་ཤིང་། །དཀོན་མཆོག་སྨོད་ཅིང་མི་དགེ་བཅུ་ལ་མོས། །ལམ་ལོག་རྩ་བ་ཆད་པའི་གང་ཟག་རྣམས་ལ་བསྟན་ན་དམ་ཚིག་ཉམས་ཞེས་པའོ། །བདག་གིས་སྒྲུབ་ཐབས་འདི་བརྩམས་ཞེས་པ་ནས། ཡོངས་སུ་
[208b.7]དག་པའི་ས་ཐོབ་ཤོག་གི་བར་ལ་རྩ་བ་ན་གསལ་བས་མ་བྲིས་སོ། །བདག་གིས་མཐོང་ལམ་ས་ནི་དང་པོ་ཐོབ། །འཕགས་པ་གོས་སྔོན་ཅན་གྱི་དངོས་གྲུབ་མ་ཐོབ་ཀྱང་། །ཨ་མྲི་ཏ་ཡི་མེ་ཏོག་རྩི་འཁོར་བཞིན། །རང་ཉིད་ལྷག་པའི་ལྷ་ཡི་དངོས་གྲུབ་འདོད་པ་དང་། །
[209a]
[209a.1]བཅོམ་ལྡན་རྡོ་རྗེ་ཅན་ལ་མོས་པའི་དད་ཤུགས་དང་། །མཁའ་འགྲོ་རྣམས་ཀྱིས་ཀུན་ནས་བདག་བསྐུལ་ཏོ། །སྨོན་ལམ་དབང་གིས་ཀླུ་སྒྲུབ་མན་ངག་དྲན། །བདག་འདྲ་བློ་ཆུང་དམན་པས་བརྩམས་པར་མི་རིགས་ཀྱང་། །དད་པའི་དབང་གིས་རྩ་བའི་འགྲེལ་པ་བརྩམས། །
[209a.2]ཚིག་དང་དོན་ལ་ཉེས་བ་ཤོར་སྲིད་ན། །རིགས་ལྔ་བདེ་བར་གཤེགས་པ་རྣམས་དང་ཡང་། །ནཱ་གཱརྫུ་ན་ལ་སོགས་བླ་མ་དམ་པ་རྣམས། །བདག་འདྲ་བློ་ཞན་དབང་གིས་བཟོད་པར་གསོལ། །བདག་འདྲ་བློ་ཞན་ཤེས་རབ་ཆུབ་བ་དང་། །གང་ཟག་མཆོག་རབ་སྙིང་པོ་དོན་ལ་
[209a.3]རབ་ཏུ་མོས་པ་རྣམས། །དངོས་གྲུབ་ཐོབ་པའི་ཆོས་སུ་བདག་གིས་བྲིས། །གསལ་བ་མི་གསལ་རྩ་རབ་དོན་རྣམས་ཀུན། །བདག་གིས་འགྲེལ་ཏིག་འབྲུ་རུ་གསལ་བར་བྱས། །ཐར་པ་ཐོབ་བྱེད་ལམ་ནི་རབ་ཏུ་སྣང་། །བློ་ཞན་སེམས་ཅན་དམན་ལ་ཕན་པ་དང་། །བླ་མའི་མན་
[209a.4]ངག་བརྒྱུད་པ་གསལ་འབར་ཕྱིར། །ཟབ་མོའི་དོན་དང་སྦྱར་ནས་བདག་གིས་བྲིས།ཟིས། །འདི་ལ་དགེ་བའི་རྩ་བ་ཅི་ཡོད་གྱུར་པ་དེས། །བདག་དང་མཐའ་ཡས་སེམས་ཅན་རྣམས། །དགེ་བཅུ་དལ་འབྱོར་ལམ་ལ་རབ་བརྩོན་ཞིང་། །དྲོད་དང་རྩེ་མོ་མཆོག་མཐོང་ཡེ་ཤེས་རྣམས། །མ་
[209a.5]ལུས་མྱུར་དུ་བདག་གིས་བགྲོད་པ་དང་། །ལས་དང་ཆོས་ཀྱི་ཕྱག་རྒྱ་ཆེན་པོ་རྣམས། །ཀུན་རྫོབ་དོན་དམ་ཚུལ་དུ་རབ་གནས་ཏེ། །སྡུག་བསྔལ་གསུམ་དང་བརྒྱད་དང་རབ་བྲལ་ནས། །འབྲས་བུ་ཤུ་བ་གཡན་པ་མཛེ་ལ་སོགས། །བཞི་བརྒྱ་རྩ་བཞིའི་ནད་རྣམས་རྩད་ནས་ཞི་བ་དང་། །
[209a.6]དག་པའི་ས་ལ་རབ་ཏུ་གནས་པ་དང་། །འཕགས་པ་གོས་སྔོན་དངོས་གྲུབ་ཐོབ་པར་ཤོག །མཆོག་རབ་སྙིང་པོ་རྩ་བའི་མན་ངག་པདྨ་འབྱུང་གནས་ཀྱིས་མཛད་པའི་འགྲེལ་པ་རྫོགས་སོ།། {T2215}༄༅༅། །རྒྱ་གར་སྐད་དུ། ཏཏྟྭ་པྲ་དཱི་པཾ་ནཱ་མ་སཱ་དྷ་
[209a.7]ནོ་པི་ཀ་ཨ་ཏི། བོད་སྐད་དུ། དེ་ཁོ་ན་ཉིད་སྒྲོན་མ་ཞེས་བྱ་བའི་སྒྲུབ་ཐབས་རྫོགས་པ། དཔལ་རྡོ་རྗེ་ཅན་ལ་ཕྱག་འཚལ་ལོ། །གང་ཞིག་གིས་ནི་བདེ་བ་ཐོབ་ཅིང་སྡུག་བསྔལ་སྤོང་འདོད་པ། །དེ་ཡི་ས་བོན་ནོར་བུ་བཞིན་དུ་བསྒྲུབ་ཕྱིར་བདེ་བའི་མཆོག་ཉིད་ལ་ནི་རབ་བཏུད་དེ། །སྒྲུབ་པའི་ཐབས་
[209b]
[209b.1]མཆོག་དེ་ཉིད་སྒྲོན་མ་འདི་ནི་གསང་བའི་རྒྱུད་རྣམས་ལ། །བརྟེན་ཅིང་གཞན་ཡང་གང་ལས་འོངས་པ་དེ་ཉིད་བདག་གིས་བཤད་པར་བྱ། །གང་ཞིག་གིས་ནི་ལེགས་པའི་དོན་གསུང་བ་ནི་ཀུན་ལ་གསལ་མ་བྱས། །དེ་བྱས་པ་མིན་མཐོང་བ་འདིར་ནི་གསང་བ་འདི་ལ་དགའ་བ་སྐྱེས། །
[209b.2]གང་ཞིག་སྡུག་བསྔལ་སྤང་འདོད་དེ་ལ་ཐབས་རྣམས་མེད་འགྱུར་ཞིང་། །བདེ་བ་ཐོབ་པའི་ཐབས་ནི་དེ་འདྲ་དེ་ལས་ཟློག་བྱེད་པ། །ཐབས་མཆོག་དམ་པ་འདི་བསྟན་འདི་ལ་གུས་པར་གྱིས། །ལྟ་སྤྱོད་དབང་དང་དམ་ཚིག་ལྡན། །ཡོན་ཏན་གཞན་གྱིས་ཉེར་བརྒྱན་པའི། །
[209b.3]རྣལ་འབྱོར་སྣོད་ཅན་གང་ཞིག་གིས། །ཡང་དག་བྱང་ཆུབ་ཡིད་ལ་གཞུག །རི་དང་ཡུལ་ཁམས་ལ་སོགས་པའི། །ཡོན་ཏན་ཐམས་ཅད་ལྡན་པའི་གནས། །མངོན་སུམ་གྲགས་པས་མ་སྨད་པ། །དེར་ནི་ཉེ་བར་འདུག་ནས་ནི། །དང་པོར་བགེགས་རྣམས་བསྐྲད་པར་བྱ། །
[209b.4]སྐད་ཅིག་ཕྱག་ན་རྡོ་རྗེ་གསལ། །འདི་ཡིས་གདུག་པ་ཅན་རྣམས་ལ། །གཞན་དུ་འགྲོ་བའི་བཀའ་བསྒོ་ལ། །མི་འགྲོ་འགྱུར་བའི་བགེགས་རྣམས་ཀུན། །རྡོ་རྗེ་འཁོར་ལོའི་ཐོག་གིས་གསད། །དེ་ནས་རང་འོད་མདུན་བྱུང་ལས། །སྣ་ཚོགས་རྡོ་རྗེ་འབར་བ་བསམ། །དེ་ཡིས་
[209b.5]ཁྲོ་བོའི་ཁང་པ་འབུབས། །ཡང་ན་བདག་ལས་ཁམས་གསུམ་རྒྱལ། །ཁྲོ་བོ་དེ་སྤྲོས་འབྱུང་བོ་བཀུག །ཕུར་བུས་མདུན་དུ་བཏབ་བྱས་ནས། །དེ་ནི་འབྱུང་པོ་འདུལ་བའི་མཆོག །ཡང་ན་རང་གི་གནས་དག་ཏུ། །བཅིང་དང་གཏུབ་པའི་ལས་བྱས་ནས། །དེ་ནི་མྱུར་དུ་བཟློག་པ་
[209b.6]ཡིན། །དེ་འོག་ཁྲོ་བོའི་ཁང་པ་བསྒོམ། །ཕྱི་ནས་བགེགས་རྣམས་གསོ་བར་བྱ། །ཡང་ན་ཁང་པ་མེད་དང་ཐོག །ཚ་ཚ་འཁྲུག་པའི་རྣམ་པ་ལ། །འབར་དང་འཕྲོ་བའི་འཁོར་ལོ་བརྩམ། །མཚམས་བཅད་པ་ཡི་མན་ངག་གོ། །ཞེས་པ་འདི་ནི། བྱང་ཆུབ་སེམས་དཔའ་
[209b.7]སེམས་དཔའ་ཆེན་པོས་ཇི་སྲིད་དུ་མཚམས་བཅད་པའི་དམ་ཚིག་གོ། །གང་ཚེ་མཚམས་ཀྱི་ཆོ་ག་རྫོགས། །དེ་ནས་བླ་མ་མཆོད་པ་བརྩམ། །རང་སྙིང་མདུན་གྱི་ཉི་མ་ལ། །བླ་མ་བཀུག་སྟེ་འོད་དུ་ཞུ། །དེ་ལས་རྡོ་རྗེ་འཆང་ཆེན་སྐུ། །གནས་རྣམས་བྱིན་བརླབས་དབང་
[210a]
[210a.1]བསྐུར་ནས། །ཕྱག་བཙལ་བ་དང་མཆོད་པ་དང་། །སྡིག་བཤགས་སྡོམ་པ་བཟུང་བ་དང་། །ལུས་དབུལ་དགེ་རྩ་བསྔོ་བྱས་ན། །བླ་མེད་མཆོག་གིས་འགྲུབ་པར་འགྱུར། །བླ་མ་མཆོད་པའི་རྣལ་འབྱོར་པས། །བདེ་གཤེགས་མཆོད་
[210a.2]པའི་ཆོ་ག་བརྩམས། །ས་མན་ཛ་ཡི་སྔགས་བྱུང་བའི། །འོད་ཀྱིས་དཔལ་ལྡན་གོས་སྔོན་ཅན། །འཁོར་བཅས་མདུན་དུ་སྤྱན་དྲངས་ཏེ། །གདན་ལ་བཞུགས་པར་གསོལ་བ་གདབ། །དེ་ནས་སྤོས་དང་མེ་ཏོག་དང་། །མར་མེ་དྲི་ཆབ་ལ་སོགས་པ། །དངོས་དང་ཡིད་ཀྱི་
[210a.3]མཆོད་པ་རྣམས། །ཅི་ནུས་པར་ནི་དབུལ་བར་བྱ། །དེ་འོག་སྡིག་པ་བཤགས་པ་དང་། །སྡོམ་པ་ཡང་ནི་གཟུང་བར་བྱ། །ཡི་རང་བ་དང་བསྐུལ་བ་དང་། །གསོལ་གདབ་རང་གི་ལུས་དབུལ་ཞིང་། །དགེ་རྩ་བྱང་ཆུབ་ཆེན་པོར་བསྔོ། །བདག་ལས་སྤྲུལ་པའི་ལྷ་ཚོགས་ཀྱིས། །
[210a.4]སེམས་ཅན་ཀུན་གྱི་དོན་བྱེད་བསམ། །ཕྱི་མའི་དུས་ཀྱི་སྨོན་ལམ་གདབ། །སེམས་ཅན་དོན་བྱའི་བསམ་པ་བསྐྱེད། །ཚད་མེད་བཞི་ཡང་བསྒོམ་པར་བྱ། །དེ་ལ་ནན་ཏན་ཆེར་བསྐྱེད་ནས། །སྡིག་པ་སྦྱོང་པར་བྱེད་པ་དང་། །ཐུན་མོང་དངོས་གྲུབ་ཀུན་འགྲུབ་ཅིང་། །དེ་ལ་སོགས་
[210a.5]པའི་ཡོན་ཏན་ཚོགས། །དཔག་ཏུ་མེད་པ་འབྱུང་བར་འགྱུར། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཇི་སྲིད་དུ་བསོད་ནམས་ཀྱི་ཚོགས་བསགས་པའི་དམ་ཚིག་ཆེན་པོའོ། །གཞན་ཡང་ཡང་དག་བཤད་བྱ་བ། །ཇི་སྲིད་བསོད་ནམས་ཚོགས་
[210a.6]རྫོགས་ནས། །ཡེ་ཤེས་ཚོགས་རྣམས་བཤད་བྱ་སྟེ། །དང་པོ་ཉིད་ནས་རང་བཞིན་མེད། །དེ་ལྟར་མོས་པར་བྱེད་པ་དང་། །ཡང་ན་སྙིང་གའི་ཡི་གེ་ལས། །འོད་བྱུང་བདག་ཉིད་ཞུ་གྱུར་ཏེ། །སླར་འདུས་རང་བཞིན་མེད་པར་འགྱུར། །དེ་ལ་དམིགས་ནས་བསྒོམས་པའི་ཚེ། །གཞན་པའི་
[210a.7]ཡུལ་རྣམས་རང་བཞིན་གཞག་དེ་ལྟར། ཡུལ་ནི་གང་ལའང་མི་གཏད་དེ། །རྟེན་ཡང་གང་ལའང་བཅས་པ་མེད། །ཅེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོས་འདི་ནི་ཇི་སྲིད་དུ་ཡེ་ཤེས་ཀྱི་ཚོགས་བསགས་པའི་དམ་ཚིག་ཆེན་པོའོ། །དེ་ལྟར་ཚོགས་གཉིས་བསགས་
[210b]
[210b.1]གྱུར་ན། །གང་ཞིག་བསྐྱེད་པའི་སྦྱོར་བ་ནི། །ཡཾ་དང་བཾ་དང་ལཾ་ལས་དང་། །སུཾ་དང་བྷཱུཾ་ལས་བྱུང་བ་ཡི། །རླུང་དང་ཆུ་ཡི་དཀྱིལ་འཁོར་དང་། །ས་གཞི་རི་རབ་སྟིང་དག་ཏུ། །གཞལ་ཡས་ཁང་པ་བསམ་བྱས་ཏེ། །གྲུ་བཞི་པ་ལ་སྒོ་བཞི་པ། །པདྨ་བརྒྱད་ཀྱིས་ཡང་དག་
[210b.2]བརྒྱན། །གྲུ་ཆད་བཞིས་བརྒྱན་བར་ཁྱམས་དང་། །དྲ་བ་དྲ་ཕྱེད་ཕ་གུ་དང་། །དྲིལ་བུ་དར་དཔྱངས་ལ་སོགས་པ། །ཕྱི་དང་ནང་གི་རྒྱན་གྱིས་མཛེས། །དབུས་སུ་ཉི་ཟླ་པདྨའི་སྟེང་། །ཧཱུཾ་ལས་བྱུང་བའི་རྡོ་རྗེ་འབར། །དེ་ལས་དཔལ་ལྡན་གོས་སྔོན་སྐུ། །ཞལ་གཅིག་
[210b.3]ཕྱག་གཉིས་མཐིང་གའི་མདོག །དབུ་ལ་སྦྲུལ་བརྒྱད་གདེངས་ཀ་ཅན། །སངས་རྒྱས་ལྔ་ཡིས་དབུ་བརྒྱན་ཅིང་། །གནས་ལྔར་སྐུ་ལྔའི་མཚན་མ་ཅན། །སྤྱན་གསུམ་མེ་ཡི་མདོག་འདྲ་ཞིང་། །ཤངས་འབར་དབུགས་ལས་རླུང་ཡང་འཚུབ། །ལྗགས་ནི་གློག་བཞིན་
[210b.4]མྱུར་འདྲིལ་ཞིང་། །ཞལ་ནས་སྦྲུལ་ནག་གསོལ་བའི་ཚུལ། །སྦྲུལ་ནག་སེ་རལ་ཁ་ལ་གཟེད། །སྦྲུལ་སེར་ཆུན་པོས་རྐང་ལག་བརྒྱན། །དམར་པོ་ཡིས་ནི་སྐ་རགས་བྱས། །གསུས་ཁྱིམ་ཆེ་ཞིང་གསུས་པ་འཕྱང་། །སྐུ་སྨད་གོས་སྔོན་ཤམ་ཐབས་ཅན། །རྡོ་རྗེ་ཁྲོས་མ་སྐུ་
[210b.5]ལའང་འཁྲིལ། །གཉིས་སུ་མེད་པར་གྱུར་པ་དང་། །ཕྱོགས་བཅུའི་སངས་རྒྱས་སྤྱན་དྲངས་ཏེ། །མཆོད་དང་བསྟོད་པས་མཉེས་བྱས་ནས། །དོན་ཆེན་འདི་ཡིས་གསོལ་བ་བཏབ། །ཨེ་མ་ཧོ་དཔལ་ལྡན་གོས་སྔོན་ཅན། །ལུས་ཀྱི་རྟོག་པ་བསལ་བའི་ཕྱིར། །ཐུགས་
[210b.6]རྗེ་ཆེན་པོའི་བྱིན་རླབས་ཀྱིས། །བདག་ལ་བྱིན་གྱིས་བརླབ་ཏུ་གསོལ། །གསང་བའི་བདག་པོ་བཅོམ་ལྡན་འདས། །བདག་ནི་སེམས་ཅན་དོན་ཀུན་རྩོམ། །གསང་འཛིན་རིགས་ཀྱི་བདག་པོ་ཡིས། །བདག་ལས་བདེ་གཤེགས་སྐུ་བྱིན་རློབས། །དག་དང་ཡིད་ལ་དེ་
[210b.7]བཞིན་དུ། །གསོལ་བ་བཏབ་པས་བྱེད་པ་ཡིན།། ཕྱིས་ནི་གནས་གསུམ་བྱིན་བརླབས་ཏེ། །བུམ་པ་ལ་སོགས་དབང་རྣམས་བླང་། །བདེ་བ་ཆེན་པོར་རྟག་ཏུ་དགྱེས། །དེ་ནས་ཕྱོགས་བཅུའི་ལྷ་མོ་ཡིས། །བསྟོད་པ་གླུ་ཡིས་སྐུལ་བར་བྱེད། །ཨ་ལ་ལ་ལ་ལ་ཧོ།
[211a]
[211a.1]ཤུ་ཀྲ་སུ་ཀ་ཧོ། །བདེ་བ་ཆེན་པོ་གསང་བ་མཆོག་ནི་ཉམས་དགའ་ནས། །མཅོམ་ལྡན་གསང་མཆོག་ཐུགས་རྗེའི་བདག་ཉིད་ཅན། །མ་རིག་རྨོངས་པ་ཡོངས་སུ་བསལ་བའི་ཕྱིར། །འབར་བའི་སྐུ་བཞིས་རྟག་ཏུ་འགྲོ་བའི་དོན་ལ་སྤྱོད། །ཨ་ལ་ལ་ལ་
[211a.2]ལ་ཧོ། །མ་ཧཱ་གུ་ཧྱ་པཱུ་ཛོ་པ་སྠ་ས་མ་ཡ། ཙིཏྟ་ཤུ་ཀྲ་སུ་ཀ་ཨ་ལ་ལ་ལ་ལ་ཧོ་ཞེས་བསྐུལ་ལོ། །འོད་ལས་ཡོངས་སུ་སད་གྱུར་ཏེ། །རྡོ་རྗེ་པདྨ་བྱིན་བརླབས་ནས། །ལྷ་མོས་བསྐུལ་དང་དགའ་བ་ཡིས། །སྤྱོད་པ་བྱས་པས་འགྲུབ་འགྱུར་ཏེ། །སྙོམས་པར་ཞུགས་ནས་བྷ་ག་ལ། །
[211a.3]སུམ་ཅུའམ་ནི་ཉི་ཤུ་ལྔ། །བཅུ་སོགས་ཡུམ་གྱི་བྷ་གར་བསྐྱེད། །དེ་ལ་སོ་སོའི་སྔགས་ཀྱིས་གདོན། །ཨོཾ་སརྦ་ཏ་ཐཱ་ག་ཏ་ཀྲོ་དྷ་ནཱི་ལཱཾ་བ་ར་དྷ་ར་ཧཱུཾ། ཨོཾ་བཛྲ་ཀྲོ་དྷ་ནཱི་ལཱཾ་བ་ར་དྷ་ར་ཧཱུཾ། ཨོཾ་རཏྣ་ཀྲོ་དྷ་ནཱི་ལཱཾ་བ་ར་དྷ་ར་ཧཱུཾ། ཨོཾ་པདྨ་ཀྲོ་དྷ་ནཱི་ལཱཾ་བ་ར་དྷ་ར་ཧཱུཾ། ཨོཾ་ཀརྨ་ཀྲོ་དྷ་ནཱི་ལཱཾ་བ་ར་དྷ་ར་
[211a.4]ཧཱུཾ། ཨོཾ་སརྦ་ཏ་ཐཱ་ག་ཏ་ཀྲོ་དྷཱི་ཤྭ་རི་ནཱི་ལཱཾ་བ་ར་དྷྭ་ར་ཧཱུཾ། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛཱ་ཡ་ཧཱུཾ། ཨོཾ་མ་ཧཱ་ཀཱ་ལ་བྷ་ར་སནྟི་ན་ཧཱུཾ། ཨོཾ་བི་རཱུ་ཌྷ་ཀཱ་ཡ་ཧཱུཾ། ཨོཾ་བི་རཱུ་པཀྵ་ཡེ་ཧཱུཾ། ཨོཾ་བཛྲ་ལཱ་སྱེ་ཧཱུཾ། ཨོཾ་བཛྲ་མཱ་ལེ་ཏྲཱཾ། ཨོཾ་བཛྲ་གཱི་ཏི་ཧྲཱིཿ། ཨོཾ་བཛྲ་ནྲྀ་ཏྱ་ཨཿ། ཨོཾ་བཛྲ་དྷཱུ་པེདྷཱུ། ཨོཾ་བཛྲ་པུཥྤ་
[211a.5]པུ། ཨོཾ་བཛྲ་ཨཱ་ལོ་ཀེ་ཧྲཱིཿ། ཨོཾ་བཛྲ་གནྡྷེ་གཾ། བཛྲ་ཨཾ་ཀུ་ཤ་ཇཿ། བཛྲ་པཱ་ཤ་ཧཱུཾ། བཛྲ་སྥོ་ཊ་བཾ། བཛྲ་གྷཎྜེ་ཧོཿ། ཞེས་པའོ། །ཤར་དུ་སངས་རྒྱས་གོས་སྔོན་ཅན། །ཞལ་དང་སྐུ་ནི་དཀར་ལ་འཚེར། །འཁོར་ལོ་དང་ནི་དྲིལ་བུ་བསྣམས། །སྦྲུལ་དཀར་པོས་ནི་རྣམ་པར་
[211a.6]བརྒྱན། །ལྷོར་ནི་རིན་ཆེན་གོས་སྔོན་ཅན། །ཞལ་དང་སྐུ་ནི་སེར་ལ་འཚེར། །རིན་པོ་ཆེ་དང་དྲིལ་བུ་བསྣམས། །སྦྲུལ་སེར་པོས་ནི་སྐུ་ལ་བརྒྱན། །ནུབ་ཏུ་པདྨ་གོས་སྔོན་ཅན། །ཞལ་དང་སྐུ་ནི་དམར་ལ་འཚེར། །པདྨ་དང་ནི་དྲིལ་བུ་བསྣམས། །སྦྲུལ་དམར་པོས་ནི་སྐུ་ལ་བརྒྱན། །
[211a.7]བྱང་དུ་ལས་ཀྱི་གོས་སྔོན་ཅན། །ཞལ་དང་སྐུ་ནི་ལྗང་ལ་འཚེར། །རྒྱ་གྲམ་དང་ནི་དྲིལ་བུ་བསྣམས། །སྦྲུལ་ལྗང་པོས་ནི་སྐུ་ལ་བརྒྱན། །ཁྲོ་བོ་འདི་དག་ཐམས་ཅད་ཀྱང་། །དབུ་ལ་སངས་རྒྱས་བཞི་ཡིས་བརྒྱན། །ཡུམ་བཞི་ཡིས་ནི་ལེགས་པར་འཁྱུད། །ཀུན་ཀྱང་གཙོ་
[211b]
[211b.1]བོའི་ཆ་ལུགས་ཅན། །སྔགས་ཀྱི་བདག་པོ་གཞན་རྣམས་ཀྱང་། །སོ་སོའི་གནས་སུ་བསྐྱེད་པར་བྱ། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་སྲིད་དུ་གཙོ་བོ་དང་འཁོར་བསྐྱེད་པའི་དམ་ཚིག་ཆེན་པོའོ། །ཇི་སྲིད་བསྐྱེད་པ་རྫོགས་གྱུར་ནས། །
[211b.2]ཕྱོགས་བཅུའི་སངས་རྒྱས་སྤྱན་དྲངས་ཏེ། །མདུན་དུ་གནས་ལ་མཆོད་པས་མཉེས། །རྡོ་རྗེས་གསོལ་བ་གོང་བཞིན་གདབ། །དེ་ནས་བདག་ལ་བསྟིམ་པའམ། །ཡང་ན་ལྷ་མོས་དབང་བསྐུར་ཕྱིར། །གནས་གསུམ་བྱིན་བརླབ་བྱས་པའམ། །ཡང་ན་གསུམ་འདུས་སྦྱོང་བ་
[211b.3]བྱ། །དེ་ལྟར་བྱས་ནས་རང་གི་སྐུ། །དམིགས་དང་གསལ་བའི་ཆོ་ག་བྱ། །འདིས་ནི་རང་གི་རྣམ་རྟོག་བཟློག །ཅེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་སྲིད་དུ་བསྐྱེད་པའི་སྐུ་བྱིན་གྱིས་བརླབ་པའི་དམ་ཚིག་ཆེན་པོའོ། །གང་ཞིག་རྒྱས་ལ་མ་དད་
[211b.4]པའི། །གང་ཟག་ལ་ནི་སྦྱོར་འདི་བསྟན། །སྔོན་དུ་བླ་མ་སངས་རྒྱས་ལ། །ཕྱག་འཚལ་བ་དང་བཤགས་བྱས་ནས། །ཡང་དག་བྱང་ཆུབ་ཡིད་ལ་བཞག །དེ་ནས་འབྱུང་བ་གཞལ་ཡས་བཅས། །ནང་དུ་ཆོ་ག་གསུམ་ལས་བྱུང་། །གཙོ་བོའི་སྐུ་དང་སྐུ་བཞི་ནི། །རང་རང་
[211b.5]ཡུམ་དང་བཅས་པ་བསྐྱེད། །བཅུ་ལས་གཞན་པ་ཐམས་ཅད་ཀུན། །བསྡུས་པའི་སྐབས་སུ་སྤང་བར་བྱ། །དེ་ནས་ཡེ་ཤེས་འཁོར་ལོའང་། །མཆོད་དང་དབང་ལ་སོགས་སྤངས་ཏེ། །བསྟིམ་པ་ཡི་ནི་སྦྱོར་བ་བྱ། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་
[211b.6]ཆེན་པོས་ཇི་སྲིད་དུ་སྦྱོར་བ་བསྡུས་པའི་དམ་ཚིག་ཆེན་པོའོ། །གཞན་ཡང་ཤིན་ཏུ་བསྡུས་པ་ནི། །དང་པོར་གཞན་གྱི་དོན་བྱ་དང་། །རང་ཉིད་འབྲས་ཐོབ་བསམ་པ་བསྐྱེད། །སྟོང་པའི་ངང་ལས་གཅིག་པར་གྱིས། །གཞལ་ཡས་གཙོ་བོ་དང་བཅས་པ། །རིམ་པའམ་ནི་
[211b.7]ཅིག་ཅར་གྱིས། །བསྐྱེད་དེ་འཁོར་ནི་འདིར་མ་གསུངས། །ཡེ་ཤེས་འཁོར་ལོ་བཀུག་ནས་ནི། །གཉིས་མེད་གྱུར་ནས་སེམས་གཟུང་བ། །ཡང་ན་སྔགས་ཀྱི་སྦྱོར་བ་བྱས། །ཚོགས་དང་གཏོར་མ་ལ་སོགས་པ། །དེ་ལ་དེ་ཡི་སྦྱོར་བ་བྱ། །ཞེས་པ་འདི་ནི་བྱང་ཆུབ་
[212a]
[212a.1]སེམས་དཔའ་སེམས་དཔའ་ཆེན་པོའི་ཇི་སྲིད་དུ་སྦྱོར་བ་ཤིན་ཏུ་བསྡུས་པའི་དམ་ཚིག་ཆེན་པོའོ། །དེ་ལྟར་སྦྱོར་བའི་དོན་བསྟན་ནས། །སེམས་གཟུང་རིམ་པ་བསྟན་པ་ནི། །དང་པོ་བླ་མ་མཆོད་ལ་བརྟེན། །གཉིས་པ་བདེ་གཤེགས་བརྟེན་པ་སྟེ། །གསུམ་པ་རླུང་
[212a.2]ལ་སོགས་ལ་བརྟེན། །བཞི་པ་ཡི་གེ་ལྔ་པ་ལ། །རྡོ་རྗེ་དྲུག་པ་སྐུ་ལ་བརྟེན། །དེ་ནས་འཁོར་ལོ་བརྟེན་པ་ནི། །དབང་པོ་རབ་འབྲིང་བྱེ་བྲག་གིས། །དུས་གཅིག་པའམ་རིམ་གྱིས་བྱེད། །དེ་ནས་དབང་བསྐུར་བྱིན་བརླབ་དང་། །བསྟིམ་པའི་སྦྱོར་ལ་བརྟེན་པ་ཡིན། །ཡང་ན་དུས་
[212a.3]ཀྱི་བྱེ་བྲག་ནི། །གང་ཞིག་བླ་མ་ལ་སོགས་པ། །དང་པོའི་དུས་ཀྱི་རྣལ་འབྱོར་པས། །རྗེས་སུ་དྲན་ནོ་སྐད་ཅིག་དང་། །སྐད་ཅིག་བཅུ་དང་བརྒྱ་དང་ནི། །སྟོང་དང་ཐུན་ཕྱེད་ཐུན་གཅིག་དང་། །ཐུན་མཚམས་མེད་པའི་བར་དུའོ། །ཞེས་པ་ནི་བྱང་ཆུབ་སེམས་དཔའ་སེམས་དཔའ་
[212a.4]ཆེན་པོས་ཇི་སྲིད་དུ་སེམས་གཟུང་བར་རིམ་པའི་དམ་ཚིག་ཆེན་པོའོ། །སེམས་གཟུང་ཆེད་དུ་བྱས་པ་ཡིས། །དེ་ཡི་ཐབས་ནི་བཤད་བྱ་སྟེ། །གཞན་གྱི་རྣམ་པས་འདིར་འདོད་ན། །ཉོན་མོངས་དགྲ་ནི་སྤང་བར་བྱ། །དག་པའི་དབང་དུ་འདོད་པ་ཡིས། །དང་པོར་རྟོག་པ་སྤང་
[212a.5]བར་བྱ། །དུལ་ནས་འཛིན་པར་འདོད་པ་ཡིས། །སེམས་ནི་ཕྱི་དང་ནང་དུ་བྱུང་། །འོག་ཏུ་བསྟིམ་དང་སྟེང་དུ་འཕྲོ། །དེ་བཞིན་ནང་དུ་གཞུག་པའང་། །སེམས་གཟུང་དོན་དུ་བྱེད་པ་ཡིན། །གཞན་ཡང་རྣལ་འབྱོར་གང་ཞིག་གིས། །ཁམས་གསུམ་ལ་སོགས་ཤེས་པ་དང་། །རལ་
[212a.6]གྲི་ཡང་ནི་སྦྱར་བར་བྱ། །དཔལ་ལྡན་གསང་བ་མཆོག་སྒྲུབ་པས། །གཙོ་བོ་འཁོར་དང་བཅས་གསལ་ནས། །མི་འགྱུར་མཆོག་གི་ཆོ་ག་བྱ། །གང་ཞིག་ལ་ནི་གང་གསལ་བ། །དེ་ལ་དམིགས་ལ་བསྒོམ་པར་བྱ། །མ་གསལ་བར་དུ་བསྐྱེད་ཅིང་བསྒོམ། །ཕྱག་ཙམ་གསལ་
[212a.7]ན་ཕྱག་ལ་དམིགས། །གཉིས་དང་གསུམ་ལ་སོགས་པ་ཡང་། །གསལ་འགྱུར་དེ་ལ་དམིགས་པར་བྱ། །གཙོ་བོ་གསལ་ན་གཙོ་བོ་སྟེ། །འཁོར་ལ་ཡང་ནི་དེ་བཞིན་ནོ། །ཐམས་ཅད་གསལ་ན་ཀུན་ལ་དམིགས། །ཐམས་ཅད་གསལ་བར་མ་གྱུར་ན། །སྡིག་པ་ཞི་
[212b]
[212b.1]དང་བསོད་ནམས་སྤེལ། །ཞི་དང་རྒྱས་པའི་སྦྱིན་སྲེག་བྱ། །རེས་གསལ་རེས་མི་གསལ་གྱུར་ན། །བགེགས་རྣམས་བཟློག་པའི་ལས་བྱའི་ཕྱིར། །དྲག་པོ་ཡི་ནི་སྦྱིན་སྲེག་དང་། །ཚོགས་ཀྱི་འཁོར་ལོ་ལ་སོགས་བྱ། །དེ་བཞིན་བསྐྲད་དང་མནན་པ་དང་། །བསྲུང་བའི་མཆོག་
[212b.2]ཀྱང་བྱ་བ་ཡིན། །ཕྱག་གཉིས་གསལ་བར་མ་གྱུར་ན། །ཕྱག་མཚན་གྱིས་ནི་གསལ་བར་བྱ། །ཕྱག་མཚན་གསལ་བར་མ་གྱུར་ན། །ཕྱག་མཚན་འོད་ཀྱིས་གསལ་བར་བྱ། །སྤྱན་རྣམས་གསལ་བར་མ་གྱུར་ན། །ཁྲག་གི་ཞམ་ཆུ་འབབ་པ་དང་། །བཀྲག་དང་རི་མོ་
[212b.3]ལྡན་པས་གསལ། །ཞལ་མདོག་གསལ་བར་མ་གྱུར་ན། །སྟོང་གསུམ་འོད་ཀྱིས་གང་བར་གསལ། །ཡང་ན་ཐམས་ཅད་གསལ་བྱས་ན། །ཕྲ་མོ་མིག་གསལ་གྱུར་ཀྱང་སླ། །གང་ཆེ་གང་གིས་མི་གསལ་ན། །ཟས་དང་སྐོམ་དང་གནས་དག་གིས། །འདུ་བ་གང་ལ་
[212b.4]བརྟེན་པས་འགྲུབ། །དམིགས་པ་མི་གསལ་བཅོ་བ་གང་། །དང་པོ་སྐད་ཅིག་རྗེས་དྲན་དང་། །རྒྱུན་ལ་ཇི་སྲིད་འཚོ་བར་དུ། །སྦྱོར་བ་འདི་ནི་བྱེད་པ་ཡིན། །དཔལ་ལྡན་གསལ་བར་གྱུར་ནས་ནི། །ཇི་སྲིད་ལས་རྣམས་བྱེད་པ་ཡིན། །ཞེས་པ་འདི་ནི་བྱང་ཆུབ་སེམས་དཔའ་
[212b.5]སེམས་དཔའ་ཆེན་པོས་ཇི་སྲིད་དུ་དམིགས་པ་ལ་སེམས་གཟུང་བའོ། །དེས་ན་བསྒོམ་པ་བོགས་དབྱུང་ནི། །ཇི་སྲིད་དུས་ཀྱི་བོགས་དབྱུང་ནི། །སྐད་ཅིག་རྗེས་དྲན་གོང་དུ་ཤེས། །དམིགས་པ་བོགས་དབྱུང་བཤད་བྱ་སྟེ། །དང་པོར་དཀར་པོ་ལྗང་གུའི་བར། །རེ་རེ་དང་ནི་ལྔ་
[212b.6]འདུས་པ། །ཁ་དོག་ལ་ནི་བོགས་དབྱུང་བའོ། །དེ་ལས་རི་རབ་ཏིལ་འབྲུའི་བར། །དབྱིབས་ཀྱི་བོགས་དབྱུང་དག་ཏུ་འདོད། །སྟོང་གསུམ་གང་དང་གཅིག་འདུས་པ། །གྲངས་ཀྱི་བོགས་དབྱུང་དག་ཏུ་བཤད། །སྐུ་ལ་ཇི་ལྟར་བོགས་ཕྱིན་པ། །དེ་ལྟར་ཐུགས་ལ་བསླབ་
[212b.7]བྱ་སྟེ། །ཁ་དོག་དབྱིབས་དང་གྲངས་དེ་བཞིན། །གསུང་ལ་ཡང་ནི་དེ་ལྟར་རོ། །དེ་ལྟའི་སྦྱོར་བ་བསྟན་པ་ཡང་། །གང་ཟག་རིགས་ཀྱིས་རྣམ་གཉིས་ཏེ། །རྐྱེན་གྱི་དབང་དུ་འགྱུར་བ་ལ། །ཇི་ལྟའི་འོད་ཀྱིས་བདག་རྐྱེན་བྱས། །མི་འགྱུར་རང་བཞིན་འགྱུར་བའོ། །ཟས་དང་
[213a]
[213a.1]སྐོམ་ལ་སོགས་པ་ཡིས། །ཇི་ལྟར་བསམ་གཏན་འཕེལ་བྱེད་པ། །འདི་ནི་བྲས་ལ་སོགས་པ་ཡིས། །བོགས་དབྱུང་མན་ངག་ཡིན་པར་འདོད། །དེ་ལྟར་བོགས་དབྱུང་སྦྱོར་བ་ཡིས། །བསྒོམ་པ་འཕེལ་བར་འགྱུར་བ་ཡིན། །དེ་ལས་བྱུང་བའི་སྐུ་ཡིས་
[213a.2]ནི། །ལས་རྣམས་ཐམས་ཅད་འགྲུབ་པར་བྱེད། །ཅེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་སྲིད་དུ་བསྒོམ་པའི་བོགས་དབྱུང་བའོ། །གང་ཚེ་བསྒོམ་ལ་མི་གཞོལ་ཞིང་། །གསང་སྔགས་གཙོ་བོར་བྱེད་པ་ལ། །སྔགས་ཀྱི་ངེས་པ་བཤད་པར་
[213a.3]བྱ། །སྔགས་བཟླས་པ་ནི་རྣམ་གཉིས་ཏེ། །ཐུན་མོང་དང་ནི་ཁྱད་པར་རོ། །ཐུན་མོང་སྔགས་ནི་བཤད་བྱ་སྟེ། །བདག་དང་གཞལ་ཡས་འཁོར་བཅས་དམིགས། །གསལ་ལ་དམིགས་པའི་བཟླས་པའོ། །སྡིག་པ་དབྱུང་དང་བསྲེག་པ་དང་། །བཀྲུ་བའི་དོན་ལ་རབ་དམིགས་ནས། །
[213a.4]ཧཱུཾ་དང་རཾ་དང་ཧཾ་བསྐུལ་ཏེ། །མགལ་མེ་ཕྲེང་བ་ཉི་མ་ཡིས། །གང་ཞིག་བྱེད་པར་འགྱུར་བ་ནི། །རྒྱུད་རྣམས་སྦྱོར་བའི་བཟླས་པའོ། །གང་ཚེ་ཡུམ་དང་བཞི་སྐོར་དང་། །མདུན་གྱི་དཀྱིལ་འཁོར་ཉིས་སྐོར་དང་། །འཁོར་གྱི་དབང་དུ་སུམ་སྐོར་དང་། །གཙོ་དང་འཁོར་གྱི་བཟླས་
[213a.5]པ་དང་། །སྙིང་ན་བཙོན་འདྲའི་བཟླས་པ་ལ། །མགལ་མེ་ཕྲེང་བ་ཉི་མའི་ཚུལ། །མཚན་མ་འདོད་པའི་བཟླས་པའོ། །ཁྱད་པར་བཟླས་པ་བཤད་བྱ་སྟེ། །སྔགས་འོད་དཀྱིལ་འཁོར་རྣམས་ལ་ཕོག །དེ་ལས་ཁྲོ་བོའི་ཚོགས་བྱུང་ནས། །ལེན་བྱེད་དགུག་པའི་བཟླས་པའོ། །
[213a.6]རལ་གྲི་ལ་སོགས་ཐོག་འབེབས་དང་། །གཅོད་གཏུབ་གསད་པའི་བཟླས་པའོ། །བདག་ལས་བྱུང་བའི་ཁྲོ་ཚོགས་ཀྱིས། །གསད་པའི་ཤ་རུས་མདུན་དུ་བཏོན། །ཧ་ཧ་རུ་ལུའི་སྒྲ་སྒྲོགས་པ། །བསྙེན་པའི་དུས་ཀྱི་བཟླས་པའོ། །ཁྲོ་ཚོགས་འཁོར་ལོ་ཐོགས་པ་ཡིས། །
[213a.7]ཀླད་པར་འཁོར་ལོ་བསྐོར་བ་ཡིས། །སྨྱོ་བྱེད་དུས་ཀྱི་བཟླས་པའོ། །རྔ་མོ་ཅན་གྱི་ཁྲོ་ཚོགས་ཀྱིས། །བཟུང་ཞིང་ཁྲིད་པར་བྱེད་པ་ནི། །བསྐྲད་པའི་དུས་ཀྱི་བཟླས་པའོ། །འོད་ཟེར་དཀར་པོའི་ཚོགས་བྱུང་ནས། །ལྷ་ལ་སོགས་པའི་སྡིག་པ་སྦྱོང་། །དེ་ནི་ཞི་བའི་བཟླས་པའོ། །
[213b]
[213b.1]གང་ཞིག་གིས་ནི་བཅུད་རྣམས་བསྡུས། །རང་བྱུང་ཚེ་ཡི་ཡི་གེ་གསོས། །བཀྲག་དང་གཟི་བྱིན་བསྔོས་པས་བསྐྱེད། །རྒྱས་པའི་དུས་ཀྱི་བཟླས་པའོ། །སྔགས་འོད་རྡོ་རྗེ་ལ་སོགས་པས། །གདུལ་བྱའི་རྐང་དང་སྤྱི་བོར་བསྲེག །འོད་ཟེར་གཞན་གྱིས་གསོས་འདེབས་པ། །
[213b.2]རེངས་པའི་དུས་ཀྱི་བཟླས་པའོ། །འོད་ཟེར་ཁ་དོག་སྣ་ལྔ་ལས། །སྤོས་སོགས་ལྷ་མོ་རྣམས་ཀྱིས་གང་། །གང་ལ་ཕུལ་ནས་དོན་གྲུབ་པ། །མཆོད་པའི་དུས་ཀྱི་བཟླས་པའོ། །གང་ཞིག་ལས་ནི་འོད་བྱུང་ནས། །བདག་ཞུ་དེར་འདུས་བདེ་ཐོབ་པ། །གསང་བའི་དུས་ཀྱི་
[213b.3]བཟླས་པ་སྟེ། །རྣམ་དག་དོན་ལ་རབ་དམིགས་པ། །འདི་ནི་བླ་མེད་བཟླས་པའོ། །གསང་སྔགས་སྐྱོན་རྣམས་རབ་སྤངས་ནས། །འབྲས་བུ་ཐོབ་པའི་ལས་བྱེད་པའང་། །འདི་ཡིས་འགྱུར་གྱི་གཞན་དུ་མིན། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཇི་སྲིད་
[213b.4]དུ་རྡོ་རྗེ་སྔགས་བཟླས་པ་གྲུབ་པའི་དམ་ཚིག་གོ། །གང་ཞིག་ཚོགས་རྣམས་རྫོགས་བྱེད་ཅིང་། །འདི་ཡིས་ནོར་བུ་གཞན་འགྲུབ་ཕྱིར། །ཆོགས་ཀྱི་ངེས་པ་བཤད་པར་བྱ། །འཇིག་རྟེན་རྫས་རྣམས་མ་ལུས་པ། །ཀུན་ཚོགས་རྣལ་འབྱོར་ལྷ་གྲངས་ཏེ། །འཚམ་པ་དང་ནི་
[213b.5]མཆོད་པ་སོགས། །སྔོན་འགྲོ་ས་ཆོག་ལ་སོགས་རྫོགས། །དེ་ནས་ལྷ་ཡི་ཏིང་འཛིན་གྱིས། །མཎྜལ་ལྔ་དང་བཅུ་སོགས་ལ། །མེ་ཏོག་དང་ནི་མཆོད་པ་བཀྲམ། །དེ་ནས་གསང་བའི་དཀྱིལ་འཁོར་བྲི། །དེ་ཚེ་རྒྱལ་པོས་མཚམས་རྣམས་བཅད། །ཚོགས་བསགས་རྒྱལ་
[213b.6]པོས་བླང་བར་བྱ། །མེད་པ་ལས་བྱུང་ཕྱག་རྒྱ་ཡིས། །རྒྱལ་པོ་བཞི་ནི་ཐོབ་བྱ་སྟེ། །བདེ་བ་ཆེན་པོ་ཉིད་དག་ལས། །ལྷ་མོས་སད་བྱས་སྐུར་ལངས་ཏེ། །དཀྱིལ་འཁོར་རྒྱས་ནས་རྒྱལ་པོ་ལེན། །དེ་ནས་གྲུབ་པ་རྫོགས་གྱུར་ནས། །རྒྱལ་པོ་ཡིས་ནི་སེམས་དཔའ་བསྐུལ། །
[213b.7]ཕྱི་རོལ་འཁོར་ལོ་བསྡུས་བྱས་ནས། །ནང་དུ་སོ་སོའི་མཎྜལ་བཀོད། །བདག་གིས་འཇུག་པ་དེ་བཞིན་དུ། །འཁོར་རྣམས་དམ་པའི་དོན་ལ་འཇུག །གང་ཞིག་གིས་ནི་རོལ་མོ་དང་། །ལྡན་པས་ཚོགས་ནི་གྲངས་བྱས་ཏེ། །སྐོམ་དང་མཆོད་པ་སྔོན་སོང་ནས། །
[214a]
[214a.1]ཚོགས་ཀྱང་བྱིན་གྱིས་བརླབ་པར་བྱ། །ཡཾ་རཾ་ཨ་ལས་རླུང་མེ་ཐོད། །ནང་དུ་ཤ་ལྔ་བདུད་རྩི་ལྔ། །ཡི་གེ་གསུམ་གྱིས་ལེགས་སྦྱངས་ཏེ། །ཡེ་ཤེས་བདུད་རྩི་བབ་གྱུར་ནས། །བདག་མཆོད་དཀྱིལ་འཁོར་མདུན་དུ་མཉེས། །ཆོ་གའི་ཡན་ལག་རྫོགས་པར་
[214a.2]བྱ། །འཇིག་རྟེན་མཎྜལ་སྔོན་པོའི་སྟེང་། །ཕྱི་རོལ་དུ་ནི་མཆོད་པར་བྱ། །དེ་ནི་ཐུན་མོང་ཆོ་གའོ། །ཁྱད་པར་ཆོ་ག་བསྟན་པ་ནི། །ཟབ་པར་སྤྲུལ་པར་བརྟེན་པ་དང་། །བཞི་དང་གསུམ་དུ་ངེས་པར་སྦྱར། །ཞི་བ་ལ་སོགས་སྦྱོར་བ་ནི། །སྔགས་ཀྱི་སྦྱོར་བ་བཞིན་དུ་སྦྱར། །གང་
[214a.3]ཞིག་འདི་ལ་རྟག་གནས་ནས། །མཆོག་འགྲུབ་གཞན་གྱིས་ནུས་མ་ཡིན། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་སྲིད་དུ་ཚོགས་ཀྱི་འཁོར་ལོའི་སྦྱོར་བའོ། །བདག་པོ་འབྱོར་བ་ཆུང་བ་དང་། །སློབ་དཔོན་བསམ་གཏན་ལྡན་པ་ལ། །ཚོགས་
[214a.4]ཀྱི་མཆོད་པ་བསྟན་པར་བྱ། །རྫས་ནི་ལྔ་ནས་བཅུ་ཡི་བར། །སློབ་དཔོན་གཅིག་དང་གཉིས་ཀྱིས་འགྲུབ། །ཁྱབ་འཇུག་བུ་མོའི་སྦྱོར་བའམ། །ཡང་ན་རྒྱས་པ་ཚོགས་འཁོར་བཞིན། །དཀྱིལ་འཁོར་གཅིག་དང་གཉིས་པ་དང་། །བཞི་ཡི་བར་ཡང་མཆོད་པ་ཡིན། །སློབ་
[214a.5]དཔོན་ནུས་པའི་བྱེ་བྲག་གིས། །ལས་གཞན་རྩོམ་ན་གོང་མ་བཞིན། །མི་རྩོམ་འགྱུར་ན་སྡིག་པ་སྦྱང་། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཇི་སྲིད་དུ་ཚོགས་ཀྱི་མཆོད་པའི་དམ་ཚིག་གོ། །དེ་ནས་དཔལ་ལྡན་རྡོ་རྗེ་ཅན། །གང་གིས་བསྒྲུབ་
[214a.6]པར་འདོད་པ་དེས། །སྦྱིན་སྲེག་ཆོ་ག་བཤད་པར་བྱ། །སྔོན་བྱ་གཞན་ནི་གཞན་དུ་སྟེ། །ས་ཡི་རིགས་བཞིར་ཐབ་ཁུང་བཞི། །ཟླུམ་པོ་གྲུ་བཞི་ཟླ་གམ་ཨེ། །ཐབ་ཁུང་དབྱིབས་ཀྱི་མཚན་ཉིད་དོ། །དཀར་སེར་དམར་དང་ནག་པོ་ནི། །ཐབ་ཁུང་གི་ནི་ཁ་དོག་གོ། །འཁོར་ལོ་
[214a.7]རིན་ཆེན་པདྨ་བྲི། །ཐབ་ཁུང་མཚན་མ་ཞེས་སུ་བཤད། །དེ་ཉིད་རཾ་ལས་འོད་འཕྲོས་པས། །མི་དམིགས་ངང་ལས་བྷྲཱུཾ་དུ་གྱུར། །དེ་ལས་གཞལ་ཡས་ཁང་པ་ནི། །གོང་མའི་ཁ་དོག་དབྱིབས་དང་ལྡན། །མཆོད་རྫས་མཆོད་པར་ཤེས་བྱ་སྟེ། །སྲེག་རྫས་བྱིན་གྱིས་
[214b]
[214b.1]བརླབ་པ་ཡང་། །མི་དམིགས་སྣོད་ན་སྭ་ཡིག་ལས། །སོ་སོ་དེ་ཉིད་རྒྱས་པ་ལ། །ཧ་ཧོ་ཧྲཱིཿཡིས་སྐྱོན་རྣམས་བསལ། །མེ་ལྷ་བསྐྱེད་པའི་རིམ་པ་ནི། །ཨེ་ལས་གྲུ་གསུམ་དེ་ཉིད་གསུམ། །རཾ་བཅས་ཡི་གེ་བཞི་རུ་གསལ། །པད་སྟེང་དེ་ལས་མེ་ལྷར་གྱུར། །ཁ་དོག་
[214b.2]བཞི་ཡི་བདག་ཉིད་ལས། །སོ་སོའི་རིགས་ཀྱི་དབུ་རྒྱན་བྱས། །ལྟེ་བར་གོང་མའི་སྦྱོར་བ་སྟེ། །སྙིང་གར་ཕྱོགས་སྐྱོང་བཅུ་དང་ལྡན། །དེ་ནས་ཡེ་ཤེས་མེ་ལྷ་དགུག །བྱིན་བརླབས་དབང་བསྐུར་གཟི་བྱིན་བསྐྱེད། །སོ་སོའི་མཆོད་པ་དབུལ་བྱས་ཏེ། །གཟར་བུ་རྡོ་རྗེ་ལ་
[214b.3]སོགས་པ། །ཁ་དོག་དབྱིབས་ལྡན་བྱིན་གྱིས་བརླབས། །དེ་ནས་དབུལ་བའི་མན་ངག་ཀྱང་། །ཤིང་གི་འོད་ནི་བསྐྱེད་བྱས་ཏེ། །མར་གྱིས་འོད་འཕྲོ་ཀུན་ལ་སྦྱོར། །དཀར་གསུམ་དང་ནི་མངར་གསུམ་གྱིས། །སྤྱི་དང་སོ་སོར་སྡིག་པ་འབྱིན། །འབྲས་དང་འབྲུ་ཡི་ཆན་
[214b.4]དག་གིས། །གོང་གིས་གཉིས་པོ་སོ་སོར་འབྱིན། །ནས་ཐུག་འོ་མའི་ཐུག་པ་ཡིས། །རེ་རེའི་གནས་སུ་སྲེག་པར་བྱེད། །ཏིལ་གྱིས་སྙིང་གི་ནང་ནས་འབྱིན། །ཐ་མའི་བར་གྱིས་འཁྲུ་བར་བྱེད། །ཡང་ན་ཏིལ་གྱིས་སྒོ་དགུར་འཇུག །རྫས་དེ་སེར་པོར་བྱས་པ་ལ། །དཀར་
[214b.5]གསུམ་གྱིས་ནི་གཟི་བྱིན་བསྐྱེད། །མངར་གསུམ་བསྟེན་བྱ་གསལ་བ་སྟེ། །འབྲས་དང་འབྲུ་ཡི་སྦྱོར་བ་ཡིས། །ཡེ་ཤེས་བཅུད་རྣམས་སྤྱི་བོར་སྡུད། །ནས་དང་འོ་མའི་སྦྱོར་བ་ཡིས། །འགྲོ་བཅུད་གནས་རྣམས་ཀུན་དུ་སྡུད། །ཐ་མ་དཱུར་བའི་སྦྱོར་བ་ཡིས། །མཛོད་སྤུའི་སྙིང་
[214b.6]གའི་ཧཱུཾ་ལ་སྡུད། །ཐ་མ་མར་གྱི་སྦྱོར་བ་ཡིས། །བསྲུང་བའི་མཆོག་ཀྱང་འགྲུབ་པར་འགྱུར། །དབང་གི་སྦྱོར་བ་བྱེད་པ་ལ། །བ་ལང་ཤ་ཡི་གཏོར་མ་དང་། །བཅས་པས་སུམ་སྐོར་ལ་སོགས་ཀྱིས། །མྱུར་དུ་འགུགས་ཤིང་དབང་དུ་སྦྱོར། །གསང་བའི་ལས་ཀྱི་ཆོ་
[214b.7]ག་ནི། །དང་པོར་ཤ་ཡི་ཁྲོ་བ་སྟེ། །ལག་གི་འོད་ནི་འཕྲོ་བར་བྱེད། །རུས་པས་སྟེང་གི་འཁོར་ལོ་བྲི། །བདུད་རྩིས་འོད་འཕྲོས་སྤྲུལ་པ་དགྱེས། །འབྲུ་ནག་ཆན་གྱིས་སྤྲུལ་པ་ཁྲོས། །དུག་གི་གཏོར་མས་འགུགས་པ་དང་། །དེ་ཡི་ནང་དུ་གསོད་པ་ནི། །ཕྱེ་མ་
[215a]
[215a.1]གསུམ་དང་དུག་འབྲུས་བྱེད། །དེ་ལྟར་མེ་ཡི་ཆོ་ག་རྫོགས། །སྙིང་གར་དགོད་པའི་ལྷ་རྣམས་ལ། །གོང་མའི་ཆོ་ག་རྫོགས་བྱས་ཏེ། །བསྡུ་དང་གཤེགས་སུ་གསོལ་བྱས་ནས། །བཟོད་གསོལ་མེ་ཡི་སྦྱོར་བ་བྱེད། །རྡོ་རྗེ་མེ་ཡི་དམ་ཚིག་ཡིན། །
[215a.2]བསྲུང་བཞི་བའི་ཆ་ལ་གདབ།། ཚེ་སྲིད་ནམ་མཁར་འགྲོ་བ་དང་། །འོད་དང་བུ་ཚ་བཅུད་འགུགས་པ། །རྒྱས་པའི་ཆ་ལ་གདགས་པའོ། །དགུག་པ་དབང་གི་ཆ་ཡིན་ཏེ། །དྲག་པོའི་ལས་གཞན་ཐ་མའི་ཆ། །འདི་ཡིས་འགྲུབ་བྱ་མ་གཏོགས་པ། །གང་ཟག་
[215a.3]གཞན་གྱིས་འགྲུབ་མི་འགྱུར། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཇི་སྲིད་དུ་མེའི་སྦྱོར་བའི་དམ་ཚིག་གོ། །དེ་ནས་གཞན་ཡང་བཤད་བྱ་བ། །འཕགས་མཆོག་ཆོ་ག་རྫོགས་བྱས་ཏེ། །གཏོར་མའི་ཆོ་ག་ལས་བྱེད་པས། །ཤ་ཁྲག་རུས་པ་
[215a.4]འབྲུ་ལ་སོགས། །ཐམས་ཅད་མ་སྦྱང་སྣོད་དུ་བླུགས། །བདག་འོད་སྦྱོར་བས་རང་བཞིན་མེད། །དེ་ལས་ཡཾ་རཾ་ཨ་རུ་གྱུར། །ནང་དུ་ཤ་ལྔ་བདུད་རྩི་ལྔ། །སྟེང་དུ་རྡོ་རྗེ་ཟླ་དཀྱིལ་བཅས། །ཡི་གེ་གསུམ་གྱིས་བྱིན་གྱིས་བརླབ། །དང་པོར་མདུན་གྱི་དཀྱིལ་འཁོར་ཏེ། །དེ་
[215a.5]ནས་དམན་དང་བར་མ་དང་། །ཤིན་ཏུ་དམན་པ་རིམ་བཞིན་སྦྱིན། །གནས་ཀུན་བྱིན་གྱིས་བརླབ་བྱས་ནས། །ལྕེ་ནི་རྡོ་རྗེར་བསམས་ཏེ་དབུལ། །འདི་ནི་ཉི་ཤུ་རྩ་གཅིག་གམ། །བརྒྱའམ་སྟོང་གི་སྦྱོར་བས་འགྲུབ། །ཁྱད་པར་གཏོར་མའི་སྦྱོར་བ་ནི། །སྔགས་བཟླས་སྦྱོར་བར་
[215a.6]ཤེས་པར་བྱ། །རང་གི་བྱང་ཆུབ་སེམས་ཆུ་ཡིས། །ཇི་ལྟར་སྙིང་གི་ལྷ་མཆོད་པ། །དེ་ནི་འབྲས་མིན་འབྲས་བུ་ཅན། །འདི་ཡི་སྦྱོར་བས་བྱེད་པ་ཡིན། །རྫས་མ་ཚོགས་དང་བསམ་གཏན་བྲལ། །སྔོན་བྱ་མེད་དང་གོ་རིམས་བྲལ། །འདི་ནི་བར་ཆད་སྦྱོར་བ་སྟེ། །མཁས་
[215a.7]པ་རྣམས་ཀྱིས་སྤང་བར་བྱ། །རྡོ་རྗེའི་ལྟེ་བ་འཁོར་ལོ་ཅན། །བཞི་པོ་སྦྱོར་བའི་བདག་ཉིད་དེ། །དྲན་མེད་མཐའ་ཡས་དངོས་གྲུབ་འབྱུང་། །བླ་ན་མེད་པའི་གཏོར་མའོ། །གང་ཞིག་གཏོར་མའི་རིམ་པ་ལ། །མི་བརྟེན་དངོས་གྲུབ་སྦྱོར་བ་སྤངས། །ཞེས་པ་འདི་ནི་བྱང་ཆུབ་
[215b]
[215b.1]སེམས་དཔའ་སེམས་དཔའ་ཆེན་པོའི་ཇི་སྲིད་དུ་གཏོར་མ་གྲུབ་པའི་དམ་ཚིག་ཆེན་པོའོ། །དེ་ནས་གཞན་ཡང་བཤད་བྱ་སྟེ། །མཁས་པས་ལྟ་བའི་དུས་དག་ཏུ། །སྒྱུ་མ་མིག་ཡོར་ལྟ་བུ་སྟེ། །དངོས་པོའི་ལྟ་བར་རབ་བཟློག་ནས། །འདོད་ཡོན་ལྔ་ལ་དེ་ལྟར་སྤྱོད། །
[215b.2]དམིགས་སོགས་སེམས་དཔའི་འཁོར་ལོ་ཅན། །དེར་ནི་ལྷ་མོས་རྟག་ཏུ་དགྱེས། །རོ་ནི་མཆོག་ཏུ་གྱུར་པ་སྟེ། །ཡིད་ནི་ཚིམ་པར་བྱེད་པ་ཡིན། །ཉན་ཐོས་སྡོམ་པའི་འཁོར་ལོ་དང་། །རེག་པའི་བར་དུ་སྦྱོར་བ་སྤང་། །ཐབས་མཆོག་འདི་ཡིས་བྱེད་པ་སྟེ། །འབྲས་བུ་ཁྱད་པར་སྒྲུབ་
[215b.3]པར་བྱེད། །ཅེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཇི་སྲིད་དུ་ལྟ་བ་ལ་སོགས་པའི་དམ་ཚིག་གོ། །གང་ཞིག་གིས་ནི་གང་ཞིག་ལ། །གང་ཞིག་བྱེད་པར་འགྱུར་བ་ནི། །རྣལ་འབྱོར་མཆོག་གི་བྱེད་པ་སྟེ། །སྙིང་གའི་འཁོར་ལོ་ཆེན་པོ་ལ། །སྙིང་
[215b.4]གའི་འཁོར་ལོ་བཅུག་ནས་ནི། །གཉིས་སུ་མེད་པར་གྱུར་པ་དང་། །ལྟེ་བའི་རླུང་གིས་མེ་འབར་བས། །ལྷ་ཚོགས་རྣམས་ནི་སྨིན་བྱས་ཏེ། །ལྕེ་ཡི་འཁོར་ལོ་ཆེན་པོ་ནི། །བྱིན་ཟ་རུ་ནི་དམིགས་པར་བྱ། །ཟས་ལ་སོགས་པ་ཟ་དུས་སུ། །ཟས་ནི་ཤ་ལྔར་དམིགས་བྱས་ཏེ། །སྐོམ་ནི་
[215b.5]བདུད་རྩི་ལྔ་རུ་བསམ། །དེ་ལས་ལག་པ་གཟར་བུ་གཉིས། །ཟ་བའི་དུས་སུ་ལྷ་རྣམས་ལ། །ཞལ་དུ་གསོལ་བས་མཉེས་གྱུར་ནས། །འོད་ཀྱིས་ཞི་བའི་དུས་དག་ཏུ། །ལུས་ངག་ཡིད་ཀྱི་སྒྲིབ་པ་སྦྱོང་། །རྒྱས་པའི་དུས་སུ་བཅུད་རྣམས་འགུགས། དབང་དུས་ཐམས་ཅད་དབང་སྡུད་
[215b.6]དེ། །གསད་པའི་དུས་སུ་བཀུག་གྱུར་ནས། །བཅད་གྱུར་ཤ་ཁྲག་གསོལ་བར་བསམས། །ཟས་སོགས་བདུད་རྩི་ཐམས་ཅད་ཀྱང་། །ལག་པ་ཡིས་ནི་དབུལ་བ་དང་། །ཡང་ན་ལྷ་མོས་དབུལ་བ་དང་། །རྡོ་རྗེ་ལྕེ་ཐུང་ལས་བྱེད་པའི། །ཆོ་གའི་མཆོག་ནི་འདི་ཡིས་བྱེད། །
[215b.7]ཅེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཇི་སྲིད་དུ་ནང་གི་སྦྱིན་སྲེག་གི་དམ་ཚིག་ཆེན་པོའོ། །གཞན་ཡང་སེམས་ཅན་མོས་པ་ཡིས། །བསམ་གཏན་གཙོ་ཆེར་མི་བྱེད་ཅིང་། །མཆོད་པ་གཙོ་ཆེར་བྱེད་པ་ལ། །མཆོད་པ་གཙོ་བོའི་སྦྱོར་བ་བཤད། །
[216a]
[216a.1]སྤོས་དང་མེ་ཏོག་མར་མེ་དང་། །དྲི་ཆབ་ལ་སོགས་སྦྱོར་བ་ལ། །ཐམས་ཅད་ལས་ཀྱི་སྦྱོར་བ་ཡིས། །བསངས་ནས་སྐྱོན་རྣམས་དག་པར་བསམ། །ཡོན་ཆབ་ཞུ་བས་ཏྲཾ་ལས་ནི། །རིན་ཆེན་འབར་བའི་སྣོད་མཆོག་ཏུ། །རང་བྱུང་ཡི་གེ་ཨ་ལས་ནི། །
[216a.2]ཡོན་ཆབ་དཔག་མེད་གྱུར་པ་ལ། །ཨ་ཡིས་རྟོག་སྦྱང་ཨོཾ་གྱིས་འབར། །ཡང་ན་དེ་ཡི་སྦྱོར་བ་ནི། །ཧ་ཡིས་དཀར་ལ་འཚེར་གྱུར་ཏེ། །ཧོ་ཡིས་མི་འདོད་དྲི་རྣམས་བསལ། །ཧྲཱིཿཡིས་མྱོས་པར་འགྱུར་བ་བསལ། །མེ་ཏོག་ཞུ་བས་ཡི་གེ་པུ། །དེ་ཡི་འོད་ཀྱིས་མེ་ཏོག་བསྡུ། །
[216a.3]སླར་འདུས་ལྷ་མོ་མེ་ཏོག་མ། །དེ་ཡི་འོད་ལས་མེ་ཏོག་ཚོགས། །བསྙེན་པའི་སྐབས་སུ་ཁ་དོག་ལྔ། །ཧ་ཧོ་ཧྲཱིཿཡིས་བྱིན་གྱིས་བརླབ། །མཆོད་པ་གཞན་ཡང་དེ་བཞིན་དུ། །བྱིན་གྱིས་བརླབས་ལ་མཆོད་བྱའི་ཕྱིར། །ཕྱོགས་བཅུའི་སངས་རྒྱས་སྤྱན་དྲངས་ཏེ། །མདུན་དུ་
[216a.4]གསལ་བར་བསམ་བྱས་ནས། །མེ་ཏོག་དམར་པོ་མདུན་དུ་གཏོར། །ཞབས་འོག་པདྨར་གྱུར་པར་བསམ། །གདན་གྱི་མཆོད་པའི་རིམ་པའོ། །ཨ་ཧ་ར་ཡི་སྔགས་བཟླས་པས། །ཡོན་ཆབ་ཐོགས་པའི་ལྷ་མོའི་ཚོགས། །དཔག་མེད་མདུན་དུ་སྤྲུལ་བྱས་ཏེ། །དེ་ཡིས་
[216a.5]རྡོ་རྗེ་གླུ་ལྡན་པར། །ཡོན་ཆབ་ཀྱིས་ནི་ཕྱག་ཞབས་བཀྲུ། །མེ་ཏོག་ལ་སོགས་རིམ་པ་ཡང་། །དང་པོར་ལྷ་མོ་སྤྲུལ་བྱས་ཏེ། །གཉིས་པས་ནམ་མཁར་བཞུགས་པར་གསལ། །གསུམ་པས་ནམ་མཁར་རྡོ་རྗེའི་གླུ། །བཞི་པ་སོ་སོའི་གནས་སུ་དབུལ། །གཞན་
[216a.6]ཡང་འདོད་ཡོན་ལྷ་མོ་ནི། །དྭེ་ཥ་ཏེ་ཡི་སྔགས་ལས་བྱུང་། །དཀར་མོ་གཟུགས་ནི་སྤྱན་ལ་བསྟིམ། །པདྨ་ར་ཏཱིའི་སྔགས་ལས་བྱུང་། །དམར་པོ་སྒྲ་ནི་སྙན་ལ་ཐིམ། །ཀརྨ་ར་ཏཱིའི་སྔགས་ལས་བྱུང་། །ལྗང་གུའི་དྲི་ནི་ཤངས་ལ་ཐིམ། །རཏྣ་ར་ཏཱིའི་སྔགས་ལས་བྱུང་། །སེར་
[216a.7]མོ་རོ་ནི་ལྗགས་ལ་ཐིམ། །བཛྲ་ར་ཏཱིའི་སྔགས་ལས་བྱུང་། །མཐིང་ག་རེག་བྱ་ལུས་ལ་ཐིམ། །འདོད་པ་ལྔ་ཡི་མཆོད་པའོ། །ནང་གི་མཆོད་པའི་རིམ་པ་ནི། །བཛྲ་ཀྲོ་དྷཱི་ཤྭ་རི་ཡི། །སྔགས་ལས་མཐིང་ག་བྱང་ཆུབ་སེམས། །བུདྡྷ་ཀྲོ་དྷཱི་ཤྭ་རི་ཡི། །སྔགས་ལས་དཀར་མོ་
[216b]
[216b.1]དྲི་ཆེན་ཏེ། །རཏྣ་ཀྲོདྷཱིའི་སྔགས་ལས་ནི། །སེར་མོ་ཤ་ཆེན་ཞེས་སུ་བཤད། །པདྨ་ཀྲོ་དྷཱིའི་སྔགས་ལས་ནི། །དམར་པོ་ཁྲག་གི་ཐོད་པ་སྟེ། །ཀརྨ་ཀྲོ་དྷཱི་ཤྭ་རི་ཡི། །སྔགས་ལས་ལྗང་གུ་དྲི་ཆུའོ། །ལྷ་མོ་འདི་དག་ཐམས་ཅད་ཀྱང་། །ཐལ་བའི་མཚན་མས་ལུས་བྱུགས་
[216b.2]ཤིང་། །ཞིང་ཆེན་གྱོན་ཞིང་དྲིལ་བུ་ཐོགས། །གཡས་པས་ཐོད་པའི་སྣོད་ནང་དུ། །བདུད་རྩི་སོ་སོས་བཀང་བ་ནི། །བསམ་གྱིས་མི་ཁྱབ་མདུན་དུ་སྤྲུལ། །གླུ་ཡིས་ལྗགས་ལ་མཆོད་པ་དབུལ། །ནང་གི་མཆོད་པའི་རིམ་པའོ། །གསང་བ་མཆོད་པའི་རིམ་པའམ། །བཛྲ་
[216b.3]ཀྲོ་དྷཱི་གུ་ཧྱ་ཡིས། །མཐིང་ག་བྱང་ཆུབ་སེམས་ཡིན་ཏེ། །དཀར་དམར་སེར་དང་ལྗང་གུ་ཡིས། །བྱང་ཆུབ་སེམས་ཀྱང་འདིས་ཤེས་བྱ། །གནས་ལྔ་ནང་དུ་དབུལ་བ་དང་། །གནས་ལྔ་ཕྱི་རུ་དབུལ་བ་དང་། །གནས་གཅིག་ཏུ་ནི་དབུལ་བ་དང་། །ལུས་དང་རྗེས་སུ་མཐུན་པར་
[216b.4]བྱ། །འདི་ནི་རང་བྱུང་བཅོམ་ལྡན་འདས། །འགྲོ་བའི་དཔའ་བོ་མཉེས་པ་ཡིན། །བརྒྱད་དང་ཁྲོ་བ་ལ་སོགས་པ། །མཆོད་པ་ཉི་ཤུ་དབུལ་བ་དང་། །གཏོར་མ་བྱིན་གྱིས་བརླབ་བྱ་སྟེ། །བདག་དང་ལྷ་མོ་གང་གིས་དབུལ། །ཅི་རིགས་སྦྱར་ཏེ་དབུལ་བར་བྱ། །ཡི་གེ་ཨོཾ་གྱིས་
[216b.5]མགོར་བརྒྱན་ཅིང་། །རྡོ་རྗེ་གླུ་ཡིས་མཐའ་བརྟེན་པ། །ལྷ་མོ་བསྐྱེད་པའི་སྦྱོར་བ་སྟེ། །རང་གིས་གཙོ་བོའམ་གང་བྱེད་པའི། །མིང་གི་སྔགས་ཀྱིས་མགོ་དྲངས་ཏེ། །རྡོ་རྗེ་ལྷ་མོའི་སྔགས་རྗེས་ལ། །པཱུ་ཛ་མེ་གྷ་ས་མུ་དྲ། །སྥ་ར་ཎ་དང་ས་མ་ཡེ་ཧཱུཾ། །ཞེས་པ་འདི་ཡིས་དབུལ་
[216b.6]བ་ཡིན། །ཡང་ན་བཛྲ་ཨོཾ་གཉིས་ལ། །པཱུ་ཛ་ཡ་ནི་གཉིས་པའི་དམ་ཚིག་ཡིན། །དཀྱིལ་འཁོར་གཉིས་པ་མཉེས་པ་དང་། །གཙོ་བོས་འཁོར་རྣམས་མཉེས་པ་དང་། །འཁོར་གྱིས་གཙོ་བོ་མཉེས་པ་དང་། །ཡབ་དང་ཡུམ་ལ་སོགས་པ་ལ། །གོང་མ་མཉེས་གྱུར་དེ་
[216b.7]བཞིན་ནོ། །རྫས་ལ་བརྟེན་ནས་མཆོད་པ་དང་། །བསམ་གཏན་ཁོ་ནས་མཆོད་པ་དང་། །ཕྱག་རྒྱ་སྔགས་ཀྱིས་མཆོད་པ་ཡང་། །གཉིས་འདུས་གསུམ་འདུས་ལ་སོགས་པ། །སྦྱོར་བ་འདིས་ནི་བྱེད་པ་ཡིན། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་
[217a]
[217a.1]ཆེན་པོའི་ཇི་སྲིད་མཆོད་པའི་ཚོགས་ཀྱི་དམ་ཚིག་ཆེན་པོའོ། །དེ་ནས་གཞན་ཡང་བཤད་བྱ་སྟེ། །སྔགས་དང་བསམ་གཏན་དུས་དག་ཏུ། །བདུད་ཀྱི་སྦྱོར་བ་བརྟག་པར་བྱ། །བདུད་ནི་རྣམ་པ་གཉིས་ཡིན་ཏེ། །ཕྱི་དང་ནང་ན་ཡོད་པའོ། །ཕྱི་ནི་གཟུགས་
[217a.2]དང་སྒྲ་དང་དྲི། །རོ་དང་རེག་བྱར་ཤེས་པར་བྱའོ། །གཟུགས་ནི་དཀར་དམར་ལ་སོགས་པ། །གསལ་བ་དེ་ནི་སངས་རྒྱས་ཏེ། །མི་གསལ་བདུད་ཀྱི་གཟུགས་སུ་འགྱུར། །སྙན་དང་མི་སྙན་དེ་བཞིན་ཏེ། །གཞན་ལ་ཡང་ནི་དེ་བཞིན་ནོ། །རང་བཞིན་མེད་དྲིས་དམན་
[217a.3]པ་དང་། །སྤྱོད་པ་གཙོར་སྟོན་གང་ཡིན་ཡང་། །རིགས་དང་སྦྱར་ལ་བརྟག་པར་བྱ། །གཞན་ཡང་བརྟག་པའི་སྦྱོར་བ་ནི། །མང་བའི་རིགས་ལ་ཉུང་བ་སྟོན། །ཆེ་བའི་རིགས་ལ་ཆུང་བ་སྟོན། །དེ་ལས་བཟློག་པར་ཤེས་པར་བྱ། །དཀར་པོའི་རིགས་ལ་དམར་པོ་སྟོན། །
[217a.4]དམར་པོའི་རིགས་ལ་གཞན་པ་སྟོན། །ཟབ་པའི་རིགས་ལ་མི་ཟབ་སྟོན། །མི་ཟབ་རིགས་ལ་ཟབ་སྟོན་དང་། །སྤྱོད་རིགས་ལྷ་སྟོན་བཟློག་པ་དང་། །མཚན་མ་མེད་པའི་རིགས་ཅན་ལ། །མཚན་བཅས་མན་ངག་སྟོན་པ་དང་། །མཚན་བཅས་རིགས་ལ་མཚན་མེད་སྟོན། །
[217a.5]ཐབས་ཀྱི་རིགས་ལ་ཐབས་མཐའ་དང་། །ཤེས་རབ་རིགས་ལའང་དེ་བཞིན་ནོ། །འདི་དག་ཕྱི་ཡི་བདུད་དུ་གསུངས། །ནང་གི་བདུད་ཀྱི་སྦྱོར་བ་ནི། །འདུ་བ་བསྐྱེད་དང་བསམ་པ་བསྒྱུར། །རླུང་མཁྲིས་བད་ཀན་འདུས་པ་རྣམས། །མེད་བཞིན་བསྐྱེད་པའང་བདུད་ཡིན་ནོ། །
[217a.6]དམ་པ་དག་ལ་སུན་དབྱུང་དང་། །རྟག་ཏུ་བསམ་པ་མི་མོས་དང་། །ཐ་མལ་པ་ལ་ཆགས་པ་དང་། །ཁྲོ་དང་འཁོན་དུ་འཛིན་པ་དང་། །འཆབ་དང་འཚིག་པ་ལ་སོགས་པ། །ཉོན་མོངས་ཉེ་བའི་ཉོན་མོངས་རྣམས། །བསམ་གཏན་ངང་ལས་སྐྱེས་འགྱུར་བ། །འདི་ཡང་བདུད་
[217a.7]ཀྱི་རྟགས་ཡིན་ནོ། །རྟག་ཏུ་མིག་རྩ་རྒོད་པ་དང་། །དེ་བཞིན་འཕྱར་དང་གཡེང་བ་དང་། །ཞུམ་པ་དང་ནི་གཡེང་བ་དང་། །དེ་དག་ཀུན་ཀྱང་བདུད་ཀྱི་རྟགས། །བསམ་གཏན་འཕྲོ་མི་གསལ་བ་དང་། །ཉམས་མི་དགའ་ཞིང་ལོག་ལ་དད། །འདི་ཡང་བདུད་ཀྱིས་བསླུས་
[217b]
[217b.1]པའོ། །གཞན་ཡང་དམ་པ་སྟོན་པ་དང་། །བདུད་འགྱུར་རྒྱུན་ལ་བརྟག་པར་བྱ། །ཟས་དང་སྐོམ་ལ་ལྔ་རོལ་པས། །ཤས་ཆེར་འདོད་པར་གྱུར་པ་དང་། །ཀུན་རྫོབ་སྤྱོད་ལ་དགའ་བ་དང་། །ཁྱད་པར་ཕྱག་རྒྱ་རང་གི་རིགས། །དེ་ལ་ཉོན་མོངས་སྐྱེ་བ་དང་། །ལོག་པའི་
[217b.2]བླ་མ་བསྟེན་པ་དང་། །སྡིག་པའི་གྲོགས་པོ་བསྟེན་པ་དང་། །བསམ་གཏན་མི་མོས་ལོག་ཆོས་མོས། །འདི་ཡང་བདུད་ཀྱི་རྟགས་ཡིན་ནོ། །ཆགས་དང་ཁོང་ཁྲོ་ལ་སོགས་པ། །སྐྱེ་ཞིང་ནུས་པ་འཕྲོ་བ་ཡིན། །དྲི་དང་རོ་དང་རེག་བྱར་སྦྱར། །དབུགས་རྒོད་སྐྱིགས་བུ་
[217b.3]རྔམ་པ་འབྱུང་། །དེ་ལ་སོགས་པའི་སྦྱོར་བ་རྣམས། །བསམ་མི་ཁྱབ་སྟེ་གཞན་ལས་ཤེས། །བདུད་ཀྱི་བརྟག་པ་མི་ཤེས་ན། །ཡང་དག་འབྲས་མེད་ལོག་འབྲས་བུ། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཇི་སྲིད་དུ་བདུད་ཀྱི་བསླུ་བ་བརྟག་པའི་དམ་
[217b.4]ཚིག་གོ། །ཐམས་ཅད་བདུད་ཀྱི་རྟགས་མ་ཡིན། །ཡང་དག་རྟགས་ཀྱང་བཤད་བྱ་སྟེ། །ཡང་དག་དོན་གྱི་བླ་མ་ལ། །སེམས་བསྐྱེད་དབང་བསྐུར་ལ་སོགས་རྩོམ། །དམ་ཚིག་རྣམས་ནི་མི་བརྗོད་ཅིང་། །རང་གི་རིགས་ཀྱི་བུ་མོ་བསྟེན། །དགེ་བའི་གྲོགས་རྣམས་རྟེན་
[217b.5]བྱེད་དང་། །མེ་ཏོག་སྔོན་པོ་འཐུབ་དང་། །གླེགས་བམ་དག་ལ་སྤྱོད་པ་དང་། །ཆོས་ཀྱི་བགྲོ་བ་བྱེད་པ་དང་། །གཞན་གྱིས་མཆོད་དང་གཞན་ལ་མཆོད། །སྟོང་གསུམ་ཐམས་ཅད་མཐོང་བ་དང་། །ཉི་ཟླའི་སྟེང་ན་འདུག་པ་དང་། །འཁོར་ལོ་ཀླད་ལ་བསྐོར་བ་དང་། །མཆོད་
[217b.6]རྟེན་རྩེ་ལ་འཛེག་པ་དང་། །རཀྴའི་ཕྲེང་བ་བགྲང་བ་དང་། །གོས་སྔོན་ལུས་ལ་གྱོན་པ་དང་། །གོས་སྔོན་སྐུ་གཟུགས་མཐོང་བ་དང་། །བདེ་གཤེགས་ཁང་པར་ཕྱིན་པ་དང་། །མི་གཙང་མེ་ཡིས་བསྲེག་པ་དང་། །ཁྲག་སོགས་ལུས་ལས་འཐོན་པ་དང་། །ཤ་མདོག་སྔོན་པོར་
[217b.7]འདུག་པ་དང་། །བདུད་རྩི་ལྔ་ལ་སྤྱོད་པ་དང་། །རྟག་ཏུ་གཅེར་བུར་འདུག་པ་དང་། །རང་ལུས་རལ་གྲིས་གཏུབས་པ་ལ། །བདེ་བ་སྐྱེ་བར་གྱུར་པ་དང་། །གཞན་གྱིས་ཆོས་རྣམས་སྟོན་པ་དང་། །ལུས་ལ་མི་སྡུག་གཟུགས་བྱུང་ནས། །མེ་ནང་སྲེག་པར་གྱུར་པ་དང་། །
[218a]
[218a.1]དེ་ལ་སོགས་པའི་སྦྱོར་བ་རྣམས། །རྨི་ལམ་དག་ཏུ་འབྱུང་བ་ལ། །རང་བཞིན་མེད་པ་ལ་སོགས་ཀྱིས། །བརྟན་ཞིང་མི་གཡོར་གྱུར་པ་ཡིན། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཇི་སྲིད་དུ་ཡང་དག་པའི་རྨི་ལམ་གྱི་མཚན་མ་
[218a.2]བརྟག་པའི་དམ་ཚིག་གོ། །གཞན་ཡང་སེམས་ཉམས་བརྟག་པ་ནི། །དབང་བླང་མོས་དང་བསྲུང་ལ་མོས། །སེམས་ཅན་དམན་ལ་ཚད་མེད་འབྱུང་། །ཡང་དག་དོན་ལ་སྤྲོ་བ་སྐྱེས། །སེམས་ཅན་བདག་དང་འདྲ་བར་སེམས། །ང་རྒྱལ་ལ་སོགས་ཉོན་མོངས་ཆུང་། །ཟབ་པའི་དོན་
[218a.3]ལ་ཆོག་མ་ཤེས། །དངོས་པོའི་རྫས་ལ་ཆགས་པ་མེད། །རྟག་ཏུ་སྦྱིན་པ་གཏོང་ལ་དགའ། །རྐང་ལག་བཅད་ཀྱང་འཁྲུལ་པ་མེད། །ལྡང་བ་ཡང་ཞིང་ཟོ་མདོག་བདེ། །རང་གིས་ལྷ་དང་མཐུན་པ་ལ། །འཇིག་རྟེན་རིན་ཆེན་ཚོགས་བཀང་དབུལ། །སོམ་ཉི་མེད་ཅིང་ཡིད་ཆེས་
[218a.4]ལྡན། །དེ་ལ་སོགས་པའི་སྦྱོར་བ་རྣམས། །ཞིབ་ཏུ་བླ་མའི་ཞལ་ལས་ཤེས། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཇི་སྲིད་དུ་སེམས་ཀྱི་རྟགས་བརྟག་པའི་དམ་ཚིག་གོ། །དངོས་པོའི་རྫས་ཀྱི་ཁྱད་པར་ལ། །མངོན་སུམ་རྟགས་ནི་བརྟག་བྱ་སྟེ། །དང་
[218a.5]པོ་བྲིས་སྐུ་ལུགས་མ་ལ། །སངས་རྒྱས་སྐུར་སྣང་རབ་ཡིན་ཏེ། །དམ་པའི་སྒྲ་འབྱུང་འབྲིང་དུ་བཤད། །འོད་དང་དུ་བ་ལ་སོགས་པ། །ཐ་མའི་རྟགས་སུ་ཤེས་པར་བྱ། །མཆོད་པའི་རྫས་ལ་བརྟེན་བྱས་པ། །བྱིན་བརླབས་འབྲས་བུ་རབ་ཡིན་ཏེ། །སྒྲ་དང་འོད་ནི་གོང་མ་
[218a.6]བཞིན། །སྦྱིན་སྲེག་སྦྱོར་ལ་བརྟེན་པ་ལ། །མེ་དབུས་སངས་རྒྱས་རབ་ཡིན་ཏེ། །དེ་ལས་སྒྲ་འབྱུང་འབྲིང་དུ་བཤད། །མེ་ནི་བདག་གི་དབང་འགྱུར་ཞིང་། །ལས་དང་མཐུན་པ་ཐ་མའོ། །གཏོར་མའི་སྦྱོར་ལ་བརྟེན་པ་ཡང་། །འོད་དང་སྒྲ་དང་ཁོལ་བ་དང་། །གང་དམིགས་ལ་
[218a.7]བྱིན་དེ་དབང་འགྱུར། །རབ་འབྲིང་ཐ་མ་གོ་རིམས་བཞིན། །དུང་དང་དྲིལ་བུ་ལ་སོགས་ལ། །མ་དཀྲོལ་སྒྲ་རྣམས་འབྱུང་བ་དང་། །འོད་དང་གཡོ་བ་དེ་བཞིན་ནོ། །ཡང་ན་རྣལ་འབྱོར་སློབ་མ་ལ། །བརྟེན་པའི་རྟགས་ནི་བཤད་བྱ་སྟེ། །དབབ་པའི་ཆོ་གའི་དུས་དག་ཏུ། །སློབ་མས་
[218b]
[218b.1]ཐམས་ཅད་ཤེས་པ་དང་། །སྨྲ་བ་དང་ནི་འགུལ་བ་དང་། །རབ་འབྲིང་ཐ་མ་གོ་རིམས་སྦྱོར། །གཞན་ཡང་འོད་གཞན་བརྟག་བྱ་སྟེ། །དཀར་དམར་ལ་སོགས་གང་གི་འོད། །གསལ་བ་སྒྱུ་མར་བསྒོམ་པ་དང་། །མི་གསལ་གཤེགས་པ་བྱས་ལ་སོགས། །བརྟན་དང་བོགས་
[218b.2]དབྱུང་བསམ་གསལ་བ། །འདི་ཡང་རབ་ཀྱི་རྟགས་ཡིན་ནོ། །སྐུ་གསུང་ཐུགས་ཀྱི་མཚན་མ་རྣམས། །གོང་གི་སྟོབས་ཀྱིས་གོང་འགྱུར་དང་། །གང་ཞིག་སྒྲ་ནི་སྟོང་ལས་བྱུང་། །རང་དང་འཕྲོད་པའི་མན་ངག་སྟོན། །སྡིག་སྤོང་དགེ་ལ་འཇུག་པ་ཡི། །བརྟན་པ་དམ་པ་སྟོན་
[218b.3]འགྱུར་ན། །དེ་ཡང་ཡང་དག་རྟགས་ཡིན་ནོ། །གཞན་ཡང་རྟགས་ཀྱི་སྦྱོར་བ་ནི། །མཛེས་པའི་ལྟ་མོས་བདེ་སྟེར་དང་། །ནམ་མཁའི་ལྷ་མོས་དབང་བསྐུར་དང་། །བྱང་ཆུབ་སེམས་ཀྱི་ཆུ་འབེབས་དང་། །མཆོད་པའི་ཚོགས་རྣམས་སྟེར་བ་ལ། །གང་ཚེ་སེམས་སྣང་སྒྱུ་མ་
[218b.4]དང་། །རང་བཞིན་མེད་པར་བསྒོམ་པ་ཡིས། །གསལ་བརྟན་བོགས་དབྱུང་རབ་ཏུ་གྱུར། །འདི་ཡང་ཡང་དག་རྟགས་ཡིན་ནོ། །གཞན་ཡང་བརྟག་པའི་སྦྱོར་བ་ནི། །འཇའ་ཚོན་དང་ནི་སྤྲིན་སྔོན་དང་། །ཉི་ཟླས་སྟོང་ཁམས་གང་བ་དང་། །སྤྲུལ་ནག་ལ་སོགས་ལུས་ལ་
[218b.5]གནས། །དེར་ནི་ཁང་པ་ཆེན་པོ་དང་། །ཙནྡན་ཚལ་དང་ནོར་བུའི་ཚལ། །མཆོད་རྟེན་སྐུ་གཟུགས་སྔོན་པོ་དང་། །པུཥྤ་སྔོན་པོ་རྡོ་རྗེ་ཅན། །རྟག་ཏུ་ཐོད་རློན་མདུན་བྱུང་བ། །འདི་ཡང་ཡང་དག་རྟགས་ཡིན་ནོ། །དབུ་རྒྱན་རྡོ་རྗེ་དྲིལ་བུ་དག །རྟག་ཏུ་མདུན་ན་བྱུང་བ་འམ། །
[218b.6]བདག་གི་ལག་ཏུ་འབྱུང་འགྱུར་བ། །འདི་ཡང་དམ་པའི་རྟགས་ཡིན་ནོ། །ཁྲག་དང་མཆི་མ་དངོས་བྱུང་དང་། །ཡི་དགས་དབང་དུ་སྡུད་ནུས་དང་། །ཡི་དགས་ཟིལ་གྱིས་མནན་པའི་ཚེ། །གནད་གྱུར་སྨྲ་བ་བྱེད་པ་དང་། །སྐད་ངན་དང་ནི་ཙེ་སྒྲ་འདོན། །འོ་དོད་ཁུས་འདེབས་བྱེད་
[218b.7]པ་ཡང་། །ཡང་དག་པ་ཡི་རྟགས་ཡིན་ནོ། །གཞན་ཡང་བསམ་གཏན་བྱེད་དུས་སུ། །དམ་ཆོས་སྔོན་དུ་བརྡ་མ་བརྟགས། །ཕྱིས་ནི་རྗེས་སུ་དྲན་པ་དང་། །མ་ཐོས་དེ་ལ་སྟོན་པ་དང་། །གར་དང་ཕྱག་རྒྱ་ལ་སོགས་པ། །རྡོ་རྗེ་དྲིལ་བུའི་སྦྱོར་བ་རྣམས། །མ་གྲགས་མངོན་
[219a]
[219a.1]དུ་ཤེས་གྱུར་པ། །འདི་དག་ཀུན་ཀྱང་རྒྱལ་བ་ཡིས། །རབ་དང་དམ་པའི་རྟགས་སུ་གསུངས། །ཡང་དག་རྟགས་རྣམས་ཐོབ་བྱ་དང་། །ལོག་པའི་རྟགས་ནི་སྤང་བྱའི་ཕྱིར། །རྟགས་རྣམས་བཟློག་པའི་ཆོ་ག་ཡི། །དམ་པ་བདག་གིས་བཤད་པར་བྱ། །དང་
[219a.2]པོར་བྱང་ཆུབ་སེམས་བསྐྱེད་དེ། །གང་དུ་རྟགས་ཀྱི་སྦྱོར་འབྱུང་ལ། །དགའ་བ་དང་ནི་མི་དགའི་སེམས། །གཉིས་དང་བྲལ་བའི་བསམ་པ་བཟློག །སེམས་ཀྱི་འཁྲུལ་པར་ལྟ་བ་དང་། །སྒྱུ་མ་རང་བཞིན་མེད་པ་ཡི། །ལྟ་བ་བཟློག་པའི་ཆོ་གའོ། །གོང་དུ་དྲི་ཆེན་ཤ་ཆེན་
[219a.3]དང་། །བྱང་ཆུབ་སེམས་ལ་སྤྱོད་བྱེད་པ། །སྤྱོད་པས་བཟློག་པའི་ཆོ་གའོ། །གང་གིས་དམ་ཚིག་རྟག་ཏུ་བསྲུང་། །དེ་ལ་ཤུགས་ཀྱིས་སྦྱོར་བ་མེད། །དམ་ཚིག་གིས་ནི་བཟློག་པའོ། །ཡི་དམ་ལྷ་ལ་ལུས་འབུལ་ཞིང་། །དམ་ཚིག་ཉམས་པ་བཤགས་པ་དང་། །ཕྱིས་ནི་སྡོམ་
[219a.4]པ་འཛིན་བྱེད་པ། །བཤགས་པས་དབང་དུ་སྡུད་པའོ། །དེ་ལ་དྲག་པོའི་སྦྱོར་སྔགས་དང་། །མི་འདའ་གསང་བའི་སྔགས་ཟློས་པ། །སྔགས་ཀྱིས་བཟློག་པའི་ཆོ་གའོ། །བདག་ལས་བྱུང་བའི་ཁྲོ་ཚོགས་ཀྱིས། །ལུས་ལ་མཚོན་ཆའི་ཆར་འབེབས་དང་། །བདག་འོད་དབྱིངས་
[219a.5]ལས་བྱུང་བ་ཡིས། །ཐོགས་འབེབས་སྦྱོར་བ་རྩོམ་པ་དང་། །མེ་དང་ཆུ་ཡི་འཁོར་ལོ་ཡིས། །སྦྱོར་བའི་ཆོ་ག་འདི་བྱེད་པ། །བསམ་གཏན་སྟོབས་ཀྱིས་བཟློག་པའོ། །ཡུངས་ཀར་དང་ནི་ཡུངས་ནག་དང་། །སྐེ་ཚེ་ཤང་ཚེ་གུ་གུལ་དང་། །དུག་འབྲུ་ལ་སོགས་སྦྱོར་བ་ཡིས། །ཟློག་
[219a.6]པར་བྱེད་པ་འདི་དག་ནི། །རྫས་ཀྱིས་བཟློག་པའི་ཆོ་གའོ། །ཡང་ན་བདག་ཉིད་ཁྲོ་བོ་ཡི། །མདུན་གྱི་སྙིང་དུ་སེམས་དཔའ་བསྐྱེད། །ལས་བཅོལ་རྡོ་རྗེ་མེ་འབར་བ། །འདིར་ཡང་བསམ་གཏན་སྦྱོར་བའོ། །གང་ཞིག་དེ་ཡི་མགྲིན་པ་རུ། །ཡི་གེ་ཨཱཿ་ནི་བསམ་བྱ་སྟེ། །སྤྱི་བོ་འཁོར་
[219a.7]ལོ་བསྐོར་བ་ཡིས། །སྨྲོས་ཤིག་བྱས་པས་སྨྲ་བར་འགྱུར། །འདི་ཡང་བསམ་གཏན་སྦྱོར་བའོ། །ཐོད་པ་གསུམ་གྱི་ཕྱག་རྒྱ་དང་། །དམ་ཚིག་རྡོ་རྗེ་སྡིགས་མཛུབ་དང་། །རྒྱ་གྲམ་འཁོར་ལོའི་སྦྱོར་བ་ཡང་། །ཕྱག་རྒྱའི་སྦྱོར་བས་གསུངས་པ་ཡིས། །བཀྲ་ཤིས་འཁོར་ལོའི་
[219b]
[219b.1]སྦྱོར་བ་ཡིས། །ཆགས་པར་འགྱུར་ན་རུལ་མྱགས་དང་། །དུམ་བུ་ལང་ལིང་རྣམ་པར་བསམ། །ཁྲོ་བོར་གྱུར་ན་བྱམས་ལ་སོགས། །གཏི་མུག་ལ་ནི་ཆོས་རྣམས་བྱེད། །དེ་བཞིན་མི་དགེའི་གཉེན་པོ་བསམ། །གཞན་ཡང་ལོག་པའི་དོན་སྟོན་ན། །བདག་དང་ཆོས་དང་ཆོས་
[219b.2]ཅན་རྣམས། །རང་བཞིན་མེད་པ་སྒྱུ་མར་བསམ། །དེས་ནི་ཞི་དང་གསལ་བ་ཡིན། །གལ་ཏེ་བརྡ་དང་ཕྱག་རྒྱ་ལས། །སོགས་པའི་སྦྱོར་བ་སྟོན་གྱུར་ན། །སྙིང་ནང་སེམས་དཔའ་བཅུག་ནས་ནི། །མི་ཡི་སྦྱོར་བས་གསལ་འགྱུར་ན། །དེ་ལ་ལན་དང་བཅས་པར་བྱ། །ཐབས་
[219b.3]ཀྱིས་སྟོན་པ་ཤེས་རབ་སྟེ། །ཤེས་རབ་སྟོན་པ་ཐབས་དང་སྦྱར། །གླེང་བསླང་བ་ལ་ལན་སྦྱིན་ཏེ། །དེས་ནི་ཞིང་དང་གསལ་བར་ཡིན།། གསང་བའི་རོལ་པའང་དེ་བཞིན་ནོ། །དེ་བས་མཁས་པས་དུས་ཀུན་དུ། །སྦྱོར་བ་འདི་ནི་བསམ་པར་བྱ། །བདུད་རྣམས་སྦྱོར་བ་ཁ་ཅིག་
[219b.4]ལ། །ཤེས་རབ་མ་ཡིན་སྤྱོད་པས་རྫོགས། །འདི་ཡིས་འགྲུབ་པར་འགྱུར་བ་ཡིན། །སྦྱོར་བ་འདི་ལ་བཟློག་པ་ཡང་། །གཉིས་འདུས་དང་ནི་བཅུ་འདུས་དང་། །ཐམས་ཅད་འདུས་པས་འགྲུབ་པའང་ཡོད། །ཅེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་
[219b.5]ཇི་སྲིད་དུ་བདུད་བཟློག་པའི་དམ་ཚིག་ཆེན་པོའོ། །གང་ཞིག་བདག་དང་གཞན་རྣམས་ལ། །གདུག་པ་བརྩོན་པ་ཚར་བཅད་ཕྱིར། །སྦྱོར་བ་འདི་ནི་བསམ་པར་བྱ། །ས་གཞི་ཡིད་འོང་མཛེས་པ་རུ། །སྔོན་འགྲོའི་བྱ་བ་རྫོགས་པ་དང་། །གང་ལྟར་འདོད་པའི་སྐུ་བསྐྱེད་དེ། །
[219b.6]ཞི་བ་ལ་སོགས་སོ་སོ་ཡི། །བཟླས་དང་བསྡུ་བ་རྫོགས་གྱུར་ནས། །ཚོགས་དང་གཏོར་མས་བཟློག་པར་བྱ། །དེ་ཡིས་དུལ་བར་མ་གྱུར་ན། །རྐང་པར་རལ་གྲི་གཡས་པ་ལ། །གཡོན་པ་ལྕགས་ཀྱུའི་སྦྱོར་བ་ཡིས། །མི་གཡོ་གཡས་གཡོན་སྟང་སྟབས་བྱ། །བསམ་
[219b.7]གཏན་དེ་དང་འབྲེལ་པ་སྟེ། །རལ་གྲིའི་གསང་སྔགས་བཟླས་པས་འགྲུབ། །གདབ་པ་ཡང་ནི་དེ་བཞིན་ནོ། །ཡང་ན་གཟིར་བའི་ཆོ་ག་ནི། །ནད་པའམ་ནི་གཟུགས་དག་ལ། །དམིགས་པ་ལེགས་པར་དབབ་བྱ་སྟེ། །རྐང་པ་གཡས་ལ་རི་རབ་སྟེ། །རྒྱ་གྲམ་
[220a]
[220a.1]འབར་བས་མཚན་པའོ། །རྒྱལ་ཆེན་ཕྱོགས་སྐྱོང་གོང་མ་སྟེ། །ཁྲོ་བོ་བཞི་ནི་འོག་མའོ། །པུས་མོར་ཆུ་སྲིན་རྒྱལ་མཚན་ཏེ། །གནས་ལྔར་ཁྲོ་བོ་ལྔ་པོ་བསྐྱེད། །གཡོན་པར་ལྕགས་ཀྱུའམ་རྡོ་རྗེའོ། །དགུག་པ་ལ་སོགས་སྦྱོར་བྱས་ནས། །སྙིང་གར་
[220a.2]མནན་པར་གྱུར་པ་ཡིས། །འབྱུང་པོ་ཁྲག་ཏུ་འཐོན་གྱུར་ཏེ། །མི་བཟོད་སྨྲེ་སྔགས་འདོན་པ་དང་། །ལྷ་ཆེན་པོ་ཡང་འདར་བར་འགྱུར། །ཡང་ན་སྙིང་ནང་མེ་དཔུང་བསྐྱེད། །འབར་བ་དང་ནི་བསྲེག་པར་འགྱུར། །ཕྱོགས་སྐྱོང་གང་དང་གང་འདུལ་ཡང་། །གོང་མའམ་ནི་
[220a.3]ཁྲོ་བཅུས་འགྲུབ། །ཁྱད་པར་ཀླུ་ཡི་སྦྱོར་བ་ཡང་། །གཟིར་བ་མཁའ་ལྡིང་ལྔ་པོ་སྟེ། །ཡང་ན་སྙིང་པད་འབར་བ་བརྩམ། །ལྔ་ལ་ལྔ་ནི་ལེགས་གནས་ཏེ། །ལྔ་པོ་ཡི་ནི་སྦྱོར་བས་འཛིན། །པུས་མོ་དཔུང་པ་རྣམ་བཞི་ལ། །ཐོགས་མེད་འཁོར་ལོ་བཞི་བསམས་ཏེ། །
[220a.4]རྡོ་རྗེས་བསྲེག་ཅིང་ལྕགས་ཀྱུས་འཛིན། །སྦྱོར་བ་འདི་ནི་དམ་པའོ། །གཞན་ཡང་སྦྱོར་བ་དམ་པ་ནི། །གང་ཞིག་བདེ་གཤེགས་སྐུར་གནས་ཏེ། །གཡས་པར་རྩེ་ལྔ་ཐོགས་མེད་ལྔ། །གཡོན་པར་རྩ་ལས་བྱུང་བའི་སྟེང་། །སུ་ལས་རིན་ཆེན་རྡོ་སྟེངས་སུ། །ཁོམ་ཤ་ལས་
[220a.5]བྱུང་རྣམ་ལྔ་བསམ། །འོད་ཟེར་གྱིས་ནི་ལེགས་བཀུག་སྟེ། །ནུས་དང་ལྡན་པར་བྱས་ནས་ནི། །བདག་འོད་བུ་ག་དགུ་སོགས་ཞུགས། །ལྟེ་བའི་འཁོར་ལོ་བསྐུལ་བྱས་ཏེ། །གཡས་ཀྱི་རྡོ་རྗེས་སྤར་བྱས་ནས། །གཡོན་པས་ལེན་པར་བྱེད་པ་ཡིན། །གཡོན་སྦྱོར་ཤིན་
[220a.6]ཏུ་རྨད་དུ་བྱུང་། །ཡང་ན་ནང་དུ་བསྲེག་པར་བྱ། །དེས་ནི་འགྲུབ་པར་འགྱུར་བ་ཡིན། །ཟངས་སོགས་དམར་པོའི་སྣོད་དུ་བཀོད། །དེ་ནི་བདུད་རྩིས་གསོ་བར་བྱ། །ཕྱི་ནས་རང་གི་གནས་སུ་བསྐྱལ། །འཁོར་ལོའི་རྩིབས་བརྒྱད་འབར་བ་ནི། །གནས་བརྒྱད་དུ་ནི་བསམས་
[220a.7]བྱས་ཏེ། །བསྲེགས་པས་རླུང་གིས་གཏོར་གྱུར་ནས། །བཀྲུས་པ་བྱང་ཆུབ་ཐིག་ལེ་བྱས། །དཔལ་ལྡན་སྐུར་གྱུར་བྱིན་བརླབ་ཅིང་། །དབང་ཐོབ་སྐུ་ཡི་གསང་སྔགས་བཟླས། །འདི་ཡིས་གདུག་པ་སེལ་བ་ཡིན། །ཁྱད་པར་ཅན་གྱིས་བདག་དང་གཞན། །མྱུར་
[220b]
[220b.1]དུ་ཕན་གནོད་ལས་རྣམས་བྱེད། །དེ་བས་འདི་ནི་ཐབས་ཀྱི་མཆོག །སྦྱོར་བ་གཞན་ལས་རྙེད་མ་ཡིན། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཇི་སྲིད་དུ་བགེགས་བཟློག་པའི་དམ་ཚིག་ཆེན་པོའོ། །གང་ཞིག་གདུག་པ་འདུལ་འདོད་པས། །གསད་
[220b.2]པའི་ཆོ་ག་དམ་པ་ནི། །དུར་ཁྲོད་ལ་སོགས་འཇིགས་གནས་སུ། །དྲག་པོའི་དཀྱིལ་འཁོར་དུག་གིས་བྲིས། །རྐང་རྗེས་གོས་ལ་སོགས་པ་ལ། །གདུག་པའི་གཟུགས་བརྙན་བྱས་ནས་ནི། །དེ་ཉིད་སྙིང་གར་མིང་རུས་གཞུག །ཚ་བ་བསྐྱེད་པའི་སྦྱོར་བ་བྱ། །དེ་ནས་
[220b.3]ཚོན་སྐུད་སྣ་ལྔས་བཅིང་། །རབས་ཆད་ཐོད་པ་རློན་པ་རུ། །དེ་ནི་གཞུག་པར་བྱ་བ་ཡིན། །དེ་འོད་ལས་ནི་ནྲྀར་གྱུར་ཏེ། །དེ་ལས་གང་ཡིན་གཟུགས་སུ་གྱུར། །བདག་ལས་སྤྲུལ་པའི་ཁྲོ་བོའི་ཚོགས། །དཔག་ཏུ་མེད་པའི་འཇིག་རྟེན་བཀང་། །རྡོ་རྗེ་དགུག་པའི་སྔགས་
[220b.4]བཟླས་པས། །ལྕགས་ཀྱུ་ལ་སོགས་བཞི་པོ་འཕྲོས། །གང་ཡིན་དེ་རུ་དགུག་བྱས་ཏེ། །ལས་ཀྱི་རྒྱའམ་རི་རབ་ཀྱིས། །དེ་ཡི་སྟེང་ནས་མནན་པར་བྱ། །བྱིན་གྱིས་བརླབ་པའི་ལྷ་རྣམས་ཀུན། །ལས་ཀྱི་ཁྲོ་བོས་དབྱེ་བ་དང་། །མེ་འབར་ལྕགས་ཀྱུ་ཕུར་པས་འདེབས། །
[220b.5]སྲོག་རྩའི་བདག་པོ་བྲམ་ཟེའི་གཟུགས། །གདུག་པའི་ཁྲོ་བོའི་སྦྱར་མས་བདུག །ཁྲོས་པའི་སྟོབས་ཀྱིས་ཁྲག་འབྱིན་ཅིང་། །རོ་ལ་ཟ་བར་བྱེད་པ་ཡིན། །བདག་དང་ཡེ་ཤེས་ཁྲོ་བོ་ལས། །སྤྲུལ་པ་ཐོགས་ལྔ་སྔགས་ལས་བྱུང་། །དེས་ལུས་གཅོད་པར་བྱེད་པ་དང་། །ཕྱེ་
[220b.6]མར་ཡང་ནི་འགྱུར་བ་ཡིན། །དེ་དག་ཀུན་གྱི་སྦྱོར་བ་ཡིས། །འགྲུབ་པར་མ་གྱུར་པ་རྣམས་ལ། །ཕྱེ་མ་གསུམ་གྱིས་གསད་པ་ཡིན། །ལྕགས་ཕྱེ་ཟངས་ཕྱེ་རྡོ་ལྕགས་ལ། །ཐོག་ཆེན་སྦྱོར་བའི་ལས་བྱས་ན། །དཀྱིལ་འཁོར་ཀུན་གྱི་སྦྱོར་བ་ཡིས། །གསད་པར་གྱུར་པ་
[220b.7]གདོན་མི་ཟ། །དེ་ཡིས་གསད་པར་མ་གྱུར་ན། །ཕུར་པ་ཁོ་ནས་གསད་པར་བྱ། །ལྕགས་དང་རིགས་མཐུན་གྱུར་པ་ལ། །ཁྲོ་བོ་དེ་དང་མཐུན་བྱས་ནས། །དཀྱིལ་འཁོར་ཀུན་གྱི་སྦྱོར་བས་འགྲུབ། །གང་ཞིག་རལ་གྲིའི་སྦྱོར་བ་དང་། །རྡོ་རྗེ་ཐོ་བའི་སྦྱོར་བ་ཡང་། །མྱུར་དུ་
[221a]
[221a.1]འགྲུབ་པར་འགྱུར་བ་ཡིན། །ཡང་ན་གསད་པའི་དམ་པ་ཡིན། །ཡུངས་ཀར་དང་ནི་ཡུངས་ནག་དང་། །དེ་བཞིན་གདུག་པའི་འབྲུ་རྣམས་ཀུན། །ཁྲོ་ཆུང་སྦྱོར་བས་འགྲུབ་པ་ཡིན། །དུག་དང་མྱོས་པའི་ཆུར་སྦྱར་ཏེ། །གདུག་པ་སྦྲུལ་ནག་སྦྱོར་བ་
[221a.2]ཡིས། །བཀུག་ཅིང་ཁ་རུ་བླུགས་གྱུར་ནས། །ལུས་ནང་སྦྲུལ་ནག་སྦྱོར་བྱས་ན། །འགྲུབ་པར་འགྱུར་བ་གདོན་མི་ཟ། །ཡང་ན་མ་མོའི་སྦྱོར་བ་ཡིས། །བུད་མེད་ཐོད་པ་ལྕང་ལོའི་ནང་། །རིམས་ཁྲག་དུག་དང་བཅས་བླུགས་ན། །སྙིང་ནག་མ་མོའི་སྦྱོར་བ་ཡིས། །ཁར་
[221a.3]བླུགས་གྱུར་ན་མྱོས་ནས་འཆི། །ཐོད་པར་ཀླད་པའི་འཁོར་ལོ་བསྐོར། །ཡང་ན་མཛེ་ཅན་ཐོད་པ་རུ། །དེ་ལ་དགུག་པ་སྔོན་འགྲོ་བས། །མཛེ་ཅན་ཁྲག་གི་སྦྱོར་བ་ཡིས། །ལུས་ནང་གང་ནས་ལྕགས་སྦྲང་ངམ། །ལྕགས་སྡིག་སྲིན་བུ་ལ་སོགས་པ། །བ་སྤུའི་བུ་གར་
[221a.4]སྦྱོར་བྱས་ན། །དེ་ནི་མཛེ་ཡིས་འཆི་བར་འགྱུར། །དུག་དང་མྱོས་པའི་རིམས་ཁྲག་ལ། །ལུག་དང་གླང་གི་ཁྲག་དག་གིས། །སྨྱོ་བྱེད་སྦྱོར་བ་རབ་བྱས་ནས། །གང་དུ་ཤ་བའི་འཁོར་ལོར་ལྡན། །དེས་ནི་ལྐུགས་པར་འགྱུར་བ་ཡིན། །ལྕེ་ལ་རི་རབ་སྦྱོར་བ་བྱ། །ཡང་
[221a.5]ན་མནན་པའི་སྦྱོར་བ་ནི། །བྱང་དུ་བལྟས་པའི་ཆུ་མིག་ཏུ། །ཐོད་པ་དུམ་བུ་དྲུག་ཡོད་པར། །གང་ཡིན་མིང་རུས་བཅུག་བྱས་ཏེ། །དགུག་པ་ལ་སོགས་བྱས་ན་ནི། །ཞག་བདུན་གྱིས་ནི་འཆི་བར་འགྱུར། །ཡང་ན་བསམ་གཏན་ཁོ་ན་ཡིས། །གསང་བའི་ཐབས་ནི་བཤད་
[221a.6]བྱ་སྟེ། །དགུག་པ་སྔོན་དུ་འགྲོ་བ་ཡིས། །མདུན་དུ་ཟ་བྱེད་ཁ་གདངས་ལ། །ཕུར་བུ་སྤྱི་བོར་བཏབ་བྱས་ནས། །རྐང་པར་ཁྲག་བྱུང་ཟ་བྱེད་འཇིག །དེ་ལྟར་བྱས་ན་སྐྱ་ལམ་འགྱུར། །གསད་པའི་ཆོ་ག་དམ་པ་ཡིན། །ཡང་ན་སྤྱིའུ་གཙུག་གྱུར་པ་ལ། །མདུན་དུ་སྤྱི་
[221a.7]བསྡུས་རྡོ་རྗེ་ནི། །ཁ་དོག་ནག་པོ་འབར་བ་ལ། །མེ་ཡི་ཕྲེང་བས་བསྐོར་གྱུར་ཏེ། །སུམ་སྐོར་འོད་ཀྱི་སྦྱོར་བ་ཡིས། །རྡོ་རྗེ་སྤྱི་བོར་ཞུགས་གྱུར་ནས། །འོད་ཟེར་སྙིང་ནས་སྲེག་པར་བྱེད། །ཐིག་ལེ་དག་ཀྱང་འཇོམས་པ་ཡིན། །ཡང་ན་འོད་ཟེར་ནག་པོས་ཡང་། །ལྟེ་བའི་
[221b]
[221b.1]འཁོར་ལོ་བསྐུལ་བྱས་ཏེ། །མེ་འབར་སྟོབས་ཀྱིས་བསྲེག་པ་དང་། །སྤྱི་བོའི་ཁུ་བ་བཀུག་ནས་ནི། །རྐང་པའི་མེ་ནང་སྲེག་པའམ། །ཡང་ན་ཟ་བྱེད་ཁ་རུ་སྲེག །ཡང་ན་རྡོ་རྗེའི་ཡི་གེ་གསལ། །སྤྱི་ནས་བཤང་བར་རྡོ་རྗེས་བརྡེག །བཤང་བའི་ཡི་གེ་བཤིག་པ་ཡིན། །ཡང་ན་
[221b.2]སྙིང་ནང་རཾ་ལས་མེས། །མེ་ནང་མེ་ཡིས་སྲེག་པ་དང་། །ཐལ་བར་བྱེད་པ་རྡོ་རྗེ་ཡིན། །འདིས་ནི་མ་རུངས་འཇོམས་པར་བྱེད། །ཡང་ན་འཁོར་ལོ་ནག་པོའི་སྟེང་། །གང་ཡིན་དངོས་སུ་གསལ་བྱས་ནས། །སྙིང་གི་ནང་དུ་སྦྲུལ་ནག་པོ། །བསམ་གྱིས་མི་ཁྱབ་ཕུ་ལས་བྱུང་། །
[221b.3]སྟོང་གསུམ་སྦྲུལ་ནག་བཀུག་ནས་བསྟིམ། །སྦྲུལ་ལས་ལྕགས་སྦྲང་གཟེ་མ་ཡིས། །བ་སྤུའི་བུ་ག་ནས་ཕྱུང་ཞིང་། །མེ་ཡིས་བསྲེག་པར་འགྱུར་བ་ཡིན། །འདི་ནི་ཐབས་ཀྱི་དམ་པའོ། །གཞན་ཡང་གསད་པའི་བསམ་པ་ནི། །ལྟེ་བའི་ཡི་གེ་བསམས་ནས་ཀྱང་། །རཾ་
[221b.4]ལས་བྱུང་བའི་འོག་ནས་འབར། །རྡོ་རྗེ་ཕུར་བུས་སྟེང་ནས་རྡེག །འོད་ཟེར་ལྕགས་གཟེའི་ཚུལ་ཅན་གྱིས། །ཡི་གེ་དཀྲུག་ཅིང་སྲེག་པ་དང་། །གཤེགས་པའི་སྦྱོར་བ་བྱས་པས་འགྲུབ། །དེ་ཕྱིར་ཟབ་པར་བསྟན་པ་ཡིན། །ཡང་ནི་སྙིང་གར་ནྲྀ་བསམ་མམ། །མིང་ཡིག་དང་
[221b.5]པོར་གནས་པ་ལས། །འོད་ཟེར་ལྔ་ཡི་སྦྱོར་བ་ཡིས། །ཡི་གེ་མ་རུངས་བྱེད་པ་ཡིན། །སྤྱི་བོ་ནས་ནི་རྐང་པའི་བར། །མཁས་པས་འོད་ཟེར་ནག་པོས་དགང་། །འོད་ཟེར་འཚུབ་མས་དགྲ་ཉིད་ཀྱང་། །སྟེང་དུ་གཡོ་ཞིང་ཡི་གེ་བསྲེགས། །ནག་པོའི་རྫས་ཀྱི་སྦྱོར་བ་བྱས། །
[221b.6]རཾ་ལས་བྱུང་བའི་གྲུ་གསུམ་དུ། །སྦྲུལ་ནག་ཚོགས་ཀྱིས་བཀང་བ་ལ། །ནང་དུ་གདུལ་བྱ་བཀུག་གྱུར་ནས། །ལྕགས་གཟེ་ཉི་མའི་སྦྱོར་བ་བྱ། །དྲག་པོ་ཆེན་པོ་བདུད་ཆེན་དང་། །དབང་ཕྱུག་ལྷ་ཆེན་ལ་སོགས་པ། །སྦྱོར་བ་འདི་ནི་བྱས་ཙམ་གྱིས། །རྡོ་རྗེ་བཞིན་དུ་འགྲུབ་
[221b.7]པར་འགྱུར། །ཡང་ན་དབང་ཕྱུག་མཐུན་ཆེན་གྱིས། །རིགས་པ་འདི་ཡི་སྦྱོར་བ་ལ། །ཟླ་བ་ཟེར་ལ་དེ་དག་གིས། །དམིགས་པ་ཆུ་ཡི་ནང་དུ་འབབ། །སྦྱོར་བ་མཆོག་ལ་གནས་བྱས་ནས། །དུག་དང་མེ་ཡི་སྦྱོར་བ་ཡིས། །རྟག་ཏུ་འཆི་བར་འགྱུར་བ་ཡིན། །ཞེས་པ་འདི་ནི་
[222a]
[222a.1]བྱང་ཆུབ་སེམས་དཔའ་སེམས་དཔའ་ཆེན་པོའི་ཇི་སྲིད་དུ་གསང་བའི་དམ་ཚིག་ཆེན་པོའོ། །གཞན་ཡང་དངོས་གྲུབ་སྦྱོར་བ་རྣམས། །གང་དུ་མཐར་ཕྱིན་བྱེད་པ་ཡི། །རྡོ་རྗེའི་སྦྱོར་ལ་བརྟེན་པར་བྱ། །ལས་བཞིའི་རྒྱུ་ལས་བྱུང་བ་ལས། །ཤིན་ཏུ་
[222a.2]མཛེས་པའི་རྡོ་རྗེ་བྱས། །གང་ལྟར་འདོད་པའི་དབྱིབས་སུ་བསྒྱུར། །འོད་ཞུ་ཧཱུཾ་ལས་བྱུང་བ་ཡི། །རྡོ་རྗེ་འབར་བ་འོད་དང་ལྡན། །དེ་ལས་རྡོ་རྗེ་ཐུགས་མཆོག་སྐུ། །གཉིས་མེད་ཐིམ་ནས་བྱིན་བརླབས་དང་། །དབང་བསྐུར་མཆོད་དང་བསྟོད་པ་དང་། །ལས་བཅོལ་
[222a.3]སྔགས་བཟླས་འོད་དུ་ཞུ། །དེ་ལས་རྡོ་རྗེ་ཁ་དོག་ལྔ། །གང་གིས་ལས་དང་མཐུན་པར་བསྐྱེད། །བཛྲ་སཏྭ་ཞེས་པའམ། །རང་གི་རྩ་བའི་སྔགས་བཟླས་པས། །ཡེ་ཤེས་རྟགས་རྣམས་བཀུག་བྱ་སྟེ། །འོད་འགྱུར་སྦྱར་བ་བརྩམ་པར་བྱ། །གང་ཞིག་འདི་ཡི་སྦྱོར་
[222a.4]བ་ཡིས། །ལས་རྣམས་མ་ལུས་འགྲུབ་པར་འགྱུར། །དྲིལ་བུ་ཕྲེང་བ་ལ་སོགས་པའང་། །ལྷག་པར་གནས་པ་ལས་བྱུང་ལས། །འདི་ཡིས་དངོས་གྲུབ་ཐམས་ཅད་ཀུན། །འགྲུབ་པར་འགྱུར་གྱི་གཞན་དུ་མིན། །ཞེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་
[222a.5]ཇི་སྲིད་དུ་རྫས་བསྒྲུབ་པའི་དམ་ཚིག་ཆེན་པོའོ། །ཇི་སྲིད་ཁྲུས་ཀྱི་སྦྱོར་བ་ནི། །གང་གི་བུམ་པ་སྦྱངས་བྱས་ནས། །པདྨ་བཞི་ནང་གོས་སྔོན་བསྐྱེད། །བསྒྲུབ་པའི་ཆོ་ག་རྫོགས་གྱུར་ནས། །དག་པའི་སྔགས་ཀྱི་སྦྱོར་བ་ཡིས། །ཡེ་ཤེས་ཆུ་བོ་བྱིན་བརླབས་ཏེ། །གང་ལ་
[222a.6]བཀྲུས་པ་ཙམ་གྱིས་ནི། །དངོས་གྲུབ་ཐམས་ཅད་འབྱུང་བ་ཡིན། །གང་ཞིག་དམ་པའི་དོན་ལ་གནས། །ལྷ་མོ་རྒྱུན་འབབ་ཆུ་བོ་ཡིས། །གང་དུ་བཀྲུས་པ་ཙམ་གྱིས་ནི། །འདོད་པ་ཐམས་ཅད་སྒྲུབ་པར་བྱེད། །ཅེས་བྱ་བ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་
[222a.7]པོའི་ཇི་སྲིད་དུ་རྡོ་རྗེ་ཁྲུས་ཀྱི་དམ་ཚིག་གོ། །བསམ་གཏན་དག་ལ་མི་གནས་ཤིང་། །རྟག་ཏུ་དྲག་པོའི་སྔགས་རྩོམ་པ། །དེ་ཡིས་ནོར་བུ་བཞིན་སྒྲུབ་ཕྱིར། །སྔགས་ཀྱི་ངེས་པ་བཤད་པར་བྱ། །ཨོཾ་ན་མོ་བཛྲ་པཱ་ཎི་མ་ཧཱ་ཡཀྵ་སེ་ནཱ་པ་ཏ་ཡེ་བཛྲ་ཀྲོ་དྷ་ནཱི་ལཱཾ་བ་ར་
[222b]
[222b.1]དྷ་ར་ཧཱུཾ་ཧཱུཾ་ཕཊ། ཨོཾ་ན་མོ་སརྦ་དྷརྨ་ཀུ་རུ་བནྡྷ་ཡེ་ཧཱུཾ་ཕཊ། ཨོཾ་ན་མོ་བཛྲ་ཀྲོ་དྷཱི་ཤྭ་རི་མུ་ཧཱུཾ་ཧཱུཾ་ཕཊ། ཨོཾ་ཤཱནྟིཾ་ཀུ་རུ་སྭཱ་ཧཱ། པུཥྚིཾ་ཀུ་རུ་སྭཱ་ཧཱ། བ་ཤཾ་ཀུ་རུ་ན་མ་ཧྲཱིཿཧཱུཾ་མཱ་ར་ཡ་མཱ་ར་ཡ་ཤ་ཏྲཱུཾ་ཕཊ། ཨོཾ་སྟཾ་བྷ་ཡ་སྟཾ་བྷ་ཡ་ཧཱུཾ་བ་ལིཾ་བ་ལིཾ། གྲྀཧྞ་གྲྀཧྞ། ཁཱ་ཏི་ཁཱ་ཧི་ཨ་ཀཱ་རོ་མུ་ཁཾ་སརྦ་དྷརྨཱ་
[222b.2]ཎཱཾ་ཨཱ་དྱ་ནུཏྤནྣ་བ་ན་ཡེ་ཧཱུཾ་ཕཊ། ཨོཾ་རཏྟཱི་ཤ་ཡེ་དྷ་བ་ར་ཙ་མུ་ཁཾ་ཀུ་རུ་ཧཱུཾ་ཕཊ། ཨོཾ་སརྦ་དེ་བ་མཱ་ར་ཡ་ཚིནྡ་ཚིནྡ་ཧཱུཾ་ཕཊ། བིནྡ་བིནྡ་ཧཱུཾ་ཕཊ། གྲྀཧྞ་གྲྀཧྞ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཛཱ་ལ་ཛཱ་ལ་ཧཱུཾ་ཕཊ། སུ་རུ་སུ་རུ་ཧཱུཾ་ཕཊ། མུ་རུ་མུ་རུ་ཧཱུཾ་ཕཊ། ནཱ་ཤ་ཡ་ནཱ་ཤ་
[222b.3]ཡ་ཧཱུཾ་ཕཊ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཕཊ། ཧ་ས་ཡ་ན་ཧ་ས་ཡ་ན་ཧཱུཾ་ཕཊ། ཀི་ལི་ཀི་ལི་མཱ་ར་ཡ་ཧཱུཾ་ཕཊ། སྥོ་ཊ་ཡ་སྥོ་ཊ་ཡ་ཧཱུཾ་ཕཊ། ནཱ་ག་རཱ་ཛ་ནཱ་ག་རཀྵ། ཡཀྵ་ཀུ་རུ་སརྦ་ར་ཤ་རཀྵ་རཀྵ། བི་དྷྭནྶ་ཡ་ཧེ་བྷ་ག་བཱན་ཀུ་རུ་ཀུ་རུ། བ་ཤཾ་ཀུ་རུ་ཧཱུཾ་ཕཊ། ཨོཾ་ཨ་པསྨ་ར་བི་ན་
[222b.4]ཤི་ཀ་ར་ཧཱུཾ་ཧཱུཾ་སྭཱ་ཧཱ། པྲེ་ཏི་བ་ནེ་ཤོ་ཀ་ཧཱུཾ་ཕཊ། ཨོཾ་ཤུདྡྷེ་ཤུདྡྷེ་བི་ཤོདྷ་བི་ཤོདྷ་ནི། སརྦ་པཱ་པཾ་བི་ཤོདྷ་ནི་ཧཱུཾ་ཕཊ། ཨོཾ་ཛྭ་ལ་ཛྭ་ལ་སརྦ་པཱ་པཾ་ད་ཧ་ནི་བཛྲ་ཛྭ་ལ་ཧཱུཾ་ཕཊ། ཨོཾ་གུ་ལ་པཱ་ཡ་གུ་ལ་པཱ་ཡ། སརྦ་པཱ་པཾ་དྷརྨཱ་ཤུདྡྷེ་ཤུདྡྷེ་ཧཱུཾ། ཨོཾ་གྲྀཧྞ་སརྦ་ཤ་ཏྲཱུཾ་མཱ་ར་ཡ་མཱ་ར་ཡ་ནཱ་ཤ་ཡ་སརྦ་
[222b.5]ད་ཧ་བཛྲ་ཧཱུཾ་ཕཊ། པ་ར་བིཏྟྭ་ན། རཀྵ་བིཏྟྭ་ན། ཡཀྵ་བིཏྟྭ་ན་ཀརྨ་གྷོ་རུ་བིཏྟྭེན་མཱ་ར་ཡ་ཧཱུཾ་ཕཊ། ཅེས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཇི་སྲིད་དུ་རྡོ་རྗེ་སྔགས་བསྒྲུབ་པའི་དམ་ཚིག་ཆེན་པོའོ། །དེ་ནས་གཞན་ཡང་བཤད་བྱ་བ། །གང་ཞིག་མཆོག་
[222b.6]གི་དོན་བསྒྲུབ་པ། །དེ་ཡིས་ནོར་བུ་བཞིན་སྒྲུབ་ཕྱིར། །དེ་ཉིད་རྒྱན་ནི་བཤད་པར་བྱ། །གང་ཞིག་ནོར་བུ་འཕེལ་བྱེད་པ། །དེ་ཡིས་རྟག་ཏུ་དོན་འདི་བསམ། །སྙིང་གར་བཅུ་དྲུག་བརྒྱད་དམ་བཞི། །དབུ་ནས་ཐབས་དང་ཤེས་རབ་འབར། །དཀར་ཞིང་ཟླུམ་པའི་ཐིག་ལེ་
[222b.7]བསམ། །འབྱུང་བཞི་དང་པོ་ཡི་གེ་བརྒྱད། །གཡས་དང་གཡོན་དུ་བསྒོམ་པར་བྱ། །དེ་ལས་བྱུང་བ་ལྔའམ་བཅུས། །ཐིག་ལེ་དག་ལ་བརྟེན་ནས་ནི། །དབང་པོའི་རྒྱུ་བ་དགག་པར་བྱ། །འབྱུང་བ་དང་ནི་འཇུག་པ་དང་། །གནས་པ་གཉིས་ཀྱི་བདག་ཉིད་ཅན། །གང་
[223a]
[223a.1]དག་འདི་ལ་རྟག་གནས་ནས། །རྣལ་འབྱོར་བདེ་བ་མྱོང་བར་བྱེད། །ཡང་ན་སྙིང་ག་ནས་བྱུང་བ། །ལྔའམ་ཁྲག་དང་ཆུ་དང་བྱང་ཆུབ་སེམས། །མདུང་དང་རལ་གྲིའི་སྦྱོར་བ་ཅན། །མགྲིན་པའི་པདྨ་ཁ་བྱེ་བསམ། །ཕྱོགས་སུ་གཞོལ་བ་སློབ་པ་ནི། །
[223a.2]ཁ་བྱེ་ཐིག་ལེ་འགྲོ་འོད་བདག །འབྱུང་དང་འཇུག་པ་འདིར་བསླབས་ནས། །རྣལ་འབྱོར་བདེ་བ་མྱོང་བར་བྱེད། །རེ་རེ་འམ་ནི་ལྔ་ཡི་བར། །སློབ་མ་རྣལ་འབྱོར་བདེ་བའི་ལམ། །སྣང་མཐའ་ཡས་ཀྱི་གནས་དག་ན། །བཞི་བཅུའམ་ནི་སུམ་ཅུ་གཉིས། །བཅུ་དྲུག་བརྒྱད་ཀྱི་
[223a.3]རྣམ་པ་ལ། །འབྱུང་བཞི་ཨཱ་ལི་བཅུ་དྲུག་ནི། །གཡས་དང་གཡོན་དུ་འཁོར་བར་བྱེད། །གང་ཞིག་དབུས་ནས་དཔའ་བོ་སྟེ། །དབང་པོའི་རྒྱུ་བ་འགོག་པ་དང་། །བདེ་ཆེན་ཁ་བྱེ་དེ་བཞིན་དུ། །འབྱུང་འཇུག་འདི་ལ་གནས་པ་ནི། །རྟག་ཏུ་བདེ་བ་ཆེན་པོ་བསྒྲུབ། །
[223a.4]གང་ཞིག་སྤྱི་བོའི་ཁང་པ་རུ། །བདུན་ཅུ་གཉིས་སམ་དྲུག་ཅུ་བཞི། །སུམ་ཅུ་རྩ་གཉིས་བརྒྱད་དང་བཞི། །ཨཱ་ལི་གཉིས་དང་ཀཱ་ལི་གཅིག །འབྱུང་བ་བཞི་དང་ཡང་དག་ལྡན། །སྟེང་དང་འོག་ཏུ་རྒྱུ་བའི་ཚུལ། །དབང་པོ་འགེངས་པར་བྱེད་པའམ། །ཡང་ན་ཚངས་དང་
[223a.5]སྨིན་མཚམས་བར། །རྩ་ལྔ་ཁ་འབྱེད་སྦྱོར་བར་བྱེད། །ལྟེ་བ་དཔའ་བོ་གསང་བའི་བདག །བརྒྱད་དང་ཉི་ཤུའི་སྦྱོར་བའམ། །ཕྱེད་བཅས་ཨཱ་ལི་ཀཱ་ལི་འབར། །གང་ཞིག་དཔའ་བོ་རླུང་སྟོབས་ཀྱིས། །རྩ་ལྔ་སྙིང་གར་སློབ་པ་དང་། །དབང་པོ་འགེགས་པར་བྱེད་པ་ཡིན།
[223a.6]ཁ་ཅིག་སློབ་པའི་དུས་དག་ཏུ། །ཉི་མ་རྡོ་རྗེ་སྦྱོར་བ་སྟེ། །ལ་ལ་ཡི་གེ་ཐིག་ལེར་འདོད། །བཞི་ནི་སོ་སོར་སློབ་པ་སྟེ། །གཅིག་ནི་མདུད་པར་སློབ་པའོ། །གང་ཞིག་འདི་ལ་རྟག་གནས་ནས། །བདེ་བ་ཆེན་པོ་སྒྲུབ་པར་བྱེད། །གཞན་གྱི་སྦྱོར་བས་མ་གསུངས་སོ། །ཡང་ན་
[223a.7]དབང་པོ་འགེགས་པ་དང་། །རྩ་ལྔའི་སྦྱོར་བ་མ་གསུངས་ཏེ། །གང་ཞིག་འདི་ཡི་སྦྱོར་ལ་གནས། །དབབ་དང་བཟློག་པས་འགྲུབ་པ་ཡིན། །ཇི་སྲིད་འཁོར་ལོ་གོང་མ་ལ། །དེ་ཡི་སྦྱོར་བ་མ་གསུངས་ཏེ། །གང་ཞིག་རྡོ་རྗེའི་སྦྱོར་བ་ཡི། །བཞི་པོ་འདི་ནི་བརྩམ་
[223b]
[223b.1]པར་བྱ། །སུམ་ཅུ་གཉིས་སམ་བཅུ་དྲུག་དང་། །བརྒྱད་དང་བཞི་ཡི་རྣམ་པ་ལ། །བཞི་པོ་ཁོ་ནའི་སྦྱོར་བ་ཡིས། །དབབ་དང་བཟློག་པར་བྱ་བའམ། །བརྒྱད་དང་གཉིས་ལ་བརྟེན་པ་དག །དབབ་པ་གོང་འོག་གཞན་དུ་སྦྱོར། །དབབ་པས་དགའ་བ་བསྐྱེད་པ་དང་། །བཟློག་པས་
[223b.2]དགའ་བ་བསྐྱེད་པ་དང་། །བར་དུ་སྐྱེ་དབར་གྱུར་པ་དང་། །གང་ཞིག་རྒྱུན་ལ་སྐྱེ་བ་དང་། །འདི་དག་རིགས་ཀྱི་དབང་དུ་གསུངས། །གང་ཞིག་རིགས་གཞན་སྦྱོར་བ་ལ། །རིགས་གཞན་ཕོ་ཉའི་སྦྱོར་བ་བྱ། །གང་ཚེ་རང་གི་རིགས་མཐུན་པ། །བྱིན་གྱིས་བརླབས་ནས་
[223b.3]གཉིས་མེད་སྦྱོར། །རྟག་ཏུ་དམ་པ་བདེ་བ་འབབ། །འདི་ཡི་སྦྱོར་བས་དགའ་བ་རྣམས། །རིམ་སྐྱེ་ཕྱག་རྒྱའི་དངོས་གྲུབ་འགྲུབ། །གང་ཞིག་འདི་ཡི་སྦྱོར་བ་ཡང་། །ལས་ལས་བསྐྱེད་པའི་བུ་མོ་དང་། །ཡེ་ཤེས་བུ་མོ་སྤྲུལ་པ་དང་། །གཡོན་གྱི་ཡུམ་དང་སྙིང་ག་ལས། །
[223b.4]བྱུང་བའི་བུ་མོ་སྦྱོར་བྱེད་པ། །འདི་ལ་བརྟེན་ནས་རྣལ་འབྱོར་པའི། །ཡེ་ཤེས་སྐྱེད་པར་བྱེད་པ་ཡིན། །ཐ་མའི་ལས་ཀྱི་དུས་དག་ཏུ། །རྐེད་པ་ཐིག་གུས་བཅིང་བ་དང་། །དབུགས་ཀྱི་ལྕགས་ཀྱུས་བཟློག་པ་ཡང་། །འདི་ཡིས་འབྱུང་གི་གཞན་དུ་མིན། །གང་ཞིག་
[223b.5]སྦྱོར་བ་གཞན་དག་ཀྱང་། །ཉི་མ་མེ་ནི་ལྟེ་བར་འབར། །སྤྱི་བོའི་བྱང་ཆུབ་སེམས་བཀུག་ནས། །དགའ་བ་བདེ་བ་འགྲུབ་པ་དང་། །རྟག་ཏུ་གཞན་ནས་འབར་བ་ཡིས། །རྩེ་མོ་ལས་ནི་འབར་བ་དང་། །གང་འདིར་བྱང་ཆུབ་སེམས་དག་གི །བཟློག་པ་རླུང་སྔོན་བསྐྱེད་པ་
[223b.6]དང་། །འབར་བ་རང་གི་གནས་དག་ཏུ། །གང་ཞིག་འདི་ཡིས་བྱེད་པ་དག །རྣལ་འབྱོར་བས་ནི་སྤྱད་པར་བྱ། །ཡང་ན་འབྱེད་འཛུམས་སྦྱོར་བ་ཡིས། །ལས་ཀྱི་རླུང་བསྐུལ་སངས་རྒྱས་རྣམས། །འོག་མིན་གནས་ནས་རབ་བཀུག་སྟེ། །ཞིང་ཁམས་བརྒྱད་ལ་
[223b.7]སོགས་པ་བཀུག །རྣལ་འབྱོར་ཡེ་ཤེས་དངོས་གྲུབ་འགྱུར། །རྣལ་འབྱོར་མ་ནི་ཐམས་ཅད་ཀྱི། །ཐོད་པ་བྱང་ཆུབ་སེམས་བཀང་ལ། །གང་གིས་དམིགས་པ་དེ་དག་གིས། །རྟག་ཏུ་བདེ་བ་ཆེན་པོ་འགྲུབ། །ཐབས་ནི་ཀུན་རྣམས་མ་ལུས་པས། །རི་ལུའི་ཕྲེང་བ་
[224a]
[224a.1]མགུལ་ན་ཐོགས། །སྦྲུལ་གྱི་ཞགས་པའི་སྦྱོར་བ་ཡིས། །ཀུན་དུ་འཁྱུད་པས་དངོས་གྲུབ་འབྱུང་། །གང་དུ་རྣལ་འབྱོར་མ་རྣམས་ལ། །རྟག་ཏུ་བདེ་བ་སྟེར་བྱེད་པ། །སྣ་ཚོགས་དཔལ་ལྡན་རྡོ་རྗེ་ཅན། །འདི་ལ་དམིགས་པས་རྣལ་འབྱོར་བའི། །འདོད་པ་
[224a.2]རྡོ་རྗེ་བཞིན་དུ་འགྲུབ། །གང་ཞིག་གཙོ་བོའི་སྦྱོར་བ་ལ། །དམིགས་ནས་གསལ་བར་འགྱུར་བའི་ཚེ། །ཞིང་ཁམས་གང་དང་གང་རུང་བར། །སྤྲུལ་པའི་བྱིན་རླབས་ཕྱོགས་བཅུར་འགྱེད། །གང་ཚེ་དེ་ཡི་སྦྱོར་བ་ཡིས། །ཞིང་ཁམས་ཡོངས་སུ་གྱུར་ནས་ནི། །ཐམས་ཅད་བདེ་
[224a.3]བ་ཆེན་པོར་འགྲུབ། །ཡང་ན་རྣལ་འབྱོར་བདེ་ཆེན་པོར། །གསལ་ནས་ཁྱབ་པས་སྤུ་ལྡང་ཞིང་། །སྣང་བ་གསུམ་ནི་འབྱུང་བར་འགྱུར། །རྣལ་འབྱོར་པ་ནི་ཐམས་ཅད་ཀྱིས། །བདེ་བ་ཆེན་པོ་སྐྱེད་པར་བྱེད། །ཡང་ན་འཁོར་ལོའི་སྦྱོར་སྤངས་པས། །གནས་ནི་བཞིའམ་བརྒྱད་དག་
[224a.4]དང་། །བཅུ་དྲུག་གནས་སུ་ཐིག་ལེ་བསྒོམ། །ཐམས་ཅད་འཕོ་དང་འཇུག་པ་ལ། །རྣལ་འབྱོར་བདེ་བ་སྐྱེད་པར་བྱེད། །གང་ཞིག་འདི་ལ་རྟག་གནས་ན། །ཟླ་བ་དྲུག་གམ་བཅུ་གཉིས་སམ། །དེ་ལས་གྱུར་པའི་སྦྱོར་བ་ཡིས། །རྣལ་འབྱོར་དངོས་གྲུབ་འགྲུབ་པར་བྱེད། །
[224a.5]སངས་རྒྱས་བྱང་ཆུབ་སེམས་དཔའ་དང་། །རྣལ་འབྱོར་ཕོ་དང་རྣལ་འབྱོར་མོ། །ཕོ་ཉ་འཁོར་ཚོགས་ཐམས་ཅད་ཀྱིས། །རྟག་ཏུ་བདེ་བ་སྟེར་བར་བྱེད། །བདུད་དང་གནོད་སྦྱིན་ལ་སོགས་པ། །གང་གིས་གནོད་པའི་ཚོགས་རྣམས་ཀུན། །མ་ལུས་ཀུན་དུ་ཞི་བར་འགྱུར། །གང་
[224a.6]ཞིག་དོན་འདི་ལོག་རྟོག་ཅན། །དབྱར་གྱི་ཙནྡན་ལྟ་བུ་ལ། །གང་ཞིག་སྟེར་བར་འགྱུར་བ་སྟེ། །རྟག་ཏུ་བརླག་པར་འགྱུར་བ་ཡིན། །གསང་བའི་དོན་རྣམས་ཐམས་ཅད་ཀུན། །དྲི་མཆོག་ག་བུར་བཞིན་དུ་བཙའ། །གང་ཞིག་འདི་ལས་ལོག་པ་ལ། །འབྲས་བུ་མེད་ཅིང་ངན་སོང་
[224a.7]ལྟུང་། །མཁའ་འགྲོ་བྱད་མ་སྲིན་པོ་དང་། །རོ་ལངས་ལ་སོགས་ཀུན་གྱིས་གསོད། །སེང་གེའི་འོ་མ་སྣོད་ནང་དུ། །བླུགས་པ་ཇི་བཞིན་དངོས་གྲུབ་མེད། །ཙནྡན་སྦྲུལ་གྱི་སྙིང་པོ་བཞིན། །མཁས་པས་བསྟན་པ་མི་སྟེར་བར། །གླེགས་བམ་མཐོང་ནས་ཁེངས་འགྱུར་བ། །ད་
[224b]
[224b.1]ལ་གསང་བ་བསྟན་མི་བྱ། །གང་ཞིག་སྣོད་ལྡན་ངང་ཚུལ་ཅན། །ལུས་དང་ལོངས་སྤྱོད་གཏོང་བ་དང་། །སོམ་ཉི་མེད་ཅིང་གསང་ལ་དང་། །སྒང་བུ་དམའ་ཞིང་སེམས་ཅན་གསོད། །རྟག་ཏུ་མཁས་པས་དེ་ལ་སྦྱིན། །བདག་འདྲ་རྨོངས་པས་སྒྲུབ་པའི་ཐབས་འདི་བརྩམས་པར་མི་
[224b.2]རིགས་ན། །སེམས་ཅན་དོན་དུ་འགྱུར་ལ་ཕན་ཕྱིར་བདག་གིས་བརྩམས། །འདི་ལ་ཉེས་པར་གྱུར་པ་ཅི་མཆིས་པ། །མཁས་དང་དམ་པ་རྣམས་ལ་བཟོད་པར་གསོལ། །བདག་གིས་སྒྲུབ་པའི་ཐབས་ནི་བརྩམས་པའི་དགེ་བ་ཡིས། །གང་གིས་ལེགས་གསུངས་རྒྱལ་བའི་
[224b.3]བསྟན་པ་ཀུན་རྒྱས་ཏེ། །རྟག་ཏུ་བདེ་བ་མཆོག་བསྒྲུབ་དམ་པ་དེ་ཡི་ཞལ་མཐོང་ནས། །འགྲོ་རྣམས་དངོས་གྲུབ་ཀུན་ཐོབ་རྟག་ཏུ་སྡུག་བསྔལ་བྲལ་བར་ཤོག། {T2216}༄༅༅། །རྒྱ་གར་སྐད་དུ། །ཏཏྟྭ་པྲ་དཱི་པཾ་ནཱ་མ་བྲྀཏྟི། བོད་སྐད་དུ། དེ་ཁོ་ན་ཉིད་ཀྱི་
[224b.4]སྒྲོན་མ་ཞེས་བྱ་བའི་འགྲེལ་པ། དཔལ་རྡོ་རྗེ་ཅན་ལ་ཕྱག་འཚལ་ལོ། །འདིར་བསྟན་བཅོས་རྩོམ་པར་འདོད་པས། ཐོག་མ་ཉིད་དུ་བརྗོད་པར་བྱ་བ་དང་དགོས་པ་དང་། འབྲེལ་བ་དང་། དགོས་པའི་དགོས་པ་མ་བསྟན་ན་རྟོག་པ་སྔོན་དུ་གཏོང་བ་རྣམས་འཇུག་པར་མི་འགྱུར་
[224b.5]རོ། །འདི་ལྟར་བསྟན་བཅོས་འདིའི་བརྗོད་པར་བྱ་བ་ནི། ཅི་ཞིག་ཅེས་བྱ་བ་ལ་སོགས་པ་ལ་ཚོལ་བར་མི་འགྱུར་རོ། །གལ་ཏེ་བརྗོད་པར་བྱ་བ་ལ་སོགས་པ་བསྟན་ཀྱང་མཆོག་ཏུ་གྱུར་པར་མ་བསྟན་ན། དམན་པ་ལ་ནི་མཁས་པ་དག་འཇུག་པར་མི་འགྱུར་རོ། །གལ་
[224b.6]ཏེ་མཆོག་ཏུ་གྱུར་པའང་གཞན་གྱིས་བསྒྲུབས་ན་ནི་མ་ཡིན་ཏེ། བསྟན་བཅོས་འདི་དགོས་པ་མེད་པ་ཉིད་དོ། །དེ་ལྟ་བས་ན་བརྗོད་པར་བྱ་བ་ནི་གང་ཞིག་དགོས་པ་དང་འབྲེལ་པ་དང་། དགོས་པའི་དགོས་པ་ནི་གང་ཞིག་ཡིན་ཞེ་ན། འདིར་བརྗོད་པར་བྱ་བ་ནི། བསྐྱེད་པའི་རིམ་
[224b.7]པ་དང་། རྫོགས་པའི་རིམ་པ་སྤྱོད་པ་དང་བཅས་པ་ཡོངས་སུ་རྫོགས་པའོ། །ཉན་པ་པོས་གཞུང་ཇི་ལྟ་བ་བཞིན་དུ་རྟོགས་པ་ནི་དགོས་པའོ། །དེ་ཡང་བསྟན་བཅོས་འདི་མེད་ན་མི་འབྱུང་བའི་ཚུལ་གྱིས་འབྲེལ་པའོ། །དེས་རང་གཞན་གྱི་དོན་ཕུན་སུམ་ཚོགས་པར་འགྱུར་བ་
[225a]
[225a.1]ནི་ཡང་དགོས་པའི་དགོས་པའོ། །དེ་ལྟར་བརྗོད་པར་བྱ་བ་ལ་སོགས་པ་བསྙད་ནས་ད་ནི་ཡོན་ཏན་བརྗོད་པ་སྔོན་དུ་འགྲོ་བས་ཕྱག་འཚལ་བ་བསྟན་པའི་ཕྱིར། གང་ཞིག་གིས་ནི་བདེ་བ་འཐོབ་ཅིང་སྡུག་བསྔལ་སྤོང་འདོད་པ། །ཞེས་བྱ་བ་ལ་སོགས་པ་སྨོས་
[225a.2]ཏེ། ཐེག་པ་ཆེན་པོའི་རིགས་ཅན་གང་གིས་འཁོར་བའི་ཉེས་པ་སྤོང་བ་དང་། མྱ་ངན་ལས་འདས་པའི་བདེ་བ་བླ་ན་མེད་པ་ཐོབ་པར་འདོད་པས་ན། ནོར་བུ་བཞིན་དུ་བསྒྲུབ་པ་ནི་ཐོགས་པ་མེད་པར་བསྒྲུབ་པར་བྱ་བའི་ཕྱིར་རོ་ཞེས་པས་དགོས་པའི་དགོས་པ་བསྟན་ཏོ། །བདེ་བའི་
[225a.3]མཆོག་ནི་ཕྱག་ན་རྡོ་རྗེ་ཡོན་ཏན་ཕུན་སུམ་ཚོགས་པའི་བདག་ཉིད་ཅན་ཏེ་དེ་ལ་གུས་པས་ཕྱག་འཚལ་ལོ། །དེ་ནས་བརྩམ་པར་བྱ་བའི་གཞི་བསྟན་པར་བྱ་བའི་ཕྱིར་སྒྲུབ་པའི་ཐབས་མཆོག་དེ་ཉིད་སྒྲོན་མ་ཞེས་སྨོས་ཏེ་སེམས་ཅན་རྣམས་ལ་དམ་པ་སྦྱིན་པར་བྱེད་པས་སྒྲུབ་ཐབས་ཏེ།
[225a.4]གང་གིས་ལས་གཞན་པའི་མཆོག་ཏུ་གྱུར་པའི་ཕྱིར་དེ་སྐད་ཅེས་བྱའོ། །དེ་བསྟན་པའི་ལུང་བསྟན་པའི་ཕྱིར་གསང་བའི་རྒྱུད་རྣམས་ལ་བརྟེན་ཅིང་ཞེས་པ་དེ་ཁོ་ན་ཉིད་གསང་བ་ལ་སོགས་པའི་རྒྱུད་རྣམས་ལ་བརྟེན་པའོ། །གཞན་ཡང་གང་ལས་འོངས་པ་ཞེས་པ་ནི་རིམ་པ་
[225a.5]ནས་བརྒྱུད་པའི་དོན་ཇི་ལྟ་བ་བཞིན་དུ་བཤད་པར་བྱའོ། །འདི་སྐད་དུ་སྟོན་ཏེ་གང་གི་ཕྱིར་དེ་བཞིན་གཤེགས་པའི་གསང་བའི་དོན་རྣམས་ཐོབ་པར་བྱ་བའི་ཕྱིར་སྒྲུབ་པའི་ཐབས་སུ་ཕུན་སུམ་ཚོགས་པ་བརྩམ་པར་བྱའོ། །དེའི་བར་དུ་གཅོད་པའི་བགེགས་ཉེ་བར་ཞི་བར་བྱ་
[225a.6]བའི་ཕྱིར་སྔོན་དུ་རང་དད་པའི་ལྷ་ལ་ཕྱག་འཚལ་བ་བརྩམ་པར་བྱའོ། །གལ་ཏེ་དེ་བཞིན་གཤེགས་པའི་གསང་བའི་དོན་རྣམས་ཞེས་བྱ་བ་དེ་ལས་གཞན་པ་ཞིག་ཏུ་གྱུར་ན་ནི་ཐུག་པ་མེད་པར་འགྱུར་རོ། །དེ་ལ་གཞན་ཡོད་པར་ཡང་མ་གྲུབ་སྟེ། རེ་བ་རྣམ་པར་ཆད་པའི་
[225a.7]ཕྱིར་རོ། །རིགས་དམན་པར་གྱུར་པའང་མ་ཡིན་ཏེ། དགོས་པ་ཐམས་ཅད་འདིའི་ནང་དུ་འུབ་ལ་ཡང་དག་པར་འདུས་པའོ། །གསང་བའི་དོན་ཡང་རྣམ་པ་གཉིས་ཏེ་ལམ་དང་འབྲས་བུའོ། །ལམ་ནི་བསྐྱེད་པ་དང་རྫོགས་པའི་རིམ་པ་སྤྱོད་པ་དང་བཅས་པའོ། །འབྲས་བུ་ནི་
[225b]
[225b.1]དངོས་གྲུབ་གཉིས་ཏེ། ཇི་སྐད་དུ། རྒྱལ་བས་བསྟན་པའི་ཆོས་རྣམས་ཀུན། །ལམ་དང་འབྲས་བུ་གཉིས་སུ་འདུས། །ཞེས་བྱ་བ་ལ་སོགས་པའོ། །ལམ་དང་འབྲས་བུ་ནི་རྒྱུད་ཀྱི་བརྗོད་པར་བྱ་བ་མ་ལུས་པ་ཐམས་ཅད་རབ་ཏུ་བསྡུས་པར་གྱུར་ལ། དེ་ཡང་དེ་བཞིན་
[225b.2]གཤེགས་པ་རྣམས་ཀྱིས་གསུངས་པའི་ཕྱིར་རོ། །ཡང་དེ་ཉིད་རྩོམ་པ་དགོས་པ་མེད་དོ་ཞེ་ན། མེ་ཡིན་པའི་ཕྱིར། གང་གིས་ནི་ལེགས་པའི་དོན་གསུམ་པ་ནི། དེ་ཁོ་ན་ཉིད་དང་སྤྱོད་པར་བཅས་པ་སྟེ། གསུངས་ཀྱང་དོན་ཡོད་ཅེས་མི་མཐུན་པའི་རྒྱན་དང་བཅས་
[225b.3]པའོ། །ཅིའི་ཕྱིར་ཞེ་ན། གསལ་མ་བྱས་པ་ཞེས་པ་དེ་ཁོ་ན་ཉིད་ལ་སོགས་པ་ཅི་ལྟ་བ་བཞིན་གསལ་བར་མ་བྱས་པའི་ཕྱིར་རོ། །དེ་ལྟར་ཡང་གསུངས་པ། རྫོགས་སངས་རྒྱས་ནི་མྱ་ངན་འདས། །བསྟན་པ་རྣམས་ནི་བློ་ལ་བསྐལ། །ཞེའོ། །གལ་ཏེ་དེ་ལྟ་ནའང་
[225b.4]བསྟན་བཅོས་གཞན་བསྟན་པ་ཉིད་དོ་ཞེ་ན། དེས་བྱས་བྱས་པ་མེད་མཐོང་ཞེས་པ་སློབ་དཔོན་གཞན་གྱིས་བྱས་པའི་བསྟན་བཅོས་དག་ལའང་དེ་ཁོ་ན་ཉིད་སྤྱོད་པ་བསྟན་པ་དང་བཅས་པ་ཡོངས་སུ་རྫོགས་པ་མེད་པའི་ཕྱིར་བྱས་པ་མ་ཡིན་པར་མཐོང་སྟེ། དེའི་ཕྱིར་དེ་ཁོ་ན་
[225b.5]ཉིད་སྤྱོད་པ་དང་བཅས་པ་ཡོངས་སུ་རྫོགས་པའི་གསང་བ་འདི་ལ་དགའ་བ་སྐྱེས་ཞེས་སྨོས་ཏེ། འདིས་ནི་དངོས་སུ་སྙིང་རྗེ་ལ་དགའ་བ་ཞེས་སྨོས་ཏེ། གང་གི་འབྲས་བུར་གྱུར་པ་དེ་ལ་དེ་སྐད་ཅེས་བྱའོ། །འདིར་སྒྲུབ་པ་པོའང་ཅི་ལྟ་བུ་ཞིག་གཟུང་བར་བྱ་ཞེ་ན། ལྟ་སྤྱོད་
[225b.6]དབང་དང་ཞེས་བྱ་བ་ལ་སོགས་པ་སྨོས་ཏེ། ལྟ་བ་ནི་ཡང་དག་པའི་ལྟ་བ་དང་ལོག་པའི་ལྟ་བ་སྟེ། དངོས་པོ་དང་མཐུན་པའི་ཕྱིར་རོ། །དེ་དང་བླང་བྱ་དང་སྤང་བྱའི་ཚུལ་དུ་ལྡན་པ་སྟེ། ཁོང་དུ་ཆུད་པའོ། །སྤྱོད་པ་ནི་སྤྲོས་པ་དང་བཅས་པ་དང་། །སྤྲོས་པ་མེད་པ་དང་།
[225b.7]ཤིན་ཏུ་སྤྲོས་པ་མེད་པའོ། །དབང་ནི་བུམ་པའི་དབང་ལ་སོགས་པའོ། །དམ་ཚིག་ནི་རྡོ་རྗེ་སློབ་དཔོན་ལ་སོགས་པའི་རྟེན་ཅན་འདའ་བར་བྱ་བ་མ་ཡིན་པ་རྣམས་སོ། །ལྡན་ཞེས་པ་ནི་རེ་རེ་ལའང་སྦྱོར་རོ། །དགེ་བའི་ཆོས་ནི་དད་པ་ལ་སོགས་པ་སྟེ། གང་གིས་དེ་ལ་ཤིན་
[226a]
[226a.1]ཏུ་ཕན་འདོགས་པ་དང་མཛེས་པར་བྱ་བའི་ཕྱིར་བརྒྱན་པའོ། །དེའི་མིང་ཅི་ཞེ་ན། །རྣལ་འབྱོར་སྣོད་ཅན་ཏེ། ཡང་དག་པའི་གདམས་ངག་དང་དངོས་གྲུབ་ཀྱི་སྣོད་དུ་གྱུར་པ་ཉིད་དོ། །དེའི་བསམ་པ་ཇི་ལྟ་བ་བཞིན་ཞེ་ན། ཡང་དག་བྱང་ཆུབ་ཡིད་ལ་བཞག །
[226a.2]ཅེས་པ། སེམས་ཅན་གྱི་དོན་གྱི་ཕྱིར་ལམ་དང་འབྲས་བུ་ལ་གནས་པར་བྱའོ་ཞེས་ཡིད་ལ་བྱས་པས་སོ། །འདི་ནི་འདི་སྐད་དུ་སྟོན་ཏེ་ཇི་སྐད་སྨོས་པའི་ཆོས་དང་ལྡན་པའི་རྣལ་འབྱོར་པ་ཞིག་གིས་ཐོག་མ་ཉིད་དུ་ལས་གང་བརྩམ་ཡང་བྱང་ཆུབ་ཏུ་སེམས་བསྐྱེད་ལ་འཇུག་པར་བྱའོ་
[226a.3]ཞེས་བྱ་བའི་དོན་ཏོ། །རྣལ་འབྱོར་སྣོད་ཅན་ཡང་རིགས་མཆོག་ཏུ་གྱུར་པ་བཟུང་བའི་ཕྱིར་ཏེ། འདི་ལྟར་གསང་བ་འདི་ཐུན་མོང་མ་ཡིན་པའི་ཕྱིར་རོ། །གལ་ཏེ་རྣལ་འབྱོར་སྣོད་ཅན་གྱི་མཚན་ཉིད་མ་བསྟན་ན། གསང་བ་ལ་ནི་གནས་པ་སེམས་ཅན་དེ་བྱང་ཆུབ་སེམས་དཔའ་སེམས་དཔའ་
[226a.4]ཆེན་པོ་ཡང་ཆེན་པོ་འདི་མིང་ལས་ལྡོག་པའི་ཕྱིར་རོ། །ཇི་ལྟར་ན་ཆེན་པོ་ཡིན་ཞེ་ན། ཆེན་པོ་དགུ་དང་ལྡན་པའི་ཕྱིར་ཏེ། རིགས་ཆེན་པོ་ནི་སངས་རྒྱས་ཀྱི་རིགས་སུ་ངེས་པར་བྱེད་པའི་ཕྱིར་རོ། །རྩོམ་པ་ཆེན་པོ་ནི་རང་གཞན་གྱི་དོན་ཕུན་སུམ་ཚོགས་པ་བརྩོན་པའི་ཕྱིར་རོ། །མོས་
[226a.5]པ་ཆེན་པོ་ནི་མོས་པ་རབ་ཀྱི་རབ་ཉིད་དོ། །དམིགས་པ་ཆེན་པོ་ནི་སྐུ་གསུམ་མཛད་པ་དང་བཅས་པ་ལ་དམིགས་པའི་ཕྱིར་རོ། །འབྲས་བུ་ཆེན་པོ་ནི་ཐོབ་པར་བྱ་བ་ཐོབ་པའི་ཕྱིར་རོ། །དུས་ཆེན་པོ་ནི་ཚེ་གཅིག་གིས་སངས་རྒྱས་པར་འགྲུབ་པར་བྱ་བའི་ཕྱིར་རོ། །ལས་ཆེན་པོ་ནི་
[226a.6]སྒྲིབ་པ་ཐམས་ཅད་སྤོང་བར་བྱེད་པའི་ཕྱིར་རོ། །བྱིན་གྱིས་བརླབས་ཆེན་པོ་ནི་གནས་ཐམས་ཅད་མཆོད་པར་འོས་པའི་ཕྱིར་རོ། །སྤོང་བ་ཆེན་པོ་ནི་སེམས་བསྐྱེད་ནས་དེའི་བར་དུ་གཅོད་པའི་ཆོས་སྤོང་བའི་ཕྱིར་རོ། །གལ་ཏེ་དེའི་མཚན་ཉིད་མ་བསྟན་ན་ཐོག་མ་ཉིད་དུ་རིགས་
[226a.7]དམན་པ་འཇུག་པར་བྱེད་དོ། །དེ་ནས་ནི་སྐྲག་པ་དང་སྐུར་པ་འདེབས་པར་འགྱུར་རོ། །དེ་ནས་ཆོས་དེ་དག་ལས་ལྡོག་པར་འགྱུར་རོ། །དེ་བས་ན་རྣལ་འབྱོར་གྱི་མཚན་ཉིད་སྨོས་པ་ནི་དགོས་པ་དང་བཅས་པ་ཉིད་དོ། །དེ་ལྟ་བུའི་རྣལ་འབྱོར་པས་གནས་གང་དུ་གྲུབ་ཅེ་ན།
[226b]
[226b.1]གནས་ནི་རི་དང་ཡུལ་ཁམས་ཞེས་བྱ་བ་ལ་སོགས་པ་སྨོས་ཏེ། དེ་ལ་རི་དང་ཡུལ་ཁམས་དང་ནི། རི་དང་ཡུལ་ཁམས་ཉིད་དོ། །ཇི་ལྟ་བུ་གཟུང་ཞེ་ན། ཡོན་ཏན་ཐམས་ཅད་ལྡན་པ་ནི་ཡིད་དུ་འོང་ཞིང་བསམ་གཏན་ལ་ཕན་པའི་ཆོས་ཉེ་བར་གནས་པའོ། །མངོན་སུམ་གྱིས་མ་
[226b.2]སྨད་པ་ནི་མངོན་སུམ་གྱིས་མ་སྨད་པ་སྟེ། གང་གི་མངོན་སུམ་དུ་རི་སེང་གེའམ་རྡོ་རྗེ་ལ་སོགས་པ་ལྟ་བུར་སྣང་བའོ། །གྲགས་པས་མ་སྨད་པ་ནི་ཐམས་ཅད་དུའང་མཆོག་ཏུ་གྱུར་པར་གྲགས་པ་སྟེ། དེས་བར་ཆད་ཀྱི་ཆོས་ཐམས་ཅད་སྤོང་བར་འགྱུར་ཏེ། དེར་ཡང་སྔོན་དུ་འགྲོ་
[226b.3]བའི་ཆོ་ག་བསྟན་པའི་ཕྱིར་རོ། །སྐད་ཅིག་ཕྱག་ན་རྡོ་རྗེ་གསལ་ཞེས་བྱ་བ་ལ་སོགས་པ་སྨོས་ཏེ། དེ་ལ་སྐད་ཅིག་ནི་དྲན་པ་ཐམས་ཅད་དེ། དེས་ཕྱག་ན་རྡོ་རྗེའི་སྐུར་རང་གསལ་བར་བྱ་བའོ། །འདི་ཡིས་གདུག་པ་ཅན་རྣམས་ལ། །གཞན་དུ་འགྲོ་བའི་བཀའ་བསྒོ་ཞེས་པ་ནི།
[226b.4]གནས་འདིར་བདག་ཆེ་གེ་མོ་ཞིག་བྱེད་ཀྱིས་མ་འདུག་ཅིག་ཅེས་བསྒོའོ། །གལ་ཏེ་མི་འགྲོ་བར་འགྱུར་ན། དེ་དེའི་ཆོ་ག་ནི། རྡོ་རྗེ་འཁོར་ལོའི་ཐོག་གིས་གསང་། །ཅེས་པ། རྡོ་རྗེ་དང་འཁོར་ལོའི་དབྱུག་ཏོ་དང་། རལ་གྲི་དང་། རྒྱ་གྲམ་དང་། ཕུར་པ་ལ་སོགས་པའི་
[226b.5]མཚོན་ཆའི་ཚོགས་ཧཱུཾ་ཞེས་པས་སྣའི་དབུགས་ལས་བཏོན་ཏེ། གདུག་པ་ཅན་རྡུལ་བཞིན་དུ་གྱུར་པར་བསྒོམ་པར་བྱའོ། །དེ་འོག་ཁང་པ་བསྒོམ་ཞེས་པ་རང་གི་ས་བོན་ལས་མདུན་དུ་ཧ་ལྗང་གུ་ལས་རྡོ་རྗེ་རྒྱ་གྲམ་དུ་གྱུར་ཏེ། དེ་ལས་འོད་ཁ་དོག་སྣ་ཚོགས་འཕྲོས་པ་ལས།
[226b.6]ཇི་སྐད་དུ་སྨོས་པའི་ཁང་པར་གྱུར་པར་བསམ་མོ། །ཡང་ན་རང་གི་གནས་དག་ཏུ། །ཞེས་པ་ལ་སོགས་པའི་དོན་ནི་བདག་ལས་ཁྲོ་བོ་ཁམས་གསུམ་རྣམ་པར་རྒྱལ་བ་མདོག་དམར་སེར་ཞགས་པ་དང་ཕུར་བུ་ཐོགས་པ་སྤྲོས་ཏེ། ཕྱོགས་བཅུའི་བགེགས་ཐམས་ཅད་
[226b.7]བཅིངས་ནས་ཕུར་བུས་གདབ་པར་བྱའོ། །ཡང་ན་བདག་ལས་ཁམས་གསུམ་རྒྱལ། །ཞེས་པ་ལ་སོགས་པའི་དོན་ནི་ཐོག་མ་ཉིད་དུ་རླུང་དང་མེའི་འཁོར་ལོ་ཡིད་ལ་བྱས་ཏེ། དེའི་སྟེང་དུ་ཨེ་ལས་ཆོས་ཀྱི་འབྱུང་གནས་བསམས་ཏེ། དེའི་ནང་དུ་འབྱུང་པོ་ཐམས་
[227a]
[227a.1]ཅད་བཀུག་ལ་རྡོ་རྗེ་སྡེར་མོའི་སྔགས་ཀྱིས་ཕུར་བུ་བཏབ་ན། དེའི་འོག་ཁྲོ་བོའི་ཁང་པར་བསམ་མོ། །ཡང་ན་ཁང་པ་མེ་དང་ཐོག་ཅེས་བྱ་བ་ལ་སོགས་པའི་དོན་ནི། ཁྲོ་བོའི་ཁང་པ་ཉིད་ལ་མེ་དཔུང་ཆེན་པོ་དང་། འཁོར་ལོ་ལ་སོགས་པའི་ཐོག་དབབ་པར་ཚ་ཚ་
[227a.2]འཁྲུག་པར་བསམ་པས་ཞི་བར་འགྱུར་རོ། །སྐུ་བསྐྱེད་པ་དང་། ཁང་པ་བསྒོམ་པ་དང་། བགེགས་གསོ་བ་ནི་ཐུན་མོང་དུའོ། །བཀའ་བསྒོ་བ་ནི་དང་པོའི་ཆོ་གའོ། །ཐོག་དབབ་པ་དང་། རང་གི་གནས་སུ་བཀུག་ནས་དང་། ཚ་ཚ་འཁྲུག་པ་ལ་སོགས་པ་ནི་གཅིག་
[227a.3]དང་གཉིས་དང་གསུམ་ལས་བྱེད་པའོ། །འདི་དག་གི་ལས་ལའང་རྒྱུ་དང་། སྔོན་འགྲོ་དང་། ཐབས་དང་གྲངས་དང་བྱེད་པའི་ལས། །བསམ་དང་མཚན་མ་ཚད་དང་དབྱིབས། །ཁ་དོག་རྣལ་འབྱོར་དེ་ཡི་རིམ། །དེ་ལ་རྒྱུ་ནི་སྣ་ཚོགས་རྡོ་རྗེའོ། །དུས་ནི་དངོས་གྲུབ་སྒྲུབ་པའི་
[227a.4]དུས་སུའོ། །སྔོན་དུ་འགྲོ་བ་ནི་སྐུ་བསྐྱེད་པ་ལ་སོགས་པའོ། །ཐབས་ནི་སྔགས་དང་བསམ་གཏན་ཚོགས་པའོ། །གྲངས་ནི་མཚོན་ཆ་ལྔའི་དབང་དུ་བྱས་པའོ། །ལས་ནི་འབྱུང་པོ་བསྲུང་བ་ལ་སོགས་པའོ། །བསམ་པ་ནི་སྒྱུ་མ་ཙམ་དུའོ། །མཚན་མ་ནི་མེ་ལ་སོགས་པའོ། །
[227a.5]ཚད་ནི་ནམ་མཁའི་མཐའ་དང་མཉམ་པའོ། །དབྱིབས་ནི་གྲུ་གསུམ་དུའོ། །ཁ་དོག་ནི་དམར་ནག་ཏུ་གནས་པའོ། །རྣལ་འབྱོར་པ་ནི་དེའི་ལས་སུ་བྱ་བ་ཁོང་དུ་ཆུད་པའོ། །དེའི་རིམ་པ་ནི། ཐོག་མ་ཉིད་དུ་ནི་སྐུ་བསྐྱེད་པའི་ཆོ་ག་ལ་འཇུག་པར་བྱའོ་ཞེས་བྱ་བ་ལ་སོགས་
[227a.6]པའོ། །དེ་ནས་བླ་མ་མཆོད་པའི་ཡན་ལག་ལ་འཇུག་པར་བྱ་སྟེ། དེའང་དུས་གང་གི་ཚེ་བསྒོམ་ཞེ་ན། གང་ཚེ་མཚམས་ཀྱི་ཆོ་ག་རྫོགས་པ་དེའི་ཚེ། བླ་མ་མཆོད་པ་རྩོམ་གྱི་གཞན་དུ་ནི་མ་ཡིན་ཞེས་བྱ་བའི་དོན་ཏོ། །རང་སྙིང་མདུན་གྱི་ཉི་མ་ལ། །ཞེས་པ་ནི། རང་གི་ས་བོན་
[227a.7]ལས་བྱུང་བའི་འོད་ཀྱིས་མདུན་དུ་ཉི་མའི་གདན་བསྐྱེད་པའོ། །བླ་མ་བཀུག་སྟེ་འོད་དུ་ཞུ། །དེ་ལས་རྡོ་རྗེ་འཆང་ཆེན་སྐུ། །གནས་རྣམས་བྱིན་བརླབས་དབང་བསྐུར་ནས། །ཞེས་པ་ནི། རང་གི་ས་བོན་ལས་འོད་ལྕགས་ཀྱུའི་ཚུལ་ཅན་བྱུང་ནས་བླ་མའི་སྙིང་ག་ནས་བཟུང་
[227b]
[227b.1]ནས་འོངས་ཏེ། ཐ་མལ་པའི་ཡན་ལག་ཡོངས་སུ་སྤང་བའི་ཕྱིར། རང་གི་འོད་ཀྱིས་འོད་དུ་ཞུ་སྟེ། ཞིང་དག་པར་བསྒྲུབ་པའི་ཕྱིར། རྡོ་རྗེ་སེམས་དཔའི་ཕྱག་རྒྱ་ཆེན་པོར་རིམ་པའམ་ཅིག་ཅར་གྱིས་བསྐྱེད་ལ། དེའི་གནས་གསུམ་དུ་ཨོཾ་ཨཱཿཧཱུཾ་བཀོད་དེ། ཡེ་ཤེས་ཀྱི་
[227b.2]འོད་ཟེར་གྱིས་ནུས་པ་བསྐྱེད་ཅིང་ཉེས་པ་དག་པར་བྱས་ནས། རིག་པའི་ལྷ་མོས་དབང་བསྐུར་ཏེ། དེ་ལ་ལུས་དང་ངག་དང་ཡིད་ཀྱི་སྒོ་ནས་ཕྱག་འཚལ་བ་ལ་སོགས་པ་བརྩམ་པར་བྱའོ། །དེས་ཅི་བྱེད་ཅེ་ན། དེ་བཞིན་གཤེགས་པའི་བསོད་ནམས་ཀྱི་ཚོགས་དམ་པའི་སོ་
[227b.3]བོན་གསོ་བ་དང་། བར་དུ་གཅོད་པ་བཟློག་པ་དང་། དམ་ཚིག་ཉམས་པ་སེལ་བ་ལ་སོགས་པར་འགྱུར་རོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པའི་དངོས་གྲུབ་ཐམས་ཅད་བླ་མ་ལ་བརྟེན་ནས་ཐོབ་པར་འགྱུར་ཏེ། ལུང་གཞན་ལས་བླ་མ་སངས་རྒྱས་ལས་མཆོག་ཉིད་
[227b.4]ཅེས་བྱ་བ་ལ་སོགས་པ་འབྱུང་བའི་ཕྱིར་རོ། །བླ་མ་ལས་ཇི་ལྟ་བ་བཞིན་དུ་དེ་བཞིན་དུ་དེ་བཞིན་གཤེགས་པ་མཆོད་པ་ལས་ཀྱང་བསོད་ནམས་ཁྱད་པར་དུ་འགྱུར་རོ་ཞེས་བསྟན་པའི་ཕྱིར། དེ་ནས་བདེ་གཤེགས་མཆོད་པ་བརྩམས། །ཞེས་བྱ་བ་ལ་སོགས་པ་སྨོས་ཏེ། བདེ་བ་
[227b.5]ཆེན་པོ་ཆོས་ཀྱི་དབྱིངས་ཉིད་དུ་གཤེགས་པས་ན་བདེ་གཤེགས་ཏེ། གང་གིས་དེ་མཉེས་པར་བྱེད་པའི་ཕྱིར། དེ་ལ་དེ་སྐད་ཅེས་བྱའོ། །ས་མན་ཛཿསྔགས་ལས་བྱུང་བའི། །ཞེས་པ་ལ་སོགས་པའི་དོན་ནི། ཐོག་མ་ཉིད་དུ་ནི་རང་གིས་བྱང་ཆུབ་ཏུ་སེམས་བསྐྱེད་ལ་གོང་མ་
[227b.6]བཞིན་དུ་སྤྱན་དྲངས་ཏེ། ཕྱག་འཚལ་བ་ལ་སོགས་པའི་ཡན་ལག་ཡོངས་སུ་རྫོགས་པར་བྱས་ཏེ། དེ་ལྟར་ཚོགས་ཆེན་པོ་བསྒྲུབ་པ་ལས་གསུངས་པ། དབུ་ཡི་གཙུག་ཏོར་འཕགས་འདོད་པས། །ལོངས་སྤྱོད་ཡིད་འོང་འདོད་པ་ཡིས། །མཆོད་པའི་ཚོགས་ཀྱང་
[227b.7]དབུལ་བར་བྱ། །ཞིང་ནི་དག་པར་བྱ་བའི་ཕྱིར། །ཉེས་པ་རྣམས་ཀྱང་སྦྱང་བར་བྱ། །སྤོབས་པ་མི་ཟད་ཐོབ་བྱའི་ཕྱིར། །ཉེས་པ་དག་ཀྱང་བསྡམ་པར་བྱ། །འགྲོ་བ་ཀུན་གྱིས་འདུད་བྱའི་ཕྱིར། །གཞན་གྱི་དགེ་ལ་ཡི་རང་ཞིང་། །བསྐུལ་དང་གསོལ་བ་གདབ་པར་བྱ། །ལུས་
[228a]
[228a.1]ངག་ཡིད་ནི་ཕུན་སུམ་ཚོགས། །ལང་ཚོ་ལོངས་སྤྱོད་དེ་བཞིན་ཏེ། །ཚོགས་བསགས་པ་ལས་འབྱུང་བར་འགྱུར། །ཞེས་པ་ལྟ་བུའོ། །ཆོས་ཀྱི་འཁོར་ལོ་བསྐོར་བའི་ཚུལ་བསྟན་པ་ལས་ཀྱང་རྒྱུ་མཐུན་གྱི་འབྲས་བུ་ཁྱད་པར་ཅན་འབྱུང་བར་བསྟན་པའི་
[228a.2]ཕྱིར། བདག་ལས་སྤྲུལ་པའི་ལྷ་ཚོགས་ཀྱིས། །སེམས་ཅན་ཀུན་གྱི་དོན་བྱེད་བསམ། །ཞེས་པ་རང་ལས་སྤྲུལ་པའི་སྐུ་དཔག་ཏུ་མེད་པ་འཇིག་རྟེན་གྱི་ཁམས་ཐམས་ཅད་དུ་སྤྲོས་ཏེ། སེམས་ཅན་ཐམས་ཅད་བསྡུ་བའི་དངོས་པོ་བཞི་ལ་བཀོད་ནས་སླར་འདུས་ཏེ། དེ་ལྟར་
[228a.3]ཡང་དང་ཡང་དུ་ཡིད་དུ་བྱས་པས་ནུས་པ་ཕུན་སུམ་ཚོགས་པར་གྱུར་པའོ། །སྨོན་ལམ་བཏབ་པའི་འཕེན་པས་རྣམ་པར་སྨིན་པའི་འབྲས་བུ་ཕུན་སུམ་ཚོགས་པ་བསྟན་པའི་ཕྱིར། ཕྱི་མའི་དུས་ཀྱི་སྨོན་ལམ་བཏབ། །ཅེས་པ། སེམས་ཅན་གྱི་དོན་བྱེད་པར་གྱུར་ཅིག་ཅེས་སྨོན་
[228a.4]ལམ་གདབ་པར་བྱའོ། །ཚད་མེད་བཞི་ཡང་བསྒོམ་པར་བྱ། །ཞེས་བྱམས་པ་དང་སྙིང་རྗེ་དང་དགའ་བ་དང་བཏང་སྙོམས་ཀྱི་སྒོ་ནས་ཡན་ལག་ཡོངས་སུ་རྫོགས་པར་བྱའོ། །གཞན་གོ་སླ། ད་ནི་སྟོང་པ་ཉིད་བསྒོམས་པས་ཀྱང་ཡེ་ཤེས་ཀྱི་ཚོགས་ཁྱད་པར་ཅན་དུ་འགྱུར་རོ་
[228a.5]ཞེས་བསྟན་པའི་ཕྱིར། ཡེ་ཤེས་ཚོགས་ནི་བཤད་བྱ་སྟེ། །ཞེས་བྱ་བ་ལ་སོགས་པ་སྨོས་ཏེ། དང་པོ་ཉིད་ནས་རང་བཞིན་མེད། །དེ་ལྟར་མོས་པ་བྱེད་པ་དང་། །ཞེས་པ་ནི། ཐོག་མར་གཅིག་དང་དུ་མ་ལ་སོགས་པ་དང་བྲལ་བ་ལ་སོགས་པས། ཆོས་ཐམས་ཅད་
[228a.6]སྟོང་པ་ཉིད་དུ་ཤེས་པར་བྱས་ནས། ཕྱིས་དེའི་ངང་ལ་སྟོང་པ་ཉིད་དུ་ལྷག་པར་མོས་པར་བྱས་ནས་ཡང་དང་ཡང་དུ་བསྒོམ་པ་ན། མོས་པས་སྟོང་པ་ཉིད་དུ་བསྒོམ་པའོ། །རྣམ་པ་དང་བཅས་པའི་དབང་དུ་བྱས་ནས་བཤད་པ། ཡང་ན་སྙིང་གའི་ཡི་གེ་ལས། །འོད་བྱུང་བདག་
[228a.7]ཉིད་ཞུ་གྱུར་ཏེ། །ཞེས་པ་ནི། རང་གི་ས་བོན་གྱི་འོད་ཀྱིས་ཕུང་པོ་ཐམས་ཅད་ཞུ་བར་བྱས་པའོ། །སླར་འདུས་རང་བཞིན་མེད་པར་གྱུར། །ཞེས་པ་ནི། འོད་འདུས་ནས་སྟོང་པ་ཉིད་དུ་བསྟོམ་པའོ། །སྟོང་པ་ཉིད་བསྒོམ་པའི་ཐབས་གསལ་བར་བསྟན་པ་ནི། ཡུལ་ནི་
[228b]
[228b.1]གང་ལའང་མི་གཏོང་དེ། །ཞེས་བྱ་བ་ལ་སོགས་པ་སྨོས་ཏེ། གཟུགས་ལ་སོགས་པའི་རྣམ་པ་གང་ལའང་ཡུལ་དུ་མི་བྱ་སྟེ། སེམས་ཉིད་ཀྱང་གང་ལའང་གནས་པར་མི་བྱའོ་ཞེས་པའི་དོན་ཏོ། །སྤྱོད་ལམ་ཞར་ལ་བྱུང་བསྟན་པ། །གཞན་པའི་ཡུལ་རྣམས་རང་བཞིན་བཞག།
[228b.2]ཅེས་པ་ནི་གཟུགས་ལ་སོགས་པའི་ཡུལ་སྣང་བར་གྱུར་པ་རང་ཞིར་གཞག་པར་བྱའོ། །བསོད་ནམས་དང་ཡེ་ཤེས་ཀྱི་ཚོགས་གཉིས་ནི། གང་གི་ལམ་ཉིད་ལམ་དུ་གྱུར་པ་སྟེ། གང་གིས་དང་པོའི་ཆོས་ཉིད་དང་ཡོངས་སུ་རྫོགས་པའི་ཆོས་ཉིད་ཀྱི་དབང་དུ་བྱས་པའོ། །དེས་ཅིར་
[228b.3]འགྱུར་ཞེ་ན། སངས་རྒྱས་ཀྱི་བསོད་ནམས་ཡེ་ཤེས་ཏེ། སྐུ་གསུམ་ཐོབ་པར་འགྱུར་བའི་ཕྱིར་རོ། །གལ་ཏེ་ཅི་བསོད་ནམས་ཀྱི་ཚོགས་ཁོ་ནའམ་བསོད་ནམས་ཁོ་ནའི་ཚོགས་ཞེས་བརྟགས་གྲང་ན། དང་པོ་ལྟར་ནའང་དེ་ལས་གཞན་པའི་མ་ཡིན་པ་ཡིན་པ་ཉིད་དང་
[228b.4]གཉིས་པ་ལྟར་ནའང་རྣམ་སྨིན་ནམ་བྲལ་བའི་འབྲས་བུ་མེད་པར་འགྱུར་རོ། །འདི་ཁོ་ན་བསོད་ནམས་ཀྱི་ཚོགས་ཡིན་ནོ་ཞེས་ངེས་པར་གཟུང་བའང་མེད་དེ། བསྐྱེད་པའི་རིམ་པའང་དེར་འགྱུར་བ་ཉིད་དོ། །གལ་ཏེ་ནི་འགྱུར་ན་ནི། དེ་བསྒོམ་པར་བྱ་བ་མ་ཡིན་པ་ཞིག་ཏུ་འགྱུར་
[228b.5]ན། དེའང་མ་ཡིན་ནོ། །དེས་འགྱུར་བ་ཁོ་ན་ཞེས་བྱ་བ་ནི། དེ་ངེས་པར་ཏེ་དེའི་ངོ་བོ་ཉིད་ཡིན་པའི་ཕྱིར་རོ། །དེ་བས་ན་གཉིས་པ་ལའང་དེ་ལྟར་བལྟ་བར་བྱའོ་ཞེ་ན། འདི་ཉིད་དེ་གང་གིས་དང་པོའི་དུས་ཀྱི་རྗེས་སུ་འབྲང་བར་བྱེད་པ་ཉིད་དེ། དེ་ནི་དེ་ཙམ་དུ་ཟད་དེ། ལྷག་མ་
[228b.6]ནི་དེའི་འབྲས་བུ་དང་རྗེས་སུ་མཐུན་པར་བྱས་པ་ཉིད་དོ། །དེ་ལྟར་སྔོན་དུ་འགྲོ་བ་བརྗོད་ནས། ད་ནི་བསྐྱེད་པའི་རྟེན་བསྟན་པར་བྱ་སྟེ། འཇིག་རྟེན་གྱི་ཁམས་མི་མཛད་དུ་མེ་བདུན་ལ་སོགས་པས་བར་གྱི་བསྐལ་པ་ཉི་ཤུར་ཞིག་གོ། །བར་གྱི་བསྐལ་པ་ཉི་ཤུར་སྟོང་ངོ་། །བར་གྱི་
[228b.7]བསྐལ་བ་ཉི་ཤུར་རླུང་ལ་སོགས་པ་རིམ་གྱིས་ཆགས་ཏེ། དེ་དང་མཐུན་པར། ཡཾ་དང་བཾ་དང་ལཾ་དག་དང་། །སུཾ་དང་བྷྲཱུཾ་ལས་བྱུང་བ་ཡི། །རླུང་དང་ཆུ་ཡི་དཀྱིལ་འཁོར་དང་། །ས་གཞི་རི་རབ་སྟེང་དག་ཏུ། །གཞལ་ཡས་ཁང་པ་བསམ་པར་བྱ། །ཞེས་པ། རླུང་ནི་
[229a]
[229a.1]ལྗང་སེར་དཔག་ཚད་ས་ཡ་དང་དྲུག་འབུམ་རྔམས་སུའོ། །ཆུའི་ནི་ཆུ་རྔམས་འབུམ་ཕྲག་བརྒྱད་དོ། །གསེར་གྱི་ནི་འབུམ་ཕྲག་གསུམ་དང་། སྟོང་ཕྲག་ཉི་ཤུ་དང་བརྒྱ་ཕྲག་བཅུའོ། །རི་རབ་ནི་རིན་ཆེན་སྣ་བཞི་ལས་གྲུབ་པ་བརྒྱད་ཁྲིའོ། །གཞལ་ཡས་
[229a.2]ཁང་ནི་ཁང་བཟངས་རྣམ་པར་རྒྱལ་བྱེད་ཅེས་བྱ་བ་ལྟ་བུའོ། །གཞན་གོ་སླ། དེ་དབུས་ཧཱུཾ་ལས་བྱུང་བའི་ཞེས་པ་ལ་སོགས་པའི་དོན་ནི། ཇི་སྐད་སྨོས་པའི་གཞལ་ཡས་ཁང་གི་སེམས་ཉིད་སྣང་བ་ཡི་གེ་ཧཱུཾ་མཐིང་ག་འོད་དང་ལྡན་པ་ཅིག་གསལ་བར་བྱས་ཏེ། དེའི་འོད་ཀྱི་འཕྲོ་
[229a.3]འདུ་ལས་རྡོ་རྗེ་གདེངས་པོ་ས་བོན་དང་བཅས་པ། དེ་ལས་ཕྱག་ན་རྡོ་རྗེ་ཅུང་ཟད་ཁྲོ་བ་དང་བཅས་པར་གནས་པར་བསམས་ལ་དེས་གནོད་སྦྱིན་གོས་སྔོན་པོ་ཅན་དང་། ཀླུ་ལ་སོགས་པ་ལ་བལྟས་ཏེ། སྙིང་རྗེ་ཆེན་པོ་སྔོན་དུ་འགྲོ་བས་གོས་སྔོན་པོ་ཅན་སྣང་བའི་ཚུལ་དུ་བསླངས་ནས་
[229a.4]ཡིད་བསྡུ་བའི་སྦྱོར་བས་ས་བོན་བརྟན་པ་ལས་ཁྲོ་བོ་ཆེན་པོ་འཕགས་པ་གོས་སྔོན་པོ་ཅན་ཇི་སྐད་སྨོས་པའི་རྒྱན་ཐམས་ཅད་དང་ལྡན་པ་བསམ་པར་བྱའོ། །ཡེ་ཤེས་ཀྱི་འཁོར་ལོ་དགུག་པ་སྔོན་དུ་འགྲོ་བས་དབང་བསྐུར་བས་ཀྱང་ཇི་སྐད་དུ་བཤད་པའི་སྐུ་ཁྱད་པར་དུ་འགྱུར་རོ་ཞེས་
[229a.5]བསྟན་པའི་ཕྱིར། ཡེ་ཤེས་འཁོར་ལོ་སྤྱན་དྲངས་ཏེ། ཞེས་བྱ་བ་ལ་སོགས་པ་སྨོས་ཏེ། མཆོད་པ་ནི་སྤོས་ལ་སོགས་པའོ། །གཏོར་མ་ནི་བདུད་རྩི་ལྔ་ལ་སོགས་པའོ། །དེས་མཉེས་པ་ནི་མགུ་བར་བྱས་པའོ། །དེས་ཅི་བྱེད་ཅེ་ན། དོན་ཆེད་འདི་ཡིས་གསོལ་བ་གདབ། །ཅེས་པ་
[229a.6]སེམས་ཅན་གྱི་དོན་དུའོ། །གསོལ་བ་གདབ་པའི་ཚིག་ནི་གོ་སླའོ། །འདིས་ཅི་བྱེད་ཅེ་ན། བུམ་པ་ལ་སོགས་དབང་རྣམས་བླང་། །ཞེས་པ་བུམ་པ་དང་གསང་བ་དང་ཤེས་རབ་ཡེ་ཤེས་དང་བཞི་པ་བླང་པའོ། །དེ་ལ་བུམ་པའི་དབང་ནི་རིག་པའི་ལྷ་མོ་རྣམས་ཀྱིས་དབང་བསྐུར་
[229a.7]བ་སྟེ། འབྲས་བུ་རིགས་ལྔར་གྱུར་པའོ། །གསང་བའི་དབང་ནི་ལག་པའི་བྱང་ཆུབ་ཀྱི་སེམས་སོ། །ཤེས་རབ་ཡེ་ཤེས་ནི་རིག་པའི་ཡུམ་གྱིས་བདེ་བ་བྱིན་པའོ། །བདེ་བ་ཆེན་པོར་རྟག་ཏུ་དགྱེས། །ཞེས་པ་ནི་དབང་བཞི་པ་སྟེ། དོན་དམ་པའི་ཕྱིར་བདེན་པ་ལ་གནས་པའོ། །
[229b]
[229b.1]རྟེན་ཇི་ལྟ་བུ་ལ་བསྐུར་ཞེ་ན། ཕྱིས་ནི་གནས་གསུམ་བྱིན་བརླབས་ཏེ། །ཞེས་པ་རང་གི་སྐུ་བསྐྱེད་པའི་རྗེས་སུ་གནས་གསུམ་བྱིན་གྱིས་བརླབས་པའོ། །དེ་ནས་ཡོངས་སུ་བསླང་བའི་དོན་གྱི་འཁོར་གྱི་སྐུ་བསྐྱེད་པ་བསྟན་པའི་ཕྱིར། དེ་ནས་ཕྱོགས་བཅུའི་ལྷ་མོ་ཡིས། །
[229b.2]ཞེས་བྱ་བ་ལ་སོགས་པ་སྨོས་ཏེ། ཕྱོགས་བཅུའི་ལྷ་ནི་སྒེག་མོ་ལ་སོགས་པ་སྟེ། དེ་དག་རྣམ་པའི་ཚུལ་དུ་བྱུང་ནས་བསྐུལ་ཞེའོ། །ཨ་ལ་ལ་ཧོ་ཞེས་པ་ནི་དགའ་བའི་མདངས་ཅན་གྱིས་སོ། །གང་ལ་ཞེ་ན་ཤུ་ཀྲ་སུ་ཀ་སྟེ། བྱང་ཆུབ་སེམས་བདེ་བའི་ངང་ལས་སོ། །བདེ་བ་ཆེན་པོ་ནི་དོན་
[229b.3]དམ་པའི་སྒོ་ནས་བོད་པ་སྟེ། བཅོམ་ལྡན་གསང་མཆོག་ཐུགས་རྗེའི་བདག་ཉིད་ཅན། །ཞེས་བྱ་བ་དང་འབྲེལ་ལོ། །བོས་ནས་ཅི་བྱེད་ཅེ་ན། འབར་བའི་སྐུར་བཞེངས་ནི་སྐུ་ཁྲོ་བོར་བཞེངས་ཤིག་པའོ། །ཅི་བྱེད་ཅེ་ན་འགྲོ་བའི་དོན་ལ་སྤྱོད་ཅེས་པ་དཀྱིལ་འཁོར་ཡོངས་སུ་རྒྱས་པ་སེམས་
[229b.4]ཅན་གྱི་དོན་མཛོད་ཅིག་པའོ། །གང་གི་ཕྱིར་ཞེ་ན། མ་རིག་རྨོངས་པ་ཡོངས་སུ་བཟུང་བའི་ཕྱིར་ཏེ་བླུན་པར་འགྱུར་བའི་སྒྲིབ་པ་བསལ་བའི་ཕྱིར་རོ། །མ་ཧཱ་གུ་ཧྱ་ཞེས་པ་ལ་སོགས་པའི་དོན་ཡང་དེ་ཉིད་དོ། །དེ་ལྟར་བསྐུལ་བའི་སྟོབས་ཀྱིས་ལྡང་བའི་ཚུལ་གྱིས་ནི། འོད་ལས་
[229b.5]ཡོངས་སུ་སད་གྱུར་ཏེ། །ཞེས་པ་ནི་འོད་ཀྱི་གོང་བུ་ལས་སྐུར་ལྡང་བ་སྟེ། རིམ་པའམ་ཅིག་ཅར་གྱིས་སོ། །རྡོ་རྗེ་པདྨ་བྱིན་བརླབས་ནས། །ཞེས་པ་ནི་རྡོ་རྗེ་དེ་ཧཱུཾ་ལས་རྡོ་རྗེ་རྩེ་ལྔ་པ། རྩེ་མོ་ནོར་བུས་མཚན་པ་དང་། པདྨའི་ནང་བྷྲཱུཾ་ལས་གཞལ་ཡས་ཁང་དུ་བསམས་ཏེ།
[229b.6]དེའི་དབུས་སུ་ཨ་དམར་པོ་མཚལ་བཅག་པ་ལྟ་བུར་བསམ་མོ། །ལྷ་མོས་བསྐུལ་ཞེས་པ་ནི་ས་དང་ནམ་མཁའ་ལ་གནས་པའི་ལྷ་མོས་འཁོར་གྱི་སྐུ་བསྐྱེད་པར་བསྐུལ་བའོ། །དགའ་བའི་སྤྱོད་པ་ནི། འཆང་བ་དང་འཁྱུད་པ་དང་འཇིབ་པ་དང་སྤྱོད་པ་ལ་སོགས་པའོ། །སྙོམས་
[229b.7]པར་ཞུགས་པ་ནི། པདྨར་རྡོ་རྗེ་བསྟིམས་ཏེ་བསྐྱོད་པའི་སྒྲས་སངས་རྒྱས་ཀྱི་ས་བོན་བཀུག་སྟེ་བྷ་གའི་ནང་གི་འཁོར་ལོ་ལ་བཞག་པ་ལས་རིམ་གྱིས་སྐུ་རྫོགས་པར་འགྱུར་བའོ། །གྲངས་བསྟན་པ་སུམ་ཅུ་ལྔའམ་ཉི་ཤུ་ལྔ་ཞེས་པ་སུམ་ཅུ་ལྔ་ནི། ཕྱོགས་སྐྱོང་དང་བཅས་
[230a]
[230a.1]པའོ། །ལྷག་མ་ནི་ཕྱོགས་སྐྱོང་གསལ་བ་དང་། དབུས་ཀྱི་འཁོར་ལོ་ལ་བཟུང་བའི་ཕྱིར་ཏེ། གོ་རིམས་བཞིན་ནོ། །དེ་ལས་སོ་སོའི་སྔགས་ཀྱིས་གདོན། །ཞེས་པ་ནི། ཡུམ་གྱི་བྷ་ག་ལས་ཕྱིར་བཏོན་ཏེ། གདུག་པ་ཅན་བཏུལ་ནས་སླར་འདུས་ཏེ། ཕྱིའི་
[230a.2]འཁོར་ལོ་ལ་ཞུགས་པའོ། །ཨོཾ་སརྦ་ཏ་ཐཱ་ག་ཏ་ཞེས་པ་ལ་སོགས་པས་ནི་གདོན་པའི་སྔགས་བསྟན་ཏོ། །དེ་ནས་ལྷ་སོ་སོའི་མཚན་ཉིད་བསྟན་པ། ཕྱོགས་དང་མིང་དང་ཁ་དོག་དང་མཚན་མ་དང་། རྒྱན་དང་གནས་དང་ལས་དང་ཆས་གོས་ཀྱིས་ཤེས་པར་བྱ་སྟེ། ཤར་དུ་སངས་རྒྱས་
[230a.3]གོས་སྔོན་ཅན། །ཞེས་པས་ནི་ཕྱོགས་དང་མིང་བསྟན་ཏེ། བདེ་བར་གཤེགས་པའི་རིགས་ཡིན་པའི་ཕྱིར་རོ། །ཞལ་དང་སྐུ་ནི་དཀར་ལ་འཚེར། །ཞེས་པ་ནི་ཁ་དོག་གི་ཁྱད་པར་བསྟན་ཏེ། དྲི་ཟ་ཐམས་ཅད་འདུལ་བར་བྱེད་པའི་ཕྱིར་རོ། །འཁོར་ལོ་དང་ནི་དྲིལ་བུ་བསྣམས། །
[230a.4]ཞེས་པ་ནི་གཡས་དང་གཡོན་ན་གོ་རིམས་བཞིན་ནོ། །སྦྲུལ་དཀར་པོ་དང་གོས་སྔོན་པོའི་ཤམ་ཐབས་ལ་སོགས་པ་ཐམས་ཅད་དང་ལྡན་པ་ནི་རྒྱན་གྱི་མཚན་ཉིད་དོ། །གནས་ནི་ཤར་གྱི་པདྨ་ལ་བརྟེན་པ་ཉིད་དོ། །ལས་ནི་དྲི་ཟ་ཐམས་ཅད་འདུལ་བར་བྱེད་པའི་ཕྱིར་རོ། །ཆས་གོས་
[230a.5]ནི་རྒྱན་གྱི་ཕྱོགས་གཅིག་གོ། །དེ་བཞིན་དུ་རིན་པོ་ཆེ་དང་པདྨ་དང་ལས་ཀྱི་གོས་སྔོན་ཅན་ལ་སོགས་པ་ཐམས་ཅད་ཀྱང་བལྟ་བར་བྱའོ། །དེ་ལྟར་བསྐྱེད་པའི་རིམ་པའི་ལྷའི་འཁོར་ལོ་བསྐྱེད་ནས་དབང་བླང་བ་བསྟན་པར་བྱ་སྟེ། དེའི་ཕྱིར་གནས་གསུམ་བྱིན་གྱིས་བརླབས་པའམ་
[230a.6]ཞེས་ལྷ་ཐམས་ཅད་ཀྱི་གནས་གསུམ་བྱིན་གྱིས་བརླབས་པའོ། །ཡང་ན་ལྷ་མོས་དབང་བསྐུར་ཞིང་། །ཞེས་པ་ནི་གོང་དུ་བསྟན་པ་བཞིན་དུ་དབང་བླང་བའོ། །དེ་ནས་བདག་ལ་བསྟིམ་པའམ། །ཞེས་པ་ནི་གཉིས་སུ་མེད་པར་བསྟིམ་པའོ། །ཡང་ན་གསུམ་འདུས་སྦྱོར་བ་བྱ། །ཞེས་
[230a.7]པ་ནི། གནས་གསུམ་བྱིན་གྱིས་བརླབས་ལ་དབང་བླངས་ཏེ། དེའི་རྗེས་སུ་བསྟིམས་པས་ལྷ་ཐམས་ཅད་འོད་དང་གཟི་བྱིན་དང་ཡན་ལག་ཡོངས་སུ་རྒྱས་པར་འགྱུར་བར་བསམ་མོ། །དེ་ཡི་རྗེས་སུ་བྱ་བ་ཡང་། །དམིགས་དང་གསལ་བའི་ཆོ་ག་བྱ། །ཞེས་པ་རང་གི་སྐུ་ལ་ཡང་
[230b]
[230b.1]དང་ཡང་དུ་འདྲིས་པར་བསྒོམ་པར་བྱའོ། །གལ་ཏེ་བསྒོམ་པས་སྐྱོན་སྔགས་བཟླས་པ་དང་། ཚོགས་བྱ་བ་དང་གཏོར་མ་བྱས་པ་གང་ཡིན་པ་ལ་འཇུག་པར་བྱའོ། །དངོས་སུ་ན་བསྐྱེད་པའི་རིམ་པ་ནི་རིག་པའི་ལྷའི་སྐུ་ལ་དམིགས་པའི་ཏིང་ངེ་འཛིན་ཏེ། སེམས་ཅན་
[230b.2]བསྐྱེད་པ་ལ་སོགས་པ་ལས་གཞན་དུ་ཐུན་མོང་གི་དངོས་གྲུབ་དངོས་སུ་ཐོབ་པར་བྱེད་པའི་ཕྱིར་རོ། །གཞན་ནི་སྔོན་དུ་འགྲོ་བ་དང་རྟེན་བྱེད་པ་དང་མཚུངས་པར་ལྡན་པ་དང་འབྲེལ་པའི་ཕྱིར། དེ་སྐད་ཅེས་བྱའོ། །ཏིང་ངེ་འཛིན་ཡང་འདིར་སློབ་པའི་དུས་ཏེ་གཞན་དུ་ན་ནི་
[230b.3]ཧ་ཅང་ཐམས་ཅད་པར་འགྱུར་རོ། །སེམས་ཅན་སྐྱེ་བ་དང་སྐྱེ་བའི་གནས་དང་ཡང་མཐུན་ཏེ། ཉི་མ་དང་ཟླ་བ་དང་འདུས་པ་ནི་དྲོད་གཤེར་ལས་སྐྱེས་པ་ཉིད་དོ། །འོད་ཀྱི་གོང་བུ་ལས་སྐྱེས་པ་ནི་སྒོ་ང་ལས་སྐྱེས་པའོ། །དྲན་པ་ཙམ་གྱིས་སྐྱེ་བ་ནི་རྫུས་ཏེ་སྐྱེ་བའོ། །མཁའ་
[230b.4]གསང་སྦྱོར་བ་ལས་བྱུང་བ་ནི་མངལ་ནས་སྐྱེ་བའོ། །རླུང་ལ་སོགས་པའི་རིམ་པའི་སྟེང་དུ་སྐྱེ་བ་ནི་སུམ་ཅུ་རྩ་གསུམ་པའི་ལྷ་དང་མཐུན་པའོ། །རླུང་སྟེང་དུ་བསྐྱེད་པ་ནི་དགའ་ལྡན་ལ་སོགས་པའི་དབང་དུ་བྱས་པའོ། །རང་དང་མཉམ་དུ་གནས་པ་ནི་བསམ་གཏན་བཞི་པའི་དབང་དུ་
[230b.5]བྱས་པའོ། །དེ་ལྟ་བས་ན་སེམས་ཅན་དང་མཐུན་པའི་ཕྱིར་ཏེ། དེའི་ཕྱིར་དེ་དག་དེ་ལས་འཇུག་པར་འགྱུར་རོ། །དེ་ལྟར་བསྐྱེད་པའི་རིམ་པ་སྦྱོར་བ་རྒྱས་པར་བསྟན་ནས། ད་ནི་སྦྱོར་བ་བསྡུས་པ་བསྟན་པར་བྱ་སྟེ། དེའང་གང་ཟག་གང་གི་དབང་དུ་བྱས་ཤེ་ན། གང་ཞིག་རྒྱས་
[230b.6]ལ་མ་དད་པའི། །གང་ཟག་ལ་ནི་སྦྱོར་འདི་བསྟན། །ཞེས་པ་ནི་གང་ཞིག་ལ་བསྟན་ཞེས་པ་སྟེ། ལམ་དུ་རྒྱས་ལ་མ་དད་པ་ནི་རྒྱས་པ་དང་ཤིན་ཏུ་བསྡུས་པ་ལ་མི་འཇུག་པའི་གང་ཟག་གི་དོན་དུ་སྦྱོར་བ་བསྡུས་པ་འདི་བསྟན་ཞེའོ། །སྔོན་དུ་བླ་མ་སངས་རྒྱས་ལ། །ཕྱག་འཚལ་ཞེས་པ་
[230b.7]ནི། བླ་མ་དང་སངས་རྒྱས་དུས་གཅིག་ཏུ་སྤྱན་དྲངས་ཏེ། མཆོད་པ་དང་བསྟོད་པ་དང་སྐྱབས་སུ་འགྲོ་བ་ནི་མཉེས་པའི་ཡན་ལག་ཡིན་པའི་ཕྱིར་ཕྱག་འཚལ་བར་བསྡུའོ། །སྡིག་པ་བཤགས་པ་ནི་སྡོམ་པ་བཟུང་བར་བསྡུ་སྟེ། ཉེས་པ་དང་ལྟུང་བ་སེལ་བའི་ཡན་ལག་
[231a]
[231a.1]ཡིན་པའི་ཕྱིར་རོ། །བསྐུལ་བ་ལ་སོགས་པ་ནི། སེམས་ཅན་གྱི་དོན་གྱི་ཕྱིར་སེམས་བསྐྱེད་པར་བསྡུའོ། །སྟོང་པ་ཉིད་དུ་བསྒོམ་པ་ནི་ཡེ་ཤེས་ཀྱི་ཚོགས་སོ། །འདི་དག་ལ་གྲངས་ཀྱི་སྦྱོར་བ་བསྡུས་པའང་ཡོད་དེ་ལྷ་བཅུའི་རྣམ་པ་ཅན་ནོ། །སྦྱོར་བའི་བྱེ་བྲག་
[231a.2]གི་བསྡུ་བའང་ཡོད་དེ། བསོད་ནམས་ཀྱི་ཚོགས་དེ་ཉིད་ལྟ་བུའོ། །དུས་ཀྱི་སྦྱོར་བ་བསྡུས་པའང་ཡོད་དེ་གང་གིས་དེ་ཉིད་ཡུན་ཐུང་ངུར་གནས་པའོ། །བསྡུས་པ་ལ་བསྡུས་པ་མ་ཡིན་པའང་ཡོད་དེ་འབྱུང་བ་ལྔ་ལྟ་བུའོ། །ཐོབ་པའི་སྦྱོར་བ་བསྡུས་པའང་ཡོད་དེ། བུམ་པ་ལ་
[231a.3]སོགས་པ་ཇི་ལྟ་བ་ཉིད་དོ། །གཞན་གོ་སླ། བསྡུས་པ་བསྟན་ནས་ཤིན་ཏུ་བསྡུས་པ་གང་དུ་བྱས་ཤེ་ན། ཤིན་ཏུ་བསྡུས་པའི་དོན་ཕྱིར་ཏ། །ཞེས་པ་ནི་གོང་མ་བཞིན་ནོ། །བསོད་ནམས་ཀྱི་ཚོགས་ནི། དང་པོར་གཞན་གྱི་དོན་བྱ་དང་། །རང་ཉིད་འབྲས་ཐོབ་བསམ་པ་བསྐྱེད། །
[231a.4]ཅེས་པ་ནི་སེམས་ཅན་གྱི་དོན་དུ་རང་བྱང་ཆུབ་ཆེན་པོར་སེམས་བསྐྱེད་པ་གང་ཡིན་པ་སྟེ། བསོད་ནམས་ཀྱི་ཚོགས་ཀྱི་ཡན་ལག་ལ་ཁྱབ་པ་དང་འབྲས་བུ་ཐ་དད་པ་མེད་པའི་ཕྱིར་ཏེ། སྟོང་ཉིད་ཅེས་བྱ་བ་འདིས་ནི་ཡེ་ཤེས་ཀྱི་ཚོགས་བསྟན་ཏོ། །ཅིག་ཅར་གྱི་གཞལ་ཡས་གཙོ་
[231a.5]བོ་ཞེས་པ་ནི་འབྱུང་བ་ལྔ་ལ་སོགས་པའང་ཅིག་ཅར་དུ་བྱའོ། །སྦྱོར་བ་ཤིན་ཏུ་བསྡུས་པ་བཤད་ཟིན་ཏོ། །དེ་ལྟར་སྦྱོར་བའི་བྱེ་བྲག་བསྟན་པ་ལ་སེམས་བཟུང་ངོ་ཞེས་བསྟན་པའི་ཕྱིར། སེམས་བཟུང་བའི་དམིགས་པའི་བྱེ་བྲག་བསྟན་པར་བྱ་སྟེ། དེ་ལས་སེམས་བཟུང་རིམ་པ་
[231a.6]བསྟན་པ་ནི། །ཞེས་པ་སེམས་བཟུང་བའི་དམིགས་པའི་བྱེ་བྲག་བསྟན་པའོ། །འདིའང་སྦྱོར་བའི་བྱེ་བྲག་གིས་གསུམ་སྟེ། དང་པོའི་དབང་དུ་བྱས་ནས་དང་པོར་བླ་མ་མཆོད་ལ་བརྟེན་ཞེས་པ་ལ་སོགས་པ་སྟེ། དེའི་དོན་ཡང་དང་པོར་ནི་བླ་མ་བྱིན་གྱིས་བརླབས་པ་གསལ་བར་བྱེད་
[231a.7]དོ། །དེ་ནས་ནི་བདེ་གཤེགས་མཆོད་པ་རྟེན་པར་བྱེད་དོ། །དང་པོ་ལའང་དང་པོ་ནི་རྗེས་སུ་དྲན་པའི་རྣལ་འབྱོར་རོ། །དེ་ནས་ནི་སྐད་ཅིག་མ་དང་རྒྱུན་ལ་སོགས་པའི་རྣལ་འབྱོར་རོ། །གཉིས་པ་ལའང་དང་པོ་ནི་རྗེས་སུ་དྲན་པའོ་ཞེས་བྱ་བ་ལ་སོགས་པའོ། །དེ་ནས་ནི་རླུང་གི་དཀྱིལ་འཁོར་
[231b]
[231b.1]ལ་རྟེན་པར་བྱེད་དོ་ཞེས་བྱ་བ་ལ་སོགས་པ་དང་། དང་པོའི་དབང་དུ་བྱས་ནས་གཉིས་པ་ལའང་སྐད་ཅིག་མ་ལ་གཅིག་རྗེས་སུ་དྲན་པ་དང་། སྐད་ཅིག་དང་རྒྱུན་དུ་ཞེས་བྱ་བ་དང་། གསུམ་པ་ལའང་གཉིས་སྐད་ཅིག་ལ་གསུམ་པ་རྗེས་སུ་སྐད་ཅིག་མ་དང་རྒྱུན་ཞེས་བྱ་བ་ལ་སོགས་
[231b.2]པ་སྟེ། དམིགས་པའི་རང་གི་ངོ་བོའི་དབང་དུ་བྱས་པ་དང་དུས་ཀྱི་དབང་དུ་བྱས་པས་སྦྱོར་བ་གསུམ་གྱི་དམིགས་པ་ཡོངས་སུ་ཤེས་པར་འགྱུར་རོ། །ད་ནི་དམིགས་པ་དེ་ལ་སེམས་བཟུང་བའི་རིམ་པ་བསྟན་པར་བྱ་སྟེ། དེ་ལ། དག་པའི་དབང་དུ་འདོད་པ་ཡིས། །ཞེས་བྱ་བ་ལ་
[231b.3]སོགས་པས་ནི་མདོར་བསྟན་པ་སྟེ། དེ་ཉིད་བཤད་པ། ཉོན་མོངས་དགྲ་ནི་སྤང་བར་བྱ། །ཞེས་པ་ནི་འདོད་ཆགས་ལ་སོགས་པའི་ཉོན་མོངས་པ་སྤངས་པས་དེ་ཉིད་ལ་གསལ་བར་འགྱུར་བའོ། །དུལ་ནས་འཛིན་པར་འདོད་པ་ཡིས། །ཞེས་བྱ་བ་ལ་སོགས་པའི་དོན་ནི། གནས་
[231b.4]བཞིར་ཏེ་མགྲིན་པ་དང་སྙིང་ག་དང་ལྟེ་བ་དང་གསང་བའི་གནས་སུ་མེ་དང་ས་དང་ཆུ་དང་རླུང་ཞེས་བྱ་བ་དམར་པོ་དང་། སེར་པོ་དང་། དཀར་པོ་དང་། ལྗང་གུ་རྣམས་ཟུར་གསུམ་དང་གྲུ་བཞི་དང་ཟླུམ་པོ་དང་ཟླ་གམ་གྱི་རྣམ་པར་བཀོད་དེ། དབུགས་ཀྱི་སྟོབས་ཀྱིས་འོག་ཏུ་
[231b.5]བསྟིམ་པ་ནི་རྒོད་པའི་དུས་སུའོ། །དེ་ལས་བཟློག་པ་ནི་བཟློག་པའི་དུས་སུའོ། །ཕྱི་དང་ནང་དུ་འབྱུང་བའང་དེ་བཞིན་ནོ། །གོང་དུ་བསྟན་པ་ཉིད་རྒྱས་པར་བཤད་པ། ཁམས་གསུམ་ལ་སོགས་ཤེས་པ་དང་། །རལ་གྲི་ཡང་ནི་སྦྱོར་བར་བྱ། །ཞེས་པ་གང་གིས་ཡུལ་གྱི་རྟོག་པ་འབྱུང་
[231b.6]བ་དེའི་ཚེ་ཁམས་གསུམ་ཐམས་ཅད་གཅིག་པ་མ་གྲུབ་པས་ཕྱོགས་ཆ་དྲུག་གི་ཅིག་ཅར་སྦྱར་ན་རྡུལ་ཕྲ་རབ་ཏུ་འགྱུར་ཏེ། དེ་མ་ཡིན་ན་གྲིབ་མ་དང་སྒྲིབ་པ་མི་རུང་བ་དང་། གོང་བུ་ཐམས་ཅད་རྡུལ་ཕྲ་རབ་ཏུ་འགྱུར་བ་ཉིད་དང་རིམ་གྱིས་འགྲོ་བ་མེད་པ་ལ་སོགས་པའི་ཕྱིར་རོ། །དེ་ལྟར་
[231b.7]ཁམས་གསུམ་རྫས་དངོས་སུ་མ་གྲུབ་པ་བཞིན་དུ་རང་གི་ལུས་དང་ཤ་དང་རུས་པ་དང་པགས་པ་དང་སྤྲི་དང་རྒྱུ་མ་དང་གཉེ་མ་ལ་སོགས་པའི་ངོ་བོ་ཉིད་ཀྱིས་གཅིག་དང་རྟག་པ་དང་གཙང་བ་དང་བདེ་བ་ལ་སོགས་པ་མ་གྲུབ་པའོ། །མཚན་མའི་སྟོབས་ཀྱིས་སེམས་གཟུང་བ་ནི།
[232a]
[232a.1]ཕྱག་གཉིས་གསལ་བར་མ་གྱུར་ན། །ཞེས་བྱ་བ་ལ་སོགས་པས་བསྟན་ཏེ། དེའི་བསོད་ནམས་ནི་སྐུ་གསལ་བར་མ་གྱུར་ན་མཚན་དམ་པ་དང་རྟག་པ་དང་དེ་ལས་གཞན་གྱི་མཚན་མས་དེ་གསལ་བར་འགྱུར་བ་ཉིད་དོ། །གྲོགས་ཀྱི་རྣམ་པས་སེམས་
[232a.2]བཟུང་བ་ནི། ཟས་དང་སྐོམ་དང་གནས་དག་གིས། །ཞེས་བྱ་བ་ལ་སོགས་པ་ནས་ཚ་བ་ལ་སོགས་པས་ཉེན་པ་ལ་ནི་དེ་དང་འགལ་བའི་ཟས་དང་སྐོམ་དང་གནས་བརྟེན་པར་བྱའོ། །དུས་ཀྱི་བྱེ་བྲག་ནི་གོ་སླའོ། །དེ་ལྟར་སེམས་བཟུང་བ་བཤད་
[232a.3]ནས། ད་ནི་བོགས་དབྱུང་བ་བཤད་པར་བྱ་སྟེ། དང་པོ་དཀར་པོ་ལྗང་གུའི་བར། །རེ་རེ་དང་ནི་ལྔ་འདུས་པ། །ཞེས་པ་ནི། དང་པོའི་མཐའི་ཟས་ནི་དཀར་པོར་རོ། །སེར་པོ་དང་དམར་པོ་དང་། ལྗང་གུ་དང་། ལྔ་འདུས་པའི་བར་རོ། །དེ་ལས་རི་རབ་ཏིལ་འབྲུའི་བར། །ཞེས་པ་ནི་རི་རབ་ཙམ་དུ་དང་ཏིལ་འབྲུ་རྣམ་
[232a.4]པའི་བར་དུ་སྟེ། མཐིང་ག་དང་དཀར་པོ་ལ་སོགས་པའི་རིམ་པ་བཞིན་ནོ། །སྟོང་གསུམ་གང་དང་གཅིག་འདུས་པ། །ཞེས་པ་ལྔ་དང་བཅུ་དང་དཔག་ཏུ་མེད་པའི་བར་དུ་སྟེ། ཁ་དོག་དང་དབྱིབས་ཀྱི་བྱེ་བྲག་གིས་གྲངས་བཞིན་ནོ། །དེ་ལྟར་སྐུའི་བོགས་དབྱུང་བ་བཤད་
[232a.5]ནས་རྡོ་རྗེའི་བོགས་དབྱུང་བ་དེ་ལྟར་ཐུགས་ལ་བསླབ་པར་བྱ་སྟེ། ཁ་དོག་ཅེས་པ་ནི་རྡོ་རྗེའི་ཁ་དོག་ལྔ་ལ་རིམ་བཞིན་ནོ། །དབྱིབས་ཀྱི་བོགས་དབྱུང་བ་དབྱིབས་དང་ཞེས་པ་ནི་ཆེ་བ་དང་ཆུང་བའོ། །གྲངས་ཀྱི་བོགས་དབྱུང་བ་གྲངས་དེ་བཞིན་ནོ་ཞེས་པ་ནི་ཁ་དོག་དང་དབྱིབས་
[232a.6]ཀྱི་དབང་བསྐུར་དང་རྡོ་རྗེ་ལས་རིམ་བཞིན་མང་བ་དང་ཉུང་བར་གཞག་གོ། །གཞན་གོ་སླའོ། །བོགས་དབྱུང་བའི་སྦྱོར་བའམ་གང་གིས་ཐོག་མར་མཐིང་ག་སྐད་ཅིག་མ་ལས་དཀར་པོ་རྗེས་སུ་དྲན་པ་དང་། སྐད་ཅིག་དང་རྒྱུན་ལ་སོགས་པ་དང་། སེར་པོ་ལས་ཆེ་བར་
[232a.7]གྱུར་པ་རང་གི་རྣམ་པ་ལས་སྐད་ཅིག་དང་རྒྱུན་ལ་སོགས་པ་དང་། རིམ་བཞིན་ནོ། །གང་གིས་སྐུའི་སྐད་ཅིག་མ་ལས་སྐད་ཅིག་དང་རྒྱུན་ལ་སོགས་པས་རྡོ་རྗེའི་རྣམ་པ་ལ་དམིགས་པ་དང་། ཡི་གེའི་བར་ལ་དེ་དག་གི་རྣམ་པས་ཡོངས་སུ་གསལ་
[232b]
[232b.1]བར་གྱུར་པས་སྐུ་སྣ་ཚོགས་པ་དང་མཚན་མ་སྣ་ཚོགས་པར་གནས་པས་དང་པོའི་ཆོ་ག་ཡོངས་སུ་རྫོགས་པར་འགྱུར་ཏེ། དེ་ལྟར་བོགས་དབྱུང་བ་བཤད་ཟིན་ཏོ། །ད་ནི་སྔགས་ཀྱི་ཏིང་ངེ་འཛིན་གྱི་དབང་དུ་བྱས་ཏེ། དང་པོ་གང་ཟག་གང་གི་དབང་དུ་བྱས་ཤེ་ན། བསྒོམ་
[232b.2]ལ་མི་གཞོལ་ཞིང་གསང་སྔགས་གཙོ་ཆེར་བྱེད་པ་ཞེས་པ་གསང་སྔགས་ལ་ཆེད་དུ་བྱེད་པ་དང་། བསྒོམ་པ་ལ་ནི་མི་མོས་པ་དང་། སྤྱོད་པ་གཞན་ལ་མི་མོས་པའོ། །དེའི་དབང་དུ་བྱེད་པའི་སྔགས་རྣམ་པ་གཉིས་ལས་དང་པོ་ཐུན་མོང་གི་སྔགས་གསལ་བའི་དོན་ལ་དམིགས་
[232b.3]པའི་བཟླས་པ་ནི་བདག་དང་གཞལ་ཡས་འཁོར་བཅས་དམིགས་ཞེས་པ་ནི་སྔགས་ཀྱི་བཟླས་པ་དང་ལྡན་པས་ཐུན་ཇི་ལྟ་བ་བཞིན་དུ་དེའི་རྣམ་པ་ལ་ཡང་དང་ཡོངས་སུ་གཏོད་པའོ། །རྗེས་སུ་དྲན་པ་དང་། སྐད་ཅིག་དང་། རྒྱུད་སྤྱོད་པའི་དོན་ལ་དམིགས་པ་ལས་སྡིག་པ་
[232b.4]དབྱུང་བ་ནི། སྡིག་པའི་ལུས་ལས་ཕྱིར་འབྱིན་པའོ། །བསྲེག་པ་ནི་ལུས་ཀྱི་ནང་དུ་བསྲེག་པའོ། །བཀྲུ་བ་ནི་བདུད་རྩིའི་ཆུས་སོ། །གནས་གང་གི་ས་བོན་གྱིས་དེ་ལྟར་བྱེད་ཅེ་ན། ཧཱུཾ་དང་རཾ་དང་ཧཱུཾ་བསྐུལ་ཏེ་ཞེས་པ་ལྟེ་པའི་ཧཱུཾ་དང་གསང་བའི་རཾ་དང་། སྤྱི་བོའི་ཧཾ་མཐིང་
[232b.5]ག་དང་། དམར་སེར་དང་དཀར་པོའི་ཁ་དོག་ཅན་དང་རིམ་བཞིན་ནོ། །འོད་ཟེར་གྱི་བྱེ་བྲག་བསྟན་པ་ལ། མགལ་མེ་ཕྲེང་བ་ཉི་མ་ཡིས། །ཞེས་པ་འོད་ཟེར་འབའ་ཞིག་པ་དང་། ཡི་གེའི་ཕྲེང་བ་དང་བཅས་པ་དང་། ཡི་གེའི་འོད་དང་བཅས་པས་སོ། །ཅི་བྱེད་ཅེ་ན་གང་
[232b.6]ཞིག་བྱེད། །ཅེས་པ་ནི་གོང་མ་དང་འབྲེལ་བའོ། །འདིར་གསུངས་པ། འོག་ནས་སྟེང་གི་སྦྱོར་གཉིས་ཀྱིས། །དང་པོའི་ལས་གཉིས་བྱེད་པ་སྟེ། །བཟློག་པས་ཕྱི་མའི་སྦྱོར་བ་བྱེད། །གསུམ་གསུམ་དགུ་ཡི་བདག་ཉིད་ཅན། །ཞེས་སོ། །མཚན་མ་འདོད་པའི་དོན་ལ་
[232b.7]དམིགས་པ་ལས་ཡུམ་བསྒྲུབ་པའི་བཟླས་པ་ནི། གང་ཚེ་ཡུམ་དང་བཞི་སྐོར་དང་། །ཞེས་པའམ། མགལ་མེ་ལ་སོགས་པའི་རིམ་གྱིས་སྣ་རྩེ་བཞི་ལ་བརྒྱུད་དེ་བཟླས་ཏེ། ཀླུ་དབང་འཁྱིལ་བའི་སྟོབས་ཅན་གྱིས། །ཁྲོ་མོས་ཡུམ་ནི་སྒྲུབ་པར་བྱེད། །པདྨ་སྟོན་དང་
[233a]
[233a.1]སྐུ་སྟོན་དང་། །སྦྱོར་བ་འཁྱུད་པའི་མཚན་མ་འབྱུང་། །ཞེའོ། །ཡེ་ཤེས་ཀྱི་འཁོར་ལོ་བསྒྲུབ་པ་ནི། མདུན་གྱི་དཀྱིལ་འཁོར་ཉིས་སྐོར་དང་། །ཞེས་པ་ནི། མདུན་དུ་སངས་རྒྱས་ཐམས་ཅད་བློས་བཞག་སྟེ། འོད་ཟེར་བ་ཐག་གཟིངས་པ་ལྟ་བུའམ། རེ་རེའི་
[233a.2]རྣམ་པ་ཅན་གྱི་དབང་དུ་བྱས་ཏེ། མགལ་མེ་ལ་སོགས་པ་དང་རིམ་བཞིན་ནོ། །འཁོར་སྒྲུབ་པ་ལ་སུམ་སྐོར་ཏེ། །ཞེས་པ་འཁོར་ནུས་པ་དང་ལྡན་པར་བྱ་བའི་ཕྱིར་རོ། །ངེས་པར་མ་གྲུབ་ན་གཙོ་བོ་དང་འཁོར་གྱི་བཟླས་པ་དང་ཞེས་པ་ཡེ་ཤེས་ཀྱི་འཁོར་ལོ་བཀུག་སྟེ། གཙོ་བོ་
[233a.3]དང་འཁོར་དུས་གཅིག་པ་དང་རེ་རེའི་བཟླས་པར་བྱའོ། །གལ་ཏེ་དེས་མ་གྲུབ་ན་སྙིང་ནང་བརྩོན་འདྲའི་བཟླས་པ་དང་ཞེས་འཁོར་ཐམས་ཅད་སྙིང་དུ་བསྡུས་ཏེ། བཟླས་པ་གོང་བཞིན་ནོ། །དེ་ལྟར་ཐུན་མོང་གི་བཟླས་པའི་བསམ་གཏན་རྫོགས་ནས་ཁྱད་པར་གྱི་བཟླས་པ་ལས་
[233a.4]དགུག་པའི་བཟླས་པ་ནི། ཁ་ནུབ་ཕྱོགས་སུ་བལྟས་ཏེ། དགའ་བ་ཡིད་ལ་བྱས་ནས་བྱའོ། །དེ་ཡང་སྔགས་འོད་དཀྱིལ་འཁོར་རྣམས་ལ་ཕྱོགས་ཅེས་པ་ལ་སོགས་པའི་ཐོག་མར་པདྨ་གོས་སྔོན་ཅན་གྱི་ཚོགས་ལ་མཉེས་པར་བྱས་ཏེ། ཐོབ་པ་དང་ལྡང་བའི་རིམ་པས། ཨཱ་
[233a.5]ཀཪྵ་ཡ་ཧཱུཾ། ཞེས་པའི་མཐའ་དང་བཅས་པས་འོད་ཟེར་མདུན་གྱི་ལྷ་ལ་སྤྲོས་པས་དེའི་འོད་ལས་ལྕགས་ཀྱུ་ཅན་གྱི་ཚོགས་སྤྲོས་ཏེ། གདུལ་བྱའི་སྙིང་གནས་བཟུང་ནས་འོང་བར་བསམས་ན་རྡོ་རྗེ་ཉིད་ཀྱང་འགུགས་པར་འགྱུར་ན་གཞན་ལྟ་ཅི་སྨོས། རལ་གྲི་ལ་སོགས་ཐོག་
[233a.6]འབེབས་དང་། །ཞེས་པ་ལ་སོགས་པའི་དོན་ནི། སྔ་མ་ཆོ་ག་སྔོན་དུ་སོང་ནས་ལྷོར་བལྟས་ཏེ། སྔགས་བཟླས་པའི་འོད་ཟེར་གྱིས་ཡེ་ཤེས་འཁོར་ལོ་ལས་རལ་གྲི་དང་སྤུ་གྲི་དང་འཁོར་ལོ་ལ་སོགས་པའི་ཐོག་གིས་བཀུག་པའང་དེ་ཉིད་ཤི་བར་བསམ་པ་དང་། ཁྲོ་བོ་མཚོན་ཆ་ཅན་
[233a.7]གྱི་ཚོགས་ཀྱིས་གདུལ་བྱའི་ཤ་བཅད་ཅིང་དུམ་བུར་བྱས་པར་བསམ་པའོ། །བསྟབ་པ་ནི་དེའི་ཆོ་གའི་ལྷག་མ་མེ་སྟེ་གོ་སླ། ཁྲོ་ཚོགས་འཁོར་ལོ་ཐོགས་པ་ཡིས། །ཞེས་པ་ལ་སོགས་པའི་དོན་ཏེ། འོད་ཟེར་ལས་འཁོར་ལོ་ཐོགས་པ་དཔག་ཏུ་མེད་པས་གདུལ་བྱའི་ཀླད་པར་
[233b]
[233b.1]འཁོར་ལོ་ཐོགས་པས་བསྐོར་ཞིང་མགོ་འཁོར་བར་བསམ་པས་སྦྱར་བར་འགྱུར་རོ། །རྔ་མོ་ཅན་གྱི་ཁྲོ་ཚོགས་ཀྱིས། །ཞེས་པ་ལ་སོགས་པའི་དོན་ནི། རླུང་གི་རྔ་མོ་ལ་ཞོན་པའི་ཁྲོ་བོའི་ཚོགས་བྱུང་ནས་གདུལ་བྱའི་སྙིང་ག་ནས་བཟུང་ནས་རྔ་མོ་ལ་བསྐྱོན་ནས་ཁྲོ་བོ་གཞན་གྱིས་
[233b.2]བརྡེག་བཞིན་དུ་རླུང་ལྷའི་ཕྱོགས་སུ་སོང་བར་བསམས་ན། ངེས་པར་གཞན་དུ་བསྐྲད་པར་འགྱུར་རོ། །འོད་ཟེར་དཀར་པོའི་ཚོགས་བྱུང་ནས། །ཞེས་པ་ལ་སོགས་པའི་དོན་ནི་གདུག་པར་གྱུར་པ་དགུག་པར་འགྱུར་བ། སྔོན་དུ་སོང་ནས་འོད་དཀར་པོས་སྡིག་པ་དབྱུང་བ་ལ་
[233b.3]སོགས་པས་ཞི་བར་འགྱུར་ཏེ་སྦྲུལ་གྱི་བདེན་པ་བཞིན་ནོ། །གང་ཞིག་གིས་ནི་བཅུད་རྣམས་བསྡུས། །ཞེས་པ་ལ་སོགས་པའི་དོན་ནི། རང་བཞིན་ཡང་རུང་འོད་ཁ་དོག་སེར་པོས་དགུག་བྱའི་གནས་ནས་བཅུད་བཀུག་སྟེ། སྙིང་གའི་དབུས་སུ་ནི་མངོན་པར་ཤེས་པ་རྒྱས་པར་འགྱུར་
[233b.4]རོ། །ཀླད་པའི་དབུས་ཀྱིས་ནི་ཚེ་རྒྱས་པར་འགྱུར་རོ། །ལུས་ཁྱབ་པས་ནི་ནམ་མཁའ་ལ་འགྲོ་བར་འགྱུར་རོ། །རྟེན་གཞན་ལས་བཀུག་པས་ནི་ཚེ་བཅུད་རྒྱས་པར་འགྱུར་རོ། །སྔགས་འོད་རྡོ་རྗེ་ལ་སོགས་པ་ཞེས་བྱ་བ་ལ་སོགས་པའི་དོན་ནི། གདུལ་བྱའི་ལུས་ཀྱི་ནང་རྡོ་རྗེ་གདེངས་
[233b.5]པོ་བསྐྱེད་པ་སྤྲུལ་པའི་རྡོ་རྗེ་གདེངས་པོས་བསྡུས་ཏེ། བསྟིམ་པ་སྟེ་རེངས་པར་འགྱུར་རོ། །འོད་ཟེར་ཁ་དོག་སྣ་ལྔ་ལས། །ཞེས་པ་ལ་སོགས་པའི་དོན་ནི། འོད་ཟེར་སོ་སོ་ལས་མཆོད་པའི་ལྷ་མོའི་ཚོགས་སྤྲོས་ཏེ། མཉེས་པར་བྱེད་པ་ཞེས་བྱ་བའི་དོན་ཏོ། །གང་ཞིག་ལས་ནི་
[233b.6]འོད་བྱུང་བས། །ཞེས་བྱ་བ་ལ་སོགས་པའི་དོན་ནི་སྔགས་བཟླས་པས་སྙིང་གའི་ས་བོན་གྱིས་རང་གི་ལུས་འོད་དུ་ཞུ་སྟེ། དེ་ཡང་འདུས་ནས་ཕྲ་རབ་སྐྲ་རྩེའི་ཚད་ཙམ་དུ་གྱུར་པ་ནི་དང་པོའོ། །དེ་ཡང་འདུས་པ་ནི་བླ་ན་མེད་པའོ། །གསང་སྔགས་སྐྱོན་རྣམས་རབ་སྤངས་ནས། །ཞེས་
[233b.7]པ་ནི་སྒྲ་ཆེ་བ་དང་ཆུང་བ་དང་སྐྱེན་པ་དང་བུལ་བ་དང་། ཉོན་མོངས་པ་དང་། གཡེང་བ་དང་བར་དུ་གཅོད་པ་སྤངས་པའོ། །དེས་ཅིར་འགྱུར་ཞེ་ན། འབྲས་བུ་ཐོབ་པ་སྟེ་གོང་དུ་བཤད་པ་བཞིན་ནོ། །སྔགས་ཟློས་པའི་དུས་སུ་དྲན་པ་དང་ཤེས་བཞིན་དང་ལྡན་པར་བྱའོ། །དེ་ལྟར་
[234a]
[234a.1]སྔགས་ཀྱི་བསམ་གཏན་བཤད་ནས། ད་ནི་ཚོགས་ཀྱི་འཁོར་ལོ་བཤད་པའི་ཕྱིར། །གང་གིས་ཚོགས་རྣམས་རྫོགས་བྱེད་ཅིང་། །ཞེས་བྱ་བ་ལ་སོགས་པ་སྨོས་ཏེ། འཇིག་རྟེན་རྫས་རྣམས་མ་ལུས་པ། །ཀུན་ཚོགས་ཞེས་པ་ནི་ཁ་དོག་དང་དྲི་དང་རོ་དང་ལྡན་
[234a.2]པའི་རྫས་ཐམས་ཅད་དོ། །རྣལ་འབྱོར་ལྷ་གྲངས་ཏེ། འཚམ་པ་དང་ནི་མཆོད་པ་ཞེས་པ་ནི་ལྷའི་རྣལ་འབྱོར་ལྷའི་གྲངས་དང་མཉམ་པ་དེའི་སྟེང་དུ་འཚམ་པ་བཞི་དང་མཆོད་པ་བཞིའོ། །སྔོན་འགྲོ་ས་ཆོག་ལ་སོགས་རྫོགས། །ཞེས་པ་ནི་ཐོག་མར་ཡིད་དུ་འོང་བའི་གནས་སུ་
[234a.3]ཕྱིན་ཏེ། ས་བསླང་བ་དང་བརྟག་པ་དང་སྦྱང་བ་དང་བཟུང་བ་དང་བསྲུང་བ་དང་། དཀྱིལ་འཁོར་གྱི་ལྷ་སྟ་གོན་གྱི་ཆོ་ག་བྱའོ། །དེ་ནས་ལྷའི་ཞེས་པ་ལ་སོགས་པ་གོ་སླ། དེ་ནས་གསང་བའི་དཀྱིལ་འཁོར་བྲི། །ཞེས་པ་ནི། དང་པོར་ཐིག་ལེགས་པར་བཏབ་ནས། དེ་ནས་ཚོན་བཀྱེ་བ་
[234a.4]དང་། ཕྱག་རྒྱ་དགོད་པར་བྱའོ། །དེ་ཚེ་རྒྱལ་པོ་ཞེས་པ་ལ་སོགས་པ་ནི། སྦྱོར་བ་རྒྱས་པའི་བསྐྱེད་པ་བཞིན་དུ་བལྟ་བར་བྱའོ། །རྒྱལ་པོ་ཡིས་ནི་སེམས་དཔའ་བསྐུལ། །ཞེས་པ་ནི། རྡོ་རྗེ་སློབ་དཔོན་གྱིས་ལས་ཀྱི་རྣལ་འབྱོར་ལ་རྟ་མགྲིན་གྱི་བརྡ་བསྟན་པའོ། །དེས་ཅི་བྱེད་
[234a.5]ཅེ་ན། ཕྱི་རོལ་འཁོར་ལ་བསྡུས་བྱས་ནས། །ཞེས་པ་ནི། ཕྱིའི་རྣལ་འབྱོར་པ་ཁྲུས་བྱས་ནས་ནང་དུ་བཀོད་པའོ། །བདག་གི་འཇུག་པ་ཇི་བཞིན་དུ། །འཁོར་རྣམས་དམ་པའི་དོན་ལ་འཇུག །ཅེས་པ་ནི། རང་དང་མཐུན་པར་ཚོགས་བསགས་པ་ནས་རང་གི་སྣང་བའི་འཁོར་ལོ་བསྒྲུབ་
[234a.6]པའི་བར་དུའོ། །གང་ཞིག་གིས་ནི་རོལ་མོ་དང་། །ལྡན་པས་ཚོགས་ནི་དབུལ་བར་བྱ། །ཞེས་པ་ནི། གང་གིས་དུང་དང་པི་ཝང་དང་གླིང་བུ་ལ་སོགས་པ་དང་ལྡན་པས་ཚོགས་ཀྱི་རྫས་དབུལ་བའོ། །སྐོམ་དང་མཆོད་པ་སྔོན་སོང་ནས། །ཞེས་པ་ནི། སྣང་བའི་ལྷ་ལ་བདུད་རྩི་
[234a.7]དབུལ་བ་དང་། རང་གི་སེམས་དཔའ་ལ་ཁྲུས་བྱ་བའོ། །ཚོགས་ཀྱི་རྫས་རྣམས་བྱིན་གྱིས་བརླབས། །ཞེས་པ་ལ་སོགས་པའི་དོན་ནི། དྲིའི་ཆུས་ཉེ་བར་གཏོར་ཏེ་རྫས་འོད་དུ་ཞུ་བ་ལས། ཡཾ་ལས་རླུང་དང་། རཾ་ལས་མེ་དང་། ཨ་ལས་ཐོད་པ་སྟེ། དེའི་ནང་དུ་ཤ་ལྔ་བདུད་རྩི་ལྔ། །
[234b]
[234b.1]ཞེས་པ་ནི། ན་ད་ཧ་གོ་ཀུ་ལས་མི་དང་གླང་པོ་ཆེ་དང་རྟ་དང་བ་ལང་དང་ཁྱིའི་ཤ་དང་། བི་ར་ཤུ་མ་མུ་ལས་བྱང་སེམས་གཉིས་དང་དྲི་ཆེན་དྲི་ཆུ་ཤ་ཆེན་དངས་མ་ལྔར་གྱུར་པ་ལས། ཨོཾ་གྱི་འོད་ཀྱིས་རླུང་བསྐྱོད་པ་ལ་སོགས་པ་དང་ཨཱཿས་བྱང་ཆུབ་སེམས་སུ་གྱུར་བ་
[234b.2]དང་། ཧཱུཾ་གིས་བདུད་རྩི་དང་རྡོ་རྗེ་དབབ་པའི་ཏིང་ངེ་འཛིན་བྱའོ། །དེས་ཅི་བྱེད་ཅེ་ན། བདག་མཆོད་དཀྱིལ་འཁོར་མདུན་དུ་མཉེས། །ཆོ་གའི་ཡན་ལག་རྫོགས་པར་བྱ། །ཞེས་པ་ཐོག་མར་སེམས་ཡེ་ཤེས་ཀྱི་འཁོར་ལོ་མཆོད་པས་མཉེས་པར་བྱ་སྟེ། བསྟོད་པ་དང་ཉེས་པ་
[234b.3]བཤགས་པའི་ཡན་ལག་རྫོགས་ནས་རང་གི་སྙིང་དུ་བསྡུས་ཏེ། རླུང་དང་མེའི་སྦྱོར་བས་ནང་གི་སྦྱིན་སྲེག་རྫོགས་པར་བྱའོ། །དེ་ནས་མདུན་དུ་བཏོན་ཏེ་མཆོད་པས་མཉེས་པར་བྱས་ནས། འཇིག་རྟེན་མཎྜལ་སྔོན་པོའི་སྟེང་། །ཕྱི་རོལ་དུ་ནི་མཆོད་པར་བྱས། །ཞེས་པ། མཎྜལ་
[234b.4]སྔོན་པོ་ལ་ཕྱོགས་སྐྱོང་འཁོར་དང་བཅས་པ་བཀུག་སྟེ། བྱིན་གྱིས་བརླབས་པ་བྱས་ནས། ཕྱི་རོལ་དུ་ལྷག་མ་སྦྱིན་པར་བྱ་ཞིང་ལས་བཅོལ་བར་བྱའོ། །དེ་ལྟར་ཐུན་མོང་གི་ཆོ་ག་བཤད་ནས། ཁྱད་པར་ཆོ་ག་བསྟན་པ་ནི། །ཟབ་པ་སྤྲུལ་པར་བརྟེན་པ་དང་། །བཞི་དང་གསུམ་
[234b.5]དང་ངེས་པར་སྦྱར། །ཞེས་པ། ཤེས་རབ་མ་དང་སྙོམས་པར་ཞུགས་ཏེ། དེའི་དྲོད་བསྐུལ་བས་སྤྲུལ་པའི་འཁོར་ལོ་ཞུ་བ་དང་། ཆོས་དང་བདེ་བ་ཆེན་པོའི་བར་དུ་ཞུ་བར་བྱའོ། །ཡང་ན་ཟས་བྱང་ཆུབ་སེམས་ཀྱི་ཆུ་གཏུམ་མོའི་གནས་སུ་བསྲེག་པར་བྱའོ། །དེ་ལས་རྒྱས་
[234b.6]ནས་བདེ་བ་ཆེན་པོའི་བར་དུའོ། །འོ་ན་ཞི་བ་ལ་སོགས་པའི་ལས་གང་གིས་ཤེས་པར་བྱ་ཞེ་ན། སྔགས་ཀྱི་སྦྱོར་བ་བཞིན་དུ་བྱ་སྟེ། དེ་ཁོ་ན་ལྟར་སྦྱར་ཞེའོ། །དེ་ལྟར་ཚོགས་ཀྱི་འཁོར་ལོ་བསྟན་ནས། ད་ནི་ཚོགས་ཀྱི་མཆོད་པ་བསྟན་པར་བྱ་སྟེ། དེའི་ཕྱིར། བདག་པོ་རྫས་
[234b.7]རྣམས་དམན་པ་དང་། །ཞེས་བྱ་བ་ལ་སོགས་པ་སྨོས་ཏེ། རྫས་ནི་ལྔ་སྟེ་ཐ་མའི་ཚད་དོ། །བཅུ་ནི་རབ་ཀྱི་ཚད་དོ། །སློབ་དཔོན་གཅིག་ནི་ཏིང་ངེ་འཛིན་གྱི་བྱེད་པའོ། །གཉིས་ནི་སྦྱོར་པ་གཙོར་བྱེད་པའོ། །དེས་ཅིར་འགྱུར་ཞེ་ན། ཁྱབ་འཇུག་བུ་མོའི་སྦྱོར་བའམ། །ཞེས་པ་ནི།
[235a]
[235a.1]སྤྱད་པར་དཀའ་བའི་ཁྱབ་འཇུག་གི་བུ་མོ་རིགས་ལྡན་ཡང་སྦྱོར་ན་གཞན་ལྟ་ཅི་སྨོས་ཤེའོ། །ཡན་ལག་རྒྱས་པ་ཚོགས་འཁོར་བཞིན། །ཞེས་པ་ནི། ཆོ་གའི་ཡན་ལག་རྒྱས་པ་ཚོགས་ཀྱི་འཁོར་ལོ་བཞིན་ཏེ། བསྡུས་པ་ལ་སོགས་པ་ཅི་རིགས་སུའོ། །
[235a.2]དཀྱིལ་འཁོར་གཅིག་ནི་སྣང་བའི་དཀྱིལ་འཁོར་རོ། །གཉིས་ནི་རང་དང་བཅས་པས་སོ། །བར་ནི་གསུམ་པ་སྟེ། དོན་དུ་གཉེར་བ་ཁྱད་པར་དུ་འགྱུར་རོ། །བཞི་པ་ནི་ཕྱོགས་སྐྱོང་ལ་སོགས་པའོ། །སློབ་དཔོན་ནུས་པའི་བྱེ་བྲག་གིས། །ལས་གཞན་རྩོམ་ན་གོང་མ་
[235a.3]བཞིན། །ཞེས་པ་ནི་ལས་རྩོམ་པར་ནུས་ན་སྔགས་བཞིན་དུའོ། །མི་རྩོམ་གྱུར་ན་སྡིག་པ་སྦྱང་། །ཞེས་པ་ནི་ལས་སྦྱོང་བ་བཞིན་དུའོ། །འདིར་ཚོགས་གང་ཡིན་པའི་འཁོར་ལོ་དང་། །མཆོད་པ་ཡང་དེ་ཉིད་དམ་འཁོར་ལོ་དང་མཆོད་པ་གང་ཡིན་པ་དེ་ཡིན་ནམ་ཞེ་ན། ཚོགས་
[235a.4]ཡིན་ལ་འཁོར་ལོ་དང་མཆོད་པ་མ་ཡིན་པ་ཡང་ཡོད་དེ། གང་གིས་ཡན་ལག་སྤངས་བ་དེ་ཉིད་ལྟ་བུའོ། །ཚོགས་ཀྱི་འཁོར་ལོ་ཡིན་ལ་མཆོད་པ་མ་ཡིན་པ་ཡོད་དེ་དེ་ཉིད་དོ། །མཆོད་པ་ཡིན་ལ་འཁོར་ལོ་མ་ཡིན་པ་ཡོད་དེ། རྫས་དང་སློབ་དཔོན་གྱིས་དམན་པར་བྱས་པ་དེ་ཉིད་
[235a.5]དོ། །དེ་ལས་གཉི་ག་མ་བཟློག་པ་ཡང་ཡོད་དེ་རྒྱུད་ཀྱི་བྱེ་བྲག་ལྟ་བུའོ། །གཞན་གྱི་མིང་གི་ཕྱོགས་གཅིག་པའང་ཡོད་དེ། ཚོགས་སྤངས་པའི་མིང་ཅན་ནོ། །ཅིའི་ཕྱིར་ཚོགས་ཀྱི་འཁོར་ལོ་ཞེ་ན། འདིས་ཉེས་པ་ཐམས་ཅད་གཅོད་པའི་ཕྱིར་རོ། །ཅིའི་ཕྱིར་ཚོགས་
[235a.6]ཀྱི་མཆོད་པ་ཞེས་བྱ་ཞེ་ན། འདི་ལ་བརྟེན་ནས་དམ་པའི་ཡུལ་མཉེས་པར་བྱེད་པའི་ཕྱིར་རོ། །ཡང་ན་རྒྱུན་མི་འཆད་པའི་དོན་གྱིས་འཁོར་ལོའོ། །དེ་ལས་བཟློག་པའི་དོན་གྱིས་མཆོད་པའོ། །ཡང་ན་ཚོགས་ཀྱི་འཁོར་ལོ་ཆེན་པོ་དང་མཐུན་པར་རྨད་དུ་བྱུང་བའི་མཆོད་པ་ལ་
[235a.7]གནས་པའི་ཕྱིར་རོ། །ཚོགས་ཀྱི་འཁོར་ལོ་གཞན་ཡང་འདི་ལྟ་སྟེ། ཀུན་དུ་ཚོགས་པ་ཞེས་བྱ་བའི་ཚོགས་ཀྱི་འཁོར་ལོ་དང་། ཀུན་དུ་རོལ་པ་ཞེས་བྱ་བའི་ཚོགས་ཀྱི་འཁོར་ལོ་དང་། ཀུན་དུ་དག་པ་ཞེས་བྱ་བའི་ཚོགས་ཀྱི་འཁོར་ལོ་དང་། ཀུན་དུ་ཐོབ་པ་ཞེས་བྱ་བའི་
[235b]
[235b.1]ཚོགས་ཀྱི་འཁོར་ལོ་དང་། ཀུན་དུ་བདེ་བ་ཞེས་བྱ་བའི་ཚོགས་ཀྱི་འཁོར་ལོའོ་ཞེས་འབྱུང་ངོ་། །ཚོགས་ཀྱི་རྣམ་པར་གཞག་པ་བཤད་ཟིན་ཏོ། །ད་ནི་སྦྱིན་སྲེག་གི་ཆོ་ག་བཤད་པར་བྱ་སྟེ། དེའི་ཕྱིར། དེ་ནས་དཔལ་ལྡན་རྡོ་རྗེ་ཅན། །ཞེས་བྱ་བ་ལ་སོགས་པ་སྨོས་ཏེ།
[235b.2]སྔོན་བྱ་གཞན་ནི་གཞན་དུ་སྟེ་སའི་ཆོ་ག་དང་བསྙེན་པའི་ཆོ་ག་ལ་སོགས་པ་ནི་གཞན་ལས་ཤེས་པར་བྱའོ་ཞེས་བྱ་བའི་དོན་ཏོ། །ཐབས་ཀྱི་ལས་སུ་བྱ་བ་བསྟན་པས། ས་ཡི་རིགས་བཞིར་ཐབ་ཁུང་བཞི། །ཞེས་པས་ཁ་དོག་དཀར་པོ་དང་སེར་པོ་དང་དམར་པོ་དང་ནག་པོ་ལ་
[235b.3]ཞི་བ་དང་རྒྱས་པ་དང་དབང་དང་དྲག་པོའི་ཐབ་ཁུང་བྱའོ། །ཟླུམ་པོ་ཞེས་བྱ་བ་ལ་སོགས་པ་ནི་ཐམས་ཅད་ཀྱང་གོ་རིམས་སུ་སྦྱར་རོ། །ཐབ་ཁུང་བྱིན་གྱིས་བརླབས་པ་བསྟན་པ། རཾ་ལས་འོད་འཕྲོས་པས་དེ་ཉིད། །ཅེས་བྱ་བ་ལ་སོགས་པའི་དོན་ནི། རཾ་གྱི་ས་བོན་གྱི་
[235b.4]འོད་ཀྱིས་ཐབ་མི་དམིགས་པ་ལས་ལས་དང་རྗེས་སུ་མཐུན་པའི་བྷྲཱུཾ་དུ་གྱུར། དེ་ལས་ཐབ་ཀྱི་གཞལ་ཡས་ཁང་ཁ་དོག་དང་དབྱིབས་གོང་མ་ལྟ་བུ་ལ་གཏོས་ནམ་མཁའི་མཐའ་དང་མཉམ་པར་གྱུར་པར་བསམ་མོ། །དེ་ནས་རྫས་བྱིན་གྱིས་བརླབ་པ། མཆོད་རྫས་ཞེས་བྱ་བ་ལ་སོགས་
[235b.5]པ་སྨོས་ཏེ། མི་དམིགས་སྣོད་ནང་སྭ་ཡིག་ལས། །སོ་སོའི་དེ་ཉིད་རྒྱས་པ་ལ། །ཞེས་པ་ནི། རྫས་མི་དམིགས་པ་ལས་ཏྲཱཾ་ལས་རིན་པོ་ཆེའི་ཁ་དོག་སྣོད་དུ་གྱུར། དེའི་ནང་དུ་སྭ་ལས་སོ་སོའི་རྫས་དཔག་ཏུ་མེད་པར་གྱུར་པར་བསམ་མོ། །ཧ་ཧོཿཧྲཱི་ཡིས་སྐྱོན་རྣམས་
[235b.6]བསལ། །ཞེས་པ་ནི། ཧས་ཁ་དོག་གི་ཉེས་པ་ཕྲོགས། ཧོཿདང་ཧྲཱིས་དྲི་དང་རོའི་ཉེས་པ་དག་པར་བྱས་ནས་ཇི་སྐད་སྨོས་པའི་ཁ་དོག་ལ་སོགས་པར་གྱུར་པར་བསམ་མོ། །དེ་ནས་མེ་ལས་སུ་བྱ་བ་བརྩམ་པར་བྱ་སྟེ། དེའང་ལས་དང་མཐུན་པའི་ཐབ་ཁུང་དུ་རཾ་ལས་མེ་
[235b.7]བསྐྱེད་ལ་མེ་སྤར་བར་བྱ་སྟེ། ཞི་བ་ལ་ནི་ཞོ་ཅན་ལས་བྱུང་བའི་མེ་རླུང་གཡབ་ཀྱིས་སྦར་བར་བྱའོ། །རྒྱས་པ་ལ་ནི་ཁ་དོག་སེར་པོའི་ཤིང་ལའོ། །དབང་ལ་ནི་སེང་ལྡེང་གི་ཤིང་ལ་རྡོ་རྗེས་སྦར་ཏེ། དྲག་པོ་ལ་དུག་དང་ཚེར་མ་ཅན་གྱི་ཤིང་ལའོ། །དེ་ལྟར་སྦར་ནས་མར་གྱི་དགང་
[236a]
[236a.1]བླུགས་བདུན་ཛྭ་ལ་རཾ་ཞེས་པའི་སྔགས་ཀྱིས་དབུལ་ལོ། །དེ་ནས་མེ་བརྟག་པར་བྱ་སྟེ། གལ་ཏེ་མཚན་མ་ངན་ན་ལས་ཐམས་ཅད་པའི་ཆུས་གཏོར་བར་བྱའོ། །དེ་ནས་མེ་ལྷ་བསྐྱེད་པ་ནི། ཨེ་ལས་གྲུ་གསུམ་ཞེས་པ་ནི། ལས་དང་མཐུན་པའི་
[236a.2]ཁ་དོག་བཞི་ལས་གྲུ་གསུམ་ཁ་དོག་བཞིར་གྱུར་པར་བསམ་མོ། །གྲུ་གསུམ་གྱི་ཟུར་གསུམ་ལ་ཨོཾ་ཨཱཿཧཱུཾ་སྟེ། དེ་ཉིད་གསུམ་དབུས་ན་རཾ་དང་བཅས་པའོ། །གདན་གང་གི་སྟེང་དུ་བསམ་ཞེ་ན། པད་སྟེང་ཞེས་སྨོས་ཏེ་འདི་ལྟར་ཞི་བ་ལ་ནི་ཆུའི་དཀྱིལ་འཁོར་རོ། །དབང་
[236a.3]ལ་ནི་མེའི་དཀྱིལ་འཁོར་རོ། །དྲག་པོ་ལ་ནི་རླུང་གི་དཀྱིལ་འཁོར་ཏེ། དེའི་སྟེང་དུ་སོ་སོའི་པདྨ་ཁ་དོག་བཞིའི་བདག་ཉིད་ཅན་གྱི་སྟེང་དུའོ། །དེ་ལས་མེ་ལྷར་གྱུར། ཞེས་པ་ནི། དེ་རྣམས་འོད་དུ་ཞུ་བ་ལས་སོ། །ཁ་དོག་བཞི་ཡི་བདག་ཉིད་ལ། །ཞེས་པ་ནི་ལས་སོ་སོའི་
[236a.4]དབང་དུའོ། །སོ་སོའི་རིགས་ཀྱིས་དབུ་བརྒྱན་བྱ། །ཞེས་པ་ནི། རྣམ་པར་སྣང་མཛད་དང་རིན་ཆེན་འབྱུང་ལྡན་དང་སྣང་བ་མཐའ་ཡས་དང་དོན་ཡོད་གྲུབ་པས་སོ། །ལྟེ་བར་གོང་མའི་སྦྱོར་བ་སྟེ། །ཞེས་པ་ནི་གྲུ་གསུམ་ཡི་གེ་བཞི་དང་བཅས་པ་བསམ་པའོ། །སྙིང་གར་
[236a.5]ཕྱོགས་སྐྱོང་བཅུ་དང་ལྡན། །ཞེས་པ་ནི། པདྨ་འདབ་མ་བཅུ་ལ་ཕྱོགས་སྐྱོང་བཅུ་རྫོགས་པར་རོ། །དེ་ལས་ཡེ་ཤེས་མེ་ལྷ་དགུག །ཅེས་པ་ནི་ཡེ་ཤེས་ཀྱི་མེ་ལྷ་སྤྱན་དྲངས་ཏེ་མདུན་དུ་མཆོད་པ་དང་བསྟོད་པས་མཉེས་པར་བྱས་ཏེ་པ་སྟིམ་པའོ། །བྱིན་བརླབས་དབང་
[236a.6]བསྐུར་ནི་གང་དུ་བཤད་དོ། །གཟི་བྱིན་བསྐྱེད་པ་ནི་དགང་བླུགས་ཀྱིས་སོ། །དེ་ལྟར་མེ་ལྷའི་སྐུ་བསྐྱེད་ནས། དེ་ནས་མེ་ལྷ་ལ་གོ་བསྐོན་ཏེ། སྙིང་གར་རྡོ་རྗེ་རྒྱ་གྲམ་ཧ་ལྗང་གུས་མཚན་པ། དེའི་ལྟེ་བའི་སྟེང་དུ་རྡོ་རྗེ་རྩེ་ལྔ་པ་ཧཱུཾ་གིས་མཚན་པའོ། །དེའི་ལྕེ་ལ་རྡོ་རྗེ་རྩེ་
[236a.7]ལྔ་པ་རཾ་གྱིས་མཚན་པ་བསམ་མོ། །སོ་སོའི་མཆོད་པ་དབུལ་བྱས་ཏེ། །ཞེས་པ་ནི་སྤོས་ལ་སོགས་པས་མཆོད་དོ། །དེ་ནས་སྲེག་རྫས་དབུལ་བའི་རིམ་པ་ནི། གཟར་བུ་རྡོ་རྗེ་ལ་སོགས་པའི། །ཁ་དོག་དབྱིབས་ལྡན་བྱིན་གྱིས་བརླབས། །ཞེས་པ་གཟར་
[236b]
[236b.1]བུ་རིན་པོ་ཆེ་སྣ་བཞི་ལས་གྲུབ་པ་ཐབ་ཀྱི་དབྱིབས་དང་མཚན་མ་དང་མཐུན་པ་འཛག་པ་ལ། རཾ་གྱིས་མཚན་པར་བསམ་མོ། །ཤིང་གི་འོད་ནི་བསྐྱེད་བྱས་ཏེ། །ཞེས་པ་ནི་ཡམ་ཤིང་ཕུལ་བས་མེ་ལྷའི་འོད་བསྐྱེད་པར་བསམ་མོ། །མར་གྱི་འོད་འཕྲོ་ཀུན་ལ་སྦྱར།
[236b.2]ཞེས་པ་ནི་མར་སྲེག་བླུགས་ཀྱིས་འོད་འཕྲོས་པས་དེའི་རྣམ་པ་ཐམས་ཅད་གྱུར་པའོ། །དེ་ནི་ལས་ཐམས་ཅད་ལ་སྦྱར་རོ། །གཞན་ཡང་། དཀར་གསུམ་དང་ནི་མངར་གསུམ་གྱིས། །སྤྱི་དང་སོ་སོའི་སྡིག་པ་འབྱིན། །ཞེས་པ་ནི། དཀར་གསུམ་ཕུལ་བས་མེ་ལྷ་
[236b.3]མཉེས་ཏེ། དེའི་འོད་ཟེར་གྱིས་ལུས་ངག་ཡིད་ཀྱི་སྡིག་པ་སོ་སོར་འབྱིན་པར་མི་བྱེད་ཀྱི་སྤྱིར་འབྱིན་པའོ། །ལྷག་མ་ནི་དེ་ལས་བཟློག་པ་ཉིད་དེ། འབྲས་ཆན་འབྲུ་ཡི་ཆན་དག་གིས། །གོང་གི་གཉིས་པ་སོ་སོར་འབྱིན། །ཞེས་པ་ནི། ལུས་དང་ངག་གི་སོ་སོའི་
[236b.4]ཉིད་དུའོ། །ནས་ཐུག་འོ་མའི་ཐུག་པ་ཡིས། །རེ་རེའི་གནས་སུ་སྲེག་པར་བྱེད། །ཅེས་པ་ནི། ལུས་ཀྱི་སྡིག་པ་དང་ངག་གིས་སོ་སོའི་ལྟེ་བ་དང་མགྲིན་པའི་གནས་སུ་བསྲེག་པའོ། །ཏིལ་གྱིས་སྙིང་གི་ནང་ནས་འབྱིན། །ཞེས་པ་ནི། ཡང་ཏིལ་གྱིས་སྒོ་དགུར་
[236b.5]འཇུག་ཅེས་པས་ནི། ཡིད་ཀྱི་སྡིག་པ་འོད་ནག་པོ་ལ་སོགས་པའི་ཚུལ་དུ་དབྱུང་བ་དང་བསྲེག་པ་ཡང་ཤེས་པར་བྱའོ། །ཐ་མ་མར་གྱིས་འཁྲུ་བར་བྱེད། །ཅེས་པས་ནི་མར་ཕུལ་བ་དེའི་སྙིང་སྟོབས་ཀྱི་ཡེ་ཤེས་ཀྱི་བདུད་རྩིའི་རྒྱུན་བྱུང་སྟེ། དེས་འཁྲུ་བར་བྱེད་དོ། །ཞི་
[236b.6]བའི་སྲེག་རྫས་དབུལ་བ་བཤད་ཟིན་ཏོ། །རྫས་དེ་སེར་པོར་བྱས་པ་ནི་བསམ་གཏན་ནམ་མཚན་མས་སོ། །དཀར་གསུམ་གྱིས་ནི་གཟི་བྱིན་བསྐྱེད། །ཅེས་པ་ནི། འོད་ཁ་དོག་སེར་པོ་ཕོག་པས་རང་གཟི་བྱིན་བསྐྱེད་པའོ། །མངར་གསུམ་འབྱུང་ཁུངས་
[236b.7]བསལ་བ་སྟེ། །ཞེས་པ་ནི། སངས་རྒྱས་དང་བྱང་ཆུབ་སེམས་དཔའ་ཐུགས་དགོངས་པའི་ཚུལ་དུ་བསལ་བའོ། །འབྲས་དང་འབྲུ་ཡི་སྦྱོར་བ་ཡིས། །ཡེ་ཤེས་བཅུད་རྣམས་སྤྱི་བོར་འགུགས། །ཞེས་པ་ནི་རྫས་དེས་མེ་ལྷ་མཉེས་ཏེ། འོད་ཀྱིས་བསྐུལ་བས་
[237a]
[237a.1]སངས་རྒྱས་ཐམས་ཅད་ཀྱི་བཅུད་སྤྱི་བོར་ཞུགས་ཏེ་གཞག་པའོ། །ནས་དང་འོ་མའི་སྦྱོར་བ་ཡིས། །འགྲོ་བའི་བཅུད་རྣམས་གནས་སུ་འགུགས། །ཞེས་པ་ནི་འགྲོ་བའི་བཅུད་བྱང་ཆུབ་སེམས་ཀྱི་ངོ་བོར་ལུས་ཀྱི་གནས་ཐམས་ཅད་དུ་འགུགས་པའོ། །ཐ་
[237a.2]མར་ཏཱུར་བའི་སྦྱོར་བ་ཡིས། །མཛོད་སྤུ་སྙིང་གའི་ཧཱུཾ་ལ་སྡུད། །ཅེས་པ་ནི། དཱུར་བ་བསྲེག་པའི་སྟོབས་ཀྱིས་མཛོད་སྤུ་ནས་བཅུད་བྱང་ཆུབ་སེམས་སུ་བསྡུས་ཏེ། སྙིང་གའི་ཧཱུཾ་ལ་འདུས་ནས། དེ་ནས་བྱུང་བས་ལུས་ཐམས་ཅད་རྒྱས་པར་བསམ་མོ། །གཞན་གོ་སླ། རྒྱས་
[237a.3]པའི་སྲེག་རྫས་དབུལ་བ་བཤད་ཟིན་ཏོ། །བ་ལང་ཤ་ཡི་གཏོར་མ་དང་བཅས་པ་ཞེས་བྱ་བས་ནི་རྫས་བསྟན་ཏོ། །གསུམ་སྐོར་ལ་སོགས་ཀྱིས་ཞེས་པས་ནི། འོད་ཟེར་གྱི་འཕྲོ་འདུ་བསྟན་ཏོ། །མྱུར་དུ་འགུགས་ཤིང་དབང་དུ་བྱེད། །ཅེས་པས་ནི། འོད་ཟེར་ལྕགས་ཀྱུ་ལྟ་
[237a.4]བུའམ། ལྕགས་ཀྱུ་ཐོགས་པའི་ལྷས་འགུགས་པར་བྱེད་དོ། །དབང་དུ་བྱེད་པ་ནི་འོད་འཕྲོས་པ་ཙམ་གྱིས་སོ། །དབང་གི་སྲེག་རྫས་དབུལ་བ་བཤད་ཟིན་ཏོ། །དང་པོ་ཤ་ཡིས་ཁྲོ་བ་སྟེ། །ཞེས་པ་ནི་ཤ་ཕུལ་བས་མེ་ལྷ་ཁྲོས་པར་གྱུར་ཏོ། །གཞན་གོ་སླ། དེ་ལྟར་
[237a.5]སྲེག་རྫས་རྣམས་ཕུལ་ནས་བསྟོད་པ་བྱ་བ་དང་ལས་བཅོལ་བ་འདི་ནི་མེ་ལྷའི་ཆོ་གའི་རིམ་པའོ། །སྙིང་གར་བཀོད་པའི་ཞེས་བྱ་བ་ལ་སོགས་པའི་དོན་ནི། རང་གི་སྙིང་གའི་ཕྱོགས་སྐྱོང་དག་པར་བྱས་ལ། །དེ་ནས་བསྐྱེད་པའི་རིམ་པ་སྦྱོར་བ་གསུམ་གང་ཡང་རུང་བས་ལྷ་བསྐྱེད་
[237a.6]དེ། བསྟོད་པའི་བར་རིམ་པ་བཞིན་དུ་བྱས་ནས་གཤེགས་སུ་གསོལ་བ་འདི་ནི་ལྷའི་ཆོ་གའི་རིམ་པའོ། །དེ་ནས་མཇུག་གི་དབང་དུ་བྱ་བ་ནི། ད་ནི་ཞར་ལ་བྱུང་བ་བཤད་པར་བྱ་བ་སྟེ། བསྲུང་བ་ཞི་བའི་ཆ་ལ་གདགས། །ཞེས་པ་ནི་ཞི་བའི་བྱེ་བྲག་ཡིན་པའི་ཕྱིར་རོ། །གཞན་
[237a.7]ལ་ཡང་དེ་བཞིན་དུ་ཤེས་པར་བྱའོ། །གང་གི་ཕྱིར་སྦྱིན་སྲེག་གི་ཆོ་ག་རྣམ་པ་གཉིས་ཀྱི་ཕྱིར་རྣལ་འབྱོར་པ་གཉིས་སུ་ཤེས་པར་བྱའོ། །དེ་ལ་སྦྱིན་སྲེག་གཉིས་ནི་རང་གི་དང་གཞན་གྱི་དོན་གྱི་ཕྱིར་རོ། །རྣལ་འབྱོར་པ་ནི་སྦྱིན་སྲེག་གི་ལས་ཀྱི་རིམ་པ་ལ་མཁས་པ་དང་།
[237b]
[237b.1]སློབ་དཔོན་གྱི་ཚད་དུ་ཕྱིན་པ་སྟེ། རྐྱེན་ཐུབ་པ་དང་། ས་ནོན་པ་དང་། བྱིན་རླབས་ཆེ་བའོ། །རང་གི་དོན་གྱི་ཡང་གཉིས་ཏེ། སྡིག་པ་སྦྱོང་བ་དང་དངོས་གྲུབ་སྒྲུབ་པའོ། །དང་པོའི་ནི་དང་པོ་ཉིད་དེ་གཉིས་པ་ནི། བསྐྱེད་པའི་རིམ་པ་ལ་བརྟེན་པའོ། །དེ་ལྟར་དབྱེ་བའི་སྒོ་ནས་རྣལ་
[237b.2]འབྱོར་པ་རབ་དང་འབྲིང་དང་ཐ་མའི་ཚད་བསྟན་ནས་ལུང་ཁ་ཅིག་ལས་གནས་ཀྱི་རྟོག་པ་ཉེས་པར་མི་འགྱུར་བར་བཤད་པ་གང་ཡིན་པ་དེ་ཡང་རྣལ་འབྱོར་བ་རབ་ལ་དགོངས་པར་ཤེས་པར་བྱ་སྟེ། གཞན་དུ་ན་གཞན་བཤད་པའི་ཕྱིར་རོ། །དེ་ལྟར་སྦྱིན་སྲེག་གི་ཆོ་ག་རྒྱས་པར་བཤད་
[237b.3]ནས། ད་ནི་གཏོར་མའི་ཆོ་ག་བཤད་པར་བྱ་སྟེ། ཤ་ཁྲག་རུས་པ་འབྲུ་ལ་སོགས། །ཞེས་པ་འདིས་ནི་ཐུན་མོང་དང་ཐུན་མོང་མ་ཡིན་པའི་རྫས་བསྟན་ཏོ། །མ་སྤྱད་སྣོད་དུ་བླུགས་ཞེས་པ་ནི། རིན་པོ་ཆེའི་སྣོད་མ་སྤྱད་པའམ་ཐོད་པ་མཚན་ལྡན་གྱིས་རྒྱས་པའི་ནང་དུའོ། །དེ་
[237b.4]ནས་བྱིན་གྱིས་བརླབ་པ་ནི་གོང་དུ་བཤད་པ་བཞིན་ནོ། །དཀྱིལ་འཁོར་བཞི་ཡང་སྔ་མ་བཞིན་ནོ། །གཞན་གོ་སླ། རང་གི་བྱང་ཆུབ་སེམས་ཀྱི་ཆུས། །ཇི་ལྟར་སྙིང་གའི་ལྷ་མཆོད་པ། །ཞེས་པ་ནི་སྤྱི་བོ་ནས་ཆུ་བྱུང་བས་སྙིང་གའི་ལྷ་རྣམས་ཀྱི་ཞལ་དུ་གསོལ་བར་བསམ་མོ། །དེས་
[237b.5]ཅིས་འགྱུར་ཞེ་ན། འབྲས་མིན་འབྲས་བུ་ཅན་ཏེ། བླ་ན་མེད་པའི་དངོས་གྲུབ་ཚོགས་ཀྱི་གང་ཟག་གིས་མ་མྱངས་པ་ཐོབ་པར་འགྱུར་རོ། །འདིས་ནི་སྔོན་དུ་འགྲོ་བ་དང་། རྫས་དང་། བྱིན་གྱིས་བརླབ་པ་དང་། དབུལ་བའི་ཡུལ་དང་། དབུལ་བའི་ཐབས་དང་། དྲག་དང་།
[237b.6]བྱེ་བྲག་དང་། འབྲས་བུ་རིམ་པ་བཞིན་དུ་བསྟན་ཏོ། །གང་ཟག་ཐམས་ཅད་ནི་རྣམ་པ་གཉིས་ཏེ། དམན་པ་དང་མཆོག་ཏུ་གྱུར་པའོ། །དེ་ལ་དམན་པར་གྱུར་པའམ་དེའི་གནས་སུ་ནི། འབྲུ་ལ་སོགས་པ་ཐུན་མོང་གི་གཏོར་མ་སྦྱིན་པར་བྱའོ། །མཆོག་གམ་མཆོག་གི་
[237b.7]གནས་སུ་ནི་ཐུན་མོང་མ་ཡིན་པའི་གཏོར་མ་བྱའོ། །ཡང་གཉིས་ཏེ་ཟླ་དང་བཅས་པའམ་ཟླ་མེད་པའོ། །དེ་དག་དང་གཉིས་ཀྱང་གོ་རིམས་བཞིན་ཏེ་གཞན་དུ་ན་ཉེས་པ་དང་བཅས་པར་འགྱུར་རོ། །གཞན་ལས་ཀྱང་། དགེ་སློང་ལ་སོགས་དམན་པ་ཡི། །ནང་དུ་ཞག་
[238a]
[238a.1]བདུན་གནས་པ་སྤངས། །ཟབ་མོའི་ལས་སུ་བྱ་བ་ཡང་། །དེ་ཡི་གནས་སུ་སྤང་བར་བྱ། །གལ་ཏེ་བྱས་ན་སེམས་ཅན་དེ། །འབྲས་བུ་མེད་ཅིང་ངན་འགྲོར་ལྟུང་། །གང་ཡང་དགོན་པ་ཆེན་པོ་དང་། །གསང་བའི་ལམ་ལ་གནས་པ་དེར། །གསང་བ་ཆེན་
[238a.2]པོའི་སྤྱོད་པ་འདི། །སྤྱད་པ་ཙམ་གྱིས་འབྲས་བུ་ཐོབ། །ཅེས་འབྱུང་བ་དང་། གཞན་ཡང་། གང་གིས་ཐུན་མོང་ཐུན་མོང་མིན། །རྨད་བྱུང་གཏོར་མའང་དེ་བཞིན་ཏེ། །འདས་ནས་ངན་འགྲོར་འགྲོ་བའི་ཕྱིར། །རྣམ་གཉིས་ཐུབ་པས་གསུངས་པ་ལ། །རང་གིས་སྨད་པའི་
[238a.3]རྫས་གྱུར་དང་། །འབྱུང་ཁུངས་དམན་ལས་བྱུང་བ་དང་། །རིགས་དང་ཉེ་བར་མ་སྤྱད་པ། །དེ་ལ་དངོས་གྲུབ་མེད་པར་འགྱུར། །ཞེས་འབྱུང་བ་ལྟ་བུའོ། །གཏོར་མའི་ཆོ་ག་བཤད་ཟིན་ཏོ། །དེ་ནས་སྤྱོད་ལམ་གྱི་ཏིང་ངེ་འཛིན་བཤད་པར་བྱ་སྟེ། དེ་ལ་མཁས་པ་ནི་བསྐྱེད་པའི་
[238a.4]ཏིང་ངེ་འཛིན་བརྟན་པའོ། །དེས་ཡུལ་གཟུགས་ལ་བལྟ་བའི་དུས་སུ་ཇི་ལྟར་ལྟ་ཞེ་ན། སྒྱུ་མ་མིག་ཡོར་ལྟ་བུ་སྟེ། །ཞེས་པ་སྣང་ལ་རང་བཞིན་མེད་པར་བསམ་པའོ། །དངོས་པོའི་ལྟ་བ་རབ་བཟློག་ནས། །ཞེས་པ་གཟུགས་ཀྱི་ལྷ་མོར་སྒོམ་པའོ། །དམིགས་སོགས་སེམས་
[238a.5]དཔའི་འཁོར་ལོ་ཅན། །ཞེས་པ་རྡོ་རྗེ་གོས་སྔོན་ཅན་བསམ་པའོ། །དེར་ནི་ལྷ་མོ་རྟག་ཏུ་དགྱེས། །ཞེས་པ་གཟུགས་ཀྱི་ལྷ་མོ་དང་གཉིས་སུ་མེད་པར་གྱུར་པའོ། །ཡིད་ནི་ཚིམ་པར་བྱེད་པའི་མཆོག །ཅེས་པ་བྱང་ཆུབ་སེམས་དབང་པོའི་ལམ་ནས་སྙིང་གར་ཕབ་པས་བདེ་
[238a.6]བར་གྱུར་པ་སྟེ། བདེ་བ་གཉིས་སོ། །འདི་ལྟ་སྟེ་ཐ་མལ་པའི་དུས་སུ་ས་བོན་ཅན་གྱི་རྣམ་པར་ཤེས་པ་ས་བོན་དུ་གནས་པ་རྐྱེན་ཉེ་བར་གནས་པས་བསླངས་ནས་ཡུལ་དང་ཕྲད་པར་འགྱུར་རོ། །དེ་ནས་ཡུལ་གྱི་རྣམ་པར་སྐྱེའོ། །དེ་ནས་རང་དང་མཐུན་པའི་ས་བོན་འཇོག་
[238a.7]ཅིང་ཆོས་གཞན་སྐྱེད་པར་བྱེད་དོ། །འདིར་ཆོས་འདི་ཡང་དེ་བཞིན་དུ་བལྟ་བར་བྱའོ། །གཞན་གོ་སླ། སྤྱོད་ལམ་གྱི་ཏིང་ངེ་འཛིན་བཤད་ཟིན་ཏོ། །དེ་ནས་ནང་གི་སྦྱིན་སྲེག་བཤད་པར་བྱ་སྟེ། དེའང་གང་ཞིག་ཅེས་བྱ་བ་ལ་སོགས་པ་ནི་དྲི་རྩོམ་པར་བྱེད་པ་སྟེ། གང་ལ་
[238b]
[238b.1]བྱེད། གང་གིས་བྱེད། གང་བྱེད་ཅེ་ན་ལན་དུ། རྣལ་འབྱོར་མཆོག་གི་བྱེད་པ་སྟེ། །ཞེས་པ་ནི་ཏིང་ངེ་འཛིན་དམ་པས་བྱེད་པ་སྟེ། གསུམ་པའི་ལན་ནོ། །གང་ལ་ཞེས་པའི་ལན་དུ། སྙིང་ག་ཞེས་བྱ་བ་ལ་སོགས་པའི་དོན་ཏོ། །སྙིང་གི་ནང་དུ་དམ་ཚིག་སེམས་
[238b.2]དཔའི་འཁོར་ལོ་བཀོད་ལ། ཡེ་ཤེས་ཀྱི་ལྷ་བཀུག་སྟེ་བསྟིམ་པའོ། །ལྟེ་བའི་ཞེས་བྱ་བ་ལ་སོགས་པ་ནི་བཤད་ཟིན་ཏོ། །ལྕེ་ཡི་འཁོར་ལོ་ཆེན་པོ་ནི། །བྱིན་ཟ་རུ་ནི་དམིགས་པར་བྱ། །ཞེས་པ་ནི། མེ་ལྷ་ཉིད་དུ་དམིགས་པའི་དུས། །དེའི་མིང་དེ་སྐད་ཅེས་བྱའོ། །
[238b.3]གང་གི་དུས་སུ་ཞེ་ན། ཟས་ལ་སོགས་པ་ཟ་སོགས་དུས། །ཞེས་པ་གོ་སླའོ། །ཅིའི་རྣམ་པར་གྱུར་ཞེ་ན། ཟས་ནི་ཤ་ལྔ་ཞེས་བྱ་བ་ལ་སོགས་པའོ། །ཐབས་ཇི་ལྟར་ཞེ་ན། ལག་པ་གཟར་བུ་གཉིས་ཞེས་པ་དགང་བླུགས་གཟར་བུ་བསམ་པའོ། །ཟ་བའི་དུས་སུ་ལྷ་
[238b.4]རྣམས་ལ། །ཞེས་པ་ལ་སོགས་པའི་དོན་ཏོ། །ཟས་ཤ་དང་བདུད་རྩིའི་ངོ་བོར་གནས་པ་གཟར་བུ་ལ་སོགས་པའི་རིམ་གྱིས་སྙིང་གར་ལྷའི་ཞལ་དུ་གསོལ་བར་བསམ་མོ། །གཞན་སྔགས་ཀྱི་སྦྱོར་བ་དང་འདྲ་བར་བལྟ་བའོ། །ཟས་ལ་སོགས་པ་བདུད་རྩི་ཞེས་པའི་དོན་ནི་
[238b.5]གོང་དུ་བསྟན་པ་ཉིད་དབུལ་བའི་ཚུལ་དུ་ཞེ་ན་གསུངས་ཏེ། ལག་པ་ཡིས་ནི་དབུལ་བ་དང་། །ཞེས་པ་ནི་འདིར་བཤད་པ་ཉིད་དོ། །ཡང་ན་ལྷ་མོས་དབུལ་བ་དང་། །ཞེས་པ་ནི་ལྷ་མོས་མཆོད་པའི་ཚུལ་དུ་དབུལ་བའོ། །རྡོ་རྗེ་ལྕེ་ཐུང་ནི་སྐོམ་གྱི་ངོ་བོར་བྱས་ཏེ། རྡོ་རྗེ་སྦུ་གུ་
[238b.6]ནས་འདྲེན་པར་བྱེད་པས་ལས་ཐམས་ཅད་རྒྱས་པར་བྱེད་པའི་ཚུལ་ཏེ་གསུམ་མོ། །འདིར་ཡང་འཇིག་རྟེན་གྱི་རྫས་ཐམས་ཅད་ནི་སྨེ་བ་དང་། དམན་པ་དང་། ཉེས་པ་དང་བཅས་པ་དང་། ལན་རེ་བ་དང་བཅས་པ་སྟེ། དཔེར་ན་ཁྲོ་ཆུ་ཁོལ་མ་དང་འདྲ་བར་རྫས་ཟོས་པ་
[238b.7]ཙམ་གྱིས་ཉེས་པར་འགྱུར་བ་ཤ་སྟག་སྟེ། སྐྱེས་བུ་ཤེས་རབ་དང་ལྡན་པ་སྙིང་རྗེ་དང་ལྡན་པ། ཏིང་ངེ་འཛིན་དང་ལྡན་པས། རང་ལྷའི་སྐུར་གཅིག་ཏུ་གནས་ནས། སེམས་ཅན་རྣམས་ལ་སྙིང་རྗེ་ཆེན་པོའི་སེམས་ཉེ་བར་བཞག་སྟེ། བྱིན་གྱིས་བརླབས་པ་བྱས་
[239a]
[239a.1]པས་ཉེས་པ་ཐམས་ཅད་ཞི་བར་བྱས་ཏེ། རྣལ་འབྱོར་དང་ལྡན་པས་ཟོས་ན་བུ་ལོན་དུ་མི་འགྱུར་ཞིང་ཡོན་ཏན་ཐམས་ཅད་ཐོབ་པའི་རྟེན་ཉིད་དུ་འགྱུར་རོ། །ནང་གི་སྦྱིན་སྲེག་བཤད་ཟིན་ཏོ། །དེ་ནས་འཕགས་པའི་མཆོད་པའི་ཆོ་ག་བཤད་པར་བྱ་
[239a.2]སྟེ། དེའི་ཕྱིར། གཞན་ཡང་སེམས་ཅན་མོས་པ་ཡིས། །ཞེས་བྱ་བ་ལ་སོགས་པ་སྨོས་ཏེ། སྤོས་དང་མེ་ཏོག་ཅེས་བྱ་བ་ལ་སོགས་པས་ནི་རྫས་བསྟན་ཏོ། །ཐམས་ཅད་ལ་ལས་ཀྱི་སྦྱོར་བ་ནི་ལས་ཐམས་ཅད་པའི་ཆུའོ། །དེས་གཏོར་བ་ནི་དེས་གཏོར་བའོ། །
[239a.3]བྱིན་གྱིས་བརླབས་པ་བསྟན་པ་ཡོན་ཆབ་བཞུ་བ་ནི་ཡོན་ཆབ་འོད་དུ་ཞུ་བ་སྟེ་དེ་ལས་ཧྲཱཾ་དུ་གྱུར་པའོ། །རིན་ཆེན་འབར་བའི་སྣོད་མཆོག་ཏུ། །ཞེས་པ་ཏྲཱཾ་ལས་རིན་པོ་ཆེའི་སྣོད་རྒྱ་ཆེན་པོར་གྱུར་པའོ། །དེའི་ནང་དུ་མ་བསྐྱེད་པ་རང་བྱུང་ཡི་གེ་ཨ་གསལ་བར་བྱའོ། །དེ་འོད་
[239a.4]དུ་ཞུ་བ་ལས་ནི། ཡོན་ཆབ་དཔག་ཏུ་མེད་ཅིང་བསམ་གྱིས་མི་ཁྱབ་པའོ། །ཐུན་མོང་མ་ཡིན་པར་ཨ་ཡིས། །ཞེས་བྱ་བ་ལ་སོགས་པ་སྨོས་ཏེ། ཐུན་མོང་དུ་ཧ་ཡིས་ཞེས་བྱ་བ་ལ་སོགས་པ་སྨོས་སོ། །བྱིན་གྱིས་བརླབ་པ་བཤད་ཟིན་ཏོ། །དེ་ནས་དབུལ་བའི་ཡུལ་
[239a.5]བསྟན་པའི་ཕྱིར། ཕྱོགས་བཅུའི་སངས་རྒྱས་སྤྱན་དྲངས་ཏེ། །ཞེས་པ་ལ་སོགས་པ་སྨོས་སོ། །ཨ་ཧ་རིའི་སྔགས་བཟླས་པས་ཞེས་བྱ་བ་ལ་སོགས་པས་ནི་དབུལ་བའི་ཐབས་བསྟན་ཏེ། ཡོན་ཆབ་ཐོགས་པའི་ལྷ་མོའི་ཚོགས། །དཔག་མེད་མདུན་དུ་སྤྲུལ་
[239a.6]བྱས་ཏེ། །ཞེས་པ་ནི་ལྷ་མོ་མདོག་དཀར་མོ་ལག་ན་རྡོ་རྗེ་ཡོན་ཆབ་ཐོགས་པ་སྔགས་ཀྱི་འོད་ཀྱིས་རྫས་ལ་བསྐུལ་བས་སྤྲོ་བ་ནི་ལྷ་མོ་བསྐྱེད་པའོ། །དེ་ཡིས་རྡོ་རྗེ་གླུ་ལྡན་པ། །ཞེས་པ་ནི། ལྷ་མོས་རྡོ་རྗེའི་གླུ་བླང་བའོ། །ཡོན་ཆབ་ནི་རྫས་ཏེ་དེས་ཕྱག་ཞབས་བཀྲུ་ཞེས་
[239a.7]པ་ནི་ཁྲུས་གསོལ་ཚུལ་ལོ། །གཞན་གྱི་མཆོད་པ་ཐམས་ཅད་ལ་ཡང་བསྐྱེད་པའི་སྔགས་དང་། འབྱུང་བའི་རྒྱུ་དང་། ལྷ་མོའི་མདོག་གོ། །མཆོད་པའི་རྫས་དང་། དེ་ལ་བལྟ་བ་དང་། དབུལ་བའི་གནས་དང་། དབུལ་བའི་ཚུལ་དང་། རྗེས་སུ་འབྲེལ་པ་དང་
[239b]
[239b.1]དངོས་གྲུབ་བསྟན་པའོ། །བཛྲ་དྷཱུ་པེ། ཞེས་བྱ་བ་ལ་སོགས་པས་ནི་སྔགས་བསྟན་ཏོ། །རྒྱུ་ནི་ས་བོན་དང་རྫས་སོ། །དཀར་མོ་ལ་སོགས་པ་ནི་ལྷ་མོའི་མདོག་གོ། །སྤོས་ལ་སོགས་པ་ནི་རྫས་སོ། །ལྷ་མོ་ལ་སེམས་གཏད་པ་ནི་ལྟ་བའོ། །ཤངས་ལ་སོགས་པ་ནི་དབུལ་པའི་
[239b.2]གནས་སོ། །རྫས་ཕུལ་ནས་ལྷ་མོ་བསྡུས་པ་དང་། ལྷ་མོ་དང་བཅས་ཏེ་འབུལ་བ་ནི་འབུལ་བའི་ཚུལ་དུའོ། །འོད་ཟེར་གྱིས་བདག་གི་ནུས་པ་བསྐྱེད་པ་ནི་རྗེས་སུ་འབྲེལ་པའོ། །གཞན་གོ་སླ། །གནས་ལྔ་ནང་དུ་དབུལ་བ་ནི་གཟུགས་ལ་སོགས་པའོ། །གནས་ལྔ་ཕྱིར་རུ་
[239b.3]དབུལ་བ་ནི་སྤོས་ལ་སོགས་པའོ། །གནས་གཅིག་ཏུ་དབུལ་བ་ནི་ནང་དང་གསང་བའོ། །དུས་དང་རྗེས་སུ་མཐུན་པར་བྱ། །ཞེས་པ་ནི། གོང་དུ་བཤད་པ་ཉིད་དོ། །འདི་ནི་རང་བྱུང་ཞེས་པ་ལ་སོགས་པ་གོ་སླའོ། །བགད་དང་ཁྲོ་བ་ལ་སོགས་ཞེས་པ་ནི། བགད་པ་
[239b.4]དང་ཁྲོ་བ་དང་། གདུགས་དང་། རྒྱལ་མཚན་དང་། བ་དན་དང་། དུང་དང་། དྲིལ་བུ་དང་། རྔ་རིངས་དང་། པ་ཊ་ཧ་དང་། ལྡོང་རུས་ལ་སོགས་པའི་གཏོར་མ་བྱིན་གྱིས་བརླབ་སྟེ་ཞེས་པ་གཏོར་མ་བཞིན་ནོ། །གཞན་གོ་སླ། གང་ཞིག་གཞན་ལ་ཇི་བཞིན་དུ། །ཞེས་པ་
[239b.5]ལ་སོགས་པའི་དོན་ནི་རང་གིས་རང་གི་འཁོར་ལ་མཆོད་པ་དང་། འཁོར་གྱིས་རང་ལ་མཆོད་པ་ལ་སོགས་པ། རང་གི་རྣལ་འབྱོར་པ་སོ་སོའི་དབང་དུའོ། །ད་ནི་མཆོད་པའི་དབྱེ་བ་བསྟན་པ། རྫས་ལ་བརྟེན་ནས་མཆོད་པ་དང་། །ཞེས་པ་ནི་གང་གིས་དད་པའི་སྟོབས་
[239b.6]ཀྱིས་རྫས་ཡིད་དུ་འོང་བ་དབུལ་བའོ། །བསམ་གཏན་ཁོ་ནས་མཆོད་པ་ནི་བསམ་གཏན་འབའ་ཞིག་གིས་མཆོད་པའོ། །གཞན་གོ་སླ། དེ་བཞིན་གཤེགས་པ་མཆོད་པ་ཡང་དངོས་སུ་ནི། དང་བ་དང་ཏིང་ངེ་འཛིན་ཏེ། དེ་བཞིན་གཤེགས་པ་ལ་སོགས་པའི་ཡུལ་
[239b.7]དམ་པ་མཉེས་པ་དང་། དངོས་གྲུབ་སྩོལ་བའི་ཕྱིར་རོ། །མཆོད་པ་ཡང་གང་གིས་མཆོད་པའོ། །ཡོངས་སུ་སྦྱང་བ་བྱས་པའི་མཆོད་པ་ཡང་ཡོད་དེ། དེ་ཁོ་ན་ཉིད་མཐོང་བ་རྣམས་ཀྱིའོ། །ཡོངས་སུ་སྦྱང་བ་མ་བྱས་པའི་མཆོད་པ་ཡང་ཡོད་དེ། དེ་ལས་གཞན་པ་
[240a]
[240a.1]རྣམས་ཀྱིའོ། །རྩོལ་བ་དང་བཅས་པ་ཡང་ཡོད་དེ། གང་གིས་རྫས་ལ་སོགས་པའི་དངོས་པོ་ཚང་བར་དབུལ་བའོ། །རྩོལ་བ་མེད་པ་ཡང་ཡོད་དེ། སེམས་བསྐྱེད་པ་ལྟ་བུའོ། །བླ་ན་མེད་པའི་མཆོད་པ་ཡང་ཡོད་དེ། གང་གིས་མཚན་མ་སྤྱོད་པ་རྣམས་
[240a.2]ཀྱིའོ། །མཚན་མ་མེད་པའི་མཆོད་པ་ཡང་ཡོད་དེ། གང་གིས་མཚན་མ་མེད་པའོ། །འཆིང་བ་དང་ལྡན་པ་ཡང་ཡོད་དེ། ཉོན་མོངས་པ་དང་འབྲེལ་པ་རྣམས་ཀྱིའོ། །འཆིང་བ་མེད་པ་ཡང་ཡོད་དེ། གང་གིས་ཞེན་པ་མེད་པར་གྱུར་པའོ། །ཐུན་མོང་གི་མཆོད་པ་ཡང་ཡོད་དེ།
[240a.3]སྤོས་ལ་སོགས་པ་དང་གཟུགས་ལ་སོགས་པའི་འོ། །ཐུན་མོང་མ་ཡིན་པ་ཡང་ཡོད་དེ་ནང་དང་གསང་བར་གྱུར་པའི་མཆོད་པའོ། །བསྟན་དུ་ཡོད་པ་ཡང་ཡོད་དེ། ཇི་སྐད་བསྟན་པའི་ཏིང་ངེ་འཛིན་མ་གཏོགས་པའོ། །བསྟན་དུ་མེད་པའི་མཆོད་པའང་ཡོད་དེ། ཏིང་ངེ་འཛིན་གྱི་
[240a.4]མཆོད་པ་ཉིད་དོ། །འདིའི་མཆོད་པས་ཀྱང་ཡིད་དུ་འོང་བའི་རྫས་ཕུན་སུམ་ཚོགས་པ་དང་ཕུན་སུམ་ཚོགས་པ་ལ་སོགས་ཏེ། བསོད་ནམས་དམ་པ་འཐོབ་པར་འགྱུར་རོ། །མཆོད་པའི་ཚོགས་བཤད་ཟིན་ཏོ། །ད་ནི་བདུད་བརྟག་པའི་སྦྱོར་བ་བཤད་པར་བྱ་སྟེ། དང་པོ་བདུད་
[240a.5]འབྱུང་བའི་དུས་ནི། སྔགས་དང་བསམ་གཏན་དུས་དག་ཏུ། །ཞེས་པ་སྟེ། སྒྲུབ་པའི་སྐབས་ཡིན་པའི་ཕྱིར་གཞན་དུ་ནི་ཉན་པ་དང་བསམ་པ་ལས་འབྱུང་བར་འགྱུར་རོ། །བདུད་ཀྱང་དུ་ཞིག་ཅེ་ན། ཕྱི་དང་ནང་ན་ཡོད་པའོ། །ཞེས་པ་ཇི་སྐད་བཤད་པ་དང་དེ་ལས་གཞན་པའི་བདུད་
[240a.6]ཐམས་ཅད་ནི་གཉིས་པོ་འདི་ཁོ་ནར་འདུས་པའི་ཕྱིར་རོ། །གང་ཡིན་ཞེ་ན། ཕྱི་དང་ནང་ན་ཡོད་པའོ། །ཞེས་པའི་དོན་ཏོ། །ཕྱིའི་བྱེ་བྲག་ཏུ་བསྟན་པ། གཟུགས་ནི་དཀར་དམར་ལ་སོགས་པ། །ཞེས་པས་ནི། འོད་སེར་པོ་དང་ལྗང་གུ་དང་མཐིང་ག་ཡང་བཟུང་ངོ་། །གལ་ཏེ་ཡང་དག་
[240a.7]པའི་རྟགས་དང་བྱེ་བྲག་མེད་དོ་ཞེ་ན། གསལ་བའི་འོད་ནི་སངས་རྒྱས་ཏེ། །ཞེས་པ་དངོས་པོ་ལ་གསལ་བར་གྱུར་པ་ནི་སངས་རྒྱས་ཀྱི་འོད་དེ། དེ་ལས་བཟློག་པ་ནི་བཟློག་པའོ་ཞེའོ། །འདི་ཡང་དངོས་པོ་ལ་ཡིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་ལྷ་རྣམས་ཀྱི་འོད་
[240b]
[240b.1]མོག་མོག་པོར་གྱུར་པ་ལ་སོགས་པ་བརྗོད་པ་བཞིན་ནོ། །སྒྲའི་བདུད་བྱེ་བྲག་ཏུ་བསྟན་པ་ནི། རང་བཞིན་མེད་དྲིས་དམན་པ་དང་། །ཞེས་པ་ནི། དེ་ཁོ་ན་ཉིད་ཇི་ལྟ་བ་བཞིན་དུ་སྟོན་པར་མི་ནུས་པའོ། །སྤྱོད་པ་ནི་མཚན་མ་ལས་སྤྱོད་པ་སྟེ་དེའི་རིགས་མ་ཡིན་པ་ལ་དེ་གཙོར་སྟོན་པ་
[240b.2]ནི་བདུད་དུ་ཤེས་པར་བྱའོ། །གཟུགས་ཀྱི་བདུད་བྱེ་བྲག་ཏུ་བསྟན་པ། མང་བའི་རིགས་ལ་ཉུང་བ་སྟོན། །ཞེས་པ་ནི། གང་ཞིག་མང་བ་ལ་འཕྲོད་པར་འགྱུར་བ་དེ་ལ་སྐུ་ཉུང་བར་སྟོན་ཅིང་ཉུང་བ་གཅེས་སུ་བྱེད་པ་དང་། དེ་ལས་བཟློག་པ་ཡང་དེ་བཞིན་དུ་ཤེས་པར་བྱའོ། །
[240b.3]གཞན་གོ་སླ། ནང་གི་བདུད་ཀྱི་སྦྱོར་བ་ནི་གཉིས་ཏེ་ཞེས་ཁོང་ནས་དབྱུང་ངོ་། །གང་ཡིན་ཞེ་ན། འདུ་བ་སྐྱེ་དང་བསམ་པ་སྒྱུར། །ཞེས་པ་ཆོས་འདི་གཉིས་ཀྱི་ཏིང་ངེ་འཛིན་ལས་གཡེངས་ཏེ། དངོས་གྲུབ་ཀྱི་བར་དུ་གཅོད་པ་ཉིད་དོ། །དང་པོ་བཤད་པ། རླུང་མཁྲིས་བད་ཀན་འདུས་
[240b.4]པ་རྣམས། །མེད་བཞིན་སྐྱེད་པའང་བདུད་ཡིན་ནོ། །ཞེས་པ་སྔགས་དང་བསམ་གཏན་གྱི་དུས་སུ་མི་མཐུན་པའི་རྐྱེན་མ་ཚོགས་པར་རླུང་ལ་སོགས་པས་ཏིང་ངེ་འཛིན་འཁྲུག་པ་ལ་ཡང་ངོ་། །ཕྱི་མ་བཤད་པ་དམ་པ་ནི་སངས་རྒྱས་དང་ཆོས་དང་དགེ་འདུན་ཏེ། དེ་ལ་སུན་དབྱུང་བ་ནི་
[240b.5]མི་མཐུན་པར་འཛིན་པའོ། །རྟག་ཏུ་བསམ་ལ་མི་མོས་དང་། །ཞེས་པ་ནི། བསམ་གཏན་ལ་ཉེས་པའམ་བླང་བ་མ་ཡིན་པར་བལྟའོ། །ཐ་མལ་པ་ནི་དམན་པར་གྱུར་པའི་གཟུགས་ལ་སོགས་པ་སྟེ། དེ་ལ་ཆགས་པ་ནི་ཞེན་པའོ། །ཁྲོ་བ་ནི་ཡིད་འཁྲུག་པའོ། །ཁོན་དུ་འཛིན་པ་ནི་
[240b.6]མདུད་པར་འཛིན་པའོ། །འཆབ་པ་ནི་ཉེས་པ་བྱུང་བ་ཁས་མི་ལེན་པའོ། །ཚིག་པ་ནི་ཚིག་བརླང་པོར་ཞེར་འདེབས་པ་ཉིད་དོ། །ཉོན་མོངས་པ་ནི་འདོད་ཆགས་དང་། ཁོང་ཁྲོ་བ་དང་། ང་རྒྱལ་དང་། མ་རིག་པ་དང་། ལྟ་བ་དང་། ཐེ་ཚོམ་མོ། །ཉེ་བའི་ཉོན་མོངས་པ་ནི་ཆགས་པ་ལ་
[240b.7]སོགས་པ་སྟེ། རང་གི་རྒྱུད་ལ་གནས་པ་ནི་མ་གཏོགས་སོ། །མིག་རྩ་རྒོད་པ་ནི་མིག་གྱེན་དུ་ཡང་དང་ཡང་དུ་བལྟ་བའོ། །འཕྱར་བ་ནི་སེམས་བསྲབ་པའོ། །གཡེམ་པ་ནི་འགྲོ་བ་བཟང་མོ་སྤྱོད་པའོ། །ཞུམ་པ་ནི་གྲུབ་པར་མི་འཛིན་པའོ། །གཡེང་བ་ནི་སེམས་ཡུལ་སྣ་ཚོགས་
[241a]
[241a.1]སུ་འཕྲོ་བ་སྟེ། སྔ་མ་བཞིན་དུ་གནས་པའོ། །བསམ་གཏན་འཕྲོ་ལ་དམིགས་པ་གསལ་བ་ནི་གློ་བུར་དུ་བྱིང་བའོ། །ཉམས་མི་དགའ་བ་ནི་སེམས་རེག་པར་མི་གནས་པའོ། །ལོག་པ་ལ་དང་བ་ནི་མུ་སྟེགས་དང་སྔགས་རྒོད་དང་བུད་མེད་སྦྱོར་སྔགས་ལ་དད་
[241a.2]པའོ། །ཟས་དང་སྐོམ་ལ་སྔ་རོལ་པས་ཤས་ཆེར་འདོད་པར་གྱུར་པ་ནི་ཟས་ལ་རྟོག་པ་དང་རྟོག་པ་མ་ཡིན་པ་ལས་འདས་ནས་མྱུར་དུ་འདོད་པའོ། །ཀུན་རྫོབ་ལ་དགའ་བ་ནི་ཀུན་རྫོབ་ཀྱི་སྤྱོད་པ་ཆེན་པོ་ཆེར་བྱེད་པ་སྟེ། དོན་དམ་པའི་སྐབས་སུ་བདུད་དུ་འགྱུར་རོ། །ཁྱད་པར་ཕྱག་རྒྱར་
[241a.3]རང་གི་རིགས་དེ་ལ་ཉོན་མོངས་པ་སྐྱེ་བ་ནི་རང་གི་ཡེ་ཤེས་བསྐྱེད་པའི་ཕྱག་རྒྱ་མོ་ལ་ཞེ་སྡང་ཆགས་པ་དང་གཏི་མུག་སྐྱེས་པ་སྟེ་ཤེས་རབ་ཡེ་ཤེས་ཀྱི་དབང་ཐོབ་ན་ཉེས་པ་ཆེར་འགྱུར་རོ། །ལོག་པའི་ཞེས་པ་ལ་སོགས་པ་ནི་གོ་སླ། འདི་དག་ཀྱང་བདུད་ཀྱིས་ལུས་སེམས་བྱིན་
[241a.4]གྱིས་བརླབས་ཏེ། དེ་ནས་དེར་འགྱུར་གྱིས་གཞན་དུ་ནི་མ་ཡིན་ནོ། །བདུད་རྣམས་ཀྱི་རྒྱུ་ཡང་ཆོས་ལ་མ་མོས་པ་ལ་སོགས་པ་དང་། ཉོན་མོངས་པ་དང་། ཉེ་བའི་ཉོན་མོངས་པའི་སྟོབས་ཀྱིས་བླ་མ་ལ་སོགས་པའི་དམ་ཚིག་ཉམས་པ་དང་། བླང་ཉེས་ཀྱི་ཆོས་དང་མ་བརྟགས་པའི་
[241a.5]རྫས་ལས་འབྱུང་གི་གཞན་ལས་ནི་མ་ཡིན་ནོ། །གལ་ཏེ་གཞན་ལས་ཀྱང་འབྱུང་ངོ་ཞེ་ན། དུས་ཐམས་ཅད་དུ་དེ་དང་བདེ་བ་མ་ཡིན་པ་རང་བཞིན་བྱེ་བྲག་ཏུ་གྱུར་པ་མེད་པའི་ཕྱིར། ཡེ་མེད་པར་འགྱུར་བ་ཞིག་ན་དེ་ནི་མེད་དོ་ཞེས་འཆད་པར་བྱེད་དོ། །དེ་ལྟར་བདུད་ཀྱི་སླུ་བ་བརྟག་
[241a.6]པ་བཤད་ཟིན་ཏོ། །ད་ནི་ཡང་དག་པའི་རྟགས་བཤད་པར་བྱ་སྟེ། བདུད་ཀྱི་རྟགས་རྣམས་ལས་གཞན་པའི། །ཡང་དག་རྟགས་ནི་བཤད་བྱ་སྟེ། །ཞེས་པ་གང་དུ་རྟགས་སུ་གྱུར་ཅིང་ལོག་པའི་རྟགས་མ་ཡིན་པ་དེ་ནི་ཡང་དག་པའི་རྟགས་སུ་གྱུར་པའོ། །དེའང་དང་པོར་རྨི་
[241a.7]ལམ་གྱི་མཚན་མ་བརྟག་པ་བཤད་པར་བྱ་སྟེ། དེ་ལ་ཡང་དག་དོན་གྱི་བླ་མ་ནི་དེ་ཁོ་ན་ཉིད་དང་སྡོམ་པ་ཕུན་སུམ་ཚོགས་པ་སྟེ། རང་གིས་དེའི་མདུན་དུ་སེམས་བསྐྱེད་པ་དང་། དེས་དབང་བསྐུར་བ་དང་། ཆོས་འཆད་པ་དང་། ཉེས་པ་ལས་སྐྱོབ་པར་བྱེད་པའང་ཡང་དག་པའི་
[241b]
[241b.1]མཚན་མའོ། །དམ་ཚིག་རྣམས་ནི་མི་བརྗེད་ཅིང་། །ཞེས་པ་ནི་རྨི་ལམ་དུ་ཡང་དམ་ཚིག་རྗེས་སུ་དྲན་པའོ། །རང་གི་རིགས་ཀྱི་བུ་མོ་བསྟེན། །ཞེས་པ་ནི། རང་དང་འཕྲོད་པའི་ཕྱག་རྒྱ་མ་དང་མཐུན་པར་གནས་པའོ། །གཞན་གོ་སླ། གཞན་གྱིས་མཆོད་པ་ནི་རང་ལའོ། །
[241b.2]གཞན་ལ་མཆོད་པ་ནི་རང་གིས་སོ། །འདི་དག་ནི་ཐུན་མོང་གི་རྟགས་སོ། །སྟོང་གསུམ་ཐམས་ཅད་མཐོང་བ་ནི། །བདེན་པ་མཐོང་བའི་ལྟས་སོ། །ཉི་ཟླའི་སྟེང་ན་འདུག་པ་ནི་ས་ཐོབ་པའི་རྟགས་སོ། །འཁོར་ལོ་ཀླད་ལ་བསྐོར་བ་ནི། །ཡང་དག་པའི་གདམས་ངག་གིས་
[241b.3]གཞན་གྲོལ་བར་བྱེད་པའི་རྟགས་སོ། །མཆོད་རྟེན་རྩེ་ལ་འཛེག་པ་ནི་གང་ཡང་རུང་བའི་ས་རིམ་པ་ནས་འཕྲོ་བའི་རྟགས་སོ། །གཞན་ནི་འཕགས་པ་གོས་སྔོན་པོའི་སྐུ་གསུང་ཐུགས་ཀྱི་དངོས་གྲུབ་ཐོབ་པ་དང་། སྒྲིབ་པ་ཐམས་ཅད་སྤོང་བར་འགྱུར་བའི་རྟགས་སོ། །གལ་ཏེ་
[241b.4]དེའི་མཚན་མ་ཡང་གང་གི་དུས་སུ་ངེས་ཤེ་ན། བསམ་གཏན་གྱི་དུས་ཡིན་པའོ། །གལ་ཏེ་དེའི་དུས་མ་ཡིན་པ་ལ་ཡང་འབྱུང་བ་ནི་ཞེན་པའི་དབང་གིས་ཡང་དག་འགྱུར་རོ། །དེ་ཡང་མ་ཆགས་པའི་སེམས་དང་འབྲེལ་ན་ཡིན་གྱི་མཚན་མར་འཛིན་པའི་སེམས་ལ་ནི། དེ་ལ་
[241b.5]མི་སྲིད་པའི་ཕྱིར་རོ། །དེ་ཡང་ཡང་དང་ཡང་བསྟན་ན་ཡིན་གྱི་རེས་འགའ་ནི་གོང་མའི་ཁྱད་པར་གྱིས་ཀྱང་འགྱུར་རོ། །དེ་ལྟར་རྨི་ལམ་གྱི་མཚན་མ་བསྟན་ནས། ད་ནི་སེམས་ཉམས་བསྟན་པའི་ཕྱིར། །གཞན་ཡང་སེམས་ཉམས་བརྟག་པ་ནི། །ཞེས་བྱ་བ་ལ་སོགས་པ་
[241b.6]སྨོས་ཏེ། དབང་བླང་མོས་ཞེས་པ་ནི་ཡང་དག་པའི་བླ་མ་ལ་དབང་ལེན་པ་ལ་དགའ་བ་སྟེ། གྲགས་པའི་དབང་དུ་ནི་མ་ཡིན་ནོ། །སྡོམ་པ་བསྲུང་བ་ལ་མོས་པ་ནི་སྡོམ་པ་ལ་གཅེས་སུ་བྱེད་པའོ། །སེམས་ཅན་དམན་ལ་ཚད་མེད་འབྱུང་། །ཞེས་པ་ནི། སྡུག་བསྔལ་
[241b.7]དང་ལྡན་པའི་སེམས་ཅན་དྲན་ནས་པ་སྤུ་ལྡང་བ་ཙམ་དུ་སྡུག་བསྔལ་ཉམས་སུ་མྱོང་བའོ། །ཡང་དག་དོན་ལ་འདོད་པ་བསྐྱེད། །ཅེས་པ་ནི། མཆོག་གི་དངོས་གྲུབ་སྟེ་སྤངས་པ་དང་ཡེ་ཤེས་ཕུན་སུམ་ཚོགས་པ་ལ་འདུན་པའོ། །སེམས་ཅན་བདག་དང་འདྲ་བར་སེམས། །
[242a]
[242a.1]ཞེས་པ་ནི་རང་དང་ཐ་དད་དུ་མི་རྟོག་པའོ། །ང་རྒྱལ་ལ་སོགས་ཉོན་མོངས་ཆུང་། །ཞེས་པ་ནི་སྔ་མ་ལས་ཤེས་ཆུང་དུ་གྱུར་པའོ། །ཟབ་པའི་དོན་ལ་ཆོག་མི་ཤེས། །ཞེས་པ་ནི་ཆོག་པར་མི་འཛིན་པའོ། །གཞན་ནི་སྦྱིན་པའི་བྱེ་བྲག་གོ། །ལྡང་བ་ཡང་བ་ཉིད་ཟོ་མདོག་བདེ་བ་
[242a.2]སྟེ། ལུས་ཤིན་ཏུ་སྦྱངས་པ་ཉིད་དོ། །རང་གི་ལྟ་དང་མཐུན་པ་ལ། །འཇིག་རྟེན་རིན་ཆེན་ཚོགས་བཀང་འབུལ། །ཞེས་པ་ནི། དེ་ལྟ་བུར་ནུས་པ་སྙམ་སེམས་པའམ་འདུན་པའོ། །སོམ་ཉི་མེད་པ་ཉིད་ཡིད་ཆེས་པ་སྟེ། འདི་དག་ཀྱང་སྣོད་དུ་རུང་བ་དང་། རིགས་སུ་ངེས་པ་དང་། མཐོང་
[242a.3]བའི་ལམ་འཐོབ་པ་དང་། སྦྱིན་པ་ཕུན་སུམ་ཚོགས་པ་དང་། ཤིན་ཏུ་སྦྱངས་པ་རྙེད་པ་དང་། ཡང་དག་པར་ཆོས་ལེན་པར་འགྱུར་བ་ལ་མཁས་པའི་རྟགས་སོ། །འདི་དག་ཀྱང་རྐྱེན་གཞན་གྱིས་མ་སྐྱེས་པར་བསམ་གཏན་གྱི་ངང་ལས་སྔ་མ་ལས་གཞན་དུ་གྱུར་པར་འབྱུང་བའོ། །དེ་
[242a.4]ལྟར་སེམས་ཉམས་ཀྱི་རྟགས་བསྟན་ནས། །ད་ནི་མངོན་སུམ་པའི་རྟགས་བསྟན་པའི་ཕྱིར། དངོས་པོ་རྫས་ཀྱི་ཁྱད་པར་ལས། །ཞེས་པ་ལ་སོགས་པ་སྨོས་ཏེ། བྲིས་སྐུ་ལུགས་མ་ལ་ཞེས་པ་ནི། རྟགས་བརྟག་པའི་གཞིའོ། །དེའི་རྟགས་གང་ཞེ་ན། སངས་རྒྱས་སྐུར་སྣང་རབ་ཡིན་
[242a.5]ཏེ། །ཞེས་པ་ནི་མངོན་སུམ་དུ་སངས་རྒྱས་ཉིད་སྣང་བའོ། །དམ་པའི་སྒྲ་འབྲིང་བཤད་ཅེས་པ་ནི། ཡང་དག་པའི་དོན་གྱི་སྒྲ་ཙམ་འབྱུང་བ་ནི་འབྲིང་ཉིད་དོ། །འོད་དང་དུ་བ་ལ་སོགས་པ། །ཞེས་པ་ནི་གཡོ་བ་དང་འགུལ་བ་དང་འཁྲོལ་བ་དག་ཀྱང་ངོ་། །བྱིན་བརླབས་འབྲས་བུ་རབ་
[242a.6]ཡིན་ཏེ། །ཞེས་པ་ནི། གསལ་ལ་མཛེས་པར་གྱུར་པའོ། །གཞན་གོ་སླ། མེ་དབུས་སངས་རྒྱས་ནི་མེའི་དབུས་ན་དབང་པོ་ལས་བྱུང་བའི་ཤེས་པའི་མངོན་སུམ་ལྟ་བུའོ། །སྒྲ་འབྱུང་བ་ནི་སངས་རྒྱས་ཀྱི་ཆོས་དམ་པའི་སྒྲར་འབྱུང་བའོ། །མེ་བདག་གི་དབང་དུ་འགྱུར་བ་ནི་
[242a.7]རང་འདོད་པར་འབྱུང་བའོ། །ལས་དང་མཐུན་པས་ནི་དེ་ཉིད་བཤད་དོ། །གཞན་གོ་སླ། སློབ་མས་ཐམས་ཅད་ཤེས་པ་ནི། གཞན་གྱི་སེམས་ཤེས་པ་ལ་སོགས་པ་སྟེ་དབང་གསུམ་པའི་དུས་སུའོ། །སྨྲ་བ་ནི་གཏན་ལ་དབབ་པར་བྱ་བ་ཐམས་ཅད་ཇི་ལྟ་བ་བཞིན་སྨྲ་བ་སྟེ།
[242b]
[242b.1]གཉིས་པའི་དུས་སུའོ། །འགུལ་བ་དང་འཕར་བ་ནི་དང་པོའི་དུས་སུའོ། །དཀར་དམར་ལ་སོགས་ཞེས་པ་ནི་གང་གིས་སེར་པོ་དང་ལྗང་གུ་ལ་ཡང་སྟེ། གསལ་བ་དང་མི་གསལ་བ་ཡང་སངས་རྒྱས་ཀྱི་རྟགས་ཡིན་ནོ། །གང་གི་སྒོ་ན་སྦྱིན་ཞེ་ན། སྒྱུ་མ་ཙམ་དུ་
[242b.2]བསྒོམ་པ་ལ་སོགས་པས་སོ། །སྐུ་གསུང་ཐུགས་ཀྱི་མཚན་མ་ནི། །སྐུ་ནི་རྡོ་རྗེ་དང་རྒྱ་གྲམ་རྣམས་སོ། །གང་གི་སྟོབས་ཀྱིས་གཞན་གྱུར་ཞེས་པ་ནི་སྒྱུ་མ་ཙམ་ལ་སོགས་པའི་སྒོ་ནས་གསལ་བ་དང་བརྟན་པར་འགྱུར་བའོ། །གསུང་གི་མཚན་མ་བྱེ་བྲག་ཏུ་བསྟན་པ། གང་
[242b.3]ཞིག་སྒྲ་ནི། སྟོང་པ་ལས་བྱུང་བའོ། །དེ་ཉིད་བྱེ་བྲག་ཏུ་བསྟན་པ་ནི། རང་དང་འཕྲོད་པའི་མན་ངག་སྟོན། །ཞེས་བྱ་བ་ལ་སོགས་པའོ། །སྐུའི་རྟགས་བྱེ་བྲག་ཏུ་བསྟན་པ་ནི། མཛེས་པའི་ལྷ་མོས་བདེ་སྟེར་དང་། །ཞེས་པ་ལ་སོགས་པའོ། །བྱང་ཆུབ་སེམས་ཀྱི་ཆུ་
[242b.4]འབབ་དང་། །ཞེས་པ་ལ་སོགས་པ་ནི་ཐུགས་ཀྱི་རྟགས་བྱེ་བྲག་ཏུ་བསྟན་པའོ། །གཞན་གོ་སླ། ནུས་པ་ལ་བརྟག་པ་ནི། ཡི་དགས་དབང་དུ་སྡུད་ནུས་དང་། །ཞེས་པའོ། །དེ་ཉིད་བཤད་པ་ཡི་དགས་ཟིལ་གྱིས་མནན་པ་ནི་དབང་དུ་སྡུད་པ་ཉིད་དོ། །གནད་འགྱུར་
[242b.5]སྨྲ་བ་མེད་པ་ནི་འོག་མས་བཤད་དོ། །དམ་ཆོས་སྔོན་དུ་བརྡར་མ་བཏགས། །ཞེས་པ་ནི་སྔར་ཤེས་པར་མ་བྱས་པ་སྟེ་ཤེས་པར་འགྱུར་བ་ལ་སོགས་པའང་ཡང་དག་པའི་རྟགས་སུ་བཤད་དོ། །འདི་ལ་ཁ་ཅིག་འདི་སྐད་ཅེས་ཡང་དག་པའི་རྟགས་ནི་འབྲས་བུ་དང་བཅས་
[242b.6]པའམ། ལོག་པའི་རྟགས་ནི་ཡང་དག་པའི་འབྲས་བུ་མེད་པ་ཞིག་གམ་ཞེ་ན། མུ་བཞི་སྟེ། ཡང་དག་པའི་རྟགས་ཡིན་ལ་འབྲས་བུ་དང་བཅས་པ་ཡང་ཡོད་དེ། གང་གིས་ཡང་དག་པའི་རྟགས་ཐོབ་ནས་ང་རྒྱལ་དང་སོམ་ཉི་ལ་སོགས་པ་སྤངས་པ་རྣམས་ཀྱིས་སོ། །
[242b.7]ཡང་དག་པའི་རྟགས་ཐོབ་ལ་འབྲས་བུ་མེད་པ་ཡང་ཡོད་དེ་ཡང་དག་པའི་རྟགས་ཐོབ་ནས་ང་རྒྱལ་དང་སོམ་ཉི་ལ་སོགས་པ་དང་ལྡན་པ་རྣམས་ཀྱིའོ། །ལོག་པའི་རྟགས་ཐོབ་ལ་འབྲས་བུ་བཅས་པ་ཡང་ཡོད་དེ། གང་གིས་ལོག་པའི་རྟགས་ཐོབ་ནས་འདི་
[243a]
[243a.1]ནི་སྒྱུ་མ་ལྟ་བུའོ། །ཆོས་ཐམས་ཅད་ནི་ཡེ་ནས་དོན་དམ་པར་གང་ཡང་མ་གྲུབ་པའོ་ཞེས་བྱ་བར་ངེས་པ་དེའི་རྗེས་སུ་ཐོབ་པ་རྣམས་ཀྱིའོ། །ལོག་པའི་རྟགས་ཀྱང་ཐོབ་ལ་འབྲས་བུ་མེད་པའང་ཡོད་དེ། དགའ་བ་དང་སྐྲག་པའི་སེམས་དང་ལྡན་
[243a.2]པ་རྣམས་ཀྱིའོ། །དེ་བས་ན་ཡང་དག་པའི་རྟགས་དང་ལོག་པའི་རྟགས་ཀྱིས་འབྲས་བུ་ངེས་པར་འབྱིན་པ་དང་མི་འབྱིན་པ་ཞེས་བྱ་བར་ནི་མ་གྲུབ་བོ། །ཡང་གལ་ཏེ་ཡང་དག་པའི་རྟགས་ནི་དངོས་སུ་ཡོད་པ་ཞིག་ལ་ལོག་པའི་རྟགས་ནི་མེད་པ་ཞིག་གམ། གལ་ཏེ་
[243a.3]དེ་ལས་བཟློག་པ་ཞིག་གམ་ཞེ་ན་མ་ཡིན་ཏེ། གང་གིས་གཉི་ག་ལའང་འཁྲུལ་པ་ཙམ་དུ་ཤེས་ན་ནི་ཡང་དག་པར་འགྱུར་གྱི། སྔོན་ཡང་གང་གིས་གཉི་གའི་ཡན་ལག་ལ་ཡོད་པ་དང་མེད་པ་བཞག་གོ། །དེ་ལྟར་ཡང་དག་པའི་རྟགས་བསྟན་ཟིན་ནས། ད་ནི་
[243a.4]ལོག་པའི་རྟགས་དང་བཟློག་པར་བྱ་བའི་ཕྱིར། ཡང་དག་རྟགས་རྣམས་ཐོབ་བྱ་དང་། །ཞེས་བྱ་བ་ལ་སོགས་པ་སྨོས་ཏེ། དགའ་བ་དང་ནི་མི་དགའི་སེམས། །གཉིས་དང་བྲལ་བ་བསམ་པས་བཟློག །ཅེས་པ་ནི་གང་དུ་སངས་རྒྱས་ལ་སོགས་པའི་སྐུར་
[243a.5]སྣང་ན་དགའ་བའམ་མི་དགའ་བའི་སེམས་བརྟན་པོར་གནས་པ་ནི་བསམ་པ་ལས་བཟློག་པ་སྟེ། འདིས་ཉེ་བར་ཞི་བར་གྱུར་པའི་ཕྱིར་རོ། །སེམས་ཀྱི་འཁྲུལ་པར་བལྟ་བ་དང་། །སྒྱུ་མ་རང་བཞིན་མེད་པ་ནི། །ཞེས་པ་བཤད་ཟིན་ཏོ། །གང་དུ་དྲི་ཆེན་ཤ་ཆེན་
[243a.6]དང་། །བྱང་ཆུབ་སེམས་ལ་སྤྱོད་བྱེད་པ། །ཞེས་པ་ནི། བརྟུལ་ཞུགས་ཀྱི་སྤྱོད་པས་བདུད་རྩི་ལྔ་ལ་སྤྱོད་པས་བཟློག་པར་འགྱུར་བའི་ཕྱིར་རོ། །གང་གིས་དམ་ཚིག་རྟག་ཏུ་སྲུང་། །དེ་ལ་བདུད་ཀྱི་སྦྱོར་བ་མེད། །ཅེས་པ་ནི། གང་གིས་སྡོམ་པ་ཕུན་སུམ་
[243a.7]ཚོགས་པར་གྱུར་ན་བདུད་ཐམས་ཅད་ཉེ་བར་ཞི་བར་འགྱུར་རོ། །ཡི་དམ་ལྷ་ལ་ལུས་འབུལ་ཞིང་། །དམ་ཚིག་ཉམས་པ་བཤགས་པ་དང་། །ཕྱིས་ནི་སྡོམ་པ་འཛིན་བྱེད་པ། །ཞེས་པ་ནི། གང་གི་ཚེ་རང་གི་ཡི་དམ་གྱི་ལྷ་ལ་ལུས་ཕུལ་བ་ལ་སོགས་པས་
[243b]
[243b.1]དེའི་གནོད་པ་ཞི་བར་འགྱུར་རོ། །དེ་ལ་དྲག་པོའི་སྦྱོར་སྔགས་དང་། །མི་འདའ་གསང་བའི་སྔགས་ཟློས་ཞེས་པ་ནི། དམ་ཚིག་གི་སྔགས་དང་། དྲག་པོ་ཆེན་པོ་ཁྲོ་བོའི་སྔགས་ཀྱིས་བཟློག་པའོ། །བདག་ལས་བྱུང་བའི་ཞེས་པ་རང་ལས་ཁྲོ་བོ་གདུག་
[243b.2]པའི་མཚོན་ཆ་ཐོགས་པ་དཔག་ཏུ་མེད་པས་ལུས་དུམ་བུར་གཏུབས་པ་དང་། བདག་གིས་བསྐུལ་བས་ཕྱོགས་བཅུའི་སངས་རྒྱས་ཐམས་ཅད་བསྐུལ་ཏེ། ད་ལས་འོད་མཚོན་ཆར་སྤྲོས་པས་ཞི་བར་འགྱུར་རོ། །ཡུངས་ཀར་དང་ནི་ཞེས་བྱ་བ་ལ་སོགས་པ་ནི་གོ་
[243b.3]སླའོ། །ཡང་ན་བདག་ཉིད་ཁྲོ་བོ་ཡི། །མདུན་གྱི་སྙིང་དུ་སེམས་དཔའ་བསྐྱེད། །ཞེས་བྱ་བ་ལ་སོགས་པའི་དོན་ནི་གང་གིས་ཐོག་མ་ཉིད་དུ་སེམས་དཔའ་སྙིང་ག་ནས་ཕྱུང་སྟེ། དེའི་སྙིང་དུ་བཅུག་ནས་ངེས་པའི་མཚན་མ་སྟོན་ཅིག་ཅེས་ལས་བཅོལ་ཏེ། ཁྲོ་བོ་
[243b.4]ལས་མེ་འབར་བས་ཞི་བར་འགྱུར་རོ། །གང་ཞིག་དེའི་མགྲིན་པར་ཨཱཿདམར་པོ་བཞག་ལ་ཡེ་ཤེས་ཀྱི་ཨཱཿདམར་པོ་བཀུག་སྟེ། དེ་ནས་དེའི་གླང་བའི་ནང་དུ་ཁྲོ་བོ་ཁམས་གསུམ་རྣམ་པར་རྒྱལ་བ་འཁོར་ལོ་ཐོགས་པས་བསྐོར་ཏེ། སྨོས་ཅིག་ཅེས་བརྗོད་པས་འབྱུང་
[243b.5]པོ་གང་ཡིན་པ་སྨྲ་བར་འགྱུར་རོ། །ཐོད་པ་གསུམ་ནི་ཐོད་པ་རློན་པ་དང་། སྐམ་པོ་དང་དུམ་བུར་གྱུར་པའི་ཕྱག་རྒྱས་བཟློག་པའོ། །གཞན་གོ་སླ། འདི་དག་གི་དོན་ཡང་རིན་ཆེན་གོས་སྔོན་ཅན་གྱི་རྣལ་འབྱོར་གྱིས་ཐོད་པ་གསུམ་གྱིའོ། །སྣང་བ་མཐའ་ཡས་ཀྱི་རྣལ་འབྱོར་གྱིས་དམ་ཚིག་གི་ཕྱག་རྒྱའོ། །
[243b.6]རྡོ་རྗེ་གོས་སྔོན་པོའི་རྣལ་འབྱོར་གྱིས་ནི་རྡོ་རྗེ་སྡིགས་མཛུབ་བོ། །ལས་ཀྱི་གོས་སྔོན་ཅན་གྱི་རྣལ་འབྱོར་གྱིས་ནི་རྒྱ་གྲམ་མོ། །བདེ་གཤེགས་གོས་སྔོན་པོ་ཅན་གྱི་རྣལ་འབྱོར་གྱིས་ནི་འཁོར་ལོའི་ཕྱག་རྒྱའོ། །བཀྲ་ཤིས་འཁོར་ལོའི་སྦྱོར་བ་ཡིས། །ཞེས་པ་ནི་གཉེན་པོའི་ཏིང་ངེ་འཛིན་གྱིས་སོ། །ཇི་ལྟར་
[243b.7]ཞེ་ན། ཆགས་པར་གྱུར་ན་རུལ་མྱགས་དང་། །དུམ་བུ་ལང་ལིང་རྣམ་པར་བསམ། །ཞེས་བྱ་བ་ནི། འདོད་ཆགས་སྐྱེས་ན་རུལ་མྱགས་ལ་སོགས་པ་དང་། མི་གཙང་བའི་རྫས་ཉི་ཤུ་ལ་སོགས་པ་དང་ལྡན་པར་འགྱུར་རོ། །ཁྲོ་བར་གྱུར་ན་བྱམས་ལ་སོགས། །ཞེས་པ་ནི་སྙིང་རྗེ་དང་བྱམས་པ་དང་
[244a]
[244a.1]དགའ་བ་བསྒོམ་པའོ། །གཏི་མུག་ལ་སོགས་ཆོས་རྣམས་དབྱེ། །ཞེས་པ་ནི་དགེ་བ་དང་མི་དགེ་བ་ལ་སོགས་པས་དབྱེའོ། །གཞན་གོ་སླའོ། །གལ་ཏེ་བརྡ་དང་ཕྱག་རྒྱ་ལ་སོགས་པའི་སྦྱོར་བ་སྟོན་གྱུར་ན་ཞེས་པ་ནི། བརྡ་དང་ཕྱག་རྒྱ་དང་གར་དང་གླུ་ལ་སོགས་པ་སྟོན་པའོ། །
[244a.2]སྙིང་ནང་ཞེས་པ་ལ་སོགས་པ་གོ་སླའོ། །དེས་གསལ་བར་གྱུར་ན། དེ་ལ་ལན་དང་བཅས་པར་བྱ། །ཞེས་པའི་དོན་ཏོ། །ཇི་ལྟ་བུར་སྟོན་ཅེ་ན། ཐབས་ཀྱིས་སྟོན་ན་ཤེས་རབ་སྟེ། །ཞེས་པ་ནི། གཡས་ཀྱིས་སྟོན་ན་གཡོན་གྱིས་སྦྱིན། །ཞེས་བྱ་བ་ལ་སོགས་པའོ། །ཤེས་རབ་མ་ཡི་སྤྱོད་པ་རྫོགས། །
[244a.3]ཞེས་པ་ནི་ཤེས་རབ་མའི་པདྨ་ལ་སྨྲ་བ་རོལ་པ་དང་། འཕྱང་བ་དང་། འཁྱུད་པ་དང་། འཇིབས་པ་ལ་སོགས་པས་ཞི་བར་འགྱུར་རོ། །གཉིས་འདུས་ཞེས་བྱ་བ་ལ་སོགས་པ་ནི་གོ་སླའོ། །དེ་ལྟར་ན་བདུད་བཟློག་པ་ཡང་གང་ཞིག་སྔགས་ཟློས་པའི་དུས་ཀྱི་བདུད་ལ་དྲག་པོའི་སྔགས་དང་ཕྱག་རྒྱ་ལ་
[244a.4]སོགས་པས་བཟློག་པར་བྱའོ། །བསྐྱེད་པའི་རིམ་པ་ལ་གནས་པའི་བདུད་ལ་ནི། གང་གི་མཚན་མའི་ཏིང་ངེ་འཛིན་ཇི་སྐད་སྨོས་པས་ཞི་བར་བྱའོ། །རྫོགས་པའི་རིམ་པའི་ཏིང་ངེ་འཛིན་ལ་གནས་པས་ནི་སྟོང་པ་ཉིད་ལ་སོགས་པས་ཞི་བར་བྱའོ། །ཡང་ན་སྔགས་ཟློས་པ་ནི་བསྐྱེད་པའི་ཏིང་ངེ་འཛིན་
[244a.5]ལ་སོགས་པའོ། །བསྐྱེད་པའི་ཏིང་ངེ་འཛིན་ལ་སྒྱུ་མ་ལྟ་བུས་སོ། །གང་གི་ཚེ་རྫོགས་པའི་ཏིང་ངེ་འཛིན་ལ་བསྐྱེད་པའི་ཏིང་ངེ་འཛིན་གྱིས་ཤེས་ན་ནི་ཉེས་པ་དང་བཅས་ཤིང་འགལ་བ་དང་བཅས་པར་འགྱུར་རོ། །བདུད་བཟློག་པའི་ཆོ་ག་བཤད་ཟིན་ཏོ། །དེ་ལྟར་སྤྱོད་པའི་རིམ་པ་བསྟན་ཟིན་ཏོ། །
[244a.6]ད་ནི་ཐུན་མོང་གི་དངོས་གྲུབ་བསྟན་པར་བྱ་སྟེ། དེ་ལ་དང་པོ་འབྱུང་པོ་ཚར་གཅད་པའི་ཆོ་ག་བསྟན་པའི་ཕྱིར། གང་ཞིག་བདག་དང་གཞན་རྣམས་ལ། །ཞེས་བྱ་བ་ལ་སོགས་པ་སྨོས་ཏེ། དེ་ལས་གཞི་ཡིད་འོང་ཞེས་པ་ནི་བཤད་ཟིན་ཏོ། །སྔོན་དུ་འགྲོ་བ་རྫོགས་པ་དང་། །ཞེས་པ་ནི། སའི་
[244a.7]ཆོ་ག་ལ་སོགས་པ་རྫོགས་པའོ། །གང་ལྟར་འདོད་པའི་སྐུ་བསྐྱེད་དེ། །ཞེས་པ་ནི་དབང་ཐོབ་པར་བྱས་པ་ལས་བྱུང་བའི་སྐུ་གཡོན་ན་ཕྱོགས་སྐྱོང་གི་རྒྱལ་པོ་གང་ཡང་རུང་བ་ཐོགས་པ་བསྐྱེད་པའོ། །ཞི་བ་ལ་སོགས་སོ་སོ་ཡི། །བཟླས་དང་བསྡུ་བ་རྫོགས་གྱུར་ནས། །ཞེས་པ་ནི། རང་དང་
[244b]
[244b.1]བའི་སྐུ་མདུན་དུ་བལྟས་ཏེ། དེ་ལ་མཆོད་པ་དང་བསྟོད་པ་བྱས་ནས་གང་ཡིན་པའི་མིང་དང་ལས་ཀྱི་སྔགས་སྤེལ་ཏེ། གྲངས་བརྒྱའམ་སྟོང་དུ་རྫོགས་པ་དང་། འཁོར་ལོ་རང་ལ་བསྡུས་ཏེ། ཞི་བར་གྱུར་པའི་ཚོགས་དག་དང་། །གཏོར་མས་ཀྱང་ནི་བཟློག་པར་བྱ། །ཞེས་པ་ཐོག་མ་ཉིད་དུ་ཞི་
[244b.2]བའི་ཚོགས་དང་གཏོར་མས་བཟློག་པའོ། །དེ་ཡིས་འདུལ་བར་མ་གྱུར་ན། །ཞེས་པ་ནི་དེས་མ་ཞི་ན་སྟང་སྟབས་ཀྱིས་གདུལ་ཞེའོ། །དེ་ཉིད་བཤད་པ། རྐང་པ་རལ་གྲི་གཡས་པ་ལ། །ཞེས་པ་ནི་རྐང་པ་གཡས་པ་རལ་གྲི་རབ་ཏུ་འབར་བ་སྦྲུལ་དང་ཆུ་སྲིན་ལ་སོགས་པས་མཛེས་པར་བྱས་
[244b.3]པ་བསམ་མོ། །གཡོན་པ་ལྕགས་ཀྱུའི་སྦྱོར་བ་ཞེས་པ་རྐང་པ་གཡོན་པ་ལྕགས་ཀྱུ་རབ་ཏུ་འབར་བ་འོད་སྣ་ཚོགས་དང་ལྡན་པར་བསམ་མོ། །དེས་ཅི་བྱ་ཞེ་ན། མི་གཡོ་གཡས་གཡོན་སྟང་སྟབས་བྱ། །ཞེས་པ་མི་འགྱུར་བ་ཐ་མལ་པའི་འགྲོས་ཀྱི་ཚུལ་ལ་ཅུང་ཟད་བཏེག་ནས་དགུག་པ་
[244b.4]དང་གདབ་པའི་ཚུལ་བྱའོ། །སྔགས་འོག་ནས་སྟོན་ཏོ། །ལས་གཞན་བསྟན་པ། ནད་པའམ་ནི་གཟུགས་དག་ལ། །དམིགས་པ་ལེན་པར་དབབ་བྱ་སྟེ། །ཞེས་པ་ནི་འབྱུང་པོ་ནད་པའམ་གཟུགས་ལ་བསྡུའོ་ཞེས་པའི་དོན་ཏོ། །རྐང་པ་གཡས་པ་རི་རབ་ནི། །རྒྱ་གྲམ་
[244b.5]འབར་བས་མཚན་པའོ། །ཞེས་པ་རྐང་པ་གཡས་ཀྱི་འོག་ཏུ་རྡོ་རྗེ་རྒྱ་གྲམ་འོད་ཁ་དོག་ལྔ་དང་ལྡན་པ་འོད་ཟེར་ཕྱོགས་བཅུར་འཕྲོས་པ་དེའི་དབུས་སུ་ལཾ་ལས་ས་གཞི་རི་རབ་ལ་སོགས་པ་དང་ལྡན་པར་བསམ་མོ། །རྒྱལ་ཆེན་ཕྱོགས་སྐྱོང་གོང་མ་སྟེ། །ཞེས་པ་ནི། རི་རབ་ལ་
[244b.6]བསམ་བའོ། །ཁྲོ་བོ་བཞི་ནི་འོག་མ་ལ། །ཞེས་པ་ནི། བདེ་གཤེགས་གོས་སྔོན་ཅན་ལ་སོགས་པ་གྲུ་བཞི་ལ་བསམ་པའོ། །བུས་མོ་ཆུ་སྲིན་རྒྱལ་མཚན་ཏེ། །ཞེས་པ་ནི་བུས་མོ་ཆུ་སྲིན་གྱི་ཁ་ནས་བྱུང་བའོ། །གནས་ལྔར་ཁྲོ་བོ་ལྔ་པོ་བསྐྱེད། །ཅེས་པ་ནི་སྤྱི་བོ་ལ་སོགས་
[244b.7]པར་བདེ་གཤེགས་གོས་སྔོན་ཅན་ལ་སོགས་པ་བསམ་མོ། །གཡོན་པ་ལྕགས་ཀྱུའམ་རྡོ་རྗེ། །ཞེས་པ་ནི་རྐང་པ་གཡོན་པ་ལ་ལྕགས་ཀྱུའམ་རྡོ་རྗེ་བསྒོམ་པའོ། །དགུག་པ་ལ་སོགས་སྦྱོར་བྱས་ནས། །ཞེས་པ་ནི་དགུག་པ་དང་བཅིང་པ་བྱའོ། །སྙིང་གར་མནན་པ་ནི་ཁྲོས་
[245a]
[245a.1]པའི་ཤུགས་ཀྱིས་འབྱུང་པོ་གཟིར་བའི་སྔགས་བཟླས་ཤིང་རྐང་པ་གཡས་པས་སྙིང་གར་མནན་ནོ། །གཞན་གོ་སླའོ། །ལས་གཞན་གྱི་སྦྱོར་བ་བསྟན་པ། ཡང་ན་སྙིང་ནང་མེ་དཔུང་བསྐྱེད། །འབར་བ་དང་ནི་སྲེག་པས་འགྲུབ། །ཅེས་པ་ནི་འབྱུང་པོའི་སྙིང་དུ་ཁྲོ་
[245a.2]བོ་མེ་ལྟར་འབར་བ་བསམས་ལ་དེའི་འོད་ཀྱིས་འབྱུང་པོ་ཚིག་བར་བསམ་མོ། །གོང་མའམ་ནི་ཞེས་པ་བཤད་མ་ཐག་པའི་རིམ་པས་སོ། །ཁྲོ་བོ་བཅུས་འགྲུབ་ཅེས་པ་ནི་ཁྲོ་བོ་མེ་ལྟར་འབར་བའི་རྟོག་པ་ལས་འབྱུང་བ་ཉིད་དོ། །དེ་ལྟར་འབྱུང་པོ་ཐམས་ཅད་གདུལ་བ་བསྟན་ནས། ཁྱད་
[245a.3]པར་ཀླུ་ཡི་སྦྱོར་བ་ཡང་། །ཞེས་པ་ལ་སོགས་པས་ཀླུ་གཟིར་བ་ལ་སོགས་པ་བཤད་པར་བྱ་སྟེ། དེ་ལ་གཟིར་བ་མཁའ་ལྡིང་ལྔ་པོ་སྟེ། །ཞེས་པ་ནི་བཤད་པ། ལྔ་ལ་ལྔ་ནི་ལེགས་གནས་ཏེ། །ཞེས་པ་ནི་གཡས་པ་ལ་རྡོ་རྗེ་རྩེ་ལྔ་པ་གདེངས་པ་ལ་བྱ་ཁྱུང་ལྔ་པ་བསམ་པའོ། །གཡོན་
[245a.4]པ་ལ་ནི་ལྕགས་ཀྱུ་ལྔ་བསམ་མོ། །པུས་མོ་དཔུང་པ་རྣམ་བཞི་ལ། །ཐོགས་མེད་འཁོར་ལོ་བཞི་བསམས་ཏེ། །ཞེས་པ་བྱུ་ཁྱུང་བཞི་བསམ་པའོ། །རྡོ་རྗེས་བསྲེགས་ཤིང་ལྕགས་ཀྱུས་འཛིན། །ཞེས་པ། རྡོ་རྗེ་ལས་འོད་བྱུང་བས་ཀླུ་ཐམས་ཅད་ནད་པའི་ལུས་ལས་བཀུག་སྟེ་ལྕགས་
[245a.5]ཀྱུས་བཟུང་ངོ་། །གང་ཞིག་ཅེས་བྱ་བ་ལ་སོགས་པ་ནི། གོང་མ་བཞིན་དུ་བཤད་དོ། །ཙ་ལས་བྱུང་བ་ནི་འཁོར་ལོའོ། །ཁྲོཾ་ལས་བྱུང་བ་ནི་བྱ་ཁྱུང་ངོ་། །འོད་ཟེར་གྱིས་ཞེས་པ་ལ་སོགས་པ་ནི་རང་དང་འདྲ་བ་སྤྱན་དྲངས་ཏེ་བསྟིམ་པའོ། །བདག་འོད་བུ་ག་དགུ་སོགས་ཞུགས། །ཞེས་
[245a.6]པ་ནི་ལུས་ཁྱབ་པར་བསྟན་ཏོ། །ལྟེ་བའི་འཁོར་ལོ་ནི་མེ་བསྐུལ་བའོ། །གཡས་ཀྱི་རྡོ་རྗེས་སྔར་བ་ཡང་དེ་ཉིད་དོ། །གཞན་གོ་སླ། །ཡང་ན་ནང་དུ་བསྲེག་པར་བྱ། །ཞེས་པ་ནི། ནད་པའི་ལུས་ཐམས་ཅད་མེ་འབར་བས་ནང་པར་བཅས་པ་བསྲེགས་ཏེ། རླུང་གིས་གཏོར། ཆུས་བཀྲུས་
[245a.7]པ་ལས་རིམ་གྱིས་ཕྱག་ན་རྡོ་རྗེ་བསྐྱེད་དེ་དབང་བསྐུར་སྔགས་བཟླས་པའོ། །ཀླུའི་ཚོགས་ཀྱི་ལས་སུ་བྱ་བ་ནི། ཟངས་སོགས་དམར་པོའི་སྣོད་དུ་བཀོད། །ཅེས་པ་པདྨ་འདབ་མ་བརྒྱད་པའི་གཟུགས་བྱས་ལ་བཀོད་པའོ། །བདུད་རྩིས་གསོ་བ་ནི་ནཱ་ག་གེ་སར་དང་དབང་པོ་ལག་པ་ལ་
[245b]
[245b.1]སོགས་པ་བ་དམར་མོའི་འོ་མ་དང་སྦྱར་ཏེ་གསོ་བའོ། །གཞན་ནི་བཤད་ཟིན་ཏོ། །གང་གིས་ནད་པའི་ལས་སུ་བྱ་བའང་གང་གི་ཐོག་མར་ནང་པ་བྱང་ཆུབ་ཏུ་སེམས་བསྐྱེད་དེ། སྡོམ་པ་དང་དམ་ཚིག་ལ་སོགས་པ་ཡང་དག་པར་བླངས་ནས། དེ་ནས་ལས་སུ་བྱ་བ་གང་ཡང་རུང་བས་འབྱུང་པོ་ཕྲལ་
[245b.2]ཏེ། དེ་ནས་དྲག་པོའི་སྔགས་ཉེ་བར་བཟླས་པའི་ཆུས་ཉིན་ལན་གསུམ་མཚན་ལན་གསུམ་དུ་བཀྲུ་བར་བྱའོ། །དབང་བསྐུར་ཏེ། དེས་ཡན་ལག་ཡོངས་སུ་རྫོགས་པར་འགྱུར་རོ། །བགེགས་བཟློག་པའི་ཆོ་ག་བཤད་ཟིན་ཏོ། །དེ་ནས་གདུག་པ་ཅན་གདུལ་བའི་ཆོ་ག་བཤད་པའི་
[245b.3]ཕྱིར། གང་ཞིག་གདུག་པ་འདུལ་འདོད་པས། །ཞེས་བྱ་བ་ལ་སོགས་པ་སྨོས་ཏེ། གདུག་པ་ནི་བྱང་ཆུབ་སེམས་དང་མི་ལྡན་ཞིང་དུས་ཐམས་ཅད་དུ་གཞན་ལ་གནོད་པར་ཞུགས་པའོ། །དེ་བསད་པ་ནི་ལུས་སེམས་དབྲལ་བའོ། གནས་གང་དུ་ཞེ་ན། དུར་ཁྲོད་ལ་སོགས་འཇིགས་གནས་
[245b.4]སུ། །ཞེས་དུར་ཁྲོད་དང་། རི་ཁ་རལ་དང་སུམ་མདོ་དང་། གྲག་གླིང་ལ་སོགས་པའི་བཀྲ་མི་ཤིས་པའི་གནས་སུ་བྱའོ། །དྲག་པོའི་དཀྱིལ་འཁོར་དུག་གིས་བྲི། །ཞེས་པ་ཀུན་དུ་ཁྲུ་རེ་ཡོད་པའི་གནས་སུ་དུག་དང་གྲི་བོའི་ཁྲག་དང་། སོལ་ཆེན་གྱིས་བྱུག་པར་བྱའོ། །གཞན་གོ་སླ། ཚ་བ་བསྐྱེད་
[245b.5]པའི་སྦྱོར་བ་བྱ། །ཞེས་པ་ནི། ནིམ་པ་ལ་སོགས་པའི་ཤིང་ལ་མེ་སྦར་ལ་གང་གི་རྫས་གོང་མ་དང་ཚ་བ་གསུམ་དང་འབྲུ་མར་དང་བསྲེས་ཏེ། བྱུགས་ཤིང་བསྐམ་མོ། །གཞན་གོ་སླ། བདག་ལས་སྤྲུལ་པའི་ཁྲོ་བོའི་ཚོགས། །ཞེས་པ་རྩ་བའི་སྔགས་ཀྱི་འོད་ལས་འཇིག་རྟེན་གྱི་ཁམས་
[245b.6]ཁྲོ་བོའི་ཚོགས་ཀྱིས་རྒྱས་པར་བྱའོ། །རྡོ་རྗེ་དགུག་པའི་སྔགས་རྩ་བའི་སྔགས་དང་སྤེལ་ཏེ། བཟླས་པར་བྱའོ། །དེས་ཅི་བྱེད་ཅེ་ན། ལྕགས་ཀྱུ་ལ་སོགས་བཞི་པོ་སྤྲོས། །ཞེས་པ་ནི། ལྕགས་ཀྱུ་ཅན་དང་ཞགས་པ་ཅན་དང་། ལྕགས་སྒྲོག་ཅན་དང་། ཐོ་བ་ཅན་གྱིས་དགུག་པ་དང་
[245b.7]གཞུག་པ་དང་བཅིང་བ་དང་བརྡུང་བའི་ལས་ཀྱིས་གདུལ་བྱ་བསྟིམ་པ་ཉིད་དོ། །ལས་ཀྱི་རྒྱའམ་རི་རབ་ཀྱིས། །དེ་ཡི་སྟེང་ནས་མནན་པར་བྱ། །ཞེས་པ་ནི། སྤྱི་བོར་རྒྱ་གྲམ་དང་རི་རབ་དེའི་ལྟེ་བ་ལ་བསམ་པར་བྱའོ། །བྱིན་གྱིས་བརླབས་པའི་ལྷ་ནི་དབང་བསྐུར་བའི་ལྷ་སྟེ་སྙིང་གའི་ས་བོན་ནོ། །
[246a]
[246a.1]ལས་ཀྱི་ཁྲོ་བོ་ནི་བདུད་རྩི་འཁྱིལ་པ་སྟེ། །དེས་དབྱེ་བ་ནི་དབྲལ་བའོ། །དེ་དག་གི་དོན་ཡང་གདུལ་བྱ་མདུན་དུ་བསམས་ཏེ། དེའི་སྙིང་གི་ནང་ན་དབང་བསྐུར་བའི་དུས་ཀྱི་ཡེ་ཤེས་སེམས་དཔའ་གསལ་བར་གྱུར་པ་དང་། རང་ལས་ཁྲོ་བོ་བདུད་རྩི་འཁྱིལ་པ་སྤྲོས་ཏེ། མཉེས་པར་བྱས་
[246a.2]ནས་ཉེས་པ་བསྒོ་སྟེ། དེས་ན་དེ་ཁྲོས་པར་གྱུར་པས་ཁྲག་འཐུང་བར་བསམ་པའོ། །སྲོག་རྩའི་བདག་པོ་བྲམ་ཟེའི་གཟུགས། །ཞེས་པ་ནི་སྲོག་རྩའི་ནང་ན་བྲམ་ཟེའི་གཟུགས་འོད་ལྟ་བུར་གནས་པའོ། །གདུག་པའི་ཁྲོ་བོས་སྦྱར་མས་བདུག །ཅེས་པ་ནི། ཁམས་གསུམ་རྣམ་པར་རྒྱལ་
[246a.3]བས་གུ་གུལ་སྦྱར་མས་བདུག་པའོ། །ཁྲོས་པའི་སྟོབས་ཀྱིས་ཁྲག་འབྱིན་པ་ནི་སྲོག་ལྷ་ཁྲོས་པས་སྲོག་རྩ་ཆད་པར་འགྱུར་བའོ། །སྤྲུལ་པ་ཐོགས་ལྔ་ལ་སོགས་པ་ནི་བཤད་ཟིན་ཏོ། །གཞན་གོ་སླ། ཐོག་ཆེན་སྦྱོར་བའི་ལས་བྱས་ནས། །ཞེས་པ་ནི་མཚོན་ཆའི་ཆར་འབབ་པར་བསམ་
[246a.4]པའོ། །གང་གིས་ཤེ་ན། དཀྱིལ་འཁོར་ཀུན་གྱིས་ཏེ། སྤྲུལ་པའི་དཀྱིལ་འཁོར་ཐམས་ཅད་ཀྱིས་སོ། །ལྕགས་ནི་མི་བསད་པ་ལ་སོགས་པའོ། །རིགས་མཐུན་པ་ནི་དུག་དང་། ཚེར་མ་དང་། མདོག་ནག་པོར་གྱུར་པའི་ཤིང་ངོ་། །ཁྲོ་བོ་དེ་དང་མཐུན་པ་ནི་སྟོང་འཕགས་པ་གོས་སྔོན་པོ་ཅན་
[246a.5]ལ་སྨད་ལྕགས་རབ་ཏུ་འབར་བར་གྱུར་པའོ། །དཀྱིལ་འཁོར་ཀུན་ནི་སྔ་མ་བཞིན་ནོ། །རལ་གྲི་ལ་སོགས་པ་ཡང་དཀྱིལ་འཁོར་ཀུན་གྱི་ཞེས་པ་དང་འབྲེལ་པར་ཤེས་པར་བྱའོ། །གཞན་གོ་སླ། །ཁྲོ་ཆུང་སྦྱོར་བ་ནི་ཁྲོ་བོ་མེ་དཔལ་རབ་ཏུ་འབར་བར་བསམ་པའོ། །དུག་དང་མྱོས་པའི་ཆུར་
[246a.6]སྦྱར་ཏེ། །ཞེས་པ་ནི་བཅོས་པའི་ཆང་དང་སྦྱར་བའོ། །གདུག་པའི་སྦྲུལ་ནག་སྦྱོར་བ་ནི་སྟོང་གསུམ་ནས་སྦྲུལ་ནག་པོ་བཀུག་པས་དུག་སྐྱུགས་ཏེ་གང་བར་གྱུར་པའོ། །བཀུག་ཅིང་ཁ་རུ་བླུགས་གྱུར་ན། །ཞེས་པ་ནི་གདུལ་བྱ་བཀུག་སྟེ། དུག་ཁར་བླུགས་ན་འཆི་ཞེས་པའི་དོན་
[246a.7]ཏོ། །བུད་མེད་ཐོད་པ་ནི་རིམས་ཀྱིས་ཤི་བའི་ཐོད་པའོ། །སྙིང་ནང་མ་མོའི་སྦྱོར་བ་ཡིས། །ཞེས་པ་ནི། ནག་པོ་ཆེན་པོའི་སྲིན་མོ་སྙིང་དུ་བསྐྱེད་པའོ། །ཁར་བླུགས་གྱུར་ན་ཞེས་པ་ནི་ཁར་བླུགས་པ་མ་མོ་ལ་ཕོག་པས་སྙིང་རྩ་གཅད་དེ་ཁྲག་འཐུངས་པའོ། །ཐོད་པར་ཀླད་པ་འཁོར་ལོ་
[246b]
[246b.1]བསྐོར། །ཞེས་པ་ནི། ཀླད་པའི་ནང་དུ་མ་མོས་ཐོད་པ་ཀླད་ལ་བསྐོར་ཞིང་རུ་ལུ་རུ་ལུ་ཞེས་གྲགས་པར་བསམས་ན། མགོ་འཁོར་བར་འགྱུར་རོ། །གཞན་གོ་སླ། མཛེ་ཅན་ཁྲག་གི་སྦྱོར་བ་ཡིས། །ལུས་ནང་གང་ནས་ཞེས་པ་ནི། མཛེས་ཟིན་ཏེ་ཤི་བའི་ཁྲག་གཏོར་ཞིང་བསམ་གཏན་
[246b.2]གྱི་ལུས་ཁྲག་གིས་གང་ནས་ལྕགས་སྦྲང་ངམ། ལྕགས་སྡིག་སྲིན་བུ་ལ་སོགས་པས། །བ་སྤུའི་བུ་གར་སྦྱོར་ཞེས་པ་ནི། ཁྲག་ལུས་ལས་སྲིན་བུ་དང་། སྦྲང་མ་དང་། སྡིག་པའི་ཚོགས་བྱུང་ནས་ཤ་དང་རུས་པ་ལ་ཐུག་པར་ཟོས་པར་བསམས་ན་མཛེས་འཆི་བར་འགྱུར་རོ། །གོང་དུ་ཤ་
[246b.3]བའི་འཁོར་ལོར་ལྡན། །ཞེས་པ་ནི་ཤ་བའི་ལུས་ལ་འཁོར་ལོ་རྩིབས་བཞི་པའི་དབུས་ན་མིང་བྲི། རྩིབས་བཞི་ལ་ཧཱུཾ་ཞེས་པ་བཞི་བྲིས་ལ། ལུག་གི་ཐོད་པའམ་ལྐུགས་ནས་ཤི་བའི་ཐོད་པར་བཅུག་སྟེ་མནན་ན་ལྐུགས་ནས་ཤི་བར་འགྱུར་རོ། །ལྕེ་ལ་རི་རབ་སྦྱོར་བ་བྱ། །ཞེས་པ་ནི་ཁམས་
[246b.4]གསུམ་རྣམ་པར་རྒྱལ་བས་ལྕེ་དྲངས་ཏེ། ལཾ་ལས་རི་རབ་ཀྱིས་མནན་ན་ཡང་དེ་བཞིན་ནོ། །གཞན་གོ་སླ། སྙིང་ནང་སྦྲུལ་ནག་བཅུག་བྱས་ཏེ། །ཞེས་པ་ནི་སྙིང་གི་ནང་དུ་སྦྲུལ་ནག་པོ་བསྐྱེད་ལ་སྟོང་གསུམ་གྱི་སྦྲུལ་ནག་པོ་ཐམས་ཅད་བློས་བཀུག་སྟེ། དེའི་ལུས་ལ་བསྡུས་ན་དེ་ལྟར་
[246b.5]འགྱུར་རོ་ཞེས་པའི་དོན་ཏོ། །དེ་ལྟར་རྫས་ལ་སོགས་པའི་སྦྱོར་བས་བསད་པའི་ཆོ་ག་བསྟན་ནས། ད་ནི་བསམ་གཏན་འབའ་ཞིག་པའི་བསད་པ་བསྟན་པའི་ཕྱིར། བསམ་གཏན་ཁོ་ན་ཡིས་ཞེས་བྱ་བ་ལ་སོགས་པ་སྨོས་ཏེ། མདུན་དུ་ཟ་བྱེད་ཁ་གདེངས་ལ། །ཞེས་པ་ནི་སྒྲུབ་པའི་མདུན་
[246b.6]དུ་ཁྲོ་བོ་ཟ་བྱེད་ཁ་གྱེན་དུ་ལྟ་བ་ཁ་ནས་མེ་འབར་བ་བསམས་ལ་དེའི་སྟེང་དུ་བསྒྲུབ་བྱ་བ་ཀུག་སྟེ། བསམ་གཏན་གྱི་ཕུར་བུ་སྤྱི་བོར་བཏབ་པས་རྐང་པར་ཐལ་བྱུང་སྟེ། དེའི་རྗེས་སུ་ཁྲག་ཕྱུང་བས་ཟ་བྱེད་ཀྱི་ཁར་སོང་བར་བསམ་པ་ནི་ལས་གཞན་གྱི་སྦྱོར་བའོ། །ཡང་ན་སྤྱིའུ་ཚུགས་གྱུར་
[246b.7]པ་ནི་སྡིག་ཅན་གྱི་བར་མདོ་ལྟ་བུ་སྟེ། གོང་གི་ཁྲོ་བོ་གཉིས་ཀྱིས་རྐང་པ་གཉིས་ནས་བཟུང་བའོ། །རྡོ་རྗེ་ནི་ཞེས་པ་གོ་སླ། སུམ་སྐོར་འོད་ཀྱི་སྦྱོར་བ་ཡིས། །ཞེས་པ་ནི་རང་གི་འོད་ཀྱིས་ཡེ་ཤེས་ཀྱི་འཁོར་ལོ་འཕྲོས་ཏེ། དེ་ལས་རྡོ་རྗེ་བྱུང་བ་སྤྱི་བོའི་བར་ལ་ཐུག་གོ། །འོད་ཟེར་སྙིང་ལ་སོགས་པར་
[247a]
[247a.1]སྲེག །ཅེས་པ་ནི་རྡོ་རྗེ་ལས་འོད་མེ་ལྟ་བུ་བྱུང་བས་ལུས་ས་བོན་དང་བཅས་པ་སྲེག་པར་བྱེད་དོ་ཞེས་པའི་དོན་ཏོ། །ཡང་ན་འོད་ཟེར་ནག་པོའམ། །ཞེས་པ་ལ་སོགས་པའི་དོན་ནི། རང་ལས་འོད་ནག་པོ་སྤྲོས་པས་གདུལ་བྱའི་ལྟེ་བར་མེ་འབར་ཏེ། སྤྱི་བོ་ན་ས་བོན་བཀུག་ནས་
[247a.2]རྡོ་རྗེའི་ལམ་དུ་ཕྱུང་སྟེ། ཁྲོ་བོ་ཟ་བྱེད་ཀྱི་ཁར་སོང་བར་བསམ་མོ། ཡང་ན་རྡོ་རྗེའི་ཡི་གེ་གསལ། །ཞེས་པ་ལ་སོགས་པའི་དོན་ནི་འཁོར་ལོ་བཞིས་གསལ་བར་བྱས་ཏེ། རྡོ་རྗེ་རབ་ཏུ་འབར་བས་སྤྱི་བོ་ནས་བཤང་བའི་ལམ་ལ་ཐུག་པར་ཐལ་ཏེ། ས་བོན་ཐམས་ཅད་བཤིག་པ་དང་བསྲེག་པ་དང་
[247a.3]དབྱུང་བར་བྱའོ་ཞེས་པའི་དོན་ཏོ། །གཞན་གོ་སླ། ཡང་ན་འཁོར་ལོ་ནག་པོའི་སྟེང་། །ཞེས་པ་ནི། ཙ་ནག་པོ་ལས་བྱུང་བའི་འཁོར་ལོའི་སྟེང་དུའོ། །དེའི་སྟེང་དུ་བསྒྲུབ་བྱ་བཞག་ལ་སྙིང་གི་ནང་དུ་ཞེས་པ་ལ་སོགས་པའི་དོན་ནི་རང་གི་ས་བོན་ལས་ཕུ་སྤྲོས་ཏེ། དེ་ནས་སྦྲུལ་ནག་པོ་བསམ་
[247a.4]གྱིས་མི་ཁྱབ་པ་བསྐྱེད་ཅིང་བཀུག་ལ་སྦྲུལ་ནག་པོའི་ཚོགས་ཀྱིས་ཤ་ཟོས་པས་སྲིན་བུ་དང་སྦྲང་བུ་བྱུང་ནས་ཟ་བར་བསམ་མོ། །ལྟེ་བའི་ཡི་གེ་བསམས་ནས་ཀྱང་། །ཞེས་པ་ནི་ཨ་ཐུང་ངུའོ། །རཾ་ལས་བྱུང་བ་ནི་མེ་འབར་བའོ། །ཡི་གེ་དཀྲུགས་པ་ལ་སོགས་པའི་དོན་ནི་བཤད་ཟིན་ཏོ། །གཞན་
[247a.5]གོ་སླ། ཡང་ན་དབང་ཕྱུག་མཐུ་ཆེན་གྱིས། །ཞེས་པ་ལ་སོགས་པའི་དོན་ཏེ། །གང་གིས་དྲག་པོའི་ལས་ཀྱི་སྦྱོར་བ་འདི་རྣམས་ཀྱང་ཐོག་མ་ཉིད་དུ་རང་གི་ཆོ་ག་ཡོངས་སུ་རྫོགས་པར་བྱ་སྟེ། ཡན་ལག་དང་བཅས་པའི་བསྐྱེད་པའི་ཏིང་ངེ་འཛིན་བརྟན་པས་སོ། །ཡན་ལག་ནི་གང་བསྐྱེད་
[247a.6]པ་ལ་བརྟེན་པ་ནི་གང་ཞེ་ན། འདིར་ཡན་ལག་ནི་སྡོམ་པ་ཕུན་སུམ་ཚོགས་པ་དང་། དབང་ཐོབ་པ་དང་ཚོགས་ཡོངས་སུ་རྫོགས་པའོ། །བསྐྱེད་པ་ལ་བརྟེན་པ་ནི་བསྐྱེད་པ་ལས་སུ་རུང་བ་སྟེ་འདི་ལྟར་ཤིན་ཏུ་གསལ་བ་དང་། ཡུན་ཐུབ་པ་དང་། ཁམས་ལ་གནོད་པ་མེད་པ་དང་སྣ་ཚོགས་
[247a.7]པར་གྱུར་པའོ། །དེས་ཀྱང་གདུལ་བྱ་ཞིང་དུ་གྱུར་པ་ལ་བསྒྲུབ་པར་བཤད་དོ། །གདུལ་བྱ་ཞིང་དུ་གྱུར་པ་ཞེས་བྱ་བ་ཅི་ལྟ་བུ་ཞིག་ཅི་ན་ཡུལ་དམ་པ་ཁྱད་དུ་གསོད་པ་དང་། བསྒོམ་པ་ལ་སོགས་པ་མི་འཛིན་པ་དང་གང་གིས་ཐབས་གཞན་གྱིས་མི་འདུལ་བའོ། །དྲག་པོ་ལས་ཀྱི་བསྒྲུབ་པ་
[247b]
[247b.1]བཤད་ཟིན་ཏོ། །ད་ནི་རྫས་ལྷག་པར་གནས་པའི་ཆོ་ག་བཤད་པར་བྱ་སྟེ། དེའི་ཕྱིར། གཞན་ཡང་དངོས་གྲུབ་སྦྱོར་བ་རྣམས། །ཞེས་བྱ་བ་ལ་སོགས་པ་སྨོས་ཏེ། ལས་ཞི་བའི་རྒྱུ་ལས་བྱུང་བ་ནི། དངུལ་ལ་སོགས་པ་ལས་བྱས་པའོ། །གང་ལྟར་འདོད་པའི་དབྱིབས་སུ་བསྒྱུར། །
[247b.2]ཞེས་པ་ནི་རྩེ་མོར་འདུས་པ་དང་གདེངས་པོ་ལ་སོགས་པའོ། །འོད་དུ་ཞུ་ཞེས་པ་ལ་སོགས་པའི་དོན་ནི་རྡོ་རྗེ་དག་པ་ལས་ཧཱུཾ། དེའི་འོད་ཀྱིས་རྡོ་རྗེ་ལས་ལ་སོགས་པ་བསྐྱེད་པའི་རིམ་པ་བཞིན་ནོ། །འོད་དུ་ཞུ་བ་ལས་དེ་ལས་རྡོ་རྗེ་ཁ་དོག་ལྔ་ཞེས་པ་ཞི་བ་ལ་སོགས་པའི་དབང་དུའོ། །སྔགས་དངོས་སུ་བས།
[247b.3]དེའི་བསམ་གཏན་ནི། ཡེ་ཤེས་རྟགས་རྣམས་བཀུག་བྱ་སྟེ། །ཞེས་པ་ལས་ཀྱི་དབང་དུ་རྡོ་རྗེ་དཀར་པོ་ལ་སོགས་པ་བཀུག་ཅིང་བསྟིམ་མོ། །གཞན་གོ་སླ། དྲིལ་བུ་ཕྲེང་བ་ལ་སོགས་པའང་། །ཞེས་པ་ལ་སོགས་པའི་དོན་ནི། དྲིལ་བུ་དང་ཕྲེང་བ་ལ་སོགས་པའི་མཚན་མ་ཐམས་ཅད་དང་ལུགས་
[247b.4]མ་དང་། བྲིས་སྐུ་ལ་སོགས་པ་ཐམས་ཅད་བྱིན་གྱིས་བརླབས་པ་དང་དབང་བསྐུར་བ་དང་སྒྲུབ་པ་བྱས་ན་ནུས་པ་ཕུན་སུམ་ཚོགས་པར་འགྱུར་རོ་ཞེས་པའི་དོན་ཏོ། །དེ་ནས་ཁྲུས་ཀྱི་ཆོ་ག་བསྟན་པར་བྱ་སྟེ། དེའི་ཕྱིར། ཇི་སྲིད་ཁྲུས་ཀྱི་སྦྱོར་བ་ནི། །ཞེས་བྱ་བ་ལ་སོགས་པ་སྨོས་ཏེ། དེ་ལ་གང་གིས་
[247b.5]བུམ་པ་སྦྱངས་ནས་ཞེས་པ་ནི་སྟོང་པ་ཉིད་ལས་བྷྲཱུཾ་ལས་བུམ་པ་གཞལ་ཡས་ཁང་དུ་གྱུར་པའོ། །པདྨ་བཞི། ཞེས་པ་ལ་སོགས་པ་ནི་བསྐྱེད་པའི་རིམ་པ་བཞིན་ནོ། །དག་པའི་སྔགས་ནི་འོག་ནས་སྟོན་ཏོ། །ཡེ་ཤེས་ཆུ་བོ་ནི་བྱང་ཆུབ་སེམས་ཏེ་གང་གིས་དེར་བྱིན་གྱིས་བརླབས་པ་དེ་ལ་དེ་སྐད་
[247b.6]ཅེས་བྱའོ། །དམ་པའི་དོན་ནི་སྟོང་པ་ཉིད་དོ། །ལྷ་མོ་རྒྱུན་འབབ་ནི་བྱང་ཆུབ་སེམས་ཀྱི་ཆུའོ། །ཁྲུས་འདི་དག་ལ་རྫས་ལ་བརྟེན་པའི་ཁྲུས་ཀྱང་ཡོད་དོ། །འདི་སྐད་སྨོས་པའོ། །གཉེན་པོར་གྱུར་པའི་ཁྲུས་ཀྱང་ཡོད་དེ། གང་དང་གང་འགལ་བར་འགྱུར་བའི་འགལ་བ་དེ་ཡོད་
[247b.7]དེ་མེད་པར་འགྱུར་བའོ། །ཡོངས་སུ་དག་པ་བླ་ན་མེད་པའི་ཁྲུས་ཀྱང་ཡོད་དེ་དེ་བཞིན་ཉིད་ལྟ་བུའོ། །ཐུན་མོང་གི་ཁྲུས་ཀྱང་ཡོད་དེ་ཇི་སྐད་སྨོས་པ་དེ་ཉིད་དོ། །ཐུན་མོང་མ་ཡིན་པའི་ཁྲུས་ཀྱང་ཡོད་དེ་བདུད་རྩི་རྣམ་པ་ལྔ་ལ་སོགས་པའོ། །འདིར་རྣམ་པར་བྱང་བའི་ཆོས་ཐམས་ཅད་
[248a]
[248a.1]ཀྱང་ཁྲུས་ཀྱི་ངོ་བོ་ཉིད་ཁྲུས་ཀྱང་ཆོས་ཐམས་ཅད་ཀྱི་ངོ་བོ་ཉིད་དོ། །ཁྲུས་ཀྱི་ཆོ་ག་བཤད་ཟིན་ཏོ། །ད་ནི་སྔགས་ཀྱི་ཆོ་ག་བཤད་པར་བྱ་སྟེ། ཨོཾ་ན་མོ་ལ་སོགས་པ་ནི་བསྙེན་པའི་སྔགས་སོ། །འོག་མ་ནི་བཅིང་བའོ། །མོ་ཧ་ཡ་ནི་རྨོངས་པའོ། །ཤཱནྟིཾ་ཀུ་རུ་ནི་ཞི་པའིའོ། །པུཥྚིཾ་
[248a.2]ཀུ་རུ་ནི་རྒྱས་པའོ། །བ་ཤཾ་ཀུ་རུ་ནི་དབང་གིའོ། །མཱ་ར་ཡ་ནི་བསད་པའོ། །སྟམ་བྷ་ཡ་ནི་མནན་པའོ། །བ་ལིཾ་ཞེས་བྱ་བ་ལ་སོགས་པ་ནི་གཏོར་མ་སྦྱིན་ཞིང་ལས་བཅོལ་པའི་སྔགས་སོ། །ཨོཾ་རཏྣ་ཏྲི་ཤ་མ་ཞེས་པ་ལ་སོགས་པ་ནི་ལྷའི་གདོན་བཟློག་པའི་སྔགས་ཏེ་ལས་ཀྱི་སྔགས་ནི་གཞན་
[248a.3]ལ་ཡང་སྦྱར་བར་བྱའོ། །ནཱ་ག་རཱ་ཛ། ཞེས་པ་ལ་སོགས་པ་ནི་ཀླུ་སོ་སོའི་མིང་གི་སྔགས་སོ། །ཨ་པསྨ་ར་ཞེས་པ་ནི་ལྟོ་འཕྱེ་བཟློག་པའོ། །སརྦ་པྲེ་ཏ་ནི་ཡི་དགས་ཐམས་ཅད་བཟློག་པའོ། །ཤུདྷེ། ཞེས་བྱ་བ་ལ་སོགས་པ་ནི། སྡིག་པ་དག་པར་བྱེད་པ་སྟེ་ཁྲུས་ཀྱིའོ། །གྲྀཧྞ་ལ་
[248a.4]སོགས་པ་ནི་ལས་ཀྱི་སྔགས་བསྡུས་པའོ། །བ་ར་བི་ཏྭ་ན། ཞེས་པ་ལ་སོགས་པ་ནི་རིག་སྔགས་བདག་པོ་དང་བཅས་པ་སྟེ། གོང་གི་མཐའ་དང་བཅས་པས་འཇོམས་པར་བྱེད་དོ། །སྔགས་ཀྱི་བསྒྲུབ་པ་བཤད་ཟིན་ཏོ། །ད་ནི་རྫོགས་པའི་རིམ་པ་བཤད་པར་བྱ་སྟེ། དེའི་ཕྱིར།
[248a.5]གང་ཞིག་དངོས་གྲུབ་མཆོག་འདོད་པ། །ཞེས་པ་ལ་སོགས་ཏེ། དེ་ལ་མཆོག་གི་དོན་ནི་མཆོག་གི་དངོས་གྲུབ་སྟེ་སྐུ་གསུམ་མོ། །དེ་སྒྲུབ་པ་ནི་བསྒྲུབ་པར་འདོད་པའོ། །དེ་ཡི་ནོར་བུ་བཞིན་བསྒྲུབ་ཕྱིར། །ཞེས་པ་ནི་ནོར་བུ་དང་འདྲ་བར་ཐོགས་པ་མེད་པར་འབྱུང་བའི་ཕྱིར་རོ། །དེ་ཉིད་
[248a.6]རྒྱན་ནི་བཤད་པར་བྱ། །ཞེས་པ་ནི། རྫོགས་པའི་རིམ་པ་གསལ་བར་བཤད་པར་བྱ་སྟེ། དེ་ལ་རྫོགས་པ་ཞེས་པ་ནི་སྐུ་གསུམ་སྟེ། ཆོས་ཐམས་ཅད་འབྲས་བུར་གྱུར་པ་ཉིད་དོ། །དེའི་དངོས་ཀྱི་རྒྱུར་གྱུར་པ་ནི་རྫོགས་པའི་རིམ་པ་སྟེ་གང་གིས་བསྒོམ་པའི་རིམ་པ་ཉིད་དོ། །འདིར་
[248a.7]ཡང་རྫོགས་པ་ལ་དམིགས་པའི་ཕྱིར་ཏེ། འབྲས་བུའི་ཚུལ་དུ་དང་དམིགས་པའི་ཚུལ་དུའོ། །དམིགས་པའི་ཚུལ་ཡང་རྫོགས་པའི་རིམ་པ་ཞེས་བྱ་སྟེ། ཡོད་པ་དངོས་སུ་བསྒོམ་པ་ཉིད་ཀྱི་ཕྱིར་རོ། །སྙིང་གར་བཅུ་དྲུག་བརྒྱད་དང་བཞི། །དབུས་གནས་ཐབས་དང་ཤེས་རབ་བར། །དཀར་
[248b]
[248b.1]ཞིང་ཟླུམ་པའི་ཐིག་ལེ་བསམ། །ཞེས་པ་ནི། སྙིང་གི་ནང་དུ་རྩ་པདྨ་འདབ་མ་བརྒྱད་པ་གཉིས་དང་། བཞི་པ་གཉིས་ཀྱི་དབུས་སུ་ཟླ་བ་ཉི་མ་ཁ་སྦྱོར་དུ་བྱས་ཏེ། དེའི་དབུས་སུ་བྱང་ཆུབ་སེམས་ཀྱི་ཐིག་ལེ་སྐྲ་རྩེའི་ཚད་ཙམ་དཀར་ཞིང་ཟླུམ་པ་བསམ་པར་བྱའོ། །འབྱུང་བཞིའི་དང་པོ་ཡི་གེ་
[248b.2]བརྒྱད། །ཅེས་པ་ནི་ཡ་ར་ལ་ཝ་བཞིས་ནང་གི་པདྨ་ལ་བརྒྱན་པ། ཨ་ཀ་ཙ་ཊ་ཏ་བ་ཡ་ཤ་བརྒྱད་ཀྱིས་ཕྱིའི་པདྨ་ལ་བརྒྱན་པ། རྩ་དང་ཡི་གེ་ཐམས་ཅད་མདོག་དཀར་པོར་བསམ་པར་བྱའོ། །ཡི་གེ་རྣམས་ཀྱང་འོད་ཁ་དོག་ལྔ་དང་ལྡན་པ་རྩེ་མོ་ལས་བ་ཐག་ཕྲ་མོ་དབུས་ཀྱི་རྗེས་སུ་
[248b.3]འབྲང་བ། རྐེད་པ་རྩེ་མོའི་ཆ་ལ་གནས་པ། ཏིང་ངེ་འཛིན་གྱི་མིག་གིས་བལྟས་པས་གང་གི་རྩེ་མོ་བྱེད་པ་དང་ཞུ་བའི་རྣམ་པ་ཅན་དུ་བསམ་པར་བྱའོ། །དེ་ལས་འབྱུང་བ་ལྔའམ་བཅུས། །དབང་པོ་རྒྱུ་བ་དགག་པར་བྱ། །ཞེས་པ་ནི། དབུས་ཀྱི་མདུད་པ་ལས་རྩ་ལྔར་བྱུང་
[248b.4]ནས་གསུང་གི་ཆད་དུ་བྱིན་པ་དང་། དབང་པོ་ལྔ་ལ་གཟུགས་ཏེ་བཅུར་འགྱུར་རོ། །གང་གི་ཚེ་རྩ་དེ་ལ་དམིགས་ནས་རླུང་ལ་བསླབ་པར་བྱའོ། །འབྱུང་བ་དང་ནི་འཇུག་པ་དང་། །གནས་པ་གཉིས་ཀྱི་བདག་ཉིད་ཅན། །ཞེས་པ་ནི། སྙིང་གར་ས་བོན་ལས་བ་ཐག་བྱུང་ནས་གང་གི་
[248b.5]ཚེ་རྩེ་མོའི་ཐིག་ལེ་ལ་འཇུག་པ་དང་། བཅད་པས་རྩེ་མོ་དང་རྩ་བའི་བར་དུ་གནས་པ་གཉིས་ལ་བསླབ་པར་བྱའོ། །དེ་ནས་ནི་གཉིས་སུ་མེད་པའི་གནས་པ་ལ་བསླབ་པར་བྱའོ། །དེ་ནས་ནི་སྟོང་པ་ཉིད་ཀྱི་ཏིང་ངེ་འཛིན་གྱིས་བསམ་གྱིས་མི་ཁྱབ་པའི་གནས་པ་ལ་བསླབ་པར་
[248b.6]བྱའོ། །བསམ་གཏན་གྱི་སྦྱོར་བ་གཞན་ཡང་གསུངས་པ། ཁྲག་དང་ཆུ་དང་བྱང་ཆུབ་སེམས། །མདུང་དང་རལ་གྲིའི་སྦྱོར་བ་ཅན། །མགྲིན་པའི་པདྨར་ཁ་བྱེ་བསམ། །ཞེས་པ་དབུས་ན་ནི་བྱང་ཆུབ་སེམས་སོ། །གཡས་དང་གཡོན་ནི་ཁྲག་དང་ཆུའོ། །མདུན་རྒྱབ་ན་
[248b.7]ནི་མདུང་དང་རལ་གྲི་ལྟ་བུ་སྟེ། །འདི་དག་ལས་ཁྲག་དང་། ཆུ་དང་། བྱང་ཆུབ་སེམས་དང་། དབུགས་དང་། དྲོད་ཀྱི་དངས་མ་གནས་ཏེ། ཀུན་གྱི་དབུས་ན་ནི་སྙིང་པོའི་ས་བོན་ཅན་ནོ། །རླུང་ལ་བསླབ་པ་སྔ་མ་བཞིན་ནོ། །ཇི་ལྟར་སློབ་ཅེ་ན། རེ་རེ་ལ་འབྱུང་བ་ལ་སོགས་པ་
[249a]
[249a.1]སློབ་པ་དང་། གཉིས་གཉིས་ལ་སློབ་པ་དང་། ཐམས་ཅད་ལ་སློབ་པ་ཡང་ངོ་། །སྣང་བ་མཐའ་ཡས་ཀྱི་གནས་ན་ཞེས་པ་ནི་ལོངས་སྤྱོད་ཀྱི་གནས་སུའོ། །བཞི་བཅུའམ་ནི་ཞེས་པ་བཅུ་དྲུག་དང་བཞི་པའི་རྣམ་པ་གྱེན་དང་ཐུར་དུ་ལྟ་བའོ། །སུམ་ཅུ་གཉིས་ཞེས་པ་ནི།
[249a.2]བཞི་ལས་གཞན་པའོ། །འབྱུང་བ་བཞི་ནི་སྔ་མ་བཞིན་ནོ། །ཨཱ་ལི་བཅུ་དྲུག་ནི། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཱཿ། ཞེས་པ་ཐབས་དང་ཤེས་རབ་ཀྱི་དབྱེ་བས་གཡས་དང་གཡོན་དུ་བསྐོར་བའོ། །གང་ཞིག་སྤྱི་བོའི་ཁང་པ་
[249a.3]རུ། །ཞེས་པ་ནི། བདེ་བ་ཆེན་པོའི་གནས་སུའོ། །སུམ་ཅུ་གཉིས་དང་བཞི་ཞེས་པ་ནི། རྩ་པདྨའི་ཚུལ་ཅན་ནོ། །དེ་ལས་གྱེན་དུ་ལྟ་བ་དང་ཐུར་དུ་ལྟ་བའི་བྱེ་བྲག་གིས་གྲངས་སུ་བགྲང་བར་བྱའོ། །ཨཱ་ལི་གཉིས་ནི་ཉིས་སྐོར་རོ། །ཀཱ་ལི་གཅིག་ནི་སྡེ་ལྔ་པ་དང་། ཨནྟསྠ་
[249a.4]དང་། ཨུཥྨ་ཎའི་ཕྱོགས་གཅིག་གོ། །ལྟེ་བ་ནི་ལྟེ་བའི་གནས་སུའོ། །དཔའ་བོ་གསང་བ་ནི་བྱང་ཆུབ་སེམས་ཀྱི་བདག་ཉིད་ཅན་ཏེ་ཐམས་ཅད་ལ་སྦྱོར་རོ། །བརྒྱ་དང་ཉི་ཤུ་བརྒྱད་པའམ། །ཞེས་པ་ནི་དྲུག་ཅུ་བཞི་ཉིས་འགྱུར་རོ། །ཕྱེད་བཅུས་ནི་དྲུག་ཅུ་བཞི་ཉིད་དོ། །ཡི་
[249a.5]གེ་ནི་སྔ་མ་བཞིན་ཏེ། ཀཱ་ལི་ཉིས་སྐོར་དང་། ཨཱ་ལི་བཞི་སྐོར་རོ། །གཞན་གོ་སླ། ཁ་ཅིག་སློབ་པའི་དུས་དག་ཏུ། །ཉི་མ་རྡོ་རྗེའི་སྦྱོར་བ་སྟེ། །ཞེས་པ་ནི་རབ་གཏུམ་གྱི་ལྟེ་བར་ཉི་མའི་སྟེང་དུ་རྡོ་རྗེ་མེ་ལྟ་བུ་བསམས་ལ་རླུང་བསྡུས་པས་དབབ་ཅེས་བཤད་དོ། །ལ་ལ་ཡི་གེ་
[249a.6]ཐིག་ལེར་འདོད། །ཅེས་པ་ནི། ཐིག་ལེ་དཀར་དམར་གྱིས་དབབ་པ་ནི། བདེ་བའི་རྒྱན་ནོ། །ཨ་ཐུང་དུན་གྱིས་དབབ་པ་ནི། ཨ་ཝ་དྷཱུ་ཏཱི་པའོ། །བཞི་ནི་སོ་སོར་སློབ་པ་སྟེ། །ཞེས་པ་ནི་གོང་དུ་བཤད་པ་ཉིད་དོ། །གཅིག་ནི་མདུད་པར་སློབ་པའོ། །ཞེས་པ་ནི་འོག་ནས་སྟོན་
[249a.7]ཏོ། །གཞན་གོ་སླ། གང་གིས་རྡོ་རྗེའི་སྦྱོར་བ་ཡིས། །ཞེས་པ་ནི་གསང་བའི་རྡོ་རྗེའི་འཁོར་ལོ་ལ་སློབ་པའོ། །སུམ་ཅུ་གཉིས་དང་ཞེས་བྱ་བ་ལ་སོགས་པས་ནི་རྩེ་མོ་དང་རྐེད་པ་དང་དེའི་ཆ་དང་རྩ་བར་བསམ་པའོ། །བཞི་པོ་ཁོ་ན་ཞེས་པ་ནི། རྩེ་མོ་ལ་སོགས་པར་རླུང་
[249b]
[249b.1]གི་འགྲོ་ལྡོག་གིས་བསྡུའོ། །བརྒྱད་ནི་སྟེང་འོག་གཉི་གའི་སྦྱོར་བའོ། །གཉིས་ནི་བདེ་བ་ཆེན་པོ་གཉིས་ལ་སྟེ་དབབ་པ་དང་། བཟློག་པའི་བྱེ་བྲག་གོ། །དབབ་པས་དགའ་བ་སྐྱེ་བ་དང་། །ཞེས་པ་ལ་སོགས་པ་ནི་བྱང་ཆུབ་ཀྱི་སེམས་གནས་པའི་བྱེ་བྲག་གི་དབང་དུ་བྱས་པའོ། །ད་ནི་རྣལ་འབྱོར་མ་ལ་
[249b.2]བརྟེན་པའི་ཆོ་ག་བཤད་པ། གང་ཚེ་རང་གི་རིགས་མཐུན་པ། །ཞེས་པ་ནི། རང་ལ་མཛེས་པའི་རྒྱན་ཡོད་པའོ། །བྱིན་གྱིས་བརླབས་ནས་གཉིས་མེད་སྦྱོར། །ཞེས་པ་ནི། གསང་བའི་སྙིང་པོ་བྱིན་གྱིས་བརླབས་ནས་རྡོ་རྗེར་ཞུགས་པའོ། །དེས་དགའ་བ་རྣམས་རིམ་གྱིས་བསྐྱེད་པའོ། །ཤེས་
[249b.3]རབ་མའི་དབྱེ་བ་བསྟན་པ་ལས་ལས་སྐྱེས་པ་ནི། ཁུ་ཁྲག་དང་བཅས་པ་ལས་སྐྱེས་པའི་བུ་མོའོ། །ཡེ་ཤེས་ཀྱི་བུ་མོ་ནི་བདེ་བར་གཤེགས་པ་ལས་སྤྲུལ་པའོ། །གཡོན་གྱི་ཡུམ་ནི་གཡོན་གྱི་ཡུམ་ཉིད་དོ། །སྙིང་གར་བྱུང་བ་ནི་ས་བོན་ལས་སྤྲུལ་པའི་བུ་མོའོ། །རྐང་པ་ཐི་གུས་བཅིང་བ་ནི་ལག་པ་དམ་
[249b.4]དུ་འཁྱུད་དེ་བསྡམས་པའོ། །དབུགས་ཀྱི་ལྕགས་ཀྱུ་བཟློག་པ་ནི་དབུགས་གྱེན་དུ་དྲངས་པའོ། །གཞན་གོ་སླ། ཉི་མའི་མེ་ནི་ལྟེ་བར་འབར། །ཞེས་པ་ནི། གང་གིས་ལྟེ་བ་ནས་ཏིང་ངེ་འཛིན་གྱིས་གཏུམ་མོ་སྦར་ཏེ། ས་བོན་བཀུག་པའོ། །ཡང་ན་འབྱེད་འཛུམས་སྦྱོང་བ་ཡིས། །ཞེས་བྱ་བ་ལ་
[249b.5]སོགས་པ་ནི་འབྱེད་འཛུམས་ཀྱིས་རླུང་སྔོན་པོ་བསྐྱོད་པ་ལ་སོགས་པའི་བདེ་བ་ཆེན་པོ་ནས། བྱང་ཆུབ་ཀྱི་སེམས་བཀུག་སྟེ། འཁོར་ལོ་རིམ་གྱིས་གང་བར་བསམ་པའོ། །རྣལ་འབྱོར་མ་ཞེས་པ་ལ་སོགས་པའི་དོན་ནི། ལོངས་སྤྱོད་དང་སྤྲུལ་པའི་གནས་སུ་ས་བོན་བསམ་པའོ། །ཐབས་ནི་ཞེས་པ་ལ་
[249b.6]སོགས་པའི་དོན་ནི། བདེ་བ་ཆེན་པོ་དང་ཆོས་ཀྱི་འཁོར་ལོ་ས་བོན་གྱིས་རྒྱས་པའོ། །སྦྲུལ་གྱི་ཞགས་པས་ཞེས་པ་ལ་སོགས་པའི་དོན་ནོ། ཏིང་ངེ་འཛིན་ལ་སོགས་པས་ཧཾ་ལས་ས་བོན་བྱུང་བ་ཞུ་ནས་ཀུན་དུ་འཁྱིལ་པར་བསམ་པའོ། །དེ་ནས་འཁོར་ལོ་རྒྱས་པའི་དུས་བསྟན་པ་ནི། གང་གིས་གཙོ་བོའི་
[249b.7]སྦྱོར་བ་ལ། །ཞེས་པ་ལ་སོགས་པ་སྟེ། གཙོ་བོའི་ཏིང་ངེ་འཛིན་གསལ་ནས། དེ་ལས་གཞན་དུ་ཞུ་བར་གྱུར་པའོ། །ཡང་ན་རྣལ་འབྱོར་བདེ་ཆེན་པོར། །གསལ་ནས་ཁྱབ་པའི་སྤུ་ལྡང་ཞིང་། །སྣང་བ་གསུམ་ནི་འབྱུང་བར་འགྱུར། །ཞེས་བྱ་བ་ནི། གང་གིས་ཧཾ་ལ་བློ་གཏད་དེ་གསལ་བ་དང་། སྨིག་རྒྱུ་ལ་སོགས་
[250a]
[250a.1]པའི་རྟགས་འབྱུང་བ་དང་། སྦུ་ལྡང་བ་དང་། འདར་བ་དང་། འཕར་བ་ལ་སོགས་པ་བྱུང་ནས་ཧཾ་ལས་ས་བོན་ཕབ་སྟེ། དགའ་བ་གསུམ་བསྐྱེད་པར་བྱའོ། །ཡང་ན་འཁོར་ལོའི་སྦྱོར་སྤངས་པས། །ཞེས་པ་ལ་སོགས་པའི་དོན་ནི། མདུད་པ་ནི་བཅུ་དྲུག་ལ་སོགས་པར་བྱང་
[250a.2]ཆུབ་སེམས་ཀྱི་རིམ་པར་དག་པའོ། །གང་ཞིག་འདི་ལ་རྟག་གནས་ན། །ཞེས་པ་ལ་སོགས་པའི་དོན་ནི། དུས་དེས་བསྐྱེད་པ་ཡོངས་སུ་རྫོགས་པ་ལ། །འབྲས་བུ་དམ་པ་ཐོབ་པར་འགྱུར་རོ། །གཞན་གོ་སླ། བདུད་དང་གནོད་སྦྱིན་ལ་སོགས་པ། །ཞེས་པ་ལ་སོགས་པའི་དོན་ནི། གང་ཞིག་གིས་
[250a.3]ཐོག་མ་ཉིད་དུ་བྱང་ཆུབ་ཏུ་སེམས་བསྐྱེད་པ་ནས་བཟུང་བའི་དགེ་བའི་སྟོབས་ཀྱིས་གནོད་པར་གྱུར་པ་ཐམས་ཅད་ཟིལ་གྱིས་གནོན་པའི་ཕྱིར་རོ། །ད་ནི་སྒྲུབ་པའི་ཐབས་གཏད་པ་ནི་ཡུལ་མི་མཐུན་པའི་ཕྱོགས་དང་བཅས་ཏེ། བསྟན་པ་གང་ཞིག་དོན་འདི་ཞེས་བྱ་བ་ལ་སོགས་པ་སྨོས་ཏེ། །དེ་དག་གི་
[250a.4]དོན་ཡང་ཁ་ཕྱིར་བལྟས་པ་དང་ཉོན་མོངས་པ་མང་བ་དང་། ཆེད་དུ་མི་བྱེད་པར་གྱུར་པ་ལ་སྤེལ་ན། ཚེ་འདི་དང་ཚེ་རབས་ཕྱི་མ་ཐམས་ཅད་དུ་སྡུག་བསྔལ་སྣ་ཚོགས་ཉམས་སུ་མྱོང་བར་འགྱུར་རོ། །འོ་ན་གང་ཞིག་ལ་བསྟན་པར་བྱ་ཞེ་ན། སྣོད་ལྡན་ཞེས་བྱ་བ་ལ་སོགས་པའི་དོན་ནི། གཞན་ལ་མི་སྤེལ་བ་དང་།
[250a.5]ཁྲོ་བ་ཆུང་བ་དང་། མ་ཆགས་པ་དང་། མོས་པ་དང་། དད་པ་དང་ལྡན་པ་དང་། ང་རྒྱལ་ཆུང་བ་དང་། སེམས་ཀྱི་དོན་ལ་དགའ་བ་ལ་བྱིན་ན་ལེགས་པ་ཐམས་ཅད་ཀྱི་རྒྱུར་འགྱུར་རོ་ཞེས་པའི་དོན་ཏོ། །ད་ནི་ཉེས་པ་སྦྱང་བར་བསྟན་པ། བདག་འདྲ་མ་རིག་ཅེས་བྱ་བ་ལ་སོགས་པའི་དོན་ནི་ཤེས་རབ་ཞན་པ་དང་། གཏིང་
[250a.6]དཔག་དཀའ་བས་བརྩམ་པར་བྱ་བ་མ་ཡིན་ཀྱང་རང་བས་དམན་པས་རྟོགས་པར་སླ་བའི་ཕྱིར་བསྟན་ཏོ་ཞེས་བྱ་བའི་དོན་ཏོ། །བླ་ན་མེད་པའི་བྱང་ཆུབ་ཆེན་པོར་བསྔོ་བ་ནི། བདག་གིས་བསྒྲུབས་འདི་ཞེས་པའི་དོན་ནི། དགེ་བའི་རྩ་བ་འདིས་བསྟན་པ་ཡུན་རིང་དུ་གནས་པ་དང་། སེམས་ཅན་རྣམས་མངོན་པར་མཐོ་བ་དང་། ངེས་པར་
[250a.7]ལེགས་པ་ཐོབ་པར་སྨོན་ཏོ་ཞེས་བྱ་བའི་དོན་ཏོ། །དེ་ལྟར་བཟོད་པར་གསོལ་བ་དང་། ཉེས་པ་བཤགས་པ་འདིས་ནི་བསྟན་བཅོས་དམན་པར་གྱུར་པའི་ཉེས་བདག་པ་དང་དགེ་བའི་རྩ་བ་མི་ཟད་ཅིང་ཤིན་ཏུ་འཕེལ་བར་ཡང་བསྟན་ཏོ། །དེ་ཁོ་ན་ཉིད་སྒྲོན་མའི་འགྲེལ་བ་སློབ་དཔོན་དཔའ་བོས་བྱིན་གྱིས་མཛད་པ་རྫོགས་སོ།། །།