[1a]
[1b]
[1b.1]{T4121}༄༅༅། །རྒྱ་གར་སྐད་དུ། བི་ནཱ་#ཡ་སཱུ་ཏྲ་བྱཱ་ཁྱཱ་ན། བོད་སྐད་དུ། འདུལ་བ་མདོའི་རྣམ་པར་བཤད་པ། ཐམས་ཅད་མཁྱེན་པ་ལ་ཕྱག་འཚལ་ལོ། །སློབ་དཔོན་ཡོན་ཏན་
[1b.2]འོད་ཀྱིས་འདུལ་བའི་མདོ་ཞེས་བྱ་བའི་གཙུག་ལག་མཛད་པའི་ཐོག་མར། ངེས་པར་ཐེག་པའི་ཚུལ་དུ་གཏོགས་པ་སྟེ། ཞེས་སྨོས་པ་འདི་འོག་ནས་འབྱུང་བའི་མདོ་ཐམས་ཅད་ལ་སྦྱོར་ཏེ། དེ་ལ་
[1b.3]གཏམ་མམ་ཚིག་ཐ་མལ་པ་ལ་ཡང་བསྙད་པ་དང་། དགོས་འབྲེལ་མེད་ན་ཐོག་མ་ནས་རྟོག་ཅིང་འཇུག་པའི་མི་རྣམས་མི་ཉན་ན་གཙུག་ལག་དང་རབ་ཏུ་བྱ་བ་ལ་རྣམ་པ་འདི་བཞི་མེད་དུ་མི་རུང་བ་ལྟ་ཅི་
[1b.4]སྨོས་ཏེ། དེ་ལྟ་བས་ན་བསྙད་པ་མེད་པར་དོགས་པ་དང་། དོན་མེད་པར་དོགས་པ་དང་། དགོས་པ་མེད་པར་དོགས་པ་དང་། # དགོས་པའི་ཡང་དགོས་པ་མེད་པར་དགོས་པ་རྣམས་བསལ་བའི་ཕྱིར་
[1b.5]རྣམ་པ་འདི་བཞི་དག་ཁ་ཅིག་ནི་མངོན་དུ། ཁ་ཅིག་ནི་བརྒྱུད་ནས་སྨྲས་པ་ཡིན་ནོ། །དེ་ལ་ཆོས་འདི་པ་རྣམས་ཀྱི་འདུལ་བ་ཐམས་ཅད་ཀྱི་བསླབ་པ་#སྡོམ་པའི་དངོས་པོ་བདུན་གྱི་ཚུལ་ཁྲིམས་ཚུལ་ཞེས་
[2a]
[2a.1]སྨོས་པ་འདི་ནི་བསྙད་པ་ཡིན་ནོ། །བཅོམ་ལྡན་འདས་ཀྱིས་གསུངས་པའི་ཚུལ་ཁྲིམས་རང་བཞིན་གྱི་ཁ་ན་མ་ཐོ་བ་བཟློག་པ་ནི། འདི་དང་འདིའོ། །བཅས་པའི་ཁ་ན་མ་#ཁྲུཐོ་བ་བཟློག་པ་ནི་འདི་དང་
[2a.2]འདིའོ་ཞེས་རྒྱས་པར་སྟོན་པ་ནི་དགོས་པའོ། །རྣམ་པ་དེ་གཉིས་ཀྱིས་ཚུལ་ཁྲིམས་ཀྱི་མདོ་འདི་ལས་སྨོས་པ་རྣམས་ཀྱིས་གོ་བར་སྟོན་པ་ནི་ཐབས་དང་ཐབས་ཀྱིའམ། བྱ་བ་དང་བྱེད་པར་འབྲེལ་པའོ། །ངེས་པར་ཐེག་པ་ཞེས་
[2a.3]སྨོས་པ་ནི་དགོས་པའི་ཡང་དགོས་པ་སྟོན་པ་ཡིན་ཏེ། དེ་ལ་བསྙད་པ་དང་། དགོས་པའི་ཡང་དགོས་པ་གཉིས་ནི་ཚུལ་དང་། ངེས་པར་ཐེག་པ་ཞེས་མངོན་དུ་སྟོན་ཏོ། །ཚུལ་ཞེས་བྱ་བའི་མིང་ཙམ་སྨོས་པས་གང་བསམས་པའི་
[2a.4]དོན་དེ་རྒྱས་པར་མི་འགྲུབ་པས་ན། བསམས་#པའི་དངོས་པོ་ཚུལ་ཁྲིམས་རྒྱས་པར་སྟོན་པའི་དགོས་པ་དང་། མདོ་འདི་རྩོམ་པ་#ཡང་དེ་ལྟ་བུའི་དོན་དུ་མ་ཡིན་པར་མི་རྩོམ་པས་ན། མདོ་ནི་ཐབས་སམ་སྒྲུབ་པ་ཚུལ་ཁྲིམས་སྟོན་པ་ནི་ཐབས་
[2a.5]ཀྱིའམ་བསྒྲུབ་པར་ཡིན་པས་ན། ཐབས་དང་ཐབས་ཀྱིའམ། སྒྲུབ་པ་དང་བསྒྲུབ་པར་འབྲེལ་པས་ན་དགོས་པ་དང་འབྲེལ་པ་གཉིས་ནི་བརྒྱུད་ནས་སྨྲས་པ་ཡིན་ནོ། །དེ་ལ་ངེས་པར་ཐེག་#ཅེས་པ་ནི་ལྷག་མ་མ་ལུས་པའི་མྱ་ངན་ལས་འདས་
[2b]
[2b.1]པ་ལྡོག་མི་སྲིད་པར་ཐོབ་པ་ལ་བྱའི་འཇིག་རྟེན་གྱི་མྱ་ངན་ལས་འདས་པ་ལྟ་བུ་#སླར་ལྡོག་སྲིད་པ་དང་། གླང་པོ་ལ་སོགས་པའི་ཐེག་པ་ལ་ནི་མི་བྱའོ། །དེ་ལྟར་ལྷག་མ་མ་ལུས་པའི་མྱ་ངན་ལས་འདས་པ་དེ་ཚུལ་ཁྲིམས་རྣམ་པར་དག་པས་འཐོབ་པས་ན་ངེས་པར་ཐེག་པའི་ཚུལ་ཞེས་བྱའོ། །དེ་ལ་
[2b.2]ཀླན་#ཀ་པས་བྱ་བ་ཉོན་མོངས་པ་ནི་ཡེ་ཤེས་ཀྱིས་འཇོམས་སོ་#ཞེ་ན། ཚུལ་ཁྲིམས་ཀྱིས་ཇི་ལྟར་མྱ་ངན་ལས་འདའ་ཞེས་པའི་ལན་དུ། དེ་ཡང་བདེན་མོད་ཀྱི། ཚུལ་ཁྲིམས་ལ་གནས། ཚུལ་ཁྲིམས་ལ་བརྟེན་ནས་བདེན་པ་བཞི་ཇི་ལྟ་བ་བཞིན་དུ་མཐོང་བར་འགྱུར་རོ་ཞེས་འབྱུང་བས་#ན། ཚུལ་ཁྲིམས་
[2b.3]ལ་གནས་ཏེ། ཉན་པ་དང་བསམ་པ་དང་བསྒོམ་པའི་རིམ་པ་རྣམས་སྐྱེ་བའི་ཕྱིར་ཚུལ་ཁྲིམས་རྒྱུ་བརྒྱུད་པས་མྱ་ངན་ལས་འདས་པ་ཐོབ་པར་སྨྲས་པ་འདི་ལ་འགལ་བ་མེད་དོ། །དེ་ལ་ཡང་ཀླན་#ཀ་བས་བྱ་བ་དང་། ཚུལ་ཁྲིམས་བསྟན་དགོས་པའི་ཕྱིར། འདུལ་བའི་མདོ་འདི་རྩོམ་མོ་ཞེ་ན། ཚུལ་
[2b.4]ཁྲིམས་བསྟན་པ་ནི་རྣམ་པར་འབྱེད་པ་ལ་སོགས་པའི་གཞུང་གིས་ཀྱང་རྒྱས་པར་བསྟན་ན། །ཁྱོད་ཀྱིས་#མདོ་འདི་བརྩམས་པ་ཅི་དགོས་ཞེས་པའི་ལན་དུ། གཞུང་གཞན་ལས་ཀྱང་རྒྱས་པར་བསྟན་པ་ལྟ་མེད་པ་མ་ཡིན་མོད་ཀྱི། དེ་དག་གླེང་གཞི་དང་། །རྗེས་སུ་བཅས་པ་དང་། གཏམ་རྒྱུད་ལ་སོགས་པ་
[2b.5]ཕལ་ཆེར་འབྱུང་བས། ཁ་ཅིག་སྐྲག་པར་འགྱུར་བ་དང་། ལོག་པར་སྟོན་པ་རྣམས་སུན་དབྱུང་ཞིང་རྣམ་པར་འབྱེད་པ་ལ་སོགས་པར་མ་ལོག་པར་བསྟན་པའི་ཕྱིར། བསླབ་པའི་དངོས་པོ་ཉི་ཚེ་མདོར་བསྟན་པ་འདི་བརྩམས་སོ། །ཨ་ཐ་ཞེས་པ་#ནི་སྨན་དཔྱད་ཀྱི་གཙུག་ལག་ལས། ཨ་ཐ་ཚེ་རིང་བར་བྱ་
[2b.6]པའི་གཙུག་ལག་བཤད་དོ་ཞེས་འབྱུང་བ་ལྟ་བུ་ཡིན་ཏེ། བཀྲ་ཤིས་ཀྱི་ཚིག་ཏུའང་བྱ་བ་དང་། ཨ་ཐ་བཅོམ་ལྡན་འདས་མྱ་ངན་ལས་འདའ་བ་དེའི་ཚེ། དགེ་སློང་རྣམས་ལ་བཀའ་སྩལ་པ་ཞེས་བྱ་བ་ལྟ་བུར་འདྲེན་ཚིག་སྟོན་པར་རྩོམ་པའང་ཡིན་པ་དང་། ཨ་ཐ་དོགས་པ་ཐམས་ཅད་བཟློག་ནས་ཞེས་བྱ་
[2b.7]བ་ལྟ་བུར་འོག་མ་དང་སྦྱོར་བའང་ཡིན་པ་དང་། ཨ་ཐ་ཚིག་བསྟན་པར་བྱའོ་ཞེས་བྱ་བ་ལྟ་བུར་དེའི་དབང་དུ་བྱ་བའམ། དེའི་ཕྱིར་བྱ་བ་ལྟ་བུར་འདྲེན་པ་ཡང་ཡིན་པ་དང་། # ། འཇིག་རྟེན་དག་ནི་སྣ་ཚོགས་འདོད་པ་མིན། །སྐྱེས་བུའི་རྣམ་པར་རྟོག་པ་འདོད་པ་སྟེ། །འཇིག་རྟེན་སྣ་ཚོགས་དེ་ལྟར་ཡིན་
[3a]
[3a.1]མོད་ཀྱི། །བསྟན་པ་དག་གིས་སྲེད་པ་སེལ་བར་བྱེད། །ཅེས་འབྱུང་བ་ལྟ་བུ། ཨ་ཐ་མོད་ཀྱིས་ཞེས་བྱ་བར་འདྲེན་པའང་ཡོད་དེ། རྣམ་པ་འདི་ལྟ་བུ་ལ་སོགས་པ་དུ་མར་འདྲེན་གྱིས་ཀྱང་། སྐབས་འདིར་ནི་#སློབ་དཔོན་ཡོན་ཏན་འོད་ཉིད་#ཀྱིས། འདུལ་བའི་མདོ་རྒྱས་པར་བཤད་
[3a.2]པའི་གཙུག་ལག་ལས། ཨ་ཐ་དབང་དུ་བྱ་བའམ། མདོ་རེ་རེ་དང་བསྟུན་པའམ། སྦྱོར་བའོ་ཞེས་འཆད་པས་ན། དགེ་འདུན་ཐམས་ཅད་འདུས་ནས་ཆ་ལུགས་འདི་ལྟར་བྱས་ཏེ་ཞེས་པ་ནས། རྫོགས་པ་མངོན་པར་འགྲུབ་པ་སྔོན་གྱི་ཆོ་གའོ་ཞེས་སྨོས་པ་རྣམས། ངེས་པར་ཐེག་པའི་ཚུལ་གྱི་དབང་དུ་
[3a.3]བྱས་པའམ། སྔོན་གྱི་ཆོ་ག་ངེས་པར་ཐེག་པའི་ཚུལ་ལོ་ཞེས་བྱ་བ་ལྟ་བུར་#མདོ་རེ་རེ་ཞིང་ཡང་དེ་བཞིན་དུ་སྦྱར་བ་ནས་མཇུག་གི་བར་དུ་སྦྱར་བར་བྱའོ། །དེ་ལྟར་ལྷག་མ་མ་ལུས་པའི་མྱ་ངན་ལས་འདས་པ་ཚུལ་ཁྲིམས་ཀྱི་ཕུང་པོས་འཐོབ་པར་བཅོམ་ལྡན་འདས་ཀྱིས་གསུངས་སོ་ཞེས་དང་པོས་བསྟན་ནས།
[3a.4]ད་ནི་རབ་ཏུ་འབྱུང་བའི་དངོས་པོ་སྟོན་ཏོ། །རབ་ཏུ་འབྱུང་བའི་དངོས་པོ་ཅིའི་ཕྱིར་ཐོག་མར་རབ་ཏུ་བསྟན་ཞེ་ན། བསླབ་པའི་ཚིག་རྣམ་པར་གཞག་པ་#ཐམས་ཅད་རབ་ཏུ་འབྱུང་བའི་དབང་དུ་བྱས་པ་དང་། རྩ་བའི་འདུལ་བ་ལས་ཀྱང་རབ་ཏུ་འབྱུང་བའི་དངོས་པོ་དང་པོར་སྨོས་པས་ན། འདིར་ཡང་རབ་ཏུ་
[3a.5]འབྱུང་བའི་དངོས་པོ་ཐོག་མར་སྨོས་པ་ཡིན་ནོ། །དེ་ཡང་སྔོན་གྱི་ཆོ་ག་དང་། ཕྱི་མའི་ཆོ་ག་རྣམ་པ་#གཉིས་ཡོད་པས་#ན། བཅོམ་ལྡན་འདས་ཀྱིས་#སྔར་བསྟན་པ་དང་། བཤད་སླ་བའི་ཕྱིར་སྔོན་གྱི་ཆོ་ག་ཞེས་སྨོས་སོ། །དགེ་འདུན་ཐམས་ཅད་འདུས་ནས་ཞེས་པ་ནི། མཚམས་ཆུང་ངུར་དགེ་འདུན་
[3a.6]ཕྱོགས་གཅིག་འདུས་པ་ལྟ་བུ་མ་ཡིན་གྱི། མཚམས་གཅིག་གི་ནང་ན་དགེ་འདུན་ཇི་སྙེད་ཡོད་པ་ཐམས་ཅད་རིལ་གྱིས་འདུས་པ་ལ་བྱའོ། །འདིའི་ཚུལ་དུ་བྱས་ཏེ་ཞེས་པ་ནི། སྐྲ་དང་ཁ་སྤུ་བྲེགས་ནས་ཆོས་གོས་གསུམ་བསྐོན་པ་དེ་བཞིན་གཤེགས་པའི་སློབ་མ་འདི་དག་གི་ཆ་ལུགས་སུ་བྱས་པའོ། །
[3a.7]ཕྱག་བྱས་ཐལ་མོ་སྦྱར་ཙོག་ཙོག་པོར་རྒན་རབས་ཀྱི་དྲུང་དུ་འདུག་ནས་ཞེས་པ་ནི། #རྒན་རབས་དང་གཞོན་རབས་ཀྱི་རྣམ་པ་གཉིས་ཡོད་པ་ལས་རབ་ཏུ་འབྱུང་བར་འདོད་པ་དེ་རྒན་རབས་ཀྱི་དྲུང་དུ་གོར་དུ་#སྨོས་པ་རྣམས་ལྟར་བྱས་ཏེ་འདུག་པར་སྟོན་པའོ། །དེ་ལ་ཕྱག་བྱས་ཞེས་པ་ནི་ཐོག་མ་ཁོ་ནར་ཡན་
[3b]
[3b.1]ལག་ལྔས་གཏུགས་ཏེ་ཕྱག་བྱ་བའོ། །ཐལ་མོ་སྦྱར་ཞེས་པ་ནི་རྗེ་སའི་ཚུལ་དུ་བྱ་བའོ#། །ཙོག་ཙོག་པོར་འདུག་ཅེས་པ་ནི། འགྲེང་བའམ། སྟན་ལ་འདུག་པ་མ་ཡིན་གྱི་གོང་གོང་པོར་བྱ་བའོ། །གསོལ་བ་གསུམ་དང་ཞེས་པ་ནི། གང་རབ་ཏུ་འབྱུང་བ་དང་བསྙེན་པར་རྫོགས་པར་འདོད་པ་དེས། གསོན་ཅིག་
[3b.2]བཙུན་པའི་དགེ་འདུན་བདག་མིང་འདི་ཞེས་བགྱི་བ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བསྙེན་པར་རྫོགས་ཏེ། དགེ་སློང་གི་དངོས་པོར་འཚལ་ན། དགེ་འདུན་གྱིས་རྗེས་སུ་བཟུང་བ་དང་བརྩེ་བ་དང་། ཐུགས་རྗེ་ཅན་གྱིས་ཐུགས་བརྩེ་བའི་སླད་དུ་རབ་ཏུ་དབྱུང་བ་དང་བསྙེན་པར་རྫོགས་
[3b.3]པར་མཛད་དུ་གསོལ་ཞེས་དེ་ཉིད་ཀྱིས་འདི་སྐད་དུ་ལན་གསུམ་དུ་གསོལ་བ་ལ་བྱ། གསོལ་བ་དང་བཞིའི་ལས་ཀྱིས་ཞེས་པ་ནི། རབ་ཏུ་དབྱུང་བ་དང་བསྙེན་པར་རྫོགས་པར་འདོད་པ་དེས། གོང་མ་ལྟར་གསོལ་བ་ལན་གསུམ་དུ་བཏབ་ནས། རབ་ཏུ་དབྱུང་ཞིང་བསྙེན་པར་རྫོགས་པར་གནང་ན། དགེ་འདུན་
[3b.4]གྱིས་གསོལ་བ་གཅིག་དང་ཞུ་བ་གསུམ་སྟེ། གསོལ་བ་དང་བཞིའི་ལས་ཀྱིས་མི་དེ་རབ་ཏུ་བྱུང་བསྙེན་པར་རྫོགས་པར་བྱ་བར་སྟོན་པའོ། །དེ་ལ་དགེ་འདུན་གྱིས་ཤེས་པར་བྱ་བ་ནི་གསོལ་བའོ། །དད་དམ་མ་དད་དྲི་བ་ནི་ཞུ་བའོ། །ཅིག་ཅར་རབ་ཏུ་དབྱུང་བསྙེན་པར་རྫོགས་པ་མངོན་པར་འཐོབ་བོ་ཞེས་པ་ལ།
[3b.5]ཅིག་ཅར་ཞེས་པ་ནི་བསྙེན་པར་རྫོགས་པར་བྱ་བའི་སྔགས་ལས། བཙུན་བའི་དགེ་འདུན་གསོན་ཅིག། མིང་འདི་ཞེས་བགྱི་བ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་#བསྙེན་པར་རྫོགས་ཏེ། དགེ་སློང་གི་དངོས་པོར་འཚལ་ལོ་ཞེས་པ་ནས། མིང་འདི་ཞེས་བགྱི་བ་དགེ་འདུན་གྱིས་རབ་
[3b.6]ཏུ་དབྱུང་བསྙེན་པར་རྫོགས་སོ་ཞེས་པའི་བར་དུ་སྨོས་པ་ལྟ་བུ་ཡིན་ཏེ། སྔོན་གྱི་མི་དག་རབ་ཏུ་འབྱུང་བ་དང་བསྙེན་པར་རྫོགས་པ་ཅིག་ཅར་དུ་འགྲུབ་པར་སྟོན་པའོ། །སྔོན་གྱི་ཆོ་གའོ་ཞེས་པ་དེ་ནི། །དེ་བཞིན་གཤེགས་པ་དང་པོ་མངོན་བར་བྱང་ཆུབ་པའི་ཚེ་དགེ་སློང་གི་དགེ་འདུན་རབ་ཏུ་འབྱུང་#བ་དང་། བསྙེན་
[3b.7]པར་རྫོགས་པ་ཅིག་ཅར་དུ་འགྲུབ་པའི་ཆོ་ག་འདི་ལྟ་བུ་ཡིན་ནོ་ཞེས་བྱ་བར་སྟོན་པའོ། །དེ་ལ་ཀླན་ཀ་བས་བྱ་བ་སྔོན་གྱི་ཆོ་གས་ཀྱང་རབ་ཏུ་འབྱུང་བ་དང་བསྙེན་པར་རྫོགས་པར་ནི་འགྲུབ་ན། ཕྱི་མའི་ཆོ་ག་ཅི་དགོས། ཕྱི་མའི་ཆོ་གས་ཀྱང་རབ་ཏུ་འབྱུང་བ་དང་བསྙེན་པར་རྫོགས་པར་འགྲུབ་ན། སྔོན་གྱི་
[4a]
[4a.1]ཆོ་ག་ཅི་དགོས་ཞེས་པའི་ལན་དུ། འདུལ་བའི་སེམས་ཅན་གྱི་བྱེ་བྲག་ལས་སྔ་ཕྱིའི་ཆོ་ག་རྣམ་པ་གཉིས་སུ་གྱུར་པར་ཟད་དེ། དེ་བཞིན་གཤེགས་པ་དང་པོ་མངོན་པར་བྱང་ཆུབ་པ་དེའི་ཚེ། སེམས་ཅན་དག་བསམ་པ་རྣམ་པར་དག་པས། འདུལ་བའི་རིམ་པ་དང་ཆོ་ག་མཁན་པོ་དང་
[4a.2]སློབ་དཔོན་ལ་མི་ལྟོས་#པར། བཅོམ་ལྡན་འདས་ཀྱི་བཀའ་བཞིན་དུ་བྱེད་པ་དང་། བསོད་ནམས་བྱས་པ་ཤ་སྟག་#པས་ན་ནད་ཀྱི་རྐྱེན་མེད་དོ། གལ་ཏེ་ནད་ཀྱི་རྐྱེན་གྱིས་ཐེབས་པ་ཞིག་ཏུ་གྱུར་ན་ཡང་། སྨན་དང་ནད་ཀྱི་རིམ་གྲོ་ལ་སོགས་པ་མི་བྲེལ་#བར་འབྱོར་པའི་ཕྱིར་སྔོན་གྱི་ཆོ་ག་འདི་ལྟ་བུའོ་ཞེས་པར་
[4a.3]བསྟན་ཏོ། །ཕྱི་རབས་ཀྱི་སེམས་ཅན་དག་དེ་ལྟར་བསམ་པ་རྣམ་པར་དག་པ་དང་། བསོད་ནམས་བྱས་པ་མ་ཡིན་པས་ན་འདུལ་བའི་རིམ་པ་དང་ནད་ཀྱི་རིམ་གྲོ་ལ་སོགས་པ། མཁན་པོ་དང་སློབ་དཔོན་ལ་མི་ལྟོས་སུ་མི་རུང་བའི་ཕྱིར་ཕྱི་མའི་ཆོ་ག་འདི་ལྟ་བུའོ་ཞེས་བསྟན་ཏེ#། སྔོན་གྱི་ཆོ་ག་དགོས་པ་དང་
[4a.4]ལྡན་པ་དེ་ལྟར་བསྟན་ནས། ད་ནི་ཕྱི་མའི་ཆོ་ག་རྩོམ་སྟེ། དགེ་སློང་འགའ་ཞིག་ཁན་པོར་བསྟེན་#ཏེ། དེར་རབ་ཏུ་འབྱུང་བ་དང་བསྙེན་པར་རྫོགས་པར་རོ་ཞེས་པ་ནི་རབ་ཏུ་འབྱུང་བའམ་བསྙེན་པར་རྫོགས་པར་འདོད་པས། དགེ་སློང་འགའ་ཞིག་ཁན་པོར་བསྟེན་#ཏེ། རབ་ཏུ་འབྱུང་བ་དང་བསྙེན་
[4a.5]པར་རྫོགས་པར་བྱ་བར་སྟོན་པའོ། །འགའ་ཞིག་ལ་ཞེས་པ་ནི། གཅིག་འགའ་ལ་གཏོད་པ་མ་ཡིན་ཏེ། སུ་ལའང་རུང་བར་སྟོན་པའོ། །འདིས་ནི་སུ་ལ་བརྟེན་ཏེ་རབ་ཏུ་འབྱུང་བ་དེ་ཉིད་ལ་བསྙེན་པར་མི་རྫོགས་སུ་མི་རུང་བ་མེད་པར་སྟོན་པའོ། །བརྟེན་ཞེས་པ་ནི་སྔོན་གྱི་ཆོ་ག་ལྟ་བུར་བརྟེན་མི་དགོས་པ་མ་
[4a.6]ཡིན་པར་སྟོན་པའོ། །དེར་ཞེས་པ་ནི་རབ་ཏུ་འབྱུང་ཞིང་བསྙེན་པར་རྫོགས་པར་བྱ་བའི་ཕྱིར་དེར་མཁན་པོར་བྱའི། གཞན་གྱི་ཕྱིར་མ་ཡིན་པར་སྟོན་པའོ། །རབ་ཏུ་དབྱུང་བར་འདོད་པ་མཁན་པོས་ཇི་ལྟར་བསྡུ་བའི་ཆོ་ག་སྟོན་པ་ནི། བར་ཆད་དྲིས་ལ་ཡོངས་སུ་གཙང་ན་མཁན་པོས་སྔ་མར་སྐབས་དབྱེ་
[4a.7]ཞེས་པ་ཡིན་ཏེ། རབ་ཏུ་འབྱུང་བར་འདོད་པ་ཞིག་མཁན་པོར་གསོལ་ན། དེ་བསད་པ་ལ་སོགས་པ་རབ་ཏུ་འབྱུང་བ་ལ་བར་དུ་གཅོད་པའི་ཆོས་རྣམས་མེད་དམ་ཞེས་གཏན་ལ་བབ་པར་དྲིས་ལ་ཡོངས་སུ་གཙང་ན་དགེ་ཚུལ་གྱི་མཁན་པོ་ངས་བྱའོ་ཞེས་ཁས་བླངས་པའམ་སྐབས་དབྱེ་བར་བྱ། སྡོམ་པ་
[4b]
[4b.1]རྣམས་ཀྱི་(གོ་རིམས་,གོ་རིམ་)#སྟོན་པ་ནི། དགེ་བསྙེན་དང་དགེ་ཚུལ་དང་དགེ་སློང་དུ་སྔ་མ་མ་ཟིན་པར་མི་སྤར་ཞེས་པ་ཡིན་ཏེ་དགེ་བསྙེན་གྱི་སྡོམ་པ་སྔར་མ་ཕོག་པར་དགེ་ཚུལ་གྱི་སྡོམ་པ་སྔར་དབོག་པའམ། དགེ་ཚུལ་གྱི་སྡོམ་པ་མ་ཕོག་པར་དགེ་སློང་གི་སྡོམ་པ་འབོགས་#པ་ལྟ་བུ་ནི། རིམ་གྱིས་ཚིག་#བཟླར་མི་
[4b.2]རུང་བ་ལ་བྱ། འདི་ཡང་ཆོ་གའི་(གོ་རིམས་,གོ་རིམ་)ཚུལ་བཞིན་དུ་བྱ་བར་ཟད་ཀྱི། (ན་རིམས་,ན་རིམ་)སྤར་ཏེ་ཕོག་ན་ཡང་། སྡོམ་པ་མི་འཆགས་ཞེས་བྱ་བ་མེད་དེ། དེ་ལྟར་མངོན་པ་ནི། བཙུན་པ་ཁྱིམ་པ་ལས་རབ་ཏུ་བྱུང་ནས་བསྙེན་པར་རྫོགས་ན་བསྙེན་པར་རྫོགས་པ་ཞེས་བགྱི་འམ།# བསྙེན་པར་མ་#རྫོགས་
[4b.3]པ་ཞེས་བགྱི་ཞེས་ཞུས་པ་དང་། ཨུ་པཱ་#ལི་དེ་ནི་བསྙེན་པར་རྫོགས་མོད་ཀྱི། རྫོགས་པར་བྱེད་པ་རྣམས་འདས་པ་དང་བཅས་པའོ་ཞེས་གསུངས་པ་ཡིན་ནོ། །ཐོག་མར་དཀོན་མཆོག་གསུམ་ལ་སྐྱབས་སུ་སོང་ནས། དེའི་རྗེས་ལ་སྡོམ་པ་བླང་བར་བྱ་བ་ནི། སྐྱབས་སུ་འགྲོ་བར་ཁས་ལེན་པའི་ཚིག་
[4b.4]བརྩམས་ནས། དགེ་བསྙེན་དང་དགེ་ཚུལ་དུ་ཁས་ལེན་པའི་ཚིག་བྱ་ཞེས་པ་ཡིན་ཏེ། དེ་ལ་སྐྱབས་ཞེས་པ་ནི་ལམ་དང་ཐར་པར་ཆུད་པའི་གཞི་དཀོན་མཆོག་གསུམ་ཡིན་པས་ན། དེ་གསུམ་ལ་སྐྱབས་སུ་བཙལ་#བར་བྱ་བའོ། །འགྲོ་ཞེས་པ་ནི་དེ་དག་ལ་སྐྱབས་བཙལ་#བ་སྟེ། ཁས་ལེན་ཆེས་པ་ཉིད་
[4b.5]དོ། །#དེའི་འོག་ཏུ་དགེ་བསྙེན་དང་། །དགེ་ཚུལ་དུ་ཁས་བླང་པའི་ཚིག་དབྱུང་བར་བྱ་སྟེ། བཙུན་པ་གསོན་ཅིག་བདག་མིང་འདི་ཞེས་བགྱི་བ་རྐང་གཉིས་ཀྱི་མཆོག་སངས་རྒྱས་ལ་སྐྱབས་སུ་མཆིའོ་ཞེས་པ་ནས། ཚོགས་ཀྱི་མཆོག་ཅེས་པའི་བར་དུ་སྨོས་ལ། དེ་ནས་བཙུན་པས་བདག་དགེ་བསྙེན་དུ་ཟུང་
[4b.6]ཤིག་པའི་ཚིག་འདི་ལྟ་བུ་ལན་གསུམ་གྱི་བར་དུ་བཟླས་པར་བྱའོ། །རབ་ཏུ་འབྱུང་བའི་ཚེའང་། བཙུན་པ་བདག་དགེ་ཚུལ་དུ་ཟུང་ཤིག་ཅེས་པའི་བར་དུ་གོང་མ་དང་འདྲ་བར་བཟླས་སོ། །དེ་ལ་ཁ་ཅིག་ནི་སྐྱབས་སུ་འགྲོ་བ་ལན་གསུམ་པར་#བྱུང་བར་རྗེས་སུ་བསླབ་ལ་དགེ་བསྙེན་དུ་ཟུང་ཤིག་པའམ།
[4b.7]དགེ་ཚུལ་དུ་ཟུང་ཤིག་པ་ཐ་མར་ལན་ཅིག་བརྗོད་པས་ཆོག་གོ་ཞེས་ཀྱང་འཆད་མོད་ཀྱི་དེ་ནི་ལོག་པར་འཆད་པའོ། །སྐྱབས་སུ་འགྲོ་བའི་ཆེད་ནི་མྱ་ངན་ལས་འདའ་བའི་བསམ་པ་བརྟན་པོར་མ་གྱུར་ན། སྡོམ་པ་#འཆགས་པར་མི་འགྱུར་བའི་ཕྱིར་སངས་རྒྱས་ལ་སྐྱབས་སུ་མཆིའོ་ཞེས་བྱས་པས་ནི།
[5a]
[5a.1]ལམ་སྟོན་པ་ལ་བརྟན་པར་གྱུར། ཆོས་ལ་སྐྱབས་སུ་མཆིའོ་ཞེས་བྱ་བས་ནི། ཆོས་ཀྱི་མཆོག་མྱ་ངན་ལས་འདས་པ་ལ་བརྟན་#པར་གྱུར། དགེ་འདུན་ལ་སྐྱབས་སུ་མཆིའོ་ཞེས་བྱ་བས་ནི་གྲོགས་བཙལ་བར་གྱུར་པས་ན། མྱ་ངན་ལས་འདས་པའི་བསམ་པ་བརྟན་པར་#གྱུར་པ་
[5a.2]ཡིན་ཏེ། །དེ་ལྟར་ན་སྐྱབས་སུ་སོང་བའི་མཐུས་སྡོམ་པ་འཐོབ་བོ། །དེ་ལ་ཁ་ཅིག་ན་རེ་འོ་ན་ལྟ་བསྙེན་པར་རྫོགས་པའི་ཚེའང་། སྐྱབས་སུ་འགྲོ་བ་འང་ཅིའི་ཕྱིར་མི་#སྨོས། ལན་ལ། དེ་ནི་བསྙེན་པར་རྫོགས་ཞེས་པའི་ཚིག་ཉིད་ཀྱིས་མྱ་ངན་ལས་འདའ་བའི་བསམ་པ་བརྟན་པར་བྱས་པར་མངོན་
[5a.3]ཏེ། འཚེ་བ་ཐམས་ཅད་དང་བྲལ་བའི་ངོ་བོ་ཉིད་ནི་རྫོགས་ཞེས་པ་ཡིན་ཏེ། མྱ་ངན་ལས་#འདའ་བའི་ངོ་བོ་ཉིད་ཀྱང་དེ་ཡིན་པས་ན། གང་དེ་དང་ཉེ་བ་ནི་བསྙེན་པ་ཡིན་ནོ། །དེ་ལྟ་བས་ན་བསྙེན་པར་རྫོགས་ཞེས་པ་ཉིད་ཀྱིས་རྣམ་པ་ཐམས་ཅད་དང་ལྡན་པར་བརྟན་#པ་ཡིན་ནོ། །དེ་ལྟ་སྟེ་གང་སྡོམ་པ་ནོད་པ་དེས་
[5a.4]ཚུལ་འདི་བཞིན་དུ་ནོད་པར་བྱའི། གང་འབོགས་པ་དེས་སྦྱིན་པ་དང་། ནོད་པ་དེས་བླང་#བའི་ཚུལ་དུ་བྱ་བ་ནི་མ་ཡིན་ཏེ། འབོགས་པས་ཀྱང་པའི་ཕྱིར་ཟློས་སུ་གཞུག་པར་ཟད། སྡོམ་པ་འཐོབ་པ་ཉིད་ནི་ཉིད་ཀྱི་སེམས་ལ་རག་ལས་སོ། །དགེ་བསྙེན་དང་དགེ་ཚུལ་དུ་དེ་ལྟར་ཁས་ལེན་དུ་བཅུག་
[5a.5]ནས། དེའི་འོག་ཏུ་ཅི་བྱ་ཞེ་ན་དེའི་འོག་ཏུ་ཁས་ལེན་པའི་ཚུལ་གྱིས་བསླབ་པ་བརྗོད་དོ་ཞེས་པ་ཡིན་ཏེ། དགེ་བསྙེན་དང་དགེ་ཚུལ་དུ་ཁས་བླངས་བའི་#འོག་ཏུ་འཕགས་པ་དགྲ་བཅོམ་པ་རྣམས་ཀྱིས་ནམ་འཚོའི་བར་དུ་སྲོག་གཅོད་པ་ལས་ལོག་#པ་ཇི་ལྟ་བ་བཞིན་དུ། བདག་མིང་འདི་ཞེས་བགྱི་བས་
[5a.6]ནམ་འཚོའི་བར་དུ་སྲོག་གཅོད་པ་སྤངས་ཏེ། སྲོག་གཅོད་པ་ལས་#ལྡོག་གོ་ཞེས་པ་ནས་བག་མེད་པའི་གནས་མྱོས་པར་འགྱུར་བའི་ཁུ་བ་ཆང་འཐུང་བ་ལས་ལྡོག་གོ་ཞེས་པའི་བར་དུ་དགེ་བསྙེན་གྱི་བསླབ་པ་ལྔ་#མི་བྱའོ་ཞེས་དགག་པའི་ཚུལ་དུ་ཁས་བླང་བ་#མ་ཡིན་མི་#ལྡོག་གོ་ཞེས་བརྗོད་པར་བྱ་བ་དང་། སྲོག་
[5a.7]གཅོད་པ་ལས་ལྡོག་གོ་ཞེས་པ་ནས། གསེར་དངུལ་བདག་གིར་བྱེད་པ་ལས་ལྡོག་གོ་ཞེས་པའི་བར་དུ། དགེ་ཚུལ་གྱི་སྡོམ་པ་བཅུ་གོང་མ་བཞིན་དུ་བརྗོད་པར་བྱའོ། །དགེ་བསྙེན་དུ་སུས་བྱ། དགེ་བསྙེན་དུ་གྱུར་ནས་ཅི་དང་ཅི་བྱ་ཞེ་ན། ཉིད་ཀྱིས་དགེ་བསྙེན་དུ་བསྒྲུབས་ཏེ་དགེ་འདུན་ལ་འདྲི་བའི་
[5b]
[5b.1]དགེ་སློང་ལ་གཏོད་ཅིག་#ཅེས་པ་ཡིན་ཏེ། དགེ་བསྙེན་གྱི་སྡོམ་པ་དེའི་མཁན་པོ་ཉིད་ཀྱིས་ཕོག་ལ། དེ་ནས་དགེ་འདུན་ལ་ཞུ་བའི་དགེ་སློང་ལ། འདི་རབ་ཏུ་བྱུང་བར་གསོལ་ན། དགེ་འདུན་དང་དམ་མ་དད་ཞུས་ཤིག་ཅེས་དེ་ལ་གཏད་དམ་བཅོལ་བར་བྱའོ། །ཞུ་བའི་དགེ་སློང་དེས་ཇི་ལྟར་བྱ་ཞེ་ན།
[5b.2]ཅི་ཡོངས་སུ་གཙང་ངམ་ཞེས་དྲིས་ལ་གཙང་ན་ཞུའོ་ཞེས་པ་ཡིན་ཏེ། ཞུ་བའི་དགེ་སློང་དེས་སླར་དེའི་མཁན་པོ་ཉིད་ལ་བར་ཆད་མེད་དམ་ཞེས་སྨྲས་ལ་མེད་ཡང་དག་ཅེས་ཟེར་ན་གདོད། བཙུན་པའི་དགེ་འདུན་གསོན་ཅིག ། རབ་ཏུ་འབྱུང་བར་འཚལ་བ་མིང་འདི་ཞེས་བགྱི་བ་གོས་དཀར་པོ་འཚལ་བ་ཞེས་པ་
[5b.3]ལ་སོགས་པའི་སྔགས་ཀྱི་ཚིག་བརྗོད་དེ་དགེ་འདུན་ལ་ཞུ་བར་བྱའོ། །དགེ་འདུན་ཇི་ལྟར་བཞུགས་པ་ལ་ཞུ་བར་བྱ་ཞེ་ན། ཐམས་ཅད་འདུས་པའམ་གནས་གནས་ན་འཁོད་པ་ལའོ་ཞེས་པ་ཡིན་ཏེ། དགེ་སློང་དེས་ཞུ་བར་བྱ་བ་ནི། དགེ་འདུན་ཟད་པར་འདུས་ཏེ། འཁོད་པའམ། གནས་གནས་ན་
[5b.4]འཁོད་པའི་དགེ་འདུན་མཚམས་གཅིག་ན་གནས་པ་ཐམས་ཅད་ལ་ཞུ། གང་ན་ཞུས་པ་དེས་བྱ་བའི་ཆོ་གར་བསྟན་པ་ནི། དེས་ཏེ་ཡོངས་སུ་གཙང་ནའོ་ཞེས་ཐམས་ཅད་ཀྱིས་སྨྲོས་ཤིག་ཅེས་པ་ཡིན་ཏེ། འདི་ལ་བར་ཆད་ཀྱི་ཆོས་རྣམས་མེད་ན་རུང་ངོ་ཞེས་དགེ་འདུན་ཀུན་གྱིས་ལན་སྦྱིན་པ་ལ་བྱ།
[5b.5]ཞུས་ཟིན་ནས་རབ་ཏུ་འབྱུང་བར་འདོད་པ་དེས་ཅི་བྱ་ཞེ་ན་མཁན་པོར་གསོལ་ཞེས་པ་ཡིན་ཏེ། དགེ་འདུན་ལ་ཞུས་ཟིན་ནས། རབ་ཏུ་འབྱུང་བར་འདོད་པ་དེས། བཙུན་པ་དགོངས་ཤིག། བདག་མིང་འདི་ཞེས་བགྱི་བ། བཙུན་པ་ལ་མཁན་པོར་གསོལ་ཞེས་པ་ལ་སོགས་པའི་སྙད་ཀྱིས་ལན་
[5b.6]གསུམ་དུ་མཁན་པོར་གསོལ་ཞེས། མཁན་པོས་རབ་ཏུ་འབྱུང་བར་འདོད་པ། པུད་མ་གཏོགས་པ་སྐྲ་དང་ཁ་སྤུ་བྲེགས་ཞེས་པ་ཡིན་ཏེ། རྨ་བའི་ཕྱིར་པུད་བཞག་ཁན་པོས་སྐྲ་དང་ཁ་སྤུ་བྲེགས། གལ་ཏེ་འདྲེག་མཁན་ནམ་གཞན་གྱིས་བྲེགས་ནའང་རུང་། པུད་བཞག་པ་དེ་ནམ་བྲེག་ཅེ་ན།
[5b.7]པུད་བྲེག་གམ་ཞེས་དྲིས་ལ། བཏུབ་ན་དེ་ཡང་ངོ་ཤེས་པ་ཡིན་ཏེ། རབ་ཏུ་འབྱུང་བར་འདོད་པ་དེ་ལ་རིལ་གྱིས་མ་བྲེགས་ཏེ། པུད་གཞག་པས་ན་ད་རུང་རབ་ཏུ་བྱུང་བ་ནི་མ་ཡིན་ན། རབ་ཏུ་འབྱུང་བར་ངེས་སམ་མ་ངེས་ཞེས་སྨྲས་ལ། དེ་ནེམ་ནུར་དུ་མེད་དེ་ངེས་ན། པུད་དེ་འང་བྲེག་པར་བྱའོ། །རབ་
[6a]
[6a.1]ཏུ་འབྱུང་བར་འདོད་པ་དེས་སྐྲ་དང་ཁ་སྤུ་དེ་ལྟར་བྲེགས་ནས་ཁྲུས་བྱས་ཞེས་པ་ཡིན་ཏེ། ཡུལ་གྲང་དྲོའི་རྐྱེན་དུ་ཆུའང་གྲང་དྲོར་སྦྱར་ཏེ། བཀྲུ་བ་ལ་བྱའོ། །ཁྲུས་བྱས་པའི་འོག་དུ་མཁན་པོས་ཆོས་གོས་ངུར་སྨྲིག་སྦྱིན་ཞེས་པ་ཡིན་ཏེ། རབ་ཏུ་འབྱུང་བ་ལ་འོས་པའི་ཚོན་གྱིས་བསྒྱུར་
[6a.2]བའི་གོས་མཁན་པོས་དེ་ལ་སྦྱིན་པར་བྱའོ། །རབ་ཏུ་འབྱུང་བར་འདོད་པ་དེས། མཁན་པོའི་རྐང་པ་ལ་ཕྱག་བྱས་ཏེ་བླང་ཞེས་པ་ཡིན་ནོ། །དེ་ནས་མཁན་པོས་བསྐོན་ཞེས་པའོ། །རབ་ཏུ་འབྱུང་བར་འདོད་པ་མཁན་པོས་བསྐོན་པའི་ཚེ། མ་ཚོར་བར་མཚན་བརྟག་ཅེས་པ་ཡིན་ཏེ། ཟ་མ་དང་མ་ནིང་དང་
[6a.3]མཚན་གཉིས་དང་། མཚན་མེད་པའི་སྐྱོན་བསལ་བའི་ཕྱིར#། མ་ཚོར་ཞེས་པ་ནི་ཆེད་དུ་གཅེར་#ཕྱུང་ལ་བྱ་བ་མ་ཡིན་གྱི། ཅི་ནས་ཀྱང་མི་འཕྲིག་#པར་བྱའོ། །བརྟག་པའང་བསྐོན་པའི་ཚེ་ཉི་ཚེ་ན་མ་ཡིན་གྱི། མཁན་པོ་སྔ་མར་སྐབས་ཕྱེ་བ་ཚུན་ཆད་འདི་ཕན་ཆད་སྐབས་གར་ཡང་རུང་། མཁན་པོའམ་
[6a.4]དེས་ཡིད་བརྟེན་#པའི་དགེ་སློང་གང་གིས་བརྟགས་ཀྱང་རུང་། ཟ་མ་ལ་སོགས་པའི་སྐྱོན་#མེད་པར་རྟོགས་ནས་སྐྱབས་སུ་འགྲོ་བ་ཇི་ཙམ་#ན་རབ་ཏུ་དབྱུང་ཞེས་པ་ཡིན་ཏེ། རབ་ཏུ་འབྱུང་བར་འདོད་པ་དེས་མཁན་པོ་དགོངས་ཤིག ། བདག་མིང་འདི་ཞེས་བྱ་བ་རྐང་གཉིས་ཀྱི་མཆོག་སངས་རྒྱས་ལ་
[6a.5]སྐྱབས་སུ་མཆིའོ་ཞེས་པ་ནས། ཚོགས་ཀྱི་མཆོག་ཅེས་པའི་བར་དུ་བརྗོད་ལ། བཅོམ་ལྡན་འདས་ཤཱཀྱ་ཐུབ་པ་དེ་ཞེས་པ་ནས། ཁྱིམ་པའི་མཚན་མ་སྤངས་ཏེ་རབ་ཏུ་འབྱུང་བའི་མཚན་མ་བླང་ངོ་ཞེས་པའི་བར་དུ་སྔགས་ཀྱི་ཚིག་རྒྱུད་ཀྱི་#རིམ་བཞིན་དུ་བྱའོ། །རྣམ་པ་གཞན་དུའང་སྟོན་པ་ནི། གསོལ་
[6a.6]བའི་རྗེས་ལ་ཡང་ངོ་ཞེས་པ་ཡིན་ཏེ། འདུལ་བ་འཛིན་པ་ཁ་ཅིག་གིས་བྱ་བ་ནི་རབ་ཏུ་འབྱུང་བ་འགྲུབ་པའི་ཆོ་ག་འདི་མཁན་པོར་གསོལ་བའི་འོག་ཏུ་བྱས་ལ། དེ་ནས་གདོད་སྐྲ་དང་ཁ་སྤུ་བྲེགས་#པ་ལ་སོགས་པ་བྱས་ན། རབ་ཏུ་འབྱུང་བ་དང་དེའི་མཚན་མ་བླངས་པ་རིམ་དུ་#འབབ་ཀྱི་གཞན་དུ་ན་
[6a.7]མཚན་མ་སྔར་བླངས་ལ་#རབ་ཏུ་འབྱུང་བ་ཕྱིས་སྒྲུབ་#པ་མི་རིགས་སོ་ཞེས་ཀྱང་འཆད་དོ། །མཁན་པོས་རབ་ཏུ་བྱུང་བའི་གང་ཟག་དེ་དགེ་ཚུལ་དུ་སྒྲུབ་པའི་དགེ་སློང་ལ་གཏད་ཅེས་པ་ཡིན་ཏེ། དགེ་སློང་གང་དགེ་ཚུལ་གྱི་སྡོམ་པ་འབོགས་ནུས་པ་ལ་གཏད་པར་བྱའོ། །བཅོལ་བའི་དགེ་སློང་དེས་ཇི་ལྟར་
[6b]
[6b.1]བྱ་ཞེ་ན། ཅི་ཡོངས་སུ་གཙང་ངམ་ཞེས་དྲིས་ལ་གཙང་ན་བསྒྲུབ་ཅེས་པ་ཡིན་ཏེ། གང་གཏོད་པ་དེ་ལ་འདི་ལ་བར་ཆད་ཀྱི་ཆོས་རྣམས་མེད་དམ་ཞེས་སྨྲས་ལ་མེད་ཅེས་ཟེར་ན། དགེ་ཚུལ་གྱི་སྡོམ་པ་དབོག་པར་བྱའོ། །སྡོམ་པ་འབོགས་#པ་དེ་ཅི་ཡིན་ཞེ་ན། དེ་སློབ་དཔོན་ནོ་ཞེས་པ་ཡིན་ཏེ། དགེ་
[6b.2]ཚུལ་གྱི་སྡོམ་པ་འབོགས་པའི་དགེ་སློང་དེ་དགེ་ཚུལ་གྱི་སློབ་དཔོན་ནོ། །དཔེར་ན་རབ་ཏུ་བྱུང་བར་སྒྲུབ་#པའི་དགེ་སློང་དེ་མཁན་པོ་ཡིན་པ་བཞིན་ནོ། །སློབ་དཔོན་དེ་ཉི་ཚེར་ཟད་དམ་ཞེ་ན། གསང་སྟེ་སྟོན་པ་དང་ལས་བྱེད་པ་དང་གནས་སྦྱིན་པ་དང་ཀློག་པ་རྣམས་སོ་ཞེས་པ་ཡིན་ནོ། ནམ་སློབ་དཔོན་དུ་གྱུར་ཅེ་ན།
[6b.3]དོན་གྲུབ་ན་གྱུར་པའོ་ཞེས་པ་ཡིན་ཏེ། སློབ་དཔོན་གོང་དུ་སྨོས་པ་ལྔ་སོ་སོའི་ལས་ཟིན་པ་ན་སློབ་དཔོན་དུ་འང་དེའི་ཚེ་གྱུར་པ་ལ་བྱ། མཁན་པོ་ཡང་དེའི་དོན་གྲུབ་ཟིན་ནས་གདོད་མཁན་པོའམ་#ཞེ་ན། མཁན་པོར་གསོལ་ཏེ་ཁས་བླངས་ན་དེ་#གྱུར་ཏོ་ཞེས་པ་ཡིན་ཏེ། དགེ་ཚུལ་དུ་མ་གྱུར་པའམ་བསྙེན་
[6b.4]པར་རྫོགས་པར་མ་གྱུར་གྱི་བར་དུ་མཁན་པོར་མི་འགྱུར་བ་མ་ཡིན་གྱི། མཁན་པོར་གསོལ་ཏེ་མཁན་པོར་གདམས་པའམ། ཁས་བླངས་པའི་ཚེ་མཁན་པོར་གྱུར་ཏོ། སོ་སོའི་ལས་ཟིན་པའི་ཚེ་སློབ་དཔོན་ལ་སོགས་པར་འགྱུར་རོ་ཞེ་ན། དེའི་དོན་གང་གི་ཚེ་ཁོ་ན་གྲུབ་ཅེ་ན་བསླབ་པ་ཐ་མའི་ཆ་གསུམ་པ་
[6b.5]གྲུབ་པས་སོ་ཞེས་པ་ཡིན་ཏེ། དགེ་ཚུལ་དུ་གྲུབ་པའི་སྔགས་ལན་གསུམ་#བཟླས་པ་ཐ་མའི་ཆ་གསུམ་པོའི་ཚེ་དོན་གྲུབ་པར་གྱུར་ཏོ། །དེ་ལྟར་བསྟན་པ་གསལ་བར་བྱ་བའི་ཕྱིར། འདི་ལྟ་སྟེ། ཕ་རོལ་ལ་སྒྲོགས་པའི་ཚེ་དགེ་ཚུལ་དུ་གྱུར་པའོ་ཞེས་དཔེ་བསྟན་པ་ཡིན་ཏེ། དགེ་ཚུལ་གྱི་སྡོམ་པ་དབོག་པ་
[6b.6]སུམ་#གཉིས་ནི་ཟིན་སུམ་ཆ་གཅིག་ལུས་པའི་ཚེ། དགེ་ཚུལ་དུ་གྲུབ་པས་ན་སྔགས་ཀྱི་ཚིག་ཀྱང་བཙུན་པ་ཞེས་སྨོས་པའི་ཐ་མར་སློབ་དཔོན་གྱིས་#ཟུང་ཤིག་ཅེས་སྨོས་པ་ཡིན་པས་ན། དཔེ་དེ་བཞིན་དུ་སློབ་དཔོན་དུའང་དེའི་ཚེ་གྱུར་ཏོ། །མཁན་པོར་གྱུར་པའང་དེ་བཞིན་ནམ་ཞེ་ན། འདིར་
[6b.7]ཐ་མས་མཁན་པོའི་དོན་ཏོ་ཞེས་པ་ཡིན་ཏེ། མཁན་པོར་གསོལ་བའི་ཚེ་ཕ་རོལ་སྒྲོགས་པ་གསུམ་ཡོད་པ་ལས་སྒྲོགས་པ་ཐ་མའི་ཚེ་མཁན་པོར་ཁས་བླངས་པས། མཁན་པོའི་དོན་དུ་གྱུར་ཏོ། །དེ་ལྟ་བས་ན་སྔགས་ལས་ཀྱང་མཁན་པོ་#ཁན་པོར་གསོལ་ཏེ། རབ་ཏུ་འབྱུང་བའམ་བསྙེན་
[7a]
[7a.1]པར་རྫོགས་པར་རོ་ཞེས་འབྱུང་བ་ཡིན་ནོ། །གནས་སྦྱིན་པ་དང་ཀློག་པའི་དོན་གྲུབ་པ་གོང་མ་དང་མི་འདྲ་བར་བསྟན་པའི་ཕྱིར། གནས་སྦྱིན་པའི་མཐའ་ནི་ནུབ་གཅིག་གནས་ཏེ་འདུག་པས་སོ་ཞེས་པ་ཡིན་ཏེ། གནས་པའི་གནས་སུ་སློབ་དཔོན་གྱིས་སྔོ་རེངས་#
[7a.2]ཤར་ཚུན་ཆད་ནུབ་གཅིག་གནས་སུ་གྱུར་ཏེ་འདུག་ན་དེས་གནས་སྦྱིན་པའི་སློབ་དཔོན་དུ་གྲུབ་པར་སྟོན་པའོ། །ཀློག་པ་ནི་ཚིགས་བཅད་གཅིག་ལན་གསུམ་བསླབ་#པས་སོ་ཞེས་པ་ཡིན་ཏེ། ཞལ་ནས་གསུངས་པ་ལས་ནི་གང་ལས་ཚིགས་སུ་བཅད་པ་གཅིག་བཀླགས་#ཏེ་མནོས་ན་#ཀློག་
[7a.3]པའི་སློབ་དཔོན་ནོ་ཞེས་ཀྱང་འབྱུང་མོད་ཀྱི། ཡུ་ཐུར་པ་རྣམས་ཀྱི་གཞུང་ལས། གང་ལས་ཚིགས་སུ་བཅད་པ་གཅིག་ལན་གསུམ་དུ་བཀླགས་#ན་དེས་ཀློག་པའི་སློབ་དཔོན་དུ་འགྱུར་རོ་ཞེས་འབྱུང་བས་ན། གསུམ་པ་འདི་ཚིག་ཆེ་བ་ལྟར་བྱ་བའི་ཕྱིར་མདོའི་དཀྱུས་སུ་དེ་ལྟར་སྨོས་སོ། །
[7a.4]ཇི་ལྟར་བཀླགས་#པས་ཀྱང་སློབ་དཔོན་དུ་འགྱུར་རམ་ཞེ་ན། ཀློག་པར་བསམ་པ་མ་ཡིན་པས་བརྗོད་ན་བཀླགས་#པ་མ་ཡིན་ནོ་ཞེས་པ་#ཡིན་ཏེ། སྔོན་བཀླགས་#པ་ཡང་མ་ཡིན་ལ་དེ་ལ་#བསླབ་པའི་ཕྱིར་ཆེད་དུ་ཀློག་པ་ནི་ཀློག་པ་ཞེས་བྱའི། ཁ་དོན་བརྗེད་པ་དང་སོམ་ཉི་དྲི་བ་ལྟ་བུ་ལ་
[7a.5]སོགས་པའི་ཕྱིར། འགའ་ཞིག་ལ་འདྲི་ཞིང་ཀློག་པ། ཀློག་པ་མ་ཡིན་པར་སྟོན་པའོ། །སློབ་དཔོན་དང་མཁན་པོར་ནམ་གྱི་ཚེ་ན་གྱུར་པ་དང་། ཇི་ལྟ་བུར་འགྱུར་བ་ནི་གོང་མ་ལྟར་བསྟན་ནས། དེ་དག་གི་མིང་ཇི་སྐད་འབོད་པ་སྟོན་པ་ནི། དེ་དག་ལ་ཉེ་བའི་ཚིག་ལས་གཞན་དུ་མ་
[7a.6]ཡིན་ཞེས་པ་ལ་སོགས་པ་སྟེ། མཁན་པོ་ལའང་མཁན་པོ་ཞེས་བྱའི། གནས་བརྟན་ནམ་ཚེ་དང་ལྡན་པ་ཞེས་མི་བྱ་སྟེ། སློབ་དཔོན་ལའང་དེ་དང་འདྲའོ། །དེ་སྐད་གཞན་ཡིན་ཞེས་པ་ནི། དགེ་སློང་གཞན་མཁན་པོ་དང་སློབ་དཔོན་མ་ཡིན་པ་ལ། མཁན་པོའམ་#སློབ་
[7a.7]དཔོན་ཞེས་མི་འབོད་པའོ། །གོང་དུ་བཤད་པ་ལྟར་ན་མཁན་པོ་ལ་མཁན་པོ་ཞེས་ཉེ་བའི་ཚིག་ནི་ཉི་ཚེར་#གོ་བས་ན། འབོད་པ་དེར་མ་ཟད་པའི་ཁྱད་པར་སྟོན་པའི་ཕྱིར། དོན་གྱི་སླད་ནས་མཚན་ནས་སྨོས་ཏེ། ཞེས་པ་མ་བརྗོད་པར་མཁན་པོའི་མཚན་ནས་མི་སྨོས་ཞེས་པ་ཡིན་ཏེ།
[7b]
[7b.1]མཁན་པོ་ལ་རྗེ་ས་བྱ་བའི་ཕྱིར་དེའི་མིང་ནས་མི་#བརྗོད་དུ་མི་རུང་བ་ཞིག་ཏུ་གྱུར་ནའང་། བརྗོད་དུ་མི་བྲ་#བ་སྐད་དུ་བྱ་བའི་ཚུལ་འདི་ལྟར་བྱའོ། །དགེ་ཚུལ་གྲུབ་པའི་ཆོ་ག་ཞེས་པ་ནི་འདི་ཡན་ཆད་དགེ་ཚུལ་ཇི་ལྟར་འགྲུབ་པའི་ཆོ་ག་བཤད་ཟིན་པར་སྟོན་པའོ།། །།#དགེ་ཚུལ་གྱི་ཆོ་ག་བསྟན་
[7b.2]ནས། བསྙེན་པར་རྫོགས་པའི་ཆོ་ག་དེ་སྟོན་པ་ནི། བསྙེན་པར་རྫོགས་པ་ནི་དགེ་འདུན་ལས་སོ་ཞེས་པ་ཡིན་ཏེ#། རབ་ཏུ་འབྱུང་བ་དང་དགེ་ཚུལ་གྱི་སྡོམ་པ་གང་ཟག་ལས་འཐོབ་པ་ལྟ་བུ་མ་ཡིན་པར་སྟོན་པའོ། །བསྙེན་པར་རྫོགས་པའི་ཆོ་ག་ཇི་ལྟར་བྱ་ཞེ་ན། མཁན་པོར་མངོན་སུམ་དུ་གྱུར་
[7b.3]ནས་ལས་བྱེད་པ་དང་། གསང་སྟེ་སྟོན་པ་དགེ་སློང་ལས་བསྒོ་ཞེས་པ་ཡིན་ཏེ། བདག་ཁན་པོར་གསོལ་ཏེ། དེའི་#མཁན་པོར་འགྱུར་བར་མངོན་ན་སྔ་ནས་ལས་བྱེད་པ་དང་། གསང་སྟེ་སྟོན་པ་ཁྱེད་ཀྱིས་བྱོས་ཤིག་ཅེས་གང་འོས་པ་ལ་བསྒོ་བར་བྱའོ། །དེའི་འོག་ཏུ་ཅི་བྱ་ཞེ་ན།
[7b.4]མཁན་པོར་གསོལ་ཞེས་པ་ཡིན་ཏེ། དགེ་འདུན་གྱི་ནང་དུ་དེས་མཁན་པོར་གསོལ་བ་གདབ་པོ། །གསོལ་བའི་འོག་ཏུ་མཁན་པོས་ཅི་བྱ་ཞེ་ན། དེ་ཉིད་གྱིས་ཆོས་གོས་གསུམ་བྱིན་གྱིས་རློབ་ཏུ་གཞུག་ཅེས་པ་ཡིན་ཏེ། ཆོས་གོས་གསུམ་མཁན་པོ་ཉིད་ཀྱིས་བྱིན་གྱིས་རློབ་ཏུ་
[7b.5]གཞུག་པའོ། །དེ་ལ་ཉིད་ཅས་པ་ནི་སྐྲ་དང་ཁ་སྤུ་བྲེག་བ་དང་། མཚན་བརྟག་པ་ལྟ་བུ་མཁན་པོས་བྱོས་ཤིག་ཅེས་འབྱུང་མོད་ཀྱི། ཡིད་བརྟན་པ་གཞན་གྱིས་བྱས་ནའང་མི་རུང་བ་མེད་ཀྱི། ཆོས་གོས་གསུམ་བྱིན་གྱིས་བརླབ་པ་འདི་ནི་མཁན་པོ་ཉིད་ཀྱིས་ལག་དར་ཏེ་#བྱ་དགོས་པར་
[7b.6]སྟོན་པའོ། །བསྐོན་པ་འདི་ནས་གསལ་བར་མི་སྨོས་ཀྱིས་ཀྱང་བསྒོ་བའི་ཕྱིར་བྱིན་གྱིས་རློབ་པ་ན། བྱིན་གྱིས་བརླབས་ཟིན་ནས་བསྐོན་པ་ནི་ཞར་ལ་རིག་པར་བྱའོ། །བྱིན་གྱིས་བརླབ་པ་ཆོས་གོས་ཉི་ཚེར་མ་ཟད་པ་ནི། ལྷུང་བཟེད་མི་ཆེའམ། མི་ཆུང་ངམ་མི་སྐྱའམ་ཞེས་དགེ་འདུན་ལ་ཉེ་
[7b.7]བར་བསྟན་ཞེས་པ་ཡིན་ཏེ། འདི་གསུམ་ལས་གང་ཡང་རུང་སྟེ། ཉེས་པ་ཡོད་ན་བྱིན་གྱིས་བརླབ་པའི་སྔགས་མི་འཆགས་པའི་ཕྱིར་#དགེ་འདུན་ལ་མཐར་གྱིས་སྤྱན་སྔར་བྲིམ་བའོ། །ལྷུང་བཟེད་བསྟན་ནས་དགེ་འདུན་གྱིས་#བྱ་བ་ནི། དེ་ལྟ་མ་ཡིན་ན་ལྷུང་བཟེད་བཟང་ངོ་ཞེས་ཐམས་ཅད་
[8a]
[8a.1]ཀྱིས་བརྗོད་ཅེས་པ་ཡིན་ནོ། །#གོང་མའི་སྐྱོན་གསུམ་ལྟ་བུ་མེད་ན་འདུས་པ་ཐམས་ཅད་ཀྱིས་བརྗོད་པར་བྱའོ། །དེ་སྐད་བརྗོད་པའི་འོག་ཏུ་ཅི་བྱ་ཞེ་ན། སྤགས་ནས་ལས་བྱེད་པས་སུ་ཞེས་བརྗོད་ནས། གསང་སྟེ་སྟོན་པ་མོས་པར་བྱ། དགེ་འདུན་གྱིས་འདི་གནང་བར་བྱ་ཞེས་པ་
[8a.2]ཡིན་ཏེ། བསྙེན་པར་རྫོགས་པར་འདོད་པ་དེས། དགེ་འདུན་འདུས་པའི་དཀྱིལ་འཁོར་ལས། མཐོང་བའི་ལམ་དུ་སྤགས་པ་ལ་སོགས་པ་#ལས་ཀུན་སྨྲ་བ་ལས་འབྱུང་བ་བཞིན་དུ་བྱས་ལ། དེ་ནས་ལས་བྱེད་པར་བསྐོས་པའི་དགེ་སློང་གིས་#དགེ་འདུན་གྱི་ནང་དུ་བསྙེན་པར་རྫོགས་པར་འདོད་པ་མིང་འདི་ཞེས་
[8a.3]བྱ་བའི་མཁན་པོ་མིང་འདི་ཞེས་བྱ་བས་གསང་སྟེ་སྟོན་པར་བསྐོས་པ་སུ་ཞེས་སྨྲས་ལ། གང་བསྐོས་པ་དེ་བདག་ལགས་ཞེས་པར་ཁས་ལེན་དུ་གཞུག ། དེས་ཁས་བླངས་པ་དང་། མཁན་པོ་མིང་འདི་ཞེས་བྱ་བ་ལས་བསྙེན་པར་རྫོགས་པར་འདོད་པ་མིང་འདི་ཞེས་བྱ་བའི་གསང་སྟེ་སྟོན་པར་ཁྱོད་མོས་
[8a.4]སམ་ཞེས་སྨྲས་ལ། དེ་ན་རེ་བདག་མོས་སོ་ཞེས་ཟེར་བ་དང་། གསོལ་བའི་ལས་ཀྱིས་དེ་གསང་སྟེ་སྟོན་པར་དགེ་འདུན་གྱིས་གནང་བར་བྱའོ། །དགེ་འདུན་གྱིས་གསང་སྟེ་སྟོན་པར་གནང་བ་དང་། དེས་ཇི་ལྟར་བྱ་ཞེ་ན་ཁྱོད་ཉོན་ཅིག་ཅེས་གསང་སྟེ་བསྒོའོ་ཞེས་པ་ཡིན་ཏེ། བསྙེན་པར་རྫོགས་པར་འདོད་
[8a.5]པ་དེ་ལ་གསང་སྟེ་སྟོན་པས། ལྐོག་ཏུ་ཚེ་དང་ལྡན་པ་ཁྱོད་ཉོན་ཅིག ། དེང་ཁྱོད་ཀྱི་བདེན་པའི་དུས་ཀྱིས་ཅི་སྨྲ་བ་རྣམས་ཡོད་པའང་ཡོད་ཅེས་སྨྲོས་ཤིག ། མེད་པའང་མེད་ཅེས་སྨྲོས་ཤིག ། ཅེས་པ་ལ་སོགས་པ་ཅི་སྨྲ་བའི་སྔགས་རྣམས་ཉོན་ཅིག་ཅེས་པའི་ཚིག་གིས་སྟོན་པའོ། །གསང་སྟེ་སྨྲས་ནས་
[8a.6]བསྙེན་པར་རྫོགས་པར་འདོད་པ་དེ་ལ་བསྒོ་བ་དང་དགེ་འདུན་ལ་ཞུ་བ་ནི། མ་བོས་ཀྱི་བར་དུ་མ་འོང་བར་སྡོད་ཅིག་ཅེས་བསྒོ། སྨྲས་ན་ཡོངས་སུ་གཙང་བ་དགེ་འདུན་ལ་བསྙད། ཅི་མཆི་ཞིག་གམ་ཞེས་འོང་བར་ཞུ་ཞེས་པ་ཡིན་ཏེ། གསང་སྟེ་སྟོན་པས་བསྙེན་པར་རྫོགས་པར་འདོད་པ་ལམ་བོས་ཀྱི་བར་དུ་
[8a.7]སྡོད་ཅིག་ཅེས་བསྒོ་བ་དང་། དགེ་འདུན་ལ་བཙུན་པའི་དགེ་འདུན་གསོན་ཅིག ། བདག་གིས་སྨྲས་ན་ཞེས་པ་ལ་སོགས་པ་སྔགས་ཀྱི་ཚིག་རྣམས་བསྙད་པའི་རྗེས་ལ་འོང་བའི་ཕྱིར་ཅི་མཆི་ཞིག་གམ་ཞེས་ཞུ་བར་བྱ་བ་རྣམས་སྟོན་པའོ། །དེ་ལྟར་ཞུས་ནས་དགེ་འདུན་རྣམས་ཀྱིས་དེ་སྟེ་ཡོངས་སུ་གཙང་ནའོ་ཞེས་
[8b]
[8b.1]ཐམས་ཅད་ཀྱིས་བརྗོད་ཅེས་སྨྲ་བར་བྱའོ། །བསྙེན་པར་རྫོགས་པར་འདོད་པ་དགེ་འདུན་གྱིས་གནང་སྟེ། དགེ་འདུན་གྱི་ནང་དུ་འོངས་ནས་ལས་བྱེད་པས་ཇི་ལྟར་བྱ་ཞེ་ན། ལས་བྱེད་པས་བསྙེན་པར་རྫོགས་པར་གསོལ་དུ་གཞུག་ཅེས་པ་ཡིན་ཏེ། བཙུན་པའི་དགེ་འདུན་གསོན་ཅིག ། བདག་མིང་འདི་ཞེས་བགྱི་
[8b.2]བ་དགེ་འདུན་ལས་#བསྙེན་པར་རྫོགས་པར་གསོལ་ཞེས་པ་ལ་སོགས་པའི་སྔགས་ཀྱི་ཚིག་རྣམས་ལས་བྱེད་པས་དེ་ལན་གསུམ་གྱི་བར་དུ་ཟློས་སུ་གཞུག་གོ། །གསོལ་ནས་དགེ་འདུན་ཤེས་པར་བྱས་ཏེ་བར་ཆད་ཀྱི་ཆོས་དྲི་བ་ནི། དགེ་འདུན་ཤེས་པར་བྱས་ཏེ་བར་ཆད་དྲི་ཞེས་པ་ཡིན་ཏེ། དགེ་འདུན་གྱི་ནང་དུ་
[8b.3]ཡང་བར་ཆད་ལན་ཅིག་དྲི་བའི་ཕྱིར་ལས་བྱེད་པས་དགེ་འདུན་ལ་གསོལ་བའི་ལས་བྱས་ལ་བར་ཆད་དྲི་བར་བྱའོ། །བར་ཆད་ཀྱི་ཆོས་དྲིས་ནས་ཅི་བྱ་ཞེ་ན། བསྙེན་པར་རྫོགས་པ་བསྒྲུབ་པར་བྱ་ཞེས་པ་ཡིན་ཏེ། ལས་བྱེད་པས་གསོལ་བ་དང་བཞིའི་ལས་ཀྱིས་བསྙེན་པར་རྫོགས་པའི་སྡོམ་པ་དབོག་པར་
[8b.4]བྱའོ། །བསྙེན་པར་རྫོགས་མ་ཐག་ཏུ་ཅི་བྱ་ཞེ་ན། དེ་མ་ཐག་ཏུ་གྲིབ་མ་བཅལ་ཏེ་བསྒོ་ཞེས་པ་ཡིན་ཏེ། དེ་མ་ཐག་ཏུ་དགེ་སློང་གང་ཡང་རུང་བ་ཞིག་#གིས་གྲིབ་མ་བཅལ་ལ་བསྙེན་པར་རྫོགས་པའི་གྲིབ་ཚོད་འདིའོ་ཞེས་དེ་ལ་བསྒོ་བར་བྱ་བའོ#། །གྲིབ་མ་ཅིས་བཅལ་ཞེ་ན་དེ་ནི་ཤིང་བུ་སོར་བཞི་པ་ན་དགེ་འོ་
[8b.5]ཞེས་པ་ཡིན་ཏེ། གོམ་པ་ལ་སོགས་པ་གཞན་གྱིས་#བཅལ་བ་ཐོབ་#པའི་ཕྱིར་གྲིབ་ཚོད་ཤིང་བུ་སོར་བཞི་པས་བཅལ་ན་སླ་བར་སྟོན་པའོ། །དེ་ལ་ཇི་སྐད་དུ་གདགས་པ་བསྒྲགས་པའི་ཕྱིར། འདི་ལ་སྐྱེས་བུར་གདགས་ཞེས་པ་ཡིན་ཏེ། ཤིང་བུ་སོར་བཞི་ཞིང་སྐྱེས་བུར་#གདགས་པའོ། །གྲིབ་ཚོད་ཉི་ཚེ་#
[8b.6]བསྒོ་བར་མ་ཟད་པས་ན་ད་#སྔ་དྲོ་ལ་སོགས་པ་ཉིན་མཚན་གྱི་ཡང་ངོ་ཞེས་པ་ཡིན་ཏེ། ཉིན་པར་བསྙེན་པར་རྫོགས་ན་ཡང་སྔ་དྲོ་ལ་སོགས་པའི་ཉི་ཚོད་དང་། མཚན་མོ་བསྙེན་པར་རྫོགས་ན་ཡང་སྲོད་ལ་སོགས་པའི་ཐུན་གྲངས་བསྒོ་བར་བྱའོ། །བསྒོ་བར་བྱ་བ་གཞན་ཡང་ཡོད་པ་ནི་དུས་ཀྱང་ངོ་ཞེས་པ་ཡིན་ནོ། །
[8b.7]དུས་ལ་གྲངས་དུ་ཡོད་ཅེ་ན། དེ་ནི་ལྔའོ་ཞེས་པ་ཡིན་ནོ། །དེ་གང་ཞེ་ན། དགུན་དང་དཔྱིད་དང་དབྱར་དང་ཤི་བའི་དབྱར་དང་རིང་བའི་དབྱར་རོ་ཞེས་པ་ཡིན་ཏེ། དེ་ལ་ཤི་བའི་དབྱར་ནི་ཡུན་ཐུང་བའི་ཕྱིར་རོ། །རིང་བའི་དབྱར་ནི་ཡུན་རིང་བའི་དབྱར་རོ། །དེ་དག་གི་ཚད་ནི་དང་པོའི་གཉིས་ལ་ཟླ་བ་བཞི་ཞེས་པ་ཡིན་ཏེ།
[9a]
[9a.1]སྟོན་ཟླ་ཐ་ཆུངས་#ཚེས་བཅུ་དྲུག་ནས་བཟུང་སྟེ། ཟླ་བ་བཞི་ནི་དགུན། དེའི་རིམ་བཞིན་དུ་ཡང་ཟླ་བ་བཞི་ནི་དཔྱིད་དོ། །གཞན་ཟླ་བ་གཅིག་ཅེས་པ་ཡིན་ཏེ། དེའི་འོག་ཏུ་ཟླ་བ་གཅིག་དབྱར་ཡིན་པར་སྟོན་པའོ། །དེ་ལས་གཞན་ཞེས་པ་ནི་གོང་མ་ལས་#མ་གཏོགས་པའི་ཕྱིར་རོ། །དེའི་
[9a.2]འོག་ཏུ་ཉིན་ཞག་ཅེས་པ་ཡིན་ཏེ། ཉིན་ཞག་གཅིག་ནི་ཤི་བའི་དབྱར་རོ། །ཐ་མ་ནི་དེས་ཉུང་བའི་ཟླ་བ་གསུམ་མོ་ཞེས་པ་ཡིན་ཏེ། ཟླ་བ་གསུམ་དུ་གོང་མའི་ཉིན་ཞག་གཅིག་གིས་མཚང་བ་ནི། ཐ་མའི་རིང་བའི་དབྱར་ཡིན་བར་སྟོན་པའོ། །དུས་དེ་ལྟར་བསྒོ་བའི་འོག་ཏུ་གནས་བསྒོ་ཞེས་པ་ཡིན་ཏེ། ལས་བྱད་(བྱེད་)
[9a.3]པས་བསྙེན་པར་རྫོགས་པ་དེ་ལ་ཚངས་པར་སྤྱོད་#པའི་གནས་བཙལ་སླ་ལ། རུང་བ་ཕྱག་དར་ཁྲོད་དང་བསོད་སྙོམས་དང་ཤིང་དྲུང་བཀུས་ཏེ་བོར་བའི་རྣམས་ཡིན་ཏེ། ལྷག་པར་རྙེད་ན་#ཞེས་པ་ནས། དེ་ལ་ཡང་རན་པར་ནི་སྤྱད་དོ་ཞེས་པའི་བར་དུ་བསྒོ་བར་བྱའོ། །དེ་ནས་ཡང་། ལྟུང་བའི་ཆོས་རྣམས་སོ་
[9a.4]ཞེས་པ་ཡིན་ཏེ། མི་ཚངས་པར་སྤྱོད་པ་ལ་སོགས་པའི་ཆོས་བཞི་དགེ་སློང་གི་ངོ་བོ་ལས་ལྟུང་བས་ན་ལྟུང་བ་ཞེས་ཏེ#། ཆོས་འདི་བཞི་དེའི་འོག་ཏུ་བསྔོ་བར་བྱ་བའོ། །དེའི་འོག་ཏུ་དགེ་སྦྱོང་དུ་བྱེད་པ་རྣམས་ཀྱང་ངོ་ཞེས་པ་ཡིན་ཏེ། ཁྲོས་ཀྱང་སླར་མི་ཁྲོ། གཤེ་ཡང་སླང་མི་གཤེ། བརྡེགས་#ཀྱང་སླར་མི་
[9a.5]བརྡེག ། དཔྱས་ཀྱང་སླར་མི་དཔྱ་བ་བཞིས་གཞན་ལ་མི་གནོད་པས་ན་དགེ་སྦྱོང་དུ་བྱེད་པ་ཡིན་ཏེ། འདི་བཞི་ཡང་བསྒོ་བར་བྱའོ། །དེ་ལྟར་ཅི་མངོན་ཞེ་ན། རབ་ཏུ་བྱུང་བ་གཞན་ལ་གནོད་པ་ནི། གཞན་ལ་འཚེ་བས་#དགེ་སྦྱོང་མ་ཡིན་ནོ། །ཞེས་གསུངས་པ་ཡིན་ནོ། །དེ་ནས་ཡང་གཞན་ཅི་བྱ་ཞེ་ན། ཤིན་
[9a.6]ཏུ་རེ་བ་ཡང་དག་པར་རྫོགས་པ་དང་#ཁྲིམས་མཉམ་པར་གྱུར་པས་མགུ་བར་བསྙད་ཅིང་བསྒོ་ཞེས་པ་ཡིན་ཏེ། ཁྱོད་ཡུན་རིང་མོ་ཞིག་ནས་རབ་ཏུ་འབྱུང་བ་དང་། བསྙེན་པར་རྫོགས་པར་ནམ་གྱུར་#སྙམ་དུ་རེ་ཞིང་སེམས་དེང་དུ་མཁན་པོ་དང་ལྡན་པ་དང་། སློབ་དཔོན་དང་ལྡན་པ་དང་། ཚོགས་པ་#དང་ལྡན་
[9a.7]པ་དང་། ཆོ་ག་ཡང་དག་པས་ཡང་དག་པར་རྫོགས་པར་གྱུར་ཏོ་ཞེས་བསྒོ་བ་དང་། བསྙེན་པར་རྫོགས་ནས་ལོ་བརྒྱ་ལོན་པ་དང་། ཁྱོད་བསྙེན་པར་རྫོགས་པ་གཉིས་བསླབ་པ་འདྲ་བས་ན་མཚུངས་སྙམ་མོ་ཞེས་གཟེངས་བསྟོད་ཅིང་དེ་ལྟ་བས་ན་བསླབ་པ་ལ་གནས་པར་སྒྲུབས་#ཤིག་ཅེས་བསྒོ་བར་བྱའོ། །གཞན་ཡང་
[9b]
[9b.1]བསྒོ་བར་བྱ་བ་ནི། འཇིག་རྟེན་པ་#འབྲེལ་པའི་གཟུགས་བརྙན་ནོ་ཞེས་པ་ཡིན་ཏེ། འཇིག་རྟེན་པ་དང་བུར་འབྲེལ་པ་བཞིན་དུ། དེང་ཕན་ཆད་མཁན་པོ་ཡང་ཁྱོད་ལ་བུར་སེམས། ཁྱོད་ཀྱིས་ཀྱང་ཕར་སོམས་ཤིག་ཅེས་བ་ལ་སོགས་པ་དེ་ཡིད་རྟོན་#དུ་གཞུག་པའི་ཕྱིར་བསྒོའོ། །དེའི་འོག་ཏུ་དུལ་བར་གནས་པ་
[9b.2]ཡང་ངོ་ཞེས་པ་ཡིན་ཏེ། དེ་#ཕན་ཆད་རྒན་རབས་དང་གཞོན་རབས་ཡན་ཆད་ལ་རྗེས་སྐྱེད་ཅིང་བཀུར་བ་དང་། འཛེམ་པའི་དབང་དུ་སྤྱོད་#པ་ལ་སོགས་པ་ཅི་ནས་ཀྱང་དུལ་བར་གནས་པར་གྱིས་ཤིག་ཅེས་བསྒོ་བར་བྱའོ#། །དགོས་པ་ལ་ནན་ཏན་པ་ཡང་ངོ་ཞེས་པ་སྟེ། དེང་ཕན་ཆད་ཁྱོད་ལུང་ནོད་པ་དང་། ཀླག་པ་དང་
[9b.3]གདོན་པ་ལ་སོགས་པ་ལ་བརྩོན་བར་གྱིས་ཤིག་ཅེས་གསུངས་པ་ཡིན་ཏེ། རབ་ཏུ་བྱུང་བའི་དགོངས་#བ་འདི་རྣམས་ལ། ཅི་ནས་ཀྱང་འདུ་ཞིང་བརྩོན་བར་གྱིས་ཤིག་ཅེས་བསྒོ་བར་བྱའོ། །#ཡང་དག་པར་མནོས་ལམ་བཤད་པ་ཡང་། ཤེས་ཤིང་འགྲུབ་པར་འགྱུར་བ་བསྒོ་ཞེས་པ་ཡང་ཡིན་ཏེ། ལྷག་མ་
[9b.4]ལ་སོགས་པའང་བསྙེན་པར་རྫོགས་པའི་ཚེ། མནོས་པའི་ཁོངས་སུ་ནི་གཏོགས་པ་ལས་ངས་ཆེ་ལོང་ཙམ་ཞིག་བསྟན་གྱི། ལྷག་མ་གཞན་རྣམས་ཁྱོད་ཀྱི་མཁན་པོ་དང་སློབ་དཔོན་སྟོན་ཏོ་ཞེས་ཀྱང་བསྒོ་བར་བྱ་བའོ། །གུས་པ་བསྒོ་ཞེས་པ་ཡང་ཡིན་ཏེ། །ཤེས་རབ་དམ་པའི་བསྟན་པ་ལ། །བསྙེན་
[9b.5]པར་རྫོགས་པར་གྱུར་པ་ནི། །ཁོམ་པ་རྙེད་པར་དཀའ་བས་ན། །འདི་ལ་བླ་ཁྱད་མི་བྱའོ། །ཡང་དག་རྫོགས་པས་རབ་ཏུ་མཁྱེན། །བདེན་པའི་མཚན་གྱིས་#གསུངས་པ་ཡི། །མཛེས་པ་དག་ནི་རབ་ཏུ་བྱུང་#། །ཡོངས་སུ་དག་པ་#བསྙེན་པར་རྫོགས། །ཞེས་གསུངས་#པས་ན། ཚིགས་བཅད་འདི་གཉིས་ཀྱིས་
[9b.6]གུས་པར་གྱིས་ཤིག་ཅེས་བསྒོ་པར་བྱ་བའོ། ཐབས་དང་བཅས་པས་བསྙད་དེ་བསྒྲུབ་པའོ་ཞེས་པ་ཡིན་ཏེ་བག་ཡོད་པས་དགེ་སྦྱོང་གི་འབྲས་བུ་ལ་སོགས་པ་སྒྲུབས་#ཤིག་ཅེས་ཐབས་དང་བཅས་པར་བསྙད་དེ། སྒྲུབས་#ཤིག་པར་བསྒོའི། དགེ་སྦྱོང་གི་འབྲས་བུ་ལ་སོགས་པ་སྒྲུབས་#ཤིག་ཅེས།
[9b.7]ཐབས་སམ་རྒྱུ་མེད་པར་བསྒོ་བ་མ་ཡིན་པའོ། །བསྙེན་པར་རྫོགས་པས་དང་པོར་ཕྱག་གསུམ་བྱ་བ་ལ་སོགས་པ་ནི་ལས་ཀྱི་དངོས་པོ་ལས་རྒྱས་པར་འབྱུང་བས་ན་འདིར་མ་སྨྲས་སོ། །བསྙེན་པར་རྫོགས་པའི་ཆོ་གའོ།། །།རབ་ཏུ་འབྱུང་བ་དང་བསྙེན་པར་རྫོགས་པས་#རང་ཉམས་བྱར་མེད་པས་
[10a]
[10a.1]ན་གནས་ཞུས་པར་གནས་པས་བྱ་བ་མི་བྱ་ཞེས་པ་ཡིན་ཏེ། དེ་ལ་གནས་ནི་མཁན་པོའམ་སློབ་དཔོན་ནོ། །གནས་པ་ཞེས་པ་ནི་སློབ་མའམ་ཉེ་གནས་སོ། །བྱ་བ་ཞེས་པ་ནི་ཀླག་#པ་དང་ཁ་ཏོན་དང་ལྷུང་བཟེད་དང་ཆོས་གོས་ཀྱི་#བྱ་བ་ལ་སོགས་པའོ། །བྱ་བའི་ཆོ་ག་#ཐམས་ཅད་མ་
[10a.2]ཞུས་པར་མི་བྱའམ་ཞེ་ན། བཤད་གཅི་དང་སོ་ཤིང་བཅའ་བ་དང་། གཙུག་ལག་ཁང་གི་ཉེན་#ཀོར་དང་བཅས་པའི་མཆོད་རྟེན་ལ་ཕྱག་བྱ་བ་དང་། གཙུག་ལག་ཁང་ནས་#འདོམ་བཞི་བཅུ་རྩ་དགུའི་བར་དུ་འགྲོ་བ་རྣམས་མ་གཏོགས་སོ་ཞེས་པ་ཡིན་ཏེ། འདོམ་བཞི་བཅུ་རྩ་དགུར་འགྲོ་བ་ཡང་དོན་
[10a.3]གཉེར་བ་ནི་དྲི་དགོས་སོ། །བྱ་བ་ལའང་རྣམ་པ་གཉིས་ཏེ། བརྩམ་པ་ཆེར་བྱ་བ་དང་ཆུང་བའོ། །དེ་ལ་བརྩམ་པ་ཆུང་བ་ནི་ནད་དྲི་བ་དང་བྲེ་མོའི་གཏམ་དང་། གོས་སྤྲུག་བརྡབ་བྱ་བ་དང་རྡུལ་ཕྱི་བ་ལ་སོགས་པ་ཡིན་ཏེ། འདི་དག་ཀྱང་དྲིས་ན་དཔྱས་སུ་འགྱུར་བའི་ཕྱིར་དྲི་མི་དགོས་སོ། །གནས་
[10a.4]པས་ཇི་ལྟར་བྱ་བ་ནི། ལྷུང་བཟེད་དང་ཆོས་གོས་ཀྱི་ལས་དང་། ནད་གཡོག་དང་། འགྱོད་པ་བསྩལ་#བ་དང་། སྡིག་པའི་#ལྟ་བར་གྱུར་པ་ལས་སླར་ལོག་པ་རྣམས། ཨེ་མ་བདག་གིས་བྱ་བའམ་བྱེད་དུ་གཞུག་ཅེས་ཤིན་ཏུ་བརྩོན་པར་བྱའོ་ཞེས་པ་ཡིན་ཏེ། དེ་ལ་འགྱོད་པ་བསྩལ་#བ་ནི་དེས་ཉེས་
[10a.5]བྱས་ལ་སོགས་པ་བསླབ་པ་ལས་འདས་པ་ཞིག་བྱས་ན་འཆགས་པ་ལ་སོགས་པ་གཉེན་པོ་ལ་བརྟེན་དུ་གཞུག་པའོ། །སྡིག་པའི་ལྟ་བར་གྱུར་པ་ནི་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་རྣམས་བར་དུ་གཅོད་པར་མི་འགྱུར་རོ་ཞེས་པར་ལྟ་བ་ལ་སོགས་པའོ། །གནས་
[10a.6]པས་བྱ་བ་དེར་ཟད་དམ་ཞེ་ན། དགེ་འདུན་ཆད་པས་གཅོད་པར་འདོད་ན་ཨེ་མ་འདི་ལ་དགེ་འདུན་གྱིས་ཇི་ལྟར་ཆད་པས་མི་ཆོད་པར་བྱ་ཞེས་སོ་ཞེས་པ་ཡིན་ཏེ#། མཁན་པོའམ་གནས་དེ་ནས་བཀར་བ་ལ་སོགས་པའི་ཆད་པས་གཅོད་པར་རྩོམ་ན། བདག་གིས་#ཅི་ནས་ཀྱང་ཆད་པས་མི་ཆོད་པར་བྱ་བའོ། །
[10a.7]ཆད་པས་ཆོད་པ་ཞིག་ཏུ་གྱུར་ན་ཇི་ལྟར་བྱ་ཞེ་ན། ཆོད་ན་འབྲལ་བར་རོ་ཞེས་པ་ཡིན་ཏེ། དེ་ཆད་པས་ཆོད་པ་ཞིག་ཏུ་གྱུར་ན། དེ་ལས་ཅི་ཕྱིན་པའམ་ཆད་པ་དེ་མྱུར་དུ་བྲལ་བར་གྲོགས་བྱ་བའོ། །གནས་པས་བྱ་བ་གཞན་ཡང་ཡོད་པ་འདི། ཆད་པ་དང་རྩ་བའི་ཆད་པ་དང་མགུ་བ་དང་རྩ་བའི་མགུ་བ་
[10b]
[10b.1]དང་དབྱུང་བར་འདོད་ན། མནོད་པ་དང་འབྲལ་བར་རོ་ཞེས་པ་ཡིན་ཏེ། །མཁན་པོ་འམ་གནས་ལ་ལྷག་མ་བཅབས་པའི་ཉེས་པ་ཡོད་ན། ཆད་པ་ལ་སོགས་པ་དགེ་འདུན་ལས་མྱུར་དུ་གནོད་#པ་དང་མྱུར་དུ་འབྲལ་བར་བསྟང་ཞིང་གྲོགས་བྱ་བའོ། །གནས་པའི་ཆོ་ག་དེ་ལྟར་བསྟན་ནས། གནས་ཀྱི་བྱ་བ་བསྟན་པའི་
[10b.2]ཕྱིར། །དེས་ཀྱང་དྲི་བ་མ་གཏོགས་ཀྱི། །འདི་དག་དེ་ལ་བྱ་ཞེས་པ་ཡིན་ཏེ། གནས་ཀྱིས་ཀྱང་ཞུ་བར་མི་བྱར་ཟད་ཀྱི། ལྷུང་བཟེད་དང་ཆོས་གོས་ཀྱི་ལས་ལ་སོགས་པ་གོང་དུ་སྨོས་པ་བཞིན་དུ་བསྟང་ཞིང་གྲོགས་བྱ་བའོ། །གནས་པ་#ཞུས་པར་གནས་པས་བྱ་བ་མི་བྱ་ཞེས་པ་དེ་བསྙེན་པར་རྫོགས་
[10b.3]ནས་ཇི་སྲིད་ལོན་ནས་གནས་བྱ་ཞེ་ན། བསྙེན་པར་རྫོགས་ནས་ལོ་བཅུ་མ་ལོན་པས་མཁན་པོ་དང་གནས་དང་མི་གནས་པར་འདུག་པར་མི་བྱ་ཞེས་པ་ཡིན་ནོ། །ལོ་བཅུ་ལོན་པ་ཀུན་གྱིས་རྣམ་པ་འདི་གསུམ་བྱར་རུང་ངམ་ཞེ་ན། ཕྲུགས་འོག་ནས་འབྱུང་བ་གང་དང་ཡང་#མི་ལྡན་པས་མ་ཡིན་ནོ་ཞེས་པ་སྟེ། ལོ་
[10b.4]བཅུ་ལོན་དུ་ཟིན་ཀྱང་ལྔ་ཕྲུགས་འོག་ནས་འབྱུང་བའི་ནང་ནས་གང་དང་ཡང་མི་ལྡན་ན་གོང་དུ་སྨོས་པ་གསུམ་བྱར་མི་རུང་། ལྔ་ཕྲུགས་དེ་དག་གང་ཞེ་ན། ནད་གཡོག་དང་ཐེ་ཚོམ་སེལ་བ་དང་། སྡིག་པའི་ལྟ་བར་གྱུར་པ་ལྡོག་པ་དང་། མི་དགའ་བའི་གནས་#བཏང་བ་རྣམས་བྱ་བའམ་བྱེད་དུ་གཞུག་ནུས་པའོ་
[10b.5]ཞེས་པ་ཡིན་ཏེ། མིང་གིས་སྨོས་པ་འདི་བཞི་བདག་གིས་བྱེད་ནུས་ཀྱང་རུང་། ཕ་རོལ་ལ་འཆོལ་ནུས་ཀྱང་རུང་བའོ། །དེ་ལ་ནད་གཡོག་ཅེས་པས་ནི་སྡུག་བསྔལ་བཟོད་པ་དང་སྙིང་རྗེ་དང་ལྡན་པར་སྟོན་པའོ། །#ཐེ་ཚོམ་སེལ་ཞེས་པས་ནི་འདུལ་བ་ཁས་པར་སྟོན་ཏོ། །ལྟ་བར་སོང་བ་ལས་བཟློག་
[10b.6]ཅེས་པས་ནི་ཆོས་མངོན་བ་ཁས་པར་སྟོན་ཏོ། །མི་དགའ་བའི་གནས་ནས་གཏོང་ཞེས་པས་ནི་བསམ་པ་ཤེས་པར་སྟོན་ཏོ། །བྱེད་དུ་གཞུག་ནུས་ཞེས་འབྱུང་བ་ཡང་། བདག་གིས་བྱེད་མི་ནུས་པར་སྟོན་པ་མ་ཡིན་ཏེ། དེ་ཡང་ཅི་ཕྱིར་ཞེ་ན། ཡན་ལག་གི་མཆོག་འདུལ་བ་ཁས་པ་ཡིན་པ་ལས།
[10b.7]འདུལ་བ་ལ་མི་མཁས་པས་ཐེ་ཚོམ་སེལ་མི་ནུས་པའི་ཕྱིར་རོ། །འོ་ན་བྱ་བ་དང་བྱེད་དུ་གཞུག་ཅེས་པ་ཅི་#སྨོས་ཤེ་ན། ལ་ལ་གང་གིས་འདུལ་ལ་ལ་གང་གིས་འདུལ་བས་ན། བདག་གིས་མི་ཤེས་པའི་ཕྱིར། ཕ་རོལ་ལ་བཅོལ་བ་མ་ཡིན་གྱི། བདག་པས་གཞན་གྱིས་བསྟན་ན། །དེ་འདུལ་བར་འགྱུར་བའི་
[11a]
[11a.1]ཕྱིར་རོ། །ལྔ་ཕྲུགས་འོག་མ་མ་ཚང་བ་རྣམས་བསྐང་བའི་ཕྱིར་སྦྱོར་བའི་མདོ་སྟོན་པ་ནི། སློབ་ཆེས་#པ་ཡན་ཆད་སྔར་མེད་པ་ལ། ཚུལ་ཁྲིམས་དང་ལྡན་པ་དང་། མང་དུ་ཐོས་པ་དང་སྦྱོར་#ཞེས་པ་ཡིན་ཏེ། སློབ་ཆེས་པའི་ཚིག་འོག་ནས་འབྱུང་བ་ཡན་ཆད་ལྔ་ཕྲུགས་སུ་
[11a.2]མ་ཚང་བ་རྣམས་འདི་གཉིས་དང་སྦྱར་བར་སྟོན་པའོ། །དེ་ལ་ཚུལ་ཁྲིམས་དང་ལྡན་པ་ནི་ཕས་ཕམ་པ་མ་བྱུང་བ་ཙམ་ལ་མི་བྱའི། བསླབ་པ་ཕྲན་ཚེགས་ཡན་ཆད་ལ་སྡོམ་པར་འཇིག་རྟེན་པ་ཀུན་གྱིས་བརྩི་བའོ། །མང་དུ་ཐོས་ཞེས་པ་ནི། སྡེ་སྣོད་གསུམ་ཞེས་པ་གང་ནས་འབྱུང་བ་དེའི་ཚེ་
[11a.3]ཕྱིའི་གཙུག་ལག་ཐོས་པར་དྲང་ངོ་། སྡེ་སྣོད་མངོན་བར་ཤེས་པའི་#ཞེས་པ་ནི། སྡེ་སྣོད་གསུམ་ལ་འཛིན་པ་དང་། མཁས་པ་དང་རིག་པ་དང་། གསལ་བ་ཞེས་གཞུང་ལས་འབྱུང་བ། སློབ་དཔོན་གྱིས་འདིར་སྡེ་སྣོད་ཤེས་པར་བསྡུས་#པས་ན་མིང་གིས་སྨོས་པ་བཞི་པོ་དེ་དག་རེ་རེ་ཞིང་། ཚུལ་ཁྲིམས་
[11a.4]དང་ལྡན་པ་དང་། མང་དུ་ཐོས་པས་བསྐང་སྟེ། སྤྱིར་#ལྔ་ཕྲུགས་བཞི་ཡོད་པར་རིག་པར་བྱའོ། །དེ་ལ་འཛིན་ཞེས་པ་ནི་མི་བརྗེད་པའོ། །མཁས་ཞེས་པ་ནི་སྡེ་སྣོད་གསུམ་གྱི་ཆོས་འདྲེན་མར་འདུག་པ་སོ་སོར་ཕྱེ་བའོ། །རིག་ཅེས་པ་ནི་སྡེ་སྣོད་གསུམ་གཞུང་དང་རིགས་པས་རྟོགས་པའོ། །
[11a.5]གསལ་ཞེས་པ་ནི་དེ་ལྟར་རྟོགས་པ་གཞན་ལ་རྒྱས་པར་སྟོན་ནུས་པའོ། །དེ་དག་སྟོན་ནུས་པའོ་ཞེས་པ་ནི། སྡེ་སྣོད་དེ་གསུམ་གཞན་གྱིས་#དོན་གོ་བར་སྟོན་ནུས་པའི་སྟེང་དུ་ཚུལ་ཁྲིམས་དང་ལྡན་པ་དང་། མང་དུ་ཐོས་པས་བསྣན་ཏེ། ལྔ་ཕྲུགས་གཅིག་ཏུ་སྟོན་པའོ། །ལྷག་པའི་ཚུལ་
[11a.6]ཁྲིམས་དང་། སེམས་དང་། ཤེས་རབ་ལ་#སློབ་པའོ་ཞེས་པ་ནི། འདི་གསུམ་གྱི་སྟེང་དུ་གཉིས་ཀྱིས་བསྣན་ཏེ། ལྔ་ཕྲུགས་གཅིག་ཏུ་སྟོན་པའོ། །དེ་ལ་ཚུལ་ཁྲིམས་ཞེས་པ་ནི་ཚུལ་ཁྲིམས་ཐམས་ཅད་དེ་འདུལ་བའོ། །སེམས་ཞེས་པ་ནི་བསམ་གཏན་བཞིའོ། །ཤེས་རབ་ཅེས་པ་ནི་ཟག་
[11a.7]པ་མེད་པའི་ལམ་མོ། །སློབ་ནུས་པ་ཡང་ངོ་ཞེས་པ་ནི་གོང་དུ་སྨོས་པ་གསུམ་གཞན་ལ་སྟོན་ནུས་པའི་སྟེང་དུ་གོང་མ་གཉིས་བསྣན་ཏེ། ལྔ་ཕྲུགས་གཅིག་ཏུ་སྟོན་པའོ། །སྤྱོད་པ་དང་འདུལ་བ་དང་སོ་སོར་#ཐར་པ་ཡང་དེ་བཞིན་ཞེས་པ་ནི། འདི་གསུམ་གྱི་སྟེང་དུ་གཉིས་ཀྱིས་བསྣན་ཏེ། ལྔ་གོང་
[11b]
[11b.1]མ་བཞིན་དུ་ཉིད་སློབ་པ་དང་། གཞན་སློབ་ནུས་པས་ཕྱེ་སྟེ། ལྔ་ཕྲུགས་གཉིས་སུ་སྟོན་པའོ། །དེ་ལ་སྤྱོད་པ་ཞེས་པ་ནི། གོས་ཚགས་དང་བསོད་སྙོམས་ཡན་ཆད་དགེ་སློང་གི་སྤྱད་པའི་ཆོ་ག་ལ་བྱ། འདུལ་བ་དང་སོ་སོ་ཐར་ཞེས་པ་ནི། རྣམ་པར་འབྱེད་པ་ལ་སོགས་པ་དང་སོ་སོ་ཐར་པ་ཉིད་
[11b.2]དོ། །དད་པ་ཚུལ་ཁྲིམས་ཐོས་པ། གཏོང་བ། ཤེས་པ་རྣམས་དང་ལྡན་པའོ་ཞེས་པ་ནི་དཀོན་མཆོག་གསུམ་ལ་དང་བའི་དད་པ་དང་། རང་བཞིན་དང་བཅས་པའི་ཁ་ན་མ་ཐོ་སྤོང་བ་ཚུལ་ཁྲིམས་དང་། འདུལ་བར་གཏོགས་པ་ལ་སོགས་པ་གོ་བའི་ཐོས་པ་དང་། འདོད་ཞེན་མེད་པའི་ངོ་བོ་
[11b.3]གཏོང་བ་དང་། ཆོས་རྣམས་རྟོགས་པའི་ཤེས་རབ་འདི་ལྔ་དང་ལྡན་པ་ལྔ་ཕྲུགས་གཅིག་ཏུ་སྟོན་པའོ། །ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། དེ་ཤེས་པ་མཐོང་བ་རྣམས་སོ་ཞེས་པ་ནི། མིང་གིས་སྨོས་པ་འདི་ལྔ་ལྔ་ཕྲུགས་གཅིག་ཏུ་སྟོན་པའོ། །
[11b.4]དེ་ལ་ཚུལ་ཁྲིམས་ཞེས་པ་ནི་འདུལ་བ་ཤེས་པའོ། །ཏིང་ངེ་འཛིན་ཞེས་པ་ནི་སེམས་རྩེ་གཅིག་པའོ། །ཤེས་རབ་ནི་གོང་དུ་བཤད་པ་དང་འདྲ། རྣམ་པར་གྲོལ་བ་ཞེས་#པ་ནི་མི་སློབ་པའི་རྣམ་པར་གྲོལ་བའོ། །དེ་ཤེས་པ་ནི་ཟད་པ་དང་མི་སྐྱེ་བའི་ཤེས་པའོ། །མཐོང་ཞེས་པ་ནི་མི་སློབ་པའི་ལྟ་
[11b.5]བའོ། །བརྩོན་འགྲུས་བརྩམས་པ་དང་ཤེས་རབ་དང་ལྡན་བར་སྦྱོར་བ་#ཡང་ངོ་ཞེས་པ་ནི། འོག་མའི་མདོ་གསུམ་དང་སྦྱོར་བར་སྟོན་པའོ། །དྲན་པ་དང་#ལྡན་པའོ་ཞེས་པ་ནི་དྲན་པ་དང་ལྡན་པའི་སྟེང་དུ། བརྩོན་འགྲུས་བརྩམས་པ་དང་། ཤེས་རབ་དང་ལྡན་པ་དང་། གོང་མ་གཉིས་ཀྱིས་
[11b.6]བསྣན་#ཏེ་ལྔ་ལྔ་ཕྲུགས་གཅིག་ཏུ་སྟོན་པའོ། །དབེན་པ་ཡང་ངོ་ཞེས་པ་ནི་འདུ་འཛི་མེད་པ་སྟེ། འདིའི་སྟེང་དུ་གོང་མ་བཞིས་བསྣན་#ཏེ། ཕྲུགས་གཅིག་ཏུ་སྟོན་པ་སྔ་མ་དང་འདྲའོ། །མཉམ་པར་གཞག་པའོ་#ཞེས་པ་ནི་སེམས་མི་གཡེང་བར་ཁུགས་ཤིང་ཞི་པ་ཉིད་དེ། འདི་ཡང་གོང་མ་དང་
[11b.7]འདྲ་བར་ལྔ་ཕྲུགས་གཅིག་ཏུ་སྟོན་ཏོ། །སློབ་པ་ཡང་ངོ་ཞེས་པ་ནི་ཟག་པ་མེད་པའི་ལམ་གྱིས་ཉོན་མོངས་པ་སྤོང་བར་སློབ་པས་ན་སློབ་པ་ཞེས་བྱ་སྟེ། སློབ་པའི་ཚུལ་ཁྲིམས་དང་ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། དེ་ཤེས་པ་མཐོང་བའི་ཕུང་པོ་རྣམས་དང་ལྡན་པ།
[12a]
[12a.1]ལྔ་ཕྲུགས་གཅིག་ཏུ་སྟོན་པའོ། །#དེ་ལ་རྣམ་པར་གྲོལ་བ་ཞེས་པ་ནི་སློབ་པའི་#ལྷག་པར་མོས་པའོ། །ཤེས་པ་ཞེས་པ་ནི་ཆོས་ཤེས་པ་ལ་སོགས་པའོ། །མཐོང་ཞེས་པ་ནི་ཆོས་ཤེས་པར་བཟོད་བ་ལ་སོགས་པའི་ཤེས་རབ་བོ། །མི་སློབ་པ་ཡང་ངོ་ཞེས་པ་ནི་དགྲ་བཅོམ་པ་སྟེ། དེའི་
[12a.2]ཚུལ་ཁྲིམས་ལ་སོགས་པ་ལྔ་དང་ལྡན་པ་ལྔ་ཕྲུགས་གཅིག་ཏུ་སྟོན་པའོ། །བྱུང་བ་དང་། བཅས་པ་དང་། རྗེས་སུ་བཅས་པ་དང་། དགག་པ་དང་། གནང་བ་རྣམས་མངོན་པར་ཤེས་པའོ་ཞེས་པ་ནི་རྣམ་པ་འདི་ལྔ་ལྔ་ཕྲུགས་གཅིག་ཏུ་སྟོན་ཏོ། །དེ་ལ་བྱུང་བ་ཞེས་པ་ནི། བསླབ་པ་བཅས་པའི་གླེང་
[12a.3]གཞིའི་ཁུངས་སོ། །བཅས་པ་ཞེས་པ་ནི་བསླབ་པ་རྣམ་པར་གཞག་པའོ། །རྗེས་སུ་བཅས་པ་ཞེས་པ་ནི་རྣམ་པ་གཉིས་ཏེ། སྔོན་གནང་བ་ལས་དེའི་ཡན་ལག་ཏུ་བཅས་པ་དང་། སྔོན་བཀག་པ་ལས་ཕྱིས་གནང་བའོ། །དཔེར་ན་སྔར་ལྷམ་འཆང་ངུ་གནང་བ་ལས། ཀྲིག་ཀྲིག་ཟེར་བ་དང་།
[12a.4]ཙིད་ཙིད་ཟེར་བ་དང་། དྲེགས་པ་སྐྱེ་བར་འགྱུར་བ་རྣམས་མི་སྣང་བར་བཅས་པ་ལྟ་བུ་དང་། དུས་མ་ཡིན་པའི་ཟས་སྔར་བཀག་སྟེ་མ་གནང་བ་ལས་ཕྱིས་ནད་ཀྱི་#རྐྱེན་གྱིས་གནང་བ་ལྟ་བུ་ལ་སོགས་པའོ། །བཀག་ཅེས་པ་ནི་ཆང་ལྟ་བུ་ནད་ཀྱི་#རྐྱེན་གྱི་ཕྱིར་ཡང་མ་གནང་སྟེ་ཡེ་བཀག་པའོ། །
[12a.5]གནང་བ་ཞེས་པ་ནི་ཕས་ཀྱི་སྨྲ་བ་ཚར་བཅད་པའི་ཕྱིར་ཕྱིའི་གཙུག་ལག་སློབས་#ཤིག་པ་ལྟ་བུ་བསླབས་ཀྱང་རུང་མ་བསླབས་ཀྱང་རུང་ཉེས་པ་མེད་པའོ། །བར་དུ་གཅོད་པ་དང་བར་དུ་མི་གཅོད་པ་ཤེས་པ་དང་། བཤད་པ་དང་། རྗེས་སུ་སྟོན་པའོ་ཞེས་པ་ནི་བར་དུ་གཅོད་པ་དང་། མི་གཅོད་པ་ཤེས་པ་
[12a.6]དང་། དེ་ཉིད་གཞན་ལ་འཆད་ནུས་པ་དང་མི་བྱ་བ་ལས་བཟློག་ཅིང་བྱ་བ་ལ་འཛུད་པར་སྟོན་པ་བཞི་འོག་ནས་འབྱུང་བ་དང་སྦྱོར་བར་སྟོན་པའོ། །གནས་དང་ཉེ་བར་གནས་པ་འཆོལ་ནུས་པ་དང་སྦྱར་ཞེས་པ་ནི། བདག་དོན་ཆེད་ཀྱི་ཕྱིར་གུད་དུ་འགྲོ་ན་བདག་ལ་གནས་པ་གཞན་ལ་གནས་པར་
[12a.7]འཆོལ་བའི་མཐུ་ཡོད་པའི་སྟེང་དུ་གོང་མ་བཞིས་བསྣན་ཏེ། ལྔ་ཕྲུགས་གཅིག་ཏུ་སྟོན་པ་དང་། བདག་ཆད་པ་ལ་སོགས་པའི་ལས་བྱེད་པའི་ཚེ། བདག་ལ་གནས་པ་ཕ་རོལ་ལ་རེ་ཞིག་གནས་པར་འཆོལ་བའི་མཐུ་ཡོད་པའི་སྟེང་དུ་གོང་མ་བཞིས་བསྣན་ཏེ་ལྔ་ཕྲུགས་གཅིག་ཏུ་སྟོན་པའོ། །ལྟུང་
[12b]
[12b.1]བ་དང་། མི་ལྟུང་བ་དང་། ལྕི་བ་དང་། ཡང་བ་ཤེས་པ་དང་། སོ་སོར་ཐར་པ་རྒྱས་པར་ཐོན་པའོ་ཞེས་པ་ནི་མིང་གིས་སྨོས་པ་འདི་ལྔ་དང་ལྡན་པ་ལྔ་ཕྲུགས་གཅིག་ཏུ་སྟོན་ཏེ། དེ་ལ་ལྕི་ཡང་ཤེས་པ་ནི་སྦོམ་པོ་#བྱུང་ན། ཁ་ཅིག་ནི་དགེ་འདུན་ཐམས་ཅད་ཀྱི་མདུན་དུ་བཤགས་དགོས། ཁ་ཅིག་ནི་ལྔ་ལ་
[12b.2]སོགས་པའི་མདུན་དུ་བཤགས་པའི་ལྕི་ཡང་ཤེས་པའོ། །འདུལ་བ་ཐམས་ཅད་ནི་སོ་སོར་ཐར་པ་རྒྱས་པ་ཡིན་པས་ན། འདུལ་བ་ཀུན་ཁ་ཏོན་དུ་ཤེས་པ་ལ་བྱའོ། །གཙུག་ལག་ཁང་འགའ་ཞིག་ན་བསྙེན་པར་རྫོགས་ནས་ནི་ལོ་བཅུ་ལྷག་ལ་ལྔ་ཕྲུགས་དང་ནི་མི་ལྡན་ཏེ། དེ་ལས་རྒན་ཞིང་གནས་འཆར་འོས་
[12b.3]པ་ཡང་མེད་པ་ཞིག་ན་ཇི་ལྟར་བྱ་ཞེ་ན། རྒན་པོ་མེད་ན་གཞོན་ནུ་ལ་གནས་བཅའ་ཞེས་པ་ཡིན་ཏེ། གོང་དུ་སྨོས་པ་ལྟར་རྒན་པ་ནི་མེད་ལ། དེ་བས་གཞོན་པ་ལོ་བཅུ་ཡང་ལོན་ལྔ་ཕྲུགས་དང་ཡང་ལྡན་ན། རྒན་རབས་དེ་ལ་གནས་པར་བྱ་བའོ། །དེ་ཉེ་གནས་ཀྱི་བྱ་བ་ཀུན་བྱའམ་ཞེ་ན། ཕྱག་ཉི་ཚེ་
[12b.4]མ་གཏོགས་ཞེས་པ་ཡིན་ནོ། །གཞི་གཅིག་ན་འཁོད་པ་གནས་མི་བཅར་མི་རུང་བ་བཞིན་དུ་ཡུལ་རྒྱུ་བ་འང་དེ་དང་འདྲ་འམ་ཞེ་ན། ལོ་ལྔ་ལོན་པ་#ཕྲུགས་ཐ་མ་དང་ཡང་ལྡན་ན་གནས་མེད་པར་ཡུལ་དུ་རྒྱུ་བ་སྤྱོད་ཅིག་ཅེས་པ་ཡིན་ཏེ། སོ་སོར་#ཐར་པ་རྒྱས་པར་ཐོན་པ་ལ་སོགས་པའི་#ལྔ་ཕྲུགས་དང་ཡང་
[12b.5]ལྡན། བསྙེན་པར་རྫོགས་ནས་ཀྱང་ལོ་ལྔ་ལོན་པ་ཞིག་ན་གནས་མེད་ཀྱང་ཡུལ་རྒྱུ་བ་རུང་བར་སྟོན་པའོ། །#ཕྲུགས་ཐ་མ་དང་ནི་ལྡན་ལོ་ལྔར་ནི་མ་ལོན་པ་ཞིག་ན་གནས་མེད་པར་ཡུལ་རྒྱུ་བ་སྤྱད་དུ་རུང་ངམ་ཞེ་ན། གཞན་ནི་རིག་པ་གསུམ་དང་ལྡན་ཡང་མ་ཡིན་ཞེས་པ་སྟེ། མི་སློབ་པའི་སྔོན་གྱི་
[12b.6]གནས་དྲན་པ་དང་། སྐྱེ་ཤི་དང་། ཟག་པ་མེད་པའི་ཤེས་པ་མངོན་དུ་རིག་པ་རྣམས་ཡོད་ཀྱང་། བསྙེན་པར་རྫོགས་ནས་ལོ་ལྔར་མ་ལོན་ན་གནས་མེད་པར་ཡུལ་རྒྱུར་མི་གནང་། གནས་པར་གཏོགས་པའོ། །གོང་དུ་བར་ཆད་ཀྱི་ཆོས་དྲིས་ལ་ཡོངས་སུ་གཙང་ན། མཁན་པོ་སྔ་མར་སྐབས་དབྱེ་
[12b.7]ཞེས་སྨོས་པའི་བར་ཆད་དྲི་བ་དེ་#སྟོན་ཏེ། དེ་ཡང་མ་གསོད་པ་ལ་སོགས་རབ་ཏུ་འབྱུང་བ་ལ་བར་དུ་#གཅོད་པ་དང་། རྐང་ལག་འཇས་འགྲུམ་#ལ་སོགས་པ། མཛེས་པ་ལ་བར་དུ་གཅོད་པ་དང་། མུ་སྟེགས་ཀྱི་ལྟ་བ་དང་། རྒྱལ་པོའི་ལས་བྱེད་བ་ལྟ་བུ་ལ་སོགས་པ་རེ་ཞིག་བར་དུ་གཅོད་པ་རྣམས་སོ། །
[13a]
[13a.1]འདིར་ནི་ལྟ་བའི་བར་དུ་གཅོད་པ་ལས་གླེངས་པས་ན། རབ་ཏུ་འབྱུང་བར་འོངས་པ་ལ་ཁྱོད་མུ་སྟེགས་ཅན་མ་ཡིན་ནམ་ཞེས་དྲི་བསྙེན་པར་རྫོགས་པར་བྱེད་པ་དག་གིས་ཀྱང་ངོ་ཞེས་པ་ཡིན་ཏེ། ལ་ལ་རབ་ཏུ་འབྱུང་བར་འོངས་ན། མཁན་པོས་ཁྱོད་མུ་སྟེགས་ཅན་མ་ཡིན་
[13a.2]ནམ་ཞེས་དྲི། ཡིན་ན་རབ་ཏུ་འབྱུང་བ་དང་བསྙེན་པར་རྫོགས་པར་མི་བྱ། དེ་ལྟར་དྲི་བ་ནི་བསྙེན་པར་རྫོགས་#པ་རྣམས་ཀྱིས་ཀྱང་དྲི་དགོས་སོ། །དེ་ལ་དག་ཅེས་པ་#ནི་གསང་སྟེ་སྟོན་པ་དང་། ལས་བྱེད་པ་དགེ་འདུན་གྱིས་བསྐོས་པར་ཟད་པས་#ན། དགེ་འདུན་གྱིས་དྲི་དགོས་པའི་ཕྱིར། དག་ཅེས་
[13a.3]བྱ་བ་མང་པོའི་#ཚིག་སྨོས་དགོས་སོ། །མུ་སྟེགས་ཡིན་ཞེས་ཟེར་བ་ན་ཇི་ལྟར་བྱ་ཞེ་ན། ཤཱཀྱ་དང་མེ་ལྷ་རལ་པ་ཅན་མ་གཏོགས་པར་སེམས་མགུ་བར་མ་བྱས་པའི་མུ་སྟེགས་ཅན་རབ་ཏུ་འབྱུང་བ་དང་། བསྙེན་པར་རྫོགས་པར་མི་བྱའོ་ཞེས་པ་ཡིན་ཏེ། ཤཱཀྱའི་རིགས་ཀྱི་མུ་སྟེགས་ཅན་དང་། རལ་པ་
[13a.4]ཅན་མེ་ལྷ་རྗེད་པའི་མུ་སྟེགས་ཅན་གཉིས་མ་གཏོགས་པར། མུ་སྟེགས་ཅན་གཞན་རབ་ཏུ་འབྱུང་བར་འོངས་ནས་#དགེ་འདུན་ཡིད་མ་ཆེས་ཀྱི་བར་དུ། རབ་ཏུ་འབྱུང་#བ་དང་བསྙེན་པར་རྫོགས་པར་མི་བྱའོ། །དེ་གཉིས་ཅིའི་ཕྱིར་མ་གཏོགས་ཤེ་ན། དེ་གཉིས་ལས་གཡོ་དང་དཀྱོར་#མི་འབྱུང་བའི་ཕྱིར་རོ། །
[13a.5]སློབ་དཔོན་གྱིས་གཙུག་ལག་འདི་ལ་གོ་སླ་བར་བྱ་བའི་ཕྱིར། ཁྲིད་ཅེས་པའི་སྙད་ཀྱིས་སྟོན་པ་ནི། དེ་དག་ལ་མུ་སྟེགས་ཅན་དང་། ཤཱཀྱ་ལ་སོགས་པ་མུ་སྟེགས་ཅན་ཞེས་པའི་བར་དུ་མ་གཏོགས་པ་ཁྲིད་ཅེས་པ་ཡིན་ཏེ། གོང་དུ་མདོ་གཉིས་ཐལ་བ་དོ་གོང་མའི་མུ་སྟེགས་ཅན་ཞེས་སྨོས་པ་
[13a.6]དང་། མདོ་འོག་མ་ལས་ཤཱཀྱ་ཞེས་པ་ནས་མུ་སྟེགས་ཞེས་པའི་བར་དུ་སྨོས་པའི་ཚིག་རྣམས། ཁྲིད་ཀྱི་རྩིས་མགོ་གཏོགས་པར་སྟོན་པའོ། །དེ་གཉིས་ཅིའི་ཕྱིར་མ་གཏོགས་ཤེ་ན། མུ་སྟེགས་ཅན་མ་ཡིན་ནམ་ཞེས་དྲི་བར་ཉི་ཚེར་མ་ཟད་པས་ན། མུ་སྟེགས་ཅན་མ་ཡིན་ནམ་ཞེས་དྲི་བ་ནི་དངོས་
[13a.7]སུ་སྨོས་ཟིན་པའི་ཕྱིར། རྩིས་མགོ་བསྒྲེ་མི་དགོས་པ་དང་། ཤཱཀྱ་དང་མེ་ལྷ་རལ་པ་ཅན་གཉིས་དགེ་འདུན་རྣམས་ཡིད་ཆེས་པའི་བར་དུ་བརྟག་མི་དགོས་པས་ན་རབ་ཏུ་འབྱུང་བར་འོངས་པ་ལ་དྲི། ཡིན་ན་རབ་ཏུ་འབྱུང་བ་དང་བསྙེན་པར་རྫོགས་པར་མི་བྱ་ཞེས་པ་ཁྲིད་ཀྱིས་བསྒྲེ་བ་ལས་#མ་གཏོགས་
[13b]
[13b.1]པའི་ཕྱིར་རོ། །སེམས་མགུ་བར་མ་བྱས་ཀྱི་བར་དུ་མུ་སྟེགས་ཅན་རབ་ཏུ་མི་དབྱུང་#ཞིང་བསྙེན་པར་རྫོགས་པར་མི་བྱ་ཞེས་གོང་དུ་སྨོས་པའི་མགུ་བའི་ཚད་ཇི་ཙམ་གྱིས་གཟུང་#ཞེ་ན། དཀོན་མཆོག་བསྟོད་པ་དང་། མུ་སྟེགས་སྨད་པ་ཡང་དག་པར་སྨྲས་ཀྱང་མ་འཁྲུགས་ན་སེམས་མགུ་བར་བྱས་པའོ་ཞེས་པ་
[13b.2]ཡིན་ཏེ། མུ་སྟེགས་ཅན་ལས་#རབ་ཏུ་འབྱུང་བར་འོངས་ན་དཀོན་མཆོག་གསུམ་ནི་ཡང་དག་པར་#བསྟོད། མུ་སྟེགས་ཀྱི་སྟོན་པ་དང་། གཞུང་ནི་ཡང་དག་པར་སྨད་ཀྱང་། དེ་མི་དགའ་ཞིང་སེམས་འཁྲུགས་#པ་མེད་ན་མགུ་བར་བྱེད་པའི་ཚད་དེ་གཟུང་ངོ་། །མུ་སྟེགས་ཅན་དེ་བགམ་བའི་ཐབས་ཇི་ལྟར་
[13b.3]བྱ་ཞེ་ན། དེ་དང་མི་ལྡན་པ་དེའི་ཕྱིར་འདི་དགེ་བསྙེན་གྱིས་མཐར་བྱས་ཏེ། ཟླ་བ་བཞིར་གཞག་པ་དགེ་འདུན་གྱི་#ལས་ཀྱིས་གཞག་ཅེས་པ་ཡིན་ཏེ། རབ་ཏུ་འབྱུང་བར་འདོད་པ་དེ་སེམས་མགུ་བར་བྱེད་པ་དང་ལྡན་པ་མ་ཡིན་ན་བགམ་པའི་ཕྱིར་དགེ་བསྙེན་གྱི་སྡོམ་པ་ཕོག་ལ། གསོལ་བ་དང་བཞིའི་
[13b.4]ལས་ཀྱིས་ཟླ་བ་བཞིའི་བར་དུ་གཞག་པར་བྱ་བའོ། །དེའི་ཟས་ཇི་ལྟར་སུས་སྦྱིན་ཞེ་ན། དེའི་ཟས་ནི་དགེ་འདུན་#ལས་སོ་ཞེས་པ་ཡིན་ནོ། །དེའི་གོས་སུས་སྦྱར་ཞེ་ན། མཁན་པོ་ལས་ནི་གོས་ཞེས་པ་ཡིན་ནོ། །ཟས་དང་གོས་སྦྱར་ནས་ཇི་བྱེད་དུ་གཞུག་ཅེ་ན། ལས་བྱེད་དུ་གཞུག་ཅེས་པ་ཡིན་ཏེ། གཙང་
[13b.5]སྦྱོར་ལ་སོགས་པ་གང་ཟག་གི་ལས་དགེ་ཚུལ་གྱིས་#བྱ་བ་རྣམས་ཀྱང་རེས་ཀྱིས་བྱེད་དུ་གཞུག ། རེ་ཞིག་བར་དུ་གཅོད་པའི་རྣམ་པ་བསྟན་པའི་ཕྱིར། རབ་ཏུ་དབྱུང་བའི་ཕྱིར་འོངས་ན་ཁྱོད་ལོ་བཅོ་ལྔ་ལོན་ནམ་ཞེས་དྲི་ཞེས་པ་ཡིན་ནོ། །ལོ་བཅོ་ལྔ་མ་ལོན་པ་ཞིག་ན་ཇི་ལྟར་བྱ་ཞེ་ན། མ་ཚང་ཞིང་བྱ་རོག་པུར་#མི་ནུས་
[13b.6]པ་དང་ནུས་ཀྱང་ལོ་བདུན་མ་ལོན་བ་རབ་ཏུ་མི་དབྱུང་ཞེས་པ་ཡིན་ཏེ། བྱ་རོག་སྐྲོད་ནུས་ན། ལོ་བཅོ་ལྔ་མ་ལོན་ཡང་རབ་ཏུ་དབྱུང་བ་དང་། ལོ་བདུན་མ་ལོན་ན་བྱ་རོག་སྐྲོད་ནུས་ཀྱང་རབ་ཏུ་མི་དབྱུང་བའོ། །བསྙེན་པར་རྫོགས་པ་དུ་མ་གནས་གཅིག་ལ་ཞུ་བ་བཞིན་དུ། དགེ་ཚུལ་ཡང་དེ་དང་འདྲ་འམ་ཞེ་ན།
[13b.7]དགེ་ཚུལ་གཅིག་ལས་ལག་#པར་མི་གཞག་ཅེས་པ་ཡིན་ཏེ། དགེ་ཚུལ་གཉིས་ཡན་ཆད་གནས་གཅིག་ཏུ་བཀོད་ན། རྩེ་ཞིང་གཡེང་བའི་ཕྱིར་རོ། །རབ་ཏུ་དབྱུང་བ་འང་གོང་མ་བཞིན་ནམ་ཞེ་ན། ལྷན་ཅིག་རབ་ཏུ་དབྱུང་བར་འདོད་ན། རབ་ཏུ་ཕྱུང་ང་བ་བསྙེན་པར་རྫོགས་པར་བྱ་ཞེས་པ་ཡིན་ཏེ།
[14a]
[14a.1]ལ་ལ་ཅིག་ཅར་རབ་ཏུ་འབྱུང་བར་འདོད་ན། ཅིག་ཅར་རབ་ཏུ་ཕྱུང་ལ། གང་ལོ་མང་དུ་ལོན་པ་དེ་བསྙེན་པར་རྫོགས་པར་སྤར་བའོ། །བསྙེན་པར་རྫོགས་པར་སྤར་དུ་ལོ་ཉི་ཤུར་མ་ལོན་ན་ཇི་ལྟར་བྱ་ཞེ་ན། གལ་ཏེ་མ་ཚང་ན་#གཞན་ལ་ཉེ་གནས་སུ་འཆོལ་ཞེས་པ་ཡིན་ནོ། །བཅོལ་བ་
[14a.2]དེས་ཐལ་བྱུང་བདག་གི་སློབ་མར་བྱའམ་ཞེ་ན། དེས་དེ་མི་དབྲོག་ཅེས་པ་ཡིན་ནོ། །ཉེ་གནས་དེས་སླར་མི་སྟེར་ན་ཇི་ལྟར་བྱ་ཞེ་ན་མི་སྟེར་ན་མཐུས་ཕྲོགས་ལ་བསྙེན་པར་རྫོགས་པར་བྱ་ཞེས་པ་ཡིན་ཏེ། ཉེ་གནས་སླར་མི་སྟེར་ན་ནན་གྱིས་ཀྱང་ཕྲོགས་ལ་བསྙེན་པར་རྫོགས་པར་བྱ་བའོ། །གོང་དུ་ཁྲིད་ཀྱི་
[14a.3]སྙེད་ཀྱིས་གོ་#སླ་བར་བསྒྲེ་ཞེས་པ་གང་ཞེ་ན། ཀྲིད་བྲན་ཞེས་པ་ལྟ་བུའང་ཡིན་ཏེ། ཁྱོད་བྲན་མ་ཡིན་ནམ་#ཞེས་བསྙེན་པར་རྫོགས་པར་བྱེད་པ་དག་གིས་ཀྱང་བསྙེན་པར་རྫོགས་པར་འོངས་པ་ལ་དྲི། ཡིན་ན་རབ་ཏུ་དབྱུང་བ་དང་བསྙེན་པར་རྫོགས་པར་མི་བྱ་ཞེས་པ་ལ་སོགས་པའི་ཚིག་རྣམས་མང་དུ་
[14a.4]སྨོས་མི་དགོས་པར་ཁྲིད་ཀྱིས་བསྒྲེ་བར་#བྱ་བའོ། །ཀྲིད་དང་སྦྱར་བ་ཐམས་ཅད་གོང་མ་དང་ངམ་ཞེ་ན། ཁྱོད་ཀྱིས་དེ་སུ་ལ་གང་ཅུང་ཟད་མང་ཡང་རུང་ཉུང་ཡང་རུང་གཞལ་བ་ཞེས་པ་ཡིན་ཏེ། ཁྱོད་བྲན་མ་ཡིན་ནམ་ཞེས་བརྗོད་པ་ལྟ་བུའི་གོར། ཁྱོད་ཀྱིས་སུ་ལའང་མང་ཡང་རུང་ཉུང་ཡང་རུང་གཞལ་
[14a.5]དགོས་པ་མེད་དམ་ཞེས་རབ་ཏུ་འབྱུང་བར་འོངས་པ་ལ་བསྙེན་པར་བྱེད་པ་དག་གིས་ཀྱང་དྲི། ཆགས་ཉེན་ཅན་རབ་ཏུ་དབྱུང་#བ་དང་། བསྙེན་པར་རྫོགས་པར་མི་བྱ། རབ་ཏུ་འབྱུང་#ཞིང་བསྙེན་པར་རྫོགས་ནས་འཇལ་ནུས་ན་ཞེས་པ་ལ་སོགས་པའི་ཚིག་རྣམས་ཁྲིད་བཞིན་དུ་ཁྱོད་ཀྱིས་སུ་བསྒྱུར་བས་བསྒྲེ་
[14a.6]བར་སྟོན་པའོ། །ཕ་མས་མ་གནང་བཞིན་དུ་རབ་ཏུ་འབྱུང་བར་འདོད་ན་ཇི་ལྟར་བྱ་བ་ནི། རབ་ཏུ་འབྱུང་བར་འདོད་པའི་ཕ་མ་འཚོ་ལ་དེ་གཉིས་ཀྱིས་ཀྱང་མི་གཏོང་ཞིང་ཡུལ་ཡང་ཉིན་ཞག་བདུན་གྱི་བར་དུ་གཞག་ཅེས་པ་ཡིན་ནོ། །ཡུལ་རིང་དུ་ཟིན་ཀྱང་དགེ་འདུན་ཞུས་པར་རབ་ཏུ་མི་དབྱུང་ཞེས་པའང་ཡིན་ཏེ།
[14a.7]ཡུལ་རིང་མོ་#ཞིག་ན་འདུག་ཀྱང་དགེ་འདུན་ཀུན་ཞུས་པར་རབ་ཏུ་དབྱུང་དུ་མི་རུང་ཟིན་ཀྱང་ཞེས་པའི་ཚིག་གིས་ནི་ཡུལ་ཉེ་བ་ཡང་དགེ་འདུན་གྱིས་མ་ཞུས་པར་རབ་ཏུ་དབྱུང་དུ་མི་རུང་བར་སྟོན་ཏོ། །ཞག་བདུན་གྱི་བར་དུ་བསྐྱང་སྟེ། གཞག་པའི་ཟས་སུས་སྦྱིན་ཞེ་ན། རབ་ཏུ་[ད]བྱུང་བར་འདོད་པའི་ཟས་
[14b]
[14b.1]ནི་དགེ་འདུན་གྱིས་སྦྱིན་པའི་རིགས་སོ་ཞེས་པ་ཡིན་ནོ། །ཡང་ཁྲིད་དང་སྦྱར་མར་སྟོན་པ་ནི། ཁྲིད་ཁྱོད་ལ་ཕ་མས་གནང་ངམ། ཡུལ་རིང་བ་ནི་མ་གཏོགས་སོ་#ཞེས་པ་ཡིན་ཏེ། འདི་ཡང་དྲི་བ་དང་མ་གནང་ན་མི་དབྱུང་། རྫོགས་བར་མི་བྱ་བ་ལ་སོགས་པ་གོང་མ་དང་འདྲའོ། །ཡུལ་རིང་བ་མ་གཏོགས་སོ། །མཇུག་ཏུ་
[14b.2]ཞེས་པ་ནི་ཡུལ་རིང་བ་ནི་ཕ་མས་མ་གནང་བ་གཏོགས་སོ་ཞེས་དྲི་བའི་མཇུག་ཏུ་སྨོས་པར་བྱ་བའོ། །འོངས་པ་ལ་ཁྱོད་ནད་པ་མ་ཡིན་ནམ་ཞེས་དྲིའོ་ཞེས་པ་དང་། ཁྱོད་ལ་ནད་ཅུང་ཟད་ཀྱང་མེད་དམ་ཞེས་ཀྱང་ངོ་ཞེས་པ་གཉིས་གང་སྐད་ཀྱང་རུང་སྟེ་རབ་ཏུ་འབྱུང་བའི་མཁན་པོས་དྲི་བར་བྱ་བའོ། །བསྙེན་པར་
[14b.3]རྫོགས་པའི་ཚེའང་དེ་སྐད་དུ་དྲི་བར་ཟད་དམ་ཞེ་ན། བསྙེན་པར་རྫོགས་པར་བྱེད་པ་དག་གིས་ནི་བྱེ་བྲག་ཏུའོ་ཞེས་པ་ཡིན་ཏེ། བསྙེན་པར་རྫོགས་པར་བྱེད་པའི་ཚེ་མིའི་ལུས་ལ་ལུས་ཀྱིས་ནད་ཡོད་པ་ནི་འདི་ལྟ་སྟེ། མཛེ་དང་ཕོལ་མིག་དང་ཞེས་པ་ལ་སོགས་པ་ནད་ཀྱི་རྣམ་པ་ཀུན་བསྙེན་པར་རྫོགས་
[14b.4]པར་བྱེད་པ་དག་གིས་རྒྱས་པར་དྲིས་ཤིག་པའོ། །ནད་པའམ་ནད་ཡོད་པ་ཞིག་ན་ཇི་ལྟར་བྱ་ཞེ་ན། ནད་པ་རབ་ཏུ་དབྱུང་བ་དང་བསྙེན་པར་རྫོགས་པར་མི་བྱ་ཞེས་པ་ཡིན་ནོ། །འདི་དག་ཀྱང་ཁྲིད་ནད་པ་ཞེས་མི་བྱ་བར་མདོ་བཞིར་སྨོས་པ་ཇི་ཕྱིར་ཞེ་ན། ནད་པ་མ་ཡིན་ནམ། ནད་ཅུང་ཟད་ཀྱང་མེད་དམ་ཞེས་
[14b.5]གལ་གཉིས་སུ་ཀློག་པ་དང་། ནད་ཀྱི་བྱེ་བྲག་རྨ་བ་རྣམས་ཀྲིད་ཀྱིས་བསྒྲེར་#མི་རུང་བའི་ཕྱིར། དངོས་དངོས་མདོར་བསྟན་པའི་རྐྱེན་གྱིས། ནད་པ་རབ་ཏུ་མི་#དབྱུང་ཞེས་པ་ལ་སོགས་པའི་མདོ་ཐ་མའང་གླེང་བར་གྱུར་ཏོ། །གང་གིས་བར་དུ་ཁྲིད་ཀྱིས་བསྒྲེ་བར་བྱ་བ་བསྟན་པའི་ཕྱིར་སྨ་#ཕབ་པས་བཅད་པ་ཡན་
[14b.6]ཆད་ཁྲིད་ཅེས་པ་ཡིན་ཏེ། སྨ་#ཕབ་པས་བཅད་པ་དེ་མཚན་མ་གཏོང་བར་ཁས་མི་ལེན་ན། རབ་ཏུ་འབྱུང་#བ་དང་བསྙེན་བར་རྫོགས་པ་མི་བྱ་ཞེས་མདོ་འོག་ནས་འབྱུང་བ་ལ་ཐུག་པའི་མཚམས་ཡན་ཆད་ཁྲིད་ཅེས་པའི་རྩིས་མགོས་བསྒྲེ་བར་བྱ་བའོ། །གཞན་ཡང་ཀྲིད་དང་འདྲ་བར་སྦྱར་བ་ནི་འདི་ལ་སྐྱེ་བའི་#ཆོས་
[14b.7]མེད་དོ་#ཞེས་པ་ཡང་ངོ་ཞེས་པ་དང་། འདི་ལྟ་བུའི་མཚན་མ་ཅན་བསྐྲད་པའོ་ཞེས་པ་ཅན་#གཉིས་ཡིན་ཏེ། མདོ་འདི་གཉིས་ཀྱང་ཆད་པས་བཅད་པའི་མདོ་ཐུག་གི་བར་དུ་སྦྱར་བར་བྱ་བའོ། །དེ་ལ་འདི་ལྟ་བུ་ཞེས་པ་ནི་མི་སྐྱེ་བའི་ཆོས་འདི་ལྟ་བུ་མཚན་མ་ཅན་ཞེས་བ་ནི་སྐྲ་དང་ཁ་སྤུ་བྲེགས་པ་དང་། གོས་
[15a]
[15a.1]ངུར་སྨྲིག་བགོས་པའི་མཚན་མའོ། །དེ་ལྟ་བུའི་དངོས་ཉིད་གང་ཞེ་ན། སྤྲུལ་པ་#ཞེས་པ་ཡིན་ཏེ། རབ་ཏུ་འབྱུང་བར་འོངས་པ་ལ། ཁྱོད་སྤྲུལ་པ་མ་ཡིན་ནམ་ཞེས་དྲི། བསྙེན་པར་རྫོགས་པར་བྱེད་པ་དག་གིས་ཀྱང་ངོ་། །སྤྲུལ་པ་ཡིན་ན་རབ་ཏུ་དབྱུང་བའམ་བསྙེན་པར་རྫོགས་
[15a.2]པར་མི་བྱ། འདི་ལ་སྐྱེ་བའི་ཆོས་མེད་ཅིང་འདི་ལྟ་བུའི་མཚན་མ་ཅན་བསྐྲད་པར་བྱ་ཞེས་འབྱུང་བ་རྣམས་སྨོས་མི་དགོས་པ་ཀྲིད་ཀྱི་རྩིས་མགོས་བསྒྲེ་བར་བྱ་བའོ། །མ་ནིང་ཞེས་པའང་ཁྲིད་ལ་གཏོགས་པར་སྟོན་པའོ། །འདི་ལ་རྣམ་པ་ལྔ་སྟེ་ཞེས་པ་ནི་མ་ནིང་གི་བྱེ་བྲག་སྟོན་པའོ། །དེ་དག་གང་ཞེ་ན། སྐྱེས་ནས་
[15a.3]པ་དང་། ཟླ་བ་ཕྱེད་པ་དང་རེག་ནས་#འབྱུང་བ་དང་ཕྲག་དོག་གིས་དང་། དད་ཉམས་པ་རྣམས་སོ་ཞེས་པ་ཡིན་ཏེ། དེ་ལ་སྐྱེས་ནས་མ་ནིང་པ་ནི་ཕོ་མོ་གཉིས་ཀའི་མཚན་ཡོད་པའོ། །ཟླ་བ་ཕྱེད་ཀྱི་མ་ནིང་ནི་ཟླ་བ་ཕྱེད་ཕྱེད་ཅིང་ཕོ་མོས་ཀྱི་འདོད་ཆགས་སུ་འགྱུར་བའོ། །རེག་ནས་འབྱུང་བའི་མ་ནིང་ནི་སྐྱེས་པའམ་
[15a.4]བུད་མེད་གཞན་གྱིས་དཀྱུད་#དམ་བཅུམ་ན་གདོད་དབང་པོ་ལས་སུ་རུང་བའོ། །ཕྲག་དོག་གི་མ་ནིང་ནི་གཞན་མི་ཚངས་པར་སྤྱོད་པ་ལ་ཕྲག་དོག་སྐྱེས་པས་དབང་པོ་ལས་སུ་རུང་བའོ། །ཉམས་པའི་མ་ནིང་ནི་ནད་དམ་མཚོན་གྱིས་ཕོ་མཚན་མེད་པར་གྱུར་པའོ། །མ་ནིང་དེ་ཀུན་བསྐྲད་པར་འདྲ་བ་ལས། ཐ་མའི་
[15a.5]མ་ནིང་དེ་བསྐྲད་པའི་བྱེ་བྲག་བསྟན་པ་ནི་འདི་དག་ལས་ཐ་མ་ནི་ཉེས་སྤྱོད་ན་བསྐྲད་ཅེས་པ་ཡིན་ཏེ། སྡོམ་པ་མནོས་ཟིན་ཏེ་དགེ་སློང་བྱེད་པའི་ཚེ་#མཚན་ཉམས་ན་དེ་ནམ་ཕ་རོལ་གྱིས་མནན་པར་དགའ་བ་ལ་སོགས་པའི་འདོད་ཆགས་སྐྱེས་ན་གདོད་བསྐྲད་པར་བྱ་བའོ། །རྐུན་གནས་ཞེས་པ་ཡང་ཁྲིད་ཀྱི་རྩིས་
[15a.6]མགོ་དང་སྦྱར། ཇི་ཙམ་གྱིས་རྐུན་གནས་སུ་འགྱུར་བའི་མཚན་བསྟན་པ་ནི། ཆོ་ག་མ་རྒྱས་པའམ་བསྙེན་པར་རྫོགས་པར་མ་གྱུར་པར་ཤེས་ལ་དགེ་འདུན་དང་ལྷན་ཅིག་ཏུ་ལས་ལན་གཉིས་མྱོང་དེ་#དེའོ་ཞེས་པ་ཡིན་ཏེ། གསོལ་བ་ལ་སོགས་པའི་ལས་ཀྱི་ཆོ་ག་ཚང་བར་མ་བྱས་པའམ། མཁན་པོ་ལ་
[15a.7]སོགས་པ་མི་གཙང་བས་བསྙེན་པར་རྫོགས་པའི་སྡོམ་པ་མ་ཆགས་པར་ཤེས་ནས་དགེ་འདུན་དང་ལྷན་ཅིག་ཏུ་དགེ་འདུན་གྱི་ལས་ལན་གཉིས་མྱོང་ན་དེས་རྐུན་གནས་སུ་གྱུར་བར་སྟོན་པའོ། །གཞུང་ལས། ཨུ་པཱ་#ལི་གསོ་སྦྱིན་གྱི་ལས་ལན་གཉིས་ལན་གསུམ་མྱོང་ན་དེས་རྐུན་གནས་སུ་གྱུར་ཏོ་ཞེས་འབྱུང་
[15b]
[15b.1]ལ་འདིར་ནི་ལན་གཉིས་ཀྱིས་འགྱུར་རོ་ཞེས་བསྟན་པ་ཅི་#ཕྱིར་ཞེ་ན། གཏམ་གྱི་དངོས་པོ་ལས་མཚན་མ་གང་གིས་རྐུན་གནས་སུ་གྱུར་པ་རབ་ཏུ་དབྱུང་བའམ་བསྙེན་པར་མི་བགྱི་བ་ལགས་ན་མཚན་ཉིད་ཀྱིས་རབ་ཏུ་དབྱུང་བ་དང་། བསྙེན་པར་རྫོགས་པར་#བགྱི་བ་#མཆིས་སམ་ཞེས་ཞུས་པ་དང་
[15b.2]བཀའ་སྩལ་པ། ཡོད་དེ་གང་གིས་གསོ་སྦྱིན་གྱི་ལས་ལན་གཉིས་ལན་གསུམ་མྱོང་བ་ནི་རབ་ཏུ་མི་དབྱུང་། བསྙེན་པར་རྫོགས་པར་མི་བྱའི་གང་གིས་གསོ་སྦྱིན་གྱི་ལས་ལན་གཅིག་མྱོང་བ་ནི་རབ་ཏུ་དབྱུང་བསྙེན་པར་རྫོགས་པར་བྱའོ་ཞེས་འབྱུང་བས་ན། ལན་གསུམ་ཞེས་པ་ནི་རྒྱུད་ཙམ་དུ་ཟད་ཀྱི།
[15b.3]ལན་གཉིས་ཀྱིས་རྐུན་གནས་སུ་འགྱུར་རོ། གཞུང་ལས་གསོ་སྦྱིན་གྱི་#ལས་ཞེས་འབྱུང་ལ། འདིར་ལས་ཞེས་སྤྱིར་སྨོས་པ་ཅིའི་ཕྱིར་ཞེ་ན། མ་ཚང་བ་བསྙེན་པར་རྫོགས་པ་ལྟུང་བའི་ཞུས་པ་ལས་བསྙེན་པར་མ་#རྫོགས་པས་གསོ་སྦྱིན་ནམ། ཚུལ་ནས་འབྱུང་བའམ། གང་ཟག་བཅུ་གཉིས་
[15b.4]བསྐོ་བའི་དགེ་འདུན་གྱི་ལས་གང་མྱོང་ཡང་རུང་སྟེ། རྐུན་གནས་སུ་འགྱུར་རོ་ཞེས་འབྱུང་བས་ན། གསོ་སྦྱིན་གྱི་ལས་ཤེས་པ་ནི་མཚན་མར་བྱ་བ་ཙམ་དུ་ཟད་ཀྱི། ལས་གང་མྱོང་ཡང་རུང་སྟེ་རྐུན་གནས་སུ་འགྱུར་བའི་ཕྱིར་ལས་ཞེས་སྤྱིར་སྨོས་པ་ཡིན་ནོ། །དེ་ལྟ་བས་ན་གསོལ་བ་ལ་སོགས་པ་
[15b.5]དགེ་འདུན་གྱི་ལས་མྱོང་བ་རྐུན་གནས་སུ་འགྱུར་གྱི་རབ་ཏུ་འབྱུང་བ་ཞུ་བ་ཙམ་ལ་སོགས་ཏེ། ཕྲན་ཚེགས་ཀྱི་ལས་མྱོང་བ་ཙམ་གྱིས་ནི་རྐུན་གནས་སུ་འགྱུར་བ་མ་ཡིན་ནོ། །མུ་སྟེགས་ཅན་དུ་ཞུགས་པ་ཞེས་པ་ཡང་ཀྲིད་ཀྱི་རྩིས་མགོ་དང་སྦྱར་བར་སྟོན་པའོ། །མུ་སྟེགས་སུ་ཞུགས་པའི་ཚད་ནི་
[15b.6]འདིའི་རབ་ཏུ་འབྱུང་བ་བླངས། དེར་ལྟ་སྟེ། འདིའི་ཆོས་གོས་བོར་དེའི་མཚན་མས་དེར་སྐྱ་རེངས་ཤར་ན་དེའོ་ཞེས་པ་ཡིན་ཏེ། བཅོམ་ལྡན་འདས་ཀྱིས་#རབ་ཏུ་བྱུང་བར་བསྟན་པ་འདི་ཡང་བླངས་ལ་མུ་སྟེགས་པ་དེའི་ལྟ་བར་ཡང་བསྒྱུར་ནས། འདིའི་ཆོས་གོས་ནི་བོར། དེའི་མཚན་མ་ནི་བླངས་ཏེ་
[15b.7]སྐྱ་རེངས་ཤར་གྱི་བར་དུ་དེ་དག་གི་གནས་ན་འདུག་ན་མུ་སྟེགས་སུ་ཞུགས་པ་ཡིན་ནོ། །མུ་སྟེགས་པར་ཞུགས་པའི་ཚད་དེར་ཡང་མ་ཟད་པ་ནི། རྐུ་བ་བཞིན་པ་ནི་དེ་ལྟར་མ་བྱས་པའི་སྔ་རོལ་དུའོ་ཞེས་པ་ཡིན་ཏེ། གོང་མ་ལྟར་མ་བྱས་ཀྱང་མུ་སྟེགས་ཀྱི་ལྟ་བ་ངེས་པར་སྐྱེས་ནས་དགེ་འདུན་དང་ལྷན་
[16a]
[16a.1]ཅིག་ཏུ་ལས་ལན་གཉིས་མྱོང་ན་མུ་སྟེགས་སུ་ཞུགས་པར་གྱུར་ཏོ། །མ་གསོད་པ་#ཕ་གསོད་པ་#དགྲ་བཅོམ་པ་གསོད་པ#། དགེ་འདུན་ལ་དབྱེན་བྱེད་པ། དེ་བཞིན་གཤེགས་པ་ལ་ངན་སེམས་ཀྱིས་#ཁྲག་འབྱིན་པ། དགེ་སློང་མ་སླུ་#བ་ཕས་ཕམ་པ་བཞི་ལས། གང་ཡང་རུང་
[16a.2]བའི་ལྟུང་བ་བྱུང་བ་ཞེས་པ་#སྨོས་པ་ཡན་ཆད་ཀྲིད་ཀྱི་རྩིས་མགོར་བསྒྲེ་བར་སྟོན་པའོ། །མི་སྐྱེ་བའི་ཆོས་དེ་ལྟར་བསྟན་པ་ནས། ད་ནི་སྐྱེ་བའི་ཆོས་ཡིན་ཡང་རབ་ཏུ་དབྱུང་#བ་དང་། བསྙེན་པར་རྫོགས་པར་མི་རུང་བར་སྟོན་པ་ནི། སྨ་ཕབ་#པ་མཚན་མ་གཏོང་བར་ཁས་མི་ལེན་ན་རབ་ཏུ་དབྱུང་བའམ་བསྙེན་
[16a.3]པར་རྫོགས་པར་#མི་བྱ་ཞེས་པ་ཡིན་ཏེ། དགེ་སློང་#ལ་བསྡིགས་པ་དང་། སྨད་པ་ལ་སོགས་པ་གང་ཡང་རུང་བའི་སྨ་ཕབ་པ་ལས་ཐལ་བྱུང་དུ་བབས་ནས། ཕྱིས་རབ་ཏུ་བྱུང་#བར་གསོལ་ན། སྡུད་ཉེས་མེད་པའི་སྐྱོན་དེ་གཏོང་ངམ་མི་གཏོང་ཞེས་སྨྲས་ལ། སྐྱོན་དེ་ནི་མི་གཏོང་ཞེས་ཟེར་ན་རབ་ཏུ་མི་དབྱུད་
[16a.4]ཞིང་བསྙེན་པར་རྫོགས་པར་མི་བྱ་བར་སྟོན་པའོ། །དེ་བསྙེན་པར་རྫོགས་ན་སྔོན་སྨ་ཕབ་པ་དེ་ཚངས་པར་བྱ་དགོས་སམ་མི་དགོས་ཤེ་ན། འདྲ་#བ་ནི་བསྙེན་པར་རྫོགས་པས་སོ་ཞེས་པ་ཡིན་ཏེ་བསྙེན་#པར་རྫོགས་པ་ཉིད་ཀྱིས་དེ་ཚངས་ཤིང་བྲ་བར་སྟོན་པའོ། །དེ་བསྙེན་པར་རྫོགས་ཟིན་ནས་མཚན་མ་
[16a.5]དེ་མི་གཏོང་ན་ཇི་ལྟར་བྱ་ཞེ་ན། བསྙེན་པར་རྫོགས་ནས་མི་ཉན་པ་གལ་ཏེ་ལྡན་ན་ཡང་སྨ་དབབ་ཅེས་པ་ཡིན་ཏེ། དེ་བསྙེན་པར་རྫོགས་ནས་སྔོན་གྱི་སྐྱོན་མི་གཏོང་ན་ཡང་སྨ་དབབ་པའི་ལས་བྱ་བར་སྟོན་པའོ། །སྨ་དབབ་པའི་ལས་བྱེད་པའི་ཚེ། དེ་ཉན་དུ་མི་བཏུབ་#ཅིང་ལྟུང་བ་མ་མཐོང་ངོ་ཞེས་ཟེར་
[16a.6]ན་ཅིར་འགྱུར་ཞེ་ན། མ་མཐོང་ངོ་ཞེས་ཟེར་ལ་གལ་ཏེ་བརྫུན་ན་ལྟུང་བའོ་ཞེས་པ་ཡིན་ནོ། །སྡོམ་པ་སྐྱེར་ཟིན་གྱིས་ཀྱང་མི་མཛེས་པའི་ཕྱིར་བཅོམ་ལྡན་འདས་ཀྱིས་དགག་པ་བསྟན་པ་ནི། ལག་རྡུམ་དང་ནི་རྐང་རྡུམ་དང་། །སོར་#མོ་སྦྲུལ་ཐོད་གདེངས་ཀ་ལག ། མཆུ་མེད་ཡན་ལག་བཀྲ་བ་དང་། །ཤིན་
[16a.7]ཏུ་རྒན་དང་ཤིན་ཏུ་གཞོན། །གྲུམ་པོ་དང་ནི་རྒན་ཞར་འཇས། །སྒུར་པོ་མི་ཐུང་དག་རྣམས་དང་། །ལྦ་#བ་ཅན་དང་ལྐུགས་པ་དང་། །འོན་པ་འཕྱེ་བོ་རྐང་འབམ་དང་། །མོས་དུབ་ཁུར་གྱིས་དུབ་པ་དང་། །ལམ་གྱིས་དུབ་པའི་མི་གང་དང་། །ཐལ་རངས་རྡེ་#ཅག་འདི་འདྲ་ཡི། །མི་རྣམས་དྲང་སྲོང་ཆེན་
[16b]
[16b.1]པོས་བཀག ། ཡང་དག་རྫོགས་པས་རབ་ཏུ་མཁྱེན། །བདེན་པའི་མཚན་གྱིས་གསུངས་པ་ཡི། །མཛེས་པ་དག་ནི་རབ་ཏུ་བྱུང་། །ཡོངས་སུ་དག་པ་བསྙེན་#པར་རྫོགས། །ཞེས་པ་རྣམས་རབ་ཏུ་#དབྱུང་བ་མི་རིགས་པར་བཅོམ་ལྡན་འདས་ཀྱིས་གསུངས་པ་ཡིན་ནོ། །རབ་ཏུ་འབྱུང་#བའི་དངོས་པོ་བསྡུ་བར་
[16b.2]གཏོགས་#པ་རྫོགས་སོ།། །།དེ་ལྟར་རབ་ཏུ་འབྱུང་བའི་དངོས་པོ་སྟོན་པས་ན་ཕྲན་ཚེགས་ལ་སོགས་པ་ལས་འབྱུང་བ་ཡང་ཞར་ལ་སྟོན་ཏེ། རྒྱལ་པོའི་བློན་པོ་ཀྲིད་ཅེས་པ་ནི་རབ་ཏུ་འབྱུང་བར་འོངས་པ་རྒྱལ་པོའི་བློན་པོ་ཡིན་ནམ་མ་ཡིན་རྨ་བ་དང་། ཡིན་ན་རབ་ཏུ་མི་#དབྱུང་བ་ལ་སོགས་པ་ཀྲིད་
[16b.3]ཀྱི་རྩིས་མགོར་བསྒྲེ་བར་སྟོན་པའོ། རྒྱལ་པོའི་བློན་པོའི་ཆོ་ག་རབ་ཏུ་མི་དབྱུང་བར་དགག་པ་ཡིན་ནམ་ཞེ་ན། བྱེ་བྲག་བསྟན་པའི་ཕྱིར། རྒྱལ་པོས་མ་གནང་བ་དང་ཡུལ་མི་རིང་བའོ་ཞེས་པ་ཡིན་ཏེ། རྒྱལ་པོས་མ་གནང་བ་དང་རྒྱལ་པོ་དང་ཉེ་བའོ། །རྒྱལ་པོའི་བཀའ་བརྩན་#པ་ནི་མི་རུང་བའོ། །གཞན་
[16b.4]ཡང་ཀྲིད་ཀྱི་རྩིས་མགོ་བསྒྲེ་བ་ནི། རྐུན་པོའི་མཚན་མ་ཅན་ཀྲིད་ཅེས་པ་ཡིན་ཏེ་མི་གང་རྐུན་མར་གྲགས་པའོ། །ཡུལ་ཁ་ཅིག་ཏུ་རྐུ་བར་མ་གྲགས་ན་རབ་ཏུ་ཕྱུང་ཡང་འགལ་བ་མེད། གཞན་ཡང་རབ་ཏུ་མི་དབྱུང་བ་ནི། མཉེད་#པ་དང་གདོལ་པ་དང་། སྨེ་ཤ་ཅན་དང་། དེ་ལྟ་བུ་དག་རབ་ཏུ་མི་དབྱུང་ཞེས་པ་ཡིན་
[16b.5]ཏེ། དེ་ལ་དེ་ལྟ་བུ་དག་ཅེས་པ་ནི་རྔོན་པ་དང་ཤན་པ་ལ་སོགས་པའོ། །ལུས་ཀྱི་སྐྱོན་དང་ལྡན་པ་སྔར་བསྟན་པར་ཡང་མ་ཟད་དེ། གཞན་ཡང་བསྟན་པའི་ཕྱིར་ལག་རྡུམ་ལ་སོགས་པ་ནི་དཔེའོ་ཞེས་པ་ནི། གོང་དུ་རབ་ཏུ་འབྱུང་བའི་དངོས་པོ་བསྟན་པའི་ཚེ་ལག་རྡུམ་ཞེས་པ་ལ་སོགས་པ་བར་དུ་གཅོད་པའི་རྣམ་
[16b.6]གྲངས་བསྟན་པ་ནི། དེ་ཁོ་ནར་ཟད་པ་བསྟན་པ་མ་ཡིན་གྱི་འོག་ནས་སྟོན་པ་རྣམས་ཀྱི་དཔེ་འམ་ཟླ་ཙམ་དུ་ཟད་དོ། །དེ་འང་གང་ཞེ་ན། སེང་གེའི་སྐྲ་དང་སྐྲ་སེར་སྔོན་པོ་དེ་དག་ཀྱང་། །སྐྲ་དཀར་དག་དང་གླང་པོའི་སྐྲ་དང་སྐྲ་མེད་མིན། །ཤང་ཤང་མགོ་དང་མགོ་ཆེན་སྡོམ་པར་གླེབས་པ་དག# ། ཕག་དང་བོང་མགོ་དང་
[16b.7]ནི་མགོ་གཉིས་མགོ་མེད་པ། །རྟ་རྣ་གླང་པོའི་རྣ་བ་བ་ལང་སྤྲ་#རྣ་དང་། །ཕག་དང་བོང་བུའི་#རྣ་བ་རྣ་གཅིག་རྣ་མེད་པ། །མིག་དམར་མིག་པོ་ཆེ་དང་མིག་ཚག་ཤིན་ཏུ་སེར། །མཆིང་མིག་ཆུ་བུར་མིག་དང་མིག་གཅིག་མིག་མེད་པ། །རྟ་སྣ་གླང་པོའི་སྣ་དང་བ་ལང་སྤྲ་ཡི་སྣ། །ཕག་དང་བོང་བུའི་སྣ་དང་སྣ་གཅིག་སྣ་
[17a]
[17a.1]མེད་པ#། །རྟ་དང་གླང་པོའི་ཀོསྐོ་བ་ལང་སྤྲའི་ཀོསྐོ། །བོང་ཕག་ཀོསྐོ་ཀོསྐོ་གཅིག་དང་ཀོསྐོ་མེད། །རྟ་སོ་གླང་པོའི་སོ་དང་བ་ལང་སྤྲ་ཡི་#སོ། །ཕག་དང་བོང་སོ་དང་ནི་སོ་གཅིག་སོ་མེད་པ། །མགྲིན་རིངས་མགྲིན་མེད་དང་ནི་ཕྲག་#མིག་ཤིན་ཏུ་སྒུར། །མཇེ་རྡུམ་#དང་ནི་རླིག་ཆེན་རླིག་
[17a.2]གཅིག་རླིག་མེད་པ། །རིང་རབ་ཐུང་རབ་དང་ནི་སྐེམ་པོ་ཞན་རབ་དང་། །ལྤགས་མདོག་རྣམ་བཞི་གྱལ་བ་གྱོལ་#བ་དེ་དག་ཀྱང་། །ཞེས་པ་ཡིན་ཏེ། ལུས་ཀྱི་སྐྱོན་མིང་གིས་སྨོས་པ་འདི་རྣམས་དང་ལྡན་ན་རབ་ཏུ་མི་དབྱུང་བར་སྟོན་པའོ། །དེ་ལ་སེང་གེའི་སྐྲ་ཞེས་པ་ནི་ཡིད་ཀྱིས་སྔོ་བ་ལྟ་བུའང་ལྕང་ལོར་འདུག་པའོ། །
[17a.3]སེར་བ་དང་སྔོ་བ་དང་དཀར་བ་ནི་རང་བཞིན་གྱིས་དེ་ལྟར་འདུག་པ་ལ་བྱ། གླང་པོའི་སྐྲ་ཞེས་པ་ནི་ཉག་མ་རེ་རེ་ཕ་ཟད་ཚུ་ཟད་#སྲབ་མོར་འདུག་པ་ལ་བྱ། སྦོམ་རབ་ཅེས་པ་ནི་མི་ཚོར་བ་ཤ་ཁུར་གྱིས་ནོན་པ་ལ་བྱ། གླེབས་པ་ཞེས་པ་ནི་ནས་འབྲས་ཀྱི་ཆན་གཏུན་གྱིས་བརྡུངས་བ་ལྟ་བུར་ལུས་སམ་མགོ་
[17a.4]ལེབ་#ལེབ་པོར་འདུག་པ་ལ་བྱ། མཆིང་མིག་ཅེས་པ་ནི་མིག་མཐིང་#བུ་དང་འདྲ་བར་སྔོ་བ་ལ་བྱ། ཆུ་བུར་མིག་ཅེས་པ་ནི་མིག་གི་#འབྲས་བུ་ཆུ་བུར་དང་འདྲ་བར་ཕྱི་རོལ་དུ་རློ་རློ་#པོ་འམ་མྱུག་མྱུག་པོ་འབྱུང་བ་ལ་བྱ། སྣ་གཅིག་ཅེས་པ་ནི་སྣའི་བུ་ག་གཅིག་པོར་ཡོད་པའོ། །སྣ་མེད་ཅེས་པ་ནི་བུ་ག་གཉིས་མེད་
[17a.5]པའམ། སྣ་དངོས་པོ་མེད་པའོ། །ཀོསྐོ་གཅིག་ཅེས་པ་ནི་ཀོསྐོ་མདུང་རྩེ་ལྟ་བུར་འདུག་པའོ། །མགྲིན་མེད་ཅེས་པ་ནི་མགྲིན་པ་རོར་ནུབ་པའོ། །ཕྲག་མིག་ཅེས་པ་ནི་མགྲིན་པ་རོར་ནུབ་པའི་མིག་ཕྲག་པ་དང་མཉམ་པར་#འདུག་པའམ་ཕྲག་པ་གཡས་གཡོན་ལ་མིག་ཡོད་པའོ། །རླིག་ཆེན་ཞེས་པ་ནི་རླིག་པ་
[17a.6]རླུང་གིས་རྒྱས་ཏེ་འབབ་#པའོ། །རླིག་གཅིག་ཅེས་པ་ནི་རླིག་པ་འབྲས་བུ་གཅིག་པའོ། །ལྤགས་མདོག་རྣམ་བཞི་ཞེས་པ་ནི་སྔོན་པོ་དང་སེར་པོ་དང་དམར་པོ་དང་སྐྱ་བོ་བཞི་ལྷའི་མདོག་ལྟར་བཟང་བ་མ་ཡིན་པ་འདི་བཞི་གང་དང་ལྡན་ནའང་མི་རུང་། གྱལ་བ་ཞེས་པ་ནི་གྱལ་བ་དངོས་ཀྱང་ཡིན། རྐང་པ་འཆེལ་#
[17a.7]ཞིང་འགྲོ་བ་ལྟ་བུར་ཡང་འཆད། གྱོལ་བ་ཞེས་པ་ནི་གྱོལ་བ་དངོས་ཀྱང་ཡིན་རྐང་པ་གཅིག་གི་སྟེང་དུ་གཅིག་འཇོག་ཅིང་འགྲོ་བ་ལྟ་བུར་ཡང་འཆད། རྣམ་པ་འདི་ལྟ་བུ་དག་ཀྱང་བཀག་པ་བཞིན་དུ་རིག་པར་བྱའོ་ཞེས་པ་ནི། གོང་དུ་རབ་ཏུ་དབྱུང་བའི་དངོས་པོ་བསྟན་པའི་ཚེ་ལག་རྡུམ་ལ་སོགས་པ་མི་རུང་
[17b]
[17b.1]བར་བཀག་པ་བཞིན་དུ་སེང་གེའི་སྐྲ་ལ་སོགས་པ་གོང་དུ་སྨོས་པ་འདི་རྣམས་ཀྱང་དགག་པ་རིག་#པར་གྱིས་ཤིག་པའོ། །སྐྱོན་གོང་དུ་སྨོས་པ་ལྟ་བུ་དང་ལྡན་པ་རྣམས་གལ་ཏེ་རབ་ཏུ་བྱུང་ན་ཇི་ལྟར་བྱ་ཞེ་ན་རིགས་དང་ལུས་ཀྱི་སྐྱོན་ཅན་རབ་ཏུ་བྱུང་ན་ཉེ་བར་མི་གཞག་ཅེས་པ་ཡིན་ཏེ། དེ་ལ་རིགས་ཀྱི་སྐྱོན་ནི་མཉེད་#
[17b.2]པ་ལ་སོགས་པའོ། །ལུས་ཀྱི་སྐྱོན་ནི་མདོག་དང་དབྱིབས་ངན་པ་གོང་དུ་སྨོས་པ་རྣམས་སོ། །གཅིག་ཅིག་གིས་ཅིག་ཅར་དུ་མ་བསྙེན་པར་རྫོགས་པར་བྱར་རུང་ངམ་ཞེ་ན། གཅིག་མ་ཡིན་པ་མཁན་པོ་གཅིག་གིས་ཅིག་ཅར་#གསུམ་མན་ཆད་བསྙེན་པར་རྫོགས་པར་རུང་ངོ་ཞེས་པ་ཡིན་ཏེ། མཁན་པོ་ཡང་གཅིག་
[17b.3]གསོལ་བ་ལ་སོགས་ཏེ་ལས་ཀྱང་#གཅིག་མ་ཡིན་པ་སྟེ། མི་གསུམ་མན་ཆད་བསྙེན་པར་རྫོགས་པར་བྱས་ན་ཡང་མི་རུང་བ་མེད་པར་སྟོན་པའོ། །བཞི་མན་ཆད་ཅི་#ཕྱིར་མི་རུང་ཞེ་ན། ཚོགས་ཀྱིས་ཚོགས་ཀྱི་ལས་མི་བྱའོ་ཞེས་འབྱུང་བའི་ཕྱིར་རོ། །ཅིག་ཅར་བསྙེན་པར་རྫོགས་པ་དེ་དག་གིས་ཕྱག་ཇི་ལྟར་#བྱ་
[17b.4]ཞེ་ན། དུས་མ་ཉམས་#པ་རྣམས་གཅིག་ལ་གཅིག་ཕྱག་བྱ་བ་མེད་དོ་ཞེས་པ་ཡིན་ནོ། །དེ་དག་རྙེད་པ་དང་ལས་སུ་གཞུག་པ་གང་སྔ་ཞེ་ན#། ཕྱིན་པ་སྡུན་དུའོ་ཞེས་པ་ཡིན་ཏེ། རྙེད་པའམ་ལས་སུ་བསྐོ་བའི་ཚེ་གང་སྔར་འོངས་པ་དེ་#བརྩན་པར་བྱས་ཏེ། རྙེད་པ་ཞིག་ནའང་དེས་ཐོབ་ལས་སུ་གཞུག་ན་ཡང་དེ་
[17b.5]སྔར་བསྐོ་བའོ། །རབ་ཏུ་འབྱུང་བའི་ཚེ་སྐྲ་བྲེགས་ཞེས་#ཀྱང་འབྱུང་བས་ན་སྐྲ་བྲེགས་པའི་ཆོ་ག་བྲན་ཚེགས་ལས་འབྱུང་བ་#རྣམས་ཀྱང་ཅིག་ཅར་དུ་བསྡུས་ཏེ་སྟོན་པ་ནི། དགོན་པ་པས་སྐྲ་སོར་གཉིས་ལས་ལྷག་པར་མི་བཅང་ཞེས་པ་ལ་སོགས་པ་ཡིན་ནོ། །གྲོང་ན་#ནི་དེ་ཙམ་དུའང་མ་ཡིན་ཏེ། #ཚུན་ཆད་ཅེས་
[17b.6]པ་ནི་གྲོང་ངམ་གཙུག་ལག་ཁང་བཞི་#ལ་འདུག་པ་རྣམས་ཀྱིས་སྐྲ་བྲེགས་པ་ནི་སོར་གཉིས་སྲིད་དུའང་མི་གཞག་པར་བྲེགས་#པའོ། །སྐྲ་བ་ལང་གི་སྤུ་ལྟར་མི་བཅད་ཅེས་པ་ནི་གྲིའམ་ཆན་པ་གང་གིས་ཀྱང་རུང་སྟེ། བ་ལང་གི་སྤུ་ཙམ་གྱི་ཚོད་དུ་ལྷག་མ་#ཅུང་ཟད་ཡོད་པར་བྲེག་ཏུ་མི་རུང་གི། །སྤུ་གྲིས་གཏན་ནས་
[17b.7]དབྱི་དགོས་པར་སྟོན་པའོ། །སྤུ་གྲི་མ་ཡིན་པ་ཅན་ལ་སོགས་པ་གཞན་གྱིས་བྲེག་ཏུ་ཡེ་མི་#རུང་ངམ་ཞེ་ན། རྨའི་འཁོར་མ་གཏོགས་ཞེས་པ་ཡིན་ཏེ། མགོ་ལ་རྨ་ཡོད་ན་དེའི་ཉེན་འཁོར་ཙམ་རྨ་ལ་མི་གཟན་པར་བྱ་བའི་ཕྱིར་ཆན་པའམ་གཞན་གྱིས་བྲེགས་ཀྱང་བླ། གཞན་བྲེགས་ན་གཙུག་ཕུད་#ཙམ་
[18a]
[18a.1]གཞག་ཀྱང་བླ་བར་སེམས་པ་བསལ་བའི་ཕྱིར་གཙུག་ཕུད་མི་གཞག་ཅེས་པ་ཡིན་ནོ། །སྐྲ་བྲེགས་པའི་ཞར་ལ་སྤུ་གཞན་ཀུན་བྲེགས་ཀྱང་བླ་བར་སེམས་པ་བསལ་བའི་ཕྱིར། སྦ་བ་ཕྱོགས་ཀྱི་སྤུའི་ལས་མ་ཡིན་ཞེས་པ་ཡིན་ཏེ། མཆན་སྤུ་དང་རྨོངས་ལ་སོགས་པ་བྲེག་ཏུ་མི་རུང་
[18a.2]བ་ལ་བྱའོ། །གལ་ཏེ་རྨ་མི་འཚོ་བ་ཞིག་ན་དེའི་རྒན་རབས་ཤེས་པ་ལ་ཞུས་ནས་བྱ་ཞེས་པ་ཡིན་ཏེ། སྦ་བའི་ཕྱོགས་ཀྱི་རྨ་མ་བྲེགས་ཀྱི་བར་དུ་འཚོར་མི་བཏུབ་#པ་ཞིག་ན། རྒན་རབས་འམ་#ཤེས་པ་ལ་དྲི་ཞིང་ཤེས་པར་བྱའོ། །སྦ་བའི་ཕྱོགས་ཀྱི་སྤུ་དང་འདྲ་བར་བརླ་དང་བྱིན་སྤུའང་བྲེག་ཏུ་མི་རུང་ངམ་#ཞེ་ན།
[18a.3]དེའི་ཕྱིར་མ་ཡིན་ན་རྐང་རྒྱུད་ཀྱང་མི་རུང་ཞེས་པ་ཡིན་ཏེ། རྨའི་ཚས་བྱ་བའི་ཕྱིར་མ་ཡིན་ན། བརླ་དང་བྱིན་པ་དང་ངར་གདོང་གི་སྤུའང་བྲེག་ཏུ་མི་རུང་། རྐང་རྒྱུད་ཉི་#ཚེའི་རྒྱུད་མི་བྲེག་བར་བསྟན་ན། ལུས་ཀྱི་ཕྱོགས་གཞན་བྲེགས་ཀྱང་བླ་བར་གོ་བའི་ཕྱིར། ལུས་གཞན་མ་ཡིན་ཞེས་པ་སྟེ་མགུལ་པ་མན་
[18a.4]ཆད་ཀུན་ལུས་ཡིན་ནོ། །སྣ་སྤུ་འཐོག་ཏུ་དབང་ངམ་མི་དབང་བ་ནི་གསལ་པོར་མི་སྨོས་#མོད་ཀྱི། དགེ་སློང་གི་སྣ་སྤུ་ཕྱེད་ཙམ་ལས་མ་བཏོགས་#པར་རྒན་རབས་ཀྱི་སྨང་ཙེར་མི་བསྐུར་#ཁྱེར་ན་འདས་པ་དང་བཅས་པའོ་ཞེས། བཅོམ་ལྡན་འདས་ཀྱིས་གསུངས་པས་ན། སྣ་སྤུ་འཐོག་དུ་མི་#གནང་བར་བཅོམ་
[18a.5]ལྡན་འདས་ཀྱིས་གསུངས་པ#། སྣ་དེའི་མདོ་ནུབ་བམ་འཁྱམས་པར་#ངེས་སོ་ཞེས་ཀྱང་འཆད་དོ། །ད་ནི་སེན་མོ་གཅོད་པའི་ཆོ་ག་སྟོན་པས་ན། སེན་མོ་སྤུ་གྲིའི་སོ་འམ། སྟེའུའི་#སོ་ལྟར་བཅད་ཅེས་པ་ཡིན་ཏེ། སེན་མོ་བཅད་པ་མཁར་ཐབས་ལ་སོགས་པ་འཇོ་བའི་ཚུལ་གཞན་དུ་མི་བྱའི་སྤུ་གྲིའི་སོ་ལྟར་
[18a.6]དབུས་རློ་#བར་བཅད་པའམ། སྟེའུའི་#སོ་ལྟར་ཁད་ཆད་དུ་ཆོད་ཅིག་པའོ། །དེའི་ཕྱི་#བདར་མི་བྱ་ཞེས་པ་ནི་སྒེག་པའི་ཕྱིར་སེན་མོ་བདར་བ་དང་། ཚོན་གྱིས་བྱུགས་#པ་ལ་སོགས་པ་མ་བྱེད་ཅིག་པའོ། །སེན་མོའི་ཕྱི་བདར་རོ་ཅོག་བྱར་མི་རུང་ངམ་ཞེ་ན། དྲི་མ་#ཕྱི་བའི་ཕྱིར་ཕྱི་བདར་བྱ་ཞེས་པ་ཡིན་ནོ། །ད་སྐྲ་
[18a.7]བྲེགས་#པའི་ཆོ་ག་སྟོན་པ་ནི་གོས་ཡོད་བཞིན་དུ་སྐྲ་དང་ཁ་སྤུ་མི་བྲེག་ཅེས་པ་ལ་སོགས་པ་ཡིན་ཏེ། གོས་ཞེས་པ་#ནི་སྟེང་དུ་བགོ་བ་ལ་བྱ། དེ་ལྟ་བས་ན་#སྐྲ་བཟེད་ཆོངས་#ཤིག་ཅེས་པ་ཡིན་ནོ། །གལ་ཏེ་སྐྲ་བཟེད་མེད་ན་ཇི་ལྟར་བྱ་ཞེ་ན། མེད་ན་རྡུལ་གཟན་#དང་ངོ་ཞེས་པ་ཡིན་ནོ། །བཏིང་བ་ཡིན་ཞེས་
[18b]
[18b.1]པ་ནི་རྩྭའམ་ལོ་མའམ་སྟན་འབྱམ་#བག་ཀྱང་རུང་བའི་སྟེང་དུ་སྐྲ་མི་བྲེག ། དགེ་འདུན་གྱི་ཕྱག་དར་གང་དུ་བྱ་བར་མ་ཡིན་ཞེས་པ་ནི་དགེ་འདུན་འདུ་བའི་ས་#ཕྱོགས་གང་ཕྱག་དར་བྱ་ཞིང་བསྟར་བ་དེར་སྐྲ་བྲེག་ཏུ་མི་རུང་བར་སྟོན་པའོ། །རྒས་པ་དང་ནད་པ་#དང་རླུང་དང་ཉི་དུགས་དང་ཆར་འབབ་ན་ཁྱམས་ལ་
[18b.2]སོགས་པར་བྲེག་ཅེས་པ་ནི་རྣམ་པ་འདི་རྣམས་ལྟ་བུའི་རྐྱེན་བྱུང་ན། ཁྱམས་ལ་སོགས་ཏེ་དགེ་འདུན་འདུ་བའི་ས་ཕྱོགས་བསྟན་ཞིང་ཕྱི་བདར་བྱ་བར་སྐྲ་བྲེགས་#ཀྱང་བླ། དེ་ལ་ནད་པ་དང་རྒས་པ་ནི་ནམ་ཡང་རུང་གཞན་ནི་རླུང་ལ་སོགས་པའི་རྐྱེན་དང་སྦྱར་རོ། །ཕྱོགས་ནི་ཕྱི་བདར་བྱ་ཞེས་པ་ནི་
[18b.3]ཁྱམས་ལ་སོགས་པའི་ས་ཕྱོགས་དེར་སྐྲ་བྲེགས་#ན་ཕྱག་དར་དང་དཀྱིལ་འཁོར་ལ་སོགས་#ཕྱི་བདར་བྱ་བའོ། །སྐྲ་བྲེགས་#པ་གར་དོར་ཞེ་ན་ཕྱག་དར་ཁྲོད་དུ་དོར་ཞེས་པ་ཡིན་ནོ། །སེན་མོ་བཅད་པ་ཡང་དེ་བཞིན་ཞེས་པ་ནི། སེན་མོ་བཅད་པ་ཡང་སྐྲའི་ཆོ་ག་དང་འདྲ། དགེ་སློང་མས་སྐྲ་བྲེགས་#པའི་
[18b.4]ཆོ་ག་ཇི་ལྟར་བྱ་ཞེ་ན། འདོད་ཆགས་དང་མ་བྲལ་བ་འདི་དགེ་སློང་མས་མ་བསྲུངས་པར་སྐྱེས་པས་སྐྲ་མི་བྲེག་ཅེས་པ་ནི་དགེ་སློང་མ་འདོད་ཆགས་དང་བྲལ་བ་མ་ཡིན་པ་དགེ་སློང་མ་ཟླ་བོ་#གཅིག་གིས་མ་བསྲུངས་པར་སྐྱེས་པ་སྐྲ་འདྲག་#ཏུ་མི་གཞུག ། ཆགས་པ་ལྟ་ན་བསྲུང་བས་འདི་སྐད་དུ་བསྒོ་
[18b.5]ཤིག་ཅེས་པ་ནི་སྐྲ་འདྲེག་པའི་དགེ་སློང་མ་དེ་སྐྱེས་པ་འདྲེག་མཁན་དེ་ལ་ཆགས་སུ་བྱེད་ན་བསྲུང་བ་ཟླ་#ལ་འདུག་པས་མདོ་འོག་ནས་འབྱུང་བ་སྐད་དུ་བསྒོ་བར་བྱ་བའོ། །ཅི་ཁོག་རུལ་འདི་ལ་སྙིང་པོ་ཡོད་དམ་ཞེས་དྲན་པ་ཉེ་བར་ཞོག་ཅིག་ཅེས་བསྒོ་བར་བྱའོ#། །མ་སྲིང་དང་བུ་མོར་སོམས་ཤིག་ཅེས་
[18b.6]འདྲེག་མཁན་ལའོ་ཞེས་པ་ནི། འདྲེག་མཁན་དགེ་སློང་མ་ལ་ཆགས་པ་ལྟ་ན། དགེ་སློང་མ་དེ་ན་ཚོད་ཇི་ཙམ་པ་ལས་མ་ལ་སོགས་པར་སོམས་ཤིག་ཅེས་འདྲེག་མཁན་ལ་བསྲུངས་པས་བསྒོ་བར་བྱའོ#། །དགེ་སློང་མས་སྐྲ་བྲེགས་#པའི་ཆོ་ག་དེ་ལྟར་བསྟན་ནས། ད་ནི་སྤྱིའི་ཆོ་ག་སྟོན་ཏེ། འདི་ཟིན་
[18b.7]ནས་ཁྲུས་བྱ་ཞེས་པ་ནི། སྐྲ་བྲེགས་#ཟིན་ནས་ཁྲུས་བྱོས་ཤིག་པའོ། །ཡང་ན་ཡན་ལག་ལྔ་བཀྲུ་ཞེས་པ་ནི་ལུས་རིལ་གྱིས་འཁྲུ་མི་ནུས་ན་མགོ་དང་རྐང་ལག་བཞི་ཙམ་བཀྲུ་བར་བྱའོ། །གཅེར་བུར་མི་བཀྲུ་ཞེས་པ་ནི་པ་#ཆར་རམ་མདོམས་#ཡོག་ཙམ་ཡང་མེད་པར་ཁྲུས་མི་བྱ་བའོ། །དགེ་སློང་མ་
[19a]
[19a.1]སྐྱེས་པའི་འབབ་སྟེགས་སུ་མ་ཡིན་ཞེས་པ་ནི་སྐྱེས་པ་ཁྲུས་བྱེད་པའི་ས་གང་ཡིན་པར་དགེ་སློང་མས་ཁྲུས་མི་བྱ། བུད་མེད་ཀྱི་འབབ་སྟེགས་སུ་ཕྱེ་མས་མིན་ཞེས་#ནི་བུད་མེད་ཁྲུས་བྱེད་པའི་སར་དགེ་སློང་མ་འཁྲུ་ན་ཕྱེ་མས་སུ་ཁྲུས་མི་བྱའོ། །སྲན་ཕྱེ་ལ་སོགས་པ་
[19a.2]དྲིས་བསད་པར་རུང་ཞེས་པ་ནི་སྲན་མ་ལ་སོགས་པའི་ཕྱེ་མའམ་མེ་ཏོག་གམ་ག་བུར་ལ་སོགས་པ་དྲི་ཞིམ་པོས་ཁ་བླངས་པ་དགེ་སློང་དང་། དགེ་སློང་མས་སྤྱད་དུ་མི་རུང་བ་མེད་པའོ། །འདི་བླང་ཞེས་པ་ནི་གོང་མའི་ཕྱེ་མ་ལྟ་བུ་གཞན་གྱིས་བྱིན་ན་ལོང་ཤིག་པར་སྟོན་པའོ། །སྨན་གྱིས་
[19a.3]བསླད་པ་#ནི་ནད་པས་སོ་ཞེས་པས་#ནི་ཕྱེ་མ་སྨན་དང་བསྲེས་པ་ཞིག་ན་ནད་པ་ཉི་#ཚེས་བླང་དུ་རུང་། དགེ་སློང་མས་བུད་མེད་ལ་བྱེ་#མ་མི་གཏོར་ཞེས་པ་ནི་ཁྲུས་བྱེད་པའི་ཚེ་བུད་མེད་གཞན་ལ་ཀྱལ་ཀ་བྱ་བའི་ཕྱིར་ཕྱེ་མས་མ་འཐོར་ཅིག་པའོ། །གཅེར་བུས་ཁྲུས་མ་བྱེད་ཅིག་ཅེས་བཤད་པའི་ཟླ་ལ་
[19a.4]གདོམས་#ལྟ་བུ་ཡལ་བའམ་ཐང་བར་བྱར་མི་རུང་བར་སྟོན་པ་ནི། ཤམ་ཐབས་ཀྱི་སྔ་གཤམ་དང་ཕྱི་གཤམ་གྱི་ཐ་མ་མ་མདུད་པར་སྐས་ལ་མི་གཟེག་ཅེས་པ་ཡིན་ཏེ། ཆོ་ག་འདི་ལྟར་མ་བྱས་པར་སྐས་ཉི་ཚེ་ལ་མི་གཟེག་པར་མ་ཟད་ཀྱི་ཤིང་ལ་སོགས་པ་གང་ལ་#ཡང་གཟེག་ཏུ་མི་རུང་། སྐས་པས་
[19a.5]གཞན་དུ་དེ་ལྟར་མ་ཡིན་ཞེས་པ་ནི་སྟེང་དུ་འཛེགས་#སམ་འོག་དུ་འབབས་ཟིན་ནས། སྔ་གཤམ་དང་ཕྱི་གཤམ་གྱི་མདུད་པ་དེ་སོ་ན་མི་གཞག་པའོ། །ཁའི་ནང་ཡར་བཟླ་བར་གཏོགས་པས་ན་དེའི་ཆོ་ག་བསྟན་པའི་ཕྱིར། ཁ་མ་བཀག་པར་མི་གླལ་ཞེས་པ་ཡིན་ནོ། །གཅེར་བུས་ཁྲུས་བྱར་མི་རུང་
[19a.6]བའི་ཕྱིར་ཁྲུས་རས་བཅང་ཞེས་པ་ཡིན་ནོ། །ཉི་#རིམ་ལ་ནི་སྲོག་ཆགས་འཆགས་སོ་ཞེས་པ་ནི། ཆུ་སྲོག་ཆགས་མང་པོ་ཅན་གྱིས་ཁྲུས་བྱེད་ན་ཁྲུས་རས་ཉི་#རིམ་དུ་བྱར་མི་རུང་སྟེ། གླན་པ་ཡང་དེ་བཞིན་ཆོས་གོས་གསུམ་པས་ཀྱང་དེ་བཞིན་དུ་ཁྲུས་རས་བཅང་དགོས་སམ་ཞེ་ན། ཆོས་གོས་གསུམ་
[19a.7]པས་ཀྱང་ངོ་ཞེས་པ་ཡིན་ནོ། །ཁྲུས་རས་མེད་དམ་མི་བདོག་ན་ཇི་ལྟར་བྱ་ཞེ་ན། མེད་ན་མདུན་དང་རྒྱབ་འདམ་པས་གཡོགས་#ལ་དབེན་བའི་ཕྱོགས་སུ་ཁྲུས་བྱ་ཞེས་པ་ཡིན་ནོ། །སྲོག་ཆགས་མང་སྟེ་ཁྲུས་རས་གཅིག་ཐང་ལ་ཡང་ཆགས་པ་ཙམ་གྱི་ཚོད་ན་ཇི་ལྟར་བྱ་ཞེ་ན། སྲོག་ཆགས་ཆགས་
[19b]
[19b.1]པ་བཤལ་#ཏེ་བཏང་ཞེས་པ་ནི་ཁྲུས་རས་ལ་སྲོག་ཆགས་ཡོད་ན་ཆུའི་ནང་དུ་བཤལ་ཞིང་གཏང་#བར་བྱ་བའོ། །ཁྲུས་གཙུག་ལག་ཁང་དུ་བྱེད་ནས་ཚོད་གར་བྱ་བ་བསྟན་པ་ནི་གཙུག་ལག་ཁང་ན་སྟོར་ཁུང་དེའོ་ཞེས་པ་ཡིན་ཏེ། གཙུག་ལག་ཁང་དུ་ཁྲུས་བྱེད་ན་སྟོར་#ཁུང་ག་ལ་འདུག་པར་ཁྲུས་བྱ་བའོ། །ཁུ་བ་ཡང་
[19b.2]དེར་དབོའོ་ཞེས་པ་ནི། གོས་དང་ལྷུང་བཟེད་བཀྲུས་པ་ལ་སོགས་པའི་ཆུ་ཡང་སྟོར་ཁུང་དེར་དོར་རོ། །#ཁྲུས་ཀྱི་ས་གུད་དུ་བསྟན་པའི་ཕྱིར་ཁྲུས་ཁང་བྱ་ཞེས་པ་ཡིན་ནོ། །དེར་སོ་ཕག་གི་གཅལ་དགྲམ་ཞེས་པ་ནི་ཁྲུས་ཁང་གི་ནང་དུ་སོ་ཕག་གི་གཅལ་དགྲམ་པར་སྟོན་པའོ། །སྟོར་ཁུང་གདོད་ཅེས་པ་ནི་
[19b.3]དེར་སྟོར་ཁུང་ཡང་གདོད་དགོས་པའོ། །འཇིམ་རྫབ་བཀྲུ་ཞེས་པ་ནི་ཁྲུས་ཁང་དེ་འཇིམ་རྫབ་ཏུ་གྱུར་ན་དུས་དུས་སུ་#བཤལ་ཞིང་བཀྲུ་བའོ། ཆུ་ཁུང་དུ་བཀྲུས་ན་མི་ལྡང་ཞེས་པ་ནི་ཆུ་ཁུང་#ངམ་སྟོར་ཁུང་གི་ཁར་ཁྲུས་#ཁང་གི་ནང་འཇིམ་རྫབ་ཏུ་མི་འགྱུར་བར་སྟོན་པའོ། །འོག་ནས་སྨོས་པ་འདི་ཡང་
[19b.4]ཁྲུས་ཀྱི་ཡན་ལག་ཏུ་གཏོགས་པས་ན་སྐབས་འདིར་སྟོན་ཏོ། །#རྐང་པ་གཉིས་མ་གཏོགས་པར་ལུས་སོ་ཕག་གིས་མི་སྤྱང་ཞེས་པ་ཡིན་ནོ། །འདི་ནི་དཔེར་ཟད་ཀྱི་རྩུབ་པོ་དང་སྒེག་པ་ཡང་ངོ་ཞེས་པ་ནི། མཚོན་ལ་སོགས་པ་རྣོན་པོ་དང་། རྒྱ་མཚོའི་དབུ་བ་ལ་སོགས་པས་སྒག་པར་བྱེད་པ་ཡང་མི་
[19b.5]རུང་བར་སྟོན་པའོ། །བཅོམ་ལྡན་འདས་ཀྱིས་རྩུབ་པོ་མེད་པར་བདར་བའི་ཉ་ཕྱིས་ལུས་སྦྱང་བའི་ཕྱིར་ཆོངས་ཤིག་ཅེས་གསུངས་པས་#ན། ཉ་ཕྱིས་དེ་ལྟ་བུས་#ལུས་སྦྱངས་ནས་དེ་ཉིད་ཐབས་ཇི་ལྟར་བཀྲུ་བ་བསྟན་པའི་ཕྱིར། ཉ་ཕྱིས་མེར་བཀྲུ་ཞེས་པ་ཡིན་ཏེ། ཉ་ཕྱིས་དེ་ཐལ་བ་འམ་མེ་ལ་བསྲོས་ན་#
[19b.6]འདག་པར་སྟོན་པའོ། །དགེ་སློང་གི་ལུས་ནི་ཅུང་ཟད་སྦྱོང་དུ་གནང་གི། དགེ་སློང་མའི་ལུས་ནི་སྦྱོང་དུ་ཡེ་མི་གནང་པར་བསྟན་པའི་ཕྱིར། དགེ་སློང་མ་ནི་གང་དུ་ཡང་ཁུ་ཚུར་དང་ར་ད་ཡན་ཆད་གང་གིས་ཀྱང་མི་བྲུད་ཅེས་#པ་ཡིན་ཏེ། ཁུ་ཚུར་དང་ར་ད་ཡན་ཆད་བཟན་པ་གང་གིས་ཀྱང་ལུས་ཀྱི་ཡན་
[19b.7]ལག་གང་དུ་ཡང་མི་བྲུད་པའོ། །ཁྲུས་ཀྱི་ཞོར་#ལ་གོས་བགོ་བའི་རིམ་གྲོ་ཡང་བསྟན་དགོས་པས་ན། ཆུ་མ་སྐམས་པར་ཡོད་བཞིན་དུ་གོས་མི་བགོ་ཞེས་པ་ཡིན་ཏེ། ཆུ་འབྲུམ་མ་སྐམས་ཀྱི་བར་དུ་གོས་མ་གྱོན་ཅིག་པའོ། །དེ་ལྟ་བས་ན་ལུས་ཕྱི་བ་བཅང་ཞེས་པ་ཡིན་ཏེ། ཆུ་འབྲུམ་མྱུར་དུ་མེད་
[20a]
[20a.1]པར་འདོད་པས་ལུས་ཕྱི་བ་ཆོངས་ཤིག་པར་སྟོན་པའོ། །ལུས་ཕྱི་བ་མེད་ན་ཇི་ལྟར་བྱ་ཞེ་ན། མེད་ན་སྐད་ཅིག་ཙོག་ཙོག་#པོར་འདུག་ལ་ཁྲུས་རས་ཀྱིས་#ཕྱི་ཞེས་པ་ཡིན་ནོ། །ཁྲུས་ཀྱི་ཞར་ལ་བསྲོ་#གང་ཡང་འབྱུང་བའི་རིགས་བས་ན། བསྲོ་གང་#དུ་འཇུག་པར་བྱ་ཞེས་པ་ཡིན་ནོ། །
[20a.2]བསྲོ་གང་#དེ་ཇི་ལྟ་བུར་བྱ་ཞེ་ན། བསོ་#གང་བྱ་བ་ནི་སྐམ་སར་དགེའོ་ཞེས་པ་ཡིན་ཏེ། ཁྲུས་ཁང་གི་དར་རམ་ཚན་ཡོད་པར་བརྩིགས་ན་གྲང་ཞིང་ཚན་ལྡང་བའི་ཕྱིར། སྐམ་སར་བརྩིགས་ན་ལེགས་པར་སྟོན་པའོ། །སྐར་ཁུང་ཕྱི་དོག་ནང་ཡངས་པ་རྒྱ་མཚོ་ལྟ་བུར་#དབུས་སུ་གདོད་ཅེས་པ་ནི་བསྲོ་
[20a.3]གང་#གི་སྐར་ཁུང་དབྱིབས་འདི་འདྲ་བར་བྱས་པ་རྩིག་པའི་དབུས་སུ་གདོད་པར་བྱ་བའོ། །སྐར་ཁུང་འདིར་དྲ་བ་དང་སྒོ་འཕར་དང་། ཟུང་ང་དང་། གཟེར་གཏན་#དང་། ཟུང་ང་བྱ་ཞེས་པ་ཡིན་ཏེ། བསྲོ་གང་#དེའི་སྐར་ཁུང་དྲ་བས་གཡོགས་#པ་དང་། སྒོ་ལེབ་ཅན་དུ་བྱ་བ་ལ་སོགས་པའང་མིང་གིས་
[20a.4]སྨོས་པ་བཞིན་དུ་བྱ། ར་རྐང་གི་དབྱུག་པ་གཞག་ཅེས་པ་ནི་སྐར་ཁུང་གཅད་#ཅིང་དབྱེ་བའི་སྤྱད་དབྱུག་གི་ཐོག་མ་རྨིག་པ་ལྟ་བུར་བྱས་པ་ཡང་བཅས་ཏེ་གཞག་པའོ། །སྒོར་སྒོ་ལེབ་དང་གཏན་བུ་དང་། ཡང་མིག་དང་ལག་ཟུངས་བཅའ་ཞེས་པ་ནི་བསྲོ་གང་#དེ་གཏན་བུ་དང་སྒོ་ལེབ་དང་ཕྱི་ནང་ནས་གཅད་
[20a.5]ཅིང་དབྱེ་བའི་ཡང་མིག་དང་ལག་ཟུངས་ཡན་ཆད་ཕྲུགས་ཡན་ཆད་ཚང་བར་ཤོམས་ཤིག་པའོ། །ནང་གི་ངོས་སུ་ཆུ་ཚན་གཞག་པའི་ཕྱིར་སྟེགས་བུ་བྱ་ཞེས་པ་ནི། བསྲོ་གང་#གི་ནང་དུ་ཆུ་གཞག་པའི་ས་ཡང་འདི་ལྟར་གྱིས་ཤིག་པའོ། །ཞུགས་ཐབ་#ཀྱི་སར་ཕ་#གུ་གདིང་ཞེས་པ་ནི་གཞི་ཕ་#གུ་ལས་བླངས་ལ་
[20a.6]དེའི་སྟེང་དུ་གདོད་ཞུགས་ཐབ་བྱོས་ཤིག་པའོ། །མི་འཆི་བར་བསྡུ་ཞེས་པ་ནི་མེ་སྦོས་ཤིག་པར་སྟོན་པའོ། །དེའི་ཕྱིར་ལྕགས་ཀྱི་ལད་ཕྱག་བཅང་ཞེས་པ་ནི། མེ་དེ་སྦེད་པའི་ལག་སྤྱད་ཀྱང་ཆོངས་ཤིག་པའོ། །མེ་དུགས་ཀྱིས་མྱོས་པའི་ཕྱིར་འབར་བཞིན་དུ་འཇུག་པ་བཏང་ཞེས་པ་ནི་མེ་དུགས་ལ་བག་
[20a.7]བྱ་བའི་ཕྱིར་འབར་བའི་ཚེ་བསྲོ་གང་#གི་ནང་དུ་མ་འདོང་ཤིག་པར་སྟོན་པའོ། །མེ་དབལ་མི་སྐྱེད་#པའི་ཕྱིར་ཡུངས་མར་གྱིས་སྤྲུས་པའི་ཟན་མེར་གདབ་ཅེས་པ་ཡིན་ནོ། །དེ་དྲི་ང་བ་བསལ་བའི་ཕྱིར་བདུག་སྤོས་བླུགས་ཞེས་པ་ནི། ཡུངས་མར་དུ་བསྒྲེས་པའི་ཟན་མེར་བཏབ་པ་དེའི་དྲི་བསད་པའི་ཕྱིར། དུ་རུ་སྐ་#
[20b]
[20b.1]ལ་སོགས་པའི་བདུག་པ་བྱ། མིག་འཛག་པར་དར་ཟན་གྱི་#ཆང་བུས་བརྟགས་ཞེས་#པ་ནི་མིག་གི་ནང་དུ་སྣུམ་ལ་སོགས་པ་སོང་སྟེ། མཆི་མ་འཛག་ན་ངར་ཟན་གྱི་ཆང་#བུས་རྟོགས་ཤིག་པའོ། །སྐྱུ་རུ་རའི་ཆང་#བུས་ཀྱང་ངོ་ཞེས་བྱ་བ་ནི། མིག་གོང་མ་ལྟར་གྱུར་ན་འདིས་བརྟགས་#ཀྱང་རུང་བར་#སྟོན་པའོ། །
[20b.2]འདིར་རྩྭ་བམ་གྱི་སྟན་ནོ་ཞེས་པ་ནི། བསྲོ་གང་#དེར་སྟན་དུ་ནི་རྩྭ་སྟན་བཏིང་ན་#ལེགས་པར་སྟོན་པའོ། །ས་དེ་ལ་རྩྭ་རང་བཞིན་གྱིས་གཤེར་བའམ་རླན་#པ་གདིང་ཞེས་པ། བསྲོ་གང་ནང་མེ་དུགས་ཀྱིས་ཚ་ཆེ་#སྟེ་རྐང་པས་མི་བཟོད་ན་རྩྭ་སྔོན་པོ་འམ་སྐམ་པོ་ལས་རླན་#པ་ཐིང་ཤིག་པའོ། །གཡའ་
[20b.3]བའི་ཕྱིར་ལྕགས་ཀྱི་གཡའ་ཕྲུག་བྱ་ཞེས་པ་ནི། ཁྲུས་ཁང་དེའི་ཡོ་བྱད་ལྕགས་ཀྱི་གཡའ་ཕྲུག་ཀྱང་གྱིས་ཤིག་པའོ། །མིག་གུར་སྲད་བུས་གདགས་ཤིང་ཁང་སྐྱོང་གིས་དབེན་པར་འདི་སྦོས་ཤིག་ཅེས་པ་ནི། དེ་ཁང་སྐྱོང་གིས་#ཐབས་འདི་བཞིན་སྦ་བར་བྱ་བའོ། །འདི་དག་པར་བྱ་བ་ནི་མེས་#
[20b.4]རུང་བར་བྱ་ཞེས་པ་ནི#། གཡའ་ཕྲུག་དེ་བཀྲུ་བ་ནི་བསྲེགས་#ན་འདག་པར་སྟོན་པའོ། །དེར་མི་བཀྲུ་ཞེས་པ་ནི་བསྲོ་གང་#དུ་ཁྲུས་མི་བྱ་བའོ། །དེའི་ཕྱིར་ཁྲུས་ཁང་བྱ་ཞེས་པ་ནི་བསྲོ་གང་#དུ་ཁྲུས་བྱར་མི་རུང་བའི་ཕྱིར་ཁྲུས་ཁང་གུད་དུ་བྱ་བའོ། །འཁྲུ་བར་བྱེད་པའི་གོས་ལ་མི་གཟན་པའི་ཕྱིར་གཤོང་བུ་
[20b.5]ཕ་གུས་རྩིག་#པ་བྱ་ཞེས་པ་ནི་ཆུ་ལྡུགས་པའི་དགེ་སློང་གི་ཆོས་#གོས་ལ་ཆལ་པ་མི་#གཟན་པར་བྱ་བའི་ཐབས། འཁྲུ་བའི་ས་ཉིད་གཤོངས་#ནས་དེའི་ངོས་དང་གཞི་འང་ཕ་#གུས་རྩིག་པ་བྱོས་ཤིག་པར་སྟོན་པའོ། །འདིར་#སྟོར་ཁུང་གདོད་ཅེས་པ་ནི་གཤོང་བུ་དེ་ལ་ཡང་སྟོར་ཁུང་གདོད་པའོ། །ཆུ་ཚ་
[20b.6]ཆེས་#བ་ནི་ཕྱི་མ་རྣམས་ལ་སྦྲན་ཞེས་པ་ནི་བཀྲུ་བའི་ཆུ་ཚ་ཆེས་#པའོ། །འདི་གྲང་མོས་བསྲེ་ཞེས་པ་ནི་ཆུ་ཚ་ཆེས་#ན་གྲང་མོས་བསྲེ་བའོ། །འདེབས་པ་ལ་སོགས་པའི་ཕྱིར་ཡང་ངོ་ཞེས་པ་ནི། ཆག་ཆག་བཏབ་པ་དང་། བསྐུ་བ་ལ་སོགས་པའི་ཆུ་ཡང་ཚ་ཆེས་#ན་གྲང་མོས་བསྲེས་ཤིག་པའོ། །ལྩ(ལྕི་)བ་
[20b.7]དང་ལྕི་སྐམ་དང་སོ་ཤིང་གྱོ་མོ་གང་བར་གཞག་ཅེས་པ་ནི་ཁྲུས་ཁང་དུ་རྫ་མའམ་གྱོ་མོ་འདི་རྣམས་ཀྱིས་གང་བ་སྟ་གོན་བྱས་ཏེ་གཞག་པའོ། །གལ་ཏེ་རྨྱ་ན་གཡར་ཚུས་བཟའ་ཞེས་པ་ནི་ལྟོགས་སམ་རྨྱས་ཏེ་ཉམས་ཀྱིས་མི་ནུས་པ་ཙམ་གྱི་ཚོད་ན་གཡར་ཚུས་#ཇེ་ཟོས་ལ་ཁྲུས་བྱ་བའོ། །ནང་དུ་གཅན་#
[21a]
[21a.1]སྲིད་ཀྱིས་དེས་#འདི་ལྟར་ལྷགས་པ་ངོ་མི་ཤེས་པ་ལ་ཤེས་པར་བྱ་བའི་ཕྱིར་འདྲི་ཞེས་པ་ནི་དགེ་འདུན་གྱི་#ཁྲུས་ཁང་དུ་མུ་སྟེགས་ཀྱི་དགེ་སློང་དག་མ་ཞུགས་བྱེད་ཅིང་། ཁྱུ་རླབས་སུ་འཇུག་སྲིད་པས་ན་དགེ་སློང་དེ་ན་འཁོད་པ་རྣམས་ཀྱིས་གང་ངོ་མ་ཤེས་པ་ལ་ཁྱོད་ཀྱི་མཁན་པོ་གང་
[21a.2]མིང་ཅི་ཞེས་བྱ་བ་ལ་སོགས་པས་#དྲི་ཞིང་བརྟག་པར་བྱོས་ཤིག་པའོ། །དེ་ལྟ་བུ་ཅི་ནས་ཀྱང་ནང་དུ་མི་བཅུག་པའི་ཐབས་ཇི་ལྟར་བྱ་ཞེ་ན་མི་ཆུད་པར་བྱ་བ་དང་། དེའི་ཕྱིར་དགེ་སློང་སྒོ་བ་གཞག་ཅེས་པ་ཡིན་ཏེ། དེའི་ཕྱིར་ཞེས་པ་ནི་དྲི་ཞིང་བརྟག་པའི་ཕྱིར་རོ། །སྒོ་བས་གཞན་ཡང་ནང་དུ་མི་བཏང་བ་
[21a.3]ན་མ་དད་པ་འདིར་མི་བཏང་ཞེས་པ་ཡིན་ཏེ། དཔྱས་བྱེད་པའི་ཕྱིར་རོ། །ཁྲུས་བྱེད་པའི་དོན་གྲོགས་#སུས་བྱ་ཞེ་ན། འདིར་ལས་ཀུན་ལྷན་ཅིག་གནས་པ་དང་ཉེ་གནས་ཀྱིས་བྱ་ཞེས་པ་ཡིན་ནོ། །གསར་བུ་རྣམས་ཀྱིས་སོ་ཞེས་ཁ་ཅིག་ཅེས་པ་ནི་འདུལ་བ་འཛིན་པ་ལ་ལ་ནི་སྐབས་འདིར་ལས་ཀུན་
[21a.4]བྱེད་པ་གསར་བུ་རྣམས་ཀྱིས་བྱ་བ་ཡིན་ནོ་ཞེས་ཀྱང་འཆད་པ་ཡིན་ནོ། །ཉེ་གནས་སམ་ལྷན་ཅིག་གནས་པའམ་གསར་བུ་རྣམས་ཀྱིས་བྱ་བའི་ལས་གང་ཡིན་ཞེ་ན། སྤར་བ་དང་ཟངས་དང་འབྲུ་མར་དང་སོ་ཤིང་དང་ལྕི་བ་དང་ས་དང་ཕྱེ་མ་དང་ཆུ་ལ་སོགས་པ་བཤམས་#པ་དང་། ཤིང་བརྟགས་#
[21a.5]པ་དང་དྲིལ་བ་དང་བསྐུ་བ་དང་བཀྲུ་བ་དང་ཕྱགས་པ་དང་ཕྱག་དར་#དོར་བ་ལ་སོགས་པའོ་ཞེས་པ་ནི་དེ་དག་གིས་འདི་རྣམས་སྟ་གོན་དུ་བཤམས་#ཤིང་ལས་སུ་བྱ་བའོ། །དེ་དག་ཉིད་ཀྱི་གཡོག་སུས་བྱ་ཞེ་ན། དེ་དག་ནི་གཅིག་ལ་གཅིག་གོ་ཞེས་པ་ཡིན་ཏེ་ལྷན་ཅིག་གནས་པ་དང་། གསར་བུ་ལ་
[21a.6]སོགས་པ་སྐུད་ཅིང་འཁྲུ་བ་ནི་གཅིག་གིས་གཅིག་སྟོངས་ཤིག་པའོ། །ཁྲིའུ་དང་ཉ་ཕྱིས་ཕྱི་བདར་བྱས་ལ་གནས་གནས་སུ་གཞག་ཅེས་པ་ནི་ཁྲུས་བྱེད་པའི་ཚེ་ཁྲིའུ་དང་ཉ་ཕྱིས་སྤྱད་སྤྱད་པ་བཀྲུ་ཞིང་གནས་གནས་སུ་སྦོས་ཤིག་པའོ། །སྣོད་ཐམས་ཅད་ཀྱང་ཚུལ་དེ་བཞིན་ནོ་ཞེས་པ་ནི་རྫ་མ་
[21a.7]དང་བུམ་པ་ལ་སོགས་པ་སྣོད་དོ་ཅོག་ཀྱང་གོང་མ་བཞིན་དུ་བཀྲུ་ཞིང་སྦོས་ཤིག་པའོ། །ཡོ་བྱད་ཐམས་ཅད་ཕྱི་བདར་བྱ་ཞིང་ལེགས་པར་སྦ་ཞེས་པ་ནི་ཁྲུས་ཁང་གི་ཆོ་ག་བསྟན་པའི་ཟླ་ལ་དགེ་སློང་གི་ཡོ་བྱད་གཞན་ཐམས་ཅད་ཀྱང་སྦ་བརྟུལ་དང་ཕྱི་#བདར་བྱོས་ཤིག་པར་སྟོན་པའོ། །དེ་དག་
[21b]
[21b.1]བསྟན་ནས་བསྲོ་གང་#དུ་འཇུག་པ་ལ་སོགས་#ཆོ་ག་སྟོན་ཏེ། འདིར་སྒྲ་བསྐྱུངས་ལ་འཇུག་ཅེས་པ་ཡིན་ནོ། །མཛེས་པར་རོ་ཞེས་པ་ནི་ཁྲུས་ཁང་དུ་འཇུག་པའི་ཚེ་སྤྱོད་ལམ་མཛེས་པས་གཞན་ཇི་ནས་ཀྱང་དད་པ་སྐྱེ་བར་གྱིས་ཤིག་པའོ། །ལེགས་པར་བསྡམས་པ་དང་སྤྱོད་ལམ་མོ་ཞེས་པ་དང་།
[21b.2]ཤེས་བཞིན་དུ་འོ་ཞེས་པ་ནི་མཛེས་པར་བྱ་བ་ཡིན་ཏེ། དེ་ལ་#ལེགས་པར་བསྡམས་པ་ནི་ལུས་དང་ངག་མི་གཡེང་བའོ། །ལེགས་པའི་སྤྱོད་ལམ་ནི་གམ་ཟུཁས་པའོ། །ཤེས་བཞིན་ཞེས་པ་ནི་སེམས་ཞི་བའོ། །མདུན་དུ་འདུག་ལ་མེ་མི་འདེ་#ཞེས་པ་ནི་བསྲོ་གང་#དུ་འོངས་པའི་ཚེ་སྔ་ན་
[21b.3]འཁོད་པའི་མདུན་བཅད་ལ་མེ་འདེ་#བར་མི་བྱའོ། །ཀླག་#ཅོར་གཏམ་ཞེས་པ་ནི་ཁྲུས་ཁང་ན་འཁོད་པའི་ཚེ་གཏམ་དང་ཀླག་#ཅོར་མི་བྱ་བའོ། །འཕགས་པའི་མི་སྨྲ་བ་ལ་དམྱིགས་#ཞེས་པ་ནི་འདོད་པ་ཡིད་ལ་བྱེད་པ་ལ་སོགས་པས་མ་ཡིན་གྱི་ཚུལ་བཞིན་ཡིད་ལ་བྱ་ཞིང་འཕགས་པ་མི་གསུང་
[21b.4]བའི་ཚུལ་དུ་འཁོད་པར་བྱ་བའོ། །མཇུག་ཏུ་རྒྱུད་གསུམ་ཞེས་པ་ནི་ཁྲུས་བྱས་ཟིན་པའི་མཇུག་ཏུ་དཀོན་མཆོག་གསུམ་བསྟོད་པའི་རྒྱུད་དང་། མདོ་གདོན་#པའི་རྒྱུད་དང་། བསྡོ་བའི་རྒྱུད་གསུམ་བཀླག་#པར་བྱ་བའོ། །གོས་གཅིག་ལས་ཀུན་མི་བྱ་ཞེས་པ་ནི་དགེ་སློང་ལས་#ཅི་བྱེད་ཀྱང་
[21b.5]རུང་སྟེ་ཤམ་ཐབས་ལྟ་བུ་འམ་གོས་གཅིག་པོ་གྱོན་ལ་ལས་མ་བྱེད་ཅིག་པའོ། །མ་དད་པས་ལུས་ལ་འདི་མི་བྱ་ཞེས་པ་ནི། མ་དད་པས་ལུས་མྱུག་ཅིང་#སྐུད་པ་ལ་སོགས་པ་ལུས་ཀྱི་ལས་བྱེད་དུ་མ་གཞུག་ཤིག་པའོ། །འདི་དང་སྔ་མ་ནི་དད་པ་བརྟན་#པ་ལ་དགོངས་སོ་ཞེས་པ་ནི་འདིར་མ་དད་པ་
[21b.6]མི་གཏང་ཞེས་གོང་དུ་བཤད་པ་དང་། མ་དད་པས་ལུས་ལ་འདི་མི་བྱ་ཞེས་པ་གཉིས་ནི་དད་པ་འོལ་བྱི་ཙམ་དུ་ཡོད་པ་མ་ཡིན་གྱི་དད་པ་གཏིང་ཚུགས་པའམ། དད་པ་བརྟན་#པར་ཡོད་ན་དད་པ་ཅན་ཞེའམ། དད་པ་དང་ལྡན་པ་ཞེས་བྱ་སྟེ། འདི་ལྟ་བུ་མ་ཡིན་ན་མ་དད་པའོ། །སེང་གེ་ལྟ་བུས་
[21b.7]ཝ་ལྟ་བུའི་གཡོག་མི་བྱ་ཞེས་པ་ནི། ཚུལ་ཁྲིམས་དང་ལྡན་པས་ཚུལ་ཁྲིམས་དང་མི་ལྡན་པའི་གཡོག་བྱར་མི་རུང་བའི་དཔེའོ། །ཚུལ་ཁྲིམས་མི་ལྡན་ནོ་ཅོག་ལ་དེ་ལྟའམ་ཞེ་ན། མཁན་པོ་དང་སློབ་དཔོན་ནི་ཚུལ་ཁྲིམས་དང་མི་ལྡན་ན་ཡང་གཡོག་བྱའོ་ཞེས་པ་ནི། མཁན་པོ་དང་སློབ་དཔོན་
[22a]
[22a.1]ལྟ་བུ་ཕས་ཕམ་པ་ཞིག་བྱུང་བའམ། ལྟུང་བ་སྡེ་ལྔ་ཆར་བྱུང་ན་ཡང་བསྟན་པ་ལ་འཇུག་པའི་སྒོ་དང་སྡོམ་པ་སྐྱེད་པ་ལ་སོགས་པ་དགེ་བའོ་ཅོག་གི་གཞི་བྱ་བས་ན་གཡོག་དང་བསྟི་སྟང་བྱོས་ཤིག་པའོ། །ཕ་མ་དང་ནད་པ་ནི་ཁྱིམ་པ་ན་ཡང་ངོ་ཞེས་པ་ནི། ཕན་དགོས་#པའི་ཞིང་ཕ་
[22a.2]མ་དང་སྙིང་རྗེའི་ཞིང་ནད་པ་ཡིན་པས་ན་དེ་དག་ནི་ཁྱིམ་པ་ཡིན་དུ་ཟིན་གྱིས་ཀྱང་གཡོག་དང་བསྟི་སྟང་བྱོས་ཤིག་པའོ། །ཁྲུས་ཀྱིར་བཤམས་པས་བཀྲུ་ཞེས་པ་ནི། ནད་པའང་རུང་ནད་པ་མ་ཡིན་པའང་རུང་སྟེ། ཐམས་ཅད་ཀྱིས་བཤམས་པའི་ཁྲུས་འདི་བྱ#། བཤམས་པའི་འདི་#ལྟ་བུ་ཞེ་ན་
[22a.3]རླུང་འབྱིན་པའི་རྩ་བ་དང་སྡོང་པོ་#དང་འདབ་མ་དང་མེ་ཏོག་དང་འབྲས་བུ་བསྐོལ་བ་ནི་དེ་ཞེས་བྱ་བའོ་ཞེས་པ་ནི་རླུང་ལ་རྩ་བའི་རྣམ་པ་འདི་རྣམས་བསྐོལ་བ་ལ་བཤམས་#པའི་ཁྲུས་ཞེས་པའོ། །ཅི་དེ་ཉི་ཚེ་ཁྲུས་བྱའམ་ཞེ་ན། མི་རྩུབ་པའི་ཕྱིར་བསྐུ་ཞེས་པ་ཡིན#། སྔར་སྣུམ་གྱིས་བསྐུས་#ལ་དེ་
[22a.4]ནས་གཟོད་བཤམས་པའི་ཆུས་ཁྲུས་བྱ་འདག་བུས་དེ་མེད་པར་བྱ་ཞེས་པས་ནི་སྣུམ་དེ་བག་ཟན་ལྟ་བུ་ལ་སོགས་པས་བླངས་པའི་འོག་ཏུ་ཁྲུས་བྱ། སྔ་མའི་ཕྱིར་སྣུམ་ཐིགས་པ་གཉིས་སམ་གསུམ་ཆུ་བུམ་ཐ་མར་བླུགས་ཞེས་པ་ནི་གོང་དུ་མི་རྩུབ་ཅེས་སྨོས་པ་དེའི་དཔྱད་དུ་འཁྲུ་བའི་བུམ་པ་
[22a.5]ཐ་མའི་ནང་དུ་སྣུམ་ཐིགས་པ་གཉིས་གསུམ་ཙམ་#བླུགས་ཏེ། བཀྲུས་ན་རྩུབ་པ་འམ་གློག་པ་ཅན་དུ་མི་འགྱུར་བར་སྟོན་པའོ། །མི་རུང་བར་དོགས་པ་བསལ་བའི་ཕྱིར་ལྕགས་གཞོང་དུ་བཀྲུ་ཞེས་པ་ཡིན་ཏེ། ལྕགས་གཞོང་བཅང་ཞིང་དེར་ཁྲུས་བྱོས་ཤིག་པའོ། །འདི་ནི་ནད་པས་བཅང་
[22a.6]ཞེས་པ་ནི་ལྕགས་#གཞོང་དེ་ནད་པས་ཆོངས་ཤིག་པའོ། །ཁ་གབ་བྱ་ཞེས་པ་ནི་རླངས་པ་མྱུར་དུ་མི་ཡལ་#བར་བྱ་བའི་ཕྱིར་ལྕགས་གཞོང་དེའི་ཁ་གབ་ཀྱང་གྱིས་ཤིག་པའོ། །འདིར་མཇིང་#པར་སྔས་གཞུག་#ཅེས་བྱ་བ་ནི་ལྕགས་གཞོང་གི་ནང་དུ་ཞུགས་པ་དེའི་མགུལ་པའམ་མགྲིན་པའི་
[22a.7]ཐད་ཀར་སྔས་ཆུག་ཤིག་པའོ། །ཁྲུས་ཀྱི་ཞར་ལ་གཞན་ཡང་བསྟན་པའི་ཕྱིར་གར་བབ་བབ་ཏུ་རྐང་པ་མི་བཀྲུ་ཞེས་པ་ཡིན་ཏེ། གཙུག་ལག་ཁང་དུ་རྐང་པ་འཁྲུ་ན་བབ་བབ་ཏུ་བཀྲུར་མི་རུང་བའོ། །འདིའི་གནས་ནི་ཝ་ཀར་#རོ་ཞེས་པ་ནི་རྐང་པ་བཀྲུ་བའི་གནས་སོ། །རྐང་པ་བཀྲུ་བར་བྱ་
[22b]
[22b.1]ཞེས་པ་ནི། དེ་ལྟ་བས་ན་#རྐང་པ་བཀྲུ་བའི་གནས་ཀྱང་བྱ་དགོས་པར་སྟོན་པའོ། །གཙུག་ལག་ཁང་གི་སྟེང་ཤར་ལྷོའི་གྲར་#རོ་ཞེས་པ་ནི་གཙུག་ལག་ཁང་#གི་སྒོ་ནུབ་ཕྱོགས་སུ་བལྟ་#ན། རྐང་པ་བཀྲུ་བའི་ས་ཕྱོགས་མིང་གིས་སྨོས་པ་འདིར་བྱོས་ཤིག་པའོ། །རྩུབ་པོར་རུས་སྦལ་གྱི་གཟུགས་ལྟ་
[22b.2]བུའོ་ཞེས་པ་ནི་རྐང་པ་བཀྲུ་བའི་གཞི་ཉིད་རྡོ་ལས་རུས་སྦལ་གྱི་གཟུགས་ལྟ་བུ་རྒྱབ་རྩུབ་པོར་འདུག་པར་བྱོས་ཤིག་པའོ། །ཚེགས་བསྐྱུང་#བའི་ཕྱིར་ཁམ་པའི་ཆོལ་ཟངས་གླང་པོའི་རྨིག་མཆིལ་སྙིང་པོ་ཅན་བཅང་ཞེས་པ་ཅན་ཡིན་ཏེ། ཡང་ན་རྐང་པ་བཀྲུ་བའི་ཆོལ་ཟངས་དབྱིབས་འདི་ལྟ་བུར་#
[22b.3]བྱས་པ་ཆོངས་ཤིག་པའོ། །ཀ་དམ་པའི་མེ་ཏོག་ལྟ་བུས་རྩུབ་པ་དབུས་སུ་བྱ་ཞེས་པ་ནི། ཆོལ་ཟངས་ཀྱི་སྙིང་པོ་ཀ་དམ་པའི་མེ་ཏོག་ལྟ་བུ་སྟེང་རྩུབ་པ་ཆོལ་ཟངས་དེའི་དབུས་སུ་བྱོས་ཤིག་པའོ། །བཀྲུས་ལ་ཁ་ཕུབས་ཏེ་གཞག་ཅེས་པ་ནི་ཆོལ་ཟངས་དེའི་རྐང་པ་བཀྲུས་ཟིན་ནས་འདི་
[22b.4]ལྟར་གྱིས་ཤིག་པའོ། །དགེ་འདུན་གྱི་ནི་ཁང་ཐོག་ཏུའོ་ཞེས་པ་ནི། དགེ་འདུན་གྱི་ཆོལ་ཟངས་ཡིན་ན། རྐང་པ་བཀྲུས་ཟིན་ན་#ཆོ་ག་གོང་མ་ལྟར་བྱས་ལ་ཁང་ཐོག་ཏུ་ཞོག་ཤིག་པའོ། །གང་ཟག་གི་ནི་གནས་ཁང་གི་སྒོ་མཚམས་སུའོ་ཞེས་པ་ནི། གང་ཟག་གི་ཆོལ་ཟངས་ཡིན་ན་བདག་
[22b.5]གི་གནས་ཁང་གི་སྒོ་རྒྱབ་ཏུ་ཞོག་ཤིག་པའོ། །གཙུག་ལག་ཁང་གི་གནས་གང་དུ་ལྷུང་བཟེད་བཀྲུ་བ་ལ་སོགས་པ་བྱས་པ་དེར་ཆུས་བསྐུ་#འམ་བྱུག་ཅེས་པ་ནི་གཙུག་ལག་ཁང་གི་ནང་དུ་ལྷུང་བཟེད་བཀྲུ་བ་ལ་སོགས་པ་ལས་གང་བྱས་ཀྱང་རུང་སྟེ་ཟིན་ནས་ཆུས་བྱུག་པ་འམ་བསྐུ་བ་ལ་
[22b.6]སོགས་པ་ཕྱི་བདར་#བྱོས་ཤིག་པའོ། །མདུང་རྩེའམ་རྔ་འདྲ་བར་རོ་ཞེས་པ་ནི། བྱུག་པའི་དབྱིབས་འདི་ལྟར་གྱིས་ཤིག་པའོ། །བྱུག་པའི་རྒྱུ་ཅིས་བྱ་ཞེ་ན། ལྕི་བའམ་འཇིམ་པས་སོ་ཞེས་པ་ཡིན་ནོ། །དཀོན་མཆོག་གི་#ཕྱིར་བྱུག་པ་ཡང་དབྱིབས་འདི་ལྟར་བྱའམ་ཞེ་ན། དཀོན་མཆོག་
[22b.7]གི་ཕྱིར་བྱུག་པའི་དབྱིངས་#ནི་ངེས་པ་མེད་དོ་#ཞེས་པ་ཡིན་ཏེ། སངས་རྒྱས་དང་ཆོས་དང་དགེ་འདུན་གྱི་ཕྱིར་བྱུག་པ་བྱེད་པ་ལ་དབྱིབས་གཅིག་ཏུ་ཆད་པ་མེད་ཀྱིས་གར་དགར་ཟད་དོ། །རབ་ཏུ་འབྱུང་བའི་དངོས་པོ་བསྟན་པའི་ཞར་ལ་གཞན་ཡང་སྟོན་པ་ནི་ལྷུང་བཟེད་མེད་པར་རབ་ཏུ་
[23a]
[23a.1]དབྱུང་བ་དང་བསྙེན་པར་རྫོགས་པར་མི་བྱ་ཞེས་པ་ཡིན་ནོ། །ལྷུང་བཟེད་ཡོད་པ་ཙམ་གྱིས་ཆོག་གམ་ཞེ་ན། ཆེ་ཆུང་ངམ་སྐྱ་ན་མི་རུང་ཞེས་པ་ཡིན་ཏེ། ཚད་ལས་ལྷག་གམ་ཚད་པས་ཆུང་ངམ་སྐྱ་ན་མེད་པ་དང་འདྲ་སྟེ་མི་རུང་། ལྷུང་བཟེད་ཆེ་ཆུང་ཚད་སྟོན་པ་ནི། ཁའི་
[23a.2]མཐའ་མ་མཐེབ་སོར་གྱིས་བསྐྱུད་པའི་ལྷག་མ་འབྲས་སྐམ་ཡུལ་དབུས་ཀྱི་ཕུལ་གང་དོ་མན་ཆད་བཙོས་པ་སྲན་ཚོད་དང་། བྱ་ནར་བཅས་པ་ཤོང་བ་ནི་རན་པའོ་ཞེས་པ་ཡིན་ཏེ། འབྲས་སྐམ་ཡུལ་དབུས་ཀྱི་ཕུལ་གང་བཙོས་པ་དང་། ཚོད་མར་བཅས་པ་བླུགས་ན་ཁ་མཐེབ་སོར་གྱིས་ཁྱུད་
[23a.3]པ་ཙོམ་#གླགས་ཡོད་པ་ནི་ལྷུང་བཟེད་ཆུང་དུ་ཡུལ་དབུས་ཀྱི་ཕུལ་དོ་བཙོས་པ་དང་། ཚོད་མར་བཅས་པ་བླུགས་ན་མཐེབ་སོར་གྱིས་ཁྱུད་པ་ཙམ་གྱི་གླགས་#ཡོད་པ་ནི་ཆེན་པོ་འདི་གཉིས་ཀྱི་བར་ནི་འབྲིང་པོའོ་ཞེས་ལྷུང་བཟེད་ཆེ་ཆུང་གི་ཚད་སྟོན་པའོ། །དགེ་སློང་ཕའི་ལྷུང་བཟེད་ཀྱི་ཚད་བསྟན་ནས།
[23a.4]ད་ནི་དགེ་སློང་མའི་ལྷུང་བཟེད་ཀྱི་ཚད་སྟོན་ཏོ། །#དགེ་སློང་མས་དགེ་སློང་ཕའི་ཆུང་དུ་ལས་ལྷག་པར་མི་བཅང་ཞེས་པ་ནི་དགེ་སློང་མའི་ལྷུང་བཟེད་ཆེན་པོའི་ཚད། དགེ་སློང་ཕའི་ལྷུང་བཟེད་ཆུང་ངུའི་ཚད་དོ། །ཆུང་དུ་དང་བར་མ་ནི་དེ་མན་ཆད་ཅི་འོས་པའོ། །དེས་འདིར་རོ་ཉེའི་#དཀྱིལ་འཁོར་
[23a.5]གཞག་པར་གདིང་ཞེས་པ་ནི་ལྷུང་བཟེད་ཀྱི་གཞི་རོ་ཉེ་ལས་བྱས་པའི་སྟེང་དུ་ལྷུང་བཟེད་ཞོག་ཤིག་པའོ། དེའི་དབྱིབས་ཇི་ལྟ་བུར་བྱ་ཞེ་ན། བྱང་ཆུབ་ཀྱི་ཤིང་དང་འབའ་ཏའི་ལོ་མའམ་ལག་མཐིལ་འདྲ་བའོ་ཞེས་པ་ཡིན་ནོ། །ཚད་ཀྱང་ངོ་ཞེས་པ་ནི་ཆེ་ཆུང་གི་ཚད་ཀྱང་གོང་དུ་སྨོས་པ་ཙམ་དུ་
[23a.6]གྱིས་ཤིག་པའོ། །བརྙས་ན་དེ་ཡོད་པའོ་ཞེས་པ་ནི། ལྷུང་བཟེད་མེད་ན་རབ་ཏུ་མི་དབྱུང་ཞེས་བཤད་པ། ལྷུང་བཟེད་བརྙས་#ཏེ་རྙེད་ན་ཡོད་པ་དང་འདྲ་བར་སྟོན་པའོ། །ལྔ་པོ་ཡང་དེ་བཞིན་ཞེས་པ་ནི་ཆོས་གོས་གསུམ་དང་། གདིང་བ་དང་། ཆུ་ཚགས་ལྔ་ཡང་བརྙས་#ན་ཡོད་པ་དང་
[23a.7]འདྲ་བར་སྟོན་པའོ། །དབྱར་ལྷུང་བཟེད་མེད་པར་མི་བྱ་ཞེས་པ་ནི་དབྱར་ལྷུང་བཟེད་མེད་དུ་མི་རུང་བའོ། །ཡུལ་རྒྱུ་བ་མི་བཅང་ཅེས་པ་ནི་ལྷུང་བཟེད་མེད་པར་མགྲོན་དུ་མ་#འགྲོ་ཤིག་པའོ། །འཇིགས་པ་དང་བཅས་ན་ལྷུང་བཟེད་ཆུང་དུས་སྤྱད་ཅེས་པ་ནི་ལྷུང་བཟེད་ཚད་མ་བཀུར་དུ་
[23b]
[23b.1]ཕྲོགས་ཀྱིས་#དོགས་ན། ལྷུང་བཟེད་ཆུང་དུ་ཁྱེར་ལ་ཡུལ་རྒྱུ་བ་སྤྱོད་ཅིག་པར་སྟོན་པའོ། །དེ་ལ་ལྷུང་བཟེད་ཆུང་དུ་ཞེས་པ་ནི་ཆུང་ཚད་པས་ཀྱང་ཆུང་བའོ། །མེད་ཀྱང་རབ་ཏུ་འབྱུང་ཞེས་པ་ནི་བསྙེན་བར་རྫོགས་པ་མ་ཡིན་གྱི་བར་དུ་དབྱུང་བ་ལྷུང་བཟེད་མེད་པ་ཡང་ངོ་། འགྲེང་སྟེ་ལྷུང་བཟེད་
[23b.2]དབྱུང་བ་#དང་གཞུག་པ་དང་སྐམ་པ་མི་བྱ་ཞེས་པ་མི་ལྟུང་བར་རིམ་གྲོ་བྱའོ། །རན་པར་སྤྱོད་ཅེས་#པ་ནི་ཁུ་ཚན་ལ་སོགས་པ་ལྷུང་བཟེད་ལ་གཟན་པ་རྣམས་མི་བླུགས་མི་གཞུག་པར་སྨྲ་ཞིང་སྤྱོད་ཅིག་པའོ། །ལྷག་མ་གཞན་གྱིས་འདིར་མི་བྱའོ་ཞེས་པ་ནི་ཁ་ཟས་ཀྱི་སྐྱོ་#མའམ། ལྷག་མ་སྣོད་གཞན་
[23b.3]གྱིས་འདིར་བྱོ་ཞིང་མ་སྤྱོད་ཅིག་པའོ། །འདིས་ཕྱག་དར་མི་དོར་ཞེས་པ་ནི་ཕྱག་དར་ལྷུང་བཟེད་དུ་བླུགས་འདོར་ཅིག་པའོ། །ཉལ་ཉི་ཡིན་ཞེས་པ་ནི་ཤིང་ཐོག་གི་ཤུན་པའམ། ཚི་#གུ་ལ་སོགས་པ་ཉལ་ཉིལ་ལྷུང་བཟེད་དུ་མ་སོགས་ཤིག་པའོ། །གདོང་དང་ལག་ཆུ་མི་བླུགས་ཞེས་པ་ནི་
[23b.4]ཁ་ལག་བཀྲུ་བའི་ཆུ་ལྷུང་བཟེད་ནས་མ་ལྡུགས་པའོ། །དགེ་ཚུལ་བག་མེད་པའི་ཆོས་ཅན་འཁྲུར་མི་གཞུག་ཅེས་པ་ནི་ལྷུང་བཟེད་ལ་བག་བྱ་བའོ། །ལྕི་བ་བྱེ་མ་ཅན་གྱིས་མ་ཡིན་ཞེས་པ་ནི་ལྕི་བ་བྱེ་མ་དང་འདྲེས་པས་བཀྲུས་ན་#རི་མོ་ཤར་ཤར་པོར་འགྱུར་བའི་ཕྱིར་རོ། །གཤེར་བག་ཏུ་མི་གཞུག་ཅེས་པ་
[23b.5]ནི་#ལྷུང་བཟེད་གཤེར་བཞིན་དུ་སྣོད་དུ་བཅུག་ན་བཙའ་#འཇུག་པའི་ཕྱིར་རོ། །སྐམ་ཆེས་པར་མི་དོར་ཞེས་པ་ནི་སྐེམས་པའི་ཚེ་ཡལ་བར་བོར་ཏེ་ཉི་དུགས་ཀྱིས་བསྲེགས་དྲགས་ན་ཚོན་#ལ་གཟན་པའི་ཕྱིར་རོ། །རྡོ་ལ་མི་གཞག་ཅེས་པ་ནི། སྐད་ཅིག་ཙམ་གྱི་བར་དུ་ཡང་ངོ་། །སྨེ་བའི་ཕྱོགས་སུ་མ་ཡིན་
[23b.6]ཞེས་པ་ནི་གཙང་སྦྲ་བྱ་བའི་ཕྱིར་རོ། །གར་བབ་བབ་ཏུ་མ་ཡིན་ཞེས་པ་ནི་ལྷུང་བཟེད་ཁྱམས་ལ་སོགས་པར་བབ་བབ་ཏུ་མི་གཞག་པའོ། །འདིར་མི་དོར་ཞེས་པ་ནི་བབ་བབ་ཏུ་ཡེ་མི་དོར་བ་ལ་བྱ། དེའི་ཕྱིར་གློ་ཕུག་བྱ་ཞེས་པ་ནི་ལྷུང་བཟེད་གཞག་པའི་ཕྱིར་རྩིག་ངོས་ལ་ཕུག་གདོད་#པའོ། །རྩིག་པ་
[23b.7]མི་བརྐོ་#བའི་གཙུག་ལག་ཁང་དང་གནས་ཁང་རྩིག་པ་ནས་སོ་ཞེས་པ་ནི། གློ་ཕུག་འཕྲལ་ལ་བརྐོས་ན་རྩིག་པ་ཁོང་འདྲུམ་པའི་ཕྱིར་གཙུག་ལག་ཁང་དང་། གནས་ཁང་དང་པོ་རྩིག་པ་ནས་གློ་ཕུག་ཐོད་ཅིག་པའོ། །གྲོང་ན་གནས་པ་རྣམས་ཀྱིས་ལྷུང་བཟེད་ཀྱི་རིམ་གྲོ་ཇི་ལྟར་བྱ་བ་བསྟན་ནས།
[24a]
[24a.1]དགོན་པ་བས་ལྷུང་བཟེད་ཀྱི་རིམ་གྲོ་བྱ་བ་སྟོན་པ་ནི། དགོན་པ་བས་གཟེ་བུ་ཞེས་པ་#ལ་སོགས་པ་ཡིན་ཏེ། དགོན་པ་བས་ལྷུང་བཟེད་གཞག་པའི་ས་གཟེ་བུ་གྱིས་ཤིག་པའོ། །དེ་ཡང་རྒྱུ་ཇི་ལས་ཤེ་ན། སྲད་བུའམ་ལྕུག་མ་ཞེས་པ་ཡིན་ཏེ། ལྕུག་མ་འམ་སྲད་བུ་
[24a.2]ལས་གཟེ་བུ་བྱ་བའོ། །ལྕི་འཇིམ་#གྱིས་བསྐུ་ཞེས་པ་ནི་གཟེ་བུ་དེ་འཇི་བ་#དང་། ལྕི་བར་བསྲེས་པས་སྐུས་#ཤིག་པའོ། །དེའི་ཚུལ་བཞིན་དུ་ཁ་གབ་ཅེས་#པ་ནི་གཟེ་བུའི་རྒྱུ་ལྕུག་མའམ་སྲད་བུ་ག་#ལས་བྱས་པ་བཞིན་དུ་ཁ་གབ་#ཀྱང་དེའི་རྐྱེན་དུ་བྱོས་ཤིག་པའོ། །འདིའི་ཐག་པས་ཤིང་ལ་
[24a.3]དཔྱངས་#ན་དགེ་ཞེས་པ་ནི་དེ་#ཐག་པས་བཏགས་ལ་ཤིང་ལ་དཔྱངས་#ན་མི་རླན་ཏེ་བཟང་བར་སྟོན་པའོ། །ས་ལ་མི་གཞག་ཅེས་པ་ནི་སྡིག་སྦུར་ལ་སོགས་པས་མི་འབགས་པའི་#ཕྱིར་རོ། །འདི་གཞན་དུ་མི་བསྐུར་ཞེས་པ་ནི་གཟེ་བུ་དེ་དང་བཅས་ཏེ་ཁྱེར་ལ་གཞན་དུ་མ་འགྲོ་ཤིག་པའོ། །སྣོད་དུ་
[24a.4]བཅུག་ལ་བསྐུར་ཞེས་པ་ནི་མགྲོན་དུ་འགྲོ་བའི་ཚེ། གཟེ་བུ་དང་བཅས་ཏེ་བསྐུར་དུ་མི་རུང་བས་ན་ལྷུང་བཟེད་ཀྱི་སྣོད་དུ་བཅུག་ལ་ཁྱེར་ཅིག་པའོ། །ལག་གིས་མ་ཡིན་ཞེས་པ་ནི་འོག་ནས་འབྱུང་བ་ལྟར་བྱས་ཏེ་བསྐུར་གྱི་ལག་ན་ཐོགས་ཏེ་#མ་འགྲོ་ཤིག་པའོ། །འདི་ཐག་པ་བྱས་མཚན་
[24a.5]འོག་ཏུ་བསྐུར་ཞེས་པ་ནི་ལྷུང་བཟེད་ཀྱི་སྣོད་དེ་ཐག་པས་#བཏགས་ལ་སེ་རལ་ཁར་ཐོགས་ཏེ་ཁྱེར་ཅིག་པའོ། །ལྷུང་བཟེད་དང་སྨན་དང་བར་བུར་སྣོད་སོ་སོར་#གཞག་ཅེས་པ་ནི་འདི་རྣམས་ཀྱི་སྣོད་གཅིག་ཏུ་བྱར་མི་རུང་གིས་སོ་སོར་གྱིས་ལ་ཐ་དད་དུ་གོས་ཤིག་པའོ། །དེ་ལ་བར་བུར་ཞེས་པ་
[24a.6]ནི་སྐུད་པ་དང་ཁབ་རལ་དང་ལྷུང་བཟེད་ཀྱི་ལྷན་པ་ལ་སོགས་པའོ། །འདི་རྣམས་#བཅང་ཞེས་པ་ནི་ལྷུང་བཟེད་ལ་སོགས་པ་གོང་དུ་སྨོས་པ་རྣམས་ཀྱི་སྣོད་ཆོངས་ཤིག་པའོ། །འདི་རྣམས་ཀྱི་ཐག་པ་སྙོམས་ཏེ་བརྫམས་#པར་མི་བྱ་ཞེས་པ་ནི་དེ་གསུམ་གྱི་ཐག་པ་མཉམ་པར་བྱས་ན་གཅིག་གི་
[24a.7]སྟེང་དུ་གཅིག་བརྫམས་#པས་སྦོམ་སྟེ་མི་མཛེས་པའི་ཕྱིར་ཐག་པར་#སོར་རྙིལ་དུ་གྱིས་ཤིག་པའོ། །ན་བ་མི་འདོད་ན་ཞེང་མི་བསྐྱུང་ཞེས་པ་ནི་ལྷུང་བཟེད་ལ་སོགས་པའི་ཐག་པ་ཕྲ་སྟེ་ཕྲག་པ་ཚར་དོགས་ན་གླེབས་ཆེར་གྱིས་ཤིག་པའོ། མི་འཛུམས་#པའི་ཕྱིར་དབུས་སུ་ཕྱིང་བུ་གཞུག་ཅེས་
[24b]
[24b.1]པ་ནི་ལྷུང་བཟེད་ལ་སོགས་པའི་ཐག་པ་འཛུམ་གྱིས་དོགས་#ན་དབུས་སུ་ཕྱིང་བུ་ཆུག་ཤིག་པའོ། །མི་འཁྲུལ་པའི་ཕྱིར་སྐབས་སྐབས་སུ་བྱ་རྗེས་བྱ་ཞེས་པ་ནི་སྐབས་སྐབས་སུ་བྱ་རྗེས་ལྟ་བུའི་སྲུབས་ཀྱིས་མནན་ན་ཕྱིང་བུ་མི་འཆུགས་#ཤེས་པར་སྟོན་པའོ། །ལྷུང་བཟེད་ཀྱི་རིམ་གྲོ་ཇི་ལྟར་བྱ་
[24b.2]བའི་རིམ་པ་དེ་ལྟར་བསྟན་ནས་ད་ནི་ལྷུང་བཟེད་ཀྱི་རིམ་གྲོ་སྤྱིར་སྟོན་ཏེ། ལྷུང་བཟེད་མིག་བཞིན་དུ་བསྲུང་ཞེས་པ་ནི། མིག་རྣམ་པ་གང་གིས་ཀྱང་རིམ་གྲོ་བྱ་བ་བཞིན་དུ་ཇི་#ནས་ཀྱང་རིམ་གྲོ་བསྐྱེད་པའི་དཔེར་བསྟན་པའོ། །སྦྱར་མ་པགས་པ་བཞིན་ཞེས་པ་ནི་བགས་པ་རླུང་དང་ཆར་དང་ཉི་
[24b.3]དུགས་ལ་རིམ་གྲོ་བྱ་བ་བཞིན་དུ་ཆོས་གོས་སྦྱར་མ་རིམ་གྲོ་ཆེར་གྱིས་ཤིག་པའོ། །ཆོས་གོས་ལྷག་མ་རྣམས་ཀྱང་ཞེས་པ་ནི་སྦྱར་མ་ཉི་ཚེར་མ་ཟད་ཀྱི་ཆོས་གོས་ལྷག་མ་རྣམས་ཀྱང་རིམ་གྲོ་གོང་མ་དང་འདྲ་བར་གྱིས་ཤིག་པའོ། །གོང་དུ་རན་པར་སྤྱད་ཅེས་སྨོས་པའི་ཞོར་#ལ་ཆོས་གོས་
[24b.4]ལ་སོགས་པའི་རིམ་གྲོར་བྱ་བའང་བསྟན་པར་བྱ་བ་ཡིན་ཏེ། རིམ་གྲོ་དེ་#ལྟར་བྱས་ནས་དེངས་ཤིག་ཟད་པ་ཐབས་ཇི་ལྟར་བྱ་ཞེ་ན། བཅོས་པ་ལ་མི་གཡེལ་བར་བྱ་ཞེས་པ་ཡིན་ཏེ་ཆོས་གོས་བཀྲུ་ཞིང་བཙེམ་པ་ལ་སོགས་པ་དང་ལྷུང་བཟེད་གླན་#ཅིང་བཅོས་པ་ལ་སོགས་པ་གཡེལ་ཅིག་
[24b.5]པའོ། །མི་གཡེལ་བའི་ཐབས་ཇི་ལྟར་བྱ་བ་ནི། དབེན་པའི་ཕྱོགས་སུ་ལྷུང་བཟེད་ཀྱི་ལྷན་པ་གདབ་ཅེས་པ་ལ་སོགས་པ་ཡིན་ཏེ་དཔྱས་སུ་འགྱུར་བའི་ཕྱིར་རོ། །དགེ་འདུན་གྱི་མགར་སྤྱད་བསགས་ཞེས་པ་ནི་དེ་ལྟ་བས་ན་དགེ་འདུན་སྤྱིས་མགར་སྤྱད་ཚང་བར་ཤོམས་ཤིག་པའོ། །བུ་རམ་དང་།
[24b.6]རྒྱ་སྐེགས་དང་། སྤྲ་ཚིལ་དང་། ཚོན་མོ་སྟེང་དེ་དག་རྡོལ་བ་ལ་མི་དགེ་ཞེས་པ་ནི་ལྷུང་བཟེད་ཀྱི་ལྷན་བར་མི་རུང་བ་རྣམས་མིང་གིས་སྨོས་ཏེ་སྟོན་པའོ། །ཤུར་ཤུར་པོ་དང་གཟེར་དང་ལྷན་པ་དང་ཆུ་སྲིན་གྱི་སོ་རྣམས་དགེ་ཞེས་པ་ནི་ལྷུང་བཟེད་ཀྱི་ལྷན་པ་བཟང་བ་རྣམས་མིང་གིས་ཕྱེད་དེ་
[24b.7]སྟོན་པའོ། །ཕྱེ་མ་ཡང་ངོ་ཞེས་པ་ནི་ཕྱེ་མ་ཡང་ལྷན་པར་བཟང་ངོ་བར་སྟོན་པའོ། །ལྕགས་སམ་རྡོའི་འོ་ཞེས་པ་ནི་གོང་དུ་ཕྱེ་མ་ཞེས་པ་འདི་གཉིས་ཀྱི་ཕྱེ་མ་ལ་བྱའོ། །སྤྲ་ཚིལ་བཞིན་དུ་འབྲུ་མར་དང་བདར་ཞེས་པ་ནི་ལྕགས་སམ་རྡོའི་ཕྱེ་འབྲུ་མར་དང་བསྲེ་ཞིང་བདར་བ་#ཞིབ་ཀྱང་ཚང་སྤྲ་
[25a]
[25a.1]ཚིལ་ལྟ་བུར་གྱིས་ཤིག་པའོ། །ཀུ་རུ་བིན་དའམ་ལྕགས་ཀྱིས་སོ་ཞེས་པ་ནི། རྡོ་ཀུ་རུ་བིན་ད་ཞེས་བྱ་བ་#དང་ལྕགས་ཀྱིས་ཕྱེ་མར་དོར་ཅིག་པའོ། །ཚ་བ་གླན་ཅེས་པ་ནི་ཕྱེ་མ་དེ་ལྷུང་བཟེད་ཚ་#བར་བྱོས་ལ་གློན་ཅིག་པའོ། །གྲོ་བས་གཡོགས་ཤིང་#འཇིམ་པས་བསྐུས་
[25a.2]ལ་རན་པར་བསྲེགས་ཞེས་པ་ནི་ཕྱེ་མ་དེས་གར་རྡོལ་བར་གླན་པའི་ཕྱི་རིམ་འདི་གཉིས་ཀྱིས་གཡོགས་ཤིང་#བསྐུས་ལ་ཇི་རན་ཙམ་དུ་བགས་ཀྱིས་སྲེགས་#ཤིག་པའོ། །འབྲུ་མར་དང་བདར་ཞེས་པ་ནི་གོང་མ་ལྟར་བྱས་བྱིན་#ནས་ཡུངས་མར་གྱིས་བསྐུ་ཞིང་རྡོ་འཇམ་པོས་བྱི་#བདར་གྱིས་ཤིག་
[25a.3]པའོ། །ལྕགས་ཀྱི་ལྷུང་བཟེད་ཀྱི་ཆོ་ག་བསྟན་ནས། ཁམ་པའི་ལྷུང་བཟེད་ཀྱི་ཆོ་ག་སྟོན་པ་ནི། ཁམ་པ་ནི་བུ་རམ་དང་འཇི་བས་#སོ་ཞེས་པ་ཡིན་ཏེ། ཁམ་པའི་ལྷུང་བཟེད་རྡོལ་བ་ནི་འདི་གཉིས་ཀྱིས་གློན་ཅིག་པའོ། །སྤྱད་སྤྱད་ན་བསྲེགས་ཞེས་པ་ནི་ལྷུང་བཟེད་སྤྱད་སྤྱད་དེ་བྱང་དུ་བྱེད་
[25a.4]ན་སྲེགས་#ཤིག་པའོ། །ཇི་ཙམ་གྱི་བར་དུ་སྤྱོད་#ནས་བསྲེག་ཅེ་ན་ཟླ་བ་དྲུག་ལོན་ནས་སུ་ཞེས་པ་དང་། ཁམ་པའི་ནི་ཟླ་བ་ཕྱེད་ཅིང་ངོ་ཞེས་པ་ཡིན་ནོ། །ལྷུང་བཟེད་བསྲེག་#པ་དབྱར་གྱིས་དུས་འབྱུང་བར་འདོམ་པ་ཇི་ལྟར་བྱ་ཞེ་ན། དབྱར་དུ་བྱེད་ན་བསྐུ་ཞིང་བསྒོ་བའི་སྐབས་སུ་བཀྲུ་ཞེས་
[25a.5]པ་ཡིན་ཏེ། ཟོས་པའི་འོག་ཏུ་ཚོན་མི་ཡལ་བར་བྱ་བའི་ཕྱིར་བསྐུ་ཞིང་ནམ་དགོས་པའི་ཚེ་ཁྲུས་ལ་སྤྱོད་ཅིག་པའོ། འདི་བསྲེག་ཅེས་པ་ནི་ལྷུང་བཟེད་སྲེགས་#ཤིག་པའོ། །དེའི་ཕྱིར་རྫ་མ་བཤམ་ཞེས་པ་ནི་བསྲེག་པའི་ཕྱིར་རྫ་མ་གྱིས་ཤིག་པའོ། །ཆེད་དུ་ཞེས་པ་ནི་བསྲེག་པའི་རྫ་
[25a.6]མ་རྫ་#མཁན་ལ་དང་པོ་ནས་ཆེད་ཀར་བྱེད་དུ་གཞུག ། གྱོ་མོ་ཡང་ཞེས་པ་ནི་ཡང་ན་རྫ་མ་ལས་བཅོས་པའི་གྱོ་མོ་ཡང་རུང་བར་སྟོན་པའོ། །རྫ་མ་ལས་བཅོས་པའི་ཐབས་ཇི་ལྟར་བྱ་ཞེ་ན། ཐལ་བས་བཀང་ལ་རྫ་གཟོང་གིས་#བཅག་ན་དགེ་ཞེས་པ་ཡིན་ནོ། །འདི་བཅང་ཞེས་པ་ནི་
[25a.7]གོང་མ་ལྟ་བུར་དགོས་པས་ན་རྫ་མ་བཅག་པའི་གཟོང་བུ་ཆོངས་ཤིག་པའོ། །རྫ་མ་དེ་ཅིར་དགོས་ཤེ་ན། དུ་བ་མི་འབྱེར་བར་དེས་དགབ་ཅེས་པ་ཡིན་ཏེ། དུ་བ་མི་འཆོར་བ་#རྫ་མ་དེས་བྱའོ། །ཕྱི་རོལ་འཇིམ་ཕུབ་ཀྱིས་བསྐུ་ཞེས་པ་ནི། རྫ་མ་དེའི་ཕྱི་རོལ་ཕུབ་མ་དང་འཇི་བར་བསྲེས་
[25b]
[25b.1]པས་སྐུས་#ཤིག་པའོ། །ནང་འབྲུ་མར་གྱི་ཚིགས་མའམ་ལྕི་བས་བསྐུས་ཞེས་པ་ནི་རྫ་མ་དེའི་ནང་འདིས་སྐུས་#ཤིག་པའོ། །རྫ་མ་དེ་ཕྱི་ནང་བསྐུས་མ་ཐག་དུ་དགབ་པའམ་ཞེ་ན་སྐམ་ཐག་ཆད་ནའོ་ཞེས་པ་ཡིན་ནོ། །ས་ཇི་ལྟ་བུ་དང་གཞི་ཇི་ལྟར་བཀྲུམ་#པར་ལྷུང་བཟེད་གཞག་ཅིང་རྫ་མས་དགབ་ཅེ་ན།
[25b.2]གཞི་བྱི་བདར་བྱས་ལ་ཕུབ་མ་བཏིང་ནས་འབྲུ་མར་གྱི་ཚིགས་མ་ལ་སོགས་པ་དུ་བ་བཟང་པོའི་རྫས་དགོད་ཅིང་ཁས་བུབ་ཏུ་གཞག་ཅེས་པ་ཡིན་ཏེ#། ལྕི་བ་དང་སོག་མས་བསྐོར་ཏེ་སྦར་ཞེས་པ་ནི་རྫ་མ་དེའི་ཕྱི་རོལ་འདི་རྣམས་ཀྱིས་བསྐོར་ལ་མེ་བཏང་#བའོ། །ཏེ་བོར་གྲངས་ནས་གཞིག་ཅེས་པ་ནི་
[25b.3]བསྲེགས་#པ་དེ་དག་གྲངས་ནས་གཟོད་གཞིག་པར་བྱའོ། །ཚོན་ལེགས་པར་མ་ཞེན་ན་ཇི་ལྟར་བྱ་ཞེ་ན། ཚོན་མ་ཞེན་པ་གྲུབ་ཀྱི་བར་དུ་བཟླས་ཞེས་པ་ཡིན་ནོ། །བཟླས་པའི་ཐབས་ཇི་ལྟར་བྱ་ཞེ་ན། བཀྲུ་ཞིང་བཀྲུ་ཞིང་གཞག་ཅེས་པ་ཡིན་ཏེ། ཚོན་མ་ཞེན་ན་ལེགས་པར་བཀྲུས་ལ་ཡང་སྔོན་
[25b.4]གྱི་སོར་གཞག་པའོ། །སྲོག་ཆགས་ལ་བརྩེ་བའི་ཕྱིར་ཐན་ཀོར་ཕྱགས་ཤིང་#ཆག་ཆག་གདང་ཅེས་པ་ནི་མ་བསྲེགས་#པའི་ཐན་ཀོར་#དུ་སྲོག་ཆགས་མང་པོ་བསལ་བའི་ཕྱིར་ཕྱག་དར་དང་ཆག་ཆག་གྱིས་ཤིག་པའོ། །གོང་#དུ་ལྷུང་བཟེད་མེད་ན་རབ་ཏུ་མི་དབྱུང་ཞེས་སྨོས་པའི་ཞར་ལ་ལྷུང་བཟེད་#ཀྱི་ཆོ་
[25b.5]ག་རྒྱས་པར་བསྟན་ནས། །ཕྲན་ཚེགས་ལ་སོགས་པ་ལས་འབྱུང་#བའི་རབ་ཏུ་འབྱུང་བའི་དངོས་པོར་གཏོགས་པ་གཞན་ཡང་སྟོན་པ་ནི། བསྙེན་པར་རྫོགས་པའི་ལོ་ཚིགས་མི་ཤེས་ན་མཚན་གྱི་འཁོར་#སྤུ་སྐྱེས་པ་རུང་བར་བྱ་ཞེས་པ་ལ་སོགས་པ་ཡིན་ཏེ་མཚན་གྱི་འཁོར་སྤུས་འཁོར་ན་རུང་བར་#
[25b.6]བྱ་བའོ། །དེ་བརྟག་པའི་ཐབས་ཇི་ལྟར་བྱ་ཞེ་ན། འདི་སྒྱུས་#བརྟག་ཅེས་པ་ཡིན་ཏེ། དེས་མ་འཕྲིགས་པར་#ཐབས་ཀྱིས་བརྟག་#པའོ། །སྒྱུས་#བརྟག་པའི་ཐབས་ཇི་ལྟ་བུ་ཞེ་ན། གླང་པོ་སོ་#དང་གོས་དག་དང་མཐོན་པོ་ན་ཡོད་པའི་རྫས་ལེན་དུ་གཞུག་#པ་ལ་སོགས་པའོ་ཞེས་པ་ཡིན་ནོ། །བསྙེན་
[25b.7]པར་རྫོགས་པར་འདོད་པ་#ཆེཤིང་ལ་འཛེག་ཏུ་མི་གཞུག་ཅེས་པ་ནི་སྨན་འགྲུམས་སུ་འགྱུར་བའི་ཉེན་སྤང་བའོ། །མཚམས་ཀྱི་ཕྱི་རོལ་ཏུ་མི་གཏང་ཞེས་པ་ནི། བར་ཆད་ཀྱི་ཆོས་རྣམས་ཀྱིས་#མི་ཚུགས་པར་བྱའོ། །བསྙེན་བར་རྫོགས་པར་འདོད་པ་མཚམས་ཀྱི་ཕྱི་རོལ་དུ་མི་གཏང་ན་དགེ་འདུན་
[26a]
[26a.1]དབྱེ་བ་བསྙེན་པར་རྫོགས་པའི་ལས་བྱེད་ཅིང་གསང་སྟེ་སྟོན་པས་ཞུ་བའི་#ཚེ་གར་གཞག་ཅེ་ན། འདི་མཐོང་བའི་སྤྱོད་ལམ་དུ་སྤངས་ནས་ཚོགས་ལ་ཐལ་མོ་སྦྱར་ཏེ་མདུན་གྱིས་ལྟ་བར་གཞག་#ཅེས་པ་ཡིན་ནོ། །ཁྱིམ་པ་ལ་གནས་མི་བསྒོ་ཞེས་པ་ནི་རབ་ཏུ་འབྱུང་བའི་
[26a.2]བར་ཆད་དུ་མི་འགྱུར་བར་བྱའོ། །བསྙེན་པར་རྫོགས་མ་ཐག་ཏུ་མི་བསྒོ་བ་མ་ཡིན་ཞེས་པ་ནི། བསྙེན་པར་རྫོགས་པའི་ཚེ་བཀའ་བློ་བདེ་བས་ན་དེ་ལ་སྤྱིད་དུའང་མི་རུང་སྟེ། བྲམ་ཟེའི་ཁྱེའུ་ལ་གནས་ཕྱིས་བསྒོ་བ་དང་ཆོས་གོས་བོར་ཏེ་བབས་པའི་གླེང་གཞི་ཡོད་པས་ནའོ། །གང་ན་
[26a.3]གནས་མེད་པ་དེར་གསོ་#སྦྱིན་མི་བསྡང་ཚུལ་དུ་མི་འཇུག་ཅེས་པ་ནི་གནས་མེད་ན་གསོ་སྦྱིན་མ་ཟིན་གྱི་བར་དུ་བསྡད་པ་དང་། ཚུལ་དུ་འཇུག་པ་མ་བྱེད་ཅིག་པའོ། །ཚུལ་དུ་ཞུགས་པའི་འོག་ཏུ་གནས་མེད་པར་གྱུར་ན་ཇི་ལྟར་བྱ་ཞེ་ན། ཚུལ་སྔ་མར་ཞུགས་པ་མི་བསྲུངས་#ཞེས་པ་ཡིན་ཏེ།
[26a.4]ཚུལ་སྔ་མ་གྲལ་ལ་གནས་པ་ག་ལ་ཡོད་པར་ཚུལ་ཕྱི་མར་བསྙག ། ཚུལ་ཕྱི་མར་ཞུགས་པ་ལས་གནས་མེད་པར་གྱུར་པ་ཇི་ལྟར་བྱ་ཞེ་ན། ཕྱི་མར་ཟླ་བ་གཉིས་ལས་ལྷག་པར་ཡང་ཞེས་པ་ཡིན་ཏེ། ཚུལ་ཕྱི་མར་ཞུགས་པ་ལས་གནས་མེད་པར་གྱུར་ན་ཟླ་བ་གཉིས་ལས་ལྷག་པར་མ་
[26a.5]འདུག་ཤིག་པའོ། །གཙུག་ལག་ཁང་གཞན་དུ་གནས་བཙལ་བའི་ཐབས་ཇི་ལྟར་བྱ་ཞེ་ན། འདི་གནས་དང་ལས་དང་གཡོག་སྤངས་པས་གཉེར་ཞེས་པ་ཡིན་ཏེ། གཙུག་ལག་ཁང་གུད་ནས་གནས་སུ་བོད་པ་དེ་ལ་གནས་བཟང་པོ་དང་ལས་སུ་མི་གཞུག་པ་དང་། དགེ་ཚུལ་ལ་སོགས་
[26a.6]པ་དེའི་གཡོག་ཏུ་བསྐོས་པ་རྣམས་གུད་དུ་མི་བསྐོ་བས་ཁས་བླངས་ཏེ་གཉེར་ཅིག་པའོ། །ཟླ་བ་གཉིས་ཀྱི་བར་དུ་གནས་མེད་པར་འཁོད་པའི་ཆོ་སུ་ལ་དྲི་#ཞེ་ན། མེད་ན་གཞོན་ནུའི་རྒན་རབས་ལ་ཡང་དྲི་#ཞེས་པ་ཡིན་ཏེ། གནས་བཅའ་བའི་འོས་མེད་ན། གཞོན་ནུའི་ནང་ནས་གང་རྒན་
[26a.7]རབས་ལ་དྲིས་ཤིག་པའོ། །རྒན་པ་དེས་ནི་མ་དྲིས་པར་བྱས་ཀྱང་ཉེས་མེད་པར་ཞར་ངོན་ནོ། ཡོད་ཀྱང་ཉེ་གནས་སུའོ་ཞེས་པ་ནི་མཁན་པོ་དང་གནས་ཡོད་དུ་ཟིན་ཀྱང་སློབ་པ་གཞོན་ནུའི་རྒན་རབས་གཞན་ལ་ཉེ་གནས་སུ་འདྲི་བ་ཉེས་པ་མེད་པར་སྟོན་པའོ། །དྲི་བའི་ཞར་ལ་
[26b]
[26b.1]བསྟན་པ་ནི་དེའི་རིགས་མ་ཞུས་པར་ངེས་སམ་བདག་གིས་#མི་བཀོལ་ཞེས་པ་ཡིན་ཏེ། མཁན་པོ་ལ་སོགས་པ་ལ་#ཞུས་པར་ཚུལ་ཁྲིམས་དང་མི་ལྡན་བའི་རིགས་བདག་གིས་ཀྱང་མི་བཀོལ་དེས་ཀྱང་མི་བཀོལ་བའང་མི་བྱའོ། །གོང་དུ་གནས་མེད་པར་མ་འདུག་ཅིག་ཅེས་པ་དེའི་བྱེ་
[26b.2]བྲག་བསྟན་པའི་ཕྱིར། མེད་པ་ཚོལ་བའི་ཚེ་གནས་པར་འོས་པ་མི་གནས་པར་འདུག་ཀྱང་ཉེས་མེད་ཅེས་པ་ཡིན་ཏེ། གནས་སྙིང་ནས་ཚོལ་ན་དེ་མ་རྙེད་ཀྱི་#བར་དུ་གནས་བཅའ་དགོས་པ། གནས་མེད་པར་འདུག་ཀྱང་ཉེས་པ་མེད་པར་སྟོན་པའོ། །དེ་ལྟར་རུང་བ་ཇི་སྲིད་ཀྱི་བར་དུ་ཞེ་ན།
[26b.3]ཞག་ལྔའི་བར་དུ་#ཞེས་པ་ཡིན་ཏེ། ཞག་ལྔ་ལོན་གྱི་བར་དུ་གནས་མེད་པར་འདུག་ཀྱང་སླ་བའོ#། །གཞག་ལྔའི་བར་དུ་གནས་མེད་པར་འདུག་པའི་ཚེ་རྙེད་པ་བླང་དུ་རུང་ངམ་མི་རུང་ཞེ་ན། རྙེད་པ་ནི་འོས་སོ་ཞེས་པ་ཡིན་ཏེ། དེའི་ཚེ་རྙེད་པ་ཡང་བླང་དུ་རུང་བར་སྟོན་པའོ། །གཞི་ལ་འཁོད་པ་
[26b.4]རྣམས་ཀྱི་གནས་ཇི་ལྟར་བྱ་བ་བསྟན་ནས། འདྲོན་པོ་རྣམས་ཀྱི་གནས་བསྟན་#པའི་ཕྱིར་ལྷགས་པ་#ནི་ཞག་གཉིས་སམ་གསུམ་བརྟས་#ཏེ་གནས་བླང་ཞེས་པ་ཡིན་ཏེ། གུད་ནས་འདྲོན་དུ་ལྷགས་པ་ནི་ལྷགས་མ་ཐག་ཏུ་གནས་བཅའ་མི་དགོས་ཀྱི་ཞག་གཉིས་སམ་གསུམ་བརྟས་ནས་#
[26b.5]གདོད་གནས་ནོས་ཤིག་པའོ། །ཞག་གཅིག་གི་#ཕྱིར་མ་ཡིན་ཞེས་པ་ནི་ཞག་འགའ་ལས་མི་འདུག་པ་གནས་བཅའ་མི་དགོས་པའོ། །གནས་ལ་ཞུར་མཆུད་པའི་ཚེ་ཇི་ལྟར་བྱ་ཞེ་ན། གནས་མི་ཁོམ་ན་གཞན་ལ་དྲི་ཞེས་པ་ཡིན་ཏེ། མཚམས་ཀྱི་ནང་ན་བྲེལ་ཡང་རུང་གུད་དུ་
[26b.6]སོང་ཡང་རུང་དྲིར་མེད་ན་འཕྲལ་དུ་མི་བྱ་བ་ཙམ་གྱི་ཚོད་གཞན་ལ་དྲིས་ཀྱང་ཉེས་མེད། གནས་དྲིས་པར་གནས་པས་#བྱ་བ་མི་བྱ་ཞེས་གོང་དུ་བསྟན་པ་དེའི་བྱེ་བྲག་བསྟན་པའི་ཕྱིར་ལས་ཀྱི་ཕྱིར་སོང་བ་ལས་གཞན་གྱིས་བསྣན་#པ་མ་དྲིས་ཀྱང་ཉེས་མེད་ཅེས་པ་ཡིན་ཏེ།
[26b.7]སྔར་དགེ་འདུན་གྱིས་མངགས་པ་གནས་ལ་ཞུས་ཏེ་སོང་པ་ལས་#འདི་ལྟ་བུ་ཞིག་ཀྱང་གྱིས་ཤིག་ཅེས་བསྣན་#པ་ལྟ་བུ་གནས་དྲིས་པར་བྱས་ཀྱང་ཉེས་མེད་#པར་སྟོན་པའོ། །གནས་ནོས་#ཤིག་པ་སུ་ལའང་ནོད་དུ་རུང་ངམ་ཞེ་ན། བབ་བབ་ཀྱི་གན་དུ་མ་ཡིན་ཞེས་པ་ཡིན་ནོ། །འོ་ན་
[27a]
[27a.1]སུ་ལ་ཞེ་ན། ཁྲིམས་དང་ཤེས་པ་དང་འཁོར་དང་ཕན་འདོགས་པ་དྲི་བ་ལ་སོགས་པས་ཤེས་པར་བྱ་ཞིང་སྡོམ་པ་བཞིན་དུ་འདི་ནོད་ཅེས་པ་ཡིན་ཏེ། དགེ་སློང་གང་གནས་སུ་བྱ་བ་དེ་ཚུལ་ཁྲིམས་དང་ལྡན་ནམ་མི་ལྡན་མང་དུ་ཐོས་སམ་མ་ཐོས། འཁོར་བགྲུངས་
[27a.2]སམ་མི་བགྲུངས། ཕན་ཐོགས་སམ་མི་ཐོགས་དྲི་བ་ལ་སོགས་པས་བརྟག་ཅིང་མྱོང་#ལ་འདི་རྣམས་དང་ལྡན་ན་སྡོམ་པ་མནོད་པ་དང་འདྲ་བར་སྔགས་ཀྱི་ཚིག་ལན་གསུམ་གྱི་བར་དུ་བཟླས་ཤིང་ནོས་ཤིག་པའོ། །འདི་འང་ཐལ་མོ་སྦྱར་ནས་སྡོམ་པ་མནོད་#པ་བཞིན་དུ་བྱའམ་ཞེ་ན།
[27a.3]ལག་པ་གཉིས་ཀྱིས་རྐང་པ་གཉིས་ཀྱི་མཐིལ་ནས་འཁྱུད་ཅེས་པ་ཡིན་ནོ། །གནས་ཀྱི་སློབ་དཔོན་གྱི་གནས་ནོད་དོ་ཅོག་ལ་སྦྱིན་དུ་རུང་ངམ་ཞེ་ན། བརྟག་ཅིང་སྦྱིན་ཞེས་པ་ཡིན་ཏེ། གནས་འདོད་པ་དེ་མྱ་ངན་ལས་འདའ་བའི་བསམ་པ་ཡང་དག་པར་ཡོད་དམ་མེད་པ་ལ་སོགས་
[27a.4]པ་བརྟགས་ནས་གདོད་ཕྱིན་ཅིག་པའོ། །གནས་དང་གནས་པ་གཅིག་ལ་གཅིག་ཇི་ལྟར་བྱ་ཞེ་ན། ཕ་དང་བུའི་འདུ་ཤེས་གཞག་#ཅེས་པ་ཡིན་ནོ། །མཁན་པོ་ལ་སློབ་མས་གནས་བཅའ་དགོས་སམ་མི་དགོས་ཤེ་ན། མཁན་པོ་དེ་ཉིད་ཀྱི་གནས་སོ་ཞེས་པ་ཡིན་ཏེ། མཁན་
[27a.5]པོར་གྱུར་པ་ཉིད་ཀྱི་གནས་སུ་གྱུར་པ་ཡིན་ནོ། །དེ་ལྟ་བས་ན་དེ་ལས་འདི་མི་གནོད་#ཅེས་པ་ནི། གོང་མ་ལྟར་གྱུར་པས་ན་མཁན་པོ་དེ་ལ་#གནས་མནོད་མི་དགོས་པར་སྟོན་པའོ། །གནས་པའི་འཇིག་པ་ཇི་ལྟར་#ཞེ་ན། གནས་མནོས་པ་གཉི་གས་ཡལ་བར་བཏང་ན་འཇིག་པའི་
[27a.6]རྒྱུའོ་ཞེས་པ་ཡིན་ཏེ། གནས་ཀྱིས་ཀྱང་གནས་པ་མེད་#ཀྱང་བླ་བར་བཏང་། གནས་པར་#ཀྱང་དེ་བཞིན་དུ་བཏང་ན་སྔ་ཕྱིར་བཏང་ཡང་རུང་སྟེ། དེས་འཇིག་པར་སྟོན་པའོ། །གནས་དུ་མ་ལྷན་ཅིག་ཏུ་ཚོགས་ན་གནས་པས་#གནས་གང་ལ་ཞུ་བར་བྱ་ཞེ་ན། མཁན་པོ་མ་ཡིན་པ་
[27a.7]ཚོགས་ན་གང་འདོད་པ་འདམ་ཞེས་པ་ཡིན་ཏེ། མཁན་པོ་མ་ཡིན་པའི་གནས་དུ་མ་ཅིག་ཅར་དུ་ཚོགས་ན་བདག་གར་དགའ་བར་དྲིས་ཤིག་པའོ། །དེ་ཉིད་ན་དེ་ལའོ་ཞེས་པ་ནི། ཚོགས་པའི་ནང་ན་མཁན་པོ་ཡོད་ན་མཁན་པོ་ཉིད་ལ་དྲིས་ཤིག་པའོ། །གནས་པས་གནས་
[27b]
[27b.1]ལ་བསྟི་སྟང་ཇི་ལྟར་བྱ་ཞེ་ན། མཁན་པོ་མཐོང་དགུ་ན་སྟན་ལས་འཕགས་ཞེས་པ་ཡིན་ཏེ། མཁན་པོ་ཉི་ཚེར་མ་ཟད་ཀྱི་སློབ་དཔོན་རྣམས་མཐོང་དགུ་ན་ཡང་སྟན་ལས་ལོངས་ཤིག་པའོ། །གནས་གཙུག་ལག་ཁང་དེ་ན་ཉིན་གཅིག་ལ་ལན་གསུམ་སྲུལ་ཅིག་ཅེས་པ་ནི།
[27b.2]གནས་དང་གནས་པ་གཉི་ག་གཙུག་ལག་ཁང་གཅིག་ན་འཁོད་ན་ཉིན་གཅིག་ལ་ལན་གསུམ་དུ་ཞུ་ཞིང་དེའི་གན་དུ་སོང་ཤིག་པའོ། །རྒྱང་གྲགས་སྲིད་ཀྱི་དགོན་པ་ན་འདུག་ན་ཉིན་རེའོ་ཞེས་པ་ནི། གནས་རྒྱང་གྲགས་སྲིད་ཀྱི་དགོན་པ་ན་འདུག་ན་ཉིན་རེ་ལ་ལན་རེ་ཞུས་ཤིག་
[27b.3]པའོ། །རྒྱང་གྲགས་ལྔ་ན་ཞག་ལྔ་དྲུག་ཅིང་ངོ་ཞེས་པ་ནི་གནས་རྒྱང་གྲགས་ལྔ་ཙམ་གྱི་དགོན་པའམ་གུད་ན་འདུག་ན་ཞག་ལྔ་དྲུག་ཙམ་ཞིང་ལན་རེ་ཞུས་ཤིག་པའོ། །དཔག་ཚད་ཕྱེད་དང་གསུམ་ན་གསོ་སྦྱིན་གྱི་ཚེའོ་ཞེས་པ་ནི། གནས་དཔག་ཚད་ཕྱེད་དང་གསུམ་སྲིད་ཀྱི་
[27b.4]དགོན་པའམ་གུད་ན་འདུག་ན་ཟླ་བ་ཕྱེད་ཕྱེད་ཅིང་ཞུས་#ཤིག་པའོ། །ད་ནི་གནས་ཀྱིས་གནས་པ་ཇི་ལྟར་བསྲི་བ་སྟོན་ཏོ། །#གནས་པ་སྨད་པར་འོས་ན་མི་སྨད་པར་མ་ཡིན་ཞེས་པ་ནི། གནས་པ་ཆད་པས་གཅད་#ཅིང་སྨ་དབབ་པར་འོས་ན་སྨ་ཕོབ་#ཤིག་པའོ། །སྨ་དབབ་པའི་
[27b.5]རྣམ་པ་དུ་ཞེ་ན། སྨ་དབབ་པ་ལྔ་སྟེ་ཞེས་པ་ཡིན་ཏེ། དེ་ཡང་གང་ཞེ་ན། མི་སྨྲ་བ་དང་། ལུང་མི་དབོག་པ་དང་། གཡོག་དང་ཟང་ཟིང་གི་ལོངས་མི་སྤྱད་པ་དང་། དགེ་བའི་ཕྱོགས་བརྩམས་པ་བཅད་པ་དང་གནས་དགག་པ་རྣམས་སོ་ཞེས་པ་ཡིན་ཏེ། དེ་ལ་གཏམ་མི་
[27b.6]བྱ་བ་དང་མི་རྟག་པ་བསྒོམས་#པ་ལ་སོགས་པའི་ལུང་བཀྱིག་པ་དང་། གཡོག་དང་ཆོས་དང་ཟང་ཟིང་གི་སྤྱོད་པ་བཏང་བ་དང་། བཤད་པ་ལྟ་བུ་ལ་སོགས་པ་དགེ་བའི་ཕྱོགས་བརྩམས་པ་རེ་ཞིག་གཞི་ལ་དོར་བ་དང་། ཞུར་མི་གཞུག་པ་རྣམས་ཀྱིས་སྨ་ཕོབ་ཤིག་པའོ། །
[27b.7]སྨ་དབབ་པར་བྱ་བ་ཇི་ལྟ་བུ་ཞེ་ན། མ་དད་པ་དང་ལེ་ལོ་ཅན་དང་བཀའ་བློ་མི་བདེ་བ་དང་མ་གུས་པ་དང་། སྡིག་པའི་གྲོགས་པོ་ཅན་དང་འདི་རྣམས་ལ་འོས་སོ་ཞེས་པ་ཡིན་ཏེ། རྣམ་པ་འདི་རྣམས་སྨ་ཕོབ་ཤིག་པའོ། །སྨ་#ཕབ་པ་དེ་གཞན་གྱིས་ཁ་གྲངས་#པ་ཉེས་པ་ཇི་ལྟར་
[28a]
[28a.1]འགྱུར་ཞེ་ན། སྨད་པ་གཞན་གྱིས་བསྡུས་ན་ཉེས་པ་སྦོམ་པོའོ་ཞེས་པ་ཡིན་ཏེ། སྨད་པ་དེ་བབས་ཀྱིས་དོགས་པ་ལ་སོགས་པའི་ཕྱིར་མ་ཡིན་པར། དེའི་མཁན་པོ་དང་དབྱེ་#བའི་ཕྱིར་ཁ་གྲངས་#ན་དབྱེན་གྱི་སྦོམ་པོར་འགྱུར་བའོ། །སྨད་བ་#དེ་སླར་འཇར་དུ་མི་བཏུབ་#
[28a.2]པ་ཇི་ལྟར་བྱ་ཞེ་ན། གནོད་པར་མི་བྱེད་ན་དགེ་སློང་ཤེས་པ་ཅན་ལ་ཡིད་འཇོ་བར་བཅོལ་ཞེས་པ་ཡིན་ཏེ། དེ་བཟོད་པར་གསོལ་ཞིང་སླར་འཇལ་#དུ་མི་བཏུབ་#ན་དགེ་སློང་སྨྲ་མཁས་ཤིང་ཤེས་ཉེན་ཆེ་བ་གཅིག་ལ་ཡིད་འཇོ་ཞིང་བློ་འདེབས་སུ་བཅོལ། མཚན་མ་བཏང་སྟེ་བཟོད་
[28a.3]པར་གསོལ་ན་བཟོད་པར་བྱ་ཞེས་པ་ནི། དེས་མ་དད་པ་ལ་སོགས་པའི་སྐྱོན་བཏང་ནས་བཟོད་པར་གསོལ་ན་བཟོད་པར་གྱིས་ཤིག་པའོ། །སྨད་པར་མི་འོས་པ་ཡིན་ཞེས་པ་ནི། དད་པ་ལ་སོགས་པའི་ཡོན་ཏན་ཡོད་དེ་སྨད་པར་འོས་པ་མ་ཡིན་པ་ལ་སྨད་པར་མ་བྱེད་ཅིག་
[28a.4]པའོ། །འོས་པ་ལ་མི་བཟོད་པར་མི་བྱ་ཞེས་པ་དང་། མི་འོས་པ་ལ་བཟོད་པར་མི་བྱ་ཞེས་པ་གཉིས་ནི་ཉེས་པའི་མཚན་མ་གཏོང་ཡང་མི་བཟོད་པ་དང་། ཉེས་པའི་མཚན་མ་མ་བཏང་#ཡང་བཟོད་པ་ལྟ་བུ་མ་བྱེད་ཅིག་པའོ། །ཡིད་བཞོས་ཀྱང་འཇར་དུ་མི་བཏུབ་པ་ཇི་ལྟར་
[28a.5]བྱ་ཞེ་ན། མ་བཏུབ་ན་གནས་ཁང་ནས་བསྐྲད་ཅེས་པ་ཡིན་ནོ། །དེ་ཅི་ཡང་མེད་པར་བསྐྲད་དམ་ཞེ་ན། དགེ་ཚུལ་ཡིན་ན་སྟོད་གཡོགས་སྨད་གཡོགས་དང་ཆུ་ཚགས་དང་རིལ་བ་སྦྱིན་ཞེས་པ་ཡིན་ནོ། །བསྙེན་པར་རྫོགས་པར་འདོད་པ་ཞིག་ནའང་ཡོ་བྱད་དེ་ལས་མི་སྨིན་ནམ་
[28a.6]ཞེ་ན། བསྙེན་པར་རྫོགས་པར་འདོད་པ་ཞིག་ན་ཡོ་བྱད་ལྔའོ་ཞེས་པ་ཡིན་ཏེ། ཆོས་གོས་གསུམ་དང་གདིང་བ་དང་ལྷུང་བཟེད་ལྔ་བྱིན་ལ་སྐྲོད་ཅིག་པའོ། །ཆུ་ཚགས་ཀྱང་སྦྱིན་དགོས་པ་ནི་དགེ་ཚུལ་ལ་#སྦྱིན་པར་བསྟན་པའི་ཞར་ངོན་ནོ། །བསྙེན་པར་རྫོགས་པ་ཡང་ངོ་
[28a.7]ཞེས་པ་ནི་བསྙེན་པར་རྫོགས་པ་ཞིག་ན་ཡང་ཡོ་བྱད་གོང་མ་ལྔ་བྱིན་ལ་སྐྲོད་ཅིག་པའོ། །དེ་ལྟར་བསྐྲད་པས་སླར་འཇལ་#ཡང་ཡེ་མི་བསྡུ་འམ་ཞེ་ན། སེང་གེ་བཞིན་དུ་སེམས་ཐག་མི་གཅད་ཅེས་པ་ཡིན་ཏེ། སེང་གེ་གོད་ལ་མི་རེ་བ་བཞིན་དུ་མ་བྱེད་ཅིག་པའོ། །གནོད་པར་
[28b]
[28b.1]འགྱུར་བའི་བྱ་བར་བྱ་བ་མི་བྱ་ཞེས་པ་ནི་ནང་ཁྲིམས་མ་བཅས་ཀྱང་ཉེས་ཆེན་པོ་མེད་ལ། བཅས་ན་ནི་གནོད་ཚབས་ཆེ་བའི་ནང་ཁྲིམས་མ་བྱེད་ཅིག་པའོ། །ཁ་སུ་བ་ནི་ཞག་ལོན་པའི་འོ་ཞེས་པ་ནི། ཞག་གཅིག་ལོན་པའི་ནི་ཁ་སུ་བ་སྟེ་བཙོག་པར་སྟོན་པས་ན་མ་བཀྲུས་ཀྱི་བར་
[28b.2]དུ་ཕྱག་བྱ་བ་དང་ཁ་ཟས་བཟའ་བ་ལ་སོགས་པ་མ་བྱེད་ཅིག་པའོ། །དེ་ལྟ་བས་ན་སོ་ཤིང་བཅའ་ཞེས་པ་ཡིན་ནོ། །ཐམས་ཅད་ཀྱི་མིག་སྔར་རམ་ཞེ་ན། །དབེན་པར་རོ་ཞེས་པ་ཡིན་ནོ། །དེ་ཉི་ཚེ་དབེན་པར་རམ་ཞེ་ན། བཤང་གཅི་བྱ་བ་ཡང་ངོ་ཞེས་པ་ཡིན་ནོ། །ཤིང་དང་
[28b.3]རྩིག་པ་ཞེས་པའི་ཐན་ཀོར་དུ་མ་ཡིན་ཞེས་པ་ནི། བསིལ་གྲིབ་བམ་རྩིག་དྲུང་ལྟ་བུ་མི་མང་པོ་འདུ་བའི་སར་བཤང་གཅི་ལ་སོགས་པ་མ་བྱེད་ཅིག་པའོ། །སོ་ཤིང་གི་ཚད་སྟོན་པ་ནི་འདིའི་ཚད་སོར་བཅུ་གཉིས་མན་ཆད་བརྒྱད་ཡན་ཆད་དོ་ཞེས་པ་ཡིན་ནོ། །མེད་ན་བད་ཀན་ཆེ་
[28b.4]བས་སོར་བཞི་ཡན་ཆད་དོ་#ཞེས་པ་ནི། གོང་མའི་ཚད་སྲིད་དུ་བྱ། ཤིང་མེད་ན་#བད་ཀན་ཆེ་བས་སོར་བཞི་ཡན་ཆད་འཆོས་ཤིག་པའོ། །གནས་ཁང་དུ་སོ་ཤིང་བཟའ་བའི་མི་རིགས་པར་དོགས་པ་སེལ་བ་ནི། གནས་ཁང་ན་ཆོལ་ཟངས་ཀྱི་སྟེང་དུ་འཆའ་བ་ནི་མི་རིགས་
[28b.5]པ་མེད་དོ་ཞེས་པ་ཡིན་ནོ། །དབེན་པར་སོ་ཤིང་འཆོས་ཤིག་ཅེས་གོང་དུ་བསྟན་པའི་དབེན་པར་བྱ་བ་གང་ཞེ་ན། འདི་ཝ་ཀ་ན་དབེན་པར་མི་འགྱུར་བ་མ་ཡིན་ནོ་ཞེས་པ་ཡིན་ཏེ། ཆུ་ཁུང་#དང་ཝ་ཀར་སོ་ཤིང་འཆོས་པ་མི་དབེན་པ་མ་ཡིན་པར་སྟོན་པའོ། །ཝ་ཀའི་ཐན་#ཀོར་
[28b.6]ཡང་དེའི་ཁོངས་སུ་གཏོགས་པར་བསྟན་པའི་ཕྱིར། རྣམ་པ་དེ་དག་ཁྲུ་གང་གི་ཐན་ཀོར་འདིར་གཏོགས་སོ་ཞེས་པ་ཡིན་ཏེ། སོ་ཤིང་བཅའ་བ་དང་། རྐང་པ་བཀྲུ་བ་#ལ་སོགས་པའི་རྣམ་པ་ཝ་ཀའམ། སྟོར་ཁུང་གི་ཁྲུ་གང་གི་ཐན་ཀོར་ཡང་དེའི་ཁོངས་སུ་གཏོགས་
[28b.7]པས་དེ་ཚུན་ཆད་དུ་གྱིས་ཤིག་པའོ། །སོ་ཤིང་བཅའ་བའི་ཞར་ལ་སྟོན་པ་ནི་དེའི་འོག་དུ་ལྕེ་བཞར་ཞེས་པ་ཡིན་ནོ། །ལྕེ་བཞར་བཅང་ཞེས་པ་ནི། དེ་ལྟ་བས་ན་ལྕེ་བཞར་བ་ཆོངས་ཤིག་པའོ། །ཅི་ལས་བྱས་པ་བཅང་ཞེ་ན། ཁབ་ཀྱི་རྒྱུ་ལས་སོ་ཞེས་པ་ཡིན་ཏེ། ཟངས་
[29a]
[29a.1]དང་ར་གན་དང་ལྕགས་སོ། །དེའི་ཕྱིར་སོ་ཤིང་ཚལ་པའང་རུང་ཞེས་པ་ནི། ཟངས་ལ་སོགས་པའི་ལྕེ་བཞར་#མེད་ན། སོ་ཤིང་གི་ཚལ་པས་བཞར་ཡང་མི་རུང་བ་མེད་པར་སྟོན་པའོ། །འདི་མི་རྣོ་བའི་ཕྱིར་གཅིག་ལ་གཅིག་དྲུད་ཅེས་པ་ནི། སོ་ཤིང་གི་ཚལ་
[29a.2]པ་རྣོ་ཆེས་ན་ཆོད་པའི་ཕྱིར་གཅིག་ལ་གཅིག་དྲུད་ཅིག ། སོ་ལ་སོགས་པ་སྣད་ཀྱིས་དོགས་པའི་ཕྱིར་རྣོ་བས་སོ་དང་ལྕེ་དང་རྣ་བ་མི་ཟུད་ཅེས་པ་ཡིན་ནོ། །མི་རྣོར་ཟིན་ཀྱང་དྲག་ཏུ་མ་ཡིན་ཞེས་པ་ཡིན་ཏེ། རྣོན་པོ་མ་ཡིན་ཀྱང་དྲག་ཤུ་བྱེད་པར་དལ་གྱིས་དྲུད་ཅིག་པའོ། །ཇི་
[29a.3]ཙམ་དུ་དལ་བར་བྱ་ཞེ་ན། དེ་དག་གིས་#ཤ་མི་སྣད་པར་རོ་ཞེས་པ་ཡིན་ནོ། །སོ་ཤིང་བཅའ་བའི་ཞར་ལ་དོར་བ་ཡང་སྟོན་པ་ནི། སོ་དང་ལྕེ་སྦྱོང་བ་ཁའི་དྲི་མས་ཕོག་པའི་ཕྱོགས་མ་བཀྲུས་སེམས་#བསྒྲེས་པར་མི་དོར་ཞེས་པ་ཡིན་ཏེ། སོ་བྲུད་ཤིང་ལྕེ་བཞར་བའི་དྲི་མ་མ་
[29a.4]བཀྲུས་མ་བསྒྲེས་པར་མདོར་ཅིག་པའོ། །སྒྲ་མེད་པར་མ་ཡིན་ཞེས་པ་ཡིན་ཏེ། སེ་གོལ་ལ་སོགས་པའི་སྒྲ་མ་ཕྱུང་#གི་བར་དུ་སོ་ཤིང་མ་དོར་ཅིག་པའོ། །དེའི་#དབར་ཟད་ཀྱི་ཞེས་པ་ནི་སོ་ཤིང་སྒྲ་མ་ཕྱུང་གི་བར་དུ་མི་འདོར་བ་དཔེ་ཙམ་དུ་ཟད་པར་སྟོན་པའོ། །བཤང་གཅི་
[29a.5]དང་མཆིལ་སྣབས་དང་། སྐྱུགས་པ་ལ་སོགས་པ་གཞན་ཡང་ངོ་ཞེས་པ་ནི་འདི་རྣམས་འདོར་བའི་ཚེའང་སྒྲ་ཕྱུང་ལ་འོར་#ཅིག་པའོ། །འདིས་བཀྲུས་#པ་བཞིན་དུ་གོ་འདུན་དང་ལྕི་བས་ཀྱང་འགྲུབ་པོ་#ཞེས་པ་ནི་སོ་ཤིང་ཉི་ཚེས་ཁ་འདག་པར་མ་ཟད་ཀྱི་གོ་འདུན་དང་ལྕི་བས་ཀྱང་ཁ་#
[29a.6]འདག་པར་སྟོན། ལུས་ཀྱི་བྱ་བ་#ཟིན་མ་ཐག་དུ་མཆོད་རྟེན་ལ་ཕྱག་བྱ་ཞེས་པ་ནི་ཁ་ལག་བཀྲུ་བ་ལ་སོགས་པ་བྱས་མ་ཐག་དུ་མཆོད་རྟེན་ལ་ཕྱག་གྱིས་ཤིག་པའོ། །གནས་པའི་སྒྲུབ་པར་གཏོགས་པའོ་ཞེས་པ་ནི། མདོ་འོག་ནས་འབྱུང་བ་རྣམས་གནས་པའི་ཆོ་ག་ཤ་སྟག་#
[29a.7]ཡིན་པར་སྟོན་པའོ། །གནས་པས་བསྒྲུབ་#པར་བྱ་བ་ཉིད་ནི་དེའི་འོག་ཏུ་ནང་བར་སོང་ལ་ཕྱག་#བྱ་ཞེས་པ་ལ་སོགས་པ་ཡིན་ཏེ། མཆོད་རྟེན་ལ་ཕྱག་བྱས་པའི་འོག་ཏུ་གནས་གལ་འདུག་པར་སོང་ལ་ཕྱག་གྱིས་ཤིག་པའོ། །ནད་དྲི་ཞེས་པ་ནི་ཕྱག་བྱས་ནས་སྙུན་#ཡང་
[29b]
[29b.1]གསོལ་ཅིག་པའོ། །གོ་འདུན་དང་ཆུ་དང་སོ་ཤིང་བསྡོགས་ཞེས་#པ་ནི་གནས་དེའི་ཁ་ལག་བཀྲུ་བའི་ཡོ་བྱད་འདི་དག་ཀྱང་སྟ་གོན་གྱིས་ཤིག་པའོ། །གཡོས་མལ་བལྟས་ལ་བསྙད་ཅེས་པ་ནི། ཚང་བང་#ན་གཡོས་ཅི་བྱེད་པ་གནས་ལ་སྦྲོན་ཅིག་པའོ། །སྲིད་#པ་དབུལ་བར་
[29b.2]ཡིད་ལ་བྱ་ཞེས་པ་ནི། གོང་མ་ལྟར་བསྙད་ནས་གནས་དེ་ཟས་གང་ལ་དགའ་བ་བདག་གིས་བཤུགས་པར་སོམས་ཤིག་པའོ། །ལྷུང་བཟེད་བཀྲུ་ཞེས་པ་ནི་གདུགས་ཚོད་#ལ་བབ་ཏུ་ཆནའོ། །བསོད་སྙོམས་པ་ཞིག་ན་ཁར་#གསིལ་ཡང་ངོ་ཞེས་པ་ནི། གནས་དེ་བསོད་
[29b.3]སྙོམས་སྤྱོད་པ་ཞིག་ན། ཁ་རག་#སིལ་ཡང་ཁྲུས་ཤིག་པའོ། །གལ་ཏེ་དགོས་པ་ལྟ་ན་ཆུ་ཚགས་ཀྱང་ངོ་ཞེས་པ་ནི། གནས་དེ་ཀུན་དགའ་ལ་སོགས་པར་བཟའ་བ་ཞིག་ན། ཆུ་ཚགས་ཀྱང་བཀྲུ་ཞིང་སྟ་གོན་གྱིས་ཤིག་པའོ། །དེ་ཡང་ན་དྲི་ཞེས་པ་ནི། གནས་
[29b.4]པ་དེ་ཡང་བསོད་སྙོམས་པ་ཞིག་ཡིན་ན་བདག་ཀྱང་ཞ་འབྲིང་ངུ་མཆི་འམ་ཞེས་ཞུས་ཤིག་པའོ། །འགྲོགས་པར་འདོད་ན་དེ་ཉིད་དང་ལྷན་ཅིག་ཏུ་འདོང་ཞེས་པ་ནི་གོང་མ་ལྟར་ཞུས་ཏེ། འགྲོགས་པར་དགའ་ནའོ། །འགྲོགས་པར་འདོད་ན་ཇི་ལྟར་བྱ་ཞེ་ན། ཉམ་ང་ལ་
[29b.5]སོགས་པར་སྔོན་དུ་འགྲོ་ཞེས་པ་ཡང་སྟེ། ས་ནར་མི་བདེ་འམ་ཉམ་#ང་པ་ཞིག་དང་འདོམ་ན་བདག་གིས་སྡུན་དུ་དྲངས་#ཤིག་པའོ། །བསོད་པ་དེ་ལ་བདར་ཞེས་པ་ནི་གཉི་ག་བསོད་སྙོམས་བྱེད་པའི་ཚེ་བདག་ལ་ཟས་བསོད་#པའམ་བཟང་པོ་ཅིག་སྦྱིན་དུ་ཆ་ན་དེ་འདི་#ཕུལ་
[29b.6]ཞེས་གནས་ལ་བདར་བར་བྱ་བའོ། །མ་འགྲོགས་ན་འཁོར་ནས་བསྟན་ཞེས་#པ་ནི་བསོད་སྙོམས་ལ་ལྷན་ཅིག་དུམ་དོང་སྟེ། སོ་སོར་#དོང་ན་སླར་འཁོར་ཏེ་བདག་གིས་ཟས་ཇི་སྙེད་པ་གནས་ལ་སྟོན་ཅིག་པའོ། །བཟང་བཀྲབས་#ལ་བདར་ཞེས་པ་ནི་བཟའ་བའམ་བཟང་
[29b.7]པ་དམས་ཏེ་གནས་ལ་སྟོབས་#ཤིག་པའོ#། །ཆུ་སྣོད་དགང་ཞེས་པ་ནི་ཕྱི་རོལ་ཆེ་ཆུང་དུ་འགྲོ་བ་ལ་སོགས་པའི་ཆུ་སྣོད་ཀྱང་དགང་ཞིང་སྟ་གོན་གྱིས་ཤིག་པའོ། །དུས་སྙེད་#ཅེས་པ་ནི་གནས་དེ་བསམ་གཏན་ནམ་དགེ་བ་རྒྱུན་དུ་བྱེད་པ་ཞིག་ན་གནས་པས་ཟས་ཀྱི་དུས་
[30a]
[30a.1]སུ་བསྐུལ་ཅིག་པའོ། །ཟོས་ནས་ལྷུང་བཟེད་ལ་སོགས་པ་བཀྲུ་ཞེས་པ་ནི་ལྷུང་བཟེད་ལ་སོགས་པ་ཁ་ཕྱིས་སོ་ཅོག་#ཟས་ཟོས་ཟིན་ནས་ཁྲུས་གྱིས་#ཤིག་པའོ། །འདི་དག་གཞག་པར་བྱ་ཞེས་པ་ནི་སྣོད་སྤྱད་དེ་#བཀྲུས་ཟིན་ནས་གནས་གནས་སུ་ཞོག་ཤིག་
[30a.2]པའོ། །མཆོད་རྟེན་ལ་ཕྱག་འཚལ་བའི་གོ་འདུན་དང་ཆུ་ལ་སོགས་པ་བསྔོགས་ཞེས་པ་ནི། གནས་དེ་མཆོད་རྟེན་ལ་ཕྱག་འཚལ་ཞིང་དཀྱིལ་འཁོར་བྱེད་པའི་ཡོ་བྱད་རྣམས་གནས་པས་སྟ་གོན་དུ་ཤོམས་ཤིག་པའོ། །རྐང་པ་བཀྲུ་པར་གཏོགས་པ་བཤམ་#ཞེས་
[30a.3]པ་ནི་སྣུམ་པ་དང་བག་ཟན་ལ་སོགས་པ་གནས་དེའི་རྐང་ལག་བཀྲུ་བའི་སྟ་གོན་དུ་ཤོམས་ཤིག་པའོ། །མལ་བཅའ་ཞེས་པ་ནི་གནས་དེའི་མལ་ཡང་ལེགས་པར་གྱིས་ཤག་པའོ། །སྨད་ཁྲས་#དབུལ་ཞེས་པ་ནི་ཉལ་ཀར་འདིའང་ཕུལ་ཅིག་པའོ། །ཤམ་ཐབས་བླང་ཞེས་#
[30a.4]པ་སྨད་ཁྲིས་ཕུལ་ལ་ཤམ་ཐབས་ལོང་ཤིག་པའ། །རྐང་པའི་ཆུ་དང་རྟེན་དང་ཆོལ་ཟངས་#བསྟབས་ཞེས་པ་ནི་ཉལ་ཀར་རྐང་རྟེན་དང་ཆོལ་ཟངས་#དང་ཆུ་རྣམས་བསྙན་#ཅིང་རྐང་པ་ཁྲུས་ཤིག་པའོ། །ལྷམ་ཕྱི་ཞེས་པ་ནི་དེའི་ལྷམ་ཡང་ཕྱིས་ལ་ཞོག་ཤིག་པའོ། །དམིགས་
[30a.5]ཀྱིས་བྱེད་པར་བསྐོས་པ་མ་ཡིན་པར་ཕྱག་#མ་ཐོགས་པར་མཐོང་ན་བསྙེན་མདོང་བྱ་ཞེས་པ་ནི་བདག་གི་གནས་ཏེ་མཆོད་རྟེན་ལ་སོགས་པའི་ཕྱི་བདར་གྱིས་ཤིག་པར་དགེ་འདུན་གྱིས་བསྐོས་པ་མ་ཡིན་པར་ཕྱག་དར་བྱེད་པ་མཐོང་ན། ཕྱག་#མ་བདག་གིས་ལོང་ལ་
[30a.6]བསྙེན་མདོང་གྱིས་ཤིག་པའོ། །ཆོས་གོས་སྒྲུབ་#པར་བསྐོས་པ་མ་ཡིན་ན་ཁབ་ཐོགས་པ་ཡང་ངོ་ཞེས་པ་ནི་བདག་གི་གནས་དེ་དགེ་འདུན་གྱིས་ཆོས་གོས་ལ་སོགས་པ་དྲུབ་#པར་བསྐོས་པ་མ་ཡིན་པར་ཁབ་ཐོགས་ཤིང་ལས་བྱེད་པ་མཐོང་ན་བདག་གིས་
[30a.7]ལོང་ལ་བསྙེན་#མདོང་གྱིས་ཤིག་པའོ། །རུང་བར་བྱ་བ་དང་ལྡམ་ལྡུམ་བཏོག་པ་དང་མེ་ཏོག་དང་འབྲས་བུ་བཏོག་པ་དང་སོ་ཤིང་འབུལ་བ་#ལ་སོགས་པ་ཡང་དགེ་ཚུལ་གྱིས་སོ་ཞེས་པ་ནི། གནས་ཀྱི་རྣམ་པ་འདི་རྣམས་བྱ་བ་བསྙེན་པར་རྫོགས་པས་བྱར་མི་རུང་གི#། དགེ་ཚུལ་གྱིས་འདི་དག་ལྷག་
[30b]
[30b.1]པར་གྱིས་ཤིག་པའོ། །གནས་ཀྱི་འདི་དག་བྱ་བ་ཉི་ཚེར་མ་ཟད་ཀྱི་#དགེ་འདུན་གྱི་ཡང་དགེ་ཚུལ་གྱིས་གྱིས་ཤིག་པའོ། །སྒོ་#བརྡུང་ཞིང་ནང་ན་འདུག་པ་ཤེས་པར་བྱ་ཞེས་པ་ནི་དགེ་སློང་གཞན་གྱི་གནས་ཁང་དུ་འགྲོ་ན་གནས་པ་ཉི་ཚེ་མ་ཡིན་གྱི་སུས་ཀྱང་རུང་སྟེ། འདི་ལྟར་
[30b.2]གྱིས་ཤིག་པའོ། །དལ་གྱིས་ཞེས་པ་ནི་གོང་མ་ལྟར་བརྡུང་བ་ཡང་མ་དྲག་ཤིག་པའོ། །ཡུན་མི་རིང་ཞེས་པ་ནི་བརྡུང་བ་ཡུན་མ་རིང་ཤིག་པའོ། །འདི་དྲག་ཏུ་མི་ཕུལ་ཞེས་པ་#ནི་སྒོ་འབྱེད་ཅིང་གཅོད་པ་མ་དྲག་ཤིག་པའོ། །སྒོ་སྐྱེས་ལ་མི་དྲུད་པར་དལ་གྱིས་ཤེས་བཞིན་དུ་འཇུག་
[30b.3]ཅིང་འབྱུང་ཞེས་པ་ནི། སྒོའི་ཕྱིའི་ནང་དུ་འགྲོ་བ་ལ་ཟོན་ཡོད་པ་འདི་ལྟར་གྱིས་ཤིག་པའོ། །འདི་ལ་བསྟི་སྟང་བྱ་ཞེས་པ་ནི་གནས་ལ་བསྟི་སྟང་སྐྱེད་ཅིག་པའོ། །གཞར་པར་བྱ་ཞེས་པ་ནི་གནས་པས་གནས་ལས་མ་ཕང་བར་ཆོར་ཅིག་པའོ། །དེ་དང་མི་མཐུན་པ་ཡིན་ཞེས་པ་
[30b.4]ནི་གནས་དེ་དང་མི་མཛའ་བ་དང་མ་བསྟེན་#ཅིག་པའོ། །འདི་ལ་འཛེམ་པར་བྱ་ཞེས་པ་ནི་གནས་པས་གནས་ལའོ། །དེའི་བྱ་བ་ལ་དངོམ་པར་བྱ་ཞེས་པ་ནི་གནས་དེའི་ལས་སུ་བྱ་བ་རྣམས་ལ་གསོང་ཞིང་དངོམ་པར་བྱ་དགོས་པའོ། །གཟབ་ཅིང་བྱ་ཞེས་པ་ནི་ཆོས་གོས་དྲུབ་པ་ལ་
[30b.5]སོགས་པ་དེའི་ལས་སུ་བྱ་བ་རྣམས་ལ་གཟབ་ཅིང་གྱིས་ཤིག་པའོ། །མཛེས་པའི་གམ་ཟུལ་ཞེས་པ་ནི་གནས་དེའི་ལས་བྱེད་པ་ནག་མ་ཟུལ་ཡོད་ཅིང་མཛེས་པར་གྱིས་ཤིག་པའོ། །ཁྲེལ་དང་ལྡན་པ་ཞེས་པ་ནི་གནས་དེའི་ལས་སུ་བྱ་བ་རྣམས་བླུན་#ཅིང་ཁྲེལ་གྱིས་དོགས་
[30b.6]པར་གྱིས་ཤིག་པའོ། །རྗེས་དང་བཅས་པ་ཞེས་པ་ནི་གནས་ཀྱི་བྱ་བ་རྣམས་ལ་རྗེས་དང་ལྡན་པར་གྱིས་ཤིག་པའོ། །རྗེ་བོ་ཡོད་པ་ཞེས་པ་ནི་གནས་དེ་ལ་རྗེ་བོ་ལྟ་བུར་གྱིས་ཤིག་པའོ། །དམའ་བའི་སེམས་ཞེས་པ་ནི་བསྙེམས་ཤིང་དྲེགས་བའི་སེམས་མེད་པར་དེའི་བྱ་བ་
[30b.7]བྱོས་ཤིག་པའོ། །རང་གི་བྱ་བ་ལ་མི་གཅོད་པར་ཤེས་བཞིན་ཞེས་པ་ནི་བདག་གི་ཀློག་པ་དང་བསམ་པ་ལ་མི་གནོད་པར་#དེའི་ལས་གྱིས་ཤིག་པའོ། །ཇི་དགེར་ཚོལ་བ་ཞེས་པ་དེའི་ལས་སུ་བྱ་བ་རྣམས་ཕྱི་གཞག་ཙམ་དུ་བྱ་བ་མ་ཡིན་གྱི། ཅི་ནས་ཀྱང་དགེ་བའམ་བསོད་
[31a]
[31a.1]ནམས་ལ་སོགས་པའོ་སྙམ་དུ་དགེ་བ་ཚོལ་བའི་འདུ་ཤེས་ཀྱིས་གྱིས་ཤིག་པའོ། །མདོ་དམའ་བར་བྱེད་ན་བཟློག་ཅེས་པ་ནི་གནས་དེ་ཚུལ་ཁྲིམས་དང་ལྟ་བའི་མདོ་ཞེན་ཅིང་དམར་#བྱེད་ན་དེ་ལས་སླར་ཟློག་ཤིག་#པའོ། །དགེ་བ་མི་འཕེལ་ན་གཞན་དེ་བྱེད་པ་ལ་
[31a.2]གདམས་པར་གསོལ་ཞེས་པ་ནི་གནས་དེའི་ཐད་ན་འདུག་ན་གོ་རེ་ལོང་བྱ་བར་དེངས་ཏེ་དགེ་བ་མི་འཕེལ་ཙམ་གྱི་ཚོད་ན་དགེ་སློང་གཞན་དགེ་བ་འཕེལ་བར་བྱེད་པ་ལ་གདམས་པར་གསོལ་ཞེས་གསོལ་བ་ཐོབ་ཤིག་པའོ། །གནས་སུ་འོས་པར་ཤེས་ན་གདམས་ཞེས་པ་ནི་
[31a.3]གནས་པ་དགེ་སློང་གཞན་གྱི་ཐད་དུ་གདམས་པར་གསོལ་བའི་དགེ་སློང་དེ་ཚུལ་ཁྲིམས་དང་ལྡན་ཞིང་གནས་སུ་འོས་པ་ཞིག་ཡིན་ན་དེ་ལ་ཆོལ་ཅིག་པའོ། །གཞན་ཡང་གནས་ཀྱིས་གནས་པ་བཅོས་པ་ནི། སྡིག་པའི་གྲོགས་ལས་བཟློག་ཅེས་པ་#ལ་སོགས་པ་
[31a.4]ཡིན་ནོ། །དགེ་བ་ལ་གཞུག་ཅེས་པ་ནི་དགེ་བ་སྤྱོད་དུ་གཞུག་པའོ། །དེ་བསྟབས་ཞེས་པ་ནི་བདག་གིས་ཆོས་བསྟན་པ་ལ་སོགས་པ་གནས་པ་ལ་དགེ་བ་སྟོབས་ཤིག་པའོ། ལྟུང་#བ་ལས་དབྱུང་ཞིང་འཚོ་བའི་ཡོ་བྱད་མཐུན་པ་དང་ལྡན་བར་བཤམས་#ཞེས་པ་ནི་གནས་
[31a.5]པ་དེ་ལ་གནས་ཀྱིས་འདི་དག་བཤམས་ཤིང་#བྱིན་ཅིག་པའོ། །དེ་ལ་ཡོ་བྱད་དང་མཐུན་ཞེས་པ་ནི་རྒྱན་པོ་དང་མཚོན་ཆ་བཤམས་པ་ལྟ་བུ་མ་ཡིན་གྱི་ཆོས་གོས་དང་ལྷུང་བཟེད་ལ་སོགས་པ་དེའི་རྐྱེན་དང་མཐུན་པ་ཤོམས་ཤིག་པའོ། །ལྷན་ཅིག་གནས་པ་དང་ཉེ་གནས་
[31a.6]དང་མཁན་པོ་དང་སློབ་དཔོན་དང་མཁན་པོ་གཅིག་པ་དང་སློབ་དཔོན་གཅིག་པ་དང་ཀུན་#སྨྲ་བ་དང་འདྲིས་པ་དང་འཐད་པ་རྣམས་ཀྱིས་ནད་གཡོག་བྱ་ཞེས་པ་ནི་#འདི་རྣམས་ཀྱིས་བྱོས་ཤིག་པའོ། །དེ་ལ་ཀུན་སྨྲ་ཞེས་པ་ནི་ཚིག་འཇམ་པོ་ལ་སོགས་པས་བཤེས་
[31a.7]པའོ། །ཡང་དག་པར་སྨྲ་ཞེས་པ་ནི་ཡིད་བརྟན་#པའི་ཚིག་སྨྲས་པའོ། །འདྲིས་ཞེས་པ་ནི་གནས་གཅིག་གམ་ལྷན་ཅིག་ཏུ་འགྲོགས་པ་ལ་སོགས་པས་#འདྲིས་པའོ། །འཐད་པ་ཞེས་པ་ནི་མཐོང་བའམ་ཐོས་པ་ཙམ་གྱིས་ཡིན་#དུ་འོང་བའོ། །བྱེད་པ་སྔ་མ་མེད་ན་རིམ་
[31b]
[31b.1]གྱིས་#སོ་ཞེས་པ་ནི་གོང་དུ་སྨོས་པའི་སྔ་མ་རྣམས་མེད་ན་ཕྱི་མས་#ནད་གཡོག་གྱིས་ཤིག་པའོ། །ཀློག་པའི་སློབ་དཔོན་ཡང་འདིར་འདུས་སོ་ཞེས་པ་ནི་གོང་དུ་སྨོས་པའི་ནང་དུ་ཀློག་པའི་སློབ་དཔོན་ཡང་འདུས་པས་ན་དེས་ཀྱང་ནད་གཡོག་གྱིས་ཤིག་པའོ། །དེ་ཅིག་ཅར་མི་
[31b.2]ནུས་ན་གནས་གང་ལ་བཅས་སོ་ཞེས་པ་ནི་བདག་གི་གནས་ལ་སོགས་པ་མང་པོ་ཞིག་ཅིག་ཅར་དུ་ན་ལ་དེ་ཀུན་གྱི་ནད་གཡོག་ལག་གིས་མི་ཁྱབ་ན་བདག་གང་ལ་ཞུ་བ་དེའི་ནད་གཡོག་གྱིས་ཤིག་པའོ། །ཡང་ན་ནད་ཚབས་གང་ཆེ་བའི་ནད་གཡོག་གྱིས་ཤིག་པའོ། །འདིར་
[31b.3]མཚན་མ་བརྩམས་#ན་རབ་ཏུ་འབྱུང་བ་བཞིན་ཞེས་པ་ནི། འགའ་ཞིག་ཏུ་འབྱུང་བའི་མཚན་མ་བརྩམས་#པ་དང་ནད་བླ་བརྙན་#གྱིས་ཐེབས་ན། ཁྱིམ་པ་ཡིན་དུ་ཟིན་གྱིས་ཀྱང་རབ་ཏུ་བྱུང་བ་དང་འདྲ་བས་མཁན་པོ་ལ་སོགས་པ་གོང་དུ་སྨོས་པ་རྣམས་ཀྱིས་ནད་གཡོག་
[31b.4]གྱིས་ཤིག་པའོ། །ཚངས་པ་མཚུངས་པར་སྤྱོད་པ་ནད་པ་གཡེལ་ཅིག་ཅེས་པ་ནི་ནད་པ་ལ་ཚངས་པ་#མཚུངས་པར་སྤྱོད་པ་སྤྱིས་ཀྱང་མ་གཡེལ་ཅིག་པའོ། །མི་གཡེལ་བའི་ཐབས་ཇི་ལྟར་བྱ་ཞེ་ན། དེ་ལ་མེད་ན་ནད་གཡོག་ཆུབ་པར་བསྒོ་ཞེས་པ་དེའི་ནད་གཡོག་
[31b.5]དམིགས་ཀྱིས་བྱེད་པ་མེད་ན་གཅིག་གཉིས་དང་བཅའ་བཅུ་ནས་ཆུབ་ཀྱི་བར་དུ་རིལ་གྱིས་གྱིས་#ཤིག་པའོ། །དགེ་འདུན་གྱི་སྨན་ནད་པ་ཉི་ཚེས་སྤྱད་དུ་རུང་ཞེས་པ་ནི་#ནད་པ་འབའ་ཞིག་གིས་དགེ་འདུན་གྱི་སྨན་སྤྱད་དུ་དབང་བར་སྟོན་པའོ། །དེ་མེད་ན་གཡོག་གིས་བཙལ་ཞེས་པ་ནི་
[31b.6]ནད་པ་ཉིད་དམ་དགེ་འདུན་ལ་སྨན་མེད་ན་ནད་གཡོག་གིས་ཡོན་བདག་དད་པ་རྣམས་འབུལ་དུ་ཆུག་ཅིག་པའོ། །མ་གྲུབ་ན་དགེ་འདུན་གྱིས་སྦྱིན་ཞེས་པ་ནི་གོང་མ་ལྟར་མ་གྲུབ་ན་སྨན་ཟོང་དགེ་འདུན་གྱིས་ཤུགས་ཤིག་པའོ། མེད་ན་སངས་རྒྱས་ཀྱི་སྐུ་ལ་གཏོགས་པ་ཡན་ཆད་
[31b.7]དོ་ཞེས་པ་ནི་སྨན་ནམ་ཟོང་མ་རྙེད་ན། སངས་རྒྱས་ཀྱི་དཀོར་རམ་སྐུའི་རྒྱན་ཡན་ཆད་ཀྱང་ཐོགས་ལ་སྨན་ཟོང་གྱིས་ཤིག་པའོ། །འདི་ཕྱིར་དགེ་འདུན་གྱི་ལས་གདུགས་ཚོད་གཟུགས་པ་དང་སྐོམ་#ལ་སོགས་པ་མཆོད་པ་བྱ་ཞེས་པ་ནི་ནད་པའི་བསོད་ནམས་སུ་དགེ་འདུན་གྱི་
[32a]
[32a.1]དཀོར་ལས་དགེ་འདུན་གྱི་སྐྱེམས་དང་། གདུགས་ཚོད་གཟུགས་པ་ལ་སོགས་པ་མཆོད་པ་གྱིས་ཤིག་པའོ། །མེད་ན་སངས་རྒྱས་ཀྱི་ལས་སོ་ཞེས་པ་ནི་གོང་མ་ལྟར་བྱ། དགེ་འདུན་ལ་ཟོད་མེད་ན་སངས་རྒྱས་ཀྱི་དཀོར་ལས་གྱིས་ཤིག་པའོ། །མ་ཤི་སྟེ་ཡོད་
[32a.2]ན་གཉི་ག་#ལས་ཁྱེར་བ་དེ་བསབ་ཅེས་པ་ནི་དགེ་འདུན་ནས་#སངས་རྒྱས་ཀྱི་དཀོར་སྔ་ཤུགས་སུ་བྱས་པ་ནད་པ་དེས་སོས་ཤིང་བདོག་ན་སླར་སོབས་ཤིག་པའོ། །མི་བདོག་གམ་ཤི་ན་སྤྱད་དུ་ཟད་དོ། །ནང་གཡོག་གི་ལས་སུ་བྱ་བ་སྟོན་པ་ནི། གཡོག་གིས་འདི་གཡོག་མི་བྱ་བ་མ་
[32a.3]ཡིན་ཞེས་པ་ལ་སོགས་པ་ཡིན་ཏེ། དགེ་འདུན་གྱིས་བསྐོས་ཀྱང་རུང་ཉིད་ཀྱིས་བསྙེན་མདོང་དུ་བྱེད་ཀྱང་རུང་སྟེ། ནད་གཡོག་གིས་#གཡོག་གི་བྱ་བ་ཀུན་གྱིས་ཤིག་པའོ། །འདིའི་དོན་དང་ཆོས་ཀྱི་ངག་མི་བཅག་ཅེས་པ་ནི་ནད་པ་དེས་འཚོ་བའི་དོན་#བྱ་བ་དང་ཆོས་ཀྱི་ཡན་ལག་ཏུ་
[32a.4]བྱོས་ཤིག་པ་རྣམས་དེའི་ཚིག་བཞིན་དུ་སྒྲུབས་#ཤིག་པའོ། །ཆགས་པའི་དངོས་པོ་སློང་ན་མི་བཀྱིག་ཅེས་པ་ནི་ཆོས་གོས་དང་ལྷུང་བཟེད་ལ་སོགས་པ་ནད་པ་གང་ལ་#ཆགས་པ་དེ་སློང་ན་མ་བཀྱིག་པར་བྱིན་ཅིག་པའོ། །མི་བསྟན་པར་མ་ཡིན་ཞེས་པ་ནི་ནད་གཡོག་གིས་
[32a.5]ནད་པ་ལ་སྨན་དང་བསོད་ནམས་ཀྱི་ཡོ་བྱད་དུ་བསྟན་ཅིང་ཐོམས་ཤིག་པའོ། །ནད་པས་འདི་མི་མཉན་པ་མ་ཡིན་ཞེས་པ་ནི་ནད་པས་ནད་གཡོག་གི་གདམས་ངག་ཉོན་ཅིག་པའོ། །འདི་འཆི་བར་དོགས་ན་དགེ་འདུན་གྱི་མལ་ཆ་ལས་སྤོས་ཏེ་གང་ཟག་གི་ལ་དེས་གཞག་
[32a.6]ཅེས་པ་ནི་འཆིར་ཆ་ན་འདི་ལྟར་གྱིས་ཤིག་པའོ། །དེ་ཡང་ཐབས་ཇི་ལྟ་བུར་བྱ་ཞེ་ན། བསྐུ་བ་དང་བཀྲུ་བས་བཀུགས་#ཤིང་བསྐྱུད་ཅེས་པ་ཡིན་ཏེ། སྔ་ནས་བསྐུ་བའམ་བཀྲུ་#བ་སྐད་དུ་བྱ་ཞིང་དེས་མ་འཕྲིགས་པར་བསྒྱུད་#ཅིག་པའོ། །འཆི་བར་མངོན་པའི་གདེང་#ཇི་ལྟར་བཅད་ཅེ་ན།
[32a.7]ནན་ཏན་དུ་དེའི་རོད་མཉམ་ཞེས་པ་ཡིན་ཏེ། དེ་འཆི་འམ་མི་འཆི་བའི་རོད་མཚན་ལྟས་ལ་སོགས་པས་ལེགས་པར་རྟོགས་ཤིག་#པའོ། །ཤི་བ་དེས་པགས་#པའི་གོས་དེ་དེས་བཀྲུ་བར་བྱ་ཞེས་པ་ནི་ནད་པ་དེའི་དྲི་མ་ལ་སོགས་པས་གོས་མ་རུངས་པར་བྱས་ན་ནད་གཡོག་གིས་
[32b]
[32b.1]ཁྲུས་ཤིག་པའོ། །སྤྱིའི་གནས་བརྟན་ནི་གནས་ལྟ་བུ་དགེ་འདུན་ཐམས་ཅད་ནི་གནས་ལྟ་བུ་ཡིན་པས་ན་གནས་བརྟན་གྱིས་བྱ་བ་སྟོན་པ་ནི་དགེ་འདུན་འདུ་བའི་#དང་པོར་དེའི་གནས་བརྟན་འགྲོ་པར་བྱ་ཞེས་པ་ཡིན་ཏེ། དགེ་འདུན་འདུ་བའི་ཚེ་གནས་བརྟན་དང་པོར་འོང་ཞིང་དེས་ཟུང་
[32b.2]ཤིག་པའོ། །འདོང་བན་འཕྱི་བ་བསྡད་#ཅེས་པ་ནི་དགེ་འདུན་གུང་དུ་འདོང་ན་དགེ་སློང་གང་འཕྱི་#བ་འོངས་ཀྱི་བར་དུ་གནས་བརྟན་སྡོད་ཅིག་པའོ། །དེ་དག་གིས་ཀྱང་འདིའི་#ཞེས་པ་ནི་གནས་བརྟན་འཕྱི་#ན་དེ་དག་གིས་ཀྱང་སྡོད་ཅིག་པའོ། །མ་བྱུང་ན་མི་རིང་བར་དོང་སྟེའོ་ཞེས་པ་ནི་
[32b.3]བསྡད་ཀྱང་གནས་བརྟན་གནས་ནས་མ་བྱུང་ན་ཅུང་ཟད་སྤོགས་ཏེ་སྡོད་ཅིག་པའོ། །གྲོང་དྲུང་དུ་ཡང་ངོ་#ཞེས་པ་ནི། གནས་བརྟན་མ་འོངས་ན་གྲོང་#དྲུང་དུ་ཡང་སྡོད་ཅིག་པའོ། །ཕྱི་བཞིན་འོང་ན་དེར་འཇུག་ཁར་ཡང་ངོ་ཞེས་པ་ནི། གྲོང་གི་ནང་དུ་འདོང་ཀར་གནས་བརྟན་འོང་བ་མཐོང་
[32b.4]ན་ཡང་སྡོད་ཅིག་པའོ། །སྤྱན་འདྲེན་#པ་ལྟ་ན་དེ་ལ་གནས་བརྟན་མ་ཕྱིན་གྱི་བར་དུ་ཅུང་ཟད་སྡོད་ཅིག་ཅེས་བྱ་ཞེས་པ་ནི་ཡོན་བདག་ན་རེ་ད་ཇི་གཞེས་ནང་དུ་གཤེགས་པར་གསོལ་ཞེས་ཟེར་ན་འདི་སྐད་གྱིས་ཤིག་པའོ། །ཟས་ཀྱི་ཕྱིར་དོང་ལ་དུས་ཡོད་ན་ལག་ཆུ་གཏོང་བ་ན་ཡང་ངོ་
[32b.5]ཞེས་པ་ནི། ལག་ཆུ་གཏོང་ཁར་ཡང་བཤོལ་ཏེ་#བསྡད་པའོ། །མེད་ན་དེར་དེའི་སྟན་གཞག་ཅིང་བཀད་ཅེས་པ་ནི་གདུགས་ཚོད་ལ་བབ་ཀྱི་བར་དུ་བསྡད་ཀྱང་དེ་མ་འོངས་ཏེ་དུས་མེད་ན་དེའི་སྟན་ཞོག་ལ་བཀོད་ཅིག་པའོ། །ད་ནི་བསྡད་པའི་ཆོ་ག་ཟིན་ནས་གནས་བརྟན་གྱིས་ལས་སུ་
[32b.6]བྱ་བ་སྟོན་པ་ནི། ཕ་རོལ་དང་འཁོད་པ་ན་བརྟག་ཅེས་པ་ལ་སོགས་པ་ཡིན་ཏེ། ཕྱི་རོལ་ན་ཡང་རུང་བཀད་པ་#ན་ཡང་རུང་སྟེ། གནས་བརྟན་གྱིས་འཁོར་རྣམས་ལ་ཉེས་སྐྱོན་ཅི་ཡོད་པ་རྟོགས་ཤིག་པའོ། །བགོ་ཉེས་པ་དང་ཤམ་ཐབས་ཉེས་པ་འདི་གཉིས་མཛེས་པའི་ཕྱིར་དེ་ལ་
[32b.7]བརྡ་#བྱ་ཞེས་པ་ནི་གོས་ལོང་ཉེས་ན་གོས་ཚགས་བཅོས་པའི་ཕྱིར་དེ་ལ་གནས་བརྟན་བརྡ་གྱིས་ཤིག། མ་གོ་ན་རྒན་པོ་ལ་ཞེས་པ་ནི་བརྡ་བྱས་པ་མཐོང་ངམ་མ་གོ་ན་དེའི་ཐད་ན་འདུག་པས་ཆོས་ཤིག་པར་བརྡ་བྱ། མ་གྲུབ་ན་ཉིད་ཀྱི་#ཞེས་པ་ནི་གནས་བརྟན་འདུག་པ་ལ་བརྡ་བྱས་ཀྱང་
[33a]
[33a.1]མ་གྲུབ་ན་གནས་བརྟན་ཉིད་ཀྱིས་བོད་པ་ལ་སོགས་པས་ཆོས་ཤིག་པའོ། །གསར་བུ་དེ་དག་ལ་གཏམ་མི་བྱ་ཞེས་པ་ནི་དེ་དག་ཤེད་སྐྱེ་བའི་ཕྱིར་གནས་བརྟན་གྱིས་འདི་དག་ལ་བྲེ་མོའི་#གཏམ་མ་ཟེར་ཅིག་པའོ། །གཙུག་ལག་ཁང་ངམ་དགོན་པ་དག་ན་
[33a.2]གནས་པ་དེ་དག་ལ་དེའི་ཚུལ་འཛིན་དུ་གཟུད་ཅེས་པ་ནི་གཙུག་ལག་ཁང་ངམ་དགོན་པ་དག་#ན་གནས་པ་དེ་དག་སོ་སོའི་ཚུལ་བསླབ་ཅིང་བྱེད་དུ་གཞུག་ཅིག་པའོ། །འོངས་པས་བརྟགས་ཏེ་མལ་སྟན་གྱི་ཕྱིར་གཞི་མ་རྣམས་ལ་བསྐུལ་ཞེས་པ་ནི་གུད་ནས་ལྷགས་
[33a.3]པའི་གནས་བརྟན་གྱིས་བདག་གི་འཁོར་དུ་ཡོད་པ་བརྩིས་ཏེ་གཞི་པ་རྣམས་ལ་སྟན་བྱིན་ཅིག་པར་བསྟན་པའོ། །འདོད་པས་ཕྱོགས་དང་འདྲོན་པོ་དང་གནས་དང་མལ་ཆ་དང་ནད་པ་མི་འདོར་#ཞིང་སྒྲོགས་པ་རྣམས་ཐག་བཅད་ལ་འཇུག་ཅེས་པ་ནི་གུད་དུ་འདོང་བའི་
[33a.4]གནས་བརྟན་གྱིས་འདི་དག་སྔ་ནས་ཐག་བཅད་ཅིང་ཤེས་པར་གྱིས་ལ་དེང་ཤིག་པའོ། །མི་རིང་བར་འཕགས་ནས་སུའི་གང་ཅིའང་མ་བརྗེད་#དམ་ཞེས་མཇུག་ཏུ་བསྐུལ་ཞེས་པ་ནི་གུད་དུ་འདོང་#བའི་ཚེ་ཕ་ཟད་#དུ་འཕགས་པ་དང་། གནས་བརྟན་གྱིས་བརྗེད་ཅིང་ལུས་པ་མེད་གྲང་
[33a.5]ཞེས་བསྐུལ་ཅིག་པའོ། །གསར་#བུ་རྣམས་མི་གཡེང་མི་འགྱིང་བར་དགོད་ཅེས་པ་ནི་གུད་དུ་འདོད་པའི་གནས་བརྟན་གྱིས་འདི་ལྟར་སློབས་ཤིག་པའོ། །ཁྱིམ་དུ་ལྷགས་ན་ཐམས་ཅད་ཀྱིས་ཐམས་ཅད་ལའོ་ཞེས་པ་ནི། ཁྱིམ་པའི་ཁྱིམ་དུ་ལྷགས་ཐམས་ཅད་གཅིག་གིས་
[33a.6]གཅིག་གོས་ཚགས་ཆོས་ཤིག་པའོ། །ཀུན་ཤེས་པར་བྱ་ཞེས་པ་ནི་གནས་བརྟན་གྱིས་རང་གི་འཁོར་རྣམས་ཀྱི་མིང་རུས་ཤེས་པར་གྱིས་ཤིག་པའོ། །སྤྱོད་པ་དང་སྤྱོད་པ་གདམས་#པ་དང་། བརྟན་པ་ལ་སོགས་པ་དང་། ཟས་ཀྱི་རྙེད་པ་དང་། ནད་གསོས་ལ་སོགས་པ་
[33a.7]བཤམས་ཤིང་བསྒྲུབས་པས་ཕན་གདགས་ཞེས་པ་ནི། གནས་བརྟན་གྱིས་བསོད་སྙོམས་ལ་སོགས་པའི་སྤྱད་པ་དང་། འགྲོ་བ་ལ་སོགས་པའི་སྤྱོད་ལམ་བསླབ་པ་དང་། ལུང་འབོགས་པ་ལ་སོགས་པ་དང་། ཟས་དང་ནད་གསོས་ལ་སོགས་པ་བཙལ་ཞིང་བྱིན་
[33b]
[33b.1]ཅིག་པའོ། །དབྱར་ཚུལ་དུ་ཞུགས་པས་གཙུག་ལག་ཁང་མ་བཅོས་པ་རྣམས་བསྐུལ་ཞིང་འཆོས་སུ་གཞུག་ཅེས་པ་ནི་ཚུལ་དུ་ཞུགས་པའི་གནས་བརྟན་གྱིས་གསར་བུ་གཙུག་ལག་ཁང་གི་བཅོས་ལེགས་མི་བྱེད་པ་རྣམས་བསྐུལ་ཞིང་འཆོས་སུ་ཆུག་ཤིག་པའོ། །འཆོས་
[33b.2]པ་དག་ལ་སྤྲོ་བར་བྱ་ཞེས་པ་ནི་མ་བསྐུལ་བར་འཆོས་པ་རྣམས་ལ་གཟེངས་སྟོད་#ཅིག་པའོ། །ཐམས་ཅད་ཀྱིས་འཁོར་དུ་གཏོགས་པ་གཏམ་འདོད་པ་རྣམས་ཐུན་བའི་ཆོས་བསྟབས་པས་བསྡུ་ཞེས་པ་ནི་ཚུལ་དུ་ཞུགས་པའི་གནས་བརྟན་ཉི་ཚེ་མ་ཡིན་གྱི་གནས་
[33b.3]བརྟན་ནོ་ཅོག་གིས་ཉིད་ཀྱི་འཁོར་དུ་གཏོགས་པའི་གསར་བུ་རྣམས་ཆོས་དང་འདུལ་བ་ལ་#སོགས་པ་གང་གིས་གཏམ་འདོད་པ་དང་མཐུན་པར་གཏམ་གྱིས་ཤིག་པའོ། །ཁ་རོག་པར་དགའ་བ་སོན་གཞག་ཅེས་པ་ནི་ཆོས་ཀྱི་གཏམ་མི་འདོད་ཅིང་འཕགས་པའི་མི་སྨྲ་བས་ཁ་
[33b.4]རོག་པར་དགའ་ན་དེ་ཇི་དགའ་བར་གྱིས་ཤིག་པའོ། །ཁྱིམ་པ་འོངས་པ་དག་ལ་ཟས་སྦྱིན་ཞེས་པ་ནི། ཁྱིམ་པ་ལྷ་ཁང་#དུ་འཁོར་ཞིང་འོང་པ་ནི་གནས་བརྟན་གྱིས་དགེ་འདུན་ལ་ཟས་སྦྱིན་པ་བསྐུལ་ཅིག་པའོ། །མི་བྱེད་དམ་མི་འདོད་ན་འདི་དག་ལ་ཆོས་ཀྱི་གཏམ་བྱ་ཞིང་བདག་
[33b.5]ཅག་ལ་བདོག་པ་འདིའོ་ཞེས་བསྙད་ཅེས་པ་ནི་དགེ་འདུན་ཟས་མི་སྟེར་ཏམ། དེ་དག་དགེ་འདུན་གྱི་ཟས་མི་འདོད་ན་ཆོས་ཀྱི་གཏམ་བྱས་ནས་ངེད་ཅག་ལ་ཟང་ཟིང་ནི་མེད་ཀྱི་ཆོས་ཀྱི་སྦྱིན་པ་འདི་བདོག་གོ་ཞེས་གནས་བརྟན་གྱིས་དེ་དག་གི་ཡིད་ཞོས་ཤིག་པའོ། །དེ་དང་
[33b.6]ལྡན་པ་རྣམས་ཀྱིས་འཁོར་བརྟག་ཅེས་པ་ནི་གནས་བརྟན་གཅིག་པོར་མ་ཟད་དེ། སློབ་མ་དང་ཉེ་གནས་གྱི་འཁོར་བདོག་གོ་ཅོག་#གིས་རང་རང་གི་འཁོར་དགེ་བ་ཅི་སྤྱོད་པ་ལ་སོགས་པ་#རྟོགས་ཤིག་པའོ། །དེ་ལྟར་བརྟགས་ནས་ཁ་ཅིག་མི་བརྩོན་ཞིང་དོན་མེད་པར་སྤྱོད་
[33b.7]ན་ཇི་ལྟར་བྱ་ཞེ་ན། ཕྱ་བདལ་པ་ཆར་བཅད་ཅེས་པ་ཡིན་ནོ། །འདི་ཇི་ལྟ་བ་བཞིན་དུ་དེར་འགྲོ་བ་ལ་སོགས་པའོ་ཞེས་པ་ནི། རང་གི་འཁོར་དེ་དག་ཉུལ་ཞིང་འགྲོ་བ་ཡང་དེ་དག་གི་#རྐྱེན་དང་སྦྱར་ཞིང་ཚེགས་མི་འབྱུང་བར་གྱིས་ཤིག་པའོ། །ཐོད་རྒལ་དང་གྱ་ཚོམ་གྱི་
[34a]
[34a.1]གཏམ་མི་བྱ་ཞེས་པ་ནི། མགོ་མཇུག་#ཐད་དགུའི་གཏམ་དང་། ཆོས་དང་འདུལ་བ་འདི་དག་ལས་གཞན་བའི་བསྲུང་གཏམ་དང་བྲེ་མོའི་#གཏམ་འཁོར་རྣམས་ཟེར་ཅིག་པའོ། །གནས་དང་གནས་བརྟན་ལྟ་བུའི་ཚུལ་བཞིན་བས་ན་ཞར་ལ་འདི་དག་
[34a.2]སྟོན་པ་ནི་འབྲང་བའི་དགེ་ཚུདུན་དུ་མི་འགྲོ་ཞེས་པ་ལ་སོགས་པ་ཡིན་ཏེ། ཕྱི་བཞིན་དུ་འབྲང་བ་མདུན་དུ་མ་འགྲོ་ཤིག་པའོ། །མི་འདུག་ཅེས་པ་ནི་དེའི་མདུན་བཅད་ལ་འགྲེང་#བའམ་འདུག་པ་མ་བྱེད་ཅིག་པའོ། །སྨྲས་པའི་ལན་དང་བསྒྲུབ་པའོ་ཞེས་པ་ནི། སྔོན་#དུ་
[34a.3]འགྲོ་བས་སྨྲས་པའི་ལན་འབྲང་བས་ཐོབ་ཤིག་པའམ། དེས་བསྒོ་བ་ཉམས་སུ་ལོང་ཤིག་པའོ། །ཡང་ན་དེས་མ་སྨྲས་ཀྱི་#བར་དུ་མ་སྨྲ་ཤིག་པའོ། །གཏམ་གྱི་བར་དུ་མི་གཅེན་པར་བྱ་ཞེས་པ་ནི་མདུན་དུ་འགྲོ་བ་གཞན་དང་གཏམ་ཟེར་བའི་བར་དུ་གློ་ཐོར་རམ་གཅེན་#པ་མ་བྱེད་
[34a.4]ཅིག་པའོ། །ཆོས་མ་ཡིན་བར་སྨྲར་ཅན་དགག་ཅེས་པ་ནི་མདུན་དུ་འགྲོ་བ་དེ་ཆོས་ཀྱི་གཏམ་ཟེར་བའི་ཚེ་ཆོས་དང་འགལ་བའི་གཏམ་གླེང་བར་གྱུར་ན་དེ་ལྟ་མ་ཡིན་ཞེས་ཁ་བཟུང་ཞིང་དགག་པར་གྱིས་ཤིག་པའོ། །ཆོས་ཤིག་དང་རྗེས་སུ་ཡི་རང་བར་བྱ་ཞེས་པ་ནི་དེ་
[34a.5]ཆོས་བཞིན་#སྨྲ་ན་དགེའོ་ཞེས་བསྟོད་ཅིག་པའོ། །ཆོས་ཀྱི་རྙེད་པ་སྐྱེས་ནས་བསྐུར་ཞེས་པ་ནི་ཆོས་བཤད་པ་ལ་སོགས་པས་རྙེད་པ་ཡོད་ན་ཕྱི་བཞིན་དུ་འབྲང་བས་ཁྱེར་ཅིག་པའོ། །ཕྱི་བཞིན་དུ་འབྲང་བས་བྱ་བ་བསྟན་ཟིན་ནས། ཕྲན་ཚེགས་ལ་སོགས་པ་ལས་རབ་
[34a.6]ཏུ་འབྱུང་བའི་དངོས་པོ་སྟོན་པའི་ཞར་ལ་སྨོས་པ་རྣམས་སྟོན་པའི་ཁྱིམ་དུ་མི་གཡེང་བ་དང་། མི་འགྱིང་བ་#དང་མི་གནས་པར་རོ་ཞེས་པ་ལ་སོགས་པ་ཡིན་ཏེ། ཁྱིམ་པའི་ཁྱིམ་དུ་འགྲོ་ན་གཡེང་བ་མེད་པ་དང་འགྱིང་པ་མེད་པ་དང་ཡུན་རིང་དུ་མི་གནས་པར་གྱིས་ཤིག་པའོ། །
[34a.7]མིག་མི་གཡེང་ཞེས་པ་ནི་བུད་མེད་ལ་སོགས་པ་ལ་མིག་རྩམ་རྒོད་ཅིག་པའོ། །ཁྱིམ་བདག་ལ་ཆོས་ཀྱི་གཏམ་#བྱ་ཞེས་པ་ནི་དེ་དག་ལ་འཇིག་རྟེན་གྱི་གཏམ་གྱིས་མ་ཡིན་གྱི་ཆོས་ཀྱི་གཏམ་ཤ་སྟག་གྱིས་ཤིག་པའོ། །ཆོས་ཀྱི་གཏམ་དེ་འང་གང་ཡིན་ཞེ་ན། དེ་དག་སྦྱིན་པ་དང་།
[34b]
[34b.1]དུལ་བ་དང་། བསྡམ་པ་དང་། ཚངས་པར་སྤྱོད་པའི་གནས་དང་གསོ་སྦྱིན་དང་། སྐྱབས་སུ་འགྲོ་བ་དང་། བསླབ་#ཚིགས་ནོད་དུ་གཞུག་ཅེས་པ་ཡིན་ཏེ། དེ་ལ་སྦྱིན་པ་ནི་གཏོང་པའོ། །དུལ་བ་ནི་དབང་པོ་དབང་དུ་བྱ་བའོ། །བསྡམ་པ་ནི་ལུས་དང་ངག་བསྡམ་པའོ། །
[34b.2]ཚངས་པར་སྤྱོད་པའི་གནས་ནི་རབ་ཏུ་འབྱུང་བའི་ཚུལ་དང་། ཁྱིམ་པ་ཞིག་ན་ནམ་འཚོའི་བར་དུ་བསྙེན་གནས་ཀྱི་ཚུལ་གཏོང་དུ་གཞུག་པའོ། །གསོ་སྦྱིན་ཞེས་པ་ནི་ཉིན་ཞག་གཅིག་གི་བར་དུ་བསླབ་ཚིག་བརྒྱད་འབོགས་#པའོ། །སྐྱབས་སུ་འགྲོ་བ་ནི་དཀོན་མཆོག་
[34b.3]གསུམ་ལའོ། །བསླབ་ཚིག་མནོད་པ་ནི་བསླབ་ཚིག་ལྔའོ། །སྤྱོད་དགུ་ལ་ལྟུང་བའི་སྒོར་འགྱུར་བ་དྲན་པར་བྱ་ཞེས་པ་ནི་ཁྱིམ་དུ་འགྲོ་བ་དང་། བསོད་སྙོམས་བླང་བ་དང་། འཇུག་པ་དང་། ལྷུང་བཟེད་ལ་སོགས་པ་རྩོམ་ཞིང་སྤྱོད་དགུ་ལ་དྲན་པ་སྔོན་དུ་འགྲོ་བར་གྱིས་
[34b.4]ཤིག་པའོ། །བལྟམས་པ་འཁོར་བས་མི་ཉན་པ་མ་ཡིན་ཞེས་པ་ནི་#གང་ཟག་སུ་ལ་འཁོར་བ་དེས་བལྟམས་ཤིང་ཉན་པ་གཏོད་ཅིག་པའོ། །འོངས་པ་ལ་ཚུར་ལེགས་པར་བྱོན་ཏམ་པ་དང་། དགའ་བའི་བརྗོད་པ་སྔོན་#ཚོགས་སུ་བྱ་ཞེས་པ་ནི་ཁྱིམ་པའམ་རབ་ཏུ་བྱུང་བ།
[34b.5]གང་ཡང་རུང་གུད་ནས་འོངས་པ་ལ་འདི་སྐད་དུ། དགའ་དགའ་གཤའ་གཤའ་སྐད་དུ་གྱིས་ཤིག་པའོ། །ངོམ་ཟུམ་གསལ་ཞིང་བཞིན་མདོག་གཙང་སྟེ#། འཛུམ་པ་སྔོན་དུ་འགྲོ་བའོ་ཞེས་པ་ནི་གུད་ནས་འོངས་པ་ལ་འདི་ལྟར་གྱིས་ཤིག་པའོ། །ཁྱིམ་མ་#ཞིག་ན་དེ་ལ་
[34b.6]ཆོས་ཀྱི་གཏམ་བྱ་ཞེས་པ་ནི་ཀུན་ནས་འོངས་པ་ཁྱིམ་པ་ཞིག་ན་དེ་ལ་#ཆོས་ཀྱི་གཏམ་གྱིས་ཤིག་པའོ། །འདིར་མི་འོད་ན་#གྲོང་ན་བས་མགུ་བ་ཅི་ནུས་ཀྱིས་བྱ་ཞེས་པ་ནི། ཁྱིམ་པ་གཙུག་ལག་ཁང་དུ་མི་འཁོར་ན་གཙུག་ལག་ཁང་དུ་འཁོད་པ་རྣམས་ཀྱིས་#བསྲི་ཞིང་མགུ་བར་
[34b.7]བྱ་བ་ཅི་ནུས་སུ་གྱིས་ཤིག་པའོ། །ཆུ་དང་སྟན་བདོག་ཅེས་པ་ནི་གྲོང་ངམ་དགོན་བདག་ན་འཁོད་ཀྱང་རུང་སྟེ། ཁྱིམ་པ་ལ་སོགས་པ་འོང་བའི་སྟ་གོན་#འདི་དག་གྱིས་ཤིག་པའོ། །ཕྱག་པ་དང་སྟན་གདིང་བ་དང་། ཆུ་གཞག་པ་དང་། འདྲི་མ་པ་དང་ཟས་སྦྱིན་པ་རྣམས་གསར་
[35a]
[35a.1]བུས་བྱ་ཞེས་པ་ནི་མིང་གིས་སྨོས་པའི་ལས་འདི་དག་གཞོན་རབས་ཀྱིས་གྱིས་ཤིག་པའོ། །འཁོར་འགལ་བར་བྱེད་པ་དང་དུ་བླང་ཞེས་པ་ནི་རྩེ་#རྒོད་ལ་སོགས་པ་གཙུག་ལག་ཁང་གི་མི་ལོག་པའི་ལྷ་བརྗེད་པ་ལ་སོགས་འགལ་བར་བྱེད་ན་ཁྱད་དུ་སོད་ཅིག་པའོ། །
[35a.2]གལ་ཏེ་བདག་དང་ཕ་རོལ་ལ་མི་གནོད་ནའོ་ཞེས་པ་ནི་གོང་མ་ལྟར་དང་དུ་བླང་བའང་བདག་དང་ཕ་རོལ་ལ་གནོད་པར་མི་འགྱུར་ན་གདོད་དང་དུ་ལོང་ཤིག་པའོ། །ནུས་ན་དེའི་ཕྱིར་འདི་གཅད་#ཅིང་ཆོས་སུ་བསྒྱུར་བ་དང་བགོ་བར་བྱ་ཞེས་པ་ནི་བདག་དང་ཕ་རོལ་གཉི་ག་#ལ་གནོད་པ་བྱེད་དུ་མི་གཞུག་
[35a.3]པར་ཡང་ནུས་ན་དེ་ལ་#མི་བྱེད་བར་བསལ་#ཞིང་བྱང་ཆུབ་སེམས་དཔའ་ལོ་ལྔ་པ་ལ་སོགས་པའི་མཆོད་པ་བྱེད་དུ་གཞུག་པའོ། །དེས་ལན་ཏེ་ན་#ཞིང་འབྱེར་ན་འཁོར་དེ་དག་བསྲི་བར་#བྱ་ཞེས་པ་ནི་གོང་མ་ལྟར་བྱ་སྟེ། འདི་ལྟར་གྱུར་པ་དེ་དག་གི་ཡིད་བཞོ་ཞིང་བསྲི་ཤིག་པའོ། །མི་ནུས་ན་གུད་དུ་འདོང་#
[35a.4]ཞེས་པ་ནི་གོང་མ་ལྟར་བྱེད་དུ་མི་གཞུག་ཀྱང་མི་ནུས་ལ་བདག་དང་ཕ་རོལ་གཉི་གའང་འཕུང་བ་ཙམ་གྱི་ཚོད་ན་བདག་གུད་དུ་སོང་ཤིག་པའོ། །དེའི་རྐྱེན་གྱིས་རྩོད་པ་མི་བརྗོད་ཅེས་པ་ནི་དེ་དག་དང་འཐབ་པར་མི་བྱའི་བདག་གུད་དུ་སོང་ཤིག་པའོ། །དགེ་འདུན་གྱི་གཙུག་ལག་ཁང་དུ་འཁོད་པ་
[35a.5]དེ་དག་རྐུ་བ་ལ་སོགས་པའི་ཉེས་པ་སྤྱོད་པ་ཇི་ལྟར་#བྱ་ཞེ་ན། དགེ་སློང་གི་ཀུན་དགར་#ཉེས་ན་ཁོ་ན་ཉིད་ཀྱིས་ཁྱེར་བ་ཇི་ནས་ཀྱང་ཟིན་པར་བྱ་ཞེས་པ་ཡིན་ཏེ་རྐུ་བ་དེ་ཉིད་ཀྱི་ལག་ནས་ཟིན་པར་གྱུར་པ་དེ་ལྟ་བུའི་ཐབས་སུ་སྦྱོར་ཅིག་པའོ། །ལག་ནས་མ་ཟིན་པ་ཇི་ལྟར་ཞེ་ན། མ་ནུས་ན་#སུ་
[35a.6]ལའང་བྱུང་རྒྱལ་དུ་མི་བསྙད་པར་གཞོན་ནུ་དང་གྲོགས་པོ་དང་བློན་པོ་དང་དྲན་མ་དང་རྒྱལ་བུ་དང་ཞ་#འབྲིང་བ་རྣམས་ལ་སྦྲན་ཏེ་འཁོར་དག་པར་སྨ་དབབ་ཅེས་པ་ཡིན་ཏེ། འདི་རྣམས་ལ་སྐད་སྦྱར་ཅིང་གཟུ་རས་སུ་གཅོད་པའི་མདུན་དུ་སྨ་ཕོབ་ཤིག་པའོ། །དགེ་སློང་གི་རབ་ཏུ་#འབྱུང་
[35a.7]བར་གཏོགས་པ་བསྟན་#ནས་དགེ་སློང་མའི་རབ་ཏུ་འབྱུང་བར་གཏོགས་པ་བསྟན་པ་#ནི་དགེ་སློང་གི་གནས་སུ་དགེ་སློང་མའོ་ཞེས་པ་ལ་སོགས་པ་ཡིན་ཏེ། ཕལ་ཆེར་ནི་དགེ་སློང་གི་རབ་ཏུ་འབྱུང་བ་དང་། བསྙེན་པར་རྫོགས་པ་བཞིན་ཏེ་དེ་ལ་མི་འདྲ་བ་ནི་དགེ་སློང་འགའ་ཞིག་ལ་
[35b]
[35b.1]བརྟེན་ཏེ་ཞེས་པའི་སྐབས་སུ་དགེ་སློང་མ་འགའ་ཞིག་ལ་བརྟེན་ཏེ་ཞེས་བྱ་བ་དང་། ཉིད་ཀྱིས་དགེ་བསྙེན་དུ་བྱས་ལ་དགེ་འདུན་ལ་ཞུ་བའི་དགེ་སློང་ལ་གཏད་ཅེས་པའི་སྐབས་སུ་དགེ་འདུན་ལ་ཞུ་བའི་དགེ་སློང་མ་ལ་གཏད་ཅེས་བྱ་བ་ལྟ་བུ་ལ་སོགས་པ་དགེ་སློང་གི་གནས་སུ་དགེ་སློང་
[35b.2]མར་བསྒྱུར་ཅིག་པའོ། །དགེ་སློང་གི་གནས་སོ་ཅོག་ཏུ་དགེ་སློང་མར་མ་#བསྣོར་རམ་ཞེ་ན། རབ་ཏུ་འབྱུང་བ་ཐམས་ཅད་ལའོ་ཞེས་པ་ཡིན་ཏེ། རབ་ཏུ་འབྱུང་བའི་ཚེ་དགེ་སློང་ཞེས་འབྱུང་ངོ་ཅོག་གི་སྐབས་སུ་དགེ་སློང་མར་བསྣོར་ཅིག་པའོ། །བསྙེན་པར་རྫོགས་པའི་ཚེའང་དེ་#འམ་
[35b.3]ཞེ་ན། བསྙེན་པར་རྫོགས་པ་ན་དེ་གསོལ་བ་ལ་སོགས་པ་ལས་བྱེད་པ་ལས་གཞན་པའོ་ཞེས་པ་ཡིན་ཏེ། བསྙེན་པར་རྫོགས་པ་ལ་སོགས་པ་ལས་བྱེད་པ་མ་གཏོགས་པ་གཞན་ཐམས་ཅད་དགེ་སློང་ཕའི་#གནས་སུ་དགེ་སློང་མར་བསྣོར་ཅིག་པའོ། །འདིར་དགེ་འདུན་ཀླག་གོ་ཞེས་པ་
[35b.4]ནི་དགེ་སློང་མ་བསྙེན་པར་རྫོགས་པའི་ཚེ་དགེ་སློང་གི་དགེ་འདུན་གྱིས་བསྣན་#ཅིང་ཀླག་པའོ། །བར་ཆད་བསྙད་པ་དགེ་སློང་མའི་སྐད་ལོང་གིས་སོ་ཞེས་པ་ནི། བར་ཆད་དྲི་བའི་ཚེ་དགེ་སློང་མ་སྐད་ལེན་པ་གཅིག་བར་དུ་ཞོག་ལ་དྲིས་ཤིག་པའོ། །བུད་མེད་ཀྱི་ཚིག་#གཞན་ནི་དགེ་སློབ་#
[35b.5]མ་ཞེས་བྱ་ཞེས་པ་ནི་སྐྱེས་པ་དང་མི་འདྲ་བར་བུད་མེད་ཀྱི་ཚིག་#གཅིག་ཡོད་པ་ནི་དགེ་སློབ་#མ་ཡིན་པར་སྟོན་པའོ། །འདི་ཡང་རྟེན་ཏེའོ་ཞེས་པ་ནི་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་མ་འགའ་ཁན་པོར་བརྟེན་དགོས་པ་བཞིན་དུ་དགེ་སློབ་མ་#འདི་ཡང་དགེ་སློང་
[35b.6]མ་འགའ་ཁན་པོར་བརྟེན་དགོས་པའོ། །དགེ་སློབ་#མར་བྱ་བ་གང་གི་སྐབས་སུ་བྱ་བ་དང་ཡུན་ཇི་སྲིད་ཀྱི་བར་དུ་སྤྱད་པ་སྟོན་པ་ནི་དགེ་ཚུལ་དང་དགེ་སློང་མའི་བར་དུ་སྤྱད་པའི་དུས་ནི་ལོ་གཉིས་སོ་ཞེས་སོ་ཞེས་པ་ཡིན་ཏེ། དགེ་ཚུལ་དང་དགེ་སློང་མའི་བར་དུ་དགེ་སློབ་མར་བྱ་
[35b.7]པ་དང་། དགེ་སློབ་མའི་བསླབ་པ་ལོ་གཉིས་ཀྱི་བར་དུ་སྲུངས་ཤིག་པའོ། །དེ་ལ་ལོ་གཉིས་ཞེས་པ་ནི་ལོ་གཉིས་ཀྱི་བར་དུ་མི་རུང་བའི་ཚིགས་ཡིན་གྱི་ལོ་གཉིས་ལས་ལྷག་པར་མི་སྤྱད་པ་ནི་མ་ཡིན་ནོ། །དགེ་སློང་མར་བྱས་པའི་དུས་གསལ་བར་སྟོན་བ་ནི་བསྙེན་པར་རྫོགས་པའི་
[36a]
[36a.1]དུས་ཀྱིས་#ནི་དང་པོ་དེས་ནི་ཉུང་བ་སྐྱེ་བའི་དང་པོའོ་ཞེས་པ་ཡིན་ཏེ། བག་མ་བྱས་པ་བསྙེན་པར་རྫོགས་པའི་དང་པོ་ནི་#ལོ་བཅུ་གཉིས་ལོན་པ་ཡིན་གཙང་མ་བསྙེན་པར་རྫོགས་པའི་དང་པོ་ནི་ལོ་ཉི་ཤུ་ལོན་པ་ཡིན་དེས་ཉུང་བ་ནི་བག་མ་མྱོང་བ་ལོ་གཉིས་ཀྱིས་ཉུང་བ་སྟེ།
[36a.2]ལོ་བཅུ་དང་གཙང་མ་ལོ་གཉིས་ཀྱིས་#ཉུང་བ་ལོ་བཅོ་བརྒྱད་པ་ཡིན་ཏེ། དེ་ལྟར་ལོ་བཅུ་དང་ལོ་བཅོ་བརྒྱད་ནས་དགེ་སློང་#མའི་སྡོམ་པ་ཕོག་ནས་#སྡོམ་པ་སྐྱེ་པའི་དང་པོ་ཡིན་པར་སྟོན་པའོ། །དེ་ལ་བག་མ་བྱས་པའི་ལོ་ཚིགས་སྟེན་པ་ནི། བག་མ་བྱས་ལ་ལོ་བཅུ་གཉིས་#ལོན་པ་ནི་བསྙེན་
[36a.3]པར་རྫོགས་པའི་དང་པོའོ་ཞེས་པ་ཡིན་ནོ། །དགེ་སློང་མའི་#སྡོམ་པ་དེ་ཅིས་འགྲུབ་ཅེ་ན། བྱིན་ནས་སྐྱེ་བོ་ཞེས་པ་#ཡིན་ཏེ། དགེ་སློང་མའི་དགེ་འདུན་གྱིས་ཆོས་དྲུག་དང་རྗེས་སུ་མཐུན་པའི་ཆོས་དྲུག་གསལ་#བ་དང་གཉིས་ཀྱིས་སྦྱིན་ན་གདོད་སྐྱེ་བར་སྟོན་པའོ། །དགེ་སློང་#མའི་དགེ་
[36a.4]འདུན་གྱིས་སོ་ཞེས་པ་ནི་སྡོམ་པ་དེའང་དགེ་སློང་མའི་དགེ་འདུན་གྱིས་སྦྱིན་གྱི་#གཞན་གྱིས་མ་ཡིན་པའོ། །དེ་ཡང་ཇི་ལྟར་སྦྱིན་ཞེ་ན། བསླབ་པའི་སྡོམ་པ་ཞེས་སྦྱིན་ཞེས་པ་ཡིན་ཏེ། དགེ་སློང་མའི་སྡོམ་པ་ཞེས་པ་#འམ། དགེ་སློང་མའི་སྡོམ་པ་ཞེས་མི་བྱའི། དགེ་སློང་མར་སློབ་པ་སྡོམ་པ་ཡིན་
[36a.5]པས་ན་བསླབ་པའི་སྡོམ་པ་ཞེས་སྙད་བཏགས་ལ་བྱིན་ཅིག་པའོ། །དེའི་འོག་ཏུ་བསླབ་པ་བརྗོད་ཅེས་པ་ནི་སྡོམ་པ་ཕོག་ཟིན་པའི་འོག་ཏུ་ལས་བྱེད་པའི་དགེ་སློང་མས་དེའི་བསླབ་པ། གཅིག་པུ་#ལམ་དུ་མི་འགྲོ་དང་། །ཆུ་ཀླུང་ཕ་རོལ་བརྒལ་མི་བྱ། །སྐྱེས་པ་མི་རེག་གནས་པ་དང་། །ལྟུང་བ་
[36a.6]མི་བཅབ་སྨྱན་མི་བྱ། །ཞེས་པའི་ཆོས་དྲུག་དང་། །ས་ལེ་སྦྲམ་ལ་མི་གཟུང་#ཞིང་། །བསླབ་པའི་སྤུ་རྣམས་ཟེག་མི་བྱ། །ས་ཡང་བརྐོ་བར་མི་བྱ་སྟེ། །རྩྭ་སྔོན་དག་ཀྱང་གཅང་#མི་བྱ། །བྱིན་ལེན་མེད་པར་མི་བཟའ་སྟེ། །དེ་བཞིན་གཞག་པ་དག་ཀྱང་མིན། །ཞེས་པའི་རྗེས་སུ་མཐུན་པའི་ཆོས་
[36a.7]དྲུག་དང་འདི་རྣམས་བསྒོ་ཤིག་པའོ། །དགེ་སློང་#མའི་བསླབ་པ་བསྲུངས་ན་ལྟང་ཀམ་དུ་བསྙེན་པར་རྫོགས་པར་བྱའམ་ཞེ་ན། ཚངས་པར་སྤྱོད་པ་བསྐྱེད་#པའི་སྡོམ་པ་མ་ཐོབ་པར་བསྙེན་པར་རྫོགས་པར་མི་བྱ་ཞེས་པ་ཡིན་ཏེ། བསམ་པ་སྣོད་དུ་བྱ་བའི་ཕྱིར་ཚངས་པར་སྤྱོད་པ་བསྐྱེད་པའི་
[36b]
[36b.1]སྡོམ་པ་གསོལ་བ་དང་གཉིས་ཀྱིས་མ་#བསྒྲུབས་པར་བསྙེན་པར་རྫོགས་པར་མ་བྱེད་ཅིག་པའོ། །དེ་ཡང་གང་གི་སྐབས་སུ་སྦྱིན་ཞེ་ན། གསང་སྟེ་སྟོན་པའི་འོག་ཏུ་དེ་སྦྱིན་ཞེས་པ་ཡིན་ནོ། །དེའང་སུས་སྦྱིན་ཞེ་ན། དགེ་འདུན་གྱིས་སོ་ཞེས་པ་ཡིན་ཏེ། ཚངས་པར་སྤྱོད་པ་བསྐྱེད་#པའི་སྡོམ་པ་དགེ་
[36b.2]སློང་མའི་དགེ་འདུན་གྱིས་བྱིན་ཅིག་པའོ། །དེའང་ཐབས་ཇི་ལྟར་བྱས་ཏེ་སྦྱིན་ཞེ་ན། བར་ཆད་དྲིས་ནས་སོ་#ཞེས་པ་ཡིན་ཏེ། བར་ཆད་ཀྱི་ཆོས་རྣམས་དྲིས་ནས་གདོད་བྱིན་ཅིག་པའོ། །དེ་ལྟ་བས་ན་བུད་མེད་ལ་བར་དུ་གཅོད་པའི་ཆོས་ལན་གསུམ་གྱི་བར་དུ་དྲི་དགོས་སོ། །གསོལ་ནས་སུ་
[36b.3]ཞེས་པ་ནི་ཚངས་པར་སྤྱོད་པ་སྐྱེ་བའི་སྡོམ་པ་ཡང་དེས་མ་གསོལ་གྱི་པར་དུ་དབོག་ཏུ་མི་རུང་པའོ། །གོས་ནི་ལྔའོ་ཞེས་པ་ནི་དེའི་གོས་ཆོས་གོས་གསུམ་དང་། རྔུལ་གཟན་དང་། ཀུ་སུ་ལུ་ལ་ཀ་ལྔ་དགོས་པར་སྟོན་པའོ། །གནས་ལ་ཤིང་དྲུང་མ་གཏོགས་སོ། །ཞེས་པ་ནི་ཤིང་དྲུང་མ་གཏོགས་པའི་
[36b.4]གནས་གསུམ་བསྒོ་ཤིག ། ལྟུང་བའི་ཆོས་བརྒྱད་དོ་ཞེས་པ་ནི་དགེ་སློང་ཕ་དང་མཐུན་པའི་ལྟུང་པ་བཞི་དང་རེག་པ་ལ་སོགས་པའི་ལྟུང་བ་བཞི་སྟེ། བརྒྱད་ཀྱང་སྟོན་པའོ། །ལྕི་བའི་ཆོས་བསྒོ་ཞེས་པ་ནི། བསྙེན་པར་རྫོགས་པ་དགེ་སློང་ལས། །ཟླ་བ་ཕྱེད་ཅིང་ལུང་ནོད་པ། །དགེ་སློང་
[36b.5]མེད་པའི་གནས་དག་ཏུ། །ཚུལ་དུ་འཇུག་པ་དག་ཀྱང་སྟེ། །དགེ་སློང་ཉམས་པ་མི་གླེང་ཞིང་། །ཁྲོ་མིན་གསར་ལ་ཕྱག་ཀྱང་བྱ། །ཚོགས་གཉིས་དག་ཉེས་བྱ་ཞིང་། །འབྱུང་བ་དག་སྟེ་ལྕི་བའོ། །ཞེས་པའི་ཆོས་འདི་བརྒྱད་ཀྱང་བསྒོས་ཤིག་པའོ། །དེ་དག་སྐབས་གང་དུ་#བསྒོ་
[36b.6]ཞེ་ན། ལྟུང་བ་དང་དགེ་སྦྱོང་དུ་བྱེད་པའི་བར་དུའོ་ཞེས་པ་ཡིན་ཏེ། ལྟུང་བའི་ཆོས་བརྒྱད་དང་། དགེ་སྦྱོང་དུ་བྱེད་པའི་ཆོས་བཞིའི་བར་དུ་འདི་བསྒོ་ཤིག་པའོ། །དྲུག་ཀྲིད་ཅེས་པ་ནི་སཱུ་ཏྲ་#འོག་ནས་འབྱུང་བ་དྲུག་ཀྲིད་ཀྱིས་བསྒོ་ཤིག་པའོ། །འདི་དག་ལ་སྐྱེ་བའི་ཆོས་མེད་དོ་ཞེས་པ་ཡང་
[36b.7]ངོ་ཞེས་པ་ནི། འོག་ནས་འབྱུང་པའི་སཱུ་ཏྲ་#འདི་དྲུག་ལ་སྐྱེ་བའི་ཆོས་#མེད་པ་སྟོན་པའོ། །འདི་ལྟ་བུའི་ཆོས་ཅན་བསྐྲད་#དགོས་པའང་ཞར་ལ་རིག་པར་གྱིས་ཤིག ། ཀྲིད་དང་སྦྱོར་ཞིང་སྐྱེ་བའི་ཆོས་མེད་པ་དེ་དག་གང་ཞེ་ན། མཚན་གཉིས་ཞེས་པ་ལ་སོགས་པ་ཡིན་ཏེ། ཕོ་མོས་གཉི་
[37a]
[37a.1]གའི་#མཚན་ཡོད་པའོ། །མཚན་འདམས་པ་ཞེས་པ་ནི་ལྷེད་ལྟ་བུ་གླེ་འདམས་པའོ། །ཁོར་#མོར་ཟག་པ་ཞེས་པ་ནི་ཁྲག་ལ་སོགས་པ་རྟག་ཏུ་ཟག་པའོ། །ཁྲག་མེད་པ་ཞེས་པ་#ནི་མངལ་གྱི་ཁྲག་མེད་པའོ། །མཚན་མ་ཙམ་ཞེས་པ་ནི། མཚན་མཚན་མ་ཙམ་དུ་གྱུར་པ་དེ་
[37a.2]ལ་བྱའོ་ཞེས་པ་ནི#། མཚན་མ་ཙམ་ཞེས་གོང་དུ་སྨོས་པ་མདོ་འོག་ནས་འཆད་པ་ཡིན་ཏེ། ཆུ་འབྱུང་བའི་མཚན་མ་ཙམ་ཡོད་པ་ལ་བྱའོ། །སྔོན་རབ་ཏུ་བྱུང་#བ་ཞེས་པ་ནི་སྔོན་རབ་ཏུ་བྱུང་#བ་ལས་ཕྱིས་བསླབ་པ་ཕུལ་བའོ། །ཕྲན་ཚེགས་ལ་སོགས་པ་ལས་རབ་ཏུ་འབྱུང་བའི་དངོས་པོར་#གཏོགས་
[37a.3]པའོ། །ད་ནི་སྡོམ་པ་འཆགས་སམ་མི་འཆགས་པ་ལ་སོགས་པ་ཞུ་བ་#ལས་འབྱུང་བ་སྟོན་ཏེ། མི་མ་ཡིན་པའི་འགྲོ་བ་དང་། བྱང་གི་སྒྲ་མི་སྙན་པ་སྡོམ་པའི་ཞིང་མ་ཡིན་ཞེས་པ་ནི་ལྷ་དང་གནོད་སྦྱིན་ལ་སོགས་པ་དང་། བྱང་གི་སྒྲ་མི་སྙན་གྱི་རང་བཞིན་གྱིས་དམན་#པ་ལ་སྡོམ་པ་མི་འཆགས་པར་#
[37a.4]སྟོན་པའོ། །མཚན་ལན་གསུམ་དུ་གྱུར་པ་#མ་ཡིན་ཞེ་ན#། མཚན་ལན་གསུམ་གྱི་བར་དུ་གྱུར་ན་མ་ནིང་དུ་ཟད་པས་སྡོམ་པ་མི་འཆགས་པའོ། །སྔ་མ་གཉིས་ཀྱིས་ཉམས་པ་ཡིན#། །ཞེས་པ་ནི་མཚན་ལན་གཉིས་ཀྱི་བར་དུ་གྱུར་པས་སྡོམ་པ་མེད་པར་མི་འགྱུར་བའོ། །ལེན་པའི་ཚེ་
[37a.5]ནའང་སྐྱེའོ་#ཞེས་པ་ནི་སྡོམ་པ་ནོད་པའི་ཚེ་མཚན་གྱུར་ན་ཕོ་མོ་གང་དུ་གྱུར་པ་དེའི་སྡོམ་པ་འཆགས་པར་སྟོན་པའོ། །མཁན་པོ་མེད་པའང་དེ་དང་ལྡན་པའོ་ཞེས་པ་ནི་མཁན་པོ་མེད་ནའང་མཁན་པོ་ཡོད་པ་དང་འདྲ་བར་སྡོམ་པ་སྐྱེ་བའོ། །འདི་བསྙེན་པར་མ་རྫོགས་པས་ཀྱང་ངོ་
[37a.6]ཞེས་པ་ནི། མཁན་པོ་བསྙེན་པར་མ་རྫོགས་པ་ཤིག་ཡིན་ན་ཡང་སྡོམ་པ་སྐྱེ་བར་སྟོན་པའོ། །འདི་དགེ་སློང་མ་ཡིན་པར་ཤེས་ནའོ་ཞེས་པ་ནི་གོང་མ་ལྟར་རུང་བ་ཡང་བསྙེན་པར་རྫོགས་པར་འདོད་པས་དགེ་སློང་མ་ཡིན་པར་མ་ཤེས་ན། གདོད་གོང་མ་ལྟར་གྱུར་པའོ། །འདི་བཏང་ན་
[37a.7]མ་ཡིན་ཞེས་པ་ནི་མཁན་པོ་དེ་#མི་འདོད་ཅེའམ་མི་དགོས་ཞེས་མཁན་པོ་བཏང་ན་སྡོམ་པ་མི་འཆགས་པའོ། །འདི་གཉིས་ཀྱི་མིང་མ་#སྨོས་ན་མ་ཡིན་ཞེས་པ་ནི་བསྙེན་པར་རྫོགས་པ་དང་མཁན་པོ་གཉིས་ཀྱི་མིང་མ་སྨོས་པར་སྡོམ་པ་ཕོག་ན་མི་འཆགས་པར་སྟོན་པའོ། །དེའི་གཞི་དགེ་
[37b]
[37b.1]འདུན་མ་སྨོས་ན་ཞེས་པ་ནི་སྡོམ་པ་འཐོབ་པའི་གཞི་ཆེན་པོ་དགེ་འདུན་མ་སྨོས་པར་ཁྲིམས་ཕོག་ན་སྡོམ་པ་མི་འཆགས་པའོ#། །ཁྱིམ་པ་དང་མུ་སྟེགས་ཀྱི་མཚན་མས་མ་ཡིན་ཞེས་པ་ནི་ཁྱིམ་པའི་ཆ་ལུགས་ཡོད་བཞིན་པ་དང་། མུ་སྟེགས་ཀྱི་མཚན་མ་ཡོད་བཞིན་དུ་ཁྲིམས་ཕོག་ན་སྡོམ་པ་
[37b.2]མི་འཆགས་པའོ། །གཅེར་བུ་དང་རྔམ་པ་དང་གོང་འཆའ་བས་མ་ཡིན་ཞེས་པ་ནི། འདི་རྣམས་ལ་ཁྲིམས་ཕོག་ན་སྡོམ་པ་མི་འཆགས་ཏེ་དེ་ལ་གཅེར་པུ་ཞེས་པ་ནི་ཁྲེལ་#ཞིང་དོ་ཚ་མི་ཤེས་པའི་ཕྱིར་རོ། །རྔམ་པ་ནི་སྡོམ་པ་ནོད་པའི་ཚེ་རྔམ་བཞིན་དུ་མནོས་ན་མི་བརྟན་པའི་ཕྱིར་རོ། །གོང་
[37b.3]འཆའ་བ་ནི་སྐྱེས་པ་ཕྲད་དོ་ཅོག་ཁ་འདོགས་#པས་ན་སྡིག་ཆེ་བའི་ཕྱིར་སྡོམ་པའི་ཞིང་མ་ཡིན་ནོ། །བཀར་བ་མཚན་མ་གཏོང་#བར་ཁས་མི་ལེན་པ་མ་ཡིན་ཞེས་པ་ནི་ཉེས་ཡོད་པ་མ་མཐོང་ངོ་ཞེས་དངན་སྙོན་བྱེད་པ་ལ་སོགས་པའི་ཕྱིར་བཀར་བ་ལས་བབས་པ་ལྟ་བུ་རབ་ཏུ་འབྱུང་བར་རྩོལ་
[37b.4]ན་ཉེས་པ་དེའི་ཕྱིར་བཀར་ལ་ཉེས་པ་དེ་ཉིད་མི་གཏོང་ན་སྡོམ་པ་མི་འཆགས་པར་#སྟོན་པའོ། །ཚིག་སྔ་མ་#མ་མྱོང་ན་ཉེས་བྱས་ཞེས་པ་ནི། དགེ་བསྙེན་དང་དགེ་ཚུལ་གྱི་སྡོམ་པ་རིམ་བཞིན་དུ་མ་ཕོག་#པ་ལྟང་ཀམ་དུ་བསྙེན་པར་རྫོགས་ནད་#བསྙེན་པར་རྫོགས་པར་བྱེད་པ་དེ་དག་ལ་ཉེས་
[37b.5]བྱས་སུ་འགྱུར། དགེ་བསྙེན་གྱི་སྡོམ་པ་མ་ཕོག་པར་དགེ་ཚུལ་དུ་སྤར་བའང་དེ་བཞིན་ནོ། །མཁན་པོར་མ་གསོལ་ནའོ་ཞེས་པ་ནི་མཁན་པོར་#གསོལ་བ་མ་བྱས་མཁན་པོར་མ་བཙལ་བར་བསྙེན་པར་རྫོགས་ནའང་བསྙེན་པར་རྫོགས་པར་མི་འགྱུར་བ་#མེད་པར་སྟོན་པའོ། །བར་ཆད་མ་
[37b.6]དྲིས་ནའོ་ཞེས་པ་ནི་བསྙེན་པར་རྫོགས་པར་འདོད་པ་དེ་#བར་ཆད་ཀྱི་ཆོས་ནི་མེད་ལ་དགེ་འདུན་གྱིས་མ་དྲིས་ན་དེ་ནི་བསྙེན་པར་རྫོགས་པར་འགྱུར་དགེ་འདུན་ལ་ནི་ཉེས་བྱས་ཡོད་པར་སྟོན་པའོ། །འདི་མེད་བཞིན་དུ་ཁས་འཆེས་པ་སྦྱིན་ཞེས་པ་ནི་བར་ཆད་ཀྱི་ཆོས་ནི་མེད་ལ། ཁོ་ནས་
[37b.7]ཡོད་ཅེས་ཟེར་བ་ལྟ་བུ་སྡོམ་པ་ཕོག་ཀྱང་བླ། བུད་མེད་སྐྱེས་པའི་བྱང་ལག་ཅན་དང་སྐྱེས་པ་བུད་མེད་ཀྱི་བྱད་#ལག་ཅན་ནི་མཚན་ཐ་དད་པ་མ་ཡིན་ནོ་ཞེས་པ་ནི། འདི་ལྟ་བུར་བྱད་ལག་སྲེལ་ཞིང་འདུག་ཀྱང་སོ་སོའི་མཚན་ཡོད་པས་ན་མ་ནིང་ལ་སོགས་པ་མ་ཡིན་ཏེ་སྡོམ་པ་འཆགས་སོ། །
[38a]
[38a.1]དེ་ལྟ་བུ་རབ་ཏུ་དབྱུང་#ངམ་ཞེ་ན། འདི་ལག་རྡུམ་ལ་སོགས་པར་བསྡུའོ་ཞེས་པ་ཡིན་ཏེ། འདི་ལྟ་བུ་ལག་རྡུམ་ལ་སོགས་པ་དང་འདྲ་བར་སྟོན་བའོ། །གཞན་ཡང་དེ་དང་འདྲ་བར་བསྡུ་བ་ནི་སྡིག་པའི་མཚན་མ་ཅན་དང་དབྱིབས་ཐ་དད་པ་དང་གླིང་ཐ་དད་དུ་#སྐྱེ་བའོ་ཞེས་
[38a.2]པ་ཡིན་ཏེ། སྨེ་#བ་ལ་སོགས་པའི་མཚན་དང་ནད་པའམ་གདོང་ལ་སྤྱང་རྗེས་བཏབ་པ་ལ་སོགས་པ་དང་། ཤར་གྱི་ལུས་འཕགས་དང་། འཛམ་བུའི་གླིང་པ་ལྟ་བུ་དབྱིབས་ཐ་དད་པ་དང་། འཛམ་བུའི་གླིང་ཉིད་ན་འང་ཁྱི་ཐོད་ཅན་དང་རྣ་བ་གྱོན་པ་ལ་སོགས་པ་དབྱིབས་ཐ་དད་པ་ལྟ་བུ་དང་།
[38a.3]ཤར་གྱི་གླིང་དང་འཛམ་བུའི་གླིང་ལྟ་བུ་གླིང་ཐ་དད་པ་དང་དེ་ལྟ་བུ་ལ་སོགས་པ་ཡང་ལག་རྡུམ་དང་འདྲ་བར་སྟོན་པའོ། །གཞན་ཡང་དེར་གཏོགས་ལ་སྨོས་པ་རྣམས་ད་སྟོན་པ་ནི། སེན་མོ་གཅིག་པ་དང་། ལྟེབས་པ་དང་། གཞོགས་#ཕྱེད་ཉམས་པ་དང་། དཀྲེ་#སྤྱི་དང་། སྐྲ་ཚོམས་#ཅན་
[38a.4]དང་། མདུན་#རྒྱབ་དང་གཉི་ག་སྒུར་བ་དང་། དྲུག་དང་སྦྱར་བ་དང་། མེད་པའི་སོར་མོ་དང་རྫི་མ་བདུང་#བ་དང་། ན་ཀུ་ལ་འུག་པ་ལོག་པ་ཕྲད་པ་འཕྱང་བ་དམར་བ་དཀྱིལ་མིག་གི་མིག་ལྟ་བུ་དང་། དགྲ་#དང་། ཁྱེ་མ་དང་། འབྲུམ་ཕྲན་དང་། ཡངས་པའི་མིག་དང་། སེར་པོ་#དཀར་པོ་
[38a.5]དམར་པོ་གཅེའུ་#རྣ་དང་། གཡའ་བ་ཤུ་བ་ཁོང་པའི་མཛེ་དང་མཇེ་རླིག་པའི་ནང་དུ་ནུབ་པ་དང་། གླེན་པ་དང་ལྕེ་མེད་#དང་། གཅིག་དང་མེད་པའི་རྐང་ལག་དང་། སྐྲ་སྔོན་པོ་དང་། གླང་པོ་རྟ་ཁྱི་བ་ལང་ལུག་རི་དགས་ཉ་སྦྲུལ་རིང་པོ་མང་པོ་རྣམས་ཀྱི་མགོ་དང་། ཏ་ལའི་མགུལ་བ་དང་།
[38a.6]ནད་དང་སྤྱོད་ལམ་གྱིས་དུབ་པ་རྣམས་ལས་མིན་བ་དང་། ན་བར་བསྡེབ་#བོ་ཞེས་པ་ཡིན་ཏེ། སེན་མོ་གཅིག་པ་ལ་སོགས་ཏེ་མིང་གིས་སྨོས་པ་འདི་དག་ལས་གང་ན་བ་མ་ཡིན་པ་དེ་ནི་ལག་རྡུམ་ཞེས་པ་ལ་སོགས་པ་དང་སྦྱར། གཞོགས་#ཕྱེད་ཉམས་པ་ལ་སོགས་པ་གང་ན་བ་ནི་ནད་
[38a.7]པ་མ་ཡིན་ནམ་ཞེས་པ་དང་སྦྱར་རོ། །དེ་ལ་སེན་མོ་གཅིག་ཅེས་པ་ནི་སོར་མོ་ཀུན་གྱི་སེན་མོ་གཅིག་པའོ། །ལྟེབས་ཞེས་པ་ནི་ལག་པ་ཤོག་དེབ་ལྟར་ལྟེབས་པའོ། །གཞོགས་#ཕྱེད་ཉམས་ཞེས་པ་ནི་གཞོགས་ཕྱེད་རླུང་གིས་སྐམས་པའོ། །དཀྲེ་སྤྱི་ཞེས་པ་ནི་སྤྱི་བོ་དཀྲེ་ལྟར་མྱུག་
[38b]
[38b.1]མྱུག་པོར་འདུག་པའོ། །སྐྲ་ཚོམས་ཅན་ཞེས་པ་ནི་ཟུར་ཕུད་འདྲ་བར་ཕ་ཟད་ཚུ་ཟད་#ན་ཚོམས་སུ་འདུག་པའོ། །མདུན་རྒྱབ་དང་གཉི་ག་སྒུར་ཞེས་པ་ནི་མདུན་དུའང་སྒུར་བ་དང་། རྒྱབ་ཏུའང་སྒུར་བ་དང་། མདུན་རྒྱབ་གཉི་ག་སྒུར་བའོ། །དྲུག་དང་འབྱར་བ་དང་། མེད་པའི་སོར་མོ་
[38b.2]ཞེས་པ་ནི་སོར་མོ་དྲུག་དང་། སོར་མོ་འབྱར་བ་དང་སོར་མོ་མེད་པའོ། །རྫི་མ་བདུང་བ་དང་#ན་ཀུ་ལ་འུག་པ་ལོག་པ་ཕྲད་པ་འཕྱང་བ་དམར་བ་དཀྱིལ་མིག་གི་#མིག་ཅེས་པ་ནི་རྫི་མ་ནང་དུ་བལྟས་པའི་མིག་དང་། ན་ཀུ་ལའི་མིག་ལྟ་བུ་དང་འུག་པའི་མིག་ལྟ་བུ་དང་། མིག་གི་ཐ་མ་ལོག་པར་
[38b.3]འདུག་པ་དང་། །མིག་གཉིས་འདབ་ཕྲད་པ་དང་། མིག་གཟེའུ་ལྟར་འདུག་པ་དང་། མིག་ཐན་ཀོར་ཡན་ཆད་དམར་བ་དང་། མིག་གི་འབྲས་བུའི་ནང་ན་སྤྲིན་ཡོད་པ་ཨུ་#ཤུད་ཀྱི་མིག་ལྟ་བུར་འདུག་པ་རྣམས་སོ། །དགྲ་དང་ཁྱེ་མ་དང་འབྲུམ་ཕྲན་དང་ཡངས་པའི་མིག་ཅེས་པ་ནི་མིག་གི་
[38b.4]ནང་དུ་མཛེར་#པ་བྱུང་བ་དང་། ཁྱེ་མ་བྱུང་བ་དང་། འབྲུམ་ཕྲན་བྱུང་#བ་དང་། མིག་ཡངས་ཞེས་པའོ། །སེར་པོ་དཀར་པོ་དམར་པོ་གཅེའུ་རྣ་ཞེས་པ་ནི་རྣ་བ་འདི་རྣམས་ལྟར་འདུག་པའོ། །གཡའ་བ་ཤུ་བ་ཁོང་#པའི་མཛེ་ཞེས་པ་ནི་རྣམ་པ་འདི་#ལྟ་བུའི་མཛེ་ཡོད་པའོ། །མཇེ་རླིག་བའི་ནང་དུ་
[38b.5]ནུབ་ཅེས་བ་ནི་རླིག་པ་ཆེ་ཆེས་པའོ། །ལྕེ་མེད་ཅེས་པ་ནི་ལྕེ་ཡོང་གི་མེད་པའོ། །གཅིག་དང་མེད་པའི་རྐང་ལག་ཅེས་པ་ནི་ཡོང་གི་རྐ་ལག་ཡ་རེ་ལས་མེད་པ་དང་རྐ་ལག་ཡེ་མེད་པའོ། །སྐྲ་སྔོན་པོ་ཞེས་པ་ནི་སྐྲ་རམས་ཁར་འདུག་པའོ། །གླང་པོ་ཞེས་པ་ནས་མགོ་ཞེས་པའི་བར་དུ་ནི་མིང་
[38b.6]གིས་སྨོས་པ་འདི་རྣམས་ཀྱི་མགོའམ་ཐོད་པར་འདུག་པ་སྟེ། དེ་ལ་རིང་པོ་ཞེས་པ་ནི་སྤྱི་རིངས་སུ་འདུག་པའོ། །མང་པོ་ཞེས་པ་ནི་དུ་མའི་ཐོད་པ་ཡོང་པའོ། །ཏ་ལའི་མགུལ་པ་ཞེས་པ་ནི་མགུལ་པ་ཉེར་ཉེར་པོར་འདུག་པའོ། །ནང་དང་སྤྱོད་ལམ་གྱིས་དུབ་ཅེས་པ་ནི་ནད་དང་སྤྱོད་ལམ་
[38b.7]གྱིས་གཅད་#ཅིང་དུབ་པའོ། །མི་#རུངས་པ་ནི་རྐུན་པོས་སོ་ཞེས་པ་ནི་གསོད་རྐྱེན་མ་འོངས་པར་#བྱེད་པའི་མ་རུངས་པར་ཡང་རྐུན་པོ་ཞེས་གོང་དུ་སྨོས་པའི་ཁོངས་སུ་བསྡུའོ། །ཕར་བསམས་#པའི་རྒྱལ་པོས་གནང་བ་ནི་ཕ་བཞིན་ནོ་ཞེས་པ་ནི། རྒྱལ་བོས་ཕ་ལྟ་བུར་བྱས་པ་རྒྱལ་པོ་དེས་
[39a]
[39a.1]རབ་ཏུ་འབྱུང་བར་གནང་བ་ནི་ཕས་རབ་ཏུ་འབྱུང་བར་གནང་བ་དང་འདྲའོ། །བུ་བཙན་དུ་བླངས་པ་གནང་བ་དང་བཅང་བ་དང་ཞུ་བ་ནི་ཕ་མ་བཞིན་ཞེས་པ་ནི་བུ་བཙན་དུ་བླངས་པའི་ཕ་མ་ཡང་ཕ་མ་ངོ་བོས་གནང་ན་རབ་ཏུ་འབྱུང་#བ་དང་ཕ་མ་#ཡུལ་མི་རིང་ན་རབ་ཏུ་དབྱུང་བར་འདོད་
[39a.2]པ་ཞག་བདུན་གྱི་བར་དུ་བཅང་བ་དང་། ཡུལ་རིང་ཡང་དགེ་འདུན་ལ་མི་ཞུར་མི་རུང་བ་བཞིན་དུ་གྱིས་ཤིག་པའོ། །མི་མ་ཡིན་པའི་འགྲོ་བ་མ་ཡིན་ཞེས་པ་ནི། ཕ་མ་མི་མ་ཡིན་པ་ཞིག་ན་གནང་བ་ལ་སོགས་པ་མདོ་གོང་མ་ལྟར་བྱ་མི་དགོས་པའོ། འདི་དག་ཚམས་#མེད་པར་མི་འགྱུར་ཞེས་
[39a.3]པ་ནི་ཕ་མ་མི་མ་ཡིན་པས་བསད་པ་མཚམས་མེད་པར་མི་འགྱུར་བའོ། །འདི་ནི་སྐྱེས་པ་དག་ལས་སོ་ཞེས་པ་ནི། གང་ལས་སྐྱེས་པའི་ཕ་མ་ཉིད་བསད་ན་མཚམས་མེད་པར་འགྱུར་གྱི། བུ་བཙན་དུ་གསོས་པའི་ཕ་མ་དང་མི་མ་ཡིན་པའི་ཕ་མ་བསད་པས་ནི་མི་འགྱུར་བར་སྟོན་པའོ། །མཚན་
[39a.4]གྱུར་པ་དག་ཀྱང་ངོ་ཞེས་པ་ནི་ཕ་མ་ནི་ཕོ་#མོས་སུ་མཚན་གྱུར་པ་བས་#བསད་ཀྱང་མཚམས་མེད་པར་གྱུར་པའོ། །དེས་#བྱས་པ་ནི་མ་བསད་པ་ལ་སོགས་པའི་དམིགས་སོ་ཞེས་པ་ནི། གོང་མ་ལྟར་གྱུར་པས་ན་ཕ་མ་ངོ་བོ་བསང་བ་རབ་ཏུ་མི་དབྱུང་ཞིང་བསྙེན་པར་རྫོགས་པར་མི་བྱའི་མཚམས་མེད་
[39a.5]པར་མི་འགྱུར་བའི་ཕ་མ་བསད་པ་ནི་རབ་ཏུ་མི་དབྱུང་ཞིང་བསྙེན་པར་རྫོགས་པར་མི་བྱ་བ་མ་ཡིན་ན#། སྐྱེས་པས་བྱི་བྱས་ན་དགེ་སློང་མ་བསླུས་པ་དང་། བུད་མེད་ཀྱིས་བྱི་བྱས་ན་དགེ་སློང་ཕ་བསླུས་པ་སྟོན་པ་ནི་སླུ་#བ་ནི་མི་ཚངས་པར་སྤྱོད་པ་སྟེ། མ་ཕབ་བ་དག་གིས་མྱོང་བའོ་ཞེས་པ་ཡིན་
[39a.6]ཏེ། དགེ་སློང་མ་དང་དགེ་སློང་ཕ་སྔོན་ཕམ་བ་བྱུང་བ་ཡང་མ་ཡིན་ལ་མི་ཚངས་པར་སྤྱོད་ཅིང་དེའི་དགའ་བ་ཉམས་སུ་བླངས་ན། དགེ་སློང་མ་དང་དགེ་སློང་ཕ་བསླུས་པ་ཡིན་པར་སྟོན་པའོ། །དེ་ལ་གཅིག་མ་དད་པར་གཅིག་གིས་གོང་པོ་ནན་བྱས་ན་གོང་གོང་པོ་ནན་བྱེད་ཅིང་དགའ་བ་ཉམས་
[39a.7]སུ་ལེན་པ་ཉིད་སླུ་བར་འགྱུར་རོ། །ཕན་ཚུན་ནས་གཉི་ག་འདུན་ན་གཉི་ག་དགེ་སློང་མ་དང་དགེ་སློང་ཕ་སླུ་བའོ། །གོང་དུ་དགེ་སློང་མ་བབས་པ་ལ་སྐྱེས་པའི་#ཆོས་མེད་པར་བསྟན་པ་དེ་སྐབས་ཀྱིས་སྐྱེས་པའི་#ཆོས་ཡོད་པར་ཡང་སྟོན་པ་ནི། བུད་མེད་ལས་སྐྱེས་པར་གྱུར་ན་རབ་ཏུ་དབྱུང་ཞིང་
[39b]
[39b.1]བསྙེན་པར་རྫོགས་པ་འོས་པའོ་ཞེས་པ་ཡིན་ཏེ། དགེ་སློང་མ་བྱེད་བྱེད་པ་ལས་བསླབ་པ་ཕུལ་ཏེ། བབས་པའི་འོག་ཏུ་མཚན་བརྗེས་ཏེ་སྐྱེས་པར་གྱུར་ལ་རབ་ཏུ་དབྱུང་བར་གསོལ་ན་རུང་བར་སྟོན་པའོ། །གོང་དུ་ཕས་ཕམ་བྱུང་བ་ལས་སྐྱེས་པའི་ཆོས་མེད་པར་སྟོན་པ་དེ་#ཡང་སྐབས་ཀྱི་བྱེ་བྲག་
[39b.2]གིས་འགྱུར་བ་སྟོན་པ་ནི། མི་མཚུངས་པའི་ཕས་ཕམ་བྱུང་བའོ་ཞེས་པ་ཡིན་#ཏེ། རེག་པ་ལ་སོགས་པ་དགེ་སློང་ཕ་དང་མི་འདྲ་བའི་ཕས་ཕམ་བ་བྱུང་བ་ལས་བབས་པ་#གོང་མ་ལྟར་མཚན་གྱུར་ན་རབ་ཏུ་དབྱུང་ཞིང་བསྙེན་པར་རྫོགས་སུ་རུང་བར་སྟོན་པའོ། །གཞི་པ་རྣམས་ནི་བུད་མེད་བསྙེན་
[39b.3]པར་རྫོགས་པའི་ཡན་ལག་གོ་ཞེས་པ་ནི་བུད་མེད་བསྙེན་པར་རྫོགས་པའི་ཚེ་དགེ་སློང་ཕའི་དགེ་འདུན་གྱིས་ཀླག་ཅེས་འབྱུང་བས། གུད་ནས་འགྲོན་ཐབས་སུ་ལྷགས་པའི་དགེ་འདུན་གྱིས་ཀླག་ཅིང་བསྣན་པ་མ་ཡིན་གྱི་དགེ་འདུན་གཞི་བས་སྣོན་ཅིང་ཀློག་#ཤིག་པའོ། །འགྲུབ་བའི་མོད་ལ་
[39b.4]བཏང་ན་འཇིག་#པ་ནི་དགེ་བསྙེན་ཡན་ཆད་གང་གི་སྡོམ་པ་ནོད་ཀྱང་རུང་སྟེ། སྡོམ་པ་འགྲུབ་ཅིང་འཆགས་སུ་བྱེད་པའི་ཚེ་གཏོང་བ་ལ་སོགས་པ་རྐྱེན་གྱིས་བཙལ་ན་དེའི་མོད་ཁོ་ན་ལ་སྡོམ་པ་འཇིག་#པར་སྟོན་པའོ། །རབ་ཏུ་འབྱུང་#བའི་དངོས་པོར་གཏོགས་པ་ཕལ་ཆེར་ཞུགས་པའོ། །
[39b.5]རབ་ཏུ་བྱུང་ཞིང་བསྙེན་པར་རྫོགས་པའི་ཆོ་ག་དེ་ལྟར་བསྟན་ནས། ཁྱིམ་པར་བབས་ཤིང་བསླབ་པ་གཏོང་བའི་ཆོ་ག་ཇི་ལྟ་བུ་ཡིན་པར་སྟོན་པ་ནི། རང་བཞིན་ཉམས་པས་བྱས་པ་ནི་ཕུལ་བ་མ་ཡིན་ནོ་ཞེས་པ་ལ་སོགས་པ་ཡིན་ཏེ། སྨྱོས་པ་དང་བརླམས་པ་དང་། ཚོར་བས་ཉེན་བ་ལྟ་བུ་ལ་
[39b.6]སོགས་པ་རང་བཞིན་གྱུར་བས་བསླབ་པ་བཏང་བ་ནི་བཏང་བར་མི་ཆུད་དོ། །དེ་ལ་ཡང་མ་ཡིན་ཞེས་པ་ནི་བསླབ་པ་དབུལ་བའི་གཞི་བོ་དེ་སྨྱེས་པ་དང་བརླམས་པ་དང་ཚོར་བས་ཉེན་པ་ཞིག་ན་དེ་ལ་ཕུལ་བའང་ཕུལ་ཞིང་བཏང་བར་མི་ཆུད་པའོ། །ལྐུགས་པ་ཡིན་ཞེས་པ་ནི་ཕ་རོལ་ལ་བསྙད་#མི་
[39b.7]ནུས་པའི་ལྐུགས་པ་ལ་#ཕུལ་ན་བཤས་ཏེ་ཕུལ་བར་མི་ཆུད་པའོ། །མི་མ་ཡིན་པའི་འགྲོ་བ་ཡིན་ཞེས་པ་ནི་མི་མ་ཡིན་པའི་ལྷ་དང་ཀླུ་ལ་སོགས་པ་མི་མ་ཡིན་པའི་འགྲོ་བ་ལ་ཕུལ་ནའང་ཕུལ་བར་#ཆུད་པའོ། །མགོན་མ་ཡིན་ཞེས་པ་ནི་སྐད་མི་མཐུན་པ་ལ་ཕུལ་བ་#དང་ཅ་ཅོའི་ནང་དུ་ཕུལ་བ་ལྟ་བུ་ཕ་
[40a]
[40a.1]རོལ་གྱི་#མཐུས་མ་གོ་བར་ཕུལ་བ་ཕུལ་བར་མི་ཆུད་དོ། །དབེན་པར་མ་ཡིན་ཞེས་པ་ནི་སུ་འང་མེད་པའི་ལྐོག་བུར་ཕུལ་བ་འང་མི་རུང་བར་སྟོན་པའོ། །དབེན་པར་འདུ་ཤེས་པ་མ་ཡིན་ཞེས་པ་ནི་དབེན་པ་མ་ཡིན་ཏེ་མི་ཡོད་ལ་དབེན་ཞིང་མི་མེད་པའོ་སྙམ་དུ་བསམས་ཏེ་ཕུལ་བ་ལྟ་བུ་
[40a.2]འང་འདུ་ཤེས་བརྩན་#བས་ན་ཕུལ་བར་མི་ཆུད་པའོ། །གཏོང་བར་མི་ཆུད་པ་དེ་ལྟར་བསྟན་ནས་ཇི་ལྟ་བུས་གཏོང་བར་འགྱུར་བའི་ཚིག་ད་སྟོན་པ་ནི། བསླབ་པ་སངས་རྒྱས་ཆོས་དགེ་འདུན་མདོ་འདུལ་བ་མ་ལྟ་བུ་སློབ་དཔོན་མཁན་པོ་རྣམས་གཏོང་#བ་དང་། བདག་ཁྱིམ་པ་དགེ་ཚུལ་ཟ་མ་མ་ནིང་།
[40a.3]དགེ་སློང་མ་སླུ་བརྐུན་#གནས་ཐ་དད་དུ་གནས་པ་མི་གནས་པ་མུ་སྟེགས་པ་མུ་སྟེགས་སུ་ཞུགས་པ། མ་གསོད་པ་ཕ་གསོད་པ་#དགྲ་བཅོམ་བ་གསོད་པ་དགེ་འདུན་འབྱེད་པ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་རྣམས་སུ་ཟུང་ཤིག་པ་དང་། ཚེ་དང་ལྡན་པ་དག་#བདག་ནི་
[40a.4]ཁྱེད་ཅག་ལྟ་བུའི་ཚངས་པ་མཚུངས་པར་སྤྱོད་#པ་དང་ལྷན་ཅིག་ཏུ་གནས་ཤིང་སྤྱོད་པས་ཆོག་གོ་ཞེས་པའི་ཚིག་རྣམས་ཀྱིས་བཏང་ནའོ་ཞེས་པ་ནི། ཚིག་འདི་རྣམས་ལས་རེ་རེ་སྨྲས་ཏེ་བཏང་ངམ་ལག་བརྡ་ལ་སོགས་པས་བཏང་ཞིང་ཕུལ་ལམ། ཐམས་ཅད་རྫོགས་པར་སྨྲས་ཏེ་བཏང་ཞིང་
[40a.5]ཕུལ་ཡང་རུང་བའོ། །གཏོང་བའི་ཆོ་གའོ།། །།#བསླབ་པ་གཏོང་བའི་ཆོ་ག་དེ་ལྟར་བསྟན་ནས་ལྟུང་བ་རྣམས་ཀྱི་རིམ་པ་རྣམ་པར་འབྱེད་པ་ལས་འབྱུང་#བ་བཞིན་དུ་ད་སྟོན་པ་ནི། བཅུག་ལ་རེག་པ་ཉམས་སུ་བླངས་ནའོ་ཞེས་པ་ལ་སོགས་པ་ཡིན་ཏེ། ཕོ་མཚན་བཅུག་གམ་མོ་
[40a.6]མཚན་དུ་བཅུག་ནས་དེར་རེག་ཅིང་དེ་དག་གི་དགའ་བ་སོ་སོའི་ཉམས་སུ་མྱོང་ན་ལྟུང་བའོ། དེ་ཡང་ཅིས་#ཤེ་ན་ཟག་བྱེད་ཀྱིས་སོ་ཞེས་པ་ཡིན་ཏེ། ལག་པ་ལ་སོགས་པ་གཞན་གྱི་མ་ཡིན་གྱི་#ཕོ་མཚན་གྱིས་ན་ལྟུང་བར་འགྱུར་བའོ། །དེ་ཡང་གང་དུ་ཞེ་ན་དེར་ཞེས་པ་ཡིན་ཏེ།
[40a.7]རྣ་བ་ལ་སོགས་པར་མ་ཡིན་གྱི་མོ་མཚན་དུ་ན་ལྟུང་བར་འགྱུར་བའོ། །དེ་ཡང་ཇི་ལྟ་བུར་སྤྱད་ན་ཞེ་ན་མ་ཉམས་པར་རོ་ཞེས་པ་ཡིན་ཏེ། གནས་དེ་རུལ་བ་ལ་སོགས་པར་མ་ཡིན་ནོ། །དེ་ཉི་ཚེར་མ་ཟད་དེ་གནས་ཀྱི་བྱེ་བྲག་གཞན་ཡང་ཡོད་པར་སྟོན་པ་ནི། ཁ་འམ་བཤང་
[40b]
[40b.1]བའི་ལམ་དུའོ་ཞེས་པ་ཡིན་ཏེ། རྣམ་པ་འདི་གཉིས་ཀྱི་ལམ་དུ་སྤྱོད་#ན་ཡང་ངོ་། །མ་ཉམས་པར་སྤྱད་#པ་ནི་ཕམ་ན་ཉམས་པར་སྤྱད་པ་ཇི་ལྟར་འགྱུར་ཞེ་ན། ཉམས་པར་ན་སྦོམ་པོའོ་ཞེས་པ་ཡིན་ཏེ། སྒོ་གསུམ་ཉམས་པར་སྤྱད་པ་ལྟ་བུ་འཁྲིག་པའི་ཉམས་རངས་པར་#མྱོང་དུ་མི་
[40b.2]བཏུབ་པས་ན་ཕས་ཕམ་པའི་སྦོམ་པོར་འགྱུར་རོ། །ཕོ་མཚན་ཉམས་ནའང་དེ་བཞིན། འབྲི་བ་ནི་མི་བཟོད་པ་ལའོ་ཞེས་པ་ནི་བུད་མེད་དང་མ་ནིང་ལ་སོགས་པ་སྤྱད་དུ་མི་བཟོད་པ་ལ་འཚོམ་ཞིང་#སྤྱོད་པ་ནས་རྩོམ་པའི་བར་དུ་ཉེས་པ་ན་རེ་རེ་འབྲི་བའོ། །མི་འབྲི་བ་ནི་མི་མ་ཡིན་པའི་འགྲོ་བ་
[40b.3]པ་དང་། སྐྱེས་པ་དང་། མ་ནིང་དང་། བསྟེན་པ་དང་། བསྟེན་པའི་#གཡོགས་པ་དང་། ཤི་བ་རྣམས་སོ་ཞེས་པ་ཡིན་ཏེ། རྣམ་པ་འདི་རྣམས་གང་དུ་ཇི་ལྟར་བྱས་ཀྱང་རུང་སྟེ་ཉེས་པ་རངས་པར་#འགྱུར་བའོ། །མ་ཚོར་བ་དང་རང་བཞིན་ཉམས་པའི་སྐབས་དང་། མི་འདོད་པར་བཅུག་
[40b.4]པའོ་ཞེས་པ་ནི་བུད་མེད་ལ་སོགས་པར་རོ་ཞིང་གཉིད་#ཀྱིས་ནོན་པའམ་སྨྱོས་པ་ལ་སོགས་པར་གྱུར་པའམ། མི་འདོད་བཞིན་དུ་ནན་པོ་ཆེས་སྤྱད་པ་ལྟ་བུ་གཞི་ཉིད་ཉམས་ཤིང་མ་དད་པ་མི་བརྩན་གྱི་མ་ལོངས་པ་ལ་ཉེས་པ་#རངས་པར་འགྱུར་བའོ། །ཉིད་ཀྱི་#བསྟེན་པར་ན་ཡང་ངོ་ཞེས་
[40b.5]པ་ནི་ཉིད་ཀྱི་ཁ་དང་བཤང་གནས་སུ་སྤྱོད་ན་ཡང་ངོ་། །སྔར་ཕྱི་རོལ་དུ་བདར་ནས་ནང་དུ་བཏང་#བར་བསམས་ན་ཡང་ངོ་ཞེས་པ་ནི། བདར་བ་ཕྱི་རོལ་དུ་བྱས་ལ་ནང་དུ་ལྡུགས་པ་དང་བདར་བ་ནང་དུ་བྱས་ལ་ཕྱི་རོལ་དུ་འབོ་བ་ལྟ་བུའང་རངས་པར་འགྱུར་བའོ། །མི་ཚངས་པར་སྤྱོད་པའི་གླགས་
[40b.6]སུ་འགྱུར་བ་སྤང་བའི་ཕྱིར་ཉིན་པར་མི་དབེན་པར་ལོགས་ཀྱིས་ཕབ་སྟེ་གཉིད་ལོག་#པར་མི་བྱ་ཞེས་པ་ཡིན་ནོ། །མི་དབེེན་པར་མ་ཉལ་ཤིག་པ་དེའི་དབེེན་པ་ཇི་ལྟ་བུ་ཞེ་ན། དབེེན་པ་ནི་གསུམ་སྟེ་ཞེས་པ་ནི་བསྐོར་བའི་སྒོ་བཅད་དེ་འདུག་པ་དང་། དགེ་སློང་སྲུང་དུ་བཅུག་པ་དང་། ཤམ་
[40b.7]ཐབས་ཀྱི་མཐའ་མ་མདུད་པ་བོར་བའོ་ཞེས་པ་གསུམ་ཡིན་ནོ། །མི་ཚངས་པར་སྤྱོད་པའི་ཕས་ཕམ་བ་རྣམ་པར་འབྱེད་པའོ། །རྣམ་པར་འབྱེད་པ་ལ་སོགས་པའི་འབྱེད་པ་རྒྱས་པ་ཕྲན་ཚེགས་ལ་སོགས་པ་ལས་འབྱུང་བ་ད་སྟོན་པ་ནི། གང་ན་བུད་མེད་ལྐུགས་པ་དར་མི་འགྲོའོ་ཞེས་པ་
[41a]
[41a.1]ལ་སོགས་པ་ཡིན་ཏེ། ཁྱིམ་གང་ན་བུད་མེད་མི་ཅ་བས་ལྐུགས་པ་དེར་ཅི་ནས་ཀྱང་#མ་འགྲོ་ཤིག་པའོ། །གང་ན་མི་#མ་ཡིན་འཚེ་བར་བྱེད་པ་དེར་མི་གནས་ཞེས་པ་ནི་དགོན་པ་ལ་#སོགས་པ་གང་ན་གནོད་སྦྱིན་ལ་སོགས་པ་འཚེ་བ་ཡོད་པ་དེར་གནས་མ་འཆའ་ཤིག་པའོ། །
[41a.2]འདོད་ཆགས་ཆེ་བས་སྒྲེའུ་#བཅང་ཞེས་པ་ནི། འདོད་ཆགས་ཆེ་བ་སྟ་གོན་འདི་ལྟར་གྱིས་ཤིག་པའོ། །སྒྲེའུ་#དེའི་རྒྱུ་ཅི་#ལས་བྱ་ཞེ་ན། རའམ་རི་དྭགས་#སམ་བྱི་བའི་པགས་པའོ་ཞེས་པ་ཡིན་ཏེ། འདི་དག་ཏུ་མ་ཟད་ཀྱི་གཞན་ཡང་གང་མཉེན་ཞིང་སྤུ་འཇམ་པ་ལས་གྱིས་ཤིག་པའོ། །དྲི་མི་
[41a.3]ང་བའི་ཕྱིར་བསྔ་#བས་སོ་ཞེས་པ་ནི། སྒྲེའུ་དེ་དྲི་མིང་བར་མི་འགྱུར་བའི་སྤྱད་ད་དུར་#ཨ་རུ་ར་ལ་སོགས་པ་བསྔ་བའི་ཕྱེ་མས་ཐོབ་ཤིག་པའོ། །བཀྲུ་བ་དང་སྐམ་པའོ་ཞེས་པ་ནི་སྒྲེའུ་དེ་དྲི་ང་ན་དུས་དུས་སུ་འདི་ལྟར་ཡང་གྱིས་ཤིག་པའོ། །བཀྲུ་ཞིང་སྐེམས་#པའི་ཚེ་ཇི་ལྟར་བྱ་ཞེ་ན། དེའི་ཚེ་
[41a.4]གཞན་ཡང་ངོ་ཞེས་པ་ཡིན་ཏེ། གཅིག་འཁྲུ་ཞིང་སྐེམས་པའི་ཚེ་འཐེབ་གཅིག་ཀྱང་གུད་ན་ཡོད་པར་གྱིས་ཤིག་པའོ། །ཡང་དེ་ལྟར་ན་གཟན་བྱ་ཞེས་པ་ནི་ཁུ་བ་མངས་པས་སྒྲེའུ་གཤེར་ཏེ་ལྡར་ན་ནང་དུ་གཟན་ཐིང་ཤིག་པའོ། །གཟན་དེ་ཅིས་#བྱ་ཞེ་ན། བྱེ་མའམ་ཐལ་བས་སོ་ཞེས་པ་
[41a.5]ཡིན་ནོ། །བཀྲུས་ལ་གཞག་སྟེ་ཟས་དང་མཆོད་རྟེན་ལ་ཕྱག་བྱ་ཞེས་པ་ནི་སྒྲེའུ་དེ་ཕོག་#ཚན་བཀྲུ་བཤལ་བྱས་ནས། གདོད་མཆོད་རྟེན་ལ་ཕྱག་བྱ་བ་དང་ཟས་བཟའ་བ་གྱིས་ཤིག་པའོ། །མི་ཚངས་པར་སྤྱོད་པའི་ཕས་ཕམ་པ་ཕྲན་ཚེགས་སུ་གཏོགས་པའོ། །སྒོ་གསུམ་དུ་
[41a.6]སྤྱད་པ་ཕས་ཕམ་པའི་རྒྱུའོ་ཞེས་པ་ནི་བསྟན་ན་དེ་དག་གི་མཚམས་ཇི་ཙམ་འདས་ཤིང་ཐལ་བས་ཕས་ཕམ་པར་འགྱུར་བའི་བྱེ་བྲག་གསལ་པོར་མ་བསྟན་པ་ད་སྟོན་པ་ནི། ཁའི་རྩོམ་པ་ནི་སོ་འདས་པའོ་ཞེས་པ་ལ་སོགས་པ་ཡིན་ཏེ། ཁར་སྤྱོད་པ་ནི་སོ་འདས་ན་ཕམ་པའོ། །བཤང་ལམ་
[41a.7]གྱི་ནི་གཞང་སོ་ཕན་ཆད་དོ་ཞེས་པ་ནི། བཤང་ལམ་དུ་སྤྱོད་ན་གཞང་སོ་ཐལ་བས་ཕམ་པའོ། །འཛག་བྱེད་ཀྱི་ནི་ཁ་ཤུན་ནོ་ཞེས་པ་ནི་འཛག་བྱེད་དུ་སྤྱོད་ན་ཁ་ཤུན་ཐལ་བས་ཕམ་པའོ། །འདི་ནོར་བུ་འདས་པ་དེའི་མཐའོ་ཞེས་པ་ནི་དཀྲེ་འདས་ན་#མཐའི་སྟེ་ཕམ་པར་སྟོན་པའོ། །གོང་དུ་
[41b]
[41b.1]མ་ཉམས་པ་ཞེས་སྨོས་པ་དེའི་ཉམས་པ་ཇི་ལྟ་བུ་ཞེ་ན། ཕྱོགས་ཅུང་ཟད་བརྩེགས་པ་དང་། སྐྲངས་པ་དང་། རུལ་པ་དང་། ཞིག་པ་དང་། སྲོག་ཆགས་ཀྱིས་ཟོས་པ་རྣམས་ནི་ཉམས་པའོ་ཞེས་པ་ཡིན་ཏེ། སྤྲུལ་དང་སྡིག་སྦྲུལ་ལ་སོགས་པས་མཚན་ཅུང་ཟད་བརྩེགས་པ་དང་། རིལ་གྱིས་
[41b.2]བརྩེགས་པ་དང་། སྐྲངས་པའམ། རུལ་པ་འམ། ཞིག་པའམ། ཁྱི་ལ་སོགས་པ་སྲོག་ཆགས་གཞན་གྱིས་ཟོས་པ་རྣམས་ནི་ཉམས་པར་སྟོན་པའོ། །རྐེད་པར་བཅད་པའི་གཞུག་གནས་#ལ་འབྲི་བ་མེད་ཅེས་པ་ནི་རྐེད་པར་གཅད་#པ་ལྟ་བུ་ལས་ཉམས་པ་ལ་སྤྱད་ན་འབྲིར་རེ་བ་བསལ་བའི་ཕྱིར་
[41b.3]རྐེད་པར་བཅད་ཀྱང་གཞུག་གནས་མ་ཉམས་པའི་ཕྱིར་འབྲི་བ་མེད་དེ་ཕས་ཕམ་པར་སྟོན་པའོ། །བསྟེན་པ་ཕྱེད་ཚལ་སྦྱར་བའི་མཚམས་མི་མངོན་ན་ཡང་ངོ་ཞེས་པ་ནི་བསྟེན་པའི་#ཕྱེད་ཚལ་དུ་གྱུར་པ་སླར་སྦྱར་བའི་མཚམས་ལེགས་པར་འབྱོར་ཅིང་གྱེས་པར་མི་མངོན་པར་སྤྱད་ན་ཡང་ཕས་#ཕམ་པའོ། །
[41b.4]མངོན་ན་ཚིགས་འོག་མ་ཞེས་པ་#ནི་གོང་མ་ལྟར་གྱུར་པའི་མཚམས་གྱེས་པར་མངོན་པར་སྤྱད་ན། རྩོམ་པ་ནས་རྩ་བའི་བར་དུ་ཉེས་པ་ན་རེ་འབྲི་བར་སྟོན་པའོ། །ཕག་ལ་སོགས་པའི་སྤུ་བྱི་བར་བཙོས་པ་ནི་སྦོམ་པོར་བྱེད་དོ་ཞེས་པ་ནི། ཕག་རོ་སྤུ་བྱི་བྱིར་བཙོས་པའི་གཞུག་#གནས་ལ་སོགས་
[41b.5]པར་སྤྱོད་པ་ནི་བཙོས་པས་ཉམས་པའི་ཕྱིར་སྦོམ་པོར་འགྱུར་བའོ། །མདོ་འདི་ནས་མཐར་བཤད་པའི་གཡོགས་པ་#བསམས་པ་ཞེས་པའི་མདོ་ལ་ཐུག་པའི་བར་དུ་ནི་སྦོམ་པོར་སྟོན་པ་ཤ་སྟག་གོ། ཤི་བའི་སྒོ་གསུམ་དུ་སྤྱད་པ་#ཕམ་པར་འདྲའོ་ཞེས་གོང་དུ་བསྟན་པ་དེའི་བྱེ་བྲག་གསལ་བར་
[41b.6]སྟོན་པ་ནི། མགོ་བཅད་པའི་ཁར་ཡང་ཞེས་པ་ཡིན་ཏེ། མགོ་བཅད་པའི་ཁར་སྤྱད་པ་ལྟ་བུ་ནི་སྦོམ་པོ་ཡིན་པར་སྟོན་པའོ། །མགོ་བཅད་པའི་བཤང་ལམ་དང་གཞུག་གནས་སུ་སྤྱོད་པ་ནི་རྩ་བར་འགྱུར་རོ། །བསྟེན་པ་དང་བསྟེན་པ་ལུས་དང་བྲལ་བ་ཡང་ངོ་ཞེས་པ་ནི། མོ་མཚན་ཉི་
[41b.7]ཚེ་བཅད་པ་ལ་སོགས་པ་ཕོ་མཚན་ལ་བསྐོན་པའམ། ཕོ་མཚན་ཉི་ཚེ་བཅད་པ་མོ་མཚན་ལ་སོགས་པར་འཇུག་པ་ལྟ་བུ་ནི་སྦོམ་པོར་འགྱུར་བའོ། །གཞན་ཡང་ཕ་རོལ་པོའི་ཕ་རོལ་གྱིར་འཛུད་པའོ་ཞེས་པ་ནི། མདོ་གོང་མ་ལས་གཞན་པ་སྟེ་ཕོ་མཚན་དང་མོ་མཚན་ལུས་དང་མ་བྲལ་བ་#
[42a]
[42a.1]བདག་གིར་མ་ཡིན་གྱི#། ཕ་རོལ་པོ་གཅིག་གི་#གནས་སུ་གཅིག་འཇུག་པར་བྱས་ན་བདག་ལ་སྦོམ་པོར་འགྱུར་བའོ། །ལུས་བཅད་པའི་བུ་ག་གཞན་དུ་ཡང་ངོ་ཞེས་པ་ནི། ལུས་བཅད་པའི་སྒོ་གསུམ་མ་ཡིན་པའི་བུ་ག་རང་བཞིན་གྱིས་ཡོད་པའམ་རྨ་ལྟ་བུ་འཕྲལ་ལ་གནོད་#
[42a.2]པར་སྤྱོད་པ་ཡང་སྦོམ་པོའོ། །མ་ནིང་མི་#བསྟེན་པ་དགོས་ཐག་པ་ཡང་ངོ་ཞེས་པ་ནི་མ་ནིང་མའི་མོ་མཚན་དགོས་ཐག་པར་སྤྱོད་པ་ཡང་#སྦོམ་པོའོ། །མཆུ་ཡང་ངོ་ཞེས་པ་ནི་མཆུར་སྤྱོད་ན་ཡང་སྦོམ་པོར་འགྱུར་བའོ། །མཚམས་ཀྱི་ཕྱི་ཕན་ཆད་དོ་ཞེས་པ་ནི་སོའི་ནི་ཕྱི་རོཆུའི་ནི་
[42a.3]ཕན་ཆད་ཀྱི་བར་དུ་སྤྱོད་ནའང་སྦོམ་པོར་འགྱུར་བའོ། །སྒྱེའུར་ཡང་ཞེས་པ་ནི་སྒྱེའུ་ལྟ་བུར་ཤུབས་#བྱས་པར་འདོད་ཆགས་ཀྱིས་ཆེད་དུ་སྤྱོད་ན་སྦོམ་པོར་འགྱུར་བའོ། །བལྟབ་པ་དང་ཡལ་བར་བཅུག་པའོ་ཞེས་པ་ནི་ཕོ་མཚན་བལྟབ་སྤྱོད་པ་དང་། མོ་མཚན་ཆེས་#པས་བཅུག་ཀྱང་ཡལ་
[42a.4]ཏེ་མི་རེག་པ་ལྟ་བུ་ནི་སྦོམ་པོར་འགྱུར་རོ། །མ་རེག་པར་བཅུག་པ་སྦོམ་པོར་འགྱུར་ན་བསྟེན་པ་དང་བསྟེན་པར་གཡོགས་ཏེ་སྤྱོད་པ་ཅི་ཕྱིར་ཕམ་ཞེས་པའི་དོགས་པ་བསྩལ་#བའི་ཕྱིར། མཐར་བཤད་པའི་གཡོགས་པར་བསམས་པ་དེ་ནི་གང་གིས་གཡོགས་པ་དེ་#རེག་ཡོད་ཡེ་མི་སྲིད་པ་མ་
[42a.5]ཡིན་པས་སོ་ཞེས་པ་ཡིན་ཏེ། དེ་གཉིས་དར་#ལྟ་བུ་ལ་སོགས་པ་སྲབ་མོས་གཡོགས་སུ་ཟིན་གྱིས་ཀྱང་དགའ་བའི་ཉམས་མི་མྱོང་དུ་མི་བཏུབ་པའི་ས་ན་ཕམ་པར་བསྟན་ཏོ#། །གཞན་གྱིས་གཡོགས་པ་ནི་#མ་རེག་པར་བཅུག་པར་བཤད་པའོ་ཞེས་པ་ནི། ཕྱིང་པ་ལ་སོགས་པ་སྟུག་པོ་
[42a.6]གཞན་གྱིས་གཡོགས་བ་ནི་མ་རེག་པར་བཅུག་པ་དང་འདྲ་སྟེ་སྦོམ་པོར་སྟོན་པ་ཡིན་ནོ། །ཕས་ཕམ་པ་དང་པོ་ཞུས་པར་གཏོགས་པའོ།། །།#ད་ནི་བྱེ་བྲག་ཏུ་ངེས་པ་ལས་མི་ཚངས་པར་སྤྱོད་#པར་གཏོགས་པ་སྟོན་པ་སྟེ། དགེ་སློང་གི་ངོ་བོར་མི་ཚོར་བར་#སྤྱོད་པ་ནི་རང་བཞིན་
[42a.7]ཉམས་པའོ་ཞེས་པ་ནི། གོང་དུ་ཉམས་པ་བསྟན་པའི་ཆད་སྟོན་པ་ཡིན་ཏེ། སྨྱོས་སམ་བརླམས་#སམ་ཚོར་བས་ཉེན་ནས་བདག་དགེ་སློང་ཡིན་ནོ་བར་མི་དྲན་ཞིང་མི་ཚོར་ན་རང་བཞིན་ཉམས་པ་ཡིན་བར་སྟོན་པའོ། །གོང་དུ་ཉམས་པ་ཞེས་བསྟན་པ་དེའི་བྱེ་བྲག་འབྱེད་པ་ནི། ཉམས་
[42b]
[42b.1]པ་གཉིས་ནི་ཕྱི་ནང་ངོ་ཞེས་པ་ཡིན་ཏེ། ཕོ་མཚན་ནས་#མོ་མཚན་གྱི་ནང་བརྩེགས་པ་ལ་སོགས་པས་ཉམས་སམ་ཕྱི་བརྩེགས་པ་ལ་སོགས་པས་ཉམས་#པར་སྟོན་པའོ། །དེ་ལ་བུད་མེད་ཀྱི་ནི་ནང་ཉམས་པ་བཙན་ནོ། །གཞན་ལ་བརྟེན་#པར་ཁས་བླངས་#ན་བསླབ་པ་ཞིག་གོ་ཞེས་པ་
[42b.2]ནི་དགེ་སློང་མ་ཕ་རོལ་གྱིས་བསྐུགས་པ་དང་རུང་བར་ཁས་བླངས་ན་དེས་བསླབ་པ་འཁྲུགས་ཤིང་ཉམས་པར་སྟོན་ཏེ། རེག་པ་ལ་སོགས་པའི་ཚིགས་དང་སྦྱར་དུ་མི་རུང་ངོ་། །འདིར་ཡང་འདི་སྦྱིན་ཞེས་པ་ནི་དགེ་སློབ་#མ་དེ་གོང་མ་ལྟར་གྱུར་ན་བསླབ་པ་ཡང་ཕོག་ཤིག་པའོ། །དགེ་སློང་
[42b.3]ཕ་འདི་སྦོམ་པོའོ་ཞེས་པ་ནི་དགེ་སློང་ཕས་ཁ་ལ་སོགས་པར་སྤྱོད་པར་ཁས་བླངས་ན་སྦོམ་པོར་འགྱུར་བའོ། །སྡུད་པར་མ་ཆུད་ན་ཡང་ངོ་ཞེས་པ་ནི། །བསྟེན་པ་དང་བསྟེན་པ་རྐྱེན་དུ་མ་འབྱོར་ཏེ་མ་ཆུད་ན་སྦོམ་པོར་འགྱུར་བའོ། །གཞུག་མའི་དམར་ཕུལ་བ་ཡང་ངོ་ཞེས་པ་ནི་མི་ཆུད་
[42b.4]པ་ལ་ནན་པོ་ཆེས་འཚང་#ཞིང་ཕུལ་བའང་སྦོམ་པོར་འགྱུར་བའོ། །སྐྲག་ཅིང་སྐྱེངས་པས་འདོད་ཆགས་མ་གྲུབ་#ཡང་ངོ་ཞེས་པ་ནི་འཇིགས་པའམ་སྐྱེངས་པས་འདོད་ཆགས་ཀྱི་ཉམས་མ་གྲུབ་པ་ལྟ་བུ་ནི་བཅུག་ཀྱང་སྦོམ་པོར་འགྱུར་བའོ། །ཡན་ལག་སྐྱེས་གས་པས་རོ་མ་གྲུབ་པའོ་
[42b.5]ཞེས་པ་ནི་ཕོ་མཚན་གས་པའི་རྐྱེན་གྱིས་འཁྲིག་པའི་རོ་མ་མྱོང་བ་འམ་སྦོམ་པོར་#འགྱུར་བའོ། །ལས་སུ་མ་རུང་བར་བཅུག་ནའོ་ཞེས་པ་ནི། མ་སྒྲེན་བཞིན་དུ་བཅུག་ན་ཡང་སྦོམ་པོར་འགྱུར་བའོ། །སྤྱད་མི་བཟོད་ན་#འབྲི་འོ་ཞེས་གོང་དུ་བསྟན་པ་དེའི་སྤྱད་མི་བཟོད་པ་ཇི་ལྟ་བུ་
[42b.6]ཡིན་སྟོན་པ་ནི། ལག་པ་དང་ལག་པར་རྐང་པ་དང་རྐང་པར་ཚིགས་དང་ཚིགས་སུ་མཚན་དང་མཚན་དུ་མ་འབྱོར་ནའོ་ཞེས་པ་ཡིན་ཏེ། འདི་དག་ལྟར་ལུས་ཀྱི་རྐྱེན་དུ་མ་བབ་པ་ལས་སྤྱོད་པ་ནི་འཁྲིག་པའི་ཉམས་རངས་པར་མི་ལྡང་བས་ན་སྦོམ་པོར་འགྱུར་བའོ། །འབྲེལ་ནས་
[42b.7]གཡོས་པ་ཙམ་གྱི་ཚོད་ནའོ་ཞེས་པ་ནི། མི་འདོད་བཞིན་དུ་ནན་པོ་ཆེས་སྤྱད་དེ། ཕོ་མཚན་དང་མོ་མཚན་དུ་འབྲེལ་པ་ལས་འཁྲིག་པའི་ཉམས་ཅུང་ཟད་ཙམ་གཡོབ་#པ་ནི་སྦོམ་པོར་འགྱུར་བའོ། །ཤིང་དང་ས་དང་རྡོ་#དང་གོས་ལས་གཟུགས་བྱས་བ་དེ་ལ་བྱེད་པ་ན་གལ་ཏེ་མཚན་#
[43a]
[43a.1]ཙམ་སྟོབས་ནའོ་ཞེས་པ་ནི་མིང་གིས་སྨོས་པ་འདི་རྣམས་ལས་བུད་མེད་ལྟ་བུའི་གཟུགས་སུ་བྱས་ཏེ་གུད་པ་དང་། མི་མ་ཡིན་བ་ལྟ་བུས་མོ་མཚན་གྱི་ཐན་#ཀོར་ཙམ་དུ་དེའི་མོ་མཚན་བཟེད་#པར་སྤྱད་པ་ནི་སྦོམ་པོར་འགྱུར་བའོ། །ཡན་ལག་ཐམས་ཅད་ཀྱིས་སྦྱོར་བར་
[43a.2]བྱེད་ན་རྩ་བའོ་ཞེས་པ་ནི་གལ་ཏེ་མི་མ་ཡིན་པ་ལྟ་བུས་ཡན་ལག་ཐམས་ཅད་ཀྱིས་བཀྱུད་#ཅིང་སྦྱར་ན་རྩ་བར་འགྱུར་བའོ། །བསྟེན་པར་བརྩམས་#ནས་ཡན་ལག་སྐྱེས་སུ་རྐང་པ་བཅུག་ནའོ་ཞེས་པ་ནི། སྔར་ཉལ་པོ་#བྱ་བར་བཤམས་ལ་ཕྱིས་མོ་མཚན་དུ་རྐང་པ་བཅུག་པ་ལྟ་བུ་ནི་སྦོམ་པོར་འགྱུར་
[43a.3]བའོ། །བསྟེན་པའི་ཕྱིར་#ཕྱི་རོལ་དུ་ཡན་ལག་སྐྱེས་དེས་རེག་པ་ཙམ་གྱིས་ཆོག་པར་བྱེད་པའོ་ཞེས་པ་ནི། མོ་མཚན་གྱི་ཕྱི་རོལ་ཏམ། གཡས་གཡོན་#ཕོ་མཚན་གྱིས་རེག་པ་ཙམ་དུ་བྱེད་པ་ཡང་སྦོམ་པོར་འགྱུར་བའོ། །ཕ་རོལ་བསྟེན་པར་བསྒོ་ན་ཡང་ངོ་ཞེས་པ་ནི་ཚུར་ཤོག་ཉལ་པོ་བྱའོ་
[43a.4]ཞེ་འམ། སོང་ལ་ཉལ་པོ་གྱིས་ཤིག་ཅེས་བསྒོ་བ་ལྟ་བུ་ཡང་སྦོམ་པོར་འགྱུར་བའོ། །རང་བཞིན་གྱིས་ལས་སུ་རུང་བ་ནི་འབྲི་བར་མི་བྱེད་དོ་ཞེས་པ་ནི་#རང་བཞིན་གྱིས་སྒྲེན་#པས་སྤྱོད་ན་འབྲིར་རེ་བ་ནི་འབྲི་བ་མེད་དེ་རྩ་བར་འགྱུར་བའོ། །མདུན་རྒྱབ་གར་བརྩམས་ཀྱང་རུང་སྟེ། དེ་ལས་གཞན་
[43a.5]པར་གྲུབ་ནའོ་ཞེས་པ་ནི། སྔར་སྟུ་རྐུབ་གཅིག་ཏུ་བཀུད་ལ་ཕྱིས་ཁུ་བ་འབྱིན་པ་སྟུ་རྐུབ་གཅིག་ཏུ་སྤེལ་ཅིང་འབྱིན་པ་ལྟ་བུ་ཡང་རྩ་བར་འགྱུར་བའོ། །ལམ་ལྷག་མར་བྱའོ་ཞེ་ན་ཡང་མ་ཡིན་ཞེས་པ་ནི། མོ་མཚན་ལྟ་བུར་སྤྱོད་པ་ལ་ཁ་རྐུབ་ལ་སོགས་གཞན་དུ་ཡང་སྤྱད་དོ་སྙམ་#དུ་སེམས་བཞིན་དུ་
[43a.6]སྤྱོད་པ་ལྟ་བུ་ངའི་བསམ་པ་ཀུན་དུ་#མ་གྲུབ་པས་ན་ཕམ་པར་མི་འགྱུར་རོ་སྙམ་དུ་སེམས་པ་བསལ་བའི་ཕྱིར་བསྟན་པ་ཡིན་ཏེ། དེ་ལྟར་སྤྱོད་པ་ཡང་འབྲི་བར་མི་འགྱུར་ཏེ་ཕམ་པའོ། །བདག་ཉམས་པའོ་བར་བསམས་#ནའང་མ་ཡིན་ཞེས་པ་ནི་དངོས་སུ་ཉམས་པ་མ་ཡིན་ལ། འཁྲུལ་པ་ལ་
[43a.7]སོགས་པས་བདག་ཉམས་པ་མ་ཡིན་ནོ་སྙམ་ནས་མི་ཚངས་པར་སྤྱོད་ན་ཡང་རྩ་བར་འགྱུར་བའོ། །ནད་དང་འབྲལ་བའི་ཕྱི་ན་ཡང་མ་ཡིན་ཞེས་པ་ནི་ན་བ་ལ་ཕན་པའི་མི་ཚངས་པར་སྤྱོད་པ་བྱེད་ན་ཡང་ཕམ་པའོ། །ལམ་ལ་གཞན་དུ་འདུ་ཤེས་པའམ་ཐེ་ཚོམ་ནའང་མ་ཡིན་ཞེས་པ་ནི་མོ་
[43b]
[43b.1]མཚན་ལ་སོགས་པ་ལ་མོ་མཚན་མ་ཡིན་པར་འདུ་ཤེས་པ་དང་། ཡིན་ནམ་མ་ཡིན་དུ་གཏོལ་མེད་དེ་ཐེ་ཚོམ་ཟ་བཞིན་དུ་སྤྱོད་པ་ལྟ་བུ་དེས་འབྲི་བར་མི་འགྱུར་ཏེ་ཕམ་པའོ། །འདི་དག་ལ་ལམ་མ་ཡིན་པར་ན་སྦོམ་པོར་བྱེད་དོ་ཞེས་པ་ནི། མོ་མཚན་ལ་སོགས་པ་མ་ཡིན་བར་ཡིན་ནོ་སྙམ་དུ་#ཤེས་
[43b.2]པ་དང་། ཡིན་ནམ་མ་ཡིན་གཏོལ་མེད་པར་ཐེ་ཚོམ་ཡོད་བཞིན་དུ་སྤྱད་པ་ནི་སྦོམ་པོར་འགྱུར་བའོ། །བརྡོས་#ཏེ་བུད་མེད་ཀྱི་སྟེང་དུ་ལྟུང་བ་ནི་ཉེས་མེད་ཅེས་པ་ནི་ཆེད་#དུ་མ་བྱས་ཀྱི་གཞན་གྱིས་བརྡོས་ཤིང་ཕུལ་ཏེ་འདི་ལྟར་གྱུར་པ་ལ་ཉེས་#མེད། མི་འདོད་བཞིན་དུ་ཕོངས་པས་མགུལ་ནས་
[43b.3]འཁྱུད་ནས་ཡང་ངོ་ཞེས་པ་ནི་བདག་མ་དད་བཞིན་དུ་བུད་མེད་སྐྲག་ཅིང་ཕོངས་པས་འདི་ལྟར་བྱས་པ་ལ་ཉེས་མེད། མཆུ་དང་མཆུར་ཐུག་པ་ཡང་ངོ་ཞེས་པ་ནི་བདག་མ་དད་བཞིན་དུ་ཕས་འོ་བྱས་པའམ། སྡངས་ཤིང་བརྟད་#པས་འདི་ལྟར་གྱུར་པ་ལ་ཉེས་པ་མེད། ཁྱི་མོའི་མདུན་དུ་བཤད་པར་
[43b.4]མི་བྱའོ་ཞེས་པ་ནི། སྔོན་གྱི་གླེང་གཞི་ཡོད་པས་ནི་#འདི་ལྟར་མ་བྱེད་ཅིག་པའོ། །དགོན་པ་གང་ན་སྲོག་ལ་དམན་པ་དེར་མི་གནས་ཞེས་པ་ནི་མི་#མ་ཡིན་པ་ལ་སོགས་པ་འཚོ་ཞིང་སྲོག་ལ་དམན་པའི་གནས་སུ་མ་འདུག་ཤིག་པའོ། །ཆུ་ཀླུང་གང་དུ་ཡིན་#ལག་སྐྱེས་ཁྱེར་གྱིས་དོགས་པ་དེར་#
[43b.5]གཅེས་པར་མི་རྐྱལ་#ཞེས་པ་ནི་ཡང་བའི་#ཆུ་བོ་འདི་ལྟ་བུར་སྨད་དཀྲིས་#མེད་པར་འདི་ལྟར་གཅེར་པར་མ་རྐྱལ་ཅིག་#པའོ། །འདི་གྲུ་ལ་ཤེས་བཞིན་དུ་བརྒལ་ཞེས་པ་ནི་#གོང་མ་ལྟ་བུར་དོགས་ཏེ། གྲུ་ལ་བརྒལ་ན་བུད་མེད་ལ་སོགས་པ་དང་མི་རེག་#པར་ཤེས་བཞིན་དུ་གྱིས་ཤིག་པའོ། །བའི་
[43b.6]ནང་དུ་ཡང་ཤེས་བཞིན་བར་འགྲོ་ཞེས་པ་ནི་བའི་ཁྱུའམ་བའི་ནང་དུ་འགྲོ་བ་ན་ཡང་མི་རེག་#པ་ལ་སོགས་པ་ཤེས་བཞིན་དུ་གྱིས་ཤིག་པའོ། །ཁྲོན་པར་ན་ཡང་བརྟག་ཅེས་པ་ནི་ཁྲོན་པར་ཆུ་#ཆུ་བའི་ཚེ་བུད་མེད་ཆུ་ཆུ་བ་ལ་སོགས་དང་མི་རེག་པར་སྟ་གོན་གྱིས་ཤིག་པའོ། །བསོད་
[43b.7]སྙོམས་གྱི་ཕྱིར་གྲོང་དུ་སྤྱོད་པ་ཡང་ངོ་ཞེས་པ་ནི། བསོད་སྙོམས་ལ་གྲོང་དུ་འགྲོ་བའི་ཚེ་ན་ཡང་བུད་མེད་ལ་བག་གྱིས་ཤིག་པའོ། །ཤིན་ཏུ་བརྟགས་ལ་རབ་ཏུ་དེ་དབྱུང་ཞེས་པ་ནི་རབ་ཏུ་དབྱུང་བའི་ཚེ་བུད་མེད་ཡིན་ཡང་སྲིད་པས་ན་ཤིན་ཏུ་ལེགས་པར་རྟོགས་ཤིག་པའོ། །གཅིག་བུ་
[44a]
[44a.1]བླ་གབ་མེད་པར་ལོགས་ཀྱིས་མི་དབབ་ཅེས་པ་ནི་གཅིག་པུ་འདི་ལྟར་མ་བྱེད་ཅིག་པའོ། །སྒོ་མ་བཅད་པ་དེའི་ཁྱིམ་དུ་དགེ་སློང་མས་བསམ་གཏན་ཡང་མི་བྱ་ཞེས་པ་ནི། བསམ་གཏན་ཉི་ཚེར་མ་ཟད་ཀྱི་གཉིད་ལོག་#པར་ཡང་མ་བྱེད་ཅིག་པའོ། །ཕས་ཕམ་པ་དང་
[44a.2]པོ་བྱེ་བྲག་ཏུ་ངེས་པའོ། །མི་ཚངས་པར་སྤྱོད་པའི་ཕས་ཕམ་པ་རྫོགས་སོ།། །།ཇི་ལྟར་བྱས་པས་མ་བྱིན་པར་ལེན་པར་འགྱུར་ཞེ་ན། འཕྲོག་པ་དང་འཕྲོག་ཏུ་བཅུག་པའོ་ཞེས་པ་ལ་སོགས་པ་ཡིན་ཏེ། བདག་གིས་བརྐུས་ཀྱང་རུང་། ཕ་རོལ་རྐུར་#བཅུག་ཀྱང་རུང་སྟེ་ཕམ་
[44a.3]པའོ། །ཕོ་ཉས་ཀྱང་ངོ་ཞེས་པ་ནི་རྐུར་བཏང་བའམ་རྐུར་བཏང་བས་རྐུར་བཅུག་ན་འང་ཕམ་པའོ། །ཕོ་ཉ་ལ་སོགས་པས་འཕྲོག་གམ་འཕྲོག་དུ་བཅུག་པ་དེ་ཇི་ལྟ་བུ་ལ་བྱ་ཞེ་ན། མ་བྱིན་པའོ་ཞེས་པ་ཡིན་ཏེ། སྐྱེས་པ་འམ་བུད་མེད་དམ་མ་ནིང་#གིས་ཀྱང་མ་བྱིན་པའོ། དེའང་ཚད་ཇི་ཙམ་
[44a.4]གྱིས་ཤེ་ན། མ་ཤ་ཀ་#ལ་སོགས་པའོ་ཞེས་པ་ཡིན་ནོ། །དེ་ཡང་ཇི་ལྟ་བུའི་སེམས་ཀྱིས་ཤ་ན། རྐུ་#སེམས་སོ་ཞེས་པ་ཡིན་ཏེ། ཡིད་བརྟན་པ་ལ་སོགས་པའི་བསམ་པ་ལ་ཉེས་མེད་པར་འོག་ནས་འབྱུང་བས་ན་རྐུ་བའི་སེམས་སོ་ཞེས་སྨོས་པ་ཡིན་ནོ། །མི་མ་#ཡིན་པའི་འགྲོ་བའི་ཡང་ཕམ་པར་
[44a.5]འགྱུར་རམ་ཞེ་ན། མིའི་འགྲོ་བས་ཡོངས་སུ་བཟུང་བའོ་ཞེས་པ་ཡིན་ཏེ། མིའི་ནོར་ལས་#ཁྱེར་ནའོ། །མིས་ཡོངས་སུ་བཟུང་བ་ཡིན་ལ། བཟུང་བ་#མི་མ་ཡིན་ལ་སོགས་ཀྱི་བར་བསམས་པའང་ཉེས་པ་རངས་པར་འགྱུར་རམ་ཞེ་ན་དེར་འདུ་ཤེས་ནའོ་ཞེས་པ་ཡིན་ཏེ། མིའི་ཡིན་པར་
[44a.6]འདུ་ཤེས་ན་གདོད་ཕམ་པར་འགྱུར་བའོ། །དེ་ལྟ་བས་ན་མ་བྱིན་པར་ལེན་པའི་ཕས་ཕམ་པར་འགྱུར་བ་ནི་མ་བྱིན་ཞེས་པ་ནས། དེར་འདུ་ཤེས་#པའི་བར་དུ་ཡན་ལག་ལྔ་དང་ལྡན་པས་འགྱུར་བར་སྟོན་ཏོ། །འདི་ལྔ་ལས་གང་ཡང་རུང་སྟེ། གཅིག་མ་ཚད་#ན་འབྲི་བར་འགྱུར་རོ། །གོང་
[44a.7]དུ་མིས་ཡོངས་སུ་བཟུང་བ་ཞེས་བསྟན་ན་རླུང་ལ་སོགས་པས་ཁྱེར་བ་ལྟ་བུ་མིས་བཟུང་བ་གཏོགས་སམ་མ་གཏོགས་ཤེ་ན། ཁྱེར་བ་སེམས་ཀྱིས་མ་བཏང་ན་བདག་པོ་དང་བྲལ་བ་མ་ཡིན་ནོ་ཞེས་པ་ཡིན་ཏེ། རླུང་དང་རྐུན་པོ་ལ་སོགས་པས་རྫས་ཁྱེར་བ་དེས་རེ་ཐག་མ་བཅད་ན་བདག་པོ་
[44b]
[44b.1]མེད་པར་མི་འགྱུར་བའོ། །བྱོལ་སོང་བདག་པོ་ཡོད་པའི་ནོར་བརྐུས་ན་ཅིར་#འགྱུར་ཞེ་ན། གསོན་མའི་ནི་བསྲུང་བ་བདག་པོར་འགྱུར་རོ་ཞེས་པ་ཡིན་ཏེ། གསོན་མའི་རྒྱན་ལྟ་བུ་ནི་གསོན་མ་ཉིད་ཀྱང་དབང་གསོན་མའི་བདག་པོ་ཡང་དབང་བས་ན་གསོན་མའམ་བདག་པོ་གང་གིར་བསམས་
[44b.2]ཏེ། བརྐུས་པ་དེ་འདུ་ཤེས་ཀྱིས་བྱའོ#། །བྱོལ་སོང་གསོན་མའི་ཟས་སྐོམ་བརྐུས་པའང་དེ་དང་འདྲ་བའམ་ཞེ་ན། བཟའ་བའི་ཕྱིར་བྱིན་པ་ནི་བདག་གིས་བསམས་པ་མེད་དོ་ཞེས་པ་ཡིན་ཏེ། ཟས་སུ་ཕོག་པ་ནི་#གཏན་གོང་དུ་གྱུར་པས་ན། དེ་བརྐུས་པས་ནི་ཕམ་པར་མི་འགྱུར། མི་ལོང་#
[44b.3]གིས་བསྐོར་བ་ལ་སོགས་པའི་རི་དགས་ཀྱི་བདག་པོ་སུ་ཡིན་ཞེ་ན། བྱ་རི་དགས་གཅན་གཟན་དག་བཟུང་བའི་ཕྱིར་མེ་གཏོང་བ་ལ་སོགས་པས་བཤོར་#བ་ལ་ནི་མི་བཤོར་#བ་ལ་མི་དབང་ཞེས་པ་ཡིན་ཏེ། གང་གིས་བཤོར་ཞིང་བརྩམས་པ་དེ་དབང་བས་ནི་རྙིས་#ཟིན་པ་ལ་སོགས་པ་རྐུ་
[44b.4]སེམས་ཀྱིས་བཏང་ངམ་ཁྱེར་ན་ཕམ་པར་འགྱུར་བའོ། །བདག་པོ་མ་དེས་པའི་ནོར་བརྐུས་པ་ཅིར་འགྱུར་ཞེ་ན། མ་ངེས་པ་ནི་དངོས་པོས་བཅད་ཅེས་པ་ཡིན་ཏེ། བདག་པོ་ཡོད་དམ་མེད་གཏོལ་མེད་པའི་རྫས་ལྟ་བུ་ཡོད་ཀྱང་རུང་མེད་ཀྱང་རུང་བར་བསམས་ཏེ་བརྐུས་ན་བདག་པོ་ཡོད་དམ་
[44b.5]མེད་པ་ལས་ཕམ་པ་དང་། མི་ཕམ་པར་དབྱེའོ། །རིན་ཐང་རྩིས་ཤིག་ཅེས་གསུངས་པའི་རིན་ཐང་བརྩིར་#ཡུལ་དང་དུས་ཀྱི་རིན་ཐང་མི་མཉམ་#པ་ཇི་ལྟར་བྱ་ཞེ་ན། རྐུ་བའི་གནས་དང་། དུས་ཀྱི་རིན་གྱིས་སོ་ཞེས་པ་ཡིན་ཏེ། ཡུལ་གང་དུ་བརྐུས་པ་དང་། ནམ་བརྐུས་པ་#དེའི་
[44b.6]རིན་ཐང་གིས་བརྩིས་ཤིག་པའོ། །རྐུ་བར་མ་བསམས་པའི་རྫས་ལག་ཏུ་འོངས་པ་ཅིར་འགྱུར་ཞེ་ན་མ་བསམས་པ་ལ་ཉེས་མེད་ཅེས་པ་ཡིན་ཏེ། གང་#རྐུ་བའི་ཞོར་ལ་ཆོས་གོས་འོངས་པ་ལྟ་བུ་རྐུ་བར་མ་བསམས་ན་ཉེས་མེད། བདག་གི་དང་བརྙན་#པོ་དང་། ཡིད་བརྟན་པའི་སེམས་
[44b.7]ཀྱིས་གཞན་ཤེས་པར་བྱས་པའོ་ཞེས་པ་ནི་བདག་གི་རྫས་ཡིན་པར་བསམས་ཏེ་ཁྱེར་བ་དང་བསྙན་#པོ་དང་ཡིད་བརྟན་པར་བསམས་ཏེ་ཁྱེར་བ་ལྟ་བུ་ལ་ཡང་ཉེས་མེད། དེ་ཡང་ཕ་རོལ་ཤེས་པར་ནི་གྱིས་ཤིག་པའོ། །གཞན་དུ་ན་རྐུ་སེམས་མེད་པའོ་ཞེས་པ་ནི། གོད[་གོང་]མ་གསུམ་ལྟར་
[45a]
[45a.1]ཡང་མ་ཡིན་ཞིང་རྐུ་སེམས་མེད་པས་ཕ་རོལ་གྱི་ནོར་ཁྱེར་བའང་ཉེས་པར་མི་འགྱུར། སྙིང་རྗེའི་འཕྲུལ་གྱིས་བཏབ་པ་ཡང་ངོ་ཞེས་པ་ནི། གཞི་སྙིང་རྗེ་ལས་བླངས་པའི་རྫུ་འཕྲུལ་གྱིས་རྐུན་པོའི་ལག་ནས་མི་བཏང་བ་ལ་སོགས་པ་ཉེས་མེད། སྦྱོར་བ་ནི་ཐམས་ཅད་
[45a.2]དུ་ཉེས་བྱས་ཞེས་པ་ནི། དང་པོ་ཤོམས་ཤིང་#རྩོམ་པའི་ཚེ་ནི་ཉེས་བྱས་སོ། །སྡེ་འདི་ལ་ནི་ཇི་སྟེ་རྩ་བའི་ན་སྦོམ་པོའོ་ཞེས་པ་ནི། ཕས་ཕམ་པའི་རྩ་བའི་སྦྱོར་བ་ཡིན་ན་སྦོམ་པོར་འགྱུར་བའོ། །མོད་བཞིན་པའི་ཡང་དེ་བཞིན་ཞེས་པ་ནི་#ཕས་ཕམ་པའི་འོག་ཏུ་ལྷག་མ་འབྱུང་བས་#ན་
[45a.3]ལྷག་མ་དེའི་རྩ་བར་སྦྱོར་བ་ཡང་ལྷག་མའི་སྦོམ་པོའོ། །མ་ཤ་ཀ་ལྔར་#ཚང་བ་ལ་སོགས་པས་ནི་ཕམ་ན་མ་ཚང་བ་ཅིར་འགྱུར་ཞེ་ན། མ་ཚང་བ་བརྐུས་པའོ་ཞེས་པ་ཡིན་ཏེ། རིན་#མ་ཚང་བར་བརྐུས་ན་སྦོམ་པོར་འགྱུར་བའོ། །འདི་ནས་སྙིང་རྗེའི་སེམས་ཀྱིས་ན་ཉེས་བྱས་ཞེས་པ་ལ་
[45a.4]ཐུག་པའི་བར་དུ་ནི་སྦོམ་པོ་#ཤ་སྟག་འཆད་དོ། །བདག་པོ་མ་ཡིན་པའི་བརྐུས་པ་ནི་ཕམ་པར་འགྱུར་ན། བདག་པོ་མེད་པའི་བརྐུས་པ་ཅིར་འགྱུར་ཞེ་ན། བདག་པོ་མེད་པའི་གཏེར་ཡང་ཞེས་པ་ཡིན་ཏེ། བདག་པོ་མེད་པའི་གཏེར་བརྐུས་ན་སྦོམ་པོར་འགྱུར་བའོ། །བདག་གི་ཡང་
[45a.5]ངོ་ཞེས་པ་ནི། བདག་གི་ནོར་བརྐུས་ན་སྦོམ་པོར་འགྱུར#། རྒྱུད་གཞན་གྱི་ཡོད་ཅེས་#པ་ནི་མིའི་རྒྱུད་མ་ཡིན་པ་རྒྱུད་གཞན་གྱི་#བརྐུས་ན་སྦོམ་པོར་འགྱུར་བའོ། །བདག་གིར་བྱ་བའི་ཕྱིར་བརྐུས་པ་ནི་ཕམ་བར་འགྱུར་ན། བདག་པོ་དང་བྲལ་བ་ཉི་ཚེར་བྱས་པ་ཅིར་འགྱུར་ཞེ་ན། བདག་
[45a.6]གིར་ནི་མ་བྱས་ཀྱི་སྦེད་པ་#དང་ཆུད་གཟན་པ་བཏགས་པ་གཏོང་བ་ལ་སོགས་པས་ཕྲལ་#བ་ཡང་ངོ་ཞེས་པ་ཡིན་ཏེ། རྣམ་པ་འདི་རྣམས་ལྟར་བྱེད་པ་ཡང་སྦོམ་པོར་འགྱུར་བའོ། །གནོད་སེམས་ཀྱིས་ཕྲལ་བ་ནི་སྦོམ་པོར་འགྱུར་ན་སྙིང་རྗེ་ཕྲལ་བ་ཅིར་#འགྱུར་ཞེ་ན། སྙིང་རྗེའི་སེམས་ཀྱིས་ཉེས་
[45a.7]བྱས་ཞེས་པ་#ཡིན་ནོ། །ཕམ་པར་བརྩམས་པ་ལས་ཤོལ་ཞིང་བཏང་བ་སྦོམ་པོ་མི་འགྱུར་དུ་རེ་བ་སྟོན་པ་ནི། བཅོས་ཀྱང་དང་པོའི་མ་#བྱས་པ་མ་ཡིན་ཞེས་པ་ཡིན་ཏེ། #ཁྱིམ་པ་བྱིན་གླགས་ཡོད་ཀྱིས་བརྐུས་ཤིག་ཅེས་བྱས་པ་ལས་ཕྱིས་འགྱོད་དོ། #རྐུན་པོ་བཟློག་གམ་ཁྱིམ་དེར་སྦྲན་
[45b]
[45b.1]ཀྱང་དང་པོའི་ཉེས་པ་རྟུལ་#བས་ན་སྦོམ་པོར་འགྱུར་བའོ། །གོང་དུ་སྦྱོར་བ་ནི་སྦོམ་པོའོ#། །སྦྱོར་བའི་སྦྱོར་བ་ནི་ཉེས་བྱས་ཞེས་བསྟན་པ་དེའི་བྱེ་བྲག་སྟོན་པ་ནི། མ་རེག་པ་ཚུན་ཆད་སྦྱོར་བའི་སྦྱོར་བའོ་ཞེས་པ་ཡིན་ཏེ་རྐུ་བར་བཤམས་པའི་རྫས་རེག་པ་ཚུན་ཆད་ནི་སྦྱོར་བའི་སྦྱོར་བ་སྟེ་
[45b.2]ཉེས་བྱས། རེག་ཅིང་ནོམ་པ་ནི་རྩ་བའི་སྦྱོར་བ་སྟེ་སྦོམ་པོའོ། །དེ་ལྟ་བས་ན་བསམ་#པའི་རིམ་པས་སྦྱོར་བའི་རིམ་པ། སྦྱོར་བའི་རིམ་པས་ལྟུང་བའི་རིམ་པའོ། །སྟན་ལས་འཕགས་པ་ཚུན་ཆད་སྦྱོར་བ་གཅིག་ཏུ་བསྟན་པ་ཁ་ཅིག་ལ་དེ་ལྟར་མི་འགྱུར་ཏེ། སྦྱོར་བ་རེ་ཉེས་བྱས་རེར་སྟོན་
[45b.3]པ་ནི་དབེན་ན་གོམ་#པ་རེ་རེ་ཞིང་ངོ་ཞེས་པ་ལ་སོགས་པ་ཡིན་ཏེ་དབེན་ནས་རྐུ་བར་#བསམས་ན་ཕྱི་ནུར་གྱི་གོམ་པ་རེ་རེ་ཞིང་ཉེས་བྱས་རེ་རེར་འགྱུར་བའོ། །ནམ་མི་སྣང་དུ་ཆ་བའི་གོམ་པ་#ཐ་མ་དེ་ནི་རྩ་བའི་སྦྱོར་བའོ། །རྩོམ་པ་གཅིག་ན་ལྟུང་བའང་གཅིག་ཏུ་རེ་བ་བསྟན་པའི་ཕྱིར་སེམས་ཅན་
[45b.4]དེ་དག་རེ་རེ་ཞིང་ངོ་ཞེས་པ་ཡིན་ཏེ་རྐུ་བ་དང་། འཚོག་པ་དང་། གཟས་པ་དང་། ཕྱར་ཀ་གཏོང་བ་ལ་སོགས་པ་སྦྱོར་བ་གཅིག་ཏུ་ཟིན་གྱིས་ཀྱང་སེམས་ཅན་དུ་#ཉེས་པར་འགྱུར་བའོ། །རེག་ཅིང་ནོམ་པའོ་ཅོག་སྦོམ་པོར་འགྱུར་ན་གྲུའི་ཐག་པ་ལ་རེག་ཅིང་ནོམ་པ་ལས་སྦོམ་པོར་དོགས་
[45b.5]པ་བསལ་བའི་ཕྱིར། ཕུར་པ་ལས་བཀྲོལ་བ་ནི་གྲུ་ལ་རེག་པ་མ་ཡིན་ནོ་ཞེས་པ་ཡིན་ཏེ། གྲུ་རེག་ན་ཐག་པ་བཀྲོལ་བ་ནི་ཉེས་བྱས་#སུ་ཟད། གནས་ནས་བསྐྱོད་དོ་ཅོག་ཕམ་བར་འགྱུར་རམ་ཞེ་ན། ཁུར་གྱིས་རྐུ་#བར་ན་དེ་དྲགས་#པས་བརྐུས་པའོ་ཞེས་པ་ཡིན་ཏེ། ཁུར་གྱིས་རྐུ་#
[45b.6]བར་བསམས་ན་ཁུར་བསླང་ངམ་ཁུར་དུ་དྲགས་པས་གདོད་ཕམ་གྱི་ཕན་ཚུན་ནས་ལེན་ཅིང་སྡུད་པ་ནི་སྦྱོར་བར་ཟད་དོ། །གཏོགས་པ་ནི་སྤུངས་#ནའོ་ཞེས་པ་ནི་མེ་ཏོག་ལྟ་བུ་སྤུངས་པ་ལ་རྐུ་བར་བསམས་ན་འཐོབ་#པ་ནི་སྤྱོར་བའོ། །ཆུའི་ནང་ན་ཡོད་པའི་ཤིང་ལྟ་བུ་སྤྱིངས་པ་ལ་
[45b.7]རྐུ་#བར་བསམས་པ་ཇི་ལྟར་གྱུར་པས་ཕམ་#ཞེ་ན། སྤྱིངས་པ་ནི་གནས་ཀྱི་སྟེང་ནས་#རྫས་ཀྱི་སྤྱི་བོ་ནུབ་ནའོ་ཞེས་པ་ཡིན་ཏེ། ཆུའི་སྟེང་ན་རྫས་ཡོད་པ་ནུབ་པར་སྤྱིངས་ན་དེས་ཕམ་པར་འགྱུར་བའོ། །དེ་ལྟ་བུའི་ཕྱིས་བླང་བར་བསམས་#པས་ན་སྔར་རྫས་སྤྱིངས་པས་ཕམ་པ་#བཤད་པ་ནི་མི་
[46a]
[46a.1]རིགས་སོ་ཞེས་པའི་དོགས་པ་བསལ་བའི་ཕྱིར། གང་འདིས་བརྐུས་ལ་ཕྱིས་བསྐུར་#རོ་བར་བསམས་ནའོ་ཞེས་པ་ཡིན་ཏེ། བླང་ནི་ཕྱིས་བླང་གི་བརྐུས་པ་ནི་སྔར་བརྐུས་པས་ན་སྤྱིངས་པའི་ཚེ་ཕམ་པར་གྱུར་ཏོ། །དར་དང་ཤིང་ལ་སོགས་པ་རིང་པོར་བཤལ་ཏེ་
[46a.2]རྐུ་བ་ཇི་ཙམ་གྱིས་ཕམ་པར་འགྱུར་ཞེ་ན། བཤལ་བ་ནི་གཞིའི་སོ་ནས་འཇུག་#འཕགས་ཏེ་མཚམས་ཐལ་བའོ་ཞེས་པ་ཡིན་ཏེ། གང་བརྐུ་བ་དེ་བཤལ་ནས་ཇིའི་སྟེང་དུ་#འདུག་པའི་གཞི་དེ་ལས་ཐལ་ན་ཕམ་པར་འགྱུར་བའོ། །རྐུ་#བའི་རྫས་གཅིག་གི་འོག་ན་མཚམས་དུ་མ་
[46a.3]ཞིག་ཡོད་ན་#མཚམས་དེ་གང་ཐལ་བས་ཕམ་པར་བརྩི་ཞེ་ན། དེ་དག་ཁྱབ་#པའི་ཁོངས་ན་བ་ནི་མ་ཡིན་ཞེས་པ་ཡིན་ཏེ། གཞི་གང་ཡིན་པའི་སོ་ལས་ཐལ་བ་བརྩན་པར་བྱའི། དེའི་འོག་ན་མཚམས་དུ་མ་ཞིག་འདུག་ནའང་དེ་དག་ཐལ་བའི་ཚད་ཀྱིས་མི་གཟུང་སྟེ། རྫས་ཉིད་ཀྱི་
[46a.4]མཇུག་རྫོགས་པས་གཟུང་བའི་ཕྱིར་རོ། །ཞུ་བ་ལས་ཀྱང་བཅོམ་ལྡན་འདས་ཡོ་བྱད་དམ་པ་#རིང་མོ་ཞིག་ཏུ་ཁྱེར་ཡང་མཐར་མི་འགྱུར་བར་མཆིས་སམ་ཞེས་པ་དང་། ཡོད་དེ་ཡོ་བྱད་དམ་པ་དེ་ཐ་མ་གཅིག་ནས་བཤལ་བ་རིང་མོ་ཞིག་ཏུ་སོན་ཀྱང་ཐ་མ་#གཅིག་གནས་ནས་མ་
[46a.5]འཕགས་ན་ཉེས་པ་སྤོམ་པོར་ཟད་དོ་ཞེས་གསུངས་པ་ལྟ་བུ་ཡིན་ནོ། །གོང་དུ་མཚམས་ཞེས་པ་ནི་བཤད་ན་མཚམས་དེའི་དངོས་ཉིད་མ་བསྟན་པ་དང་#སྟོན་པ་ནི། དེའི་ངོ་བོ་ནི་གོགས་པ་དང་། གས་པ་དང་། རི་མོ་དང་། ཁ་དོག་ཐ་དད་པ་དང་། མཚམས་དང་། སྒལ་པ་#རྣམས་
[46a.6]སོ་ཞེས་པ་ཡིན་ཏེ། དེ་ལ་གོགས་པ་ནི་ཆར་ལ་སོགས་པས་ཉེན་པའི་ས་སྐམས་ན་གོགས་པར་གྱུར་པའོ། །གས་པ་ནི་སེར་གར་རེད་#ཅིད་གས་པའོ། །རི་མོ་ཞེས་པ་ནི་ཡི་གེར་བྲིས་པ་ལ་སོགས་པ་བྲིས་པའོ་ཅོག་ལ་བྱ། ཁ་དོག་ཐ་དད་པ་ཞེས་པ་ནི་སྔོན་པོ་དང་སེར་པོ་ལ་སོགས་པ་ཁ་དོག་
[46a.7]སྣ་ཚོགས་སོ། །མཚམས་ཞེས་པ་ནི་ཕ་གུ་ལ་སོགས་པའི་མཚམས་སོ། །སྒལ་#ཞེས་པ་ནི་ཞིང་གི་མུ་ཚིགས་#དང་རེ་ལྔེ་ལ་སོགས་པས་སྒལ་#ལམ་མུ་ཚིགས་སུ་མངོན་པ་ལྟ་བུའོ། །སྲོག་ཆགས་ལྟ་བུ་ཉིད་ཀྱི་ལུས་ཀྱི་མཚམས་ཀྱིས་བཟུང་ངམ་ཇི་ལྟར་བྱ་ཞེ་ན། ཐ་དད་དུ་དབྱེར་
[46b]
[46b.1]མངོན་ན་སྲོག་ཆགས་ཀྱི་ནི་རྩིབ་མ་ལ་སོགས་པ་སྒལ་#ལོ་ཞེས་པ་ཡིན་ཏེ། རྩིབ་མ་ལ་སོགས་པ་སྒལ་#པ་འམ་ལྷུ་ཚིགས་རོང་རོང་པོར་མངོན་ན་དེ་དག་གི་མཚམས་ཀྱིས་གཟུང་མི་མངོན་ན་ལུས་སྤྱིའི་མཚམས་ཀྱིས་#གཟུང་བར་ཟད་དོ། །སའི་སྟེང་དུ་རྩ་#དང་འདབ་མ་ལ་སོགས་པ་
[46b.2]གཞིར་བཏིང་#བའི་སྟེང་ན་ཡོད་པའི་རྫས་བརྐུས་པ་ས་ཉིད་ཀྱི་མཚམས་ཀྱིས་གཟུང་ཞེ་ན། གཞིར་བཏིང་བ་གནས་སོ་#ཞེས་པ་ཡིན་ཏེ། གཞིར་བཏིང་བ་ཉིད་གནས་བས་ན་དེ་ལས་ཐལ་བ་ཕམ་པར་#འགྱུར་བ་ཡིན་ནོ། །སྐྱེ་བ་ནི་གཞག་པ་བཞིན་ཞེས་པ་ནི་ནོར་ས་ལ་བཞག་པ་བཏེག་
[46b.3]ནས་ལས་འཕགས་པས་རྩ་བར་འགྱུར་བ་བཞིན་དུ་ཤིང་ལྟ་བུ་སྐྱེ་བ་རྐུ་བ་ཡང་ཕྱུང་སྟེ་རྩ་བ་ས་ལས་འཕགས་ན་ཡང་ཕམ་པར་འགྱུར་བའོ། །སོར་གདུབ་ལ་སོགས་པ་རྐང་ལག་དང་ལུས་ལ་ཐོགས་པ་རྐུབ་ཇི་ཙམ་གྱིས་ཕམ་ཞེ་ན་ཐོགས་པ་ནི་ཕྲལ་ནའོ་ཞེས་པ་ཡིན་ཏེ། ལུས་ལས་ཕོག་
[46b.4]ཅིང་ཕྲལ་ན་ཕམ་པར་འགྱུར་བའོ། །ཤོ་གམ་རྐུ་བའི་ས་ཚིགས་ཇི་ཙམ་གྱིས་ཕམ་ཞེ་ན། ཤོ་ག་མ་ནི་ས་དེ་འདས་ནའོ་ཞེས་པ་ཡིན་ཏེ། ཤོ་གམ་གྱི་ས་ཚིགས་ཐལ་ན་ཕམ་པར་འགྱུར་རོ། །གལ་ཏེ་ས་ཚིགས་ལས་#སླར་ལོག་གམ་གྱུར་ཡང་ཡུལ་དེ་ཉིད་ཀྱི་#ཡུལ་ཁྲིམས་དང་སྦྱོར་#རོ། །
[46b.5]མི་རྐུ་བ་ཇི་ཙམ་གྱིས་ཕམ་ཞེ་ན། མི་ནི་གལ་ཏེ་བརྡས་#ཟིན་དེ་གྲུབ་པའོ་ཞེས་པ་ཡིན་ཏེ། ཕྱོགས་སམ་མཚན་མ་ཇིའི་ཚུལ་གྱིས་ཀྱང་རུང་སྟེ། རྐུ་བ་དེ་དང་བརྡ་བྱས་ནས་བརྡ་དང་རུ་#འབྱོར་ན་དེས་ཕམ་པར་འགྱུར་བའོ། །སྔགས་ཀྱི་མཐུས་མི་བཀུག་སྟེ་བརྐུས་པ་ནི་ནམ་མིག་ལམ་
[46b.6]དུ་འོངས་ན་ཕམ་པའོ། །བྱ་ནི་ཅི་#ནས་སྦུར་ན་དེའོ་ཞེས་པ་ཡིན་ཏེ། སྦུར་བ་ལ་སོགས་པ་བདག་གིས་ཐབས་ཀྱིས་ཐོབ་པའི་ཡན་ལག་ཅིས་#སྒྲུབ་ཀྱང་རུང་སྟེ་དེ་འཕུར་ཅིང་མཚམས་ལས་འདས་ན་ཕམ་པར་འགྱུར་བའོ། །བྱོལ་སོང་གི་བཏགས་པ་བཀྲོལ་ནའོ་ཞེས་པ་ནི།
[46b.7]བྱོལ་སོང་རྐུ་བ་ནི་བཏགས་ཤིང་བརྟོད་པ་བཀྲོལ་བ་དང་། རི་དགས་དང་ཉ་ལྟ་བུ་ཟིན་པ་བཀྲོལ་ན་ཕམ་པར་འགྱུར་བའོ། །བཟུང་བའམ་བཀར་བ་ནི་མི་སྣང་བར་གྱུར་ནའོ་ཞེས་བ་ནི་ཡན་པར་བཟུང་བ་དང་ཁྱུ་ནས་བཀར་བ་ལྟ་ཕུ་ནི་རྫི་ལས་མི་སྣང་བར་གྱུར་ཏམ་ཁྱུ་ལས་མི་སྣང་བར་གྱུར་ན་
[47a]
[47a.1]ཕམ་པའོ། །སྔགས་ཀྱིས་བརྐུས་ན་ཇི་ཙམ་གྱིས་ཕམ་ཞེ་ན་སྔགས་ཀྱིས་#བཀུག་པ་ནི་སྣང་ནའོ་ཞེས་པ་ཡིན་ཏེ། སྔགས་ཀྱིས་གཏེར་ལ་སོགས་པ་དྲང་ཤིང་བཀུག་པ་ནི་ནམ་མིག་ལམ་དུ་འོངས་ན་དེས་ཕམ་པའོ། །སྔགས་མཁན་དུ་མ་ཞིག་གིས་རུབ་#སྟེ་བཀུག་ནའང་
[47a.2]གཅིག་གི་མིག་#ལམ་དུ་འོངས་པས་ཀུན་ཕམ་པའོ། །བེན་ཅིང་ནུར་བ་ལ་སོགས་པས་རྐུ་བ་ཇི་ཙམ་གྱིས་ཕམ་ཞེ་ན། འབྲང་བ་དང་སྐྱོལ་བ་ལས་བེན་ཏམ་ལོག་གམ་རྒྱུའམ་གབ་#བམ་འཛེགས་ན་དེས་#ཁྱེར་བ་ལ་མི་བྱའི་སྔ་མ་#བཞིན་ཞེས་པ་ཡིན་ཏེ། མཁན་པོའམ་སློབ་དཔོན་གྱི་རྫས་ཁྱེར་
[47a.3]ཏེ་ཕྱི་བཞིན་དུ་འགྲོ་བ་ལས་སྤྱིར་བེན་ཏེ་རྐུར་མ་#དེའི་ཐད་དུ་རྫས་ཁྱེར་བ་ལས་ལམ་ནས་ཕྱིར་ལོག་གམ་གུད་དུ་གྱུ་#འམ། གབ་བམ་འོག་ནས་སྟེང་དུ་འཛེགས་#པ་ལ་སོགས་པ་གང་ལྟར་བྱས་ཀྱང་རུང་སྟེ། མི་སྣང་བར་གྱུར་ན་དེས་ཁྱེར་བའི་རྫས་མི་སྣང་བ་ལ་#མི་བྱའི་མི་ཉིད་མི་སྣང་བར་གྱུར་
[47a.4]ན་ཕམ་པའོ། །གྲུ་ནི་ཐང་དང་#ཡུར་བ་དང་མཚེའུ་ལས་སོ་ཞེས་པ་ནི། གྲུའི་གནས་འདི་རྣམས་ལས་རྐུ་བ་ནི་མི་#སྣང་བས་ཕམ་པར་འགྱུར་ཏེ། འདི་ནི་དཔེ་ཙམ་དུ་ཟད་ཀྱི་ཤིང་ལ་སོགས་པ་གཞན་ཡང་དེ་བཞིན། ཆུ་བོ་ལས་རྐུ་བ་ཇི་ཙམ་གྱིས་ཕམ་ཞེ་ན། རྒྱུན་བཞིན་པ་ཡང་ངོ་ཞེས་པ་
[47a.5]ཡིན་ཏེ། ཆུ་ཞོན་དུ་ཁྱེར་ཏེ་བརྐུས་ན་ཡང་མི་སྣང་བས་ཕམ་པར་འགྱུར་རོ། །ཐད་ཀར་ནི་ཕ་རོལ་གྱི་#འགྲམ་མི་སྣང་ནའོ་ཞེས་པ་ནི་ཐད་ཀར་ཁྱེར་ཏེ་རྐུ་ལ་ཕ་རོལ་གྱི་འགྲམ་མི་མངོན་ན་གྲུ་ཉིད་ནམ་མི་སྣང་བར་གྱུར་པས་ཕམ་པའོ། །གཞན་དུ་ན་དེར་ཕྱིན་པས་སོ་ཞེས་པ་ནི་ཕ་རོལ་གྱི་འགྲམ་
[47a.6]མངོན་ན་ཕ་རོལ་གྱི་འགྲམ་དུ་ཕྱིན་པས་ཕམ་པའོ། །གྱེན་དུ་ནི་#ཚུམས་འདས་ནའོ་ཞེས་པ་ནི་རྒྱུན་ནས་བཟློག་སྟེ་རྐུ་ན་གྲུ་ཚུམས་ཐལ་བས་ཕམ་པའོ། །ཆུ་སྲིན་བྱེད་ཅིང་རྐུ་བ་ཇི་ཙམ་གྱིས་ཕམ་ཞེ་ན། ཉིད་ཀྱི་ལས་ཀྱི་མཐའ་དེ་ཉིད་གྲུབ་པར་འདོད་པའི་ཕྱིར་ཕ་རོལ་གྱི་ལས་ཀྱི་མཐའ་
[47a.7]ལ་ཆུ་གཏོང་ངམ་བཟློག་པ་ནི་ལྷག་#པ་ལས་གཞན་པའོ་ཞེས་པ་ཡིན་ཏེ། བདག་གི་ཞིང་ལེགས་པར་བརྗོད་#པའི་ཕྱིར་ཆུ་རྐ་#བསྒྱུར་ན་འོངས་ཐང་གིས་ཆེ་#བ་མི་བརྩིའི་ཆུ་བཏང་ཞིང་བཅང་པས་སྐྱེད་བྲི་ཅི་ཞུགས་པ་བརྩིས་#ཏེ་རིན་ཐང་ཚང་ན་ཕམ་པར་འགྱུར་བའོ། །རྐུན་ཤས་འདོད་པའི་
[47b]
[47b.1]ཕྱིར་རྐུན་པོ་ལ་གླགས་སྟོན་པ་ནི་ཕམ་པར་འགྱུར་ཞེ་ན། དེའི་ཕྱིར་རྐུན་པོ་དག་ལ་སྒྲུབ་པའི་རྒྱུས་བསྟན་ན་ཤས་ཐོབ་པས་སོ་ཞེས་པ་ཡིན་ཏེ། རྐུན་པོ་ལས་ཤས་འདོད་པའི་ཕྱིར་རྒྱུས་མཁན་བྱས་ནས་དེའི་ཤས་ནས་ལག་ཏུ་འོངས་པ་#ན་ཕམ་པར་འགྱུར་བའོ། །ས་དང་ཁྱིམ་སྐོང་#
[47b.2]ཞིང་རྐུན་ཇི་#ཙམ་གྱིས་ཕམ་པར་འགྱུར་ཞེ་ན། ས་དང་ཁྱིམ་སྐོང་པ་ནི་མཚམས་འབྱོར་ནའོ་ཞེས་པ་ཡིན་ཏེ། ས་དང་ཁྱིམ་སྐོང་ཞིང་རྐུ་བ་བསྐོར་བའི་རྨང་ངམ་ར་བ་ནས་ཁོར་ཡུག་ཏུ་འཁོར་ན་དེས་ཕམ་པར་འགྱུར་བའོ། །ཕ་རོལ་གྱི་ནོར་ཤགས་དཀར་བོར་ཏེ་རྐུ་བ་ཇི་ཙམ་གྱིས་ཕམ་
[47b.3]ཞེ་ན། ཤགས་ཀྱིས་ནི་གལ་ཏེ་རྒྱལ་པོའི་འཁོར་དུ་རྒྱལ་ནའོ་ཞེས་པ་ཡིན་ཏེ། ཤགས་དཀར་འདོང་ཞིང་རྐུ་བ་བླ་ཤགས་སུ་བཀྱེ་ན་ནམ་བདག་#རྒྱལ་བར་བཅད་པའི་ཚེ་ཕམ་པའོ། །བླ་ཤགས་མ་ཡིན་གྱི་འོག་གཟུའི་ཐད་དུ་ཤགས་དཀར་སོང་#བ་ནམ་ཕམ་#ཞེ་ན། གལ་ཏེ་གཟུ་བོའི་དེར་ན་
[47b.4]ནི་ཕ་རོལ་གྱིས་སྦྱོར་བའི་རེ་ཐག་བཅད་ནའོ་ཞེས་པ་ཡིན་ཏེ། འོག་གཟུས་#བདག་རྒྱལ་བར་བཅད་ལ། དེ་ཉིད་ཀྱིས་ཀྱང་སྤོགས་པའི་རེ་ཐག་བཅད་ན་རེ་ཐག་ནམ་བཅད་པ་དེས་ཕམ་པའོ། །འོག་གཟུས་#བཅད་པ་ཉིད་ཅིར་འགྱུར་ཞེ་ན། འདི་ནི་སྦྱོར་བའོ་ཞེས་པ་ཡིན་ཏེ། འོག་གཟུས་#རྒྱལ་
[47b.5]བར་བཅད་པ་ནི་སྦྱོར་བ་སྟེ། སྦོམ་པོར་སྟོན་པའོ། །ཤོ་གམ་རྐུ་བ་གོང་དུ་རྒྱས་པར་མ་སྨོས་པས་ན་རྣམ་པར་འབྱེད་པ་ལས་ལྟུང་བ་དང་མི་ལྟུང་བའི་རྒྱུས་ཅིར་འགྱུར་#བ་མདོར་སྟོན་པ་ནི། རྐུ་སེམས་མེད་པ་ནི་ཤོ་གམ་གྱི་རྒྱུད་ལ་ཉེས་པ་སྐྱེ་བར་མ་དོགས་ཤིག་ཅེས་པ་ཡིན་ཏེ། དགེ་སློང་ཤོ་གམ་
[47b.6]ཟློར་མི་དབང་བའི་ཚེ་ཁྱིམ་པས་ཟློར་བཅོལ་བ་དང་ཟློར་དབང་བའི་ཚེ་ཁྱིམ་པའི་རྫས་བསླབ་#པ་གཉིས་ལ་བཅོམ་ལྡན་འདས་ཉེས་པ་མེད་པར་གསུངས་པ་ནི་ཁྱིམ་པས་#བཅལ་དྲང་མཉམ་དུ་བསམས་པ་དང་། བདག་གིས་ཟློར་དབང་གི་ཕ་རོལ་གྱི་ཟློར་མི་དབང་བར་ཕྱེ་#བ་མེད་དེ། བདག་གིས་
[47b.7]ཁྱེར་རོ་ཅོག་ཟློར་དབང་བར་བསམས་པས་ན་འདི་གཉིས་ལ་རྐུ་སེམས་མེད་པའི་ཕྱིར་དོགས་པ་མ་བསྐྱེད་#ཅིག་པར་སློབ་དཔོན་ཉིད་ཀྱིས་བསྒྲུབས་པའི་མདོ་ཡིན་ནོ། །དེ་#ནི་ཤོ་གམ་གྱི་རྫས་གང་གིས་ཁྱེར་བ་དེ་ཉིད་ཀྱིས་བཅལ་པ་སྟོན་པ་ནི། རྫས་གང་གིས་ཁྱེར་བ་དེས་སྦྱིན་ཞེས་པ་ཡིན་ཏེ། རྫས་
[48a]
[48a.1]གང་གིས་ཁྱེར་ཞིང་ཤོ་གམ་ཟློ་བ་དེས་ཤོ་གམ་བཅོལ་ཅིག་པའོ། །ད་ནི་དངོས་ཉིད་བསྟན་པའི་ཕྱིར་དབང་བས་གཞན་གྱི་བཟླས་པ་ནི་མ་བརྐུས་པ་མ་ཡིན་ཞེས་པ་ཡིན་ཏེ། དགེ་སློང་ཤོ་གམ་བཟླར་དབང་བས་བདག་གིས་#རྫས་གཏོགས་པ་གཞན་གྱི་རྫས་བཟླས་ན་
[48a.2]བཀུས་#པར་སྟོན་པའོ། །མི་དབང་བས་གཞན་ཟློར་མི་གཞུག་ཅེས་པ་ནི་དགེ་སློང་ཤོ་གམ་ཟློར་མི་དབང་ན། ཁྱིམ་པ་ལ་བཅོལ་ཞིང་མ་ཟློ་ཤིག་པའོ། བཟླས་ན་ཕམ་པར་འགྱུར་བའོ། །རྣམ་པ་གཞན་ཡང་རྐུན་པོ་ལྟ་བུར་འགྱུར་བ་བསལ་བའི་ཕྱིར། མ་ཚོར་བར་ཟློ་བ་མི་འགྲུབ་པའི་
[48a.3]ཕྱིར་ནན་ཏན་མི་བྱ་བ་མ་ཡིན་ཞེས་པ་ཡིན་ཏེ། ཤོ་གམ་དུ་འགྱུར་པའི་རྫས་ཚོང་པ་ལ་སོགས་པས་དགེ་སློང་གི་རྫས་ཀྱི་ནང་དུ་འཇུག་ཅིང་ཡོ་བྱད་#སྲིད་པས་ན། ཡེ་མིག་མ་ཅུང་ཤིག་པའོ། །དེའི་ནན་ཏན་ཇི་ལྟར་བྱ་ཞེ་ན། དགེ་སློང་དུ་མ་སྲུང་མར་གཞག་#ཅེས་པ་ཡིན་ཏེ། བདག་ཅག་
[48a.4]བསོད་སྙོམས་སམ་གུད་དུ་འདོང་ན་ཕྱི་ན་དགེ་སློང་སྲུང་#མ་གཅིག་གཉིས་ཡན་ཆད་དུས་ཐུབ་པ་ཞོག་ཤིག་པའོ། །དེའི་ཟས་སྦྱིན་ཞེས་པ་ནི་སྲུང་མར་གཞག་#པ་དེའི་ཟས་བསོད་སྙོམས་ལ་དོང་བ་སྤྱིས་བྱིན་ཅིག་པའོ། །སྲུང་མར་གཞག་#པ་དེ་ལས་ཇི་ལྟར་བྱ་ཞེ་ན། དེས་དགག་ཅེས་པ་
[48a.5]ལ་སོགས་པ་ཡིན་ཏེ། བདག་ཅག་གི་བྲུངས་སྐོར་དུ་རྫས་སྦེད་ཅིང་འདུག་པ་ལྟ་ན་སྲུང་#མ་དེས་ཁོགས་ཤིག་པའོ། །བཅུག་ནས་བསྙད་ཅེས་པ་ནི། དེ་དག་གིས་རྫས་བཅུག་ན་དགེ་སློང་དག་ལ་སྦྲོན་ཅིག་པའོ། །སྲུང་མ་གཞག་#ཏུ་དགེ་སློང་མེད་ན་ཇི་ལྟར་བྱ་ཞེ་ན། མེད་ན་མཚན་མ་
[48a.6]གདབ་ཅེས་པ་ཡིན་ཏེ། དགེ་སློང་གཞག་ཏུ་མེད་ན་བྲུངས་ལ་རྒྱའམ་མཚན་མ་ཐོབ་ཤིག་པའོ། །དྲིས་ལ་བླང་ཞེས་པ་ནི་དགེ་སློང་དེ་དག་སླར་འཁོར་ན། ངེད་ཀྱི་རྫས་ཀྱི་ནང་དུ་ཁྱེད་ཀྱི་ནོར་རྫས་བཅུག་པ་མེད་གྲང་ཞེས་བརྟགས་#ལ་གདོད་བདག་ཅག་གི་རྫས་ལོང་ཤིག་པའོ། །གསེར་
[48a.7]དངུལ་ལྟ་བུ་བདག་ཅག་གི་སྣོད་བཅུག་པ་ཇི་ལྟར་བྱ་ཞེ་ན། གཞན་དུ་འབྱུང་བར་མ་གྲུབ་ན་རེག་པར་བྱ་ཞེས་པ་ཡིན་ཏེ། ཁྱིམ་པ་དང་དགེ་ཚུལ་མེད་དམ་འབྱིན་དུ་མ་བཏུབ་#ན་བདག་ཅག་ཉིད་ཀྱི་ལག་དར་ཏེ་ལོང་ལ་ཕྱུང་ཤིག་པའོ། །འདི་ནི་ལྟུང་བ་ཉི་ཚེའི་གཉེན་པོའོ། །དཀོན་
[48b]
[48b.1]མཆོག་གསུམ་ལ་སོགས་པ་ལ་#བསྔོས་པའི་ཆོ་ག་སྟོན་པ་ནི། ཆད་པ་ཁོ་ནར་བསྔོས་པ་ནི་ལག་ཏུ་མ་སོན་ཀྱང་ངོ་ཞེས་པ་ལ་སོགས་པ་ཡིན་ཏེ། དཀོན་མཆོག་གསུམ་དང་ཕ་མ་ལ་སོགས་པ་ལ་དབུལ་བར་བསྔོས་པ་ནི་སྙིང་ནས་བསྡོགས་པ་ཙམ་གྱིས་བདག་གི་མ་ཡིན་པར་འགྲུབ་
[48b.2]པའོ། །དེ་ལྟ་བུ་ནི་ནོར་གཏོང་བའི་ཕྱིར་ཕ་མ་བསྔགས་ཞེས་པ་ནི་དེ་དག་ལ་བསྔོས་པའི་ནོར་ཤོ་གམ་ལས་ཟློ་བའི་ཚེ་ཤོ་གམ་པས་མི་འགག་པར་#བྱ་བའི་ཕྱིར་ཕ་མའི་ཡོན་ཏན་རྒྱས་པར་ཤོད་ཅིག་པའོ། །དཀོན་མཆོག་དག་ཀྱང་ངོ་ཞེས་པ་ནི། དཀོན་མཆོག་གསུམ་གྱི་ནོར་ཤོ་གམ་ལ་ཟློ་
[48b.3]བའི་ཚེ་འདི་#དཀོན་མཆོག་གི་ཡོན་ཏན་རྒྱས་པར་ཤོད་ཅིག་པའོ། །དཀོན་མཆོག་ལ་སོགས་པའི་ཡོན་ཏན་བཤད་ཀྱང་ཤོ་གམ་པས་མ་བཏང་ན་ཇི་ལྟར་བྱ་ཞེ་ན#། གཞན་གྱི་ནོར་གྱི་ཕྱིར་གཞན་གྱི་ནོར་བསྐྱི་བའི་ཚུལ་གྱིས་སྦྱིན་ཞེས་པ་ཡིན་ཏེ། ཆོས་བཤད་ཀྱང་ངེས་མ་བཏང་ན་ཤོ་གམ་གྱི་
[48b.4]ཤས་སྦྱིན་དགོས་ཏེ། ཀུན་གྱི་དཀོར་ལས་ཤས་ཤས་ཀྱིས་སྦྱིན་དུ་ཐོགས་ཏེ་མི་བདེ་ན་དཀོན་མཆོག་གཅིག་གི་དཀོར་ལས་སྔ་ཤུགས་སུ་གྱིས་ཤིག་པའོ། །ཤོ་གམ་སྦྱིན་པ་ལ་སོགས་པ་ཚེགས་བསྐྱང་#བ་ཞར་ལ་སྟོན་པ་ནི་ཤོ་གམ་དུ་འགྱུར་བ་དང་བཅས་ཏེ། ལམ་དུ་མི་འགྲོ་ཞེས་པ་
[48b.5]ཡིན་ཏེ། ཤོ་གམ་གྱི་རྫས་ཁྱེར་འགྲོ་ཤིག་པའོ། །མི་བསྐུར་#དུ་མི་རུང་བའི་རྐྱེན་ཅིག་བྱུང་ན་གདོད་དཀོན་མཆོག་གསུམ་གྱི་#དཀོར་མན་ཆད་གང་གིས་ཁྱེར་ཡང་ཉེས་མེད་ཤོ་གམ་དུ་འགྱུར་བ་དང་མི་འགྱུར་བའི་རྫས་འབྱེད་ཅིང་སྟོན་པ་ནི། དེར་མི་འགྱུར་བར་བསྒྱུར་བ་ནི་ལྕི་བ་
[48b.6]བཙིར་བས་ཀྱང་ངོ་ཞེས་པ་ལ་སོགས་པ་ཡིན་ཏེ། ཤོ་གམ་གྱི་རྫས་སུ་མི་འགྱུར་བ་ནི་ལྕི་བའི་ཁུ་བས་ཁ་དོག་བསྒྱུར་ཡང་ཤོ་གམ་གྱི་རྫས་སུ་མི་འགྱུར་རོ། །ཁ་ཚར་དང་མཐའ་ཚར་བཅད་པས་ཀྱང་ངོ་ཞེས་པ་ནི་རས་ཀྱི་ཁ་ཚར་དང་མཐའ་ཚར་བཅད་པ་ཙམ་གྱིས་ཀྱང་ཤོ་གམ་གྱི་#
[48b.7]རྫས་སུ་མི་འགྱུར་བར་སྟོན་#ཏོ། །མ་མཐོང་ན་བློ་དེ་#མི་འགྲུབ་ཅེས་པ་ནི་ཆོ་ག་གོང་མ་ལྟར་བྱ་བ་བདག་གི་མིག་སྔར་མ་བབ་ཀྱི་བར་དུ་ཕ་རོལ་བྱེད་དུ་བཅུག་པ་ཙམ་ལ་ཡིད་མ་#རྟོན་ཅིག་པའོ། །ཤོ་གམ་གྱི་ཆོ་ག་དེ་ལྟར་རྒྱས་པར་བསྟན་ནས་གཞན་ཡང་རྣམ་པར་འབྱེད་པ་ལས་འབྱུང་
[49a]
[49a.1]བ་ཞར་ལ་སྟོན་པ་ནི་གཞན་གྱི་འཚོ་བ་མི་བཅད་ཅེས་པ་ལ་སོགས་པ་ཡིན་ཏེ། ཤོ་གམ་རྐུ་བ་སྦྲོན་པ་ལ་སོགས་པ་ཕ་རོལ་ཅིས་#འཚོ་ཡང་རུང་སྟེ། དེ་དག་གི་#འཚོ་བ་ལ་གནོད་པ་ཅི་#ནས་ཀྱང་མ་བྱེད་ཅིག་པའོ། །ཡིད་བརྟན་པ་མ་ཡིན་པ་ལ་ཡིད་བརྟན་པར་མི་བྱ་ཞེས་པ་ནི།
[49a.2]ཆོས་གོས་དང་ལྷུང་བཟེད་ལ་སོགས་པ་ཁྱེར་བ་ལས་སྐུར་ཀླང་གི་གླགས་#སུ་འགྱུར་བ་བསལ་བའི་ཕྱིར། ཡིད་མི་གཅུགསཔ་ལ་གཅུགས་#པར་མ་བྱེད་ཅིག་#པའོ། །དེ་ཡང་ཇི་ལྟ་བུ་ཞེ་ན། འོག་མ་གོང་མར་ན་དེའི་#ཞེས་པ་ཡིན་ཏེ། ཡིད་བརྟན་པ་#རབ་འབྲིང་གི་གོ་ནོར་ན་མདོ་གོང་མ་
[49a.3]ལྟར་འགྱུར་བའོ། །ད་ནི་ཇི་ལྟ་བུ་ལ་ཡིད་བརྟན་པར་བྱ་བ་སྟོན་ཏེ། དེ་ནི་མཛའ་བ་ཡིད་དུ་འོང་བ་བླ་མ་དྲན་པ་མཆོད་པ་བསྔགས་པ། ཁྱེར་ན་དགའ་བ་རྣམས་སོ་ཞེས་པ་ནི་འདི་རྣམས་ལ་ཡིད་རྟོན་#ཅིག་པ་སྟེ། དེ་ལ་མཛའ་བ་ནི་བཤེས་པའོ། །ཡིད་དུ་འོང་བ་ནི་འཐད་པའོ། །བླ་མ་
[49a.4]ནི་སློབ་དཔོན་དང་མཁན་པོའོ། །དྲན་པ་ནི་གང་གི་ཚུལ་ཁྲིམས་དང་ཐོས་པ་ལ་སོགས་པའི་ཡོན་ཏན་དྲན་ཞིང་དེ་ལྟར་འཆོས་པའོ། །མཆོད་པ་ནི་གོས་ལ་སོགས་པ་བཤུགས་པ་དང་བསྟི་སྟང་བྱ་བར་འོས་པའོ། །བསྔགས་པ་ནི་གང་གི་ཚུལ་ཁྲིམས་དང་ཐོས་པ་ལ་སོགས་པའི་ཡོན་
[49a.5]ཏན་བསྔགས་ཤིང་སྟོན་པའོ། །ཁྱེར་ན་དགའ་བ་ནི་དེའི་ཆོས་གོས་དང་ལྷུང་བཟེད་ལ་སོགས་པ་བདག་གིས་སྤྱད་#ཅིང་ཁྱེར་ན་གོར་མ་ཆག་#པར་མི་དགའ་བ་མེད་པའོ། །བསོད་ནམས་ཀྱིས་བསམས་པ་དང་ལག་པ་རྗེ་བའི་ལས་བྱ་ཞེས་པ་དང་། གླས་མ་ཡིན་ཞེས་པ་ནི་འཁྲུ་ཞིང་
[49a.6]འཚེད་#པ་ལ་སོགས་པའི་ལས་གླ་རྔན་གྱིས་མ་བྱེད་པར་བསོད་ནམས་ཀྱི་བསམ་པའམ་ལག་ཕོད་ཀྱིས་གྱིས་ཤིག་པའོ། །ཡུལ་སྐད་ཀྱིས་མི་སླུ་ཞེས་པ་ནི། སེམས་ལ་གཡོ་མེད་ན་སོ་སོའི་སྐད་ཀྱིས་སླུ་ཞིང་གཡོར་མི་འགྱུར་བ་ནི་ལྷོ་ཕྱོགས་ཀྱི་དགེ་སློང་མས། ཤར་ཕྱོགས་
[49a.7]ཀྱི་དགེ་སློབ་#མ་ལ་ཨ་བ་ས་ཐ་#ཞེས་བྱས་པ་ལྟ་བུའོ། །བརྐུས་པར་དོགས་པ་བསལ་བའི་ཕྱིར་སྟོར་བ་ལས་བླངས་པ་རིང་དུ་མི་བཅང་ཞེས་པ་ཡིན་ཏེ། དོགས་པའི་ཀླགས་སུ་འགྱུར་བ་སྲིད་ཆུ་#བཅང་རུ་བྱེད་ཅིག་པའོ། །ཡུན་རིང་དུ་མི་བཅང་ན་ཇི་ལྟར་བྱ་ཞེ་ན། འདི་ཁང་
[49b]
[49b.1]སྐྱོང་ལ་གཏད་#ཅེས་པ་ཡིན་ཏེ། བདག་པོ་སུའི་རྗེས་སུ་གཏོལ་མེད་ན་ཁང་#སྐྱོང་ལ་གཏོད་ཅིག་པའོ། །དེས་ཀྱང་ཇི་ལྟར་བྱ་ཞེ་ན་རབ་ཏུ་འབྱུང་བའི་ཡིན་པ་ལྟ་ན། དེས་དགེ་འདུན་ལ་སྟོན་ཞེས་པ་ཡིན་ཏེ། ལྷུང་བཟེད་དང་ཆོས་གོས་ལ་སོགས་པ་རབ་ཏུ་བྱུང་བའི་རྫས་ཤིག་ན་སུའི་
[49b.2]ཡིན་ཞེས་དགེ་འདུན་ལ་སྟོན་ཅིག་པའོ། །དེ་ལྟར་བསྟན་ཀྱང་བདག་པོའི་ཁུངས་མ་ཕྱིན་པ་ཇི་ལྟར་བྱ་ཞེ་ན། བདག་པོ་མ་བྱུང་ན་བྲེང་ལ་གདགས་ཞེས་པ་ཡིན་ནོ། །རྐུན་པོར་བསྐུར་#བ་བསལ་བའི་ཕྱིར་ནད་པས་མ་བསྒོ་བར་དེའི་སྨན་མི་བསླང་ཞེས་པ་ཡིན་ཏེ། ནད་གཡོག་ལ་
[49b.3]སོགས་པ་སུ་ཡང་རུང་སྟེ། ནད་པ་ཉིད་ཀྱིས་འདི་ལྟ་བུ་ཞིག་ལས་སྨན་དང་ནད་གསོས་ལོང་ཤིག་པའི་ལུང་མེད་པར་ཐུགས་དུབ་མ་བྱེད་ཅིག་པའོ། །མ་བྱིན་པར་ལེན་པའི་ཕས་ཕམ་པ་རྣམ་པར་འབྱེད་པའོ།། །།#ད་ནི་ཕྲན་ཚེགས་ལས་འབྱུང་བ་སྟོན་ཏེ། བདག་པོ་དང་བཅས་
[49b.4]པ་མ་བྱིན་བར་ཆོ་ག་གཞན་གྱིས་བདག་གིར་མི་བྱ་ཞེས་པ་ནི། འགྲོན་པ་ཆོམ་#པོས་ཐེབས་པ་དང་། དྲུག་སྡེས་མུ་སྟེགས་པའི་རྟེན་བྱས་པ་ལྟ་བུ་དག་བདག་ཡོད་པ་ལ་ཕ་རོལ་གྱིས་མ་བྱིན་པ་ཕྱག་དར་ཁྲོད་པ་ཞེ་འམ། ངའི་ལྷ་གང་གིས་ཞེས་ཐབས་ཀྱིས་བརྒྱུད་ཅིང་ཁ་རྔམ་
[49b.5]དུ་ལེན་པ་མ་བྱེད་ཅིག་པའོ། །རྐུན་པོ་ལ་སོགས་པས་ཁྱེར་ཏེ་དེའི་ནོར་བུ་བྱས་པ་བདག་གི་ཡིན་བར་ངོས་ཟིན་པ་དགུག་ཅིང་སླར་འཕྲོག་གམ་ཞེ་ན། བདག་གིར་བྱས་པ་མི་དབྲོག་ཅེས་པ་ཡིན་ཏེ། བསླུས་#པ་ནི་མ་གཏོགས་ཀྱི་བླ་ཤགས་སུ་བཀྱེ་ཞིང་སླར་དགུག་
[49b.6]པར་མ་བྱེད་ཅིག་པའོ། །དེ་#ཡང་བདག་གི་བར་འདུ་ཤེས་དེ་ལྟར་གྱིས་ཤིག་པ་ཡིན་གྱི་བར་དུ་#ཤེས་ན་རྩ་བར་ཡང་འགྱུར་རོ། །དབྲོག་ཏུ་མི་རུང་ན་ཇི་ལྟར་བྱ་ཞེ་ན། འདི་ཆོས་བཤད་དེ་བསླང་ཞེས་པ་ལུས་ལ་སོགས་པ་ཡིན་ཏེ། བཞམས་ཤིང་ཆོས་ཤོད་ལ་ཁུག་#ཤིག་པའོ། །
[49b.7]རིན་ཕྱེད་ཀྱིས་ཀྱང་ངོ་ཞེས་པ་ནི་ཕྱེད་རི་བས་ཀྱང་སླར་སླུས་#ཤིག་པའོ། །ལྷུང་བཟེད་དང་ཆོས་གོས་ནི་རི་བས་བླུ་བའི་ཡང་རིགས་སོ་ཞེས་པ་ནི། བཞམས་ཤིང་ཆོས་བཤད་དེའང་མ་སྟེར་ན་འདི་དག་བརྩོམ་ཞིང་བཙོ་#བའི་ཚེགས་མི་ཆུང་ལ་སྤུས་མཁོ་བའི་ཕྱིར་རི་བས་ཀྱང་སླུས་#
[50a]
[50a.1]ཤིག་པའོ། །མ་གླས་པར་འགྱུར་བ་བོར་བའོ་ཞེས་ཏེ་སྐྱེ་བོ་ཕལ་པོ་ཆེའི་མངོན་སུམ་མ་ཡིན་པར་མི་བཀུར་ཞེས་པ་ནི། དྲུག་སྡེས་ཕག་རོའི་མགོ་སུག་བླངས་པ་ལྟ་བུ་འདི་དག་གིས་བརྐུས་ཤིང་ཁྱེར་གོར་མ་ཆག་གོ་ཞེས་པའི་སྣོལ་ངན་#པར་འགྱུར་བ་ལྟ་བུ་སྐྱེ་བོ་
[50a.2]ཕལ་པོ་ཆེའི་མིག་ལམ་དུ་མ་བབ་པ་བོར་བའོ་ཞེས་སྐམ་#པོར་མ་ལེན་ཅིག་པའོ། །མི་མ་ཡིན་ཡོད་པའི་རོ་རྫས་བདག་པོ་ཉིད་དེ་མ་ཡིན་པ་སྙམ་དུ་རེ་བ་བསལ་བའི་ཕྱིར། མི་མ་ཡིན་ཡོད་པའི་རོའི་རྫས་ནི་བདག་པོ་མེད་པ་མ་ཡིན་ཞེས་པ་ཡིན་ཏེ། གདོན་ཞུགས་པའི་རོའི་
[50a.3]རྫས་གདོན་དེ་ཉིད་དབང་བས་ན་བདག་པོ་མེད་པ་མ་ཡིན་ནོ། །དེ་ལྟ་བུའི་རྫས་ཁྱེར་ན་སླར་དུར་ཁྲོད་དེ་ཉིད་དུ་བསྐྱལ་དགོས་པའི་ཐབས་ཇི་ལྟར་བྱ་ཞེ་ན། མི་བགྲུངས་པའི་ཕྱི་#བཞིན་དུ་འགྲོ་བར་བྱ་ཞེས་པ་ལ་སོགས་པ་ཡིན་ཏེ། དེ་ཀྱལ་ཀ་བྱེད་སྲིད་པས་ན་རིམ་གྲོ་འདི་ལྟར་གྱིས་ཤིག་
[50a.4]པའོ། །ཁས་བུབ་དུ་ཉལ་བ་རྐང་པ་ནས་གྱེན་དུ་གཡོག་ཅེས་པ་ནི་དུར་ཁྲོད་དུ་ཕྱིན་ན་རྫས་ཉིད་ཕྱིར་#སྦྱིན་པ་དང་། དེའི་འཚེ་བས་མི་ཚུགས་པའི་རིམ་གྲོ་འདི་ལྟར་གྱིས་ཤིག་པའོ། །གདོན་དེ་ཡང་བཙན་མེད་པའི་རོ་ལ་འཇུག་པས་#ན་མ་སྨས་པ་#ལས་མི་བླང་ཞེས་པ་ཡིན་ཏེ། རྨ་བཙན་
[50a.5]མེད་པའི་རོ་ལས་མ་ལེན་ཅིག་པའོ། །དེ་བས་ན་བཙན་འཕྲལ་ལ་གདོད་དམ་ཞེ་ན། བདག་གིས་གདོད་#པའམ་གདོད་དུ་གཞུག་པ་མ་ཡིན་ཞེས་པ་ཡིན་ཏེ། བདག་གིས་གདོད་#པའམ་ཕ་རོལ་གདོད་དུའང་#མ་གཞུག་ཅེས་པའོ། །སོ་ཤིད་ལ་སོགས་པ་མ་བྱིན་ན་སྤྱད་དུ་ཡེ་མི་
[50a.6]རུང་བ་དོགས་པ་བསལ་བའི་ཕྱིར། ངལ་བསོས་པ་ཉིད་སོ་ཤིང་དང་ཆུ་དང་གོ་འདུན་དང་ལྕི་བ་དང་ས་རྣམས་ཇི་བདེར་བྱས་པའོ་ཞེས་པ་ཡིན་ཏེ། དགེ་སློང་གིས་#གནས་སུ་ཕོག་ཅིང་བྲང་བཏབ་པ་དེའི་རྫས་མིང་གིས་སྨོས་པ་འདི་རྣམས་ཅི་བདེར་སྤྱོད་དུ་བཅུག་པ་ཉིད་དུ་གྱུར་ཏོ། །དགེ་
[50a.7]སློང་ལ་སོགས་པ་གཉེན་གྱིས་འཕྲོག་པ་ཇི་ལྟར་བྱ་ཞེ་ན། དགེ་སློང་ངམ་དགེ་ཚུ་དད་པར་འབྲེལ་པས་འཕྲོག་ན་མི་སྦྱིན་ཞེས་པ་ཡིན་ཏེ། དགེ་སློང་མས་དགེ་ཚུལ་ཁོ་ན་ཉིད་ཀྱི་ཕྱིར་འགྲོ་བར་མ་དད་ན་གཉེན་འཕྲོག་པ་ལམ་སྐྲིས་ཤིག་པའོ། །མ་བྱིན་པར་ལེན་པའི་ཕས་
[50b]
[50b.1]ཕམ་པ་ཕྲན་ཚེགས་སུ་གཏོགས་པའོ།། །།#ཞུས་པ་ལས་བྱུང་བ་སྟོན་པ་ནི། ཀ་ཀ་ནི་བཞི་ཤ་ཀའོ་ཞེས་པ་ལ་སོགས་པ་ཡིན་ཏེ། འགྲོན་བུ་ཉི་ཤུ་ལ་ཀ་ཀ་ནི་#། ཀ་ཀ་ནི་བཞི་ཤ་#ཀ་གཅིག་ཏུ་བརྩིའོ། །མ་ཤ་ཀ་ནི་དེ་ལྟ་བུ་ཡིན་ན་དེ་ལྔས་ཕམ་ཞེས་སྨོས་པ་
[50b.2]ཅིའི་ཕྱིར་ཞེ་ན། ལྔ་ནི་དཔེར་ཟད་ཀྱི་ཀཱར་ཥཱ་པ་ཎའི་#བཞི་ཆའོ་ཞེས་པ་ཡིན་ཏེ། མ་ཤ་ཀ་ལྔ་ཞེས་སྨོས་པ་ནི་གླེང་བའི་གཞི་ཙམ་དུ་ཟད་ཀྱི། དེ་#དངོས་སུ་ནི་ཀཱར་ཥཱ་པ་ཎ་#བཞི་ཆ་གཅིག་བཟུང་ངོ་། །ཀཱར་ཥཱ་པ་ཎཱའི་#བཞི་ཆ་གཅིག་བཟུང་ཞེས་པ་ཡང་ཡུལ་དང་དུས་ཀྱི་བྱེ་བྲག་གིས་ན་
[50b.3]རེ་འགའ་ནི་མ་ཤ་ཀ་བཅུ་གཉིས་རི། ཆེད་འགའ་ནི་བཅུ་དྲུག་རི། ཆེད་འགའ་ནི་སུམ་ཅུ་རྩ་གཉིས་རི། ཆེད་འགའ་ནི་བཞི་བཅུ་རི་བ་ལ་སོགས་པ་རིན་ཐང་གཅིག་#ཏུ་བཅད་པ་མེད་ན། ཀཱར་ཥཱ་པ་ཎ་#བཞི་ཆ་གཅིག་བཟུང་བས་མ་ཤ་ཀ་ལྔར་གྱུར་པ་ཡུལ་དང་དུས་གང་ལ་
[50b.4]བརྟེན་#ཏེ་དེ་ལྟར་དཔེར་བསྟན་ཞེ་ན། འདི་གང་ན་ཉི་ཤུའི་ཐང་དེ་ལ་བརྟེན་#པས་སོ་ཞེས་པ་ཡིན་ཏེ། དགེ་སློང་ནོར་ཅན་གྱིས་རྒྱལ་པོའི་ཁབ་ནས་ཤིང་བརྐུས་པའི་ཚེ། མ་ཤ་ཀ་#ཉི་ཤུས་ཀཱར་ཥཱ་པ་ཎ་#གཅིག་རྙེད་པས་ན། དེའི་བཞི་ཆ་གཅིག་བཟུང་བས་མ་ཤ་ཀ་ལྔར་གྱུར་པ་
[50b.5]དེ་ལ་བརྟེན་པར་ཟད་དོ། །དེ་ལྟར་དུས་དང་ཡུལ་གྱི་བྱེ་བྲག་གིས་ཀཱར་ཥཱ་པ་ཎ་#ཁྱད་པར་དུ་མི་མཐུན་པ་ཇི་ལྟར་བྱ་ཞེ་ན། འདི་རྐུ་བའི་དུས་དང་གནས་སུ་བརྩི་#ཞིང་གཏན་ལ་དབབ་ཅེས་པ་ཡིན་ཏེ། ཡུལ་དང་དུས་གང་ན་མ་ཤ་ཀ་བཅུ་གཉིས་ཀྱིས་ཀཱར་ཥཱ་པཎ་#གཅིག་རྙེད་པའི་
[50b.6]ཚེ་ནི་མ་ཤ་ཀ་གསུམ་གྱིས་ཀྱང་ཕམ་པར་བརྩི། ཡུལ་དང་དུས་གང་ན་མ་ཤ་ཀ་བཞི་བཅུས་ཀཱར་ཥཱ་པཎ#་གཅིག་རྙེད་པའི་ཚེ་ནི་མ་ཤ་ཀ་བཅུས་ཕམ་པར་འགྱུར་བ་ལ་སོགས་པ་ནམ་གང་དུ་བརྐུས་པའི་དུས་དང་གནས་དེའི་རིན་ཐང་གིས་བརྩི་ཞིང་གཏན་ལ་ཕོབ་ཤིག་
[50b.7]པའོ། །མ་ཤ་ཀ་ལྡ་ལ་སོགས་པའི་རིན་ཐང་གིས་ཕམ་མོ་ཞེས་འབྱུང་བ་རིན་པོ་ཆེ་ཁ་ཅིག་རིན་ཐང་གཞལ་དུ་མེད་པའི་#ཕྱིར། བརྐུས་ཀྱང་མི་ཕམ་དུ་རེ་བའི་དོགས་པ་བསལ་བའི་ཕྱིར། ཅི་སྟེ་རིན་ཐང་བཅད་མི་ནུས་པའི་ནི་མཆོག་གི་མཐར་གྱུར་པའོ་ཞེས་པ་ཡིན་ཏེ། མ་ཤ་
[51a]
[51a.1]ཀ་ལྔ་རི་བས་ཀྱང་ཕམ་ན་ནོར་རིན་པོ་ཆེ་ལྟ་སྨོས་ཀྱང་ཅི་དགོས་ཏེ། མ་ཤ་ཀ་ལྔ་ལས་ལྷག་#པའི་ནང་དུ་བསྡུ་བར་ཟད་དོ། །ཧ་ཅང་ཆུང་སྟེ་རིན་ཐང་མེད་པ་བརྐུས་པ་ལྟ་བུ་ཆུང་བའི་#ཕྱིར་རིན་ཐང་མེད་པས་བརྐུས་ཀྱང་ཉེས་མེད་དུ་རེ་བ་བསྩལ་#བའི་ཕྱིར།
[51a.2]འདི་ཆུང་བ་#ནི་མ་ཚང་བར་མི་གཏོགས་པ་མ་#ཡིན་ཏེ། རྩྭ་མཆོག་ལ་སོགས་པ་རིན་ཐང་ཆུང་དུ་བརྐུས་པའང་མ་ཚང་བའི་ནང་དུ་གཏོགས་པར་ཟད་པས་ན་སྦོམ་པོར་འགྱུར་བའོ། །སངས་རྒྱས་ཀྱི་རིང་བསྲེལ་ཉོ་ཚོང་མི་བྱེད་པ་ལྟ་བུ་བརྐུས་པ་ཅིར་འགྱུར་ཞེ་ན། སངས་རྒྱས་
[51a.3]ཀྱི་རིང་བསྲེལ་ནི་འདིར་གཞལ་དུ་མེད་པའི་རིན་པོ་ཆེའོ་ཞེས་པ་ཡིན་ཏེ། བཅོམ་ལྡན་འདས་ཀྱི་རིང་བསྲེལ་བརྐུས་པ་ནི་གཞལ་དུ་མེད་པའི་རིན་པོ་ཆེ་བརྐུས་པ་དང་འདྲའོ། །དེ་བརྐུས་སོ་ཅོག་ཕམ་པར་འགྱུར་ཞེ་ན། མཆོད་པའི་ཕྱིར་ན་ཉེས་བྱས་ཞེས་པ་ཡིན་ཏེ། མཆོད་པ་བྱ་
[51a.4]བའི་ཕྱིར་རྐུ་#བ་ནི་ཉེས་བྱས་སུ་ཟད་དོ། །རྐུ་སེམས་ཡོད་ཀྱང་དཔེ་བླངས་པ་ལ་ཉེས་པ་མེད་པར་བསྟན་པ་ནི། བྲིས་པ་ནི་ཉེས་མེད་ཅེས་པ་ཡིན་ཏེ། དར་མ་བརྐུས་ཏེ་དཔེ་བྲིས་པ་ལ་ཉེས་པ་མེད་དོ། །རྣ་ཆ་དང་གདུ་བུ་ལ་སོགས་པ་ཉམས་པར་བྱས་ཏེ་བརྐུས་པ་ཇི་ཙམ་གྱིས་
[51a.5]ཕམ་པར་འགྱུར་ཞེ་ན། ཉམས་པས་རྐུ་བ་ནི་དེའི་ཚེ་རྐུ་བའི་དངོས་པོའོ་ཞེས་པ་ཡིན་ཏེ། ཉམས་པར་བྱས་ནས་རྐུ་ན་ནམ་ཉམས་པར་བྱས་པ་དེའི་ཚེ་ཕམ་མོ། །གླིང་གཞན་གྱི་ནོར་ལ་བདག་པོ་ཡོད་པ་བཞིན་དུ་བྱང་གི་སྒྲ་མི་སྙན་ལའང་བདག་པོ་ཡོད་དམ་ཞེ་ན། བྱང་གི་སྒྲ་མི་
[51a.6]སྙན་གྱི་ནི་བདག་བོ་མེད་པའོ་ཞེས་པ་ཡིན་ཏེ། བདག་གིའོ་ཞེས་པར་སེམས་པ་མེད་པའི་ཕྱིར་རོ། །དེའི་རྫས་བརྐུས་པ་ཅིར་འགྱུར་ཞེ་ན། འདི་ནི་བདག་གི་བཞིན་ནོ་ཞེས་པ་ཡིན་ཏེ། བདག་གི་ནོར་བརྐུས་ན་སྦོམ་བོར་འགྱུར་བ་བཞིན་ནོ། །ཞུས་པ་ལས་དངོས་པོར་གཏོགས་
[51a.7]པ་དང་། བདག་པོར་གཏོགས་པ་དང་། བྱེད་པར་གཏོགས་པ་དང་། ཟིན་པར་གཏོགས་པ་བཞིན་འབྱུང་བ་ལས་དེ་ཡན་ཆད་དུ་དངོས་པོར་གཏོགས་པ་བཤད་ཟིན་ཏོ།། །།#བདག་པོར་གཏོགས་པ་དང་#སྟོན་པ་ནི། དེའི་ཚེ་ཁོ་ན་ཉིད་སྟོན་པའོ་#ཞེས་པ་ལ་སོགས་པ་
[51b]
[51b.1]ཡིན་ཏེ། གསེར་བདག་སྦྲུལ་དུ་གྱུར་ཅིང་སྲུང་བ་ལྟ་བུ་ལ་སོགས་པ་རྐུ་བའི་ཚེ་མིའམ། བྱོལ་སོང་བདག་པོ་གང་ཡིན་བའི་ཉིད་དང་སྦྱོར་ཅིག་པའོ། །བཅོམ་ལྡན་འདས་མི་ཡིན་པ་ལས་མྱ་ངན་ལས་འདས་པར་གྱུར་པའི་དཀོར་བརྐུས་པ་ཡང་མིའི་ནོར་བརྐུས་པ་དང་འདྲ་བར་དོགས་
[51b.2]པ་བསལ་བའི་ཕྱིར་འདས་པ་ནི་ལྷ་བཞིན་ཞེས་པ་ཡིན་ཏེ། བཅོམ་ལྡན་འདས་མྱ་ངན་ལས་འདས་པ་དང་། རང་རྒྱལ་བ་དང་། ཉན་ཐོས་མྱ་ངན་ལས་འདས་པ་རྣམས་ཀྱི་དཀོར་བརྐུས་པ་ནི་ལྷའི་ནོར་བརྐུས་#པ་དང་འདྲའོ། །ད་ནི་བྱེད་པར་གཏོགས་པ་སྟོན་ཏེ། སྟེར་བ་ཡེ་
[51b.3]བྱིན་པར་སྤྱོད་པ་སྦྱོར་བ་བཞིན་ཞེས་པ་ནི་ངའི་ནོར་རྫས་ལ་ཅི་#བདེར་སྤྱོད་ཅིག་ཅེས་བྱས་པ་དང་། རྐུ་སེམས་ཀྱིས་གཏན་དུ་དབང་བ་བཞིན་དུ་སྤྱོད་ན་སྦོམ་པོར་འགྱུར་བའོ། །སྔགས་དང་སྨན་དག་གིས་སྦྱིན་དུ་བཅུག་པ་ཡང་ངོ་ཞེས་པ་ནི། སྔགས་དང་སྨན་གྱིས་ཕ་རོལ་གྱི་
[51b.4]སེམས་#བསྒྱུར་ཏེ་བདག་ལ་ནོར་འབུལ་དུ་བཅུག་ན་ཡང་སྦོམ་པོར་འགྱུར་བའོ། །ཕ་རོལ་གྱི་ཕྱིར་ནི་རྩ་བ་བཞིན་ཞེས་པ་ནི་བདག་གི་ཕྱིར་མ་ཡིན་གྱི་#གཞན་གྱི་ཕྱིར་རྐུ་འམ#། རྐུར་བཅུག་ན་རྩ་བ་དང་འདྲ་བའི་#སྦོམ་པོར་འགྱུར་བའོ། །བརྒྱུད་#པ་ཡང་ངོ་ཞེས་པ་ནི་བདག་
[51b.5]གི་ཡིན་ནམ། བདག་པོ་མེད་པར་མ་ངེས་པ་ལས་བདག་གི་ཡིན་པའམ་བདག་པོ་མེད་དོའམ་བྱིན་ནོ་བར་#བསམས་ཏེ། ཁྱེར་བ་ལྟ་བུ་སྦོམ་པོར་འགྱུར་བའོ། །བསྡམས་ཏེ་འཐད་པ་རྐུ་#བར་འདོད་པ་ཡང་ངོ་ཞེས་པ་ནི་འདི་ལྟར་བྱེད་ཅིང་རྐུན་འདམ་#པའི་ཚེ་སྦོམ་པའོ། །
[51b.6]རྒྱན་#པོ་དོར་གྱིས་རྒྱལ་བར་མ་གྱུར་ན་སྦོམ་པོའོ་ཞེས་པ་ནི་རྒྱན་བརྒྱབ་པའི་ཚེ་དོར་བྱེད་ན་སྦོམ་པོར་འགྱུར་བའོ། །འདིར་དེས་ན་བརྐུས་པའོ་ཞེས་པ་ནི་དོར་བྱས་ཏེ་རྒྱལ་ན་རྩ་བར་འགྱུར་བའོ། །གྲངས་ཀྱང་དེའི་འོ་ཞེས་པ་ནི་གྲངས་ཐོ་དམན་གྱི་དོར་འཇུག་ན་སྦྱོར་བའི་
[51b.7]སྦྱོར་#བ་ཡིན་པར་སྟོན་པའོ། །ཤོད་འབྲི་ཞིང་སྣོན་#ན་པ་འང་དེ་བཞིན་ཞེས་པ་ནི་ཤོད་འབྲི་#ཞིང་སྣོན་པའང་སྦྱོར་བའི་སྦྱོར་#བར་སྟོན་པའོ། །གཞན་ཡང་དེ་དང་འདྲ་བ་ནི་གནས་སྣོར་ཞིང་འཇོག་ན་ཡང་ངོ་ཞེས་པ་ཡིན་ཏེ། ཤོད་#སྣོར་ན་ཡང་སྦྱོར་བའི་སྦྱོར་བར་སྟོན་པའོ། །
[52a]
[52a.1]འདི་གྲུབ་ན་བརྐུས་པ་ཞེས་པ་ནི་གོང་དུ་དོར་བྱེད་པར་སྨོས་པ་རྣམས་གྲུབ་སྟེ་ནོར་ཐོབ་ན་ཕམ་པར་འགྱུར་བར་སྟོན་པའོ། །སྡེ་གུད་དུ་བགྲང་#བའང་དེ་བཞིན་ཞེས་པ་ནི་ནོར་འགོད་པ་ལྟ་བུའི་ཚེ་བདག་གི་མིང་རུས་ཁ་དུ་མར་འཇུག་ཅིང་གཡོ་བྱེད་པ་ཡང་སྦྱོར་པའི་སྦྱོར་
[52a.2]བར་འགྱུར་བ་སྟེ། སྦོམ་པོ་དང་འདྲ་བའི་ཉེས་བྱས་སུ་བརྩིའོ། །སྔ་མ་ལས་གཞན་དུ་འམ་གཞན་ལས་སྔ་མར་བསྙོན་པ་ཡང་ངོ་ཞེས་པ་ནི། འདི་ལྟ་བུའི་ཚུལ་གྱིས་ཁ་དུ་མར་མ་ཐོབ་པ་སྐད་དུ་བསྙོན་ཅིང་སྒྱུར་#བྱེད་ན་སྦོམ་པོ་དང་འདྲ་བའི་ཉེས་བྱས་སུ་འགྱུར་རོ། །
[52a.3]འདི་ལྟར་བྱེད་པའི་སྐལ་བ་སྦྱིན་ཞེ་ན། ཐམས་ཅད་ཀྱི་ཐོག་མ་གང་དུ་བ་དེར་དེའི་ཤས་སོ་ཞེས་པ་ཡིན་ཏེ། ཐོག་མ་ཁོ་ནར་སྡེ་གང་གི་ནང་དུ་བགྲངས་#པ་དེ་ནས་ཤས་#སྐལ་བྱིན་ཅིག་པའོ། །འཐོབ་པ་མ་ཡིན་པར་འཐོབ་པར་གཅེན་པ་ཡང་ངོ་ཞེས་པ་ནི་གློ་བུར་གྱི་རྙེད་པ་
[52a.4]འམ་ནར་མའི་རྙེད་པ་འཐོབ་པ་མ་གཏོགས་པ་ལས་ཐོབ་པ་#ནང་དུ་གཏོགས་པ་སྐད་དུ་གཅེན་ན་ཡང་སྦོམ་པོ་#དད་འདྲ་བའི་ཉེས་བྱས་སོ། །མ་བསྒོ་བ་སློང་བ་ཡང་ངོ་ཞེས་པ་ནི། ཁ་རྐུ་#ན་ཡང་སྔ་མ་བཞིན་བརྙས་པ་དང་བསྐྱིས་པ་དང་། གཏམས་པ་བརྣོགས་ན་#སྦྱོར་
[52a.5]བའོ་ཞེས་པ་ནི། འདི་ལྟ་བུར་སྟོན་ན་རྩ་བའི་སྦྱོར་བར་འགྱུར་བའོ། །ཐག་བཅད་ན་བརྐུས་པའོ་ཞེས་པ་ནི་གོང་མ་ལྟར་བསྙོན་པ་མི་སྦྱིན་པ་ཁོ་ནར་སེམས་ཐག་བཅད་ན་དེས་ཕམ་པར་འགྱུར་བའོ། །གཏམས་#པ་བདག་པོའི་མིག་སྔར་མ་བབ་པ་ལས་བརྣོག་#ཅིང་རྐུ་ན་སེམས་
[52a.6]ཐག་བཅད་པས་ཕམ་པར་འགྱུར་བ་ནི་གོང་དུ་བསྟན་པ་ལྟ་བུ་ཡིན་ན། གཏམས་པ་བདག་པོའི་མིག་སྔར་སྦས་པ་ལས་བརྣོག་#ཅིང་མི་སྟེར་བ་སེམས་ཐག་བཅད་པས་ཕམ་མམ་ཇི་ཙམ་གྱིས་ཕམ་པར་འགྱུར་ཞེ་ན། གཏམས་ཏེ་#སྦས་པ་འབྱིན་པ་དད་ཅིག་ཅར་མ་ཕྱིས་ནའོ་
[52a.7]ཞེས་པ་ཡིན་ཏེ། མི་སྦྱིན་པར་སེམས་ཐག་བཅད་པ་དང་། སྐུངས་#ནས་ཕྱུང་བ་ཅིག་ཅར་དུ་ལྡན་ན་དེས་བརྐུས་པར་འགྱུར་རོ། །གལ་ཏེ་སྐུངས་#ནས་སྔར་ཕྱུང་ལ་སེམས་ཐག་ཕྱིས་བཅད་ན་ནམ་སེམས་ཐག་བཅད་པའི་#ཚེ་བརྐུས་པའོ། །གལ་ཏེ་སྔར་སྦྱོར་བ་ཐ་དད་པའོ་
[52b]
[52b.1]ཞེས་པ་ནི། གལ་ཏེ་སེམས་ཐག་སྔར་#ལ་དེའི་འོག་ཏུ་བསྙོན་ཞིང་གནས་ནས་བྱིན་ན་སེམས་ཐག་བཅད་པ་དང་བསྙོན་པ་གཉི་གའི་ཚེ་རྩ་བའི་སྦྱོར་བ་སྟེ་སྦོམ་པོར་འགྱུར་བའོ། །སེམས་ཐག་སྔར་བཅད་#དེ་གོ་སྦྱོར་བའི་སྦྱོར་བ་བྱས་ན་ཉེས་བྱས་སུ་འགྱུར་བའི་རིགས་ན། རྩ་བའི་
[52b.2]སྦྱོར་བར་ཅི་#ཕྱིར་གདགས་ཞེས་པའི་ལན་དུ། སེམས་ཐག་བཅད་པས་རྩ་བར་འགྱུར་རོ་ཞེས་གོང་དུ་བསྟན་པས་ན་སེམས་ཐག་བཅད་པ་དེ་སྦྱོར་བའི་ནང་ན་བརྩན་པའི་ཕྱིར་རྩ་བའི་སྦྱོར་བར་གཞག་པ་ཡིན་ནོ། །གལ་ཏེ་བསྙོན་པ་ནི་སྔ་ལ་དེའི་འོག་ཏུ་སེམས་ཐག་
[52b.3]གཅོད་ཅིང་གནས་ནས་བསྐྱོད་ན་བསྙོན་པའི་ཚེ་ནི་སྦྱོར་བའི་སྦྱོར་བ། སེམས་ཐག་བཅད་པ་ནི་རྩ་བའི་སྦྱོར་བ་བྱས་ན་#དེ་ལྟར་སྦྱོར་བ་ཐ་དད་དོ། །བརྒྱུད་པ་གཅོད་པ་དང་གསོད་པ་ནི་ཆུད་གཟོན་པའོ་ཞེས་པ་ནི་#འདི་ལྟར་བྱེད་ན་ཆུད་གཟོན་པའི་ནང་དུ་གཏོགས་པར་
[52b.4]སྟོན་པའོ། །ཤོ་གམ་གྱི་ས་ཚིགས་ཉིད་མ་དྲལ་གྱི་ནམ་མཁའ་ལས་དྲལ་ཏེ་བཟླས་པ་ལྟ་བུ་ཅིར་འགྱུར་ཞེ་ན། ནམ་མཁའ་ལས་ཤོ་གམ་གྱི་མཚམས་ཟློ་ན་སྦོམ་པོར་བྱེད་ཅེས་པ་ཡིན་ཏེ། མདའ་འཕེན་པ་ལྟ་བུ་ལ་སོགས་པ་ལུས་ཀྱིས་ཟློ་བ་དང་། འཛབ་
[52b.5]ཟློས་པ་ལྟ་བུ་ལ་སོགས་པ་དག་གིས་ཟློ་བ་དང་། འཇིག་རྟེན་པའི་སེམས་རྩེ་གཅིག་པས་ཟློ་བ་ལ་སོགས་པ་ལུས་དང་ངག་དང་ཡིད་གསུམ་གང་གིས་འདི་ལྟར་བཟླས་ནའང་སྦོམ་པོར་འགྱུར་བའོ། །དེ་ལ་སློབ་དཔོན་གཅིག་གིས་བཤད་པ་ནི་ཤོ་གམ་གཅོད་
[52b.6]པའི་ས་ཚིགས་ཉིད་དུ་མ་སོན་པར་མདའ་ལ་སོགས་པའི་ཁ་ལ་རིན་པོ་ཆེ་བཏགས་ཏེ་ནམ་མཁའ་ལས་འཕངས་ཤིང་བཟླས་ན་སྦོམ་པོར་འགྱུར་བར་འཆད། སློབ་དཔོན་དྷརྨྨ་མི་ཏྲས་#བཤང་པ་ནི་ཤོ་གམ་གཅོད་པའི་ས་ཚིགས་སུ་མ་སོན་པར་རྣམ་པ་འདི་ལྟར་བྱས་
[52b.7]པ་ལ་ནི་ཉེས་པའང་མེད་ཀྱི། ཤོ་གམ་གཅོད་པའི་ས་ཚིགས་སུ་ནི་སོན་ལ་དེ་ནས་རྣམ་པ་འདི་རྣམས་ལྟར་ནམ་མཁའ་ལས་བཟླས་ན། རྒྱལ་པོ་ནམ་མཁའ་ལ་མི་དབང་བའི་ཕྱིར་བརྐུས་པར་མི་འགྱུར་རྐུ་སེམས་ཀྱིས་#ཟློ་བའི་ཕྱིར་ནི་སྦོམ་པོར་འགྱུར་རོ་ཞེས་འཆད་
[53a]
[53a.1]དོ། །མདའ་ལ་སོགས་པས་ཟློ་བ་ནི་དེ་ལྟར་གྱུར་ན་མངོན་པར་ཤེས་པའི་རྫུ་འཕྲུལ་གྱིས་ཟློ་བ་ལ་སོགས་པ་ཅིར་འགྱུར་ཞེ་ན། རྫུ་འཕྲུལ་གྱིས་ཁྱེར་པ་ནི་ཉེས་པ་མེད་ཅེས་པ་ཡིན་ཏེ། འདི་ལྟ་བུ་ལ་རྐུ་སེམས་མི་འབྱུང་བའི་ཕྱིར་རོ། །མཚམས་
[53a.2]གཞན་ཡང་ངོ་ཞེས་པ་ནི་ཤོ་གམ་གྱི་ས་ཚིགས་མ་ཡིན་པའི་ལམ་དུ་གུད་དུ་སོང་བ་ལ་ནི་ཉེས་མེད་པའོ། །འདོམས་པ་ནི་ཉེས་བྱས་ཞེས་པ་ནི་ཤོ་གམ་གྱི་ལམ་དུ་སོང་བ་ལས་སླར་ལོག་གམ། དེར་འགྲོར་མ་སྟེར་ན་ཉེས་བྱས་སུ་འགྱུར་བའོ། །ལམ་གུད་དུ་སྟོན་པ་
[53a.3]ཡང་ངོ་ཞེས་པ་ནི་ཤོ་གམ་ལས་འབྱོལ་བའི་#ལམ་སྟོན་ན་ཡང་ཉེས་བྱས་སུ་འགྱུར་བའོ། །ཐབས་ཀྱིས་སྨྲ་ན་འགོད་ཞེས་པ་ནི་གཞོགས་ཀྱིས་སྤེད་ཅིང་རྣ་འཆའ་ན་ཉེས་བྱས་ཕྲ་མོར་སྟོན་#པའོ། །ལམ་མ་ཡིན་པ་ནི་ལམ་བཞིན་ཞེས་པ་ནི་ཤོ་གམ་ཚིགས་སུ་
[53a.4]འོངས་པ་ལ་ལམ་མ་ཡིན་པར་གྱུར་ཞིང་བྱོལ་ན་ཤོ་གམ་བཟླས་པ་དང་འདྲ་སྟེ་ཕམ་པར་འགྱུར་བའོ། །ཁ་དད་ཚེམ་བུར་ནི་སྣོད་གཞན་#བཞིན་ཞེས་པ་ནི་རིན་པོ་ཆེ་ལྟ་བུ་ལ་སོགས་པ་གོས་ཀྱི་གསེབ་དང་། ཁར་བཅུག་སྟེ་ཁྱེར་ན་ལུས་སུ་གཏོགས་པ་ལ་ཤོ་
[53a.5]གམ་མི་གཅོད་པས་ན་ཉེས་མེད་པར་རེབ་བསྩལ་#བའི་ཕྱིར་འདི་སྐད་དུ་སྨོས་པ་ཡིན་ཏེ། འདི་ལྟར་བྱས་ནའང་སྣོད་དུ་བཅུག་པ་དང་འདྲ་སྟེ་ཉེས་པར་འགྱུར་བའོ། །རྐུ་སེམས་དང་བྲལ་ན་མཐའ་#སྒྲུབ་པ་མ་ཡིན་ཞེས་པ་ནི་སྔར་རྐུ་#བར་བཤམས་པ་ལས་མནམས་ཙམ་སྟེ་
[53a.6]བཏང་ན་སྦོམ་པོར་ཟད་ཀྱི་ཕམ་པར་མི་འགྱུར་བའོ། །སྦྱོར་བ་མེད་ཀྱང་འདི་མ་བྱས་པ་མ་ཡིན་ཞེས་པ་ནི་ནོམ་ཞིང་རེག་པའི་ཚེ་ན་ནི་རྐུ་སེམས་མེད་པ་ལ་ལེན་ཅིང་སྦེད་པའི་ཚེ་རྐུ་སེམས་ཡོད་ན་སྦྱོར་བ་མེད་དུ་ཟད་ཀྱི་ཕམ་པར་མི་འགྱུར་བ་མ་ཡིན་པར་#སྟོན་པའོ། །
[53a.7]ཡི་གེ་ལ་སོགས་པས་མི་བྲི་ཞེས་པ་ནི་སྤྲིང་ཡིག་ལ་སོགས་པས་རྐུར་བཅུག་ན་ཡང་རྩ་བར་འགྱུར་བར་སྟོན་པའོ། །བསྒྲུབ་པར་རྟོགས་པ་དེ་ལྟར་བསྟན་ནས། ཟིན་པར་གཏོགས་པ་#ད་སྟོན་པ་ནི་མཐུ་དང་མ་བསྟེན་པ་#མ་བརྐུས་པ་མ་ཡིན་ཞེས་པ་ལ་སོགས་པ་
[53b]
[53b.1]ཡིན་ཏེ། བཙན་ཐབས་སུ་མཐུས་ཕྲོག་#པ་དང་རྒྱལ་དང་རྒྱན་གྱི་སྐུགས་#མ་སྟེར་ན་ཕམ་པར་འགྱུར་བར་སྟོན་པའོ། །དེ་ལྟ་བས་ན་ཞུས་པ་ལས་བཙུན་པ་རྐུ་བ་ལ་རྣམ་པ་དུ་མཆི་ཞེས་ཞུས་པ་དང་། ཨུ་པཱ་#ལི་དྲུག་ཡོད་དོ། །མཐུས་རྐུ་བ་དང་། སྒྱུས་རྐུ་བ་དང་། གཏམས་
[53b.2]པ་རྐུ་བ་དང་། ཕྱིར་སྦྱིན་པ་རྐུ་བ་དང་། མི་སྟེར་ཏེ་རྐུ་བ་དང་། ཆོས་རྐུ་བ་རྣམས་སོ། །བཙུན་བ་དེ་དག་ལས་གང་གིས་མཐར་འགྱུར་ཞེས་པ་དང་། ཨུ་པཱ་#ལི་ཆོས་རྐུ་བ་མ་གཏོགས་པའི་གཞན་ཐམས་ཅད་ཀྱིས་མཐར་འགྱུར་རོ་ཞེས་གསུངས་པ་ཡིན་ནོ། །གནས་དང་
[53b.3]བཅས་པའང་མ་ཡིན་ཞེས་པ་ནི་གཞི་འམ་གནས་དང་བཅས་ཏེ་ཁྱེར་ནའང་མ་བརྐུས་པ་མ་ཡིན་པར་སྟོན་པའོ། །བསད་པ་བརྐུས་#པ་མ་ཡིན་ཞེས་པ་#ཕ་ཕྱུགས་ལྟ་བུ་བསད་ནས་རྐུ་བར་བསམས་ན་བསད་པའི་ཚེ་རྩ་བའི་སྦྱོར་བར་སྟོན་པའོ། །ཕྱོགས་གཅིག་ནི་གནས་ནས་
[53b.4]འཕགས་པ་མ་ཡིན་ཞེས་པ་ནི་དོ་ཤལ་ལྟ་བུ་ལ་སོགས་པ་རྐུ་ན་ཀུན་བླངས་པ་ནི་མ་ཡིན་གྱི་ཕྱེད་ཙམ་བཏེག་པ་ལྟ་བུས་ཕམ་པར་མི་འགྱུར་བར་སྟོན་པའོ། །སྤྲུག་ཅིང་ཀློག་ན་བརྐུས་#པའོ་ཞེས་པ་ན་ཤིང་ཏོག་ལྟ་བུ་ལ་སོགས་པ་སྤྲུགས་ཏེ#། རྐུ་བར་བྱས་ན་ལྷགས་པས་
[53b.5]ཕམ་པར་འགྱུར་བའོ། །ཕུག་ནས་འཛག་ཅིང་འབྲུལ་བ་ནི་འོངས་ནའོ་ཞེས་པ་ནི་ནས་སམ་འབྲུ་མར་ལྟ་བུ་ལ་སོགས་པ་སྣོད་ཕུག་ནས་འཛག་པ་དང་། འབྲུལ་བའི་ཐབས་ཀྱིས་#རྐུ་བ་ནི་ནམ་འབྲུལ་ཞིང་ཟག་ན་བརྐུས་པར་སྟོན་པའོ། །འཛག་ཅིང་འབྲུལ་བ་དེ་ཐིགས་#
[53b.6]རེ་འབྲུ་རེར་བཅད་ཅིང་བརྩི་འམ་རྒྱུན་གཅིག་ཏུ་བཅད་ཅེ་ན། དེ་ནི་འདིར་མཇུག་གི་བར་དུ་རྫས་གཅིག་གོ་ཞེས་པ་ཡིན་ཏེ། དེ་ལྟར་འཛག་ཅིང་འབྲུལ་བ་ནམ་བཏང་བའམ་བཅད་པའི་ཚིགས་གཅིག་གིས་བཟུང་སྟེ་རིན་ཐང་ཚང་ངམ་མ་ཚང་བ་ལས་དབྱེ་ཞིང་བཅད་
[53b.7]པའོ། །ཕུང་པོ་ལས་ནམ་#བཅུས་པ་ལན་རེ་བརྐུས་པ་རེའོ་ཞེས་པ་ནི་ཕུང་པོ་ལས་འཆུ་#ཞིང་རྐུ་ན་སྦྱོར་པ་ཐ་དད་པའི་ཕྱིར་བཅུས་པ་ལན་རེ་ཞིང་བརྐུས་པ་ལན་རེར་འགྱུར་བའོ། །དུ་མའི་སྟོར་བ་དེ་དག་སོ་སོའི་ཤས་#སོ་ཞེས་པ་ནི་བདག་པོ་དུ་མའི་ནོར་ཅིག་
[54a]
[54a.1]ཅར་དུ་བརྐུས་ན་བདག་པོ་དེ་དག་སོ་སོའི་ནོར་རེ་རེ་ཞིང་རིན་ཐང་ཚང་ངམ་མ་ཚང་བ་བརྩིའི་ཐམས་ཅད་ཀྱི་ནོར་གཅིག་ཏུ་བསྡུས་ཏེ་ཕྱིར་རིན་ཐང་ཚང་ངམ་མ་ཚང་བ་དང་། རྐུ་བ་རྣམས་ཀྱང་ངོ་ཞེས་པ་ནི་རྐུ་བ་ཡང་མང་པོ་ཞིག་ན་#བགོ་སྐལ་གྱི་ཤས་
[54a.2]རིན་ཐང་ཚང་ངམ་མ་ཚང་བ་དང་སྦྱོར་ཅིག་པའོ། །བློ་མི་གཅིག་པ་འདིར་བརྐུས་པ་ཐོབ་པའོ་ཞེས་པ་ནི། རྫས་གཅིག་ལ་རྐུན་པོ་དུ་མ་འདོམས་#པ་དེ་དག་དང་པོ་ནས་བགྲོས་པ་མེད་ན་སོ་སོས་ཅི་ཐོབ་པའི་རིན་ཐང་ལ་ཕམ་མམ་#མི་ཕམ་པ་དང་སྦྱོར་ཅིག་པའོ། །མ་བྱིན་
[54a.3]པར་ལེན་པའི་ཕས་ཕམ་#པ་ཞུས་པར་གཏོགས་#པའོ།། །།#དངོས་པོ་དང་བདག་པོ་དང་། སྒྲུབ་པ་དང་། ཟིན་པར་གཏོགས་པ་ཞུས་པ་ལས་འབྱུང་བ་རྣམས་དེ་ལྟར་བསྟན་ནས། བྱེ་བྲག་ཏུ་ངེས་པ་ལས་འབྱུང་བ་ད་སྟོན་པ་ནི། བླངས་པའི་སྔ་རོལ་དུ་ཤི་
[54a.4]བ་ནི་སླར་གཏད་ཅེས་པ་ལ་སོགས་པ་ཡིན་ཏེ། འགོད་པའི་ཚེས་གྲངས་སུ་བཅུག་སྟེ་རྙེད་པ་མནོས་པ་ལས་ཁྱེར་ཏེ་འོངས་པའམ། སྤར་སྤར་དུ་འགོད་པ་ཙམ་ན་གྲངས་སུ་བཅུག་པའི་དགེ་སློང་བར་མ་སྐབས་#སུ་ཤི་ན་ཤི་བ་དེའི་ཤས་སྐལ་རྙེད་པ་གང་ནས་
[54a.5]འོངས་པའི་གནས་སུ་སླར་སྐྱོལ་ཅིག་པའོ། །བཟློག་པ་ནི་ཤི་བའི་ཡོ་བྱད་དོ་ཞེས་པ་རྙེད་པ་ལག་ཏུ་བྱིན་ནས། ཤི་ན་ཤི་བ་དེ་ཉིད་ཀྱི་ཡོ་བྱད་དུ་གཏོགས་པས་དགེ་འདུན་གྱིས་བགོས་#ཤིག་པའོ། །དགེ་འདུན་ནི་སྤུན་བཞིན་པས་ན་དེའི་ཕྱིར་བརྐུས་པ་
[54a.6]བདག་གིར་མ་བྱས་པ་མ་ཡིན་ཞེས་པ་ནི་སྤུན་གྱི་ནོར་མ་བགོས་པའི་སྤྱིའི་ཡིན་ཏེ། སོ་སོར་དབང་བའི་འདུ་ཤེས་ཡོད་པ་བཞིན་དུ་སྤྱིའི་ཕྱིར་བརྐུས་པ་བདག་ཀྱང་དེའི་ནང་དུ་གཏོགས་པས་ན་བགོ་སྐལ་དུ་གསེས་པའི་ཤས་དང་མི་སྦྱར་གྱི། སྤྱི་ཁོང་འཐུལ་བས་ན་
[54a.7]གཞན་གྱི་ཕྱིར་བརྐུས་པ་ལྟ་བུ་ལ་སོགས་ཡིན་ཏེ་བདག་གིར་བྱས་པའོ། །བདག་པོ་ཐ་མི་དད་ན་བདག་གི་བཞིན་ཞེས་པ་ནི་ཡོན་བདག་གིས་གནས་ཁང་གཅིག་གི་ཚང་སྒྱུར་བསྔོས་པའི་རྫས་དགེ་སློང་གིས་#གནས་ཁང་གུད་དུ་བརྐུས་ཤིང་སྤར་ན་སྤྱིར་བདག་པོ་
[54b]
[54b.1]ཐ་མི་དད་པའི་ཕྱིར་བདག་གི་ནོར་བརྐུས་པ་བཞིན་ནོ། །བྱོལ་ལམ་མི་བླང་བར་#ངེས་ན་ལྷག་མས་བརྐུས་པ་ནི་ཡན་ལག་དེ་མ་ཡིན་ཞེས་པ་ནི་དགེ་སློང་རྐུན་པོས་དབང་མེད་པ་ལས་བྱོལ་ལམ། རྐུན་པོ་མི་བྱ་ཡང་དག་པར་བསམས་ན་རྐུན་#པོ་གཞན་གྱིས་བརྐུས་པའི་
[54b.2]ཁྲི་ན་དེ་ལ་མི་འཁྲི་བའོ། །སྐལ་བ་བདག་གིར་བྱ་བར་འདོད་ན་མི་བླང་བར་བསམས་པ་མ་ཡིན་ཞེས་པ་ནི་དགེ་སློང་རྐུན་པོ་དང་འགྲོགས་ཏེ་དོང་བས་བདག་གིས་རྐུན་པོ་ནི་#མི་བྱ། ཤས་སྐལ་ཁོང་གིས་བྱིན་པ་ནི་བླང་བར་བསམས་ན་རྐུན་པོར་མི་འགྱུར་བ་མ་ཡིན་པའོ། །
[54b.3]དེར་གཏོགས་པའི་ལས་བྱས་ན་དེའི་མ་ཡིན་པ་མ་#ཡིན་ཞེས་པ་ནི་ལམ་བསྲུང་ངམ་བྱ་ར་བྱེད་པ་ལ་སོགས་པ་རྐུན་པོ་དེ་དག་གི་སྟོངས་མོ་བྱས་ན་མ་བརྐུས་པ་མ་ཡིན་པའོ། །ལྷན་ཅིག་སྤྱོད་པ་#དང་ཉེ་གནས་རྐུན་པོར་མི་འགྱུར་བ་མ་ཡིན་ཞེས་པ་ནི་ལྷན་ཅིག་སྤྱོད་པ་འམ་ཉེ་གནས་
[54b.4]རྐུན་པོས་ཁྱེར་ཏེ། ཁ་ཕྱིན་ཅིང་དབང་དུ་བྱས་པ་ལས་སླར་བརྐུས་ཤིང་ཁྱེར་ན་རྐུན་པོར་འགྱུར་བའོ། །བསྐོར་བ་ནི་མཚམས་བརྩན་ཞེས་པ་ནི་ཁྱིམ་སའམ་ར་པའི་ས་ལ་སོགས་པས་བསྐོར་ཞིང་རྐུ་བ་ནི་ཐོང་རིས་ལ་སོགས་མཚམས་ཙམ་གྱིས་བསྐོར་ན་ཡང་རྐུན་པོར་
[54b.5]འགྱུར་བའོ། །མཚམས་སུ་འདུག་པ་སྤོས་ན་འདིས་མ་སྐོངས་པ་ཡིན་ཞེས་པ་ནི་འོབས་སམ་མུ་ཚིགས་ལ་སོགས་པའི་མཚམས་སྤོས་ཤིང་བསྒྱུར་ན་རྐུན་པོར་མི་འགྱུར་བ་མ་ཡིན་པའོ། །མངོན་སུམ་དུ་ཁྱེར་བ་མི་སྣང་ན་བརྐུས་#པའོ་ཞེས་པ་ནི། བདག་པོའི་མིག་
[54b.6]ལམ་དུ་བརྐུས་ཤིང་ཁྱེར་བ་ནི་མི་སྣང་བར་མ་གྱུར་ན་རྐུན་པོར་མི་#འགྱུར་བ་སྟེ། གོས་འཚོང་བ་ར་རོ་བའི་རྫས་དགེ་སློང་གིས་རྐུར་མ་ཟུག་#པ་ལྟ་བུའོ། །མི་ནི་མཐུས་ཕྲོགས་པ་ལས་དབང་དུ་བྱས་ནའོ་ཞེས་པ་ནི་མིའི་#མཐུས་ཕྲོགས་པ་དེས་དབང་དུ་བྱས་ཏེ་ཁ་ཕྱིན་ན་
[54b.7]གདོད་བརྐུས་པར་འགྱུར་བའོ། །བདག་ནི་དེ་ལྟར་མ་ཡིན་ཞེས་པ་ནི་བདག་ཉིད་རྐུན་པོ་ལ་སོགས་པའི་ལག་ནས་སླར་བྲོས་པ་ལ་ནི་བདག་གིས་བདག་བརྐུས་པའི་ཁྲོན་#དུ་མི་འགྱུར་བའོ། །གང་རྐུ་བར་བརྣབ་#པ་དེ་དང་མ་བརྣབ་པར་འབྲལ་#བ་ནི་ཁྱེར་པ་མ་ཡིན་ཞེས་
[55a]
[55a.1]པ་ནི་གོས་རྙིང་བའི་ཞར་ལ་རིན་པོ་ཆེ་རི་བའི་གོས་འོངས་པ་ལྟ་བུ་གང་རྐུ་བར་བརྣབ་#པ་དེའི་རིན་ཐང་བརྩིར་ཟད་ཀྱི་རྐུ་བར་མ་བསམས་པའི་རྫས་ཟླ་ལ་འོངས་པའི་རིན་ཐང་དང་མི་སྦྱོར་བའོ། །སུ་གང་གིས་ཅི་#ཐོབ་པ་དེ་དེའི་འོ་བར་དམ་བཅས་པ་གཞན་
[55a.2]གྱིས་བརྐུས་པ་སྦོམ་པོའོ་ཞེས་པ་ནི། རྐུན་པོས་ལག་མདངས་#ཐོབ་བརྩན་པར་དམ་པ་ཅས་པ་གཅིག་གི་གྲོགས་དགེ་སློང་གིས་#བྱས་ན་ཕ་རོལ་གྱིར་བརྐུས་པའི་སྦོམ་པོར་འགྱུར་བའོ། །བདག་པོ་དང་བཅས་པའི་དུར་ཁྲོད་ནས་ཁྱེར་བ་ཡང་ངོ་ཞེས་པ་ནི། བདག་
[55a.3]པོ་ཡོད་པའི་དུར་ཁྲོད་ཀྱི་རྫས་ཁྱེར་ན་ཡང་སྦོམ་པོར་འགྱུར་བའོ། །དེ་ཡང་དུར་ཁྲོད་འདི་ཉིད་དང་། དབང་པོ་བར་བདག་པོས་བདག་གིར་བྱས་པ་མཁྱེན་ན་ནི་ཕམ་གྱི་གཤེད་#པོ་ལ་སོགས་པ་འདིའི་རྫས་དེ་#དབང་བའི་རིགས་སོ་བར་ཡོངས་སུ་བཟུང་བ་ལས་ཁྱེར་བ་
[55a.4]ནི་སྦོམ་པོར་འགྱུར་བའོ། །ལ་ཕུག་གིས་དང་སྡོང་པོ་དང་ལོ་མ་དང་མེ་ཏོག་དང་འབྲས་བུའི་ར་བ་ལ་སོགས་པ་སྔགས་ཀྱིས་སྐམས་#ནའོ་ཞེས་པ་ནི། འདི་དག་ལྟ་བུ་སྔགས་ཀྱིས་སྐམས་པ་ཅིར་#འགྱུར་ཞེ་ན་ཅུང་ཟད་པའི་སྦོམ་པོར་སྟོན་པའོ། །རྟ་རྐུན་འདི་ལྟར་བྱའོ་
[55a.5]ཞེས་ཆས་ཀྱིས་བརྡོད་དམ་ཞེན་#ཏེ་ལུས་ཀྱིས་བསྒྱུར་ནའོ་ཞེས་པ་ནི་རྟ་ཆས་#ཀྱིས་བྲིད་དམ་ཞོན་ནས་ངས་#ཐབས་འདི་ལྟར་བརྐུའོ་ཞེས་མགོ་ཀྱོག་#པ་ལ་སོགས་པ་ལུས་ཀྱིས་བསྒྱུར་བ་ཅིར་#འགྱུར་ཞེ་ན་སྦོམ་པོར་སྟོན་པའོ། །གྲུ་#ཡང་ངོ་ཞེས་པ་ནི་གྲུའི་སྟེང་དུ་འཛེགས་
[55a.6]ནས་ཐབས་འདི་ལྟར་བརྐུའོ་ཞེས་ལུས་ཀྱིས་བསྒྱུར་ན་ཡང་སྦོམ་པོར་འགྱུར་བའོ། །འདི་ལས་འདི་ལྟར་ན་ཡང་ངོ་ཞེས་པ་ནི་རྟ་དང་གྲུའི་སྟེང་ནས་རྫས་འདི་དང་འདི་ལྟར་བརྐུའོ་ཞེས་ལུས་ཀྱིས་#བསྒྱུར་ཞིང་འཆོས་ན་ཡང་སྦོམ་པོར་འགྱུར་བའོ། །ཕ་མ་དང་ཕོ་#ནུ་དང་སྲིང་
[55a.7]མོ་དང་མཁན་པོ་དང་། སློབ་དཔོན་དང་མཆོད་རྟེན་དང་དགེ་འདུན་ལ་སོགས་པ་ལ་#སྤགས་པ་ཤོ་གམ་གཅོད་པ་ལས་བཟླས་ནའོ་ཞེས་པ་ནི་འདི་རྣམས་ལ་དབུལ་ཞིང་སྦྱིན་པ་ཤོ་གམ་ལས་བཟླས་ནས་#ཡང་ཕ་རོལ་གྱི་ཕྱིར་བརྐུས་པའི་སྦོམ་པོར་སྟོན་པའོ། །བརྙས་
[55b]
[55b.1]པ་དང་བསྐྱིས་པ་མི་སྦྱིན་བར་བསམས་པའོ་ཞེས་པ་ནི་དེ་དག་མི་སྦྱིན་པར་བསམས་པ་ཡང་སྦོམ་པོར་འགྱུར་བའོ། །གཞན་གྱི་ཕྱིར་བྱིན་པ་བགོས་ན་ཡང་ངོ་ཞེས་པ་ནི་དགེ་འདུན་མཆོད་སྟོན་གསོལ་ཅིག་པ་ལ་སོགས་པའི་ཟོང་སྤགས་ཤིང་། བརྫངས་པ་ལས་
[55b.2]བལྟེབས་སུ་བརྐུས་པ་ཡང་སྦོམ་པོར་འགྱུར་བའོ། །ཡོངས་སུ་མ་བཟུང་བ་ཡོངས་སུ་བཟུང་བར་འདུ་#ཤེས་ནའོ་ཞེས་པ་ནི་བདག་པོ་མེད་པའི་ནོར་ཡོད་པར་འདུ་ཤེས་ཏེ། བརྐུས་ན་ཡན་ལག་གཅིག་མ་ཚང་བའི་ཕྱིར་སྦོམ་པོར་འགྱུར་བའོ། །ནས་ཆན་དང་འབྲས་
[55b.3]ཆན་དང་། ཕྱེ་དང་ཉ་དང་། ཤ་དང་བཅའ་བ་ལ་སོགས་པ་མི་དབང་བའི་ཟས་བླངས་ནའོ་ཞེས་པ་ནི་མིང་གིས་སྨོས་པའི་ཟས་འདི་#རྣམས་མི་དབང་བ་ལས་བརྐུས་ན་ཡང་སྦོམ་པོར་འགྱུར་བའོ། །གཞན་གྱིས་བླངས་པར་མི་ཤེས་པ་མི་དབང་བ་མ་ཡིན་ཞེས་
[55b.4]བ་ནི་བདག་གི་ཟན་སྐལ་ཟླས་#མནོས་པར་རྒྱུས་མ་ཤེས་ཏེ་ཟོས་པ་ནི་མི་དབང་བར་མི་འགྱུར་ཏེ། ཉེས་མེད་པར་སྟོན་པའོ། །གང་ནོད་ཅིང་ལེན་པ་#ལ་ཡང་དེ་བཞིན་དུ་ཉེས་མེད་དོ། །མ་བཅོལ་བ་མ་ཡིན་ཞེས་པ་ནི་དགེ་སློང་ཟླ་གཅིག་ཟས་མི་དབང་བ་ལས་དབང་ངོ་
[55b.5]སྙམ་ཏེ#། མཛའ་བོས་བསྙེན་#མདོང་བྱས་ནས་མནོས་པ་དེ་ཉིད་ཀྱིས་མ་ཁྱེར་ཕ་རོལ་#ཡང་མ་བཅོལ་བ་ཉེས་པར་སྟོན་པའོ། །ཡང་གཅིག་ཏུ་ན་མི་དབང་བའི་ཟས་དབང་ངོ་སྙམ་དུ་བསམས་ཏེ་མ་བཅོལ་བར་ཕ་རོལ་གྱི་ཕྱིར་མནོས་པ་ལ་ཡང་ཉེས་མེད་པར་སྟོན་
[55b.6]པའོ། །མ་བོས་པར་ཟོས་ན་ཉེས་བྱས་ཞེས་པ་ནི་མགྲོན་དུ་མ་གཉེར་བར་ཟོས་པ་བདག་གིས་ཤེས་ཀྱང་རུང་མ་ཤེས་ཀྱང་རུང་བྱིན་བའི་ཤས་ཡོད་པས་ན་རྐུན་པོར་ནི་མི་འགྱུར་གྱིས་དྲ་མའི་ཆོས་མ་ཡིན་པས་ན་ཉེས་བྱས་སུ་འགྱུར་བའོ། །རྐུར་འགྲོ་པ་ཡང་ངོ་
[55b.7]ཞེས་པ་ནི་མདོ་འོག་མའི་ཡུལ་བསྟན་པའི་ཕྱིར་སྨོས་པ་ཡིན་ཏེ། རྐུར་འགྲོ་ན་ཉེས་བྱས་སུ་འགྱུར་བའོ། །བགྲོས་པ་ཡང་དེ་དང་ཐ་དད་ཅེས་པ་ནི་ཁ་ནས་གླེང་ཞིང་གྲོས་བྱས་#པ་ལ་སོགས་པ་ཡང་འགྲོ་བར་འདུ་ཤེས་ཏེ་ཉེས་བྱས་སུ་ཟད་པས་ན་སྦྱོར་བ་ཐ་དད་པར་མི་
[56a]
[56a.1]དྲང་ངོ་། །ཤིན་ཏུ་བརྟགས་ལ་དབང་པོ་མེད་པ་ཞེས་བླང་ཞེས་པ་ནི་རྫས་ཡན་པར་འདུག་པ་འདོད་བྱར་དུ་མི་བླང་གི་བདག་པོ་ཡོད་དམ་མེད་པ་ལ་སོགས་པ་བདག་ཀྱང་ཐེ་ཚོམ་མི་ལྟ#། གཞན་ཡང་འཕྱ་བའི་གླགས་མེད་པའི་ཕྱིར་ཤིན་ཏུ་རྟོགས་ལ་གདོད་
[56a.2]ལོང་ཤིག་པར་སྟོན་པའོ། །ལུས་ཀྱིས་ཉལ་བར་མི་བྱ་ཞེས་པ་ནི་དགེ་སློང་རྨོན་པའི་མདུན་དུ་རོལ་བཅད་དེ་ཉལ་བ་ལྟ་བུར་བུ་ལོན་གྱི་ཕྱིར་སྒོ་ཉལ་ལ་སོགས་པ་མ་བྱེད་ཅིག་པའོ། །བྱ་ཚང་མི་གཞིག་ཅེས་པ་ནི་#དགེ་སློང་གི་གནས་ན་སྒོད་མེད་པའི་ཚང་ཡོད་ན་ཤིག་ཤིག་
[56a.3]ཅེས་འོག་ནས་འབྱུང་བས་ན་འདི་ནི་དགེ་སློང་གི་གནས་མ་ཡིན་ན། སྒོ་ང་མེད་པའི་ཚང་ཡང་མ་འཇིག་ཤིག་པར་སྟོན་པའོ། །དེར་མི་གནས་པས་དབྱར་གྱི་གོས་སྐལ་མི་མནོད་#ཅེས་པ་#དབྱར་གནས་དེ་ན་མ་འདུག་པས། གོས་ལ་སོགས་པ་དབྱར་གྱི་རྙེད་པ་མི་
[56a.4]དབང་གིས་མ་ལེན་ཅིག་པའོ། །སྦྱིན་བདག་ཏུ་བསམས་ན་རྐུན་པོ་ལས་ཁྱེར་ན་ཉེས་པ་མེད་ཅེས་པ་ནི་འདི་ལྟར་གཞག་ན་རྐུན་པོ་ལས་རྫས་ཁྱེར་བ་ཉེས་མེད་པར་འགྱུར་བའོ། །མཚན་མ་མ་གཏོགས་ཤིང་རྐུན་པོས་བརྐུས་པ་མི་མངོན་པ་མི་བླང་ངོ་ཞེས་པ་ནི་གོད་མ་
[56a.5]ལྟར་བླང་བ་ཡང་རྐུན་པོར་གྲགས་ཤིང་རྐུན་པོའི་མཚན་མ་མ་བརྟགས་#པ་ལས་དོན་མན་གྱི་རྫས་མ་ལེན་ཅིག་པའོ། །དེ་ལས་ཁྱེར་བ་དྲས་ནས་ཁ་དོག་བསྒྱུར་ཏེ་བཅད་ཞེས་པ་ནི་དོན་མན་གྱི་རྫས་དེ་ཐབས་འདི་ལྟར་སྤུ་བསྒྱུར་ལ་གདོད་ཆོངས་ཤིག་པའོ། །དེ་ལྟར་བྱས་ཀྱང་
[56a.6]སློང་ན་སྦྱིན་ཞེས་པ་ནི་རྗེས་དེ་ལྟར་སྤུ་བསྒྱུར་ཀྱང་ནོར་བདག་གིས་ངོས་ཟིན་ནས་སླར་འདོད་ཟེར་ན་བྱིན་ཅིག་པའོ། །སྒྱུ་མི་བྱ་ཞེས་པ་ནི་བདག་གི་ནོར་གཞན་གྱིས་ཁྱེར་བ་ངོ་ཅན་ཐབས་ཀྱིས་བརྒྱུད་#པ་ལ་སོགས་པའི་སྒྱུ་#མ་བྱེད་ཅིག་པའོ། །གླེང་གཞི་ནི་འཕགས་པ་དགའ་བའི་#
[56a.7]སློབ་མ་སྤོད་བས་བཟོད་པའི་ཕྱིར་བྱིས་པ་རྣམས་ངོ་ཆེན་བྱེད་དུ་བཙུད་པ་ལྟ་བུའོ། །སྔགས་ཀྱིས་བཏང་བ་ཉེས་མེད་ཅེས་པ་ནི་མི་རྐུན་པོས་ཁྱེར་བ་ལྟ་བུ་ལ་སོགས་#པ་སྔགས་ཀྱིས་བསྡིགས་ཤིང་ཕྲོགས་པ་ལ་ཉེས་མེད་པར་སྟོན་པའོ། །བདག་གི་བྱི་བས་ཁྱེར་བ་བླངས་ན་
[56b]
[56b.1]ཡང་ངོ་ཞེས་པ་ནི་བྱི་བས་ཁྱེར་བའི་རྫས་སླར་བླངས་པ་ལས་ཉེས་མེད་པའོ། །དགེ་སློང་གཞན་གྱི་ནོར་དེའི་ཕྱིར་ན་ཡང་ངོ་ཞེས་པ་#དགེ་སློང་གཞན་གྱི་#རྫས་བྱི་བས་ཁྱེར་བ་བདག་གི་#ནོར་དུ་བྱ་བའི་ཕྱིར་ཕྲོགས་པ་ནི་མ་ཡིན་གྱི། ཁྱོད་དེ་ཉིད་ཀྱི་ཕྱིར་ཕྲོགས་ན་ཉེས་མེད། རི་དགས་རྔོན་པས་
[56b.2]ཞེད་དེ་གན་དུ་སུ་འོངས་པ་བཀུར་ཞེས་པ་ནི་སྐྱབས་#བྱ་བའི་ཕྱིར་འདི་ལྟ་བུ་སླར་མ་བྱིན་ཏེ་ཁྱེར་ན་ཉེས་མེད་དེ་#འདི་ཤི་ན་དེ་ལ་སྦྱིན་ཞེས་པ་ནི་རི་དགས་དེ་ཤི་ན་རོ་རྔོན་པ་ལ་བྱིན་ཅིག་པའོ། །མ་བྱིན་པར་ལེན་པའི་ཕས་ཕམ་པ་བྱེ་བྲག་ཏུ་ངེས་པའོ། །མ་བྱིན་པར་ལེན་པའི་ཕས་ཕམ་པ་རྫོགས་
[56b.3]སོ།། །།མ་བྱིན་པར་ལེན་པའི་ཕས་ཕམ་པ་#དེ་ལྟར་བསྟན་ནས། གསོད་པའི་ཕས་ཕམ་པ་ད་སྟོན་པ་ནི། ནད་པ་འཆི་བར་སེམས་པ་དང་མཐུན་པའི་བསྙད་པ་མི་བསྙད་ཅེས་#པ་ལ་སོགས་པ་ཡིན་ཏེ། ནད་པ་འཆི་བར་འདོད་པ་དང་མཐུན་པ་ཉིད་ན། དུག་ཟོས་ཀྱང་བླའོ་ཞེས་པ་
[56b.4]ལྟ་བུ་ལ་སོགས་པའི་ཚིག་མ་འབྱིན་ཅིག་པའོ། །འདི་འཆི་བ་དང་འགལ་བར་གྱིས་ཤིག་ཅེས་མ་བསྒོ་བར་མི་ཤེས་པ་མི་གཞག་ཅེས་པ་ནི་ནད་གཡོག་ཏུ་གཞུག་པ་ཤེས་ཉེན་ཆུང་བ་#ཞིག་ཡིན་ཏེ། ནད་པའི་ཟུར་མི་ཐུབ་ཙམ་གྱི་ཚོད་ན་ཇི་ནས་ཀྱང་འཆི་བ་དང་འགལ་བའི་ཚུལ་
[56b.5]འདི་དང་འདི་ལྟར་གྱིས་ཤིག་ཅེས་ཞིབ་ཏུ་#བསྒོ་བར་ནད་པའི་དྲུད་དུ་མ་བཞག་ཤིག་པའོ། །ཐབས་གཞན་ཡོད་ན་མ་ཡིན་ཞེས་པ་ནི་མི་བརྡ་ཕྲད་པ་གཞག་ཏུ་ཡོད་ན། གོང་མ་ལྟ་བུའི་ཤེས་ཉེན་ཆུང་བ་བསྒོར་ཟིན་ཀྱང་ནད་པའི་དྲུང་དུ་མ་བཞག་ཤིག་པའོ། །འཆི་བའི་ཡོ་བྱད་
[56b.6]མ་ཡིན་ཞེས་པ་ནི། ནད་པའི་དྲུང་དུ་མཚོན་དང་། ཐག་སྲད་ལ་སོགས་པ་མ་འཇོག་ཤིག་པའོ། །འདི་འཆིར་རྩོལ་#ན་ནད་གཡོག་གིས་གཅུགས་#ཞེས་པ་ནི་#ནད་པ་དེ་འགེག་གམ་མཚོན་གྱིས་འདེབས་ཤིད་འཆིར་རྩོལ་ན་ནད་གཡོག་གིས་གཅུགས་#ཤིང་དེ་ལྟར་བྱེད་དུ་མ་གཞུག་
[56b.7]ཤིག་པའོ། །ནོར་གྱི་ཕྱིར་ཕ་རོལ་འཆིར་རེ་བ་མི་བྱ་ཞེས་པ་ནི་ནད་པའི་གོས་སམ་ལྷུང་བཟེད་འདོད་པའི་ཕྱིར། ནད་པ་འཆིར་རེ་ལྟ་བུའི་མ་རུངས་པའི་ངན་སེམས་མ་བྱེད་ཅིག་པའོ། །མི་བྱ་བ་བྱ་བར་སེམས་ཀྱིས་ཀྱང་རྗེས་སུ་ཡི་རང་བར་མི་བྱ་ཞེས་པ་ནི་མངལ་ནས་ལྟུང་
[57a]
[57a.1]བར་བྱེད་པ་ལྟ་བུ་ལ་སོགས་པ་མི་#བྱ་བའི་རྣམས་ཀྱིས་ཀྱང་རྗེས་སུ་བྱ་དཀའ་བར་མི་བྱ་ན་ལུས་དང་ངག་གིས་ལྟ་ཅི་སྨོས་ཞེས་པ་#སྟོན་པའོ། །ད་ནི་གསོད་པའི་ཡན་ལག་ཏུ་གཏོགས་པ་སྟོན་#ཏེ། འཚོ་བ་འགགས་ཞེས་པ་ནི་མ་འོངས་པའི་འཚོ་བ་སྐད་ཅིག་#
[57a.2]རྣམས་མི་འབྱུང་བར་འགགས་པ་ནི་འཚོ་བ་འགགས་#པ་ཞེས་བྱའོ། །དེར་སེམས་པ་ཞེས་པ་ནི་མ་བསམས་འཚོ་བ་འགགས་པའང་སྲིད་པས་ན་དེར་སེམས་པ་ཞེས་སྨོས་པ་ཡིན་ནོ། །དེ་ཡང་སུའི་འཚོ་བ་ཞེ་ན་མིའི་འགྲོ་བ་ཞེས་པ་ཡིན་ཏེ། འཚོ་བ་འགགས་པ་དེའང་
[57a.3]མིའི་རྒྱུད་ཀྱི་འཚོ་བ་འགགས་པའོ། །དེ་ཡང་ཅིའི་བགེགས་#ཤེ་ན། ལུས་དེ་དང་འབྲེལ་པ་འཕངས་པ་གཞན་ལ་བཅོལ་བ་རྣམས་ཐ་མི་དད་ཅེས་པ་ལ་སོགས་པ་ཡིན་ཏེ། ཁུ་ཚུར་རམ་ཐལ་མོ་ལ་སོགས་པ་ལུས་ཀྱིས་#སམ་ལུས་དང་འབྲེལ་པ་སྟེ་རལ་གྲི་ལ་སོགས་
[57a.4]པ་ལག་ཆས་སམ། མངའ་ལ་སོགས་པ་འཕངས་པའམ་གཞན་གསོད་དུ་བཅུག་པ་རྣམས་ཐ་མི་དད་པར་སྟོན་པའོ། །གཞན་ཡང་དུག་ཕྱེ་མ་རླུགས་#ཤིང་རང་བཞིན་ཉམས་ཏེ་གཏོང་བ་བྲང་དུ་བསྣུན་པ་འཁྲུལ་འཁོར་འཛོལ་#རོ་སློང་བ། སྔགས་རྣམས་ཀྱི་སྦྱོར་བ་ནི་མིད་
[57a.5]གིས་སྨོས་པ་འདི་རྣམས་ཀྱི་སྦྱོར་བས་བསད་ན་ཡང་ཉེས་པར་འགྱུར་ཏེ། དེ་ལ་རང་བཞིན་ཉམས་ཏེ་གཏོང་ཞེས་པ་ནི་རང་བཞིན་ཉམས་པར་བྱས་ཏེ་ཤིང་ཁུངས་སུ་གཏོང་བའམ་རང་བཞིན་ཉམས་པ་འཆི་བའི་སར་གཏོང་བ་ལྟ་བུའོ། །བྲང་དུ་བསྣུན་ཞེས་བྱ་བ་ནི་འཇི་བ་
[57a.6]འམ་ཤིད་རྩི་ལས་མི་ལྟ་བུར་བྱས་པའི་ལག་ཏུ་མཚོན་བསྐུར་#བས་བྲང་དུ་འདེབས་ཤིད་བསྣུན་པའོ། །འཁྲུལ་འཁོར་ཞེས་པ་ནི་ས་མདའ་དང་རྙི་#གཏོར་ལྟ་བུ་ལ་སོགས་པའོ། །གཞན་རྣམས་ནི་གོ་སླ་པའི་ཕྱིར་མ་བཤད་དོ། །གཡང་དུ་འདོར་པ་ཞེས་པ་ནི་གཡང་དུ་
[57a.7]འདོར་ན་ཡང་ཉེས་བར་འགྱུར་བའོ། །ཆུ་དང་མེར་གཏོང་བ་ཞེས་པ་ནི་ཆུ་དང་མེར་བཏང་སྟེ་བསད་ན་ཡང་ཉེས་པར་འགྱུར་བའོ། །ལྷགས་པ་དང་ཚ་བར་འཇོག་ནའོ་ཞེས་པ་ནི་ཚ་ཆེས་#པ་དང་ལྷགས་པ་ཆེ་ཚེས་#པར་བཟུང་སྟེ་བཞག་ནས་བསད་ན་ཡང་ཉེས་པར་འགྱུར་བའོ། །ཕོ་ཉར་
[57b]
[57b.1]གཏོང་བ་ལ་སོགས་པ་ཞེས་པ་ནི་འཆི་བའི་ས་གང་ན་ཡོད་པར་ཕོ་ཉར་གཏོང་ངམ་ཁྱོད་ཀྱི་མ་དེ་ན་འདུག་གིས་སོད་ཤིག་ཅེས་པ་ལྟ་བུར་འདྲིད་#ཅིང་བཏང་སྟེ་བསད་ན་ཡང་ཉེས་པར་འགྱུར་བའོ#། །ཆུང་དུར་བྱས་པས་ཀྱང་ངོ་ཞེས་པ་ནི་བམ་ཀོལ་ལམ་རྩི་མཚོག་ཙམ་གྱིས་བསད་ན་
[57b.2]ཡང་ཉེས་པར་འགྱུར་བའོ། །སྐྱེས་པ་དང་བུད་མེད་དང་མ་ནིང་གསོད་པ་ཞེས་པ་ནི་འདི་དག་གང་བསད་ཀྱང་ཉེས་པར་འགྱུར་བ་སྟེ། གོང་དུ་མི་འགྲོ་བ་ཞེས་སྨོས་པ་དེས་རྒྱས་པར་སྟོན་པའོ། །དེའི་ལན་བོན་གྱིས་ཕྱིས་ཤི་ནའོ་ཞེས་པ་ནི་བསད་པར་བཤམས་པའི་མོད་ལ་
[57b.3]ནི་མ་ཤིའི་དེའི་རྐྱེན་གྱིས་ཕྱིས་ཤི་ན་ཡང་ཉེས་པར་འགྱུར་བའོ། །བཅུག་#པའི་འོག་ཏུ་ན་དེས་མ་ལན་ཞེས་པ་ནི་ཕ་རོལ་ན་སྡར་སོད་ཅིག་པར་སྨྲས་སམ་བཅོལ་བ་ལས་ཕྱིས་འགྱོད་དེ་བཟློག་ཅིང་བཅུག་#པའི་འོག་ཏུ་ཤི་ན་སྦོམ་པོ་ཡོད་དུ་ཟད་ཀྱི་ཤི་བ་ཉིད་དེས་མ་ལན་པར་སྟོན་པའོ། །
[57b.4]མ་བསམས་པར་ལྟོ་མཉེས་པའི་མ་དང་མངལ་ནི་སྦོམ་པོའོ་ཞེས་པ་ནི་མངལ་ན་འདུག་པ་བསད་པའི་ཕྱིར་མའི་ལྟོ་མཉེས་པ་ལས་མངལ་ན་འདུག་པ་ནི་མ་ཤིའི་མ་བསད་པར་མ་བསམས་པ་ལྟ་བུ་ཤི་བ་ལྟ་བུ་གསོད་པར་ཤོམ་པའི་སྦོམ་པོ་ཡོད་པར་ཟད་ཀྱི་མ་ཤི་བ་ཉེས་མེད་
[57b.5]པར་མི་འགྱུར་བའོ། །ཁས་བླངས་པའི་རྒྱུད་གསོད་#པར་ཞུགས་ནའོ་ཞེས་པ་ནི་སོད་#ཅིག་ཅེས་ཀྱང་མི་ཟེར། མ་གསོད་ཅིག་ཀྱང་མི་ཟེར་རོ་ཞེས་པ་ལྟ་བུ་གསལ་པོར་ནི་མ་སྨྲས། སེམས་ལ་ནི་བསད་དུ་དགའ་བ་ལྟ་བུའི་ཚུལ་སྟོན་ན་སྦོམ་པོར་འགྱུར་བའོ། །ཁྱོད་ཀྱི་མིང་གིས་
[57b.6]འཆི་བའི་ཡོ་བྱད་སྦྱིན་ནོ་ཞེས་ཟེར་ན་ཡང་ངོ་ཞེས་པ་ནི་མཚོན་ལ་སོགས་པ་འཆི་བའི་ཡོ་བྱད་ཁྱོད་ཀྱིས་བསྐུར་རོ་ཞེས་བྱས་ཏེ་འཆིར་འདོད་པ་ཚོན་སྦྱིན་པར་ཤོམ་པ་ལ་མི་འཆུགས་ཤིང་མགོ་ཀྱོག་#པའམ། ཚིག་ཟུར་ཙམ་གྱིས་ཁས་བླངས་ན་ཡང་སྦོམ་པོར་འགྱུར་བའོ། །
[57b.7]བྱོལ་སོང་མ་ཡིན་པ་གཞན་དང་། སྤྲུལ་པ་#ཡང་ངོ་ཞེས་པ་ནི་བྱོལ་སོང་མ་ཡིན་པའི་མི་མ་ཡིན་གཞན་དང་། སྤྲུལ་པ་བསད་ན་ཡང་སྦོམ་པོར་འགྱུར་བའོ། །དེ་ལ་མིར་སྤྲུལ་པ་བསད་པ་ནི་མིའི་འདུ་ཤེས་ཡོད་པའི་ཕྱིར་སྦྱོར་བའི་ཚེ་སྦོམ་པོའོ། །བསད་པའི་ཚེ་ཉེས་པ་མེད།
[58a]
[58a.1]ལྷར་སྤྲུལ་པ་བསད་པ་ནི་ལྷར་འདུ་ཤེས་ན་ཉེས་བྱས། མིར་འདུ་ཤེས་ན་སྦོམ་པོའོ། །བྱོལ་སོང་དུ་སྤྲུལ་པ་ལ་སོགས་པ་ཡང་དེ་བཞིན། དྲི་བའི་ལུང་མེད་པར་ནད་པ་ལ་སྨན་མི་སྦྱིན་#ཞེས་པ་ནི་དྲི་བར་འོས་པ་ལ་དྲིས་པའི་#ལུང་མེད་པར་ཐུག་#ཐུབ་ཏུ་སྨན་མ་སྦྱིན་
[58a.2]ཅིག་པའོ། །དྲི་བར་འོས་པ་དེ་གང་ཞེ་ན་སྨན་པ་#དང་དེ་ལས་རབ་ཏུ་བྱུང་བ་དང་། དེ་ལ་བརྟེན་#པ་འདི་དག་ལ་དྲིས་ཞེས་པ་ཡིན་ནོ། །ནད་བུ་ཅན་ལ་ཡང་ངོ་ཞེས་པ་ནི་ཡུན་རིངས་སུ་ན་བ་ལ་ཡང་ནད་དང་སྨན་གྱི་ཉམས་#དྲོད་ཡོད་པས་ན་དྲིས་ཤིག ། དགེ་སློང་རྒན་རབས་ཤེས་
[58a.3]ཉེན་ཅན་ལ་ཡང་ངོ་ཞེས་པ་ནི་འདི་ལྟ་བུ་ལ་ཡང་དྲིས་ཤིག་པའོ། །དེ་དག་གང་ལ་ཡང་དྲིར་རུང་ངམ་ཞེ་ན། གོང་མ་གྱེད་#ན་འོག་མའོ་ཞེས་པ་ཡིན་ཏེ། རྟག་ཏུ་སྨོས་པ་དེ་དག་ཀུན་ལ་དྲིར་མི་རུང་གི་གོང་མ་མེད་ན་རིམ་བཞིན་དུ་འོག་མ་རྣམས་ལ་དྲིས་ཤིག་པའོ། །ཕན་པར་
[58a.4]འདོད་ན་གསོད་པ་སྨན་མ་ཡིན་པ་བྱིན་ན་འབྲི་བ་མེད་ཅེས་པ་ནི་དགེ་སློང་མས་མི་རྒོད་དྲུག་ཅུ་རྩབ་མོ་དང་ཚར་བསྲེས་ཏེ་བྱིན་པ་ལྟ་བུ་ཕམ་པར་བསམས་ཏེ། བསད་ན་ཡང་འབྲི་བ་མེད་དེ་ཕམ་པར་འགྱུར་བའོ། །མི་ཐེག་པའི་ཁུར་བཏེག་#པའི་གྲོགས་མི་བྱ་ཞེས་པ་ནི་མི་
[58a.5]ཐེག་པའི་ལྕི་#བ་བཏེག་པའི་གྲོགས་མ་བྱེད་ཅིག་པའོ། །དེ་ལྟ་བུ་བཏེག་ཏུ་ཡེ་མི་རུང་ངམ་ཞེ་ན་གལ་ཏེ་དེ་ལྟ་བུའི་རྐྱེན་ཅིག་ན་ཁྱིམ་པ་དང་སྦྲེལ་ལ་ཅིག་ཅར་དུ་བཏེག་པར་སྐད་སྦྱར་ཞིང་བཏེག་ཅེས་པ་ཡིན་ཏེ། ལས་སར་པ་བྱེད་པ་ལ་སོགས་པའི་ཚེ་གྲོགས་མི་བྱར་མི་རུང་ན་
[58a.6]ཐབས་འདི་ལྟར་གྱིས་ཤིག་པའོ། འཇོག་པ་ན་ཡང་མཉམ་པར་སྐད་སྦྱར་ཞེས་པ་ནི་གོང་མ་ལྟར་ཁྱེར་ལ་#འཇོག་པའི་ཚེ་ན་སྔ་ཕྱིར་མ་ཁྱེར་བར་ཞོག་ཤིག་པའོ། །ཕ་གུ་མི་འཕང་#ཞེས་པ་ནི་ལས་སར་པའི་ཚེ་གཅིག་ལ་གཅིག་ཕ་གུམ་འདོར་ཅིག་པའོ། །གྲུམ་པ་དང་
[58a.7]གས་པ་མ་བསྒོ་བར་#མི་སྦྱིན་ཞེས་པ་ནི་ཕ་གུ་ལོང་འདོགས་པའི་ཚེ་གྲུམ་ཞིང་གས་པ་ཡོད་པ་ན་སྦྲོན་ཅིག་པའོ། །རྐུན་པོ་སྤ་གོང་#ཞིང་བསྡིགས་ཞེས་པ་ནི་རྐུན་པོ་འོངས་ན་གནོད་སེམས་མེད་པས་སྡིགས་རི་#གྱིས་ཤིག་པའོ། །དེ་ལ་བསྡིགས་པའི་རྣམ་གྲངས་སྟོན་པ་ནི། གཎྜཱི་#
[58b]
[58b.1]ལ་སོགས་པ་མ་ཕོག་པར་འཕངས་ཞེས་པ་ལ་སོགས་པ་ཡིན་ཏེ། གཎྜཱི་#མ་བུ་ལ་སོགས་པ་#མ་ཕོག་པར་འཕོངས་#ཤིག་པའོ། །རྔུལ་གྱི་བུམ་པ་དང་ཐལ་བའི་གྱོ་མོ་ཡང་རླུང་ཕྱོགས་སུའོ་ཞེས་པ་ནི། རྐུན་པོ་ལ་འདི་རྣམས་ཀྱིས་མི་ཕོག་པར་རླུང་ཕྱོགས་སུ་གཏོར་
[58b.2]ཅིག་པའོ། །འུར་རྡོ་བཅང་ཞེས་པ་ནི་རྐུན་པོ་བསྡིགས་པའི་ལག་ཆ་འདིའང་ཆོངས་ཤིག་པའོ། །དེའི་ཞར་ལ་གཞན་ཡང་སྟོན་པ་ནི། དགེ་སློང་ཆད་པ་མི་ཕུལ་ཞེས་པ་ལ་སོགས་པ་ཡིན་ཏེ། སྔོན་དགེ་སློང་གཞོན་ནུས་རིངས་འདོད་པའི་#རྒན་པོ་ཕུལ་ཏེ་བུབ་ནས་ཤི་བ་ལྟ་བུ་
[58b.3]མ་བྱེད་ཅིག་པའོ། །དེ་ལྟ་བས་ན་འདིའི་དན་རོགས་བྱ་ཞེས་པ་ཡིན་ཏེ། རྒན་པོ་དེའི་དན་རོགས་གྱིས་ཤིག་པའོ། །དན་རོགས་ཐབས་ཇི་ལྟར་ཞེ་ན། ངལ་སོས་གཞུག་ཅེས་པ་ལ་སོགས་པ་ཡིན་ཏེ་དེའི་ཉམས་ཀྱིས་མི་ནུས་ན་ངལ་སོ་ཞིང་བསྟིར་བཅུག་ཤིག་པའོ། །སྣོད་བླང་#
[58b.4]བ་དེའི་ལྷུང་བཟེད་སྣོད་ལ་སོགས་བདག་གིས་ལོང་ལ་ཁྱེར་ཅིག་པའོ། །བཟའ་བ་དང་བཏུང་བའི་དུས་སུ་ནི་མ་ཡིན་ཏེ། གནས་སུ་ཅིག་ཅར་བྱིན་#པར་མི་ནུས་ན་ལྷུང་བཟེད་བཀྲུ་#གྲལ་གཞག ། བྱིན་ལེན་བྱ་བརྟག་ཅེས་པ་ནི་རྒན་པོ་དང་། བདག་ཅག་དང་། མཉམ་དུ་རིངས་པར་
[58b.5]འགྲོ་མི་ནུས་ལ་གདུགས་ཚོད་མི་སླེབ་པ་ཙམ་གྱི་ཆོད་#ན་རྒན་པོ་དལ་གྱིས་འོང་དུ་བཅུག་ལ་བདག་ཅག་སྔར་དོང་སྟེ། ཐབས་འདི་ལྟར་གྱིས་ཤིག་པའོ། །གདུགས་ཚོད་ཀྱི་དུས་སུ་འང་མ་ཕྱིན་#པ་ཙམ་གྱི་ཚོད་ལ། གལ་ཏེ་ཕྱི་ན་ཁྱེར་ལ་བསུ་ཞེས་པ་ཡིན་ཏེ། རྒན་པོ་གདུགས་
[58b.6]ཚོད་མི་སླེབ་ན་ཟན་ནོས་ལ་སླར་བསྩུ་ཤིག་པའོ། །བསད་#པའི་ཕས་ཕམ་པ་རྣམ་པར་འབྱེད་པའོ།། །།#རྣམ་པར་འབྱེད་པ་ལས་འབྱུང་#བ་དེ་ལྟར་བསྟན་ནས། ཕྲན་ཚེགས་ལས་འབྱུང་བ་ད་སྟོན་ཏེ། མིའི་འགྲོ་བའི་ལག་པ་བཅད་ན་སྦོམ་པོའོ་ཞེས་པ་ལ་ལག་#པ་ཡིན་ཏེ།
[58b.7]ཁ་ཅིག་ནི་ཆེད་དུ་གསད་#པའི་ཕྱིར་ལག་པ་བཅད་ན་སྦོམ་པོར་འཆད་མོད#། དེ་ནི་གསོད་པར་སྦྱོར་བའི་ཁོངས་སུ་འདུས་པས་ན། སྐབས་འདིར་ནི་དེ་ལ་མི་བྱའི། རྔམ་ཞིང་ནང་སྟེ་ལག་པ་བཅད་ན་སྦོམ་པོར་འགྱུར་བའོ། །ཚལ་མེས་གཏོང་ནའོ་ཞེས་པ་ནི་སེམས་ཅན་ཡོད་
[59a]
[59a.1]པར་ཤེས་པ་དང་། ཡོད་པར་དོགས་པ་དང་། མེད་པར་ཤེས་པ་གསུམ་ལ་ཡོད་པར་ཤེས་པ་དང་། དོགས་ཏེ་མེ་བཏང་ན་འགྲོ་བ་གང་འཚིག་པ་དང་། དུ་ཚིག་པའི་ཚུལ་བཞིན་དུ་ཉེས་པར་འགྱུར་བའོ། །འདི་ནི་དགོས་#པའི་ཕྱིར་སེམས་ཅན་ཡོད་པར་
[59a.2]ཤེས་ཀྱང་བསྡོམས་ཏེ་མི་གཏོང་བས་ན་སྦོམ་པོའོ། །སྐྲ་ཅན་འཚོང་ནའོ་ཞེས་པ་ནི་སྐྲ་ཅན་མ་#ཡིན་ཏེ། མི་བཙོང་#ན་སྦོམ་པོར་འགྱུར་བའོ། །གང་གིས་བརྐུས་པ་དེ་རྒྱལ་པོའི་འཁོར་དུ་ཕུལ་བའོ་ཞེས་པ་ནི་བསད་པའི་ཕྱིར་ཕུལ་བ་མ་ཡིན་གྱི། ནང་ཞིང་ཁྲོས་པས་ཕུལ་
[59a.3]ན་སྦོམ་པོར་འགྱུར་བའོ། །གསོད་པའི་ཕས་ཕམ་པ་ཕྲན་ཚེགས་སུ་གཏོགས་པའོ།། །།#ཕྲན་ཚེགས་ལས་བྱུང་བ་དེ་ལྟར་བསྟན་ནས། ཞུས་པ་ལས་འབྱུང་བ་ད་སྟོན་པ་ནི་སྦེད་དེ་བསྟན་ནའོ་ཞེས་པ་ལ་སོགས་པ་ཡིན་ཏེ། བདག་དང་འཁོན་ཡོད་པ་གཤེད་མས་ཞེད་པ་
[59a.4]དང་། སོད་པར་དགའ་ནས་འདི་ལྟར་སོང་ངམ་འདི་ལྟ་བུ་ཞིག་ན་འདུག་གོ་ཞེས་རྦད་#ཅིང་བསྟན་ན་སྟོན་པའི་ཚེ་སྦོམ་པོར་འགྱུར་བའོ། །དཔེ་ནི་མ་དང་མངལ་ལོ། །#མི་མང་པོ་ཞིག་གཤེད་མས་ཕྱི་དར་མར་ཞེད་པའི་ནང་ན་གཅིག་ཅིག་སོད་པར་དགའ་ནས་བསྟན་ཅིང་སྦེད་པ་ལས་
[59a.5]ཕྱིས་ཀུན་ཟིན་ཏེ། ཁ་བཏགས་#པ་ཉེས་པ་#ཅིར་འགྱུར་ཞེ་ན། གང་བསད་པར་དགའ་བ་#དེ་བསྟན་པའི་ཚེ་ནི་སྦོམ་པོའོ། །བསད་ནས་ནི་ཕམ་པར་འགྱུར། ཁ་ཅིག་ནི་དེའི་ཟླ་ལ་ཟིན་ཏེ། བསད་པ་དུ་ཡོད་པའི་སྦོམ་པོར་འགྱུར་རོ་ཞེས་ཀྱང་འཆད་དེ་དཔེར་ནི་མངལ་ཉེད་པ་དང་
[59a.6]འདྲའོ། །རང་ལྕེབས་པ་#ནི་སྦོམ་པོའོ་ཞེས་པ་ནི་བདག་གིས་བདག་གསོད་པ་ལ་སོགས་པ་སྦོམ་པོར་འགྱུར་བ་སྟེ། འདི་ནི་སྦྱོར་བའི་ཚེ་ལ་བྱ། ཡེངས་པའི་སེམས་ཀྱིས་མི་དགེ་བ་བྱས་པ་ནི་ཉེས་བྱས་ཞེས་པ་ནི་གཤེད་མ་ལ་སྟོན་པ་ལ་སོགས་པ་བསད་སེམས་ནི་མེད་ཀྱི་ཡེངས་
[59a.7]པ་ལྟ་བུས་སྨྲས་ཤིང་བསྟན་པ་ནི་ཉེས་#བྱས་སུ་འགྱུར་བའོ། །མ་བསམས་པར་དོན་གྲུབ་པ་ནི་བྱས་པ་མ་ཡིན་ཞེས་པ་ནི་ཆེད་དུ་བསད་པར་ནི་མ་#བསམས་ཀྱི་འདྲན་ཐོར་བྱ་པ་ལས་ཤི་བ་ལྟ་བུ་ཕམ་པར་མི་འགྱུར་བའོ། །ལས་ནི་ཚེ་གཞན་དུ་མི་འབྱུང་ཞེས་པ་ནི་གཞན་བསད་པར་
[59b]
[59b.1]སྦྱར་བ་ལས་བདག་སྡར་ཤིའམ། དེ་དང་ལྷན་ཅིག་ཏུ་ཤི་བ་ལྟ་བུ་རྒྱུད་གཞན་དུ་འགྱུར་བའི་ཕྱིར་གསོད་པའི་སྡིག་པར་མི་འགྱུར་བར་སྟོན་པའོ། །གསོད་པའི་ཕས་ཕམ་པ་ཞུས་པར་གཏོགས་པའོ།། །།#དེ་ལྟ་#ནང་འཆི་བར་འགྱུར་རོ་ཞེས་ཟེར་ཡང་ཡིད་མ་ཆེས་ཏེ་དེ་བཞིན་དུ་
[59b.2]བྱས་ན་སྦོམ་པོའོ་ཞེས་པ་ནི་ཁྲུས་དང་འཆག་ཏུ་གཞུག་པ་ལ་སོགས་པ་བྱས་ན་ངའི་ཉམས་ཀྱིས་མི་ནུས་ཏེ། འཆི་གོར་མ་ཆག་#གོ་ཞེས་ནད་པ་ཟེར་ཡང་དེའི་ཉམས་དང་མ་སྦྱར་བར་ནན་གྱིས་ཁྲིད་ཅིང་འཆག་ཏུ་བཅུག་པ་ལ་སོགས་པ་བྱས་ན་སྦོམ་པོའོ། །ཤིར་ཟད་ཅེས་ནད་
[59b.3]གཡོག་མ་བྱས་ནའོ་ཞེས་པ་ནི་མྱུར་དུ་ཤི་ཡང་བླ་བར་བསམས་ཏེ་ནད་གཡོག་མ་བྱས་ན་སྦོམ་པོར་འགྱུར་བའོ། །མི་འཕྲོད་པའི་ཟས་སྦྱིན་ནའོ་ཞེས་པ་ནི་ནད་པ་དང་མི་འཕྲོད་པར་ཤེས་པའི་ཟས་སྦྱིན་ན་སྦོམ་པོར་འགྱུར་བའོ། །འབྲས་མ་སྨིན་པ་བརྟོལ་ནའོ་ཞེས་པ་འདིའང་སྦོམ་
[59b.4]པོར་འགྱུར་བའོ། །ས་གཏམས་སུ་འཇུག་པ་དང་སྒོ་བར་དུ་#འཚིར་བ་ལ་སོགས་པའི་ནན་ཅན་#བྱེད་ནའོ་ཞེས་པ་#འདི་ལྟ་བུ་ལ་སོགས་པའི་ནན་ལ་འདོར་ན་ཡང་སྦོམ་པོར་འགྱུར་བའོ། །འདི་ཡན་ཆད་དུ་བསྟན་པ་ནི་བསད་#སེམས་མེད་དུ་ཟིན་ཡང་བརླང་སེམས་སུ་གྱུར་པའི་ཕྱིར་
[59b.5]སྦོམ་པོར་འགྱུར་བ་ཤ་སྟག་གོ། གཡང་དུ་འདོར་བ་དང་འགེགས་པ་ལ་སོགས་པས་འཆིར་རྩོལ་ནའོ་ཞེས་པ་ནི་འདི་ལྟར་བྱེད་ཅིང་བདག་འཆིར་རྩོལ་ན་མ་ཤིར་ཟིན་ཀྱང་སྦོམ་#པོར་འགྱུར་བའོ། །ནད་པ་ཚོན་དང་ཐག་སྲད་གྱ་ཚོམ་དུ་མི་སྦྱིན་ཞེས་པ་ནི་དགོས་#པའི་
[59b.6]དོན་ཆེད་མད་པའམ། འཆིར་རྩོལ་ལམ་མི་རྩོལ་བའི་ཉམས་དྲོད་དང་མ་སྦྱར་བར་ཐག་སྲད་ལ་སོགས་པ་གྱ་ཚོམ་དུ་མ་སྦྱིན་ཅིག་པ་སྟེ། གོང་དུ་འཆི་བའི་ཡོ་བྱད་མི་གཞག་ཅེས་པ་ནི་ནད་གཡོག་གིས་བྱ་བ་ཡིན་གྱི་འདི་ནི་དགེ་སློང་ངོ་ཅོག་སྤྱིས་བྱའོ#། །ཞལ་ཏ་ཤེས་བཞིན་
[59b.7]དུ་བྱ་ཞེས་པ་ནི་མཁར་ལན་ལ་སོགས་པ་གཡོས་པའི་ཚེ། ལས་མིའི་སྨས་འགྲུམས་སུ་མི་འགྱུར་བའི་ཞལ་ཏ་ཆར་#གྱིས་ཤིག་པའོ། །སྔགས་ཀྱིས་ཐལ་མོས་བསྣུན་པ་ཡང་ངོ་ཞེས་པ་ནི་གདོན་#འདྲེས་ཟིན་པའི་ནད་པ་ལ་འདེབས་པ་ནི་#ཐལ་མོ་ལ་བཟླས་ཏེ་བསྣུན་པ་ལྟ་བུ་
[60a]
[60a.1]ཡང་མ་འོས་པའི་དྲག་ཤུ་བྱེད་པར་ཇི་རན་དུ་གྱིས་ཤིག་པའོ། །བརྣངས་པ་བརྡེགས་པ་ཡང་#ངོ་ཞེས་པ་ནི་བརྣངས་པ་དབྱུང་བའི་ཕྱིར་བརྡེགས་#པ་ཡང་ཇི་རན་དུ་གྱིས་ཤིག་པའོ། །སྦབ་#བཏང་བ་ཡང་དེ་ལྟར་ཤིན་ཏུ་བརྟགས་པར་གྱུར་ནས་སོ་ཞེས་པ་ནི།
[60a.2]འོག་ན་མི་ཡོད་དམ་མེད་པ་ལ་སོགས་པ་གོང་དུ་སྨོས་པ་ལྟར་ཤེས་བཞིན་དུ་བརྟགས་ལ། དེ་ནས་གདོད་ཐོང་ཤིག་པའོ། །མོད་#ཞན་པ་ལོགས་སུ་བ་ཁུར་ལྕི་#བ་བསྐུར་བར་མི་བྱ་ཞེས་པ་ནི་ཤིང་ལྟ་བུ་མགོ་མཇུག་སྟེར་བཅད་དེ་འདེགས་པ་ན་#མོད་ཞན་པའི་ལོགས་སུ་སྟོངས་ཤིང་
[60a.3]གྲོགས་མ་བྱེད་ཅིག་པའོ། །མགོ་འདུད་ལ་མི་འགྲོ་ཞེས་པ་ནི་ཐུག་རེ་འཐབ་པ་ལྟ་བུ་འམ་ལག་འགྲོས་མ་བྱེད་ཅིག་པའོ། །མ་བསླབས་པར་སློབ་#ཏུ་མི་གཞུག་ཅེས་པ་ནི་གཏར་ཀ་ལ་#ལ་སོགས་པའི་དཔྱད་བདག་བྱང་#བར་མི་ཤེས་ན་ཕ་རོལ་བདག་ལ་སློབ་ཏུ་མི་གཞུག་ཅེས་པའོ། །མཚོན་
[60a.4]ཆ་འཕེན་དུ་མ་#གཞུག་ཅེས་པ་ནི་མདའ་དང་འཕང་མདུང་ལ་སོགས་པས་ལྟ་བ་ཙམ་གྱི་ཕྱིར་ཡང་ཕ་རོལ་ལ་འཕོངས་ཞེས་མ་ཟེར་ཅིག་པའོ། །ནད་པ་མི་ནུས་པ་ལམ་དུ་མི་བཀྲི་ཞེས་པ་ནི་ནད་པ་འགྲོ་མི་ནུས་པ་མ་བཀྲི་ཤིག་པའོ། །གསོད་པའི་ཕས་ཕམ་པ་བྱེ་བྲག་ཏུ་ངེས་པའོ། །
[60a.5]གསོད་པའི་ཕས་ཕམ་པ་རྫོགས་སོ།། །།གསོད་པའི་ཕས་ཕམ་པ་དེ་ལྟར་བསྟན་ནས། བརྫུན་གྱི་#ཕས་ཕམ་པ་དེ་ལྟ་བུ་ཡིན་ཞེས་བསྟན་པའི་ཕྱིར། བདག་མིའི་ཆོས་ལས་བླ་མ་དང་ལྡན་པར་འདུ་ཤེས་སྦས་ཏེ་སྨྲ་ནའོ་ཞེས་པ་ཡིན་ཏེ། མིའི་ཆོས་ལས་བླ་མ་དང་ལྡན་པ་ཡང་
[60a.6]སྨྲས། འདུ་ཤེས་ཀྱང་སྦས། བདག་ཀྱང་ཡིན་པར་སྨྲ་ན་ཕམ་པར་འགྱུར་བའོ། །མི་ལས་བླ་མའི་ཆོས་དང་ལྡན་པར་སྨྲས་པ་ཉིད་ཇི་ལྟ་བུ་ཡིན་ཞེ་ན། མཐོང་ངམ་#མཐོང་། སྒྲ་ཐོས་ངའི་སྒྲ་ཐོས། ཐད་དུ་འགྲོ་ངའི་ཐང་དུ་འོང་། ལྷན་ཅིག་ཏུ་སྨྲས#། ཀུན་དུ་སྨྲས#། མགུ་བར་སྨྲས།
[60a.7]རྟག་པར་ཡང་ལྷན་ཅིག་ཏུ་འགྲོགས་ཤིང་ང་དང་ང་ལྷན་ཅིག་གོ་ཞེས་ཟེར་ན་དེར་གྱུར་ཏོ་ཞེས་པ་ཡིན་ཏེ། འདི་དག་ལྟར་འང་དྲུལ་ཞིང་འགྲོགས་པ་སྐད་དུ་ཟེར་ན་མི་ལས་བླ་མར་སྨྲས་པ་ཉིད་དུ་གྱུར་ཏོ། །མཐོང་ངམ་མཐོང་ཞེས་པ་ལ་སོགས་པ་ཉི་ཚེར་འགྱུར་རམ་གང་གི་དམིགས་ལས་
[60b]
[60b.1]འགྱུར། དམིགས་ཉིད་ལ་བྱེ་བྲག་ཅི་ཡོད་ཅེ་ན། ལྷ་ཀླུ་གནོད་སྦྱིན་དྲི་ཟ་མིའམ་ཅི་#ཡི་དགས་འདྲེ། གྲུལ་བུམ་ལུས་སྲུལ་པོ་དག་གི་དམིགས་ལས་སོ་ཞེས་པ་དང་ཕྱག་དར་ཁྲོད་ཀྱི་འདྲེ་ནི་སྦོམ་པོར་བྱེད་དོ་ཞེས་པ་རྣམས་ཡིན་ཏེ། ལྷ་ལ་སོགས་པ་མཐོང་བ་ཡང་མི་ལས་བླ་མའི་ཆོས་དང་
[60b.2]ལྡན་པས་གདོད་མཐོང་བས་ན་དེ་དག་མཐོང་བས་#སྨྲས་ན་མི་ལས་བླ་མའི་ཆོས་བརྫུན་དུ་སྨྲས་པའི་ཕྱིར། ཕམ་པར་འགྱུར་བ་དང་། ཐལ་སྲིན་ཙམ་གྱིས་ཚོད་མི་ལས་བླ་མའི་ཆོས་དང་མི་ལྡན་ཡང་མཐོང་སྲིད་པའི་ཕྱིར་དེ་དག་མཐོང་ངོ་ཞེས་བརྫུན་#དུ་སྨྲས་ན་སྦོམ་པོར་འགྱུར་བ་རྣམས་སྟོན་ཏོ། །
[60b.3]མི་ལས་བླ་མའི་ཆོས་ཉིད་གང་ཞེ་ན། མི་རྟག་པ་ལ་སོགས་པའི་འདུ་ཤེས་དང་། བསམ་གཏན་དང་ཚད་མེད་པ་དང་། གཟུགས་མེད་པ་དང་། འབྲས་བུ་དང་། མངོན་པར་ཤེས་པ་ལ་སོགས་པ་ནི་བླ་མའི་ཆོས་སོ་ཞེས་པ་ཡིན་ཏེ། མི་རྟག་པ་ལ་སོགས་པའི་འདུ་ཤེས་བཅུ་དང་། མི་
[60b.4]གཙང་བའི་འདུ་ཤེས་བཅུ་དང་། བསམ་གཏན་བཞི་དང་། ཚད་མེད་པ་བཞི་དང་། ནམ་མཁའ་མཐའ་ཡས་པ་ལ་སོགས་པ་གཟུགས་མེད་པའི་རིས་བཞི་དང་། རྒྱུན་དུ་ཞུགས་པ་ལ་སོགས་པ་དགེ་སྦྱོང་གི་འབྲས་བུ་བཞི་དང་། སྔོན་གྱི་གནས་དྲན་པ་ལ་སོགས་པ་མངོན་པར་ཤེས་
[60b.5]པ་དྲུག་དང་། གཞན་ཡང་ཟག་པ་ཡོད་པ་དང་མེད་པའི་ཡོན་ཏན་ནོ་ཅོག་#མི་ལས་བླ་མའི་ཆོས་སོ། །རང་གི་མཚན་ཉིད་གཟུང་བས་ཉོན་མོངས་པ་དང་ལས་#ཞི་གནས་ཀྱི་མཚན་མ་ནི་སྦོམ་པོར་བྱེད་དོ་ཞེས་པ་ནི་ལུས་སམ་གཟུགས་ལ་སོགས་པ་གང་ཡང་རུང་སྟེ་དམིགས་པ་རྣམས་ཀྱི་
[60b.6]རང་གི་མཚན་ཉིད་གཟུང་#བས་འདོད་ཆགས་ལ་སོགས་པ་ཉོན་མོངས་པ་འདུབ་ཅིང་དང་#ལྟ་བའི་ཞི་གནས་ཀྱི་མཚན་མའམ་རྒྱུ་ཙམ་བདག་ལ་ཡོང་དོ་ཞེས་ཟེར་ན་སྦོམ་པོར་འགྱུར་བའོ། །དེ་ལ་ཞི་གནས་ནི་རྣམ་པ་གཉིས་ཏེ། དེ་ཁོ་ན་ཉིད་ཡིད་ལ་བྱེད་པ་ཞེས་བྱ་བ་དང་། མོས་
[60b.7]པ་ཡིད་ལ་བྱ་བ་ཞེས་བྱའོ། །དེ་ལ་དེ་ཁོ་ན་ཉིད་#ཡིད་ལ་བྱེད་པ་ནི་མི་རྟག་པ་ལ་སོགས་པའི་འདུ་ཤེས་སོ། །མོས་པ་ཡིད་ལ་བྱེད་པ་ནི་ཚད་མེད་པ་ལ་སོགས་པའོ། །རྣམ་པ་དེ་གཉིས་ཀྱང་བསྒོམ་#པའི་ངོ་བོ་ཉིད་དོ། མ་ཆུད་པ་མ་ཡིན་པས་བསྡུས་པའོ། །དེའི་མཚན་མ་ནི་འདོད་པའི་
[61a]
[61a.1]ཁམས་ནས་སྤྱོད་པའི་མཉན་པ་དང་། བསམས་པའི་ཤེས་པའོ། །དེ་ལ་ཡང་རྣམ་པ་གཉིས་ཏེ། ཉོན་མོངས་པ་དང་ལྡན་པ་#དང་། མི་ལྡང་བའོ། །སྐབས་འདིར་ནི་མི་གཙང་བ་ལ་སོགས་པས་ཉོན་མོངས་པ་དང་ལྡང་བ་མ་རྫོགས་པ་ལ་བྱ། དེ་དང་
[61a.2]ལྡན་པའི་ཆོས་སྨྲ་ན་དེ་དང་ལྡན་བར་མ་སྨྲས་པ་མ་ཡིན་ཞེས་པ་ནི། དགོན་པའི་གནས་ཡང་བ་འདི་ལྟ་བུ་ཞིག་ན་རྒྱུན་དུ་ཞུགས་པ་ལ་སོགས་པ་ལ་མི་མ་ཡིན་མི་འཚེར་ཟད་ཀྱི་གཞན་ཐམས་ཅད་ལ་འཚེ་བ་དེ་ན་ཁོ་བོའང་འདུག་འདུག་སྟེ་མ་གཅེས་སོ་ཞེའམ། ཡོན་བདག་གི་
[61a.3]ཁྱིམ་འདི་ལྟ་བུ་ཞིག་ན་རྒྱུན་དུ་ཞུགས་པ་ལ་སོགས་པའི་སྟན་ནི་སྤ་བ་འདིང་སྟེ། ཁོ་བོའང་འདུག་འདུག་གོ་ཞེས་ཟེར་བ་ལྟ་བུར་དེ་དང་ལྡན་པའི་ཆོས་སུ་སྨྲ་ན་མི་ལས་བླ་མའི་ཆོས་དང་ལྡན་བར་མ་སྨྲས་པ་མ་ཡིན་པའོ། །བདག་ལ་བསམས་ནས་འདི་ལྟ་བུ་དག་ཡོད་དོ་ཞེས་
[61a.4]ཁུངས་གཞན་ལ་འབྱིན་ཅིང་སྟོན་པའོ་ཞེས་པ་ནི་དངོས་སུ་བདག་ཉིད་ཡིན་པར་བསྒྲུབ་ལ་ཁུངས་གུད་དུ་འབྱིན་ཏེ་དགེ་སློང་དག་གི་ནང་ན་ལྷ་མཐོ་#འམ་ལྷ་དང་འདྲུལ་བ་དག་ལྷ་#ཡོད་ཅེས་ཟེར་ན་སྦོམ་པོར་འགྱུར་བའོ། །ཁུངས་ཕྱུང་ན་མ་ཡིན་ཞེས་པ་ནི་གོང་མ་སྐད་དུ་སྨྲ་བའི་ཁུངས་#
[61a.5]བདག་ཡིན་པར་སྨྲས་ན་ནི་སྦོམ་པོ་མ་ཡིན་ཏེ་རྩ་བར་འགྱུར་བའོ། །ལེགས་པར་མ་བསམས་པར་ལུང་མི་བསྟན་ཞེས་པ་ནི། མཽད་གལ་གྱི་#བུས་ཆར་འབབ་པ་ལ་སོགས་པར་ལུང་བསྟན་པ་ལྟ་བུ་གཏན་ལ་བབ་པའམ་ལེགས་པར་མ་བསམས་པའི་ལུང་སྟོན་པ་མ་
[61a.6]བྱེད་ཅིག་པའོ། །བརྫུན་སྨྲ་བ་རྣམ་པར་འབྱེད་པའོ།། །།#རྣམ་པར་འབྱེད་པ་ལས་འབྱུང་#བ་ནི་བསྟན་པ་ཡིན་ཕྲན་ཚེགས་ལས་འབྱུང་བ་ནི་མེད་པས་ན་ཞུས་པ་ལས་འབྱུང་བ་སྟོན་པ་ནི། ཐོབ་པ་ལས་ཉམས་པར་སྨྲས་ན་བླ་མ་མ་སྨྲས་པ་མ་ཡིན་ཞེས་པ་ལ་སོགས་པ་ཡིན་ཏེ། དགེ་
[61a.7]སྦྱོང་གི་འབྲས་བུ་བཞི་ལས་ཉམས་སོ་ཞེས་ཐོབ་པ་ལས་ཉམས་པ་སྐད་དུ་ཟེར་ན་བླ་མའི་ཆོས་མ་སྨྲས་པ་མ་ཡིན་ཏེ་ཕམ་པར་འགྱུར་བའོ། །བླ་མ་སྨྲ་བར་འདོད་ནས་མིང་མཐུན་པའི་དོན་བརྗོད་ན་སྦོམ་#པོའོ་ཞེས་པ་ནི་སོ་སོར་ཐར་པ་ལ་སོགས་པ་སློབ་པ་ལ་བརྟེན་ཏེ་ང་སློབ་པ་ཡིན་ནོ་
[61b]
[61b.1]ཞེ་ན། # སོ་སོར་ཐར་པ་#ལོབས་ཟིན་པ་ལ་བརྟེན་ཏེ་མ་#སློབ་པའོ་ཞེས་ཟེར་བ་ལྟ་བུ་ལ་སོགས་པ་ནི་བླ་མ་སྨྲ་བར་འདོད་ནས་དེ་སྐད་དུ་བརྒྱུད་#པས་ན་སྦོམ་པོར་འགྱུར་བའོ། །ལོག་ནའོ་ཞེས་པ་ནི་ང་ནི་#རྒྱུན་དུ་ཞུགས་པའོ་ཞེས་སྨྲ་བར་བརྩམས་པ་ལས། ལན་ཅིག་ཕྱིར་འོང་བའོ་ཞེས་
[61b.2]སྨྲས་པ་དེ་#ལྟ་བུ་ཇི་ལྟར་བསམས་བཞིན་དུ་མ་གྲུབ་པས་ན་སྦོམ་པོར་འགྱུར་རོ། །ཟུར་ཟེར་ན་ཡང་ངོ་ཞེས་པ་ནི་ཁྱོད་རྒྱུན་དུ་ཞུགས་ན་ཡུ་བོ་ཅག་རྒྱུན་དུ་ཞུགས་པ་གཉིས་ཡོད་པ་ཞིག་ན་ཞེའམ། ཁྱོད་དང་འདྲ་བར་གྱུར་ན་ཡུ་བོ་ཅག་གཉིས་རྒྱུན་དུ་ཞུགས་པ་འཐོབ་ཀྱང་སྲིད་ན་ཞེས་
[61b.3]ཟུར་ཟེར་བ་ལྟ་བུ་ཡང་སྦོམ་པོར་འགྱུར་བའོ། །གོང་མ་སྐད་དུ་སྔར་སྨྲས་ཇུག་#ལད་ནི་མ་ཡིན་ཞེས་པ་ལྟ་བུ་བདེན་པ་མཇུག་ལ་བརྟགས་#ལ་བློན་ནམ་མི་བློན་ཞེ་ན། ཕྱིས་ཡང་དག་པར་ན་ཡང་དེ་མ་གྱུར་པ་མ་ཡིན་ཞེས་པ་ཡིན་ཏེ། ཕྱིས་བདེན་པ་སྨྲས་ཀྱང་#དེས་མི་བློན་ཏེ་
[61b.4]སྦོམ་པོར་འགྱུར་བའོ། །ཞུས་པར་གཏོགས་པའོ།། །།#བྱེ་བྲག་ཏུ་ངེས་པ་ལས་འབྱུང་བ་ནི། བཙུན་པ་དགྲ་བཅོམ་ན་གོས་ལ་སོགས་པའི་མཆོག་འོས་སོ། །སྡིག་པའི་ཆོས་སྤངས་པས་ན་བྲམ་ཟེའོ། །བཙུན་པས་དབང་པོ་དྲུག་ཤིན་ཏུ་བཏུལ་སྦས་བསྲུངས་པ་བསྒོམས་སོ་ཞེས་
[61b.5]སྨྲས་ཀྱང་མི་སྨྲ་བར་ཁས་བླངས་ན་སྦོམ་པོའོ་ཞེས་པ་ཡིན་ཏེ། ཕ་རོལ་གྱིས་#རྣམ་པ་འདི་གཉིས་སྐད་དུ་ལྐུགས་ན་མི་སྨྲ། ཁ་རོག་པའི་ཚུལ་གྱིས་ཁས་ལེན་ན་སྦོམ་པོར་#འགྱུར་བའོ། །དེ་ལ་མི་གཅང་#བ་ལ་སོགས་པ་བསྒོམས་#པས་དུལ་བ་ནི་ཤིན་ཏུ་བཏུལ་བའོ། །ཟག་པ་
[61b.6]མེད་པའི་ལས་སྐྱེས་པས་#དབེན་པ་ནི་ཤིན་ཏུ་སྦས་པའོ། །དྲན་པ་དང་ཤེས་བཞིན་པས་བཙས་པ་ནི་ཤིན་ཏུ་བསྲུངས་པའོ། །མི་རྩོད་པ་ལ་སོགས་པ་མངོན་དུ་བྱས་པ་ནི་ཤིན་ཏུ་བསྒོམས་པའོ། །གལ་ཏེ་བཙུན་པ་དགྲ་བཅོམ་པ་ན་བདག་གི་བསོད་སྙོམས་བཞེས། ཁྱིམ་དུ་
[61b.7]བྱོན#། སྟན་ལ་བཞུགས། ཕྱག་རྩབས་#བཞེས། བཤོས་གསོལ། སྐྲུམས་དང་བཅས་པ་སྣོམས#། རྗེས་སུ་ཡི་རང་བར་མཛོད། གཤེགས་ཤེ་ན་དེ་བཞིན་དུ་བྱེད་པའོ་ཞེས་པ་ནི། འདི་སྐད་དུ་བྱས་ནའང་མི་སྨྲ་བར་དེ་བཞིན་དུ་བྱེད་ན་སྦོམ་པོར་འགྱུར་བའོ། །བརྫུན་བྱེ་
[62a]
[62a.1]བྲག་ཏུ་ངེས་པའོ། །བླ་མའི་བརྫུན་རྫོགས་སོ།། །།ཕས་ཕམ་པ་བཞི་དེ་ལྟར་བསྟན་ནས། ཁུ་བ་འབྱིན་པ་ལ་སོགས་པ་དགེ་འདུན་གྱི་ལྷག་མ་ད་སྟོན་པ་ནི། རྨི་ལམ་ན་ནི་མེད་པ་#བཞིན་ནོ་ཞེས་པ་ལ་སོགས་པ་ཡིན་ཏེ། འཇིག་རྟེན་གྱི་ཐ་སྙད་དུ་བྱ་བ་ལམ་
[62a.2]གཏོགས་པའི་ཕྱིར། རྨི་ལམ་དུ་མེད་པ་བཞིན་ནོ། །དེའི་འབྲས་བུའང་མ་བྱས་པའོ་ཞེས་པ་ནི་རྨི་ལམ་དུ་ཁུ་བ་འབྱིན་པ་ལ་སོགས་པ་ལུས་དང་ངག་གི་རྣམ་གྲངས་གཡོས་པ་ནི་བྱས་པའམ། དངོས་སུ་བསྒྲུབས་པ་མ་ཡིན་པར་སྟོན་པའོ། །དེའི་ཡན་ལག་སྟོན་པ་ནི་
[62a.3]འབྱིན་པ་ལ་སོགས་པ་ཡིན་ཏེ། འབྱིན་པར་བྱེད་པའང་ཡན་ལག་གཅིག་གོ། །དེའང་ཇི་ལྟ་བུར་བསམས་པས་ཤེ་#ན། དེར་འདོད་ན་ཞེས་པ་ཡིན་ཏེ་འབྱིན་འདོད་པའོ། །དེ་ཡང་སུ་ཞེ་#ན་ཉིད་ཀྱི་ཁུ་བ་ཞེས་པ་ཡིན་ཏེ། ཕ་རོལ་གྱི་མ་ཡིན་གྱི་བདག་གིའོ། །གནས་ནས་འཕགས་
[62a.4]པ་དང་སྦུབས་སུ་སོན་པ་དང་། དབང་པོ་ལས་ཐལ་བའི་བྱེ་བྲག་ཕལ་ཆེར་ཡོད་ན་གང་ལྟར་ཕྱུང་བ་ལྷག་མར་འགྱུར་ཞེ་ན། ཐོག་མར་ཞེས་པ་ཡིན་ཏེ། མཁྲིས་#པ་ལྟ་བུར་ལུས་ལ་དེའི་ཡུལ་གུད་དུ་ངེས་པར་མེད་ཀྱི། བུ་རམ་ཤིང་དང་ཡུངས་ཀར་བསྣོས་པ་ལྟ་བུར་#ལུས་
[62a.5]ཀུན་ལ་ཁྱབ་པར་ཡོད་པས་ན། ཐོག་མའི་གནས་ནས་བསྐྱོད་ཅིང་སྤགས་པས་ལྷག་མར་འགྱུར་བའོ། །ཐོག་མ་ནས་གཡོས་པའི་ཚད་ནི་འདོད་ཆགས་ཆེར་ལྡང་བ་དང་། བདེ་བའི་ཉམས་ལྷག་པར་སྐྱེ་བ་དང་། སྙིང་འདར་ཞིང་ཡན་ལག་གཡོ་བ་ཡིན་ནོ་ཞེས་མྱོང་བ་ཁ་
[62a.6]ཅིག་ཟེར་རོ། །འབྱིན་པར་འདོད་པ་ཡང་བདེ་བའི་དོན་ལ་སོགས་པ་རྣམ་པ་མང་པོ་ཞིག་གི་ཆེད་དུའང་འབྱིན་ན་གང་གི་ཕྱིར་ཕྱུང་བས་ཉེས་པར་འགྱུར་ཞེ་ན། བདེ་བ་དང་རེག་#པ་དང་ས་བོན་དང་སྨན་དང་། སད་པ་རྣམས་ཀྱི་ཕྱིར་ན་བྱེ་བྲག་མེད་ཅེས་པ་ཡིན་ཏེ། མིང་གིས་སྨོས་
[62a.7]པ་འདི་རྣམས་གང་གི་ཕྱིར་ཕྱུང་ཡང་ལྷག་མར་འགྱུར་རོ། །དེ་ཡང་རྣམ་པ་གང་གིས་འབྱིན་ཅེ་ན། རེག་པ་ཞེས་པ་ཡིན་ཏེ། ཚུལ་བཞིན་ཡིད་ལ་མི་བྱེད་པ་ལ་སོགས་པས་མ་ཡིན་གྱི་རེག་པས་སོ། །རེག་པ་ཙམ་གྱིས་ཉེད་#པར་འགྱུར་རམ་ཞེ་ན། འབད་པ་
[62b]
[62b.1]ཞེས་པ་ཡིན་ཏེ། རེག་ནས་འབད་ཅིང་བསྒྲུབས་#ན་ཉེས་པར་འགྱུར་རོ། །དེ་ཡང་ཅི་ལ་#རེག་པས་ཤེ་ན། ཡན་ལག་སྐྱེས་པ་ཞེས་པ་ཡིན་ཏེ། བརླ་ལ་སོགས་པ་གཞན་ལ་རེག་པས་མ་ཡིན་གྱི་ཕོ་མཚན་ལ་རེག་པས་སོ། །ཇིས་རེག་རྩེན་ཕྱི་རོལ་གྱིས་ཀྱང་ཞེས་པ་ཡིན་ཏེ། ལུས་
[62b.2]ལས་གཞན་པའི་ཕྱི་རོལ་གྱིས་རེག་ན་ཡང་ཉེས་པར་འགྱུར་བའོ། །ཕྱི་རོལ་ལ་ཡང་རྣམ་པ་གཉིས་ཏེ། གོས་ལ་སོགས་པ་སེམས་ཅན་དུ་མ་གཏོགས་པ་དང་། རོ་ལ་སོགས་པ་སེམས་ཅན་དུ་གཏོགས་པ་གཉིས་ཡོད་ན་གང་ལ་བྱ་ཞེ་ན། སེམས་ཅན་དུ་གཏོགས་པའོ་ཞེས་པ་ཡིན་
[62b.3]ཏེ། སེམས་ཅན་དུ་གཏོགས་པས་ཉེས་པར་འགྱུར་བའོ། །དེ་ལ་སེམས་ཅན་དང་སེམས་ཅན་མ་ཡིན་པའི་ཚུལ་ཡོད་པས་ན། དེའི་ཚུལ་དུ་འདུག་པས་སོ་ཞེས་པ་ཡིན་ཏེ། ལག་པ་ལྟ་བུ་ལ་སོགས་པ་སེམས་ཅན་གྱི་དབྱིབས་སམ་ཚུལ་དུ་འདུག་པས་རེག་ན་ཉེས་པར་འགྱུར་བའོ། །
[62b.4]འབད་པས་ཉེས་པར་འགྱུར་རོ་ཞེ་ན། འབད་པའི་རྔམས་#ཆེ་ཆུང་གིས་ཉེས་པར་འགྱུར་བ་སྟོན་པ་ནི། བཅངས་པ་དང་བཙིར་བ་དག་མེད་ཀྱང་ངོ་ཞེས་པ་ཡིན་ཏེ། རིལ་གྱིས་བཅངས་ཤིང་རིལ་གྱིས་བཙིར་བ་མེད་དུ་ཟིན་ཀྱང་ཁུ་བ་ཕྱུང་ན་ཉེས་པར་འགྱུར་བའོ། །ཤིན་ཏུ་བདེ་བ་མ་མྱོང་#
[62b.5]ཡང་ཉེས་པར་འགྱུར་བར་སྟོན་པ་ནི་ཡི་དྲི་དང་འབྱིན་པ་དང་། དོ་ལ་བབ་པའི་བདེ་བ་མྱོང་བ་ཡང་ངོ་ཞེས་པ་ཡིན་ཏེ། རྣམ་པ་འདི་གསུམ་གྱི་བདེ་བ་དང་ལྡན་པ་མ་ཡིན་བར་ཕྱུང་ན་ཡང་ཉེས་པར་འགྱུར་བའོ། །དེ་ལ་ཚུལ་བཞིན་ཡིད་ལ་བྱེད་པ་མ་ཡིན་པས་ནོན་ཏེ་འཁྲིག་པ་ཡིད་
[62b.6]ལ་བྱེད་ཅིང་དབང་པོ་ཉེད་པ་ལ་སོགས་པས་དགའ་བར་བྱེད་པ་མྱོང་བ་ནི་ཡི་དྲིའོ། །ལུས་སམ་དབང་པོ་ལས་ཁུ་བ་འཛག་པའི་དགའ་བ་ནི་འབྱིན་པའོ། །བདེ་བ་ཡལ་དུ་བྱེད་པ་ནི་དོ་ལ་བབ་པའོ། །སྦུབས་སུ་མ་ཕྱིན་ནའོ་ཞེས་པ་ནི་གཏོས་ནས་གཡོས་ལ་སྦུབས་སུ་མ་ཕྱིན་པ་
[62b.7]ལས་ཉེས་པར་འགྱུར་བའོ། །འབྱུང་དུ་ཆ་བའི་ཚེ་བཏང་ན་ཟིན་པར་བྱས་པ་མ་ཡིན་ཞེས་པ་ནི། འབྱུང་དུ་བྱེད་པ་དང་བཏང་ན་བྱུང་དུ་ཟིན་གྱིས་ཀྱང་ལྷག་མར་མི་འགྱུར་བའོ། །གར་དང་རབ་ཏུ་གར་བྱས་ནི་འབྲི་ཞེས་པ་ནི། ཁུ་བ་བྱུང་#བའི་ཕྱིར་གར་བྱས་སམ་བྲོ་བརྡུངས་ཏེ་
[63a]
[63a.1]ཕྱུང་ན་ལྷག་མའི་སྦོམ་པོར་འགྱུར་བའོ། །ནམ་མཁའ་ལ་སྐུད་#པའོ་ཞེས་པ་ནི། ཁུ་བ་དབྱུང་བའི་ཕྱིར་འདི་ལྟར་བྱེད་ན་ཡང་སྦོམ་པོར་འགྱུར་བའོ། །ཕྱོགས་གཞན་དུ་རེག་པའོ་ཞེས་པ་ནི་ཕོ་མཚན་མ་ཡིན་པའི་བརླ་ལ་སོགས་ཕྱོགས་གཞན་དུ་རེག་པར་བྱས་ཏེ་
[63a.2]ཕྱུང་ན་སྦོམ་པོར་འགྱུར་བའོ། །རྒྱུན་བཟློག་པ་ལ་བཟེད་ནའོ་ཞེས་པ་ནི། ཆུའི་རྒྱུན་ལ་གྱེན་དུ་བཟེད་དེ་ཕྱུང་ན་ཡང་ཉེས་པར་འགྱུར་བའོ། །ཡིད་དྲོད་བསླང་བས་#བདེ་བ་མྱོང་བར་བསྒྲུབས་#ནའོ་ཞེས་པ་ནི། སྔོན་འཁྲིག་པ་སྤྱོད་སྤྱོད་#པ་ལྟ་བུ་བསམས་ནས་ཁུ་བ་འབྱིན་ན་ཡང་སྦོམ་
[63a.3]པོར་འགྱུར་བའོ། །སྦུབས་སུ་ཕྱིན་ནའོ་ཞེས་པ་ནི་ཁོ་ན་ཉིད་སྦུབས་སུ་འོངས་པ་ལས་ཕྱུང་ན་སྦོམ་པོར་འགྱུར་བའོ། །ཆགས་པའི་སེམས་ཀྱིས་འཇལ་བའི་ཕྱིར་རེག་པ་ནི་མི་སྦྱོར་བ་#ནི་འདོད་ཆགས་ཡོད་པའི་སེམས་ཀྱིས་#ཕོ་མཚན་ལ་འཇལ་ན་ཡང་སྦོམ་པོར་འགྱུར་བའོ། །
[63a.4]བལྟས་ན་ཉེས་བྱས་ཞེས་པ་ནི་ཆགས་པའི་སེམས་ཀྱིས་#ཕོ་མཚན་ལའོ། །རྒྱུན་དང་རླུང་ཕྱོགས་སུ་བཟེད་ན་ཡང་ངོ་ཞེས་པ་ནི། ཆགས་པའི་སེམས་ཀྱིས་ཆུ་བོའི་རྒྱུན་བཞིན་དང་། རླུང་དགའ་བའི་ཕྱོགས་སུ་བཟེད་ན་ཉེས་བྱས་སུ་འགྱུར་བའོ། །ཆེད་དུ་མ་བྱས་ཀྱི་བརླ་དང་།
[63a.5]གོས་དང་ཕ་རོལ་གྱིས་རེག་པ་དང་། ཕྲུགས་པས་ཤོར་བ་ནི་ཉེས་མེད་ཅེས་པ་ནི་ཆེད་ཀར་མ་བྱས་ལ། རྣམ་པ་འདི་རྣམས་ཀྱི་རྐྱེན་གྱིས་ཤོར་བ་ནི་ཉེས་མེད་པའོ། །རེག་པ་མ་ཡིན་པས་མྱོང་བས་སོ་ཞེས་པ་#ནི་བུད་མེད་ལ་རེག་པར་ནི་མ་བྱས་ཀྱི། གཟུགས་དང་སྒྲ་ལ་
[63a.6]སོགས་པ་མཐོང་ཞིང་ཐོས་པར་ཤོར་བ་ལ་ཉེས་པ་མེད། དེ་དྲན་པས་ཀྱང་ངོ་ཞེས་པ་ནི་བུད་མེད་དྲན་#པ་དང་ཤོར་ན་ཡང་ཉེས་པ་མེད་པའོ། །འབྱིན་པ་རྣམ་པར་འབྱེད་པའོ།། །།#ཞུས་པར་གཏོགས་པ་ད་#སྟོན་པ་ནི་འབྱུང་དུ་ཆ་བ་ནི་གཡོ་བ་ཆས་མ་ཐག་པ་ནི་སྦུབས་
[63a.7]སུ་སོན་པའོ་ཞེས་པ་ལ་སོགས་པ་ཡིན་ཏེ། གོང་དུ་གཡོ་བ་ཞེས་སྨོས་པ་ནི་འབྱུང་དུ་ཆ་བ་ལ་བྱ། སྦུབས་སུ་སོན་པ་ཞེས་སྨོས་པ་ནི་བཅས་མ་ཐག་པ་ལ་བྱ་བར་#སྟོན་པའོ། །བརྩམས་#པ་ཙམ་ན་མི་སྦྱོར་བ་མ་ཡིན་ཞེས་པ་ནི་དབྱུང་བར་བརྩམས་པ་སྟེ། བཏང་བ་སྦྱོར་བའི་
[63b]
[63b.1]ནང་དུ་མི་གཏོང་བ་མ་ཡིན་ནོ། །མ་བརྩམས་པར་བྱུང་བ་ཉམས་སུ་ལེན་ན་དེ་བཞིན་ཞེས་པ་ནི་ཁོ་ན་རང་བྱུང་བ་ལས་དེ་ལ་དགའ་བར་བྱེད་ན་ཡང་སྦོམ་པོར་འགྱུར་བའོ། །ཡན་ལག་སྐྱེས་#བཙིར་མཉེས་ཏེ་ཕུར་མཉེས་ན་ཡང་ངོ་ཞེས་པ་ནི། འདི་ལྟར་བྱེད་ཅིང་དགའ་བ་ཉམས་སུ་ལེན་
[63b.2]ན་ཡང་སྦོམ་པོར་འགྱུར་བའོ། །འདི་ལས་སུ་རུང་བ་ལས་བྱུགས་ནའོ་ཞེས་པ་ནི་སྒྲེན་པ་#ལག་གིས་བྱུགས་ན་ཡང་སྦོམ་པོར་འགྱུར་བའོ། །སྨན་གྱིས་འབྱིན་ན་ཞེས་པ་ནི་དེའི་དགའ་བ་འདོད་པའི་ཕྱིར་སྨན་གྱི་དཔྱད་#ཀྱིས་ཆེད་དུ་འབྱིན་ན་སྦོམ་པོར་འགྱུར་བའོ། །ཕ་རོལ་གྱི་ཡང་ངོ་
[63b.3]ཞེས་པ་ནི་གཞན་གྱི་ཁུ་བ་འབྱིན་ན་སྦོམ་པོར་འགྱུར་བའོ། །འབྱིན་པ་ཞུས་པའོ།། །།#བྱེ་བྲག་ཏུ་ངེས་པ་ལས་#འབྱུང་བ་ད་སྟོན་པ་ནི། རྣམ་པར་བསྡོས་#པ་ལ་སོགས་པ་དང་། རྣམ་པར་གྱེས་#པ་དང་། ཀེང་#རུས་དང་། མགོ་དང་། རྣ་བ་དང་། སྣ་དང་། མགྲིན་པ་དང་།
[63b.4]རྩིབ་ལོགས་དང་། རྒྱབ་དང་། བྲང་དང་། གཉེར་མ་དང་། སྐྲ་#བར་དང་། ལག་པ་དང་། ཕྲག་པ་དང་། དཔུང་པ་དང་། དཔུང་བར་དང་། རྐེད་པ་དང་། བརླ་དང་། རྐང་པ་དང་། བྱིན་པ་དང་། མག་བ་ཁུང་དུ་འབྱིན་ན་རྩ་བའོ་ཞེས་པ་ལ་སོགས་པ་ཡིན་ཏེ། འདི་ནི་
[63b.5]ཕྱི་རོལ་སེམས་ཅན་དུ་གཏོགས་པར་འབྱིན་ཞེས་གོང་དུ་སྨོས་པ་རྒྱས་པར་སྟོན་པའོ། །ལ་བ་དང་། ཕྱིང་པ་དང་། དྲེའུ་རྔོག་#དང་། སྡས་དང་། ཁྲི་དང་། ཁྲིའུ་དང་། བློད་ཅན་དང་། ཁྲིའི་གསེབ་དང་། བུམ་པ་དང་། བུམ་ཕྲན་དང་། བུམ་པའི་ཁ་དང་། བྱ་མ་བུམ་
[63b.6]དང་། ཆོལ་ཟངས་#དང་། རྡོ་དང་། སྐྱང་ནུལ་དང་། སྐྱང་ནུལ་གྱི་གསེབ་དང་། སྒོ་ལེབ་དང་། ཤའི་ཁམ་ཚད་རྣམས་སྦོམ་པོའོ་ཞེས་པ་འདི་རྣམས་སུ་འབྱིན་ན་ཡང་སྦོམ་པོར་འགྱུར་བའོ། །རྨ་བཙིར་ན་ཡང་ངོ་ཞེས་པ་ནི་རང་གི་ཡན་ལག་སྐྱེས་ཀྱི་སྦུབས་ཁར་མཐེབ་
[63b.7]མོས་བཙིར་#ན་སྦོམ་པོར་འགྱུར་བའོ། །རྩོམ་པ་ན་བུད་མེད་དུ་བྱེད་པ་བཙིར་ནའོ་ཞེས་པ་ནི་ཉལ་པོ་བྱེད་དུ་ཅུས་པ་ན་མོ་མཚན་བཙིར་ན་སྦོམ་པོར་འགྱུར་བའོ། །འདིར་#མཛུབ་མོ་བཅུག་ནའོ་ཞེས་པ་ནི་མོ་མཚན་གྱི་ནང་དུ་མཛུབ་མོ་ལ་སོགས་པ་བཅུག་ན་ཡང་སྦོམ་པོར་འགྱུར་བའོ། །འགྲོ་བ་ན་བྱུང་བའོ་
[64a]
[64a.1]ཞེས་པ་ནི་ཉལ་བོ་བྱེད་པའམ། ཁུ་བ་འབྱིན་དུ་འགྲོ་བའི་ལམ་ཡོངས་སུ་ཁུ་བ་འབྱུང་ན་ཡང་སྦོམ་པོར་འགྱུར་བའོ། །གནས་ནས་གནས་སུ་འཕོ་ན་ཡང་ངོ་ཞེས་པ་ནི། ཁུ་བ་འབྱིན་འདོད་པའི་ཕྱིར་གནས་ཡང་འཕོ་ཡང་འཕོ་བྱེད་ཅིང་འབྱིན་ན་ཡང་སྦོམ་པོར་འགྱུར་བའོ། །ཚུལ་བཞིན་ཡིད་ལ་མི་བྱེད་པས་ཀྱང་ངོ་ཞེས་པ་ནི།
[64a.2]སྟ་ཟུར་དང་། ནུ་མ་དང་། བྲང་དང་། མིག་དང་། བཞིན་རས་ལ་སོགས་པ་ཡིད་ལ་བྱེད་ཅིང་ཁུ་བ་འབྱིན་ན་ཡང་སྦོམ་པོར་འགྱུར་བའོ། །ཡན་ལག་སྐྱེས་བཟུང་ནའོ་ཞེས་པ་ནི་ཁུ་བ་འབྱིན་འདོད་པའི་ཕྱིར་ཡན་ལག་སྐྱེས་བཟུང་སྟེ་བྱུང་ན་སྦོམ་པོར་འགྱུར་བའོ། །སྒྲེའུས་དྲུད་པ་ནི་ཉེས་མེད་ཅེས་པ་ནི་སྒྲེའུས་དྲུད་དེ་ཁུ་
[64a.3]བ་རང་བྱུང་བ་ལ་ཉེས་མེད་པར་སྟོན་པའོ། །སྙིང་གི་ཟླས་#བཀྱུད་པའོ་ཞེས་པ་ནི་སྡུན་གྱི་ཆུད་མས་བཀྱུད་དེ། ཁུ་བ་ཤོར་བ་ལའང་ཉེས་མེད། རྐང་པ་དང་། བྱིན་པ་དང་། བརླ་དང་། དཔུང་པ་དང་སོར་མོ་ལ་སོགས་པ་བུད་མེད་ཀྱིས་བཟུང་བ་ལས་#ན་ཡང་ངོ་ཞེས་པ་ནི།
[64a.4]འདི་རྣམས་ལས་བུད་མེད་ཀྱིས་བཟུང་བ་དང་ཁུ་བ་ཤོར་ན་ཡང་ཉེས་མེད། འབྱིན་པ་བྱེ་བྲག་ཏུ་ངེས་པའོ། །འབྱིན་པ་རྫོགས་སོ།། །།ད་ནི་ལུས་རེག་པ་འབྱུང་སྟེ། དེའི་ཡུལ་སྟོན་པ་ནི་བུད་མེད་ལས་བྱེད་ཅེས་པ་ཡིན་ཏེ། ལུས་རེག་པའི་ལྷག་མ་བུད་མེད་མ་ཡིན་
[64a.5]པ་ལས་མི་འབྱུང་བས་ན། བུད་མེད་ལས་གྱུར་པར་སྟོན་པའོ། །བུད་མེད་ལས་བྱེད་པ་དེ་གང་ཞེ་ན་འདིའོ་ཞེས་པ་ཡིན་ཏེ། ལུས་ཀྱིས་རེག་པ་འདི་བུད་མེད་ལས་བྱེད་པར་སྟོན་པའོ། །དེ་ཉི་#ཚེ་བུད་མེད་ལས་བྱེད་དམ་ཞེ་ན། བུད་མེད་ལས་བྱེད་དོ་ཅོག་
[64a.6]སྟོན་པ་ན། # དབེན་པ་ན་འདུག་པ་དང་འགྲེང་བའོ་ཞེས་པ་ལ་སོགས་པ་ཡིན་ཏེ། དབེན་པ་ན་འདུག་པ་དང་། འགྲེང་བའི་ལྟུང་བ་ཡང་བུད་མེད་ལས་བྱེད་པས་ན་དགེ་སློང་གང་#བུད་མེད་དང་ལྷན་ཅིག་གཅིག་པུ་དབེན་པ་སྐྱབས་ཡོད་པ་ན་#འདུག་པར་བྱེད་ན་ཞེས་པ་དང་།
[64a.7]ཡང་དགེ་སློང་གང་དགེ་སློང་མ་དང་ལྷན་ཅིག་དབེན་པ་སྐྱབས་ཡོད་པ་ན་འགྲེང་ན་ཉེས་པ་#འབྱུང་བ་ཡིན་ནོ། །འོག་མ་གཞན་ཡང་འདི་བཞིན་དུ་སོ་སོར་ཐར་པའི་ཁུངས་དང་སྦྱོར་ཅིག ། བསྙེན་#གནས་ཀྱང་ངོ་ཞེས་པ་ནི་བསྙེན་#ན་འདུག་ཅིང་འགྲེང་བའི་ལྟུང་བ་ཡང་བུད་
[64b]
[64b.1]མེད་ལས་འགྱུར་རོ། །ལྷན་ཅིག་ཉལ་ན་ཡང་ངོ་ཞེས་པ་ནི། ཁྱིམ་གཅིག་ན་བུད་མེད་དང་ལྷན་ཅིག་ཏུ་མཚན་རངས་པར་ཉལ་བའང་#བུད་མེད་ལས་འགྱུར་བའོ། །རིག་པའི་སྐྱེས་པ་མེད་པར་ལམ་དུ་ཅིག་ཅར་འདོང་བའོ་ཞེས་པའང་བུད་མེད་ལས་འགྱུར་བའོ། །དེ་ལ་ཀླན་ཀ་བས་
[64b.2]བྱ་བ་སྐྱེས་པ་མེད་པ་ལམ་དུ་ཅིག་ཅར་འདོང་ན་ཞེས་འབྱུང་གི ། རིག་པའི་སྐྱེས་པ་ཞེས་མི་འབྱུང་ན་འདིར་རིག་པའི་སྐྱེས་པས་གླགས་#པ་ཅིའི་ཕྱིར། ལན་དུ་དེ་ནི་ཁྱིམ་མི་མོ་ལ་ཆོས་འཆད་པ་རིག་པའི་སྐྱེས་པ་མེད་ན་ཞེས་འབྱུང་བ་ལས་ན་འདིའང་དེ་དང་འདྲ་བའི་ཕྱིར་རིག་པའི་
[64b.3]སྐྱེས་པ་མེད་ན་ཞེས་སྨོས་པ་ཡིན་ནོ། །འོག་མ་གཉིས་ཀྱང་ཞེས་པ་ནི་བསྙེན་#ཅིག་དང་ཀུན་སྤྱོད་པར་བསྔགས་#པ་འདིའི་འོག་ནས་འབྱུང་བ་གཉིས་ཀྱང་བུད་མེད་ལས་འགྱུར་བར་སྟོན་པའོ། །ཁྱིམ་མི་མོ་ལ་འཆད་པ་ཞེས་པ་ནི་ཚིག་ལྔ་འམ་དྲུག་ལས་ལྷག་པར་འཆད་ན་ལྟུང་བ་
[64b.4]ཡང་བུད་མེད་ལས་འགྱུར་བར་སྟོན་པའོ། །ཁྱིམ་མི་མོ་ལ་ཆོས་འཆད་དོ་ཅོག་ན་ཉེས་པར་འགྱུར་རམ་ཞེ་ན་སྐྱེས་པ་མེད་ནའོ་ཞེས་པ་ཡིན་ཏེ། སྐྱེས་པ་ཐད་ན་མེད་པར་ཆོས་བཤད་ན་གོང་མ་ལྟ་བུའི་ཉེས་པར་འགྱུར་བའོ། །དེའང་ཇི་ལྟ་བུའི་སྐྱེས་པ་ཞེ་ན། རིག་པའོ་ཞེས་པ་ཡིན་ཏེ།
[64b.5]འཁྲིག་པར་ལྐུགས་#པའི་ཚིག་དང་། ཟུར་ཆ་རིག་ཅིང་ཤེས་པའོ། །རིག་པའི་སྐྱེས་པ་ཡོད་ཕན་ཆད་ཉེས་པར་ཡེ་མི་འགྱུར་རམ་ཞེ་ན། ཡོད་ཀྱང་མ་བརྟགས་#པ་ལ་ཞེས་པ་ཡིན་ཏེ། རིག་པའི་སྐྱེས་པ་ཐད་ན་ཡོད་དུ་ཟིན་ཀྱང་བུད་མེད་ཉིད་གཡེམ་ཞིང་རྒོད་ན་ཉེས་པར་འགྱུར་བའོ། །
[64b.6]རྩ་བའི་ཉེས་པར་འགྱུར་རམ་ཉེས་པ་གང་ཞེ་ན། དེ་ཉེས་བྱས་སོ་ཞེས་པ་ཡིན་ཏེ། གོང་མ་ལྟ་བུ་ལ་ཆོས་བཤད་ན་ཉེས་བྱས་སུ་འགྱུར་བའོ། །གླིང་ཐ་དད་པར་སྐྱེས་པ་དང་སྤུ་བབ་པ་ནི་རངས་པ་མ་ཡིན་ཞེས་པ་ནི། རིག་པའི་སྐྱེས་པ་ཐ་དད་དུ་གཞག་པ་ཤར་གྱི་ལུས་འཕགས་པོ་ལྟ་བུ་གླིང་ཐ་
[64b.7]དད་པ་ཞིག་གམ། འཛམ་བུའི་གླིང་པ་ཞིག་ན་ཡང་ངོ་། །རྒོད་ཅིང་འཕྱར་བ་ལྟ་བུ་སྤུ་བབ་པ་ཞིག་ན་རིག་པའི་སྐྱེས་པར་རངས་པ་མ་ཡིན་པའི་ཕྱིར་ཉེས་བྱས་སུ་འགྱུར་བའོ། །མ་བརྟགས་པ་ལ་འཆད་པའི་གྲོགས་འདི་ལྟ་བུ་ཞིག་ན་ལྕི་བའི་ཉེས་བྱས་སུ་འགྱུར་བའོ། །འདི་ནི་གོ་
[65a]
[65a.1]བའོ་ཞེས་པ་ནི་རིག་པའི་སྐྱེས་པ་དེ་སྐད་ཀྱིས་བསྐལ་པ་འམ། གཉིད་དང་ར་རོ་བ་ལྟ་བུ་མ་ཡིན་ཏེ་དོན་གོ་བའི་རིག་པ་ལ་བྱའོ། །དེ་ལྟ་བུ་ཞིག་ན་མཚན་མ་གཅིག་དོན་མེད་ཅེས་པ་ནི་ཕོ་མཚན་དང་། མོ་མཚན་གཉི་ག་ཡོད་པ་ཞིག་ན་མཚན་གང་གི་#ཤས་ཆེ་བ་དེ་
[65a.2]བཙན་#གྱི། ཤས་ཆུང་བ་ནི་མེད་པ་དང་འདྲ་སྟེ་མི་བཙན་#བར་སྟོན་པའོ། །འདིར་ཕྱེད་དུ་བྱེད་ཅེས་པ་ནི་མཚན་གཉི་ག་ཡོད་པའི་སྐྱེས་པ་ཟླ་ལ་གཞག་ཅིང་ཆོས་འཆད་དམ། དེ་དང་འགྲོགས་ཏེ་ལམ་དུ་འགྲོ་ན་ལྟུང་བ་ཕྱེད་དུ་བྱེད་པ་སྟེ། ཉེས་བྱས་སུ་འགྱུར་བའོ། །བུད་མེད་
[65a.3]ལས་བྱེད་དོ་ཞེས་པ་བུད་མེད་ཐམས་ཅད་ལས་ཉེས་པར་འགྱུར་རམ། བུད་མེད་ལ་བྱེ་བྲག་ཅི་ཡོད་ཅེ་ན། ཐ་མ་གསུམ་ནི་ལེགས་པར་སྨྲས་པ་དང་། ཉེས་པར་སྨྲས་པའི་དོན་དག་ཤེས་པའོ་#ཞེས་པ་དང་། གཞན་ནི་འཁྲིག་པ་བསྟེན་#དུ་བཟོད་པས་རྩ་བར་རོ་ཞེས་པ་ཡིན་ཏེ། སྨྲེ་
[65a.4]ཚིག་#དང་ཀུན་སྤྱོད་པར་བསྔགས་པ་དང་། ཁྱིམ་མི་མོ་ལ་འཆད་པ་ཐ་མ་གསུམ་ནི་ལེགས་ཉེས་སུ་སྨྲ་བའི་ཟུར་ཅན་གོ་ན་སྤྱད་དུ་མི་བཟོད་ཀྱང་ཉེས་པ་རངས་པར་འགྱུར་བའོ། །ལུས་རེག་པ་ལ་སོགས་པ་གཞན་ནི་འཁྲིག་པ་བསྟེན་#དུ་བཟོད་ན་#ཉེས་པ་རངས་པར་འགྱུར་བའོ། །
[65a.5]གཞན་ནི་འོག་མའོ་ཞེས་པ་ནི་སྤྱད་དུ་མི་བཟོད་པ་ཞིག་ན་སྦོམ་པོ་དང་ཉེས་བྱས་སུ་འགྱུར་བའོ། །མ་ནིང་དང་མ་ནིང་མ་དང་སྤྲུལ་པ་ཡང་དེ་བཞིན་ཞེས་པ་ནི་རྣམ་པ་འདི་དག་ལྟ་བུའང་སྤྱད་དུ་མི་བཟོད་པ་དང་འདྲ་བར་སྟོན་པའོ། །དེ་ལ་སྐྱེས་པ་དང་བུད་མེད་ཀྱི་མཚན་ནི་རངས་པར་
[65a.6]མེད་ལ། སྨར་ལ་སོགས་པའི་ཤས་ཡོད་པ་ནི་མ་ནིང་ངོ་། །སྐྱེས་པ་དང་བུད་མེད་ཀྱི་མཚན་ནི་རངས་པར་མེད་ལ་ནུ་མ་ལ་སོགས་པའི་ཤས་ཡོད་པ་ནི་མ་ནིང་མའོ། །སྔགས་དང་སྨན་གྱིས་བུད་མེད་ཀྱི་གཟུགས་སུ་བསྒྱུར་བ་ནི་སྤྲུལ་པའོ། །འདི་གསུམ་སྐྱེས་པ་ལ་ཡང་ངོ་ཞེས་
[65a.7]པ་ནི་རེག་པ་དང་སྨྲེ་ཚིག་#དང་། བསྔགས་པ་གསུམ་སྐྱེས་པ་ལ་བྱས་ན་སྤྱད་དུ་མི་བཟོད་པ་དང་འདྲ་བར་སྟོན་པའོ། །དེ་དག་ནི་ཇི་ནས་བདེ་བ་མྱོང་བར་འདོད་པ་དང་། ཆགས་པ་དང་ལྡན་ནའོ་ཞེས་པ་ནི་རེག་པ་དང་སྨྲེ་ཚིག་#དང་བསྔགས་པ་གསུམ་འདི་དག་གི་བདེ་བ་འདོད་པ་
[65b]
[65b.1]དང་ཆགས་པར་#ལྡན་ཏེ། དེ་དག་ལྟར་བྱས་ན་ཉེས་པ་རངས་པར་འགྱུར་བའོ། །སྨྲེ་ཚིག་#དང་ཀུན་སྤྱོད་པ་ལ་སོགས་པ་བུད་མེད་ལས་བྱེད་པའི་ཕྱིར་#མཚན་ཉིད་དེ་ལྟར་བསྟན་ནས་རེག་པ་རང་གི་མཚན་ཉིད་ད་སྟོན་པ་ནི། ཡན་ལག་ལ་རེག་པ་བདག་གིར་བྱེད་ནའོ་ཞེས་པ་ལ་སོགས་པ་
[65b.2]ཡིན་ཏེ། ལུས་དང་ཡན་ལག་ལ་རེག་པ་དགའ་བར་ཚོར་ཞིང་དེ་ལ་ཆགས་ན་ལྷག་མར་འགྱུར་བའོ། །ལན་བུ་ནི་འདིར་དེ་བཞིན་ཞེས་པ་ནི་སྐྲའི་ལན་བུ་ལ་རེག་པ་ཡང་ལུས་ལ་རེག་པ་དང་འདྲ་བར་སྟོན་པའོ། །དེ་དང་འབྲེལ་བའི་ཅོད་པན་ཡང་ངོ་ཞེས་པ་ནི་ཅོད་པན་ལྟ་བུ་ཡན་
[65b.3]ལག་མ་གཏོགས་པས། ཉེས་པ་རངས་པ་མ་ཡིན་པར་རེ་བ་བསལ་བའི་ཕྱིར། ཅོད་པན་ལ་རེག་པར་འདོད་ཆགས་ལྷག་པར་སྐྱེ་བའི་ཕྱིར་ཡན་ལག་ལ་རེག་པ་དང་འདྲ་བར་སྟོན་པའོ། །ནོམ་པ་དང་ཀུན་དུ་ནོམ་པ་དང་། སྤྲོད་པ་དང་འཛིན་པ་དང་། འདྲེན་པ་དང་ཀུན་དུ་འདྲེན་
[65b.4]པ་དང་། འཛེག་པ་དང་འབེབས་པ་དང་། བཅུམ་པ་རྣམས་བྱེ་བྲག་མེད་ཅེས་པ་ནི། མིང་གིས་སྨོས་པའི་རྣམ་པ་འདི་གང་ལྟར་བྱས་ཀྱང་ལྷག་མར་འགྱུར་བའོ། །དེ་ལ་ནོམ་པ་ནི་ཡན་ལག་ལ་ནོམ་པའོ། །ཀུན་དུ་ནོམ་པ་ནི་ལུས་ཀུན་ལ་རེག་ཅིང་ནོམ་པའོ། །སྤྲོད་ཅེས་པ་ནི་ལུས་
[65b.5]ཀུན་གྱིས་བཀྱུད་ཅིང་སྤྲོད་པའོ། །འཛིན་ཞེས་པ་ནི་ཡན་#ལག་ལ་སོགས་པས་འཛིན་པའོ། །འདྲེན་ཞེས་པ་ནི་རིང་བ་ནས་སོ། །ཀུན་དུ་འདྲེན་ཞེས་པ་ནི་ཉེ་བ་ནས་#སོ། །འཛེག་ཅེས་པ་ནི་དམའ་བ་ནས་སོ། །འབེབས་ཞེས་པ་ནི་མཐོ་བ་ནས་སོ། །བཅུམ་ཞེས་པ་ནི་བཀྱུད་ཅིང་
[65b.6]འཛུམ་པ་དངོས་སོ། །བསྟན་#པས་བྱས་ན་ཡང་ངོ་ཞེས་པ་ནི་གོང་དུ་སྨོས་པ་རྣམས་བུད་མེད་ཀྱིས་ཚུར་བྱས་པ་ལ་དགའ་ཞིང་ཆགས་ནའང་ཉེས་པ་རངས་པར་འགྱུར་བའོ། གོས་ཀྱིས་#བར་བཅད་པ་ནི་འོག་མའོ་ཞེས་པ་ནི་གོས་ཀྱིས་#བར་དུ་བཅད་དེ་རེག་ན་སྦོམ་པོར་འགྱུར་བའོ། །
[65b.7]ཉེས་བྱས་འགོང་པ་ལས་གཞན་མ་ཡིན་ཞེས་པ་ནི་སྤྱད་དུ་མི་བཟོད་པ་ལ་གོས་ཀྱིས་#བར་བཅད་དེ་རེག་པ་རེག་པའི་ཚེ་ཉེས་བྱས། སྦྱོར་བའི་ཚེ་ནི་ཉེས་པ་གཞན་དུ་དབབ་ཏུ་མེད་པས་ཉེས་བྱས་ཀྱང་སྦོམ་པོར་སྟོན་པའོ། །དགེ་སློང་མ་ལ་མི་རེག་ཅེས་པ་ནི་ཆགས་པ་མེད་ཀྱང་མ་རེག་
[66a]
[66a.1]ཤིག་པའོ། །བུད་མེད་ཡིན་ཞེས་པ་ནི་དགེ་སློང་མ་#ཡིན་པའི་བུད་མེད་གཞན་ལའང་མ་རེག་ཤིག་པའོ། །དེ་ལྟར་ན་བུད་མེད་གང་ལའང་རེག་ཏུ་ཡེ་མི་རུང་ངམ་ཞེ་ན། རེག་པར་བྱ་བ་ནི་ཆུས་ཁྱེར་བ་བརྒྱལ་ཏེ་ཞེས་པ་ལ་སོགས་པ་ཡིན་ཏེ། ཆུས་ཁྱེར་བ་ལྟ་བུ་
[66a.2]བཟུང་བའི་ཚེ་ནི་རག་ཀྱང་བླའོ། །བརྩེ་བས་སྡུག་བསྔལ་དང་འབྲེལ་བ་ནི་ཉེས་མེད་ཅེས་ཀྱང་འོག་ནས་འབྱུང་ན། འདི་སྐད་དུ་བསྟན་པ་ཅིར་#དགོས་ཤེ་ན། མདོ་འོག་ནས་འབྱུང་བའི་ཡུལ་བསྟན་དགོས་པའི་ཕྱིར་རོ། །དཔུང་པའམ་སྐྲ་ནས་སོ་ཞེས་པ་ནི་གོང་མ་ལྟར་དབྱུང་བ་ཡང་སྐྲ་
[66a.3]འམ། དཔུང་པ་ནས་བཟུང་ལ་ཕྱུང་ཤིག་པའོ། །མ་དང་བུ་སྲིང་གི་འདུ་ཤེས་གཞག་སྟེའོ་ཞེས་པ་ནི་ཆུས་ཁྱེར་བ་འདིའང་། འདི་ལྟ་བུའི་འདུ་ཤེས་ཞོག་ལ་ཟུང་ཤིག་པའོ། །དྲན་པ་བརྟ་#བའི་ཕྱིར་བྱེ་ཕུང་ལ་ཁས་སྤུབ་སྟེ་གཞག་ཅེས་པ་ནི་ཆུས་ཁྱེར་བ་ཕྱི་ནས་གཟག་ཅིང་བརྟ་#
[66a.4]བའི་ཐབས་འདི་ལྟར་གྱིས་ཤིག་པའོ། །བསྲུང་བ་ནི་ཁྲིའུ་བཞིན་ཞེས་པ་ནི་བདག་གིས་#ལས་ཀྱང་མི་གཏོང་བར་རྒྱངས་ཀྱིས་བསྲུངས་པ་ཁྲིའུ་བཞིན་དུ་གྱིས་ཤིག་པའོ། །ཟས་ལ་འགྲོ་བ་ནི་བ་ལང་རྫི་དང་ཕྱུགས་རྫི་ལ་བཅོལ་ཞེས་པ་ནི་ཟས་ལ་འགྲོ་ན་ཐབས་འདི་ལྟར་གྱིས་ཤིག་
[66a.5]པའོ། །འཚོ་འམ་མི་འཚོ་བ་ཡང་དང་ཡང་བརྟག་པར་བྱ་ཞེས་པ་ནི་འཚོ་འམ་མི་འཚོ་སྐབས་སྐབས་སུ་རྟོགས་ཤིག་པའོ། །བརྩེ་ཞིང་སེམས་གཙང་ན་བུད་མེད་ཀྱིས་བཀྱུད་པ་ཉེས་མེད་ཅེས་པ་ནི་བདག་གི་སེམས་བརྩེ་བའམ་སྐྱོན་མེད་ན་བུད་མེད་འཁྱུད་ཅིང་འཛིན་དུ་བཅུག་
[66a.6]ཀྱང་བླ་བར་#སྟོན་པའོ། །ལུས་རེག་པ་རྣམ་པར་འབྱེད་པའོ།། །།#ད་ནི་ཞུས་པ་དང་བྱེ་བྲག་ཏུ་ངེས་པ་ལས་རེག་པའི་བྱེ་བྲག་འདོད་པས་རེག་པ་དང་དྲ་མའི་ཚུལ་དང་། འཕྱར་བ་དང་དྲ་མ་དང་མཐུན་པ་དང་། མི་འདོད་བཞིན་དུ་རེག་པ་ལྔ་འབྱུང་བ་སྟོན་ཏེ། འཇམ་
[66a.7]མཉེན་དྲོ་བའི་བསམས་པས་ན་སྦོམ་པོའོ་ཞེས་པ་ནི་འདོད་ཆགས་#ཀྱིས་མ་ཡིན་གྱི་འདི་དག་ལྟ་བུའི་བསམས་པས་རེག་ན་སྦོམ་པོར་འགྱུར་ཏེ#། འདི་ནི་རེག་པའི་ཁྱད་པར་འདོད་པའི་རེག་པའོ། །བརྩེ་བས་སྡུག་བསྔལ་དང་འབྲེལ་བ་ནི་ཉེས་མེད་ཅེས་པ་ནི་མེ་དང་
[66b]
[66b.1]གཡང་དུ་འདོར་བར་རྩོལ་བ་ལ་སོགས་པའི་སྡུག་བསྔལ་ལས་དབྱུང་བའི་ཕྱིར་རེག་པ་ནི་ཉེས་མེད་པའོ། །མ་དང་བུ་སྲིང་ལ་དེའི་འདུ་ཤེས་ཀྱིས་སོ་ཞེས་པ་ནི། འདི་དག་གིས་རེག་པ་ན་འདི་དག་སོ་སོའི་འདུ་ཤེས་གཞག་ན་ཉེས་མེད་པའོ། །སྔོན་སྤྱད་པ་ན་#ཀུན་དགའ་བོ་
[66b.2]ཞེས་པ་ནི་སྔོན་གྱི་ཆུང་མ་ལ་སོགས་པས་བཀྱུད་ཅིང་གསོང་བའི་ཆོས་སུ་བྱེད་པ་ལ་ཉེས་པ་#མེད་པར་སྟོན་པ་སྟེ། མདོ་འདི་གསུམ་ནི་དྲ་#མའི་ཚུལ་གྱིས་རེག་པའོ། །ལུས་#རེག་པ་ཞུས་པའོ།། །།#བྱེ་བྲག་ཏུ་ངེས་པ་ལས་འབྱུང་བ་#སྟོན་པ་ནི། བསླངས་དང་ས་དང་བོང་བ་ལ་
[66b.3]སོགས་པ་བུད་མེད་ཀྱི་དབང་པོར་འཇུག་ན་སྦོམ་པོ་ཞེས་པ་ལ་སོགས་པ་ཡིན་ཏེ། འདི་དག་ལྟར་བྱེད་ན་སྦོམ་པོར་འགྱུར་བའོ། །རྐང་པ་དང་ཕྲག་པས་བུད་མེད་ཕུལ་ན་ཉེས་བྱས་ཞེས་པ་ནི་ཡེངས་པའི་སེམས་ཀྱིས་འདི་དག་ལྟར་བྱེད་ན་#ཉེས་བྱས་སུ་འགྱུར་བའོ། །
[66b.4]དེའི་སྟན་ལ་ཡང་ངོ་ཞེས་པ་ནི་བུད་མེད་འདུག་ཀྱང་རུང་མི་འདུག་ཀྱང་རུང་སྟེ་དེའི་སྟན་དུ་#རྐང་པ་ལ་སོགས་པས་#བསྐྱོད་ཅིང་བསྐུལ་ན་ཡང་ཉེས་བྱས་སུ་འགྱུར་བ་སྟེ། མདོ་འདི་གསུམ་ནི་འཕྱར་བས་རེག་པའོ། །བུད་མེད་བྲེད་#དེ་འགྱེལ་བ་བསླང་བའོ་ཞེས་པ་
[66b.5]ནི་འདི་ལྟར་གྱུར་པ་ཉིད་ཀྱིས་འོངས་པ་ཙམ་གྱི་ཚོད་ལ་སློང་ན་ཉེས་བྱས་#སོ། །མདོ་འདི་ནི་དྲ་མ་དང་མཐུན་པར་རེག་པའོ། །འདི་གསུམ་བུད་མེད་ཀྱིས་ན་ཉེས་མེད་ཅེས་པ་ནི། མདོ་གོང་མ་གསུམ་བུད་མེད་ཀྱིས་ཚུར་བྱས་པ་ནི་ཉེས་མེད་པའོ། །བཟུང་#བ་ཡང་ངོ་ཞེས་པ་ནི་དགེ་སློང་ཉིད་
[66b.6]མི་འདོད་བཞིན་དུ་བུད་མེད་ཀྱིས་བཟུང་བ་ནི་ཉེས་མེད། མས་བཀྱུད་ནའོ་ཞེས་པ་ནི་མས་བཀྱུད་པ་ཉེས་མེད། བུ་མོ་པང་པར་འདུག་པའོ་ཞེས་པ་ནི་འདི་ལྟར་གྱུར་པ་ལའང་ཉེས་མེད། བུད་མེད་འགྱེལ་ཏེ་སྟེང་དུ་ལྟུང་བའོ་ཞེས་པ་ནི། བུད་མེད་བསྡད་ཅིང་བསྡོས་པས་བདག་
[66b.7]གི་#སྟེང་དུ་ལྟུང་ངམ། བདག་བསྡད་ཅིང་བསྡོས་པས་བུད་མེད་ཀྱི་སྟེང་དུ་ལྷུང་བ་ལ་ཉེས་མེད་པ་སྟེ། འདི་དག་ནི་མི་འདོད་བཞིན་དུ་རེག་པའོ། །ལུས་རེག་པ་བྱེ་བྲག་ཏུ་ངེས་པའོ། །ལུས་རེག་པའོ།། །།#སྨྲ་བ་དགེ་འདུན་གྱི་ལྷག་མ་འཆད་པར་འདོད་པ་ནི། རྒྱོ་ཚིག་ཏུ་སྨྲ་
[67a]
[67a.1]ནའོ་ཞེས་པ་ཡིན་ཏེ། གོང་དུ་ལེགས་པར་སྨྲས་པའི་ཟུར་ཆ་འགོ་ཞིང་སྤྱད་བཟོད་པ་དང་། དེའི་བདེ་བ་དང་ཆགས་པ་ཞེས་སྨོས་པ་རྣམས་ལྟ་བུས་རྒྱོ་བའི་ཚིག་སྨྲས་ན་དགེ་འདུན་གྱི་ལྷག་མར་འགྱུར་བའོ། །ཇི་ལྟ་བུར་སྨྲས་པས་སྨྲེ་ཚིག་ཏུ་འགྱུར་
[67a.2]ཞེ་ན། རྒྱོ་བ་ལ་སོགས་པའི་དོན་གྱིས་ཞེས་པ་ཡིན་ཏེ། དེ་ལ་གཉུག་མ་དང་ཉེ་བར་གདགས་པ་གཉིས་ཡོད་པ་ལས། མི་ཚངས་པར་སྤྱོད་པ་དང་འཁྲིག་པ་ཞེས་བྱ་བ་ལྟ་བུ་གཉུག་མའི་ཚིག་སྨྲས་ན་ཉེས་པ་རངས་པར་འགྱུར་གྱི། ང་དང་ལྷན་ཅིག་ཏུ་ཉོལ་ཞེས་པ་ལ་
[67a.3]སོགས་པ་ཉེ་བའི་ཚིག་གིས་ན་ཉེས་པ་#རངས་པར་མི་འགྱུར་བར་སྟོན་པའོ། །འདི་ཡང་བདག་གི་ཕྱིར་མ་ཡིན་གྱི། གཞན་གྱི་ཕྱིར་ན་ཉེས་པ་སྦོམ་པོར་འགྱུར་བའོ། །སྨྲེ་ཚིག་ཏུ་སྨྲ་བ་དེ་ཡང་ཡི་གེ་དང་ཚིག་དུ་མས་#བསྒྲུབས་པ་ཡང་ཡོད། ཉང་ཉུང་གིས་བསྒྲུབས་པའང་ཡོད་
[67a.4]ན། གང་གིས་ཉེས་པར་འགྱུར་བ་སྟོན་པ་ནི། གང་གིས་བརྡ་ཕྲད་པར་གྱུར་ན་དེ་གོ་བའི་མཐའོ་ཞེས་པ་ཡིན་ཏེ། ཡི་གེ་དང་ཚིག་འདི་སྙེད་ཅིག་གིས་ཉེས་པར་འགྱུར་ཞེས་གྲངས་ཆད་པ་མེད་ཀྱི། གང་སྨྲ་བར་འདོད་པ་དེས་ཡི་གེ་འམ་ཚིག་ཏུ་སྨྲས་ཀྱང་རུང་སྟེ། ནམ་བརྡ་ཕྲད་
[67a.5]པར་གྱུར་ན་གོ་བའི་མཐའ་དེས་གཟུང་བར་#སྟོན་པའོ། །དོན་དེས་རྟོགས་པར་སྨྲ་ན་ནི་སྦྱོར་ན་མ་ཡིན་ཞེས་པ་ནི་རྒྱོ་ཚིག་ཉིད་སྨྲ་བར་མ་བསྩལ་#ཏེ། དེ་དང་ཉེ་བའི་ཚིག་གཞན་སྨྲས་ན། རྩ་བར་སྦྱོར་བ་མ་ཡིན་པས་སྦོམ་པོར་ཡང་མི་འགྱུར་དུ་རེབ་བསྩལ་#བའི་ཕྱིར་འདི་སྨོས་པ་ཡིན་ཏེ།
[67a.6]དེ་དང་ཉེ་བའི་ཚིག་སྨྲས་ན་ཡང་སྦོམ་པོར་འགྱུར་བར་སྟོན་པའོ། །སྔོགས་པ་དང་མི་སྔོགས་པ་དང་། གསོལ་བ་དང་། འཇེབས་པར་གསོལ་བ་དང་། འདྲི་བ་དང་། ཀུན་འདྲི་བ་དང་། བསྙད་པ་དང་། ཡིད་སྨོན་དང་། གཤེ་བ་དང་། སླར་ཟློས་#པའི་ཚིག་ཐ་དད་པ་དེ་དག་ལ་བྱེ་
[67a.7]བྲག་མེད་ཅེས་པ་ནི་མིང་གིས་སྨོས་པའི་ཚིག་འདི་དག ། གང་སྐད་དུ་སྨྲས་ཀྱང་རུང་སྟེ་རྒྱོ་ཚིག་དང་བསྲེས་#ན་ལྷག་མར་འགྱུར་དུ་འདྲ་བའོ། །དེ་ལ་སྔོགས་པ་ནི་སྲིང་མོ་ཁྱོད་ཀྱི་སྒོ་གསུམ་ནི་ཡོངས་སུ་རྒྱས་པའོ་ཞེས་ཟེར་བའོ། །མི་སྔོགས་པ་ནི་སྒོ་གསུམ་ཡོངས་སུ་མ་རྒྱས་པའོ་
[67b]
[67b.1]ཞེས་ཟེར་བའོ། །གསོལ་བ་ནི་སྲིང་མོ་ཚུར་འདི་དང་འདི་ལྟ་བུ་དག་བྱའོ་ཞེས་ཟེར་བའོ། །འཇེབས་པར་གསོལ་བ་ནི་བུད་མེད་ཀྱིས་སྐྱེས་པ་ལ་འདི་ལྟ་བུ་དག་བྱས་ན་སྐྱེས་པ་དེའི་ཡིད་དུ་འོང་ཞིང་སྡུག་པ་ཡིན་བས་ན། ཁྱོད་ཀྱིས་འདི་དང་འདི་ལྟ་བུ་དག་བྱས་ན། ངའི་སྡུག་ཅིང་
[67b.2]ཡིད་དུ་འོང་བར་འགྱུར་རོ་ཞེས་ཟེར་བའོ། །འདྲི་བ་ནི་སྐྱེས་པ་གང་གིས་བུད་མེད་ལ་འདི་དང་འདི་ལྟ་བུ་དག་བྱས་ན་བུད་མེད་དེའི་ཡིད་དུ་འོང་བའི་#རིགས་པས་ན། ངས་ཀྱང་ཁྱོད་ལ་འདི་དང་འདི་ལྟ་བུ་བྱས་ན། ང་ཁྱོད་ཀྱི་ཡིད་དུ་འོང་ཞིང་#སྡུག་པར་འགྱུར་བ་སྙམ་ཞེས་ཟེར་བའོ། །
[67b.3]ཀུན་འདྲི་བ་ནི་སྲིང་མོ་ཁྱོད་ཀྱི་སྒོ་གསུམ་བདེན་པར་ན་ལེགས་པར་དོད་ཅིང་། ལེགས་པར་རྒྱས་སམ་ཞེས་པ་ལ་སོགས་པའོ། །བསྙད་པ་ནི་སྲིང་མོ་ཁྱོད་སྙིང་ནས་#ཡིད་དུ་འོང་ཞིང་སྡུག་ན། ཁྱོད་ཀྱི་ཉམས་སུ་ཇི་ལྟ་ཞེས་ཟེར་བའོ། །རེ་བ་ནི་སྲིང་མོ་ཁྱོད་དང་འོ་བུ་འདི་དང་འདི་
[67b.4]ལྟ་བུ་ནམ་སྤྱོད་ཅིག་གུ་ཞེས་ཟེར་བའོ། །གཤེ་ཞེས་པ་ནི་ཁྱོད་བོང་#བུ་དང་འདི་ལྟ་བུ་དག་#སྤྱོད་ཅིག་ཅེས་པ་ལ་སོགས་པ་གཤེ་ཞིང་རྒྱ་གག་ལྟ་བུ་ཟེར་བའོ། །སླར་ཟློས་#པའི་ཚིག་ཅེས་པ་ནི་བུད་མེད་པས་སྔོགས་པ་དང་། མི་སྔོགས་པ་ལ་སོགས་པའི་ཐ་སྙད་གླེང་ཞིང་ཟེར་ན་
[67b.5]དེའི་ཚིག་བཞིན་དུ་ཟློས་#ཤིང་ཁས་ལེན་པའོ། །སྐྱེ་བོ་རྣམས་ཀྱི་ཐ་སྙད་ཀྱི་དབང་གིས་#དོན་ཐ་དད་དུ་བསམས་པ་ནི་ཉེས་མེད་ཅེས་པ་ནི། ཡུལ་དབུས་ཀྱི་སྐད་དུ་ཀུན་དེ་ཞེས་བྱ་བ་ཀོ་#ལ་བའི་སྐད་དུ། མོ་མཚན་ལ་བྱ་བ་ལྟ་བུ་ཆུ་སྣོད་ལ་བསམས་ཏེ། ཡུལ་འདི་ལྟ་བུར་སྨྲས་
[67b.6]པ་ཉེས་མེད་པར་སྟོན་པའོ། །མིང་གི་#ཤས་འདྲ་བར་ཡང་ངོ་ཞེས་པ་ནི་རྒྱ་དང་རྒྱོ་ལྟ་བུ། མིང་གི་བབས་འདྲ་བར་ལས་ལྕེ་འཁྲུལ་ཏེ་རྒྱ་ལས་རྒྱོར་#ནོར་བ་ལྟ་བུ་ཉེས་མེད་པར་སྟོན་པའོ། །སྨྲེ་ཚིག་ཏུ་སྨྲ་བ་རྣམ་པར་འབྱེད་པའོ།། །།#ཞུས་པ་ལས་འབྱུང་བ་སྡུད་ཅིང་སྟོན་པའོ། །
[67b.7]ཁྱོད་སྡུག་གོ་ཞེས་ཟེར་ན་སྦོམ་པོའོ་ཞེས་པ་ལ་སོགས་པ་ཡིན་ཏེ། མཛེས་ཤིང་སྡུག་པ་སྐད་དུ་ཟེར་ཞིང་སྐུགས་ན་སྤོམ་པོར་འགྱུར་བའོ། །ཁྱོད་སྡིག་ཕུན་ནོ་#ཞེས་པ་ནི་ཁྱོད་མི་སྡུག་ཅིང་སྡིག་ཏོ་ཅན་ནོ་ཞེས་ཟེར་ཞིང་སྐུགས་ན་སྦོམ་པོར་འགྱུར་བའོ། །#བགོ་བཤའ་གྱིས་
[68a]
[68a.1]ཤེ་#ནའོ་ཞེས་པ་ནི་མི་ཚངས་པར་སྤྱོད་པའི་སྐུགས་པའི་སྙད་འདི་སྐད་དུ་ཟེར་ན་ཡང་སྦོམ་པོར་འགྱུར་བའོ། །བགོ་#སྐལ་བ་ལའོ་ཞེ་ནའོ་ཞེས་པ་ནི་བགོས་པའི་ཤས་ང་ལ་བྱིན་ཞེས་ཟེར་ནའང་སྦོམ་པོར་འགྱུར་བའོ། །ང་དང་ལྷན་ཅིག་ཏུ་ཉལ་བའམ། འདུམ་བར་གྱིས་ཤེ་ནའོ་
[68a.2]ཞེས་པ་ནི། སྙད་འདི་སྐད་དུ་སྐུགས་ནའང་སྦོམ་བོར་འགྱུར་བའོ། །སྨྲེ་ཚིག་ཏུ་སྨྲས་པ་ཞུས་པའོ།། །།#བྱེ་བྲག་ཏུ་ངེས་པ་ལས་འབྱུང་བར་སྡུད་ཅིང་སྟོན་པ་ནི། འཕྲུལ་གྱིས་རྣམ་པར་འཕྲུལ་པའི་ཆོས་ཅན་ལ་སྨྲ་ན། དེ་བཞིན་ཞེས་པ་ལ་སོགས་པ་ཡིན་ཏེ། ནམ་མཁའ་ལས་
[68a.3]འགྲོ་བ་ལ་སོགས་པའི་རྫུ་འཕྲུལ་ཅན་ལ། རྒྱོ་ཚིག་ཏུ་སྨྲས་ཏེ་ཉལ་པོ་སྐུགས་ན་སྦོམ་པོར་འགྱུར་བའོ། །འདི་ནི་མཇུག་གི་བར་དུ་ཐམས་ཅད་སྦོམ་པོར་སྟོན་པ་ཤ་སྟག་ཏུ་རིག་པར་བྱའོ། །རྒྱ་བསླང་ཞེ་ནའོ་ཞེས་པ་ནི། འདི་སྐད་དུ་ཟུར་གྱིས་ཟེར་ན་ཡང་ཉེས་པར་འགྱུར་བའོ། །སྲིང་
[68a.4]མོ་ང་ལ་བྱིན་ཞེས་པ་ནི་སྐུགས་པའི་སྐད་འདི་སྐད་དུ་ཟེར་ན་ཡང་ཉེས་པར་འགྱུར་བའོ། །སྲིང་མོ་གང་ཁྱོད་ལ་སྣང་བ་དེ་བྱིན་ཞེས་པ་དེ་#ཡང་གོང་མ་དང་འདྲ་སྲིང་མོ་གང་ཁྱོད་ཀྱི་མདུན་ན་བ་དེ་བྱིན་ཞེས་པ་དང་། སྲིང་མོ་གང་ཁྱོད་ཀྱི་ཡིད་དུ་འཐད་པ་དེ་བྱིན་ཞེས་ཟེར་ན་ཡང་གོང་མ་བཞིན་
[68a.5]བདག་ལ་ཁྱོད་འདོད་པ་བྱིན་ཅིག་ཅེས་ཟེར་ན། ཁྱོད་ཅི་འདོད་སྨྲས་ཞེས་པ་དང་། ང་འདོད་པ་ནི་སྲིང་མོ་ཁྱོད་དོ་ཞེ་ནའོ་ཞེས་པ་ནི། ཚུལ་བླངས་པའི་ལན་དུ་འདི་སྐད་ཟེར་རམ་ཁྱིམ་ཐབ་#གྱིས་བསྒོ་བའི་ཕྱིར། འདི་སྐད་དུ་ཟེར་བ་ལས། ང་འདོད་པ་ལྟ་སྲིང་མོ་ཁྱོད་ན་ཉིད་མོད་
[68a.6]ཅེས་ཟེར་ན་ཡང་གོང་མ་བཞིན། སྲིང་མོ་ཆུ་དང་བཅའ་བ་དང་། ཐུག་པ་དང་ཟས་ང་ལ་བྱིན། ཁྱོད་ཉིད་དེའོ་ཞེས་ཟེར་ནའོ་ཞེས་པ་ནི་ཟས་སྐོམ་དང་འདྲ་བར། ཁྱོད་ཉིད་བསླང་ཞིང་#འདོད་དོ་ཞེས་ཟེར་ན་ཡང་གོང་མ་བཞིན། ཁྱོད་བོང་བུ་དང་དེ་བྱོས་ཤིག་ཅེ་#ནའོ་ཞེས་པ་ནི།
[68a.7]གཤེ་བའི་སྙད་འདི་སྐད་དུ་ཟེར་བས་སྐུགས་ན་ཡང་གོང་མ་བཞིན། སྲིང་མོ་ཁྱོད་བསོད་སྙོམས་སྤྱོད་པ་ནི་སྐྱེས་པ་སྐུགས་པ་སྤྱོད་དུ་ཟད་དོ་ཞེས་པ་ནི། དགེ་སློང་མ་བསོད་སྙོམས་པ་ལ་ཁྱོད་བཞག་#ཀྱང་ལས་ན། སྐྱེས་པ་དྲོང་#ཞིང་སྐུགས་པའི་ཕྱིར། བསོད་སྙོམས་སྤྱོད་དོ་
[68b]
[68b.1]ཞེས་ཟེར་ན་ཡང་གོང་མ་བཞིན། འདིར་མགལ་པ་ཆུག་ཅེ་ན་ཡང་ངོ་ཞེས་པ་ནི། འདི་སྐད་དུ་ཟེར་ན་ཡང་གོང་མ་བཞིན། རང་བཞིན་གྱི་གནས་ངན་ལེན་དུ་སྨྲས་ནའོ་ཞེས་པ་ནི། ཡོང་གིས་#ཁང་ཅན་དུ་སྨྲ་བ་ཞིག་སྟེ། འདོད་ཆགས་ཀྱི་མ་ཡིན་བར། རྒྱོ་ཚིག་རངས་པར་སྨྲ་#ན་
[68b.2]ཡང་གོང་མ་བཞིན། སྨྲེ་#ཚིག་སྨྲ་བ་བྱེ་བྲག་ཏུ་ངེས་པའོ། །སྨྲེ་#ཚིག་སྨྲ་བའོ།། །།#ཀུན་སྤྱོད་དགེ་འདུན་གྱི་ལྷག་མ་འཆད་པར་འདོད་པ་ནི། འཁྲིག་པས་བདག་གི་ཀུན་སྤྱོད་པར་བསྔགས་ནའོ་ཞེས་པ་ལ་སོགས་པ་ཡིན་ཏེ། བུད་མེད་ལེགས་ཉེས་ཀྱི་ཟུར་ཆ་ཤེས་པ་ལ་ངའི་#བདེ་
[68b.3]བ་འདོད་པ་དང་། ཆགས་པར་ལྡན་ཏེ་ལོག་པར་བསྒྲུབ་པའི་བསྔགས་#པས་ཀུན་#སྤྱོད་ཀྱི་ནང་ན། འཁྲིག་པས་ཀུན་སྤྱད་པ་ནི། མཆོག་དམ་པའོ་ཞེས་པ་ལ་སོགས་པ་འདི་སྐད་དུ་ཟེར་ན། དགེ་འདུན་གྱི་ལྷག་མར་འགྱུར་བའོ། །དེས་བསྔགས་པའི་རྗེས་སུ་ཡི་རང་བའི་#ཕྱིར།
[68b.4]སྨྲ་བ་ཡང་དེ་བཞིན་ཞེས་པ་ནི་བུད་མེད་ན་རེ་ཁྱོད་ལྟ་བུར་ཚུལ་ཁྲིམས་དང་ལྡན་པའི་འཕགས་པ་ལ། འཁྲིག་པས་ཀུན་སྤྱད་པ་ནི། ཀུན་སྤྱད་པའི་ཕུལ་ཞེས་པ་ལ་སོགས་པར་སྨྲ་ན། དགེ་སློང་དེའི་རྗེས་སུ་ཡི་རང་#ཞིང་སྲིང་མོ་ཁྱོད་ཟེར་བ་བདེན་ཏེ། དེ་བཞིན་ནོ་ཞེས་ཟེར་ན་#
[68b.5]ཡང་དགེ་འདུན་གྱི་ལྷག་མར་འགྱུར་བའོ། །དེ་བཞིན་དུ་ཟློས་ནའོ་ཞེས་པ་ནི་བུད་མེད་གོང་མ་སྐད་དུ་ཟེར་བ་ལ་སོགས་པ་དེའི་ཚིག་བཞིན་དུ་དགེ་སློང་གིས་#བཟླས་ཏེ། ཁས་བླངས་ན་རྩ་བར་འགྱུར་བའོ། །འཁྲིག་པའམ་དེ་མ་སྨོས་ན་སྦྱོར་བའོ་ཞེས་པ་ནི་སྙད་གཞན་རྒྱས་པར་སྨོས་ལ་
[68b.6]བདག་གམ་འཁྲིག་པ་གཅིག་དེར་མ་སྨོས་ན་སྦོམ་པོར་འགྱུར་བའོ། །གཉི་ག་ན་དེའི་འོ་ཞེས་པ་ནི་བདག་དང་འཁྲིག་པ་གཉིས་ཀ་མ་སྨོས་ན་སྦྱོར་བ་སྟེ་ཉེས་བྱས་སུ་སྟོན་པའོ། །ཀུན་སྤྱོད་པར་བསྔགས་པའོ།། །།#སྨྱན་བྱེད་པ་དགེ་འདུན་གྱི་ལྷག་མར་བསྟན་པ་ནི། སྤྲད་པ་
[68b.7]ཞེས་པ་ལ་སོགས་པ་ཡིན་ཏེ། ཐ་ན་བླངས་#པ་དང་བསྙད་པ་དང་སླར་བསྐྱལ་བ་ཙམ་གྱི་#ཉེས་པ་རངས་པར་མི་འགྱུར་གྱི། གཉིས་ཀྱིས་གཉིས་སྤྲད་པས་ཉེས་པ་རངས་པར་སྟོན་པའོ། །སུས་སྤྲད་ཅེ་ན། གཞན་ཞེས་པ་ཡིན་ཏེ་བདག་གི་མ་ཡིན་གྱི་གཞན་གྱི་གཉེན་#བྱས་
[69a]
[69a.1]ནའོ། །སུ་དང་ཞེ་ན་གཞན་དང་ཞེས་པ་ཡིན་ཏེ། གང་ཟག་གཞན་དང་གཞན་མིར་གཏོགས་པ་མཚན་དང་ལྡན་པ་སྤྲད་ནའོ། །ཚུལ་ཇི་ལྟ་བུས་གཞན་དང་སྤྲད་པའི་ཉེས་པར་འགྱུར་ཞེ་ན། དེའི་ཕྱིར་མ་ཁུགས་པ་ཁུགས་#པར་བསྒྲུབ་པ་ནི་སྤྲད་པ་ལ་ཕོ་ཉའི་
[69a.2]ཆ་བླངས་ཅིག་ཤོས་པོ་ལ་བསྙད། དེའི་ཆ་ཁུངས་པོ་ལ་སླར་བསྙད་ནའོ་ཞེས་པ་ཡིན་ཏེ། དེ་གཉིས་སྤྲད་པའི་ཕྱིར་སྔུན་མ་འདུས་པས་སྡུད་དེ་གཅིག་ལས་ཆ་བླངས་ན་ཅིག་ཤོས་པོ་ལ་#བསྙད། དེའི་ཆ་སྐད་སྔུན་གྱི་ཁུངས་སུ་སླར་བསྐྱལ་ཏེ་སྤྲད་ན་ཉེས་པ་རངས་པར་འགྱུར་
[69a.3]རོ། །བར་མར་གྱུར་ནས་དེས་ཐོས་ན་བྱས་པའོ་ཞེས་པ་ནི་ཐན་བླངས་ནས་གཅིག་#ལ་བསྙད་དེ་བར་མ་ཡིན་ཏེ། བར་དེ་སྨྲས་པ་དང་། ཕས་ཀྱི་ལན་བདག་གིས་མ་བསྐྱལ་བར་དང་པོ་སྤྲིང་བར་བྱེད་པ་ཉིད་ཀྱིས་ཐོས་སམ་གུད་ནས་བརྒྱུད་དེ་ཐོས་ན། དེས་སླར་#ལན་
[69a.4]མ་བསྐྱལ་བ་མ་ཡིན་ཏེ། བསྐྱལ་བ་དང་འདྲ་བས་ནི། སྤྲད་ན་ཉེས་པ་རངས་པར་འགྱུར་བའོ། །འདི་དག་གི་བྱ་བ་ནི་ཐ་དད་དོ་ཞེས་པ་ནི་ཐན་བླངས་པ་དང་བསྙད་#པ་དང་སླར་བསྐྱལ་#བ་གསུམ་སྦྱོར་བ་གཅིག་ཏུ་བསྡུར་མི་རུང་སྟེ། སྦྱོར་བ་སོ་སོ་བར་སྟོན་པའོ། །མི་ན་ཐ་མར་#
[69a.5]མ་བྱས་ཀྱང་མ་#སྦྱོར་བ་མ་ཡིན་ཞེས་པ་ནི་མིའི་འགྲོ་བ་མངལ་ན་འདུག་པ་ལྟ་བུའམ་ཅིག་ཤོས་ཤིའམ་གུད་དུ་སོང་བ་ལྟ་བུའི་རྐྱེན་གྱིས་བཙལ་#ཏེ་སྨྱན་གྱི་མཇུག་མ་གྲུབ་ན་སྔོན་གྱི་སྦྱོར་བ་ལྡེབས་སུ་མི་སྟོར་བར་སྟོན་པའོ། །འབྲས་བུ་གཅིག་གི་བྱ་བ་ཟིན་ན་བྱེད་པ་སོ་སོ་ཆུད་མི་ཟ་#
[69a.6]ཞེས་པ་ནི་མི་མང་པོ་ཞིག་གིས་གཉིས་སྤྲད་པའི་སྨྱན་བྱས་ན། སྨྱན་བྱེད་པ་དུ་ཡོད་པ་ཐམས་ཅད་ལྷག་མ་རེ་རེར་འགྱུར་གྱི། མང་པོའི་ལྡེབས་སམ་ཁོངས་རླག་ཏུ་མི་འགྱུར་བར་སྟོན་པའོ། །འདིར་ཕོ་ཉ་ནི་བདག་གོ་ཞེས་པ་ནི་སྨྱན་གྱི་སྐབས་འདིར་ཕོ་ཉ་ལྟ་བུ་ཡང་བདག་དང་འདྲ་སྟེ།
[69a.7]དེས་ཐན་བླངས་པ་ལ་སོགས་པ་སྦྱོར་བ་གསུམ་གྱིས་སྤྲད་ན་ཡང་ཉེས་པ་རངས་པར་འགྱུར་བའོ། །ཡང་ན་སྨྱན་གྱིས་ཤིག་པར་ཕོ་ཉ་ལས་ཆ་ལན་བླངས་ཤིང་བསྐྱལ་ན་ཡང་དེ་བཞིན་དུ་ཉེས་པར་འགྱུར་བའོ། །དེའི་བདག་པོ་ནི་སྤྲད་པའོ་ཞེས་པ་ནི་སྤྲད་པར་བྱ་བ་གཉིས་#ཀྱི་
[69b]
[69b.1]ཕ་མའམ་རྗེ་དཔོན་ལྟ་བུ་བདག་པོ་ཡོད་པ་ལ་ཐག་བཅད་དེ་སྤྲད་ན་#ཉེས་པ་རངས་པར་འགྱུར་བའོ། །ཉེས་བྱས་སུ་བྱེད་པ་ན་གཞན་ལའོ་ཞེས་པ་ནི་སྤྲད་པ་གཉིས་ཀྱི་བདག་པོ་མ་ཡིན་ཏེ་དབང་མེད་པ་གཞན་ལ་ཐན་བླངས་པ་ལ་སོགས་པའི་སྦྱོར་བ་བྱས་ཀྱང་ཉེས་བྱས་སུ་ཟད་པར་སྟོན་
[69b.2]བའོ། །ཡི་གེ་དང་ཡིག་བརྡ་དང་ཕྱོགས་དང་བརྡ་དང་མཚན་མ་རྣམས་ནི་ཚིག་བཞིན་ཞེས་པ་ནི་འདི་རྣམས་གང་ལྟར་བྱས་ཀྱང་ཚིག་གིས་བསྒྲུབས་པ་#དང་འདྲ་སྟེ། ཉེས་པ་རངས་པར་སྟོན་པའོ། །དེ་ལ་#ཕྱོགས་ཞེས་པ་ནི་ཀུན་དགའ་ལ་སོགས་པའི་ཕྱོགས་སུ་དུས་བཏབ་
[69b.3]པའོ། །བརྡ་ཞེས་པ་ནི་སྔ་དྲོ་ལ་སོགས་པའི་བརྡ་སྐད་སྦྱོར་བའོ། །མཚན་མ་ཞེས་པ་ནི་སྐྲ་བྲེགས་ཤིང་གོས་ངུར་སྨྲིག་བགོས་ན་ཞེས་པ་ལ་སོགས་པའོ། །སྟུ་འཚོང་མ་ནི་མ་ཁུགས་#པའོ་ཞེས་པ་ནི་སྟུ་འཚོང་མ་ལྟ་བུ་ཟོང་སྦྱིན་པ་ལ་རག་ཏུ་ཟད་པས་མ་ཁུགས་#པ་གཟོད་འགུགས་པ་
[69b.4]ལ་མ་གཏོགས་པ་རེ་བ་བསྩལ་#བའི་ཕྱིར་འདི་སྐད་དུ་སྨོས་པ་ཡིན་ཏེ། མ་ཁུགས་པ་གཟོད་འགུགས་པ་དང་འདྲ་བས་ན་སྤྲད་ན་ཡང་ཉེས་པ་རངས་པར་སྟོན་པའོ། །བཞི་ཚུན་ཆད་བདག་གི་མ་ཡིན་པར་ཞུགས་པའོ་ཞེས་པ་ནི་སྔོན་མཛའ་ན་ལྟ་བུའི་ཚུལ་དུ་ལན་གསུམ་ཚུན་ཆད་སྤྲད་
[69b.5]ཀྱི། བཞིར་མ་སྤྲད་པ་ཞིག་ན་#རྣལ་དུ་ཁུགས་པ་མ་ཡིན་པའི་ཕྱིར། མ་ཁུགས་པ་གཟོད་འགུགས་པ་དང་ཉེས་པ་རངས་པར་འགྱུར་བའོ། །འཐབས་ནས་ཞིག་གོ་ཞེས་པ་ནི་ན་ཉུང་#ངམ་ཆུང་མ་གང་ཡང་རུང་#སྔོན་དབང་དུ་རེད་ཅིང་གོང་རྙིང་དུ་གྱུར་པ་ལས་འཐབས་ན་དབང་དུ་རེད་
[69b.6]པ་གོང་རྙིང་#ཞིག་པའོ། །ཆུང་མའོ་ཅོག་འཐབས་#པས་འཇིག་གམ་ཞེ་ན། དེའི་དབང་དུ་རེད་པ་#ལས་ཆུང་མ་མ་ཡིན་པར་བསྒྲགས་ནའོ་ཞེས་པ་ཡིན་ཏེ། ཆུས་བྱིན་པ་དང་རིན་གྱིས་ཉོས་པ་དང་རྒྱལ་མཚན་གྱིས་སྲོགས་པ་གསུམ་ནི་དབང་དུ་བྱས་པ་ཡིན་པས་ན་འཐབས་ཏེ་
[69b.7]ཆུང་མ་ཡིན་པར་བསྒྲགས་པ་ལས་བསྡུམས་ན་ཉེས་པ་རངས་པར་འགྱུར་བའོ། །སྲོག་ཆགས་བཞིན་པ་ནི་དེའི་མོད་ལ་བ་དང་། འཐབས་མ་ཐག་པ་དང་། རྩྭ་#བཅད་པ་དང་། རྡོ་གསུམ་བོར་བ་དང་། སྤྱད་པ་བཏང་བ་དང་། ཆུང་མ་མ་ཡིན་པར་བསྒྲགས་པ་དང་།
[70a]
[70a.1]དྲིལ་བརྡུངས་#པ་རྣམས་སོ་ཞེས་པ་ནི་སེམས་ཅན་དུ་མའི་སྨྱན་བྱས་ན་#དུས་སྤྲད་པའི་གྲངས་བཞིན་#དུ་སྦྱོར་བ་དང་། རྩ་བར་འགྱུར་བ་དང་འདྲ་བར་འཐབས་པ་མིང་གིས་སྨོས་པ་འདི་རྣམས་ལས་སླར་བསྡུམས་#ན་འཐབས་པའི་རིམ་པ་བཞན་#དུ་ཉེས་པར་འགྱུར་བའོ། །
[70a.2]དེ་ལ་དེའི་མོད་ལ་ཞེས་པ་ནི་འཐབས་པའི་མོད་ལ་དགེ་སློང་གིས་བཅུག་ཅིང་བསྡུམས་པའོ། །དེ་མ་ཐག་པ་ཞེས་པ་ནི་འཐབས་པའི་འོག་ཏུ་རྩྭ་#བཅད་ཅེས་པ་ནི་རྩྭ་#ཏི་ལིན་ཏི་ལི་ཀ་རྐེད་དུ་བཅད་པ་བཞིན་དུ་བདག་ཅག་སྦ་ཤུག་ཀྱང་གྱེས་ཏེ་མི་འདུམ་#མོ་ཞེས་ཟེར་ཞིང་འཐབས་པའོ། །རྡོ་
[70a.3]གསུམ་བོར་ཞེས་པ་ནི་རྡོ་གསུམ་ཕྱོགས་གསུམ་དུ་བོར་བའམ་རྡོ་གསུམ་གྱིས་བསྣུན་ཏེ་འཐབས་ཤིང་གྱེས་པའོ། །སྤྱོད་པ་བཏང་ཞེས་པ་ནི་སོ་ནམ་བཏང་བའམ། ཁྱིམ་ཐབ་#ལ་རིམ་གྲོ་བྱེད་དུ་མ་བཅུག་པའོ། །ཆུང་མ་མ་ཡིན་པར་བསྒྲགས་ཞེས་པ་ནི་ངའི་ཆུང་མ་མ་ཡིན་
[70a.4]ནོ་ཞེས་པར་འཇིག་རྟེན་ཀུན་ཤེས་པར་བསྒྲགས་པའོ། །དྲིལ་བརྡུངས་ཞེས་པ་ནི་ཁྱིམ་ཐབ་#གཏོང་བའི་ཕྱིར་ལྷ་ཁང་#དུ་སོང་ནས་དྲིལ་བརྡུང་བའོ#། །འདི་ལ་ཉེས་བྱས་སུ་བྱེད་པ་ནི་ཐོག་མ་གསུམ་མོ་ཞེས་པ་ནི་དེའི་མོད་ལ་བ་དང་། དེ་མ་ཐག་པ་དང་། རྩྭ་#བཅད་པའི་འཐབས་#པ་གསུམ་
[70a.5]ལས་སླར་བསྡུམས་ན་ཉེས་བྱས་སུ་འགྱུར་བའོ། །དེ་ལ་འདི་ཞེས་པ་ནི་དབང་དུ་བྱས་པ་ལ་གཏོད་པའི་ཚིག་གོ། །དེ་ལ་དབང་དུ་བྱས་པའི་ཆུང་མ་དང་འཐབས་ཏེ་རྡོ་གསུམ་བོར་བ་ལས་བསྡུམས་ན་སྔ་མའི་ཉེས་བྱས་གསུམ་དང་། སྦོམ་པོ་གཅིག་གོ། །སྤྱད་པ་བཏང་#བ་ལས་བསྡུམས་ན་
[70a.6]ཉེས་བྱས་གསུམ་དང་སྦོམ་པོ་གཉིས་སོ། །ཆུང་མ་མ་ཡིན་པར་བསྒྲགས་པ་ལས་བསྡུམས་ན་ཉེས་བྱས་གསུམ་སྦོམ་པོ་གསུམ་ལྷག་མ་གཅིག་གོ། །དྲིལ་བརྡུངས་པ་ལས་བསྡུམས་ན། ཉེས་བྱས་གསུམ་སྦོམ་པོ་བཞི། ལྷག་མ་གཉིས་སོ། །རིམ་བཞིན་དུ་མ་འཐབས་ན་འདི་དག་
[70a.7]སོ་སོའི་ཉེས་པ་དམིགས་དང་སྦྱར་བར་ཟད་དོ། །འདི་ཅིའི་ཕྱིར་ཁྱིམ་མི་དབུབ། འདིའང་གྱོས་པོའི་ཁྱིམ་དུ་མི་འགྲོ་མི་འདྲི་ཞེས་སྨྲས་ནའོ་ཞེས་པ་ནི་ཁྱེའུ་འདི་ཅིའི་ཕྱིར་ཁྱིམ་མི་དབུབ། བུ་མོ་འདི་ཅིའི་ཕྱིར་སོ་ནམ་འཛིན་དུ་མི་གཞུག་ཅེའམ། ཁྱེའུ་དེ་འདི་དེར་ཅིའི་ཕྱིར་མི་འགྲོ།
[70b]
[70b.1]བུ་མོ་#འདི་གྱོས་པོའི་དེར་ཅིའི་ཕྱིར་མི་འགྲོ་མི་འདྲི་ཞེས་ཟེར་ན་ཉེས་བྱས་སུ་འགྱུར་བའོ། །སྨྱན་#བྱེད་པ་རྣམ་པར་འབྱེད་པའོ། །སྨྱན་བྱེད་པ་ཞུས་པ་ལས་འབྱུང་བ་སྟོན་པ་ནི་སྦྲུམ་པ་དང་མེད་པ་དང་། ངེས་པ་དང་བསྟེན་#པ་མེད་པ་དང་། ཉོས་པ་དང་ཁུགས་པ་དང་། བདག་གིས་#སྨྱན་བྱེད་པ་
[70b.2]ནི་སྦོམ་པོའོ་ཞེས་པ་ནི་འདི་རྣམས་ལྟ་བུའི་སྨྱན་བྱས་ན་སྦོམ་པོར་འགྱུར་བ་སྟེ། དེ་ལ་སྦྲུམ་བ་ནི་མངལ་ན་ཡོད་པའི་སྨྱན་བྱེད་པའོ། །མེད་པ་#ནི་མངལ་ན་མེད་པའིའོ། །ངེས་པ་ནི་དཀའ་ཐུབ་ལ་གནས་ཤིང་འདུ་བ་སྡོམ་པས་སྤོང་བའོ། །བསྟེན་པ་མེད་པ་ནི་མ་ནིང་དང་ཟ་མ་ལྟ་བུ་གཞུག་
[70b.3]གནས་མེད་པའོ། །ཉོས་པ་ནི་ཉོས་ཟིན་པའམ་བག་མར་བླངས་ནས་སྙོལ་ཞིང་#སྡུམ་པའོ། །ཁུགས་པ་ནི་ཁུགས་ཏེ་དབང་དུ་བྱས་པའོ། །བདག་གིས་#སྨྱན་བྱེད་པ་ནི་མི་འདི་ལྟ་བུ་ཞིག་འཕྲད་པར་འདོད་ན། ཇི་ལྟ་ཞེས་ཁུངས་གུད་དུ་འབྱིན་ཅིང་བདག་གི་ཕྱིར་སྐུགས་པའོ། །ཁས་
[70b.4]བླངས་པ་བསྟན་ནའོ་ཞེས་པ་ནི་བུད་མེད་དུས་མལ་དུ་སྡོད་པ་འགྲོ་བའི་ལམ་ཡོགས་སུ་མཐོང་བ་ལས་སྐྱེས་པ་དུས་མལ་དུ་འོངས་བས་#འདི་ལྟ་བུའི་བུད་མེད་ཇི་མཐོང་ཞེས་སྨྲས་པ་དང་། རྒྱུས་ཤེས་བཞིན་དུ་ཤིང་ངམ་རྩིག་དྲུང་འདི་ལྟ་བུ་ཞིང་#ན་སྡོད་ཅིང་འདུག་གོ་ཞེས་བསྟན་ན་སྦོམ་པོར་
[70b.5]འགྱུར་བའོ། །འཐབ་གཅུགས་#ཀྱིས་འཕྲོགས་པའོ་ཞེས་པ་ནི་དགེ་སློང་གིས་#ཁྱིམ་ཐབ་འཐབ་མོ་སྐུགས་#ཤིང་མིག་བླངས་པའི་བར་དུ་ཆུང་མ་གཞན་དང་ཉལ་པོ་བྱེད་དུ་བཅུག་ན་ཡང་སྦོམ་པོར་འགྱུར་བའོ། །བུད་མེད་དམ་ཆེ་གེ་མོ་ཆུང་མར་ཉོས་ཞེས་ཟེར་ནའོ་ཞེས་པ་ནི་བུད་མེད་ཀྱི་
[70b.6]མིང་ནས་སྨོས་ནས་དེ་ཆུང་མར་བླངས་ན་ཅི་ཉེས་ཤེ་#ན་སྦོམ་པོར་འགྱུར་བའོ། །བུད་མེད་ཅེ་ན་ཉེས་བྱས་ཞེས་པ་ནི་མིང་ནས་མ་སྨོས་པར་བུད་མེད་ཉོ་ན་ཅི་ཉེས་ཞེས་ཟེར་བ་ནི་ཉེས་བྱས་སུ་འགྱུར་བའོ། །འགའ་རྙེད་དམ་ཞེ་ན་ཡང་ངོ་ཞེས་པ་ནི་བུད་མེད་དང་ཆུང་མ་ལྟ་རྙེད་དམ་ཞེས་འདི་ན་ཡང་
[70b.7]ཉེས་བྱས་སུ་འགྱུར་བའོ། །སྨྱན་བྱེད་པ་ཞུས་པའོ།། །།#སྨྱན་བྱེད་པ་བྱེ་བྲག་ཏུ་ངེས་པ་ལས་འབྱུང་བ་སྟོན་པ་ནི། བྱིན་པ་ལས་བཀྱིགས་པ་སྤྲད་ན་སྦོམ་པོའོ་ཞེས་པ་ནི་སྔོན་གཉེན་དུ་འཐབས་ཟིན་པ་ཞིག་ལས་གཉེན་ཟླ་གཅིག་ཅིག་#གིས་བཀྱིགས་སམ་ཕོངས་དོར་བྱས་པ་ལས་དགེ་
[71a]
[71a.1]སློང་གིས་བསྡུམས་ཤིང་སྤྲད་ནའོ། །ཆོས་ཀྱི་ཆེད་ཀྱིས་བརྗེད་དེ་བོས་ནའོ་ཞེས་པ་ནི་བསོད་ནམས་བྱེད་པའི་སྔན་དགས་ལྟ་བུར་སྐྱེས་པའམ་བུད་མེད་འབོད་ཅིང་སྤྲོད་ན་སྦོམ་པོར་འགྱུར་བའོ། །གཞན་གྱི་དོན་དང་ལྡན་ན་ཡང་ངོ་ཞེས་པ་ནི་ཆོས་ཀྱི་ཆེད་ཀྱིས་གོང་མ་
[71a.2]ལྟར་བྱེད་པ་ནི་མ་ཡིན་གྱི#། ཁྱིམ་འདི་དང་སྐྱེ་བོ་འདི་ཀུན་ཁྱོད་ལ་འབུལ་ལོ་ཞེས་པའི་ཐན་སྐྱེལ་བ་ལྟ་བུ་ལ་སོགས་པ་གཞན་གྱི་#ཚུལ་གྱིས་འབོད་ཅིང་སྐད་སྦྱོར་ན་སྦོམ་པོར་འགྱུར་བའོ། །མ་ཁྲོས་ན་ཡང་གཞན་དུ་ཞེས་པར་སེམས་ཅན་མ་འདུས་པ་མ་ཡིན་ཞེས་པ་ནི་འཚོག་པའི་ལྟུང་བ་
[71a.3]ལས་མ་ཁྲོས་ན་ཡང་ཀ་བ་ལ་མི་བསྣུན། རྩིག་པ་ལ་མི་བསྣུན། གཞན་དུའང་མ་ཡིན་ཞེས་འབྱུང་བས་ན། གཞན་དུའང་མ་ཡིན་ཞེས་པའི་ཁོངས་སུ་སེམས་ཅན་ཡང་མ་འདུས་པ་མ་ཡིན་པར་སྟོན་པ་སྟེ། སྐབས་འདིར་ཅིར་སྟོན་ཅེ་ན། སྐྱེས་པ་དང་བུད་མེད། སྔོན་བརྡ་སྐད་སྦྱར་བ་
[71a.4]ལྟར་དགེ་སློང་གིས་ལུས་ལ་ཁུ་ཚུར་རམ་ཐལ་མོས་བསྣུན་པ་དང་། སྐད་འབྱོར་ཅིང་སྤྲད་#པར་གྱུར་པ་ལྟ་བུའི་གླེང་གཞི་ཡོད་པས་ན་ཉེས་བྱས་སུ་འགྱུར་བར་སྟོན་པའོ། །སྨྱན་བྱེད་པ་བྱེ་བྲག་ཏུ་ངེས་པའོ། །སྨྱན་བྱེད་པའོ།། །།#ཁང་པ་དགེ་འདུན་གྱི་ལྷག་མ་སྟོན་པར་འདོད་པ་ནི། སྤྱོད་
[71a.5]ལམ་བཞི་མི་ཤོང་ན་ཉེས་མེད་ཅེས་པ་ལ་སོགས་པ་ཡིན་ཏེ། འགྲེང་བ་དང་། འདྲེས་པ་དང་། འགྲོ་བའི་སྤྱོད་ལམ་སྤྱད་#པར་བྱར་མེད་པའི་དོག་པ་ལྟ་ཞིག་བརྩིགས་#ན་ཉེས་པར་མི་འགྱུར་བའོ། །བཅོལ་#བ་དང་མ་བཅོལ་བ་མི་བཙན་#ཞེས་པ་ནི་ཁང་པ་བརྩིགས་#པ་མ་བརྟགས་པ་ལ་སོགས་
[71a.6]པའི་སྐྱོན་ཡོད་ན་རྩིག་#ཏུ་བཅུག་པའི་མི་ལ་ཡང་ཉིད་ཀྱིས་བརྩིགས་པ་དང་འདྲ་བའི་ཉེས་པ་རངས་པར་འགྱུར་བའོ། །བཅོལ་ཀྱང་བདག་བཞིན་ཞེས་པ་ནི་མ་བརྟགས་པ་ལ་སོགས་པའི་སྐྱོན་ཡོད་ན་ཕ་རོལ་རྩིག་#ཏུ་བཅུག་ཀྱང་ཉེས་པ་བདག་ལ་འདྲེ་བར་སྟོན་པའོ། །སྨྲས་པ་བཞིན་དུ་མ་བྱས་ཀྱང་
[71a.7]ལུས་དང་ངག་གིས་ཁས་ལེན་པའོ་ཞེས་པ་ནི་སྔར་རྩིག་ཏུ་བཅོལ་བའི་ཚེ། ཇི་ནས་ཀྱང་བརྟགས་ཤིང་རུང་བར་གྱིས་ཤིག་བསྒོ་བ་ལས་བཅོལ་བའི་མིང་དེས་བསྒོ་བ་བཞིན་དུ་མ་བྱས་ཏེ་མ་བརྟགས་ཤིང་མི་རུང་བར་བརྩིགས་པ་ལས་བཅོལ་བ་དེ་དེར་ཕྱིས་འོངས་པ་དང་། ངག་གིས་མ་ཉེས་ཏེ་
[71b]
[71b.1]ལེགས་སོ་ཞེས་ཟེར་རམ། ལུས་ཀྱིས་#ཤིང་རྩི་ལ་སོགས་པ་སྣོན་ཅིང་སློང་ན་གཉི་ག་ལ་ཉེས་པ་རངས་པར་འགྱུར་རོ། །བྱེད་བ་ནི་མཆོག་གོ་ཞེས་པ་ནི་ཁྱིམ་བརྩིགས་པར་བརྩམས་པ་ལས། གཏན་དུ་ཡེ་མ་བཏང་བར་བྱས་པ་ནི་མ་ཡིན་གྱི་ལོ་འགའ་འམ་ཟླ་བ་དུ་མས་བཅད་དེ་ལབས་ཀྱིས་ཡང་
[71b.2]རྩིག་#བྱེད་ན་སྦྱོར་བ་གཅིག་ཏུ་ཟད་པར་སྟོན་པའོ། །བསྒྲུབ་པ་གཅིག་པས་ན་འཐབས་#པའི་མོད་ལ་བ་ལ་སོགས་པའི་རིམ་པ་བཞིན་དུ་ཡན་ལག་རེ་རེ་སྦྱོར་བ་#རེ་རེའོ་ཞེས་པར་རེ་བ་བསྩལ་#བའི་ཕྱིར། ཡན་ལག་རྣམས་ནི་ཐ་དད་དུ་མི་བྱེད་དོ་ཞེས་པ་ཡིན་ཏེ། མ་བརྟགས་པ་ལ་སོགས་ཡན་ལག་རེ་རེ་
[71b.3]ཞིང་སྦྱོར་བ་རེ་རེར་འགྱུར་བ་མ་ཡིན་གྱི། རྩ་བ་གཅིག་གི་སྦྱར་བའང་གཅིག་པར་སྟོན་པའོ། །ཁང་པའི་ལྷག་མར་འགྱུར་བ་ཇི་ལྟས་ཤེ་ན། བསླངས་པ་ཞེས་པ་ལ་སོགས་པ་ཡིན་ཏེ། ས་གཞི་གཞན་ལས་བསླངས་པའོ། །དེས་བསྒོ་བ་ལ་ཞེས་པ་ནི་ཁྱིམ་པའི་རྒྱུ་སྤྱད་ཅིང་#ཤིང་རྩི་ལ་
[71b.4]སོགས་པ་བདག་#གིས་བསླངས་སམ་སློང་དུ་བཅུག་ན་ཡང་ངོ་། །དངོས་པོ་མི་གཙང་བ་ཞེས་བ་ནི་ས་གཞི་མི་གཙང་བར་བརྩིགས་ན་ཉེས་པར་འགྱུར་བ་སྟེ། འདི་བཙལ་བ་ནི་འོག་ནས་འཆད། མ་གསོལ་བར་གནས་བྱེད་པ་ཞེས་པ་ནི་དགེ་འདུན་ལ་གསོལ་བ་མ་བཏབ་པར་ཐུག་#ཐུབ་ཏུ་
[71b.5]བརྩིགས་#པའོ། །ཟིན་ནའོ་ཞེས་པ་ནི་ཐམས་ཅད་བརྩིགས་ཟིན་ན་གདོད་ཉེས་པ་རངས་པར་འགྱུར་བའོ། །འོག་མ་ཡང་འདི་དག་བཞིན་ཏེ་བསླངས་པ་མ་གཏོགས་ཞེས་པ་ནི་ཡན་#ལག་གོང་དུ་སྨོས་པ་འདི་རྣམས་ལས་བསླངས་#པའི་ཡན་ལག་གཞན་ཐམས་ཅད་གཙུག་ལག་ཁང་བརྩིགས་
[71b.6]པའི་ཡན་ལག་ཀྱང་ཡིན་པར་སྟོན་པའོ། །གཅིག་གི་ཕྱིར་ཞེས་པ་ནི་ཁང་པ་བརྩིགས་#པ་གཅིག་གི་ཕྱིར་ན་ཉེས་པ་རངས་པར་འགྱུར་བའོ། །གཅིག་ཅེས་པ་དགེ་སློང་ཉི་#ཚེ་ལ་བྱ་བ་མ་ཡིན་གྱི། ཁྱིམ་པ་གཅིག་ཅིག་གི་ཕྱིར་ན་ཡང་ཉེས་པ་རངས་པར་འགྱུར་བའོ། །ཁྱིམ་བརྩིགས་སོ་ཅོག་
[71b.7]གིས་ཉེས་པར་འགྱུར་རམ་ཞེ་ན། ཚད་ལས་ལྷག་པ་ཞེས་པ་ཡིན་ཏེ། ཚད་ལས་ལྷག་པར་བརྩིགས་ན་ཉེས་པར་འགྱུར་བའོ། །གོང་དུ་དངོས་པོ་མི་#གཙང་བ་ཞེས་#སྨོས་པ་དེ་ཇི་ལྟ་བུ་ཞེ་ན། མ་བརྟགས་པ་རྩོད་པ་ཅན་མ་སྤངས་#པ་ནི་མི་གཙང་བའོ་ཞེས་པ་ཡིན་ནོ། །དེ་དག་ཀྱང་ཇི་ལྟ་བུ་
[72a]
[72a.1]ཞེ་ན། སྡིག་སྦྲུལ་ཕྲ་མོ་ཚང་#བཅས་པ་དང་། རྒྱལ་པོ་དང་ལྷའི་ཁང་པ། མུ་སྟེགས་པའི་གནས་དང་མདའ་ཆགས་པ་དང་། མི་གཅོད་པའི་ཤིང་དང་། འདོམ་#གང་ཚུན་ཆད་ཀྱི་ཉེན་འཁོར་ན་ཆུ་བོ་དང་གྲོག་པོ་དང་། ཁྲོན་པས་ཆོད་པས་འདི་དག་རིམ་བཞིན་ནོ་ཞེས་པ་
[72a.2]ཡིན་ཏེ། དེ་ལ་སྡིག་སྦྲུལ་གྱི་ཚང་བཅས་པ་ཞེས་པ་ནི་མ་བརྟགས་པའོ། །རྒྱལ་པོ་ཞེས་པ་ནས་མི་གཅོད་པའི་ཤིང་ཞེས་པའི་བར་དུ་སྨོས་པ་#རྣམས་ནི་རྩོད་པ་ཅན་ནོ། །འདོམ་གང་ཞེས་པ་ནས། ཁྲོན་པས་#ཆོད་ཅེས་པའི་བར་དུ་སྨོས་པ་རྣམས་ནི་མ་སྤངས་#པའོ། །གོང་དུ་ཚད་ལས་
[72a.3]ལྷག་ཆེས་སྨོས་པའི་ཚད་ཇི་ཙམ་ཞེ་ན། ཚད་མའི་ཁྲུ་ཕྱེད་དང་དོ་ནི་བདེ་བར་གཤེགས་པའི་མཐོ་ཞེས་པ་ཡིན་ཏེ། མི་ཐ་མལ་བའི་#ཁྲུ་ཕྱེད་དང་དོལ་བདེ་བར་གཤེགས་པའི་མཐོ་གང་དུ་སྟོན་པའོ། །དེས་ཁང་པའི་ཚད་སྟོན་པ་ནི། ནང་རྒྱའི་ཚད་དེའི་བཅུ་གཉིས་དང་བདུན་ནོ་
[72a.4]ཞེས་པ་ཡིན་ཏེ་ཁང་པའི་ནང་རྒྱ་ཆུར་ནི་བདེ་བར་གཤེགས་པའི་མཐོ་བཅུ་གཉིས་ཞེས་ཕྱེད་དང་དོ་ནི་བདེ་བར་གཤེགས་པའི་མཐོ་ཞེས་པ་ཡིན་ཏེ། གང་དུ་བདེ་བར་གཤེགས་པའི་མཐོ་བདུན་གྱི་ཚད་ལས་ལྷག་པར་བྱས་ན་ཉེས་པར་འགྱུར་བའོ། །གོང་དུ་གསོལ་ཞེས་སྨོས་པ་
[72a.5]གསོལ་བའི་ཚད་ཙམ་ཞེ་ན། གསོལ་བ་དགེ་འདུན་ལས་ཐོབ་པ་ནི་གསོལ་བའོ་ཞེས་པ་ཡིན་ཏེ། གསོལ་ནས་དགེ་འདུན་གྱིས་གནང་བ་བྱིན་ན་གསོལ་བར་ཆུད་པའོ། །མི་གཙང་ན་མི་གསོལ་ཞེས་པ་ནི་མ་བརྟགས་པ་ལ་སོགས་པའི་སྐྱོན་ཡོད་པ་ཙམ་གྱི་ཚོད་ན་དགེ་
[72a.6]འདུན་ལ་བརྟག་#པའི་གསོལ་བ་མ་བྱེད་ཅིག་པའོ། །ཉིད་མ་བསྐོས་པའི་དགེ་སློང་དག་གིས་རྟོགས་ཤིང་ཡིད་ཆེས་པར་བྱ་ཞེས་པ་ནི་ཁང་པ་བརྩིགས་#པར་དགེ་འདུན་ལ་གསོལ་ན་དགེ་འདུན་ཉིད་ཀྱིས་ཐོག་ཏུ་ཕྱུང་ལ་བརྟག་པའམ། དགེ་སློང་ཁ་ཅིག་བསྐོས་པས་བརྟག་ཅིང་གཏན་
[72a.7]ལ་ཕོབ་ཤིག་པའོ། །གདིང་བའང་དེ་བཞིན་ཞེས་པ་ནི་ལོ་དྲུག་མ་ལོན་པར་གདིང་བ་འགྲུབ་པའི་སྡོམ་པ་གསོལ་ན་ཡང་དགེ་འདུན་གྱིས་ཐབས་འདི་ལྟར་རྟོགས་ཤིག་པའོ། །བྱས་པ་རྙེད་ཅིང་སྤྱད་པ་ལ་ཉེས་མེད་ཅེས་པ་ནི་སྔོན་བརྩིགས་ཟིན་པ་ཞིག་རྙེད་དམ་དེ་སྤྱོད་པ་ནི་
[72b]
[72b.1]ཉེས་མེད་པའོ། །རྙིང་#པ་བཅོས་པ་ཡང་ངོ་ཞེས་པ་ནི་སྔོན་གྱི་རྙིང་པ་བཅོས་ན་#ཉེས་མེད་པར་སྟོན་པའོ། །ཁང་པའི་དགེ་འདུན་གྱི་ལྷག་མ་རྣམ་པར་འབྱེད་པའོ།། །།#གཙུག་ལག་ཁང་བརྩིགས་#པ་དགེ་འདུན་གྱི་ལྷག་མའི་ཡན་ལག་རྣམས་ནི་གོང་དུ་བསྟན་པས་ན། དེའི་བྱེ་བྲག་ཙམ་ཞིག་སྟོན་
[72b.2]པ་ནི་དགེ་འདུན་གྱི་ཕྱིར་རོ་ཞེས་པ་ཡིན་ཏེ་བཞི་ཡན་ཆད་འདུས་པའི་ཕྱིར་བརྩིགས་ན། ཁྱིམ་པའི་ཡང་རུང་སྟེ་དགེ་འདུན་གྱི་ལྷག་མར་འགྱུར་བའོ། །གཞུང་ལས་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱི་ཕྱིར་ཞེས་པ་སྨོས་པ་འདི་གླེང་གཞིའི་གཅིག་ཏུ་ཟད་དོ། །གཙུག་ལག་ཁང་
[72b.3]དགེ་འདུན་གྱི་ལྷག་མ་རྣམ་པར་འབྱེད་པའོ།། །།#ལྷག་མ་འདི་གཉིས་འདྲ་བའི་ཕྱིར་ཞུས་པ་ལས་འབྱུང་བ་ཅིག་ཅར་དུ་བསྡུས་ཏེ་སྟོན་པ་ནི། བརྩམས་པ་ནི་སྦྱོར་བའོ་ཞེས་པ་ལ་སོགས་པ་ཡིན་ཏེ། བརྩིགས་#པར་བརྩམས་ན་སྦྱོར་བར་སྟོན་པའོ། །མ་ཁེབས་ན་ཟིན་ཀྱང་དེ་བཞིན་ཞེས་
[72b.4]པ་ནི་ཐོག་མར་བར་#ན་ཁང་བའམ་གཙུག་ལག་ཁང་གཞན་ཟིན་ཀྱང་སྦོམ་པོ་ལས་མེད་པར་སྟོན་པའོ། །དུ་མའི་ཕྱིར་ནའོ་ཞེས་པ་ནི་ཁང་པ་བརྩིགས་པ་མ་བརྟགས་#པ་ལ་སོགས་པའི་སྐྱོན་ཡོད་དུ་ཟིན་ཀྱང་གཅིག་གི་ཕྱིར་མ་ཡིན་ཏེ་དུ་མའི་ཕྱིར་བརྩིགས་#ན་སྦོམ་པོ་ལ་སོགས་པར་སྟོན་
[72b.5]པའོ། །མ་བཏང་ནའོ་ཞེས་པ་ནི་ཁང་པའི་ས་གཞི་ཕ་རོལ་གྱིས་མ་བྱིན་པར་བརྩིགས་ན་ཡང་སྦོམ་པོར་སྟོན་པའོ། །ཕམ་པར་ཅིའི་ཕྱིར་མི་འགྱུར་ཞེ་ན་ས་གཏན་དུ་བདག་གིར་བྱ་བའི་འདུ་ཤེས་མེད་ཀྱི་དེ་ཉིད་ཀྱི་ཁྱིམ་དུ་འགྱུར་བའི་འདུ་ཤེས་ཡོད་པའི་ཕྱིར་རོ། །གང་ཟག་གི་ནའོ་ཞེས་པ་ནི་
[72b.6]ཁང་པ་བརྩིགས་#པའི་ནོར་ཕ་རོལ་ལས་བསླངས་པ་མ་ཡིན་གྱི། གང་ཟག་ཉིད་ཀྱི་ནོར་གྱིས་ན་སྦོམ་པོར་འགྱུར་བའོ། །མ་ཟིན་པ་ཡང་ངོ་ཞེས་པ་ནི་གཞན་གྱིས་བརྩིགས་པའི་འཕྲོ་བསླང་སྟེ་ཟིན་པར་བྱས་ན་#ཡང་སྦོམ་པོར་འགྱུར་པའོ། །བསླངས་པའི་འོག་ཏུ་མ་བྱས་ན་ཉེས་བྱས་
[72b.7]ཞེས་པ་ནི་ས་གཞི་བསླང་སྟེ་བཏང་ངམ་རྒྱུ་སྤྱད་བསླངས་ནས་བཏང་ན་ཉེས་བྱས་སུ་འགྱུར་བའོ། །ཁང་པ་དང་གཙུག་ལག་ཁང་དགེ་འདུན་གྱི་ལྷག་མར་གཏོགས་པའོ། །ཁང་པ་དང་གཙུག་ལག་ཁང་དགེ་འདུན་གྱི་ལྷག་མའོ།། །།#རྩ་བ་མེད་པ་དགེ་འདུན་གྱི་ལྷག་མ་སྟོན་པར་འདོད་
[73a]
[73a.1]པ་ནི། དགེ་སློང་ཉམས་པ་ལ་ཡང་ཕས་ཕམ་པས་སྐུར་ནའོ་ཞེས་པ་ལ་སོགས་པ་ཡིན་ཏེ་དགེ་ཚུ་ཡིན་གྱི་དགེ་སློང་ཡིན་ན་ཉམས་པ་ཡང་རུང་སྟེ། མི་ཚངས་པར་སྤྱད་#པ་ལ་སོགས་པས་སྐུར་#ན་ལྷག་མར་འགྱུར་བའོ། །པ་རི་བ་ཤ་ལས་དགེ་སློང་དང་དགེ་སློང་མ་
[73a.2]བསྙེན་པར་རྫོགས་པ་དང་མ་ཉམས་པ་བསྐྲད་ན་ཉེས་པ་རངས་པར་འགྱུར་གྱི། ཉམས་པ་བསྐྲད་ན་ཉེས་བྱས་ཞེས་པ་སྐབས་འདིར་དེ་དང་མི་སྦྱོར་གྱི། ཉམས་པ་ལ་སྐུར་ན་ཡང་ཉེས་པ་རངས་པར་འགྱུར་བའོ། །ཉམས་པ་ལ་ཡང་ཞེས་སྨོས་པ་ཉིད་ནི་འོག་ནས་དགེ་སློང་དང་དགེ་སློང་
[73a.3]མའི་བསླབ་#པའི་ཡན་ལག་ནི་བསྙེན་པར་རྫོགས་པ་དང་མ་ཉམས་པའོ་ཞེས་འབྱུང་བ་དེ་འགྲེལ་པའོ། འདིར་ཉིད་ཀྱི་ཕྱོགས་ཡན་ལག་མ་ཡིན་ཞེས་པ་ནི་ཆུབ་པར་སྨྲས་པ་ལས་ཉིད་ཀྱི་ཕྱོགས་སུ་འགྱུར་བ་ནི་མཚན་གཅིག་པ་སྟེ། དགེ་སློང་དང་ཁས་བླངས་པ་སྟེ་སངས་རྒྱས་ཀྱི་ལྟ་བ་
[73a.4]ལ་བརྡེགས་ན་ལྟུང་བར་འགྱུར་གྱི་མཚན་མ་#གཅིག་པ་དགེ་སློང་མ་དང་། ལྷ་སྦྱིན་#གྱི་ཕྱོགས་སུ་ཁས་བླངས་པ་བརྡེགས་ན་ཉེས་བྱས་ཞེས་པ་སྐབས་འདིར་དེ་དང་མི་སྦྱོར་གྱི། མཚན་ཐ་དད་པ་དང་ཁས་ལེན་པ་ཐ་དད་པ་ལ་སྐུར་ནའང་ཉེས་པར་འགྱུར་བའོ། །མཚན་དང་ཁས་བླངས་
[73a.5]པའོ་ཞེས་འབྱུང་བའི་འགྲེལ་#པ་སྟེ། སྐུར་པ་འདེབས་པའི་སྐབས་འདིར་ཉིད་ཀྱི་ཕྱོགས་ཉི་ཚེ་ཡན་ལག་ཏུ་འགྱུར་བ་མ་ཡིན་གྱི་མཚན་ཐ་དད་པ་དང་། ཁས་ལེན་ཐ་དད་པ་ལ་སྐུར་ན་ཡང་ཉེས་པ་རངས་པར་འགྱུར་བའོ། །བརྫུན་དུ་སྨྲས་པས་སོ་ཞེས་པ་ནི་མཐོང་བ་ཐོས་པ་དང་དོགས་
[73a.6]པའི་རྩ་བ་མེད་ལ་ཡང་དག་པ་མ་ཡིན་པ་བརྫུན་དུ་སྨྲས་ན་ཉེས་པར་འགྱུར་བའོ། །གང་ལ་སྐུར་བ་དེ་ཉིད་ཀྱི་མདུན་དུ་སྨྲས་པས་ཉེས་པར་འགྱུར་རམ་ཞེ་ན་སུ་ལ་བསྒོ་#ཡང་རུང་ཞེས་པ་ཡིན་ཏེ། གང་སྐུར་པར་བྱ་བ་དེ་ཉིད་ལ་སྨྲ་བར་མ་ཟད་ཀྱི་སུའི་མདུན་དུ་སྨྲས་ཀྱང་རུང་སྟེ་ཉེས་པར་
[73a.7]འགྱུར་བའོ། །ཇི་ལྟར་བསམས་ཀྱང་རུང་#ངམ་ཞེ་ན། འབྲལ་#བར་འདོད་པས་སོ་ཞེས་པ་ཡིན་ཏེ་བབ་བབ་ཏུ་བསམས་པས་མ་ཡིན་གྱི་ཚངས་པར་སྤྱོད་པ་དང་འབྲལ་#བར་འདོད་པས་སྐུར་ན་ཉེས་པར་འགྱུར་བའོ། །རྩ་བ་གཞན་པ་དེ་མ་ཡིན་ཞེས་པ་ནི་མཐོང་བའི་རྩ་བ་ཡོད་པ་
[73b]
[73b.1]ལས་ཐོས་པ་ལ་སོགས་པས་གླེངས་ན་རྩ་བ་དེ་ཉིད་ལས་མ་གླེངས་ཏེ་བསྣོར་བའི་ཕྱིར་སྐུར་པར་འགྱུར་བའོ། །བརྗེད་ན་ཡོད་པ་མ་ཡིན་ཞེས་པ་ནི་སྔོན་མཐོང་བ་ལ་སོགས་པའི་རྩ་བ་ཡོད་པ་ལས་དེ་ནི་བརྗེད་ཀྱི་མཐོང་བ་ལ་སོགས་པའི་རྩ་བས་གདོད་སྐུར་ན་སྔོན་གྱི་ཉེས་པ་དེ་མེད་པ་དང་
[73b.2]འདྲ་སྟེ། སྐུར་པར་འགྱུར་བའོ། རྩ་བ་ཡོད་དུ་འགྲོ་བ་ལས་རྩ་བ་བསྣོར་ཏེ་གླེངས་པ་དང་རྩ་བ་མེད་པ་ནི་མ་ཡིན་གྱི་ཡོད་པ་ལས་བརྗེད་པ་ལྟ་བ་#ཡན་ལག་ཏུ་ཇི་ཕྱིར་མི་བརྩི་ཞེས་པ་བསྩལ་#བའི་ཕྱིར། དོན་དེ་ཉིད་ནའང་བརྫུན་དུ་མི་བྱེད་པ་མ་ཡིན་ཞེས་པ་ནི་མཐོང་བའི་རྩ་བ་ཡོད་དུ་
[73b.3]ཟིན་ཀྱང་ཐོས་པ་དང་དོགས་པས་གླེངས་ན་འདུ་ཤེས་བརྩན་པའི་ཕྱིར་བརྫུན་དུ་མི་འགྱུར་བ་མ་ཡིན་པ་དང་། རྩ་བ་ཡོད་ཀྱང་བརྗེད་ན་སྐུར་#པའི་འདུ་ཤེས་དེ་ཉིད་བརྩན་#པའི་ཕྱིར་བརྩན་དུ་མི་འགྱུར་བ་མ་ཡིན་ཏེ། དཔེར་ན་དངོས་སུ་མིག་#ལམ་ག་ན་འདུག་ལ། བདག་གི་སྙིང་ལམ་ན་མེད་པ་
[73b.4]སྙམ་ཞིག་ནས། གཞན་གྱིས་དྲིས་པའི་ཚེ་མེད་དོ་ཞེས་སྨྲས་པ་ལས་ཕྱིས་ཡོད་པར་འགྱུར་བ་ལྟ་བུ་འདུ་ཤེས་བརྩན་པའི་ཕྱིར་བརྫུན་དུ་མི་འགྱུར་བ་དང་འདྲའོ། །རྩ་བ་མེད་པ་དགེ་འདུན་གྱི་ལྷག་མ་རྣམ་པར་འབྱེད་པའོ།། །།#གཞན་གྱི་ཆས་སྐུར་#པའམ་གཞན་དུ་ཆམ་ཡིན་པས་སྐུར་
[73b.5]པའི་ལྷག་མ་སྟོན་པར་འདོད་པ་ནི། སྙད་གཞན་ལ་བསྟན་#པའི་ཚིག་གིས་བརྫུན་པའོ་ཞེས་པ་ཡིན་ཏེ་འདི་དང་འདི་མི་ཚངས་པར་སྤྱོད་དོ་ཞེས་གསལ་པོར་ནི་མི་སྨྲའི་མི་#གསལ་བ་ལ་བརྟེན་ཏེ། བརྫུན་དུ་སྐུར་ན་རྩ་བར་འགྱུར་བ་སྟེ། དཔེར་ན་གྱད་བུ་ནོར་དང་ཨུཏྤ་ལའི་མདོག་ཀྱང་མཐོང་མི་
[73b.6]ཚངས་པར་སྤྱོད་པ་ཡང་མཐོང་ངོ་ཞེས་ཟེར་བ་ལྟ་བུའོ། །དགེ་སློང་ཉམས་པ་ལས་ཡང་ཕས་ཕམ་པས་སྐུར་ན་ཞེས་བྱ་བ་ལ་སོགས་པའི་ཡན་ལག་གཞན་ནི་གོང་དུ་བསྟན་པ་དང་འདྲའོ། །གཞན་གྱི་ཆས་སྐུར་པའམ། གཞན་དུ་ཆ་མ་ཡིན་པས་སྐུར་པའི་དགེ་འདུན་གྱི་ལྷག་མའོ།། །།#རྩ་བ་མེད་
[73b.7]པ་དང་ཆས་སྐུར་བ་གཉིས་ཞུས་བ་ལས་འབྱུང་བ་ཅིག་ཅར་དུ་བསྡུས་ཏེ་སྟོན་#བ་ནི། བསྟན་#དུ་མེད་པས་སྐུར་པ་ནི་སྦོམ་བོའོ་ཞེས་པ་ལ་སོགས་པ་ཡིན་ཏེ། དགེ་སློང་མ་མཚན་མ་མེད་པའི་མ་ནིང་དང་། མི་ཚངས་པར་སྤྱོད་དོ་ཞེའམ། དགེ་སློང་མོ་མཚན་མེད་པའི་མ་ནིང་མ་དང་མི་ཚངས་པར་#སྤྱོད་དོ་ཞེས་སྐུར་
[74a]
[74a.1]ན་གནས་མེད་ཅིང་མི་སྲིད་པའི་ཕྱིར་སྦོམ་པོར་འགྱུར་བ་སྟེ། འདིའང་ཁ་རྐུབ་ཀྱི་སྒོ་ལས་མ་གླེངས་ན་དེ་ལྟར་འགྱུར་བའོ། །མིང་ནས་མ་སྨོས་ན་ཡང་ངོ་ཞེས་པ་ནི་མང་པོའི་མདུན་དུ་འདི་དག་གི་ནང་ན་མི་ཚངས་པར་སྤྱོད་པ་དང་། མ་ཤ་ཀ་ལྔ་ལས་ལྷག་པར་བརྐུས་པ་དང་།
[74a.2]མིའི་སྲོག་བཅད་པ་དང་མི་ལས་བླ་མའི་ཆོས་བརྫུན་དུ་སྨྲ་བ་དག་ཡོད་དོ་ཞེས་ཟེར་ཞིང་གང་གིས་ཉེས་པའི་མིང་ནས་མི་འབྱིན་ན་སྦོམ་པོར་འགྱུར་བའོ། །དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། དགེ་འདུན་གྱི་དབྱེན་གྱིས་#ན་ཡང་ངོ་ཞེས་པ་ནི་འདི་འང་དེ་བཞིན་
[74a.3]གཤེགས་པ་ལ་#ངན་སེམས་ཀྱིས་ཁྲག་འབྱིན་པའོ་ཞེས་སྐུར་ན་མི་གསོད་པའི་སྦོམ་པོས་སྐུར་དུ་ཟད་པས་ཉེས་བྱས་སུ་#འགྱུར་བ་དང་། དགེ་འདུན་གྱི་དབྱེན་བྱེད་པ་ལ་ཞུགས་སོ་ཞེས་སྐུར་ན་ཡང་སྦོམ་པོས་སྐུར་དུ་ཟད་པས་ཉེས་བྱས་སུ་འགྱུར་བར་སྟོན་པའོ། །དེ་ལ་ཡང་ཁ་ཅིག་འཆད་
[74a.4]པ་ནི་དེ་བཞིན་གཤེགས་པ་ལ་ངན་སེམས་ཀྱིས་#ཁྲག་འབྱིན་པ་ཡིན་ནོ་ཞེས་སྐུར་ན། མཚམས་མེད་པས་སྐུར་པ་ཡིན། དེ་ལྟར་མཚམས་མེད་པས་སྐུར་ན་ནི་དགེ་སློང་གི་ངོ་བོ་མེད་པར་སྐུར་པས་ཕས་ཕམ་པས་སྐུར་བ་བཞིན་དུ་དགེ་འདུན་གྱི་ལྷག་མར་འགྱུར་བ་བཞིན་དུ་དགེ་འདུན་
[74a.5]དབྱེན་བྱས་སོ་བར་སྐུར་པའང་དེ་བཞིན་ཏེ། ལྷག་མར་འགྱུར་རོ་ཞེས་འཆད། བསམས་ནས་སྨྲས་སོ་ཞེས་པ་ལ་སོགས་པས་ཟུར་ཟེར་ན་ཉེས་བྱས་ཞེས་པ་ནི་མང་པོའི་མདུན་དུ་ངས་བསམས་ཏེ། སྨྲ་བའི་གླེང་བ་འདི་དག་གི་ནང་ན་ཡོད་དོ་ཞེས་ཡིད་སྲིད་སྐུར་ཞིང་ཟུར་ཟེར་ན་ཉེས་
[74a.6]བྱས་སུ་འགྱུར་བར་སྟོན་པའོ། །ཆས་སྐུར་པ་ལ་ཡང་འདི་བཞིན་དུ་ཟུར་ཟེར་བ་སྲིད་དོ། །རྩ་བ་མེད་པ་ཆ་ཞུས་པའོ།། །།#དགེ་འདུན་གྱི་དབྱེན་དགེ་འདུན་གྱི་ལྷག་མར་འགྱུར་བ་ད་སྟོན་པ་ནི། ཕ་རོལ་གྱི་འཁོར་ཁ་དྲངས་ན་སྦོམ་པའོ་#ཞེས་པ་ལ་སོགས་པ་ཡིན་ཏེ། མདོ་འདི་
[74a.7]ཉིད་ནི་ཞར་ལས་#སྟོན་པའོ། །འདི་མན་ཆད་ནི་དགེ་འདུན་གྱི་དབྱེན་ལ་སོགས་#ལྷག་མ་བཞི་ཁོང་འཐུལ་བའི་མཚན་ཉིད་སྟོན་པའོ། །མི་གཏོང་བར་སྲན་འཛུགས་པའི་ཚུལ་ཟློག་པ་བཞིན་དུ་བསྡེབ་ཅེས་པ་ནི་དགེ་འདུན་གྱི་དབྱེན་བྱེད་པ་ལ་སོགས་པ་དགེ་འདུན་གྱིས་བཟློག་
[74b]
[74b.1]པ་ནི་མི་གཏོང་བའི་ཚུལ་དུ་ལུས་སམ་ངག་གམ་མི་སྨྲ་བས་སྲན་འཛུགས་ན་ཟློག་#པ་ལན་གསུམ་གྱི་བར་དུ་ཟློག་པའི་གྲངས་བཞིན་དུ་སྦྱོར་བར་འགྱུར་བའོ། །ཟློག་པ་བཞིན་དུ་གསོལ་བའོ་ཞེས་པ་ནི་དགེ་འདུན་མཁྱེན་པར་ཞུ་ཞིང་གསོལ་བ་ཟློག་པ་ཉིད་མ་ཡིན་པས་སྦྱོར་བར་མི་འགྱུར་དུ་
[74b.2]རེ་བ་སེལ་བར་སྟོན་པ་ཡིན་ཏེ་གསོལ་པ་ཡང་ཟློག་#པ་བཞིན་དུ་སྦྱོར་བར་འགྱུར་རོ། །ངག་ནི་སྐད་མ་གཅིག་#གོ་ཞེས་པ་ནི་ཟློག་པ་ལ་སོགས་པའི་ཚིག་དུ་མ་ཡོད་དུ་ཟིན་ཀྱང་བསྙད་པའི་མཇུག་མ་རྫོགས་ཀྱི་བར་དུ་རྒྱུན་གཅིག་#ཏུ་བརྩི་བར་སྟོན་པའོ། །སློབ་པ་རྣམས་གཅིག་ཏུ་རེ་བ་
[74b.3]བསྩལ་#བའི་ཕྱིར། ཟློས་པ་ནི་སོ་སོར་རོ་ཞེས་པ་ཡིན་ཏེ། ཟློས་པ་ལན་རེར་སྦྱོར་བ་རེ་རེར་སྟོན་པའོ། །བསྙད་པ་ནི་མ་ཡིན་ཞེས་པ་ནི་མཇུག་གཅོད་པར་བསྙོན་པ་ནི་གུད་དུད་བྱུང་དུ་མེད་དེ། བཟླས་པ་ཐ་མའི་ཁོངས་སུ་འདུས་པར་སྟོན་པའོ། །ཞུགས་པ་ནི་སྦྱོར་བའོ་ཞེས་པ་ནི་དགེ་འདུན་གྱི་དབྱེན་
[74b.4]ལ་ཞུགས་པ་ལ་སོགས་པ་དེ་དག་ལ་ཞུགས་པའི་སྦྱོར་བར་སྟོན་པ་སྟེ། དེ་ལ་གཞན་#པ་ལ་སོགས་པའི་ཚེ་ནི་ཉེས་བྱས་སོ། །གསོལ་བ་ཙམ་ཕྱིན་ཆད་ནི་སྦོམ་པོའོ། །བསྐྲད་པའི་ལས་མ་བྱས་པར་སྔན་ཚོགས་སུ་འདོད་པ་ལ་སོགས་པས། འགྲོའོ་ཞེས་ཁ་ཚས་ཟེར་བ་དང་གླེང་བ་དང་
[74b.5]བསྐུལ་#བ་མ་བྱས་པར་སྔན་ཚོགས་སུ་བཀའ་བློ་མ་#བདེ་བར་ཟེར་བ་སྦྱོར་བའི་ཡང་སྦྱོར་བར་སྟོན་པ་ནི#། བསྐྲད་པ་དང་གླེང་བ་#དང་བསྐུལ་བ་མ་བྱས་པ་ནི་དེའིའོ་ཞེས་པ་ཡིན་ཏེ་ཁྱིམ་སུན་འབྱིན་པ་བསྐྲད་པ་ལ་སོགས་པའམ་བརྩམས་#པར་ཆད་མི་བཟོད་དེ། དགེ་འདུན་ལ་ཁ་ཚས་ཟེར་
[74b.6]བ་དང་། བསླབ་པའི་ཕྱིར་གླེང་ཞིང་བསྐུལ་པ་མ་བརྩམས་པར་སྔ་#ནས་བཀའ་བློ་མི་བདེ་བར་ཟེར་བ་ལྟ་བུ་ནི་སྦྱོར་བ་དེ་ཡང་སྦྱོར་བ་སྟེ་ཉེས་བྱས་སུ་འགྱུར་བར་སྟོན་པའོ། །འདི་སྐད་དུ་ཟེར་བའི་གང་ཟག་ལ་བསྒོ་བ་ལ་སོགས་པའི་ལས་བྱའམ་མི་བྱ་ཞེ་ན། འདི་ལ་མི་བསྒོ་
[74b.7]ཞེས་པ་ཡིན་ཏེ་འདི་ལྟ་བུ་ལ་བསྒོ་བས་བཞམས་པའི་བསྒོ་བ་ཡང་མ་བྱེད་ཅིག་པའོ། །གོང་མ་ལྟ་བུ་ནི་མ་ཡིན་གྱི་དབྱེན་ལ་སོགས་པ་ལ་ཞུགས་པ་གོར་མ་ཆག་པར་བསྒོའམ་མི་བསྒོ་ཞེ་ན། འདི་དག་ལ་བཞམས་#པ་དང་ལས་ཀྱིས་མི་བསྒོ་བ་མ་ཡིན་ཞེས་པ་ཡིན་ཏེ། དེ་ལ་བཞམས་#པ་ནི་ཚངས་པ་#མཚུངས་
[75a]
[75a.1]པར་སྤྱོད་པ་མཛའ་བས་#ཚིག་འཇམ་པོ་ལ་སོགས་པས་གྲོས་གདབ་ཅིང་བཟློག་པའོ། །བཟློག་པ་ལས་འབྱུང་བ་རྣམས་ཀྱི་ལྷག་མ་བཞིན་མ་བྱུང་ཞེ་ན། དེའི་མཇུག་ཏུ་མ་བཏང་ནའོ་ཞེས་པ་ཡིན་ཏེ། ཟློག་#པའི་ལས་ཟིན་གྱི་བར་དུ་མ་བཏང་ན་ལྷག་མར་འགྱུར་བའོ། །
[75a.2]དེ་ཡན་ཆད་དུ་ཁོང་དུ་འཐུལ་བའི་མཚན་ཉིད་བསྟན་ནས། ད་ནི་རིམ་པ་བཞིན་དུ་སོ་སོའི་མཚན་ཉིད་སྟོན་པ་སྟེ། དོན་གང་མ་བསྟན་པས་དབྱེན་གྱི་ལྷག་མར་འགྱུར་ཞེ་ན། ཞུགས་པས་སོ་ཞེས་པ་ཡིན་ཏེ་དགེ་འདུན་གྱི་དབེན་#ལ་ཞུགས་པ་མ་བཏང་ན་རྩ་བར་འགྱུར་རོ། །ཇི་མ་བཏང་ཞེ་
[75a.3]ན་དབེན་#ནོ་ཞེས་པ་ཡིན་ནོ། །དེའང་སུའི་ཞེ་ན་དགེ་འདུན་གྱིའོ་ཞེས་པ་ཡིན་ནོ། །དགེ་འདུན་འབྱེད་པ་དགེ་འདུན་གྱི་ལྷག་མའོ།། །།#རྗེས་སུ་ཕྱོགས་པའི་ལྷག་མ་སྟོན་ཏེ། ཇི་མ་བཏང་བས་རྗེས་སུ་ཕྱོགས་པའི་ལྷག་མར་འགྱུར་ཞེ་ན། དེའི་གྲོགས་སུ་འབད་ནའོ་ཞེས་པ་ཡིན་
[75a.4]ཏེ་དགེ་འདུན་གྱི་དབྱེན་བྱེད་པ་ལ་ཞུགས་པ་དེའི་གྲོགས་སུ་བཏང་ན་ལྷག་མར་འགྱུར་བའོ། །རྗེས་སུ་ཕྱོགས་པ་#དགེ་འདུན་གྱི་ལྷག་མའོ།། །།#སུན་འབྱིན་པ་དགེ་འདུན་གྱི་ལྷག་མ་སྟོན་ཏེ། །ཁོང་འཐུལ་བའི་མཚན་ཉིད་ལས་གཞི་བླངས་ནས་ཇི་མ་བཏང་བས་ཁྱིམ་སུན་འབྱིན་པ་
[75a.5]དགེ་འདུན་གྱི་ལྷག་མར་འགྱུར་ཞེ་ན། བདག་སྐྱོད་པར་བྱེད་པའི་དགེ་འདུན་ལ་འདི་དག་གིས་འདིར་བསམ་#པ་ལོག་པ་འདི་ལྟ་བུ་དག་ལ་ཞུགས་སོ་ཞེས་བརྫུན་ཟེར་ནའོ་ཞེས་པ་ཡིན་ཏེ་བདག་སྐྲོད་#པའི་དགེ་འདུན་ལ་འབོད་པ་ལ་སོགས་པས་འགྲོ་བའོ་ཞེས་བརྫུན་སྦྱོར་ཞིང་ཁ་#ཚས་ཟེར་
[75a.6]ན་ལྷག་མར་འགྱུར་བའོ། །ཁྱིམ་སུན་འབྱིན་པ་དགེ་འདུན་གྱི་ལྷག་མའོ།། །།#བཀའ་བློ་མི་བདེ་བའི་ལྷག་མ་སྟོན་ཏེ་ཅི་མ་བཏང་བས་བཀའ་བློ་མི་བདེ་བའི་དགེ་འདུན་གྱི་ལྷག་མར་འགྱུར་ཞེ་ན། དགེ་སློང་གི་ལྷག་པའི་ཚུལ་ཁྲིམས་ཀྱི་ཕྱིར་གླེངས་ན་དགེ་སློང་དག་གིས་བདག་ལ་འདིས་
[75a.7]མི་བརྫི་བར་བྱེད་པའོ་ཞེས་པ་ཡིན་ཏེ། ཚུལ་ཁྲིམས་ཀྱི་ཕྱིར་དགེ་སློང་འགས་གླེངས་ན་ལེགས་ཀྱང་རུང་ཉེས་ཀྱང་རུངང་། བལ་ཚུལ་ཁྲིམས་སོ་ཅོག་གི་ཕྱིར་དགེ་སློང་ངོ་ཅོག་གིས་མ་གླེང་ཤིག ། ང་ཡང་མི་ཉན་ཏོ་ཞེས་ཚིག་གི་ལམ་གཅོད་ཅིང་བཀའ་བློ་#བདེ་བས་མི་བརྫི་བར་བྱེད་ན་
[75b]
[75b.1]དགེ་འདུན་གྱི་ལྷག་མར་འགྱུར་བའོ། །བཀའ་བློ་མི་བདེ་བ་དགེ་འདུན་གྱི་ལྷག་མའོ། །དགེ་འདུན་གྱི་ལྷག་མ་རྫོགས་སོ།། །།སྤང་བའི་ལྟུང་བ་བཤད་པར་འདོད་དེ། འཆང་བ་ལ་སོགས་པ་བསླབ་པ་རྣམས་ཀྱི་སྤྱིའི་མཚན་ཉིད་ཇེ་སྟོན་པ་ནི། སྔ་མ་མེད་པ་ཉིན་ཞག་གཅིག་གི་
[75b.2]མཇུག་མ་ཟད་པ་ནི་མེད་པ་མ་ཡིན་ཞེས་པ་ལ་སོགས་པ་ཡིན་ཏེ། ཞག་གཅིག་གམ་དྲུག་གམ་བདུན་ནམ། བཅུའམ་ཟླ་བ་ཚིགས་ཀྱིས་གཟུང་བ་རྣམས་དེ་དག་གི་སྔ་ལོགས་ཀྱི་ཞག་གྲངས་སམ། ཐུན་གྲངས་དང་མི་སྦྱོར་#གྱི་ཉིན་ཞག་གི་མཇུག་མ་ཟད་པའི་ཚིགས་
[75b.3]ཀྱིས་བཟུང་བར་སྟོན་པའོ། །ཐམས་ཅད་དེ་ལྟར་མཐའ་མཇུག་མ་ཟད་པའི་སོ་#ཉི་ཚེས་བརྩིའོ། །ཉིན་མཚན་ལ་སོགས་པ་དེའི་ཁོངས་སུ་མི་བརྩིའམ་ཞེ་ན། གནས་པ་ནི་སྦྱོར་བའི་སྣོད་དོ་ཞེས་པ་ཡིན་ཏེ་བསྙེན་པར་རྫོགས་པ་དང་། བསྙེན་པར་རྫོགས་ཀྱང་ལྟ་བ་མི་
[75b.4]གཏོང་#བ་དང་། དགེ་ཚུལ་མི་སྣང་བར་བཀར་#བ་དང་། བུད་མེད་དང་ཁྱིམ་གཅིག་གི་ནང་ན་ཉལ་བ་དང་། འོད་ལ་ཉལ་བ་དང་གཡུལ་གྱི་ནང་ན་འདུག་པ་རྣམས་ཉིན་ཞག་གི་མཇུག་མ་ཟད་ཀྱི་བར་དུ་གནས་ཤིང་འདུག་པའི་ཉིན་ཞག་སྦྱོར་བའི་སྣོད་དུ་འགྱུར་བར་སྟོན་པའོ། །དེ་ཡང་གཡུལ་
[75b.5]གྱི་ནང་ན་གནས་པ་མ་གཏོགས་པ་གཞན་ནི་མཚན་མོ་སྦྱོར་བའི་སྣོད་དུ་བྱེད་དོ། །ཉིན་ཞག་གི་ཐ་མ་སྟོན་པ་ནི་སྐྱ་རེངས་#དང་པོའི་ཐོག་མ་དེའི་འོ་ཞེས་པ་ཡིན་ཏེ། །སྐྱ་རེངས་#སྔོན་བོ་དང་སེར་པོ་དང་དམར་པོ་དེ་གསུམ་འཆར་བ་ལས་དང་པོའི་སྔོན་པོ་ཤར་ན། ཉིན་ཞག་གི་ཐོག་#མ་ཡིན་
[75b.6]པར་སྟོན་བའོ། །དེའི་འགྲེལ་པ་སྟོན་པ་ནི། ཐལ་ན་ལས་ནི་འཆར་དུ་ཆ་བའོ་ཞེས་པ་ཡིན་ཏེ་གསོ་སྦྱིན་དང་ཚུལ་ནས་འབྱུང་བ་ལྟ་བུ་ཚེས་གྲངས་དང་སྦྱར་བའི་བསླབ་པ་རྣམས་སྐྱ་རེངས་#ཤར་བ་མ་ཚོར་ཏེ། ཐལ་ན་ཉི་མ་ཤར་ཚུན་ཆད་ཉིན་ཞག་གི་མཐར་བརྩིས་ལ་ལས་གྱིས་ཤིག་#
[75b.7]པའོ། །སྤང་བ་ནི་བདག་གིར་འདུ་ཤེས་པ་གཙོ་བོ་#ཞེས་པ་ནི་གུད་ནས་བདག་གི་རྫས་སུ་བསྐུར་བ་ལྟ་བུ་ལ་སོགས་པ་བདག་གི་ཡིན་པར་མ་ཤེས་ཀྱི་བར་དུ་སྤང་བའི་ལྟུང་བར་མི་འགྱུར་བར་སྟོན་པའོ། །དེ་ལ་མ་བྱིན་པར་ལེན་པ་དང་ཤི་བའི་ཡོ་བྱད་ལྟ་བུ་ནི་འདི་དང་སྦྱར་དུ་མི་རུང་ངོ་། །
[76a]
[76a.1]དངོས་སུ་ནི་གཞན་གྱི་ནོར་ཡིན་ལ་བདག་གི་ཡིན་སྙམ་དུ་འདུ་ཤེས་པ་ལས་ཞག་བཅུ་ཐལ་བར་བཞག་པ་ནི་ཉེས་བྱས་སུ་འགྱུར་རོ། །བསྔོས་ན་འདི་ཡལ་བའོ་ཞེས་པ་ནི་གཞན་གྱི་ནོར་རམ་རྫས་སུ་བསྔོས་ན་བདག་གི་མ་ཡིན་པར་སྟོན་པའོ། །རབ་ཏུ་འབྱུང་བའི་ཕྱིར་ངེས་པར་
[76a.2]བྱས་པའམ་དེ་བཞིན་ཞེས་པ་ནི་རབ་ཏུ་འབྱུང་བ་རྣམས་ཀྱི་གོས་སུ་བསྔོས་ཏེ་བཞག་པ་ལྟ་བུ་ཡང་ཉེས་པར་མི་འགྱུར་ཏེ་འདི་ནི་རབ་ཏུ་འབྱུང་བའི་ཕྱིར་ལྷུང་བཟེད་ལྷག་པ་#བཅངས་ཀྱང་བླ་བ་ལས་དྲངས་པའོ། །གོས་རུང་བར་བྱས་པ་ཡང་ངོ་ཞེས་པ་ནི་མིང་འདི་ཞེས་བྱ་བའི་གོས་ཞེས་སྔགས་
[76a.3]ཀྱིས་རུང་བར་བྱས་པ་ཡང་བདག་གི་མི་འགྱུར་བའོ། །འདིར་རྒྱུན་ཆགས་པ་ནི་འཇིག་གོ་ཞེས་པ་ནི་བཅངས་པའི་གོས་བསྔོ་བ་ལ་སོགས་པ་བདག་གིར་བྱ་བ་མ་བྱས་ན། བདག་གི་སྲེལ་བའི་རྒྱུན་ཆད་ཅིང་འཇིག་པར་སྟོན་པ་སྟེ། དངོས་སུ་གོས་སྔ་མ་རྙེད་ནས་ཞག་བཞིའམ་ལྔ་ལོན་ཏེ་
[76a.4]མེད་པར་བྱས་པའི་འོག་ཏུ་རྙེད་པ་སྔ་མའི་ཞག་གྲངས་དང་མི་སྦྱོར་བར་སྟོན་པའོ། །རྒྱུན་ཆད་པ་དེ་ཉི་#ཚེར་ཟད་དམ་ཞེ་ན། རང་བཞིན་ཉམས་པ་ཡང་ངོ་ཞེས་པ་ཡིན་ཏེ་བཅང་བའི་#གོས་བཅངས་ནས་ཞག་གཉིས་སམ་གསུམ་མམ་བཅུར་མ་ལོན་པ་རྣམས་ཚུན་ཆད་དུ་ལོན་ཡང་རུང་བའི་
[76a.5]སྐབས་སུ་སྨོས་པ་ལ་སོགས་པ་རང་བཞིན་ཉམས་པར་རེད་#ན། ནམ་སངས་པ་ཚུན་ཆད་ཞག་གྲངས་ཀྱི་མགོ་གདོད་བཙུགས་ཏེ་བརྩིའོ། །སྔོན་གྱི་ཞག་གྲངས་དང་མི་སྦྱར་#བར་སྟོན་པའོ། །འདི་ཡོད་ན་གཞན་ཡང་དེའི་དངོས་པོར་སྐྱེའོ་ཞེས་པ་ནི་སྔོན་བདག་གིར་བྱས་པ་ཡོད་ན་ཕྱིས་རྙེད་
[76a.6]པ་ཡང་བདག་གིར་བྱས་པ་དེའི་ཁོངས་སུ་འགྲོ་སྟེ། དེ་ཡང་གང་ཞེ་ན་བདུན་པ་དང་། བཅུ་པ་དང་། ཟླ་བ་གཅིག་པ་རྣམས་དེ་དག་སོ་སོ་རིགས་རིགས་སུ་འགྱུར་བའོ། །དེ་ལ་ཞག་བདུན་པའི་བྱེ་བྲག་སྟོན་པ་ནི། བདུན་པ་ནི་#རིགས་གཅིག་གོ་ཞེས་པ་ཡིན་ཏེ། བདུན་པའི་སྨན་#བདག་
[76a.7]གིར་བྱས་པ་ནི་དེ་དང་འདྲ་བའི་རིགས་ཕྱིས་རྙེད་ན་དེའི་ཁོངས་སུ་འགྲེ་བར་འགྱུར་གྱི། རིགས་མི་གཅིག་པ་ནི་དེ་ལྟར་མི་འགྱུར་གྱི། ཞག་བདུན་པའི་བར་སྔར་བྱིན་གྱིས་བརླབས་པ་དང་། ཕྱིས་ཀྱང་མར་ཞིག་རྙེད་པ་ལས་སྔ་མ་བདུན་ལས་ཐལ་ཏེ་བརྒྱད་དུ་བཅངས་ན། སྔ་མ་
[76b]
[76b.1]བདུན་ལས་འདས་པའི་ཁྲིན་དུ་ཕྱི་མ་འང་སྤང་དགོས་པ་ལྟ་བུ་ཡིན་ནོ། །དེའི་ལྟུང་བ་ཡོད་ན་བདག་གིར་བྱས་པའི་ཡོ་བྱད་དོ་ཅོག་སྤངས་པའོ་ཞེས་པ་ནི་སྔར་སྤང་བའི་ལྟུང་བ་གཅིག་བྱུང་ན་དེ་ནམ་མ་སྤངས་མ་བཤགས་ཀྱི་བར་དུ་ཕྱིས་རྙེད་པའི་ཡོ་བྱད་དོ་ཅོག་སྤང་#དགོས་པར་སྟོན་
[76b.2]པའོ། །ཆུང་བའི་དུམ་བུ་ནི་དེ་མ་ཡིན་ཞེས་པ་ནི་གོས་མེས་ཚིག་པའམ་བྱི་བས་ཟོས་པའི་དུམ་བུ་ཁྲུ་གང་ཁོར་ཡུག་ཏུ་མེད་#པ་ནི་སྤང་མི་དགོས་པར་སྟོན་ཏེ་ལྟུང་བ་ཉི་ཚེ་ནི་བཤགས་དགོས་སོ། །དགེ་འདུན་གྱི་ཡང་ངོ་ཞེས་པ་ནི་དགེ་འདུན་གྱི་གོས་བདག་གིར་བྱིན་གྱིས་བརླབས་པ་ལས་བྲལ་བར་
[76b.3]གྱུར་ན། བདག་ཉིད་ཀྱི་མ་ཡིན་པའི་ཕྱིར་སྤང་ནི་མི་དགོས་ཀྱི་ལྟུང་བ་བཤགས་དགོས་པའོ། །འདིར་མེད་པ་ཉིད་བརྩན་ནོ་ཞེས་པ་ནི་སྤང་བའི་ལྟུང་བ་འབྱུང་བ་ལས་སྤང་བའི་རྫས་མེས་ཚིག་པ་ལ་སོགས་པའི་རྐྱེན་གྱིས་མེད་པར་གྱུར་ན། མེད་པ་ཉིད་སྤངས་པ་ཡིན་པས་ན་ལྟུང་བ་ཉི་
[76b.4]ཚེ་ཤོགས་#ཤིག་པའོ། །འདི་གསུམ་གཏན་པ་བྲུབས་ན་མེད་ཅེས་པ་ནི་གཏན་པ་བྲུབས་#པའི་ཚེ་བཅང་བ་དང་། འབྲལ་པ་དང་། ཁ་སོགས་སུ་འཇོག་པ་གསུམ་གྱི་ཉེས་པ་མེད་པར་སྟོན་པའོ།། །།#སྤྱིའི་མཚན་ཉིད་དེ་ལྟར་བསྟན་ནས། འཆང་བ་ཉིད་ཀྱི་མཚན་ཉིད་སྟོན་པ་ཡོད་པས་
[76b.5]སོ་ཞེས་པ་ཡིན་ནོ། །ཅི་ཡོད་ཅེ་ན་བདག་གིར་རོ་ཞེས་པ་ཡིན་ཏེ་བདག་གིར་བྱས་པ་ཡོད་ནའོ། །བདག་གིར་བྱས་པའོ་ཅོག་གི་ཡན་ལག་ཏུ་འགྱུར་རམ་ཞེ་ན། ཞག་བཅུར་རྒྱུན་ཆགས་ནའོ་ཞེས་པ་ཡིན་ཏེ། ཞག་བཅུའི་བར་དུ་བདག་གིར་བྱས་ནའོ། །དེ་ཡང་གང་གི་ཚེ་ཉེས་པར་
[76b.6]འགྱུར་ཞེ་ན། ཞག་གཞན་གྱི་དང་པོས་སོ་ཞེས་པ་ཡིན་ཏེ་ཞག་བཅུ་གཅིག་གི་ཐོག་མ་ལ་ཐུག་ན་ཉེས་པར་འགྱུར་བའོ། །ཅི་ཞག་བཅུར་བཅངས་པས་ཉེས་པར་འགྱུར་ཞེ་ན། གོས་ལས་སོ་ཞེས་པ་ཡིན་ཏེ་ལྷུང་བཟེད་དང་སྨན་ལ་སོགས་པ་གཞན་བཅངས་པས་མ་ཡིན་གྱི་གོས་བཅངས་པས་
[76b.7]ཉེས་པར་འགྱུར་བའོ།། །།#གོས་སོ་ཅོག་ལས་#ཉེས་པར་འགྱུར་རམ་ཞེ་ན། ཚད་ཀྱི་མཐའ་ནི་འཁོར་གསུམ་ཡོག་པའོ་ཞེས་པ་ཡིན་ཏེ། ལྟེ་བ་མན་ཆད་པུས་མོ་གཉིས་ཡན་ཆད་ཀྱི་བར་ཡོག་པ་ཡན་ཆད་ལས་ཉེས་པར་འགྱུར་རོ། །ཚད་དེ་ཙམ་མོ་ཅོག་ལ་ཉེས་པར་འགྱུར་རམ་ཞེ་ན། བྱིན་གྱིས་
[77a]
[77a.1]མ་བརླབས་ནའོ་ཞེས་པ་ཡིན་ཏེ། རུང་བར་བྱས་བ་ལ་སོགས་པས་བྱིན་གྱིས་མ་བརླབས་ན་ཉེས་པར་འགྱུར་བའོ། །དེ་ཉི་ཚེར་ཡང་མ་ཟད་ཀྱི། བརླབས་ཀྱང་རྒྱུན་ཆགས་པ་དང་ལྡན་ནའོ་ཞེས་པ་ཡིན་ཏེ། སྔར་རྙེད་པ་ནི་བྱིན་གྱིས་མ་བརླབས་པར་ལུས། ཕྱིས་རྙེད་པ་ནི་བྱིན་
[77a.2]གྱིས་བརླབས་པ་ལས་སྔ་མ་ཞག་བཅུ་ལས་འདས་ན་ཕྱི་མ་བྱིན་གྱིས་བརླབས་ཀྱང་མི་ཕན་ཏེ་ཡང་#དགོས་པར་སྟོན་པའོ། །དེ་ཅིའི་ཕྱིར་དེ་ལྟ་ཞེ་ན། སྔར་བྱིན་གྱིས་མ་བརླབས་པ་ཡོད་པ་དེ་ཚུན་ཆད་ཀྱི་ཁྲིན་གྱིས་གཞན་ནོ་ཞེས་པ་ཡིན་ཏེ། སྔ་མ་བྱིན་གྱིས་མ་བརླབས་པའི་ཞར་གྱིས་ཕྱི་མ་འང་
[77a.3]སྦང་དགོས་པར་སྟོན་པ་སྟེ་སྔ་མ་ཞག་བཅུ་འདས་པ་བརྩན་གྱི་ཕྱི་མ་བྱིན་གྱིས་བརླབས་ཀྱང་རུང་སྟེ་ཞག་བཅུར་བརྩིའོ། །འཆང་བའི་སྦང་པའོ།། །།#ད་ནི་འབྲལ་བའི་སྤང་བ་བསྟན་#ཏེ་དེའི་ཞར་ལ་བསྙད་པ་ཇེ་སྟོན་པ་ནི། གདིང་བ་དང་བྲལ་བ་ཉེས་མེད་ཅེས་པ་ཡིན་ཏེ། གདིང་བ་ལ་འབྲལ་བ་མེད་
[77a.4]པར་སྟོན་པའོ། །འབྲལ་བ་མེད་པའི་ཕྱིར་གར་ཡང་བླའམ་ཞེ་ན། གདིང་བ་བཞག་སྟེ་མི་འགྲོ་ཞེས་པ་ཡིན་ཏེ། གར་འགྲོ་དགུར་གདིང་བ་ཁྱེར་ཅིག་པའོ། །གར་འགྲོ་དགུར་གཞག་དུ་ཡེ་མི་རུང་བར་ཁྱེར་རམ་ཞེ་ན་གལ་ཏེ་དེ་#ཉིད་དུ་སླར་འཁོར་བཙམ་གྱི་ཚོད་ན་མ་ཡིན་ཞེས་པ་ཡིན་ཏེ། ནུབ་
[77a.5]མོ་སླར་འཁོར་བ་ཙམ་གྱི་ཚོད་ནམ་ཁྱེར་ཡང་སླ་བའོ། །དེ་ལྟར་བསམས་ཏེ་སོང་བ་ལས་དུས་#མ་ཡིན་པར་གྱུར་ན་དེར་གནས་ཞེས་པ་#ནི་གོང་མ་ལྟར་བྱས་ཏེ་སོང་བ་ལས་ཕྱིས་པ་ལ་སོགས་པའི་རྐྱེན་གྱིས་སླར་མི་འཁོར་བ་ཙམ་གྱི་ཚོད་ན། དེར་གཞི་ནོན་ཅིག་པའོ། །དེ་བརྙས་ཏེའོ་ཞེས་པ་ནི་#དེ་
[77a.6]ལྟར་གཞི་མནན་པའི་ཚེ་གདིང་བ་གཞན་ལས་རྙོས་པ་གཞི་ནོན་ཅིག་པའོ། །བརྙར་མ་རྙེད་ན་ཇི་ལྟར་བྱ་ཞེ་ན། མ་རྙེད་ན་བླ་གོས་བཞི་བལྟབས་སུ་བྱོས་ལ་ཕལ་ཆེར་མེལ་ཚེ་#བྱ་ཞེས་པ་ཡིན་ཏེ། བརྙར་མ་རྙེད་ན་ཐབས་འདི་ལྟར་གྱིས་ཤིག་པ་སྟེ་#འདི་ཡན་ནི་ཕྲན་ཚེགས་ལས་འབྱུང་བའོ། །
[77a.7]སྦྱར་མ་གཞག་པར་མི་འོས་པའི་གནས་སུ་དབྱར་གྱི་རས་ཆེན་མི་གཞག་ཅེས་པ་ནི་སྦྱར་མ་གཞག་པའི་གནས་འོག་ནས་འབྱུང་བ་མ་ཡིན་བར་དབྱར་གྱི་རས་ཆེན་མ་འཇོག་ཤིག་པའོ། །ཆར་འབབ་ན་མ་ཡིན་ཞེས་པ་ནི་ཆར་པ་བབ་ན་ཡང་རས་ཆེན་མ་འཇིག་ཤིག་#པའོ། །ཆུ་བོས་ཆོད་པར་
[77b]
[77b.1]འགྲོ་ན་མ་ཡིན་ཞེས་པ་ནི་རབ་#བརྒལ་བའི་ཚེ་འདིས་བགྲོད་དགོས་པས་ན། ཆུ་བརྐལ་#བའི་ཚེའང་མ་འཇོག་པར་ཁྱེར་ཅིག་པའོ། །འདི་དག་གིས་དོགས་ན་མ་ཡིན་གོང་དུ་སྨོས་པ་ལྟ་བུ་དག་གིས་དོགས་ན་ཡང་རས་ཆེན་མ་འཇོག་པར་ཁྱེར་ཅིག་པའོ། །དགེ་སློང་དང་བཅས་སྒོ་འཕར་དང་
[77b.2]བཅས་པར་ལྡན་པའི་གནས་དང་ཆར་འབབ་བཞིན་པ་དང་། འབབ་ཏུ་དོགས་པ་དང་འགྲོ་བར་བྱ་བ་ཆུས་བཙལ་བ་འདི་དག་མ་ཡིན་ལ་སྡོམ་པ་མ་ཐོབ་ཅིང་གཏན་#པ་མ་བྲུབས་ན་སྦྱར་མ་མེད་པར་གར་#ཡང་མི་འགྲོ་ཞེས་པ་ནི་མིང་གིས་སྨོས་པ་རྣམ་པ་ལྟ་བུ་མ་ཡིན་ཞིང་#སྡོམ་པ་ཐོབ་པ་དང་
[77b.3]གཏན་#པ་བྲུབས་པའི་གདེང་མེད་ན་ཆོས་གོས་སྦྱར་མ་གཞག་ཏུ་མི་རུང་གིས་གར་འགྲོ་ཡང་ཁྱེར་ཅིག་པའོ། །ཆོས་གོས་ཀྱི་གནས་སུ་མ་#ཕྱིན་པ་ལྟ་ན་ཕྱུང་སྟེ་གཞན་ལ་བྱིན་གྱིས་བརླབ་#པ་གཉེན་པོའོ་ཞེས་པ་ནི་གལ་ཏེ་ཆར་ལ་སོགས་པས་འཛེམ་སྟེ་བསྐུར་#དུ་མི་རུང་ན་སླར་འཁོར་བར་#
[77b.4]བསམས་ཏེ། ཆས་པ་ལས་མ་འཁོར་ན། སྔ་མའི་སྔགས་ཡིད་ཀྱིས་ཕྱུང་#ལ། ཁྱིམ་པའི་གོས་སྐྱ་བོ་ཡན་ཆད་ཇི་སྙེད་#པ་ལ་བྱིན་གྱིས་རློབས་#ཤིག་པའོ། །རྒས་ཤིང་ན་བས་སྦྱར་མ་མི་ཐེག་ན་མི་འབྲལ་#བའི་སྡོམ་པ་སྦྱིན་ཞེས་པ་ནི་ཆོས་གོས་ཉམས་ཀྱིས་མི་ཐེག་པ་ཙམ་དུ་རྒས་
[77b.5]ཤིང་ན། ཆོས་གོས་དང་འབྲལ་བར་གནང་བའི་སྡོམ་པ་གསོལ་ན་དགེ་འདུན་གྱིས་དེ་ལྟ་བུ་ལ་མི་འབྲལ་བའི་སྡོམ་པ་བྱིན་ཅིག་པའོ། །གོས་གང་ལས་འབྲལ་བར་འགྱུར་ཞེ་ན། སྨྲས་པ། བྱིན་གྱིས་བརླབས་པ་དང་། སྡོམ་པ་མ་ཐོབ་པ་ལས་བྱེད་ཅེས་པ་ཡིན་ཏེ། བྱིན་གྱིས་
[77b.6]བརླབས་པའི་གོས་གསུམ་ལས་གང་ཡང་རུང་བ་དང་། གོང་མ་ལྟ་བུའི་སྡོམ་པ་མ་ཐོབ་པ་ལས་འབྲལ་བར་འགྱུར་རོ། །ནམ་ཡང་རུང་སྟེ་འབྲལ་བར་འགྱུར་རམ་ཞེ་ན། གནས་དེའི་ཉེ་#སྤྱོད་དང་བཅས་པ་ལས་གུད་ན་འདུག་སྟེ་སྐྱ་རེངས་ཤར་ནའོ་ཞེས་པ་ཡིན་ཏེ། གནས་གང་དུ་
[77b.7]འདུག་པ་དེའི་ཉེ་#སྤྱོད་ལ་ཡང་མ་གཏོགས་པའི་ལོགས་ཤིག་ན་འདུག་འདུག་པ་ལས་སྐྱ་རེངས་ཀྱིས་#ཆོད་ན་འབྲལ་བར་སྟོན་པའོ། །དེ་ལ་གནས་ཤེས་པ་#དེར་འདུག་པ་ཙམ་གྱིས་གནས་སུ་མི་འགྱུར་བས་ན་དེ་མཚན་ཉིད་སྟོན་པ་ནི། མཚམས་ཡོད་པ་ནི་གནས་ཀྱི་མཐའ་མཚམས་
[78a]
[78a.1]སོ་ཞེས་པ་ཡིན་ཏེ། །མཚམས་གར་བཅད་པའི་གནས་དེ་ཚུན་ཆད་མཚམས་ཀྱི་མཐའ་#སྟོན་པའོ། །བདག་པོ་ཐ་དད་པ་རྣམས་མཚམས་ཀྱིས་#བཙལ་བ་བཞིན་དུ་བདག་པོ་གཅིག་གི་གནས་ན་མཚམས་ཀྱིས་བཙལ་བ་ཡང་ཉེས་པར་འགྱུར་རམ་ཞེ་ན། བདག་པོ་
[78a.2]གཅིག་ན་མཚམས་ཀྱིས་བཙལ་བ་ནི་ཐ་དད་དུ་མི་བྱེད་ཅེས་པ་ཡིན་ཏེ་གནས་སྤྱིར་བདག་པོ་གཅིག་དབང་བ་ཞིག་ན་དེའི་ནང་ན་མཚམས་ཀྱིས་བཙལ་བ་ཙམ་ནི་བདག་པོ་བརྩན་#བས་མཚམས་ཐ་དད་དུ་མི་འགྱུར་བར་སྟོན་པའོ། །བདག་པོ་ཐ་དད་ན་ཡང་སྒོ་ལ་སོགས་པར་ཐུན་མོང་བ་ཡིན་ཏེ། རྒྱས་
[78a.3]པར་ནི་རྣམ་པར་འབྱེད་པ་ལས་འབྱུང་བ་དང་སྦྱོར་ཅིག# ། ནོར་དང་ལྟ་བས་མ་བྱེ་བ་#ཡང་ངོ་ཞེས་པ་ནི་སྤུན་ལྟ་བུ་ནོར་མ་བགོས་པ་དང་མུ་སྟེགས་ལྟ་བ་མི་མཐུན་པས་མ་ཕྱེ་བའི་#གནས་ཀྱང་ཐ་དད་མི་བྱེད་པར་སྟོན་པའོ། །ཡལ་ག་དང་ཡན་ལག་མ་འདྲེས་པ་ནི་གནས་སོ་སོའོ་ཞེས་པ་ནི་ཡལ་གའི་
[78a.4]ཡན་ལག་འདབ་མ་འདྲེས་པ་བཞིན་དུ་#ཆོས་གོས་གཞག་སྟེ་བདག་ཀྱང་ཡལ་ག་གཅིག་ལ་འདུག་ན་གནས་ཐ་དད་པས་འབྲལ་བར་འགྱུར་བའོ། །མདོ་ནི་ཐུན་མོང་ངོ་ཞེས་པ་ནི་ཡལ་གའི་མདོ་བདག་གིས་བསྲུངས་སམ། མདོར་ཆོས་གོས་གཞག་ལ་བདག་དེ་ལས་གྱེས་པའི་ཡལ་གར་འདུག་ཀྱང་
[78a.5]འབྲལ་བར་མི་འགྱུར་བའོ། །རྩ་བའི་རྩ་བ་ལ་སོགས་པ་ཡང་ངོ་ཞེས་པ་ནི་ཡལ་ག་རྣམས་ཀྱི་རྩ་བ་ནི་སྡོང་པོ་སྡོང་པོའི་དྲུངས་#ནི་རྩ་བས་ན། རྩ་བ་བདག་གིས་བསྲུངས་སམ་རྩ་བར་ཆོས་གོས་བཞག་ལ་བདག་སྟེང་དུ་འཛེགས་ན་ཡང་འབྲལ་བར་མི་འགྱུར་ཏེ། སྩོགས་#པ་ཞེས་པའི་ནང་དུ་ནི་
[78a.6]རྩ་བས་གར་སླེབས་པའི་ས་ཁྱོན་ཡང་བསྡུ་བར་སྟོན་པའོ། །ཤིང་གི་ལོ་མ་དང་འདབ་མས་འདབ་ཆགས་པ་ནི་གནས་གཅིག་གོ་ཞེས་པ་ནི་ཤིང་གི་ལོ་མ་དང་འདབ་མ་འདབ་ཆགས་འབྲེལ་པར་འདུག་ན་གནས་གཅིག་པར་སྟོན་པའོ། །ཁེབས་པ་བཞིན་དུ་འོག་གི་ཕྱོགས་ཀྱང་དེར་ཆུད་དོ་
[78a.7]ཞེས་པ་ནི་ཐོག་བོར་བའི་འོག་ཏུ་ཇི་སྙེད་འདུས་པ་ཀུན་དེའི་འོག་ཏུ་གཏོགས་པས་ན། ཆོས་གོས་སྟེང་དུ་གཞག་ལ་བདག་འོག་ཏུ་འདུག་ཀྱང་རུང་བར་སྟོན་པའོ། །གྲུ་དང་ཤིང་རྟ་ཡང་ངོ་ཞེས་པ་ནི་གྲུ་དང་ཤིང་རྟས་ཇི་སྙེད་ཁེབས་པ་ཡང་དེའི་འོག་ཏུ་གཏོགས་པས་ན་ཆོས་གོས་སྟེང་དུ་བཞག་ལ་
[78b]
[78b.1]བདག་འོག་ཏུ་འདུག་ཡང་མི་འབྲལ། མཚམས་མེད་ན་ཡན་ལག་གིས་ཁེབས་པ་མཐའོ་ཞེས་པ་ནི་མཚམས་མེད་པའི་ཐང་བུ་ལ་འདུག་ན་བདག་གི་ལུས་ཀྱིས་མི་ཁེབས་པའི་ཚུན་ཆད་གནས་སུ་སྟོན་པའོ། །གནས་དེ་དག་ལྟར་བསྟན་ནས་ད་ནི་ཉེ་#སྤྱོད་སྟོན་ཏེ་དེའང་འཇུག་པ་དང་མཁོ་
[78b.2]བའོ། །དེ་ལ་འཇུག་པ་ནི། འདོམ་གང་འཁོར་ཡུག་ནི་ཉེ་སྤྱོད་དོ་ཞེས་པ་ཡིན་ཏེ། གནས་ཀྱི་མཚམས་ལས་འདོམ་གང་ཁོར་ཡུག་ཚུན་ཆད་འཆགས་#ལ་སོགས་པ་བཤང་བའི་འགྲུལ་ཟགས་འཇུག་ཅིང་ཉེ་བར་སྤྱོད་པའོ། །དེའི་ཁྱད་པར་གྲོང་རྣམ་པ་གསུམ་གྱི་ཉེ་སྤྱོད་སྟོན་པ་ནི།
[78b.3]གྲོང་རྩིག་པས་བསྐོར་ན་འོད་#མའི་ཤིང་རྟ་ཕྱུགས་དྲུག་དང་ལྡན་པས་ཇི་ཙམ་ཁེབས་པ་དང་། བྱ་གག་འབབས་པའི་ཁྱོན་ནམ་ལམ་མོ་ཞེས་པ་ལ་སོགས་པ་ཡིན་ཏེ། གྲོང་རབས་བསྐོར་བ་ཞིག་ན་དེའི་ཉེ་#སྤྱོད་ཀྱི་ཚད་མིང་གིས་སྨོས་པ་འདི་ཙམ་གྱིས་ཟུང་ཤིག་པའོ། །ཤིང་ཐབས་ཀྱིས་
[78b.4]བསྐོར་ནར་ལུག་གི་རྡུལ་ཏམ་མི་རང་བཞིན་གྱིས་འཛེམ་པ་ཅན་གྱི་བཤང་སའི་ལམ་མོ་ཞེས་པ་ནི་གྲོང་ཤིང་ཐགས་#ཀྱིས་བསྐོར་བ་ཞིག་ན་དེའི་ཉེ་སྤྱོད་ཀྱིས་#ཚིགས་མིང་གིས་སྨོས་པ་འདི་ཙམ་གྱིས་ཟུང་ཤིག་པའོ། །འོབས་ཀྱིས་བསྐོར་ན་སྐས་ཐེམ་པ་#བཅུ་གཉིས་པའམ་ཕྱག་དར་གྱི་
[78b.5]བོང་རྡོ་རགས་པའི་ལམ་མོ་ཞེས་པ་ནི་གྲོང་འོབས་ཀྱིས་བསྐོར་བ་ཞིག་ན། དེའི་ཉེ་#སྤྱོད་ཀྱི་ས་ཚིགས་མིང་གིས་སྨོས་པ་འདི་ཙམ་གྱིས་ཟུང་ཤིག# ། འཇུག་པའི་ཉེ་#སྤྱོད་དེ་ལྟར་བསྟན་ནས། མཁོ་བའི་ཉེ་སྤྱོད་སྟོན་པ་ནི། དེའི་གནས་ནི་གོ་རེ་ལོང་དང་། འགྲོ་བ་དང་འདུག་པ་དང་ཐུལ་
[78b.6]ཡབས་ཀྱིས་ཇི་ཙམ་སླེབས་པའི་ཁོངས་སོ་ཞེས་པ་ཡིན་ཏེ། མཁོ་བའི་ཉེ་#སྤྱོད་ཀྱི་ས་ཚིགས་མིང་གིས་སྨོས་པ་འདི་ཙམ་གྱིས་ཟུང་ཤིག་པའོ། །ལམ་དུ་ཞུགས་པའི་མི་དང་མ་བྲལ་ཚམས་མེད་ན་འདོམ་བཞི་བཅུ་དགུའོ་ཞེས་པ་ནི་ལམ་ཐོག་ཐག་ཏུ་སོང་ལ་ར་བ་ལ་
[78b.7]སོགས་པའི་མཚམས་ཀྱིས་ཀྱང་མ་བཙལ་ན། ཆོས་གོས་ཁྱེར་བ་དང་བདག་གི་བར་ན་འདོམ་བཞི་བཅུ་དགུས་ཆོད་ཀྱང་བྲལ་བར་མི་འགྱུར་བའོ། མཚམས་གཞན་མ་ཡིན་ཞེས་པ་ནི་མཚམས་གཞན་དང་འདམ་#ན་མཚམས་སུ་མི་ཆུད་པར་སྟོན་པའོ། །དཀྱིལ་ནས་རྒྱང་གྲགས་
[79a]
[79a.1]ཕན་ཆད་ནི་ཐ་དད་དོ་ཞེས་པ་ནི་ས་ཁྱོན་རིང་མོ་ཞིག་ཏུ་ཤིང་ལོ་འདབ་ཆགས་པ་ཞིག་ཏུ་འདུག་ན། དབུས་ནས་རྒྱང་གྲགས་ཁོར་ཡུག་ཚུན་ཆད་མཚམས་སུ་བརྩིའོ། །དེ་ཕན་ཆད་མཚམས་སུ་མ་བརྩི་ཤིག་པའོ། །འབྲལ་བའི་སྤང་བ་རྣམ་པར་འབྱེད་པའོ།། །།#འབྲལ་
[79a.2]བ་ཞུས་པ་ལས་འབྱུང་བ་སྟོན་པ་ནི་དམ་དུམ་གྱུར་ཀྱང་བྱིན་གྱིས་བརླབས་པ་མི་ཡལ་ཞེས་པ་ལ་སོགས་པ་ཡིན་ཏེ། བྱིན་གྱིས་བརླབས་པའི་གོས་རྙིང་པ་ལ་སོགས་པས་དམ་དུམ་#གྱུར་ཀྱང་བདག་གི་མ་ཡིན་པར་མི་འགྱུར་བས་ན། བྱིན་གྱིས་བརླབས་པ་ཡལ་བར་མི་འགྱུར་བར་སྟོན་
[79a.3]པའོ། །སྤང་བ་ལ་མི་འཆགས་པ་མ་ཡིན་ཞེས་པ་ནི་སྤང་བར་འགྱུར་བའི་གོས་ལ་བྱིན་གྱིས་བརླབས་ནའང་སྔགས་ནི་མི་འཆགས་པ་མེད་པར་སྟོན་པའོ། །དགེ་འདུན་གྱི་ཡང་ངོ་ཞེས་པ་ནི་དགེ་འདུན་གྱི་གོས་ལ་བྱིན་གྱིས་བརླབས་ནའང་མི་འཆགས་པ་མེད་པར་སྟོན་པའོ། །འདི་ལས་འབྲལ་བར་
[79a.4]ཡང་འགྱུར་ཞེས་པ་ནི་དགེ་འདུན་གྱི་གོས་དེ་བདག་གི་མ་ཡིན་དུ་ཟིན་ཀྱང་བྱིན་གྱིས་བརླབས་ན་འབྲལ་བར་འགྱུར་བར་སྟོན་པའོ། །གཞན་གནས་ཀྱང་གཞན་གྱི་གནས་སུ་མི་འགྱུར་ཞེས་པ་ནི་བདག་གི་གནས་སུ་ཁྱིམ་པ་ལ་སོགས་པ་ཕྱི་མི་གཞན་འདུག་ཀྱང་། བདག་གི་གནས་སུ་འགྱུར་བ་
[79a.5]མ་ཡིན་པའོ། །དེ་ཅིར་སྟོན་ཅེ་#ན་བདག་གི་གནས་སུ་ཕྱི་མི་འདུག་ཀྱང་འབྲལ་བའི་ཉེན་དུ་མི་འགྱུར་བར་སྟོན་པའོ། །ལྟ་བ་ཞེས་པ་གཞན་དང་འདིའི་ཆོས་སུམ་ཆུད་པ་མ་ཡིན་ཞེས་པ་ནི་བདག་ཅག་མུ་སྟེགས་པ་གཞན་གྱི་གནས་ཀྱིས་བསྐལ་ན། གོང་དུ་ལྟ་བས་བསྐལ་ཞེས་སྨོས་པའི་ནང་
[79a.6]དུ་འདུས་པར་སྟོན་པའོ། །སྒོ་གང་ཐུན་མོང་མ་ཡིན་ཞེས་པ་ནི་སྒོ་གང་#ཐུན་མོང་བའི་ནང་དུ་འདུས་པར་སྟོན་པའོ། །ནོར་ཞེས་པས་ནི་ཕ་དང་བུར་ཡང་མ་ཡིན་ཞེས་པ་ནི་ཕ་དང་བུར་སྒོ་བྱེ་ན་ཡང་། གོང་དུ་ནོར་ཞེས་སྨོས་པའི་ཁོངས་སུ་འདུས་པར་སྟོན་པའོ། །སྤངས་པ་ཡང་དེ་བཞིན་ཞེས་པ་ནི་
[79a.7]ལྷུང་བཟེད་ཁས་ཕུབ་#པ་ཡང་དེའི་ཚུལ་ལས་འགྱུར་ཏེ་ན་རོ་བགོས་སམ་མ་བགོས་པ་དང་སྦྱོར་བའོ། །སྨྱེན་གནས་ཀྱང་ངོ་ཞེས་པ་ནི་དུ་མ་སྨྱེན་ངན་ཅིག་ཅར་དུ་སྤྱོད་ན་དེ་དག་ལ་ནོར་བགོས་སམ་མ་བགོས་པ་ལས་ལྷུང་བ་མང་ཉུང་གི་གྲངས་སུ་འགྱུར་བར་སྟོན་པའོ། །འདི་གྲོང་གིར་འགྱུར་གྱི་
[79b]
[79b.1]གཙུག་ལག་ཁང་གི་ཉེ་སྤྱོད་མ་ཡིན་ཞེས་པ་ནི་གྲོང་དང་གཙུག་ལག་ཁང་གི་བར་ན་འདོམ་གང་ལས་མེད་པ་ཞིག་#ན། དེ་གྲོང་གི་ཉེ་སྤྱོད་དུ་འགྱུར་གྱི་གཙུག་ལག་ཁང་དུ་མ་ཡིན་པར་སྟོན་པ་ནི#། ཁྱིམ་པ་ཡོད་ན་དེའི་ཐན་ཁོར་མཚམས་བཅད་པའི་ཁོངས་སུ་མི་རུང་བ་བཞིན་ནོ། །འབྲལ་བའི་
[79b.2]སྤངས་པ་#ཞུས་པའོ། །འབྲལ་བའི་སྤངས་པའོ།། །།#ཟླ་བའི་སྤང་བ་འཆད་པར་འདོད་པ་ནི། ལངས་སུ་རེབ་མེད་ན་ཆུང་སྟེ་ཁྲུ་གང་ཁོར་ཡུག་པའང་རངས་པ་བཞིན་ཞེས་པ་ཡིན་ཏེ་ཕྱི་མ་རྙེད་དུ་རེ་བ་མེད་ན་ནི་ཆུང་བའི་ཚད་ཁྲུ་གང་ཁོར་ཡུག་པ་ཡན་ཆད་ཀྱང་འཁོར་གསུམ་ཡོག་པའི་
[79b.3]རངས་པ་དང་#འདྲ་སྟེ། ཞག་བཅུ་འདས་ན་སྤང་བར་འགྱུར་བའོ། ཁྱིན་གྱིས་བརླབས་པ་ཡང་ཡོད་ན་ཡང་ངོ་ཞེས་པ་ནི་བྱིན་གྱིས་བརླབས་པའི་ཆོས་གོས་གསུམ་ཡོད་ན་གདོད་གོང་མ་ལྟར་འགྱུར་བའོ། །ཇི་ལྟར་ན་འཇོག་པའི་སྤང་བར་འགྱུར་ཞེ་ན། གཞན་དུ་ན་ཞག་སུམ་ཅུ་འདས་ནའོ་ཞེས་
[79b.4]པ་ཡིན་ཏེ་མདོ་གོང་མ་གཉིས་ལྟར་མ་ཡིན་ན་ཞག་སུམ་ཅུ་འདས་པར་བཞག་པས་སྤངས་པར་#འགྱུར་བའོ། །ཁ་དོག་ལ་སོགས་པ་མི་འདྲ་བ་ནི་མ་འདས་པའོ་ཞེས་པ་ནི་སྔ་མ་རྙེད་ཟིན་པ་དང་། ཕྱིས་རྙེད་དུ་རེ་བ་གཉིས་སེར་པོ་འམ་དམར་པོ་ལ་སོགས་པ་ཁ་དོག་སྲེལ་ཞིང་གྱུར་ཏེ། མི་
[79b.5]མཐུན་ན་མ་རངས་པ་དང་འདྲ་བས་གཞག་པར་མ་བྱེད་ཅིག་པའོ། །དེ་ལ་སོགས་ཞེས་པ་ནི་བལ་དང་རས་ལྟ་བུའམ་རས་དང་ཟར་མ་ལྟ་བུའམ། སྟུག་སྲབ་ཀྱི་ཁྱད་ཡོད་པ་ལ་སོགས་པ་རིགས་པ་#མི་འདྲ་བ་རྣམས་ལ་བྱའོ། །དཀར་པོ་ནི་ཁ་དོག་ཐམས་ཅད་དོ་ཞེས་པ་ནི་དཀར་པོ་ནི་སྔར་
[79b.6]རྙེད་ཀྱང་རུང་ཕྱིས་རྙེད་ཀྱང་རུང་བར་སྟོན་#པའོ། །དེར་གྲུབ་ན་བཅུ་ཚོགས་སྔ་མ་དེར་གཏོགས་ཞེས་པ་ནི་ཟླ་བ་གཅིག་ཏུ་སྩོགས་#པར་འཇོག་པ། དང་པོ་ཚེས་གཅིག་ལ་རྙེད་དེ་བཞག་པའི་ཁ་སྩོགས་#ཕྱི་མ་ཞག་བཞིའམ་ལྔ་ལོན་ཏེ་རྙེད་ན་ཞག་བཅུ་མ་འདས་པར་བྱིན་གྱིས་རློབས་ཤིག་པའོ། །
[79b.7]དེ་སྟེ་ཞག་བཅུ་ཐལ་ན་སྤང་བར་སྟོན་པའོ། །དེ་བཞིན་ཉི་ཤུ་དང་སུམ་ཅུ་ཐལ་ན་ཉེས་པར་འགྱུར་བའོ། །གོས་ཅི་འདྲ་བ་དང་ཚད་ཇི་ཙམ་པ་ལ་བྱིན་གྱིས་བརླབས་པ་འཆགས་པ་དང་། བཟློག་ན་སྤང་བར་འགྱུར་བ་རྣམས་འདི་མན་ཆད་སྟོན་ཏེ། མ་སྤྱད་ན་སྦྱར་མའི་མཐའ་ནི་ཉི་#རིམ་མོ་
[80a]
[80a.1]ཞེས་པ་ནི་གསར་ལས་སྦྱར་འདྲུབ་#ན་ཉི་རིམ་ཚུན་ཆད་དུ་གྱིས་ཤིག་པའོ། །གདིང་བ་ཡང་ངོ་ཞེས་པ་ནི་གདིང་བ་ཡང་གསར་ལས་འདྲུབ་#ན་ཉི་རིམ་ཚུན་ཆད་དུ་གྱིས་ཤིག་པའོ། །སྟོད་གཡོགས་སྨད་གཡོགས་ནི་ཆིག་ཐང་ངོ་ཞེས་པ་ནི་འདི་གཉིས་གསར་ལས་བྱེད་ན་
[80a.2]གཅིག་#ཐང་དུ་གྱིས་ཤིག་པའོ། །དུས་སུ་དེངས་ན་ཉི་#རིམ་མོ་ཞེས་པ་ནི་གོང་དུ་སྨོས་པའི་གོས་འདི་དག་དཔྱིད་དང་དབྱར་དང་དགུན་དང་དུས་གསུམ་གྱི་ཟླ་བ་བཞི་གང་ཡང་རུང་བ་ཅིག་ཐལ་བར་#སྤྱད་ན། ཐང་བ་ཉི་#རིམ་དུ་བྱ་བ་ནས་སྦྱར་མ་བཞི་རིམ་དུ་བྱ་བའི་བར་དུ་ལྟ་བས་རེས་ཀློག་ཤིག་#པའོ། །
[80a.3]ཕྱག་དར་ཁྲོད་ཀྱི་ནི་ངེས་པ་མེད་ཅེས་པ་ནི་ཕྱག་དར་ཁྲོད་པ་ལས་འདྲུབ་#ན་རིམ་དུ་བྱ་བ་ཆད་པ་མེད་དོ། །དེངས་ཤིང་བསྲབས་ན་ལྷན་བ་ཅི་དྲན་#དུ་གདབ་ཅེས་པ་ནི་སྤྱད་སྤྱད་དེ་དེངས་སམ་སྒོས་བཤུད་པ་ལ་སོགས་པའི་རྐྱེན་གྱིས་#རྡོལ་དུ་ཆ་ན་ལྷན་པ་གར་འོས་པར་ཅི་དྲན་#དུ་ཐོབ་ཤིག་པའོ། །ལྷག་པར་
[80a.4]མི་བྱ་ཞེས་པ་ནི་དུ་#རིམ་དུ་བྱས་པའི་ཚད་གོང་དུ་བསྟན་པ་ལས་ལྷག་པར་བྱས་སམ་ལྷན་ཅིག་དྲན་#དུ་བབས་པ་ལས་ལྷག་སྟེ། ཀུན་ཡོག་པ་བཏབ་ན་ཉེས་བྱས་སུ་འགྱུར་བར་སྟོན་པའོ། །སྤོང་#བར་ཡང་བྱེད་ཅེས་པ་ནི་རིམ་པ་ལྷག་པ་ལ་སོགས་པ་གོང་མ་ལྟར་བྱས་ན་སྤང་བར་འགྱུར་བར་སྟོན་པའོ། །
[80a.5]བཅོས་ནས་འདི་ཉིད་དང་སྦྱར་རོ་ཞེས་པའི་སེམས་མ་བསྐྱེད་པར་རུང་བར་#མི་དབྲལ་ཞེས་པ་#སྦྱར་མ་དྲི་མས་གོས་སམ་ཁ་དོག་ཡལ་བ་འཆོས་པར་འདོད་ན་འཕྲལ་ལ་སླར་འདི་ཉིད་དང་སྦྱར་རོ་ཞེས་པའི་སེམས་སམ་#བསྐྱེད་པར་གཟུ་ལུམས་སུ་སྦྱར་མས་འབྱེད་ཅིག་པའོ། །ཇི་ལྟར་ཡང་རུང་སྟེ་
[80a.6]ཕྲལ་བ་ལས་མ་སྦྱར་གྱི་བར་དུ་སྤོང་#བར་བྱེད་ཅེས་པ་ནི་གོང་མ་ལྟར་བྱས་ཏེ་དྲལ་ཏམ་གཟུ་ལུམས་སུ་དྲལ་ཀྱང་རུང་སྟེ་ཕྲལ་བ་ལས་ཞག་བཅུ་ཐལ་གྱི་བར་དུ་མ་སྦྱར་བར་ལུས་ན་སྤང་བར་འགྱུར་བའོ། །སྦྱར་མ་སྟོན་པའི་སྐབས་སུ་དེ་དང་འབྲེལ་བ་སྟོན་པ་ནི། སྦྱར་མའི་ཚལ་བུ་#ནི་དགུ་ནས་ཉི་ཤུ་
[80a.7]ལྔའི་བར་དུ་སྟེ་ཟུང་བཏང་ཞེས་པ་ནི་སྦྱར་མ་འདྲུབ་#པའི་ཚལ་བུ་དགུ་པ་ནས་ཉི་ཤུ་ལྔའི་བར་དུ་གྲངས་ཟུང་དུ་འགྱུར་བ་བཅུ་དང་བཅུ་གཉིས་ལ་སོགས་པ་ཁོལ་གྱིས་ཤིག་པའོ། །དེ་ལས་ལྷག་པར་མི་བྱ་བ་སྟོན་པ་ནི། འདི་ལས་ལྷག་པ་བེམ་#བུའོ་ཞེས་པ་ཡིན་ཏེ། ཚལ་བུ་ཉི་ཤུ་ལྔ་ལས་ལྷག་
[80b]
[80b.1]པར་བྱས་ན་ཚེམ་བུའམ་བེམ་#བུར་འགྱུར་བས་ནམ་བྱེད་ཅིག་པར་སྟོན་པའོ། །ཚལ་བུ་དེའི་དཀྱིལ་འཁོར་རངས་དང་ཕྱེད་ཀྱི་རིམ་པ་ཇི་ལྟར་བྱས་བ་སྟོན་པ་ནི། དེ་ལ་དང་པོ་གསུམ་ནི་དཀྱིལ་འཁོར་ཕྱེད་དང་གསུམ་པའོ་ཞེས་པ་ལ་སོགས་པ་ཡིན་ཏེ་དེ་ལ་དང་པོའི་ཚལ་བུ་དགུ་པ་དང་བཅུ་གཅིག་
[80b.2]པ་དང་བཅུ་གསུམ་པ་གསུམ་དཀྱིལ་འཁོར་ནི་ཕྱེད་དང་གསུམ་གྱིས་ཤིག་པའོ། །གཉིས་པ་ནི་དཀྱིལ་འཁོར་ཕྱེད་དང་བཞིའོ་ཞེས་པ་ནི་ཚལ་བུ་བཅོ་ལྔ་པ་དང་བཅུ་བདུན་པ་དང་བཅུ་དགུ་པ་གསུམ་གྱི་དཀྱིལ་འཁོར་ཕྱེད་དང་བཞིར་གྱིས་ཤིག་པའོ། །གསུམ་པ་ནི་དཀྱིལ་འཁོར་ཕྱེད་དང་ལྔའོ་
[80b.3]ཞེས་པ་ནི་ཚལ་བུ་ཉི་ཤུ་གཅིག་པ་དང་ཉི་ཤུ་གསུམ་པ་དང་ཉི་ཤུ་ལྔ་པ་གསུམ་གྱི་དཀྱིལ་འཁོར་ཕྱེད་དང་ལྔར་གྱིས་ཤིག་པའོ། །དེ་ལ་སྟོད་གཡོགས་ཀྱི་ཚལ་བུ་#ནི་བདུན་པ་དཀྱིལ་འཁོར་ནི་ཕྱེད་དང་གསུམ་པའོ། །སྨད་གཡོགས་ཀྱི་ཚལ་བུ་ནི་ལྔ་པ་དཀྱིལ་འཁོར་ནི་ཕྱེད་དང་དོ་བའོ། །འདི་
[80b.4]གཉིས་ཀྱི་དཀྱིལ་འཁོར་དང་ཚལ་བུ་གཞུང་ལས་ཅི་#ཕྱིར་མི་འབྱུང་ཞེ་ན། བཅད་ཅིང་གཏུབས་པ་ངེས་པ་མེད་པའི་ཕྱིར་རོ། །འོ་ན་ཚལ་བུ་དང་དཀྱིལ་འཁོར་གྱི་ཚད་འདི་སྐད་དུ་ཅི་#ཕྱིར་བསྟན་ཞེ་ན། དེ་ནི་ཚེ་དང་ལྡན་པ་དག་དགོངས་ཤིག ། བདག་དགེ་སློང་མིང་འདི་ཞེས་བགྱི་བའི་གོས་
[80b.5]འདི་སྟོད་གཡོགས་སུ་བྱིན་གྱིས་བརླབས་ཏེ་འདོད་ན་དཀྱིལ་འཁོར་ཕྱེད་དང་གསུམ་པའི་བདུན་པར་བྱའོ། །བར་ཆད་མ་བྱུང་ན་བཀྲུ། གདིང་། སྦྱར། བསྡེབ། བཙོ། གླན། དྲུབ་རྣམས་རྐྱེན་ཇི་བཞིན་དུ་བྱའོ་ཞེས་པ་དང་དེ་བཞིན་དུ་བདག་གི་གོས་འདི་བྱིན་གྱིས་བརླབས་ཏེ། འདོད་ན་
[80b.6]དཀྱིལ་འཁོར་ཕྱེད་དང་གསུམ་པའི་ལྔ་པར་བྱའོ་ཞེས་པ་ལ་སོགས་པའི་སྔགས་ལས་འབྱུང་བས་ན་འདི་སྐད་དུ་སྨོས་པ་ཡིན་ནོ། །དེ་ལྟ་བུས་ན་འདི་དག་བསྡམས་པར་བྲད་ཀྱིས་གཅད་དུ་མི་རུང་བ་མེད་ཞུས་པའི་མ་མོ་ལས་ཀྱང་སྦྱར་མ་ནི་མི་བཅད་དུ་མི་རུང་གི་སྟོད་གཡོགས་དང་སྨད་གཡོགས་
[80b.7]དང་ལ་ནི་ཆད་པ་མེད་དོ་ཞེས་འབྱུང་བ་ལ་སོགས་པ་ཡིན་ནོ། །སྦྱར་མ་ལ་སོགས་ཆོས་གོས་འདི་དག་གི་ཚད་ཇི་ཙམ་ཞེས་བྱིན་གྱིས་བརླབས་ཆེན་པོ་ནི་ཉིད་ཀྱི་ཁྲུ་གསུམ་དང་ལྔའོ་ཞེས་པ་ལ་སོགས་པ་ཡིན་ཏེ་ཆེན་པོའི་ཚད་ནི་སྲིད་དུ་ཁྲུ་ལྔ་ཞེང་དུ་ཁྲུ་གསུམ་པར་གྱིས་ཤིག་པའོ། །ཆུང་དུ་ནི་ཁྲུ་ཚད་
[81a]
[81a.1]ཀྱིས་གཉི་གར་བསྒྱུར་ཞེས་པ་ནི་ཆེ་ཆུང་གི་ཚད་སྲིད་དུ་ཁྲུ་ཕྱེད་དང་ལྔ། ཞེང་དུ་ནི་ཁྲུ་ཕྱེད་དང་གསུམ་#གྱིས་ཤིག་པའོ། །བར་མ་ནི་འབྲིང་གི་ཚད་དོ་ཞེས་པ་ནི། ཆེ་ཆུང་གི་ཚད་གོང་དུ་སྨོས་པའི་བར་མ་ནི། འབྲིང་གི་ཚད་ཡིན་པར་སྟོན་པའོ། །སྨད་གཡོགས་ཀྱི་ཚད་ནི་
[81a.2]གོང་དུ་བསྟན་པ་རྣམ་པ་གསུམ་དུའང་མ་ཟད་པས་ན། སྨད་གཡོགས་ནི་གཉིས་དང་ལྔའམ། གཉིས་དང་བཞིའོ་ཞེས་པ་དང་། དཀྱིལ་འཁོར་གསུམ་ཡོག་#པ་ཡན་ཆད་ཀྱང་ངོ་ཞེས་པ་ཡིན་ཏེ། སྲིད་དུ་ཁྲུ་ལྔ་ཞེང་དུ་དོ་#པ་འམ་སྲིད་དུ་ཁུ་བཞི། ཞེང་དུ་ཁྲུ་དོ་པའམ། ལྟེ་བ་དང་
[81a.3]པུས་མོའི་འཁོར་ཡོག་#པ་ཡན་ཆད། སྨད་གཡོགས་ཀྱི་ཚད་དུ་སྟོན་པའོ། །ལུས་ཀྱི་བདུན་ཆའི་གཉིས་ཁྲུ་ཚད་ངོ་ཞེས་པ་ནི#། ཁྲུ་དང་ལུས་ཀྱི་ཁྲུ་#རིང་ཐུང་ཡོད་ན་ལུས་ཀྱི་སྲིད་ཇི་ཙམ་པར་སྲད་བུས་གཅལ་ལ་བདུན་དུ་བལྟབས་པའི་བལྟབས་གཉིས་ལ་ཁྲུའི་ཚད་དུ་གྱིས་ཤིག་པའོ། །མི་
[81a.4]འཁྱུད་ན་བསྒྲོག་#པར་བྱ་ཞེས་པ་ནི་ལུས་སྦོམ་ཆེས་#ཏེ་སྨད་གཡོགས་ཀྱི་ཚད་གོང་དུ་བསྟན་པས་#མི་འཁྱུད་ན་ཞབས་མའི་ཐབས་སུ་གྱིས་ཤིག་པའོ། །སྟོད་གཡོགས་ཀྱིས་མི་འཁྱུད་#ན་ཡང་སྒྲོག་ཅིང་#གསུམ་པར་གྱིས་ཤིག་པའོ། །ཟླ་བའི་སྤང་བ་རྣམ་པར་འབྱེད་པའོ།། །།#ཟླ་བའི་སྤང་བ་ཞུས་
[81a.5]བ་ལས་འབྱུང་བ་བསྡུས་ཏེ་སྟོན་པ་ནི། ཆུང་ངུ་བཞིན་དུ་དེ་བས་ཆུང་བ་ནི་ཞེས་བྱའོ་ཞེས་པ་ལ་སོགས་པ་ཡིན་ཏེ། ཁྲུ་གང་ཁོར་ཡུག་ཏུ་མེད་པར་ཆུང་བ་ཁ་སོགས་སུ་བཞག་སྟེ་ཞག་བཅུ་འདས་ན་ཆེ་ཆུང་གི་ཚད་ཇི་ཙམ་པ་བཞིན་དུ་ཉེས་བྱས་སུ་སྟོན་པའོ། །དཀྱིལ་འཁོར་ཕྱེད་མི་ཡོག་#པ་
[81a.6]ནི་རེ་བར་མི་བྱ་ཞེས་པ་ནི་དཀྱིལ་འཁོར་ཕྱེད་ཀྱང་མི་ཡོག་#པ་ཙམ་གྱི་ཚོད་ཕྱི་མའི་ཁ་སོགས་སུ་བཞག་ན་ཞག་བཅུ་འདས་པས་ཉེས་བྱས་སུ་སྟོན་པའོ། །མི་རུང་བ་ཡང་ངོ་ཞེས་པ་ནི་གསོ་མ་དང་རྡ་བལ་ལ་སོགས་པ་མི་རུང་བ་ཡང་ཁ་སོགས་སུ་མ་འཇོག་ཤིག་པའོ། །གདོང་ཕྱིས་དང་ཆུ་
[81a.7]ཚགས་དང་གདིང་བ་དང་དྲེའུ་#རྡོག་ལ་སོགས་པ་དང་ཡོ་བྱད་ཀྱི་གོས་སུ་བྱིན་གྱིས་མ་བརླབས་པ་ཡང་ངོ་ཞེས་པ་ནི་འདི་རྣམས་སོ་སོའི་རྫས་སུ་མ་བསྔོས་ན་#འདི་དག་ལས་ཁ་སྩོགས་སུ་མ་#འཇོག་ཤིག་པའོ། །ཟླ་བའི་སྤང་བ་ཞུས་པའོ། །ཟླ་བའི་སྤང་བའོ།། །།#འཁྲུ་བ་#སྤང་བའི་ཞར་ལ་
[81b]
[81b.1]སྟོན་པ་ནི། སྦྲུམ་པ་ནི་གནས་དབེན་པར་རོ་ཞེས་པ་ལ་སོགས་པ་ཡིན་ཏེ། དགེ་སློང་མ་སྦྲུམ་ན་གནས་དབེན་པར་ཞོག་ཤིག་པའོ། །འདི་དགེ་སློང་མ་དག་གིས་ཡལ་པར་མི་དོར་ཞེས་པ་ནི་དགེ་སློང་མ་སྦྲུམ་པ་འཁྱམ་དུ་མི་གཞུག་པ་ལ་སོགས་པའི་རིམ་གྲོ་དགེ་སློང་མ་གཞན་གྱིས་#གྱིས་ཤིག་
[81b.2]པའོ། །འདི་ཁ་ཟས་སྦྱིན་ཞེས་པ་ནི་སྦྲུམ་པ་དེ་དགེ་སློང་མ་གཞན་གྱིས་ཟས་སྐྱོལ་ལ་བྱིན་ཅིག་པའོ། །འདི་ཉིད་དང་འོག་ནས་འབྱུང་བའི་བསླབ་པ་གཉེན་དང་གཉེན་མ་ཡིན་པ་ལས་ལྟུང་བ་དང་མི་#ལྟུང་བར་འགྱུར་བས་ན་གཉེན་གྱི་མཚན་ཉིད་#ཉི་ཚེ་སྟོན་པ་ནི། གཉེན་ནི་ཕ་མ་གཉིས་ཀྱི་རྒྱུད་རེ་ནས་
[81b.3]བདུན་བརྒྱུད་ཀྱི་བར་དུ་སྔ་བས་སོ་ཞེས་པ་ཡིན་ཏེ། ཕ་མ་གཉིས་ཀྱི་རྒྱུད་རེ་ནས་བདུན་རྒྱུད་#ཀྱི་བར་དུ་ཁྱོ་ཤུག་ཟུང་ཤ་སྟག་ཏུ་སྦྱར་བའི་ཉེ་རྒྱུད་#དང་བདག་ཉིད་ནས་བུ་ཚ་རབས་བདུན་གྱི་བར་དུ་འབྲེལ་བ་རྣམས་གཉན་#དུ་བསྐོར་བའོ། །འཁྲུ་བའི་སྤང་བར་ཅིས་#འགྱུར་ཞེ་ན། འདུ་ཤེས་
[81b.4]གཙོར་བྱེད་ཅེས་པ་ཡིན་ཏེ་སྦྱར་བ་དང་རྩ་#བ་ཀུན་ལ་འདུ་ཤེས་བརྩན་པར་སྟོན་པའོ། །མདོ་འདི་གོ་སླ་བའི་ཕྱིར། འདི་འབྲིད་ཅེས་པ་ཡིན་ཏེ་འབྲིད་ཅེས་གོང་དུ་སྟོན་པར་འདུ་ཤེས་བརྩན་ནོ་བར་གོ་བར་གྱིས་ཤིག་པའོ། །འདུ་ཤེས་བརྩན་པའི་ཡུལ་གང་ཡིན་ཞེ་ན། དགེ་སློང་
[81b.5]མ་དང་དགེ་བསྙེན་མ་ཡིན་པའོ་ཞེས་པ་ཡིན་ཏེ་དགེ་སློང་མ་ཡིན་བར་འདུ་ཤེས་པ་དང་གཉེན་མ་ཡིན་པར་འདུ་ཤེས་ན་ཉེས་པར་འགྱུར་བའོ། །འདི་ཉི་ཚེར་མ་ཟད་པས་ན། འོག་མ་ཡང་ངོ་ཞེས་པ་ཡིན་ཏེ། ལེན་པའི་སྤང་བ་འོག་ནས་འབྱུང་བ་ལ་ཡང་གོང་དུ་སྨོས་པའི་འདུ་ཤེས་
[81b.6]འདི་གཉིས་བརྩན་པར་སྟོན་པའོ། །ཇི་བྱས་པས་འཁྲུ་བ་སྤང་བར་འགྱུར་ཞེ་ན། བྱིན་གྱིས་བརླབས་པ་བདག་གི་རྙིང་པ་བསྐུར་#འོས་པ་ཆོས་གོས་གདིང་བ་རྣམས་གང་ཡང་རུང་སྟེ་འཁྲུ་འཚེད་འཆག་ཏུ་བཅོལ་ནའོ་ཞེས་པ་ཡིན་ཏེ་བྱིན་གྱིས་བརླབས་པ་གསུམ་ལས་གང་ཡང་
[81b.7]རུང་བ་དང་། གདིང་བ་ལ་སོགས་པ་འཁྲུར་བཅུག་ཀྱང་རུང་འཚེད་དུ་བཅུག་ཀྱང་རུང་། འཆག་ཏུ་བཅུག་ཀྱང་རུང་སྟེ་ཉེས་པར་འགྱུར་བའོ། །ཕྱོགས་གཅིག་བྱས་ན་ཡང་ལས་སུ་བྱས་པའོ་ཞེས་པ་ནི་ཕྱོགས་འགའ་འམ་གྲ་འགའ་བཀྲུས་ན་ཡང་རིལ་གྱིས་བཀྲུས་པ་དང་
[82a]
[82a.1]འདྲའོ། །ལན་ཅིག་ཆུར་བསུབས་ན་ཡང་དེ་བཞིན། བྱས་ན་བྱེད་དུ་བཅུག་པའོ་ཞེས་པ་ནི་བཅོལ་བ་ཙམ་#གྱིས་མ་ཡིན་གྱི། དགེ་སློང་མས་བཀྲུ་བ་ལ་སོགས་པའི་ལས་བྱས་ན་གདོད་བྱེད་དུ་བཅུག་པརབར་ཆུད་པའོ། །ཟིན་གྱི་བར་དུ་གཅིག་གོ་ཞེས་པ་ནི་བཀྲུ་
[82a.2]བ་ལན་རེ་ཞིང་ཉེས་པ་ལན་རེར་བརྩི་བ་མ་ཡིན་གྱིས་#ཟིན་གྱི་བར་དུ་ཉེས་པ་གཅིག་ཏུ་བརྩིར་ཟད་དོ། །ལས་སྣ་གཅིག་པུ་ནི་དེ་ལྟར་ཡང་འགྱུར་ན་ལས་ཀྱི་སྣ་གྲངས་ཐ་དད་པ་ཉེས་པ་སོ་སོར་འགྱུར་རོ་ཞེས་པར་དོགས་པ་བསལ་#བའི་ཕྱིར་ཚིགས་ཡོད་ཀྱང་འབྲས་བུ་གཅིག་གོ་ཞེས་པ་
[82a.3]ཡིན་ཏེ། འཁྲུ་བ་དང་འཚེད་པ་དང་འཆག་པའི་ཚིགས་ཐ་དད་དུ་ཟིན་ཀྱང་འབྲས་བུ་སྤང་བའི་ལྟུང་བ་གཅིག་ཏུ་ཟད་པར་སྟོན་པའོ། །འདུ་ཤེས་གཙོ་ཡང་དོན་བཞིན་ན་#རྩ་བའོ་ཞེས་པ་ནི་འདུ་ཤེས་བརྩན་པ་ཡང་དོན་དེ་བཞིན་ཏེ། མ་ནོར་ན་གདོད་བརྩན་པའོ། །དོན་མི་བཞིན་ན་#རྩ་
[82a.4]བ་དང་ཉེ་བའོ་ཞེས་པ་ནི་#དོན་ཇི་ལྟ་བ་བཞིན་དུ་འདུ་ཤེས་པར་མ་གྱུར་ན་རྩ་བ་དང་ཉེ་བ་སྟེ་ཉེས་བྱས་སུ་འགྱུར་བར་སྟོན་པའོ། །དཔེར་ན་ཆུ་སྲོག་ཆགས་#དང་བཅས་ལ་བཅས་པར་ཡང་ཤེས་ན་ལྟུང་བ་དང་སྲོག་ཆགས་མེད་ལ་ཡོད་པར་འདུ་ཤེས་ན་ཉེས་བྱས་སུ་འགྱུར་བ་དང་འདྲའོ། །
[82a.5]ཐེ་ཚོམ་པ་ནི་འདུ་ཤེས་བཞིན་#ཞེས་པ་ནི་གཉེན་དང་དགེ་སློང་མ་ཡིན་ནམ་མ་ཡིན་མ་ངེས་ཏེ་གཉེན་ཙམ་ཡོད་བཞིན་དུ་འཆོལ་ན་འདུ་ཤེས་པ་དང་མགོ་མཉམ་མོ། །འདིའི་སྐབས་སུ་རྣམ་པར་འབྱེད་པ་ལས་འབྱུང་བ་ཞར་ལ་སྟོན་པ་ནི། དགེ་འདུན་གྱི་བྱ་བར་བྱས་པ་བཞིན་དུ་
[82a.6]བསྲུང་ཞེས་པ་ཡིན་ཏེ། དགེ་འདུན་གྱི་ནང་ཁྲིམས་རབ་ཏུ་སྲུངས་#ཤིག་པའོ། །འདིར་ལྷགས་#པ་ཡང་མི་གཏོགས་པ་མ་ཡིན་ཞེས་པ་ནི་གུད་ནས་འདྲོན་དུ་ལྷགས་པས་ཀྱང་གཞི་པའི་ནང་ཁྲིམས་མི་བསྲུང་དུ་མི་རུང་བར་སྟོན་པའོ། །འདི་ཡོད་དམ་མེད་པ་དང་དངོས་ཤེས་པར་བྱ་བའི་
[82a.7]ཕྱིར་དེས་དྲི་ཞེས་པ་ནི་གུད་ནས་ལྷགས་པ་རྣམས་ཀྱིས་འདི་ནང་ན་ཁྲིམས་ཇི་ཡོད་ན་ཇི་ལྟ་བུ་ཞེས་བརྟག་ཅིང་རྗེས་ཆོད་ཅིག་པའོ། །དེ་ནམ་འདྲི་ཞེ་ན། རིང་པོར་མ་ལོན་ཏེའོ་ཞེས་པ་ཡིན་ཏེ་སྣོད་ལ་སོགས་པ་ཕོག་མ་ཐག་དུ་#དྲིས་ཤིག་པའོ། །གོང་དུ་དགེ་འདུན་གྱི་ནང་ཁྲིམས་བསྲུང་ཞེས་
[82b]
[82b.1]སྨོས་པ་འགྲེལ་པ་ནི། སངས་རྒྱས་ཀྱིས་གསུངས་པ་དགེ་འདུན་གྱིས་སྐྱོར་#མེད་ཅེས་པ་ཡིན་ཏེ་བཅོམ་ལྡན་འདས་ཀྱིས་གནང་ངམ་མི་གནང་བར་བསྲུངས་ན་དེ་#བརྩན་གྱི་དགེ་འདུན་གྱི་ནང་ཁྲིམས་བརྩན་པར་མ་བྱེད་ཅིག་པའོ། །ལྷུང་བཟེད་དང་གོས་དང་འདྲ་#བ་དང་ཕོར་བུ་དང་སྐ་
[82b.2]རགས་ལྷག་པ་རྣམས་བྱིན་ན་དགེ་འདུན་གྱི་འཐེབ་ཏུ་#བླང་ཞེས་པ་ནི་མིང་གིས་སྨོས་པ་འདི་རྣམས་བདག་ལ་ཡོད་བཞིན་དུ་གཞན་གྱིས་#ལྷག་པར་བྱིན་ན་དགེ་འདུན་གྱི་འཐེབ་ཏུ་ལོང་ཤིག་པའོ། །བྲེལ་ན་འཐེབ་དེ་ལས་ཇི་འདོད་པ་བླང་ཞེས་པ་ནི་དགེ་འདུན་འདི་དག་གིས་བྲེལ་ན་འཐེབ་དེ་
[82b.3]ལས་ལོང་ཤིག་པའོ། །འཁྲུ་བའི་སྤང་བ་རྣམ་པར་འབྱེད་པའོ།། །།#འཁྲུ་བ་#སྤང་བཞུས་པ་ལས་འབྱུང་བ་བསྡུས་ཏེ་སྟོན་པ་ནི། བཤང་གཅི་དང་གཤེར་བ་དང་རྫབ་#ལ་སོགས་པས་མ་རུང་སྟེ། འཁྲུར་བཅུག་ན་ཡང་ཉེས་པ་རངས་པར་#འགྱུར་བའོ། །དྲེའུ་རྡོག་དང་ཁྱིམ་པའི་
[82b.4]གོས་དང་སྔས་དང་རུང་བར་བྱས་པ་དང་སྤངས་པ་དང་དགེ་འདུན་གྱི་རྣམས་ནི་ཉེས་བྱས་ཞེས་པ་ནི་གཉེན་མ་ཡིན་པའི་དགེ་སློང་མ་ལ་འདི་དག་འཁྲུ་བ་ལ་སོགས་པའི་ལས་བྱེད་དུ་བཅོལ་ན་ཉེས་བྱས་སུ་འགྱུར་བའོ། །འཁྲུ་བ་#སྤང་བ་ཞུས་པའོ། །འཁྲུ་བ་#སྤང་བའོ།། །།#ལེན་པའི་
[82b.5]སྤང་བསྟོན་པར་འདོད་པའི་ཞར་ལ་སྟོན་པ་ནི། དགེ་སློང་མས་གོས་རིན་པོ་ཆེ་བརྗེ་བར་བླང་ཞེས་པ་ལ་སོགས་པ་ཡིན་ཏེ་བཟང་ཞིང་རིན་ཆེ་བའི་གོས་ཁྱིམ་པས་དགེ་སློང་མ་ལ་བྱིན་ན་བདག་གིས་སྤྱད་པའི་ཕྱིར་ནི་མ་ཡིན་གྱི་བརྫེ་བའི་ལོང་ཤིག་པའོ། །དགེ་སློང་མ་དང་བརྫེ་བར་
[82b.6]བྱ་ཞེས་པ་ནི་དགེ་སློང་མ་གོས་བརྗེས་ཤིག་པའོ། །ནོར་ཇི་ལྟ་བུས་བརྗེ་ཞེ་ན། མཚུངས་པའམ་དེ་མགུ་བར་བྱེད་པས་སོ་ཞེས་པ་ཡིན་ཏེ་རི་བའི་རིན་སྦྱིན་པའམ་དེ་མི་མགུ་བ་མེད་པས་བརྗེས་#ཤིག་པའོ། །ཇི་ལྟར་བྱས་པས་ལེན་པ་སྤང་བར་འགྱུར་ཞེ་ན། བླངས་པ་ཞེས་
[82b.7]པ་ཡིན་ཏེ་ཕ་རོལ་ལས་བླངས་ཤིང་ཁྱེར་ན་ཉེས་པར་འགྱུར་བའོ། །དེ་ལ་གཉེན་མ་ཡིན་པའི་དགེ་སློང་མ་དང་དེར་འདུ་ཤེས་པ་དང་། ཐེ་ཚོམ་པའི་ཡན་ལག་གཞན་གོང་དུ་བསྟན་པ་ཡིན་ནོ། །ཇི་ལྟར་བླངས་པ་ཞེ་ན། བླངས་པ་ཞེས་སྨྲས་པ་ཡིན་ཏེ་ཁ་རོག་པའམ་ཚིག་
[83a]
[83a.1]ལས་གཞན་བས་མ་ཡིན་གྱི་ཚིག་གིས་བླངས་ནའོ། །འདི་བླངས་པས་ཤེ་ན། གོས་ཞེས་པ་ཡིན་ཏེ་ཟས་དང་སྐོམ་#རྫས་གཞན་མ་ཡིན་བའོ། །དེ་དག་ཀུན་འགྲེལ་པ་ནི་དགེ་འདུན་ལ་གོས་ཕུལ་བ་ནི་ཉེས་མེད་ཅེས་པ་ཡིན་ཏེ། གཉེན་མ་ཡིན་པའི་དགེ་སློང་མས་
[83a.2]དགེ་འདུན་གྱི་ཕྱིར་#གོས་ཕུལ་བ་བླངས་པ་ནི་ཉེས་མེད་པར་སྟོན་པའོ། །ལེགས་པར་སྨྲས་པའི་ཕྱིར་ན་ཡང་ངོ་ཞེས་པ་ནི་དམ་པའི་ཆོས་བཤད་པ་ལ་སོགས་པ་ལེགས་པར་སྨྲས་པའི་ཕྱིར་དགེ་སློང་མས་བྱིན་པ་བླངས་པ་ནི་ཉེས་མེད། བསྙེན་པར་རྫོགས་སུ་ཆའམ་སྟོན་ནའོ་
[83a.3]ཞེས་པ་ནི་བསྙེན་པར་རྫོགས་སུ་བྱེད་པ་དང་སྟོན་ན་དགེ་སློང་མ་ལས་ཁྱེར་ཞིང་བླངས་པ་ནི་ཉེས་མེད། མདུན་དུ་གཞག་སྟེ་ནོར་དང་དད་པའི་ཤགས་བཏབ་ནས་ཐག་བཅད་དེ་སོང་ནའོ་ཞེས་པ་ནི་#དགེ་སློང་མས་གོས་བྱིན་པ་དགེ་སློང་ལེན་དུ་མ་བཏུབ་པ་དང་བཙུན་པ་བདག་ལ་བརྩེ་བའི་སླད་
[83a.4]དུ་བདག་གི་ནོར་འདི་བཞེས་ཤིག་ཅེས་མདུན་དུ་གཞག་ནས་སོང་བ་ལྟ་བུ་བླངས་པའང་ཉེས་མེད། ལེན་པ་སྤང་བ་རྣམ་པར་འབྱེད་པའོ།། །།#ཞུས་པ་ལས་འབྱུང་བ་སྟོན་པ་ནི། ལག་ཏུ་འོངས་པ་ན་ཐོབ་པའོ་ཞེས་པ་ལ་སོགས་པ་ཡིན་ཏེ། ནོར་ལག་ཏུ་འོངས་ན་གདོད་ཐོབ་པར་སྟོན་
[83a.5]པའོ། །མིག་ལམ་དུ་འོངས་ན་འདི་ཐོག་མའོ་ཞེས་པ་ནི་ལག་ཏུ་འོངས་པའི་ཐ་མ་མིག་ལམ་དུ་བབ་པ་ཡིན་པས་ན་མིག་ལམ་དུ་འོངས་པ་ཡང་ཐོབ་པའི་ཁོངས་སུ་གཏོགས་པར་སྟོན་པའོ། །མ་འོངས་པ་ཁས་བླངས་པ་ནི་སྦྱོར་བའོ་ཞེས་པ་#གཉེན་མ་ཡིན་པའི་དགེ་སློང་མ་ལ་གོས་བླངས་
[83a.6]པ་ལས་འཕྲལ་དུ་ནི་ས་#བྱིན་གྱི་མ་སྦྱིན་#ནོ་ཞེས་ཟེར་བ་དང་བླང་བར་ཁས་བླངས་ན་སྦྱོར་བར་སྟོན་པའོ། །གོས་བྱིན་པ་ལ་སོགས་པ་བརྩོན་#པ་ནི་ཕྱི་གཞག་གི་དབང་གིས་མ་ཡིན་ཞིང་ལག་ཡངས་པས་#ནའོ་ཞེས་པ་ནི་ཡོང་གིས་གཏོང་ཕོད་པ་དང་ཁ་མགྲོན་ཙམ་གྱི་དབང་གིས་མ་ཡིན་
[83a.7]བར་གོས་ལ་སོགས་པ་བྱིན་བ་བླངས་པ་ནི་ཉེས་མེད། བརྙ་བའི་སེམས་#ཀྱིས་ན་ཉེས་མེད་ཞེས་པ་ནི། དགེ་སློང་མའི་གོས་རེ་ཞིག་བརྙས་པ་ལ་ཉེས་མེད་པར་སྟོན་པའོ། །བརྗེད་དེ་རིན་མ་བྱིན་ནའོ་ཞེས་པ་ནི་རིན་སྦྱིན་པར་བྱས་ཏེ། ཁྱེར་བ་ལས་བརྗེད་ཀྱི་བར་དུ་མ་བྱིན་པ་ནི་ཉེས་
[83b]
[83b.1]མེད་ལེན་པ་སྤང་བ་ཞུས་པའོ། །ལེན་པ་སྤང་བའོ།། །།#སློང་བའི་ལྟུང་བ་སུ་ལས་བྱེད་ཅེ་ན། མིའི་འགྲོ་བར་གཏོགས་པ་ཁྱིམ་པ་ཡིན་པ་གསོན་པོ་གཉེན་མ་ཡིན་པ་རྣམས་ལྟུང་བར་བྱེད་ཅེས་པ་ཡིན་ཏེ། མིང་གིས་སྨོས་པ་འདི་དག་ལས་བླངས་ན་ལྟུང་བར་བྱེད་པའོ། །གོ་སླ་བར་
[83b.2]སྟོན་པ་ནི#། འོག་མ་གསུམ་ཡང་ངོ་ཞེས་པ་ཡིན་ཏེ་འདི་འོག་ནས་སློང་བར་འོས་པ་དང་། སྤགས་#པ་སློང་བ་དང་། སོ་སོ་ནས་སྤགས་#པ་སློང་བ་གསུམ་ཡང་གོང་དུ་སྨོས་པ་འདི་དག་ལས་ཉེས་པར་འགྱུར་བར་སྟོན་པའོ། །ཇི་ལྟ་བུ་ལས་སློང་བའི་ཉེས་པར་འགྱུར་ཞེ་ན། ཕྲོགས་པ་
[83b.3]སྟོར་བ་ཚིག་པ་རླུང་གིས་ཁྱེར་བ་ཆུས་གཡེངས་#པའི་གོས་མ་ཡིན་ནའོ་ཞེས་པ་ཡིན་ཏེ། རྣམ་པ་འདི་དག་གིས་རྐྱེན་མེད་པར་བླངས་ན་ཉེས་པར་འགྱུར་བའོ། །ཇི་ལྟར་བྱས་པས་ཉེས་པར་འགྱུར་ཞེ་ན། བླངས་#ན་ཉེས་བྱས་ཞེས་པ་དང་། ཐོབ་ན་རྩ་བཞེས་པ་ཡིན་ཏེ། གཉེན་པའི་
[83b.4]ཁྱིམ་པ་ལས་བླངས་#ཏེ་ཁྱེར་ན་སློང་བ་དང་། འཐོབ་པའི་ཚེ་ཉེས་བྱས་དང་། རྩ་བར་སྟོན་པའོ། །ཇི་ཐོབ་པ་ཞེ་ན། གོས་ཞེས་པ་ཡིན་ནོ། །དེའི་ཚད་ཇི་ཙམ་ཞེ་ན། མི་ཆུང་བ་ཞེས་པ་ཡིན་ཏེ། བདག་གི་#ཆོས་གོས་ཀྱི་ཚད་ལས་མི་ཆུང་ན་ཉེས་པར་འགྱུར་བའོ། །དེ་ཡང་ཇི་འདྲ་
[83b.5]བ་ལས་ཉེས་པར་འགྱུར་ཞེ་ན། རིན་དང་ཁ་དོག་དང་། ཁྲུ་བསླང་#བ་ཇི་བཞིན་ནའོ་ཞེས་པ་ཡིན་ཏེ། རིན་#ཇི་ཙམ་པ་དང་ཁ་དོག་ཇི་འདྲ་བ་དང་། ཁྲུ་ཚད་ཇི་ཙམ་དུ་བསླངས་པ་བཞིན་དུ་ཐོབ་ན་ཉེས་པར་འགྱུར་བའོ། ཇི་བསླངས་པ་བཞིན་དུ་མ་ཐོབ་པའི་བརྡར་འགྱུར་ཞེ་ན། གཞན་
[83b.6]ན་ཉེས་མེད་ཅེས་པ་ཡིན་ཏེ། །གོང་དུ་སྨོས་པ་ལྟར་བསླངས་པ་བཞིན་དུ་མ་རྙེད་དེ་ཆེ་ཆུང་དང་ཁ་དོག་མི་མཐུན་བ་ཞིག་རྙེད་དམ། བསླངས་པའི་དངོས་པོ་ཉིད་མ་ཡིན་བ་གཞན་རྙེད་ན་ཉེས་མེད་པར་སྟོན་པའོ། །དང་པོ་སློང་བའི་ཚེ#། ཁ་དོག་ལ་སོགས་པ་དམིགས་ཀྱིས་མ་ཕྱེ་
[83b.7]བར་སྤྱིར་ཇི་བབ་བབ་ཏུ་བསླངས་ན་ནི་ཇི་རྙེད་#པ་ཉེས་པར་འགྱུར་བའོ། །རས་མ་དང་ཁ་ཚར་བླངས་པ་#ཡང་ངོ་ཞེས་པ་ནི་འདི་དག་བླངས་#ཏེ་རྙེད་པའི་ཞར་ལ་གོས་རངས་པ་རྙེད་ཀྱང་ཉེས་པར་མི་འགྱུར་བའོ། །རྒྱུ་སྤུན་ནི་འབྲིའོ་ཞེས་པ་ནི་གོས་ལངས་པའི་རྒྱུ་སྤུན་བསླངས་ཏེ་རྙེད་
[84a]
[84a.1]ན་ཡང་ཉེས་པ་རངས་པར་མི་འགྱུར་བའོ། །དེའི་རྒྱུའང་དེ་བཞིན་ཞེས་པ་ནི་དེའི་རྒྱུ་སྟེ་བལ་དང་ཤིང་བལ་ལྟ་བུ་ཞིག་བསླངས་ན་ཡང་རྒྱུ་སྤུན་དང་འདྲ་བར་#སྟོན་པའོ། །#བསླངས་པ་སྤང་བའོ།། །།བསླངས་པའི་རིགས་པ་ཡང་སྟོན་པ་ནི། # བྱིན་གྱིས་བརླབས་པ་
[84a.2]ཐམས་ཅད་མེད་ན་སློང་#བའི་རིགས་ཞེས་པ་ལ་སོགས་པ་ཡིན་ཏེ་ཡོ་བྱད་བཅུ་གསུམ་མེད་ན་སློང་བའི་རིགས་པར་སྟོན་པའོ། །འདི་དག་གང་ལས་ཉེས་པར་འགྱུར་ཞེ་ན། འདི་ལས་ལྟུང་བར་བྱེད་ཅེས་པ་ཡིན་ཏེ་བསླང་བའི་རིགས་པ་ལས་ལྷག་པར་བསླངས་ན་ཉེས་པར་འགྱུར་
[84a.3]བའོ། །འོག་ནས་ཕྲུགས་སུ་སྟོན་པ་ནི། ཁྱིམ་པའི་གོས་སྟོད་གཡོགས་#དང་སྨད་གཡོགས་#ཀྱི་དམ་པ་ནི་རས་ཁྲུ་བཅུ་གཉིས་དང་བདུན་དང་གཉིས་སོ་ཞེས་པ་དང་། དགེ་སློང་གི་ནི་སྦྱར་མ་དང་། ཤམ་ཐབས་ཆེན་པོའི་རིམ་པ་ཇི་སྐད་དུ་བཤད་པའོ་ཞེས་པ་ཡིན་ཏེ་ཁྱིམ་པའི་གོས་དམ་པ་
[84a.4]ཕྲུགས་གཅིག་གི་ཚད་ཁྲུ་བཅུ་གཉིས་དང་བདུན་དང་གཉིས་སུ་བསྟན་པ། དགེ་སློང་གིས་གོས་སར་པ་ལས་འགྲུབ་ན་སྦྱར་མ་ཉི་#རིམ་དང་ཤམ་ཐབས་ཐང་བ་ཕྲུགས་གཅིག་ཏུ་བྱའམ་རྙིང་ན་སྦྱར་མ་བཞི་རིམ་ཤམ་ཐབས་ཉི་#རིམ་ཕྲུགས་གཅིག་ཏུ་སྟོན་པའོ། །གོས་བསླངས་པའི་ཚད་ཇི་
[84a.5]ཙམ་ཞེ་ན། ཕྲུགས་སུ་བསླང་ཞེས་པ་ཡིན་ཏེ་སྟོད་གཡོགས་དང་སྨད་གཡོགས་ཕྲུགས་གཅིག་ལས་ལྷག་པར་མ་སློང་ཤིག་པའོ། །ཁྱིམ་པ་དང་དགེ་སློང་གང་གི་ཕྲུགས་གཅིག་བསླང་#ཞེ་ན། གང་ཡང་རུང་ཞེས་པ་ཡིན་ཏེ་གཉིས་ཀྱི་ནང་ནས་གང་བླངས་ཀྱང་སླ་#བར་སྟོན་པའོ། །
[84a.6]ཚད་འདི་ལས་ལྷག་པར་མི་བླངས་ཞེས་པ་ནི་ཕྲུགས་གཉིས་ཀྱི་ཚད་གོང་དུ་བསྟན་པ་ལས་ལྷག་པར་མ་སློང་ཤིག་པའོ། །སྔ་མ་རྙེད་པ་བསྐང་བ་ཡང་ངོ་ཞེས་པ་ནི་ཁྱིམ་པའི་#གོས་ཀྱི་ཚད་དུ་བསླངས་པ་ལས་རངས་པ་ཁོ་ནར་མ་རྙེད་པ་ཙམ་གྱི་ཚོད་ན་རངས་པའང་བསྐང་བའི་ཕྱིར་སློང་བ་མ་བྱེད་
[84a.7]ཅིག་པའོ། །དེ་ལ་ཡང་སྟོད་གཡོགས་ཀྱི་སྲིད་ཁྲུ་ཕྱེད་དང་ལྔ་དང་ཞེང་ཁྲུ་ཕྱེད་དང་གསུམ་དུ་མེད་པ་དང་། སྨད་གཡོགས་འཁོར་#གསུམ་ཡང་མི་ཡོག་#པ་ཙམ་ཞིག་རྙེད་ན། རངས་ཤིང་བསྐང་བའི་ཕྱིར་བླངས་#པ་ནི་ཉེས་མེད་དོ། །ཕྱི་མ་རྙེད་པ་ལས་ལྷག་པ་སྦྱིན་#ཞེས་པ་ནི་དགེ་སློང་གི་
[84b]
[84b.1]སྟོད་གཡོགས་དང་སྨད་གཡོགས་ཀྱི་ཚད་ཀྱང་ལྷག་པར་རྙེད་ན་ཇི་ལྷག་པ་ཆོས་ལ་སླར་བྱིན་ཅིག་པའོ། །ཇི་ལྟར་བསླངས་པས་ལྟུང་བའི་ཉེས་པར་འགྱུར་ཞེ་ན། བསླངས་པ་མ་ཡིན་བསླངས་ན་ཉེས་བྱས་ཞེས་པ་དང་། རྙེད་ན་རྩ་བ་ཞེས་པ་ཡིན་ཏེ། བླང་བའི་ཚད་ཇི་ཙམ་དུ་བསྟན་
[84b.2]པ་ལས་ལྷག་པར་བླངས་#ན་སློང་བའི་ཚེ་ནི་ཉེས་བྱས། རྙེད་ན་སྤང་བའི་ལྟུང་བ་སྟོན་པའོ། །དེ་ལ་ཊཱི་ཀ་#པ་འཆད་པ་ནི་རྔ་བལ་སོགས་པ་བསླང་བ་མ་ཡིན་པ་བསླངས་ན་སློང་བའི་ཚེ་ཉེས་བྱས་ཡང་བ་ཐོབ་ན་རྩ་བ་སྟེ་ཉེས་བྱས་ལ་ཆེ་བའོ་ཞེས་འཆད། ཕྱིར་སྦྱིན་པ་མ་བྱིན་ན་
[84b.3]ཡང་ངོ་ཞེས་པ་ནི་ལྷག་པ་#སླར་བྱིན་ཅིག་པ་མ་བྱིན་ན་ཡང་སྤང་བར་སྟོན་པའོ། །བསླང་བའི་རིགས་པ་སྤང་བའོ།། །།#སློང་བའི་སྤང་བའི་ཁྱད་པར་སྟོན་པ་ནི་སྤགས་ལ་མ་བསྟབས་པར་ཤེས་ན་མ་སྤགས་སུ་ཟད་ཅེས་པ་ཡིན་ཏེ་སྤགས་ནི་སྤགས་ལ་ཁྱོད་སྦྱིན་ནོ་ཞེའམ་ཁྱོད་ཁྱེར་
[84b.4]ཅིག་ཅེས་སྦྱིན་པ་དག་གིས་བསྟབས་པ་མེད་ན་མ་སྤགས་པ་དང་འདྲ་བས་དེ་ལྟ་བུ་བསླངས་ན་སྤགས་པ་སློང་བའི་ལྟུང་བར་འགྱུར་བའོ། །དོན་དེ་ཉིད་གསལ་བར་#སྟོན་པ་ནི། དེ་ཉིད་བཞིན་ནོ་ཞེས་པ་ཡིན་ཏེ། སྤགས་པར་མ་ཤེས་ཏེ་བསླངས་ན་ནི་འདི་ལས་གཞན་པ་སྟེ་སློང་བའི་
[84b.5]ལྟུང་བར་སྟོན་པའོ། །དེ་ལ་སློང་བའི་ཚེ་ནི་སྤགས་པར་མ་ཤེས་པ་ལ་ཐོབ་པའི་ཚེ་ཤེས་ན་སྦྱོར་བ་ནི་སློང་བར་གཏོགས་པའི་ཉེས་བྱས་རྩ་བ་ནི་འདིའི་ལྟུང་བར་འགྱུར་རོ། །སྤགས་པ་སློང་བའི་སྤང་པའོ།། །།#སྤགས་པ་སློང་བ་ནི་རྣམ་པ་སྟོན་པ་ནི་སོ་སོར་སྤགས་པ་སློང་བའི་ཞེས་པ་
[84b.6]ཡིན་ཏེ། དེ་སྟོན་པ་ནི་སྟེར་བ་ལག་ཡངས་ཀྱང་ངོ་ཞེས་པ་ཡིན་ནམ་སྦྱིན་བདག་ལག་ཡངས་པས་གཤའ་གཤའ་ལྟར་བྱིན་ན་ཡང་ཡན་ལག་གོང་དུ་སྨོས་པ་རྣམས་དང་ལྡན་ན་ཉེས་པར་འགྱུར་བའོ། །སྦྱོར་བ་གཅིག་གིས་ཐོབ་པ་ནི་གཅིག་གོ་ཞེས་པ་ནི་སྦྱོར་བ་གཅིག་གིས་
[84b.7]སོ་སོར་རམ་སྦྱོར་བ་གཅིག་གཉེན་མ་ཡིན་པའི་དགེ་སློང་མ་དང་ཁྱིམ་པ་ལ་སློང་བ་དང་དབྱར་གྱི་རས་ཆེན་ལ་སོགས་པ་ཐོབ་པ་དུ་མ་ཅིག་ཅར་དུ་གྲུབ་ན་ཡང་ལྟུང་བ་གཅིག་ལས་མེད་པར་སྟོན་པའོ། །སོ་སོར་སྤགས་པ་སློང་བའི་སྤང་བའོ།། །།#
[85a]
[85a.1]ཇི་ལྟར་བྱས་པས་སྐུར་པའི་སྤང་བར་འགྱུར་ཞེ་ན། ལས་མི་རུང་བའི་གོས་ཟོང་སྐུར་བ་བཀྱིགས་པ་ལས་དྲིས་པ་དང་གདོང་ཞལ་ཏ་བ་#བསྟན་ཏེ་ཕོ་ཉས་བསྒོ་ནས་གཏན་ཚིགས་བསྙད་ན་གདོང་བསྐུལ་ཞེས་པ་ཡིན་ཏེ་ཡོན་བདག་གིས་གསེར་དངུལ་
[85a.2]ལ་སོགས་པ་མི་རུང་བའི་གོས་ཟོང་ཞིག་བསྐུར་ཏེ་འོངས་ན་ཚེ་དང་ལྡན་པ་ཕོ་ཉ་དགེ་སློང་ལ་གོས་ཟོང་འདི་ནི་མ་བརྟགས་#ཀྱིས་བླང་དུ་མི་རུང་ངོ་ཞེས་སྨྲས་པ་དང་། དེ་ན་རེ་འོ་ན་བཙུན་པའི་ཞལ་ཏ་པ་རུང་བ་#བགྱིད་པ་སུ་མཆིས་ཞེས་དྲིས་པ་དང་མིང་འདི་ཞེས་བྱའོ་ཞེས་བསྟན་ཏོ། །དེ་
[85a.3]ནས་ཕོ་ཉས་ཀྱང་དེ་ལ་གོས་ཟོང་འདི་ལྟ་སུ་གོས་འདི་ལྟ་བུ་#སྤུར་ལ་དགེ་སློང་མིང་འདི་ཞེས་བྱ་བ་འོངས་ཏང་བྱིན་ཅིག་ཅེས་བསྒོ་ནས་སླར་དགེ་སློང་གི་ཐད་དུ་ཕྱིན་ཏེ་བཙུན་པས་བསྟན་པའི་ཞལ་ཏ་བགྱིད་པ་ལ་བདག་གིས་འདི་སྐད་དུ་བསྒོས་བཙུན་པ་དེར་བཞུད་ལ་བཞེས་ཤིག་
[85a.4]ཅེས་ཟེར་ན་གདོང་ཞལ་ཏ་བ་དེ་ལ་བསྐུལ་ཅིག་པའོ། །དེ་ལ་བསྐུལ་བའི་སྙད་#ནི་ང་ལ་གོས་རུང་བ་དགོས་སོ་ཞེས་བསྐུལ། བསྐུལ་བ་ལས་དེས་མ་ཐོས་སམ་མ་གོ་ན་བསྐུལ་བར་མི་ཆུད་པར་སྟོན་པ་ནི། གོ་བར་མ་ནུས་ན་བསྐུལ་བ་མ་ཡིན་ཞེས་པ་ཡིན་ཏེ་ར་#རོའམ་གཉིད་ཀྱིས་
[85a.5]ལོག་གམ། ནད་ཀྱིས་ཐེབས་སམ་བྲེལ་བ་ལ་སོགས་པས་རྐྱེན་ཏེ་བསྐུལ་བར་མ་ཤེས་མ་གོན་བསྐུལ་བའི་གྲང་སུ་མི་ཆུད་པར་སྟོན་པའོ། །བསྐུལ་བ་དྲུག་ཅིག་ཅར་དུ་བསྐུལ་ཀྱང་བསྐུལ་བ་གཅིག་ཏུ་རྩི་མོད་ཀྱི་སོ་སོར་བྱའོ། །མ་གྲུབ་ན་ལན་གཉིས་སུ་ཡང་ངོ་ཞེས་པ་ནི་ལན་
[85a.6]གཅིག་གིས་མ་གྲུབ་ན་ལན་གཉིས་སུའང་བསྐུལ་ཅིག་པའོ། །ལན་གསུམ་དུ་ཡང་ངོ་ཞེས་པ་ནི་གཉིས་ཀྱིས་མ་གྲུབ་ན་གསུམ་གྱི་བར་དུའང་བསྐུལ་ཅིག་པའོ། །དེ་ནས་ལན་གསུམ་གྱི་བར་དུ་ཕྱོགས་སུ་བསྡད་ཅེས་པ་ནི་མ་སྨྲ་བར་ཕྱོགས་སུ་བསྡད་པ་ལན་གསུམ་དུ་གྱིས་ཤིག་
[85a.7]པའོ། །དེ་ལ་རྣམ་པར་འབྱེད་པ་ལས་#ནི་ལན་བཞིའམ་ལྔ་#དྲུག་གི་བར་དུ་མི་སྨྲ་བར་ཕྱོགས་སུ་སྡོད་ཅིག་ཅེས་འབྱུང་ལ་འདིར་ནི་ལན་གསུམ་གྱི་བར་དུ་ཞེས་སྨོས་པ་ཅི་#ཕྱིར་ཞེ་ན་རྣམ་པར་འབྱེད་པ་ལས་དེ་སྐད་དུ་འབྱུང་བ་ཡང་བསྐུལ་བ་ཚུན་ཆུད་ཁོང་བརྟུལ་བའི་ཚིག་ཏུ་ཟད་པས་
[85b]
[85b.1]ན། གོང་དུ་བསྐུལ་བ་གསུམ་སྨོས་པའི་ཕྱིར་འདི་ཕྱོགས་སུ་བསྡད་པ་གསུམ་ཞེས་སྨོས་པ་ཡིན་ནོ། །མ་གྲུབ་ན་སྦྱིན་པ་པོ་ལ་བསྙད་ཅེས་པ་ནི་དེ་ལྟར་བསྐུལ་དུ་ཟིན་གྱིས་ཀྱང་མ་སྟེར་ན་#སྦྱིན་བདག་གི་ཁུངས་པོ་ལ་ཁོ་བོ་ཞལ་ཏ་བྱེད་པས་འདི་ལྟར་མ་སྟེར་གྱིས་#ཁྱོད་ཀྱི་ནོར་བར་མ་དོར་དུ་ཆུད་
[85b.2]ཟོས་པ་#རེ་ཞེས་སླར་སྤྲིན་ཅིག་པའོ། །དེ་ལྟར་གྱུར་#ཏེ་བཏང་བ་དང་། བྱིན་ན་བཏང་ངོ་ཞེས་སྨྲས་ཀྱང་སྦྱིན་#བདག་གི་སེམས་བདག་གིས་#བསྲུང་བར་བྱའོ་ཞེས་ཁས་ལེན་ན་བསླང་བར་#བྱ་ཞེས་པ་ནི་དེ་ལྟར་རེ་ཐག་ཆད་ནས་བཏང་བའི་འོག་ཏུ་དེས་གོས་ཁྱེར་ཏེ་འོངས་ན་ངས་[མཏང་]#སྟེ་
[85b.3]ཡོན་བདག་ལའང་སྤྲན་ཟིན་གྱིས་མི་འདོད་དོ་ཞེས་བྱས་ཀྱང་དེ་ན་རེ་ཡོན་བདག་གི་སེམས་ཁོ་བོས་བསྲུང་གི་མི་བཞེས་སུ་མི་རུང་ཞེས་སྤྲུལ་ན་ལོང་ཤིག་པའོ། །ཇི་ལྟར་བྱས་པ་སྐུར་པ་སྤང་བར་འགྱུར་ཞེ་ན། བསྐུལ་བ་དང་བསྡད་པ་#ལས་འདས་སམ་ཁས་མི་ལེན་ནའོ་
[85b.4]ཞེས་པ་ཡིན་ཏེ་བསྐུལ་བ་དང་བསྡད་པ་ལན་དྲུག་ཏུ་བྱ་བ་ལས་འདས་སམ་ཡོན་བདག་གི་སེམས་ཁོ་བོས་བསྲུང་ངོ་ཞེས་ཁས་མི་ལེན་པར་བླངས་ན་སྤང་བར་འགྱུར་བའོ། །དེ་ལ་བསྐུལ་ཞིང་བསྡད་པ་ལན་དྲུག་ལས་འདའ་བའམ་གོ་རིམས་བསྣོར་དུ་མི་རུང་གི་ནད་#བསྐུལ་
[85b.5]བ་ནི་ཉེས་མེད་དོ། །སྔར་བྱ་བའི་ལས་དེ་ལྟར་བྱས་ནས་ཉེས་པར་འགྱུར་བ་ཉིད་སྟོན་པ་ནི། ཁྱེར་ནའོ་ཞེས་པ་ཡིན་ཏེ། གོས་བསླངས་#སམ་ཁྱེར་ན་གདོད་ཉེས་པར་འགྱུར་བའོ། །སྦྱིན་བདག་དང་ཕོ་ཉ་དང་ཞལ་ཏ་བ་ཇི་ལྟ་བུ་ལས་ཉེས་པར་འགྱུར་ཞེ་ན། གསུམ་ཆར་མི་དང་
[85b.6]ཁྱིམ་པ་ནའོ་ཞེས་པ་ཡིན་ཏེ་འདི་གསུམ་མི་ཡིན་པ་དང་། ཁྱིམ་པ་ཡིན་པ་ལས་ཉེས་པ་རངས་པར་འགྱུར་གྱི་སེལ་#ཞིང་གྱུར་ན་ཉེས་པའི་འབྲི་བར་སྟོན་པའོ། །མ་སྨྲས་ན་ཉེས་བྱས་ཞེས་པ་ནི་ཕོ་ཉས་ཞལ་ཏ་པ་ལ་འདི་ལྟར་གཏད་ཀྱིས་འཕགས་པ་དེར་བཞུད་པ་ལ་བཞེས་
[85b.7]ཤིག་ཅེས་མི་ཟེར་བས་བསྐུལ་ན་ཉེས་བྱས་སུ་འགྱུར་བའོ། །མ་བཀྱིགས་ན་ཡང་ངོ་ཞེས་པ་ནི་ཕོ་ཉས་མི་རུང་བའི་གོས་ཟོང་ཁྱེར་ཏེ་འོངས་པའི་ཚེ་མ་བཀྱིགས་ན་ཉེས་བྱས་སུ་འགྱུར་བའོ། །རེ་ཐག་ཆད་པའི་འོག་ཏུ་ཁྱེར་ཏེ་འོངས་པའི་ཚེ་བཀྱིགས་ན་ཡང་དེ་བཞིན་ནོ། །
[86a]
[86a.1]མ་དྲིས་པར་སྟོན་ན་ཡང་ངོ་ཞེས་པ་ནི་འཕགས་པའི་ཞལ་ཏ་བ་སུ་ལགས་ཞེས་ཕོ་ཉས་མ་དྲིས་པར་བདག་གིས་སྔན་ཚོགས་སུ་བསྟན་ན་ཡང་ཉེས་བྱས་སུ་འགྱུར་བའོ#། །རེ་ཐག་ཆད་ནས་མ་བསྙད་ནའོ་ཞེས་པ་ནི། རེ་ཐག་ཆད་པའི་འོག་ཏུ་ཡོན་བདག་ལ་
[86a.2]མ་སྦྲན་ན་ཡང་ཉེས་བྱས་སུ་འགྱུར་བའོ། །དེ་#ཁ་ཅིག་འཆད་པ་ནི་གསེར་དངུལ་ལ་སོགས་པ་བརྟག་པར་མ་བྱས་ན་ཆོ་ག་འདི་ལྟར་བྱའི་བརྟག་པར་བྱས་ན་ཆོ་ག་འདི་དག་#ལྟར་བྱ་འང་མི་དགོས་ཞེས་འཆད། ཊཱི་ཀ་#བས་བྱ་བ་ནི་གཞན་ནི་དེ་ལྟར་ཡང་རུང་གི་གོས་
[86a.3]ཟོང་དུ་བསྐུར་#བ་ཞིག་ན་ནི་ཆོ་ག་འདི་ལྟར་མི་#སྦྱར་ཡང་མི་རུང་ངོ་ཞེས་འཆད། སྐུར་#བ་སྤང་བའོ།། །།#སྲིན་བལ་གྱི་སྟན་སྤང་བར་སྟོན་པ་ནི། སྟན་བཅང་ཞེས་པ་ཡིན་ཏེ་རློད་ཅན་དང་ཕྱིང་པའི་སྟན་ཆོངས་ཤིག་པའོ། །དེ་ལ་ཁ་ཅིག་ན་རེ་སྟན་ཞེས་སྨོས་པ་འདི་གདིང་བ་ཡིན་དུ་ཟད་དོ་ཞེས་
[86a.4]ཀྱང་འཆད་མོད་ཀྱི་གདིང་བ་ནི་གཅིག་ཐང་#དང་ཉི་རིམ་དུ་བྱ་ཞེས་འབྱུང་སྟན་ནི་རློད་ཅན་དང་། ཕྱིང་པའོ་ཞེས་འབྱུང་བ་དང་། དགོས་པའི་དམིགས་ཀྱང་ཐ་དད་པས་ན། གདིང་བ་དང་སྟན་ནི་གཅིག་ཏུ་མི་རུང་སྟེ་ཐ་དད་དོ། །དེ་ལ་འཁོར་གསུམ་ཡོག་#བ་ཙམ་བྱས་ན་ཡང་རྩ་བའི་ཉེས་
[86a.5]པར་འགྱུར་རོ། །དེ་ལས་ཆུང་བ་ནི་ཉེས་པ་འང་དེ་བཞིན་དུ་འབྲིའོ། །དེའི་ཚད་ནི་རབ་འབྲིང་རྣམ་པ་གསུམ་ཡོད་དོ། །དེ་ལ་ཆེན་པོའི་སྲིད་ནི་ཁྲུ་ཕྱེད་དང་ལྔ། ཆུང་ངུའི་སྲིད་ནི་ཁྲུ་ཕྱེད་དང་#གསུམ། འབྲིང་གི་སྲིད་ནི་དེ་གཉིས་ཀྱི་བར་དུ་མའོ་ཞེས་པ་ནི་སུམ་ཆར་འདྲ་སྟེ། གདིང་བ་དང་
[86a.6]མཉམ་མོ། །ཇི་ལྟར་བྱས་པས་སྲིན་བལ་སྤང་བར་འགྱུར་ཞེ་ན། སྲིན་བལ་ལས་བྱེད་དམ་བྱེད་དུ་བཅུག་ནའོ་ཞེས་པ་ཡིན་ཏེ་སྲིན་བལ་ལས་བྱེད་པའི་སྟན་བདག་གིས་བྱས་སམ་གཞན་བྱེད་དུ་བཅུག་ན་ཉེས་པར་འགྱུར་བའོ#། །བྱེད་པ་འམ་བྱེད་དུ་བཅུག་པ་ཟིན་པའི་ཚད་སྟོན་པ་ནི།
[86a.7]ཐོག་མ་བདལ་བ་ནི་གདིང་བ་བྱས་ཟིན་པའོ་ཞེས་པ་ཡིན་ཏེ་སྲིན་བལ་གྱི་ཁོད་བདལ་ན་བྱས་ཟིན་པའི་དང་པོ་དེ་ཡིན་པས་ན་དེའི་ཚེ་སྤང་བར་འགྱུར་རོ། །བྱས་པ་རྙེད་ཅིང་སྤྱོད་པ་དང་བཅོལ་བ་ལ་ཉེས་མེད་ཅེས་པ་ནི་ཟས་བྱིན་པ་རྙེད་ཅིང་སྤྱོད་པའམ་གཞན་གྱིས་བྱས་པ་བདག་གིས་
[86b]
[86b.1]བཅོས་པ་ནི་ཉེས་མེད་པར་སྟོན་པའོ། །སྲིན་བལ་སྤང་བ་རྣམ་པར་བྱེད་#པའོ། །ཞུས་པ་ལས་བསྡུས་པ་སྟོན་པ་ནི། ཉུང་བ་དང་བསྲེས་པ་ནི་འབྲི་ཞེས་པ་ལ་སོགས་པ་ཡིན་ཏེ་བལ་དང་ཟར་མ་དང་། གསོ་མ་ལ་སོགས་པ་དང་སྲིན་བལ་དུ་བསྲེས་པ་ནི་ཉེས་པར་རངས་པར་མི་འགྱུར་
[86b.2]གྱི་སྲིན་བལ་དང་རིན་ཐང་མཉམ་པ་ཞིག་དང་བསྲེས་ན་ཉེས་པ་རངས་པར་སྟོན་པའོ། །རྫས་ཉམས་ན་ཡང་ངོ་ཞེས་པ་ནི་སྲིན་བལ་རྙིངས་ཤིང་ཉམས་པ་ཞིག་ལས་བྱས་ན་ཡང་ཉེས་པ་རངས་བར་མི་འགྱུར་བའོ། །སྲིན་བལ་གྱི་སྟན་ཞུ་བའོ#། །སྲིན་བལ་སྤང་བའོ། །བལ་
[86b.3]ནག་པོ་ཉི་ཚེ་སྤང་བ་ཞིག་གོང་མ་ལས་བླངས་ཏེ་དེའི་བྱེ་བྲག་ཙམ་ཞིག་སྟོན་པ་ནི། བལ་ནག་པོ་ཉི་ཚེས་སོ་ཞེས་པ་ལ་སོགས་པ་ཡིན་ཏེ། བལ་ནག་པོ་འབའ་ཞིག་ལས་བྱས་སམ་བྱེད་དུ་བཅུག་ནའོ། །རང་བཞིན་གྱིས་གནག་པ་འམ་བསྒྱུར་བས་ཤེ་ན། རང་བཞིན་ཞེས་
[86b.4]པ་ཡིན་ཏེ། བསྒྱུར་བ་མ་ཡིན་གྱི་རང་བཞིན་གྱིས་གནག་ནའོ། །སྔོན་པོ་དང་ས་ནག་གི་མདོག་དང་སྔོ་ནག་དག་ཀྱང་དེ་བཞིན་ཞེས་པ་ནི། རང་བཞིན་གྱིས་འདི་དག་ལྟར་འདུག་པ་ཡང་ནག་པོ་དང་འདྲ་བར་སྟོན་པའོ། །ནག་པོ་ཉི་ཚེ་སྤང་བའོ། །ཆ་གཉིས་སྤང་བ་སྟོན་པ་ནི།
[86b.5]དེའི་ཕྱེད་ལས་ལྷག་པའོ་ཞེས་པ་ལ་སོགས་པ་ཡིན་ཏེ། ཕྱེད་ཕྱེད་དུ་མཉམ་པ་ལས་ནག་པོ་ལྷག་པར་བཅུག་ན་སྤང་བར་སྟོན་པའོ། །ཟར་མ་དང་གསོ་མ་ལ་སོགས་པ་འགོད་པ་དང་བསྲེས་པ་ནི་ཉེས་པའང་འབྲི་བར་འགྱུར་རོ། །གཞན་ནི་འཇམ་བལ་དང་ཁོབ་བལ་
[86b.6]ལས་ཤས་མཉམ་དུའོ་ཞེས་པ་ནི་ནག་པོ་ལས་གཞན་#པ་སྟེ་དེའི་ཕྱིར་ཤས་སུ་བྱ་བ་ནི་བལ་འདི་གཉིས་ལས་ཕྱེད་ཕྱེད་དུ་སྙོམས་ཤིག་པའོ། །དེ་ལ་འཇམ་བལ་ལས་ལྷག་ན་ནི་ཉེས་བྱས་ཁོབ་བལ་ལས་#ལྷག་ན་ནི་ཉེས་མེད་དོ། །དེ་ལ་སྲིན་བལ་དང་བལ་ནག་པོ་ནི་དགོན་#པའི་
[86b.7]ཕྱིར་གླག་ཏུ་མི་རུང་བར་སྟོན་གྱི། དཀར་པོ་ལ་སོགས་པ་གཞན་རིན་ཆེ་ན་ཡང་འདི་བཞིན་#ཉེས་པར་འགྱུར་རོ། །དེ་ལ་འཇམ་བལ་ནི་གང་ཁོབ་བལ་ནི་གང་ཞེ་ན། རྒྱབ་དང་རྩིབ་ལོགས་དང་གཉའ་བ་ལས་སྐྱེས་པ་ནི་སྔ་མའོ་ཞེས་པ་དང་། མགོ་དང་རྐང་ལག་དང་ལྟོ་ལས་
[87a]
[87a.1]སྐྱེས་པ་ནི་ཕྱི་མའོ་ཞེས་པ་ཡིན་ཏེ། ཆ་གཉིས་སྤང་བའོ། །ལོ་དྲུག་པ་སྟོན་ཏེ་གོང་དུ་མི་གཙང་ན་མི་གསོལ་ཞེས་པ་ལ་སོགས་པ་ལས་གཞི་བླང་ངོ་། །དེ་ནི་ཆུ་ཞེང་ལས་ལྷག་པ་བཅད་ཅེས་པ་ལ་སོགས་པ་ཡིན་ཏེ། རྟོག་པའི་དགེ་སློང་དག་གིས་ལས་སུ་བྱ་བ་ནི་
[87a.2]ཆུ་ཞེང་ལས་ལྷག་ན་ཆོད་ཅིག་པ་ལ་སོགས་པར་སྟོན་པའོ། །ཐུང་ངམ་ཆུང་#ན་སྐྱེད་ཅེས་པ་ནི། ཆུང་ངམ་ཐུང་#ན་ཡང་སྐྱེད་ཅིག་པའོ། །ཆད་ན་སྦྱར་ཞེས་པ་#སྤྱད་སྤྱད་དེ་རྐེད་དུ་ཆད་ན་ཡང་སླར་སྦྱོར་ཅིག་པའོ། །གཞིགས་སམ་ཟད་དུ་ཆད་ན་གླན་ཅེས་པ་ནི་ཟད་དུ་བྱེད་དམ་
[87a.3]ཁོལ་ཁོལ་དུ་རྡོལ་ན་ལྷན་པས་ཐོབ་ཅིག་པའོ། །བཅོས་སུ་མི་རུང་ན་སྦྱིན་ཞེས་པ་ནི་གོང་དུ་སྨོས་པ་ལྟར་བྱར་ཡང་མི་རུང་སྟེ། སྟན་རྙིངས་#ཤིང་ཟེགས་ན་སྡོམ་པ་བྱིན་ཅིག་པའོ། །ལས་སར་པ་པ་ཞེས་སྨོས་མོད་ཀྱི་འདི་འདྲ་བར་རྙིངས་ཤིང་བཅོས་སུ་མི་རུང་ན་#སུ་ལ་སྡོམ་པ་བྱིན་
[87a.4]ཀྱང་མི་རུང་བ་མེད། ཇི་ལྟར་བྱས་པས་ལོ་དྲུག་གི་སྤང་བར་འགྱུར་ཞེ་ན། སྡོམ་པ་མ་ཐོབ་པ་གཞན་ཡོད་ཉིད་ཀྱིས་ཐུག་#ཐུབ་ཏུ་བཏང་ངམ་ལོ་དྲུག་ཐུག་པར་སྟན་བྱས་ནའོ། །ཞེས་པ་ཡིན་ཏེ་མིང་གིས་སྨོས་པ་འདི་རྣམས་ལྟ་བུའི་རྐྱེན་ཡོད་ན་སྤང་བར་འགྱུར་བའོ། །
[87a.5]དེ་ལ་སྡོམ་པ་མ་ཐོབ་ཅེས་པ་ནི་དགེ་འདུན་གྱིས་གནད་བ་མ་བྱིན་པའོ། །གཞན་ཡོད་ཅེས་པ་ནི་སྔ་མ་ཡོད་བཞིན་པའོ། །ཐུག་#ཐུབ་ཏུ་བཏང་ཞེས་པ་ནི་ལོ་དྲུག་མ་ལོན་བར་སྟན་གཞན་བྱིན་པ་ལ་སོགས་པས་མེད་པར་བྱས་པའོ། །རྩོམ་པ་ན་ཤོམ་བ་ནི་ཡོད་པ་བཞིན་ཞེས་པ་ནི་སྔ་མ་
[87a.6]གཅིག་མ་ཟིན་པར་ཕྱི་མ་བྱེད་ན་ཟིན་པ་ཡོད་བཞིན་དུ་བྱས་པ་དང་འདྲ་སྟེ་ཉེས་བྱས་སུ་འགྱུར་བའོ། །མཐར་ཕྱིན་ན་སྦྱོར་བ་ཉེས་པར་མི་བྱེད་པ་མ་ཡིན་ཞེས་པ་ནི་གོང་མ་ལྟར་བརྩམས་པ་ལས་ཕྱི་མ་ཟིན་པར་བྱས་ན་ཕྱི་མ་དང་པོ་རྩོམ་པའི་ཉེས་བྱས་མེད་པ་མ་ཡིན་པར་སྟོན་པའོ། །རབ་
[87a.7]ཏུ་བྱུང་བ་ཐ་དད་པ་ནི་སོ་སོའོ་ཞེས་པ་ནི་རབ་ཏུ་འབྱུང་བ་ལས་བབས་ཏེ་ཕྱིས་རབ་ཏུ་འབྱུང་ན་སྟན་བྱེད་ན་སྔོན་གྱི་སྟན་གཏོགས་པར་སྟོན་པའོ། །ལོ་དྲུག་གི་སྤང་བའོ། །ཇི་ལྟར་བྱས་པས་མཐོའི་སྤང་བར་འགྱུར་ཞེ་ན། གདིང་བ་རྙིང་པ་ལས་བདེ་བར་གཤེགས་པའི་མཐོ་གང་
[87b]
[87b.1]གིས་གདིང་བ་གསར་པ་ལ་མ་#གླན་པར་སྤྱོད་ནའོ་ཞེས་པ་ལ་སོགས་པ་ཡིན་ཏེ་འདི་ལྟར་མ་བྱས་ན་ཉེས་པར་འགྱུར་བའོ། །གདིང་བ་རྙིང་པ་མེད་ནས་བདེ་བར་གཤེགས་པའི་མཐོ་གང་གིས་མ་གླན་པར་སྤྱོད་ན་ཉེས་པར་འགྱུར་རམ་ཞེན་ཡོད་ནའོ་ཞེས་པ་ཡིན་ཏེ་ཡོད་ན་གདོད་གོང་མ་ལྟར་
[87b.2]བྱའི་མེད་ན་ཉེས་མེད་པར་སྟོན་པའོ། །རྙིང་པ་རངས་པར་མེད་ཀྱང་འདི་ཙམ་གྱིས་#གླན་ཏམ་ཞེ་ན། དེ་ཙམ་ན་ཡང་ངོ་ཞེས་པ་ཡིན་ཏེ་རངས་པ་མེད་དུ་ཟིན་ཀྱང་བདེ་བར་གཤེགས་པའི་མཐོ་གང་ཙམ་གྱིས་གློན་ཅིག་པའོ། །མ་རལ་བ་བདེ་བར་གཤེགས་པའི་མཐོ་གང་ཙམ་གྱིས་གླན་
[87b.3]ཏམ་ཞེ་ན། བཅོས་སུ་རུང་བས་ཀྱང་ངོ་ཞེས་པ་ཡིན་ཏེ་རལ་ན་ཡང་ཆོས་ལ་གློན་ཅིག་པའོ། །དུམ་བུ་བསྡུས་ཏེ་ཡང་ངོ་ཞེས་པ་ནི་དམ་དུམ་དུ་གྱུར་ན་ཡང་བསྡུས་ལ་གློན་ཅིག་པའོ། །མཐོའི་སྤང་པའོ། །ཇི་ལྟར་བྱས་པས་བལ་ཁྱེར་བ་སྤང་བར་འགྱུར་ཞེ་ན། ཁྱེར་པ་མེད་
[87b.4]ན་ལུས་#བལ་དཔག་ཚད་གསུམ་ལས་ལྷག་པར་ཁྱེར་བ་ན་ཡོད་ན་ནི་འོང་#ཞེས་པ་ཡིན་ཏེ་ཁྱེར་བ་མེད་ན་བདག་གིས་དཔག་ཚད་གསུམ་ལས་མ་ལྷག་པར་ཁྱེར་ཅིག་པའོ། །ཡོད་ན་ནི་དེར་ཡང་མ་ཡིན་ནོ། །ལམ་དུ་འགྲོ་བ་ལས་ཉེས་པར་འགྱུར་བ་དང་། མི་འགྱུར་བ་རྣམ་པ་
[87b.5]གཉིས་ཏེ་བལ་ཁྱེར་བ་དང་དགེ་སློང་མ་དང་ལྷན་ཅིག་ཏུ་ལམ་དང་གྲུར་འགྲོ་བ་དང་སྐྱེས་པ་མེད་པར་བུད་མེད་དང་འགྲོགས་པ་དང་རྐུན་པོ་དང་འགྲོགས་པ་ནི་ཉེས་པར་འགྱུར་བའོ། །ཡང་ཡང་འདུས་ཤིང་ཟ་བ་དང་ཁྲུས་ནི་ཉེས་པར་མི་འགྱུར་བ་སྟེ་#དཔག་ཚད་ཕྱེད་ཀྱིས་ཉེས་པར་མི་
[87b.6]འགྱུར་བ་ནི་ཕྱིས་འཆད་ཉེས་པར་འགྱུར་བ་ད་#སྟོན་པ་ནི། ལམ་དུ་འགྲོ་ན་རྒྱང་གྲགས་དངོས་སོ་ཞེས་པ་ཡིན་ཏེ་ཉེས་པར་འགྱུར་བ་རྣམས་ནི་རྒྱང་གྲགས་གཅིག་གིས་སོ། །ཕྱེད་ནི་སྦྱོར་བའི་འོ་ཞེས་པ་ནི་རྒྱང་གྲགས་ཕྱེད་ཀྱི་བར་དུ་ཁྱེར་བ་ཉེས་བྱས་སུ་སྟོན་པའོ། །འཕྲུལ་
[87b.7]ལས་གཞན་པས་ནམ་མཁའ་ལས་ཁྱེར་ན་ཉེས་བྱས་ཞེས་པ་ནི་སྔགས་ལ་སོགས་པས། འདི་ལྟར་ཁྱེར་ན་ཉེས་བྱས་སུ་འགྱུར་བའོ། །སྤྲུལ་པས་ཀྱང་ངོ་ཞེས་པ་ནི་སྤྲུལ་པ་རྒྱུར་ན་ཡང་ཉེས་བྱས། ཞྭ་དང་ལྷམ་དང་ཚངས་དང་སྲས་#སྐྱོགས་དང་ལྕག་#པོད་དང་ཤུར་བུ་ལ་
[88a]
[88a.1]སོགས་པ་ཙམ་གྱི་ཕྱིར་ཉེས་པ་མེད་ཅེས་པ་ནི་འདི་དག་ཙམ་གྱི་ཕྱིར་ནི་ཇི་སྲིད་དུ་ཁྱེར་ཡང་ཉེས་པར་མི་འགྱུར་བའོ། །རྒྱང་གྲགས་ཀྱི་ཚད་སྟོན་པ་ནི། ཡང་རྡུལ་དང་རྡུལ་ཕྲན་དང་ཆུ་དང་ཁར་བ་དང་རི་བོང་དར་ར་དང་བ་དང་གསེབ་ཉི་ཟེར་གྱི་རྡུལ་དང་སྲོ་མ་དང་
[88a.2]ཤིག་དང་ནས་དང་སོར་རྣམས་སུ་དྲུག་ཅིང་བསྒྲེ་ཞེས་པ་ནི། མིང་གིས་སྨོས་པ་འདི་དག་#དྲུག་དྲུག་ཅིང་རིམ་བཞིན་དུ་བསྒྲེའོ། །སོར་བཞི་ཕྲག་དྲུག་ལ་ཁྲུ། ཁྲུ་ཕྱེད་དང་#བཞི་ལ་གཞུ། དེ་ལྔ་བརྒྱ་ལ་རྒྱང་གྲགས་ཞེས་པ་ནི་འདི་བཞིན་དུ་བསྒྲེས་ནས་རྒྱང་གྲགས་སུ་སྟོན་པའོ། །
[88a.3]དེའི་མཐའ་ནི་དགོན་པའི་ཐོག་མའོ་ཞེས་པ་ནི་རྒྱང་གྲགས་ཕན་ཆད་དགོན་པར་སྟོན་པའོ། །ལུས་ཀྱིས་ཁུར་མི་བསྐུར་#ཞེས་པ་ནི་ཕྲག་ཁུར་མ་ཁྱེར་ཅིག་པའོ། །རྒྱབ་དང་ལོགས་དང་སྟ་ཟུར་དང་མགོས་མ་ཡིན་ཞེས་པ་ནི་འདི་རྣམས་ཀྱིས་ཀྱང་མ་ཁྱེར་#ཅིག་པའོ། །འདི་ཁོང་
[88a.4]མི་ཐུལ་བར་རེ་བ་མི་བྱ་ཞེས་པ་ནི་ཁུར་མི་བསྐུར་#བར་བསྟན་པ་ནི་འདི་དག་དགེ་སློང་མས་ཀྱང་བསྲུང་དགོས་ཏེ་ཐུན་མོང་བར་སྟོན་པའོ། །ཁུར་ཕྱེད་ལས་ལྷག་པར་མི་གདེག་ཅེས་པ་ནི་མི་ཁུར་ཕྱེད་ལས་ལྷག་#མ་གདེག་ཤིག་པའོ། །བལ་ཁྱེར་བའི་སྤང་བའོ།། །།#བལ་རྨེལ་
[88a.5]བའི་#སྤང་བ་སྟོན་པ་ནི། གོས་རྙིད་པ་ཞེས་པའི་གོར་ལུག་བལ་ལོ་ཞེས་བྱ་བ་དང་། འཆག་པར་རྨེལ་བའོ་ཞེས་པ་ཡིན་ཏེ། ལྟུང་བ་འདི་འཁྲུ་བ་དང་འདྲ་བས་ན་གོང་དུ་གོས་རྙིང་པ་འཁྲུར་བཅུག་ཅེས་སྨོས་པའི་གོར་ལུག་བལ་གཞག་པ་དང་འཆག་ཅེས་པའི་གོས་
[88a.6]རྨེལ་ཞེས་བཅུག་ལ་རིམ་པ་ལ་སོགས་པ་གོང་དུ་བཤད་པ་བཞིན་དུ་རིག་པར་གྱིས་ཤིག་པའོ། །བལ་རྨེལ་བའི་སྤང་བའོ།། །།ཇི་ལྟར་བྱས་པས་གསེར་དངུལ་སྤང་བར་འགྱུར་ཞེ་ན། རིན་པོ་ཆེ་བདག་གིར་བྱས་ནའོ་ཞེས་པ་ལ་སོགས་པ་ཡིན་ཏེ། པད་མ་རཱ་ག་ལ་
[88a.7]སོགས་པའི་རིན་པོ་ཆེ་བདག་གིར་བྱས་ན་ཉེས་པར་འགྱུར་བའོ། །གང་གི་ཚེ་བདག་གིར་བྱེད་པར་རྫོགས་པར་འགྱུར་ཞེ་ན། གན་དུ་ན་ད་#རྫོགས་པའོ་ཞེས་པ་ཡིན་ཏེ་གན་དུ་འོངས་ཤིང་བླངས་ལ་རག་པར་གྱུར་ན་བདག་གིར་བྱ་བ་གྲུབ་པའོ། །དེའི་སྔ་#རོལ་ན་ཕྱེད་དོ་ཞེས་པ་ནི་
[88b]
[88b.1]གན་ཁོ་ནར་མ་ཕྱིན་པ་ཕན་ཆད་གཅིག་ན་འདུག་པ་བདག་གིར་བྱེད་ན་ལྟུང་བའི་ཕྱེད་དེ་ཉེས་བྱས་སུ་འགྱུར་བའོ། །གཞན་ལས་འོངས་པ་བདག་གིར་བྱས་པ་འབའ་ཞིག་སྤང་བར་འགྱུར་རམ་ཞེ་ན། བདག་གི་ཞིག་ན་ཡང་རུང་བར་མ་བྱས་ནའོ་ཞེས་པ་ཡིན་ཏེ། བདག་ཁྱིམ་པ་བྱེད་པའི་ཚེ་
[88b.2]སྲེལ་སྲེལ་བ་ཞིག་ན་ཡང་རུང་བར་བྱིན་གྱིས་མ་བརླབས་པར་རེག་ཅིང་སྤྱོད་ན་ཡང་སྤོང་#བར་སྟོན་པའོ། །ཇི་ལྟར་བྱས་པས་ལྟུང་བར་འགྱུར་ཞེ་ན། རེག་གམ་རེག་ཏུ་བཅུག་ནའོ་ཞེས་པ་ཡིན་ཏེ། རིན་པོ་ཆེ་བདག་གིས་རེག་གམ་གཞན་རེག་དུ་བཅུག་ན་ཉེས་པར་འགྱུར་བའོ། །ཇི་ལྟར་
[88b.3]རེག་པས་ཉེས་པར་འགྱུར་ཞེ་ན། ཇི་ལྟར་ཡང་རུང་ཞེས་པ་ཡིན་ཏེ་འདི་ཁོང་འདི་ཁྱེར་འདི་ཙམ་ཁྱེར་ཞེས་པ་ལ་སོགས་པ་ཇི་ལྟར་རེག་ཏུ་བཅུག་ཀྱང་རུང་སྟེ་ཉེས་པར་འགྱུར་བའོ། །ཟོང་གིས་ཟངས་ལ་ཉེས་བྱས་ཞེས་པ་ནི་མཚན་མ་བཏབ་ཅིང་འཚོང་བར་བྱས་པའི་ཟངས་ལ་རེག་པར་ཉེས་
[88b.4]བྱས་སུ་སྟོན་པའོ། །གཞན་ལ་ཉེས་མེད་ཅེས་པ་ནི་མཚན་མས་མ་བཏབ་པ་ལ་སོགས་པའི་ཟངས་གཞན་ལ་ཉེས་མེད་པར་སྟོན་པའོ། །རོ་ཉེ་དང་ཁར་བ་དང་ཚོན་མོ་སྟེང་དང་ལྕགས་ཀྱང་ངོ་ཞེས་པ་ནི་འདི་དག་ལ་རེག་པའང་ཉེས་མེད་པར་སྟོན་པའོ། །དགེ་ཚུལ་དག་གིས་ཀྱང་ངོ་ཞེས་པ་
[88b.5]ནི་དགེ་ཚུལ་ཕ་དང་དགེ་ཚུ་འཛིན་ཅིང་རེག་ཏུ་བཅུག་པ་ཉེས་མེད་པར་སྟོན་པའོ། །གོང་དུ་བདག་གི་ཞིག་ན་ཡང་རུང་བར་མ་བྱས་ནའོ་ཞེས་བསྟན་པ་དེའི་རུང་བ་ཇི་ལྟ་བུ་ཞེ་ན། སྦྱིན་བདག་བདག་པོར་བསམས་པ་དང་ཞལ་ཏ་བ་བདག་པོར་བླང་བ་དང་བྱིན་གྱིས་བརླབས་པར་རུང་བའོ། །
[88b.6]ཞེས་པ་ཡིན་ཏེ་རྣམ་པ་འདི་གསུམ་གོང་#ལྟར་བྱས་ཀྱང་རུང་བར་#བྱས་པའི་ཆོ་གར་སྟོན་པའོ། །དེ་ལ་སུས་བསྐུར་བ་ཉིད་བདག་པོར་བསམས་པ་ནི་སྦྱིན་བདག་བདག་པོར་བསམས་པའོ། །ནམ་འཚོའི་བར་དུ་མི་རུང་བའི་རྫས་དགེ་བསྙེན་ཏམ་ལྷ་འབངས་སྤྲོ་བར་བྱས་ལ། དེའི་ཡིན་པར་སྤྱོད་པ་
[88b.7]ནི་ཞལ་ཏ་པ་བདག་པོར་ཁས་བླང་བའོ། །མི་རུང་བའི་ནོར་བར་དུ་བཞག་ལ་ཚེ་དང་ལྡན་པ་དགོངས་ཤིག ། བདག་མིང་འདི་ཞེས་བགྱི་བའི་དགེ་སློང་འདི་ལྟ་བུ་མི་རུང་བ་རྙེད་པ་འདི་རུང་བའི་དངོས་པོར་བསྒྱུར་ཞིང་བཙལ་ཏེ་བདག་གིར་བྱའོ་ཞེས་ལན་གཉིས་གསུམ་དུ་བྱིན་གྱིས་རློབ་#པ་ནི་
[89a]
[89a.1]བྱིན་གྱིས་བརླབས་པའོ། །དེ་ལྟ་བས་ན་རུང་བར་བྱས་ཏེ་#རེག་གམ་རེག་ཏུ་བཅུག་པ་ནི་ཉེས་མེད་ཀྱི་རུང་བར་བྱས་ཀྱང་བདག་གིར་བྱེད་པ་མི་བཏང་ན་རུང་བ་ཉིད་བདག་གིས་བྱེད་པའི་གཉེན་པོ་བས་ན་ཉེས་པ་རངས་པར་སྟོན་པའོ། །རུང་བར་བྱ་བའི་#ཆོ་ག་དེ་དོན་དེ་ཇི་ལྟ་བུ་ལ་
[89a.2]འཆགས་ཤེ་ན། ཆོས་ཀྱི་དོན་མ་ཡིན་པ་ལས་གཞན་དུ་མི་སྐྱེ་ཞེས་པ་ཡིན་ཏེ་སངས་རྒྱས་མཆོད་པ་ལ་སོགས་པ་དང་བདག་གི་ལྷུང་བཟེད་ལ་སོགས་པའི་ཡོ་བྱད་ཀྱི་ཆེད་དུ་མ་ཡིན་ན་གཞན་དུ་དགོས་པའི་ཕྱིར་རུང་བའི་ཆོ་ག་བྱས་ཀྱང་བྱས་པར་མི་འགྱུར་བའོ། །རིང་ཡང་བདག་པོ་མི་
[89a.3]འཇིག་ཅེས་པ་ནི་བདག་པོར་བསམ་#པ་དང་། ཞལ་ཏ་པ་རིང་མོ་ཞིག་ན་འདུག་ཏུ་#ཟིན་ཀྱང་བདག་པོར་བྱིན་གྱིས་བརླབས་པ་ལ་མི་གདོད་པར་སྟོན་པའོ། །བདག་གི་ཕྱིར་ཟས་སྦྱོར་བ་ནི་རུང་ཞེས་པ་ནི་བདག་གི་ཕྱིར་#ཟས་སྦྱོར་ཞིང་ཟས་ལྔ་ཤོམ་པ་ལྟོ་འདུན་#ལ་སོགས་པའི་ཉེས་པ་མ་ཡིན་
[89a.4]པར་སྟོན་པའོ། །འདི་མན་ཆད་ཁམ་པ་ཞེས་པ་ཡན་ཆད་ལས་རྒྱགས་སུ་ནི་རིན་པོ་ཆེ་མན་ཆད་དོ་ཞེས་རྣམ་པར་འབྱེད་པ་ལས་འབྱུང་བ་མ་གཏོགས་པ་གཞན་ཐམས་ཅད་ཕྲན་ཚེགས་ལས་འབྱུང་བར་རིག་པར་བྱའོ། །དེ་བྱེད་དུ་གཞུག་པའི་ཕྱིར་ཀཱར་ཥཱ་པ་ཎ་#བཟུང་ཞིང་ལོང་ཤིག་པར་#
[89a.5]སྟོན་པའོ། །དེ་ཡང་རུང་བར་ནི་བྱ་དགོས་སོ། །རྒྱགས་ནི་རིན་པོ་ཆེ་མན་ཆད་དོ་ཞེས་པ་ནི་རྒྱགས་ཟོང་དུ་ནི་རིན་པོ་ཆེ་མན་ཆད་རིག་ཅིང་ཁྱེར་ན་ཡང་ཉེས་མེད་པར་སྟོན་པའོ། །མེའི་ཆེད་དུ་མེ་ཤེལ་བཅང་ཞེས་པ་ནི་ཆོས་འདི་བདག་གི་ཆེད་དུ་ན་མེ་ཤེལ་ཡང་ཆོངས་ཤིག་པའོ། །
[89a.6]འདི་ནི་#དབེན་པར་བཞག་ཅེས་པ་ནི་མེ་ཤེལ་དེ་ལེགས་པར་སྦོས་ཤིག་པའོ། །མ་བྱིན་པར་ལེན་པ་ལ་མི་བསྟན་ཞེས་པ་ནི་འདི་རྐུན་པོས་མ་མཐོང་བར་གྱིས་ཤིག་པའོ། །འདིའི་འབྲས་བུ་ཕྱུང་ལ་སྦྱིན་རྐུན་པོ་ལ་མེ་ཤེ་བསྟན་པར་མེ་ནི་ཕྱུང་ལ་བྱིན་ཅིག་པའོ། །ཆུའི་ཆེད་དུ་
[89a.7]ཆུ་ཤེལ་ཏོ་ཞེས་པ་ཆུ་དབྱུང་བའི་ཕྱིར་ཆུ་ཤེལ་ཡང་ཆོངས་ཤིག་པའོ། །བསྲུང་བའི་ཆོ་ག་མཚུངས་སོ་ཞེས་པ་ནི་ཆུ་ཤེལ་སྦ་བའི་ཆོ་ག་ཡང་གོང་མ་བཞིན་ཏུ་#གྱིས་ཤིག་པའོ། །ཡོ་བྱད་གནང་བའི་ནང་དུ་རིན་པོ་ཆེ་བདག་གིར་བྱེད་པ་གཏོགས་པ་མ་ཡིན་ཞེས་པ་ནི་རྒྱ་དང་ཁབ་
[89b]
[89b.1]རལ་ལ་སོགས་པ་ཡོ་བྱད་གནང་བ་རིན་པོ་ཆེ་ལས་མ་བྱེད་ཅིག་པར་སྟོན་པའོ། །ར་#གན་དང་ཟངས་དང་ཁར་བ་དང་ཤིང་གི་ལྷུང་བཟེད་བདག་གིར་མི་བྱ་ཞེས་པ་ནི་ལྷུང་བཟེད་འདི་དག་ལས་མ་བྱེད་ཅིག་པའོ། །འདི་དག་གམ་གཞན་གལ་ཏེ་བདག་གིར་བྱས་ན་སྨན་སྣོད་ཀྱི་གོར་
[89b.2]སྤྱད་ཅེས་པ་ནི་གོང་དུ་སྨོས་པའི་རིན་པོ་ཆེ་གང་ཡིན་པ་ལས་བྱས་པ་འམ་གཞན་ལས་བྱས་པ་ཡོད་ན་སྨན་སྣོད་དུ་བྱས་པ་ཙམ་གྱི་གོར་སྤྱོད་ཀྱི། བྱིན་གྱིས་བརླབས་པར་ནི་མ་བྱེད་ཅིག་པའོ། །ལྕགས་དང་ཁམ་པ་གཉིས་བྱིན་གྱིས་བརླབ་#པའོ་ཞེས་པ་ནི་འདི་གཉིས་ལས་
[89b.3]བྱས་པའི་ལྷུང་བཟེད་ནི་བྱིན་གྱིས་རློབས་ཤིག་པའོ། །གོང་དུ་རིན་པོ་ཆེ་བདག་གིར་བྱེད་ཅེས་སྨོས་པའི་རིན་པོ་ཆེ་གང་ཡིན་པ་#སྟོན་པ་ནི། ནོར་བུ་མུ་ཏིག་བཻ་ཌཱུ་རྱ་ཤེས་བྱི་#རུ་གསེར་དངུལ་ཨ་སྨ་གརྦྷ། མུ་ས་ར་གལ་བ་དམར་པོ་གཡས་ཕྱོགས་སུ་འཁྱིལ་པ་ལ་སོགས་པ་རིན་
[89b.4]པོ་ཆེའོ་ཞེས་པ་ཡིན་ནོ། །མི་ལྷུམ་བ་ནི་འབྲི་ཞེས་པ་ནི་བདར་སྤྱད་མ་བྱས་པ་ལ་སོགས་པ་མི་སྡོམ་པར་གྱུར་པ་#རེག་པ་ནི་ཉེས་པ་འབྲི་བར་སྟོན་པའོ། །འདི་འོག་ནས་འབྱུང་བའི་བསླབ་པ་ཡང་འདི་དང་འདྲ་བར་སྟོན་པ་ནི། འོག་མ་ཡང་ངོ་ཞེས་པ་ཡིན་ཏེ་འོག་ནས་མཚན་མ་
[89b.5]བཏབ་པ་འཚོང་བ་ཡང་མི་སྡོམ་ན་འབྲི་བར་སྟོན་པའོ། །མི་སྡོམ་#པ་ཇི་ལྟ་བུ་ཡིན་པ་སྟོན་པ་ནི། ཆད་པ་འཕན་ཅན་ཡར་བ་ཅིག་#སྔོན་མི་སྤྱོད་པ་མ་ཐེབས་པ་བྱིད་པ་#བཅོས་པ་རྣམས་སོ་ཞེས་པ་ཡིན་ཏེ། འདི་དག་ལྟར་གྱུར་ན་མི་སྡོམ་#པ་སྟེ་དེ་ལ་ཆད་ཅེས་པ་ནི་གཅད་#པར་བཀྱིགས་པ་ལས་
[89b.6]ཆད་ཀྱང་རུང་བའོ། །འཕན་ཞེས་པ་ནི་བུབ་#ཅིང་སྣང་པའོ། །ཡར་ཅེས་པ་ནི་ཕྱོགས་འགའ་ནས་ཁམ་ཚད་དུ་ཡར་བའོ། །སྔོན་མི་སྤྱོད་ཅེས་པ་ནི་སྔོན་སུའང་མི་སྤྱོད་ཅིང་ངོ་མི་ཤེས་པའོ། །མ་ཐེབས་ཞེས་པ་ནི་མཚན་མས་མ་ཐེབས་པའོ། །བྱིད་ཅེས་པ་ནི་བྱང་སྟེ་མཚན་མ་མི་
[89b.7]མངོན་པའོ། །བཅོས་མ་ཞེས་པ་ནི་རྡོ་དང་རྩྭ་ལ་སོགས་པ་ལས་རིན་པོ་ཆེ་དང་འདྲ་བ་འམ་རྒྱན་ལྟ་བུར་བཅོས་བཅོས་པའོ། །གསེར་དངུལ་སྤང་བའོ།། །།#མཚན་མས་བཏབ་པ་སྤོགས་བྱེད་པ་སྟོན་པ་ནི། ཁེ་འདོད་ན་ལྟུང་བའོ་ཞེས་པ་ལ་སོགས་པ་ཡིན་ཏེ་ཁེ་འདོད་པས་སྤོགས་
[90a]
[90a.1]བྱེད་ན་ལྟུང་བར་འགྱུར་བའོ། །དེ་ཡང་བདག་གི་ཕྱིར་ན་དེ་#ལྟའི་གཞན་གྱི་ཕྱིར་ན་ཉེས་པ་འབྲིའོ#། །ཕ་རོལ་ཁྱིམ་དང་གཉེན་མ་ཡིན་ན་རྩ་བའོ་ཞེས་པ་ནི་སྤོགས་ཟླ་ཁྱིམ་པའང་ཡིན་གཉེན་ཡང་མ་ཡིན་ན་གདོད་ཉེས་པ་རངས་པར་འགྱུར་བའོ། །སྤོགས་བྱེད་པ་གང་གི་ཚེ་རྩ་
[90a.2]བར་འགྱུར་ཞེ་ན། སྤོགས་བྱིན་ནའོ་ཞེས་པ་ཡིན་ཏེ་སྤོགས་བྱེད་པར་ཤོམ་པ་ནི་ཉེས་བྱས་ཀྱི་ནམ་སྤོགས་ཕྱིན་ན་རྩ་བར་འགྱུར་བའོ། །དེ་ལྟ་བས་ན་སྤང་བ་ནི་སྤོགས་ཅི་ཕྱིན་པ་ཉི་ཚེ་སྤང་དགོས་སོ། །བསླབས་ལ་འོག་མ་ཡང་མཚན་ཉིད་འདི་#དང་སྦྱོར་བར་སྟོན་པ་ནི། འོག་མ་ཡང་
[90a.3]ངོ་ཞེས་པ་ཡིན་ཏེ་ཁེ་འདོད་ཅེས་པ་ནས་སྤོགས་ཕྱིན་ཅེས་པའི་བར་དུ་སྨོས་པ་འདི་དག་ཉོ་འཚོང་གི་#ཡན་ལག་ཏུ་ཡང་སྦྱོར་ཅིག་པའོ། །ཅི་སྤོགས་པས་ཉེས་པར་འགྱུར་ཞེ་ན། པ་ཎི་#འམ་རིན་པོ་ཆེ་སྤོགས་ནའོ་ཞེས་པ་ཡིན་ཏེ་པ་ཎི་#འམ་གསེར་དངུལ་ལ་སོགས་པའི་རིན་པོ་ཆེ་གང་
[90a.4]སྤོགས་ཀྱང་ཉེས་པར་འགྱུར་བའོ། །སྦྱོར་བ་ནི་གཅིག་གོ་ཞེས་པ་ནི་སྟན་ལས་འཕགས་པ་ལ་སོགས་པ་#སྤོགས་ཀྱི་སྦྱོར་བ་མང་པོ་ཞིག་བྱེད་ཀྱང་། སྦྱོར་བ་གཅིག་ཏུ་བརྩི་བར་སྟོན་པའོ། །དཀོན་མཆོག་གི་ཕྱིར་ནི་བྱ་ཞེས་པ་ནི་དཀོན་མཆོག་གི་ཕྱིར་ནི་སྤོགས་བྱོས་ཤིག་པའོ། །
[90a.5]དེ་ཡང་སུ་བྱེད་དུ་བཅུག་ཅེ་ན། ཀུན་དགའ་བའམ་དགེ་བསྙེན་ཡོད་ན་བསྒོ་སྟེའོ་ཞེས་པ་ཡིན་ཏེ། འདི་དག་ལ་ཡོད་ན་སྤོགས་བྱེད་དུ་ཆུག་ཤིག་#པའོ། །སྤོགས་ཀྱི་ཐབས་ཇི་ལྟར་བྱ་བ་སྟོན་པ་ནི་གཏའ་ཉིས་རིམ་དུ་བླང་ཞེས་པ་ལ་སོགས་པ་ཡིན་ཏེ། དཀོན་མཆོག་གི་དཀོར་ཆུད་མི་
[90a.6]ཟ་བའི་#ཕྱིར་གཏའ་ཉིས་རིམ་བཟུང་ཤིག་པའོ། །དཔང་ལོ་ཟླ་ཞག་དགེ་འདུན་གྱི་གནས་བརྟན་གཙུག་ལག་ཁང་གི་ཁང་སྐྱོང་། ཁེར་#པ་ནོར་ཁེ་རྣམས་ཤོག་ཤོག་#བྲི་ཞེས་པ་ནི་ཚིག་རྒྱ་འདི་ལྟར་བྱས་པའི་འོག་ཏུ་གདོད་ནོར་སྐུར་#ཅིག་པའོ། །རྒྱུས་ཡོད་པས་གཏན་ཚིགས་གཞན་
[90a.7]ལ་བསྙད་ཅེས་པ་ནི་སྤོགས་ཀྱི་རྒྱུས་ཤེས་པས་དགེ་སློང་གཞན་ལ་གཏན་ཚིགས་རྒྱས་པར་ཤོད་ཅིག་པའོ། །མཚན་མ་བཏབ་པ་སྤོགས་པ་སྤང་བའོ།། །།#གོང་དུ་འོག་མ་ཡང་འདི་བཞིན་ནོ་ཞེས་ཉོ་འཚོང་གི་ཡན་ལག་རྒྱས་པར་བསྟན་ཟིན་མོད་ཀྱི་ནོར་གང་ལས་ཉོ་འཚོང་བྱེད་པའི་
[90b]
[90b.1]བྱེ་བྲག་ཙམ་ཞིག་སྟོན་པ་ནི། གཞན་གྱིས་#ཞེས་པ་ལ་སོགས་པ་ཡིན་ཏེ། སྐམ་ཟོང་གིས་མ་ཡིན་གྱི་འབྲུ་ལ་སོགས་པ་གཞན་གྱིས་#ཉོ་འཚོང་བྱེད་ན་ཉེས་པར་འགྱུར་བའོ། །དགེ་འདུན་གསོལ་བར་ནས་རིན་གྱིས་ཉོ་ན་དགེ་འདུན་གྱི་ལས་སྦྱིན་ཞེས་པ་ནི་དགེ་འདུན་མཆོད་སྟོན་#གསོལ་པའི་
[90b.2]རྒྱུ་#དགེ་འདུན་ཉིད་ཀྱིས་བཙང་#ལས་རིན་གྱིས་ཉོ་བ་ཡོད་ན་བྱིན་ཅིག་པར་སྟོན་པའོ། །གལ་ཏེ་དེའི་རིན་མདོངས་སོལ་ཞེས་པ་ནི་མཚམས་དེ་ཉིད་ཀྱི་དགེ་འདུན་གསོལ་བར་ཉོ་ན་དེའི་དགེ་འདུན་བདག་གིས་མདོངས་སོལ་གྱིས་ལ་ཀློགས་ཏེ་བྱིན་ཅིག་པའོ། །ཟད་ན་དགེ་འདུན་གྱིས་ཉོ་ཞེས་པ་
[90b.3]ནི་དགེ་འདུན་གྱི་བཙང་#ཟད་དུ་བྱེད་ནའང་ཉོས་ཤིག་པའོ། །གསར་ཡང་ངོ་ཞེས་པ་ནི་གསར་ཉོས་ཤིག་པའོ། །དེ་ཡང་གང་གི་#ཚེ་ཞེ་ན། ཇིས་ཏེ་#སྲོག་ཆགས་མེད་ན་རྙིང་བཙོངས་ཏེ་ཞེས་པ་ཡིན་ཏེ། སྲོག་ཆགས་མེད་པའི་ནས་རྙིང་འཚོངས་ལ་གསེར་ཉོས་ཤིག་པའོ། །རིན་
[90b.4]ཐང་མི་བཅད་ཅེས་པ་ནི་ནོར་འདི་ནི་འདི་རིའོ་ཞེས་པ་ལ་སོགས་པར་ནོར་གྱི་རིན་ཐང་གཅོད་པར་མ་བྱེད་ཅིག་པའོ། །ཁྱིམ་པའི་སྤྱོད་པར་མི་གཅེན་ཞེས་པ་ནི་ཚོང་བྱེད་པ་ལ་སོགས་པ་ཁྱིམ་པའི་#ནང་དུ་དགེ་སློང་གཏོགས་འདོད་དང་གཅེན་པ་མ་བྱེད་ཅིག་པའོ། །འོ་ན་བདག་གི་གོས་
[90b.5]ཉོ་བ་ལ་སོགས་པ་ཇི་ལྟར་བྱ་ཞེ་ན། ཁྱིམ་པ་ཉོར་གཞུག་ཅེས་པ་ཡིན་ནོ། །གལ་ཏེ་ཁྱིམ་པ་མེད་ན་ཇི་ལྟར་བྱ་ཞེ་ན། མེད་ན་ཚིག་#གསུམ་མན་ཆད་བརྗོད་དེའོ་ཞེས་པ་ཡིན་ཏེ་རིན་འདི་ཙམ་མམ་ཞེས་དགེ་སློང་གིས་ཚིག་གསུམ་གྱི་བར་དུ་སྒྲུབས་#ཤིག་པའོ། །དཀོན་མཆོག་གསུམ་གྱི་ཕྱིར་མ་
[90b.6]ཡིན་ན་གཞན་གྱི་ཆེད་དུའང་སྐྱེད་འབྲི་མི་བྱ་ཞེས་པ་ནི་དཀོན་མཆོག་གི་ཕྱིར་མ་ཡིན་ན་གཞན་གྱི་ཕྱིར་ཡང་རིན་ཐང་གི་སྐྱེད་བྲི་མ་བྱེད་ཅིག་པའོ། །རྒྱལ་མི་བྱ་ཞེས་པ་ནི་རྒྱ་འགོད་ཅིག་#པར་སྟོན་པའོ། །ལ་ལ་དགེ་འདུན་གྱི་བཙད་#བེད་སྐྱེད་དུ་གཏོང་བར་རྩོལ་བ་ཡོད་ན་ཇི་ལྟར་བྱ་ཞེ་ན། དེའི་
[90b.7]ཕྱིར་ན་དགེ་འདུན་གྱི་ལས་བྱེད་པ་ལ་དགེ་འདུན་གྱི་སྐོར་བཞག་ཅེས་པ་ཡིན་ཏེ་དེ་ལྟ་བུར་རྩོལ་བ་ཡོད་ན་དགེ་འདུན་གྱིས་#གསར་བུ་རྒན་པོ་ལ་སོགས་པ་ལ་འདི་བེེད་སྐྱེད་དུ་ཆུག་ཤིག་ཅེས་གཏོད་ཅིག་པའོ། །ད་དེའི་ལས་སུ་བྱ་བ་སྟོན་པ་ནི། རྒན་རབས་དྲིས་པར་དགེ་འདུན་གྱི་ཆེད་དུ་
[91a]
[91a.1]རྩོལ་བ་མི་གཅད་#ཅེས་པ་ལ་སོགས་པ་ཡིན་ཏེ། རྒན་རབས་དྲིས་པར་དེའི་ལག་ཏུ་ནོར་གཏད་ཅིང་སྐྱེད་མངན་དུ་#མ་གཞུག་ཤིག་པའོ། །ཁྱེར་བ་འདིའི་ཕྱིར་གཞན་ཚིགས་ཤོག་ཤོག་ལ་འབྲི་ཞེས་པ་ནི་སྐྱེད་མངན་#དེས་བདག་ལ་དྲི་མི་ངས་པ་དང་བརྗེད་བྱད་ལ་སོགས་པའི་ཆེད་
[91a.2]དུ་དབང་རྒྱ་གྱིས་ཤིག་པའོ། །ཉོ་བཙོང་#སྤང་བའོ།། །།#ད་ལྷུང་བཟེད་འཆང་བའི་སྤང་བ་སྟོན་པ་ནི། ལྷུང་བཟེད་ལས་སོ་ཞེས་པ་ལ་སོགས་པ་ཡིན་ཏེ། གོང་དུ་གོས་ལྷག་པ་འཆང་བ་ཞེས་སྨོས་པའི་གོར་#ལྷུང་བཟེད་ཆུག་ལ་དེའི་ཚུལ་བཞིན་དུ་རིག་པར་གྱིས་ཤིག་པའོ། །བྱིན་གྱིས་མ་
[91a.3]བརླབས་ནའོ་ཞེས་པ་ནི་བྱིན་གྱིས་བརླབས་པ་ལ་ཉེས་མེད་ཀྱི་བྱིན་གྱིས་མ་བརླབས་པ་ཞག་བཅུ་འདས་ན་ཉེས་#པར་#འགྱུར་བའོ། །རབ་ཏུ་འབྱུང་བར་འདོད་པའི་ཆེད་དུ་ངེས་པར་བྱས་ན་བཏང་བའོ་ཞེས་པ་ནི་རབ་ཏུ་འབྱུང་#བར་འདོད་པ་སྦྱིན་བར་ཐག་བཅད་ན་བཏང་བ་ཡིན་པས་ན་ཞག་བཅུ་འདས་
[91a.4]པར་བཞག་ཀྱང་ཉེས་པར་མི་འགྱུར་བའོ། །སྲེ་བོ་དང་དཀར་པོ་དང་ཆེས་པ་རྣམས་མི་རུང་ཞེས་པ་ནི་འདི་རྣམས་ལྟ་བུ་ཞིག་ཡིན་ན་མ་བརྟགས་ཤིང་མི་རུང་བར་གཏོགས་པས་ལྷག་པར་བཅངས་སུ་ཟིན་གྱིས་ཀྱང་ཉེས་པར་མི་འགྱུར་བའོ། །མ་ཚོས་པ་ནི་ཆུང་བའི་#སྟེང་དུའོ་ཞེས་པ་ནི་
[91a.5]ཁམ་པའི་ལྷུང་བཟེད་མ་ཚོས་ན་ཚད་མ་ཡིན་དུ་ཟིན་གྱིས་ཀྱང་ཆུང་བ་#དང་འདྲ་བའི་སྟེང་དུ་མ་བརྟགས་#ཡང་ཡིན་པར་སྟོན་པའོ། །ལྷུང་བཟེད་ཆུང་དུ་གཅིག་པུ་ཉེས་མེད་ཅེས་པ་ནི་ལྷུང་བཟེད་ཆུང་དུ་འགའ་#སེལ་བ་ནི་ཉེས་པར་སྟོན་པའོ། །ལྷུང་བཟེད་འཆད་བ་སྤང་བའོ།། །།#ད་ནི་ལྷུང་
[91a.6]བཟེད་ལྷག་པར་ཚོལ་བ་སྤང་བ་སྟོན་ཏེ། དེའང་འདོད་གཅེན་#ལས་འགྱུར་བས་ན་སྤྱིའི་ཚིག་ཏུ་ཧ་ཅང་ཡང་འདོད་ཞེན་མི་བྱ་ཞེས་པ་ཡིན་ཏེ་དགེ་སློང་གིས་རྙེད་པའི་ཕྱིར་འདོད་ཞེན་མ་འོས་#པ་མ་བྱེད་ཅིག་པའོ། །ཡོ་བྱད་ལ་ཧ་ཅང་ཡང་གདུ་བར་མ་ཡིན་ཞེས་པ་ནི་ཆོས་གོས་དང་
[91a.7]ལྷུང་བཟེད་ལ་སོགས་པའི་#ཡོ་བྱད་ལ་ཤིན་ཏུ་གདུ་#བར་ཡང་མ་བྱེད་ཅིག་པའོ། །གང་ལ་ཞེན་པ་དེ་མི་བཅང་ཞེས་པ་ནི་ཡོ་བྱད་གང་ལ་ཆགས་པ་དེ་མ་འཆང་བར་སྤོངས་ཤིག་པའོ། །མེད་ན་ལྷུང་བཟེད་ཀྱང་བསླང་#ཞེས་པ་ནི་མེད་ན་ལྷུང་བཟེད་དང་ཆོས་གོས་ཀྱང་སློངས་ཤིག་པའོ། །
[91b]
[91b.1]ལྷུང་བཟེད་ཇི་ལྟར་བཙལ་བས་ཉེས་པར་འགྱུར་ཞེ་ན་འདི་ཡོད་ནའོ་ཞེས་པ་ཡིན་ཏེ་ལྷུང་བཟེད་གཉུགས་#མ་ཅིག་ཡོད་བཞིན་དུ་བཙལ་ན་ཉེས་པར་འགྱུར་བའོ། །ཡོད་པ་དེ་ཡང་ཇི་ལྟ་བུ་ཞེ་ན#། ལྷན་པ་བཞི་མན་ཆད་དམ་དེ་འོས་པ་འམ་སྤྱད་བཟོད་ནའོ་ཞེས་པ་ཡིན་ཏེ་ལྷན་པ་བཞི་མན་
[91b.2]ཆད་དམ་བཞི་གདབ་ཏུ་འོས་པ་འམ་བཞི་བཏབ་ཏུ་ཟིན་གྱིས་ཀྱང་སྤྱད་བཟོད་པ་བཞིན་དུ་ཕྱི་མ་བཙལ་ན་ཉེས་པར་འགྱུར་བའོ། །ལྷུང་བཟེད་སྔ་མ་ཡོད་བཞིན་དུ་ཇི་ལྟར་བཙལ་བས་ཇི་ལྟ་བུའི་ཉེས་པར་འགྱུར་ཞེ་ན། ཁྱིམ་པ་དང་གཉེན་མ་ཡིན་པ་ལས་སློང་ཞིང་ཚོལ་ནའོ་ཞེས་
[91b.3]པ་ལ་སོགས་པ་ཡིན་ཏེ་འདི་དག་ལས་བཙལ་ན་ཉེས་པར་འགྱུར་བའོ། །འདིས་བསླབ་པ་གཞན་ཡང་གོ་བར་བྱ་བ་ནི་ཕྱི་མ་གཉིས་ཀྱང་འདི་བཞིན་ཞེས་པ་ཡིན་ཏེ་འདིའི་འོག་ནས་འབྱུང་བའི་བསླབ་པ་རྣམ་གཉིས་ཀྱང་ཁྱིམ་པ་དང་གཉེན་མ་ཡིན་པ་འཐག་ཏུ་བཅུག་ན་ཉེས་པར་
[91b.4]འགྱུར་བའོ། །དེའི་བྱེ་བྲག་སྟོན་པ་ནི་ཐ་ག་པ་དང་སྦྱིན་བདག་དང་གཞན་ཡང་ངོ་ཞེས་པ་ཡིན་ཏེ། ཐ་ག་པ་དང་སྦྱིན་བདག་དང་ཕོ་ཉ་གསུམ་ཆར་ཁྱིམ་པ་དང་གཉེན་མ་ཡིན་པ་ཞིག་ན་ཉེས་པར་འགྱུར་བའོ། །གཉེན་མ་ཡིན་པ་གཉེན་ལས་ཉེས་པར་མི་འགྱུར་བ་ལམ་
[91b.5]གཏོགས་པ་ནི་སྤོགས་དང་ལྷུང་བཟེད་དོ་ཞེས་པ་ཡིན་ཏེ་གཉེན་མ་ཡིན་པ་ལ་#ཟས་བསོད་པ་ལ་སོགས་པ་སློང་དུ་མི་དབང་བ་གཉེན་ལས་ཉེས་པར་མི་འགྱུར་བའི་ནང་དུ་སྤོགས་དང་ལྷུང་བཟེད་མ་གཏོགས་པ་སྟོན་པ་སྟེ་འདི་འང་ཉེས་པ་རངས་པར་མི་འགྱུར་གྱི་#འབྲི་བར་འགྱུར་རོ། །སྐབས་སུ་
[91b.6]ཞར་ལ་བཤད་པའི་མཇུག་འདུས་ནས་དཀྱུས་ཀྱི་འཕྲོ་སྟོན་པ་ནི། ཉེས་བྱས་ཞེས་པ་དང་། དེ་ལས་གྲུབ་ན་#རྩ་བ་ཞེས་པ་ཡིན་ཏེ། ཚོལ་བའི་ཚེ་ན་ནི་ཉེས་བྱས། རྙེད་པའི་ཚེ་ན་#རྩ་བར་འགྱུར་བའོ། །ཡོད་སྙམ་པ་ལས་མེད་པ་འབྲི་ཞེས་པ་ནི་སྔ་མ་ཡོད་བཞིན་དུ་ཕྱི་མ་བཙལ་བ་ལས། སྔ་
[91b.7]མ་དེ་རླག་གམ་ཚིག་སྟེ་མེད་པར་གྱུར་ན། སྔ་མ་མེད་པའི་ཕྱིར་ཉེས་པ་འབྲི་བར་སྟོན་པའོ། །བདག་གི་ཡོ་བྱད་ཀྱིས་ནའོ་ཞེས་པ་ནི་ལྷུང་བཟེད་སྔ་མ་ཡོད་བཞིན་དུ་ཕྱི་མ་བདག་གི་རིན་གྱིས་ཉོས་ན་ཡང་ཉེས་པ་འབྲི་བར་སྟོན་པའོ། །འདི་དག་ཡོད་ནའོ་ཞེས་པ་ནི་ལྷུང་བཟེད་སྔ་མ་མེད་དེ་བཙལ་དགོས་
[92a]
[92a.1]པའི་ཟོང་ནི་#ཡོད་ལ་ཟོང་གིས་#མི་འཚལ་བར་གཞན་ལ་སློང་ན་ཡང་ཉེས་པ་འབྲི་བར་སྟོན་པའོ། །བཟང་འདོད་པས་བརྗེས་ནའོ་ཞེས་པ་ནི་བཟང་པོ་འདོད་པའི་ཕྱིར་རྗེ་#ན་ཡང་ཉེས་བྱས་སུ་སྟོན་པའོ། །རྣམ་པར་འབྱེད་པ་ལས་བརྗེས་ན་ཉེས་མེད་ཅེས་འབྱུང་བ་ནི་ཐ་མལ་བར་
[92a.2]བརྗེ་#བ་ལ་བྱའི་བཟང་འདོད་པའི་ཕྱིར་མ་ཡིན་ནོ། །ལྷག་པར་བཙལ་བ་དེ་ཞག་བཅུ་ལས་ལྷག་པར་བཅངས་ན་ལྷག་པ་བཙལ་བའི་སྟེང་དུ་བཅངས་པའི་ཉེས་པར་ཡང་འགྱུར་རོ། །འདི་སྤང་བ་གཞན་དང་མི་འདྲ་བའི་ཁྱད་པར་སྟོན་པ་ནི། འདི་དགེ་འདུན་ལ་སྤང་ཞེས་པ་ཡིན་ཏེ་ལྷུང་བཟེད་
[92a.3]ལྷག་པར་བཙལ་བ་སྤང་བ་ནི་གཞན་སྤང་བར་དགེ་འདུན་ལ་སྤོངས་ཤིག་པའོ། །ལྷག་པ་མང་པོ་ཞིག་བཙལ་ཀུན་དགེ་འདུན་ལ་སྤང་ངམ་ཞེ་ན། དུ་མ་ན་གང་འདོད་པའི་མཆོག་གཅིག་གོ་ཞེས་པ་ཡིན་ཏེ་དུམ་ཡོད་ན་དེའི་ནང་ནས་གང་བཟང་ཤོས་དགེ་འདུན་ལ་ཕུལ་ཅིག་པའོ། །ལྷག་
[92a.4]མ་གཞན་ཇི་ལྟར་བྱ་ཞེ་ན། གཞན་སྤང་ཞེས་པ་ཡིན་ཏེ་གཞན་ཡང་ཡོང་ཡེ་སྤོངས་ཤིག་པའོ། །སུ་ལ་སྤང་ཞེ་ན། འདིའི་རབ་ཏུ་བྱུང་བ་ལའོ་ཞེས་པ་ཡིན་ཏེ་བདག་ཅག་གི་རབ་ཏུ་བྱུང་བ་དགེ་ཚུལ་ཡན་ཆད་ལ་སྤོངས་ཤིག་པའོ། །ལྷུང་བཟེད་ཚོལ་ཏེ་དེ་ཉིད་#ལ་ལྷུང་བཟེད་ཇི་ལྟ་བུ་སྦྱིན་
[92a.5]ཞེ་ན། འདི་ལ་ཐ་ཤལ་སྦྱིན་ཞེས་པ་ཡིན་ཏེ། དེ་ལ་ཐམས་ཅད་ཀྱི་ཐ་ཤལ་བྱིན་ཅིག་པའོ། །གལ་ཏེ་བཙལ་བ་དེ་ཉིད་ཐ་ཤལ་ཞིག་ཡིན་ན་ཡང་དེ་ཉིད་དེ་ལ་བྱིན་ཅིག་པའོ། །དེ་ཡང་ཇི་ལྟར་བྱས་ཏེ་སྦྱིན་ཞེ་ན། བྲིམས་ཏེ་བསྙིགས་པའོ་ཞེས་པ་ཡིན་ཏེ་ཐམས་ཅད་ལ་བྲིམས་ནས་ངན་དུ་
[92a.6]བསྙིགས་ལ་བྱིན་ཅིག་པའོ། །དེ་ལྟར་བསྙིགས་པའི་ལས་སུས་བྱ་ཞེ་ན། བསྐོས་པས་སོ་ཞེས་པ་ཡིན་ཏེ། གསོལ་བ་དང་གཉིས་ཀྱི་ལས་ཀྱིས་བསྐོས་པའི་དགེ་སློང་གིས་གྱིས་ཤིག་པའོ། །དེ་ལྟར་བསྐོས་པའི་དགེ་སློང་གིས་ལས་སུ་བྱ་བའི་ཆོ་ག་སྟོན་པ་ནི། སང་
[92a.7]བྱེད་དུ་ཆ་ན་དེས་དགེ་འདུན་ཚོགས་པའི་ཚེ་སྦྲན་ཞེས་པ་ཡིན་ཏེ་སང་ལྟ་བུ་འདྲིམ་#པའི་དེང་ནས་དུ་དགེ་འདུན་ཚོགས་པའི་ཚེ་སྦྲོན་ཅིག་པའོ། །སྦྲན་པའི་སྙད་#ཇི་སྐད་དུ་བྱ་ཞེ་ན། ཚེ་དང་ལྡན་པ་དག་སང་བདག་གིས་ལྷུང་བཟེད་ལྷན་པ་མེད་པ་བྲིམ་#གྱིས་ཁྱེད་ཅག་སོ་སོའི་ལྷུང་
[92b]
[92b.1]བཟེད་སྣོམས་ལ་དགེ་འདུན་གྱི་ནང་དུ་སྦྱོན་#ཅིག་ཅེས་སོ་ཞེས་པ་ཡིན་ཏེ་སྦྲན་པའི་སྙད་#འདི་སྐད་དུ་གྱིས་ཤིག་པའོ། །འཁོད་པའི་ཕྱིར་བཤམ་ཞེས་པ་ནི་དགེ་འདུན་འདུ་བའི་སར་ཆག་ཆག་གདབ་ཅིང་གདན་#གདིང་བ་ལ་སོགས་པའི་ཞལ་ཏའང་གྱིས་ཤིག་པའོ། །འདམ་དུ་
[92b.2]གཞུག་ཅིང་བྲིམ་#ཞེས་པ་ནི་དགེ་འདུན་གྲལ་དུ་བཀོད་#པ་དང་བྲིམས་ལ་འདམ་དུ་ཆུག་ཤིག་པའོ། །བྲིམ་ཞིང་འདམ་དུ་གཞུག་པའི་སྙད་ཇི་སྐད་#བྱ་ཞེ་ན། གནས་བརྟན་ལྷུང་བཟེད་འདི་སྲབ་ཅིང་ཟླུམ་ལ་ལྷུང་#བཟེད་ཀྱིས་གལ་ཏེ་བཞེང་#ན་བཞེས་ཤེའོ་ཞེས་བྲིམ་པའི་སྙད་#འདི་སྐད་དུ་གྱིས་
[92b.3]ཤིག་པའོ། །ལྷུང་བཟེད་ཇི་འདྲའང་རུང་སྟེ་སྙད་#འདི་སྐད་དུ་བྱ་འམ་ཞེ་ན། ཡོན་ཏན་བཞིན་ནོ་ཞེས་པ་ཡིན་ཏེ་གོང་མ་ཁོ་ན་སྐད་དུ་མི་བརྗོད་དུ་མི་རུང་བ་མེད་ཀྱི་ལྷུང་བཟེད་ཉིད་ཀྱི་ཡོན་ཏན་ཇི་བཞིན་དུ་བརྗོད་ཅིག་པའོ། །འདོད་ན་བླང་ཞེས་པ་ནི་བྲིམས་པའི་ཚེ་འདོད་ན་ལོད་ཤིག་པའོ། །
[92b.4]ཆོད་པས་ཁྱེར་ན་མི་བླང་ཞེས་པ་ནི་མི་གཅིག་གཉིས་ཀྱིས་ཆོད་པའི་འོག་ན་འདུག་པས་ཁྱེར་ན་ང་འདོད་དོ་ཞེས་དེ་སློང་ཤིག་པའོ། །ཚིག་ལན་གཉིས་མ་འདས་ཀྱི་བར་དུ་མི་སྦྱིན་ཞེས་པ་ནི་གལ་ཏེ་གོང་མ་ལྟར་སློང་ན་སློང་བ་ལན་གཉིས་ཀྱི་བར་དུ་ནི་མི་སྦྱིན། ལན་གསུམ་གྱི་
[92b.5]བར་སློང་ན་སྦྱིན་ཅིག་པའོ། །ལྟུང་བ་བྱུང་#བ་ལ་མི་འདོར་ཞིང་བྱིན་གྱིས་མི་རློབ་པར་བསྒོ་ཞེས་པ་ནི་ཐ་མར་བ་སྙིགས་པའི་ལྷུང་བཟེད་#ལྷུང་བཟེད་བཅོལ་#བའི་དགེ་སློང་དེ་ལ་སྦྱིན་པའི་ཚེ་འདི་འདོར་ཡང་མ་འདོར་#བྱིན་གྱིས་ཀྱང་མ་རློབ་པར་ཆོངས་ཤིག་ཅེས་བསྒོ་ལ་བྱིན་པའོ། །མ་ཆག་གི་
[92b.6]བར་དུ་དལ་གྱིས་#གཟོབས་ཤིག་ཅེས་སོ་ཞེས་པ་ནི་འདི་#མ་ཆག་གི་བར་དུ་#ཇི་ནས་ཀྱང་མི་གནོད་པར་གཟོབས་ལ་སྤྱོད་ཅིག་ཅེས་ཀྱང་བསྒོ་#བའོ། །འདི་གཉིས་ཀ་སྤྱད་དོ་ཞེས་པ་ནི་དེས་#བསོད་སྙོམས་ལ་སོགས་པ་སྤྱོད་པའི་ཚེ་གཉིས་ཀ་སྤྱོད་ཅིག་པར་སྟོན་པའོ། །འདི་ཡོ་བྱད་བཟང་
[92b.7]པོར་བདམས་#པར་གཞུག་ཅེས་པ་ནི་ལྷུང་བཟེད་སྣོད་ཀྱང་བཟང་པོར་དེ་གཞུག་པ་ལ་སོགས་#པར་རིམ་གྲོ་བསྐྱེད་#ཅིག་པའོ། །མི་གཟན་པར་བདམས་#པས་ཚེགས་བསྐྱུངས་#ཞེས་པ་ནི་དེའི་ནང་དུ་གཞུག་པ་ཡང་རྩུབ་ཅིང་ཚ་བ་ལ་སོགས་པ་གཟན་པ་ན་མ་གཞུག་པར་སྟོན་ཅིག་པའོ། །སྡེར་
[93a]
[93a.1]དུའང་མ་ཡིན་ཞེས་པ་ནི་དེའི་ནང་དུའང་བཟའ་བར་མ་བྱེད་ཅིག་པའོ། །#ལྷུང་བཟེད་ཚོལ་#བ་སྤང་བའོ།། །།#ཇི་ལྟར་བྱས་པས་འཐག་ཏུ་བཅུག་པའི་སྤང་བར་འགྱུར་ཞེ་ན། རིན་མེད་པར་བཅོལ་ཞིང་གཞན་གྱིས་ཀྱང་བཏགས་ནའོ་ཞེས་པ་ཡིན་ཏེ། གླ་མ་#བྱིན་པར་གཉེན་མ་ཡིན་པའི་
[93a.2]ཐག་པ་འཐག་ཏུ་བཅུག་པ་འམ་ཕོ་ཉས་འཐག་ཏུ་བཅུག་ན་ཡང་ཉེས་པར་འགྱུར་བའོ། །གཉེན་མ་ཡིན་པའི་ཐ་ག་པ་ཆེད་འགའ་ནི་གཉེན་དང་བསྡོངས་ཤིང་ཡང་འཐག ། ཆེད་འགའ་ནི་རབ་ཏུ་བྱུང་#བ་དང་བསྡོངས་ཤིང་#ཡང་འཐག་པ་ཉེས་པ་རངས་པར་སྟོན་པ་ནི། གཞན་གྱིས་བསྟངས་ན་
[93a.3]ཡང་དེས་མ་བྱས་པ་མ་ཡིན་ཞེས་པ་ཡིན་ཏེ་གཞན་དང་བསྡོངས་ཤིང་#འཐག་ན་ཡང་ཉེས་པ་རངས་པར་འགྱུར་བའོ། འཐག་ཏུ་བཅུག་པ་སྤང་བའོ།། །།#ད་ནི་འཐག་པ་ན་སྐྱེད་པའི་ཡན་ལག་ཇེ་སྟོན་པ་ནི། དེའི་ཕྱིར་འཐག་ནའོ་ཞེས་པ་ལ་སོགས་པ་ཡིན་ཏེ། དགེ་སློང་དེའི་ཕྱིར་འཐག་པ་ལ་
[93a.4]འོག་མ་ལྟར་བྱས་ན་ཉེས་པར་འགྱུར་བའོ། །ཐག་པ་ཡུག་ཁྱིམ་ཆེ་བ་དང་ཐགས་རན་#བཟང་བར་བྱེད་དུ་བཅུག་ནའོ་ཞེས་པ་ཡིན་ཏེ་ཐ་ག་པ་འདི་ལྟར་བྱེད་དུ་བཅུག་ན་ཉེས་པར་འགྱུར་བའོ། །གལ་ཏེ་སྦྱིན་བདག་གི་གོང་ནའོ་ཞེས་པ་ནི་སྦྱིན་བདག་གིས་དང་པོ་ཅི་སྤགས་པ་ལས་སྐུད་པ་ཡང་རུང་
[93a.5]རིན་ཀྱང་རུང་སྟེ་བསྣན་ཅིང་ལྷག་པར་གོད་ན་ཉེས་པར་འགྱུར་བའོ། །གླ་མ་བྱིན་ནའོ་ཞེས་པ་ནི་དགེ་སློང་གིས་ཁ་ཆོས་#བཞིན་དུ་བྱས་པ་ལས་སྒྲོན་སྐྱེ་བའི་གླ་ཐུད་མ་བྱིན་ན་ཉེས་པར་འགྱུར་བའོ། །སྦྱིན་བདག་གིས་#དེའི་ཕྱིར་བསྒོ་བ་མེད་ན་བྱེད་དོ་ཞེས་པ་ནི་ཐ་ག་པའི་གན་དུ་སོང་ལ་བདག་
[93a.6]གར་དགའ་བའི་ཁ་#ཆོས་གྱིས་ཤིག་ཅེས་དགེ་སློང་ལ་བསྒོ་བ་མེད་པའམ། ཐ་ག་པ་ལ་བསྒོ་བ་མེད་པར་དགེ་སློང་དེར་སོང་ཞིང་ཁ་ཆོས་བྱེད་ན་ཉེས་པར་འགྱུར་བའོ། །གང་གི་ཚེ་རྩ་བའི་ཉེས་པར་འགྱུར་ཞེ་ན། གྲུབ་ན་རྩ་བའོ་ཞེས་པ་ཡིན་ཏེ་ནམ་ལག་ཏུ་ཐོབ་པའི་ཚེ་ཉེས་པ་རངས་
[93a.7]པར་སྟོན་པའོ། །དེའི་ཕྱིར་འདྲི་བ་ཅོག་ཉེས་བྱས་ཞེས་པ་ནི་སྟན་ལས་འཕགས་པ་ལ་སོགས་པ་དེའི་ཕྱིར་ལས་སུ་རྩོལ་ལོ་ཅོག་བསྡུས་ཏེ་ཉེས་བྱས་གཅིག་ཏུ་སྟོན་པའོ། །མ་བསྡམས་པར་དེར་སོང་བའང་དེ་བཞིན་ཞེས་པ་ནི་ཁྱོད་ཀྱི་གོས་ཤིག་འཐག་གིས་དེར་སོང་ཤིག་ཅེས་
[93b]
[93b.1]ཡོན་བདག་གིས་བོས་པ་མེད་པར་ཐགས་རན་#བཟང་པོ་འདོད་པའི་ཕྱིར་དེའི་གན་དུ་ནི་སོང་ལ་ཁ་ཆོས་མི་བྱེད་ན་ཡང་ཉེས་པ་གོང་དང་འདྲ་བར་སྟོན་པའོ། །འཐག་པ་བསྐྱེད་པ་སྤང་བའོ།། །།ཡན་ལག་གིས་འཕྲོག་པ་སྤང་བའི་ཉེས་པར་འགྱུར་ཞེ་ན། དགེ་སློང་ལས་ཕྲལ་ནའོ་ཞེས་
[93b.2]པ་ལ་སོགས་པ་ཡིན་ཏེ་གང་ལས་འཕྲོག་#པར་བྱ་བའི་མི་དེ་གསོལ་བ་དང་བཞིའི་ལས་ཀྱིས་བསྙེན་པར་རྫོགས་ཏེ་དགེ་སློང་ཡིན་ན་ཉེས་པར་འགྱུར་བའོ། །བདག་གི་འཕྲོག་#ན་ཉེས་པར་འགྱུར་རམ་གཞན་གྱི་འཕྲོག་#ན་ཉེས་པར་འགྱུར་ཞེ་ན། འཕྲོག་#པ་བདག་གིམ་ཡིན་ནའོ་ཞེས་པ་ཡིན་ཏེ།
[93b.3]བདག་གི་འཕྲོག་#པ་ལྟ་ཅི་སྨོས་ཀྱི་གཞན་གྱིས་བྱིན་པ་#དེའི་ཕྱིར་ཕྲོགས་ན་ཡང་ཉེས་པར་འགྱུར་བའོ། །གཞུང་ལས་བདག་གིས་བྱིན་པ་#འཕྲོག་ན་ཞེས་འབྱུང་བ་ནི་གླེང་གཞིའི་ཚིག་ཏུ་ཟད་དོ། །དེ་གོས་ཡིན་ནའོ་ཞེས་པ་ནི་གཞན་ལས་འཕྲོག་#པ་དེ་ཡང་ནོར་གཞན་མ་ཡིན་#གོས་ཡིན་ན་གདོད་
[93b.4]ཉེས་པར་འགྱུར་བའོ། །ལུས་དང་ངག་ལྡན་པའམ་གར་བས་#དེའམ། དེས་བསྒོས་པ་དེའི་ཕྱིར་ཞུགས་ན་བྱེད་དོ་ཞེས་པ་ནི་ལུས་དང་ངག་གཉི་ག་ལྡན་#པས་འཕྲོག་གམ་ལུས་དང་ངག་ཡ་རེ་#འཕྲོག་གམ་བདག་གིས་འཕྲོག་གམ་#འཕྲོག་ཏུ་བཅུག་ཀྱང་རུང་སྟེ། ཡན་ལག་འདི་
[93b.5]རྣམས་ཀྱིས་ཉེས་པར་འགྱུར་བའོ། །ཡན་ལག་འདི་དག་ལྟར་ལྡན་པས་འཕྲོག་#པ་གང་གི་ཚེ་ཁོ་ན་ཉེས་པར་འགྱུར་ཞེ་ན། ལུས་ལས་ལོགས་ཤིག་ཏུ་བྲལ་བར་གྱུར་ན་མཐའོ་ཞེས་པ་ཡིན་ཏེ་འཕྲོག་པའི་གོས་དེ་ལུས་ལས་ལོགས་ཤིག་ཏུ་བྲལ་བར་གྱུར་ན་གདོད་ལྟུང་བར་སྟོན་པའོ། །
[93b.6]སྦྱོར་བ་ནི་ཉེས་བྱས་ཞེས་པ་ནི་ནམ་ལུས་ལས་མ་བྲལ་གྱི་བར་དུ་སྤྱོར་བའོ་ཅོག་ཉེས་བྱས་གཅིག་ཏུ་སྟོན་པའོ། །འཕྲོག་#པ་སྤང་བར་འགྱུར་བ་དེ་སུ་ལ་སྤང་ཞེ་ན། འདི་སླར་སྦྱིན་ཞེས་པ་ཡིན་ཏེ་སུ་ལས་འཕྲོག་#པ་དེ་ཉིད་ལ་བྱིན་ཅིག་པའོ། །འདིར་བདག་གི་ཕྱིར་ནི་ཡན་
[93b.7]ལག་མ་ཡིན་ཞེས་པ་ནི་བསླབ་པ་འདིའི་ཚེ་བདག་གིས་བྱིན་པ་ཉི་ཚེ་ཡན་ལག་ཏུ་བརྩི་བར་མ་ཟད་གཞན་གྱི་ཕྱིར་འཕྲོག་ན་ཡང་རྩ་བའི་ཉེས་པར་འགྱུར་བའོ། །བསྙེན་པར་མ་རྫོགས་པ་འབྱིན་#པ་དང་འདྲ་ཞེས་པ་མ་རྫོགས་པ་#ཕྱི་རོལ་དུ་ཕྱུང་ཞིང་བསྐྲད་པ་དང་དེས་དགེ་སློང་ཕྱུང་ཞིང་
[94a]
[94a.1]བསྐྲད་པ་ཉེས་པ་རངས་པར་མི་འགྱུར་བ་བཞིན་དུ་གོས་འཕྲོག་པ་འདི་འང་#བསྙེན་པར་མ་རྫོགས་པ་ལས་འཕྲོག་གམ་#མ་རྫོགས་པས་འཕྲོག་#ན་ཉེས་པ་རངས་པར་མི་འགྱུར་བའོ། །འཕྲོག་#པ་ལ་རྣམ་པ་གསུམ་སྟེ་#བདག་པོ་དང་དབྲལ་བར་འཕྲོག་པ་དང་། ཐོ་འཚམས་#
[94a.2]པས་འཕྲོག་པ་དང་། རིགས་པའི་དབང་གིས་འཕྲོག་#པའོ། །དེ་ལ་བདག་པོ་དང་འབྲལ་བར་འཕྲོག་པས་རྩ་བའི་ཉེས་པར་སྟོན་པ་ནི་འདི་#ནི་བདག་གི་བ་དང་འབྲལ་བར་འཕྲོག་པ་ལ་བརྟན་#ཏོ་ཞེས་པ་ཡིན་ཏེ། གོས་དེ་མི་དབང་བར་བྱ་བའི་ཕྱིར་འཕྲོག་ན་གདོད་ཉེས་པར་སྟོན་པའོ། །
[94a.3]འཕྲོག་པ་གཉིས་པོའི་#དངོས་པོ་སྟོན་པ་ནི། ཐོ་འཚམས་#པས་བྱེད་པ་ནི་ཤན་ནོ་ཞེས་པ་སྟེ་ཐོ་འཚམས་#པའི་ཕྱིར་འཕྲོག་#ན་ཉེས་པར་འབྲི་བར་སྟོན་པའོ། །རིགས་#པའི་དབང་གིས་འཕྲོག་#ཀྱང་བླ་བར་སྟོན་པ་ནི། བརླག་ཅིང་གནོད་པའི་#གླགས་སུ་འགྱུར་བའི་དགག་པའི་ཕྱིར་ན་
[94a.4]ཉེས་མེད་ཅེས་པ་ཡིན་ཏེ། འཕྲལ་དུ་གཅན་གཟན་དང་རྐུན་ཆོམ་ལ་སོགས་པའི་ཉེས་ཡོ་དང་མི་སྤྲད་པའི་ཕྱིར་གོས་འཕྲོག་པ་དང་རྟེན་ངན་པ་དང་སྡེས་པས་མི་འདོད་པའི་འབྲས་བུ་སྨིན་པར་འགྱུར་བ་ལ་སོགས་པའི་ཉེས་པ་ལས་བཟློག་པའི་ཕྱིར་གོས་འཕྲོག་པ་ལྟ་བུ་ལ་
[94a.5]སོགས་པ་ནི་ཉེས་མེད་པར་སྟོན་པའོ། །འཕྲོག་པ་སྤད་པའོ།། །།རྣམ་པར་འབྱེད་པ་དང་སོ་སོར་ཐར་པ་ལས་ནི་བརྟད་པ་སྤང་བ་སྔར་འབྱུང་ཞུས་པ་ལས་འཕྲོག་པ་སྤང་བའི་འོག་ཏུ་ཞག་དྲུག་སྤང་བ་ལ་#འབྱུང་བ་ལས་སློབ་དཔོན་གྱིས་ཞུས་པ་ལས་འབྱུང་བ་བཞིན་དུ་ཞག་དྲུག་དབྲལ་བའི་
[94a.6]སྤང་བ་བསྟན་པ་ནི། དགོན་པ་བག་ཚ་ན་ཆོས་གོས་གཅིག་གྲོང་དུ་བཞག་པ་ནི་བདག་གི་གནས་བཞིན་ཞེས་པ་ཡིན་ཏེ་དགེ་སློང་དགོན་པ་པ་རྐུན་ཆོམ་ལ་སོགས་པས་འཇིགས་ཤིང་བག་ཚ་ན་ཆོས་གོས་གཅིག་གྲོང་དུ་བཞག་ཀྱང་བདག་གི་ཁྱིམ་དུ་བཞག་པ་དང་འདྲ་སྟེ་ཉེས་མེད་པར་
[94a.7]སྟོན་པའོ། །འབྲལ་བའི་ཞག་དུས་ངེས་པར་སྟོན་པ་ནི། འདིས་དོན་གྱི་དབང་དུ་ཁྱིམ་པའི་དེར་བསྐུངས་ན་ཞག་དྲུག་ཏུ་འབྲལ་ཞེས་པ་ཡིན་ཏེ་དོན་ཆེད་ཀྱི་དབང་གིས་གུད་དུ་འགྲོ་ན་དགོན་པའི་ཉེ་གནས་སམ་གྲོང་གི་ཉེ་གནས་ལས་ལོགས་ཤིག་ན་ཞག་དྲུག་གི་བར་དུ་འདུག་ཅིང་
[94b]
[94b.1]གནས་ཀྱང་བླ་བར་སྟོན་པའོ། །འདིར་ནི་མི་རུང་ཞེས་པ་ནི་ཞག་དྲུག་ལས་ལྷག་ཏུ་ནི་མི་རུང་བར་སྟོན་པའོ། །བར་ཆད་ཀྱི་དབང་གིས་#མ་འོངས་པ་ནི་ཉེས་མེད་ཅེས་པ་ནི་རྐུན་ཆོམ་ལ་སོགས་པའི་རྐྱེན་གྱིས་བཙལ་ཏེ་མ་འཁོར་ན་ནི་ཞག་དྲུག་ལས་ལྷག་པར་འདུག་ཀྱང་ཉེས་མེད་པར་སྟོན་པའོ། །
[94b.2]དེ་ལ་ཁ་ཅིག་ནི་དེ་ལྟར་གུད་དུ་འགྲོ་བའི་དགེ་སློང་གིས་ཞག་དྲུག་ལས་མི་ཐོགས་པར་བྱའོ། །ཐར་བསམས་པ་ལ་ནི་ཞག་ཚིགས་འདི་བཞིན་དུ་ཉེས་པར་མི་འགྱུར་གྱི་ཉིད་དུ་སླར་འཁོར་བར་བསམས་ཏེ་སོང་ན་ནི་ཞག་དྲུག་མ་ལོན་དུ་ཟིན་ཀྱང་འབྲལ་བའི་ཉེས་པར་འགྱུར་རོ་ཞེས་འཆད་པ་བཙལ་བའི་
[94b.3]ཕྱིར། འདིར་ཞག་དྲུག་ལོན་པར་བྱའོ་ཞེས་སྤགས་ཏེ་སོང་བ་ཡན་ལག་མ་ཡིན་ཞེས་པ་ཡིན་ཏེ་སྐབས་འདིར་གོང་མ་ལྟར་བསམས་པ་དང་མ་བསམས་པའི་ཚིག་མི་བརྩན་གྱི་ཇི་ལྟར་བསམས་ཀྱང་སྟེ་ཞག་དྲུག་གི་བར་དུ་འབྲལ་བ་མེད་པར་སྟོན་པའོ། །ཞག་དྲུག་འབྲལ་#བ་སྤང་བའོ།། །།ད་ནི་དབྱར་
[94b.4]གྱི་རས་ཆེན་སྤང་བ་སྟོན་པ་སྟེ། བདག་ནམ་ཚུལ་དུ་འཇུག་པའི་ཟླ་བ་སྔ་མ་ནས་དབྱར་གྱི་རས་ཆེན་བཙལ་ཞེས་#ལ་སོགས་པ་ཡིན་ཏེ་བདག་ཚུལ་སྔ་ཕྱི་གང་དུ་འཇུག་པའི་ཟླ་བ་གཅིག་གི་སྔ་རོལ་ནས་དབྱར་གྱི་རས་ཆེན་ཚོལ་ཅིག་པའོ། །བདག་གིས་དབྱར་ལོན་ནས་ཟླ་བ་ཕྱེད་ཚུན་ཆད་བཅང་ཅེས་
[94b.5]པ་ནི་ཚུལ་དུ་ཞུགས་པའི་ཟླ་གྲངས་ཚང་ནས་ཟླ་བ་ཕྱེད་ཚུན་ཆད་དབྱར་གྱི་རས་ཆེན་ཆོངས་ཤིག་པའོ། །ནམ་གྱི་ཚེ་དབྱར་གྱི་རས་ཆེན་སྤང་བའི་ཉེས་པར་འགྱུར་ཞེ་ན། དེའི་སྔ་ཕྱི་དུས་ལ་བྱེད་ཅེས་པ་ཡིན་ཏེ། བཙལ་བ་དང་བཅང་བའི་ཟླ་ཚིགས་གོང་དུ་བསྟན་པ་ལས་སྔ་ཕྱི་ཁྱེར་ན་ཉེས་
[94b.6]པར་སྟོན་པའོ། །སྔ་ཕྱིའི་ཚིགས་#དེའང་གང་ཞེ་ན། ཐལ་བར་བཅང་#ནའོ་ཞེས་པ་དང་། བཙལ་བ་སྔས་ན་ཉེས་བྱས་གྲུབ་ན་མཐའ་ཞེས་པ་ཡིན་ཏེ་ཟླ་བ་ཕྱེད་ཐལ་#བར་བཅངས་པ་དང་ཟླ་བ་གཅིག་པས་ཀྱང་སྔ་མའི་སྔ་རོལ་ནས་བཙལ་ཅིང་རྙེད་ན་#ཉེས་བྱས་དང་ལྟུང་བར་སྟོན་པའོ། །
[94b.7]ངན་ན་འབྲི་ཞེས་པ་ནི་རྡོལ་ཅིང་སྲབ་#པ་ལ་སོགས་ཏེ། སྤུ་བབ་པ་ཞིག་ན་རྙེད་དུ་ཟིན་ཀྱང་ཉེས་པ་རངས་པར་མི་འགྱུར་བའོ། །ཚུལ་དུ་འཇུག་པ་སྔ་ཕྱིའི་རིམ་པ་ཕལ་ཆེར་ཡོད་ན་སྔ་མའི་རིམ་པ་དེ་ཕྱི་མའི་རིམ་པར་སྦྱར་བའི་རིགས་སམ་ཇི་ལྟ་ཞེ་ན། དེ་ཇི་ལྟར་འཇུག་པ་
[95a]
[95a.1]བཞིན་དུ་#སྦྱར་ཞེས་པ་ཡིན་ཏེ་ཚུལ་སྔ་ཕྱི་གར་འཇུག་པའི་ཚུལ་བཞིན་དུ་ཟླ་ཚིགས་སྔ་ཕྱིར་སྦྱར་བ་དང་བརྟད་#པའི་གོས་བླང་བ་ཡང་ཚུལ་སྔ་ཕྱི་གར་གཞུག་པ་བཞིན་དུ་སྦྱོར་ཅིག་པའོ། །དེ་ལ་བརྟན་བྲུས་པ་ནི་ཚུལ་སྔ་མ་འབའ་ཞིག་གི་ཚེའོ། །དབྱར་གྱི་རས་ཆེན་སྤང་
[95a.2]བའོ།། །།#དངོས་པོ་གང་ལས་བརྟད་པ་སྤང་བའི་ཉེས་པར་འགྱུར་ཞེ་ན། དབྱར་གྱི་རྙེད་པ་ལས་བྱེད་ཅེས་པ་ཡིན་ཏེ་དབྱར་གྱི་རྙེད་པ་ལས་#བརྟད་པའི་སྤང་བར་འགྱུར་གྱི་མངོན་དུ་རྙེད་པ་ལ་མི་འགྱུར་བར་སྟོན་པའོ། །དེའང་ཇི་ལྟར་བྱས་པས་ཉེས་#པར་འགྱུར་ཞེ་ན། དབྱར་གྱི་ཁོངས་
[95a.3]སུ་བདག་གིར་བྱེད་ནའོ་ཞེས་པ་ཡིན་ཏེ་ཚུལ་དུ་ཞུགས་པ་ཟླ་བ་གསུམ་གྱི་ཚེ་རྙེད་པ་བདག་གིར་བྱེད་ཅིང་ལེན་ན་གདོད་ཉེས་པར་འགྱུར་བའོ། །བསྡམས་#པ་དེ་ལྟར་བསྟན་ནས་འགྲེལ་པ་སྟོན་པ་ནི། ཐ་མ་ཞག་བཅུའི་ཚེ་བརྟད་པའི་དབང་གིས་རྙེད་པ་ནི་མ་གཏོགས་ཞེས་པ་ཡིན་ཏེ།
[95a.4]ཡོན་བདག་ནད་པ་འམ། འགྲོ་བ་འམ། འཆི་བ་ལ་སོགས་པ་རྐྱེན་བརྟད་བའི་དབང་གིས་འབུལ་ན་ཞག་བཅུས་ཟླ་བ་གསུམ་དུ་མ་ཚང་བ་ཙམ་གྱི་ཚེ་ན་བླངས་ཀྱང་བླ་བར་སྟོན་པའོ། །འདི་འང་བགོས་ནའོ་ཞེས་པ་ནི་གོང་མ་སྟར་བརྟད་དེ་ཕུལ་བ་ཡང་བླང་བར་ནི་བྱའི། མོད་ལ་
[95a.5]བགོས་སུ་ཟིན་ནས་སྤང་བར་བསྟན་པའོ། །མ་བགོས་ན་ཡང་ངོ་ཞེས་པ་ནི་ཚུལ་ནས་བྱུང་བའི་རྗེས་ལ་མ་བགོས་པར་ལུས་ན་ཡང་སྤང་བར་སྟོན་པའོ། །དེའི་འགྲེལ་པ་ནི། སྦྱིན་བདག་གིས་སྨྲས་པའི་དབང་གིས་མ་ཡིན་ནའོ་ཞེས་པ་ཡིན་ཏེ་ཡོན་བདག་གིས་#ཡོན་འདི་བདག་
[95a.6]སླར་མ་འཁོར་གྱི་བར་དུ་མི་བགོར་གསོལ་ཞེས་ཟེར་ན་ནི་སྔ་མ་ལྟར་མ་བྱས་ཀྱང་བླའོ། །གང་གི་ཚེ་མ་བགོས་པའི་ཉེས་པར་འགྱུར་ཞེ་ན། དེ་སྦེད་པ་དག་མ་བསྐོས་ལ་ཚུལ་ནས་བྱུང་མ་ཐག་པའི་ཕྱི་དེ་ཉིན་ནའོ་ཞེས་པ་སྟེ་ཚུལ་ནས་བྱུང་བའི་ཕྱི་དེ་ཉིན་པར་ཡང་ཡིན་ལ་ཡོན་
[95a.7]དེའི་རུབ་#མ་པ་ཡང་མ་བསྐོས་ན་གདོད་མ་བགོས་པའི་ཉེས་པར་འགྱུར་བའོ། །དེ་ལྟ་བས་ན། འདི་མི་བགོ་བ་མ་ཡིན་ཞེས་པ་ཡིན་ཏེ་གོང་མ་ལྟར་འགྱུར་བས་ན་རུབ་#མ་པ་མི་བསྐོར་མི་རུང་བར་སྟོན་པའོ། །བརྟད་པ་སྤོང་བའོ།། །།#ཇི་ལྟར་བྱས་པས་བསྡོས་པ་སྤང་བར་འགྱུར་ཞེ་ན།
[95b]
[95b.1]གོས་གཞན་གྱིས་གང་ཟག་གཞན་ནམ་དགེ་འདུན་ལ་སྤགས་པར་ཤེས་བཞིན་དུ་བདག་གིར་བསྡོས་ཏེ་ཐོབ་ནའོ་ཞེས་པ་ཡིན་ཏེ་ཡོན་བདག་གཞན་གྱིས་གང་ཟག་གཞན་ནམ་དགེ་འདུན་ལ་དབུལ་བར་སྤགས་ཤིང་བསྡོགས་པར་ཤེས་བཞིན་དུ་ཁ་བརྔམས་#བྱས་ཏེ་བདག་ལ་འབུལ་དུ་བཅུག་ཅིང་
[95b.2]ཁྱེར་ན་ཉེས་པར་འགྱུར་བའོ། །བསྔོ་བའི་ཚེ་ཉེས་བྱས་ཞེས་པ་ནི་བདག་གིར་བསྔོ་བ་འམ་#གྲུབ་ཀྱི་བར་དུ་སྦྱོར་བ་རྣམས་ཉེས་བྱས་སུ་སྟོན་པའོ། །འདིར་གཞན་དུ་ན་ཡང་ཞེས་པ་ནི་སྐབས་འདིའི་ཚེ་གཞན་དུ་པ་སྡོས་པ་བདག་གིས་ཁྱེར་བ་མ་ཡིན་གྱི་གཞན་འགའ་ཞིག་ལ་ངོས་མགྲོན་#བྱས་ཏེ་
[95b.3]བསྡོས་ན་ཉེས་བྱས་སུ་སྟོན་པའོ། །དེའི་འབྲས་བུ་ནའོ་ཞེས་པ་ནི་གོང་མ་ལྟར་བྱས་པ་ཐོབ་ན་ཡང་ཉེས་བྱས་སུ་སྟོན་པའོ། །གཞན་ཡང་ངོ་ཞེས་པ་ནི་གོས་མ་ཡིན་ཏེ་ཟས་ལ་སོགས་པ་བདག་གིས་ཁྱེར་ན་ཉེས་བྱས་སུ་སྟོན་པའོ། །འགོགས་ཤིང་ཀློན་#པའི་སེམས་ཅན་མ་ཡིན་ན་ཡང་དོ་ཞེས་པ་ནི་
[95b.4]རྩིག་#པ་དང་ཀ་བ་ལ་སོགས་པ་སེམས་ཅན་མ་ཡིན་པའི་རྒྱན་དང་ཡོ་བྱད་བསྣོར་ཞིང་སྤངས་#ན་ཡང་ཉེས་བྱས་སུ་སྟོན་པའོ། །ཕྱོགས་གཅིག་ན་ཡང་ངོ་ཞེས་པ་ནི་ཀ་བ་ཐོག་དྲུང་གི་རྒྱན་བསྣོར་བ་འམ་མཆོད་རྟེན་གྱི་ཁྲི་འཕང་གི་རྒྱན་བསྣོར་ཞིང་བསྐྲུལ་#ན་ཡང་ཉེས་བྱས་སུ་སྟོན་པའོ། །ལྷག་རོལ་
[95b.5]ཟ་བའི་བྱོལ་སོང་ལ་སོགས་པ་བཙལ་ཏེ་མ་རྙེད་པ་ནི་ཉེས་མེད་ཅེས་པ་ནི་མི་དང་བྱོལ་སོང་ལ་སོགས་པ་ལྷག་རོལ་ཟ་བ་ལ་ནི་སྦྱིན་པར་བསྔོགས་ཏེ་ཁྱེར་ཁྱེར་བ་ལས་བཙལ་ཏེའང་མ་རྙེད་ནས་གཞན་བྱིན་པ་ན་ཉེས་པ་#མེད་པའོ། །བདེ་བར་གཤེགས་པའི་གཟུགས་བརྙན་བརྙན་པོར་ནང་
[95b.6]བསྐྲུལ་#བ་ནི་བླ་ཞེས་པ་ནི་སྐུ་གཟུགས་ཀྱི་རྒྱན་བརྙན་པོར་ནང་བསྐྲུལ་#བ་ལ་ཉེས་མེད་པར་སྟོན་པའོ། །སྤགས་ཏེ་མ་བྱིན་པ་ནི་ཉེས་བྱས་ཞེས་པ་ནི་ཅི་ཡང་རུང་སྟེ་པ་རོལ་སྦྱིན་པར་བསྡོགས་ཏེ། མ་བྱིན་ན་ཉེས་བྱས་སུ་འགྱུར་བའོ། །མཚམས་ཀྱི་ཕྱི་རོལ་དུ་དོང་སྟེ་དགེ་འདུན་གྱིས་བྱིན་
[95b.7]གྱིས་རློབ་#ནའོ་ཞེས་པ་ནི་ཤི་བའི་ནོར་ལྟ་བུ་མཚམས་གཅིག་གི་དགེ་འདུན་སྤྱིར་དབང་བ་ལས་དགེ་འདུན་ཁ་ཅིག་མཚམས་ཀྱི་ཕྱི་རོལ་དུ་འཐོན་ཏེ། དེར་འཐོན་པ་ཉི་ཚེ་དབང་བར་ཁ་བརྔམ་#བྱེད་ཅིང་བྱིན་གྱིས་རློབ་#ན་ཡང་ཉེས་བྱས་སུ་སྟོན་པའོ། །མ་ཚོགས་པར་འགོད་ནའོ་ཞེས་པ་ནི་ཤི་
[96a]
[96a.1]བའི་ཡོ་བྱད་འགོད་པའི་ཚེ་དགེ་འདུན་ཀུན་རིལ་གྱིས་མ་ཚོགས་པར་བགོས་ན་ཉེས་བྱས། བྱིན་གྱིས་མ་བརླབས་ནའོ་ཞེས་པ་ནི་ཤི་བའི་ཡོ་བྱད་ལ་སོགས་པ་བདག་ཅག་དབང་བར་བྱིན་གྱིས་མ་བརླབས་པར་བགོས་ན་ཡང་ཉེས་བྱས་སུ་སྟོན་པའོ། །གཅིག་གམ་གཉིས་
[96a.2]སམ་གསུམ་དགེ་འདུན་ལས་ཐོབ་ཅིང་དབང་བྱིན་ནའོ་ཞེས་པ་ནི་དགེ་འདུན་མང་པོ་ཞིག་དབང་བ་ལས་དེའི་ནང་ནས་གཅིག་གཉིས་ཁ་ཟས་སྤག་ཏུ་བོར་ཏེ་མ་བྱིན་བར་བགོས་ན་ཉེས་བྱས་སུ་འགྱུར་བའོ། ཅིའི་ཕྱིར་དེ་ལྟར་ཞེ་ན། འདིར་གཞན་གྱི་ཤས་མེད་པར་མི་འགྱུར་ཞེས་པ་ཡིན་ཏེ་
[96a.3]མ་ཐོབ་པ་རྣམས་ཀྱང་ཤས་དབང་བའི་ཕྱིར་དེ་ལྟའོ། །གོང་དུ་བསྟན་པ་དེ་དག་རྐུ་སེམས་མེད་ན་ནི་དེ་ལྟར་འགྱུར་ན་རྐུ་སེམས་ཡོད་ན་ཇི་ལྟར་འགྱུར་ཞེ་ན། རྐུ་སེམས་ཀྱིས་ན་འཕྲོག་#པའོ་ཞེས་པ་ཡིན་ཏེ་མཚམས་ཀྱི་ཕྱི་རོལ་དུ་བྱིན་གྱིས་རློབ་པ་མན་ཆད་རྐུ་སེམས་ཡོད་ན་ནི་ཕམ་པར་
[96a.4]སྟོན་པའོ། །གཙུག་ལག་ཁང་སྟོད་པར་བོར་བའི་ཡོ་བྱད་ཉེན་འཁོར་གྱི་གཙུག་ལག་ཁང་དུ་གཏམས་པ་གཏན་དུ་བསྔོས་པར་མི་འགྱུར་ཞེས་པའི་ཞར་ལ་སྟོན་པ་ནི། འདོད་བྱར་དུ་གཙུག་ལག་ཁང་སྟོང་#པར་མི་བྱ་ཞེས་པ་ཡིན་ཏེ་ཕ་རོལ་གྱི་འཁོར་འོད་བ་ལ་སོགས་པ་མི་བདེ་བའི་
[96a.5]རྐྱེན་ཆེན་པོ་མེད་པར་གཙུག་ལག་ཁང་འདོད་བྱར་དུ་སྟོད་#པར་མ་བྱེད་ཅིག་པའོ། །དེར་འགོ་བ་ལ་བཅོལ་ཞིང་གཏད་ཅེས་པ་ནི་གལ་ཏེ་སྟོང་པར་དོར་དགོས་པའི་རྐྱེན་ཅིག་བྱུང་ན་གཙུག་ལག་ཁང་དང་དེའི་ཡོ་བྱད་སུ་དེར་འགོ་བ་ལ་གཏད་ཅིང་ཆོལ་ཅིག་པའོ། །མ་འོངས་ན་ལོ་
[96a.6]བཅུར་བསྡད་ཅེས་པ་ནི་དགེ་འདུན་ནམ་ཡོན་བདག་གུད་དུ་དོང་སྟེ་སླར་མ་འཁོར་ན་ལོ་བཅུའི་བར་དུ་ཡང་སྡོད་ཅིག་པའོ། །དེའང་ཇི་ལྟར་བྱས་ཏེ་ལོ་བཅུའི་བར་དུ་བསྡད་ཅེ་ན། ལོ་ལྔ་བསོད་སྙོམས་སོ་ཞེས་པ་དང་། སྦྱིན་བདག་དུས་འདིའི་བར་དུའང་མེད་ན་ཡང་ཉེན་ཀོར་གྱི་
[96a.7]གཙུག་ལག་ཁང་གི་ཞར་ལའོ་ཞེས་པ་ཡིན་ཏེ་ལོ་ལྔའི་བར་དུ་ནི་བསོད་སྙོམས་བཟའ། དེ་ནས་ཡང་ལོ་ལྔའི་བར་དུ་ཉེན་ཀོར་གྱི་གཙུག་ལག་ཁང་གི་ཞར་ལ་འདུག་ཤིག་པའོ། །ཉེན་ཀོར་གྱི་#གཙུག་ལག་ཁང་གི་ཞར་ལ་འདུག་པའི་ཐབས་ཇི་ལྟར་བྱ་ཞེ་ན། ལས་ཀྱིས་#གསོ་སྦྱིན་
[96b]
[96b.1]ཐ་དད་ཅིང་རྙེད་པ་གཅིག་པར་བྱ་ཞེས་པ་ཡིན་ཏེ་བཙུན་པའི་དགེ་འདུན་གསོན་ཅིག ། གཙུག་ལག་ཁང་མིང་འདི་ཞེས་བགྱི་བའི་བདག་པོ་རྒྱལ་པོས་བཟུང་བའི་སླད་དུ་གལ་ཏེ་དགེ་འདུན་དུས་ལ་བབ་ཅིང་གནང་སྟེ་བཟོད་ན་གཙུག་ལག་ཁང་དེ་དང་འདིར་གསོ་སྦྱིན་ཐ་དད་ཅིང་རྙེད་པ་གཅིག་
[96b.2]ཏུ་བགྱིས་ཏེ་འདི་ནི་གསོལ་བའོ། །བཙུན་པའི་དགེ་འདུན་གསོན་ཅིག་གཙུག་ལག་ཁང་མིང་འདི་ཞེས་བགྱི་བའི་བདག་པོ་རྒྱལ་པོས་བཟུང་བའི་སླད་དུ་གཙུག་ལག་ཁང་དེ་དང་འདིའི་དགེ་འདུན་དུ་#གསོ་སྦྱིན་ཐ་དད་ཅིང་རྙེད་པ་གཅིག་པར་བགྱིས། ཚེ་དང་ལྡན་པ་དག་ལས་གང་བཟོད་པ་ནི་
[96b.3]མ་སྨྲ་ཤིག ། གང་མི་བཟོད་པ་ནི་སྨྲོས་ཤིག་ཅེས་པ་ནི་ལས་ཏེ་#འདི་སྐད་དུ་གསོལ་བ་དང་གཉིས་ཀྱི་ལས་ཀྱིས་#གསོ་སྦྱིན་ཐ་དད་ཅིང་རྙེད་པ་གཅིག་པར་གྱིས་ཤིག་པའོ། །སྲུང་བའི་དགེ་སློང་དེས་ཀྱང་བཏང་སྟེ་གུད་དུ་འགྲོ་བའི་ཚེ་ཇི་ལྟར་བྱ་ཞེ་ན། གཏོང་བའི་ཚེ་དངོས་པོ་རྣམས་ཉེན་ཀོར་གྱི་
[96b.4]གཙུག་ལག་ཁང་དུ་གདམས་ཞེས་པ་ཡིན་ནོ། །གནས་ན་སྦྱིན་ཞེས་པ་ནི་གཙུག་ལག་ཁང་དེར་དགེ་འདུན་གནས་ན་གཏམས་པས་ཡོ་བྱད་སླར་བྱིན་ཅིག་པའོ། །གནས་ཐ་དད་པའི་རྫས་གནས་ཐ་དད་པར་མི་སྦྱིན་ཞེས་པ་ནི་གཙུག་ལག་ཁང་སོ་སོའི་ཡོ་བྱད་ཕན་ཚུན་མ་སྦྱིན་ཅིག་པའོ། །དེ་དག་
[96b.5]མི་#སྟེར་ན་དགུག་ཅེས་པ་ནི་གཏམས་པ་བརྣོགས་ཏེ་མི་སྟེར་ན་དེར་མ་#གནང་བར་ཁུགས་#ཤིག་པའོ། །ཁྱིམ་བདག་དེ་ཉིད་ཀྱི་ན་ཡང་ངེས་པ་མི་འཁྲུ་ཞེས་པ་ནི་ཡོན་བདག་གཅིག་གིས་གཙུག་ལག་ཁང་ཁ་གཉིས་སུ་བརྩིགས་ཀྱང་གཙུག་ལག་ཁང་སོ་སོའི་ཡོ་བྱད་གཏན་དུ་ནང་མ་#བསྣོར་ཅིག་པའོ། །
[96b.6]མི་སྟེར་ན་མཐུས་བླང་ཞེས་པ་ནི་གཙུག་ལག་ཁང་གི་ཡོ་བྱད་གཏམས་པ་ལ་སོགས་པ་གང་ཡང་རུང་བསྣོགས་#ཏེ་སླར་མི་སྟེར་ན་ནན་པོ་ཆེས་ཀྱང་ཕྲོགས་ཤིག་པའོ། །གནས་ཐ་དད་པའི་རྫས་གནས་ཐ་དད་དུ་ཡེ་མི་སྦྱིན་ནམ་ཞེ་ན། བརྙན་#པོར་ནི་སྦྱིན་ཞེས་པ་ཡིན་ནོ། །བྱང་ཆུབ་པ་དང་ཆོས་ཀྱི་
[96b.7]འཁོར་ལོ་དང་ཆོ་འཕྲུལ་ཆེན་པོ་དང་ལྷ་ལས་བབས་པ་འདི་དག་མ་གཏོགས་པ་གཞན་མ་གྲུབ་ན་དེའི་རྙེད་པ་མཆོད་རྟེན་གཞན་ལ་བསྡོས་ཀྱང་ཉེས་མེད་ཅེས་པ་མཆོད་རྟེན་ཆེན་པོ་འདི་དག་མ་ཡིན་ན་ནི་མཆོད་རྟེན་ཕལ་ལ་དབུལ་བར་བཤམ་མ་བཤམས་#པ་ལས་ཆོམ་རྐུན་ལ་སོགས་པའི་
[97a]
[97a.1]རྐྱེན་གྱིས་དབུལ་དུ་མ་བདེ་སྟེ་དེ་མ་ཡིན་བའི་མཆོད་རྟེན་གཞན་ལ་ཕུལ་#བ་ལྟ་བུ་ཉེས་མེད། མཆོད་རྟེན་ཆེན་པོ་རྣམས་ལ་དབུལ་བར་བསམས་#པའང་རྐྱེན་འདི་ལྟ་བུས་བཙལ་ན་ཆེན་པོ་ནང་བསྐྲུལ་#བ་ནི་ཉེས་མེད། བསྔོ་བ་སྤང་བའོ།། །།བསྩགས་#པའི་ཞར་ལ་སྟོན་པ་ནི། བདུན་
[97a.2]པར་བྱིན་གྱིས་བརླབས་པའི་ཞག་འདས་པ་དགེ་སློང་ཐོས་#པར་བྱ་ཞེས་པ་ཡིན་ཏེ་ཞག་བདུན་པའི་སྨན་དུ་བྱིན་གྱིས་བརླབས་པའི་ཞག་འདས་ཤིང་། དགེ་སློང་དག་ལ་ཞག་འདི་རྙེད་ཐལ་ལོ་ཞེས་མི་བརྗེད་པར་བྱ་བའི་ཕྱིར་སྙོད་#ཅིག་པར་སྟོན་པའོ། །ཇི་ལྟར་བྱས་པས་བཞག་པ་སྤང་བར་འགྱུར་ཞེ་ན།
[97a.3]བཟའ་བའི་ཕྱིར་བཅངས་ནའོ་ཞེས་པ་ཡིན་ཏེ་བཟའ་བའི་ཕྱིར་བསྲེལ་ཅིང་བཅངས་ན་ཉེས་པར་འགྱུར་གྱི་ཟོས་ན་ནི་བསྩགས་#པའི་ལྟུང་བ་ཉི་ཚེར་འགྱུར་བ་དང་ཟོས་ཟིན་ན་སྤང་བའང་མེད་པའི་ཕྱིར་བཅངས་ཞེས་སྨོས་སོ། །སོ་སོར་ཐར་པ་ལས་ཟོས་ན་ཞེས་འབྱུང་བ་ནི་མ་བཅངས་ཀྱི་བར་དུ་བཟར་
[97a.4]མེད་པས་ནའོ། །རྣམ་པར་འབྱེད་པའི་ལྟུང་བ་འཆད་པ་ལས་ཀྱང་བཅངས་པ་ཙམ་གྱིས་སྤང་ངོ་ཞེས་འབྱུང་ངོ་། །ཅི་བཅངས་པ་ཞེ་ན། འདིའོ་ཞེས་པ་ཡིན་ཏེ། ཞག་བདུན་པར་བྱིན་གྱིས་བརླབས་པ་ལས་ཉེས་པར་འགྱུར་བའོ། །གང་གི་ཚེ་ཞེ་ན། བརྒྱད་ཀྱི་སྐྱ་རེངས་ཤར་ནའོ་ཞེས་པ་ཡིན་
[97a.5]ཏེ་བཅངས་པ་བརྒྱད་ཀྱི་སྐྱ་རེངས་ཤར་ན་ཉེས་པར་འགྱུར་བའོ། །ཞག་བདུན་བར་བྱིན་གྱིས་བརླབས་པ་བཅངས་པའི་ཉེས་པ་ནི་གོང་དུ་བསྟན་པ་ལྟ་བུ་ཡིན་བླངས་པ་དང་ནད་དུ་ལས་པ་དང་ནད་དུ་བཙོས་པ་ལ་སོགས་པ་དང་། དུས་ཀྱི་དང་ཐུན་གྱི་དང་ཞག་བདུན་པ་དང་ནམ་འཚོའི་བར་དུ་
[97a.6]རྣམས་དང་མི་རུང་བར་འདྲེས་པ་དང་དུས་ཀྱི་དང་ཐུན་གྱི་ལ་སོགས་པར་འདྲེས་པ་རྣམས་བཟའ་བའི་ཕྱིར་བཅངས་ན་ཉེས་པ་ཅིར་འགྱུར་ཞེ་ན། མི་རུང་བའི་ཟས་ཞག་འདས་པ་ནི་འདིར་ཟོས་པ་བཞིན་དུ་གཟུགས་ཞེས་པ་ཡིན་ཏེ་གོང་དུ་མིང་གིས་སྨོས་པ་འདི་དག་བཟའ་བའི་ཕྱིར་བཅངས་སམ་མི་རུང་
[97a.7]བ་དང་འདྲེས་པ་ཞག་ཚིགས་ལས་འདས་པར་བཅངས་ན་ཟོས་པ་ཉེས་པར་འགྱུར་བའི་རིམ་པ་བཞིན་དུ་བཅངས་པའང་ཉེས་པར་སྟོན་པའོ། །འདི་གང་གི་ཆེད་དུ་སྤགས་པ་དེའི་ཕྱིར་ཉེས་མེད་ཅེས་པ་ནི་གང་འོག་ནས་འབྱུང་བ་ལྟ་བུའི་ཆེད་དུ་སྤགས་ཤིང་བཞག་པ་ནི་ཉེས་མེད་པར་སྟོན་པའོ། །
[97b]
[97b.1]དེའང་གང་ཞེ་ན། སྣ་དང་བྱུག་#པ་ཡིར་བཞག་པ་ནི་རུང་#ཞེས་པ་ཡིན་ཏེ་སྣར་བླུགས་#པ་དང་ལུས་ལ་བསྐུ་བ་ལ་སོགས་པའི་ཡོ་བྱད་དུ་ཏིར་ལྟ་བུ་#ལ་སོགས་པ་བསྲེལ་ཅིང་བཅངས་ཀྱང་ཉེས་མེད་པར་སྟོན་པའོ། །ཞག་བདུན་སྤང་བའོ། །སྤང་བ་རྣམས་རྫོགས་སྷོ།། །།སྤང་བ་ལྟུང་བ་དེ་ལྟར་
[97b.2]བསྟན་པའི་འོག་ཏུ་ལྟུང་བ་ཉི་ཚེ་སྟོན་ཏེ་དེའང་སྤང་དུ་མེད་ཅིང་ལྟུང་བ་འབའ་ཞིག་བཤགས་པས་ཚངས་པའི་ཕྱིར་ལྟུང་བ་ཉི་ཚེ་ཞེས་བྱ་སྟེ། གྲངས་ནི་དགུ་བཅུ་ཡོད་དོ། །དེ་ཡང་སོ་སོར་ཐར་པ་ལས་བརྫུན་གྱི་ལྟུང་བ་དང་པོར་སྨོས་པས་ན། ཕས་ཕམ་པར་གཏོགས་པའི་བརྫུན་དང་དགེ་འདུན་གྱི་ལྷག་
[97b.3]མར་གཏོགས་པ་དང་སྦོམ་པོར་གཏོགས་པ་དང་ཉེས་བྱས་སུ་གཏོགས་པ་དང་ལྟུང་བར་གཏོགས་པ་ལྔ་ལས་གཉིས་ནི་གོང་དུ་བསྟན་ཟིན། གསུམ་ནི་ད་སྟོན་ཏོ། །དེ་ལ་ཡང་སྤོམ་པོར་གཏོགས་པ་དང་ཉེས་བྱས་སུ་གཏོགས་པ་བཤད་བླ་བའི་ཕྱིར་སྤྱིར་ཇེ་#སྟོན་པ་ནི། ཤེས་བཞིན་དུ་ཆོས་མ་ཡིན་པ་
[97b.4]ཆོས་ཡིན་པ་དང་ཆོས་ཡིན་པ་ཆོས་མ་ཡིན་པར་དགེ་འདུན་གྱི་མདུན་དུ་སྒྲོགས་ན་ཉེས་པ་སྦོམ་པོའོ་ཞེས་པ་དང་། གསོ་སྦྱིན་གྱི་ཚེ་#འདི་ན་ཀུན་གཙང་བར་གནས་སམ་ཞེས་ལན་གསུམ་གྱི་བར་དུ་སྨྲས་ན་མི་གཙང་བའི་འདུ་ཤེས་ཀྱིས་མི་སྨྲ་བར་བརྣོགས་#པ་ཉེས་བྱས་ཞེས་པ་ཡིན་ཏེ་འདི་
[97b.5]སྐད་དུ་ཆོས་ཡིན་བ་དང་མ་ཡིན་བར་སྨྲ་བ་དང་། གསོ་སྦྱིན་གྱི་ཚེ་འདི་ལྟར་དང་ན་འཐེན་#བྱེད་ན་སྤོམ་པོ་དང་ཉེས་བྱས་སུ་འགྱུར་བར་སྟོན་པའོ། །ལྟུང་བར་གཏོགས་པའི་བརྫུན་དུ་སྨྲ་བ་ནི། འདི་གཉིས་དང་ཕས་ཕམ་པ་དང་དགེ་འདུན་གྱི་ལྷག་མ་གཉིས་ལས་གཞན་པ་ནི་བརྫུན་སྨྲ་
[97b.6]བའོ་ཞེས་པ་ཡིན་ཏེ། གོང་དུ་བཤད་པ་རྣམ་གཉིས་དང་ཕས་ཕམ་པ་དང་དགེ་འདུན་གྱི་ལྷག་མ་གཉིས་ཏེ་བཞི་གཏོགས་པའི་བརྫུན་དུ་སྨྲ་བའོ། །ཆོ་ག་ལྟུང་བར་སྟོན་པ་དེ་དེ་ཡང་དངོས་པོའི་དབང་གིས་མ་ཡིན་གྱི་འདུ་ཤེས་ཀྱི་དབང་གིས་#དབྱེའོ། །དང་པོ་ནས་བརྫུན་དུ་སྨྲ་བར་
[97b.7]བསམས་ཏེ་#སྨྲས་པ་བརྫུན་དུ་འགྱུར་བ་ལྟ་སྨོས་མི་དགོས་ཀྱི་སྨྲ་བའི་ཚེ་ཁོ་#ན་བརྫུན་དུ་འདུ་ཤེས་པ་བརྫུན་མ་ཡིན་ནོ་ཞེས་པར་རེ་བ་བཙལ་བའི་ཕྱིར། སྨྲ་བའི་ཚེ་ཡང་འདུ་ཤེས་རྙེད་ན་འདིར་འགྱུར་ཞེས་པ་ཡིན་ཏེ་སྨྲ་བའི་ཚེ་ཁོ་ན་བདག་གིས་བརྫུན་སྨྲས་སོ་བར་ཤེས་ན་ཡང་བརྫུན་དུ་
[98a]
[98a.1]མི་འགྱུར་བ་མ་ཡིན་པར་སྟོན་པའོ། །མནའ་མི་དོར་ཞེས་པ་ནི་དངོས་པོ་འགའ་ཞིག་མནའ་ས་བརྩངས་ཀྱི། གཞན་ཐམས་ཅད་བརྫུན་དུ་འགྲེ་#བའི་ཕྱིར་མནའ་ཡོང་ཡེ་#མ་འདོར་ཅིག་པར་སྟོན་པའོ། །བརྫུན་དུ་སྨྲ་བ་ལྟུང་བའོ།། །།#མི་ལ་སྨོད་#པར་སྨྲ་བ་ལྟུང་བར་སྟོན་པ་ནི།
[98a.2]དགེ་སློང་ཞེས་པ་ལ་སོགས་པ་ཡིན་ཏེ་སྨད་པའི་མི་དེ་དགེ་སློང་ཡིན་ན་གདོད་ཉེས་པ་རངས་པར་འགྱུར་བའོ། །འོག་མ་ཡང་ངོ་ཞེས་པ་ནི་འདིའི་འོག་ནས་ཕྲ་མའི་ལྟུང་བ་བྱུང་བ་ཡང་དགེ་སློང་ལ་སྨྲས་ནས་ཉེས་པ་རངས་པར་སྟོན་པའོ། །དག་པའི་སེམས་ཀྱིས་སྨོད་པ་བྱུང་ཡང་སྲིད་པས་ན་
[98a.3]དེའི་བྱེ་བྲག་སྟོན་པ་ནི། སྨད་པར་འདོད་པས་ཞེས་པ་ཡིན་ཏེ་འདི་སྨད་པར་བྱ་བ་བརྗོད་དོ་སྙམ་དུ་བསམས་ཏེ་སྨྲས་ནའོ། །སྨྲ་བའི་ཚིག་དེའང་ཇི་ལྟ་བུས་ཤེ་ན། འཇམ་པ་འམ་རྩུབ་པས་སོ་ཞེས་པ་ཡིན་ཏེ་འཇམ་རྩུབ་གང་སྐད་དུ་སྨྲས་ཀྱང་རུང་བའོ། །གང་#ཇི་ལྟར་ཡང་རུང་མི་བྲིན་བར་བསམས་
[98a.4]ཏེ་སྨྲས་ནའོ་ཞེས་ནི་ལུས་དང་སེམས་གང་གི་སྐྱོན་ཡང་རུང་ཞར་བའམ་ངན་པ་ཞེས་པ་ལ་སོགས་པ་སྨད་ཅིང་མི་བྲིན་བར་བྱ་བའི་ཆེད་དུ་བསམས་ཏེ་སྨྲས་ན་ཉེས་པར་འགྱུར་བའོ། །གནོད་པར་མ་གྱུར་ཀྱང་ངོ་ཞེས་པ་ནི་དེ་ལྟར་སྨད་པས་གནོད་པ་སྐྱེངས་ཤིང་སྨ་བབ་པར་མ་གྱུར་ཀྱང་ཉེས་པ་རངས་
[98a.5]པར་སྟོན་པའོ། །རྗེའུ་#དང་བྲམ་ཟེ་ལ་སོགས་པ་གཞན་ནི་ཉེས་བྱས་ཞེས་པ་ནི་འདི་སྐད་དུ་ཟེར་ཞིང་མི་བྲིན་པར་སྨོད་པ་ནི་འཇིག་རྟེན་པ་ཡོངས་ཀྱིས་མཚང་དུ་མི་ལྟ་#བའི་ཕྱིར་ཉེས་བྱས་ལས་མེད་པར་སྟོན་པའོ། །དགེ་ཚུལ་ལ་སོགས་པ་ལ་སྨྲས་པ་ནི་ཉེས་པ་འབྲི་བའོ། །སྨོད་པར་
[98a.6]སྨྲ་བའོ།། །།#ཕྲ་མའི་ལྟུང་བ་སྟོན་པར་འདོད་པ་ནི། ཕྲ་མ་འདོད་པས་ཆེ་གེ་མོ་འདི་སྐད་ཟེར་རོ་ཞེ་ས་སྨྲ་ནའོ་ཞེས་པ་ལ་སོགས་པ་ཡིན་ཏེ། ཕ་རོལ་དབྱེ་བའི་ཕྱིར་ཆེ་གེ་མོ་ཞིག་ཁྱོད་ལ་འདི་སྐད་ཟེར་རོ་ཞེས་སློས་#ན་ལྟུང་བར་འགྱུར་བའོ། །དེའང་སྤྱིར་སྨོས་པ་ཙམ་གྱིས་སམ་ཞེ་ན། མིང་
[98a.7]ནས་ནའོ་ཞེས་པ་ཡིན་ཏེ་གོང་མ་སྐད་དུ་ཟེར་བའང་མིང་ནས་བརྗོད་ན་གདོད་ཉེས་པ་རངས་པར་འགྱུར་བའོ། །འདིའང་དགེ་སློང་ནའོ་ཞེས་པ་ནི་མིང་ནས་འབྱུང་བ་དེའང་དགེ་སློང་ཡིན་ན་གདོད་ཉེས་པ་རངས་པར་འགྱུར་བའོ། །གཞན་དུ་ན་ཉེས་བྱས་ཞེས་པ་ནི་མིང་ནས་འབྱུང་པ་དེ་དགེ་
[98b]
[98b.1]སློང་མ་ཡིན་ནམ་མིང་ནས་མ་#སྨོས་ན་ཉེས་བྱས་སུ་འགྱུར་བར་སྟོན་པའོ། །ཕྲ་མའོ།། །།#སྐྱོ་སྡོགས་བྱེད་པའི་ལྟུང་བ་སྟོན་པར་འདོད་པ་ནི། འབྲིད་ཅེས་པ་ལ་སོགས་པ་ཡིན་ནོ། །འདུ་ཤེས་པའི་ཡུལ་གང་ཡིན་པ་ནི། དགེ་འདུན་གྱིས་ཡང་དག་པར་སྤྱད་ཅེས་པ་ཡིན་ཏེ་དགེ་འདུན་གྱིས་གཏན་
[98b.2]ལ་བབ་ཅིང་ཡང་དག་པར་བཅད་པར་ཤེས་བཞིན་དུ་འོག་ནས་འབྱུང་བ་ལྟར་བྱེད་ན་ཉེས་པར་འགྱུར་བའོ། །དགེ་སློང་དག་རྩོད་#ནའོ་ཞེས་པ་ནི་རྩོད་པ་གཉིས་ཀའང་#དགེ་སློང་ཡིན་ན་ཉེས་པ་རངས་པར་འགྱུར་བའོ། །ཇི་ལྟར་བྱས་པས་ཉེས་པར་འགྱུར་ཞེ་ན། སྐྱེ་ནའོ་ཞེས་པ་ཡིན་ཏེ་དགེ་འདུན་གྱིས་#བཅད་
[98b.3]པའི་འོག་ཏུ་བཅད་པ་འདི་ཉེས་ཤིང་མི་རུང་ངོ་ཞེས་སྐྱོ་སྡོགས་བྱེད་ན་ཉེས་པར་འགྱུར་བའོ། །སུས་དེ་ལྟར་བྱེད་ན་རྩ་བའི་ཉེས་པར་འགྱུར་ཞེ་ན་གཞི་བ་དང་ལས་བྱེད་པ་དང་དད་པ་དབུལ་བ་རྣམས་ན་རྩ་བའོ་ཞེས་པ་ཡིན་ཏེ་གཞི་ལ་འདུག་འདུག་པ་དང་རྩོད་པ་ཞི་བའི་ལས་བྱེད་པ་དད་རྩོད་པ་ཞི་བའི་ལས་བྱེད་པའི་ཚེ་དད་
[98b.4]པ་རྨས་ན་མ་ནོངས་ཀྱིས་དེ་ལྟར་མཛོད་ཅིག་ཅེས་དད་པ་ཕུལ་བའི་མི་འདི་རྣམས་གོང་མ་ལྟར་སྐྱོ་སྡོགས་བྱེད་ན་རྩ་བའི་ཉེས་པར་འགྱུར་བའོ། །བསམས་པ་#བརྗོད་པ་དང་འོངས་པ་དག་ནི་ཉེས་བྱས་ཞེས་པ་ནི་ཁོ་བོའི་ཡིད་ལ་ནི་འདི་སྙམ་བྱེད་ཅེས་བསམས་པ་#བརྗོད་པ་དང་གུད་#ནས་འོངས་ལ་དང་པོའི་ལོ་
[98b.5]དྲུག་མི་ཤེས་པ་ཞིག་ན་རེ་དགེ་འདུན་གྱིས་ལས་བྱས་པ་ཉེས་སོ་ཞེས་ཟེར་བ་ནི་ཉེས་བྱས་སུ་ཟད་བར་སྟོན་པའོ། །རྩོད་པ་རྩོད་པ་གཞན་དུ་བར་ཤེས་པ་ནི་དེ་བཞིན་ཞེས་པ་ནི་རྩོད་པའི་གླེང་གཞི་ནོར་ཏོ་#སྐྱོ་སྡོགས་བྱེད་པ་ཡང་མ་ནོར་ཅིང་ཡང་དག་པར་ཤེས་ལ་སྐྱོ་སྡོགས་བྱེད་པ་དང་འདྲ་བར་སྟོན་པའོ། །
[98b.6]ལས་ཀྱི་འབྲས་བུར་འགྱུར་བ་ལ་གཏམ་བབ་པར་བརྗོད་ན་ཕྱེད་དོ་ཞེས་པ་ནི་གསོལ་བ་ལ་སོགས་པའི་ལས་ཀྱི་འབྲས་བུ་བསླབ་པ་བྱིན་པ་ལ་སོགས་པའི་དོན་དུ་ཡོད་ཅིང་གྲུབ་པ་ལས་#དོན་དུ་མ་གྱུར་ཅིང་ལས་སུ་མ་རུང་བ་སྐད་དུ་ཐེ་ཚོམ་སྐུར་ཞིང་སྨྲ་ན་ཉེས་བྱས་སུ་འགྱུར་བར་སྟོན་པའོ། །སྐྱོ་
[98b.7]སྡོགས་བྱེད་པའོ།། །།#ད་ནི་འཆད་པའི་ལྟུང་བ་སྟོན་ཏེ་གོང་དུ་རེག་པའི་ལྷག་མ་འཆད་པའི་ཚེ་བུད་མེད་ལས་བྱེད། ཁྱིམ་པ་མོ་#འཆད། རིག་པའི་སྐྱེས་པ་ཐ་དད་#དུ་མ་བཞག་ཅེས་པ་ལ་སོགས་པ་སྤྱིའི་མཚན་ཉིད་བསྟན་པ་ལས་གཞི་བླངས་ཏེ། རང་གི་མཚན་ཉིད་ཀྱི་བྱེ་བྲག་ཙམ་ཞིག་སྟོན་པ་
[99a]
[99a.1]ནི། འཆད་ན་ཞེས་པ་ལ་སོགས་པ་ཡིན་ཏེ་འཆད་ཉེས་པར་འགྱུར་བའོ། །ཅི་བཤད་པས་ཤེ་#ན། ཆོས་ཞེས་པ་ཡིན་ཏེ་དེ་བཞིན་གཤེགས་པས་བསྟན་པའི་ཆོས་བཤད་ནའོ། །དེའི་ཚད་སྟོན་པ་ནི། ཚིག་དྲུག་ལས་ལྷག་པ་ཞེས་པ་དང་། ལྷག་པར་ཤེས་པ་ཞེས་པ་དང་། སྔར་བརྩམས་
[99a.2]ལ་ཚིག་ལྔ་#ལས་སོ་ཞེས་པ་རྣམས་ཡིན་ཏེ་ཚིག་དྲུག་བཤད་པར་བརྩམས་པ་ལས་བདུན་དུ་ལྷག་པ་དང་ལྔ་བཤད་པར་བརྩམས་པ་ལས་དྲུག་དུ་#ལྷག་པ་རྣམས་ལྷག་པར་ཤེས་བཞིན་ཉེས་པ་རངས་པར་སྟོན་པའོ། །མཁས་པས་ལན་དང་ཡང་#ལན་དྲིས་པར་#འཆད་པ་དང་། ཞུ་བ་དང་འདོན་པ་དང་། འདྲི་བ་
[99a.3]དང་། ཉེས་པར་གནས་པ་འབོགས་#པ་དང་སྦྱིན་འཆད་པ་རྣམས་མ་ཡིན་ནོ་#ཞེས་པ་ནི་རྐྱེན་འདི་རྣམས་ལྟ་བུའི་ཚེ་ལྷག་པར་བཤད་དུ་ཟིན་ཀྱང་ཉེས་པ་མེད་པར་སྟོན་པའོ། །དེ་ལ་བཤད་པའི་རྗེས་གཅོད་ཅིང་ཐུག་ཐུབ་#དུ་དྲི་བའི་ལན་བཤད་པ་ནི་མཁས་པས་ལན་དང་། ཡང་ལན་དྲིས་པ་འཆད་ཅེས་པ་ཡིན་ནོ་ཁ་ཏོན་སློབ་པ་ཅི་ལོབས་པའི་
[99a.4]རྣམས་ཉེས་སམ་མ་ཉེས་སློབ་དཔོན་གྱི་#མདུན་དུ་སློབ་པ་ནི་ཞུ་བའོ། །ཁ་ཏོན་སློབ་པར་འབོགས་པ་ནི་འདོན་པའོ། །སྐབས་སྐབས་ཚིག་དང་དོན་#ཇི་ལྟ་བུ་ཡིན་ཞེས་འདྲི་བ་ནི་འདྲི་བའོ། །ཉིན་ཞག་གཅིག་གི་བར་དུ་ཁྲིམས་བརྒྱད་འབོགས་པ་ནི་ཉེ་བར་གནས་པ་འབོགས་པའོ། །ཟས་དང་ཡོན་ཟོས་ཤིང་སྦྱིན་པའི་འོག་ཏུ་
[99a.5]ཚིགས་བཅད་གློག་པ་ནི་སྦྱིན་པ་འཆད་པའོ། །གནས་སྤོས་ན་སྔ་མ་བྱས་པ་ཡིན་ཞེས་པ་ནི་ཚིག་ལྔ་འམ་དྲུག་བཤད་ཅིང་གནས་ཡང་སྤོས་ཏེ་བཤད་པ་ནི་ཉེས་མེད་#པར་སྟོན་པའོ། །འཆད་པའོ།། །།ཀློག་པའི་ལྟུང་བ་སྟོན་པར་འདོད་པ་ནི། གཞུང་གི་ཆོས་དང་ཡི་གེ་ཡང་བསྙེན་པར་མ་རྫོགས་པ་དང་མཉམ་པའམ་འདོར་#
[99a.6]བར་ཀློག་ནའོ་ཞེས་པ་ལ་སོགས་པ་ཡིན་ཏེ་མདོ་ལ་སོགས་པ་གཞུང་གི་ཆོས་དང་ཡི་གེ་ཡན་ཆད་བསྙེན་པར་མ་#རྫོགས་པ་དང་མཉམ་པའམ་དེས་སྔར་སྤགས་པའི་མཇུག་#ཐོགས་སུ་ཀློག་ན་ཆོས་དང་སྟོན་པ་གུས་པའི་ཕྱིར་ལྟུང་བར་འགྱུར་བའོ། །དེ་ལ་གཞུང་དང་ཆོས་ཤེས་གཉིས་སུ་སྤྲེལ་པ་ཅིའི་#ཕྱིར་ཞེ་ན། མུ་སྟེགས་པ་#
[99a.7]ལྟ་བུའི་ཆོས་གཞུང་ཡོད་དུ་ཟིན་གྱིས་ཀྱང་ཡང་དག་པའི་ཆོས་མེད་པ་དང་མཁན་པོའམ་སློབ་དཔོན་དག་གིས་གཙུག་ལག་ཏུ་བསྡུས་པ་ལྟ་བུ་ཆོས་ཡིན་དུ་ཟིན་གྱིས་ཀྱང་གཞུང་རངས་པ་མེད་པས་ན་དེ་ལྟ་བུ་ཉེན་བསྩལ་#བའི་ཕྱིར་གཞུང་གི་ཆོས་ཞེས་སྨོས་པ་ཡིན་ནོ། །མི་འདོད་པར་གྲུབ་པས་གཏོགས་ཞེས་པ་ནི་བསྙེན་པར་མ་
[99b]
[99b.1]རྫོགས་པ་དང་། མགྲིན་མཉམ་པའམ#། དེ་འདོར་ཏེ་ཀློག་པར་མ་དད་བཞིན་དུ་བསྙེན་པར་མ་རྫོགས་པ་དེ་དག་གིའམ་#རྒོད་པ་ལ་སོགས་པའི་དབང་གིས་འདོར་བའམ་མཉམ་པར་གྱུར་ན་ཉེས་མེད་པར་སྟོན་པའོ། །བསྒོ་ནས་ཀློག་ཏུ་གཞུག་ཅེས་པ་ནི་སྔ་མས་#བསྙེན་པར་མ་རྫོགས་པ་ལམ་#མཉམ་པའམ་ཐལ་ཏེ་ཀློག་
[99b.2]པ་མ་བྱེད་བར་ཕྱི་བཞིན་དུ་ལྷོག་#ཤིག་པར་སྟོན་ཅིག་པའོ། །འདོན་པ་དང་སློས་#པ་དང་འདྲི་བ་ཡང་ངོ་ཞེས་པ་ནི་སྔོན་སྟོན་པ་དང་ལོབས་པ་སློས་#པ་དང་སྐབས་སྐབས་སུ་མ་གོ་བ་འདྲི་#བ་དེ་དག་གི་ཚེ་ནི་སྔོན་མ་བསྐམས་#པ་མ་ཡིན་པས་ན་མཉམ་པར་ཀླགས་ཀྱང་བླ་#བར་སྟོན་པའོ། །ཀློག་པའོ།། །།#གནས་ངན་ལེན་དུ་སྨྲ་བ་#སྟོན་པའི་
[99b.3]ཞར་ལ་དེ་དང་འབྲེལ་#ཡང་སྟོན་པ་ནི། སྡིག་པའི་དགེ་སློང་ཕ་དང་དགེ་སློང་མ་ཁྱིམ་དུ་སྒྲོགས་པ་བསྒོ་ཞེས་པ་ནི་སྡིག་སྤྱོད་པའི་དགེ་སློང་ཕའམ་དགེ་སློང་མ་ཞིག་ཡོད་ན་དགེ་འདུན་སྤྱིར་དྲི་མི་སྔ་བའི་ཕྱིར་#ཁྱིམ་ཁྱིམ་དུ་སྒྲོགས་ཤིང་སྙོད་པའི་དགེ་སློང་སྐོས་ཤིག་པའོ། །དེ་ལྟར་བསྐོས་པའི་དགེ་སློང་གིས་སྙད་ཇི་སྐད་དུ་བསྒྲགས་
[99b.4]ཤེ་ན་ཚེ་དང་ལྡན་པ་དག་ཉོན་ཅིག་འདི་ལྟ་སྟེ་འབྲུའི་ཞིང་རྫོགས་པའི། འབྲུ་དེ་དག་ཁ་གདག་པ་དང་ཆུད་གཟན་པ་དང་མི་རིགས་པས་གཏན་ནས་བསླང་#བའི་ཕྱིར་སེར་དྲག་འབེབས་པ་དང་། བུ་རམ་གྱི་ཞིང་#རྫོགས་པ་ཁ་གདག་པ་དང་ཆུད་གཟན་པ་དང་མི་རིགས་པས་གཏན་ནས་བླང་བའི་ཕྱིར་གཅོད་ཅེས་བྱའི་ནད་ཀྱིས་
[99b.5]འཇོམས་#པ་ལྟར་ཁྱིམ་དུ་ཁྱིམ་སུན་འབྱིན་པ་#དགེ་སྦྱོང་གི་གནས་སུ་དགེ་སྦྱོང་#གནས་སུན་འབྱིན་པའང་ཡོད་དེ། དགེ་སློང་ཕའི་#དང་དགེ་སློང་མ་འདི#། འདི་ཆོས་དང་འདུལ་བ་ལ་ཆོས་#བཞིན་དུ་སྐྱེ་བའི་ཆོས་མེད་པས་ན་ཚེ་དང་ལྡན་པ་ཁྱེད་ཅག་དགེ་སློང་ཕ་འདི་དང་དགེ་སློང་མ་འདི་ལས་བསྟན་པའི་ཚད་དུ་མ་བྱེད་པར།
[99b.6]བཅོམ་ལྡན་འདས་དང་གནས་བརྟན་རྒན་རབས་ཀྱི་དགེ་སློང་དག་ལ་ལྟོས་ཤིག་#ཁྱིམ་དུ་སྒྲོགས་པས་ཁྱིམ་དུ་སྨྲོས་ཤིག་ཅེས་པ་ཡིན་ཏེ་སྒྲོགས་པར་བསྐོས་པ་དེས་སྙད་#འདི་སྐད་དུ་བསྒོ་#ཤིག་པའོ། །མོས་པ་མེད་པ་ལྟ་ན་གསོལ་བ་བྱ་ཞེས་པ་ནི་གོང་མ་ལྟར་སྒྲོགས་པའི་དགེ་སློང་འགའ་ཞིག་བསྐོར་ཤ་འཁོན་#གྱིས་
[99b.7]འཛེམ་སྟེ་མ་དད་ན་དགེ་འདུན་ཆུན་གྱིས་སྒྲོགས་པའི་གསོལ་བ་གྱིས་ཤིག་པའོ། །འབྲིད་#འདུ་ཤེས་བརྩན་པ་དེ་གང་ཞེ་ན། ཉན་པ་རྒྱུས་མི་ཤེས་ཤིང་བསྙེན་པར་མ་རྫོགས་ནའོ་ཞེས་པ་ཡིན་ཏེ་སྡིག་པའི་དགེ་སློང་ཕའམ་དགེ་སློང་མ་ཡིན་པར་རྒྱུས་མ་ཤེས་པ་དང་བསྙེན་པར་མ་རྫོགས་པར་ཤེས་ལ་དེ་ལ་
[100a]
[100a.1]ཟེར་ན་ཉེས་པར་འགྱུར་བའོ། །ཇི་ལྟར་བྱས་པས་གནས་ངན་ལེན་གྱི་ཉེས་#པར་འགྱུར་ཞེ་ན་སྨྲས་ནའོ་ཞེས་པ་ཡིན་ཏེ་གོང་དུ་སྨོས་པ་ལྟ་བུའི་མི་ལ་སྨྲས་ན་གདོད་ཉེས་པར་འགྱུར་བའོ། །སྨྲས་པ་ཇི་སྨྲས་པས་ཤེ་ན། ཕས་ཕམ་པ་དང་དགེ་འདུན་གྱི་ལྷག་མའོ་ཞེས་པ་ཡིན་ཏེ་ཕས་ཕམ་པའམ་དགེ་
[100a.2]འདུན་གྱི་ལྷག་མ་ཡོད་པར་སྨྲས་ན་གདོད་ཉེས་པར་འགྱུར་བའོ། །སུ་ལ་ཉེས་པར་འགྱུར་ཞེ་ན། མ་བསྐོས་པའོ་ཞེས་པ་ཡིན་ཏེ་སྒྲོགས་པར་མ་བསྐོས་པར་#སྨྲས་ན་ཉེས་པར་འགྱུར་བའོ། །ནམ་ཡང་རུང་ཉེས་པར་འགྱུར་རམ་ཞེ་ན། དགེ་འདུན་གསོལ་ནའོ་ཞེས་པ་ཡིན་ཏེ་དགེ་འདུན་ཆུན་གྱིས་
[100a.3]བསྒྲགས་པར་བྱས་པ་མ་ཡིན་པའི་ཚེ་གནས་ངན་ལེན་སྨྲ་ན་ཉེས་པར་འགྱུར་བའོ། །གནས་ངན་ལེན་སྨྲ་བའོ།། །།#མི་ལས་བླ་མའི་ཆོས་སྒྲོགས་པ་ལྟུང་བ་སྟོན་པར་འདོད་པ་ནི། བདེན་ཡང་ངོ་ཞེས་པ་ཡིན་ཏེ་མིའི་ཆོས་ལས་བླ་མའི་ཆོས་ལ་སོགས་པ་ཇི་ལྟར་སྨྲ་བའི་མཚན་ཉིད་ནི་ཕས་ཕམ་པའི་ཚེ་
[100a.4]བཤད་ཟིན་པས་ན་དེ་ལས་མི་འདྲ་བར་བདེན་པ་ཙམ་ཞིག་ཡོད་དུ་ཟད་པའི་ཕྱིར་བདེན་ཡང་ངོ་ཞེས་སྨོས་པ་ཡིན་ནོ། །གང་ཟག་ཇི་ལྟ་#ལ་སྨྲས་པས་ཤེ་ན་བདེན་པ་མ་མཐོང་བའི་བསྙེན་པར་མ་རྫོགས་པའོ་ཞེས་པ་ཡིན་ཏེ་བདེན་པ་མ་མཐོང་བའི་དགེ་ཚུལ་དང་ཁྱིམ་པ་ལ་སྨྲས་ན་ཉེས་པར་འགྱུར་བའོ། །ཁྱིམ་
[100a.5]པའི་མདུན་དུ་རྫུ་འཕྲུལ་མི་བསྟན་ཅེས་པ་ནི་གདུལ་བའི་ཆེད་མ་ཡིན་ན་རྫུ་འཕྲུལ་ཁྱིམ་པའི་མདུན་དུ་མ་སྟོན་ཅིག་པའོ། །སྟོན་པའི་མདུན་དུ་དགེ་སློང་#མ་ཡིན་ཞེས་པ་ནི་སྟོན་པའི་སྤྱན་སྔར་དགེ་སློང་མ་རྫུ་འཕྲུ་མ་བྱེད་ཅིག་པ་སྟེ་མདོ་འདི་གཉིས་ནི་ཕྲན་ཚེགས་ལས་འབྱུང་ངོ་མི་ལས་བླ་མའི་ཆོས་སྨྲ་
[100a.6]བའོ།། །།#སྐུར་པ་འདེབས་པའི་ལྟུང་བ་སྟོན་པའི་ཐོག་#མ་ཉིད་དུ་འདུལ་བ་ཐམས་ཅད་ཀྱི་ཆེད་དུ་#དགོས་པ་སྟོན་པ་ནི། ཆེད་ཆེ་བའི་དོན་ཅིག་ན་གསོལ་#བ་ཐོག་མར་བྱས་པས་དོན་སྒྲུབ་ཅེས་པ་ཡིན་ཏེ་མལ་ཆ་རྫི་ལ་སོགས་པ་ལས་ཆེད་ཆེན་པོར་བསྐོས་ན་གསོལ་བ་ལ་སོགས་#པའི་ལས་ཇེ་གྱིས་#ལ་དེ་ནས་གདོད་
[100a.7]བསྐོས་#ཤིག་པར་སྟོན་པའོ། །སུ་ལ་སྐུར་བའི་ཉེས་པར་འགྱུར་ཞེ་ན། དད་པ་སྦྱིན་པའོ་ཞེས་པ་ཡིན་ཏེ་དད་པས་#འབུལ་བ་དེ་སྐུར་པ་འདེབས་ན་ལྟུང་བར་སྟོན་པའོ། །ཇི་ལྟར་བྱས་པས་སྐུར་བའི་ཉེས་པར་འགྱུར་ཞེ་ན། དགེ་འདུན་གྱིས་#ཟས་མ་ཡིན་པའི་རྙེད་པ་གང་ཟག་ལ་ལོག་པར་བསྔོས་སོ་ཞེས་དགེ་
[100b]
[100b.1]སློང་ལ་མིང་གིས་མི་སྨོས་པར་གཞན་ལ་སྨྲ་ནའོ་ཞེས་པ་ཡིན་ཏེ་དགེ་འདུན་སྤྱིའི་གོས་ཀྱི་རྙེད་པ་གང་ཟག་གིས་ཁ་བསྡུས་ཤིང་ཁྱེར་རོ་ཞེས་དགེ་སློང་ལ་ཟེར་ན་ཉེས་པར་འགྱུར་བའོ། །མི་བདེན་པའི་དོན་གྱིས་ནའོ་ཞེས་པ་ནི་གོང་མ་ལྟར་སྐུར་པའང་མི་བདེན་ན་#གདོད་ཉེས་པར་འགྱུར་བའོ། །སྐུར་པ་འདེབས་པ་
[100b.2]ལྟུང་བའོ།། །།#ཁྱད་དུ་གསོད་པའི་#ལྟུང་བ་སྟོན་པ་ནི། འདུལ་བར་གཏོགས་པ་སྨྲ་བ་ན་ཁ་ཚས་#ཟེར་བའོ་ཞེས་པ་ཡིན་ཏེ་འདུལ་བར་གཏོགས་སོ་ཅོག་སྨྲ་བ་ན་ཕྲན་ཚོགས་དེ་དག་ཙམ་གྱི་ཚོད་ཅེས་ཁ་ཚས་#ཟེར་ཞིང་ཁྱད་དུ་གསོད་ན་ཉེས་པར་འགྱུར་བའོ། །སོ་སོར་ཐར་པ་ལས་མདོ་འདོན་པ་ན་ཞེས་པ་ནི་གླེང་
[100b.3]གཞི་ཙམ་དུ་ཟད་དོ། །མདོ་ལ་ཉེས་བྱས་ཞེས་པ་ནི་མདོ་སྡེ་ལ་འཕྱ་ན་ཉེས་#བྱས་སུ་འགྱུར་བར་སྟོན་པའོ། །དེའི་ནང་ནས་འདུལ་བའི་ལག་ཏུ་སྨོས་པ་ལ་འཕྱ་ན་ནི་ཉེས་པ་རངས་པར་ཡང་འགྱུར་རོ། །མ་ལྟ་བུ་ལ་འཕྱ་བའང་དེ་བཞིན། ཁྱད་དུ་གསོད་པའོ།། །།#ས་བོན་དང་སྐྱེ་བ་འཇོམས་པའི་ལྟུང་བ་སྟོན་ཏེ་དེའི་
[100b.4]གནས་པ་ཇེ་སྟོན་པ་ནི། ལས་སར་པ་ལས་མཆོད་རྟེན་དང་དགེ་འདུན་གྱི་ཕྱིར་ཤིང་བཅད་དོ་ཞེས་པ་ཡིན་ཏེ་#དོན་ཆེད་འདི་#ལྟ་བུའི་ཕྱིར་ནི་ཤིང་བཅད་ཀྱང་བླ་བར་སྟོན་པའོ། །མཆོད་རྟེན་ཞེས་པའི་ནང་དུ་ནི་ཆོས་ཀྱང་གཏོགས་སོ། །དེ་ལ་གཅོད་པའི་ཆོ་ག་ཇེ་སྟོན་པ་ནི། ཞག་བདུན་ནམ་བརྒྱད་ཀྱི་སྔ་རོལ་ནས་
[100b.5]དེའི་དྲུང་དུ་དཀྱིལ་འཁོར་དང་། དྲི་དང་མེ་ཏོག་དང་སྤོས་དང་མར་མེ་དང་གཏོར་མ་བྱིན་ཞིང་རྒྱུད་གསུམ་ཀླགས་ལ་སྦྱིན་བ་བཤད་དེ་ཤིང་འདི་མཆོད་རྟེན་དང་དགེ་འདུན་གྱི་ཆེད་དུ་བྱས་ཤིང་འདི་ལ་གནས་པའི་ལྷ་སུ་ཡིན་པ་དེ་གནས་གུད་དུ་ཚོལ་ཅིག་ཅེས་བསྙད་#ལ་ཤེས་པར་གྱིས་ཤིག་ཅེས་པའི་ཚིག་གིས་སོ། །ཞེས་
[100b.6]པ་ཡིན་ཏེ་ཐབས་དང་སྙད་འདི་དག་ལྟར་བྱ་ཞིང་ཆོད་ཅིག་པའོ། །མེ་འབར། ཁྲག་ཟག ། ཡལ་ག་གཡོ། འདབ་མ་ལྟར་གས་#པ་ལ་སོགས་པ་ཇི་སྟེ་འགྱུར་བ་ལྟ་ན་དེས་ཤིང་ལ་སྦྱིན་པ་དང་། སེར་སྣའི་བསྔགས་པ་དང་། མི་བསྔགས་པ་བྱ་ཞེས་པ་ནི་ཤིང་གཅོད་པའི་ཚེ་མ་དད་ཅིང་མི་སྟེར་བའི་ཚུལ་འདི་
[100b.7]ལྟར་བྱེད་ན། དཀོན་མཆོག་བསོད་ནམས་ཀྱི་ཞིང་ཡིན་ཏེ་དེ་ལ་ཕུལ་ན་ལེགས་པར་འགྱུར་བ་རྒྱས་པར་བསྔགས་པ་དང་སེར་སྣ་བྱས་ན་དོག་ཅིང་མི་བདེ་བར་འགྱུར་བའི་རྣམ་པར་སྨིན་པའི་མི་བསྔགས་པ་#ཤོད་ཅིག་པའོ། །དེ་ལྟར་བྱས་ཀྱང་འགྱུར་བ་མི་གཏོང་ན་ཇི་ལྟར་བྱ་ཞེ་ན། མི་གཏོང་མི་བཅད་ཅེས་པ་
[101a]
[101a.1]ཡིན་ནོ། །འབྲིད། འདུ་ཤེས་བརྩན་བ་དེ་གང་ཞེ་ན། མ་ཉམས་ནའོ་ཞེས་པ་ཡིན་ཏེ་མ་ཉམས་པར་ཤེས་བཞིན་དུ་བཅོམ་ན་ཉེས་པར་འགྱུར་བའོ། །དེ་གང་ཞེ་ན། ས་བོན་དང་འཁྲུད་བ་ཐ་དང་བ་རུད་བར་མ་བྱས་ནའོ་ཞེས་པ་ཡིན་ཏེ་ས་བོན་རྣམ་ལྔ་དང་ཤིང་རྩྭ་#ལ་སོགས་པ་འཁྲུད་བ་ཐ་དད་པའི་
[101a.2]རྣམ་པ་ཡིན་པ་དང་རུང་བར་མ་བྱས་པར་ཤེས་བཞིན་དུ་གོང་མ་ལྟར་བྱས་ན་ཉེས་པར་འགྱུར་བའོ། །ཅི་ཉམས་པར་བྱས་པས་ཤེ་ན། རྩྭ་#བྲན་ཉམས་པར་བྱས་པ་ཡན་ཆད་དོ་ཞེས་པ་ཡིན་ཏེ་རྩྭ་#བྲན་ཡན་ཆད་ཉམས་པར་བྱས་ན་ཉེས་པར་འགྱུར་བའོ། །ཇི་ལྟར་བྱས་པས་ཉེས་པར་འགྱུར་ཞེ་ན། གང་ཇི་ལྟར་ཡང་
[101a.3]རུང་ཞེས་པ་ཡིན་ནོ། །བསྒུལ་#བས་ཀྱང་ངོ་ཞེས་པ་ནི་ཤིང་བསྒུལ་ཏེ་ལོ་མ་དང་འབྲས་བུ་ལྷགས་ན་ཡང་#ཉེས་པར་འགྱུར་བའོ། །རྩྭ་དང་འཇི་བ་དང་ས་ལ་སོགས་པས་མནན་ནའོ་ཞེས་པ་ནི་འདི་དག་གིས་མནན་ཏེ་ཉམས་པར་བྱས་ན་ཡང་ཉེས་པར་འགྱུར་བའོ། །དོར་བ་ལ་སོགས་པས་ཀྱང་ངོ་ཞེས་པ་ནི་ཁྲུད་མ་
[101a.4]ལ་སོགས་པོར་བས་ཉམས་ན་ཡང་ཉེས་པར་འགྱུར་བའོ། །རླུང་དང་ཚ་བ་ལ་བཞག་པས་ཀྱང་ངོ་ཞེས་པ་ནི་འདི་དག་ལྟ་བུས་བསྲད་#ན་ཡང་ཉེས་པར་འགྱུར་བའོ། །སྐམས་ཀྱང་ངོ་ཞེས་པ་ནི་སྐམས་སར་བཏིང་ཞིང་བསྲད་ན་#ཉེས་པར་འགྱུར་བའོ། །དེ་ལྟར་བྱེད་པའི་བསམ་པ་ཇི་ལྟ་བུས་ཤེ་ན། དེར་འདོད་ནའོ་
[101a.5]ཞེས་པ་ཡིན་ཏེ། གོང་མ་ལྟར་བྱེད་པ་ཡང་ཆེད་དུ་ཉམས་པར་བྱེད་ན་གདོད་ཉེས་པར་འགྱུར་བའོ། །དེའང་སུས་ཤེ་ན། བདག་གམ་གཞན་གྱིས་སོ་ཞེས་པ་ཡིན་ཏེ་བདག་གམ་གཞན་གང་གིས་ཀྱང་རུང་བའོ། །གང་གི་ཚེ་ཇི་#ལྟ་བུའི་ཉེས་པར་འགྱུར་ཞེ་ན། ཉམས་ན་རྩ་བའོ་ཞེས་པ་ཡིན་ཏེ་ནམ་ཉམས་པར་
[101a.6]བྱེད་པའི་ཚེ་ཉེས་པར་སྟོན་པའོ། །སྦྱོར་བ་གཅིག་གིས་དུ་མ་ཞིག་ཉམས་པར་བྱས་ན་ཉེས་པ་གཅིག་ཏུ་ཟད་དམ་ཞེ་ན། ཉམས་པ་སྙེད་དོ་ཞེས་པ་ཡིན་ཏེ་ཉམས་པའི་གྲངས་དུ་ཡོད་པ་བཞིན་#ཉེས་པར་འགྱུར་བའོ། །ཉམས་པ་ཇི་སྙེད་པ་སྙེད་དུ་ཉེས་པའང་དེ་སྙེད་དུ་འགྱུར་ན་སྡོང་པོ་གཅིག་ལ་ཡལ་ག་དང་ལོ་
[101a.7]མ་མང་པོ་ཞིག་ཡོད་པ་རྙེད་པ་ཉེས་པར་འགྱུར་རམ་ཞེ་ན། སྡོང་པོ་ནིའོ་#ཞེས་པ་ཡིན་ཏེ་སྡོང་པོ་བཅད་ན་གཅིག་བཅད་པའི་ཉེས་པར་ཟད་ཀྱི་ཡལ་ག་ལ་སོགས་པའི་ཉེས་པ་ཕལ་པ་ཆེར་མི་བརྩི་འོ། །སྦྱོར་བ་ནི་ཉེས་བྱས་ཞེས་པ་ནི་གཅོད་པར་ཤོམ་པའང་ཉེས་བྱས་སུ་སྟོན་པའོ། །སྦྱོར་བ་དུ་མས་དངོས་པོ་གཅིག་
[101b]
[101b.1]གཅོད་ན་ཉེས་པ་གཅིག་ཏུ་ཟད་དམ་ཞེ་ན། འདིར་དངོས་པོ་ཐ་མི་དད་ན་སྲུན་#པ་རེ་རེས་དབྱེ་ཞེས་པ་ཡིན་ཏེ་དངོས་པོ་གཅིག་ན་ཡང་སྟ་གམ་ལ་སོགས་པ་བསྣུན་པ་རེ་རེ་ཉེས་བྱས་རེ་རེར་འགྱུར་བར་སྟོན་པའོ། །སྐྱེ་ཡང་ཕྱུང་མཐའོ་ཞེས་པ་ནི་ཕྱུང་སྟེ་གུད་དུ་བསྐྱེད་ན། མི་སྐམ་ཞིང་སྐྱེར་ཟིན་གྱིས་ཀྱང་ཕྱུང་བའི་ཚེ་ཉམས་
[101b.2]པའི་མཐར་འགྱུར་བར་སྟོན་པའོ། །ཉ་ལྕིབས་དང་ཆུ་ལྡུམ་ཆུ་ལས་འཕགས་ན་དེ་བཞིན་ཞེས་པ་ནི་འདི་དག་ཆུའི་ནང་ནས་བཏོན་#ན་སྐྱེར་ཟིན་གྱིས་ཀྱང་བཏོན་ན་ཉེས་པར་འགྱུར་བའོ། །ཚི་གུ་མ་བཅོམ་པར་མིད་ན་ཕྱེད་དུ་བྱེད་ཅེས་པ་ནི་ཤིང་ཐོག་གི་ཚི་གུ་གུད་དུ་རིལ་མིད་བྱས་ན་ཡང་ཉེས་པ་ཕྱེད་དུ་བྱས་པར་སྟོན་པའོ། །ཇི་
[101b.3]སྟེ་འདི་#བཅད་ན་ལེགས་སོ་ཞེས་ཟེར་ན་བཅུག་པའི་འོ་ཞེས་པ་ནི་འདི་སྐད་#ཟེར་ན་ཡང་གཅོད་དུ་བཅུག་པའི་ཕྱེད་ཡིན་པས་ན་ཉེས་བྱས་སུ་སྟོན་པའོ། །འཕྲུལ་གྱིས་ན་ཕྱེད་པ་མ་ཡིན་#རྫུ་འཕྲུལ་གྱིས་བཅད་པ་ཉེས་མེད་པར་སྟོན་པའོ། །ས་བོན་#ས་བོན་གཞན་དུ་འདུ་ཤེས་པ་ནི་དེ་བཞིན་ཞེས་པས་#ས་བོན་ལྔ་ནོར་ཏེ་ཉམས་
[101b.4]པར་བྱས་ན་ཡང་ས་བོན་དུ་འདྲ་བའི་ཕྱིར་ཉེས་པ་རངས་པར་འགྱུར་བའོ། །ཤུན་སྐམ་དང་སླང་#མཆེད་པའི་འདབ་མ་དང་མེ་ཏོག་རྒྱས་པ་དང་འབྲས་བུ་སྨིན་པ་རྣམས་ཕྱེད་ཉམས་པ་ཞེས་བྱའོ་ཞེས་པ་ནི་མིང་གིས་སྨོས་པ་འདི་དག་ལྟ་བུ་ཉམས་པར་བྱས་ན་ཕྱེད་ཉམས་པར་སྟོན་པའོ། །དེ་དག་རང་བཞིན་གྱི་རྩ་བ་
[101b.5]ལས་མ་གྱུར་ན་མ་ཡིན་ཞེས་པ་ནི་གོང་དུ་མིང་གིས་སྨོས་པ་རྣམས་ཉམས་སུ་ཆ་བའི་རྐྱེན་ལྟར་མ་གྱུར་ཏེ་རང་བཞིན་ནི་#སྔོན་གྱི་སོ་ན་འདུག་པ་ཉེས་#པར་བྱས་ན་ནི་ཕྱེད་དུ་འགྱུར་བ་མ་ཡིན་པའང་སྟོན་པའོ། །ས་བོན་དུ་བཏབ་པ་རྩ་བ་མ་སྐྱེས་པའི་ས་བོན་ནི་ཕྱེད་སྐྱེས་པའོ་ཞེས་པ་ནི་ས་བོན་དུ་བཏབ་པ་ལ་རྩ་བ་མ་ཟུག་
[101b.6]པ་ཉམས་པར་བྱས་ན་ཕྱེད་སྐྱེས་པ་ཉམས་པར་བྱས་པར་སྟོན་པའོ། །ཕ་བ་དགོ་དགོ་དང་ཤ་མོ་དང་ཤ་བལ་དང་བྱ་མ་བུམ་དང་གོས་ལ་སོགས་པའི་རླབས་ནི་འཁྲུང་བ་ཐ་དད་པའི་ཕྱེད་དོ་ཞེས་པ་ནི་འདི་དག་ཉམས་པར་བྱས་ན་ཡང་ཕྱེད་ཉམས་པར་སྟོན་པའོ། །ཁུ་ཚན་འབོ་བ་ལ་སོགས་པ་དྲངས་པ་དང་
[101b.7]དཀྱིལ་འཁོར་དང་ཕྱག་དར་དེ་དག་གིར་བསམས་ན་ཉེས་མེད་ཅེས་པ་ནི་བཅད་ཅིང་ཉམས་པར་བྱ་བའི་ཕྱིར་ནི་མ་ཡིན་གྱི་འདི་དག་བྱ་བའི་ཞར་ལ་སྣད་ཅིང་ཉམས་པ་ཉེས་མེད་པར་སྟོན་པའོ། །རྩྭ་#ལ་སོགས་པ་བཅིངས་ཏེ་འཕོངས་#ལ་མི་འཆོར་བ་ལྟ་ན་བཅད་ཅེས་པ་ནི་ཀུན་འཇོམས་ཀྱི་རྩ་བ་ལ་
[102a]
[102a.1]སོགས་པ་ལ་བརྟོད་ཅིང་བཅིངས་#ལ་འགྲོལ་བ་གཞན་མེད་དེ་མི་ཐར་ན་ཆོད་ཅིག་པའོ། །དགེ་སློང་མང་པོ་ཞིག་དེ་ལྟར་བཅིངས་ན་ཀུན་གྱིས་#བཅད་དམ་ཞེ་ན། གལ་ཏེ་དུ་མ་ན་གཅིག་གིས་སོ་ཞེས་པ་ཡིན་ཏེ། དུ་མ་བཅིངས་ན་གཅིག་གིས་ཆོད་ལ་གཞན་ཁྲོལ་ཅིག་པའོ། །ས་བོན་དུ་མི་རུང་
[102a.2]བ་#ཉེས་པར་མི་བྱེད་ཅེས་པ་ནི་འབྲས་བུ་མ་སྨིན་པ་ཀ་གོ་ན་དང་ལྒང་སྲུགས་#ལྟ་བུ་ལ་སོགས་པ་ཉམས་པར་བྱས་ཀྱང་ཉེས་མེད་པར་སྟོན་པའོ། །རུང་བར་བྱ་བ་ཇི་ལྟ་བུ་ཞེ་ན། མེས་རེག་པ་དང་ཚོན་#དང་སེན་མོ་དང་ནེ་ཙོས་འཚོས་བ་དང་རྙེས་#པ་དང་བྱུང་བ་དང་གྲུབ་པ་དང་གཤེགས་པ་དང་གཏུབས་#པ་རྣམས་#
[102a.3]རུང་བའོ་ཞེས་པ་ཡིན་ཏེ་འདི་དག་ལྟར་བྱས་ན་རུང་བར་ཆུད་པའོ། །བརྟགས་པ་ས་བོན་དུ་མི་རུང་བའི་དྲོད་ཀྱིས་མི་བཟུང་ཞེས་པ་ནི་ས་བོན་དུ་མི་རུང་བ་ལ་ཐུག་པའི་བར་དུ་བརྟགས་པ་མ་ཡིན་གྱི་རེག་པ་ཙམ་གྱིས་ཆོག་པར་སྟོན་པའོ། །འདིར་བླངས་པ་ཡང་མེའི་གོ་ཞེས་པ་ནི་བླངས་#པས་ཕོག་པ་ཡང་མེས་
[102a.4]བརྟགས་པ་དང་འདྲ་བར་སྟོན་པའོ། །འབྲས་བུ་མེས་རུང་བར་བྱ་བ་ནི་བསྡུས་པའི་སྤྱི་#བརྩན་ཏེ་ཡང་དག་པའི་གྲངས་སུའོ་ཞེས་པ་ནི་དགུན་ལྟ་བུ་ལ་སོགས་པ་ཉག་མ་རེ་རེ་ནས་བརྟགས་ན་ཐོགས་པའི་ཕྱིར་སྤྱིར་#བརྟགས་པས་ཆོག་པར་སྟོན་པའོ#། །བསྡུས་པའི་ཕྱོགས་གཅིག་ཏུ་བ་#ནི་འགྲུབ་པར་འགྱུར་བ་མ་
[102a.5]ཡིན་ཞེས་པ་ནི་སྤྱིར་བརྟགས་པ་དེའང་ས་ཕྱོགས་སམ་ཁ་འགའ་ནས་བརྟགས་པས་མི་ཆོག་གི་ཁ་དུ་མ་ནས་རུང་བར་གྱིས་ཤིག་པའོ། །དགེ་སློང་གིས་བྱས་པའང་རུང་བར་བྱས་པའོ་ཞེས་པ་ནི་དགེ་སློང་གིས་རུང་བར་བྱས་ན་ཡང་མེས་རུང་བར་བྱ་བ་#ཉི་ཚེ་མ་གཏོགས་ཏེ་གཞན་གྱིས་རུང་བར་བྱས་པ་རུང་བར་ཆུད་
[102a.6]པས་ན་དགེ་སློང་གཞན་གྱིས་ནི་ཟོས་ཀྱང་བླ་བར་སྟོན་པའོ། །མི་རུང་བའི་སར་ཡང་ངོ་ཞེས་པ་ནི་དགེ་སློང་གི་གནས་དང་ཉེ་གནས་#ཚུན་ཆད་ཀྱི་ནང་དུ་མེས་རུང་བར་བྱ་བ་མ་གཏོགས་པ་གཞན་གྱིས་རུང་བར་#བྱས་ཀྱང་བླ་#བར་སྟོན་པའོ། །ཞག་བདུན་པ་དང་ནམ་འཚོ་བ་དང་#ཆུ་བསིལ་པོས་མ་བཏབ་པར་མི་
[102a.7]བཟའ་ཞེས་པ་ནི་འདི་དག་གི་སྨད་#ཀྱང་ཆུ་བསིལ་པོས་མ་བཏབ་པར་ཟོས་ན་ཉེས་བྱས་སུ་སྟོན་པའོ། །ཐུན་གྱི་ཡང་འདིས་མ་ལྷད་#པར་མ་ཡིན་ཞེས་པ་ནི་རྒུན་ཆུ་ལ་སོགས་པའི་ཐུན་གྱི་སྐོམ་ཡང་ཆུ་བསིལ་པོས་མ་བསྲེས་པར་འཐུངས་ན་ཉེས་བྱས་སུ་སྟོན་པའོ། །ས་བོན་དང་འཁྲུང་བ་འཇོམས་པའོ།། །།#
[102b]
[102b.1]འཕྱ་བའི་ལྟུང་བ་སྟོན་པར་འདོད་པ་ནི། གང་ཟག་བཅུ་གཉིས་ལས་བྱེད་ཅེས་པ་ལ་སོགས་པ་ཡིན་ཏེ་གང་ཟག་བཅུ་གཉིས་ལ་འཕྱ་ན་ལྟུང་བར་བྱེད་པའོ། །དེ་#བཅུ་གཉིས་གང་ཉེ་#གནས་དང་ཟས་བསྐོ་བ་དང་ཐུག་པ་དང་བཅའ་བ་འགོད་པ་དང་གང་ཇི་ཡང་རུང་བ་འབྲིམ་#པ་དང་སྣོད་སྤྱད་སྤེད་པ་དང་། གོས་
[102b.2]འགོད་པ་དང་། དབྱར་གྱི་རས་ཆེན་སྦེད་པ་དང་། འགོད་པ་དང་སྐོ་བླག་བྱེད་པ་མཛེས་འཆོས་རྣམས་སོ། །བཅུ་གཉིས་པོ་འདི་དག་ཉི་ཚེ་ལས་ཉེས་པར་འགྱུར་བར་ཡང་མ་ཟད་ཀྱི་ཆུར་བ་དང་འབྲས་འགོད་པ་ལ་སོགས་པ་#དགེ་འདུན་གྱིས་བསྐོས་#པ་གཞན་ལས་ཀྱང་ཉེས་པར་འགྱུར་བའོ། །སྦྱོར་བ་
[102b.3]བཏང་བ་དང་བསྐོས་པ་མ་ཡིན་ཀྱང་ངོ་ཞེས་པ་ནི་གང་ཟག་བཅུ་གཉིས་ཀྱི་ལས་ལས་འབྱུང་#བ་དང་། གསོལ་བ་དང་གཉིས་ཀྱི་ལས་ཀྱིས་བསྐོས་པ་མ་ཡིན་པ་ལ་དཔྱས་ན་ཡང་ཉེས་པར་འགྱུར་བར་སྟོན་པའོ། །ཇི་ལྟར་བྱས་པས་འདིའི་ཉེས་པར་འགྱུར་ཞེ་ན། བདག་གི་ཕྱིར་དེས་ཐོས་པར་འཕྱའམ་
[102b.4]གཞོགས་#འཕྱས་བྱེད་ནའོ་ཞེས་པ་ཡིན་ཏེ་བདག་ཉིད་དེ་དག་གི་ངོ་མ་བསྙམས་ཤིང་བསྙམས་ལས་བཅད་པ་སྐད་དུ་དོར་འཕྱའམ་ཀློག་ན་གཞོགས་འཕྱས་བྱེད་ན་ཡང་ཉེས་པ་རངས་པར་འགྱུར་བའོ། །གང་གི་ཚེ་རྩ་བའི་ཉེས་པར་འགྱུར་ཞེ་ན། བགྲངས་ན་རྩ་བའོ་ཞེས་པ་ཡིན་ཏེ་ཁ་གཟན་ཅིང་མི་བགྲུངས་
[102b.5]པར་བགྲངས་#སུ་ཟིན་ཀྱང་དཔྱས་བྱེད་ན་རྩ་བའི་ཉེས་པར་འགྱུར་བའོ། །གཞན་དུ་ན་ཉེས་བྱས་ཞེས་པ་ནི་གོང་མ་ལྟར་བགྲངས་པ་མ་ཡིན་པས་དཔྱས་བྱས་ན་ཉེས་བྱས་སུ་སྟོན་པའོ། །ཆུང་#ཟད་ཀྱང་ཁྱད་དུ་གསོད་མི་ནུས་པ་མི་#མངག་ཅེས་པ་ནི་མི་གསར་ང་ཞིང་བཟེ་རེ་ཅན་ལས་སུ་མི་བསྒོ་#ཞིང་གར་ཡང་
[102b.6]མ་མངག་#ཤིག་པའོ། །ཁོན་#པ་བདག་གི་ལས་སུ་མི་བསྐོ་ཞེས་པ་ནི་བདག་དང་ཁོན་ཡོད་པ་ལས་སུ་བསྐོ་བའི་ཚེ་བདག་ཉིད་ཀྱིས་མ་བསྐོ་#བར་གཞན་ལས་སྤྲིང་ཞིང་བསྒོ་ཤིག་པའོ། །འཕྱ་བའོ།། །།#བསྒོ་བའི་ལན་ལོག་པར་ལྡོན་པའི་ལྟུང་བ་ཇེ་སྟོན་པ་ནི་མིའི་ཐོག་མར་བགྲང་བའི་#མཚན་ཉིད་སྟོན་པ་ནི།
[102b.7]གླེངས་པའི་ཚིག་དང་རྣེགས་#པས་མི་ཉན་པ་#སྨྲས་པའི་གང་ཟག་རྣམས་ལ་ངོར་ཟོག་#པ་དང་གཞོགས་འཕྱས་#བྱེད་པ་རྣམས་མི་བགྲང་བ་#མ་ཡིན་ཏེ་འདི་དག་ལྟར་བྱས་པའི་གང་ཟག་ཁ་གཟན་ཅིང་མི་བགྲུངས་པར་གྲོངས་ཤིག་པའོ། །དེ་ལ་གླེངས་པའི་ཚིག་མི་ཉན་པ་ནི་ཚིག་གཞན་དུ་བརྒྱུད་པའོ། །རྣེགས་
[103a]
[103a.1]པས་མི་ཉན་བ་ནི་གླེངས་པའི་ཚེ་དང་#ན་འཐེན་བྱེད་ཅིང་མི་སྨྲ་བའོ། །སྨྲས་པའི་གང་ཟག་ཅེས་པ་ནི་གང་ཟག་བཅུ་གཉིས་གོང་དུ་བསྟན་པ་རྣམས་ལ་བྱའོ། །གསོལ་བས་སོ་ཞེས་པ་ནི་གོང་དུ་སྨོས་པའི་བགྲང་བ་དེ་#གསོལ་བས་བགྲང་ཞིང་འགོད་#གཏོད་དུ་ཕྱུང་ཤིག་པའོ། །ཇི་ལྟར་བྱས་པས་
[103a.2]བསྒོ་བའི་ལན་ལོག་པར་ལྡོན་པའི་ལྟུང་བར་འགྱུར་ཞེ་ན། དགེ་སློང་གི་ཚིག་མི་ཉན་ནོ#། །ཞེས་པ་ཡིན་ཏེ་དགེ་སློང་དག་གི་ཆོས་ཀྱི་ཚིག་བསྒོ་ཞིང་གླེངས་སོ་ཅོག་མི་ཉན་ན་རྩ་བའི་ཉེས་པར་འགྱུར་བའོ། །འདིའང་ཇི་ལྟ་བུའི་བསམ་#པས་ཤེ་ན། དེར་འདོད་ནའོ་ཞེས་པ་ཡིན་ཏེ་ཡེངས་ཤིང་འབྲེལ་#པ་ལ་
[103a.3]སོགས་པའི་རྐྱེན་གཞན་གྱིས་མ་ཡིན་གྱི་ཆེད་ཀར་མི་ཉན་ཅིང་ལོག་པར་བྱེད་#ནའོ། །ཇི་ལྟ་བུས་མི་ཉན་ཅེ་ན། གཞན་དུ་སྨྲ་བའོ་ཞེས་པ་ཡིན་ཏེ་གླེངས་ཤིང་དྲིས་པ་ཉིད་ཀྱི་ལན་མ་ཡིན་པར་སྨྲ་བ་དང་ཡང་ན་སྐད་གཞན་དུ་བརྒྱུད་#ཅིང་སྨྲ་བའོ། །ཁ་རོག་པར་འཐེན་#ན་ཉེས་བྱས་ཞེས་པ་ནི་མི་སྨྲ་བར་དང་ན་འཐེན་
[103a.4]བྱེད་ན་ཉེས་བྱས་སུ་འགྱུར་བའོ། །མི་དྲན་ནོ་ཞེ་ན་ཡང་ངོ་ཞེས་པ་ནི་བསྙོན་#ན་ཡང་ཉེས་བྱས་སུ་སྟོན་པའོ། །མི་སྨྲ་བ་དང་གཞན་དུ་སྨྲས་སོ་ཅོག་ཉེས་པར་འགྱུར་རམ་ཞེ་ན། སྨྲ་བ་གནོད་པ་མ་ཡིན་ནའོ་ཞེས་པ་ཡིན་ཏེ་གཏམ་ངན་ལྟ་བུ་ལ་སོགས་པ་དེ་ལ་གནོད་ཅིང་མི་བདེ་བར་འགྱུར་བའི་ཕྱིར་མ་སྨྲས་
[103a.5]པའམ་གཞན་དུ་སྨྲས་པ་ནི་ཉེས་མེད་དོ་བར་སྟོན་པའོ། །དེ་ལྟ་བས་ན་གསད་#པ་མཐོང་བ་འདྲི་ན་ཇེ་སྲོས་ཆུ་ཇེ་འཐུངས་ངལ་ཇེ་སོས། ཤེས་#པ་དང་ནམ་མཁའ་དང་སེན་#མོ་མཐོང་ངོ་། །ཡང་དག་པར་ན་སེམས་ཅན་ནམ་གསོད་པ་མ་མཐོང་ངོ་ཞེས་སྨྲས་པ་ཉེས་མེད་ཅེས་པ་ནི་གསད་#པ་གཤེད་མ་མིས་ཞེད་
[103a.6]དེ་འདྲི་བའི་ཚེའང་འདི་སྐད་དུ་བརྒྱུད་#ཅིང་ལན་ལྡོན་པས་བླན་དུ་ཟིན་ཀྱང་ཉེས་མེད་པར་སྟོན་པ་སྟེ་སྨྲ་བ་གནོད་པར་འགྱུར་བ་ནི་འདི་ལྟ་བུའོ། །གང་དུ་དཔང་འཛུགས་པར་འགྱུར་བ་དེར་མི་འདུག་པར་བྱ་ཞེས་པ་ནི་འཐབས་#ཤིང་རྩོད་པ་ལ་སོགས་པའི་དཔང་དུ་འགྱུར་བ་ཙམ་གྱི་ཚོད་ན་དེ་ན་མ་འདུག་པར་བྱོལ་
[103a.7]ཅིག་པའོ། །གལ་ཏེ་དཔང་དུ་གྱུར་ཅིང་ཁས་དབྱེ་དགོས་ན་ཇི་ལྟར་བྱ་ཞེ་ན། གནོད་པའི་སྒོ་མ་གཅད་#པར་ཁས་མི་དབྱེ་ཞེས་པ་ཡིན་ཏེ་གནོད་ཅིང་ཆད་པས་བཅད་པ་ལ་སོགས་པ་མི་བྱ་བར་གལ་ཏེ་བཅས་ནས་གདོད་ཁས་ཕྱེ་ཤིག་པའོ། །བསྒོ་#བའི་ལན་ལོག་པར་ལྡོན་#པའོ།། །།#ཁྲི་སྟན་གྱི་ལྟུང་
[103b]
[103b.1]བསྟོན་པར་འདོད་པ་ནི། ཁྲི་དང་ཁྲིའུ་དང་རློད་ཅན་དང་ལ་བ་དང་སྡས་དང་གོང་བུ་རྣམས་མལ་ཆའོ་ཞེས་པ་ལ་སོགས་པ་ཡིན་ཏེ་མལ་ཆ་ཞེས་བྱ་བ་ནི་མིང་གིས་སྨོས་པ་འདི་དག་ཡིན་པར་སྟོན་པའོ། །དེ་དག་བཏིང་བ་བོར་ཏེ་སོང་བས་ས་ཚོད་ཇི་ཙམ་དུ་ཐལ་བས་ཉེས་པར་འགྱུར་ཞེ་ན། དེའི་ཉེ་གནས་ནི་
[103b.2]འདོམ་བཞི་བཅུ་དགུའོ་ཞེས་པ་ཡིན་ཏེ་འདོམ་བཞི་བཅུ་དགུ་ཚུན་ཆད་དེའི་ཉེ་གནས་སུ་སྟོན་པའོ། །འདོམ་བཞི་བཅུ་དགུར་གང་ནས་བགྲང་ཞེ་ན། བསྐོར་ན་སྒོ་གང་ནས་སོ་ཞེས་པ་ཡིན་ཏེ་རབ་ལ་སོགས་པས་བསྐོར་བའི་ནང་དུ་བཏིང་ན་བསྐོར་བའི་སྒོ་ནས་འདོམ་བཞི་བཅུ་རྩ་དགུར་བགྲང་གི་གར་བཏིང་བ་
[103b.3]ཁོ་ན་ནས་བགྲང་བ་ནི་མ་ཡིན་ནོ། །མ་བསྐོར་བ་ནི་གར་བཏིང་བ་ནས་#སོ། །དེ་བཏིང་#བ་ནི་བརྗེད་དེ་སོང་ཡང་བ་དང་ནང་དུ་ཡང་ཉལ་བའམ་བསམ་གཏན་ལ་སོགས་པས་ལོགས་ཤིག་ཏུ་འགྱུར་ནའོ་ཞེས་པ་ཡིན་ཏེ་དེ་#བོར་ནས་གུད་དུ་སོང་ན་ནི་བརྗེད་དེ་སོང་ཡང་ཉེས་པར་འགྱུར་བ་དང་གུད་དུ་མ་སོང་ཡང་ནང་དུ་གཉིད་
[103b.4]ཀྱིས་ལོག་ཅིང་བསམ་གཏན་ལ་སོགས་པས་དེ་#གུད་དུ་ལུས་ན་ཉེས་པ་རངས་པར་འགྱུར་བའོ། །གང་གི་ཚེ་ཉེས་པར་འགྱུར་ཞེ་ན། མ་ཉམས་པའི་སྔ་རོལ་ནི་སྦྱོར་བའོ་ཞེས་པ་དང་། ཉམས་པ་དང་འདས་པ་ནི་མཐའོ་ཞེས་པ་ཡིན་ཏེ་མ་ཉམས་པ་ཙམ་གྱི་ཚེ་ན་ནི་ཉེས་བྱས་ཡིན་གྱི་ཉམས་པ་དང་ཉེ་གནས་
[103b.5]ལས་འདས་ན་ལྟུང་བར་སྟོན་པའོ། །བརྟུལ་བ་བྱས་སམ་བྱེད་དུ་བཅུག་པ་ནི་དེ་དག་མ་ཡིན་པ་ནི་བདག་གིས་བརྟུལ་#ཏམ་བརྟུལ་དུ་བཅོལ་ན་ནི་གོང་མ་ལྟ་བུ་དག་གིས་ཉེས་པར་མི་འགྱུར་བར་སྟོན་པའོ། །དགེ་སློང་ལ་བཅོལ་ན་མ་ཡིན་ཞེས་པ་ནི་དགེ་སློང་ལ་བརྟུལ་དུ་བཅོལ་ན་ཡང་ཉེས་པར་མི་འགྱུར་བའོ། །སྐོམ་
[103b.6]མཆུ་ཐུག་ན་#ཡིན་ཞེས་པ་ནི་རྒྱལ་པོ་དང་གཅན་གཟན་ལ་སོགས་པའི་འཇིགས་པས་བརྟད་ན་བོར་ཏེ་སོང་#ཡང་ཉེས་མེད་པར་སྟོན་པའོ། །སྤྱོད་པ་ནི་བྱེད་དུ་བཅུག་པ་བཞིན་ཞེས་པ་ནི་སྐམ་སྲད་བྱེད་པའི་ཚེ་འགའ་ཞིག་ཁྲིའུ་ལ་འདུག་པ་ལ་སོགས་པ་སྤྱོད་སྤྱོད་#པ་ལས་མ་བརྟུལ་བར་སོང་ན་འདིང་བས་བོར་བ་དང་འདྲ་བར་
[103b.7]སྟོན་པའོ། །གཉིས་ལྷན་ཅིག་ཏུ་འཁོད་ན་ཕྱིས་ལངས་པས་བྱ་ཞེས་པ་ནི་དགེ་སློང་གཉིས་ཁྲིའུ་གཅིག་#ལ་འཁོད་འཁོད་ན་གང་ཕྱིས་ལངས་པས་བརྟུལ་ཅིག་པའོ། །གལ་ཏེ་མཉམ་དུ་ན་གསར་བས་སོ་ཞེས་པ་ནི་གཉིས་ཀ་མཉམ་དུ་ལངས་ན་གང་གསར་བས་བརྟུལ་ཅིག་པའོ། །མཚུངས་ན་གཉིས་#སོ་ཞེས་པ་ནི་བསྙེན་
[104a]
[104a.1]པར་མཉམ་དུ་རྫོགས་#ཏེ་གསར་རྙིང་མེད་པར་མཚུངས་ན་གཉིས་ཀས་བརྟུལ་ཅིག་པའོ། །གོང་དུ་བཅོལ་ཞེས་འབྱུང་བའི་མི་བཅོལ་བར་བྱ་བ་ཇི་ལྟ་བུ་ཡིན་ཞེ་ན། འདིར་ཁྲེལ་མེད་པ་དང་ཁོན་ཡོད་པ་དང་རྒས་པ་དང་ནད་པ་དང་#བསྙེན་པར་མ་རྫོགས་པ་རྣམས་ལ་མི་བཅོལ་ཞེས་པ་ཡིན་ཏེ་འདི་དག་ལྟ་བུ་ལ་བཅོལ་དུ་
[104a.2]ཟིན་ཀྱང་བཅོལ་བར་མི་ཆུད་པའོ། །བཅོལ་བའི་མཚན་ཉིད་དང་སྟོན་པ་ནི། གཙུག་ལག་ཁང་འདིའོ། །འདི་ལྟོས་ཤིག ། མལ་ཆ་འདིའོ། །ནོས་ཞེས་པ་དང་ལྡེ་མིག་བྱིན་པ་རྣམས་བཅོལ་བའོ་ཞེས་པ་ནི་རྣམ་པ་འདི་ལྔ་ལྟར་གཏད་དམ་བཅོལ་ན་བཅོལ་བ་ཡིན་པར་སྟོན་པའོ། །དེ་ལ་ལྟོས་ཤིག་ཅས་པ་ནི་གཙུག་ལག་ཁང་ངོ་། །
[104a.3]ནོས་ཞེས་པ་ནི་མལ་ཆའོ། །གཞན་ནི་གོ་སླ་བའི་ཕྱིར་མ་བཤད། གོང་དུ་ཉམས་ཞེས་སྨོས་པའི་མཚན་ཉིད་སྟོན་པ་ནི། ཉམས་པ་ནི་གསུམ་སྟེ་རླུང་གིས་བཟློག་པ་དང་ཆར་རིམ་གཉིས་པས་ཐལ་བ་དང་དི་#ཕྱི་ཀ་རྣམས་སོ་ཞེས་པ་ཡིན་ཏེ་ཆར་དང་རླུང་གིས་བཟློག་ཅིང་གཤེར་ཏམ་སྲིན་བུ་དི་#ཕྱི་ཀས་འོག་#ཏུ་ཐལ་བར་ཟོས་ན་ཉམས་
[104a.4]པར་སྟོན་པའོ། །དངོས་ཇི་ལྟ་བུ་ལས་རྩ་བའི་ཉེས་པར་འགྱུར་ཞེ་ན། མལ་ཆ་ཡིན་པ་དང་དེ་#དགེ་འདུན་གྱི་བ་དང་བླ་གབ་མེད་པར་བདག་གིས་སམ་#བཅུག་པས་བཏིང་ན་བྱེད་དོ་ཞེས་པ་ཡིན་ཏེ་ཕྱིའུ་ཕྱིས་ལ་སོགས་པ་མ་ཡིན་ཏེ་མལ་ཆ་ཡིན་པ་དང་གང་ཟག་གི་མ་ཡིན་ཏེ་དགེ་འདུན་གྱི་ཡིན་པ་དང་བླ་གབ་མེད་པའི་ཐང་ལ་བདག་
[104a.5]ཉིད་ཀྱིས་བཏིང་དུ་བཅུག་པ་ལས་གོང་དུ་སྨོས་པ་ལྟར་ཉམས་སམ་འདས་ན་ཉེས་པར་འགྱུར་བའོ། །གང་གི་ཚེ་ཇི་ལྟ་བུའི་ཉེས་པར་འགྱུར་ཞེ་ན་#ཟིན་ན་རྩ་བའོ་ཞེས་པ་དང་། སྦྱོར་བ་ནི་ཉེས་བྱས་ཞེས་པ་ཡིན་ཏེ་ཉམས་སམ་ཐལ་ཟིན་ན་རྩ་བར་འགྱུར་བ་དང་མ་ཉམས་མ་ཐལ་གྱི་བར་དུ་ཉེས་བྱས་སུ་སྟོན་པའོ། །རེ་ཞིག་གི་
[104a.6]བར་དུ་གཞན་བཞག་པ་ནི་དེའོ་#ཞེས་པ་ནི་གཅིག་གིས་མལ་ཆ་བཏང་བ་དང་དེར་དགེ་སློང་གཞན་འགའ་ཞིག་འོངས་ཏེ་འདུག་པ་ལས་ཉམས་ཉམས་པར་གྱུར་#ན་ཡང་དགེ་སློང་གཅིག་དེ་ན་ཡོད་ཅིང་འདུག་པའི་ཕྱིར་བཅོལ་ཀྱང་ལྟོས་པ་བརྩོན་ཏེ་#འདིང་བ་ལ་ཉེས་བྱས་ལས་མེད་པར་སྟོན་པའོ། །གང་ཟག་གི་ཡང་ངོ་། །ཞེས་
[104a.7]པ་ནི་གང་ཟག་མལ་ཡིན་ནའང་ཉེས་བྱས། འོག་མ་#བཞི་ཡང་ངོ་ཞེས་པ་ནི་འདི་འོག་ནས་བཏིང་བ་དང་བསྐྲད་པ་དང་མནན་བ་དང་ཁྲིའུ་འབྱུང་བླ་བ་བཞི་འབྱུང་བ་ཡང་གང་ཟག་གི་གནས་ལས་ཉེས་བྱས་སུ་འགྱུར་བར་སྟོན་པའོ། །རེག་ཏུ་མི་#རུང་ན་མ་ཡིན་ཞེས་པ་ནི་ཁྲི་ལ་སོགས་པ་རིན་པོ་ཆེའི་རྒྱན་ཅན་
[104b]
[104b.1]ཞིག་སྟེ་བདག་གིས་རེག་ཏུ་མི་རུང་བའི་ཕྱིར་#མ་བརྟུལ་ན་ཉེས་བྱས་སོ། །བཏིང་ནས་བསོད་སྙོམས་ལ་ཞུགས་པ་དང་གལ་ཏེ་ཆར་དང་རླུང་འོང་ན་གཙུག་ལག་ཁང་ལ་#འཁོད་པ་དག་གིས་བརྟུལ་ཞེས་པ་ནི་འདི་ལྟར་གྱུར་ན་གཞི་བས་བརྟུལ་ཅིག་པའོ། །ཞུགས་པས་ཀྱང་མྱུར་དུ་བསྐོར་ཞེས་པ་ནི་བསོད་སྙོམས་ལ་སོང་
[104b.2]བས་ཀྱང་བླ་ཡང་མ་བྱེད་པར་བསྐོར་ཅིག་#པའོ། །དེའི་ཕྱིར་ན་ཡང་ཉེས་མེད་པ་དང་འབྲི་བ་མ་ཡིན་ཞེས་པ་ནི་བསོད་སྙོམས་ལ་སོང་དུ་ཟིན་ཀྱང་ཉེས་པ་མེད་པའམ་ཉེས་པ་འབྲི་བར་མི་འགྱུར་བར་#སྟོན་པའོ། །གལ་ཏེ་བརྗེད་པ་ལས་ལམ་རིང་མོ་ཞིག་ཏུ་ཐལ་ལམ་ཕྱིན་ཏེ་#བྲལ་ན་ཕྱིན་ཆད་འདི་ལྟར་མི་བྱའོ་ཞེས་
[104b.3]སེམས་བསྐྱེད་ཅིང་ཚིག་ཏུ་བརྗོད་ཅེས་པ་ནི་བརྗེད་དེ་འདི་ལྟར་གྱུར་ན་ཕྱིན་ཆད་དེ་ལྟར་མི་བྱ་བའི་ནན་ཏན་འདི་ལྟར་གྱིས་ཤིག་པའོ། །གལ་ཏེ་ཚུར་འོང་བའི་དགེ་སློང་དང་ཕྲད་ན་དེ་ལ་བརྟུལ་དུ་#བཅོལ་ཅེས་པ་ནི་འདི་ལྟར་འགྱུར་#ནས་ཕས་འོང་#བའི་དགེ་སློང་འགའ་དང་ཕྲད་ན་དེ་རྟུལ་དུ་#བཅོལ་ཅིག་པའོ། །ཁས་བླངས་
[104b.4]པ་དེས་སོན་མ་ཐག་ཏུ་མི་བྱ་ཞེས་པ་ནི་བཅོལ་བ་དེས་ཀྱང་སོན་མ་ཐག་ཏུ་བརྟུལ་ཅིག་པའོ། །མ་བརྟུལ་ན་དེ་ལ་ཉེས་པ་རངས་བར་འགྱུར་བའོ། །སྐོམ་མཆུ་ཐུག་པ་མ་ཡིན་ན་མལ་ཆ་བརྟུལ་ལ་གནས་ནས་འགྲོ་ཞེས་པ་ནི་གལ་ཏེ་བརྟག་ཅིང་བྲེལ་བའི་རྐྱེན་གྱིས་མ་ཐེབས་ན་ཇི་ནས་ཀྱང་སྦ་བརྟུལ་ལེགས་
[104b.5]པར་གྱིས་ལ་སོང་ཤིག་པའོ། །གལ་ཏེ་གོས་ན་སྤྲུག་ཅེས་པ་#མལ་ཆ་དེ་དག་རྡུལ་ལ་སོགས་པ་#གོས་ན་སྤྲུགས་ཤིག་པའོ། །འདི་གཏད་ཅེས་པ་ནི་སྐམ་སྲད་བྱས་ཟིན་ནས་མལ་ཆ་ལ་ཆ་#རྫི་ལ་གཏོད་ཅིག་པའོ། །དགེ་སློང་ལ་བཅོལ་བར་བྱ་ཞེས་པ་ནི་མལ་ཆ་བཏིང་ནས་བརྟུལ་མི་ཁོམ་པར་གུད་དུ་#འགྲོ་དགོས་
[104b.6]སམ་མ་བཏིང་ཡང་རུང་སྟེ་གུད་དུ་འགྲོ་དགོས་ན་བསྲུང་ཞིང་བརྟུལ་བའི་ཕྱིར་དགེ་སློང་ལ་ཆོལ་ཅིག་པའོ། །མེད་ན་དགེ་ཚུལ་ལའོ་ཞེས་པ་དང་། དེ་ཡང་ན་ཁྱིམ་བདག་ལའོ་ཞེས་པ་ནི་དགེ་སློང་མེད་ན་དགེ་ཚུལ་#ལ་གཏོད་ཅིག་པ་དང་དགེ་ཚུལ་ཡང་མེད་ན་ཡོན་བདག་ཉིད་ལ་གཏོད་#ཅིག་པའོ། །ཕྱོགས་བཞིར་#བལྟས་ཏེ་
[104b.7]ཐམས་ཅད་མེད་ན་ལྡེ་མིག་སྦས་ལ་འགྲོ་ཞེས་པ་ནི་དགེ་སློང་ལ་སོགས་པ་སུ་ཡང་མེད་ན་ལྡེ་མིག་སྦོས་ལ་སོང་ཤིག་པའོ། །ལམ་ཀར་དགེ་སློང་དང་ཕྲད་ན་དེ་སྐུངས་བསྟན་ཅིང་བསྒོ་#ཞེས་པ་ནི་གཙུག་ལག་ཁང་དུ་འོང་བའི་དགེ་སློང་འགའ་དང་ལམ་ཀར་ཕྲད་ན་འདི་ལྟར་གྱིས་ཤིག་པའོ། །དེར་བོར་ནས་གལ་ཏེ་སྒོ་བཅད་
[105a]
[105a.1]པའི་འོག་ཏུ་ཕྱིན་ན་རྩིག་པའམ་ཤིང་གི་དྲུང་དུ་སྦས་ལ་འགྲོ་ཞེས་པ་ནི་དགེ་སློང་འགའ་དགེ་འདུན་གྱི་ཁྲི་སྟན་འགའ་ཁྱེར་ནས་#ཀུན་དགའ་ལ་སོགས་པར་ཉེན་པར་སྤྱོད་#པའི་སར་སོང་སོང་བའི་འོག་ཏུ་དགེ་འདུན་གཞན་སྤྱན་དྲངས་པར་དོང་སྟེ་སྒོ་བཅད་པའི་འོག་ཏུ་ཕྱིན་ན་ཐབས་འདི་ལྟར་གྱིས་ཤིག་པའོ། །དེར་
[105a.2]སྟན་#བརྙ་ཞེས་པ་ནི་སྤྱན་འདྲེན་པའི་ཡོན་བདག་དེ་ཉིད་དགེ་འདུན་གྱི་སྟན་ཆ་བརྙན་ན་བྱིན་ཅིག་པའོ། །ཉིད་ཀྱིས་མི་#བསྐུར་#ཞེས་པ་ནི་བརྙས་པ་སླར་བླང་བའི་ཚེ་བདག་ཅག་ཉིད་ཀྱིས་མ་ཁྱེར་ཅིག་པའོ། །ཁྱིམ་པའམ་དགེ་ཚུལ་གྱིས་#འདིའོ་ཞེས་པ་ནི་དེ་#ཁྱིམ་པའམ་དགེ་ཚུལ་ལ་#སྐུར་ཅིག་པའོ། །མེད་ན་ཁྱིམ་པ་ཁྱེར་ཏེ་འོང་
[105a.3]བར་བཅོལ་ཞིང་འོང་ཞེས་པ་ནི་གོང་མ་ལྟར་བྱར་མེད་ན་དེ་དག་ཉིད་སྐྱེལ་དུ་ཆུག་ཤིག་པའོ། །བདག་ཅག་ཚལ་ཏེ་མཆི་བའི་#ཇེ་གཤེགས་ཞེས་ཟེར་ན་གཞག་ཅེས་པ་ནི་འདི་སྐད་ཟེར་ན་ཞོག་ཤིག་པའོ། །དེ་དག་གིས་ཁྱེར་ཏེ་མ་འོངས་ན་གནས་པས་བླང་ཞེས་པ་ནི་དེ་ལྟར་#མ་འོངས་ན་སློབ་མའམ་གནས་པ་དག་གིས་ལོང་
[105a.4]ཤིག་པའོ། །མེད་ན་བདག་གིས་ཞེས་པ་ནི་གནས་པའམ་སློབ་མ་མེད་ན་བདག་གིས་ཀྱང་ལོང་ཤིག་པའོ། །ཐམས་ཅད་ཀྱིས་ན་གཎྜཱི་#བརྡུངས་ནས་ཏེའོ་#ཞེས་པ་ནི་བདག་གཅིག་པོའི་ལག་གིས་མི་ཁྱབ་སྟེ་ཀུན་གྱིས་བླང་དགོས་ན་གཎྜཱིས་#བསྡུས་ལ་ཀུན་གྱིས་ལོང་ཤིག་པའོ། །བོས་པ་ཉིད་ཀྱི་ཕྱིར་གཙུག་ལག་ཁང་དུ་
[105a.5]སྟན་#བརྙན་ན་སྦྱིན་ཞེས་པ་ནི་སྔོན་དགེ་འདུན་སྤྱན་འདྲེན་འདྲེན་པའི་ཁྱིམ་བདག་འགའ་དགེ་འདུན་གྱི་ཀུན་དགར་ལོངས་སྤྱོད་བྱེད་དུ་འོང་སྟེ་སྟན་ཆ་བརྙན་ན་བྱིན་ཅིག་པའོ། །འདི་དག་དགེ་སློང་བསྲུང་དུ་གཞུག་ཅེས་པ་ནི་དགེ་འདུན་གྱི་སྟན་ཆ་ཁྱིམ་པས་བརྙས་པ་དེ་མི་འཁྱམ་#པར་དགེ་སློང་གཅིག་བསྲུང་དུ་ཆུག་ཤིག་
[105a.6]པའོ། །འདིས་ཕ་ཟད་དུ་འདུག་པར་བྱ་ཞེས་པ་ནི་བསྲུང་བའི་དགེ་སློང་དེ་ཁྱིམ་པའི་ནང་ན་མ་འདུག་པར་ཕ་#ཟད་དུ་འདུག་ལ་སྲུངས་#ཤིག་པར་སྟོན་པའོ། །བདག་གི་ལས་བྱ་ཞེས་པ་ནི་སྲུང་བའི་དགེ་སློང་ཀློག་པ་དང་། འདུན་པ་ལ་#སོགས་པ་ཉིད་ཀྱི་ལས་སུ་བྱ་བ་རྣམས་ཀྱང་ཟླ་ལ་གྱིས་ཤིག་པར་སྟོན་པའོ། །བྱ་ར་
[105a.7]བྱ་ཞེས་པ་ནི་ཕ་ཟད་ན་འདུག་པའི་དགེ་སློང་དེས་ཁྱིམ་པ་དོང་ངམ་མ་དོང་བ་ལ་སོགས་པ་བགས་ཀྱིས་ལྟ་#ཞིང་བྱ་ར་གྱིས་ཤིག་པའོ། །དོང་ན་བརྟུལ་ཞེས་པ་ནི་ཁྱིམ་པ་དེ་དག་དོང་ན་སྟན་སྦ་བརྟུལ་གྱིས་ཤིག་པའོ། །མ་རུང་བ་བཀྲུ་ཞེས་པ་ནི་དགེ་འདུན་གྱི་སྟན་ཆ་ཁྱིམ་པས་མ་རུང་བར་བྱས་ན་བཀྲུ་བ་ལ་སོགས་པའི་
[105b]
[105b.1]ཕྱི་བདར་གྱིས་ཤིག་པའོ། །ཆང་གི་སྙིགས་མ་ན་ཆུས་སོ་ཞེས་པ་ནི་ཆང་གི་སྙིགས་མས་ཕོག་#ན་ཆུས་ཁྲུས་ཤིག་པའོ། །སྣུམ་ན་སུག་པས་སོ་ཞེས་པ་ནི་སྣུམ་གྱིས་ཕོག་ན་ནི་སུག་པ་ལ་སོགས་པ་འདག་པའི་རྫས་ཀྱིས་ཁྲུས་#ཤིག་པའོ། །མི་གཙང་བས་ནས་འམ་གོ་འདུན་ནམ་ལྕི་སྐམ་གྱིས་སོ་ཞེས་པ་ནི་འཇིད་#
[105b.2]ངན་ལ་སོགས་པ་མི་གཙང་བས་གོས་ན་མིང་གིས་སྨོས་པ་འདི་རྣམས་ཀྱིས་བསྐུ་ཞིང་ཁྲུས་ཤིག་པའོ། །གོང་མ་ལྟར་བཀྲུས་ཏེ་ཡང་མི་འདག་པ་ཇི་ལྟར་བྱ་#ཞེ་ན། མི་འདག་ན་བཏགས་#པ་བཅད་ཞེས་པ་ཡིན་ཏེ་མི་འདག་ན་སྐུད་པའམ་སྨྱིག་མས་བཏགས་#པ་རྣམས་བཅད་པའི་ཤིག་#ལ་ཁྲུས་ཤིག་པའོ། །འདུག་
[105b.3]པའི་ཁྱིམ་པས་མ་བརྟུལ་ན་མཐོང་བས་བརྟུལ་#ཞེས་པ་ནི་དགེ་འདུན་གྱི་སྟན་ཆ་ལ་ཁྱིམ་པ་#དག་འཁོད་འཁོད་པ་ལས་དེ་དག་གིས་མ་བརྟུལ་བར་བོར་ནས་དོང་ན་དགེ་སློང་སུས་མཐོང་བས་བརྟུལ་ཅིག་པའོ། །རྒས་པའམ་ནད་པས་ན་གཙུག་ལག་ཁང་སྐྱོང་གིས་སོ་ཞེས་པ་ནི་རྒས་པའམ་ནད་པས་མཐོང་ན་དེ་དག་གིས་
[105b.4]སྦ་བརྟུལ་བྱེད་མི་ནུས་པའི་ཕྱིར་གཙུག་ལག་ཁང་སྐྱོང་གིས་བསྡུས་#ཤིག་པའོ། །ཁང་སྐྱོང་གིས་བརྟུལ་བའི་སྐད་ཇི་ལྟར་བྱ་ཞེ་ན། དེ་ལ་སྦྲན་ཞེས་པ་ཡིན་ཏེ་རྒས་པ་#དང་ནད་པས་མཐོང་ན་ཁང་སྐྱོང་ལ་སྦྲོན་ཅིག་པའོ། །ནད་པའི་ནད་འདྲི་བའི་ཁྲི་སྟན་སྟོན་པའི་ཟླ་བ་ལ་#སྟོན་པ་ནི། ཐམས་ཅད་ཀྱིས་ནད་པ་ལ་བལྟ་ཞེས་
[105b.5]པ་ཡིན་ཏེ། ནད་པ་ཚམས་གཅིག་གི་ནང་ན་འཁོད་པ་ཐམས་ཅད་ཀྱིས་ལྟོས་ཤིག་པའོ། །འདུག་སྟེའོ་ཞེས་པ་ནི་འདུག་ལ་ནད་དྲིས་ཤིག་པའོ། །དེར་སྟན་ཁྱེར་ལ་མི་འགྲོ་ཞེས་པ་ནི་ནད་འདྲི་བའི་དགེ་སློང་རྣམས་རང་རང་གི་སྟན་ཁྱེར་ལ་དེར་མ་འགྲོ་ཤིག་པའོ། །ནད་པའི་རིམ་གྲོ་བས་དེར་སྟན་གདིང་
[105b.6]ཞེས་པ་ནི་ནད་འདྲིར་འོངས་པ་རྣམས་ཀྱི་སྟན་ནད་གཡོག་#གིས་བཤམས་ཤིང་ཞལ་ཏར་གྱིས་ཤིག་པའོ། །གཞན་དུ་དགེ་བའི་ཕྱོགས་མི་འཕེལ་ན་མཁན་པོའམ་སློབ་དཔོན་དགེ་བའི་ཕྱོགས་སྤྱོད་དུ་འགྲོ་བའི་ཕྱི་བཞིན་དུ་#འགྲོ་ཞེས་པ་ནི་བདག་གུད་དུ་སོང་སྟེ་དགེ་བའི་ཕྱོགས་མི་འཕེལ་བ་ཙམ་གྱི་ཚོད་ན་མཁན་
[105b.7]པོའམ། སློབ་དཔོན་ཉིན་པར་གང་དུ་སྤྱོད་པའི་ཕྱི་བཞིན་བདག་ཀྱང་སོང་ཤིག་པའོ། །འདིའི་སྟན་#བདག་གིས་བསྐུར་#ཞེས་པ་ནི་མཁན་པོའམ་སློབ་དཔོན་དེའི་སྟན་#བདག་གིས་ཁྱེར་ཅིག་པའོ། །འགྲོ་བ་མ་ཞུས་པར་མི་བསྐུར་#ཞེས་པ་ནི་མཁན་པོའི་ཕྱི་བཞིན་འགྲོ་བ་དེ་ཡང་ཞམ་འབྲིད་དུ་མཆིའམ་ཞེས་ཞུ་#
[106a]
[106a.1]བླག་མ་བྱས་པར་སྟན་བསྐུར་#བ་ལ་སོགས་པ་མ་བྱེད་ཅིག་པའོ། །དེ་སླར་ཡང་བདག་ཉིད་ཀྱིས་བསྐུར་#ཞེས་པ་དེའི་ཁྲི་སྟན་སླར་ལྡོག་#པའི་ཚེ་འང་བདག་ཉིད་ཀྱིས་ཁྱེར་ཅིག་པའོ། །བླག་བ་མེད་པར་ཆོས་ཉན་པ་ལ་རླུང་དང་ཆར་འོང་ན་སྟན་ཆ་བརྟུལ་ཞེས་པ་ནི་ཐང་ལ་ཆོས་ཉན་ཉན་པ་ལས་
[106a.2]རྐྱེན་འདི་ལྟར་གྱུར་ན་སྟན་ཆ་བརྟུལ་ཅིག་པའོ། །ལྕི་བ་རྒན་པོ་ཉིད་ཀྱིས་མི་ཐེག་ན་གཞོན་ནུ་དང་བརྗེས་ཞེས་པ་ནི་དེ་ལྟར་ཀུན་གྱིས་མྱུར་དུ་བརྟུལ་བའི་ཚེ་རྒན་རབས་ཀྱི་སྟན་ལྕི་བ་དེ་དག་ཉིད་ཀྱིས་མི་ཐེག་ན་གཞོན་ནུའི་སྟན་ཡང་བ་དང་རྗེས་ལ་ཁྱེར་ཅིག་པའོ། །བག་བག་ལ་སླན་ཏེ་བཞག་ཅེས་པ་ནི་ཁྲི་སྟན་
[106a.3]སྦེད་ཅིང་འཇོག་པའི་ཚེ་དབྱམ་པོ་དང་ཁྲིའུ་ལ་སོགས་པས་ཆོལ་བུར་མ་བཞག་པར་སོ་སོའི་བག་བག་ལ་བསླན་ཏེ་#ཞོག་ཅིག་པའོ། །གཙུག་ལག་ཁང་གཞན་དུ་མལ་ཆ་དང་གོས་#བརྙན་ན་སྦྱིན་ཞེས་པ་ནི་གཙུག་ལག་ཁང་གཞན་དུ་འདི་དག་བརྙན་#ན་མ་བཀྱིགས་པར་བྱིན་ཅིག་པའོ། །དེའང་ཇི་ལྟ་
[106a.4]བུའི་ཚེ་སྦྱིན་པར་བྱ་ཞེ་ན། གལ་ཏེ་ཆར་འབབ་#བམ་འབབ་པར་དོགས་ན་མ་ཡིན་ཞེས་པ་ཡིན་ཏེ་ཆར་འབབ་པའི་མོད་ལ་འམ་འབབ་དུ་བྱེད་ན་ནི་སྟན་ཆ་བརྙན་པོར་མ་བྱིན་ཅིག་པའོ། །ལམ་ཀར་རླུང་ངམ་ཆར་གྱིས་ཐེབས་ན་ཤིང་ངམ་རྩིག་དྲུང་དུ་བཅེར་ཞེས་པ་ནི་བརྙན་#ཏེ་ཁྱེར་བ་ལ་#རླུང་ངམ་
[106a.5]ཆར་གྱིས་ལམ་དུ་ནོན་ན་ཐབས་འདི་ལྟར་གྱིས་ཤིག་པའོ། །གོས་ངན་སྙིགས་གཅིག་གིས་དགབ་ཅེས་པ་ནི་བཅེར་བའི་སྟེང་དུ་དེ་དག་གི་ནང་ནས་ངན་བར་སྙིགས་པ་གཅིག་གིས་ཁོབས་#ཤིག་པའོ། །གོས་གཙུག་ལག་ཁང་དུ་ཁྱེར་ལ་བསྐམ་ཞེས་པ་ནི་གཤེར་བ་#དེ་གཙུག་ལག་ཁང་གི་གཞིར་ཕྱིན་ན་
[106a.6]སྐམ་སྲད་གྱིས་ཤིག་པའོ། །ཚིག་ཁྱེར་ན་དགེ་འདུན་གྱི་ཡང་དབྱུང་ཞེས་པ་ནི་མེ་ཐར་ཏམ་ཆུས་ཁྱེར་ན་བདག་ཉིད་གྱིས་#དབྱུང་བར་མ་ཟད་ཀྱི་དགེ་འདུན་གྱི་ཡང་ཕྱུང་ཤིག་པའོ། །#དེ་ཡང་གང་གི་ཚེ་ཞེ་ན་བདག་གི་#གོས་དང་ལྷུང་བཟེད་ཕྱུང་ཟིན་ནས་སོ་ཞེས་པ་ཡིན་ཏེ་བདག་གི་འདི་དག་ཕྱིན་པའི་རྗེས་ལ་
[106a.7]གདོད་དགེ་འདུན་གྱི་ཕྱུང་ཤིག་པའོ། །དགེ་སློང་གང་ཞན་པར་སྙིགས་#པར་ཕྱུག་པ་རྣམས་བསྲུང་དུ་གཞུག་ཅེས་པ་ནི་བཤོར་ལག་མེད་ཅིང་འབྱིན་མི་ནུས་པར་སྙིགས་པ་གཅིག་རྫས་ཕྱུང་ཟིན་པ་#རྣམས་མི་འཁྱམ་#པར་བསྲུང་དུ་ཆུག་ཤིག་པའོ། །ཡང་ན་མི་འཇུག་ཅེས་པ་ནི་མེའམ་ཆུ་མི་བཟང་བར་
[106b]
[106b.1]ཡང་སྟེ་འོལ་དུ་མི་འོང་བ་#ཙམ་ཚོད་ན་དེའི་ནང་དུ་འཇུག་#ཤིག་པའོ། །མལ་ཆའི་ལྟུང་བའོ།། །།#བཏིང་བའི་ལྟུང་བ་སྟོན་པར་འདོད་པ་ནི། ཁྱིམ་པའི་དེར་བཏིང་བ་ཁྱིམ་བདག་ལ་སྦྲན་ཏེ་དོར་ཞེས་པ་ནི་ཁྱིམ་པའི་དེར་ལོ་མ་འམ་འདབ་མ་ལ་སོགས་པ་མལ་ལོར་བཏིང་ན་ནང་པར་འགྲོ་བའི་ཚེ་འདི་དོར་དགོས་སམ
[106b.2]མི་དགོས་ཞེས་ཁྱིམ་པ་ལ་དྲི་ཞིང་འོར་ཅིག་པའོ། །དགོན་པ་ན་བརྟུལ་ལམ་མོ་ཞེས་པ་ནི་དགོན་པར་འདིང་འདིང་ན་བརྟུལ་པ་འམ་དོར་བ་གཅིག་ཏུ་གྱིས་ཤིག་པའོ། །མགོ་འཇུག་བཟློག་ན་འདི་བྱས་པའོ་ཞེས་པ་ནི་སྔས་ཀྱི་མལ་ལོ་དེ་འཕོངས་སུ་བོར་རོ། །འཕོངས་ཀྱི་མལ་ལོ་དེ་#སྔས་སུ་བོར་ཏེ་ཀློང་བ་
[106b.3]ཙམ་གྱིས་བརྟུལ་ཞིང་བོར་བའི་ཁོངས་སུ་ཆུད་པའོ། །གོས་བསྐམ་པའི་ཕྱིར་རྩྭ་བཏིང་བའང་དོར་ཞེས་པ་ནི་ཚོན་གྱི་ལས་བྱེད་པ་ལ་སོགས་པ་གོས་སྐམ་སྲད་བྱ་བའི་གཅལ་དུ་རྩྭ་བཏིང་བ་ཡང་ཟིན་ནས་བརྟུལ་#ཅིག་པའོ། །བོར་བར་ཁས་ལེན་ཅིང་སློང་ན་སྦྱིན་ཞེས་པ་ནི་དགེ་སློང་གཞན་འགའ་ན་རེ་
[106b.4]ངའི་གོས་སྐམ་སྲད་པའི་གཞིར་ཡང་དགོས་#ཀྱིས་མ་དོར་ཞེས་ཟེར་ན་ཟིན་ནས་བརྟུལ་ལམ་མི་བརྟུལ་ཞེས་སྨྲས་ལ་བརྟུལ་ཞིང་དོར་བ་ཡང་ངས་བྱའོ་ཞེས་ཟེར་ན་སྦྱིན་ཅིག་པའོ། །རྐང་མཆིལ་#ལ་གཟན་ན་འཆག་པར་རྩྭ་གདིང་ཞེས་པ་ནི་འཆག་པའི་ཚེ་ས་གཞི་རྩུབ་པས་རྐང་ལག་ལ་གཟན་ན་
[106b.5]ཐབས་འདི་ལྟར་གྱིས་ཤིག་པའོ། །དེ་འང་དོར་ཞེས་པ་ནི་འཆག་སར་གདིང་བའི་རྩྭ་དེ་ཡང་བཏིང་ནས་ཐལ་བྱུང་གཞི་ལ་མ་བཞག་པར་བརྟུལ་ཞིང་བོར་ཅིག་པའོ། །མི་རུང་བར་མ་གྱུར་པར་དོར་བར་བྱ་ཞེས་པ་ནི་གཅལ་དུ་བཏིང་བའི་རྩྭ་དེ་དག་ཧ་ཅང་དེངས་ཆེས་ཏེ་རྡུལ་ཙམ་གྱི་ཚོད་དུ་ཞིབ་མོར་ལྷགས་
[106b.6]ན་དོར་ཡང་མི་དགོས་ཀྱི་ནམ་དོར་དུ་འོས་པ་ཙམ་གྱི་ཚོད་ན་འོར་ཅིག་པའོ་གྱི་ན་ནི་དུས་དུས་སུ་བརྟག་ཅིང་བསྣོར་བ་ཡང་ངོ་ཞེས་པ་ནི་དོར་བ་ཐུག་པ་ཙམ་གྱི་ཚེ་ན་ནི་དུས་དུས་སུ་བརྟག་པ་དང་བླ་འོག་བསྣོར་བར་གྱིས་ཤིག་པའོ། །ས་འཇམ་ཞིང་བརླན་ན་འཁོར་བར་རོ་ཞེས་པ་ནི་གཅལ་བཏིང་བའི་
[106b.7]ས་ཉིད་རླན་ཅིང་འཇམ་པ་ཞིག་ཡིན་ན་སྲོག་ཆགས་འདུ་བའི་ཕྱིར་ཉིན་རེ་ལན་རེ་འཁོར་བར་#བརྟག་ཅིང་བསྣོར་བར་ཡང་གྱིས་ཤིག་པའོ། །གཞན་དུ་ན་ཟླ་བ་ཕྱེད་ཅིང་ངོ་ཞེས་པ་ནི་#གཅལ་བཏིང་བའི་ས་གོང་མ་ལྟ་བུ་མ་ཡིན་ན་ཟླ་བ་ཕྱེད་ཕྱེད་ཅིང་བརྟག་པ་འམ་བསྣོར་བ་གྱིས་ཤིག་པའོ། །འཆག་སར་
[107a]
[107a.1]རྩྭའམ་ཐག་སྲད་ཀྱིས་#བཅིངས་ཏེ་ཤིང་ལ་བཅང་ཞིང་གཞག་ཅེས་པ་ནི་འཆག་སར་གདིང་བའི་རྩ་#སྟན་མི་འཆག་པའི་ཚེ་ཐབས་འདི་ལྟར་གྱིས་ཤིག་པའོ། །ལྕི་བ་གྱི་མོར་གཞག་#ཅེས་པ་ནི་བྱུག་ཅིང་བསྐུ་བར་དགོས་པའི་ཕྱིར་ལྕི་བ་སྦྱར་བ་འདི་ལྟ་བུ་སྟ་གོན་གྱིས་ཤིག་པའོ། །
[107a.2]སྐོམ་#ཆུ་ཐུག་ཅེས་སྔར་འདས་པ་ཡན་ཆད་དོ་ཞེས་པ་ནི་བཏིང་བའི་ལྟུང་བ་འདིའི་མཚན་ཉིད་མལ་ཆའི་ལྟུང་བ་འཆད་པ་ལས་སྐོམ་ཆུ་ཐུག་པ་མ་ཡིན་ན་མལ་ཆ་བརྟུལ་ལ་གནས་ནས་འགྲོ་ཞེས་འབྱུང་བ་ཡན་ཆད་དེའི་ཉེ་གནས་ན་འདོམ་#བཞི་བཅུ་རྩ་དགུའོ་ཞེས་སྨོས་པ་ལ་སོགས་པ་དང་འདྲ་
[107a.3]བར་ཁོ་ནར་རིག་པར་གྱིས་ཤིག་པའོ། །མལ་ཆའི་བསླབ་པ་ལས་འབྱུང་བ་དང་ཐམས་ཅད་འདྲ་བར་སྦྱར་རམ་ཞེ་ན་དེ་དང་མི་འདྲ་བའི་བྱེ་བྲག་སྟོན་པ་ནི་མཉམ་དུ་སྤྱོད་ན་མཚུངས་ཞེས་པ་ཡིན་ཏེ་མཉམ་དུ་སྤྱོད་སྤྱོད་ན་གོང་མ་ལྟར་ཕྱིས་ལངས་པས་བརྟུལ་བ་དང་མཉམ་ན་གསར་བས་བྱ་
[107a.4]ཞེས་པ་ལྟ་བུ་མ་ཡིན་གྱི་གཉིས་ཀས་སོ་སོ་སྤྱོད་དུ་འདྲ་བའི་ཕྱིར་འདིའི་ཚེ་ནི་གཉིས་ཀས་བརྟུལ་ཅིག་པར་སྟོན་པའོ། །དགེ་འདུན་གྱི་མ་ཡིན་ན་དེའི་བདག་པོ་ལ་#བཅོལ་ཞེས་པ་ནི་དགེ་འདུན་གྱི་གནས་མ་ཡིན་པ་གཞན་དུ་བཏིང་ན་དེའི་བདག་པོ་དག་ལ་བརྟུལ་ཅིག་པར་བཅོལ་བ་ཙམ་
[107a.5]གྱིས་ཀྱང་ཆོག་པར་སྟོན་པའོ། །བསླབ་པའི་ཡན་ལག་གང་གིས་ཉེས་པར་འགྱུར་ཞེ་ན། དགེ་འདུན་གྱི་གཙུག་ལག་ཁང་#དང་གསེག་མ་དང་བྱེ་མ་དང་ཁམ་བྲལ་ལ་སོགས་པའི་དངོས་པོ་ཉིད་མ་ཡིན་ལ་དེ་འདྲ་བའི་ཉེས་དམིགས་སུ་འགྱུར་བའི་སར་བདག་གམ་བསྐོས་པས་བཏིང་ན་བྱེད་དོ་ཞེས་པ་ནི་
[107a.6]གནས་མིང་གིས་སྨོས་པའི་དངོས་ཉིད་ཀྱང་མ་ཡིན་ལ་དེ་དག་ལས་ཟློག་ཅིང་སྲིན་བུ་མྱུར་དུ་འཁྲུངས་#བའང་ཉེས་དམིགས་སུ་འགྱུར་བའི་སར་བདག་གིས་གདིང་ངམ་གཞན་གདིང་དུ་བཅུག་ཀྱང་རུང་སྟེ་ལྟུང་བར་སྟོན་པའོ། །བཏིང་བའི་ལྟུང་བའོ།། །།#སྐྲོད་པའི་ལྟུང་བར་ཅི་#ལས་འགྱུར་ཞེ་ན་དགེ་སློང་དང་
[107a.7]དགེ་འདུན་གྱི་གཙུག་ལག་ཁང་ལས་བྱེད་ཅེས་པ་ཡིན་ཏེ་མིང་གིས་སྨོས་པའི་ཡན་ལག་འདི་གཉིས་ལས་ཉེས་པ་རངས་པར་སྟོན་པའོ། །གལ་ཏེ་དེ་ལ་དམན་པའམ་དགེ་སློང་འཁྲུག་པ་དང་མ་#ཞི་བར་འགྱུར་བའམ་བཟློག་པར་འདོད་པ་མ་ཡིན་ན་ཞེས་པ་ནི་ནང་དུ་བཞག་ན་མེ་ཐར་བས་#ཚིག་པ་ལ་སོགས་པ་
[107b]
[107b.1]དེ་#དམན་པའི་ཕྱིར་བསྐྲད་དམ་དེ་ནང་ན་འཐབ་ཀྲོལ་བྱེད་ཅིང་དགེ་འདུན་འཁྲུག་སྟེ་མ་ཞི་བར་འགྱུར་བའི་ཕྱིར་བསྐྲད་དམ་འདི་དག་ལྟ་བུའི་གཉེན་པོས་བཟློག་པ་མ་ཡིན་#པར་དགེ་འདུན་གྱི་གཙུག་ལག་ཁང་ནས་ཕྱུང་ན་གདོད་ཉེས་པར་འགྱུར་བའོ། །བསྐྲད་ནའོ་ཞེས་པ་ནི་གོང་དུ་སྨོས་པའི་གནས་དེ་དག་
[107b.2]ནས་བསྐྲད་ན་གདོད་ཉེས་པར་འགྱུར་བའོ། །དེ་ཡང་སུ་ལ་བསྐྲད་ཅེ་ན། གཞན་གྱིས་ཀྱང་ངོ་ཞེས་པ་ཡིན་ཏེ་གཞན་སྐྲོད་དུ་བཅུག་ནའང་ཉེས་པར་འགྱུར་ན་བདག་གིས་བསྐྲད་པ་ལྟ་ཅེ་སྨོས་ཞེས་ཁོང་ནས་འདྲེན་པར་སྟོན་པའོ། །གཞན་གྱི་ངོ་མ་ཆོད་ན་ཡང་ངོ་ཞེས་པ་ནི་མཁན་པོའམ་སློབ་དཔོན་ལྟ་
[107b.3]བུས་འབྱིན་ཅིང་སྐྲོད་དུ་བཅུག་ན་ཡང་གཞན་གྱི་ངོ་ཆོད་པ་མི་བརྩན་དེ་སྐྲོད་སྐྲོད་པ་དེ་ལ་ཉེས་པ་རངས་པར་སྟོན་པའོ། །དགེ་སློང་མ་དང་དགེ་ཚུལ་དང་དགེ་ཚུས་ནི་ཉེས་བྱས་ཞེས་པ་ནི་འདི་དག་སྐྲོད་#དུ་བཅུག་ན་འདི་དག་ཉེས་བྱས་སུ་འགྱུར་བར་སྟོན་པའོ། །འདི་དག་ཀྱང་ངོ་ཞེས་པ་ནི་འདི་དག་བསྐྲད་
[107b.4]ན་ཉེས་བྱས་སུ་འགྱུར་བའོ། །བཞད་གད་དུ་ན་ཡང་ངོ་ཞེས་པ་ནི་རྩེད་མོར་བསྐྲད་ན་ཉེས་བྱས་སུ་འགྱུར་བར་སྟོན་པའོ། །ཁྱིམ་པ་ལ་ནི་བསོད་ནམས་#མ་ཡིན་པ་ཕལ་ཆེར་རོ་ཞེས་པ་ནི་ཁྱིམ་པ་སྐྲོད་དུ་བཅུག་ན་ཁྱིམ་པ་དེ་ལ་སྡིག་ཆེ་བར་སྟོན་པའོ། །སྐྲོད་པའོ།། །།#གནོན་པའི་ལྟུང་བར་འདོད་པ་ནི།
[107b.5]འབྲིད་ཅེས་པ་ལ་སོགས་པ་ཡིན་ནོ། །འདུ་ཤེས་ཇི་ལ་བརྩན་#ཞེ་ན། མནན་ནའོ་ཞེས་པ་ཡིན་ཏེ་དགེ་སློང་གིས་གཞི་མནན་ཅིང་ཐེབས་པར་ཤེས་ན་ཉེས་པར་འགྱུར་བའོ། །དེ་ཡང་གང་དུ་ཞེ་ན། དགེ་སློང་གིས་དགེ་འདུན་གྱི་གཙུག་ལག་ཁང་གི་གནས་སུ་ནའོ་ཞེས་པ་ཡིན་ཏེ་དགེ་སློང་གིས་དགེ་
[107b.6]འདུན་གྱི་གཙུག་ལག་ཁང་དུ་གནས་ཤིང་གཞི་ཐེབས་པ་ལས་གདོད་ཉེས་པར་འགྱུར་བའོ། །ཇི་ལྟར་བྱས་པས་ཉེས་པར་འགྱུར་ཞེ་ན། ནད་པ་དང་འཇིགས་པའི་དབང་མ་གཏོགས་པར་ནན་གྱིས་བཙིར་ནའོ་ཞེས་པ་ཡིན་ཏེ་ནད་ཀྱིས་#ཐེབས་པའམ་འཇིགས་པའི་དབང་གིས་སྔ་མ་གཅིག་གི་སྟེང་
[107b.7]དུ་འགྱིལ་ཞིང་བཙིར་བ་ལྟ་བུ་ནི་མ་གཏོགས་ཀྱི་གཙེ་བའི་ཆེད་དུ་ནན་གྱིས་བཙིར་ན་གདོད་ཉེས་པར་འགྱུར་བའོ། །འདི་ནི་དཔེར་ཟད་ཀྱི་འཚེ་བར་འདོད་པས་དགེ་སློང་གཙེས་ན་ཡང་ངོ་ཞེས་པ་ནི་བཙིར་བ་དཔེ་ཙམ་དུ་ཟད་ཀྱི་གཞན་ཡང་ཚ་བའི་ཚེ་ལ་བབ་པ་སྐོན་ཞིང་ཕྱི་རོལ་དུ་བཞག་པ་དང་གྲང་
[108a]
[108a.1]བའི་ཚེ་ཆུས་བཏབ་ཅིང་ལྷགས་པ་ལ་མ་ངད་པ་ལ་སོགས་པ་རྣམ་པ་གང་གིས་#གཙེས་ཀྱང་རུང་སྟེ་ལྟུང་བར་སྟོན་པའོ། །ཞལ་ཞིང་གནོན་པའོ།། །།#ཁྲི་འབྱུང་སླ་བ་ལ་འདུག་པའི་ལྟུང་བ་སྟོན་པ་ནི་དགེ་འདུན་གྱི་གཙུག་ལག་ཁང་དང་ཡང་ཐོག་ལས་བྱེད། ཅེས་པ་ཡིན་ཏེ་དགེ་
[108a.2]འདུན་གྱི་གཙུག་ལག་ཁང་ཡང་ཡིན་ལ་ཡང་ཐོག་ལྟ་བུ་སྟེང་མ་ཡིན་ན་གདོད་ཉེས་པར་འགྱུར་བའོ། །གོང་མ་ལྟ་བུའི་ཁང་པ་ཐམས་ཅད་ལས་ཉེས་པར་འགྱུར་#ཞེ་ན། གལ་ཏེ་ས་གང་ཡིན་པ་དང་ཤིང་ལེབ་དང་དེ་ལྟ་བུའི་དགབ་#པ་ཡིན་ནའོ་ཞེས་པ་ཡིན་ཏེ་ཡང་ཐོག་ལ་སོགས་པ་ཡིན་ཡང་
[108a.3]ས་གང་ཡིན་པ་དང་ཤིང་ལེབ་ལ་སོགས་པ་དྲབ་ཀྱིས་#ཐོག་ལེགས་པར་བཀབ་པ་ཞིག་ཡིན་ན་ཉེས་པར་སྟོན་པའོ། །ཉེས་པར་འགྱུར་བའི་རྣམ་པ་གཞན་གྱིས་ཀྱང་གནོན་པ་ན་#བཙིར་བའི་རྐང་པ་འབྱུང་བ་ནའོ་ཞེས་པ་ཡིན་ཏེ། ཁྲི་འམ་ཁྲིའུ་བཙིར་བའི་རྐང་པ་གཟིར་གྱིས་མ་ཐེབས་ཤིང་འབྱུང་
[108a.4]བླ་#བ་ཞིག་ན་གདོད་ཉེས་པར་འགྱུར། རྐང་པ་འབྱུང་སླ་བའོ་ཅོག་#ལས་ཉེས་པར་འགྱུར་རམ་ཞེ་ན། བཀན་པ་མ་གཏོགས་ཞེས་པ་ཡིན་ཏེ་ཁྲི་གོང་མ་ལྟ་བུ་ཡིན་དུ་ཟིན་ཀྱང་བཀན་ན་ཉེས་པར་མི་འགྱུར་བའོ། །རྐང་རྟེན་བཅུག་ན་ཡང་ངོ་ཞེས་པ་ནི། ཁྲི་གོང་མ་ལྟ་བུ་ཡིན་དུ་ཟིན་ཀྱང་རྡོ་འམ་
[108a.5]ཤིང་ལེབ་ལྟ་བུའི་རྐང་རྟེན་ཡོད་ན་ཉེས་པར་མི་འགྱུར་བའོ། །སྟེང་དུ་འབྱུང་བླ་བ་#ཡང་ཡིན་ལ་ཇི་ལྟ་བུར་བྱས་པས་ཉེས་པར་འགྱུར་ཞེ་ན། བཙིར་ནའོ་ཞེས་པ་ཡིན་ཏེ་གོང་དུ་སྨོས་པ་ལྟ་བུའང་ཡིན་ལ་བཙིར་ན་གདོད་ཉེས་པར་འགྱུར་བའོ། །ཆེད་དུ་མ་བྱས་ཀྱང་ཉེས་པར་འགྱུར་རམ་ཞེ་ན། འབྲིས་
[108a.6]ཀྱིས་སོ་ཞེས་པ་ཡིན་ཏེ་འདུ་ཤེས་བརྩན་པར་སྟོན་པའོ། །རྐང་པ་འབྱུང་བླ་བ་ལ་འདུག་པའོ།། །།#སྲོག་ཆགས་དང་བཅས་པའི་ཆུ་སྤྱོད་པའི་ལྟུང་བ་སྟོན་པ་འོག་ནས་ཀྱང་འདི་སྐད་དུ་འབྱུང་བ་དང་ཁྱད་ཅི་ཡོད་ཅེ་ན། འདིའི་བྱེ་བྲག་སྟོན་པ་ནི་བདག་གི་ཕྱིར་སྤྱོད་པ་ལས་གཞན་པའོ་ཞེས་པ་ཡིན་ཏེ་
[108a.7]ལྟུང་བ་འདི་ནི་འོག་མ་དང་མི་འདྲ་བར་བདག་གི་ལུས་ཀྱི་#ཡོ་བྱད་དུ་སྤྱོད་པ་ལས་གཞན་པ་ལས་སར་པ་#ལ་སོགས་པའི་ཡོ་བྱད་དུ་སྲོག་ཆགས་དང་བཅས་པའི་ཆུ་སྤྱོད་ན་ལྟུང་བར་སྟོན་པའོ། །སྲོག་ཆགས་དང་བཅས་པ་སྤྱོད་པའོ།། །།#གཙུག་ལག་ཁང་གི་ལྟུང་བ་སྟོན་པར་འདོད་པ་ནི་སྒོའི་རེ་བཞི་
[108b]
[108b.1]གཟུགས་པར་བྱ་ཞེས་པ་ལ་སོགས་པ་#ཡིན་ཏེ་གཙུག་ལག་ཁང་ཅིག་#ན་དང་པོར་སྒོའི་རེ་བཞི་ཚུགས་ཤིག་པའོ། །སྒོ་འཕར་ཡང་ངོ་ཞེས་པ་དང་། སྐར་ཀུང་ཡང་གདོད་ཅེས་པ་ནི་འདི་དག་ཀྱང་མ་བཏོད་མ་བཙུགས་པར་བརྩིགས་ན་ཉེས་བྱས་སུ་སྟོན་པའོ། །ཇི་ལས་ཉེས་པར་བྱེད་ཅེ་ན་གཙུག་ལག་ཁང་
[108b.2]ལས་བྱེད་ཅེས་པ་#ཡིན་ནོ། །དེའི་ཚད་ཇི་ཙམ་གྱིས་ཉེས་པར་འགྱུར་ཞེ་ན། སྤྱོད་ལམ་བཞི་ཤོང་ན་ཡང་ངོ་ཞེས་པ་ཡིན་ཏེ་སྤྱོད་ལམ་བཞི་ཤོང་བ་ཡན་ཆད་ལས་ཉེས་པར་འགྱུར་བའོ། །ཚད་འདི་ཙམ་དུ་བརྩིགས་པའོ་ཅོག་#ལས་ཉེས་པར་འགྱུར་རམ་ཞེ་ན། རིལ་གྱིས་རྡོ་ལས་སམ་སོ་ཕག་གམ་
[108b.3]ཤིང་ལས་མ་ཡིན་ནོ་ཞེས་པ་ཡིན་#ཏེ་རིལ་གྱིས་འདི་ལྟ་བུ་ལས་རྩིག་#ན་སྤྱོད་ལམ་བཞི་ཤོང་བ་བས་ཇི་ཙམ་དུ་ཆེར་བརྩིགས་ཀྱང་ཉེས་པར་མི་འགྱུར་བའོ། །ཆར་ཀབ་ཀྱིས་ནའོ་ཞེས་པ་ནི་རྩ་བ་#འམ་འདབ་མ་ལ་སོགས་པས་བརྩིགས་པའི་འཕྲོ་བཀབ་ན་ཇི་ཙམ་དུ་བརྩིགས་ཀྱང་ཉེས་མེད་པར་སྟོན་པའོ། །གཙུག་
[108b.4]ལག་ཁང་མྱུར་དུ་བརྩིགས་པའོ་ཅོག་#ལས་ཉེས་པར་འགྱུར་རམ་ཞེ་ན། བྱས་པ་འམ་ཟིན་བ་ཇི་ལྟའོ་ཞེས་ཡོན་བདག་མི་ཟེར་ནའོ་ཞེས་པ་ཡིན་ཏེ་བྱེད་པའམ་ཟིན་པ་#མྱུར་དུ་བརྩིགས་ན་གདོད་ཉེས་པར་འགྱུར་བའོ། །ཇི་ཙམ་བརྩིགས་པས་ཉེས་པར་འགྱུར་ཞེ་ན། རིམ་གསུམ་ལས་ཕ་གུ་ལྷག་པར་བརྩིགས་ནའོ་ཞེས་པ་ཡིན་ནོ། །
[108b.5]བདག་གིས་བརྩིགས་ཤིག་ཉེས་པར་འགྱུར་རམ་ཞེ་ན། གཞན་གྱིས་ཀྱང་ངོ་ཞེས་པ་ཡིན་ཏེ་གཞན་རྩིག་ཏུ་བཅུག་ན་ཡང་ཉེས་པ་རངས་པར་འགྱུར་བའོ། །ཇི་ཙམ་ན་ཟིན་པས་ཤེ་ན། དེའི་ཉིན་པར་རོ་ཞེས་པ་ཡིན་ཏེ་ཉིན་གཅིག་ལ་ཕ་གུ་རིམ་བཞི་ལ་སོགས་པ་བརྩིགས་#ན་ཉེས་པ་རངས་པར་སྟོན་
[108b.6]པའོ#། །འཇི་བ་མེད་པ་ལས་གཞན་དུ་ན་ཡང་ངོ་ཞེས་པ་ནི་ཉིན་གཅིག་ལ་རིམ་གསུམ་བརྩིགས་པའི་ཚེ་ལ་ནི་འཇི་བ་མེད་ལ་ཕྱི་#དེ་ཉིན་པར་འཇི་བ་དང་སྤེལ་ཞིང་བརྩིགས་#ན་ཡང་ཉེས་པ་རངས་པར་སྟོན་པའོ། །སྟོར་ཀུང་མ་བཏོད་#ནའོ་ཞེས་པ་ནི་སྟོར་ཁུང་མ་བཏོད་#པར་རིམ་པ་གསུམ་ལས་ལྷག་པར་
[108b.7]བརྩིགས་ན་ཡང་ཉེས་པར་སྟོན་པའོ། །རྨང་མ་བསྒོས་#ནའོ་ཞེས་པ་ནི་རྨང་བསྒོས་#པར་རིམ་གསུམ་ལས་ལྷག་པར་བརྩིགས་ན་ཉེས་པར་སྟོན་པའོ། །སྒོའི་ཁ་ཁྱེར་གྱི་སྟེང་དུ་ནའོ་ཞེས་པ་ནི། སྒོའི་ཁ་ཁྱེར་མ་བཅུག་#རིམ་པ་གསུམ་ལས་ལྷག་པར་བརྩིགས་ན་རྩ་#བའི་ཉེས་པར་
[109a]
[109a.1]བསྟན་པའོ། །ཐོག་མའི་སྔ་མ་ནི་ཉེས་མེད་ཅེས་པ་ནི་རིམ་བཞི་བརྩིགས་ན་རིམ་གསུམ་མན་ཆད་ཀྱང་དེའི་སྦྱོར་བ་སྟེ་ཉེས་བྱས་སུ་འགྱུར་བ་དོགས་པ་བསྩལ་#བའི་ཕྱིར་གཉེར་འདི་སྐད་དུ་བསྟན་པ་ཡིན་ཏེ་རིམ་པ་བཞི་པའི་ཐོག་མ་གསུམ་མན་ཆད་ལ་ཉེས་མེད་པར་སྟོན་པའོ། །བཞི་རྩིག་
[109a.2]པའི་ཕ་གུ་ལེན་པ་ཙམ་ན་ནི་དེའི་སྦྱོར་བ་སྟེ་ཉེས་བྱས་སུ་སྟོན་པའོ། །གཙུག་ལག་ཁང་གི་ལྟུང་བའོ།། །།མ་བསྐོས་པར་#སྟོན་པའི་ལྟུང་བ་འཆད་པར་བསྐོ་བར་#འོས་པའི་གང་ཟག་ཇེ་སྟོན་པ་ནི། ཕས་མ་ཕམ་པ་དང་མདོ་དང་འདུལ་བ་དང་མ་མོ་འཛིན་པ་དང་ལོ་ཉི་ཤུ་པ་ལས་མི་ཉུང་བ་དང་གྲོང་ཁྱེར་གྱིས་
[109a.3]སྨྲ་བ་#དང་ལུས་ཀྱིས་#དགེ་སློང་མ་ལ་རེག་པའི་གཉེན་པོ་བྱས་པ་དགེ་སློང་མའི་སྟོན་པར་བསྐོའོ་#ཞེས་པ་ནི་འདི་དག་ལྟ་བུའི་གང་ཟག་སྟོན་པར་སྐོས་#ཤིག་པའོ། །སྟོན་པར་སྐོ་བ་ནམ་བསྐོ་ཞེ་ན། བཅོ་ལྔ་#གསོ་སྦྱིན་གྱི་ཚེ་མཚམས་ཀྱི་ནང་དུའོ་ཞེས་པ་ཡིན་ཏེ། འདུལ་བ་ལ་སོགས་པའི་གསོ་སྦྱིན་
[109a.4]མ་ཡིན་གྱི་བཅོ་ལྔའི་གསོ་སྦྱིན་གྱི་ཚེའང་མཚམས་ཀྱི་ནང་དུ་དགེ་སློང་མ་སྟོན་པ་བསྐོ་ཤིག་པའོ། །བཅུ་བཞིའི་ཚེ་བསྐོ་ན་ཡང་མི་རུང་བ་ནི་མེད། མདོ་འཛིན་པ་ལ་སོགས་པ་མེད་ན་ཇི་ལྟར་བྱ་ཞེ་ན། མདོ་འཛིན་པ་ལ་སོགས་པ་མེད་ན་སོ་སོར་#ཐར་པ་སྟོན་པའོ་ཞེས་པ་ཡིན་ཏེ་སོ་སོར་ཐར་པ་
[109a.5]དོན་དང་ལེའུ་རྒྱས་པར་ཐོན་པ་བསྐོས་ཀྱང་བླ་བར་སྟོན་པའོ། །དེ་ཡང་ན་ཕས་ཕམ་པ་སྒྲོགས་#པའོ་ཞེས་པ་ནི་#གོང་མ་ལྟ་བུའང་མེད་ན་ཕས་ཕམ་པ་བརྒྱད་ཐོན་པ་ཙམ་ཡང་བསྐོས་ཤིག་པའོ། །ལྕི་བའི་ཆོས་རྣམས་ཀྱང་ངོ་ཞེས་པ་ནི་གོང་མ་ལྟ་བུ་མེད་ན་ལྕི་བའི་ཆོས་བརྒྱད་ཐོན་པ་ཙམ་ཡང་
[109a.6]བསྐོས་#ཤིག་པའོ། །ཀ་ན་སྲིང་མོ་དགེ་སློང་མའི་དགེ་འདུན་ཁྱེད་འདུམ་མ་མ་ཡོངས་སུ་གཙང་ངམ་འཐུན་#ནམ་ཉེས་མེད་དམ་ཁྱེད་ལ་དགེ་འདུན་གྱི་མ་བསྐོས་པའི་གང་ཟག་འགའ་མི་སྟོན་ཏམ་#ཁྱེད་ཀྱི་ལུང་དང་སྟོན་པ་ནི་ཁྱེད་#དགེ་འདུན་ལས་ཏེ་ཁྱེད་ལ་སྟོན་པའི་གང་ཟག་ཀྱང་དགེ་འདུན་ལས་འོང་ན་
[109a.7]ཁྱེད་ལ་སྟོན་པར་སྤྲོ་བའི་གང་ཟག་ནི་གང་ཡང་མེད་ཀྱིས་སྲིང་མོ་དག་བག་དང་ལྡན་པར་སྒྲུབས་#ཤིག་ཅེས་པ་ཙམ་ཡང་ངོ་ཞེས་པ་ནི་གོང་མ་ལྟ་བུ་མེད་ན་ཚིག་འདི་དག་#ཆོད་ཐོད་པ་ཡང་བསྐོས་ཤིག་པའོ། །དེ་ལ་འདུ་མ་ཞེས་པ་ནི་བྱ་བ་གཅིག་པའོ། །ཡོངས་སུ་གཙང་ཞེས་པ་ནི་ཕས་ཕམ་འབྱུང་བའོ། །
[109b]
[109b.1]མཐུན་ཞེས་པ་ནི་གཅིག་ལ་#གཅིག་འཇར་བའོ། །ཉེས་མེད་ཅེས་པ་ནི་འཐབ་པ་ལ་སོགས་པའི་སྐྱོན་མེད་པའོ། །བླའི་#ཆོས་ཀྱི་མཐུ་དང་ལྡན་པ་མ་གཏོགས་ཞེས་པ་ནི་བླའི་ཆོས་ཀྱི་མཐུས་ཉོན་མོངས་པ་ཆོམས་ཤིང་སྤངས་པ་ནི་དགེ་འདུན་གྱིས་#མ་བསྐོས་པར་སྟོན་ཀྱང་ཉེས་མེད་དོ། །བསྐོས་
[109b.2]ཀྱང་རུང་མ་བསྐོས་ཀྱང་རུང་དེ་དག་ལས་འགའ་འང་མེད་པར་དགེ་སློང་མ་ལ་སྟོན་པའི་ཞེས་པ་ནི་གོང་དུ་སྟོན་པའི་ཡོན་ཏན་དག་ལས་འགའ་དང་ཡང་མི་ལྡན་པར་སྟོན་ན་བསྐོས་ཀྱང་རུང་མ་བསྐོས་ཀྱང་རུང་སྟེ་ཉེས་པ་རངས་པར་འགྱུར་བའོ། །སྔར་བསྐོས་པ་ནི་མ་བསྐོས་པ་མ་ཡིན་ཞེས་པ་
[109b.3]ནི་སྡུན་ལན་ཅིག་སྟོན་པར་བསྐོས་ན་ནམ་འཚོའི་བར་དུ་བཤད་ཀྱང་མ་བསྐོས་པ་#མ་ཡིན་པར་སྟོན་པའོ། །དགེ་འདུན་དུ་མི་ཚང་ན་འོས་པ་ལ་གསོལ་བ་ལ་ཉེས་མེད་ཅེས་པ་ནི་སྟོན་པར་འོས་པ་ནི་ཡོད་ལ་བསྐོར་དགེ་འདུན་མི་ཚང་ན་དགེ་སློང་མ་ལ་གསོལ་བ་དང་དེས་བསྟན་པ་ཉེས་མེད་པར་སྟོན་
[109b.4]པའོ། །དེ་ཡང་ངོ་ཞེས་པ་ནི་འདི་ལྟ་བུའི་ཚེ་དགེ་སློང་མ་དེ་དག་གིས་གསོལ་བའང་ཉེས་མེད་པར་སྟོན་པའོ། །མ་བསྐོས་པར་སྟོན་པའོ།། །།#ཉི་མ་ནུབ་ནུབ་ཏུ་འཆད་པའི་ལྟུང་བ་སྟོན་པར་འདོད་པ་ནི། འབྲིད་ཅེས་པ་ལ་སོགས་པ་ཡིན་ནོ། །འདུ་ཤེས་ཇི་ལ་བརྩན་#ཞེ་ན་ཉི་མ་ནུབ་ནའོ་
[109b.5]ཞེས་པ་ཡིན་ཏེ་ཉི་མ་ནུབ་པར་ཤེས་ལ་ཆོས་སྟོན་ན་ཉེས་པར་འགྱུར་བའོ། །ཇི་ལྟར་བྱས་པ་ལ་འདུ་ཤེས་བརྩན་#ཞེ་ན་མཚན་རྟག་#དགེ་སློང་མ་ལ་ཆོས་འཆད་པ་མ་གཏོགས་ཞེས་པ་ཡིན་ཏེ་འདི་ལྟ་བུའི་ཚེ་མ་གཏོགས་པར་དགེ་སློང་མ་#ལ་ཆོས་སྟོན་ན་ཉེས་པར་འགྱུར་བའོ། །ཆོས་
[109b.6]བསྟན་ཏོ་ཅོག་ན་ཉེས་པར་འགྱུར་རམ་ཞེ་ན། གལ་ཏེ་དབྱར་མོ་ཐང་གི་སྒོ་བྱེ་ཞིང་གཙུག་ལག་ཁང་ཡང་དེ་ལྟ་བུ་དང་བྱང་གཏད་མ་ཡིན་ནའོ་ཞེས་པ་ཡིན་ཏེ་#དབྱར་མོ་ཐང་དང་གཙུག་ལག་ཁང་གཉི་གའི་སྒོ་#བྱེ་ལ་བྱད་གཏད་#དུ་འང་འཐབ་ཅིང་ལམ་དུ་ཐོགས་པ་མེད་པར་འགྲོར་ཡོད་ཉི་མ་ནུབ་ནུབ་དུ་#བཤད་ཀྱང་
[109b.7]ཉེས་པ་མེད་པར་སྟོན་པའོ། །འདི་ནི་དཔེ་ཙམ་དུ་ཟད་ཀྱང་གཞན་ཡང་ལམ་དུ་ཉེ་ཞོ་མི་འབྱུང་བ་ཙམ་གྱི་ཚོད་ན་ཉེས་མེད་དོ། །ཉི་མ་ནུབ་པར་ཆོས་སྟོན་པའོ།། །།#ཟས་ཆུང་ཟད་ཀྱིས་སྐུར་པའི་ལྟུང་བ་སྟོན་པ་ནི། ཆོས་འདྲི་བ་བག་ཕེབས་པའི་ཆེད་དུ་དགེ་སློང་ཕ་#ལ་དགེ་སློང་མས་ཟས་དབུལ་
[110a]
[110a.1]བར་བྱ་ཞེས་པ་ཡིན་ཏེ་མི་འཇིགས་ཤིང་བག་ཕེབས་པར་བྱ་བའི་ཕྱིར་དགེ་སློང་མས་ཐབས་འདི་ལྟར་གྱིས་ཤིག་པའོ། །རྒྱ་ཅང་དང་གོང་ནན་དང་ལྕག་པོད་#དང་ཤུར་བུ་དག་ཀྱང་ངོ་ཞེས་པ་ནི་ཟས་#གཏོགས་པའི་བག་འདི་དག་ཙམ་ཡང་ཕུལ་ཅིག་པའོ། །དགེ་སློང་གིས་#འདི་བླང་ཞེས་
[110a.2]པ་ནི་དགེ་སློང་གིས་དེ་དག་ཙམ་གྱི་ཚོད་ལོང་ཤིག་པའོ། །ཇི་ལྟར་བྱས་པས་ཆུང་ཟད་ཀྱི་སྐུར་པར་འགྱུར་ཞེ་ན། ཟས་ཆུང་ཟད་ཀྱི་ཕྱིར་དགེ་སློང་མ་ལ་ཆོས་སྟོན་ཏོ་ཞེས་དགེ་སློང་དེ་ལྟ་མ་ཡིན་པ་ལ་ཟེར་ནའོ་ཞེས་པ་ཡིན་ཏེ་དགེ་སློང་བསོད་ནམས་ཀྱི་བསམ་པས་དགེ་སློང་མ་ལ་ཆོས་སྟོན་གྱི་གཞན་གྱི་ཕྱིར་མ་
[110a.3]ཡིན་པས་#ཟས་ཆུང་ཟད་ཀྱི་ཕྱིར་ཆོས་སྟོན་ཏོ་ཞེས་སྐུར་པ་འདེབས་ན་ཉེས་པར་འགྱུར་བའོ། །ཟས་ཆུང་ཟད་ཀྱིས་སྐུར་བའོ།། །།#གོས་བྱེད་པའི་ལྟུང་བ་སྟོན་པར་འདོད་པར་#ནི་འབྲིད་ཅེས་པ་ལ་སོགས་པ་ཡིན་ནོ། །འདུ་ཤེས་བརྩན་#པ་གང་ཞེ་ན། དགེ་སློང་མ་གཉེན་མ་ཡིན་པའོ་ཞེས་པ་ཡིན་ཏེ་གཉེན་མ་
[110a.4]ཡིན་པའི་དགེ་སློང་མར་ཤེས་ན་ཉེས་པར་འགྱུར་བའོ། །དྲུབས་#པ་ཆོས་གོས་བྱེད་ནའོ་ཞེས་པ་ནི་དྲུབས་#པ་ཡང་གཞན་མ་ཡིན་གྱི་གོས་དྲུབས་ན་གདོད་ཉེས་པར་འགྱུར་བའོ། །གོས་བྱེད་པའོ།། །།#གོས་སྦྱིན་པའི་ལྟུང་བར་སྟོན་པར་འདོད་པ་ནི་བྱིན་ནའོ་ཞེས་པ་ལ་སོགས་པ་ཡིན་ཏེ་གཉེན་མ་ཡིན་པ་ལ་
[110a.5]སོགས་པའི་#ཡན་ལག་གཞན་ནི་གོང་མ་ལས་གཞི་བླང་ངོ་། །གོས་དབུལ་བ་མ་གཏོགས་ཞེས་པ་ནི་དགེ་སློང་མའི་དགེ་འདུན་སྤྱིར་གོས་ཕུལ་བའི་ཚེ་ན་ཉེས་#མེད་པར་སྟོན་པའོ། །གོས་འབུལ་བ་འབའ་ཞིག་གི་ཚེ་ཉེས་མེད་དམ་ཞེ་ན། ཇི་ནས་ཀྱང་སྟོར་བ་ལེགས་པར་སྨྲས་པའམ་བསྙེན་པར་
[110a.6]རྫོགས་པའམ་བརྗེས་པ་མ་ཡིན་ནའོ་ཞེས་པ་ཡིན་ཏེ་རྐྱེན་འདི་དག་གི་ཚེ་བྱིན་པ་འདི་ཉེས་མེད་པར་སྟོན་པའོ། །དེ་ལ་སྟོར་ཅེས་པ་ནི་དགེ་སློང་མའི་གོས་རྐུན་པོ་ལ་སོགས་པས་ཁྱེར་བའོ། །ལེགས་པར་སྨྲས་ཞེས་པ་ནི་དེས་ཆོས་ལེགས་པར་བཤད་པའོ། །བསྙེན་པར་རྫོགས་#ཞེས་པ་ནི་བསྙེན་
[110a.7]པར་རྫོགས་པར་འདོད་པའོ། །བརྗེས་ཞེས་པ་ནི་དགེ་སློང་མ་དང་བརྗེས་པའི་བརྗེད་མར་བྱིན་པ་མ་ཡིན་པའོ། །གོས་བྱིན་པའོ།། །།#དགེ་སློང་མ་དང་ལྷན་ཅིག་ལམ་དུ་དོང་བའི་ལྟུང་བ་སྟོན་པ་ནི། རུང་བར་བྱེད་པ་དང་རུང་བར་བྱེད་མ་དང་དགེ་ཚུལ་ཕ་དང་དགེ་ཚུལ་རྒྱགས་བསྐུར་#ཞེས་པ་
[110b]
[110b.1]ལ་སོགས་པ་ཡིན་ཏེ་ལམ་དུ་འདོད་པའི་རྒྱགས་བདག་ཅག་ཉིད་ཀྱིས་བསྐུར་#མི་རུང་བའི་ཕྱིར་མིང་གིས་སྨོས་པ་འདི་དག་སྐུར་#ཅིག་པའོ། །དགེ་སློང་ཕ་དང་དགེ་སློང་མའི་རྒྱགས་བསྣོར་ཏེ་ཁྱེར་བ་རུང་#ཞེས་པ་ནི་འདི་ལྟར་བསྣོར་ཏེ་ཁྱེར་ན་བཞག་པའི་ཉེས་པར་མི་འགྱུར་བར་སྟོན་པའོ། །གཅིག་ལ་
[110b.2]གཅིག་བྱིན་ལེན་བྱེད་པ་ཡང་ངོ་ཞེས་པ་ནི་དགེ་སློང་ཕ་དང་དགེ་སློང་མ་གཅིག་གི་གཅིག་བྱིན་ལེན་བྱས་པ་ཡང་རུང་བར་སྟོན་པའོ། །ཚངས་པ་མཚུངས་པར་སྤྱོད་པའི་ནད་པ་ལམ་དུ་མི་དོར་ཞེས་པ་ནི་ལམ་དུ་ནད་ཀྱིས་ཐེབས་ན་མ་དོར་ཅིག་པར་སྟོན་པའོ། །འདི་བསྐུར་#ཞེས་པ་ནི་ནད་པ་དེ་མ་འདོར་#བར་ཁྱེར་
[110b.3]ཅིག་པའོ། །དགེ་སློང་མ་དག་ཀྱང་དེ་བཞིན་ཞེས་པ་ནི་དགེ་སློང་མ་དག་གིས་#བདག་ཅག་གི་#གྲོགས་ནད་ཀྱིས་#ཐེབས་པ་མ་དོར་བར་ཁྱེར་ཅིག་པའོ། །འདིར་གཅིག་གིས་གཅིག་བསྟང་བར་བྱ་ཞེས་པ་ནི་ནད་པའི་ནད་རོགས་གཅིག་གིས་གཅིག་སྟོངས་ཤིག་པར་སྟོན་པའོ། །བསྟང་བའི་ཐབས་ཇི་ལྟར་བྱ་
[110b.4]ཞེ་ན། མགོ་མཇུག་ནས་བཟུང་ཞེས་པ་ཡིན་ཏེ། དགེ་སློང་མ་ཡིན་ན་ནི་དགེ་སློང་ཕས་#རོ་སྟོད་ནས་ཟུང་ཤིག་པའོ། །དགེ་སློང་ཕ་ཡིན་ན་ནི། དགེ་སློང་མས་རོ་སྟོད་ནས་ཟུང་ཤིག་པའོ། །གྲོང་དུ་ཕྱིན་ནས་དོང་བ་ཉེས་མེད་ཅེས་པ་ནི་ནད་པ་བསྐུར་བསྐུར་#ནས་གྲོང་དུ་བཞག་སྟེ་དོང་བ་ནི་ཉེས་མེད་#པར་སྟོན་པའོ། །
[110b.5]གྲོང་དུ་ཕྱིན་པ་ཙམ་གྱིས་ཆོག་གམ་ཞེ་ན། ནད་པའི་སྨན་དང་ཟས་བཤམས་ཏེའོ་ཞེས་པ་ཡིན་ཏེ་དེའི་སྨན་དང་ཟས་བཤམས་ཏེ་བཞག་ནས་གདོད་དེངས་ཤིག་པའོ་མཚུངས་པའི་ནད་གཡོག་གཅིག་#ནས་སོ་ཞེས་པ་ནི་དགེ་སློང་ཕ་ཡིན་ན། དགེ་སློང་ཕའི་ནད་གཡོག་དགེ་སློང་མ་ཡིན་ནའང་དགེ་སློང་མའི་
[110b.6]ནད་གཡོག་མཚུངས་པ་རེ་རེ་ཞོག་ཤིག་པའོ། །གང་དུ་དགེ་སློང་མ་དང་འགྲོགས་པའི་ཉེས་པར་འགྱུར་ཞེ་ན། ལམ་འཇིགས་#པ་དང་བཅས་ཤིང་དགོན་པ་ཐུག་#ཕྲད་དུ་འགྱུར་བ་མ་གཏོགས་པར་ཆས་པ་ཐ་མི་དད་ན་དགེ་སློང་མ་གཅིག་དང་ལམ་དུ་འགྲོགས་ཏེ་དོང་བ་ཡང་ངོ་ཞེས་པ་ཡིན་ཏེ་འཇིགས་པ་
[110b.7]འམ་ཐུག་སྲད་#དུ་གྱུར་ཏེ་འགྲོགས་པ་ནི་མ་གཏོགས་ཀྱི་གཞི་ནས་ཅིག་ཅར་དུ་ཆས་ན་སྔ་ནས་བགོས་ཀྱང་རུང་། མ་བགོས་ཀྱང་རུང་དུ་མའང་རུང་གཅིག་ཀྱང་སྟེ་#འགྲོགས་ན་ལྟུང་བར་འགྱུར་བའོ། །ཇི་སྲིད་དུ་འགྲོགས་པས་ལྟུང་བར་འགྱུར་ཞེ་ན། རྒྱང་གྲགས་རེ་རེ་ཞིང་ངོ་ཞེས་པ་ཡིན་ཏེ་རྒྱང་གྲགས་
[111a]
[111a.1]རེ་རེ་ལྟུང་བ་རེ་རེར་སྟོན་པའོ། །དེའི་ཕྱེད་ཕྱེད་ཅིང་ཉེས་བྱས་ཞེས་པ་ནི་རྒྱང་གྲགས་ཕྱེད་ཕྱེད་ཅིང་ཉེས་བྱས་རེ་རེར་སྟོན་པའོ། །དགེ་སློང་མ་དང་ལྷན་ཅིག་ལམ་དུ་འདོང་བའོ།། །།#ཇི་ལྟར་བྱས་པས་གྲུར་#ལྷན་ཅིག་ཏུ་འདོང་བའི་ལྟུང་བར་འགྱུར་ཞེ་ན། འགྲམ་གཉི་ག་ན་བར་ཆད་ཡོད་པ་
[111a.2]མ་གཏོགས་པར་འགྲོ་སྟེ་གྲུར་ལྷག་ནའོ་ཞེས་པ་ལ་སོགས་པ་ཡིན་ཏེ་ཕན་ཚུན་གྱི་འགྲམ་གཉི་ག་ན་རྐུན་ཆོམ་ལ་སོགས་པའི་འཇིགས་པ་ཡོད་དེ་གྲུར་ལྷན་ཅིག་ཏུ་འདོད་བ་#ཉེས་མེད་ཀྱི་དེ་ལྟ་བུའི་རྐྱེན་མེད་#པར་གྲུ་གཅིག་གི་ནང་དུ་ལྷན་ཅིག་#དུ་དོང་ན་ལྟུང་བར་འགྱུར་བའོ། །གྲུ་གཅིག་ཏུ་ལྷན་ཅིག་དོང་ངོ་
[111a.3]ཅོག་ཉེས་པར་འགྱུར་རམ་ཞེ་ན། ཕ་རོལ་དུ་ཐད་ཀར་རྒལ་བ་ནི་མ་གཏོགས་ཞེས་པ་ཡིན་ཏེ་ཕ་རོལ་གྱི་འགྲམ་དུ་དོང་བའི་ཕྱིར་ལྷན་ཅིག་པ་ནི་ཉེས་མེད་པར་སྟོན་པའོ། །དགུར་དང་གད་པ་དང་ཀློང་བཀོལ་བ་དང་གདོས་པ་དང་རུལ་སྐྱ་ཆག་#པ་དང་རུལ་ཉན་གྱི་དབང་གིས་དེའི་ཕྱིར་རྒལ་བ་གོལ་ནའོ་
[111a.4]ཞེས་པ་ནི། ཐད་ཀར་བརྒལ་བར་བྱ་བ་ལས་མིང་གིས་སྨོས་པ་འདི་དག་ལྟ་བུ་རྐྱེན་གྱིས་ཡིན་#མན་དུ་གྱུ་བ་ལ་ཡང་ཉེས་མེད་པར་སྟོན་པའོ། །དགེ་སློང་མ་དང་ལྷན་ཅིག་གྲུ་ལ་རྒལ་བའོ།། །།#གཅིག་པུ་འདུག་ན་ལྟུང་བར་འགྱུར་བའི་ཡན་ལག་སྟོན་པ་ནི། བུད་མེད་གཅིག་པུ་དང་སྐྱེ་བོ་མི་འདྲུལ་
[111a.5]བར་དབེན་པའི་ཕྱོགས་དང་བར་ཆད་ཡོད་པ་འམ་འདོམ་གང་ཁོར་ཡུག་ན་བྱེད་དོ་ཞེས་པ་ཡིན་ཏེ་བུད་མེད་གཅིག་པུ་དང་སུའང་མི་འདྲུལ་བའི་ཕྱོགས་དང་བར་ཆད་ཀྱིས་ཆོད་པ་དང་འདོམ་གང་ཚུན་ཆད་ན་འཁོད་ན་ཉེས་པར་བྱེད་པའོ། །དེའང་ཇི་ལྟར་བྱས་པས་ཤེ་ན། འདུག་ནའོ་ཞེས་པ་ཡིན་ཏེ་གནས་དེ་དག་
[111a.6]ལྟ་བུ་ན་འདུག་ན་གདོད་ཉེས་པར་འགྱུར་བའོ། །ཇི་ཙམ་གྱིས་འདུག་པར་འགྱུར་ཞེ་ན། རྐུབ་བཞག་པ་ཙམ་གྱིས་དེ་ཉིད་དོ་ཞེས་པ་ཡིན་ཏེ་རྐུབ་ས་ལ་བཞག་པ་ཙམ་གྱིས་འདུག་པར་ཆུད་པའོ། །ལྷན་ཅིག་ཏུ་འཁོད་པའོ།། །།#གོང་དུ་སྨོས་པ་དེ་གཞི་བླངས་ནས་བྱེ་བྲག་ཆུང་ཟད་ཙམ་ཞིག་ཡོད་པ་སྟོན་
[111a.7]པའོ། །དགེ་སློང་མའོ་ཞེས་པ་དང་འགྲེད་ནའོ་ཞེས་པ་ཡིན་ཏེ་བུད་མེད་མ་ཡིན་གྱི་དགེ་སློང་མ་ཡིན་བ་དང་འགྲེད་ན་ལྟུང་བར་འགྱུར་བའོ། །གཅིག་པུ་འགྲེང་བའོ།། །།#དགེ་སློང་མས་སྦྱོར་དུ་བཅུག་པ་ཟོས་པའི་ལྟུང་བ་སྟོན་པ་ནི་འབྲིད་ཅེས་པ་ལ་སོགས་པ་ཡིན་ནོ། །འདུ་ཤེས་བརྩན་#པ་ཇི་ལྟ་ཞེ་ན། དགེ་
[111b]
[111b.1]སློང་མས་སྦྱོར་དུ་བཅུག་པའོ་ཞེས་པ་ཡིན་ཏེ་དགེ་སློང་མས་སྦྱོར་དུ་བཅུག་པར་ཤེས་ན་འགྱུར་བའོ། །ཐབས་ཇི་ལྟ་བུས་སྦྱོར་དུ་བཅུག་ཅེ་ན། མི་བདེན་བའི་ཡོན་ཏན་གྱི་ནའོ་ཞེས་པ་ཡིན་ཏེ་རྒྱུན་དུ་ཞུགས་པ་ལ་སོགས་པའི་ཡོན་ཏན་མེད་བཞིན་དུ་མི་བདེན་པར་ནན་ཏན་གྱིས་བསྟོད་དེ་སྦྱོར་དུ་བཅུག་ནའོ། །ཇི་ལྟ་
[111b.2]བུས་སྦྱོར་དུ་བཅུག་ཅེ་ན། མ་བོས་པའོ་ཞེས་པ་ཡིན་ཏེ་དང་པོ་ནས་ཀྱང་དེ་སྦྱིན་པར་ཟོས་#ཏེ་བོས་ཤིང་གཉར་#པ་མ་ཡིན་བར་སྦྱོར་དུ་བཅུག་པའོ། །བོས་ཀྱང་ལྷག་པར་རོ་ཞེས་པ་ནི་གཉར་ཅིང་བོས་སུ་ཟིན་གྱིས་ཀྱང་མི་བདེན་པའི་ཡོན་ཏན་བརྗོད་ཅིང་། ཡོན་བདག་གིས་ལྷག་སྟེ་སྦྱིན་པར་མ་བཤམས་#པ་
[111b.3]ལྷག་སྟེ་སྦྱིན་དུ་མ་བཅུག་ན་ཡང་ཉེས་པ་རངས་པར་#མི་འགྱུར་བའོ། །ཅི་#སྦྱོར་དུ་བཅུག་པས་#ཤེ་ན། །ཁ་ཟས་སོ་ཞེས་པ་ཡིན་ཏེ་གོས་ལ་སོགས་པ་གཞན་མ་ཡིན་གྱི་ཁ་ཟས་སྦྱོར་དུ་བཅུག་ན་གཟོད་ཉེས་པར་འགྱུར་བའོ། །མི་བདེན་པའི་ཡོན་ཏན་བརྗོད་ཅེས་བྱ་བ་དེ་གང་ཞེ་ན། ནན་ཏན་ཕུན་སུམ་
[111b.4]ལྡན་པས་སོ་ཞེས་པ་ཡིན་ཏེ་ཚུལ་ཁྲིམས་ལ་སོགས་པའི་ནན་ཏན་གྱིས་དགྲ་བཅོམ་པ་ལ་སོགས་པའི་#ཕུན་སུམ་ལྡན་པ་གྲུབ་པ་སྐད་དུ་ཟེར་བའོ། །དེའི་ཐོས་བས་ན་ཡང་ངོ་ཞེས་པ་ནི་ནན་ཏན་དེའི་རྒྱུ་མང་དུ་ཐོས་པ་དང་ལྡན་པར་བསྔགས་ན་ཡང་ཉེས་པར་འགྱུར་བའོ། །ཇི་ལྟར་བྱས་པས་ཁ་ཟས་ཀྱི་
[111b.5]ཉེས་པར་འགྱུར་ཞེ་ན། ཟོས་ནའོ་ཞེས་པ་ཡིན་ཏེ་ཟོས་ན་གདོད་ཉེས་པར་འགྱུར་བའོ། །ཟ་བའི་མཚན་ཉིད་སྟོན་པ་ནི་དེ་མིད་ནའོ་ཞེས་པ་ཡིན་ཏེ་སྣ་དང་རྣ་བར་བླུགས་པ་མ་ཡིན་གྱི་གྲེ་བར་མིད་ན་གདོད་ཉེས་བར་འགྱུར་བའོ། །གཞན་གྱི་ཕྱིར་བ་ནི་འབྲི་བར་བྱེད་ཅེས་པ་ནི་དགེ་སློང་མས་གཞན་སྦྱིན་
[111b.6]བར་བཤམས་ཏེ་སྦྱོར་དུ་བཅུག་པར་བདག་གིས་ཤེས་བཞིན་དུ་ཟོས་ན་ཉེས་བྱས་སུ་འགྱུར་བར་སྟོན་པའོ། །བསོད་སྙོམས་ལ་ཞུགས་པ་བྱིན་ཞེས་ཟེར་བ་ཡང་ངོ་ཞེས་པ་ནི་དགེ་སློང་ཁྱིམ་པའི་གོར་#བསོད་སྙོམས་ལ་འོངས་པ་དང་། དགེ་སློང་མ་དེ་ན་འདུག་པ་ན་རེ་འདི་ལ་ཕུལ་བྱིན་ཞེས་#ཟེར་བ་
[111b.7]བསླངས་ཏེ་ཁྱེར་ན་ཉེས་བྱས་སུ་འགྱུར་བའོ། །སྦྱོར་དུ་བཅུག་པ་ཟོས་པའོ།། །།#ཡང་ཡང་ཟ་བའི་ལྟུང་བ་སྟོན་པར་འདོད་པ་ནི། ཟས་ཀྱི་ཕྱིར་འབོད་ན་ཁྱིམ་པའི་དེར་ཡང་ཁས་བླང་ཞེས་པ་ནི་གོས་ལ་སོགས་པ་གཞན་གྱི་ཕྱིར་མ་ཡིན་ཏེ་ཟས་ཀྱི་ཕྱིར་འབོད་ན་གཙུག་ལག་ཁང་དུ་འགྲོ་
[112a]
[112a.1]བ་ལྟ་ཅི་སྨོས་ཀྱི་ཁྱིམ་པའི་དེར་ཡང་སོང་ཤིག་པའོ། །མི་སྔ་བར་འདུ་ཤེས་པར་བྱ་སྟེ་འཇུག་ཅེས་པ་ནི་ཁྱིམ་པའི་དེར་མགྲོན་#དུ་འགྲོ་བ་ཡང་མ་སྔ་བར་གདུགས་ཚོད་ཀྱི་ཚེ་ཁོ་ནས་སོང་ཤིག་པའོ། །དགེ་འདུན་ཕལ་ཆེར་འདོང་ན་ཇི་ལྟར་བྱ་ཞེ་ན། གཎྜཱི་#བརྡུངས་ནས་སོ་ཞེས་པ་
[112a.2]ཡིན་ཏེ་གཎྜཱིས་#བསྡུས་ལ་སྔ་ཕྱི་མ་ཁྱེར་བར་དེང་ཤིག་པའོ། །དེ་ཉིད་ཀྱི་འཁོར་ལ་བརྟག་ཅེས་པ་ནི་བདག་གི་སློབ་མ་དང་ཉེ་གནས་ཚང་ངམ་མ་ཚང་བ་རྟོགས་ཤིག་པའོ། །གནས་བརྟན་གྱི་ནི་འོངས་པའོ་ཞེས་པ་ནི་གནས་བརྟན་གྱི་ནི་གུད་ནས་འོངས་པའི་དགེ་སློང་གི་ཞལ་ཏ་དང་མདོངས་#སོལ་གྱིས་
[112a.3]ཤིག་པའོ། གྱི་ན་ཟན་གཅད་#པར་མི་བྱ་ཞེས་པ་ནི་ནད་པ་ལ་སོགས་པའི་རྐྱེན་མེད་པར་ཁྲོས་པ་ལ་སོགས་པའི་དབང་གིས་#ཟན་མ་བཅད་ཅིག་པའོ། །སྐོམ་གྱི་ཕྱིར་གསོལ་ན་བསྡད་ཅེས་པ་ནི་ཡོན་བདག་ན་རེ་གུད་སྐྱེམས་གསོལ་ཏེ་གཤེགས་ཞེས་ཟེར་ན་དེའི་ཡིད་དང་སྦྱོར་ལ་སྡོད་#ཤིག་པའོ། །ཇི་ལྟ་
[112a.4]བུའི་ཡང་ཡང་ཟོས་པའི་ལྟུང་བར་འགྱུར་ཞེ་ན། མཉམ་པའམ་སྔ་ཕྱིར་གོས་ཀྱི་རྙེད་པ་མེད་ལ་གཉིས་པའི་བོས་པར་སོན་ནའོ་ཞེས་པ་ཡིན་ཏེ་གོས་མེད་པའི་ཕེའུ་པ་ཅིག་ཅར་དུ་འོངས་སམ་སྔ་ཕྱིར་འོངས་པ་ལས་གཉིས་ཀ་#དགའ་བར་ཁས་བླངས་ལ་ལན་གཉིས་པའི་དེར་སོན་ན་ལྟུང་བར་སྟོན་པའོ། །
[112a.5]ཇི་ལ་བོས་པས་ཤེ་ན། བཟའ་བ་ལའོ་ཞེས་པ་ཡིན་ཏེ་བཅའ་བ་མ་ཡིན་ཏེ་བཟའ་བ་ལ་བོས་ནའོ། །དེའང་ཇི་ལྟ་བུ་ཞེ་ན། ལྔར་གཏོགས་པའོ་ཞེས་པ་ཡིན་ཏེ་བཟའ་བ་ལྔར་གཏོགས་པ་ཡིན་ན་ཉེས་པར་འགྱུར་བའོ། །ལན་གཉིས་པའི་དེར་འོངས་པའོ་ཅོག་#ཉེས་པར་འགྱུར་རམ་ཞེ་ན་གཞན་དུའང་འདི་
[112a.6]དག་ཉིད་ནའོ་ཞེས་པ་ཡིན་ཏེ་ལན་གཉིས་པའི་དེར་#བོས་པ་ཡང་བཟའ་བའི་#ཕྱིར་བོས་ན་གདོད་ཉེས་པར་འགྱུར་བའོ། །ཇི་ལྟ་བུ་ལས་ཉེས་པར་འགྱུར་ཞེ་ན། ནད་པ་མ་ཡིན། ལས་མ་བྱས། ལམ་མ་བགྲོད་ནའོ་ཞེས་པ་ཡིན་ཏེ་རྣམ་པ་འདི་དག་ལྟར་མ་ཡིན་པ་ལས་ཉེས་པར་འགྱུར་བའོ། །ཁས་
[112a.7]བླངས་པ་ནི་ཉེས་བྱས་ཞེས་པ་དང་། ཟོས་ན་ནི་རྩ་བའོ་ཞེས་པ་ནི་ཡང་ཡང་ཁས་བླངས་པ་དང་ཟོས་ན་ཉེས་བྱས་དང་ལྟུང་བར་སྟོན་པའོ། །གོས་ཀྱི་རྙེད་པ་མེད་ན་ཞེས་འབྱུང་བའི་གོས་ཇི་ཙམ་ལ་བྱ་ཞེ་ན། འདིར་ཁྲུ་གང་ཁོར་ཡུག་གི་#གོས་མཐར་གྱུར་ཏོ་ཞེས་པ་ཡིན་ཏེ་ཁྲུ་གང་ཁོར་ཡུག་ཡན་ཆད་
[112b]
[112b.1]གོས་ཀྱི་རྙེད་པར་སྟོན་པའོ། །དཔག་ཚད་ཕྱེད་ཀྱི་ལམ་མོ་ཞེས་པ་ནི་གོང་དུ་ལམ་མ་བགྲོད་ཅེས་པའི་ཚད་ཇི་ཙམ་ཞེ་ན་དཔག་ཚད་ཕྱེད་ཡིན་པར་སྟོན་པའོ། །གཞན་ཡང་ངོ་ཞེས་པ་ནི་ཡང་ཡང་གཞན་པ་སྟེ་འདུས་ཤིང་ཟ་བ་ལ་སོགས་པ་ཡང་དཔག་ཚད་ཀྱི་ཚད་དུ་སྟོན་པའོ། །འདི་འམ་གྲུར་འགྲོ་བའོ་#
[112b.2]ཞེས་པ་ནི་ལམ་དུ་འགྲོ་ཡང་རུང་གྲུར་འགྲོ་ཡང་རུང་སྟེ་རྒྱང་གྲགས་ཕྱེད་ཀྱི་ཚད་ཀྱིས་ཟུང་ཤིག་པའོ། །ལས་ཀྱི་མཚན་ཉིད་སྟོན་པ་ནི་རེ་ལྡེ་འམ་བཀོ་ཙམ་གྱི་ཕྱག་དར་དང་བྱུག་པ་ནི་ལས་སོ་ཞེས་པ་ཡིན་ཏེ་འདི་དག་ཙམ་གྱི་ཚོད་བྱས་ན་ལས་བྱས་པར་སྟོན་པའོ། །དེའང་གང་གི་ཕྱིར་ཞེ་ན། འདི་
[112b.3]ནི་དགེ་འདུན་གྱིའམ་མཆོད་རྟེན་གྱི་ནའོ་ཞེས་པ་ཡིན་ཏེ་དགེ་འདུན་གྱི་མཆོད་རྟེན་གྱི་#ཕྱིར་གོང་མ་ལྟར་བྱས་ན་གདོད་ལས་སུ་ཆུད་པར་སྟོན་པའོ། །#ནད་པ་ཞེས་སྨྲས་པ་ཇི་ཙམ་ལ་བྱ་ཞེ་ན། ནད་པའི་ཚད་ནི་མི་ནུས་པའོ་ཞེས་པ་ཡིན་ཏེ་ཟན་ལན་ཅིག་གིས་མི་ཆོག་པ་ཙམ་གྱི་ནད་པ་ཞིག་ཡིན་ན་ནད་
[112b.4]པར་ཆུད་དོ་བར་སྟོན་པའོ། །ནར་མ་ནི་བོས་པ་མ་ཡིན་ཞེས་པ་ནི་ཟས་ནར་མ་བོས་པར་མ་གཏོགས་པས་ན། ཡང་ཡང་གི་གྲངས་སུ་ནར་མར་ཟོས་པ་མི་གཞུག་པར་སྟོན་པའོ། །ལམ་ཡོངས་ཀྱི་ཡང་ངོ་ཞེས་པ་ནི་མགྲོན་དུ་བོས་པའི་ལམ་ཡོངས་སུ་སྤྱན་གཟིགས་ལ་སོགས་པ་ཅུང་ཟད་ཙམ་
[112b.5]ཞིག་འདིར་གསོལ་ལ་གདུགས་ཚོད་ཉིད་གར་སྤྱན་དྲངས་པར་གསོལ་ཞེས་ཟེར་བ་ལྟ་བུ་ནི་ཡོ་ལང་ལྟོག་#མོ་ཞིག་ཏུ་བཤམས་པ་ཟོས་ཀྱང་ཉེས་མེད་པར་སྟོན་པའོ། །ཀུ་རེ་བྱེད་པ་ནི་ཡོད་པ་མ་ཡིན་ཞེས་པ་ནི་སྔར་ཀུ་རེ་བྱས་ཏེ་བོས་པའི་འོག་ཏུ་གུད་དུ་ཟོས་པ་ནི་སྔ་མ་དངོས་སུ་ཡོད་པ་ཡིན་པས་ན་ཉེས་
[112b.6]པ་#མེད་པར་སྟོན་པའོ། །དགེ་འདུན་དེའི་ཕྱིར་མ་ཡིན་ནའོ་ཞེས་པ་ནི་དགེ་སློང་བདག་གི་ཕྱིར་དགེ་འདུན་སྤྱན་དྲངས་པ་མ་ཡིན་ཏེ་བདག་ཀྱང་དགེ་འདུན་སྤྱིས་སྤྱན་དྲངས་པའི་ཁྱུ་རླབས་#ཙམ་དུ་ཟད་ན་ནི་ཡང་ཡང་ཟོས་ཀྱང་ཉེས་མེད་པར་སྟོན་པའོ། །ལྔ་པོ་གཞན་ལ་བྱིན་ན་ཡང་ངོ་ཞེས་པ་ནི་ཡང་ཡང་དུ་
[112b.7]བོས་པ་དགེ་སློང་ཕ་དང་། དགེ་སློང་མདང་དགེ་སློབ་མ་དང་། དགེ་ཚུལ་ཕ་དང་དགེ་ཚུ་ལྔ་#ལ་བྱིན་ཞིང་བཤུགས་པའང་རུང་བར་སྟོན་པའོ། །དེ་ནི་ཆོས་སོ་ཞེས་པ་ནི་དེ་ལྟར་བཤུགས་ཤིང་བྱིན་པ་རིགས་སོ་བར་སྟོན་པའོ། །གཞན་བླངས་ཏེའོ་ཞེས་པ་ནི་ཡང་ཡང་གི་ཟས་བླངས་ནས་གཞན་
[113a]
[113a.1]ན་ཡང་ཉེས་མེད་པར་སྟོན་པའོ། །མུ་གེའི་ཚེ་བོས་སོ་ཅོག་#བདག་གིར་བྱ་ཞེས་པ་ནི་མུ་གེ་བྱུང་བའི་ཚེ་བོས་སོ་ཅོག་བདག་གིར་བྱས་ཀྱང་ཡང་ཡང་གི་ཉེས་མེད་པར་སྟོན་པའོ། །ཟོས་ཀྱང་ངོ་ཞེས་པ་ནི་མུ་གེའི་ཚེ་རྙེད་དོ་ཅོག་ཟོས་ཀྱང་ཉེས་མེད་པར་སྟོན་པའོ། །བྱིན་པ་ཡང་ངོ་
[113a.2]ཞེས་པ་ནི་མུ་གེའི་ཚེ་རྙེད་དོ་ཅོག་གུད་དུ་བཤུགས་ཀྱང་བླ་བར་སྟོན་པའོ། །དེ་ལྟར་གཞན་ལ་བྱིན་ཞིང་བཤུགས་སུ་ཡོན་བདག་མི་དགའ་ན་ཐབས་ཇི་ལྟར་བྱ་#ཞེ་ན། སྦྱིན་བདག་མི་དགར་དོགས་#ན་ཁམ་གཉིས་གསུམ་ཟོས་པའི་འོག་ཏུ་དགེ་སློང་འདི་ཟས་ཀྱི་ཕོངས་པ་ལ་བདག་གིས་བཤུགས་ཀྱིས་
[113a.3]ཁྱིམ་བདག་རྗེས་སུ་ཡི་རང་བར་གྱིས་ཤིག་ཅེས་འདུན་པར་བྱ་བ་ཞེས་པ་ཡིན་ཏེ་ཐབས་འདི་ལྟར་གྱིས་ལ་གྲོགས་ཟས་ཀྱིས་བྲེལ་བ་ལ་བཤུགས་ཤིག་པའོ། །ཡང་ཡང་ཟ་བའོ།། །།#གནས་སྤྱོད་པའི་ལྟུང་བ་སྟོན་པར་འདོད་པ་ནི། ཆོས་འདི་པས་#མ་ཡིན་ཁྱིམ་པའི་བདག་པོ་དང་#བཅས་རབ་ཏུ་འབྱུང་
[113a.4]དགུའི་མ་ཡིན་པ་གནས་སོ་ཞེས་པ་ལ་སོགས་པ་ཡིན་ཏེ། གནས་དེ་བདག་ཅག་གི་རབ་ཏུ་བྱུང་བ་རྣམས་ཀྱི་ཕྱིར་བརྩིགས་པའང་མ་ཡིན། རབ་ཏུ་བྱུང་དགུའི་ཕྱིར་བརྩིགས་པའང་མ་ཡིན་ཏེ་མུ་སྟེགས་པའི་རབ་ཏུ་བྱུང་བ་རྣམས་ཀྱི་ཕྱིར་བརྩིགས་པ་ལ་ཁྱིམ་པའི་བདག་པོ་དང་ཡང་བཅས་པ་
[113a.5]ཉེས་པར་འགྱུར་བར་སྟོན་པའོ། །གང་ཟག་#ལྟ་བུ་ལ་ཉེས་པར་འགྱུར་ཞེ་ན། ནད་པ་མ་ཡིན་པ་དང་སྦྱིན་བདག་གིས་#མ་ཉེས་ནའོ་ཞེས་པ་ཡིན་ཏེ་ནད་པའང་མ་ཡིན་སྦྱིན་བདག་གིས་ཀྱང་མ་བོས་ན་གདོད་ཉེས་པར་འགྱུར་བའོ། །བསླབ་པ་འདི་ལ་ཇི་ལྟར་བྱས་པས་ཅི་འདྲ་བའི་ཉེས་པར་འགྱུར་
[113a.6]ཞེ་ན། ཟོས་ནས་དེའི་ཟ་བ་ན་རྩ་བ་ཞེས་པ་དང་། ལོན་ནས་འདུག་ན་ཉེས་བྱས་ཞེས་པ་ཡིན་ཏེ་ལན་གཉིས་སུ་ཟོས་ན་ལྟུང་བ་དང་། ཞག་གཉིས་སུ་འདུག་ན་ཉེས་བྱས་སུ་སྟོན་པའོ། །བདག་པོ་མེད་ན་ཡང་ངོ་ཞེས་པ་ནི་བདག་པོ་མེད་པའི་འོག་ཏུ་ལན་གཉིས་ཟོས་ན་ཉེས་བྱས་སུ་སྟོན་པའོ། །
[113a.7]འདིར་འདིའི་རབ་ཏུ་བྱུང་བ་མུ་སྟེགས་པ་བཞིན་ཞེས་པ་ནི་མུ་སྟེགས་པའི་རབ་ཏུ་བྱུང་བས་བརྩིགས་པར་ལན་གཉིས་སུ་ཟོས་ནའང་ཉེས་བྱས་ལས་མེད་པ་བཞིན་དུ་བདག་གིས་རབ་ཏུ་བྱུང་བས་བརྩིགས་པར་ལན་གཉིས་ཟོས་ནའང་ཉེས་བྱས་སུ་འགྱུར་བར་སྟོན་པའོ། །གཉེན་ཡང་ངོ་
[113b]
[113b.1]ཞེས་པ་ནི་གཉེན་གྱིས་བརྩིག་#པར་ལན་གཉིས་ཟོས་ནའང་ཉེས་བྱས་སུ་འགྱུར་བར་སྟོན་པའོ། །དེ་བཞིན་དུ་བཟའ་བ་མ་ཡིན་གྱི་བཅའ་བ་ཟོས་ན་ཉེས་བྱས་སུ་འགྱུར་བར་སྟོན་པའོ། །གནས་སྤྱོད་པའོ།། །།#ལྷུང་བཟེད་གཉིས་གསུམ་ལས་ལྷག་པར་བླངས་པའི་ལྟུང་བ་སྟོན་པར་
[113b.2]འདོད་པ་ནི། བསྟབས་#པ་ཞེས་པ་ཡིན་ཏེ་བོས་ཤིང་བདར་བའང་ཡིན་ནོ#། །ཇི་ལྟར་བསྟབས་ཤེ་#ན། མ་བཅད་པ་ཞེས་པ་ཡིན་ཏེ་འདི་ཙམ་ཁྱེར་ཅིག་ཅེས་སྤགས་པོར་མ་བཅད་ན་ཉེས་པར་འགྱུར་བའོ། །ཁྱིམ་པས་བསྟབས་སོ་ཅོག་ལས་ཉེས་པར་འགྱུར་རམ་ཞེ་ན། ཇི་བདེར་
[113b.3]མ་#བྱས་ནའོ་ཞེས་པ་ཡིན་ཏེ་བསྟབས་སུ་#ཟིན་ཀྱང་ཅི་འདོད་པ་ཁྱེར་ཅིག་ཅེས་མི་ཟེར་ན་ཉེས་པར་འགྱུར་བའོ། །རབ་ཏུ་བྱུང་བས་བསོད་སྙོམས་བསྟབས་པ་ལས་ཀྱང་ཉེས་པར་འགྱུར་རམ་ཞེ་ན། ཁྱིམ་པ་ཡིན་ནའོ་ཞེས་པ་ཡིན་ཏེ་སྟོབས་པ་ཁྱིམ་པ་ཡིན་ན་གདོད་ཉེས་པ་རངས་
[113b.4]པར་འགྱུར་བའོ། །ཟས་ཇི་ཙམ་གྱིས་ཉེས་#པར་འགྱུར་ཞེ་ན། ཚོད་མ་མ་གཏོག་#པར་འབྲས་ཡུ་གདྷཱའི་#ཕུལ་ཕྱེད་དང་ལྔ་བཙོས་པ་རྙེད་ཀྱི་ཕུལ་ཚད་ལས་ལྷག་པར་གྲོགས་ཀྱི་སྐལ་ཤས་དང་བཅས་པའི་བསོད་སྙོམས་ནའོ་ཞེས་པ་ཡིན་ཏེ་ཚོད་མ་མ་གཏོགས་པར་འབྲས་སྐམ་ཡུལ་
[113b.5]མ་གདྷཱའི་#ཕུལ་ཕྱེད་དང་ལྔ་བཙོས་པ་ལས་ལྷག་པར་བདག་ཉི་ཚེའི་ཕྱིར་རམ་གྲོགས་ཀྱི་སྐལ་ཤས་དང་བཅས་པར་བླངས་ན་ཉེས་པར་འགྱུར་བའོ། །དེའང་ཇི་ལྟར་བྱས་པས་ཉེས་པར་འགྱུར་ཞེ་ན། ཟོས་ནའོ་ཞེས་པ་ཡིན་ཏེ་མགྲིན་པར་མིད་དེ་ཟོས་ན་གདོད་ཉེས་པར་འགྱུར་བའོ། །ཟོས་སོ་
[113b.6]ཅོག་ལས་ཉེས་པར་འགྱུར་རམ་ཞེ་ན། མནོས་ནའོ་ཞེས་པ་ཡིན་ཏེ་དེ་ཉིད་དུ་ཟོས་པ་མ་ཡིན་གྱི་མནོས་ནས་ཟོས་ན་གདོད་ཉེས་པར་འགྱུར་བའོ། །འདིར་ཉེས་བྱས་ཞེས་པ་ནི་མནོས་ན་ཉེས་བྱས་སུ་འགྱུར་བར་སྟོན་པའོ། །གཞན་གྱིས་བྱས་པ་ཡང་ངོ་ཞེས་པ་ནི་གཞན་མནོད་དུ་བཅུག་སྟེ།
[113b.7]ཟོས་ན་ཡང་ཉེས་བྱས་སུ་འགྱུར་བར་སྟོན་པའོ། །གཞན་དུ་ན་ཉེས་མེད་ཅེས་པ་ནི་མ་མནོས་ཏེ་དེ་ཉིད་དུ་ཟོས་ན་ཡང་ཉེས་མེད་པར་སྟོན་པའོ། །སྐམ་ཡང་ངོ་ཞེས་པ་འབྲས་སྐམ་དུ་མནོས་ན་ཚད་གོང་དུ་སྨོས་པ་ལས་ལྷག་པར་ཁྱེར་ཡང་འདིའི་སྐབས་སུ་ཉེས་མེད་པར་སྟོན་པའོ། །གལ་ཏེ་
[114a]
[114a.1]མནོས་པ་ལས་ལྷག་ན་དགེ་སློང་ལ་བགོ་ཞེས་པ་ནི་ཚད་གོང་དུ་བསྟན་པ་ལས་མ་ལྷག་པ་ནི་མནོས་ལ་#བདག་གིས་མི་ཡོག་ན་མ་#དོར་བར་དགེ་སློང་གཞན་ལ་བགོ་ཤིག་པའོ། །ལྷུང་བཟེད་གཉིས་གསུམ་གང་བ་ལས་ལྷག་པར་མ་ནོས་པའོ།། །།#ཟས་བཏང་བ་ལས་སླར་
[114a.2]ཟ་བའི་ལྟུང་བ་སྟོན་པ་ནི། འགྲངས་#ཀྱི་བར་དུ་བཟའ་ཞེས་པ་ལ་སོགས་པ་ཡིན་ཏེ་ནམ་བཀྲེས་པ་ཡིན་གྱི་བར་དུ་ཟོས་ཤིག་པའོ། །ཟས་བརྩམས་ནས་མི་ལྡང་། ཞེས་པ་ནི་གྲལ་དེ་ཁོ་ནར་བཟའ་བར་བརྩམས་ནམ་#ལྡང་ཤིག་པར་སྟོན་པའོ། །བརྩམས་པ་དེའི་མཚན་ཉིད་སྟོན་པ་ནི། ཚྭ་ཡན་
[114a.3]ཆང་གང་ཅིའང་རུང་སྟེ་བཟའ་བར་བླངས་པ་ཇི་ཙམ་ཇི་རྙེད་#པ་དེའི་རྣམ་པའོ་ཞེས་པ་ནན་#ཏེ་ཚྭ་ཙམ་ཡན་ཆད་བླངས་ན་དེས་བརྩམས་པར་གྱུར་ཏོ་བར་སྟོན་པའོ། །འོག་ནས་འབྲིང་བཏང་བ་དང་ལྷག་མ་བྱས་ནའོ་ཞེས་འབྱུང་བས་ན། བཏང་བ་དང་ལྷག་མ་ཇི་ལྟར་བྱ་བའི་མཚན་ཉིད་སྟོན་པ་ནི།
[114a.4]གནས་ལས་འཕགས་ན་བཏང་བའི་#ཞེས་པ་ལ་སོགས་པ་ཡིན་ཏེ་གནས་གང་ཡིན་པ་ལས་ལངས་ན་#བཏང་བའོ། །དེའང་གང་ཞེ་ན། འདུག་ནས་སོ་ཞེས་པ་ཡིན་ཏེ་འདུག་པའི་གནས་ནས་ལངས་ནས་གདོད་ཉེས་པར་འགྱུར་བའོ། །འདུག་གོ་ཅོག་ལས་སམ་ཞེ་ན། རྩ་བའི་བཅའ་བ་
[114a.5]ལ་སོགས་པའི་ཟས་བརྩམས་#པའོ་ཞེས་པ་ཡིན་ཏེ་བཅའ་བ་ལ་སོགས་པའི་ཟས་བརྩམས་པ་ལས་ལངས་ན་གདོད་བཏང་བར་འགྱུར་བའོ། །ལངས་པ་#ཉི་ཚེས་བཏང་བར་གྱུར་པ་#མ་ཟད་པས་ན། རྩ་བ་དང་སྡོང་བུ་དང་འདབ་མ་དང་མེ་ཏོག་དང་འབྲས་བུའི་བཅའ་#བ་དང་ལྟུང་བ་ལས་གཞན་
[114a.6]བ་རུང་བའི་ཟས་མི་རུང་བ་དང་མ་འདྲེས་པ་འབྲིམ་#པ་རུང་བའི་ཕྱོགས་ན་འདུག་པ་ལ་བཟློག་པ་བྱས་ནའོ་ཞེས་པ་ཡིན་ཏེ། འདི་དག་ལྟ་བུའི་ཟས་འབྲིམ་པས་ཀྱང་མཉེས་#པར་བྱིན་པ་ལས་མི་འདོད་ཅེས་པ་ལ་སོགས་པའི་ཚིག་གིས་བཟློག་ནའང་བཏང་བར་སྟོན་པའོ། །དེ་ལ་
[114a.7]བཟའ་བ་མི་འདོད་ཅེས་བྱས་ན་ནི་བཅའ་བ་ཡང་བཏང་བར་འགྱུར་རོ། །བཅའ་བ་མི་འདོད་ཅེས་བྱས་པ་ནི་བཟའ་བ་བཏང་བར་མི་འགྱུར་བའོ། །མི་འདོད་ཅེས་གསལ་པོར་མ་སྨྲས་ཏེ་དེ་སྒྲུབ་པའི་ཚིག་གཞན་སྨྲ་ནའང་བཏང་བར་འགྱུར་བ་ནི། བྱིན་ཞེ་#ན་ཡང་དེའོ་ཞེས་པ་དང་།
[114b]
[114b.1]སོང་ཞེས་པ་#དང་། ཟོས་ཟིན་ཏོ་ཞེས་པ་ཡང་ངོ་ཞེས་པ་རྣམས་ཡིན་ཏེ་སེམས་ཀྱིས་ཀྱང་མི་འདོད་པར་བསམས་ལ་ཕས་བྱིན་པར་བསྟབས་#པ་དང་། འོ་ནིར་#བྱིན་ཞེས་ཟེར་བ་དང་ཡར་#སོང་ཞེས་ཟེར་བ་དང་ཟོས་ཟིན་ཏོ་ཞེས་ཟེར་ན་ཡང་བཏང་བ་ཡིན་ནོ་བར་སྟོན་པའོ། །རེ་ཞིག་ཅེས་པའི་ཚིག་
[114b.2]མ་སྤེལ་ནའོ་ཞེས་པ་ནི་གོང་དུ་སྨོས་པའི་ཚིག་དེ་དག་ལ་རེ་ཞིག་གམ་ཇེ་ཞེས་བྱ་བ་དང་། མ་སྤེལ་བར་སྨྲས་ན་གདོད་གོང་མ་ལྟར་འགྱུར་བའོ། །ཆོག་གོ་ཞེས་པས་ཀྱང་ངོ་ཞེས་པ་འདི་སྐད་དུ་སྨྲས་པས་ཀྱང་བཏང་བར་སྟོན་པའོ། །བཏུང་བའི་མཚན་ཉིད་སྟོན་པ་ནི་སྟེང་དུ་ཁ་ཟས་མི་འཆག་
[114b.3]པའི་ཐུག་པ་ཡང་བཏུང་བའོ་ཞེས་པ་དང་སོར་མོ་ལྔ་མི་མངོན་པའི་སྐྱོ་མ་ཡང་ངོ་ཞེས་པ་ཡིན་ཏེ་ཐུག་པ་འདི་ཙམ་གྱི་ཚོད་དང་སྐྱོ་མ་འདི་ཙམ་གྱི་ཚོད་ཀྱང་བཏུང་བའི་ཁོངས་སུ་འགྲེ་བར་སྟོན་པའོ། །གོང་དུ་བྱིན་པ་བཟློག་ན་བཏང་བའོ་ཞེས་སྨོས་པ་དེའི་བྱེ་བྲག་སྟོན་པ་ནི#། ཀུ་རེས་ན་བྱིན་ལེན་
[114b.4]མ་ཡིན་ཞེས་པ་ཡིན་#ཏེ་ཕས་ཀུ་རེ་བྱེད་པར་དོགས་ནས་མི་འདོད་ཅེས་བཟློག་པ་ལྟ་བུ་ནི་བཏང་བ་མ་ཡིན་བར་སྟོན་པའོ། །བཏང་བའི་མཚན་ཉིད་དེ་ལྟར་བསྟན་ནས་ལྷག་པའི་མཚན་ཉིད་ད་#སྟོན་པ་ནི། མཚམས་ཀྱི་ཕྱི་རོལ་དང་མི་འགྲུབ་པའི་ཕྱོགས་དང་མདུན་དུ་མ་བབ་པ་#ནི་ལྷག་མ་
[114b.5]བྱས་པར་མི་འགྱུར་རོ་ཞེས་པ་ལ་སོགས་པ་ཡིན་ཏེ་ལྷག་མ་བྱེད་པར་གསོལ་བ་དང་ལྷག་མར་བྱེད་པའི་བར་དུ་ཆུ་ལ་སོགས་པའི་མཚམས་ཀྱིས་#ཆོད་དམ་མཐོན་དམན་ཁྱེར་རམ་གཡས་གཡོན་དུ་གྱུར་ན་ལྷག་མ་བྱས་པར་མི་ཆུད་པར་སྟོན་པའོ། །ལག་ཏུ་མ་བླངས་པར་བྱས་ནས་#མ་
[114b.6]ཡིན་ཞེས་པ་ནི་ལྷག་མ་བྱ་བའི་ཟས་དེ་ལག་ཏུ་མ་བླངས་པར་ལྷག་མ་བྱས་ན་བྱས་#པར་མི་ཆུད་པའོ། །མི་རུང་བ་ལ་མི་བྱ་ཞེས་པ་ནི་ཐུག་ཐུབ་ཏུ་བླངས་པ་ལ་སོགས་པ་མི་རུང་བའི་ཟས་ལ་ལྷག་མ་བྱེད་ཅིག་པར་མི་སྟོན་པའོ། །དེ་དང་འདྲེས་པ་ཡང་ངོ་ཞེས་པ་ནི་ཐུག་ཐུབ་དུ་#བླངས་
[114b.7]པ་ལ་སོགས་པའི་#མི་རུང་བ་དང་འདྲེས་པ་ཞིག་ན་ཡང་ལྷག་མ་མ་བྱེད་ཅིག་པར་སྟོན་པའོ། །གནས་བཏང་བས་བྱ་ཞེས་པ་ནི་གནས་མ་བཏང་བའི་མིས་ལྷག་མ་གྱིས་ཤིག་པར་སྟོན་པའོ། །གནས་མ་བཏང་བ་ཉིད་ཅེས་བྱ་འམ་ཞེ་ན། མི་བཟའ་བར་བསམས་པས་ཀྱང་ངོ་ཞེས་པ་ཡིན་
[115a]
[115a.1]ཏེ་གྲལ་ནས་མ་ལངས་ན་ནི་བཟའ་བར་བསམས་པས་ཀྱང་ལྷག་མ་གྱིས་ཤིག་པའོ། །མ་གསོལ་ཀྱང་ངམ་ཞེ་ན་གསོལ་ནས་སོ། །ཅེས་པ་ཡིན་ཏེ་ལྷག་མ་བགྱིས་གསོལ་ཞེས་ཟེར་ན་གདོད་གྱིས་ཤིག་པའོ། །ལྷག་མ་ཇི་ལྟར་#ཞེ་ན། ཁྱོད་ཀྱིས་#ཡིན་གྱིས་སོང་#ཤིག་ཅེས་
[115a.2]པའི་ཚིག་བྱ་ཞེས་པ་ལ་སོགས་པ་#ཡིན་ཏེ། ད་ཁྱོད་ཀྱིར་གྱུར་#གྱིས་ཁྱེར་ཞེས་གྱིས་ཤིག་པའོ། །ཅི་བདེར་ཟོས་ཤིག་ཅེས་ཀྱང་ཁ་ཅིག་གོ་ཞེས་པ་ནི་སྙད་འདི་སྐད་དུ་བྱས་ཀྱང་རུང་ངོ་ཞེས་#ཁ་ཅིག་འཆད་དོ་བར་སྟོན་པའོ། །ཁམ་གཉིས་གསུམ་ཟོས་ནས་སོ་#ཞེས་པ་ནི་ལྷག་མ་
[115a.3]བྱེད་པས་ཁམ་གཉིས་སམ་གསུམ་ཟོས་ནས་གོང་མ་སྐད་དུ་གྱིས་ཤིག་པའོ། །ཅི་མི་བཟའ་བར་བསམ་པས་ཀྱང་དེ་ལྟ་#འམ་ཞེ་ན་བཟློག་པར་བྱས་པས་མི་བཟའ་བ་ཞེས་པ་ཡིན་ཏེ་མི་བཟའ་བར་བསམས་པས་#ནི་གོང་མ་ལྟར་མ་བྱེད་པར་སྦགས་པའི་ལག་པས་ལྷུང་བཟེད་ལ་
[115a.4]མནན་ཏེ་གོང་དུ་སྨོས་པ་སྐད་དུ་གྱིས་ཤིག་པའོ། །གཞན་གྱིས་ལྷག་མ་བྱས་པ་བཟའ་ཞེས་པ་ནི་གཅིག་གིས་ལྷག་མ་བྱས་ན་གཞན་གྱིས་ཀྱང་བཟར་རུང་བར་སྟོན་པའོ། །འབྲིད། །འདུ་ཤེས་ཇི་ལ་བརྩན་#ཞེ་ན། བཏང་བ་དང་ལྷག་མ་མ་བྱས་ནའོ་ཞེས་པ་ཡིན་ཏེ་བཏང་བར་ཡང་
[115a.5]ཤེས། ལྷག་མ་མ་#བྱས་པར་ཡང་#ཤེས་ལ་ཟོས་ན་གདོད་ཉེས་པར་འགྱུར་བའོ། །དེའང་ཇི་ལྟར་བྱས་པས་ཉེས་པར་འགྱུར་ཞེ་ན་ཟོས་ནའོ་ཞེས་པ་ཡིན་ཏེ་དེའང་ཟོས་ན་གདོད་ཉེས་པར་འགྱུར་བའོ། །དེའང་ཅི་ཞེ་ན་ཟས་ཙམ་གྱིས་སོ་ཞེས་པ་ཡིན་ཏེ་བཅའ་བ་ལ་སོགས་པའི་ཟས་#ཙམ་ཟོས་
[115a.6]ན་ཡང་ཉེས་པར་འགྱུར་བའོ། །འདི་དང་སྦྱངས་པའི་ཡོན་ཏན་གྱི་#སྟན་གཅིག་པ་གཉིས་ལ་ཁྱད་ཅི་ཡོད་ཅེ་ན། དེས་ནི་མ་བཏང་བར་སྟན་ལས་ལྡང་བ་དང་ལྷག་མ་བྱས་པ་གཉིས་ཀ་བཟར་མི་རུང་བའི་ཁྱད་ཡོད་དོ། །སྟན་གཅིག་གི་ཟས་སོ།། །།#བཏང་བ་སླར་ཟར་བཅུག་པའི་ལྟུང་བ་སྟོན་པ་ནི་
[115a.7]བཅུག་པ་ནའོ་ཞེས་པ་ནི་ལྷག་མ་བྱས་པ་སླར་ཟར་བཅུག་ན་གདོད་ཉེས་པར་འགྱུར་བ་སྟེ་ཡན་ལག་གཞན་ནི་འབྲིད་ཅེས་པ་ལ་སོགས་ཏེ། གོང་དུ་སྨོས་པ་དང་སྦྱོར་ཅིག་པའོ། །དགེ་སློང་ལའོ་ཞེས་པ་ནི་དེ་ལྟར་སླར་ཟར་བཅུག་པ་ཡང་དགེ་སློང་ཡིན་ན་གདོད་ཉེས་པར་འགྱུར་བའོ། །བཏང་
[115b]
[115b.1]བ་ལས་བཅུད་པའོ། །#འདུས་ཤིང་ཟ་བའི་ལྟུང་བ་སྟོན་པར་འདོད་པ་ནི་འབྲིད་ཅེས་པ་ལ་སོགས་པ་ཡིན་ནོ། །འདུ་ཤེས་ཅི་ལ་བརྩན་#ཞེ་ན། མཚམས་ཀྱི་#ནང་ན་ཡང་འཁོད་ལ་དགེ་འདུན་དུ་གྱུར་པའི་དགེ་སློང་དང་བཀད་སར་གཉུག་མར་ལྷན་ཅིག་ཏུ་ཟ་བ་ལས་ལོགས་ཤིག་ཏུ་ཟ་ནའོ་ཞེས་པ་ཡིན་ཏེ་
[115b.2]མཚམས་གཅིག་གི་ནང་ན་འཁོད་པའང་ཡིན་ལ་བཀད་ས་གཉུག་མར་སྤྱིས་འདུས་ཏེ། བཟའ་བར་རིགས་པ་ལས་ལོགས་ཤིག་ཏུ་ཆད་ཅིང་གར་ཏེ་ཟ་ན་ཉེས་པར་འགྱུར་བའོ། །དགེ་སློང་གཅིག་པུ་ལོགས་ཤིག་ཏུ་ཟོས་པས་#ཉེས་པར་འགྱུར་རམ་ཞེ་ན། བསྡོངས་ནས་སོ་#ཞེས་པ་ཡིན་ཏེ་གཅིག་པུ་
[115b.3]མ་ཡིན་གྱི་བསྡོངས་ཤིང་ཟ་ན་གདོད་ཉེས་པར་འགྱུར་བའོ། །དེའང་རྣམ་པ་ཇི་ལྟར་བྱེད་པས་ཤེ་#ན། ལྷན་ཅིག་ཏུ་ཟ་ནའོ་ཞེས་པ་ཡིན་ཏེ་དེའང་སོ་སོའམ་སྔ་ཕྱིར་མི་ཟ་བའི་ཅིག་ཅར་སྟན་གཅིག་ཏུ་ཟ་ན་གདོད་ཉེས་པར་འགྱུར་བའོ། །དུ་བསྡོངས་པས་ཤེ་ན་གཅིག་གི་སྟེང་དུ་གསུམ་ལ་སོགས་
[115b.4]པས་བསྣན་ཏེ། མདོར་ན་བཞི་ཡན་ཆད་དོ། །གསུམ་ལ་སོགས་པའོ་ཞེས་པ་ཡིན་ཏེ་གསུམ་ལ་སོགས་པ་སྟེ། བཞི་ཡན་ཆད་བསྡོངས་ན་གདོད་ཉེས་པར་འགྱུར་བའོ། །དེ་ལ་ཡང་གསུམ་ནི་བཀད་ཀྱི་གཅིག་འབྲིམ་#ན་ཉེས་པར་མི་འགྱུར་བའོ། །གསུམ་ལ་སོགས་པའི་ཁོངས་སུ་
[115b.5]བསྙེན་པར་མ་རྫོགས་པ་ཡང་གཏོགས་སམ་ཞེ་ན། དེ་དགེ་སློང་ངོ་ཞེས་པ་ཡིན་ཏེ་དེ་དག་ཀྱང་དགེ་སློང་ཤེ་དག་ན་གདོད་ཉེས་པར་འགྱུར་བའོ། །དུས་ལ་བབ་དུ་ཟིན་ཀྱང་གསུམ་དང་ལྷན་ཅིག་ཟོས་པས་ཉེས་པར་འགྱུར་རམ་ཞེ་ན། གང་གོས་མེད་པའི་ཟས་གཉིས་པ་རྙེད་པ་#གྲུར་
[115b.6]ཞུགས་པ་བཞིན་ཞེས་པ་ཡིན་ཏེ་བསླབ་#པ་འདི་ཡང་གྲུར་ཞུགས་ཤིང་ལམ་བགྲོད། ནད་པ་ཡིན་ཞིང་ལས་བྱས་ན་གོས་མེད་པའི་ཟས་ལན་གཉིས་པ་ཡང་བཟར་རུང་བ་དང་འདྲ་བར་སྟོན་པའོ། །འདུ་#ཤིང་ཟའོ་ཅོག་ཉེས་པར་འགྱུར་རམ་ཞེ་ན། ཕལ་ཆེར་འདུས་པ་ལས་གཞན་
[115b.7]དུ་ནའོ་ཞེས་པ་ཡིན་ཏེ་དུས་སྟོན་གྱི་ཡོ་ལང་ཆེན་པོ་གཡོས་པའི་ཚེ་ཡོན་བདག་ཁ་མང་པོས་དགེ་སློང་བཞི་ལྔ་ཚོམས་སུ་མེར་བོས་ཏེ་སོ་སོར་ཟོས་ཀྱང་ཉེས་མེད་པར་སྟོན་པའོ། །གྲོང་དུ་ཟོས་ནའོ་ཞེས་འབྱུང་བ་ཟས་ཟོས་སོ་ཅོག་གིས་ཉེས་པར་འགྱུར་རམ་ཞེ་ན། འདིའི་ཚུལ་
[116a]
[116a.1]གྱིས་#རབ་ཏུ་བྱུང་བ་མ་ཡིན་པའི་ཟས་ལས་གཞན་པའོ་ཞེས་པ་ནི་རྒྱལ་པོ་གཟུགས་ཅན་སྙིང་པོའི་ཚོབ་པའི་རབ་ཏུ་བྱུང་བས་དགེ་འདུན་ཁ་ཅིག་སྤྱན་དྲངས་པ་ལྟ་བུ་སྟེ། བདག་ཅག་གི་རབ་ཏུ་བྱུང་བ་#མ་ཡིན་པའི་རབ་ཏུ་#བྱུང་བས་བཤམས་པའི་ཟས་ཟོས་པ་ནི་ཉེས་པ་མི་འགྱུར་
[116a.2]བར་སྟོན་པའོ། །ཟོས་ནའོ་ཞེས་པ་ནི་གུད་དུ་ཟོས་ན་གདོད་ཉེས་པར་འགྱུར་བའོ། །མཚམས་ཀྱི་ནང་ན་འཁོད་དེ་དེར་འོང་བའི་རིགས་པ་ལས་འོད་བ་མ་དྲིས་པར་ཟོས་ན་ཕྱེད་འདས་པའོ་ཞེས་པ་ནི་བཀད་ས་གཉུག་མར་འདུས་པའི་ཚེ་ཁ་ཅིག་མ་འོངས་པ་ག་རེ་ཞེས་དེར་འདུས་པ་རྣམས་
[116a.3]ཀྱིས་མ་འདྲེས་པར་ཟོས་ན་ཉེས་#པར་སྟོན་པར་རོ། །གང་ཅིའང་རུང་སྟེ་ཅུང་ཟད་བསྲུལ་ན་ཟས་གཅིག་ཏུ་བྱས་པའོ་ཞེས་པ་ནི་བཀད་ས་གཉུག་མ་ན་འཁོད་པ་དང་ལོགས་ཤིག་ཏུ་ཟ་བ་རྣམས་ཆ་ཡན་ཆད་ཅི་ཡང་རུང་#ཕན་ཚུན་བསྲུལ་ཅིང་སྐུར་ན་ལྷན་ཅིག་ཏུ་ཟོས་པ་དང་འདྲ་བས་ཉེས་མེད་པར་སྟོན་པའོ། །
[116a.4]འགྲོ་བ་དང་འོངས་པ་དང་ནད་པ་དང་དེའི་རིམ་གྲོ་བ་དང་གཙུག་ལག་ཁང་སྐྱོང་ལས་གཞན་པས་ཚང་མང་དང་བསྐོས་མལ་ནས་ཐམས་ཅད་ཀྱིས་མ་ཟོས་པར་མནོས་ཤིང་མི་བཟའ་ཞེས་པ་ནི་མིང་གིས་སྨོས་པ་འདི་དག་གཏོགས་པས་དགེ་འདུན་གྱིས་མ་གསོལ་བའི་སྡུན་ཚོགས་སུ་ཚང་མང་དང་
[116a.5]བསྐོས་མལ་ནས་མ་མནོད་ཅིག་པའོ། །འདུས་ཤིང་ཟ་བའོ།། །།#དུས་མ་ཡིན་པའི་ཟས་ཀྱི་ལྟུང་བ་སྟོན་པ་ནི། ཉིད་ཀྱི་གུང་གི་མཐའ་ནས་སྐྱ་རེངས་ཤར་གྱི་བར་དུ་དུས་མ་ཡིན་ཞེས་པ་ལ་སོགས་པ་ཡིན་ཏེ་བདག་ཅག་ཉིད་ཀྱི་གླིང་གི་ཉི་མའི་གུད་ནས་ཕྱི་དེ་ཉིན་བར་#སྐྱ་རེངས་ཤར་གྱི་བར་དུས་མ་ཡིན་པར་
[116a.6]སྟོན་པའོ། །དེ་ཉིད་འབྲིད་ཅེས་པ་ནི་དེ་ལྟ་བུའི་དུས་མ་ཡིན་པར་ཤེས་ན་ཉེས་པར་སྟོན་པའོ། །དེ་ཡང་ཇི་ལྟར་བྱས་ན་#ཉེས་པར་འགྱུར་ཞེ་#ན། བཟའ་བ་དང་བཅའ་བ་ཟོས་ནའོ་ཞེས་པ་ཡིན་ཏེ་བཟའ་བ་དང་བཅའ་བ་གང་ཟོས་ཀྱང་རུང་ལྟུང་བར་སྟོན་པའོ། །དུས་མ་ཡིན་པའི་ཟས་སོ། །བཞག་པའི་ལྟུང་བ་
[116a.7]སྟོན་པར་འདོད་པའི་ཐོག་མར་བཞག་པའི་མཚན་ཉིད་#ཇེ་སྟོན་པ་ནི་སྔ་དྲོའི་ཟས་བྱིན་ལེན་བྱས་པ་དང་ཕྱི་དྲོའི་ཟས་དེའི་ཐུན་ཡོལ་ན་བཞག་པའོ་ཞེས་པ་ལ་སོགས་པ་ཡིན་ཏེ། སྔ་དྲོའི་ཟས་སུ་བྱིན་ལེན་བྱས་པ་ལས་ཕྱི་དྲོར་ཡོལ་བ་དང་ཕྱི་དྲོའི་བྱིན་ལེན་བྱས་པ་སྲོད་ཀྱི་ཐུན་འདས་ན་བཞག་པ་ཡིན་ནོ་བར་
[116b]
[116b.1]སྟོན་པའོ། །དེ་དག་ལྟར་འདས་པ་ཡང་བླངས་པའི་བྱིན་ལེན་མ་ཞིག་ནའོ། །དེ་ཉིད་དོ་ཞེས་པ་ནི་བཞག་པ་དེ་ཉིད་དུ་གྱུར་ན་གདོད་ཉེས་པར་སྟོན་པའོ། །ཐུག་ཐུབ་ཏུ་བླངས་པ་མི་བཟའ་ཞེས་པ་ནི་བྱིན་ལེན་མ་བྱས་པར་བདག་གིས་#ཐུག་ཐུབ་ཏུ་བླངས་པ་མ་ཟ་ཤིག་པའོ། །མཚམས་ཀྱི་ནང་དུ་བཙོས་པ་
[116b.2]དང་ལུས་པ་ཡང་མ་ཡིན་ཞེས་པ་ནི་མཚམས་ཀྱི་ནང་དུ་བཙོས་པ་དང་ལུས་པ་འདི་གཉིས་ཀྱང་མ་ཟ་ཤིག་པའོ། །དེ་ལ་ནང་དུ་ལུས་པ་ནི་དགེ་སློང་ཉིད་གང་ན་འཁོད་པའི་གནས་ཀྱི་ནང་དུ་ལུས་ན་གདོད་ཉེས་པར་འགྱུར་གྱི་ཕྱི་རོལ་ལ་སོགས་པའི་མཚམས་ཀྱིས་ནི་མི་#བཟུང་ངོ་། །ཡོན་བདག་གིས་#ནས་
[116b.3]འབྲས་ལ་སོགས་པ་དགེ་སློང་གི་གནས་སུ་བཞག་ཅིང་བཙོས་ཀྱང་ཡོན་བདག་གི་ཡིན་པའི་ཕྱིར་ནང་དུ་བཙོས་པ་དང་ལུས་པའི་ཉེས་པར་མི་འགྱུར་བའོ། །དགེ་སློང་གིས་བཙོས་པ་ཡང་ངོ་ཞེས་པ་ནི་འདི་ཡང་མ་ཟ་ཤིག་#པར་སྟོན་པའོ། །གོང་དུ་བཙོས་ཞེས་སྨོས་པའི་བཙོས་པ་དང་མ་བཙོས་པར་སྟོན་པ་
[116b.4]ནི། འདིར་གང་རྗེན་པ་དེ་བཙོས་པའོ་ཞེས་པ་ཡིན་ཏེ་གང་རྗེན་པ་ལས་བཙོས་#པ་ན་གདོད་བཙོས་པ་ཡིན་པར་སྟོན་པའོ། །དེ་ལ་སྲ་སྙིའི་བྱེ་བྲག་ལས་རྗེན་ཚོས་ཀྱི་ཉེས་པ་སྟོན་པ་ནི་མི་སྙིན་སུམ་ཆ་གཅིག་ཚོས་པ་ཕན་ཆད་དེའོ་ཞེས་པ་ཡིན་ཏེ་འབྲས་ལ་སོགས་པ་སྲ་བ་ཞིག་ན། སུམ་ཆ་གཅིག་མ་ཚོས་པ་
[116b.5]ཕན་ཆད་རྗེན་པ་ཡིན་པར་སྟོན་པའོ། །སྙི་བ་ནི་མདོག་གྱུར་ནའོ་ཞེས་པ་ནི་ལོ་མ་ལ་སོགས་པ་སྙི་བ་ཞིག་ན་མདོག་མ་གྱུར་པ་ཕན་#ཆད་རྗེན་པ་ཡིན་པར་སྟོན་པའོ། །ཁུ་བ་ནི་ལྷག་གཉིས་ན་དེའོ་ཞེས་པ་ནི་འོ་མ་ལ་སོགས་པ་ནི་ལྷག་གཉིས་སུ་མ་གྱུར་པ་ཕན་ཆད་རྗེན་པ་ཡིན་པར་སྟོན་པའོ། །མེས་རུང་བར་བྱས་
[116b.6]པ་མ་བཙོས་པ་མ་ཡིན་ཞེས་པ་ནི་མེས་བརྟགས་པའང་བཙོས་པའི་ཁོངས་སུ་འགྲེ་བས་ན་མེས་མཚམས་ཀྱི་ནང་དུ་རུང་བར་མ་བྱེད་ཅིག་པའོ། །གནས་སུ་གནའ་#ནས་གྱེས་པ་ནི་མ་ལུས་པ་མ་ཡིན་ཞེས་པ་ནི་#ཤིང་ལྟ་བུ་གནའ་#ནས་གནས་ཀྱི་ནང་དུ་སྐྱེས་ཤིང་འདུག་པ་ཞིག་ན་ཡང་མཚམས་ཀྱི་ནང་དུ་ལུས་
[116b.7]པ་ཡིན་ནོ་བར་སྟོན་པའོ། །རྩ་བ་མཚམས་ཀྱི་ཕྱི་རོལ་ན་འདུག་ལ་ལོ་མ་ནང་དུ་བོ་བ་དང་རྩ་བ་ནང་དུ་ཟུག་ལ་ལོ་མ་ཕྱི་རོལ་དུ་བོ་བ་དང་། ལོ་#མ་ནང་དུ་ལུས་ལ་ཞོ་ཕྱི་རོལ་དུ་བསྲུབས་པ་ལ་སོགས་པ་ནི་ནང་དུ་ལུས་པར་གཏོགས་སོ། །ས་བོན་ནང་ན་#བཞག་པ་ལས་ཞིང་ལ་#བཏབ་པ་ནི་ལྗང་བུ་ལ་
[117a]
[117a.1]སོགས་པ་དངོས་པོ་གཞན་དུ་གྱུར་པའི་ཕྱིར་ནང་དུ་ལུས་པ་མ་ཡིན་པར་འགྱུར་རོ། །སྣོད་ཀྱི་ཕྱོགས་གཞག་པ་ཡང་དེར་བཙོས་པའོ་ཞེས་པ་ནི་མཚམས་ཀྱི་སོ་ཁོ་ནར་ཐབ་བཙུགས་ཏེ་སྣོད་ཕྱེད་ནི་མཚམས་ཀྱི་ནང་དུ་གཏོགས། #སྣོད་ཕྱེད་ནི་མཚམས་ཀྱི་ཕྱི་རོལ་དུ་གཏོགས་
[117a.2]ན་ཡང་ནང་དུ་བཙོས་པའི་ཁོངས་སུ་འགྲེ་བར་སྟོན་པའོ། །འཚེད་#པ་དེར་གཏོགས་ཀྱང་མ་ཡིན་ཞེས་པ་ནི་བཙོ་བ་ཉིད་མཚམས་ཀྱི་ཕྱི་རོལ་ན་འཚེད་པའི་བྱན་པོ་ནང་དུ་འདུག་པ་ལྟ་བུ་ནི་འཚེད་པ་མཚམས་ཀྱི་ནང་དུ་གཏོགས་ཀྱང་ཕྱི་རོལ་དུ་བཙོས་པར་སྟོན་པའོ། །མེ་སྣོད་མ་ཡིན་པ་མ་ཡིན་ཞེས་པ་ནི་མདག་
[117a.3]མེའི་སྟེང་དུ་བསྲེག་པ་ལྟ་བུ་ཡང་སྣོད་ཀྱི་ནང་དུ་བཙོས་པ་དང་འདྲ་བར་སྟོན་པའོ། །དེ་ནས་ཕྱུང་བ་དང་བྱུང་#བ་ནི་དེ་མ་ཡིན་ཞེས་པ་#ཐབ་ཀྱི་ནང་ནས་ཕྱུང་ངམ་མེ་དང་མདག་མ་ལ་སོགས་པ་ནང་ནས་དྲང་སྟེ་བཙོས་པ་ལྟ་བུ་ནི་ནང་དུ་བཙོས་པ་མ་ཡིན་པར་སྟོན་པའོ། །ཉེ་སྤྱོད་ཀྱང་གནས་བཞིན་ཉེས་པ་ནི་ཉེ་#སྤྱོད་ཀྱང་གནས་
[117a.4]དང་འདྲ་བར་སྟོན་པའོ། །དེ་ཡང་ཇི་ཙམ་ཚུན་ཆད་ཞེ་ན། འདོམ་མོ་ཞེས་པ་ཡིན་ཏེ། འདོམ་གང་ཚུན་ཆད་ཉེ་#སྤྱོད་ཡིན་པར་སྟོན་པའོ། །སྟེང་གི་ནམ་མཁའ་འདུས་པ་ཡང་ངོ་ཞེས་པ་ནི་སྟེང་མ་བཀབ་ན་ལུས་ཀྱིས་སླེབས་ཤིང་སྤྱོད་པ་མན་#ཀྱང་ཉེ་སྤྱོད་དུ་གཏོགས་པར་སྟོན་པའོ། །ནང་གི་ཡང་ངོ་ཞེས་པ་ནི་སྟེང་
[117a.5]བཀབ་པ་ཞིག་ན་བཀབ་པའི་འཕང་#ཇི་ཙམ་པ་མན་ཆད་ཀྱི་ནམ་མཁའ་ཡང་ཉེ་སྤྱོད་དུ་གཏོགས་པར་སྟོན་པའོ། །ཡང་ཐོག་རྩེག་མའང་དེའོ་#ཞེས་པ་ནི་ཁང་པ་བརྩེགས་པ་དུ་མར་འདུག་པ་ཞིག་ན་#ཉེ་སྤྱོད་ཀྱི་ཁོངས་སུ་གཏོགས་པར་སྟོན་པའོ། །གཅིག་གིས་གཞི་མནན་པ་གཅིག་གི་#མ་ཡིན་ཞེས་པ་ནི་
[117a.6]དགེ་སློང་གི་གནས་སུ་ཁྱིམ་པས་ཕྲོགས་སམ་དབང་ཡང་རུང་སྟེ་གཞི་བཏབ་ན་དགེ་སློང་གི་གནས་མ་ཡིན་པར་སྟོན་པ་སྟེ་དེར་བཙོས་ཤིང་ལུས་ཀྱང་བཙོས་པ་དང་ལུས་པའི་ཉེས་མེད་པར་སྟོན་པའོ། །ནམ་འཚོ་བ་#ནི་ཐུག་ཐུབ་ཏུ་བླངས་པ་དང་བཙོས་པ་དང་དགེ་སློང་གིས་བཙོས་པ་བཀག་པ་དེ་དག་གི་དུས་
[117a.7]ལ་མི་བརྟེན་ཅེས་པ་ནི་ནམ་འཚོ་བའི་སྨན་དུ་བྱིན་གྱིས་བརླབས་ན་མིང་གིས་སྨོས་པ་འདི་དག་དང་མ་སྦྱར་ཅིག་པའོ། །དེ་ལ་ཐུག་ཐུབ་ཏུ་བླངས་པའི་དུས་ནི་སྔ་དྲོ་བཟའ་བར་ཐུག་#ཐུབ་ཏུ་བླངས་པ་སྔ་དྲོ་ཉིད་ཀྱི་དུས་དང་སྦྱར་བ་དང་ཕྱི་དྲོ་བཟའ་བ་ཐུག་ཐུབ་ཏུ་བླངས་པ་ཕྱི་དྲོ་ཉིད་དུ་དུས་དང་སྦྱོར་བ་ལ་སོགས་པའོ། །
[117b]
[117b.1]འབགས་པ་ནི་ཟས་ཀྱི་ཕྱེད་དོ་ཞེས་པ་ནི་ལྷུང་བཟེད་ལ་སོགས་ཁ་གཟར་ཡན་ཆད་ལ་ཟས་ཀྱི་ལྷག་མས་འབགས་པ་ཟོས་ན་ཟས་ཀྱི་ཕྱེད་ཡིན་པས་ཉེས་བྱས་སུ་གྱུར་པར་སྟོན་པའོ། །ཁའི་དྲི་མ་ཡིས་#བཟའ་བ་དང་བཏུང་བའི་འོ་ཞེས་པ་ནི་ཁའི་དྲི་མ་དང་བཅས་པས་#ཟོས་སམ་འཐུངས་
[117b.2]ན་ཡང་ཟས་ཀྱི་ཕྱེད་དུ་སྟོན་པའོ། །ཁ་བཀྲུ་བའི་ཐབས་ཇི་ལྟར་བྱ་ཞེ་ན། འདིའི་ཕྱི་རོལ་ནི་ལྕི་བའམ་འཇིམ་#པས་སྦྱང་ཞིང་ཆུས་བཤལ་ཏེ་བཀྲུ་ཞེས་པ་དང་། ནང་གི་ཆུ་མཁུར་གཉིས་གསུམ་གྱིས་བཤལ་ཏེ་བོར་ནའོ་ཞེས་པ་ཡིན་ཏེ་ཁའི་ཕྱི་ནང་བཀྲུ་བ་ཐབས་འདི་ལྟར་གྱིས་ཤིག་པའོ། །
[117b.3]ལྷུང་བཟེད་བཀྲུ་བ་ཇི་ཙམ་གྱིས་བཀྲུས་པར་ཆུད་ཅེ་ན། ལན་གཉིས་གསུམ་དུ་དྲིལ་ཏེ་སྙིང་ནས་བྱས་ན་ལྷུང་བཟེད་མི་འཁྲིག་ཀྱང་དག་པའོ་ཞེས་པ་ཡིན་ཏེ་སུག་པ་ལ་སོགས་པས་ལན་གསུམ་བཀྲུས་ཤིང་སྙིང་ནས་ལེགས་པར་བཀྲུས་ན་མི་འཁྲིག་ཏུ་ཟིན་ཀྱང་དག་པར་སྣང་བའོ#། །
[117b.4]ལངས་པ་ནི་ཉེས་མེད་ཅེས་པ་ནི་ལྷུང་བཟེད་ཉིད་ཀྱི་#ཚོན་ལ་སོགས་པ་ལངས་ཏེ་བླུགས་པའི་སྟེང་ན་སྣང་དུ་ཟིན་ཀྱང་ཉེས་པ་མེད་དོ་བར་སྟོན་པའོ། །མི་འབྱར་བ་ནི་འབགས་པ་མ་ཡིན་ཞེས་པ་ནི་མར་དང་ཐུག་པ་#ལྟ་བུ་ལ་སོགས་པ་འབྱར་བ་མ་ཡིན་གྱི་ལ་དུ་#སོགས་པ་མི་འབྱར་བ་ཞིག་
[117b.5]ན་འབགས་པར་མི་འགྱུར་བར་སྟོན་པའོ། །སྣུམ་ན་གོ་འདུན་དང་ལྕི་བ་དང་ས་གང་ཡང་རུང་བས་བཀྲུ་ཞེས་པ་ནི་ལྷུང་བཟེད་ལ་སྣུམ་གྱིས་ཕོག་ན་མིང་གིས་སྨོས་པ་འདི་དག་གང་ཡང་རུང་བས་ཁྲུས་ཤིག་པར་སྟོན་པའོ། །ལངས་པ་བཞམ་#ཞེས་པ་ནི་འོ་ཚན་#ལ་སོགས་པ་
[117b.6]བླུགས་#པ་དང་སྣུམ་མ་དག་པ་ལ་སོགས་པ་ལངས་ན་ལངས་པ་དེ་ཉིད་ཞོམས་ལ་འོར་ཅིག་པའོ། །ཕྱོགས་འགར་འབགས་ན་དེ་ཉིད་བཀྲུ་ཞེས་པ་ནི་ལྷུང་བཟེད་#ཕྱོགས་འགའ་ཞིག་ཏུ་འབགས་ན་དེ་ཉི་ཚེ་ཁྲུས་ཤིག་པའོ། །བུམ་པ་ལ་སོགས་པ་སྣུམ་མེད་པར་བྱ་བའི་ཕྱིར་འཇིངས་
[117b.7]ཟབ་མོར་དོར་ཞེས་པ་ནི་སྣུམ་དབྱུང་བའི་ཕྱིར་ཐབས་འདི་ལྟར་གྱིས་ཤིག་པའོ། །ཉ་དང་རུས་སྦལ་དང་སྦལ་པ་དཀར་པོ་དང་སྲིན་བུ་ལུ་ཀ་རྣམས་ཀྱིས་བལྡགས་ཀྱི་བར་དུ་གཞག་ཅེས་པ་ནི་འཇིངས་སུ་བོར་བ་དེ་འདི་རྣམས་ཀྱིས་བལྡགས་ཀྱི་བར་དུ་ཞོག་ཤིག་པའོ། །#བསྲེགས་
[118a]
[118a.1]པས་ཀྱང་སྣུམ་ཡལ་ལོ་ཞེས་པ་ནི་ཡང་ན་བསྲེགས་པས་ཀྱང་སྣུམ་མེད་པར་སྟོན་པའོ། །དེ་ལྟར་བལྡགས་ཤིང་བསྲེགས་ཏེ་སྣུམ་ཡལ་བའི་འོག་ཏུ་ཇི་ལྟར་བྱ་ཞེ་ན། སྣུམ་ཡལ་ནས་གོ་འདུན་ནས་ལྕི་བས་བཀྲུས་ན་གཙང་ངོ་ཞེས་པ་ཡིན་ཏེ་འདི་དག་གིས་བཀྲུས་
[118a.2]ན་གཙང་ངོ་བར་སྟོན་པའོ། །ཚྭ་དང་བ་ཚྭ་#དང་རྙོག་པའི་ཆུར་གྱུར་པ་ནི་ཚྭ་#ལ་སོགས་པའི་ཕྱིར་རོ་#ཞེས་པ་ནི་འདི་གསུམ་གྱི་ཆུ་ཡང་ཚྭ་ལ་སོགས་#ཕྱེད་ཡིན་པས་ན་ཐུག་ཐུབ་ཏུ་བླངས་སམ་བཞག་པ་འཐུངས་#ན་ཉེས་བྱས་སུ་འགྱུར་བར་སྟོན་པའོ། །དུས་མ་ཡིན་ཡང་ཐམས་ཅད་ཀྱིར་རུང་
[118a.3]ཞེས་པ་ནི་གོང་དུ་སྨོས་པ་འདི་དག་བྱིན་ལེན་བྱས་ན་ནད་པ་མ་ཡིན་པ་ལ་སོགས་པ་གང་གིས་ཀྱང་དུས་མ་ཡིན་པའི་ཚེ་བཏུང་དུ་རུང་བར་སྟོན་པའོ། །ཚྭ་དང་བ་ཚྭ་#ཉིད་ཀྱི་ལས་མི་བྱེད་ན་ཡོད་པ་མ་ཡིན་ཞེས་པ་ནི་འདི་དག་གི་ཆུ་ཉིད་ཀྱི་རོ་མི་བྲོ་ན་གོང་མ་ལྟ་བུའི་ཉེས་པའང་མེད་པར་
[118a.4]སྟོན་པའོ། །ཕྱི་མ་ནི་གཟུགས་བརྙན་བྱུང་ནའོ་ཞེས་པ་ནི་གཉིས་ཀྱི་ཕྱི་མ་སྟེ་རྙོག་#པར་འགྱུར་པ་དེ་ནི་གཟུགས་བརྙན་སྣང་ན་གོང་མ་ལྟ་བུའི་ཉེས་མེད་པར་སྟོན་པའོ། །ཀ་ཏ་ཀའི་འབྲས་བུས་ཆུ་དངས་པར་#འགྱུར་རོ་ཞེས་པ་ནི་ཆུ་རྙོག་#མ་ཅན་གྱི་ནང་དུ་འབྲས་བུ་འདི་བཅུག་ན་རྙོག་མ་
[118a.5]དངས་པར་སྟོན་པའོ། །ཐལ་བ་དང་ཟན་ཆང་གིས་ཀྱང་ངོ་ཞེས་པ་ནི་འདི་དག་གིས་ཀྱང་ཆུ་དངས་#པར་སྟོན་པའོ། །འདི་མི་གྱེས་པར་སྣུམ་གྱིས་སོ་ཞེས་པ་ཟན་ཅང་#དེ་མི་གྱེས་པའི་སྤྱད་#དུ་སྣུམ་གྱིས་བསྐུས་#ལ་ཆུར་འོར་ཅིག་པའོ། །ཆུ་མིག་ཏུ་ཞུགས་པ་ནི་མངོན་ན་ཡོད་པ་
[118a.6]མ་ཡིན་ནོ་ཞེས་པ་ནི་དུས་སྟོན་ཆེན་པོ་ལ་སོགས་པའི་ཚེ་ཆུ་མིག་བཀྲུ་བཤལ་ལ་སོགས་པ་མང་བས་སྣུམ་ལ་སོགས་པའི་ཞག་ཡོད་ན་ཞག་གི་སྙིགས་#མ་དེ་དག་ཕན་ཚུན་བསལ་#ཏེ་མི་མངོན་བར་གྱིས་ལ་ཆུས་ཤིག་དང་སྤགས་པ་ལ་སོགས་པའི་ཉེས་པ་མེད་དོ། །འདྲེས་ན་དེའི་ཕྱོགས་
[118a.7]ཉི་ཚེ་བས་ལ་ཞེས་པ་ནི་#བྱིན་ལེན་བྱའམ་རུང་བའི་ཟས་དང་བྱིན་ལེན་མ་བྱས་པའམ་#མི་རུང་བ་ལ་སོགས་པ་དང་འདྲེས་ན་དེ་ཉི་ཚེ་བསལ་ཅིང་ཕྱིར་འོར་ཅིག་པའོ། །བྱ་རོག་གི་མཆུས་#རེག་ན་ཐན་ཀོར་ཞེས་པ་ནི་ཟས་ལ་བྱ་རོག་གི་མཆུས་ཕོག་ན་དེའི་ཐན་ཀོར་ཉི་ཚེ་ཁོལ་ལ་འོར་ཅིག་པ་སྟེ་འདི་ནི་མི་
[118b]
[118b.1]གཙང་བ་མེད་པར་སྟོན་པའོ། །དེ་དང་འབྲེལ་པའི་རྒྱུན་ལ་རེག་ཀྱང་དེ་ལ་རེག་པ་མ་ཡིན་ཞེས་པ་ནི་རིལ་བལྟ་བུ་ནས་ཆུ་ལྡུགས་#པ་བླུགས་པའི་བྲེང་ངམ་རྒྱུན་དང་འབྲེལ་དུ་ཟིན་ཀྱང་ལྡུགས་པའི་སྣོད་མེད་པ་དང་#། །འཕགས་པ་མ་ཡིན་པར་སྟོན་པའོ། །འཁྲུལ་པའམ་དྲན་པ་ཉམས་པས་ཀྱང་མ་ཡིན་ཞེས་
[118b.2]པ་ནི་ཐུག་#ཐུབ་ཏུ་ལེན་པ་ལྟ་བུ་ནི་ནོར་ཏམ་དྲན་པ་ཉམས་པས་བྱས་ན་ཉེས་མེད་པར་སྟོན་པའོ། །འདི་གཉིས་ཀྱིས་སྤོགས་ཤིང་གཞག་པའང་མ་ཡིན་ཞེས་པ་ནི་འཁྲུལ་པ་དང་དྲན་པ་ཉམས་པ་གཉིས་#གྱིས་བླངས་ཤིང་བཞག་ཏུ་ཟིན་ཀྱང་ཉེས་པ་མེད་པར་སྟོན་པའོ། །རིང་པོར་མི་བསྐུར་བར་གཞག་#ཅེས་པ་ནི་དེ་
[118b.3]ལྟར་འཁྲུལ་ཏམ་བརྗེད་དེ་བླངས་པ་ལས་དེ་ལྟ་བུར་ཤེས་ན་དེའི་མོད་ལ་ཞོག་ཤིག་པའོ། །མོད་བཞག་པར་རིང་དུ་ཁྱེར་ན་ནི་རེག་པ་ལ་སོགས་པའི་ཉེས་པར་ཡང་འགྱུར་བའོ། །ཕྱ་བདལ་བས་བླངས་པ་དང་བྱིན་ལེན་བྱས་པ་མ་ཡིན་ཞེས་པ་ནི་ཕས་ཕམ་པ་མ་བྱུང་དུ་ཟིན་ཀྱང་བསླབ་པ་ལ་མི་བསྣན་ཅིང་#ལྷོད་
[118b.4]པས་ཐུག་#ཐུབ་ཏུ་བླངས་ཀྱང་དགེ་སློང་གཞན་གཞན་གྱིས་བཟར་#རུང་བ་དང་དེས་བྱིན་ལེན་བྱས་ཀྱང་གཞན་གྱིས་བྱིན་ལེན་དུ་མི་རུང་བར་སྟོན་པའོ། །བྱིན་ལེན་དུ་འོས་པ་ལས་འབྲེལ་པ་མ་འབྲེལ་ན་བླངས་པ་མ་ཡིན་ཞེས་པ་ནི་བྱིན་ལེན་བྱས་པའི་ལག་ནས་མ་འཕགས་ན་ཐུག་#ཐུབ་ཏུ་བླངས་པ་དང་བྱིན་ལེན་
[118b.5]བྱས་པ་གཉིས་ཀར་མི་འགྱུར་བར་སྟོན་པའོ། །སྲད་བུ་ལ་སོགས་པ་ངེས་བཟུང་བ་དང་འབྲེལ་ན་ཡང་འབྲེལ་པའོ་ཞེས་པ་ནི་ཟས་ལ་སོགས་པ་ཉིད་དེའི་ལག་ནས་འཕགས་སུ་ཟིན་ཀྱང་སྲད་བུ་ལ་སོགས་པའི་བྲང་དེས་བཟུང་ན་ཡང་འབྲལ་པ་ཡིན་ཏེ་གོང་མ་ལྟར་འགྱུར་བའོ། །བཞག་པ་དང་བྱིན་ལེན་
[118b.6]བྱས་པ་དང་ཐུག་#ཐུབ་བླངས་པ་རྣམས་སྡོམ་པ་དང་ལྟ་བ་མཚུངས་ཤིང་ཐ་མི་དད་ན་གཅིག་གོ་ཞེས་པ་ནི་དགེ་སློང་མ་དང་དགེ་སློང་མ་ལྟ་བུ་#སྡོམ་པ་ཐ་མི་དད་པ་དང་ལྷས་བྱིན་གྱིས་#ཕྱོགས་སུ་ཁས་བླངས་པ་དང་བླངས་བར་ཐ་མི་དད་ན་གོང་དུ་སྨོས་པ་རྣམས་གཅིག་ཏུ་སྟོན་པའོ། །གོང་མའི་ནི་འོག་མའི་ཡང་ངོ་ཞེས་པ་ནི་
[118b.7]དགེ་སློང་མས་ཐུག་#ཐུབ་ཏུ་བླངས་པ་ལ་སོགས་པ་ནི་དགེ་སློབ་མའི་ཉེས་པར་འགྱུར་གྱི་དགེ་སློབ་མས་ཐུག་#ཐུབ་ཏུ་བླངས་པ་ལ་སོགས་པ་ནི་དགེ་སློང་མའི་ཉེས་པར་མི་འགྱུར་བར་སྟོན་པའོ། །སྐྱེས་པ་དང་བུད་མེད་ཕན་ཚུན་དུ་ཁྱིམ་པ་བཞིན་ཞེས་པ་ནི་དགེ་སློང་ཕ་དང་དགེ་སློང་མ་གཅིག་གིས་གཅིག་
[119a]
[119a.1]ལ་བྱིན་པ་ནི་ཁྱིམ་པས་བྱིན་པ་དང་འདྲ་སྟེ་བྱིན་ལེན་དུ་རུང་བར་སྟོན་པའོ། །ཐུག་#ཐུབ་ཏུ་བླངས་པ་དང་བཞག་པའང་དེ་བཞིན། དགེ་ཚུལ་གྱིས་#རེག་པ་ནས་སྦེད་པའི་བར་དུ་ཉེས་བྱེད་པ་#ཡང་དེ་བཞིན་ཞེས་པ་ནི་དགེ་ཚུལ་གྱི་ཟས་ལ་དགེ་སློང་གིས་#རེག་ཅིང་སྦེད་པ་ཡང་གོང་མ་
[119a.2]བཞིན་དུ་ཉེས་མེད་པར་སྟོན་པ་སྟེ་དེ་#ཕྱིས་སྤྱོད་ཀྱང་ཉེས་མེད་པར་སྟོན་པའོ། །རེ་བ་དང་བཅས་པར་བྱིན་ན་བཏང་བ་ཡིན་ཞེས་པ་ནི་ཐུག་#ཐུབ་ཏུ་བླངས་པ་ལ་སོགས་པ་སླར་བྱིན་དུ་རེ་བ་དང་བཙངས་ཏེ་བསྙེན་པར་རྫོགས་པ་ལ་བྱིན་ན་ལྟུང་བ་ཉིད་མ་ཡིན་པར་སྟོན་པའོ། །རེ་བ་མེད་པར་བཏང་བ་ལས་རེ་
[119a.3]བ་#དང་བཅས་པ་ནི་བྱེད་དོ་ཞེས་པ་ནི་སྔར་རེ་བ་མེད་པར་བྱིན་པ་ལས་ཕྱིས་རེ་བ་ཡོད་དེ་བྱིན་ལེན་བྱས་ནས་ཟོས་པ་ནི་#ཉེས་བྱས་སུ་འགྱུར་བར་སྟོན་པའོ། །དེ་ལྟ་བས་ན་མི་བླང་ཞེས་པ་ནི་གོང་མ་ལྟ་བུའི་ཉེས་པར་འགྱུར་བས་ན་བྱིན་པའི་འོག་ཏུ་མ་སློང་ཤིག་པའོ། །ཤེས་ན་#མི་བླང་ཞེས་པ་ནི་བདག་
[119a.4]གིས་བྱིན་པ་ཡིན་པར་ཤེས་ན་སླར་མ་ལེན་ཅིག་པའོ། །སྐལ་བ་མནོས་པར་རེག་པ་ནི་མི་རུང་བ་མེད་ཅེས་པ་ནི་དཔྱ་རྒྱུའི་ཐོག་ཤས་#ལ་སོགས་པ་བདག་གི་སྐལ་བར་དབང་བ་མནོས་ཤིང་རེག་པ་ནི་ཉེས་མེད་#པར་སྟོན་པའོ། །བླངས་#ནས་ཀྱང་སྦ་ཞེས་པ་ནི་དེ་#མནོས་ནས་ཀྱང་སྦོས་ཤིག་པར་སྟོན་པའོ། །
[119a.5]དེ་ལྟ་བུའི་རྐྱེན་གྱིས་ནའོ་ཞེས་པ་ནི་གོང་མ་ལྟར་རུང་བར་ཡང་དགེ་ཚུལ་ལ་སོགས་པ་མེད་དམ་རྐུན་ཆོམ་ལ་སོགས་པའི་རྐྱེན་གྱིས་བརྟད་ན་གདོད་ཉེས་མེད་པར་སྟོན་པའོ། །ཤིང་རྟ་བསྒྱུར་བའི་ས་བཞག་ཅེས་པ་ནི་ཤིང་རྟའི་ནང་ན་དགེ་འདུན་གྱི་རྩང་ཡོད་ལ་བདག་ཀྱང་རྐྱེན་གྱིས་#ཐེབས་ཏེ་དེར་མི་འཇུག་
[119a.6]ཏུ་མི་རུང་ན་ཤིང་རྟ་བསྒྱུར་བའི་ས་ཞོག་ལ་འདུག་ཤིག་པར་སྟོན་པའོ། །འགེངས་པ་ཡང་ངོ་ཞེས་པ་ནི་ཤིང་རྟར་ལྷུགས་#ཤིང་འགེངས་པའི་ཚེ་ན་ཡང་ཤིང་རྟ་བསྒྱུར་བའི་ས་ཞོག་ཤིག་པའོ། །ནད་པས་ཞོན་པ་ན་ཡང་ངོ་ཞེས་པ་ནི་ནད་པ་ཤིང་རྟ་ལ་ཞོན་པའི་ཚེ་ན་ཡང་ཤིང་རྟ་བསྒྱུར་བའི་ས་ཞོག་ལ་ཞོན་
[119a.7]ཅིག་པའོ། །གྲུའི་ངོར་ཡང་ངོ་ཞེས་པ་ནི་གྲུར་འཇུག་པའི་ཚེ་ན་ཡང་གྲུའི་ངོར་མ་འདུག་ཤིག་པའོ། །དེ་འཛིན་པའི་གོ་ཡང་ངོ་ཞེས་པ་ནི་རུལ་མཉན་གྱིས་ཡང་ཞོག་ཤིག་པའོ། །དགེ་འདུན་གྱི་དང་སྨན་ལྡུད་ན་བསྐྱམས་#པ་དང་དབྱུང་བ་དང་གཟར་བུས་ཕྱར་བ་དང་དབབ་པ་དང་ངོ་ཞེས་པ་ནི་དགེ་འདུན་
[119b]
[119b.1]གྱི་ཟས་ལ་སོགས་པ་འཚེད་པའི་ཚེ་ལྡུད་#དམ་བདག་གི་སྨན་ལ་སོགས་པ་ལྡུད་#ན་ཐབས་འདི་དག་ལྟར་གྱིས་ཤིག་པའོ། །ཤིང་དབྱུང་བ་དང་མེ་བསད་པ་དང་གོས་ཀྱི་མཐའ་མ་ལ་སོགས་པས་རླུང་བརླབ་#པའི་ནན་ཏན་སྔ་ནས་བྱ་ཞེས་པ་ནི་མདོ་གོང་མ་ལྟར་བྱ་བའང་འདི་ལྟ་བུའི་#རིམ་གྲོ་སྔ་ནས་བྱས་
[119b.2]ཏེ། ཡང་མ་སློན་ནས་ལྡུད་#ན་གདོད་གྱིས་ཤིག་པའོ། །གཞན་མེད་ཅིང་ཆོ་ག་མི་འགྲུབ་ན་ཆུ་བརྒལ་བའི་ཕྱིར་ཁྱེར་བ་བཏང་སྟེ་རྒྱགས་ཐུག་#ཐུབ་ཏུ་བླངས་པ་ནི་རུང་ཞེས་པ་ནི་ཆུ་བརྒལ་བའི་ཚེ་རྒྱགས་མི་ཐོན་པ་ཐག་སྲད་ཀྱིས་གདགས་ཤིང་བསྙེན་པར་མ་རྫོགས་པ་འཛིན་དུ་གཞུག་པ་ལ་སོགས་
[119b.3]པའི་ཆོ་ག་ཡང་མི་འགྲུབ་ལ་རྒྱགས་གུད་ནས་ཀྱང་མི་རྙེད་པ་ཙམ་ཚོད་ན། བདག་ཉིད་ཀྱིས་ཐུག་#ཐུབ་དུ་བླངས་ཀྱང་བླ་བར་སྟོན་པའོ། །ཁྱེར་བ་མེད་ན་སྦྱིན་བདག་ཚུགས་སུ་གཞུག་ཅེས་པ་ནི་རྒྱགས་ཁྱེར་བའི་མི་མེད་ན་ཡོན་བདག་ལས་རྙོས་ཤིག་པའོ། །ཁྱེར་བ་མ་གྲུབ་ན་བདག་གིས་སོ་ཞེས་
[119b.4]པ་ནི་དེ་ལྟར་བརྙས་ཏེ་མ་རྙེད་ནའང་བདག་གིས་ཁྱེར་ཅིག་པའོ། །དེ་ཉིད་བརྗེས་པས་བསྒྲུབ་ཅེས་པ་ནི་དྲོ་མལ་དུ་ཕྱིན་ན་བདག་གིས་བསྐུར་བསྐུར་#བ་དང་བསྙེན་པར་མ་རྫོགས་པ་གཞན་གྱི་རྒྱགས་དང་བརྗེས་ཤིག་པའོ། །འདི་ལྟར་ཡང་མ་གྲུབ་ན་བཟའ་ཞེས་པ་ནི་དེ་ལྟར་བརྗེར་ཡང་མ་གྲུབ་ན་ཉིད་
[119b.5]ཀྱིས་བསྐུར་བསྐུར་བ་ཟོ་#ཤིག་པར་སྟོན་པའོ། །འདིའམ་གཞན་བྱིན་ལེན་བྱེད་པ་མེད་ན་བྱིན་ལེན་མ་བྱས་ཀྱང་ངོ་ཞེས་པ་ནི་ཉིད་ཀྱིས་བསྐུར་བསྐུར་#བའམ་གཞན་གྱིས་བསྐུར་བསྐུར་#བ་བྱིན་ལེན་བྱེད་པ་མེད་ན་བྱིན་ལེན་མ་བྱས་པར་ཟོས་ཀྱང་བླ་བར་སྟོན་པའོ། །ཉིད་ཀྱིས་ཁྱེར་བ་དང་བྱིན་ལེན་
[119b.6]མ་བྱས་པར་བཟའ་བདེ་ལ་ནམ་གྱི་ཚེ་ཞེ་ན། ཟན་བཅད་ནས་སོ་ཞེས་པ་ཡིན་ཏེ་ཞག་གཅིག་སྨྱུང་ནས་གདོད་དེ་ལྟར་གྱིས་ཤིག་པའོ། །ཉི་མ་གང་ལ་ཟས་ཇི་ཙམ་དུ་བཟའ་ཞེ་ན་དང་པོའི་ཉིན་པར་ནི་སྟག་སྡེར་#གྱིས་སོ་ཞེས་པ་དང་གཉིས་ནས་གཉིས་སོ་ཞེས་པ་དང་གསུམ་ནས་འགྲངས་#དྲོད་
[119b.7]ཅེས་པ་ཡིན་ཏེ་དང་པོའི་ཉིན་པར་#ཚད་གཉིས་བཟའ་བ་དང་ཞག་གསུམ་ཕྱིན་ཆད་འགྲངས་#དྲོད་ཀྱིས་ཟུང་ཤིག་པར་སྟོན་པའོ། །འབྲས་བུ་དུས་མ་ཡིན་རུང་བར་མ་བྱས། བྱིན་ལེན་མ་བྱས་ཐུག་#ཐུབ་བླངས་ཀྱང་བཟའ་ཞེས་པ་ནི་འབྲས་བུ་བག་མིང་གིས་སྨོས་པ་འདི་ལྟ་བུའི་#ཚིག་དང་
[120a]
[120a.1]མི་སྦྱར་བར་ཟོ་ཤིག་པའོ། །ཟས་མེད་ནའོ་ཞེས་པ་ནི་གོང་མ་ལྟར་རུང་བ་ཡང་ཟས་མེད་ན་གདོད་དེ་ལྟར་གྱིས་ཤིག་པའོ། །ཟས་མེད་དོ་ཆོག་ན་དེའམ་ཞེ་ན། བཀྲེས་ཆེས་ནའོ་ཞེས་པ་ཡིན་ཏེ་ལྟོགས་ཤིང་བཀྲེས་ཆེས་ན་གདོད་འདི་ལྟར་གྱིས་ཤིག་པའོ། །རྩ་བ་ཡང་ངོ་
[120a.2]ཞེས་པ་ནི་ཟས་མེད་ཅིང་ལྟོགས་ན་རྩ་བའི་བག་ཀྱང་དུས་མ་ཡིན་པ་ལ་སོགས་པ་གོང་མ་བཞིན་དུ་ཟོ་ཤིག་པའོ། །ཉིད་ཀྱིས་ལྷགས་དབྱུང་#བཙོས་ཀྱང་ངོ་ཞེས་པ་ནི་ཟས་མེད་ཅིང་ལྟོགས་ན་འབྲས་བུ་ལྷགས་ཤིང་རྩ་བ་དབྱུང་བ་དང་བཙོ་བ་ལ་སོགས་པའང་གྱིས་ཤིག་པའོ། །བྱིན་ལེན་མ་བྱས་
[120a.3]པ་ལ་སོགས་པ་སྤྱོད་ཅིང་རྩོམ་མོ་ཅོག་ན་བྱང་གི་སྒྲ་མི་སྙན་གྱི་ཆོས་མངོན་པར་བསམ་ཞེས་པ་ནི་གོང་དུ་བྱིན་ལེན་མ་བྱས་ཀྱང་བླ་བར་སྟོན་པ་ལ་སོགས་པ་སྤྱོད་དོ་ཙོག་ན་བྱང་གི་སྒྲ་མི་སྙན་པ་སེམས་དགེ་ཞིང་དྲང་བས་བདག་གིར་མི་བྱེད་པ་བཞིན་དུ་སོམས་ཤིག་པའོ། །ལོ་མའམ་ལག་བཀྲུར་
[120a.4]ཡོད་ན་ཁ་གླུགས་སུ་མི་བཏུང་ཞེས་པ་ནི་ལག་བཀྲུས་ལ་སྙིམ་#བས་བཏུང་བའམ་ལོ་མས་བཏུང་དུ་ཡོད་ན་ཁ་གླུགས་སུ་བཏུང་བར་#མ་བྱེད་ཅིག་པའོ། །མེད་ན་མི་དབེན་#པ་མ་ཡིན་ཞེས་པ་ནི་ཆུ་ཉུངས་སམ་ལོ་མ་མེད་ན་དབེན་པར་ཁ་#གླུགས་སུ་འཐུངས་ཤིག་པའོ། །དེ་ན་ཆུ་ཡོད་ན་
[120a.5]ཁ་དགབ་པར་མི་བྱ་ཞེས་པ་ནི་བུམ་པ་ལ་སོགས་པའི་ནང་ན་ཆུ་ཡོད་ན་ཁ་དགབ་ཀྱིས་ཁོན་#ཤིག་པར་སྟོན་པའོ། །འདིའི་ཁ་དགབ་ནི་རྣམ་པ་གསུམ་མོ་ཞེས་པ་ནི་ཤིང་དང་རྡོ་ཁམ་པའི་འོ་#ཞེས་པ་ཁག་བ་རྣམ་པ་འདི་གསུམ་གྱི་རྒྱུ་ལས་གྱིས་#ཤིག་པར་སྟོན་པའོ། །ཆུ་སྣོད་ཀྱི་གཞི་རྡོའམ་
[120a.6]ཤིང་གི་བཅང་ཞེས་པ་ནི་དེའི་གཞི་#ཡང་རྡོའམ་ཤིང་ལས་གྱིས་#པའོ། །འདབ་མ་སྣོད་ཀྱི་རྒྱུ་བྱིན་ལེན་མ་བྱས་ཀྱིས་ཉེས་མེད་ཅེས་པ་ནི་བཟའ་བའི་འདབ་མ་མ་ཡིན་གྱི་སྣོད་#དུ་བྱ་བའི་འདབ་མ་ཡིན་ན་བྱིན་ལེན་བྱ་མི་དགོས་པར་སྟོན་པའོ། །འདིར་ལྷགས་པ་དང་མ་ལྷགས་པ་བྱེ་བྲག་
[120a.7]མེད་ཅེས་པ་ནི་ཤིང་གི་འདབ་མ་ལྷགས་ཀྱང་རུང་མ་ལྷགས་ཀྱང་རུང་བྱིན་ལེན་བྱ་མི་དགོས་པར་མཚུངས་སོ། །ལྷགས་པ་གཞན་མེད་ན་མ་ལྷགས་པ་སྤྱོད་#ཅེས་པ་ནི་ཤིང་གི་འདབ་མ་རང་ལྷགས་པ་མེད་ན་གདོད་མ་ལྷགས་པ་སྤྱོད་ཅིག་པའོ། །གཞག་པ་བཏང་བའོ།། །།#བྱིན་ལེན་
[120b]
[120b.1]མ་བྱས་པར་ཟ་བའི་ལྟུང་བ་#སྟོན་པར་འདོད་པ་ནི། ཡོན་བདག་གིས་སྙིང་ནས་བཏང་ལ་སྦྱིན་པར་བྱེད་པ་གཞན་མེད་ན་ཉིད་ཀྱིས་བླངས་ལ་བཟའ་ཞེས་པ་ནི་དགེ་སློང་དགོན་པའི་སྣོད་དུ་ཡོན་བདག་གིས་ཟས་གཞག་པ་དང་བཅོམ་ལྡན་འདས་འཁོར་དང་བཅས་པ་ཡོན་བདག་ཅིག་གིས་སྤྱན་
[120b.2]དྲངས་པའི་ཚེ་ཚོང་ཁང་#མེས་ཚིག་པར་ཀུན་དོང་ནས་བྱིན་བར་བྱེད་པ་མེད་པའི་ཚེ་ཉིད་ཀྱིས་ལོངས་ལ་ཟོ་#ཤིག་ཅེས་གསུངས་པ་ལྟ་བུ་ཡིན་ཏེ་ཡོན་བདག་གིས་སྙིང་ནས་བྱིན་ལ་སྦྱིན་པར་བྱེད་པ་མེད་ན་ཉིད་ཀྱིས་བླངས་ཏེ་ཟོས་ཀྱང་བླ་བར་སྟོན་པའོ།། །།#ཕྱིན་ལེན་གྱི་མཚན་ཉིད་སྟོན་པ་ནི། མངོན་
[120b.3]སུམ་མཚམས་ཀྱི་ནང་རྣའི་ཕྱོགས་ན་འདུག ། ལག་པ་བཀན། ལུས་སམ་དེ་དང་འབྲེལ་བས་ལེན་ནུས་ན་བསྙེན་པར་མ་རྫོགས་པ་མི་མ་ཡིན་ཡང་བླ་སྦྱིན་པར་སེམས། ཡན་ལག་དེ་དང་འབྲེལ་བས་སྦྱིན་ལ་བཟེད་དེ་བླངས་ནའོ་ཞེས་པ་ཡིན་ཏེ་འདི་དག་ལྟར་བྱས་ན་གདོད་ཕྱིན་
[120b.4]ལེན་དུ་རུང་བར་སྟོན་པ་སྟེ་དེ་ངོན་སུམ་ཞེས་པ་ནི་གློ་གཡས་གཡོན་དང་རྒྱབ་ནས་མ་ཡིན་གྱི་མདུན་ནས་དྲང་པོར་བྱིན་པའོ། །མཚམས་ཀྱི་ནང་ཞེས་པ་ནི་ཆུ་དང་ས་སྒལ་#ལ་སོགས་པས་མ་ཆོད་པའོ། །རྣའི་མའི་ཕྱོགས་ན་འདུག་ཅེས་པ་ནི་སྟེང་དང་ཤོད་ལྟ་བུའམ་སྟེགས་བུ་ལ་
[120b.5]སོགས་པ་ཁྲི་འཕང་མཐོན་དམན་མ་ཁྱེར་བར་ས་མཉམ་པའོ། །ལུས་སམ་དེ་དང་འབྲེལ་ཞེས་པ་ནི་ལག་པ་ཉིད་དམ་ལྷུང་བཟེད་ལ་སོགས་པ་ལག་ཏུ་ཐོགས་པས་བཟེད་པའོ། །ལེན་ནུས་ན་#བསྙེན་པར་མ་རྫོགས་པ་དང་མི་མ་#ཡིན་ཡང་བླ་ཞེས་པ་ནི་ཟས་སམ་རྫས་ལེན་ཅིང་སྦྱིན་
[120b.6]ནུས་ན་བྱིན་པ་ཡན་ཆད་ཀྱང་བླང་བ་དང་། རྟ་དང་གླང་པོ་ཅང་ཤེས་ཀྱིས་བྱིན་ཡང་བླང་བའོ་སྦྱིན་#པར་སེམས་ཞེས་པ་ནི་གྱི་ནར་འདོར་བ་མ་ཡིན་གྱི་སྦྱིན་བ་ཁོ་ནར་བསམས་པའོ། །ཡན་ལག་དང་དེ་དང་འབྲེལ་ཞེས་པ་ནི་ལག་པ་ཉིད་དམ་གཟར་བུ་ལ་སོགས་པ་ཐོགས་པས་བྱིན་པའོ། །
[120b.7]བཟེད་ཅེས་པ་ནི་སྟེད་ནས་བླང་བ་མ་ཡིན་གྱི་འོག་ནས་བཟེད་པའོ། །སྨོད་པའི་སྐྱེ་བོ་ལ་བསྟན་ནས་དཀྱིལ་འཁོར་དུ་གཞག་པ་ཡང་ངོ་ཞེས་པ་ནི་ཡུལ་ཁ་ཅིག་ན་བྱིན་ལེན་བྱེད་པ་ལ་སྨོད་ཅིང་མི་དགའ་ན་དཀྱིལ་འཁོར་གྱི་སྟེང་དུ་ཞོག་ཤིག་པར་བརྡ་བྱས་ཏེ་གཞག་པ་ཡང་བྱིན་ལེན་དུ་
[121a]
[121a.1]རུང་བར་སྟོན་པའོ། །ལྷུང་བཟེད་དང་དེའི་གཞི་ནི་གཅིག་གོ་ཞེས་པ་ནི་ལྷུང་བཟེད་ཀྱི་#གཞོང་པ་ལ་སོགས་པ་ཡིན་ན་ལྷུང་བཟེད་དུ་འོངས་པའམ་#གཞོང་པའི་སྟེང་དུ་འོངས་པ་འདྲ་བར་སྟོན་པའོ། །ཡལ་ག་ནི་སྤྲའི་སྤྱོད་ཡུལ་བས་ན་དེ་རྣའི་ས་མ་ཡིན་པར་མི་འགྱུར་
[121a.2]ཞེས་པ་ནི་སྤྲས་ཤིང་ཐོག་ཤིག་#གི་སྟེང་ནས་བྱིན་པ་ལ་སྤྲའི་སྤྱོད་ཡུལ་ཉིད་དེ་ཡིན་པས་ན་རྣའི་ས་ཕྱོགས་མ་ཡིན་པར་ཐེ་ཚོམ་མ་བྱེད་ཅིག་པའོ། །ཁྲི་དང་ཁྲིའུ་དང་ཐུ་བ་དང་གཞོང་པས་འབྲས་བུ་བཟེད་དེ་བླངས་པ་མི་རུང་བ་མེད་ཅེས་པ་ནི་མིང་གིས་སྨོས་པ་འདི་དག་གིས་ཤིང་ཐོག་བཟེད་དེ་
[121a.3]བླངས་ན་ཡང་བྱིན་ལེན་དུ་#མི་རུང་བ་མེད་པར་སྟོན་པའོ། །དེ་དག་གནས་པས་མི་སྨྲ་བར་བརྟག་ཅེས་པ་ནི་ཤིང་ཐོག་བརྟག་པའི་ཚེ་གནས་ཀྱིས་མ་ཡིན་གྱི་ཤིང་ཐོག་གནས་པས་མི་སྨྲ་#རྟོགས་ཤིག་པའོ། །སྙོམས་པར་འདྲིམ་པ་ལ་དགའ་བར་བྱས་ཞེས་བྱ་བ་ནི་ཕམ་རྒྱ་བྱེད་པར་འདྲིམ་པ་ལ་དགའ་བར་
[121a.4]གྱིས་ཤིག་པའོ། །བྱིན་ལེན་བྱས་ནས་དགེ་སློང་གིས་བྲིམ་དུ་རུང་ཞེས་པ་ནི་བྱིན་ལེན་བྱས་པའི་འོག་ཏུ་དགེ་སློང་ཉིད་ཀྱིས་ཁྱེར་ཏེ་བྲིམས་ཀྱང་བླ་#བའོ། །རྩྭ་དང་འདབ་མ་ལ་སོགས་པས་གོས་ཀྱི་གཟན་བྱས་ར་དང་སྦྲང་རྩི་དང་བུ་རམ་གྱི་བུམ་པ་བྲིམ་ཞེས་པ་ནི་མིང་གིས་སྨོས་པ་འདི་དག་ལྟ་
[121a.5]བུ་བྲིམ་པའི་ཚེ་རྩྭ་#དང་ལོ་མ་ལ་སོགས་པས་གོས་ཀྱི་གཟན་གྱིས་ཤིག་པའོ། །བྲིམ་པ་རབ་དང་འབྲིང་དང་ཐ་མར་དབྱེ་ཞེས་པ་ནི་ཤིང་ཐོག་ལྟ་བུ་བྲིམ་པའི་རྫས་བཟང་པོའང་བཟང་པོ་ཤ་སྟག་ཏུ་དབྱེ། ངན་པའང་ངན་པ་ཤ་སྟག་ཏུ་ཕྱེ་སྟེ་རབ་འབྲིང་གི་རིམ་པར་ཕྱེ་ལ་གདོད་དེ་ལྟར་བྲིམས་ཤིག་
[121a.6]པའོ། །ཤིང་ཏོག་ཨ་མྲ་ཞིམ་པོ་ལོགས་ཤིག་ཏུ་བྲིམ་#ཞེས་པ་ནི་ཨ་མྲའང་ཞིམ་ང་བའི་རིམ་པ་ཐ་དད་དུ་ཕྱེ་#ལ་བྲིམས་ཤིག་པའོ། །མཁན་པོ་དང་སློབ་དཔོན་གྱིས་འདྲིམ་པའི་མནོད་ཅེས་པ་ནི་འདྲིམ་པ་ཤོས་སྐལ་ཤས་འདི་དག་གིས་ནོས་ཤིག་པའོ། །མི་འཐོབ་པ་ཐོབ་པ་ནི་#དྲུང་ན་འདུག་པས་སོ་
[121a.7]ཞེས་པ་ནི་གོང་མ་ལྟ་བུར་མཁན་པོ་དང་སློབ་དཔོན་གྱིས་ཁ་བཟུང་བས་འདྲིམ་པ་རྒྱལ་ན་འདྲིམ་པ་ཉིད་ཀྱི་གྲལ་གར་དབབ་པའི་དྲུང་ན་འདུག་པས་ནོས་ཤིག་པའོ། །དུ་མ་ན་སྟན་མ་ཤོར་བར་བླང་ནུས་པ་ཚུན་ཆད་དོ་ཞེས་པ་ནི་འདྲིམ་པ་དུ་མ་ཤིག་གི་སྐལ་ཤས་མནོས་དགོས་ན་བདག་གི་སྟན་ལས་མ་
[121b]
[121b.1]འཕགས་པར་སླེབས་པ་ཚུན་ཆད་ཀྱི་#ནོས་ཤིག་པའོ། །འབྲིམ་པ་ཉིད་ཀྱིས་#སྟན་ལས་མ་འཕགས་པར་འཛིན་ནུས་ན་བྱིན་ལེན་མི་#འཇིག་ཅེས་པ་ནི་ཤིང་ཐོག་ལྟ་བུ་བདག་གི་སྟན་ལས་མ་འཕགས་པར་བསྙབས་#ཏེ་སླེབས་པ་ཚུན་ཆད་བྱིན་ལེན་དུ་རུང་བར་སྟོན་པའོ། །སྦྲང་བུ་དང་གྲོག་སྦུར་ལ་སོགས་པས་མ་
[121b.2]རེག་པ་ཡང་ངོ་ཞེས་པ་ནི་སྡེར་ལ་འདི་དག་ཙམ་གྱི་རེག་པ་ནི་བྱིན་ལེན་མི་འཇིག་པར་སྟོན་པའོ། །དགེ་སློང་གིས་མ་ཤོར་ན་གཞན་གྱིས་ཀྱང་ངོ་ཞེས་པ་ནི་དགེ་སློང་ཉིད་ཀྱིས་སྡེར་བཟུང་བཞིན་དུ་མི་ལ་སོགས་པ་གཞན་གྱིས་རེག་ཀྱང་བྱིན་ལེན་མི་འཇིག་པར་སྟོན་པའོ། །བྱི་བས་#ནི་འཇིག་པར་བྱེད་ཅེས་པ་ནི་འདིས་ནི་
[121b.3]འཇིག་པར་སྟོན་པའོ། །བྱིན་ལེན་སློས་པས་#ནི་མི་རུང་བ་མེད་ཅེས་པ་ནི་ཐེ་ཚོམ་ལ་སོགས་པས་བྱིན་ལེན་སླར་སློས་ན་མི་རུང་བ་མེད་པར་སྟོན་པའོ། འབྲིང་འདུ་ཤེས་བརྩན་པའི་ཡུལ་གང་ཞེ་ན། བྱིན་ལེན་མ་བྱས་པར་ནའོ་ཞེས་པ་ཡིན་ཏེ་བྱིན་ལེན་མ་བྱས་པར་ཤེས་ན་གདོད་ཉེས་པར་འགྱུར་བའོ། །ཇི་མ་
[121b.4]བླངས་ཤེ་ན། ཆུ་དང་སོ་ཤིང་མ་གཏོགས་པའི་ཟས་ལས་སོ་ཞེས་པ་ཡིན་ན#། དེ་ཡང་ཇི་ལྟར་བྱས་པས་ཤེ་ན། ཁ་ནས་ཟོས་ནའོ་ཞེས་པ་ཡིན་ཏེ་རྣ་བ་ལ་སོགས་པ་གཞན་ནས་མ་ཡིན་ན་གདོད་ཉེས་པར་འགྱུར་བའོ། །ཡུལ་ཐམས་ཅད་དུའང་དེ་ལྟའམ་ཞེ་ན། བྱང་གི་སྒྲ་མི་སྙན་མ་ཡིན་ཞེས་
[121b.5]པ་ནི་བྱང་གི་སྒྲ་མི་སྙན་དུ་དེ་ལྟར་བྱ་མི་དགོས་པའོ། །བསྙེན་པར་རྫོགས་པ་མེད་ན་བསྙེན་པར་མ་རྫོགས་པས་ནད་པར་#བསྟབས་ཞེས་པ་ནི་ནད་པ་ཉིད་ཀྱི་ཟ་མ་#མི་ནུས་པའི་ཚེ་སྟོབས་པ་དགེ་སློང་མེད་ན་བསྙེན་པར་མ་རྫོགས་པས་བསྟབས་ཀྱང་བླ་བའོ། །བསྙེན་པར་མ་རྫོགས་པ་ཡང་བསྟབས་
[121b.6]ཞེས་པ་ནི་བསྙེན་པར་མ་རྫོགས་པའི་ནད་པ་དགེ་སློང་གིས་#བསྟབས་ཏེ་ཀྱང་འགལ་བ་མེད་བར་སྟོན་པའོ། །བྱིན་ལེན་མ་བྱས་པར་ཟ་བའོ།། །།#ཟས་བསོད་པ་སློང་བའི་ལྟུང་བ་སྟོན་པར་འདོད་པ་ནི། འོ་མ་དང་ཞོ་དང་མར་སར་དང་ཉ་དང་ཤ་སྐམ་རྣམས་ཟས་བསོད་#པའོ་ཞེས་པ་ལ་སོགས་པ་
[121b.7]ཡིན་ཏེ་མིང་གིས་སྨོས་པ་འདི་དག་ལ་སོགས་པ་བསོད་པའི་ཟས་ཡིན་པར་སྟོན་པའོ། །དེ་དག་ལས་བྱེད་ཅེས་པ་ནི་གོང་དུ་མིང་གིས་#སྨོས་པའི་ཟས་དེ་དག་ལས་ཉེས་པར་འགྱུར་བར་#སྟོན་པའོ། །སྦྱིན་བདག་གཉེན་མ་ཡིན་པ་དང་ཁྱིམ་པ་ནའོ་ཞེས་པ་ནི་བསོད་པའི་ཟས་དེ་དག་ཀྱང་ཁྱིམ་པ་དང་
[122a]
[122a.1]གཉེན་མ་ཡིན་པ་ལས་བསླངས་ན་གདོང་ཉེས་པར་འགྱུར་བར་སྟོན་པའོ། །ཉིད་ཀྱིས་བསླངས་ཏེ་ཟོས་ནའོ་ཞེས་པ་ནི་ད་དག་ཀྱང་ཉིད་ཀྱིས་བསླངས་ཏེ་ཟོས་ན་གདོད་ཉེས་པར་འགྱུར་བའོ། །སློང་བའི་ཚེ་ཉེས་པ་ཅིར་འགྱུར་ཞེ་ན། སློང་བ་དང་བཅུག་པ་ནི་ཉེས་བྱས་ཞེས་པ་ཡིན་ཏེ་#ཉིད་
[122a.2]ཀྱིས་སློང་བ་དང་གཞན་སློང་དུ་བཅུག་ཏེ་#ཟོས་པ་#ཉེས་བྱས་སུ་འགྱུར་བར་སྟོན་པའོ། །ཐམས་ཅད་ལ་ཉེས་པར་འགྱུར་རམ་ཞེ་ན། ནད་པ་མ་ཡིན་པ་དང་ཅི་བདེར་བསྟབས་པ་མ་བྱས་པ་ལས་སོ་ཞེས་པ་ཡིན་ཏེ་ནད་པ་དང་ཅི་བདེ་བར་བསྟབས་པ་མ་ཡིན་ན་གདོད་ཉེས་པར་སྟོན་པའོ། །དེ་ལྟ་བས་ན་གལ་
[122a.3]ཏེ་རྙེད་དུ་ཟིན་ཀྱང་ངན་པའམ་བསོད་པ་#འདྲ་བའམ་བཟང་པོ་གཞན་བསླངས་ནའོ་ཞེས་པ་ནི་ཡོན་བདག་གིས་གཉེར་ཅིང་པོས་སུ་ཟིན་གྱིས་ཀྱང་བཟང་པོ་ལས་ངན་པར་སློང་ངམ། མི་བསོད་པ་ལས་བསོད་པ་སློང་མཚུངས་པ་སློང་ངམ། བཟང་པོར་བསྡམས་ཤིང་སློང་ན་རྙེད་པའི་ཚེ་རྩ་བའི་ཉེས་
[122a.4]པར་སྟོན་པའོ། །ངན་པ་བསླངས་#པ་ཡང་དེ་ལྟའམ་ཞེ་ན། འདིར་ངན་པ་ནི་བྱེད་དོ་ཞེས་པ་ནི་ངན་པར་བསླངས་ཏེ་ཟོས་ན་ནི་ཉེས་བྱས་སུ་སྟོན་པའོ། །ཅི་བདེར་བསྟབས་པ་ཇི་ལྟ་བུ་ཡིན་པའི་མཚན་ཉིད་སྟོན་པ་ནི། བསོད་སྙོམས་#ཁྱེར་ཏེ་འོངས་པ་ལས་ཁ་རོག་པར་འདུག་གམ་བཀྱིགས་པ་དང་འོ་
[122a.5]ན་ཅི་སློང་ཞེས་པ་འདྲི་བ་ནི་ཅི་བདེར་བསྟབས་པའོ་ཞེས་པ་ཡིན་ཏེ། འདི་དག་ལྟར་བྱ་བའི་ཚེ་འོ་ན་ཅི་འདོད་ཅེས་ཟེར་བ་ཡན་ཆད་ཅི་#བདེར་བསྟབས་པའི་ཁོངས་སུ་གཏོགས་པར་སྟོན་པའོ། །བསོད་པ་སློང་བའོ།། །།#སྲོག་ཆགས་དང་བཅས་པ་སྤྱོད་པའི་ལྟུང་བ་སྟོན་པར་འདོད་པ་ནི། ཉིད་ཀྱིར་སྤྱོད་#
[122a.6]པའི་ཕྱིར་བྱེད་དམ་བྱེད་དུ་བཅུག་ནའོ་ཞེས་པ་ལ་སོགས་པ་ཡིན་ཏེ་བདག་ཉིད་ཀྱི་ཆེད་དུ་སྤྱད་པའི་ཕྱིར་སྲོག་ཆགས་དང་བཅས་པ་སྤྱད་དམ་སྤྱོད་དུ་བཅུག་ན་ལྟུང་བར་#སྟོན་པའོ། །འབྲིད། འདུ་ཤེས་བརྩན་པ་གང་ཞེ་ན། སྲོག་ཆགས་དང་བཅས་ནའོ་ཞེས་པ་ཡིན་ཏེ་སྲོག་ཆགས་དང་བཅས་པར་ཤེས་
[122a.7]བཞིན་དུ་སྤྱོད་ན་གདོད་ཉེས་པར་འགྱུར་བའོ། །སྲོག་ཆགས་དང་བཅས་པའི་དངོས་པོ་ཉིད་གང་ཞེ་ན། ཆུ་མར། འབྲུ་མར། སྦྲང་རྩི་བུ་རམ་འོ་མ། ཞོ་མར་སར། རྐུན་ཚེ། ཚ་#ཞོ་ཁུ། རྩབ་མོ། འབྲས་བུ་བཅས་པ་ལ་སོགས་པ་རྣམས་སྤྱོད་པའོ་ཞེས་པ་ཡིན་ཏེ་མིང་གིས་སྨོས་པ་འདི་དག་
[122b]
[122b.1]སྲོག་ཆགས་དང་བཅས་པར་ཤེས་ན་ཉེས་པར་འགྱུར་བའོ། །ཇི་ལྟ་བུའི་སྲོག་ཆགས་དང་བཅས་པས་ཉེས་པར་འགྱུར་ཞེ་ན། མཐོང་བའོ་ཞེས་པ་ཡིན་ཏེ་མིག་གིས་#གསོད་པའི་སྲོག་ཆགས་ཡོད་ན་གདོད་ཉེས་པར་འགྱུར་བའོ། །དེའང་གང་གི་ཚེ་ཉེས་པར་འགྱུར་ཞེ་ན། ཤི་ནའོ་ཞེས་པ་ཡིན་ཏེ་
[122b.2]དེ་དག་ཤི་ན་གདོད་ཉེས་པར་འགྱུར་བའོ། །སྲོག་ཆགས་དུ་མ་ཤི་ཡང་ལྟུང་བ་གཅིག་ཏུ་ཟད་དམ་ཞེ་ན། སྲོག་ཆགས་རེ་#རེའོ་ཞེས་པ་ཡིན་ཏེ་སྦྱོར་བ་གཅིག་གིས་དུ་མ་ཤི་ཡང་སྦྱོར་བ་གཅིག་ལ་ལྟུང་བ་དུ་མར་འགྱུར་བ་དང་སྦྱོར་བ་དུ་མས་སྲོག་ཆགས་དུ་མ་#ཤིན་ཡང་སྦྱོར་བ་དང་ལྟུང་བ་སོ་སོའི་གྲངས་བཞིན་
[122b.3]དུ་སྦྱོར་བའོ། །ལུས་ཀྱི་ཡོ་བྱད་དུ་སྤྱོད་པ་ནི་སྤྱད་#པའོ་ཞེས་པ་ནི་ལུས་ཀྱི་དགོས་པར་སྤྱོད་དོ་ཅོག་སྤྱོད་#པར་སྟོན་པའོ། །དེའི་དངོས་ཉིད་སྟོན་པ་ནི། འདི་ལྟ་སྟེ་བཀྲུ་བ་བཏུང་བ། སོ་ཤིང་བཟའ་བ། རྐ་#ལག་བཀྲུ་བ་རྣམས་སོ་ཞེས་པ་#ཡིན་ཏེ་མིང་གིས་སྨོས་པ་འདི་དག་ལ་སོགས་པ་ལུས་ཉིད་ཀྱི་ཡོ་
[122b.4]བྱད་དུ་སྟོན་པའོ#། །ལུས་ཀྱི་ཡོ་བྱད་དུ་དགོས་པ་ཡང་ལུས་ཀྱི་སྤྱོད་པ་ཡིན་པར་སྟོན་པའོ། །གང་ཡོ་བྱད་ཀྱིར་དགོས་པ་ནི་སྤྱོད་པའོ་ཞེས་པ་ནི་#ཡིན་ཏེ་ལུས་ཀྱི་ཡོ་བྱད་ཀྱི་ཆེད་དུ་འགྲོ་བ་དེ་དག་ཀྱང་ལུས་ཀྱི་སྤྱོད་པའི་ཁོངས་སུ་གཏོགས་པའོ། །ལུས་ཀྱི་ཡོ་བྱད་དེ་དག་གང་ཞེ་ན། བཟའ་བ་དང་ལྷུང་བཟེད་
[122b.5]དང་གོས་དང་གནས་དང་སོ་ཤིང་དང་མེ་ལ་སོགས་པ་ནི་ལུས་ཀྱི་ཡོ་བྱད་དོ་ཞེས་པ་རྣམས་ཡིན་ནོ། །ལུས་ཀྱི་ཡོ་བྱད་དེ་དག་ཡོ་བྱད་དུ་བྱ་བ་གང་ཞེ་ན། ས་དང་ལྕི་བ་དང་ཚོན་#དང་རྩི་ཤིང་ལ་སོགས་པ་ནི་དེ་དག་གིའོ་ཞེས་པ་ཡིན་ཏེ་ས་དང་རྩི་ཤིང་མིང་གིས་སྨོས་པ་འདི་དག་ལ་སོགས་པ་ནི་ལུས་ཀྱི་ཡོ་བྱད་དེའི་
[122b.6]ཡང་#ཡོ་བྱད་དུ་སྟོན་པའོ། །ལུས་ཀྱི་ཡོ་བྱད་དེ་དག་གི་#དགོས་པ་ཉིད་གང་ཞེ་ན། དེ་དག་གི་#དགོས་པ་ནི་འདི་ལྟ་སྟེ། བཤལ་བ་དང་བཀྲུ་བ་དང་འཚེད་པ་དང་འདེབས་པ་དང་ཕྱག་པ་དང་ཐུག་པ་ཞུ་བ་དང་ཐུག་པ་རྣམས་སུ་བྱེད་པའོ་ཞེས་པ་ཡིན་ཏེ་ཆུ་ལ་སོགས་པ་འདི་དག་ཡོ་བྱད་དེའི་དགོས་པ་ཡིན་ནོ་བར་
[122b.7]སྟོན་པའོ། །ཡུར་བ་གཅོད་ཅིང་གཏོང་བ་ཡང་ངོ་ཞེས་པ་ཡུར་ཆུ་བཅད་རྐ་བསྒྱུར་བས་སྲོག་ཆགས་#ཁ་དག་ན་ཡང་ཇི་སྙེད་པ་ཁ་དག་པ་རྙེད་ཀྱི་ལྟུང་བར་སྟོན་པའོ། །ཤིང་དང་གཟིངས་འཇུག་ཅིང་འདྲེན་པ་དང་འདོན་པ་ཡང་ངོ་ཞེས་པ་ནི་ཤིང་གཟིངས་ཆུར་འཇུག་གམ་འདྲེན་ཏམ་འདོན་པས་སྲོག་
[123a]
[123a.1]ཆགས་ཤི་ན་ཡང་ལྟུང་བར་སྟོན་པའོ། །ཅིག་ཐང་ལས་གཞན་སྤུ་ཅན་ལ་སོགས་པས་ཁྲུས་བྱེད་ནའོ་ཞེས་པ་ནི་ཁྲུས་རས་ཅིག་ཐང་མ་ཡིན་པའི་ཉི་རིམ་དང་སྤུ་ཅན་ལ་སོགས་པས་ཁྲུས་བྱེད་ན་ཡང་ཉེས་པར་སྟོན་པའོ། །སྲོག་ཆགས་ལྷག་པར་ཕལ་ཆེ་#བའི་ཆུ་དེས་ཀྱང་སྦྱོར་རོ་ཞེས་པ་ནི་སྲོག་
[123a.2]ཆགས་ཕལ་ཆེ་ན་ཁྲུས་#རས་ཅིག་ཐང་ལས་ཀྱང་ཉེས་པར་སྟོན་པའོ། །སྲོག་ཆགས་དང་བཅས་པར་སྤྱོད་པའོ།། །།#ད་#ནི་ཕྲན་ཚེགས་#ལ་སོགས་པ་ལས་སྲོག་ཆགས་དང་བཅས་པ་མེད་པར་བྱེད་པའི་#ཆོ་ག་སྟོན་པ་ནི་ཤིང་ཚགས་བཅང་ཞེས་པ་ལ་སོགས་པ་ཡིན་ཏེ་#འདི་ལྟ་བུའི་ཚགས་གྱིས་#ཤིག་པར་སྟོན་པའོ། །
[123a.3]འདིའི་དངོས་ཉིད་སྟོན་པ་ནི། སྣོད་བཟེད་#པའི་སྟེང་དུ་གདགས་པའི་ཕྱིར་ཤིང་གསུམ་ལྕགས་གཟེར་གྱིས་བཏབ་པ་ལ་བླུགས་པའི་ཆུ་འཛག་པའི་ཆུ་ཚགས་#འདོགས་པ་ནི་#དེའི་ཞེས་པ་ཡིན་ཏེ་ཤིང་གསུམ་སྤྱི་བསྡུས་པ་ལ་ཚགས་བཏགས་ནས་དེར་བླུགས་ཤིང་འཚགས་པ་ནི་ཤིང་ཚགས་ཞེས་བྱ་བ་ཡིན་
[123a.4]པར་སྟོན་པའོ། །ཆུ་ཚགས་ལ་ཆུ་གནས་པའི་ཚངས་གཞུག་ཅེས་པ་ནི་སྲོག་ཆགས་ལ་མི་གནོད་ཅིང་ཆུ་ལྟེང་#བར་བྱ་བའི་ཕྱིར་ཚགས་ཀྱི་ནང་དུ་ཚངས་ཆུག་ཤིག་པའོ། །ཚངས་དེ་རྒྱུ་ཅི་ལས་བྱ་ཞེ་ན། བྱེ་མའམ་ལྕི་བས་སོ་#ཞེས་པ་ཡིན་ཏེ་བྱེ་མ་སོལ་#བུའམ་ལྕི་བུར་གྱིས་ཤིག་པའོ། །བཟེད་པའི་
[123a.5]སྣོད་ཀྱང་ཞེས་པ་ནི་ཡང་ན་ཚགས་ཀྱི་ཞབས་ནས་སྣོད་#གྱིས་ཤིག་པའོ། །དེའང་རྒྱུ་ཅི་ལས་ཤེ་ན། ཁམ་པའམ་ཟངས་གང་ཡང་རུང་ཞེས་པ་ཡིན་ཏེ་རྒྱུ་འདི་གཉིས་གང་ལས་བྱས་ཀྱང་བླ་བར་སྟོན་པའོ། །འདི་ཤིང་གསུམ་ལ་གདགས་ཞེས་པ་ནི་བཟེད་པའི་སྣོད་དེ་#ཤིང་གསུམ་ལ་ཐོགས་ཤིག་
[123a.6]པའོ། །ཐབས་ཇི་ལྟར་གདགས་ཤེ་ན། ལུང་ནས་བརྟོད་ཅེས་པ་ཡིན་ཏེ་བཟོད་པའི་སྣོད་དེ་ལ་གདགས་པའི་ལུང་དེ་ལས་ཐོགས་#པའོ། །ཅི་གདགས་ཤེ་ན། སྔ་མ་སྲད་བུས་སོ་ཞེས་པ་དང་ཕྱི་མ་ལྕགས་ཐག་འཇམ་པོས་སོ་ཞེས་པ་ཡིན་ཏེ་ཁམ་པའི་སྣོད་ཡིན་ན་ནི་སྲད་བུས་གདགས་ཟངས་
[123a.7]ཀྱི་ཡིན་ན་ནི་ལྕགས་ཐག་འོ་བཟེབས་#ཐོགས་ཤིག་པའོ། །འདི་བཅང་ཞེས་པ་ནི་སྣོད་དེ་ལྟ་བུ་ཆེད་དུ་ཆོངས་ཤིག་པའོ། །ཆུ་མི་འཛག་ན་ཆུ་ཚགས་ལ་སྤང་#ལེབ་ཀྱིས་ཡང་གདབ་ཡང་གདབ་བྱ་ཞེས་པ་ནི་ཆུ་འཛག་ཏུ་མི་བཏུབ་ན་ཐབས་འདི་ལྟར་གྱིས་ཤིག་པའོ། །སྦུབས་ཚགས་ནི་བླའོ་ཞེས་པ་ནི་ཡང་
[123b]
[123b.1]སྦུབས་ཚགས་#གྱིས་ཤིག་དང་གྲོན་ཆུང་ཞིང་བླའོ་#བར་སྟོན་པའོ། །འདི་བཅང་ཞེས་པ་ནི་སྦུབས་ཚགས་#དེ་གང་ཟག་གིས་ཀྱང་ཆོངས་ཤིག་པའོ། །དེ་རྒྱུ་ཅི་ལས་བྱ་ཞེ་ན། ཁམ་པའམ་ཟངས་ལས་སོ་ཞེས་པ་ཡིན་ནོ། །འདི་དབྱིབས་ཇི་ལྟ་བུ་ཞེ་ན། བུམ་པ་ལྟ་བུ་ཁ་ཞབས་སུ་གདོད་ཅིང་པདྨོ་ལྟ་བུ་
[123b.2]ལ་བུ་ག་གདོད་ཅེས་པ་ཡིན་ཏེ་དབྱིབས་བུམ་པ་ལྟ་བུ་ལ་ཞབས་ནས་པདྨོའི་སྙིང་པོ་ལྟ་བུ་ནང་དུ་རློ་#བར་བྱས་པ་ལ་བུ་ག་མང་དུ་ཐོད་ཅིག་པའོ། །རས་མར་#བཙག་གོ་ཞེས་པ་ནི་བུ་ག་བཏོད་#པ་དེའི་སྟེང་རས་#གཡོགས་ལ་ཚོགས་ཤིག་པའོ། །ཚགས་བཤམ་ཞེས་པ་ནི་ཚགས་ཐ་མལ་པའང་གྱིས་
[123b.3]ཤིག་པའོ། །དེའང་ཇི་ལྟ་བུར་བྱ་ཞེ་ན། ཚགས་དང་ཆོས་བྱེད་དང་རས་མ་རྐྱང་པའོ་ཞེས་པ་ཡིན་ཏེ་ཚགས་ཐ་མལ་པ་ལྟ་བུ་དང་བུམ་#པའམ་ཤིང་ལ་བསྐོན་པའི་ཚགས་སམ་རས་མ་རྐྱང་#པ་རྣམས་གང་ཡང་རུང་སྟེ་འདི་དག་ལྟ་བུ་ཆོངས་ཤིག་པའོ། །བུམ་བུའམ་ཀུ་འདེར་བརྟགས་#པའི་ཁྱེར་བ་དང་།
[123b.4]ཡོད་པ་ཡང་དེ་བཞིན་ཞེས་པ་ནི་གུད་དུ་འགྲོ་བའི་ཚེ་བཙགས་#པའི་ཆུ་ཁྱེར་རམ་དེ་བཞིན་#སྲོག་ཆགས་མེད་པའི་ཆུ་ཡོད་ན་ཆུ་ཚགས་#ཁྱེར་བ་དང་འདྲ་བར་སྟོན་པའོ། །འདི་མེད་པར་ཡུལ་རྒྱུ་བ་མི་སྤྱོད་#ཅེས་པ་ནི་ཆུ་ཚགས་མེད་པར་མགྲོན་#དུ་མ་འགྲོ་ཤིག་པའོ། །འགྲོ་བའི་བླ་མ་བསླབ་པ་གཞན་ཡང་སྟོན་པ་ནི།
[123b.5]འཁོན་པ་དང་མི་འགྲོགས་ཞེས་པ་ལ་སོགས་པ་ཡིན་ཏེ་འཁོན་#ཡོད་པ་དང་འགྲོགས་ཏེ་མ་འདོང་#ཤིག་པའོ། །གལ་ཏེ་རྐྱེན་དེ་འདྲ་བ་ཞིག་ན་བཟོད་པ་བྱ་སྟེའོ་#ཞེས་པ་ནི་འགྲོགས་ཏེ་མ་སོང་ན་འཚོ་བ་དང་དགེ་སྦྱོང་གི་བར་ཆད་དུ་འགྱུར་བ་ལ་སོགས་པའི་རྐྱེན་གྱིས་ཐེབས་ན། འཁོན་བཤགས་ཤིང་བཟོད་པ་
[123b.6]གསོལ་ལ་གདོད་འགྲོགས་ཏེ་དེང་#ཤིག་པའོ། །དགོས་པ་བྱར་ཡོད་ན་ཡོད་པའོ་ཞེས་པ་ནི་ཚགས་ཁྱིམ་དུ་ལུས་པའམ་སྤྱད་ཀར་མེད་པ་མ་ཡིན་གྱི་སྤྱད་ཀར་#ཡོད་ན་བརྙས་ཏེ་ཡོད་ཀྱང་ཡོད་པའི་ཁོངས་སུ་གཏོགས་པའོ། །དེ་ལྟ་བས་ན་འདིར་གཞན་གྱིས་བཤུགས་པར་དམ་བཅས་ན་དེ་བཞིན་ཞེས་པ་#གོང་མ་
[123b.7]ལྟར་སྤྱད་ཀར་ཡོད་ན་གདོད་ཡོད་པ་ཡིན་པས་ན་གུད་དུ་འགྲོ་བའི་ཚེ་གྲོགས་གཞན་གྱིས་ཚགས་བརྙ་#བར་ཁས་བླངས་གདོད་སོང་ཤིག་པའོ། །ཡུལ་རྒྱུ་བར་སྤྱོད་པ་འབྲལ་ལ་བྱིན་པར་དམ་མི་འཆའ་ན་དེ་ལ་མི་ལྟོས་ཤིང་#པ་ནི་ལམ་ནས་གུད་དུ་འབྲལ་ལ་བྲལ་དུ་ཟིན་ཀྱང་བཤུགས་པར་ཁས་མི་ལེན་ན་དེ་ལ་
[124a]
[124a.1]ལྟོས་སུ་མི་རུང་བར་སྟོན་པའོ། །ཉེན་ཀོར་དུ་འགྲོ་བ་ཕོངས་པར་མི་བྱེད་པས་སྤྱོད་པ་མ་ཡིན་ཞེས་པ་ནི་ཉེན་ཀོར་#དུ་འགྲོ་བ་ཙམ་#ནི་ཆུས་མི་ཕོངས་པས་ནི་#ཡུལ་རྒྱུ་བ་སྤྱད་ཅེས་པ་གཏོགས་པར་སྟོན་པའོ། །ཉེན་ཀོར་གྱི་ཚད་ཇི་ཙམ་ཞེ་ན་དེ་ནི་རྒྱང་གྲགས་ལྔའོ་ཞེས་པ་ཡིན་ཏེ་ཉེན་ཀོར་གྱི་
[124a.2]ཚད་ནི་འདི་ཙམ་པར་སྟོན་པའོ། །གནས་སུ་ལས་ཏེ་སོང་ལ་དེ་དང་མི་ལྡན་པ་ནི་ཐུག་#ཐུབ་མ་བྱས་པ་མ་ཡིན་ཞེས་པ་ནི་ལུས་ཏེ་སོང་བ་ཡང་ཆེད་དུ་བཞག་པ་དང་འདྲ་བར་སྟོན་པའོ། །གཅིག་གིས་དགེ་འདུན་མན་ཆད་དུ་མེ་ཡོད་པར་མི་འགྲུབ་པ་མ་ཡིན་ཞེས་པ་ནི་དགེ་འདུན་མན་ཆད་མ་འཁོད་ཀྱང་ཚགས་
[124a.3]གཅིག་གིས་མི་ཁྱེད་པ་མེད་པར་སྟོན་པའོ། །རྒྱུན་དྲག་ཀྱང་གནོད་#པར་མི་བྱེད་པ་མ་ཡིན་ཞེས་པ་ནི་ཆུ་འབབ་པའི་རྒྱུན་དྲག་པོ་#ཡིན་ན་ཡང་ཆུ་ཚགས་མེད་དུ་མི་རུང་བར་སྟོན་པའོ། །རྒྱུན་བཞིན་དུ་རྒྱུན་དང་འགྲོགས་ན་རྒྱང་གྲགས་ཤིང་བརྟགས་པར་བགྲོད་#ཅེས་པ་ནི་ཆུའི་རྒྱུན་དང་འགྲོགས་པ་ཞིག་ན་
[124a.4]དང་པོ་ལན་ཅིག་བརྟགས་ནས་རྒྱང་གྲགས་གཅིག་གི་བར་དུ་བརྟགས་#མི་དགོས་པར་སྟོན་པའོ། །གལ་ཏེ་ཆུ་གཞན་གྱིས་བཙལ་ན་ཚུན་ཆད་དོ་ཞེས་པ་ནི་དེར་འབབ་ཆུ་གཞན་གྱིས་བཙལ་ན་རྒྱང་གྲགས་ཀྱི་ཚད་དང་སྦྱར་དུའང་མི་རུང་སྟེ། ཆུ་གཞན་གྱིས་བཙལ་བ་དེ་ཚུན་ཆད་བརྟགས་#པའི་ཁོངས་སུ་གཏོགས་
[124a.5]པའོ། །འདོམ་གང་གི་འཁོར་བརྟགས་#པར་གཏོགས་པའོ་ཞེས་པ་ནི་གཙང་འགྲམ་དུ་བརྟགས་ན། གར་བརྟགས་པའི་འདོམ་གང་ཁོར་ཡུག་བརྟགས་#ཁོངས་སུ་གཏོགས་#པར་སྟོན་པའོ། །མིག་གིས་དག་ན་ཆུ་ཡང་དག་གོ་ཞེས་པ་ནི་མིག་གིས་ལེགས་པར་བརྟགས་ན་#ཆུའི་སྲོག་ཆགས་མེད་པའི་ཚད་ཀྱང་
[124a.6]དེས་གཟུང་#བར་སྟོན་པའོ། །དེ་ཡང་གང་གི་མིག་གིས་#ཞེ་ན་ཐ་མལ་པས་སོ་ཞེས་པ་ཡིན་ཏེ། འཕྲུལ་གྱི་མིག་གིས་མ་ཡིན་གྱི་མིག་#ཐ་མལ་པས་སོ། །རྡུལ་མེད་ཅིང་མི་གཡོ་བར་བརྟག་#ཅེས་པ་ནི་རྡུལ་མེད་ལ་མི་གཡོ་ན་གདོད་རྟོགས་ཤིག་པའོ། །སྣོད་བཀང་ལའོ་ཞེས་པ་ནི་སྣོད་ཁ་ད་ཆད་དུ་བཀང་ལ་གདོད་
[124a.7]རྟོགས་ཤིག་པའོ། །འདིར་མ་འོངས་པའི་ཡུན་རིང་པོར་མི་བྱ་ཞེས་པ་ཆུ་རྟོག་#པའི་ཚེ་ཡུན་རིང་#ན་མིག་འཁྲིག་ཅིང་མི་རྟོག་#པའི་ཕྱིར་ཅི་རན་དུ་གྱིས་ཤིག་པའོ། །འཇག་མ་འཇམ་པོས་#སྲོག་ན་ལྟ་བ་སླའོ་#ཞེས་པ་ནི་སྲོག་ཆགས་སམ་རྡུལ་ཡིན་པར་མ་ངེས་པ་ལྟ་བུ་ལ་སོགས་པ་འཇག་མའི་རྩེ་མོས་བརྟགས་#དང་
[124b]
[124b.1]བླ་བར་སྟོན་པའོ། །འདི་རྒྱང་མ་ནས་སྣང་བར་མི་དོར་ཞེས་པ་ནི་ཆུའི་སྲོག་ཆགས་སླར་ཆུར་བཏང་བའི་ཚེ་རྒྱང་མ་ནས་མ་དོར་ཅིག་པའོ། །གཞན་ཡང་མ་ཡིན་ཞེས་པ་ནི་ཤིག་ལ་སོགས་པའི་སྲོག་ཆགས་གཞན་ཡང་སྣང་དུ་འོང་གིས་རྒྱང་རིང་དུ་མ་དོར་ཅིག་པའོ། །མ་མར་ལ་གལ་ཏེ་སྲོག་ཆགས་འདུན་དེའི་སྣོད་
[124b.2]གཡོགས་ཞེས་#པ་ནི་སྲོག་ཆགས་འདུན་དེའི་#སྣོད་གཡོགས་ཤིག་པའོ། །དེའི་སྣོད་ཇི་ལྟ་བུ་ཞེ་ན། སྨྱུག་ཚལ་གྱི་གཟེབ་རས་དཀར་པོའམ། ལྷང་ཚེར་གྱིས་གཡོགས་པ་ནི་དེའི་ཞེས་པ་ཡིན་ཏེ་འདི་ལྟར་བྱས་པ་དེའི་སྣོད་ཡིན་པར་སྟོན་པའོ། །མིག་བརྒྱ་#པའི་ཡང་ངོ་ཞེས་པ་ནི་ཡང་ན་མིག་བརྒྱ་པའི་སྣོད་
[124b.3]གྱིས་ཤིག་པའོ། །དེའང་ཇི་ལྟ་བུ་ཞེ་ན། དང་པོ་ནས་#བྱས་པའམ་བུམ་པའི་གྱོ་མོ་ལ་སོགས་པ་བུ་ག་གཏོད་པའོ་ཞེས་པ་ཡིན་ཏེ་དང་པོ་ནས་ཆེད་དུ་བུ་ག་མང་པོར་བྱས་པའམ་བུམ་པ་ལ་སོགས་པའི་གྱོ་མོ་ལ་བུ་ག་མང་དུ་ཐོད་ཅིག་པའོ། །སྦྲུལ་སྐྲ་སྙིས་མི་གདགས་ཤེས་ན་#དེ་མགུལ་པ་ཆད་དུ་འོང་བ་ནའོ། །འོ་ན་
[124b.4]སྦྲུལ་བསྐྲད་པའི་ཐབས་ཇི་ལྟར་བྱ་ཞེ་ན། སེ་གོལ་གཏོགས་ལ་བཞིན་བཟངས་#མི་སྣང་བའི་ལམ་དུ་འདུག་ཤིག་ཅེས་བྱ་ཞེས་པ་ཡིན་ཏེ་སྙད་#འདི་སྐད་དུ་གྱིས་ལ་སྐྲོག་ཅིག་པའོ། །དེ་སྐད་དུ་བྱས་ཀྱང་མི་བཏུབ་པ་ཇི་ལྟར་བྱ་ཞེ་ན། མི་བཏུབ་ན་ར་རྐང་གི་དབྱུག་པས་བུམ་པའམ་བུམ་བུར་དལ་གྱིས་གཞུག་ཅིང་བསྲི་
[124b.5]བཏོད་#ལ་ཁ་བཅད་དེ་བསྐྱལ་ཞེས་པ་ཡིན་ཏེ་ཐབས་འདི་ལྟར་གྱིས་ལ་སྐྱོལ་ཅིག་པའོ། །ཐབས་དེས་ཀྱང་མ་ནུས་ན་ཐབས་#ཇི་ལྟར་བྱ་ཞེ་ན། མ་གྲུབ་ན་རྒྱ་ཅང་ངམ་ལྕག་པོ་དང་མ་ཤུར་བུའམ་སྲད་བུའི་སྙི་ར་དས་དཀྲིས་#པས་མགུལ་ནས་གདགས་ཞེས་པ་ཡིན་ཏེ་ཡང་ན་ཐབས་འདི་ལྟར་གྱིས་ལ་#སྐྲོད་ཅིག་པའོ། །དེ་
[124b.6]བཞིན་དུ་བཅུག་ཀྱང་བླ་ཞེས་པ་ནི་སྣོད་དུ་གཞུག་པའི་ཚེ་མགུལ་ནས་བཏགས་པ་དང་བཅས་ཏེ་བཅུག་ཀྱང་བླ་བར་སྟོན་པའོ། །མེ་ཤོར་བར་མི་དོར་ཞེས་པ་ནི་ཚིག་དུ་#འོང་བས་ནའོ། །ནང་དུ་གཞུག་གི་བར་དུ་བསྡད་ཅེས་པ་ནི་བྱ་ལ་སོགས་པས་མི་ཁྱེར་བའི་རིམ་གྲོ་བྱ་བའོ། །ཤིག་ནི་ར་དལ་གཞག་ཅེས་པ་དང་
[124b.7]དེ་གསེབ་དུའོ་ཞེས་པ་ནི་ཤིག་ཟིན་ན་འདི་ལྟར་གྱིས་ལ་སྦོས་ཤིག་པའོ། །མད་ཀུ་#ན་ནི་སྤང་ལའོ་ཞེས་པ་ནི་སྲིན་བུ་མད་ཀུ་#ན་སྤང་ལ་འོར་ཅིག་པའོ། །བསིལ་བར་རོ་ཞེས་པ་ནི་#ཡང་ན་སྲིན་བུ་དེས་#བསིལ་བར་ཐོང་ཤིག་པའོ། །སྔ་མ་བཏང་བའི་ཕྱིར་དབོ་བའི་སྣོད་བཅང་ཞེས་པ་ནི་སྔ་མ་སྟེ་#སྲོག་ཆགས་དང་
[125a]
[125a.1]བཅས་པའི་ཆུ་དེ་སླར་དབོ་ཞིང་བཏང་བའི་སྣོད་བུམ་པའི་ཞབས་ནས་སྲད་ཀྱིས་གདགས་སུ་རུང་བར་གྱིས་ཤིག་པའོ། །ཚགས་དེ་ཉིད་ཀྱིས་བཏང་ཡང་ངོ་ཡང་ན་གང་གིས་བཙགས་པའི་ཚགས་དེ་ཉིད་ཀྱིས་སླར་ཕོ་ཞིང་བསྐྱལ་ཀྱང་བླ་བའོ། །སྲོག་ཆགས་ཆགས་པ་#བྲལ་བའི་ཐབས་ནི། ཆུ་ཚགས་
[125a.2]བཤལ་ཞེས་པ་ནི་སྲོག་ཆགས་ཆུ་ཚགས་ལ་ཆགས་ན་ཚགས་ཉིད་ཆུར་ཤོལ་ཅིག་པའོ། །དྲི་མ་བཀྲུ་ཞེས་པ་དང་མི་འདུལ་བར་བསྐམ་ཞེས་པ་ནི་ཆུ་ཚགས་དེ་བཀྲུ་བ་དང་བསྐམ་པའི་རིམ་གྲོ་ཆེར་གྱིས་ཤིག་པའོ། །བཙིར་བ་ནི་འདི་གཉི་གའི་སྤྱད་དུ་བྱེད་ཅེས་པ་ནི། བཙིར་ན་དྲི་མ་འགག་#པ་དང་འདུལ་བར་མི་
[125a.3]འགྱུར་བ་གཉི་གའི་སྤྱད་དུ་རུང་བར་སྟོན་པའོ། །དགེ་འདུན་དང་གང་ཟག་དང་ཚགས་དང་ཆུ་མིག་ཡིད་ཆེས་པ་ལ་ལྟོས་པ་ཉེས་མེད་ཅེས་པ་ནི་མིང་གིས་སྨོས་པ་འདི་དག་ལ་ཡིད་ཆེས་ན་མ་བརྟགས་ཤིང་མ་བཅགས་ཀྱང་བླ་#བར་སྟོན་པའོ། །བཅུས་པ་དང་ཁྲོན་བ་བརྟགས་པ་ནི་ཉི་མ་ཤར་གྱི་བར་དུ་ཐུབ་ཅེས་པ་ནི།
[125a.4]ཆུ་ནང་པར་བརྟགས་པ་དང་ཁྲོན་པ་ནང་པར་བརྟགས་པ་ནི་སང་ཉི་མ་ཤར་གྱི་བར་དུ་བརྟགས་#མི་དགོས་པའོ། །ཆུ་སྣོད་བལྟ་#སྟེ་སྟོང་པ་བཀང་ཞེས་པ་ནི་ཕྱི་རོལ་གྱི་ས་ན་དགེ་འདུན་སྤྱིའི་ཆུ་སྣོད་ན་ཡོད་པ་ཆུ་མེད་ཁོང་#ཤིག་པའོ། །ཆུ་དང་གཞན་གྱི་སྣོད་བཤམ། འདི་ནི་དགེ་འདུན་སྤྱིའི་འོ་ཞེས་པ་ནི་ཆུའི་སྣོད་
[125a.5]དང་མར་ལ་སོགས་པའི་སྣོད་ཤོམས་ཤིག་པའོ། །དགེ་འདུན་གྱི་བྱ་བ་ནི་སྤྱད་སྦེད་#པ་དེའི་གཏོགས་ཞེས་པ་ནི་དགེ་འདུན་གྱི་སྣོད་སྤྱད་བཤམ་#པ་ལ་སོགས་པ་སྣོད་སྤྱད་#སྦེད་པའི་ལས་སུ་གཏོགས་པར་སྟོན་པའོ། །འདིར་སྦྱིན་ཞིང་ལེན་པ་ཡང་མ་གཏོགས་པ་མ་ཡིན་ཞེས་པ་ནི་དགེ་འདུན་གྱི་སྣོད་སྤྱད་
[125a.6]བརྙན་པོ་གཏོང་ཞིང་#སྡུད་པ་ཡང་སྤྱད་སྦེད་#པ་དེའི་ལས་སུ་མ་གཏོགས་པར་སྟོན་པའོ། །ཁྱིམ་པ་ལ་བརྙན་#པོར་སྦྱིན་ཞེས་པ་ནི་སྣོད་སྤྱད་ཁྱིམ་པ་བརྙན་#ན་ཡང་སྦྱིན་ཅིག་པའོ། །རྙིང་#པ་ཡོད་ན་དེའོ་ཞེས་པ་ནི་རྙིང་#པ་ཡོད་ན་དེ་དག་བརྙན་པོར་#བྱིན་ཅིག་པའོ། །གཙུག་ལག་ཁང་དུ་སྦྱིན་བདག་ལ་བརྙ་བར་འདིས་
[125a.7]མ་སྨྲས་པ་མ་ཡིན་ཞེས་པ་ནི་གཙུག་ལག་ཁང་དུ་སྦྱིན་བདག་ལ་བརྙ་བ་ཡང་གོང་དུ་བསྟན་པའི་ཁོངས་སུ་འདུས་པར་སྟོན་པའོ། དགེ་སློང་ལ་སར་པ་སྦྱིན་པ་ཡང་ངོ་ཞེས་པ་ནི་དགེ་སློང་དག་ལ་ནི་སར་པ་ཡང་གཏན་དུ་བྱིན་ཅིག་པའོ། །སྣོད་སྤྱད་ཀྱི་ཁང་པ་#དབོག་ཅེས་པ་ནི་དེའི་ཁང་པ་འང་ཕོག་ཤིག་
[125b]
[125b.1]པའོ། །ཟངས་དང་ཁམ་པའི་སྣོད་ནི་སོ་སོར་གཞག་ཅེས་པ་ནི་#སྤ་བའི་ཚེ་ཐབས་འདི་ལྟར་གྱིས་ཤིག་པའོ། །ཆུའི་སྟ་གོན་བྱ་ཞེས་པ་ནི་དགེ་འདུན་གྱི་ཕྱིར་ཆུའི་སྟ་གོན་ཆེར་གྱིས་ཤིག་པའོ། །གར་བབ་བབ་ཏུ་མི་གཞག་ཅེས་པ་ནི་སྟ་གོན་དུ་བཤམས་པའི་ཆུ་དེ་གར་བབ་བབ་ཏུ་མ་གཞག་ཤིག་པའོ། །འོ་ན་གར་
[125b.2]གཞག་ཅེ་ན། །དེའི་ཕྱིར་གྲུང་ཙང་བྱ་ཞེས་བྱ་བ་ཡིན་ནོ། །དེའང་གར་བྱ་ཞེ་ན་གཙུག་ལག་ཁང་གི་ལྷོ་ནུབ་ཀྱི་མཚམས་སུའོ་ཞེས་པ་ཡིན་ནོ། །དེ་བརྩིགས་#པའི་ཐབས་ནི་སྐར་ཁུང་གདོད་སོ་ཕག་གི་གཅལ་#དགྲམ་སྟོར་ཁུང་གདོད་སྒོ་དང་སྒོ་འཕར་བྱ། ལག་ཟུངས་གཞུག་#ཅེས་པ་ཡིན་ཏེ་མིང་གིས་སྨོས་པ་འདི་ཀུན་ཚད་
[125b.3]བར་གྱིས་ཤིག་པའོ། །དེའི་ནང་དུ་བཤམ་པ་ནི་ཚགས་གཞག་པའི་ཕྱིར་གདང་ཡང་ངོ་ཞེས་པ་དང་ཤིང་ཁྲི་བཤམ་ཞེས་པ་དང་སོ་ཕག་གི་སྟེགས་བུའམ་ཞེས་པ་དང་གཞི་ཡང་ངོ་ཞེས་པ་རྣམས་ཡིན་ཏེ་ཚགས་གཟར་བའི་གདང་#བུ་དང་རྫ་མ་གཞག་པའི་གཞི་དང་མལ་ཡན་ཆད་དེའི་ནང་དུ་ཤོམས་ཤིག་པའོ། །སྤྱད་པར་དགོས་
[125b.4]པའི་བར་དུ་ཆུ་སྣོད་དག་པར་བྱ་ཞེས་པ་ནི་སྤྱད་དགོས་པའི་ཆུ་སྣོད་ཡན་ཆད་ཀྱང་དག་པར་གྱིས་ཤིག་པ་སྟེ་བརྟག་#པ་དང་ཟས་ཀྱི་ཆུ་ལྟ་སྨོས་ཀྱང་མི་#དགོས་པར་སྟོན་པའོ། །གཙང་སྦྲར་རོ་ཞེས་པ་ནི་གཙང་སྦྲའང་ཆེར་གྱིས་ཤིག་པའོ། །བཟའ་#བཏུང་གི་ཆུ་ཡང་ངོ་ཞེས་པ་ནི་བཏུང་ཆུའང་གཙང་སྦྲ་#ཆེར་གྱིས་ཤིག་པའོ། །
[125b.5]དེ་གོས་དང་ལག་མི་གཙང་བས་མི་བྲིམ་ཞེས་པ་ནི་ཆུ་འདྲིམ་པའི་ཚེ་གོས་དང་ལག་མི་གཙང་བས་མ་འདྲིམ་ཤིག་པའོ། །ཆུ་སྣོད་ཀྱི་ནང་དུས་དུས་སུ་བཀྲུ་ཞེས་པ་ནི་ཆུ་སྣོད་དེ་དག་ཀྱང་དུས་དུས་སུ་ཁྲུས་ཤིག་པའོ། །ཟབ་ན་ཨུ་ཤི་རའི་ཁྲུ་ད་#ཤིང་ངམ་འདབ་མ་ལྷགས་#པའམ་ར་ད་ཤིང་གི་#ཐོག་མ་ལ་བསྐོན་པས་སོ་ཞེས་
[125b.6]པ་ནི་རྫ་མ་བཟའ་བས་རིང་སྟེ་མི་སླེབས་ན་མིང་གིས་སྨོས་པ་འདི་དག་ལྟ་བུའི་ཁྲིད་ཤིང་གིས་ཁྲུས་ཤིག་པའོ། །འདི་ཟས་ཀྱིས་མི་འབགས་#པར་མི་བསྲུང་བ་མ་ཡིན་ཞེས་པ་ནི་ཁྲུད་ཤིང་དེ་ཟས་ཀྱིས་མི་འབགས་#པའི་རིམ་གྲོའང་གྱིས་ཤིག་པའོ། །བསྐམ་པ་ཡང་ངོ་ཞེས་པ་ནི་ཆུ་སྣོད་དེ་དག་བསྐྲུས་#ནས་བསྐམ་སྲད་
[125b.7]ཀྱང་གྱིས་ཤིག་པའོ། །དེའི་ཚེ་མི་འབྲེལ་བའི་ཕྱིར་ཅིག་ཅར་དུ་མ་ཡིན་ཞེས་པ་ནི་ཁྲུ་ཤིང་#སྐེམས་པའི་ཚེ་ཐམས་ཅད་ཅིག་ཅར་མ་བྱེད་#པར་ཆུས་མི་འབྲེལ་བར་བྱ་བའི་ཕྱིར་སྔ་ཕྱིར་#རིམས་སུ་ལྷོགས་ཤིག་པའོ། །ཆུའི་ལས་སུ་གཏོགས་པ་ནི་གནས་པས་#བྱ་ཞེས་པ་ནི་ཆུའི་ལས་སུ་བྱའོ་ཅོག་གནས་པའི་#ལས་སུ་
[126a]
[126a.1]གྱིས་ཤིག་པའོ། །སྲོག་ཆགས་དང་བཅས་པར་འབྲེལ་བ་ཕྲན་ཚེགས་ལ་སོགས་པར་གཏོགས་པའོ།། །།#སྨྱེན་#གནས་ན་འདུག་པའི་ལྟུང་བ་སྟོན་པར་འདོད་པ་ནི། འབྲིད་ཅེས་པ་ལ་སོགས་པ་ཡིན་ནོ། །འདུ་ཤེས་བརྩན་#པ་གང་ཞེ་ན་ཞུགས་པའམ་ཆ་བའོ་ཞེས་པ་ཡིན་ཏེ་སྨྱེན་#
[126a.2]གནས་བྱེད་#དུ་ཆ་བར་ཤེས་ན་ཉེས་པར་འགྱུར་བའོ། །ཅི་ལ་ཞུགས་ཤིང་ཆས་ཤེ་ན། འདུ་བའོ་ཞེས་པ་ཡིན་ཏེ་གཉིས་ཀྱིས་གཉིས་#འདུས་ཤིང་ཕྲད་ནའོ། །གང་འདུས་ཤེ་#ན་སྐྱེས་པ་དང་བུད་མེད་དོ་ཞེས་པ་ཡིན་ནོ། །དེའང་ཇི་ལྟ་བུ་ཞེ་ན་ཁྱིམ་པ་ནའོ་ཞེས་པ་ཡིན་ཏེ་གཉི་ག་ཁྱིམ་པ་ཡིན་ན་གདོད་ཉེས་
[126a.3]པར་འགྱུར་བའོ། །གནས་གང་དུའང་རུང་ངམ་ཞེ་ན་གཞན་གྱི་གནས་ནའོ་ཞེས་པ་ཡིན་ཏེ་དགེ་སློང་གི་གནས་མ་ཡིན་གྱི་ཁྱིམ་པ་གཞན་གྱི་གནས་ཡིན་ནའོ། །གཞན་གྱི་གནས་ཡིན་པ་ཙམ་གྱིས་#ཉེས་པར་འགྱུར་རམ་ཞེ་ན་ཕྲད་པའི་ས་རུང་བ་དང་གཞན་མེད་ནའོ་ཞེས་པ་ཡིན་ཏེ་དེ་གཉིས་ཕྲད་པའི་ས་སྣང་
[126a.4]ཡེལ་ཅན་ནམ་འདྲུལ་#ཟགས་ཀྱིས་མ་ཡིན་ཏེ་སྨྱེན་#ངན་སྤྱོད་པའི་ས་#རུང་བ་དང་བདག་ལས་གཞན་མེད་ན་གདོད་ཉེས་པར་འགྱུར་བའོ། །ཇི་ལྟར་འདུག་པས་ཤེན་མངོན་སུམ་གྱི་ཚུལ་གྱིས་#འདུག་ནའོ་ཞེས་པ་ཡིན་ཏེ་གབ་ཅིང་བ་ཞབས་#པས་ནི་མ་ཡིན་གྱི་མངོན་སུམ་དུ་འདུག་ཅིང་སྨྱེན་#ངན་གྱི་བར་དུ་གཅོད་ན་གདོད་
[126a.5]ཉེས་པར་འགྱུར་བའོ། །སྨྱེན་ངན་གྱི་#གནས་ན་འདུག་པའོ། །སྨྱེན་#ངན་སྤྱོད་པ་ནི་འགྲེང་པའི་ལྟུང་བ་སྟོན་པ་ནི་གབ་ཅིང་འགྲེང་ནའོ་ཞེས་པ་ལ་སོགས་པ་ཡིན་ཏེ་#འདུ་ཤེས་བརྩན་#པ་ལ་སོགས་པའི་གཞི་སྔ་མ་ལས་བླངས་ནས་དེའི་ཁྱད་པར་ཙམ་ཞིག་#འདིར་སྨོས་པ་ཡིན་ཏེ། དེའི་སར་གབ་ཅིང་འགྲེང་ན་
[126a.6]གདོད་ཉེས་པར་འགྱུར་བའོ། །དེ་ལ་འགྲེང་བ་ཉི་ཚེ་མ་ཡིན་ཏེ་འདུག་པ་ལ་སོགས་པའི་སྤྱོད་ལམ་གཞན་གྱིས་#ན་ཡང་ཉེས་པར་འགྱུར་རོ། །སྐྱབས་ཡོད་ནའོ་ཞེས་པ་ནི་གབ་ཅིང་འགྲེང་བའི་ས་#ཡང་ར་བ་འམ་སབ་མ་ལ་སོགས་པའི་སྐྱབས་ཀྱིས་ཆོད་ན་གདོད་ཉེས་པར་འགྱུར་བའོ། །སྐྱབས་ཡོད་པ་ན་
[126a.7]འདུག་གོ་ཅོག་གིས་སམ་ཞེན་གལ་ཏེ་འཇིགས་#པའི་དབང་གིས་མ་ཡིན་ནའོ་ཞེས་པ་ཡིན་ཏེ་འཇིགས་#པའི་རྐྱེན་གྱིས་#འདུག་པ་ནི་#ཉེས་མེད། ཐམས་ཅད་དུའང་རྩ་བའི་ཉེས་པར་འགྱུར་རམ་ཞེ་ན། ལྟ་བ་དང་ལྟ་བས་མ་ཡིན་ན་ཉེས་བྱས་ཞེས་པ་ནི་ལྟ་བའི་དགེ་སློང་དང་ལྟ་བའི་སྨྱེན་#ངན་སྤྱོད་པ་རྣམས་
[126b]
[126b.1]གཅིག་གིས་གཅིག་མ་མཐོང་ན་སྒྲ་ཙམ་ཐོས་སུ་ཟིན་ཀྱང་ཉེས་བྱས་སུ་སྟོན་པའོ། །གནས་གཞན་དུ་གཏོགས་ནའོ་ཞེས་པ་ནི་གུད་དུ་ཡེངས་པས་སྨྱེན་#ངན་སྤྱོད་པའི་སྟེང་དུ་བབ་པ་ཡང་ཉེས་བྱས་སུ་སྟོན་པའོ། །བསླབ་པ་འདི་གཉིས་ཀྱིས་ཚིགས་#སྟོན་པ་ནི་འདིར་མིག་ལམ་དུ་བབ་པའི་མཐའ་ནི་གནས་ཀྱི་
[126b.2]མཐའོ་ཞེས་པ་ཡིན་ཏེ་མིག་ལམ་དུ་བབ་ན་སྨྱེན་#ངན་སྤྱོད་པའི་གནས་སུ་ཕྱིན་པར་སྟོན་པའོ། །མཛོད་ཀྱང་དེར་གཏོགས་སོ་ཞེས་པ་ནི་མཛོད་ཀྱི་སྒོ་ནས་#ཁྱམས་སམ་ཁྱིམ་ཡོད་པར་དགེ་སློང་འདུག་ཅིང་མཛོད་ན་སྨྱེན་#ངན་སྤྱོད་ན་ཡང་གནས་གཅིག་པར་སྟོན་པའོ། །ཁྱིམ་ལོགས་ཤིག་པ་ནི་ཐ་དད་ཅེས་པ་ནི་ཁྱིམ་པ་
[126b.3]ཐ་དད་པ་ནི་གནས་ཀྱང་སོ་སོ་བར་སྟོན་པའོ། །#དེའང་ནོར་བགོས་པ་དང་མ་བགོས་#པས་དབྱེའོ། །སྨྱེན་#གནས་ན་འགྲེང་བའོ།། །།#གཅེར་བུ་ལ་བྱིན་པའི་ལྟུང་བ་སྟོན་པ་ནི་བུད་མེད་དམ་སྐྱེས་པ་ནའོ་ཞེས་པ་ཡིན་ཏེ་འོག་ནས་གཅེར་བུ་ཞེས་འབྱུང་བའི་སྐྱེས་པའམ་བུད་མེད་གང་ཡང་རུང་བའོ། །དེའི་
[126b.4]འབྲེལ་པ་སྟོན་པ་ནི་གཉེན་དང་རབ་ཏུ་འབྱུང་བར་འདོད་པ་དང་ནད་པ་མ་གཏོགས་ཞེས་པ་ཡིན་ཏེ་འདི་དག་ལྟ་བུའི་གཅེར་བུ་ལ་བྱིན་པ་ནི་ཉེས་མེད། འདིའི་མཚན་མས་རབ་ཏུ་བྱུང་བ་གོས་མེད་པ་ནི་མ་ཡིན་ཞེས་པ་ནི་ཤཱཀྱའི་ཚུལ་གྱིས་#རབ་ཏུ་བྱུང་ཞིང་གོས་མེད་པར་གྱུར་པ་ལ་བྱིན་པ་ཡང་དེ་གཏོགས་པར་
[126b.5]སྟོན་པའོ། །ལུས་སམ་ལུས་དང་འབྲེལ་པར་ནའོ་ཞེས་པ་ནི་གཅེར་བུ་དེའི་ལག་ཏུ་བྱིན་ནམ་དེའི་ལག་ན་ཐོགས་པར་བྱིན་པ་འདྲ་བར་སྟོན་པའོ། །བྱིན་པའི་དངོས་པོ་ཅི་ཞེ་ན། བཟའ་བའམ་བཅའ་བའོ་ཞེས་པ་ཡིན་ནོ། །ཟས་བྱིན་ནོ་ཅོག་གིས་སམ་ཞེ་ན། རུང་བ་ནའོ་ཞེས་པ་ཡིན་ཏེ་བཞག་པ་ལ་
[126b.6]སོགས་མི་རུང་བའི་ཟས་མ་ཡིན་ནའོ། །སུའི་རུང་བ་ཞེ་ན་ཉིད་དང་དེའི་ནའོ་ཞེས་པ་ཡིན་ཏེ་བདག་དང་ཕ་རོལ་གཉི་གའི་ཟས་སུ་རུང་བ་ཞིག་ན་གདོད་ཉེས་པར་འགྱུར་བའོ། །བྱིན་ནོ་ཅོག་གིས་ཤེ་ན། སྡིག་པའི་ལྟ་བར་སོང་བ་དང་དབྲལ་བའི་ཕྱིར་ནི་མ་གཏོགས་ཞེས་པ་ཡིན་ནོ། །སུས་བྱིན་པས་
[126b.7]ཤེན་ཉིད་ཀྱིས་བྱིན་ནའོ་ཞེས་པ་ཡིན་ནོ། །མི་རུང་བ་ནི་ཉེས་བྱས་ཞེས་པ་ནི་#མི་རུང་བའི་ཟས་བྱིན་ན་ཉེས་བྱས་སུ་འགྱུར་བའོ། །བྱིན་དུ་བཅུག་པའོ་ཞེས་པ་ནི་རུང་བའི་ཟས་བདག་གིས་མ་བྱིན་གྱིས་གཞན་བསྐུར་#ཏེ་བྱིན་པ་ཡང་ཉེས་བྱས་སོ། །བགོས་ན་ཡང་ངོ་ཞེས་པ་ནི་ཁྱོད་ཀྱི་སྐལ་ཤས་སོ་ཞེས་གུད་དུ་སྤགས་
[127a]
[127a.1]པ་ཡང་ཉེས་བྱས་སོ། །གཅེར་བུ་ལ་བྱིན་པའོ།། །།#ཇི་ལྟར་#བྱས་པ་གཡུལ་བལྟ་བའི་#ལྟུང་བར་འགྱུར་ཞེ་ན། དམག་ལ་ཆས་པའི་གཡུལ་བལྟ་#བའི་ཕྱིར་ནའོ་ཞེས་པ་ལ་སོགས་པ་ཡིན་ཏེ་དྲ་མ་ལ་ཆས་པའི་དམག་ལྟ་ན་ཉེས་པར་འགྱུར་བའོ། །གཡུལ་བལྟས་པ་ཙམ་གྱིས་སམ་
[127a.2]ཞེ་ན། རྒྱལ་པོ་བཙུན་མོ་སྲས། བློན་པོ་ནང་མི་དང་། དཔུང་གི་གཙོ། གྲོང་ཁྱེར་དང་གཞོངས་ཀྱིས་སྨྲས་པ་དང་བར་ཆད་བྱུང་བའི་#དབང་གིས་ན་མ་གཏོགས་ཞེས་པ་ཡིན་ཏེ་མིང་གིས་སྨོས་པ་འདི་རྣམས་ཀྱིས་བོས་ཤིང་བཀུག་པའམ་དེར་མ་སོང་ན་དགེ་སློང་དང་འཚོ་བའི་#བར་ཆད་དུ་འགྱུར་བ་ལ་སོགས་
[127a.3]པའི་རྐྱེན་གྱིས་ན་ཉེས་མེད་པའོ། །ཇི་ལྟར་བྱས་པས་དགེ་སློང་ལྟུང་བར་འགྱུར་ཞེ་ན། ཞུགས་ནའོ་ཞེས་པ་ཡིན་ཏེ་བལྟར་སོང་ན་གདོད་ཉེས་#པར་འགྱུར་བའོ། །ཉེས་སྤྱོད་ཀྱི་མཐའ་#ལས་འདས་ཏེ་བལྟས་ནའོ་ཞེས་པ་ནི་ཆོས་#གོས་འབྲལ་བའི་ཉེས་སྤྱོད་ཀྱི་ལས་ཀྱང་འདས་ལ་བལྟས་ན་གདོད་ཉེས་པར་འགྱུར་
[127a.4]བའོ། །གཡུལ་ལྟ་བའོ། །ཇི་ལྟར་བྱས་པས་གཡུལ་གྱི་ནང་དུ་གནས་པའི་ལྟུང་བར་འགྱུར་ཞེ་ན། དེ་དག་མེད་པར་དེ་#ཞག་གཉིས་ལོན་པ་ལས་ལྷག་པར་གནས་ནའོ་ཞེས་པ་ལ་སོགས་པ་ཡིན་ཏེ་རྒྱལ་པོ་ལ་སོགས་པས་བོས་པའམ་བར་ཆད་ཀྱི་རྐྱེན་མེད་ལ་དེར་ཞག་གཉིས་ལས་ལྷག་པར་འདུག་ན་ཉེས་པར་
[127a.5]འགྱུར་བའོ། །མཚན་མ་མེད་ན་སྔ་མ་ཡང་ངོ་ཞེས་པ་ནི་ཆོས་དང་དགེ་འདུན་གྱི་བྱ་བ་ལ་སོགས་པའི་དོན་ཆེད་མེད་ན་ནི་ཞག་གཉིས་འདུག་པ་ཡང་ཉེས་པར་སྟོན་པའོ། །གཡུལ་དུ་གནས་པའོ།། །།#གཡུལ་གྱི་ཡན་ལག་མྱོང་བར་བྱེད་པའི་ལྟུང་བ་སྟོན་པ་ནི། གཡུལ་གྱི་ཡན་ལག་གིས་བྱེད་ཅེས་པ་ལ་
[127a.6]སོགས་པ་ཡིན་ཏེ། གླང་པོ་དང་རྟ་དང་ཤིང་རྟ་དང་རྐང་ཐང་གི་ཡན་ལག་ལས་ཉེས་པར་འགྱུར་བར་#སྟོན་པའོ། །དགེ་སློང་ངོ་ཅོག་ལ་ཉེས་པར་འགྱུར་རམ་ཞེ་ན། བར་ཆད་ཀྱི་དབང་དུ་གྱུར་པ་#མ་ཡིན་ནའོ་ཞེས་པ་ཡིན་ཏེ་བར་ཆད་བརྒྱད་གང་ཡང་རུང་བས་རྐྱེན་པ་མ་ཡིན་པ་གདོད་ཉེས་པར་འགྱུར་བའོ། །
[127a.7]ཚོགས་སམ་འབྲལ་ན་ཡང་ངོ་ཞེས་པ་ནི་དཔུང་གི་ཡན་ལག་བཞི་ཆར་ཚོགས་སམ་གྱིས་ཀྱང་རུང་སྟེ་ཉེས་པར་འགྱུར་བའོ། །ཇི་ལྟ་བུའི་གཡུལ་ལས་ཤེ་#ན། བཤམས་པའོ་ཞེས་པ་ཡིན་ཏེ། གཡུལ་བཤམས་པ་ལས་ཉེས་པར་འགྱུར་བའོ#། །ནམ་རྩ་བའི་ཉེས་པར་འགྱུར་ཞེ་ན་རྩ་བ་ན་རྩ་བའོ་#ཞེས་
[127b]
[127b.1]པ་ཡིན་ཏེ་རྩ་བའི་ཉེས་པ་འོག་ནས་འབྱུང་བ་ལྟ་བུར་བྱས་ན་གདོད་རྩ་བའི་ཉེས་པར་འགྱུར་བའོ། །ཤོམ་པ་ནི་ཉེས་བྱས་ཞེས་པ་ནི་སྦྱོར་བའི་ཚེ་ན་ཉེས་བྱས་སུ་སྟོན་པའོ། །མ་བཤམས་ན་གཉི་ག་ཡང་ཉེས་བྱས་སུ་ཟད་ཅེས་པ་ནི་གཡུ་བཤམས་པ་ཞིག་ན་རྩ་བ་དང་སྦྱོར་བ་གཉི་ག་#ཉེས་
[127b.2]བྱས་ལས་མེད་པར་སྟོན་པའོ། །གོང་དུ་རྩ་བ་ཞེས་སྨོས་པ་དེ་གང་ཞེ་ན། བལྟ་བའི་ཕྱིར་ཆས་ནས་ཉེས་སྤྱོད་ཀྱི་མཐའ་ལས་འདས་ཏེ་མཐོང་རེག་གཏོར་ན་རྩ་བའོ་ཞེས་པ་ཡིན་ཏེ་མཐོང་བ་དང་རེག་པ་དང་གཏོར་བ་གསུམ་གང་བྱས་ཀྱང་རྩ་བ་ཡིན་དུ་འདྲ་བར་སྟོན་པའོ། །མཆས་#ན་འབྲིད་ཅེས་པ་ནི་
[127b.3]གཡུལ་བལྟ་བ་#དང་གཡུལ་ན་གནས་པ་དང་གཡུལ་གྱི་ཡན་ལག་མྱོང་བར་བྱེད་པ་གསུམ་ཆར་ཡང་གཡུལ་བྱ་བར་བཤམས་ཤིང་ཆས་པ་མ་ཡིན་ན་རྩ་བའི་ཉེས་པ་བྱས་སུ་ཟིན་ཀྱང་འབྲི་བར་སྟོན་པའོ། །གླང་པོ་དང་རྟ་དང་བྱ་གག་དང་གོང་མོ་དང་འུར་བ་དང་སྐྱེས་པ་དང་#བུད་མེད་ཀྱི་ཐབ་#མོ་ལ་སོགས་པ་བྱ་
[127b.4]བའམ་བྱེད་དུ་གཞུག་པའི་ལྟ་བར་མ་ཡིན་ཞེས་པ་ནི་མིང་གིས་སྨོས་པ་འདི་དག་ལ་སོགས་པའི་ཐབ་#མོ་བདག་ཅག་གིས་ཀྱང་མི་བྱ་བྱེད་དུའང་མི་གཞུག་བྱེད་པ་ལ་ཡང་མ་ལྟ་ཤིག་པའོ། །གཡུལ་གྱི་ཡན་ལག་མྱོང་བར་བྱེད་པའོ།། །།#ཇི་ལྟར་བྱས་པས་རྡེག་#པའི་ལྟུང་བར་འགྱུར་ཞེ་ན། འཁྲུག་པའི་
[127b.5]སེམས་ཀྱིས་ནའོ་ཞེས་པ་ལ་སོགས་པ་ཡིན་ཏེ་ལུང་དུ་མི་སྟོན་པའམ་བཞད་གད་ཀྱི་སེམས་ཀྱིས་མ་ཡིན་ཏེ་སྙིང་ནས་ཁྲོས་ནའོ། །ཅིས་རྡེག་#ཅེ་ན། ལུས་དེས་འཕངས་པ་དེ་དང་འབྲེལ་པ་གང་ཅེས་#ཀྱང་རུང་སྟེ་མཐར་ན་རྐང་པའི་མཐེ་བོ་འམ་ཡུངས་འབྲུ་འམ། འཇག་མས་བསྣུན་ནའོ་ཞེས་པ་ཡིན་ཏེ་
[127b.6]ཁྲོས་ན་འཇག་མ་ཡན་ཆད་མིང་གིས་སྨོས་པ་འདི་དག་གང་གིས་བརྡེགས་ཀྱང་ལྟུང་བར་འགྱུར་བའོ#། །དེ་ལ་ལུས་ཞེས་པ་ནི་ཁུ་ཚུར་ལ་སོགས་པའོ། །དེ་འཕངས་ཞེས་པ་ནི་རྡོ་དང་མདའ་ལ་སོགས་པའོ། །དེ་དང་འབྲེལ་ཞེས་པ་ནི་དབྱུག་པ་ལ་སོགས་པའོ། །སུ་རྡེག་#ཅེ་ན་དགེ་སློང་ཞེས་པ་ཡིན་ནོ། །
[127b.7]བདག་ལ་ཡང་ངམ་ཞེ་ན། གཞན་ལའོ་ཞེས་པ་ཡིན་ནོ། །འོག་མ་གསུམ་ཡང་ངོ་ཞེས་པ་ནི་གཟས་པ་དང་འཆབ་པ་དང་ཟན་གཅོད་པ་འདིའི་འོག་ནས་འབྱུང་བ་གསུམ་ཡང་དགེ་སློང་དང་གཞན་ཡིན་ན་གདོད་ཉེས་པར་འགྱུར་བའོ། །སྣད་ནས་#གདོད་ལྟུང་ངམ་བསྣུན་པའི་ཚེ་ཞེ་ན། བསྣུན་ནའོ་ཞེས་པ་
[128a]
[128a.1]ཡིན་ཏེ་ནམ་ལུས་ལ་ཕོག་#པའི་ཚེ་ལྟུང་བའི་ཉེས་པར་འགྱུར་བའོ། །ཕོག་པ་རེ་རེའོ་ཞེས་པ་ནི་ཕྱགས་#མ་ཡན་ཆད་དུས་ཕོག་པ་བཞིན་དུ་ལྟུང་བར་འགྱུར་བའོ། །མ་ཕོག་པ་ཉེས་བྱས་ཞེས་པ་ནི་མ་ཕོག་ན་ཉེས་བྱས་སུ་འགྱུར་བའོ། །གཞན་དུ་བརྡེག་པ་གཞན་ལ་མི་བརྡེག་ཅེས་
[128a.2]པ་ནི་དགེ་སློང་འདོད་ཆགས་ཀྱིས་#ནོན་པས་ཕོ་མཚན་བརྡུངས་པ་ལྟ་བུ་འདོད་ཆགས་ལ་མི་རྡེག་#པར་ཕོ་མཚན་ལ་རྡེག་#པ་ལྟ་བུ་མ་བྱེད་ཅིག་པའོ། །ཀ་བ་ལ་མི་བརྡེག་པ་དང་རྩིག་པ་དང་ས་དང་ཤིང་དང་གཞན་ལ་ཡང་མ་ཡིན་ཞེས་པ་ནི་མིང་གིས་སྨོས་པ་འདི་དག་དང་གཞན་ལ་ཡང་ཁྲོས་པའམ་འདྲན་
[128a.3]ཐོར་དུ་མ་རྡེག་ཤིག་པའོ། །བརྡེག་པའོ། །རྡེག་པར་གཟས་པའི་ལྟུང་བ་སྟོན་པ་ནི་རྡེག་པར་གཟས་ནའོ་ཞེས་པ་ཡིན་ཏེ་ཁྲོས་པ་ལ་སོགས་པའི་གཞི་གོང་མ་ལས་བླང་ངོ་། །གཟས་པའི་རྫས་མང་དུ་ཟིན་ཀྱང་ཉེས་པ་གཅིག་ཏུ་ཟད་དམ་ཞེ་ན། རྫས་རེ་རེའོ་ཞེས་པ་ཡིན་ཏེ་གཟས་པ་དུ་ཡོད་པ་བཞིན་དུ་ཉེས་པར་
[128a.4]འགྱུར་བའོ། །གཟས་པའོ།། །།#ཇི་ལྟར་བྱས་པས་བཅབས་#པའི་ལྟུང་བར་འགྱུར་ཞེ་ན། ཕས་ཕམ་པ་དང་དགེ་འདུན་གྱི་ལྷག་མ་ནའོ་ཞེས་པ་ལ་སོགས་པ་ཡིན་ཏེ་མིང་གིས་སྨོས་པ་འདི་གཉིས་ཀྱི་ཁ་ན་མ་ཐོབ་བཅབས་ནའོ། །ཅི་བཅབས་#སོ་ཅོག་གིས་སམ་ཞེ་ན། གནོད་པ་དང་དགེ་སྦྱོང་དང་
[128a.5]ཚངས་པར་སྤྱོད་པའི་བར་དུ་གཅོད་པ་དང་དགེ་འདུན་འཁྲུག་པར་དོགས་པའི་དབང་གིས་ན་མ་གཏོགས་ཞེས་པ་ཡིན་ཏེ་རྐྱེན་འདི་དག་ལྟ་བུས་བཅབས་པ་ནི་ཉེས་བྱས་#གཏོགས་པའོ། །ཇི་ལྟར་བྱས་པས་འདིའི་ཉེས་པར་འགྱུར་ཞེ་ན། བཅབས་ནའོ་ཞེས་པ་ཡིན་ནོ། །ནམ་བཅབས་པའི་ཉེས་པར་
[128a.6]འགྱུར་ཞེ་ན། ཉིན་ཞག་གི་མཐས་སོ་ཞེས་པ་དང་། ཚུན་ཆད་ཉེས་བྱས་ཞེས་པ་ཡིན་ནོ། །ལྟུང་བ་གཞན་ཡང་ངོ་ཞེས་པ་ནི་ཕས་ཕམ་པ་དང་དགེ་འདུན་གྱི་ལྷག་མ་མ་ཡིན་པའི་ལྟུང་བ་གཞན་བཅབས་པ་ནི་ཉེས་བྱས་སོ། །ཁ་ན་མ་ཐོ་བ་བཅབས་པའོ།། །།#ཇི་ལྟར་བྱས་པས་ཟས་གཅོད་པའི་
[128a.7]ཉེས་པར་འགྱུར་ཞེ་ན། ནད་ཀྱིས་ཉེན་པ་མ་གཏོགས་པར་ཆེད་དུ་བསམས་#ཏེ་སྦྱིན་པ་ཁྱིམ་པའི་ཟས་གཅོད་པར་བྱེད་ནའོ་ཞེས་པ་ཡིན་ཏེ་ནད་ཀྱི་ཆོ་གར་བྱ་བའི་ཕྱིར་ནི་མ་ཡིན་གྱི་ཆེད་དུ་དགེ་སློང་ལ་ཟན་མི་སྦྱིན་པའི་ཕྱིར་སྦྱིན་བདག་ཁྱིམ་པའི་ཟས་དེའི་ཁར་མ་སོན་པར་བྱེད་ན་ལྟུང་བར་འགྱུར་བའོ། །
[128b]
[128b.1]ཟས་གཅོད་#པར་བྱེད་པའོ།། །།#མེ་ལ་རེག་པའི་ལྟུང་བ་#སྟོན་པར་འདོད་པའི་ཞར་ལ་དེ་དང་འདྲ་བ་ལ་རེག་པ་འགོག་པར་སྟོན་པ་ནི་སེང་གེ་ལ་མི་རེག་ཅེས་པ་ཡིན་མི་བཟད་པར་ཡང་བའི་ཕྱིར་རོ། །དུས་བྱིན་གྱིས་བརླབས་ནས་གདོད་མེ་ལ་རེག་པར་བྱ་བ་ཡིན་པས་ན་བྱིན་གྱིས་བརླབས་པའི་རྣམ་པ་ཇེ་སྟོན་
[128b.2]པ་ནི། སྟོན་པ་ཆོས། དགེ་འདུན། ཚངས་པ་མཚུངས་པར་སྤྱོད་པ་དག་གི་ཆོས་ཀྱི་ཆེད་དང་ལྷུང་བཟེད་དང་ཚོན་གྱི་ལས་རྣམས་སུ་བསམས་ཏེ་དུས་བྱིན་གྱིས་བརླབ་#ཅེས་པ་ནི་འདི་དག་གི་ཆེད་དུ་དགོས་ན་དུས་སོ་ཞེས་བྱིན་གྱིས་རློབ་#ཤིག་པའོ། །རིང་དུ་བྱིན་གྱིས་བརླབ་ཅེས་པ་ནི་ལས་ནམ་ཟིན་གྱི་བར་དུའོ་
[128b.3]ཞེས་ཡུན་རིང་དུ་བྱིན་གྱིས་རློབ་ཤིག་པའོ། །ཇི་ལྟར་བྱས་པས་མེ་ལ་རེག་པའི་ལྟུང་བ་ཞེ་ན། རྩེད་མོར་ནའོ་ཞེས་པ་#ཡིན་ནོ། །རྩེད་མོ་དེའང་#ཇི་ལྟ་བུ་ཞེ་ན། ཆང་རྒྱུད་དང་ཉི་ཟླ་དང་མགལ་མེའི་འཁོར་ལོ་ལ་སོགས་པར་བྱེད་པའོ་#ཞེས་པ་ཡིན་ནོ། །རྩེ་བ་ཅི་ལ་ཞེ་ན། མེ་ལའོ་ཞེས་པ་ཡིན་ནོ། །
[128b.4]རྩེད་མོ་འབའ་ཞིག་གིས་ཉེས་པར་འགྱུར་རམ་ཞེ་ན། དུས་སུ་བྱིན་གྱིས་མ་བརླབས་ནའོ་ཞེས་པ་དང་ན་བའི་དབང་མ་ཡིན་པས་རེག་ནའོ་ཞེས་པ་ཡིན་ཏེ་བྱིན་གྱིས་མ་བརླབས་ཤིང་ནད་ཀྱི་དབང་གིས་མ་ཡིན་པར་རེག་ན་ཉེས་པར་འགྱུར་བའོ། །ཇི་ལྟར་རེག་པས་ཤེ་ན། ཉིད་དམ་བཅུག་པས་ནའོ་ཞེས་
[128b.5]པ་ཡིན་ཏེ་བདག་གིས་རེག་གམ་གཞན་རེག་ཏུ་བཅུག་ཀྱང་རུང་སྟེ་ཉེས་པར་འགྱུར་དུ་འདྲ་བའོ། །རྩེ་བ་དང་རེག་པ་གཉིས་པས་ཉེས་པར་འགྱུར་རམ་ཞེ་ན། སྦོར་བ་དང་གསོད་པ་དང་རེག་པ་དང་མ་རེག་པ་འཇུག་པ་བཅས་པར་འབྱིན་པ་མདག་མ་སྡུད་ཅིང་འབྱིན་པ་རྣམས་སོ་ཞེས་པ་ཡིན་ཏེ་ནད་
[128b.6]དང་དུས་ལ་བབ་པ་མ་གཏོགས་པར་མེལ་རྣམ་པ་འདི་དག་གང་ལྟར་བྱས་ཀྱང་ལྟུང་བར་སྟོན་པའོ། །དེ་ལ་སྦོར་ཞེས་པ་ནི་འབར་བར་བྱེད་པའོ། །གསོད་ཅེས་པ་ནི་ཤི་བར་བྱེད་པའོ། །རེག་པ་དང་མ་རེག་པ་འཇུག་ཅེས་པ་ནི་འགལ་བ་དང་མ་#འགལ་བ་མ་ཡིན་པ་མེར་འཇུག་པའོ། །བཅས་
[128b.7]པར་འབྱིན་ཞེས་པ་ནི་འབར་བ་དང་བཅས་ཏེ་#འབྱིན་པའོ། །མདག་མ་སྡུད་ཅིང་འབྱིན་ཞེས་#པ་ནི་དངོས་བཞིན། མེ་མུར་ནི་ཕྱེད་ཤི་བའོ་ཞེས་པ་ནི་མེ་མུར་མེའི་ཕྱེད་ཡིན་པས་ན་དེ་ལ་རེག་པ་ནི་ཉེས་བྱས་སུ་སྟོན་པའོ། །མེ་ལྕེ་ཡང་ངོ་ཞེས་པ་ནི་མེ་ལྕེ་ཡང་#མེ་ཕྱེད་ཡིན་པར་སྟོན་པའོ། །ཤིང་
[129a]
[129a.1]དེར་#འཇུག་ཅིང་འབྱིན་པ་ལ་ནི་མེ་གཞན་དུ་འབྱུང་བར་རོ་ཞེས་པ་ནི་མེ་མུར་དང་མེ་#ལྕེའི་ནང་དུ་ཤིང་འཇུག་པའམ། སྒྲོན་མ་#སྦོར་བ་ནི་མེ་རངས་པར་འགྱུར་བས་ན་#ཉེས་པའང་རངས་པར་སྟོན་པའོ། །སྐྲ་སྤུ་རུས་པ་སེན་མོ། མཆིལ་སྣབས། སྐྱུགས་པ་འབྱུང་བ།
[129a.2]སྲན། བལ་སྲན། ཏིལ། ཏིལ་མར། མར། སྦྲང་རྩི་རྣམས་ཤིང་གི་ཕྱེད་དོ་ཞེས་བྱ་བ་ནི་འདི་དག་མེར་འཇུག་ཅིང་འབྱིན་པ་ཡང་ཤིང་གི་ཕྱེད་ཡིན་བར་སྟོན་པའོ། །འདི་དག་ནི་དཔེ་ཙམ་དུ་ཟད་ཀྱི་ཤིང་བལ་ལ་སོགས་པ་གཞན་ཡང་དེ་བཞིན་ནོ། །གཞན་དུ་དགོས་ལ་གཞན་དུ་བྱིན་གྱིས་རློབ་#
[129a.3]པ་ནི་བྱིན་གྱིས་བརླབས་#པའི་ཕྱེད་དོ་ཞེས་པ་ནི་བྱིན་གྱིས་བརླབས་པ་#ནོར་ན་བྱིན་གྱིས་བརླབས་པ་རངས་པར་མ་ཡིན་པར་སྟོན་པའོ། །མེའི་ཆོ་གའོ།། །།#ཇི་ལྟར་བྱས་པས་དད་པ་སླར་ལེན་པའི་ལྟུང་བར་འགྱུར་ཞེ་ན། དགེ་སློང་གི་ཆེད་དུ་བྱ་བར་དད་པ་ཕུལ་ཟིན་པ་ལས་སླར་ལེན་པའི་ཚིག་གོ་ཞེས་
[129a.4]པ་ཡིན་ཏེ་གསོལ་བ་ལ་སོགས་པ་དགེ་སློང་གི་ཕྱིར་ལས་བྱེད་པ་ལ་#སྔར་དད་དོ་ཞེས་དད་པ་ཕུལ་ཟིན་པའི་འོག་ཏུ་ང་#མ་དད་ཀྱིས་དད་པ་སླར་འོན་ཅིག་ཅེས་ཟེར་ན་ལྟུང་བར་འགྱུར་བའོ། །དད་པ་སླར་ལེན་པའོ།། །།#བསྙེན་པར་མ་རྫོགས་པ་དང་ལྷན་ཅིག་ཏུ་ཉལ་བའི་ལྟུང་བ་སྟོན་པར་འདོད་པ་ནི་ཉི་ཟླའི་
[129a.5]མ་ཡིན་པར་སྣང་བ་དང་ལྡན་པའི་གནས་སུ་མི་ཉལ་ཞེས་པ་ནི་ཉི་ཟླའི་འོད་མ་གཏོགས་པ་མེ་མར་གྱི་འོད་ལྟ་བུ་ལ་སོགས་པ་སྣང་བ་ཅན་གྱི་གནས་སུ་མ་ཉལ་ཅིག་པའོ། །བསྡམ་པ་བསྟན་ནས། འགྲེལ་པ་ད་#སྟོན་པ་ནི་ནད་པ་དང་ནད་གཡོག་གི་དབང་མ་གཏོགས་ཞེས་པ་ཡིན་ཏེ་མིང་གིས་སྨོས་པ་
[129a.6]འདི་གཉིས་ལྟ་བུ་ནི་འོད་ལ་ཉལ་ཡང་བླར་#སྟོན་པའོ། །ལྟུང་བའོ་ཞེས་འདིར་ཁ་ཅིག་གོ་ཞེས་པ་ནི་འོད་ལ་ཉལ་ཡང་ལྟུང་བའོ་ཞེས་འདུལ་བ་འཆད་#པ་ཁ་ཅིག་འཆད་པར་སྟོན་པ་#སྟེ། རྣམ་པར་འབྱེད་པ་ལས་ཀྱང་སྣང་བ་དང་ལྡན་པའི་གནས་སུ་བསྙེན་པར་མ་རྫོགས་པ་དང་ལྷན་ཅིག་ཏུ་
[129a.7]ཉལ་ན་ལྟུང་ངོ་ཞེས་འབྱུང་བ་དང་བསྙེན་དགའ་བོ་ཆེར་མཚན་དང་མཆོད་པ་བསྙེན་པར་མ་རྫོགས་པ་གཉིས་དང་མུན་པའི་ནང་དུ་ལྷན་ཅིག་ཏུ་ཉལ་བ་ལས་བཅས་པ་ཡིན་པས་ན། སྣང་བ་ཞེས་པ་འདི་ནི་གླེང་གཞི་ཙམ་དུ་ཟད་ཀྱི་ཉེས་བྱས་སུ་འགྱུར་ཏེ་ལྟུང་བར་མི་འགྱུར་རོ། །མ་ཉལ་ན་ཕྱེད་#དོ་
[129b]
[129b.1]ཞེས་པ་ནི་བསྙེན་པར་མ་རྫོགས་པ་དང་བུད་མེད་དང་སྡིག་པའི་ལྟ་བ་མི་གཏོང་བ་དང་བཀར་#བའི་དགེ་སྦྱོང་རྣམས་དང་ལྷན་ཅིག་ཏུ་ཉལ་བའི་ཆོས་ཀྱང་ལོགས་ཀྱིས་ཕབ་#ཅིང་མ་ཉལ་ན་ཉེས་པའི་ཕྱེད་དུ་འགྱུར་བར་སྟོན་པའོ། །ཉིན་པར་ནི་གཞན་ནོ་ཞེས་པ་ནི་ཉིན་པར་བསྙེན་པར་མ་རྫོགས་པ་དང་
[129b.2]ལྷན་ཅིག་ཏུ་#ཉལ་ན་ཉེས་བྱས་སུ་འགྱུར་བར་སྟོན་པའོ། །བསྙེན་པར་མ་རྫོགས་པ་དང་ཁྱིམ་གཅིག་ཏུ་ཉལ་ཞེས་འབྱུང་བའི་ཁྱིམ་ཇི་ལྟ་བུལ་བྱ་ཞེ་ན། ཕལ་ཆེར་གཡོགས་ཤིང་བསྐོར་བ་ནི་ཁྱིམ་དུ་གཏོགས་སོ་ཞེས་པ་ལ་སོགས་པ་ཡིན་ཏེ་རིལ་གྱིས་ནི་མ་འཁོར་གྱི་ཕལ་ཆེར་བསྐོར་ཏ་#མ་རིལ་
[129b.3]གྱིས་ནི་མ་གཡོགས་ཀྱི་ཕལ་ཆེར་གཡོགས་པ་ཞིག་ན་ཡང་#ཁྱིམ་དུ་གཏོགས་པར་སྟོན་པའོ། །སྒོའི་ངོས་དང་འབྲེལ་ཅིང་ཉེ་#སྤྱོད་ལ་ཁྱིམ་ལྟ་བུ་ནི་དེར་གཏོགས་སོ་ཞེས་པ་ནི་ཁྱིམ་གཅིག་གི་སྒོ་#ན་ཁྱིམ་གཅིག་ཡོད་ལ་དེ་ཡང་ཉེ་#སྤྱོད་དུ་གཏོགས་ཤིང་ཁྱིམ་ལྟ་བུ་ཡིན་ན་དགེ་སྦྱོང་ངམ་#བདག་གང་ཡང་
[129b.4]རུང་སྟེ་གཅིག་དེར་ཉལ་ན་ཁྱིམ་གཅིག་གི་ནང་དུ་འདྲེ་བར་སྟོན་པའོ། །ཡང་ཏོག་སྒོ་ངེར་གཏོགས་ཤིང་དེ་མ་ཐག་པའོ་ཞེས་པ་ནི་ཡང་ཏོག་གི་སྒོ་འོག་ཁང་གི་ནང་དུ་འབྱུང་ལ་ཡང་ཏོག་དེ་ཡང་རིམ་གཉིས་མན་ཆད་ནི་གོང་མ་དང་འདྲ་བར་ཁང་བ་གཅིག་གི་ཁོངས་སུ་གཏོགས་པར་སྟོན་པའོ། །གནས་
[129b.5]ཀྱི་ཁྱེན་དང་ཉེ་#སྤྱོད་ལས་ལོགས་ཤིག་པ་ནི་ཐ་དད་དུ་གནས་པར་གྱུར་པའོ་ཞེས་པ་ནི་ཁང་#མོ་ཆེ་གཅིག་གི་ནང་ན་སྤྱོད་ལམ་བཞི་ཤོང་བའི་ཁྱོན་དང་དེའི་ཉེ་སྤྱོད་ཀྱི་ཁྱོན་ལས་ལོགས་ཤིག་ན་བསྙེན་པར་མ་རྫོགས་པ་འདུག་པ་ནི་ཁྱིམ་ཐ་དད་པ་དང་འདྲ་བས་#ན་ཉེས་མེད་#པར་སྟོན་པའོ་འདིའང་རྟག་ཏུ་དེ་ལྟར་
[129b.6]རུང་བ་ནི་མ་ཡིན་གྱི་གཅན་གཟན་དང་རྐུན་ཆོམ་གྱི་རྐྱེན་གྱིས་#ཐེབས་ན་གདོད་རུང་བའོ། །ཤིང་དང་རྩིག་པ་དང་ཕུག་དང་ལྡམ་ལྡུམ་གྱི་དྲུང་ནི་ཕྱེད་དོ་ཞེས་པ་ནི་འདི་དག་གི་དྲུང་དུ་བསྙེན་པར་མ་#རྫོགས་པ་དང་ལྷན་ཅིག་ཏུ་ཉལ་ན་#ཉེས་བྱས་སུ་འགྱུར་བའོ། །སྟུག་པོར་བུད་མེད་དང་ལྷན་ཅིག་ཉལ་ནའོ་
[129b.7]ཞེས་པ་ནི་ལྡམ་ལྡུམ་འམ་རྩི་ཤིང་སྟུག་པོའི་ནང་དུ་བུད་མེད་དང་ལྷན་ཅིག་ཉལ་ན་ཡང་ཉེས་བྱས་སུ་སྟོན་པའོ། །ཁང་མོ་#ཆེ་དང་བུད་མེད་དང་ལྷན་ཅིག་པའི་ས་ཁྱོན་ཇི་ཙམ་པའི་ཚད་སྟོན་པ་ནི། འདིར་བྱ་གག་འཕུར་ཏེ་འབབ་པའི་ཁྱོན་གྱིས་ཆོད་པར་གྱུར་ནའོ་ཞེས་པ་ཡིན་ཏེ་གོང་མ་གཉིས་ཉེས་པར་
[130a]
[130a.1]མི་འགྱུར་བ་ཡང་བྱ་གག་གི་འཕུར་སྟོབས་#ཙམ་གྱིས་ཁྱོན་གྱིས་ཆོད་ན་གདོད་བླ་བའོ། །ནང་རྒྱུད་མོ་ཁྱིམ་མ་ཡིན་པས་མ་བརྩལ#། ཐོག་ཐམས་ཅད་འདབ་ཆགས་པ་ནི་གཅིག་གོ་ཞེས་པ་ནི་ཐོག་གཅིག་ལ་ནང་གི་སྒོ་རྒྱུད་མོར་འདུག་ན་ཁྱིམ་དུ་བརྒྱུད་ཀྱང་རུང་སྟེ་ཁྱིམ་གཅིག་ཏུ་
[130a.2]གཏོགས་པར་སྟོན་པའོ། །བདག་གི་ཕྱོགས་སུ་གཏོགས་པའི་སྒོ་བསྡམས་ཤིང་བཅད་ན་ཉེ་#སྤྱོད་དང་ལྡན་ཡང་ཐ་དད་དོ་ཞེས་པ་ནི་སྒོ་བཅད་ཅིང་བསྡམས་ན་ཉེ་སྤྱོད་ཀྱི་ནང་དུ་བུད་མེད་ཉལ་དུ་ཟིན་ཀྱང་གནས་ཐ་དད་པར་སྟོན་པའོ། །ལྟུང་བ་དགེ་སློང་གིས་#བསྲུངས་ན་ཡང་དེ་བཞིན་ཞེས་པ་ནི་ལྟུང་
[130a.3]བ་#འབྱུང་དུ་དོགས་པའི་དགེ་སློང་གཅིག་གིས་བསྲུངས་ན་ཡང་གོང་མ་དང་འདྲ་བར་སྟོན་པའོ། །བུད་མེད་བདག་པོས་བསྲུངས་པ་#ཡང་ངོ་ཞེས་པ་ནི་བུད་མེད་ཁྱིམ་ཐབ་ཀྱིས་བསྲུངས་པ་ཡང་གོང་མ་དང་འདྲ་བར་སྟོན་པའོ། །ཡང་ཏོག་གིས་བཙལ་ལ་སྐས་ཕྱུང་#བ་ཡང་ངོ་ཞེས་པ་ནི་འདི་ལྟར་བྱས་པ་
[130a.4]ཡང་གོང་མ་དང་འདྲ་བའོ། །གཞན་དུ་གྱུར་པ་ཁྱིམ་མ་ཡིན་ན་འབྲི་ཞེས་པ་ནི་ཁྱིམ་གཅིག་གི་སྒོའམ་ཉེ་སྤྱོད་དུ་གཏོགས་#ན་ཁྱིམ་མ་ཡིན་པ་ཡོད་པ་#བསྙེན་པར་མ་རྫོགས་པ་ཉལ་བ་ནི་ཉེས་བྱས་སུ་འགྱུར་བའོ། །ཇི་ལྟར་བྱས་པས་བསྙེན་པར་མ་རྫོགས་པ་དང་ལྷན་ཅིག་ཏུ་ཉལ་བར་འགྱུར་ཞེ་ན། ཁྱིམ་
[130a.5]དུ་བསྙེན་པར་མ་རྫོགས་པ་དང་མཚན་གསུམ་ལྷན་ཅིག་ཉལ་ནའོ་ཞེས་པ་ཡིན་ནོ། །གང་གི་ཚེ་ཞེ་ན། མཐས་སོ་ཞེས་པ་#ཡིན་ཏེ་མཚན་གསུམ་གྱི་མཐས་#ན་གདོད་ཉེས་པར་འགྱུར་བའོ། །ཚུན་ཆད་ཉེས་བྱས་ཞེས་པ་ནི་མཐའ་ཐུག་པའི་ཚུན་ཆད་ཉེས་བྱས་སུ་སྟོན་པའོ། །ལམ་གྱིས་ཆད་ཅིང་དུབ་
[130a.6]པ་ནི་ཉེས་མེད་ཅེས་པ་ནི་ལམ་གྱིས་ཆད་ཅིང་དུབ་པ་ལྷན་ཅིག་ཏུ་ཉལ་བ་སྦྱོར་བའི་ཚེ་ཉེས་མེད་པར་སྟོན་པའོ། །དེ་ལྟ་བུ་ནི་མཐར་ཡང་ངོ་ཞེས་པ་ནི་འདི་ལྟ་བུ་ནི་ཞག་གསུམ་ལོན་དུ་ཟིན་ཀྱང་བླ་བར་སྟོན་པའོ། །ནད་པ་དང་ནད་གཡོག་ནི་དགེ་སློང་གིས་བྱར་མི་རུང་བ་དེས་བསྒྲུབ་པ་དང་ལྷན་ཅིག་ན་ཡང་དོ་ཞེས་པ་
[130a.7]ནི་ནད་པ་དང་ནད་#གཡོག་ལ་བྱིན་པར་བྱེད་པ་ལ་སོགས་པ་རུང་བར་སྒྲུབ་པ་མེད་ན་བསྙེན་པར་མ་རྫོགས་པ་དང་ལྷན་ཅིག་ཀྱང་བླ་བར་སྟོན་པའོ། །དགེ་ཚུལ་དང་ཡང་ངོ་ཞེས་པ་ནི་དགེ་ཚུལ་དང་ལྷན་ཅིག་ཉལ་ཡང་བླ་བར་སྟོན་པའོ། །དེ་སུ་ཞེ་ན། དེ་དང་ལྡན་བའོ་ཞེས་པ་ཡིན་ཏེ་གང་ལ་དགེ་ཚུལ་
[130b]
[130b.1]ཡོད་པའོ། །དེ་ལྟར་ཉེས་མེད་པ་ནམ་གྱི་ཚེ་ཞེ་ན། གནས་དེར་སྡིག་པའི་དགེ་སློང་འདུག་ནའོ་ཞེས་པ་ཡིན་ཏེ་གནས་དེར་སྡིག་པའི་དགེ་སློང་འོངས་ན་གདོད་བླ་བའོ། །དེ་འདུག་གོ་ཅོག་ན་ཉེས་པར་འགྱུར་རམ་ཞེ་ན། དེ་སྐྲོད་པར་འབད་པ་བྱས་སམ་བྱེད་ནའོ་ཞེས་པ་ཡིན་ཏེ་སྡིག་པའི་དགེ་སློང་དེ་བསྐྲད་པའི་
[130b.2]ལས་བྱས་སམ་བྱེད་པ་ནི་གོང་མ་ལྟར་ཐ་དད་དུ་ཞག་#ཀྱང་བླའོ། །ནམ་ཡང་བླའམ་ཞེ་ན། #ཚུལ་ཕྱི་མའི་དུས་ཤིག་ན་ཟླ་བ་སྔ་མ་གཉིས་ལོན་གྱི་བར་དུའོ་ཞེས་པ་ཡིན་ཏེ་ཚུལ་ཕྱི་མར་ཞུགས་ན་ཟླ་བ་གཉིས་ཀྱི་བར་དུ་གོང་མ་ལྟར་བྱར་རུང་བའོ། །འདི་ལས་ལྷག་པར་མི་གནས་ཞེས་པ་ནི་ཟ་བ་གཉིས་ལས་ལྷག་
[130b.3]པར་ནི་དེ་ལྟར་མ་འདུག་པར་གུད་དུ་སོང་ཤིག་པའོ། །སྔ་མར་འཇུག་པ་མི་བྱ་ཞེས་པ་ནི་སྡིག་པའི་དགེ་སློང་ཡོད་ན་ཚུལ་སྔ་མར་མ་#འཇུག་ཤིག་པའོ། །སྔ་མར་མི་བསྲུང་ཞེས་པ་ནི་ཚུལ་སྔ་མར་ཞུགས་པ་ལས་སྡིག་པའི་དགེ་སློང་འོངས་ན་ཚུལ་དྲོལ་ལ་གུད་དུ་སོང་ཤིག་པའོ། །དེ་ལྟ་བུས་མ་གནས་པའི་
[130b.4]དགེ་ཚུལ་གནས་པར་མི་བྱ་ཞེས་པ་ནི་སྡིག་པའི་དགེ་སློང་ཡོད་ན་སྔ་ནས་གནས་པའི་དགེ་ཚུ་ཡིན་པ་འཕྲལ་ལ་བདག་ལ་གནས་སུ་མ་གཞུག་ཤིག་པའོ། །ལམ་དུ་དགེ་ཚུལ་གཉིད་ཀྱིས་ནོན་ཞིང་ནོན་ན་མདུན་དུ་བཅུག་ལ་འགྲོ་ཞེས་པ་ནི་ལམ་དུ་ཞུགས་ཤིང་ཟར་ཕྲག་བྱེད་པའི་ཚེ་དགེ་ཚུལ་ཡུར་ན་འདི་ལྟར་
[130b.5]གྱིས་ཤིག་པའོ། །གལ་ཏེ་འདི་བཀྲེས་ན་ཟས་སྔར་བསྙོད་ཅེས་པ་ནི་དགེ་ཚུལ་བཀྲེས་ན་ཐབས་འདི་ལྟར་གྱིས་ཤིག་པའོ། །འོན་ཀྱང་ན་ན་ཉི་ཚོད་ཀྱི་ཚེ་ཡང་ངོ་ཞེས་པ་ནི་སྔར་བསྙོད་པས་མ་འགྲངས་#ན་དྲོད་ཁར་ཡང་སྙོད་ཅིག་པའོ། །བསྙེན་པར་མ་རྫོགས་པ་དང་ལྷན་ཅིག་ཉལ་བའོ།། །།#ལྟ་བ་མི་
[130b.6]གཏོང་བའི་ལྟུང་བ་གང་ཞེ་ན། ཇི་ལྟར་བཅོམ་ལྡན་འདས་ཀྱིས་#བར་དུ་གཅོད་པའི་ཆོས་སུ་གསུངས་པ་གང་ཡིན་པ་དེ་དག་བདག་གིས་ཤེས་ཏེ་བཅོམ་ལྡན་འདས་ཀྱིས་གསུངས་པ་དེ་བསྟན་དུ་ཟིན་ཀྱང་བར་དུ་གཅོད་པར་མི་འགྱུར་རོ་ཞེས་པ་ལ་#སོགས་པ་ཞུགས་པའི་ཚིག་མི་གཏོང་ནའོ་ཞེས་པ་ལ་སོགས་
[130b.7]པ་ཡིན་ཏེ་འདི་སྐད་དུ་ཟེར་བ་མི་གཏོང་ན་ལྟུང་བར་འགྱུར་བ་ནི་དབྱེན་བྱེད་པའི་དགེ་འདུན་གྱི་ལྷག་མ་ལས་མི་གཏོང་བར་སྲན་འཛུགས་པའི་ཚུལ་བཟློག་#པ་བཞིན་དུ་སྡེབ་ཅེས་པ་དང་བཟློག་པ་བཞིན་དུ་གསོལ་བའོ། །དག་ནི་སྐད་ཅིག་མ་གཅིག་གོ། །སློས་#པ་ནི་སོ་སོར་རོ། །བསྙད་པ་ནི་མ་ཡིན་
[131a]
[131a.1]ཞུགས་པ་ནི་སྦྱོར་བའོ། །བསྐྲད་པ་དང་གླེང་བ་དང་བསྐུལ་བ་མ་བྱས་པ་ནི་དེའི་འོ། །འདི་དག་ལ་བཞམས་#པ་དང་ལས་ཀྱིས་མི་བསྒོ་བ་མ་#ཡིན་དེའི་མཇུག་ཏུ་མ་བཏབ་#ནའོ་ཞེས་འབྱུང་བ་བཞིན་རིག་པར་བྱའོ། །དེ་ནས་འདི་ལ་གསོལ་བས་སྨ་དབབ་ཅེས་པ་ནི་དགེ་སློང་དེ་དེ་
[131a.2]ལྟར་ལྟུང་བར་གྱུར་པའི་འོག་ཏུ་ཆད་#པ་རྣམ་པ་བདུན་ལས་སྨ་དབབ་པའི་དགར་བ་#གྱིས་ཤིག་པའོ། །ལྟ་བ་མི་གཏོང་བའོ།། །།#བཀར་བ་དང་མཐུན་པའི་ལྟུང་བ་སྟོན་པར་འདོད་པ་ནི། འབྲིད་ཅེས་པ་ལ་སོགས་པ་ཡིན་ནོ། །འདུ་ཤེས་བརྩན་པ་གང་ཞེ་ན། དེ་སྐད་དུ་ཟེར་བ་བཀར་ལ་གཉེན་པོ་
[131a.3]མ་བྱས་པའི་དགེ་སློང་ནའོ་ཞེས་པ་ཡིན་ཏེ་བར་དུ་གཅོད་པར་མི་#འགྱུར་བ་ལ་སོགས་པའི་སྙད་#གོང་མ་སྐད་དུ་ཟེར་ཏེ། བཀར་ཞིང་དེའི་གཉེན་པོ་མ་བྱས་པའི་དགེ་སློང་ཡིན་པར་ཤེས་ལ་འོག་ནས་འབྱུང་བ་ལྟར་བྱས་པས་ལྟུང་བར་འགྱུར་བའོ། །ཇི་ལྟར་བྱས་པས་ལྟུང་བར་འགྱུར་ཞེ་ན། སྟོན་#
[131a.4]པ་དང་འདྲི་བ་དང་གནས་དང་གདམས་པ་དང་ལུང་བྱིན་པའོ་ཞེས་པ་ཡིན་ཏེ་འདི་དག་ལྟར་བྱས་ན་ལྟུང་བར་འགྱུར་བའོ། །དེ་ལ་སྟོན་ཅེས་པ་ནི་ཁ་ཏོན་ལ་སོགས་པ་སྟོན་པའོ། །འདྲི་ཞེས་པ་#སྐབས་སྐབས་སུ་དོན་དང་ཚིག་འདྲེ་བའོ། །གནས་ཞེས་པ་ནི་གནས་འཆར་#བཅུག་པའོ། །
[131a.5]གདམས་#པ་ཞེས་པ་ནི་ཅི་དང་ཅི་བྱ་བའི་རྣམས་གདམས་#པའོ། །ལུང་ཤེས་པ་ནི་བསམ་གཏན་ལ་སོགས་པའི་ལུང་བྱིན་བའོ། །ལྟ་བ་སྙོད་པ་ཞེས་པ་#དགེ་སློང་བཀར་བ་དེའི་ཐད་དུ་ངའི་ཡིད་ལ་ནི་འདི་སྙམ་བྱེད་དོ་ཞེས་ལྟ་བ་བསྙད་ཅིང་གླེང་ན་ཆོས་ཀྱི་ལོངས་སྤྱོད་དུ་འགྲོ་བའི་ལྟུང་བའོ། །ཟས་བྱིན་
[131a.6]ཞིང་བསྙེན་བཀུར་བདག་གིར་བྱེད་ནའོ་ཞེས་པ་ནི་བཀར་བ་དེ་ལ་ཟས་བྱིན་ནམ་བདག་ལ་བསྙེན་བཀུར་བྱེད་དུ་བཅུག་ན་ལྟུང་བར་འགྱུར་བའོ། །ཁྱིམ་དུ་ལྷན་ཅིག་ཉལ་ནའོ་ཞེས་པ་ནི་དེ་དང་ལྷན་ཅིག་ཉལ་ན་ལྟུང་བར་འགྱུར་བའོ། །ནམ་ཞེ་ན་མཐས་སོ་ཞེས་པ་ཡིན་ཏེ་མཇུག་#གིས་ཉེས་པར་
[131a.7]འགྱུར་བའོ། །ཅིའི་མཐའ་ཞེ་ན། ནུབ་མོའི་འོ་ཞེས་པ་ཡིན་ནོ། །རྣམ་པ་གཞན་གྱིས་#བརྟེན་ན་ཡང་ངོ་ཞེས་པ་#གོང་དུ་སྨོས་པ་གཏོགས་པའི་རྣམ་པ་གཞན་ཆོས་འགྲོ་ནས་སུག་པ་ཙམ་བྱིན་པ་ལ་སོགས་པའི་བར་དུ་བསྟེན་ན་ཡང་ཉེས་པར་འགྱུར་བའོ། །ནད་པ་དང་ལྟ་བར་སོང་བ་དབྲལ་
[131b]
[131b.1]བའི་ཕྱིར་ན་མ་གཏོགས་ཞེས་པ་ནི་ནད་གསོ་བ་དང་ལྟ་བ་དབྲལ་བའི་ཕྱིར་བསྙེན་#ཅིང་བཅར་བ་ནི་ཉེས་མེད་པའོ། །བཀར་བ་དང་མཐུན་པའོ།། །།#བཀར་བ་བསྡུད་#པའི་ལྟུང་བ་སྟོན་པར་འདོད་དེ་དགེ་ཚུལ་ཡང་དགེ་སློང་གི་#འཁོར་དུ་གཏོགས་པས་ན་ལྟ་བ་མི་གཏོང་བའི་ཆོ་ག་བསྟན་པ་རྣམས་ལས་གཞི་
[131b.2]བླངས་ཏེ་ལས་ཀྱི་མཇུག་#ཏུ་མ་བཏང་ན་ཇི་ལྟར་བྱ་བ་#སྟོན་པ་ནི། ཞུགས་པའི་ཚིག་དེ་མི་གཏོང་བའི་དགེ་ཚུལ་བཀར་ཞེས་པ་ལ་སོགས་པ་ཡིན་ཏེ་བར་དུ་གཅོད་པར་མི་འགྱུར་བོ་#ཞེས་པ་ཐ་སྙད་གོང་དུ་སྨོས་པ་སྐད་དུ་ཟེར་བ་དེ་གཏོང་དུ་མ་བཏུབ་པའི་དགེ་ཚུལ་སྐོར་ཅིག་པའོ། །དེ་གཉིས་དགང་ཞིང་
[131b.3]བཀང་#བ་ནི་གསོལ་བའི་ལས་ཀྱིས་#བྱ་དགོས་ན། དེ་བསྒོའི་#བར་དུ་ནི་བཟློག་ཏུའང་མི་རུང་ཐ་དད་དུའང་མི་འགྱུར་བས་ན་ཇི་སྐད་དུ་བསྒོ་བའི་ཐབས་སྟོན་པ་ནི། བརྩམས་ནས་སྔ་མ་ལ་ནི་ཁྱོད་གསོལ་བ་དང་བཞིའི་ལས་ཀྱིས་སོ་ཞེས་པ་དང་ཕྱི་མ་ལ་ནི་ཁྱོད་བཀར་#རོ་ཞེས་གསོལ་བ་བྱས་ཀྱིས་སྡིག་
[131b.4]པར་སོང་བའི་ལྟ་བ་འདི་ལྟ་བུ་ཐོང་ཤིག་པར་ལས་ཀྱི་ཚིག་དང་པོ་དང་གཉིས་པ་ལན་རེ་བྱས་པའི་མཇུག་ཏུ་དགེ་སློང་གིས་བསྒོ་ཤིག་#ཅེས་པ་ཡིན་ཏེ་ལས་ལན་རེ་བརྩམས་ཤིང་དགེ་སློང་ལ་ནི་ཁྱོད་ཀྱི་ཕྱིར་དགེ་འདུན་གསོལ་བའི་ལས་བྱེད་དོ་ཞེས་པ་དང་དགེ་ཚུལ་ལ་#ནི་དགེ་འདུན་ཁྱོད་བཀར་#བའི་ལས་
[131b.5]བྱེད་དོ་ཞེས་བསྒོ་ཤིག་པའོ། །བརྩམས་པ་#ཕན་ཆད་ཟིན་པར་མི་བྱར་མི་རུང་བར་དོགས་པ་བསྩལ་#བའི་ཕྱིར། གཏོང་ན་ཕྱི་མ་མི་བྱ་ཞེས་པ་ཡིན་ཏེ། དགེ་སློང་དང་#དགེ་ཚུལ་དེ་དག་ལས་བྱེད་པའི་ཚེ་སྡིག་པའི་ལྟ་བ་གཏོང་ན་ནམ་བཏང་བ་ཕྱིན་ཆད་དེ་ཟློག་པའི་ལས་མ་བྱེད་པར་ཐོང་ཤིག་
[131b.6]པའོ། །ཇི་ལྟར་བྱེད་པའི་གང་ཟག་བཀར་བའི་དགེ་ཚུལ་སྡུད་པ་དང་ལྟུང་བར་འགྱུར་བ་སྟོན་པ་ནི་བཀར་#བའི་དགེ་ཚུལ་ཡིན་ནོ་#ཞེས་པ་ཡིན་ཏེ། གོང་དུ་ལྟ་བ་མི་གཏོང་བའི་#འདུ་ཤེས་བརྩན་#པ་ལ་སོགས་པ་ལས་གཞི་བླང་ངོ་། །བཀར་བསྡུད་པའོ།། །།#ཇི་ལྟར་བྱས་པས་གོས་ཁ་དོག་མ་བསྒྱུར་བ་
[131b.7]སྤྱོད་པའི་ལྟུང་བར་འགྱུར་ཞེ་ན། རམས་དང་བཙག་དང་ཤུན་པ་ཉིད་ཀྱིས་#གོས་མ་བཙོས་པར་ཐ་ན་ལྷུང་བཟེད་ཀྱི་ཁ་གབ་#དང་སྣོད་དང་ནང་ཕྱིང་དང་སྐར་གས་དང་བགོ་བ་ལ་སོགས་པ་སྤྱོད་ནའོ་ཞེས་པ་ཡིན་ཏེ་ཚོན་འདི་རྣམས་ཀྱིས་མ་བསྒྱུར་བའི་རྫས་སྤྱོད་ན་མིང་གིས་སྨོས་པ་འདི་དག་ཙམ་ཡན་ཆད་ཀྱང་
[132a]
[132a.1]ལྟུང་བར་འགྱུར་བའོ། །དེ་ལ་རམས་ཞེས་པས་ནི་རྩི་ལྟུམ་#མོ་ཅོག་སྡུད་དོ། །བཙག་ཅེས་པས་ནི་སའོ་ཅོག་#སྡུད་པའོ། །ཤུན་པ་ཞེས་པས་ནི་མེ་ཏོག་དང་འབྲས་བུའོ་ཅོག་#སྡུད་དོ། །སྡེ་ཐ་དད་པའི་ནི་བཟླས་ཤིང་ལྟུང་བར་འགྱུར་ཞེས་པ་ནི་དགེ་སློང་དང་དགེ་སློང་མ་དང་
[132a.2]དགེ་སློབ་མ་དང་དགེ་ཚུལ་དང་དགེ་ཚུལ་མ་སྡེ་ལྔའི་#གོས་ཡིན་ཞིང་འཁྲུལ་ན་ཁ་དོག་བསྒྱུར་མི་དགོས་པར་སྟོན་པའོ། །ཁྱིམ་པས་ཕྲོགས་པའང་མ་ཡིན་ཞེས་པ་ནི་ཁྱིམ་པས་དགེ་སློང་གི་གོས་ཕྲོགས་ཏེ་སླར་བྱིན་པ་#ཡང་ཁ་དོག་གདོད་བསྒྱུར་མི་དགོས་པར་སྟོན་པའོ། །ཚོན་ཆེན་པོར་བཙོས་པ་མི་བགོ་
[132a.3]ཞེས་པ་ནི་མཚལ་དང་ལི་ཁྲི་མཐིང་ཤིང་དང་རྒྱ་སྐྱེགས་དང་གུར་ཀུམ་དང་བཙོད་དང་ལེ་བརྒན་དང་རྨ་ཤིང་དུ་བཙོས་པ་རྣམས་མ་#གྱོན་ཅིག་པའོ། །ཁྱིམ་པ་མ་ཡིན་ཞེས་པ་ནི་ཁྱིམ་པའི་གོས་ཁ་ཚར་ཅན་ཡང་མ་གྱོན་ཅིག་པའོ། །མི་བགོར་མི་རུང་ན་ཡང་གཙུག་ལག་ཁང་གི་ནང་དུ་ངུར་སྨྲིག་གིས་
[132a.4]གཡོགས་#ལ་བགོ་ཞེས་པ་ཡིན་ནོ། །བརྙས་པའི་གོས་ནི་ལམ་དུ་ཐུན་མོང་ངོ་#ཞེས་པ་ནི་ལམ་དུ་ཞུགས་པའི་ཚེ་གོས་བརྙན་#པོ་རྙེད་ན་གཅིག་གིས་རྙེད་ཀྱང་ཁོང་འཐུལ་དུ་སྤྱོད་པའོ། །སུ་དང་ཞེ་ན། གྲོགས་དང་ངོ་ཞེས་པ་ཡིན་ནོ། །གྲོགས་ཇི་ལྟ་བུ་ཞེ་ན་དགེ་སློང་དང་དགེ་ཚུལ་དག་གོ་ཞེས་པ་ཡིན་ནོ། །
[132a.5]གཅིག་ན་རྒན་རབས་ནས་བརྩམས་ཏེ་ཇི་སྙེད་ཡོག་#པར་དགབ་ཅེས་#པ་ནི་བརྙས་པའི་གོས་ཅིག་གཅིག་པུ་ཞིག་རྙེད་ན་ཐབས་འདི་ལྟར་གྱིས་ཤིག་པའོ། །ཟླ་ལ་ཆད་པར་མ་བྱས་པར་གྱོན་ཞིང་མི་བཅག་ཅེས་པ་ནི་ཡོན་གྱི་གོས་ལྟ་བུ་ཐུན་མོང་དུ་དབང་ན་བདག་གི་ཉོ་བའི་རིན་ཐང་ཆད་པར་མ་བྱས་པར་ཐུག་#ཐུབ་ཏུ་མ་#
[132a.6]གྱོན་ཅིག་པའོ། །བསོད་ནམས་འདོད་པས་བརྙར་ན་ཁ་ཙར་#མ་བཅད་པའི་བར་དུ་གསར་རབ་ལ་ཡང་མི་རྟག་པ་ཡིད་ལ་བྱེད་པས་སྤ་གོང་ཞིང་རྫི་#ཞེས་པ་ནི་ཡོན་བདག་དང་པས་ལམ་དུ་#གོས་ཀྱི་གཅལ་བཀྲམ་ན་གསར་རབ་ལ་ཡང་ཐབས་འདི་ལྟར་གྱིས་ལ་རྫིས་ཤིག་པའོ། །གོས་མ་བཅོས་པ་#སྤྱོད་པའོ།། །།#
[132a.7]ཇི་ལྟར་བྱས་པས་འཇོ་བ་གཏོགས་པའི་ལྟུང་བར་འགྱུར་ཞེ་ན། བདག་གིས་#རིན་པོ་ཆེ་མ་ཡིན་པ་རེག་#པས་རེག་ཏུ་བཅུག་བས་བྱེད་ཅེས་པ་ལ་སོགས་པ་ཡིན་ཏེ་བདག་གི་ལ་རེག་ན་ལྟུང་བར་འགྱུར་བ་ནི་བསྟན་ཟིན་གྱི་གཞན་གྱི་རིན་པོ་ཆེ་ལ་རེག་གམ་རེག་དུ་#བཅུག་ན་ཉེས་པར་འགྱུར་རོ། །དེར་གཏོགས་པ་
[132b]
[132b.1]ཡང་ངོ་ཞེས་པ་ནི་རིན་པོ་ཆེར་གཏོགས་པ་ལ་རེག་གམ་རེག་དུ་#བཅུག་ན་ཡང་ལྟུང་བར་འགྱུར་བའོ། །རིན་པོ་ཆེར་གཏོགས་པའི་གང་ཞེ་ན། དེ་ནི་གཡུལ་དུ་སྤྱད་པའི་མཚོན་ཆ་དང་རོལ་མོའི་ཆ་སྤྱད་དོ་ཞེས་པ་ཡིན་ནོ། །དེ་གཉིས་ཀྱང་ཇི་ལྟ་བུ་ལས་ཉེས་པར་འགྱུར་ཞེ་ན། སྤྱད་དུ་རུང་བར་གྱུར་
[132b.2]ན་རྩ་བའོ་ཞེས་#པ་ཡིན་ཏེ་མཚོན་ཆའང་སྤྱད་དུ་རུང་ཞིང་རོལ་མོ་ཆ་བྱད་ཀྱང་#སྤྱད་དུ་རུང་བ་ལ་རེག་ན་གདོད་རྩ་བའི་ཉེས་པར་འགྱུར་བའོ། །མི་རུང་ན་ཉེས་བྱས་ཞེས་པ་ནི་དེ་དག་སྤྱད་དུ་མི་རུང་བ་ལ་རེག་ན་ཉེས་བྱས་སུ་འགྱུར་བའོ། །རིན་པོ་ཆེ་ལ་རེག་གོ་ཅོག་གིས་ཉེས་པར་འགྱུར་རམ་ཞེ་ན། གཙུག་
[132b.3]ལག་ཁང་དང་དེའི་ཉེ་སྤྱོད་དུ་གྱུར་ལ་བདག་གིར་བྱ་བ་དང་མི་ལྡན་ཞིང་ནོར་ཆུད་མི་གཟན་པའི་སེམས་ཀྱིས་ན་མ་གཏོགས་སོ་ཞེས་པ་ནི་རི་དགས་དགྲའི་མ་ས་གའི་རྒྱན་ལུས་ལ་འཕགས་པ་ཀུན་དགའ་བོས་རྙེད་པ་ལྟ་བུ་ཡིན་ཏེ་བདག་གིར་བྱ་བའི་སེམས་མེད་ཅིང་ཆུད་མི་གཟན་པས་བླངས་པ་ནི་ཉེས་མེད་དོ་
[132b.4]བར་སྟོན་པའོ། །དེ་ལ་#གཡེལ་བར་མི་བྱ་ཞེས་པ་ནི་གཙུག་ལག་ཁང་དེ་དང་དེའི་ཉེ་སྤྱོད་དུ་ལུས་པའི་རྗེས་འདི་དག་ལྟ་བུ་ལ་སོགས་#པ་མཐོང་ན་མ་དོར་བར་སྡུས་#ཤིག་པའོ། །མི་གཡེལ་བའི་ཐབས་ཇི་ལྟར་བྱ་ཞེ་ན། དེ་ཞག་བདུན་ནམ་བརྒྱད་དུ་བསྲུང་#ཞེས་པ་ལ་སོགས་པ་ཡིན་ཏེ། དེ་ཞག་བདུན་
[132b.5]ནམ་བརྒྱད་ཀྱི་བར་དུས་#དུས་སུ་བལྟ་ཞིང་སྲུང་#ཤིག་པའོ། །ས་འམ་ལོ་མས་བཀབ་ལ་འགྲོ་ཞེས་པ་ནི་བསོད་སྙོམས་ལ་འགྲོ་བ་ལ་སོགས་པ་ལྟ་བུའི་ལམ་ཀར་མཐོང་ན་སའམ་ལོ་མས་ཁོབ་#ལ་སྤོས་ཏེ་སོང་ཤིག་པའོ། །རྟགས་བབ་ན་བདག་པོར་ཡིན་ནོ་ཞེས་ཟེར་ཡང་མི་སྦྱིན་ཞེས་པ་ནི་འདོད་པ་འོངས་
[132b.6]ན་ཐབས་འདི་ལྟར་གྱིས་ཤིག་པའོ། །འདས་ཏེ་འང་མ་འོངས་ན་དགེ་འདུན་གྱི་མཛོད་དུ་གཞུག་ཅེས་པ་#ནི་ཞག་བདུན་ནམ་བརྒྱད་ཐལ་ཏེ་བདག་པོ་མ་འོངས་ན་ཐབས་འདི་ལྟར་གྱིས་ཤིག་པའོ། །ཡུན་#ཇི་སྲིད་ཀྱི་བར་དུ་མཛོད་དུ་གཞུག་ཅེ་ན། ཟླ་བ་དྲུག་གི་བར་དུ་བཅང་ཞེས་པ་ཡིན་ནོ། །འདས་ཏེ་མ་འོངས་
[132b.7]ན་སངས་རྒྱས་སམ་དགེ་འདུན་གང་གིས་ནས་རྙེད་པ་དེའི་#ཕྱིར་བྱ་ཞེས་པ་ནི་ཟླ་བ་དྲུག་འདས་ཏེའང་བདག་པོ་མ་འོངས་ན་དཀོན་མཆོག་གསུམ་གང་གིས་ནས་རྙེད་པ་དེའི་ཡོ་བྱད་དུ་གྱིས་ཤིག་པའོ། །མི་རུང་ན་རུང་བ་བཟང་པོར་བཙོང་#ཞེས་པ་ནི་དེ་དཀོན་མཆོག་གི་ཡོ་བྱད་དུ་བྱར་སྤུ་བབ་པ་ཞིག་ཡིན་ན་དེས་སྤུ་ལ་
[133a]
[133a.1]བབ་པ་གཞན་དུ་སྒྱུར་ཅིག་པའོ། །གལ་ཏེ་བདག་པོ་དེའི་རྗེས་ལ་འོངས་ན་བསླངས་ཏེ་#མི་བཏུབ་ན་སྦྱིན་ཞེས་པ་ནི་གོང་མ་ལྟར་བྱས་ཟིན་པའི་འོག་ཏུ་བདག་པོ་འོངས་ན་དཀོན་མཆོག་ལ་དབུལ་དུ་གཞུག ། མི་བཏུབ་ན་དངོས་སམ་སྐྱིན་#པ་སྦྱིན་བའོ། །གལ་ཏེ་སྐྱེད་སློང་ན་ངེད་ཀྱིས་#བསྲུངས་པ་ཉིད་དུ་
[133a.2]མི་གཟོའམ་ཞེས་བྱ་ཞེས་བ་ནི་གལ་ཏེ་དེའི་བེད་སྐྱིན་འདོད་ཅེས་ཟེར་ན་སྙད་#འདི་སྐད་དུ་གྱིས་ཤིག་པའོ། །གོང་དུ་རིན་པོ་ཆེ་འམ་#རིན་པོ་ཆེར་གཏོགས་པ་རུང་བ་རྙེད་ཅེས་སྨོས་པ་དེའི་རུང་བ་གང་ཡིན་པ་སྟོན་པ་ནི། སྦྱངས་ཤིང་ཕུག་#པའི་ནོར་བུ་ལ་སོགས་པ་ནི་རུང་པའོ་ཞེས་པ་ལ་སོགས་པ་ཡིན་ཏེ་འདི་དག་ལྟར་གྱུར་བའོ། །
[133a.3]དོ་#དང་གདུ་བུ་དང་དཔུང་གདུབ་དང་དོ་ཤལ་དང་སེ་མོ་དོ་རྣམས་སུ་བྱས་པ་ཡང་ངོ་ཞེས་པ་འདི་དག་ལྟ་བུར་བྱས་པ་ཡང་རུང་བའོ། །པི་ཝང་དང་བྲང་རྒྱུད་དང་འབའ་ལ་རི་དང་མ་ཧ་ཏི་དང་སྒྲ་རབ་རྣམས་རྒྱུད་དང་བཅས་ནའོ་ཞེས་པ་ནི་མིང་གིས་སྨོས་#པ་འདི་དག་རྒྱུད་#དང་བཅས་ན་ཡང་#རུང་བའི་ཁོངས་སུ་གཏོགས་པའོ། །དུང་རྔ། #
[133a.4]རྔ་བྲན། རྫ་རྔ་རྣམས་སྒྲ་འབྱུང་ནའོ་ཞེས་པ་ནི་དུང་ལ་སོགས་པ་མིང་གིས་སྨོས་པ་འདི་དག་#སྒྲ་འབྱུང་དུ་བཏུབ་ན་རུང་བའོ། །གཞུ་ནི་རྒྱུད་དང་བཅས་ནའོ་ཞེས་པ་ནི་གཞུ་ཡང་རྒྱུད་དང་བཅས་ན་གདོད་རུང་བའོ། །རལ་གྱི། རལ་གྱི་ཀྱོག་པོ། །སོ་#གཅིག་པ། མདུང་#། འཕང་མདུང་། ལག་མདུང་རྣམས་འདི་
[133a.5]ཉིད་ནའོ་ཞེས་པ་མིང་གིས་སྨོས་པ་འདི་དག་བཅོས་པ་མ་ཡིན་གྱི#། དངོས་ཉིད་ཡིན་ན་རུང་བའོ། །མདའ་ལྕགས་མདའ། སྟག་མདའ་རྣམས་མདེའུ་#དང་བཅས་པའོ་ཞེས་པ་ནི་མིང་གིས་སྨོས་པ་འདི་དག་ཀྱང་ཁ་བུབ་#མ་ཡིན་གྱི་མདེའུ་དང་བཅས་ན་#གདོད་རུང་བའོ། །སྐུ་གཟུགས་རིང་བསྲེལ་དང་བཅས་ནའོ་
[133a.6]ཞེས་པ་ནི་རིན་པོ་ཆེ་ལས་བྱས་པའི་སྐུ་གཟུགས་ཀྱང་རིང་བསྲེལ་#དང་བཅས་ན་གདོད་རུང་བའོ། །འདི་ལས་སྟོན་པའི་འདུ་ཤེས་ཉེ་བར་གཞག་པ་ནི་ཉེས་མེད་ཅེས་པ་ནི་རིང་བསྲེལ་དང་བཅས་པ་ལ་ཡང་ཐབས་འདི་ལྟར་བྱས་ཏེ་རེག་གམ་རེག་ཏུ་བཅུག་པ་ནི་ཉེས་མེད་དོ། །ཟན་དང་སོག་མའི་ཕྲེང་བ་དང་ཆུས་བྲང་
[133a.7]དང་ཏ་#ལ་མན་དུ་ཀ་དང་པི་ཛ་ན་ཀ་དང་བལ་གཞུ་དང་མདེའུ་ནི་ཕྱེད་དོ་ཞེས་པ་ནི་འདི་#ལྟ་བུ་ལ་རེག་པ་ཉེས་པ་ཕྱེད་དུ་འགྱུར་བའོ། །གསེར་གྱི་གོང་བུ་#ནི་རུང་བ་མ་ཡིན་ཞེས་པ་ནི་གསེར་ལ་སོགས་པའི་གོང་བུ་བརྡུངས་#སུ་མ་བྱས་པས་ན་རུང་བའི་ནང་དུ་མ་གཏོགས་པར་སྟོན་པའོ། །སྐྲག་པའི་ཚེ་བདག་གི་ལ་མི་གནོད་ན་
[133b]
[133b.1]དགེ་འདུན་གྱི་དང་མཆོད་རྟེན་གྱི་གསེར་དངུལ་བརྟུལ་ཏེ་སྦས་སམ་ཁྱེར་ཏེ་འགྲོ་ཞེས་པ་ནི་སྐྲག་པའི་རྐྱེན་གྱིས་#ཐེབས་ལ་བདག་གི་རྫས་སྦས་པའི་འོག་ཏུ་ལོང་#གིས་སླེབས་ན་འདི་དག་ཀྱང་ཐབས་#འདི་ལྟར་གྱིས་ཤིག་པའོ། །དད་པའམ་དགེ་ཚུལ་གྱིས་སོ་ཞེས་པ་ནི་ཁྱིམ་པ་དད་པའམ་དགེ་ཚུལ་དེ་དག་སྦེད་དུ་ཆུག་
[133b.2]ཤིག་པའོ། །མེད་ན་བདག་གིས་སོ་ཞེས་པ་ནི་ཁྱིམ་པའམ་དགེ་ཚུལ་མེད་ན་བདག་ཉིད་ཀྱིས་གྱིས་ཤིག་པའོ། །འདིར་རྐོ་བ་#ཞེས་པ་ནི་འདི་ལྟ་བུ་བརྟད་པའི་ཚེས་ཡང་བརྐོས་#ཤིག་པའོ། །མེད་ན་བསྐལ་ཞེས་པ་ནི་བུར་བཞིན་སླར་གཏོགས་#སུ་སྐྱོལ་ཅིག་པའོ། །འབྱུང་#བ་ཡང་དེ་བཞིན་ཞེས་པ་ནི་ཉིད་ཀྱིས་#སྦ་བ་ལ་
[133b.3]སོགས་པའི་ཆོ་ག་གོང་མ་བཞིན་དུ་དབྱུང་བའི་ཚེའང་དེ་ལྟར་གྱིས་ཤིག་པའོ། །མི་མ་ཡིན་གྱི་གནས་ན་གལ་ཏེ་བསོད་ནམས་ཀྱིས་སྐྱེས་པ་རིན་པོ་ཆེའི་ས་དང་སྟེགས་ལ་སོགས་པ་ནི་ཉེས་མེད་ཅེས་པ་ནི་ཀླུ་ལ་སོགས་པའི་གནས་སུ་ཕྱིན་པའི་ཚེས་གཞི་ལ་སོགས་པ་ཀུན་རིན་པོ་ཆེ་ལས་བྱས་པ་ཞིག་ནི་རེག་ཏུ་ཟིན་ཀྱང་
[133b.4]ཉེས་མེད་པར་སྟོན་ཏོ#། །སྣོད་གཞན་མེད་ན་ཟོས་པ་ཡང་ངོ་ཞེས་པ་ནི་དེ་ན་རིན་པོ་ཆེའི་སྣོད་སྤྱད་ལས་གཞན་མེད་ན་དེའི་སྣོད་སྤྱད་དུ་ཟོས་ཀྱང་བླ་བའོ། །སྟན་ཆ་ལ་འདུག་པ་ཡང་ངོ་ཞེས་པ་ནི་དེའི་སྟན་ཆ་རིན་པོ་ཆེ་ལ་འདུག་ཀྱང་བླ་བའོ། །ཐེག་པས་འགྲོ་ཞེས་པ་ནི་རྟ་དང་གླང་པོ་ལ་སོགས་པའི་ཐེག་པ་ལ་ཞོན་ཅིག་
[133b.5]པའོ། །ཆོས་ཀྱི་དོན་གྱི་དབང་གིས་ནའོ་ཞེས་པ་#ནི་གོང་མ་ལྟར་ཞོན་དུ་#རུང་བ་ཡང་དོན་ཆེད་འདི་ལྟ་བུའི་ཕྱིར་ནའོ། །དེ་ཡང་མི་སྦྱོམས་#པར་རོ་ཞེས་པ་ནི་ཆོས་ཀྱི་དོན་ཆེད་ཀྱི་ཕྱིར་ཞོན་པའི་ཚེ་ཡང་ཆ་དར་ལ་སོགས་པ་ངོམ་སྤྱོམས་ཀྱི་བག་ཏུ་སྒེག་#པ་མ་བྱེད་ཅིག་པའོ། །རྒན་བ་དང་ནད་པ་ལས་གཞན་པ་མ་ཡིན་
[133b.6]ཞེས་པ་ནི་ཆོས་ཀྱི་དོན་ཆེད་ཀྱི་#ཕྱིར་བཞོན་པ་ཡང་རྒས་པ་དང་ནད་པ་ཞིག་ཡིན་ན་གདོད་དེ་ལྟ་བུ་ཞོན་ཡང་བླ་བའོ། །ཆོས་བཤད་པའི་ཕྱིར་སེང་གེའི་ཁྲི་རིན་པོ་ཆེ་ལས་བྱས་པ་ལ་མི་རྟག་པ་ཡིད་ལ་བྱེད་པས་སྤ་གོང་ཞིང་འདུག་པར་བྱ་ཞེས་པ་ནི་ཆོས་འཆད་པའི་ཚེ་འདི་ལྟ་བུ་ལའང་འདུག་ཤིག་པའོ། །གསེར་
[133b.7]ཕོག་དང་དྲིལ་གྱིས་སྤྲས་པས་གོས་དེ་དག་ལྟར་བཤམས་ན་ཁྱིམ་པའི་འོ་ཞེས་བསམ་ཞིང་འདུག་པར་བྱ་ཞེས་པ་ནི་འདི་དག་ལྟ་བུ་#བཤམས་ཤིང་སྤྲས་#པའི་རྒྱན་ཅན་ཞིག་ཡིན་ན་ཡང་ཁྱིམ་པའི་ཡིན་ནོ་བར་སོམས་ལ་འདུག་ཤིག་པའོ། །འདིར་ནོར་བུའི་ཁོལ་དང་གསེར་དངུལ་གྱིས་སྦྲས་པ་ཡང་ངོ་ཞེས་པ་ནི་
[134a]
[134a.1]འདི་དག་ལྟ་བུར་སྤྲས་པ་ལ་ཡང་འདུག་ཤིག་པའོ། །སེང་གེའི་ཁྲིའི་སྐབས་སུ་འདི་དག་ཀུན་ཀྱང་འདུས་མོད་#ཀྱི་གླེང་གཞིའི་དབང་གིས་གཞུང་ལས་འབྱུང་བ་#རྣམས་བསྡུས་པའི་ཚིག་ཏུ་ཟད་དོ། །འདི་དག་ཀྱང་གཞུག་ཅེས་ནི་རིན་པོ་ཆེས་སྤྲས་པའི་ཁྲི་དེ་དག་ལྟ་བུར་བསྙེན་པར་མ་རྫོགས་པ་
[134a.2]མེད་ན་ཉིད་ཀྱི་ལག་དར་ཏེ་སྦ་བརྟུལ་གྱིས་ཤིག་པའོ། །ཁྱིམ་པ་དང་དགེ་ཚུལ་མེད་ལ་ཆོས་ཀྱི་དོན་དང་དབང་གིས་སྟོན་པའི་འདུ་ཤེས་ཉེ་བར་བཞག་སྟེ་སངས་རྒྱས་ཀྱི་སྐུ་གཟུགས་ལ་རེག་པ་ནི་མི་རུང་བ་མེད་ཅེས་པ་ནི་རྐྱེན་འདི་ལྟ་བུའི་ཚེ་འདི་ལྟར་རེག་ཀྱང་བླ་བའོ། །དེའི་དཀོར་ཡང་ངོ་ཞེས་པ་ནི་སངས་རྒྱས་ཀྱི་དཀོར་
[134a.3]རིན་པོ་ཆེ་ལ་ཡང་རྐྱེན་གོང་མ་ལྟ་བུའི་ཚེ་ཟུང་ཤིག་པའོ། །རྒྱན་གདགས་#པར་མི་བྱ་ཞེས་པ་ནི་དགེ་སློང་རྒྱན་མ་འདོགས་ཤིག་པའོ། །རྒྱ་བཅང་ཞེས་པ་ནི་རྒྱ་གྱིས་ཤིག་པའོ། །བསྐོན་པར་ནི་མི་བྱ་ཞེས་པ་ནི་སོར་གདུབ་དང་གདུ་བུ་བསྐོན་པའི་རྒྱན་#ནི་མ་བྱེད་ཅིག་པོའོ། །འོ་ན་ཇི་ལས་བྱ་ཞེ་ན། རོ་ཉེ་ཟངས་
[134a.4]ར་གན་འཁར་བ་རྒྱ་སྐྱེགས་ཤིང་རྡོ་ཁམས་བ་#སོ་རྭ་དག་ལས་སོ་ཞེས་པ་ཡིན་ཏེ་འདི་དག་ལས་གྱིས་ཤིག་པའོ། །དགེ་འདུན་གྱི་ན་རྟགས་ནི་གཡས་གཡོན་རི་དགས། དབུས་སུ་འཁོར་ལོ། །འོག་ཏུ་གཙུག་ལག་ཁང་གི་བདག་པོའི་མིང་ཞེས་པ་ནི་དགེ་འདུན་སྤྱིའི་རྒྱའི་རྟགས་ནི་འདི་ལྟར་གྱིས་
[134a.5]ཤིག་པའོ། །གང་ཟག་གི་ཀེང་རུས་དང་མགོ་ཐོད་དོ་ཞེས་པ་ནི་གང་ཟག་གི་རྒྱ་ནི་རྟགས་འདི་ལྟར་གྱིས་ཤིག་པའོ། །སྐྲ་སོ་མངས་ཀྱིས་མི་བཤད་ཅེས་པ་ནི་དེ་ལྟར་མ་བྱེད་ཅིག་པའོ། །འདི་ནི་དཔེར་ཟད་ཅེས་པ་ནི་སོ་མངས་དཔེར་ཟད་ཀྱི་གཞན་ཅིས་ཀྱང་སྐྲ་མ་འཆད་ཅིག་པའོ། །མེ་ལོང་ལ་
[134a.6]བཞིན་མི་ལྟ་ཞེས་པ་དང་ཆུར་ཡང་ངོ་ཞེས་པ་ནི་འདི་དག་ཏུ་བཞིན་མ་ལྟ་ཤིག་པའོ། །ཆུར་#རྟོག་པའི་ཚེ་རྨ་དང་སྐྲ་སྐྱ་དང་གཉེར་མ་ལྟ་བུ་ནི་ཉེས་མེད་ཅེས་པ་ནི་ཆུ་རྟོག་པའི་ཞར་ལ་འདི་དག་ཙམ་གྱི་ཚོད་ལྟ་བུ་ནི་བླ་བར་སྟོན་པའོ། །ན་ཚོད་འཛིན་པ་ཡང་ངོ་ཞེས་པ་ནི་ན་ཚོད་བཟུང་བའི་ཕྱིར་ནི་མེ་ལོང་ལ་
[134a.7]བལྟས་ཀྱང་བླ་བའོ། །སོར་རིས་མི་བྱ་ཞེས་པ་ནི་སོར་རིས་གསུམ་འདྲི་བ་ལྟ་བུ་མ་བྱེད་ཅིག་པའོ། །གོ་རོ་ཙ་ནས་མི་བྱུག་ཅེས་པ་དང་སྤོས་ཀྱིས་ཀྱང་མ་ཡིན་ཞེས་པ་ནི་འདི་དག་གིས་#ཀྱང་མ་བྱུག་ཤིག་#པའོ། །བསོད་ནམས་ཀྱི་ཕྱིར་ན་རྐང་པ་སྤོས་ཀྱིས་ཉུག་དུ་#གཞུག་ཅེས་པ་ནི་བསོད་ནམས་འདོད་
[134b]
[134b.1]པས་བདག་གི་ལུས་ལ་སྤོས་ཉུག་ན་རྐང་པ་ལ་ཉུག་ཏུ་ཆུག་ཤིག་པའོ། །དེའི་མདུན་དུ་མི་དབྱེ་ཞེས་པ་ནི་ཡོན་བདག་དེའི་མདུན་དུ་མ་དཔྱིད་ཅིག་པའོ། །དེས་བྱུག་#པའི་ཆོ་ག་སྟོན་པ་ནི། དེས་བྱུགས་ན་དགེ་འདུན་འདུ་བར་མ་ཡིན་ཞེས་པ་དང་ཁྱིམ་པ་ལ་#ཡང་ཆོས་མི་བཤད་ཅེས་དང་ཁྱིམ་དུའང་མི་འགྲོ་
[134b.2]ཞེས་པ་རྣམས་ཡིན་ཏེ་ནད་ལ་སོགས་པའི་ཕྱིར་དེ་བྱུགས་ན་མིང་གིས་སྨོས་པ་འདི་དག་མ་བྱེད་ཅིག་པའོ། །མཇུག་ཏུ་བཀྲུ་ཞེས་པ་ནི་མཇུག་ཏུའང་ཁྲུས་#ཤིག་པའོ། །དེ་དག་བླང་#ཞེས་པ་དང་མེ་ཏོག་གི་ཕྲེང་བ་ཡང་ངོ་#ཞེས་པ་ནི་སྤོས་དང་མེ་ཏོག་དབུལ་ན་ལོང་ཤིག་པའོ། །མཆོད་རྟེན་ལ་དབུལ་ཞེས་
[134b.3]པ་དང་ཉན་ཐོས་པ་ལ་ཡང་ངོ་ཞེས་པ་ནི་གོང་མ་དེ་དག་བླངས་ནས་མཆོད་རྟེན་དང་ཉན་ཐོས་ཀྱི་མཆོད་རྟེན་ལ་ཕུལ་ཅིག་པའོ། །སྦྱིན་བདག་མི་དགའ་ན་སྔས་དང་འཕོངས་སུའོ་ཞེས་པ་#ནི་མཆོད་རྟེན་ལ་#དབུལ་དུ་མི་དགའ་#ན། བདག་གི་སྔས་དང་འཕོངས་ཀྱི་ཐད་ཀར་ཡུགས་ཤིག་པའོ། །སྒོ་དང་བྱང་སྟན་#
[134b.4]དུ་མ་ཡིན་ཞེས་པ་ནི་#སྒོ་དང་བྱང་དུ་འབབ་པའི་རྩིག་ངོས་ཉུག་#ཤིག་པའོ། །ཅི་ལ་རྩིག་ཆེན་པོའོ#། །རྩིག་པ་ལའོ་ཞེས་པ་ཡིན་ནའོ། །ཐུར་མའམ་ཁབ་ངོས་ལ་གཟེར་བ་ལ་ཕྲེང་བ་གདགས་ཞེས་པ་ནི་ཕྲེང་བ་བླངས་པ་ནི་ཐབས་འདི་ལྟར་གྱིས་ཤིག་པའོ། །དྲི་ཞིམ་པོ་མིག་ལ་ཕན་ན་#དུས་
[134b.5]དུས་སུ་མནམ་ཞེས་པ་ནི་མིག་ལ་ཕན་བའི་ཕྱིར་མེ་ཏོག་ལ་སོགས་པ་དྲི་ཞིམ་པོ་སྣོམས་ཤིག་པའོ། །ཚངས་པའི་སེ་རལ་བགོ་བར་མི་བྱ་ཞེས་པ་ནི་འདི་མ་ཐོགས་ཤིག་པའོ། །སྐུད་པ་ཡང་མ་ཡིན་ཞེས་པ་ནི་སྔགས་ཀྱི་སྐུད་པ་ཡང་མ་ཐོགས་ཤིག་#པའོ། །སོས་པར་བྱ་བའི་ཕྱིར་ན་དཔུང་པ་གཡོན་པ་ལ་
[134b.6]གདགས་ཞེས་པ་ནི་གལ་ཏེ་ནད་པའི་ཕྱིར་ནི་འདི་ལྟར་ཐོགས་ཤིག་པའོ། །བབ་བབ་ཏུ་མི་དོར་ཞེས་པ་ནི་སྔས་#སྐུད་དུ་མཇུག་ཏུ་རིམ་གྲོ་མ་ཆུང་ཤིག་པའོ། །གལ་ཏེ་མ་བཏགས་ན་གོས་ཀྱི་གྲ་#འམ་སྐ་རགས་ལ་གདགས་ཞེས་པ་ནི་ནད་མ་སོས་ཀྱི་བར་དུ་འདི་ལྟར་གྱིས་ཤིག་པའོ། །མ་ཡིན་ན་ཀ་བའམ་རྩིག་
[134b.7]གསེབ་དུ་#གཞུག་ཅེས་བྱ་བ་ནི་སོས་ན་འདི་ལྟར་གྱིས་ཤིག་པའོ། །གླུ་དང་གར་ལ་སོགས་པ་མི་བྱ་ཞེས་པ་ནི་འདི་དག་མ་བྱེད་ཅིག་པའོ། །མི་བསླབ་ཅེས་པ་ནི་འདི་དག་གཞན་ལའང་མ་སློབ་ཤིག་པའོ། །མི་བཅོས་ཞེས་པ་ནི་འདིའི་ཐབས་ནོར་ཅིང་#འཁྲུལ་པའི་སྐབས་སུ་བཅོས་པའང་མ་བྱེད་ཅིག་པའོ། །
[135a]
[135a.1]བལྟ་བའི་ཕྱིར་ཡང་མི་#འགྲོ་ཞེས་པ་ནི་དེ་(བལྟར་,ལྟར་)#ཡང་མ་འགྲོ་ཤིག་པའོ། །དགེ་སློང་མས་གར་རྒྱས་པར་མི་བྱ་ཞེས་པ་ནི་སྡེར་བཅད་པའི་བྲོ་དང་གར་མ་བྱེད་ཅིག་པའོ། །སྟོན་པའི་ཡོན་ཏན་བརྗོད་པ་དང་རྒྱུད་གསུམ་གདོན་པའི་ཕྱིར་དབྱངས་བྱ་ཞེས་པ་ནི་འདི་དག་གི་ཕྱིར་ནི་དབྱངས་གྱིས་ཤིག་
[135a.2]པའོ། །དེ་ནི་བསླབ་པོ་ཞེས་པ་ནི་དེ་ནི་ཆེད་དུ་སློབས་ཤིག་པའོ། །དབེན་པའི་ཕྱོགས་སུའོ་ཞེས་པ་ནི་ཆེད་དུ་བསླབ་པ་དེའོ། །ཁ་དོར་དང་སྒེག་#པ་དང་ཅ་ཅོ་དང་ཏྲག་ཏྲོག་དང་སྙོགས་#པ་དང་ལུས་ཀྱིས་སྙོགས་#པ་རྣམས་མི་བྱ་ཞེས་པ་ནི་འདི་དག་ཀྱང་མ་བྱེད་ཅིག་པའོ། །གཡེང་བའི་སེམས་ཀྱིས་#ལུས་དང་ངག་མི་
[135a.3]བསྒྱུར་ཞེས་པ་ནི་དགེ་སློང་ལག་འགྲོས་བྱེད་པ་ལྟ་བུ་ལ་སོགས་པ་ལུས་དང་ངག་གཡེང་བའི་བག་ཏུ་མ་བསྒྱུར་ཅིག་པའོ། །འདྲེས་པའི་ཆ་དབྱེ་ཞེས་པ་ནི་ཉོན་མོངས་པ་སྤྱོད་པའི་ཚེ་ཉོན་མོངས་པ་དང་ཉོན་མོངས་པ་མ་ཡིན་པར་འདྲེས་པའི་སེམས་ཀྱིས་དཔྱད་#ན། ཉོན་མོངས་པ་དང་མི་མོངས་པའི་རྣམས་ཐོད་པུར་འདྲེས་
[135a.4]ཀྱང་རུང་སྟེ་ཐ་དད་དུ་ཕྱེ་ལ་ལྟུང་བ་དང་མི་ལྟུང་བའི་རིམ་པར་ཁ་སྐོངས་ཤིག་པའོ། །སྣོད་ད་རེས་ཀྱིས་བཟའ་བར་མི་བྱ་ཞེས་པ་ནི་ཁ་ཕྱིས་གཅིག་ལ་ནོར་#མོར་ཟ་བ་ལྟ་བུར་མ་བྱེད་ཅིག་པའོ། །རྣ་རྒྱན་མི་རུང་#ཞེས་པ་དང་མི་གདགས་ཞེས་པ་ནི་མེ་ཏོག་གི་རྣ་རྒྱན་བརྒྱུ་#བ་དང་ཐོགས་པ་མ་བྱེད་ཅིག་པའོ། །བྱ་དགའ་
[135a.5]སྦྱིན་པ་#མི་བྱ་ཞེས་པ་ནི་རོལ་མོས་མགུ་བའི་ཕྱིར་རོལ་མོ་མཁན་པོ་#ལ་བྱ་དགའ་སྦྱིན་པ་མ་བྱེད་ཅིག་པའོ། །ཐ་མལ་བའི་ཚེ་མི་བརྒྱུག་#ཅེས་པ་ནི་བྲེད་ཅིང་བརྟད་པའི་རྐྱེན་གྱིས་མ་ཐེབས་པར་རོ། །མཆོང་བ་དང་དྲག་ཤུལ་མི་བྱ་ཞེས་པ་ནི་དངོས་སུ་ཟད་བརླ་དང་དཔུང་པ་དང་ཉའི་ལྡོག་ཐབས་སུ་ལྡོག་པར་
[135a.6]མི་བྱ་ཞེས་པ་ནི་རྐ་ལག་གཅུས་#ཤིང་བསྒྱུར་བ་དང་ཉའི་ལྡོག་འགྱུར་#ལྟ་བུ་ལུས་ཀྱིས་#མ་བྱེད་ཅིག་པའོ། །ཆུ་ལ་རྡོ་སྤྱད་མི་བྱ་ཞེས་པ་ཡང་དངོས་སུ་ཟད། ཆུའི་ནང་དུ་རྐ་#དང་རྔ་སྐད་དུ་མི་བྱ་ཞེས་པ་ནི་ཆུའི་ནང་དུ་འདི་དག་ལྟ་བུའི་སྐད་མ་བྱེད་ཅིག་པའོ། །ཆུ་ལ་སྤྱིལ་མོ་ཉུག་པ་མི་བྱ་ཞེས་པ་ཡང་#དངོས་སུ་
[135a.7]ཟད། གླང་པོའི་སྐད་དང་རྟའི་སྐད་དང་ཁྱུ་མཆོག་དམ་པ་དང་རྨ་བྱ་དང་ཀོ་ཀི་#ལའི་སྐད་མི་བྱ་ཞེས་པ་ནི་འདི་དག་#གི་སྐད་མ་བྱེད་ཅིག་པའོ། །ཁའི་དུང་དང་དྷུ་དྷུ་ཀ་དང་རྔ་སྐད་མི་བྱ་ཞེས་པ་ནི་ཁ་ནས་འདི་དག་སྐད་མ་ཟེར་#ཅིག་པའོ། །འཇོ་བའི་དངོས་པོར་གཏོགས་པའོ།། །།#ཁྲུས་ཀྱི་ལྟུང་བ་སྟོན་པར་འདོད་
[135b]
[135b.1]པ་ནི། དཔྱིད་ཀྱི་ལྷག་མ་ཕྱེད་དང་གཉིས་དང་དབྱར་དང་པོའི་ཟླ་བའོ་ཞེས་པ་ལ་སོགས་པ་ཡིན་ཏེ། འོག་ནས་གཞན་དུ་ཞེས་འབྱུང་བ་མིང་གིས་སྨོས་པའི་དུས་འདི་མ་ཡིན་བའི་སྐབས་སུ་གཞན་དུ་བཀྲུས་ན་ལྟུང་བར་འགྱུར་བའོ། །དགེ་སློང་ངོ་ཅོག་ལ་དེ་ལྟ་བུའི་ཉེས་པར་འགྱུར་རམ་ཞེ་ན། གོས་མེད་
[135b.2]བ་གཉིས་པོ་རྙེད་པའི་ཆོ་ག་བཞིན་ཞེས་པ་ཡིན་ཏེ་ཡང་ཡང་གི་སྐབས་སུ་ནད་པ་མ་ཡིན་ལས་#བྱས་ཞེས་པ་ལ་སོགས་པའི་དུས་ཤིག་ན་ཉེས་མེད་པའོ། །གཞན་ཡང་སྐབས་ཀུན་དུ་ཉེས་པར་འགྱུར་རམ་ཞེ་ན། རླུང་གིས་མ་གཡེངས་ནའོ་ཞེས་པ་ཡིན་ནོ། །ཇི་ཙམ་གྱིས་གཡེངས་པར་ཆུད་ཅེ་ན།
[135b.3]དེའི་མཐའ་ནི་གོས་ཀྱི་མཐའ་མ་སླེབས་པའོ་ཞེས་པ་ཡིན་ཏེ། གོས་ཀྱི་གྲྭ་རླུང་གིས་རྡེབ་#ཁྱེར་བ་ཙམ་གྱིས་ཀྱང་ངོ་། །དེ་ཉི་ཚེར་ཡང་མ་ཟད་པ་ནི་ཆར་གྱིས་མ་ཕོག་ནའོ་ཞེས་པ་ཡིན་ནོ། །ཇི་ཙམ་གྱིས་ཕོག་པར་ཆུད་ཅེ་ན། འདི་ནི་ཐིགས་#པ་གཉིས་ཕོག་པས་སོ་ཞེས་#པ་ཡིན་ཏེ་ཆར་ཐིགས་པ་གཉིས་
[135b.4]ཕོག་པ་ཙམ་གྱིས་ཀྱང་ངོ་། །ཅི་ལ་ཞེ་ན། ལུས་ལའོ་ཞེས་པ་ཡིན་ནོ། །གཞན་དུ་བཀྲུས་ནས་བཅོ་ལྔ་ཚུན་ཆད་བཀྲུས་ནའོ་ཞེས་པ་ནི་དང་པོ་ལན་ཅིག་བསྐུར་ནས་ཞག་#བཅོ་ལྔ་མ་ལོན་པ་ཚུན་ཆད་དུ་གོང་དུ་#སྨོས་པའི་དུས་མ་ཡིན་པར་བཀྲུས་#ན་ལྟུང་བར་འགྱུར་བའོ། །ཁྲུས་ཉིད་ཇི་ལྟ་བུ་ཞེ་ན། བླུགས་
[135b.5]པའམ་འཇུག་པའོ་ཞེས་པ་ཡིན་ཏེ་མགོ་ནས་ལྡུགས་པའམ་ཆུའི་ནང་དུ་འཇུག་པའོ། །ལུས་ཀྱི་ཇི་ཙམ་དུ་ཕྱིན་པས་ཁྲུས་སུ་འགྱུར་ཞེ་ན། ལྟེ་བར་ཕྱིན་ནའོ་ཞེས་པ་ཡིན་ཏེ་བླུགས་ཀྱང་རུང་འབོགས་#ཀྱང་རུང་ཆུ་ལྟེ་བར་ཕྱིན་ན་ཁྲུས་སུ་ཆུད་པའོ། །སྔ་རོལ་ཉེས་བྱས་ཞེས་པ་ནི་ལྟེ་བར་མ་ཕྱིན་པ་ཡན་
[135b.6]ཆད་དམ་མན་ཆད་ནི་ཉེས་བྱས་སུ་འགྱུར་བའོ། །ཀུན་#དུས་བྱིན་གྱིས་མ་བརླབས་ནའོ་ཞེས་པ་ཡིན་པ་#ནི་བཀྲུ་བའི་དུས་ལ་བབ་བོ་ཅོག་གི་ཚེ་ན་ཡང་དུས་བྱིན་གྱིས་མ་བརླབས་པར་བཀྲུས་ན་ཉེས་བྱས་སུ་འགྱུར་བའོ། །དོན་གཞན་གྱི་གཡམ་ལ་ཆུར་ཞུགས་པ་ནི་ཁྲུས་མ་ཡིན་#ཞེས་པ་ནི་ཁྲུས་བྱ་
[135b.7]བར་ནི་མ་བྱས་ཀྱི་དོན་ཆེད་གཞན་གྱི་ཕྱིར་ཆུར་ཞུགས་པ་ལྟ་བུ་ཁྲུས་ཀྱི་ཁོངས་སུ་མི་ཆུད་པའོ། །དེ་ལྟ་བས་ན་རྒལ་#བ་དང་མ་ཚོར་བར་ལྟུང་བ་དང་བརྒྱལ་བ་གདབ་བ་རྣམས་ཉེས་མེད་ཅེས་པ་#ནི་གོང་མ་ལྟར་གྱུར་པས་ན་ཆུ་ཕ་རོལ་དུ་རྒལ་#བ་དང་ཆུའི་ནང་དུ་མ་བྱས་པར་ལྟུང་བ་དང་བརྒྱལ་བ་ལ་ཆུས་
[136a]
[136a.1]བཏབ་པ་ལྟ་བུ་ཉེས་པར་མི་འགྱུར་བའོ། །ཡུལ་ཨསྨ་#པ་རན་ཏ་ཀ་ན་འདི་མེད་པར་ཤེས་པར་བྱའོ་ཞེས་པ་ནི་ཡུལ་འདི་ན་#རྟག་ཏུ་བཀྲུ་དགོས་པའི་ཕྱིར་བཀྲུ་བའི་དུས་ཚིགས་#འདི་མེད་པར་ཤེས་པར་གྱིས་ཤིག་པའོ། །གཙོ་ཡོད་བཞིན་དུ་ཕྲན་ཚེགས་ཀྱི་ཆོ་ག་ལ་མི་ལྟོས་ཞེས་པ་
[136a.2]ནི་བརླབ་#པའོ། །ཆོག་ལ་སྙེགས་པའི་ཚིག་སྟེ་ཡུལ་མཐའ་ཁོབ་ཏུ་འདུལ་བ་འཛིན་པ་ལྔས་བསྙེན་པར་རྫོགས་པར་གྱིས་ཤིག་ཅེས་འབྱུང་བ་ལྟ་བུ་ལྔ་ལས་མང་བར་ཡོད་བཞིན་དུ་ལྔ་དང་མ་སྦྱོར་བག་པ་ལྟ་བུ་ལ་སོགས་པའོ། །སྐབས་འདིར་ཡང་ཟླ་བ་ཕྱེད་ཀྱི་དུས་ལ་བབ་ན་རུང་བའི་དུས་ཕྲན་
[136a.3]ཚེགས་གཞན་ལྟོས་#ཤིག་པའོ། །འཁྲུ་བ་ལྟུང་བའོ།། །།#ཇི་ལྟར་བྱས་པས་བྱོལ་སོང་གསོད་པའི་ལྟུང་བར་འགྱུར་ཞེ་ན། གསོད་#སེམས་ཀྱིས་བྱོལ་སོང་བསད་ནའོ་ཞེས་པ་ཡིན་ཏེ་བྱོལ་སོང་ཆེད་དུ་བསམས་ཏེ་#བསད་ན་ལྟུང་བར་འགྱུར་བའོ། །ཅི་བསྣུན་པའི་མོད་ལ་འང་ཞེ་ན། དེས་
[136a.4]ལན་ཏེ་མོད་ལའམ་ཕྱིས་ཤི་ནའོ་ཞེས་པ་ཡིན་ཏེ་ཆེད་དུ་བསམས་ཏེ་བསྣུན་ནམ་ཤི་ཡང་རུང་སྟེ་ལྟུང་བར་སྟོན་པའོ། །སེམས་ཅན་གྱི་གཟུགས་ནི་སེམས་ཅན་མ་ཡིན་པས་ཉེས་བྱས་སུ་བྱེད་ཅེས་པ་ནི་སེམས་ཅན་གྱི་གཟུགས་སུ་བྲིས་བ་འམ་བྱས་པ་ལྟ་བུ་བཤིག་པ་ནི་ཉེས་བྱས་སུ་ཟད་པའོ། །
[136a.5]བྱོལ་སོང་གསོད་པའོ།། །།#ཇི་ལྟར་བྱས་པས་ཐེ་ཚོམ་སྐུར་བའི་ལྟུང་བར་འགྱུར་ཞེ་ན། ཁྱེད་བསྙེན་པར་མ་རྫོགས་ཤེའམ། ཕས་ཕམ་པ་བྱུང་ངོ་ཞེས་པ་ལ་སོགས་པས་དགེ་སློང་མ་ཡིན་པར་ཐེ་ཚོམ་སྐུར་ནའོ་ཞེས་པ་ཡིན་ཏེ་ཐེ་ཚོམ་སྐུར་བ་ཉིད་ཀྱི་བསམ་#པས་འདི་ལྟར་བྱས་ནའོ། །དེ་ལྟར་#
[136a.6]སྐུར་པར་བསམ་#པ་དང་སྐྱོན་ནས་བོས་པར་བསམ་#པ་ནི་སོ་སོའི་ཉེས་པར་#འགྱུར་བའོ། །སུ་ཐེ་ཚོམ་སྐུར་བས་ཤེ་ན། དགེ་སློང་ནའོ་ཞེས་པ་ཡིན་ནོ་ཇི་ལྟར་བསམས་ཀྱང་རུང་ངམ་ཞེ་ན། མི་དགའ་བ་བསྐྱེད་པའི་སེམས་ཀྱིས་ནའོ་ཞེས་པ་ཡིན་ཏེ་ཆེད་དུ་མྱ་ངན་སྐུར་ཞིང་མི་དགའ་བར་བྱ་བར་བསམས་
[136a.7]ནའོ། །བཞད་གད་#ཀྱང་ངོ་ཞེས་པ་ནི་བཞད་གད་དུ་བྱས་ན་ཡང་ལྟུང་བར་འགྱུར་བའོ། །འགྱོད་པར་གྱུར་ནའམ་ཞེ་ན། འགྱོད་པ་མ་སྐྱེས་ན་ཡང་ངོ་ཞེས་པ་ཡིན་ཏེ་འགྱོད་པ་མ་སྐྱེས་ན་ཡང་ལྟུང་བར་འགྱུར་བའོ། །གཞན་གྱིས་ནི་ཉེས་བྱས་ཞེས་པ་ནི་ཕས་ཕམ་པ་མ་ཡིན་བའི་ལྟུང་བ་གཞན་
[136b]
[136b.1]གྱིས་ཐེ་ཚོམ་སྐུར་བ་ན་ཉེས་བྱས་སུ་འགྱུར་བའོ། །ཐེ་ཚོམ་སྐུར་བའོ།། །།#ཇི་ལྟར་བྱས་པས་ག་ག་ཚིལ་བྱས་པའི་ལྟུང་བར་འགྱུར་ཞེ་ན། དགེ་སློང་ནའོ་ཞེས་པ་ཡིན་ཏེ་དགེ་སློང་ལ་ག་ག་ཚིལ་བྱས་ནའོ། །སོར་མོ་ཁུ་ཚུར་གྲུ་མོ་ཕྲག་པ་མགོ་རྩིབ་ལོགས་རྒྱབ་སྟ་#ཟུར་བརླ་པུས་མོ་བྱིན་པ་རྐང་
[136b.2]པའི་སོར་མོ་ལ་སོགས་པས་ག་ག་ཚིལ་བྱས་ནའོ་ཞེས་པ་ནི་འདི་དག་གང་གིས་བྱས་ཀྱང་རུང་སྟེ་ལྟུང་བར་འགྱུར་བའོ། །ཇི་ལྟ་བུའི་སེམས་ཀྱིས་ཀྱང་བླའམ་ཞེ་ན། ཀུ་རེའི་སེམས་ཀྱིས་ནའོ་ཞེས་པ་ཡིན་ཏེ་ཀུ་རེ་བྱ་བའི་ཕྱིར་ན་ལྟུང་བར་འགྱུར་བའོ། །དེ་#བས་ན་བརྩན། སྦྲང་མ། མཛེར་པ་
[136b.3]འམ་སྨྱེ་#བ་གཙུག་རྣམས་སྟོན་པ་ན་#ཉེས་མེད་ཅེས་པ་ཡིན་ཏེ་འདི་དག་སྟོན་པའི་ཕྱིར་མཛུབ་མོས་བཙུགས་#པ་ནི་ཉེས་མེད་པའོ། །དུ་མས་བྱས་ཀྱང་གཅིག་གོ་ཞེས་པ་ནི་ག་ག་ཚིལ་སོར་མོ་ལ་སོགས་པ་དུ་མས་བྱས་ཀྱང་ལྟུང་བ་གཅིག་ཏུ་ཟད་ཀྱི་ཚོགས་པ་ལྟ་བུ་མ་ཡིན་པའོ། །ག་ག་ཚིལ་བྱེད་
[136b.4]པའི་ལྟུང་བའོ།། །།#ཇི་ལྟར་བྱས་པས་ཆུ་ལ་རྩེ་བའི་ལྟུང་བར་འགྱུར་ཞེ་ན། ཆུའི་ཡུལ་ལ་བྱེད་པར་བསྒྲུབ་ནའོ་ཞེས་པ་ལ་སོགས་པ་ཡིན་ཏེ་ཆུ་ལ་འོག་ནས་འབྱུང་བ་ལྟ་བུ་བྱེད་ན་ལྟུང་བར་འགྱུར་བའོ། །སྤྱི་དེ་ལྟར་བསྟན་ནས་སོ་སོར་འབྱེད་པ་སྟོན་པ་ནི། ཞུགས་ནས་བྱེའུ་ཟུལ་དང་
[136b.5]འབྱུང་བ་དང་ཚུ་རོལ་ནས་ཕ་རོལ་ཏུ་འགྲེ་བ་དང་ཡན་མན་དུ་#འགྲོ་བ་དང་ཆུ་རྔ་དང་མད་དུ་#ཀ་རྡུང་བ་དང་རྡོ་སྦྱར་འཕེན་པ་དང་། ཁོར་ཡུག་ཏུ་བྱེད་པ་དང་རྩི་རར་བྱེད་པ་དང་ཆུ་དོང་དང་། སེ་ཀློང་དུ་བྱེད་པ་དང་མཛུབ་རིས་འདྲེན་པ་རྣམས་རྩེ་#བའོ་ཞེས་པ་ཡིན་ཏེ་ཆུའི་ནང་དུ་ཞུགས་ནས་མིང་གིས་སྨོས་
[136b.6]པ་འདི་དག་ལྟར་བྱེད་ན་ལྟུང་བར་འགྱུར་བའོ། །བམ་ཀོལ་བྱེད་པ་ནི་ཉེས་བྱས་ཞེས་པ་ནི་ཆུ་ལའོ། །རྫ་མ་དང་ཕྲུ་བ་དང་རིལ་བ་དང་ཕོར་པར་རོ་ཞེས་པ་དང་བུ་རམ་གྱི་ཁུ་བ་དང་ཚོད་མ་དང་སྲན་ཚོད་དང་འབྲས་ཁུ་དང་ཁུ་བ་རྣམས་ཚད་#ཟིན་ཀྱང་ངོ་ཞེས་པ་ནི་འདི་དག་གི་ནང་དུ་འཇུག་ཏུ་མེད་ལ་#རྩེ་
[136b.7]ཞིང་མཛུབ་རིས་བྱེད་ན་ཉེས་བྱས་སུ་འགྱུར་བའོ། །ཆུ་མ་ཡིན་པ་ལ་རྩེ་ན་ཡང་ངོ་ཞེས་པ་ནི་ཆུ་མ་ཡིན་པ་གཞན་ལ་རྩེ་ན་ཡང་ཉེས་བྱས་སུ་འགྱུར་བའོ། །བདག་ཉིད་ཀྱིས་བྱས་པ་འབའ་ཞིག་གིས་སམ་ཞེ་ན། དེ་ལྟར་བྱེད་དུ་བཅུག་པ་འང་དེ་བཞིན་ཞེས་པ་ཡིན་ཏེ་ཕ་རོལ་གོང་དུ་སྨོས་པའི་རིམ་པ་
[137a]
[137a.1]བཞིན་དུ་བྱེད་དུ་བཅུག་ན་ཉེས་བྱས་རིམ་པ་དེ་བཞིན་དུ་འགྱུར་བའོ། །ཇི་ལྟར་བྱས་ཀྱང་དམ་ཞེ་ན། འཕྱར་བ་ལ་དགའ་བར་མྱོང་བར་འདོད་ནའོ་ཞེས་པ་ཡིན་ཏེ་གཡེང་བས་དགའ་བར་བྱེད་ན་གདོད་ཉེས་པར་འགྱུར་བའོ། །དེ་ལྟ་བས་ན་#བསིལ་འདོད་པའི་ཕྱིར་
[137a.2]ཞུགས་པ་ལ་སོགས་པ་ཉེས་མེད་ཅེས་པ་ནི་གོང་མ་ལྟ་བུའི་བསམ་པས་མ་ཡིན་ཏེ་བསིལ་བ་འདོད་པའི་ཕྱིར་ཆུར་ཞུགས་པ་ནི་ཉེས་མེད་པའོ། །རྐྱལ་སློབ་པས་གཅོད་པ་དང་ཡན་མན་དུ་འབྱམ་པ་ཡང་ངོ་ཞེས་པ་ནི་རྐྱལ་སློབ་པའི་ཚེ་འདི་དག་ལྟར་བྱེད་ན་ཉེས་མེད། ཚ་བ་བསྒྲང་བའི་ཕྱིར་
[137a.3]དཀྲུགས་པ་ཡང་ངོ་ཞེས་པ་ནི་ཚ་བ་བསྒྲད་བའི་ཕྱིར་དཀྲུགས་པའང་ཉེས་མེད་པའོ། །ཆུར་རྩེ་བའོ།། །།#ཇི་ལྟར་བྱས་པས་བུད་མེད་དང་ལྷན་ཅིག་ཏུ་ཉལ་བའི་ལྟུང་བར་འགྱུར་ཞེ་ན། ཁྱིམ་གཅིག་ན་བུད་མེད་དང་ལྷན་ཅིག་ཏུ་གཉིད་ལོག་ནའོ་ཞེས་པ་ལ་སོགས་པ་ཡིན་ནོ། །ནམ་གཉིད་
[137a.4]ལོག་པས་ཤེ་ན། མཚན་མོའི་ཞེས་པ་ཡིན་ནོ། །དེའི་ཡང་གང་གི་ཚེ་ཞེ་ན། མཐས་#སོ་ཞེས་པ་ཡིན་ཏེ་མཚན་གཅིག་གི་མཐས་#ཉེས་པར་འགྱུར་བའོ། །ཚུན་ཆད་ཉེས་བྱས་ཞེས་པ་ནི་མཚན་གཅིག་གི་མཐའ་ཐུག་པ་ཚུན་ཆད་ཉེས་བྱས་སུ་འགྱུར་བའོ། །སྤྱད་མི་བཟོད་པ་ཡན་
[137a.5]ཆད་ཇི་ཙམ་གྱིས་ཉེས་པར་འགྱུར་ཞེ་ན། བྱ་གག་མོ་ཡན་ཆད་ཀྱིས་བྱེད་ཅེས་བྱ་བ་ཡིན་ཏེ་བྱ་གག་ཙམ་ཡན་ཆད་ཉེས་བྱས་སུ་འགྱུར་བའོ། །བུད་མེད་དང་ལྷན་ཅིག་ཉལ་བའོ།། །།#ཇི་ལྟར་བྱས་པས་བསྡིགས་#པའི་ལྟུང་བར་འགྱུར་ཞེ་ན། བསྡིགས་པར་འདོད་པས་བཞད་གད་དུ་
[137a.6]བསམས་ཀྱང་རུང་སྟེ་དགེ་སློང་ལ་འཇིགས་#པར་བྱེད་པ་ཆེ་གེ་མོ་ཞིག་གོ་ཞེས་སྔ་ནས་བསྒོ་ལ་འཇིགས་པའི་མཚན་མ་སྟོན་ན་གཞན་གྱིས་སམ་འཇིགས་པ་མ་སྐྱེས་ཀྱང་ངོ་ཞེས་པ་ཡིན་ཏེ་ཆེད་དུ་བསྡིགས་པར་བསམས་ཤིང་སྔ་ནས་རྣ་ངད་བཏང་ལ་མི་སྡུག་པའི་མཚན་མ་སྟོན་ན་བདག་གིས་
[137a.7]བསྟན་པ་ལྟ་ཅི་སྨོས་ཀྱིས་གཞན་སྟོན་དུ་བཅུག་གམ་འཇིགས་པར་མ་གྱུར་དུ་ཟིན་ཀྱང་ལྟུང་བའོ། །མི་སྡུག་པས་ན་རྩ་བའོ་ཞེས་པ་ནི་འོག་ནས་འབྱུང་བ་ལྟ་བུའི་མི་སྡུག་པའི་རྣམ་པ་རྣམས་ཀྱིས་བསྡིགས་ན་ལྟུང་#བར་འགྱུར་བའོ། །དེ་ལ་མི་སྡུག་#པ་རྒྱས་པར་སྟོན་པ་ནི། དེ་འདི་ལྟ་སྟེ།
[137b]
[137b.1]ཡི་དགས། འདྲེ། གྲུལ་བུམ། ལུས་སྲུལ་པོ་རྣམས་སོ་ཞེས་ཟེར་བ་དང་གཟུགས་ནི་གནག་རབ། སོལ་མདོག ། མགལ་དུམ་ལྟ་བུ་དང་། སྒྲ་ནི་སེང་གེ ། སྟག ། གཟིག ། འཕར་བ། སྤྱང་ཀི། ཝ་རྣམས་ཀྱི་དང་དྲི་ནི་བཤང་གཅིར་ཐུག་གི་དབྲེ་དང་། རེག་པ་ནི་ལེབ་མ་དང་
[137b.2]རེ་ལྡེ་དང་ར་ཕྱར་གྱི་རྣམས་སོ་ཞེས་པ་ཡིན་ཏེ། མི་སྡུག་པའི་གཟུགས་སྒྲ་དྲི་རེག་བྱ་འདི་དག་ལྟ་བུས་#བསྡིགས་ནའོ། །སྡུག་པ་ནི་#ཉེས་བྱས་ཞེས་པ་ནི་སྡུག་པས་བསྡིགས་ན་ཉེས་བྱས་སུ་འགྱུར་བའོ། །དེ་འང་རྒྱས་པར་སྟོན་པ་ནི། འདི་ལྟ་སྟེ། ལྷ། ཀླུ། དྲི་ཟ། གནོད་སྦྱིན། མིའམ་
[137b.3]ཅི། ལྟོ་འཕྱེ་ཆེན་པོའོ་ཞེས་ཟེར་བ་དང་། གཟུགས་ནི་ནོར་བདག ། ཚོང་དཔོན་དེད་དཔོན་ལ་སོགས་པའི་དང་། སྒྲ་ནི་པི་ཝང་ལ་སོགས་པའི་དང་། དྲི་ནི་ཨ་ཀ་རུ། ཙན་དན། གུར་གུམ། ཏ་མ་ལའི་འདབ་མ་རྣམས་ཀྱི་དང་། རེག་པ་ནི་དར། རས། བེའུ་རས། སེང་རས།
[137b.4]དུ་གུ་ལ། གོ་ཏམ#། འབའ་ཀ་རྣམས་ཀྱིའོ་ཞེས་པ་ཡིན་ཏེ། སྡུག་པའི་གཟུགས་སྒྲ་དྲི་རེག་བྱ་མིང་གིས་སྨོས་པ་འདི་དག་ལྟ་བུས་བསྡིགས་ན་ཉེས་བྱས་སུ་འགྱུར་བའོ། །དམུས་འབྱུང་བའི་ཕྱིར་ནི་མ་གཏོགས་ཞེས་པ་ནི་#ཁོར་བས་དམུས་དབྱུང་བའི་ཕྱིར་བསྡིགས་པ་ནི་ཉེས་མེད་པའོ། །དེ་
[137b.5]ལྟ་བས་ན་སྐྱོ་བ་བསྐྱེད་པའི་ཕྱིར། དམྱལ་བ#། ཡི་དགས། བྱོལ་སོང་རྣམས་ཀྱི་གཏམ་ནི་ཉེས་མེད་ཅེས་པ་ཡིན་ཏེ་འདི་དག་གི་སྡུག་བསྔལ་ཡང་ཞིང་བཟོད་བརླག་#པའི་གཏམ་ནི་ཆེད་དུའང་གྱིས་ཤིག་པའོ། །བསྡིགས་པའོ།། །།#ཇི་ལྟར་བྱས་པས་སྦེད་པའི་ལྟུང་བར་འགྱུར་ཞེ་ན། འདིར་#
[137b.6]རབ་ཏུ་བྱུང་བ་རྣམས་ཀྱི་ལྟུང་བཟེད། གོས་སྣོད། ཁར་#ཕོར། སྐ་རགས་ལ་སོགས་པ་དགེ་སྦྱོང་གི་འཚོ་བའི་ཡོ་བྱད་རྣམས་སྦས་སམ་སྦེད་དུ་བཅུག་ནའོ་ཞེས་པ་ཡིན་ཏེ་མིང་གིས་སྨོས་པའི་#ཡོ་བྱད་འདི་དག་རུང་ཞིང་ཚད་ལ་བབ་པ་བདག་གིས་སྦས་ཀྱང་རུང་གཞན་སྦེད་དུ་བཅུག་ཀྱང་རུང་སྟེ་ལྟུང་
[137b.7]བར་འགྱུར་བའོ། །ཕན་པར་འདོད་པ་ནི་མ་གཏོགས་ཞེས་པ་གནོད་པས་མ་ཡིན་གྱི་ཕན་གདགས་པའི་ཕྱིར་སྦས་པ་ནི་ཉེས་མེད་པའོ། །སྦེད་པའོ།། །།#ཇི་ལྟར་བྱས་པས་སྦྱིན་པ་སྤྱོད་པའི་ལྟུང་བར་འགྱུར་ཞེ་ན། དགེ་སློང་ལ་གོས་གཏན་དུ་བྱིན་ལ་དེས་སྟེར་བ་མེད་པར་སྤྱོད་ནའོ་ཞེས་པ་ཡིན་ཏེ་
[138a]
[138a.1]གོས་གཏན་དུ་སྦྱིན་ལ་དེ་སྤྱོད་དུ་མ་བཅུག་པར་བདག་གིས་ཐུག་#ཐུབ་ཏུ་བྱས་ཏེ་སྤྱད་ན་ལྟུང་བར་འགྱུར་བའོ། །འདིའི་གཞི་ལས་གལ་ཏེ་དགའ་བའི་གདེང་མེད་ནའོ་ཞེས་པ་ནི། བདག་གིས་#སྤྱད་ན་ཕ་རོལ་དགའ་བར་འགྱུར་བའི་གདེང་དྲོད་ཀྱང་མེད་པར་སྤྱོད་ནའོ། །བྱིན་པ་སྤྱོད་
[138a.2]པའོ།། །།#ཇི་ལྟར་བྱས་པས་སྐུར་བའི་ལྟུང་བར་འགྱུར་ཞེ་ན། ཉམས་པར་འདོད་ལ་དགེ་སློང་ནའོ་ཞེས་པ་ལ་སོགས་པ་ཡིན་ཏེ་དགེ་སློང་ལ་ཉམས་པར་ཡང་#འདོད་ལ་སྐུར་བ་#བྱ་བ་དེའང་དགེ་སློང་ཡིན་ནའོ། །འདུ་ཤེས་སྦས་ནའོ་ཞེས་པ་ནི་བདེན་པའི་འདུ་ཤེས་བཅབས་ནའོ། །དགེ་འདུན་གྱི་ལྷག་
[138a.3]མ་བྱུང་ངོ་ཞེས་གླེངས་ནའོ་ཞེས་པ་ནི་དགེ་འདུན་གྱི་ལྷག་མས་སྐུར་ན་ཉེས་པར་འགྱུར་བའོ། །གསལ་པོར་སྐུར་པས་སམ་ཞེ་ན། ཆས་ཀྱང་ངོ་ཞེས་པ་ཡིན་ཏེ་ཆས་སྐུར་ན་ཡང་ལྟུང་བར་འགྱུར་བའོ། །སྐུར་བའི་ལྟུང་བའོ།། །།#ཇི་ལྟར་བྱས་པས་བུད་མེད་དང་འགྲོགས་པའི་ལྟུང་བར་འགྱུར་
[138a.4]ཞེ་ན། ཆེད་ཀར་ལམ་དུ་དོང་ནའོ་ཞེས་པ་ལ་སོགས་པ་ཡིན་ཏེ་བུད་མེད་ལས་བྱེད་ཅེས་པ་ལ་སོགས་པ་རེག་པའི་ལྷག་མ་ལས་བྱུང་བ་དང་སྦྱར་ཞིང་ཆེད་ཀར་འགྲོགས་ན་ལྟུང་བར་འགྱུར་བའོ། །ཅི་སྲིད་དུ་འགྲོགས་པས་ཤེ་ན། རྒྱང་གྲགས་རེ་རེའོ་ཞེས་པ་ཡིན་ནོ། །ཕྱེད་ཕྱེད་ཅིང་ཉེས་བྱས་ཞེས་པ་
[138a.5]ནི་རྒྱང་གྲགས་ཕྱེད་ཅིང་ཉེས་བྱས་སུ་འགྱུར་བའོ། །བུད་མེད་དང་དགེ་སློང་འགྲོགས་སོ་ཅོག་ཉེས་པར་འགྱུར་རམ་ཞེ་ན། བསེལ་བྱེད་#པ་ནི་མ་གཏོགས་ཞེས་པ་#དང་། ལམ་ནོར་བའི་ལམ་སྟོན་ནའོ། །འགྲོ་མ་ནུས་པ་ཁྲིད་པ་ཡང་ངོ་ཞེས་པ་ཡིན་ཏེ་བསེལ་དང་ལམ་མཚོན་པ་དང་། འགྲོ་མ་ནུས་པ་
[138a.6]ཁྲིད་པ་ཙམ་ནི་ཉེས་མེད་པར་སྟོན་པའོ། །བུད་མེད་དང་ལྷན་ཅིག་ཏུ་འགྲོ་བའོ#།། །།རྐུན་པོ་དང་འགྲོགས་པའི་ལྟུང་བར་འགྱུར་བ་#གང་ཞེ་ན། གྲོང་འཇོམས་པའི་རྐུན་པོ་དང་ཤོ་གམ་འདྲལ་བའི་ཚོང་པའོ་ཞེས་པ་ཡིན་ཏེ་ཆེད་ཀར་འགྲོགས་ཞེས་པ་ལ་སོགས་པའི་ཡན་ལག་གཞན་ནི་གོང་མ་ལས་གཞི་བླངས་
[138a.7]ནས་མིང་གིས་སྨོས་པ་འདི་དག་ལྟ་བུ་དང་འགྲོགས་ན་ལྟུང་བའོ། །གཡུང་མ་རྒོད་དང་རྐུན་པོས་རབ་ཏུ་བྱུང་བ་ནི་ཉེས་བྱས་ཞེས་པ་ནི་གཡུང་མ་རྒོད་བྱེད་པ་དང་འགྲོགས་པའམ་ཐུག་#ཐུབ་ཏུ་རབ་ཏུ་བྱུང་བ་དང་འགྲོགས་པ་ནི་ཉེས་བྱས་སུ་སྟོན་པའོ། །རྐུན་པོ་དང་ལྷན་ཅིག་ཏུ་འགྲོ་བའོ།། །།#གང་ཟག་ཇི་ལྟ་བུ་
[138b]
[138b.1]བསྙེན་པར་རྫོགས་པས་ལྟུང་བར་འགྱུར་ཞེ་ན། འབྲིད་ཅེས་པ་ལ་སོགས་པ་ཡིན་ནོ། །འདུ་ཤེས་བརྩན་#པ་གང་ཞེ་ན། བསྙེན་པར་རྫོགས་པར་བྱ་བ་ལོ་ཉི་ཤུར་#མ་ལོན་ནའོ་ཞེས་པ་ཡིན་ཏེ་བསྙེན་པར་རྫོགས་པར་བྱ་བ་ལོ་མ་ཚང་བར་ཤེས་བཞིན་ནའོ#། །ཡན་ལག་གང་གིས་#འདིའི་ཉེས་པར་འགྱུར་ཞེ་ན།
[138b.2]བསྙེན་པར་རྫོགས་པའི་མཁན་པོ་བྱེད་ནའོ་ཞེས་པ་ཡིན་ཏེ་འདི་ལྟ་བུའི་མཁན་པོ་བྱེད་ན་ལྟུང་བར་འགྱུར་བའོ། །དེས་འདིའི་ལོན་པ་མི་དྲི་བ་མ་ཡིན་ཞེས་པ་ནི་བསྙེན་པར་རྫོགས་པར་འདོད་པ་དེའི་ལོ་གྲངས་མཁན་པོས་མི་དྲིར་མི་རུང་བའོ། །གཞན་དག་གིས་ཀྱང་མ་ཡིན་ཞེས་པ་ནི་དགེ་འདུན་གཞན་གྱིས་ཀྱང་མི་
[138b.3]དྲིར་མི་རུང་བའོ། །འདིའི་མ་རྟོགས་#ན་བསྙེན་པར་རྫོགས་པར་མི་བྱ་ཞེས་པ་ནི་དེའི་ལོ་ཚིགས་#མ་ངེས་ན་བསྙེན་པར་རྫོགས་པར་མ་བྱས་#ཤིག་པའོ། །མདོར་ན་ལོ་ཉི་ཤུར་ལོན་པ་བསྙེན་པར་རྫོགས་པ་འགྲུབ་ཅེས་པ་ནི་ལོ་ཉི་ཤུར་ལོན་པར་བརྩན་#པར་སྟོན་པའོ། །གཞན་ཡང་ལོན་པར་#འདུ་ཤེས་ནའོ་ཞེས་
[138b.4]པ་ནི་ལོ་ཉི་ཤུར་མ་ལོན་ཡང་ལོན་པའི་འདུ་ཤེས་ཡོད་ན་ཡང་རུང་བའོ། །མ་རྟོགས། མི་དྲན། ཐེ་ཚོམ་པ་ཡང་ངོ་ཞེས་པ་ནི་ཉི་ཤུར་#ལོན་ཁན་པོ་ལ་སོགས་པས་མ་རྟོགས་ཤིང་མི་དྲན་ནམ་སོམ་ཉི་ཡོད་བཞིན་ན་ཡང་རྫོགས་པར་འདོད་པ་དེ་ལ་ལོན་པའི་འདུ་ཤེས་ཡོད་ན་རུང་བར་སྟོན་པའོ། །ཤེས་ན་ནི་དེ་
[138b.5]འཇིག་ཅེས་པ་ནི་ལོ་མ་ཚང་བ་ལ་སོགས་པ་ཉིད་ཀྱིས་འཕྲིགས་ན་སྡོམ་#པ་འཇིག་པར་སྟོན་པའོ། །གོར་མ་ཆག་པར་དེ་ལྟའམ་ཞེ་ན་དེ་མ་ཡིན་ཏེ་ལོན་པར་གྱུར་ནའོ་ཞེས་པ་ནི་ལོ་ཚང་ན་ཡིད་འཕྲིགས་སྐྱེས་སུ་ཟིན་ཀྱང་སྡོམ་པ་མི་འཇིག་པར་སྟོན་པའོ། །འཕྲིགས་པའི་ཚེ་ལོ་ཚིགས་ཅིས་བཟུང་ཞེ་ན། མངལ་
[138b.6]དང་ལྷག་པའི་ཟླ་བ་གཏོགས་པར་རོ་ཞེས་པ་ནི་མངལ་གྱི་ཆ་དང་ཤོལ་གྱི་ཆས་རྩིས་ཤིག་པའོ། །དང་པོ་རྫོགས་པའི་ཚེ་ལོ་ཚིགས་འདི་དག་#སྦྱར་ན་བསྙེན་པར་རྫོགས་པ་མི་འགྲུབ་པ་ནི་མེད་ཀྱི་རྫོགས་#པར་བྱེད་པ་ལ་ཉེས་པར་#འགྱུར་བས་ན་དང་པོའི་ཚེ་འདི་དང་མ་སྦྱོར་ཅིག་པའོ། །མཚང་བར་བསྙེན་པར་
[138b.7]རྫོགས་པའོ།། །།#ཇི་ལྟར་བྱས་པས་ས་#རྐོ་བའི་ལྟུང་བར་འགྱུར་ཞེ་ན། རྐོ་འམ་རྐོར་#བཅུག་ནའོ་ཞེས་པ་ལ་སྩོགས་པ་ཡིན་ནོ། །དེ་ལ་རྐོ་བའི་འཇོར་ལ་སོགས་པས་བསྣུན་བའི་གྲངས་བཞིན་དུ་སྦྱོར་བ་དང་རྩ་བར་བརྩིའོ། །བརྐོས་སམ་རྐོར་#བཅུག་པ་ཅི་ལ་ཞེ་ན། ས་སྣག་ནའོ་ཞེས་པ་ཡིན་ཏེ་གསེག་
[139a]
[139a.1]མ་#འམ་གྲམ་ས་མ་ཡིན་གྱི་སྣག་གི་ཡིན་#ནའོ། །དགེ་སློང་ངོ་ཅོག་#ལ་ཉེས་པར་འགྱུར་རམ་ཞེ་ན་ལས་སར་པ་པ་ཚེས་གྲངས་དང་སྦྱོར་ལ་རུང་བར་བྱེད་པ་མེད་ན་ཕུར་བུ་སོར་བཞི་ཙམ་འདེབས་པ་ནི་མ་གཏོགས་ཞེས་པ་ཡིན་ཏེ་ལས་སར་པ་པ་རྐྱེན་འདི་དག་ལྟ་བུས་ཐེབས་པའི་ཚེ་འདི་ཙམ་གྱིས་ཚོད་#
[139a.2]བཏབ་ཀྱང་བླ་བར་སྟོན་པའོ། །ས་ཇི་ལྟ་བུ་ལས་ཉེས་པ་ཅི་འདྲ་བར་འགྱུར་ཞེ་ན། རང་བཞིན་ནི་རྩ་བའོ་ཞེས་པ་དང་། མ་ཡིན་ན་ནི་ཉེས་བྱས་ཞེས་པ་ཡིན་ཏེ་སའི་རང་བཞིན་ཡིན་ནམ་མ་ཡིན་པ་ལས་ཉེས་བྱས་དང་ལྟུང་བར་སྟོན་པའོ། །སའི་རང་བཞིན་ཇི་ལྟ་བུ་ཡིན་པ་སྟོན་པ་ནི། ཕུང་པོ་ཟླ་བ་གསུམ་དུ་
[139a.3]བཞག་ན་སྔ་མའོ་ཞེས་པ་ནི་ས་ཕུང་ཟླ་བ་#གསུམ་གྱི་བར་དུ་ལུས་ན་སའི་རང་བཞིན་ཡིན་བར་སྟོན་པའོ། །ནམ་ཡང་རུང་གིས་དེ་ལྟའམ་ཞེ་ན། ཆར་རྒྱུན་དུ་བབ་ནའོ་ཞེས་པ་ཡིན་ཏེ་ཆར་རྟག་ཏུ་བབ་ན་གདོད་གོང་མ་ལྟར་འགྱུར་བའོ། །ཆར་མ་བབ་ན་ཇི་ཙམ་གྱིས་#རང་བཞིན་དུ་འགྱུར་ཞེ་ན། གཞན་དུ་ན་དྲུག་
[139a.4]ཅེས་པ་ཡིན་ཏེ་ཆར་མ་བབ་ན་ཟླ་བ་དྲུག་གིས་#རང་བཞིན་དུ་འགྱུར་བའོ། །རྩིག་པ་ས་མ་ཡིན་པར་མ་རེ་ཤིག་ཅེས་ན་#རྩིག་པ་ཡང་སའི་རང་བཞིན་དུ་སྟོན་པའོ། །བསྡུས་པའི་མཚན་ཉིད་ནི་ཕལ་ཆེ་བ་བརྩན་#ནོ་ཞེས་པ་ནི་ས་བཅུ་ལ་སོགས་པ་གོ་འདུན་དང་འདྲེས་པ་ཞིག་ན་གང་ཕལ་ཆེ་བ་#དེ་བརྩན་བར་གྱིས་ཤིག་
[139a.5]པའོ། །དེ་ལྟ་བས་ན་རྫས་ཉུང་དུ་དང་འདྲེས་པ་རིལ་གྱིས་སོ་ཞེས་པ་ནི་འདྲེས་ན་གང་ཉུང་བ་དེ་ཕལ་ཆེའི་ཁོངས་སུ་བསྡུས་པར་#སྟོན་པའོ། །ཚིག་པ་ནི་ཉམས་པའོ་ཞེས་པ་ནི་ས་ཚིག་པ་ནི་སའི་རང་བཞིན་ལས་ཉམས་པར་སྟོན་པའོ། །ཉམས་པ་ནི་ཕྱེད་དོ་ཞེས་པ་#གོང་མ་ལྟ་བུའི་ཉམས་པ་#བརྐོས་ན་ཉེས་
[139a.6]བྱས་སུ་སྟོན་པའོ། །ས་ཞག་གད་པ། རྩིག་པ། སྐྱང་ནུལ་རྣམས་གོགས་པ་ཡང་ངོ་ཞེས་པ་ནི་འདི་དག་གོགས་པ་ལྷགས་#ན་ཡང་ཉེས་བྱས་སུ་སྟོན་པའོ། །གསེག་མ་དང་བྱེ་མ་ལ་སོགས་པ་ཕལ་ཆེ་བ་ཡང་ངོ་ཞེས་བ་ནི་བྱེ་མ་དང་གསེག་མ་མང་བ་བརྐོས་#ན་ཡང་ཉེས་བྱས་པའོ། །བྱེད་པ་ཡང་
[139a.7]ངོ་ཞེས་པ་ནི་འོག་ནས་འབྱུང་བ་ལྟར་བྱེད་པ་ཡང་ཉེས་བྱས་སུ་སྟོན་པའོ། །དེ་གང་ཞེ་ན་ཕུར་པ་འབྱིན་པའི་#རི་མོ་འདྲེན་པ་ལྕི་བ་བླངས་#པའི་ཞར་ལས་གོགས་པ་དམ་བསྒུལ་བ་བུམ་#པ་འཕྱང་བ་#ལ་ཆགས་པ་ནི་སྙི་བར་འབྱུང་བའི་དངོས་ཉིད་རྣམས་སོ་ཞེས་པ་རྣམས་རྐོས་ཤིང་བྲུས་པ་ནི་ཉེས་བྱས་སུ་འགྱུར་
[139b]
[139b.1]བའོ། །རྩ་བ་དང་ཉེས་བྱས་སུ་འགྱུར་བ་དེ་དག་བསམ་པ་ཇི་ལྟ་བུ་ཞེ་ན། འདིར་ཉམས་པ་བསམས་ན་དེའོ་ཞེས་པ་ཡིན་ཏེ་ཆེད་དུ་ཉམས་པར་བསམས་ན་གདོད་དེ་དག་ལྟར་འགྱུར་བའོ། །དེ་ལྟ་བས་བརྩི་བ་དང་འགྲོ་བ་ལ་སོགས་པའི་བསམ་#པས་ཉེས་མེད་ཅེས་པ་ཡིན་ཏེ་རྩིས་བྱས་པ་དང་འགྲོ་#བའི་བསམ་
[139b.2]པས་བྲུད་ཅིང་རློགས་#པར་གྱུར་པ་ནི་ཉེས་མེད་པའོ། །ས་འཇིག་པའོ།། །།#བོས་པ་བོས་#པར་སློང་བའི་ལྟུང་བ་སྟོན་པ་ནི། མ་བོས་པར་མི་བསླང་ཞེས་པ་ལ་སོགས་པ་ཡིན་ཏེ། མ་བོས་པ་ལ་སློང་དུ་མི་རུང་བར་ནི་གོང་དུ་ཡང་བསྟན་པས་ན་བོས་སུ་ཟིན་གྱིས་ཀྱང་མ་བོས་#པར་སློང་བ་མ་བྱེད་ཅིག་
[139b.3]པའོ། །དུས་མ་བསྙད་#ཅིང་དེར་མི་རེ་ན་ཟས་ལ་གཉེར་བའི་ཁྱིམ་དུ་འོང་བ་རིགས་སོ་ཞེས་པ་ནི་ཁྱིམ་པས་མགྲོན་དུ་གཉེར་ལ་གདུགས་ཚོད་ཀྱི་ཁར་སྤྱན་འདྲེན་ཡོད་དུ་མི་རེ་ན་བདག་ཅག་ཉིད་དེའི་ཁྱིམ་དུ་དངེ་ཤིག་པའོ། །དུས་ཀྱིས་མི་ཐུབ་ན་འདྲེན་#པར་བསྐུལ་བ་ཡང་ངོ་ཞེས་པ་ནི་གདུགས་ཚོད་ཀྱིས་#མི་ཐུབ་ན་
[139b.4]མྱུར་དུ་འདྲེན་#པར་བདག་ཅག་ཉིད་ཀྱིས་སྐུལ་ཅིག་པའོ། །ཚིག་དེ་#ཉི་ཚེ་ལ་འགལ་#རྟག་ཏུ་མ་ཡིན་ཞེས་པ་ནི་གསོལ་བ་ལ་སོགས་པའི་ལས་མ་གཏོགས་པར་འཕྲལ་གྱི་བྱ་བ་རྣམས་དོན་དེར་འགྲོ་ཞིང་འགལ་བ་མེད་ན་གཞུང་ལས་འབྱུང་བའི་ཚིག་ཉི་ཚེ་ལྟོས་ཤིག་པའོ། །སོ་སོར་བོས་པ་བདག་
[139b.5]གིར་བྱ་ཞེས་པ་ནི་ཡོན་བདག་གིས་དགེ་འདུན་སོ་སོར་བཀར་ཏེ་བོས་ན་ཡང་སོང་ཤིག་པའོ། །དགེ་འདུན་སྤྱིས་གཉེར་བའི་ཚེ་གང་ཟག་གུད་དུ་གར་ཞིང་ཟ་བ་#མི་རིགས་པར་#དོགས་པ་བསྩལ་#བའི་ཕྱིར། དགེ་འདུན་དང་ལྷན་ཅིག་ཏུ་བོས་ཀྱང་ངོ་ཞེས་པ་ཡིན་ཏེ་དགེ་འདུན་གླེངས་ཀྱིས་#བོས་ཀྱང་གུད་དུ་གར་ཏེ་
[139b.6]ཟོས་པ་ནི་ཉེས་མེད་པར་སྟོན་པའོ། །དུས་ཐམས་ཅད་ཀྱང་ངོ་ཞེས་པ་ནི་གཏན་དུ་#བོས་ན་ཡང་མི་རུང་བ་མེད་ཀྱིས་དེར་ཁས་ལོང་ཤིག་པའོ། །ཇི་ལྟར་བྱས་པས་བོས་པ་ལས་ལྷག་པར་སློང་བའི་ཉེས་པར་འགྱུར་ཞེ་ན། ཚད་བཙུགས་#པ་མེད་པར་བོས་པ་དང་གཞན་དུ་དང་། ཡང་དང་ཡང་དང་།
[139b.7]ཤིན་དུ་བ་ལས་ལྷག་པར་མ་བོས་ན་ཟླ་བ་བཞི་ལོན་པ་ལས་ལྷག་པར་བཤགས་པ་ཟ་ནའོ་ཞེས་པ་ཡིན་ཏེ་ཡུན་འདི་སྲིད་ཀྱི་བར་དུ་བདག་གི་དེར་གཤེགས་སུ་གསོལ་ཞེས་ཚད་ཆད་པར་མ་བྱས་པ་དང་། འདི་སྲིད་ཀྱི་#བར་དུ་གཤེགས་པར་གསོལ་ཞེས་དུས་ཀྱི་ཚད་ཆད་པར་བྱས་པ་དང་། ཡང་དང་ཡང་
[140a]
[140a.1]སྣོན་པ་དང་སྙིང་ནས་བོས་པ་རྣམས་མ་ཡིན་ལ་ཟླ་བ་བཞི་ལས་ལྷག་པར་#ཡོན་བདག་དེའི་ཟས་ཟོས་ན་ལྟུང་བར་འགྱུར་བའོ། །སློང་བ་ཉེས་བྱས་ཞེས་པ་ནི་གོང་མ་ལྟ་བུར་མ་ཟོས་པར་སློང་བའི་ཚེ་ཉེས་བྱས་སུ་སྟོན་པའོ། །ནད་པ་ཉེས་མེད་ཅེས་པ་ནི་ནད་པ་ནི་#གོང་མ་ལྟ་བུའི་ཚེ་
[140a.2]བསླངས་ཏེ་ཟོས་ཀྱང་བླ་བར་སྟོན་པའོ། །གཉེན་ཡང་ངོ་ཞེས་པ་ནི་གོང་མ་ལྟ་བུའི་ཚེ། གཉེན་ལ་བསླངས་#ཀྱང་བླ་བའོ། །འཁྱམས་པ་#སྔ་མ་དང་ཐ་དད་ཅེས་པ་ནི། ཟླ་བ་བཞིའི་བར་དུ་ཡོན་བདག་གིས་གཉེར་བའི་ཚེ། དགེ་སློང་ལས་བབས་པ། ཕྱིར་སླར་ཞུགས་ན་སྔོན་གཉེར་བའི་དུས་དེ་ལ་བརྟེན་དུ་
[140a.3]མི་རུང་བར་སྟོན་པའོ། །དེ་ལྟ་བུས་སྔ་མ་ལ་#བརྟེན་ཏེ། ཟོས་པའི་ཉེས་པ་ཅིར་འགྱུར་ཞེ་ན། དེ་མ་ཟོས་པའི་ཉེས་པར་བྱེད་ཅེས་པ་ཡིན་ཏེ། བསོད་པ་སློང་བའི་ཉེས་པར་སྟོན་པའོ#། །སྔ་རོལ་ན་ཡང་གང་ཡང་མ་བོས་པའོ་ཞེས་བ་ཟླ་བ་བཞིའི་ཚེ་སྦྱིན་པར་མ་བྱས་པའི་ཟས་བསླངས་ཏེ་ཟོས་ན་ཡང་བསོད་པ་སློང་
[140a.4]བའི་ཉེས་པར་སྟོན་པའོ། །བོས་པ་བོས་པར་སྟོན་པའོ།། །།#ཇི་ལྟར་བྱས་པས་བསླབ་པ་སྟོན་པ་ལས་བཟློག་#པའི་ལྟུང་བར་འགྱུར་ཞེ་ན། འབྲིད་ཅེས་པ་ལ་སོགས་པ་ཡིན་ནོ། །འདུ་ཤེས་བརྩན་པ་གང་ཞེ་ན། མངོན་པར་ཤེས་པ་ཡིན་ནའོ་ཞེས་པ་ཡིན་ཏེ། སློབ་#པ་སྟོན་པའི་དགེ་སློང་དེ་ཤེས་པ་དང་
[140a.5]ལྡན་བར་བདག་གིས་ཤེས་ལ་སླར་བཟློག་#ན་ཉེས་པར་འགྱུར་བའོ། །མངོན་པར་ཤེས་པ་#སུ་ཞེ་ན། ཟེར་བའོ་ཞེས་པ་ཡིན་ཏེ་གང་སྟོན་ཅིང་སྨྲ་བ་དེ་ལའོ། །ཅི་ངོན་པར་ཤེས་ཤེ་ན། བསླབ་པའོ་ཞེས་པ་ཡིན་ཏེ། འདུལ་བ་ལས་འབྱུང་བའི་བསླབ་པ་མངོན་པར་ཤེས་པ་ནའོ། །གང་གིས་ལྟུང་བར་#
[140a.6]བྱེད་ཅེ་ན། དགེ་སློང་གིས་འདིར་#བསླབ་པར་གྱིས་ཤིག་ཅེའམ། ཐོན་ཅིག་ཅེས་ཟེར་ན་མི་སློབ་བོ་ཞེས་ཉན་དུ་མི་ཐུབ་པས་བསྒོ་བ་ལ་མི་ཤེས་པར་ཁ་ཙས་ཟེར་ཞིང་བརྙས་པར་བྱེད་པའོ་ཞེས་པ་ཡིན་ཏེ་དགེ་སློང་ཕ་རོལ་པོས་ཚིག་འདི་སྐད་དུ་བསྟན་ན་ཆ་ཉན་དུ་མི་རུང་བས་ཁ་ཙས་ཟེར་ན་ལྟུང་བར་སྟོན་པའོ། །
[140a.7]མདོའི་ལ་#ནི་ཉེས་བྱས་ཞེས་པ་ནི་མདོ་ལས་འབྱུང་བའི་བསླབ་པ་ཤེས་པ་ལ་ཁ་ཙས་ཟེར་ན་ཉེས་བྱས་སུ་སྟོན་པའོ། །བསླབ་པ་སྟོན་པ་ལས་བཟློག་པའོ།། །།#ཇི་ལྟར་བྱས་པས་ཉན་པའི་ལྟུང་བར་འགྱུར་ཞེ་ན། དགེ་སློང་གཉིས་རྩོད་པའི་ཕྱིར་དགེ་སློང་དག་གྲོས་བྱེད་པ་ལ་ཞི་བར་འདོད་པ་མ་ཡིན་པར་ཉན་
[140b]
[140b.1]ནའོ་ཞེས་པ་ལ་སོགས་པ་ཡིན་ཏེ། དགེ་སློང་རྩོད་པ་སྡུམ་#པའི་གྲོས་བྱེད་པ་ལ་ཞི་བར་འདོད་པ་མ་ཡིན་པས་ཉན་ན་ལྟུང་བར་སྟོན་པའོ། །ཇི་ལྟར་ཉན་པ་ལས་ཉེས་པའི་རིམ་པར་འགྱུར་ཞེ་ན། ཚིག་གི་#ཉི་ཚེ་ཐོས་པ་ནི་ཉེས་མེད་#ཤེས་པ་དང་། དོན་ནི་རྩ་བའོ་ཞེས་པ་ཡིན་ཏེ་དོན་མ་ཐོས་ལ་ཚིག་ཐོས་པ་དང་དོན་
[140b.2]ཉིད་ཐོས་ན་ཉེས་བྱས་དང་ལྟུང་བར་སྟོན་པའོ། །མཉན་ཏོ་ཅོག་གིས་ཉེས་པར་འགྱུར་རམ་ཞེ་ན། ཅི་ནས་དཀྲུགས་པར་བརྟུལ་ནའོ་ཞེས་པ་#ཡིན་ཏེ། དཀྲུགས་པའི་ཚད་དུ་མཉན་ན་གདོད་ཉེས་པར་འགྱུར་བའོ། །དོན་གཞན་གྱི་ཆེད་དང་དབང་གིས་སྟེང་དུ་འབབ་པ་ལྟ་ན་འཕྲིགས་#མ་ཐག་ཏུ་ཏིང་#སྒྲའམ། སེ་གོལ་
[140b.3]ལམ། ལུད་པ་བསྩལ་#བ་ལ་སོགས་པའི་སྒྲས་མ་སྦྲན་ཏམ། མ་འཕྲིགས་སམ། ཞི་#བའི་ཕྱིར་མ་ཡིན་#ཡང་ལྟུང་བ་གདོན་མི་ཟ་བར་བྱེད་ཅེས་པ་ནི་ཆེད་དུ་མཉན་པར་མ་བྱས་སམ་གྲོས་བྱེད་པར་མ་འཕྲིགས་སམ། སྡུམ་#བར་དགའ་བ་མ་ཡིན་བས། གྲོས་བྱེད་པའི་སྟེང་དུ་བབ་ན་ཡང་ལྟུང་བར་སྟོན་པའོ། །འཐབ་པ་
[140b.4]མི་སྦེད་ཅེས་པ་ནི་འཐབ་གཅུགས་#མ་བྱེད་ཅིག་པའོ། །མི་མཉན་ཞེས་པ་ནི་འཐབ་པ་ལ་ཉན་ཀྱང་མཉན་ཅིག་པའོ། །འདི་བསྐོར་#ལ་འདུག་པར་མི་བྱ་ཞེས་པ་ནི་འཐབ་པ་དེའི་མཐའ་བསྐོར་ལ་འཁོད་པ་ལྟ་བུ་མ་བྱེད་ཅིག་པའོ། །གཅུགས་#པའི་ནན་ཏན་མི་བྱ་བ་མ་ཡིན་ཞེས་པ་ནི་འཐབ་པ་གཅུགས་#པའི་ནན་ཏན་མ་ཆུད་
[140b.5]ཤིག་པའོ། །མཉན་བར་གཏོགས་པའོ།། །།#ཇི་ལྟར་བྱས་པས་ཚོགས་པ་འཇིག་པའི་ལྟུང་བར་འགྱུར་ཞེ་ན། །གསོལ་བ་ལ་སོགས་པའི་ལས་ལ་འདུས་#པ་ལས་དགེ་སློང་ལ་མ་བྱས་པར་སོང་ནའོ་ཞེས་པ་ལ་སོགས་པ་ཡིན་ཏེ་དགེ་འདུན་གསོལ་བ་ལ་#སོགས་པའི་ལས་བྱེད་པའི་ནང་དུ་བདག་ཀྱང་འོངས་པ་ལས་དགེ་སློང་
[140b.6]གཞན་བྱས་པར་དེའི་ནང་ནས་བྱུང་སྟེ། གུད་དུ་སོང་ན་ལྟུང་བར་འགྱུར་བའོ། །ཇི་ཙམ་དུ་སོང་བས་ལྟུང་བར་འགྱུར་ཞེ་ན། ཐོས་པའི་ཉེས་#འཁོར་ལས་འདས་ན་#རྩ་བའོ་ཞེས་པ་ཡིན་ཏེ་ལས་བྱེད་པའི་ཐ་སྙད་མི་ཐོས་པར་ཐལ་ན་གདོད་ཉེས་པར་འགྱུར་བའོ། །སྔ་རོལ་ཉེས་བྱས་ཞེས་པ་ལ། ཐོས་པ་ལས་མ་འདས་
[140b.7]པ་ཚུན་ཆད་ཉེས་བྱས་སུ་འགྱུར་བའོ། །རིགས་#པའི་དོན་མེད་པར་སོང་ནའོ་ཞེས་པ་ནི་རིགས་པའི་དོན་ཆེད་པར་སོང་ན་དགེ་སློང་གཞན་བྱས་ཏེ་སོང་ཡང་ཉེས་པར་མི་འགྱུར་བའོ། །གསོལ་བ་བྱས་ཏེ་ནའོ་ཞེས་པ་ནི་གསོལ་བ་བྱས། ལས་ནི་མ་བྱས་པའི་སྐབས་སུ་#སོང་ན་ཉེས་བྱས་སུ་འགྱུར་བའོ། །ཆོས་
[141a]
[141a.1]མ་ཡིན་པའི་ལས་ནའོ་ཞེས་པ་ནི་དགེ་འདུན་ལས་མི་རིགས་པ་བྱེད་པའི་ནང་ནས་གུད་དུ་སོང་ན་ཡང་ཉེས་བྱས་སུ་འགྱུར་བའོ། །ཐོས་པའི་ཕྱོགས་འདའ་བར་མི་འདོད་ན་ཉེས་མེད་ཅེས་པ་ནི་དགེ་འདུན་ལས་བྱེད་པའི་ཐ་སྙད་ཀྱང་ཟླ་ལ་ཉན་བཞིན་དུ་གྲལ་ནས་འཕགས་པ་ཙམ་ནི་ཉེས་མེད་པར་སྟོན་པའོ། །
[141a.2]ཚོགས་པ་འཇིག་པའོ།། །།#ཇི་ལྟར་བྱས་པས་མ་གུས་པའི་ལྟུང་བར་འགྱུར་ཞེ་ན། འདུག་སོང་། མལ་ཆ་དང་། གནས་ཁང་ནོས་སྨྲོས་#ཞེས་པ་དང་། དེ་ལས་བཟློག་པ་ལ་སོགས་པའི་དོན་སྟོན་ན་ཆོས་ཀྱི་སྙད་མེད་ཅིང་མ་གུས་པར་འགལ་བ་བྱེད་ནའོ་ཞེས་པ་ལ་སོགས་པ་ཡིན་ཏེ། འདུག་སོང་ཞེའམ་མ་
[141a.3]འདུག་མ་འགྲོ་ཞེས་པ་ལ་སོགས་པ་ཚུས་#སྙད་པའི་དོན་བཞིན་དུ་མ་བྱེད་ཅིག #། རྣེགས་པའམ་མ་གུས་པར་བྱེད་ན་ལྟུང་བར་འགྱུར་བའོ། །དགེ་སློང་གི་དགེ་འདུན་གྱིས་ན་རྩ་བའོ་ཞེས་པ་ནི་དགེ་འདུན་གྱིས་བསྒོ་བའི་བཀའ་བཅག་ན་ལྟུང་བར་འགྱུར་བའོ། །མཁན་པོ་དང་སློབ་དཔོན་གྱིས་ན་ཉེས་བྱས་ཞེས་པ་
[141a.4]ནི་མཁན་པོ་དང་སློབ་དཔོན་གྱི་ངག་བཅག་ན་ཡང་ཉེས་བྱས་སུ་འགྱུར་བའོ། །ཆོས་མ་ཡིན་པ་བསྒོ་བ་ཡང་ངོ་ཞེས་པ་ནི་མི་རིགས་པ་བསྒོ་བ་མ་མཉན་ན་ཡང་ཉེས་བྱས་སུ་འགྱུར་བའོ། །གཏམ་གྱི་བར་དུ་གཅོད་པ་ཡང་དེ་བཞིན་ཞེས་པ་ནི་མཁན་པོ་དང་དགེ་འདུན་ལྟ་བུ་ལ་སོགས་པ་བཙུན་པ་གཏམ་ཟེར་བའི་བར་དུ་གཅོད་ན་
[141a.5]ཡང་དག་བཅག་པ་དང་འདྲ་བས། ལྟུང་བ་ལ་སོགས་པའི་རིམ་པ་བཞིན་དུ་ཉེས་པར་འགྱུར་བའོ། །དགེ་འདུན་གྱིས་བསྐོས་པའི་སྣ་བོ་ཡང་ངོ་ཞེས་པ་ནི་དགེ་འདུན་གྱིས་ལས་སུ་བསྐོས་པའི་དགེ་སློང་གི་ངག་བཅག་ན་ཡང་དགེ་འདུན་གྱི་བཀའ་བཅག་པ་དང་འདྲ་བར་སྟོན་པའོ། །སངས་རྒྱས་ནི་དགེ་འདུན་བཞིན་ཞེས་པ་
[141a.6]ནི་ཕྲན་ཚེགས་འདི་དག་ཙམ་གྱི་#ཚོད་བཅོམ་ལྡན་འདས་ཀྱིས་གསུངས་པ་#མི་རིགས་སོ་ཞེས་སངས་རྒྱས་ཀྱི་བཀའ་བཅག་ན་ཡང་ལྟུང་བར་སྟོན་པའོ། །རྒྱལ་པོ་དང་དགྲ་བཅོམ་པ་དང་དགེ་འདུན་གྱི་གནས་བརྟན་གྱི་དག་མི་བཅག་ཅེས་པ་ནི་འདི་དག་གི་#ངག་མ་གཅོག་ཤིག་པའོ། །མ་གུས་པར་གཏོགས་པའོ།། །།#ཇི་ལྟར་
[141a.7]བྱས་པས་ཆང་འཐུང་བའི་ལྟུང་བར་འགྱུར་ཞེ་ན། མྱོས་པར་འཐུང་ནའོ་ཞེས་པ་ལ་སོགས་པ་ཡིན་ཏེ། ར་རོ་བར་འཐུང་བར་འགྱུར་ན་ལྟུང་བར་སྟོན་པའོ། །བསྐོལ་ན་དེ་ལས་ཉམས་སོ་ཞེས་པ་ནི་བསྐོལ་ན་དེའི་རོ་ཉམས་པར་སྟོན་པའོ། །སྦང་མ་དང་ཚིགས་མ་ཟོས་ན་དེར་གཏོགས་སོ་ཞེས་པ་ནི་སྦང་མ་དང་རྒུན་ཆང་གི་
[141b]
[141b.1]ཚིགས་མ་ཟོས་ན་ཡང་ལྟུང་བར་འགྱུར་བའོ། །ཕབས་ནི་ཕྱེད་དོ་ཞེས་པ་ནི་ཕབས་ཟོས་ན་ཉེས་བྱས་སུ་འགྱུར་བའོ། །མྱོས་པར་འགྱུར་བའི་རྩ་བ། སྡོང་པོ། འདབ་མ་མེ་ཏོག ། འབྲས་བུ་རྣམས་ཀྱང་ངོ་#ཞེས་པ་ནི། ར་རོ་བར་འགྱུར་བའི་རྩ་བ་ལ་སོགས་པ་ཟོས་ན་ཡང་ཉེས་བྱས་སུ་སྟོན་པའོ། །འཐུང་བ་ཆང་གི་
[141b.2]དྲི་དང་རོ་ནི་ཡོད་ལ་མྱོས་པར་མི་འགྱུར་བ་ཡང་ངོ་ཞེས་པ་ནི་མྱོས་པར་ནི་མི་འགྱུར་ལ་ཆང་གི་དྲི་དང་རོ་ནི་ཡོད་པ་འཐུངས་ན་ཡང་ཉེས་བྱས་སུ་འགྱུར་བའོ། །ཁ་དོག་ཙམ་གྱི་ཚོད་ཆད་དང་འདྲ་བ་ནི་ཉེས་མེད་ཅེས་པ་ནི་རྒུན་ཆུ་ལ་སོགས་པ་འདི་ལྟ་བུ་འཐུངས་ན་ཉེས་མེད་པའོ། །མཁུར་བར་འཇོག་པ་དང་ཡན་ལག་འཁྲུ་བ་
[141b.3]ནི་སྦྱོར་བ་བཞིན་ཞེས་པ་ནི་ཆང་མཁུར་བ་ན་འཇོག་པ་ཆང་གིས་#ཡན་ལག་བཀྲུ་བ་ནི་ཉེས་བྱས་སུ་འགྱུར་བའོ། །ནད་པ་ནི་ཉེས་མེད་ཅེས་པ་ནི་ནད་པས་གོང་མ་ལྟར་བྱས་པ་ནི་ཉེས་མེད་པའོ། །ཆང་འཐུང་བའོ།། །།#ཇི་ལྟར་བྱས་པས་དུས་#མ་ཡིན་པར་འགྲོ་བའི་ལྟུང་བར་འགྱུར་ཞེ་ན། འབྲིད་ཅེས་པ་ལ་སོགས་
[141b.4]པ་ཡིན་ནོ་འདུ་ཤེས་བརྩན་#པ་གང་ཞེ་ན། དུས་མ་ཡིན་པར་ནའོ་ཞེས་པ་ཡིན་ཏེ། དུས་མ་ཡིན་པར་ཤེས་ན། གདོད་ཉེས་པར་འགྱུར་བའོ། །དགེ་སློང་ཡོད་ལམ་བྱས་ནའོ་ཞེས་བྱ་བ་ནི། དུས་མ་ཡིན་པར་འགྲོ་བའི་ཚེ་དགེ་སློང་ཡོད་ལ་དེ་བྱས་པར་སོང་ན་ཉེས་པར་འགྱུར་བའོ། །གར་སོང་བས་ཤེ་ན།
[141b.5]གྲོང་དུ་འཇུག་ནའོ་ཞེས་པ་ཡིན་ཏེ་གྲོང་དུ་སོང་ན་གདོད་ཉེས་པར་འགྱུར་བའོ། །དེ་ལྟར་སོང་ངོ་ཅོག་#གིས་སམ་ཞེ་ན། གལ་ཏེ་བརྟད་པར་བྱ་བས་མ་ཐེབས་#ནའོ་ཞེས་པ་ཡིན་ཏེ་དགེ་སློང་དང་འཚོ་བའི་བར་ཆད་དུ་འགྱུར་བ་ལ་སོགས་པ་བརྟད་པའི་རྐྱེན་གྱིས་#མ་ཐེབས་པར་སོང་ན་གདོད་ཉེས་པར་འགྱུར་བའོ། །གུད་དུ་
[141b.6]འགྲོ་བ་ནི་ཉེས་བྱས་ཞེས་པ་ནི་གྲོང་གཅིག་ཏུ་འགྲོ་བར་#བྱས་ཏེ་སོང་བ་ལས་གྲོང་གཞན་དུ་འཕྱར་ཏེ་སོང་ན་#ཉེས་བྱས་སུ་འགྱུར་བའོ། །དགེ་སློང་མེད་ན་དགེ་སློང་མ་ཡང་དེ་བཞིན་ཞེས་པ་ནི་གྲོང་དུ་འགྲོ་བའི་ཕྱི་ནས་དགེ་སློང་ལ་བྱར་དགེ་སློང་མེད་ན་དགེ་སློང་མ་ལ་གྱིས་ཤིག་པའོ། །དེ་#ཡང་ན་དགེ་ཚུལ་ལའོ་ཞེས་
[141b.7]པ་དང་དེ་ཡང་ན་དགེ་སློབ་མ་ལའོ་ཞེས་པ་དང་། དེ་ཡང་ན་དགེ་ཚུ་ལའོ་ཞེས་པ་ནི་གོང་མ་མེད་ན་འོག་མ་ལ་རིམ་#བཞིན་དུ་གྱིས་ཤིག་པའོ། །བརྡ་མི་ཕྲད་ན་ནི་ཡོད་པ་མ་ཡིན་ཞེས་པ་ནི་འོན་ཞིང་ལྐུགས་པ་དང་ལྷོ་བལ་ལྟ་བུ་བརྡ་མི་ཕྲད་པ་ལ་བྱས་པ་ནི་བྱས་ཤིང་བསྒོ་བར་མི་ཆུད་པའོ། །མཚམས་ཐ་
[142a]
[142a.1]དད་པ་ན་འདུག་པ་དང་བཀར་བ་དང་། གཞན་གྱི་#ཕྱོགས་རྣམས་ཀྱང་ངོ་ཞེས་པ་ནི་ནམ་མཁའ་ལ་འདུག་པ་ལྟ་བུ་ལ་བྱས་པའམ། བཀར་བའི་དགེ་སློང་ལ་བྱས་པའམ། ལྷ་སྦྱིན་གྱི་ཕྱོགས་སུ་སོང་བ་ལྟ་བུ་ལ་བྱས་པ་ནི་བྱས་ཀྱང་མི་ཕན་པར་#སྟོན་པའོ། །འཕྲུལ་གྱིས་ནི་ཉེས་མེད་ཅེས་པ་
[142a.2]ནི་རྫུ་འཕྲུལ་གྱི་གྲོང་དུ་སོང་ན་མ་བྱས་ཀྱང་བླ་བར་སྟོན་པའོ། །དུས་མ་ཡིན་པར་སྤྱོད་པའོ།། །།#ཇི་ལྟར་བྱས་པས་ཁྱིམ་དུ་འགྲོ་བའི་ལྟུང་བར་འགྱུར་ཞེ་ན། དུས་མ་ཡིན་པར་ཁྱིམ་བཞི་ལ་སོགས་པར་འགྲོ་ནའོ་ཞེས་བྱ་བ་ལ་སོགས་པ་ཡིན་ཏེ། ཕྱི་དྲོ་ཁྱིམ་བཞི་ལ་སོགས་པར་གྲོང་རྒྱུ་ན་ལྟུང་བར་སྟོན་པའོ། །དེའི་
[142a.3]ངོར་དགེ་འདུན་སྤྱན་དྲངས་པ་ལས་ང་མ་འོངས་པའི་ཕྱིར་འདྲིམ་བ་ལ་མ་སྡོད་ཅིག་ཅེས་སྦྱིན་བདག་ལ་#མ་བསྐོ་བར་གསུམ་ལ་སོགས་པར་ནའོ་ཞེས་པ་ནི་བདག་གི་ངོར་དགེ་འདུན་སྤྱི་སྤྱན་#དྲངས་ལ་དགེ་འདུན་མ་བྱོན་གྱི་བར་དུ་བདག་གུད་དུ་འགྲོ་བའི་ཚེ་སྦྱིན་བདག་ལ་སྙད་#འདི་སྐད་དུ་མ་བསྒོ་ཞིང་གོང་#གསུམ་ལ་སོགས་
[142a.4]པར་སོང་ན་ལྟུང་བར་འགྱུར་བའོ། །ཁྱིམ་དུ་སྤྱོད་པའོ།། །།#ཇི་ལྟར་བྱས་པས་མཚན་མོ་རྒྱལ་པོའི་ཕོ་བྲང་དུ་འགྲོ་བའི་ལྟུང་བར་འགྱུར་ཞེ་ན། འབྲིད་ཅེས་པ་ལ་སོགས་པ་ཡིན་ནོ། །འདུ་ཤེས་བརྩན་པ་གང་ཞེ་ན། མ་ནངས་པར་ནའོ་ཞེས་པ་ཡིན་ཏེ་ནམ་མ་ནངས་པར་ཤེས་ན་གདོད་ཉེས་པར་འགྱུར་བའོ།
[142a.5]སྐབས་གཞན་དུ་སྐྱ་རེངས་དང་པོ་ལ་བརྟེན་ན་འདི་ཡང་དེ་བཞིན་#ནར་ཞེས་པའི་ཕྱིར། འདིར་སྐྱ་རེངས་ཐ་མ་ཤར་བའོ་ཞེས་པ་ཡིན་ཏེ། སྐྱ་རེངས་མ་ཤར་ཚུན་ཆད་ལ་བརྟེན་པར་སྟོན་#པའོ། །སླས་འདུག་པའི་གནས་སུ་འདུག་ནའོ་ཞེས་པ་ནི་སླས་འདུག་པའི་ཁྱིམ་ཡིན་ན#། གདོད་ཉེས་པར་འགྱུར་བའོ། །དེ་མ་ཡིན་
[142a.6]བར་སོང་བ་ཡང་ངོ་ཞེས་པ་ནི་ཉིན་བར་དེར་སོན་ལ་ནམ་སྲོ་སྟེ། སླར་ལོག་ན་ཡང་དེ་བཞིན་དུ་ཉེས་པར་འགྱུར་བའོ། །ནུབ་རེའོ་ཞེས་པ་ནི་ནུབ་རེ་ལྟུང་བ་རེ་རེར་སྟོན་པའོ། །ཇི་ཙམ་ཡན་ཆད་སླས་འདུག་པའི་ཁང་པར་གཏོགས་ཤེ་ན། དེའི་གཏན་པའི་ཐན་ཀོར་དེའི་དང་པོའོ་ཞེས་པ་ནི་གཏན་པ་བཅད་ཅིང་དབྱེ་བའི་ཐན་
[142a.7]ཀོར་མ་གཏོགས་པ་ཡན་ཆད་དེའི་གནས་སུ་སྟོན་པའོ། །རྒྱལ་པོའི་ཕོ་བྲང་དང་གྲོང་ཁྱེར་གྱི་ཡང་དེ་བཞིན་ཞེས་པ་རྒྱལ་པོའི་ཕོ་བྲང་དང་གྲོང་ཁྱེར་གྱི་ནང་མཚམས་ཀྱང་འདི་ཡན་ཆད་ཡིན་པར་སྟོན་པའོ། །རྒྱལ་པོའི་ཕོ་བྲང་ཡང་ངོ་ཞེས་པ་དང་གྲོང་ཁྱེར་དུ་ནི་ཉེས་བྱས་ཞེས་པ་ནི་རྒྱལ་པོའི་ཕོ་བྲང་དུ་འགྲོ་བ་ནང་
[142b]
[142b.1]མཚམས་དེ་འདས་ན་ལྟུང་བར་འགྱུར་བ་#དང་གྲོང་ཁྱེར་དུ་འགྲོ་བ་དང་ནང་མཚམས་དེ་ཡན་ཆད་འདས་ན་ཉེས་བྱས་སུ་སྟོན་པའོ། །གལ་ཏེ་དེའི་ཕྱིར་ནའོ་ཞེས་བྱ་བ་ནི་རྒྱལ་པོའི་ཕོ་བྲང་དུ་འགྲོལ་གྲོང་ཁྱེར་གྱི་ནང་མཚམས་འདས་ན་གདོད་དེ་ལྟར་འགྱུར་བའོ། །འདིར་ནི་ཁ་ན་མ་ཐོབ་གཉིས་སུའོ་ཞེས་པ་ནི་འདི་ལྟར་བྱས་ན་དུས་མ་
[142b.2]ཡིན་པར་འགྲོ་བ་དང་གཉིས་ཀྱིས་ཉེས་པར་#འགྱུར་བའོ། །དེར་སོང་ངོ་ཅོག་གིས་ཉེས་པར་འགྱུར་རམ་ཞེ་ན། རྒྱལ་པོ་བཙུན་མོ་སྲས་བློན་པོ་རྣམས་གདུལ་བའམ་བར་ཆད་ཀྱི་དབང་གིས་ནམ་ཡིན་ཞེས་པ་ནི་འདི་རྣམས་ཀྱིས་བོས་པའམ་འདི་དག་གདུལ་བའམ་བར་ཆད་ཀྱི་དབང་གིས་དེར་སོང་བ་ནི་ཉེས་མེད་པའོ། །
[142b.3]མ་ཞུས་པར་#རྒྱལ་པོའི་ཕོ་བྲང་དུ་མི་འཇུག་ཅེས་པ་ནི་རྒྱལ་པོའི་ཕོ་བྲང་དུ་མ་ཞུས་པར་མ་འགྲོ་ཤིག་པའོ། །མཚན་མོ་རྒྱལ་པོའི་ཕོ་བྲང་དུ་འགྲོ་བའོ།། །།#ཇི་ལྟར་བྱས་པས་བསླབ་ཚིག་ལ་བརྙས་པའི་ཉེས་པར་འགྱུར་ཞེ་ན། སོ་སོར་ཐར་པ་འདོན་པ་ལན་གཉིས་མྱོང་ལ་འགྱོད་སེམས་མ་ཡིན་པར་འདོན་#ན་འདི་ལྟ་བུའི་
[142b.4]ཆོས་ཀྱང་ཡོད་པ་ལྟ་བུ་ནི་བདག་གིས་ད་གདོད་ཤེས་སོ་ཟེར་ནའོ་ཞེས་པ་ནི་སོ་སོར་ཐར་པ་ལ་སྨོད་པ་འགོག་པ་དང་མི་ཉན་པ་དང་བརྙས་པ་གསུམ་ཡོད་དེ། གཉིས་ནི་གུད་དུ་བཤད་ཟིན་པས་ན། འདིར་ནི་བརྙས་པའི་སྐད་#དུ་ཟེར་ན་གདོད་ལྟུང་བར་འགྱུར་བ་ལ་བྱའོ། །མཚན་ཐ་དད་པས་འདོན་པ་ན་ཐུན་མོང་བ་ཉེས་བྱས་
[142b.5]ཞེས་པ་ན་#དགེ་སློང་མ་དང་ཐུན་མོང་བ་ལ་#བསླབ་པ་ལ་འདི་སྐད་དུ་ཟེར་ན་ཉེས་བྱས་སུ་སྟོན་པའོ། །མདོའི་བརྗོད་པ་ན་ཡང་ངོ་ཞེས་པ་ནི་མདོ་ལས་འབྱུང་བའི་བསླབ་པ་ལ་འདི་སྐད་དུ་ཟེར་ཡང་ཉེས་བྱས་སུ་འགྱུར་བའོ། །ཐུན་མོང་མ་ཡིན་པ་#ཉེས་མེད་ཅེས་པ་ནི་དགེ་སློང་མའི་བསླབ་པ་ཉི་ཚེ་ལྟ་བུ་ལ་འདི་སྐད་དུ་ཟེར་བ་ནི་#ཉེས་
[142b.6]མེད་པར་སྟོན་པའོ། །སོ་སོར་ཐར་པ་འདོན་པ་ལ་ལེགས་པར་མི་ཉན་པ་སྐྱོ་བ་བསྐྱེད་#པར་བྱ་ཞེས་པ་ནི་སོ་སོར་ཐར་པ་#ཉན་པ་གུས་པའི་དགེ་སློང་ལ་སྐྱོ་བ་བསྐྱེད་པ་ལ་སོགས་པའི་ཐར་དག་ཆེར་གྱིས་ཤིག་པའོ། །བསླབ་ཚིག་གི་#རྫས་ལ་བརྙས་པའོ།། །།#ཁབ་རལ་བྱེད་པའི་ལྟུང་བ་ཇི་ལྟ་བུ་ཞེ་ན། བ་སོ་རུས་པ་
[142b.7]རྭ་ལས་ཁབ་རལ་བྱེད་དམ་བྱེད་དུ་བཅུག་ནའོ་ཞེས་པ་ལ་སོགས་པ་ཡིན་ཏེ། མིང་གིས་སྨོས་པ་འདི་དག་ལས་ཁབ་རལ་བྱེད་དམ་བྱེད་དུ་བཅུག་ན་ལྟུང་བར་འགྱུར་བའོ། །བྱས་པ་#རྙེད་ཅིང་སྤྱོད་པ་ནི་ཉེས་མེད་ཅེས་པ་ནི་གཞན་བྱས་ཟིན་པ་རྙེད་དམ་སྤྱོད་པ་ཉེས་མེད་པར་སྟོན་པའོ། །བཅག་གམ་མ་རྨས་པར་བཤགས་
[143a]
[143a.1]པ་མི་བླང་ཞེས་པ་ནི་ལྟུང་བ་འབྱུང་བ་འཆགས་པའི་ཚེ་བཅག་ཟིན་ཏམ་ཞེའམ་རྨས་ཀྱི་བར་དུ་འཆགས་སུ་མ་གཞུག་#ཤིག་པའོ། །ཅིའི་ཕྱིར་དེ་ལྟ་ཞེ་ན། མ་བཅག་བཤགས་པར་མི་འགྱུར་ཞེས་པ་ཡིན་ཏེ་མ་བཅག་གི་བར་དུ་བཤགས་སུ་ཟིན་ཀྱང་བཤགས་པར་མི་ཆུད་པའི་ཕྱིར་རོ། །
[143a.2]འོག་མ་ལྔ་ལ་ཡང་འདི་བཞིན་དུ་འཆད་#དམ་ཞེས་པར་སྡེ་ཞེས་པ་ནི་འདི་འོག་ནས་བསླབ་པ་རིམ་བཞིན་དུ་འབྱུང་བ་ཡང་བཅད་ཟིན་ཏམ་ཞེས་མ་རྨས་ཀྱི་བར་དུ་འཆགས་སུ་མ་གཞུག་ཤིག་པ་དང་། མ་བཅད་ན་བཤགས་སུ་ཟིན་ཀྱང་བཤགས་པར་མི་ཆུད་པར་སྟོན་པའོ། །གཉིས་པ་ནི་བསྩལ་#ཏམ་བས་སོ་ཞེས་པ་
[143a.3]ནི་ལྔའི་#ནང་ནས་གཉིས་པ་ཤོས་བསྩལ་#ཏམ་ཞེས་མ་རྨས་#ཀྱི་བར་དུ་འཆགས་སུ་མི་གཞུག་ཅིང་བཤགས་ཀྱང་མི་ཕན་པར་སྟོན་པའོ། །ཁབ་རལ་བྱེད་པའོ།། །།#ཇི་ལྟར་བྱས་པས་རྐང་པ་བྱེད་པའི་ལྟུང་བར་འགྱུར་ཞེ་ན། རྐང་པ་ཐུང་བའི་ཁྲི་ལ་མི་ཉལ་ཞེས་པ་ལ་སོགས་པ་ཇེ་སྟོན་པ་ཡིན་ནོ། །ཉལ་མལ་གྱི་
[143a.4]དྲུང་#དང་ཐན་ཀོར་དུ་རྐང་པ་མི་བཀྲུ་ཞེས་པ་ཉལ་ཁྲིའི་དྲུང་དུ་རྐང་པ་མ་འཁྲུ་ཤིག་པའོ། །ལྷམ་ཡོད་ནའོ་ཞེས་པ་ནི་གོང་མ་ལྟ་བུའི་ཉེས་པ་ཡང་ལྷམ་ཡོད་བཞིན་དུ་བྱས་ན་གདོད་ཉེས་པར་འགྱུར་བའོ། །གཞན་དུ་ན་སྔས་དང་འཕོངས་མ་གཏོགས་པར་རོ་ཞེས་པ་ནི་ལྷམ་མེད་ན་ཉལ་ཁྲིའི་སྔས་དང་འཕོངས་ལོགས་སུ་ཁྲུས་
[143a.5]ཤིག་པའོ། །སྟན་མཐོན་པོ་དང་སྟན་ཆེན་པོ་ལ་མི་འདུག ། མི་ཉལ་ཞེས་པ་ནི་ཁྲུ་གང་ལས་ལྷག་པའི་ཁྲི་དང་རིན་པོ་ཆེའི་ཁྲི་སྟན་ལམ་འདུག་མ་ཉལ་ཅིག་པར་སྟོན་པའོ། །ཁྱིམ་པའི་དེར་གཞན་མེད་ན་སྔ་མ་བྱ་ཞེས་པ་ནི་ཁྱིམ་པའི་དེ་ན་འདུག་ལ་རུང་བའི་ཁྲི་སྟན་གཞན་མེད་ན་ཁྲི་སྟན་འདི་ལྟ་བུ་ལ་ཡང་འདུག་ནི་འདུག་ལ་མ
[143a.6]ཉལ་ཅིག་པའོ། །རྐང་རྟེན་བཅུག་ན་ཉལ་བར་བྱ་ཞེས་པ་ནི་ཁྲིའི་རྐང་པ་ཐུང་དུའི་རྐང་རྟེན་བཅུག་ན། དེ་ལ་ཉལ་ཡང་བླ་བའོ། །ཉལ་བར་འགྱུར་བ་ཉིད་གང་ཞེ་ན། ཁྲི་བརྩེགས་པ་ལ་མི་འདུག་ཅེས་པ་ནི་ཁྲི་བརྩེགས་པ་འདུག་ཤིག་པའོ། །ལྟུང་བར་འགྱུར་བ་ཉིད་གང་ཞེ་ན། ཚད་ལས་ལྷག་པར་བྱས་སམ་
[143a.7]བྱེད་དུ་བཅུག་ནའོ་ཞེས་པ་ནི་ཚད་ལས་ལྷག་པའི་ཁྲི་བྱས་སམ་བྱེད་དུ་བཅུག་ན་ལྟུང་བར་འགྱུར་བའོ། །གཉིས་པ་ལས་གཞན་པའི་གསུམ་པ་ཡང་ངོ་ཞེས་པ་ནི་འདིའི་འོག་ནས་འབྱུང་བའི་བསླབ་པའི་གསུམ་པོ་ཡང་ཚད་ལས་ལྷག་པར་བྱས་སམ་བྱེད་དུ་བཅུག་ན་ལྟུང་བར་སྟོན་པའོ། །ཚད་ལས་ལྷག་པའི་ཉེས་པ་
[143b]
[143b.1]གང་ཞེ་ན། ཁྲི་དང་ཁྲིའུ་ནའོ་ཞེས་པ་ཡིན་ནོ། །དགེ་འདུན་གྱི་ནའོ་ཞེས་པ་ནི་#དགེ་འདུན་གྱི་ཡིན་ན་གདོད་ཉེས་པར་འགྱུར་བའོ། །འོག་མ་ཡང་ངོ་ཞེས་པ་ནི་འདི་འོག་ནས་འབྱུང་བའི་བསླབ་པ་ཡང་དགེ་འདུན་གྱི་ཡིན་ན་གདོད་ཉེས་པར་འགྱུར་བའོ། །གང་ཚད་ལས་ལྷག་པས་ཉེས་པར་འགྱུར་ཞེ་ན། རྐང་པའོ་ཞེས་
[143b.2]པ་ཡིན་ཏེ་ཁྲིའི་རྐང་པ་ཚད་ལས་ལྷག་ན་གདོད་ཉེས་པ་རངས་པར་འགྱུར་བའོ། །དེའང་ཇི་ཙམ་མན་ཆད་ཅེ་ན། དེ་ནི་རྐང་པ་མི་#གཞུག་པའི་ཕྱོགས་མ་གཏོགས་པར་ཁྲུ་གང་ངོ་ཞེས་པ་ཡིན་ནོ། །ཁྲུ་གང་པོ་#ཉིད་ཇི་ཙམ་ཞེ་ན། བདེ་བར་གཤེགས་པའི་སུམ་ཆའོ་ཞེས་པ་ཡིན་ཏེ་བཅོམ་ལྡན་འདས་ཀྱི་ཁྲུའི་སུམ་ཆ་
[143b.3]གཅིག་སྟེ་སོར་བརྒྱད་ལ་ཁྲུ་གང་དུ་སྟོན་པའོ། །འོག་མ་རྣམས་ཀྱང་ངོ་ཞེས་པ་ནི་བསླབ་པ་འོག་མ་རྣམས་ཀྱང་ཁྲིའུ་#ཚད་འདི་དང་སྦྱོར་ཅིག་པའོ། །རྐང་པ་བྱེད་པའོ།། །།#ཇི་ལྟར་བྱས་པས་སྐུད་#པའི་ལྟུང་བར་འགྱུར་ཞེ་ན། ཤིང་བལ་གྱིས་བྱུགས་ནའོ་ཞེས་པ་ལ་སོགས་པ་ཡིན་ཏེ། དགེ་འདུན་གྱི་མལ་ཆ་ཤིང་
[143b.4]བལ་གྱིས་བསྐུས་ན་ལྟུང་བར་སྟོན་པའོ། །བདག་གམ་བསྐོས་པས་ཀྱང་ངོ་ཞེས་པ་ནི་བདག་གིས་བསྐུས་ཀྱང་རུང་སྐུད་དུ་བཅུག་ཀྱང་རུང་སྟེ་ཉེས་པར་འགྱུར་བར་སྟོན་པའོ། །གང་གི་#བལ་ཞེ་ན། བལ་ནི་ལྔ་སྟེ་ཤལ་མ་ལའི་དང་ཨར་#ཀའི་དང་ཨ་ཀ་ཤ་དག་གི་ཐུང་#ན་ཕྱེད་དང་ལྕང་མའི་འོ་#ཞེས་པ་ཡིན་ཏེ་འདི་དག་
[143b.5]གི་བལ་ལ་བྱའོ། །སྐུད་པའོ།། །།#ཇི་ལྟར་བྱས་པས་གདིང་བའི་ལྟུང་བར་འགྱུར་ཞེ་ན། གདིང་བས་སོ་ཞེས་པ་ལ་སོགས་པ་ཡིན་ཏེ། གདིང་བ་ལས་ཉེས་པར་འགྱུར་བར་སྟོན་པའོ། །འདིའི་ཚད་ནི་སྲིད་དུ་ཁྲུ་གསུམ་མོ་ཞེས་པ་ནི་གདིང་བ་#ཁྲུ་གསུམ་དུ་གྱིས་ཤིག་པའོ། །ཐུང་#
[143b.6]ན་ཕྱེད་དང་གཉིས་ཀྱིས་གླན་ཞེས་#པ་ནི་ཁྲུ་གསུམ་ཐུང་སྟེ། མི་རུང་ན་ཁྲུ་ཕྱེད་དང་གཉིས་ཀྱིས་ཀློན་ཤིག་#པའོ། །ཞེང་དུ་ཁྲུ་དོ་དང་སོར་བཅུ་དྲུག་གོ་ཞེས་པ་ནི་ཞེང་ཚད་འདི་ཙམ་དུ་གྱིས་ཤིག་པའོ། །འདི་བས་ཆུང་བ་ལ་བྱིན་གྱིས་བརླབས་#ན་ཉེས་བྱས་ཞེས་པ་ནི་ཆུ་ཞེང་གི་ཚད་འདི་བས་ཆུང་བ་ལ་བྱིན་གྱིས་
[143b.7]བརླབས་ན་ཉེས་བྱས་སུ་འགྱུར་བའོ། །འོག་མ་གཉིས་ཀྱང་ངོ་ཞེས་པ་ནི་འདི་#འོག་ནས་འབྱུང་བ་བསླབ་པ་གཉིས་ཀྱང་ཚད་ལས་ཆུང་བ་ལས་བྱིན་གྱིས་བརླབས་ན་ཉེས་བྱས་སུ་འགྱུར་བར་སྟོན་པའོ། །གདིང་བར་གཏོགས་པའོ།། །།#གཡན་པ་དགབ་པའི་ལྟུང་བ་གང་ཞེ་ན#། གཡན་པ་དགབ་བ་#ཉེས་པར་འགྱུར་པར་
[144a]
[144a.1]སྟོན་པའོ། །དེའི་ཚད་སྟོན་པ་ནི། ཁྲུ་དྲུག་དང་གསུམ་མོ་ཞེས་པ་ཡིན་ཏེ་སྲིད་དུ་ནི་ཁྲུ་དྲུག ། ཞེང་དུ་ཁྲུ་གསུམ་པར་གྱིས་ཤིག་པའོ། །གཡན་པ་དགབ་པར་གཏོགས་པའོ།། །།#དབྱར་གྱི་རས་ཆེན་གྱི་ལྟུང་བ་གང་ཞེ་ན། #དབྱར་གྱི་རས་ཆེན་ལས་སོ་ཞེས་པ་ཡིན་ཏེ་དབྱར་གྱི་#རས་ཆེན་ལས་ལྟུང་
[144a.2]བར་འགྱུར་བར་སྟོན་པའོ། །དགུ་དང་གསུམ་དང་སོར་བཅོ་བརྒྱད་ཅེས་པ་ནི་དེའི་སྲིད་ཁྲུ་དགུ་ཞེང་ཁྲུ་གསུམ་དང་སོར་བཅོ་བརྒྱད་དུ་གྱིས་ཤིག་པའོ། །དབྱར་གྱི་རས་ཆེན་དུ་གཏོགས་པའོ།། །།#ཇི་ལྟར་བྱས་པས་བདེ་བར་གཤེགས་པའི་#གོས་བྱེད་པའི་ལྟུང་བར་འགྱུར་ཞེ་ན། སྟོན་པ་ཉིད་ཀྱི་ཁྲུ་ལྔ་དང་གསུམ་གྱི་ན་
[144a.3]བཟའོ་ཞེས་པ་ལ་སོགས་པ་ཡིན་ཏེ། བདེ་བར་གཤེགས་#པ་ཉིད་ཀྱི་ན་བཟའི་ཚད་ནི་འདི་ཙམ་སྟོན་པའོ། །ལྟུང་བར་འགྱུར་བ་ཉིད་གང་ཞེ་ན། ལུས་དེར་མེད་ལ་དེའི་ཚད་དམ་ལྷག་པའི་ཆོས་གོས་བྱས་སམ་བྱེད་དུ་བཅུག་ནའོ་ཞེས་པ་ཡིན་ཏེ་ལུས་བཅོམ་ལྡན་འདས་ཀྱི་ཚད་དུ་མེད་ལ་གོས་དེའི་ཚད་དམ་དེ་ལས་ལྷག་
[144a.4]པར་བྱེད་ན་ལྟུང་བར་སྟོན་པའོ། །དེ་མི་བཅང་ཞེས་པ་ནི་དེ་ལྟ་བུའི་གོས་མ་སྲེལ་#ཅིག་པའོ། །བདེ་བར་གཤེགས་པའི་ན་བཟར་གཏོགས་#པའོ། །ལྟུང་བ་ཉི་ཚེ་རྫོགས་སོ།། །།ལྟུང་བ་#རྣམས་དེ་དག་ལྟར་བསྟན་ནས། གྲོང་དང་ཁྱིམ་གྱི་ནང་ཉིད་དང་སློབ་པ་རྣམས་དང་དགོན་པ་ནི་ཞེས་པ་རྣམ་པར་འབྱེད་པ་
[144a.5]ལས་འབྱུང་བ་བཞིན་དུ་སོ་སོར་བཤགས་པར་བྱ་བ་རྣམས་སྟོན་པ་ལས་དགེ་སློང་མ་ལས་བསོད་སྙོམས་བླངས་པའི་སོ་སོར་བཤགས་པ་ཇེ་སྟོན་པ་ནི། འབྲིད་ཅེས་པ་ལ་སོགས་པ་ཡིན་ཏེ། འདི་ལ་ཡང་འདུ་ཤེས་བརྩན་#ནོ། །འདུ་ཤེས་བརྩན་པ་གང་ཞེ་ན། དགེ་སློང་མ་གཉེན་མ་ཡིན་པར་ནའོ་ཞེས་པ་
[144a.6]ཡིན་ཏེ་དགེ་སློང་མ་དང་། གཉེན་མ་ཡིན་པར་ཤེས་ན་གདོད་ཉེས་པར་འགྱུར་བའོ། །ཇི་ལྟར་བྱས་པས་ཉེས་པར་འགྱུར་ཞེ་ན། འདྲིམ་#པ་མ་ཡིན་པར་ཉིད་ཀྱིས་སྦྱིན་པ་དང་། གྲོང་ན་འདུག་པ་ལ་བདག་གིས་བཟའ་བ་དང་བཅའ་བ་བསླངས་#ཏེ་ཟོས་ནའོ་ཞེས་པ་ཡིན་ཏེ། གཉེན་མ་ཡིན་པའི་
[144a.7]དགེ་སློང་མས་བྲིམ་བ་མ་ཡིན་པར་གྲོང་དུ་ཟས་བྱིན་ལ། དགེ་སློང་ཉིད་ཀྱང་གྲོང་ན་འདུག་པས་བསླངས་ན་ལྟུང་བར་འགྱུར་བའོ། །དབྱར་མོ་ཐང་ནི་གྲོང་མ་ཡིན་ཞེས་པ་ནི་དབྱར་མོ་ཐང་གྲོང་ལ་མ་གཏོགས་པས་ན་དེར་བླངས་སུ་ཟིན་གྱིས་ཀྱང་ཉེས་པར་མི་འགྱུར་བའོ། །དགེ་སློང་གི་གནས་ཀྱང་མ་
[144b]
[144b.1]ཡིན་ཞེས་པ་ནི་དགེ་སློང་གི་གནས་ཀྱང་གྲོང་#མ་ཡིན་པས་ན། གོང་མ་བཞིན་དུ་ཉེས་མེད་པའོ། །ནམ་མཁའ་ནི་ཕྱེད་དོ་ཞེས་པ་ནི་དགེ་སློང་མ་གཅིག་ནམ་མཁའ་ལ་འདུག་ཅིང་སྦྱིན་ནམ་ལེན་པར་བྱེད་པ་ཉེས་བྱས་སུ་འགྱུར་བའོ། །འཇིགས་#པ་མེད་པར་བཞག་པ་བླངས་ན་ནི་དེ་ལས་མ་ཡིན་ཞེས་པ་ནི་དགེ་སློང་
[144b.2]མས་སྦྱིན་པར་བཤམས་ཏེ་བཞག་ནས་མོ་ཉིད་དེའི་དྲུང་དང་ཉེན་ཀོར་ན་འདུག་པ་ནི་བླངས་སུ་ཟིན་གྱིས་ཀྱང་དེ་དགེ་སློང་མ་#ཉིད་ལས་བླངས་པ་མ་ཡིན་ཞིང་ཉེས་པར་སྟོན་པའོ། །དགེ་སློང་མ་ལས་བསོད་སྙོམས་བླངས་པ་ཞེས་བྱ་བའི་བཤགས་པ་དང་པོའོ།། །།#བཤགས་པ་གཉིས་པའི་ཉེས་པ་ཅི་ལས་བྱེད་ཅེ་ན། འདི་
[144b.3]ལ་བཅའ་བའི་བྱིན་པ་བཏུང་བ་དང་། སྲན་ཚོད་དང་བཟའ་བ་དང་། ཡང་ཡང་ཉེས་པ་ལ་སོགས་པས། དགེ་སློང་དེ་ཉིད་དམ། གཞན་ལ་ངོས་མགྲོན་བྱེད་པ་དགེ་སློང་མ་ཡིན་པ་ལས་བྱེད་པ་ཞེས་པ་ནི་དགེ་སློང་མས་འདི་སྐད་དུ་དགེ་སློང་དྲུང་ན་འདུག་པ་ལ་ངོས་མགྲོན་#བྱས་སམ། གུད་ན་འདུག་པ་ལ་ངོས་
[144b.4]མགྲོན་བྱས་ན་ཉེས་པར་འགྱུར་བའོ། །དགེ་སློང་མའོ་ཅོག་ལས་ཉེས་པར་འགྱུར་རམ་ཞེ་ན། དེའི་ངོར་རམ་དེའི་གཉེན་མ་ཡིན་པར་བོས་ནའོ་ཞེས་པ་ཡིན་ཏེ་དགེ་སློང་མ་དེའི་ངོར་དགེ་འདུན་སྤྱན་དྲངས་པའམ། དགེ་སློང་མ་དེའི་གཉེན་གྱིས་སྤྱན་དྲངས་པའི་ཚེ་དགེ་སློང་མ་དེ་#གོང་མ་སྐད་དུ་བྱས་སུ་ཟིན་ཀྱང་ཉེས་པར་
[144b.5]མི་འགྱུར་བའོ། །གྲལ་རིམས་#སྟོན་པ་དང་མ་བྱིན་པ་སྦྱིན་པར་བྱེད་པ་ནི་གཏོགས་ཞེས་པ་ནི་དགེ་སློང་གྲལ་རིམས་#སྟོན་པ་དང་། མ་ཐོས་པ་ལ་འདིར་ཆད་ཀྱིས་གསོལ་ཞེས་ཟེར་བ་#ལྟ་བུ་ནི་ཉེས་པར་མི་འགྱུར་བའོ། །ཇི་ལྟར་བྱས་པས་དེ་འགྱུར་ཞེ་ན། ཀྱེ་སྲིང་མོ་དགེ་སློང་འདི་དག་མ་ཟོས་ཀྱི་བར་དུ་སྡོད་ཅིག་#
[144b.6]ཅེས་ལྷན་ཅིག་མི་ཟ་བས་ཀྱང་དགེ་སློང་གང་ཡང་རུང་བས། དེ་ལ་མ་བསྒོ་བར་གསུམ་ཡན་ཆད་ཀྱིས་ཟོས་ནའོ་ཞེས་པ་ཡིན་ཏེ་དགེ་སློང་མ་དེ་དེ་ལྟར་ངོས་མགྲོན་བྱེད་པའི་ཚེ་དགེ་སློང་སུ་ཡང་རུང་བས་འདི་སྐད་དུ་མ་བསྒོ་ལ་གསུམ་ཡན་ཆད་ཀྱིས་ཟས་དེ་ཟོས་ན་གདོད་ཉེས་པར་འགྱུར་བའོ། །བོས་པ་གར་ཟོས་
[144b.7]ཀྱང་རུང་སྟེ། ཉེས་པར་འགྱུར་རམ་ཞེ་ན། ཁྱིམ་དུའོ་ཞེས་པ་ཡིན་ཏེ་ཁྱིམ་པའི་ཁྱིམ་དུ་དེ་ལྟར་#ཟོས་ན་གདོད་ཉེས་པར་འགྱུར་བའོ། །དགེ་སློང་མས་ན་#ཇི་ལྟ་བུ་ལ་འདུག་པས་བསྐོས་པའི་ཉེས་པར་འགྱུར་ཞེ་ན། གལ་ཏེ་དེའི་ཚིག་གི་ཉེན་ཀོར་དུ་གྱུར་ན་རྩ་བའོ་ཞེས་པ་ཡིན་ཏེ། ཁང་ཐོག་དང་ཤིང་ལྟ་བུ་#
[145a]
[145a.1]སྨྲ་ཞིང་བསྒོ་བའི་ས་ནར་ཐ་མལ་པ་མ་ཡིན་པ་ལས་ཉེས་པ་རངས་པར་#མི་འགྱུར་གྱི་གང་ཐ་མལ་ཅིང་མངོན་སུམ་དུ་གྱུར་ན་རྩ་བའི་ཉེས་པར་འགྲེ་#བའོ། །མ་ཡིན་ན་ཉེས་བྱས་ཞེས་པ་ནི་ས་ནར་ཐ་མལ་པ་མ་ཡིན་ན་ཉེས་བྱས་སུ་འགྱུར་བའོ། །དེ་ལྟ་བས་ན་འདྲི་བ་ལ་#བརྩོན་པར་བྱ་ཞེས་པ་ནི་གོང་མ་ལྟ་
[145a.2]བུ་ཡིན་པས་བླ་འོག་ན་འཁོད་པའམ་གྲལ་གྱི་མགོའམ་མཇུག་ན་འཁོད་པས་དགེ་སློང་མ་འདི་དག་ལྟར་བྱེད་པའི་ཕྱི་ནས་བསྒོའམ་མ་བསྒོ་#ཞེས་གཅིག་ལ་གཅིག་འདྲི་བའི་ནན་ཏན་མ་ཆུང་ཤིག་པའོ། །འདིར་རྒན་རབས་ཀྱིས་མ་བྱས་ན་གསར་བུས་བྱས་ཞེས་པ་ནི་དགེ་སློང་མ་ལ་བསྒོ་བ་#སུས་བསྒོ་ཡང་བླ་
[145a.3]བར་སྟོན་པའོ། །ངོས་མགྲོན་བྱེད་པ་མ་བཟློག་པར་ཟོས་པའི་བཤགས་པ་གཉིས་པའོ།། །།#ཁྱིམ་དུ་བསླབ་པ་བཅས་པ་ན་སོ་སོར་བཤགས་པའི་ཉེས་པར་འགྱུར་བ#། ཁྱིམ་ཇི་ལྟ་བུར་བསླབ་པའི་སྡོམ་པ་བཅའ་བ་སྟོན་པ་ནི། དད་པ་བྱིན་པས་བྲེལ་བའི་ཁྱིམ་དུ་སྡོམ་པའི་བསླབ་པ་བཅའ་ཞེས་པ་ཡིན་ཏེ། །
[145a.4]ཁྱིམ་པ་དད་པ་ཅན་སྦྱིན་པ་བྱེད་བྱེད་པས་གཞི་འདས་#ཤིང་ཡོ་བྱད་ཀྱིས་བྲེལ་#བར་འགྱུར་བའི་ཁྱིམ་དུ་མི་འདོང་བར་བསླབ་པའི་སྡོམ་པ་ཆོས་ཤིག་པའོ། །གང་གིས་བཅའ་ཞེ་ན། གསོལ་བས་སོ་ཞེས་པ་ཡིན་ཏེ། གསོལ་བས་བསླབ་པའི་སྡོམ་པ་ཆོས་ཤིག་པའོ། །དགྲོལ་བ་ཡང་ངོ་ཞེས་པ་ནི་དགྲོལ་བ་ཡང་གསོལ་
[145a.5]བས་#གྱིས་ཤིག་པའོ། །བཅའ་བ་དེའི་ཉམས་དྲོད་ཤེས་#པར་བྱས་ཏེ་བསླུས་#པ་དང་སྟན་ཆ་སྤྱད་པ་དང་། ཆོས་བཤད་པ་རྣམས་བྱ་ཞེས་པ་ནི། དད་པ་དེ་དགེ་འདུན་མི་འདུ་#བས་མི་དགའ་ན་དེའི་ཁྱིམ་དུ་བསལ་བ་ལ་སོགས་པ་འདི་དག་གྱིས་ཤིག་པའོ། །ལྷུང་བཟེད་སྟོང་པར་མི་འཇུག་ཅེས་པ་ནི་མི་དད་པ་དེའི་ཁྱིམ་
[145a.6]དུ་གོང་མ་ལྟར་འདོད་པའི་ཚེ། ཆུས་བསོད་སྙོམས་ལ་འདོང་བའི་ལམ་ཡོགས་སུ་མ་འགྲོ་ཤིག་པའོ། །འདི་བྱ་བ་དགེ་སློང་ན་བསོད་སྙོམས་ལས་ཁུར་བ་རངས་པ་མ་བྱིན་པ་སྦྱིན་ཞེས་པ་ནི་བསོད་སྙོམས་ལས་སླར་བསྐོར་བ་ལམ་ཡོགས་སུ་དེར་ཕྱིན་ཏེ། དེའི་བྱིས་པ་དག་ཟས་སློང་ན་ཁུར་བ་དང་རངས་པ་མ་ཡིན་པ་ལ་
[145a.7]སོགས་པ་བྱིན་ཅིག་པའོ། །འཐེན་ན་དགྲོལ་#བར་བྱ་ཞེས་པ་ནི་ཁྱིམ་པ་དེ་དགེ་འདུན་སྤྱན་འདྲེན་ཅིང་བསླབ་པའི་སྡོམ་པ་དགྲོལ་བར་གསོལ་ན་དེའི་#གསོལ་བ་བཞིན་དུ་གྱིས་ཤིག་པའོ། །ཇི་ལྟར་བྱས་པས་ཁྱིམ་དུ་བསླབ་པ་བཅས་ཤིག་པར་འགྱུར་ཞེ་ན། ཁྱིམ་དུ་བསླབ་པ་བཅས་ལ་དེའི་སྔ་རོལ་དུ་བོས་པ་མ་ཡིན་པ་དང་།
[145b]
[145b.1]སྲུས་#དང་ལ་ཕུག་དང་ལྡུམ་ལྟ་བུ་ཕོངས་པར་མི་འགྱུར་བ་མ་གཏོགས་པར་བཅའ་བ་དང་། བཟའ་བ་བླངས་ཏེ་#ཟོས་ནའོ་ཞེས་པ་ཡིན་ཏེ་མིང་གིས་སྨོས་པའི་རྐྱེན་འདི་དག་#ལྟ་བུ་མ་གཏོགས་པར་བསླབ་པ་བཅས་པའི་ཚེ་#བཟའ་བ་དང་བཅའ་#བ་བླངས་ཏེ་ཟློས་#ན་གདོད་ཉེས་པར་འགྱུར་བའོ། །ཁྱིམ་དུ་བསླབ་པ་འདྲལ་བ་
[145b.2]ལ་#འཇུག་པའི་བཤེགས་པ་གསུམ་པའོ།། །།#ནགས་ཉུལ་#བར་གཏོགས་པའི་བཤགས་པ་སྟོན་པར་འདོད་པ་ནི། ནགས་ཉུལ་#བའི་དགེ་སློང་ནི་བསྐོ་བར་བྱ་ཞེས་པ་ལ་སོགས་པ་ཡིན་ཏེ། དགོན་པའི་འཇིགས་སར་ནགས་ཉུལ་#བའི་དགེ་སློང་སྐོས་#ཤིག་པའོ། །འདིས་དཔག་ཚད་ཕྱེད་ཁོར་ཡུག་ཏུ་བྱུལ་ཞེས་པ་
[145b.3]ནི་ནགས་ཉུལ་#བར་བསྐོས་པ་དེས་ས་ཚོད་འདི་ཙམ་ཚུན་ཆད་ཉུལ་#ཅིག་པའོ། །འཇིགས་པ་ལྟ་ན་དུད་བརྡ་གཏང་#ཞེས་པ་ནི་བ་དན་བསྒྲེང་བའམ་འདམ་#མའི་ཕུར་མ་ལམ་དུ་གཏོར་ཞེས་པ་ནི་རྐུན་པོའི་མགོ་ལོ་སྣང་ན་བྱ་གཏང་#ཞིང་སྦྲན་པའི་ཐབས་འདི་ལྟར་གྱིས་ཤིག་པའོ། །འདི་འདོད་ན་གཡར་སུས་བྱིན་ཞེས་པ་
[145b.4]དང་གྲོགས་ཀྱང་ངོ་ཞེས་པ་ནི་ནགས་ཉུལ་#བ་དེ་ལ་གཡར་ཀྱང་སྦྱིན་ཞིང་གྲོགས་ཀྱང་སྐོས་#ཤིག་པའོ། །འབྲིད། འདུ་ཤེས་བརྩན་#པ་གང་ཞེ་ན། ནགས་མ་བྱུལ་བར་ཐའི་ནའོ་ཞེས་པ་ཡིན་ཏེ་ནགས་མ་བྱུལ་བར་ཡང་ཤེས་ལ། འོག་ནས་འབྱུང་བ་ལྟར་བྱས་ན་གདོད་ཉེས་པར་འགྱུར་བའོ། །ཇི་ལྟར་བྱས་
[145b.5]པས་འདུ་ཤེས་པའི་ཉེས་པར་འགྱུར་ཞེ་ན། དགོན་པའི་ཀུན་དགའི་ཕྱི་རོལ་དུ་བཟའ་བ་དང་བཅའ་བ་བླངས་ཏེ་ཟོས་ནའོ་ཞེས་པ་ཡིན་ཏེ། དགོན་པའི་ལྷ་ཁང་གི་ཕྱི་རོལ་དུ་བཟའ་བ་དང་བཅའ་བ་མནོས་ཤིང་ཟོས་ན་ཉེས་པར་འགྱུར་བའོ། །བསྲུངས་ཟིན་ན་ཕྱེད་དུ་བྱེད་ཅེས་པ་ནི་ནགས་ཉུལ་ཟིན་པའི་འོག་ཏུ་
[145b.6]འདི་ལྟར་བྱས་ན་ཉེས་བྱས་སུ་འགྱུར་བའོ། །འཇིགས་པའི་གནས་ལས་ལོགས་ཤིག་ཏུ་གྱུར་ན་ཡང་ངོ་ཞེས་པ་ནི་འཇིགས་པ་བཀོལ་#ཏེ་ལོགས་ཤིག་ཏུ་བྱོལ་ན་ཡང་ཉེས་བྱས་སུ་འགྱུར་བར་སྟོན་པའོ། །ནགས་ཉུལ་བར་གཏོགས་པ་བཤགས་པ་བཞི་པའོ། །བཤགས་པ་རྣམས་རྫོགས་སོ།། །།སོ་སོར་
[145b.7]བཤགས་པའི་འོག་ཏུ་བསླབ་པ་རྣམས་འབྱུང་བས་ན་དེ་དག་སྡུད་ཅིང་སྟོན་པ་ནི། སྨད་གཡོགས་#ཇི་ནས་ཀྱང་ཟླུམ་སྒོ་རེ་འདུག་པར་བྱ་ཞེས་པ་དང་། ཧ་ཅང་མི་རྩེང་། # ཧ་ཅང་མི་གནར་ཞེས་པ་ལ་སོགས་པ་ཡིན་ཏེ། སྨད་གཡོགས་#བགོ་བའི་ཐབས་འདི་ལྟར་གྱིས་ཤིག་པའོ། །དེ་ལ་པུས་མོ་ལས་མི་མཐོ་
[146a]
[146a.1]བ་ནི་མི་རྩེང་བའོ། །ལོང་བུ་ལས་མི་འདའ་བ་ནི་མི་གནར་བའོ། །གྲ་#སྣ་ཤལ་ལྟར་མི་སྦྱང་ཞེས་པ་ནི་དེའི་མཐའ་མ་འམ་གྲ་#གླང་པོའི་སྣ་ཤལ་ལྟར་མ་སྦྱང་ཤིག་པའོ། །མཐོས་པར་མ་ཡིན་ཞེས་པ་ནི་སྐ་རགས་བཅིང་#པ་ཡན་ཆད་ལས་མ་མཐོ་ཤིག་པའོ། །སྦྲུལ་ཐོད་ལྟར་གདེངས་ཀ་མ་
[146a.2]ཡིན་ཞེས་པ་ནི་སྐ་གསེབ་དུ་#བཅུག་པའི་ཐོག་མ་ཁེད་མ་ལྟ་བུ་དེ་སྦྲུལ་ཐོད་ལྟར་མ་བྱེད་ཅིག་པའོ། །དྲིལ་དྲིལ་བར་མ་ཡིན་ཞེས་པ་ནི་སྐ་གསེབ་དུ་#བཅུག་པའི་ཐོག་མ་དྲིལ་དྲིལ་བར་ཡང་མ་བྱེད་ཅིག་པའོ། །ཆོས་གོས་ཀྱང་འདིའི་དང་པོ་གསུམ་ཇི་ལྟ་བ་བཞིན་དུ་བགོ་ཞེས་པ་ནི་སྨད་གཡོགས་#ཟླུམ་ཞིང་མི་རྩེང་མི་
[146a.3]གནར་བ་བཞིན་དུ་ཆོས་གོས་ཀྱང་དེ་ལྟར་གྱོན་ཅིག་པའོ། །ལེགས་པར་བསྡམས་ཏེ་གྲོད་བར་དུ་འགྲོ་ཞེས་པ་ནི་ཤིན་ཏུ་གཡོགས་སྒྲ་བསྐྱུངས། མ་ཡེངས་པའི་མིག་གཉའ་ཤིང་དུ་ལྟ#། མགོ་མི་བསྒྱུར། མི་བརྫེ་མི་གཟར། མ་བསྣོལ#། དཀྱུད། རྐང་བའི་བྲང་གིས་མི་འགྲོ། །གོམ་པའི་འཇལ་
[146a.4]ཐབས་མི་མཆོང་། ཙོག་བུར་མ་ཡིན། དཀུར་མི་བརྟེན། ལུས་མི་བསྒྱུར་དཔུང་པ་མི་བསྒྱུར་མགོ་མི་བསྒྱུར། ཕྲག་པ་མི་སྤྲད། ལག་པ་མི་སྤྲེལ་འདིར་མ་བསྡམས་པས་སྟན་ལ་མི་འདུག ། མ་བརྟགས་པར་མ་ཡིན། ལུས་ཐམས་ཅད་ཀྱིས་#མི་དབབ། རྐང་བའི་སྟེང་དུ་རྐང་པ་མི་བཞག་བརླའི་སྟེང་
[146a.5]དུ་བརླས་མ་ཡིན། ལོང་བུའི་སྟེང་དུ་ལོང་བུས་མ་ཡིན། རྐང་པ་མི་བཤིག ། རྐང་པ་མི་དབྲལ། སྒྲེན་མོར་མ་ཡིན། ལག་པས་མཁུར་བ་ལ་མི་#བརྟེན། སྟན་ཕྱི་ནུར་དུ་མི་ཕུལ་#ཞེས་པའི་བར་དུ་སྨོས་པ་རྣམས་ནི་གྲོང་བར་#འགྲོ་བའི་སྤྱོད་ལམ་མིང་གིས་སྨོས་པ་འདི་དག་ལྟར་གྱིས་ཤིག་པའོ། །ཐམས་ཅད་
[146a.6]དུ་བསོད་སྙོམས་ཤིན་ཏུ་གཟབས་ཏེ་བླང་ངོ་ཞེས་པ་ནས། ཁ་ད་ཆད་དུ་མ་ཡིན། སྲན་ཚོད་ཀྱི་ཁ་ད་ཆད་དུ་མ་ཡིན། ཐོད་རྒལ་མི་བྱ། བཟའ་བ་མ་འོངས་པར་སྣོད་མི་བཟེད། དེའི་སྟེང་དུ་མི་བཟེད་ཅེས་པའི་བར་དུ་སྨོས་པ་རྣམས་ནི་གཙུག་ལག་ཁང་དང་གྲོང་གང་དུ་ཡང་རུང་སྟེ་ཟས་བླང་བའི་ཐབས་འདི་
[146a.7]དག་ལྟར་གྱིས་ཤིག་པའོ། །དེ་ལ་འདྲིམ་བ་ཐལ་བའི་#འོག་ཏུ་གདོད་འབོད་ཅིང་སློང་བར་མི་བྱ་བ་ནི་ཐོད་རྒལ་མི་བྱ་བའོ། །ཕས་སྦྱིན་པ་ལྟ་བུའི་སྟེང་དུ་སྣོད་བཟེད་པ་ལྟ་བུ་མི་བྱ་བ་ནི། དེའི་སྟེང་དུ་མི་བཟེད་ཅེས་པའོ། །བསོད་སྙོམས་ལེགས་པར་གཟབས་ཏེ་བཟའ་ཞེས་པ་ནས་ཧ་ཅང་བརྩེགས་པ་
[146b]
[146b.1]ཡང་མ་ཡིན་ཏེ#། ཧ་ཅང་ཆེ་བར་ཡང་མ་ཡིན། ཟས་ཁར་མ་ཕྱིན་པར་ཁ་མི་གདང་། ཡེབ་རྔམ་#བྱ་བའི་ཕྱིར་ནད་ཀྱིས་སྲན་ཚོད་དང་སྲན་ཚོད་མ་གཡོགས་པར་མི་བྱ། བཅག་བཅག་#མི་བྱ། ཐུ་ཐུ་མི་བྱ། ཧུ་ཧུ་མི་བྱ། ཕུ་ཕུ་མི་བྱ། ཁ་ན་#ཟས་ཡོད་བཞིན་དུ་ཚིག་མི་དབྱུང་། ཉག་མ་ནས་མི་བཏུ། སྨད་པར་
[146b.2]མི་བྱ། མཁུར་བར་མི་སྤོ། ཁམ་ཚད་དུ་མི་བཅད། དཀན་མི་གཏོག# ། ལྕེ་མི་#དབྱུང་། མཆོད་རྟེན་ལྟ་བུ་བཤིག་བྱུང་མ་ཡིན། ལག་པ་དང་སྣོད་མི་ལྡག# ། སྤྲུག་ཅིང་གཏོར་བར་མི་བྱ་སྣོད་ལ་འདུ་ཤེས་པར་རོ། །ཀླན་ཀ་བཙལ་བའི་ཕྱིར་དགེ་སློང་གནན་པོའི་སྣོད་ལ་མི་ལྟ། ལག་པ་སྦགས་པས་ཆུ་
[146b.3]སྣོད་ལ་མི་བཟུང་། སྦགས་པའི་ཆུ་དགེ་སློང་ཐད་#ན་པོ་ལ་མི་གཏོར། ཁྱིམ་བདག་ལ་མ་དྲིས་པར་དེའི་ཁྱིམ་དུ་མི་དོར་ལྷུང་བཟེད་ཀྱིས་#སྙིགས་མ་མི་དོར། ལྷུང་བཟེད་ལན་གསུམ་དུ་བཤལ་ལ་ཞལ་ནས་གསུངས་པའི་ཚིགས་བཅད་ཀྱིས་བསྔགས་ཏེ་ལྷུང་བཟེད་ཀྱི་ཆུ་སྦྱིན། གཞི་མ་བཏིང་བའི་ས་ཕྱོགས་སུ་ལྷུང་
[146b.4]བཟེད་མི་བཞག ། འགྲེང་ལ་བཀྲུ་བ་མ་ཡིན་གད་ཀ་དང་གཡང་ས་དང་བང་རིམ་ལ་#འདི་གཉིས་མི་བྱ། བཞི་#མདོར་མ་ཡིན། འཕྲོག་པའི་#དྲག་པོར་རྒྱུན་བཟློག་སྟེ་མི་བཅུ་ཞེས་པའི་བར་དུ་སྨོས་པ་རྣམས་ནི་ཟས་ཇི་ལྟར་བཟའ་བ་དང་ལྷུང་བཟེད་ཀྱི་རིམ་གྲོ་ཇི་ལྟ་#བ་རྣམས་སྟོན་པའོ། །དེ་ལ་སྨད་པར་མི་བྱ་ཞེས་པ་ནི་ཧ་
[146b.5]ཅང་ཁ་ཆེས་ཧ་ཅང་བསིལ་ཆེས་#པ་ལ་སོགས་པ་ཟས་ལ་ཁམ་ཆུ་མ་ཟེར་ཅིག་པའོ། །ཁམ་ཚད་དུ་མི་བཅད་ཅེས་པ་ནི་སོ་འཕྲོ་མ་བྱེད་ཅིག་པའོ། །སྣོད་ལ་འདུ་ཤེས་ཞེས་པ་ནི་གུད་དུ་མ་གཡེང་བར་སྡེར་གྱི་རིམ་གྲོ་གྱིས་ཤིག་པའོ། །བཤད་གཅི་ཡན་ཆད་ནི་ནད་པ་མ་ཡིན་པ་ལའོ་ཞེས་པ་ནི་འོག་ནས་བཤང་གཅི་ཞེས་
[146b.6]སྨོས་པ་ཡན་ཆད་ནད་པ་མ་ཡིན་པ་ལ་འདི་དག་ལྟར་མ་བྱེད་ཅིག་པའོ། །དེར་མི་ན་བས་#སོ་ཞེས་པ་ནི་འགྲེང་སྟེ་བཤང་གཅི་བྱ་ཞེས་པ་ལྟ་བུ་མི་ན་བ་ལ་ཞེས་བྱ་བར་མི་སྦྱར་གྱི་ནད་པ་མ་ཡིན་པས་ཞེས་བྱ་བར་སྦྱར་རོ། །ལངས་པས་འདུག་པ་ལ་ཆོས་མི་བཤད། འདུག་པས་ཉལ་བ་ལ་མ་ཡིན། སྟན་དམའ་བ་
[146b.7]ལ་འདུག་པས་སྟན་མཐོན་པོ་ལ་འདུག་པ་ལ་མ་ཡིན། བཟང་ངན་ཀྱང་དེ་དག་བཞིན། མདུན་དུ་སོང་ལ་ཕྱིས་#སྦྱིན་འོངས་པས་མ་ཡིན། ལམ་དང་ལམ་མ་ཡིན་པ་ཡང་ངོ་། །མགོ་བསྒྱུར་བ་ལ་སོགས་པ་ལ་མ་ཡིན། གླང་པོ་དང་རྟ་དང་བཞོན་པ་དང་ཁྱོགས་དང་ཁྲི་དང་ཤིང་ལྷམ་གྱི་སྟེང་ན་གནས་པ་ལ་མ་ཡིན།
[147a]
[147a.1]ཞྭ་དང་མགོའི་རྒྱན་དང་གཙུག་ཏོར་དང་ཐོད་དང་ཕྲེང་བས་བཅིངས་པ་ལ་མ་ཡིན། གདུགས་དང་དབྱུག་པ་མཚོན་དང་རལ་གྱི་ལག་ཅན་པ་ལ་མ་ཡིན། གོ་གྱོན་པ་ལ་མ་ཡིན་ཞེས་པ་རྣམས་ནི་འདི་དག་ལྟ་བུ་ལ་ཆོས་མ་འཆད་ཅིག་པའོ། །འགྲེང་སྟེ་བཤང་གཅི་མི་བྱ་ཞེས་པ་ནས། སྔོན་པོའི་
[147a.2]ས་ཕྱོགས་སུ་མ་ཡིན་མི་འདོར་མཆིལ་སྣབས་དང་། སྐྱུགས་པ་དང་། འབྱུང་བ་ཡང་ངོ་ཆུར་མ་ཡིན་ཞེས་པ་རྣམས་ནི་མི་ན་བས་འདི་དག་ལྟར་མ་བྱེད་ཅིག་པའོ། །གློ་བུར་མ་གཏོགས་པར་མི་གང་ལས་ལྷག་པའི་ཤིང་ལ་མི་གཟེགས་ཞེས་པ་ནི་གཅན་གཟན་དང་རྐུན་ཆོམ་ལ་སོགས་པའི་རྐྱེན་གྱིས་མ་ཐེབས་
[147a.3]ན་འདི་ཙམ་ལས་#ལྷག་པའི་ཤིང་ལ་མ་འཛེག་ཤིག་པའོ། །བསླབ་པ་རྣམས་སོ། །དགེ་སློང་གི་རྣམ་པར་འབྱེད་པ་རྫོགས་སོ།། །།ད་ནི་དགེ་སློང་མའི་རྣམ་པར་འབྱེད་པ་སྟོན་ཏེ་རྟེན་ཐ་དད་པས་ན་བསམ་པའང་ཐ་དད། བསམ་བ་ཐ་དད་པས་ན་ཉེས་པའང་ཐ་དད། ཉེས་པ་ཐ་དད་པས་ན་བཅས་#པའང་ཐ་དད་པའི་
[147a.4]ཕྱིར་དགེ་སློང་མའི་རྣམ་པར་འབྱེད་པ་གུད་དུ་བསྟན་པ་ཡིན་ནོ། །དེ་ལ་དགེ་སློང་ཕ་དང་འདྲ་བ་ནི་དགེ་སློང་མ་ཉིད་ཀྱི་རྣམ་པར་འབྱེད་པ་ལས་བསྟན་པ་ཡིན། མི་འདྲ་བ་ནི་ཀུན་སྤྱོད་ལྟ་བུ་དགེ་སློང་མ་ལ་མེད་པ་དང་། འབྱིན་པ་ལྟ་བུ་དགེ་སློང་མའི་ལྟུང་བར་འབབ་པ་དང་རེག་པ་ལྟ་བུ་དགེ་སློང་མའི་ཕམ་པར་ལྷག་པ་ལྟ་
[147a.5]བུ་ལ་སོགས་པ་མི་འདྲ་བའི་ཁྱད་པར་ཞུགས་པ་ཡིན་ནོ། །དེ་བས་ན་མི་འདྲ་བའི་མཚམས་ཇེ་སྟོན་པ་ནི། ཉེས་པ་དང་ལྡན་བའི་ཚིག་ཡན་ཆད་དགེ་སློང་མའི་འོ་ཞེས་པ་ཡིན་ཏེ། འོག་ནས་རྒྱས་པར་སྨྲ་བ་ལས་ཉམས་པ་དང་ལྡན་པ་ནི་ཉེས་བྱས་སོ་ཞེས་འབྱུང་བ་ལ་མ་ཐུག་པའི་བར་དུ་སྨོས་པ་རྣམས་དགེ་སློང་མའི་བསླབ་
[147a.6]པ་ཤ་སྟག་ཡིན་པར་སྟོན་པའོ། །མི་ཚངས་སྤྱོད་དང་མ་བྱིན་ལེན། །གསོད་དང་སྨྲ་བའང་དེ་དག་བཞིན། །རེག་པ་དང་ནི་ལུས་འདོར་དང་། །འཆབ་དང་རྣམ་པར་ཟློག་པའོ། །ཞེས་འབྱུང་བའི་ཕས་ཕམ་པ་རྣམས་འབྱེད་ཅིང་#སྟོན་ཏེ། དེ་ལ་མཚུངས་པའི་རྣམས་མིང་གིས་འབྱེད་པ་ནི་བཞིའོ་ཞེས་པ་ཡིན་ཏེ་རིམ་བཞིན་
[147a.7]དུ་སྔར་སྨོས་པ་བཞི་ནི་དགེ་སློང་ཕ་དང་ཐུན་མོང་བར་སྟོན་པའོ། །ཕྱི་མ་བཞི་མི་མཚུངས་པ་ནི་དགེ་སློང་རེག་ན་#དགེ་འདུན་གྱི་ལྷག་མར་འགྱུར་བ་ནི་དགེ་སློང་མའི་ཕམ་པར་འགྱུར། ལུས་འདོར་བ་དགེ་སློང་ཕ་མི་ཚངས་པར་སྤྱོད་པའི་སྦྱོར་བར་འགྱུར་བ་ནི་དགེ་སློང་མ་ལུས་འདོར་བའི་ཕམ་པར་འགྱུར། །དགེ་
[147b]
[147b.1]སློང་ཕ་ཕས་ཕམ་པ་འཆབ་ན་ལྟུང་#བའི་དགེ་སློང་མ་འཆབ་པའི་ཕམ་པར་འགྱུར། དགེ་སློང་ཕ་བཀར་བ་དང་མཐུན་པར་བྱེད་པའི་ལྟུང་བ་ནི་དགེ་སློང་མའི་ཕམ་པར་འགྱུར་བ་རྣམས་ཡིན་ཏེ་དེ་ལ་རེག་པའི་ཕམ་བར་འགྱུར་བ་གང་ཞེ་ན། བདག་གིར་བྱེད་ནའོ་ཞེས་པ་ལ་སོགས་པ་ཡིན་ཏེ་འོག་ནས་རེག་པ་ཞེས་
[147b.2]འབྱུང་བ་དང་སྦྱར་རོ། །ཡན་ལག་གང་གིས་ཤེ་ན། མིག་དང་བུས་མོའི་བར་རོ་ཞེས་པ་ཡིན་ཏེ་འདི་དག་གཉིས་ཀྱི་བར་རེག་ན་ཉེས་པར་འགྱུར་བའོ། །ཇི་བདག་གིར་བྱེད་ཅེ་ན། རེག་པ་ཞེས་སྨོས་པ་ཡིན་ཏེ་ལུས་དང་ལུས་རེག་པ་བདག་གིར་བྱེད་ནའོ། །སུའི་རེག་པ་ཞེ་ན། སྐྱེས་པའི་འོ་ཞེས་པ་
[147b.3]ཡིན་ཏེ། སྐྱེས་པའི་རེག་པ་བདག་གིར་བྱེད་ནའོ། །ཇི་ལྟ་བུའི་བསམ་པས་ཤེ་ན། འཁྲིག་པའི་འདོད་ཆགས་ཀྱི་ནའོ་ཞེས་པ་ཡིན་ཏེ་འཁྲིག་#པའི་འདོད་ཆགས་ཀྱིས་སྐྱེས་པའི་རེག་པ་བདག་གིར་བྱེད་ནའོ། །མིག་དང་བུས་མོའི་བར་མ་ཡིན་པ་ཡན་ཆད་གཞན་གྱིས་རེག་པ་ཅིར་འགྱུར་ཞེ་ན། ཡན་ལག་#
[147b.4]གཞན་གྱི་སྦོམ་པོའོ་ཞེས་པ་ཡིན་ཏེ་མིག་ཡན་ཆད་བུས་མོ་མན་ཆད་ཀྱིས་རེག་པ་ནི་སྦོམ་པོར་འགྱུར་བའོ། །སེམས་གཞན་གྱི་ན་འབྲི་ཞེས་པ་ནི་འདོད་ཆགས་དང་མི་ལྡན་པའི་སེམས་ཀྱིས་རེག་ན་ཕམ་པར་སྨྲས་པ་ནི་སྦོམ་པོའོ། །སྦོམ་པོར་སྨྲས་པ་ནི་ཉེས་བྱས་སུ་འབྲི་བའོ། །ཅི་ཐམས་ཅད་དུའང་དེ་#ལྟའམ་
[147b.5]ཞེ་ན། དེའི་ཚེ་སྐྱེས་པའང་དེ་ལ་ལྐུགས་པར་ངེས་ཤེས་#ནའོ་ཞེས་པ་ཡིན་ཏེ་སྐྱེས་པ་ཆགས་ཤིང་ལྐུགས་པར་ནི་ཤེས་ལ་འདོད་ཆགས་མེད་པའི་བསམ་#པས་རེག་ན་གདོད་སྦོམ་པོར་འབབ་པའོ། །མ་ཡིན་ན་དེ་ལས་ཀྱང་ངོ་ཞེས་པ་ནི་སྐྱེས་པ་དེ་ལྐུགས་པ་མ་ཡིན་བར་ཤེས་པས་རེག་ན་སྦོམ་པོ་ལས་ཀྱང་འབྲི་སྟེ་ཉེས་
[147b.6]བྱས་སུ་སྟོན་པའོ། །བདག་གིར་མ་བྱས་པ་ནི་ཉེས་མེད་ཅེས་པ་ནི་ཆེད་དུ་རེག་པར་མ་བྱས་པ་ལྟ་བུ་ནི་ཉེས་མེད་པར་སྟོན་པའོ། །བུ་ལ་རེག་པ་ཉེས་མེད་ཅེས་པ་ནི་བདག་གི་བུ་ལ་རེག་པ་ནི་ཉེས་མེད་པའོ། །གཞན་ནི་བྱིས་པ་ལའང་མི་#རེག་ཅེས་པ་ནི་བུ་མ་ཡིན་པ་གཞན་#བྱིས་པ་ཡན་ཆད་ལའང་མ་རེག་ཤིག་པའོ། །
[147b.7]གོང་དུ་སྐྱེས་པ་ཞེས་སྨོས་པའོ་ཅོག་ལས་ཉེས་པ་#རངས་པར་བྱེད་དམ་ཞེ་ན། འདོད་པ་དང་ལྡན་པ་ནི་བསྟེན་#ནུས་པའི་སྐྱེས་པ་དང་ཚིག་དེའི་དོན་ཤེས་ན་རྫོགས་པར་བྱེད་ཅེས་པ་ཡིན་ཏེ་འདོད་པ་དང་ལྡན་ནོ་ཅོག་བསྟེན་ནུས་པའི་སྐྱེས་པ་དང་འདོད་ཆགས་ཀྱི་ཚིག་གི་ཟུར་ཆ་#ཤེས་པའི་ཡན་ལག་འདི་གཉིས་ཀྱིས་ན་ཉེས་པ་
[148a]
[148a.1]རངས་པར་འགྱུར་བའོ། །སྐབས་འདིར་ནི་བསྟེན་ནུས་པའི་སྐྱེས་པ་དང་སྦྱར་རོ། །དེ་ལ་བསྟེན་མི་#ནུས་པ་དང་གོས་ཀྱིས་བར་ཆོད་ན་ཉེས་པ་འབྲི་བ་ལ་སོགས་པ་གཞན་ནི་དགེ་སློང་ཕའི་རེག་པའི་ལྷག་མ་ལས་འབྱུང་བ་བཞིན་#དུ་རིག་པར་གྱིས་ཤིག ། རེག་པའི་ཕས་ཕམ་པའོ།། །།#ཇི་ལྟར་
[148a.2]ན་ཉལ་བའི་ཕམ་པར་འགྱུར་ཞེ་ན། ལུས་འདོར་ནའོ་ཞེས་པ་ལ་སོགས་པ་ཡིན་ཏེ། ལུས་བོར་ཞིང་བཏང་ན་ཕམ་པར་འགྱུར་བའོ། །ཇི་ལྟ་བུའི་བསམ་པས་ཤེ་ན། འདོད་ཆགས་ཀྱིས་སོ་ཞེས་པ་ཡིན་ཏེ་སུའི་ཐད་དུ་ཞེ་ན། བསྟེན་པ་མངོན་དུ་འོངས་པའི་སྐྱེས་པ་དེ་ལ་ཆགས་པ་ལའོ་ཞེས་པ་ཡིན་ཏེ་ཉལ་པོ་བྱེད་
[148a.3]དུ་འོངས་པའི་སྐྱེས་པའི་ཐད་དུ་འདོད་ཆགས་ཀྱི་སེམས་ཀྱིས་ལུས་བོར་ན་གདོད་ཉེས་པར་འགྱུར་བའོ། །ཆགས་པའི་སེམས་ཀྱིས་བོར་རོ་ཅོག་ན་ཉེས་པར་འགྱུར་རམ་ཞེན། དེས་འཐོབ་པར་ནའོ་ཞེས་པ་ཡིན་ཏེ། སྐྱེས་པ་དེས་#སྤྱད་ཅིང་བྱར་ཡོད་པའི་སར་ལུས་བོར་ན་གདོད་ཕམ་པར་འགྱུར་བའོ། །ཆགས་
[148a.4]པ་དང་ཆགས་མར་སྟེག་ན་སྦོམ་པོའོ་ཞེས་པ་ནི་ཕོ་མོས་གཉི་ག་#ཆགས་པས་སེད་སེད་མོར་བྱེད་ཅིང་སྟེག་#ན་སྦོམ་པོར་འགྱུར་བའོ། །བཞུམ་པའོ་ཞེས་པ་ནི་བསེག་བསེག་པོར་བྱས་ཤིང་དྲུང་དུ་འགྲོ་བ་ལ་སོགས་པ་བྱེད་ན་བཅུམ་ཞེས་བྱ་བ་ཡིན་ཏེ་འདི་ལྟར་བྱས་ནའང་སྦོམ་པོར་འགྱུར་བའོ། །རྡིལ་ནའོ་ཞེས་པ་ནི་
[148a.5]ཉམས་གྱུར། བསྟེན་པ་ལ་རྔམ་ལ། ངོ་ཚ་མི་ཤེས་ཤིང་བརྟུན་ངས། རྐང་ལག་འདར། ཚིག་འཁྲུལ་པ་ལ་སོགས་པ་ནི་རྡིལ་བ་ཞེས་བྱ་སྟེ་འདི་ལྟར་བྱེད་ནའང་སྦོམ་པོར་འགྱུར་བའོ། །བཏུས་པར་ཁས་ལེན་ནའོ་ཞེས་པ་ནི་གར་བཏུས་པར་ཁས་ལེན་ཡང་སྦོམ་པོར་འགྱུར་བའོ། །བརྡས་
[148a.6]ཤེས་པ་ནི་སྔ་དྲོའམ་ཕྱི་དྲོ་ཞེས་དུས་ཀྱིས་སྐད་སྦྱོར་ན་#ཡང་སྦོམ་པོའོ། །མཚན་མས་ཤེས་པ་ནི་ང་གོས་འདི་ལྟ་བུ་གྱོན་ན་ཤོག་ཤིག་ཅེས་པ་ལྟ་བུ་ལ་སོགས་པ་མཚན་མས་བརྡ་སྐད་སྦྱོར་ན་ཡང་སྦོམ་པོའོ། །འདྲུལ་ཟགས་ལ་ཞུགས་པ་བདག་གིར་བྱེད་པ་ཞེས་པ་ནི་ཕས་འདྲུལ་ཟགས་བྱེད་ཅིང་
[148a.7]འོངས་པ་ལ་དགའ་བར་བྱེད་ན་ཡང་སྦོམ་པོར་འགྱུར་བའོ། །ལུས་འདོར་བའི་ཕས་ཕམ་པའོ།། །།#ཁ་ན་མ་ཐོ་བ་གང་བཅབས་པས་ཕམ་པར་འགྱུར་ཞེ་ན། དགེ་སློང་མའི་ཕས་ཕམ་བ་བཅབས་#ནའོ་ཞེས་པ་ཡིན་ཏེ་ཕམ་བརྒྱད་གང་ཡང་རུང་ཉིན་ཞག་གཅིག་གི་བར་དུ་#བཅབས་ན་ཕམ་པར་འགྱུར་བའོ། །བཅབས་
[148b]
[148b.1]པའི་ཕས་ཕམ་པའོ།། །།#ཇི་ལྟར་བྱས་པས་བཟློག་པའི་#ཕམ་པར་འགྱུར་ཞེ་ན། བཀར་བའི་དགེ་སློང་གིས་གནོང་བ་#བཀུར་བར་ཆད་ཅིང་ཕྱག་མི་བྱ་བར་འོས་པའི་སྡོམ་པ་བཅབས་པར་ཤེས་བཞིན་དུ་བཟློག་པ་མི་གཏོང་ནའོ་ཞེས་པ་ཡིན་ཏེ་ཕྱག་མི་བྱ་བར་དམ་ཡང་བཅས་ལ་#བཀར་བའི་དགེ་སློང་གིས་གནོང་བགུར་#
[148b.2]བར་ཡང་ཆད་པ་ལས་ཤེས་བཞིན་དུ་དེ་འཆགས་སུ་མ་སྟེར་ཅིང་དགེ་སློང་མའི་དགེ་འདུན་གྱིས་བཟློག་པ་མི་གཏོང་ན་ཕམ་པར་འགྱུར་བའོ། །གང་གི་ཚེ་ཕམ་པར་འགྱུར་ཞེ་ན། དབྱེན་ལ་ཞུགས་པའི་བཞིན་ནོ་ཞེས་པ་ཡིན་ཏེ་དབྱེན་ལ་ཞུགས་པ་གསོལ་བ་དང་བཞིའི་ལས་ཀྱིས་བཟློག་ན། མ་བཏུབ་པ་བཞིན་དུ་
[148b.3]ཉེས་པར་འགྱུར་བའོ། །བཟློག་པའི་ཕས་ཕམ་པའོ། །དགེ་སློང་མའི་ཕས་ཕམ་པ་རྣམས་རྫོགས་སོ།། །།དེ་#ནི་དགེ་སློང་མའི་དགེ་འདུན་གྱི་ལྷག་མ་ཉི་ཤུ་སྟོན་ཏེ་དེ་ཡང་ཡོད་མེད་དང་ལྕི་ཡང་གི་ཁྱད་པར་དུ་འགྱུར་བ་ནི་འབྱིན་པ་དགེ་སློང་མའི་ལྟུང་#བར་འགྱུར་བ་དང་། རེག་པ་དགེ་སློང་མའི་ཕམ་པར་འགྱུར་
[148b.4]བ་དང་སྨྱེ་ཚིག་དགེ་སློང་མའི་སྟེག་#པར་བསྡུས་ཏེ་སྦོམ་པོར་བསྟན་པ་ཀུན་སྤྱོད་སྐྱེས་པ་ལྟ་བུ་བདག་པོ་བྱེད་པ་ལས་#འབྱུང་གི་བུད་#མེད་ལྟ་བུ་བྲན་ཐབས་སུ་འདུག་པ་ལས་མི་འབྱུང་བས་ན། དགེ་སློང་མ་ལ་ཡེ་མེད་པ་དང་ཉམས་ཀྱིས་མི་ནུས་ཤིང་སྐྱེས་པ་ལྟར་ཁྱིམ་ལ་གདུ་བ་མེད་པའི་ཕྱིར་ཁང་པ་དང་གཙུག་
[148b.5]ལག་ཁང་གཉིས་ཀྱི་ལྷག་མ་མེད་པ་དང་སྨྱན་#ལྟ་བུ་ཐུན་མོང་དུ་འདུག་པ་ལ་སོགས་པ་ཡིན་ནོ། །དེ་ལ་ཐུན་མོང་བ་ནི་སྨྱན་ནོ་ཞེས་པ་ཡིན་#ཏེ་སྨྱན་ནི་ཐུན་མོང་བས་ན་དགེ་སློང་མའི་རྣམ་པར་འབྱེད་པར་#བསྟན་པ་བཞིན་དུ་རིག་པར་གྱིས་ཤིག་པའོ། །ཕྲན་ཚེགས་ལས་སྨྱན་དང་འདྲ་བ་#དག་ཅིག་བསྡུས་ཏེ་སྟོན་པ་ནི།
[148b.6]དགེ་སློང་མ་ཁྱིམ་པའི་མངག་#ན་སྦོམ་པོའོ་ཞེས་པ་ལ་སོགས་པ་ཡིན་ཏེ་དགེ་སློང་མ་ཟླ་#ལ་ཁྱིམ་པར་འགྲོ་བའི་རིགས་སོ་ཞེས་ཐ་སྙད་ཕལ་པོ་ཆེས་གྲོས་བཏབ་ན་སྦོམ་པོར་སྟོན་པའོ། །གཞན་སྨད་འཚོང་དུ་འཇུག་ནའོ་ཞེས་པ་ནི་བུད་མེད་གཞན་སྨད་འཚོང་#བཅུག་ན་ཡང་སྦོམ་པོར་འགྱུར་བའོ། །བྲན་མོ་གླར་#
[148b.7]བཏང་བའང་དེར་མ་འདུས་པ་མ་ཡིན་ཞེས་པ་ནི་བྲན་མོ་སྨད་འཚོང་བའི་གླར་#བཏང་ན་ཡང་སྦོམ་པོར་འགྱུར་བའོ། །དགེ་སློང་མ་སྨྱན་བྱེད་པ་དགེ་འདུན་གྱི་ལྷག་མའོ།། །།#སྐུར་བའི་ལྷག་མ་གང་ཞེ་ན། རྩ་བ་མེད་པ་དང་ཆས་སོ་ཞེས་པ་ཡིན་ཏེ་དགེ་སློང་ཕའི་སྐུར་བ་དང་འདྲ་བར་རྩ་བ་མེད་པ་དང་ཆས་སྐུར་ན་ལྷག་
[149a]
[149a.1]མར་འགྱུར་བའོ། །སྐྱེས་པ་ལ་ནི་བུད་མེད། འདིར་ནི་སྐྱེས་པའོ་ཞེས་པ་ནི་འདི་གཉིས་དགེ་སློང་ཕ་དང་མི་འདྲ་བར་དབྱེ་ན་དགེ་སློང་ཕ་འདི་དང་བུད་མེད་འདི་#མི་ཚངས་པར་སྤྱོད་དོ་ཞེས་ཟེར་བ་ལྟ་བུ་ཐབ་མར་བུད་མེད་འདི་དང་སྐྱེས་པ་ཆེ་གེ་མོ་ཞིག་ཏུ་མི་ཚངས་པར་སྤྱོད་དོ་ཞེས་སྐུར་པ་འདེབས་པ་
[149a.2]ཙམ་ཞེས་ཁྱད་ཡོད་པར་སྟོན་པའོ། །རྩ་བ་མེད་པ་དང་ཆས་སྐུར་བའོ།། །།#ནོར་གང་གིས་འཚོ་བས་དགེ་འདུན་གྱི་ལྷག་མར་འགྱུར་ཞེ་ན། ཆུང་ཟད་བདག་གིར་བྱེད་ནའོ་ཞེས་པ་ཡིན་ཏེ་ཟས་དང་གོས་ལ་སོགས་པ་གང་ཅི་ཡང་རུང་སྟེ་བདག་གིར་བྱེད་ན་ལྷག་མར་འགྱུར་བའོ། །དེའང་ཇི་ལྟ་བུས་ཤེ་ན། ཆགས་
[149a.3]པས་ཞེས་པ་ཡིན་ཏེ་དགེ་སློང་མ་ཆགས་པས་གོང་མ་ལྟ་བུ་#བླངས་ན་ཉེས་པར་འགྱུར་བའོ། །སུ་ལས་ཤེ་ན། སྐྱེས་པ་ལས་སོ་ཞེས་པ་ཡིན་ཏེ#། ཇི་ལྟ་བུའི་སྐྱེས་པ་ཞེ་ན། ཆགས་པས་སམ་མ་ཆགས་པས་སོ་ཞེས་པ་ཡིན་ཏེ་སྐྱེས་པ་ཆགས་ཀྱང་རུང་མ་ཆགས་ཀྱང་རུང་སྟེ་དེ་ལས་བླངས་ན་ཉེས་པར་
[149a.4]འགྱུར་བའོ། །མ་ཆགས་པ་ལ་སྦོམ་པོའོ་#ཞེས་པ་ནི་སྐྱེས་པ་ཆགས་ལ་བུད་མེད་མ་ཆགས་པས་བླངས་ན་སྦོམ་པོར་འགྱུར་བའོ། །མ་ཆགས་ན་ཉེས་བྱས་ཞེས་པ་ནི་སྐྱེས་པ་མ་ཆགས་ལ་བུད་མེད་ཆགས་པས་ན་ཉེས་བྱས་སུ་སྟོན་པའོ། །ཆུང་#ཟད་ལེན་པའོ། །ཇི་ལྟར་ན་ཆུང་#ཟད་ལེན་དུ་བཅུག་
[149a.5]བའི་ལྷག་མར་འགྱུར་ཞེ་ན། ཆགས་པ་ལས་མ་ཆགས་པས་ཆུང་#ཟད་བདག་གིར་བྱེད་པ་ཉེས་མེད་དོ་ཞེས་དགེ་སློང་མ་ལ་བསྒོ་ནའོ་ཞེས་པ་ཡིན་ཏེ་བདག་ཅག་ཉིད་མ་ཆགས་ན་ཕ་རོལ་ཆགས་པའི་རྫས་ཁྱེར་བ་ལྟ་ཅི་གནོད་#ཅེས་ཆགས་པའི་རྫས་ལེན་དུ་བཅུག་ན་ལྷག་མར་འགྱུར་བའོ། །ཆུང་ཟད་ལེན་དུ་
[149a.6]འཇུག་ནའོ།། །།#འོག་མ་བཞི་ནི་དགེ་སློང་མ་མེད་ནའོ་ཞེས་པ་ནི་འདིའི་འོག་ནས་ཉིན་མཚན་འབྲེལ་བ་དང་ལམ་དུ་འགྲོ་བ་དང་ཆུ་རྒལ་བ་བཞི་དགེ་སློང་མ་ཟླ་མེད་ན་ཉེས་པར་འགྱུར་བའོ། །སུམ་ཆ་མེད་པ་ནི་དགེ་སློང་མའོ་ཞེས་པ་ནི་དགེ་སློང་མ་ཁྲིམས་ཟླར་ཁྲིད་ན་སུམ་ཆ་གཅིག་མ་ཚང་བའི་#ཕྱིར་ཉེས་
[149a.7]བྱས་སུ་འགྱུར་བར་སྟོན་པའོ། །སུམ་གཉིས་ནི་དགེ་ཚུལ་མའོ་ཞེས་པ་ནི་དགེ་ཚུལ་མ་ཁྲིམས་ཟླར་ཁྲིད་ན་སུམ་གཉིས་མ་ཚང་བའི་ཕྱིར་སྦོམ་པོར་འགྱུར་བའོ། །མི་འདོད་པར་བྲལ་བ་ནི་ཉེས་མེད་ཅེས་པ་ནི་མལ་གཡོགས་#སུ་ཆེད་དུ་མ་བྱས་པར་ཁྲིམས་ཟླ་དང་བྲལ་བ་ནི་ཉེས་མེད་པར་སྟོན་པའོ། །བར་
[149b]
[149b.1]ཆད་ཀྱིས་ཐེབས་པའི་དབང་གིས་ན་ཡང་ངོ་ཞེས་པ་ནི་ཁྲིམས་ཟླ་དང་བཤམ་ཞིང་བྱ་ར་དགེ་སློང་དང་འཚོ་བའི་བར་ཆད་འགྱུར་བའི་རྐྱེན་དྲག་པོས་བརྟད་པར་ཐེབས་ན་ཁྲིམས་ཟླ་མེད་པར་སོང་ཡང་བླ་བའོ། །ལྷག་མ་འདི་བཞི་#གང་གིས་སྦྱོར་བ་དང་། གང་གི་རྩ་བར་འགྱུར་བ་སྟོན་པ་ནི། དུས་སུ་གཏོགས་པ་
[149b.2]ནི་ཐ་མའི་སྔ་རོལ་དུ་སྦྱོར་བའོ་ཞེས་པ་ཡིན་ཏེ་དུས་སུ་གཏོགས་སོ་ཅོག་དུས་ཐ་མ་ལ་ཐུག་པའི་སྔ་རོལ་ཀུན་ཉེས་བྱས་སུ་སྟོན་པའོ། །ཉི་མ་ནུབ་པ་ནི་ཉིན་པར་གྱི་མཐའོ་ཞེས་པ་ནི་ཉིན་པར་གྱི་མཐའ་#ཉི་མ་ནུབ་པ་ཡིན་པར་སྟོན་པའོ། །སྤྱིར་ཁོང་འཐུལ་#བའི་མཚན་ཉིད་དེ་ལྟར་བསྟེན་#ནས་སོ་སོའི་མཚན་ཉིད་
[149b.3]ད་སྟོན་པ་ལ་#མཚན་མོ་འབྲལ་བའི་ལྷག་མ་གང་ཞེ་ན། མཚན་མོ་དབྱར་མོ་ཐང་གི་ཕྱི་རོལ་དུ་ལུས་ནའོ་ཞེས་པ་ཡིན་ཏེ་མཚན་གཅིག་རངས་པ་དབྱར་མོ་ཐང་གི་ཕྱི་རོལ་དུ་ལུས་ན་ལྷག་མར་འགྱུར་བའོ། །མཚན་མོ་འབྲལ་བའོ།། །།#ཉིན་པར་འབྲལ་བའི་ལྷག་མ་གང་ཞེ་ན། ཉིན་མོའི་ཞེས་པ་ཡིན་ཏེ་
[149b.4]ཉིན་གཅིག་#རངས་པར་དབྱར་མོ་ཐང་གི་ཕྱི་རོལ་དུ་ལུས་ན་ལྷག་མར་འགྱུར་བའོ། །དེའི་འབྲེལ་བ་སྟོན་པ་ནི། མུ་གེ་བྱུང་བའི་ཚེ་གཉེན་དང་ལྷན་ཅིག་ཏུ་འབྲེལ་ཅིང་འགྲོ་བའི་སྡོམ་པ་ཐོབ་པ་ནི་གཅིག་པུ་ཟས་#ཀྱི་ཕྱིར་གཉེན་གྱི་ཁྱིམ་དུ་འགྲོ་བར་བྱ་ཞེས་པ་ཡིན་ཏེ་མུ་གེ་བྱུང་གཉེན་དང་འབྲེལ་བར་དགེ་
[149b.5]འདུན་གྱིས་#གནང་བ་འབྱིན་#ན་ཉིན་པར་གཅིག་པུ་སོང་ཡང་བླ་བའོ། །དེ་སྦྱིན་ཞེས་པ་ནི་དེ་ལྟ་བུའི་ཚེ་དགེ་འདུན་གྱིས་ཀྱང་གནང་བ་བྱིན་ཅིག་པའོ། །ཉིན་པར་འབྲེལ་#བའོ།། །།#ལམ་དུ་འགྲོ་བའི་ལྷག་མ་གང་ཞེ་ན། ལམ་དུ་འགྲོ་ནའོ་ཞེས་པ་ཡིན་ཏེ་གཅིག་པུ་ལམ་དུ་ཞུགས་ན་རྒྱང་གྲགས་གཅིག་
[149b.6]གིས་ཉེས་པར་འགྱུར་བའོ། །ལམ་དུ་འཇུག་པའོ།། །།#རྒལ་#བའི་ལྷག་མ་གང་ཞེ་ན། གཙང་པོའི་ཕ་རོལ་དུ་རྒལ་#ནའོ་ཞེས་པ་ཡིན་ཏེ་གཙང་པོའི་ཕ་རོལ་དུ་རྒལ་#ན་ཉེས་པར་འགྱུར་བའོ། །ཇི་ལྟར་རྒལ་#བས་ཤེ་ན། རྐྱལ་ཏེ་ཕ་རོལ་དུ་ཕྱིན་ནའོ་ཞེས་པ་ཡིན་ནོ། །ཚུན་ཆང་སྦོམ་པོའོ་ཞེས་པ་ནི་ཕ་རོལ་
[149b.7]གྱི་འགྲམ་དུ་ཕྱིན་པ་ཚུན་ཆད་སྦོམ་པོར་འགྱུར་བའོ། །ཡུར་ཆུ་རྒལ་བ་ནི་ཉེས་བྱས་ཞེས་པ་ནི་ཡུར་ཆུ་ལ་སོགས་པ་ཆུ་བྲན་ལ་རྐྱལ་ཏེ་རྒལ་ན་ཉེས་བྱས་སུ་སྟོན་པའོ། །ཆུ་རྒལ་བའོ།། །།#རབ་ཏུ་འབྱིན་པ་དགེ་འདུན་གྱི་ལྷག་མར་འགྱུར་བ་གང་ཞེ་ན། རབ་ཏུ་འབྱིན་ནའོ་ཞེས་པ་ལ་སོགས་པ་ཡིན་
[150a]
[150a.1]ནོ། །ཇི་ལྟར་#རབ་ཏུ་ཕྱུང་བས་ཤེ་ན། རྩོགས་#པས་བཅད། བདག་པོས་བཏང་། རྒྱལ་པོས་གསད་#པར་གནང་ནའོ་ཞེས་པ་ཡིན་ཏེ་འདི་ལྟ་བུའི་ཁྲིན་ཅན་རབ་ཏུ་ཕྱུང་#ན་ཉེས་པར་འགྱུར་བའོ། །སུལ་ཉེས་པར་འགྱུར་བ་ན། མཁན་མོ་བྱེད་ནའོ་ཞེས་པ་ཡིན་ཏེ་འདི་ལྟ་བུའི་#མཁན་
[150a.2]མོ་བྱེད་ན་གདོད་ཉེས་པར་འགྱུར་བའོ། །དེའང་ཇི་ལྟ་བུས་མཁན་མོ་བྱེད་ཅེ་ན། འདི་ལྟར་ཤེས་ནའོ་ཞེས་པ་ཡིན་ཏེ་གོང་མ་ལྟ་བུའི་གཡོ་#སྐྱོན་དང་ལྡན་པར་ཤེས་པ་མཁན་མོ་བྱས་ན་ཉེས་པར་འགྱུར་བའོ། །རབ་ཏུ་འབྱིན་ནའོ།། །།#ཇི་ལྟར་ཤི་བའི་ནོར་འདས་པས་ལྷག་མར་འགྱུར་ཞེ་ན། ཤི་བའི་ནོར་
[150a.3]འདས་ནའོ་ཞེས་པ་ལ་སོགས་ཡིན་ཏེ་ཤི་བའི་ནོར་#ཁུངས་མར་ལས་པ་བདས་ན་ཉེས་པར་འགྱུར་བའོ། །དེའི་འབྲེལ་པ་སྟོན་པ་ནི། དགེ་འདུན་གྱིས་ཉེས་མེད་ཅེས་པ་ཡིན་ཏེ་ཤི་བའི་ནོར་#དགེ་འདུན་མངའ་བ་འདས་པ་ནི་ཉེས་མེད། དེ་ལྟ་བུའོ་ཅོག་བླའམ་ཞེ་ན། གལ་ཏེ་ཚེགས་ཆུང་ནའོ་ཞེས་པ་
[150a.4]ཡིན་ཏེ་གོས་ཀྱི་ཟོད་སྐུར་ཏེ་འོངས་པ་ལྟ་བུ་མཚར་པོ་ཆེར་འདའ་ཞིང་བརྩད་#མི་དགོས་པ་ཙམ་གྱི་ཚོད་ན་གདོད་དགེ་འདུན་གྱི་འདས་ཀྱང་བླ་བའོ། །དེད་པའོ།། །།#ཚངས་པར་བྱེད་པའི་ལྷག་མ་གང་ཞེ་ན། མཚམས་ཀྱི་ཕྱི་རོལ་དུ་ཚངས་པར་#ནའོ་ཞེས་པ་ཡིན་ཏེ་བཀར་བའི་དགེ་སློང་མ་#སྤྱིས་ཚངས་པར་
[150a.5]བྱ་བ་ནི་མ་ཡིན་གྱི་ཁ་ཅིག་འདུས་ཏེ་མཚམས་ཀྱི་ཕྱི་རོལ་དུ་དོང་ནས་ཆད་པ་འདྲ་ཞིང་#ཚངས་པར་བྱེད་ན་ལྷག་མར་འགྱུར་བའོ། །ཚངས་པར་བྱེད་པའོ།། །།#གཏོང་བའི་ལྷག་མ་གང་ཞེ་ན། དཀོན་མཆོག་གཏོང་ཞེས་པ་དང་འདི་དང་དགེ་སྦྱོང་གཞན་པར་འགྲས་ཏེ་ཚངས་པར་སྤྱད་པ་སྤྱོད་དོ་ཞེས་པའི་ཆོག་ལ་
[150a.6]ཞུས་པ་མི་གཏོང་ནའོ་ཞེས་པ་ཡིན་ཏེ་དགེ་སློང་མ་དང་འཐབ་#པ་དང་དཀོན་མཆོག་གསུམ་#གཏོང་ཞིང་སྙད་#འདི་སྐད་དུ་ཟེར་བ་མ་#གཏོང་ན་ལྷག་མར་འགྱུར་བའོ། །དེ་གང་གི་ཚེ་ཞེ་ན། དགེ་འདུན་གྱི་དབྱེན་ལ་ཞུགས་པ་བཞིན་ཞེས་པ་ཡིན་ཏེ་དགེ་འདུན་གྱི་དབྱེན་ལ་ཞུགས་པ་མ་བཏང་#ན་ལྷག་མར་འགྱུར་
[150a.7]བ་དང་འདྲ་བར་སྟོན་པའོ། །འོག་མ་དག་ཀྱང་ངོ་ཞེས་པ་ནི་འདི་འོག་ནས་འབྱུང་བའི་བསླབ་པ་རྣམས་ཀྱང་དགེ་འདུན་གྱི་དབྱེན་ལ་ཞུགས་པ་མི་གཏོང་ན་ཉེས་པར་འགྱུར་བ་དང་འདྲ་བར་སྟོན་པའོ། །གཏོང་བའོ།། །།#འཐབ་གཅུགས་#མི་ཉན་པའི་ལྷག་མ་གང་ཞེ་ན། དགེ་སློང་མ་རྣམས་ལ་འདོད་པ་
[150b]
[150b.1]ལ་སོགས་པས་འགྲོ་ཞེས་ཟེར་ནའོ་ཞེས་པ་ལ་སོགས་པ་ཡིན་ཏེ་གཅུགས་#ཤིང་བསྡུས་པའི་དགེ་སློང་མ་ལ་འདི་སྐད་དུ་ཁ་ཚས་ཟེར་ན་ལྷག་མར་འགྱུར་བའོ། །གོང་མ་སྐད་དུ་ཁ་ཚས་ཟེར་བ་གང་གི་ཚེ་ན། དགེ་སློང་མ་དང་འཐབ། མཚང་འདྲུ#། རྩོད། མི་འདུམ་པར་སྨྲ་བ་རྣམས་མི་གཏོང་
[150b.2]ནའོ་ཞེས་པ་ཡིན་ཏེ་འདི་དག་ལྟར་རྩོད་པ་ལས་གཅུགས་#པ་མི་གཏོང་ན་གདོད་ཉེས་པར་འགྱུར་བའོ། །དེ་ལ་འཐབ་ཅེས་པ་ནི་ཚིག་ངན་པས་འདྲེ་བའོ། །མཚང་འདྲུ་#ཞེས་པ་ནི་ལུས་དང་ངག་གིས་ཕ་རོལ་གྱི་#ཉེས་པ་བརྗོད་ཅིང་འབྱིན་པའོ། །རྩོད་ཅེས་པ་ནི་འཁོན་པའོ། །མི་#འདུམ་ཞེས་པ་ནི་ཞལ་
[150b.3]ཆེར་སྐྱེ་བའོ། །འཐབ་#མོ་བྱེད་པའོ།། །།#བུད་མེད་འགྲིལ་པའི་ལྷག་མ་གང་ཞེ་ན། འགྲིལ་བ་སྤྱོད་ནའོ་ཞེས་པ་ལ་སོགས་པ་ཡིན་ཏེ། འགྲིལ་བར་མཛའ་ན་ཉེས་པར་འགྱུར་བའོ། །སུ་དང་ཞེ་ན། དགེ་སློང་མ་དང་གཡེངས་#འཆུམ། རྡིལ་བའི་རྒྱུར་གྱུར་ནའོ་ཞེས་པ་ཡིན་ཏེ། ཟོས་ཤིང་
[150b.4]རྡིལ་བའི་རྒྱུར་འགྱུར་བར་འགྲིལ་ན་ཉེས་པར་འགྱུར་བ་སྟེ། དགེ་སློང་མ་ཞེས་སྨོས་པ་ནི་དཔེ་ཙམ་དུ་ཟད་ཀྱི་དགེ་སློང་ལ་སོགས་པ་དང་འགྲིལ་ན་ཡང་ལྷག་མར་འགྱུར་བའོ། །དེ་ལ་ཐུན་མོང་བ་ནི་སྨྱན་ནའོ་ཞེས་པ་ཡིན་ཏེ་སྨྱན་ནི་ཐུན་མོང་བས་ན་དགེ་སློང་མའི་རྣམ་པར་འབྱེད་པར་བསྟན་པ་བཞིན་
[150b.5]དུ་རིག་པར་གྱིས་ཤིག་པའོ། །ཕྲན་ཚེགས་ལས་སྨྱན་དང་། དགེ་སློང་མ་དང་འགྲིལ་བར་གཏོགས་པའོ།། །།#འགྲིལ་དུ་བཅུག་#པའི་ལྷག་མ་གང་ཞེ་ན། དེ་དང་འགྲིལ་འདུག་ནའོ་ཞེས་པ་ཡིན་ཏེ། འགྲིལ་བར་མཛའ་བ་གྱིས་ཤིག་ཅེས་འགྲིལ་ན་བཅུག་ན་ལྷག་མར་འགྱུར་བའོ། །འཇུག་
[150b.6]པའོ།། །།#དབྱེན་ལ་སོགས་པའི་ལྷག་མ་བཞི་གང་ཞེ་ན། དགེ་སློང་མ་ཡིར་#གཏོགས་པ་ནི་དགེ་འདུན་གྱི་དབྱེན་ལ་སོགས་པ་བཞིའོ་ཞེས་པ་ཡིན་ཏེ་དགེ་འདུན་གྱི་དབྱེན་དང་དེའི་རྗེས་སུ་ཕྱོགས་པ་དང་རིགས་སུན་འབྱིན་པ་དང་བཀའ་བློ་མི་བདེ་བ་བཞི་ནི་དགེ་སློང་མའི་བསླབ་པའི་ཁོངས་སུ་འང་
[150b.7]གཏོགས་པར་སྟོན་པའོ། །དགེ་སློང་མའི་དགེ་འདུན་ལྷག་མ་རྫོགས་སོ།། །།ད་ནི་སྤང་བའི་ལྟུང་བ་སྟོན་པ་སྟེ་དེའང་དགེ་སློང་ཕ་དང་ཐུན་མོང་བ་དང་ཐུན་མོང་མ་ཡིན་པ་ལས་ཐུན་མོང་བའི་མཚན་ཉིད་ཇེ་སྟོན་པ་ནི་བཅུའོ་ཞེས་པ་ནི་གསེར་དངུལ་མཚན་མ་བཏབ་#པ། ཉོ་ཚོང་། ལྷན་པ་མེད་པ།
[151a]
[151a.1]ཐག་པ་གཉིས། འཕྲོག་པ་བསྔོས་པ། བཞག་པར་གཏོགས་པ་རྣམས་ཀྱང་ངོ་ཞེས་པ་#ཡིན་ཏེ་དང་པོའི་བཅུ་ཕུང་གཅིག་རིལ་གྱིས་ཐུན་མོང་བ་དང་མིང་གིས་སྨོས་པ་དེ་#རྣམས་ཐུན་མོང་བར་སྟོན་པའོ། །དེ་ལ་ཡང་འཁྲུ་བའི་བྱེ་བྲག་སྟོན་པ་ནི། དགེ་སློང་གི་འཁྲུ་བ་ལ་སོགས་
[151a.2]པའོ་ཞེས་པ་ཡིན་ཏེ་གོང་དུ་སྐྱེས་པ་#འདིར་བུད་མེད་དང་སྐྱེས་པའོ་ཞེས་པ་དེ་ནི་འཁྲུ་བ་ལ་སོགས་པ་དང་མི་སྦྱོར་བར་བསྟན་པ་ནི་དེ་ལས་ལེན་པ་ཞེས་པ་ནི་དགེ་སློང་ཕ་ལས་གོས་བླངས་སམ་ཁྱེར་ན་སྤང་བར་འགྱུར་བའོ། །དགེ་སློང་མ་ལ་བྱིན་ནའོ་ཞེས་པ་ནི་དགེ་སློང་ཕ་ལ་བྱིན་ནས་འཕྲོག་པ་འདྲ་བར་དགེ་
[151a.3]སློང་མ་བྱིན་ནས་ཕྲོགས་ན་ཡང་སྤང་བར་འགྱུར་བའོ། །དེ་ལ་བཅུ་ཕུང་གཉིས་པའི་སྲིན་བལ་རྨེལ་ཞེས་པའི་བར་དུ་རིམ་བཞིན་དུ་སྨོས་པ་བདུན་དང་བཅུ་ཕུང་ཐ་མ་ལས་ལྷུང་བཟེད་འཆང་དང་བརྟད་པའི་ཆོ་ག་དང་དགོན་#པའི་འབྲལ་བ་དང་རས་ཆེན་བཞི་དང་འདི་རྣམས་དགེ་སློང་མ་བསླབ་པ་ལ་མ་གཏོགས་པར་
[151a.4]སྟོན་པའོ། །ཕྲན་ཚེགས་ལས་#འབྱུང་བ་འདིའི་ཞར་ལ་སྟོན་པ་ནི་ལྷའི་རྟེན་མི་གཙང་#ཞེས་པ་ཡིན་ཏེ་མུ་སྟེགས་པའམ་འཇིག་རྟེན་པའི་ལྷ་ཐོགས་ཤིང་སྦོམ་#མོ་དགའ་ལྡན་ལྟ་བུར་གྲོང་རྒྱུ་བའི་བོན་མོ་མ་བྱེད་ཅིག་པའོ། །ཐུན་མོང་བ་མ་ཡིན་པ་སྟོན་པ་ནི། ལྷག་མ་ལྷུང་བཟེད་ཉིན་གཅིག་འདས་པར་བཅང་ནའོ་ཞེས་པ་
[151a.5]ཡིན་ཏེ་བུད་མེད་ཡོ་བྱད་ལ་གདུ་བའི་སྤྱིར་ལྷུང་བཟེད་ལྷག་པ་ཞག་གཅིག་ལས་འདས་པར་བཅངས་ན་སྤང་བའི་ལྟུང་བར་གསུངས་པའོ། །ལྷུང་བཟེད་འཆང་བའོ།། །།#བྱིན་གྱིས་བརླབས་པའི་སྤང་བ་གང་ཞེ་ན། ཟླ་བ་ཕྱེད་ཅིང་ཐོག་མའི་ཉིན་པར་བྱིན་གྱིས་བརླབ་#པ་བྱིན་གྱིས་མ་བརླབས་ནའོ་ཞེས་པ་ཡིན་
[151a.6]ཏེ། དང་པོ་བསྙེན་པར་རྫོགས་པའམ་དང་པོ་མའི་བྱིན་གྱིས་བརླབས་པ་ནས་ཞག་བཅོ་ལྔ་ཞིང་ཆོས་གོས་ལྔ་ལན་རེ་བྱིན་གྱིས་བརླབ་#པ་བྱིན་གྱིས་མ་བརླབས་ན་སྤང་བའི་ལྟུང་བར་འགྱུར་བའོ། །བྱིན་གྱིས་མི་རློབ་པའོ།། །།#གག་ཕྱུང་བས་སྤང་བར་འགྱུར་ཞེ་ན། དཔྱིད་ཟླར་བའི་ཉི་མ་ཐ་མ་ཚུན་ཆད་
[151a.7]དུ་བརྟད་པ་ཕྱུང་ནའོ་ཞེས་པ་ཡིན་ཏེ་སྟོན་ཟླ་འབྲིང་པོའི་ཉ་ལ་གཏན་#པ་བྲུབས་ནས་དཔྱིད་ཟླ་ར་བའི་ཉའི་བར་དུ་ཟླ་བ་ལྔ་ལོན་ཏེ་དབྱུང་བའི་རིགས་པ་ལས་དེའི་སྔ་རོལ་དུ་ཕྱུང་ན་སྤང་བའི་ལྟུང་བར་འགྱུར་བའོ། །དགེ་སློང་མ་རྐུན་པོས་ཕྲོགས་པའི་ཕྱིར་ན་ཉེས་མེད་ཅེས་པ་ནི་དགེ་སློང་མ་ཆོམ་རྐུན་གྱིས་ཐེབས་
[151b]
[151b.1]ཏེ་གོས་མེད་པར་ཤུགས་པའི་ཕྱིར་གདིང་བ་སྔར་ཕྱུང་བ་ལ་ནི་ཉེས་པར་སྟོན་པའོ། །གཏན་པ་འབྱིན་པའོ།། །།#མི་འབྱིན་པའི་ལྟུང་བ་གང་ཞེ་ན། མི་འབྱིན་བ་ཞེས་པ་ཡིན་ཏེ་དཔྱིད་ཟླ་ར་བའི་ཉ་ལ་གཏན་པ་མ་ཕྱུང་ན་ཡང་ལྟུང་བར་འགྱུར་བའོ། །དེར་ཞེས་པ་ནི་དཔྱིད་ཟླ་ར་བའི་ཉིན་པར་ཉིད་ལ་མ་ཕྱུང་ན་
[151b.2]ཉེས་པར་སྟོན་པའོ། །གཏན་པ་མི་འབྱིན་པའོ།། །།#རིན་པོ་ཆེ་སློང་བའི་སྤང་བ་གང་ཞེ་ན། གསེར་དང་#དངུལ་སློང་ནའོ་ཞེས་པ་ཡིན་ཏེ་མིང་གིས་སྨོས་པ་འདི་དག་བསླངས་#ཏེ་རྙེད་ན་སྤང་བའི་ལྟུང་བར་སྟོན་པའོ། །གོང་དུ་གསེར་དངུལ་དང་མཚན་མ་#མཚན་མ་བཏབ་ཅེས་སྨོས་པ་ནི་བསླངས་#པའི་
[151b.3]གསེར་དངུལ་མ་ཡིན་པ་ལ་བྱའོ། །ཆོས་ཀྱི་དོན་ཆེད་ཀྱི་ཕྱིར་བསླངས་པ་ནི་ཉེས་མེད་པར་ཡང་མི་འགྱུར་རོ། །#རིན་པོ་ཆེ་བླང་བའོ།། །།#ཇི་ལྟ་བུས་གོས་ཀྱི་སྤང་བ་ཞེ་ན། གོས་གཞན་གྱི་ཕྱིར་རྙེད་པ་ལྟོ་ཟས་སུ་བྱེད་ནའོ་ཞེས་པ་ཡིན་ཏེ་#གོས་གླེགས་བམ་འདྲི་#བ་ལ་སོགས་པ་དོན་ཆེད་གཞན་གྱི་ཕྱིར་རྙེད་
[151b.4]པ་ལས་ལྟོ་ཟས་སུ་བྱའོ་སྙམ་དུ་བསམས་ན་སྤང་བའི་ལྟུང་བར་སྟོན་པའོ། །གོས་ཟ་བར་གཏོགས་པའོ།། །།#གོས་ལ་སོགས་པ་ཟ་བའི་སྤང་བ་གསུམ་གང་ཞེ་ན་རིམ་བཞིན་དུ་སྟོན་པ་ནི། གོས་དང་སྟན་དང་དབྱར་མོ་ཐང་གི་ཕྱིར་ཡང་ངོ་ཞེས་པ་ཡིན་ཏེ་མིང་གིས་སྨོས་པ་འདི་གསུམ་དུ་བྱ་བའི་#
[151b.5]རྙེད་པ་ལྟོ་ཟས་#སུ་བྱ་བར་སེམས་ཤིང་བསྒྱུར་ན་སྤང་བའི་ལྟུང་བར་འགྱུར་བའོ། །གང་ཡང་རུང་ཞེས་པ་ནི་གོང་མ་གསུམ་གང་གི་ཕྱིར་རྙེད་ཀྱང་རུང་སྟེ་ཟས་སུ་སྦྱར་ན་ལྟུང་བར་འགྱུར་བའོ། །གོས་ལ་སོགས་པ་ཟ་བར་གཏོགས་པའོ།། །།#བདག་གིས་བསླངས་ལ་ཁ་རྔམ་#བྱེད་པའི་སྤང་བ་གང་ཞེ་ན།
[151b.6]དགེ་སློང་མ་ཕལ་པོ་ཆེའི་ཕྱིར་བསླངས་ཏེ་བདག་གིར་#བསྔོ་ནའོ་ཞེས་པ་ཡིན་ཏེ་དགེ་སློང་མ་བཞི་ལ་སོགས་པ་མང་པོའི་ཕྱིར་བསླངས་པའི་རྫས་བདག་ཉིད་ཀྱིས་ཁྱེར་ཞིང་ཁ་རྔམ་#བྱས་ན་སྤང་བར་སྟོན་པའོ། དགེ་སློང་ལ་སོགས་པའི་ཕྱིར་བསླངས་པ་བདག་གིར་བྱེད་པ་ནི་ཉེས་བྱས་སུ་འགྱུར་བའོ། །ལབ་པོ་
[151b.7]ཆེའི་#ཁ་རྔམ་#བྱེད་པའོ། །གཞན་ཡང་ཁ་རྔམ་བྱེད་པའི་སྤང་བ་གང་ཞེ་ན། དགེ་འདུན་གྱི་ན་ཡང་ངོ་ཞེས་པ་ཡིན་ཏེ་དགེ་འདུན་འདི་སྙེད་ཅིག་ཅེས་གྲངས་ཆད་པ་ནི་མེད་ཀྱི་དགེ་འདུན་སྤྱིའི་ཕྱིར་བསླངས་པ་བདག་གིར་བྱེད་ན་ཡང་སྤང་བའི་ལྟུང་བར་འགྱུར་བའོ། །དགེ་འདུན་གྱི་ཁ་རྔམ་#བྱེད་པའོ།། །།#འགྲོལ་
[152a]
[152a.1]བའི་སྤང་བ་གང་ཞེ་ན། ཚིག་བདག་གིར་བྱ་བའི་ཕྱིར་བཅིངས་པ་འགྲོལ་དུ་བཅུག་ནའོ་ཞེས་པ་ཡིན་ཏེ་དགེ་སློང་མ་གཙུག་ཕུད་དགའ་ལྡན་གྱིས་ཚོང་དཔོན་གྱི་བུ་ལ་སྨན་ཐུམ་འགྲོལ་དུ་བཅུག་པ་ལྟ་བུར་ཚིག་བདག་གིར་བྱ་བའི་ཕྱིར་སྨན་ཐུམ་ལ་སོགས་པ་འགྲོལ་དུ་བཅུག་ན་ལྟུང་བར་འགྱུར་
[152a.2]བའོ། །འགྲོལ་བའོ།། །།#གོས་ལྕི་བའི་#སྤང་བ་གང་ཞེ་ན། སྲང་བརྒྱ་ལ་སོགས་པ་དང་ཀཱར་ཥཱ་པ་ཎ་#ཉི་ཤུ་ལ་སོགས་པ་རི་བའི་གོས་བདག་གིར་བྱེད་ནའོ་ཞེས་པ་ཡིན་ཏེ་ལྕིད་སྲང་བརྒྱ་ཡོད་ལ་རིན་ཀཱར་ཥཱ་པ་ཎ་ཉི་ཤུ་#ལ་སོགས་པ་རི་བ་ཙམ་གྱི་གོས་བདག་གིར་བྱས་ན་སྤང་བའི་ལྟུང་བར་འགྱུར་བའོ། །དེ་
[152a.3]ལ་བརྗེ་བ་དང་རུང་བ་གཞན་དུ་བསྒྱུར་བའི་ཕྱིར་སྲེལ་བ་ནི་ཉེས་མེད། གོས་ལྕི་བ་སྤྱོད་པའོ།། །།#གོས་ཡང་བའི་སྤང་བ་གང་ཞེ་ན། སྲང་ལྔའི་མཐའ་ཡང་ངོ་ཞེས་པ་ནི་#ལྕིད་ནི་སྲང་ལྔ་ཙམ་ལ་རི་#ཐང་ནི་ཀཱ་ར་ཥཱ་པ་ཎ་#ཉི་ཤུ་ལ་སོགས་པ་རིབ་བདག་གིར་བྱེད་ན་ལྟུང་བར་འགྱུར་བའོ། །ཅིའི་#ཕྱིར་དེ་ལྟ་ཞེ་ན།
[152a.4]བུད་མེད་འཇོ་བ་ལ་སྲིད་ཅིང་དྲགས་#ངས་པའི་ཕྱིར་རོ། །གོས་ཡང་བ་སྤྱོད་པའོ། །སྤང་བ་རྫོགས་སོ།། །།ད་ནི་དགེ་སློང་མའི་ལྟུང་བ་ཉི་ཚེ་བརྒྱ་བརྒྱད་ཅུ་ཡོད་པ་སྟོན་པ་ལ་དགེ་སློང་ཕ་དང་ཐུན་མོང་བ་ཇེ་སྟོན་པ་ནི། བདུན་ཅུ་རྩ་གཉིས་སོ་ཞེས་པ་ཡིན་ཏེ་གྲངས་བདུན་ཅུ་རྩ་གཉིས་ནི་དགེ་སློང་ཕ་དང་
[152a.5]ཐུན་མོང་བར་སྟོན་པའོ། །དགེ་སློང་མས་#བསླབ་པ་ལ་མ་གཏོགས་པ་གང་ཡིན་པ་སྟོན་པ་ནི། མ་བསྐོས་པ་ལ་སོགས་པ་བཅུ་དང་#འབྱིན་པ་དང་ཡང་ཡང་དང་#བསོད་པ་དང་འདུག་པ་དང་འགྲེང་བ་དང་སྟེར་བ་མ་ཡིན་པ་དང་མ་ཚང་བ་དང་རས་ཆེན་རྣམས་མ་གཏོགས་ཞེས་པ་ཡིན་ཏེ། མ་
[152a.6]བསྐོས་པར་ཆོས་སྟོན་པ་ལ་སོགས་པའི་བཅུ་ཕུང་གཅིག་རིལ་དང་འབྱིན་པ་ལ་སོགས་པ་མིང་གིས་སྨོས་པ་འདི་བརྒྱད་དགེ་སློང་མས་བསྲུང་བ་ལ་མ་གཏོགས་པར་སྟོན་པའོ། །ཅིའི་#ཕྱིར་མ་གཏོགས་ཤེ་ན། དགེ་སློང་མས་དགེ་སློང་ཕ་ལ་ཆོས་སྟོན་མི་སྲིད་པའི་ཕྱིར་མ་བསྐོས་པར་
[152a.7]འཆད་པ་ཡང་མི་འབྱུང་། དེ་ལྟར་འདའ་བ་མེད་པས་ན་ཉི་མ་ནུབ་ནུབ་ཏུ་འཆད་པ་དང་ཟས་ཅུང་ཟད་ཀྱི་ཕྱིར་སྟོན་ཏོ་ཞེས་པའི་སྐུར་བ་ཡང་མི་འབྱུང་བ་དང་ཆོས་གོས་སྦྱིན་པ་དང་ཆོས་གོས་འདྲུབ་པ་ཡང་དགེ་སློང་བཙུན་པའི་གནས་ཡིན་བས་ན། འདི་གཉིས་དགེ་སློང་མས་བྱས་སུ་ཟིན་ཀྱང་མི་#
[152b]
[152b.1]རིགས་པར་མི་འགྱུར་བ་དང་ལམ་དང་#གྲུར་འདུག་པ་བུད་མེད་ཡོང་གིས་མཐུ་ཆུང་བའི་ཕྱིར་གཞན་གྱི་ཟླ་ལ་སོང་ཡང་དཔྱས་#སུ་མི་འགྱུར་བ་དང་དབེན་པ་ན་འདུག་པ་དགེ་སློང་ཕས་བསྲུང་བ་ལྟ་བུ་མ་ཡིན་པ་འོག་ནས་འབྱུང་བ་དང་དགེ་སློང་ཕས་ཤོམ་དུ་བཅུག་སྟེ་ཟོས་པ་མི་རིགས་པ་མེད་པས་དགེ་སློང་མའི་
[152b.2]ཉེས་པར་མི་འགྱུར་བ་དང་འབྱིན་པ་འདི་ལ་#མ་གཏོགས་པ་#འོག་ནས་འབྱུང་བ་དང་ཡང་ཡང་གི་ཟས་དགེ་སློང་མ་ལ་#འབུལ་བ་ཉུང་བའི་ཕྱིར་དགེ་སློང་མ་#བསླབ་པ་ལ་གཏོགས་པ་དང་ཟས་བསོད་པ་སློང་བ་བཤགས་པའི་ནང་ནས་འབྱུང་བ་དང་། བུད་མེད་རང་བཞིན་གྱིས་སྤྱི་དམན་པའི་ཕྱིར་གཉེན་#གནས་ན་
[152b.3]འདུག་ཅིང་#འགྲེང་མི་སྲིད་པ་དང་བུད་མེད་རང་བཞིན་གྱིས་རྩེག་ལོ་ཆེ་བའི་ཕྱིར་མ་བྱིན་པའི་གོས་ལ་ཐུག་#ཐུབ་དུ་སྤྱོད་མི་སྲིད་པ་དང་མ་ཚང་བར་བསྙེན་པར་རྫོགས་པའི་ཆོ་ག་འོག་ནས་འབྱུང་བ་དང་རས་ཆེན་འཆང་དུ་ཡོང་གིས་མ་#གནང་བ་རྣམས་ཀྱི་ཕྱིར་རོ། །#དེ་ལ་དགེ་སློང་མ་ཉི་ཚེ་བསླབ་པ་ལ་ཡང་བསླབ་
[152b.4]པ་མ་བསླབས་#པར་བསྙེན་པར་རྫོགས་པ་དང་ལོ་རེ་བཞིན་རབ་ཏུ་འབྱིན་པ་ལ་སོགས་པ་ཁ་ཅིག་ནི་དགེ་སློང་ཕལ་ཡེ་མེད་པ་དང་། འབྱིན་པ་ལྟ་བུ་མི་འདྲ་བ་དང་ཁྲིག་ཅིག་ལ་ལྷན་ཅིག་ཏུ་རེག་པར་ཉལ་བ་ལྟ་བུ་དགེ་སློང་ཕའི་ཉེས་བྱས་སུ་འགྱུར་བ་དང་། རྒྱ་སྐྱེགས་ཀྱི་ཆང་བུ་བུ་གར་འཇུག་པ་ན་ཕས་ཕམ་
[152b.5]པའི་སྦོམ་པོར་#འགྱུར་བ་ལྟ་བུ་ལྷག་མའི་ཉེས་པར་འགྲེ་བ་དང་། སྒོག་པ་ཟ་བ་དང་། གསང་བའི་སྤུ་འདྲེག་པ་དང་། སྟེན་པ་ལ་ཐལ་མོས་འཚོག་པ་ལྟ་བུ་ཁ་ཅིག་ནི་ཉེས་པ་འབྲི་བར་འགྱུར་བ་ལྟ་བུ་ལ་སོགས་པ་འདིར་ཐོ་བུད་ཙམ་དུ་བསྟན་གྱི་རྒྱས་པར་ནི་འདུལ་བ་རྣམ་པར་སྨྲ་བ་ལས་འབྱུང་བ་བཞིན་
[152b.6]དུ་རིག་པར་གྱིས་ཤིག ། ཕྲན་ཚེགས་ལས་འབྱུང་བ་འདིའི་#སྐབས་སུ་ཞར་ལ་སྟོན་པ་ནི། རབ་ཏུ་བྱུང་མ་ལ་ཟས་བྱིན་དུ་རུང་ཞེས་པ་ལ་སོགས་པ་ཡིན་ཏེ་རབ་ཏུ་འབྱུང་#བའི་དགེ་སློང་མ་ལ་དགེ་སློང་ཕས་ཟས་སྦྱིན་#ཡང་འགལ་བ་མེད་པར་སྟོན་པའོ། །ཆུང་མ་ལ་ཡང་ངོ་ཞེས་པ་ནི་ཆུང་མ་ལ་ཡང་
[152b.7]ཟས་བྱིན་ཡང་བླ་བར་སྟོན་པའོ། །དེས་བླང་བ་ཡང་ངོ་ཞེས་པ་ནི་བུད་མེད་དེ་དག་གིས་ཟས་བྱིན་ན་ཟོས་ཀྱང་བླ་བར་སྟོན་པའོ། །བུ་ཆུང་ངུ་དང་ལྷན་ཅིག་ཏུ་ཉལ་བ་མི་སྤང་ཞེས་པ་ནི་མལ་མི་ཐུབ་པའི་བུ་ཆུང་རུམ་དུ་ཆུག་ཤིག་པའོ། །དགེ་སློང་མའོ་ཅོག་#གིས་སམ་ཞེ་ན། སྡོམ་པ་ཐོབ་བས་སོ་ཞེས་པ་
[153a]
[153a.1]ཡིན་ཏེ་སྡོམ་པ་ཐོབ་པའི་དགེ་སློང་མས་གོང་མ་ལྟར་གྱིས་ཤིག་པའོ། །ཡང་#སྡོམ་པ་བྱིན་པའི་རིགས་སམ་མི་རིགས་#ཤེ་ན། འདི་ལ་བྱིན་ཞེས་པ་ཡིན་ཏེ་བུ་ཆུང་ངུ་ཡོད་པ་དེ་ལྟ་བུ་ལ་སྡོམ་པ་བྱིན་ཅིག་པའོ། །ད་ནི་བདུན་ཅུ་རྩ་གཉིས་ལ་མ་གཏོགས་པའི་ལྟུང་བ་སྟོན་པ་
[153a.2]ལ་མ་ཚང་བ་འཇོག་པའི་ལྟུང་བ་གང་ཞེ་ན། རབ་ཏུ་དབྱུང་བ་དང་བསྙེན་པར་རྫོགས་པར་བྱེད་ནའོ་ཞེས་པ་ཡིན་ཏེ་རབ་ཏུ་འབྱིན་ཅིང་བསྙེན་པར་རྫོགས་པར་བྱེད་ན་ལྟུང་བར་འགྱུར་བའོ། །གང་གི་ཚེ་དེ་ལྟར་འགྱུར་ཞེ་ན། ལོ་བཅུ་གཉིས་སུ་མ་ཚང་ལ་#གོང་མ་ལྟར་བྱེད་ན་ཉེས་པར་འགྱུར་བའོ། །བཅུ་
[153a.3]གཉིས་སུ་མ་ཚང་བ་དེ་སུ་ཞེ་ན། ཉིད་བསྙེན་པར་རྫོགས་པར་བྱེད་ནའོ་ཞེས་པ་ཡིན་ཏེ་མཁན་མོ་ཉིད་བསྙེན་པར་རྫོགས་ནས་ལོ་བཅུ་གཉིས་སུ་མ་ཚང་ནའོ། །མ་ཚང་བ་འཇོག་བའོ།། །།#སྡོམ་པ་མ་ཐོབ་པར་འཁོར་འཇོག་པའི་ལྟུང་བ་སྟོན་པའི་ཐོག་མར་འཁོར་བཅང་བའི་ཆོ་ག་ཇེ་སྟོན་པ་ནི་འཁོར་དང་
[153a.4]ཚད་མེད་པའི་འཁོར་འཆང་བའི་སྡོམ་པ་སྦྱིན་ཞེས་པ་ལ་སོགས་པ་ཡིན་ཏེ་ཡོང་འཁོར་དང་ཚད་མེད་པའི་འཁོར་སྲེལ་དུ་དབང་བའི་སྡོམ་པ་ཕོག་ཤིག་པའོ། །ཇི་ལྟ་བུ་དཔོག་#ཅེ་ན། དེ་འཇོག་ནུས་ནའོ་ཞེས་པ་ཡིན་ཏེ་ནད་གཡོག་ལ་སོགས་པ་འཁོར་འཇོག་ཅིང་སྲེལ་ནུས་ན་གདོད་གོང་མ་ལྟ་བུའི་གནང་བ་
[153a.5]ཕོག་ཤིག་པའོ། །འཇོག་ནུས་པ་ཉི་ཚེ་#ལའམ་ཞེ་ན། བསྙེན་པར་རྫོགས་ནས་ལོ་བཅུ་གཉིས་ལོན་ནའོ་ཞེས་པ་ཡིན་ཏེ་བསྙེན་པར་རྫོགས་ནས་ཀྱང་ལོ་གྲངས་འདི་སྙེད་ཀྱང་ལོན་ལ་གོང་མ་ལྟ་བུའི་ཡོན་ཏན་ཀྱང་ཡོད་ན་གདོང་གནང་བ་ཕོག་ཤིག་པའོ། །གཞན་གྱིས་#མི་གསོལ་ཞེས་པ་ནི་གོང་མ་ལྟ་
[153a.6]བུའི་རྣམ་གཉིས་མེད་པར་འཁོར་སྲེལ་བའི་གསོལ་བའང་མ་བྱེད་ཅིག་པའོ། །འཁོར་སྲེལ་བའི་ལྟུང་བ་ཉིད་སྟོན་པ་ནི། སྡོམ་པ་སྔ་མ་ཐོབ་ནའོ་ཞེས་པ་ཡིན་ཏེ་འཁོར་སྲེལ་བའི་སྡོམ་པ་མ་ཐོབ་བར་རབ་ཏུ་ཕྱུང་ངམ་བསྙེན་པར་རྫོགས་པར་བྱེད་ན་ལྟུང་བར་འགྱུར་བའོ། །ཇི་ལྟར་བྱས་པས་
[153a.7]ཤེ་ན། འཁོར་འཇོག་ནའོ་ཞེས་པ་ཡིན་ཏེ། སྡོམ་པ་མ་ཐོབ་པར་འཁོར་འཇོག་ན་གདོད་ཉེས་པར་འགྱུར་བའོ། །སྡོམ་པ་མ་ཐོབ་པར་འཇོག་པའོ།། །།#ཚད་མེད་པའི་འཁོར་འཇོག་པའི་ལྟུང་བ་གང་ཞེ་ན། ཚད་མེད་བའི་འཁོར་ཕྱི་མ་ཡང་ངོ་ཞེས་པ་ཡིན་ཏེ་ཕྱི་མའི་སྡོམ་པ་མ་ཐོབ་པར་འཁོར་
[153b]
[153b.1]ཚད་མེད་པར་འཇོག་ན་ལྟུང་བར་འགྱུར་བའོ། །ཚད་མེད་པ་འཇོག་པའོ།། །།#བསྙེན་པར་རྫོགས་པར་བྱེད་པའི་ལྟུང་བ་གང་ཞེ་ན། བག་མར་སོང་བ་ལོ་བཅུ་གཉིས་ཚུན་ཚད་དུ་བསྙེན་པར་རྫོགས་པར་བྱས་ནའོ་ཞེས་པ་ཡིན་ཏེ། བག་མར་སོང་བ་ལོ་བཅུ་གཉིས་ལོན་ན་བསྙེན་པར་རྫོགས་པར་བྱ་བའི་རིགས་#
[153b.2]པ་ལས་སྔན་#ན་ཚོགས་སུ་བསྙེན་པར་རྫོགས་པར་བྱས་ན་ལྟུང་བར་སྟོན་པའོ། །ལོ་བཅུ་གཉིས་མ་ལོན་བར་བསྙེན་པར་#རྫོགས་པར་བྱེད་ནའོ། །གཞན་ཡང་ལྟུང་བ་#འགྱུར་བ་ནི། གཞན་ནི་ལོ་ཉི་ཤུའོ་ཞེས་པ་ཡིན་ཏེ་བག་མ་མ་བྱས་པ་ལོ་ཉི་ཤུ་ལོན་ནས་བསྙེན་པར་རྫོགས་པར་བྱ་བའི་རིགས་པ་ལས་སྔན་
[153b.3]ཚོགས་སུ་བསྙེན་པར་རྫོགས་པར་བྱས་ན་ལྟུང་བར་འགྱུར་བའོ། །འདིའི་ཆོ་ག་གཞན་ནི་དགེ་སློང་ཕའི་བསྙེན་པར་རྫོགས་པ་བཤད་པའི་ཚེ་རྒྱས་པར་སྨོས་པ་ཡིན་ནོ། །ལོ་ཉི་ཤུ་མ་ལོན་པར་བསྙེན་པར་རྫོགས་པའོ།། །།#ཚིག་ཟློ་བའི་ལྟུང་བ་གང་ཞེ་ན། བསླབ་པ་མ་བྱིན་བར་མཁན་མོ་བྱེད་ནའོ་ཞེས་པ་
[153b.4]ཡིན་ཏེ་དགེ་སློབ་#མའི་ཁྲིམས་མ་ཕོག་པར་ལྟང་ཀམ་དུ་བསྙེན་པར་རྫོགས་པའི་མཁན་མོ་བྱེད་ན་ལྟུང་བར་འགྱུར་བའོ། །ཚིག་ཟློ་བའོ།། །།#མ་བསླབས་པ་བསྙེན་པར་རྫོགས་པར་བྱེད་པའི་ལྟུང་བ་གང་ཞེ་ན། འདི་མ་སྤྱད་ནའོ་ཞེས་པ་ཡིན་ཏེ་ལོ་གཉིས་ཀྱི་བར་དུ་དགེ་སློང་མའི་བསླབ་པ་མ་བསླབས་པར་བསྙེན་པར་
[153b.5]རྫོགས་པར་བྱེད་ན་ལྟུང་བར་འགྱུར་བའོ། བསླབ་པ་མ་བསླབས་པར་བསྙེན་པར་རྫོགས་པའོ།། །།#བསླབས་ཀྱང་བསྙེན་པར་རྫོགས་པར་མ་བྱས་པའི་ལྟུང་བ་གང་ཞེ་ན། སྤྱད་ཀྱང་མ་བྱིན་ནའོ་ཞེས་པ་ཡིན་ཏེ་ལོ་གཉིས་ཀྱི་བར་དུ་དགེ་སློབ་#མའི་བསླབ་པ་བསླབས་ཀྱང་བསྙེན་པར་རྫོགས་པར་མ་བྱས་ན་ལྟུང་བར་
[153b.6]འགྱུར་བའོ། །རྐྱེན་གྱིས་བཙལ་ཏེ་བསྙེན་པར་མ་རྫོགས་བར་ནི་ཉེས་མེད། བསླབ་པ་སྤྱད་ཀྱང་བསྙེན་པར་རྫོགས་པར་མ་བྱས་པའོ།། །།#ཆོས་འཚོང་བའི་ལྟུང་བ་གང་ཞེ་ན། ཇི་སྟེ་ང་ལ་གོས་བྱིན་ན་ཁྱོད་བསྙེན་པར་རྫོགས་པར་བྱའོ་ཞེས་བསྙེན་པར་རྫོགས་པར་འདོད་པ་ལ་ཟེར་ནའོ་ཞེས་པ་ཡིན་ཏེ་
[153b.7]བསྙེན་པར་རྫོགས་པར་འདོད་པ་ལ་#སོགས་པའི་ནོར་གསུངས་ཤིང་འདི་སྐད་དུ་ཟེར་ན་ལྟུང་བར་འགྱུར་བའོ། །ཆོས་འཚོང་བའོ།། །།#རྣམ་པར་སླུ་#བའི་ལྟུང་བ་གང་ཞེ་ན། རབ་ཏུ་འབྱུང་བ་དང་། མཐུན་བར་སྟན་ལ་ཁྱིམ་པའི་བྱ་བ་བརྟུལ་བ་དང་རབ་ཏུ་མ་ཕྱུང་ནའོ་ཞེས་པ་ནི་སྐེམ་#མོ་གཽ་ཏ་མས་ཡུགས་#ས་
[154a]
[154a.1]མོ་གཞོན་ནུ་བསླུས་པ་ལྟ་བུར་སྔར་རབ་ཏུ་དབྱུང་བླ་བ་སྐད་དུ་བྱས་ལ་དེས་སོ་ནམ་བཏང་ནས་ཆས་ཏེ་འོངས་པ་དང་བསྙེན་པར་རྫོགས་པ་མ་བྱས་ན་ལྟུང་བར་འགྱུར་བའོ། །རྣམ་པ་གཞན་གྱིས་བསླུས་པ་ནི་ཉེས་བྱས་སོ། །#སླུ་བའོ།། །།#རྒྱུད་མང་བའི་ལྟུང་བ་གང་ཞེ་ན། རེ་རེ་ཞིང་རབ་
[154a.2]ཏུ་འབྱིན་ནའོ་ཞེས་པ་ཡིན་ཏེ་ལོ་རེ་མི་རེ་རབ་ཏུ་འབྱུང་ན་ལྟུང་བར་འགྱུར་བའོ། །ལོ་རེས་བཅད་ཅིང་འབྱིན་པ་ནི་ཉེས་མེད། རྒྱུད་མང་པོའོ།། །།#མ་གནང་བ་སྡུད་པའི་ལྟུང་བ་ནི་བདག་པོས་མ་གནང་ནའོ་ཞེས་པ་ཡིན་ཏེ་ཁྱིམ་ཐབ་ཀྱིས་མ་བཏང་བའི་བུད་མེད་རབ་ཏུ་འབྱུང་ན་ལྟུང་བར་འགྱུར་བའོ། །མ་
[154a.3]གནང་བ་སྡུད་པའོ།། །།#སྐྱོན་ཅན་སྡུད་པའི་ལྟུང་བ་རྣམ་པ་བཞི་ནི། གཡེམ་སྤྱོད་པ། སྦྲུམ་པ། མྱ་ངམ་གྱིས་ཉེན་པ། འཐབ་ཀྲོལ་ཅན་བསྙེན་པར་རྫོགས་པར་བྱས་ཀྱང་ཞེས་པ་ཡིན་ཏེ་མིང་གིས་སྨོས་པ་འདི་དག་ལྟ་བུར་རབ་ཏུ་ཕྱུང་བ་བས་བསྙེན་པར་རྫོགས་པར་བྱས་ན་ཡང་ལྟུང་བར་འགྱུར་བའོ། །
[154a.4]སྐྱོན་ཅན་སྡུད་པར་གཏོགས་པའོ།། །།#གཡེལ་བར་གཏོགས་པའི་ལྟུང་བའི་རྣམ་པ་བཞི་ལ། རབ་ཏུ་བྱུང་བ་དང་བསྙེན་པར་རྫོགས་པ་མི་སྡུད་ནའོ་ཞེས་པ་དང་བར་དུ་གཅོད་པ་མཐོང་ན་སེལ་བར་མི་བྱེད་པ་ཞེས་པ་དང་སློབ་#བར་མི་བྱེད་པ་ཞེས་པ་དང་ནད་པའི་རིམ་གྲོ་མི་བྱེད་པའོ་ཞེས་པ་རྣམས་ཡིན་ཏེ་འདི་
[154a.5]དག་ལྟར་གཡེལ་ཞིང་ནན་ཏན་དང་རིམ་གྲོ་#མི་བྱེད་ན་ལྟུང་བར་སྟོན་པའོ། །ཉེ་གནས་ཀྱང་ཞེས་པ་ནི་སློབ་མ་ཉི་ཚེར་མ་ཟད་ཀྱི་ཉེ་གནས་ལ་གཡེལ་ན་ཡང་ལྟུང་བར་འགྱུར་རོ་ཞེས་ཟླ་བ་སྟོན་པའོ། །གཡེལ་བར་གཏོགས་པའོ།། །།#འཕྱོན་མ་བསྟེན་#པའི་ལྟུང་བ་#གང་ཞེ་ན། ཉིད་ཀྱི་སྟེན་#པའི་ནང་དུ་རྒྱ་སྐྱེགས་
[154a.6]ཀྱི་ཆང་བུ་འཇུག་པ་ཞེས་པ་ལ་སོགས་པ་ཡིན་ཏེ་རྒྱ་སྐྱེགས་ཀྱི་ཆང་བུ་ཉིད་ཀྱི་འཛག་བྱེད་དུ་བཅུག་ན་ལྟུང་བར་འགྱུར་བའོ། །རྒྱ་སྐྱེགས་ནི་དཔེར་ཟད་ཀྱི་རྣམ་པ་གང་གིས་ཀྱང་རུང་། གཞན་#འཇུག་ཏུ་བཅུག་ན་ནི་ཕས་ཕམ་པའི་སྦོམ་པོར་འགྱུར་རོ། །རྒྱུན་ལས་བཟློག་#ཅིང་མི་བཟེད་ཅེས་པ་ནས་འདི་ནི་དཔེར་ཟད་
[154a.7]དོ་ཞེས་པའི་བར་དུ་སྨོས་པ་རྣམས་ནི་ཕྲན་ཚེགས་ལས་བྱུང་བ་སྟེ་ཉེས་བྱས་སུ་འགྱུར་བར་སྟོན་པའོ། །དེ་ལ་དགའ་བ་བདག་གིར་བྱ་བའི་ཕྱིར་རྒྱུན་ལས་བཟློག་ཅིང་བཟེད་ན་ཉེས་བྱས་སུ་འགྱུར་བའོ། །མངལ་གྱི་སྒོར་ཁུ་བ་མི་བླུགས་#ཞེས་པ་ནི་སྦེད་མ་ལྟ་བུར་མ་བྱེད་ཅིག་པའོ། །རྐེད་ཆིངས་ཀྱིས་ལྟོ་བ་
[154b]
[154b.1]མི་བཅིང་#ཞེས་པ་དང་། ནུ་ཆིངས་#ཀྱིས་ནུས་པ་ཡིན་ན་ཞེས་པ་དང་བདེ་བར་བྱེད་པའི་བར་ཚངས་མི་བྱ་ཞེས་པ་ནི་རྒྱུ་ཕྲ་བར་འདོད་པས་རྐེད་ཆིངས་#ཀྱིས་ལྟོ་བཅིངས་པ་དང་ནུ་#རློ་བར་འདོད་པའི་ཕྱིར་ནུ་ཆིངས་ཀྱིས་#འཆིང་བ་དང་ནུ་བར་ཡངས་འདོད་པའི་ཕྱིར་བར་ཚངས་འཇུག་པ་རྣམས་མ་བྱེད་ཅིག་པའོ། །འདི་ནི་
[154b.2]དཔེར་ཟད་དོ་ཞེས་པ་ནི་རྐེད་ཆིངས་#དང་ནུ་ཆིངས་#ནི་དཔེར་ཟད་ཀྱི་ཐག་སྲད་ལ་སོགས་པ་རྣམ་པ་གང་གིས་ཀྱང་ལྟོ་དང་ནུ་#འཆིང་བ་མ་བྱེད་ཅིག་པའོ། །འཕྱོན་མ་བསྟེན་པའོ།། །།#འཕྱོན་མ་བསྟེན་#པ་དང་འདྲ་བའི་ལྟུང་བ་གང་ཞེ་ན། མཚན་གྱི་ནང་དུ་སོར་མོའི་#ཚིགས་གཉིས་ལས་ལྷག་པར་འཁྲུ་#ནའོ་ཞེས་
[154b.3]པ་ཡིན་ཏེ་འཛག་བྱེད་ཀྱི་ནང་དུ་ཚིགས་གཉིས་ལས་ལྷག་པར་འཇུག་ཅིང་འཁྲུ་#ན་ལྟུང་བར་#སྟོན་པའོ། །འཕྱོན་མ་བསྟེན་#པ་དང་འདྲ་བའོ།། །།#འཕྱོན་མ་བསྟེན་པར་#འཐེར་བ་ལྟ་བུར་བྱེད་པའི་ལྟུང་བ་གང་ཞེ་ན། འདིར་ཐལ་མོས་རྡོབ་ནའོ་ཞེས་པ་ཡིན་ཏེ་འཛག་བྱེད་ལ་ཐལ་མོས་རྡེབ་ན་ཡང་ལྟུང་
[154b.4]བར་འགྱུར་བའོ། །འཕྱོན་མ་བསྟེན་#པས་འཐེར་བ་ལྟ་བུར་བྱེད་པའོ།། །།#སྟེན་པའི་ཆོ་གར་#བྱེད་པའི་ལྟུང་བ་#གང་ཞེ་ན། དེའི་སྤུ་འདྲེག་#པར་བྱེད་དམ་བྱེད་དུ་བཅུག་ནའོ་ཞེས་པ་ཡིན་ཏེ་མཚན་གྱི་སྤུ་བྲེགས་སམ་འདྲེག་དུ་བཅུག་ན་ལྟུང་བར་འགྱུར་བའོ། །སྟེན་པའི་ཆོ་གར་བྱེད་པའོ།། །།#རེག་
[154b.5]པར་མི་བྱ་བ་དང་འདྲེ་བར་གཏོགས་པའི་ལྟུང་བ་བཅུ་གཅིག་གཅིག་བར་#དུ་བསྡུས་ཏེ་སྟོན་ཏོ། །དེ་ལ་རེག་པ་#མི་བྱ་ཞེས་པ་ནི་སྐྱེས་པ་དང་རེག་པར་བྱ་བའི་མི་རིགས་#པ་ལས་དེ་དང་འདྲེན་ལྟུང་བར་འགྱུར། དེ་དག་གི་དང་པོ་ཉིད་གང་ཞེ་ན། སྐྱབས་ཡོད་པར་ཁྱིམ་པ་དང་ལྷན་ཅིག་ཏུ་འདུག་ནའོ་ཞེས་པ་
[154b.6]ཡིན་ཏེ་བསྟེན་#ནུས་པའི་སྐྱེས་པ་དང་སྐྱབས་ཡོད་པར་ལྷན་ཅིག་ཏུ་འདུག་ན་ལྟུང་བའོ། །སྐྱབས་གང་ཞེ་ན། རྩིག་པ་ཤིང་ཏགས་གོས། ཐིབས་པོ། མུན་པ་རྣམས་དེར་འགྲུབ་པའོ་ཞེས་པ་ཡིན་ཏེ་མིང་གིས་སྨོས་པ་འདི་དག་གིས་སྐྱབས་ན་དེར་འགྲུབ་པར་སྟོན་པའོ། །ལྟུང་བ་གཉིས་པོ་གང་
[154b.7]ཞེ་ན། དགེ་སློང་དང་ངོ་ཞེས་པ་ཡིན་ཏེ་གོང་མ་ལྟ་བུའི་སྐྱབས་ཡོད་པར་དགེ་སློང་དང་ལྷན་ཅིག་ཏུ་འཁོད་ན་ལྟུང་བའོ། །གསུམ་པ་གང་ཞེ་ན། བླ་གབ་མེད་པར་སྔ་མ་དང་ཞེས་པ་ཡིན་ཏེ་བླ་གབ་མེད་པར་ཁྱིམ་པ་དང་ལྷན་ཅིག་ཏུ་འཁོད་ན་ཡང་ལྟུང་བར་སྟོན་པའོ། །བཞི་པ་གང་ཞེ་ན། ཕྱི་མ་
[155a]
[155a.1]ཡང་ངོ་ཞེས་པ་ནི་དགེ་སློང་དང་བླ་གབ་མེད་པར་ལྷན་ཅིག་འཁོད་ན་ལྟུང་བར་འགྱུར་བའོ། །འདི་གཉིས་པ་དང་ལྷན་ཅིག་པ་ནི་ཉེས་མེད་ཅེས་པ་ནི་ཁྱིམ་པ་དང་དགེ་སློང་ཟླས་འགྲོགས་ན་ནི་གོང་མ་ལྟ་བུའི་གནས་ན་འཁོད་ཀྱང་ཉེས་པར་མི་འགྱུར་བའོ། །དགེ་སློང་མ་ཕྱི་
[155a.2]བཞིན་དུ་འབྲང་བ་དང་ལྷན་ཅིག་ན་ཡང་ངོ་ཞེས་པ་ནི་དགེ་སློང་མ་ཟླ་#དང་འགྲོགས་ཤིང་གོང་མ་ལྟ་བུའི་#གནས་ན་འཁོད་ན་ཡང་ཉེས་མེད་པར་སྟོན་པའོ། །ལྔ་པ་གང་ཞེ་ན། ཁྱིམ་པའི་རྣ་བར་བཤུབ་#ཅིང་སྤྲིང་ནའོ་ཞེས་པ་ཡིན་ཏེ་དོན་ཡོད་ཀྱང་རུང་མེད་ཀྱང་རུང་མདུན་རྒྱབ་དང་གཡས་གཡོན་གང་
[155a.3]ནས་ཀྱང་རུང་སྟེ་ཁྱིམ་པའི་རྣ་བར་བཤུབ་ཅིང་སྨྲ་ན་ལྟུང་བར་འགྱུར་བའོ། །དྲུག་པ་གང་ཞེ་ན། འདི་བཞིན་དུ་ལེན་པའོ་ཞེས་པ་ཡིན་ཏེ་ཁྱིམ་པ་ལ་གོང་མ་ལྟར་བཤུབས་པ་ལེན་ཅིང་ཉན་ན་ཡང་ལྟུང་བར་འགྱུར་བའོ། །བདུན་པ་གང་ཞེ་ན་དགེ་སློང་ལའོ་ཞེས་པ་ཡིན་ཏེ་གོང་མ་བཞིན་དུ་དགེ་སློང་
[155a.4]གི་#རྣ་བར་བཤུབས་ན་ཡང་ལྟུང་བར་འགྱུར་བའོ། །བརྒྱད་པ་གང་ཞེ་ན། དེ་ལས་ཞེས་པ་ཡིན་ཏེ་དེས་#བཤུབས་ཤིང་བསྒོ་བ་ཉན་ཡང་ལྟུང་བར་འགྱུར་བའོ། །ཁྱིམ་པ་དང་དགེ་སློང་ཐ་དད་དུ་ཕྱི་བ་ཅིའི་#ཕྱིར་ཞེ་ན། དགེ་སློང་ཚངས་པ་མཚུངས་#པར་སྤྱོད་པ་ཡིན་པས་ཉེས་པ་རངས་པར་
[155a.5]མི་འགྱུར་དུ་རེ་བ་བསལ་བའི་ཕྱིར་རོ། །དགུ་པ་གང་ཞེ་ན། ཁྱིམ་པ་ལས་རིག་#པ་ནོད་ནའོ་ཞེས་པ་ཡིན་ཏེ་ཁྱིམ་པ་དེའི་ཚིག་བདག་གིར་བྱ་བའི་ཕྱིར་གཙུག་ལག་ལ་སོགས་པ་དེ་ལས་ནོད་ཅིང་ལེན་ན་ལྟུང་བར་འགྱུར་བའོ། །བཅུ་པ་གང་ཞེ་ན། འདི་ལས་དེ་ཀློག་ཏུ་བཅུག་ནའོ་ཞེས་པ་ཡིན་
[155a.6]ཏེ། དགེ་སློང་མ་ལས་གཙུག་ལག་ལ་སོགས་པ་རིག་པ་གཞན་ནོད་དུ་བཅུག་ཅིང་སློབ་ན་ཡང་ལྟུང་བར་འགྱུར་བའོ། །བཅུ་གཅིག་པ་གང་ཞེ་ན་རྨ་བཅིངས་ཤིང་རྒྱུས་འགྲོལ་དུ་བཅུག་ནའོ་ཞེས་པ་ཡིན་ཏེ་སྨན་པ་ལྟ་བུ་ལ་ཆགས་པའི་ཕྱིར་རྨ་བཀབ་ཅིང་བཅིངས་ན་ལྷོད་ཆེས་ཤེའམ་#དམ་ཆེས་
[155a.7]ཞེས་འགྲོལ་དུ་བཅུག་ན་ལྟུང་བར་འགྱུར་བའོ། །དེ་ལྟ་བས་ན་བདེན་བའི་དོན་ནི་ཉེས་མེད་ཅེས་པ་ནི་གོང་མ་ལྟར་རྒྱུ་བྱས་ན་ཉེས་པར་འགྱུར་གྱི་སྙིང་ནས་དམ་ལྷོད་ཁྱེར་ཏེ་དེ་སྐད་དུ་ཟེར་བ་ནི་ཉེས་མེད་པའོ། །རེག་པར་མི་བྱ་བ་དང་འདྲེ་བར་གཏོགས་པའོ།། །།#བཙས་པ་ལ་#གདུ་བའི་ལྟུང་
[155b]
[155b.1]བ་གང་ཞེ་ན། རྒྱུད་སྲེལ་ནའོ་ཞེས་པ་ཡིན་ཏེ་#གཞན་གྱི་བུ་པང་པར་ལེན་ཅིང་འཚོ་#ན་ལྟུང་བར་འགྱུར་བའོ། །བཙས་པ་ལ་གདུ་བའོ།། །།#གོང་པོ་ནན་གྱིས་གླགས་སྤང་བའི་ལྟུང་བ་ནི་གསུམ་སྟེ་དེ་ལ་དང་པོ་ཉིད་གང་ཞེ་ན། ཁྱིམ་པ་ལ་མ་ཞུས་#པར་ཁྱིམ་པའི་ཞག་ལོན་ནའོ་ཞེས་པ་ཡིན་ཏེ་
[155b.2]ཁྱིམ་པ་གཞན་གྱི་དེར་དགོངས་པའི་ཚེ་བདག་ལ་གཡར་རས་ཀྱིས་འཚོས་ཤིག་ཆོས་#ཁྱིམ་བདག་ལ་མ་བསྙད་#པར་ནུབ་གཅིག་འདས་ན་ལྟུང་བར་འགྱུར་བའོ། །བུད་མེད་ཀྱི་ཁར་ལས་ན་དེ་ལ་མ་ལུས་ཀྱང་སླ་#ཞེས་པ་ནི་ཁྱིམ་དེའི་དབང་བུད་མེད་ཀྱི་ཁར་རག་#ལས་པ་ཞིག་ན་ཁྱིམ་བདག་ལ་མ་དྲིས་ཀྱང་
[155b.3]ཉེས་མེད་པར་སྟོན་པའོ། །གཉིས་པ་གང་ཞེ་ན། འཁྲན་ས་མ་གཏོགས་#པར་མཚན་འདས་ནའོ་ཞེས་པ་ཡིན་ཏེ་བདག་གང་#འདུག་པའི་ཉེན་ཀོར་ན་ལྐག་ལྐོག་#དང་སྐྱབས་ཡོད་པ་#རྣམས་མ་བྱུལ་ཏམ་སམ་བཀྲུས་པར་མཚན་འདས་ན་ལྟུང་བར་འགྱུར་བའོ། །གསུམ་པ་#གང་ཞེ་ན། དགེ་སློང་
[155b.4]མ་གཞན་མེད་པར་གནས་ཁང་#དུའོ་ཞེས་པ་ཡིན་ཏེ་དགེ་སློང་མ་གྲོགས་མེད་པར་གནས་ཁང་དུ་ཞག་གཅིག་#ལོན་ན་ལྟུང་བར་འགྱུར་བའོ། །ཉམས་#ཉེས་ལ་སོགས་པར་འགྱུར་བ་ནི་ཉེས་མེད་ཅེས་པ་ནི་ཟླ་དེ་བབས་སམ་ཤིང་#ཆད་ལ་སོགས་པའི་ཉམས་#ཉེས་བྱུང་ནས་གཅིག་པུ་ལུས་པ་ནི་ཉེས་མེད་པར་
[155b.5]སྟོན་པའོ། །གོང་པོ་ནན་གྱིས་གླགས་#སྤང་བའོ།། །།#ལྷན་ཅིག་ཏུ་ཉལ་བའི་ལྟུང་བ་གང་ཞེ་ན། དགེ་སློང་མ་དང་ནུབ་གཅིག་ལ་མཐངས་#སྤྲད་ཅིང་ཉལ་ནའོ་ཞེས་པ་ཡིན་ཏེ་ཁྲི་གཅིག་ལ་མཐངས་སྤྲད་ཅིང་ཉལ་ན་ལྟུང་བར་འགྱུར་བའོ། །དུ་མ་ཡང་རུང་ཚད་ཐུར་ལ་སོགས་པས་བར་ཚངས་བྱས་
[155b.6]ཤིང་ཡན་ལག་རེག་ཀྱང་མྱོང་བར་མི་བྱེད་པར་དྲན་པ་ཉེ་བར་བཞག་ན་མི་བསྐྱོད་#པའི་ཁྲི་དང་ཐལ་མལ་པ་དང་བཏིང་བ་རྣམས་ཉེས་མེད་དོ་ཞེས་པ་ནི་དུ་མ་ལྷན་ཅིག་ཏུ་འཁོད་ཀྱང་རུང་སྟེ་ཐབས་འདི་#ལྟར་བྱས་ན་ཁྲིའམ་མལ་དང་ལོ་མ་ཡན་ཆད་གང་ལ་ལྷན་ཅིག་ཏུ་ཉལ་ཡང་བླ་བའོ། །ཡོད་ན་ཉེས་
[155b.7]བྱས་ཞེས་པ་ནི་ཁྲིའམ་མལ་ལ་སོགས་པ་གུད་ན་ཡོད་ཅིང་ཉལ་དུ་རུང་བ་ལས་གོང་མ་ལྟར་བྱས་ཏེ་#ཅིག་ཅར་དུ་ཉལ་ན་ཉེས་བྱས་སུ་འགྱུར་བའོ། །ལོངས་པར་གནས་པ་དགག་#པའོ།། །།#བྱི་དོར་བྱེད་པའི་ལྟུང་བ་བརྒྱད་ཡོད་པ་ལ་དང་པོ་ཉིད་གང་ཞེ་ན། དགེ་སློང་མ་བདག་གི་ཡན་ལག་
[156a]
[156a.1]འདྲིལ་དུ་བཅུག་ནའོ་ཞེས་པ་ཡིན་ཏེ་དགེ་སློང་མ་བདག་གི་ལུས་ཀྱི་ཡན་ལག་འདྲིལ་དུ་བཅུག་ན་ལྟུང་བར་འགྱུར་བའོ། །ལྷག་མ་བདུན་ནི་#དགེ་སློབ་མ་ཡང་ཞེས་པ་དང་དགེ་ཚུལ་མ་ཡང་ཞེས་པ་དང་ཁྱིམ་མི་མོ་ཡང་ཞེས་པ་དང་མུ་སྟེགས་མ་ཡང་ངོ་#ཞེས་པ་དང་ཆུས་སྐུད་དུ་བཅུག་ན་
[156a.2]ཡང་ཞེས་པ་དང་ཉིད་ཀྱི་ཡན་ལག་དྲི་ཞིམ་པའི་རྫས་ཀྱིས་དྲིལ་ནའོ་ཞེས་པ་དང་ཚིགས་སམ་ཀྱང་ངོ་ཞེས་པ་རྣམས་ཡིན་ཏེ་དགེ་སློང་#མ་ལ་སོགས་པ་མིང་གིས་སྨོས་པ་འདི་དག་འདྲིལ་དུ་བཅུག་པ་དང་ཆུས་སྐུད་པ་ལ་སོགས་པ་འདི་རྣམས་སྐུད་ཅིང་འདྲིལ་ན་ལྟུང་བར་འགྱུར་བ་སྟེ་གྲངས་ནི་རིམ་བཞིན་དུ་སྦྱོར་#རོ། །
[156a.3]བྱི་བདར་བྱེད་པར་གཏོགས་པའོ།། །།#ཆུའི་ལོངས་སྤྱོད་བྱེད་#པའི་ལྟུང་བ་གང་ཞེ་ན། ལག་སྦྲེལ་ཅིར་ཁྲུས་བྱེད་ནའོ་ཞེས་པ་ཡིན་ཏེ་འདི་ལྟར་བྱེད་ཅིང་ཁྲུས་བྱེད་ན་ལྟུང་བར་འགྱུར་བའོ། །ཆུའི་ལོངས་སྤྱོད་པའོ།། །།#སྒེག་པར་གཏོགས་པའི་ལྟུང་བ་དྲུག་གང་ཞེ་ན། སྒེག་པའི་ཕྱིར་ཨུ་ཤི་རས་
[156a.4]འཆད་#ནའོ་ཞེས་པ་དང་སོ་མངས་དང་ཆང་ཤད་#དང་གསུམ་ཆར་དང་སྐྲ་བརྙན་ཡང་ངོ་ཞེས་པ་དང་ཁྱིམ་པའི་རྒྱན་ཐོགས་ནའོ་ཞེས་པ་རྣམས་ཡིན་ཏེ་མིང་གིས་སྨོས་པ་འདི་དག་ལྟར་བྱེད་ན་ལྟུང་བར་འགྱུར་བའོ། །དེ་ལ་གྲངས་ནི་རྩྭ་#ཨུ་ཤི་རས་སྐྲ་འཆད་པ་#དང་སོ་མངས་ཀྱིས་འཆད་པ་དང་ཆང་ཤད་ཀྱིས་འཆད་
[156a.5]པ་དང་དེ་གསུམ་ཆར་གྱིས་འཆད་པ་དང་སྐྲ་བརྙན་འཇུག་པ་དང་གདུ་བུ་ལ་སོགས་པ་ཁྱིམ་པའི་རྒྱན་ཐོགས་པ་རྣམས་སོ། །སྒེག་པར་གཏོགས་པའོ།། །།#དགའ་བར་གཏོགས་པའི་ལྟུང་བ་གསུམ་ཡོད་པ་ལས་དང་པོ་གང་ཞེ་ན། གར་བྱེད་ནའོ་ཞེས་པ་ཡིན་ནོ། །ཅི་#བྱེད་ཅེ་ན། ཡན་ལག་#གང་གིས་
[156a.6]ཀྱང་རུང་ཞེས་པ་ཡིན་ཏེ་སྨིན་མ་བསྒུལ་བ་ཡན་ཆད་ཡན་ལག་གང་གིས་ཀྱང་རུང་བར་སྟོན་པའོ། །གཉིས་གང་ཞེ་ན་གླུ་ལེན་ནའོ་ཞེས་པ་ཡིན་ནོ། །ཇི་ལྟ་བུའི་གླུ་བླངས་པས་ཤེ་ན། དེར་བསམས་ན་དབྱངས་བསྒྱུར་བ་ཡན་ཆད་གང་གིས་ཀྱང་རུང་ཞེས་པ་ཡིན་ཏེ་གླུ་བླངས་པར་བསམས་ན་དབྱངས་ཡན་
[156a.7]ཆད་#ཀྱང་ཉེས་པར་འགྱུར་བའོ། །གསུམ་པ་གང་ཞེ་ན། རོལ་མོའི་སྤྱད་ཀྱིས་#རོལ་མོ་བྱེད་པའོ་ཞེས་པ་ཡིན་ཏེ་རོལ་མོའི་ཆ་སྤྱད་ཀྱིས་#རོལ་མོ་བྱེད་ན་ལྟུང་བར་འགྱུར་བའོ། །དགའ་བར་གཏོགས་པའོ།། །།#ཡོ་ལང་བྱེད་པར་གཏོགས་པའི་ལྟུང་བ་ཡང་གསུམ་ཡོད་པ་ལ་དང་པོ་གང་ཞེ་ན། གདུགས་
[156b]
[156b.1]སྤྱད་པར་བྱ་བའི་ཕྱིར་འཆང་ནའོ་ཞེས་པ་ཡིན་ཏེ་བདག་ཉིད་ཀྱིས་#སྤྱད་པར་བྱ་བའི་ཕྱིར་སྲི་ན་ལྟུང་བའོ། །གཉིས་པ་གང་ཞེ་ན། ལྷམ་ཡང་ངོ་ཞེས་པ་ཡིན་ཏེ་བདག་ཉིད་ཀྱིས་#སྤྱད་པའི་ཕྱིར་ལྷམ་སྲེལ་ན་ལྟུང་བར་འགྱུར་བའོ། །ལྷམ་སྲེལ་ནོ་ཅོག་#ཉེས་པར་འགྱུར་རམ་ཞེ་ན། དབྱར་མོ་ཐང་གི་མལ་
[156b.2]ཆ་སྦ་བའི་ཕྱིར་ན་ཉེས་མེད་ཅེས་པ་ཡིན་ཏེ་མལ་ཆ་ལ་རིམ་གྲོ་བྱ་བའི་ཕྱིར་ལྷམ་གྱོན་པ་ནི་#ཉེས་མེད་པའོ། །གསུམ་པ་གང་ཞེ་ན་ཁྲིའུའི་ཀུན་སྤྱོད་མེད་པར་བྱེད་ནའོ་ཞེས་པ་ཡིན་ཏེ་ཁྲིའུའི་#སྟེང་དུ་འདུག་ཅིང་སྟམ་#པ་ཡང་གིས་ཕན་ཚུན་དུ་སྦེད་པ་སྦོམ་མོ་དགའ་ལྡན་ལྟར་བྱེད་ན་ལྟུང་བར་འགྱུར་བའོ། །ཡོ་
[156b.3]ལང་#བྱེད་པར་གཏོགས་པའོ།། །།#སྤྱི་#བརྩན་བས་ཐབས་#ཀྱིས་གནོན་པའི་ལྟུང་བ་གང་ཞེ་ན། ཁྱིམ་པའི་དེར་མ་བདར་བར་སྟན་ལ་འདུག་ནའོ་ཞེས་པ་ཡིན་ཏེ་འདི་ལྟར་བྱེད་བྱེད་ན་ལྟུང་བར་འགྱུར་བའོ། །སྤྱི་བརྩན་བའི་ཐབས་ཀྱིས་གནོན་པའོ།། །།#རྗེས་ངན་#བྱེད་པའི་ལྟུང་བ་གང་ཞེ་ན། ཆོས་
[156b.4]པའི་ཚེ་ཁྱིམ་པའི་སྟན་ཆ་སྤྱད་ནས་ཁྱིམ་#པ་ལ་མ་སྦྲན་བར་བོར་ཏེ་སོང་ནའོ་ཞེས་པ་ཡིན་ཏེ་ཆོས་འཆད་པའི་ཚེ་ཁྱིམ་པའི་སྟན་ཆ་སྤྱོད་སྤྱོད་པ་ལས་སླར་འགྲོ་བའི་ཚེ་དེ་དག་ལ་མ་སྦྲན་བར་སྦོམ་#མོ་དགའ་ལྡན་ལྟ་བུར་བྱེད་ཅིང་སྟན་བོར་ན་ལྟུང་བར་འགྱུར་བའོ། །ཇི་ཙམ་དུ་སོང་#བས་ལྟུང་ཞེ་ན། དེའི་ཉེ་
[156b.5]སྤྱོད་བཏང་བའི་ཐབས་སོ་ཞེས་པ་ཡིན་ཏེ་འདོམ་བཞི་བཅུ་དགུ་ལ་སོགས་པའི་ཉེ་སྤྱོད་འདས་ན་ལྟུང་བར་འགྱུར་བའོ། །རྗེས་ངན་བྱེད་པའོ།། །།#ཁྱིམ་པའི་ཤེས་#ཉེན་དུ་གཏོགས་པའི་ལྟུང་བ་གསུམ་ཡོད་པ་ལ་དང་པོ་གང་ཞེན། སྐུད་པ་འཁལ་ནའོ་ཞེས་པ་ཡིན་ཏེ་རྣམས་བྱེད་ན་ལྟུང་བར་འགྱུར་བའོ། །
[156b.6]རྣམས་བྱེད་དོ་ཅོག་གིས་སམ་ཞེ་ན། རྒྱ་ཅང་དང་ལྕག་ཕོད་ཀྱི་ཕྱིར་དབེན་པར་ན་ཉེས་མེད་ཅེས་པ་ཡིན་ཏེ་འདི་དག་ཙམ་གྱི་ཚོད་བྱེད་པ་ནི་ཉེས་མེད་པའོ། །འདི་སྐབས་སུ་ལྟུང་བ་གཞན་ཡང་བླ་ཐབས་སུ་སྟོན་པ་ནི་དགེ་སློང་མའི་ཚོགས་ཀྱི་གོས་བདག་གིར་བྱེད་ནའོ་ཞེས་པ་ཡིན་ཏེ་བཙུན་མོ་ཕྲེང་#བྱེད་མས་དགེ་འདུན་
[156b.7]མའི་སྤྱིར་ཟླ་མཚན་བཟེད་པའི་རྒྱུར་གོས་ཕལ་པོ་ཆེ་བྱིན་པ་དགའ་ལྡན་མས་ཁ་རྔམ་#བྱས་པ་ལྟ་བུར་ཁྱེར་ན་ལྟུང་བར་འགྱུར་བ་དང་། ཟས་འཚོང་ཞིང་བསྒྱུར་#ན་ལྟུང་བར་འགྱུར་བའོ། །བླ་ཐབས་སུ་ཟླ་ལ་བསྟན་པའི་ལྟུང་བ་གཉིས་བསྟན་ཟིན་ནས་དཀྱུས་#མ་གཉིས་པ་སྟོན་པ་ནི། ཁྱིམ་པའི་སོ་ནམ་
[157a]
[157a.1]ཡང་ངོ་ཞེས་པ་ཡིན་ཏེ་གཏུབ་ཅིང་འཐབ་པ་དང་མལ་བྱེད་པ་དང་ལྷམ་དང་ཁྲུས་རས་སྟོབས་པ་དང་ཁྱིམ་ཕྱག་ཅིང་ཆག་ཆག་འདེབས་པ་ལ་སོགས་པ་བྱེད་ན་ལྟུང་བར་འགྱུར་བའོ། །ཕྲན་ཚེགས་ལས་འབྱུང་བ་ཞར་ལ་སྟོན་པ་ནི་ཆང་གི་ལས་མི་བྱ་ཞེས་པ་དང་ཆང་འཚོང་པར་མི་བྱ་ཞེས་པ་
[157a.2]ཡིན་ཏེ་ཆང་འཚོང་བ་དང་ཆང་འཚོང་བ་བྱེད་ན་ཉེས་བྱས་སུ་སྟོན་པའོ། །དཀྱུས་#མ་གསུམ་པ་ནི་རྗེན་པ་བཙོས་ནའོ་ཞེས་པ་ཡིན་ཏེ་གཡོས་བྱེད་ན་ལྟུང་བར་འགྱུར་བའོ། །འདིའི་ཚད་ནི་གོང་དུ་སྲ་སྙི་ལས་སུམ་ཆ་སུམ་གཉིས་ཚོས་པ་དང་ལྷག་རེ་བསྣུན་པ་ལ་སོགས་པ་བཞིན་དུ་རིག་པར་བྱའོ། །བཙོས་
[157a.3]སོ་ཅོག་#གིས་ཉེས་པར་འགྱུར་རམ་ཞེ་ན། དགེ་སློང་#གི་དགེ་འདུན་དང་། སློབ་དཔོན་དང་ཚངས་པ་མཚུངས་པར་སྤྱོད་པའི་ཕྱིར་ནི་ཕྱོགས་དབེན་པར་ཉེས་མེད་ཅེས་པ་ཡིན་ཏེ་འདི་དག་གི་ཕྱིར་དབེན་པར་སོང་སྟེ་གཡོས་བྱེད་པ་ནི་ཉེས་མེད་པའོ། །ཁྱིམ་པའི་ཤེས་#ཉེན་དུ་གཏོགས་པའོ།། །།#ལྟོ་
[157a.4]འདུན་བྱེད་པའི་ལྟུང་བ་གང་ཞེ་ན། ཟོས་ཏེ་སྟན་ཡངས་#ནས་ཟ་བའོ་ཞེས་པ་ཡིན་ཏེ་སྦོམ་མོ་དགའ་ལྡན་ལྟ་བུར་བསོད་སྙོམས་བླངས་པའི་ཟས་འཆག་པའི་ལམ་ཀར་བཞག་ལ་ཕར་སོང་ཚུར་སོང་བའི་ལམ་ཡོགས་སུ་ལེན་ཅིང་ཟ་བ་ལྟ་བུར་བྱེད་ན་ལྟུང་བར་འགྱུར་བའོ། །ལྟོ་འདུན་བྱེད་པའོ།། །།#འདུས་#པར་དྲིང་བའི་
[157a.5]ལྟུང་བ་གང་ཞེ་ན། སྒོག་སྐྱ་ནའོ་ཞེས་པ་ཡིན་ཏེ། ཟོས་ན་ལྟུང་བར་འགྱུར་བའོ། །ཀེའུ་དང་བཙོང་ལ་སོགས་པ་གཞན་ནི་ཉེས་བྱས་སུ་འགྱུར། འདུས་པར་དྲི་ང་བར་ཟ་བའོ།། །།#བསླབ་པ་ཉམས་པར་གཏོགས་པའི་ལྟུང་བ་གསུམ་ཡོད་ལ་དང་པོ་གང་ཞེ་ན། ཟླ་མཚན་གྱི་གཞི་མ་བཅངས་ནའོ་ཞེས་
[157a.6]པ་ཡིན་ཏེ་ཟླ་མཚན་བཟེད་པའི་གཞི་མ་བཅངས་ན་ལྟུང་བར་འགྱུར་བའོ། །སྐུད་པས་རྟོད་#ན་གནས་སོ་ཞེས་པ་དང་འདི་དུས་དུས་སུ་#བཀྲུ་བ་དང་བཙོ་བ་ཡང་ངོ་ཞེས་པ་གཉིས་ནི་ཕྲན་ཚེགས་ལས་འབྱུང་སྟེ་གཞི་དེའི་ཆོ་ག་འདི་ལྟར་གྱིས་ཤིག་པའོ། །གཉིས་པ་གང་ཞེ་ན། ཆུ་རས་ཀྱང་ངོ་ཞེས་པ་
[157a.7]ཡིན་ཏེ་ཁྲུས་རས་ཤིང་ལྟ་བུ་མ་བཅངས་ན་ལྟུང་བར་འགྱུར་བའོ། །འདི་བཅང་#ཞེས་པ་ནི་འདི་ལྟ་བུ་ཆེད་དུ་ཆོངས་ཤིག་པའོ། །གསུམ་པ་གང་ཞེ་ན། ཁྲུས་#པ་ལ་འཁྲུར་བཅུག་ནའོ་ཞེས་པ་ཡིན་ཏེ་གོས་ལ་མི་སྡུག་པ་ཆགས་ཤིང་རེག་པ་གཞན་གྱིས་#མཐོང་ན་འཕྱས་སུ་འགྱུར་བའི་ཕྱིར་འཁྲུར་བཅུག་
[157b]
[157b.1]ན་ལྟུང་བར་འགྱུར་བའོ། །ཟླ་བ་ཉམས་པར་གཏོགས་པའོ།། །།#ཆོས་ཀྱི་རྒྱལ་མཚན་ལ་མ་གུས་པའི་ལྟུང་བ་གང་ཞེ་ན། དགེ་སྦྱོང་གི་གོས་ཁྱིམ་པས་གོན་#པའི་ཕྱིར་བྱིན་ནའོ་ཞེས་པ་ཡིན་ཏེ་དགེ་སློང་གི་གོས་ཁྱིམ་པ་བགོ་བའི་ཕྱིར་བྱིན་ན་ཆོས་ཀྱི་རྒྱལ་མཚན་ལ་མ་གུས་པ་ཡིན་པས་ན་ལྟུང་བར་སྟོན་པའོ། །
[157b.2]ཆོས་ཀྱི་རྒྱལ་མཚན་ལ་མ་གུས་པར་གཏོགས་པའོ།། །།#རྒྱལ་མཚན་བརྗེ་བའི་ལྟུང་བ་གང་ཞེ་ན། དགེ་སློང་དང་སྦྱར་མ་བརྗེ་#ནའོ་ཞེས་པ་ཡིན་ཏེ་ཆོས་གོས་སྦྱར་མ་བྱིན་པ་ནི་ཉེས་མེད་ཀྱི་བརྗེ་ན་ལྟུང་བར་སྟོན་པའོ། །རྒྱལ་མཚན་བརྗེ་བར་གཏོགས་པའོ།། །།#སེར་སྣ་བྱེད་པའི་ལྟུང་བ་ལྔ་ཡོད་པ་ལ་#དང་པོ་
[157b.3]གང་ཞེ་ན། བསྔགས་པ་ལ་འཇུར་གེགས་#བྱེད་ནའོ་ཞེས་པ་ཡིན་ཏེ་དགེ་སློང་མ་གཞན་ལ་ཕ་རོལ་གཞན་གྱིས་#བསྔགས་པའི་ཚེ་དེ་ལ་འགྲན་ཅིང་སྔོགས་སུ་མི་#སྟེར་བའི་འཇུར་གེགས་#བྱེད་ན་ལྟུང་བར་འགྱུར་བའོ། །ལྷག་མ་གཞན་ནི་ཁྱིམ་དང་གནས་དང་རྙེད་པ་དང་ཆོས་ལ་འཇུར་གེགས་#བྱེད་པ་
[157b.4]ཡང་ངོ་ཞེས་པ་ཡིན་ཏེ་མིང་གིས་སྨོས་པ་འདི་བཞི་ལ་ཕྲག་དོག་དང་འཇུར་གེགས་བྱེད་ན་ཡང་ལྟུང་བར་འགྱུར་བའོ། །ཕྲག་དོག་བྱེད་པར་གཏོགས་པའོ།། །།#འབྱིན་པའི་ལྟུང་བ་རྣམ་#གཉིས་ལས་སྔ་མ་སྟོན་པ་ནི། དགེ་སློང་མའི་དབྱར་མོ་ཐང་ནས་འབྱིན་ནའོ་ཞེས་པ་དང་དགེ་སློང་མ་ཡིན་ན་ཇི་ལྟར་
[157b.5]ཡང་རུང་ཞེས་པ་ཡིན་ཏེ་དགེ་སློང་མ་ཡིན་ལ་དབྱར་མོ་ཐང་ནས་འབྱིན་ན་ཐབས་ཅིས་#ཕྱུང་ཡང་རུང་སྟེ་ལྟུང་བར་འགྱུར་བའོ། །གཉིས་པ་ནི་ཁྱིམ་དུ་སྔར་འོངས་པ་ཡང་ངོ་ཞེས་པ་ཡིན་ཏེ་ཁྱིམ་པའི་ཁྱིམ་དུ་སྔར་ལྷགས་ཤིང་འཁོད་པ་རྣམས་གཙེས་ནས་ཕྱི་རོལ་ཏུ་བཏོན་#ཅིང་ཕྱུང་ན་ཡང་ལྟུང་བར་
[157b.6]འགྱུར་བའོ། །འབྱིན་པར་གཏོགས་པའོ།། །།#འཚེ་བའི་ལྟུང་བ་གང་ཞེ་ན། མཐོང་བ་ངན་པ་ལ་སོགས་པས་གླེངས་ནའོ་ཞེས་པ་ཡིན་ཏེ་མཐོང་བ་དང་ཐོས་པ་དང་དོགས་པ་རྣམས་གཏན་ལ་མ་བབ་པར་གྱ་ཚོམ་དུ་གླེངས་ན་ལྟུང་བར་འགྱུར་བའོ། །བསྐུལ་བ་ཡང་དེ་བཞིན་ནོ། །འཚེ་བར་
[157b.7]གཏོགས་པའོ།། །།#རབ་ཏུ་འབྱུང་བའི་བསམ་#པ་ལས་ལོག་པར་སྟོན་པའི་ལྟུང་བ་གང་ཞེ་ན། མནར་འདོར་བའོ་ཞེས་པ་ཡིན་ཏེ་མནར་འདོར་ན་ལྟུང་བའོ། །ལོག་པར་སྟོན་པར་གཏོགས་པའོ།། །།#བཟེ་རེ་བྱེད་པའི་ལྟུང་བ་གང་ཞེ་ན། ཁྲོས་པས་བདག་ལ་རྡེག་ནའོ་ཞེས་པ་ཡིན་ནོ། བཟེ་རེའི་#རྣམ་
[158a]
[158a.1]པའོ།། །།#བླ་མ་ལ་སྔོལ་བར་གཏོགས་པའི་ལྟུང་བ་གསུམ་ཡོད་པ་ལ་དང་པོ་གང་ཞེ་ན། དགེ་སློང་མའི་ཚོགས་ལ་འཕྱ་བའོ་ཞེས་པ་ཡིན་ཏེ་དགེ་སློང་མའི་དགེ་འདུན་ལ་གཡོ་སྒྱུ་དང་གཅམ་གསག་གིས་འཚོའི་ཞེ་འམ་མི་#མཁས་མི་གསལ་ཏེ་ལྟུང་བ་དང་མི་#ལྟུང་བའང་མི་ཤེས་སོ་
[158a.2]ཞེའམ་འདི་དག་ལ་བྱིན་ཞིང་བསྟི་སྟང་བྱས་ཏེའང་ཇི་རུང་ཞེས་པ་ལ་སོགས་པས་དཔྱས་བྱེད་ན་ལྟུང་བར་འགྱུར་བའོ། །གཉིས་པ་གང་ཞེ་ན། གཤེན་ཡང་ངོ་ཞེས་པ་ཡིན་ཏེ་འཚོ་#བའི་ཕྱིར་བྲེགས་སོ་ཞེའམ་མུ་གེའི་ཕྱིར་བྲགས་སོ་ཞེའམ་སྡིག་པའི་ལག་ཅན་ཞེའམ་#གདོལ་པ་ཞེའམ་#གཡོ་ཅན་ཞེས་པ་ལ་
[158a.3]སོགས་པས་གཤེ་#ན་ཡང་ལྟུང་བའོ། །གསུམ་པ་གང་ཞེ་ན། འཁོར་གྱི་ཐུ་བོ་ལ་ཆུས་གཏོར་ནའོ་ཞེས་པ་ཡིན་ཏེ་དགེ་སློང་ལ་ཆུས་གཏོར་ན་ལྟུང་བའོ། །བརྒྱལ་བ་ལ་ཉེས་མེད་ཅེས་པ་ནི་འདི་ལྟ་བུའི་ཚེ་ནི་ཆུས་གཏོར་ཀྱང་བླ་བའོ། །དགེ་སློང་ལ་མཆིལ་མས་མི་གདབ་ཅེས་པ་ནས། འདུག་
[158a.4]པའི་འོག་ཏུ་ཞུ་བར་བྱ་ཞེས་པའི་བར་དུ་སྨོས་པ་རྣམས་ནི་ཕྲན་ཚེགས་ལས་འབྱུང་བ་སྟེ་ཉེས་བྱས་སུ་སྟོན་པའོ། །འདི་རབ་ཏུ་བྱུང་བ་ལ་མི་སྤྱོ་ཞེས་པ་ནི་ཤཱཀྱའི་དགེ་སྦྱོང་#རྣམས་ལ་མ་གཤེ་ཤིག་པའོ། །གཉིས་ཀྱང་དེ་བཞིན་ཞེས་པ་ནི་འདི་རབ་ཏུ་བྱུང་བ་རྣམས་ལ་འཕྱ་བ་དང་གཤེ་བ་གཉི་ག་མ་བྱེད་
[158a.5]ཅིག་པའོ། །དགེ་སྦྱོང་གི་མདུན་དུ་སྤྱོད་ཡུལ་མི་སྤྱད་ཅེས་པ་ནི་སྦོམ་མོ་དགའ་ལྡན་ལྟ་བུར་འཕགས་པ་འོད་སྲུངས་བསོད་སྙོམས་ལ་འགྲོ་བའི་མདུན་སྤྱོད་པ་ལྟ་བུ་མ་བྱེད་ཅིག་པའོ། །ཟམ་མི་བརྟན་པ་ལ་དགེ་སློང་དང་ལྷན་ཅིག་ཏུ་མི་འགྲོ་ཞེས་པ་ནི་སྦོམ་མོ་དགའ་ལྡན་གྱིས་འཕགས་པ་འོད་
[158a.6]སྲུངས་ཆུར་བོར་བ་ལྟ་བུར་ཕམ་པ་མི་བརྟན་པ་ལ་སྒྲེང་#ཞིང་མ་འདོང་ཤིག་པའོ། །དགེ་སློང་མཐོང་མ་ཐག་ཏུ་སྟན་ལས་འཕགས་ཅེས་པ་དང་འདུག་ནས་འདི་དག་འགྲེང་བ་ལ་འདུག་#ཅེས་བསྒོ་ཞེས་པ་དང་འདུག་པའི་འོག་ཏུ་མ་བྱས་ན་ཞུ་བར་བྱ་ཞེས་པ་ནི་དགེ་སློང་པ་ལ་དགེ་སློང་མས་ཕུ་དུད་#
[158a.7]བྱ་བ་དང་དགེ་སློང་ཕས་#དགེ་སློང་མ་ལ་མདོང་སོལ་བྱ་བའི་ཐབས་འདི་དག་ལྟར་གྱིས་ཤིག་པའོ། །བླ་མར་གྱུར་པ་ལ་སྡོལ་བར་གཏོགས་པའོ།། །།#འཁྲུག་#པ་ལ་གཡེལ་བའི་ལྟུང་བ་གང་ཞེ་ན། ནུས་པ་ཙམ་གྱི་ཚོད་ལ་དགེ་སློང་མའི་འཐབ་#མོ་ཞི་བར་མ་བྱས་ནའོ་ཞེས་པ་ཡིན་ཏེ་དགེ་
[158b]
[158b.1]སློང་མ་རྩོད་ཅིང་འཐབ་པ་བདག་གིས་ཞི་བར་ནུས་ལ་མ་གཅུགས་ཤིང་#ཞི་བར་མ་བྱས་ན་ལྟུང་བར་འགྱུར་བའོ། །འཁྲུགས་#པ་ལ་གཡེལ་བའོ།། །།#གྲོས་ལ་བཞད་གད་དུ་#བྱེད་པའི་ལྟུང་བ་གང་ཞེ་ན། དད་པའི་སྨན་མ་འབུལ་ནའོ་ཞེས་པ་ཡིན་ཏེ་སྦོམ་མོ་དགའ་ལྡན་ལྟ་བུ་སྔ་དེ་#ཉིན་བར་གྱི་དད་པ་
[158b.2]དེར་ཟད་དོ་ཞེས་ཟེར་ཞིང་དད་པའི་སྨན་མི་འབུལ་བར་བྱེད་ན་ལྟུང་བར་འགྱུར་བའོ། །གྲོས་ལ་བཞད་གད་བྱེད་པའོ། །ལྕི་བའི་ཆོས་ཉམས་པའི་ལྟུང་བ་གསུམ་སྟོན་པའི་ཟླ་ལ་དེ་དང་འདྲ་བའི་ལྟུང་བ་གཅིག་ཀྱང་སྟོན་ཏེ་དེ་ལ་ལྕི་བའི་ཆོས་ཉམས་པའི་ལྟུང་བ་དང་པོ་གང་ཞེ་ན། ཟླ་བ་ཕྱེད་ཕྱེད་ཅིང་
[158b.3]དགེ་སློང་ཕ་ལས་ལུང་དང་རྗེས་སུ་བསྟན་པ་མྱོང་བར་མི་བྱེད་ནའོ་ཞེས་པ་ཡིན་ཏེ་ཟླ་བ་ཕྱེད་ཕྱེད་ཅིང་དགེ་སློང་ཕ་ལས་བསམ་གཏན་གྱི་ལུང་དང་བྱ་བ་དང་#མི་བྱ་བ་ལ་སོགས་པའི་གདམས་པ་མི་མཉན་#ན་ལྟུང་བར་འགྱུར་བའོ། །དགེ་སློང་ཕ་མེད་པར་གསོ་སྦྱིན་#བྱེད་ནའོ་ཞེས་པ་འདི་ནི་དེ་དང་འདྲ་བ་ཟླ་ལ་
[158b.4]བསྟན་པ་ཡིན་ཏེ་དགེ་སློང་ཕ་ལས་གོས་#སྦྱིན་གྱི་དད་པ་མ་མནོས་པར་གསོ་སྦྱིན་བྱེད་ན་དགེ་སློང་ཕ་མེད་པར་གསོ་སྦྱིན་བྱེད་ཅེས་བྱ་བ་ཡིན་ཏེ་ལྟུང་བར་འགྱུར་བའོ། །གཉིས་པ་གང་ཞེ་ན། དགེ་སློང་ཕ་མེད་པའི་གནས་སུ་དབྱར་ཚུལ་དུ་འཇུག་ནའོ་ཞེས་པ་ཡིན་ཏེ་དགེ་སློང་ཐམས་ཅད་མེད་
[158b.5]པའང་ཡོད་དུ་ཟིན་ཀྱང་གསོ་སྦྱིན་དང་གསོལ་བ་ལ་སོགས་པའི་ལས་མི་བྱེད་པར་ཚུལ་དུ་ཞུགས་ན་ལྟུང་བར་འགྱུར་བའོ། །གསུམ་པ་གང་ཞེ་ན། དབྱར་ལོན་པ་དགེ་འདུན་གཉིས་ལས་གནས་གསུམ་གྱིས་མི་འབྱུང་ནའོ་ཞེས་པ་ཡིན་ཏེ་ཚུལ་ནས་འབྱུང་ཀར་མཐོང་བ་དང་དོགས་པའི་
[158b.6]གནས་གསུམ་བདག་གི་སྐབས་ཕྱེས་དགེ་འདུན་སྡེ་གཉིས་ཀྱིས་གླེང་དུ་གསོལ་ཞེས་སྐབས་མ་ཕྱེ་ན་ལྟུང་བར་འགྱུར་བའོ། །ལྕི་བའི་ཆོས་ལས་འདའ་བར་གཏོགས་པའོ།། །།#ཕ་རོལ་ཕུང་བར་བྱེད་པའི་ལྟུང་བ་གསུམ་ཡོད་པའི་དང་པོ་གང་ཞེ་ན། དབུལ་པོ་གཏན་#པ་སྦྱོར་དུ་བཅུག་ནའོ་
[158b.7]ཞེས་པ་ཡིན་ཏེ་དགེ་འདུན་གྱི་གཏན་#པའི་ཆོས་གོས་མི་དབུལ་ཞིང་གཞི་ངན་པ་སྦྱོར་དུ་བཅུག་ན་ལྟུང་བར་འགྱུར་བའོ། །གཉིས་པ་གང་ཞེ་ན། བག་ཡངས་པའི་ཕྱིར་གཏན་#པ་དབྱུང་ཞིང་འདུ་བ་མི་སྟེར་ནའོ་ཞེས་པ་ཡིན་ཏེ། དགེ་སློང་མ་ཆོམ་རྐུན་གྱིས་ཐེབས་པ་གོས་མེད་པ་ལྟ་
[159a]
[159a.1]བུ་ལ་སོགས་པའི་ཕྱིར་གཏན་#པ་དབྱུང་བའི་ལས་བྱེད་པའི་ཚེ་འདུར་#མི་བཏུབ་པའི་#དད་པ་མི་སྟེར་ན་ལྟུང་བར་འགྱུར་བའོ། །གསུམ་པ་གང་ཞེ་ན། གོས་འགོད་པའི་ཕྱིར་ཡང་ངོ་ཞེས་པ་ཡིན་ཏེ་དགེ་འདུན་གྱི་གོས་འགོད་པའི་ཚེ་ཡང་འདུར་མི་བཏུབ་པ་འམ་དད་པ་མི་
[159a.2]སྟེར་ན་ལྟུང་བར་འགྱུར་བའོ། །འདི་ནི་དཔེར་ཟད་ཀྱི་གཞན་ཡང་རྙེད་པ་འགོད་པའོ་ཅོག་#ནའང་འདི་ལྟར་བྱེད་ན་ལྟུང་བར་འགྱུར་བའོ། །དེ་ལེན་མི་འདོད་ན་བྱས་པ་མ་ཡིན་ཞེས་པ་ནི་གོས་ལ་སོགས་པའི་བགོ་སྐལ་མི་འདོད་ན་ནི་#གོང་མ་ལྟ་བུའི་ལྟུང་བར་ཡང་མི་འགྱུར་བའོ། །ཕ་རོལ་#
[159a.3]ཕུང་བར་བྱེད་པར་གཏོགས་པའོ། །དབྱར་མོ་ཐང་མི་ཕྱུག་པར་བྱེད་པའི་ལྟུང་བ་གང་ཞེ་ན། དབྱར་མོ་ཐང་མ་གཏད་པར་སོང་ནའོ་ཞེས་པ་ཡིན་ཏེ་བདག་དབྱར་མོ་ཐང་དེའི་གཞི་ལ་#མི་འདུག་པར་གུད་དུ་འགྲོ་བའི་ཚེ་གནས་ཁང་དང་དེའི་ཡོ་བྱད་རྣམས་དགེ་སློང་མ་མེད་ན་ཡང་དགེ་ཚུལ་ཡན་
[159a.4]ཆད་ལ་མ་གཏད་པར་ཐལ་བྱུང་དུ་ལངས་ཏེ་སོང་ན་ལྟུང་བར་འགྱུར་བའོ། །ཇི་ཙམ་དུ་སོང་བས་ཤེ་ན། ཉེ་སྤྱོད་བཏང་ནའོ་ཞེས་པ་ཡིན་ཏེ་དབྱར་མོ་ཐང་གི་གོ་རེ་ལོང་གི་གནས་བཏང་སྟེ་སོང་ན་ལྟུང་བར་འགྱུར་བའོ། །དབྱར་མོ་ཐང་གླར་མི་སྦྱིན་ཞེས་པ་ནི་དབྱར་མོ་ཐང་གི་ཁྱིམ་པ་
[159a.5]ལ་གླར་མ་གཏོད་ཤིག་པ་སྟེ། འདི་དང་འོག་ནས་འབྱུང་བ་རྣམས་ནི་ཕྲན་ཚེགས་ལས་འབྱུང་བར་#སྟོན་པའོ། །ཁྱིམ་གྱི་དངོས་པོ་དང་ཚོང་ཁང་གི་དངོས་པོ་ཡང་མ་ཡིན་ཞེས་པ་ནི་གཙུག་ལག་ཁང་འཁོར་གྱི་ཁྱིམ་དང་གཙུག་ལག་ཁང་གི་གཙང་#ཁང་གླར་བཏང་ཡང་ཉེས་བྱས་སུ་སྟོན་པའོ། །དབྱར་
[159a.6]མོ་ཐང་མི་ཕྱུག་པར་བྱེད་པར་གཏོགས་པའོ།། །།#རྒྱུ་བ་#དང་མི་རྒྱུ་བར་གཏོགས་པའི་ལྟུང་བ་བཞི་ཡོད་པ་ལ་དང་པོ་གང་ཞེ་ན། དབྱར་ནི་ཁོངས་སུ་ལྗོངས་རྒྱུ་བ་སྤྱོད་ནའོ་ཞེས་པ་ཡིན་ཏེ་དབྱར་ཚུལ་དུ་ཞུགས་པའི་ཚེ་དོན་གྱི་ཕྱིར་#ཞག་བདུན་བྱིན་གྱིས་བརླབས་པ་ལྟ་བུ་མ་གཏོགས་པ་ཡུལ་རྒྱུ་ཞིང་
[159a.7]གུད་དུ་སོང་ན་ལྟུང་བར་འགྱུར་རོ། །#བར་ཆད་ཉེ་བར་འོངས་པ་ནི་ཉེས་མེད་ཅེས་པ་ནི་བར་ཆད་བརྒྱད་ལས་གང་ཡང་རུང་བའི་རྐྱེན་གྱིས་#ཐེབས་ཏེ་སོང་བ་ནི་ཉེས་མེད་པར་སྟོན། གཉིས་པ་ནི་དབྱར་ལོན་ནས་དེ་མི་སྤྱོད་ནའོ་ཞེས་པ་ཡིན་ཏེ་དབྱར་ཚུལ་ན་གནས་བའི་ཟླ་བ་གྲངས་ཚང་ནས་གུད་དུ་མི་འགྲོ་
[159b]
[159b.1]བར་གཞི་ལ་འདུག་#ན་ལྟུང་བར་འགྱུར་བའོ། །འདིའང་རྐྱེན་དང་ནི་སྦྱོར་#རོ། །གསུམ་པ་གང་ཞེ་ན། རྒྱལ་པོའི་ཕོ་བྲང་འཁོར་གྱིས་#དོགས་སྤྱོད་ནའོ་ཞེས་པ་ཡིན་ཏེ་རྒྱལ་པོ་གཞན་གྱི་འཁོར་དང་དཔུང་གིས་#འཇིགས་བཞིན་དུ་ཐུག་#ཐུབ་དུ་བྱས་ཏེ་སོང་ན་ལྟུང་#བའོ་ཞེས་པ་ནི་འདུམ་བའི་ཚེ་ཡང་ངོ་ཞེས་པ་ནི་
[159b.2]རྒྱལ་པོ་གཉིས་པ་དུམ་བྱས་ནས་ཕན་ཚུན་གྱི་མི་ཡུལ་འཁོར་དུ་འདུལ་ཞིང་འོངས་ན་སོད་ཅིག་ཅེས་ནང་ཁྲིམས་སུ་བཅས་པ་ཡོད་བཞིན་དུ་དེར་སོང་ནའང་ལྟུང་བའོ། །རྒྱུ་བ་དང་མི་རྒྱུ་བར་གཏོགས་པའོ།། །།#སྨྲ་བར་གཏོགས་པའི་ལྟུང་བ་གཉིས་ཡོད་པ་ལ་དང་པོ་གང་ཞེ་ན། ལྷ་ཁང་ལ་
[159b.3]སོགས་པ་དང་མུ་སྟེགས་པའི་གནས་སུ་སོང་ནས་འགྱེད་#པར་བྱེད་ནའོ་ཞེས་པ་ཡིན་ཏེ་མུ་སྟེགས་པའི་ལྷ་ཁང་དང་རྒྱལ་པོའི་ཕོ་བྲང་དང་མུ་སྟེགས་པའི་གནས་སུ་སོང་ལ་འགྱེད་#པ་ལྟ་བུའི་རྩོད་པ་ཆེན་པོ་བྱེད་ན་ལྟུང་བར་འགྱུར་བའོ། །གཉིས་པ་ནི་དྲི་བའི་སྐབས་མ་ཕྱེ་བར་འདྲི་ནའོ་ཞེས་པ་ཡིན་ཏེ་
[159b.4]འདྲི་བའི་ཐབས་འོག་ནས་འབྱུང་བ་ལྟ་བུ་མ་བྱས་པར་འདྲིན་ལྟུང་བར་འགྱུར་བའོ། །འདྲི་བའི་ཐབས་ཇི་ལྟར་བྱ་ཞེ་ན། སྟན་བཏིང་ལ་ཀུན་དགའ་བར་བྱས་ནས་གཞུང་ལ་བརྩོན་བ་དྲི་སྟེ་སྐབས་#གསོལ་ཞེས་པ་ཡིན་ཏེ་སྟེན་ལ་བཞག་ཅིང་གསོལ་#བ་ལ་སོགས་པའི་ཚུལ་ཇེ་བྱས་ནས་སྡེ་སྣོད་
[159b.5]གསུམ་གྱི་གཞུང་གང་ལ་བརྩོན་པ་དྲིས་#ལ་དེའི་འོག་ཏུ་བདག་ཇི་འདོད་པ་དྲི་བའི་སྐབས་གསོལ་ཅིག་པའོ། །སྨྲ་བར་གཏོགས་པའོ།། །།#བཤང་གཅིར་གཏོགས་པའི་ལྟུང་པ་གསུམ་ཡོད་པ་ལ་དང་པོ་གང་ཞེ་ན། ཕྱི་རོལ་གྱི་རས་གཅིག་པུ་འགྲོ་བའོ་#ཞེས་པ་ཡིན་ཏེ་འདི་ནི་དབྱར་མོ་
[159b.6]ཐང་གི་ཕྱི་རའི་ཕྱི་རོལ་དུ་འདུག་ལ་གཅིག་པུ་གྲོགས་མེད་པར་སོང་ན་ལྟུང་བའོ། །གཉིས་པ་ནི་སྔོན་པོ་ལ་བཤང་གཅི་འདོར་ནའོ་ཞེས་པ་ཡིན་ནོ། །ནད་#པ་ནི་ཉེས་མེད་ཅེས་པ་དང་ཐམས་ཅད་སྔོན་པོས་ཁེབས་ན་ཡང་ངོ་ཞེས་པ་ནི་ནད་པ་ལྟ་བུ་དང་ཐམས་ཅད་སྔོན་པོས་ཁེབས་ན་སྔོན་པོའི་
[159b.7]སྟེང་དུ་བཤང་གཅི་བྱས་ཀྱང་བླ་བར་སྟོན་པའོ། །གསུམ་པ་གང་ཞེ་ན། ཕྱི་རའི་བྱང་སྟད་མ་བརྟགས་#ནའོ་ཞེས་པ་ཡིན་ཏེ་བཤང་གཅི་འདོར་བའི་བྱང་སྟད་#དུ་མ་བལྟས་པར་བཤང་གཅི་བྱས་ན་ལྟུང་བའོ། །ཕྱི་ར་པུ་ཤུས་བསྐོར་བ་ནི་ཉེས་མེད་ཅེས་པ་ནི་ཕྱི་རོལ་གྱི་བྱང་སྟད་#དུ་བལྟར་
[160a]
[160a.1]བུ་ཤུས་བསྐོར་བ་ཞིག་ན་མ་བལྟས་ཀྱང་བླ་བར་སྟོན་པའོ། །མི་གཙང་བར་རྡོ་#མི་འཕང་ཞེས་པ་ནི་འཕགས་པ་འོད་སྲུངས་ལ་སྦོམ་མོ་དགའ་ལྡན་མས་ཆལ་#པས་གཏོར་བ་ལྟ་བུར་མི་གཙང་#བའི་ནང་དུ་རྡོ་འཕེན་ཅིང་གཞན་ལ་ཆལ་#པ་འཐོར་བས་#འཚེ་བ་མ་བྱེད་ཅིག་པའོ། །བཤང་
[160a.2]གཅིར་#གཏོགས་པའོ། །ལྟུང་བ་ཉི་ཚེ་རྫོགས་སོ།། །།སོ་སོར་བཤགས་པ་བཅུ་གཅིག་ལ་འོ་མའི་བཤགས་པ་གང་ཞེ་ན། གཞན་གྱི་ཁྱིམ་ནས་བདག་གི་ཕྱིར་འོ་མ་བླངས་ཏེ་འཐུངས་ནའོ་ཞེས་པ་ཡིན་ཏེ་བདག་གི་ཕྱིར་འོ་མ་བསླངས་#ཏེ་འཐུངས་ན་ཉེས་མེད་བར་འགྱུར་བའོ། །རྟག་པར་ཡང་དེ་
[160a.3]ལྟའམ་ཞེ་ན། ནད་པ་མ་ཡིན་པས་ནའོ་ཞེས་པ་ཡིན་ཏེ་ནད་པ་མ་ཡིན་བས་བསླངས་#ན་གདོད་ཉེས་པར་འགྱུར་བའོ། །སློང་བ་ནི་ཉེས་བྱས་ཞེས་པ་ནི་དང་པོ་སློང་བའི་ཚེ་ཉེས་བྱས་སུ་སྟོན་པའོ། །སོ་སོར་བཤགས་པ་དགུ་ཅིག་ཅར་དུ་སྟོན་པ་ནི། ཞོ་མར་སར་#འབྲུ་མར་སྦྲང་རྩི་བུ་རམ་ཤ་ཉ་ཤ་སྐམ་
[160a.4]རྣམས་ཀྱང་ངོ་ཞེས་པ་ཡིན་ཏེ་མིང་གིས་སྨོས་པ་འདི་དགུ་#ཟོས་ན་ལྟུང་བ་རེ་རེར་སྟོན་པའོ། །གཞན་བསླང་#ལ་གཞན་རྙེད་པ་ནི་མི་འབྲི་ཞེས་པ་ནི་གོང་དུ་སྨོས་པའི་བསོད་པ་བཅུ་བསླངས་པ་དང་རྙེད་པ་ཐ་དད་དུ་ཟིན་གྱིས་#ཀྱང་ལྟུང་བ་འདྲ་བར་སྟོན་པའོ། །ངན་པ་ཡང་ངོ་ཞེས་པ་ནི་བསོད་པ་བསླངས་ལ་ངན་པ་
[160a.5]རྙེད་ན་ཡང་མི་འབྲི་བར་སྟོན་པའོ། །དེར་གཏོགས་པ་རྙེད་ན་ཡང་ངོ་ཞེས་པ་ནི་ངན་པ་བསླངས་ལ་བཟང་པོ་རྙེད་ན་ཡང་མི་འབྲི་བར་སྟོན་པའོ། །འདི་གཉིས་སློང་བའི་ཚེ་ཅིར་#འགྱུར་ཞེ་ན། དེ་ནི་ཉེས་བྱས་ཞེས་པ་ཡིན་ནོ། །སྦྱིན་བར་#གཉེན་མ་ཡིན་ལ་ཁྱིམ་པ་ཡིན་བ་དང་ཅི་#བདེར་གཉེན་མ་ཡིན་
[160a.6]ཞེས་པ་ལ་སོགས་པ་གཞན་ནི་བསོད་པའི་ལྟུང་བ་གོང་དུ་#སྨོས་པ་ལས་འབྱུང་བ་བཞིན་དུ་རིག་པར་གྱིས་ཤིག་པའོ། །#བཅུ་གཅིག་པ་གང་ཞེ་ན། སེང་གེའི་ཞེས་པ་ཡིན་ཏེ་ཁྱིམ་བདག་སེང་གེའི་སྡེ་དཔོན་ལས་སྡོམ་པ་བཅས་པའི་ལྟུང་བ་བཞི་རིག་པར་གྱིས་ཤིག་པའོ། །སོ་སོར་བཤགས་
[160a.7]པའོ།། །།ད་ནི་མང་པོ་བསླབ་པ་རྣམས་ལས་ཐུན་མོང་བ་མ་ཡིན་པའི་བསླབ་པ་སྟོན་པ་ནི། ཤམ་ཐབས་སྟ་ཟུར་གྱི་ཐད་ཀར་མི་བགོ་ཞེས་པ་དང་། ཆགས་པ་ཁྱིམ་པའི་དེར་མི་འགྲོ་ཞེས་པ་ཡིན་ཏེ་ཤམ་ཐབས་ཀྱི་ཁྱེད་#མ་མ་འདའ་མ་ཤིག་པ་དང་སུལ་ཆགས་པའི་ཁྱིམ་དུ་མ་འགྲོ་ཤིག་བའོ། །
[160b]
[160b.1]དགེ་སློང་ཕའི་འོ་ཞེས་པ་ནི་ཁྱིམ་པའི་སྟན་ལ་ལུས་ཀྱི་ལྗིད་#ཀྱིས་མི་འདུག་ཅེས་པ་དང་རྩྭ་སྔོན་པོའི་ཕྱོགས་སུ་བཤང་གཅི་མི་བྱ་ཞེས་པ་གཉིས་མ་གཏོགས་པའི་ལྷག་མ་གཞན་ཐམས་ཅད་ཐུན་མོང་དུ་རིག་པར་གྱིས་ཤིག་པའོ། །བསླབ་པ་རྣམས་སོ། །དགེ་སློང་མའི་རྣམ་པར་འབྱེད་པའི་མདོ་
[160b.2]རྫོགས་སོ།། །།ཞུས་པ་ལས་ལྟུང་བ་སོ་སོར་ངེས་པའི་མཚན་ཉིད་དང་ལྟུང་བ་ཀུན་ཏུ་འགྲོ་བ་#སྤྱིའི་མཚན་ཉིད་དོ་ཞེས་འབྱུང་བ་ན་སོ་སོའི་ངེས་པའི་ལྟུང་བ་ནི་ཕས་ཕམ་པ་ལ་སོགས་པ་གོང་དུ་རྣམ་པར་ཕྱེ་སྟེ་བསྟན་པ་རྣམས་སོ། །ཐམས་ཅད་འགྲོ་བ་སྤྱིའི་མཚན་ཉིད་ནི་ཕལ་ཆེར་རྣམ་པར་
[160b.3]འབྱེད་པ་ལས་འབྱུང་བ་རྒྱས་པར་སྨྲ་བ་འདིར་#བསྡུས་ཏེ་སྟོན་པ་ཡིན་ནོ། །#དེ་ལ་ཞིག་པ་དང་མ་སྐྱེས་པ་ཉེས་#པ་དང་ལྡན་པ་ནི་ཉེས་བྱས་སོ་ཞེས་པ་ནི་དགེ་སློང་གི་ངོ་བོ་ཞིག་ཅིང་སླར་བཅོས་སུ་མེད་དེ་ཚེ་འདི་ལ་ཕལ་ཆེར་འཕགས་པའི་ལམ་མི་སྐྱེ་ཞིང་རྣམ་པར་གྲོལ་བ་ལས་འབྱུང་སྟེ་ཉོན་མོངས་པའི་
[160b.4]ཕྱོགས་རྒྱལ་བས་ན་ཕས་ཕམ་བ་ཞེས་བྱ་སྟེ་ཞིག་པ་དང་རྐྱེན་གྱིས་བསྐལ་པས་ན་དགེ་ཚུལ་དང་དགེ་སློང་གི་ངོ་བོ་མ་སྐྱེས་པ་གཉིས་ཀྱིས་ཕས་ཕམ་པ་ལ་སོགས་པ་ཉེས་པ་#དང་ལྡན་བར་གྱུར་པ་ནི་ཉེས་བྱས་སུ་གཞག་གོ། ཅིའི་ཕྱིར་དེ་ལྟ་#ཞེ་ན། ཞིག་ཀྱང་བསྙེན་པར་རྫོགས་པ་ཡིན་བས་ཉེས་པ་
[160b.5]རྣམས་དགེ་སློང་གཞན་དང་འདྲ་བར་འགྱུར་བའི་རིགས་#པ་ཉམས་པའི་ཕྱི་རངས་པ་མ་ཡིན་བར་དགར་བ་དང་སྡོམ་པ་དང་པོ་ནས་མ་སྐྱེས་པ་ལ་གོ་ཉེས་བྱས་དང་ལྡན་བ་བསྒྲུབ་ཏུའང་#མི་རུང་བ་འདྲ་མོད་ཀྱི་རབ་ཏུ་བྱུང་བར་ཁས་བླངས་ཤིང་ཁྱིམ་པའི་མཚན་མ་བཏང་བས་#ན་སྡོམ་པ་ཡོད་པ་ཡང་མ་ཡིན་སྡོམ་པ་མེད་
[160b.6]པ་ཡང་མ་ཡིན་བའི་ཕྱིར་ཉེས་བྱས་སུ་གཟུགས་པ་རྣམ་གཉིས་ཀྱིས་#བསྒྲུབ་བོ། །མ་སྐྱེས་པས་ཉེས་པ་ཡང་ཉེས་བྱས་སུ་བསྒྲུབས་ན་ཁྱིམ་པ་ལྟ་བུ་སྡོམ་པ་ཐོག་མ་ནས་སྐྱེས་པས་ཉེས་པ་ཡང་ཉེས་བྱས་སུ་ཅིའི་ཕྱིར་མི་སྒྲུབ་#ཅེ་ན། ཁྱིམ་པས་རབ་ཏུ་འབྱུང་བར་ཁས་བླངས་པའི་ཕྱིར་རོ། །འོ་ན་
[160b.7]མཚན་ཉིད་ཀྱིས་བླངས་#ཏེ་རབ་ཏུ་འབྱུང་བ་ཁས་བླངས་པའི་ཉེས་པ་ཡང་ཉེས་#སུ་འགྱུར་བའི་རིགས་སོ་ཞེས་པའི་ལན་དུ་ད་ནི་བདག་བསྙེན་པར་རྫོགས་པའམ་རབ་ཏུ་བྱུང་བ་ཉིད་ཡིན་ནོ་བར་ཁས་མི་འཆེ་བའི་རིགས་སོ། །དེ་སྟེ་ཁས་འཆེ་ན་ཡང་སྡོམ་པ་ཡོད་པར་ཡང་མི་རུང་སྡོམ་པ་མེད་པར་ཡང་མི་རུང་
[161a]
[161a.1]བར་དུ་འབྱུང་བ་མ་ཡིན་གྱི། བསོད་ནམས་མ་ཡིན་པ་ཕལ་ཆེར་འཕེལ་ལོ་ཞེས་བྱ་བའི་ནང་དུ་གཏོགས་པའི་ཕྱིར་རོ། །ཞིག་པ་དང་མ་སྐྱེས་པས་ཉེས་པ་#ཉེས་བྱས་སུ་གདགས་པ་ནི་གཞུང་ལས་ཀྱང་རྐུན་བུར་#གནས་པ་དང་ཐོག་ནས་བསྐྲད་པ་དང་། མ་ནིང་དང་དགེ་སློང་མ་
[161a.2]བསླུས་པ་རྣམས་ཀྱིས་ཉེས་བྱས་སུ་འགྱུར་རོ་ཞེས་#འབྱུང་ངོ་། །བསྙེན་པར་མ་རྫོགས་པའི་རབ་ཏུ་བྱུང་བས་མནོས་པ་ལ་འདས་པ་ཡང་ངོ་ཞེས་པ་#བསྙེན་པར་མ་རྫོགས་པའི་རབ་ཏུ་བྱུང་བ་དགེ་ཚུལ་དང་དགེ་ཚུལ་#མ་དང་དགེ་སློང་མ་ཉིད་ཀྱིས་#བསླབ་པ་ལས་འདས་པ་ཡང་ཉེས་བྱས་སུ་འགྱུར་བར་སྟོན་པའོ། །
[161a.3]ཉིད་ཀྱིས་མནོས་པ་ལས་འདས་པ་ནི་དེ་ལྟར་ཡིན་ན་དེའི་ཕྱོགས་སུ་གཏོགས་པ་ལས་འདས་པ་ཅིར་#འགྱུར་ཞེ་ན། དེའི་ཕྱོགས་ནི་ཡིད་ཀྱིའོ་ཞེས་པ་ཡིན་ཏེ་དེ་དག་གི་སྲོག་གཅོད་པ་ལ་སོགས་པ་དངོས་སུ་མནོས་པ་ནི་མ་ཡིན་གྱི་དེ་འདྲ་བའི་ཕྱོགས་སུ་#གཏོགས་པ་རྣམས་ལས་འདས་པ་ནི་ཡིད་ཀྱིས་མི་བྱ་བར་དམ་
[161a.4]བཅས་པ་ལས་སློན་#བའི་ཉེས་བྱས་སུ་སྟོན་པའོ། །དེ་ལ་དེའི་ཕྱོགས་དང་ཕྱོགས་མ་ཡིན་པ་#གང་ཞེ་ན། འཆང་བ་འབྲེལ་#བ་མེ་ལ་རེག་པ་དང་། །བཏང་ནས་ཟ་དང་ས་བོན་འཇོམས་པ་དང་། །སྔོན་པོའི་ཕྱོགས་སུ་མི་གཙང་འདོར་བ་དང་། །ཤིང་ལ་འཛེག་པ་རྣམས་ནི་དགེ་སློབ་མའི། །དགེ་ཚུལ་
[161a.5]གཉིས་ཀྱང་རིན་ཆེན་རེག་པ་དང་། །བཞག་པ་ཟོས་དང་བྱིན་ལེན་མ་བྱས་པ། །ས་དང་སྐྱེ་བ་ཉམས་པར་བྱེད་པ་དང་། །མདོར་གཏོགས་མནོས་པ་དག་རྣམས་མ་གཏོགས་པའོ། །དབྱར་ཚེ་ལྷན་ཅིག་གནས་པ་དང་། །གསོ་སྦྱིན་འབྱུང་བ་ཅིག་ཅར་བ། །འདི་དག་ལ་སོགས་དེ་ཡིས་གནོས་#
[161a.6]པའི་ཕྱོགས། །མཚན་མ་དང་ནི་སློང་བ་#དང་། །སྣོད་དང་སྤྱོད་དང་འཕྱོ་བ་དང་། །འདོད་དང་གནོད་དང་གནས་པ་དང་། །མི་གུས་མི་སྦྱོང་རྣམས་ཀྱི་དངོས། །ཞེས་འབྱུང་བ་རྣམས་ཡིན་ནོ། །དེ་ལ་བསྡུས་པའི་ཚིགས་བཅད་དེ་འགྲེལ་ཏེ་བཅང་ཞེས་པ་ནི་ལྷག་པའི་གོས་དང་ལྷུང་བཟེད་བཅང་
[161a.7]བའོ། །འབྲེལ་ཞེས་པ་ནི་ཆོས་གོས་སོ། །མེ་ལ་རེག་ཅེས་པ་ནི་དངོས་བཏང་ནས་ཟ་ཞེས་པ་ནི་མི་བཟའ་བར་ཆད་དེ་བཏང་བ་ལས་ཡང་སླར་ཟ་ནའོ། །ས་བོན་འཇོམས་ཞེས་པ་ནི་རུང་བའི་ཆོ་ག་མ་བྱས་པའི་ས་བོན་དང་ཤིང་ཐོག་ལ་སོགས་#འཇོམས་པའོ། །སྔོན་པོའི་ཕྱོགས་སུ་མི་གཙང་བ་འདོར་
[161b]
[161b.1]ཞེས་པ་ནི་དངོས་སོ། །#ཤིང་ལ་འཇོག་ཅེས་པ་ནི་མི་གང་ལས་ལྷག་པ་#འཛེག་པའོ། །དགེ་སློབ་མའི་ཞེས་པ་ནི་གོང་དུ་སྨོས་པ་དེ་དག་དགེ་སློབ་མའི་བསླབ་པ་མ་ཡིན་བར་སྟོན་པའོ། །དགེ་ཚུལ་གཉིས་ཀྱང་ཞེས་པ་ནི་གོང་དུ་སྨོས་པ་དེ་དག་དགེ་ཚུལ་གཉིས་ཀྱི་བསླབ་པ་ལ་ཡང་མ་གཏོགས་
[161b.2]པའོ། །དེ་གཉིས་ཀྱི་བསླབ་པ་ལ་མ་གཏོགས་པ་དེར་ཡང་མ་ཟད་པ་ནི་རིན་ཆེན་རེག་ཅེས་པ་ལ་སོགས་པ་ཡིན་ནོ། །བཞག་པ་ཟ་ཞེས་པ་ནི་བཞག་པའི་ཟས་སུ་གྱུར་པ་ལ་བྱའོ། །བྱིན་ལེན་མ་བྱས་ཞེས་པ་ནི་བྱིན་ལེན་མ་བྱས་པར་ཟའོ#། །ས་ཞེས་པ་ནི་ས་བརྐོ་བའོ། །སྐྱེ་བ་ཉམས་པར་བྱེད་
[161b.3]ཅེས་པ་ནི་ཤིང་ལ་སོགས་པ་གཅོད་པའོ། །མདོར་གཏོགས་པ་མནོས་པ་ཞེས་པ་ནི་དགེ་སློང་དང་དགེ་སློང་མའི་སོ་སོར་ཐར་པའི་མདོར་གཏོགས་པ་སྲོག་མི་གཅོད་པ་ལ་སོགས་པ་དེ་དག་གིས་མནོས་པའོ། །མ་གཏོགས་ཞེས་པ་ནི་འཆང་བ་ནས་མནོས་ཞེས་པ་འདི་ཡན་ཆད་ཀྱི་བར་དུ་སྨོས་པ་
[161b.4]རྣམས་དགེ་སློབ་མ་དང་དགེ་ཚུལ་གཉིས་ཀྱི་བསླབ་པའི་ཕྱོགས་ལ་མ་གཏོགས་པར་སྟོན་པའོ། །དབྱར་ཚེ་ལྷན་ཅིག་ནས་ཞེས་པ་ནི་དབྱར་ཟླ་བ་གསུམ་གནས་གཅིག་ན་ལྷན་ཅིག་ཏུ་འཁོད་ནའོ། །གསོ་སྦྱིན་དང་འབྱུང་བ་ཅིག་ཅར་ཞེས་པ་ནི་གསོ་སྦྱིན་དང་ཚུལ་ནས་བྱུང་བ་ཡང་ཅིག་ཅར་བྱ་བའོ། །
[161b.5]འདི་དག་ལ་སོགས་པ་མནོས་པའི་ཕྱོགས་ཞེས་པ་ནི་དབྱར་ལྷན་ཅིག་ཏུ་གནས་#ལ་སོགས་པ་ནི་མནོས་པའི་ཕྱོགས་ཡིན་པར་སྟོན་པའོ། །དེ་ལ་སོགས་པ་ཞེས་པའི་#ཁོངས་སུ་ནི་མཚན་མ་ལ་སོགས་པ་འོག་ནས་འབྱུང་བ་རྣམས་སྡུད་དེ། དེ་ལ་མཚན་མ་ཞེས་པ་ནི་རབ་ཏུ་བྱུང་བའི་མཚན་མ་བླང་
[161b.6]ངོ་ཞེས་པ་ཡིན་ཏེ། ཁྱིམ་པའི་མཚན་མ་དང་མུ་སྟེགས་པའི་མཚན་མ་བླངས་ན་མཚན་མ་བླངས་པ་དེ་ཉིད་ལས་ཉམས་པ་སྟེ། བཤགས་པའི་ཉེས་བྱས་སུ་འགྱུར་རོ། །རྔ་བལ་ལྟ་བུ་ལ་སོགས་པ་མི་རུང་བ་དང་། གསོ་#ཀྱི་ཚད་ལྷག་ཆད་དུ་གྱུར་པ་དང་། སེན་མོ་མ་གནང་བའི་དབྱིབས་
[161b.7]སུ་གཅོད་པ་དང་། སྐྲ་ཆན་#པས་འདྲེག་པ་ལ་སོགས་པ་ནི་དེའི་ཕྱོགས་སུ་གཏོགས་པ་ལས་ཉམས་པ་སྟེ། ཡིད་ཀྱི་བཤགས་པའོ། །ལྷུང་བཟེད་ཟངས་ལ་སོགས་པ་ལས་#བྱས་པ་དང་། ཚད་ཆེ་ཆུང་དུ་གྱུར་པ་དང་། ཁ་དོག་སྐྱ་བ་ལ་སོགས་པ་ཡང་དེའི་ཕྱོགས་ལས་ཉམས་པའོ། །
[162a]
[162a.1]སློང་བ་དང་སྣོད་ཅེས་པ་ནི་གཉེན་མ་ཡིན་པ་ལས་སོ། །#གོས་སློང་བ་དང་བ་སོ་ལ་སོགས་པ་ལ་ཁབ་རལ་བྱེད་པ་ཡང་། གསེར་དངུལ་ལེན་པའི་ཕྱོགས་སོ། །སྤྱོད་པ་ཞེས་པ་ནི་ཆང་འཐུང་བ་དང་དུས་མ་ཡིན་བར་ཟ་བ་སྤྱོད་པ་དེ། དེའི་ཕྱོགས་སུ་གཏོགས་པ་ནི་
[162a.2]སྒོག་བཙོང་ལ་སོགས་པ་ཟ་བའོ། །འཕྱོ་བ་ཞེས་པ་ནི་གླུ་གར་ལ་སོགས་པ་བྱེད་པ་སྟེ། དེ་#ཕྱོགས་སུ་གཏོགས་པ་ནི་རྒྱུག་ཅིང་མཆོང་བ་དང་ཆུར་རྩེ་#བ་ལ་སོགས་པའོ། །འདོད་པ་ཞེས་པ་ནི་མི་ཚངས་པར་སྤྱོད་པ་སྟེ་དེའི་ཕྱོགས་སུ་གཏོགས་པའི་འབྱིན་པ་དང་རེག་པ་དང་སྨྱེ་#ཚིག་ལ་སོགས་
[162a.3]པའོ། །ཁྱིམ་རྩིག་#པའང་དེའི་ཕྱོགས་སོ། །གནོད་པའི་དངོས་ཞེས་པ་ནི། དབྱེན་ལ་འཇུག་པ་གསུམ་དང་སྐུར་བ་དང་། །ཚིག་རྩུབ་པོ་ལ་སོགས་པའོ། །གནས་ཞེས་པ་ནི་དགེ་འདུན་གྱིས་སྤངས་པ་དང་ལྷན་ཅིག་ཏུ་གནས་ན་#ཆོས་ལ་མ་གུས་པ་དང་། དགེ་འདུན་ལ་མ་གུས་པ་སྟེ།
[162a.4]སྐྱབས་སུ་སོང་བ་དང་འགལ་པའོ། །ཁྱིམ་པའམ་མུ་སྟེགས་དང་ལྷན་ཅིག་ཏུ་གནས་ན། མ་ཆགས་པ་དང་འགལ་བའི་ཕྱིར་སྡོམ་པ་ཐམས་ཅད་དང་འབྲལ་བའི་ཕྱོགས་སོ། །མཚན་ཐ་དད་པ་དང་ལྷན་ཅིག་གནས་ན་མི་ཚངས་པར་སྤྱོད་པའི་ཕྱོགས་སོ་མ་གུས་ཞེས་པ་ནི་སངས་རྒྱས་དང་དཀོན་
[162a.5]མཆོག་གསུམ་ལ་མ་གུས་ན་སྡོམ་པ་འཇིག་པའི་ཕྱོགས་སོ། །གནས་ཀྱི་སློབ་དཔོན་ལ་མ་གུས་ན་གནས་མེད་པས་ཚངས་པ་མཚུངས་པར་སྤྱོད་པ་དང་། ཆོས་དང་ཟང་ཟིང་གི་ལོངས་སྤྱོད་དུ་མེད་པའི་ཕྱིར་སྡོམ་པ་ཐམས་ཅད་འཇིག་པའི་ཕྱོགས་སོ། །མཁན་པོ་ལ་མ་གུས་ན། དང་པོར་
[162a.6]མཁན་པོར་ཁས་བླངས་པའི་ཕྱོགས་འཇིག་གོ། །གནས་ལ་མ་གཏོགས་པའི་ཚངས་པ་མཚུངས་པར་#སྤྱོད་པ་གཞན་ལ་མ་གུས་ན། ཡང་གནས་ཀྱི་སློབ་དཔོན་ལ་མ་གུས་བ་བཞིན་ནོ། །མི་སྦྱོང་བ་ཞེས་པ་ནི་གསོ་སྦྱིན་དང་ཚུལ་ནས་འབྱུང་བ་མི་བྱེད་ཅིང་གནས་མེད་པར་འདུག་པ་སྟེ། བདག་གི་
[162a.7]ཚུལ་ཁྲིམས་མི་སྦྱོང་བས་ན་སྡོམ་པ་ཐམས་ཅད་འཇིག་པའི་ཕྱོགས་སོ། །དངོས་ཞེས་པ་ནི་རྒྱུ་ལྟ་བུ་སྟེ། མཚན་མ་མན་ཆད་གོང་དུ་སྨོས་པ་ལན་#རེ་རེ་དང་སྦྱར་བའོ། །བསླབ་པ་བྱིན་འདྲའོ་ཞེས་པ་ནི་བསླབ་པ་བྱིན་པ་དེ་དགེ་སློང་ཕལ་དང་འདྲ་བས་ན་#མི་ཚངས་པར་སྤྱོད་དམ། དབྱེན་ལ་སོགས་
[162b]
[162b.1]པ་བྱེད་ན་ཕམ་པ་དང་ལྷག་མ་ལ་སོགས་པ་ལྟུང་བ་སྡེ་ལྔའི་རིམ་པ་བཞིན་དུ་ཉེས་པར་འགྱུར་བའོ། །རྡེག་#པ་སྡིག་པ་དང་ཐེ་ཚོམ་སྐུར་པ་དང་འབྱིན་པ་ལ་སོགས་པ་དགེ་སློང་ལ་བྱས་ན་ལྟུང་བར་འགྱུར་བ་བཞིན་དུ་བསླབ་པ་བྱིན་པ་ལ་བྱས་ན་ཡང་ལྟུང་བར་འགྱུར་བའོ། །དེ་བཞིན་དུ་བསླབ་པ་བྱིན་མ་ཡང་
[162b.2]དགེ་སློང་མ་དང་འདྲའོ། །རྣམ་པ་ཐམས་ཅད་ཀྱིས་ཀྱང་དེས་དགེ་སློང་ཐ་མལ་པ་དང་མཚུངས་སམ་ཞེ་ན། བསྙེན་པར་#མ་རྫོགས་པ་བཞིན་པ་ཡང་ངོ་ཞེས་པ་ཡིན་ཏེ་དགེ་སློང་གཞན་གྱི་ཐད་ན་ནི་བསྙེན་པར་མ་རྫོགས་པ་བཞིན་ཏེ། བྱིན་ལེན་དང་ལྷན་ཅིག་ཏུ་#ཉལ་བ་ཅིག་ཅར་དུ་ཀློག་པ་དང་། གནས་
[162b.3]ངན་ལེན་དང་། བླ་མའི་ཆོས་སྙོད་པ་རྣམས་བསྙེན་པར་མ་#རྫོགས་པ་ལས་ལྟུང་བར་འགྱུར་བ་བཞིན་དུ་བསླབ་པ་བྱིན་པ་ལས་ཀྱང་ལྟུང་བར་འགྱུར་རོ། །བསླབ་པ་བྱིན་པས་ཐུག་#ཐུབ་དུ་བླངས་པ་དང་བཞག་པ་ལ་སོགས་པའི་ཉེས་པ་ནི་དགེ་སློང་ཐ་མལ་པའི་ཉེས་པར་མི་འགྱུར་བའི་ཕྱིར་རོ། །དེར་
[162b.4]མ་ཡིན་ཞེས་པ་ནི་རུས་གཅིག་པ་རྣམས་ཀྱི་ཐད་ཀར་བསྙེན་པར་མ་རྫོགས་པ་དང་འདྲ་བ་མ་ཡིན་པར་སྟོན་པ་སྟེ། ཞུས་པ་#ལས་ཀྱང་དགེ་སློང་གིས་བཞག་པ་ནི་རྒྱུ་གསུམ་ལས་འགྱུར་ཏེ། བདག་གིས་བཞག་པ་དང་། དགེ་སློང་གིས་བཞག་པ་དང་། དགེ་འདུན་གྱིས་བཞག་པའོ། །
[162b.5]དགེ་སློང་མའི་ཡང་དེ་བཞིན། བསླབ་བ་བྱིན་བའི་བཞག་པ་ནི་བཞི་སྟེ། བདག་གིས་བཞག་པ་དང་བསླབ་པ་བྱིན་པས་#བཞག་པ་དང་དགེ་སློང་དང་དགེ་འདུན་གྱིས་བཞག་པ་དང་#བཞིའོ་ཞེས་འབྱུང་བའི་ཕྱིར་རོ། །དགེ་སློང་མ་ལས་ཀྱང་ངོ་ཞེས་པ་ནི་སློབ་པའི་ཐད་ཀར་ཡང་བསླབ་པ་
[162b.6]བྱིན་མ་དེ་བསྙེན་པར་མ་རྫོགས་པ་དང་འདྲ་བ་མ་ཡིན་ཏེ་ཞུས་པ་ལས་ཀྱང་དགེ་སློབ་མའི་བཞག་པ་ནི་ལྔ་སྟེ། བདག་གིས་#བཞག་པ་དང་དགེ་སློང་མ་དང་བསླབ་པ་བྱིན་མ་དང་དགེ་སློང་མ་དང་དགེ་འདུན་གྱིས་བཞག་པའོ་ཞེས་འབྱུང་བའི་ཕྱིར་རོ། །འགྲོ་བ་གཞན་གྱི་ཚུལ་དུ་བྱས་པ་ནི་དགེ་སློང་
[162b.7]གི་འདུ་ཤེས་རྙེད་ནའོ་ཞེས་པ་ནི་དགེ་སློང་གིས་#བྱོལ་སོང་ལ་སོགས་པ་འགྲོ་བ་གཞན་གྱི་རྒྱུད་དུ་སྤྲུལ་ཏེ་མི་ཚངས་པར་སྤྱོད་པ་ལ་སོགས་པ་བསླབ་པ་ལས་འདའ་བ་#སྤྱོད་པ་ན་བདག་དགེ་སློང་ཡིན་བའི་འདུ་ཤེས་ཡོད་ན་མི་ཚངས་པར་སྤྱོད་པ་ལ་སོགས་པ་གང་བྱས་པ་བཞིན་དུ་ཉེས་པར་འགྱུར་བའོ། །
[163a]
[163a.1]མ་རྙེད་ན་འབྲི་ཞེས་པ་ནི་#དེ་ལྟར་སྤྲུལ་པའི་ཚེ་དགེ་སློང་དུ་འདུ་ཤེས་མེད་ན་ཉེས་པ་ན་#རེས་འབྲི་བར་སྟོན་པའོ། །ཚིག་སྔ་མའི་སྦྱོར་བ་ཡང་ངོ་ཞེས་པ་ནི་ཁྱིམ་པའི་ཚེ་མ་བྱིན་བར་ལེན་པའི་སྦྱོར་བ་བྱས་ལ་རབ་ཏུ་བྱུང་བའི་ཚེ་རྐུས་ན་ཉེས་བྱས་སུ་འགྱུར་བ་དང་། དགེ་ཚུལ་གྱི་ཚེ་རྐུ་བ་ལ་
[163a.2]སོགས་པའི་སྦྱོར་བ་བྱས་ལ་བསྙེན་པར་རྫོགས་པའི་ཚེ། རྐུར་བཏང་བས་བརྐུས་#ན་འབྲི་བའི་ཕྱིར་སྦོམ་པོར་འགྱུར་བ་ལྟ་བུར་སྟོན་པའོ། །མཆོག་ཀྱང་དེ་བཞིན་ཞེས་པ་ནི་བསྙེན་པར་རྫོགས་པའི་ཚེ་རྐུན་ལག་ལ་སོགས་པའི་སྦྱོར་བ་བྱས་ནས་#དགེ་ཚུལ་དང་ཁྱིམ་པར་བབས་པའི་ཚེ་ཡང་གོང་མ་བཞིན་དུ་
[163a.3]དགེ་སློང་གི་སྦྱོར་བ་སྦོམ་པོ་#དང་དགེ་ཚུལ་དུ་བབས་པའི་ཉེས་བྱས་དང་ཁྱིམ་པའི་ཉེས་མེད་པར་སྟོན་པའོ། །རྫས་ཀྱང་བཀག་པའོ་ཞེས་པ་ནི་མ་གནང་ཞིང་བཀག་པའི་རྫས་ལས་ན་གཅིག་གིས་སྤར་#ཏེ་བྱས་པ་#ལྟ་བུ་ཡང་མ་གནང་བར་བཀག་པ་ཉིད་དང་འདྲ་བ་སྟེ། བལ་ནག་པོ་དང་སྲིན་བལ་དུ་བསྲེས་ནས་
[163a.4]སྟན་བྱས་ན་བལ་ནག་པོ་ལས་བྱས་པའི་ལྟུང་བར་འགྱུར་བ་ལྟ་བུའོ། །མཚུངས་པ་ཡང་ངོ་ཞེས་པ་ནི་གང་མ་གནང་བའི་རྫས་ལས་ལྷག་པ་དང་འདྲ་ཞིང་རིན་ཐང་མཉམ་པ་དང་བསྲེས་ན་ཡང་གོང་མ་བཞིན་དུ་མ་གནང་བར་བཀག་པ་དང་ཉེས་པ་འདྲ་བར་སྟོན་པ་སྟེ། སྲིན་བལ་དང་འདྲ་བ་པ་ཏུ་རྣ་དང་དུ་#
[163a.5]གུ་ལ་ལ་སོགས་པ་དང་བལ་ནག་པོར་བསྲེས་#པ་ལྟ་བུའོ། །མཚན་གྱུར་པ་ནི་དེའི་ཞིང་ངོ་ཞེས་པ་ནི་ཕོ་མོས་སུ་མཚན་གྱུར་ན་གར་གྱུར་པ་དེའི་གཞི་ལས་ཉེས་པ་#ལྕི་ཡང་དུ་བརྩི་བར་སྟོན་པ་སྟེ། དགེ་སློང་འབྱིན་པའི་ལྷག་མ་བྱེད་པར་སྦྱོར་བའི་ཚེ་དགེ་སློང་མར་གྱུར་ན་ལྟུང་བར་འགྱུར་བ་དང་དགེ་
[163a.6]སློང་མས་ལུས་འདོར་བར་སྦྱོར་བའི་ཚེ་དགེ་སློང་ཕར་གྱུར་ན་སྦོམ་པོར་འགྱུར་བ་ལྟ་བུའོ། །སྲོག་གཅོད་པ་ལ་སོགས་པ་#བསླབ་པ་ཐུན་མོང་བ་ནི་མཚན་གྱུར་ཀྱང་ཉེས་པ་རངས་པའི་སོ་ནའོ། །ཧ་ཅང་ཐུལ་བ་དེ་འགྲེལ་བ་ནི། གང་སྦྱོར་བ་ནི་འབྲི་བའི་དོན་ཏོ་ཞེས་པ་ཡིན་ཏེ་མཚན་མ་གྱུར་པའི་
[163a.7]ཚེ་ཉེས་པ་ཆུང་དུར་སྦྱོར་བ་བྱེད་པའི་མོད་ལ་མཚན་གྱུར་ན་ཉེས་པ་ཆུང་དུར་སྦྱོར་བ་དེའི་སོ་ན་འདུག་པ་སྦྱར་གྱི་མཚན་གྱུར་པའི་ཕྱིར་ཉེས་པ་ལྷག་པར་མི་#སྦྱོར་ཏེ། དགེ་སློང་གཉིས་ཁྲི་གཅིག་ལ་མཐངས་སྤྲད་ཅིང་ཉལ་ཉལ་བ་ལས་མཚན་གྱུར་ན་ཉེས་བྱས་ཀྱི་སོ་ན་བཞག་གི ། དགེ་སློང་མའི་
[163b]
[163b.1]ལྟུང་བ་མི་སྦྱོར་རོ། །བྱས་པ་ནི་དེའི་དོན་#ཉིད་དོ་ཞེས་པ་ནི་མཚན་མ་གྱུར་པའི་ཚེ་ཁ་ན་མ་ཐོ་བའི་ཉེས་པ་བྱས་པ་ལས་མཚན་གྱུར་ན་ཉེས་པ་དེ་ཉིད་ཀྱི་སོ་ན་གནས་མོད་ཀྱི་མིང་གིས་#རིས་པ་གཞན་དུ་འགྱུར་ཏེ། དགེ་སློང་མ་རེག་པའི་ཕམ་པ་བྱུང་བ་ལས་མཚན་གྱུར་ན་དགེ་སློང་ཕ་སྐྱེས་པ་གཞན་
[163b.2]ལ་རེག་པའི་སྦོམ་པོར་གྱུར་པ་དང་ད་#དགེ་སློང་མ་ལུས་བོར་བའི་ཕམ་པ་བྱུང་བ་ལས་མཚན་གྱུར་ན་མི་ཚངས་པར་སྤྱོད་པའི་སྦོམ་པོར་#འགྱུར་བ་དང་། བཅབས་པའི་ཕམ་པ་བྱུང་བ་ལས་དགེ་སློང་ཕར་གྱུར་ན་མཚན་ཐ་དད་པའི་ཉེས་པ་བཅབས་#པའི་ཉེས་བྱས་སུ་འགྱུར་བ་དང་། བཟློག་
[163b.3]པའི་ཕམ་པ་བྱས་ནས་དགེ་སློང་ཕར་གྱུར་ན་བཀར་#བའི་རྗེས་སུ་ཕྱོགས་པའི་ལྟུང་བར་འགྱུར་བ་དང་། དགེ་སློང་མ་ཕས་ཕམ་བའི་སྦྱོར་བའི་སྦོམ་པོ་རྣམས་ཀྱང་དེ་བཞིན་དུ་མཚན་གྱུར་ན་ཉེས་བྱས་སུ་འགྱུར་བ་དང་དགེ་སློང་ཕ་འབྱིན་པའི་ལྷག་མ་བྱུང་ནས་དགེ་སློང་མར་གྱུར་ན་ལྟུང་བར་འགྱུར་བ་
[163b.4]དང་། དགེ་སློང་མས་ཅུང་ཟད་བླངས་པའི་ལྷག་མ་བྱུང་ནས་དགེ་སློང་ཕར་གྱུར་ན་ཉེས་བྱས་སུ་འགྱུར་བ་ལ་སོགས་པའོ། །དེའི་འགྲེལ་པ་ནི། འབྲི་བ་ནི་ཉིད་དོ་ཞེས་པ་ཡིན་ཏེ་མཚན་གཞན་གྱི་ཚེ་ཉེས་པ་ཆུང་དུ་བྱས་པ་མཚན་གྱུར་ན་དེ་ལས་ལྷག་པར་མི་སྦྱར་གྱི་#དེ་ཉིད་ཀྱི་སོ་ན་འདུག་པ་སྟེ། དགེ་
[163b.5]སློང་མས་ཁུ་བ་ཕྱུང་བའི་འོག་ཏུ་དགེ་སློང་ཕར་གྱུར་ན། དགེ་སློང་ཕའི་ལྷག་མར་མི་སྦྱར་གྱི། དགེ་སློང་མའི་ལྟུང་བ་དེ་ཉིད་ཀྱི་སོ་ན་བཞག་པ་སྟོན་པའོ། །ཅིའི་#ཕྱིར་དེ་ལྟར་ཞེ་ན་རྟེན་ཐ་དད་པའི་ཕྱིར་བསམ་པའང་ཐ་དད་བསམ་པ་ཐ་དད་པའི་ཕྱིར་ཉེས་པའང་ཐ་དད་དེ། དགེ་སློང་མའི་རྟེན་དང་
[163b.6]བསམ་པ་དང་ཉེས་པ་དང་དེ་དགེ་སློང་ཕའི་རྟེན་#དང་བསམ་པ་དང་ཉེས་པར་མི་སྦྱར་བའི་ཕྱིར་རོ། །ཞག་བཅུ་མ་ཚང་བའི་ཤས་སོ་ཞེས་པ་ནི་དགེ་སློང་ཕ་ལྷག་པའི་ལྷུང་བཟེད་བསྲེལ་#བ་ཞག་བཅུ་མ་ཚང་བའི་སྐབས་སུ་མཚན་གྱུར་ན་ཉིན་ཞག་གཅིག་ཅིག་བཅང་བའི་ཤས་སམ་ཆར་གཏོགས་པར་སྟོན་
[163b.7]པའོ། །འཇིག་པ་ནི་ཞིང་མ་ཡིན་ནའོ་ཞེས་པ་ནི་ཞིང་མ་ཡིན་ན་མཚན་ཐ་དད་པའི་ཚེ་ཉེས་པ་བྱས་པ་རྣམས་ཡལ་ཞིང་འཇིག་པར་སྟོན་པ་སྟེ། དགེ་སློང་མའི་ཚེ་གནང་བ་མ་ཐོབ་པར་འཁོར་བཅངས་པ་དང་བསླབ་པ་མ་བྱིན་པར་བསྙེན་པར་རྫོགས་པ་དང་། བསླབ་པ་མ་བསླབས་#པར་བསྙེན་པར་
[164a]
[164a.1]རྫོགས་པར་བྱས་པ་དང་། ཤམ་ཐབས་སྟ་ཟུར་གྱི་ཐད་ཀར་བགོས་པ་ལ་སོགས་པའི་ཉེས་པ་བྱས་པ་ལས་དགེ་སློང་ཕར་གྱུར་ན་ཉེས་པ་འདི་དག་གི་ཞིང་མ་ཡིན་བའི་ཕྱིར། སྔོན་གྱི་ཉེས་པ་དེ་དག་འཇིག་ཅིང་མེད་པ་དང་དགེ་སློང་ཕ་ཀུན་སྤྱོད་པ་སྡོག་#པའི་ལྷག་མ་བྱུང་
[164a.2]ནས་དགེ་སློང་མར་གྱུར་ན་དེའི་ཞིང་མ་ཡིན་བའི་ཕྱིར་ཉེས་པ་དེ་འཇིག་ཅིང་ཡལ་བར་གྱུར་བ་ལྟ་བུའོ། །བཅབས་པའི་ཉེས་པའང་དེས་མི་སློན་པ་མ་ཡིན་ཞེས་པ་ནི་#བཅབས་པའི་ཉེས་པའང་ཞིང་མ་ཡིན་ན་འཇིག་པར་མི་འགྱུར་བ་མ་ཡིན་ཏེ། དགེ་སློང་མས་ལྷག་མ་བཅབས་པ་ལས། དགེ་
[164a.3]སློང་མར་གྱུར་ན་བཅབས་པའི་ཉེས་པ་དེ་ཞིང་མ་ཡིན་བར་ཟད་པའི་ཕྱིར་འཇིག་པ་ལྟ་བུ་དང་། དགེ་སློང་མས་ཅུང་ཟད་བླངས་པའི་ལྷག་མ་བྱུང་ནས་བཅབས་པ་ཡང་དགེ་སློང་ཕར་གྱུར་ན་དེའི་ཞིང་མ་ཡིན་བའི་ཕྱིར་བཅབས་པའི་ཉེས་པ་འཇིག་པར་འགྱུར་བ་ལྟ་བུའོ། །མགུ་བ་སྤྱོད་པ་ནི་
[164a.4]དོན་མེད་དོ་ཞེས་པ་ནི་མཚན་ཐ་དད་པའི་མགུ་བ་སྤྱོད་སྤྱོད་པ་ལས་མཚན་གྱུར་ན་མཚན་ཐ་དད་ཅིང་མགུ་བའི་ཞག་གྲངས་མི་འདྲ་བའི་ཕྱིར་སྔོན་སྤྱོད་སྤྱོད་པའི་མགུ་བ་དེ་#སྤང་བ་དབུལ་ཞིང་གདོད་གཞི་ནས་བསླང་དགོས་པར་སྟོན་པའོ། །ཅིའི་#ཕྱིར་དེ་ལྟ་ཞེ་ན། འདིའི་#ཆོ་ག་གྱུར་པའི་ཕྱིར་རོ་ཞེས་
[164a.5]པ་ཡིན་ཏེ་མཚན་ཐ་དད་པའི་ཚུལ་དང་། ཆོ་ག་གཞན་དུ་གྱུར་ཅིང་རྗེས་པས་ན་དགེ་སློང་ཕ་ལས་གྱུར་ན་ནི་ཞག་བཅོ་ལྔའི་བར་དུ་དགེ་འདུན་སྡེ་གཉིས་ལ་མགུ་བ་བྱེ#། དགེ་སློང་མ་ལས་གྱུར་ན་ནི་ཞག་དྲུག་གི་བར་དུ་དགེ་སློང་ཕའི་དགེ་འདུན་མགུ་བར་བྱ་དགོས་པའི་ཕྱིར་རོ། །དེའི་ཚེ་ཉིད་
[164a.6]བས་བྱེད་ཅེས་པ་ནི་གསོད་པ་ལ་སོགས་པ་ཉེས་པ་བྱེད་པའི་ཚེ་དངོས་ཉིད་གང་ཡིན་བ་ལས་ཉེས་པའི་དམིགས་སུ་འགྱུར་བར་སྟོན་པ་སྟེ། དགྲ་བཅོམ་པ་ཡིན་བའི་ཚེ་གསད་#པར་བཤགས་ལ་དགྲ་བཅོམ་པའི་ཚེ་བསད་ན། ནམ་བསད་པའི་ཚེ་དགྲ་བཅོམ་པ་ཉིད་ཡིན་པས། ཕས་ཕམ་
[164a.7]བ་དང་། མཚམས་མེད་པ་གཉི་གར་འགྱུར་བ་དང་། དགྲ་མ་བཅོམ་པའི་ཚེ་མཚོན་གྱིས་བསྣུན་བའི་འོག་ཏུ་དགྲ་བཅོམ་བར་གྱུར་ཏེ་ཤིན་ནམ་བསྣུན་བའི་ཚེ་དགྲ་བཅོམ་བ་མ་ཡིན་བས་ཕས་ཕམ་བར་ཟད་ཀྱི་མཚམས་མེད་པར་མི་འགྱུར་བ་དང་། སྐྱེས་པ་ལ་རེག་པར་བརྩམས་པ་
[164b]
[164b.1]དང་། དེ་བུད་མེད་དུ་#གྱུར་པ་ལ་#རེག་པའི་ལྷག་མར་འགྱུར་བ་#དང་། དེ་བཞིན་དུ་བུད་མེད་ལ་རེག་པར་བརྩལ་བ་ལས་སྐྱེས་པར་གྱུར་པ་ལ་རེག་ན་རེག་པའི་སྦོམ་པོར་འགྱུར་བ་དང་། བུད་མེད་ལ་རེག་པར་བརྩལ་བ་ལས་བདག་ཉིད་མཚན་གྱུར་ཏེ་རེག་ན་རེག་པ་ཕས་ཕམ་པའི་སྦོམ་པོར་འགྱུར་བ་དང་།
[164b.2]དགེ་སློང་མས་རེག་བར་བརྩལ་བ་ལས་བདག་ཉིད་སྐྱེས་པར་གྱུར་ཏེ། རེག་ན་རེག་པ་དགེ་འདུན་ལྷག་མའི་སྦོམ་པོར་འགྱུར་བ་དང་། དགེ་སློང་མས་རེག་པར་བརྩལ་བ་ལས་དེ་ཉིད་མཚན་གྱུར་པ་#རེག་པ་ཕས་ཕམ་པའི་སྦོམ་པོར་འགྱུར་བ་དང་། དགེ་སློང་ལ་རྡེག་#པར་བྱས་པ་ལས་བུད་མེད་དུ་གྱུར་པ་
[164b.3]ལས་བསྣུན་ན་ཉེས་བྱས་སུ་འགྱུར་བ་ལྟ་བུ་ལ་སོགས་པར་སྟོན་#པའོ། །གཞན་ལས་སྐྱེས་པ་#ཉིད་ཀྱི་རྒྱུད་མ་ཡིན་པ་མ་ཡིན་ཞེས་པ་ནི་ཕམ་ལམ་རྒྱུད་ལྡ་པ་གང་ཡིན་དུ་ཟིན་ཀྱང་དངོས་ཉིད་དེའི་རྒྱུད་དང་མི་སྦྱར་དུ་མི་རུང་བར་སྟོན་ཏེ། ཕ་མ་བྱོལ་སོང་ལས་བཙས་པའི་མི་བསད་དམ། དེའི་ནོར་བརྐུས་ན་མིའི་
[164b.4]རྒྱུད་མ་ཡིན་བ་མ་ཡིན་ཏེ། ཕས་ཕམ་པར་འགྱུར་བ་དང་། ཕ་མ་མི་ལས་སྐྱེས་པའི་བྱོལ་སོང་ངམ་མི་མ་#ཡིན་པ་ཞིག་ན་ཡང་དེ་བསད་ཅིང་དེའི་ནོར་བརྐུས་པ་སྦོམ་པོ་#དང་། ལྟུང་བར་འགྱུར་བ་ལྟ་བུ་ལ་སོགས་པ་ལམ་རྒྱུད་ལྔ་ཀུན་#འདི་བཞིན་དུ་བསྣོལ་བར་བྱའོ། །འགྲོ་བ་གཞན་གྱི་ཚུལ་དུ་རྫུས་ཀྱང་
[164b.5]བསད་ནའོ་ཞེས་པ་ནི་མི་ལས་འགྲོ་བ་གཞན་གྱི་གཟུགས་སུ་སྤྲུལ་ཀྱང་བསད་ན་ཕམ་པར་འགྱུར་བ། མི་ལས་བྱོལ་སོང་གི་གཟུགས་སུ་སྤྲུལ་བའམ་མི་མ་ཡིན་དུ་སྤྲུལ་པ་བསད་ན་ཕམ་པར་འགྱུར་བའོ། །དེ་བཞིན་དུ་བྱོལ་སོང་དང་མི་མ་ཡིན་བ་ལས་མིར་སྤྲུལ་པ་བསད་ན་སྦྱོར་བའི་ཚེ་འདུ་ཤེས་
[164b.6]ཀྱི་དབང་གིས་#སྦོམ་པོར་འགྱུར་བ་དང་། བསད་པའི་ཚེ་སྦོམ་པོ་དང་ལྟུང་བར་འགྱུར་བ་ལྟ་བུ་སྟེ། མི་ངོ་ནོར་བ་ནི་རྒྱུད་གཞན་ཡིན་བས་ནོར་བ་བཙན་གྱི་འདི་ནི་རྒྱུད་གཅིག་ལས་གཟུགས་སྤྲུལ་པ་ཙམ་དུ་ཟད་པས་ན་མིའི་འདུ་ཤེས་ཡོད་ཀྱང་རུང་མེད་ཀྱང་རུང་སྟེ་རྩ་བའི་ཉེས་པར་འགྱུར་རོ། །
[164b.7]དཔེར་ན་དགེ་སློང་སུ་ཏ་#ཡ་ནའི་གཏམ་རྒྱུད་དང་འདྲའོ། །གནས་གཞན་དུ་འགྲུབ་ཀྱང་གཞན་མ་ཡིན་ཞེས་པ་ནི་མི་ཐ་མལ་པའི་ཚེ་བསད་པར་བཤམས་པ་ལས་རྒྱུན་ཏུ་ཞུགས་པ་ལ་སོགས་པ་དགྲ་བཅོམ་པའི་གནས་གཞན་དུ་གྲུབ་པ་བསད་ན་གཞན་དུ་གྱུར་ཅིང་རྗེས་པའི་ཕྱིར་མི་ཕམ་དུ་རེ་བ་སེལ་བར་
[165a]
[165a.1]སྟོན་པ་སྟེ། དེ་ལྟར་གནས་གྱུར་དུ་ཟིན་གྱིས་ཀྱང་རྒྱུད་གཅིག་པའི་ཕྱིར་ཕས་ཕམ་པར་འགྱུར་བའོ། །ཁྲིན་དེ་ལ་མ་གཏོགས་པར་གྱུར་བ་ནི་ཆད་དོ་ཞེས་པ་ནི་ཉེས་པའི་ཁྲིན་དེ་ལ་མ་གཏོགས་པར་གཞན་དུ་གྱུར་ཅིང་འཕོས་ན་ཉེས་ཁྲིན་གྱི་དམིགས་དེ་ཡལ་ཞིང་ཆད་པར་སྟོན་པ་སྟེ།
[165a.2]དངོས་སུ་ནི་དགེ་སློང་གཅིག་གིས་ལོ་དྲུག་མ་ལོན་བར་གདིང་བ་བརྩམས་#པ་ལས་བབས་ཏེ་སླར་ཞུགས་པའམ་དགེ་སློང་མས་འདི་ལྟར་བརྩམས་#པའི་འོག་ཏུ་དགེ་སློང་ཕར་མཚན་གྱུར་ན་སྔོན་གྱི་ཉེས་པ་དེ་ལ་མ་གཏོགས་པར་གྱུར་པའི་ཕྱིར་སྔོན་གྱི་ཉེས་པ་དེ་ནི་ཆད་དེ་མེད་ཀྱི་གདོད་རྩོམ་པའི་ཚུལ་དང་སྦྱོར་
[165a.3]བ་སྟོན་པའོ། །བཏང་བ་ཡང་ངོ་ཞེས་པ་ནི་གོང་མ་ལྟ་བུར་གདིང་བའམ་ཁང་པ་བརྩམས་པ་ལས་མི་བྱ་བར་ཆད་དེ་བཏང་བ་ལས་ཡང་དེའི་འཕྲོ་ནས་བཟུང་སྟེ་རྩོམ་ན་སྔོན་གྱི་ཉེས་པ་དང་མི་སྦྱོར་གྱི་ཕྱིས་ནམ་རྩོམ་པ་དེ་ཉིད་ཀྱི་སྦྱོར་བ་ལས་འགྲེར་བར་སྟོན་པའོ། །དངོས་པོ་གཅིག་ལས་#བཅས་པ་དུ་མ་པ་#
[165a.4]ནི་དེ་ཉིད་དུ་ཉེས་པའོ་ཞེས་པ་ནི་དངོས་པོ་གཅིག་ལས་བཅས་པ་དུ་མ་འདོམ་ན་བཅས་པའི་གྲངས་དུ་ཡོད་པ་བཞིན་ཉེས་པར་འགྱུར་བར་སྟོན་པ་སྟེ་བསྙེན་པར་མ་རྫོགས་པ་ཡང་ཡིན་ལ་བཀར་བ་ཡང་ཡིན་བ་དང་། ནུབ་གསུམ་དུ་ཉལ་ན་བསྙེན་བར་མ་རྫོགས་པ་དང་། བཀར་བ་བཅར་བ་གཉི་གའི་ལྟུང་བར་འགྱུར་
[165a.5]བ་དང་། བསྙེན་པར་མ་རྫོགས་པ་དང་ནུབ་གཉིས་ཉལ་ལ་གསུམ་པའི་ནུབ་མོ་བུད་མེད་དང་ཁྱིམ་གཅིག་ཏུ་ཉལ་ན་བསྙེན་པར་མ་རྫོགས་པ་དང་། ནུབ་གསུམ་དུ་#ཉལ་བ་དང་། བུད་མེད་དང་ནུབ་གཅིག་རངས་པར་ཉལ་བ་གཉི་གའི་ལྟུང་བར་འགྱུར་བ་དང་། སྐྱོན་ནས་འབོད་པ་ལྟ་བུ་དངོས་ཉིད་དེ་ལྟ་བུ་མ་ཡིན་
[165a.6]ན་ཤེས་བཞིན་དང་སྐྱོན་ནས་འབོད་པ་གཉི་གའི་ལྟུང་བར་འགྱུར་བ་ལྟ་བུ་ལ་སོགས་པའོ། །དེའི་བག་ནི་དེར་གཏོགས་པའོ་ཞེས་པ་ནི་ཉེས་པ་རྣམས་སོ་སོའི་རིགས་རིགས་སུ་བསྡུ་ཞིང་བག་བག་ལ་གློན་བར་སྟོན་པ་སྟེ་མི་ཚངས་པར་སྤྱོད་པའི་ཉེས་པ་ལྕི་བ་གཅིག་གིས་འཁོར་དུ་འབྱིན་པ་དང་། རེག་པ་དང་།
[165a.7]སྨྱེ་#ཚིག་དང་ཀུན་སྤྱོད་དུ་སྔོགས་པ་དང་། སྨྱན་དང་གཉེན་མ་ཡིན་པའི་དགེ་སློང་མ་ལ་གོས་རྙིང་པ་འཁྲུར་#བཅུག་པ་དང་དེ་ལས་གོས་ལེན་པ་དང་། དེ་ལ་རྨེལ་དུ་བཅུག་པ་དང་། རིག་པའི་སྐྱེས་པ་མེད་པར་ཚིག་ལྔ་འམ་དྲུག་ལས་ལྷག་པར་འཆད་པ་དང་། མ་བསྐོས་པ་ལ་སོགས་པར་
[165b]
[165b.1]སྟོན་པ་བཅུ་དང་སྨྱན་#གནས་ན་འགྲེང་ཞིང་འདུག་པ་དང་གཅེར་བུ་མ་ལ་བྱིན་པ་དང་། ཁྱིམ་གཅིག་ཏུ་ཉལ་བ་དང་། སྐྱེས་པ་མེད་པར་ལྷན་ཅིག་ལམ་དུ་འགྲོགས་པ་དང་། དུས་མ་ཡིན་པར་གྲོང་དུ་འཇུག་པ་དང་། གཉེན་མ་ཡིན་བའི་དགེ་སློང་ལས་གྲོང་བར་དུ་ཟས་ལེན་ཅིང་ཟ་བ་དང་། དགེ་སློང་
[165b.2]མས་ཤོམ་དུ་བཅུག་པ་དང་། ཤིན་ཏུ་བསྡམས་#ཏེ་གྲོང་དུ་འགྲོ་ཞེས་པ་ནས། སྟན་ལ་མ་གཉར་#བར་འདུག་ཅེས་པ་ལ་སོགས་པ་འདི་དག་བསྡུ་བར་སྟོན་པའོ། །མ་བྱིན་བར་ལེན་པའི་བག་ཏུ་གཏོགས་པ་ནི་མ་བསྟབས་པའི་སྟན་ལ་འདུག་པ་དང་། བྱིན་ནས་ཐུག་#ཐུབ་ཏུ་སྤྱོད་པ་དང་། བསྔོ་བ་དང་།
[165b.3]འབྱིན་པ་དང་། སྦེད་པ་དང་། རྐུན་པོ་དང་འགྲོགས་པ་རྣམས་སོ། །མི་གསོད་པའི་#བག་ཏུ་གཏོགས་པ་ནི་རྩོད་པའི་དངོས་པོ་མི་གཏོང་བ་དང་། ས་བོན་དང་སྐྱེ་བ་འཇོམས་པ་དང་། འཚེ་བ་དང་། ལུས་ཀྱིས་ཉལ་#ཞིང་གནོན་པ་དང་། ཁྲི་རྐང་པ་འབྱུང་བླ་བ་ལ་འདུག་པ་དང་། སྲོག་ཆགས་
[165b.4]དང་བཅས་པའི་ཆུ་སྤྱོད་པ་དང་། གཡུལ་མྱོང་#བར་བྱེད་པ་དང་། འཇོག་པ་དང་། གཟས་པ་དང་། ཟན་#གཅོད་པ་དང་། བྱོལ་སོང་གསོད་པ་དང་། ཐེ་ཚོམ་སྐུར་བ་དང་། ག་ག་ཚིལ་བྱེད་པ་དང་། བསྡིགས་པ་དང་། རྐོ་བ་རྣམས་སོ། །མི་ལས་བླ་མའི་ཆོས་སྨྲ་བའི་བག་ཏུ་གཏོགས་པ་ནི་སྐུར་
[165b.5]པ་དང་འདོད་པ་ལ་སོགས་པ་འགྲོའོ་ཞེས་ཟེར་ཞིང་གཤེས་པའི་ཁ་བསྡུས་ཤིང་བདག་གིར་བསྔོས་#ཞེས་ཟེར་བ་དང་། དཔྱས་དང་གཞོགས་#དཔྱས་བྱེད་པ་དང་། དགེ་འདུན་གྱི་དབྱེན་དང་བརྫུན་ཕལ་དང་བདེན་ཡང་བླ་མའི་ཆོས་སྨྲ་བ་རྣམས་སོ། །དགེ་འདུན་གྱི་དབྱེན་གྱི་བག་ཏུ་གཏོགས་པ་ནི་#ཕྲ་མ་དང་དགེ་
[165b.6]འདུན་གྱི་#ལས་སྐྱོ་སྡོགས་བྱེད་པ་དང་། དད་པ་ཕུལ་བ་སླར་ལེན་པ་དང་། ལས་བྱེད་པའི་ཚེ་པྱོལ་བ་དང་། གནས་ངན་ལེན་བརྗོད་པ་དང་། བསླབ་པ་ཁྱད་དུ་གསོད་པ་དང་། འདུས་ཤིང་ཟ་བ་དང་། སྤངས་པ་སྡུད་པ་རྣམས་སོ། །ངག་དཀའ་བའི་བག་ནི་སློབ་པ་སྟོན་པ་ལ་བརྙས་པ་
[165b.7]དང་མ་གུས་པའོ། །གཞག་པ་ལྟུང་#བའི་བག་ནི་ནང་དུ་བཙོས་པ་དང་ནང་དུ་ལུས་པ་དང་། དགེ་སློང་གི་བཙོས་པ་སྤྱོད་པའོ། །མཐའ་མ་ཡིན་བའི་ཕྱུང་ངོ་ཅོག་ནི་དགེ་འདུན་གྱི་ལྷག་མའོ་ཞེས་པ་ནི་མི་ཚངས་པར་སྤྱོད་པའི་ཕས་ཕམ་པར་ཕྱུང་བ་མ་ཡིན་བའི་ཁུ་བ་ཕྱུང་ངོ་ཅོག་དགེ་འདུན་གྱི་ལྷག་མར་སྟོན་པ་
[166a]
[166a.1]སྟེ། སྤྱད་མི་བཟོད་པ་དང་མགོའི་དུམ་བུར་སྤྱོད་ཅིང་འབྱིན་པ་ལྟ་བུ་ལ་སོགས་པའོ། །དུ་མས་བྱས་པའི་འབྲས་བུ་ནི་ཉེས་པར་མི་སྡོམ་ཞེས་པ་ནི་བྱ་བ་དུ་མས་བཙལ་#ཅིང་སོ་སོར་སྤྱོད་པ་ལྟ་བུ་གཅིག་ཏུ་བསྡོམས་ཏེ་ཉེས་པ་རངས་པར་མི་བརྩི་བར་#སྟོན་པ་སྟེ་རིན་ཐང་མ་ཚང་བ་ཉུང་ཟད་ཉུང་ཟད་ནས་
[166a.2]བརྐུས་#ན་ཕམ་བར་མི་འགྱུར་བ་དང་ཚད་ལས་ཆུང་བའི་ཁང་པ་དུ་མ་བརྩིགས་#པ་རྣམས་གཅིག་ཏུ་བསྡོམས་ཏེ་ཚད་ལས་ལྷག་པའི་ཉེས་པར་བརྩི་བ་མ་ཡིན་པ་དང་། ཞག་བཅུའི་ཁོངས་སུ་གོས་ལྷག་པ་གུད་དུ་སྤངས་ཤིང་བཏང་བ་དུ་མ་ཞིག་ཡོད་དུ་ཟིན་ཀྱང་གཅིག་ཏུ་མི་བསྡོམ་#པ་དང་། བལ་རྒྱང་གྲགས་
[166a.3]གཅིག་གི་བཞི་ཆ་འམ་ལྔ་ཆ་ཙམ་དུ་ཁྱེར་བ་དུ་མ་བསྡོམས་ཏེ་#རྒྱང་གྲགས་ལས་འདས་པའི་ལྟུང་བར་མི་བསྡོམ་པ་དང་། ཞག་གྲངས་ཐོ་ཚེར་གནས་པ་རྣམས་བསྡོམས་ཏེ་#ཞག་དྲུག་གི་འབྲལ་བར་མི་བརྩི་བ་དང་། རྐང་ལག་ལན་དུ་མར་བཀྲུས་པ་བསྡོམས་ཏེ#། ལྟེ་བ་ཡན་ཆད་ཀྱི་ཁྲུས་བྱས་པར་མི་བརྩི་བ་
[166a.4]ལྟ་བུའོ། །ཕྱེད་ཟིན་པ་ལས་བྱས་པ་ནི་ཕྱེད་དོ་ཞེས་པ་ནི་སྔ་མའི་ཁ་བསླང་བ་འམ་འཕྲོ་ནས་བཟུང་བ་ཉེས་པ་རངས་པ་མ་ཡིན་བར་སྟོན་པ་སྟེ་བདག་གིས་སྔར་ཁ་ཅིག་བཀྲུས་པའི་འོག་ཏུ་དགེ་སློང་མ་འཁྲུར་བཅུག་པ་དང་། འཚེད་ཅིང་འཆག་པ་དང་རྨེལ་བ་དང་། དེ་བཞིན་དུ་#བལ་དང་སྲིན་བལ་དང་བལ་
[166a.5]ནག་པོ་ཉི་ཚེའི་སྟན་བརྩམས་ཟིན་པའི་འཕྲོ་ནས་སློང་བ་ལྟ་བུ་ལ་སོགས་པ་འབྲི་བ་སྟེ་ཉེས་བྱས་སུ་སྟོན་པའོ། །འབྲི་བའི་ཁ་ན་མ་ཐོ་བ་ནི་འབྲི་བའི་ཤས་སོ་ཞེས་པ་ནི་ཕས་ཕམ་པ་ལ་སོགས་པ་རྩ་བའི་ཁ་ན་མ་ཐོ་བ་ལས་ཆུང་བ་སྦོམ་པོ་ལ་སོགས་པས་སྐུར་ན་འབྲི་བའི་ཉེས་པ་སྟེ་ཉེས་བྱས་ལྟ་བུར་
[166a.6]འགྱུར་བའོ#། །ཐེ་ཚོམ་ཟ་བཞིན་དུ་འཇུག་པའོ་ཆོག་ནི་ཆེད་དུ་བསམས་#པའོ་ཞེས་པ་ནི་མ་ཡིན་པ་ཡིན་ནམ་མ་ཡིན། དགྲ་བཅོམ་པ་#ཡིན་ནམ་མ་ཡིན་སྙམ་དུ་ཐེ་ཚོམ་ཡོད་བཞིན་དུ་གང་ཡིན་ཡང་བླ་ཞེས་མདའ་འཕངས་པ་ལྟ་བུ་ལ་སོགས་པས་བསད་ན་ཤི་བའི་དངོས་གང་ཡིན་པ་བཞིན་དུ་ཉེས་པར་
[166a.7]འགྱུར་བར་སྟོན་པའོ། །སྦྱོར་བ་ནི་འདུ་ཤེས་ཀྱི་ཡན་ལག་གོ་ཞེས་པ་ནི་དོན་དེ་ཉིད་མ་ཡིན་ལ་འདུ་ཤེས་སྦྱོར་ན་འདུ་ཤེས་དེ་སྦྱོར་བའི་ཡན་ལག་དུ་སྟོན་པ་སྟེ། དངོས་སུ་ནི་བྱོལ་སོང་ལ་མིའི་འདུ་ཤེས་ཀྱིས་#གསོད་ན་སྦྱོར་བའི་ཚེ་སྦོམ་པོར་འགྱུར་བ་དང་། མི་མ་ཡིན་པ་ལ་#མིར་འདུ་ཤེས་
[166b]
[166b.1]ན་ཡང་སྦོམ་པོར་འགྱུར་བ་ལྟ་བུ་ལ་སོགས་པ་སྟེ་མ་བྱིན་པར་ལེན་པ་ལ་ཡང་འདི་བཞིན་དུ་#སྦྱར་རོ། །ཆེད་དུ་བྱ་བ་ནི་དེ་ཉིད་ནའོ་ཞེས་པ་ནི་ཆེད་དུའང་བསམས་ལ་དངོས་པོའང་དེ་ཉིད་ཡིན་ན་ཉེས་པ་རངས་པར་སྟོན་པ་སྟེ་མི་གཉིས་ལ་འཁོད་པ་གཅིག་གསོད་པར་འཕང་འཕང་བ་ལས་གཅིག་ལ་ཕོག་པ་དང་།
[166b.2]དགྲ་བཅོམ་པ་དང་། ཕ་མ་གསོད་པར་བཤམས་བཤམས་པ་ལས་དགྲ་བཅོམ་པ་དང་། ཕ་མ་མ་ཡིན་པ་གསོད་པ་དང་། མི་གསད་#པར་བྱ་བྱ་བ་ལས་མི་མ་ཡིན་གསོད་པ་དང་། བྱོལ་སོང་གསད་#པར་བྱ་བྱ་བ་ལས་མི་གསོད་#པ་ལྟ་བུ་བསམས་པ་དང་དངོས་སུ་འགལ་བ་མ་ཡིན་ན་གདོད་ཉེས་པར་སྟོན་
[166b.3]པའོ། དེ་འགྲེལ་བ་ནི་མི་ཚངས་པར་སྤྱོད་པ་དང་ཁུ་བ་འབྱིན་པ་ནི་མ་ཡིན་#ཞེས་པ་ཡིན་ཏེ་བུད་མེད་དེ་ནོར་ཏེ་མི་ཚངས་སྤྱད་པ་དང་ཁུ་བ་དབྱུང་བའི་གནས་ནོར་ཏེ་ཕྱུང་བ་ལྟ་བུ་ནི་དགའ་བའི་ཉམས་མྱོང་བར་འདྲ་བའི་ཕྱིར་མདོ་གོང་མ་ལྟ་བུ་དང་སྦྱར་དུ་མི་རུང་བར་སྟོན་པའོ། །མི་བདེ་བ་ཐོས་པ་ཡང་ངོ་ཞེས་པ་ནི་
[166b.4]བརྫུན་སྨྲས་ན་ཉན་པ་#ནོར་ཀྱང་མི་བརྩན་བར་སྟོན་པ་སྟེ་ལྷ་སྦྱིན་ལ་བརྫུན་བྱའོ་བར་བསམས་ཏེ་#སྨྲས་པ་ལས་མི་སྦྱིན་ལ་སྨྲས་ཏེ་ནོར་བ་ལྟ་བུ་གང་ལ་སྨྲས་སུ་ཟིན་#ཀྱང་འདུ་ཤེས་བཅབས་པའི་བརྫུན་དུ་འདྲ་བས་ན་བརྫུན་སྨྲ་བའི་ཡུལ་ནོར་བ་ཡང་མདོ་གོང་མ་དང་སྦྱར་དུ་མི་རུང་བར་སྟོན་པའོ། །ཡན་ལག་
[166b.5]ཐམས་ཅད་གཟུང་དུ་ཡོད་པར་འོས་པ་ནི་བསྟེན་པར་བཟོད་པའོ་ཞེས་པ་ནི་མི་ཚངས་པར་སྤྱོད་པ་དང་རེག་པ་ལྟ་བུ་ཡན་ལག་ཐམས་ཅད་ཀྱི་སྐུད་དུ་ཡོད་ཅིང་ལུས་ཀྱི་#རྐྱེན་དུ་བབ་ན་བསྟེན་#བཟོད་པའི་ཕྱིར་ཉེས་པ་རངས་པར་འགྱུར་བའོ། །ཕྱི་མ་ནི་གཞན་ན་འབྲི་ཞེས་པ་ནི་འདི་ནས་རྒྱས་པར་སྨྲ་བ་རྫོགས་
[166b.6]པའི་བར་དུ་སྨོས་པ་རྣམས་དཀྱུས་ནས་འབྱུང་བ་བཞིན་དུ་མ་ཡིན་ན་ཉེས་པ་འབྲི་བར་སྟོན་པའོ། །དེ་ལས་ཡང་དུ་མས་བསྐལ་ནའོ་ཞེས་པ་ནི་འདི་འང་#གོང་མ་བཞིན་དུ་རྩིས་མགོ་ལྟ་བུར་སྟོན་པ་སྟེ་འོག་ནས་འབྱུང་བ་རྣམས་ལས་ཡན་ལག་རེ་རེས་མ་ཚང་ན་ན་རེ་འབྲི་བར་འགྱུར། ཡན་ལག་ཕལ་
[166b.7]ཆེར་མ་ཚང་ན་འབྲི་བ་ལས་ཀྱང་འབྲི་བར་སྟོན་པའོ། །མི་ལས་བབ་པོ་#སོང་ན་ཡང་ངོ་ཞེས་པ་ནི་བསླབ་པའི་གཞི་མིའི་བུད་མེད་ལས་བཅའ་སྟེ་གསུངས་པ་#རྣམས་བྱོལ་སོང་ལ་བྱས་ཤིང་སྤྱད་ན་ཡང་ན་རེས་འབྲི་བར་སྟོན་པ་སྟེ་མ་ཡིན་གྱི་བུད་མེད་ལ་རེག་ན་ལྷག་མའི་སྦོམ་པོར་འགྱུར་བ་དང་།
[167a]
[167a.1]བྱོལ་སོང་མོ་ལ་རེག་ན་ཉེས་བྱས་སུ་འགྱུར་བ་བཞིན་དུ་སྨྱེ་ཚིག་དང་ཀུན་སྤྱོད་སྨྲ་བ་ལ་སོགས་པ་ཡང་དེ་ལྟར་རིག་པར་བྱའོ། །དེ་ལ་མི་ཚངས་པར་སྤྱོད་པ་ནི་མ་གཏོགས་སོ། །འཕྲུལ་གྱི་#ཆོས་ཅན་མ་ཡིན་ལ་རེག་པ་ན་མ་གཏོགས་པ་ནི་ཡན་ལག་གོ་ཞེས་པ་ནི་རེག་པའི་ཚེ་མ་
[167a.2]གཏོགས་པ་སྨྱེ་#ཚིག་དང་ཀུན་སྤྱོད་ལ་སོགས་པར་འཕྲུལ་དང་ལྡན་པ་མ་ཡིན་ལ་བྱས་ན་གདོད་ཡན་ལག་ཏུ་འགྱུར་བར་སྟོན་པའོ། །མ་ཉམས་པ་ལ་རེག་ནའོ་ཞེས་པ་རྨ་ལ་སོགས་པའི་ནད་ཀྱིས་ཉམས་པ་ལ་རེག་ན་དགེ་སློང་ཕ་ནི་ལྷག་མའི་སྦོམ་པོའོ#། །དགེ་སློང་མའི་ནི་ཕལ་#བའི་སྦོམ་པོར་
[167a.3]འགྱུར་བ་དང་། རེག་པར་བྱ་བ་དང་རེག་པ་གཉི་ག་ཉམས་ན་ཉེས་བྱས་སུ་འབྲི་བ་ལྟ་བུར་སྟོན་པའོ། །ག་ག་ཚིལ་ཡང་ངོ་ཞེས་པ་ནི་ག་ག་ཚིལ་བྱེད་པ་ཡང་གོང་མ་དང་འདྲ་བར་ཡ་#རེ་ཉམས་པ་གཉི་ག་ཉམས་ན་འབྲི་བ་དང་འབྲི་བའི་ཡང་འབྲི་བ་སྟོན་པའོ། །སེན་མོ་རྣོ་#ཤ་མེད་པའི་རུས་པས་#
[167a.4]སྤུ་རྣམས་ནི་གཞན་བཞིན་ཞེས་པ་ནི་མིང་གིས་སྨོས་པ་འདི་དག་ལྟ་བུར་རེག་གམ་ག་ག་ཚིལ་བྱེད་ན་གོང་དུ་མ་ཉམས་པ་ཞེས་སྨོས་པ་ལས་གཞན་པ་སྟེ་ཉམས་པ་དང་འདྲ་བར་སྟོན་པའོ། །མིའི་#རྒྱུད་ནི་གཙིགས་པར་བྱ་བའོ་ཞེས་པའི་#མིའི་རྒྱུད་ལས་བསླབ་པར་བཙས་པ་རྣམས་མི་ཡིན་ན་
[167a.5]གདོད་ཚིགས་སུ་རུང་ཞིང་ཉེས་པ་རངས་པར་འགྱུར་གྱི་#མ་ཡིན་པ་ལ་རེག་པ་དང་། སྨྱེ་ཚིག་སྨྲ་བ་དང་། གཡོག་ཏུ་བསྔགས་པ་དང་། གོས་སློང་བ་དང་། སྔར་འཕྲིགས་ནས་སློང་བ་དང་། མཚན་མ་བཏབ་#པའི་ཁེ་སྤོགས་པ་#དང་། ཉོ་ཚོང་དང་། སྐུད་པ་སློང་བ་དང་།
[167a.6]འདིས་རེག་པའི་སྐྱེས་པ་བྱས་ཏེ་ཆོས་སྟོན་པ་དང་། མཉམ་དུ་ཀློག་པ་དང་། གནས་ངན་ལེན་དང་། མི་ལས་བླ་མའི་ཆོས་སྨྲ་བ་དང་། སྐྱབས་ཡོད་པ་ན་འདུག་པ་དང་། བསོད་སྙོམས་ལན་གཉིས་དང་ཐུན་མོང་གི་གནས་དང་ལྷུང་བཟེད་གཉིས་སམ་གསུམ་ལས་ལྷག་པར་བླངས་པ་དང་།
[167a.7]བསོད་པ་ལས་སློང་བ་དང་། སྨྱེན་གནས་གཉིས་དང་། ཁྱིམ་གཅིག་ཏུ་ཉལ་བ་དང་། ལམ་དུ་འགྲོ་བ་དང་། སྒོ་གཏན་ལས་འདས་པ་རྣམས་བྱས་ཀྱང་ཉེས་པ་རངས་པར་མི་འགྱུར་བའོ། །རང་བཞིན་ཉམས་པ་མ་ཡིན་ཞེས་པ་ནི་སེམས་འཁྲུགས་#པ་དང་། སྨྱོས་པ་དང་ནད་ཀྱིས་
[167b]
[167b.1]གཟིར་ན་མི་ཡིན་དུ་ཟིན་ཀྱང་ཤེས་པ་མི་གསལ་བའི་ཕྱིར་གཙིགས་#པར་མི་རུང་ཞིང་ཉེས་པ་རངས་པར་མི་འགྱུར་བར་སྟོན་པ་སྟེ། སྨྱན་གྱིས་མནོས་པ་དང་། བསྙད་པ་དང་། སླར་སློས་པ་རྣམས་དང་རྩ་བ་མེད་པ་དང་ཆས་སྐུར་བ་དང་། མཚན་མ་བཏབ་པའི་ཁེ་སྤོགས་པ་དང་། ཉོ་
[167b.2]ཚོང་དང་སྐྱོན་ནས་འབོད་པ་དང་། རྩོད་པ་ཞི་བའི་#སྐྱོ་སྡོགས་བྱེད་པ་དང་། འདིས་རིག་པའི་སྐྱེས་པ་བྱས་ཏེ་ཆོས་སྟོན་པ་དང་། ལྷན་ཅིག་ཏུ་ཀློག་པ་དང་། མི་ལས་བླ་མའི་ཆོས་སྨྲ་བ་དང་རྙེད་པ་བདག་#གིར་བསྔོས་སོ་ཞེས་བསྒྱུར་བ་དང་། བསླབ་པ་ཁྱད་དུ་གསོད་པ་དང་། དཔྱས་དང་
[167b.3]གཞོགས་#དཔྱས་བྱེད་པ་དང་། ཚིག་ཁྱད་དུ་གསོད་པ་དང་། འབྱིན་པ་དང་དགེ་སློང་མ་ལ་སྟོན་པ་དང་། ཟས་ཅུང་ཟད་ཀྱི་#ཕྱིར་རོ་ཞེས་སྐུར་པ་དང་། ཆོས་གོས་བྱིན་ཞིང་བྱེད་པ་དང་། དགེ་སློང་མ་དང་ལམ་དང་གྲུར་འགྲོ་བ་དང་། དབེན་པ་ན་འདུག་པ་དང་། བོས་པ་ཟ་བ་དང་། ཐུན་
[167b.4]མོང་གི་གནས་སུ་ཟ་བ་གཉིས་ཟ་བ་དང་། སྨྱན་#གནས་གཉིས་དང་གཡུལ་ལྟ་བ་དང་བསྡིགས་པ་དང་། ཡོ་བྱད་སྦེད་པ་དང་། བྱིན་ནས་ཐུག་#ཐུབ་ཏུ་བྱེད་པ་དང་། སྐུར་བ་དང་། རྐུན་པོ་འགྲོགས་པ་རྣམས་ཀྱང་ཉེས་པ་རངས་པར་མི་འགྱུར་བའོ། །མ་ནིང་དང་མཚན་གཉིས་ཀྱང་དེ་
[167b.5]བཞིན་ཞེས་པ་ནི་མ་ནིང་དང་མཚན་གཉིས་ཀྱང་གོང་དུ་སྨོས་པའི་རང་བཞིན་ཉམས་པ་དང་འདྲ་བར་སྟོན་པ་སྟེ། གཞན་གྱི་ཉམས་སུ་དེའི་ལུས་ཀྱི་རོ་དང་འདྲ། དེའི་སེམས་ནི་བསླབ་པ་དང་འདྲ་བར་སྣང་བའི་ཕྱིར་ཏེ། མ་ནིང་དང་མཚན་གཉིས་ཀྱི་ཁྱིམ་དུ་གོས་བསླངས་སམ།
[167b.6]དེས་བཏགས་སམ། དེའི་སྨྱན་#གནས་ན་འདུག་ཅིང་འགྲེང་ངམ། དེ་ལ་རྡེག་ཅིང་གཟས་པས་ཁྱིམ་དུ་ལྷན་ཅིག་ཉལ་ལམ། ལྷན་ཅིག་ཏུ་འགྲོགས་པ་ལ་སོགས་པ་ཉེས་པ་རངས་པར་མི་འགྱུར་བའོ། །རེག་པ་ནི་གཙིགས་#པ་བཞིན་ཞེས་པ་ནི་གཙིགས་#པ་མ་ཡིན་ལ། སྨྱེ་
[167b.7]ཚིག་#ལ་སོགས་པ་སྨྲས་ཤིང་བྱས་པ་ནི་ཉེས་པ་རངས་པར་མི་འགྱུར་གྱི་རེག་#པ་ནི་གཙིགས་པ་མ་ཡིན་ཏེ། སྨྱོས་པ་ལ་སོགས་པ་ལ་རེག་ན་བདེ་བ་རེག་#དུ་བཏུབ་པས་ཉེས་པ་རངས་པར་དོགས་པ་བསྩལ་#བའི་ཕྱིར་སྟོན་#པ་སྟེ། གཙིགས་པ་མ་ཡིན་པ་ལ་རེག་པ་ཡང་འབྲི་བར་སྟོན་པའོ། །
[168a]
[168a.1]ཕྱིའི་རབ་ཏུ་བྱུང་བ་དང་། མ་སྐྱེས་ཤིང་ཉམས་པ་ནི་ཁྱིམ་པའི་ཕྱེད་#དོ་ཞེས་པ་ནི་བདག་ཅག་མ་ཡིན་པའི་རབ་ཏུ་བྱུང་བ་དང་བདག་ཅག་གི་རབ་ཏུ་བྱུང་བ་ལ་#ཡང་མ་སྐྱེས་ཤིང་ཉམས་པ་ནི་ཁྱིམ་པའི་ཕྱེད་ཡིན་བར་སྟོན་པ་སྟེ། འདི་དག་ལས་གོས་བླངས་སམ། འདི་དག་
[168a.2]སྦྱིན་བདག་དང་ཕོ་ཉ་དང་ཞལ་ཏ་ཡིན་ནམ། དེ་དག་གིས་ཐུན་མོང་དུ་གཙིགས་#པའི་གནས་སུ་ཟ་མ་གཉིས་ཟོས་སམ་དེ་དག་དང་ཁེ་སྤོགས་དང་ཉོ་ཚོང་བྱས་སམ་ལྷུང་བཟེད་གཉིས་གསུམ་ལས་ལྷག་པར་བླངས་སམ་སྨེན་#གནས་ན་འདུག་ཅིང་འགྲེང་ངམ་དེ་དག་གི་ཁྱིམ་དུ་ཟན་བཅད་
[168a.3]པ་ལ་#སོགས་པ་ཉེས་བྱས་སུ་འགྱུར་བར་སྟོན་པའོ། །བསྙེན་པར་རྫོགས་པ་མ་ཉམས་པ་ནི་དགེ་སློང་དང་དགེ་སློང་མའི་འོ་ཞེས་པ་ནི་དགེ་སློང་དང་དགེ་སློང་མ་#ལ་བརྟེན་ཏེ་བསླབ་པ་བཅས་པ་ནི་དགེ་ཚུལ་དང་དགེ་སློང་མ་ཡིན་ཏེ། བསྙེན་པར་ཡང་རྫོགས་ལ། དགེ་སློང་གི་
[168a.4]ངོ་བོ་ལས་ཀྱང་མ་གྱུར་ཏེ་བསླབ་པ་མ་ཉམས་ན་གདོད་བསླབ་པའི་རྟེན་དུ་རུང་བར་སྟོན་པ་སྟེ། བསྙེན་པར་མ་རྫོགས་པ་དང་། ཉམས་པ་གོས་འཁྲུར་བཅུག་གམ། དེ་ལས་གོས་བླངས་སམ། བྱིན་ནས་ཕྲོགས་སམ། སྐྱོན་ནས་བོས་སམ། ཕྲ་མ་དང་སྐྱོ་སྡོགས་དང་། གནས་ངན་
[168a.5]ལེན་དང་། མི་ལས་བླ་མའི་ཆོས་སྨྲ་བ་དང་། དེ་དག་གི་རྙེད་པ་ལོག་པར་བསྔོས་སོ་ཞེས་སྐུར་བ་དང་། དེ་དག་བསླབ་པ་ཁྱད་དུ་གསོད་པ་དང་དཔྱས་དང་གཞོགས་#དཔྱས་བྱེད་པ་དང་། ཚིག་ཁྱད་དུ་གསོད་པ་དང་། དེ་དག་གི་གཙུག་ལག་ཁང་ན་མལ་ཆ་གདིང་བ་མི་བརྟུལ་བ་དང་། དགེ་
[168a.6]འདུན་གྱི་གཙུག་ལག་ཁང་དུ་#དེ་དག་གི་#གཙུག་ལག་ཁང་ནས་དགེ་སློང་འབྱིན་པ་དང་། རྐང་པ་འབྱུང་བ་དང་ཟླ་#བའི་ཁྲི་ལ་འདུག་པ་དང་། ཉམས་པའི་དགེ་སློང་མ་ལ་ཆོས་སྟོན་པ་ཟས་ཅུང་ཟད་ཀྱི་ཕྱིར་སྟོན་ཏོ་ཞེས་སྐུར་པ་དང་། ཆོས་གོས་བྱིན་ཞིང་བྱེད་པ་དང་། ལམ་
[168a.7]དང་གྲུར་འགྲོགས་པ་དང་། དབེན་པ་ན་འདུག་པ་དང་སྦྱོར་དུ་བཅུག་པ་དང་། རྡེག་པ་དང་གཟས་པ་དང་། གནས་ངན་ལེན་འཆབ་པ་དང་། ཟས་གཅོད་པ་དང་། དད་པ་སླར་ལེན་པ་དང་། ཐེ་ཚོམ་སྐུར་བ་དང་། ག་ག་ཚིལ་བྱེད་པ་དང་། བསྡིགས་པ་དང་། ཡོ་བྱད་
[168b]
[168b.1]སྦེད་པ་དང་། བྱིན་ནས་ཐུག་#ཐུབ་ཏུ་བྱེད་པ་དང་། སྐུར་པ་དང་། བསླབ་པ་བསྟན་ན་མི་ཉན་པ་དང་། རྩོད་པ་ཞི་བར་བྱེད་པ་ལ་ཉན་རྣ་བྱེད་པ་དང་། གྲོང་བར་དུ་བསོད་སྙོམས་ལེན་པ་དང་ངོས་མགྲོན་#བྱེད་པ་མ་བཟློག་པར་ཟོས་པ་རྣམས་བྱས་ཀྱང་ཉེས་པ་རངས་པར་མི་འགྱུར་བའོ། །
[168b.2]མཚན་དང་ཁས་བླངས་པ་ནི་ཉིད་ཀྱི་ཕྱོགས་སུ་འགྲུབ་པའོ་ཞེས་པ་ནི་མཚན་གཅིག་པ་དང་ཁས་བླངས་པའི་ཕྱོགས་སུ་གྱུར་པ་རྣམས་རང་རང་གི་འཁོར་ཏམ་ཕྱོགས་ལས་བསླབ་པའི་རྟེན་དུ་འགྱུར་#གྱི། དེ་མ་ཡིན་པ་ལས་མི་འགྱུར་བར་སྟོན་པ་སྟེ་སྐྱོན་ནས་སྨྲ་བ་དང་། ཕྲ་མ་བྱེད་པ་དང་
[168b.3]སྐྱོ་སྔོགས་བྱེད་པ་དང་། ལྷན་ཅིག་ཏུ་ཀློག་པ་དང་། གནས་ངན་ལེན་བརྗོད་པ་དང་། ལོག་པར་བསྔོས་སོ་ཞེས་སྐུར་བ་དང་། འབྱིན་པ་དང་བསླབ་པ་ཁྱད་དུ་གསོད་པ་དང་། མལ་ཆ་མི་བརྟུལ་བར་འགྲོ་བ་དང་། རྐང་པ་འབྱུང་བླ་#བའི་ཁྲི་ལ་འདུག་པ་དང་། ཆོས་གོས་
[168b.4]བྱིན་ཞིང་བྱས་པ་དང་། རྡེག་ཅིང་གཟས་པ་ལ་སོགས་པའོ། །དེར་གཏོགས་པ་ལས་ཁྱིམ་པ་ནི་འབྲི་བའི་མཚན་མ་ཅན་ནོ་ཞེས་པ་ནི་དགེ་སློང་དང་དགེ་སློང་མ་ལ་#བརྟེན་ཏེ་བསླབ་པ་བཅས་པ་རྣམས་ཁྱིམ་པ་ལ་བྱས་ཤིང་བསྒྲུབས་ན་ཡང་ཉེས་པའི་ཤས་ཡོད་པར་སྟོན་པ་སྟེ།
[168b.5]ཁྱིམ་པ་ལ་རྩ་བ་མེད་པ་དང་། ཆས་སྐུར་བ་དང་། སྐྱོན་ནས་འབོད་ཅིང་ཕྲ་མ་ཟེར་བ་དང་། འཕྱ་བ་དང་། ཁྱིམ་པའི་མལ་ཆ་མ་བརྟུལ་བར་སོང་བ་དང་། ཁྱིམ་པ་འབྱིན་པ་དང་། དེ་ལ་རྡེག་ཅིང་བསྡིགས་པ་དང་། ཟན་གཅོད་ཅིང་ཐེ་ཚོམ་སྐུར་བ་དང་། ག་ག་ཚིལ་བྱེད་པ་ལ་
[168b.6]སོགས་པ་ཉེས་བྱས་སུ་འགྱུར་བའོ། །མི་མ་ཡིན་གྱི་ཁྱིམ་པ་ལ་འདི་དག་བྱས་པ་ནི་འབྲི་བའི་ཡང་འབྲི་བར་འགྱུར་རོ། །རབ་ཏུ་བྱུང་བའི་རྫས་ནི་རུང་བ་དང་ཚད་ལ་#བབ་པ་ལ་སོགས་པ་ནའོ་ཞེས་པ་ནི་རབ་ཏུ་བྱུང་བའི་རྫས་ལ་#བརྟེན་ཏེ་བསླབ་པ་#བཅས་པ་རྣམས་ནི་རབ་ཏུ་བྱུང་བའི་རྫས་
[168b.7]རུང་ཞིང་ཚད་ལ་བབ་པ་ཞིག་ན་གདོད་བསླབ་པ་བཅས་པ་གཞན་དུ་འགྱུར་#གྱི་དེ་མ་ཡིན་ན། དེ་ལྟར་མི་འགྱུར་བར་སྟོན་པ་སྟེ། རྔ་བལ་ལ་སོགས་པ་ལས་བྱས་པའི་གོས་བྱིན་གྱིས་བརླབས་པ་ལས་བྲལ་བ་དང་དེ་ལྟ་བུ་ཞག་བཅུ་ལས་ལྷག་པར་བཅངས་པ་དང་། གཉེན་མ་ཡིན་
[169a]
[169a.1]བའི་དགེ་སློང་མ་འཁྲུར་བཅུག་པ་དང་། འདི་ལྟ་བུ་དེ་ལས་བླངས་པ་དང་། སྲིན་བལ་དང་གསོ་མ་ལ་སོགས་པར་བསྲེགས་པ་དང་། སོ་མ་བཏང་བ་དང་མ་བཙོས་པའི་ལྷུང་#བཟེད་ཞག་བཅུ་ལས་འདས་པར་བཅངས་པ་དང་འཐག་#ཏུ་བཅུག་པ་དང་། ཁ་ཆོས་
[169a.2]བྱེད་པ་དང་། བྱིན་ནས་ཕྲོགས་པ་དང་། གསེར་དངུལ་གྱི་ཁབ་རལ་དང་། ཁྲི་ལ་སོགས་པ་འདི་དག་བྱས་སུ་ཟིན་ཀྱང་ཉེས་པ་རངས་པར་མི་འགྱུར་བའོ། །བདག་གི་དོན་ཏམ་ཆེད་དང་ལྡན་ནའོ་ཞེས་པ་ནི་བདག་ཉིད་ཀྱི་དོན་ཆེད་མ་ཡིན་ན་ཕ་རོལ་གཞན་གྱི་ཕྱིར་སྨྱེ་#ཚིག་དང་། གཡོག་ཏུ་
[169a.3]བསྔགས་པ་དང་འཁྲུ་ཞིང་རྨེལ་#བཅུག་པ་གོས་སློང་ཞིང་ལྷུང་#བཟེད་ཚོལ་བ་དང་། སྲིན་བལ་གྱི་སྟན་བྱེད་པ་ལ་སོགས་པ་ཉེས་པ་རངས་པར་མི་འགྱུར་བའོ། །བརྗོད་པ་ན་དོན་གོ་ནའོ་ཞེས་པ་ནི་ཚིག་ཏུ་བརྗོད་པ་ལས་བཅས་པའི་བསླབ་པ་རྣམས་ནི་ཕ་རོལ་གྱིས་#དོན་གོ་ན་གདོད་
[169a.4]ཉེས་པར་འགྱུར་བར་#སྟོན་པ་སྟེ། གཉིད་ལོག་པ་དང་སྙོམས་པར་ཞུགས་པ་དང་། གླེན་པ་དང་། འོན་པ་དང་། སྐད་མི་#ཤེས་པ་རྣམས་ལ་སྨྱེན་ཚིག་དང་བསྡོགས་པ་དང་། མཚན་#མ་བཏབ་པ་ཁེ་སྤོགས་བྱེད་པ་འཐག་ཏུ་འཇུག་པ་དང་། སྐྱོན་ནས་འབོད་པ་དང་ཕྲ་མ་ཟེར་བ་དང་། སྐྱོ་
[169a.5]སྡོགས་བྱེད་པ་དང་། ཆོས་འཆད་པ་དང་། ཀློག་པ་དང་། ལོག་པར་བསྔོས་སོ་ཞེས་སྐུར་བ་དང་། བསླབ་པ་ཁྱད་དུ་གསོད་པ་དང་། དཔྱས་དང་གཞོགས་#དཔྱས་བྱེད་པ་དང་། ཚིག་ཁྱད་དུ་གསོད་པ་དང་། དགེ་སློང་མ་ལ་སྟོན་པ་དང་། ཟས་ཅུང་ཟད་ཀྱི་ཕྱིར་རོ་ཞེས་སྐུར་བ་དང་། ཐེ་ཚོམ་
[169a.6]སྐུར་པ་དང་། བསླབ་པ་#སྟོན་པ་ལ་ཁ་ཚས་#ཟེར་བ་ལ་སོགས་པ་བྱས་ཀྱང་ཉེས་པ་རངས་པར་མི་འགྱུར་བའོ། །གསོད་པ་དང་ཉིད་ཀྱི་ཕྱིར་འཕྲོགས་པ་མ་གཏོགས་པ་ནི་སྨྲ་ནུས་ནའོ་ཞེས་པ་ནི་རྣམ་པ་འདི་གཉིས་ནི་སྨྲ་མི་ཤེས་པའི་གླེན་ལྐུགས་#པ་ལ་སོགས་པ་བྱེད་དུ་བཅུག་ན་ཡང་ཉེས་པར་
[169a.7]འགྱུར་གྱི། སྨྲ་བ་ལས་བཅས་པའི་བསླབ་པ་གཞན་ནི་སྨྲ་ཤེས་པ་ལ་བྱས་ན་གདོད་ཉེས་པར་འགྱུར་བ་སྟེ། ལྐུགས་པ་ལ་རྩ་བ་མེད་པ་ཆས་སྐུར་ཏམ་མཚན་མ་ཅན་གྱི་ཁེ་སྤོགས་དང་། ཉོ་ཚོང་བྱེད་དམ་འཐག་ཏུ་བཅུག་གམ་སྐྱོན་སྨྲ་ཞིང་ཕྲ་མ་ཟེར་རམ། སྐྱོ་སྡོགས་དང་སྟོན་ཅིང་ཀློག་
[169b]
[169b.1]པ་དང་། མི་ལས་བླ་མའི་ཆོས་སྨྲ་བ་དང་། ལོག་པར་བསྔོས་སོ་ཞེས་སྐུར་པ་དང་། བསླབ་པ་ཁྱད་དུ་གསོད་པ་དང་། དཔྱས་དང་གཞོགས་#དཔྱས་བྱེད་པ་དང་། དགེ་སློང་མ་ལ་སྟོན་པ་ལ་སོགས་པའོ། །ནོད་པ་ནི་དེ་ལ་མ་ཡིན་ཞེས་པ་ནི་འདི་བྱ་བ་འདི་མི་བྱའོ་ཞེས་དམ་འཆའ་བའམ། བསླབ་
[169b.2]པ་ནོད་པ་ནི་སྨྲ་ནུས་ན་གདོད་དགེ་བ་དང་མི་དགེ་བ་སྐྱེའི། སྨྲ་མ་ནུས་ན་མི་སྐྱེའོ་ཞེས་བྱ་བ་མེད་པར་སྟོན་པའོ། །སྣོད་ཡིན་ནའོ་ཞེས་པ་ནི་བརྗོད་པར་བྱ་བའི་བསླབ་པ་རྣམས་སྨྲས་པའི་དོན་གོ་ཞིང་སྨྲ་བའི་སྣོད་ཡིན་ན། གདོད་སྨྲ་བའི་ཡན་ལག་ཏུ་འགྱུར་བར་སྟོན་པའོ། །དེ་ནི་གོང་དུའང་བསྟན་
[169b.3]ན་བསླས་ཅི་#དགོས་ཤེ་ན། དོན་དུ་ནི་གོང་མ་དང་ཐ་དད་མེད་མོད་ཀྱི། སྨྲས་པ་རྣམས་དོན་མེད་པ་མ་ཡིན་ཞིང་སྨྲ་བའི་རྐྱེན་དུ་བབ་པ་ཞིག་ན། གདོད་ཉེས་པ་རངས་པར་སྟོན་#པའོ། །བཤམས་ཤིང་མཐོལ་བའི་བྱེ་བྲག་གསལ་པོར་དབྱེ་བར་དགོས་པའི་ཕྱིར་ཡང་འདི་སྐད་དུ་སྨོས་པ་ཡིན་ནོ། །
[169b.4]ཚིག་ནའོ་ཞེས་པ་ནི་སྨྲ་བར་བྱ་བའི་བསླབ་པ་རྣམས་ཡི་གེའམ། ལག་བརྡས་མ་ཡིན་གྱི་ངག་གམ་ཚིག་ཏུ་ཕྱུང་ན་གདོད་ཡན་ལག་ཏུ་འགྱུར་བར་སྟོན་པ་སྟེ། ཡི་གེའམ་ལག་བརྡས་སྨྱེ་ཚིག་དང་བསྔགས་པ་དང་། རྩ་བ་མེད་པ་དང་། ཆས་སྐུར་#བ་དང་། འཁྲུ་བ་དང་། ལེན་པ་དང་།
[169b.5]གོས་སློང་བ་དང་། འཐག་ཏུ་འཇུག་པ་དང་། འཕྲོག་པ་དང་། བརྫུན་དང་། སྐྱོན་ནས་འབོད་པ་དང་། ཕྲ་མ་ཟེར་བ་ལ་སོགས་པའོ། །བདག་གིས་ནའོ་ཞེས་པ་ནི་བདག་གིས་སྨྲས་པའི་ཚིག་#ཡིན་ན་གདོད་ཡན་ལག་ཏུ་འགྱུར་བ་སྟེ། སྨྱེ་ཚིག་དང་བསྔགས་པ་ལ་སོགས་པ་
[169b.6]གོང་དུ་སྨོས་པ་རྣམས་སྨྲས་ན་གདོད་ཉེས་པར་འགྱུར་བའོ། །བདག་དང་ལྡན་པར་ནའོ་ཞེས་པ་ནི་གཞན་མ་གུད་ཅིག་འདི་སྐད་དུ་ཟེར་རོ་ཞེས་ཁུངས་གུད་དུ་ཕྱུང་བའམ། བདག་ཉིད་མ་སྨོས་ན་ཉེས་པ་རངས་པར་མི་འགྱུར་གྱི་བདག་ཉིད་སྨོས་ན་གདོད་ཉེས་པར་འགྱུར་བ་སྟེ་ཁུངས་
[169b.7]གཞན་དུ་ཕྱུང་ཞིང་སྨྱེ་ཚིག་དང་བསྔགས་པ་དང་། གོས་འཁྲུ་བ་དང་། བླངས་པ་དང་། གོས་#སློང་བ་དང་། ལྷུང་བཟེད་འཚོལ་བ་དང་། འཐག་ཏུ་བཅུག་པ་དང་། འཕྲོག་པ་དང་། སྐྱོན་ནས་འབོད་པ་དང་། སྐྱོ་སྡོགས་#དང་། འཆད་པ་དང་གནས་ངན་ལེན་བརྗོད་
[170a]
[170a.1]པ་དང་། མི་ལས་བླ་མའི་ཆོས་སྨྲ་བ་དང་། བསླབ་པ་ཁྱད་དུ་གསོད་པ་དང་། ལོག་པར་བསྔོས་སོ་ཞེས་སྐུར་#བ་དང་། ཤིང་གཅོད་པ་དང་། དཔྱས་དང་གཞོགས་#དཔྱས་བྱེད་པ་ལ་སོགས་པའོ། །ཉིད་ཀྱིས་ཞལ་ཏ་བྱས་ནའོ་ཞེས་པ་ནི་གསོད་པ་དང་ཉིད་ཀྱི་ཕྱིར་
[170a.2]འཕྲོགས་པ་མ་གཏོགས་པར་གཞན་ཐམས་ཅད་ཉིད་ཀྱིས་ཞལ་ཏར་བྱས་ཏེ་བསྒྲུབས་ན་གདོད་ཉེས་པར་འགྱུར་བ་སྟེ། ཤིང་གཅོད་པ་དང་། ཕ་གུ་#རིམ་གསུམ་ལས་ལྷག་པར་བརྩིགས་པ་དང་། རིན་པོ་ཆེ་ལེན་ཅིང་ལེན་དུ་འཇུག་པ་དང་། ཤིང་བལ་གྱིས་སྐུད་པ་#ལ་སོགས་པའོ། །
[170a.3]ཕལ་ཆེར་རྣམ་པར་འབྱེད་པར་གཏོགས་པའི་རྒྱས་པར་སྨྲས་པ་རྫོགས་སོ།། །།རྣམ་པར་འབྱེད་པ་ལ་སོགས་པར་གཏོགས་པ་རྣམས་དེ་ལྟར་རྒྱས་པར་བསྟན་ཟིན་ནས། ད་ནི་དངོས་པོར་གཏོགས་པ་རྣམས་སྟོན་ཏོ། །དེ་ལ་#དང་པོ་ཉིད་ནི་གསོ་སྦྱིན་གྱི་དངོས་པོ་ཇེ་སྟོན་ཏེ། དེ་ལ་ཡང་
[170a.4]ཞི་བ་དང་། འདུ་བའི་གསོ་སྦྱིན་རྣམ་པ་གཉིས་ཡོད་དེ། གཙོ་བོ་ཡིན་བ་དང་། བླ་མའི་#ཕྱིར་ཞི་བའི་གསོ་སྦྱིན་དང་པོར་ཇེ་སྟོན་པ་ནི། སྤྱོད་ཡུལ་ལ་ཞུགས་པ་ནི་#རྣལ་འབྱོར་མི་སྒོམ་ཞེས་པ་ལ་སོགས་པ་ཡིན་ཏེ། བསོད་སྙོམས་ལ་སོགས་པའི་སྤྱོད་ཡུལ་ལ་ཞུགས་པ་གླང་པོ་ལ་སོགས་དང་
[170a.5]ཐུག་ཕྲད་དུ་འགྱུར་ཞིང་། ལས་སུ་བྱ་བ་རྣམས་ལ་གཅོད་པའི་ཕྱིར་རྣལ་འབྱོར་མ་སྒོམ་ཤིག་པའོ། །འདྲུལ་#བར་མ་ཡིན་ཞེས་པ་ནི་སྒོ་ཁང་#དང་། ལམ་ཀ་ལ་སོགས་པ་འདྲུལ་ཟག་ཏུ་འགྱུར་བའི་གནས་སུའང་མ་སྒོམ་ཤིག་པའོ། །གཡེང་བ་དང་མི་བསྒྲུངས་#པ་དང་འཕྱ་བ་རྣམས་
[170a.6]སྤང་བའི་ཚིགས་སོ་ཞེས་པ་ནི་གནས་འདི་ངག་ལྟ་བུའང་སྤོངས་ལ། རྣལ་འབྱོར་སྒོམས་ཤིག་པ་སྟེ། དེ་ལ་གཡེང་བ་ནི་ཅ་ཅོ་དང་འདུ་འཛི་མང་པོའི་གནས་སོ། །མི་བསྒྲུངས་#པ་ནི་གཅན་གཟན་ལ་སོགས་པ་མི་བསྒྲུངས་#པ་རྒྱུ་བའི་སའོ། །འཕྱ་བ་ཞེས་པ་ནི་གྲོང་ཁྱེར་དང་ཉེ་ཞེས་
[170a.7]དཔྱས་སུ་འགྱུར་བའི་སའོ། །གནས་དེ་དག་བཀོལ་ནས་གར་སྒོམ་ཞེ་ན། སྤོང་བའི་ཁང་པ་བརྩིགས་ཞེས་པ་ལ་སོགས་པ་ཡིན་ཏེ་དེ་ལྟ་བས་ན་#སྤོང་བའི་ཁང་པ་ཆེད་དུ་གྱིས་ཤིག་པའོ། །ཁང་པའི་དབྱིབས་ཇི་ལྟ་བུ་བྱ་ཞེ་ན། གནས་ཁང་གཉིས་ཀྱི་བར་དུ་བར་ཁང་ངོ་ཞེས་པ་
[170b]
[170b.1]ཡིན་ཏེ་ཁང་བུ་ཕར་ལྟ་ཚུར་#ལྟ་བའི་བར་དུ་བར་ཁང་གྱིས་ཤིག་པའོ། །ལྔའམ་དྲུག་ཀྱང་ངོ་ཞེས་པ་ནི་བར་ཁང་དུ་ལྟ་བའི་གནས་ཁང་ངོས་གཅིག་ཀྱང་ལྔ་ལྔའམ་དྲུག་དྲུག་ཙམ་དུ་གྱིས་ཤིག་པ་སྟེ། གོང་མ་ཉུང་ན་འདི་ལྟར་གྱིས་ཤིག་པའོ། །སྒོ་དང་སྒོ་འཕར་དང་སྒྲ་མི་འབྱུང་བ་དང་
[170b.2]དྲང་བའི་ཐབས་རྣམས་ཀྱང་ངོ་ཞེས་པ་ནི་ཁང་པ་ལ་མིང་གིས་སྨོས་པ་བསྔོས་པ་འདི་དག་ལྟར་གྱིས་ཤིག་པའོ། །སུམ་ཆ་གཅིག་བཀོལ་བར་སྐུར་#ཁུང་ཡང་ངོ་ཞེས་པ་ནི་རྩིག་པའི་སུམ་གཉིས་མར་བོར་སུམ་ཆ་གཅིག་ཡར་ལུས་པའི་སྐབས་སུ་སྐར་ཁུང་ཐོད་ཅིག་པའོ། །ཕྱི་
[170b.3]རུབ་ལ་ནང་ཡངས་ན་དགེའོ་ཞེས་པ་ནི་སྐར་ཁུང་གི་དབྱིབས་འདི་ལྟར་གྱིས་ཤིག་པའོ། །ཤར་བུ་དང་སྒོ་འཕར་དང་རྐེད་#གཏན་དང་གཟེར་གཏན་དང་ཟུང་#དང་ར་རྐང་གི་དབྱུག་པ་ཡང་ངོ་ཞེས་པ་ནི་ནང་དུ་ཕུག་རོན་ལ་སོགས་པ་མི་དགྱེ་བའི་ཕྱིར་ཤར་བུ་དང་། སྒོ་འཕར་དང་། གཏན་
[170b.4]པ་དང་གཅད་#ཅིང་དབྱེ་བའི་ར་རྐང་དག་ཀྱང་ཤོམས་ཤིག་པའོ། །ཁང་པར་མི་ཤོང་#ན་སྟེང་དུ་ཡང་ཏོག་ཀྱང་ངོ་ཞེས་པ་ནི་དགེ་སློང་མང་སྟེ་མི་ཤོང་ན་ཡང་ཐོག་ཀྱང་འདི་བཞིན་དུ་བརྩིགས་ཤིག་པའོ། །འཛེག་པའི་ཕྱིར་སྐས་ཀྱང་བྱ་ཞེས་པ་དང་། མི་ལྟུང་བའི་ཕྱིར་མུ་སྐོར་ཡང་བྱ་ཞེས་པ་
[170b.5]དང་། དེ་དག་མི་འཁྲུལ་བར་ལྕགས་གཟེར་གྱིས་གདབ་ཅེས་པ་ནི་ཡང་ཐོག་བརྩིགས་ན་ཐེམ་སྐས་དང་མུ་སྐོར་#དག་ཀྱང་གྱིས་ཤིག་པའོ། །སྤོང་#བའི་ཕྱི་རོལ་དུ་རྐང་པ་འམ་གནས་ཁང་དང་ར་ཞེས་པ་ནི་སྤོང་བའི་#ཁང་པ་གོང་དུ་བསྟན་པའི་ཕྱིར་རྒྱབ་དུ་ཁང་པའམ་ཁང་ཕྲན་དང་ར་བར་གྱིས་ཤིག་
[170b.6]པའོ། །སྒོ་བྱང་སྟད་དུ་མི་བྱ་ཞེས་པ་ནི་བར་ཁང་དུ་ལྟ་བའི་གནས་ཁང་རྣམས་སྒོ་བྱང་སྟད་དུ་བབ་པར་མ་བྱེད་ཅིག་པའོ། །སྒོ་གང་བྱ་ཞེས་པ་ནི་སྤོང་བའི་ཁང་པ་དེའི་སྒོ་གང་ཡང་གྱིས་ཤིག་པའོ། །ཕུག་ཀྱང་ཞེས་པ་ནི་སྤོང་བའི་གནས་ཁང་#ན་ཕུག་ཀྱང་གྱིས་ཤིག་པའོ། །དེར་འདུག་པའི་འཇིམ་
[170b.7]སྟེགས་ཀྱང་ངོ་ཞེས་པ་ནི་གནས་ཁང་ངམ་ཕུག་གི་ནང་དུ་དགེ་སློང་འཁོད་པའི་ས་འཇིམ་སྟེགས་གྱིས་ཤིག་པའོ། །ཁྲིའུ་ཡང་ངོ་ཞེས་པ་ནི་ཡང་ན་འཁོད་པའི་ས་ཁྲིའུར་གྱིས་ཤིག་པའོ། །དེའི་#ངོས་བཞི་ཁྲུ་རེ་#ཁོར་ཡུག་ནའོ་ཞེས་པ་ནི་ཁྲིའུ་ཆེ་ཆུང་གི་ཚད་དུ་སྟོན་པ་ཡིན་ཏེ་ངོས་འཇིག་ཅིང་ཡང་#ཁྲུ་རེར་
[171a]
[171a.1]གྱིས་ཤིག་པའོ། །བརྟག་#པ་ནི་ལྔ་སྟེ་གྲེས་མ་གསོ་མ་བལ་བ་ཛ་#ལྷས་མ་བསྭ#། ཚལ་རྣམས་སོ་ཞེས་པ་ནི་ཁྲིའུ་བརྟག་#པ་མིང་གིས་སྨོས་པ་འདི་རྣམས་གང་ཡང་རུང་བས་གྱིས་ཤིག་པའོ། །དེར་རློད་ཅན་གདིང་ཞེས་པ་ནི་ཁྲིའུ་དེའི་སྟེང་དུ་སྟན་རློད་ཅན་ཐིང་ཤིག་པའོ། །མཐོའི་#འཁོར་
[171a.2]ལྷག་ནའོ་ཞེས་པ་ནི་ཁྲིའུའི་#སྟེང་དུ་གདིང་བའི་སྟན་རློད་ཅན་དེ་#མཐའ་ཁོར་ཡུག་དུ་#ཁྲིའུ་ལས་མཐོ་གང་གིས་ལྷག་པར་བྱས་ན་བཟང་བར་སྟོན་པའོ། །ཨར་ཀ་དང་ཀཱ་ཤ་དང་ལྕང་མ་དང་ཤུ་དག་དང་། ཤལ་#མ་ལའི་རྣམས་ཀྱི་བལ་གྱིས་#དགང་ཞེས་པ་ནི་སྟན་རློད་ཅན་དུ་བྱ་བའི་ནང་ཚངས་མིང་གིས་སྨོས་
[171a.3]པ་འདི་དག་གང་ཡང་རུང་བས་#གྱིས་ཤིག་པའོ། །བལ་ལམ་ཤ་ནའམ་ཤིང་བལ་ལམ་རས་རོས་སམ་ལོ་མ་རྣམས་ཀྱང་ངོ་ཞེས་པ་ནི་ཡང་ན་སྟན་གྱི་རློད་འདི་དག་གིས་བྱས་ཀྱང་རུང་བར་སྟོན་པའོ། །བཀོད་པ་བཞིན་#དུ་གནས་པར་སྐབས་#སྐབས་སུ་བྱ་རྗེས་བྱ་#ཞེས་པ་ནི་རློད་དམ་ནང་ཚངས་དེ་དག་ངོས་
[171a.4]གཅིག་ཏུ་སྙིག་#ཅིང་མི་འདྲུག་པར་བྱ་རྗེས་ལྟ་བུའི་སྐུད་ནན་གྱིས་ནོན་ཅིག་པའོ། །གཉིད་འོང་#ན་བུམ་བུ་གདགས་ཞེས་པ་ནི་སྒོམ་པ་གཉིད་འོང་ན་ཤིང་ལ་སོགས་པ་ལ་བུམ་བུ་ལྟ་བུར་བྱས་པ་ཐོགས་ཤིག་པའོ། །གར་གདགས་ཤེ་ན། སྐུད་པས་རྣ་བ་ལ་དཔྱངས་ཞེས་པ་ཡིན་ཏེ་སྐུད་པས་ཐོགས་ལ་རྣ་བ་ལ་
[171a.5]དཔྱངས་#ཤིག་པའོ། །ཤིག་#གིས་མི་དྲག་པར་གཟུགས་ཞེས་པ་ནི་ཡུར་བ་ལ་ཡང་ན་ཐབས་འདི་ལྟར་གྱིས་ཤིག་པའོ། །མི་སྣད་པའི་ཕྱིར་ཁ་ད་#ཆད་དུ་བྱ་ཞིང་ར་དས་དཀྲི་ཞེས་པ་ནི་མ་#སྣད་པར་བྱ་བའི་ཕྱིར་ཤིང་དེའི་ཐོག་མའང་འདི་ལྟར་གྱིས་ཤིག་པའོ། །ཕོ་ལོང་འཕངས་#ཞེས་པ་ནི་ཡུར་བ་ལ་ཡང་
[171a.6]ན་ཐབས་འདི་ལྟར་གྱིས་ཤིག་པའོ། །སླར་དྲང་བའི་ཕྱིར་སྐུད་པས་གདགས་#ཞེས་པ་ནི་ཕོ་ལོང་དེ་ལ་སྲད་བུ་རིང་པོས་ཐོགས་ཤིག་པའོ། །མདུན་དུ་མེ་མར་གཞག་ཅེས་པ་ནི་ཡུར་བ་ལ་#ཡང་ཐབས་འདི་ལྟར་གྱིས་ཤིག་པའོ། །རྐང་པ་དབབ་ཅེས་པ་དང་། ཡ་གཅིག་ཀྱང་ངོ་ཞེས་པ་ནི་ཡུར་ཏེ་མི་རུང་
[171a.7]ན་#རྐང་པ་ལ་གཅིག་དབབ་པའམ་གཉི་ག་དབབ་པར་གྱིས་ཤིག་པའོ། །བཅག་ཅེས་པ་ནི་ཡང་ན་ཆོགས་ཤིག་པའོ། །མི་འཁྱིམ་#པའི་ཕྱིར་བྲིང་ལ་སྦུ་བུ་#གདགས་པའམ་སྐུད་པས་གདགས་#ཤིང་འཇུག་ཅེས་#པ་ནི་འཆག་པའི་ཚེ་ཕན་ཚུན་དུ་འཁྱར་#ཏེ་ལམ་མི་ཐུབ་ན་ཐབས་འདི་ལྟར་གྱིས་ཤིག་
[171b]
[171b.1]པའོ། ལྷམ་བགོ་#ཤིང་མི་བཅག་ཅེས་པ་ནི་རྐོ་ལོང་དུ་མི་འགྱུར་#བའི་ཕྱིར་རོ། །རྐང་པ་ལ་རྡུལ་མི་འགོ་#བར་བྱ་བའི་ཕྱིར་དྲེའུ་རྔོག་གདིང་ཞེས་པ་ནི་ཕན་ཚུན་འཆག་པའི་གཅལ་འདི་ལྟར་གྱིས་ཤིག་པའོ། །སྤོང་བའི་རྐང་པ་ཞག་གསུམ་ཞིང་བསྐུ་ཞེས་པ་ནི་སྤོང་བ་#ལས་ཆེ་བའི་ཕྱིར་རོ། །དེས་
[171b.2]ཀྱང་མ་རློན་ན་ཉལ་ཞེས་པ་ནི་ཡུར་བ་ལ་ཐབས་གོང་མ་ལྟར་བྱ་#སྟེ་འང་མ་སློན་#ན་ཉོལ་ཅིག་པའོ། །སྒོ་གཅད་#ནས་སོ་ཞེས་པ་ནི་ཉལ་བའི་སྒོ་ཆོད་ཅིག་པའོ། །ལོགས་ཀྱིས་ཕབ་སྟེ་ཡང་ངོ་ཞེས་པ་ནི་ལོགས་ཀྱིས་ཕབ་སྟེ་འང་ཉོལ་ཅིག་པའོ། །སྤོང་བའི་ཞལ་ཏ་བ་བསྒོ་#ཞེས་པ་ནི་སྤོང་བ་རྣམས་
[171b.3]ཀྱི་རིམ་གྲོ་བྱེད་པའང་སྐོས་#ཤིག་པའོ། །དེའི་ཚུལ་ནི་ལངས་ནས་གདབ་ཅིང་ཕྱག་པ་དང་། ལྕི་#གསར་གྱིས་བསྐུ་བ་རྣམས་བྱ་ཞེས་པ་དང་སྟན་གདིང་ཞེས་པ་དང་སྣམ་#ཕྱིས་ཕྱག་ཅེས་པ་དང་། གདབ་པ་ལ་སོགས་པའོ་ཞེས་པ་དང་། ཕྱི་བའི་བོང་སྐོམ་#དང་ཆུ་གཞག་ཅེས་པ་ནི་སྤོང་བའི་ཞལ་
[171b.4]ཏ་པར་བསྐོས་པ་དེས་མིང་སྨོས་པ་འདི་དག་ལྟ་བུ་ལ་སོགས་པའི་ལས་གྱིས་ཤིག་#བསྡུ་བའི་ཕྱིར་གཎྜཱི་#བརྡུང་ཞེས་པ་ནི་དགེ་འདུན་#བསྡུ་བའི་གཎྜཱི་རྡུངས་#ཤིག་པའོ། །འདིའི་གནས་ནི་ཁང་ཐོག་གོ་ཞེས་པ་ནི་གཎྜཱི་#དེ་བརྡུང་བའི་ས་ཁང་ཐོག་ཏུ་གྱིས་ཤིག་པའོ། །དེ་ལ་གཎྜཱི་#བརྡུང་བའི་ཐབས་ནི། དགེ་
[171b.5]འདུན་བསྡུ་བའི་ཕྱིར་ན་རྒྱུད་གསུམ་དང་ཏོག་ཏུ་སྤེལ་ཞེས་པ་ལ་སོགས་པ་ཡིན་ཏེ། དགེ་འདུན་བསྡུ་བའི་གཎྜཱི་འདི་#རྒྱུད་གསུམ་གྱི་འོག་ཏུ་ཏོག་གསུམ་རྡུངས་ཤིག་པའོ། །ལས་ཀྱི་ཕྱིར་ན་#རྒྱུད་གཅིག་གོ་#ཞེས་པ་ནི་ལས་སུ་བསྒོ་བའི་ཕྱིར་བསྡུ་ན་རྒྱུད་གཅིག་གི་འོག་ཏུ་ཏོག་གསུམ་གྱིས་ཤིག་པའོ། །
[171b.6]བསླབ་པའི་རྒྱུད་གསུམ་དང་ཏོག་གཉིས་སོ་ཞེས་ཁ་ཅིག་གོ་ཞེས་པ་ནི་ལས་སུ་བསྐོས་པའི་གཎྜཱི་#ནི་རྒྱུད་གསུམ་གྱི་འོག་ཏུ་ཏོག་གཉིས་ཀྱིས་མཇུག་གཅད་#དོ་བར་སློབ་དཔོན་ཁ་ཅིག་འཆད་པར་སྟོན་པའོ། ཤིབ་བསྐུར་#བའི་ཕྱིར་ན་རྡུམ་པོར་རོ་ཞེས་པ་ནི་རྒྱུད་ཀྱི་སུམ་#གཉིས་ཟིན་པ་དང་། དེར་མཇུག་
[171b.7]གཅད་#དེ་ཕྱིས་མི་སྡུད་#པའོ། །བསླབ་པ་གཅིག་དང་ཏོག་གོ་ཞེས་པ་ནི་དེ་ལ་སློབ་དཔོན་ཁ་ཅིག་ནི་རྒྱུད་གཅིག་དང་ཏོག་གཅིག་བྱའོ་ཞེས་ཀྱང་འཆད་པར་སྟོན་པའོ། །སྤོང་བ་པའི་ཕྱིར་ཁར་གསིལ་ལོ་ཞེས་པ་ནི་སྤོང་བ་རྣམས་བསྡུ་བའི་ཕྱིར་ནི་ཁར་གསིལ་གསིལ་ཀྱང་བླ་བར་སྟོན་པའོ། །གཎྜཱི་#ཆུང་དུ་ཞེས་
[172a]
[172a.1]ཀྱང་ཁ་ཅིག་གོ་ཞེས་པ་ནི་སློབ་དཔོན་ཁ་ཅིག་ནི་སྤོང་བ་རྣམས་བསྡུ་བ་གཎྜཱི་#ཆུང་དུས་བསྡུའོ་ཞེས་ཀྱང་འཆད་པར་#སྟོན་པའོ། །བརྟད་ན་འདོད་#བྱར་དུའོ་ཞེས་པ་ནི་ཡེ་#འདྲོག་ཅིག་བྱུང་ན་གཎྜཱི་#འདོད་བྱར་དུ་རྡུངས་ཤིག་པའོ། །ཟས་ལ་བསྡུ་བའི་ནེ་གཎྜཱི་དང་གཎྜཱི་#ཆུང་དུ་གཉིག་བརྡུང་ཞེས་པ་ནི་དྲོ་ཁ་
[172a.2]གཎྜཱི་#ཆེ་ཆུང་གཉི་ག་རྡུངས་ཤིག་པའོ། །ཆུང་#ཟད་བསྡད་ནས་སོ་ཞེས་པ་ནི་གཎྜཱི་#ཆུང་དུ་སྔར་བརྡུངས་ནས་དུས་ཐག་གི་#ཙམ་གྱིས་བཅད་པའི་འོག་ཏུ་གདོད་གཎྜཱི་#ཆེན་པོ་རྡུངས་#ཤིག་པའོ། །འདུ་བ་ཆེན་པོའི་ཚེ་གཎྜཱི་#འདུ་བ་མི་འགྲུབ་ན་དུང་བསྡོམས་ལ་བུས་#ཞེས་པ་ནི་མཆོད་སྟོན་ནམ་ཡོ་ལང་ཆེན་པོ་གཡོས་
[172a.3]པའི་ཚེ་དགེ་འདུན་ཕལ་ཆེར་བསྡུ་དགོས་ལ་གཎྜཱི་#ཙམ་གྱིས་མ་ཐོས་ཤིང་མ་འདུས་ན་དུང་གཉིས་བསྡོམས་ལ་བུས་ཤིག་པའོ། །རྔ་བརྡུང་ཞེས་པ་ནི་ཡང་ན་རྔ་རྡུངས་#ཤིག་པའོ། །གཎྜཱི་#རྣ་ལ་མི་གཟན་ཞེས་པ་ནི་གཎྜཱི་#ཐོས་ནས་བླ་ཁྱད་མ་བྱེད་ཅིག་པའོ། །མི་མྱུར་བ་མ་#ཡིན་ན་ཞེས་པ་ནི་གཎྜཱི་ཐོས་ནས་#ཡུན་རིང་མོ་
[172a.4]ཞིག་གིས་བཅད་དེ། གདོད་འདུ་བར་བྱ་བ་མ་ཡིན་གྱི་ཐོས་མ་ཐག་ཏུ་དེའི་མོད་ལ་འདུས་ཤིག་པའོ། །དགོས་པའི་དུས་ཀྱི་འཐེབ་ཡོད་པར་ཇི་བདེར་བྱ་ཞེས་པ་ནི་འདུས་པ་ལས་འགྱེས་པའི་ཐབས་བསོད་སྙོམས་ལ་འདོང་ཞིང་ལྷུང་བཟེད་བཀྲུ་བ་ལ་སོགས་པའི་འཐེབ་ཡོད་པར་བྱས་ལ་ཇི་བདེར་
[172a.5]ཞེས་ཞལ་ཏ་པས་སྙོད་ཅིག་པའོ། །རྒྱུད་གསུམ་བྱས་ཏེའོ་ཞེས་པ་ནི་རྒྱུད་གསུམ་བཀླགས་#ནས་གདོད་གྱིས་ཤིག་པའོ། །འདི་ལྷག་པར་#རན་པར་བྱ་ཞེས་པ་ནི་རྒྱུད་གསུམ་ཡང་ཇི་རན་དུ་ལྷོགས་ཤིག་པའོ། །སྦྱིན་བ་བཤད་པར་བྱ་ཞེས་པ་ནི་གདུགས་ཚོད་ལས་འགྱེས་པའི་ཚེ་སྦྱིན་པའི་ཚིགས་བཅད་
[172a.6]ཀྱང་ལྷོགས་ཤིག་པའོ། །འདིའང་རན་པར་རོ་ཞེས་པ་ནི་སྦྱིན་བའི་ཚིགས་བཅད་ཀྱང་མི་མང་མི་ཉུང་བར་རན་པར་#ལྷོགས་ཤིག་པའོ། །ཞལ་ཏ་པ་ཕྱིས་འགྲོ་ཞེས་པ་དང་། འོང་བའི་ཚེ་ཐོག་མར་རོ་ཞེས་པ་ནི་སྤོང་བའི་ཁང་པ་ནས་འགྱེས་ཤིང་འདུ་བའམ་ཁྱིམ་པའི་མཆོད་སྟོན་ལ་འདོང་ཞིང་
[172a.7]འདུ་བའི་ཚེ་ཞལ་ཏ་པ་སྔ་ཕྱིར་འགྲོ་བའི་ཐབས་འདི་ལྟར་གྱིས་ཤིག་པའོ། །གལ་ཏེ་དེ་ལྟ་བུའི་རྐྱེན་ཅིག་ན་ལྡེ་མིག་གི་སྐུངས་བསྟན་ཏེ་#ཞེས་པ་ནི་མཆོད་སྟོན་ལས་སླར་འདོང་བའི་ཚེ་ཞལ་ཏ་པ་གུད་དུ་དོན་གཉེར་ཅིང་བྲེལ་ན་སྤོང་བ་རྣམས་ལ་ལྡེ་མིག་སྐུངས་སྟོན་ཅིག་པའོ། །གསོ་སྦྱིན་གྱི་དངོས་པོ་ཞི་
[172b]
[172b.1]གནས་ཀྱི་གསོ་སྦྱིན་དུ་གཏོགས་པའོ།། །།ཞི་གནས་ཀྱི་གསོ་སྦྱིན་དེ་ལྟར་བསྟན་ཟིན་ནས། འདུ་བའི་གསོ་སྦྱིན་གྱི་གནས་དང་པོ་#ཇེ་སྟོན་པ་ནི། གསོ་སྦྱིན་གྱི་གནས་བཤམ་#ཞེས་པ་ཡིན་ཏེ། གསོ་སྦྱིན་གྱི་#གནས་གྱིས་ཤིག་པའོ། །གནས་ཇི་ལྟ་བུ་ཞེ་ན། ཡོང་གིས་སྐྱེས་པའམ་བྱས་པའམ་
[172b.2]ཟིན་པའི་གནས་སོ་ཞེས་པ་ཡིན་ཏེ་མིང་གིས་སྨོས་པ་འདི་དག་གང་ཡང་#གནས་སུ་རུང་བར་སྟོན་པའོ། །དེ་ལ་ཡོང་གིས་སྐྱོས་#པ་ཞེས་#པ་ནི་དང་#འདུ་བའི་སྐལ་བ་འབྱུང་བ་ནས་སྨན་གཞོང་ངམ་སྡིང་བུ་ལ་སོགས་པ་ཡོང་གིས་གྲུབ་ཟིན་པའོ། །བྱས་ཞེས་པ་ནི་མིས་ཆེད་དུ་བྱས་པའོ། །ཟིན་ཅེས་
[172b.3]པ་ནི་གང་ལས་སུ་བྱར་རུང་བའི་གནས་སོ། །ཕྱི་རོལ་འདོམ་གང་གི་#ཉེ་སྤྱོད་དང་བཅས་པར་རོ་ཞེས་པ་ནི་གནས་གོང་དུ་སྨོས་པ་རྣམས་ནི་འགང་ཐག་པ་མ་ཡིན་གྱི། ཕྱི་རོལ་འདོམ་གང་ཙམ་ལ་སོགས་པའི་ཉེ་#སྤྱོད་ཀྱང་ཡོད་པར་གྱིས་ཤིག་པའོ། །དགེ་འདུན་མ་དད་བཞིན་དུའང་དེ་ལྟ་བུའི་
[172b.4]གནས་བྱ་འམ་ཞེ་ན། དགེ་འདུན་འདུན་འོ་ཞེས་པ་ཡིན་ཏེ་དགེ་འདུན་ཐམས་ཅད་དད་དམ་འདུན་ན་གདོད་གྱིས་ཤིག་པའོ། །དེ་ནི་གསོ་སྦྱིན་གྱི་ཚེའི་#གནས་ཡིན་གྱི་ཚུལ་ནས་འབྱུང་བ་ལ་སོགས་པའི་གནས་མ་ཡིན་པར་དོགས་པ་བསལ་བའི་ཕྱིར། གནས་དེ་ནི་ལས་གཞན་གྱི་ཡང་ངོ་ཞེས་པ་ཡིན་
[172b.5]ཏེ་གནས་དེར་གསོ་སྦྱིན་ཉི་ཚེར་བྱ་བ་མ་ཟད་ཀྱི་ལས་གཞན་གྱི་ཡང་གནས་སུ་རུང་བར་སྟོན་པའོ། །མཚམས་བཅད་ཞེས་པ་དང་། དཔག་ཚད་ཕྱེད་དང་གསུམ་ཚུན་ཆད་ཀྱི་བར་དུའོ་ཞེས་པ་དང་། བྲག་རྩིག་པ་ཀ་བ་ཤིང་རབ་གད་པ། #ལམ་པོ་ཆེ་ཁྲོན་པ་ལ་སོགས་པ་ཕྱོགས་སོ་སོར་
[172b.6]མཚན་མ་ཚུགས་པ་ལ་རྒྱུས་ཤེས་པའི་དགེ་སློང་གིས་བསྟན་པའི་མཚན་མ་དགེ་འདུན་གྱི་མདུན་དུ་བརྗོད་ཅིང་ལས་བྱ་#ཞེས་པ་དང་། སྡོམ་པ་བཅས་ན་འདིར་གོས་མི་བྲལ་#ཞེས་པ་དང་། འདི་བྱ་ཞེས་པ་ནི་མཚམས་ཆེན་པོ་བཅད་ལ་མི་འབྲལ་བའི་སྡོམ་པ་བཅས་ན་ཆོས་གོས་ལ་སོགས་པའི་
[172b.7]འབྲལ་བ་ཉེས་པ་མེད་པར་བྱ་བའི་ཕྱིར་དཔག་ཚད་ཕྱེད་དང་གསུམ་ཚུན་ཆད་དུ་ཤིང་ལ་སོགས་བ་རྟིང་ཟུག་ཏུ་འདུག་པ་ལ་མཚོན་གཟུགས་ཤིང་མཚམས་བཅད་པ་དང་། མི་འབྲལ་བའི་སྡོམ་པ་ཆེད་དུ་ཆོས་ཤིག་པར་སྟོན་པའོ། །ཐམས་ཅད་ཀྱི་ཆེད་དུ་འགེན་ཕག་བྱ་ཞེས་པ་ནི་གསོ་སྦྱིན་
[173a]
[173a.1]དང་ཚུལ་ནས་འབྱུང་བ་ལ་སོགས་པ་ལས་ཐམས་ཅད་བྱ་བའི་ས་འགེན་ཕག་གིས་#གནས་གཅིག་གུད་དུ་གྱིས་ཤིག་པའོ། །སྔ་མ་མ་བཀྲོལ་བར་བཅད་པ་གཞན་མི་སྐྱེ་ཞེས་པ་ནི་མཚམས་ཆེན་པོ་ལ་སོགས་པ་སྔ་མ་མ་བཀྲལ་#བར་མཚམས་ཕྱི་མ་བཅད་ཀྱང་མཚམས་སུ་
[173a.2]མི་རུང་བར་སྟོན་པའོ། །མཚམས་དགྲོལ་ཞེས་པ་ནི་དེ་ལྟ་བས་ན་མཚམས་སྔ་མ་ཁྲོལ་ཅིག་པའོ། །ཚིག་གཅིག་གིས་མཚམས་གཉིས་དགྲོལ་ཞིང་བཅད་དུ་རུང་ཞེས་པ་ནི་མཚམས་གཉིས་ཅིག་ཅར་དུ་བཅད་ཅིང་དགྲོལ་ན་མཚམས་#ཀྱི་བར་ཐག་པའམ་རེ་ལྡེས་སྦྲེངས་ལ་ཕན་ཚུན་གྱི་ཐ་མར་
[173a.3]སོ་སོའི་དགེ་འདུན་འཁོད་ཅིང་ལས་བྱེད་པ་དབུས་སུ་འདུག་སྟེ་བཅད་ཅིང་དགྲོལ་བའི་སྙད་ཅིག་ཅར་དུ་བྱས་ན་གཅོད་#དགྲོལ་གྱི་ལས་ཅིག་ཅར་དུ་འགྲུབ་པར་སྟོན་པའོ། །མཚམས་མ་བཅད་པའི་གནས་སུ་ལས་བྱས་ན་རྩིག་པ་མཚམས་སོ་ཞེས་པ་ན་#འགེན་ཕག་གི་གནས་སུ་བྱས་པ་མེད་དེ་ལས་#
[173a.4]གང་ན་བྱེད་པའི་རྩིག་པས་བཟང་#ཞིང་དབྱེ་བར་སྟོན་པའོ། །ཡང་ན་ཝའི་ཆུ་འདྲེས་#སོ་ཞེས་པ་ནི་ཁང་པ་ལ་ཝ་ཡོད་པ་ཞིག་ན་ཕྱི་རོལ་ཝའི་ཆུ་འདྲེས་#ཚུན་ཆད་མཚམས་ཡིན་པར་སྟོན་པའོ། །གྲོང་ནི་ཉེ་སྤྱོད་ཀྱི་མཐས་སོ་ཞེས་པ་དང་དགོན་པར་ན་ཕྱོགས་རེ་རྒྱང་གྲགས་#རེའོ་ཞེས་པ་ནི་གྲོང་ན་
[173a.5]ལས་བྱེད་པའི་མཚམས་ན་ཉེ་སྤྱོད་ཀྱིས་བཟུང་#། དགོན་པར་ལས་བྱེད་པའི་མཚམས་ནི་རྒྱང་གྲགས་ཁོར་ཡུག་གིས་བཟུང་#བར་སྟོན་པའོ། །གསོ་སྦྱིན་གྱི་དངོས་པོའི་གནས་སུ་གཏོགས་པའོ།། །།ད་ནི་འདུ་བའི་གསོ་སྦྱིན་དུ་གཏོགས་པ་སྟོན་ཏེ། དད་པས་དུལ་བ་ལས་སུ་བྱའོ་ཅོག་#
[173a.6]ཀྱང་འགྲུབ་པའི་ཕྱིར་དང་པོ་ཉིད་དུ་དད་པ་འབུལ་བ་ལ་སོགས་པའི་ཆོ་ག་ཇེ་སྟོན་པ་ནི། དད་པ་ཕུལ་ན་དེས་འདུ་བ་འགྲུབ་ཅེས་པ་ལ་སོགས་པ་ཡིན་ཏེ། གང་ཟག་གི་དད་པས་ཕུལ་བ་#དང་དགེ་འདུན་དུ་འདུས་ཤིང་ལྷན་ཅིག་པར་འགྲུབ་#པར་སྟོན་པའོ། །ཐམས་ཅད་དེ་ལྟའམ་ཞེ་ན།
[173a.7]མཚམས་གཅོད་པ་མ་ཡིན་ཞེས་པ་ཡིན་ཏེ་མཚམས་གཅོད་པའི་ཚེ་ནི་དགེ་སློང་ཐམས་ཅད་ངོས་མ་ཆོགས་ན། དད་པ་ཕུལ་བ་ལས་སུ་མི་རུང་བར་སྟོན་པའོ། །བསླབ་པ་བྱིན་པ་ལས་དེ་བླང་དུ་རུང་ཞེས་པ་ནི་བསླབ་པ་བྱིན་པ་ལས་ཀྱང་དད་པ་བླད་དགོས་པར་སྟོན་པའོ། །དེ་དག་ཇི་ལྟར་
[173b]
[173b.1]བསམས་ཏེ་བླང་ཞེ་ན། དེ་ལས་#དགེ་སློང་ཕར་འདུ་ཤེས་བཞག་ནས་སོ་ཞེས་པ་ཡིན་ཏེ་དེ་ལ་དགེ་སློང་རངས་པ་ཡིན་བར་འདུ་ཤེས་བཞག་ནས་དད་པ་ལོང་ཤིག་པའོ། །སྦྱིན་པ་ནི་མ་ཡིན་ཞེས་པ་ནི་བསླབ་པ་བྱིན་པ་དེ་ལ་དད་པ་བསྐུར་དུ་མི་རུང་བར་སྟོན་པའོ། །སྨྱོན་པར་སྡོམ་པ་བཅས་ན་མི་ཁོམ་
[173b.2]བར་མི་འགྱུར་ཞེས་པ་ནི་དགེ་སློང་འགའ་ཞིག་སྨོས་ན། སྨྱོན་པ་ཡིན་པར་དགེ་འདུན་གྱི་སྡོམ་པ་བཅས་ན་ནི་མཚམས་ཀྱི་ནང་ན་འདུག་དུ་#ཟིན་གྱིས་ཀྱང་དགེ་འདུན་ལས་ལ་གཅོད་པར་མི་འགྱུར་བར་སྟོན་པའོ། །ཡོངས་སུ་དག་པ་ཕུལ་#ན་མི་གཅིག་པ་མ་ཡིན་ཞེས་པ་ནི་ཡོངས་སུ་དག་
[173b.3]པ་ཕུལ་བས་ཀྱང་དགེ་འདུན་དང་གཅིག་བར་འགྲུབ་པར་སྟོན་པའོ། །གང་ལ་གཅིག་པར་འགྲུབ་ཅེ་ན། གསོ་སྦྱིན་ནོ་ཞེས་པ་དང་། འབྱུང་ན་#ཡང་ངོ་ཞེས་པ་ཡིན་ཏེ་གསོ་སྦྱིན་དང་ཚུལ་ནས་འབྱུང་བའི་ཚེ་ཡོངས་སུ་དག་པ་ཕུལ་བས་གཅིག་པར་སྟོན་པའོ། །དེ་ཕུལ་ནའོ་ཞེས་པ་#
[173b.4]ཡིན་ཏེ་བདག་ལ་བར་ཆད་ཀྱི་ཆོས་ནི་མ་མཆིས་ཏེ་ཡོངས་སུ་དག་གོ་ཞེས་དག་པ་ཕུལ་ན་གདོད་གོང་མ་ལྟར་རུང་བའོ། །དེ་གཉིས་བྱ་ཞེས་པ་ནི་དད་པ་དང་ཡོངས་སུ་དག་པ་ཕུལ་ན་གསོ་སྦྱིན་དང་ཚུལ་ནས་འབྱུང་བའི་ལས་གྱིས་ཤིག་པའོ། །རྣམ་པ་དེ་གཉིས་དགེ་འདུན་གྱིས་བླང་དུ་རུང་ངམ་
[173b.5]མི་རུང་ཞེ་ན། ཆོ་ག་འདི་ལྡོམ་བར་བྱ་ཞེས་པ་ཡིན་ཏེ་དད་པ་དང་ཡོངས་སུ་དད་#པ་ཕུལ་ན་དགེ་འདུན་གྱིས་དེ་ལོང་ཤིག་པའོ། །སྡེ་སྡེའི་དད་པ་ལ་སོགས་པ་#བསྲུལ་ཏེ་ལས་བྱ་བ་མི་རིགས་མ་ཡིན་ཞེས་པ་ནི་དགེ་འདུན་མཚམས་གཅིག་གི་ནང་ན་སྡེ་སྡེར་བཅད་ཅིང་ལས་བྱེད་ན། དེ་དག་
[173b.6]གི་དད་པ་དང་། ཡོངས་སུ་དག་པ་ཕན་ཚུན་དུ་བསྲུལ་ཏེ་ལས་བྱས་ན་ཡང་མི་རུང་བ་མེད་པར་སྟོན་པའོ། །ཚིག་ཅིག་ཅར་དུ་བརྩམས་ལ་མཉམ་དུ་བརྗོད་ནའོ་ཞེས་པ་ནི་དད་པ་འབུལ་བ་དང་ཡོངས་སུ་#དག་པ་ཅིག་ཅར་དུ་བརྗོད་པ་དང་ཁར་བ་དང་དྲ་བའི་སྡོམ་པ་གཅིག་ཏུ་དབོག་ཏུ་རུང་བར་སྟོན་པའོ། །
[173b.7]གཅིག་པར་#དུ་མའི་བླངས་ན་རུང་ཞེས་པ་ནི་#དགེ་སློང་གཅིག་ཅིག་གིས་གང་ཟག་དུ་མའི་དད་པ་བླང་དུ་རུང་བར་སྟོན་པའོ། །དུ་ཙམ་བླང་དུ་རུང་ཞེ་ན། འདིར་འཐོན་ནུས་པའི་དྲོད་ཀྱིས་གཟུང་ཞེས་པ་ནི་དགེ་སློང་དུའི་དད་པ་འབུལ་ནུས་པ་དེའི་དྲོད་ཀྱིས་གཟུང་གི་གྲངས་ཆད་པ་མེད་པའོ། །དེ་འབུལ་
[174a]
[174a.1]མི་ནུས་ན་ཇི་ལྟར་བྱས་ཀྱང་འགྲུབ་ཅེས་པ་ནི་ནད་པ་ལྟ་བུས་དད་པ་འབུལ་བ་ནི་ཚིག་མ་རྫོགས་ཀྱང་བླ་བ་སྟེ་ཇི་ལྟར་ཕུལ་ཡང་རུང་བའོ། །ལུས་ཀྱིས་#ཀྱང་ངོ་ཞེས་པ་ནི་ལག་བརྡའམ་མགོ་འཚོག་པ་ཙམ་གྱིས་ཀྱང་དད་པ་ཕུལ་བར་ཆུད་པའོ། །ཇི་ལྟར་ཡང་མ་ནུས་ན་དགེ་འདུན་དེར་
[174a.2]འདོང་བའམ་དེ་ཁྱོགས་ལ་བླང་ངོ་ཞེས་པ་ནི་དད་པ་དེ་ལག་བརྡའམ་མགོ་འཆོག་པ་ཙམ་ཡང་མི་ནུས་ན་དགེ་འདུན་ཉིད་དེར་དོང་ལ་#གསོ་སྦྱིན་གྱི་གནས་སུ་ཁྱོགས་ལ་བླང་བ་ཅིག་གྱིས་ཤིག་པའོ། །འདི་དག་ཁྱེར་ལ་མི་རྒྱུག་ཅེས་པ་དང་། དྲག་ཤུལ་མི་བྱ་མི་མཆོང་#ཞེས་པ་དང་། ཕྱི་རོལ་དུ་མི་
[174a.3]བརྒལ་ཞེས་པ་དང་། རྐང་བཞག་དུ་མ་ཡིན་ཞེས་པ་དང་། ནམ་མཁའ་#ལ་མི་འདུག་ཅེས་པ་དང་། ཕྱི་རོལ་ཀྱང་མ་ཡིན་ཞེས་པ་དང་། སྐས་ཀྱི་ཐེམ་པ་བཀོལ་#ཞིང་མི་བརྒལ་ཞེས་པ་དང་། ཐེམ་སྐས་ཀྱང་མ་ཡིན་ཞེས་པ་དང་། ཆུ་མགྲིན་#པ་ནུབ་པར་མི་འབོག་ཅེས་པ་དང་། གཉིད་དང་
[174a.4]མཉམ་པར་འཇོག་པ་མི་བྱ་ཞེས་པ་རྣམས་ནི་དད་པ་བླངས་ནས་མིང་གིས་སྨོས་པ་འདི་དག་ལྟར་མ་བྱེད་ཅིག་པའོ། །གཡེང་#བ་མི་སྨོད་#པ་མ་ཡིན་ཞེས་པ་ནི་ཚུལ་ཁྲིམས་ལ་གཡེལ་བའམ་དད་པ་བླངས་ནས་གོང་དུ་སྨོས་པ་རྣམས་ལྟར་བྱེད་ན་དགེ་འདུན་གྱིས་སྨོད་ཅིག་པའོ། །དད་པ་བླངས་ནས་སུ་ལ་དབུལ་
[174a.5]ཞེ་ན། དགེ་སློང་ལ་བསྙད་ཅེས་པ་ནི་དད་པ་བླངས་ནས་དགེ་སློང་ལ་ཕུལ་ཅིག་པའོ། །དགེ་འདུན་ལའོ་ཞེས་ཁ་ཅིག་ཞེས་པ་ནི་དད་པ་བླངས་པ་དགེ་འདུན་ལ་དབུལ་དགོས་སོ་ཞེས་པར་སློབ་དཔོན་ཁ་ཅིག་འཆད་པར་སྟོན་པའོ། །དད་པ་དབུལ་བའི་ཚིག་ཏུ་ཇི་སྐད་དུ་བྱ་ཞེ་ན། བཙུན་པ་དག་དགོངས་
[174a.6]ཤིག་ཅེས་བརྩམས་ཞེས་པ་ཡིན་ཏེ་དད་པ་དབུལ་བའི་ཚིག་གི་མགོ་ན་ན་འདི་སྐད་དུ་གྱིས་ཤིག་པའོ། །དགེ་འདུན་གྱི་ནང་དུ་མ་ཕྱིན་པར་དུས་བྱས་སམ་ཁྱིམ་པ་ལ་སོགས་པར་ཁས་བླངས་པ་མ་ཡིན་ཞེས་པ་ནི་དད་པ་བླངས་ནས་དགེ་འདུན་གྱི་ནང་དུ་མ་ཕྱིན་པའི་བར་མ་དོར་ཤི་འམ་ཁྱིམ་པར་བབས་ན།
[174a.7]དད་པ་བླངས་པར་མི་ཆུད་པར་སྟོན་པའོ། །ཕྱི་ནས་བླངས་པའོ་ཞེས་པ་ནི་དགེ་འདུན་གྱི་ནང་དུ་ཕྱིན་ནས་ཤི་བ་ལ་སོགས་པ་གོང་མ་རྣམས་ལྟར་གྱུར་ན་ནི་དད་པ་བླངས་པར་ཆུད་པར་སྟོན་པའོ། །བཅོ་ལྔའི་ཚེ་གཞན་གྱིས་དགེ་སློང་བཟུང་ན་དགེ་སློང་འདི་ངེད་དང་ཚངས་པ་#མཚུངས་པར་སྤྱོད་པ་ཡིན་
[174b]
[174b.1]གྱིས་ཐོང་ཤིག་ཅེས་དེ་ལ་བྱས་#ཞེས་པ་ནི་གསོ་སྦྱིན་གྱི་ཚེ་དགེ་སློང་ཕ་རོལ་གྱིས་ཟིན་ན་སྙད་འདི་སྐད་དུ་གྱིས་ལ་མ་བཏང་ཤིག་པའོ། །མ་བཏང་ན་འདི་ངེད་ཅག་#དང་བྱ་བ་ཅུང་ཟད་ཡོད་ཀྱིས་ཞེས་སྔ་མ་དང་བཅས་པར་རོ་ཞེས་པ་ནི་དོན་ཆེད་འདི་ལྟ་བུ་ཞིག་ཡོད་ཀྱིས་ཞེས་ཇིར་དགོངས་པའི་དམིགས་སྟོན་
[174b.2]ལ་སཱུ་ཏྲ་གོང་དུ་སྨོས་པའི་ཚིག་དང་བཅས་ཏེ་སྨོས་ལ་མ་བཀྲི་ཤིག་པའོ། །འོན་ཀྱང་#འགེན་ཕག་ཏུ་བྱ་ཞེས་པ་ནི་དེ་ལྟར་བྱས་ཏེའང་འཕྲིགས་#ན་འགེན་ཕག་གི་གནས་སུ་དེང་ལ་གསོ་སྦྱིན་ལ་སོགས་པའི་ལས་གྱིས་ཤིག་པའོ། །ཟིན་ནས་ཀྱང་འདི་གཏོང་བའི་ཕྱིར་དྲིང་ཞེས་པ་ནི་གསོ་སྦྱིན་ལ་
[174b.3]སོགས་པའི་ལས་ཟིན་ནས། དགེ་སློང་གཞན་གྱིས་#ཁྲིད་པ་དེའི་དང་རོགས་གྱིས་ཤིག་པའོ། །གཙོམ་ཚོར་ན་མི་དུ་མ་ངར་འགྱུར་ཞེས་པ་ནི་དགེ་འདུན་གསོ་སྦྱིན་བྱེད་པའི་ཚེ་ཕྱི་རོལ་ནས་གསེག་ཤང་ལ་སོགས་པའི་སྒྲ་གྲག་གམ་དགེ་སློང་འགའ་ཞིག་འོང་བའི་གཙོམ་ཚོར་ན། དགེ་འདུན་
[174b.4]གྱི་ལས་དེ་སྐལ་#ཅིག་མི་འགྲུབ་པར་སྟོན་པའོ། །ཐ་དད་ཀྱང་བླ་བར་བསམས་ཏེ་ལས་བྱས་ན་སྤོམ་པོའོ་ཞེས་པ་ནི་དགེ་སློང་ཁ་ཅིག་མ་འོངས་ཤིང་དད་པ་མ་བླངས་པར་ཤེས་བཞིན་དུ་སོ་སོར་དགའ་བས་གུད་དུ་ལས་བྱས་ན་སྤོམ་པོར་འགྱུར་བའོ། །ཐེ་ཚོམ་མམ་ངེས་པར་དབགས་ན་ཉེས་
[174b.5]པར་མི་འགྱུར་བ་མ་ཡིན་ཞེས་པ་ནི་བསླབ་པ་གང་ཡང་#རུང་སྟེ་རུང་ངམ་མི་རུང་སྙམ་དུ་ཐེ་ཚོམ་ཡོད་བཞིན་པའམ། མི་རུང་བར་ཤེས་བཞིན་དུ་བྱས་ན་ཉེས་པར་མི་འགྱུར་བ་མ་ཡིན་པར་སྟོན་པའོ། །འོལ་བྱི་མ་ཡིན་པར་སྙིང་ནས་བཙལ་ན་དག་པར་#བྱེད་ཅེས་པ་ནི་དགེ་སློང་གཞན་ནས་
[174b.6]བཙལ་ཏེ་མ་རྙེད་པའི་འོག་ཏུ་དགེ་སློང་འགའ་ཞིག་མཚམས་ཀྱི་ནང་ན་ལུས་པར་འགྱུར་ན་ཡང་། སྐལ་བའི་ཉེས་པ་མེད་པའོ། །བཙལ་ཞིང་བོད་པ་དང་སྣང་ཡེལ་ཅན་ནས་བལྟས་ནའོ་ཞེས་པ་ནི་ཐབས་འདི་དག་ལྟར་བཙལ་ན་གདོང་སྙིང་ནས་བཙལ་བ་ཡིན་བར་སྟོན་པའོ། །གསོ་སྦྱིན་#གྱི་
[174b.7]དངོས་བོ་འདུ་བར་གཏོགས་པའོ།། །།ད་ནི་འདུ་བའི་གསོ་སྦྱིན་ཉིད་ཇི་ལྟར་བྱ་བ་སྟོན་ཏེ། ཟླ་བ་ཕྱེད་ཕྱེད་ཅིང་བཅོ་ལྔའི་གསོ་སྦྱིན་སོ་སོར་ཐར་པ་གདོན་པར་#བྱ་ཞེས་པ་ནི་ཟླ་བ་ཕྱེད་ཕྱེད་ཅིང་སོ་སོར་ཐར་པ་འདོན་#བའི་གསོ་སྦྱིན་གྱིས་ཤིག་པའོ། །འབྱུང་བ་ན་འདི་མ་གྲུབ་པ་མ་ཡིན་ཞེས་པ་ནི་ཚུལ་
[175a]
[175a.1]ནས་འབྱུང་བའི་ཚེ་ཚུལ་ནས་འབྱུང་བ་ཉིད་ཀྱིས་#གསོ་སྦྱིན་དུ་འགྱུར་བའི་ཕྱིར་གུད་དུ་གསོ་སྦྱིན་བྱ་མི་དགོས་པའོ། །གསོལ་པ་དང་གླན་ནན་དང་པོར་བརྩམས་#ལ་གདོན་ཅེས་པ་ནི་དང་པོར་དགེ་འདུན་གོ་བར་བྱ་བ་དང་། བདག་ཅག་གསོ་སྦྱིན་བྱས། སུ་ལ་ཉེས་པ་ཡོད་པ་ནི་#
[175a.2]མཐོལ་ཅིག ། མེད་པ་ནི་མ་སྨྲ་བར་འདུག་ཤིག ། མི་སྨྲ་ན་བདག་གིས་#དེ་བཞིན་དུ་འཛིན་ཏོ་ཞེས་པ་ལ་སོགས་པའི་གླན་ནན་ཇེ་སྨོས་པའི་འོག་ཏུ་གདོད་སོ་སོར་ཐར་པ་ལྷོགས་ཤིག་པའོ། །གླེང་གཞི་གདོན་པ་ནི་ཚིག་ཏུ་བསྙད་པས་འགྲུབ་ཅེས་པ་ནི་གླེང་གཞི་ནི་སྡན་ཆད་གསན་གྲང་ཞེས་ཁུངས་#དབྱུང་དུ་མི་#
[175a.3]བས་ན་གླེང་གཞི་ཉིད་ལྷོགས་ཤིག་པའོ། །གསོལ་བ་ཡང་ངོ་ཞེས་པ་ནི་དགེ་འདུན་ལ་བསྒོ་བ་ཡང་གོང་མ་དང་འདྲ་བར་ཚིག་ཏུ་ཕྱུང་ཤིག་པའོ། །ལྷག་མ་རྣམས་ནི་གསན་གྲང་ཞེས་བསྒོ་བ་བྱས་ཀྱང་ངོ་ཞེས་པ་ནི་གླེང་གཞི་དང་ལ་སོགས་པ་མ་གཏོགས་པར་ཕས་ཕམ་པ་ལ་སོགས་པ་ནི་གཞན་ནི་
[175a.4]སྡན་ཆད་གསན་གྲང་#ཞེས་ཁུངས་ཕྱུང་ཡང་བླ་བར་སྟོན་པའོ། །སྡེ་ནི་བརྟུལ་ན་རྫོགས་པར་རོ་ཞེས་པ་ནི་ལྟུང་བ་སྡེ་ལྔ་གང་ལ་བབ་པ་དེའི་ཚིག་ཁ་ཅིག་བསྙད་ཟིན་ཏེ་བརྟུལ་ན་ཐལ་བྱུང་མཇུག་ཏུ་ཕྱུང་ཤིག་པའོ། །གཞི་ཆ་ལ་ཐུག་#ན་མཐའ་སྟགས་སོ་ཞེས་པ་ནི་སོ་སོར་ཐར་པའི་གཞི་#གསུམ་ཐལ་ཕན་
[175a.5]ཆད་ནི་གསན་གྲང་#ཞེས་བྱ་བར་མི་རུང་གི་ཐལ་བྱུང་མཇུག་ཏུ་ཕྱིན་པར་གྱིས་ཤིག་པའོ། །འདིར་ཟླ་བ་ཕྱེད་ཀྱི་ཚེ་ཚུལ་རྗེས་སུ་བརྟག་ཅེས་པ་ནི་ཟླ་བ་ཕྱེད་ཀྱི་ཚེ་བདག་གི་ཉེས་པ་ཞིག་#ཏུ་སོམས་ཤིག་པའོ། །འདུར་ཆ་བ་ནས་སོ་ཞེས་པ་ནི་དགེ་འདུན་མ་འདུས་པའི་སྔ་རོལ་#ནས་གོང་མ་ལྟར་གྱིས་ཤིག་པའོ། །
[175a.6]ཀུན་ཏུའང་རྗེས་ཆོད་ན་གཉེན་པོ་བྱས་ཏེ་འདུ་ཞེས་པ་ནི་ལས་གང་བྱེད་ཀྱང་རུང་སྟེ། བདག་གིས་ཉེས་པར་ཚོར་བ་རྣམས་བཤགས་ཤིང་བྱིན་གྱིས་བརླབ་#པའི་གཉེན་པོ་བྱས་ན་གདོད་དགེ་འདུན་གྱི་ནང་དུ་#འདུས་ཤིག་པའོ། །བཀད་ནས་དྲན་ནམ་ཐེ་ཚོམ་ན་གནན་པོ་ལ་#བྱིན་གྱིས་བརླབ་#ཅེས་པ་ནི་དགེ་འདུན་
[175a.7]གྱི་ནང་དུ་འདུས་ཏེ་བཀད་ནས་ཉེས་བྱུང་བར་གསལ་པོར་དྲན་ནས་ཐེ་ཚོམ་ཡོད་ན་ཐད་ན་འདུག་པའི་དགེ་སློང་ལ་བྱིན་གྱིས་རློབས་#ཤིག་པའོ། །ལས་བྱེད་པ་ནི་སེམས་ཀྱིས་སོ་ཞེས་པ་ནི། སོ་སོར་ཐར་པ་འདོན་པས་དེ་ལྟར་དྲན་ན་ལན་ཅིག་སོམས་ལ་བྱིན་གྱིས་རློབས་ཤིག་པའོ། །བཅོ་ལྔའི་ཚེ་
[175b]
[175b.1]བདག་འབའ་ཞིག་དེ་དང་མི་ལྡན་པར་ཤེས་ན་གཅུགས་#པའི་ཡིད་བཞོ་ཞིང་དྲང་བར་བྱ་ཞེས་པ་ནི་དགེ་འདུན་སྤྱིས་སྨེལ་བདག་གཅིག་པུ་གཙང་ན་བདག་དང་གང་བཤེས་པའི་ཡིད་བཞོ་ཞིང་འཆགས་སུ་ཆུག་ཤིག་པའོ། །ཡིད་བཞོ་བའི་ཐབས་ཇི་ལྟར་བྱ་ན། ཚེ་དང་ལྡན་པ་གང་འདི་དང་འདི་ལྟ་བུ་དག་བྱེད་པ་
[175b.2]གོ་ཅིར་འགྱུར། ཉེས་པ་ཅན་མོད་ཅེ་ན། འོན་ཚེ་དང་ལྡན་པས་འདི་དང་འདི་ལྟ་བུ་དག་བྱས་ཤིང་། ཚེ་དང་ལྡན་པ་ཉེས་པ་ཅན་དུ་མ་གྱུར་ཏམ། ཚེ་དང་ལྡན་པ་དེ་ནི་ཁོ་བོ་ཉི་ཚེར་མ་ཟད་ཀྱི། དགེ་འདུན་ཐམས་ཅད་ཀྱིས་ཀྱང་བྱས་སོ་ཞེ་ན། ཚེ་དང་ལྡན་པ་དགེ་འདུན་ཐམས་ཅད་ལྟ་ཇི་བྱེད་པ་#བྱེད་དུ་ཟད་
[175b.3]ཀྱིས། ཉིད་ཀྱིས་ཉེས་པ་ཆོས་བཞིན་དུ་ཆོས་ཤིག་བཞོས་ཤིག་#མ་རྣམས་བྲང་#མིག་ལམ་དུ་བབ་པར་འཆགས་སུ་ཆུག་#ཅེས་པ་ཡིན་ཏེ་ཐབས་དང་སྙད་འདི་དག་ལྟར་གྱིས་ལ་འཆགས་སུ་ཆུག་#ཤིག་པའོ། །འདི་དག་མི་བཏུབ་པ་ལྟ་ན་མི་གླེང་ཞེས་པ་ནི་གོང་མ་ལྟར་བྱར་མི་བཏུབ་པ་ཙམ་གྱི་ཚོད་ན་
[175b.4]གཞི་#ལ་ཞོག་ཤིག་པའོ། །དགེ་འདུན་རིལ་གྱིས་སྨྱེ་བ་གསོ་སྦྱིན་ཇི་ལྟར་ཞེ་ན། གལ་ཏེ་བཅོ་ལྔའི་ཚེ་ཐམས་ཅད་ཉེས་པ་ཅན་དུ་ཤེས་སམ། ཐེ་ཚོམ་ན་བདག་ཅག་བཅོས་པའི་ཕྱིར་གནས་གཞན་དུ་བཤགས་#པ་ལེན་ཅིང་བསྒྲུབ་པ་བཏང་ཞེས་པ་ཡིན་ཏེ་ཐབས་དེ་བཞིན་དུ་དགེ་སློང་འགའ་གུད་དུ་
[175b.5]འཆགས་སུ་ཐོང་ལ་དེ་སླར་འཁོར་ན་དེ་ལ་ཀུན་གྱིས་ཤོག་ཤིག་པའོ། །མ་གྲུབ་ན་བྱིན་གྱིས་བརླབ་པའི་གསོལ་བ་ལ་གདུ་བར་བྱ་ཞེས་པ་ནི་གོང་མ་ལྟར་བྱར་ཡང་མ་གྲུབ་བྱིན་གྱིས་བརླབ་པ་ལ་ཡང་མ་གཡེལ་#ཅིག་པའོ། །བཞི་ཚུན་ཆད་འང་གཙུག་ལག་ཁང་གི་བྱ་བ་ནི་སོ་ནའོ་ཞེས་པ་ནི་
[175b.6]བཞི་ཚུན་ཆད་དེ་གསུམ་ཙམ་འཁོད་ན་ཡང་གཙུག་ལག་ཁང་གི་བྱི་བདར་ལ་སོགས་པ་འོག་ནས་འབྱུང་བ་རྣམས་གྱིས་ཤིག་པའོ། །བྱི་བདར་ཇི་ལྟར་བྱ་ཞེ་ན་སྟན་གདིང་བ་མི་བཏང་ཞེས་པ་དང་། ཕྱག་དར་ཆག་ཆག་ལྕི་བ་གསར་གྱིས་བྱུག་པར་བྱ་བ་དང་སེང་གེའི་སྟན་དང་སྟན་གདིང་
[175b.7]བ་དང་། མེ་མར་དང་། ཆོས་བསྟན་པ་བྱས་ཏེ་སྣང་ལེལ་ཆེ་བར་བྱུང་ལ་ཕྱོགས་བཞིར་བལྟ་ཞེས་པ་རྣམས་ཡིན་ནོ། །དགེ་སློང་འོང་བ་མཐོང་ན་ཀྱེ་ཚེ་དང་ལྡན་པ་དག་ངེད་དགེ་འདུན་གྱི་#བཅོ་ལྔའི་གསོ་སྦྱིན་ནམ་ཚུལ་ནས་བྱུང་#ལབ་ལ་བབ་ཀྱིས་མྱུར་དུ་རིངས་པར་ཤོག་ཤིག་ཅེས་བྱ་ཞེས་པ་ནི་དགེ་སློང་གུད་
[176a]
[176a.1]ནས་འོང་བ་མཐོང་ན་སྙད་#འདི་སྐད་དུ་གྱིས་ཤིག་པའོ། །བཞིར་མ་ཚང་ན་བྱིན་གྱིས་བརླབ་ཅེས་པ་ནི་བཞིར་མ་ཚང་ན་གསོ་སྦྱིན་བྱར་མེད་ཀྱི་བྱིན་གྱིས་རློབས་ཤིག་པའོ། །དུས་ཀྱི་བར་དུ་བསྡད་དེའོ་ཞེས་པ་ནི་སྐྱ་རེངས་སྔོན་པོ་ཤར་གྱི་བར་དུ་བསྡད་དེ་མེད་ན་གདོད་གོང་མ་ལྟར་གྱིས་ཤིག་པའོ། །
[176a.2]གཅིག་པོ་ན་འདུག་ནས་སོ་ཞེས་པ་ནི་དགེ་སློང་གཅིག་པོ་ཞིག་ན་འདུག་ལ་རྒྱུད་གསུམ་དང་བྱིན་བ་བཤད་པ་བྱས་ནས། དེང་དགེ་འདུན་གྱི་#བཅུ་བཞིའམ་བཅོ་ལྔའི་གསོ་སྦྱིན་ཏེ། བདག་མིང་འདི་ཞེས་བྱ་བའི་ཡང་བཅུ་བཞིའམ་བཅོ་ལྔའི་གསོ་སྦྱིན་ཡིན་བ་ལས་མ་ལྡན་པས་ན། ནམ་དགེ་འདུན་ལྡན་པའི་ཚེ་གསོ་
[176a.3]སྦྱིན་བྱའོ། །བདག་ལ་བར་ཆད་ཀྱི་ཆོས་རྣམས་ཀྱང་མེད་དེ་གཙང་ངོ་བར་ལྷ་རྣམས་ཀྱིས་ཀྱང་ཟུང་ཤིག་ཅེས་པ་ལ་སོགས་པ་སྙད་ཀར་དབྱུང་ཞིང་བྱིན་གྱིས་བརླབ་པ་གྱིས་ཤིག་བའོ། །གཞན་ཡོད་ན་དེའི་མདུན་#དུའོ་ཞེས་པ་ནི་ཟླ་ཡོད་ན་#ཟླའི་མདུན་དུ་གོང་#གོང་པོར་འདུག་ལ་བྱིན་གྱིས་རློབས་ཤིག་པའོ། །
[176a.4]གསུམ་ན་བཀད་དེའོ་ཞེས་པ་ནི་གསུམ་ཡོད་ན་བཀད་ལ་བྱིན་གྱིས་རློབས་ཤིག་པའོ། །འབྱུང་བ་ན་ཡང་དེ་བཞིན་དུ་བཞིས་སོ་ཞེས་པ་ནི་ཚུལ་ནས་འབྱུང་བའི་ཚེ་ཡང་བཞི་ལས་མེད་ན་བྱིན་གྱིས་རློབས་ཤིག་པའོ། །གནས་དེ་ནས་སོ་སོར་ཐར་པའི་མདོ་འདོན་པ་མེད་པར་ཤེས་ན་གསོ་སྦྱིན་ལ་མི་བསྡད་ཅེས་པ་ནི་སོ་
[176a.5]སོར་ཐར་པ་མི་འདོན་པའི་གནས་ན་གསོ་སྦྱིན་ལ་མ་སྡོད་#ཅིག་པའོ། །གང་དུ་འདི་ལས་འདའ་བ་དེར་ཚུལ་དུ་མི་འཇུག་ཅེས་པ་ནི་གང་ན་#གསོ་སྦྱིན་མི་བྱེད་པའི་གནས་དེར་ཚུལ་དུ་མ་འཇུག་ཤིག་པའོ། །ཕྱི་མ་ལས་སྔ་མའི་ཚུལ་དུ་ཞུགས་པ་མི་བསྲུང་ཞེས་པ་ནི་གསོ་སྦྱིན་མི་བྱེད་ན་ཚུལ་སྔ་མའང་དྲོལ་ཅིག་
[176a.6]པའོ། །དེ་ཡང་ཟླ་བ་གཉིས་ལས་ལྷག་པར་རོ་ཞེས་པ་ནི་ཚུལ་ཕྱི་མར་ཞུགས་ནའང་དེ་ལྟ་བུའི་ཚེ་ཟླ་བ་གཉིས་ཀ་ལས་གཞིར་མ་འདུག་ཤིག་པའོ། །གཞི་དེ་ནས་སོ་སོར་ཐར་པ་འདོན་པ་མེད་ན། གུད་ནས་གཉེར་བའི་ཐབས་ཇི་ལྟར་བྱ་ཞེ་ན་དངོས་པོ་ལས་རྙེད་པ་གཡོག་རྣམས་ཀུན་#སྦྱིན་པས་འདོན་པ་
[176a.7]བཙལ་ཞེས་པ་ཡིན་ཏེ་འདི་རྣམས་ཁུད་པར་སྦྱིན་པས་སོ་སོར་ཐར་པ་འདོན་པར་ཚོལ་ཅིག་པའོ། །དེ་ལ་དངོས་པོ་ཞེས་པ་ནི་གནས་སོ། །ལས་ཞེས་པ་ནི་ལས་སུ་མི་བསྐོ་བའོ། །རྙེད་པ་ཞེས་པ་ནི་གོས་དང་བསོད་སྙོམས་ལ་སོགས་པ་ལྷག་པར་སྦྱིན་པའོ། །གཡོག་ཅེས་པ་ནི་དངོས་སུ་
[176b]
[176b.1]ཟད། མདོ་འཛིན་པ་འོང་ན་གདུགས་དང་རྒྱལ་མཚན་དང་། བ་དན་ལ་སོགས་པས་བསུ་#ཞེས་པ་ནི་མདོ་སྡེ་འཛིན་པ་ལ་སོགས་པ་འོང་ན་ཐབས་འདི་ལྟར་བསུ་#ཤིག་པའོ། །འདུལ་བ་དང་མ་མོ་ཡང་ངོ་ཞེས་པ་ནི་འདུལ་བ་དང་མ་མོ་འཛིན་པ་འོང་ན་#གོང་མ་ལྟར་བསུ་#ཤིག་པའོ། །ཅི་ཙམ་དུ་བསུ་#ཞེ་ན། དཔག་
[176b.2]ཚད་ཕྱེད་དང་གསུམ་དུའོ་ཞེས་པ་ཡིན་ཏེ་ས་ཚོད་དུ་བསུ་#ཤིག་པའོ། །མ་ནུས་ན་རྒྱང་གྲགས་ལྔར་རོ་ཞེས་པ་དང་། གསུམ་མམ་དཔག་ཚད་ཕྱེད་དམ། རྒྱང་གྲགས་སམ་རྒྱང་གྲགས་ཕྱེད་དམ། དག་རར་ཡང་ངོ་ཞེས་པ་ཡིན་ཏེ་མ་ནུས་ན་འདི་ཙམ་དུའང་བསུ་#ཤིག་པའོ། །ཁ་གསག་གིས་བསུ་#ཞིང་ལྷུང་
[176b.3]བཟེད་དང་ཆོས་གོས་བླང་ཞེས་པ་ནི་དགེ་སློང་གུད་ནས་འོང་བ་ལ་མི་གསག་འདི་ལྟར་གྱིས་ཤིག་པའོ། །ཁྲུས་བྱ་ཞེས་པ་དང་། དགེ་འདུན་ཡང་ཐང་བསྐྱེད་ཅེས་པ་དང་། # ཆོས་བསྙད་པ་ཡང་ངོ་ཞེས་པ་རྣམས་#འདུལ་བ་འཛིན་པ་ལ་སོགས་པ་དགེ་སློང་གུད་ནས་འོང་བ་དེ་ལ་བསྟི་སྟང་དང་ཡོ་ལང་འདི་ལྟར་
[176b.4]གྱིས་ཤིག་པའོ། །དགེ་སློང་འགྲན་པ་ལ་འདི་སྟོན་པ་འཛིན་པ་ཞེས་བསྒོ་ཞེས་པ་འདུལ་བ་འཛིན་པ་དེ་ལ་ཁ་ཅིག་མ་གུས་ཤིང་འགྲན་བྱེད་པ་ཡོད་ན་སྙད་འདི་སྐད་དུ་བསྒོ་ཤིག་པའོ། །དེའི་ཉིན་པར་བདག་གི་#གནས་ན་གསོ་སྦྱིན་དང་ཚུལ་ནས་འབྱུང་བ་བྱེད་ན་མ་བྱས་བར་གུད་དུ་མི་འགྲོ་ཞེས་པ་ནི་
[176b.5]ཚུལ་ནས་འབྱུང་#བ་དང་། གསོ་སྦྱིན་བྱེད་པའི་ཉིན་བར་དེ་དག་མ་བྱས་པར་ལམ་དུ་མ་འཇུག་ཤིག་པའོ། །དེ་ལྟ་བུ་#རྙེད་དམ་འཐབ་ཀྲོལ་ཅན་ལས་ཐར་རམ། ཚུལ་དམ་པ་ཅན་དང་ཕྲད་པའི་དོ་གལ་མ་ཡིན་ནའོ་ཞེས་པ་ནི་མིང་གིས་སྨོས་བ་འདི་དག་ལྟ་བུའི་རྐྱེན་ཡོད་ན་ནི་དེའི་ཉིན་པར་གུད་དུ་སོང་
[176b.6]བླ་བ་སྟེ་དེ་ལྟ་#རྙེད་ཅེས་པ་ནི་#གསོ་སྦྱིན་དང་ཚུལ་ནས་འབྱུང་#བ་གུད་དུའང་རྙེད་པའོ། །འཐབ་ཀྲོལ་ཚན་#ལས་མཐར་ཞེས་པ་ནི་འདི་ལྟ་བུ་ལས་བྱོལ་#བའོ། །ཚུལ་དམ་པ་ཅན་དང་ཕྲད་ཅེས་པ་ནི་མཁས་ཤིང་དགེ་བའི་དགེ་སློང་དང་ཕྲད་#ནའོ། །དགེ་སློང་ཚུལ་དམ་པ་ཅན་གྱི་ཐད་ནས་དགེ་སློང་
[176b.7]འཐབ་ཀྲོལ་ཅན་གྱི་ནང་དུ་མི་འགྲོ་ཞེས་པ་དང་། གྲོགས་མེད་དམ་བརྟད་པའི་རྐྱེན་མེད་དམ་ལུས་དང་#སེམས་བག་ཡངས་པའི་སེམས་ཀྱིས་#མ་ཡིན་བར་དགེ་སློང་ཡོད་པ་ནས་དགེ་སློང་#མེད་པར་མི་འགྲོ་ཞེས་པ་ནི་རྐྱེན་འདི་དག་ལྟ་བུས་མ་ཐེབས་ན་དགེ་སློང་དང་གསོ་སྦྱིན་མེད་པའི་གནས་སུ་མ་འགྲོ་ཤིག་
[177a]
[177a.1]པའོ། །གསོ་སྦྱིན་དང་ཚུལ་ནས་འབྱུང་བ་མ་ཟིན་པར་གནས་པ་འགྲོར་མི་གནང་ཞེས་པ་ནི་འདི་དག་མ་ཟིན་པར་དེའི་ཁར་བབ་པའི་ཉིན་པར་སློབ་མའམ་ཉེ་གནས་གུད་དུ་མ་དགྱེ་ཤིག་པའོ། །རྐྱེན་དེ་དང་འདྲ་བ་ཞིག་ན་དམ་པའི་ཚུལ་དང་སྟོན་པར་ལྡན་པའི་གནས་བསྟན་ཅིང་དེར་དགོངས་སུ་
[177a.2]གཞུག་ཅེས་པ་ནི་སློབ་མའམ་ཉེ་གནས་#དེ་གུད་དུ་མི་འགྲོར་མི་རུང་ན། དགེ་ཚུལ་དམ་པ་དང་ལྡན་པ་དང་གནས་བཟང་པོ་གང་ན་ཡོད་པ་དེར་དྲོ་དགོངས་དང་གཞི་འདེབས་པར་#ཐོང་ཤིག་པའོ། །དེའི་#སྨྲས་པ་ལས་མི་འགལ་ཞེས་པ་ནི་མཁན་པོའམ་སློབ་དཔོན་གྱིས་གཏམས་པ་དེ་བཞིན་དུ་དེས་གྱིས་ཤིག་པའོ། །
[177a.3]ཕྱིས་འོངས་པ་#ཕྱིར་འདི་གཉིས་སླར་བསླས་#སུ་རུང་ཞེས་པ་ནི་གསོ་སྦྱིན་དང་ཚུལ་ནས་འབྱུང་བའི་དགེ་སློང་ཕྱིས་ལྷགས་#པའི་ངོར་བསླས་ཀྱང་བླ་བའོ། །མི་བསླས་#སུ་ཡང་མི་རུང་ངམ་ཞེ་ན། ཡང་དག་པར་བྱས་ན་གར་དགར་ཟད་དོ་ཞེས་པ་ཡིན་ཏེ་ལས་#སྔ་མ་ལས་ལེགས་པར་བྱས་ན་ཇི་དགར་ཟད་པའོ། །ཚུངས་
[177a.4]པར་སྤྱོད་པ་ཡང་ངོ་ཞེས་པ་ནི་གཞི་བར་འདྲ་ལ་གོང་མ་ལྟར་སྔ་ཕྱི་ཁྱེར་རམ། འགྲོན་#པར་འདྲ་ལ་གོང་མ་ལྟར་སྔ་ཕྱི་#ཁྱེར་ཡང་སླར་#བསླས་སུ་རུང་བར་སྟོན་པའོ། །ཅིག་ཤོས་པོས་མཐུན་པ་གསལ་#ཞེས་པ་ནི་ཕྱིས་འོངས་པ་དག་གིས་སྔ་མ་རྣམས་འདུ་བར་གསོལ་ཅིག་པའོ། །མ་བཏུབ་ན་མཚམས་གཞན་དུ་
[177a.5]བྱ་ཞེས་པ་ནི་གོང་མ་ལྟར་གསོལ་ཏེ། འདུར་མ་བཏུབ་ན་གུད་དུ་དེང་ལ་གསོ་སྦྱིན་གྱིས་ཤིག་པའོ། །བྱེད་པའི་ཚེ་འོངས་ཏེ་ལྷག་མ་མྱོང་ན་ཡང་འགྲུབ་ཅེས་པ་ནི་གསོ་སྦྱིན་དང་ཚུལ་ནས་འབྱུང་བ་བྱེད་པའི་ཚེ་འོངས་ཏེ་ལས་ཀྱི་མཇུག་མྱོང་ཞིང་ཐོས་ན་ཡང་བདག་གིས་གསོ་སྦྱིན་དང་ཚུལ་ནས་འབྱུང་པའམ་#
[177a.6]འགྲུབ་པར་སྟོན་པའོ། །གནས་དེ་ནས་སུ་ཡང་མ་གྱེས་ན་གདོན་མི་ཟ་བར་རོ་ཞེས་པ་ནི་སྔ་མ་གསོ་སྦྱིན་བྱེད་པ་སུ་ཡང་མ་གྱེས་པར་ཕྱི་མས་རྫིས་ན་གདོན་མི་ཟ་བར་བསླས་དགོས་པའོ། །ལྷགས་#པ་ཕལ་ཆེ་ནའོ་ཞེས་པ་ནི་ཕྱིས་ལྷགས་པ་ཕལ་ཆེ་ན་ཡང་གདོན་མི་ཟ་བར་བསླས་དགོས་པའོ། །དུས་ཀྱི་
[177a.7]ཕྱིར་ནི་མང་བ་བརྩན་ནོ་ཞེས་པ་ནི་གསོ་སྦྱིན་གྱི་ཚེ་ཚེས་གྲངས་ལ་ཁས་#དུམ་ན་གང་མང་བ་བརྩན་པར་གྱིས་ཤིག་པའོ། །མཉམ་ན་#གཞི་བའོ་ཞེས་པ་ནི་གྲངས་མཉམ་ན་#གཞི་བ་བརྩན་པར་གྱིས་ཤིག་པའོ། །འདིར་ཡང་ངོ་ཞེས་པ་ནི་མང་བ་#བརྩན་བ་འམ་གཞི་#བརྩན་པར་བྱ་བ་གྱི་ན་འམ་འོལ་བྱིར་#མ་
[177b]
[177b.1]ཡིན་གྱི་གདོན་མི་ཟ་བར་དེ་བཞིན་དུ་གྱིས་ཤིག་པའོ། །གསོ་སྦྱིན་གྱི་ཆོ་གར་གཏོགས་པའོ།། །།ད་ནི་རྣམ་པར་འབྱེད་པ་དང་ཕྲན་ཚེགས་ལ་སོགས་པ་ལས་ཀྱི་དངོས་པོར་གཏོགས་པ་རྣམས་བསྡུས་ཏེ་སྟོན་པ་ནི། ཏིང་ངེ་འཛིན་ལས་མི་བསླང་#ཞེས་པ་ལ་སོགས་པ་ཡིན་ཏེ། དགེ་སློང་བསམ་གཏན་བྱེད་
[177b.2]པ་ལ་ཁོ་ན་ཉིད་ཀྱི་ཆེད་#ཀྱང་རུང་གཞན་གྱི་ཆེད་ཀྱང་རུང་སྟེ་བྱེད་པའི་མོད་ལ་མ་སློང་ཤིག་པའོ། །ལུང་མེད་པར་མི་བསྒོམ་ཞེས་པ་ནི་ལམ་བསྟན་གླེང་བ་ལ་གསུངས་པ་བཞིན་དུ། ལུང་འབོགས་#པ་མེད་པར་མ་བསྒོམ་ཤིག་པའོ། །བུམ་པ་དང་ཕོ་ལོང་བཤམས་#པའི་རིགས་སོ་ཞེས་པ་ནི་གོང་དུ་
[177b.3]བཤད་པ་ལྟ་བུ་ཉིད་ཀྱི་གཉེན་པོ་བྱ་བའི་རིགས་#པར་སྟོན་པའོ། །བརྩོན་འགྲུས་མི་ཀློད་#ཅེས་པ་ནི་དགེ་བ་ཇི་བརྩམས་#པའི་བརྩོན་འགྲུས་མི་ཀློད་#པར་གྱིས་ཤིག་པའོ། །འདི་མདོ་ལས་འབྱུང་བ་བཞིན་དུའོ་ཞེས་པ་ནི་རྣལ་འབྱོར་པས་ཉིན་མཚན་ཐུན་དུ་བཀླག་#ཅིང་བརྩོན་འགྲུས་ཀྱི་ཡན་ལག་རྒྱས་
[177b.4]པར་བཤད་པ་བཞིན་དུ་རིག་པར་གྱིས་ཤིག་པའོ། །སེམས་དང་ཡན་ལག་དང་གོས་བཙུམས་ལ་ཉལ་བར་བྱ་ཞེས་པ་ནི་ཉལ་བའི་ཚེ་ན་ཡང་བགྲང་#ཅིང་མ་བཞག་པར་གོས་ཡན་ཆད་བསྡུས་ཤིང་སུམས་#ལ་ཉོལ་ཅིག་པའོ། །ཉིན་པར་ནད་པ་མ་ཡིན་པར་མི་#ཉལ་ཞེས་པ་དང་། རྐེད་པ་ན་བས་
[177b.5]པུས་འཁྱུད་#བཅང་ཞེས་པ་ནི་རྒྱབ་དང་རྐེད་པ་ན་བས་པུས་འཁྱུད་ཆོང་#ཤིག་པའོ། །ནད་པ་མ་ཡིན་པས་ཉལ་བར་མི་བྱ་བ་སྟེ་ཚ་བའི་#དུས་དང་། གཉིད་ཀྱི་སྙོམ་#པ་སེལ་བ་ནི་ཉེས་མེད། མདོ་ལས། ཕྱི་རོལ་ཡིད་ལ་མི་བྱེད་པ་དང་མ་ཡེངས་པ་དང་གསལ་ཞིང་དྲང་#བ་དང་། དབང་པོ་སྡུད་#དེ་
[177b.6]བཅག་ཅེས་པ་དང་། མི་ནུས་ན་ཐིག་དྲང་ཞེས་པ་དང་། ཁ་ཏོན་པའི་འཆག་#ས་ནི་ཁྲུ་བཅུ་གཉིས་ཞེས་པ་དང་། སྤོང་བ་པའི་ནི་ཁྲུ་བཅོ་བརྒྱད་ཅེས་#དང་། འདིའང་ཐིག་བཏབ་ལ་བྱ་ཞེས་པ་ནི་སྤོང་བ་ལ་སོགས་པས་འདི་ལྟར་གྱིས་ཤིག་པ་སྟེ་དེ་ལ་ཕྱི་རོལ་ཡིད་ལ་མི་བྱེད་ཅེས་པ་ནི་སེམས་
[177b.7]ཡུལ་ལ་མ་ཡེངས་པའོ། །མ་ཡེངས་པ་དངོས་སུ་ཟད། གསལ་ཞེས་པ་ནི་སེམས་དང་ཉམས་གསལ་#བའོ། །དྲང་ཞེས་པ་ནི་མི་འགྱུར་བར་#བཅག་པའོ། །དབང་པོ་ནང་དུ་སྡུད་ཅེས་པ་ནི་མིག་དང་རྣ་བ་ལ་སོགས་པ་གྱ་ཚོམ་དུ་མི་བཏང་བར་བསྡུས་པའོ། །དགེ་སློང་གིས་#འདུག་ལ་ཆོས་བཤད་
[178a]
[178a.1]ཅེས་པ་འགྲོན་#པ་ཐུག་ཕྲད་ཀྱིས་#གཏམ་ཟེར་བ་ལྟ་བུ་འགྲེང་ཞིང་མི་འཆད་པར་འདུག་ལ་ཤོད་ཅིག་པའོ། །དུ་མ་ན་ཡང་གཅིག་གིས་སོ་ཞེས་པ་ནི་འཆད་ནུས་པའི་འོས་དུ་མ་ཞིག་ཡོད་ན་ཡང་#གཅིག་གིས་ཤོད་ཅིག་པའོ། །སུ་ཡང་རུང་ཞེས་པ་ནི་དུ་མ་འཁོད་པ་ལ་གང་གིས་བཤད་ཀྱང་
[178a.2]རུང་བར་སྟོན་པའོ། །དེའི་ངོར་བོས་པ་མ་ཡིན་ན་མ་གསོལ་བར་མ་ཡིན་ཞེས་པ་ནི་དགེ་སློང་འགའ་ཞིག་གི་ངོར་དགེ་འདུན་སྤྱན་དྲངས་པའི་ཚེ་དེས་མ་གསོལ་བར་བཤད་ཀྱང་བླའི་དེ་ལྟ་བུའི་མ་ཡིན་བར་ཕས་མ་གསོལ་ཏམ་མ་གླེངས་པར་#ཆུས་བབ་བབ་དུ་མ་འཆད་ཅིག་པའོ། །འགེན་ཕག་ཏུ་མ་ཡིན་ཞེས་པ་ནི་
[178a.3]མི་ཕལ་འཁོད་པའི་ནང་ནས་སྡེ་སྡེར་བཅད་ཅིང་སོ་སོར་འཆད་པར་མ་བྱེད་ཅིག་པའོ། །ཕྱེད་#ཤས་སུ་མ་ཡིན་ཞེས་པ་ནི་ཆོས་འཆད་པའི་འཁོར་གཅིག་ལ་བཤད་པ་ཁ་གཉིས་སུ་མ་བྱེད་ཅིག་པའོ། །གཉིས་ལྷན་ཅིག་དུ་མ་ཡིན་ཞེས་པ་ནི་མི་གཉིས་ཅིག་ཅར་ཁ་བསྟམས་#ཏེ་མ་འཆད་ཅིག་པའོ། །རྒན་གྲལ་ནས་སོ་
[178a.4]ཞེས་པ་ནི་འཆད་པའི་གྲལ་རྒན་རབས་ཀྱི་གོ་ནས་ཤོད་ཅིག་པའོ། །ཕལ་ཆེ་ན་གཉིས་གསུམ་གོ་བཞག་ནས་སོ་ཞེས་པ་ནི་རྒན་རབས་མང་པོ་#ཞིག་འཁོད་ན་གོང་དུ་གཉིས་གསུམ་ཙམ་བཞག་པའི་འོག་ཏུ་འདུག་ལ་ཤོད་ཅིག་པའོ། །ཐམས་ཅད་ཀྱིས་#དེ་ལྟའམ་ཞེ་ན། གོ་དེ་ན་མེད་ནའོ་ཞེས་པ་ཡིན་ཏེ་གྲལ་རིམས་ཀྱིས་དེར་
[178a.5]མི་བབ་པ་ཞིག་ན་གདོད་དེ་ལྟར་གྱིས་ཤིག་པའོ། །སེང་གེའི་སྟན་ལ་#ཡང་ངོ་ཞེས་པ་ནི་ཆོས་འཆད་པའི་སེང་གེའི་སྟན་ལ་འདུག་སྟེ་#ཤོད་ཅིག་པའོ། །མཆིལ་སྣོད་གཞག་ཅེས་པ་དང་འདིར་གཞི་གདིང་ཞེས་པ་དང་། བྱེ་མ་ལས་མ་ཐལ་#བའོ་ཞེས་པ་དང་། དུས་དུས་སུ་བཀྲུ་ཞེས་པ་དང་#ཆོས་འཆད་པའི་
[178a.6]མཆིལ་#སྣོད་འདི་ལྟ་བུ་གྱིས་ཤིག་པའོ། །མཚན་མོ་ཆོས་བསྒྲག་#པར་བྱ་ཞེས་པ་དང་། ཚེས་བརྒྱད་དམ་བཅུ་བཞིའམ་བཅོ་ལྔའོ་ཞེས་པ་ནི་ཚེས་གྲངས་འདི་དག་ཡལ་ནངས་སུ་ཆོས་བསྒྲགས་པར་གྱིས་ཤིག་པའོ། །ནད་པས་འདི་མ་བྱས་བླ་ཞེས་པ་ནི་ནད་པས་ནི་ཆོས་བསྒྲགས་པ་མ་བྱས་ཀྱང་བླ་
[178a.7]བའོ། །འདི་བཤད་པའི་ཕྱིར་བསྐུལ་ན་ཁས་མི་བླང་བ་མ་ཡིན་ཞེས་པ་ནི་ཁང་སྐྱོང་བ་ལྟ་བུ་ལ་སོགས་པས་ཆོས་བཤད་པར་བསྐུལ་ན་རང་རེད་#མ་བྱེད་པར་ཁས་ལོངས་#ཤིག་པའོ། །མི་ནུས་པ་ལ་སོགས་པ་ཞིག་ན་བསྒོ་བ་ལས་བཤགས་#ཞེས་པ་ནི་བདག་བྲེལ་ཏམ་མི་ནུས་པ་ལ་སོགས་པའི་རྐྱེན་
[178b]
[178b.1]ཅིག་ཡོད་ན། ཁང་སྐྱོང་ལྟ་བུ་ལ་སོགས་པས་བསྒོ་བ་ལ་ཤད་ཀྱིས་#འབྱོང་ཤིག་པའོ། །འཆད་པ་ནི་#རེས་སུ་བཀླག་#ཅིང་འཆད་དུ་གཞུག་ཅེས་པ་ནི་གཅིག་གིས་འཆད་མི་ནུས་ན་རེས་སུ་ལྷོགས་ལ་ཤོད་ཅིག་པའོ། །མཐར་#ན་ཚིགས་བཅད་རེ་རེ་ཡང་ངོ་ཞེས་པ་ནི་ཚིགས་བཅད་རེ་རེ་ཙམ་གྱི་ཚོད་བཤད་
[178b.2]ནུས་ན་ཡང་རེས་སུ་ལྷོགས་ཤིག་པའོ། །འདིར་མེ་མར་བུད་ཅེས་པ་དང་། མཐོངས་སུ་ཆོས་མཉན་བའི་གྲལ་ཟླ་གམ་མམ་རྫིང་བུ་ལྟར་བྱས་#ཞེས་པ་ནི་ཆོས་བཤད་པའི་སར་མེ་མར་བུད་པ་དང་། བཤད་པའི་གྲལ་ཐབས་འདི་ལྟར་གྱིས་ཤིག་པའོ། །བླ་གབ་མེད་པར་ཆོས་འཆད་ན་བླ་རེ་བྲེ་ཞེས་
[178b.3]པ་དང་། ཆར་འོང་ན་བརྟུལ་#ཞེས་པ་དང་། དེ་ནས་ཆོས་ཉན་པ་མི་བཏང་ཞེས་པ་དང་། གནས་བརྟན་དང་པོར་སོང་ལ་ཅུང་ཟད་མི་སྨྲ་བར་བསྡད་ནས་དེས་ཆོས་བཤད་པ་འམ་དགེ་སློང་གཞན་ལ་ཆོས་སྨྲས་སོ་ཞེས་བསྐུལ་ཞེས་#པ་ནི་བླ་གབ་མེད་པར་ཆོས་འཆད་པའི་ཚེ་ཆར་འོད་ན་གནས་སྤོང་བ་དང་།
[178b.4]གུད་དུ་བཤད་པའི་དྲོད་གནས་བརྟན་གྱིས་བཟུང་བ་ལ་ཚོགས་པ་ཐབས་འདི་ལྟར་གྱིས་ཤིག་པར་སྟོན་པའོ། །འཆད་པ་མཉན་#ནས་གལ་ཏེ་ཆོས་བཞིན་ན་སྤྲོ་བར་བྱ་ཞེས་པ་དང་། མ་ཡིན་ན་བཟློག་ཅེས་པ་ནི་ཆོས་བཞིན་དུ་འཆད་ན་གཟེངས་#བསྟོད་པ་དང་། ལོག་པར་འཆད་ན་སླར་ཟློག་ཤིག་པའོ། །འདིར་
[178b.5]ཁྱིམ་པ་དག་ལྷགས་ན་ཆོས་ཀྱི་གཏམ་བྱ་ཞེས་པ་ནི་གཙུག་ལག་ཁང་དུ་ཁྱིམ་བདག་འོངས་ཤིང་ལྷགས་ན་ཆོས་ཀྱི་གཏམ་གླེངས་#ཤིག་པའོ། །མུ་སྟེགས་པ་སྤོགས་ཤིང་རྒོལ་ན་འཁྲུལ་ཅིང་སྨད་པ་མི་བསྟན་པར་ཚར་གཅོད་ཅེས་པ་ནི་མུ་སྟེགས་པ་རྒོལ་ཞིང་སྤོགས་ན་འཕྲལ་དུ་མ་ཁྲོ་བར་གཞུང་#དང་རིགས་
[178b.6]པས་ཚར་ཆོད་རབ་ཏུ་གྱིས་ཤིག་པའོ། །སྟོན་པས་འཁོར་ཁྲིད་ལ་མི་འགྲོ་ཞེས་པ་ནི་བདག་གི་ཁྱིམ་དུ་ཆོས་མཉན་པའི་འཁོར་ཕྱི་བཞིན་དུ་མི་#བཀྲི་ཤིག་པའོ། །འདི་དག་ལྷགས་ན་ཆོས་ཀྱི་དོན་ལ་གཟུད་ཅེས་པ་ནི་བདག་གིས་ནི་མ་#ཁྲིད་ཀྱི་ཁོང་ཏ་རང་དགར་ལྷགས་ན་ཆོས་ཀྱི་ཆེད་ལ་ཆུང་ཅིག་
[178b.7]པའོ། །རྫེས་དང་ལྡན་ཞིང་བསྟི་སྟོང་#དང་བཅས་ལ་དམའ་བའི་སེམས་ཀྱིས་འཇུག་ཅེས་པ་ནི་ཆོས་སྨྲ་བ་འཁོར་གྱི་ནང་དུ་འགྲོ་བའི་ཚེ་སེམས་དང་ཚུལ་འདི་ལྟར་གྱིས་ཤིག་པའོ། །གཟབས་ཏེ་བཤད་ཅེས་པ་དང་། ཆོས་ལ་གུས་ཤིང་བསྟན་པ་དང་མ་གཡེངས་#པའི་ཡིད་ཀྱིས་སོ་ཞེས་པ་དང་། རིགས་
[179a]
[179a.1]པ་དང་གྲོལ་བའི་ཚིག་གིས་སོ་ཞེས་པ་དང་། མ་འདྲེས་པར་རོ་ཞེས་པ་དང་རྒྱུན་ཆགས་པར་བྱམས་པ་དང་སྙིང་རྗེ་དང་ཟང་ཟིང་མེད་པའི་སེམས་ཀྱིས་སོ་ཞེས་པ་དང་། དགའ་མགུ་རངས་པར་བྱ་ཞེས་པ་ནི་ཆོས་སྨྲ་བས་བཤད་པའི་ཚུལ་ལུང་འདི་ལྟར་གྱིས་ཤིག་པ་སྟེ། དེ་ལ་རིགས་
[179a.2]ཞེས་པ་ནི་རིགས་པ་འམ་གཏན་ཚིགས་དང་ལྡན་པའོ། །གྲོལ་བ་ཞེས་བྱ་བ་ནི་ཐགས་ཐོགས་#མེད་པར་གྲོལ་བའོ། །མ་འདྲེས་ཞེས་པ་ནི་གཏམ་བླ་བརྙན་དང་མ་འདྲེའོ#། །རྒྱུན་ཆགས་ཞེས་པ་ནི་སྔ་ཕྱིར་འབྲེལ་བའོ། །ཟང་ཟིང་མེད་པའི་སེམས་ཞེས་པ་ནི་རྙེད་པ་དང་བསྟི་སྟང་གི་ཕྱིར་མ་ཡིན་པའོ།
[179a.3]དགའ་ཞེས་པ་ནི་གཟེངས་བསྟོད་ཅིང་ཡིད་#གསོ་བའོ། །མགུ་ཞེས་པ་ནི་བསམ་པ་དང་མཐུན་པར་སྟོན་པས་མ་མོས་པ་བཟློག་པའོ། །རངས་ཞེས་པ་ནི་གཏན་ཚིགས་དང་ཚད་མར་ལྡན་པས་རངས་པར་བྱེད་པའོ། །དོན་གྱི་དབང་གིས་ན་མ་རྫོགས་ཀྱང་བསྡང་ཅེས་པ་ནི་དོན་ཆེད་གཞན་གྱི་རྐྱེན་ཅིག་བྱུང་
[179a.4]ན་རེ་ཞིག་ཆོས་ཀྱི་བར་ཆད་དེ་བསྡད་ཀྱང་བླ་བའོ། །དབྱངས་ཀྱིས་#ཆོས་བཤད་ཅེས་པ་ནི་ཆོས་འདོན་ཅིང་བཤད་པ་དབྱངས་དང་ལྡན་པར་གྱིས་ཤིག་པའོ། །ལངས་ནས་དབྱེ་ཞེས་པ་ཁ་ཏོན་བྱས་ཟིན་པའི་འོག་ཏུ་དེ་དག་གི་#དོན་འདི་དང་#འདི་ལྟ་བུའི་ཞེས་མ་གོ་བའི་རྣམས་ཕྱེ་ཞིང་སྟོན་ཅིག་པའོ། །དོན་བཀོལ་
[179a.5]ཞིང་བསྙད་#ཅེས་པ་ནི་ནང་ནས་དོན་དུ་ཇི་འབྱུང་བའི་རྣམས་བཀོལ་བ་བདག་གིས་ཚིག་དང་དོན་གར་རིགས་པར་ཕྱེ་ཞིང་སྟོན་ཅིག་པའོ། །དབྱེ་ཞིང་སྦྱར་ཞེས་པ་ནི་ཚིག་དང་དོན་ལས་ག་ལ་སྐྱོན་ཡོད་པ་འདྲ་བ་ཡང་སྨོས་ཤིང་སླར་དེ་དག་འདི་#ལྟ་བུ་ཡིན་ནོ་ཞེས་སྦྱར་བ་ཡང་གྱིས་ཤིག་པའོ། །གནས་བརྟན་གྱིས་#
[179a.6]ཞག་གྲངས་གཟུང་ཞེས་པ་ནི་གནས་བརྟན་གྱི་ལས་སུ་ཚེས་གྲངས་ཟུང་ཤིག་པའོ། །ཐབས་ཇི་ལྟར་གཟུང་ཞེ་ན། སྨྱུག་ཚལ་སྐུད་པས་བརྒྱུ་སྟེ་སྤོ་ཞིང་ངོ་ཞེས་པ་ཡིན་ཏེ་འདི་ལྟ་བུའི་བརྗེད་#བྱང་གྱིས་ལ་ཚེས་གྲངས་ཟུང་ཤིག་པའོ། །གཙུག་ལག་ཁང་ཁང་སྐྱོང་གིས་དེ་ལ་ཆ་བླང་ཞིང་དགེ་འདུན་ལ་བསྙད་
[179a.7]ཞེས་པ་ནི་ཁང་སྐྱོང་གིས་ཚེས་གྲངས་ཀྱི་ཆ་ཁང་སྐྱོང་གི་གནས་བརྟན་ལས་ནོས་ལ་དགེ་འདུན་གྱི་སྙན་དུ་གསོལ་ཅིག་པའོ། །བྱེ་བྲག་ཕྱེ་ནས་སོ་ཞེས་པ་དང་། ཟླ་བ་ཕྱེད་ཀྱི་བྱེ་བྲག་གིས་སོ་ཞེས་པ་ནི་དགེ་འདུན་ལ་བསྙད་པ་ཡང་ཟླ་བ་ཕྱེད་ལྟ་བུ་དང་ཚེས་གྲངས་གང་ལ་བབ་པའི་ཚེས་གྲངས་སོ་སོར་ཕྱེ་
[179b]
[179b.1]ལ་སྙོད་ཅིག་པའོ། །གཙུག་ལག་ཁང་གི་བདག་པོ་དང་ལྷའི་ཕྱིར་#དགེ་སློང་དག་ཚིགས་བཅད་གདོན་དུ་གཞུག་ཅེས་པ་ནི་ལྷ་ཁང་སྲུང་#མ་དང་ཡོན་བདག་གི་#ཕྱིར་དགེ་འདུན་གྱི་ཚིགས་བཅད་བཀླག་#པར་ཁང་སྐྱོང་གིས་སྐུལ་#ཅིག་པའོ། །སྐབས་གང་དུ་ཞེ་ན། རྗེས་ལའོ་ཞེས་པ་ཡིན་ཏེ་ཚེས་གྲངས་བསྙད་
[179b.2]པའི་#འོག་ཏུ་འདི་སྐད་གྱིས་ཤིག་པའོ། །སྙད་#ཇི་སྐད་བྱ་ཞེ་ན། དེང་ཟླ་བ་ཡར་གྱི་ཚེས་གཅིག་པས་ན་གཙུག་ལག་ཁང་གི་བདག་པོ་དང་#གཙུག་ལག་ཁང་གི་ལྷ་རྣམས་ཀྱི་ཕྱིར་ཚིགས་བཅད་རེ་རེ་གསུངས་ཤིག་ཅེས་སོ་ཞེས་པ་ཡིན་ནོ། །གཞན་ཡང་དེའི་ཟླ་ལ་བསྙད་པར་བྱ་བ་ནི་གཙུག་ལག་ཁང་
[179b.3]གི་བདག་པོ་སྤྱན་འདྲེན་པ་བསྙད་པ་ནི་ཡོན་བདག་མིང་འདི་ཞེས་བགྱི་བས་སང་དགེ་འདུན་#སྤྱན་འདྲེན་གྱི་བཙུན་པ་དག་གིས་དེ་ལ་དགེ་བའི་ཐུགས་བརྩེ་བར་དགོངས་ཤིག་ཅེས་སོ་ཞེས་པ་ཡིན་ཏེ་ཡོན་བདག་ནར་མའམ། བླ་ཐབས་སུ་སྤྱན་འདྲེན་པ་ཞིག་ཡོད་ན་ནུབ་མོ་ནས་དགེ་འདུན་གྱི་སྙན་དུ་
[179b.4]འདི་སྐད་གསོལ་ཅིག་པའོ། །འབྲི་བའི་ཉིན་ཞག་གདོན་ཞེས་པ་ནི་ཟླ་བ་ཕྱེད་ལ་ཤོལ་ཡོད་བའི་གོད་ཀྱིས་ཐོན་ཅིག་པའོ། །ཇི་ལྟར་གདོན་ཞེ་ན། དུས་ཀྱིས་ཟླ་བ་ཕྱེད་ལུས་ཤིང་ངོ་ཞེས་པ་ཡིན་ཏེ། དུས་དྲུག་ལ་ཟླ་བ་གཉིས་གཉིས་ཡོད་པའི་ཟླ་བ་ཕྱེད་དང་གཉིས་འདས་ཤིང་ཤོལ་འོར་ཅིག་པའོ། །ཟླ་
[179b.5]བའི་གླགས་#འདོར་བ་ཡང་རྒྱལ་པོའི་རྗེས་སུ་འཇུག་པ་དང་སྐར་མཁན་གྱི་ཚེས་གྲངས་ཀྱི་རྗེས་སུ་འཇུག་པར་རོ་#ཞེས་པ་ནི་ཞག་གྲངས་ཀྱི་གླགས་དོར་བ་ཡང་མིང་གིས་སྨོས་པ་འདི་དག་དང་སྦྱོར་ཅིག་པའོ། །མ་བརྟགས་ཤིང་གསོ་སྦྱིན་མ་བསྡད་པར་སྟོང་བའོ་ཞེས་མཚམས་མི་གཅད་#ཅེས་པ་ནི་
[179b.6]སྔན་མཚམས་བཅད་དམ་མ་བཅད་པ་བརྟགས་#པ་དང་། གསོ་སྦྱིན་ལ་ཐུག་པའི་བར་དུ་མ་བསྡད་པར་གུད་ལྷགས་མ་ཐག་ཏུ་གནས་སྟོང་པའོ་སྙམ་དུ་བསམས་ཏེ་མཚམས་མ་གཅོད་ཅིག་པའོ། །བཅད་པར་ཤེས་པ་#ན་མ་སྐྱེས་པ་ཡན་ལག་མ་ཡིན་ཞེས་པ་ནི་སྔོན་མཚམས་བཅད་པར་ཤེས་
[179b.7]པ་ཉི་ཚེ་མཚམས་མི་འཆགས་པའི་ཡན་ལག་ཏུ་འགྱུར་བ་མ་ཡིན་གྱི་སྔོན་བཅད་པར་མ་ཤེས་ན་ཡང་མཚམས་མི་འཆགས་པའི་ཡན་ལག་ཏུ་འགྱུར་བར་སྟོན་པའོ། །ཆུན་གྱིས་འཐོན་ན་འགྲོལ་ལོ་ཞེས་པ་ནི་དང་པོ་མཚམས་གཅོད་གཅོད་པའི་དགེ་སློང་གཅིག་ཀྱང་མི་འདུག་པར་འཐོན་
[180a]
[180a.1]ན་#མཚམས་འཇིག་པར་འགྱུར་བའོ། །རུང་བའི་ཚང་མང་ཡང་ངོ་ཞེས་པ་#ནི་རུང་བའི་ཚང་མང་དུ་བྱིན་གྱིས་བརླབས་པ་ཡང་གོང་མ་ལྟར་དགེ་འདུན་ཐམས་ཅད་གུད་དུ་འདོང་ན་རུང་བར་བྱིན་གྱིས་བརླབས་པ་འཇིག་པར་སྟོན་པའོ། །མཚམས་ལ་མཚམས་ཀྱི་གནས་སུ་མི་རུང་ཞེས་
[180a.2]པ་ནི་མཚམས་ཀྱི་མཚམས་རྣམས་#ན་མི་འཆགས་པར་སྟོན་པའོ། །འགེན་ཕག་དང་དགེ་སློང་མའི་དབྱར་མོ་ཐང་དང་ལྟེང་ཆུ་ནི་#རུང་ཞེས་པ་ནི་འདི་དག་ནི་མཚམས་ཀྱི་ནང་ན་འདུག་དུ་#ཟིན་གྱིས་ཀྱང་བརྣན་བའི་ཉེས་པར་མི་འགྱུར་བའོ། །ཤིང་གཅིག་ལ་མཚམས་བཞི་ཙམ་གྱི་མཚོན་དུ་མ་གཟུགས་#སུ་རུང་ཞེས་
[180a.3]པ་ནི་ཕྱོགས་བཞིའི་དགེ་འདུན་གྱིས་མཚམས་ཀྱི་མཚོན་གཅིག་ལ་གཟུགས་སུ་རུང་བར་སྟོན་པའོ། །འདིར་ཚིགས་#རུང་བ་ལ་མཚོན་གཟུགས་ཞེས་པ་ནི་མཚམས་ཀྱི་མཚོན་ཀྱང་འོག་ནས་འབྱུང་བ་ལྟ་བུ་ཡིན་པའི་ཚིགས་སུ་རུང་བ་ལ་ཚུགས་ཤིག་པའོ། །སྤྲུལ་པ་དང་མིག་འཕྲུལ་བྱས་པ་ནི་དན་#པོ་མ་ཡིན་ཞེས་
[180a.4]པ་ནི་འདི་དག་ལྟ་བུ་ལ་མཚན་གཟུགས་སུ་མི་རུང་བ་དང་། ཟླ་བ་ཉི་མ་སྐར་མའི་འོད་ཟེར་ཆུ་གཉེར་རླབས་རྣམས་ནི་གྱི་ནའོ་ཞེས་པ་ཡིན་ནོ། །ཆུ་ནི་མཚམས་གཞན་དང་འདྲའོ་ཞེས་པ་ནི་ཆུ་ནི་མཚམས་སུ་མི་རུང་བའོ། །བཙལ་གཅིག་#ཏུ་མི་རུང་ཞེས་པ་ནི་ཆུས་བཙལ་ན་མཚམས་གཅིག་གི་ཁངས་#སུ་བརྩིར་མི་#
[180a.5]རུང་བའོ། །ཟམ་པ་བརྟན་པོར་ཡུལ་ལོ་ཞེས་པ་ནི་ཟམ་པ་བརྟན་པོ་ཡོད་ན་ནི་ཆུས་བཙལ་དུ་ཟིན་ཀྱང་མཚམས་ཐ་དད་དུ་མི་འགྱུར་བའོ། །འདི་ཞིག་པ་སླར་བཅོས་པར་བྱ་ཞེས་པ་ནི་དེ་ཡང་ཟམ་པ་སླར་བཅོས་པའི་དྲོད་དང་སྦྱོར་བའོ། །སྦྱོར་བ་བཏང་བར་མ་གྱུར་ནའོ་ཞེས་པ་ནི་ཟམ་པ་#འཆོས་བཞིན་དུ་གདོད་
[180a.6]གོང་མ་ལྟར་རུང་བའོ། །དེའང་ཇི་སྲིད་ཀྱི་བར་དུ་རུང་ཞེ་ན། ཞག་བདུན་ལས་ལྷག་དུ་མི་རུང་ཞེས་པ་ཡིན་ནོ། །ནམ་མཁའ་ནི་ལོགས་ཤིག་གོ་ཞེས་པ་ནི་ནམ་མཁའ་མཚམས་སུ་མི་ཆུད་པའོ། །འདི་ཡོད་པར་ཡང་མ་གཏོགས་ན་འབྲེལ་པ་ལྟ་ཅི་#སྨོས་ཞེས་པ་ཡིན་ཏེ་ནམ་མཁའ་#དངོས་སུ་ཡོད་པ་ཡང་
[180a.7]བྱ་བ་ལས་མ་གཏོགས་ཤིང་ཡོད་པར་མི་བརྩི་ནས་འདྲ་ཞིང་ས་དང་ཞིང་ས་#དང་འབྲེལ་པར་བརྩི་བ་ལྟ་ཅི་སྨོས་ཏེ་མི་རུང་བར་སྟོན་པའོ། །དཀྱིལ་ནས་དཔག་ཚད་ཕྱེད་དང་གསུམ་ལས་ལྷག་པར་མཚམས་བཅད་པ་མི་སྐྱེ་ཞེས་པ་ནི་དཔག་ཚད་ཕྱེད་དང་གསུམ་ལས་ལྷག་པར་མཚམས་བཅད་ཀྱང་མཚམས་
[180b]
[180b.1]སུ་མི་རུང་བའོ། །སྐམས་དག་བླ་འོག་ཏུ་ཕུལ་འདི་ཙམ་མོ་ཞེས་པ་ནི་རི་ངོས་ལྟ་བུ་ལ་#ཡང་བླ་འོག་གི་#ཚད་འདི་ཙམ་གྱིས་#གཟུང་བར་སྟོན་པའོ། །འགེན་ཕག་གི་མཚམས་ཀྱི་ཚད་ནི་#དགེ་འདུན་ལས་བྱེད་པ་ཤོང་དྲོད་ཀྱིས་#གཟུང་བར་ཟད་དོ། །མཚམས་མ་བཅད་པའི་སར་འབྲལ་བའི་སྡོམ་པ་མི་སྐྱེ་ཞེས་
[180b.2]པ་ནི་མཚམས་མ་བཅད་ན་མི་འབྲལ་བའི་སྡོམ་པར་མི་རུང་བའོ། །བཅད་པ་མ་ཉམས་ན་མི་ཡལ་ཞེས་པ་ནི་མཚམས་མ་ཞིག་གི་བར་དུ་ནི་སྡོམ་པའང་མི་འཇིག་པའོ། །དེ་ལས་དེ་མ་ཡིན་ཞེས་པ་ནི་སྡོམ་པ་ཡལ་ཞིང་ཕྱུང་དུ་ཟིན་གྱིས་ཀྱང་མཚམས་ཡལ་ཞིང་མེད་པར་མི་འགྱུར་བའོ། །གསོ་སྦྱིན་
[180b.3]གྱི་ཚེ་མཆོད་རྟེན་གྱི་ཁང་བུ་དང་ཁང་བཞག་དང་གསོ་སྦྱིན་གྱི་གནས་རྣམས་བྱུག་ཅེས་པ་ནི་གསོ་སྦྱིན་གྱི་ཚེ་དེ་དག་ཀུན་བྱུག་ཅིང་བྱི་བདར་བྱ་དགོས་པའོ། །དད་པ་ལ་སོགས་པ་དགེ་འདུན་ལ་ཕུལ་བར་ཆུད་དོ་ཞེས་པ་ནི་བདག་ཉིད་ཀྱི་ངོས་#དགེ་འདུན་ལ་དད་པས་ཕུལ་ཡང་ཕུལ་བའི་ཁོངས་སུ་ཆུད་
[180b.4]པར་སྟོན་པའོ། །འོན་ཀྱང་སུ་རུང་བ་ཅིག་གིས་དགེ་འདུན་ལ་བསྙད་པར་བྱ་ཞེས་པ་ནི་གོང་མ་ལྟར་དད་པ་ངོས་ཕུལ་དུ་ཟིན་གྱིས་ཀྱང་དགེ་སློང་གཅིག་གིས་#ཆོས་བཞིན་བྱ་བའི་#ཕྱིར་སྒྲོགས་ཤིག་པའོ། །འདི་མཚམས་ཀྱི་ཕྱིར་རོལ་ན་འདུག་པས་མི་དབུལ#། དབུལ་དུའང་མི་གཞུག་ཅེས་པ་ནི་
[180b.5]མཚམས་ཀྱི་ཕྱི་རོལ་ན་འདུག་པའི་དད་པ་བླང་ཡང་མི་བླང་། འབུལ་ན་ཡང་མ་ལེན་ཅིག་པའོ། །མི་བརྒྱུད་ཅེས་པ་ནི་དད་པ་བརྒྱུད་མོར་མ་#འབུལ་ཅིག་པའོ། །ནད་པ་དང་དབང་མེད་པ་དང་སྲོག་དང་ཚངས་པར་སྤྱོད་པའི་བར་ཆད་ཀྱིས་སྐྲག་པ་མ་ཡིན་པར་ཕུལ་ན་ཉེས་བྱས་ཞེས་པ་ནི་རྐྱེན་འདི་
[180b.6]དག་ལྟ་བུའི་དབང་གིས་མ་ཡིན་པར་དད་པ་ཕུལ་ན་ཕུལ་བར་མི་ཆུད་དེ་ཉེས་བྱས་སུ་འགྱུར་བའོ། །མ་གུས་ཤིང་མི་སྙོད་ན་ཡང་ངོ་ཞེས་པ་ནི་དད་པ་འབུལ་བ་ལ་མ་གུས་སམ་དད་པ་མ་ཕུལ་བར་བསུབས་ན་ཉེས་བྱས་སུ་འགྱུར་བའོ། །འདི་དག་གི་འཇིག་རྟེན་མཚམས་ཀྱི་ཕྱི་རོལ་དུ་ཁྱེར་བ་ནི་ཉེས་
[180b.7]མེད་ཅེས་པ་ནི་རྐྱེན་འདི་དག་ལྟ་བུས་བསྐལ་ཏེ་དད་པ་ཕྱི་རོལ་ཏུ་ཁྱེར་རམ་#ཕྱི་རོལ་ནས་བཀྱོགས་#ཏེ་ཁྱེར་བ་ནི་ཉེས་མེད་པའོ། །གསོ་སྦྱིན་གྱི་ཚེ་གཙུག་ལག་ཁང་སྐྱོང་གིས་ཚུལ་ཤིང་གིས་དགེ་སློང་བགྲང་ཞེས་པ་ནི་གསོ་སྦྱིན་གྱི་ཚེ་དགེ་འདུན་ཚང་ངམ་མ་ཚང་བ་ཚུལ་ཤིང་གིས་རྩིས་ཤིག་པའོ། །
[181a]
[181a.1]ཚིག་ཕྱེད་ཀྱང་མི་འཁྲུལ་བར་རྒྱུན་དུ་#ཆུད་རབ་ཀྱིས་#གདོན་ཅེས་པ་ནི་ཚིག་ཕྱེད་ཀྱང་མི་འཁྲུལ་བར་བྱང་བས་སོ་སོར་ཐར་པ་ཐོན་ཅིག་པའོ། །དགེ་འདུན་གྱི་གནས་བརྟན་གྱིས་སོ་ཞེས་པ་དང་། མི་ནུས་ན་གཉིས་པས་སོ་ཞེས་པ་དང་། དེས་ཀྱང་ན་གསུམ་པས་སོ་ཞེས་པ་
[181a.2]དང་། འོན་ཀྱང་ན་རེས་ཀྱིས་སོ་ཞེས་པ་དང་། མ་ནུས་ན་གཞན་ལ་བཅོལ་ཞེས་པ་ནི་སོ་སོར་ཐར་པ་འདི་དག་གི་#ཐབས་འདི་བཞིན་དུ་ལྷོགས་#ཤིག་པའོ། །མི་བཏུབ་ན་དགེ་འདུན་གྱིས་སོ་ཞེས་པ་ནི་སོ་སོར་ཐར་པ་ཀློག་ཏུ་མི་བཏུབ་པ་འགའ་ཞིག་ཡོད་ན་དགེ་འདུན་གྱིས་སྐོས་#ཤིག་པའོ། །རྟག་པར་ཡང་ངོ་
[181a.3]ཞེས་པ་ནི་དགེ་འདུན་གྱིས་འདོན་པའི་དགེ་སློང་འགའ་གཏན་དུ་ཡང་སྐོས་#ཤིག་པའོ། །བརྗེད་ན་གཞན་གྱིས་སོ་ཞེས་པ་ནི་#སོ་སོར་ཐར་པ་འདོན་པས་བརྗེད་དམ་མ་ལུས་ན་གཞན་གྱིས་བསྐུལ་ཞིང་སོམས་ཤིག་པའོ། །དུམ་བུར་འཆང་ན་རྫོགས་ཀྱི་བར་དུའོ་ཞེས་པ་ནི་ཀུན་ལ་དུམ་བུ་ཤ་དག་སྟེ་རངས་པ་མེད་ན་ཐམས་
[181a.4]ཅད་ཀྱི་དུམ་བུ་སོགས་ལ་མཇུག་དུ་#ཕྱིན་པར་གྱིས་ཤིག་པའོ། །གནས་བཟང་པོ་ལ་ཆགས་པས་གྲོང་དང་མི་ཉེ་བའི་འཇིགས་པར་གསོ་སྦྱིན་བྱ་བའི་མི་རིགས་སོ་ཞེས་པ་ནི་འདི་ལྟ་བུའི་འཇིགས་སར་གནས་སུ་གདལ་དགའ་བའི་ཕྱིར་གསོ་སྦྱིན་མ་བྱེད་ཅིག་པའོ། །འགྲོན་#པ་མང་པོ་མི་སྡོད་ན་འགྲོ་བཞིན་དུ་བྱ་ཞེས་པ་
[181a.5]ནི་འགྲོན་#པ་མང་པོ་དང་འགྲོགས་ལ་སྡོད་དུ་མི་བཏུབ་ན་འགྲོ་བཞིན་དུ་གསོ་སྦྱིན་གྱིས་ཤིག་པའོ། །བཅོམ་མི་འདོད་ན་བསྙུང་ཞེས་པ་ནི་འཇིགས་པར་བཅོམ་ཐུབ་པར་བྱ་དགོས་ན་#མདོ་ཙམ་ལྷོགས་ཤིག་པའོ། །འོན་ཀྱང་ན་#བྱིན་གྱིས་བརླབ་ཅེས་པ་ནི་དེ་ལྟར་ཡང་མི་རུང་བ་ཙམ་གྱི་ཚོད་ན་སེམས་གྱིས་ཕྱིས་བྱའོ་བར་
[181a.6]བྱིན་གྱིས་རློབས་ཤིག་པའོ། །དད་པ་དང་གཙོ་བོ་མགུ་བར་བྱ་བའི་ཕྱིར་སྤྱད་པ་སྟོན་པ་#ནི་ཉེས་མེད་ཅེས་པ་ནི་འདི་དག་གིས་མི་#དགའ་བའམ་མགུ་བར་བྱ་བའི་ཕྱིར་དགེ་སློང་གི་ཚུལ་དང་སྤྱད་པ་#སྟོན་པ་ནི་ཉེས་པར་མི་འགྱུར་བའོ། །མདུན་དུ་གསོ་སྦྱིན་བྱ་བ་ཡང་ངོ་ཞེས་པ་ནི་ཁྱིམ་པ་དེ་དག་གི་#མདུན་དུ་དོན་ཆེད་
[181a.7]གོང་མ་ལྟ་བུའི་ཕྱིར་ན་གསོ་སྦྱིན་ཡང་གྱིས་ཤིག་པའོ། །བརྟད་ན་ཁྱིམ་པའི་མདུན་དུའང་བཤགས་ཞེས་པ་ནི་བརྟད་པ་ཞིག་བྱུང་ན་ཁྱིམ་པའི་མདུན་དུའང་ཉེས་པ་ཤོག་#ཤིག་པའོ། །འདི་ལ་སྤྱད་པ་བསྙད་པ་ཡང་ངོ་ཞེས་པ་ནི་དེ་ལྟ་བུར་འབྲེལ་ཅིང་བརྟད་པ་ཞིག་ཏུ་གྱུར་ན་ཁྱིམ་པའི་མདུན་དུ་དགེ་སློང་གིས་བསྙད་
[181b]
[181b.1]པའམ་ཚུལ་བསྙད་ཀྱང་ཉེས་མེད་དོ། །རྒྱལ་པོ་ལ་ཤད་ཀྱིས་དབྱུང་བ་ཡང་ངོ་ཞེས་པ་ནི་རྒྱལ་པོ་ལ་ཤད་ཀྱིས་དབྱུང་བའི་ཕྱིར་ཚུལ་སྨྲས་པ་ཉེས་མེད་པའོ། །ཚར་མ་ཕྱིན་ན་ཡང་མི་འགྲུབ་པ་ནི་མ་ཡིན་ཞེས་པ་ནི་སོ་སོར་ཐར་པ་འདོན་པའི་ཚེ་ལ་ལྟུང་བ་སྡེ་གཅིག་ལ་བརྟུལ་ནས་མཇུག་ཏུའང་མ་ཕྱིན་པར་སྡན་ཆད་གསན་
[181b.2]གྲང་ཞེས་སྐབས་སུ་བཅད་ན་ཡང་ཉེས་བྱས་ཡོད་དུ་ཟད་ཀྱི། གསོ་སྦྱིན་གྱི་འགྲུབ་པ་ལ་ནི་ཉེས་མེད་པར་སྟོན་པའོ། །འདོན་པ་དང་ཐང་དང་དུས་དང་ཁ་ཏོན་རྣམས་དེ་བཞིན་དུ་མ་བཟུང་ན་འདིར་ཆོས་མ་ཡིན་ཞེས་པ་ནི་མིང་གིས་སྨོས་པ་འདི་བཞི་#གཞུང་ལས་འབྱུང་བ་བཞིན་དུ་མ་བྱས་ན་ཆོས་མ་ཡིན་པར་སྟོན་པའོ། །
[181b.3]དེ་ལ་འདོན་པ་ཆོས་མ་ཡིན་པ་ནི་གསོ་སྦྱིན་གྱི་ཚེ་སོ་སོར་ཐར་པ་མི་འདོན་པར་ཕྲན་ཚེགས་ལ་སོགས་པ་འདོན་པའོ། །ཐང་ནི་གླེང་གཞི་དང་ཕམ་པ་ལ་སོགས་པ་དངོས་སུ་འདོན་པ་དང་གསན་གྲང་ཞེས་ཁུངས་དབྱུང་བའི་ཐང་ཆད་པར་བྱས་པ་ལ་བཟློག་པ་སྟེ་གླེང་གཞིའང་གསན་གྲང་ཞེས་ཟེར་བ་ལྟ་བུའོ། །དུས་
[181b.4]ནི་བཅུ་བཞིའམ་བཅོ་ལྔའི་དུས་མ་ཡིན་བར་གསོ་སྦྱིན་བྱེད་པའོ། །ཁ་ཏོན་པ་ནི་མཚན་མི་མཐུན་པ་དང་། ལྟ་བ་མི་མཐུན་པ་དང་། ཚུལ་ཁྲིམས་མ་དག་པ་དང་། བསྙེན་པར་མ་རྫོགས་པས་བཏོན་པའོ། །ཐོས་པའི་ལམ་ལས་འདས་ན་གྱེས་སོ་ཞེས་པ་ནི་གོང་དུ་མ་གྱེས་ན་གདོན་མི་ཟ་བར་བཟླས་ཏེ། གསོ་སྦྱིན་
[181b.5]བྱ་དགོས་པའི་གྱེས་པའི་ཚད་ཇི་ཙམ་སྟོན་པའོ། །རྣམ་པར་འབྱེད་པ་ལ་སོགས་པར་གཏོགས་པའོ། །གསོ་སྦྱིན་གྱི་དངོས་པོ་རྫོགས་སོ།། །།དབྱར་གྱི་དངོས་པོ་སྟོན་པ་ནི། དབྱར་ཚུལ་དུ་འཇུག་ཅེས་པ་ལ་སོགས་པ་ཡིན་ཏེ། དབྱར་བདག་གིས་#འདིར་གཞི་གཟུང་བར་བྱའོ་ཞེས་ཁས་བླང་
[181b.6]བའམ་དམ་བཅས་པ་#གྱིས་ཤིག་པའོ། །ཇི་སྲིད་ཀྱི་བར་དུ་ཞེ་ན། ཟླ་བ་གསུམ་#ཞེས་པ་ཡིན་ཏེ། ཚེས་གྲངས་གང་ལ་ཞེ་ན། ཚེས་གཅིག་ལ་ཞེས་པ་ཡིན་ནོ། །གང་གི་ཚེས་གཅིག་ལ་ཞེ་ན། དབྱར་ཟླ་བ་འབྲིང་པོ་འདས་མ་ཐག་ཏུ་འོ་ཞེས་པ་ཡིན་ཏེ་དབྱར་ཟླ་འབྲིང་པོའི་ཚེས་བཅུ་དྲུག་ལ་བྱའོ། །དབྱར་
[181b.7]ཟླ་སྔ་མ་དེ་ལྟར་བསྟན་ནས་དབྱར་ཕྱི་མ་སྟོན་པ་ནི། དབྱར་ཟླ་ཐ་ཆུངས་ཀྱི་ཡང་ངོ་ཞེས་པ་ཡིན་ཏེ་དབྱར་ཟླ་ཐ་ཆུངས་ཚེས་བཅུ་དྲུག་ལ་ཡང་བྱ་བར་སྟོན་པའོ། །ཞག་བཅུའམ་ཟླ་བ་ཕྱེད་འབྱུང་དུ་འཆའ་བ་ནས་གཙུག་ལག་ཁང་གི་བྱི་བདར་བྱ་ཞེས་པ་ནི་ཞག་གྲངས་འདི་ཙམ་གྱི་སྔ་རོལ་ནས་ཚུལ་དུ་འཇུག་བའི་
[182a]
[182a.1]ཕྱིར་གཙུག་ལག་ཁང་གི་ཞིག་རལ་བསབ་ཅིང་རི་མོ་འདྲི་#བ་ལ་སོགས་པ་གྱིས་ཤིག་པའོ། །བདུན་ནམ་བརྒྱད་ཅེས་ཡང་ཁ་ཅིག་གོ་ཞེས་པ་ནི་གོང་མ་ལྟར་བྱ་བ་ཞག་བདུན་ནམ་བརྒྱད་ཙམ་ནས་བྱ་བ་ཡིན་ནོ་ཞེས་ཀྱང་ཁ་ཅིག་འཆད་པར་སྟོན་པའོ། །སྔ་དེ་ཉིན་པར་མལ་ཆ་བསྩར་#ཞེས་པ་ནི་
[182a.2]ཚེས་བཅོ་ལྔའི་ཉིན་བར་མལ་སྟན་གྱི་རྣམས་སོར་ཅིག་པའོ། །མལ་སྟན་གང་གང་བསྩར་#བར་བྱ་ཞེ་ན། རྐང་པའི་ཆོལ་ཟངས་ཡིན་#ཀྱང་ངོ་ཞེས་པ་ཡིན་ཏེ་མིང་གིས་སྨོས་པ་འདི་དག་ཡན་ཆད་མལ་སྟན་ནོ་ཅོག་མ་ལུས་པར་སོར་ཅིག་པའོ། །དེ་འགོད་པ་བསྒོ་ཞེས་པ་ནི་དེ་ལྟར་མལ་སྟན་བསྩར་#བའི་ཉིན་པར་མལ་
[182a.3]སྟན་འགོད་པའི་དགེ་སློང་གཅིག་ཀྱང་སྐོས་#ཤིག་པའོ། །མི་ཁྱབ་ན་དུ་མའོ་ཞེས་པ་ནི་མལ་སྟན་འགོད་པ་གཅིག་གི་ལག་གིས་མ་#ཁྱབ་ན་དུ་མའང་སྐོས་#ཤིག་པའོ། །ཚུལ་དུ་འཇུག་པའི་ཐབས་ཇི་ལྟར་བྱ་ཞེ་ན། ཚུལ་ཤིང་བསུང་#གིས་བྱུགས་པ་སློ་#མར་གཞུག་ཅིང་གོས་དཀར་པོའི་སྟེང་དུ་བགོས་ནས་རྒན་རབས་
[182a.4]ཀྱི་གན་དུ་འདུག་ལ་#གནས་འདི་ན་བྱ་བར་བྱས་པ་ནི་འདི་དང་འདི་ལྟ་བུ་དག་ཡོད་ཀྱིས་#ཁྱེད་ཅག་སུ་གནས་འདིར་#བྱ་བར་བྱས་པ་འདི་དང་འདི་དག་དང་དབྱར་གནས་པར་འདོད་པ་རྣམས་ཀྱིས་ཚུལ་ཤིང་ལོང་ཤིག་དབྱར་གྱི་ཁོངས་འདིར་དགེ་འདུན་གྱི་ནང་དུ་རྩོད་པ་སུས་ཀྱང་མ་དབྱུང་#ཤིག ། སུས་གང་ལ་དོགས་#
[182a.5]པ་ཅི་ཡོད་པའང་ད་མོད་ལ་སྨྲོས་ཤིག ། དབྱར་གྱི་ཁོངས་སུ་སུས་དགེ་འདུན་དཀྲུགས་པ་ཡང་ཕྱིས་དགེ་འདུན་རྣམས་རྗེས་གཅོད་ཅིང་དབྱུང་ངོ་ཞེས་#དགེ་འདུན་རྣམས་ལ་འདི་སྐད་དུ་གོ་བར་བྱའོ་ཞེས་པ་ཡིན་ཏེ་མལ་ཆ་འགོད་པར་བསྐོས་པ་དེས་ཚུལ་ཤིང་གི་ཆོ་ག་དང་། དགེ་འདུན་ལ་བསྒོ་བ་འདི་སྐད་དུ་གྱིས་
[182a.6]ཤིག་པའོ། །གཞན་ཅིག་གིས་#ལེན་པ་དང་འཇུག་པ་དགེ་འདུན་ལ་ཞུ་ཞེས་པ་ནི་དགེ་སློང་གཞན་ཅིག་གིས་#ཚུལ་ཤིང་བླང་བ་དང་། ཚུལ་དུ་འཇུག་པའི་ཕྱིར་དགེ་འདུན་ལ་གསོལ་བ་གྱིས་ཤིག་པའོ། །ཚུལ་ཤིང་བྲིམ་ཞེས་པ་ནི་དེ་ལྟར་དགེ་འདུན་ལ་ཞུས་པའི་འོག་ཏུ་ཚུལ་ཤིང་བྲིམས་ཤིག་པའོ། །
[182a.7]སྟོན་པའི་དང་པོར་བླང་ཞེས་པ་ནི་#བཅོམ་ལྡན་འདས་ཀྱི་སྐུ་སྐལ་དུ་ཚུལ་ཤིང་འབྲིམ་#པས་གཅིག་ལོང་ཤིག་པའོ། །གཞན་དག་གིས་སྟན་ཕྱེ་སྟེའོ་#ཞེས་བ་ནི་དགེ་སློང་གཞན་དག་གིས་སྟན་ལ་སྤོགས་ཏེ་ཚུལ་ཤིང་ལོང་ཤིག་པའོ། །དགེ་ཚུལ་དག་ནི་མཁན་པོའམ་སློབ་དཔོན་གྱིས་སོ་ཞེས་པ་
[182b]
[182b.1]ནི་དགེ་ཚུལ་གྱི་#ཚུལ་ཤིང་སོ་སོའི་མཁན་པོའམ་སློབ་དཔོན་གྱིས་ལོང་ཤིག་པའོ། །གཞི་པ་རྣམས་ཀྱིའང་མཇུག་ཏུའོ་ཞེས་པ་ནི་གཙུག་ལག་ཁང་གི་སྲུང་#མ་ཧ་རི་ཏིའམ་པན་ཙི་#ཀ་ལ་སོགས་པའི་ཚུལ་ཤིང་ཡང་ཡང་#མཇུག་དུ་ལོང་ཤིག་པའོ། །དལ་གྱིས་གཞག་ཅེས་པ་ནི་འཇོག་པའི་ཚེ་མ་འདོར་བར་དལ་
[182b.2]གྱིས་གྱིས་ཤིག་པའོ། །འགྲེང་#སྟེ་གནས་འདིར་འདི་སྙེད་ཅིག་གིས་ཚུལ་ཤིང་བླངས་སོ་ཞེས་ཤེས་པར་བྱའོ་ཞེས་པ་ནི་གོང་མ་ལྟར་བྲིམས་ཟིན་པའི་འོག་ཏུ་གྲངས་སུ་བྱུང་བ་བསྡོམས་ལ་དགེ་འདུན་གྱི་སྙན་དུ་གསོལ་ཅིག་པའོ། །གནས་ཀྱི་དངོས་པོ་བགོ་ཞེས་པ་ནི་གོང་མ་ལྟར་བྱས་ཟིན་པའི་འོག་
[182b.3]ཏུ་གནས་ཁང་བགོས་ཤིག་པའོ། །བགོ་བའི་ཐབས་ཇི་ལྟར་བྱ་ཞེ་ན། ལྡེ་མིག་ཀྱོག་མོ་ཐོགས་ཏེ་མདུན་དུ་འདུག་ལ་གནས་བརྟན་གནས་ཁང་ཆེ་གེ་མོ་རྙེད་པ་དང་བཅས། གོས་དང་བཅས་ཀྱིས་#བཞེས་ཤིག་ཅེས་ཡོན་ཏན་ཇི་བཞིན་དུ་བསྙད་དེ་འདམ་དུ་གཞུག་ཅེས་པ་ནི་མལ་སྟན་འགོད་པས་གནས་
[182b.4]བརྟན་གྱི་མདུན་དུ་ལྡེ་མིག་ཐོགས་ལ་གནས་ཁང་གི་ཡོན་ཏན་ཅི་ཡོད་པ་བཞིན་དུ་བསྔགས་ཤིང་རྒན་རིམས་#ནས་འདམ་དུ་ཆུག་ཤིག་པའོ། །བླང་བ་ལ་སོགས་པ་ནི་ལྷུང་བཟེད་བཞིན་ཞེས་པ་ནི་འདམ་དུ་བཅུག་པ་དང་། གཉིས་གསུམ་གྱིས་ཆོད་ནས་མ་སློང་ཤིག་པའོ། །སློང་ནའང་
[182b.5]ཚིག་ལན་གཉིས་གསུམ་གྱི་བར་དུ་མི་སྦྱིན་པ་ལ་སོགས་པ་ལྷུང་བཟེད་འགོད་པ་བཞིན་དུ་གྱིས་ཤིག་པའོ། །འགོད་པར་ཤེས་བཞིན་དུ་མཆོད་རྟེན་དང་དགེ་འདུན་གྱི་ཆེད་མ་ཡིན་བར་སོང་ན་གྲལ་རིམས་སུའོ་ཞེས་པ་ནི་མལ་ཆ་འགོད་པར་ཡང་ཤེས་ལ་མཆོད་རྟེན་དང་དགེ་འདུན་གྱི་དོན་
[182b.6]ཆེད་#ཀྱང་མ་ཡིན་པར་གུད་དུ་སོང་ན་ཁོ་ན་ཉིད་ཀྱི་གྲལ་གང་ཡིན་བ་དང་མི་སྦྱར་གྱི་སླར་འཁོར་ཏེ་བྲིམ་#པའི་གྲལ་རིམས་གར་བབ་པའི་ཐད་དུ་བྱིན་ཅིག་པའོ། །ཤིང་དྲུང་དང་#ནེའུ་གསིང་དང་སྤང་བ་ཡང་རྒན་རིམས་སུ་བདར་ཞེས་པ་ནི་འགྲོན་#དུ་དོང་བའི་ཚེའང་ས་ནར་བདེ་བ་དང་། གྲིབ་ངད་ལ་སོགས་
[182b.7]པ་གང་འདམ་པར་བྱ་བ་#དེ་རྒན་རབས་#ལ་དོར་ཅིག་པའོ། །གནས་ཁང་གིས་མི་ཁྱེད་ན་གཉིས་ལ་སོགས་པ་མཐར་ན་གདིང་བ་ཙམ་གྱིས་ཁོ་ན་ཡང་ངོ་ཞེས་པ་ནི་གནས་ཁང་གིས་#མི་ཁྱེད་ན་གཉིས་ཤིང་གཅིག་སྦྱིན་པ་ལ་སོགས་པ་མལ་རེ་ཙམ་ཤོང་བ་ཚུན་ཆད་ཀྱི་དྲོད་ཀྱིས་ཀྱང་ཟུང་ཤིག་པའོ། །ལྷུང་
[183a]
[183a.1]བཟེད་དང་རིལ་བ་དང་གོ་འདུན་དང་སོ་ཤིང་གནས་ཙམ་ནི་གཞག་ཅེས་པ་ནི་གོང་མ་ལྟར་མལ་ཆ་དག་གིས་ཚལ་པར་དགང་བ་ཡང་མ་ཡིན་གྱི་མིང་གིས་སྨོས་#པ་འདི་དག་ཙམ་གྱི་གོ་ཡང་ཞོག་ཤིག་པའོ། །སྒོ་ཁང་དང་ཁྱམས་དང་བཀོད་པ་ཚང་མང་དང་། བསྲོ་གང་#རྣམས་མི་བགོ་
[183a.2]ཞེས་པ་ནི་མིང་གིས་སྨོས་པ་འདི་དག་སྤྱི་མཐུན་གྱི་གནས་ཡིན་པའི་ཕྱིར་རོ། །མལ་ཆ་མཚན་མོ་#མ་ཡིན་ཞེས་པ་ནི་མཚན་མོ་མལ་#ཆ་མ་འགོད་ཅིག་པའོ། །ནད་པ་ཡོད་པའི་གནས་ཁང་གཞན་དུ་མ་ཡིན་ཞེས་པ་དང་། དེས་མི་འཐོབ་པ་ཙམ་གྱི་ཚོད་ཀྱང་མི་སྦྱིན་པ་མ་ཡིན་ཞེས་པ་ནི་ནད་པ་འདུག་པའི་གནས་ཁང་
[183a.3]དེའི་རྐྱེན་དང་སྦྱར་ན་མི་འཐོབ་པ་ཙམ་གྱི་#ཚོད་པ་ཡང་གཞན་དུ་མ་བགོ་བར་ཁོ་ན་ཉིད་སྦྱིན་ཞིང་གཞི་ལ་ཞོག་ཤིག་པའོ། །འདི་དང་རིམ་གྲོ་བ་ལས་སུ་མི་གཞུག་ཅེས་པ་ནི་ནད་པ་དང་ནད་གཡོག་ལ་#མ་བསྐོ་ཤིག་པའོ། །མཛེ་ཅན་དགེ་འདུན་གྱི་མལ་སྟན་སྤྱོད་དུ་མི་གཞུག་ཅེས་པ་དང་། གནས་ཁང་གི་
[183a.4]མཐའ་ཁོབ་སྦྱིན་ཞེས་པ་དང་། དགེ་འདུན་གྱི་ཁྱམས་དང་མཐོངས་དང་། སྒོ་ཁང་དང་དག་ར་དང་། འཆག་ས་དང་། གྲིབ་ཤིང་དང་གཞན་ཡང་སྤྱོད་པའི་གནས་སུ་འདུག་པར་མི་བྱ་ཞེས་པ་དང་། བཤང་གཅིའི་གནས་སུའང་མི་འཇུག་ཅེས་པ་ནི་མཛེ་ཅན་དེ་དགེ་འདུན་གྱི་གཟིམས་ཆ་སྤྱོད་དུ་
[183a.5]མི་གཞུག་ཅིང་། གནས་མཐའ་ཁོབ་སྦྱིན་པ་དང་། མིང་གིས་སྨོས་པའི་གནས་འདི་དག་དུ་མ་#འཇུག་ཤིག་པའོ། །འདིའི་རིམ་གྲོ་པ་བསྒོ་བར་ཐུགས་ཕག་མཛད་ཅེས་པ་ནི་དེའི་ནད་གཡོག་གཅིག་དགེ་འདུན་གྱིས་ཐུགས་ཕག་མཛོད་ཅིག་པའོ། །དགོན་པ་པའི་ལྷུང་བཟེད་དང་ཆོས་གོས་བཞག་
[183a.6]པའི་གནས་ཁང་གཏན་དུ་བསྐོ་#ཞེས་པ་ནི་དགོན་པ་པ་གུད་ནས་འོང་བའི་གནས་ཁང་གཅིག་གཏན་དུ་སྐོས་#ཤིག་པའོ། །དབྱར་ཚུལ་ཞུགས་པའི་ཚེ་གུད་ནས་འོང་བའི་#སྟ་གོན་དུ་གནས་ཁང་དང་མལ་སྟན་གཞག་ཅེས་པ་ནི་གུད་ནས་འོང་བའི་སྟ་གོན་འདི་ལྟར་གྱིས་ཤིག་པའོ། །ལྷགས་པ་ཕལ་ཆེན་
[183a.7]བསླས་ཏེ་བགོ་ཞེས་པ་ནི་གནས་ཁང་ལ་སོགས་པ་བགོས་ཟིན་པའི་འོག་ཏུ་གཞི་ལ་བཀོད་པས་ཕལ་ཆེ་#བ་དག་ཅིག་གུད་ནས་ལྷགས་ན་སྔར་བགོས་པ་མི་བརྩན་གྱི་གཞི་ནས་སླར་བགོས་ཤིག་པའོ། །ཚུལ་ཕྱི་མར་མ་ཡིན་ཞེས་པ་ནི་ཚུལ་ཕྱི་མར་ཞུགས་ན་ནི་གུད་ནས་ལྷགས་པ་ཕལ་ཆེར་#ཟིན་ཀྱང་
[183b]
[183b.1]གོང་མ་ལྟར་མ་སྤོ་ཤིག་པའོ། །གཅིག་གིས་ཀྱང་གཉིས་ལ་སོགས་པའི་གནས་ཁང་ཐོབ་པ་ལྟ་ནའོ་ཞེས་པ་ནི་གནས་ཁང་ཕལ་ཆེ་ལ་མི་ཉུང་ན་མི་གཅིག་ལ་གནས་ཁང་གཉིས་སྦྱིན་པ་ལ་སོགས་པ་དུ་མའང་བྱིན་ཅིག་པའོ། །ཉིན་ཞག་གཅིག་གི་#ཕྱིར་མལ་ཆ་མི་མནོད་#ཞེས་པ་ནི་ཞག་གཅིག་
[183b.2]ཙམ་དགོས་པའི་ཕྱིར་དགེ་འདུན་གྱི་གཟིམས་ཆ་མ་མནོད་ཅིག་པའོ། །གཙུག་ལག་ཁང་ནི་རྙེད་པ་ལ་འདོད་ཞེན་གྱིས་མ་ཡིན་ཞེས་པ་ནི་ཡོན་བདག་ལ་སྙིང་#རྗེ་བའི་ཕྱིར་གནས་ཁང་བྱའི་རྙེད་པ་འདོད་པའི་ཕྱིར་གཙུག་ལག་ཁང་ངམ་གནས་#ཁང་མནོད་པར་མ་བྱེད་ཅིག་པའོ། །ཐམས་ཅད་སྤྱད་པར་བྱ་ཞེས་པ་
[183b.3]ནི་གོང་དུ་སྨོས་པ་ལྟར་མི་ཉུང་ལ་གནས་ཁང་མང་སྟེ་དུ་མ་ཐོབ་པ་ཐམས་ཅད་སྤྱོད་ཅིག་པའོ། །ཐམས་ཅད་ཇི་ལྟར་སྤྱད་ཅེ་ན། ཁ་ཅིག་ཏུ་སྔ་དྲོའི་བཀླག་#པ་དང་གདོན་བ་དང་འདུག་པ་དང་། འཆག་པ་གང་ཡང་རུང་བར་བྱ་ཞེས་པ་དང་། ཁ་ཅིག་དུ་གུང་གི་དང་ཕྱི་དྲོ་ཞེས་པ་དང་། ཁ་ཅིག་དུ་ལྷུང་བཟེད་
[183b.4]དང་ཆོས་གོས་གཞག་པའི་གནས་སུ་བྱ། ཁ་ཅིག་དུ་མཚན་མོ་སྤྱད་པར་བྱ་བའོ་ཞེས་པ་ཡིན་ཏེ་ཐབས་འདི་དག་#ལྟར་གྱིས་ལ་ཐམས་ཅད་སྤྱོད་ཅིག་པའོ། །ཚུལ་དུ་ཞུགས་པས་གནས་ཀྱི་དངོས་པོ་ཞིག་པ་དང་རལ་བ་བཅོས་པར་བྱ་ཞེས་པ་དང་། དབྱར་ཞེས་#པའི་དགེ་སློང་མས་དབྱར་མོ་ཐང་
[183b.5]བཅོས་ཞེས་པ་ནི་དགེ་སློང་ཕ་དགེ་སློང་མ་དབྱར་ཚུལ་དུ་ཞུགས་པས་སོ་སོའི་གཙུག་ལག་ཁང་ཞིག་རལ་དུ་གྱུར་པ་ཆོས་ཤིག་པའོ། །འཐབ་ཀྲོལ་ཅན་གནས་སུ་མི་གཞག་པའི་ཕྱིར་དགུན་དང་དཔྱིད་ཀྱང་མལ་སྟན་བགོ་#བར་བྱ་བ་དང་། མཐའ་དག་བགོ་ཞེས་པ་དང་། འདི་ལྟ་སྟེ་
[183b.6]གཙུག་ལག་ཁང་གི་ཁང་བཞག་ཡན་ཆད་མ་ལུས་པར་རོ་ཞེས་པ་དང་། ཁྱམས་ཀྱང་དེ་བཞིན་དུའོ་ཞེས་པ་ནི་དགེ་སློང་འཐབ་ཀྲོལ་ཅན་གུད་ནས་འོངས་ན་དགུན་དང་དཔྱིད་ཀྱི་མལ་སྟན་བགོ་ཞིང་ཁྱམས་ཡན་ཆད་ཀྱང་བགོས་ཤིག་པའོ། །སོང་བའི་འོག་ཏུ་དེ་བཞིན་དུ་འོག་ཏུ་མི་བྱ་ཞེས་པ་ནི་འཐབ་
[183b.7]ཀྲོལ་ཅན་དེ་སོང་#བའི་འོག་ཏུ་གོང་མ་རྣམས་ལྟར་མ་བྱེད་ཅིག་པའོ། །ཐ་མལ་པ་དགག་པར་མི་བྱ་ཞེས་པ་ནི་འཐབ་ཀྲོལ་ཅན་མ་ཡིན་པ་དགེ་སློང་ཐ་མལ་པ་ཞིག་གུད་ནས་འོངས་ན་གོང་མ་ལྟར་དགག་པ་མ་བྱེད་ཅིག་པའོ། །འགྱུར་བའི་ཕྱིར་མ་ཡིན་ཞེས་པ་ནི་སང་ཕྱིས་འདི་ལྟ་བུ་ཞིག་ཏུ་དགོས་སོ་
[184a]
[184a.1]ཞེས་ཕྱིས་འགྱུར་བའི་ཕྱིར་གནས་ཁང་སྔ་ནས་མ་ནོད་ཅིག་པའོ། །དེ་ལྟར་སྙད་འདོགས་ཤིང་འདོན་པ་ཇི་ལྟ་བུ་ཞེ་ན། འདིར་#ཆེ་གེ་མོ་ཞིག་དུས་དང་ཉིན་ཞག་དང་ཐུན་ཀྱིར་#རོ་ཞེས་པ་དང་། འདིར་སློབ་དཔོན་ཆེ་གེ་མོ་ཞིག་འོང་བ་དང་། མཁན་པོ་ཆེ་གེ་མོ་ཞིག་འདིར་ལྷན་ཅིག་ཏུ་
[184a.2]སྤྱོད་པ་དང་། ཉེ་གནས་ཀྱིའོ། །འདིར་གཏམ་ཟླ་ལ་སོགས་པའིའོ་ཞེས་གཙུག་ལག་ཁང་མི་བགོ་ཞེས་པ་ཡིན་ཏེ་འདི་སྐད་དུ་སྙད་འདོགས་ཤིང་ཁ་རྔམ་དང་ཐོབ་ཤར་མ་འགོད་ཅིག་པའོ། །མི་མནོད་ཞེས་པ་ནི་འདི་དག་ལྟ་བུའི་ཕྱིར་འབོགས་#ན་ཡང་མ་མནོད་ཅིག་པའོ། །ཚང་འཆར་མི་སྟེར་བའི་དབྱུག་
[184a.3]པ་བགོ་ཞེས་པ་དང་། སྒོ་ང་མེད་པ་གཞིག ། ཅེས་པ་དང་། ཕྲ་མོ་རྣམས་ཀྱི་མི་སྤེལ་བར་ཐག་སྲེད་ཀྱིས་གཞུག་ཅེས་#པ་ནི་གཙུག་ལག་ཁང་དུ་ཚང་འཆར་མི་སྟེར་བའི་ཚང་གཞིག་ཅིང་གྲོག་སྤུར་ལ་སོགས་པ་ཕྲ་མོ་རྣམས་ཀྱི་ཚང་འཆར་མི་གཞུག་པའི་ལས་གྱིས་ཤིག་པའོ། །མལ་སྟན་ལ་སོགས་པ་#
[184a.4]སྦྱིན་ཞེས་པ་ནི་མལ་སྟན་ལ་སོགས་པ་གོས་ཡན་ཆད་ཀྱང་བགོས་ཤིག་པའོ། །ཡོད་ན་དུ་མའོ་ཞེས་པ་ནི་ཕལ་ཆེར་ཡོད་ན་དུ་མའང་བགོས་ཤིག་པའོ། །ཁྲིའུ་རགས་པ་ཡང་བགོ་ཞེས་པ་ནི་ཁྲིའུ་རགས་པ་ཡན་ཆད་ཀྱང་བགོས་#ཤིག་པའོ། །གདིང་བ་ཡང་ངོ་ཞེས་པ་ནི་གདིང་བ་ཡན་ཆད་ཀྱང་བགོས་#
[184a.5]ཤིག་པའོ། །དགེ་འདུན་གྱིས་#མལ་སྟན་བརྟགས་པ་མི་གཙང་བ་#མ་རུང་བར་བྱེད་པའི་#དགེ་ཚུལ་ལ་#སུས་ཀྱང་མི་སྦྱིན་ཞེས་པ་ནི་དགེ་ཚུལ་འོག་རྫིང་བྱེད་པ་ལ་མལ་སྟན་འགོད་པ་ཉི་ཚེར་#མ་ཟད་ཀྱི་མཁན་པོ་དང་སློབ་དཔོན་ལ་སོགས་པ་སུས་ཀྱང་དགེ་འདུན་གྱི་མལ་སྟན་མ་བྱིན་ཅིག་པའོ། །དགེ་སློང་
[184a.6]མ་ལའང་མ་ཡིན་ཞེས་པ་དང་། གཙུག་ལག་ཁང་གི་མཐའ་#ཁོབ་དུ་འདིའི་གནས་དབོག་ཅེས་པ་དང་། མལ་ཆ་ཡང་སྙིགས་#མ་དང་ཐ་ཤལ་ལོང་#ཞེས་པ་ནི་དགེ་སློང་མ་#རྟག་ཏུ་ཟག་པ་ཞིག་ན་ཡང་དགེ་འདུན་མལ་ཆ་ཐ་མལ་པ་#སྤྱོད་དུ་མི་གཞུག་པ་ལ་སོགས་པ་ཐབས་འདི་ལྟར་གྱིས་ཤིག་པའོ། །ཁྱེད་ཅག་
[184a.7]སུས་ཀྱང་གདིང་བ་མེད་པར་དགེ་འདུན་གྱི་མལ་སྟན་མ་སྤྱོད་ཅིག་ཁྲལ་ཁོག་གི་#གདིང་བས་མ་ཡིན་དྲི་མ་ཅན་གྱི་གདིང་བས་མ་ཡིན་ནོ་ཞེས་བསྒོ་ཞེས་པ་དང་། ཟླ་བ་ཕྱེད་ཕྱེད་ཅིང་བྱུལ་ཞེས་པ་དང་། ཚུལ་ལས་འདས་པར་སྤྱོད་ན་གནས་ལ་སྦུང་དབྱུང་ཞིང་གནས་པའི་དབྲོག་པ་དང་དགེ་འདུན་ལ་
[184b]
[184b.1]གཞན་གྱི་ཞེས་པ་ན་#མལ་སྟན་འགོད་པ་དེས་གདིང་བ་མེད་པར་མི་#སྤྱོད་ཅིག་པ་དང་། གདིང་བའི་གོ་#སྐ་རགས་ཀྱིས་བྱེད་པ་ལྟ་བུ་ཁྲལ་ཁོག་གི་གདིང་བ་དང་དྲི་མ་ཅན་གྱི་གདིང་བ་མ་བྱེད་ཅིག་པར་དགེ་འདུན་ལ་ཐར་གང་སྐྱེལ་བ་དང་། ཟླ་བ་ཕྱེད་ཕྱེད་ཅིང་བྱུལ་བ་དང་། གནས་པ་ཆོ་ག་བཞིན་དུ་མི་#
[184b.2]སྤྱོད་ན་གནས་ལ་སྦུད་དབྱུང་ཞིང་དབྲོག་པ་དང་། གནས་བརྟན་ཆོག་བཞིན་དུ་མི་སྤྱོད་ན། དགེ་འདུན་ལ་དབུང་བྱུང་ཞིང་#ཕྲོགས་ཤིག་པའོ། །སྦྱིན་བདག་ཆེ་གེ་མོ་ཞལ་ཏ་པ་ཆེ་གེ་མོ་སྤྱོད་ཡུལ་དང་གྲོང་#ཆེ་གེ་མོར་སང་དགེ་འདུན་དབྱར་ཚུལ་དུ་འཇུག་གོ་ཞེས་བསྙད་ཅེས་པ་ནི་ཚུལ་དུ་འཇུག་པའི་
[184b.3]སྔ་དེ་ཉིན་#ནས་མིང་གིས་སྨོས་པ་འདི་དག་དགེ་འདུན་ལ་སྙོད་ཅིག་པའོ། །འགྱོད་པ་མི་སྐྱེད་ཅིང་སེལ་བ་དང་གཞན་ཀྱང་སྡུག་བསྔལ་དང་ཡིད་ལ་ཆགས་པ་དང་བདེ་བ་དང་ཡི་སོས་པ་སྐྱེ་ཞིང་རྗེས་སུ་བསྲུང་བ་དང་ཚངས་པ་མཚུངས་པར་སྤྱོད་པ་ནད་ཀྱི་རིམ་གྲོ་བར་འགྱུར་བར་རེ་བ་དང་གནས་དང་སྤྱོད་
[184b.4]ཡུལ་དང་ཟས་དང་སྨན་རྣམས་ཀྱི་ཁུངས་བརྟག་ཅིང་ཚུལ་དུ་འཇུག་ཅེས་པ་#མིང་གིས་སྨོས་པ་འདི་དག་ལྟ་བུའི་ཐག་སྔ་ནས་བཅད་ལ་དེ་ནས་གདོད་ཚུལ་དུ་ཞུགས་ཤིག་པའོ། །དེ་འགྱོད་པ་མི་སྐྱེད་ཅིང་སེལ་བ་ནི་འགྱོད་པ་མ་སྐྱེས་པ་ནི་མི་སྐྱེད། སྐྱེས་ན་#ནི་སེལ་བར་ནུས་པའོ། །སྡུག་བསྔལ་དང་
[184b.5]ཡིད་ལ་ཆགས་ཞེས་པ་ནི་འགྱོད་པ་ལས་གཞན་པ་ལུས་ཀྱི་སྡུག་བསྔལ་དང་སེམས་ཀྱི་ཡིད་ལ་གཅགས་#པ་མི་སྐྱེད་པ་དང་སྐྱེས་ན་ཡང་སེལ་བར་ནུས་པའོ། །བདེ་བ་དང་ཡི་སོས་པ་སྐྱེད་ཅིང་རྗེས་སུ་ཞེས་པ་ནི་ལུས་ཀྱི་བདེ་བ་དང་། སེམས་ཀྱི་ཡི་སོས་པ་མ་སྐྱེད་པ་ནི་བསྐྱེད་སྐྱེས་པ་ནི་#གཏིང་ཚུགས་
[184b.6]ཤིང་རྗེས་སུ་བསྲུང་ནུས་པའོ། །ཚུལ་དུ་འཇུག་པའི་གནས་གང་དུ་ཞེ་ན། གྲོག་#སླུར་དགེ་སློང་གི་མདུན་དུའོ་ཞེས་པ་ཡིན་ཏེ་ལྐོག་གམ་#དབེན་པར་དགེ་སློང་གི་མདུན་དུ་ཚུལ་#འཇུག་པའི་ཆོ་གའམ་སྔགས་གྱིས་ཤིག་པའོ། །གཙུག་ལག་ཁང་དུ་མར་མ་ཡིན་ཞེས་པ་ནི་རྙེད་པ་འདོད་པའི་ཕྱིར་
[184b.7]གཙུག་ལག་ཁང་དུ་མར་ཚུལ་དུ་#འཇུག་པ་མ་བྱེད་ཅིག་པའོ། །གང་ན་དགེ་སློང་དང་སྒོ་འཕར་གཉིས་ཀ་མེད་པ་#མ་ཡིན་ཞེས་པ་ནི། འདི་གཉིས་ཀ་མེད་པའི་གནས་སུ་ཚུལ་དུ་མ་འཇུག་ཤིག་པའོ། །སྦྱིན་བདག་དང་ཞལ་ཏ་བྱེད་པ་དང་སྤྱོད་ཡུལ་གྱི་གྲོང་དང་རིམ་གྲོ་པ་རྣམས་ཡོད་ན་བརྗོད་
[185a]
[185a.1]ཅེས་པ་ནི་འདི་དག་ཡོད་ན་གདོད་ཚུལ་དུ་འཇུག་པའི་སྔགས་ཀྱིས་ནང་དུ་རྗོད་#ཅིག་པའོ། །བྱིན་གྱིས་མ་བརླབས་པར་མཚམས་ཀྱི་ཕྱི་རོལ་ཏུ་སྐྱ་རེངས་ཤར་བར་མི་བྱ་ཞེས་པ་ནི་ཆོ་ག་འོག་#ནས་འབྱུང་བ་ལྟ་བུ་མ་བྱས་པར་མཚམས་ཀྱི་ཕྱི་རོལ་ཏུ་ཞག་ལོན་པར་མ་བྱེད་ཅིག་པའོ། །
[185a.2]བྱིན་གྱིས་བརླབས་#པ་གང་ཞེ་ན། ཆོས་ཀྱི་ཆེད་ཅིག་#ན་ཞག་བདུན་བྱིན་གྱིས་བརླབ་#ཅེས་པ་#ཡིན་ཏེ་ཆོས་ཀྱི་དོན་ཆེད་ཡོད་ན་ཞག་བདུན་གུད་དུ་འགྲོ་བར་བྱིན་གྱིས་རློབས་ཤིག་པའོ། །ཆོས་ཀྱི་ཆེད་གང་ཞེ་ན། དེ་འདི་ལྟ་སྟེ་ཀུན་དགའ་འབུལ་བ་དང་། གཙུག་ལག་ཁང་གི་#གཞི་གཟུགས་པ་དང་།
[185a.3]མལ་སྟན་བསྒོ་#བ་དང་། ཟས་གཏན་དུ་ཤོམ་པ་དང་། མཆོད་རྟེན་བརྩིགས་#པ་དང་། སྲོག་ཤིང་དང་། རྒྱལ་མཚན་འཛུགས་#པ་དང་། ལྡོང་རོས་#དང་། ཙན་དན་དང་། གུར་གུམ་གྱི་ཆག་ཆག་འདེབས་པ་དག་གོ། །དགེ་སློང་གིས་ནི་#ཀློག་པ། འགྱོད་པ་སེལ་བ། ལྟ་བ་ཟློག་པ། དཔུང་
[185a.4]སྒྲུབ་པ། ཚངས་པར་བྱ་བ། ཆད་པ་ལ་སོགས་པ་བཞི་དབྱུང་བ། ནད་པའི་གསོ་བ་རྣམས་སོ། །དགེ་སློང་མ་ནི་ལྕི་བའི་ཆོས་ཀྱི་མགུ་བ་ནོད་ནའོ། །དགེ་སློབ་མ་ནི་ཚངས་པར་སྤྱོད་པའི་གནས་ཀྱི་སྡོམ་པ་དང་། བསྙེན་པར་རྫོགས་པར་ནའོ། །འདིར་ནི་དགེ་ཚུལ་ཡང་ངོ་། །དགེ་ཚུལ་མ་ནི་བསླབ་
[185a.5]པའི་སྡོམ་པ་ནོང་ནའོ། །ཁྱིམ་པ་དང་ཁྱིམ་མའི་ནི་#མགོ་བཅིང་བ་དང་། ཟླ་མཚན་བསྩལ་#བ་དང་། སྐྲ་བསྐྱེད་#བ་དང་། སྤྱི་ཕུད་བཙུགས་པ་དང་། རྣ་ཆ་འདོགས་པ་རྣམས་སོ། །བསྙེན་པར་མ་རྫོགས་པའི་ནི་དགེ་འདུན་གྱི་ལྷག་མར་གཏོགས་པ་མ་ཡིན་པའི་སྔ་མ་རྣམས་སོ་ཞེས་པ་རྣམས་
[185a.6]ཡིན་ཏེ་དོན་ཆེད་འདི་དག་ལྟ་བུས་#གུད་དུ་འགྲོ་ན་གདོད་ཞག་བདུན་དུ་བྱིན་གྱིས་རློབས་ཤིག་པའོ། །དེ་ལ་ཀུན་དགའ་ཞེས་པ་ནས་གུར་གུམ་གྱི་ཆག་ཆག་འདེབས་ཅེས་པའི་བར་དུ་སྨོས་པ་རྣམས་ནི་མཆོད་རྟེན་གྱི་ཆེད་དོ། །དགེ་སློང་གིས་ནི་ཞེས་པ་ནས་ནད་པ་ཡི་#གསོ་ཞེས་པའི་#བར་དུ་སྨོས་པ་ནི་
[185a.7]དགེ་སློང་གི་ཆེད་དེ་དེ་ལ་དཔུང་སྒྲུབ་ཅེས་པ་ནི་ཆད་པའི་ལས་དང་། རྩོད་པ་ཞི་བར་བྱ་བ་ལ་དགེ་སློང་ཆོས་བཞིན་དུ་སྤྱོད་པ་རྣམས་ཀྱི་དཔུང་བསགས་#པའོ། །ཚངས་པར་བྱ་བ་ཞེས་པ་ནི་ཆད་པས་བཅད་ཅིང་བཀར་བ་ལ་སོགས་པའི་ཁྲིན་ཚངས་པར་བྱ་བའོ། །ཆད་པ་ལ་སོགས་པ་བཞི་ཞེས་པ་
[185b]
[185b.1]ནི་ཆད་པ་དང་རྩ་བའི་ཆད་པ་དང་། མགུ་བ་དང་། རྩ་བའི་མགུ་བ་བཞིའོ། དབྱུང་བ་ཞེས་པ་ནི་དགེ་འདུན་གྱི་ལྷག་མ་བྱུང་བ་ལས་དབྱུང་བའོ། །ནད་པ་ཡི་#གསོ་ཞེས་པ་ནི་ནད་པའི་གན་དུ་སོང་ཞིང་ནད་པ་མགུ་བར་བྱའོ། །དགེ་སློང་མ་ནི་ལྕི་བའི་ཆོས་ཀྱི་མགུ་བ་ནོད་ནའོ་ཞེས་པ་ནི་དགེ་སློང་མའི་ཆེད་
[185b.2]ཡིན་ནོ#། །དགེ་སློབ་མ་ནི་ཞེས་པ་ནས་བསྙེན་པར་རྫོགས་པར་ནའོ་ཞེས་པ་ནི་དགེ་སློབ་མའི་ཆེད་དོ། །འདི་ནི་དགེ་ཚུལ་ཡང་ངོ་ཞེས་པ་ནི་གོང་དུ་སྨོས་པའི་#བསྙེན་པར་རྫོགས་པ་#དགེ་ཚུལ་གྱི་#ཆེད་ཀྱང་ཡིན་པར་སྟོན་པའོ། །དགེ་ཚུལ་མ་ནི་བསླབ་པའི་སྡོམ་པ་ནོད་ནའོ་ཞེས་པ་ནི་དགེ་ཚུལ་མའི་ཆེད་དོ#། །ཁྱིམ་པ་
[185b.3]དང་ཁྱིམ་པའི་ཞེས་པ་དང་། རྣ་ཆ་འདོགས་ཞེས་པའི་བར་དུ་སྨོས་པ་ནི་ཁྱིམ་པའི་ཆེད་ཡིན་ཏེ། དེ་ལ་མགོ་འཆིང་ཞེས་པ་ནི་བྱིས་པ་འབྲལ་#བ་ལེགས་པར་བྱ་བའི་ཕྱིར་མགོ་འཆིང་བའོ། །ཟླ་མཚན་སེལ་ཞེས་པ་ནི་བུ་བཙས་པའི་འོག་ཏུ་ཆོ་གའང་བྱེད་པའོ། །སྐྲ་བསྐྱེད་ཅེས་པ་ནི་བྱིས་པ་སྐྲ་བསྐྱེད་པའོ། །སྤྱི་
[185b.4]ཕུད་འཛུགས་ཞེས་པ་ནི་སྤྱི་ཕུད་འཇོག་པའི་དུས་སོ། །རྣ་ཆ་འདོགས་ཞེས་པ་ནི་དངོས་ཏེ། ཁྱིམ་པ་ཆོ་ག་འདི་དག་བྱེད་པའི་ཚེ་དགེ་སློང་གཉར་#ན་ཡང་ཞག་བདུན་བྱིན་གྱིས་བརླབས་ཏེ་#འགྲོ་བར་བྱའོ། །བསྙེན་པར་མ་རྫོགས་པའི་ནི་དགེ་འདུན་གྱི་ལྷག་མར་གཏོགས་པ་མ་ཡིན་པའི་སྔ་མ་རྣམས་སོ་ཞེས་པ་ནི་གོང་དུ་
[185b.5]སྨོས་པའི་ནང་ནས་ལྷག་མ་ཉི་ཚེ་མ་གཏོགས་པའི་གཞན་ཐམས་ཅད་དགེ་ཚུལ་གྱི་ཆེད་ཀྱང་ཡིན་པར་སྟོན་པའོ། །དེའི་ཞར་ལ་སྟོན་པ་ནི། ཁྱིམ་པའི་ཚངས་པ་ནི་ཁས་སྦུབ་པ་གཏོང་བའོ་ཞེས་པ་ཡིན་ཏེ་ཁྱིམ་པའི་ཉེས་ཁྲིན་ཚངས་པ་ནི་#ལྷུང་བཟེད་ཁས་སྦུབ་པ་འགྲོ་བ་ཡིན་ཏེ། འདི་ལྟ་བུའི་ཚེ་ཡང་བྱིན་གྱིས་
[185b.6]བརླབ་ཅིང་གུད་དུ་འགྲོ་བར་བྱའོ། །ཟས་སྨན་རིམ་གྲོ་པ་རྣམས་མེད་ལ། དེ་མེད་པས་གནས་པར་མི་ནུས་ན་འདི་དྲལ་ཞེས་པ་ནི་མིང་གིས་སྨོས་པ་འདི་དག་དང་མི་ལྡན་ཏེ#། དེར་གནས་པའི་གཏོལ་མེད་ན་ཚུལ་དྲོལ་ཅིག་པའོ། །དགེ་སྦྱོང་དང་འཚོ་བ་དང་ཚངས་པར་སྤྱོད་པའི་བར་ཆད་དུ་འགྱུར་ནའོ་
[185b.7]ཞེས་པ་ནི་རྐྱེན་འདི་དག་ལྟ་བུས་ཐེབས་ན་ཡང་ཚུལ་དྲོལ་ཅིག་པའོ། །དགེ་འདུན་གྱི་དབྱེན་ལ་ཞུགས་པས་དགའ་བའི་སེམས་སྐྱེ་བ་དང་། སྡིག་པའི་ཚིག་ཚོར་#ནའོ་ཞེས་པ་ནི་དབྱེན་ལ་ཞུགས་པ་སེམས་སྐྱེ་བ་ཙམ་གྱི་ཚོད་དམ་སྡིག་ངན་པ་དག་ཚོར་བ་ཙམ་གྱི་ཚོད་ན་ཚུལ་བཏང་སྟེ་སོང་ཡང་བླ་བའོ། །
[186a]
[186a.1]དེ་ཞིར་རེ་ན་མི་འགྲོ་བ་མ་ཡིན་ཞེས་པ་ནི་གནས་གུད་ན་དགེ་འདུན་གྱི་དབྱེན་ལ་ཞུགས་པའམ། རྩོད་པར་འགྱུར་བ་#བདག་གིས་ཞི་བར་ནུས་ཤིང་སློན་པ་ཙམ་གྱི་ཚོད་ན་བླ་གྱད་#དང་ཐེག་མ་བྱེད་པར་དེར་སོང་ལ་ཞི་བ་དང་བསྡུམ་པར་གྱིས་ཤིག་པའོ། །སོང་ནས་འདས་ཀྱང་
[186a.2]བླ་ཞེས་པ་ནི་དེ་ལྟ་བུའི་ཆེད་དུ་ནི་ཞག་བདུན་བྱིན་གྱིས་བརླབས་པ་ལས་འདས་ཀྱང་བླ་བའོ། །དབྱར་གྱི་གནས་གཞི་གཟུང་བར་དམ་བཅས་ན་མི་བྱ་མ་ཡིན་ཞེས་པ་ནི་དབྱར་འདིར་གནས་པར་བྱའོ་ཞེས་དམ་བཅས་པ་#ནས་གྱ་གྱུ་མ་བྱེད་པར་གཞི་ཟུང་ཤིག་པའོ། །གནས་གཉིས་ལ་གསོ་སྦྱིན་གཅིག་པ་
[186a.3]ནི་འདིར་མི་འགྱུར་ཞེས་པ་ནི་གསོ་སྦྱིན་གཅིག་ན་གནས་ཐ་དད་པ་ནི་དམ་བཅས་པ་ལས་གྱ་གྱུར་བྱས་པར་མི་འགྱུར་བའོ། །རྙེད་པ་གཅིག་པ་ནི་འགྱུར་རོ་ཞེས་པ་ནི་གནས་ཐ་དད་པ་#རྙེད་པ་གཅིག་པ་ནི་དམ་བཅའ་བ་ལས་གྱ་གྱུར་བྱས་པར་འགྱུར་བའོ། །དབྱར་གྱི་དངོས་པོའོ།། །།གླེང་གཞི་
[186a.4]ལ་སོགས་པ་ལས་དབྱར་གྱི་དངོས་པོར་གཏོགས་པ་རྣམས་བསྡུས་ཏེ་སྟོན་པ་ནི་སྡེ་ལྔ་ཆར་གྱི་ཚུལ་དུ་འཇུག་པར་བྱ་ཞེས་པ་ལ་སོགས་པ་ཡིན་ཏེ་དབྱར་ཚུལ་དུ་འཇུག་པ་དགེ་སློང་ཕ་དང་དགེ་སློང་མ་དང་དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་སྡེ་ལྔ་ཆར་གྱིས་ཀྱང་གྱིས་ཤིག་
[186a.5]པའོ། །དགེ་ཚུལ་ཉི་ཚེ་ནི་མ་ཡིན་ཞེས་པ་དང་། ལོ་མ་ལོན་པ་རྣམས་ཀྱིས་ཀྱང་ངོ་ཞེས་པ་ནི་གཙུག་ལག་ཁང་གཅིག་ཏུ་དགེ་ཚུལ་ཤ་དག་གམ། བསྙེན་པར་རྫོགས་ནས་ལོ་རེར་མ་ལོན་པ་ཤ་དག་ཚུལ་དུ་འཇུག་པར་མ་བྱེད་ཅིག་པའོ། །འདི་དག་གིས་ཀྱང་ཚུལ་མི་སྐྱེ་བ་#ནི་མ་ཡིན་ཞེས་པ་ནི་གོང་མ་ལྟ་བུ་
[186a.6]ཤ་དག་གིས་#དབྱར་ཚུལ་དུ་འཇུག་པ་བྱས་ནའང་དབྱར་གནས་པའམ་ཚུལ་དུ་ཞུགས་པར་མི་འགྱུར་བ་མ་ཡིན་པར་སྟོན་ཏེ། ཅིའི་ཕྱིར་འདི་ལྟ་བུ་ཤ་དག་གིས་ཚུལ་དུ་འཇུག་པར་མི་བྱ་ཞེ་ན། གནས་མེད་པའི་ཕྱིར་བྱ་བ་དང་མི་བྱ་བ་ལ་སོགས་པའི་དམིགས་མི་ཕྱེད་པའི་ཕྱིར་རོ། །མལ་སྟན་མི་བསྒོ་#བ་
[186a.7]མ་ཡིན་པ་ནི་དེ་དག་ལྟ་བུ་བརྒྱ་ལ་ཚུལ་དུ་ཞུགས་ན་ལང་མལ་སྟན་ནི་བགོས་ཤིག་པའོ། །འགོད་པ་མེད་ཀྱང་ངོ་ཞེས་པ་ནི་མལ་སྟན་འགོད་པར་བསྐོས་པ་མེད་དུ་ཟིན་#ཀྱང་སྤྱིས་#བགོས་ཤིག་པའོ། །མ་བསྐོས་#པས་མི་བགོ་ཞེས་པ་ནི་དགེ་སློང་ཡང་རུང་། དགེ་སློང་མ་ཡིན་ཡང་རུང་། མལ་སྟན་
[186b]
[186b.1]འགོད་པར་མ་བསྐོས་པས་མ་འགོད་ཅིག་པའོ། །སྡེ་སྣོད་འཛིན་པ་དང་འཐབ་ཀྲོལ་བྱེད་པ་ཡོད་པ་དང་། མེད་པ་ནི་མི་བསྐྱེད་པ་ལ་སོགས་པ་ལ་#བརྟེན་པ་མ་ཡིན་ཞེས་པ་ནི་སྡེ་སྣོད་མི་འཛིན་པ་དང་འཐབ་ཀྲོལ་ཅན་ཡོད་ན་ཚུལ་དུ་མི་འཇུག་པ་དང་། མེད་ན་འཇུག་པར་བྱ་བ་ནི་གོང་དུ་འགྱོད་པ་སེལ་ཅིང་སྡུག་
[186b.2]བསྔལ་བ་#དང་། ཡིད་ལ་ཆགས་པ་ཞེས་སྨོས་པ་ལ་མ་བརྟེན་#པར་མ་ཡིན་པར་སྟོན་པའོ། །ཅིའི་ཕྱིར་དེ་ལྟ་ཞེ་ན། སྡེ་སྣོད་འཛིན་པ་མེད་ན་ཐེ་ཚོམ་སེལ་བ་ལ་སོགས་པ་ནུས་མི་སྲིད་པ་དང་། འཐབ་ཀྲོལ་ཅན་ཡོད་ན་སྡུག་བསྔལ་ཞིང་ཡིད་ལ་ཆགས་པ་གདོན་མི་ཟ་བར་འབྱུང་བའི་ཕྱིར་རོ། །ཚུལ་དུ་མ་
[186b.3]ཞུགས་ལ་གནས་མ་བཏང་བའང་གནས་པའོ་ཞེས་པ་ནི་ཚུལ་དུ་ནི་#མ་ཞུགས་ལ་དབྱར་གཅིག་གི་བར་དུ་གུད་ན་#སོང་བར་གཞི་ལ་འདུག་#འདུག་ནའང་དབྱར་གནས་པ་ཡིན་པར་སྟོན་པའོ། །ནམ་མཁའ་ལ་ཚུལ་དུ་འཇུག་པ་མི་སྐྱེ་ཞེས་པ་ནི་#ནམ་མཁའ་ལ་འདུག་ཅིང་འཛུལ་#དུ་འཇུག་པའི་ལས་བྱས་ན་ལས་
[186b.4]སུ་མི་རུང་བའོ། སྐམ་ལ་བྱུང་#བ་དང་ས་ལ་ལེགས་པར་#བརྟོད་པ་དང་བར་ཆད་འབྱུང་བར་མ་ཤེས་པ་རྣམས་མ་རྟོགས་ན་གྲུར་མ་ཡིན་ཞེས་པ་ནི་གྲུ་སྐམ་ལ་བྱུང་བ་དང་། ཤིང་ལྟ་བུ་རྩ་བ་བརྟན་པོ་ལ་བརྟོད་པ་དང་གྲུ་གུད་དུ་ཁྲིད་པའི་རྐྱེན་འབྱུང་བ་མ་ཤེས་ཏེ་གྲུའི་ནང་དུ་ཚུལ་དུ་འདུག་#པའི་ལས་བྱས་པ་ནི་རུང་
[186b.5]གི་#དེ་མ་ཡིན་བར་གྲུའི་ནང་དུ་འཇུག་པའི་ལས་བྱས་ན་#མི་རུང་བར་སྟོན་པའོ། །དེའི་ལྟ་བ་ལ་མངོན་པར་བརྟེན་ཏེ་#ཆོས་མ་ཡིན་པའི་ཕྱོགས་སུ་སོང་ནས་སྐྱ་རེངས་ཀྱིས་#ཆོད་ན་ཞིག་གོ་ཞེས་པ་ནི་ལྷ་སྦྱིན་ལྟ་བུའི་ཕྱོགས་སུ་ལྟས་ཤིང་དེར་སོང་སྟེ་སྐྱ་རེངས་ཀྱིས་#ཆོད་ན་ཚུལ་འཇིག་པའོ། །ཐེ་ཚོམ་པ་ནི་མ་
[186b.6]ཡིན་ཞེས་པ་ནི་བདག་ཚུལ་དུ་ཞུགས་སམ་མ་ཞུགས་སྙམ་དུ་ཐེ་ཚོམ་པས་ནི་ཚུལ་མི་འཇིག་པར་སྟོན་པའོ། །མཇུག་གི་ཞག་དྲུག་ལ་བྱིན་གྱིས་བརླབས་པ་མི་འཆགས་#ཞེས་པ་ནི་ཚུལ་དུ་ཞུགས་པའི་ཞག་གྲངས་ཀྱི་མཇུག་ཞག་དྲུག་ཙམ་ལས་མ་ལུས་ན་གུད་དུ་འགྲོ་བར་བྱིན་གྱིས་བརླབས་ཀྱང་བྱིན་གྱིས་
[186b.7]བརླབས་པའི་དོན་དུ་མི་རུང་བར་སྟོན་པའོ། །དོན་མེད་པར་ཤེས་ན་སླར་མ་ལོག་གམ་གཞི་བཟུང་#ན་འཇིག་གོ་ཞེས་པ་ནི་དོན་ཆེད་#ཀྱི་ཕྱིར་བྱིན་གྱིས་བརླབས་ཏེ་#གུད་དུ་སོང་སོང་བ་ལས་དོན་དེ་མེད་ཅིང་མི་འགྲུབ་བར་ལམ་དུ་ཐོས་ནས་སླར་མ་ལོག་གམ། གཞིར་བྱིན་ནས་དོན་ཆེད་བཞིན་དུ་དེ་ན་འདུག་
[187a]
[187a.1]ན་ཚུལ་འཇིག་པར་འགྱུར་བའོ། །འདིར་ཞག་བདུན་ནི་མཐའི་ཚིགས་སོ་ཞེས་པ་ནི་ཞག་བདུན་ཡང་ཐ་མའི་ཚིགས་དེ་ཙམ་གྱིས་བཟུང་དུ་ཟད་ཀྱི་ཞག་གཅིག་གཉིས་ཀྱིས་#གྲུབ་པའི་དོན་ཆེད་ལ་འགྲོ་ན། དོན་ཆེད་ཞག་དུས་འགྲུབ་#པ་བཞིན་དུ་བྱིན་གྱིས་རློབས་#ཤིག་པའོ། །འདི་ནི་སྡོམ་
[187a.2]པ་མ་ཐོབ་པའི་མཐའོ་ཞེས་པ་ནི་སྡོམ་པ་མ་ཐོབ་ན་ཞག་བདུན་གྱི་ཚིགས་ཀྱིས་#རུང་བར་སྟོན་པའོ། །གཞན་ནི་ཞག་བཞི་བཅུའོ་ཞེས་བ་ནི་སྡོམ་པ་ཐོབ་ན་ཞག་བཞི་བཅུའི་ཚིགས་ཀྱིས་ཟུང་ཤིག་པའོ། །འདི་ནི་ཞག་བཞི་བཅུར་འགྲོ་བའི་དགེ་འདུན་གྱིས་བྱིན་གྱིས་རློབ་#པར་གནང་པ་ལ་བྱའི་དགེ་འདུན་གྱིས་
[187a.3]གནས་ནས་བྱིན་གྱིས་བརླབ་མི་དགོས་པ་ནི་མ་ཡིན་ནོ། །འདི་དབོག་ཅེས་པ་ནི་དེ་ལྟ་བུའི་སྡོམ་པ་དགེ་འདུན་གྱིས་བྱིན་ཅིག་པའོ། །ཕྱི་རོལ་དུ་དེ་ལས་འདས་པར་མི་གནས་ཞེས་པ་ནི་མཚམས་ཀྱི་ཕྱི་རོལ་དུ་ཞག་བཞི་བཅུ་ལས་ལྷག་པར་མ་འདུག་ཤིག་པའོ། །འདི་སྡེ་ལྔ་ཆར་གྱི་ཡང་ངོ་ཞེས་པ་ནི་གོང་མ་
[187a.4]ལྟར་སྡོམ་པ་གསོལ་བ་དེ་སྡེ་ལྔ་ཆར་གྱི་ཡིན་པའོ། །འདི་ནི་མཚམས་ཀྱི་ནང་དུ་འཆགས་ཞེས་པ་ནི་བྱིན་གྱིས་བརླབས་པ་དེ་མཚམས་ཀྱི་ནང་དུ་བྱ་དགོས་ཀྱི་ཕྱི་རོལ་གྱི་མ་ཡིན་པའོ། །དགེ་སློང་གི་མདུན་དུའོ་ཞེས་པ་ནི་བྱིན་གྱིས་བརླབས་པ་དེ་དགེ་སློང་པ་ཞིག་ན་ཡང་#དགེ་སློང་ཕ་གཅིག་གི་མདུན་དུ་བྱིན་
[187a.5]གྱིས་བརླབ#། དགེ་སློང་མ་ཞིག་ནའང་དགེ་སློང་མ་གཅིག་གི་མདུན་དུ་བྱིན་གྱིས་བརླབ་#དགོས་པའོ། །མུ་སྟེགས་ཀྱི་ལྟ་བ་ལས་བྲལ་བ་དང་། གཉེན་གྱི་བྱ་བ་དང་། ཉིད་ཀྱི་ཐེ་ཚོམ་གཞུང་དང་ཆུད་པས་བསྩལ་#བའི་ཕྱིར་འགྲོ་ཞིང་འདི་དག་བྱ་བ་#ནི་མ་བསྡུས་པར་མ་དོགས་#ཤིག་ཅེས་པ་ནི་གོང་དུ་ཆོས་ཀྱི་དོན་
[187a.6]ཆེད་ཀྱི་ཕྱིར་འགྲོ་ན་ཞེས་སྨོས་པ་དེའི་ནང་དུ་མིང་གིས་སྨོས་པ་འདི་དག་གི་ཕྱིར་འགྲོ་བ་ཡང་མ་བསྡུས་པ་མ་ཡིན་བར་སྟོན་པའོ། །ཚུལ་དུ་ཞུགས་པའི་མི་དགར་ཞེས་པ་ནི་ཚུལ་དུ་ཞུགས་པའི་ཚེ་བཀར་བའི་ལས་མི་བྱ་ཞིང་། བཀར་#དུ་ཟིན་ཀྱང་དེ་དང་ལྷན་ཅིག་ཏུ་འདུག་ཤིག་པའོ། །གནས་ནི་དཔེའོ་ཞེས་པ་
[187a.7]ནི་གོང་དུ་གནས་པར་དམ་བཅས་ན་དེ་བཞིན་དུ་#མི་རུང་ཞེས་སྨོས་པ་དེ་དཔེ་ཙམ་དུ་ཟད་ཀྱི་གཞན་ཡང་ཆོས་གོས་དང་ལྷུང་བཟེད་ལ་སོགས་པ་སྦྱིན་པར་དམ་བཅས་པ་ལྟ་བུ་གང་ལའང་དམ་བཅས་ཕྱིན་ཆད་གྱ་གྱུ་མ་བྱེད་ཅིག་#པའོ། །གླེང་གཞི་ལ་སོགས་པར་གཏོགས་#པའོ། །དབྱར་གྱི་དངོས་པོ་རྫོགས་སོ།། །།
[187b]
[187b.1]ཚུལ་ནས་འབྱུང་བའི་དངོས་ཕོད་སྟོན་པ་ནི། ཐུབ་པའི་དམ་མི་བཅའ་ཞེས་པ་ལ་སོགས་པ་ཡིན་ཏེ། སྨྲ་བར་ཐུབ་པའི་དམ་མ་འཆའ་ཤིག་པའོ། །འདིས་འདག་ཅིང་གྲོལ་དུ་རེ་ན་ཉེས་པ་སྦོམ་པོའོ་ཞེས་པ་ནི་#གོང་མ་ལྟ་བུའི་ཐུབ་པར་དམ་བཅས་པ་དེས་#སྡིག་པ་འབྱང་ཞིང་མྱ་ངན་ལས་འདས་པ་འཐོབ་
[187b.2]དུ་རེ་ན་ཉེས་པ་སྦོམ་པོ་ཡིན་པར་སྟོན་པའོ། །དབྱར་ལོན་པས་དགེ་འདུན་དག་མཐོང་བ་དང་། ཐོས་པ་དང་། དོགས་པས་དབྱུང་ཞེས་པ་ནི་#དགེ་འདུན་ཚུལ་ནས་འབྱུང་བའི་ཚེ་དབྱར་གནས་པའི་དགེ་སློང་གིས་#གནས་འདི་གསུམ་ཕྱུང་#ཤིག་པའོ། །དབྱར་གྱི་མཇུག་དུའོ་ཞེས་པ་ནི་དབྱར་ཟླ་གསུམ་
[187b.3]ལོན་བའི་རྗེས་ལ་ཚུལ་ནས་འབྱུང་བའི་ལས་གྱིས་ཤིག་པའོ། །སྤྱོད་ཡུལ་དུ་བསྒྲགས་ཞེས་པ་ནི་དགེ་འདུན་ཚུལ་ནས་འབྱུང་བ་སྤྱོད་ཡུལ་དུ་སྒྲོགས་ཤིག་པའོ། །ནམ་བྱི་བདར་བྱེད་པ་ནས་#སོ་ཞེས་པ་ནི་གོང་མ་ལྟར་བསྒྲགས་པ་དེ་གཙུག་ལག་ཁང་གི་བྱི་བདར་བྱེད་པའི་མགོ་བཙུགས་#པ་ཙམ་ནས་
[187b.4]སྒྲོགས་ཤིག་པའོ། །བསྒྲགས་པའི་སྐད་ཇི་སྐད་དུ་བྱ་ཞེ་ན། ཞག་གྲངས་འདི་ཙམ་དགེ་འདུན་ཚུལ་ནས་འབྱུང་བར་ཁྱེད་ལ་སྦྲན་པ་ཡིན་ནོ་ཞེས་པ་ཡིན་ཏེ་ཇི་ཙམ་ན་ཚུལ་ནས་འབྱུང་བའི་ཞག་གྲངས་སྨོས་ལ་སྙད་#འདི་སྐད་དུ་བསྒོ་ཤིག་པའོ། །གཙུག་ལག་ཁང་བརྒྱན་ཞེས་པ་དང་། ལྡིང་ཁང་བྱ་
[187b.5]ཞེས་པ་དང་། ཁང་བུ་བྲི་ཞེས་པ་དང་། མཆོད་རྟེན་བསབ་པ་དང་ཕྱི་བ་ཡང་ངོ་ཞེས་པ་དང་། སེང་གེའི་ཁྲི་བརྒྱན་ཞེས་པ་རྣམས་ནི་ཚུལ་ནས་འབྱུང་བའི་ཞལ་ཏ་དང་ཡོ་ལང་འདི་ལྟར་གྱིས་ཤིག་པའོ། །དེ་ལ་ཁང་བུ་བྲི་ཞེས་པ་ནི་མཆོད་རྟེན་#གྱི་ནང་ན་ཁང་བུ་ཡོད་པའི་རི་མོ་གསོ་བ་ལ་སོགས་པ་གྱིས་ཤིག་
[187b.6]པའོ། །དོ་ནུབ་མཚན་ཐོག་ཐག་ཆོས་བསྒྲགས་པར་འགྱུར་གྱིས་ཁྱེད་ཀྱི་བཤམ་པ་དག་ཀྱང་དེ་ལས་གྱིས་#ཤིག་ཅེས་སྤྱོད་ཡུལ་དུ་བསྒྲགས་པ་དང་། མདོ་སྡེ་དང་། འདུལ་བ་དང་མ་མོ་འཛིན་པ་ལ་བསྐུལ་ཏེ། ཚེས་བཅུ་བཞིའི་མཚན་ཐོག་ཐག་ཆོས་བསྒྲག་#པར་བྱ་ཞེས་པ་ནི་ཚེས་བཅུ་བཞིའི་ཚེ་ཆོས་
[187b.7]སྒྲོགས་ཤིང་སྤྱོད་ཡུལ་དུ་སྦྲན་པའི་ཐབས་འདི་ལྟར་གྱིས་ཤིག་པའོ། །གཞན་དུ་དེ་དག་གིས་#ལས་ལ་མ་བབ་ཚུན་ཆད་ཆོས་རྣམ་པར་ངེས་པའི་གཏམ་མཚན་ཐོག་ཐག་དུ་#བྱ་ཞེས་པ་ནི་ཚེས་བཅོ་ལྔའི་ནུབ་མོ་ཡང་ཚུལ་ནས་འབྱུང་བའི་ལས་བྱ་བ་ལ་མ་ཐུག་གི་བར་དུ་ཆོས་ཀྱི་གཏམ་གྱིས་ཤིག་པའོ། །
[188a]
[188a.1]སྐྱ་རེངས་ཀྱིས་#མ་ཆོད་པའི་སྔ་རོལ་དུ་འབྱུང་བའི་ལས་བྱ་ཞེས་པ་ནི་ཚུལ་ནས་འབྱུང་བའི་ལས་སྐྱ་རེངས་ཀྱིས་#མ་ཆོད་པར་གྱིས་ཤིག་པའོ། །འབྱིན་པར་བྱེད་པའི་དགེ་སློང་བསྒོ་ཞེས་པ་དང་། གཅིག་གིས་མི་ཁྱབ་ན་དུ་མའོ་ཞེས་པ་ནི་ཚུལ་ནས་འབྱིན་པའི་དགེ་སློང་ཐབས་
[188a.2]འདི་ལྟར་སྐོས་ཤིག་པའོ། །འདིར་ཚན་ཚན་དུ་བསྒོ་#སྟེ་བྱ་བའི་རིགས་སོ་ཞེས་པ་ནི་ཚུལ་ནས་འབྱུང་བའི་དགེ་སློང་དུ་མ་བསྐོས་ན་དེ་དག་གིས་འབྱུང་བར་བྱ་བའི་དགེ་སློང་ཡང་ཚན་ཚན་དུ་བགོ་ཞིང་ལས་རབ་ཏུ་གྱིས་ཤིག་པར་སྟོན་པའོ། །དེས་རྩྭ་བྲིམ་ཞེས་པ་ནི་ཚུལ་ནས་འབྱུང་བའི་རྩྭ་བྲིམས་ཤིག་
[188a.3]བའོ། །དགེ་འདུན་ལ་འབྱུང་བར་བསྐུལ་བ་ནི་གཞན་གྱིས་སོ་ཞེས་པ་ནི་ཚུལ་ནས་འབྱུང་བའི་དྲོད་#འཛིན་པ་འབྱིན་པར་བསྐོས་པ་དེའང་མ་ཡིན་བ་གཞན་གཅིག་གིས་གྱིས་ཤིག་པའོ། །འབྱིན་པར་བྱེད་པའི་མདུན་དུ་དགེ་སློང་རེ་རེ་ནས་འདུག་ཅེས་པ་ནི་འབྱིན་པའི་ཚེ་གཉིས་གསུམ་ལ་སོགས་པ་དུ་མ་ཅིག་ཆར་དུ་
[188a.4]འབྱུང་#བ་མ་ཡིན་གྱི་དེ་རེ་རེའི་མདུན་དུ་གྱིས་ཤིག་པའོ། །དེ་ལ་ཚུལ་ནས་འབྱུང་བ་བསྙད་པ་ནི་ལན་གསུམ་མོ་ཞེས་པ་ནི་ཚུལ་ནས་འབྱུང་བའི་སྔར་ལན་གསུམ་དུ་སློས་#ཤིག་པའོ། །དེ་ལ་ཡང་ནད་ཀྱིས་ཉེན་ཏམ་མལ་སྟན་མི་རུང་བའམ་དུས་ཀྱིས་མི་ཐུབ་བམ་གདོན་ཚེགས་སུ་འབྱུང་བ་ཙམ་གྱི་ཚོད་ན་ལན་གཉིས་སོ་
[188a.5]ཞེས་པ་དང་། འོན་ཀྱང་ན་ལན་གཅིག་གོ་ཞེས་པ་ནི་ལན་གསུམ་བསྙད་དེ་#རྐྱེན་གོང་དུ་སྨོས་པ་ལྟར་#གྱུར་ཏེ་མི་བདེ་ན་#ལན་གཉིས་སམ་གཅིག་གིས་གྱིས་#ཤིག་པའོ། །དེ་ཉིད་ནི་ཚར་རྫོགས་ནས་ཟླ་བའོ་ཞེས་པ་ནི་འབྱིན་འབྱིན་པའི་དགེ་སློང་ཉིད་རང་གི་#ལས་ཟིན་ནས་འབྱིན་བའི་ཟླ་བ་གཅིག་ལས་འབྱུང་བར་གྱིས་
[188a.6]ཤིག་པའོ། །མེད་ན་གཞན་ལའོ་ཞེས་བ་ནི་ཟླ་མེད་ན་དགེ་སློང་གཞན་གཅིག་ལས་འབྱུང་བར་གྱིས་ཤིག་པའོ། །དེ་ལྟར་དགེ་འདུན་ཐམས་ཅད་ཚུལ་ནས་བྱུང་ནས་དགེ་འདུན་ལ་བསྙད་ཅེས་པ་ནི་ཐམས་ཅད་བྱུང་ཟིན་ནས་དགེ་འདུན་སྤྱི་ལ་བྱུང་ཟིན་པ་སྙོད་ཅིག་པའོ། །དགེ་བར་ཚུལ་ནས་བྱུང་ངོ་ལེགས་པར་ཚུལ་
[188a.7]ནས་བྱུང་ངོ་ཞེས་ཐམས་ཅད་ཀྱིས་#བསྒྲུབ་ཅེས་པ་ནི་གོང་མ་སྐད་དུ་བསྙད་ནས་དགེ་འདུན་ཐམས་ཅད་ཀྱིས་འདི་སྐད་དུ་གྱིས་ཤིག་པའོ། །བདག་གིས་ནོར་ཁབ་ཡན་ཆད་ཅི་ཡང་རུང་བ་ཐོགས་ཏེ་དགེ་འདུན་ལ་ནོར་དབུལ་བར་ཚིག་གིས་བརྩམས་#པ་ནི་བཙུན་པ་དག་དབྱར་ལོན་པའི་དགེ་སློང་གི་དགེ་འདུན་གྱིས་#ནོར་གྱི་
[188b]
[188b.1]དངོས་པོ་འདི་ལྟ་བུ་དག་བརྙེས་སོ་#ཞེས་འབུལ་ཞེས་པ་ནི་ཁྱིམ་པ་ལ་སོགས་པ་གཞན་དགེ་འདུན་ལ་ཡོན་འབུལ་བར་མིག་དྲང་བའི་ཐབས་འདི་ལྟར་གྱིས་ཤིག་པའོ། །དེ་ནས་དགེ་ཚུལ་དབྱུང་ཞེས་པ་དང་། དེ་ནས་དགེ་སློང་མ་ཞེས་པ་ནི་དགེ་ཚུལ་དང་དགེ་སློང་མ་འབྱུང་བའི་གོ་རིམས་འདི་ལྟར་གྱིས་ཤིག་པའོ། །བྱིན་
[188b.2]གྱིས་བརླབས་ཏེ་སོང་ནས་འབྱུང་བའི་སྔ་རོལ་དུ་བསྡོངས་ཏེ་འབྱུང་ན་ཚུལ་ནས་འབྱུང་བའོ་ཞེས་པ་ནི་གནས་གང་དུ་ཚུལ་དུ་ཞུགས་པ་དེར་མི་འབྱུང་དུ་མི་རུང་བ་མེད་དེ། གུད་དུ་གཞན་དང་བསྡོངས་ཤིང་འབྱུང་ནའང་མི་རུང་བ་མེད་པའོ། །བུད་མེད་ནི་གྱུར་ཀྱང་མ་ཡིན་ཞེས་པ་ནི་བུད་མེད་ནི་སྐྱེས་པ་ལས་གྱུར་པ་ཞིག་
[188b.3]ཡིན་ན་ཡང་དེའི་ཐད་དུ་ཚུལ་ནས་འབྱུང་བའི་ལས་མ་བྱེད་ཅིག་པའོ། །གཞི་གཟུང་བའི་གཏོལ་མེད་པ་ལམ་ཡོགས་སུ་དགེ་སློང་དང་ཕྲད་དེ་བྱུང་#ནའང་སྡེའི་གསོལ་བས་སོ་ཞེས་པ་ནི་འདུག་ཏུ་མ་བདེ་ནས་གུད་དུ་སོང་བ་ལའམ་ལམ་ཡོགས་སུ་དགེ་སློང་གཅིག་དང་ཕྲད་དེ་འབྱུང་ན་དགོངས་ཤིག ། ཚེ་དང་
[188b.4]ལྡན་པ་བདག་མིང་འདི་ཞེས་བགྱི་བ་ལ་#གནས་འདི་ལྟ་བུ་ཞིག་ན་དབྱར་གནས་གནས་ཏེ། དགེ་འདུན་ཐམས་ཅད་དང་ལྷན་ཅིག་ཏུ་འབྱུང་བའི་རིགས་པ་ལས་འདི་ལྟར་གནས་སུམ་བདེ་ནས་གུད་དུ་བྱོལ་བ། ད་#ཚེ་དང་ལྡན་པའི་ཐད་དུ་སྡེའི་འབྱུང་བར་བགྱིའོ་ཞེས་བྱས་ཏེ། བྱུང་ན་མི་རུང་#བ་མེད་པར་སྟོན་པའོ། །
[188b.5]ཆེད་ཀྱིས་འགྲོན་དབྱར་གྱི་ཁོངས་སུ་འབྱུང་ཞེས་པ་ནི་དོན་ཆེད་ཅིག་ཡོད་ན་ཟླ་བ་གསུམ་མ་ལོན་པར་འབྱུང་དུའང་རུང་བའོ། །དངོས་པོའམ་གང་ཟག་གམ་གཉི་ག་བཞག་ནས་ཀྱང་ངོ་ཞེས་པ་ནི་འདི་བཞག་ལ་གཞན་སྐབས་ཕྱེ་#སྟེ་འབྱུང་ན་མི་རུང་བ་མེད་པར་སྟོན་པ་སྟེ། དེ་ལ་དངོས་པོ་ཞེས་པ་ནི་
[188b.6]ལྷག་མ་ལ་སོགས་པའོ། །གང་ཟག་ཅེས་པ་ནི་མིང་འདི་ཞེས་བྱ་བའི་གང་ཟག་མ་གཏོགས་པར་ཁྱེད་གཞན་གྱིས་གླེངས་ཤིག་ཅེས་ཟེར་བ་ལྟ་བུའོ། །གཉི་ག་ཞེས་པ་ནི་#དེ་གཉི་ག་བཞག་སྟེ་འབྱུང་ནའོ། །འདི་བླང་ཞེས་པ་ནི་དེ་ལྟར་དངོས་པོ་བཞག་སྟེ་འབྱུང་བ་དེ་དགེ་འདུན་གྱིས་སྡོམ་#པར་
[188b.7]གྱིས་ཤིག་པའོ། །མཐའ་མ་ཡིན་པ་ཁས་ལེན་ཅིང་བཞག་ནའོ་ཞེས་པ་ནི་ཕས་ཕམ་པ་བཞག་སྟེ་འབྱུང་དུ་ནི་མི་#རུང་བར་སྟོན་པའོ། །དགེ་འདུན་གྱིས་དེ་སྡོམ་#པར་བྱ་བའི་སྙད་ཇི་སྐད་དུ་བྱ་ཞེ་ན། ཚེ་དང་ལྡན་པ་བདག་ཅག་འདི་ལྟར་འདུས་ཤིང་འཁོད་པ་ནི་ཚེ་དང་ལྡན་པའི་དངོས་པོ་བཞག་ལ་གང་ཟག་
[189a]
[189a.1]མ་ཡིན་པ་གང་གི་ཕྱིར་ཡང་མ་ཡིན་མོད་ཀྱི། བཅོམ་ལྡན་འདས་ཀྱིས་#ཚུལ་ཁྲིམས་རྣམ་པར་དག་པའི་དོན་ནི་གསོ་སྦྱིན། ཆོས་རྣམ་པར་དག་པའི་དོན་ནི་ཚུལ་ནས་འབྱུང་བར་གསུངས་པ་ནི་ཇི་སྟེ་འདོད་ན་ཚུལ་ནས་འབྱུང་བར་གྱིས་ཤིག་ཅེས་འབྱུང་བ་འདི་བཞིན་དུ་བསྒོས་ཤིག་
[189a.2]པའོ། །གང་ཟག་བཞག་ལ་དངོས་པོ་མ་ཡིན་ཞེས་པ་དང་། དངོས་པོ་དང་གང་ཟག་བཞག་#པ་ཡང་ངོ་ཞེས་པ་ནི་གོང་མ་སྐད་དུ་བསྒོ་བའི་སྙད་ཀྱི་གཞི་ཡིན་ཏེ། གང་ཟག་བཞག་ལ་དངོས་པོ་མ་བཞག་པ་དང་། དངོས་པོ་དང་གང་ཟག་གཉིས་ག་བཞག་པ་ལས་གོང་མ་སྐད་དུ་གླེང་གཞི་བསྒོ་བར་བྱའོ། །
[189a.3]དེ་ལ་ཚུལ་ཁྲིམས་རྣམ་པར་དག་ཅེས་པ་ནི་གསོ་སྦྱིན་གྱིས་ལྟུང་བ་ཐམས་ཅད་སྦྱོང་ཞིང་སེལ་བའོ། །ཆོས་རྣམ་པར་དག་ཅེས་པ་ནི་བསྐུལ་བ་དང་གླེངས་པས་#སེམས་དང་སེམས་ལས་བྱུང་བའི་ཆོས་མི་འགལ་བར་ཡང་དག་པ་ཉིད་དུ་འགྱུར་བའི་ཕྱིར་རོ། །ཁས་བླངས་པ་#བཞག་པ་དང་། བཞག་ནས་
[189a.4]བསྙོན་ཀྱང་ཁས་བླངས་པ་#མི་འཇིག་ཅེས་པ་ནི་དེ་ལྟར་བཞག་སྟེ་ཕྱུང་བའི་འོག་ཏུ་གཏན་ནས་བསྙོན་ཏམ་ཤས་ཀྱིས་བསྙོན་ན་#ཡང་དང་པོའི་ཁས་བླངས་ཤིང་ཚུལ་ནས་#འབྱུང་བ་དེ་འཇིག་པར་ནི་མི་འགྱུར་བར་སྟོན་པའོ། །འདིར་སྔ་མའམ་འདི་ལ་འདི་ལྟ་བུའི་རྣམ་པ་ཅུང་ཟད་ཀྱང་མེད་དོ་ཞེས་ཟེར་ན་བརྫུན་ནོ་ཞེས་པ་
[189a.5]ནི་སྔ་མ་སྟེ་བཞག་པ་དང་། ཕྱི་མ་བཞག་པ་གཉིས་བསྙོན་ན་ཚུལ་ནས་འབྱུང་བ་ནི་མི་འཇིག་གི# ། ཤེས་བཞིན་གྱི་བརྫུན་དུ་འགྱུར་བར་#ནི་སྟོན་པའོ། །ཚུལ་དུ་ཞུགས་པ་དག་གིས་གལ་ཏེ་འཐབ་ཀྲོལ་ཅན་གྱི་#དགེ་སློང་འོང་བར་ཐོས་ནས་གསོ་སྦྱིན་གཉིས་སམ་གསུམ་ཐལ་ཏེ་ཚུལ་ནས་འབྱུང་བ་#བྱ་ཞེས་པ་ནི་འཐབ་
[189a.6]ཀྲོལ་ཅན་འོང་བའི་གཞོག་ཚོར་ན། གསོ་སྦྱིན་གཉིས་སམ་གསུམ་ཐལ་བའི་འོག་ཏུ་ཚུལ་དྲོལ་ལ་སོ་སོར་གྱིས་ཤིག་པའོ། །མ་གྲུབ་ན་འགེན་ཕག་ལ་ལྔའམ་དྲུག་དུ་བྱ་ཞེས་པ་དང་། ཁ་གསག་གིས་བསྩུ་#ཞིང་ལྷུང་བཟེད་དང་ཆོས་གོས་བླང་ཞེས་པ་དང་། གནས་ཁང་གློ་#ཕུག་དང་ཁང་པ་བརྩེགས་པ་སྦྱིན་ཞེས་
[189a.7]པ་དང་། ཁྲུས་དང་འབྲོང་སྡུར་བྱ་ཞེས་པ་དང་། ཆོས་བསྒྲགས་པ་ལ་སོགས་པ་འདི་དག་གིས་མགུ་བར་བྱ་ཞེས་པ་རྣམས་ནི་གོང་མ་ལྟར་བྱར་མ་ནུས་སམ། འཐབ་ཀྲོལ་ཅན་དེས་#བརྫིས་པར་གྱུར་ན་འགེན་ཕག་ཁ་མང་དུ་བྱས་ལ། དགེ་སློང་གཉིས་གསུམ་མམ་བཞི་ལྔ་ནས་གསོ་སྦྱིན་ཀུན་#བུར་བྱ་བ་དང་། དེ་
[189b]
[189b.1]མགུ་བར་བྱ་བའི་ཐབས་འདི་ལྟར་གྱིས་ཤིག་པའོ། །འོན་ཀྱང་གཞར་མ་ནུས་ན་འགེན་ཕག་དུ་གསོ་སྦྱིན་བྱ་ཞེས་པ་ནི་གོང་མ་ལྟར་ཡིད་བཞོས་#ཤིང་བསྲིས་སུ་ཟིན་གྱིས་ཀྱང་མི་རུང་བ་ཙམ་གྱི་ཚོད་ན་གདོད་འགེན་ཕག་གི་#གསོ་སྦྱིན་ཁ་མང་དུ་བྱས་པ་དེ་དག་ཏུ་གོང་མ་ལྟར་གསོ་སྦྱིན་གྱིས་ཤིག་པའོ། །དེང་ཁྱེད་ཚུལ་
[189b.2]ནས་མི་འབྱུང་ངམ་ཞེས་ཟེར་ན། ཚེ་དང་ལྡན་པ་དག་འདི་ནི་གཞི་བའི་ལས་ཡིན་གྱི#། ཁྱེད་གུད་ནས་བྱོན་པ་རྣམས་གཞེས་ཞེས་བྱ་#ཞེས་པ་ནི་འཐབ་ཀྲོལ་ཅན་དེ་གསོ་སྦྱིན་གྱི་དུས་སུ་བསྐུལ་ན་འདི་སྐད་དུ་རྒྱང་ཞིང་རྒྱུད་ཅིག་པའོ། །དོང་ནས་འབྱུང་ཞེས་པ་ནི་འཐབ་ཀྲོལ་ཅན་དེ་དག་སོང་ནས་གདོད་ཚུལ་ནས་ཕྱུང་
[189b.3]ཤིག་(པའ,པའོ)། །ཚུལ་ནས་འབྱུང་བའི་དངོས་པོའོ།། །།ད་ནི་ཕྲན་ཚེགས་ལ་སོགས་པ་ལས་འབྱུང་བ་བསྡུས་ཏེ་སྟོན་པ་ནི་བཟོད་པ་མ་བྱས་པར་འཁོན་པ་དང་མི་འབྱུང་ཞེས་པ་ལ་སོགས་པ་ཡིན་ཏེ། བཟོད་པ་མ་བྱས་པར་འཁོན་ཡོད་བཞིན་དུ་ཚུལ་ནས་མ་བྱུང་ཤིག་པའོ། །ཚུལ་ནས་འབྱུང་ཀར་རམ་
[189b.4]ཞེ་ན། འདིའི་དུས་ནི་ཞག་བཅུའམ་ཟླ་བ་ཕྱེད་དུ་ཆས་ནས་སོ་ཞེས་པ་དང་། བདུན་ནམ་#བརྒྱད་ཅེས་ཀྱང་ཁ་ཅིག་གོ་ཞེས་པ་ཡིན་ཏེ་ཞག་གྲངས་འདི་ཙམ་གྱི་སྔ་རོལ་ནས་བཟོད་པ་གསོལ་ཞིང་འཁོན་ཤོགས་#ཤིག་པའོ། །འདུས་ནས་མ་ཡིན་ཞེས་#པ་ནི་གང་དུ་ཡང་རུང་#དགེ་འདུན་འདུས་པའི་ཚེ་བཟོད་པར་#
[189b.5]གསོལ་བ་མ་བྱེད་ཅིག་པའོ། །དེ་འདི་མི་བཟོད་ནའོ་ཞེས་པ་ནི་བཟོད་པ་གསོལ་ན་བཟོད་པར་བྱེད་དུ་མི་བཏུབ་པ་དེའང་ཚུལ་ནས་#མ་དབྱུང་ཤིག་#པའོ། །དེ་བཞིན་དུ་ལུས་པ་ཐམས་ཅད་ཀྱང་མགུ་བ་མ་བྱས་ན་མ་ཡིན་ཞེས་#པ་ནི་ཚུལ་ནས་འབྱུང་བར་#ཐམས་ཅད་ཀྱིས་ཀྱང་གཅིག་ལ་གཅིག་བཟོད་པ་གསོལ་
[189b.6]ཅིག་པའོ། །ཁྲོས་པ་ལ་བཟོད་པར་མི་གསོལ་བ་མ་ཡིན་ཞེས་པ་ནི་ཁྲོས་སུ་ཟད་པར་བྱ་བ་མ་ཡིན་གྱི་དེའི་ངན་ཟླ་#ཞིང་བཟོད་པར་གསོལ་ཅིག་པའོ། །དགེ་སློང་ལ་དགེ་སློང་མས་ཕྱི་རོལ་གྱི་གནས་སུ་མ་ཡིན་ཞེས་པ་དང་། རྐང་པ་ལ་མི་གཏུག་ཅེས་པ་དང་། བཟོད་ནས་གཏུག་བར་བྱ་ཞེས་པ་ནི་
[189b.7]དགེ་སློང་མས་དགེ་སློང་ཕ་ལ་བཟོད་པ་གསོལ་བའི་ཐབས་འདི་ལྟར་གྱིས་ཤིག་པའོ། །བཟོད་པར་གསོལ་ན་དགེ་སློང་ཕས་མི་མཉན་#པར་མི་འགྲོ་ཞེས་པ་དང་། འགལ་བར་མི་བྱ་ཞེས་པ་ནི་དགེ་སློང་ཕ་ལ་དགེ་སློང་མ་བཟོད་པ་གསོལ་ན། ཉན་དུ་མི་བཏུབ་པ་དང་། དེ་དང་འགལ་བའི་བག་
[190a]
[190a.1]མ་བྱེད་ཅིག་པའོ། །མངོན་པར་ཤེས་པས་བཟོད་པ་གསོལ་བ་ལ་སྔ་ནས་རྣ་#བཅའ་ཞེས་པ་ནི་ཁོང་ཁྲོས་པ་དེ་དང་མཛའ་བའམ་བཤེས་གཉེན་ཡོད་པ་གཅིག་ལ་ལག་ཅུག་ལ་དེས་སྔ་ནས་རྣ་ཚོས་ཤིག་པའོ། །མི་བཏུབ་ན་ཐབས་བཙལ་བ་ལ་མི་དྲིང་བ་མ་ཡིན་ཞེས་པ་ནི་བཟོད་པས་#མི་བཏུབ་ན་#
[190a.2]བཏུབ་ཏུ་ཟད་ཅེས་བཟོད་པར་མི་གསོལ་བར་ཐལ་བྱུང་དུ་བཏང་བ་མ་ཡིན་གྱི་ཅི་ནས་ཀྱང་བཟོད་པར་#འགྱུར་བའི་ཐབས་ལ་དྲིང་ཤིག་པའོ། །མི་བཤོལ་ཞེས་པ་དང་། ངད་མ་ལས་ཀྱི་#བར་དུ་མི་བསྡད་པ་མ་ཡིན་ཞེས་པ་ནི་བཟོད་པར་གསོལ་བ་བསྒྱང་ཡང་མི་བསྒྱང་#། བརྟུན་ཡང་མི་ངས་པར་
[190a.3]ཁྲོས་པ་ངད་ལས་པའི་དྲོད་ཀྱིས་ཟུང་ཤིག་པའོ། །བཟོད་པར་གསོལ་#བ་ལ་མི་བཟོད་པ་མ་ཡིན་ཞེས་པ་ནི་བཟོད་པར་གསོལ་བ་ལ་མི་བཟོད་པ་མ་བྱེད་ཅིག་པའོ། །ཕྲན་ཚེགས་ལ་སོགས་པར་གཏོགས་པའོ། །ཚུལ་ནས་འབྱུང་བའི་དངོས་པོ་རྫོགས་སོ།། །།གཏན་#པའི་དངོས་པོད་སྟོན་པ་ནི། གཏན་
[190a.4]པ་གདིང་ཞེས་པ་ལ་སོགས་པ་ཡིན་ཏེ། འོག་ནས་འབྱུང་བ་ལྟ་བུའི་གཏན་#པ་དགེ་སློང་གི་དགེ་འདུན་གྱིས་བཏིང་བར་གྱིས་ཤིག་པའོ། །དེ་ལ་འདིའི་མིང་གཏན་པར་གདགས་པ་ནི་ཆོས་གོས་བརྐྱང་བའི་གཏན་པ་དགེ་འདུན་ཀུན་གྱི་སྤྱིར་དགོས་ཤིང་བརླིང་བ་དང་། དེས་ཆོས་གོས་ལ་སོགས་པ་མི་
[190a.5]འཁུམས་ཤིང་ཐར་གཅོད་པའི་ཕྱིར་མིང་གཏན་པ་ཞེས་བྱ་བ་#དང་། འདྲ་བར་འདིའང་དགེ་འདུན་ཐ་མི་དད་པ་དང་། བྱ་བ་གཅིག་པ་དང་། རྙེད་པ་དང་ཡོན་ཏན་ཐུན་མོང་བ་དང་། བག་མི་འཁུམས་ཤིང་བག་ཡངས་པར་#བྱད་པའི་ཕྱིར་གཏན་#པ་ཞེས་བྱའོ། །དེ་ལྟ་བས་ན་གཏན་#པ་བཏིང་བའི་ཡོན་ཏན་ཇི་ལྟ་བུ་ཡིན་
[190a.6]པ་སྟོན་པ་ནི། གཏན་པ་བཏིང་བ་ནི་གསུམ་པོ་ཇི་བཞིན་བ་དང་། ཡང་ཡང་གི་ཟས་དང་། འདུས་ཤིང་ཟ་བ་དང་། མ་བྱས་པར་གྲོང་དུ་འཇུག་པ་དང་། ཆོས་གོས་སློང་བ་རྣམས་ཀྱི་ཉེས་མེད་པ་དང་། ལྷག་མ་རྣམས་དང་རྙེད་པ་ཐུན་མོང་བའོ་ཞེས་པ་#ཡིན་ཏེ་ཡོན་ཏན་འདི་རྣམས་ཡོད་པའི་ཕྱིར་གཏན་#པ་བཏིང་བར་
[190a.7]བྱའོ། །དེ་ལ་གསུམ་པོ་ཇི་བཞིན་ཞེས་པ་ནི་འཆང་འབྲལ་#འཇོག་པ་གསུམ་གོང་དུ་སྨོས་པའོ། །ལྷག་མ་རྣམས་དང་། རྙེད་པ་ཐུན་མོང་#ཞེས་པ་ནི་གཏན་#པ་བཏིང་ནས་ཡུལ་གུད་དུ་སོང་དུ་#ཟིན་ཀྱང་དགེ་སློང་གཞི་ལ་འཁོད་པ་གཞན་དང་རྙེད་པ་ཐུན་མོང་དུ་དབང་བའོ། །འདིར་སྟོད་གཡོགས་དང་སྨད་གཡོགས་
[190b]
[190b.1]ཀྱི་གོས་ཀྱིས་ཡུལ་རྒྱུ་བ་སྤྱད་པ་དང་། རུང་བར་མ་བྱས་པའི་གོས་ཇི་སྙེད་#འདོད་པ་སྤྱོད་དུ་དབང་བ་གཉིས་མ་སྨོས་པ་ཅིའི་ཕྱིར་ཞེ་ན། འབྲལ་བ་དང་འཆང་བའི་ཁྲིན་མེད་པ་གཉིས་ཀྱི་ཁོངས་སུ་འདི་གཉིས་འདུས་པའི་ཕྱིར་ཏེ་སྦྱར་མ་ནི་མི་འབྲལ་བའི་ཁྲིན་མེད་#པར་གྱུར་པས་སྟོད་གཡོགས་དང་སྨད་གཡོགས་ཀྱིས་#ཡུལ་རྒྱུ་
[190b.2]བ་སྤྱད་དོ་ཞེས་པ་བསྡུས་པ་དང་། འཆང་བའི་ཁྲིན་མེད་པར་གྱུར་ན་རུང་བར་མ་བྱས་པ་སྤྱོད་དུ་དབང་བ་ལྟ་བུ་བསྡུས་པར་#མངོན་ཞེས་པའི་ཕྱིར་རོ། །གོང་དུ་གདིང་བ་#བྱའོ་ཞེས་སྨོས་པ་དེ་གང་ཟག་ཇི་ལྟ་བུས་གདིང་དུ་མི་རུང་བ་ཇི་སྟོན་པ་ནི་འདིར་མི་སྐྱེ་བ་ནི་དབྱར་མ་བྱས་པ་དང་། དབྱར་ཆད་པ་དང་། དབྱར་ཕྱི་མ་དང་། གནས་
[190b.3]གཞན་དུ་དབྱར་ལོན་པ་རྣམས་སོ་ཞེས་པ་ཡིན་ཏེ་མིང་གིས་སྨོས་པ་འདི་རྣམས་ལྟ་བུའི་གང་ཟག་གིས་གཏན་པ་གདིང་དུ་མི་རུང་སྟེ། དེ་ལ་དབྱར་མ་བྱས་པ་ཞེས་པ་ནི་དབྱར་ཚུལ་དུ་ཡེ་མ་ཞུགས་པའོ། །དབྱར་ཆད་ཅེས་པ་ནི་དབྱར་མ་ལོན་པ་ཚུལ་ནས་བྱུང་#བའམ་ཚུལ་ཞིག་བའོ། །དབྱར་ཕྱི་མ་ཞེས་པ་
[190b.4]ནི་ཚུལ་ཕྱི་མའོ། །གནས་གཞན་དུ་དབྱར་ལོན་ཞེས་པ་ནི་གཙུག་ལག་ཁང་གི་གཞི་དེ་མ་ཡིན་པར་གནས་གཞན་དུ་དབྱར་ཚུལ་#དུ་ཞུགས་པའོ། །ས་གཞན་དུ་གནས་པ་ཡང་ངོ་ཞེས་པ་ནི་ཆད་པ་དང་། མགུ་བ་ལྟ་བུ་ཆད་པ་རྣམ་པ་བདུན་གྱིས་#ཆོད་པའི་ས་ན་འདུག་པ་ལྟ་བུའོ། །དེར་གྱུར་ན་འཇིག་
[190b.5]ཅེས་པ་ནི་གཏན་པ་བཏིང་པའི་འོག་ཏུ་གོང་མ་ལྟ་བུའི་ས་གཞན་དུ་གནས་པར་གྱུར་#ན་གཏན་པ་བཏིང་བ་དེ་འཇིག་པར་སྟོན་པའོ། །མཐའ་མ་མ་ཡིན་པ་དང་དགེ་ཚུལ་དང་ས་གཞན་ལ་བཀོད་པ་#རྙེད་ཤས་དབང་ཞེས་པ་ནི་དགེ་ཚུལ་དང་ས་གཞན་ལ་བཀོད་པ་དང་། དབྱར་མ་བྱས་པ་དང་། དབྱར་ཆད་པ་
[190b.6]དང་། དབྱར་ཕྱི་མ་རྣམས་ཀྱི་གཏན་པ་བཏིང་བར་ནི་མི་འགྱུར་མོད་ཀྱི་དེའི་རྙེད་ཤས་#ནི་མི་དབང་བ་མ་ཡིན་པའོ། །ས་གཞན་ལ་གནས་པ་རྙེད་ཤས་#ཐོབ་ན་བཀར་བས་ཀྱང་འཐོབ་འགྲོ་བ་བསྩལ་#བའི་ཕྱིར། བཀར་བ་མ་ཡིན་ཞེས་སྨོས་པ་ཡིན་ཏེ་བཀར་བས་ནི་ཡོན་ཤས་མི་འཐོབ་པའོ། །དེར་གྱུར་
[190b.7]པ་དང་འདྲ་བ་ནི་བྱེ་ནས་ཆོས་མ་ཡིན་པའི་ཕྱོགས་སུ་སོང་བའོ་ཞེས་པ་ནི་གཏན་པ་བཏིང་བའི་འོག་ཏུ་དགེ་འདུན་སོ་སོར་བྱེ་ནས། ཆོས་མ་ཡིན་བའི་ཕྱོགས་སུ་བལྟས་ནས་#གཞན་དུ་གྱུར་ན་གཏན་#པ་འཇིག་པ་བཞིན་དུ། འདི་ལྟར་གྱུར་ནའང་གཏན་པ་འཇིག་པར་སྟོན་པའོ། །གཏན་པའི་དངོས་སུ་བཏིང་བ་
[191a]
[191a.1]དང་། དེའི་ཡོན་ཏན་ཇི་ལྟ་བུ་ཡིན་པ་རྣམས་དེ་ལྟར་བསྟན་ནས། གཏན་པའི་དངོས་ཉིད་ཇི་ལྟ་བུ་ཡིན་བསྟོན་པ་ནི་རྩ་བའི་དུས་ཚུལ་ནས་འབྱུང་བའི་མཐར་དབྱར་གྱི་རྒྱུས་བཏིང་བའི་ལན་ཀར་གོས་རྙེད་པར་གཏོགས་པའི་ཆོས་གོས་གསུམ་མོ་ཞེས་པ་ཡིན་ཏེ་མིང་གིས་སྨོས་པ་འདི་དག་ལྟ་བུའི་རྙེད་
[191a.2]པ་མ་ཡིན་ན་གཏན་པ་གདིང་བའི་ཆོས་གོས་སུ་མི་རུང་བ་སྟེ་དེ་ལ་རྩ་བའི་དུས་ཤེས་པ་ནི་དབྱར་དཀྱུས་མ་ཉིད་དེ་དབྱར་ཕྱི་མ་མ་ཡིན་པར་སྟོན་པའོ། །ཚུལ་ནས་འབྱུང་བའི་མཐའ་ཞེས་པ་ནི་དབྱར་ཟླ་བ་གསུམ་ལོན་པ་ལ་བྱ་སྟེ། དབྱར་ཉམས་ཤིང་ཆད་པ་མ་ཡིན་པར་སྟོན་པའོ། །དབྱར་གྱི་རྒྱུས་ཤེས་པ་ནི་དབྱར་གྱི་
[191a.3]རྒྱུས་ནར་མ་དང་། བླ་ཐབས་སུ་རྙེད་པ་ལ་#བྱའི། དགུན་གྱི་རྒྱུས་རྙེད་པ་མ་ཡིན་པར་སྟོན་པའོ། །གདིང་བའི་ལན་ཀར་ཞེས་པ་ནི་གཏན་#པ་གདིང་བ་མ་ཡིན་དུ་ཟིན་ཀྱང་མི་རུང་བ་#མེད་པར་སྟོན་པའོ། །གོས་རྙེད་པར་གཏོགས་ཞེས་པ་#མལ་སྟན་ནམ་སྨད་གཡོགས་ལ་སོགས་པ་གཞན་གྱི་#ཕྱིར་རྙེད་པ་ནི་མ་ཡིན་གྱི་
[191a.4]གོས་སུ་རྙེད་པའམ། གོས་ཀྱི་རྒྱུར་རྙེད་པའོ། །དེ་ལྟ་བས་ན་རྩ་བའི་དུས་ཀྱི་རྙེད་པ་དང་། ཚུལ་ནས་འབྱུང་བའི་མཐའི་#རྙེད་པ་དང་དབྱར་གྱི་རྙེད་པ་དང་#། ལན་ཀར་རྙེད་པ་དང་། གོས་ཀྱི་རྙེད་པར་#གཏོགས་པའི་ཆོས་གོས་གསུམ་ཡིན་ན་གདོད་གཏན་པ་གདིང་དུ་རུང་བའོ། །དེ་ལ་གཞུང་ལས་
[191a.5]ནི་ཆོས་གོས་གསུམ་ཞེས་མི་སྨོས་ལ། འདིར་གསུམ་ཞེས་སྨོས་པ་ཅིའི་ཕྱིར་ཞེ་ན། སང་བདག་གིས་གཏན་པ་གདིང་བར་འཚལ་གྱིས་དགེ་འདུན་སོ་སོའི་ཆོས་གོས་རྣམས་དབྱུང་#བར་མཛོད་ཅིག་ཅེས་ཟེར་བའི་ཚིག་དང་། ཞུས་པ་ལས་བཅོམ་ལྡན་འདས་གང་ཟག་གི་སྦྱར་མ་ལ་གཏན་པ་གདིང་དུ་རུང་
[191a.6]ལགས་སམ། གལ་ཏེ་དགེ་འདུན་ལ་ཕུལ་ནའོ། དེ་བཞིན་དུ་སྟོད་གཡོགས་དང་སྨད་གཡོགས་ཀྱང་ངོ་ཞེས་འབྱུང་བས་ན་ཆོས་གོས་གསུམ་ཞེས་སྨོས་པ་ཡིན་ནོ། །དགེ་སློང་མའི་ནི་ཆོས་གོས་ལྔ་ལ་གཏན་པ་གདིང་ངོ་། དབྱར་གྱི་རྙེད་པ་ནི་གང་ཟག་ལའང་ཡོད་ན། དེ་གཏན་པ་གདིང་བར་བྱའམ་
[191a.7]ཞེ་ན། དགེ་འདུན་གྱི་ནའོ་ཞེས་པ་ཡིན་ཏེ་དབྱར་གྱི་རྙེད་པའང་དགེ་འདུན་གྱི་ཆོས་གོས་ཡིན་ན། གདོད་གཏན་པ་གདིང་དུ་རུང་བར་སྟོན་པའོ། །གཏན་བ་གདིང་བའི་སྤུ་ལ་#བབ་པ་སྟོན་པ་ནི་མ་བསྩུབས་#མི་སེང་། མ་མུགས་མི་སྲབ་པ་ལས་སོ་ཞེས་པ་དང་། མདོག་མེད་པ་ཡིན་ཞེས་པ་དང་། མ་སྤྱད་ཅེས་པ་
[191b]
[191b.1]དང་། སྲབ་ཞེས་པ་དང་། གོ་འདུན་དང་ལྷན་#པ་དང་། ཕུར་མ་དང་། བསྐུམ་པ་དང་། བསྐོར་བ་ལས་མ་ཡིན་ཞེས་པ་དང་། སྤངས་པ་དང་། མི་རུང་བ་དང་། སོང་སྟེ་འོངས་པ་ལས་མ་ཡིན་ཞེས་པ་དང་། དྲ་བ་#དྲུབས་པ་ཟིན་པ་ལྔ་པ་ལྷག་པའམ་སྔོན་མ་བཏིང་བའོ་ཞེས་པ་རྣམས་ཡིན་ཏེ་མིང་གིས་སྨོས་པ་འདི་དག་
[191b.2]ལྟ་བུའི་སྐྱོན་མེད་པ་ལས་དྲས་དྲུབས་ཟིན་པའི་ཆོས་གོས་གྱིས་ཤིག་པ་སྟེ། དེ་ལ་མ་བསྩུབས་#ཞེས་པ་ནི་ཕྱིང་པའམ་སྣམ་#བུ་ལྟར་མ་བསྩུབས་#པའོ། །མི་སེང་ཞེས་པ་ནི་སེང་སེང་པོ་མ་ཡིན་པ་དང་། ཁྱེའུ་སོ་ལྟར་རྔ་རྔོ་མེད་པའོ། །མ་མུགས་ཞེས་པ་ནི་བྱི་སྲིལ་ལ་སོགས་པས་མ་ཟོས་པའོ། །མི་སྲབ་ཅེས་པ་
[191b.3]ནི་དངོས#། མདོག་མེད་པ་#མ་ཡིན་ཞེས་པ་ནི་ལེགས་པར་བརྡུངས་ཤིང་འཚེར་བའོ། །མ་སྤྱད་ཅེས་པ་ནི་སྔན་ཆད་སྤྱང་སྤྱད་པ་མ་ཡིན་པའོ། །སྲ་བ་ཞེས་པ་ནི་ངན་དོན་ནམ་སྙི་བ་མ་ཡིན་པའོ། །གོ་འདུན་ཞེས་པ་ནི་རིགས་ཀྱི་འདྲ་བ་སྣ་ཚོགས་བསྡུས་པ་མ་ཡིན་པའོ། །ལྷན་#པ་ཞེས་པ་ནི་ལྷན་ཐབས་མ་བཏབ་
[191b.4]པའོ། །ཕུར་མ་ཞེས་པ་ནི་ཕུར་མ་བྱ་བ་ལྟ་བུ་མ་ཡིན་པའོ། །བསྐུམ་ཞེས་པ་ནི་རྡོལ་བའི་སྐབས་སྐབས་སུ་སྐུད་#ཚེམས་བྱས་པ་མ་ཡིན་པའོ། །བསྐོར་ཞེས་པ་ནི་ཐ་མ་ཟེགས་པ་སྐུད་པས་ཆག་#བྱས་པ་མ་ཡིན་པའོ། །སྤངས་པ་ཞེས་པ་ནི་སྤང་བའི་ལྟུང་བ་བྱུང་ནས། སྤང་སྤང་བའི་གོས་མ་ཡིན་པའོ། །
[191b.5]མི་རུང་བ་ཞེས་པ་ནི་གསོ་#མ་ལ་སོགས་པ་དགེ་སློང་གི་གོས་སུ་མ་བཏགས་#པ་མ་ཡིན་པའོ། །སོང་སྟེ་#འོངས་ཞེས་པ་ནི་ཞུགས་ཐོགས་སམ་#ཕྱག་དར་ཁྲོད་མ་ཡིན་པའོ། །ལྔ་པ་ཞེས་པ་ནི་ཁྲུ་ལྔ་པའོ། །ལྷག་པའམ་ཞེས་པ་ནི་ཁྲུ་ལྔས་ལྷག་པའོ། །སྔོན་མ་བཏིང་ཞེས་པ་ནི་སྔན་ཆད་ཀྱང་གཏན་པ་གདིང་
[191b.6]བར་བྱས་པ་མ་ཡིན་པའོ། །བཏིང་སྟེའོ་ཞེས་པ་ནི་གཏན་པ་གདིང་ལ་གདོད་གསོལ་བ་ལ་སོགས་པ་གྱིས་ཤིག་པའོ། །དུ་མ་ཡང་ངོ་ཞེས་པ་ནི་ཡོན་བདག་གི་བསོད་ནམས་སྤེལ་བ་དང་། དགེ་སློང་གི་རྙེད་པར་འགྱུར་བའི་ཕྱིར་དུ་མ་ལའང་གདིང་བ་གྱིས་ཤིག་པའོ། །བཏིང་བ་རྙེད་དུའོ་ཞེས་པ་ནི་གདིང་བའི་ཕྲུགས་ཇི་
[191b.7]སྙེད་ཡོང་པར་གདིང་བ་པའང་དེ་སྙེད་སྐོས་ཤིག་པའོ། །ཆོས་གོས་གཞན་བྱིན་གྱིས་བརླབ་པ་ཡིན་པས་ན་ཕྱུང་ལ་བྱིན་གྱིས་བརླབ། ཅེས་པ་ནི་བདག་ཅག་གི་ཆོས་གོས་ལས་གཞན་པའི་གཏན་པ་དེ་ལ་བྱིན་གྱིས་བརླབ་དགོས་པས་ན་བདག་ཅག་གི་སྔགས་ཕྱུང་ཤིག་པའོ། །ཞག་མ་ལོན་པར་འདུས་པ་#ལ་བསྙད་ཅེས་པ་
[192a]
[192a.1]ནི་གཏན་པ་གདིང་བ་དེ་རྙེད་#མ་ཐག་ཏུ་ཞག་གིས་མ་ཆོད་པར་དགེ་འདུན་གྱི་སྤྱན་སྔར་བྲིམས་ཤིག་པའོ། །མཚམས་ཀྱི་ནང་དུ་བསྔོ་#ཞེས་པ་ནི་གཏན་པ་#རྙེད་པ་དེ་གཏན་#པ་གདིང་བར་བྱ་བ་མཚམས་ཀྱི་ནང་དུ་གྱིས་ཤིག་པའོ། །གདིང་བ་པ་ཡང་ངོ་ཞེས་པ་ནི་དགེ་སློང་གདིང་བ་པར་བསྐོ་བ་དེ་ཡང་མཚམས་
[192a.2]ཀྱི་ནང་དུ་སྐོས་ཤིག་པའོ། །གདིང་བ་པར་བསྐོ་བ་ཇི་ལྟ་བུ་ལས་ཤེ་ན། གང་འོས་པའོ་ཞེས་པ་ཡིན་ཏེ་ཚུལ་དུ་མ་ཞུགས་པ་ལ་སོགས་པའི་སྐྱོན་མེད་པ་ལས་སྐོས་ཤིག་པའོ། །དེ་ལ་#གཏོད། ཅེས་པ་ནི་གདིང་#བ་པར་བསྐོས་པ་དེ་ལ་གཏན་པ་གདིང་བར་བྱ་བའི་གོས་དེ་གཏོད་ཅིག་པའོ། །གསོལ་བ་པས་སོ་ཞེས་པ་
[192a.3]ཡིན་ཏེ་གསོལ་བའི་ལས་ཀྱིས་དེ་ལ་གཏོད་ཅིག་པའོ། །འདིས་འཁྲུ་བ་དང་དྲུབ་པ་དང་གཙོ་བོ་ཐོག་མར་བརྩམ་ཞེས་པ་དང་། གཉིས་གསུམ་བྱ་ཞེས་པ་དང་། ཟིན་པ་རྙེད་པ་ཉིད་ཀྱིས་སྲུབས་ཁམ་#གཉིས་སམ་གསུམ་དྲུབ་#ཅེས་པ་ནི་བྱས་ཟིན་པ་ཞིག་རྙེད་ན་འདི་ལྟར་གྱིས་ཤིག་པའོ། །མནོད་པ་དང་ཉིད་ཀྱིས་བྱེད་
[192a.4]པ་དང་ཟིན་ཀ་རྣམས་སུ་གདིང་། འདིར། བཏིང་#ངོ་ཞེས་གྲངས་བཞིན་དུ་སེམས་བསྐྱེད་པར་བྱ་ཞེས་པ་ནི་དང་པོ་དགེ་འདུན་ལས་ནོད་པ་ན་ནི་གདིང་། བདག་ལག་དར་ཏེ་བྱེད་ན་ནི་འདིང་ཟིན་ཀར་ནི་གདིང་ངོ་ཞེས་པར་སེམས་སྐྱེད་#ཅིག་པའོ། །དང་པོ་ཉམས་ཀྱང་མི་འགྲུབ་པ་མ་ཡིན་ཞེས་པ་ནི་དང་པོ་ནོད་#པའི་ཚེ་འདི་སྙམ་
[192a.5]དུ་སེམས་བསྐྱེད་པ་དེ་ཉམས་སུ་ཟིན་ཀྱང་གདིང་བའི་དོན་མི་འགྲུབ་པ་ནི་མེད་པར་སྟོན་པའོ། །ཚེ་དང་ལྡན་པ་དག་སང་བདག་གིས་གཏན་པ་འདིང་བར་འཚལ་གྱིས་ཁྱེད་ཅག་གིས་སོ་སོའི་ཆོས་གོས་དབྱུང་བ་ལྟར་མཛོད་ཅིག་ཅེས་ཚོགས་པ་ལ་བསྙད་ཅེས་པ་ནི་སང་འདིང་བའི་དོ་ནུབ་ལྟ་བུ་དགེ་འདུན་ཚོགས་
[192a.6]པ་ལ་འདི་སྐད་#དུ་སྙོད་ཅིག་པའོ། །འདུ་བར་གཏོགས་པའི་ཞལ་ཏ་བྱ་ཞེས་པ་ནི་དགེ་འདུན་འདུ་བའི་ཞལ་ཏའང་གདིང་བ་པ་དེས་གྱིས་ཤིག་པའོ། །དྲི་དང་མེ་ཏོག་གིས་མཆོད་ཅིང་བསུང་ཅན་གྱིས་བཏུལ་བས་གཏུལ་ཏེ་སློ་མ་གཞིའི་#སྟེང་དུ་དུ་མ་ན་ཡང་ཅིག་ཅར་དུ་བཞག་ལ་ཁྱེར་ནས་རྒན་རབས་
[192a.7]ཀྱི་མདུན་དུ་བཞག་སྟེ་འདིང་བར་བྱ་ཞེས་པ་ནི་གདིང་བའི་ཚེ་ཐབས་འདི་ལྟར་གྱིས་ཤིག་པའོ། །ཚེས་གཅིག་ལའོ་ཞེས་པ་ནི་དེ་ལྟར་གདིང་བའི་ཚེས་གཅིག་ལ་གྱིས་ཤིག་པའོ། །ཟླ་ཚིགས་གང་གི་ཚེས་གཅིག་ཅེ་ན། སྟོན་གྱིའོ་ཞེས་པ་ཡིན་ཏེ་སྟོན་ཟླ་འབྲིང་པོའི་ཚེས་བཅུ་དྲུག་ལ་གྱིས་ཤིག་
[192b]
[192b.1]པའོ། །གསུམ་བརྗོད་ཅེས་པ་ནི་གདང་#བའི་སྔགས་ལན་གསུམ་དུ་བརྗོད་ཅིག་པའོ། །བརྗོད་པའི་ཚིག་ཇི་སྐད་དུ་བྱ་ཞེ་ན། གདིང་ངོ་ཞེས་པ་ཡིན་ཏེ་བཙུན་པའི་དགེ་འདུན་གསོན་ཅིག་ཆོས་གོས་འདི་དགེ་འདུན་གྱིས་གཏན་བར་བསྐོས་པ་ལས་བདག་གཏན་#པ་འདིང་བ་པ་མིང་འདི་ཞེས་བགྱི་བས་ཆོས་གོས་འདི་ལ་
[192b.2]དགེ་འདུན་གྱི་གཏན་#པ་གདིང་ངོ་ཞེས་གྱིས་ཤིག་པའོ། །དགེ་སློང་རེ་རེའི་མདུན་དུ་དགེ་འདུན་ལ་གདིང་ངོ་ཞེས་བསྙད་ཅེས་པ་ནི་དགེ་སློང་རེ་རེའི་མདུན་དུ་གཏན་པ་བཏིང་ཟིན་པའི་ཚིག་འདི་སྐད་དུ་གྱིས་ཤིག་པའོ། །དེ་ལ་ཚིག་འདི་ལྟ་སྟེ་ཚེ་དང་ལྡན་པ་དགོངས་ཤིག ། ཆོས་གོས་འདི་ལ་དགེ་འདུན་གྱིས་གཏན་པ་
[192b.3]གདིང་བར་#བསྐོས་པ་ནི་བདག་མིང་འདི་ཞེས་བགྱི་བ་ལགས་ཏེ། ཆོས་གོས་འདི་ལ་བདག་གིས་#དགེ་འདུན་གྱི་གཏན་པ་བཏིང་#ངོ་ཞེས་བྱ་བའོ། །གཞན་གྱིས་#དགེ་བར་བཏིང་ངོ་། །ལེགས་པར་བཏིང་ངོ་། །འདིའི་ཡོན་ཏན་དང་རྙེད་པ་ཡང་བདག་ཅག་གིའོ་ཞེས་སོ་ཞེས་པ་ནི་དགེ་སློང་གཞན་གྱིས་སྙད་#འདི་སྐད་དུ་
[192b.4]གྱིས་ཤིག་པའོ། །དེ་ལ་རྗེས་སུ་ཡི་རང་བ་ནི་#དངོས་སུ་མྱོང་བ་བཞིན་ཞེས་པ་ནི་བཏིང་བ་དེ་ལ་རྗེས་སུ་ཡི་རང་ན་ཡང་བཏིང་བའི་ལས་བྱས་པ་དང་#འདྲ་བར་ཡོན་ཏན་ཐོབ་བོ། །མངོན་སུམ་དུ་གྱུར་བས་སོ་ཞེས་པ་ནི་གོང་མ་ལྟར་ཡོན་ཏན་ཐོབ་པ་ཡང་དགེ་འདུན་གྱི་ནང་དུ་འོངས་ཏེ། གཉིད་དམ་མཉམ་པར་འཇོག་པར་
[192b.5]བྱས་པའི་འོག་ཏུ་ཕྱིས་རྗེས་སུ་ཡི་རང་ན་གདོད་དེ་ལྟར་འགྱུར་བའོ། །འདིང་བ་པས་གདིང་#བའི་རིམ་གྲོར་བྱ་བ་ནི#། དུས་དུས་སུ་བསྐམ་ཞེས་པ་དང་། བསྲད་བསྐམ་སྤྲུག་པར་བྱ་ཞེས་པ་དང་། དུ་བ་དང་རྡུལ་ཅན་གྱི་ཁྱིམ་དུ་མི་གཞག་ཅེས་པ་དང་། རྒྱལ་པོའི་དེར་མ་ཡིན་ཞེས་པ་དང་། འདི་ལས་མི་
[192b.6]འབྲལ་ཞེས་པ་དང་། ཁྱེར་ལ་གུད་དུ་མི་#འགྲོ་ཞེས་པ་དང་། སྣམ་#ཕྱི་སར་མི་འཇུག་ཅེས་པ་དང་། བླ་གབ་མེད་པར་མི་འདུག་ཅེས་པ་རྣམས་ཡིན་ཏེ། ཆོས་གོས་འདིང་བ་པར་བསྐོས་པ་དེས་གདིང་བ་དེའི་ཞལ་ཏ་མིང་གིས་སྨོས་པ་འདི་དག་ལྟར་གྱིས་ཤིག་པའོ།། །།གཏན་པ་གདིང་བའི་ཆོ་ག་དེ་ལྟར་
[192b.7]རྒྱས་པར་བསྟན་ནས། དབྱུང་བའི་ཆོ་ག་སྟོན་པ་ནི། དབྱུང་བ་ནི་རྣམ་པ་གཉིས་ཏེ་རང་འཇིག་པ་དང་བྱས་པས་སོ་ཞེས་པ་ལ་སོགས་པ་ཡིན་ཏེ་ཆེད་དུ་མ་བྱས་པར་རང་འཇིག་པ་དང་ཆེད་དུ་བཤིག་པ་གཉིས་ཡོད་པར་སྟོན་པའོ། །དེ་ལ་རང་འཇིག་པ་ཇེ་སྟོན་པ་ནི། རང་འཇིག་པ་ནི་གཏན་#པ་དང་མཚམས་#
[193a]
[193a.1]གཞན་དུ་སོན་ནའོ་ཞེས་པ་ལ་སོགས་པ་ཡིན་ཏེ། གཏན་པ་ཁྱེར་ལ་མཚམས་གཞན་དུ་སོང་ན་རང་འཇིག་པར་འགྱུར་བའོ། །མཚམས་ཀྱི་ནང་ནའང་བྱིན་གྱིས་རློབ་པ་མེད་ན་སྐྱ་རེངས་#ཤར་ནའོ་ཞེས་པ་ནི་དང་པོ་གཏན་#པ་འདིང་བའི་དགེ་སློང་མཚམས་ཀྱི་ནང་ན་གཅིག་ཀྱང་མེད་པར་གྱུར་ཏེ་སྐྱ་
[193a.2]རེངས་ཀྱིས་ཚོད་ན་གཏན་#པ་རང་འཇིག་པར་སྟོན་པའོ། །དཀྱིལ་འཁོར་དེར་གཏོགས་པ་གུད་དུ་ཆད་ནའོ་ཞེས་པ་ནི་གཏན་#པ་གདིང་བའི་འཁོར་དེར་གཏོགས་པ་ལས་འཁོར་དེའི་ནང་ནས་ཆད་#ཅིང་གུད་དུ་སོང་ན་ཡང་རང་འཇིག་པར་འགྱུར་བའོ། །གུད་དུ་སོང་བ་ཐམས་ཅད་ཀྱི་འཇིག་གམ་ཞེ་ན། འདིར་དེ་
[193a.3]ཉི་#ཚེ་ཞེས་པ་ཡིན་ཏེ། སུ་གུང་#སོང་བ་ཉི་ཚེའི་གཏན་པ་རང་འཇིག་པར་སྟོན་པའོ། །དེར་གཏོགས་པ་ལས་གུད་དུ་ཆད་ན་རང་འཇིག་པར་འགྱུར་བ་མ་མོ་ལས་རྣམ་པ་དྲུག་ཡོད་པར་སྟོན་ཏེ། སོང་བ་དང་ངེས་པ་དང་། རེ་ཐག་ཆད་པ་དང་། སྟོར་བ་དང་། ཟིན་པ་དང་། མཚམས་ལས་འདས་པ་རྣམས་
[193a.4]སོ། །དེ་ལ་སོང་བ་ནི། མཚམས་འདས་ན་འདིར་འགྱུར་ཞེས་པ་ཡིན་ཏེ་གཏན་#པ་བཏིང་བའི་མཚམས་ལས་འདས་ཏེ་གུད་དུ་སོང་ན་དེར་གཏོགས་པ་ལས་ཆད་པའོ། །སོང་ངོ་ཅོག་གིས་དེ་ལྟའམ་ཞེ་ན། སླར་མི་འོང་བའི་སེམས་ཀྱིས་ནའོ་ཞེས་པ་ཡིན་ཏེ་སླར་མི་འོང་བའི་སེམས་ཡོད་ན་གདོད་གོང་མ་
[193a.5]ལྟར་འགྱུར་བའོ། །འདིའི་མཚམས་ཀྱི་ཕྱི་རོལ་ཏུ་སྐྱེས་ན་ཡང་ངོ་ཞེས་པ་ནི་མཚམས་ཀྱི་ཕྱི་རོལ་ཏུ་སོན་ནས་གདོད་སླར་མི་འོང་བའི་སེམས་སྐྱེས་ན་ཡང་དེར་གཏོགས་པ་ལས་ཆད་པའོ། །མཚམས་ལས་འདས་པ་དང་ཕྱི་རོལ་དུ་སླར་མི་འོང་བའི་སེམས་སྐྱེས་པ་གཉིས་ཀྱི་བྱེ་བྲག་སྟོན་པ་ནི། ཆོས་
[193a.6]གོས་བྱ་བའི་བསམ་པ་མེད་ན་དེའི་ཚེ་མོད་ལའོ་ཞེས་པ་ཡིན་ཏེ་ཆོས་གོས་གཏན་པ་འདི་ལ་ལྟོས་སུ་མི་རུང་གིས་བྱིན་གྱིས་བརླབ་#པའི་ཆོས་གོས་གུད་དུ་བྱའོ་སྙམ་པའི་སེམས་མེད་ན་ནི་མཚམས་འདས་པ་དང་། ཕྱི་རོལ་དུ་སེམས་སྐྱེས་མ་ཐག་ཏུ་དེར་གཏོགས་པ་ལས་ཆད་པར་འགྱུར་རོ། །ཡོད་
[193a.7]ཀྱང་བྱ་བ་ཆད་ནའོ་ཞེས་པ་ནི་ཆོས་གོས་བྱ་བའི་སེམས་ཡོད་ན་ནམ་བྱ་བའི་སེམས་དེ་མ་#ཆད་ཀྱི་བར་དུ་སླར་འོང་བའི་སེམས་#མེད་དུ་ཟིན་ཀྱང་དེར་གཏོགས་#པ་ལས་མི་འཆད་པར་སྟོན་པའོ། །དེ་ལ་ཕྱི་ནང་གང་དུ་ཡང་རུང་སྟེ། སླར་མི་འོང་བ་དང་། ཆོས་གོས་ཀྱི་བྱ་བ་གཉིས་ཀའི་སེམས་ཡོད་
[193b]
[193b.1]ན་གཏན་#པ་བྱུང་བར་གྲེག་#པའོ། །སླར་མི་འོང་བའི་སེམས་དང་ཆོས་གོས་བྱ་བའི་སེམས་ཡོད་ཀྱང་བྱ་བའི་བསམ་པ་དེ་ནས་མེད་ན། སོང་བས་གཏན་པ་འཇིག་པའོ། །སླར་འཁོར་ཀྱང་ངོ་ཞེས་པ་ནི་གོང་མ་ལྟ་བུར་གྱུར་ན་སླར་འཁོར་ཀྱང་མི་ཕན་ཏེ། དེར་གཏོགས་པ་ལས་ཆད་པར་སྟོན་པའོ། །
[193b.2]ཡོད་ཀྱང་བྱ་བ་ཆད་པ་ལ་རྣམ་པ་གསུམ་ཡོད་པ་སྟོན་པ་ནི། རེ་ཐག་ཆད་པ་དང་། བརྩམས་ནས་ཡལ་བ་དང་། ཟིན་པ་གསུམ་ནི་བྱ་བ་དེའི་ཚུལ་ལོ་ཞེས་པ་ཡིན་ཏེ་ཆོས་གོས་བྱ་བའི་བསམ་པ་ཡོད་དུ་ཟིན་ཀྱང་རྙེད་དུ་རེ་བའི་རེ་ཐག་ཆད་པ་དང་། བྱ་བར་བརྩམས་པ་ལས་སྟོར་བ་དང་། བྱས་ཟིན་ན་དེར་
[193b.3]གཏོགས་པ་ལས་ཆད་པར་འགྱུར་ཏེ། མ་མོ་ལས་རེ་ཐག་ཆད་ཅེས་པ་དང་། སྟོར་ཞེས་པ་དང་། ཟིན་ཞེས་པ་འབྱུང་བ་ཡང་འདི་གསུམ་ཡིན་ནོ་ཐེ་ཚོམ་ནི་ངེས་པར་ཕྱུང་བ་བཞིན་ཞེས་པ་#སླར་འོང་ངམ་མི་འོང་#ཆོས་གོས་བྱའམ། མི་བྱ་སྙམ་དུ་ཐེ་ཚོམ་ཡོད་བཞིན་དུ་མཚམས་འདས་ན་ཡང་ངེས་པར་འབྱུང་
[193b.4]བ་དང་འདྲ་བ་སྟེ། མ་མོ་ལས་མཚམས་ཞེས་འབྱུང་བ་ཡང་འདི་ཡིན་ནོ། རང་འཇིག་པ་དེ་ལྟར་བསྟན་ནས་བྱས་པས་འཇིག་པ་ད་#སྟོན་པ་ནི། ལས་ལས་གཞན་པའི་བྱ་བ་མི་སྒྲུབ། ཅེས་པ་ཡིན་ཏེ། གཏན་པ་ལ་མི་ལྟོས་པར་སེམས་བསྐྱེད་པས་ཀྱང་འབྱུང་བར་ནི་འགྱུར་མོད་ཀྱི། ལས་ཀྱིས་མི་#དབྱུང་
[193b.5]དུ་མི་རུང་བར་སྟོན་པའོ། །དེའི་དུས་དཔྱིད་ཟླ་ར་བའོ་ཞེས་པ་ནི་གཏན་པ་#དབྱུང་བའི་དུས་ཏེ་དཔྱིད་ཟླ་ར་བའི་#ཚེས་བཅོ་ལྔ་ཡིན་བར་སྟོན་པའོ། །དེ་མ་ཐག་པའོ་ཞེས་པ་ནི་གཏན་པ་བཏིང་བའི་དཔྱིད་ཟླ་ར་བ་ལ་བྱའི། དེ་ཕྱི་དེ་ལོའི་#དཔྱིད་ཟླ་ར་བ་ལ་བྱ་བ་ནི་མ་ཡིན་བར་སྟོན་པའོ། །ཉམས་#ཉེས་པའི་
[193b.6]ཕྱིར་ནི་སྔ་རོལ་དུའང་དབྱུང་ངོ་ཞེས་པ་ཡིན་ཏེ་#ཆོམ་རྐུན་གྱིས་ཐེབས་ཏེ་གོས་མེད་པའི་ཕྱིར་ནི་ཟླ་ཚིགས་འདི་བས་སྔར་ཕྱུང་ཡང་བླ་#བའོ། །འདི་མ་མྱོང་བ་ནི་མ་ཐོས་ཀྱི་བར་དུ་ཡོན་ཏན་རྗེས་སུ་འཇུག་གོ་ཞེས་པ་ནི་ཡུལ་དུ་དོང་བས་གཏན་པ་ཕྱུང་བར་མ་#ཐོས་ན་ནམ་ཐོས་ཀྱི་བར་དུ་གཏན་པའི་ཡོན་ཏན་ཐོབ་
[193b.7]པར་སྟོན་པའོ། །འདི་ནི་ཐོས་པའི་མཐས་གཏན་པ་འབྱུང་བའོ། །ཐོས་པའོ་#ཅོག་གིས་འབྱུང་ངམ་ཞེ་ན། བྱ་བའི་སེམས་མེད་ནའོ་ཞེས་པ་ཡིན་ཏེ། ཆོས་གོས་བྱ་བའི་སེམས་མེད་ན་གདོད་གོང་མ་ལྟར་འགྱུར་བའོ། །བྱ་བའི་སེམས་ཡོད་ཇི་སྲིད་ཀྱི་བར་དུ་སྐྱེ་ཞེ་ན། ཡོད་ན་འཆད་
[194a]
[194a.1]ཀྱི་བར་དུའོ་ཞེས་པ་ཡིན་ཏེ་ཆོས་གོས་བྱ་བའི་སེམས་ནམ་མ་ཆད་ཀྱི་བར་དུ་ཡོད་པའོ། །མ་ཕྱུང་གི་བར་དུ་ཐམས་ཅད་ལ་འདུས་ཏེ་དེའི་#རྙེད་པའོ་ཅོག་མི་བགོ་ཞེས་པ་ནི་གཏན་པ་མ་བྱུང་གི་བར་དུ་དུས་དེའི་རྙེད་པར་གཏོགས་སོ་ཅོག་གོ་སྔ་ཚེགས་སུ་མ་འགོད་ཅིག་པའོ། །གཏན་པའི་
[194a.2]དངོས་པོའོ།། །།ད་ནི་ཞུས་པ་ལ་སོགས་པ་ལས་འབྱུང་བ་བསྡུས་ཏེ་སྟོན་པ་ལ་གོང་དུ་སྟོན་ཟླ་འབྲིང་པོ་#ཚེས་བཅུ་དྲུག་ལ་གཏན་པ་གདིང་བར་བྱའོ་ཞེས་གཏན་པ་གལ་ཏེ་ན་རྒྱལ་པོའི་ཤོལ་འདུམས་ཀྱི་ཚེས་གྲངས་ཀྱིས་སྟོན་ཟླ་འབྲིང་པོ་གཞན་དུ་བསྒོ་བ་བསྩལ་#བའི་ཕྱིར། གདིང་བ་ནི་ཚུལ་ནས་
[194a.3]འབྱུང་བ་བཞིན་ཞེས་པ་ཡིན་ཏེ་ནམ་ཚུལ་ནས་འབྱུང་བའི་རྗེས་ལ་གཏན་པ་གདིང་བར་བྱའི་ཤོལ་འདུམས་ཀྱི་ཟླ་ཚིགས་དང་མ་སྦྱོར་ཅིག་པའོ། །གསོ་སྦྱིན་ལས་མ་#བསྒྱང་ཞེས་པ་ནི་གཏན་པ་གདིང་བ་གསོ་སྦྱིན་གྱི་དུས་ལ་མ་བསྒྱང་ཤིག་པའོ། །དབྱུང་བ་ཡང་ངོ་ཞེས་པ་ནི་དུས་བཞིན་དུ་དབྱུང་བ་ཡང་
[194a.4]རུང་དུས་མ་ཡིན་པར་དབྱུང་བ་ཡང་རུང་སྟེ། གསོ་སྦྱིན་གྱི་དུས་དང་སྦྱོར་ཅིག་པའོ། །འདི་ནི་དེའི་ཉིན་པར་ཉིད་དུའོ་ཞེས་པ་ནི་གཏན་#པ་དབྱུང་བ་གསོ་སྦྱིན་གྱི་ཉིན་པར་གྱིས་ཤིག་པའོ། །ཚེས་བཅོ་ལྔ་ལ་གསོ་སྦྱིན་བྱས་ན། ཚེས་བཅུ་དྲུག་ལ་གཏན་པ་བཏིང་བའི་འོག་ཏུ་དགེ་སློང་གུད་ནས་
[194a.5]ཕལ་ཆེར་ལྷགས་ཏེ་དེ་དག་དགའ་བར་གསོ་སྦྱིན་བསླས་ན་ཇི་ལྟར་འགྱུར་ཞེ་ན། གསོ་སྦྱིན་བསླས་ན་ཕྱུང་བར་གྱུར་ཞེས་པ་ཡིན་ཏེ་གསོ་སྦྱིན་གྱི་དུས་མ་ངེས་པར་གྱུར་ན་བསླས་ནས། ཚེས་བཅུ་དྲུག་ཀྱང་ཟླ་ལ་མི་རུང་བར་མངོན་བས་གཏན་པ་བཏིང་བ་རང་འཇིག་གོ། །དེ་ལྟ་བས་ན་གཏན་པ་
[194a.6]གདིང་བ་ཡང་སློས་ལ་གྱིས་ཤིག་པའོ། །བཏིང་ནས་བྱེད་ན་འདིར་སོ་སོར་གྱུར་ཞེས་པ་ནི་གཏན་པ་བཏིང་བའི་འོག་ཏུ་དགེ་འདུན་སྡེར་ཆད་ཅིང་སོ་སོར་བྱེ་#ན་གཏན་པ་ཡང་ཐ་དད་དུ་འགྱུར་ཏེ། སྡེ་གཅིག་གིས་ཕྱུང་བས་#སྡེ་གཅིག་གི་ཕྱུང་བར་མི་འགྱུར་བའོ། །ཆོས་སྨྲ་བ་ཡོད་ན་
[194a.7]དེའི་གདིང་བའོ་ཞེས་པ་ནི་ཆོས་སྨྲ་བ་དང་། ཆོས་མ་ཡིན་པ་སྨྲ་བ་སྡེ་གཉིས་ཀྱིས་གཏན་#པ་བཏིང་ན། ཆོས་སྨྲ་བ་རྣམས་ཀྱིས་གཏན་བའི་གདིང་#བར་འགྱུར་གྱི། ཆོས་སྨྲ་བ་མ་ཡིན་པ་རྣམས་ཀྱིར་མི་འགྱུར་བས་ན#། གཏན་པ་བསྲུང་བའི་རིམ་གྲོ་ཡང་ཆོས་སྨྲ་བ་རྣམས་ཀྱིས་བྱའོ། །
[194b]
[194b.1]འདིར་གཞན་གྱིས་བཏིང་ཡང་གཞན་གྱི་རྙེད་པ་འདི་དག་ལས་སོ་ཞེས་པ་ནི་ཆོས་སྨྲ་བ་མ་ཡིན་བ་རྣམས་ཀྱིས་གཏན་པ་བཏིང་དུ་ཟིན་ཀྱང་ཡུན་འདི་སྲིད་ཀྱི་བར་དུ་གནས་འདི་ན་འཁོད་པ་རྣམས་ལ་ཡོན་འདི་དབུལ་ལོ་ཞེས་གནས་ཀྱི་རྙེད་པར་གྱུར་པ་རྣམས་ཆོས་སྨྲ་བ་དབང་བར་སྟོན་པའོ། །ཐ་མལ་པའི་
[194b.2]གནས་སུ་བཀར་བ་དགག་མི་སྐྱེ་ཞེས་པ་ནི་དགེ་སློང་ཐ་མལ་བ་རྣམས་ཀྱི་སར་ཆད་པས་ཆོད་ཅིང་བཀར་བས་གཏན་པ་བཏིང་དུ་ཟིན་ཀྱང་བཏིང་བར་མི་འགྱུར་བའོ། །བསམ་པ་བཞག་ན་བཏིང་བའོ་ཞེས་པ་ནི་འདི་ནི་བདག་ཅག་གི་གཏན་པ་བཏིང་བའོ། །འདི་རྙེད་པ་དང་། ཡོན་ཏན་ཡང་བདག་ཅག་
[194b.3]གིའོ་ཞེས་སེམས་ཀྱི་ཆེད་དུ་དམིགས་ཤིང་གཏད་ན་གདོད་གཏན་པ་བཏིང་བའི་དོན་དུ་འགྱུར་བའོ། །དད་པ་ཕུལ་བའི་དབང་གིས་ན་ལྷག་མ་རྣམས་དང་ལྷན་ཅིག་ཏུ་བྱ་བ་བྱས་པར་འགྱུར་རོ་ཞེས་པ་ནི་གཏན་པ་འདིང་#བའི་ཚེ་ཁོ་ན་ངོས་ནི་#མེད་ཀྱི། དད་པས་ཕུལ་ན་ཡང་དགེ་འདུན་དང་ལྷན་ཅིག་ཏུ་བྱས་
[194b.4]ཤིང་ལས་སུ་རུང་བར་སྟོན་པའོ། །དེས་བཏང་ན་ཕྱུང་བའོ་ཞེས་པ་ནི་གཏན་པ་མི་དགོས་ཤིང་གཏན་པའི་ཡོན་ཏན་ལ་མི་རེ་བ་སེམས་ཐག་བཅད་ན་གཏན་པ་འབྱུང་#བར་འགྱུར་བའོ། །དེ་ལྟ་བས་ན་དད་པ་མ་ཕུལ་ཞིང་གཉིད་དང་མཉམ་པར་འཇོག་ན་བཀང་དུ་ཟིན་ཀྱང་མ་ཐོས་ཀྱི་བར་དུ་#བཏིང་བ་དང་ཕྱུང་བར་མི་འགྱུར་
[194b.5]རོ་ཞེས་པ་ནི་གོང་མ་ལྟར་ཆེད་དུ་བསམ་པ་བརྩན་#པའི་ཕྱིར་གྲལ་དུ་བཀོད་དེ། དགེ་འདུན་གྱི་ནང་དུ་འོངས་སུ་ཟིན་ཀྱང་གཉིད་དང་མཉམ་པར་འཇོག་པ་ལྟ་བུ་ལ་སོགས་པར་གྱུར་ན། མཐོས་ཀྱི་བར་དུ་བཏིང་བར་ཡང་མི་འགྱུར་ཕྱུང་བར་ཡང་མི་འགྱུར་བའོ། །བཏིང་བའི་མཚམས་གཅིག་ན་གནས་ཐ་དད་
[194b.6]པར་འཁོད་ཀྱང་དེ་འཁོད་པའོ་ཞེས་པ་ནི་གཙུག་ལག་ཁང་ཁ་#ཐ་དད་དུ་ཟིན་ཀྱང་དབྱར་ཚུལ་དུ་འཇུག་པའི་ཚེ་ཐམས་ཅད་ཀྱི་ཕྱིར་མཚམས་གཅིག་ཏུ་བྱས་ན་གཏན་པ་བཏིང་བའི་ཚེ་ཡང་གཙུག་ལག་ཁང་དུ་མའི་གཏན་པ་ཅིག་ཅར་དུ་བཏིང་དུ་རུང་བར་སྟོན་པའོ། །འདི་འདིང་བའི་ཚེ་ན་ཡང་དེའི་གནས་སོ་
[194b.7]ཞེས་པ་ནི་གོང་མ་ལྟར་དབྱར་ཚུལ་དུ་འཇུག་པ་ནས་ཕྱི་མཚམས་གཅིག་ཏུ་བྱས་པ་ནི་མེད་ཀྱི་གཏན་པ་གདིང་བའི་ཚེ། ཐམས་ཅད་ཀྱི་ཕྱི་མཚམས་གཅིག་ཏུ་བྱས་ན་ཡང་གཙུག་ལག་ཁང་དེ་དག་ཀུན་གཏན་པ་དེའི་གནས་སུ་འགྱུར་བའོ། །བཏིང་ནས་མཚམས་ཐ་དད་དུ་བྱས་ན་#གང་ཡང་དེའི་
[195a]
[195a.1]གནས་སོ་ཞེས་པ་ནི་གཏན་པ་བཏིང་ཟིན་པའི་འོག་ཏུ་མཚམས་སོ་སོར་ཆད་ན་ཡང་གཏན་པ་འབྱུང་བར་མི་འགྱུར་ཞིང་། མཚམས་སོ་སོར་ཆད་པ་ཀུན་ཀྱང་གཏན་པ་དེའི་གནས་ཡིན་པར་སྟོན་པའོ། །འདི་ལྟར་ཐ་དད་དུ་གྱུར་ན་འབྱུང་བ་ཡང་གནས་སོ་སོར་རོ་ཞེས་པ་ནི་གོང་མ་ལྟར་ཐ་དད་
[195a.2]དུ་གྱུར་ན་#འབྱུང་བའི་ཚེ་ཡང་སོ་སོར་འབྱུང་དགོས་པའི་ཕྱིར་གནས་གཅིག་པས་དུས་དང་དུས་མ་ཡིན་བར་ཕྱུང་ན། གནས་གཞན་པ་རྣམས་ཀྱི་ཕྱུང་བར་མི་འགྱུར་བའི་ཕྱིར་དེའི་བསྲུང་བ་ཡང་གུད་ནས་བཏང་བའམ་གཏན་པ་ཉིད་གནས་#གཞན་དུ་བླང་དགོས་པའོ། །བྱེ་ན་ཕྱོགས་ཀྱང་སོ་སོར་རོ་ཞེས་པ་ནི་
[195a.3]མཚམས་གཅིག་ན་འཁོད་པ་ལས་ཕྱོགས་སོ་སོར་ཆད་ན་ཡང་གཏན་པ་སོ་སོ་ནས་དབྱུང་དགོས་པར་སྟོན་པའོ། །མ་བཏིང་བས་ཕྱུང་བ་ཡང་མ་ཕྱུང་བ་མ་ཡིན་ཞེས་པ་#གཏན་པ་འདི་བཏིང་བ་ལ་མ་གཏོགས་པ་གཞན་གྱིས་#གཏན་པ་ཕྱུང་ན་ཡང་གཏན་པ་ཕྱུང་བར་མི་འགྱུར་བ་མེད་པའོ། །མ་གྱུར་ཀྱང་
[195a.4]མི་འཆད་#པ་མ་ཡིན་ཞེས་པ་ནི་གནས་གཅིག་ན་དགེ་སློང་གཅིག་པུ་ཞིག་འདུག་པའི་གཏན་པ་བཏིང་བའི་དོན་རོགས་དགེ་སློང་འགྲོན་#པ་གཞན་གྱིས་བྱས་ཏེ། གཏན་པ་བཏིང་ན་སྡེར་མ་ལངས་#ཤིག་གཏན་པ་བཏིང་བར་མི་འགྱུར་བ་མེད་པར་སྟོན་པའོ། །མ་བཏིང་བས་མ་ཕྱུང་བ་#མ་ཡིན་ཞེས་པ་ནི་གཏན་
[195a.5]བ་འབྱིན་པའི་ཚེ་ཡང་གཏན་པ་གདིང་བ་ལ་#མ་གཏོགས་པ་གཞན་གྱིས་བཏང་སྟེ་ཕྱུང་ན་དེར་དགེ་འདུན་མི་ཚང་བ་མེད་པའོ། །གཏན་པ་བྲུབས་#ན་སྦྱར་མ་མེད་པར་གྲོང་དུ་འཇུག་པ་ལ་སོགས་པ་སུམ་མདོར་འདུག་པའི་བར་དུ་ཉེས་མེད་ཅེས་པ་ནི་གཏན་པ་བཏིང་ན་སྦྱར་མ་མེད་པར་གྲོང་དུ་འཇུག་པ་ལ་
[195a.6]སོགས་པ་ལམ་པོ་ཆེའི་སུམ་མདོར་འདུག་ཏུ་ཟིན་ཀྱང་ཉེས་མེད་པར་སྟོན་པའོ། །གཏན་#པའི་དངོས་པོ་ཞུས་པ་ལ་སོགས་པར་གཏོགས་པའོ། །གཏན་པའི་དངོས་པོ་རྫོགས་སོ།། །།གོས་ཀྱི་དངོས་པོ་བསྡུས་ཏེ་སྟོན་པ་ནི#། མཚོན་གྱིས་མ་དྲས་པའི་གོས་མི་བགོ་ཞེས་པ་ལ་
[195a.7]སོགས་པ་ཡིན་ཏེ། ཁ་ཚར་མ་བཅད་མཚོན་གྱིས་མ་དྲས་ན་ཁྱིམ་པའི་གོས་སུ་འགྱུར་བས་ན་དགག་པའི་ཕྱིར་རོ། །དྲས་ཤིང་དྲུབས་པའི་ཆོས་#གོས་ལ་བྱིན་གྱིས་བརླབས་ཞེས་པ་ནི་འདི་ལྟ་བུའི་ཆོས་གོས་གསུམ་ལ་བྱིན་གྱིས་རློབས་ཤིག་པའོ། །ཇི་ལྟ་བུ་དྲུབས་ཤེ་ན། ཚལ་
[195b]
[195b.1]བུ་དབུས་ནས་ལྷག་མ་དང་མཉམ་པ་འདབ་ངོས་སྤེལ་ཏེ་གཞན་གྱི་འོག་ཏུ་བསྲུལ་ཅིང་མཐའ་བསྐོར་བའོ་ཞེས་པ་ཡིན་ཏེ། ཚལ་བུ་དབུས་ནས་ཁ་སོ་སོར་གྱེས་ལ་ཚལ་བུ་ལྷག་མ་རྣམས་དང་། ཞེང་ཚད་མཉམ་ཞིང་ཚལ་བུ་ཕྱེད་དུ་བགོ་བའི་ཐོག་མ་རྩེ་སྤྲོད་དུ་མི་བྱ་བར་སྤེལ་ཏེ། ཚམ་བུ་གཞན་གྱི་འོག་#
[195b.2]འོག་ཏུ་བསྲུལ་བ་དང་། ཐ་མ་ཡང་ཁོར་ཡུག་ཏུ་ཚལ་བུའི་#ཚད་ཀྱིས་བསྐོར་བའོ། བྱིན་གྱིས་བརླབ་པའི་གོས་གང་ཞེ་ན། སྟོད་གཡོགས་དང་སྨད་གཡོགས་དང་སྦྱར་མའོ་ཞེས་པ་ཡིན་ཏེ། སྨད་དུ་བགོ་བ་དང་། སྟོད་དུ་བགོ་བ་དང་། དུམ་བུར་ལྷག་#པའི་སྦྱར་མ་དང་གསུམ་ལ་བྱིན་གྱིས་རློབས་#
[195b.3]ཤིག་པའོ། །དགེ་སློང་མའི་ལྷག་མར་བྱིན་གྱིས་བརླབ་པ་སྟོན་པ་ནི། གོང་ལུགས་#དང་རྡུལ་གཟན་ཡང་ངོ་ཞེས་པ་དང་། དགེ་སློང་མའི་སྟེ་ཇི་ལྟར་ཡང་རུང་ཞེས་པ་ཡིན་ཏེ་གོང་མ་གསུམ་གྱི་སྟེང་དུ་འདི་གཉིས་ཀྱིས་#བསྣན་ཏེ་ལྔ་ལ་བྱིན་གྱིས་རློབས་ཤིག་པ་དང་། གོང་ལུགས་དང་རྡུལ་གཟན་
[195b.4]དྲས་ཤིང་དྲུབས་པ་ཡང་རུང་བའོ། །ཡོད་པར་གྱུར་ན་བསྙད་#པ་ཡང་ངོ་ཞེས་པ་ནི་དྲས་ཤིང་དྲུབས་པ་བརྙས་ཏེ་རྙེད་ན་ཡང་། དེ་ལ་བྱིན་གྱིས་རློབས་ཤིག་པའོ། །དྲས་ཤིང་དྲུབས་པ་བརྙན་པོར་མ་རྙེད་ན། ཐ་མལ་པ་ལ་ཡང་བྱིན་གྱིས་རློབས་ཤིག་པའོ། །འདི་དག་མེད་པར་སྐྱ་རེངས་#ཤར་བར་མི་བྱ་
[195b.5]ཞེས་པ་ནི་དྲས་པའམ་མ་དྲས་པ་ལ་བྱིན་གྱིས་མ་བརླབས་པར་སྐྱ་རེངས་ཀྱིས་#ཆོད་ན་ཉེས་བྱས་སུ་འགྱུར་བའོ། །གཞན་མ་རྙེད་ན་ཡང་ཁ་དོག་མ་བསྒྱུར་བ་ལ་ཡང་བྱིན་གྱིས་བརླབས་ཞེས་པ་ནི་གོང་དུ་སྨོས་པ་ལྟ་བུ་མ་རྙེད་ན་#ཁ་དོག་#བསྒྱུར་བའི་དཀར་པོ་ལ་ཡང་བྱིན་གྱིས་རློབས་ཤིག་པའོ། །མ་དྲུབས་
[195b.6]པ་ལ་ཡང་ངོ་ཞེས་པ་ནི་དྲུབས་པ་མ་རྙེད་ན་མ་དྲུབས་པ་ལ་ཡང་བྱིན་གྱིས་རློབས་ཤིག་པའོ། །འདིར་ཡོད་ན་ཤར་བུས་གླན་ཞེས་པ་ནི་ཤར་བུའམ་ཚལ་བུ་གུད་ནས་རྙེད་ན་མ་དྲུབས་པའི་ཐང་བ་དེ་ལ་བླ་ཐབས་སུ་གློན་ཅིག་པའོ། །ཁྱིམ་པའི་རྣམ་པ་ཡང་ངོ་ཞེས་པ་ནི་མ་བཙོས་མ་དྲུབས་པ་ཁྱིམ་
[195b.7]པའི་གོས་ལྟ་བུ་ལ་ཡང་བྱིན་གྱིས་རློབས་#ཤིག་པའོ། །ཕྱིད་པ་ལབ། བེའུ་རས་ལ་བ་སྟུག་པོ་སྲབ་མོ་རྣམས་མ་དྲས་པ་#ཡང་ཤར་བུས་གླན་ཏེ། དྲུབས་པ་ཡང་ངོ་ཞེས་པ་ནི་མིང་གིས་སྨོས་པ་འདི་དག་མ་དྲས་པ་ལ་ཤར་བུས་བླ་#ཐབས་སུ་གླན་པ་#བྱིན་གྱིས་རློབས་ཤིག་པའོ། །འོག་ནས་
[196a]
[196a.1]སྤུ་ཅན་བྱིན་གྱིས་མ་བརླབས་ཞེས་#འབྱུང་བས་ན། ལ་བ་དང་བེའུ་རས་ནི་སྤུ་བྲེག་པ་ལ་བྱིན་གྱིས་རློབས་ཤིག་པའོ། །མལ་སྟན་མི་གཙང་བས་རེག་ན་དེའི་མོད་ལ་བཀྲུ་ཞེས་པ་ནི་འདི་ལྟར་གྱུར་ན་མ་བཤོལ་#བར་མོད་ལ་ཁྲུས་ཤིག་པ་སྟེ། དགེ་འདུན་གྱི་ཡང་རུང་གང་ཟག་
[196a.2]གི་ཡང་#རུང་བའོ། །དགེ་འདུན་གྱི་ཁྲིའུ་དང་། ཁྲི་ངན་པ་མ་ཡིན་ན་འདུག་པའི་བར་དུ་དེ་མ་ཡིན་པའི་གདིང་བ་མེད་པར་མི་བྱ་བ་དང་། རྔུལ་གཟན་མེད་པར་#ཡང་བགོ་བ་ཡང་མི་བྱ་ཞེས་པ་ནི་ཁྲི་སྟན་ངན་པ་རབ་མ་ཡིན་ན་དེ་ལ་གང་ཟག་གི་གདིང་བ་མེད་པར་འདུག་པ་ཡང་མི་བྱ་ན། །ཉལ་
[196a.3]བ་ལྟ་ཅི་སྨོས་པ་དང་། ཉིད་ཀྱི་རྔུལ་གཟན་མེད་པར་མལ་གོས་སུ་#བགོ་བ་ཡང་མ་སྤྱོད་ཅིག་པའོ། །རི་མོ་ཕལ་ཆེར་མ་ཉམས་པ་ཐམས་ཅད་མ་ཡིན་ཞེས་པ་ནི་མལ་སྟན་རི་མོ་ཅན་ཞིག་ལ་རི་མོ་ཕལ་ཆེར་བྱེད་དམ། ཉམས་པ་མ་ཡིན། གང་ཟག་གམ། དགེ་འདུན་སུའི་ཡང་རུང་སྟེ།
[196a.4]དེ་ལ་གདིང་བ་མེད་པར་མ་སྤྱོད་ཅིག་པའོ། །ཁྲལ་ཀ་དང་དྲི་མ་ཅན་ཡང་མ་ཡིན་ཞེས་པ་ནི་གདིང་བ་ཁྲལ་ཀོག་གམ་དྲི་མ་ཅན་གྱིས་ཀྱང་མ་བྱེད་ཅིག་པའོ། །གདིང་བ་བཅང་ཞེས་པ་དང་། སྟུག་ན་ཅིག་རྐྱང་དགེ་ཞེས་པ་དང་། སྲབ་ན་ཉིས་རིམ་དུའོ་ཞེས་པ་དང་། ཁྲ་བོ་ནི་མི་རུང་ཞེས་པ་དང་། འདིར་འདབ་ངོས་
[196a.5]བྱ་ཞེས་པ་དང་། འཕོངས་#ཀྱི་སུམ་ཆར་རོ་ཞེས་པ་དང་། རྐྱང་པ་ལ་བྱིན་གྱིས་མི་བརླབ་ཅེས་པ་ནི་གདིང་བའི་ཚུལ་འདི་དག་ལྟར་གྱིས་ཤིག་པ་སྟེ། འཕོངས་#ལོགས་ཀྱི་སུམ་ཆར་ཚལ་བུ་ཕྲེད་དུ་འགྲོ་བས་མ་གླན་པར་བྱིན་གྱིས་བརླབ་ཏུ་མི་རུང་བའོ། །དེ་ལོད་ན་གཡན་པ་བགབ་པ་#
[196a.6]བཅང་ཞེས་པ་དང་། དེ་ནི་ཞག་ལྔའམ་དྲུག་ཅིང་བཀྲུ་ཞེས་པ་ནི་གཡན་བ་འམ་ཤུ་བ་ཡོད་ན་དེའི་དགབ་པ་#ཆོངས་ཤིག་པ་དང་། ཞག་ཚིགས་འདི་ཙམ་ཞིང་#ཁྲུས་ཤིག་པའོ། །སྲིན་བལ་དང་བལ་དང་། ཟར་མ་དང་། ཤ་ན་ཀའི་རུང་ཞེས་པ་ནི་རྒྱུ་འདི་དག་ལས་བྱས་པ་ནི་བྱིན་
[196a.7]གྱིས་བརླབ་པ་དང་། ལྷག་པའི་གོས་སུ་རུང་བར་སྟོན་པའོ། །མ་བཏགས་པ་དང་གསོ་མའི་མ་ཡིན་ཞེས་པ་ནི་བྱང་གི་སྒྲ་མི་སྙན་ནམ། ལྷའི་གོས་ལྟ་བུ་རྒྱུ་སྤུན་མེད་པ་དང་། གོས་མ་ལས་བྱས་པ་ནི་དགེ་སློང་གི་གོས་སུ་མི་རུང་བའོ། །སྐྲ་ལས་བྱས་པ་དང་། གཅེར་བུ་
[196b]
[196b.1]དང་། འུག་གཤོག་གི་དམ་མི་བླང་ཞེས་པ་དང་། འདིར་སྦོམ་བོའོ་ཞེས་པ་ནི་མུ་སྟེགས་པའི་མཚན་མའི་དམ་མི་བཅའ་ཞེས་བྱ་བ་#ནི་མིང་གིས་སྨོས་པ་འདི་གསུམ་ཡིན་ཏེ། འདི་གསུམ་སྔ་ནས་དམ་བཅས་ཤིང་སེལ་ཏམ། བཅང་ན་མི་རུང་བ་དང་། སྦོམ་པོར་འགྱུར་བའོ། །གཞན་
[196b.2]ཡང་འདི་དག་ལྟར་བྱེད་པའོ་ཞེས་པ་ནི་གོང་མ་གསུམ་སྔ་ནས་དམ་མ་བཅས་པར་སྲེལ་བ་དང་། གཞན་ཡང་མུ་སྟེགས་པའི་མཚན་མ་སྲེལ་ན་ཉེས་བྱས་སུ་འགྱུར་བའོ། །དེ་ཡང་དག་ཅིང་འགྲོལ་བར་མི་སེམས་ནའོ། །སྐྲ་འབལ་བ་དང་། འདབ་མ་གྱོན་པ་དང་། རི་དགས་ཀྱི་སྟོད་གཡོགས་#
[196b.3]དང་། སྨད་གཡོགས་ཀྱིས་དྲོད་འཛིན་པ་དང་། གསོ་རས་ཤོག་པོ་དང་། ཡན་ལག་གི་སྦུབས་དང་། སྔོན་པོ་ཤ་དག་གྱོན་པ་དང་། ཁ་ཚར་རིང་པོ་དང་། ཁ་ཚར་ལུ་གུ་རྒྱུད་#དང་། སྟོད་ཀོར་རམ་རྒྱ་མཚོའི་ནུ་གབ་ལྟ་བུ་ལ་བྱ། སྟོད་གབ་དང་། གཙུག་ཏོར་དང་ཐོད་དང་། ར་ཕྱར་དང་།
[196b.4]རྔ་བལ་གྱི་ལ་བ་དང་། མུ་སྟེགས་པའི་མཚན་མ་ཡང་ངོ་ཞེས་པ་ནི་མིང་གིས་སྨོས་པ་འདི་དག་དང་། གཞན་ཡང་མུ་སྟེགས་པའི་མཚན་མར་གཏོགས་སོ་ཅོག་སྲེལ་དུ་མི་རུང་བར་སྟོན་པའོ། །ཕུལ་སའི་འདབ་མ་གང་བ་འཚལ་ལམ#། མང་མེའི་ཁལ་པ་ཙམ་ན་ཡང་མཉམ་པར་བགོ་ཞེས་པ་ནི་ཁ་ཟས་
[196b.5]སམ་གོས་ཀྱི་རྙེད་པ་ཞིག་ཡོད་ན་འདི་དག་ཙམ་གྱི་ཚོང་དུ་ཡང་བསྲེལ་#ལ་སྤར་སྤར་བགོས་#ཤིག་པའོ། །ལ་བའམ་དེ་དང་འདྲ་བའི་འཆོས་ཏེའོ་ཞེས་པ་དང་། མི་གཤེག་ཅེས་པ་ནི་ལ་བའམ་དྲེའུ་རྡོག་གམ། ཟ་འུག་#ལ་སོགས་པ་ཡང་གཤགས་#ནས་ནོར་དུ་མི་རུང་བ་ནི་མ་གཤགས་#པར་ཚོངས་ལ་
[196b.6]བགོས་ཤིག་པའོ། །རྙེད་པ་བགོ་བར་བྱ་བ་ནི་ལྔ་སྟེ་ཞེས་པ་དང་། དེ་རྙེད་པ་འགོད་ཀྱི་ཁྱེད་ཅག་འདུ་བར་གྱིས་ཤིག་ཅེས་དགེ་འདུན་ལ་བསྙད་#ཅེས་པ་དང་། གཎྜཱི་#བརྡུངས་ཚུལ་ཤིང་བྲིམ་པ་དང་#སྐལ་ཤས་བྲིམ་ཞེས་པ་ནི་བགོ་བ་རྣམ་པ་ལྔ་ཡོད་པ་མིང་གིས་སྨོས་པ་འདི་#རྣམས་ཡིན་བར་སྟོན་
[196b.7]པའོ། །འགོད་པའི་མཇུག་ཚུན་ཆད་དུ་འོངས་ན་དབང་ཞེས་པ་དང་། ཟིན་ན་མ་ཡིན་ཞེས་པ་ནི་དགེ་འདུན་གྱི་རྙེད་པ་གཉུག་མའམ་ཁ་ཅིག་དབང་བར་ངེས་པ་མ་ཡིན་པའི་སྤྱིར་#རྙེད་པ་ལྟ་བུ་ནི་འགོད་པའི་མཇུག་སླེབས་ན་དབང་བ་དང་བགོས་ཟིན་ན་མི་དབང་བར་སྟོན་པའོ། །ངན་ངོན་
[197a]
[197a.1]གྱི་རྙེད་པ་#ཡང་དེ་དག་ལྟའོ་ཞེས་པ་ནི་ཆུང་ཤས་སམ་#ངན་ངོན་གྱི་རྙེད་པ་ཞིག་ན་ཡང་བགོ་བའི་ཐབས་གོང་མ་ལྟར་གྱིས་ཤིག་པའོ། །གུད་དུ་སོང་ན་ཡང་རྙེད་པ་དེ་ལ་གཏོགས་ཏེ་མི་འོས་#པ་མ་ཡིན་ཞེས་པ་དང་། དེ་ལྟ་བས་ན་འགྲོ་ཁར་ནོད་དུ་གཞུག་ཅེས་པ་དང་། ཁས་བླངས་
[197a.2]ནས་མ་མནོས་ན་འདའ་ཞེས་པ་ནི་དབྱར་ཚུལ་དུ་ཞུགས་པ་#ལ་སོགས་པ་རྙེད་པ་ནར་མའམ། བླ་ཐབས་ཀྱང་རུང་སྟེ་མ་མནོས་པར་གུད་དུ་སོང་ན་དེ་ལ་མི་དབང་བ་མེད་པས་འགྲོ་ཁར་ནོད་དུ་གཞུག་ཅིང་ནོད་དུ་བཅུག་པས་མ་མནོས་ན་སྐྱིན་ཀྲིན་དོས་ཤིག་པའོ། །པ་#ན་ལྔ་ཡན་ཆད་ནི་ངན་
[197a.3]ངོན་གྱི་རྙེད་པའོ་ཞེས་པ་ནི་པ་#ན་ལྔ་ཡན་ཆད་རྙེད་པར་གཏོགས་པས་ན་དེ་ཙམ་ཡན་ཆད་ནོས་ཤིག་པའོ། །མ་མནོས་ན་སྐྱིན་ཀྲིན་མི་བདའ་#བའོ། །མ་བཅོལ་བར་མི་མནོད་#ཅེས་པ་དང་། མཁན་པོ་དང་སློབ་དཔོན་གྱིས་ནི་མནོད་#ཅེས་པ་དང་། ཡིད་གཅུགས་#པའི་ཕྱིར་ཡང་ངོ་ཞེས་པ་དང་།
[197a.4]མལ་སྟན་ཡང་དེ་བཞིན་ཞེས་པ་དང་ཟས་ཀྱང་དེ་#ཞེས་པ་རྣམས་ནི་མཁན་པོ་དང་སློབ་དཔོན་གྱི་ཉེ་གནས་དང་སློབ་མའི་ཕྱིར་མནོད་པ་དང་ཡིད་གཅུགས་#པའི་ཕྱིར་མནོད་པ་མ་གཏོགས་པར་མ་བཅོལ་བ་དང་། ཉེ་#མགོན་དུ་སྟན་ཆ་དང་ཟས་ཡན་ཆད་ཀྱང་མནོད་ཅིག་པའོ། །གཞན་གྱི་
[197a.5]ཕྱིར་ནོད་ན་ཕ་རོལ་ཤེས་པར་བྱ་ཞེས་པ་དང་མི་འཐོབ་པ་དེའི་ནང་དུ་མི་གཅེན་ཅེས་གཞན་གྱི་ཕྱིར་ནོད་#ན་གཞོག་དཔང་ཚུགས་ཤིག་པ་དང་། བསྙེན་དགའ་ལྟ་བུར་མ་གཉར་བར་ཟས་ཟོས་ཤིང་གོས་ཁྱེར་བ་ལྟ་བུ་མི་གཏོགས་པའི་ནང་དུ་གཅེན་ཅིང་རྙེད་པ་མ་ལེན་ཅིག་པའོ། །འོས་
[197a.6]ན་གཅིག་ལ་ཡང་བ་དང་ཤིན་ཏུ་མང་མོ་ཞིག་རྙེད་ན་ཡང་མི་དབང་བ་གཞུག་པའི་རྒྱུ་མ་ཡིན་ཞེས་པ་ནི་དགེ་སློང་གཅིག་ལ་དགེ་འདུན་གྱི་རྙེད་པ་ཕལ་ཆེར་ཕུལ་ན་གཅིག་པུས་ཁྱེར་བ་ཡང་བླ་བ་དང་། དགེ་འདུན་ཕལ་པོ་ཆེའི་རྙེད་པ་རྒན་ཞུགས་གཉིས་ལ་ཕུལ་བ་དག# ། དགེ་འདུན་
[197a.7]གཞན་ཡང་གཉར་དགོས་#པར་སེམས་པ་བཅོམ་ལྡན་འདས་ཀྱིས་གཉར་མི་དགོས་ཤིང་གཉིས་པོ་#དབང་བར་གསུངས་པ་ལྟ་བུ་ཡིན་ཏེ། མང་མོ་ཞིག་ལ་ཕུལ་ཡང་དེ་ན་འཁོད་པ་རྣམས་དབང་གི་གུད་ནས་གཉེར་ཞིང་བགོ་བཤའ་མི་དགོས་པའོ། །བྱེ་ནས་ཆོས་མ་ཡིན་པའི་
[197b]
[197b.1]ཕྱོགས་སུ་གྱུར་ན་དགེ་འདུན་གྱི་རྙེད་པ་མི་དབང་ཞེས་པ་ནི་དགེ་འདུན་སྡེར་ཆད་ཅིང་བྱེ་བ་ལས་ཆོས་མ་ཡིན་པའི་ཕྱོགས་སུ་#སོང་ན་དགེ་འདུན་གྱི་རྙེད་པ་ལས་མི་དབང་བར་སྟོན་པའོ། །ཕལ་ཆེར་གནས་པ་ནི་དུས་དེའི་རྙེད་པའི་གནས་སོ་ཞེས་པ་ནི་དབྱར་ཚུལ་དུ་ཞུགས་པ་ལྟ་བུ་ཡུན་རིང་དུ་འདུག་
[197b.2]འདུག་ན་དུས་དེའི་རྙེད་ཤས་དབང་བར་སྟོན་པའོ། །བབས་པར་གྱུར་པ་དང་ཤི་བ་ཡང་ངོ་ཞེས་པ་ནི་ཕལ་ཆེར་བབས་ཤིང་ཤིར་ཟིན་ཀྱང་རྙེད་ཤས་དབང་བའོ། །དེ་ལ་ཤི་བ་དབང་བ་ནི་ཤི་བའི་ཡོ་བྱད་གར་འགོད་པར་འགྲོ་བའོ། །རྙེད་པ་རྣམ་པར་གཞག་པ་ནི་ངེས་པར་བྱས་པ་ཇི་བཞིན་ཞེས་
[197b.3]པ་ནི་ཡོན་བདག་གིས་བགོ་བ་དང་མི་བགོ་བ#འམ། དབང་བ་དང་མི་དབང་བའམ། དུས་དང་དུས་མ་ཡིན་བར་བྱས་པ་ཇི་ལྟ་བ་བཞིན་དུ་བརྩན་#བར་གྱིས་ཤིག་པའོ། །འཐོབ་པ་དག་གིས་ཀྱང་ངོ་ཞེས་པ་ནི་འཐོབ་པའམ་ལེན་པ་རྣམས་ཀྱིས་ཡོན་བདག་དང་ཁྱིམ་གྱི་བཟའ་སྐལ་ཇི་ལྟར་དགོས་
[197b.4]པ་བཞིན་དུ་བརྩན་བར་#སྟོན་པ་སྟེ། ཡོན་བདག་གཅིག་གིས་གནས་#གཅིག་ཏུ་ཕྱོགས་གཉིས་ཀའི་དགེ་འདུན་གཉར་ཏེ། ཡོན་ཕུལ་ན་#ཡང་གང་གི་རིགས་སུ་གཏོགས་པ་དེ་དག་དབང་བའོ། །ཅིའི་ཕྱིར་དེ་ལྟ་ཞེ་ན། མཐའ་དག་ལ་བྱིན་ཡང་ངོ་ཞེས་པ་ཡིན་ཏེ་སྡེ་གཉིས་པོ་ཀུན་ལ་བྱིན་#ཟིན་
[197b.5]གྱིས་ཀྱང་ནང་ཁྲིམས་གྱིས་རིས་བརྩན་#པའི་ཕྱིར་རོ། །དགེ་འདུན་མ་ངེས་པ་ནི་ལས་ཀྱི་#མཚམས་ཀྱིས་གཅོད་དོ་ཞེས་པ་ནི་དགེ་འདུན་འདི་དག་ལ་ཕུལ་ལོ་ཞེས་ངེས་པར་ཕྱེ་བ་ནི་མེད་ཀྱི་#སྤྱིར་ཕུལ་བ་ལྟ་བུ་ལས་ཀྱི་#མཚམས་ཀྱི་ནང་དུ་འོངས་སོ་ཅོག་དབང་བའོ། །འདིར་གཅིག་ལ་སོགས་
[197b.6]པ་དེའོ་ཞེས་པ་ནི་དགེ་སློང་གཅིག་གམ་གསུམ་མན་ཆད་ཚུལ་དུ་ཞུགས་པ་ལ་ཡོན་བདག་གིས་དགེ་འདུན་གྱི་#ཡོན་དུ་ཕུལ་ན་དགེ་འདུན་དུ་མ་ཚང་ཡང་དེ་དག་དགེ་འདུན་དང་འདྲ་བར་དབང་བའོ། ཆོས་ཀྱི་རྙེད་པ་ནི་དེ་སྨྲ་བ་དབང་བའོ་ཞེས་པ་ནི་བཤད་པའི་ཆོས་ཀྱི་དབང་དུ་ཕུལ་བ་ནི་ཆོས་སྨྲ་བ་
[197b.7]དབང་བར་སྟོན་པའོ། །འདིར་ཞལ་ནས་གསུངས་པའི་ཚིགས་བཅད་གཅིག་འཛིན་པ་ཙམ་ཡང་ཆོས་སྨྲ་བར་གཏོགས་པའོ། །གཞན་འདུག་ན་མཚན་ཐ་དད་པ་ཤི་བའི་ཡོ་བྱད་མི་དབང་ཞེས་པ་ནི་གཞན་ཏེ། མཚན་མཐུན་པ་ཡོད་ན་མཚན་ཐ་དད་པས་ཤི་བའི་ཡོ་བྱད་མི་འཐོབ་པའོ། །བཀར་
[198a]
[198a.1]བ་ཡང་དེ་བཞིན་ཞེས་པ་ནི་བཀར་བས་ཀྱང་དགེ་སློང་ཐ་མལ་པ་ཤི་བའི་ཡོ་བྱད་མི་འཐོབ་པའོ། །མི་འདུག་ན་ཡང་ངོ་ཞེས་པ་ནི་ཤི་བའི་དྲུང་ན་དགེ་སློང་ཐ་མལ་པ་མེད་དུ་ཟིན་ཀྱང་བཀར་#བས་ཡོ་བྱད་མི་འཐོབ་པའོ། །སེམས་ཀྱིས་མི་ལྡོག་པའི་རྒྱུས་ནའོ་ཞེས་པ་ནི་གོང་མ་ལྟར་བཀར་བ་མི་དབང་བ་
[198a.2]ཡང་རང་གིས་ཉེས་པའི་མཚན་མ་མི་གཏོང་ན་གདོད་དེ་ལྟར་འགྱུར་བའོ། །དེའི་འདི་ཁྱེར་བ་ལ་ནི་འདི་ཐ་མི་དད་ཅེས་པ་ནི་བཀར་བའི་དགེ་སློང་ཤིན་དེའི་#ཡོ་བྱད་ནི་ཐ་མལ་པ་དང་བཀར་བ་གཉིག་དབང་བའོ། །ཐ་དད་པའི་ནི་ཐ་དད་པའོ་ཞེས་པ་ནི་ཆོས་ཡིན་བ་དང་མ་ཡིན་པའི་ཕྱོགས་ཐ་དད་པ་ཤི་བའི་ཡོ་བྱད་ནི་སོ་སོར་
[198a.3]དབང་བའོ། །རབ་ཏུ་བྱུང་བའི་ཚངས་པ་མཚུངས་པར་སྤྱོད་པ་ལས་གཞན་དེ་མི་དབང་ཞེས་པ་ནི་རབ་ཏུ་བྱུང་བ་ཤི་བའི་ཡོ་བྱད་ཚངས་པ་མཚུངས་པར་སྤྱོད་པ་དབང་གི་རྒྱལ་པོ་དང་ཞང་བློན་ལ་སོགས་གཞན་མི་དབང་བའོ། །གསོལ་བའམ་དང་པོ་དང་ཐ་མ་བྱིན་གྱིས་བརླབས་ན་ཕྱིན་པས་མ་ཡིན་#དགེ་འདུན་གྱིས་
[198a.4]གསོལ་བའི་བྱིན་གྱིས་བརླབས་#པའམ། དང་པོ་དང་ཐ་མ་བྱིན་གྱིས་བརླབས་#པའི་ཆོག་བྱས་པའི་འོག་ཏུ་འགའ་ཞིག་དེར་འོངས་ན་ཤི་བའི་ཡོ་བྱད་མི་དབང་བའོ། །དེ་ལ་དང་པོ་དང་ཐ་མ་བྱིན་གྱིས་བརླབས་#པ་ཇི་ལྟ་བུ་ཡིན་པར་སྟོན་པའོ#། །དགེ་འདུན་ལས་རྒན་བ་དང་གཞོན་བ་ལ་གང་ཅི་ཡང་རུང་བ་བྱིན་ན་དེའོ་
[198a.5]ཞེས་པ་ཡིན་ཏེ་གྲལ་གྱི་#དང་པོ་དང་ཐ་མལ་པ་ལ་ཁབ་སྐུད་ཡན་ཆད་ཇི་ཡང་རུང་བ་#བྱིན་ན་དང་པོ་དང་ཐ་མ་བྱིན་གྱིས་བརླབས་པ་ཞེས་བྱ་བར་སྟོན་པའོ། །བྱིན་གྱིས་བརླབ་#པ་གང་ནབ་མཚམས་དེ་འདིར་གཏོགས་པ་#བྱིན་གྱིས་བརླབ་པར་བྱ་ཞེས་པ་ནི་ཤི་བའི་ཡོ་བྱད་གང་ན་བ་#འདུག་པ་དེའི་དགེ་འདུན་གྱིས་
[198a.6]བདག་ཅག་དབང་བར་བྱིན་གྱིས་བརླབ་#པར་བྱའོ། །ཅིའི་ཕྱིར་དེ་ལྟ་ཞེ་ན། འདིར་ཤི་བའི་གནས་རྒྱུ་མ་ཡིན་ཞེས་པ་ཡིན་ཏེ། གར་ཤི་བའི་གནས་མི་བརྩན་གྱི་ནོར་གང་ན་འདུག་པ་བརྩན་བའི་ཕྱིར་རོ། །མཚམས་ཀྱི་བར་མ་དོན་འདུག་པ་ནི་ལུས་སམ་གཞན་པས་ཇི་རྙེད་#ཡོག་པ་དེ་དག་གིས་
[198a.7]གཏོགས་སོ་ཞེས་པ་ནི་མཚམས་སུ་མ་ཞིག་ན་བར་མ་དོ་ན་འདུག་ན་རོ་ཉིད་དམ། རོ་དེ་དང་འབྲལ་བའི་སྟན་ནམ། སྣོད་ཡན་ཆད་ཀྱི་མཚམས་ཇི་རྙེད་#དུ་ཁེབས་ཤིང་ཡོག་པ་དེ་དག་དབང་བའོ། །ནོར་གྱི་གཟུགས་བརྙན་གར་སོང་བ་ཡོ་བྱད་ཀྱང་དེ་འདིར་གཏོགས་སོ་ཞེས་པ་ནི་ཤི་བའི་ནོར་རབ་ཏུ་བྱུང་
[198b]
[198b.1]བའམ། ཁྱིམ་པ་གང་ལ་བཞག་པའི་མི་དེ་གར་སོང་བར་ནོར་ཡང་དེ་དག་གི་ཡིན་བར་སྟོན་བའོ། །དེ་ལྟ་བས་ན། གུད་ནས་འདུག་པ་གཟུགས་བརྙན་ལ་བྱིན་གྱིས་བརླབ་ཅེས་པ་ཡིན་ཏེ། ནོར་གང་#ལ་འདུག་ཀྱང་རུང་གིས། ནོར་གཏམས་#པའི་མི་དེ་བྱིན་གྱིས་བརླབས་ན་ནོར་ཡང་དེ་དག་དབང་བའོ། །སྐུར་པ་ནི་
[198b.2]ལེན་#པས་མ་སྤངས་ན་དེའི་འོ་ཞེས་པ་ནི་ཕ་རོལ་པོ་འགའ་ཞིག་ལ་ཚུལ་#ནོར་བསྐུར་བ། ཕ་རོལ་པོའི་ལེན་པ་དེས་ངས་མི་འདོད་དོ་ཞེའམ། སླར་ཁྱེར་ཅིག་ཅེས་པ་སྤངས་#པར་ཤི་ན་དེའི་ནོར་ཡིན་པའོ། །སྤངས་#ན་སྐུར་བ་པོའིའོ་ཞེས་པ་ནི་ལེན་པ་པོ་དེས་མི་འདོད་དོ་ཞེའམ་སླར་ཁྱེར་ཅིག་ཅེས་སྤངས་ན་#
[198b.3]སྐུར་སྐུར་བའི་རྫས་ཡིན་པར་སྟོན་པའོ། །དེས་ནི་སྤངས་ཀྱང་ངོ་ཞེས་པ་ནི་དང་པོ་སྐུར་སྐུར་བའི་མི་དེས་ཀྱང་མ་བླངས་ཏེ་ཡང་བསྐྱར་ཞིང་སླར་བསྐུར་བའི་འོག་ཏུ་བསྐུར་བ་དང་ལེན་བ་གཉི་ག་ཤི་ན་སྐུར་སྐུར་བ་དེའི་རྫས་ཡིན་བར་སྟོན་པའོ། །མཚམས་ཀྱི་ནང་པར་འདུ་ཤེས་ཏེ་ཉིད་ཅེས་བྱིན་གྱིས་
[198b.4]བརླབས་པ་ནི་མཚམས་ཀྱི་ཕྱི་རོལ་དུ་ཡང་མི་སྐྱེ་ཞེས་པ་ནི་མཚམས་ཀྱི་ཕྱི་རོལ་ནད་པར་འདུ་ཤེས་ཏེ་བྱིན་གྱིས་བརླབ་པ་མི་སྐྱེ་བའོ། །འབྱུང་བ་དང་ཆོ་ག་བྱ་བ་དང་། ཆོས་བསྒྲགས་པ་དང་། སྦྱིན་པ་བཤད་པ་རྣམས་མ་བྱས་ན་བྱིན་གྱིས་མ་བརླབས་ཞེས་#པ་ནི་མིང་གིས་བསྔོས་#པ་འདི་རྣམས་མ་བྱས་པར་བྱིན་
[198b.5]གྱིས་རློབ་པའི་ཡེ་རྔམ་སྔན་ཚོགས་སུ་མ་བྱེད་ཅིག་པའོ། །དེ་ལ་དབྱུང་བ་ཞེས་པ་ནི་རུས་བུ་ཕྱི་རོལ་དུ་དབྱུང་བའོ། །ཆོག་ཞེས་པ་ནི་བསྲེགས་#པ་ལ་སོགས་པའོ། །ལྷུང་བཟེད་དང་ཆོས་གོས་ཁྱིམ་པའི་དེར་ལུས་པ་ནི་ཁྱིམ་#བདག་གིས་གར་བྱིན་བ་དེ་དབང་ངོ་ཞེས་པ་ནི་དགེ་སློང་ཁྱིམ་པའི་དེར་ཤིན་ལྷུང་
[198b.6]བཟེད་ལ་སོགས་པ་ཡོ་བྱད་རྣམས་ཁྱིམ་པ་དེས་སུ་ལ་བྱིན་བ་དེ་དབང་བའོ། །ཇི་ནས་ཀྱང་འོས་#ཤིང་དེས་བྲལ་#ནའོ་ཞེས་པ་ནི་གོང་མ་ལྟར་ཁྱིམ་པས་སུ་བྱིན་བ་དབང་བ་ཡང་མཚན་མཐུན་ཞིང་ཐ་མལ་བ་ཞིག་སྟེ་སྦྱིན་པར་#འོས་པའོ། །ལྷུང་བཟེད་ལ་སོགས་པ་ཡོ་བྱད་དེས་བྲེལ་བ་ཞིག་ན་གདོད་གོང་མ་ལྟར་
[198b.7]འགྱུར་བའོ། །ཁྱིམ་པས་སུ་ལ་ཡང་མ་བྱིན་ན་སུ་དབང་ཞེ་ན། མ་བྱིན་ན་སློང་བའོ་ཞེས་པ་ཡིན་ཏེ། ཁྱིམ་པས་མ་བྱིན་ན་སུས་བསླངས་པ་དེ་དབང་བར་སྟོན་པའོ། །གཉིས་ལ་སོགས་པས་བསླངས་སུ་མཚུངས་ན་སུ་དབང་ཞེ་ན། རིམ་གྱིས་#ན་སྔ་མ་ཞེས་པ་ཡིན་ཏེ། སྔ་ཕྱིར་བསླངས་ན་གང་ཁ་སྔ་བདེ་དབང་
[199a]
[199a.1]བའོ། །ཤི་བའི་ནོར་དེའི་གཞི་འཛིན་པ་ཡེ་མེད་དམ། ཡོད་དུ་ཟིན་གྱིས་ཀྱང་གང་ཟག་འགའ་ལ་དམིགས་ཀྱིས་#བསྔོས་པ་མེད་དེ་སུས་ཁྱེར་ཡང་རུང་བར་བྱས་པ་ཞིག་ན་སུ་དབང་ཞེ་ན། མེད་དམ་དམིགས་ཀྱིས་#བཏང་བ་མ་ཡིན་ན་སོན་པའོ་ཞེས་པ་ཡིན་ཏེ་གཞི་འཛིན་པའི་མི་མེད་དམ། དམིགས་
[199a.2]ཀྱིས་བཏང་བ་མེད་ན་སུ་དེར་འོངས་པ་དབང་བའོ། །དུ་མ་ཞིག་སྔ་ཕྱིར་འོངས་ན་སུ་དབང་ཞེ་ན། རིམ་གྱིས་#པ་ཡང་དེ་བཞིན་ཞེས་པ་ཡིན་ཏེ། སློང་བ་ལ་ཁ་སྔ་#བརྩན་པ་བཞིན་དུ་འདིར་ཡང་སུ་སྔར་ཕྱིན་པ་དབང་བའོ། །ཆགས་ཉེན་ཡོད་པར་འགྱུར་ན་ཇི་ཙམ་ཆགས་པ་ཤི་བའི་ཡོ་བྱད་ལས་བཅལ་ཞེས་པ་དང་། བགོས་
[199a.3]ཀྱང་ངོ་ཤི་བ་ལ་གཞན་གྱི་ཆགས་ཉེན་ཡོད་ན་བགོས་ཟིན་ཀྱང་དེའི་ཡོ་བྱད་ལས་བུ་ལོན་གཅོལ་#ཅིག་པའོ། །བླང་བའམ་བཅལ་བ་དེང་འཐམས་པ་བཞིན་དུ་བྱའི་གཞན་དུ་མ་ཡིན་ཞེས་པ་ནི་ཐ་ག་པ་ལས་རས་ཀྱི་རིན་མ་ལེན་པར་དངོས་སུ་ལོང་ཤིག་ཅེས་པ་དང་། འཚོད་པའི་བེའུ་རས་ཀྱི་རིན་དུ་མ་བྱིན་གྱིས་སླར་བྱིན་བ་ལྟ་བུ་མ་
[199a.4]བྱེད་ཅིག་པར་བཅོམ་ལྡན་འདས་ཀྱིས་གསུངས་པ་བཞིན་དུ་ཤི་བའི་ནོར་གཞན་ལས་བླང་བ་#འམ་གཞན་ལས་གཅལ་#ཡང་གཤིན་ཉིད་དང་ཇི་ལྟར་འཐམས་པ་བཞིན་དུ་གྱིས་ཤིག་པའོ། །འདིའི་བུ་ལོན་ནི་ཚངས་པ་མཚུངས་པར་སྤྱོད་པ་གཞན་ལ་མ་ཡིན་ཞེས་པ་ནི་ཤི་བ་ལ་ཆགས་པའི་བུ་ལོན་ཁོ་ན་ཉིད་ཀྱི་ཡོ་བྱད་ཀྱིས་
[199a.5]མ་ཁྱེད་ན་ཚངས་པ་མཚུངས་པར་སྤྱོད་པ་གཞན་གྱིས་#གཞལ་བའོ། །ལས་སར་པ་པ་ལ་དཀོན་མཆོག་གི་དཀོར་ལས་ན་ཇི་རྙེད་ལས་དེ་རྙེད་མཉམ་བར་བཅལ་ཞེས་པ་ནི་ལས་སར་པ་བས་དཀོན་མཆོག་གི་ཁྱེར་བ་ལས་དེ་ཤི་བའི་འོག་ཏུ་དཀོར་བསྲེས་ཏེ། དཀོན་མཆོག་གང་གང་སྐུ་སྐལ་ཇི་སྙེད་ཡོད་#པ་སོ་སོར་
[199a.6]དབྱེར་མི་མངོན་ན། དཀོན་མཆོག་གསུམ་གྱི་སྐུ་སྐལ་ཆ་གསུམ་དུ་མཉམ་པར་ཕྱེ་ལ་སྩོབས་#ཤིག་པའོ། །ནད་གཡོག་ཡོད་ན་ཡོ་བྱད་དྲུག་ཆ་དབང་བའི་ཕྱིར་བྱིན་གྱིས་མི་རློབ། ཅེས་པ་དང་། བར་དང་འབྲིང་དང་ཐ་མ་ལས་སོ་ཞེས་པ་དང་། དུ་མ་ཞིག་ན་ཡང་དེ་ལ་ཐུན་མོང་ངོ་ཞེས་པ་ནི་ཤི་བའི་ཡོ་བྱད་ལས་
[199a.7]རབ་གཉིས་འབྲིང་གཉིས་ཐ་མ་གཉིས་ཏེ་དྲུག་ནད་གཡོག་ཡོང་ན་དེ་དབང་བས་དགེ་འདུན་བྱིན་གྱིས་རློབ་ཏུ་#མི་དབང་བ་དང་ནད་གཡོག་དུ་མ་ཞིག་འཁོད་ན་དེ་དྲུག་དང་#དབང་དུ་ཟད་པའོ། །དེའི་ཕྱིར་སོང་བ་ལ་ནད་པ་ཤིན་སྦྱིན་#ཞེས་པ་ནི་དོན་ཆེད་ཀྱི་ཕྱིར་དགེ་སློང་འགའ་ཞིག་གུད་དུ་སོང་བའི་འོག་
[199b]
[199b.1]ཏུ་ནད་གཡོག་གི་ཡོ་བྱད་དྲུག་ལས་དབང་བར་སྟོན་པའོ། །མི་འོས་པ་ལ་ཤི་བའི་རྫས་དེ་#མ་ཡིན་ཞེས་པ་ནི་ཁྱིམ་པའམ་དགེ་སློང་མ་ལྟ་བུ་ནད་གཡོག་བྱེད་ན་ཤི་བའི་ཡོ་བྱད་ལས་དབང་བ་མེད་པའོ། །ཚུལ་གཞན་དུ་ཞུགས་པ་ལ་མི་སྦྱིན་པ་མ་ཡིན་ཞེས་པ་ནི་ནད་གཡོག་བྱེད་ན་ཚུལ་གཞན་དུ་ཞུགས་
[199b.2]པ་ཞིག་ཡིན་དུ་ཟིན་ཀྱང་ཡོ་བྱད་དྲུག་ལས་མི་སྦྱིན་#པའོ། །འདི་བསྙེན་པར་རྫོགས་པ་ཡང་ཐམས་ཅད་དབང་ཞེས་པ་ནི་འོག་ནས་སུམ་ཆ་སུམ་གཉིས་སུ་འགོད་པ་ཞིག་འབྱུང་བ་ལྟ་བུ་ནི་#མ་ཡིན་གྱི་ཤི་བའི་ཡོ་བྱད་ལ་དགེ་འདུན་ཡན་ཆད་དབང་བར་མཚུངས་པར་སྟོན་པའོ། །ནད་པས་སྦྱིན་པར་#སྨྲས་པ་བཞིན་དུ་
[199b.3]བྱ་ཞེས་པ་ནི་ནད་པས་སོ་སོར་སྦྱིན་པར་བྱས་ཤིང་སྤགས་པ་ལས་ལག་ཏུ་མ་སོན་པ་#རྣམས་ཕྱི་མའི་རྣམས་ཀྱིས་སོ་སོའི་ལག་ཏུ་སོན་པར་བྱིན་ཅིག་པའོ། །འཆི་བ་ན་ཡང་བདག་གིར་བསྒྲུབས་#པའི་ནོར་ནི་མི་དབང་ཞེས་པ་ནི་ང་ཤི་དང་ནོར་འདི་དག་འདི་དང་འདི་ལ་ཁ་#བྱིན་ཅིག་ཅེས་ཁ་ཆེམས་བཞག་པ་ལྟ་བུ་ནི་མ་ཤི་
[199b.4]བའི་ཚེ་བྱིན་པ་མ་ཡིན་པས། གཤིན་གྱི་ཁ་ཆེམས་མི་བརྩན་བར་སྟོན་པའོ། །ཁྱིམ་པ་ནི་དབང་ཞེས་པ་ནི་ཁྱིམ་པ་དེ་སྐད་དུ་ཟེར་པའི་ཁ་ཆེམས་ནི་ཁྱིམ་པ་སླར་སྟོན་པའི་ཕྱིར་བརྩན་པར་སྟོན་པའོ། །ཁྱིམ་པ་ལས་བསྔོས་ཏེ་ཤིན་བུ་སྨད་ཇི་བདེར་བྱ་ཞེས་པ་དང་། གླང་པོ་རྔ་མོ་བོང་བུ་དྲིའུ་གོ་ཆ་རྣམས་ནི་རྒྱལ་
[199b.5]པོ་ལ་དབུལ་ཞེས་པ་དང་། གསེར་དངུལ་དང་། གཞན་ཡང་བྱས་པ་དང་། མ་བྱས་ནི་གསུམ་ལའོ་ཞེས་པ་དང་། རིན་པོ་ཆེ་ཡང་ངོ་ཞེས་པ་ནི་ཁྱིམ་པ་སློད་པོ་ཆེ་འཆི་ཀར་#བུ་སྨད་ལ་སོགས་པའོ། །གཞི་སློང་ཐམས་ཅད་དཀོན་མཆོག་གསུམ་ལ་ཕུལ་ནས་སོ་སོར་བགོ་ཞིང་གསོ་བའི་ཐབས་འདི་དག་#ལྟར་
[199b.6]གྱིས་ཤིག་པའོ། །དེ་ལ་བྱས་པ་དང་མ་བྱས་ཞེས་པ་ནི་བརྡུངས་#སུ་བྱས་པ་དང་མ་བྱས་པའོ། །གལ་ཏེ་དེ་ལས་གཞན་ཡོད་ན་དེ་དག་གི་ཤས་སམ་ལྷག་པའམ་གལ་ཏེ་མུ་ཏིག་ཤ་དག་ན་དེ་ཉིད་སངས་རྒྱས་ལའོ་ཞེས་པ་ནི་མུ་ཏིག་ལ་སོགས་པ་རིན་པོ་ཆེ་སྣ་ཚོགས་པར་ཡོད་ན་རིན་པོ་ཆེ་གཞན་གྱིས་མུ་ཏིག་བླུ་བ་
[199b.7]དང་། གཞན་པས་མུ་ཏིག་པ་ལ་ཆེའམ་མུ་ཏིག་ཤ་དག་ལས་གཞན་མེད་ན། རིལ་གྱིས་སངས་རྒྱས་ལ་ཕུལ་ཅིག་པའོ། །ཚོན་ཆེན་པོ་ཡང་ངོ་ཞེས་པ་#མཚལ་དང་ཏིང་ཤིན་ལ་སོགས་པ་ཚོན་#པོ་ཡང་སངས་རྒྱས་ལ་ཕུལ་ཅིག་པའོ། །བཏགས་ལ་འདིས་དྲི་གཙང་#བྱུག་པར་དབུལ་ཞེས་པ་ནི། མུ་ཏིག་དང་
[200a]
[200a.1]ཚོན་ཆེན་པོ་དེ་དག་བཏགས་ལ་དྲི་གཙང་ཁང་གི་སྐྱང་ནུལ་གྱིས་ཤིག་པའོ། །དེ་མ་ཡིན་པ་ནི་སངས་རྒྱས་ཀྱི་སྐུ་གཟུགས་དང་དྲི་གཙང་ཁང་དང་མཆོད་རྟེན་གྱི་ཡོ་བྱད་དུ་བྱ་ཞེས་#པ་ནི་གོང་དུ་སྨོས་པ་མ་ཡིན་པའི་རིན་པོ་ཆེ་ལ་སོགས་པ་ཡོ་བྱད་གཞན་སངས་རྒྱས་ཀྱི་སྐུ་སྐལ་དུ་ཐོབ་པ་ནི་མིང་གིས་སྨོས་པ་
[200a.2]འདི་དག་གི་ཡོ་བྱད་དུ་གྱིས་ཤིག་པའོ། །ཆོས་ཀྱི་ནི་སངས་རྒྱས་ཀྱི་བཀའ་བྲི་བ་དང་སེང་གེའི་སྟན་དུའོ་ཞེས་པ་ནི་ཆོས་ཀྱི་སྐུ་སྐལ་དུ་མངའ་བ་#རྣམས་མིང་གིས་སྨོས་པ་འདི་དག་ལྟ་བུའི་ཡོ་བྱད་དུ་གྱེས་ཤིག་པའོ། །ཐེག་པ་ནི་སྐུ་གཟུགས་ལའོ་ཞེས་པ་ནི་རྟ་དང་བཞོན་པ་ལྟ་སྐུ་གཟུགས་ཀྱི་#བཞོན་པར་གྱིས་ཤིག་
[200a.3]པའོ། །རྒྱལ་མཚན་དང་#དེའི་སྨྱིག་མ་དང་དེའི་ཤིང་རྣམས་ནི་དེའི་ཡོ་བྱད་དུའོ་ཞེས་པ་ནི་རྒྱལ་མཚན་དང་རྒྱལ་མཚན་གྱི་ཤིང་དང་། སྨྱིག་མ་ཡང་རྒྱལ་མཚན་གྱི་ཡོ་བྱད་དུ་#གྱིས་ཤིག་པའོ། །གཞན་དང་མཚོན་ཆ་རྣམས་ནི་དགེ་འདུན་ལའོ་ཞེས་པ་ནི་རྒྱལ་མཚན་གྱི་ཤིང་མ་ཡིན་པའི་ཡོལ་ཤིང་དང་། ཁར་
[200a.4]གསིལ་གྱི་ཡུ་བ་ལ་སོགས་པ་གཞན་དང་དེའི་མཚོན་རྣམས་ནི་དགེ་འདུན་གྱིར་གྱིས་ཤིག་པའོ། །དེ་དག་ཁར་གསིལ་དང་ཁབ་དང་གྲིར་བརྡུངས་ལ་བྲིམ་ཞེས་པ་ནི་རལ་གྲི་#ལ་སོགས་པ་དེའི་མཚོན་མིང་གིས་སྨོས་པ་འདི་དག་ལྟ་བུར་གྱིས་ལ་དགེ་འདུན་ལ་བྲིམས་ཤིག་པའོ། །དགེ་འདུན་གྱི་གཞན་
[200a.5]ནི་བཞག་བ་དང་བགོ་བ་དང་བཟའ་བ་རྣམས་གར་རིགས་པར་བྱ་ཞེས་པ་ནི་གོང་དུ་སྨོས་པ་ལ་མ་གཏོགས་པའི་ཡོ་བྱད་དགེ་འདུན་མངའ་བ་གཞན་ནི་གཞག་པའམ་བགོ་བའམ་བཟའ་#བ་གར་རིགས་པར་གྱིས་ཤིག་པའོ། །གར་རིགས་པར་བྱ་བའི་ཡོ་བྱད་ཉིད་གང་ཞེ་ན། ཞིང་ཁྱེམ་ཚོང་ཁང་མལ་སྟན་
[200a.6]ལྕགས་མགར་དང་། ཁར་བ་མཁན་དང་འདྲེག་མཁན་དང་། རྫ་མཁན་དང་ཤིང་མཁན་དང་སེ་བ་པ་#རྣམས་ཀྱི་ལག་ཆ་དང་། བྲན་ཕོ་#སྨོས་ལས་མི་བཤོལ་ལས་པ། བ་ལང་། ཆུ་གླང་ར་ལུག་སྨན་སངས་རྒྱས་ཀྱི་གཙུག་ལག་གི་གླེགས་བམ་མྱུར་དུ་མི་འགྲུབ་པའི་དབང་རྒྱ་རྣམས་ནི་དང་པོ་
[200a.7]འདིར་འོས་སོ་ཞེས་པ་དང་། རས་རས་ཆེན་བེའུ་རས་མཆིལ་ལྷམ་ལྷམ་#ཏིལ་མར་གྱི་སྣོད་བྱ་མ་བུམ་ཀུན་འདི་#གཞན་གྱི་གླེགས་བམ། དཔང་རྒྱ་ཚོན་#རྣམས་ནི་གཉི་ག་ལ་#འདིར་འོས་ཞེས་པ་དང་། འབྲས། ཏིལ། ནས། བལ་སྲན་སེར་པོ། བལ་སྲན་ནག་པོ། འབྲས་བལ། ཟས་སྐོམ་
[200b]
[200b.1]རྣམས་ནི་གསུམ་པའིའོ་ཞེས་པ་རྣམས་ཡིན་ཏེ། དེ་ལ་ཞིང་ཞེས་པ་ནས་མྱུར་དུ་མི་འགྲུབ་#པའི་དཔང་རྒྱ་ཞེས་པའི་བར་དུ་སྨོས་པ་རྣམས་ནི་བཞག་པར་སྟོན་པ་དང་། རས་ཞེས་ཚོན་ཆེན་པོའི་#བར་དུ་སྨོས་པ་རྣམས་ནི་བགོ་བ་ཡིན་པར་སྟོན་པ་དང་། འབྲས་ཞེས་པ་ནས། ཟས་སྐོམ་ཞེས་པའི་བར་དུ་
[200b.2]སྨོས་པ་རྣམས་ནི་བཟའ་བ་ཡིན་བར་སྟོན་པའོ། །དེ་ལ་གླེགས་བམ་ཞེས་པ་ནི་སངས་རྒྱས་ཀྱི་གླེགས་བམ་ལས་གཞན་པ་མུ་སྟེགས་ཀྱི་གླེགས་བམ་མོ། །དཔང་རྒྱ་ཞེས་པ་ནི་དཔང་རྒྱ་མྱུར་དུ་མི་འགྲུབ་པ་ལས་གཞན་པ་སྟེ། མྱུར་དུ་འགྲུབ་པའི་དཔང་རྒྱའོ། ཚོན་གཞན་ཞེས་པ་ནི་ཚོན་ཆེན་
[200b.3]པོ་ལས་གཞན་པའོ། །གོས་ཀྱི་དངོས་པོའོ།། །།#ད་ནི་ཕྲན་ཚེགས་ལ་སོགས་པ་ལས་འབྱུང་བ་བསྡུས་ཏེ་སྟོན་པ་ནི། དཀྱིལ་འཁོར་དང་དཀྱིལ་འཁོར་ཕྱེད་དུ་མཉམ་བར་བྱ་ཞེས་པ་#ལ་སོགས་པ་ཡིན་ཏེ་ཆོས་གོས་ཀྱི་དཀྱིལ་འཁོར་དང་། དཀྱིལ་འཁོར་ཕྱེད་དུ་བྱ་བ་རྣམས་ཚད་མཉམ་ཞིང་
[200b.4]ཆེ་ཆུང་མེད་པར་གྱིས་ཤིག་པའོ། །བཅལ་བའི་ཕྱིར་ཚད་དེ་ཙམ་གྱི་ཤིང་བཅང་ཞེས་པ་ནི་ཕྱེད་དང་རངས་པར་བྱ་བ་བཅལ་བའི་ཆེག་#ཤིང་གྱིས་ཤིག་པའོ། །འདབ་མ་#ངོས་ཀྱང་#ཞེས་པ་དང་། དེའི་ཚད་ཀྱི་ཆེག་ཤིང་བཅང་ངོ་ཞེས་པ་ནི་འདབ་མ་ངོས་ཀྱང་ཆེ་ཆུང་མེད་པར་བྱ་བ་དང་དེའི་ཆེག་ཤིང་
[200b.5]གྱིས་ཤིག་པའོ། །མཆོག་གི་མཐའ་ནི་སོར་བཞིའོ་ཞེས་པ་དང་། བྱ་རོག་གི་མཐོ་ཡང་ངོ་ཞེས་པ་ནི་འདབ་ངོས་ཀྱི་ཞིང་ཚད་ཆེ་བ་ནི་#སོར་བཞི་བྱ་བའམ། བྱ་རོག་གི་མཐོའི་ཚད་གྱིས་ཤིག་པའོ། །ཆུང་ངུ་ནི་སོར་གཉིས་སམ། ཕྱེད་དང་གསུམ་མམ། མཐོ་བོ་ངོས་སོ་ཞེས་པ་ནི་འདབ་ངོས་ཀྱི་ཞེང་ཚད་#
[200b.6]ཆུང་རབ་ཏུ་བྱན་ཡང་མིང་གིས་སྨོས་པ་འདི་ཙམ་དུ་གྱིས་ཤིག་པའོ། །ཆོས་གོས་ས་ལ་མི་བརྒྱང་#ཞེས་པ་དང་། དེའི་ཕྱིར་གཏན་པ་ཞེས་པ་དང་། ཤིང་ངམ་སྨྱིག་མ་#ལས་སོ་ཞེས་པ་དང་། གྲུ་བཞིར་རོ་#ཞེས་པ་དང་། བརྟོད་པའི་ཕྱིར་སྐུད་པའི་གསང་བུ་ག་གདོད་པ་དེའི་#ཞེས་པ་དང་། ཆོས་གོས་ཇི་
[200b.7]ཙམ་བར་རོ་ཞེས་པ་ནི་ཆོས་གོས་ས་ལ་མི་བརྒྱང་#བའི་ཕྱིར་གཏན་པ་གྱིས་ཤིག་པ་དང་། གཏན་པའི་རྒྱུ་ཞིང་ངམ་སྨྱུག་མ་#ལས་ཆོས་གོས་ཀྱི་ཚད་གྲུ་བཞིར་གྱིས་ལ། བརྒྱང་#པའི་སྐུད་གཟུངས་ཀྱི་མཐའ་བུ་གུས་སྐོར་ཅིག་པའོ། །དྲ་གྲིས་དྲ་ཞེས་པ་དང་། འདི་བཅང་ཞེས་པ་དང་། བྱ་རོག་གི་མཆུ་ལྟ་
[201a]
[201a.1]བུའམ། བྱ་གག་གི་གཤོག་པ་ལྟ་བུར་རོ་ཞེས་པ་དང་། ལྕགས་ལས་གཞན་པ་མ་#ཡིན་ཞེས་པ་དང་། ཡུ་བ་འཚེར་བའམ། ཚོན་སྣ་ཚོགས་ལས་བྱས་པ་མ་ཡིན་ཞེས་པ་དང་། སོར་དྲུག་ལས་ལྷག་པ་མ་ཡིན་ཞེས་པ་དང་། བརྒྱད་ལས་མ་ཡིན་ཞེས་པ་དང་། འདི་སོར་བཞི་ལས་ཆུང་ན་མི་དགོས་
[201a.2]པའི་ཕྱིར་རོ་ཞེས་པ་རྣམས་ནི་ཆོས་གོས་དེ་འདྲ་བར་དགོས་པའི་གྲི་དབྱིབས་དང་ཆེ་ཆུང་གི་ཚད་ལ་སོགས་པ་མིང་གིས་སྨོས་པ་འདི་དག་ལྟར་གྱིས་ལ་ཆོངས་ཤིག་པའོ། །ལྕི་བས་བྱུགས་པའི་སྟེང་དུ་དྲུབ་ཞེས་པ་དང་། ལྕི་བ་མེད་ན་བྱུགས་ཤིང་བཏབ་ནས་སོ་ཞེས་པ་ནི་ཆོས་གོས་དྲུབ་པའི་ས་གཞི་བྱི་བདར་འདི་དག་ལྟར་
[201a.3]གྱིས་ཤིག་པའོ། །འདི་དྲུབ་ཞེས་པ་དང་། ཁབ་ཀྱིས་ཀྱང་ངོ་ཞེས་པ་དང་། འདི་བཅང་ཞེས་པ་དང་། ར་གན་དང་ཟངས་དང་ལྕགས་ལས་གཞན་མ་ཡིན་ཞེས་པ་དང་། ཟངས་དང་། ལྕགས་རྣོན་པོ་ལས་ཞེས་ཁ་ཅིག་གོ་ཞེས་པ་ནི་ཆོས་གོས་བདག་ཉིད་ཀྱིས་#དྲུབ་པ་དང་། སྨྱིག་ཚལ་གྱི་ཁབ་དང་བྱ་སྒྲོ་ལ་
[201a.4]སོགས་པ་གཞན་གྱིས་མ་ཡིན་གྱི#། མིང་གིས་སྨོས་པ་འདི་དག་གི་རྒྱུ་ལས་བྱས་པའི་#ཁབ་གྱིས་ལ་དེས་དྲུབས་#ཤིག་པའོ། །འདི་ཁབ་རལ་སྦུ་གུ་#འམ་ཁུ་ཚུར་ལྟ་བུར་བཅང་ཞེས་པ་དང་འདི་ངོ་ཚ་མི་ཤེས་པ་དང་ཚུལ་ལྟོས་པ་མི་བྱ་ཞེས་པ་དང་། གྲི་དང་ཁབ་བཙས་མི་ཟོས་པར་ར་ད་སྤྲ་ཚིལ་གྱིས་#བྱུགས་པར་
[201a.5]བཞག་ཅེས་པ་ནི་ཁབ་རལ་གྱི་དབྱིབས་དང་། དེ་མི་སྟོར་#ཅིང་བཙས་མི་ཁྱེར་བའི་རིམ་གྲོ་འདི་དག་ལྟར་གྱིས་ཤིག་པའོ། །མི་ལྟུང་བར་ཆོས་གོས་ལ་སྒྲོག་མཁར་དང་སྒྲོ་ག་བྱ་#ཞེས་པ་དང་། མདུད་པ་ཡང་ངོ་ཞེས་པ་ནི་ཆོས་གོས་ཀྱི་སྒྲོ་ག་འདི་དག་ལྟར་གྱིས་ཤིག་པའོ། །གོས་བཅོས་པ་དང་མ་བཅོས་པ་བཙོ་#
[201a.6]བླག་མཁན་ལ་འཁྲུར་མི་གཞུག་ཅེས་པ་དང་། དེ་ལྟར་བདག་གི་མ་ཡིན་ཞེས་པ་དང་། འདིའི་གཞི་ལ་མ་ཡིན་ཞེས་པ་དང་། ཤིང་ལེབ་#མ་ཡིན་ཞེས་པ་ནི་ཆོས་གོས་ལ་ཇི་ལྟ་བུ་ཡང་རུང་སྟེ། བཙོ་བླག་མཁན་ལ་འཁྲུར་མི་གཞུག་པ་དང་བདག་གིས་ཀྱང་དེ་དག་འཁྲུ་བ་བཞིན་དུ་མི་བྱ་བ་དང་། དེའི་
[201a.7]ས་གཞི་དང་དེའི་ཤིང་གཏུན་ལ་ཡང་མ་སྤྱོད་ཅིག་པའོ། །དེ་ལ་མི་བཅོལ་ན་སུས་བྱ་ཞེ་ན། རྫ་མ་འཇམ་པོར་བཀྲུ་ཞེས་པ་དང་། ཆུ་དྲོད་ལ་བབ་པས་སོ་ཞེས་པ་དང་། ལག་པ་གཉིས་དལ་བུས་#བཟློག་ཅེས་པ་དང་། མི་ནུས་ན་རྐང་པ་གཉིས་ཀྱིས་སོ་ཞེས་པ་ཡིན་ཏེ་བདག་ཉིད་ཀྱིས་བཀྲུ་བའི་ཐབས་འདི་
[201b]
[201b.1]དག་ལྟར་གྱིས་ཤིག་པའོ། །ཁྱིམ་པ་དེ་ལྟར་འཁྲུར་བཅུག་པ་ནི་རུང་ཞེས་པ་དང་། འདི་གཞན་དུ་སྤྱོད་པ་བསྲུང་ཞེས་པ་ནི་གོང་དུ་སྨོས་པ་ལྟ་བུར་བྱས་ནས#། ཁྱིམ་པ་འཁྲུར་བཅུག་ཀྱང་བླ་བ་དང་དེའི་སྤྱན་ཡང་ཟླ་ལ་གྱིས་ཤིག་པའོ། །ཕྱག་དར་ཁྲོད་པ་ཤིན་ཏུ་བཀྲུས། བཙེམས་བཅོས་ལ་
[201b.2]བཅང་ཞེས་པ་#ཕྱག་དར་ཁྲོད་པ་ལས་གོས་སུ་བྱེད་ན་མིང་གིས་སྨོས་པའི་ཐབས་འདི་དག་ལྟར་གྱིས་ཤིག་པའོ། །ཆོས་གོས་མི་གཙང་བ་རེག་པ་མ་ཡིན་ཞེས་པ་ནི་མི་གཙང་བ་རེག་པའི་ཆོས་གོས་མ་བསྲེལ་ཅིག་པའོ། །ལེགས་པར་བྱ་ན་ཚོན་ཞིབ་ཏུ་བརྡུངས་ལ་གྲིབ་ངར་#དུ་བསྐམ་ཞེས་པ་ནི་ཤིང་
[201b.3]ཤུན་ལ་སོགས་པའི་ཚོན་བཟང་པོར་བྱ་བའི་དཔྱང་འདི་དག་ལྟར་གྱིས་ཤིག་པའོ། །ཆོས་གོས་མེད་པར་བསྐོན་ཞེས་པ་དང་། གསུམ་གྱི་བར་དུ་ན་བཟང་ངོ་ཞེས་པ་དང་། དེ་ལྟ་བས་#ཕལ་ཆེར་འདོད་པས་ལན་གསུམ་གྱི་བར་དུ་བླང་#ཞེས་པ་དང་། རབས་ཀྱི་ངན་ཏེ་#ཞེས་པ་དང་། དེ་ལྟ་བས་ན་སོ་སོར་གཞག་ཅེས་
[201b.4]པ་དང་། འདི་དང་པོའོ་#ཞེས་པ་ལ་སོགས་#བྲི་ཞེས་པ་རྣམས་ནི་ཆོས་གོས་མེད་པར་ཚོན་ཇེ་བསྐོལ་བ་དང་ལན་གསུམ་གྱི་བར་དུ་བསླས་ནས་ཁ་དོག་བཟང་པོར་འགྱུར་བ་དང་། གོས་བཟང་ངན་ཕལ་ཆེར་བཙོང་ཚོན་ན་རབས་གསུམ་དུ་ཕྱེ་ལ་དེའི་སྣོད་ལ་ཡང་བཟང་ངན་གྱི་མཚན་མ་ཡི་གེར་བྲིས་ཤིག་པའོ། །ཐོག་མ་ན་#
[201b.5]དང་པོའི་རྐྱེན་ཏོ་ཞེས་པ་ནི་ཚོན་དང་པོར་བླངས་པའི་ནང་དུ་གོས་ཀྱང་བཟང་པོ་ཆུག་ཤིག་པའོ། །ཆོས་གོས་ལེགས་པར་བསུག་ཅེས་པ་དང་། དེ་བས་ན་ཕྱུང་ལ་གཞོང་ཁུང་རན་པར་གཞུག་ཅེས་པ་དང་། མངས་ན་དྲུགས་#སོ་ཞེས་པ་དང་། ཉུངས་ན་#བྲིའོ་ཞེས་པ་དང་། དེ་བས་ན་རན་པར་བྱའོ་ཞེས་པ་ནི་ཆོས་གོས་ཚོན་
[201b.6]དུ་བཙོ་བ་ལེགས་#པར་བསུག་པའི་ཕྱིར། འཚོད་པའི་སྣོད་ནས་ཕྱུང་ལ་གཞང་ཁུང་ཁུ་བ་རན་ཚམ་#གྱི་ནང་དུ་སུག་ཤིག་པའོ། །དེ་ལ་ཁུ་བ་མང་ཉུང་དུ་གྱུར་ན་མི་རུང་བ་ནི་མིང་གིས་སྨོས་པ་རྣམས་ཡིན་ནོ། །ཐེང་ལ་བསྐམས་ན་དགེ་ཞེས་པ་དང་། བརྒྱངས་ཏེའོ་ཞེས་པ་དང་། མཐའ་ནས་བཟུང་ཞེས་པ་དང་། སྤང་གིས་
[201b.7]སོ་ཞེས་པ་དང་། མི་བཅགས་ན་རྩྭ་གཅལ་གདིང་ཞེས་པ་དང་། ཚོན་ཕྱོགས་གཅིག་ཏུ་མི་འདྲེ་#བར་ཡང་བསྣོར་ཡང་བསྣོར་བྱ་ཞེས་པ་ནི་ཚོན་གྱི་#ལས་ཟིན་ནས་བསྐམ་#པའི་དཔྱད་ན་ཐག་པའི་བྲེང་ལ་ཤིང་བུའི་ལྕང་#གིས་གཟུང་ཞིང་བརྒྱང་བ་དང་། ཚོན་ཕྱོགས་གཅིག་ཏུ་མི་འདྲེ་#བར་ཡན་མན་གྱི་ཁ་ཡང་བསྣོར་ཡང་བསྣོར་དུ་བྱ་
[202a]
[202a.1]བ་དང་། དབང་གིས་མི་ཐུབ་ན་རྩྭ་གཅལ་གྱི་སྟེང་དུ་སྐོམས་ཤིག་པའོ། །ཚོན་སར་པར་སར་པ་བཅུག་ན་དགེ་ཞེས་པ་དང་། རྙིང་པར་རྙིང་པའོ་ཞེས་པ་དང་། གསར་པ་རྣམས་ནི་ཉི་མ་ལ་བསྐམ་#ཞེས་པ་དང་། རྙིང་པ་ནི་གྲིབ་མ་ལའོ་ཞེས་པ་ནི་གོས་གསར་རྙིང་དང་ཚོན་གསར་རྙིང་དུ་སྦྱར་བ་དང་།
[202a.2]གསར་རྙིང་གི་རྐྱེན་ལས་ཉིན་གྲིབ་ལ་བསྐམ་#པའི་ཚུལ་འདི་དག་ལྟར་གྱིས་ཤིག་པའོ། །འདི་མི་འབྲི་བར་ཕྱི་དེ་ཉིན་ཆུར་བསུག་ཅེས་པ་ནི་ཚོན་མི་དབྲི་ཞིང་ཁོང་སྙོམས་པར་འདོད་ན་ཕྱི་དེ་ཉིན་པར་ཆུར་སུག་ཤིག་པའོ། །དགར་དང་འཆག་སར་ཚོན་གྱི་#ལས་མི་བྱ་ཞེས་པ་དང་། གཙུག་ལག་ཁང་དུ་མ་ཡིན་ཞེས་པ་དང་།
[202a.3]དེའི་ཁང་ཏོག་ཏུ་བྱ་ཞེས་པ་དང་། སྣམ་#ཕྱི་སའི་ཐན་ཀོར་དུ་མ་ཡིན་ཞེས་པ་དང་། དེའི་ཕྱོགས་བྱུགས་#པར་བྱ་ཞེས་པ་དང་། རྡོ་ཐལ་གྱིས་བྱུགས་པ་ཞིག་ན་བཀྲུ་ཞེས་པ་དང་། བརྩམས་ནས་གལ་ཏེ་རླུང་དང་ཆར་འོང་#ན་ཁྱམས་སུ་བྱ་ཞེས་པ་དང་། བྱ་བ་ཟིན་ནས་དེའི་ཕྱོགས་བསྐུ་ཞེས་པ་དང་། ལྕི་བའམ་
[202a.4]སས་སོ་ཞེས་པ་རྣམས་ནི་ཚོན་གྱི་#ལས་གང་གང་དུ་བྱ་བ་དང་མི་བྱ་བ་དང་། དང་པོ་བྱེད་པར་#ཕྱག་པ་དང་། ཕྱིས་ཟིན་ནས་བྱུག་ཅིང་བསྐུ་བ་ལ་སོགས་པ་ཐབས་འདི་དག་ལྟར་གྱིས་ཤིག་པའོ། །རུང་བར་མ་གྲུབ་པར་བརྡུངས་པ་དང་ཤིན་ཏུ་བརྡུངས་པའི་གོས་སྤྱད་ཅིང་བགོ་བར་མི་བྱ་ཞེས་པ་དང་འདི་བྱི་བདར་
[202a.5]ཉམས་ན་རུང་བའོ་ཞེས་པ་དང་། ཆུར་བསྒྲེས་ན་དེའོ་#ཞེས་པ་དང་། བ་མོས་བརླན་ཏེ་ལག་པས་ཕུར་ན་ཉམས་པའོ་ཞེས་པ་རྣམས་ནི་བརྡུངས་ཤིང་ལེགས་པར་བརྡུངས་པའི་གོས་འཚེ་རབ་བ་ཆུར་#བསྒྲེ་བའམ། བ་མོ་ལ་བརླན་ནས། ཕུར་ཅིང་བསུབས་ཏེ། འཚེར་བའི་བྱི་བདར་ཉམས་པར་མ་གྱུར་གྱི་བར་
[202a.6]དུ་མ་སྤྱོད་ཅིག་པའོ། །ཤམ་ཐབས་ཀྱི་སྟེང་དུ་སྐ་རགས་བཅིངས་ཞེས་པ་དང་། ལེབ་མའམ་རྒྱ་ཅང་#ངམ། ལྕག་པོད་དམ། ཤུར་བུས་ཀྱང་ངོ་ཞེས་པ་ནི་ཤམ་ཐབས་ཀྱི་སྟེང་དུ་མིང་གིས་སྨོས་#པའི་སྐ་རགས་དེ་དག་གང་#ཡང་རུང་བས་ཆིངས་ཤིག་པའོ། །ཕྲེང་ཚོགས་དང་། ཁ་སུམ་#དང་། གྲུ་ཆད་
[202a.7]དང་། གསེར་ཐག་རྣམས་རྒྱན་མ་ཡིན་ཞེས་པ་ནི་མིང་གིས་སྨོས་པ་འདི་དག་ཀྱང་རྒྱན་ཡིན་པའི་ཕྱིར་མ་ཐོགས་#ཤིག་པའོ། །དེའི་#ཕྲེང་ཚོགས་ཞེས་པ་ནི་མགུལ་དུ་གདགས་པ་སྟེ། གསེར་གྱི་ཕྲེང་བ་གསུམ་མམ། བཞི་ཞིང་སྐབས་སྐབས་ནོར་བུ་སྣ་ཚོགས་བཅུག་པའོ། །ལྷག་མ་གསུམ་ནི་སྐ་རགས་
[202b]
[202b.1]ཏེ། དེ་ལ་ཁུ་སུམ་ཞེས་པ་#ནི་གསེར་ལས་དཔང་རྒྱན་ལྟ་བུར་བྱས་པ་སྦྲེང་བའི་སྐབས་#སྐབས་སུ་དྲིལ་བུ་བཙུད་པའོ། །གྲུ་ཆད་ཅེས་པ་ནི་གསེར་གྱི་པོ་#གུ་གྲུ་གསུམ་པར་བྱས་པའོ། །གསེར་ཐག་ཞེས་པ་ནི་དངོས། དེ་སྣ་ཚོགས་ཀྱང་དེ་བཞིན་ཞེས་པ་ནི་རྩྭ་ལས་བྱས་པ་ཡན་ཆད་གང་ཡང་རུང་རྒྱན་དུ་གྱུར་པའོ། །
[202b.2]གཞི་མེད་པའི་ས་ལ་ཆོས་གོས་མི་བཞག་ཅེས་པ་དང་། མི་གཙང་བའི་ཕྱོགས་སུ་མ་ཡིན་ཞེས་པ་དང་། ཐབས་ཡོད་ན་ཁུར་ལྕི་བས་མི་མནན་ཅེས་པ་དང་། བསྣོར་ཞིང་བསྒོ་བར་མི་བྱ་ཞེས་པ་ནི་ཆོས་གོས་རིམ་གྲོ་མིང་གིས་སྨོས་པ་འདི་དག་ལྟར་གྱིས་ཤིག་པའོ། །དེ་ལ་བསྣོར་ཞིང་གྱོན་པ་ནི་སྟོད་གཡོགས་ཀྱི་
[202b.3]གོར་སྨད་གཡོགས་གྱོན་པའམ། སྨད་གཡོགས་ཀྱི་གོར་སྟོད་གཡོགས་གྱོན་པ་ལྟ་བུའོ། །#བཤད་གཅི་དང་མི་གཙང་བའི་ལས་བྱེད་པའི་ཚེ་སྟོད་གཡོགས་བགོ་བར་མི་བྱ་ཞེས་པ་དང་། འདི་ལ་མི་ཉལ་ཞེས་པ་ནི་མིང་གིས་སྨོས་པ་འདི་དག་#བྱེད་པའི་ཚེ་སྟོད་#གཡོགས་མ་གྱོན་ཅིག་པའོ། །བསོད་སྙོམས་སྤྱོད་པ་
[202b.4]དང་ཟ་བ་དང་མཆོད་རྟེན་ལ་ཕྱག་འཚལ་བ་དང་། གིང་གོང་བྱེད་པ་དང་། དགེ་འདུན་འདུས་པ་དང་། ལུང་དང་ཆོས་ཉན་པ་རྣམས་མྱོང་བ་མ་གཏོགས་པར་ལས་གཞན་གྱི་ཚེ་སྦྱར་མ་མ་ཡིན་ཞེས་པ་ནི་མིང་གིས་སྨོས་པ་འདི་དག་གི་ཚེ་མ་གཏོགས་པར་སྐབས་གཞན་དུ་སྦྱར་མ་མ་གྱོན་ཅིག་པའོ། །འདི་ལ་མི་
[202b.5]འདུག་མི་ཉལ་ཞེས་པ་དང་། འདི་མི་རྫི་#ཞེས་པ་དང་། འདིས་#གང་ཡང་བསྐུར་#བ་མི་བྱ་ཞེས་པ་དང་། ལུས་ལ་རེག་པར་མི་སྤྱད་ཅེས་པ་དང་། འདི་མཆན་གུང་གཡས་པའི་དུགས་ཀྱིས་མ་རུངས་པར་འགྱུར་རོ་ཞེས་པ་དང་། དེ་ལྟར་མི་འགྱུར་བར་དེའི་ཐད་ཀར་གླན་པར་བྱ་ཞེས་པ་དང་། ཁྲུ་ཕྱེད་དང་
[202b.6]དོ་དང་མཐོའོ་ཞེས་པ་དང་། ངོས་གཉིས་ཀ་སྒུད་ནན་གྱིས་རྩིང་པོར་མནན་ཅེས་པ་དང་། འདི་དུས་དུས་སུ་བཀྲུ་ཞིང་བཙོའོ་ཞེས་པ་དང་། དེ་ནི་བཙག་གིས་སོ་ཞེས་པ་རྣམས་ནི་ཆོས་གོས་སྦྱར་མ་བརྫི་བ་ལ་སོགས་པའི་རིམ་གྲོ་དང་མཆན་ཁུང་གི་དུགས་#ཀྱིས་མི་འཕྲོགས་#པར་གཟན་བྱ་བའི་ཐབས་འདི་དག་ལྟར་
[202b.7]གྱིས་ཤིས་#པའོ། །གདོང་ཕྱིས་བཅང་#ཞེས་པ་དང་། ལུས་ལ་འཛག་ན་ལུས་ཕྱི་བའོ་ཞེས་པ་དང་། འདི་ཆོས་གོས་ཀྱི་ནང་ལོགས་སུ་བགོ་ཞེས་པ་དང་། འབྱར་ན་སྔ་#བའི་ཆུའམ། ས་ཚིག་པ་དང་བསྲེས་པའི་ཆུས་སྤང་#ཞིང་བགས་ཀྱིས་དགོགས་ཞེས་པ་དང་། རྣག་དང་ཁྲག་ཀྱང་ངོ་ཞེས་པ་དང་། འདི་ནི་དུས་
[203a]
[203a.1]དུས་སུ་འཁྲུ་བ་དང་བསྐམ་པ་དང་བཙོའོ་#ཞེས་པ་དང་། དེ་ནི་བཙག་གིས་ན་དགེ་ཞེས་པ་ནི་གདོང་ཕྱིས་བཅང་བ་དང་ལུས་ལ་མཛེའི་ཤུ་བ་ཡོད་ན་དེའི་གཟན་ཆོས་གོས་ཀྱི་ནང་ལོག་#སུ་བགོ་ཞིང་འབྱར་ན་མིང་གིས་སྨོས་པ་འདི་དག་གིས་དགོགས་#པའི་ཚུལ་ལ་སོགས་པ་འདི་དག་ལྟར་གྱིས་
[203a.2]ཤིག་པའོ། །ཆོས་གོས་གར་བབ་བབ་ཏུ་མི་བཞག་ཅེས་པ་དང་། དེའི་ཕྱིར་སྨྱིག་གདང་#བྱ་ཞེས་པ་དང་། དེའི་བུ་གའི་སྦུགས་#སོ་ཞེས་པ་དང་། གཙུག་ལག་ཁང་བྱེད་པ་ནས་སོ་ཞེས་པ་དང་། བྱས་ནས་བུ་ག་མི་གདོད་ཅེས་པ་དང་། གཙུག་ལག་ཁང་གི་དཔེར་ཟད་ཀྱི་ཁང་བཞག་ཀྱང་དེ་བཞིན་
[203a.3]ཞེས་པ་དང་། ལྕུག་མ་དང་ཐག་སྲད་ཀྱིས་ཀྱང་འདི་འགྲུབ་ཅེས་པ་རྣམས་ནི་ཆོས་གོས་བབ་བབ་ཏུ་མི་གཞག་པའི་ཕྱིར་གཙུག་ལག་ཁང་དང་པོ་རྩིག་པ་ནས་གདང་#གི་བུ་གའི་སྦུགས་བྱའི་འཕྲལ་#ལ་མི་གདོང་པ་དང་ལྕུག་མའམ་ཐག་སྲད་ཀྱིས་གདང་#ཡང་གྱིས་ཤིག་པའོ། །གོས་ཀྱི་#ཚས་ནི་གཏུར་བཟང་
[203a.4]པོ་#ཞེས་པ་དང་། དེ་བྱ་ཞེས་པ་དང་། གསུམ་ཕྱེད་#དང་གཉིས་ཉིས་#བལྟབ་ཏུ་བྱས་པ་དྲུབ་ཅེས་པ་དང་། ཁ་དབུས་སུ་གདོང་ཞེས་པ་དང་། འདི་ལ་སྒྲོག་གདགས་ཞེས་པ་དང་། སྲད་བུས་སོ་ཞེས་པ་དང་#། གཞན་གྱིས་བཅིངས་#ཞེས་པ་དང་། རྟག་ཏུ་སྤྱོད་པ་སྟེང་དུ་བཞག་ཞེས་པ་རྣམས་ནི་ཆོས་
[203a.5]གོས་ཀྱི་ཚས་སུ་གཏུར་བཟང་གིས། གཏུར་གྱི་ཐབས་འདི་དག་ལྟར་གྱིས་ཤིག་པ་དང་རྟག་ཏུ་སྤྱོད་པའི་གོས་#གཏུར་གྱི་ཁ་ལོགས་#སུ་ཞོག་ཤིག་པར་སྟོན་པ་དེ་ལ་གཞན་གྱིས་བཅིངས་#ཞེས་པ་ནི་གཏུར་གྱི་ཁ་ཡ་གཅིག་#ལ་སྒྲོག་གདགས་ཤིང་། ཡ་གཅིག་གི་བུ་གནས་རྒྱུས་ཤིག་པ་སྟེ། མདོར་ན་སྒྲོ་
[203a.6]བ་བརྒྱུ་བའི་ཐབས་སུ་གྱིས་ཤིག ། སང་འགྲོ་བ་ནས་བླ་མ་ལ་ཞུ་ཞིང་སྟེར་ན་འགྲོ་ཞེས་པ་དང་། རང་གི་གནས་ཆག་ལ་སོགས་པ་བྱས་ཏེའོ་ཞེས་པ་དང་། ལམ་དུ་འགྲོ་བ་ན་ཆོས་ཀྱི་གཏམ་མ་འཕགས་པའི་མི་སྨྲ་བས་སོ་ཞེས་པ་དང་། ངལ་བསོ་བའི་གནས་སུ་ནི་ཞལ་ནས་གསུངས་པའི་
[203a.7]ཚིགས་བཅད་བཀླག་#གོ་ཞེས་པ་དང་། ཆུ་ལེན་པ་ན་ཡང་ངོ་ཞེས་པ་དང་། གང་གི་ཆུ་ཡིན་པ་དེའི་ཕྱིར་རོ་ཞེས་པ་དང་། གཞན་ཡང་ལྷའོ་ཞེས་པ་དང་། དགོངས་#མལ་དུ་རྒྱུད་གསུམ་ཞེས་པ་རྣམས་ནི་དང་པོ་གུད་དུ་འགྲོ་བ་ནས་བླ་མ་ལ་ཞུ་བ་དང་། ལམ་དུ་ཞུགས་ན་ཆུ་བཅུ་པ་ཡན་ཆད་ཐབས་མིང་
[203b]
[203b.1]གིས་སྨོས་པ་འདི་དག་ལྟར་གྱིས་ཤིག་པའོ། །གསང་ཐག་བཅང་ཞེས་པ་དང་#། དེའི་ཚད་ནི་བརྒྱ་ནས་བརྒྱ་ལྔ་བཅུའི་བར་དུའོ་ཞེས་པ་དང་ཡུལ་གྱི་རྐྱེན་དུའོ་ཞེས་ཁ་ཅིག་ཅེས་པ་དང་། འབབ་ཆུ་དཀོན་པར་འདི་མེད་པར་ཡུལ་རྒྱུ་བ་མི་སྤྱད་ཅེས་པ་ནི་ཡུལ་རྒྱུ་བའི་ཚེ་ཆུ་དོང་ནས་བཅུ་བའི་ཆ་སྤྱད་
[203b.2]གསང་ཐག་བསྐུར་#བ་དང་། འབབ་ཆུ་དཀོན་#པར་འདི་མེད་དུ་མི་རུང་བར་སྟོན་པའོ། །འགྲོན་#བས་ཆོས་གོས་སྤྲུགས་#བཀྲུས་སམ་རྐང་ལག་བཀྲུས། ལག་ན་ཆུ་ཁྱེར། ལམ་གྱི་བྱི་བདར་བྱས། ཆོས་གོས་གསུམ་བགོས་ཏེ་ཞི་བའི་སྤྱོད་ལམ་གྱིས་གཙུག་ལག་ཁང་དུ་འཇུག་ཅེས་པ་ནི་དགེ་སློང་འགྲོན་པ་#
[203b.3]གཙུག་ལག་ཁང་དུ་ཕྱིན་ཀར་མིང་གིས་སྨོས་པ་འདི་དག་ལྟར་གྱིས་ཤིག་པའོ། །རྒན་རབས་བཞི་ལ་ཕྱག་བྱས་ཏེ་བསྡད་ཅེས་པ་དང་། སྒྲ་བསྐྱུངས་མཛེས་པར་བྱས་ཤིན་ཏུ་བསྡམས་པའི་སྤྱོད་ལམ་གྱིས་ཐ་མལ་པའི་ཕྱོགས་སུའོ་ཞེས་པ་ནི་གཙུག་ལག་ཁང་དུ་ཕྱིན་པའི་ཚེ་རྒན་རབས་ལ་ཕྱག་བྱ་བ་དང་།
[203b.4]འདྲུལ་#བའམ་སྣང་ཡལ་གྱི་སར་སྤྱོད་ལམ་འདི་ལྟར་གྱིས་ལ་སྡོད་ཅིག་པའོ། །རྒྱུས་#ཤེས་པས་འདི་ངལ་བས་སོ་ཞེས་པ་དང་། རྒྱུས་མི་ཤེས་པས་ངལ་བསོར་མི་གཞུག་ཅེས་པ་དང་། ཚངས་པ་#མཚུངས་པར་སྤྱོད་པ་ན་ཡང་ངོ་ཞེས་པ་ནི་དགེ་སློང་གུད་ནས་འོངས་པ་དེའི་གནས་དང་མཁན་པོ་ལ་སོགས་པའི་
[203b.5]རྒྱུས་ཤེས་པས་བྲང་དུ་གཉར་ཅིང་ངལ་བསོར་གཞུག་པ་དང་། རྒྱུས་མི་ཤེས་ན་ཚངས་པ་#མཚུངས་པར་སྤྱོད་པ་ཡིན་དུ་ཟིན་ཀྱང་བྲང་དུ་གཉར་ཅིང་ངལ་བསོར་#གཞུག་པ་མ་བྱེད་ཅིག་པའོ། །སྒོ་ཆོད་ཅིག་སློང་དང་མ་སྦྱིན་ཅིག ། ཁྱེར་བ་ཟློག་ཤིག་ཅེས་བསྒོ་སྟེ་མནོས་པ་དང་ངའི་གྲོགས་སོ་ཞེས་པ་ལ་སོགས་
[203b.6]པས་ཡིད་ཆེས་པའི་དངོས་#པོར་བསྒྲུབ་པ་ལས་སྟོར་ན་འཇལ་དུ་གཞུག་ཅེས་པ་ནི་#དགེ་སློང་གུང་ནས་འོངས་པ་དེ་ལ་གཏན་ཚིགས་འདི་དག་སྐད་དུ་བསྒོ་ཞིང་བྲང་བསྲུངས་སུ་#བཅུག་པ་ལས་སྟོར་བ་དང་། དགེ་སློང་གུད་ནས་འོངས་པའི་རྒྱུས་ཤེས་པ་སྐད་དུ་གྲོགས་གཅིག་གིས་གཉེར་ཏེ་བྲང་དུ་བཞག་པ་
[203b.7]ལས། བྲང་ཟླ་ཅིག་ཤོས་པའི་རྫས་སྟོར་ན་དེའི་སྐྱིན་ཀྲིན་དགེ་སློང་གུད་ནས་འོངས་པ་གཉེར་གཉེར་བའི་བྲང་ཟླ་ལ་ངོས་ཤིག་པའོ། །ཕ་རོལ་གྱིས་#མི་ཤེས་ཤིང་བྱེ་བྲག་འོག་བར་གྱུར་པའི་མངོན་རྟགས་#ལ་བརྟེན་ཞེས་པ་ནི་ཆོས་གོས་ལ་སོགས་པ་བདག་གི་ཡོ་བྱད་གང་ཡང་རུང་བ་ལ་གཞན་གྱིས་
[204a]
[204a.1]རྒྱུས་མི་ཤེས་པའི་སྒོ་མཚན་ཐོབ་ཤིག་པ་དང་། ཕ་རོལ་གྱི་རྫས་ཤིག་རྙེད་ན་ཡང་དེ་ལ་གཞན་གྱིས་མི་ཤེས་པའི་མངོན་རྟགས་ཟུང་#ཤིག་པའོ། །བྱིན་པ་ལས་ལྟུང་ནའོ་ཞེས་པ་དང་། གལ་ཏེ་མ་བླངས་པར་ལྟུང་ནའོ་ཞེས་པ་དང་། འདིར་དྲིས་ལ་བག་དང་ལྡན་པས་
[204a.2]བསྒྲུབས་ཏེ་#བྱ་ཞེས་པ་ནི་རྫས་ཕ་རོལ་གྱི་#ལག་ཏུ་བྱིན་པའི་ཚེ་དེའི་ལག་ཏུ་མ་སོན་པར་བཏང་ནས་ལྷུང་ཞིང་#ཆག་པར་གྱུར་ན་སྦྱིན་པ་དེ་ལ་#དབབ་པ་དང་། ཕ་རོལ་སྦྱིན་པའི་ཚེ་ཟིན་ནས་གཏམ་བླངས་སམ་ཞེས་ལ་གདོད་བྱིན་ཅིག་པའོ། །བརྙས་པ་མི་གཙང་#བ་ལ་སོགས་པས་མ་རུང་བར་གྱུར་པ་བཀྲུ་བ་
[204a.3]ལ་སོགས་པ་བྱས་ཀྱང་སེམས་མ་རངས་ན་རིན་སྦྱིན། བརྙས་པའི་རྫས་འདི་ལྟར་མ་རུང་བར་གྱུར་པ་བྱི་བདར་བྱས་ཀྱང་དེའི་བདག་པོ་མི་མགུ་བ་ཙམ་གྱི་ཚོད་ན་རིན་བྱིན་ཅིག་པའོ། །གུད་ནས་འོངས་པའི་#ཞར་ལ་སླ་ཐབས་སུ་བསླབ་པ་རྣམས་དེ་ལྟར་བསྟན་ནས། རྒྱུས་ཤེས་པས་ངལ་བསོ་ཞེས་
[204a.4]སྨོས་པའི་ཐབས་ཇི་ལྟར་བྱ་བའི་དཀྱུས་ཉིད་སྟོན་པ་ནི། ལྷུང་བཟེད་དང་ཆོས་གོས་བླང་། སྟན་གདིང་རྐང་པ་བཀྲུར་གཞུག་པ་ཆུས་ཀྱང་ངོ་། །ཕྱག་བྱ། བདེ་བར་སྤྱད་དམ་དྲི་ཅི་ནུས་ཀྱིས་མགུ་བར་བྱ། རྐྱེན་དང་སྦྱར་ཏེ་མལ་སྟན་སྦྱིན། དགེ་འདུན་གྱི་གནས་བརྟན་དང་སྤྲད#། དེས་འདིར་གནས་འཆར་
[204a.5]གཞུག ། རྒན་པ་ཞིག་ན་འདི་ལ་མལ་སྟན་ཕུལ་ཅིག་དེའི་རྫི་ལ་བསྒོ#། །མལ་སྟན་བབ་ཆོལ་དུ་མི་བརྙ་ཞེས་པ་ནི་གུད་ནས་འོང་བ་ལ་གཞི་བས་མདོང་སོལ་ཇི་ལྟར་བྱ་བ་དང་། དེ་གནས་བརྟན་དང་སྦྲང་ཅིང་གནས་བརྟན་གྱིས་མདོང་སོལ་ཇི་ལྟར་བྱ་བ་དང་། དེ་ཉིད་ཀྱིས་#མལ་སྟན་བབ་བབ་#ཏུ་མི་བརྙ་བ་ལ་སོགས་པར་སྟོན་
[204a.6]པའོ། །གོས་ཀྱི་ཐ་མ་#མ་བྲེགས་ན་གླན་ཅིང་ཆ་ག་བྱ་ཞེས་པ་དང་། དེ་སྐུད་ཁམ་རྩིང་པོར་བྱ་ཞིང་གཟུང་ཞེས་པ་དང་། དུར་ཁྲོད་ཀྱི་གོས་བླ་གབ་མེད་པར་ཤིང་ལ་སོགས་པའི་སྟེང་དུ་ཞག་བདུན་ནམ་བརྒྱད་དམ་ལྔའམ་དྲུག་ཅེས་ཀྱང་ཁ་ཅིག་ཟེར་ཏེ་བསྩངས་#ལ་བཀྲུས་ཤིང་#སྤྱད་ཞེས་པ་དང་། ང་ནི་#དུར་ཁྲོད་པའོ་ཞེས་
[204a.7]སྨོས་ལ་འབོད་ན་གཙུག་ལག་ཁང་ངམ་ཁྱིམ་དུ་འཇུག་ཅེས་པ་དང་། སྤྱད་#པ་ཡང་བདག་གིར་བྱ་བ་མ་བཏང་བ་ལ་དུར་ཁྲོད་པས་སྤྱད་པར་བྱ་ཞེས་པ་དང་། དགེ་འདུན་གྱི་མལ་སྟན་མི་སྤྱད་ཅེས་པ་དང་། མཆོད་རྟེན་ལས་འདོམ་གང་ཙམ་གྱི་#འགྱེད་ཅེས་པ་རྣམས་ནི་#དགེ་སློང་གོས་རྙིངས་ཤིང་ཐ་མ་ཟེགས་ན་ལྷན་པ་གདབ་
[204b]
[204b.1]ཅིང་ཆ་ག་བྱ་བ་དང་། དུར་ཁྲོད་པའི་གོས་བླང་ན་ཐབས་ཇི་ལྟར་བྱ་བ་དང་། བདག་དུར་ཁྲོད་པ་ཡིན་ནོ་ཞེས་སྙད་ལ་འབོད་ན་གདོད་གཙུག་ལག་ཁང་ངམ་ཁྱིམ་པའི་#ཁྱིམ་དུ་འགྲོ་བ་དང་། ཁོང་ཡེ་བོར་བ་#མ་ཡིན་པའི་སྟན་ལ་ཞུ་ཞིང་འདུག་པར་བྱ་བ་ལ་སོགས་པ་དུར་ཁྲོད་པའི་ཆོ་#གར་སྟོན་པ་རྣམས་སོ། །སྦྲང་ཡབ་བཅང་
[204b.2]ཞེས་པ་ནི་བལ་ལམ་ཤི་ནའམ། ཤིང་བལ་ལམ། འདབ་མ་ཤོག་ཚམ་གྱིས་སོ་ཞེས་པ་དང་། གླང་པོ་རྟ་བ་ལང་གི་རྔམ་ལ་སོགས་པ་ལ་བྱས་པ་མ་ཡིན་ན་ཞེས་པ་དང་། བསེ་དང་ཚོན་སྣ་ཚོགས་ཀྱིས་#བྱུགས་པའི་ཡུ་བ་གང་ཟག་གིས་ཐམས་ཅད་དུ་མ་ཡིན་ཞེས་པ་#རྔ་མའི་སྦྲང་ཡབ་དང་ཡུ་བ་ཚོན་ཅན་མ་ཡིན་པའི་སྦྲང་
[204b.3]ཡབ་བལ་ལ་སོགས་པ་ལས་བྱས་པ་ཆོངས་ཤིག་པའོ། །སྦྲང་ཁང་ཡང་ངོ་ཞེས་པ་དང་། སྟེང་དུ་རས་བརྒྱང་ཞེས་པ་དང་། ཤིང་ལ་གདགས་ཞེས་པ་དང་། ཁྲུ་བཞི་དང་གཉིས་སོ་ཞེས་པ་དང་། རས་ཆེན་གྱིས་བསྐོར་ཞེས་པ་དང་། ཁྲུ་བཅུ་གཉིས་པས་སོ་ཞེས་པ་དང་། སྦྱར་ཞེས་པ་དང་། མ་མཐའ་ཡང་
[204b.4]མལ་ཆ་དང་སྦྱར་ཞེས་པ་དང་། སྒོ་གྲྭར་#གདོད་ཞེས་པ་རྣམས་#ནི་སྦྲང་བུས་#འཚེ་ན་སྦྲང་ཁང་གི་ཐབས་འདི་དག་ལྟར་གྱིས་ཤིག་པ་#སྟེ། དེ་ལ་སྟེང་དུ་རས་བརྒྱང་ཞེས་པ་ནི་དེའི་སྟེང་དུ་རས་ཀྱིས་ཁོབ་ཤིག་པའོ། །ཤིང་ལ་གདགས་ཞེས་པ་ནི་དེ་ཉིད་ཤིང་ལ་རྒྱོངས་ཤིག་པའོ། །ཁྲུ་བཞི་དང་དོ་ཞེས་པ་ནི་དེའི་སྲིང་ཁྲུ་བཞི་
[204b.5]ཞེང་དུ་ཁྲུ་དོ་གྱིས་ཤིག་པའོ། །རས་ཆེན་གྱིས་བསྐོར་བ་དང་། ཁྲུ་བཅུ་གཉིས་ཞེས་པ་ནི་ཁང་བུ་དེ་ངོས་བཞི་རས་ཆེན་ཁྲུ་བཅུ་གཉིས་པས་བསྐོར་པའོ། །སྦྱར་ཞེས་པ་དང་། མ་མཐའ་ཡང་མལ་ཆ་དང་སྦྱར་ཞེས་པ་ནི་རས་ཆེན་དེའི་ཡང་#མཐའ་སྟེང་གཡོགས་དང་སྦྱར་བ་དང་། མ་མཐའ་མལ་ཆ་དང་སྦྱར་
[204b.6]བར་བྱ་བའོ། །སྒོ་གྲ་གདོད་ཅེས་པ་ནི་སྔས་དང་སྒོ་བྱང་སྟང་དུ་མ་བབ་པར་གྱིས་ཤིག་པའོ། །ཚ་བའི་གཉེན་པོར་གཡབ་པར་བྱ་ཞེས་པ་དང་། བསིལ་ཡབ་བཅང་ཞེས་པ་དང་། བཏགས་པ་ལའམ། ཏ་ལའི་ཕོན་གྱིས་སོ་ཞེས་པ་དང་། ཚོན་སྣ་ཚོགས་ཀྱིས་མ་ཡིན་ཞེས་པ་དང་། དགེ་འདུན་གྱི་
[204b.7]གཞན་ཡང་ངོ་ཞེས་པ་དང་། ནོར་བུའི་རྔ་ཡབ་རྙེད་ན་མཆོད་རྟེན་ལ་དབུལ་ཞེས་པ་དང་། ཉན་ཐོས་ལ་ཡང་ངོ་ཞེས་པ་ནི་ཚ་བའི་གཉེན་པོར་བསིལ་ཡབ་རི་མོ་ཅན་མ་ཡིན་པ་བྱ་བ་དང་། དགེ་འདུན་གྱིས་ནི་ཇི་ལྟ་བུ་ཡང་བཅང་དུ་རུང་བ་དང་། ནོར་བུས་སྤྲས་པ་ལྟ་བུའི་བཟང་པོ་ཞིག་རྙེད་ན་མཆོད་རྟེན་ལ་ཕུལ་
[205a]
[205a.1]ཅིག་པའོ། །མལ་སྟན་དང་སྔས་དང་གོར་བུ་བཅང་ཞེས་པ་ནི་མིང་གིས་སྨོས་པ་འདི་དག་ཆོངས་ཤིག་པའོ། །བུ་སྨད་རྙེད་ན་སྦྱིན་བདག་གིས་དབང་དུ་བྱ་ཞེས་པ་དང་། ལྡུན་ཇི་འདོད་ཙམ་དུ་#ལྔུར་གཞུག་ཅེས་པ་དང་། སླར་འབུལ་ན་ཡང་རུང་ཞེས་པ་ནི་ཡོན་བདག་གིས་ཇི་དགའ་
[205a.2]བར་བྱ་ཞིང་ལྡུ་ན་ཡང་ཡོན་བདག་གི་རིན་ཅི་དཔགས་སུ་བྱ་བ་དང་། གཞན་ཡང་ཕུལ་ཞིང་ལྡུ་བའོ་ཅོག་མི་རུང་བ་མེད་པར་སྟོན་པའོ། །ཤིང་ལ་ཕུལ་བ་གལ་ཏེ་རྒྱན་ཞིག་ན་ཡོ་ལང་གཡོས་པའི་རྒྱན་དུ་བཞག་ཅེས་པ་ནི་གྲིབ་ཤིང་ལ་སོགས་པ་ཤིང་ལ་ཕུལ་བའི་རྫས་རྒྱན་དུ་རུང་བའམ། རྒྱན་ཞིག་ཡིན་ན་ཡོ་
[205a.3]ལང་གཡོས་པའི་ཤིང་གི་རྒྱན་#བྱ་བའི་ཕྱིར་ཞོག་ཤིག་པའོ། །གལ་ཏེ་གནས་ཁང་གི་རྩིག་#པ་ལ་ནི་བྲི་བའི་ཕྱིར་རོ་ཞེས་པ་ནི་གནས་ཁང་གི་རྩིག་#པ་ལ་ཕུལ་བ་#ཞིག་ན་དེའི་རི་མོ་བྲི་བའི་རྒྱུར་གྱིས་ཤིག་པའོ། །གལ་ཏེ་མ་ཡིན་ན་ཀ་བ་དང་ལས་སར་པའིའོ་ཞེས་པ་ནི་གནས་ཁང་གི་རྩིག་པ་མ་ཡིན་པའི་
[205a.4]རྩིག་པ་གཞན་ལ་ཕུལ་བ་ཞིག་ན་ཀ་བ#འམ་བཅོས་ལེགས་ཀྱི་རྒྱུར་ཞོག་ཤིག་པའོ། །ས་ཞེས་པ་ནི་འོག་ནས་འབྱུང་བ་ཐམས་ཅད་དང་སྦྱར་བར་སྟོན་པའོ། །མེ་གང་གིར་ན་སྦར་བར་བྱ་ཞེས་པ་ནི་མེ་ཁང་གི་#སར་ཕུལ་ན་སྣང་བར་སྒྱུར་ཅིག་པའོ། །སྣུམ་པའི་རྙེད་པའམ་ཞེས་པ་ནི་མེ་ཁང་གི་སར་ཕུལ་བ་ཡང་
[205a.5]སྣུམ་གྱི་#རྙེད་པར་གྱིས་ཤིག་པའོ། །ནད་པའི་རུང་བའི་སར་སྨན་དུ་བཞག་ཅེས་པ་ནི་སྨན་བཞག་པའི་གནས་སུ་ཕུལ་ན་སྨན་དུ་གྱིས་ཤིག་པའོ། །ཚང་བང་གིར་ན་ཟས་སུ་བྱ་ཞེས་པ་ནི་ཚང་བང་སར་ཕུལ་ན་ཟས་སུ་གྱིས་ཤིག་པའོ། །གྲུ་ཚང་#དུ་ན་བཏུང་བར་རོ་ཞེས་པ་ནི་གྲུ་ཚང་དུ་ཕུལ་ན། སྐོམ་དུ་གྱིས་ཤིག་
[205a.6]པའོ། །བསྲོ་གང་དུ་ན་སྲོ་བར་རོ་ཞེས་པ་དང་། སྣུམ་པའི་རྙེད་པའི་རྙེད་པའམ་ཞེས་པ་ནི་བསྲོ་#གང་དུ་ཕུལ་ན་བསྲོ་བའམ། སྣུམ་གྱི་རྙེད་པར་གྱིས་ཤིག་པའོ། །བཀད་ས་དང་འདུན་ཚར་ན་སྣུམ་གྱི་#རྙེད་པར་རོ་ཞེས་པ་དང་། རབས་བྲི་བའམ་ཞེས་པ་ནི་བཀད་ས་དང་། འདུན་སར་ཕུལ་བ་ལྟ་བུ་སྣུམ་གྱི་
[205a.7]རྙེད་པའམ། བྱང་ཆུབ་སེམས་དཔའི་རབས་གྱིས་ཤིག་པའོ། །དགར་དང་འཆགས་དང་སྒོ་ཁང་དང་། ཆགས་ཁྱམས་སུན་བགོ་ཞེས་པ་དང་། མཐོངས་ཀྱང་ངོ་ཞེས་པ་དང་། འདི་ལྟ་བུའི་ཕྱོགས་བཞི་དགེ་འདུན་གྱིར་གཞག་གོ་ཞེས་ཀྱང་ཁ་ཅིག་ཅེས་པ་ནི་དགར་ལ་སོགས་པར་ཕུལ་བ་ནི་བགོ་བ་#དང་
[205b]
[205b.1]མཐོངས་སུ་ཕུལ་བ་ཡང་བགོ་བའོ། །སློབ་དཔོན་ཁ་ཅིག་ནི་མཐོངས་སུ་ཕུལ་བ་ཕྱོགས་བཞིའི་དགེ་འདུན་གྱིར་བཞག་གི་བགོ་བ་མ་ཡིན་ནོ་ཞེས་འཆད་པ་ཡང་ཡོད་པར་སྟོན་པའོ། །དཀོན་མཆོག་གི་ཕྱིར་བསླང་བ་རུང་ཞེས་པ་དང་། བསྒྲགས་པ་ཡང་ངོ་ཞེས་པ་དང་། ལེན་པའོ་ཞེས་པ་དང་། སྣང་བར་བྱ་བའི་ཕྱིར་
[205b.2]འཁོར་ལོ་#བྱ་ཞེས་པ་དང་། ཚ་བ་དང་། རླུང་དང་། ཆར་པས་མི་བརྫི་བར་ཁང་པ་རྩེག་མ་སྒོ་བཞི་པ་བྱ་ཞེས་པ་དང་། ཡོ་ལང་གི་རྗེས་ལ་འཁོད་#ལ་བཏུལ་ཞེས་པ་ནི་#དཀོན་མཆོག་གི་ཕྱིར་ཡོན་བདག་ལ་ཆེད་དུ་ཡང་བསླང་ཞིང་། ཤིང་རྟའི་སྟེང་དུ་ཡོན་བདག་གི་ཇི་ཕུལ་བས་སྒྲོགས་ཤིང་སྤྱོམས་#པའི་ཡོ་ལང་དང་
[205b.3]རླུང་དང་ཆར་པ་འོངས་#ན་ཁང་པ་རྩེག་མ་ལ་སོགས་པའི་ཡོ་ལང་ལན་#ཀར་གྱིས་ཤིག་པ་དང་། ཡོ་ལང་བྲིམ་པའི་རྗེས་ལ་རྟུལ་#ཅིག་པའོ། །དཀོར་བས་རྙེད་པ་སྦ་#ཞེས་པ་ནི་དགེ་འདུན་གྱི་རྙེད་པ་འདི་སྦོས་ཤིག་པའོ། །སྟོན་པ་མཆོད་པའི་ཚེ་གཉིས་ལ་མ་ཕྱེ་བར་ཕུལ་ན་དགེ་འདུན་གྱི་སྟེ་དགེ་སློང་མ་མི་ཆུད་
[205b.4]ཅེས་པ་ནི་སྟོན་པ་#མཆོད་པའི་ཚེ་ཡོན་བདག་གིས་#གཉི་ག་ལ་དབུལ་བར་གཉིས་ཀྱིས་མ་ཕྱེ་བ་ལྟ་བུ་ནི་དགེ་སློང་ཕ་ཉི་ཚེ་དབང་གི་དགེ་སློང་མ་མི་དབང་བའོ། །འདིར་གཅིག་ཏུ་བསྡོམས་#པའི་ཚེ་འཁོར་ལོ་གུད་བཙུགས་ན་ཉེས་པ་སྦོམ་པོའོ་#ཞེས་པ་ནི་དགེ་འདུན་སྡེ་གཉིས་འདུས་ཏེ། སྟོན་པ་མཆོད་པ་བྱེད་#
[205b.5]པའི་ཚེ། དགེ་སློང་མས་ལོགས་ཞིག་#ཏུ་འཁོར་ལོ་བཙུགས་ཤིང་མཆོད་པར་བྱས་ན་སྦོམ་པོར་འགྱུར་བའོ། །འགོད་པའི་དཀོར་པས་བགོ་ཞེས་པ་ནི་མཆོད་པའི་ཚེ་རྙེད་པའི་ཡོན་ཀྱང་དཀོར་པས་བགོས་#ཤིག་པའོ། །འདི་བསྒོ་ཞེས་པ་དང་། བཙོང་#བར་འོས་པ་བཙོང་#ཞེས་པ་དང་དགེ་འདུན་
[205b.6]འདུས་པས་ཞེས་པ་དང་། བསྐྱོད་ཅིང་ངོ་ཞེས་པ་དང་། འདིས་དེར་འདུ་བར་གཏོགས་པའི་ཞལ་ཏ་བྱ་ཞེས་པ་ནི་དཀོར་བས་#བསྒོ་ཞིང་དེས་དགེ་འདུན་འདུལ་བའི་ཞལ་ཏ་ལ་སོག་པ་ཐབས་འདི་དག་ལྟར་གྱིས་ཤིག་པའོ། །དགེ་འདུན་གྱི་གནས་བརྟན་གྱིས་རིན་ཐང་བཅད་ཅེས་པ་དང་། བར་མའོ་
[205b.7]ཞེས་པ་དང་། དེ་ལ་མི་དབབ་ཅེས་པ་ནི་དགེ་འདུན་གྱིས་རྙེད་པ་བཙོང་ན། རིན་ཐང་གནས་བརྟན་གྱིས་དང་པོ་ཉིད་དུ་བར་མའི་ཆ་བཟུང་ཞིང་བཅད་པ་དང་། གནས་བརྟན་ཉིད་ལ་ཉོར་གཞུག་པའི་ཁྲིན་མི་དབབ་པའོ། །ཕྱིས་མི་སྐྱེ་བར་ངེས་ན་དབབ་ཅེས་པ་དང་། མི་#ཉོ་བས་མི་སྐྱེད་ཅེས་པ་ནི་དགེ་འདུན་
[206a]
[206a.1]ཀུན་གྱི་ཁ་བྲིམས་ཏེ། བསྐུགས་སུ་ཟིན་གྱིས་ཀྱང་དེ་ལས་ལྷག་པའི་སྐྱེད་མ་བྱང་སྟེ། སྐྱེད་པའི་རེ་ཐག་ནས་སུ། རིན་ཐང་ཆེར་#འདེབས་པའི་སྟེང་དུ་ཕོག་#ཤིག་པ་དང་། མི་ཉོ་བར་འདྲེན་ཀྱང་#རིན་ཐང་མ་སྐྱེད་ཅིག་པའོ། །བུད་མེད་མ་ཡིན་ཞེས་པ་དང་། རིན་མ་བཅལ་བར་མི་སྤྱད་ཅེས་པ་དང་།
[206a.2]བཅོས་པ་ཡང་ངོ་ཞེས་པ་ནི་བུད་མེད་ཀྱི་རིན་ཐང་མ་སྐྱེད་ཅིག་པ་དང་། ཉེས་#པའི་རིན་ཐང་མ་འཁོར་#བར་བཅོས་ཤིང་སྤྱོད་པ་མ་བྱེད་ཅིག་པའོ། །ལེན་པ་ཕལ་ཆེན་བཅུ་ཚོམས་ལ་སོགས་པར་བཅད་ལ་བགོ་ཞེས་པ་དང་། ནོད་པ་སྡེར་#བཅད་དེ་བྱིན་པ་ལས་མ་བགོས་པ་འགའ་ཤི་ན་སྡེ་#དེའི་ཤས་སུ་གཏོགས་སོ་ཞེས་པ་ནི་ཡོན་
[206a.3]འགོད་པའི་ཚེ་བཅུ་ཚོམས་#ལ་སོགས་སྡེ་སྡེར་བཅད་ཅིང་བགོ་བ་དང་། སྡེར་བགོས་པའི་ནང་ནས་འགའ་ཤི་ན། དེའི་སྐལ་ཤས་བཅུ་པོ་རྣམས་ཀྱི་ཁོངས་སུ་གཏོགས་པར་སྟོན་པའོ། །མྱ་ངན་ལས་འདའ་བའི་བསམ་པས་རབ་ཏུ་བྱུང་ཞིང་ཚུལ་ཁྲིམས་དང་ལྡན་ན་གོས་བརྒྱ་སྟོང་པ་དང་། རོ་བརྒྱ་བའི་ཟས་#དང་། རྩེག་
[206a.4]མ་ལྔ་བརྒྱ་པ་ཡང་འོས་སོ་ཞེས་པ་དང་། དགེ་འདུན་གྱི་རྫས་ཀྱང་ངོ་ཞེས་པ་དང་། མི་སློབ་པ་ནམ་#ཆད་ཀྱི་ཞེས་པ་དང་། སོ་སོའི་སྐྱེ་བོ་ན་ཡང་ངོ་ཞེས་པ་ནི་མྱ་ངན་ལས་འདའ་བའི་#བསམ་པས་རབ་ཏུ་བྱུང་ཞིང་ཚུལ་ཁྲིམས་དང་ལྡན་ན་སོ་སོའི་སྐྱེ་བོ་ཡིན་དུ་ཟིན་གྱིས་ཀྱང་མི་སློབ་པ་མན་ཆད་ཀྱི་དགེ་འདུན་གྱི་དཀོར་དང་གོས་ཀཱར་
[206a.5]ཥཱ་པ་ཎ་#བརྒྱ་སྟོང་རིབ་དང་། ཟས་རོ་བརྒྱ་པ་དང་མི་ལྔ་བརྒྱ་ཤོང་བའི་ཁང་པ་རྩེག་མའམ། ནེ་ཙོའི་ཐོད་པ་ལྔ་བརྒྱ་པའི་ཁང་པ་རྩེག་མ་ཡང་སྤྱོད་དུ་འོས་པར་སྟོན་པའོ། །ཚུལ་ཁྲིམས་ཞིག་པ་ནི་མ་ཡིན་ཞེས་པ་ནི་ཚུལ་ཁྲིམས་ངན་པའམ། །ཚུལ་ཁྲིམས་ཞིག་པ་ནི་གོང་དུ་སྨོས་པ་རྣམས་ལ་སྤྱོད་དུ་མི་དབང་བའོ། །ལེ་ལོ་
[206a.6]ཅན་གྱིས་ལེན་ཅིང་འཚོ་བ་ནི་བུ་ལོན་དུ་འགྱུར་རོ་ཞེས་པ་ནི་ཚུལ་ཁྲིམས་མ་ཞིག་ཏུ་ཟིན་ཀྱང་ཀློག་ཅིང་འདོན་པ་ལ་སོགས་པ་དགེ་བ་ལ་མི་བརྩོན་ན་ཡོན་བདག་གི་#བླངས་པའོ་ཅོག་གཉེར་དང་བུ་ལོན་དུ་འགྱུར་བའོ། །མཚམས་ཀྱི་ནང་དུ་གང་ཟག་གི་གཙུག་ལག་ཁང་དང་དེའི་རྙེད་པས་འཚོ་ཡང་དགེ་འདུན་གྱི་རྙེད་པ་འོས་སོ་ཞེས་
[206a.7]པ་ནི་གཙུག་ལག་ཁང་གི་ནང་དགེ་སློང་གི་གནས་དང་། དེའི་རྙེད་པ་ཁུད་#པར་སྤྱོད་དུ་ཟིན་ཀྱང་དགེ་འདུན་གྱི་རྙེད་པ་ལས་དབང་བའོ། །གནས་ཁང་ཉེས་པ་ཡང་ངོ་ཞེས་པ་དང་། འདིར་སུ་བཀླག་#ཅེས་པ་ནི་གནས་ཁང་གུད་པར་སྤྱོད་ཀྱང་གོང་མ་དང་འདྲ་བ་དང་། གཙུག་ལག་ཁང་ངམ་གནས་ཁང་འདི་ལྟ་བུ་དགེ་སློང་
[206b]
[206b.1]གཅིག་གི་ཆང་ཁྱུར་གཏན་དུ་མ་སྦྱིན་པར་རེས་སུ་ཀློག་ཤིག་པའོ། །ལྷུང་བཟེད། ལྷུང་བཟེད་ཆུང་ངུ#། ཕོར་བུ། བུམ་བུ་ཀྱོག་པོ་དང་། བྲི་#གབ་སེན་རེགས་གཟར་བུ་ཐལ་ཕྱགས་སྟ་རེ་སླང་། ཁ་ཕྱིས་རྣམས་#ལྕགས་ཀྱི་སྣོད་ཅིག་ན་བགོ་ཞེས་པ་དང་། ཁམ་པའི་སྣོད་ལ་ལྷུང་བཟེད་ལྷུང་བཟེད་ཆུང་དུ། བཙོ་བ་བུམ་པ་
[206b.2]བུམ་བུ་གུ་ན་#འདེ་ཆུ་ར་རྣམས་ཀྱང་ངོ་ཞེས་པ་དང་། རིན་པོ་ཆེ་མན་ཆད་ལྕགས་ཡན་ཆད་ཀྱི་ཁྲི་ཡང་ངོ་ཞེས་པ་དང་། བསྒྱུར་ཏེའོ་ཞེས་པ་དང་། ཤིང་གི་མ་ཡིན་ཞེས་པ་དང་། ཚོན་སྣ་ལྔ་ལས་གཞན་ཡང་ངོ་ཞེས་པ་དང་། མ་བཅོས་ནའོ་ཞེས་པ་དང་། བཙོན་བཙོ་བར་འོས་པ་འཚེང་དུ་གཞུག་ཅེས་པ་དང་། དགེ་འདུན་
[206b.3]གྱི་གང་ཡིན་པའོ་ཞེས་པ་རྣམས་ནི་གཞན་གྱིས་ཡོན་དུ་ཕུལ་ན་མི་གཞག་པར་སྤར་སྤར་དུ་བགོས་#ཤིག་པ་སྟེ། དེ་ལ་ཤིང་གི་ཁྲི་མ་ཡིན་ན། ལྕགས་ཡན་ཆད་རིན་པོ་ཆེ་མན་ཆད་ཀྱི་ཁྲི་ནི་བསྒྱུར་ཏེ་རིན་བགོ་བ་དང་། ཚོན་སྣ་ལྔ་མ་ཡིན་པ་ནི་མ་བཙོས་ན་བགོ་བ་དང་། བཙོས་ན་དགེ་འདུན་རྫས་དེའི་གཞུག་པར་བྱ་བ་རྣམས་སོ། །
[206b.4]མི་བཙོ་བ་ནི་ཀུན་དགའ་དག་གཙུག་ལག་ཁང་དང་དེའི་དངོས་པོ་མལ་སྟན་ནོ་ཞེས་པ་ནི་མིང་གིས་སྨྲོས་པ་འདི་དག་མི་བཙོང་ཞིང་མི་བགོ་བར་སྟོན་པའོ། །གཏར་མི་གཞུག་ཅེས་པ་ནི་ཀུན་དགའ་དང་གཙུག་ལག་ཁང་#ལ་སོགས་པ་གོང་དུ་སྨོས་པ་རྣམས་གཏར་མ་གཞུག་ཤིག་པའོ། །བྱིན་གྱིས་མི་#བརླབ་པ་ཡང་ངོ་ཞེས་པ་ནི་
[206b.5]ཚོན་ཆེན་སྤོར་བ་ཚོས་པའི་#གོས་སུ་བྱིན་གྱིས་མ་རློབ་ཤིག་པའོ། །ཕ་མ་ལ་གོས་དང་ཟས་བསྟབ་#ཅེས་པ་དང་། ལྷུང་བཟེད་དང་ཆོས་གོས་ལས་རྙེད་པ་ལྷག་པ་མེད་ན་བསླང་ཞེས་པ་དང་། མ་གྲུབ་ན་བཟའ་བའི་ཕྱེད་ཀྱང་སྦྱིན་ཞེས་པ་ནི་ཕ་མ་ལ་ཟས་དང་གོས་སྟོབས་ཤིག་པ་དང་། མེད་ན་གཞན་ལས་སློངས་#ཤིག་པ་དང་།
[206b.6]བསླངས་ཏེ་ཡང་མ་རྙེད་ན་ཟས་ལས་ཀྱང་ཕྱེད་ཆོད་དེ་བྱིན་ཅིག་པའོ། །ཕྲན་ཚེགས་ལ་སོགས་པ་གོས་#ཀྱི་དངོས་པོར་གཏོགས་སོ། །ཕྲན་ཚེགས་དང་ཞུས་པ་ལས་འབྱུང་བ་བསྡུས་ཏེ་སྟོན་པ་ནི། བྱེ་བྲག་ཤེས་པར་བྱ་བའི་ཕྱིར་གོས་ལ་མཚན་མ་གདབ་ཅེས་པ་ནི་མི་འདྲ་བ་བྱེ་བྲག་མི་ཕྱེད་#པའི་མཚན་མ་གོས་ལ་ཐོབ་
[206b.7]ཤིག་པའོ། །དེ་ལ་གདབ་པར་བྱ་ཞེས་པ་དང་། སྣག་ཚའི་ཐིག་ལེ་ནི་དེའོ་ཞེས་པ་ནི་གོས་ལ་སྣག་ཚའི་#ཐིག་ལེ་གཅིག་གམ་གཉིས་བྱས་ན། དེ་ལ་མཚན་མ་བཏབ་པ་ཡིན་པར་སྟོན་པའོ། །སྦྱང་བ་ཡང་ངོ་ཞེས་པ་ནི་བེའུ་རས་ལྟ་བུ་ལྕི་བ་བྲེང་ལ་སྦྱང་བ་དང་། ལྕང་#གིས་མི་ཐུབ་ན་སྲད་བུའི་འོང་ང་ལས་
[207a]
[207a.1]བཙུད་ལ་འོར་ཅིག་པའོ། །ཁ་ཚར་དང་མཐའ་ཚར་གྱི་གོར་ཆ་ག་བྱ་ཞེས་པ་ནི་ཁ་ཚར་དང་མཐའ་ཚར་བཅད་པའི་རྗེས་ལ་ཆ་ག་གྱིས་ཤིག་པའོ། །སྦྱར་མ་མ་ཡིན་པ་ནི་དྲས་ཏེ་བྱིན་གྱིས་བརླབ་པར་ངེས་པ་མེད་ཅེས་པ་ནི་སྦྱར་མ་མ་ཡིན་པའི་ཆོས་གོས་གཞན་མ་#དྲར་མི་རུང་བར་ངེས་པ་མེད་དེ་ཆོས་
[207a.2]གོས་སྦྱར་མ་ཡང་རྐྱེན་གྱིས་ཐེབས་ན་མ་དྲས་པ་ལ་བྱིན་གྱིས་བརླབ་དགོས་པས་ནའོ། །དེ་དང་འདྲ་བའི་རྐྱེན་མེད་པར་འདི་མ་དྲས་པ་དང་། གྲོང་དང་ཁྱིམ་དུ་འཇུག་ཅིང་འདུག་པར་མི་བྱ་ཞེས་པ་དང་། མུ་སྟེགས་པའི་གནས་སུ་ཡང་དེ་བཞིན་ཞེས་པ་ནི་ཆོས་གོས་བསྐུར་#དུ་མི་རུང་བའི་རྐྱེན་གྱིས་མ་ཐེབས་ན་མ་དྲས་པས་#
[207a.3]ཆོས་གོས་གྱོན་ལ་མིང་གིས་སྨོས་པའི་གནས་འདི་རྣམས་སུ་འགྲོ་བའམ་འདུག་པར་མ་བྱེད་ཅིག་པའོ། །ཡོད་ན་མི་འདུག་ཅེས་པ་ནི་མུ་སྟེགས་པའི་གནས་སུ་འོངས་པའི་ཚེ་མུ་སྟེགས་པ་ཡོད་ན་དེའི་ཐད་དུས་ལ་འདུག་ཤིག་པའོ། །སྤུ་ཅན་ལ་ཆོས་གོས་གསུམ་དུ་བྱིན་གྱིས་མི་བརླབ་ཅེས་པ་དང་། དེ་བགོས་ཏེ་
[207a.4]ཟས་མི་བཟའ་ཞེས་པ་ནི་སྤུ་ཡོད་པའི་གོས་ལ་འདི་དག་ལྟར་མ་བྱེད་ཅིག་པའོ། །སེང་རས་བདག་གིར་བྱ་ཞེས་པ་དང་། འདི་ནི་རྣམ་པ་བཞིའོ་ཞེས་པ་དང་། བལ་གྱི་དང་ཟར་མའི་དང་དུ་གུ་ལའི་དང་ཤིང་བལ་གྱི་རྣམས་སོ་ཞེས་པ་དང་། གཞན་ཡང་རས་ཀྱི་རྣམ་པ་དང་ཕྲུག་#ལ་སོགས་པ་ཡང་བ་རྣམས་སོ་ཞེས་པ་
[207a.5]དང་། ལ་བ་ཡང་ངོ་ཞེས་པའི་སེང་རས་མིང་གིས་སྨོས་པ་འདི་དག་ལྟ་བུ་དང་། གཞན་ཡང་རས་ཀྱི་རྣམ་པ་ལ་སོགས་པ་ཡང་བའི་གོས་ནི་ཆོངས་ཤིག་པའོ། །འཚེ་བ་མ་ཡིན་ན་བཟློག་ཅིང་མི་བགོ་ཞེས་པ་དང་། འདི་བཞིན་དུ་#བགོས་ཏེ་མི་བཅག་ཅེས་པ་ནི་ཤིག་ཟ་བ་ལ་སོགས་པའི་རྐྱེན་གྱིས་བཏབ་པ་མ་ཡིན་ན་སྤུ་
[207a.6]ཅན་ཕྱིར་སློག་ཏུ་མ་བྱེད་ཅིག་པ་དང་། ཕྱི་ཟློག་བྱས་ན་ཡང་དེ་གྱོན་ལ་ཕན་ཚུན་དུ་མ་འགྲོ་ཤིག་པའོ། །ཨརྱ་#ནའི་ལ་བ་དང་བེའུ་རས་དང་དྲེའུ་རྡོག་ཁྲ་བོ་རྣམས་གང་ཟག་ཉིད་ཀྱིར་བྱ་ཞིང་མི་སྤྱོད་ཅེས་པ་དང་། འཆག་སར་དྲེའུ་བཏིང་བ་ནི་སྡོམ་པར་བྱ་ཞེས་པ་དང་། རྟག་པར་གཅིག་#ཚུགས་སུ་མི་བཅག་
[207a.7]ཅེས་པ་དང་། ནུས་ན་བཅོས་པ་ནི་བཙེམ་#པ་དང་མནན་པ་དང་གླན་པར་བྱ་ཞེས་པ་རྣམས་ནི་ཨརྱ་#ནའི་ལ་བ་ལ་སོགས་པ་མིང་གིས་སྨོས་པ་རྣམས་གང་ཟག་ཉིད་ཀྱིར་བྱ་བ་དང་། འཆག་སར་དྲེའུ་རྡོག་ལྟ་བུ་ཁྲ་བོ་བཏིང་ན་སྡོམ་#པར་བྱ་ཞིང་སྤྱོད་#པ་དང་། བཙེམ་#པའི་ཐབས་འདི་དག་ལྟར་གྱིས་ཤིག་པའོ། །
[207b]
[207b.1]དེ་ལ་ཨརྱ་#ན་ཞེས་པ་ནི་པར་གྱི་ལ་བ་བཟང་པོ་བེའུ་རས་ཞེས་པ་ནི་སྤུ་རིང་པོའི་བེའུ་རས་ལ་བྱའོ། །མ་ནུས་ན་ལྕི་བ་དང་སས་བཅག་ས་#དེ་བསྐུ་ཞེས་པ་ནི་རྙིང་པ་#སྟེ་གོང་མ་ལྟར་གླན་ཅིང་བཙེམ་#དུ་ཡང་མི་རུང་ན། དེས་#བཅག་ས་སྐྱང་ནུལ་དུ་བསྐུ་བའི་ཆེད་དུ་གྱིས་ཤིག་པའོ་ཞེས་པ་དང་། སྦྱིན་བདག་ལ་ཡིད་
[207b.2]བརྟན་ཏེའོ་ཞེས་པ་ནི་གོང་མ་ལྟ་བུ་ལ་བ་སྤུ་རིང་པོ་མ་ཡིན་པ་ནི་སྦྱིན་བདག་ལ་ཡིད་བརྟན་ཏེ་བཅང་བའོ། །ཤམ་ཐབས་ཀྱི་འཐེབ་དང་རྔུལ་གཟན་གྱི་འཐེབ་ཞེས་པ་དང་། ཡོ་བྱད་#ཀྱི་གོས་ཀྱང་ངོ་ཞེས་པ་དང་། འདི་ནི་དཀར་བ་དང་ཁ་ཚར་དང་མཐའ་ཚར་ཡོད་ཀྱང་ཉེས་མེད་ཅེས་པ་དང་། དགེ་འདུན་གྱི་ཡང་ངོ་
[207b.3]ཞེས་པ་འདི་ཤམ་ཐབས་ལ་སོགས་པའི་འཐེབ་དང་། སྨན་ཟོང་ལ་སོགས་པའི་གོས་བཅང་བ་དང་། དེ་དག་དང་། དགེ་འདུན་གྱི་དཀར་ཞིང་ཁ་ཚར་མ་བཅད་ཀྱང་བླ་#བའོ། །གནང་བའི་གོས་རྣམས་དེ་དག་ཉིད་དུ་བྱིན་དུ་བརླབ་ཅིང་བཅད་ཞེས་པ་ནི་བཅོམ་ལྡན་འདས་ཀྱིས་གནང་བའི་ཡོ་བྱད་བཅུ་གསུམ་དེ་
[207b.4]དག་སོ་སོའི་མིང་ངང་ཚུལ་བཞིན་དུ་བྱིན་གྱིས་རློབས་#ཤིག་པའོ། །རུང་བར་བྱས་ན་གཞན་དུ་མ་ཡང་བཅང་ཞེས་པ་དང་། སེམས་མི་བརྟན་པ་ལ་རུང་བར་མི་བྱ་ཞེས་པ་དང་། བསྙེན་པར་མ་རྫོགས་པ་ལ་མ་ཡིན་ཞེས་པ་དང་། མངོན་དུ་མ་ཡིན་ཞེས་པ་ནི་རུང་བའི་ཆོ་ག་བྱས་ན་ཡོ་བྱད་བཅུ་གསུམ་དུ་མ་ཟད་
[207b.5]ཀྱི་ཕལ་པོ་ཆེ་དུ་མ་བཅངས་ཀྱང་ཉེས་མེད་པ་དང་། རུང་བར་བྱས་པ་སེམས་མི་བརྟན་པ་ལ་སོགས་པ་སྨྱོན་པ་ལ་མི་བྱ་བ་དང་། བསྙེན་པར་མ་རྫོགས་པ་དང་དེའི་མངོན་སུམ་དུ་རུང་བར་མ་བྱེད་ཅིག་པའོ། །ཡུལ་གུད་ན་འདུག་ཀྱང་རུང་བ་མི་འཇིག་ཅེས་པ་དང་། ཤི་ན་འཇིག་ཅེས་པ་དང་། ཤེས་ནའོ་ཞེས་
[207b.6]པ་ནི་སུའི་མིང་གིས་རུང་བར་བྱས་པ་དེ་ཤི་བར་མ་ཤེས་ཀྱི་བར་དུ་ཡུལ་གུད་ན་འདུག་ཀྱང་མི་འཇིག་པའོ། །འདི་རུང་བར་བྱེད་པ་བདག་པོའོ་ཞེས་པ་དང་། སྤངས་པ་བདག་གིར་མི་བྱ་ཞེས་པ་ནི་རུང་བར་བྱེད་པ་ཉིད་བདག་པོ་ཡིན་པ་དང་། སུ་ལ་སྤངས་པ་དེ་ཡོ་ལང་དུ་མ་བསྐུར་#ཅིག་པའོ། །དགེ་སློང་ལ་སྤང་ཞེས་
[207b.7]པ་དང་། དགེ་འདུན་མ་ཡིན་ཞེས་པ་དང་། མི་མཁས་པ་ལམ་ཡིན་ཞེས་པ་དང་། མ་བྱིན་ན་བླང་#ཞེས་པ་དང་། མཐུས་ཀྱང་བླང་ཞེས་པ་རྣམས་ནི་སུ་ལ་སྤང་བར་བྱ་བ་དང་། སུ་ལ་མི་སྤང་བ་དང་སྤངས་ནས་མི་སྟེར་ན་བླང་བའི་ཐབས་འདི་དག་ལྟར་གྱིས་ཤིག་པའོ། །གོས་ལ་བསུང་#གིས་གོས་ན་བཀྲུས་ཏེ་
[208a]
[208a.1]བགོ་ཞེས་པ་དང་། ཕྱེ་མས་ན་སྤྲུག་ཅེས་པ་དང་། སྣུམ་གྱིས་ན་འདག་པས་སོ་ཞེས་པ་རྣམས་ནི་གོས་ལ་ཙན་དན་ལ་སོགས་པ་བསུང་གིས་གོས་སམ་ཕྱེ་མས་རེག་གམ་སྣུམ་གྱིས་ཕོག་ན་ཐབས་འདི་དག་ལྟར་གྱིས་ཤིག་པའོ། །ཆར་འབབ་ན་བླ་གབ་མེད་པར་དགེ་འདུན་གྱི་མ་ཡིན་ཞེས་
[208a.2]པ་དང་། བཀྲུ་བ་དང་། ཚོན་དང་ལྷུང་བཟེད་ཀྱི་#ལས་དང་ཤིང་གཤེག་པ་ལ་སོགས་པའི་ཚེ་མ་ཡིན་ཞེས་པ་ནི་#མིང་གིས་སྨོས་པ་འདི་རྣམས་ལྟ་བུའི་ཚེ་དགེ་འདུན་གྱི་#གོས་མ་གྱོན་ཅིག་པའོ། །ཅིག་ཅར་ཞེས་གཏམས་#པ་ཟླ་མེད་པ་ལ་བྱིན་པ་ནི་ཡང་དག་པའི་གྲངས་སོ་ཞེས་པ་ནི་ཁ་ཅིག་གིས་བདག་ལ་རྫས་གཏམས་ལ་
[208a.3]ངེད་ཅག་ཅིག་ཅར་དུ་མ་ལྷགས་དང་། འགའ་ལེན་པ་མ་སྦྱིན་ཅིག་ཅེས་མི་ཟེར་ན་དེའི་ནང་ནས་འགའ་ལེན་དུ་འོངས་པ་#ལ་སྦྱིན་པ་ནི་གཏན་ལ་ཕེབས་#ཤིང་ཉེས་མེད་པར་སྟོན་པའོ། །མ་གཏམས་པ་དང་འགྲོགས་ན་མ་ཡིན་ཞེས་པ་ནི་དང་པོ་འདོམས་པ་ལ་མ་གཏོགས་པ་དང་འགྲོགས་ཏེ་ལྷགས་#པའི་ཚེ་ནི་མ་སྦྱིན་
[208a.4]ཅིག་པའོ། །དེ་ཉིད་ཀྱི་ཁྱིམ་མམ་གཉེན་ལས་བླངས་པ་མ་ཡིན་ན་སྨྱོན་པ་ལས་མི་བླང་#ཞེས་པ་ནི་བརྐུས་པའི་སྣོལ་དུ་འགྱུར་བའི་ཕྱིར་སྨྱོན་པ་ལས་བབ་བབ་ཏུ་མ་ལེན་ཅིག་པའོ། །སྤངས་པའི་བུ་ལས་བླང་#ཞེས་པ་ནི་ཕས་སྤངས་པའི་བུ་ལས་ནོར་ཁྱེར་བ་ནི་ཉེས་མེད་པའོ། །དུར་ཁྲོད་ནས་སླར་འཁོར་བ་
[208a.5]ཡང་ངོ་ཞེས་པ་དང་། །འདི་#སླར་སློང་ན་སྦྱིན་ཞེས་པ་དང་། ཡང་རྙེད་ན་བླང་ཞེས་པ་ནི་དུར་ཁྲོད་ཀྱི་#གོས་བྱིན་ན་བླངས་པ་#དང་། སླར་འདོད་ན་#སྦྱིན་པ་དང་། ཡང་འབུལ་#ན་བླང་བའོ། །བུ་རམ་ཤིང་ལས་གཞན་པའི་ཟས་སུ་བྱིན་པ་དང་། མཆོད་རྟེན་གྱི་དང་། གཏན་དང་། འཁོད་ཅིང་སྤྱོད་
[208a.6]པ་དང་། ནད་པའི་རུང་བ་རྣམས་ཉིད་ཀྱིར་མི་བགོ་ཞེས་པ་ནི་མིང་གིས་སྨོས་པ་འདི་རྣམས་བདག་གི་ནོར་#དུ་བྱ་བར་མ་འགོད་ཅིག་པའོ། །དེ་ལ་རྩ་བ་དང་འབྲས་བུ་དང་། བུ་རམ་ཤིང་ལས་གཞན་པའི་#ཟས་ནི་ནས་འབྲས་ལ་སོགས་པའི་འབྲུའི་བག་གོ། །མཆོད་རྟེན་གྱི་ཞེས་པ་ནི་མཆོད་རྟེན་ལ་
[208a.7]ཕུལ་བའོ། །གཏན་དང་ཞེས་པ་ནི་འབྲོག་ཞིང་དང་རྐང་འགྲོས་#ལ་སོགས་པའོ། །འཁོད་ཅིང་སྤྱོད་པ་ཞེས་པ་ནི་གནས་ཁང་ངམ། ཡོ་བྱད་ལ་སོགས་པའི་རྙེད་པ་ཁུད་པར་ཡོད་པའོ། །ནད་པའི་རུང་བ་ཞེས་པ་ནི་ཨ་རུ་ར་ལ་སོགས་པ་སྨན་གྱི་ཡོ་བྱད་དོ། །དབྱར་གྱི་མཚམས་སུ་ན་རྙེད་པར་
[208b]
[208b.1]གཏོགས་ཞེས་པ་ནི་དགེ་འདུན་གྱིས་བླ་ཐབས་སུ་རྙེད་པ་ལ་དབྱར་གྱི་མཚམས་ཀྱི་#ནང་དུ་འོངས་པ་ཡང་དབང་བར་སྟོན་པའོ། །དབྱར་བཅད་པ་མི་འོས་#པ་མ་ཡིན་ཞེས་པ་དང་། བཀར་བ་མ་ཡིན་ཞེས་པ་ནི་བཀར་བ་མ་ཡིན་ན་དབྱར་བཅད་#པ་ཡང་རྙེད་པ་ལས་དབང་བའོ། །རྫས་ཀྱིས་མནན་ཏེ་གནས་པ་ནི་གཅིག་
[208b.2]གིས་ཤས་སོ་ཞེས་པ་དང་། གནོན་པ་འདི་ཉིད་ཀྱི་སྐལ་བའོ་ཞེས་པ་ནི་གཙུག་ལག་ཁང་དུ་མའི་མཚམས་རྫས་ཀྱིས་མནན་ཏེ་དབྱར་ཚུལ་དུ་འཇུག་པའི་ལས་བྱས་ན་གཙུག་ལག་ཁང་སོ་སོའི་དགེ་སློང་གཅིག་གིས་སྐལ་ཤས་སུ་བསྡུས་ལ་ཡེ་རྔམ་#བྱེད་པ་དེ་ལ་བྱིན་ཅིག་པའོ། །གཞན་དུ་ཚུལ་དུ་མར་ཞུགས་ན་
[208b.3]ཡུན་རིང་དུ་གནས་པ་བརྩན་ནོ་ཞེས་པ་ནི་གཙུག་ལག་ཁང་དུ་མའི་ཁ་བརྒྱུས་ཏེ་ཚུལ་དུ་ཞུགས་ན་གང་དུ་ཡུན་རིང་དུ་འདུག་པ་དེ་ཅི་ཆེ་ནས་རྙེད་པ་བྱིན་ཅིག་པའོ། །དགེ་ཚུལ་དང་དགེ་ཚུལ་མ་ནི་རྙེད་པའི་སུམ་ཆད་བྲི་ཞེས་པ་དང་། ཟས་ནི་མཉམ་མོ་ཞེས་པ་དང་། བསྙེན་པར་རྫོགས་པར་འདོད་པ་དང་དགེ་སློབ་
[208b.4]མ་ཡང་ངོ་ཞེས་པ་ནི་དགེ་ཚུལ་གཉིས་ནི་རྙེད་པ་ནར་མ་ལ་དགེ་སློང་གི་སྐལ་ཤས་ལས་སུམ་ཆས་བསྐྱུངས་པ་#དང་། ཟས་ལ་ཐང་མཉམ་པ་དང་། བསྙེན་པར་རྫོགས་པར་འདོད་པ་དང་། དགེ་སློབ་མ་ནི་ཟས་དང་#རྙེད་པ་གཉི་ག་#ལས་ཐང་མཉམ་པའོ། །དགེ་སློང་དང་དགེ་སློང་མའི་སྐལ་ཤས་
[208b.5]བགོ་བ་ནི་དགེ་འདུན་དུ་མ་ཡིན་གྱི་#གང་ཟག་ཏུའོ་ཞེས་པ་ནི་ཡོན་བདག་གིས་#སྡེ་གཉིས་ཀྱི་སྐལ་ཤས་སོ་སོར་མ་བགོས་ཏེ། གཉིས་ཀ་ལ་སྤྱིར་ཕུལ་ན་ཕོས་མོས་ཀྱི་#གྲངས་ལས་བགོའི། སྡེ་གཉིས་དགའ་བར་ཕྱེད་#ཤས་སུམ་འགོད་#ཅིག་པའོ། །མཆོད་སྟོན་#རྗེས་ལ་མ་ངེས་པར་རྙེད་པ་ནི་དགེ་སློང་མ་
[208b.6]བདག་གིས་ཀྱང་ཟོས་པས་ན་དེར་མི་གཏོགས་པ་མ་ཡིན་ཞེས་པ་ནི་མཆོད་སྟོན་བྱས་པའི་འོག་ཏུ་ཕོས་མོས་མ་ཕྱེ་བར་ཡོན་ཕུལ་བ་ནི་དགེ་སློང་མས་ཀྱང་ཟན་ཟོས་པ་ན་ཡོན་སྐལ་བྱིན་ཅིག་པའོ། །དགེ་སློང་ཕ་སྟན་ཆུ་བསོད་སྙོམས་#ལ་དགེ་སློང་མའི་ཐུ་བོ་མ་ཡིན་ཞེས་པ་ནི་འདི་དག་གི་ཆེད་དགེ་སློང་མའི་ཐུ་བོ་དགེ་སློང་ཡིན་
[208b.7]པས་ན་སྟན་དང་ལག་ཆུ་ལ་སོགས་པ་སྔར་དགེ་སློང་གིས་ལོང་ཤིག་པའོ། །དགེ་སློང་མ་དག་བཀད་པའི་#ཚེ་རྒན་རབས་ཀྱི་སྟན་གཞག་ཅེས་པ་ནི་གོང་མ་ལྟར་གྱུར་པས་ན། དགེ་སློང་མ་དྲོ་ཟ་བའི་ཚེ་དགེ་སློང་ཕ་གུད་ནས་#འོངས་པའི་སྟ་གོན་དུ་གྲལ་གྱི་ཐོག་མར་གོ་སྟོང་པར་ཞོག་ཤིག་པའོ། །དགེ་སློང་དང་
[209a]
[209a.1]ལྷན་ཅིག་པ་ལས་དེ་དག་གིས་མ་ནུས་ན་དགེ་སློང་མས་སྦྱིན་པ་བཤད་པར་བྱ་ཞེས་པ་ནི་མཆོད་སྟོན་གྱི་#ཚེ་དགེ་སློང་ཕས་སྦྱིན་པ་བཤད་པ་འདོན་མ་ནུས་ན་དགེ་སློང་མས་གྱིས་ཤིག་པའོ། །ཁ་ཟས་འབྲིམ་#པ་མངོན་དུ་ལྷགས་ན་སྙོམས་པར་བྲིམས་#ཤིག་ཅེས་གནས་བརྟན་གྱིས་ཐོག་མར་བགོ་ཞེས་པ་
[209a.2]དང་། བལྟས་ཏེ་འཁོར་མང་ལ་ཟས་ཉུང་ན་ཅི་རན་དུ་གྱིས་ཤིག་ཅེས་དེས་ཐོག་མ་ནས་བསྒོ་ཞེས་པ་དང་། དེ་ལ་ཐར་མ་ཡིན་ཆུབ་པར་གྱིས་ཤིག་ཅེས་སོ་ཞེས་པ་ནི་གནས་བརྟན་གྱིས་འབྲིམ་#པ་ལ་སྙོམས་པར་གྱིས་ཤིག་ཅེས་བསྒོ་བ་དང་། ཟས་མང་ཉུང་གི་དྲོད་ཟུང་ཤིག་པའོ། །སམ་པྲབ་ཏ་ཞེས་རྒན་རབས་ལ་དང་
[209a.3]པོ་ཉིད་དུ་མ་བསྙད་པར་མི་བླང་ཞེས་པ་ནི་འདི་སྐད་ཚིག་དང་པོ་ཉིད་དུ་མ་སྨོས་ཀྱི་བར་དུ་ཟས་མ་ལེན་ཅིག་པའོ། །གཉེར་བའི་རྐྱེན་དུ་ཟས་བཤམས་#པ་ལས་གཞན་ལྷགས་ན་དེ་དག་གི་ཕྱིར་བསྒོ་ཞེས་པ་ནི་ཡོན་བདག་གིས་སྔར་གྲངས་དང་སྦྱར་ཏེ་སྤྱན་དྲངས་པ་ལས་གུད་ནས་#བླ་ཐབས་སུ་ལྷགས་#པ་ཡོད་ན་ཡོན་
[209a.4]བདག་ལ་སྤྲན་ཅིང་སྐད་སྦྱོར་ཅིག་པའོ། །དགེ་སློང་ཆོས་གོས་གསུམ་བྱིན་#དུ་མི་གཞུག་ཅེས་པ་དང་། དགེ་འདུན་གྱིས་འདི་སོས་དང་སླར་སྦྱིན་ནོ་ཞེས་པ་བསམ་པ་གཞན་གྱིས་མི་བླང་ཞེས་པ་ནི་དགེ་སློང་ནད་པ་ཆོས་གོས་གསུམ་འབུལ་དུ་མི་གཞུག་པ་དང་། གལ་ཏེ་ནད་པ་ཉིད་ཀྱིས་#ཕུལ་ན་དགེ་འདུན་
[209a.5]གྱིས་#ཐབས་འདི་ལྟར་གྱིས་ཤིག་པའོ། །ཤི་ན་སྟོང་གཡོགས་སྨད་གཡོགས་དང་བཅས་ཏེ་#བསྐྱལ་ཞེས་པ་དང་། འབྲིང་གིས་སོ་ཞེས་པ་དང་། ལྷག་པར་མ་ཡིན་ཞེས་པ་ནི་ཤི་བའི་རུས་བུ་གཅེར་བུར་#མི་དོར་བར་སྟོང་གཡོགས་དང་#སྨད་གཡོགས་འབྲིང་པོས་གཡོགས་ཤིང་#བསྐྱལ་གྱི་དེ་ལས་
[209a.6]ལྷག་པས་ཀྱང་མ་ཡིན་པར་སྟོན་པའོ། །ཞུས་པ་དང་བཅས་པའི་ཕྲན་ཚེགས་ལ་སོགས་པ་གོས་ཀྱི་དངོས་པོར་གཏོགས་པའོ། །གོས་ཀྱི་དངོས་པོ་རྫོགས་སོ།། །།གོས་ཀྱི་དངོས་པོ་དེ་ལྟར་བསྟན་ནས། ཁོལ་ལྤགས་དངོས་#པོ་ད་སྟོན་པ་ནི། ཡུལ་དབུས་ཀྱི་མཚམས་ནི་ཞེས་པ་ལ་
[209a.7]སོགས་པ་ཡིན་ཏེ་ཡུལ་མཐའ་ཁོབ་ཏུ་ནི་ཁོལ་#ལྤགས་སྤྱོད་དུ་གནང་བ་ལ་དབུས་དང་མཐའི་ཚད་ཇེ་སྟོན་པའོ། །དེ་ལ་ཤར་ཕྱོགས་ཀྱི་མཚམས་ནི། ཤར་ཕྱོགས་ཀྱི་སྤུ་འདྲ་བར་དྷ་ན་འི་མདུན་དུ་#ཕུ་འདྲ་ཀ་ཚ་ཞེས་བྱ་བའི་ཚལ་ལོ་ཞེས་པ་ཡིན་ནོ། །ལྷོ་ཕྱོགས་ཀྱི་མཚམས་ནི། འདི་ལྷོ་ཕྱོགས་
[209b]
[209b.1]ནི་ཤ་ར་པ་ཏེ་ཞེས་བྱ་བ་དེའི་མིང་གི་ཆུ་ཀླུང་ངོ་ཞེས་པ་ཡིན་ནོ། །ནུབ་ཕྱོགས་ཀྱི་མཚམས་ནི། བྲམ་ཟེའི་གྲོང་སྠུན་དང་། ཨུ་པ་སྠུནའོ་ཞེས་པ་ཡིན་ནོ། །བྱང་ཕྱོགས་ཀྱི་མཚམས་ནི་རི་ཨུ་ཤི་རའོ་ཞེས་པ་ཡིན་ནོ། །མཐའ་འཁོབ་ཏུ་ལྷམ་བཅང་ཞེས་པ་ནི་ས་མཚམས་གོང་དུ་སྨོས་པ་ལས་མ་
[209b.2]གཏོགས་པའི་མཐའ་འཁོབ་ཏུ་ལྷམ་ཆོངས་ཤིག་པའོ། །མལ་སྟན་སྦ་བའི་ཕྱིར་ཡང་ངོ་ཞེས་པ་ནི་དགེ་འདུན་གྱི་གཟིམས་ཆལ་བག་བྱ་བའི་ཕྱིར་ནི་ཡུལ་དབུས་སུ་ཡང་ལྷམ་ཆོངས་ཤིག་པའོ། །ཆིག་རྐྱང་#ངོ་ཞེས་པ་དང་། ལྷན་པ་གདབ་ཅིང་བཅོས་ཞེས་པ་དང་། རིམ་པ་གཞན་གྱིས་#མ་
[209b.3]ཡིན་ཞེས་པ་ནི་མཆིལ་ཅིག་རྐྱང་པར་བྱ་བ་དང་། རྡོལ་ན་ལྷན་པ་ཉིས་#རིམ་དུམ་བྱེད་པར་འབྲོང་མིག་དུ་ཀློན་#ཅིག་པའོ། །ཁྱིམ་པས་གོམ་པ་བདུན་ཡན་ཆད་སྤྱད་ན་རིམ་པ་མང་པོ་#ཡང་ངོ་ཞེས་པ་ནི་ཁྱིམ་པས་ཇི་ཙམ་དུ་སྤྱད་ན་མཆིལ་རིམ་པ་མང་པོར་བྱས་པའི་ལྷམ་ཡང་ཆོངས་ཤིག་པའོ། །རུང་
[209b.4]བ་ཙམ་གྱི་ཕྱིར་དེའི་ཆེད་#དུ་བླངས་པ་ནི་མི་རུང་བ་བླངས་པ་མ་ཡིན་ཞེས་པ་ནི་དགེ་སློང་གཅིག་ལ་ཁྱིམ་པས་ལྷམ་རིམ་པ་མང་པོ་བྱིན་པ་ཆིག་རྐྱང་#དུ་བྱ་བའི་ཕྱིར་ཁྱེར་བ་བཞིན་དུ་མི་རུང་བའམ། མ་གནང་བར་རུང་#བཅོས་པའི་ཕྱིར་ཁྱེར་བ་ནི་ཉེས་མེད་པའོ། །རི་མོ་ཅན་མ་ཡིན་ཞེས་པ་དང་། ལུག་རུ་ལྟ་བུ་#
[209b.5]མ་ཡིན་ཞེས་པ་དང་ཨ་ཤྭ་ཐ་དང་ཀ་ར་ཝཱི་#རའི་འདབ་མ་ལྟ་བུ་མ་ཡིན་ཞེས་པ་དང་། གསེར་དངུལ་གྱིས་སྤྲས་པ་མ་ཡིན་ཞེས་པ་ནི་མིང་གིས་སྨོས་པ་འདི་དག་ལྟ་བུར་བྱས་པ་ནི་མ་བསྲེལ་ཅིག་པ་སྟེ། དེ་ལ་ལུག་རུ་ལྟ་བུ་ཞེས་པ་ནི་སོར་མོ་གཞུག་པའི་འོ་ང་ལུག་རུའི་གཉེར་མ་ལྟ་བུ་མ་བྱེད་ཅིག་པའོ། །ཨ་ཤྭཏྠ་#
[209b.6]དང་ཀ་ར་བཱི་#རའི་འདབ་མ་ཞེས་པ་ནི་ཤིང་འདི་དག་གི་ལོ་མ་ལྟ་བུར་ཤིང་ལོའི་སྲུབས་རིས་མ་བྱེད་ཅིག་པའོ། །ཙིག་ཙིག་#མ་ཡིན་ཞེས་པ་དང་། ཀྲིག་ཀྲིག་མ་ཡིན་ཞེས་པ་དང་། ཙིར་ཙིར་མ་ཡིན་ཞེས་པ་དང་། ཤོག་ཤོག་མ་ཡིན་ཞེས་པ་དང་། གཞན་ཡང་དྲེགས་#པར་འགྱུར་བ་མ་ཡིན་ཞེས་པ་ནི་
[209b.7]སྒྲ་འདི་སྐད་དུ་འབྱུང་བ་དང་། གཞན་ཡང་དྲེགས་#ཤིང་སྙེམས་པ་སྐྱེ་བའི་ལས་ནི་མ་བྱེད་ཅིག་པའོ། །བྲེང་ནན་གྱིས་མི་#རུང་བ་མ་ཡིན་ཞེས་པ་དང་། རྩེ་མོ་དང་རྟིང་སྐྱབས་ཆིག་རྐྱང་#དུ་བྱས་པ་བཅང་ཞེས་པ་དང་། ལ་ལ་མ་བུ་ཟ་ཡང་ངོ་ཞེས་པ་དང་། ལྷམ་ཡུ་རྡུམ་ཡང་ངོ་ཞེས་པ་དང་། ཆབ་
[210a]
[210a.1]བྲོམ་ཆགས་པའི་ཡུལ་དུ་ཞྭ་དང་ལྷམ་ཡང་ངོ་ཞེས་པ་ནི་མིང་གིས་སྨོས་པ་འདི་དག་ལྟ་བུ་ནི་མིང་རུང་བ་མེད་པར་སྟོན་པ་སྟེ། དེ་ལ་བྲེང་ནན་ཞེས་པ་ནི་བོལ་གྱི་སྟེང་དུ་བྲད་བུའམ་སྐུང་བའི་ནན་ཕྱེད་དུ་གཏང་#བའོ། །རྩེ་མོ་དང་རྟི་བསྐྱབས་ཞེས་པ་ནི་སོར་མོ་དང་རྟིང་པའི་ཐད་ཀར་གཟན་ཆིག་རྐྱང་#
[210a.2]གིས་གླན་པའོ། །ལ་ལམ་བུ་ཟ་ནི་ཀླུའི་རྒྱལ་པོ་ཨ་པ་ལ་ལ་མཽད་གལ་ཡ་ནས་གདུལ་བའི་ཚེ་ལ་ལ་མ་བུ་སྐྱུགས་པས་རྩི་ཤིང་#ཀུན་སྐམ་པའི་རྔུ་བ་#རྐང་པ་ལ་གཟན་པའི་སྐྱབས་ལྷམ་ཆོངས་ཤིག་པར་གསུངས་སོ། །བླ་མའི་ཐད་དུ་ལྷམ་མི་#བགོ་ཞེས་པ་ནི་རྐོ་ལོང་དུ་འགྱུར་པའི་ཕྱིར་རོ། །སེང་གེ་སྟག་
[210a.3]གཟིག་གླང་པོ་ཅང་ཤེས་རྣམས་ཀྱི་ཡན་ལག་ཅུང་ཟད་ཀྱང་ལུས་ལ་མི་བཅང་ཞེས་པ་དང་། གླང་པོ་ཕལ་དང་རྟ་གཡོན་ཅན་དང་དེ་དག་ལས་གཞན་པའི་གཅན་གཟན་མ་རུངས་པ་#ཡང་དེར་གཏོགས་སོ་ཞེས་པ་ནི་མིང་གིས་སྨོས་པ་འདི་དག་གི་རས་རོས་ལུས་ལ་མ་འཆང་ཤིག་པའོ། །ལྷམ་མི་བརྔབ་ཅེས་
[210a.4]པ་དང་། རད་ཆུར་བརླན་པས་རྡུལ་མེད་པའི་ཕྱི་ཞེས་པ་དང་། འདི་བཅང་ཞེས་པ་ནི་ལྷམ་རང་ཆུས་བརླན་པས་རྡུལ་ཕྱི་བར་མི་གདབ་པ་དང་། དེ་ལྟར་ཕྱི་བའི་ར་ད་ཆོངས་ཤིག་པའོ། །འདི་དྲུག་#ཅེས་པ་དང་། མི་མཛེས་པའི་དངོས་པོ་བྱེད་པ་ནི་ཕྱོགས་དབེན་པར་རོ་ཞེས་པ་དང་། དེའི་ཆེད་
[210a.5]དུ་རྒྱུ་སྨྱུང་བཅང་ཞེས་པ་དང་། དྲ་གྲི་#མ་ཡིན་ཞེས་པ་ནི་ལྷམ་དེ་རལ་ན་དབེན་པར་#དྲུབ་པ་དང་དྲ་གྲི་མ་གཏོགས་པའི་སྤྱད་གཞན་ཆོངས་ཤིག་པའོ། །གྲོང་དང་སྣམ་ཕྱིས་མ་གཏོགས་པར་ཤིང་ལྷམ་མི་བགོ་ཞེས་པ་དང་། སྨྱུག་ཚལ་དང་མུན་ཛ་#དང་། སི་རི་དང་འཇག་མའི་མ་ཡིན་ཞེས་པ་
[210a.6]དང་། སྲད་བུའི་ཡང་ངོ་ཞེས་པ་དང་། དྲེག་ཆེན་མ་ཡིན་ནའོ་ཞེས་པ་ནི་གྲོང་#དང་བཤང་པར་འགྲོ་བ་མ་གཏོགས་པ་#ཤིང་ལྷམ་མི་བགོ་བ་དང་སྨྱུག་ཚལ་ལ་སོགས་པའི་ལྷམ་མ་བྱེད་ཅིག་པ་དང་། དྲེག་མེད་ན་སྐུད་པ་ལས་བྱས་པའི་ལྷམ་མ་གྱོན་ཅིག་པའོ། །ཁྱིམ་པ་དེར་གཞན་མེད་ན་པགས་པ་
[210a.7]ལ་འདུག་པར་བྱ་ཞེས་པ་དང་། འདིར་དེ་ལྟ་བུའི་རྐྱེན་གྱིས་ནའང་མི་ཞལ་བ་ཡང་ངོ་ཞེས་པ་ནི་ཁྱིམ་པ་དེར་འོངས་ལ་སྟན་མེད་ན་ཁོལ་#ལྤགས་ཀྱི་སྟན་ལ་ཡང་འདུག་ཤིག་པའོ། མིག་གི་#ཆེད་དུ་དོམ་ལྤགས་བཅང་ཞེས་པ་དང་། རྐང་པའི་གནས་སུ་གདིང་ཞེས་པ་དང་། སངས་རྒྱས་ཀྱི་དྲི་གཙང་
[210b]
[210b.1]ཁང་གི་སྒོར་རོ་ཞེས་པ་ནི་མིག་ལ་ཕན་པའི་ཕྱིར་དོམ་སྟན་བཅང་པ་དང་། སངས་རྒྱས་ཀྱི་དྲི་གཙང་ཁང་གི་སྒོང་རྐང་པའི་གཅལ་དུ་ཐིང་ཤིག་པའོ། །ལྷམ་དུ་བགོ་ཞེས་པ་དང་། རླུང་ཡོད་པས་ཉལ་བ་དང་འདུག་པར་བྱ། འདི་གཞང་འབྲུམ་མོ་ཅོག་ལ་དབེན་ཞེས་པ་དང་། འདི་སྤུ་ལ་རེག་ན་ཕན་
[210b.2]པར་ཤེས་པར་བྱ་ཞེས་པ་དང་། ལྷམ་མཆིལ་མང་པོ་ཡང་ངོ་ཞེས་པ་དང་། དུ་མའི་སྟེང་དུ་རིམ་པ་ཆིག་རྐྱང་#ངོ་ཞེས་པ་ནི་དོམ་ལྤགས་དེ་ལས་མིང་གིས་སྨོས་པ་འདི་དག་ལྟར་གྱིས་ཤིག་པའོ། །ཨ་ས་མ་#ཀ་ར་ན་ཏ་ཀ་མ་གཏོགས་པར་པགས་པ་མི་བཅང་ཅེས་པ་དང་། སེང་གེ་ལ་སོགས་པའི་མ་ཡིན་
[210b.3]ཞེས་པ་དང་། གང་གི་པགས་པ་མི་རུང་བ་དེའི་རྒྱུས་པ་རུས་#པ་མཆེ་བ་ཤ་ཚིལ་རྣམས་ཀྱང་ངོ་ཞེས་པ་ནི་མིང་གིས་སྨོས་པ་འདི་དག་ལྟ་བུ་མ་འཆང་ཤིག་པའོ། །རྐྱལ་པ་བཅང་ཞེས་པ་དང་། སྒྱུར་བའམ་སྐྱ་བོ་ཡང་ངོ་ཞེས་པ་དང་། རི་མོ་ཅན་མ་ཡིན་ཞེས་པ་ནི་རི་མོ་ཁྲ་བོ་ཅན་མ་ཡིན་ན་བཀུས་པ་དང་སྐྱ་བོ་ཐ་མལ་
[210b.4]པའི་རྐྱལ་པ་ནི་ཆོངས་ཤིག་པའོ། །རྐྱལ་མི་ཤེས་པ་དང་སྟ་གོན་མ་བྱས་པར་འཇིང་ཟབ་མོར་མི་འཇུག་ཅེས་པ་དང་། ཕྱོགས་དབེན་པར་རྐྱལ་བསླབ་#ཅེས་པ་དང་། རྐྱལ་བ་ན་ཁྱུ་མཆོག་མ་གཏོགས་པར་བ་ལ་མི་ལྟོས་ཞེས་པ་དང་། གླང་པོ་རྟ་ཆུ་ཀླུང་གཡོག་ལ་ལྟོས་ཞེས་པ་ནི་རྐྱལ་མི་ཤེས་པར་འཇིང་དུ་#མ་
[210b.5]འགྲོ་ཤིག་པ་དང་#། ཕྱོགས་དབེན་པར་རྒྱལ་#བསླབ་ཅིང་མིང་གིས་སྨོས་པ་འདི་དག་ལ་འཇུས་ཏེ་རྒལ་བར་གྱིས་ཤིག་པའོ། །པགས་པའི་དངོས་པོའོ།། །།པགས་པའི་དངོས་པོ་དེ་ལྟར་བསྟན་ནས་སྨན་གྱི་#དངོས་པོ་བསྡུས་ཏེ་སྟོན་པ་ནི། སྨན་ལ་བསྟེན་#པར་བྱ་ཞེས་པ་ལ་སོགས་པ་ཡིན་ཏེ་སྨན་གྱིས་
[210b.6]ཤིག་པའོ། །འདི་ནི་རྣམ་པ་བཞིའོ་ཞེས་པ་ནི་དུས་ཀྱི་#སྨན་དང་། ཐུན་གྱི་སྨན་དང་། བདུན་པའི་སྨན་དང་། ཚེ་གཅིག་གི་སྨན་དང་རྣམ་པ་བཞི་ཡོད་པར་སྟོན་པའོ། །དང་པོ་མ་གཏོགས་པ་ནི་ནད་པའིའོ་ཞེས་པ་ནི་དུས་ཀྱི་སྨན་མ་གཏོགས་པའི་ལྷག་མ་གསུམ་ནི་ནད་པའི་སྨན་ཡིན་པར་སྟོན་པའོ། །
[210b.7]ནད་པ་དང་ནད་པ་མ་ཡིན་པ་ཐམས་ཅད་ཀྱིར་སྟོན་པ་ནི་བུ་རམ་ཡང་ངོ་ཞེས་པ་ཡན་ཆད་ཡིན་ཏེ་ཚོ་#ཚ་དང་། མོ་ཚ་དང་། ཀོ་ལ་དང་། ཨ་ཤྭཏྠ་#དང་། ཨུ་དུམ་བཱ་#ར་དང་། བ་རུ་ཤ་ཀ་དང་། རྒུན་འབྲུམ་དང་། ཁརྫུ་རའི་སྐོམ་རྣམས་ནི་#ཐམས་ཅད་ཀྱིའོ་ཞེས་པ་ནི་མིང་གིས་སྨོས་པ་འདི་དག་གི་སྐོམ་
[211a]
[211a.1]ཐམས་ཅད་ཀྱིས་#དུས་དང་དུས་མ་ཡིན་པར་བཏུང་དུ་རུང་བར་སྟོན་པའོ། །དགུན་#ཚྭ་ཙ་དང་། ཞོ་ཀུ་ཆུར་ཀུ#། རྩབ་མོ་རྣམས་ཆུས་བསླད་#པ་དང་། ཚགས་ཀྱིས་བཙགས་ཏེ་བཞིན་སྣང་བར་གདང་ལ་ཁ་དོག་འདབ་མའི་#མདོག་འདྲ་ན་དེ་བཞིན་ཞེས་པ་ནི་#མིང་གིས་སྨོས་པ་འདི་དག་གི་སྐོམ་
[211a.2]གདང་ཁྱད་འདི་ཙམ་དུ་བཙགས་ན་གོང་མ་དང་འདྲ་བར་སྟོན་པའོ། །དེ་ལྟར་མ་གྱུར་པའི་སྔ་རོལ་དུ་ནི་བསྙེན་པར་རྫོགས་པའམ་མཚན་མཐུན་པས་རེག་པར་བྱ་བའི་མི་རིགས་སོ་ཞེས་པ་ནི་གདང་ཁྱད་གོང་མ་ཙམ་དུ་མ་གྱུར་ཅིང་མ་བསླད་#པའི་ཚེ་ནི་མཚན་མཐུན་པའི་བསྙེན་པར་རྫོགས་པས་རེག་པར་མ་བྱེད་ཅིག་
[211a.3]པའོ། །ཨ་རུ་ར་#ལ་སོགས་པ་ཡང་ངོ་ཞེས་པ་ནི་ཨ་རུ་ར་དང་དང་#སྐྱུ་རུར་དང་བ་རུ་ར་དང་། ན་ལེ་ཤམ་#དང་། པི་པི་ལིང་ལྔ་ཡང་ཐམས་ཅད་ཀྱིས་བཟར་རུང་བར་སྟོན་པའོ། །བུར་མ་ཡང་ངོ་ཞེས་པ་ནི་བུ་ར་མ་བྱིན་གྱིས་བརླབས་པ་ཡང་གོང་མ་ལྟར་འདྲ་བའོ། །ལམ་བགྲོད་#པ་དང་ཁང་སྐྱོང་དང་། ལས་སར་པས་བྱིན་
[211a.4]གྱིས་བརླབས་པ་འདི་ནད་པ་བཞིན་དུ་བཟར་རུང་ཞེས་པ་དང་། ཟན་བཅད་པས་འདི་དང་དུས་མ་ཡིན་པའི་བཟའ་བ་ཡང་ངོ་ཞེས་པ་ནི་བུ་རམ་#བྱིན་གྱིས་བརླབས་པ་མིང་གིས་སྨོས་པ་འདི་རྣམས་ཀྱིས་ནད་པ་དང་འདྲ་བར་བཟར་རུང་བ་དང་། སྨྱུང་བས་ཀྱང་དེ་བཟར་རུང་ཞིང་དུས་མ་ཡིན་པའི་ཟས་སྦྲང་རྩི་ལ་
[211a.5]སོགས་པ་ཡང་#བཟར་རུང་བའོ། །སྐོམ་ནི་ཐུན་གྱིའོ་ཞེས་པ་དང་། གདང་ནའོ་ཞེས་པ་ནི་ཐུན་གྱི་སྨན་སྐོམ་གདང་བ་ཡིན་པར་སྟོན་པའོ། །རྫས་དེ་དེར་མ་གྱུར་ལ་གལ་ཏེ་དུས་ཀྱི་ན་བསྙེན་པར་མ་རྫོགས་པར་མཉེ་ཞིང་ཚགས་ཀྱིས་བཙག་གོ་ཞེས་པ་ནི་དགུན་#ལྟ་བུ་དུས་ཀྱི་སྨན་ལས་བཀྲུ་ཞིང་བཙགས་
[211a.6]པ་#གདང་བར་མ་གྱུར་བར་དུ་བསྙེན་པར་མ་རྫོགས་པས་མཉེ་ཞིང་བཙགས་པ་ལ་སོགས་པའི་ལས་གྱིས་ཤིག་པའོ། །དེ་དག་ལས་གཞན་པ་སེའུ་དང་མ་ཏུ་ལུང་འབྲུ་#ལ་སོགས་པའི་རྫས་ཀྱང་ངོ་ཞེས་པ་ནི་སེའུ་དང་མ་ཏུ་#ལུང་ག་ལ་སོགས་པ་གཞན་ལས་འཚག་ཅིང་འཁྲུ་ན་ཡང་ཐབས་
[211a.7]གོང་མ་ལྟར་གྱིས་ཤིག་པའོ། །དུས་ཀྱི་ནི་ཐུན་གྱི་#མཐའི་བར་དུའོ། །ཞེས་པ་ནི་དགུན་#ཆུ་ལྟ་བུ་ལ་སོགས་པ་དུས་ཀྱི་རྫས་ལས་ཐུན་གྱི་སྨན་དུ་བྱས་པ་ནི་ཐུན་གྱི་དུས་མ་ཟད་ཀྱི་བར་དུ་བྱིན་གྱིས་རློབས་#ཤིག་བའོ། །གཞན་གྱིས་ནི་གང་དེའི་ཡུན་དུའོ་ཞེས་པ་ནི་བུ་རམ་ལྟ་བུ་ལ་སོགས་པ་བདུན་པ་ལས་བྱས་པ་དང་།
[211b]
[211b.1]ཨ་རུ་ར་ལ་སོགས་པ་རྩེ་#གཅིག་པ་ལས་བྱས་པ་ཡང་དེ་དག་སོ་སོའམ་ཡུན་གྱི་བར་དུ་བྱིན་གྱིས་རློབས་#ཤིག་པའོ། །འདི་ལ་ཡང་འཆད་པ་ཁ་མི་མཐུན་པ་ནི། དེ་ནི་མ་གྱུར་པ་བྱའི་ནམ་གྱུར་པ་ནི་དེའི་ཞེས་ཁ་ཅིག་ཅེས་པ་ནི་གོང་མ་སྐད་དུ་བྱ་བ་ཡང་སྐོམ་གྱི་དངོས་པོ་དེ་གདང་བ་ལ་སོགས་པའི་རང་བཞིན་ལས་མ་
[211b.2]གྱུར་ན་ཐུན་གྱི་མཐས་#དྲོད་གཟུང་གི ། གདང་བ་ལ་སོགས་པའི་རང་བཞིན་ལས་གྱུར་ན་ཐུན་གྱི་མཐས་དྲོད་#གཟུང་དུ་མི་རུང་སྟེ། ནམ་གྱུར་པ་ཉིད་ཀྱིས་མཐས་དྲོད་གཟུང་དགོས་སོ་ཞེས་སློབ་དཔོན་ཁ་ཅིག་འཆད་པར་སྟོན་པའོ། །གྱ་ཚོམ་གྱི་དུས་ལ་བརྟེན་པ་དེ་མི་གཅིག་སྟེ། སྐྱེ་བར་མི་ཐུབ་ཅིང་བྱིན་གྱིས་མ་
[211b.3]བརླབས་པར་གྱུར་ལ་ཐ་མལ་པས་འགྱུར་བའི་དྲོད་མི་ཟིན་པའི་ཕྱིར་རོ་ཞེས་པ་ནི་སློབ་དཔོན་གོང་མས་བྱ་བ་དེ་མི་རུང་ཞིང་སུན་འབྱིན་པར་སྟོན་པ་ནི་#ཐུན་གྱི་མཐས་དྲོད་མི་གཟུང་གི་སྐོམ་དེ་ཉིད་ནམ་འགྱུར་བས་དྲོད་#གཟུང་དུ་ཟིན་ན་དེ་ལྟར་སྔོན་#ཚོགས་སུ་འགྱུར་སླ་#བ་ལ་ཐུན་གྱི་བར་དུ་ཞེས་བྱིན་གྱིས་བརླབ་དུ་མི་རུང་བ་
[211b.4]དང་། ནམ་འགྱུར་བའི་བར་དུ་བྱིན་གྱིས་བརླབ་པ་ནི་ནམ་འགྱུར་བའི་དྲོད་སྐྱེ་བོ་ཐ་མལ་པ་སུས་ཀྱང་མི་ཟིན་པས་ན་བྱིན་གྱིས་བརླབ་ཅེས་བྱ་བ་ཉིད་མི་དགོས་#པའི་སྐྱོན་དུ་འབྱུང་བར་འགལ་བས་ན་གོང་མ་སྐད་དུ་བྱ་བ་དེ་མི་རུང་ངོ་། །ཁུ་བ་དང་ཕྱེ་མའི་སྐོམ་ཡང་འདིར་གཏོགས་ཞེས་པ་ནི་བུ་རམ་ཤིང་གི་
[211b.5]ཁུ་བ་ལ་སོགས་པ་དང་། ཕྱེ་མའི་སྐོམ་འོག་ནས་འབྱུང་བ་ལྟ་བུ་དག་ཀྱང་ཐུན་གྱི་སྨན་འདིའི་ནང་དུ་གཏོགས་པར་སྟོན་པའོ། །སེའུ་བྱི་རའི་གདང་བ་ཡང་ངོ་ཞེས་པ་དང་། རྩ་བ་ལ་སོགས་པའི་སྨན་པ་ཀྲུས་པའི་སྐྱུར་པོ་ནི་དེའི་ཞེས་པ་ནི་སེའུ་བྱི་#རའི་སྐོམ་གདང་བ་ཡང་ཐུན་གྱི་སྨན་ཡིན་པ་
[211b.6]དང་། རྩ་བ་ལ་སོགས་པ་ལ་བཀུས་#པའི་སྐྱུར་པོ་སེའུ་བྱིར་ཞེས་བྱ་བ་ཡིན་པར་སྟོན་པའོ། །ཐུན་གྱི་སྨན་དེ་ལྟར་བསྟན་ནས། བདུན་པའི་སྨན་ད་སྟོན་པ་ནི། མར་འབྲུ་མར་སྦྲང་རྩི་བུར་མ་དག་ནི་ཞག་བདུན་པའོ་ཞེས་པ་#ཡིན་ཏེ་མིང་གིས་སྨོས་པ་འདི་དག་#ཞག་བདུན་པའི་སྨན་ཡིན་པར་
[211b.7]སྟོན་པའོ། །བུ་རམ་གྱི་སྒྲོན་བུ་ཁ་འདའ#། ཤ་ཁ་རལ་སོགས་པ་ཐམས་ཅད་བུ་རམ་གྱི་ཁོངས་སུ་གཏོགས་སོ་ཞེས་པ་ནི་མིང་གིས་སྨོས་#པ་འདི་དག་བུ་རམ་གྱི་#ཁོངས་སུ་གཏོགས་པར་སྟོན་པའོ། །སུ་དྷ་ནི་མར་དུ་འོ་ཞེས་པ་ནི་ལྷའི་ཟས་སུ་དྷ་ཞེས་བྱ་བ་ཡང་མར་གྱི་ཁོངས་སུ་བསྡུའོ། །
[212a]
[212a.1]ཚིལ་བཞུན་པ་ཚགས་#པ་ནི་འབྲུ་མར་དུའོ་ཞེས་པ་ནི་ཚིལ་བཞུན་#གྱི་དངས་མ་ནི་འབྲུ་མར་གྱི་#ཁོངས་སུ་བསྡུ་བར་སྟོན་པའོ། །དེ་གང་གི་#ཚིལ་ཞེ་ན། ཉ། སྦྲུལ་དཀར། རི་བོང་། དོམ། ཕག་རྣམས་ཀྱིའོ་ཞེས་པ་ཡིན་ཏེ་མིང་གིས་སྨོས་པ་འདི་རྣམས་ཀྱི་ཚིལ་ལ་བྱའོ། །དེ་དག་
[212a.2]ཅི་ལ་ཕན་ཞེ་ན། འདི་ནི་#ཕལ་ཆེར་ནད་པ་མཁོའོ་ཞེས་པ་ཡིན་ཏེ་ནད་པ་ལ་ཕལ་ཆེར་དགོས་པའོ། །སོས་ནས་འདི་དག་ནད་པའི་ཕྱིར་སློང་ན་སྦྱིན་ཞེས་པ་དང་། མེད་ན་བྲང་དུའོ་ཞེས་པ་དང་གདུས་པ་དང་བསྐུ་བ་ཡང་ངོ་ཞེས་པ་ནི་བདག་པོས་#ན་འདི་དག་ནད་པས་བྱིན་པའམ་སྨན་ཁང་དུ་སྦ་བ་དང་
[212a.3]གདུས་ཤིང་བསྐུ་བའི་སྨན་ཀྱང་དེ་བཞིན་དུ་གྱིས་ཤིག་པའོ། །བདུན་པའི་སྨན་དེ་ལྟར་བསྟན་ནས་ནམ་འཚོ་བའི་སྨན་སྟོན་པ་ནི། རྩ་བ་སྡོང་བུ་འདབ་མ་མེ་ཏོག་འབྲས་བུ་ཟས་ཀྱི་གོ་མི་ཆོད་པ་ནི་ནམ་#འཚོའི་འོ་ཞེས་པ་ཡིན་ཏེ་མིང་གིས་སྨོས་པ་འདི་དག་ནམ་འཚོ་བའི་སྨན་ཡིན་པར་སྟོན་པའོ། །དེ་ནི་
[212a.4]འདི་ལྟ་སྟེ་མུ་ལྟ། ཤུ་དག ། སྐྱེར་རྩ། སྒེའུ་གཤེར། བོང་ང་རྣམས་#ཞེས་པ་ནི་མིང་གིས་སྨོས་པ་འདི་དག་རྩ་བའི་སྨན་ཡིན་པར་སྟོན་པ་དང་། ཙན་དན། ཚ་#བྱི་ཀ ། ཤུག་པ། གུ་རུ་ཚི། ཐང་ཤིང་། སྐྱེར་པ་རྣམས་ཞེས་པ་ནི་སྡོང་བུའི་སྨན་ཡིན་པར་སྟོན་པའོ། །བ་ཤ་ཀ ། ཀོ་ཤ་ཀ་ཏི། པ་ཏོལ་
[212a.5]ནིམ་པ། འདབ་མ་བདུན་པའི་སྨན་དང་ཞེས་པ་ནི་འདབ་མའི་སྨན་ཡིན་པར་སྟོན་པའོ། །བ་ཤ་ཀ་མའི་མ། བ་#དྭ་ཏ་ཀི ། ན་ག་པད་མའི་ཟེ་བ་རྣམས་ཀྱི་མེ་ཏོག་དང་ཞེས་པ་ནི་མེ་ཏོག་གི་སྨན་ཡིན་པར་སྟོན་པའོ། །ཨ་རུ་ར། སྐྱུ་རུ་ར། བ་རུ་ར། ན་ལེ་ཤམ#། པི་པི་ལིང་རྣམས་སོ་ཞེས་པ་ནི་འབྲས་བུའི་
[212a.6]སྨན་ཡིན་པར་སྟོན་པའོ། །ཤིང་ཀུའོ་ཞེས་པ་དང་། དེ་འདི་ལྟ་སྟེ་ཤིང་ཀུན། སརྫ་#ར་ས། རྒྱ་སྐྱེགས། སྤྲ་ཚིལ། ལྟ་པ་ཀ་ར་རྣམས་སོ་ཞེས་པ་ནི་ཤིང་ཁུ་ཡང་ཚེ་གཅིག་གི་སྨན་ཡིན་པ་དང་། ཤིང་ཁུར་གཏོགས་པ་གང་ཡིན་པ་རྣམས་སྟོན་པའོ། །#ལྟ་པ་ག་ར་པ་ཞེས་བྱ་བ་ནི་གོང་དུ་སྨོས་པ་ལ་མ་
[212a.7]གཏོགས་པའི་ཤིང་ཁུ་སྤྱིའི་མིང་ངོ་། །ཐལ་བའོ་ཞེས་པ་དང་། དེ་ནི་འདི་ལྟ་སྟེ། ཏིལ་པ་ལ་ཤ། སྭ་རྫིཀ་ནས་ག་མ། བ་#ཤ་ཀ ། ཏལ་པ་#ལ་རྣམས་སོ་ཞེས་པ་ནི་མིང་གིས་སྨོས་པ་རྣམས་ཀྱི་ཐལ་བ་ཡང་ཚེ་གཅིག་གི་སྨན་ཡིན་པའོ། །ཚ་#བོ་ཞེས་པ་དང་། དེ་ནི་འདི་ལྟ་སྟེ་ཙེ་ཚ་#ལན་ཚྭ། ཚྭ་ནག་
[212b]
[212b.1]རྒྱ་མཚོའི་ཚ་#རོ་མ་ཁ་རྣམས་སོ་ཞེས་པ་ནི་མིང་གིས་སྨོས་པའི་ཚ་#འདི་རྣམས་ཀྱང་ཚེ་གཅིག་གི་སྨན་དུ་གཏོགས་པའོ། །གདུས་པའོ་ཞེས་པ་དང་། དེ་ནི་འདི་ལྟ་སྟེ་ཨམླ། ནིམ་པ#། ཀོ་ཤམ་པ། ཤྲི་ཤ། འཛམ་བུ་རྣམས་སོ་ཞེས་པ་ནི་མིང་གིས་སྨོས་པ་འདི་རྣམས་ཀྱིས་གདུས་པ་ཡང་ཚེ་གཅིག་གི་
[212b.2]སྨན་དུ་གཏོགས་པའོ། །འདོད་ཕྱིར་དུ་སྦྱིན་ཞེས་པ་ནི་གདུས་པའི་སྨན་དེ་ཅོག་དྲོད་ཀྱིས་ཟུང་#ཤིག་པའོ། །བཀྲུས་ནས་བསྟེན་ཞེས་#པ་ནི་ཁྲུས་བྱས་པའི་འོག་ཏུ་ཡང་#གདུས་པའི་སྨན་གྱིས་སྣོན་#ཅིག་པའོ། །མ་མཉེས་པར་ལན་ཅིག་བཀྲུ་ཞེས་པ་ནི་ལུས་མ་མཉེས་པའི་སྔ་རོལ་དུ་གདུས་པའི་སྨན་འདིས་
[212b.3]རེས་གཅིག་#ཤོལ་ཤིག་པའོ། །བསྔ་བའི་དཔྱད་ནི་དེ་ལྟ་བུའོ་ཞེས་པ་ནི་བསྔ་བའི་དཔྱད་གོང་དུ་སྨོས་པ་དེ་རྣམས་ལྟ་བུ་ཡིན་པར་སྟོན་པའོ། །ཟས་ངན་སྨན་དུ་བསྡུ་#བར་མི་གཏོགས་པ་མ་ཡིན་ཞེས་པ་ནི་ཟས་ངན་པ་ཡང་སྨན་དུ་བསྡུ་བར་སྟོན་པའོ། །འདི་ནི་ནམ་འཚོ་བའིའོ་#ཞེས་པ་ནི་#གོང་དུ་
[212b.4]སྨོས་ཏེ་ཡང་ཚེ་གཅིག་གི་སྨན་ཡིན་པའོ། །ཟས་ངན་པ་དེ་ཡང་གང་ཞེ་ན། བེའུ་ཞོས་ཆོག་པའི་བཤང་གཅི་ནི་དེའོ་ཞེས་པ་ནི་བེའུ་ཞོ་#ལས་གཞན་མི་བཏུང་བའི་བཤང་གཅི་ཟས་ངན་གྱི་སྨན་ཡིན་པ་དང་། དེ་དུག་#ལ་ཕན་པར་སྟོན་པའོ། །ཐལ་བ་ཡང་ངོ་ཞེས་པ་དང་། ཁ་ན་ཚ་
[212b.5]ན་དང་ཀ་ཕྱི་ཏ་ལ་དང་ཨ་ཤྭཏྠ་#དང་ཨུ་དུམ་བཱ་#ར་དང་། ནྱ་གྲོ་དྷ་#རྣམས་ཀྱིའོ་ཞེས་པ་དང་། དེ་ཞེས་པ་ནི་ཐལ་བ་ཡང་དུག་གི་སྨན་ཡིན་ཞིང་། ཤིང་གང་གང་གི་ཐལ་བ་ཡིན་པ་རྣམས་མིང་གིས་སྨོས་པའོ། །སོར་བཞིའི་འོག་ནས་བླངས་པའི་ས་བཟང་ཞེས་པ་ནིས་འདི་ལྟ་བུ་ཡང་དུག་
[212b.6]ལ་ཕན་པར་སྟོན་པའོ། །འདི་དད་པའི་དགེ་བསྙེན་ལས་བླང་ཞེས་པ་དང་། དེ་ལས་བྱིན་ལེན་བྱ་ཞེས་པ་དང་། དེས་བླང་ཞེས་པ་ནི་ཟས་ངན་པའི་སྨན་དེ་དག་དད་པའི་དགེ་བསྙེན་ལེན་དུ་གཞུག་ཅིང་དེ་ལས་བྱིན་ལེན་བྱའོ། །ཤ་རྗེན་གྱི་རྩི་ཡང་ངོ་ཞེས་པ་དང་། ཐམས་ཅད་ཤ་འཚོང་བ་
[212b.7]ལས་བླང་ཞེས་པ་དང་། འདི་བྱ་ཞེས་པ་རྣམས་ནི་ཤ་རྗེན་པ་དགེ་བསྙེན་ལེན་དུ་གཞུག་རྗེན་ཆོས་ཀུན་ཀྱང་ཤན་པ་#ལས་བླང་བ་དང་འདི་དག་གིས་#སྨན་གྱིས་ཤིག་པའོ། །དུས་མ་ཡིན་པར་ནས་ཀྱི་སྨན་དགོས་ན་དེའི་ཕྱིར་བ་ལང་རྒས་པའི་བཤང་བའི་ནས་ཀྱིས་བྱའི་གཞན་མི་
[213a]
[213a.1]བཟའ་ཞེས་པ་ནི་དུས་མ་ཡིན་པར་ནས་ཀྱི་སྨན་དགོས་ལ་དེས་བཤངས་པའི་ནས་ཀྱིས་སློན་#པ་ཙམ་གྱི་ཚོད་ན་གཞན་གྱིས་མ་བྱེད་ཅིག་པའོ། །གལ་ཏེ་སྐྱོ་མ་ནི་ཚགས་ཀྱིས་#བཙགས་པ་ལས་གཞན་མ་ཡིན་ཞེས་པ་ནི་དུས་མ་ཡིན་པ་སྐྱོ་མའི་སྨན་དགོས་ལ་
[213a.2]ཚགས་ཀྱིས་#བཙགས་པ་ཙམ་གྱིས་སློན་ན་སྐྱོ་མ་གཞན་མ་བྱེད་ཅིག་པའོ། །གལ་ཏེ་ཤ་རྩིན་ཀོ་ཀས་བཤངས་པ་ལས་གཞན་མ་ཡིན་ཞེས་#པ་ནི་གལ་ཏེ་དུས་མ་ཡིན་པར་ཤ་དགོས་ལ་དྲོ་མོའི་སྟོ་#ནས་ཁམ་ཚད་དུ་#བྱུང་བས་སློན་ནས་#ཐ་མལ་པ་གཞན་གྱིས་མ་བྱེད་ཅིག་པའོ། །
[213a.3]གལ་ཏེ་ཁུ་བ་ནས་ཚགས་ཀྱིས་བཙགས་པས་ལས་གཞན་མ་ཡིན་ཞེས་པ་ནི་དུས་མ་ཡིན་པར་ཁུ་བའི་སྨན་དགོས་ལ་བཙགས་པའི་དངས་མས་སློན་པ་ཙམ་གྱི་ཚོད་ན་གཞན་མ་བྱེད་ཅིག་པའོ། །གཞན་དང་འདྲེས་པ་ནི་དེ་སྤྱོད་དུ་ཡོད་ནའོ་ཞེས་པ་ནི་ཐུན་གྱི་སྨན་དང་དུས་ཀྱི་སྨན་ལྟ་བུར་འདྲེས་ལ།
[213a.4]དུས་ཀྱི་སྨན་མངོན་པར་ཡོད་ལ་ཟོས་ན་དུས་ཀྱི་#སྨན་ཟོས་པའི་ཉེས་པར་འགྱུར་བའོ། །དེ་ལྟ་བས་ན་དེ་དང་འདྲེས་པའོ་#ཚིག་སྔ་མ་#འཇུག་ཅེས་པ་ནི་#གོང་མ་ལྟ་བས་ན་དུས་དང་ཐུན་གྱིས་འདྲེས་ན་ཐུན་གྱི་ཚེ་སྤྱད་པ་དང་། ཐུན་གྱི་དང་བདུན་པར་བསྲེས་ན་ཡང་ཐུན་གྱི་ཚེ་སྤྱད་པ་དང་། བདུན་
[213a.5]པ་དང་ཚེ་གཅིག་པར་འདྲེས་ན་ཡང་བདུན་པར་སྤྱོད་ཅིག་པའོ། །བགོ་གཞན་དུ་མ་གྱུར་སྔོན་གྱི་#སོ་ལས་མ་ཡིན་ཞེས་པ་ནི་དུས་ཀྱི་དང་ཐུན་གྱི་ལ་སོགས་པར་འདྲེས་ལ་དེ་དག་གི་ནད་དབྱར་#ཡོད་ཅིང་སོ་སོའི་ངོ་བོར་མངོན་ན་མ་འདྲེས་པའི་སོ་ན་འདུན་པ་བཞིན་པར་སྟོན་པའོ། །དེ་ལྟ་བས་ན་གཞན་ལས་
[213a.6]ཕྱེ་བ་ནི་ཉིད་ཀྱི་ཆོ་གར་མི་འགྱུར་བ་མ་ཡིན་ཞེས་པ་ནི་གོང་མ་ལྟ་བས་སོ་སོར་ཕྱེ་བ་རྣམས་སོ་སོ་གང་གིས་#བྱིན་གྱིས་བརླབས་#པ་བཞིན་དུ་མི་རུང་བ་མེད་པའོ། །ཕྱེའམ་#འབྲས་བུ་འདྲེས་པར་གྱུར་པ་ནི་སྒྲོན་བུར་བཀྲུར་ཡོད་ན་འདིར་བུ་རམ་ཉིད་ཀྱི་གྲངས་སོ་ཞེས་པ་ནི་བུ་རམ་ཕྱེའམ་#འབྲས་བུ་འདྲེས་པ་
[213a.7]སོ་སོར་ཕྱེར་ཟིན་གྱིས་ཀྱང་ཉིད་ཀྱི་དངོས་པོ་སྒྲོན་བུར་ཡོད་ན་བུ་རམ་ཉིད་ཀྱིས་#དངོས་སུ་འགྲོ་བའོ། །འདིར་བུ་རམ་གྱི་ལྷད་ནི་བུ་རམ་དུ་བསྒྲུབ་པོ་ཞེས་པ་ནི་དང་པོ་བུ་རམ་དུ་བསོར་བའི་ཕྲད་བག་ཕྱེ་ལ་སོགས་པ་དེའི་ནང་ན་ཡོད་དུ་ཟིན་ཀྱང་བུ་རམ་ཉིད་ཡིན་པར་སྟོན་པའོ། །བྱིན་གྱིས་བརླབས་ན་བཞག་
[213b]
[213b.1]པར་མི་འགྱུར་ཞེས་པ་ནི་ཐུན་གྱི་#ལ་སོགས་པར་བྱིན་གྱིས་བརླབས་#ན་བཞག་པའི་ཉེས་པར་མི་འགྱུར་བའོ། །ནད་པའི་ཕྱིར་སྤྱད་པ་ཉིད་ཀྱི་#དུས་ཀྱི་བར་དུ་བྱིན་གྱིས་བརླབ་ཅེས་པ་ནི་བྱིན་གྱིས་བརླབ་#པ་ཡང་#ནད་པའི་ཆེད་དུ་ཐུན་ཏམ་བདུན་པའི་ལ་སོགས་པ་སོ་སོར་གར་དགོས་པའི་རུས་བཞིན་དུ་བྱིན་གྱིས་རློབས་
[213b.2]ཤིག་པའོ། །སྔ་དྲོ་ཞེས་པ་དང་། བྱིན་ལེན་བྱས་ལ་#ཞེས་པ་ནི་བྱིན་གྱིས་བརླབས་པ་ཡང་བྱིན་ལེན་བྱས་ལ་སྔ་དྲོ་བྱིན་གྱིས་རློབས་ཤིག་པའོ། །བྱིན་ལེན་མ་བྱས་ཤིང་བཞག་པ་དང་#མི་འགལ་བར་བསྲུང་ཞེས་པ་ནི་བྱིན་གྱིས་བརླབས་པ་#དེ་བྱིན་ལེན་མ་བྱས་པ་དང་། བཞག་པ་ལ་སོགས་པ་དང་། མི་འབག་
[213b.3]པར་རིམ་གྲོ་གྱིས་ཤིག་པའོ། །དེ་ལྟ་བས་ན་ལག་བཀྲུས་ཏེའོ་ཞེས་པ་ནི་#གོང་མ་ལྟར་རིམ་གྲོ་བྱ་དགོས་པས་ན་དང་བྱིན་ལེན་བྱེད་པའི་ཚེ་ན་ཡང་ཁ་ལག་ཁྲུས་ཤིག་པའོ། །ཐུག་#ཐུབ་ཏུ་བླངས་པ་བཞག་པ་བྱིན་ལེན་མ་བྱས་པ། ནད་དུ་ལུས་པ་བཙོས་པ། དགེ་སློང་གིས་བཙོས་པ་རྣམས་ལ་བྱིན་གྱིས་
[213b.4]བརླབ་#པ་མི་བྱ་སྟེ་ཞེས་པ་ནི་མིང་གིས་སྨོས་པ་འདི་རྣམས་ལ་བྱིན་གྱིས་བརླབས་སུ་ཟིན་ཀྱང་བྱིན་གྱིས་རློབ་#པར་མི་འགྱུར་རོ། །མདངས་གྱུར་ན་བཞག་པའོ་ཞེས་པ་ནི་ཐུན་གྱི་#སྨན་ལ་སོགས་པ་བྱིན་གྱིས་བརླབས་པ་ལས་རོ་དང་ཁ་དོག་གྱུར་པ་སྤྱད་ན་བཞག་བཟོས་པའི་ཉེས་པར་འགྱུར་བའོ། །བྱིན་
[213b.5]གྱིས་བརླབས་#པ་འོག་མ་དང་འདྲེས་པ་མི་བཟའ་ཞེས་པ་ནི་ཐུན་གྱི་#དང་དུས་ཀྱིར་འདྲེས་ན་དུས་ཀྱིར་བཟའ་བ་དང་བདུན་པ་དང་ཐུན་གྱིར་འདྲེས་#ན་ཐུན་གྱིར་མ་ཟ་#ཤིག་པ་ལྟ་བུའོ། །སྨན་གྱི་རིམ་པ་ནི་དཔེར་ཟད་ཞེས་པ་ནི་དུས་དང་ཐུན་#བདུན་པ་དང་ཚེ་གཅིག་པའི་རིམ་པ་བཞི་བསྟན་པ་ནི་གླེང་གཞི་ཙམ་
[213b.6]དུ་ཟད་ཀྱི་ཆོ་ག་གཞན་ཡང་ཡོད་པར་སྟོན་པའོ། །མིག་རྩ་བྱ་ཞེས་པ་དང་། སྨན་གྱི་ཆེད་མ་ཡིན་པར་མ་ཡིན་ཞེས་པ་ནི་མིག་བསྐུ་བ་སྨན་གྱི་ཆེད་མ་ཡིན་པར་མ་ཉུག་ཤིག་པའོ། །འདིའི་སྣོད་ནི་རྐྱེན་དུའོ་ཞེས་པ་དང་། ཁུ་བའི་མིག་རྩི་ནི་ཟ་མ་ཏོག་#དུའོ་ཞེས་པ་དང་། རི་ལུའི་མིག་རྩི་ནི་སྒྱེའུར་#རོ། །
[213b.7]མེ་ཏོག་ཤུན་པ་ཕྱེ་མའི་མིག་རྩི་#རྣམས་ནི་དོང་བུར་རོ་ཞེས་པ་ནི་འདིའི་སྣོད་#མིང་གིས་སྨོས་པ་འདི་དག་བཞིན་དུ་གྱིས་ཤིག་པའོ། །ཐུར་མ་བཅང་ཞེས་པ་དང་། ཟངས་དང་ལྕགས་ཀྱི་དགེ་ཞེས་པ་དང་། སྦྲང་#བུ་ལས་སོ་ཞེས་པ་ནི་མིག་རྩི་བྱུག་པའི་ཆ་སྤྱད་ཟངས་སམ་ལྕགས་ཀྱི་ཐུར་མ་གྱིས་
[214a]
[214a.1]ཤིག་པའོ། །ནད་པས་སྨན་བཞག་པའི་སྣོད་ཁ་མངས་བཅང་ཞེས་པ་དང་། མེད་ན་བཅེར་བའམ་ཐུམ་#པོར་བྱས་ཏེ་སྦ་ཞེས་པ་སྨན་བཞག་པའི་ཁ་མངས་ཁ་གབ་ཆན་#གྱིས་ཤིག་པ་དང་#། དེར་མི་ཤོང་ངམ་དེ་མེད་ན་སྒྱེའུ་ཤར་བུར་བྱས་པ་བཅེར་#བའམ་ཐུམ་པོར་གྱིས་ཤིག་པའོ། །
[214a.2]སྦས་པ་དེ་མི་བརླན་པར་དུས་དུས་སུ་བསྲད་ཅེས་པ་དང་། གྲིབ་དར་ལའོ་ཞེས་པ་དང་། དྲགས་#ན་མཐུ་འབྲི་ཞེས་པ་ནི་འདི་དག་གི་སྐམ་བསྲད་ཉི་མ་ལ་བྱས་ན་མཐུ་འབྲི་བའི་ཕྱིར་གྲིབ་དར་ལ་#གྱིས་ཤིག་པའོ། །མ་རུང་བར་འགྱུར་བ་ཙམ་#གྱི་ཚོད་ན་ཉིད་ཀྱིས་བརྟུལ་ཞེས་པ་དང་། བསྙེན་
[214a.3]པར་མ་རྫོགས་པ་ནའོ་ཞེས་པ་ནི་སྐམ་བསྲད་དུ་བཏིང་#བ་ལས་ཆར་པ་ལ་སོགས་པ་འོང་ལ་བསྙེན་པར་མ་རྫོགས་པ་མེད་ན་ཉིད་ཀྱིས་ལག་དར་ཏེ་ལོང་ཤིག་པའོ། །སྨན་ཕོར་བཅང་ཞེས་པ་དང་། སྨན་གཟར་ཡང་ངོ་ཞེས་པ་དང་། བརྣང་#ལ་འཕུལ་བའི་འཐུང་སྣོད་ཅེས་པ་རྣམས་ནི་ནད་
[214a.4]པས་སྨན་གྱི་#ཆ་སྤྱད་མིང་གིས་སྨོས་པ་འདི་དག་ལྟ་བུ་ཆོངས་ཤིག་པའོ། །ནད་པས་ལན་ཚྭ་#ཞེས་པ་དང་། འདིའི་ཚ་སྟེགས་རུ་སྦུབ་#དགེ་ཞེས་པ་དང་། ལྕི་བར་བཙོས་པའོ་ཞེས་པ་དང་། དེ་མིད་མིད་པས་ཉེས་པར་མི་འགྱུར་བའི་ཕྱིར་ཁ་གབ་བྱ་ཞེས་པ་དང་། དེ་ཉིད་ལས་
[214a.5]བྱས་པའོ་ཞེས་པ་ནི་ནད་པས་ཚྭ་བཅང་བའི་སྣོད་རྭ་ལྕི་བར་བཙོས་#པ་ལས་བྱ་བ་དང་ཁ་གབ་ཡང་རྭ་ཉིད་ལ་#བྱས་པ་ཆོངས་ཤིག་པའོ། །བསུང་#གིས་བསྒོས་པས་སོ་ཞེས་པ་དང་། ཆུ་བསྲི་#བའི་ཕྱིར་ལྕགས་ཀྱི་ཐུ་ལུམ་ཞེས་པ་དང་། ཐམས་ཅད་ལ་མཁོའོ་ཞེས་པ་དང་། དེ་དབྱུང་བའི་ཕྱིར་
[214a.6]ལྕགས་ཐག་གིས་གདགས་ཞེས་པ་དང་། བསྲེག་པའི་ཚེ་ལྕི་བ་བཅེར་བས་གནན་ཞེས་པ་དང་། ཟས་ཀྱིས་རེག་པ་སྲེག་ན་གནས་མེད་ཅེས་པ་དང་། རུང་བའི་ནི་དང་པོར་བསྲོ་ཞེས་པ་དང་། སྤྱད་པས་ནི་ཕྱིས་སོ་ཞེས་པ་ནད་པས་ནི་བསུང་ཅན་གྱི་འཇིམ་#པའི་གོང་བུ་བཅང་བ་དང་། ཆུ་བསྲོ་
[214a.7]བའི་ལྕགས་ཀྱི་#གོང་བུ་ཐབས་འདི་དག་ལྟར་བྱས་པ་#ཆོངས་ལ་རུང་བའི་ཆུ་ནི་སྔར་བསྲོ། །སྤྱད་པའི་ཆུ་ནི་ཕྱིས་བསྲོ་ཤིག་པའོ། །མས་གསོ་བ་བྱ་ཞེས་པ་དང་། གཞན་གྱིས་སློན་པར་ནུས་ལ་འདི་བྱས་ན་སྦོམ་པོའོ་ཞེས་པ་དང་། ཟངས་སམ་ཁར་སྦྲམ་གྱི་སྦུ་བུ་དགེ་ཞེས་པ་དང་། ལྕགས་
[214b]
[214b.1]ཀྱི་ནི་མ་ཡིན་ཞེས་པ་ནི་མས་བཏང་བའི་སྨན་བྱ་བ་དང་། དཔྱད་གཞན་གྱིས་འཚོ་བ་ཙམ་གྱི་ཚོད་ལ་འདི་བྱས་ན་སྦོམ་པོར་འགྱུར་བ་དང་། སྨན་དེ་བཏང་བའི་གཅེའུ་ལྕགས་ལས་མི་བྱའི། ཟངས་སམ་ཁར་བ་ལས་གྱིས་ཤིག་པའོ། །བཙོན་གྱིས་གསོ་བ་ཡང་དེ་བཞིན་ཞེས་པ་དང་། གཏར་
[214b.2]ཀ་གདབ་པ་ལས་གཞན་གདོང་ལ་མ་ཡིན་ཞེས་པ་ནི་གཞན་གྱིས་འཚོ་བ་ཙམ་གྱི་ཚོད་ལ་གཏར་ཀ་བྱས་ན་སྦོམ་པོར་འགྱུར་བ་དང་། གཏར་ཀ་མ་ཡིན་པ་གདོང་ལ་མ་འདེབས་ཤིག་པའོ། །གཞང་འབྲུམ་མི་བཅད་ཅེས་པ་དང་། མཚོན་ལས་གཞན་པས་ཀྱང་མ་ཡིན་ཞེས་པ་དང་། འདི་ནི་
[214b.3]སྨན་དང་སྔགས་ཀྱིས་གསོ་བའོ་ཞེས་པ་ནི་གཞང་འབྲུམ་སྨན་དང་སྔགས་ཀྱིས་གསོའོ། །སྔང་བ་གསོར་མི་གཞུག་དགེ་སློང་ལ་མ་དད་ཅིང་མི་བསྒྲུངས་#པ་སྨན་དང་གཏར་ཀ་བྱེད་དུ་མ་གཞུག་ཤིག་#པའོ། །གསོ་བའི་ཕྱིར་ནུབ་མོ་བཟའ་བ་མི་མཛེས་པ་མེད་ཅེས་པ་དང་། འདིར་བྱིན་ལེན་མ་
[214b.4]བྱས་པ་དང་བཞག་པ་མི་རུང་བར་མ་དོགས་ཤིག་ཅེས་པ་ནི་ནད་པ་ཕྱི་དྲོའི་ཟས་དང་མིང་གིས་སྨོས་པ་འདི་དག་#བྱས་ཀྱང་ཉེས་མེད་པའོ། །གསོ་བའི་ཕྱིར་ཁལ་བའི་དུ་བ་བཏང་ཞེས་པ་དང་། འདི་ནི་གཅེའུས་བསྒྲུབ་ཅེས་པ་དང་། ལྕགས་ལས་བྱ་ཞེས་པ་དང་། མི་རྣོ་མི་རྩུབ་པ་ལས་
[214b.5]སོར་བཅུ་གཉིས་ན་དགེ་ཞེས་པ་དང་། མར་རམ་བུ་རམ་#གྱིས་བྱུགས་ལ་སྣོད་དུ་གཞུག་ཅེས་པ་དང་། དེ་ནི་གླང་པོའམ་གོས་གདང་#ལ་གཟར་ཞེས་པ་དང་། བཀྲུ་བའི་ཕྱིར་མེར་གཞུག་ཅེས་པ་ནི་སྣར་ཁལ་པའི་དུ་བ་བཏང་བའི་གཅེའུ་ལྕགས་ལས་ཚད་འདི་ཙམ་དུ་གྱིས་ལ་སྦ་ཞིང་བཀྲུ་
[214b.6]བའི་ཐབས་འདི་དག་ལྟར་གྱིས་ཤིག་པའོ། །མཚུལ་བའི་ལས་བྱ་ཞེས་པ་དང་། འདི་ནི་སྣར་བླུགས་པས་འགྲུབ་ཞེས་པ་དང་། བཅུ་གཉིས་པ་ནི་སྣོད་#ན་དགེའོ་ཞེས་པ་དང་། འདི་བྱ་ཞེས་པ་ནི་སྨན་སྣར་བླུགས་#པའི་ཕྱིར་སྣོད་མི་རྣོ་བ་བཅུ་གཉིས་#གྱིས་ཤིག་པའོ། །ཤ་རྗེན་བ་
[214b.7]རྩིར་#བསྟེན་ཞེས་པ་དང་། དེ་ཟ་མི་ནུས་ན་ཐབས་ཀྱིས་#སོ་ཞེས་པ་དང་། མིག་ལེ་མས་དགབ་ཅེས་པ་དང་། མི་ཚོར་བར་བསུང་གིས་ཁ་བླང་#ཞེས་པ་དང་། ཡིད་དུ་འཐད་པའི་བཟའ་བཅའ་མདུན་དུ་བཞག་ལ་ཤན་མེད་པར་བྱས་ཏེ་དགྲོལ་ཞེས་པ་ནི་ཤ་རྗེན་རྩི་ལ་ཟ་མི་ནུས་ན་མིག་
[215a]
[215a.1]དགབ་པ་ལ་སོགས་པའི་ཐབས་འདི་ལྟར་གྱིས་ཤིག་པའོ། །འདི་ལས་གཞན་པའི་ཕྱིར་ན་སྦོམ་པོའོ་ཞེས་པ་ནི་སྨན་གྱི་ཆེད་མ་ཡིན་པར་སྔགས་པ་གཞན་གྱི་ཕྱིར་ཤ་ཆེན་ཟ་ན་སྦོམ་པོའོ། །མི་ཤ་ནི་ཐམས་ཅད་དུའོ་ཞེས་པ་ནི་ཤ་མིའི་ཤ་ནི་ན་བ་དང་། མི་ན་བ་
[215a.2]ལ་སོགས་པ་གང་གི་#ཕྱིར་ཟོས་ཀྱང་སྦོམ་པོར་འགྱུར་བའོ། །ཕྱིར་བྱས་པར་ཤེས་ན་མི་བཟའ་ཞེས་པ་ནི་ཁྱིམ་པས་བདག་གི་ཕྱིར་སྲོག་བཅད་དེ་ཤ་བྱིན་པར་འཕྲིགས་ན་མ་ཟ་ཤིག་པའོ། །སྟག་གི་གོད་པ་མ་ཡིན་#ཞེས་པ་ནི་སྟག་གི་ལྷག་མ་ལ་རེ་བ་ཡོད་པའི་ཕྱིར་དེའི་གོད་ཡིན་པར་ཤེས་
[215a.3]ན་མ་ཟ་ཤིག་པའོ། །གླང་པོ་རྟ་ཀླུ་མ་ཡིན་ཞེས་པ་ནི་མིང་གིས་སྨོས་པ་འདི་རྣམས་ཀྱི་ཤ་ཡང་མ་ཟ་ཤིག་པའོ། །སེན་མོ་གཅིག་པ། ཝ། སྤྲ། ཤིང་ཏེ། ཁྭ། # བྱ་རྒོད། བྱ་གར། ཁྱི། འོལ་བ། འུག་པ་གཞན་ཡང་རོ་ཟའི་བྱ། འབའ་ཀ། ཛ་#དུ་ཀ། ཨུ་པ་ལཱ་ཐཱ#། སྲིན་བུ་སྡིག་
[215a.4]སྦུར་རྣམས་ཀྱི་མ་ཡིན་ཞེས་པ་ནི་འདི་རྣམས་ཀྱི་ཤ་#མ་ཟ་ཤིག་པའོ། །བཀག་པ་མ་ཡིན་ནམ་ཞེས་སྦྱིན་པས་བྱེད་པ་ལ་དྲི་ཞེས་པ་དང་། དུ་མ་ན་དང་པོས་སོ་ཞེས་པ་དང་། དེས་མ་ཡིན་ན་འོག་མས་སོ་ཞེས་པ་ནི་ཤ་འབྲིམ་#པ་ལ་བདག་ཅག་#གིས་བཟར་མི་རུང་བའི་བག་མི་ཤ་ལ་
[215a.5]སོགས་པ་མ་ཡིན་ནམ་ཞེས་གྲལ་གྱི་དང་པོ་ན་འདུག་པའམ་འོག་མ་རྣམས་གང་ཡང་རུང་བས་དྲིས་ཤིག་པའོ། །བ་གླང་#དང་། མིའི་འོ་མ་མི་བཏུང་ཞེས་པ་ནི་འདི་དག་གི་འོ་མ་མ་འཐུང་ཤིག་པའོ། །མི་བཟའ་བས་བསགས་#པ་དང་། རྨ་བསྐུ་བ་དང་རྣར་བླུགས་#ཤིང་མིག་
[215a.6]སྐུད་པ་ནི་ཉེས་མེད་ཅེས་པ་ནི་བཟའ་བའི་མི་རིགས་#པ་གོང་དུ་སྨོས་པ་རྣམས་ཀྱིས་#འཕགས་པ་བསྐུ་བ་ལ་སོགས་པ་འདི་དག་ལྟར་བྱས་པ་ནི་ཉེས་མེད་པའོ། །ནད་པས་ཆང་མར་རམ་འབྲུ་མར་དང་བསྲེས་པ་འཐུང་ཞེས་པ་ནི་ནད་པས་ཆང་འདི་དང་བསྲེས་པ་ཙམ་འཐུང་བའོ། །ར་མི་རོ་ན་
[215a.7]ཉེས་མེད་ཅེས་པ་དང་། འདི་ནི་བསྐོལ་ན་འགྲུབ་ཅེས་པ་ནི་ཆང་མ་ཡིན་ནམ་ར་རོ་བར་མི་འགྱུར་ན་ནི་འཐུངས་ཀྱང་ཉེས་མེད་པ་དང་། དེ་ཡང་སྐོལ་#ན་ཆང་མ་ཡིན་པ་དང་། ར་མི་རོ་བར་སྟོན་པའོ། །འདིར་ཚིགས་མས་བཏབ་ལ་#ས་རུམ་དུ་བཅུག་ཚར་འགྱུར་ཞེས་པ་ནི། ཚར་#བྱ་
[215b]
[215b.1]བའི་དཔྱད་འདི་ལྟར་གྱིས་ཤིག་པའོ། །རྒུན་ཆང་ནི་བསྐོལ་ན་ར་རོ་བར་མི་འགྱུར་རོ་ཞེས་པ་ནི། འདི་ལྟར་བྱས་ན་ར་རོ་བར་མི་འགྱུར་བ་སྟེ་དངོས་སུ་ནི་དྲོ་བ་ཇ་ཡིན་པའོ། །སོ་སོར་མ་ཕྱེ་ན་ཡོད་པ་མ་ཡིན་ཞེས་པ་ནི་ཏིལ་དང་ཏིལ་མར་ལྟ་བུ་སོ་སོར་མ་ཕྱེ་ན་མར་ཡོད་པ་ཉིད་དུ་མི་བསྒྲུབ་
[215b.2]པའོ། །དེ་ལྟ་བས་ན་ཏིལ་བྱིན་ལེན་བྱས་པས་ཏིལ་མར་ཡང་བྱིན་ལེན་བྱས་པར་མི་འགྱུར་བའོ། །#བག་ཆགས་པར་གྱུར་ན་ཡོད་པའོ་ཞེས་པ་ནི་ཆང་ངམ་རྗེན་ཤ་མི་རུང་བ་ལ་སོགས་པ་དང་འབགས་ན་འབགས་པ་ཙམ་ཡང་དངོས་སུ་ཡོད་པ་དང་#འདྲ་བར་སྟོན་པའོ། །དངོས་སུ་ནི་རུང་བའི་ནང་དུ་
[215b.3]བཙོས་པའི་ཆ་སྤྱད་ལྟ་བུ། ཆང་གི་དྲིས་ཁ་བླངས་#པའི་སྡོང་བུ་འདབ་མ་མེ་ཏོག ། འབྲས་བུའི་སྨན་སྐམ་པོ། ཕྱེ་མར་བྱས་པའི་ཆུ། ཆང་དད་སེལ་བར་འཐུང་ཞེས་པ་དང་། ཆང་ཡོད་པའི་སྣོད་དུ་འདི་སྦྱང་ཞིང་ཁ་བླང་#ཞེས་པ་དང་། དེ་ལྟ་བས་ན་སྦོ་བ་མེད་ཅིང་འགྲིབས་ནས་མ་རེག་པར་བསྲུང་
[215b.4]ཞེས་པ་ནི་ཆང་དད་ཆེ་ན་རྩ་བ་ལ་སོགས་པའི་ཕྱེ་མའི་ཐུམ་པོར་བྱས་ལ་ཆང་གི་སྣོད་སྦོ་བ་མེད་ཅིང་འགྲིབས་པའི་ནང་དུ་ཆང་ཉིད་ལ་མ་རེག་པར་དྲིས་ཁ་བླངས་#པའི་ཆུ་འཐུངས་ཤིག་པའོ། །དུས་མ་ཡིན་པའི་སྐོམ་#དང་ཟས་རོ་ཡལ་བར་འགྱུར་བ་ཡང་དེ་བཞིན་ཞེས་པ་ནི་དུས་མ་ཡིན་པའི་སྐོམ་རོ་འགྱུར་
[215b.5]བའི་ཟས་གཞན་དང་མི་འདྲ་#བ་ལ་སོགས་པ་བསྲུང་བའི་རིམ་གྲོ་གོང་མ་བཞིན་དུ་གྱིས་ཤིག་པའོ། །གཙང་སྦྲ་བྱས་ན་དགེ་ཞེས་པ་དང་། དེ་ལྟ་བས་#རས་ཁེའུ་གཙང་མས་བཅག་ཅེས་པ་ནི་རྩ་བ་ལ་སོགས་པ་ཆང་གིས་ཁས་#བླང་བ་དེ་ཡང་ཐབས་འདི་ལྟར་གཙང་སྦྲ་གྱིས་ཤིག་པའོ། །ནད་
[215b.6]པ་ལ་ཆང་རྩྭ་མཆོག་གིས་ཀྱང་མི་བཏུང་ཞེས་པ་དང་། དགེ་བསྙེན་ཡན་ཆད་ཀྱིས་ཀུན་ལ་མི་སྦྱིན་ཞེས་པ་ནི་ནད་པས་ཀྱང་ཆང་འདི་ཙམ་གྱི་ཚོད་ཀྱང་མི་འཐུང་བ་དང་། དགེ་བསྙེན་ཡན་ཆད་ཀྱིས་#ཆང་སུ་ལ་ཡང་མ་སྦྱིན་ཅིག་པའོ། །རང་བཞིན་གྱི་ཁ་ན་མ་ཐོབ་ཡིན་ན་གསོལ་བའི་ཆེད་མ་གཏོགས་
[215b.7]པར་ཐམས་ཅད་དུའང་ལྷག་མའོ་ཞེས་པ་ནི་བཅས་པའི་ཁ་ན་མ་ཐོ་བའོ་ཅོག་གསོལ་བའི་ཆེད་མ་གཏོགས་ཞེས་ཀུན་ཀྱང་ཚིག་གི་འཕྲོ་ལས་པ་ཤ་དག་ཏུ་སྟོན་པའོ། །སྒོག་སྐྱ་བཙོང་རྒྱ་སྒོག་རྣམས་མི་བཟའ་ཞེས་པ་ནི་མིང་གིས་སྨོས་པ་#འདི་རྣམས་མ་ཟ་ཤིག་པའོ། །ཐམས་ཅད་ཀྱིས་#ཡེ་
[216a]
[216a.1]བཟར་མི་རུང་ངམ་ཞེ་ན། ནད་པས་ནི་དབེན་པར་རོ། །ཟོས་ཟིན་པའི་འོག་ཏུ་སྒོག་སྐྱ་ནི་ཞག་#བདུན། བཙོང་ནི་ཞག་གསུམ། རྒྱ་སྒོག་ནི་ཞག་གཅིག་ལས་ལྷག་པར་གཙུག་ལག་ཁང་དུ་མི་སྤྱད་ཅེས་པ་ཡིན་ཏེ། ནད་པའི་ཕྱིར་དབེན་པར་ཟོས་ནས་ཟོས་ཟིན་པའི་འོག་ཏུ་བཅང་#
[216a.2]བའི་ཞག་གྲངས་འདི་དག་ལྟར་གྱིས་ཤིག་པའོ། །མལ་སྟན་མ་ཡིན་ཞེས་པ་དང་། གཅི་བའི་སར་མ་ཡིན་ཞེས་པ་དང་། བཤང་ཁུང་#དུ་མ་ཡིན་ཞེས་པ་དང་། དགེ་འདུན་གྱི་དབུས་སུ་མི་འཇུག་ཅེས་པ་དང་། མཆོད་རྟེན་གྱི་ཉེ་#འཁོར་དུ་མ་ཡིན་ཞེས་པ་དང་། འདི་ནི་འདོམ་གང་གི་#
[216a.3]ཚད་དོ་ཞེས་པ་དང་། ཁྱིམ་པ་ལ་ཆོས་མི་བཤད་ཅེས་པ་དང་། ཁྱིམ་དུ་མི་འགྲོ་ཞེས་པ་དང་། སྐྱེ་བོས་གང་བའི་ཕྱོགས་སུ་མ་ཡིན་ཞེས་པ་དང་། མཇུག་ཏུ་བཀྲུ་ཞེས་པ་ནི་སྒོག་པ་ཟོས་པའི་ཚེ་མལ་སྟན་མི་སྤྱད་པ་ལ་སོགས་པ་འདི་ལྟར་མ་བྱེད་ཅིག་པ་དང་། བཅད་པའི་ཞག་གྲངས་
[216a.4]ཚང་བའི་མཇུག་དུ་ཡང་ཁྲུས་ཀྱིས་ཤིག་པའོ། །གོས་ལ་#དྲི་ཡོད་པ་བསྩལ་#ཞེས་པ་དང་། བཀྲུ་ཞིང་འདུག་པ་གཉི་ག་ཞེས་པ་ནི་གོས་ལ་སྒོག་པའི་དྲིས་#རེག་ན་བཀྲུ་བ་དང་ཕོག་ལྟ་བུ་དྲི་ཞིམ་པོས་བདུག་#པ་གྱིས་ཤིག་པའོ། །རྫིང་གི་བར་དུ་མུ་གེ་ནའོ་ཞེས་པ་ནི་འོག་ནས་རྫིང་ཞེས་སྨོས་པ་ཡན་
[216a.5]ཆད་མུ་གེ་བྱུང་ན་གདོད་དེ་དག་ལྟར་འགྱུར་བར་བྱིན་གྱིས་བརླབས་ན་བཙོས་པ་དང་། གཞག་པ་ཕྱི་རོལ་བཞིན་ཞེས་པ་ནི་རུང་བའི་ཁང་པ་བྱིན་གྱིས་བརླབས་#ན་དགེ་སློང་ག་ལ་འདུག་པའི་གནས་ནས་འདོམ་གང་ཕན་ཆད་དུ་བཞག་ཅིང་བཙོས་པ་དང་འདྲེས་ཏེ་ཉེས་པ་མེད་པར་སྟོན་པའོ། །བྱིན་
[216a.6]གྱིས་བརླབ་ཅེས་པ་ནི་དེ་ལྟ་བས་རུང་བའི་ཁང་པ་ཆེད་དུ་བྱིན་གྱིས་རློབས་#ཤིག་པའོ། །ཤིང་དྲུང་གླང་པོ་བྲེས་མུ་སྟེགས་པའི་གནས་རྒྱལ་པོའི་ཕོ་བྲང་། དགེ་སློང་མའི་དབྱར་མོ་ཐང་གཙུག་ལག་ཁང་གི་དག་ར། སྒོ་ཁང་། ཁྱམས་བསྲོ་གང་། འདུན་#ཁང་རྣམས་སུ་མ་ཡིན་ཞེས་པ་ནི་རུང་བའི་ཁང་
[216a.7]པར་བྱིན་གྱིས་བརླབ་པ་ཡང་#མིང་གིས་སྨོས་པའི་གནས་འདི་རྣམས་སུ་མ་བྱེད་ཅིག་པའོ། །བླ་གབ་མེད་པ། མཆོད་རྟེན་གྱི་#དངོས་པོ། །ཁྱིམ་བདག་གི་དངོས་པོ་རྣམས་སུ་མ་ཡིན་ཞེས་ཁ་ཅིག་ཅེས་པ་ནི་སློབ་དཔོན་ཁ་ཅིག་ནི་མིང་གིས་སྨོས་པའི་གནས་འདི་རྣམས་སུ་བྱིན་གྱིས་བརླབ་ཏུ་མི་རུང་བར་སྟོན་
[216b]
[216b.1]པའོ། །འདི་དག་དུ་#གཡོས་མི་བྱ་ཞེས་པ་དང་། ཚོས་པར་བཙོས་པ་ཡང་མི་བྱ་ཞེས་པ་ནི་མིང་གིས་སྨོས་པའི་གནས་འདི་དག་དུ་#གཡོས་པ་དང་། མ་ཚོས་ཚོས་པར་བཙོས་པ་ཡང་མ་བྱེད་ཅིག་པའོ། །འདིར་དུས་ནི་བཞི་སྟེ་ཞེས་པ་དང་། དང་པོ་རྨང་འདྲེ་བ་བྲེས་ནས་ཀྱང་ལས་སར་པ་བྱེད་བཞིན་པ་
[216b.2]གཞན་གྱི་ཚེ་ཡང་དགེ་སློང་བཞི་ལ་འཁོད་བཞིན་པ་དེ་དག་འཐོན་ནས་དགེ་སློང་གནས་པ་ལྷགས་#པ་རྣམས་སོ་ཞེས་པ་ཡིན་ཏེ་རུང་བའི་ཁང་པར་བྱིན་གྱིས་བརླབ་པའི་དུས་རྣམ་པ་བཞི་ཡིན་པར་སྟོན་པའོ། །དེ་ལ་དང་པོ་རྨང་#འདྲེ་ཞེས་པ་ནི་དང་པོ་ཉིད་དུ་ཕ་གུ་ལ་སོགས་པ་འགོད་པ་དེ་དང་པོའོ། །བྲེས་
[216b.3]ནས་ཀྱང་ལས་སར་པ་བྱེད་བཞིན་ཞེས་པ་ནི་དང་པོ་རྨང་བྲེས་ནས་གཙུག་ལག་ཁང་བརྩིགས་མ་ཟིན་པའི་བར་དུ་སྟེ་གཉིས་པའོ། །གཞན་གྱི་ཚེ་ན་ཡང་དགེ་སློང་གཞི་ལ་འཁོད་བཞིན་ཞེས་པ་ནི་གཙུག་ལག་ཁང་བརྩིགས་ཟིན་པ་ན་ཡང་དགེ་སློང་གཞི་ལ་འཁོད་བཞིན་པ་སྟེ་གསུམ་པའོ། །དེ་དག་
[216b.4]འཐོན་#ནས་དགེ་སློང་གནས་པར་ལྷགས་ཞེས་པ་ནི་གཞི་ལ་འཁོད་པ་རྣམས་གུད་དུ་དོང་ནས། གུད་ནས་ཁ་ཅིག་གསར་དུ་ལྷགས་ཏེ་བཞིའོ། །གུད་ནས་ལྷགས་པའི་དྲོད་ཅིས་གཟུང་#ཞེ་ན། བྱ་བ་གཞན་བརྩམས་#པ་དང་། ངལ་བསོ་བ་ཚུན་ན་དེའོ་ཞེས་པ་ནི་ཆུ་བཙགས་པ་ལ་སོགས་པའི་བྱ་བ་
[216b.5]གཞན་དང་། ཆོས་གོས་དང་ལྷུང་བཟེད་གཞག་པའི་ངལ་བསོ་བ་ཡང་བྱས་ན་ལྷགས་པའོ། །ཐམས་ཅད་དུ་དགེ་འདུན་གྱི་ལས་ཀྱིས་སོ་ཞེས་པ་ནི་རུང་བའི་ཁང་པར་བྱིན་གྱིས་བརླབ་པའི་དུས་རྣམ་པ་བཞི་པོ་དེ་དག་ཀུན་ཀྱང་དགེ་འདུན་གྱི་ལས་ཀྱིས་བརླབ་དགོས་པར་སྟོན་པ་སྟེ། བཙུན་
[216b.6]པའི་དགེ་འདུན་གསོན་ཅིག ། གནས་འདི་ནི་ཕྱི་རོལ་ལམ་#འདོམ་གང་གི་ཉེ་སྤྱོད་དང་བཅས་ཤིང་རྣམ་པ་ཐམས་ཅད་དང་ལྡན་པ་སྟེ། དགེ་འདུན་ཐམས་ཅད་མཐུན་པའི་རུང་བའི་ཁང་པའོ་ཞེས་པ་ལ་སོགས་པའི་སྙད་ཀྱིས་བྱིན་གྱིས་བརླབ་པའོ། །དགེ་འདུན་མ་ཡིན་པ་གཞན་གྱིས་བྱར་ཡེ་
[216b.7]མི་རུང་ངམ་ཞེ་ན། །དང་པོ་གཉིས་ནི་གང་ཟག་གིས་ཀྱང་ཞེས་པ་ཡིན་ཏེ། རྨང་འདྲེ་བ་དང་བྲེས་ནས་ཀྱང་ལས་སར་པ་བྱེད་བཞིན་པ་གཉིས་ནི་གང་ཟག་གིས་ཀྱང་བྱར་རུང་བའོ། །གང་ཟག་གང་གིས་ཤེ་ན། ལས་སར་པ་#པས་སོ་ཞེས་པ་ཡིན་ནོ། །ལས་སར་པ་འབའ་ཞིག་གིས་སམ་
[217a]
[217a.1]ཞེ་ན། ཐོག་མ་ནི་གཅིག་གིས་ཀྱང་ཞེས་པ་ཡིན་ཏེ་ཐོག་མ་ནི་གཅིག་པོས་ཀྱང་རུང་། ཟླ་བ་འགའ་དང་སྟོང་ཀྱང་#རུང་བའོ། །ཇི་ལྟར་བྱིན་གྱིས་བརླབ་ཅེ་ན། སྨྲས་ཏེའོ་ཞེས་པ་ཡིན་ཏེ་སེམས་ཀྱིས་བསམ་པ་ཉི་ཚེའམ་ཁ་རོག་པས་མ་ཡིན་གྱི་དངོས་པོ་འདི་ནི་དགེ་འདུན་གྱི་རུང་
[217a.2]བའི་ཁང་པའོ་ཞེས་ཚིག་ཏུ་བརྗོད་ན་གདོད་བྱིན་#གྱིས་བརླབ་པར་འགྱུར་བའོ། །གཉིས་པ་ནི་དགེ་སློང་ཕལ་པོ་ཆེ་སོམས་ཤིག་པས་ནའོ་ཞེས་པ་ནི་དགེ་སློང་གཞི་ལ་འཁོད་བཞིན་པས་བྱིན་གྱིས་བརླབ་པ་ནི་ཚེ་དང་ལྡན་པ་དག་དངོས་པོ་འདི་དགེ་འདུན་གྱི་རུང་བའི་ཁང་པར་བྱིན་གྱིས་བརླབས་
[217a.3]ཀྱིས་དགོངས་ཤིག་ཅེས་སྙད་འདི་སྐད་དུ་བྱས་ལ་བྱིན་གྱིས་བརླབ་པའོ། །བཞི་པ་ནི་ཇི་སྙེད་པ་དེ་སྙེད་འདུས་ནས་#རུང་བའི་གནས་སོ་ཞེས་ཅིག་ཅར་དུ་བརྗོད་པ་བསྙད་ནའོ་ཞེས་པ་ནི་དགེ་སློང་གནས་པ་རྣམས་ཀྱིས་བྱིན་གྱིས་བརླབ་པའི་སྙད་འདི་སྐད་དུ་གྱིས་ལ་ཁ་བསྡམས་#ཏེ་བརྗོད་པར་སྟོན་
[217a.4]པའོ། །འདི་གཅིག་པས་གཙུག་ལག་ཁང་དུ་མའི་བྱ་བ་བྱེད་པ་ནི་མི་མཛེས་པ་མ་ཡིན་ཞེས་པ་ནི་རུང་བའི་ཁང་པ་གཅིག་ལ་གཙུག་ལག་ཁང་ཁ་དུ་མའི་རུང་བ་ལྟོས་ན་ཡང་མི་རུང་བ་མེད་པའོ། །དེ་ནི་ཐ་དད་དུ་རུང་བར་སྨྲས་པ་མ་ཡིན་ཞེས་པ་ནི་གོང་མ་ལྟར་རུང་བ་ཡང་གཙུག་ལག་
[217a.5]ཁང་ཁ་སོ་སོར་རུང་བ་རེ་རེ་ཐོབ་#པ་ནི་མ་ཡིན་གྱི་དེ་འབའ་ཞིག་ལ་ལྟོས་ན་རུང་བའི་གནས་སུ་འགྱུར་བའོ། །དགེ་སློང་གིས་བཙོས་#པ་དང་དགེ་སློང་ཐུག་#ཐུབ་དུ་བླངས་ནས་བྱིན་ལེན་བྱས་པ་བཟའ་ཞེས་པ་ནི་ལོ་ཉེས་ཀྱི་ཚེ་མིང་གིས་སྨོས་པ་འདི་#ལྟར་བྱས་ཀྱང་བླ་བའོ། །གཡར་སུས་
[217a.6]ཀྱང་ཞེས་པ་ནི་ལོ་ཉེས་ཀྱི་ཚེ་གཡར་སུས་ཀྱང་ཟར་དབང་བ་སྟེ་བཏང་ནས་བཟའ་བ་དང་། ཡང་ཡང་གི་ཟས་ཀྱང་ཟར་དབང་བར་སྟོན་པའོ། །ཐུག་པ་ནི་ནམ་ཡང་ཞེས་པ་ནི་ལོ་ལེགས་ཉེས་གང་གི་ཚེ་ན་ཡང་འཐུང་དུ་དབང་བ་སྟེ། གོང་མའི་ཉེས་པ་གཉིས་མེད་པར་སྟོན་པའོ། །སྔར་བླངས་པ་
[217a.7]བཏང་སྟེ་ལངས་པ་ཡང་ཞེས་པ་ནི་སྔར་བྱིན་ལེན་བྱས་ཏེ་བླངས་པ་ལས་མི་འདོད་པར་བྱས་ཏེ་བཏང་ནས་ལངས་པ་ལས་ཀྱང་སླར་ཟ་བ་ཡང་བཏང་བ་ཟོས་པའི་ཡང་#བར་མི་འགྱུར་བར་སྟོན་པའོ། །དེ་ལེན་པར་ལྡང་ཞེས་པ་ནི་ཟ་བར་འདུག་པ་ལས་མི་ལྡང་ཞེས་པ་འབྲེལ་#པའོ། །ལྷག་མ་
[217b]
[217b.1]ཞེས་པ་ནི་ཟོས་པའི་ལྷག་མ་ཡང་ཟར་དབང་བའོ། །མནོས་པ་ཞེས་པ་ནི་མི་འདོད་པར་བཏང་བ་ལས་གཞན་གྱིས་#མནོས་ཏེ་སྦྱིན་པ་ཡང་ཉེས་པ་#མེད་པའོ། །ཉིད་ཀྱིས་#སྐྱོས་མ་བསྐུར་#བའི་མི་#རིགས་པར་དོགས་#པ་སེལ་བ་ནི། དེའི་སྐྱོས་མ་ཞེས་པ་ཡིན་ཏེ་བདག་གི་སྐྱོས་མ་དང་ལྷག་མ་ཁྱེར་ཡང་བའོ#། །
[217b.2]ནགས་ཀྱི་རུས་#པ་རྣམས་ཀྱང་ཞེས་པ་དང་། དེར་སྨྲ་བ་ནི་འདི་ལྟ་སྟེ་རྒུན་སེའུ། ཁརྫུ་ར་སྟ་རྒ་ཐ་མ། བེ་འབྲུ་ཐང་ཤིང་ག་#འབྲུ་ནི་ཁོ་ཚ། བྷ་ཕྲུ་སིན་ཚི་ཀ་རྣམས་སོ་ཞེས་པ་ནི་ནགས་ཀྱི་རུས་པ་དང་འདྲ་བའི་རྣམས་མི་འདོད་པར་བཏང་བ་ལས་སླར་ཟས་དབང་བའོ། །རྫིང་གི་ཡང་ངོ་ཞེས་པ་དང་། དེར་
[217b.3]སྨ་བ་ནི་འདི་ལྟ་སྟེ། པང་མོའི་རྩ་བ་མཛེར་#བུ། ཨུཏྤ་ལའི་རྩ་བ་པད་མོའི་སྙིང་པོ་རྣམས་སོ་ཞེས་པ་ནི་རྫིང་ལས་འབྱུང་བ་འདི་རྣམས་བཏང་བ་ལས་སླར་ཟོས་ཀྱང་ཉེས་མེད་པའོ། །སྨན་གྱི་#དངོས་པོའོ།། །།སྨན་གྱི་དངོས་པོ་ཕྲན་ཚེགས་ལ་སོགས་པ་ལས་བྱུང་བ་བསྡུས་ཏེ་དེ་དང་འབྲེལ་པ་ཇེ་སྟོན་
[217b.4]པ་ནི། རྒྱལ་པོའམ། རྒྱལ་པོའི་ཕྱེད་མི་བླང་#ཞེས་པ་ཡིན་ཏེ་བཀྲེས་པ་དང་སྐོམ་པ་ནད་དུ་ཆེ་བའི་སྨན་ཟས་དང་སྐོམ་ཡིན་ཏེ། དེས་མི་བྲེལ་ཅིང་དེ་དག་སྐེ་བའི་གཞི་རྒྱལ་པོ་ལས་འབྱུང་བའི་ཕྱིར་#རྒྱལ་པོའམ་རྒྱལ་པོའི་ཕྱེད་#མི་བླང་ཞེས་སྨོས་པ་ཡིན་ནོ། །དགེ་འདུན་གྱི་ཕྱིར་ན་གྲོང་བླང་ཞེས་པ་
[217b.5]དང་། ཞིང་ཡང་ངོ་ཞེས་པ་ཡིན་ལ་#དེ་ཡལ་བར་མི་བྱ་ཞེས་པ་དང་། འདི་ཤེས་སུ་བཏང་ཞེས་པ་དང་། ཤས་བླང་ཞེས་པ་དང་། འདི་རྨེད་པས་གཙུག་ལག་ཁང་དུ་བསྐྱལ་ཞེས་པ་དང་། བདག་གི་བས་ཐོག་མར་རོ་ཞེས་པ་དང་བསྲུང་བའི་དགེ་སློང་བསྐོ་ཞེས་པ་རྣམས་ནི་དགེ་འདུན་གྱི་ཕྱིར་གྲོང་དང་
[217b.6]ཞིང་བླང་ཞིང་། ཞིང་ཡལ་བར་མི་འདོར་བའི་ཚུལ་འདི་དག་ལྟར་གྱིས་ཤིག་པའོ། །དེ་ལ་བདག་གི་#བས་ཐོག་མར་རོ་ཞེས་པ་ནི་ཐོས་#ཤས་ལེན་པའི་ཚེ་བདག་གི་སྒོ་བས་དགེ་འདུན་གྱི་ཐོག་མར་ལོང་ཤིག་པའོ། །མདུང་#འགོད་དམ་གཉི་གའམ་གང་ཡང་#རུང་མི་མངོན་ན་རྩིས་ལ་མི་དགུག་
[217b.7]ཅེས་པ་ནི་མདུང་འགོད་གཉི་གའམ་འགའ་ལས་ཇི་ལྟར་འབྱུང་བ་ལ་སོགས་པ་མི་མངོན་ན་རྩིས་ལ་མ་དགུག་#ཤིག་པ་སྟེ་ཀླུ་གཞོན་ནུ་དགེ་སློང་དུ་སྤྲུལ་ནས་དགེ་འདུན་གྱི་འཚོ་བ་ཡོ་བྱད་སྦྱར་བ་དྲུག་སྡེ་པོ་རྣམས་ཀྱིས་རྩིས་ལ་དགུག་ཅིང་གཙེས་པ་ལྟ་བུའོ། །གཞན་དུ་ན་དྲན་པ་དང་ཤེས་
[218a]
[218a.1]བཞིན་པ་མདུན་དུ་བྱས་ཏེ་འཇུག་ཅེས་པ་ནི་མདུང་འགོད་པ་ལ་སོགས་པ་བརྩིར་མངོན་པ་ཞིག་ན་ཇི་ནས་དྲན་པ་དང་། ཤེས་བཞིན་དུ་ཚས་ལ་རྩིས་བྱེད་པའི་སར་སོང་ཤིག་པའོ། །དགེ་འདུན་གྱི་ཕྱིར་གཡོག་བླང་ཞེས་པ་དང་། གཙུག་ལག་ཁང་དུ་སྒྲ་མི་གྲག་#པ་གང་ན་བ་དེར་རུང་
[218a.2]བར་བྱེད་པའི་ཁྱིམ་བརྩིགས་ཞེས་#པ་དང་། གལ་ཏེ་ལས་བྱེད་ན་ཟས་སྦྱིན་ཞེས་པ་ནི་གང་ཟག་སྒོ་གཅིག་གི་ཕྱིར་ནི་མ་ཡིན་གྱི། དགེ་འདུན་སྤྱིའི་ཕྱིར་བྲན་གཡོག་བླང་ཞིང་#དེ་དག་གི་ཁྱིམ་གཙུག་ལག་ཁང་དུ་སྒྲ་མི་གྲག་པར་བརྩིགས་#པ་དང་། དེ་དག་ལས་ལ་གཡོར་ན་འདོད་ཟས་བྱིན་#ཅིག་པ་
[218a.3]རྣམས་སུ་སྟོན་པའོ། །བ་གླང་ཆུ་གླང་ར་ལུག་གླང་པོ་རྟ་དང་#རྔ་མོ་བོང་བུ་འབྲུ་རྗེན་སྣོད་རྣམས་ཀྱང་ངོ་ཞེས་པ་ནི་མིང་གིས་སྨོས་པ་འདི་དག་ཀྱང་དགེ་འདུན་གྱི་ཕྱིར་ནི་ལོང་ཤིག་པའོ། །འདི་དག་#མཆོད་རྟེན་གྱིར་ཡང་མི་བ་མེད་ཅེས་པ་ནི་བྲན་གཡོག་ལ་སོགས་པ་གོང་དུ་སྨོས་པ་རྣམས་མཆོད་རྟེན་གྱི་
[218a.4]ཕྱིར་བླངས་ཀྱང་བླ་བའོ། །#ཁ་གཟར་བཅང་ཞེས་བ་དང་། ཚ་སྟེགས་ཀྱང་ངོ་ཞེས་པ་ནི་མིང་གིས་སྨོས་པ་འདི་དག་ཀྱང་ཆོངས་ཤིག་པའོ། །འདི་གཉིས་དང་བརྣང་བ་འཕུལ་བ་ལས་གཞན་པའི་ཁར་སྣོད་གང་ཟག་གིས་མ་བཅང་ཞེས་པ་ནི་གོང་དུ་སྨོས་པ་གཉིས་དང་། བརྣང་#བ་འཕུལ་
[218a.5]བའི་སྣོད་མ་གཏོགས་པར་ཁར་སྣོད་ཀྱི་བག་གང་ཟག་གིར་མ་འཆང་ཤིག་པའོ། །ཀུན་དགའ་བ་བཞག་ཅེས་པ་ནི་གང་ཟག་གིས་ཀྱང་གཡོག་ནི་ཆོངས་ཤིག་པའོ། །བྱིས་པ་བསྲུང་དུ་བཅུག་ན་མཚན་མཐུན་པ་བླང་ཞེས་པ་དང་། མགུལ་དུ་ཆོས་གོས་ཀྱི་ཚལ་བུ་གདགས་པ་
[218a.6]ནི་འདི་དག་གི་ཚུལ་ལོ་ཞེས་པ་དང་། རྐེད་པར་ཡང་ངོ་ཞེས་པ་དང་། རྗེས་སུ་བརྩེ་བའི་སེམས་ཀྱིས་བཙལ་ཞེས་པ་ནི་བྱིས་པ་མི་བཞིན་པ་སྲུང་དུ་བཅོལ་#ན། ཁྱེའུ་བུ་#མོ་གང་ཡིན་པ་ལས་མཚན་མཐུན་མཐུན་དུ་བླང་བ་དང་མགུལ་ལམ་རྐེད་པར་ཆོས་གོས་ཀྱི་ཚལ་བུ་གདགས་
[218a.7]པ་དང་། སྙིང་བརྩེ་བའི་སེམས་ཀྱིས་#བཙལ་རྫི་གྱིས་ཤིག་པའོ། །འདིའི་གཉེན་གྱིས་བྱིན་པ་བླང་ཞེས་པ་དང་། མཇུག་ཏུ་རྔན་#པ་ཡང་ངོ་ཞེས་པ་དང་། དེ་དག་གི་བྱས་པར་ཤེས་ན་ཡང་ངོ་ཞེས་པ་དང་། འདི་གླ་རྔན་མི་དགུག་ཅེས་པ་ནི་བྱིས་པ་བསྲུང་བའི་ངོར་དེའི་གཉེན་
[218b]
[218b.1]གྱིས་བྱིན་པ་དང་། མཇུག་ཏུ་རྔན་#དགས་ལྟ་བུ་བྱིན་པ་དང་། དེ་དག་ཉིད་དྲིན་གསོ་བས་བྱིན་པ་ནི་བླང་གི ། བྱིས་#པ་གསོ་གསོ་བའི་དངན་དགས་ཆེད་དུ་ནི་མ་ངེད་ཅིག་པའོ། །འབྲས་བུའི་རྙེད་པ་བདག་གིར་བྱ་ཞེས་པ་དང་། མར་ཏིལ་མར་སྦྲང་རྩི་བུ་རམ་གྱི་བུམ་པའོ་ཞེས་པ་དང་།
[218b.2]དེའི་སྣོད་ཀྱང་ངོ་ཞེས་པ་དང་། དེར་གཞུག་ཅེས་པ་དང་། གཞི་ལའོ་ཞེས་པ་ནི་མིང་གིས་སྨོས་པ་འདི་དག་གཞན་གྱིས་བྱིན་ན་ནི་#གང་ཟག་ཉིད་ཀྱིར་ཡང་ལོང་ཤིག་པ་སྟེ། དེ་ལ་དེར་གཞུག་ཅེས་པ་ནི་མར་དང་ཏིལ་མར་ལ་སོགས་པ་དེ་དག་གི་སྣོད་དུ་ཆུག་ཤིག་པའོ། །གཞི་ལའོ་ཞེས་པ་ནི་སྣོད་
[218b.3]དེ་དག་ཀྱང་ལྕུག་གོར་རམ་ཤིང་ལེབ་ལ་སོགས་པ་གཞིའི་#སྟེང་དུ་ལོང་ཤིག་པའོ། །བཤང་གཅི་དང་ཆང་གི་སྣོད་རྣམས་མི་སྤྱ་ཅེས་པ་ནི་བཤང་གཅིའི་སྣོད་སྤྱད་དུ་མི་རུང་བ་དང་འདྲ་བར་ཆང་གི་སྣོད་ཀྱང་#མ་སྤྱོད་ཅིག་པའོ། །དགེ་འདུན་གྱི་ཕྱིར་གཡོས་ཀྱི་ཞལ་ཏ་བྱ་ཞེས་པ་ནི་དགེ་འདུན་སྤྱིའི་
[218b.4]གཙང་སྦྱོར་གྱིས་ཤིག་པའོ། །བསོད་སྙོམས་ལ་ཞུགས་པས་མ་འོངས་པའི་སྔ་#རོལ་དུ་ཐེལ་གྱིས་མི་གཞག་པར་མི་བྱ་ཞེས་པ་ནི་བསོད་སྙོམས་ལ་འགྲོ་བའི་ཚེ་ཟས་མ་འོངས་ཀྱི་བར་དུ་ལྷུང་བཟེད་མ་དག་ན་པར་ཐེལ་ཏམ་ཟུར་གྱིས་ཁྱེར་ཅིག་པའོ། །ཟས་གཡོགས་#པ་བཅང་ཞེས་པ་ནི་ཁ་ཟས་དེ་
[218b.5]རྡུལ་#ལ་སོགས་པ་མི་ཕོག་པར་བྱ་བའི་ཕྱིར་ཁ་དག་གཡོགས་#པའམ་ཁ་གབ་གྱིས་ཤིག་པའོ། །འདི་དང་ཁར་བའི་སྣོད་མི་བཅང་བ་མི་འདྲར་མ་རེ་ཤིག་ཅེས་པ་ནི་ཟས་གཡོགས་#པ་འདི་བཅང་བ་དང་ཁར་བའི་སྣོད་གཞན་མི་བཅང་བ་དགེ་སློང་ལ་བཞིན་དུ་དགེ་སློང་མས་ཀྱང་བསླབ་དགོས་པར་སྟོན་
[218b.6]པའོ། །ནད་པས་ཞ་བཅང་བ་#ཡང་མི་རུང་བར་ཞེས་པ་ནི་དགེ་སློང་མ་ནད་པས་ཀྱང་ཞ་#བཅང་མི་རུང་བར་མ་གཏོགས་ཤིག་པའོ། །འཁར་གསིལ་#མ་གསིལ་བར་ཁྱིམ་དུ་བསོད་སྙོམས་ལ་མི་འཇུག་ཅེས་པ་དང་། འདི་བཅང་ཞེས་པ་ནི་བསོད་སྙོམས་པས་འཁར་གསིལ་མ་བསིལ་#བར་ཁྱིམ་དུ་འཇུག་
[218b.7]ཏུ་མི་རུང་བས་ན་འཁར་གསིལ་ཆོངས་ཤིག་པའོ། །འབྱུང་བ་དང་འཇུག་#པ་ལ་མཁས་པར་བྱ་ཞེས་པ་དང་། མངོན་མཚན་བྱ་བའི་ཕྱིར་ཟས་བྲུལ་དོར་བ་ལ་སོགས་པའོ་ཞེས་པ་ནི་བསོད་སྙོམས་ལ་གྲོང་དུ་འགྲོ་བ་དང་། སླར་འབྱུང་བ་ཅི་ནས་ཀྱང་མ་ནོར་ཅིང་མཁས་པར་བྱ་བ་དང་།
[219a]
[219a.1]བླངས་#པ་དང་མ་བླངས་#པའི་ཁྱིམ་མི་ནོར་བར་བྱ་བའི་ཕྱིར་སྒོར་ཟས་བྲུལ་ལ་སོགས་པ་མཚན་མ་འོར་ཅིག་པའོ། །ཆོས་འཚོང་བས་འཚོ་བར་མི་བྱ་ཞེས་པ་ཆོས་བཤད་ཅིང་བསྟན་པའི་གླ་རྔན་གྱིས་འཚོ་བ་ལྟ་བུ་ཆོས་འཚོང་བར་མ་བྱེད་ཅིག་པའོ། །ཆུ་མེད་ན་ཞོ་ཁུ་
[219a.2]ལ་སོགས་པས་རྐང་པ་བཀྲུ་ཞེས་པ་ནི་ཆུ་མེད་ན་ཞོ་ཁུ་ལ་སོགས་པས་རྐང་ལག་བཀྲུས་ཀྱང་བླ་བའོ། །རྩྭ་བམ་ལ་འདུག་པར་བྱ་ཞེས་པ་དང་། འདི་བླ་གབ་མེད་པར་ལོགས་ཤིག་ཏུ་བཞག་ཅེས་པ་དང་། སྤུངས་ཏེ་ཡང་ཞེས་པ་དང་། མཇུག་ཏུ་དོར་ཞེས་པ་ནི་མཆོད་རྟེན་ནམ་#
[219a.3]ཡོ་ལང་ཆེན་པོ་ཞིག་གཡོས་ཏེ་སྟན་གྱིས་མི་ཁྱེད་ན་རྩྭ་སྟན་ལ་འཁོད་ཀྱང་བླ་བའོ། །དེའི་སྟ་གོན་དུ་རྩྭ་ཕལ་ཆེར་སྤུངས་པ་དང་མཆོད་སྟོན་ཟིན་པའི་རྗེས་ལ་དོར་བ་རྣམས་སུ་སྟོན་པའོ། །ཕལ་ཆེ་ན་གྲལ་དུ་མར་བྱ་ཞེས་པ་དང་། ལྡ་བརྒྱ་ཚར་དུའོ་ཞེས་པ་ནི་དགེ་འདུན་ཕལ་ཆེ་ན་ལྔ་བརྒྱ་ཚར་
[219a.4]ལ་སོགས་པ་ཚར་དུ་མར་ཡང་ཆོད་ཅིག་པའོ། །རྒན་རབས་སོ་སོར་བཤམ་ཞེས་པ་ནི་གྲལ་ཚར་#རེ་ཞིང་འགྲིམ་པ་#ལ་སོགས་པའི་སྤེན་སྐལ་སོ་སོར་ཆོད་ཅིག་པའོ། །འབྲིམ་#པ་རྣམས་མི་བཞོད་པར་སྤྱན་བསྐོ་ཞེས་པ་དང་#། ཟས་ཀྱི་ཞལ་ཏ་#ཐོག་མར་ཟོས་ཏེའོ་ཞེས་པ་དང་། ཕལ་ཆེར་
[219a.5]འདུས་པའི་ཚེ་རྒན་རབས་སུ་བཀོད་ཅིང་སྦྱིན་པའི་དགེ་སློང་བསྐོ་ཞེས་པ་ནི་ཟས་འབྲིམ་པ་#རྣམས་མི་བཞོད་པར་སྤྱན་བསྐོ་བ་དང་། ཞལ་ཏ་བྱེད་པས་ཟན་#ཐོག་མར་ཇེ་ཟོས་ལ་བྱ་བ་དང་། དགེ་འདུན་ཕལ་པོ་ཆེ་རྒན་རབས་སུ་བཀོད་ཅིང་ཟས་རིམ་བཞིན་དུ་འབྲིམ་#པའི་ཞལ་ཏ་པ་སྐོས་
[219a.6]ཤིག་པའོ། །འདིར་དགེ་སློང་མ་དག་གིས་གཉིས་གསུམ་གྱི་གོ་བཞག་ནས་གར་དགའ་བར་འགོད་ཅེས་པ་ནི་དེ་ལྟ་བུའི་ཚེ་དེ་#དགེ་སློང་མས་དགེ་སློང་གཉིས་གསུམ་གྱི་གྲལ་བཞག་ནས་གར་དགའ་མགུར་འཁོད་ཀྱང་བླ་བའོ། །ཟས་ཀྱི་ཁྱིམ་དུ་སྒྲ་བསྐྱུངས་ཏེ་འདོང་#ཞེས་པ་དང་།
[219a.7]སྤྱོད་ལམ་ཤིན་ཏུ་བསྡམས་#ནས་ཞེས་པ་དང་། མཛེས་པར་རོ་ཞེས་པ་དང་། འདུག་པ་ཡང་དེ་བཞིན་ཞེས་པ་ནི་སྒྲ་བསྐྱུངས་ཤིང་སྤྱོད་ལམ་བསྡམས་#པ་ལེགས་པར་བྱ་བ་དང་། གོམ་ཟུལ་མཁས་པར་བྱས་ལ་ཟས་ཀྱི་ཁྱིམ་དུ་འདོང་བ་དང་། བཀད་ཅིང་འཁོད་པ་ན་ཡང་
[219b]
[219b.1]དེ་བཞིན་གྱིས་ཤིག་པའོ། །ཟས་ལ་རྐང་པས་མི་བརྫི་#ཞེས་པ་དང་། འོག་རེ་ལ་རྐང་པས་རེག་པར་མི་བྱ་ཞེས་པ་ནི་གྲལ་དུ་བཀད་པའི་ཚེ་འདི་དག་ལྟར་མ་བྱེད་ཅིག་པའོ། །དྲན་པ་ཉེ་བར་གཞག་ཅིང་མ་གཡེངས་#པའི་སེམས་ཀྱིས་#བསོད་སྙོམས་བླང་ཞེས་པ་དང་། མ་གཏོར་
[219b.2]ཅིང་རན་པ་#དང་ཞེས་པ་དང་། འདི་དག་མ་འདྲེས་པ་དང་། མ་དཀྲུགས་པ་དང་། ཤིན་ཏུ་སྦས་པ་དང་། དུས་ལས་མི་འདའ་བར་བཟའ་ཞེས་པ་ནི་ཟས་ཟ་བའི་ཐབས་འདི་ལྟར་གྱིས་ཤིག་པ་སྟེ། དེ་ལ་མ་གཏོར་ཞེས་པ་ནི་ཟས་སོ་སོར་མ་གཏོར་བའོ། །རན་ཅེས་པ་
[219b.3]ནི་འགྲངས་#པ་ཙམ་དུ་བཟའ་བའོ། །མ་འདྲེས་ཞེས་པ་ནི་ཐུག་པ་དང་ཟན་དུ་འདྲེས་པ་ལྟ་བུ་མ་ཡིན་པའོ། །མ་དཀྲུགས་ཞེས་པ་ནི་སྣ་ཚོགས་པ་ལྷུང་བཟེད་གཅིག་ཏུ་བླུགས་པ་ལས་དཀྲུགས་ཏེ་ཟ་བར་མ་བྱེད་ཅིག་པའོ། །ཤིན་ཏུ་སྦས་ཞེས་པ་ནི་ལམ་ཀའམ་རྒྱུན་སར་མ་ཟ་ཤིག་
[219b.4]པའོ། །དུས་ལས་མི་འདའ་ཞེས་པ་ནི་ཉི་མའི་གུང་ལས་མ་ཡོལ་བར་བཟའ་བའོ། །ཇི་ལ་གཉེར་པ་དེ་ལས་གཞན་རྙེད་པ་བདག་གིར་བྱེད་པ་མི་རིགས་པ་མ་ཡིན་ཞེས་པ་ནི། དང་པོ་ཐུག་པ་ལ་བོས་པ་ལས་ཕྱིས་ཟས་བཟང་པོ་གཞན་ཡང་སྦྱར་ཏེ། བྱིན་ན་#བླངས་པ་
[219b.5]ནི་མི་རུང་བ་མེད་པའོ། །བདག་ཟས་བཞིན་དུ་གཞན་བླངས་བ་ནི་ཉེས་མེད་ཅེས་པ་ནི། བདག་ཟས་ཟ་བའི་འཕྲོ་ལ་ཡང་གཞན་གྱིས་བྱིན་པ་བླངས་ཏེ། ཟོས་པ་ནི་ཉེས་པ་མེད་པའོ། གཞན་གྱིས་གཉེར་ཏེ་འདུག་པ་ལ་གཞན་གྱིས་བྱིན་པ་དེས་བསྟན་ན་དེར་གཏོགས་
[219b.6]སུ་ཟད་ཅེས་པ་ནི་ཡོན་བདག་གཅིག་གི་ཁྱིམ་དུ་གཉེར་ཏེ་ཟ་ཞིང་འདུག་པ་ལས་སྤང་#ཡོན་བདག་གཅིག་གིས་ཟས་བཤམས་ཏེ་ཕུལ་བ་མི་འདོད་པར་བྱས་པ་ལས། ཡོན་བདག་སྔ་མ་དེས་ཕེའུ་ཐམས་སུ་བསྟབས་ན་ཡང་ཡང་ལ་སོགས་པ་བཞིན་དུ་མི་འགྱུར་གྱི་སྔ་མ་དེས་#
[219b.7]བྱིན་པའི་ཁོངས་སུ་གཏོགས་པར་སྟོན་པའོ། །ཚིག་ནི་བསམ་པའི་དོན་དང་སྦྱར་གྱི་གྲགས་#པ་མི་བཙན་ཞེས་པ་ནི་བདག་ལ་དགྲ་བཅོམ་པ་འམ་སངས་རྒྱས་སུ་བཏགས་ཏེ་ཟས་ལ་སོགས་པ་བྱིན་ན་དེས་ཇི་ལྟར་བསམས་ཏེ་བྱིན་པ་རྨས་ལ་བདག་ལ་གྱི་ནའི་སྙད་དེ་སྐད་དུ་བཏགས་ཏེ་བྱིན་ན་ནི་
[220a]
[220a.1]དེས་བསམ་#པའི་དོན་དང་སྦྱར་དུ་ཟད་ཀྱི་གྲགས་#པའི་མིང་མི་བརྩན་པའོ། །བླངས་ནས་མི་སྤང་ཞེས་པ་ནི་སྔར་བླངས་ནས་ཁྲོས་#སམ་ཟོས་ཏེ་སླར་གཏོང་ཞིང་དོར་བ་ལྟ་བུ་མ་བྱེད་ཅིག་པའོ། །ལྟ་བ་དང་ཚུལ་ཁྲིམས་རྫོགས་པ་གཉིས་ལས་བླངས་ཏེ་དེ་ལས་གཞན་པའི་རིམ་
[220a.2]པ་ལ་བྱིན་པ་དང་། འགྲངས་#ནས་ཀྱང་ཁམ་འགའ་ཡན་ཆད་ལྷག་པར་བླངས་ཤིང་ཟོས་ན་དད་པས་བྱིན་པ་ཆུད་གསན་པའོ་ཞེས་པ་ནི་ལྟ་བ་རྫོགས་པ་ལས་བླངས་ལ་ལྟ་བ་མ་རྫོགས་པ་ལ་བྱིན་པ་དང་། ཚུལ་ཁྲིམས་རྫོགས་པ་ལས་བླངས་ལ་#མ་རྫོགས་པ་ལ་བྱིན་པ་དང་། འགྲངས་#
[220a.3]ཟིན་ནས་ལྷག་པར་ཟན་ཁམ་འགའ་ཡན་ཆད་ཟོས་ཀྱང་རུང་སྟེ་དད་པས་བྱིན་པ་ཆུད་གཟན་པར་འགྱུར་བའོ། །དེ་ལྟ་བས་ན་སུ་ལ་ཡང་སྦྱིན་དུ་མི་རུང་ངམ་ཞེ་ན། ཕ་མ་ནད་པ་རབ་ཏུ་འབྱུང་#བར་འདོད་པ། སྦྲུམ་པ། གདུལ་བར་བསམ་#པ། བསོད་སྙོམས་སྐུགས་#པ། ཁྱིམ་པ་#དེའི་
[220a.4]ཁར་འོངས་པ་རྣམས་ལ་བགོ་བར་བྱ་ཞེས་པ་ཡིན་ཏེ་འདི་དག་ལྟ་བུ་ལ་བྱིན་པ་ནི་#ཉེས་མེད་པའོ། །དེ་ལ་ཕ་མ་ནི་ཕན་འདོགས་པའི་ཞིང་ཡིན་པ་དང་། ནད་པ་དང་རབ་ཏུ་འབྱུང་བར་འདོད་པ་ནི་བསོད་སྙོམས་ཀྱི་ཞིང་ཡིན་པའི་ཕྱིར་རོ། །སྦྲུམ་པ་ནི་སྙིང་རྗེ་བའི་གནས་ཡིན་པའི་ཕྱིར་རོ། །
[220a.5]གདུལ་བར་བསམ་པ་ནི་བསྡུ་བའི་ཐབས་སུ་བསྒྲུབ་པའི་ཕྱིར་རོ། །བསོད་སྙོམས་སྐུགས་ཞེས་#པ་ནི་ཁྱིམ་པ་ཆེད་དུ་སློང་ཞིང་སྒུགས་#པའོ། །ཁྱིམ་པ་དེའི་ཁར་འོངས་ཞེས་#པ་ནི་ཟན་ཟའི་ཁར་འོངས་ན་གདོང་#སོལ་བྱ་བའི་ཕྱིར་རོ། །བསྡོགས་པའི་ཆང་བུ་བཞག་ཅེས་པ་དང་། སྦྱིན་
[220a.6]པ་ཆད་པར་མི་བྱ་ཞེས་པ་དང་། བྱོལ་སོང་ལ་ཡང་སྦྱིན་ཞེས་པ་ནི་ཟན་ཟ་བའི་ཚེ་སུ་ལ་སྦྱིན་པ་ཆད་པར་མི་བྱ་བར་ཆད་བུ་གཞག་པ་དང་བྱ་རོག་ལ་སོགས་པ་བྱོལ་སོང་ལ་ཡང་བྱིན་ཅིག་པའོ། །བཟའ་#བའི་ཕྱིར་བསྟབས་པ་མ་ཟིན་པ་#མི་སྦྱིན་ཞེས་པ་ནི་བདག་ཟས་ཟོས་མ་ཟིན་གྱི་བར་དུ་
[220a.7]གཞན་ལ་#སྦྱིན་པ་མ་བྱེད་ཅིག་པའོ། །དད་པས་བསྟབས་ཏེ་སྦྱིན་པ་ཡང་མ་ཡིན་ཞེས་པ་ནི་བདག་ལ་དད་པས་བདག་གི་ཁར་ཇི་སོན་དུ་བསྟབས་ཏེ་བྱིན་ན་དེའི་ཡིད་དང་སྦྱར་བའི་ཕྱིར་གཞན་ལ་སྦྱིན་ཅིག་པའོ། །ལྷག་མ་ཟ་བ་ལ་ལྷུང་བཟེད་ཀྱི་ལྷག་མ་ཇི་བདེ་བྱ་ཞེས་པ་ནི་ལྷག་
[220b]
[220b.1]རོལ་ལྷག་མའམ། སྐྱོས་པའམ#། སྐྱོས་མ་ཟ་བའི་མི་ལ་བྱིན་ཅིག་པའོ། །གནས་པ་རྣམས་ལ་གཏོར་མ་བྱིན་ཅིག་པའོ་ཞེས་པ་དང་། སྔ་དྲོ་ལ་སོགས་པ་དེ་དག་གི་ཆོ་ག་བཞིན་བྱ་ཞེས་པ་ནི། གཙུག་ལག་ཁང་གི་སྲུང་#མ་སྔ་དྲོ་དང་ཕྱི་དྲོ་ལ་སོགས་པ་དེ་དག་གི་ཆོ་ག་བཞིན་དུ་སོ་སོར་ཕྱི་ལ་གཏོར་
[220b.2]མ་བྱིན་ཅིག་པའོ། །ཨ་མྲ་#རྩི་གུ་མ་ཆགས་པའི་རྩི་མི་བཟའ་ཞེས་པ་ནི་ཤིང་ཏོག་ཨ་མྲ་མ་སྨིན་པར་མ་ཟ་ཤིག་པའོ། །རྩ་བ། སྡོང་བུ། མེ་ཏོག ། ལོ་མ། འབྲས་བུ། བཅའ་བ། འབྲས་ཆན། གོ་འདུན། ཕྱེ་ཤ། ཁུར་བ། འོ་མ། ཞོ་མར་སར། ཉ་ཤ། ཤ་
[220b.3]སྐམ་རྣམས་མི་རུང་བ་མ་ཡིན་ཞེས་#པ་ནི་མིང་གིས་སྨོས་པ་འདི་རྣམས་བཟར་མི་རུང་བ་མེད་པར་སྟོན་པའོ། །གསོ་མ་ཡུངས་ཀར་རྩ་བ་སྡོང་བུ་ལོ་མ་མེ་ཏོག་འབྲས་བུ་ལ་སོགས་པའི་ཐུག་པ་བཏུང་དུ་མི་རུང་བར་མ་དོགས་ཤིག་ཅེས་པ་ནི་འདི་དག་གི་ཐུག་པའང་མི་རུང་བ་མེད་
[220b.4]པའོ། །བཅུད་ནི་ཁུ་བས་སོ་ཞེས་པ་ནི་སྐམ་པོ་པས་ཁུ་བར་བྱས་པ་བཅུད་དུ་ཆེ་བའོ། །ཆུས་ཀྱང་ངོ་ཞེས་པ་#ཆུ་ཡང་བཏུང་དུ་རུང་བའོ། །རྐྱལ་#པར་གཞུག་པ་མི་རུང་བ་མ་ཡིན་ཞེས་པ་དང་། སྣོད་དུ་ཁ་ཟས་བཟར་རུང་ཞེས་པ་དང་། ཤིང་གི་ཡང་ངོ་ཞེས་པ་དང་། དེའི་ཡང་ངོ་ཞེས་པ་
[220b.5]དང་། ཟོས་པའི་སྣོད་ཀྱང་ངོ་ཞེས་པ་ནི་ཞོ་ལ་སོགས་པ་རྐྱལ་#པར་བླུགས་པ་ལ་ཡང་བཟར་མི་རུང་བ་མེད་པ་དང་། ཤིང་དང་རྡོ་ལ་སོགས་#པའི་སྣོད་སྤྱད་དུ་བཟར་རུང་བ་དང་། སྔོན་ཁ་ཟས་བླུགས་པའི་སྣོད་སྤྱད་ཀྱང་བླ་བ་རྣམས་སུ་སྟོན་པའོ། །བཀྲུ་བ་ནི་གནས་པའི་ལས་སོ་#ཞེས་པ་
[220b.6]དང་། ཟོས་ནས་ཀྱང་ཞེས་པ་ནི་ལྷུང་བཟེད་བསོད་སྙོམས་ལ་གར་བཀྲུ་བ་དང་། ཟན་#ཟོས་པའི་འོག་ཏུ་བཀྲུ་བ་ནི་སློབ་མའམ་ཉེ་གནས་ཀྱི་ལས་ཡིན་པར་སྟོན་པའོ། །སྣོད་གཅིག་ཏུ་ཅིག་ཅར་མི་བཟའ་ཞེས་པ་དང་། བྱེས་སུ་ནི་སྣོད་མེད་ན་བཟའ་ཞེས་པ་དང་། དགེ་སློང་དང་ངོ་ཞེས་པ་དང་།
[220b.7]གཅིག་གིས་ལག་པ་བཏེག་ནས་བདག་གི་གཞུག་ཅེས་པ་ནི་བྱེས་སུ་ནི་སྣོད་མེད་ན་དགེ་སློང་དང་ལྷན་ཅིག་ཏུ་བཟའ་ཞིང་སྣོད་དུ་ལག་པའང་ཅིག་ཅར་མ་ཡིན་པར་སྤེལ་གྱི་དེ་མ་ཡིན་པའི་སྐབས་གཞན་དུ་ལྷན་ཅིག་མ་ཟ་ཤིག་པའོ། །དགེ་ཚུལ་དང་ལྷན་ཅིག་པ་ནི་མ་ལྡན་པ་མ་ཡིན་ན་འོག་མ་བཞིན་ཞེས་
[221a]
[221a.1]པ་ནི་དགེ་ཚུལ་དང་ལྷན་ཅིག་ཏུ་བཟའ་བ་ནི་བརྟད་#པའི་རྐྱེན་མ་ཡིན་ན་འོག་མ་དང་འདྲ་བར་སྤར་ཟན་དུ་སྦྱིན་པའོ། །རུང་བར་བྱེད་པ་ནི་#སྤར་ཟན་དུ་སྦྱིན་ཞེས་པ་ནི་གཡོག་སྡེར་ལ་མ་འདོགས་ཤིག་པའོ། །གཉེན་མཛའ་བས་བསྐུལ་#ན་ཐམས་ཅད་དུ་ཕྱོགས་དབེན་པར་རོ་ཞེས་པ་དང་།
[221a.2]བྱིན་ལེན་མ་ཞིག་པ་དང་། བྱིན་ལེན་མ་བྱས་པ་དང་འདྲེས་སུ་འོང་#ན་བསྲུང་ཞེས་པ་ནི་གཉེན་མཛའ་བས་སྡེར་གཅིག་ཏུ་ཟ་#བར་བསྐུལ་ན་དབེན་པར་བཟའ་ཞིང་བྱིན་ལེན་མ་ཞིག་པ་ལ་སོགས་#པ་ལ་མིང་གིས་སྨོས་པ་འདི་རྣམས་ལྟར་རིམ་གྲོ་གྱིས་ཤིག་པའོ། །ལྷམ་#དང་བཅས་ཏེ་མི་བཟའ་ཞེས་
[221a.3]པ་དང་། ནད་པས་ནི་མནན་ཏེའོ་ཞེས་པ་ནི་ལྷམ་བགོས་ཏེ་ཟན་མི་ཟ་བ་དང་ནད་བུ་ཅན་གྱིས་ནི་ལྷམ་གྱི་སྟེང་དུ་རྐང་པས་མནན་ལ་ཟོ་ཤིག་པའོ། །གཅེར་བུར་མ་ཡིན་ཞེས་པ་དང་གོས་གཅིག་པར་ནི་མ་ཡིན་ཞེས་པ་དང་། ནད་པ་ནི་ཉེས་མེད་ཅེས་པ་དང་། ནད་གཡོག་གིས་#སུམ་པར་བྱ་ཞེས་པ་
[221a.4]དང་། ནུས་ན་རྔུལ་གཟན་#བགོ་ཞེས་པ་དང་། དབེན་པའི་ཕྱོགས་སུའོ་#ཞེས་པ་ནི་ནད་པ་མ་#ཡིན་ན་སྒྲེན་མོ་ལ་སོགས་པ་འདི་རྣམས་ལྟར་མ་ཟ་ཤིག་པ་དང་། ནད་པ་ཡིན་ནའང་ནད་གཡོག་གིས་སུམ་པ་དང་། རྔུལ་གཟན་#ཙམ་གྱོན་ནུས་ན་བགོ་བ་དང་། མི་ནུས་ན་ཕྱོགས་དབེན་པར་ཟར་
[221a.5]གཞུག་པའོ། །ཟས་ལ་བཀད་ནས་འབྲིམ་#པ་ལ་འདི་དང་འོ་ནི་ལས་#ཚུར་ཞེས་མི་བྱ་ཞེས་པ་ནི་འབྲིམ་#པ་ལ་ཟས་འདི་དང་འོ་ནི་འོ་ན་ཅིག་ཅེས་ལྟོ་འདུན་#དང་ཁམ་མཆུའི་བག་མ་ཟེར་ཅིག་པའོ། ནད་པའི་ཉམས་དང་འཕྲོད་པ་ནི་ཉེས་མེད་ཅེས་པ་དང་། དེ་ནི་འདི་ལྟ་སྟེ་དྲོད་ཆུང་བས་
[221a.6]བཙོས་པ་དང་། དྲོད་ཆེ་བས་རྗེའོ་ཞེས་པ་ནི་ནད་པས་འདི་ལྟ་བུའི་ཚུལ་ཉམས་དང་སྦྱར་ཏེ་ཚུར་འདི་འོན་ཅིག་ཅེས་ཟེར་བ་ནི་ཉེས་མེད་པའོ། །བདག་ལ་ནད་པའི་འདུ་ཤེས་བཞག་པ་དང་། ཟས་ལ་སྨན་དུ་འདུ་ཤེས་པར་བཟའ་ཞེས་པ་དང་། དྲན་པ་ཡང་ངོ་ཞེས་པ་ནི་ཟས་བཟའ་
[221a.7]བའི་ཟས་ནི་བཀྲེས་པའི་སྨན་ཡིན་བདག་ནི་བཀྲེས་བའི་ནད་ཡིན་པར་བསམས་པ་དང་། འོག་ནས་འབྱུང་བ་ལྟ་བུའི་དྲན་པ་དང་ཡང་ཉེས་པར་ཞོག་ལ་ཟོ་ཤིག་པའོ། །ཀུན་འབྱུང་བ་འདྲ་བར་འགྱུར་བ་སླར་ཡོགས་#པ་རྒྱུ་མཐུན་པ་རྐྱེན་གྱི་རྣམ་པ་བཙལ་བ། རག་གཞན་ལ་ལུས་པ་ཉེན་དང་
[221b]
[221b.1]བཅས་#སོ་སོར་འགྲོ་བ་རྣམས་ཆེད་དུ་མི་མཐུན་པར་བྱ་ཞེས་པ་སྟེ་ཟས་མིང་གིས་སྨོས་པ་འདི་ལྟ་བུར་སོམས་ལ་ཟོ་ཤིག་པ་སྟེ། དེ་ལ་ཀུན་འབྱུང་བ་ཞེས་པ་ནི་ལྒོང་#ལུད་ལྟ་བུ་མི་གཙང་བ་ལས་འབྱུང་བར་བསམ་པའོ། །འདྲ་བ་ཞེས་པ་ནི་ཤ་ལ་སྲིན་བུ་ཕྱེ་ལ་རུས་ཕྱེ་མར་ལ་རྣག་ལྟ་བུ་ལ་སོགས་པར་བསམ་
[221b.2]པའོ། །འགྱུར་ཞེས་པ་ནི་བད་ཀན་དང་ཚིལ་སྣབས་དང་། ནག་ཁྲ་#ལ་སོགས་པར་འགྱུར་རོ་བསམ་པའོ། །སླར་སྤོགས་ཞེས་#པ་ནི་ཟས་ཀྱི་ཕྱིར་རྩོད་པ་ལ་སོགས་པ་འཁོན་གྱི་གཅུགས་སུ་འགྱུར་བའོ། །རྒྱུ་མཐུན་ཞེས་པ་ནི་ཟས་ལ་བཤང་གཅི་ལྟ་བུ་སྨེ་#བར་འགྱུར་བའོ། །རྐྱེན་གྱི་རྣམ་པ་
[221b.3]ཞེས་པ་ནི་རྨོ་བརྐོ་ལ་སོགས་པའི་རྒྱུ་རྐྱེན་ལས་འབྱུང་བ་དང་ཟས་ལ་#སྲེད་པའི་རྒྱུར་འགྱུར་བ་ལྟ་བུའོ། །བཙལ་ཞེས་པ་ནི་ཉོན་མོངས་པའི་གྲོན་ཚེགས་ཕལ་བོ་ཆེས་བཙལ་དགོས་པའོ། །རག་གཞན་ལ་ལུས་ཞེས་པ་ནི་རྙེད་ཟིན་ནས་བཙོ་བ་ལ་སོགས་ཀྱི་རག་གཞན་ལ་ལུས་པའོ། །ཉེན་དང་
[221b.4]བཅས་པ་ཞེས་པ་ནི་ལེགས་པར་མ་#ཞུ་ན་ནད་ཀྱི་རྣམ་པ་སྣ་ཚོགས་སུ་འགྱུར་བའོ། །སོ་སོར་འགྲོ་ཞེས་པ་ནི་ཆ་གཅིག་ལུས་ཀྱི་དྲོད་དུ་འགྲོ་བ་དང་ཆ་གཅིག་སྲིན་བུའི་ཟས་སུ་འགྲོ་བ་དང་ཆ་གཅིག་ལུས་བརྟ་#བར་འགྲོ་བ་སྟེ། དེ་ལྟར་རྣམ་པ་བཞིར་འགྲོ་བའོ། །དྲན་པ་ཉེ་བར་གཞག་ཅིང་མི་
[221b.5]གཡེང་བའི་སེམས་ཀྱིས་སོ་ཞེས་པ་དང་། ཤེས་བཞིན་དང་ལྡན་པར་སྒྲ་བསྐྱུངས་#ཞེས་པ་ནི་ཟན་ཟ་ཀར་མིང་གིས་སྨོས་པ་འདི་དག་ལྟར་གྱིས་ཤིག་པའོ། །འདི་དག་མི་བྱ་ཞེས་པ་ནི་རྐང་ལག་གི་སྒྲ་མ་འབྱིན་ཅིག་པའོ། །ཧུབ་སྒྲ་མི་བསྐྱེད་ཅེས་པ་དང་། ཁྲུམ་ཁྲུམ་མ་ཡིན་ཞེས་པ་དང་།
[221b.6]སྒྲ་འབྱུང་ན་ཆུ་ལ་སོགས་པ་སྦར་ཞིང་བརླན་ཞེས་པ་ནི་སྒྲའམ་ཁྲུམ་སྒྲ་མ་འབྱིན་ཅིག་པ་སྟེ། །ཁུར་སྐམ་ལྟ་བུ་ལ་སོགས་ཏེ་སྒྲ་འབྱུང་བ་ཞིག་ན་སྤོང་ཤིག་པའོ། །ཟ་བའི་ཁར་རོལ་མོ་མི་བྱ་ཞེས་པ་ནི་ཟན་ཟ་བའི་ཁར་རོལ་མོ་བྱེད་དུ་བཅུག་ཅིང་ཟ་བ་ལྟ་བུ་ལ་སོགས་པ་མ་བྱེད་ཅིག་པའོ། །འཆད་
[221b.7]པར་བྱེད་པའི་ཚེ་མ་ཡིན་ཞེས་པ་དང་། དེ་ཐོས་པས་སོ་ཞེས་པ་ནི་སྦྱིན་པ་འཆད་པའི་ཐོས་པ་ཉེན་ཀོར་ན་འདུག་པས་དེའི་ཚེ་ཟན་མ་ཟ་ཤིག་པའོ། །དུས་ཡོལ་དུ་ཆ་ན་ཚིགས་བཅད་གཉིས་སམ་གསུམ་ནས་སོ་ཞེས་པ་ནི་ཉི་ཚོད་ཡོལ་དུ་ཆ་ན་སྦྱིན་པ་བཤད་པའི་ཚིགས་བཅད་གཉིས་སམ་གསུམ་
[222a]
[222a.1]ཙམ་མཉན་ལ་དེའི་འོག་ཏུ་ཟོ་ཤིག་པའོ། །ཟོས་ཟིན་ནས་ཞལ་ནས་གསུངས་པའི་ཚིགས་བཅད་བརྗོད་ཅེས་པ་ནི་ཟས་ཟོས་ཟིན་པའི་འོག་ཏུ་ཞལ་ནས་གསུངས་པའི་ཚིགས་བཅད་ལྷོགས་ཤིག་པའོ། །སྤྱན་དྲངས་པར་ཟོས་ཟིན་ནས་སྦྱིན་པ་བཤད་པར་བྱ་ཞེས་པ་དང་། ཀུན་གྱིས་
[222a.2]ཟོས་ཟིན་པར་ཤེས་ནས་སོ་ཞེས་པ་དང་། བལྟ་སྟེ་ཞེས་པ་དང་། དུ་མ་ན་དང་པོས་སོ་#ཞེས་པ་དང་། མི་ནུས་ན་ནུས་པ་ལ་བཅོལ་ཞེས་པ་ནི་ཟན་ཟོས་ཟིན་ཏམ་མ་ཟིན་བལྟས་ཤིང་བརྟགས་#ལ། གནས་བརྟན་གྱིས་སྦྱིན་པ་བཤད་པ་དང་། ཆོས་བཤད་གྱིས་ཤིག་པ་དང་། མི་ནུས་ན་གཞན་ནུས་
[222a.3]པ་ལ་ཆོལ་ཅིག་པའོ། །གལ་ཏེ་མ་བྱས་པ་འདོད་པའི་རྐྱེན་ཅིག་ན་དགེ་སློང་ལས་འཁོར་བསྐོས་#ཏེའོ་ཞེས་པ་དང་། བཞི་ཡན་ཆད་ཞེས་པ་ནི་སྦྱིན་པ་བཤད་པར་མ་#བྱས་པར་མྱུར་#དུ་འདོང་དགོས་པའི་རྐྱེན་ཅིག་བྱུང་ན། སྦྱིན་པ་བཤད་པ་གཅིག་གིས་བཞི་འཁོར་བཞི་ཡན་ཆད་སྐོས་ལ་གཞན་དེང་#
[222a.4]ཤིག་པའོ། །བསྐོས་པའང་འགྲོ་བའི་རྐྱེན་ཅིག་གིས་ན་ཞུས་ནས་སོ་ཞེས་པ་ནི་དེའི་འཁོར་བཞི་ཙམ་མ་#བསྐོས་པའི་ནང་ནས་ཀྱང་འགའ་ཞིག་གུད་དུ་འགྲོ་དགོས་པའི་རྐྱེན་ཅིག་བྱུང་ན་སྦྱིན་པ་འཆད་པ་དེ་ལ་ཞུས་ལ་སོང་ཤིག་པའོ། །སྦྱིན་པ་འཆད་པ་ན་དགའ་བོ་དང་། ཉེར་དགའི་མིང་བརྗོད་པ་#
[222a.5]ཞེས་པ་ནི་བྱིན་པ་#འཆད་པ་ན་ཀླུ་འདི་གཉིས་ཀྱི་མིང་ནས་#ཀྱང་སྨོས་ཤིག་པའོ། །མིད་པ་གཉིས་པ་ཞིག་#སྟེ། དུས་མ་ཡིན་པར་སྒྲེགས་ན་ཐོག་མའི་ཁམ་གཉིས་སམ་#གསུམ་པོར་ལ་ཁ་བཀྲུས་ཏེ་མིད་ཅེས་པ་ནི་ཕྱོགས་དང་འདྲ་བར་མིད་པ་གཉིས་པ་ཞིག་ལ་ཟས་སླར་ཡང་སྒྲེགས་ཤིང་#འོང་
[222a.6]ན་ཁམ་གཉིས་གསུམ་འོར་ལ་སླར་མིད་ཅིག་པའོ། དེ་ཟས་མ་ཡིན་པ་མ་ཡིན་ཞེས་པ་དང་། དེ་ལྟ་བས་ན་གཞན་གྱིས་ཀྱང་དུས་མ་ཡིན་པ་དང་བཏང་བ་ལས་སྒྲེགས་པ་#བྱུང་ན་བཀྲུ་ཞེས་པ་ནི་དེ་ཡང་ཟས་ཡིན་པས་ན་མིད་པ་གཉིས་པ་ལ་མ་#གཏོགས་པའི་དགེ་སློང་གཞན་ལ་ཡང་
[222a.7]སྒྲེགས་#ན་དུས་མ་ཡིན་པ་དང་། དུས་ཡིན་དུ་ཟིན་ཀྱང་མི་བཟའ་བར་བཏང་བའི་འོག་ཏུ་སྒྲེགས་ན་དེའི་འོར་ལ་ཁ་ཁྲུས་གྱིས་ཤིག་པའོ། །མ་བཤམས་པའི་ཕྱོགས་སུ་མཆིལ་མ་མི་འདོར་ཞེས་པ་དང་། བྱི་བདར་བྱས་པར་མ་ཡིན་ཞེས་པ་དང་། གནས་བརྟན་གྱི་མདུན་དུ་
[222b]
[222b.1]དེའི་སྒྲ་མི་བྱ་ཞེས་པ་དང་། ཟ་ནའང་མ་ཡིན། ལྷག་མའི་ཐད་དུ་ཡང་དང་ཡང་#མ་ཡིན་ཞེས་པ་དང་། མི་ནུས་ན་གུད་དུ་འགྲོ་ཞེས་པ་ནི་མཆིལ་#མ་དོར་བའི་ས་#བཤམས་པ་དང་། བྱི་བདར་བྱས་པའི་སྟེང་དུ་མཆིལ་སྣབས་མི་དོར་བ་དང་། གནས་བརྟན་གྱི་མདུན་དང་ཟས་ཟ་བའི་ཚེ་
[222b.2]མཆིལ་སྣབས་ཀྱི་སྒྲ་མི་བྱ་བ་དང་། དགེ་འདུན་ལྷག་མ་གཞན་#གྱི་ཐད་དུའང་དེ་དག་གི་སྒྲ་ཡང་དང་ཡང་དུ་སློས་ཤིང་མ་ཟེར་ཅིག་པ་དང་། དེ་དག་གི་སྒྲ་འགེགས་#པར་མི་ནུས་ན་གུད་དུ་བྱོལ་ཤིག་པའོ། །གཞན་#ལ་གནོད་པར་མི་བྱ་ཞེས་པ་ནི་མཆིལ་སྣབས་ཀྱི་སྒྲ་འབྱུང་བ་ལ་སོགས་
[222b.3]པ་#དགེ་སློང་གཞན་ལ་གནོད་ཅིང་མི་བདེ་བའི་བག་མ་བྱེད་ཅིག་པའོ། །སྡུར་ཅིང་མི་ཉལ་ཞེས་པ་དང་བཅག་པའམ་གུད་དུ་འགྲོ་བར་རོ། གུད་དུ་འགྲོ་བ་ནི་སྡུར་ཏེ་མི་རུང་ན་བཅག་པའམ་གུད་དུ་འབྱོལ་བར་གྱིས་ཤིག་པའོ། །འདིའི་སྣོད་ཀྱི་ཞབས་གླང་པོའི་རྨིག་པ་ལྟ་བུའམ་
[222b.4]གཞི་དང་བཅས་པར་རོ་ཞེས་པ་ནི་མཆིལ་སྣོད་ཀྱི་ཞབས་གླང་པོའི་རྨིག་པ་ལྟ་བུར་བྱས་པའམ་དེའི་གཞི་གྱིས་ཤིག་པའོ། །འདི་དྲུང་དུ་གཞུག་ཅེས་པ་དང་། འདིར་ཚིགས་པའི་#ཕྱེའམ་ཐལ་བའི་གཅལ་དགྲམ་ཞེས་པ་དང་། སྦྲང་མ་བསྐྲད་པའི་ཆོ་ག་བྱ་ཞེས་པ་དང་། དྲི་མི་
[222b.5]ང་བ་དང་སྲོག་ཆགས་མེད་པར་#བྱ་བའི་ཕྱིར་དུས་དུས་སུ་བཀྲུ་ཞིང་བསྐམ་ཞེས་པ་དང་། དེས་མི་བྲེལ་བར་འཐེབ་#བཤམ་ཞེས་པ་ནི་གོང་མ་ལྟ་བུའི་མཆིལ་སྣོད་དེར་ཕྱེ་མ་ལ་སོགས་པའི་གཅལ་དགྲམ་པའང་ཐབས་འདི་དག་ལྟར་གྱིས་ཤིག་པའོ། མི་བྲེལ་བར་གཙུག་ལག་ཁང་གི་གྲྭ་བཞི་
[222b.6]ཀའི་དྲུང་དུ་མཆིལ་སྣོད་བཞག་ཅེས་པ་ནི་མཆིལ་མ་དོར་བའི་ས་གཙུག་ལག་ཁང་གི་གྲྭ་བཞིར་#འདི་ལྟར་གྱིས་ཤིག་པའོ། །རླུང་གི་ལས་སྒྲ་ཅན་མི་བྱ་ཞེས་པ་ནི་རླུང་གི་ལས་ཐུག་རིད་ཅན་མ་གཏོར་ཤིག་པའོ། །ཤིང་དྲུང་དུ་བཤང་གཅི་མ་ཡིན་ཞེས་པ་དང་། སྤང་ཤ་དག་གིས་མཚམས་མེད་པར་#
[222b.7]ཁེབས་པ་མ་གཏོགས་ཞེས་པ་ནི་སྤང་ཤ་དག་མ་ཡིན་ནམ་ཤིང་ཐ་མལ་པ་གཞན་#གྱི་དྲུང་དུ་བཤང་གཅི་མ་བྱེད་ཅིག་པའོ། །བཤང་ཁང་བྱ་ཞེས་པ་དང་། གཙུག་ལག་ཁང་གི་ནུབ་བྱང་གི་མཚམས་སུའོ་ཞེས་པ་དང་། དེའི་འོག་ཏུ་ཤིང་ཚེར་མ་ཅན་བསྐྱེད་ཅེས་པ་དང་དོང་ཀར་རྐང་རྟེན་བཤམ་
[223a]
[223a.1]ཞེས་པ་དང་། ཀུན་འདེའི་གནས་བྱ་ཞེས་པ་དང་། སྒོ་སྣོལ་མར་རོ་ཞེས་པ་དང་། སྒོ་འཕར་གཞུག་ཅེས་པ་དང་། སྒོ་གཏན་དང་ཟུང་བྱ་ཞེས་པ་ནི་བཤང་ཁང་འདི་དག་ལྟར་བྱས་པ་རྩིགས་ཤིག་པའོ། །བྱང་ནུབ་ཀྱི་མཚམས་ཞེས་པ་ནི་སྒོ་ཤར་ཕྱོགས་སུ་ལྟ་ན་དེར་བྱ་
[223a.2]བའོ། །འཇུག་ཀར་སྒྲ་དབྱུང་ཞེས་པ་དང་#། དེར་སོང་བས་ཀྱང་ངོ་ཐོས་ནས་སོ་ཞེས་པ་དང་། གོས་ལེགས་པར་བརྟུལ་#ལ་འཇུག་ཅེས་པ་དང་། ཤེས་བཞིན་དང་ལྡན་པས་#དབུས་སུ་འཇུག་པར་#བྱ་ཞེས་པ་དང་། རྐང་རྟེན་ལ་མི་རེག་པ་དལ་གྱིས་བྱ་ཞེས་པ་དང་། འོང་དུ་མི་བཏུབ་པ་མི་
[223a.3]བཙིར་ཞེས་པ་དང་། འོང་བ་མི་བཀྱིག་ཅེས་པ་ནི་བཤང་ཁང་དུ་འཇུག་པ་དང་། དེའི་ལས་བྱ་བ་ལ་སོགས་པ་མིང་གིས་སྨོས་པ་འདི་དག་ལྟར་གྱིས་ཤིག་པའོ། །དེ་དང་འབྲེལ་པའི་ཆེད་མ་ཡིན་ན་གཞན་གྱི་ཕྱིར་དེའི་ཉེན་ཀོར་དུ་མི་འཇུག་ཅེས་པ་ནི་བཤང་གཅིའི་ཆེད་མ་གཏོགས་པར་སྣམ་#ཕྱི་སའི་
[223a.4]ཐན་ཀོར་མ་འདུག་ཤིག་པའོ། །ཁང་སྐྱོང་གིས་ཉིན་རེ་ཞིང་བཀྲུ་ཞེས་པ་དང་། ས་དང་འདབ་མ་དག་ཀྱང་བཞག་ཅེས་པ་དང་། བཤམས་#པའི་ཕྱོགས་མ་ཡིན་པར་#མི་བཤང་ཞེས་པ་དང་། ཁ་དུ་མར་མ་ཡིན་ཞེས་པ་ནི་ཁང་སྐྱོང་གིས་ཏེ་རྟག་ཏུ་བཀྲུ་ཞིང་ས་དང་འདབ་#མ་གཞག་པ་དང་། སྣམ་
[223a.5]ཕྱི་སའི་ཕྱོགས་མ་ཡིན་#པར་བཤང་བའི་ལས་མ་བྱེད་ཅིག་པ་དང་། བཤང་བའི་ཚེ་ཁ་དུ་མར་མ་བྱེད་ཅིག་པའོ། །འཁོར་བར་ན་དོང་བརྐོ་ཞེས་པ་དང་། གཅི་ཁང་དང་ཟླ་ལའོ་ཞེས་པ་དང་། དོང་བུ་ཞེས་པ་དང་། ཝ་གཟུགས་ཞེས་པ་དང་། གཞན་ནི་མཚུངས་#ཞེས་པ་ནི་རྟག་པར་གཅིན་
[223a.6]འཛག་པ་ཞིག་ན་བཤང་ཁང་གི་ཟླ་ལ་གཅི་ཐབས་འདི་ལྟར་གྱིས་ཤིག་པའོ། །ཚད་པའི་ནད་ཀྱིས་ན་ཁྲིའུ་ལ་ཁོལ་དབྱུང་ཞེས་པ་དང་། བཏགས་པ་བཤུགས་ཏེ་ཞེས་པ་དང་། མ་གྲུབ་ན་གཅད་ཅེས་#པ་དང་། གལ་ཏེ་ཐན་ཀོར་ན་ཞེས་པ་དང་། ལོ་མའི་རློད་བཞག་ཅེས་#པ་དང་། ས་མི་
[223a.7]སྨེ་#བར་བསྲུང་ཞེས་པ་དང་། དེ་བས་ན་འོག་ཏུ་གྱོ་མོའི་ཞེས་པ་དང་ཧ་ཅང་མི་མཐོ་#ན་དགེ་ཞེས་པ་དང་། དྲི་ང་བ་དུས་དུས་སུ་བཀྲུ་ཞིང་སྐམ་ཞེས་པ་དང་། ཡུངས་མར་གྱིས་བཤལ་ཞེས་པ་དང་། དེས་#མི་བྲེལ་བར་འཐེབ་བཅང་ཞེས་པ་དང་། མ་གྲུབ་པ་ནི་ལེབ་མའི་འོག་རེ་བྱ་ཞེས་པ་ནི་ཚད་
[223b]
[223b.1]པས་#བཏབ་ན་ཁྲིའུ་བཏགས་པ་ནི་བཤུགས་ཏེ་#ཁོལ་དབྱུང་བཏགས་#པ་མ་ཡིན་པ་ནི་དྲས་ཏེ་ཁོལ་དབྱུང་བ་དང་། དེའི་ཐན་ཀོར་རྐུབ་ན་ལོ་མའི་ལྦོང་གཞག་#པ་དང་། ས་མི་སྨེ་བར་གྱོ་མོ་འཐོལ་རབ་མ་ཡིན་པ་གཞག་པ་དང་། དེའི་བཀྲུ་བཤལ་འདི་ལྟར་བྱ་ཞིང་འཐེབ་བཅང་གྱོ་མོ་མེད་ན་དེ་བླངས་ཏེ་དོར་#
[223b.2]དུ་རུང་བའི་གཞི་གྱིས་ཤིག་པའོ། །སོང་#ནས་དེ་བྱེད་པ་ཕྱིས་#ཞེས་པ་དང་། རྩི་སྦྱར་རམ་རྩ་བ་པོས་#མ་ཡིན་ཞེས་པ་དང་། ར་དའམ་#ལེབ་མའམ་ཤིང་ལོའམ་བོང་བའམ་ཤིང་བུ་འདིར་དགེ་ཞེས་པ་དང་། ས་རྣམས་གཉིས་ཀྱིས་#བཀྲུ་ཞེས་པ་ནི་བཤང་ཟིན་པའི་འོག་ཏུ་དེ་མིང་གིས་སྨོས་
[223b.3]པ་འདི་རྣམས་ཀྱིས་#ཕྱི་བ་དང་། སས་ལན་གཉིས་གསུམ་ཙམ་ཁྲུས་ཤིག་པའོ། །ས་ཚོམས་#སྔ་ནས་བཀོད་པས་དེའི་འོག་ཏུ་བཀྲུ་ཞེས་པ་དང་། ཆལ་པས་འགུ་དེ་དང་རྐང་རྟེན་མ་སྨོས་པར་དལ་གྱིས་བྱ་ཞེས་པ་ནི་ཕྱིར་རོལ་དུ་བྱུང་ནས་ས་ཕྲར་སྔ་ནས་བྱས་པ་རྣམས་ཀྱིས་དལ་གྱིས་བཀྲུ་
[223b.4]ཞིང་ཆལ་པ་མི་འཆོལ་#བར་གྱིས་ཤིག་པའོ། །བདུན་གྱིས་གཡོན་པ་པ་#ཞེས་པ་དང་། བདུན་གྱིས་གཉི་ག་ཞེས་པ་དང་། དཔུང་པ་གཉིས་བཀྲུ་ཞེས་པ་དང་། སས་ཡང་ལག་པ་གཉིས་བཀྲུ་ཞེས་པ་དང་། གཞན་གྱིས་ཀུན་བདེ་ཞེས་པ་དང་། རྐང་པ་གཉིས་བཀྲུ་ཞེས་པ་ནི་ས་
[223b.5]ཕུང་བདུན་གྱིས་ལག་པ་གཡོན་པ་བཀྲུ་བ་དང་། ས་ཕུང་བདུན་གྱིས་#ལག་པ་གཉིས་བཀྲུ་བ་དང་། དཔུང་པ་གཉིས་བཀྲུ་བ་དང་། ས་ཕུང་གཉིས་ཀྱིས་ཡང་ལག་པ་བཀྲུ་བ་#དང་། ཐ་མའི་ས་ཕུང་གཅིག་གིས་ཀུན་བདེ་བཀྲུ་བ་དང་། རྐང་པ་གཉིས་ཀྱང་བཀྲུ་བ་རྣམས་སུ་སྟོན་པའོ། །ཚད་
[223b.6]པ་འཛག་པས་མཇུག་#ཚུན་ཆད་ཕྱི་བ་ཙམ་བྱ་སྟེ་སྟན་ལ་འདུག་པ་ཉེས་མེད་ཅེས་པ་དང་། དེ་ལས་གཞན་ནི་ཆུ་ཡོད་ན་མ་བཀྲུས་པར་མི་འདུག་ཅེས་པ་ནི་བཀྲུ་སྨན་བཏང་སྟེ་ཚད་པ་རྟག་ཏུ་འོང་བ་ལྟ་བུ་ནི་མཇུག་མ་ཆད་ཀྱི་བར་དུ་ཕྱིས་པ་ཙམ་གྱིས་ཀྱང་ཆོ་ག་པ་དང་། དེ་མ་ཡིན་པ་གཞན་ནི་ཆུ་ཡོད་
[223b.7]པ་ལ་བཀྲུས་ན་སྟན་ལ་མ་འདུག་ཤིག་པའོ། །ཕྲན་ཚེགས་ལ་སོགས་པ་སྨན་གྱི་དངོས་པོར་གཏོགས་པའོ།། །།#ད་ནི་ལས་ཀྱི་དངོས་པོར་གཏོགས་པ་བསྡུས་ཏེ་སྟོན་པ་ནི་ཆོ་ག་ལས་འགལ་ན་ལས་མི་སྐྱེ་ཞེས་པ་ལ་སོགས་པ་ཡིན་ཏེ་ལས་སུ་བྱའོ། །ཆོ་གའི་ཆོ་ག་ལས་འགལ་
[224a]
[224a.1]བར་བྱས་ན་ལས་སུ་མི་རུང་བར་སྟོན་པའོ། །མི་ཐོས་པར་བྱས་པས་#ཐོས་ན་མ་ཡིན་ཞེས་པ་ནི་ཚུལ་ཁྲིམས་ཞིག་པ་དང་བསྙེན་པར་མ་རྫོགས་པ་ལ་སོགས་པས་ཐོས་ན་ཡང་ལས་སུ་མི་རུང་བ་ནི་མ་ཡིན་པའོ། །མི་སྐྱེ་བ་ནི་མི་བྱ་ཞེས་པ་ནི་ལས་སུ་མི་རུང་བ་ཉེས་བྱས་སམ་ལྟུང་བ་
[224a.2]དང་བསྡོས་#ལ་མ་བྱེད་ཅིག་པའོ། །ལས་ཀྱི་དངོས་པོ་ཉིད་སྟོན་པ་ནི་དེའི་ནི་གསོལ་བ་ཞུ་བ་སོ་སོར་ཐར་པ་འདོན་པ་ཚུལ་ནས་འབྱུང་བའོ་ཞེས་པ་ཡིན་ཏེ། ལས་ནི་མིང་གིས་སྨོས་པ་འདི་རྣམས་སོ། །གང་ཆོ་ག་ལས་འགལ་ན་ལས་སུ་མི་རུང་བ་དེ་སྟོན་པ་ནི་ཆོས་མ་ཡིན་པས་མི་བྱ་ཞེས་པ་ཡིན་ཏེ།
[224a.3]མ་གླེངས་མ་བསྐུལ་བར་ཆད་པ་ལ་སོགས་པ་ནན་གྱིས་བཅད་པ་ནི་ཆོས་མ་ཡིན་པའོ། །ཚོགས་མ་ཡིན་ཞེས་པ་ནི་ཁར་བ་དང་དྲ་བའི་སྡོམ་པ་སྦྱིན་པ་བཞི་ལ་སོགས་པའི་ཚོགས་སུ་བསླང་བ་ལས་མ་སྦྱིན་ཅིག་པའོ། །བསྙེན་པར་རྫོགས་པ་#དེ་བཞིན་མ་འདུས་པར་མ་ཡིན་ཞེས་པ་ནི་མཚམས་ཀྱི་ནང་
[224a.4]ན་འཁོད་པ་རྣམས་ཀྱི་དད་པ་མ་བླངས་པར་མ་#བྱེད་ཅིག་པའོ། །དགེ་འདུན་དུ་མ་#གྱུར་ན་ཞེས་པ་ནི་དགེ་འདུན་བཞི་ཡན་ཆད་དགེ་འདུན་གྱི་#གྲངས་སུ་དགོས་པ་བཞིན་དུ་#མ་ཚང་བར་མ་བྱེད་ཅིག་པའོ། །བྱུང་བ་ནི་ཉི་ཤུ་ལ་སོགས་པས་དགེ་འདུན་ཞེས་པ་ནི་ལྷག་མ་ལས་བྱུང་བའི་དགེ་འདུན་
[224a.5]ནི་ཉི་ཤུ་ཡན་ཆད་དགོས་པའོ། །བསྙེན་པར་རྫོགས་པ་ནི་བཅུ་ལ་སོགས་པས་#ཞེས་པ་དང་། མ་ལྡན་ན་མཐའ་ཁོབ་ཏུ་འདུལ་བ་འཛིན་པ་དང་ལྔ་ལ་སོགས་པའོ་ཞེས་པ་ནི་ཡུལ་དབུས་སུ་བསྙེན་པར་རྫོགས་པའི་དགེ་འདུན་བཅུ་ཡན་ཆད་དགོས་པ་དང་། མཐའ་ཁོབ་ཏུ་ལྔ་ཡན་ཆད་
[224a.6]དགོས་པའོ། ལྷག་མ་ནི་བཞི་ལ་སོགས་པའོ་ཞེས་པ་ནི་དབྱུང་བ་དང་བསྙེན་པར་རྫོགས་པ་ལ་མ་གཏོགས་པའི་ལས་གཞན་བྱེད་པའི་ཚེ་དགེ་འདུན་བཞི་ཡན་ཆད་དགོས་པའོ། །དགེ་སློང་མ་དང་ནི་ལས་ཐ་དད་ཅེས་པ་ནི་ལས་གོང་དུ་སྨོས་པ་རྣམས་ཀྱང་། དགེ་སློང་མ་དང་ནི་ཐ་དད་པར་
[224a.7]སྟོན་པའོ། །ཐ་དད་པ་ལས་ཀྱང་ཁ་ཅིག་དགེ་འདུན་གྱི་བཏང་དགོས་པ་ནི་ཚུལ་ནས་འབྱིན་པ་ནི་དགེ་སློང་གི་དགེ་འདུན་གྱིས་ཀྱང་ཞེས་པ་ལ་སོགས་པ་ཡིན་ཏེ་ཚུལ་ནས་འབྱིན་པའི་ཚེ་དགེ་སློང་གི་དགེ་འདུན་ཡང་མེད་དུ་མི་རུང་བའོ། །དེ་དག་འདུམ་བར་གྱུར་ནས་གསོ་སྦྱིན་ཞེས་པ་ནི་
[224b]
[224b.1]དགེ་སློང་གི་དགེ་འདུན་རྣམས་དང་མཐུན་པར་གྱུར་ནས་གདོད་གསོ་སྦྱིན་གྱིས་ཤིག་པའོ། །འདུན་པར་བྱ་བ་ཇི་ལྟར་བསྒྲུབ་ཅེ་ན། དད་པ་དང་གསོ་སྦྱིན་ཕུལ་བས་དེ་གྲུབ་ཅེས་པ་ཡིན་ཏེ། དགེ་སློང་མའི་དགེ་འདུན་གྱི་གསོ་སྦྱིན་བྱ་བར་གསོལ་ནས་གདོད་སྡོམ་པ་དེ་འགྲུབ་པར་སྟོན་
[224b.2]པའོ། །འདིར་གཉིས་ཀྱི་ལས་སོ་ཞེས་པ་ནི་དད་པ་དང་གསོ་སྦྱིན་འབུལ་བ་དགེ་སློང་མ་གཉིས་ཀྱི་ལས་ཡིན་པའོ། །འདི་ནུས་པ་དག་གིས་སོ་ཞེས་པ་ནི་དད་པ་དང་གསོ་སྦྱིན་དབུལ་བ་དང་ནོད་ནུས་པའི་དགེ་སློང་མ་གཉིས་སྐོས་ཤིག་པའོ། །མེད་ན་གཅིག་གིས་ཀྱང་ཞེས་པ་ནི་ནུས་
[224b.3]པ་གཉིས་མེད་ན་གཅིག་ཀྱང་བླའོ#། །དགེ་འདུན་གྱིས་སྐད་ལེན་པའི་དགེ་སློང་བསྐོ་ཞེས་པ་དང་། དེའི་གནས་ནི་སྒོ་ཁང་ངོ་ཞེས་པ་དང་། འབྲོས་པ་ལྟ་ན་བསྒོ་#ཞེས་པ་དང་། དེས་ཀྱང་འདི་བཞིན་ཞེས་པ་དང་། འབྲོས་པར་མ་ཡིན་ཞེས་པ་དང་། མི་ཤེས་ན་མིང་རུས་དྲི་ཞེས་པ་ནི་དགེ་སློང་
[224b.4]མའི་ཆ་སྐད་ལེན་པ་འདི་དགེ་སློང་བསྐོ་བ་དང་། དེས་སྒོ་ཁང་དུ་བསྡད་པ་དང་། དེས་འབྲོས་ན་དགེ་སློང་མས་མ་འབྲོས་སོ་ཞེས་བྱ་#བ་དང་། དགེ་སློང་མ་བྲོས་ན་ཡང་དེས་འབྲོས་སུ་མི་གནང་བ་དང་། སུས་བསྐོས་པའི་རྒྱུས་མི་ཤེས་ན་འང་མིང་རུས་དྲིས་ཤིག་པའོ། །མགུ་བ་དང་དབྱུང་
[224b.5]བ་ནི་གཉིས་ཚོགས་ཏེའོ་ཞེས་པ་ནི་དགེ་སློང་མ་ལྷག་མ་བྱུང་བས་མགུ་བ་དང་དབྱུང་བ་གཉིས་ཀ་དགེ་འདུན་སྡེ་གཉིས་ལ་བྱ་དགོས་པའོ། །བསྙེན་པར་རྫོགས་པ་ཡང་ངོ་ཞེས་པ་ནི་དགེ་སློང་མ་བསྙེན་པར་རྫོགས་པའི་ཚེའང་དགེ་འདུན་སྡེ་གཉིས་དགོས་པའོ། །འདི་རྣམས་ཀྱི་སྡེ་ནི་བཅུ་གཉིས་སོ་ཞེས་
[224b.6]པ་ནི་དགེ་སློང་མ་ཡུལ་གྱི་དབུས་སུ་བསྙེན་པར་རྫོགས་པ་ནི་དགེ་འདུན་བཅུ་གཉིས་དགོས་པའོ། །སྡོམ་པ་སྔ་མ་གཉིས་དང་། འགོད་པ་ཚད་མེད་པའི་འཁོར་#འཇོག་པའི་སྡོམ་པ་སྦྱིན་པ་ནི་དགེ་འདུན་གྱི་མཐས་སོ་ཞེས་པ་ནི་དགེ་སློང་མའི་སྡོམ་པ་དང་ཚངས་པའི་གནས་ཀྱི་སྡོམ་པ་གཉིས་དང་། འཁོར་
[224b.7]དང་ཚད་མེད་པའི་འཁོར་འཇོག་པའི་སྡོམ་པ་དབོག་པ་དང་། དགེ་སློང་མའི་དགེ་འདུན་བཅུ་གཉིས་ཀྱིས་ཕོག་ཤིག་པའོ། །ལས་བྱེད་མ་ནུས་ན་དེས་མཉན་ལ་དགེ་སློང་ཕས་ཞུ་བ་བྱར་རུང་ཞེས་པ་ནི་དགེ་སློང་མས་ལས་བྱེད་མ་ནུས་ན་དགེ་སློང་ཕས་བྱས་ལ་དེས་མཉན་དུ་རུང་བའོ། །ཇི་སྲིད་ཀྱི་བར་དུ་
[225a]
[225a.1]ཞེ་ན་གང་གི་ཕྱིར་མི་གསུང་བས་ན་ཞེས་པ་ཚུན་ཆད་དོ་ཞེས་པ་ཡིན་ཏེ། འཕགས་མའི་དགེ་འདུན་གྱིས་#བཟོད་ན་ཞེས་པ་ཡན་ཆད་དགེ་སློང་ཕས་བྱའོ། །གང་མི་གསུང་བས་ཞེས་པའི་ཚིག་ཉིད་ནི་དགེ་སློང་མས་བརྗོད་དགོས་པའོ། །མ་བཀད་ན་ཚངས་པ་མ་ཡིན་ཞེས་པ་ནི་དགེ་འདུན་རིལ་
[225a.2]གྱིས་གྲལ་དུ་མ་བཀད་པར་ལ་ལ་འདུག་ལ་ལ་འཆག་བཞིན་དུ་ལས་བྱས་ན་སྤྱོད་ལམ་ཐ་དད་པའི་ཕྱིར་ལས་སུ་མི་རུང་བའོ། །གང་གིས་#བྱེད་པ་མ་ཡིན་ཞེས་པ་ནི་ཆད་པས་བཅད་པ་ལ་སོགས་པ་དགེ་སློང་གི་ཕྱིར་ལས་བྱེད་པ་དེ་ཉིད་དགེ་འདུན་གྱི་གྲངས་སུ་མ་གཞུག་ཤིག་པའོ། །དེ་ལྟ་བས་ན་དད་པ་དང་།
[225a.3]ཡོངས་སུ་དག་པའི་ཚོགས་ཚངས་པར་#མི་འགྱུར་ཞེས་པ་ནི་གོང་མ་ལྟ་ན་དད་པ་དང་ཡོངས་སུ་དག་ཙམ་གྱིས་#དགེ་འདུན་མ་ཚང་བའི་ཁ་བསྐང་བར་མི་#བྱེད་ཅིག་པའོ། །འདི་གཉིས་མི་བླང་ཞེས་པ་དང་། ཚུལ་ནས་འབྱིན་པ་མི་བསྐོ་ཞེས་པ་ནི་དགེ་འདུན་བཞི་ལས་མེད་ན་གཅིག་གིས་དད་པ་བླང་བ་དང་།
[225a.4]དེ་བཞིན་དུ་བཞི་ལས་མེད་ན་གཅིག་ཚུལ་ནས་འབྱིན་པར་མ་བསྐོ་ཤིག་པའོ། །བསྙེན་པར་མ་རྫོགས་པ་ཞིག་པ་མཚམས་མེད་པར་#བྱས་པ་སྡིག་པར་ལྟ་བས་གཞན་ལ་གནས་པ་དུ་མར་གནས་པ་རྣམས་མ་ཡིན་ཞེས་པ་ནི་མིང་གིས་སྨོས་པ་འདི་རྣམས་ཀྱིས་#དགེ་འདུན་མ་ཚང་བའི་ཁ་བསྐང་བར་མ་བྱེད་ཅིག་
[225a.5]པའོ། །དེ་ལ་ཞིག་ཅེས་པ་ནི་ཚུལ་ཁྲིམས་ཞིག་པའོ། །སྡིག་པར་ལྟ་ཞེས་པ་ནི་ལྟ་བ་དྲུག་ཅུ་རྩ་གཉིས་གང་ཡང་རུང་བར་བལྟས་པའོ། །ས་གཞན་ལ་གནས་ཞེས་པ་ནི་དགེ་སློང་ཐ་མལ་པའི་ས་དེ་ཆད་པས་བཅད་པ་ལ་སོགས་པའི་ལས་ན་འདུག་པའོ། །དུ་མར་གནས་ཞེས་པ་ནི་སྐབས་འདིར་ཆོས་
[225a.6]མ་ཡིན་པའི་ཕྱོགས་ལ་གནས་པ་སྟེ་ལྷས་བྱིན་གྱི་ཕྱོགས་ན་འཁོད་པ་མ་ཚང་བ་རྣམས་ཀྱི་ཁ་དེའི་ཕྱོགས་སུ་མ་སྤོང་བའི་དགེ་སློང་ཐ་མལ་པ་རྣམས་ཀྱིས་བསྐོང་#དུ་མི་རུང་བའོ། །སྨས་པ་ཡང་ཞེས་པ་ནི་ཕས་ཕམ་པ་མ་ཡིན་པའི་ལྷག་མ་མན་ཆད་ཉེས་པ་བཞིན་#བྱས་པ་ལ་བྱ་སྟེ། ཉེས་པ་དེ་དག་ལྟ་བུ་དང་
[225a.7]ལྡན་པས་དགེ་འདུན་གྱི་ཁ་བསྐང་དུའང་མི་རུང་བར་སྟོན་པའོ། ཅིའི་ཕྱིར་དེ་ལྟ་ཞེ་ན། འགྲོ་#བ་ལས་བཙུན་པ་ཇི་ཙམ་གྱིས་ན་རང་བཞིན་ལ་མི་གནས་པ་ལགས་ཨུ་པཱ་#ལི་སྦྱང་པ་མ་ཡིན་པ་སྤྱོད་ཅིང་དགེ་སློང་གི་བསླབ་པ་མི་སློབ་པ་འདི་ཙམ་གྱིས་རང་བཞིན་ལ་མི་གནས་པའོ་ཞེས་འབྱུང་བས་ན་
[225b]
[225b.1]ཚུལ་ཁྲིམས་ཡོངས་སུ་དག་པ་མ་ཡིན་པའི་ཕྱིར་རོ། །དེ་ཇི་#ཙམ་ཡན་ཆད་ཀྱིས་སྨྲས་པར་གདགས་ཤེ་ན། བསྡམ་པར་བྱ་བ་ཡང་ཞེས་པ་ཡིན་བཤགས་པར་བྱ་བའི་ཉེས་པ་ལྟ་ཅི་སྨོས་ཀྱིས་#བསྡམ་པར་བྱ་བའི་ཉེས་བྱས་ཀྱིས་ཀྱང་སྨྲས་པར་འགྱུར་བའོ། །ཅིའི་ཕྱིར་དེ་ལྟ་ཞེ་ན། ཚུལ་ནས་འབྱུང་
[225b.2]བའི་དངོས་པོ་ལས་འགལ་ཏེ་བསྡམ་པར་བྱ་བར་ཁས་ལེན་ན་ཡང་བསྡམས་#ནས་འབྱུང་བར་བྱའོ་ཞེས་འབྱུང་བས་ན་ཁ་ཅིག་ན་རེ་དེ་ལྟ་ན་ནི་རྣ་རྡུམ་#དང་ནད་#ལ་སོགས་པར་བསྙེན་པར་རྫོགས་པར་བྱེད་ན་དང་པོ་རྩོམ་པ་ནས་དགེ་འདུན་ཀུན་ཉེས་བྱས་ཅན་དུ་གྱུར་ན་ནི་དགེ་འདུན་དུ་མ་ལོངས། དགེ་འདུན་
[225b.3]དུ་མ་ལོངས་ན་ནི་ལས་སུ་མི་རུང་། ལས་སུ་མི་རུང་ན་ནི་བསྙེན་པར་རྫོགས་པར་ཡང་མི་འགྱུར་བས་ན། བཤད་པ་མི་རིགས་ཀྱི་ཕས་ཕམ་པའི་སྨྲས་པ་མ་བྱུང་བ་ལ་བྱའོ་ཞེས་རྒོལ་བ་ཡང་ཡོད་མོད་ཀྱི་དེ་ལྟར་ཡང་མི་འགྱུར་ཏེ་གསོལ་བའི་ལས་ཀྱིས་བྱིན་གྱིས་བརླབས་ན་ཡོངས་སུ་གཙང་བར་
[225b.4]འགྱུར་བའི་ཕྱིར་རོ། །བཤགས་པ་མེད་དུ་ཟིན་ཀྱང་ཡོངས་སུ་དག་པ་སྟོན་པ་ནི་བྱིན་གྱིས་བརླབས་#པ་ནི་དག་པར་འགྱུར་ཞེས་པ་ཡིན་ཏེ་དགེ་འདུན་གྱི་ལྷག་མ་ལ་སོགས་པའི་ཉེས་པ་བྱིན་གྱིས་བརླབས་པ་ན་ཡོངས་སུ་#དག་པར་འགྱུར་བའོ། །དེ་མོད་ལ་བཤགས་སུ་རུང་བ་ཡང་བྱིན་གྱིས་
[225b.5]བརླབས་པས་སློན་ནམ་ཞེ་ན། ནུས་ན་མ་ཡིན་ཞེས་པ་ཡིན་ཏེ། དེའི་མོད་ལ་བཤགས་སུ་རུང་བ་ནི་བྱིན་གྱིས་བརླབས་སུ་ཟིན་གྱིས་ཀྱང་ཡོངས་སུ་དག་པར་མི་འགྱུར་བའོ། །དེའི་མོད་ལ་བཤགས་སུ་རུང་བ་གང་ཞེ་ན། དེའི་མོད་ལ་ནུས་པ་ནི་ལྟུང་བ་ཉི་ཚེ་དང་སོ་སོར་བཤགས་པ་དང་ཉེས་
[225b.6]བྱས་བཅོས་སུ་རུང་བ་རྣམས་ཏེ། ལེན་པ་ཡོད་ན་བཤགས་པ་ཙམ་གྱིས་ཆོག་པའི་ཕྱིར་ཞེས་པ་ཡིན་ཏེ། མིང་གིས་སྨོས་པ་འདི་རྣམས་ཀྱིས་ཉེས་པ་བཤགས་པའི་མོད་ལ་དག་པའི་ཕྱིར་ལས་བྱེད་པའི་ཚེ་མ་བཤགས་པར་ལེན་པ་ཡོད་བཞིན་དུ་བྱིན་གྱིས་བརླབས་པ་ནི་བྱིན་གྱིས་བརླབས་ཀྱང་མི་ཕན་པའོ། །ཉེས་པར་གྱུར་
[225b.7]པ་ནི་འདུ་ཤེས་ཇི་བཞིན་དུ་བྱ་ཞེས་པ་ནི་ཉེས་པར་གྱུར་པ་ལ་ཁ་མི་འདུམ་ན་སོ་སོར་ཇི་ལྟར་བཀྱིག་པའི་འདུ་ཤེས་བཞིན་དུ་གྱིས་ཤིག་པའོ། །གཅིག་ལ་ཡང་བསྐྲད་པའམ། མི་བསྐྲད་པའམ། བཅོས་པའི་རྣམ་པ་དུ་མར་ཡང་མི་རུང་བ་མེད་ཅེས་པ་ནི་གོང་མ་ལྟར་ཁ་དུམ་#ན་གང་ཟག་གཅིག་ལ་
[226a]
[226a.1]ཡང་ལྷག་མ་མ་ལུས་པར་འདུ་ཤེས་པ་རྣམས་ཀྱི་ནི་དགེ་འདུན་གྱི་ཁོངས་སུ་བཅུག་པ་དང་ཚངས་པར་བྱ་བ་ཡང་གོང་མ་དང་འདྲ་བར་སོ་སོར་#འདུ་ཤེས་ཇི་ལྟ་བ་བཞིན་དུ་གཉེན་པོ་ལ་བརྟེན་དུ་བཅུག་ན་མི་རུང་བ་མེད་པར་སྟོན་པའོ། །འདི་དག་གི་བྱ་བར་མ་ཡིན་ཞེས་པ་ནི་བསྙེན་པར་རྫོགས་པ་ནས་སྨོས་པ་
[226a.2]ཞེས་པའི་བར་དུ་སྨོས་པ་རྣམས་ཀྱིས་གསོལ་བ་ལ་#སོགས་པའི་ལས་མ་བྱེད་ཅིག་པའོ། །ཅིའི་ཕྱིར་དེ་ལྟ་ཞེ་ན། གླེང་གཞི་ལས་བཙུན་པ་བསླབ་པ་བྱིན་པ་ལས་བགྱིས་ན་ལས་#བགྱིས་པའམ་མ་བགྱིས་པ་ཞེ་ན། ཨུ་པཱ་#ལི་མ་བྱས་པ་ཡིན་གྱིས་སླར་སྐྱོས་ཤིག་ཅེས་#པ་དང་། དེ་བཞིན་དུ་མ་ནིང་དང་ཟ་མ་དང་།
[226a.3]དགེ་སློང་མ་སླུ་བ་དང་། ཕ་མ་གསོད་པ་ལ་སོགས་པ་མཚམས་མེད་པའི་ལས་བྱས་པ་རྣམས་དང་། མུ་སྟེགས་པ་དང་མུ་སྟེགས་པར་ཞུགས་པ་དང་། རྐུན་བུར་གནས་པ་དང་། དུ་མར་གནས་པ་རྣམས་ཀྱི་ལས་བྱས་པ་ཡང་སྐྱོས་ཤིག་ཅེས་འབྱུང་བའི་ཕྱིར་རོ། །ལྷག་མ་ཅན་ཆོས་བཞིན་པས་གདོན་པར་
[226a.4]བྱ་ཞེས་པ་ནི་ལྷག་མ་གཉེན་པོ་ལ་བརྟེན་བཞིན་པས་ནི་སོ་སོར་ཐར་པ་གདོན་དུ་རུང་བ་སྟེ། འདི་དག་གི་བྱ་བ་མ་ཡིན་ཞེས་པའི་མདོ་འབྲེལ་#པ་ཡིན་ནོ། །དེ་ལས་གཞན་པ་དག་#གིས་ཐོས་པར་མི་བྱ་ཞེས་པ་ནི་ལྷག་མ་ཆོས་བཞིན་པ་ལས་གཞན་པ་དག་#གིས་ནི་དགེ་འདུན་གྱི་ལས་ཐོས་པར་མ་བྱེད་ཅིག་པའོ། །ཐམས་
[226a.5]ཅད་ཀྱི་དེ་ལྟའམ་ཞེ་ན། མ་སྤངས་པ་མ་ལོག་པ་ནི་མ་གཏོགས་ཞེས་པ་ཡིན་ཏེ། བཀར་ཞིང་བྱེ་བའི་སྤངས་པ་མ་ཡིན་པ་དང་མཚམས་མེད་པ་བྱས་པ་དང་། བསྙེན་པར་རྫོགས་པའི་ལོག་པ་མ་ཡིན་པ་ནི་ཐོས་པར་མི་བྱ་བ་མ་གཏོགས་པར་སྟོན་པ་སྟེ། དེ་ལ་བཀར་ཞིང་བྱེ་བ་ཅིའི་ཕྱིར་སྤངས་པ་ཞེ་ན། ཆོས་
[226a.6]དང་ཟང་ཟིང་གི་སྤྱོད་པ་#མི་གཅིག་པར་དགེ་འདུན་གྱིས་#སྤངས་པའི་ཕྱིར་རོ། །མཚམས་མེད་པར་བྱས་པ་ལ་སོགས་པ་ཅིའི་ཕྱིར་ལོག་པ་ཞེ་ན། མཚམས་མེད་པར་བྱས་པ་ནི་བདེ་འགྲོ་ལས་ལོག་པའི་ཕྱིར་རོ། །ཞིག་པ་ནི་ཐ་མ་#པ་ལས་ལོག་པའོ། །བསྙེན་པར་མ་རྫོགས་པ་ནི་བསྙེན་པར་རྫོགས་པ་
[226a.7]ལས་ལོག་པའི་ཕྱིར་རོ། །དེ་ལ་མ་སྤངས་པའི་དངོས་པོ་#ནི་བསྡིགས་པ་དང་སྨྲས་པ་དང་བསྐྲད་པ་དང་མགོད་ཐོད་དང་བསླབ་པ་བྱིན་པ་དང་། དེའི་རང་བཞིན་ཚོལ་བ་རྣམས་སོ་བཀར་བ་ཉིད་ཀྱི་ལས་ཀྱང་ངོ་ཞེས་པ་ནི་བཀར་བའི་ཆད་པ་བྲག་བཀར་ཚངས་པའི་ལས་ཐོས་ཀྱང་བླ་བའོ། །བསྙེན་པར་
[226b]
[226b.1]རྫོགས་པར་འདོད་པ་ན་ནང་དུ་འདྲི་བའི་ཕྱིར་གསོལ་བ་ལ་སོགས་པ་ཡང་ངོ་ཞེས་པ་བསྙེན་པར་རྫོགས་པར་འདོད་པ་#དགེ་འདུན་གྱི་ནང་དུ་བར་ཆད་ཀྱི་ཆོས་དྲི་བའི་ཕྱིར་གསོལ་བ་ལ་སོགས་པའི་ལས་ཐོས་ཀྱང་བླ་བའོ། །བསྙེན་པར་མ་རྫོགས་པ་ལ་ཡང་ཁ་ཅིག་ནི་མངོན་སུམ་དུ་བྱ། ཁ་ཅིག་
[226b.2]ནི་ཐོས་པར་བྱ་བ་ལ་མངོན་སུམ་དང་ཐོས་པའི་ཐབས་ཇི་ལྟར་བྱ་ཞེ་ན། མངོན་སུམ་ནི་མཐོང་བའི་ལམ་དུ་བཞག་པ་དང་ཐོས་པ་ནི་སྦྲན་པ་སྟེ། དེ་ལྟར་བྱས་པས་#བསྒྲུབ་ཅེས་པ་ཡིན་ཏེ། བསྙེན་པར་རྫོགས་པ་ལ་#མངོན་སུམ་གྱི་ལས་སུ་བྱ་བ་ཡང་མཐོང་བའི་ལམ་དུ་བཞག་ནས་བྱ་བ་དང་བསྙེན་
[226b.3]པར་མ་རྫོགས་པ་ལ་ཐོས་པའི་ལས་བྱ་བས་བསྐྲད་པ་ལྟ་བུ་ཡིན་ཏེ་མིག་ལམ་དུ་མི་སྣང་བར་བཞག་ལ་དགེ་སློང་གཅིག་གིས་སྦྲན་ཅིང་སྐད་སྦྱར་བའོ། །གཙུག་ལག་ཁང་སྨོས་པ་ལ་ཕྱག་མི་བྱ། མི་སྨྲ་མི་སྤྱོད་པ་རྣམས་ཀྱི་སྡོམ་པ་ནི་མངོན་སུམ་དུ་མ་གྱུར་པར་རོ་ཞེས་པ་ནི་མིང་གིས་སྨོས་པ་འདི་
[226b.4]རྣམས་ཀྱི་སྡོམ་པ་དབོག་པ་ནི་གང་ཟག་དེ་ཉིད་ལ་ལྟོས་མི་དགོས་པར་དབང་དགེ་འདུན་ལ་ཡོད་པས་ན་མངོན་སུམ་དུ་མི་བྱ་བའོ། །དེ་ལ་གཙུག་ལག་ཁང་ཞེས་པ་ནི་གང་ཟག་གཅིག་གི་གཙུག་ལག་ཁང་དུ་དགེ་འདུན་གཞན་མི་འགྲུལ་བར་སྡོམ་པ་བཅའ་བའོ། །སྨོས་ཞེས་པ་ནི་དགེ་སློང་སྨོས་
[226b.5]པའི་སྡོམ་པ་དབོག་པའོ། །ཕྱག་མི་#བྱ་ཞེས་པ་ནི་དགེ་སློང་མ་དང་མ་བོས་པར་འདུལ་བ་ལྟ་བུ་དགེ་སློང་གིས་#བཀར་ཞིང་དགེ་སློང་མས་ཕྱག་མི་བྱ་བར་དེ་བཅའ། མི་སྨྲ་ཞེས་པ་ནི་གླེང་བས་བསྐུལ་བའི་སྐབས་མི་འབྱེད་ན་དགེ་འདུན་གྱིས་དེ་དང་གཏམ་མི་བྱ་བར་སྡོམ་པ་བཅའ་བའོ། །མི་སྤྱོད་པ་#ནི་
[226b.6]ཆོས་དང་ཟང་ཟིང་གི་སྤྱོད་པ་ལྷན་ཅིག་ཏུ་མི་བྱ་བར་དམ་བཅའ་བའོ། །དེ་ལ་ཞལ་ནས་གསུངས་པ་ལ་ནི་ལྷུང་བཟེད་ཁ་དབུབ་ཅིང་དགོན་པ་དང་། ཁྱིམ་དུ་མི་འདོད་པར་བསླབ་པའི་དམ་བཅའ་ཞིང་དགྲོལ་བ་དང་། དགེ་ཚུལ་གྱི་སྣང་བར་བསྐྲད་པའི་སྡོམ་པ་ལྔ་དང་སྤྱིར་བཅུ་བྱུང་ལ་འདིར་ནི་ལྔ་
[226b.7]ལས་མི་སྨོས་པ་ཅིའི་ཕྱིར་ཞེ་ན། བསྙེན་པར་མ་རྫོགས་པ་རྣམས་ཀྱི་#ཕྱིར་བཅས་པ་ཡིན་པས་ན་མངོན་སུམ་དུ་བྱ་བར་དོགས་པ་མི་སྐྱེ་བའི་ཕྱིར་འདིར་མི་སྨོས་སོ། །དེའི་ཆེད་མ་གཏོགས་པར་མི་ཞུ་བ་ཞེས་པ་ནི་ཞུ་བ་གཅིག་ལ་སོགས་པའི་ལས་གང་བརྩམས་ཀྱང་རུང་སྟེ། དང་པོ་ཉིད་དུ་དགེ་
[227a]
[227a.1]འདུན་གོ་བར་བྱ་བའི་གསོལ་བ་ཇེ་མ་བྱས་པར་ལས་ཀྱི་ཚིག་མ་རྩོམ་ཤིག་པའོ། །གོང་དུ་མི་འདུམ་པར་མ་ཡིན་ཞེས་སྨོས་པ་དེའི་མི་#འདུམ་པ་གང་ལ་བྱ་བ་སྟོན་པ་ནི་མཚམས་དེའི་ནང་དུ་གཏོགས་པ་ལ་བསྐང་བར་ཡང་འོས་པ་ལས་ལུས་སམ་དད་པས་བཀད་པར་མ་ཞུགས་པ་དང་།
[227a.2]རྒྱུས་མི་ཤེས་ཤིང་འཁོན་ཡོད་པ་མ་གཏོགས་པར་སྤྱོད་ལམ་ཡང་མ་ཉམས་རང་བཞིན་ལའང་གནས་#གཅིག་པས་ཁོ་ན་ཉིད་ཀྱི་ལས་གཞན་ཞིང་ཆོས་དང་འགལ་བ་ལ་མི་སྟེར་བ་མི་མཐུན་པའོ་ཞེས་པ་ཡིན་ཏེ་མཚམས་དེའི་ནང་དུ་གཏོགས་ཤིང་བསྐང་བར་འོས་པ་ལས་བཀད་གྲལ་མ་བཟུང་ངམ་དད་པ་མ་
[227a.3]ཕུལ་ན་མི་མཐུན་པར་འགྱུར་བ་དང་#རྒྱུས་མི་ཤེས་ཤིང་ཁོ་ན་ཡོད་པ་མ་གཏོགས་པར་སྤྱོད་ལམ་མ་ཉམས་པ་ལ་སོགས་པ་མིང་གིས་སྨོས་པ་འདི་རྣམས་ལྟ་བུ་#ཁོ་ན་ཉིད་ཀྱི་ཕྱིར་ཡང་མ་ཡིན་ཆོས་དང་འགལ་བའི་ཕྱིར་དགེ་འདུན་གྱིས་#ལས་སུ་མི་རུང་ངོ་ཞེས་བྱེད་དུ་མི་སྟེར་ན་མི་མཐུན་#པར་འགྱུར་བར་སྟོན་པའོ། །
[227a.4]དེ་ལ་ཆོས་དང་འགལ་བར་ནི་སྐབས་འདིར་གང་ཟག་གང་གི་ཕྱིར་ལས་བྱ་བའི་མི་དེ་ཉིད་སྟམས་ལས་ཆད་པའོ། །དེའི་ཚིག་ལ་གཙིགས་པའི་འབྲུ་#གཉེར་འཆད་པ་ནི་བརྫུན་དུ་སྨྲས་པ་ལ་ཕལ་ཆེ་བ་ནི་ཚིག་མི་གཙིགས་#པས་སོ་ཞེས་པ་དང་། ཕྲ་མ་ཚིག་རྩུབ་པོ་ངག་ཀྱལ་བ་རྣམས་སོ་ཞེས་པ་ཡིན་ཏེ།
[227a.5]མིང་གིས་སྨོས་པ་འདི་རྣམས་ལྟ་བུ་མ་ཡིན་ན་ཚིག་གཙིགས་#པའོ། །རང་བཞིན་ལ་གནས་པའི་འབྲུ་གཉེར་འཆད་པ་ནི་འདི་དང་བྱ་བ་ལས་འགལ་ཞིང་མི་བྱ་བ་བྱེད་པ་ནི་རང་བཞིན་དུ་མི་གནས་པའོ་ཞེས་པ་ཡིན་ཏེ། གོང་དུ་སྨོས་པའི་བརྫུན་ལ་སོགས་པ་དང་གཞན་ཡང་བྱ་བ་མི་བྱེད་ཅིང་མི་
[227a.6]བྱ་བ་བྱེད་པ་ནི་རང་བཞིན་དུ་མི་གནས་པ་སྟེ། འདི་ལ་བཟློག་#ན་རང་བཞིན་ལ་གནས་པ་ཉིད་དུ་རིག་པར་བྱ་བའོ། །སྤྱོད་ལམ་ཉམས་པའི་འབྲུ་གཉེར་#སྟོན་པ་ནི། དེ་ནས་འབྱོལ་བར་བསམས་ཏེ#། འདི་བཏང་བ་ནི་སྤྱོད་ལམ་ཉམས་པའོ་ཞེས་པ་ཡིན་ཏེ་དགེ་འདུན་ལས་བྱེད་པའི་བཀད་གྲལ་
[227a.7]དེ་ནས་གུད་དུ་འགྲོ་བར་བསམས་ཏེ་གྲལ་ནས་ལངས་ན་སྤྱོད་ལམ་ཉམས་པ་ཡིན་པས་ན་འདི་ལྟ་བུར་མ་གྱུར་ན་སྤྱོད་ལམ་མ་ཉམས་པའོ། །#དགེ་འདུན་ལ་ལྟ་བ་བསྙད་ཅེས་པ་ནི་དགེ་འདུན་གྱི་ལས་སུ་བྱ་བའི་ཕྱི་#ནས་བདག་གི་ཡིད་ལ་བབ་བམ་མ་བབ་པ་ལ་སོགས་པ་དགེ་འདུན་ལ་བློ་#གདབ་ཅིང་
[227b]
[227b.1]ཤད་ཀྱིས་#སྦྱོད་ཤིག་པའོ། །གཞན་ལ་མ་ཡིན་ཞེས་པ་དད་བསྙེན་པར་མ་རྫོགས་པ་ལ་མ་ཡིན་ཞེས་པ་དང་། བསྐང་བར་མི་འོས་པ་ལ་ཡང་ཞེས་པ་དང་། ལྷག་མ་མ་ལུས་པ་ལ་མ་ཡིན་ཞེས་པ་ནི་མིང་གིས་སྨོས་པ་འདི་རྣམས་ལྟ་བུ་ལ་ནི་བདག་གིས་བསམ་པའམ་ལྟ་བ་#མ་སྙོད་ཅིག་པའོ། །གཞན་
[227b.2]ལ་མ་ཡིན་ཞེས་པ་ནི་དགེ་འདུན་ལས་གཞན་པ་སྟེ་གསུམ་མན་ཆད་ཀྱི་གང་ཟག་ལ་མ་སྙོད་ཅིག་པའོ། །བསྙེན་པར་མ་རྫོགས་ཞེས་པ་ནི་བསྙེན་པར་མ་རྫོགས་པ་འདུས་པ་རྣམས་ལ་#འདི་མ་ཟེར་ཅིག་པའོ། །བསྐང་བར་མི་འོས་པ་ལ་ཡང་ཞེས་པ་ནི་དགེ་འདུན་གྱི་ཁ་བསྐང་བར་མི་འོས་པ་རྣམས་ལ་
[227b.3]ཡང་མ་ཟེར་ཅིག་པའོ། །ལྷག་མ་མ་ལུས་ཞེས་པ་ནི་ཕས་ཕམ་པ་བྱུང་བའོ། །ཅེས་དགེ་བ་དང་ཅེས་ཕལ་ཆེར་བྱེད་ན་བསྐོས་པ་ཕྱུང་ལ་བསྒོ་ཞེས་པ་ནི་སྔར་གང་ཟག་གི་ལས་སུ་བསྐོས་པ་བས་ཞོ་ཤ་ཆེ་བ་གཞན་ཡོད་ན་སྔ་མ་ཕྱུང་ལ་གཞན་སྐོས་ཤིག་པའོ། །དུས་དང་གཏན་པ་དང་གཞན་རྣམས་དེས་
[227b.4]པར་མི་བྱ་ཞེས་པ་ནི་གང་ཟག་གིས་ལས་སུ་བསྐོས་པ་ལ་ཡང་ཡུན་འདི་སྲིད་ཀྱི་བར་དུ་གྱིས་ཤིག་ཅེའམ་ལས་འདི་ལས་བྱུང་ནས་ཀྱང་ཡང་བསྒོའོ་ཞེའམ་ལས་ཀྱི་རྣམ་#གྲངས་དུ་མ་བསྡུས་ཏེ་དེའི་ལས་#ཤིག་ཅེས་ངེས་པའམ་ཆད་པར་མ་བསྐོ་ཤིག་པའོ། །གཞན་དུ་ནི་དགའ་ལ་ཇི་དགའ་བ་སྦྱིན་ཞེས་པ་ནི་ལས་
[227b.5]སུ་བསྐོས་པ་དེ་ཉིད་འགེལ་འདོད་ན་ནི་གོང་མ་ལྟར་བསྐོས་ཀྱང་བླའོ#། །བསྐོས་པ་མེད་ན་ཚུལ་ཤིང་བྲིམ་པས་བསྒོ་ཞེས་པ་ནི་མལ་སྟན་ལ་སོགས་པ་འགོད་པར་བསྐོས་པའི་མི་མེད་ན་མདུང་#གིས་གོས་ཤིག་པའོ། །གང་བསྐང་བར་མི་འོས་པས་ནི་ཚུལ་ཤིང་བྲིམ་པ་ཡང་ངོ་ཞེས་པ་ནི་དགེ་འདུན་གྱི་ཁ་བསྐང་
[227b.6]བར་མི་འོས་པ་ནི་ཚུལ་ཤིང་འབྲིམ་དུའང་མ་གཞུག་ཤིག་པའོ། །གང་མི་འོས་པས་ཚུལ་ཤིང་བྲིམ་པ་ནི་དགེ་འདུན་གྱི་དབྱེན་དུ་མི་སྐྱེ་ཞེས་པ་ནི་དགེ་འདུན་གྱི་ཁ་བསྐང་བར་མི་འོས་པ་#ཚུལ་ཤིང་བྲིམས་ཏེ་དགེ་འདུན་གྱི་དབྱེན་བྱས་ཀྱང་དབྱེན་དུ་མི་འགྱུར་བའོ། །ལས་ཀྱི་དངོས་པོའོ།། །།ལས་ཀྱི་དངོས་པོ་དེ་
[227b.7]ལྟར་བསྟན་ནས་ལས་རྒྱས་པར་འབྱེད་པ་སྟོན་པ་ནི། ཞུ་བ་#ལྷག་ཀྱང་མ་བྱས་པ་མ་ཡིན་ཞེས་པ་དང་། མ་ཚང་བ་ནི་མ་བྱས་པའོ་ཞེས་པ་ལ་སོགས་པ་ཡིན་ཏེ་ཞུ་བའི་ཚིག་ལྷག་པ་ནི་ལས་སུ་མི་རུང་བར་ད་ཀྱི་མ་ཚང་ན་མི་རུང་བར་སྟོན་པའོ། །བྱེད་པ་ན་སོང་བ་ནི་མ་རྫོགས་པས་འཁྲུགས་པའོ་ཞེས་
[228a]
[228a.1]པ་ནི་དང་པོ་གསོལ་བའི་ལས་བྱེད་པའི་ཚེ་དགེ་སློང་ཁ་ཅིག་གྲལ་ནས་ལངས་ཏེ་དོང་ན་ལས་ཀྱི་ཚིག་མ་རྫོགས་པར་དོང་བའི་ཕྱིར་ལས་འཁྲུགས་ཏེ་ལས་སུ་མི་རུང་བར་སྟོན་པའོ། །ཚང་ཡང་ལས་དེའི་དགེ་འདུན་སྙེད་#དུ་མ་ལུས་པར་ལངས་ནའོ་ཞེས་པ་དང་། ལུས་ན་མ་ཡིན་ཞེས་པ་ནི་
[228a.2]གལ་ཏེ་ལས་ཀྱི་ཚིག་#རྫོགས་ནས་དོང་ན་ཡང་ཕྱི་#ན་ལས་དེའི་དགེ་འདུན་དུ་དགོས་པ་སྙེད་#དུ་མ་ལུས་ན་འཁྲུགས་#པར་འགྱུར་བ་དང་། ཁ་ཅིག་དོང་དུ་ཟིན་ཀྱང་ཕྱི་ན་གྲངས་དེ་སྙེད་ཡོད་ན་ནི་འཁྲུགས་པར་མི་འགྱུར་བའོ། །སློས་པར་འདོད་ན་བཙུན་པ་དག་ཀྱང་གསོལ་བར་བགྱིའོ་ཞེས་འཁྲུགས་པའི་ཚིག་དགེ་
[228a.3]འདུན་ལ་བསྙད་ཅིང་གསོལ་བར་བྱ་བ་ཞེས་པ་ནི་གོང་མ་ལྟར་གྱུར་ཏམ་ཐེ་ཚོམ་ཟོས་ཏེ་འཁྲུགས་པ་སླར་སློས་པར་འདོད་ན་ཡང་བསླས་པར་བགྱིའོ་ཞེས་ཚིག་མི་སྨོས་སུ་མི་རུང་བའོ། །ཞུ་བའི་ཚིག་གསུམ་གྱིས་#བསྒྲུབ་པའི་ལས་གང་གང་ཡིན་པ་རྣམས་བསྡུས་ཏེ་སྟོན་པ་ནི་བཟློག་པའི་ཕྱིར་བསྒོ་བ་མི་
[228a.4]སྣང་བར་བྱ་དེའི་རང་བཞིན་ཚོལ་བ་བསླབ་པ་འདུམ་པ་དང་དེའི་གསོ་སྦྱིན་མུ་སྟེགས་པ་གཞག་པ་ལྷག་མའི་ཆད་པ་མགུ་བ་རྩ་བ་#བསྐྱང་བ་དྲན་པ་དང་། མ་རྨོངས་པའི་འདུལ་བ་སྦྱིན་པ་བསྙེན་པར་རྫོགས་པ་མཚམས་དགྲོལ་བ་ཆད་པའི་ལས་དབྱུང་བ་རྣམས་ནི་ཚིག་གསུམ་གྱིས་སོ་ཞེས་པ་ཡིན་ཏེ།
[228a.5]མིང་གིས་སྨོས་པ་སུམ་ཅུ་པོ་འདི་རྣམས་ཀྱི་ལས་ནི་ཞུ་བའི་ཚིག་གསུམ་གྱིས་བྱ་བར་སྟོན་པའོ། །དེ་ལ་བཟློག་པའི་ཕྱིར་བསྒོ་བ་ནི་དགེ་འདུན་གྱི་དབྱེན་དང་དེའི་རྗེས་སུ་ཕྱོགས་པ་དང་རིགས་སུ་#འབྱིན་པ་དང་བཀའ་བློ་མི་བདེ་བ་དང་ལྟ་བར་སོང་བ་མི་གཏོང་བ་#དགེ་སློང་མ་རྗེས་སུ་ཕྱོགས་པའི་ཕམ་པ་
[228a.6]དང་འགྲེལ་བར་སྤྱོད་པ་བདུན་ནོ་མི་སྣང་བར་བྱ་བ་#ནི་དགེ་ཚུལ་བར་དུ་གཅོད་པའི་ཆོས་སུ་མི་འགྱུར་རོ་ཞེས་ཟེར་བ་མི་སྣང་བར་བྱ་བ་སྟེ། བརྒྱད་པ་དང་དེའི་རང་བཞིན་ཚོལ་བ་ནི་ཉེས་པ་གང་བྱས་པ་གསལ་པོར་མི་སྨྲ་ན་དེའི་རང་བཞིན་ཚོལ་དུ་གཞུག་#སྟེ་དགུ་པ་དང་བསླབ་པ་#ཤེས་པའི་བསླབ་པ་དབོག་
[228a.7]པ་སྟེ་བཅུ་པ་དང་འདུམ་པའི་གསོ་སྦྱིན་#ཞེས་པ་ནི་དགེ་འདུན་བྱེ་བ་ལས་སླར་དུ་མའི་གསོ་སྦྱིན་བྱ་བ་སྟེ། བཅུ་གཅིག་པ་དང་མུ་སྟེགས་པ་བཞག་ཅེས་པ་ནི་ཟླ་བ་བཞིའི་བར་དུ་བརྟག་ཅིང་བཞག་པ་སྟེ་བཅུ་གཉིས་པ་དང་། ལྷག་མའི་ཆད་པ་དང་མགུ་བ་གཉིས་ཏེ་བཅུ་བཞི་པ་དང་། རྩ་བ་དང་
[228b]
[228b.1]བསྐྱར་བ་ཞེས་པ་ནི་རྩ་བའི་ཆད་པ་གཉིས་དང་རྩ་བའི་མགུ་བ་དང་བསྐྱར་བའི་མགུ་བ་གཉིས་ཏེ་བཅོ་བརྒྱད་དང་། དྲན་པ་དང་རྨོངས་པའི་འདུལ་བ་སྦྱིན་པ་གཉིས་ཏེ་ཉི་ཤུ་དང་བསྙེན་པར་རྫོགས་པར་བྱས་ཏེ་ཉི་ཤུ་གཅིག་དང་མཚམས་དགྲོལ་བ་སྟེ་ཉི་ཤུ་གཉིས་དང་། ཆེད་#པའི་ལས་རྣམ་པ་བདུན་ཏེ་ཉི་ཤུ་དགུ་དང་།
[228b.2]ལྷག་མ་ལས་འབྱུང་བ་སྟེ་དེ་ལྟར་སུམ་ཅུའོ། །གཞན་ཡང་ཞུ་བ་དང་། ཞུ་བ་གཉིས་ཀྱི་ལས་བདུན་ཅུ་རྩ་གཅིག་གིས་བསྣན་ཏེ་#སྤྱིར་བརྒྱ་རྩ་གཅིག་ཏུ་སྟོན་པ་ལ་གསོ་བའི་ཚེ་ལས་སུ་བྱ་བ་ཉི་ཤུ་བཞི་ཡོད་པ་ཇེ་སྟོན་པ་ནི་གསང་སྟེ་དྲི་བ་དང་ནང་དུ་དྲི་བ་དང་གསོ་སྦྱིན་དང་། ལྟུང་བ་སྤྱིར་བྱིན་གྱིས་བརླབ་པ་དང་། ལྟུང་
[228b.3]བ་བྱུང་ངམ་མ་བྱུང་བ་ཐེ་ཚོམ་པ་དང་། ལྟུང་བ་ཁ་མི་འདུམ་#པ་དང་། ལྟུང་བ་མ་ངེས་པ་དང་། གསོ་སྦྱིན་གྱི་ཚེ་གསོལ་བ་ནས་ལྟུང་བ་མ་ངེས་པ་ལྔ་བྱ་བ་བཞིན་དུ་ཚུལ་ནས་འབྱུང་བའི་ཚེ་འདི་ལྔ་བྱ་བ་དང་། ཚུལ་དུ་འཇུག་པ་དང་། ཤི་བའི་ནོར་དང་ནོར་གྱི་གཟུགས་བརྙན་དང་གཏན་པ་གཏད་པ་#དང་།
[228b.4]ཆོས་གོས་རྙིངས་#པ་ལ་ཞུགས་པ་དང་། མངོན་སུམ་ལྐོག་འཕྱས་རྣེགས་བསམ་བརྙས་མ་ཤིན#། བྱེད་པ་ངག་གཅོག་#པས་བརྙས་མ་ཤིན་བྱེད་པ་རྣམས་སུ་འགྲང་བ་དང་། ཁྱིམ་དུ་མི་འདོད་པར་བསླབ་པ་བཅའ་བ་དང་། དེར་འགྲོ་བ་དང་། ལྷུང་བཟེད་ཁ་དབུབ་པ་དག་ན་པ་དང་། གནས་
[228b.5]ངན་ལེན་དགེ་འདུན་སྤྱིས་བསྒྲགས་པ་རྣམས་སོ། །ཞུ་བ་དང་གཉིས་ཀྱི་ལས་བྱ་བ་བཞི་བཅུ་རྩ་བདུན་ཡོད་པ་ནི་མཚམས་ཆེན་པོ་གཅད་#པ་དང་། མཚམས་ཆུང་ངུ་གཅད་#པ་དང་། མཚམས་ཆེན་པོའི་ནང་དུ་ཆོས་གོས་དང་མི་འབྲལ་བའི་སྡོམ་པ་དང་། སྨོས་པའི་སྡོམ་པ་དང་ཚུལ་ནས་
[228b.6]འབྱིན་པ་བསྐོ་བ་དང་། མལ་ཆ་འགོད་པ་དང་། རུང་བའི་ཁང་པར་བྱ་བ་དང་། གཏན་#པའི་ཆོས་གོས་སུ་བྱ་བ་དང་། གཏན་#པའི་གདིང་བ་བསྐོ་བ་དང་། གཏན་པ་#འབྱིན་པ་དང་། ཚངས་པར་#བྱེད་པ་དང་། གང་ཟག་བཅུ་གཉིས་ཀྱི་ལས་དང་། དབྱུག་#པ་པ་དང་། བསྒོ་བ་དང་། གཟུ་བོ་དང་།
[228b.7]ཞལ་ཆེ་བ་དང་། རྩོད་པ་ཁ་འབྲི་#བ་དང་། གཙུག་ལག་ཁང་དང་ཁང་པ་རྩིག་ཏུ་གནང་བ་དང་། གླེང་པ་བསྐོ་#བ་དང་། ནད་པ་དང་། རྒས་པ་ཆོས་གོས་དང་མི་འབྲལ་བར་གནང་བ་དང་། ལོ་དྲུག་གི་ཁོངས་སུ་གདིང་བ་བྱེད་པར་གནང་བ་དང་། ལྷུང་བཟེད་འབྲེལ་བ་མེད་པར་འབྲིམ་#པ་དང་། མི་མཛེས་
[229a]
[229a.1]པ་སྒྲོགས་པ་དང་། དགེ་སློང་མ་ལ་སྟོན་པ་དང་། ནགས་ཉུལ་བ་དང་། ཕྱག་མི་བྱ་བར་དམ་བཅའ་བ་དང་། ཚད་མེད་པའི་འཁོར་འཆད་དུ་སྣང་བ་དང་། ཁར་བ་དང་དྲ་བའི་སྡོམ་པ་དང་། གཙུག་ལག་ཁང་ཐ་དད་ཀྱང་རྙིང་པ་གཅིག་ཏུ་བྱ་བ་དང་། དགེ་སློབ་མའི་སྡོམ་པ་དང་ཚངས་
[229a.2]པར་སྤྱོད་པའི་གནས་ཀྱི་སྡོམ་པ་དང་། བུ་ཆུང་དུ་དང་ལྷན་ཅིག་ཏུ་གནས་པའི་སྡོམ་པ་དང་། ལོ་ཉེས་ཀྱི་ཚེ་གཅིག་ཏུ་གཉེན་ཀ་རྒྱུ་བ་དང་། ཞག་བཞི་བཅུའི་བར་དུ་གུད་དུ་འགྲོ་བ་རྣམས་སོ། བདག་གི་ཕྱིར་ལྷག་མ་མ་ཡིན་པའི་སྔགས་བརྗོད་པ་ཞེས་པ་ནི་ཟས་ལྷག་མར་བྱ་བའི་སྔགས་བརྗོད་པ་མ་གཏོགས་པར་
[229a.3]བདག་གི་ཁར་དང་། དྲ་བའི་སྡོམ་པ་གསོལ་བ་ལ་སོགས་པ་#ཆོས་གོས་བྱིན་གྱིས་བརླབ་པ་དང་། སྐྱབས་སུ་འགྲོ་བ་དང་རབ་ཏུ་འབྱུང་བ་དང་། སྡོམ་པ་ནོད་པ་དང་། མཆོད་རྟེན་ལ་ཕྱག་འཚལ་ཞིང་བདུག་པ་དབུལ་བ་ལ་སོགས་པའི་དམ་བཅའ་བ་དང་། ལྟུང་བ་བཤགས་པ་དང་། གསོ་སྦྱིན་དང་
[229a.4]ཚུལ་ནས་འབྱུང་བ་དང་། ཚུལ་དུ་ཞུགས་ནས་མཚམས་ཀྱི་ཕྱི་རོལ་དུ་འགྲོ་བར་བྱིན་གྱིས་བརླབ་པ་དང་། དད་པ་ཡོངས་སུ་དག་པ་འབུལ་བ་དང་། ཚུལ་ནས་འབྱུང་བ་བསྙད་པ་ལ་སོགས་པ་འདི་རྣམས་བྱ་བའི་སྔགས་ལན་གསུམ་གྱི་བར་དུ་སློས་དགོས་པར་སྟོན་པའོ། །ལྷག་མ་ནི་འདི་དག་ཙམ་དུ་ཆེད་མི་ཆེ་#
[229a.5]བའི་ཕྱིར་ལན་གཅིག་གིས་#ཆོག་པའོ། །ཕ་རོལ་གྱི་ཕྱིར་གང་ཟག་ལ་ཡང་ཞེས་པ་ནི་དད་པ་ཡོངས་སུ་དག་པ་དང་། ཚུལ་ནས་འབྱུང་བའི་ཕྲིན་དགེ་འདུན་ལ་མ་ཡིན་གྱི་གང་ཟག་ལ་སྙོད་ན་ཡང་ལན་གསུམ་གྱི་བར་དུ་ཡང་སློས་ཤིག་པའོ། །མདུན་དུ་གོང་གོང་པོར་འདུག་པ་ནི་ལྷག་མ་ཡང་ངོ་ཞེས་པ་ནི་བདག་དང་
[229a.6]ཕ་རོལ་གང་གི་#ཕྱིར་ཡང་རུང་སྟེ། སྔགས་བརྗོད་པ་ནི་དགེ་འདུན་ནམ་གང་ཟག་ཕ་རོལ་པའི་#མདུན་དུ་གོང་པོར་འདུག་པར་#གྱིས་ཤིག་པ་སྟེ། འདི་ལྟར་བྱེད་པའི་ནང་དུ་ནི་ལྷག་མ་བྱེད་པའང་གཏོགས་པར་སྟོན་པའོ། །ཞུ་བ་ཡང་ཞེས་པ་ནི་རབ་ཏུ་འབྱུང་བར་འདོད་པ་དགེ་འདུན་ལ་ཞུ་བ་ཡང་གོང་གོང་པོར་འདུག་
[229a.7]ལ་གྱིས་ཤིག་པའོ། །གསང་སྟེ་སྟོན་པ་ལ་མ་གཏོགས་པར་བསྙེན་པར་རྫོགས་པའི་ཕ་གུའི་སྟེང་དུ་རྟིང་བ་གཤིབ་#ཅེས་པ་ནི་བསྙེན་པར་རྫོགས་པར་བྱེད་པའི་ཚེ་གསང་སྟེ་སྟོན་པའི་ལས་བྱེད་པ་མ་གཏོགས་པར་གསོལ་བ་དང་བར་ཆད་ཀྱི་ཆོས་དྲི་བ་དང་བསྙེན་པར་རྫོགས་པའི་#བསླབ་པ་ནི་ནོད་པའི་ཚེ་རྟིད་པ་
[229b]
[229b.1]གཉིས་གཤིབས་པའི་འོག་ཏུ་ཕ་གུ་ཞོག་ཤིག་པའོ། །བུད་མེད་ནི་རློད་ཅན་ལ་སོགས་པའི་ཞེས་པ་ནི་བུད་མེད་བསྙེན་པར་རྫོགས་པའི་ཚེར་#རློད་ཅན་ལ་སོགས་པའི་སྟན་ལ་ཞོག་ཤིག་པའོ། །གཞན་ལ་རག་མ་ལུས་པའི་དགེ་འདུན་རྒན་རབས་ཀྱིའོ་ཞེས་པ་ནི་ལྷག་མའི་ཆད་པ་དང་། མགུ་བ་གསོལ་བ་
[229b.2]དང་། ཆད་པའི་ཞག་གྲངས་བསྙད་པ་ལ་སོགས་པ་བདག་གི་ཕྱིར་བྱ་བ་#རྣམས་ཀྱི་སྔགས་གཞན་ལ་ལྟོས་མི་དགོས་པར་#ཉིད་ཀྱི་བློས་#ནུས་པ་ནི་དགེ་འདུན་རྒན་རབས་ཀྱི་དྲུང་དུ་གོང་གོང་པོར་འདུག་ལ་གྱིས་ཤིག་པའོ། །གཞན་གྱི་ཕྱིར་#ནི་འགྲེང་ལ་འདུག་པས་ཞེས་པ་ནི་རབ་ཏུ་འབྱུང་བ་ཞུ་བ་དང་། དད་པ་
[229b.3]དང་ཡོངས་སུ་དག་པ་དང་། ཚུལ་ནས་འབྱུང་བ་དགེ་འདུན་ལ་བསྙད་པ་དང་། ཚུལ་ནས་འབྱུང་བའི་ཕྲིན་དང་ཚུལ་དུ་འཇུག་པའི་ཚེ་དང་#ཁྲིམས་བསྙད་པ་ལ་སོགས་པ་མལ་སྟན་ལེགས་པར་མི་སྤྱོད་པ་ལ་ཐར་དག་བསྐྱེད་པ་ལྟ་བུ་གཞན་གྱི་ཕྱིར་བྱ་བ་འགྲེང་ལ་འདུད་པས་གྱིས་ཤིག་པའོ། །གསང་
[229b.4]སྟེ་བསྟན་ནས་ལམ་གྱི་#བར་དུ་གཅིག་གིས་སོ་ཞེས་པ་ནི་གསང་བ་བསྟན་ཟིན་ནས་སླར་དགེ་འདུན་ལ་ཞུ་བའི་ཚེ་ལམ་གྱི་བར་མ་དོ་ནས་བདག་གིས་དམའ་ས་ནས་ཞེས་པ་ལ་སོགས་པའི་ཚེ་དགེ་འདུན་ལ་ཞུ་བ་ལན་གཅིག་གིས་གྱིས་ཤིག་པའོ། །རྫས་བྱིན་གྱིས་བརླབ་#པ་ཡང་ངོ་ཞེས་པ་ནི་ཆོས་གོས་དང་
[229b.5]ལྷུང་བཟེད་བྱིན་གྱིས་བརླབས་ཏེ་འགྲེང་ལ་གྱིས་ཤིག་པའོ། །དེ་དག་གི་སྔགས་དབྱུང་#བ་ཡང་དེ་བཞིན། རུང་བར་བྱས་པ་ཡང་དེ་བཞིན་ཞེས་པ་ནི་གོས་ལྷག་པར་རུང་བར་བྱིན་གྱིས་བརླབ་#པ་ཡང་གོང་མ་དང་འདྲ་སྟེ་འགྲེང་ལ་བྱའོ། །དེ་ནི་བཟུང་ལ་བྱ་ཞེས་པ་ནི་བྱིན་གྱིས་བརླབ་པ་དང་རུང་བར་
[229b.6]བྱ་བའི་རྫས་དེ་དག་གོང་མ་ལྟར་བྱ་བ་དང་ལག་ཏུ་བླངས་ཏེ་བཟུང་ལ་གྱིས་ཤིག་པའོ། །ལྷུང་བཟེད་དང་སྨན་ནི་གཡོན་པའི་སྟེང་དུ་བཞག་ལ་ལག་པ་གཡས་པས་བཀབ་སྟེའོ་ཞེས་པ་ནི་ལྷུང་བཟེད་དང་སྨན་བྱིན་གྱིས་རློབ་པ་ནི་ཐབས་འདི་དག་ལྟར་གྱིས་ཤིག་པའོ། །བླང་དུ་མི་རུང་བ་ནི་མདུན་དུ་བཞག་
[229b.7]ལའོ་ཞེས་པ་ནི་གསེར་དངུལ་ལ་སོགས་པ་བླང་དུ་མི་རུང་བ་བྱིན་གྱིས་རློབ་#པའི་ཚེ་ནི་མདུན་དུ་ཞོག་ལ་བྱིན་གྱིས་རློབས་#ཤིག་པའོ། །ལས་ནི་འདུག་ནས་སོ་ཞེས་པ་ནི་གསོལ་བ་དང་གཉིས་སམ་གསོལ་བ་དང་བཞིའི་#ལས་འདི་རྣམས་ཏེ་བྱེད་པའི་ཚེ་ན་འདུག་ལ་གྱིས་ཤིག་པའོ། །དགེ་འདུན་
[230a]
[230a.1]དང་གཅིག་ལ་མ་བརྟེན་#པ་ནི་དགེ་སློང་གང་ཟག་ལ་གསོལ་ཏེའོ་ཞེས་པ་ནི་ཆོད་པའི་གྲངས་ལ་སོགས་པ་#དགེ་འདུན་ལ་བསྙད་པ་དང་། ཕྱི་དྲོ་གྲོང་དུ་འཇུག་པ་ལ་སོགས་པ་གང་ཟག་ལ་བསྙད་པ་ལྟ་བུ་དགེ་འདུན་དང་གང་ཟག་ལ་བསྙད་དགོས་པ་མ་ཡིན་པ་རྫས་བྱིན་གྱིས་བརླབ་#པ་ལ་
[230a.2]སོགས་པ་ནི་དགེ་སློང་གང་ཟག་གི་མདུན་དུ་གྱིས་ཤིག་པའོ། །མེད་ན་ཆོས་གོས་རུང་བ་དང་། དབྱུང་བ་དང་། བྱིན་གྱིས་བརླབ་པ་ཡིད་ཀྱིས་སྐྱེའོ་ཞེས་པ་#ནི་དགེ་སློང་ཟླ་མེད་ན་མིང་གིས་སྨོས་པ་འདི་གསུམ་ཡིད་ཀྱིས་བྱས་ཀྱང་མི་རུང་བ་མེད་པའོ། །སྔ་མ་མ་ཕྱུང་བ་#མ་ཡིན་ཞེས་པ་ནི་སྔགས་སྔ་མ་ཕྱུང་བར་
[230a.3]ཕྱི་མ་བྱིན་གྱིས་བརླབ་ཏུ་མི་རུང་བའོ། །གཅིག་པོ་བྱིན་གྱིས་རློབ་#པ་ནི་དེའི་བསམ་པ་ཐོག་མར་བསྒྲུབས་པ་ཚིག་ཏུ་སྨྲ་ཞེས་པ་ནི་གསོ་སྦྱིན་དང་ཚུལ་ནས་འབྱུང་བ་ལ་སོགས་པ་ཟླ་མེད་པར་གཅིག་པོ་བྱིན་གྱིས་རློབ་#པ་ནི་དེ་བྱིན་གྱིས་རློབ་#པའི་བསམ་པ་སྔན་ཚོགས་སུ་ཇེ་གྱིས་ལ་དེའི་འོག་ཏུ་གདོད་ཚིག་བརྗོད་ཅིག་པའོ། །
[230a.4]དགེ་སློང་དང་ལྷན་ཅིག་པ་ནི་སྟེང་གཡོགས་ཕྲག་པ་གཅིག་ཏུ་གཟར་ཞིང་ཕྱག་བྱས་ཏེ་བདག་གི་ཕྱིར་སྔགས་ཀྱི་ཚིག་གསུམ་ཞེས་པ་ནི་དགེ་སློང་ཟླ་དང་ལྷན་ཅིག་ཏུ་བྱའོ་ཅོག་གི་ཚེ་བླ་གོས་ཕྲག་པ་གཅིག་ཏུ་གཟར་ཞིང་ཕྱག་བྱ་བར་འོས་ནའང་ཕྱག་བྱས་ལ་སྔགས་ཀྱི་ཚིག་ལན་གསུམ་གྱི་བར་དུ་བརྗོད་ཅིག་པའོ། །གསང་
[230a.5]བ་སྟོན་པ་ན་ཡང་ཞེས་པ་ནི་གསང་བ་སྟོན་པ་ན་ཡང་དེ་ཡང་ཕྱག་འཚལ་དུ་བཅུག་ཅིང་ཆོས་གོས་གཟར་ནས་གདོད་#གསང་བ་སྨོས་ཤིག་པའོ། །སྦྱར་མ་དང་བཅས་པས་བསྙེན་པར་རྫོགས་པར་འདུས་པ་ལ་ཞེས་པ་ནི་ཆོས་གོས་སྦྱར་མ་བྱིན་མ་ཐག་ཏུ་དེར་ཚོགས་པའི་དགེ་འདུན་རྣམས་ལ་ཕྱག་གྱིས་ཤིག་
[230a.6]པའོ། །སླར་#ཡང་གསུམ་ཞེས་པ་ནི་སྔ་རོལ་དུ་ཡང་དགེ་འདུན་ལ་ཕྱག་ལན་གསུམ་དུ་འཚལ་དུ་ཆུག་ཤིག་པའོ། །དེའི་ཕྱིར་དང་ཚེས་གྲངས་སྙོད་པ་ནི་ཐལ་མོ་སྦྱར་ཏེའོ་ཞེས་པ་ནི་རབ་ཏུ་འབྱུང་བར་གསོལ་བ་དང་། མཁན་པོར་གསོལ་བ་ལ་སོགས་པ་བདག་གི་ཆེད་དུ་བྱ་བ་རྣམས་དང་དགེ་འདུན་ལ་
[230a.7]ཚེས་གྲངས་སྙོད་པ་དང་། གསོ་སྦྱིན་དང་ཚུལ་ནས་འབྱུང་བ་དང་། དད་པ་ཡོངས་སུ་དག་པ་འབུལ་བ་དང་། ཆད་པའི་ཞག་གྲངས་སྙོད་པ་དང་ཆད་པའི་ལས་བར་ཆད་དུ་གཅད་པ་དང་། ཡི་དམ་ནོད་པ་ལ་སོགས་པ་འདི་རྣམས་བྱེད་པའི་ཚེ་ཐལ་མོ་སྦྱར་ལ་གྱིས་ཤིག་པའོ། །གལ་ཏེ་གང་ཟག་
[230b]
[230b.1]ལ་བདག་གི་ཕྱིར་གསོལ་བ་ཟིན་ནས་ཐབས་འདི་ལྟ་བུའོ་ཞེས་བསྙད་ཅེས་པ་དང་། གཅིག་གིས་ཀྱང་དེའི་རྗེས་#ལ་དགེའོ་ཞེས་པ་ནི་བདག་གི་ཕྱིར་དགེ་འདུན་མ་ཡིན་གྱི་#ཆོས་གོས་བྱིན་གྱིས་རློབ་པ་ལ་སོགས་པ་གང་ཟག་ལ་བྱེད་ན་དེ་དག་ཟིན་པའི་འོག་ཏུ་ཟླ་དེས་ནི་ཐབས་འདི་དག་#ལྟ་བུའོ་ཞེས་བརྗོད། ཁོ་ན་
[230b.2]ཉིད་ཀྱིས་ན་དགེའོ་ཞེའམ་ལེགས་སོ་ཞེས་གྱིས་ཤིག་པའོ། །འདོད་པ་སྡང་བ་གཏི་མུག་འཇིགས་པར་འགྲོ་བ་རྣམས་མེད་ཅིང་བྱས་པ་དང་མ་བྱས་པ་དྲན་པ་དང་ནུས་པ་སྤྲོ་བར་བྱས་པ་ལ་བསྐོ་#ཞེས་པ་ནི་ཁང་སྐྱོང་ལ་སོགས་པ་ལས་སུ་བསྐོའོ་ཅོག་འཛིམ་#ཞམ་མེད་ཅིང་ངོ་ཟློག་ཕོད་པ་དང་བྱའམ་མི་བྱ་བའི་
[230b.3]དམིགས་#ཕྱེད་ཅིང་ནུས་པ་སྐོས་ཤིག་པའོ། །བྱས་ཟིན་ནས་བརྗོད་ཅེས་པ་ནི་གསོལ་བ་མ་གཏོགས་པའི་གསོལ་བ་དང་གཉིས་དང་། གསོལ་བ་དང་བཞིའི་#ལས་བྱས་ཟིན་ནས་འཇུག་ཏུ་དགེ་འདུན་ལ་བསྙད་པའང་གྱིས་ཤིག་པ་སྟེ། དངོས་སུ་དགེ་སློང་མིང་འདི་ཞེས་བྱ་བ་རུང་བའི་གནས་སུ་ཁང་བ་
[230b.4]རྩིག་པ་དགེ་འདུན་གྱི་སྣང་བ་བྱིན་པ་གང་གི་ཕྱིར་བཟོད་ཅིང་མི་གསུང་བས་ན་དེ་དེ་བཞིན་དུ་འཛིན་ཏོ་ཞེས་བྱ་བ་ལྟ་བུའོ། །མཚམས་གཅོད་པ་ན་ཡང་བཅད་#བཞིན་དུ་བསྒྲུབ་ཅེས་པ་ནི་མཚམས་བཅད་པའི་ནང་དུ་མི་འདུག་པའི་དགེ་འདུན་ལས་སུ་མི་རུང་བ་བཞིན་དུ་མཚམས་ཆོད་པ་ནི་མི་འདུག་པ་ཡང་ལས་
[230b.5]སུ་མི་རུང་བའོ། །འདུ་བར་བྱེད་པས་འདུ་བ་རྣམས་ལ་སྦྲན་པ་ནི་གཎྜཱི་#བརྡུང་བ་དང་དྲི་བའི་ལན་གློན་#གཉིས་སོ་ཞེས་པ་ནི་དགེ་འདུན་བསྡུ་བར་གཎྜཱི་#བརྡུང་ཞིང་དགེ་འདུན་བསྡུ་བ་འདྲི་བ་རྣམས་ཀྱི་ལན་གློན་པ་གཉིས་གྱིས་ཤིག་པའོ། །དེས་དེའི་ཕྱིར་སྟན་གདིང་ཞེས་པ་ནི་དགེ་འདུན་སྡུད་པར་བྱེད་པ་དེ་
[230b.6]སྟན་གདིང་བ་ལ་སོགས་པའི་ལས་ཀྱང་གྱིས་ཤིག་པའོ། །དེའི་ཕྱིར་བསྐོས་པས་ཀྱང་དེ་བཞིན་ཞེས་པ་ནི་མལ་ཆ་འགོད་པར་བསྐོས་པ་ཆོག་གི་དགེ་འདུན་བསྡུ་དགོས་ན་གཎྜཱི་#བརྡུང་བ་ལ་སོགས་པ་སྟན་གདིང་བྱང་ཆད་དེའི་ལས་གྱིས་ཤིག་པའོ། །ཐམས་ཅད་དུ་རྒན་རིམས་སོ་ཞེས་པ་ནི་ལམ་དུ་
[230b.7]ཞུགས་ནས་ནར་བདེ་བ་བསྟབས་པ་ཡན་ཆད་ཅི་བྱའོ་ཅོག་རྒན་རིམས་ཤ་དག་ཏུ་གྱིས་ཤིག་པའོ། །ལན་#པ་ནི་བསྟབས་པ་མཆོག་ཅེས་པ་ནི་མལ་སྟན་ནོད་པ་ན་ཡང་གདམས་པ་ལ་སོགས་པ་ནོད་ཅིང་ལེན་པའི་ཚེ་ན་རྒན་རིམས་ཀྱིས་#གང་བླངས་པ་དེ་བརྩན་པར་སྟོན་པའོ། །ལས་རྒྱས་པར་
[231a]
[231a.1]སྨྲ་བའོ། །དེ་དང་མི་འདྲ་བ་#རྣམས་ཞུས་པ་ལ་སོགས་པ་ལས་འབྱུང་བ་བསྡུས་ཏེ་སྟོན་པ་ནི་བསྒོ་བ་ལས་འབྱུང་བ་སླར་མ་བཅོས་པར་ལས་མྱོང་བར་མི་བྱ་ཞེས་པ་ལ་སོགས་པ་ཡིན་ཏེ་དབྱེན་དང་རྗེས་སུ་ཕྱོགས་པ་ལ་སོགས་པ་བསྒོ་བ་ལས་བྱུང་#བའི་ཉེས་པ་རྣམས་སླར་གཉེན་པོ་མ་བསྟེན་ཅིང་
[231a.2]བཅོས་པ་མ་བྱས་ཀྱི་བར་#དགེ་འདུན་གྱི་ལས་མྱོང་བར་མ་བྱེད་ཅིག་པའོ། །གསོ་སྦྱིན་དང་ཚུལ་ནས་འབྱུང་བ་#མ་གཏོགས་ཞེས་པ་ནི་ཚུལ་ཁྲིམས་རྣམ་པར་དག་པའི་ཕྱིར་གསོ་སྦྱིན་བྱ་བ་དང་། ཆོས་རྣམ་པར་དག་པའི་ཕྱིར་ཚུལ་ནས་འབྱུང་བ་ནི་བསྒོ་བ་ལས་བྱུང་བའི་ཉེས་པ་དང་ལྡན་པ་དེ་དག་གིས་#བྱ་དགོས་
[231a.3]པའི་ཕྱིར་མིང་གིས་སྨོས་པ་འདི་གཉིས་མྱོང་བར་མི་བྱ་བམ་གཏོགས་སོ། །མཚམས་གུད་ན་འདུག་པ་གང་གི་#ཡན་ལག་ཀྱང་མ་ཡིན་ཞེས་པ་ནི་ནམ་མཁའ་ལ་འདུག་པ་ལྟ་བུ་མཚམས་ལོགས་ཤིག་ན་འདུག་པ་ནི་རུང་བ་དང་མི་རུང་བ་ལ་སོགས་པ་གང་གི་ཡན་ལག་ཏུ་འང་མ་གཏོགས་པར་སྟོན་པའོ། །
[231a.4]ལྷན་ཅིག་ཏུ་གཏོགས་པར་#དེར་སོང་ན་འཇིག་ཅེས་པ་ནི་དགེ་འདུན་གྱི་#ལས་སུ་བྱའོ་ཅོག་མཚམས་ཐ་མི་དད་ཅིང་ལྷན་ཅིག་ཏུ་བྱ་བ་མ་#ཡིན་པ་ལས་དད་པ་བླངས་ནས་ནམ་མཁའ་ལ་འཕགས་པ་ལྟ་བུ་ལ་སོགས་པ་མཚམས་གཞན་དུ་སོང་ན་དད་པ་ལ་སོགས་པ་དེ་དག་འཇིག་པར་སྟོན་པའོ། །གཅིག་ཏུ་རྐང་པ་
[231a.5]ཡ་གཅིག་ན་གཉིས་ཀ་འདུག་པའོ་ཞེས་པ་ནི་མཚམས་ཀྱིས་སོ་རྐང་པ་གཡས་གཡོན་གྱིས་#མནན་ན་མཚམས་དེ་གཉིས་ཀར་གཏོགས་པའོ། །མནན་པ་ལ་འདུག་པར་ཐམས་ཅད་དུ་མནན་པའོ་ཞེས་པ་ནི་མཚམས་དུ་མའི་སོ་ཤིང་ངམ་རེ་ལྡེ་ལ་སོགས་པས་མནན་ཏེ་མཚམས་གཅོད་པ་ལ་སོགས་པའི་
[231a.6]ལས་བྱས་ན་མཚམས་དེ་ཀུན་དུའང་གཏོགས་པར་སྟོན་པའོ། །དེ་ལྟ་བུས་ཚུལ་དུ་མར་ཞུགས་པས་སྐྱེ་ཞེས་པ་ནི་གོང་མ་ལྟར་བྱས་ཏེ་ཚུལ་དུ་ཞུགས་ནའང་ཁ་དུ་མར་ཚུལ་དུ་ཞུགས་པར་འགྱུར་བའོ། །མལ་སྟན་དུ་མ་བླང་དུའང་རུང་ཞེས་པ་དང་། འདིས་གར་དགའ་བར་གནས་ཞེས་པ་ནི་དེ་ལྟ་བུས་མལ་
[231a.7]སྟན་ཁ་དུ་མ་ནས་ནོད་དུའང་རུང་བ་དང་། གནས་ཀྱང་གར་དགའ་དགུར་འདུག་ཀྱང་རུང་བའོ། །བརྒྱལ་#བས་ནི་བསྐང་བར་མི་བྱ་ཞེས་པ་དང་། བསྐང་བར་མ་ཡིན་ཞེས་པ་ནི་སངས་རྒྱས་ལྟ་བུ་དགེ་འདུན་དཀོན་མཆོག་ལ་མ་གཏོགས་ཤིང་དཀོན་མཆོག་ཐ་དད་པའི་ཕྱིར་དགེ་འདུན་གྱི་ལས་
[231b]
[231b.1]ལ་བསྐང་བར་མི་འགྱུར་བ་དང་། དགེ་འདུན་མ་ཚང་བའི་ཁ་རྒྱལ་བས་བསྐང་བ་མ་བྱེད་ཅིག་པའོ། །ལས་སུ་བྱ་བ་ནི་ལས་མ་ཡིན་པས་མི་སྐྱེ་ཞེས་པ་ནི་བསྙེན་པར་རྫོགས་པར་བྱ་བ་ལ་སོགས་པ་ལས་ཀྱི་ཆོ་#ག་བསྟན་པ་རྣམས་ཆོ་ག་བཞིན་དུ་མ་བྱས་ནའང་ལས་སུ་མི་རུང་བའོ། །ལས་མཇུག་རྫོགས་
[231b.2]པར་མ་བྱས་ཀྱི་བར་དུ་ཕལ་ཆེར་བྱས་ཀྱང་བྱས་ཟིན་པ་མ་ཡིན་པ་དོགས་པ་བསྩལ་#བའི་ཕྱིར་ཕལ་ཆེར་#བྱས་པའོ་ཞེས་པ་ཡིན་ཏེ་ལས་སུ་བྱ་བ་ལ་ཕལ་ཆེར་ཟིན་ན་མཇུག་ཏུ་མ་ཕྱིན་ཀྱང་ཟིན་ཁོངས་སུ་ཆུག་ཤིག་པའོ། །ཕྱི་མ་མེད་ནའོ་ཞེས་པ་ནི་གསོལ་བ་ཉི་ཚེའི་ལས་ཤིག་ན་སུམ་གཉིས་ཟིན་ན་
[231b.3]ཟིན་ཁོངས་སུ་ཆུག་ཤིག་པའོ། །དེ་བཞིན་དུ་གསོལ་བ་དང་གཉིས་པའི་ལས་ཤིག་ན་ཡང་ཞུ་བའི་སུམ་གཉིས་ཟིན་ན་ཟིན་ཁོངས་སུ་ཆུག་ཤིག་པ་དང་། གསོལ་བ་དང་བཞིའི་ལས་ཤིག་ན་ཡང་ཞུ་བ་དང་། སུམ་གཉིས་ཀྱི་ཐ་མའི་སུམ་གཉིས་ཟིན་ན་ཟིན་ཁོངས་སུ་ཆུག་ཤིག་པའོ། །མཚན་མ་མ་
[231b.4]བརྗོད་#ན་བཅད་པ་མ་ཡིན་ཞེས་པ་ནི་མཚམས་གཅོད་#པའི་ཚེ་ལྷོ་བྱང་ཤར་ནུབ་ཀྱི་མཚན་མ་མ་སྨོས་པར་བཅད་ན་མཚམས་བཅད་པར་མི་འགྱུར་བའོ། །གནས་ཀྱི་སྡོམ་པ་ལས་གཞན་པ་ནི་ཆད་བ་པས་ཀྱང་ངོ་ཞེས་པ་ནི་ཚངས་པར་སྤྱོད་པའི་གནས་ཀྱི་སྡོམ་པ་དབོག་པ་ལ་མ་གཏོགས་པའི་
[231b.5]ལས་གཞན་ཐམས་ཅད་ལྷག་མའི་ཆད་པ་ཅན་གྱིས་བྱས་ཀྱང་མི་རུང་བ་མེད་པའོ། །སྨོན་པས་བཏོན་པ་དང་ཞེས་པ་ནི་སྨོན་#པས་སོ་སོར་ཐར་པ་བཏོན་པ་ཡང་ལས་སུ་མི་རུང་བ་མེད་པའོ། །དབྱེན་བྱེད་པ་ནི་གསོལ་བ་བཞིན་ཞེས་པ་ནི་དགེ་འདུན་གྱི་ཁ་བསྐང་#དུ་མི་རུང་བ་རྣམས་ཀྱིས་གསོལ་
[231b.6]བ་ལ་སོགས་པའི་ལས་བྱས་ན་ལས་སུ་མི་རུང་བ་བཞིན་དེ་བཞིན་#དུ་དེ་དག་གི་དབྱེན་བྱས་སུ་ཟིན་ན་ཡང་དབྱེན་དུ་མི་འགྱུར་བའོ། །མཚན་ཐ་དད་པ་ནི་འདིར་ཡན་ལག་མ་ཡིན་ཞེས་པ་ནི་དགེ་སློང་མས་#དགེ་སློང་གི་དབྱེན་བྱས་པ་དང་། དགེ་སློང་ཕས་དགེ་སློང་མའི་དབྱེན་བྱས་པ་ལྟ་བུ་དབྱེན་
[231b.7]དུ་མི་འགྱུར་བའོ། །བཞད་#གད་ཀྱིས་ནི་གང་ཡང་རུང་ཞེས་པ་ནི་བཞད་གད་ཀྱིས་#དབྱེན་བྱས་པ་ལ་སོགས་པ་གང་བཞད་གད་ཀྱིས་མི་འགྲུབ་པའོ། །མི་སྐྱེ་བའི་བསམ་པས་དབྱེན་དང་འགོར་བ་ནི་སྦོམ་པོའོ་ཞེས་པ་ནི་ལས་སུ་རུང་ཡང་རུང་མ་རུང་ཡང་རུང་བར་བསམས་ཏེ་དགེ་སློང་འགོར་
[232a]
[232a.1]ཞིང་དབྱེན་བྱས་པ་ནི་སྦོམ་པོར་འགྱུར་བའོ། །དགེ་འདུན་དུ་མ་ལངས་ན་ཉེས་བྱས་ཞེས་པ་ནི་#གཅིག་གིས་གཅིག་གམ་གཉིས་སམ་གསུམ་མམ་བཞིའི་དབྱེན་དང་བཀར་བ་བྱས་པ་དང་། དེ་བཞིན་དུ་གཉིས་ཀྱིས་གཅིག་གམ་གསུམ་གྱིས་#དབྱེན་དང་བཀར་བ་བྱས་པ་དང་།
[232a.2]གསུམ་གྱིས་#གཅིག་གམ་གཉིས་#གསུམ་གྱི་དབྱེན་དང་བཀར་བ་བྱས་ན་ཉེས་བྱས་སུ་འགྱུར་བའོ། །ཐ་དད་དུ་གནས་པ་#ལས་གཞན་#བསྐང་བར་མི་འོས་པ་འདུས་ཏེ་གསོལ་བ་དང་ཞུ་བ་བྱས་ཀྱང་མ་ཡིན་ཞེས་པ་ནི་དུ་མར་གནས་པས་ཉིད་ཀྱིས་#འཁོར་གྱི་གསོལ་བ་དང་ཞུ་བ་བྱ་བ་མ་གཏོགས་པ་ཞིག་#ལ་སོགས་
[232a.3]པ་གཞན་གྱིས་#གསོལ་བ་དང་ཞུ་བའི་ལས་བྱས་ཀྱང་ལས་སུ་མི་འགྱུར་བའོ། །རིགས་པ་ཉིད་དགེ་འདུན་གྱིས་ཀྱང་མྱོང་བར་མ་གྲུབ་པ་མ་ཡིན་ཞེས་པ་ནི་བསྐང་བར་འོས་པ་རྣམས་ཉིད་ཀྱི་འཁོར་དུ་ལས་བྱེད་པའི་ཚེ་ན་ཡང་གཉིད་ལོག་པ་ལ་སོགས་པའི་རྐྱེན་གྱིས་ལས་མྱོང་བར་མ་གྱུར་ན་ལས་སུ་མི་
[232a.4]རུང་བའོ། །འདིའང་གསོལ་བ་ཐོས་ན་གྲུབ་པའོ་ཞེས་པ་ནི་དེས་ཀྱང་གསོལ་བ་ནི་ཐོས་ལ་གཞན་མ་ཐོས་ན་ནི་ལས་སུ་རུང་བའོ། །སྐལ་བ་ཅན་འདྲ་བའི་ཕོ་ཉས་རབ་ཏུ་འབྱིན་པ་ནི་ཆོ་ག་མ་ཡིན་པ་མ་ཡིན་#ཞེས་པ་ནི་བདེན་པ་མཐོང་བར་འགྱུར་བ་ལ་སོགས་པའི་སྐལ་བ་ཡོད་པ་ནི་བདག་དང་འདྲ་བའི་ཕོ་ཉས་
[232a.5]གསོལ་ཞིང་སྐྱབས་སུ་འགྱུར་བ་ལ་སོགས་པ་བྱས་ཏེ་རབ་ཏུ་འབྱིན་ན་ཡང་མི་རུང་བ་མེད་པའོ། །གཞན་ཡང་བསྙེན་པར་རྫོགས་པ་མན་ཆད་དོ་ཞེས་པ་ནི་སྐལ་བ་ཅན་དེ་ལྟ་བུ་རབ་ཏུ་བྱུང་བའི་ཚེ་ཕོ་ཉས་བསྒྲུབ་པར་མ་ཟད་ཀྱི་བསྙེན་པར་མ་རྫོགས་པ་ཡན་ཆད་གོང་མ་བཞིན་དུ་ཕོ་ཉས་བསྒྲུབ་བོ། །མི་
[232a.6]མཐུན་ན་ཕོག་པ་མ་ཡིན་ཞེས་པ་དང་། འདིར་གསོལ་བའང་འཇིག་ཅེས་པ་ནི་རབ་ཏུ་འབྱུང་བར་འདོད་པ་ལ་བསླབ་པ་དབོག་པ་ལ་སོགས་པ་ཁྱོད་དེ་ཉིད་ལེན་དུ་མ་བཏུབ་ན་ལས་སུ་མི་རུང་ཞིང་དང་པོ་ཁོ་ན་ཉིད་ཀྱིས་#གསོལ་བ་ཡང་མི་བརྩན་#ཏེ་འཇིག་པར་སྟོན་པའོ། །བཞམས་#པས་བསྒོ་བ་ནི་ཆོ་
[232a.7]གའོ་ཞེས་པ་ནི་དབྱེན་ལ་ཞུགས་པ་ལ་སོགས་པ་ཐོག་མ་ཉིད་དུ་བཞམས་ཤིང་#བསྒོབ་བའི་ཆོ་ག་ཇེ་བྱ་དགོས་པས་ན་བཞམ་པའི་ཆོ་ག་སྔར་མ་བྱས་པར་གསོལ་བ་ལ་སོགས་པའི་ལས་བྱས་ཀྱང་ལས་སུ་མི་རུང་བའོ། །བཀར་བའང་དེ་བཞིན་ཞེས་པ་ནི་དགེ་སློང་བཀར་བའི་ལས་བྱ་བ་ཡང་
[232b]
[232b.1]སྔར་བཞམས་#པའི་ཆོ་ག་མ་བྱས་པར་བཀར་བའི་ལས་ཇེ་བྱས་ན་ལས་སུ་མི་རུང་བའོ། །ཕ་རོལ་གྱི་མཉན་པ་ནི་དགོངས་ཤིག་ཅེས་པ་ལ་སོགས་པ་གཙོ་བོ་#ཞེས་པ་ནི་དགེ་འདུན་ནམ་གང་ཟག་ཕ་རོལ་པོ་ཉན་ན་ནི་དགོངས་ཤིག་ཅེས་པ་ལ་སོགས་པ་མ་བྱས་སུ་ཟིན་ན་མི་རུང་བ་མེད་པའོ། །དོན་གྱིས་ཚིག་
[232b.2]རིམས་ལས་འགལ་#ཡང་མི་སྐྱེ་བ་མ་ཡིན་ཞེས་པ་ནི་ལས་སུ་བྱ་བའི་ཚིག་རྣ་གོ་རིམས་བཞིན་དུ་མ་བྱས་ཏེ། བཙུན་པ་གསོན་ཅིག་བཙུན་པའི་དགེ་འདུན་མིང་#འདི་ཞེས་བགྱི་བ་དགེ་འདུན་ལས་#བསྙེན་པར་རྫོགས་པར་གསོལ་ལོ་ཞེས་པ་ལས་དགེ་འདུན་བཙུན་པ་གསོན་ཅིག། དགེ་འདུན་ལས་མིང་
[232b.3]འདི་ཞེས་བགྱི་བ་བསྙེན་པར་རྫོགས་པར་གསོལ་ལོ་ཞེས་གོ་རིམས་བསྣོར་ཏེ་བྱས་སུ་ཟིན་ཀྱང་ལས་སུ་མི་རུང་བ་མེད་པའོ། །འགལ་བར་མི་བྱ་ཞེས་པ་ནི་གོང་མ་ལྟར་ལས་སུ་མི་རུང་བ་མེད་དུ་ཟིན་ཀྱང་བསྣོར་བར་ནི་མ་བྱེད་ཅིག་པའོ། །མཚན་ཐ་དད་པ་བརྟེན་པ་ཡང་མ་ཡིན་ཞེས་པ་ནི་ཕོ་མོའི་མཚན་
[232b.4]སོ་སོར་བརྗོད་པ་བསྣོར་#ན་ཡང་ལས་སུ་མི་རུང་བ་མེད་པའོ། །དགེ་སློང་དང་དགེ་སློང་མའི་ལས་ལས་གཞན་པ་བྱས་ན་ཡང་ཡིན་ཞེས་པ་ནི་དགེ་སློང་ཕ་བསྙེན་པར་རྫོགས་པའི་ལས་དགེ་སློང་མ་བསྙེན་པར་རྫོགས་པའི་ཆོ་གས་བྱས་པ་ལྟ་བུས་ཆོ་ག་གོ་བསྣོར་ཏེ་བྱས་ན་ཡང་ལས་སུ་མི་རུང་བ་
[232b.5]མེད་པའོ། །ལས་ཀྱི་དངོས་པོར་ཞུས་པར་གཏོགས་པའོ། །ལས་ཀྱི་དངོས་པོ་རྫོགས་སོ།། །།སླར་བཅོས་པའི་དངོས་པོ་སྟོན་པ་ནི། མ་ཞི་བའི་དངོས་པོ་ཤེས་#གླེང་བ་བས་བརྒལ། # མངོན་སུམ་དུ་གཏུགས་ནས་ཆད་པའི་ལས་བྱ་ཞེས་པ་ལ་སོགས་པ་ཡིན་ཏེ་འཐབ་
[232b.6]ཀྲོལ་བྱེད་པ་ལ་སོགས་པ་ཞེས་པའི་དམིགས་ཡོད་པར་མངོན་གླེང་བ་བས་ཀྱང་བརྒལ། དགེ་འདུན་གྱི་ནང་དུ་བཀུག་ཅིང་མངོན་སུམ་དུ་ཐུག་ནས་ཆད་པ་བཅད་པའི་ལས་གྱིས་ཤིག་པའོ། །འདུར་མི་ཐུབ་ན་གྲགས་པ་ཙམ་གྱིས་སོ་ཞེས་པ་ནི་དགེ་འདུན་གྱི་ནང་དུ་དགུག་ཅིང་མངོན་སུམ་
[232b.7]དུ་བྱར་མ་ཐུབ་ན་ཉེས་པའི་གཡོང་མཚང་#ཡོད་པར་གྲགས་པ་དང་སྦྱར་ཏེ་ཆད་པས་ཆོད་ཅིག་པའོ། །མ་མཐོང་བར་བསྙོན་པ་ནི་ཡོད་པ་བཙུགས་པས་ན་ཁས་བླངས་པ་ཡན་ལག་མ་ཡིན་ཞེས་པ་ནི་ཉེས་པ་ཁས་ལེན་དུ་མ་བཏུབ་སྟེ། བསྙོན་པའི་སྲན་ཚུགས་ན་མཚང་#བཅད་པའི་ཕྱིར་
[233a]
[233a.1]ཆད་པས་བཅད་པ་#ཉིད་ཡིན་ཏེ། ཆད་པས་མི་བཅད་པའི་ཡན་ལག་མ་ཡིན་པའོ། །སྐབས་མ་ཕྱེ་ན་ཡང་མི་རུང་ཞེས་པ་ནི་གླེང་བའི་སྐབས་འབྱེད་དུ་མི་བཏུབ་པའི་སྲན་བཙུགས་པས་ཀྱང་མི་གློན་#ཏེ། དེ་ཡང་ཡན་ལག་མ་ཡིན་པར་སྟོན་པའོ། །གླེང་བ་ཉིད་ཀྱིས་མ་
[233a.2]རྒལ་ན་#རྒོལ་བ་མ་བསྐོས་ཞེས་པ་ནི་རྒོལ་བའི་ངོས་ངན་བྱེད་པ་ཉིད་མ་བྱུང་ན་རྒོལ་#བ་གཅིག་ཆེད་དུ་སྐོས་#ཤིག་པའོ། །གཤེ་ཁྲོ་བསྡིགས་པ་དང་དགེ་འདུན་ལ་རྙེད་པ་དང་གནས་ཀྱི་གཞི་བརྗེས་བྱེད་པ་དང་། རྒྱལ་པོ་ཞལ་ཆེ་བ་གཉེན། གང་ཟག་རྒྱབ་རྟེན་འཆར་བ་དང་། དགེ་འདུན་ལ་མི་འཆར་
[233a.3]བ་རྣམས་ཀྱི་ནང་ན་འདུས་མི་བྱེད་པ་དང་། ཁྱིམ་པ་དང་མུ་སྟེགས་པའི་རྒྱལ་མཚན་འཆང་བ་མུ་སྟེགས་ལ། བརྟེན་#པ་མི་རིགས་པ་སྤྱོད་པ་དགེ་སློང་གི་བསླབ་པ་མི་སློབ་པ་རྣམས་མི་བརྗེད་ལ་སྲོ་ཤིང་། དགེ་འདུན་ལ་སྤུ་སྙོལ་གནོང་བཀུར་གིང་གོང་བྱེད། མཚན་མ་གསོལ་བ་འདེབས་ན་ཚངས་
[233a.4]པར་བྱ་ཞེས་པ་ནི་མིང་གིས་སྨོས་པ་འདི་རྣམ་པ་འདི་#རྣམས་ལྟར་གྱུར་ན་གདོད་དགེ་འདུན་གྱི་ཉེས་པ་བར་གནང་ཞིང་ཚངས་པར་གྱིས་ཤིག་པའོ། །དེ་ལ་གཤེ་ཁྲོ་བསྡིགས་ཞེས་པ་ནི་ཁྱིམ་པ་དང་རབ་ཏུ་བྱུང་བ་ལ་འདི་དག་ལྟར་#བྱེད་པའོ། །དགེ་འདུན་ལ་རྙེད་པ་དང་གནས་ཀྱི་ཞེ་བརྡེགས་བྱེད་ཅེས་
[233a.5]པ་ནི་དགེ་འདུན་ཉི་ཚེར་ཡང་མ་ཟད་དེ་གང་ཟག་ཡན་ཆད་ལ་རྙེད་པ་དང་། གནས་ཀྱི་ཞེ་བརྡེགས་མི་བྱེད་ན་ཚངས་པར་བྱའོ། །རྒྱལ་པོ་ཞེས་པ་ནས་རྒྱབ་རྟེན་འཆའ་ཞེས་པའི་བར་དུ་སྨོས་པ་ནི་མིང་གིས་སྨོས་པ་འདི་རྣམས་ལ་རྒྱབ་རྟེན་མི་འཆའ་ན་ཚངས་པར་བྱའོ། །དེ་ལ་གང་ཟག་ཅེས་པ་ནི་ཁྱིམ་
[233a.6]པའམ་རབ་ཏུ་བྱུང་བ་#གང་ཡང་རུང་ཁྱིམ་པའི་མཚན་མ་ནི་རབ་ཏུ་མ་བྱུང་བའི་ཆ་ལུགས་སུ་བྱེད་པའོ། །མུ་སྟེགས་བའི་མཚན་མ་ཤེས་པ་ནི་འཕྲལ་#བ་ལ་སོ་རིས་བྱེད་པ་དང་། །རིགས་ཀྱི་གཡང་གཞི་#ལ་སོགས་པ་ཐོགས་པའོ། །མུ་སྟེགས་པ་བརྟེན་#ཅེས་པ་ནི་མུ་སྟེགས་ལ་#འཇར་ཞིང་གཞོལ་བའོ། །
[233a.7]མི་རིགས་པ་སྤྱོད་ཅེས་པ་ནི་སྤྱད་པ་དང་སྤྱོད་ལམ་བགགས་#པ་རྣམས་སྤྱོད་པའོ། །དགེ་སློང་གི་བསླབ་པ་མི་སློབ་ཅེས་པ་ནི་སྲོག་གཅོད་ལས་ལོག་#པ་ལ་སོགས་པའི་དངོས་པོ་#རྣམས་མི་སློབ་པའོ། །སྲོ་ཤིང་#ཞེས་པ་ནི་སྐྲ་ཡེགས་པ་ལ་སོགས་པ་དམུས་བྱུང་བའོ། །དགེ་འདུན་ལ་སྦུ་སྙོལ་ཞེས་པ་ནི་སྙེམས་
[233b]
[233b.1]ཤིང་བསྡོ་བ་དང་བྲལ་ཏེ་འཇར་བའོ། །གནོང་#བཀུར་ཞེས་པ་ཉེས་པར་ཚོར་བའོ། །གིང་གོང་བྱེད་ཅེས་པ་ནི་ཕོ་ཐེག་བཏང་ཞིང་(གསགས་,གསེགས་)བྱེད་པའོ། །མཚན་ལས་ལྡོག་ཅེས་པ་ནི་གང་གི་ཕྱིར་ཆོད་པའི་དམིགས་དེར་འདོར་ཞིང་གཏོང་བའོ། །གསོལ་བ་འདེབས་ཞེས་པ་ནི་དགེ་འདུན་ལ་གསོལ་
[233b.2]བ་འདེབས་ན་གདོད་ཚངས་པར་བྱ་བའི་གསོལ་བ་མི་འདེབས་ན་གོང་མ་རྣམས་ལྟར་བྱེད་དུ་ཟིན་ཀྱང་ཚངས་པར་མ་བྱེད་ཅིག་པའོ། །གསོལ་བ་འདེབས་ན་ལས་སུ་བྱ་བ་གཞན་ཡང་སྟོན་པ་ནི་ལས་#དབོག་པ། དབྱུང་བ་བསྙེན་#པར་རྫོགས་པ་ཞིག་པ་བཀན་པ་རྣམས་ཀྱང་ངོ་ཞེས་པ་ཡིན་ཏེ་མིང་
[233b.3]གིས་སྨོས་པ་འདི་རྣམས་གསོལ་བ་འདེབས་ན་གདོད་ལས་སུ་གྱིས་ཤིག་པ་སྟེ། དེ་ལ་དབོག་ཅེས་པ་ནི་ཁང་པ་དང་གཙུག་ལག་ཁང་བརྩིག་ཏུ་གཞུག་པ་ལ་སོགས་པའོ། །འབྱུང་ཞེས་པ་ནི་ལྷག་མ་ལས་དབྱུང་བའོ། །བསྙེན་པར་རྫོགས་ཞེས་པ་ནི་དགེ་སློང་གི་སྡོམ་པ་དབོག་པའོ། །
[233b.4]གཞི་ཞེས་པ་ནི་ཁྱིམ་དུ་མི་འདོང་བར་བསླབ་པ་བཅས་པར་དེ་#གཏོང་བའོ། །བཀན་ཅེས་པ་ནི་ལྷུང་བཟེད་ཁས་ཕུབ་སྟེ་བཏང་བའོ། ཆད་པ་བཅད་པའི་སྤྱིའི་ཚུལ་དེ་ལྟར་བསྟན་ནས། ཉེས་པའི་དམིགས་ལས་ཆད་པའི་རིམ་པ་སོ་སོར་དབྱེ་བ་དང་སྟོན་པ་ནི་འཐབ་ཀྲོལ་བྱེད་པ་ལས་ཀྱིས་
[233b.5]སྤྱོ་ཞེས་བྱ་བ་ཡིན་ཏེ་འཐབ་ཀྲོལ་བྱེད་པ་ལ་ནི་རྒྱ་གག་གྱིས་ཤིག་པའོ། །དགེ་འདུན་གྱི་ལྷག་མ་གོར་མོར་བྱེད་ཅིང་མི་འཆོས་ན་སྨེད་#ཅེས་པ་ནི་འདི་ལྟར་བྱེད་ན་སྨ་དབབ་པའི་ཆད་པས་ཆོད་ཅིག་པའོ། །ཁྱིམ་སུན་འབྱིན་པ་ནི་བསྐྲད་#ཅེས་པ་ནི་འདི་ལྟར་བྱེད་ན་མཛེས་པ་སྤང་བའི་ཕྱིར་གང་ན་
[233b.6]བྱེད་པའི་གནས་དེ་ནས་ཕྱུང་ལ་སྐྲོད་ཅིག་པའོ། །དེའི་ཆེད་ལ་འདུར་མི་བཏུབ་ཅིང་སྐབས་མི་འབྱེད་ན་ཡང་ངོ་ཞེས་པ་དང་དེ་མ་#མཐོང་བར་སྒྲོགས་པ་ཡང་ཞེས་པ་ནི་སྐྲོད་པའི་གཅོམ་ཚོར་ནས་འདུར་མི་བཏུབ་པ་དང་། གླེང་བ་ལ་སྐབས་མི་སྟེར་བ་དང་། སྙོན་ངས་པ་རྣམས་ཀྱང་བསྐྲད་
[233b.7]པའི་ཆད་པས་ཆོད་ཅིག་པའོ། །ཁྱིམ་པ་ལ་འཕྱ་ན་འགོང་ཐོད་དུ་དབྱུང་ཞེས་པ་ནི་ཁྱིམ་པ་ལ་ཁ་མ་ཀླས་པར་ཟེར་ན་དགེ་འདུན་གྱིས་འགོང་ཐོད་དུ་དབྱུང་བའམ་ཉེས་པ་དེ་གཏོང་དུ་ཆུག་ཤིག་པའོ། །འདིར་ནི་ཚངས་པར་བྱ་བའི་ལས་ཀྱི་གོར་དེ་བཟོད་#པར་བྱའོ་ཞེས་པ་ནི་སྐབས་གཞན་དུ་ཚངས་#
[234a]
[234a.1]པར་བྱ་བའི་ལས་འདིའི་སྐབས་སུ་ཁྱིམ་པ་དེ་ལ་བཟོད་པར་གསོལ་དུ་ཆུག་ཤིག་པའོ། །བསྡམ་པའི་གཉེན་པོར་བྱ་བ་#མ་ཡིན་པའི་ཉེས་#པར་གྲགས་པ་མི་འཆོས་ཤིང་བསྙོན་#ངས་པ་དང་། གཉེན་པོ་བསྒྲུབ་ཏུ་མི་བཏུབ་པ་དང་། སྡིག་པའི་ལྟ་བ་མི་གཏོང་བ་རྣམས་བཀར་ཞེས་
[234a.2]པ་ནི་ཉེས་པར་གྲགས་པ་བསྡམ་པར་བྱ་བ་མ་ཡིན་པའི་ཉེས་པ་གཉེན་པོས་མི་འཆོས་པར་བསྙོན་ངས་པ་#དང་། གཉེན་པོས་བཅོས་སུ་མི་རུང་བ་དང་། སྡིག་པའི་ལྟ་བ་མི་གཏོང་ན་བཀར་བའི་ཆད་པས་ཆོད་ཅིག་པའོ། །ཉེས་པ་འདིའང་འདི་ཉིད་དུ་གཉེན་པོ་#བྱས་ན་ནི་དགེ་འདུན་འདི་དག་ཉིད་ཀྱིས་ཁྱོད་
[234a.3]ལ་འདྲ་བར་མཛད་དོ་ཞེས་དེ་ལ་བསྒོ་ཞེས་པ་ནི་བཀར་བ་དེ་ལ་སྙད་འདི་སྐད་དུ་བསྒོ་ཤིག་པའོ། །ཉེས་པ་མི་བཅབ་#ཅེས་པ་ནི་ཉིད་ཀྱི་ཉེས་པ་སུས་#ཀྱང་ཡོང་ཡེ་མ་བཅབས་ཤིག་#པའོ། །ཐ་ན་མིང་ཡང་བསྒྲགས་ཞེས་པ་ནི་ཉེས་པའི་རིགས་ཡིན་པར་མ་ཞུས་ན་ཉེས་པའི་མིང་ཙམ་ལ་ཡང་གཞན་ལ་
[234a.4]སྒྲོགས་ཤིག་པའོ། །ཉེས་བྱས་ནི་ཇི་ལྟར་ཡང་རུང་ཞེས་པ་ནི་ཉེས་#ཤེའམ་ཁ་ན་མ་ཐོ་བ་བྱས་ཞེས་བསྒྲགས་པ་ཙམ་གྱིས་ཀྱང་ཉེས་བྱས་བསྒྲགས་པར་འགྱུར་བའོ། །སུ་ལ་བསྒྲགས་ཤེ་ན། རང་བཞིན་དུ་གནས་པ་ལ་ཞེས་པ་ཡིན་ཏེ་སྨོས་པ་ལས་མ་ཡིན་གྱི་དགེ་སློང་ཐ་མལ་པ་ལ་སྨྲོས་ཤིག་པའོ། །
[234a.5]ལྟ་བ་ཐ་དད་པའི་རང་བཞིན་དུ་གནས་པ་ལ་ཡང་བསྒྲགས་སམ་ཞེ་ན། གཞན་དུ་མི་ལྟ་བ་ལ་ཞེས་པ་ཡིན་ཏེ། གཞན་དུ་མི་ལྟ་བའི་རང་བཞིན་དུ་གནས་པ་ལ་སྒྲོགས་ཤིག་པའོ། །གཞན་དུ་མི་ལྟ་བའི་དགེ་#ཚུལ་ཡན་ཆད་ལ་ཡང་བསྒྲགས་སམ་ཞེ་ན། བསྙེན་པར་རྫོགས་པ་ལ་ཞེས་པ་ཡིན་ཏེ།
[234a.6]བསྙེན་པར་རྫོགས་པ་ལ་སྒྲོགས་ཤིག་པའོ། །བསྙེན་པར་རྫོགས་པ་མཚན་མི་མ་ཐུན་པ་ལ་བསྒྲགས་སམ་ཞེ་ན། མཚན་མཐུན་པར་ཞེས་པ་ཡིན་ཏེ་དགེ་སློང་ཕས་དགེ་སློང་ཕ་ལ་#སྒྲོགས་ཤིག་པའོ། །མཐུན་མཐུན་དུ་བསྒྲགས་ན་དགེ་ཚུལ་གྱིས་ཀྱང་དགེ་ཚུལ་ལ་#བསྒྲགས་ཤིང་བཤགས་པར་
[234a.7]བྱ་བ་ཡིན་ནམ་ཞེ་ན་དེ་ཉིད་ལ་སྟེ། འདིའང་ཕྱི་མ་དང་བཅས་པར་རོ་ཞེས་པ་ཡིན་ཏེ། དགེ་ཚུལ་གྱིས་ཀྱང་བསྙེན་པར་རྫོགས་པ་ལ་བསྒྲགས་ཤིང་དེའི་རྗེས་ལ་བཤགས་པ་ཡང་གྱིས་ཤིག་པའོ། །ཆོས་འདི་པ་#རྣམས་ལ་ནའང་འདི་བྱས་པའོ་ཞེས་པ་ཡིན་ཏེ། དགེ་བསྙེན་ཡན་ཆད་འདིའི་
[234b]
[234b.1]ཆོས་སུ་བལྟ་བའོ། །ཆོ་ག་བསྒྲགས་ན་ཉེས་བྱས་ཡོད་དུ་ཟིན་གྱི་བསྒྲགས་པར་ནི་མི་འགྱུར་བ་ནི་མ་ཡིན་པའོ། །མཚམས་གུང་ན་འདུག་ཀྱང་ཞེས་པ་ནི་ནམ་མཁའ་ལྟ་བུ་མཚམས་ལོགས་ཤིག་ན་འདུག་པ་ལ་བསྒྲགས་ན་ཡང་བསྒྲགས་པར་འགྱུར་བའོ། །བསྒོ་བ་ལ་དབྱུང་#བའོ། །ཆོ་ག་ནི་དགེ་
[234b.2]འདུན་ལའོ་ཞེས་པ་ནི་དབྱེན་དང་རྗེས་སུ་ཕྱོགས་པ་ལ་སོགས་པ་བསྒོ་བ་ལས་བྱུང་བའི་ཉེས་པའོ། །ཆོ་ག་ནི་དགེ་འདུན་ལ་བསྒོ་ཤིག་པའོ། །སོ་སོར་བཤགས་པ་ནི་དགེ་སྦྱོང་གི་གནས་དེར་འདུག་ལའོ་ཞེས་པ་#དགེ་སྦྱོང་གི་གནས་སུ་འདུས་སོ་ཅོག་ལ་སོ་སོར་བཤགས་པའི་ཉེས་པ་བསྒོས་ཤིག་པའོ། །
[234b.3]ཇི་སྐད་དུ་བསྒྲགས་ཤེ་ན། ཚེ་དང་ལྡན་པ་དག་བདག་གི་ནི་#སྨད་པའི་གནས་སུ་གྱུར་པ་འགལ་བ་ཅན་བཤགས་པར་འགྱུར་བ་སྟེ་ཆོས་དེས་#སོ་སོར་བཤགས་པར་#བགྱིའོ་ཞེས་སོ་ཞེས་པ་ཡིན་ཏེ་བསྒྲགས་པའི་སྙད་འདི་སྐད་གྱིས་ཤིག་པའོ། །དེ་ལ་བསྒྲགས་པ་ནི་ཐབས་འདི་ལྟར་བྱའི་བཤགས་
[234b.4]པ་ནི་གང་ཟག་གཅིག་ལ་གུང་དུ་གྱིས་ཤིག་པའོ། །འདི་དག་སྔགས་བཞིན་དུ་མ་ཡིན་ཞེས་པ་ནི་བསྒྲགས་པ་དེ་ཡང་སྔགས་བཞིན་དུ་ལན་གསུམ་དུ་བཟླས་མི་དགོས་པའོ། །བསྡམ་པར་བྱ་བ་ནི་ཡིད་ཀྱིས་སློན་#ཞེས་བྱ་བ་ནི་འདོད་པའི་རྗེས་སུ་རྟོགས་པ་ལ་སོགས་པ་བསྡམ་བར་བྱེ་བའི་ཉེས་པ་
[234b.5]རྣམས་ནི་ཡིད་ཀྱིས་#མི་བྱ་བར་དམ་བཅས་འདག་ཅིང་སློན་པར་སྟོན་པའོ། །དེ་ལས་གཞན་པ་ནི་དེ་དང་བཤགས་པ་ན་བཅས་པས་སོ་ཞེས་པ་ནི་གོང་མ་ལས་གཞན་པ་སྟེ། ལུས་སམ་ངག་གི་ཉེས་པ་རྣམས་ཡིད་ཀྱིས་#བསྡམས་པ་དང་། བཤགས་པ་གཉིས་ཀ་བྱས་པས་གདོད་འདག་པར་སྟོན་པའོ། །
[234b.6]སུ་ལ་བཤགས་ཤེ་ན། གཅིག་ལའོ་ཞེས་པ་དང་། གཞན་དུ་མི་ལྟ་བ་དེ་ལའོ་ཞེས་པ་དང་། ཉེས་པ་མི་འདྲ་ལ་ཞེས་པ་དང་། སྡེ་ཡང་ཞེས་པ་ཡིན་ཏེ། གང་ཟག་གཅིག་ལ་བཤགས་པ་དང་། དེའང་གཞན་དུ་མི་ལྟ་བ་དང་། ཉེས་པ་མི་འདྲ་བ་དང་། ལྟུང་བའི་སྡེ་མི་མཐུན་པ་ལ་བཤགས་
[234b.7]ཤིག་པའོ། །མེད་ན་#ཡང་ཞེས་པ་ནི་སྡེ་མི་མཐུན་པ་མེད་ན་ཉེས་པའི་དམིགས་མི་འདྲ་བ་ཙམ་ལ་བཤགས་ཤིག་པའོ། །སྤང་བ་ནི་རྗེ་#སྤངས་ཤིང་ཕྲལ་ནས་ཞེས་པ་ནི་སྤང་བ་#བཤགས་པའི་ཐབས་ནི་#དངོས་པོ་ཇེ་སྤངས་ཏེ་དེ་དང་གཅིག་བྲལ་#ནས་གདོད་བཤགས་ཤིག་པའོ། །ལྷག་མ་དང་བཅས་པར་
[235a]
[235a.1]གཏོགས་པའི་ལྕི་བ་སྦོམ་པོའོ་ཅོག་ནི་དགེ་འདུན་ལྔ་ལ་སོགས་པ་ལའོ་ཞེས་པ་ནི་ཁུ་བ་ཆེད་དུ་#འབྱིན་པར་སྤྱོད་པ་ལ་སོགས་པ་ལྷག་མའི་ལྕི་བ་སྦོམ་པོ་ཅོག་དགེ་འདུན་ལྔ་ཡན་ཆད་ལ་བཤགས་ཤིག་པའོ། །ལྷག་མ་མེད་པར་གཏོགས་པའི་ཕལ་ཆེ་#སྟེ་ཆད་པ་མེད་ཅེས་པ་ནི་ཕས་ཕམ་
[235a.2]པའི་ལྕི་བ་སྦོམ་པོ་སྤྱད་དུ་མི་བཟོད་པ་ལ་མི་ཚངས་པར་སྤྱོད་པ་ལྟ་བུ་དང་། ཡན་ལག་གཅིག་གིས་ཚངས་པའི་རྐུན་པོ་བྱེད་པ་ལྟ་བུ་ལ་སོགས་པ་ནི་དུ་ལ་བཤགས་པ་ཆད་པ་མེད་དེ་དྲུག་ཡན་ཆད་ཕལ་པོ་ཆེ་ལ་བཤགས་ཤིག །འདི་ཡང་བ་ནི་བཞི་ལ་སོགས་པའོ་ཞེས་པ་ནི་རྩི་བུར་ཙམ་གྱི་ཚོད་རྐུ་
[235a.3]བར་སྤྱོད་པའི་སྦོམ་པོ་ཡང་བ་#དགེ་འདུན་བཞི་ལ་སོགས་པ་ལ་བཤགས་ཤིག་པའོ། །ལྕི་ཡང་ནི་དངོས་པོ་དང་བསམ་པ་བསྡམས་ཆེ་ཆུང་ལས་ཕྱེ་ཤིག་པའོ། །འདི་ལ་འབད་བཞིན་དུ་རྐྱེན་དང་ལྡན་པར་ཤི་བ་ལས་ཟིན་པ་དང་འདྲ་བ་ཞེས་པ་ནི་ལྷག་མ་འབྱིན་པའི་ཆོ་ག་བྱ་བར་བརྩམས་པ་ལ་
[235a.4]ཤི་བ་ལྟ་བུའི་རྐྱེན་དང་ལྡན་དུ་ཟིན་ཀྱང་ཉེས་པ་བཤགས་པའི་སེམས་ཡོད་པས་ན་ལས་བྱས་ཟིན་པ་དང་འདྲ་བར་སྟོན་པ་སྟེ། དགེ་སློང་ལྷག་མ་འབྱིན་པར་ཆས་པ་ལམ་དུ་གཅན་གཟན་གྱིས་བསད་པ་ལྟ་བུའོ། །སྨོས་པས་བྱས་པ་ནི་སངས་#ཏེ་དེས་ཤེ་ན#། ཉེས་བྱས་དང་འདྲ་ཞེས་པ་ནི་སྨོས་
[235a.5]པའི་ཚེ་ཉེས་བྱས་པ་ཅོག་སངས་ཏེ་དྲན་ན་ཉེས་བྱས་དང་འདྲ་བས་ན་གང་ཟག་གཅིག་གི་མདུན་དུ་བསམ་པ་ལོག་པ་སྤྱད་པ་བཤགས་ཤིག་པའོ། །མིང་དང་རིགས་སུ་བཅས་ཏེ་ཉེས་པ་བསྒྲགས་ཏེ་ཞེས་པ་ནི་བཤགས་པའི་ཚེ་ཉེས་པའི་མིང་གང་ཡིན་པ་དང་ཉེས་པའི་རིགས་གར་གཏོགས་པ་རྣམས་
[235a.6]སྨོས་ལ་སྒྲོགས་ཤིག་པའོ། །དགེ་འདུན་གྱི་ལྷག་མ་ནི་འདི་སྲིད་ཀྱི་བར་བཅབས་སོ་ཞེའམ་མ་བཅབས་སོ་ཞེའམ་ཞེས་པ་ཡིན་ཏེ་དགེ་འདུན་གྱི་ལྷག་མ་བཤགས་པ་ནི་བཅབས་སམ་མ་བཅབས་ན་ཡང་ཡུན་ཇི་སྲིད་ཀྱི་བར་དུ་བཅབས་པ་རྣམས་སྨོས་#པ་ལ་བཤགས་ཤིག་པའོ། །འདི་བྱུང་
[235a.7]བས་འདག་པར་བྱེད་ཅེས་པ་ནི་དགེ་འདུན་གྱི་ལྷག་མའི་ཉེས་པ་ནི་དེ་ལས་ཕྱུང་བས་འདག་པར་སྟོན་པའོ། །དགེ་འདུན་ལས་ཞག་དྲུག་ནོད་དེ་མགུ་བར་སྤྱད་ནའོ་#ཞེས་པ་ནི་དགེ་འདུན་ལས་ཞག་དྲུག་གི་མགུ་བར་མནོས་ཏེ་སྤྱད་ན་གདོད་གོང་མ་ལྟར་དབྱུང་#དུ་རུང་བའོ། །དགེ་སློང་མ་ནི་ཟླ་པ་ཕྱེད་དེ་ཞེས་
[235b]
[235b.1]པ་དང་འདི་ལྕི་བའི་#ཆོས་ལས་འགལ་ན་ཡང་སྤྱད་པར་བྱའོ་ཞེས་པ་ནི་དགེ་སློང་མས་ནི་མགུ་བ་ཟླ་བ་ཕྱེད་ཀྱི་བར་དུ་བྱ་དགོས་པ་དང་། ལྕི་བའི་ཆོས་ལ་འགལ་ན་ཡང་མགུ་བར་སྤྱད་#དགོས་པར་སྟོན་པའོ། །བཅབས་པའི་ཉེས་པ་མེད་ན་གདོད་སྐྱེ་ཞེས་པ་ནི་བཅབས་པའི་ཉེས་པ་མེད་ན་གདོད་མགུ་བ་དེ་དབོག་
[235b.2]པར་བྱའོ། །བཅབས་པ་ནི་ཇི་ལྟར་བྱ་ཞེ་ན། ཆད་པས་ན་མེད་པར་འགྱུར་རོ་ཞེས་པ་ཡིན་ཏེ། ཆད་པའི་ལས་བྱས་ན་བཅབས་པའི་ཉེས་པ་མེད་པར་འགྱུར་བའོ། །ཆད་པ་དེ་ལ་ཡུན་ཇི་སྲིད་ཀྱི་བར་དུ་ཞེ་ན། དགེ་འདུན་ལས་དེ་སྲིད་མནོད་ཅེས་པ་ཡིན་ཏེ་བཅབས་པའི་ཡུན་ཇི་སྲིད་བར་ཆད་པ་
[235b.3]ཡང་དེ་སྲིད་དུ་མནོས་ཤིག་པའོ། །འདི་གཉིས་བྱེད་བཞིན་དུ་#དེའི་དགེ་འདུན་ལྷག་མ་བྱུང་ན་བྱས་ཤིང་མནོས་པ་འཇིག་གོ་དེ་དེ་ལྟ་བས་ན་གཞི་ནས་བསླངས་ཏེ་དབོག་ཅེས་པ་ནི་ཆད་པ་དང་མགུ་བ་གཉིས་མེད་པའི་ཚེ་དེ་དང་འདྲ་བའི་ལྷག་མ་ཕྱི་མ་བྱུང་བར་གྱུར་ན་སྔར་ནོས་ཤིང་བྱས་པ་རྣམས་
[235b.4]ཞིག་པའི་ཕྱིར་ཡང་གཞི་ནས་བླངས་#ཏེ་འཕྲོ་གྱིས་ཤིག་པའོ། །བརྩམས་པ་ཡང་བྱེད་པ་བཞིན་པས་སོ་ཞེས་པ་ནི་སྔར་ཆད་པ་དང་རྩ་བའི་ཆད་པ་དང་། བསྐྱར་བ་རྣམས་རྩོམ་ཞིང་བྱེད་བཞིན་པའི་འཕྲོ་ལ་དེ་དང་འདྲ་བའི་ཉེས་པ་ཕྱི་མ་བྱུང་ན་ཡང་སྔ་མ་དེ་ཉིད་ཡིན་དུ་ཟད་པར་སྟོན་པའོ། །དེ་ལ་དེ་ལྟ་
[235b.5]བས་ན་མ་སྐྱེས་པ་#འདི་ནི་དེའི་ཚེ་གུད་དུ་བསླངས་ཏེ་དང་པོར་ཡང་ངོ་#ཞེས་པ་ནི་ཆོ་ག་མ་ཚང་བས་ཆད་པ་མ་སྐྱེས་པར་དེ་དང་འདྲ་བའི་ཉེས་པ་ཕྱི་མ་བྱུང་ན་རྩ་བ་ནས་བསྐྱར་བ་ལ་མ་གཏོགས་པར་དེ་ཉིད་དང་ཉེས་པ་ཕྱིས་འབྱུང་བ་གཉིས་པོ་བྱ་བ་ལ་མ་གཏོགས་པའི་སྔ་རོལ་དུ་དེ་གྱིས་ཤིག་པའོ། །དེའི་བར་
[235b.6]ཡང་བཅོས་ཞེས་པ་ནི་ཉེས་པ་སྔ་མ་བྱེད་པའི་འཕྲོ་ལ་ཕྱིས་ཉེས་པར་གྱུར་པ་དེ་ཡང་གཞི་ལ་མ་དོར་བར་གཉེན་པོས་ཆོས་ཤིག་པའོ། །དེ་བས་ན་དེའི་ཕྱིར་དེ་ལ་ཡང་བརྟེན་#ཅེས་པ་ནི་རྩ་བའི་ཆད་པ་ནོད་པའི་ཚེ་ཕྱིས་བྱུང་བའི་ཉེས་པ་དང་གཉི་གའི་མིང་སྨོས་པ་#ནོས་ཤིག་པའོ། །བཅས་#པའི་དུས་
[235b.7]ལས་ལྷག་པ་ལ་བརྟེན་#ཞེས་པ་ནི་སྔ་མ་ཕྱིར་བཅབས་པ་ལ་བཅབས་པའི་ཡུན་རིང་ན་སྔ་མའི་ཞག་གྲངས་ཀྱིས་ཕྱི་མའི་ཁར་མ་བསྣན་པར་མིང་ནི་གཉི་ག་སྨོས་ལ་ཕྱི་མ་ཡུན་རིང་པོའི་#ཞག་གྲངས་ཀྱི་ཐད་དུ་ཕོབ་#ཤིག་པའོ། །འདི་གཉིས་ལས་ཀྱིས་#དབོག་ཅེས་པ་ནི་ཆད་པ་དང་མགུ་བ་གཉིས་
[236a]
[236a.1]ག་#ལས་ཀྱིས་ཕོག་ཤིག་པའོ། །དབྱུང་བ་ཡང་ཞེས་པ་ནི་ལྷག་མ་ལས་བྱུང་བ་ཡང་ལས་ཀྱིས་ཕྱུང་ཤིག་པའོ། །འདིར་སྤྱོ་ཞེས་པ་དང་། གསོལ་བ་དང་ཞུ་བ་དང་པོའི་བར་དུའོ་ཞེས་པ་ནི་དབྱུང་བ་དེ་གསོལ་བ་ཟིན་ནས་ལས་དང་པོ་རྩོམ་པའི་བར་དུ་སྤྱོ་ཞིང་ཚར་བཅད་བ་གྱིས་
[236a.2]ཤིག་པའོ། །རྩྭ་གཅལ་ལ་བསྙལ་ནས་ཞེས་པ་ནི་དེ་རྩྭ་གཅལ་གྱི་སྟེང་དུ་སྙོལ་ལ་གོང་མ་ལྟར་གྱིས་ཤིག་པའོ། །གཟེངས་བསྟོད་པ་ཡང་ངོ་ཞེས་པ་དང་། ཟིན་བ་བསྙད་པའི་འོག་ཏུའོ་ཞེས་པ་ནི་ལས་ཟིན་པར་དགེ་འདུན་ལ་བསྙད་པའི་འོག་ཏུ་དེ་ལ་གཟེངས་བསྟོད་པ་གྱིས་ཤིག་པའོ། །བཅོས་པའི་
[236a.3]དངོས་པོའོ།། །།བཅོས་པའི་དངོས་པོ་ཞུས་པ་ལ་སོགས་པ་བསྡུས་ཏེ་སྟོན་པ་ནི་ཚུལ་ཁྲིམས་ཞིག་པ་བསྐྲད་ཅེས་པ་ལ་སོགས་པ་ཡིན་ཏེ། ཕས་ཕམ་པ་བྱུང་བ་དགེ་འདུན་གྱི་ནང་དུ་མ་བཞག་པར་སྐྲོད་ཅིག་པའོ། །འདིར་དགེ་འདུན་དབང་ཞེས་པ་ནི་འདི་ལྟ་བུ་བསྐྲད་པའི་དབང་དགེ་འདུན་གྱི་#གྱིས་
[236a.4]ཤིག་པའོ། །འདི་ལ་འདི་དག་གཡེལ་བར་མི་བྱ་ཞེས་པ་ནི་འདི་ལྟ་བུ་ཚུལ་ཁྲིམས་ཞིག་པ་དགེ་འདུན་འཛོད་ཉོལ་དུ་མ་དོར་བར་བསྐྲད་པ་ལ་སོགས་པའི་ལས་གྱིས་ཤིག་པའོ། །མི་སྣང་བར་བྱས་པ་ཚངས་པར་བྱ་ཞེས་པ་ནི་དགེ་ཚུལ་#སྣང་བར་བཀར་བ་ནི་གཏན་དུ་མ་སྤངས་པར་གྱིས་ཤིག་པའོ། །
[236a.5]ཆད་པས་གཅོད་པ་རྣམས་ལ་མ་བགྲོས་ན་ཆད་པས་བཅད་པ་ཚངས་ནི་དང་པོ་ཆད་པས་གཅོད་པའི་དགེ་འདུན་རྣམས་མ་གཏོགས་པར་དགེ་འདུན་གཞན་གྱིས་#ཆད་པས་བཅད་པ་དེ་འབྲལ་ཞིང་ཚངས་པར་#མི་འགྱུར་རོ། །བསྐྲད་པ་ནི་སུན་པའི་གནས་སུ་མི་བཞག་ཅེས་པ་ནི་རིགས་སུན་
[236a.6]པར་#བྱེད་བྱེད་པ་གང་#བྱས་པའི་གནས་དེ་ན་མ་བཞག་པར་གུད་དུ་སྐྲོད་ཅིག་པའོ། །བཀར་བ་ཅོག་ལྷན་ཅིག་ཏུ་གནས་ཤིང་སྤྱོད་པ་མེད་ཅེས་པ་#བཀར་བའི་ཆད་པས་བཅད་པ་དང་། དགེ་འདུན་ཐ་མལ་པ་རྣམས་ལྷན་ཅིག་གནས་པ་དང་། ཆོས་དང་ཟང་ཟིང་གི་སྤྱོད་པ་གཅིག་ཏུ་མ་བྱེད་ཅིག་པའོ། །འདིར་
[236a.7]ཇི་ལྟར་འདུ་ཤེས་པ་བརྩན་#ཞེས་པ་ནི་བཀར་བར་མ་ཤེས་ཏེ་དེ་དང་ལྷན་ཅིག་ཏུ་གནས་ཤིང་སྤྱོད་པ་ནི་ཉེས་མེད་ཀྱི་བཀར་བ་ཤེས་ན་གདོད་ཉེས་པར་འགྱུར་བས་ན་ཇི་ལྟར་འདུས་པ་བརྩན་#པའོ། །བྱེ་ན་ཆོས་མ་ཡིན་པའི་ཕྱོགས་ལ་གཞན་གྱིས་འདི་གཉིས་ཞེས་པ་ནི་དགེ་འདུན་ཆོས་ཡིན་པ་དང་མ་ཡིན་པའི་ཕྱོགས་
[236b]
[236b.1]སོ་སོར་བྱེ་ན་གང་ཆོས་ཡིན་#པའི་ཕྱོགས་ཀྱིས་མ་ཡིན་པའི་རྣམས་ལ་ལྷན་ཅིག་ཏུ་གནས་ཤིང་ལྷན་ཅིག་#སྤྱོད་པ་གཉིས་མ་བྱེད་ཅིག་པའོ། །གཅིག་གིས་ནི་མ་ཡིན་ཞེས་པ་ནི་ཆོས་མ་ཡིན་པའི་ཕྱོགས་རྣམས་ཀྱི་#ནི་ཡིན་པའི་ཕྱོགས་ལ་འདི་གཉིས་ལྟར་བྱོས་ཤིག་པའོ། །ཆད་པ་པ་གཞན་ལ་འདི་དག་མ་ཡིན་ཞེས་པ་ནི་
[236b.2]བཀར་བ་མ་གཏོགས་པའི་སྤྱོ་བ་#དང་སྨད་པ་ལ་སོགས་པ་ཆད་པ་གཞན་གྱིས་བཅད་པ་ལ་ལྷན་ཅིག་ཏུ་མི་གནས་ཤིང་མི་སྤྱོད་པ་ལ་འདི་གཉིས་མ་བྱེད་ཅིག་པའོ། །འདིས་མཛའ་བོ་ལ་བརྟེན་ཅིང་གནས་བཅའ་ཞེས་པ་ནི་ཆད་#པ་གཞན་གྱིས་ཆོད་པ་འདི་དག་གི་གནས་བསྟེན་#ནི་སུ་མཛའ་བ་#ལ་ཆོས་ཤིག་པའོ། །ཆད་
[236b.3]པས་བཅད་པ་བཤམས་པ་དང་ཞིག་པ་ཚེ་སྤོགས་པ་ལྟ་ན་སྣོད་སྤྱད་བཏོན་#ཏེ་དོར་ཞེས་པ་ནི་ཆད་པས་གཅད་#པར་བཤམས་པ་དང་དབྱུང་བར་བཤམས་པ་ལས་དེར་མི་བཏུབ་ཅིང་སླར་སྤོགས་#པ་ལྟ་ན་དེའི་རྫས་དང་སྣོད་སྤྱད་#ཕྱི་རོལ་དུ་བཏོན་ལ་འོར་ཅིག་པའོ། །མཐུས་དབྱུང་ཞེས་པ་དང་འཇུས་པ་བཅད་
[236b.4]ཅེས་པ་དང་བཅད་དུ་མི་རུང་བ་དེ་གནས་དབྱུང་ཞེས་པ་ནི་འགྲོར་མི་བཏུ་བ་ན་ནན་གྱིས་དབྱུང་ཞིང་ཅི་ལ་འཇུས་པ་བཅད་པ་དང་བཅད་དུ་མི་རུང་ནའང་དེ་དང་བཅས་ཏེ་ཕྱུང་ཤིག་པའོ། །དགེ་འདུན་གྱིས་དེ་སླར་བཅོས་ཞེས་པ་དང་། བསྐུལ་ནས་ཞེས་པ་དང་། མ་གྲུབ་ན་གཙུག་ལག་ཁང་ནས་ཞེས་པ་ནི་སྒོ་
[236b.5]སྐྱེས་ལ་སོགས་པ་གོང་མ་ལྟར་བཅད་དམ་ཕྱུང་བ་ཞིག་དུ་#གྱུར་ན་ཡོན་བདག་ལ་བསྐུལ་#ཞིང་བཅོས་སུ་གཞུག་པའམ། གཙུག་ལག་ཁང་གི་སར་#ཆོས་ཤིག་པའོ། །འཐབ་ཀྲོལ་ཅན་བཀར་བ་#མི་གཅུགས་ཞེས་པ་ནི་འཐབ་ཀྲོལ་ཅན་དཀྲོལ་#བའི་ཚེ་དགེ་སློང་གཞན་གྱིས་དེའི་ནོན་དང་གཅུགས་#པ་
[236b.6]མ་བྱེད་ཅིག་པའོ། །འཐབ་པ་ཞི་བར་འབད་ཀྱང་མ་བཏུབ་ན་བཀར་#ཞེས་པ་ནི་དགེ་སློང་འཐབ་པ་སྤྱོད་པ་#ལ་སོགས་པ་ཅི་ནས་ཀྱང་ཞི་བར་བྱས་ཏེ་མ་བཏུབ་ན་སྐོར་ཅིག་པའོ། །ངེས་པར་གཏོགས་པ་མ་ཞི་ན་ཡང་ཞེས་པ་ནི་ཆོས་ངེས་པར་འགྲོ་བ་ལ་ཁ་དུ་མ་ནས་རྩོད་པར་གྱུར་པ་གོང་མ་བཞིན་དུ་འབད་
[236b.7]ཀྱང་མ་སློན་ན་དེ་འང་སྐོར་ཅིག་པའོ། །གནས་པ་ནི་གནས་ཀྱིས་ཞི་ཞེས་#པ་ནི་གནས་གོང་མ་ལྟར་རྩོད་པ་ཞིག་ཏུ་གྱུར་ན་གནས་ཀྱིས་ཇི་ནས་ཀྱང་མ་རྩོད་པར་གྱིས་ཤིག་པའོ། །འཐབ་གཅུགས་#བྱེད་པ་ཡང་བཀར་ཞེས་པ་ནི་#དགེ་སློང་ཅི་བཀར་#རྩོད་པའི་དགེ་སློང་དེ་ཡང་བཀར་བའི་ཆད་པས་ཆོད་ཅིག་
[237a]
[237a.1]པའོ། །དགེ་སློང་མ་དང་འདྲུལ་#བར་སྤྱོད་པ་ཡང་བཀར་ཞེས་པ་དང་། འདི་བཀར་ནས་དགེ་སློང་མས་ཀྱང་ཕྱག་མི་བྱ་བའི་སྡོམ་པ་བཅའ་ཞེས་པ་ནི་དགེ་སློང་མ་དང་། རྟག་ཏུ་འདྲུལ་བ་བཀར་བ་དང་། བཀར་ནས་དགེ་སློང་མས་ཀྱང་ཕྱག་མི་བྱ་བའི་སྡོམ་པ་ཆོས་ཤིག་པའོ། །ཆད་
[237a.2]པའི་དམིགས་གཞན་ལ་དེའི་ཕྱིར་སྙམ་ཞིག་པ་ནས་གཞན་བྱས་ཀྱང་རུང་ཞེས་པ་ནི་ཆད་པས་བཅད་པའི་དམིགས་དང་། ཆད་པས་བཅད་པའི་ལས་བྱ་བར་ནོར་བའི་ལས་སུ་མི་#རུང་བ་མེད་དེ་བླ་བའོ། །གཞན་དུ་མི་སྐྱེ་ཞེས་པ་ནི་ནོར་བར་ཡང་ཤེས་བཞིན་དུ་བྱས་པ་ནི་ལས་སུ་མི་རུང་བའོ། །སྔ་མ་འཇིག་ཞེས་
[237a.3]པ་ནི་གོང་མ་ལྟར་ནོར་ཏེ་སླར་བསྐྱར་ནས་ལས་སྔ་མ་འཇིག་པར་སྟོན་པའོ། །བཀར་བ་ལ་མི་སྐྱེ་ཞེས་པ་ནི་བཀར་བའི་ཆད་པས་བཅད་པ་ལ་སྤྱོ་བ་ལ་སོགས་པའི་ཆད་པ་གཞན་གྱིས་བཅད་དུ་ཟིན་ཀྱང་ལྷན་ཅིག་ཏུ་གནས་ཤིང་སྤྱོད་པ་མ་ཡིན་པའི་ཕྱིར་ཆད་པ་དེ་དག་མི་སྐྱེའོ། །གྲགས་པ་དང་བསོད་ནམས་ཆེན་
[237a.4]པོ་དང་མདོ་དང་འདུལ་བ་#མ་མོ་འཛིན་ཅིང་ཕྱོགས་དང་འཁོར་དང་ཐོས་པ་ཡང་མང་པོ་ཅན་ནི་སྦོམ་པོའོ་#ཞེས་པ་ནི་མིང་གིས་སྨོས་པ་འདི་རྣམས་ལྟ་བུ་ལ་བཀར་བའི་ཆད་པས་བཅད་ན་དགེ་འདུན་གྱི་གཅུགས་#སུ་གྱུར་པའི་ཕྱིར་སྤོམ་པོར་འགལ་བའོ། །དེ་ལ་གྲགས་པ་ཞེས་#པ་ནི་རྒྱལ་པོ་མན་ཆད་འཇིག་རྟེན་
[237a.5]ཀུན་གྱིས་ཤེས་པའོ། །བསོད་ནམས་ཆེན་པོ་ཞེས་པ་ནི་རྩ་འཇིང་དང་གཞི་སློད་#དུ་ལྡན་ནའོ། །ཁྱིམ་པ་ནི་དཔེར་ཟད་ཀྱི་དགེ་སློང་ལ་སོགས་པ་ལྔ་ལ་འཕྱ་ནའང་འགོང་#ཐོད་དུ་དབྱུང་ཞེས་པ་ནི་དགེ་སློང་དང་དགེ་ཚུལ་དང་དགེ་ཚུལ་#མ་དང་དགེ་སློབ་མ་ལྔ་ལ་འཕྱ་ཞིང་ཁ་ཚས་ཟེར་ན་ཡང་འགོང་ཐོད་དུ་དབྱུང་བའམ་
[237a.6]དེ་གཏོང་དུ་ཆུག་ཤིག་པའོ། །གཤེ་བ་ནི་འཕྱ་བ་མ་ཡིན་#ཞེས་པ་ནི་ཁྱིམ་པ་དགེ་སློང་ལ་གང་ཡང་རུང་རྟག་ཏུ་གཤེ་ཤིང་ཁ་ཚས་ཟེར་ན་ཡང་འཕྱ་བ་དང་ཁྲིན་ཅིག་པའོ། །ཆད་པའི་ལས་ཐུན་མི་མོང་བར་མ་དོགས་ཤིག་ཅེས་པ་ནི་ཆད་པས་གཅོད་དོ་ཅོག་དགེ་སློང་ཉི་ཚེ་ལ་བྱ་བ་མ་ཡིན་དགེ་སློང་མ་ཡང་ཆད་
[237a.7]པས་གཅད་#པའི་ནང་དུ་གཏོགས་པར་སྟོན་པའོ། །འདི་དག་བསྙེན་པར་རྫོགས་པའི་རབ་ཏུ་དབྱུང་བ་ལའང་བྱ་ཞེས་པ་དང་། ཁྱིམ་པ་ལ་ནི་མ་ཡིན་ཞེས་པ་ནི་ཆད་པ་རྣམ་བདུན་གྱིས་#དགེ་ཚུལ་ལ་སོགས་པ་ལའང་གཅད་#པ་དང་ཁྱིམ་པ་ལ་ནི་མ་ཡིན་པར་སྟོན་པའོ། །དགེ་སློང་ཕས་ཕམ་པ་མ་བྱུང་#བ་ལ་
[237b]
[237b.1]ཕྱར་ཀ་གཏོང་ཞིང་གཤེ་མ་རྒྱ་ན་ལྷུང་བཟེད་ཁས་ཕུབ་པར་བྱ་ཉེས་པ་ནི་ཁྱིམ་པ་འདི་དག་ལྟར་བྱེད་པ་ལ་ལྷུང་བཟེད་ཁས་#ཕུབ་བ་ཙམ་གྱིས་ཤིག་པའོ། །དམ་བཅའ་བས་སོ་ཞེས་པ་དང་། གསོལ་བས་ཞེས་པ་ནི་གོང་མ་ལྟར་ཁས་ཕུབ་པ་ལྷུང་བཟེད་ངོ་བོ་ཁས་ཕུབ་པའང་མ་ཡིན་གྱི་#རྩིས་མགོ་བཅའ་བས་
[237b.2]ཁས་ཕུབ་པར་བྱ་བ་དང་གསོལ་བའི་ལས་ཀྱིས་གྱིས་ཤིག་པའོ། །ལྷུང་བཟེད་ཁས་ཕུབ་པའི་ཁྱིམ་དུ་མི་འདོང་ཞེས་པ་དང་། སྟན་ཆ་#མི་སྤྱད་ཅེས་པ་དང་ཕུལ་བའི་ཆོས་བཤམས་པ་ལ་མ་ཡིན་ཞེས་པ་དང་། བསོད་སྙོམས་མི་བླང་ཞེས་པ་དང་། ཆོས་མི་བཤད་ཅེས་པ་ནི་གོང་མ་ལྟར་དམ་བཅས་བའི་ནང་དུ་
[237b.3]མིང་གིས་སྨོས་པ་འདི་རྣམས་ལྟར་གྱིས་ཤིག་པའོ། །དེ་ལ་ཕུལ་བའི་ཆོས་བཤམས་པ་ཞེས་པ་ནི་གཙུག་ལག་ཁང་བརྩིགས་པ་ལ་སོགས་པ་དང་། དཀོན་མཆོག་གི་ཡོ་བྱད་དུ་ཕུལ་ཞིང་བཤམས་པའོ། །ལས་གར་བྱས་པ་དེས་ཆུང་བ་རྣམས་ཁས་ཕུབ་པའོ། །ཁྱིམ་དུ་མར་ལྷུང་བཟེད་ཁས་ཕུབ་པའི་
[237b.4]ལས་མཚམས་དུ་མར་ཅིག་ཅར་གཅོད་པ་དང་འདྲ་བར་བྱས་ན་ཅིག་ཅར་ཁས་ཕུབ་པའི་ལས་སུ་གྱུར་པར་སྟོན་པའོ། །ཉིད་ཀྱི་ཕྱོགས་མ་ཡིན་བའི་ཁྱིམ་དང་བཀར་བ་ཡན་ཆད་ཀྱི་ཆ་མི་སྐྱེ་ཞེས་པ་ནི་ཆོས་མ་ཡིན་པ་རྣམས་ཀྱི་ཁྱིམ་པ་དང་བཀར་བ་ཡན་ཆད་ཀྱི་ཁྱིམ་པ་ལ་ཁས་ཕུབ་པའི་ལས་བྱས་ཀྱང་དེའི་
[237b.5]ལས་སུ་མི་རུང་བའོ། །འདི་ལ་འགས་སྦྲན་ཞེས་པ་ནི་དགེ་འདུན་གྱིས་ཁས་ཕུབ་པའི་ལས་བྱས་ན་དེ་ལ་འགས་སྦྲན་ཅིང་ཤེས་པར་གྱིས་ཤིག་པའོ། །བཟོད་པར་གསོལ་ན་གསོལ་བས་དགན་པ་ཞེས་པ་ནི་ལྷུང་བཟེད་ཁས་ཕུབ་པའི་ཁྱིམ་པ་དེ་འཆགས་ཤིང་བཟོད་པར་གསོལ་ན་གསོལ་བའི་
[237b.6]ལས་ཀྱིས་དམ་བཅས་པ་དེ་ཐོང་ཤིག་པའོ། །བཅབས་པའི་སེམས་མ་#སྐྱེ་ན་ཐ་མ་ཡང་ཚངས་པར་འགྱུར་ཞེས་པ་ནི་བཅབས་སེམས་ཅུང་ཟད་ཀྱང་མ་གཡོས་ན་ཕས་ཕམ་པ་ཚངས་པར་རུང་བའོ། །བསླབ་པ་སྤྱད་ནའོ་ཞེས་པ་ནི་གོང་མ་ལྟར་ཚངས་པར་རུང་བ་ཡང་བསླབ་པ་སྤྱད་ན་གདོད་འདོན་
[237b.7]དུ་རུང་བའོ། །དེ་ནི་དགེ་འདུན་ལས་འཐོབ་བོ་ཞེས་པ་ནི་བསླབ་པ་དེ་ཡང་དགེ་འདུན་གྱིས་ཕོག་ན་གདོན་དུ་རུང་བའོ། །ལས་ཀྱིས་དབོག་ཅེས་པ་ནི་དེ་ལྟ་བུ་ལ་བསླབ་པ་དབོག་པ་ཡང་ཚུལ་ཁྲིམས་ཀྱི་བསླབ་པ་གདོད་དབོག་པ་ནི་མ་ཡིན་གྱི་དགེ་འདུན་གྱིས་#ལས་བྱའོ། །ཆོས་དེས་གྱིས་
[238a]
[238a.1]ཤིག་པའི་བསླབ་པ་གསོལ་བ་དང་བཞིའི་ལས་ཀྱིས་#དབོག་པར་བྱའོ། །ནམ་འཚོ་བའི་བར་རོ་ཞེས་པ་ནི་ནམ་འཚོ་བའི་#བར་དུ་བསླབ་པ་དེ་སྲུངས་ཤིག་པའོ། །ངོ་སྨིན་པ་དགེ་འདུན་གྱི་ལྷག་མར་གྱུར་པ་ནི་གཅིག་གི་མདུན་དུ་བཤགས་པས་ཀྱང་འདག་གོ་ཞེས་པ་དང་མདོ་དང་འདུལ་བ་དང་
[238a.2]མ་མོ་འཛིན་པ་དང་། གྲགས་པ་ཡང་ཞེས་པ་ནི་ངོ་སྨིན་པའམ་མདོ་སྡེ་འཛིན་པ་ལ་སོགས་པ་ལྷག་མ་སྤྱད་པ་ནི་ཆད་པ་དང་། མགུ་བ་ལ་སོགས་པ་མ་བྱས་པར་གང་ཟག་གཅིག་གི་མདུན་དུ་སྙིང་ཐག་པ་ནས་བཤགས་ན་འབྱང་ཞིང་འདག་ཏུ་རུང་། ཅིའི་ཕྱིར་དེ་ལྟར་ཞེ་ན། ཉེས་པ་ནི་བསམ་པས་སློན་#གྱི་ཆད་པའི་
[238a.3]ལས་ཀྱིས་#མ་ཡིན་ཞེས་པ་ཡིན་ཏེ་སྔ་མ་ལ་འགྱོད་ཅིང་ཕྱིན་ཆད་མི་བྱ་བའི་བསམ་པ་དེའི་གཉེན་པོར་འགྱུར་གྱི་ཆད་པའི་ལས་དེའི་གཉེན་པོར་འགྱུར་བ་མ་ཡིན་པའི་ཕྱིར་རོ། །གོང་དུ་ཉེས་པའི་རིགས་སྨོས་ཏེའོ་ཞེས་འབྱུང་བའི་མིང་དང་རིགས་ཇི་ལྟ་བུ་ཡིན་པར་སྟོན་པ་ནི། འདིར་ཉེས་པའི་མིང་ནི་སྡེ་ཞེས་
[238a.4]བྱ#། བྱུང་བ་ནི་རིགས་ཞེས་བྱའོ་ཞེས་པ་ཡིན་ཏེ། མིང་ནི་ཕས་ཕམ་པ་དང་ལྷག་མ་ཞེས་བྱ་བ་ལྟ་བུའོ། །རིགས་ནི་མི་ཚངས་པར་སྤྱོད་པ་ལས་འབྱུང་བའི་ཕས་ཕམ་པ་ཞེས་པ་དང་། འབྱིན་པ་ལས་བྱུང་བ་#ཞེས་བྱ་བའི་ལྷག་མ་ཞེས་བྱ་བ་ལྟ་བུར་ཉེས་པ་ནི་དམིགས་གང་ལས་བྱུང་བ་ཉིད་དེའི་རིགས་ཡིན་པའོ། །
[238a.5]བཅོས་པའི་དངོས་པོར་གཏོགས་པའོ།། །།#འདི་ལ་#བཅོས་པའི་དངོས་པོར་གདགས་པ་ཅིའི་ཕྱིར་ཞེ་ན། གཞུང་ལས་ནི་ཀཽ་ཤ་བ་#ཀ་ཀི་དངོས་པོ་དང་། ས་མར་གྱི་དངོས་བོ་ཞེས་འབྱུང་#མོད་ཀྱི་དེའི་འཐབ་པ་ཉི་ཚེ་བ་ལས་དེ་སྐད་དུ་སྨོས་པར་ཟད་འདིར་ནི་འཐབ་ཉི་ཚེར་ཟད་ཀྱི་ལྷག་མ་ཀོར་#མོར་སྤྱོད་པ་ལ་
[238a.6]སོགས་པ་བཅོས་པའི་དངོས་པོ་ཕལ་ཆེར་བསྡུས་པའི་ཕྱིར། བཅོས་པའི་དངོས་པོ་ཞེས་སྨོས་པ་ཡིན་ན་དུས་དང་དུས་མ་ཡིན་པ་དང་། གོ་ཆུ་རུབ་ཀྱི་དངོས་པོ་རྣམས་བསྡུས་ཏེ་སྟོན་པ་ནི་#འདིར་དགེ་འདུན་གྱི་ལྷག་མར་མ་ཤེས་པ་དང་། སེམས་ཀྱིས་བཅབས་#པར་མ་བཤགས་པ་བརྗེད་པ་དང་བྱས་སམ་མ་
[238a.7]བྱས་ཇི་དང་ཇི་འདྲ་བར་མ་ནུས་པ་དང་བསྙེན་པར་མ་རྫོགས་པ་དང་བཀར་བ་རྣམས་བཅབས་པར་མི་འགྱུར་ཞེས་པ་ལ་སོགས་པ་ཡིན་ཏེ། མིང་གིས་སྨོས་པ་འདི་རྣམས་ལྟ་བུ་ནི་བཅབས་པ་མ་ཡིན་པའོ། །དེ་ལ་དགེ་འདུན་གྱི་ལྷག་མར་མི་ཤེས་པ་ནི་དགེ་འདུན་གྱི་ལྷག་མར་འགྱུར་རམ་མི་འགྱུར་
[238b]
[238b.1]བར་མི་ཤེས་པའོ། །སེམས་ཀྱིས་བཅབས་#པར་མ་བཤགས་པར་བརྗེད་ཅེས་པ་ནི་བཅབས་པར་མ་བྱས་པར་ཐལ་བྱུང་དུ་བརྗོད་པའོ། །བྱས་སམ་མ་བྱས་བསྙེན་པར་མ་རྫོགས་པར་ཤེས་པ་ནི་#ཤེས་པ་བདག་གིས་དེས་ཉེས་པ་བྱས་སམ་མ་བྱས་སམ་སྙམ་དུ་གསལ་པོར་མི་དྲན་པའོ། །ཇི་དང་ཇི་འདྲ་ཞེས་པ་ནི་ཉེས་
[238b.2]བྱས་ན་ཡང་ལྷག་མ་བྱས་སམ་ལྟུང་བ་བྱས་སམ་གང་བྱས་སུ་མ་ངེས་པ་དང་། བྱས་ན་ཡང་ཆེད་དུ་བྱས་སམ་ཆེད་དུ་མ་བྱས་གོས་ལ་སོགས་པ་གསལ་པོར་མི་དྲན་པའོ། །བསྙེན་པར་མ་རྫོགས་པ་ནི་ཡོང་ཡང་ལྷག་མ་ལ་སོགས་པ་མི་སློབ་#པའི་ཕྱིར་རོ། །བཀར་བ་ཞེས་པ་ནི་སུ་དང་ཡང་ལྷན་ཅིག་ཏུ་གནས་
[238b.3]བའམ་ལྷན་ཅིག་ཏུ་སྤྱོད་པ་མེད་པའི་ཕྱིར་བཅབས་པར་མི་འགྱུར་བའོ། །ཐ་མལ་པའི་འདུ་ཤེས་སྟོན་ན་ཕས་ཕམ་པ་མན་ཆད་ཀྱི་ཉེས་པ་ཡང་ཞེས་པ་ནི་སྤྱོད་པའི་ཚེ་ཕས་ཕམ་པ་མན་ཆད་ཀྱི་ཉེས་པ་བྱས་ན་ཡང་བཅབས་པར་མ་ཟད་ཀྱི་ཉེས་པར་ཡང་མི་འགྱུར་རོ། །མ་བཅབས་པ་ཡང་ཞེས་པ་ནི་བསླབ་#
[238b.4]པ་མ་བཅབས་པའི་སྔ་རོལ་དུ་སྤྱད་པ་ཡང་ཕས་ཕམ་པ་ལ་སོགས་པའི་ཉེས་པར་མི་འགྱུར་བའོ། །མ་ཤེས་པ་མ་ཡིན་ཞེས་པ་ནི་ཉེས་པར་འགྱུར་བར་མ་ཤེས་པར་ཉེས་པ་སྤྱད་པ་ནི་མ་ཤེས་པ་བརྩན་ཏེ#། ཉེས་པར་མི་འགྱུར་ཞེས་བྱ་བ་མེད་དོ། །ཡིད་མ་ཆེས་ཀྱང་ཞེས་པ་ནི་ཉེས་པར་འགྱུར་
[238b.5]བར་འདོད་ཅིང་གླེང་བ་ཡོད་པ་ལ་ཡིད་མ་ཆེས་ན་ཡང་ཡིད་མ་ཆེས་པས་སློན་ཏེ་ཉེས་པར་མི་འགྱུར་བ་མ་ཡིན་པའོ། །མི་ཤེས་པར་བསམས་ཀྱང་ཞེས་པ་ནི་ཕ་རོལ་གླེང་གཞི་#བསྐུལ་བ་ལ་ནི་མི་ཤེས་པར་བརྙས་#ཏེ་སྤྱད་ན་ཡང་ཉེས་པར་མི་འགྱུར་བ་མ་ཡིན་པའོ། །ས་གཞན་ལ་གནས་པ་ལ་#
[238b.6]སྔ་མ་ཡང་ཤེས་པ་ནི་སྤྱོད་པ་ལ་སོགས་པ་ལ་ཆད་པ་རྣམ་བཞིས་ཆོད་པའི་ས་གཞན་ལ་གནས་པ་རྣམས་ལ་ནི་སྔ་མ་སྟེ་བཅས་པ་མན་ཆད་ཉེས་པ་ཀུན་སྐྱེ་བར་#སྟོན་པའོ། །དགེ་འདུན་གྱི་ལྷག་མ་བཅབས་པའི་ཐེ་ཚོམ་ནི་ཤེས་བཞིན་ཞེས་པ་ནི་ཐེ་ཚོམ་ཟ་བཞིན་དུ་བཅབས་པ་
[238b.7]ནི་ཆེད་དུ་#བཅབས་པ་ནི་ཆེད་དུ་བཅབས་པ་དང་འདྲ་བའོ། །གང་བཅབས་པ་མི་འབྱུང་བའི་ས་དེར་ནི་སྤྱད་པ་ཡང་མ་ཡིན་ཞེས་པ་ནི་བསྙེན་པར་མ་རྫོགས་པ་དང་བཀར་བའི་ས་ལྟ་བུ་བཅབས་པའི་ཉེས་པར་མི་འགྱུར་བ་དེར་ནི་ཆད་པ་སྤྱད་པ་ལ་སོགས་པ་ཡང་བྱ་མི་དགོས་པའོ། །མ་གུས་པས་སྤྱད་པ་བཏང་#ན་ཉེས་
[239a]
[239a.1]བྱས་ཞེས་པ་ནི་ཆད་པ་ལ་སོགས་པ་#ཁ་མཆུ་འདི་སྙེད་སུས་ནུས་ཞེས་མ་གུས་པར་བསམས་ཏེ་སྤྱོད་པ་བཏང་#ན་ཡང་གཏོང་བའི་ཉེས་བྱས་བླ་ཐབས་སུ་སྐྱེ་བའོ། །དེའི་སྡེ་རྡུལ་སྤྱོད་པ་ཡང་ཞེས་པ་ནི་ལྷག་པའི་ཆད་པ་སྤྱོད་པའི་#ཚེ། དེའི་སྦོམ་པོ་དང་དེའི་ཉེས་བྱས་ཡན་ཆད་འབྲམ་
[239a.2]མཛེར་ཡང་མ་ཤོར་བར་བྱས་པ་#ལས་ཉེས་བྱས་ལ་སོགས་པ་ཤོར་ན་ཉེས་བྱས་བླ་ཐབས་སྐྱེ་བར་འགྱུར་བའོ། །ཡོད་པ་ལས་བཅོས་པ་ཡང་ཞེས་པ་ནི་བཤགས་པའི་རྟེན་དགེ་སློང་ཡོད་བཞིན་དུ་མ་བཤགས་པར་འཛོད་ཉོལ་དུ་བོར་ན་ཉིན་རེ་ཉེས་བྱས་རེ་རེར་#འགྱུར་བའོ། །མི་སྤྱོད་པའི་ས་ནས་སླར་
[239a.3]བསྐོར་#བ་ནི་དེའི་སོ་ནས་སོ་ཞེས་པ་ནི་ཆད་པ་བྱེད་པའི་འཕྲོ་ལ་དགེ་ཚུལ་ལམ་ཁྱིམ་པར་བབས་ཏེ་སླར་འཁོར་ན་སྔོན་གྱི་སོ་ནས་བཟུང་བའོ། །དངོས་པོ་སྦྱངས་ལ་ལྷག་མར་བསྒྲུབ་ཅེས་པ་ནི་གོང་མ་ལྟ་བུ་སྔོན་ཆད་པའི་ལས་ཇི་སྙེད་ཅིག་བྱས་པ་ཕྱིན་ཆད་ཇི་སྙེད་ལུས་པ་ལེགས་པར་སྦྱངས་ལ་ཕྱིས་#ཇི་སྙེད་ལུས་པ་
[239a.4]དེའི་འཕྲོ་ནས་བཟུང་སྟེ་བྱེད་དུ་ཆུག་ཤིག་པའོ། །བཅབས་པའི་དུས་མི་དྲན་ན་དེ་ལས་ཉུང་གོར་མ་ཆག་པ་ལ་བརྟེན་ཅེས་པ་ནི་བཅབས་པའི་ཆད་པ་ནོད་པ་ན་ཡུན་ཇི་སྲིད་ཀྱི་བར་དུ་བཅབས་པ་གསལ་པོར་མི་དྲན་ན་ཞག་གམ་ཟླ་གྲངས་འདི་ཙམ་ལས་མི་ཉུང་ན་#གོར་མ་ཆག་གོ་ཞེས་བྱ་བའི་མཚམས་ཀྱིས་ཟུང་#ལ་ཆད་པའི་
[239a.5]ལས་ཕོབ་ཤིག་པའོ། །དེ་ལ་#མི་ཉུང་གོར་མ་ཆག་པའི་ཚོད་ཇི་ལྟར་#བྱ་ཞེ་ན། སྤྱད་པར་བྱ་བ་ཡང་གཙང་བའི་མཐས་གཟུང་ངོ་ཞེས་པ་ཡིན་ཏེ་ཞག་གྲངས་འདི་ཙམ་ཕན་ཆད་ཉེས་པ་འདི་མེད་དེ་གཙང་ངོ་ཞེས་ཟེར་བ་དེའི་གཙང་བའི་སོ་ཚུན་ཆད་ལས་མི་ཉུང་གོར་མ་ཆག་པ་ལ་བརྟེན་པར་བྱ་བའོ#། །གཙང་བའི་
[239a.6]མཐའ་དེ་ཇི་ཙམ་ཞེ་ན། གཙང་བའི་མཐའ་དེ་ཟླ་བ་བཞིའོ་ཞེས་པ་ཡིན་ཏེ་འདི་ནི་དཔེར་ཟད་ཀྱི་ཟླ་བ་སྔ་རོལ་ན་ནི་གཙང་ངོ་ཞེས་པ་ཟླ་བ་དྲུག་གི་སྔ་རོལ་ན་ནི་གཙང་ངོ་ཞེས་བྱ་བ་ལྟ་བུ་གཙང་གོར་མ་ཆག་པ་དེའི་ཟླ་ཚིགས་ཀྱིས་#ཟུང་ཤིག་པའོ། །དེ་ལས་མི་ཉུང་གོར་མ་ཆག་པའི་ཟླ་གྲངས་འདི་སྙེད་ཀྱི་བར་དུ་བཅབས་
[239a.7]སོ་ཞེས་དེའི་ཟླ་ཚིགས་ངེས་པ་ཁོ་ནར་སྨོས་སམ་ཞེ་ན། བཅབས་པ་ནི་ཚད་མེད་པ་ལའོ་ཞེས་པ་ཡིན་ཏེ། འདི་ཙམ་ཚུན་ཆད་མེད་པའང་གཏོལ་མེད་པར་བཅབས་པའོ་ཞེས་ཚིགས་སུ་སྨོས་པར་བྱའོ། །ཚད་མེད་པར་སྨོས་པའི་སྙད་#ཇི་སྐད་དུ་#བྱ་ཞེ་ན། ཆེད་དུ་བསམས་ཏེ་ཁུ་བ་ཕྱུང་བ་ལས་ཕྱུང་བ་ནི་ཚད་
[239b]
[239b.1]མེད་པའོ་ཞེས་པ་ཡིན་ཏེ་ཆེད་དུ་བསམས་ཏེ་ཁུ་བ་ཕྱུང་བ་ལས་སྐྱེས་པའི་བཅབས་པ་ནི་ཚད་མེད་པའོ་ཞེའམ་རེག་#པ་ལས་བྱུང་བའི་བཅབས་པ་ཚད་མེད་པའོ་ཞེས་བྱ་བ་ལྟ་བུར་ཉེས་པའི་དམིགས་ཇི་ལས་བཅབས་པའི་ཚད་འདི་སྐད་དུ་ངེས་པར་སྨྲོས་ཤིག་པའོ། །འདིར་འདོད་པ་ཇི་སྙེད་པ་དེ་སྙེད་དུ་འགྲོ་བར་
[239b.2]བསྒྲུབ་ཅེས་པ་ནི་བདག་ལ་ཉེས་པ་ཇི་སྙེད་ཡོད་པའི་ཆད་པ་ཐམས་ཅད་དུ་མནོས་ཏེ་འབྲལ་བར་རྩོལ་#ན་ཡང་དེ་བཞིན་དུ་སྦྱར་རུང་བའོ། །ཚད་མ་ངེས་པ་ལ་ཡང་རྣམ་པ་#གཉིས་ཏེ་དུས་ཀྱི་ཚད་མ་ངེས་པ་དང་ཉེས་པའི་ཚད་མ་ངེས་པའོ། །དེ་ལ་དུས་ཀྱི་ཚད་མ་ངེས་པ་ཇི་ལྟར་བྱ་བའི་ཐབས་ནི་གོང་དུ་
[239b.3]བསྟན་པ་ལྟ་བུ་ཡིན། ཉེས་པའི་ཚད་མ་ངེས་པའི་ཐབས་ཇི་ལྟར་བྱ་བ་སྟོན་པ་ནི་འདི་མི་ཤེས་ན་ཚད་མེད་པའོ་ཞེས་པ་རྟེན་ཅེས་པ་ཡིན་ཏེ། ཉེས་པའི་དམིགས་ཇི་སྙེད་ཅིག་བཅབས་པ་ཐམས་ཅད་གསལ་པོར་མི་དྲན་ན་ཚད་མེད་པ་ཞིག་བཅབས་སོ་ཞེས་སྤྱི་བམ་དུ་བསྡུས་ལ་ཆད་པ་ནོས་
[239b.4]ཤིག་པའོ། །ཕལ་ཆེར་མང་པོའི་ཚད་ཅིག་ཅར་དུའོ་ཞེས་པ་ནི་ཉེས་པ་སྣ་མང་ལ་ཉེས་པ་ཇི་སྙེད་བཅབས་པའི་གྲངས་དང་ཚད་ཡོད་ན་དེའི་ཚད་དང་གྲངས་དུ་ཡོད་པ་བཞིན་དུ་སྨོས་ཤིག་པའོ། །དུས་ལྷག་པའི་འོ་ཞེས་པ་ནི་བཅབས་པའི་དུས་ཐ་དད་པ་ནི་#གང་ཡུན་རིང་དུ་བཅབས་པའི་དུས་དང་སྦྱར་ཏེ་ཆད་
[239b.5]པ་ཕོག་ཤིག་པའོ། །མིང་ནི་སོགས་པ་ཞེས་སོ་ཞེས་པ་ནི་ལྷག་མ་མང་པོ་ཞིག་གི་ཆད་པ་ཅིག་ཅར་དུ་ནོན་ན་བཅབས་པ་ཐམས་ཅད་ཀྱི་མིང་ཀུན་སྨོས་མི་དགོས་ཀྱིས་གཅིག་གི་#མིང་སྨོས་ཏེ་འདི་ལ་སོགས་ཏེ་གྱིས་ཤིག་པའོ། །གཅིག་གི་#མིང་སྨོས་པ་དེ་གང་གིས་མིང་སྨོས་པར་བྱ་ཞེ་ན། ལྕི་བ་དང་
[239b.6]བསམས་པ་རྔམས་ཆེར་བྱས་པས་གཙོ་#གཟུང་ཞེས་པ་ཡིན་ཏེ་ལྷག་མ་མང་དུ་བཅབས་པ་རྣམས་ཀྱི་ནང་ན་གང་ལྕི་བ་དང་། གང་བསམས་པ་རྔམས་ཆེར་བྱས་པ་དེས་གཙོ་གཟུང་ལ་ལྷག་མ་རྣམས་ལ་སོགས་པའི་ནང་དུ་བསྡུས་ཤིག་པའོ། །སྤྱོད་པའི་ཚེ་སྔོན་འབྱུང་བ་ཡང་སླར་གསོ་བར་འདོད་ན་
[239b.7]དབོག་པ་ནི་ཐ་དད་སྤྱད་པ་ནི་གཅིག་གོ་ཞེས་པ་ནི་ལྷག་མ་གཅིག་གི་ཆད་པ་ནོས་ཏེ། སྤྱོད་པའི་ཚེ་སྔོན་བཅབས་པ་གཞན་ཡང་མཐོལ་ཏེ། གོ་ཆུ་རུབ་ཏུ་འབྲ་བར་འདོད་ན་ཆད་པ་དབོག་པ་ནི་སོ་སོར་ཕོག་ལ་སྤྱད་པ་ནི་ཅིག་ཅར་དུ་གྱིས་ཤིག་པའོ། །བཅབས་པ་དང་མགུ་བ་དེ་ལྟར་མ་ཡིན་ཞེས་པ་
[240a]
[240a.1]ནི་ཆད་པ་སྔ་མ་གཅིག་གིས་མགུ་བ་དང་ཉེས་པ་ཕྱི་མ་གཅིག་གི་#ཆད་པ་ཅིག་ཅར་དུ་བྱར་མི་རུང་བའོ། །དུས་དང་དུས་མ་ཡིན་པ་དང་གོ་ཆུ་རུབ་ཀྱི་དངོས་པོའོ།། །།དུས་དང་དུས་མ་ཡིན་པ་#དང་གོ་ཆུ་རུབ་ཀྱི་དངོས་པོ་ཞུས་པ་ལས་འབྱུང་བ་བསྡུས་ཏེ་སྟོན་པ་ནི་ཉིན་ཞག་གཅིག་གི་མཐའ་
[240a.2]ཕྱི་དེ་ཉིན་གྱི་སྐྱ་རེངས་#ལ་མ་ཐུག་ན་བཅབས་པར་མི་འགྱུར་བའོ་ཞེས་པ་ལ་སོགས་པ་ཡིན་ཏེ། ཉིན་ཞག་གཅིག་གི་མཐའ་ཕྱི་དེ་ཉིན་གྱི་སྐྱ་རེངས་#ཤར་བ་ལ་མ་ཐུག་གི་བར་དུ་བཅབས་པར་མི་འགྱུར་བའོ། །བསྙད་པའི་ཡན་ལག་མེད་ན་དེའི་བསམ་#པས་བཅབས་པ་མ་ཡིན་ཞེས་པ་ནི་བསྙད་པའི་ཟླ་དགེ་
[240a.3]སློང་མེད་ན་དེ་ལྟར་སྙིང་ནས་མེད་པར་བསམས་#པས་མ་བཤགས་པ་ནི་བཅབས་པར་མི་འགྱུར་བའོ། །སྐབས་མེད་པ་དང་འགྲོ་བའི་དབང་གིས་ན་མེད་པ་བཞིན་ཞེས་པ་ནི་མཐོལ་བའི་དགེ་སློང་ཡོད་དུ་ཟིན་ཀྱང་ན་བ་ལ་སོགས་པའི་རྐྱེན་གྱིས་མཐོལ་བའི་སྐབས་མེད་པ་དང་གུད་དུ་འགྲོ་དགོས་པའི་རྐྱེན་གྱིས་#
[240a.4]འཆགས་སུ་མ་ཁོམ་པ་ལྟ་བུ་ནི་མཐོལ་བའི་རྟེན་དགེ་སློང་མེད་པ་དང་འདྲ་སྟེ་བཅབས་པར་མི་འགྱུར་བའོ#། །ཆེད་དེའི་དབང་དུ་བྱས་ནའང་ཞེས་པ་ནི་མཐོལ་བར་འདོད་པས་དགེ་སློང་མེད་པའི་གནས་སུ་ཆེད་ཀར་#བྱོལ་ན་ཡང་བཅབས་པར་མི་འགྱུར་བའོ། །དོན་མེད་ན་ཉེས་བྱས་ཞེས་པ་ནི་གོང་མ་ལྟར་
[240a.5]གུད་དུ་བྱོལ་ཏེ་སོང་བ་ནི་ཉེས་བྱས་སུ་འགྱུར་བའོ། །འཇུག་ཚུན་ཆད་ན་ཡང་ཞེས་པ་ནི་སྐྱ་རེངས་#ཤར་བ་ལ་མ་ཐུག་གི་བར་དུ་བཅབས་པ་ནི་ཉེས་བྱས་སུ་འགྱུར་བའོ། །བཅབས་པའི་སེམས་མ་#ཡལ་ན་སེམས་དེའོ་ཞེས་པ་ནི་དང་པོ་ལན་གཅིག་བཅབས་པར་བསམས་ནས་ཕྱིན་ཆད་བརྗེད་དེ་
[240a.6]བཅབས་སེམས་མངོན་དུ་མ་བྱུང་ན་ཡང་བཅབས་པར་འགྱུར་བའོ། །ཕས་ཕམ་པ་བྱུང་བ་སླར་མ་བཅོས་པ་ནི་ཉེས་མེད་ཅེས་པ་ནི་བཅོས་པའི་གཉེན་པོ་ཡང་#མེད་པས་ན་སླར་བཅོས་མི་དགོས་པའི་ཕྱིར་རོ། །དུས་དང་དུས་མ་ཡིན་པ་དང་གོ་ཆུ་རུབ་ཀྱི་དངོས་པོ་ཞུས་པའོ།། །།དེ་ལ་གཞུང་ལས་
[240a.7]ནི་གང་ཟག་གི་དངོས་པོ་ཞེས་འབྱུང་བ་ལ་འདིར་མིང་འདི་སྐད་དུ་གདགས་པ་ཅིའི་ཕྱིར་ཞེ་ན། བཅབས་པའི་དུས་ནི་འདི་ལྟ་བུའམ་བཅབས་པ་ནི་འདི་ལྟ་བུ་ཞེས་བྱ་བ་དང་། ལྟུང་བ་མང་པོ་རྣམས་གཉེན་པོ་ཅིག་ཅར་དུ་བྱར་རུང་བ་ནི་འདི་ལྟ་བུའོ་ཞེས་བྱ་བར་སྟོན་པས་ན་དོན་དང་མཐུན་པར་བྱ་བའི་ཕྱིར་མིང་
[240b]
[240b.1]འདི་སྐད་དུ་གཞག་པ་ཡིན་ནོ། །ས་གཞན་ལ་གནས་པས་སྤྱད་པའི་དངོས་པོ་སྟོན་པ་ནི་དགེ་སློང་རང་བཞིན་དུ་གནས་པའི་ཁ་གསག་དང་ཕྱག་དང་ལྡང་བ་དང་ཐལ་མོ་དང་གང་ལ་ཆད་པ་དང་མགུ་བ་སྤྱོད་པས་བདག་གིར་མི་བྱ་ཞེས་པ་ལ་སོགས་པ་ཡིན་ཏེ། དགེ་སློང་ཐ་མལ་པའི་གིང་གོང་ལ་སོགས་པ་མིང་གིས་སྨོས་པ་འདི་
[240b.2]རྣམས་ལྟ་བུ་ཆད་པ་དང་མགུ་བ་སྤྱོད་པས་མ་ལེན་ཅིག་པའོ། །འདི་གཉིས་ཀྱི་གང་གིས་མི་བྱ་བ་ནི་གཞན་གྱིས་ཀྱང་དེ་ལའོ་ཞེས་པ་ནི་དགེ་སློང་ཐ་མལ་པ་དག་གིས་ཀྱང་ཁ་གསག་ལ་སོགས་པ་འདི་ཆད་པ་དང་། མགུ་བ་སྤྱོད་པ་ལ་མ་བྱེད་ཅིག་པའོ། །གོམ་རེས་དབེེན་པ་མ་ཡིན་པར་འདི་དང་ལྷན་ཅིག་ཏུ་མི་བཅག་
[240b.3]ཅེས་པ་ནི་གོམ་རེས་དབེེན་པ་མ་གཏོགས་པར་དགེ་སློང་ཐ་མལ་པ་དང་ལྷན་ཅིག་ཏུ་ཁ་བསྡམས་#ཏེ་མ་འཆག་ཤིག་པའོ། །ངན་སྙིགས་ཀྱི་སྟན་མ་ཡིན་པར་མི་འདུག་ཅེས་པ་ནི་ཆད་པ་པ་#དེ་དགེ་སློང་ཐ་མལ་པའི་དྲུང་དུ་འདུག་པའི་ཚེ་ཡང་སྟན་ངན་པ་རབ་ཏུ་བྱ་བ་མ་གཏོགས་པའི་སྟན་འདྲ་བའམ་དེ་བས་མཐོ་བ་ལ་མ་
[240b.4]འདུག་ཤིག་པའོ། །ཕྱི་བཞིན་དུ་འབྲང་བ་མ་ཡིན་པར་ཁྱིམ་དུ་མི་འགྲོ་ཞེས་པ་ནི་དགེ་སློང་གཞན་གྱི་གཡོག་མ་གཏོགས་པར་ཁྱིམ་པའི་ཁྱིམ་དུ་མ་འགྲོ་ཤིག་པའོ། །བླ་གབ་གཅིག་པར་མི་ཉལ་ཞེས་པ་ནི་དགེ་སློང་ཐ་མལ་པ་དང་ཁྱིམ་གཅིག་ཏུ་མ་ཉལ་ཅིག་པའོ། །རབ་ཏུ་འབྱིན་པ་བསྙེན་པར་རྫོགས་པ་
[240b.5]གནས་སྦྱིན་པ་དགེ་ཚུལ་འཇོག་པ་རྣམས་མི་བྱ་ཞེས་པ་#ནི་ཆད་པས་ཆོད་པ་དེས་མིང་གིས་སྨོས་པ་འདི་རྣམས་མ་བྱེད་ཅིག་པའོ། །གསོལ་བ་དང་ཞུ་བ་མི་བླང་ཞེས་པ་ནི་དགེ་སློང་ཐ་མལ་པ་རྣམས་གསོལ་བ་དང་ཞུ་བའི་ལས་བྱེད་པའི་དགེ་འདུན་གྱི་གྲངས་སུ་འཇུག་ཅིང་འདི་དག་ལེན་པར་མ་བྱེད་ཅིག་པའོ། །ལས་
[240b.6]བྱེད་པ་དགེ་སློང་མ་ལ་སྟོན་པ་#དགེ་འདུན་གྱི་ཡིད་བརྟན་པ་ཉིད་དུ་བསྐོས་ཀྱང་རུང་ཞེས་པ་ནི་མིང་གིས་སྨོས་པ་འདི་རྣམས་ལྟ་བུའི་ལས་སུ་བསྐོས་ན་ཡང་ཁས་མ་ལེན་ཅིག་པའོ། །སྔར་བསྐོས་པ་ཡང་བཏང་#ཞེས་པ་དང་། དགེ་སློང་མ་ལ་སྟོན་པ་ཡང་མ་ཡིན་ཞེས་པ་དང་། འདོན་པ་གཞན་ཡོད་ན་གསོ་སྦྱིན་
[240b.7]གྱིས་#སོ་སོར་ཐར་པ་མི་འདོན་ཞེས་པ་ནི་སྔར་བསྐོས་ན་ཡང་ལས་དེ་བཏང་བ་དང་། དགེ་སློང་མའི་སྟོན་པ་བྱེད་ན་ཡང་བཏང་བ་དང་། གདོན་པ་གཞན་ཡོད་ན་སོ་སོར་ཐར་པ་མ་འདོན་ཅིག་པའོ། །དགེ་སློང་ཉམས་པ་མི་གླེང་ཞེས་པ་དང་། དགེ་འདུན་ལས་མ་བཀར་#ནའོ་ཞེས་པ་ནི་དགེ་འདུན་ལས་མ་བཀར་#
[241a]
[241a.1]བའི་དགེ་སློང་ལ་ཚུལ་ཁྲིམས་ཉམས་པ་ལ་སོགས་པ་མ་གླེང་ཤིག་པའོ། །བསྡིགས་པ་དང་སྐབས་#སུ་མི་གཞུག་ཅེས་པ་ནི་ཁྱེད་ལ་གླེང་བའི་སྙད་ཡོད་དོ་ཞེས་བསྡིགས་པ་དང་གནན་འདི་ལྟ་བུའི་སྐབས་#སུ་གཞུག་གོ་ཞེས་པ་མ་བྱེད་ཅིག་པའོ། །ལུང་#དང་གསོ་སྦྱིན་དང་ཚུལ་ནས་འབྱུང་བ་
[241a.2]དང་། གསོལ་བ་དང་ཞུ་བ་རྣམས་མི་བཀྱིག་ཅེས་པ་ནི་མིང་གིས་སྨོས་པ་འདི་རྣམས་བཀྱིག་ཏུའང་མི་དབང་བའོ། །འདི་དག་དང་མི་འདྲེ་ཞེས་པ་ནི་དགེ་འདུན་ལས་མ་གལ་བ་རྣམས་དང་ཡང་མ་འདྲེ་ཤིག་པའོ། །ཆད་པས་གཅད་པའི་#དམིགས་ཏེ་སྤང་ཞེས་པ་དང་། ཉེས་པ་གཞན་ཡང་ཞེས་པ་ནི་བདག་བསླབ་པ་
[241a.3]གང་གི་ཕྱིར་ཆད་པས་ཆོད་པའི་ཉེས་པ་དེ་མི་བྱ་བར་སྤང་བ་དང་། བསླབ་དང་#བསླབ་པ་གཞན་གྱིས་ཉེས་པ་ཡང་མ་བྱེད་ཅིག་པའོ། །ཚངས་པ་མཚུངས་པར་སྤྱོད་པ་ལ་མི་བསྡོ་ཞེས་པ་ནི་གཞན་ལ་བསྡོར་ཡང་མི་དབང་བའོ། །བརྟུལ་ཞུགས་ཀྱིས་འབྱུང་བར་ཡིད་ལ་བྱ་ཞེས་པ་ནི་དཀའ་ཐུབ་ཀྱི་བརྟུལ་ཞུགས་འདི་དག་ལྟར་
[241a.4]བྱས་པས་ན་གདོད་བདག་གི་#ཉེས་པ་བཅིལ་ཅིང་སྤོངས་སོ་སྙམ་དུ་སོམས་ཤིག་པའོ། །དེའི་བརྟུལ་ཞུགས་ཀྱི་#དཀའ་བླས་སུ་བྱ་བ་གང་ཞེ་ན། ནང་པར་ལངས་ནས་སྒོ་དབྱེ་མེ་མར་སྣོད་བླང་གཙུག་ལག་ཁང་གདབ་ཅིང་ཕྱག་ལྕི་གསར་གྱིས་བྱུགས་#པ་རྣམས་སོ་ཞེས་པ་དང་། བཤང་གཅིའི་གནས་བཀྲུ་ཞེས་པ་དང་། ཕྱི་
[241a.5]བ་དང་ས་དང་དུས་ཀྱི་རྐྱེན་དུ་ཆུ་གཞག་ཅེས་པ་དང་། ཝ་ཀ་བཀྲུ་ཞེས་པ་དང་། སྟན་གདིང་ཞེས་པ་དང་། དུས་ཤེས་པར་བྱ་སྟེ་འདུག་པ་དང་དེའི་#སྣོད་སྟ་གོན་བྱ་ཞེས་པ་དང་། ནུས་ན་སྟོན་པའི་ཡོན་ཏན་བརྗོད་ཞེས་པ་དང་། མི་ནུས་ན་སྨྲ་བ་ལ་བསྐུལ་ཞེས་པ་དང་། ཟས་དྲངས་ནས་གཎྜཱི་#བརྡུངས་ཞེས་པ་དང་། ཚ་བའི་ཚེ་དགེ་
[241a.6]སློང་དག་ལ་བསིལ་ཡབ་བྱ་ཞེས་པ་དང་། འདི་བསྙེན་པར་རྫོགས་པ་ཐམས་ཅད་ཀྱི་མཇུག་ཏུའོ་ཞེས་པ་དང་། གདུགས་ཚོད་རྒྱུས་ནས་སྟན་ཆ་དབེེན་པར་བརྟུལ་ཞེས་པ་དང་། ལྷུང་བཟེད་ཀྱི་འོག་རེ་དོར་ཞེས་པ་ཡིན་ཏེ་ཆད་པས་ཆོད་པ་དེས་མིང་གིས་སྨོས་པ་དེ་དག་ལྟ་བུའི་དཀའ་སླ་གྱིས་#ཤིག་པའོ། །གཞན་ཡང་དེར་
[241a.7]མ་ཟད་#པ་ནི་འདུ་ཤེས་པར་བྱས་ཏེ་མཆོད་རྟེན་གྱི་ཕྱག་དར་བྱ་ཞེས་པ་དང་། ལྕི་གསར་གྱིས་བྱུག་ཅེས་པ་དང་། འདུ་བའི་ཚེ་གདིང་བ་ལ་སོགས་པ་ཡོན་ཏན་གྱི་བར་དུ་གཏོགས་པ་རྣམས་སོ་ཞེས་པ་དང་། ནུས་ན་ཚེ་གྲངས་བསྙད་ཅེས་པ་དང་། མི་ནུས་ན་དགེ་སློང་གཞན་ལ་བསྐུལ་ཞེས་པ་ཡིན་ཏེ། ཆད་པས་ཆོད་པ་དེས་
[241b]
[241b.1]ནུབ་#ཀར་ཡང་གཙུག་ལག་ཁང་གི་ཕྱི་བདར་བྱ་བ་དང་། སྟན་གདིང་བ་ནས་སྟོན་པའི་ཡོན་ཏན་བརྗོད་པའི་བར་དུ་བྱ་བ་ལ་སོགས་པ་འདི་དག་ལྟར་གྱིས་ཤིག་པའོ། །དེས་གཞན་ཡང་ལས་སུ་བྱ་བ་ནི་ནུབ་མོ་ཆུ་དུས་ཀྱི་རྐྱེན་དང་སྦྱར་བས་དགེ་སློང་དག་གི་རྐང་པ་བཀྲུ་ཞེས་པ་དང་། བསྐུ་བ་ཡང་ཞེས་པ་དང་། མི་བཏུབ་ན་སྣུམ་དབུལ་
[241b.2]ཞེས་པ་དང་། འདི་ལ་གནས་ཀྱི་སྙིགས་#མ་འོས་ཞེས་པ་དང་། རྙེད་པའོ་ཅོག་ནི་འོས་ཞེས་པ་དང་། དགེ་བའི་ཕྱོགས་ཀྱི་དྲིང་ཞེས་པ་ཡིན་ཏེ། མིང་གིས་སྨོས་པ་འདི་དག་ལྟ་བུ་གྱིས་ཤིག་པའོ། །#དེའི་གནས་ངན་སྙིགས་མ་བྱིན་ཅིག་པ་དང་། རྙེད་པའོ་ཅོག་གི་ཤས་དབང་བ་རྣམས་སུ་སྟོན་པའོ། །དེའི་རང་བཞིན་ཚོལ་བ་དང་བསླབ་
[241b.3]པ་ཡང་དེ་བཞིན་ཞེས་པ་དང་། འདོན་དུ་མི་གཞུག་ཅེས་པ་ནི་རང་བཞིན་ཚོལ་བ་དང་། བསླབ་པ་བྱིན་པ་གཉིས་ཀྱི་དཀའ་སླས་སུ་བྱ་བའང་གོང་མ་དང་འདྲ་བར་སྟོན་པ་དང་། སོ་སོར་ཐར་པ་ནི་འདོན་དུ་མ་གཞུག་ཤིག་པའོ། །སྔ་མ་ནི་ཚངས་པར་བྱས་པས་རང་བཞིན་དུ་འགྱུར་ཞེས་པ་དང་། ཕྱི་མ་ནི་དགྲ་བཅོམ་པ་ནའོ་ཞེས་
[241b.4]པ་ནི་སྔ་མ་སྟེ། དེའི་རང་བཞིན་ཚོལ་བ་ནི་ཚངས་པར་བྱས་པས་སྔོན་གྱི་རང་བཞིན་དུ་འགྱུར་ཕྱི་མ་སྟེ། བསླབ་པ་བྱིན་པ་ནི་དགྲ་བཅོམ་ན་གདོད་སྔོན་གྱི་རང་བཞིན་དུ་འགྱུར་བའོ། །བྲལ་བ་དང་སྤྱད་ཟིན་ཀྱང་སྒོ་ད་ཕྱེ་ཞིང་གནས་ལ་སོགས་པ་ཡང་ངོ་ཅེས་པ་ནི་ཆད་པ་དང་། །མགུ་བ་སྤྱད་ཟིན་ཀྱང་དགེ་འདུན་གྱི་བྱུང་
[241b.5]བའི་ཆོ་ག་བྱས་ཀྱི་བར་དུ་སྒོ་དབྱེ་བ་ལ་སོགས་པ་དཀའ་བླས་བྱ་དགོས་པ་དང་། ངན་སྙིགས་ཀྱི་གནས་ན་འདུག་#ཅིང་དགེ་བའི་ཕྱོགས་ལ་བརྩོན་པར་བྱ་བ་#ལ་སོགས་པ་སྔོན་གྱི་སོ་བཞིན་དུ་གྱིས་ཤིག་པའོ། །སྤྱོས་པ་སྨད་པ་བསྐྲད་པ་འགོང་ཐོད་བཀར་བ་རྣམས་ཀྱང་དེ་བཞིན་ཞེས་པ་ནི་མིང་གིས་སྨོས་པ་འདི་
[241b.6]རྣམས་ཀྱིས་ཀྱང་ཆད་པ་དང་མགུ་བ་སྤྱོད་པ་བཞིན་དུ་གཙུག་ལག་ཁང་གི་སྒོ་དབྱེ་བ་ལ་སོགས་པ་ངན་ལས་སུ་བྱ་བ་རྣམས་དང་འདྲ་བར་གྱིས་ཤིག་པའོ། །འདོན་དུ་མི་གཞུག་ཅེས་པ་ནི་གོང་མ་#ལྟ་བུའི་རྣམས་སོ་སོར་ཐར་པ་འདོན་དུ་ནི་མ་གཞུག་ཤིག་པའོ། །བཀར་བ་ནི་གཞན་གྱིས་སྤང་ཞེས་པ་དང་། དེའི་
[241b.7]ཚེ་རྙེད་པ་རྣམས་མི་འོས་ཞེས་པ་དང་། དབྱེ་བ་བཞིན་ཞེས་པ་ནི་བཀར་བ་དེ་ཐམས་ཅད་ཀྱིས་ལྷན་ཅིག་ཏུ་མི་གནས་པར་སྤང་བ་དང་། བཀར་བའི་ཚེ་རྙེད་པའོ་ཅོག་དེ་ལ་མི་སྦྱིན་པ་དང་བྱ་བ་བཞིན་གྱིས་ཤིག་པའོ། །བྱེ་ནས་ཆོས་མ་ཡིན་པའི་ཕྱོགས་པའང་དེ་བཞིན་ཞེས་པ་ནི་དགེ་འདུན་སོ་སོར་དབྱེ་#བ་
[242a]
[242a.1]ཆོས་མ་ཡིན་པའི་ཕྱོགས་རྣམས་ལ་བཀར་བ་གཞན་བཞིན་དུ་ལྷན་ཅིག་མི་གནས་པ་ལ་སོགས་པར་གྱིས་ཤིག་པའོ། །རང་བཞིན་དུ་མི་གནས་པ་ལས་ཆད་པ་དང་མགུ་བ་དང་བསླབ་པ་ཅན་ནོས་པ་རྣམས་མི་སྐྱེ་ཞེས་པ་དང་། དགེ་འདུན་མ་ཡིན་པ་ལས་ཀྱང་ཞེས་པ་ནི་རང་བཞིན་དུ་མི་གནས་པ་
[242a.2]དང་། དགེ་འདུན་དུ་མ་ཚང་བ་#ལས་ཆད་པ་དང་མགུ་བ་དང་བསླབ་པ་རྣམས་མནོས་ཀྱང་མི་ཕན་པའོ། །དགེ་སློང་གི་གནས་དེ་ན་བཀོད་པ་ལས་བཀོལ་ན་ཡང་ཞེས་པ་དང་། མང་ཡང་མི་སྤང་ཞེས་པ་དང་། སོ་སོར་ཐར་པ་དང་གནས་བརྟན་དུ་ལྡན་པར་སྲིད་ཅེས་#པ་ནི་དགེ་སྦྱོང་གི་གནས་ན་ཕལ་གྱི་བཀོད་པ་ལས་
[242a.3]ཁ་ཅིག་བཀར་བ་ལས་ཆད་པ་དང་། མགུ་བ་བྱས་ཀྱང་མི་ཕན་#པ་དང་མང་ཡང་སྤང་དུ་མི་རུང་སྟེ། ཐམས་ཅད་ལ་བྱ་དགོས་པ་དང་། སོ་སོར་ཐར་པ་དང་གནས་བརྟན་དུ་ལྡན་པ་གང་ན་ཡོད་པ་དེར་ཆད་པ་ལ་སོགས་པའི་ལས་བྱ་བ་ལ་བརྩོན་པར་གྱིས་ཤིག་པའོ། །གང་ན་ཟླ་བ་གསུམ་ལ་སོགས་པ་སྤྱོད་པ་དེར་ཁྲིན་གཅིག་པ་
[242a.4]རྣམས་འདོམ་པར་#མི་སྤྱོད་ཅེས་པ་ནི་གནས་དེ་ན་ཆད་པ་སྤྱོད་པ་གསུམ་ལ་སོགས་པ་ཡོད་ལ་བདག་ཀྱང་ཆད་པ་སྤྱོད་པ་དང་གནས་དེ་ན་རྩ་བའི་མགུ་བ་སྤྱོད་པ་གསུམ་ལ་སོགས་པ་ཡོད་ལ་བདག་ཀྱང་རྩ་བའི་ཆད་པ་སྤྱོད་པ་ཞིག་ན་འདི་དག་ལྟར་ཁྲིན་གཅིག་པའི་རྣམས་ལྷན་ཅིག་ཏུ་སྤྱད་དུ་མི་རུང་གིས་དེར་མ་སྤྱོད་ཅིག་པར་གུད་དུ་གྱིས་
[242a.5]ཤིག་པའོ། །གཞན་དུའང་དང་པོ་གཉིས་སྐྱ་རེངས་ཀྱིས་#ཆོད་པར་མི་བྱ་ཞེས་པ་ནི་དང་པོ་སྟེ་ཆད་པ་དང་མགུ་བ་གཉིས་སྤྱོད་པའི་ཚེ་མཚམས་ཀྱི་ཕྱི་རོལ་དུ་སྐྱ་རེངས་ཀྱིས་#ཆོད་པར་མ་འདུག་ཤིག་པའོ། །དགེ་འདུན་འདུས་པ་རྣམས་ལ་ཟིན་ཅིང་ལུས་པ་བསྙད་ཅེས་པ་དང་། རིང་པོར་མི་སྤྱོད་ན་ཉིན་རེ་ཞིང་ངོ་ཞེས་པ་དང་། གཞན་
[242a.6]ནི་གསུམ་བཞི་ཞིང་ངོ་ཞེས་པ་ནི་ཆད་པ་དང་མགུ་བ་སྤྱོད་པའི་ཚེ་ཞག་གྲངས་སུ་སྤྱད་ཟིན་པ་དང་། ཕྱི་ན་དུས་རིང་པོར་མི་སྤྱོད་པ་ཞིག་ན་ནི་ཉིན་རེ་#དགེ་འདུན་འདུས་པ་བསྙད། ཡུན་རིང་དུ་སྤྱོད་པ་ཞིག་ན་ནི་ཞག་གསུམ་བཞི་ཙམ་གྱིས་སྤྱད། དགེ་འདུན་འདུས་པ་རྣམས་ལ་སྙོད་ཅིག་པའོ། །དེ་དག་ལ་འདིའི་ཕྱིར་མི་
[242a.7]དཔྱ་ཞེས་པ་ནི་ཆད་པ་ནི་ཆད་པ་དང་མགུ་བ་སྤྱོད་པ་ལ་དགེ་སློང་གཞན་གྱིས་འདྲེན་ཀྱང་དུའང་མ་དཔྱ་ཤིག་པའོ། །འཐབ་ཀྲོལ་ཅན་འོང་བར་ཐོས་ལ་དེས་འཇིགས་ན་དགེ་འདུན་ནམ་གང་ཟག་གི་མདུན་དུ་བཏང་བར་བྱ་ཞེས་པ་ནི་དགེ་སློང་འཐབ་ཀྲོལ་ཅན་འོངས་པས་གཙེས་སུ་དོགས་ན་གང་ཟག་ལ་ནི་གོང་གོང་པོར་
[242b]
[242b.1]འདུག་ནས་ཚེ་དང་ལྡན་པ་གསོན་ཅིག་བདག་མིང་འདི་ཞེས་བགྱི་བ་དང་#ཆད་པ་སྤྱོད་པ་དང་། དགེ་སློང་གུད་ནས་མཆི་བར་རིགས་མི་འཕྲོད་པས་ན། བདག་མིང་འདི་ཞེས་བགྱི་བ་ཆད་པའི་ཆོ་ག་རེ་ཞིག་གཞི་ལ་དོར་ཞིང་ཕྱིས་བསྒྲུབ་#པར་འཚལ་གྱིས་ཚེ་དང་ལྡན་པ་དག་གིས་བདག་ལ་བྲུན་བར་མ་དགོངས་ཤིག་ཅེས་པ་
[242b.2]ལན་གཉིས་ལན་གསུམ་དུ་སྔགས་ཀྱི་ཚིག་འདི་སྐད་ཟློས་ལ་གཞི་ལ་འོར་ཅིག་པའོ། །དགེ་འདུན་ལ་ཡང་བཙུན་པ་དགེ་འདུན་གསོན་ཅིག་ཅེས་བྱ་བ་ལ་སོགས་པ་འདི་བཞིན་དུ་སྙེད་#ཅིག་པའོ། །འཇིགས་པ་མེད་པར་གྱུར་ནས་དེ་ཉིད་དུ་མནོད་ཅེས་པ་ནི་གོང་མ་ལྟར་འཇིགས་པ་མེད་པར་གྱུར་ནས་སྔོན་གྱི་སོ་ནས་ཟུང་ཤིག་
[242b.3]པའོ། །ས་གཞན་ལ་གནས་པས་སྤྱད་པའི་དངོས་བོའོ།། །།ས་གཞན་ལ་གནས་པས་སྤྱད་པའི་དངོས་པོ་ཞུས་པ་ལས་འབྱུང་བ་བསྡུས་ཏེ་སྟོན་པ་ནི་ཆད་པ་དང་མགུ་བ་སྤྱོད་པ་རང་བཞིན་དུ་གནས་པར་བཀབ་པ་གཅིག་#ཏུ་ལྷན་ཅིག་ཉལ་ན་ཉིན་ཞག་གཅིག་ཡལ་#ལོ་ཞེས་པ་ལ་སོགས་པ་ཡིན་ཏེ། འདི་ལྟར་ལྷན་ཅིག་ཉལ་ན་
[242b.4]ཡང་#ཆད་པའི་ཞག་གྲངས་ལ་གཅོད་པར་སྟོན་པའོ། །མཚམས་ཀྱི་ཕྱི་རོལ་དུ་ཡང་ཞེས་པ་དང་། མ་བསྟན་ན་ཡང་ཞེས་པ་ནི་མཚམས་ཀྱི་ཕྱི་རོལ་དུ་སྐྱ་རེངས་ཀྱིས་#ཆོད་དམ་དགེ་འདུན་ལ་མ་བསྙད་#ན་ཡང་ཞག་གྲངས་ལས་གཅོད་པར་སྟོན་པའོ། །མཚམས་དེའི་ཉིན་པར་རྣམས་མེད་ན་འདི་མི་སྐྱེ། དེའི་ཉིན་པར་
[242b.5]བྱས་པ་ནི་དགེ་འདུན་གྱིས་བྱས་པའོ། །སླར་འཁོར་ན་མཚམས་གཞན་དུ་སླར་སོང་ཡང་བླ་ཞེས་པ་ནི་དགེ་འདུན་ལ་བསྙད་#པ་ཡང་མཚམས་དེ་ན་འཁོད་པ་མ་ཡིན་པ་ལ་བསྙད་ན་མི་ཕན་པ་དང་། དགོངས་སླར་འཁོར་ན་ནི་གུད་དུ་སོང་བ་ཡང་བླ་བའོ། །བླ་གབ་གཅིག་གི་འོག་ཏུ་ཆད་པ་པ་#དང་ཆད་པ་ལྷན་ཅིག་མི་
[242b.6]ཉལ་ཞེས་པ་ནི་ཆད་པ་པ་རྣམས་བླ་གབ་གཅིག་གི་འོག་ཏུ་ལྷན་ཅིག་མ་ཉལ་ཅིག་པའོ། །དེ་དང་གཞན་པའི་མུ་སྟེགས་པ་#ལྷན་ཅིག་ནི་འདིར་ཉེས་མེད་ཅེས་པ་ནི་གཞན་པའི་མུ་སྟེགས་དང་#ལྷན་ཅིག་ཏུ་ཉལ་ཡང་བླ་བའོ། །ས་གཞན་ལ་གནས་པས་སྤྱད་པའི་དངོས་པོ་ཞུས་པའོ།། །།གཞུང་ལས་ནི་ཆད་པའི་དངོས་
[242b.7]པོ་ཞེས་འབྱུང་ལ་འདིར་མིང་འདི་སྐད་དུ་གདགས་པ་ཅིའི་ཕྱིར་ཞེ་ན། ལྷག་མའི་ཆད་པ་#ཉི་ཚེར་མ་ཟད་ཀྱི་བསླབ་པ་སྦྱིན་པ་ལ་སོགས་པ་ལས་གཞན་ལ་གནས་པའོ་ཅོག་གི་ཆོ་ག་སྟོན་པས་ན་དོན་དང་སྦྱར་ཏེ་ས་གཞན་ལ་གནས་པས་སྤྱད་པའི་དངོས་པོར་གཏོགས་པ་ཡིན་ནོ། །བསྟད་པའི་དངོས་པོ་སྟོན་པ་ལ་རྩ་བ་
[243a]
[243a.1]བཅབས་པས་གླེང་ངོ་ཞེས་འོག་ནས་འབྱུང་བ་དེའི་རྩ་བ་མ་ཡིན་པ་ཇི་ལྟ་བུ་ཞེ་ན། མ་གྲགས་པ་རྩ་བར་མི་འགྱུར་ཞེས་པ་ལ་སོགས་པ་ཡིན་ཏེ། འཕྲུལ་གྱིས་མིག་དང་རྣ་བ་ལ་སོགས་པ་འཇིག་རྟེན་དུ་གྲགས་པའམ་མངོན་པར་ཤེས་པ་ལ་སོགས་པ་འདི་ལྟ་བུས་གླེངས་པ་ནི་གླེང་བའི་རྩ་
[243a.2]བའམ་བཞིར་#མི་རུང་བའོ། །ཚུལ་ནས་འབྱུང་བ་བསྙད་ཟིན་ནས་བྱུང་བའི་བཀྱིགས་#པ་མི་སྐྱེ་ཞེས་པ་ནི་ཚུལ་ནས་འབྱུང་བའི་ལས་བསྙད་ཟིན་པའི་འོག་ཏུ་ཚུལ་ནས་མི་འབྱུང་བ་བཀྱིགས་ཀྱང་བཀྱིགས་པར་མི་འགྱུར་བའོ། །ནད་པས་བྱེད་པའང་དེ་བཞིན་ཞེས་པ་ནི་ནད་པས་ཚུལ་ནས་འབྱུང་བ་བཀྱིགས་པར་བྱེད་
[243a.3]པའང་གོང་མ་འདྲ་བར་མི་རུང་བའོ། །ཕྲིན་གྱིས་ཀྱང་ཞེས་པ་ནི་ཕྲིན་གྱིས་ཚུལ་ནས་འབྱུང་བ་བཀྱིགས་ནའང་དེ་བཞིན་དུ་མི་རུང་བའོ། །ནད་པ་ལ་ཡང་ངོ་ཞེས་པ་ནི་དགེ་སློང་གཞན་གྱིས་ནི་ནད་པ་དགེ་འདུན་གྱི་ཆད་པ་ནད་པ་འཆོས་#ན་ཕྲིན་ལས་མི་མཛད་དུ་གསོལ་ཞེས་བཀྱིགས་ཀྱང་#བཀྱིགས་པར་མི་ཆུད་དོ། །འདི་
[243a.4]མི་བླང་ཞེས་པ་ནི་གོང་དུ་སྨོས་པ་བཀྱིགས་པར་#མི་འགྱུར་བའི་རྣམས་དགེ་འདུན་གྱིས་ཀྱང་སྡོམ་པར་མ་བྱེད་ཅིག་པའོ། །ནད་པ་ལ་སོགས་པས་ཚུལ་ནས་འབྱུང་བ་བཀྱིགས་པ་ལ་དགེ་འདུན་གྱིས་མི་སྡོམ་པའི་སྙད་ཇི་སྐད་དུ་བྱ་ཞེ་ན། ཚེ་དང་ལྡན་པ་ཁྱོད་ནད་པ་སྟེ་སྦྱོར་མི་ནུས་ཀྱི་སྡོད་#ཅིག་ཅེས་པ་དང་། ཚེ་དང་ལྡན་པ་ཕྲིན་
[243a.5]པ་ཞེས་པ་དང་། འདི་ནད་པ་བས་གླེང་བ་མ་ཡིན་ནོ་ཞེས་ལན་གདབ་ཅེས་པ་ཡིན་ཏེ་ནད་པ་དེ་ལྟར་བཀྱིགས་ན་ནི་ཚེ་དང་ལྡན་པ་ཁྱོད་ནད་པ་ཡིན་ཏེ། སྦྱོར་མི་ནུས་ཀྱིས་སྡོད་ཅིག་ཅེས་དེ་བྱ་བ་དེང་ཕྲིན་དུ་སྤྲིང་སྟེ། འཁྱིགས་#ན་ཚེ་དང་ལྡན་པ་ཕྲིན་པ་ཁྱོད་མ་སྨྲ་ཤིག་ཅེས་པ་དང་། ནད་པ་ལ་འཁྱིགས་ན་འདི་ནད་པ་སྟེ། གླེང་དུ་མི་རུང་
[243a.6]གིས་མ་གླེང་ཅེས་ལན་གདབ་ཅིང་མི་སྡོམ་#པར་བྱ་བའོ། །བྱས་པའམ་བྱེད་པའི་དངོས་ཉིད་མ་གཏོགས་ན་གླེངས་ཀྱང་ཞེས་པ་ནི་ཉེས་པ་བྱས་པའི་དམིགས་གང་ཡིན་པ་དང་། ཉེས་པ་མེད་པའམ་མི་སུ་ཡིན་པ་རྣམས་ཀྱིས་ནན་རྟགས་མེད་པར་གླེངས་ཀྱང་གླེང་བར་མི་ཆུད་པའོ། །ལྷག་མས་ཀྱང་དུས་མ་ཡིན་པར་མི་བྱ་ཞེས་
[243a.7]པ་ནི་མ་ཡིན་པ་ལ་སོགས་པ་གོང་དུ་སྨོས་པ་རྣམས་ལས་བཟློག་#པས་གླེང་ན་ཡང་སྐབས་སམ་དུས་མ་ཡིན་པར་ནི་#མ་གླེངས་ཤིག་པའོ། །དྲན་པ་དང་ཤེས་བཞིན་ཉེ་བར་མ་བཞག་པས་མ་ཡིན་ཞེས་པ་ནི་སྔ་ནས་དྲན་པ་དང་ཤེས་བཞིན་དུ་བཅབས་པར་གླེངས་པའི་#ལས་མ་བྱེད་ཅིག་པའོ། །མི་དབེན་པར་མ་ཡིན་ཞེས་པ་
[243b]
[243b.1]ནི་མི་མང་བའི་མདུན་ན་མ་རེག་མི་འཕྲོད་#པའི་མདུན་དུ་མ་གླེངས་ཤིག་པའོ། །སྐབས་མ་ཕྱེ་བར་མ་ཡིན་ཞེས་པ་ནི་དེ་སྐབས་མ་ཕྱེ་བའི་བར་དུ་གླེང་བར་མ་བྱེད་ཅིག་པའོ། །ཚུལ་ནས་འབྱུང་བ་ནི་དེའོ་ཞེས་པ་ནི་ཚུལ་ནས་འབྱུང་བའི་ཚེ་ནི་སྐབས་ཕྱེ་བ་མ་ཡིན་པར་སྟོན་པའོ། །མི་དྲན་ན་དྲན་པར་བྱ་ཞེས་པ་ནི་གླེངས་པའི་ཚེ་ཉེས་པ་
[243b.2]བྱས་པར་མི་དྲན་ཞེས་ཟེར་ན་དྲན་པར་སེམས་སུ་ཆུག་ཤིག་པའོ། །མ་ཕྱེ་ན་འདི་ལ་བསྡིགས་པར་བྱ་ཞེས་པ་ནི་སྐབས་འབྱེད་དུ་མ་བཏུབ་ན་བསྡིགས་ཤིག་པའོ། །བསྡིགས་པའི་སྙད་ཇི་སྐད་དུ་བྱ་ཞེ་ན། ཚེ་དང་ལྡན་པ་ཁྱོད་ལ་བྱ་བ་ཡོད་དེ་ཚེ་དང་ལྡན་པ་བསྡིགས་པའི་སྙད་ཡོད་ཀྱིས་གནས་འདི་ནས་མ་ཞུམ་#པར་མ་འགྲོ་ཤིག་ཅེས་
[243b.3]པའོ་ཞེས་པ་ཡིན་ཏེ་ཚེ་དང་ལྡན་པ་ཁྱོད་ཚར་བཅད་ཅིང་གཏན་ལ་དབབ་པའི་སྙད་མང་དུ་ཡོད་ཀྱིས་སྡོད་ཅིག་ཅེས་ཚིག་གིས་#སྙད་འདི་སྐད་དུ་བསྡིགས་ཤིག་པའོ། །དེས་ཀྱང་དུལ་བར་མ་གྱུར་ན་ལུང་དགག་ཅེས་པ་ནི་གོང་མ་ལྟར་བྱས་ཏེའང་མི་སློན་#ན་ལུང་མ་སྦྱིན་ཅིག་པའོ། །འདི་ལ་གཏམ་བྱ་བ་ལ་སོགས་པ་ཡང་གཏམ་
[243b.4]ཞེས་པ་ནི་དེ་ལྟ་བུ་ལ་ལུང་དགག་པར་མ་ཟད་ཀྱི་གཏམ་མི་བྱ་བ་ལ་སོགས་པར་གྱིས་ཤིག་པའོ། །དེས་ཀྱང་གསོ་སྦྱིན་བཀྱིགས་ཞེས་པ་དང་། འོན་ཀྱང་ཚུལ་ནས་མི་དབྱུང་བའོ་ཞེས་པ་ནི་གོང་མ་ལྟར་བྱས་ཀྱང་མ་སློན་ན་གསོ་སྦྱིན་བཀྱིགས་པ་དང་། དེས་ཀྱང་མ་སློན་ན་ཚུལ་ནས་འབྱུང་བ་བཀྱིགས་#པ་རྣམས་གྱིས་
[243b.5]ཤིག་པའོ། །འདིར་བཀྱིགས་པ་བཀྱིགས་#པ་དང་། ལྷན་ཅིག་ཏུ་བྱས་ན་ཚངས་པའོ་ཞེས་པ་ནི་དྲུག་སྡེས་དགེ་སློང་ཅིག་ལ་སྐུ་རེར་བཀྱིགས་པ་ཕྱིས་དྲུག་སྡེ་པོ་ཉིད་#དང་ལྷན་ཅིག་ཏུ་གསོ་སྦྱིན་བྱས་པས་ཚངས་པར་གྱུར་པ་བཞིན་དུ་དང་པོ་སུས་བཀྱིགས་པ་དེས་བརྩངས་ནས་གཞན་བྱ་མི་དགོས་པར་ཚངས་པའོ། །
[243b.6]སྐབས་ཕྱེ་ཡང་རང་རེང་བྱེད་ན་སྐོབས་#སུ་གཞུག་ཅེས་པ་ནི་སྐབས་#ཕྱེར་ཟིན་གྱི་རྣ་ལམ་མམ་ལྷན་པོར་མི་བཏུབ་ན་སྐོབས་སུ་གཞུག་པ་ཐབས་ཀྱིས་#གྱིས་ཤིག་པའོ། །སྐོབས་སུ་གཞུག་པའི་ཐབས་སུ་ཇི་ལྟར་བྱ་ཞེ་ན། འདིའམ་ཆེ་གེ་མོ་ཞིག་གི་གནས་སུ་དངོས་པོ་ཆེ་གེ་མོ་ཞིག་ཅེས་བྱ་བ་#དང་། གང་ཡང་
[243b.7]རུང་གིས་བརྗོད་པར་བྱའོ་ཞེས་ཉེས་པའི་སྒྲོ་གདགས་པའམ་ཉེས་པ་བསྟན་ཅིང་གཏུར་ཞེས་པ་ཡིན་ཏེ། གནས་ཆེ་གེ་མོ་ཞིག་ཏུ་ཉེས་པ་འདི་ལྟ་བུ་ཞིག་བྱས་ཀྱི་ཞེ#འམ། གར་ཡང་རུང་སྟེ། ཉེས་#པ་ཅི་བྱས་པ་#རྣམས་ངས་གླེང་ངོ་ཞེས་ཉེས་པ་རྔམས་ཆེ་བ་སྐད་དུ་བྱ་བ་དང་། ཉེས་པའི་དངོས་ཉིད་བསྟན་ཅིང་གཏུར་
[244a]
[244a.1]བར་གྱིས་ཤིག་པའོ། །ཚུལ་ཁྲིམས་དང་ལྟ་བ་དང་སྤྱོད་པ་དང་འཚོ་བ་ཉམས་པ་གླེངས་པ་ལ་སོགས་པའོ་ཅོག་རྩ་བ་ཡོད་ན་གདོད་སྐྱེའོ་ཞེས་པ་ནི་ཚུལ་ཁྲིམས་ཉམས་པ་ལ་སོགས་པའི་སྐྱོན་ཡོད་པ་ལ་གླེང་བ་ལ་སོགས་པ་གོང་དུ་སྨོས་པ་རྣམས་ལྟར་བྱ་བ་ཡང་མཐོང་བ་དང་ཐོས་པ་དང་#དོགས་པའི་རྩ་བ་ཡོད་
[244a.2]ན་གདོད་རྒལ་བའམ་གླེང་བར་ཆུད་པའོ། །གྱི་ནའི་རྩ་བས་མི་བྱ་ཞེས་པ་ནི་གཏན་ལ་ཕབ་པའི་འོལ་ཚོད་དུ་མཐོང་བའམ་དོགས་པས་ནི་གླེང་བར་མ་བྱེད་ཅིག་པའོ། །འདིར་དངོས་པོ་བདེན་པ་མི་བརྩན་ཞེས་པ་ནི་རྒོལ་#བ་དེ་ལ་ཉེས་པའི་སྐྱོན་ནི་ཡོད་མོད་ཀྱི་#རྒོལ་བ་དེས་ཡོད་པར་མ་ཤེས་ཏེ། སྐུར་བརླང་བཏབ་པ་དང་
[244a.3]ཉེས་པ་མེད་པ་ལ་ཡོད་པ་སྙམ་ཞིག་སྟེ། བརྒལ་བ་ལྟ་བུ་དངོས་པོ་བདེན་པ་ལྟ་བུ་ནི་མི་བརྩན་གྱི་#རྒོལ་བ་ཉིད་ཀྱི་འདུ་ཤེས་བརྩན་#པར་སྟོན་པའོ། །བྱེད་པའི་མཚན་མ་དང་། ཕ་རོལ་གྱི་ཁ་ན་ཞོ་བ་དང་། བདག་ལ་ཟེར་བ་#ཡོད་པ་གསུམ་གྱིས་ཐོས་ནའོ་ཞེས་པ་ནི་རྣམ་པ་འདི་གསུམ་གྱིས་ཐོས་ན་ཐོས་པའི་རྩ་བ་ཡིན་
[244a.4]པར་སྟོན་པའོ། །དེ་ལ་བྱེད་པའི་མཚན་མ་ཞེས་པ་ནི་ཉལ་པོ་བྱེད་པའི་སྒྲ་ཐོས་པའོ། །ཕ་རོལ་གྱི་ཁ་ན་ཞོ་ཞེས་པ་ནི་མི་ཚངས་པར་སྤྱོད་པའི་གཏམ་ཟེར་བ་ཐོས་པའོ། །བདག་ལ་ཟེར་བ་ཡོད་ཅེས་པ་ནི་ཕ་རོལ་སྐྱེལ་བ་ཡོད་པའོ། །ཡིད་མ་ཆེས་ན་རྩ་བ་མ་ཡིན་ཞེས་པ་ནི་ཕ་རོལ་སློས་ཤིང་ཟེར་བ་ལ་བདག་ཡིད་མ་ཆེས་
[244a.5]པ་ནི་ཐོས་པའི་རྩ་བར་མི་འགྱུར་བའོ། །བསྟན་པའི་དངོས་པོའོ།། །།བསྟན་པའི་དངོས་པོ་ཞུས་པ་ལས་འབྱུང་བ་བསྡུས་ཏེ་སྟོན་པ་ནི་རྒྱུས་ཤེས་པ་དུ་མ་ནི་གླེང་བ་#ལ་སོགས་པར་སུ་མོས་པའོ་ཞེས་པ་ཡིན་ཏེ་ཉེས་པ་ཡོད་པར་རྒྱུས་ཤེས་པ་མང་ན་རྒོལ་ཞིང་གླེང་བ་ནི་སུས་བྱས་ཀྱང་སླ་#བའོ། །ཚུལ་ནས་འབྱུང་བ་མ་
[244a.6]ཡིན་པར་དེ་མི་བཀྱིག་ཅེས་#པ་དང་། གསོ་སྦྱིན་མ་ཡིན་པར་ཡང་དེ་མ་ཡིན་ཞེས་པ་ནི་ཚུལ་ནས་འབྱུང་བ་དང་གསོ་སྦྱིན་གྱི་དུས་མ་ཡིན་པར་ནི་བཀྱིག་པར་མ་བྱེད་ཅིག་པའོ། །འཁྱིག་པ་བུད་མེད་ལ་གཞན་སྐྱེས་པ་ནི་བཀྱིགས་པ་བྱས་སམ་བྱེད་པ་ནི་བཀྱིགས་པ་མ་ཡིན་ནོ་ཞེས་པ་ནི་བུད་མེད་ཀྱི་བཀྱིགས་པ་བྱས་
[244a.7]ཀྱང་རུང་སྟེ་བཀྱིགས་པར་མི་འགྱུར་བའོ། །དེ་ལས་དགེ་སློང་ཕ་ལས་མཚན་གྱུར་ན་དེ་ལ་དེ་བཞིན་རང་བཞིན་ཉམས་པ་#ཡིན་ཞེས་པ་ནི་རང་བཞིན་ཉམས་པས་བཀྱིགས་པར་མི་འགྱུར་བའོ། །ཚུལ་ཁྲིམས་གཅིག་པས་མ་ཡིན་ཞེས་པ་ནི་ཚུལ་ཁྲིམས་ཞིག་པ་དང་སྡེ་མི་གཅིག་པས་བཀྱིགས་པར་མི་འགྱུར་
[244b]
[244b.1]བའོ། །འདི་གཉིས་ལ་མ་ཡིན་ཞེས་པ་ནི་རང་བཞིན་མ་ཉམས་པ་དང་། ཚུལ་ཁྲིམས་མི་གཅིག་པ་ལ་སོགས་པ་ལ་བཀྱིགས་ཀྱང་བཀྱིགས་པར་མི་འགྱུར་བའོ། །བསྟན་པའི་དངོས་བོ་ཞུས་པའོ།། །།གཞུང་འདི་ལས་གསོ་སྦྱིན་བཀྱིགས་པའི་དངོས་པོ་ཞེས་འབྱུང་བ་འདིར་འདི་སྐད་དུ་བརྟགས་པ་ཅིའི་ཕྱིར་ཞེ་ན། གསོ་
[244b.2]སྦྱིན་བཀྱིགས་པ་ཉི་ཚེར་ཟད་ཀྱི་ཚུལ་ནས་འབྱུང་བ་བཀྱིགས་པ་དང་། ལུང་བཀག་ཅིང་སྐོབས་སུ་གཞུག་པ་ལ་སོགས་པ་བསྟན་པ་#རྣམས་སུ་ཡོད་པའི་ཕྱིར་འདི་སྐད་དུ་བཏགས་སོ་ལས་ཀྱིས་ཕྱེ་བ་དངོས་པོ་སྟོན་པ་ནི་དགེ་འདུན་འབྱེད་པའི་མཐུ་ཡོད་པ་ལ་མ་#དད་བཞིན་དུ་མི་གླེང་གླེང་ནའང་ཁྱད་དུ་མི་གསོད་ཅེས་པ་ལ་སོགས་པ་ཡིན་
[244b.3]ཏེ། དགེ་འདུན་འབྱེད་པར་ནུས་པའི་མི་ལ་མ་དད་བཞིན་དུ་གླེང་བ་དང་དེ་ཉིད་གཞན་ལ་གླེང་ན་ཡང་ཁྱད་དུ་མ་གསོད་ཅིག་པའོ། །གང་དུ་ཡང་ཁོན་ཡོད་#པ་དང་ལྷན་ཅིག་མི་བསྡད་ཅེས་པ་ནི་ཁོན་#ཡོད་པ་དང་ཕྲད་ན་དེ་དང་ལྷན་ཅིག་ཡུན་རིང་དུ་མ་འདུག་ཤིག་པའོ། །གུད་དུའང་གཉིས་སམ་གསུམ་གྱིས་གོ་བཙལ་
[244b.4]ཏེའོ་ཞེས་པ་ནི་གྲལ་དུ་བཀད་པ་ལ་སོགས་པའི་སྐབས་གཞན་དུའང་ཅིག་ཅར་བསྡམས་ཏེ་མ་འཁོད་པར་གོ་གཉིས་སམ་གསུམ་གྱིས་བར་དུ་ཆོད་ལ་འདུག་ཤིག་པའོ། །གཅིག་གིས་ཀྱང་དེ་བཞིན་དུ་དེ་དང་ཉེས་པ་ནི་ཁོན་#ཡོད་པའི་གང་ཟག་གཅིག་གིས་ཀྱང་དེ་དང་ལྷན་ཅིག་འདུག་པ་ལ་སོགས་པ་གོང་མ་བཞིན་དུ་
[244b.5]གྱིས་ཤིག་པའོ། །འདི་གཉིས་ཀྱི་#གནས་སོ་སོར་སྦྱིན་ཞིང་མནོད་པ་ཡང་ཞེས་པ་ནི་འདི་གཉིས་ཀྱི་གནས་དབོག་པའི་ཚེ་ཡང་ལྷན་ཅིག་ཏུ་མ་བབ་པར་ཕོག་པ་དང་དེ་དག་གིས་ཀྱང་ལྷན་ཅིག་ཏུ་མ་གབ་པར་ནོས་ཤིག་པའོ། །ཆོས་དང་འདུལ་བས་དེར་གྱུར་ལ་ཆོས་མ་ཡིན་པ་ལ་ཇི་ནས་ཀྱང་ཞེན་པར་ཤེས་ན་དགེ་
[244b.6]འདུན་མཐུན་པ་ལ་ཡལ་ལོ་ཞེས་པ་ནི་དངོས་པོ་རྟག་ཆད་ཀྱི་ཆོས་ལ་ཁ་མ་དུམ་བའམ་སྤྱད་པ་ལྕི་ཡང་གི་འདུལ་བ་ཁ་མ་དུམ་སྟེ། རྩོད་ན་ཆོས་མ་ཡིན་པའི་ཕྱོགས་སུ་ལྟ་བ་རྣམས་སྙིང་ནས་གཏོང་དུ་མི་བཏུབ་ཅིང་ཞེན་ཆེས་ཆེ་བར་མངོན་ན་དགེ་འདུན་མཐུན་པ་ཡལ་ཞིང་མེད་པར་#སྟོན་པའོ། །དེ་བས་ན་དེ་ལས་
[244b.7]གཞན་པ་དང་འདུས་ཏེ་ལས་བྱས་ཀྱང་མི་སྐྱེ་ཞིང་གཅིག་ལ་གཅིག་བསྐལ་བར་ཡང་མི་འགྱུར་བའོ་ཞེས་པ་ནི་གོང་མ་ལྟར་བས་ན་དེ་དང་འདུས་ཏེ་ལས་ལྷན་ཅིག་ཏུ་བྱས་ཀྱང་ལས་སུ་མི་རུང་བ་དང་། གཅིག་ལ་གཅིག་བསྐལ་པར་ཡང་མི་འགྱུར་བའོ། །དེ་དག་དེའི་གཉེན་པོར་འཐབ་ཅེས་པ་དང་། ཆོས་
[245a]
[245a.1]འདི་པ་རྣམས་ཀྱི་ཕྱག་མི་བྱ་ཞེས་པ་ནི་གོང་མ་ལྟར་སྡེ་གཉིས་སུ་ཆད་པ་ལྟར་མ་འོས་པར་རྩོད་ན་དགེ་ཚུལ་མ་ཡིན་ཆད་ཆོས་འདི་པ་རྣམས་ཀྱིས་#ཕྱག་མ་བྱ་ཤིག་པའོ། །ལྡང་བ་སྟན་ལ་གཉར་ཏམ། བྲེ་མོ་གཏམ་ཀུན་དགའ་བ་རྣམ་པར་ལྟ་བ་རྣམས་ཀྱང་ཕྱག་མི་བྱ་ཞེས་པ་ནི་གོང་མ་ལྟར་སྡེར་
[245a.2]གྱུར་ན་ཆོས་མ་ཡིན་པར་ལྟ་བ་ལ་མིང་གིས་སྨོས་པ་འདི་རྣམས་ལྟ་བུ་བསྟི་སྟང་ཡང་མ་བྱེད་ཅིག་པའོ། །དེ་ལ་གཏམ་ཞེས་པ་ནི་ཚིག་ཐ་མལ་པའོ། །བྲེ་མོ་གཏམ་ཞེས་པ་ནི་ཡིད་གཅུགས་#པའི་གཏམ་མོ། །ཀུན་དགའ་བ་ཞེས་པ་ནི་ནད་དྲི་བ་ལ་སོགས་པའོ། །ལྟ་བ་ཞེས་པ་ནི་ཐ་མལ་པར་ལྟ་བའོ། །
[245a.3]རྣམ་པར་ལྟ་ཞེས་པ་ནི་ཁོང་མོར་ལྟ་#བའོ། །ལག་བརྡས་མལ་སྟན་སྦྱིན་ཞེས་པ་ནི་ཆོས་མ་ཡིན་པའི་ཕྱོགས་སུ་ལྟ་བ་རྣམས་ལ་མལ་སྟན་ཡང་མ་སྨྲ་བར་ལག་བརྡས་བྱིན་ཅིག་པའོ། །དེས་ཐོས་པར་གཞོགས་#སྤད་ཀྱིས་ཞེས་ཁ་ཅིག་ཅེས་པ་ནི་དེ་ལ་མལ་སྟན་བྱིན་#པའི་ཚེ་དགེ་སློང་འདིའི་མལ་སྟན་ནི་འདིའོ་
[245a.4]ཞེས་དགེ་སློང་གཞན་ལ་#བྱ་བ་སྐད་དུ་བྱའོ། །ཞེས་ཀྱང་སློབ་དཔོན་ཁ་ཅིག་འཆད་པར་སྟོན་པའོ།། །།གནས་ནི་མཐའ་ཁོབ་ཏུའོ་#ཞེས་པ་ནི་དེའི་གནས་ཀྱང་གཙུག་ལག་ཁང་ཐ་མ་བྱིན་ཅིག་པའོ། །ང་ཡང་རྒན་རབས་ཤིག་ན་ཞེས་ཟེར་ན་འདི་སྐད་གྱི་གཏམ་དྲུང་གྲགས་པ་ཁྱེད་ཀྱང་བདག་ཤཱཀྱའི་སྲས་ཀྱི་#དགེ་སྦྱོང་
[245a.5]སྙམ་མམ་ཁྱེད་ཀྱི་སྟོན་པ་ཐུགས་རྗེ་ཅན་གྱིས་གནང་དུ་ཟད་ཀྱི་འདི་དག་ཙམ་གྱི་#ཚོད་ཀྱི་མི་འཐོབ་བོ་ཞེས་གཞོགས་#གཏམ་གྱིས་ལ་ལན་གླན་ཞེས་པ་ནི་རྒན་རབས་ཤིག་སྟེ། གོང་མ་ལྟར་བྱས་པ་དང་འཁང་ན་དགེ་སློང་གཞན་ལྟར་བྱ་བ་སྐད་གྱིས་ལ་ལན་འདི་སྐད་ཐོབ་ཤིག་པའོ། །དགེ་སློང་མས་ནི་སྟན་ལས་འཕགས་པ་
[245a.6]མི་བཏང་ཞེས་པ་ནི་ཆོས་མ་ཡིན་པའི་ཕྱོགས་སུ་བལྟས་པ་འོངས་#ན་དགེ་སློང་མས་སྟན་ལས་མི་ལྡང་བར་ནི་མ་བྱེད་ཅིག་པའོ། །དགེ་བསྙེན་གྱིས་ཀྱང་བསོད་སྙོམས་བྱིན་ཞེས་པ་ནི་དེ་ལ་དགེ་བསྙེན་དག་གིས་ཀྱང་བསོད་སྙོམས་ནི་བྱིན་ཅིག་པའོ། །འདི་དག་ཚངས་སུ་ཟིན་ཀྱང་འདུམ་པ་མ་རྙེད་ཀྱི་བར་དུ་འདུམ་མི་སྐྱེ་ཞེས་པ་ནི་
[245a.7]གོང་མ་ལྟར་དགེ་འདུན་སོ་སོར་བྱ་བ་ལས་སླར་ཚངས་སུ་ཟིན་ཀྱང་དགེ་འདུན་གྱིས་འདུམ་བར་མ་བྱས་ཀྱི་བར་དུ་མཐུན་པ་མི་འགྲུབ་པའོ། །གསོ་སྦྱིན་མ་བྱས་པར་རང་བཞིན་དུ་གནས་པ་མི་འཐོབ་ཅེས་པ་ནི་དེ་ལྟར་བྱེ་བ་ལས་སླར་འདུམ་པའི་དགེ་འདུན་གྱིས་གསོ་སྦྱིན་མ་བྱས་ཀྱི་བར་དུ་སྔོན་གྱི་སོར་མི་ཆུད་པའོ། །འདི་
[245b]
[245b.1]ནི་སྦྱིན་ཞིང་བྱ་ཞེས་པ་ནི་སྔར་སྦྱིན་པའི་ཆོས་ཇེ་བྱས་པའི་འོག་ཏུ་གསོ་སྦྱིན་གྱིས་ཤིག་པའོ། །སྡར་སྦྱིན་པ་ཇི་ལྟ་བུ་ཞེ་ན་འདི་ལས་ཀྱིས་སོ་ཞེས་པ་ཡིན་ཏེ། གསོལ་བ་དང་བཞིའི་ལས་ཀྱིས་གསོ་སྦྱིན་པའི་ལས་ཇེ་བྱས་ལ་དེའི་འོག་ཏུ་གདོད་གསོ་སྦྱིན་ངོ་བོ་གྱིས་ཤིག་པའོ། །སྔ་མ་ཡང་ཞེས་པ་ནི་སྔ་མ་སྡེ་འདུམ་པ་ཡང་གསོལ་
[245b.2]བ་དང་བཞིའི་ལས་ཇེ་བྱས་ན་གདོད་འདུམ་པར་འགྱུར་བའོ། །འདུམ་པ་དང་བཀྲ་ཤིས་པ་དང་ཡེ་འདྲོག་གི་ཕྱིར་གསོ་སྦྱིན་རུང་ཞེས་པ་ནི་དགེ་འདུན་བྱེ་བ་ལས་འདུམ་པའི་ཕྱིར་གསོ་སྦྱིན་པ་དང་ཆོས་མ་ཡིན་པ་དང་། ལྟས་ངན་བྱུང་བའི་ཕྱིར་གསོ་སྦྱིན་བྱ་བ་དང་། ནད་པ་ལ་སོགས་པ་ཡེ་འདྲོག་གི་ཕྱིར་གསོ་སྦྱིན་བྱ་བ་རྣམས་
[245b.3]མི་རུང་བ་མེད་པའོ། །འདིའི་དུས་ནི་འདི་ཉིད་ཀྱི་གཞི་ལས་སོ་ཞེས་པ་ནི་གོང་མ་ལྟར་གསོ་སྦྱིན་བྱ་བ་ནི་བཅུ་བཞིའམ་བཅོ་ལྔ་ཚེས་གྲངས་དང་སྦྱར་བ་མེད་ཀྱི་དེ་ལྟ་བུ་བྱུང་བའི་ཚེ་#གྱིས་ཤིག་པའོ། །ལས་བྱེད་པའི་དངོས་པོའོ།། །།ལས་ཀྱི་བྱེ་བ་དངོས་པོ་ཞུས་པ་ལས་འབྱུང་བ་དང་། མ་ན་བི་ག་ལས་འབྱུང་བ་བསྡུས་ཏེ་སྟོན་
[245b.4]པ་ནི་ཆོས་མ་ཡིན་པར་སྨྲས་པས་མཚམས་ཀྱི་ནང་དུ་དབྱེ་བའི་བསམ་པས་#ལས་གུད་དུ་བྱས་ན་བྱེ་བའོ་ཞེས་པ་ལ་སོགས་པ་#ཡིན་ཏེ། ཆོས་མ་ཡིན་པར་ལྟ་བས་མཚམས་ཀྱི་ནང་དུ་དགེ་འདུན་གཞན་དང་བྱེ་ཡང་བླ་བར་བསམས་ཏེ་ལས་ལོགས་ཤིག་ཏུ་བྱས་ན་བྱེ་བར་འགྱུར་བའོ#། །འདི་དག་སོ་སོའི་ལས་སུ་མི་རུང་བ་ཞེས་
[245b.5]པ་དང་། ཉིད་ཀྱི་ཕྱོགས་མ་ཡིན་ན་མི་རུང་ཞེས་པ་ནི་དེ་ལྟར་སོ་སོར་བྱེད་ན། སོ་སོའི་ཕྱོགས་ཀྱི་ལས་སུ་རུང་གིས་བསྣོལ་#མར་ནི་མི་རུང་བའོ། །ཆོས་སྨྲ་བས་བྱས་པ་ནི་དགེ་འདུན་གྱིས་བྱས་པའོ་ཞེས་པ་ནི་ཆོས་ཀྱི་#ཕྱོགས་སུ་ལྟ་བ་རྣམས་ཀྱིས་མཚམས་གཅོད་ཅིང་དགྲོལ་བ་ལ་སོགས་པའི་ལས་བྱས་པ་ནི་དགེ་འདུན་གཞན་
[245b.6]གྱིས་ལས་སུ་རུང་བའོ། །སྐམ་ལ་གནས་པ་ཡོད་ན་དེས་དགེ་སློང་མས་ལུང་སྦྱིན་ཞེས་པ་ནི་རྩོད་པའི་འདམ་དུ་མ་སོང་བའི་སྐམ་ལ་འདུག་པས་དགེ་སློང་མའི་ལུང་བྱིན་ཅིག་པའོ། །འདི་དག་ཆོས་ཀྱི་ཕྱོགས་པས་བསྐལ་བར་འགྱུར་ཞེས་པ་ནི་སྐམ་ལ་གནས་པ་འདི་ལྟ་བུ་མཚམས་ཀྱི་ནང་ན་ཡོད་#དེ་མ་དྲིས་པར་ལས་བྱས་ན།
[245b.7]ལས་གཅོད་པ་ལ་སོགས་པར་འགྱུར་བར་སྟོན་པའོ། །ཡོ་ན་དེ་ཉིད་འཇིག་ཅེས་པ་ནི་སྐམ་ལ་གནས་པ་དེ་ཕྱོགས་གཅིག་གི་#རྗེས་སུ་བལྟས་པ་འཇིག་#པར་འགྱུར་བའོ། །འདི་མི་བྱ་ཞེས་པ་ནི་འདི་ལྟ་བས་ན་སྐམ་ལ་གནས་པ་དེ་ཕྱོགས་གཅིག་ཏུ་ལྟ་བར་མ་བྱེད་ཅིག་པའོ། །དགེ་སློང་མའི་དགེ་འདུན་དང་ཕྱོགས་དང་
[246a]
[246a.1]ཕྱོགས་གཞན་དུ་བལྟས་#ཀྱང་ལུང་སྦྱིན་ཞེས་པ་ནི་དགེ་སློང་མའི་དགེ་འདུན་སོ་སོར་ཆད་དུ་བྱེད་པའི་ཚེ་ལུང་བྱིན་ཅིག་པའོ། །བྱེ་#ན་ནི་འདི་མ་ཡིན་ཞེས་པ་ནི་སོ་སོར་ཤག་པོར་བྱེད་ན་ནི་ལུང་མ་བྱིན་ཅིག་པའོ། །གསོལ་ན་འདུམ་དུ་གཞུག་ཅེས་པ་ནི་དེ་དག་ལུང་དབོག་པར་གསོལ་ན་ཁྱེད་ཅི་འདུམ་
[246a.2]པར་གྱིས་ཤིག་#དང་། གདོད་ལུང་སྦྱིན་ནོ་གྱིས་ཤིག་པའོ། །དབྱར་གྱི་ཆོས་སྨྲ་བར་འགྲོ་ཞེས་པ་ནི་དབྱར་གྱི་རྙེད་པ་རྣམས་ཆོས་སྨྲ་བ་དབང་བའོ། །འདུས་པ་གཉིས་ལས་མ་བགོས་པར་སྦོམ་དུ་བྱིན་#ཅིག་པའོ་ཞེས་པ་ནི་བྱེ་བའི་དགེ་འདུན་སྡེ་གཉིས་ལ་ཡོན་བདག་གིས་#སོ་སོར་མ་བགོས་པར་སྤྱི་རིལ་དུ་ཕུལ་ན་
[246a.3]ཆོས་སྨྲ་བ་རྣམས་དབང་བར་འགྱུར་བའོ། །ཀུན་དུའང་དེའམ་ཞེ་ན། དེ་དག་ཀྱང་དགེ་འདུན་དུ་ཚང་བར་འགྱུར་ནའོ་ཞེས་པ་ཡིན་ཏེ། ཆོས་སྨྲ་བའི་ཕྱོགས་རྣམས་དགེ་འདུན་དུ་ཚང་ན་གདོད་གོང་མ་ལྟར་འགྱུར་བའོ། །གལ་ཏེ་མ་ཚང་ན་ཇི་ལྟར་བྱ་ཞེ་ན། གལ་ཏེ་གཞན་མ་ཚང་#ལ་དེ་དག་ན་གང་གི་ཐུ་པར་
[246a.4]འོངས་པའོ་ཞེས་པ་ཡིན་ཏེ། ཆོས་ཀྱི་ཕྱོགས་སུ་ལྟ་བ་ནི་དགེ་འདུན་དུ་མ་ཚང་བ་ཆོས་མ་ཡིན་པའི་ཕྱོགས་སུ་ལྟ་བ་རྣམས་དགེ་འདུན་དུ་ཚང་ན་གང་གི་ཐུ་བར་འོངས་པར་#དབང་བའོ། །མདུན་དུ་བཞག་པའང་དེ་བཞིན་གལ་ཏེ་གཉི་གའི་#ཐུ་བར་འོངས་ན་ཇི་ལྟར་བྱ་ཞེ་ན། གཉིས་ཀར་ན་གཉི་གའོ་ཞེས་པ་ནི་གཉིས་
[246a.5]ཀའི་ཐུ་བར་འོངས་ན་གཉིས་ཀ་དབང་བའོ། །བགོ་བའི་ཐབས་ཇི་ལྟར་བྱ་ཞེ་ན། དགེ་འདུན་དུ་མ་ཡིན་གྱི་གང་ཟག་གི་སྐལ་བས་སོ་ཞེས་པ་ཡིན་ཏེ། དགེ་འདུན་གྱི་སྡེ་གཉིས་དགའ་བར་ཕྱེད་ཤས་སུ་བགོ་བ་#མ་ཡིན་གྱི་གང་ཟག་གི་གྲངས་མང་ཉུང་གི་ཤས་སུ་བགོས་#ཤིག་པའོ། །ལས་ཀྱི་ཕྱེ་བའི་དངོས་པོར་
[246a.6]གཏོགས་#པ་ཞུས་པ་དང་མན་པའི་ཀའོ། །འཁོར་ལོས་#བྱེ་བའི་དངོས་པོར་སྟོན་པ་ནི་གཅུགས་#གཞུག་པའི་ཕྱིར་གསོལ་བའམ་ཚུལ་ཤིང་ལེན་དུ་བཙུད་པས་ཆོས་དང་བྲལ་བ་ནི་དགེ་འདུན་ཕྱེ་བའོ་ཞེས་པ་ལ་སོགས་པ་ཡིན་ཏེ། འཕགས་པའི་ལམ་དང་བྲལ་བའི་གསོ་#བའམ་ཚུལ་ཤིང་ལེན་དུ་བཙུད་པས་གཅུགས་#བཅུག་
[246a.7]ན་དགེ་འདུན་ཕྱེ་བ་ཡིན་པར་སྟོན་པའོ། །འབྱེད་པར་བྱེད་པའང་དགེ་འདུན་#མ་ཚང་བ་དང་གཞན་ཡང་མཚམས་ཀྱི་ནང་ན་ལུས་པ་དགེ་འདུན་དུ་མ་ཚང་ན་འདིར་མི་འགྱུར་ཞེས་པ་ནི་བྱེད་པ་དགེ་འདུན་དུ་མ་ཚང་ངམ་ཕྱི་མ་ལུས་པ་དགེ་འདུན་དུ་མ་ཚང་ན་དབྱེན་དུ་མི་ལྡང་བའོ། །འབྱེད་པར་བྱེད་པ་ན་འབྱེད་པ་མ་
[246b]
[246b.1]ཡིན་ཞེས་པ་ནི་འབྱེད་པར་བྱེད་པ་ཁོ་ན་ཉིད་ཀྱིས་དགེ་འདུན་གྱི་ཁ་བསྐང་དུ་མི་རུང་བའོ། །ཕྱེའོ་ཅོག་གིས་མཚམས་མེད་པར་འགྱུར་རམ་ཞེ་ན། ཆོས་དང་ཆོས་མ་ཡིན་པ་#ཁོ་ན་གདོད་ཡོད་བཞིན་ན་མཚམས་མེད་པའོ་ཞེས་པ་ནི་ཆོས་དང་ཆོས་མ་ཡིན་པར་ཤེས་བཞིན་དུ་གཅུགས་#བཅུག་སྟེ་ཕྱེ་ན་གདོད་མཚམས་མེད་པར་
[246b.2]འགྱུར་བའོ། །ཆོས་ཀྱི་འདུ་ཤེས་ཕྱེ་ན་ཡང་ཞེས་པ་ནི་ལྷག་མ་ལུས་པའི་མྱ་ངན་ལས་འདས་པ་ལས་བཟློག་པ་ནི་འདོད་ཁམས་ཀྱི་དབང་པོ་#ལ་ཕན་བཏགས་པར་འདུ་ཤེས་པ་ལྟ་བུ་ཕན་གདགས་པའམ་#བསོད་ནམས་ཀྱི་འདུ་ཤེས་ཀྱིས་#ཕྱེ་ན་ཡང་མཚམས་མེད་པར་འགྱུར་བའོ། །འཁོར་ལོས་ཕྱེ་བའི་དངོས་པོའོ།། །།རྩོད་
[246b.3]པའི་དངོས་པོ་སྟོན་པ་ནི་འཁྲུག་པའི་རྒྱུ་ནི་བཞི་སྟེ་ཞེས་པ་ལ་སོགས་པ་ཡིན་ཏེ། འཁྲུག་པའི་རྒྱུ་རྣམ་པ་བཞི་ཡོད་པར་སྟོན་པའོ། །བཞི་གང་ཞེ་ན། དངོས་པོ་དོན་དེ་ཁོ་ན་ཉིད་ལ་ཁ་མི་འདུམ་པ་དང་། སྤང་བ་དང་ཉེས་པ་ཅན་དང་ལས་འདུམ་པ་མི་སྟེར་བ་རྣམས་སོ་ཞེས་པ་ཡིན་ཏེ་མི་མཐུན་པས་རྩོད་པའི་རྒྱུ་ནི་#
[246b.4]དངོས་པོའི་དོན། རྟག་ཆད་ལ་སོགས་པའི་དེ་ཁོ་ན་ཉིད་ལ་ཁ་མི་འདུམ་པ་ལས་འབྱུང་བ་ཉིད་དང་ལུང་མི་སྟེར་བར་རྩོད་པའི་རྒྱུ་གསོ་སྦྱིན་དང་ཚུལ་ནས་འབྱུང་བ་ལས་སྤངས་ཤིང་བཀྱིགས་པ་ལས་འབྱུང་བ་དང་། ལྟུང་བའི་རྩོད་པའི་རྒྱུ་ཉེས་པ་ཡོད་མེད་ལས་འབྱུང་བ་དང་། བྱ་བས་རྩོད་པའི་རྒྱུ་
[246b.5]ལས་འདུར་མི་བཏུབ་པ་ལས་འབྱུང་བ་རྣམས་སུ་སྟོན་པའོ། །མཚན་མ་དང་པོ་ནི་གྲག་#པར་བྱ་བས་འཇིལ་ཞེས་པ་ནི་དངོས་པོ་དོན་དེ་ཁོ་ན་ཉིད་ལ་ཁ་མི་འདུམ་པས་ནི་རྩོད་པ་ནི་#རྟག་ཆད་ལ་སོགས་པ་གང་གི་ཕྱིར་ཁ་མི་འདུམ་པ་དེ་གཅིག་ཏུ་ངེས་པར་གཡེངས་ཏེ་བཅད་པས་འཇིལ་ཞིང་སློན་པར་
[246b.6]སྟོན་པའོ། །མཚན་མ་གཉིས་པ་ནི་འདི་དང་བརྩངས་པས་སོ་ཞེས་པ་ནི་སྤང་བ་ལ་རྣམ་པ་#གཉིས་ཏེ། རྒྱུ་ཡོད་པ་དང་མེད་པའོ། །དེ་ལ་རྒྱུ་ཡོད་པ་ནི་ངེས་པར་བཅད་པས་ཞི་བར་བྱ་བ་དང་། རྒྱུ་མེད་པ་ནི་དྲན་པ་དང་མ་རྨོངས་པ་སྦྱིན་ཞིང་བརྩངས་པས་འཇིལ་བར་སྟོན་པའོ། །མཚན་མ་གསུམ་
[246b.7]པ་ནི་བཅོས་པ་#དང་སེམས་སུ་བཅུག་པས་སོ་ཞེས་པ་ནི་ཉེས་པ་ཅན་ལའང་ཉེས་པར་མངོན་པ་དང་། མི་མངོན་པ་གཉིས་ཡོད་དེ་དེ་ལ་ཉེས་པར་མངོན་པ་ནི་གཉེན་པོ་ལ་བརྟེན་དུ་བཅུག་ཅིང་བཅོས་པས་སློན་པར་སྟོན་པ་དང་། ཉེས་པར་མངོན་པ་ནི་དྲན་པ་ཚོལ་ཞིང་སེམས་སུ་བཅུག་#པས་
[247a]
[247a.1]འཇིལ་པར་སྟོན་པའོ། །ཐ་མ་ནི་བྱིན་པས་སོ་ཞེས་པ་ནི་ལས་ལ་འདུར་མི་བཏུབ་པས་རྩོད་པ་ནི་འདུར་བཙུད་པས་ཞི་བར་སྟོན་པའོ། །རྩོད་པ་ཉིད་ཀྱིས་#མ་ཆོད་ན་གཟུ་བོས་བཅད་ཅེས་པ་ནི་དགེ་སློང་གཉིས་རྩོད་པ་མ་དུམ་ན་གཟུ་བོས་ཆོད་ཅིག་པའོ། །དགེ་སློང་ངོ་ཡང་ཞེས་པ་ནི་གཟུ་
[247a.2]བོ་དེ་ཡང་དགེ་སློང་ཡིན་ནའོ། །དགེ་སློང་ཇི་ལྟ་བུ་ཞེ་ན། འདྲང་བའོ་ཞེས་པ་ཡིན་ཏེ། འདྲང་བས་ཆོད་ཅིག་པའོ། །སུ་འདྲང་ཞེ་ན། དེ་དག་ཅེས་པ་ཡིན་ཏེ། རྩོད་པ་དག་འདྲང་#བའོ། །འདྲང་བ་དུ་ཞེ་ན་གཅིག་ཡན་ཆད་ཅེས་པ་ཡིན་ཏེ། གཟུ་བོ་གཅིག་ཡན་ཆད་དུའང་རུང་བའོ། །དགེ་སློང་གཅིག་ལ་
[247a.3]འདྲང་བར་བྱ་བ་ཇི་ལྟ་བུ་ཞེ་ན། སྐམ་ལ་གནས་པ་ལ་འདྲང་དུ་གཟུད་ཅེས་པ་ཡིན་ཏེ། སྐམ་ལ་གནས་པའི་དགེ་སློང་དེ་དག་འདྲང་བར་གྱིས་ཤིག་པའོ། །འདི་ལྟ་བུ་ནི་དགེ་འདུན་གྱིས་#གཏན་དུ་བསྐོ་ཞེས་པ་ནི་རྩོད་པ་ཞི་བར་བྱེད་པའི་དགེ་སློང་སྐམ་ལ་གནས་པ་ནི་ཡང་དགེ་འདུན་གྱིས་གཏན་དུ་སྐོས་#ཤིག་པའོ། །ཇི་
[247a.4]ལྟ་བུ་ལས་བསྐོ་ཞེ་ན། འདིར་འཐབ་གཅུགས་#མི་བྱེད་པ་ལས་བསྐོ་བར་བྱ་ཞེས་པ་ལ་སོགས་པ་ཡིན་ཏེ། ཇི་ནས་ཀྱང་འདུམ་བར་བྱེད་ཀྱི་རྩོད་པར་མི་བྱེད་པ་ལས་སྐོས་#ཤིག་པའོ། །ཁྲེལ་ཡོད་ཅིང་བསླབ་པ་ལ་གནན་པའོ་ཞེས་པ་ནི་བསླབ་པ་ལ་གནན་#ཏོ་ཅོག་ལ་ཁྲེལ་ཡོད་པ་དང་། བསླབ་པ་ལ་#གནན་
[247a.5]པ་ལས་བསྐོས་#ཤིག་པའོ། །འདུལ་བ་ལ་ཤིན་ཏུ་ངེས་པ་དང་ཞལ་ཆེ་ལོ་དྲུང་ལ་མཁས་རབ་བོ་ཞེས་པ་ནི་འདུལ་བའི་ལྕི་ཡང་དང་ལྟུང་བ་མི་ལྟུང་བའི་དམིགས་ཕྱེད་པ་དང་། ཞལ་ཆེའི་ཚུལ་ལ་མཁས་པ་ལས་སྐོས་ཤིག་པའོ། །བྱེ་ཞིག་#ཅན་ནོ་ཞེས་པ་ནི་དེས་དབྱངས་ཤིང་རྨེལ་བ་ལས་ཕྱིས་གཞན་གྱིས་
[247a.6]ཀྱང་སྐྱེད་ཕྱིན་པར་མི་ནུས་པའོ། །བརླིང་བའོ་ཞེས་པ་ནི་ཟུང་ཐུབ་པའོ། །བསམ་པས་རང་བར་མི་བྱེད་པ་ཞེས་པ་ནི་ཁྲོ་ཞིང་རོ་མཐུར་གྱི་ཁར་མི་འདོར་བའོ། །སྙོམས་པ་ཞེས་པ་ནི་འདོད་པ་ལ་སོགས་པས་འགྲོ་བ་#མ་ཡིན་པའོ། །འགོ་བའོ་ཞེས་པ་དང་། དབྱང་བའོ་ཞེས་པ་ནི་རྩོད་པ་དང་། ལན་
[247a.7]འགོ་བ་དང་དབྱངས་ནས་སླར་ཤད་ཀྱིས་དབྱང་བའོ། །མཛངས་#པ་ཞེས་པ་ནི་འགོ་བ་མི་#རྨོངས་པ་མཁས་པའོ། །བདག་གིས་#མ་ཕེབས་ན་དགེ་འདུན་ལ་དབུལ་ཞེས་པ་ནི་སྐམ་ལ་གནས་པ་གོང་མ་ལྟ་བུས་ཞི་བར་མ་ནུས་ན་དགེ་འདུན་ལ་ཕུལ་ཅིག་པའོ། །དེ་དག་མ་ནུས་ན་གཟུ་བོ་བསྐོ་ཞེས་པ་ནི་དགེ་
[247b]
[247b.1]འདུན་གྱིས་ཀྱང་བསྡུམ་པར་མ་ནུས་ན་དེ་དག་ཆོས་#པའི་གཟུ་བོ་ཆང་ཁྱུར་ལེན་པ་དམིགས་ཀྱིས་སྐོས་ཤིག་#པའོ། །དགེ་འདུན་དུ་ལངས་པ་ལས་མི་བསྙུང་ཞེས་པ་ནི་གོང་མ་ལྟར་བསྒོ་བའང་བཞི་མན་ཆད་ལས་མ་བསྙུང་#ཤིག་པའོ། །གཟུ་བོ་དེ་དག་ཉིད་ཀྱིས་#མ་ཆེམས་ན་སྣོད་བསྒོ་ཞེས་པ་ནི་གཟུ་བོ་
[247b.2]སྔ་མས་མི་ནུས་ན་སྣོད་ཅིག་པའོ། །མ་ནུས་ལ་ཕྱི་མའང་མ་བསྐོས་ན་ཁུངས་གང་ཡིན་པ་དེར་གཏད་ཅེས་པ་ནི་གཟུ་བོ་སྔ་མས་མ་#ཆོད་ལ་ཕྱི་མའང་མ་བསྐོས་ན་སུ་ལས་འོངས་པ་དེ་ཉིད་ཀྱི་#ཁུངས་སུ་ཕུལ་ཅིག་པའོ། །སླར་ལྷགས་རྩ་བའི་དགེ་འདུན་གྱིས་རྩོད་པའི་ཁ་འདྲིམ་ཁ་བསྐོ་ཞེས་པ་ནི་གོང་མ་
[247b.3]ལྟར་གྱུར་ཏེ། སླར་ལྷགས་ན་རྩ་བའི་དགེ་འདུན་#དེ་དག་གིས་གུད་དུ་སྦྱོང་དུ་ཁྲིད་ཅིག་པའི་དགེ་སློང་སྐོས་#ཤིག་པའོ། །དེས་ནི་#གནས་བརྟན་དང་ལྡན་ཞིང་སོ་སོར་ཐར་པ་དང་ལྡན་པའི་དགེ་འདུན་ལ་དབུལ་ཞེས་པ་ནི་ཁྲིད་ཁྲིད་པའི་དགེ་སློང་གིས་ཀྱང་འདི་དག་ལྟ་བུ་ལ་ཕུལ་ཅིག་པའོ། །སྔོན་
[247b.4]གྱི་ལོ་དྲུང་བསྙད་ནས་ཟླ་བ་གསུམ་གྱི་བར་དུ་དབུལ་བ་ཞེས་པ་ནི་དེས་ཀྱང་ཇི་ལྟར་རྩོད་པ་དང་སྐམ་ལ་གནས་པ་ལ་སོགས་པས་ཇི་ལྟར་མ་ཆོད་པ་རྣམས་ཀྱི་ལོ་དྲུང་བསྙད་ནས་ཟླ་བ་གསུམ་གྱི་བར་དུ་དགེ་འདུན་དེ་ལ་ཕུལ་ཅིག་པའོ། །འདི་དག་ནི་དེས་དེས་སོ་ཞེས་པ་ནི་གོང་མ་སྐད་དུ་ལོ་དྲུང་སྙོད་པ་ནི་རྩོད་
[247b.5]པ་ཁྲིད་ཁྲིད་པའི་དགེ་སློང་དེས་གྱིས་ཤིག་པའོ། །གཏད་པ་དེ་དག་གིས་ཀྱང་མདོ་འཛིན་པ་དང་འདུལ་བ་འཛིན་པ་དང་། མ་མོ་འཛིན་པའོ་ཞེས་པ་དང་། ཟླ་བ་དྲུག་ཏུའོ་ཞེས་པ་ནི་དགེ་འདུན་དེ་དག་གིས་ཀྱང་ཟླ་བ་དྲུག་གི་བར་དུ་མདོ་སྡེ་འཛིན་པ་ལ་སོགས་པ་ལ་གཏོད་ཅིག་པའོ། །དེ་དག་གིས་
[247b.6]ཀྱང་གནས་བརྟན་ལ་སོགས་པའོ་ཞེས་པ་ནི་མདོ་སྡེ་འཛིན་པ་དག་གིས་ཀྱང་མ་ནུས་ན་གནས་བརྟན་ཀུན་གྱིས་ཤེས་པར་གྲགས་ཤིང་གཟི་བརྗིད་ཆེ་བ་ལ་ཕུལ་ཅིག་པའོ། །ཇི་སྲིད་ཀྱི་བར་དུ་ཕུལ་ཞེ་ན་མཐའ་མེད་པར་རོ་ཞེས་པ་ཡིན་ཏེ། གནས་བརྟན་ལ་དབུལ་བ་ནི་དུས་འདི་སྲིད་ཀྱི་
[247b.7]བར་དུ་ཞེས་བྱ་བ་མེད་པར་ཕུལ་ཅིག་པའོ། །དེ་དག་འདིས་གོ་འདུན་#དང་སོ་ཤིང་ཡན་ཆད་དག་ཀྱང་བདག་གིར་མི་བྱ་ཞེས་པ་དང་། ལྷན་ཅིག་འཁོད་པ་དང་། ལྷན་ཅིག་ཏུ་འདོང་ཞིང་འཆག་པ་དང་། གཏམ་དང་བྲེ་མོ་གཏམ་རྣམས་ཀྱང་ངོ་ཞེས་པ་ནི་རྩོད་པ་དེ་དག་ལས་གནས་བརྟན་དེ་#
[248a]
[248a.1]མིང་གིས་སྨོས་པ་དེ་རྣམས་#འདི་དག་ཀྱང་བདག་གིས་#མ་བྱེད་ཅིག་པའོ། །འཁོར་ན་ཚེ་དང་ལྡན་པ་ཁྱེད་ཅག་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་འཐབ་ཅིང་མཚང་འབྲུ་བ་དང་། འཁོན་ཅིང་རྩོད་པར་གྱུར་པ་ནི་ཚེ་དང་ལྡན་པ་ཁྱེད་ཀྱིས་མ་རྙེད་ཅིང་ཉེས་པ་རྙེད་ཀྱིས་
[248a.2]ལེགས་པ་མ་རྙེད་དོ། །ཚེ་དང་ལྡན་པ་མཚང་མ་འདྲུ་མ་འཁོན་མ་རྩོད་ཅིག་གཉིས་འཐབ་པ་དང་། གཅིག་འཕམ་གཅིག་རྒྱལ་གྱི་#གཉིས་རྒྱལ་མི་སྲིད་དོ། །གཉིས་བང་འགྱེད་དང་། གཉིས་མི་རྒྱལ་གྱི་གཅིག་རྒྱལ་ལ་གཅིག་འཕམ་མོ་ཞེས་སོ་ཞེས་པ་ནི་གནས་བརྟན་དེས་གོང་མ་ལྟར་ཐིབས་ཀྱིས་གནན་#པ་
[248a.3]དང་། དེ་དག་འཁོར་ན་ཚིག་འདི་སྐད་དུ་ཐར་ངག་སྐྱེད་ཅིག་པའོ། །མང་བརྩན་པར་བྱ་བ་ནི་བསྒྲུབ་པའི་རྣམ་པ་གཅིག་གོ་ཞེས་པ་ནི་མང་པོ་ཁ་ཐབས་སུ་དོར་བ་ཡང་གཞིལ་བའི་རྣམ་པ་གཅིག་ཡིན་པར་སྟོན་པའོ། །འདི་ནི་ཆོས་རྣམ་པར་ངེས་པ་ལ་སྲིད་ཀྱི་ཚུལ་རྣམ་པར་ངེས་པ་ནི་མ་ཡིན་ནོ་ཞེས་པ་ནི་རྟག་གམ་
[248a.4]མི་རྟག་པའམ། ཉེས་པར་འགྱུར་རམ་མ་གྱུར་པར་ཁ་མ་དུམ་བ་ལ་ནི་མང་པོའི་ཁ་ཐབས་སུ་དོར་གྱི་གང་ཟག་གི་ཉེས་པ་བྱས་སམ་མ་བྱས་པར་ཁ་མི་འདུམ་པ་ནི་མང་བརྩན་པར་མི་#རུང་བའོ། །ཅིའི་ཕྱིར་དེ་ལྟ་ཞེ་ན། དེའི་ལོ་དྲུང་ཆུད་པར་བྱ་བ་ནི་རྩོད་པས་ཆུད་པའི་ཕྱིར་རོ་ཞེས་པ་ཡིན་ཏེ་ཉེས་བྱས་སམ་མ་
[248a.5]བྱས་པ་ནི་དེ་དག་གཉིས་ཀྱིས་#ཤེས་སུ་ཟད་དེ་ཕལ་གཞན་གྱིས་གཅད་#དུ་མངོན་པའི་ཕྱིར་རོ། །གོང་མ་ལྟར་མ་#བརྩན་པར་བྱ་བའང་ཀུན་ལ་བྱ་བར་རུང་ངམ་ཞེ་ན། དེ་དག་ཁ་དྲག་ལ་དུས་ཀར་འདོར་ཞིང་འཐེན་པ་དང་ལན་རྔམས་ཆེར་བྱེད་དེ་བྱེ་བར་དོགས་ན་འདི་ལ་བརྟེན་ཏོ་#ཞེས་པ་ཡིན་ཏེ། རྩོད་
[248a.6]པ་འདི་དག་ཀྱང་མདོ་སྡེ་འཛིན་པ་ལ་སོགས་པ་ཡིན་ལ་ཞེ་#ཚབས་ཀྱང་མི་ཆུང་བར་རྩོད་ཅིང་དགེ་འདུན་བྱེ་བའི་གཅུགས་#སུ་འགྱུར་བ་ལྟ་ན་གདོད་མང་པོ་བརྩན་པའི་ཐབས་འདི་ལྟར་གྱིས་ཤིག་པའོ། །བསྡམ་#པར་བྱ་བའི་དོན་མ་ཡིན་ནའོ་ཞེས་པ་ནི་མང་པོ་བརྩན་པར་བྱ་བའང་བསྡམ་པར་བྱ་བ་ཙམ་
[248a.7]གྱི་དོན་ཕྲན་ཚེགས་མ་ཡིན་ན་གདོད་དེ་ལྟར་བྱ་བའོ། །གནས་བརྟན་གྱི་བར་དུ་ཚེགས་བྱུང་བའི་མཇུག་ཏུའོ་#ཞེས་པ་ནི་མང་པོ་བརྩན་པར་བྱ་བ་ཡང་སྐམ་ལ་གནས་པ་ནས་བརྟེན་ལ་ཐུག་པའི་བར་དུ་གོང་མའི་རྒྱུད་བཞིན་བྱ་སྟེའང་མ་སློན་ན་གདོད་འདི་ལྟར་གྱིས་ཤིག་པའོ། །རྩ་བ་འདི་དགེ་འདུན་
[248b]
[248b.1]གྱིས་སོ་ཞེས་པ་ནི་མང་པོ་བརྩན་པར་བྱ་བའི་#དགེ་འདུན་གཞན་གྱིས་མ་ཡིན་གྱི་#རྩ་བའི་དགེ་འདུན་དེ་དག་གིས་གྱིས་#ཤིག་པའོ། །མང་པོ་བརྩན་པའི་ཐབས་ཇི་ལྟར་བྱ་ཞེ་ན། འདིའི་ཁ་བསྡུ་བ་ནི་ཚུལ་ཤིང་ལེན་དུ་བཙུད་#པས་སོ་ཞེས་པ་ཡིན་ཏེ། ཚུལ་ཤིང་ལེན་དུ་བཙུད་#པ་ལ་ཚུལ་ཤིང་གི་གྲངས་
[248b.2]གང་མང་བའི་ཁར་འོར་ཅིག་པའོ། །ཚུལ་ཤིང་འབྲིམ་#པ་བསྐོ་ཞེས་པ་དང་། དེས་ཚུལ་ཤིང་ནི་རྣམ་པ་གཉིས་སུ་བཤད་ཅེས་པ་དང་། ཆོས་ཀྱི་ཚུལ་ཤིང་ནི་མི་སྒུ་#མི་ཡོ་མི་འཁྱོར་ལ་མདོག་བཟང་དྲི་ཞིམ་འཇམ་རབ་ཏུ་བྱ་ཅིག་#ཤོས་ཀྱི་ནི་དེ་ལས་བཟློག་པའོ་ཞེས་པ་དང་། དགེ་འདུན་བསྡུ་
[248b.3]བའི་ཕྱིར་བསྙད་ཅེས་པ་དང་། ཚུལ་ཤིང་བྲིམ་པར་#གྱིས་ཐམས་ཅད་འདུ་བར་མཛོད་ཅིག་ཅེས་སོ་ཞེས་པ་ནི་ཚུལ་ཤིང་བྲིམ་པ་བསྐོ་བ་དང་། འབྲིམ་#པར་བསྐོས་པ་དེས་སྡེ་གཉིས་ཀྱི་ཚུལ་ཤིང་འདི་ལྟར་བྱ་བ་དང་དགེ་འདུན་བསྡུ་བའི་སྙད་འདི་སྐད་དུ་གྱིས་ཤིག་པའོ། །དད་པ་འབུལ་ཤིང་
[248b.4]བསྡུ་བའི་ཉམས་#དྲོད་ལས་ནི་ཅི་ནས་ཀྱང་ཆོས་མ་ཡིན་པའི་ཚུལ་ཤིང་ལྷག་པ་གཏན་མི་བྲིམ་#ཞེས་པ་ནི་དད་པས་བསྡུས་པ་ལ་སོགས་པའི་ཉམས་#དྲོད་ལས་ཆོས་མ་ཡིན་པའི་ཕྱོགས་རྟག་ཏུ་བྱེད་ན་ཚུལ་ཤིང་མ་བྲིམ་ཤིག་པའོ། །འབྲིམ་#པའི་ཚེ་ཆོས་ཀྱི་ཚུལ་ཤིང་ལག་པ་གཡས་པས་
[248b.5]ཅིག་ཤོས་ནི་གཡོན་པས་སོ་ཞེས་པ་ནི་ཆོས་ཡིན་པ་དང་མ་ཡིན་པའི་ཚུལ་ཤིང་ལག་པ་གཡས་གཡོན་དུ་བསྐུར་#བའི་ཐབས་ཀྱང་འདི་ལྟར་གྱིས་ཤིག་པའོ། །འདི་བཀབ་#ལ་དེ་ནས་སྐད་སྦྱར་ཞིང་བསྟན་ཞེས་པ་ནི་ཆོས་ཡིན་པའི་ཚུལ་ཤིང་ལག་པ་གཡས་གཡོན་གང་ན་ཡོད་པ་
[248b.6]ལ་སོགས་པ་སྔ་ནས་བསྟན་ཅིང་སྐད་སྦྱོར་ཅིག་པའོ། །སྐད་སྦྱོར་བའི་ཐབས་ཇི་ལྟར་བྱ་ཞེ་ན། གནས་བརྟན་འདི་ནི་ཆོས་ཀྱི་ཚུལ་ཤིང་སྟེ་མི་སྒུ་མི་ཡོ་#མི་འཁྱོར་ལ་མདོག་བཟང་དྲི་ཞིམ་འཇམ་རབ་ཀྱིས་བར་ཤེས་ཤིག་ཅེས་སོ་ཞེས་པ་ཡིན་ཏེ། སྐད་སྦྱར་ཞིང་ཆོས་ཀྱི་ཚུལ་
[248b.7]ཤིང་ལེན་དུ་གཞུག་པའི་ཐབས་འདི་ལྟར་གྱིས་ཤིག་པའོ། །ཅིག་ཤོས་སློང་ན་ཚིག་ལན་གཉིས་ཀྱི་བར་དུ་མི་སྦྱིན་ཞེས་པ་ནི་ཆོས་མ་ཡིན་པའི་ཚུལ་ཤིང་ལེན་ན་ཚིག་ལན་གཉིས་ཀྱི་བར་དུ་གྱིས་ཤིག་པའོ། །དགབ་ཅིང་དབྱེ་བ་ཇི་ལྟར་ཡང་རུང་སྟེ། ཅི་ནས་ཀྱང་ཆོས་ཀྱི་
[249a]
[249a.1]ཡུས་སུ་བྱུང་བར་བྱ་ཞེས་པ་ནི་དགབ་པ་དང་ཇི་ལྟར་བྱས་ཀྱང་རུང་སྟེ། མདོར་ན་ཇི་ནས་ཆོས་ཀྱི་ཡུས་སུ་འབྱུང་བའི་ཚུལ་གྱིས་གྱིས་ཤིག་པའོ། །ཚེ་དང་ལྡན་པ་མཁན་པོ་དང་སློབ་དཔོན་དང་མཁན་པོ་གཅིག་པ་དང་། གཏམ་ཟླ་དང་བྲེ་མོ་གཏམ་གྱི་#ཟླ་དང་། བཤེས་དང་
[249a.2]གཅུགས་#པ་རྣམས་ཀྱིས་ཀྱང་ཆོས་ཀྱི་ཚུལ་ཤིང་བླངས་ཟིན་པས་ན་དེ་#དག་དང་། འཁོན་ཏ་རེ་ཞེས་རྣ་བར་གཤུབ་ཅིང་ཆོས་ཀྱི་ཚུལ་ཤིང་ལེན་དུ་གཟུད་ཅེས་པ་ནི་དགེ་སློང་ཕལ་ཡང་ཆོས་ཀྱི་#ཚུལ་ཤིང་ལེན་དུ་གཟུད་པའི་ཐབས་དང་སྙད་འདི་ལྟར་གྱིས་ཤིག་པའོ། །ཆོས་མ་ཡིན་པའི་ཚུལ་ཤིང་མི་
[249a.3]བླང་ཞེས་པ་ནི་ཆོས་མ་ཡིན་པའི་ཚུལ་ཤིང་ཡང་#མ་ལེན་ཅིག་པའོ། །མདོ་དང་འདུལ་བ་དང་མདོ་སྡེ་འཛིན་པ་ལ་མ་དྲིས་པར་མ་ཡིན་ཞེས་པ་དང་། དབྱེ་བར་དགའ་བ་མ་ཡིན་ཞེས་པ་དང་། ཆོས་མ་ཡིན་པས་མ་ཡིན་ཞེས་པ་ནི་མདོ་སྡེ་འཛིན་པ་ལ་སོགས་པ་སྔ་ནས་མ་དྲིས་པ་དང་། བྱེ་ཡང་བླ་བ་
[249a.4]དང་། ཆོས་མ་ཡིན་པར་བསམས་ཏེ་ཚུལ་ཤིང་ལེན་པར་མ་བྱེད་ཅིག་པའོ། །འདི་དག་ཏུ་འགྱུར་བ་ཤེས་ནའང་མ་ཡིན་ཞེས་པ་ནི་དེའི་མོད་ལ་ནི་#མ་ཡིན་གྱི་#ཕྱིས་ཆོས་མ་ཡིན་པ་དང་། དགེ་འདུན་དབྱེ་བར་འོང་བ་ལྟ་ནའང་མ་ལེན་ཅིག་པའོ། །མཉམ་ན་ཉན་ཐོས་ཆེན་པོའི་ཕྱིར་ཚུལ་ཤིང་
[249a.5]གཅིག་བླང་ཞེས་པ་ནི་མཉམ་པ་ཞིག་ཏུ་གྱུར་ན་ཉན་ཐོས་ཆེན་པོའི་ཚུལ་ཤིང་གཅིག་ཆོས་ཡིན་པའི་ཕྱོགས་ཀྱི་ཁར་སྣོན་ཅིག་པའོ། །ཆོས་མ་ཡིན་པས་དེ་ལྟར་ཞི་ནའང་མི་བསྐྱར་ཞེས་པ་ནི་མདོར་ན་ཆོས་མ་ཡིན་པའི་ཕྱོགས་སུ་བྱིན་པས་ཞི་བར་གྱུར་ནའང་དེ་བཞིན་དུ་གྱིས་ཤིག་པའོ། །མི་
[249a.6]འདུམ་བར་རྩོད་པ་ཞི་བར་བྱ་བའི་ཆོ་ག་ནི་དེ་ལྟར་བསྟན་ནས། གོང་དུ་ལུང་མི་སྟེར་བ་རྩོད་པ་ནི་འདི་དང་གསང་བས་སོ་ཞེས་སྨོས་པ་ལ་རྣམ་པ་གཅིག་གིས་གོང་དུ་བསྟན་པ་ཡིན་གསང་བ་སྟོན་པ་ནི་མ་ཉེས་པར་གླེངས་ན་གཙང་#ཞེས་པ་ཡིན་ཏེ། མ་ཉེས་པ་ལ་གླེངས་ན་དྲན་པ་དང་མ་རྨོངས་#པས་
[249a.7]སོང་ཤིག་པའོ། །མ་ཉེས་པར་#གླེངས་པ་དེ་ལ་རྣམ་པ་དུ་ཡོད་ཅེ་ན་གླེང་བ་#དེ་ནི་རྣམ་པ་བཞི་སྟེ། དངོས་པོ་མེད་པ་དང་། ནོར་བའི་དབང་དང་། བཅོས་པ་ལ་མ་ལྟོས་པ་དང་། སྨོས་པས་བྱས་པ་རྣམས་སོ་ཞེས་པ་ཡིན་ཏེ། རྣམ་པ་འདི་བཞི་ལྟ་བུས་གླེངས་ན་མ་ཉེས་པ་ལ་གླེངས་པ་ཞེས་
[249b]
[249b.1]བྱའོ། །དེ་ལ་དངོས་པོ་མེད་ཅེས་པ་ནི་ཉེས་པའི་དམིགས་ཡེ་མེད་པའོ། །ནོར་བའི་དབང་ཞེས་པ་ནི་ལྷག་མ་བྱས་པ་ལ་ལྟུང་བ་བྱས་སོ་ཞེས་ཟེར་བ་ལྟ་བུར་བརྒལ་བ་ནོར་བའོ། །བཅོས་པ་#མ་ལྟོས་ཞེས་པ་ནི་ཉེས་པའི་གཉེན་པོ་བྱས་ཟིན་པའི་འོག་ཏུ་གླེང་ཞིང་རྒོལ་བའོ། །སྨོས་པས་བྱས་ཞེས་པ་ནི་
[249b.2]སྨོས་ཏེ་མ་དྲན་པའི་ཚེ་ཉེས་བྱས་པའོ། །དེ་བཞི་ལྟ་བུས་བརྒལ་ན་གཙང་བའི་ཐབས་ཇི་ལྟར་བྱ་ཞེ་ན། དངོས་པོ་གསུམ་ནི་དྲན་པའི་འདུལ་བ་བྱིན་པས་ཤེས་པ་དང་ཐ་མ་ནི་མ་རྨོངས་པའི་འདུལ་བ་བྱིན་པས་ཞེས་པ་ཡིན་ཏེ། དངོས་པོ་མེད་པ་དང་ནོར་བ་དང་བཅོས་བ་ལ་མ་ལྟོས་པ་
[249b.3]ཉེས་པ་གསུམ་ནི་ཉེས་པར་མི་དྲན་ཞེའམ་ཉེས་བྱས་སུ་མི་དྲན་ཞེས་ཟེར་ན་དེ་སྐད་དུ་ཟེར་བ་དང་སྦྱར་ཏེ་གཙང་བའོ། །སྨོས་པས་#བྱས་པ་ནི་མ་སྨོས་ཤིང་དྲན་པའི་ཚེ་ཉེས་བྱས་སུ་མི་དྲན་པའོ་ཞེས་ཟེར་ན་དེའི་ཁར་བོར་ལ་གཙང་བའོ། །ལྟུང་བའི་རྩོད་པ་སྟོན་#པ་ནི་ཉེས་པ་ཅན་གྱིས་འཁྲུག་#པ་ནི་
[249b.4]གསུམ་སྟེ། ས་མེད་པ་དང་གཅུགས་#ཡོད་པ་ལ་གཉིས་ཏེ། ཕྱོགས་གཅིག་པ་དང་། དགེ་འདུན་ཐམས་ཅད་པའོ་ཞེས་པ་ཡིན་ཏེ། མིང་གིས་སྨོས་པ་འདི་རྣམས་གསུམ་ནི་ལྟུང་བའི་རྩོད་པ་ཡིན་པའོ། །དེ་ལ་བཅུགས་ཞེས་བྱ་བ་ཇི་ལྟ་བུ་ཞེ་ན། ཕྱོགས་ཕྱོགས་སུ་ཆད་པའོ་ཞེས་
[249b.5]པ་ཡིན་ཏེ། དགེ་འདུན་སེར་#སྡེར་ཆད་པ་གཅུགས་#པ་ཡིན་པའོ། །དེ་དག་གི་གཉེན་པོ་སྟོན་པ་ནི་དངོས་པོ་ནི་ཁས་བླངས་བ་གཉེན་པོའོ་ཞེས་པ་ལ་སོགས་པ་ཡིན་ཏེ། དེ་ལ་གཅུགས་#མེད་པ་ནི་བདག་གིས་ཉེས་སོ་ཞེས་ཁས་བླངས་པ་གཉེན་པོར་འགྱུར་བའོ། །གཉིས་པ་
[249b.6]ནི་མངོན་སུམ་གྱིས་འདུལ་བའོ་ཞེས་པ་ནི་ཕྱོགས་གཅིག་གི་གཅུགས་#སུ་འགྱུར་བའི་ཉེས་པ་ནི་གླེང་བ་#དང་བཅས་ཏེ་དགེ་འདུན་གྱི་སྤྱན་སྔར་བཀུག་ཅིང་སྨྲ་ཞིང་སྦྱངས་པས་འདུམ་བ་ཡིན་ནོ། །གསུམ་པ་ནི་རྩྭ་བཏིང་བའོ་ཞེས་པ་ནི་དགེ་འདུན་ཐམས་ཅད་ཀྱི་གཅུགས་#སུ་འགྱུར་
[249b.7]བའི་ཉེས་པ་ནི་རྩྭ་བསྙིལ་བ་དང་འདྲ་བར་ནང་འདུམ་བ་གཉེན་བོར་འགྱུར་བའོ། །དེ་ནང་འདུམ་པའི་ཚེ་ཉེས་པ་བཤགས་པའི་ཐབས་ཇི་ལྟར་བྱ་ཞེ་ན། མང་བོའི་དོན་དུ་ནི་གཅིག་གིས་དགེ་འདུན་མ་ཡིན་པ་ལ་བཤགས་པའི་གཉེན་པོ་བྱ་ཞེས་པ་ཡིན་ཏེ། གང་ལ་ཉེས་པ་ཡོད་པའི་
[250a]
[250a.1]ཕྱོགས་ཀྱི་ནང་ནས་གཅིག་ཅིག་གིས་ཐམས་ཅད་ཀྱི་#དོན་དུ་དགེ་འདུན་ལ་བཤགས་པ་མ་ཡིན་པའི་གང་ཟག་ལ་བཤགས་པ་རྣམས་བཤག་#པར་གྱིས་ཤིག་པའོ། །དུ་མ་ནི་ཅིག་#ཅར་དུའོ་ཞེས་པ་ནི་ཉེས་པའི་སྣ་གྲངས་དུ་མ་ཡོད་པ་ཡང་དེ་ལྟ་བུའི་ཚེ་ཅིག་ཅར་དུ་བཤགས་ཤིག་
[250a.2]པའོ། །ཅིག་ཅར་དུ་བཤགས་པའི་སྙད་ཇི་སྐད་དུ་བྱ་ཞེ་ན། གང་ཉེས་པ་སྨོས་པ་དང་ཤེས་པར་བྱ་བས་སོ་ཞེས་པ་ཡིན་ཏེ། གང་གང་ཡིན་པ་དང་གང་ཟག་སུ་སུས་ཉེས་པ་རྣམས་སྨོས་ཤིང་ཕ་རོལ་གྱིས་གོ་བར་གྱིས་ཤིག་པའོ། །དེ་དག་ལྟར་བྱ་བ་གང་གི་ཚེ་ཞེས། ཕྱོགས་ཐ་དད་པ་དུ་མ་
[250a.3]ནའོ་#ཞེས་པ་ཡིན་ཏེ། ཕྱོགས་སོ་སོར་ཆད་པ་རྣམས་འདུམ་ན་གདོད་དེ་ལྟར་གྱིས་ཤིག་པའོ། །ཁས་མ་བླངས་པ་དང་གྱི་ན་པ་ནི་བཤགས་པར་མི་འགྱུར་ཞེས་པ་ནི་ཉེས་པ་ཡོད་པར་ཁས་བླངས་པ་དང་། ཉེས་མེད་པར་ཁས་བླངས་ཏེ་གྱི་ནར་བཤགས་པ་ནི་བཤགས་པར་མི་འགྱུར་བའོ། །ཅིག་
[250a.4]ཅར་དུ་གླེང་དུ་རུང་ཞེས་པ་ནི་ཉེས་པ་དུ་མའང་གང་ཟག་དུ་མ་ལ་གླེང་བ་ཅིག་ཅར་དུ་བྱར་རུང་བའོ། །གླེང་བ་ཡང་དེ་བཞིན་ཞེས་པ་ནི་གང་ཟག་གཅིག་ལ་གླེང་བ་པ་དུ་མས་གླེང་དུའང་རུང་བའོ། །དེ་ལྟར་རུང་བའི་གྲངས་སུ་མ་ཆད་ཀྱི་ཞེ་ན། འདིར་འདིའི་གྲངས་ཆད་པ་མེད་ཅེས་པ་ཡིན་ཏེ། དུས་
[250a.5]གླེང་དུའང་རུང་སྟེ་གྲངས་ཆད་པ་མེད་པའོ། །ལུས་དང་ངག་ཏུ་བསྡམས་པ་དང་སྡེ་སྣོད་རྣམས་ཤེས་པ་དང་། དགེ་འདུན་གྱི་དབུས་སུ་སྙིང་ནས་ཆོས་དང་འདུལ་བ་དང་དེ་ལས་ལོག་པ་རྣམས་ལོག་པར་མི་སྒྲོག་#པ་གསུམ་དང་ལྡན་པའི་གླེང་བ་པ་ནི་བརྩན་#པར་བྱ་ཞེས་པ་ནི་རྣམ་པ་འདི་གསུམ་ལྟ་བུའི་
[250a.6]གླེང་བའི་བརྩན་པར་གྱིས་ཤིག་པའོ། །དེ་པ་#ཆོས་ཤེས་ལ་#ནི་དངོས་པོའི་དོན་ཏོ། །འདུལ་བ་ཤེས་པ་ནི་སྤྱད་པའི་ཆོ་གའོ། །ཚུལ་ཁྲིམས་ཉམས་པ་དང་ལོག་པར་སྒྲོགས་པ་ནི་གཅད་#ཞེས་པ་ནི་ཚུལ་ཁྲིམས་ཉམས་པ་#དང་ལོག་པར་སྨྲ་བས་གླེངས་ནས་དགེ་འདུན་གྱིས་མཉན་པར་འཕྲལ་དུ་
[250a.7]ཆོད་ཅིག་#པའོ། །འདི་ལྟ་བུ་མ་ཡིན་ཞིང་སྡེ་སྣོད་འཛིན་ལ་མི་ཤེས་པ་ནི་ཤད་ཀྱིས་སྦྱང་ཞེས་པ་ནི་ལུས་དང་ངག་བསྡམས་པ་ཡང་མ་ཡིན་ལ་ལོག་པར་སྒྲོགས་པའང་མ་ཡིན་པ་དང་སྡེ་སྣོད་ནི་འཛིན་ལ་དེའི་དོན་མི་ཤེས་པས་གླེངས་ན་ནི་མ་ཉེས་པར་ཤད་#ཀྱིས་སྦྱོངས་ཤིག་པའོ། །རྣམ་པ་གསུམ་
[250b]
[250b.1]དང་ལྡན་པའི་གླེངས་པར་བརྩན་པར་བྱ་བ་ཡང་བརྟག་#མི་དགོས་པར་དེའི་ཁ་ཐབས་སུ་འདོར་རམ་ཞེ་ན། འདིའི་བསམ་པའང་བརྟག་པར་མི་#བྱ་ཞེས་པ་ཡིན་ཏེ། དེ་གསུམ་དང་ལྡན་པས་རྒོལ་དུ་ཟིན་ཀྱང་བརྒལ་བ་དམིགས་སུ་ཕེབས་སམ་མ་ཕེབས་པ་ནི་རྟོགས་ཤིག་པའོ། །ཇིས་བརྟག་ཅེ་ན་
[250b.2]དམིགས་སུ་མ་#ཕེབས་པའོ་ཞེས་པ་ཡིན་ཏེ#། དེས་གླེངས་པའང་དམིགས་སུ་ཕེབས་ན་བརྒལ་དུ་ཟིན་ཀྱང་མ་བརྩན་པའོ། །དེ་ལ་དམིགས་པ་གང་ཞེ་ན། ཡུལ་དུས་སྤྱོད་ལམ་བྱས་པ་ནི་དམིགས་སོ་#ཞེས་པ་ཡིན་ཏེ། འདི་རྣམས་ཀྱི་དམིགས་སུ་ཕེབས་ན་ནི་དམིགས་སུ་ཕེབས་པ་ཡིན་པའོ། །
[250b.3]དེ་ལ་ཡུལ་ཞེས་པ་ནི་ལྐོག་ཡིན་ནམ་མ་ཡིན་པ་དང་ལམ་ཀ་ཡིན་པ་ལྟ་བུའོ། །དུས་ཤེས་པ་ནི་ཉིན་པར་རམ་མཚན་མོ་ལྟ་བུའོ། །སྤྱོད་ལམ་ཤེས་པ་ནི་འགྲེང་#ངམ་འདུག་པ་ལྟ་བུའོ། །བྱས་ཞེས་པ་ནི་ཕམ་པ་འམ་ལྷག་མ་ལ་སོགས་པ་བྱས་པའོ། །ཐོད་རྒལ་དང་རྔན་སྡང་གིས་
[250b.4]གླེང་བ་ནི་མི་སྐྱེ་ཞེས་པ་ནི་ཆེད་ཅི་ཟེར་བ་#ལྟ་བུར་ཚིག་འཁྲུལ་པ་དང་ཁོན་#ཡོད་པའི་ཕྱིར་གླེང་བ་ནི་གླེང་བར་མི་ཚུད་དེ་མི་བརྩན་#པའོ། །གླེངས་ཏེ་ཁས་བླངས་ན་ཟིན་པའོ་ཞེས་པ་ནི་གླེངས་པ་དང་ཉེས་པ་ཡོད་པ་བདེན་ནོ་ཞེས་ཁས་བླངས་པ་ནི་གླེང་བའི་མཐའ་#འམ་གླེང་བའི་མཇུག་#
[250b.5]ཉིད་དེ་ཡིན་པའོ། །བདེན་པ་མཐོང་བ་དང་ཡོན་ཏན་གྱི་ཁྱད་ཞུགས་པ་གང་ཡང་རུང་བས་སྨྲ་བ་ནི་ཁྱིམ་པ་ཞིག་ནའང་ཚད་མར་བྱ་ཞེས་པ་གླེང་བ་དུས་དང་དངོས་པོ་གཉིས་ལ་བདེན་པའམ་མཐོང་བ་དང་མ་#མཐོང་བའི་ཁྱད་ཡོད་དམ། ཡོན་ཏན་ཆེ་ཆུང་གིས་#ཞི་བར་བྱ་
[250b.6]བའི་ཕྱིར་མི་འབད་བ་མ་ཡིན་ཞེས་པ་ནི་རྩོད་པར་གྱུར་ཏེ། ཆོ་ག་ལ་གཅུགས་#པའི་ནན་མ་ཆུང་ཤིག# ། རྩོད་པའི་དངོས་པོའོ།། །།རྩོད་པའི་དངོས་པོ་ཞུས་པ་ལས་འབྱུང་བ་བསྡུས་ཏེ་སྟོན་པ་ནི་བྱ་བས་རྩོད་པ་ནི་ཞིའོ་ཅོག་འདུ་ཞེས་པ་ལ་སོགས་པ་ཡིན་ཏེ། བྱ་བ་རྩོད་
[250b.7]ཅེས་བྱ་བ་ནི་འདུར་མི་བཏུབ་པའི་ཕྱིར་རྩོད་པ་ཡིན་ཏེ། མི་མཐུན་པས་རྩོད་པའི་ཕྱིར་ཡང་#འདུ་དགོས་སྤང་བ་ལ་རྩོད་པའི་ཕྱིར་ཡང་འདུ་ཉེས་པ་ཅན་གྱི་ཕྱིར་ཡང་འདུ་དགོས་པས་ན་བྱ་བ་ལ་སོགས་པ་ནི་ཞི་བའོ་ཅོག་འདུལ་བར་འགྱུར་བའོ། །བསྐང་བར་མི་འོས་པ་ནི་དགེ་
[251a]
[251a.1]འདུན་གྱི་བྱ་བ་ལ་གཟུ་བོར་མ་ཡིན་ཞེས་པ་ནི་བསྙེན་པར་མ་#རྫོགས་པ་དང་ཞིག་པ་ལ་སོགས་པ་ལ་བསྐང་བར་མི་འོས་པ་ནི་གཟུ་བོར་ཡང་མི་ཆུད་པའོ། །འོག་མ་རྣམས་ནི་བསྙེན་པར་རྫོགས་པས་དབང་བྱའོ་ཞེས་པ་དང་། བུད་མེད་ཀྱི་ལ་ཡང་སྐྱེས་པ་དབང་ངོ་ཞེས་པ་ནི་དགེ་ཚུལ་ལ་
[251a.2]སོགས་པ་ཆད་པས་གཅོད་པའི་དབང་བསྙེན་པར་རྫོགས་པས་བྱ་བ་དང་། དགེ་སློང་མ་ཆད་པས་གཅད་#པའི་དབང་དགེ་སློང་གིས་གྱིས་ཤིག་པའོ། །འཚོ་བའམ་བསྙེན་པར་རྫོགས་པ་ཉམས་ན་ཞི་བར་འགྱུར་བར་ཤེས་པ་ནི་ཤི་བའམ་བབས་ན་རྩོད་པའང་འཇིག་པའོ། །སྦང[སྤང་]བར་འགྱུར་བ་དང་།
[251a.3]ཕྱོགས་གཞན་ཡན་ཆད་ཀྱང་ཞེས་པ་ནི་སྤང་བར་གྱུར་པ་དང་། ཕྱོགས་གཞན་དུ་གྱུར་པ་ཡན་ཆད་ཀྱིས་ཀྱང་རྩོད་པ་རང་འཇིག་པར་སྟོན་པའོ། །གུང་དུ་#སོང་བ་དང་ནད་ཡུན་རིངས་ཀྱིས་ཐེབས་ན་ཡང་ཞེས་པ་ནི་སོགས་པ་ཡིན་ཏེ། མི་ལོངས་པའང་ཀུངས་སོའི་#ཞེས་པ་ནི་གོང་མ་ལྟར་གུད་དུ་སོང་བའམ་ནད་ཀྱིས་
[251a.4]ཐེབས་པ་ལ་སོགས་པ་བརྒལ་བའམ་རྒོལ་བ་གང་ཡང་རུང་བ་ཅིག་དེ་ལྟར་གྱུར་ན་རྩོད་པ་རང་འཇིག་གོ། །རྩོད་པའི་དངོས་པོ་ཞུས་པའོ།། །།གནས་ཀྱི་དངོས་པོ་སྟོན་པ་ནི་སོ་སོར་ཐར་པའི་སྡོམ་པ་བས་མཆོག་པ་ལ་རབ་ཏུ་བྱུང་བས་ཕྱག་བྱ་ཞེས་པ་ལ་སོགས་པ་ཡིན་ཏེ། མཚུངས་ན་རྒན་པ་ལའོ་ཞེས་པ་
[251a.5]དང་མཚན་གཞན་པ་ལ་མ་ཡིན་ཞེས་པ་ནི་སོ་སོར་ཐར་པའི་སྡོམ་པ་མཚུངས་ཀྱང་གང་རྒན་རབས་ལ་ཕྱག་བྱ་བ་དང་མཚན་ཐ་དང་པ་སྟེ་བུད་མེད་ལ་ནི་མ་ཡིན་པའོ། །སྐྱེས་པ་མི་དམའ་བ་ལ་བུད་མེད་ཀྱིས་ཞེས་པ་ནི་སོ་སོར་ཐར་པའི་སྡོམ་པ་ལས་མི་དམའ་བའི་དགེ་སློང་གསར་བུ་ཞིག་ཡིན་ན་ཡང་དགེ་སློང་
[251a.6]མ་ཡིས་ཕྱག་གྱིས་ཤིག་པའོ། །ས་གཞན་ལ་གནས་པ་ཞིག་པ་དགེ་སློང་མས་བསླུས་པ་ཆོས་མ་ཡིན་པའི་ཕྱོགས་དུ་མར་གནས་པ་མཚམས་མེད་པ་བྱས་པ་ཉལ་བ་མཉམ་པར་གཞག་པ་འབྲེལ་པ་ཡེངས་པ་རྒྱབ་ཀྱིས་ལྟ་བ་གྲོང་ན་གནས་པ། ཟས་ལ་བཀད་པ་རྣམས་མ་གཏོགས་ཞེས་པ་ནི་མིང་
[251a.7]གིས་སྨོས་པ་འདི་རྣམས་ཀྱི་གནས་ན་འདུག་པ་ནི་ཕྱག་བྱ་བ་ལ་མ་གཏོགས་#པའོ། །རབ་ཏུ་བྱུང་བ་ལ་ཁྱིམ་པས་ཞེས་པ་ནི་རབ་ཏུ་བྱུང་བ་ལ་ནི་#ཁྱིམ་པའོ་ཅོག་གིས་ཕྱག་གྱིས་ཤིག་པའོ། །སངས་རྒྱས་ལ་ནི་ཐམས་ཅད་ཀྱིས་སོ་ཞེས་པ་ནི་སངས་རྒྱས་ལ་ནི་ཐམས་ཅད་ཀྱིས་ཕྱག་གྱིས་ཤིག་པའོ། །ཕྱག་
[251b]
[251b.1]བྱ་བ་དང་། མི་བྱ་བ་རྣམས་དེ་ལྟར་བསྟན་ནས་གཙུག་ལག་ཁང་གི་ཡན་ལག་དུ་བྱ་བའོ་ཅོག་སྟོན་པ་ནི་གཙུག་ལག་ཁང་བྱ་ཞེས་པ་དང་། ངོས་གཅིག་གི་#དབུས་སུ་དྲི་གཙང་ཁང་བྱ་ཞེས་པ་དང་། དེའི་ཐད་ཀར་སྒོ་ཁང་ཞེས་པ་དང་། གྲུ་བཞི་ནི་དགེ་ཞེས་པ་#ནི་གཙུག་ལག་ཁང་གྲུ་བཞིར་བྱས་པ་ངོས་
[251b.2]གཅིག་གི་#དབུས་སུ་དྲི་གཙང་ཁང་རྩིག་#ཅིང་དེ་དང་བྱང་སྟད་#ཀྱི་མདུན་དུ་སྒོ་ཁང་གྱིས་ཤིག་པའོ། །ངོས་གསུམ་པ་ཡང་ཞེས་པ་ནི་#གཙུག་ལག་ཁང་གྲུ་བཞིར་འདུག་པ་ལ་ངོས་གསུམ་ནི་དྲི་གཙང་ཁང་དང་གནས་ཁང་བྱས་ལ། སྒོ་རོལ་གྱི་ངོས་གཅིག་གནས་ཁང་ཁྱད་ཞུགས་ན་ཁྱིམ་པར་ཟིན་
[251b.3]གྱིས་ཀྱང་དེའི་ཁ་ཐབས་སུ་འོར་ཅིག་པའོ། །ཆེ་བཞིས་ཕྱེ་ནའོ་ཞེས་པ་ནི་#ཕྱེ་བའང་བརྩན་#པར་གྱིས་ཤིག་པའོ། །ཐེ་ཚོམ་པ་#དེས་པ་མ་ཡིན་ཞེས་པ་ནི་ཉེས་སམ་མ་ཉེས་སུ་མ་ངེས་ཏེ། ཐེ་ཚོམ་ཡོད་བཞིན་པ་ནི་ངེས་པ་ཞེས་པ་ཉིད་མ་ཡིན་པས་བརྒལ་ཀྱང་མི་བརྩན་#པ་སྟེ་དངོས་སུ་ནི་ཀ་རའི་ཆུ་ལ་སྐྱོ་
[251b.4]མར་ནོར་བ་ལྟ་བུའོ། །འདི་ནི་ཁས་བླངས་པ་བཞིན་དུ་ངེས་པའོ་ཞེས་པ་ནི་དབེན་པ་མཐོང་བས་#ཕྱེ་བ་ནི་ཁས་བླངས་པ་བཞིན་དུ་གཙིགས་ཆེ་བའོ། །ཁས་མི་ལེན་པ་ནི་བསྙོན་པའོ་ཞེས་པ་ནི་སྔར་ཉེས་པ་ཡོད་པ་ཁས་བླངས་པ་ཕྱིས་བསྙོན་པ་ནི་སྔར་ཁས་བླངས་པ་དེ་མི་བརྩན་#པར་སྟོན་པའོ། །དེ་
[251b.5]ལྟ་བུར་བསྙོན་ངེས་པ་ལ་ཐབས་ཇི་ལྟ་བུར་བྱ་ཞེ་ན། དགེ་འདུན་ལ་ཁས་ལེན་ཅིང་བསྙོན་པ་ནི་རྟོག་ཏུ་གཞུག་ཅེས་པ་ཡིན་ཏེ། འདི་ལྟ་བུ་དེ་སེམས་སུ་ཆུག་ཤིག་པའོ། །དེའི་རང་བཞིན་ཚོལ་བ་ལ་ཕན་པའི་ཕྱིར་དེའི་རང་བཞིན་ཚོལ་བའོ་ཞེས་པ་ནི་དེ་ལྟར་གྱ་གྱུ་མེད་པ་དེ་ལ་ཕན་པའི་
[251b.6]ཕྱིར་དེའི་རང་བཞིན་ཚོལ་བ་ཞེས་བྱ་བ་ཡོང་ཡང་དེའི་ཕྱིར་བསྟན་པ་ཡིན་པར་སྟོན་པའོ། །ཁ་ཅིག་ནི་འདི་ལ་ཆད་པའི་ཚུལ་གྱིས་སོ་ཞེས་འཆད་དོ་ཞེས་པ་གོང་མ་ལྟར་དགེ་འདུན་ལ་གྱ་གྱུར་#བྱེད་པ་ནི་དགེ་འདུན་ཐམས་ཅད་འདུས་པ་ལ་དགེ་སློང་ཅིག་གིས་གསོལ་བར་བྱ་སྟེ#། ལས་སུ་བྱ་བ་ནི་
[251b.7]བཙུན་པའི་དགེ་འདུན་གསོན་ཅིག་དགེ་སློང་མེ་བཞི་སྐྱེས་འདི་དགེ་འདུན་གྱི་དབུས་སུ་ཁས་ལེན་ཅིང་བསྙོན་པས་ན་དགེ་འདུན་གྱིས་འདིར་རང་བཞིན་ཚོལ་དུ་གཞུག་གོ་ཞེས་འབྱུང་གི་མེ་བཞི་སྐྱེས་རྒན་རབས་ལ་དེའི་རང་བཞིན་བཙལ་བར་གསོལ་ལོ་ཞེས་མི་འབྱུང་བས་ན། དེའི་རང་བཞིན་ཚོལ་
[252a]
[252a.1]དུ་གཞུག་པ་ཡང་ཆད་པའི་ཚུལ་ཡིན་ནོ་ཞེས་སློབ་དཔོན་ཁ་ཅིག་འཆད་པར་སྟོན་པའོ། །དེ་ནི་མདོ་དང་འགལ་བའི་ཕྱིར་མི་བཟང་ཞེས་པ་ནི་གོང་མ་སྐད་དུ་བྱ་བ་ཡང་ཀུན་དགའ་བོ་དགེ་སློང་འགའ་ཞིག་དགེ་འདུན་གྱི་#དབུས་སུ་ཁས་ལེན་ཅིང་ཡང་ལེན་ཀྱང་བསྙོན་པར་བྱེད་ན་དགེ་སློང་དེ་ལ་ཚེ་
[252a.2]དང་ལྡན་པ་ཁྱོད་ཀྱིས་མ་#རྙེད་པས་ན་ལེགས་པར་མ་རྙེད་ཀྱི་#ཉེས་པ་རྙེད་ཀྱིས་དགེ་འདུན་གྱི་ནང་དུ་སོང་ལ་དེའི་རང་བཞིན་ཚོལ་བར་གསོལ་ཅིག་ཅེས་བསྒོ་བར་བྱའོ། །དེའི་དགེ་འདུན་གྱི་ནང་དུ་སོང་ལ་དེའི་རང་བཞིན་བཙལ་བ་#གསོལ་ལོ། །དགེ་འདུན་གྱིས་ཀྱང་ཆོས་དང་། འདུལ་བ་བཞིན་དུ་
[252a.3]དེའི་རང་བཞིན་ཚོལ་བ་དབོག་གོ་ཞེས་འབྱུང་བས་ན། གཞུང་ལས་འདི་སྐད་དུ་འབྱུང་བ་དང་འགལ་བའི་ཕྱིར་གོང་མ་སྐད་དུ་འཆད་པ་དེ་མི་རུང་བར་#སྟོན་པའོ། །གལ་ཏེ་གོང་མ་ལྟར་འཆད་པའི་ཚུལ་ཡིན་ན་ཆད་པ་རྣམ་པ་བདུན་གྱིས་#དཀྱུས་སུ་ཅིའི་ཕྱིར་མ་སྨོས་ཤེ་ན། ཞི་བར་བྱ་བའི་ཕྱིར་ཐ་དད་དུ་བྱའོ་ཞེ་ན་མི་འདོད་
[252a.4]པས་སོ་ཞེས་པ་ཡིན་ཏེ། གོང་མ་ལྟར་དེའི་རང་བཞིན་ཚོལ་བ་ཡང་ཞི་བར་བྱེད་པ་ཙམ་དུ་ཟད་པས་དཀྱུས་སུ་ནི་དེ་ལྟར་མ་སྨོས་སོ་ཞེས་ཟེར་ན་ཡང་དེ་ལྟར་མི་བཏུབ་པའི་ཕྱིར་མི་རུང་བར་སྟོན་པའོ། །ཇི་ལྟར་མི་རུང་ཞེ་ན། སྤྱོ་པ་ལ་སོགས་པའང་དེ་ལྟར་མ་བཞག་པའི་ཕྱིར་རོ་ཞེས་པ་ཡིན་ཏེ། སྤྱོ་བ་ལ་སོགས་པའི་
[252a.5]ཚད་#ལས་ཀྱང་འཐབ་པ་ལ་སོགས་པ་ཞི་བར་བྱེད་པ་ལྟ་བུ་ཡིན་མོད་ཀྱི་བདུན་གྱི་དཀྱུས་ནས་མ་བཀོལ་བའི་ཕྱིར་གོང་མ་སྐད་དུ་བྱ་བ་ཡང་མི་རུང་བའོ། །དེའི་རང་བཞིན་ཚོལ་བ་དེ་ཉེས་པར་མ་མཐོང་ངོ་ཞེས་ཟེར་བའི་ཕྱིར་བསྙོན་པའི་#ཆད་པས་གཅོད་པའོ་ཞེས་ཟེར་ན་ཡང་འགལ་བར་སྟོན་པ་ནི་ཁས་བླངས་
[252a.6]ཤིང་བསྙོན་པར་ངོ་ཟིན་པའི་གྲགས་པ་ཡང་མ་མཐོང་བར་འགྱུར་བས་སོ་ཞེས་པ་ཡིན་ཏེ། དེ་ལྟར་བསྙོན་པར་མཐོང་ཞིང་ཉེས་པར་གྲགས་པ་ཡང་མ་མཐོང་ངོ་ཞེས་ཟེར་བ་ཡིན་པས་ན། བཀར་བས་གཅད་པ་ལ་ཐུག་གི་དེའི་རང་བཞིན་ཚོལ་བ་ཡང་མི་འགྱུར་བའི་ཕྱིར་རོ། །#མེད་པའི་ཕྱལ་པོར་འདུག་པ་
[252a.7]ལྟ་བུར་བྱས་ཀྱང་བླ་བའོ། །བླང་ཞེས་པ་དང་། གཙུག་ལག་ཁང་དུ་གནས་ཞེས་པ་ནི་གཙུག་ལག་ཁང་ཕུལ་ན་བླང་དུ་རུང་བ་དང་གཙུག་ལག་ཁང་དུ་གནས་པར་གྱིས་ཤིག་པའོ། །དགེ་འདུན་གྱི་#གནས་སུ་གཞན་གྱིས་དགེ་འདུན་#དགེ་སློང་གང་ཟག་གི་ཕྱིར་གནས་ཀྱི་དངོས་པོ་བྱེད་ན་གནང་བར་བྱ་ཞེས་པ་དང་།
[252b]
[252b.1]གལ་ཏེ་སྦྱིན་བདག་ཡོད་ན་ནི་དེས་གནང་ནའོ་ཞེས་པ་ནི་དགེ་འདུན་གྱི་#གནས་ཀྱི་ཟླ་ལ་དགེ་འདུན་ནམ་གང་ཟག་གི་གནས་གཞན་གྱིས་བརྩིགས་#ན་གནང་བར་བྱ་བ་དང་། སྦྱིན་བདག་ཉིད་ཡོད་ན་ནི་དེའི་ཁ་ཐབས་སུ་འོར་ཅིག་པའོ། །གྲོང་ཁྱེར་གྱི་ནང་ངམ་ཕྱི་རོལ་དུ་བསྟི་ཀར་#བྱར་རུང་ཞེས་པ་དང་བསྟི་ཁང་གི་གནས་
[252b.2]འདི་གཉིས་ཀར་བྱས་ཀྱང་བླ་བའོ། །བདག་གིས་ཁྲོན་པར་ན་འདོད་ཆགས་ཀྱི་རྐྱེན་སྤང་བའི་ཕྱིར་མདའ་ཡབ་བྱ་ཞེས་པ་དང་། བུད་མེད་ཆུ་སློང་ན་ཁ་གླུགས་སུ་མ་ཡིན་གྱི་#སྙིམ་པར་བླུད་ཅེས་པ་ནི་བདག་ཅག་གི་གནས་ན་ཁྲོན་པ་ཡོད་ལ་བུད་མེད་ལ་སོགས་པ་ཆུ་ཆུར་འོང་ན་མིག་ལམ་དུ་མི་བབ་པར་མདའ་
[252b.3]ཡབ་ཀྱིས་བཅད་ཅིང་བུད་མེད་ཆུ་སློང་བ་ལ་ཡང་སྦྱིན་པའི་ཐབས་འདི་ལྟར་གྱིས་ཤིག་པའོ། །དབྱར་གྱི་ཁོངས་སུ་འོང་ན་དེའི་རྙེད་པ་འོས་ཞེས་པ་དང་། དེའི་ཚེ་རྙེད་པ་ཡང་དབྱར་ཡུན་རིང་དུ་གནས་ན་ཞེས་པ་ནི་དབྱར་གྱི་ཁོངས་སུ་དགེ་སློང་གུད་ནས་འོངས་ལ་ཡུན་རིང་དུ་ལོན་ན་དེའི་རྙེད་པ་ལ་དབང་
[252b.4]བའོ། །རྙེད་པ་མ་ཡིན་པ་ཟས་ལས་སུ་མི་གཞུག་ཅེས་པ་དང་། རྙེད་པ་མ་འཐོབ་པ་ལ་ཡང་ཟས་ནི་སྦྱིན་ཞེས་པ་ནི་ཟས་ཉི་ཚེ་ཟས་ལ་རྙེད་པ་མི་འཐོབ་པ་ལས་སུ་མ་བསྐོ་#ཤིག་པའོ། །རྙེད་པ་མི་འཐོབ་པ་#ཡང་ཟས་ནི་མ་བཀྱིགས་པར་བྱིན་ཅིག་#པའོ།། །།གཞན་གྱིས་རྙེད་པར་མི་གཅེ་ན་ཅེས་
[252b.5]བ་དང་། དེའི་ཕྱིར་མ་ཡིན་པར་སོང་བ་ལས་གཙུག་ལག་ཁང་གཞན་གདུགས་ཚོད་བབ་སྟེ་ཟོས་པ་ནི་ཉེས་མེད་ཞེས་པ་དང་། ལོ་ཉེས་ཀྱི་ཚེ་ཉིད་ཀྱི་ནས་#མ་ཁྱེར་བ་ཡང་ཞེས་པ་དང་། །དགེ་སློང་གིས་#ཚད་ལས་ལྷག་པར་བླངས་ན་ཡང་ཞེས་པ་ནི་ཆེད་དུ་ཟན་བསྐུགས་#པའི་ཕྱིར་ནི་མ་ཡིན་
[252b.6]གྱི་དོན་ཆེད་གཞན་གྱི་ཕྱིར་སོང་སོང་བ་ལས་གདུགས་ཚོད་བབ་སྟེ་གཙུག་ལག་ཁང་གཞན་དུ་ཟོས་པ་དང་མུ་གེའི་ཚེ་ཚད་བཀར་ཟན་བསྐུགས་ཤིག་པ་#དང་། དགེ་སློང་གཞན་གྱི་ཁོང་འཐེབ་#ལ་ཟ་བ་ལ་མ་གཏོགས་པར་གཞན་གྱི་རྙེད་པ་ལ་མི་བརྩན་#པར་བྱ་བའོ། །གཙུག་ལག་ཁང་གཡེལ་བར་མི་བྱ་
[252b.7]ཞེས་པ་དང་། སྦྱིན་བདག་འཆོས་སུ་གཞུག་མ་#གྲུབ་ན་དགེ་འདུན་གྱིས་ལས་ཅི་ནུས་སུ་བྱ་ཞེས་པ་དང་། ཉིད་ཀྱིས་བཅོས་པ་ཞེས་པ་ནི་གཙུག་ལག་ཁང་ཞིག་རལ་དུ་གྱུར་པ་ཡལ་བར་མ་དོར་བར་ཡོན་བདག་ལ་བསྐུལ་བའམ། དགེ་འདུན་གྱི་དཀོར་རམ་བདག་ཉིད་ཀྱིས་བཅོས་པ་རྣམས་གྱིས་ཤིག་པའོ། །རྙེད་པ་ལེན་པས་
[253a]
[253a.1]གཙུག་ལག་ཁང་གི་ཕྱག་དར་བྱ་ཞེས་པ་ནི་རྙེད་པ་ལེན་པ་རྣམས་ཀྱིས་ནི་དེའི་#ཕྱག་དར་ཀྱང་གྱིས་ཤིག་པའོ། །དད་པས་བྱིན་པ་ནི་གཙུག་ལག་ཁང་གི་མ་ཡིན་ཞེས་པ་ནི་ཡོན་བདག་གིས་བསྐོན་#མཁུར་མཁུར་དུ་བྱིན་པ་ནི་གཙུག་ལག་ཁང་གི་རྙེད་པ་ལ་མ་གཏོགས་པའོ། །སྒོ་བཅད་ལ་གཙུག་
[253a.2]ལག་ཁང་ནས་འགྲོ་ཞེས་པ་དང་བསྲུང་བ་གཞག་སྟེའོ་ཞེས་པ་དང་མེད་ན་རིན་སྦྱིན་ཞེས་པ་ནི་གུད་དུ་འགྲོ་བའི་ཚེ་གཙུག་ལག་ཁང་#སྒོ་བཅད་པ་དང་། སྲུང་མ་གཞག་པ་དང་། སྲུང་མའི་ཟས་མེད་ན་སྦྱིན་པ་རྣམས་སོ། །རྐུན་པོས་དབང་དུ་བྱས་པའི་གདེང་དྲོད་ཡོད་པར་དེས་སྒོ་མི་དབྱེ་ཞེས་པ་དང་། ཁང་ཏོག་#ཏུ་འཛེགས་
[253a.3]ལ་#ཞིང་ཁྱོད་རིམས་ཀྱིས་#མ་ཐེབས་སམ་ཞེས་བརྡ་བྱ་#ཞིང་སྨྲར་གཞུག་#པ་ནི་འདིའི་ཐབས་སོ་ཞེས་པ་དང་། འདིས་ཤེས་པར་བྱ་བ་ནི་གནས་དང་མིང་དང་ཕ་ལ་སོགས་པའོ་ཞེས་པ་དང་། འཇིགས་པ་དང་བཅས་ནས་#མ་རྟོགས་ཀྱི་བར་སྒོ་མི་དབྱེ་ཞེས་པ་ནི་ནུབ་མོ་དགེ་སློང་གུད་ནས་འོངས་ཏེ་སྒོ་ཕྱེ་ཞེས་ཟེར་ན། རྐུན་པོས་དབང་དུ་
[253a.4]བྱས་པ་ཡིན་པ་དང་། མ་ཡིན་པ་ལ་སོགས་པ་གདེང་དྲོད་མ་བཅད་གྱི་བར་དུ་སྒོ་མི་དབྱེ་བ་དང་། བརྟག་#པའི་ཐབས་འདི་དག་ལྟར་གྱིས་ཤིག་པའོ། །དགོན་པ་བས་ཁྱི་བཅང་ཞེས་པ་དང་། ནད་པར་ལངས་མ་ཐག་ཏུ་གཙུག་ལག་ཁང་དང་མཆོད་རྟེན་གྱི་ཐན་ཀོར་བྱུང་ལ་ཞེས་པ་དང་། བརྟུགས་ན་བྱས་པ་འདེར་གཅིས་ན་
[253a.5]བརྩལ་སེན་མོས་བྲུད་ན་དལ་བསྙམ་ཞིང་དེའི་ཤུལ་དུ་དཀྱིལ་འཁོར་བྱ་ཞེས་པ་དང་། འདི་ལ་ལྷུང་བཟེད་ཀྱི་ལྷག་མ་སྦྱིན་ཞེས་པ་དང་། གཙུག་ལག་ཁང་མཆོད་རྟེན་གྱི་ཉེ་སྤྱོད་ཀྱི་ཕྱི་རོལ་དུའོ་ཞེས་པ་ནི་དགོན་པ་པས་ཁྱི་བཅང་བའི་ཐབས་འདི་དག་ལྟར་གྱིས་ཤིག་པའོ། །གཙུག་ལག་ཁང་གི་ཡན་ལག་དེ་ལྟར་
[253a.6]བསྟན་ནས་ཀློག་འདོན་འབོགས་ཤིང་#དོན་སྟོན་པའོ། །འདོན་པ་འབོགས་#པའི་སྤྱོད་ལམ་ནི་ཅི་དགའ་བར་རོ་ཞེས་པ་ལ་སོགས་པ་ཡིན་ཏེ། སྡོམ་པ་འབོགས་#པའི་སྤྱོད་ལམ་ནི་འགྲོ་ཉལ་འདུག་འཕྲེས་ཅི་དགར་གྱིས་ཤིག་པའོ། །གསར་བུས་ནི་དང་#པོར་ཕྱག་བྱས་ལ་ཁམས་སྙོམས་སམ་དྲི་ཞིང་ནོན་པའི་སྤྱོད་
[253a.7]ལམ་དུ་བྱ་ཞེས་པ་དང་། ཐལ་མོ་སྦྱར་ཏེའོ་ཞེས་པ་དང་ལུས་དང་སེམས་མཐུད་#པ་ལའོ་ཞེས་པ་དང་། དྲང་པོར་ཞེས་པ་དང་། འཆག་ན་ནི་གོམ་པ་གཅིག་གིས་དབེེན་ཅིང་འགྲོ་བས་སོ་ཞེས་པ་དང་། འགྲེང་ན་ནི་ལངས་ཏེའོ་ཞེས་པ་དང་། འདུག་གམ་འཕྲེས་ན་འདུག་སྟེའོ་ཞེས་པ་དང་། ངན་སྙིགས་ཀྱིས་སྟན་ལའོ་ཞེས་པ་དང་།
[253b]
[253b.1]གཞན་ན་བསྐོས་#ནས་སོ་ཞེས་པ་དང་། མ་བསྒོ་བའི་བར་དུ་གོང་གོང་པོར་རོ་ཞེས་པ་དང་། ནོད་པ་ཕལ་ཆེ་ན་ཞུས་ཏེའོ། །ཁ་ཐོན་ནི་ཐོས་པའི་དངོས་པོའོ། །ཉེན་ཀོར་ནས་སྤགས་ལ་མཐོང་བའི་ཉེན་ཀོར་#འདུག་སྟེའོ་ཞེས་པ་དང་། ལུང་ནི་དབེན་པར་སོང་ལ་བསྒྲུབ་ཅེས་པ་དང་། ལེགས་པར་གླགས་ལེགས་པར་ཞུས་
[253b.2]ཐེ་ཚོམ་མེད་པར་བྱས་ཏེ། དབོག་པ་དང་མནོད་#པ་ཡང་ངོ་ཞེས་པ་ནི་ལུང་དང་ཀློག་འདོན་ནོད་པས་མ་ནོར་བའི་ཐབས་འདི་དག་ལྟར་བྱ་ཞིང་མནོས་ཟིན་ནས་བསླབ་ཅིང་བསྒོམ་པའི་ཐབས་འདི་དག་ལྟར་བྱ་བ་དང་། འབོགས་ཤིང་ནོད་#ཅིང་ནོད་པའི་ཚེ་བསྟར་ཞིང་ནན་ཏན་གྱིས་ཞིག་པའི་ཚུལ་འདི་ལྟར་གྱིས་ཤིག་
[253b.3]པའོ། །ཀློག་ཅིང་འདོན་པའི་ཚུལ་དེ་ལྟར་བསྟན་ནས་ལས་སུ་བསྒོ་བ་རྣམས་ཀྱི་ཚུལ་སྟོན་པ་ནི་གཙུག་ལག་ཁང་དང་ཟས་དང་སྐོམ་དང་སྐྱོ་མ་དང་ཐུག་པ་དང་བཅའ་བ་དང་འབྲས་བུ་འགོད་པ་དང་སྒོ་བསྐོ་#བ་ཞེས་པ་ལ་སོགས་པ་ཡིན་ཏེ་མིང་གིས་སྨོས་པ་འདི་རྣམས་བསྒོ་ཞིང་འགོད་པ་སྐོས་#ཤིག་པའོ། །ལྷག་རོལ་ཞེས་
[253b.4]པ་དང་། ལྷག་མ་ཕྱི་ཉིན་འབྲིམ་#པར་བྱེད་ན་དེའོ་ཞེས་པ་ནི་ལྷག་རོལ་འབྲིམ་#པ་ཡང་སྐོས་#ཤིག་པའོ། །སྣོད་སྤྱད་སྦེད་པ་ཞེས་པ་དང་། དབྱར་གྱི་རས་ཆེན་ཞེས་པ་དང་། གཏན་པ་#པ་ཞེས་པ་དང་། ཆོས་གོས་ཞེས་པ་དང་། འགོད་པ་ཞེས་པ་དང་། ཁང་སྐྱོང་དང་འཐེབ་ཅེས་པ་ནི་མིང་གིས་སྨོས་པ་རྣམས་
[253b.5]ཀྱི་ལས་བྱེད་པའང་སྐོས་#ཤིག་པའོ། །ཁ་ཕྱིས་རྫི་ཞེས་པ་དང་། འདི་ལས་ནི་འགྲིམ་#པ་དང་། ཟོས་ཟིན་ནས་སྦེད་པའོ་ཞེས་པ་ནི་ཁ་ཕྱིས་རྫི་སྐོས་ཤིག་པའོ། །#དེའི་ལས་གང་#ཡིན་པ་སྟོན་པ་ནི་མདོ་འོག་མའོ། །ཆུས་#པ་ཞེས་པ་ནི་འབྲིམ་#ཞིང་ཆུའི་ཞལ་ཏ་བྱེད་པ་གཅིག་ཀྱང་སྐོས་#ཤིག་པའོ། །མཛེས་འཆོས་ཤེས་
[253b.6]པ་དང་། བལྟས་ལ་རབ་ཏུ་བྱུང་བ་རྣམས་མི་མཛེས་པ་སྤྱོད་ན་སེ་གོལ་གྱིས་སྦྲན་ཏེ་མཛེས་པ་འཆོས་སུ་གཞུག་ཅེས་པ་དང་། དེ་ནི་འདི་ལྟ་སྟེ་ཟས་ཀྱི་ཚེ་རྒན་རིམས་སུ་བྱ་བ་དང་། སྒྲ་བསྐྱུངས་དང་#ཤིན་ཏུ་བསྡམས་#པ་རྣམས་དང་ཤིན་ཏུ་གཡོགས་པ་དང་། མཆོད་རྟེན་ལ་ཕྱག་འཚལ་བའི་ཚེ་ཡང་སྒྲ་བསྐྱུང་#བ་
[253b.7]ལ་སོགས་པར་རོ་ཞེས་པ་ནི་མཛེས་འཆོས་བསྒོ་བ་དང་དེས་བཅོས་པའི་ཐབས་འདི་དག་ལྟར་གྱིས་ཤིག་པའོ། །དགར་བ་ཞེས་པ་དང་། དེས་ཐོག་མར་ཟོས་ལ་ཟ་བའི་ཚེ་སྨྱིག་མ་ཐོགས་#ཏེ་བྱ་རོག་དང་བྱེའུ་དང་ཕུག་རོན་ལ་སོགས་པ་བསྐྲད་ཅེས་པ་ནི་དག་ར་བ་བསྐོ་བ་དང་དེའི་ལས་འདི་ལྟ་བུ་ལ་
[254a]
[254a.1]གྱིས་ཤིག་པའོ། །མལ་སྟན་པ་ཞེས་པ་དང་། གླས་པ་ཞེས་པ་དང་། ཟ་བའི་ཚེ་འདུལ་བ་དང་བརྟགས་པ་ཡོད་ན་བསྒོ་བ་ཡང་ཞེས་པ་ནི་མལ་སྟན་པ་དང་། གླས་པ་དང་བསྒོ་#བ་རྣམས་ཀྱང་སྐོས་#ཤིག་པའོ། །གནས་ཀྱི་དངོས་པོའོ།། །།གནས་ཀྱི་དངོས་པོ་ཕྲན་ཚེགས་#ལ་སོགས་པ་ལས་
[254a.2]འབྱུང་བ་བསྡུས་ཏེ་སྟོན་པ་ནི་མུན་ཁུང་དུ་ཕྱག་འཚལ་བའི་ཚེ་ཕྱག་འཚལ་ལོ་ཞེས་པའི་ཚིག་བསྙད་ཅེས་པ་ནི་མུན་ཁུང་དུ་མགོ་འདུང་ཅིང་ཕྱག་འཚལ་བར་ཕྱག་འཚལ་ལོ་ཞེས་པའི་ཚིག་ཕྱུང་#ཤིག་པའོ། །གཞན་ལ་ཕྱག་འཚལ་བར་ཞུགས་པའི་ཚེ་དེའི་ཐན་ཀོར་དུ་ལྷགས་#པ་རྣམས་ལ་ཕྱག་བྱ་ཞེས་པ་ནི་གནས་
[254a.3]བརྟན་ལ་སོགས་པ་འགའ་ལ་ཕྱག་འཚལ་དུ་སོན་པའི་ཚེ་དེའི་དྲུང་ན་ཕྱག་བྱ་བར་འོས་པ་གཞན་འཁོད་ན་ཡང་ཕྱག་གྱིས་ཤིག་པའོ། །ཚངས་པའི་ཕྱག་ནི་འདིར་བྱས་པའོ་ཞེས་པ་ནི་དེ་ལྟ་བུའི་མལ་དུ་ཕྱིར་#ཕྱག་བྱས་ན་ཕྱག་བྱ་པར་ཆུད་པའོ། །འཁོན་ཡོད་པ་ལ་ཕྱག་མི་བྱ་ཞེས་པ་ནི་འཁོན་ཡོད་པ་ལ་མགོ་འདུད་
[254a.4]ཅིང་ཕྱག་མ་འཚལ་ཅིག་པའོ། །ཕྱག་འཚལ་བ་ལ་ཨ་རོག་གྱ་#མི་བྱ་བ་མ་ཡིན་ཞེས་པ་དང་། ཕྱག་བྱ་བ་འདས་པ་ལ་ཡང་ཕྱག་མི་བྱ་བ་མ་ཡིན་ཞེས་པ་ནི་ཕྱག་གི་ལེན་ཨ་རོག་གྱ་#གྱིས་ཤིག་པ་དང་། །དགེ་སློང་#ཁོན་ཡོད་པ་ཤིན་དུ་#སྦྲུལ་དུ་གྱུར་པས་བསད་པ་ལྟ་བུ་ཡིན་ཏེ། ཁོན་#པ་ཤི་བ་ལ་ཡང་བཟོད་པར་གསོལ་
[254a.5]ཞིང་ཕྱག་གྱིས་ཤིག་པའོ། །སྨེ་ས་པ་#ལ་ཕྱག་མི་བྱ་ཞེས་པ་དང་། སྨེ་ས་པས་མ་ཡིན་ཞེས་པ་དང་། འདི་བདག་གིར་མི་བྱ་ཞེས་པ་དང་། སྨེ་ས་པས་ཀྱང་མ་ཡིན་ཞེས་པ་དང་། སྨེ་ས་པ་ནི་གཉིས་ཏེ་སོ་ཤིང་ཡན་ཆད་ཟ་བ་དང་མི་གཙང་བའི་གནས་ན་འདུག་ཅིང་དེ་ལས་བྱེད་པ་ཡན་ཆད་དོ་ཞེས་པ་ཡིན་ཏེ་ཟས་ཟ་
[254a.6]བ་དང་མི་གཙང་བའི་ལས་བྱེད་པའི་སྨེ་ས་པས་ཕྱག་མི་བྱ་བ་དང་། སྨེ་ས་པ་ལ་ཕྱག་མི་བྱ་བ་དང་གཅིག་གིས་གཅིག་#ཕྱག་མ་ལེན་ཅིག་པའོ། །གཅེར་བུ་ཁྱེད་རངས་ན་འདིར་སྨེ་ས་པ་དང་འདྲ་#ཞེས་པ་ནི་འདི་གཉིས་ཀྱང་སྨེ་ས་པ་དང་འདྲ་བས་ནི་#ཕན་ཚུན་དུ་ཕྱག་མ་བྱེད་མ་ལེན་ཅིག་པའོ། །ཕྱག་ནི་གཉིས་ཏེ་དཀྱིལ་
[254a.7]འཁོར་ལྔ་དང་རྐང་པ་ལ་གཟུང་བའོ་ཞེས་པ་ནི་ཕྱག་ནི་རྣམ་པ་འདི་གཉིས་ཡིན་པར་སྟོན་པའོ། །སྦྲིད་པ་བྱུང་བ་ལ་སོས་ཞེས་#མི་བྱ་ཞེས་པ་དང་། རྒན་པོ་དང་ཁྱིམ་པ་ནི་མ་གཏོགས་ཞེས་པ་དང་། གཞོན་པ་ལ་ཨ་རོག་གྱ་ཞེས་བྱ་བ་#དང་། རྒན་པ་ལ་ཕྱག་བྱ་ཞེས་པ་དང་། སྦྲིད་པ་བྱུང་ན་ཡང་ཞེས་པ་ནི་རྒས་པ་
[254b]
[254b.1]དང་ནད་པ་མ་#གཏོགས་པ་སྦྲིད་པ་བྱུང་བ་ལ་སོས་ཞེས་མི་བྱ་བའི་#རྒན་པ་ལ་ནི་ཕྱག་བྱ་བ་དང་། གཞོན་པ་ལ་ནི་ཨ་རོག་གྱ་#བྱ་བ་དང་། བདག་སྦྲིད་པ་བྱུང་ན་ནི་གཞན་ལ་ཕྱག་གྱིས་ཤིག་པའོ། །དེ་བཞིན་གཤེགས་པ་ལ་མིང་རུས་སམ་ཚེ་དང་ལྡན་པ་ཞེས་མི་བརྗོད་ཅེས་པ་དང་། མིང་རུས་ཀྱང་ཉེ་བའི་ཚིག་མེད་པར་མི་སྨོས་
[254b.2]ཞེས་པ་དང་། རྒན་རབས་ལ་མ་ཡིན་ཞེས་པ་དང་། འདིའི་རྐྱེན་དུ་ནི་ཉེ་བའི་ཚིག་གནས་བརྟན་ནམ་ཚེ་དང་ལྡན་པས་སོ་ཞེས་པ་དང་། སྔ་མ་ནི་མ་ཡིན་ཞེས་པ་ནི་དེ་བཞིན་གཤེགས་པ་ལ་ཚེ་དང་ལྡན་པ་ཞེའམ། གཽ་ཏ་མ་ཞེས་མི་བྱ་བ་དང་། ཤཱཀྱ་དང་གཽ་ཏ་མ་ཞེས་བརྗོད་ན་ཡང་བཅོམ་ལྡན་#ཞེའམ། བདེ་
[254b.3]བར་གཤེགས་པ་ཞེས་ཉེ་བའི་ཚིག་དང་སྦྱར་བ་དང་། རྒན་རབས་ལའང་གནས་བརྟན་ནམ་ཚེ་དང་ལྡན་པ་ཞེས་ཉེ་བའི་ཚིག་མེད་པར་མ་འབོད་ཅིག་པ་དང་། བཅོམ་ལྡན་འདས་ལ་ནི་ཉེ་བའི་ཚིག་ཏུ་གནས་བརྟན་ནམ་ཚེ་དང་ལྡན་པ་ཞེས་བྱར་མི་རུང་བར་སྟོན་པའོ། །ལས་སར་པ་པས་ལྟུགས་#འདྲུལ་དུ་
[254b.4]འགྱུར་བའི་གནས་སུ་གཙུག་ལག་ཁང་བརྩིགས་ཞེས་པ་དང་། སྐྱེད་#ཤིང་རྫིང་དང་འཆག་#སར་ལྡན་ཞེས་པ་དང་ཉེ་#སྤྱོད་ཀྱང་ཞེས་པ་ནི་གཙུག་ལག་ཁང་བརྩིག་#པའི་གནས་མིང་གིས་སྨོས་པའི་གནས་འདི་དག་ལྟར་གྱིས་ཤིག་པའོ། །འདུ་འཛི་མེད་པ་འུར་སྒྲ་ཆུང་བའོ། །ཚ་ཚོ་མེད་པ་དབྱངས་མེད་པར་
[254b.5]ཞེས་པ་ནི་འདི་ལྟ་བུར་སྐྱོན་མེད་པར་གཙུག་ལག་ཁང་གྱིས་ཤིག་པའོ། །སྦྱིན་བདག་གིས་#གཙུག་ལག་ཁང་བྱ་བའི་ཕྱིར་ཟོང་གཏད་ལ་ལུང་ཡོད་ན་དེའི་ཚེ་སྤྱད་བྱ་ཞེས་པ་དང་འདི་དག་གཞག་པའི་ཁང་པ་ཡང་དབོག་ཅེས་པ་ནི་གཙུག་ལག་ཁང་རྩིག་པའི་ཟོང་#སྦྱིན་བདག་གིས་བྱིན་ལ་ཅི་ལེགས་
[254b.6]པར་གྱིས་ཤིག་པའི་ལུང་བྱིན་ན། སྟ་འཇོར་#ཡན་ཆད་དེའི་ཡོ་བྱད་ཀྱང་རྒྱུ་དེ་ལས་གྱིས་ཤིག་པ་དང་། དེ་དག་སྦ་བའི་ཁང་པའང་ཕོག་ཤིག་པའོ། །འབྲུ་མར་ལ་སོགས་པ་དེའི་ཡོ་བྱེད་ཀྱང་རན་པར་ཉོ་ཞེས་པ་ནི་ཤིང་རྟའི་མིག་བསྐུ་བ་ལ་སོགས་པའི་འབྲུ་མར་ཡང་ཉོས་ཤིག་པའོ། །ལས་སར་པའི་ཟན་ནི་ཟླ་
[254b.7]རོགས་ཀྱི་ཐང་བཞིན་དུའོ་ཞེས་པ་དང་། གནས་དེ་ན་གཙུག་ལག་ཁང་མེད་ན་གཙུག་ལག་ཁང་ཉེན་འཁོར་གྱིའོ་ཞེས་པ་དང་། སྣུམ་གྱི་རྙེད་པ་བླང་#ཞེས་པ་ནི་ལས་སར་པའི་ཟན་ཐང་གཙུག་ལག་ཁང་ན་འཁོད་པ་གཞན་གྱི་ཐང་ལས་ལྷག་པར་མ་ཟ་ཤིག་པའོ། །དེ་ན་གཙུག་ལག་ཁང་མེད་ན་ཉེ་#འཁོར་གྱི་གཙུག་ལག་
[255a]
[255a.1]ཁང་ན་དགེ་སློང་འཁོད་པ་རྣམས་ཀྱི་ཐང་དུ་ཟོས་ཤིག་པ་དང་། ཐང་ལས་ལྷག་ན་ནི་དེ་བཞིན་དུའང་ལོང་ཤིག་པའོ། །གཙུག་ལག་ཁང་ནི་རིམ་པ་ལྔ་མན་ཆད་དོ་ཞེས་པ་དང་། དགེ་སློང་མའི་གཙུག་ལག་ཁང་ནི་#རིམ་གསུམ་མོ་ཞེས་པ་དང་། དྲི་གཙང་ཁང་དང་སྒོ་ཁང་ནི་རིམ་གཉིས་ཀྱིས་གླག་ཅེས་པ་ནི་
[255a.2]སོས་མོས་ཀྱིས་#གཙུག་ལག་ཁང་གི་རིམ་པ་གོང་དུ་བསྟན་པ་ལས་དྲི་གཙང་ཁང་དང་སྒོ་ཁང་ནི་རིམ་པ་གཉིས་གཉིས་ཀྱིས་གློག་ཤིག་པའོ། །དེ་དག་སྤྱི་ལྕི་ཞེས་#མི་མཐུན་ན་རིམ་གཅིག་དབྲི་བ་ནི་ཉེས་མེད་ཅེས་པ་ནི་རྩེག་མང་སྟེ། འོག་མས་མི་མཐུན་ན་རིམ་འགའ་ཕྲི་ཡང་བླ་བའོ#། །བརྩམས་ནས་ཆེ་ཆུང་དུ་བྱ་
[255a.3]བའི་ཕྱིར་བཅོས་པ་ཡང་ཞེས་པ་དང་། མཆོད་རྟེན་དང་སྐུ་གཟུགས་ནི་བསྐྱེད་#པའི་ཕྱིར་ནའོ་ཞེས་པ་དང་། རྙིངས་པའི་ཕྱིར་ནི་ཟིན་པ་མཉམ་#པར་ན་ཡང་ཞེས་པ་དང་། ཕྱོགས་བཅོས་བར་ཞེས་པ་ནི་དང་པོ་རྩོམ་པའི་ཚེ་ཆེ་ཆུང་བཅོས་པའི་ཕྱིར་སྔ་མ་གཞིག་པ་དང་། སྐུ་གཟུགས་དང་མཆོད་རྟེན་བསྐྱེད་
[255a.4]པའི་ཕྱིར་སྔ་མ་གཞིག་པ་དང་། རྙིངས་ན་ཟིན་པ་ཡང་སྔ་མ་དང་འདྲ་བ་ཙམ་དུ་བྱ་བའི་ཕྱིར་གཞིག་པ་དང་། ཕྱོགས་འགའི་རལ་ཚེམས་བྱ་བ་ནི་མི་རུང་བ་མེད་པའོ། །གདུགས་ལ་སོགས་པ་དབོག་པ་ཡང་ཞེས་པ་དང་། བརྗེ་བའི་ཕྱིར་ནའོ་ཞེས་པ་དང་། གཅིག་མ་ཟིན་པར་མི་དབོག་ཅེས་པ་ནི་གདུགས་ལ་
[255a.5]སོགས་པ་བརྗེ་བའི་ཕྱིར་དབོག་པ་ནི་ཉེས་མེད་པ་དང་། རྗེས་མ་མ་ཟིན་གྱི་བར་དུ་སྔ་མ་མ་དབོག་ཤིག་པའོ། །སྐྱེས་#རབས་ལ་སོགས་པའི་རིམ་པ་#དང་སངས་རྒྱས་ཀྱི་ཚིག་འདྲི་བ་ཡང་ཞེས་པ་དང་། བཤིག་#པ་ཡང་སྔ་མ་དེ་དག་ཉིད་བཞིན་དུ་བྱེད་ན་ཡང་ངོ་ཞེས་པ་ནི་སྐྱེས་པའི་རབས་ཀྱི་རི་མོ་དང་དྷརྨའི་གླེགས་
[255a.6]བམ་གྱིས་ཀྱང་དེ་དག་ཉིད་བྲི་བའི་ཕྱིར་སྔ་མ་བཤིག་ཅིང་བཅོས་པ་ནི་བླ་བའོ#། །བརྩམས་པའི་འཕྲོ་གཞན་གྱིས་བྱས་ན་ཡང་ཞེས་པ་ནི་སྔ་མ་གཅིག་གིས་བརྩམས་ཏེ་མ་ཟིན་པའི་འཕྲོ་གཞན་གྱིས་བྱས་ཀྱང་བླའོ། །གང་ཡིན་པའི་དགེ་འདུན་གྱི་#ཕྱིར་ན་ཕྱེད་ཙམ་སློང་ན་གཏང་#བར་བྱ་ཞེས་པ་དང་། བསྟན་པའི་
[255a.7]ཚེ་དགུན་གྱི་#དུས་ཤིག་ན་ནི་ཕྱི་དྲོ་དཔྱིད་ཀྱི་དུས་ཤིག་ན་སྔ་དྲོ་ཞེས་པ་དང་། ཟས་ཀྱི་བྱ་བའི་དུས་འཐེབ་ཀྱང་ངོ་ཞེས་པ་དང་། དེ་ནས་སྟ་གོན་མ་བྱས་པར་བསོད་སྙོམས་ལ་འཇུག་ཅེས་པ་དང་། དེ་ནི་རྐང་ལག་ཡན་ཆད་དོ་ཞེས་པ་དང་། སྡོང་བ་བྱེད་པས་སྔ་དྲོ་ན་གཡར་སུ་ཤོམ་དུ་གཞུག་ཕྱི་དྲོ་ནི་སྐོམ་དང་རྐང་ལག་གི་
[255b]
[255b.1]སྐུད་དོ་ཞེས་པ་ནི་དགེ་འདུན་དག་#གི་ཕྱིར་གཙུག་ལག་ཁང་བརྩིགས་#ན་ཕྱེད་ཙམ་ཟིན་ནས་ཐབས་འདི་ལྟར་བཏང་#བ་དང་། ལས་སར་པ་པས་ཡོན་བདག་ལ་སྦྲན་ཅིང་སྙེ་མདོང་འདི་ལྟར་གྱིས་ཤིག་པའོ། །གནས་ཁང་གི་སྒོ་གདོད་ཅེས་པ་དང་། སྒོ་འཕར་འཇུག་ཞེས་པ་དང་། ལག་གཟུངས་དང་། ཀར་གྱུར་#བྱ་ཞེས་པ་
[255b.2]དང་། སྐར་ཁུང་གདོད་ཅེས་པ་དང་། དབུས་སུའོ་ཞེས་པ་དང་། ཕྱི་རུབ་ལ་ནང་ཡངས་པ་རྒྱ་མཚོ་ལྟ་བུར་རོ་ཞེས་པ་དང་། ཤར་བུ་བྱ་ཞེས་པ་དང་། སྒོ་འཕར་དང་གཟེར་གཏན་#དང་རྐེད་གཏན་དང་རྐང་གི་དབྱིག་པ་རྣམས་བཅང་ཞེས་པ་དབུག་ཅིང་བཏབ་ཅེས་པ་དང་། གནས་ཁང་གི་སྒོར་ཁྱམས་བྱ་ཞེས་པ་དང་།
[255b.3]སོ་ཕག་གི་གཅལ་རིམ་པ་བདུན་ནམ་བརྒྱད་གཏམས་ཞེས་པ་དང་། དེའི་སྟེང་དུ་ཤིང་བཟངས་བྲེ་ཞེས་པ་དང་། དེའི་སྟེང་དུ་ཀ་བ་བསྒྲེང་ཞེས་པ་དང་། དེའི་སྟེང་དུ་ཀ་ཞུའོ་#ཞེས་པ་དང་། དེའི་སྟེང་དུ་གདུང་བྲེ་ཞེས་པ་དང་། དེའི་སྟེང་དུ་ཕྱམ་དགོད་ཅེས་པ་དང་། དེའི་སྟེང་དུ་ཤིང་ལེབ་ཅེས་པ་དང་། དེའི་སྟེང་དུ་
[255b.4]སོ་ཕག་གི་གཅལ་ཞེས་པ་དང་། དེའི་སྟེང་དུ་སོ་ཕག་གི་ཕྱེ་མ་ཞེས་པ་དང་། མི་ལྷུང་བའི་ཕྱིར་མུ་ཀོར་བྱ་ཞེས་པ་དང་། མི་ལྡེག་པར་བརྟེན་མ་གཞུག་ཞེས་པ་དང་། ལྕགས་གཟེར་གདབ་ཅེས་པ་དང་། འཛེག་#པའི་ཕྱིར་ཐེམ་སྐས་བྱ་ཞེས་པ་དང་། ཐ་མ་ནི་དེའི་འོ་#ཞེས་པ་དང་། བར་མ་ནི་སའིའོ་ཞེས་པ་དང་།
[255b.5]སྟེང་མ་ནི་ཤིང་གིའོ་ཞེས་པ་དང་། སྐས་འཇོག་པར་བྱ་ཞེས་པ་དང་། ཤིང་ངམ་སྨྱིག་གམ་ཐག་པའི་ཡང་ཞེས་པ་དང་། རྫབ་ཏུ་མི་འགྱུར་བར་མཐངས་ས་#དང་། སྒོ་ཁང་དུ་སོ་ཕག་གདིང་ཞེས་པ་དང་། དེའི་སྟེང་དུ་ཕྱེ་མ་ཞེས་པ་དང་། དེའི་སྟེང་དུ་རྡོ་ཐལ་གྱི་ཕྱེ་མ་ཞེས་པ་དང་། མེད་ན་ཤིང་ལེབ་ཀྱི་རྐང་
[255b.6]སྟེགས་ཞེས་པ་དང་། འོད་དོར་དང་#སོ་ཕག་གིས་སོ་ཞེས་པ་དང་། མཆོད་རྟེན་ལ་ཡང་དེ་བཞིན་ཞེས་པ་དང་། འདོམ་གང་ཚད་དུ་བྱས་པ་ནི་འདི་བྱས་པའོ་ཞེས་པ་ནི་གཙུག་ལག་#གི་གནས་ཁང་མིང་གིས་སྨོས་པའི་#རྣམ་པ་འདི་དག་ལྟར་གྱིས་ཤིག་པའོ། །སེང་གེའི་སྟན་གྲུ་བཞིར་བྱ་བ་དང་། རྐང་པའང་#སེང་གེའི་
[255b.7]ཐོད་པར་རོ་ཞེས་པ་དང་། དཔེ་#བའི་ལག་གཟུངས་གྲྭ་#བཞིར་ལྕགས་ཀྱི་ཡང་མིག་གདགས་ཞེས་པ་དང་། ལེབ་མས་བཏགས་#ཞེས་པ་དང་། འདིར་གློད་ཅན་གདིང་ཞེས་པ་དང་། སྟེང་དུ་བླ་རེ་ཞེས་པ་དང་། འཕན་ཡང་ཞེས་པ་དང་། གཏིང་ཟུག་པ་ཞིག་ན་ནི་སོ་ཕག་གི་ཐེམ་སྐས་བྱ་ཞེས་པ་དང་། སྒྲོ(་སྤྲོ་)བ་ཞིག་
[256a]
[256a.1]ན་ནི་ཤིང་གིའོ་ཞེས་པ་དང་། མ་གྲུབ་ན་སྐས་སོ་ཞེས་པ་དང་། རྐང་རྟེན་ཡང་ཞེས་པ་དང་། མཆོད་ཞེས་པ་དང་། སྟེང་དུ་ལོ་མ་གདིང་ཞེས་པ་དང་། རྩ་བ་མང་#ཡང་ཞེས་པ་དང་། འདི་ནི་རྐང་པ་མི་སྦྱར་བའི་ཕྱིར་རོ་ཞེས་པ་དང་། མ་གྲུབ་ན་རྡོའི་ཡང་ངོ་ཞེས་པ་ནི་སེང་གེའི་སྟན་འདི་ལྟ་བུར་བྱ་ཞིང་རྐང་རྟེན་
[256a.2]གུར་ཀུམ་ལ་སོགས་པས་བསྐུས་ཤིང་མཆོད་པའི་སྟེང་དུ་ལོ་མ་ལ་སོགས་པ་གཅལ་དགྲམ་ཞིང་རྐང་པ་ཞོག་ཤིག་པའོ། །བྱ་རོག་དང་བྱིའུ་དང་ཕུག་རོན་ལ་སོགས་པས་ཟན་ཟ་བའི་ཚེ་མི་གཙེ་བར་བྱ་བའི་ཕྱིར་རྒྱུས་གདབ་ཅེས་པ་དང་། འདི་ནི་རྣམ་པ་བཞི་སྟེ་བལ་བ་ཛའི་རང་མོན་ཛའི་#དང་། ཤ་ནའི་དང་།
[256a.3]ཤིང་བལ་གྱི་རྣམས་སོ་ཞེས་པ་དང་གྲྭ་#བཞིར་ཟུང་ང་བྱ་ཞེས་པ་དང་། དེ་ལ་གདགས་ཞེས་པ་དང་། ཤིང་གི་#ནི་འགས་ཤིང་འཇིག་#པས་ན་ལྕགས་ཀྱིའོ་ཞེས་པ་དང་། ཕྱོགས་གཅིག་ཏུ་མཐོངས་གདོད་ཞེས་པ་དང་། ཟོས་ཟིན་ནས་འཇུག་པའི་ཕྱིར་རོ་ཞེས་པ་དང་། དྲོ་ཀར་འདི་བཅད་ཅེས་པ་ནི་བྱེའུ་ལ་སོགས་
[256a.4]པ་མི་ཐར་བར་གཙུག་ལག་ཁང་གི་མཐོངས་སུ་མཐོངས་རྒྱས་གདབ་#པའི་དཔྱད་དང་ཆོ་ག་འདི་ལྟར་གྱིས་ཤིག་པའོ། །རྫི་ཆར་ཀྱི་གཟན་མཐོངས་སུ་ལེབ་མ་གཞན་#ཅེས་པ་དང་། ཀ་བའི་བར་དུའོ་ཞེས་པ་དང་། གསལ་བའི་མཐོངས་གདོད་ཅེས་པ་དང་། མེད་ན་ཐགས་སམ་རེ་ལྡེ་ཡང་ཞེས་པ་དང་། དབྱར་
[256a.5]གྱི་ཟླ་བ་ནི་ལོན་ནས་དབོག་ཅེས་པ་ནི་མཐོངས་སུ་ཆར་ཁེབས་#འདི་ལྟར་གྱིས་ཤིག་པའོ། །བསིལ་ཁང་བྱ་ཞེས་པ་དང་། བསིལ་བར་བྱ་བའི་ཕྱིར་ཕྱི་རོལ་རྩིག་#པ་བྱ་ཞེས་པ་དང་། ཀ་བ་སྦྲེང་ཞེས་པ་དང་། སྐར་ཁུང་གདོད་ཅེས་པ་དང་། སྟན་གྱི་སོ་དའི་#ཐ་མར་ཁ་ད་ཆད་དུ་འབབ་པར་བྱ་ཞེས་པ་དང་། ཤར་
[256a.6]བུ་དང་སྒོ་འཕར་གཞག་#ཅེས་པ་ནི་བསིལ་ཁང་འདི་ལྟ་བུར་གྱིས་ཤིག་པའོ། །བཀད་ས་དང་མེ་ཁང་དང་འདུན་ཁང་#དང་འཆག་སའི་ཁང་བ་བྱ་ཞེས་པ་དང་། རྩིག་ངོས་ལ་བཅར་བའི་ཁང་བྲན་དང་ཞེས་པ་ནི་མིང་གིས་སྨོས་པ་འདི་རྣམས་ཀྱི་ཁང་པ་གྱིས་ཤིག་པ་དང་། གཙུག་ལག་ཁང་ངམ་ཕྱི་རའི་ངོས་ལ་བཅར་
[256a.7]བའི་ཁང་བྲན་ཡང་གྱིས་ཤིག་པའོ། །ས་གང་ཡང་རུང་ཞེས་པ་དང་། ཡང་ཐོག་ཀྱང་ཞེས་པ་དང་འདིར་ཡང་ཁྱམས་གཞན་#དུ་མུ་སྐོར་བྱ་ཞེས་པ་ནི་ས་ཁང་བྱས་ཀྱང་བླ་བ་དང་། གཙུག་ལག་ཁང་གི་གྲུ་བཞི་ཡང་ཐོག་ཁྱམས་བཞིན་དུ་མུ་སྐོར་#བྱ་ཞིང་མི་ལྡེག་པར་ལྕགས་གཟེར་གྱིས་གདབ་པ་ལ་སོགས་
[256b]
[256b.1]པ་གྱིས་ཤིག་པའོ། །རབ་ཏུ་བྱུང་བ་ཀུན་དགའི་ཕྱི་རས་བསྐོར་བ་དང་ཞེས་པ་དང་། རྩིག་པ་ལ་སྟོར་ཁུང་གདོད་ཅེས་པ་དང་། ཤིང་ཐགས་དང་འོབས་ཀྱང་ངོ་ཞེས་པ་ནི་རབ་ཏུ་བྱུང་བའི་གཙུག་ལག་ཁང་ལ་ཕྱི་རས་བསྐོར་བ་དང་། འོབས་དང་ཤིང་ཐགས་ཀྱིས་ཀྱང་སྐོར་#ཅིག་པའོ། །གང་ཟག་གི་གཙུག་ལག་ཁང་འཁོར་དང་
[256b.2]བཅས་པ་ཡང་ཞེས་པ་ནི་གང་ཟག་གི་གཙུག་ལག་ཁང་ཕྱིར་དང་ཚང་མང་ལ་སོགས་པའི་འཁོར་དང་ལྡན་པ་བྱས་ཀྱང་བླ་བའོ། །མཐའ་དག་སྔོན་པོ་ལ་སོགས་པའི་མཚན་མ་མངོན་དུ་བསྒོམ་པར་གནས་ཁང་རྩིག་ངོས་ལ་སྔོན་པོ་ལ་སོགས་པ་རྣམ་པ་བཞི་བྱ་ཞེས་པ་ནི་མཐའ་དག་ས་སྔོན་པོར་བསྒོམ་པ་ལ་སོགས་པའི་མིག་རྟེན་
[256b.3]གནས་ཁང་གི་ངོས་བཞིར་གྱིས་ཤིག་པའོ། །རབ་ཏུ་བྱུང་བའི་ཀུན་དགར་རི་མོ་བྲིར་རུང་ཞེས་པ་ནི་རབ་ཏུ་བྱུང་བའི་གནས་སུ་རི་མོ་བྲིས་ཀྱང་བླ་བའི་ཕྱིར་འོག་ནས་འབྱུང་བ་འདི་དག་ལྟར་གྱིས་ཤིག་པའོ། །རི་མོར་བྲི་བ་དེ་དག་གང་ཞེ་ན་སྒོར་ལག་ན་རྡོ་རྗེ་ལ་སོགས་པའི་གནོད་སྦྱིན་བྲི་ཞེས་པ་དང་། སྒོ་ཁང་དུ་འཁོར་བའི་
[256b.4]འཁོར་ལོ་ཞེས་པ་དང་། རྒྱུད་ལྔ་པར་བྱ་ཞེས་པ་དང་། སྟེང་དུ་ལྷ་དང་མི་ཞེས་པ་དང་། #རྫུས་ཏེ་སྐྱེས་པའི་སེམས་ཅན་དག་འཁོར་ལོའི་ཟོ་བ་བཞིན་དུ་སྐྱེ་བ་དང་། འཆི་བ་ཡང་ཞེས་པ་དང་། དབུས་སུ་འདོད་ཆགས་ཞེ་སྡང་གི་དབྱིབས་ཕུག་རོན་སྦྲུལ་ཕག་ལྟ་བུར་བྱ་ཞེས་པ་དང་། སྔ་མ་གཉིས་གཏི་མུག་གིས་#ཟ་བར་ཞེས་
[256b.5]པ་དང་། རྟེན་འབྲེལ་གྱི་ཡན་ལག་བཅུ་གཉིས་ཀྱི་ཁོར་ཡུག་ཏུ་ཞེས་པ་དང་། ཐམས་ཅད་མི་རྟག་པར་ཟོས་པར་ཞེས་པ་དང་། སྟེང་དུ་སངས་རྒྱས་མྱ་ངན་ལས་འདའ་བའི་#དཀྱིལ་འཁོར་དཀར་པོར་སྟོན་པར་ཞེས་པ་དང་། ཐོག་ཏུ་བརྩམ་པར་བྱ་ཞེས་པ་ལ་སོགས་པའི་ཚིགས་བཅད་གཉིས་ཞེས་པ་དང་།
[256b.6]འདི་སྟོན་པ་གཞག་ཅེས་པ་དང་། འདིའི་ཐན་ཀོར་དུ་ཆོ་འཕྲུལ་ཆེན་པོ་དང་བདུད་འཇོམས་#པ་ཞེས་པ་དང་། ཁྱམས་སུ་སྐྱེས་པའི་རབས་ཞེས་པ་དང་། དྲི་གཙང་ཁང་གི་སྒོར་གནོད་སྦྱིན་ཕྲེང་བ་ཐོགས་#པ་ཞེས་པ་དང་། འདུན་རྩར་#གནས་བརྟན་འགྲེང་#བ་ཞེས་པ་དང་། མཛོད་ཀྱི་སྒོར་ལག་ན་མི་#གུ་ཐོགས་པའི་གནོད་
[256b.7]སྦྱིན་ཞེས་པ་དང་། བཀད་སར་ལག་ན་བཅའ་བ་ཐོགས་པའི་གནོད་སྦྱིན་ཞེས་པ་དང་། བསྲོ་#ཁང་དུ་མི་གུ་དང་བུམ་བུ་ལག་ན་ཐོགས་པ་ཞེས་པ་དང་། གྲུལ་བུམ་མེ་འབུད་པ་ཞེས་པ་དང་། མི་གང་གྲུལ་བུམ་གྱིས་བྱིས་པ་སྒྲོན་མ་ལ་སོགས་པ་ཐོགས་པ་དང་། མེ་འབུད་པ་ཞེས་པ་དང་། སྦྱིན་བདག་མར་མེ་ཐོགས་པ་
[257a]
[257a.1]དག་ལྷའི་སྒྲོན་མ་ཡང་ཞེས་པ་དང་། གྲུང་ཚང་#དུ་ཀླུ་དང་ཀླུའི་བུ་མོ་རྒྱན་སྣ་ཚོགས་ཀྱིས་ཀླུབས་ཏེ་ལག་ན་བུམ་པ་#ཐོགས་ཤིང་ཆུ་འབྲིམ་#པར་རོ་ཞེས་པ་དང་། ནད་བྲང་དུ་དེ་བཞིན་གཤེགས་པ་ནད་གཡོག་མཛད་པར་ཤེས་པ་དང་། བཤང་གིས་རུ་དུར་ཁྲོད་དང་མགོ་ཐོད་ཅེས་པ་རྣམས་ཡིན་ཏེ་སྒོ་ཁང་
[257a.2]ལ་སོགས་པའི་གནས་སོ་#སོར་རི་མོ་ཡང་མིང་གིས་སྨོས་པ་འདི་བཞིན་དུ་བྲིས་ཤིག་པའོ། །དེ་ལ་བརྩམ་#པར་ཞེས་པ་ལ་སོགས་པའི་ཚིགས་བཅད་གཉིས་ཞེས་པ་ནི། བརྩམ་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་རྣམས་
[257a.3]གཞོམ་པར་བྱ། །གང་གིས་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་ཕྱིན་པར་འགྱུར། །ཞེས་པ་ཡིན་ནོ། །མཛོད་ཀྱི་སྒོར་ལག་ནི་མི་#གུ་ཐོགས་ཞེས་པ་ནི་རིན་པོ་ཆེའི་མི་#གུའོ། །ལྷའི་སྒྲོན་མ་ཞེས་པ་ནི་སྐྱེ་བ་ལྷའི་སྒྲོན་མ་དང་། རྒ་བ་ལྷའི་སྒྲོན་མ་
[257a.4]དང་། ན་བ་ལྷའི་སྒྲོན་མ་དང་། འཆི་བ་ལྷའི་སྒྲོན་མ་དང་། རྐུན་པོ་ཆད་བས་བཅད་པ་ལྷའི་སྒྲོན་མ་སྟེ། འདི་རྣམས་ལྷའི་སྒྲོན་མ་ཡིན་པར་བསྟན་པའོ། །གཞན་ནི་གོ་#སླ་བའི་ཕྱིར་མ་བཤད་དོ། །གཙུག་ལག་ཁང་བླ་གབ་མེད་པ་མ་ཡིན་པར་མེ་དུ་བ་ཅན་#མི་བུད་མི་བསྲེལ་#ཞེས་པ་ནི་གཙུག་ལག་ཁང་བླ་གབ་ཅན་དུ་དུ་བ་ཅན་གྱི་མེ་
[257a.5]བདག་གིས་#ཀྱང་མི་བུད། གཞན་གྱིས་བུས་པའི་རྗེས་སུ་ཡང་མ་འདུག་ཤིག་པའོ། །བསྟར་བ་ལ་ཐམས་ཅད་མ་ཡིན་ཞེས་པ་ནི་གཙུག་ལག་ཁང་གི་གཞི་བསྟར་#བསྟར་བའི་སྟེང་#ནི་དུ་བ་ཡོད་པ་དང་མེད་པ་གང་གི་#མེ་ཡང་མ་འཇོག་ཤིག་པའོ། །དེའི་ཕྱིར་ཞུགས་ལིང་བཅང་ཞེས་པ་དང་བརྟུལ་བའི་ཕྱིར་ལྕགས་ཀྱི་ཐལ་ཕྱགས་#
[257a.6]ཡུ་བ་ཅན་བཅང་#ཞེས་པ་དང་། སྤྱ་གུ་དང་ཤིང་གིས་ཀྱང་དེའི་དོན་གྲུབ་#བོ་ཞེས་པ་ནི་ཞུགས་ལིང་དང་ཐལ་ཕྱགས་#དང་མེ་བསྡུ་བའི་སྤྱ་གུ་ཤིང་གི་ཐལ་ཕྱགས་#བྱས་ཀྱང་བླ་བའོ། །ཁང་སྐྱོང་གིས་#གཙུག་ལག་ཁང་གི་ཕྱག་དར་ཉིན་རེ་ཞིང་ཞེས་པ་དང་། མི་ནུས་ན་བཀོ་བའི་ཕྱོགས་རྣམས་སོ་ཞེས་པ་དང་། ལྷག་མ་ནི་བཅུ་བཞི་འམ་
[257a.7]བཅོ་ལྔ་ལ་གཎྜཱི་#དེས་དགེ་འདུན་ཐམས་ཅད་བསྡུས་ཏེ་ཆོས་ཀྱི་གཏམ་མམ་འཕགས་པའི་མི་སྨྲ་བས་སོ་ཞེས་པ་དང་། ཆོས་ཀྱི་ཡོ་ལང་གི་ཚེ་ལྕི་གསར་གྱིས་བསྐུ་ཞེས་པ་དང་། མཇུག་#ཏུ་ཁྲུས་པ་ཞེས་པ་དང་། ཡང་#ན་ཡང་རྐང་ལག་བཀྲུ་ཞེས་པ་དང་། ཡན་ལག་ཆུས་བརླན་ཏེ་ཕྱི་ཞེས་པ་དང་། སྣུམ་གྱི་#རྙེད་པ་བྱ་ཞེས་
[257b]
[257b.1]པ་ནི་གཙུག་ལག་ཁང་གི་ཕྱག་དར་ཐབས་འདི་ལྟར་གྱིས་ཤིག་པའོ། །དཀོན་མཆོག་གི་ཕྱིར་ཉུག་ཅིང་སྐུད་པ་དང་དྲི་གཙང་ཁང་#དང་སྐུ་གཟུགས་དང་། མཆོད་རྟེན་དང་སྲོག་ཤིང་རྣམས་ཀྱི་གྲིབ་མ་ལ་ཞལ་ནས་གསུངས་#པའི་ཚིགས་བཅད་བཀླག་#ཅིང་རྒལ་ཞེས་པ་ནི་དྲི་གཙང་ཁང་གི་བྱི་བདར་བྱེད་པ་དང་། མཆོད་རྟེན་ལ་སོགས་
[257b.2]པའི་གྲིབ་མ་ལ་འགོམ་པའི་ཚེ་ཐབས་འདི་ལྟར་གྱིས་ཤིག་པའོ། །དེའི་ཚེ་མལ་སྟན་བསྟར་ཞིང་བཅོས་#པ་ཡང་ཞེས་པ་ནི་ཚེས་བརྒྱད་དམ་བཅུ་བཞིའི་ཚེ་དགེ་འདུན་གྱི་མལ་སྟན་བསྟར་#ཞིང་བཅོས་པ་ཡང་དགེ་འདུན་སྤྱིས་ལག་རབ་ཏུ་གྱིས་ཤིག་པའོ། །དེ་དག་སུས་བྱ་ཞེ་ན། གནས་པས་སོ་ཞེས་པ་ཡིན་ཏེ། མཁན་པོའམ་
[257b.3]སློབ་དཔོན་གྱི་མལ་སྟན་བཅོས་ཤིང་བསྟར་བའི་ལས་གནས་པས་གྱིས་ཤིག་པའོ། །གནས་ཀྱི་དངོས་པོ་གདབ་ཅིང་ཕྱག་བྱ་བ་དང་། ལྕི་བ་སར་པས་བྱུག་པ་རྣམས་བྱ་ཞེས་པ་དང་། མལ་སྟན་གྱི་དྲི་མ་སྤྲུག་ཅེས་པ་དང་། ཞེན་ཚབས་ཆེ་ན་#བཀྲུ་ཞེས་པ་དང་། སྔར་བཏབ་ལ་ཕྱག་ཅེས་པ་དང་། དེ་ནས་གདིང་ཞེས་པ་དང་། གཞི་
[257b.4]རྡུལ་ཡོད་པ་མ་སྤྲུགས་#པར་མ་ཡིན་ཞེས་པ་དང་། གདིང་བ་ལས་གོས་གཅིག་གིས་གདབ་#པར་བྱ་ཞེས་པ་དང་། ནད་པ་ལས་སོ་ཞེས་པ་དང་། འདི་བཅོས་ཞེས་པ་དང་། མི་རུང་ན་གཤེགས་པ་དབྱིག་གུའི་ཐོག་མར་བཏགས་ཏེ། བརྡབ་ཅེས་པ་དང་། དེ་ལྟར་ཡང་མི་རུང་ན་ལྕི་བའམ་ས་དང་བསྲེས་ལ་#ཀ་བའི་གསེབ་བམ་
[257b.5]རྩིག་ངོས་བྱུག་ཅེས་པ་དང་། སྦྱིན་བདག་གིས་བསོད་ནམས་ཡུན་དུ་སྤེལ་བའི་ཕྱིར་རོ་ཞེས་བྱ་བ་ནི་མལ་སྟན་བྱི་བདར་གྱིས་རྟགས་#དེ་ལྟར་གྱིས་ཤིག་པའོ། །སྒོ་ཁང་ངམ་ཁྱམས་སུ་མལ་མི་བཅའ་བཅས་ནའང་མི་གཞག་ཅེས་པ་དང་། ཁ་ཆར་གྱི་གཉེན་པོར་བརྒྱད་དང་བཅུ་#བཞི་ལ་ཁྱམས་སུ་གདོན་ཞེས་པ་ནི་དགེ་
[257b.6]སློང་གི་རྫས་བརྐུས་པ་སྐད་དུ་ཁྱིམ་པ་ཟེར་བའི་གཉེན་པོ་འདི་ལྟར་གྱིས་ཤིག་པའོ། །ཁྲི་དང་ཁྲིའུ་བཅང་ཞེས་པ་དང་། བསྟར་བ་#ལ་མི་གཟན་པར་རྐང་བའི་མ་ཐོག་ཁ་ད་ཆད་དུ་བྱ་བ་དང་ཕམ་མཚམས་ཀྱི་སྟེང་དུ་བླང་བའམ་ར་དས་དཀྲི་བར་རོ་ཞེས་པ་དང་ཁྲི་རྐང་པ་རི་མོ་ཅན་དགེ་འདུན་མ་ཡིན་པ་བདག་གིར་མི་བྱ་ཞེས་
[257b.7]པ་དང་། སྟན་བཟང་པོ་དང་རྒྱབ་རྟེན་ཅན་ཡང་མ་ཡིན་ཞེས་པ་དང་མར་མེའི་ཤིང་ཡང་མ་ཡིན་ཞེས་པ་དང་། ཡལ་ག་མང་པོ་ཞེས་ཀྱང་ཁ་ཅིག་ཅེས་པ་ནི་ཁྲིའི་རྐང་པ་ས་ལ་མི་གཟན་པར་བྱ་བ་དང་། ཁྲིའུ་ལ་སོགས་པ་འདི་དག་ལྟ་བུ་གང་ཟག་གི་སྒོར་མ་སྲེལ་ཅིག་པའོ། །གོར་བུ་དང་རློང་ཅན་དང་སྔས་རྣམས་བཅང་
[258a]
[258a.1]ཞེས་པ་དང་། བཞི་དང་གཉིས་བལྟ་བ་སྟེ་བཙེམས་པའོ་ཞེས་པ་དང་། ཤིང་བལ་གྱིས་#དག་པ་ཅེས་པ་ནི་མིང་གིས་སྨོས་པ་འདི་རྣམས་ནི་གང་ཟག་གིས་ཀྱང་ཆོངས་ཤིག་པའོ། །དེ་ལ་བཞི་དང་གཉིས་བལྟབ་ཅེས་པ་ནི་སྲིད་དུ་ཁྲུ་བཞི་ཞེང་དུ་ཁྲུ་དོ་བལྟབ་པའི་སྔས་གྱིས་ཤིག་པའོ། །མ་བརྟགས་པར་ཉལ་
[258a.2]བར་#མི་བྱ་ཞེས་པ་དང་། དྲན་པ་ཉེ་བར་མ་བཞག་པ་མ་ཡིན་ཞེས་པ་དང་། ཁྲི་གཅིག་གམ་གདིང་བའམ་ཞེས་པ་དང་གཞན་ལའང་ཟླ་དང་ལྷན་ཅིག་ཏུ་མ་ཡིན་ཞེས་པ་དང་། མེད་ན་ཁྲེལ་ཡོད་པ་དང་གདིང་བ་སོ་སོར་བྱ་སྟེ་རློད་ཅན་ལ་སོགས་པས་བར་བཅད་དྲན་པ་ཉེ་བར་གཞག་ལ་ཉལ་བར་བྱ་ཞེས་པ་དང་། ཁྲི་ལ་གསུམ་
[258a.3]ལས་ལྷག་པར་ཕལ་ཆེར་ལྷན་ཅིག་མི་བཀོད་ཅེས་པ་དང་། ཁྲི་རིང་པོ་ལས་གཉིས་ལས་མ་ཡིན་ཞེས་པ་དང་། ཁྲིའུ་ཆུང་ངུ་གཅིག་ལས་མ་ཡིན་ཞེས་པ་དང་། ལོ་གསུམ་གྱི་ཁྱད་ཞུག་པ་#པ་དང་སྟན་ལ་ལྷན་ཅིག་ཏུ་མ་ཡིན་ཞེས་པ་དང་། ཁྱིམ་པའི་དེར་སྟན་མེད་ན་དྲན་པ་ཉེ་བར་གཞག་པ་མཁན་པོ་དང་ཡང་#ལྷན་ཅིག་ཏུ་#
[258a.4]འདུག་པར་བྱ་ཞེས་པ་དང་། ཁྱིམ་པ་དང་ནི་གར་ཡང་མ་ཡིན་ཞེས་པ་དང་། བསྙེན་པར་མ་རྫོགས་པ་དང་མ་ཡིན་ཞེས་པ་དང་། ཟ་མ་མ་ནིང་མ་གསོད་པ་ལ་སོགས་པ་#མུ་སྟེགས་སུ་ཞུགས་པ་རྐུན་བུར་#གནས་པ་ཐ་དད་དུ་གནས་པ་མི་གནས་པ་རྣམས་དང་མ་ཡིན་ཞེས་པ་དང་། བསླབ་པ་བྱིན་པ་དང་མ་ཡིན་ཞེས་པ་དང་། བསྙེན་
[258a.5]པར་རྫོགས་པའི་དགེ་འདུན་འདུས་པ་#མ་གཏོགས་པ་གཞན་དུ་དྲེའུ་རྡོག་གི་སྟན་ལ་མ་ཡིན་ཞེས་པ་དང་། མུ་སྟེགས་སུ་ནི་མ་གཏོགས་ཞེས་པ་དང་། གནོད་པས་བྲེལ་བའི་ཚེ་ཉེས་མེད་ཅེས་པ་ནི་བྲེལ་བའི་རྐྱེན་མེད་པར་མིང་གིས་སྣོས་པ་འདི་དག་ལྟར་མ་བྱེད་ཅིག་པའོ། །སྦེད་པའི་ཚེ་གཉིས་ཡོད་ན་གཅིག་གིས་ཁྲིའམ་
[258a.6]ཁྲིའུ་བསྐུར་#གཅིག་གིས་ནི་རློང་ཅན་ལ་སོགས་པའོ། །དགེ་འདུན་གྱིས་ལ་བག་མེད་པར་བཤལ་ཅིང་དྲུད་པར་མ་ཡིན་ཞེས་པ་དང་། ཅི་ནས་ཀྱང་དུ་བ་དང་དྲི་མ་དང་རྡུལ་གྱིས་ཕོག་པར་མི་བྱ་ཞེས་པ་དང་། འདི་མི་གཙང་བའི་སའམ་དེའི་ཉེ་#འཁོར་དུ་མ་ཡིན་ཞེས་པ་དང་། ཆུད་གཟན་ཅིང་མི་དོར་ཞེས་པ་དང་། སྐམ་
[258a.7]སྲད་ཕུག་རྡོལ་བ་གླན་ཞེས་པ་དང་། རལ་ན་ཆུད་བུ་ཞེས་པ་དང་། དབུས་ཟད་ན་ཐ་མ་དབུས་སུ་བསྣོར་ཞེས་པ་དང་། འོས་ན་གཙོ་#ཞེས་པ་དང་། བཅོས་སུའང་#མི་རུང་ན་མར་མེའི་གསལ་བར་བྱས་ལ་དཀོན་མཆོག་གི་ཡོ་བྱད་དང་གང་ཟག་ཡོན་བདག་གིར་རོ་ཞེས་པ་དང་། དེར་ཡང་མི་རུང་ན་འདིའི་ཐབས་ནི་འཇི་བ་དང་
[258b]
[258b.1]བསྲེས་ལ་དཀོན་མཆོག་གི་རྩིག་པ་དང་། ཀ་བ་དང་། སྒོ་འཕར་གྱི་གསེབ་ཏུ་བྱུག་པར་ཞེས་པ་དང་། མནོས་ཏེ་ཁྱེར་བས་སོ་ཞེས་པ་དང་། ལྷག་མ་ནི་གཎྜཱིས་#བསྡུས་པའི་དགེ་འདུན་གྱིས་སོ་ཞེས་པ་ནི་མི་གཉིས་འགའ་འཁོད་#ལ་མལ་སྦེད་ན་ལག་རབ་ཏུ་བསྐུར་#བ་ལ་སོགས་པ་ཐབས་འདི་དག་ལྟར་གྱིས་ཤིག་པའོ། །
[258b.2]དེ་ལ་མནོས་ཏེ་ཁྱེར་བས་སོ་ཞེས་པ་ནི་མལ་སྟན་སོ་སོར་ཁྱེར་བའི་རིམ་གྲོ་ནི་སོ་སོར་ནོས་པ་དེ་དག་ཉིད་ཀྱིས་གྱིས་ཤིག་པའོ། །ལྷག་མ་ནི་ཞེས་པ་ནི་མ་བགོས་པར་སྤྱི་ལ་འདུག་པ་རྣམས་ནི་དགེ་འདུན་སྤྱིས་བསྡུས་ལ་སྤྲུག་བརྡབ་དང་འཚེམ་#འདྲུབ་གྱིས་ཤིག་པའོ། །དགེ་འདུན་གྱིས་#བརྐུས་པར་མཐོང་བ་ནུས་ན་མི་
[258b.3]ཟློག་པར་མ་ཡིན་ཞེས་པ་དང་། གཏད་པའི་ཚེ་དགེ་འདུན་གྱི་ལག་ཡེལ་བར་མི་བྱ་གནས་སུ་མ་འཁོར་གྱི་བར་དུ་ཁྱེར་བས་སྤྱད་ཅེས་པ་དང་། དེ་ཉིད་ཀྱི་གནས་སུ་བསྐུར་#དུ་མི་རུང་ན་དེ་གནས་གཞན་དུ་སྤྱད་པར་བྱ་ཞེས་པ་ནི་དགེ་འདུན་གྱི་དཀོར་རྐུན་པོས་ཁྱེར་བ་ཟློག་པའི་ངོ་བཟློག་བྱ་བ་དང་། གཏད་པའི་ཚེ་
[258b.4]དགེ་འདུན་གྱི་རྫས་ཡལ་བར་མི་དོར་བ་དང་། མ་བོར་བར་ཁྱེར་བ་སླར་མ་འཁོར་གྱི་བར་དུ་ཁྱེར་བ་ཉིད་སྤྱོད་དུ་དབང་བ་དང་། རྫས་དེ་ཉིད་ཀྱི་གནས་སུ་སླར་བསྐུར་#རམ་བསྐུར་དུ་མ་བདེའམ་#མ་ནུས་ན་གནས་གཞན་དུའང་ཁྱེར་ལ་སྤུ་མ་བསྒྱུར་བར་དེ་བཞིན་དུ་སྤྱོད་ཅིག་པ་རྣམས་སུ་སྟོན་པའོ། །གནས་གཞན་གྱི་
[258b.5]ཟས་དང་ཡོ་བྱད་གནས་གཞན་དུ་མི་སྤྱོད་ཅེས་པ་དང་། འདི་གཞན་དུའང་མི་སྤྱད་ཅེས་པ་དང་། ཁྱེར་ན་འབུལ་དུ་གཞུག་ཅེས་པ་དང་། མི་སྟེར་ན་སུས་སྦྱིན་པ་ལ་བདེ་#ཞེས་པ་ནི་གཙུག་ལག་ཁང་གཅིག་གི་#ཟས་དང་། ཡོ་བྱད་གཙུག་ལག་ཁང་གཞན་དུ་མི་སྤྱད་པ་དང་། གཞན་ལ་སྦྱིན་པར་ཡང་མི་བྱ་བ་དང་ཁྱེར་ན་
[258b.6]སླར་དགུག་པ་དང་། མི་སྟེར་ན་སུ་བདར་གཏོང་བ་དེ་ལ་དོས་#ཤིག་པ་རྣམས་སོ། །དགེ་འདུན་གྱི་ཤས་ལ་དབང་བས་རྩི་ཞིང་མི་འཁོར་བ་ནི་སྤྱད་ཀྱང་བདག་གི་བཞིན་དེ་ཉེས་མེད་ཅེས་#པ་བདག་ཉིད་ཀྱང་དགེ་འདུན་གྱི་དེའི་ནང་དུ་གཏོགས་ཤིང་ཤས་ལ་དབང་བ་ཞིག་ན་རྩི་ཤིང་#ལྷག་མ་ཙམ་གྱི་ཚོད་སྤྱད་ཀྱང་བླ་
[258b.7]བའོ། །མ་བགོས་པར་སྤྱིའི་#འཁོར་དུ་སྤྱོད་པ་གོ་རིམས་མེད་ཅེས་པ་དང་། སློང་བ་ལྷན་ཅིག་ན་ནི་དེ་ལྟའོ་ཞེས་པ་དང་། འདི་སྤྱོད་བཞིན་དུ་འཕྲོ་ལ་མི་འཕྲོག་ཅེས་པ་ནི་དགེ་འདུན་གྱི་ཟངས་ལ་སོགས་པའི་སྤྱི་འཁོར་དུ་སྤྱོད་པའི་རྫས་ལ་རྒན་རིམས་མེད་པ་དང་། མཉམ་པར་བརྙས་ན་གདོད་རྒན་རིམས་
[259a]
[259a.1]ཡོད་པ་དང་། རྫས་དེས་སྤྱོད་#བཞིན་པའི་འཕྲོ་ལ་ཁ་རྔམ་#མ་བྱེད་ཅིག་པ་རྣམས་སོ། །རྐང་པ་བཀྲུ་བའི་ས་ནི་ཆུ་ཕོག་ན་དེའོ་ཞེས་པ་དང་། བཤང་སར་ཞུགས་ན་དེའོ་ཞེས་པ་ནི་རྐང་པ་#བཀྲུ་བའི་གཞི་སྤྱི་མཐུན་#དུ་འདུག་ལ་#སྔ་མ་གཅིག་དེར་འོངས་ཏེ། རྐང་པ་ཆུས་ཕོག་པ་ཡན་ཆད་དེ་དབང་
[259a.2]བར་གྱུར་པ་དང་། སྣམ་ཕྱི་#སར་ཞུགས་ཟིན་ན་དེ་དབང་བའོ། །ཅོག་པུར་འདུག་པ་མི་བསླང་ཞེས་པ་དང་། འདི་ལ་རྒན་རིམས་མེད་ཅེས་པ་དང་། ལས་དང་ཟས་ཀྱིས་སྨོས་པའི་དགེ་སློང་མ་ཡིན་ཅེས་པ་དང་། གྲལ་མི་བསྣོར་ཞེས་པ་ནི་བསམ་གཏན་ལ་ཞུགས་ཟིན་པ་མ་སློང་ཤིག་པ་དང་། དེ་ལྟར་བཀོད་པ་
[259a.3]ལ་རྒན་རིམས་མེད་པ་དང་། ལས་བྱེད་པ་དང་ཟས་ཟ་བཞིན་བའི་འཕྲོ་ལས་མ་སློང་ཤིག་པ་དང་། གྲལ་རིམས་བསྣོར་ཏེ་ཆལ་བར་འཁོད་པ་ལྟ་བུ་མ་བྱེད་ཅིག་པའོ། །སྤྱིའི་འཁོར་དུ་སྤྱོད་པས་སུ་འདོད་པས་སྤྱད་ཟིན་ན་མི་བཀྱིག་ཅེས་པ་ནི་སྤྱིའི་འཁོར་གྱི་རྫས་དེ་ཟིན་ནས་སུ་འདོད་པ་ལ་མ་བཀྱིག་#པར་བྱིན་ཅིག་
[259a.4]པའོ། །བྱེད་པའི་འཕྲོ་ལ་སྐབས་སུ་སྟན་བཏང་ཡང་བྱ་བ་མ་བྱས་པའོ་ཞེས་པ་དང་། དེ་ལྟ་བུའི་ཚེ་གོས་སམ་པུས་འཁྱུད་གཞག་#ཅེས་པ་ནི་ཚོན་ལ་སོགས་པའི་ལས་བྱེད་པའི་སྐབས་སུ་དོན་ཆེད་གཞན་གྱི་དབང་གིས་སྟན་དེ་ལ་མ་འདུག་པར་གུད་དུ་སོང་ཡང་དེས་ད་དུང་བྱ་བ་#བྱས་ཟིན་པ་མ་ཡིན་པ་དང་། དེ་ལྟ་བུའི་ཚེ་
[259a.5]བདག་གིས་#གོས་སམ་པུས་འཁྱུད་#ལ་སོགས་པའི་མཚན་མ་དེར་འོར་ལ་གུད་དུ་སོང་ཤིག་པའོ། །འདོད་པའང་ཡོད་ལ་#འབྱོར་ཡང་རུང་བཞིན་དུ་དགེ་འདུན་གྱིས་སྨྲས་#པར་སྙད་འདོགས་ཤིང་མི་སྤྱད་ཅེས་པ་འདི་ལྟ་བུ་ལ་དགོས་#ཀྱིན་ཕྱོགས་ཀྱང་བླ་ཞེས་པ་ནི་དགེ་འདུན་གྱི་རྫས་སྤྱི་འཁོར་དུ་སྤྱོད་པ་དེ་བཞིན་འདོད་པ་
[259a.6]ཡོད་ལ་གུད་དུ་བྱར་རུང་བཞིན་དུ་བདག་གི་ཚོན་ལ་སོགས་པ་ཡོད་ཅིང་མ་ཟིན་པ་སྐད་དུ་རྫས་སྣ་འགའ་ཡོད་པ་ལ་སྙད་འདོགས་ཤིང་བྱར་ཡོད་བཞིན་དུ་འཁྱིག་པར་མ་བྱེད་ཅིག་པ་དང་། དེ་ལྟར་སྙད་འདོགས་ཤིང་མི་སྟེར་ན་ཕྲོགས་ཀྱང་བླ་བའོ། །དགེ་འདུན་གྱིས་གཏུན་དང་གཏུན་#བུ་བཅང་ཞེས་པ་དང་། འདྲེག་
[259a.7]མཁན་གྱིས་སྤྱད་ཀྱང་ཞེས་པ་དང་། སྣོད་དུ་བཅུག་ལ་རྩིག་ངོས་ལ་གཟར་ཞེས་པ་དང་། སྟེའུ་དང་སྟ་རེ་དང་གཟོང་བུ་ལ་སོགས་པ་དང་། དེའི་སྣོད་ཀྱང་ཞེས་པ་དང་། དགེ་སློང་བསྙེན་ན་#འདི་དག་དང་ཁང་#སྤྱད་ཡན་ཆད་སྦྱིན་ཞེས་པ་དང་། མིང་གིས་སྨོས་པའི་བཟོ་སྤྱད་འདི་རྣམས་དགེ་འདུན་གྱིས་#ཆོངས་ཤིག་
[259b]
[259b.1]པ་དང་། བསྙེན་ན་འདི་དག་ལ་སོགས་པ་ཁང་#པའི་སྤྱད་ཡན་ཆད་ཀྱང་བྱིན་ཅིག་པའོ། །དགེ་སློང་མ་#འཆིང་བུའི་སྣོད་མི་བཅང་ཞེས་པ་དང་། འབྲུ་མར་གྱི་#སྣོད་ཐམས་ཅད་ཀྱིས་བཅང་ཞེས་པ་དང་། སྲང་བརྒྱད་ནི་མན་ཆད་བཞི་ནི་ཡན་ཆད་ཤོང་བའོ་ཞེས་པ་དང་། འདི་ལྕགས་ཀྱིས་#དོལ་ཡང་ཞེས་པ་#དང་། འདི་ལྕགས་
[259b.2]ཀྱིས་སྐྱེད་#ཀྱང་ཞེས་པ་དང་། ཁམ་#པའི་སྒྱེད་(པོ་,པུ་)ཡ་#ཞེས་པ་ནི་མིང་གིས་སྨོས་པ་འདི་རྣམས་ཆོངས་ཤིག་པའོ། །སྡོམ་པ་ཐོབ་པ་ན་ཁར་བ་ཞེས་པ་དང་། ཁ་དོག་གཅིག་པ་ཡང་ཞེས་པ་དང་། འདི་དབོག་ཞེས་པ་དང་། རྒས་སམ་ནད་པ་ཞིག་ནའོ་ཞེས་པ་དང་། འདི་གཉིས་ཚིག་གཅིག་གིས་སྦྱིན་དུ་རུང་ཞེས་པ་ནི་ཁང་
[259b.3]བ་དང་འདྲ་#བའི་སྡོམ་པ་ཐོབ་ན་རྒན་པོ་དང་ནད་པས་བཅང་དུ་རུང་བ་དང་འདི་དག་ལྟ་བུ་ལ་སྡོམ་པ་ཅིག་ཅར་དུའང་དབོག་དུ་རུང་བ་རྣམས་སུ་སྟོན་པའོ། །སྡིག་སྦུར་ལ་སོགས་པའི་གཉེན་པོར་ཁར་བ་སྒྲ་ཅན་བཅང་ཞེས་པ་དང་། ཁར་#བའི་དུང་འགས་ན་དབུབས་སུ་གཞུག་ཅེས་པ་དང་ཐ་མ་ལྕམ་ཁྲིས་བྱ་ཞེས་པ་ནི་
[259b.4]ཁར་#བ་སྒྲ་ཅན་འདི་ལྟར་བྱས་པ་ཆོངས་ཤིག་པའོ། །བཏགས་#པའམ་མ་བཏགས་པའི་གདུགས་བཅང་ཞེས་པ་དང་། ཡུ་བ་རྐྱེན་དུ་བབ་པ་ཞེས་པ་དང་། འདི་དང་གྲོང་གི་དབུས་སུ་མི་འགྲོ་ཞེས་པ་དང་། ལམ་དུ་ནི་གློས་ཕབ་སྟེའོ་ཞེས་པ་དང་། ཆར་འབབ་ན་བསོད་སྙོམས་ལས་སྤྱད་ཅེས་པ་དང་ཡུ་བ་
[259b.5]བཙུགས་#ན་ནི་མི་རུང་བ་མེད་ཅེས་པ་དང་། ཆར་ཆད་ན་ཁྱིམ་དུ་གདམས་ཞེས་པ་དང་། ལོག་ནས་བླང་ཞེས་པ་ནི་གདུགས་#བཅང་བ་དང་སྤྱད་པའི་ཐབས་འདི་དག་ལྟར་#གྱིས་ཤིག་པའོ། །རོལ་མོ་མཁན་སྨད་འཚོང་ཆང་འཚོང་རྒྱལ་པོའི་ཁྱིམ་རིགས་ངན་གྱི་ཁྱིམ་རྣམས་སུ་མི་སྤྱད་ཅེས་པ་དང་། མི་གཙང་
[259b.6]བའི་ཕྱོགས་སུ་མ་ཡིན་ཞེས་པ་ནི་མིང་གིས་སྨོས་པའི་གནས་འདི་རྣམས་སུ་མ་འགྲོ་མ་འདུག་ཤིག་པའོ། །རིན་པོ་ཆེར་གྱུར་པའི་གོས་དང་དགོན་པར་མི་གནས་ཞེས་པ་དང་། ལ་བ་ལ་ནི་#མེ་རུ་ཀའི་ཕྱེ་མས་བཏབ་ན་སྲོག་ཆགས་མི་སྐྱེ་#ཞེས་པ་དང་། ཤིང་ཀུན་ཡང་ངོ་ཞེས་པ་དང་། ནིའི་ན་འབའ་དང་འབའ་
[259b.7]ཤ་ཀའི་འདབ་མ་ཡང་དེའི་ངོས་གཅིག་ཏུ་ཕུར་ལ་དེ་ལ་#ཕན་རབ་ཅེས་པ་དང་། དེའི་ཕྱིར་བསྒོམ་པ་ཡང་ཞེས་པ་ནི་ཡང་ལ་བ་རིན་པོ་ཆེ་དགོན་པ་བས་མ་སྤྱོད་ཅིག་པ་དང་། ལ་བ་དང་སྲིན་#ལ་སོགས་པའི་སྲོག་ཆགས་མི་འཆགས་པའི་ཐབས་འདི་ལྟར་གྱིས་ཤིག་པའོ། །དགོན་པ་པས་ཕྱོགས་ལམ་#ཚེས་
[260a]
[260a.1]གྲངས་སྐར་མ་རྣམས་ལ་མཁས་པར་བྱ་ཞེས་པ་དང་། མེ་དང་ཆུ་རྟག་པར་བསྡོགས་ཞེས་#པ་དང་། ཕྱེ་སྦྲང་རྩི་མར་དེ་རྣམས་ཅི་འབྱོར་པར་བཤམ་ཞེས་པ་དང་། འབྱོར་ན་ཟས་ཀྱི་ལྷག་མ་ཡང་ངོ་ཞེས་པ་ནི་དགོན་པ་པས་སྐར་མ་ལ་སོགས་པ་ལ་མཁས་པར་བྱ་བ་དང་། ཆོམ་རྐུན་འཚེ་
[260a.2]བའི་སྟ་གོན་འདི་ལྟར་གྱིས་ཤིག་པའོ། །དགེ་སློང་མ་དགོན་པར་མི་གནས་ཞེས་པ་དང་། དབྱར་མོ་ཐང་གྲོང་ཁྱེར་གྱི་དབུས་སུ་བྱ་ཞེས་པ་དང་། འདིའི་སྒོར་འདི་མི་འཁོད་ཅེས་པ་དང་། སྣང་ཡལ་ཅན་ནས་མ་ཡིན་ཞེས་པ་དང་། ལམ་གྱི་བཞི་མདོར་མ་ཡིན་ཞེས་པ་དང་། སྒྲེན་མོར་མ་ཡིན་ཞེས་པ་དང་། རྔུལ་
[260a.3]གཟན་#ཙམ་ཡང་བགོ་ཞེས་པ་དང་། ཁྱིམ་པའི་དྲུང་དུ་ཕྲག་པ་མ་གཡོས་པ་#མ་ཡིན་ཞེས་པ་དང་། འདི་སྐྱིལ་མོ་ཀྲུང་ནི་སྐྱིལ་མོ་ཀྲུང་གི་ཕྱེད་དུའོ་ཞེས་པ་དང་། ཟག་བྱེད་ཀྱི་སྒོར་སྲིན་བུ་མི་འཇུག་པར་གོས་#ལ་སོགས་པས་ཀླུབས་ཞེས་པ་དང་། དགེ་སློང་གིས་#དགེ་སློང་མ་གཙུག་ལག་ཁང་དུ་འོང་དུ་མི་སྟེར་བར་
[260a.4]མི་བྱ་ཞེས་པ་དང་། འདི་དག་དུལ་བ་ནི་མི་སྨྲ་བ་དང་། ལུང་མི་སྦྱིན་#པ་དང་། གསོ་སྦྱིན་དང་ཚུལ་ནས་འབྱུང་བ་བཀྱིགས་པས་སོ་#ཞེས་པ་དང་། དགེ་སློང་གིས་#མ་གནང་བར་གཙུག་ལག་ཁང་དུ་མི་འཇུག་ཅེས་པ་དང་། ཞུ་བ་ལས་མཉན་ཏེ་ཁོ་ན་མི་བྱེད་པ་ལྟ་ན་ཅི་ནས་ཀྱང་ཁོན་#མེད་པ་ན་གནང་ངོ་ཞེས་སོ་ཞེས་པ་ནི་
[260a.5]དགེ་སློང་མས་བསླབ་པ་དང་། དགེ་སློང་མ་གདུལ་བའི་ཐབས་འདི་དག་ལྟར་གྱིས་ཤིག་པའོ། །གནས་སུ་གཏོགས་པ་གོང་མ་ལྟར་བསྟན་ནས། དེ་དག་སྲུང་བ་ལ་སོགས་པའི་རིམ་གྲོ་བྱ་བ་#སྟོན་པ་ནི་རྐེད་གཏན་གཟེར་གཏན་ཟུང་#མིག་ཀྱོག་པོ་རྣམས་ཀྱིས་#གཙུག་ལག་ཁང་བསྡོམ་#ཞེས་པ་དང་། ནུབ་ཀར་ཁང་
[260a.6]སྐྱོང་གིས་གཙུག་ལག་ཁང་བྱུལ་ཞིང་བསྡོམ་#ཞེས་པ་དང་། བག་ཚ་ན་#མེལ་ཚེ་གཟུགས་ཞེས་པ་དང་། དེར་#བསྐོས་པ་གཉིད་དང་མཉམ་པར་འཇོག་པ་བཏང་ཞེས་པ་དང་། གནས་བརྟན་གྱིས་#ཁང་སྐྱོང་ལ་འདིར་རིམ་གྲོ་བྱ་བ་རྣམས་བྱས་སམ་ཞེས་སྨྲ་ཞེས་པ་དང་། གལ་ཏེ་གཙུག་ལག་ཁང་ནས་སྟོར་བ་བསྡོམ་#
[260a.7]པར་བྱ་བ་རྣམས་ཀྱིས་མ་བསྡོམས་#ན་སྐྱིན་ཁྲིན་ཁང་སྐྱོང་ལ་དབབ་ཅེས་པ་དང་། མ་ཚང་བ་དེ་ཉམས་པ་དེ་སྙེད་ཀྱི་ཁྲིན་ཏེ་ཞེས་པ་དང་། ལྡེ་མིག་དང་ལྡེ་མིག་ཀྱོག་པོ་བཅང་ཞེས་པ་དང་། བསྡོམས་#པ་ཇི་སྙེད་པ་རྣམས་ཀྱི་སྒོ་མ་བསྡོམས་#པར་མི་འགྲོ་ཞེས་པ་དང་། གནས་སྟོང་པར་ལྷགས་ན་འདིར་དགབ་པ་ལ་
[260b]
[260b.1]སོགས་པ་བྱ་ཞེས་པ་དང་། སྣོད་སྤྱད་འཐོར་བ་བརྟུལ་ཞེས་པ་དང་། དེར་འོས་པ་ཞིག་ན་བཀྲུས་ཏེའོ་ཞེས་པ་དང་། རུང་བར་བྱེད་པ་ཡོད་ན་ལྡམ་ལྡུམ་བཙལ་#ཞེས་པ་དང་། ཁྱིམ་པ་དག་དེར་འོངས་ན་#ཆོས་ཀྱི་གཏམ་དང་། གཞན་ཡང་ཅི་ནུས་པའི་ཆོས་བྱ་ཞེས་པ་རྣམས་ཡིན་ཏེ། གནས་ཀྱི་ནང་གི་རིམ་གྲོ་མིང་གིས་སྨོས་པ་འདི་དག་
[260b.2]ལྟར་གྱིས་ཤིག་པའོ། །ནང་གི་བྱ་བ་དེ་ལྟར་བསྟན་ནས་ཕྱི་རོལ་གྱི་བྱ་བ་རྣམས་བསྟན་པ་ནི་ཤིང་སྐྱེད་དུ་མི་རུང་བ་མེད་ཅེས་པ་དང་། འདི་བསྐྱེད་ནས་མི་བསྲུང་བ་མ་ཡིན་ཞེས་པ་དང་། དེའི་ཤིང་ནི་མེ་ཏོག་ཆགས་ཀྱི་བར་དུའོ་ཞེས་པ་དང་། གཞན་ནི་འབྲས་བུའི་བར་དུའོ་ཞེས་པ་དང་། རིང་ནའང་ལོ་ལྔར་རོ་ཞེས་པ་དང་། #དགེ་སློང་
[260b.3]ལ་བཅོལ་བ་ནི་བདག་གི་བཞིན་ཞེས་པ་དང་། རྐང་ལག་བཀྲུ་བ་དང་སོ་ཤིང་བཅའ་བ་དང་། ལྷུང་བཟེད་བཤལ་བ་དང་། ཁྲུས་བྱ་བ་རྣམས་ནི་འདིའི་རིམ་གྲོའོ་ཞེས་པ་དང་། ལྷགས་བས་མི་ཁྱེར་བར་ཁང་བུའི་དབུས་སུ་གཞུག་ཅེས་པ་དང་། སྐར་ཁུང་གདོད་ཅིང་གཟེར་བུ་དབྱུང་ཞེས་པ་དང་། ཁབས་ཀྱིས་གཡོགས་
[260b.4]ཞེས་པ་དང་། སྟེང་གི་ཁང་བུ་འདྲུལ་བའི་ཕྱིར་སོ་ག་བཤུ་ཞེས་པ་དང་། ཆར་གྱིས་འདྲལ་#བའི་ཕྱིར་སྔ་མ་ཡང་ངོ་ཞེས་པ་དང་། འཁྲུང་བའོ་ཅོག་ལ་གཡེལ་བར་མི་བྱ་ཞེས་པ་དང་། འཁོར་གྱི་སྤེན་དུ་བགོ་ཞེས་པ་དང་། ཁ་ཅིག་ཏུ་སོ་ཤིང་བཟའ་ཁ་ཅིག་ཏུ་གདོང་བཀྲུ། ཁ་ཅིག་ཏུ་རྐང་ལག་ལ་སོགས་པ་བཀྲུ་
[260b.5]བར་བྱ་བའི་ཉི་ཚེ་ལྟར་#མ་ཡིན་ཞེས་པ་དང་། འབྲས་བུ་དང་མེ་ཏོག་སྲུང་བའི་དགེ་སློང་བསྐོ་ཞེས་པ་དང་། ཟ་བའི་ཚེ་གཞན་གྱིས་བརྗེ་ཞེས་པ་དང་། དང་པོར་ཟོས་ལ་དེར་འགྲོ་ཞེས་པ་རྣམས་ནི་ཕྱི་རོལ་གྱི་ལས་སུ་བྱ་བ་ནི་ཤིང་བསྐྱེད་པ་ལ་སོགས་པའི་རིམ་གྲོ་འདི་ལྟར་གྱིས་ཤིག་པའོ། །གོ་རེ་ལོང་གི་བྱ་བ་
[260b.6]རྣམས་བསྡུས་ཏེ་སྟོན་པ་ནི་ཀློག་པས་རིམ་གྲོ་ལྷག་པར་བྱེད་པ་མི་ནུས་པ་ལ་སྐུད་པར་བཏང་ཞེས་པ་དང་། དེའི་འདྲུལ་བ་ཤེས་ཏེ་བསྟན་པ་དང་། ཀློག་པ་དང་བྲི་#བ་རྣམས་ཀྱིས་#དགེ་སློང་མ་ལ་རྗེས་སུ་བརྩེ་བར་བྱ་ཞེས་པ་དང་། སྤྲིང་ཡིག་བྲི་ཞེས་པ་དང་། བརྗེད་ངས་པས་བཟུང་བའི་ཕྱིར་འདུལ་བ་ཡང་འདི་མི་བྲི་
[260b.7]ཞེས་པ་དང་། སོ་སོར་ཐར་པའང་འདིར་དེ་བཞིན་ཞེས་པ་དང་། དེ་དང་འབྲེལ་པ་ཡང་ཞེས་པ་དང་། གང་ཟག་གི་ཡང་ཞེས་པ་དང་། མཚན་གདབ་པ་ནི་ཉེས་མེད་ཅེས་པ་དང་། དགེ་འདུན་གྱི་སྟན་ཆ་ལ་མིང་བྲི་ཞེས་པ་དང་། མིང་འདི་ཞེས་བྱ་བའི་སྦྱིན་པའི་ཆོས་ཀྱི་གཙུག་ལག་ཁང་ཞེས་སོ་ཞེས་པ་དང་། གོས་ལ་ཞེས་
[261a]
[261a.1]པ་དང་། གཞན་ལ་ཡང་དེ་བཞིན་ཞེས་པ་རྣམས་ཡིན་ཏེ་འཕྲལ་གྱི་སྤྱད་པ་གོ་རེ་ལོང་དུ་བྱ་བ་ནི་འདི་དག་ལྟར་གྱིས་ཤིག་པའོ། །དེ་ལ་དེ་དང་འབྲེལ་ཞེས་པ་ནི་འདུལ་བའམ་སོ་སོར་ཐར་པ་དང་འབྲེལ་བ་སྟེ། དེ་ལ་འདུལ་བ་དང་འབྲེལ་པ་ནི་དངོས་པོ་དང་ཕྲན་ཚེགས་སུ་འབྲེལ་པའོ། །སོ་སོར་ཐར་པ་དང་འབྲེལ་
[261a.2]བ་ནི་རྣམ་པར་འབྱེད་པའོ། །སྟོན་པར་བྱེད་པ་ནི་དྲི་མ་ལ་སོགས་པ་དང་ཅིག་ཅར་དུ་དེ་ལྟར་བསྟན་ནས། འདོན་པར་རྩོམ་པས་བྱ་བ་#རྣམས་སྟོན་པ་ནི་སངས་རྒྱས་ཀྱི་ཚིག་ལ་ཆེད་དུ་དགྱེར་བ་དང་། འབྲུ་རེ་ནས་སྦྱར་བར་མི་བཀླག་#ཅེས་པ་དང་། གཞན་ལ་སྟོན་པར་ནུས་པས་སངས་རྒྱས་ཀྱི་ཚིག་ལ་བརྩོན་པའང་མི་བཏང་
[261a.3]བར་ཕྱི་རོལ་གྱི་གཙུག་ལག་ཡང་བསླབ་#ཅེས་པ་དང་། དེའི་དུས་ནི་ཉིན་གྱི་སུམ་ཆ་མི་བཙལ་བའོ་ཞེས་པ་དང་། མཚན་མོ་ཡང་ཞེས་པ་དང་། གསོད་#པའི་སྔགས་མནོད་ཅེས་པ་དང་། གདབ་པར་ཡང་བྱ་ཞེས་པ་དང་། གནོད་བས་མ་ཡིན་ཞེས་པ་དང་། འདི་དག་གི་ཕྱག་གི་གོ་ར་དཀོན་མཆོག་གསུམ་གཞུག་ཅེས་པ་
[261a.4]དང་། ལྷ་གཞན་ལ་ཕྱག་མི་བྱ་ཞེས་པ་དང་། མི་མཆོད་ཅེས་པ་དང་། བསྟི་སྟང་མི་བྱ་བ་ནི་མ་ཡིན་ཞེས་པ་དང་། དེའི་གནས་སུ་ཕྱིན་ན་དེའི་མདུན་དུ་སོང་བ་#ལ་སེ་གོལ་གྱིས་སྤྲན་ཏེ། ཞལ་ནས་གསུངས་པའི་ཚིགས་བཅད་བརྗོད་ཅིང་ཕན་གདགས་ཞེས་པ་དང་། གཏར་སྤྱད་དང་། ཁབ་རལ་དང་རམ་ཕྱིས་མ་གཏོགས་པར་ལག་བཟོ་
[261a.5]མི་བྱ་མི་བསླབ་དེའི་ཆ་སྤྱད་ཀྱང་མི་བཅང་ཞེས་པ་དང་། གསོ་བ་ལ་མཁས་པས་ཚངས་པ་མཚུངས་པར་སྤྱོད་པ་བསོད་ནམས་ཀྱི་བསམ་པས་གསོ་བར་བྱའི་རྔན་དགས་ཀྱི་བསམ་བས་ནི་མ་ཡིན་ཞེས་པ་དང་། བཀྲུ་སྨན་བཏང་#ནས་མི་འགྲོ་ཞེས་པ་དང་། དེ་ལྟ་བུའི་རྐྱེན་ཅིག་#ན་བཀྲུ་བ་གྲང་བ་ལ་སོགས་པའི་ཆོ་ག་དང་ཉེན་བསྟན་ཏེ་འགྲོ་
[261a.6]བར་བྱ་ཞེས་པ་དང་། ཚངས་པ་མཚུངས་པར་སྤྱོད་པ་དང་མཚན་མཐུན་པའི་འདྲེག་མཁན་ལ་ལས་དབེན་པའི་ཕྱོགས་སུ་བྱ་#ཞེས་པ་དང་། ཁྲི་རྐང་པ་ཆག་པ་བཅོས་པ་ཡང་ཞེས་པ་དང་། དཀོན་མཆོག་གི་ཕྱིར་ཕྲེང་བ་བརྒྱུ་བ་ཡང་ཞེས་པ་དང་། དཀོན་མཆོག་མཆོད་པའི་ཕྱིར་སེམས་ཅན་གྱི་གཟུགས་མ་ཡིན་པའི་རི་མོ་བྲི་ཞེས་པ་
[261a.7]དང་། དེའི་ས་གཅོད་#པ་དང་ཞེས་པ་ཡིན་ཏེ་འདོན་པ་ལ་སོགས་པས་བཀླག་#པ་དང་བསླབ་པ་ལ་སོགས་པའི་ཚུལ་འདི་དག་ལྟར་གྱིས་ཤིག་པའོ། །འདོན་པར་རྩོལ་བར་བྱ་བ་རྣམས་དེ་ལྟར་བསྟན་ནས། ཤི་བའི་ཡན་ལག་ཏུ་བྱ་བ་རྣམས་སྟོན་པ་ནི་ཚངས་པ་མཚུངས་པར་སྤྱོད་པ་ཤི་བའི་ལུས་ལ་མཆོད་པ་བྱ་ཞེས་པ་དང་། གལ་ཏེ་
[261b]
[261b.1]རྨ་ལ་སྲོག་ཆགས་མེད་པ་ཞིག་ན་བསྲེག་ཅེས་པ་དང་། ངེས་པ་ཁོ་ནར་བརྟག་ཅེས་པ་དང་། སྤང་ཐར་རམ་རྩང་པོ་སྐུར་བར་རོ་ཞེས་པ་དང་། མི་རུང་ན་ནགས་ཁུང་དུ་གཞག་ཅེས་པ་དང་། སྔས་བྱང་ཕྱོགས་སུ་བསྟན་ལ་གློ་གཡས་པས་བསྙལ་ཞེས་པ་དང་། སྔས་སུ་རྩྭ་བམ་གཞུག་ཅེས་པ་དང་། རྩྭའམ་ལོ་མ་དགབ་
[261b.2]ཅེས་པ་དང་། ཆོས་བསྒྲགས་པ་དང་། སྦྱིན་པ་བཤད་པར་བྱ་ཞེས་པ་དང་། རེག་པས་གོས་དང་བཅས་ཏེ་བཀྲུ་ཞེས་པ་དང་། བལ་གྱིས་#ཀྱང་རྐང་ལག་བཀྲུ་ཞེས་པ་དང་། མཆོད་རྟེན་ལ་ཕྱག་བྱས་ཏེ་འཇུག་ཅེས་པ་རྣམས་ཡིན་ཏེ། ཤི་བའི་ཡོ་བྱད་ནི་#འདི་ལྟར་གྱིས་ཤིག་པའོ། །མཆོད་རྟེན་ལ་རྣམ་པ་#གཉིས་ཏེ་
[261b.3]ཞེས་པ་དང་། སྦུབས་ཅན་དང་ཀ་བ་ལྟ་བུའོ་ཞེས་པ་ནི་མཆོད་རྟེན་ལ་ཁོང་སྟོང་མ་ཡིན་པ་རྣམ་པ་#གཉིས་ཡོད་པའོ། །འདི་དག་རབ་ཏུ་བྱུང་བ་ལའང་འོས་སོ་ཞེས་པ་དང་། དགེ་ནའོ་ཞེས་པ་ནི་རབ་ཏུ་བྱུང་བའི་མཆོད་རྟེན་ནི་བྱས་ཀྱང་བླ་བའོ། །སངས་རྒྱས་ཀྱི་ནི་རྣམ་པ་ཐམས་ཅད་དུའོ་ཞེས་པ་དང་། རྣམ་པ་ནི་བང་རིམ་
[261b.4]བཞིན་རྐེད་སྐབས་བུམ་པ་བྲེ་སྲོག་ཤིང་ཕང་ལོ་བཅུ་གསུམ་ཆར་ཀབ་རྣམས་སོ་ཞེས་པ་ནི་སངས་རྒྱས་ཀྱི་མཆོད་རྟེན་མིང་གིས་སྨོས་པ་འདི་དག་ལྟ་བུ་རྣམ་པ་ཚར་བྱུང་བར་གྱིས་ཤིག་པའོ། །རང་སངས་རྒྱས་ཀྱི་ཆར་ཀབ་མེད་པའོ་ཞེས་པ་ནི་རང་སངས་རྒྱས་ཀྱི་མཆོད་རྟེན་ནི་གོང་མ་ལྟ་བུ་ལ་ཆར་ཀབ་མེད་པར་གྱིས་ཤིག་པའོ། །
[261b.5]ཉན་ཐོས་པ་ནི་ཕང་ལོ་དང་འབྲས་བུར་སྤྲེལ་བ་ལ་གཅིག་གིས་ལྷག་ཅེས་པ་ནི་རྒྱུན་དུ་ཞུགས་པའི་མཆོད་རྟེན་ནི་ཕང་ལོ་གཉིས་དང་། ལན་ཅིག་ཕྱིར་འོང་བ་ནི་ཕང་ལོ་གསུམ་དང་། ཕྱིར་མི་འོང་བའི་ཕང་ལོ་བཞི་དང་དགྲ་བཅོམ་པའི་ནི་ཕང་ལོ་ལྔ་པ་ལྟ་བུར་འབྲས་བུའི་གྲངས་ལས་ཕང་ལོ་རེ་རེས་སྐྱེད་ཅིག་
[261b.6]པའོ། །དེ་བཞིན་གཤེགས་པའི་དྲུང་ན་སྔོན་འཁོར་དུ་འཁོད་པའི་གྲལ་ཐབས་ཇི་ལྟ་བ་བཞིན་དུ་སོ་སོར་བཤམ་ཞེས་པ་ནི་མཆོད་རྟེན་བཅོམ་ལྡན་འདས་ཀྱི་འཁོར་དུ་རྩིག་ན་གཡས་ཕྱོགས་སུ་ནི་ཤཱ་རིའི་བུ་གཡོན་ཕྱོགས་སུ་#མཽད་གལ་འཕགས་པ་ཀུན་དགའ་བོ་ནི་རྒྱབ་ན་འདུག་པ་ལྟ་བུ་ལ་སོགས་པ་སྔོན་གྱི་གྲལ་
[261b.7]ཐབས་ཇི་བཞིན་དུ་གྱིས་ཤིག་པའོ། །འདི་ལ་གྲལ་རིམས་བཞིན་དུ་མི་བྱ་བ་མ་ཡིན་ཞེས་པ་ནི་འདི་དག་ལྟར་བྱ་བ་ཡང་གནས་བརྟན་འོད་སྲུངས་ཆེན་པོ་ལ་སོགས་པ་སྔོན་གྱི་#རྒན་གྲལ་བཞིན་དུ་གྱིས་ཤིག་པའོ། །སོ་སོའི་སྐྱེ་བོ་ནི་སྤྱིལ་པོར་རོ་ཞེས་པ་ནི་སོ་སོའི་སྐྱེ་བོའི་མཆོད་རྟེན་ནི་ཕང་ལོ་མེད་པའི་སྤྱིལ་
[262a]
[262a.1]པོར་གྱིས་ཤིག་པའོ། །འདི་ནི་དགེ་འདུན་ཀུན་དགའི་ཕྱི་རོལ་དུ་བྱ་ཞེས་པ་ནི་སོ་སོ་#སྐྱེ་བོའི་མཆོད་རྟེན་ཀུན་དགའི་ཕྱི་རོལ་དུ་བརྩིགས་ཤིག་པའོ། །འཕགས་པའི་མཆོད་རྟེན་ལ་ནི་མཆོད་པར་འོས་ཞེས་པ་ནི་འཕགས་པའི་མཆོད་རྟེན་ལ་ནི་ལོ་དུས་སུ་མཆོད་པའི་ཡོ་ལང་གྱིས་ཤིག་པའོ། །
[262a.2]ཉན་ཐོས་པའི་མཆོད་རྟེན་ལ་ཕུལ་བའི་ཤས་ནི་ཚངས་པ་མཚུངས་པར་སྤྱོད་པ་ཞེས་པ་ནི་ཉན་ཐོས་ཀྱི་མཆོད་རྟེན་ལ་ཕུལ་བའི་ཤས་ནི་དགེ་འདུན་གཞན་ལ་ཡང་དབང་བའོ། །མུ་ཏིག་ནི་སྨྲས་པ་བཞིན་དུ་བྱ་ཞེས་པ་ནི་མུ་ཏིག་ཡོན་དུ་ཕུལ་བ་བཏགས་ལ་དྲི་གཙང་ཁང་གི་སྐྱང་ནུལ་ལ་སོགས་པ་གོང་དུ་སྨོས་པ་བཞིན་
[262a.3]གྱིས་ཤིག་པའོ། །རོལ་མོའི་ཆ་སྤྱད་དང་། དུང་དག་ནི་སངས་རྒྱས་ལ་དབུལ་ཞེས་པ་ནི་རོལ་མོའི་ཆ་སྤྱད་དུ་རུང་བ་རྣམས་ནི་སངས་རྒྱས་ལ་ཕུལ་ཅིག་པའོ། །འདི་དག་ཞིག་རལ་དུ་གྱུར་པའི་བཅོས་པར་གཞག་ཅེས་པ་ནི་མཆོད་རྟེན་བཅོས་པའི་ཟོང་དུ་ཡང་ཡོན་དུ་ཕུལ་བ་ལས་ཞོག་ཤིག་པའོ། །མཆོད་
[262a.4]པར་འོས་པ་ཡང་ཞེས་པ་ནི་བ་དན་ལ་སོགས་པ་མཆོད་པར་འོས་པ་ཞིག་ཕུལ་ན་ཡང་མཆོད་པའི་ཡོ་བྱད་དུ་གྱིས་ཤིག་པའོ། །སངས་རྒྱས་ཀྱི་མཆོད་རྟེན་ལྕགས་ལས་#བྱ་བ་ཡང་ཆོས་སོ་ཞེས་པ་དང་། གསེར་དངུལ་བཻཌཱུརྱ་ཤེལ་དང་སྦུག་#དང་སེ་མོ་དོའི་མཆོད་རྟེན་ཡང་ཞེས་པ་ནི་འདི་དག་གིས་མཆོད་
[262a.5]རྟེན་བྱས་ཀྱང་མི་རུང་#བ་མེད་པའོ། །འདིའི་འཁོར་བྱ་ཞེས་པ་དང་། དང་པོ་དགའ་ལྡན་གྱི་གནས་ནས་མཇུག་ཏུ་མྱ་ངན་ལས་འདས་ཀྱི་བར་དུ་གཏམ་རྒྱུད་ནི་དེའོ་ཞེས་པ་ནི་འཁོར་འདི་དག་ལྟ་བུར་རི་མོར་བྲིས་པའམ་བྱས་པའི་མཆོད་རྟེན་ཡང་གྱིས་ཤིག་པའོ། །རྡོ་ཐལ་གྱིས་བྱུག་ཅེས་པ་དང་།
[262a.6]དཀར་པོར་རོ་ཞེས་པ་དང་། མར་མེའི་སྟེགས་ཀྱང་ཞེས་པ་དང་། མུ་སྐོར་གྱིས་བསྐོར་#ཞེས་པ་དང་། རྟ་བབས་པ་སྒྲེངས་#ཞེས་པ་དང་། འདི་ལ་རྒྱལ་མཚན་གཟུགས་ཞེས་པ་དང་། འདི་ནི་རྣམ་པ་བཞི་སྟེ་ཞེས་པ་དང་། སེངྒེའི་རྒྱལ་མཚན་ཆུ་སྲིན་གྱི་རྒྱལ་མཚན་ཀླུའི་རྒྱལ་
[262a.7]མཚན་ཁྱུ་མཆོག་གི་རྒྱལ་མཚན་རྣམས་སོ་ཞེས་པ་ནི་མཆོད་རྟེན་གྱི་ཡོ་བྱད་འདི་དག་ལྟར་གྱིས་ཤིག་པའོ། །ཁང་བཞག་གཏམས་པ་བྱ་ཞེས་པ་དང་། འདི་ལ་རྟ་བབས་གཟུགས་ཞེས་པ་དང་། སྔ་#ཁང་བྱ་ཞེས་པ་དང་། འདི་ལ་མུ་སྐོར་བྱ་ཞེས་པ་དང་། བ་བཅག་གིས་བྱུག་ཅེས་པ་དང་།
[262b]
[262b.1]རྩིག་པ་རྒྱ་སྐྱེགས་ཀྱིས་#བྲི་ཞེས་པ་དང་། སྤོས་ཆུས་གདབ་ཅེས་པ་དང་། ཏིལ་མར་ཡུང་བ་ཙན་#དན་གུར་གུམ་རྣམས་ཀྱིས་ཆག་ཆག་བྱ་ཞེས་པ་དང་། ཚེར་མ་མི་བསྐྲུན་#ཞེས་པ་དང་། ཕྲེང་བ་གཟར་བའི་གླང་#སོ་གཟུགས་ཞེས་པ་དང་། སློང་བ་ནས་#སོ་ཞེས་པ་དང་། མེ་དབུག་ཅེས་པ་དང་།
[262b.2]མེ་མར་ཞེས་པ་དང་། མཆོད་པའི་ཕྱིར་ཁྱིམ་པ་འཛེག་ཏུ་གཞུག་#ཅེས་པ་དང་། མེད་ན་དགེ་ཚུལ་སྤོས་#ཆུས་རྐང་བ་བཀྲུ་ཞེས་པ་དང་། འདི་མེད་ན་བསྩུང་གིས་#དྲིལ་ཅེས་པ་དང་། གོས་ཀྱིས་དཀྲིས་ཏེ་སྟོན་པའི་འདུ་ཤེས་མངོན་དུ་བྱ་ཞིང་ཆེད་ལ་དམིགས་ཏེ་དྲན་པར་རོ་ཞེས་པ་དང་། དེ་ཡང་
[262b.3]དགེ་སློང་གིས་དེ་བཞིན་བྱ་ཞེས་པ་དང་། དེའི་ཕྱིར་ཐག་པ་དཔྱང་#ཞེས་པ་དང་། རིན་པོ་ཆེའི་ཕྲེང་བ་གདགས་ཞེས་པ་ནི་མཆོད་རྟེན་གྱི་ཕྱི་ངོས་སུ་གང་གཞག་པར་#བྱ་བ་ལ་སོགས་པ་འདི་དག་ལྟར་#གྱིས་ཤིག་པའོ། །ཆུད་#མི་གཟན་པར་གཡོགས་པའི་སྦུབས་སུ་གཞུག་ཅེས་པ་དང་། འདིར་
[262b.4]མི་གནག་པའི་ཕྱིར་མཐངས་#གདོད་ཅེས་པ་ནི་མཆོད་རྟེན་ལ་ཆར་ཆུ་ལ་སོགས་པས་མི་རྫི་བར་ཁབ་ཀྱིས་དགབ་པ་དང་། དེ་ལ་ཡང་མཐངས་#ཐོད་ཅིག་པའོ། །སངས་རྒྱས་ཀྱི་སྐུ་གཟུགས་བྱ་ཞེས་པ་དང་། འདི་ལའང་དུས་དུས་སུ་མཆོད་ཅེས་པ་དང་། བཙས་པ་རལ་བུ་གཙུག་པུད་བྱང་
[262b.5]ཆུབ་རྣམས་ཀྱི་མཆོད་པ་ཡང་ཞེས་པ་ནི་སངས་རྒྱས་ཀྱི་སྐུ་གཟུགས་བྱ་ཞིང་མཆོད་པ་དང་པོ་བལྟམས་པ་ལ་སོགས་པའི་མཆོད་པའི་#ཡོ་ལང་ཡང་གྱིས་ཤིག་པའོ། །འདི་གྲོང་ཁྱེར་དུ་གཤེགས་པ་བྱ་ཞེས་པ་དང་། འདི་#དགེ་སློང་གིས་དྲང་#དུ་རུང་ཞེས་པ་དང་། འདི་ནི་གསར་བུ་ལ་
[262b.6]འབབ་ཅེས་པ་དང་། འཁོར་ལྔས་ཞམ་འབྲིང་བྱ་ཞེས་པ་དང་། ཡོན་ནི་རྒན་རིམས་ཀྱིས་བླང་ཞེས་པ་དང་། འདི་ལས་སིལ་སྙན་གསིལ་ན་དགེ་བ་དང་། གཞན་ཡང་བསྟི་སྟང་ཆེར་བྱ་ཞེས་པ་དང་། ཀྱེ་སྐྱེས་བུ་དག་སྟོན་པའི་མཆོད་པ་ལ་ཞུགས་ཤིག་ཅེས་རོལ་མོ་#གཞན་
[262b.7]འདེབས་པ་ནི་ཉེས་མེད་ཅེས་པ་དང་། སང་ངམ་གནངས་སངས་རྒྱས་གཤེགས་སོ་ཞེས་གྲོ་ག་ལ་བྲི་ཞིང་གླང་པོའི་སྟེང་དུ་བསླངས་ལ་གདུགས་དང་རྒྱལ་མཚན་དང་བ་དན་གྱིས་བསྐོར་ཏེ། ལམ་དང་ལམ་པོ་ཆེ་དང་བཞི་མདོ་དང་སུམ་མདོར་བསྒྲགས་པར་བྱ་ཞེས་པ་ནི་སངས་རྒྱས་
[263a]
[263a.1]ཀྱི་སྐུ་གཟུགས་གྲོང་ཁྱེར་དུ་གཤེགས་པའི་ཡོ་ལང་དང་ཆོ་ག་ཡང་འདི་ལྟར་གྱིས་ཤིག་པའོ། །བྱང་ཆུབ་སེམས་དཔའི་གཟུགས་བྱ་བའམ་#ཆོས་སོ་ཞེས་པ་དང་། འདི་ལའང་རྒྱལ་མཚན་ལ་སོགས་པས་#བསྐོར་ཞེས་པ་དང་། མུ་སྐོར་གྱིས་བསྐོར་ཞེས་པ་དང་། ལྕགས་ཀྱི་ཀ་བས་ཀྱང་ཞེས་པ་དང་།
[263a.2]དེ་ལ་བ་དན་གདགས་ཞེས་པ་དང་། འཁོར་བྱ་ཞེས་པ་དང་། རྐང་གདུབ་དང་རྣ་རྒྱན་མ་གཏོགས་པ་དེའི་རྒྱན་དུ་གཞུག་ཅེས་པ་དང་། སྤོས་ཀྱི་ཤིང་ལོ་བྱ་ཞེས་པ་དང་། ཁྱོགས་ལ་བསླང་ཞེས་པ་དང་། ཤིང་རྟས་ཀྱང་ཞེས་པ་དང་། དེར་གདུགས་དང་རྒྱལ་མཚན་དང་བ་དན་གཟུགས་ཞེས་པ་དང་། མེ་ཏོག་གི་
[263a.3]ཀེའུ་གཅུན་#ལ་དབུལ་བསྐོན་ཞེས་པ་དང་། ཡོན་དབུལ་དུ་གཟུད་ཅེས་པ་དང་། ཕུལ་བ་#རྣམས་གནས་པའི་རྒན་གཞོན་ཀུན་གྱིས་བསྐུར་ཞེས་པ་དང་། གནས་བརྟན་རྣམས་ཀྱིས་བསྲུང་ཞེས་པ་དང་། ཤིང་རྟ་ལ་ཕྲེང་བའི་སྒྲོམ་གདོད་#ཅེས་པ་དང་། དྲིའི་སྒྲོམ་ཡང་གདོད་#ཅེས་པ་དང་། ཕྲེང་བ་བསྐོན་ཞེས་པ་ནི་བྱང་ཆུབ་
[263a.4]སེམས་དཔའི་གཟུགས་བྱ་ཞིང་གྲོང་ཁྱེར་དུ་གཤེགས་པ་ལ་སྩོགས་པའི་#མཆོད་པའི་ཡོ་བྱད་འདི་ལྟར་གྱིས་ཤིག་པའོ། །དེ་ལ་འཁོར་བྱ་ཞེས་པ་དང་#དགའ་ལྡན་ནས་བབས་ཏེ་གཤེགས་པ་ལ་སོགས་པ་མྱ་ངན་ལས་འདས་པའི་བར་དུ་གྱིས་ཤིག་པའོ། །རོལ་མོ་བརྟུལ་མཆོད་པ་ཟིན་སྐྱེ་བོ་གྱེས་ནས་རྒྱན་བསིལ་#ཞེས་
[263a.5]པ་དང་། མཚན་མོའོ་ཞེས་པ་དང་། རབ་ཏུ་བྱུང་བའི་གནས་སུ་མཆོད་པའི་ཡོ་ལང་བཤམ་པ་ནི་ཆོས་སོ་ཞེས་པ་ནི་མཆོད་པ་ཟིན་ནས་མཚན་མོ་བརྟུལ་བ་དང་། རབ་ཏུ་བྱུང་བའི་གནས་སུ་ཡོ་ལང་མཆོད་པ་གྱིས་ཤིག་པའོ། །འདུལ་བ་རྒྱས་པ་དེ་ལྟར་བསྟན་ནས་ཕྲན་ཚེགས་ལས་མདོར་གསུངས་པ་སྟོན་པ་ནི་མི་རུང་བ་དང་མཐུན་
[263a.6]ལ་རུང་བ་དང་འགལ་བ་ནི་མི་རུང་བའི་ཁོངས་སུ་བསྡུའོ་ཞེས་པ་དང་། ཕྱི་མ་དང་མཐུན་ལ་སྔ་མ་དང་འགལ་བ་ནི་རུང་བར་རོ་ཞེས་པ་ནི་ཉལ་བཞིན་དུ་ཟ་བར་མ་བྱེད་ཅིག་ཅེས་དངོས་སུ་ནི་མ་བཀག་ལ་རུང་བ་དང་། འགལ་ཞིང་མི་རུང་བ་དང་མཐུན་ནོ་ཅོག་ནི་མི་རུང་བའི་ཁོངས་སུ་བསྡུ་བ་དང་། ཁམ་ཕོར་དུ་ཟོ་ཤིག་ཅེའམ་
[263a.7]རྒྱུན་ཆུ་རྩྭ་#དང་བསྲེས་པ་འཐུང་#ཤིག་ཅེས་པ་ལྟ་བུར་གསལ་པོར་གསུངས་མོད་ཀྱི་མི་རུང་བ་དང་འགལ་ལ་རུང་བ་དང་མཐུན་ནོ་ཅོག་ནི་རུང་བའི་ཁོངས་སུ་བསྡུ་བ་ལྟ་བུའོ། །གནས་ཀྱི་དངོས་པོར་གཏོགས་པ་ཕྲན་ཚེགས་ལ་སོགས་པའོ། །#འདུལ་བ་མདོའི་འགྲེལ་པ་སློབ་དཔོན་པྲཛྙཱ་ཀ་རས་མཛད་པ་རྫོགས་སོ།། །།