[1a]
[1b]
[1b.1]{T4119}༄༅༅། །རྒྱ་གར་སྐད་དུ། སྭ་བྱཱ་ཁྱཱ་ན་ཨ་བྷི་དྷཱ་ན་བི་ན་ཡ་སཱུ་ཏྲ་བྲྀཏྟི་#ནཱ་མ། བོད་སྐད་དུ། འདུལ་བའི་#མདོའི་འགྲེལ་པ་མངོན་པར་བརྗོད་པ་རང་གི་རྣམ་པར་བཤད་པ་ཞེས་བྱ་བ།
[1b.2]ཐམས་ཅད་མཁྱེན་པ་ལ་ཕྱག་འཚལ་ལོ། །འདུལ་བའི་མདོ་རྣམས་གང་ཡིན་པ། །བསྡུ་བའི་ཕྱིར་ནི་མཛད་གྱུར་ཏེ། །བྱང་ཆུབ་སེམས་དཔའ་ཡོན་ཏན་འོད། །རང་གིས་དེ་ཉིད་རྣམ་བཤད་
[1b.3]བྱ། །དེ་ལ་མདོ་དང་པོ་ནི་འདི་ཡིན་ཏེ། དེ་ནས། ངེས་པར་འབྱུང་བའི་ཚུལ་ཁྲིམས་ཀྱི་དབང་དུ་བྱས་ཏེ་ཞེས་བྱ་བ་སྨོས་ཏེ། དེ་ལ་དེ་ནས་ཞེས་བྱ་བའི་སྒྲ་ནི་དབང་དུ་བྱེད་པའི་དོན་ཏོ#། །མདོ་བརྩམས་
[1b.4]པ་ནས་ཡོངས་སུ་རྫོགས་པའི་བར་གྱིས་ངེས་པར་འབྱུང་བའི་ཚུལ་ཁྲིམས་ཀྱི་དབང་དུ་བྱས་པར་རིག་པར་བྱའོ། །འདིར་འབྱུང་བ་ནི་ཐོབ་པ་ཡིན་ཏེ་འགྲོ་བ་ནི་མ་ཡིན་ནོ། །འདིས་ངེས་པར་འབྱུང་བས་ན་
[1b.5]ངེས་པར་འབྱུང་བ་ཞེས་བྱའོ། །དཔེར་ན་གྲོང་ཐོབ་པ་ཞེས་བྱ་བ་ལྟ་བུའོ། །ངེས་པའི་སྒྲ་ནི་ཕྱིར་མི་ལྡོག་པ་#བསྒྲགས་པའི་དོན་དུ་སྟེ། ཕྱིར་མི་ལྡོག་པར་འབྱུང་བ་ནི་ངེས་པར་འབྱུང་བ་ཞེས་བྱའོ། །
[2a]
[2a.1]དེ་ལྟར་ན་འདིས་#ཕུང་པོ་ལྷག་མ་མེད་པའི་མྱ་ངན་ལས་འདས་པར་#ཡང་དག་པར་ཐོབ་པ་བརྗོད་པ་སྟེ། གང་གི་ཕྱིར་དེ་ནི་ཕྱིར་མི་ལྡོག་པར་བྱེད་པའི་འབྱུང་བའོ། །འོ་ན་དེ་ལས་ངེས་པར་འབྱུང་བས་ན་ངེས་པར་
[2a.2]འབྱུང་བ་ཞེས་བྱ་བའི་སྒྲ་འདིས་ཅིའི་ཕྱིར་འདིར་ཕུང་པོ་ལྷག་མ་དང་བཅས་པའི་མྱ་ངན་ལས་འདས་པ་ཡང་དག་པར་ཐོབ་པ་བརྗོད་པ་ཞེས་བྱ་བ་གོ་བར་བྱེད་པ་མ་ཡིན་ནམ། འདིས་ངེས་པར་འབྱུང་བས་ན་ངེས་པར་འབྱུང་བ་ཞེས་བྱ་བས་
[2a.3]ལམ་མངོན་པར་བརྗོད་པ་ཞེས་བྱ་བ་ཡིན་ཞེ་ན། གང་གི་ཕྱིར་ངེས་པའི་སྒྲ་ནི་རྩོམ་པའི་དོན་ཅན་བསྟེན་པ་མ་ཡིན་ལ། ཐ་མའི་དོན་ཅན་ཡང་མ་ཡིན་ནོ། །འདིས་#བསྟེན་པས་ཕུང་པོ་ལྷག་མ་དང་བཅས་པའི་མྱ་ངན་ལས་འདས་པ་
[2a.4]ཡང་དག་པར་ཐོབ་པ་#བརྗོད་པར་འགྱུར་བ་ཡིན་ཏེ། འཁོར་བར་འཇུག་པ་རྩོམ་པར་གྱུར་པ་འདི་ལས་འབྱུང་བས་ན་ངེས་པར་འབྱུང་བའམ་འཁོར་བར་འཇུག་པ་ལ་མཐར་ཐུག་པར་འགྲོ་བ་ཞེས་བྱ་བ་སྟེ་དེ་ཡང་བསྟེན་པ་མ་ཡིན་ནོ། །
[2a.5]འོན་ཀྱང་ཕྱིར་མི་ལྡོག་པའི་དོན་ཅན་ནི་ངེས་པའི་སྒྲ་འདིར་མངོན་པར་འདོད་པའོ། །དེས་ན་གང་ཉིད་ཕྱིར་མི་ལྡོག་པར་འཇུག་པར་བྱེད་པའི་འབྱུང་བ་དེ་ཉིད་འདིས་བརྗོད་ཀྱི་གཞན་ནི་མ་ཡིན་ནོ། །གང་གི་#ཕྱིར་གང་ཞིག་སྙོམས་པར་
[2b]
[2b.1]འཇུག་པའི་ལམ་དུ་འོངས་ནས་རྡོ་རྗེ་ལྟ་བུའི་རྗེས་ལ་ཕུང་པོ་ལྷག་མ་དང་བཅས་པའི་མྱ་ངན་ལས་འདས་པ་ཡང་དག་པར་ཐོབ་པའོ། །དེའི་ལམ་ལས་གང་ཞིག་ལོངས་#ནས་ལམ་གཞན་དུ་འགྲོ་བ་#དེ་ནི་ཕྱིར་མི་ལྡོག་པ་ནི་མ་ཡིན་ཏེ། དགྲ་བཅོམ་པ་ཉིད་ལ་སོགས་པ་ལས་མ་#ཉམས་
[2b.2]པ་དེ་ནི་འདིའི་མིང་དུ་སྣང་བ་ཉིད་དོ། །འདིར་འབྱུང་བ་ནི་ལམ་ཐོབ་པ་སྟེ་འགྲོ་བ་ནི་མ་ཡིན་ནོ། །དེ་བས་ན་འགྲོ་བའི་དོན་ལ་ཡང་དག་པར་མ་བསྟེན་#པས་ཀྱང་ངེས་པར་འབྱུང་བ་ཉིད་དུ་ཐལ་བ་མ་ཡིན་ནོ། །ངེས་པར་འབྱུང་བ་ལ་འགྲོ་བའི་ཚུལ་ཁྲིམས་ནི་ངེས་པར་འབྱུང་བའི་ཚུལ་ཁྲིམས་སོ། །དེ་
[2b.3]ཡང་འདིར་ཆོས་ཀྱི་རྒྱུ་མཚན་#གང་ཞིག་ཚུལ་ཁྲིམས་དེ་ནི་མ་ལུས་པའི་འདུལ་བས་གསུངས་པར་ཤེས་པར་བྱའོ། །དེ་བས་ན་འདིར་རབ་ཏུ་བྱུང་བའི་གཞི་དང་། རྣམ་པར་འབྱེད་པའི་གཞི་དང་། གསོ་སྦྱོང་གི་གཞི་དང་། དབྱར་གྱི་གཞི་དང་། དགག་དབྱེའི་གཞི་དང་། སྲ་བརྐྱང་
[2b.4]གི་གཞི་དང་། ཆོས་གོས་ཀྱི་གཞི་དང་། ཀོ་ལྤགས་ཀྱི་གཞི་དང་། སྨན་གྱི་གཞི་དང་། ལས་ཀྱི་གཞི་དང་། ཕྱིར་བཅོས་ཀྱི་གཞི་དང་། དུས་དང་དུས་མ་ཡིན་པས་#བསྡུས་པ་འབྱུང་བའི་གཞི་དང་། ས་གཞན་ན་གནས་པ་སྤྱོད་པའི་གཞི་དང་། ཡོངས་སུ་སྦྱོངས་པའི་#གཞི་དང་། ལས་
[2b.5]བྱེ་བའི་གཞི་དང་། འཁོར་ལོ་བྱེ་བའི་གཞི་དང་། རྩོད་པའི་གཞི་དང་། གནས་མལ་གྱི་གཞི་ཞེས་བྱ་བའི་གོ་རིམས་#འདིས་འདུལ་བའི་ཆོ་ག་མ་ལུས་པ་ལ་ཡང་དག་པར་འཇུག་པའོ། །གང་གི་ཕྱིར་འདིར་དགོངས་པ་ནི་འདི་ཡིན་ཏེ། རྣམ་པ་འདིས་རབ་ཏུ་བྱུང་བ་ཉིད་དང་བསྙེན་པར་རྫོགས་པ་དག་ལ་ཉེ་
[2b.6]བར་ཐོབ་པ་ནི་རིགས་པ་སྟེ་འདིར་#ནི་འདི་ལྟ་བུའི་རྣམ་པ་ཅན་བསྡུ་བ་དང་། འདིར་འདི་ལྟ་བུའི་རྣམ་པ་ཅན་ཡང་སྤང་བར་བྱ་བ་ཞེས་བྱ་བ་འདི་ལ་ཐོག་མར་སྦྱར་བ་ཞེས་བྱ་བ་དེའི་ཕྱིར་དང་པོར་རབ་ཏུ་བྱུང་བའི་གཞི་ཡང་དག་པར་གཞག་#པའོ། །བསྟན་པ་ལ་རབ་ཏུ་ཞུགས་པ་དེ་ལ་བསླབ་པ་མ་ལུས་པ་འདོར་བ་
[2b.7]ལ་སོགས་པས་ཚུལ་མ་ཡིན་པ་ལ་འཇུག་པ་ལས་བསླབ་པ་ནི་འདི་ཡིན་ཏེ། དེ་བས་ན་དེའི་རྗེས་ལ་རྣམ་པར་འབྱེད་པ་ལ་ཡང་དག་པར་འཇུག་པའོ། །གསོ་སྦྱོང་གི་གཞི་ལ་སོགས་པ་རྣམས་ལ་ཡང་གོ་རིམས་ཀྱིས་#རྒྱུ་འདི་རྣམས་ཡིན་ཏེ། ཇི་ལྟར་བསླབ་པ་མཚུངས་པ་ཉིད་དུ་དུས་དུས་སུ་མདོ་ལ་
[3a]
[3a.1]བརྟེན་ནས་ཡོངས་སུ་རྒྱས་པར་བྱེད་པ་དེའི་ཕྱིར་གསོ་སྦྱོང་གི་གཞི་མངོན་པར་བརྗོད་པ་ཡིན་ནོ། །དུས་གང་ཞིག་ལ་དུས་གཅིག་ཏུ་གནས་པས་དོན་བསྒྲུབ་པ་དེ་ལ་གནས་པ་ལས་སོན་པའི་ཆོ་ག་སྟེ་དེའི་རྗེས་ལ་དབྱར་གྱི་གཞི་བསྟན་པ་ཡིན་ནོ། །གནས་ངེས་པའི་བདག་
[3a.2]ཉིད་ཅན་དབྱར་གྱི་གཞི་ལ་གནས་པའི་ཐ་མར་མཐོང་བ་ལ་སོགས་པའི་གནས་གསུམ་རྣམས་ཀྱི་#དགེ་འདུན་ལ་དགག་དབྱེ་བགྱིད་དོ་ཞེས་བྱ་བས་དག་པ་ཡོད་པ་ལ་སྦྱིན་པ་གཏོང་བ་ལ་སྦྱར་བ་ཉིད་དོ་ཞེས་བྱ་བ་སྟེ། དེའི་རྗེས་ལ་དགག་དབྱེའི་གཞི་བསྟན་པ་ཡིན་ནོ། །བཀོད་པ་དང་འབྲེལ་བ་སུ་
[3a.3]ཞིག་དབྱར་གྱི་གཞི་ལ་གནས་པའི་བདག་ཉིད་ཅན་གྱིས་གནས་ངེས་པ་ལས་ལུས་གཞན་དུ་གྱུར་པ་#ཡོད་དེ། ཤིན་ཏུ་སྦྱོངས་#པ་ལ་གནས་པ་ཉིད་ཀྱི་དོན་དུ་བསྟེན་པར་བྱ་བ་ཡིན་ཏེ། འདིའི་རྗེས་ལ་དེའི་རིམ་པ་ནི་དེའི་ཕྱིར་སྲ་བརྐྱང་གི་གཞི་བསྟན་པ་ཡིན་ནོ། །དེ་ལ་སོ་སོར་བསྒྲུབ་#པ་མེད་པ་
[3a.4]ལས་གོས་ཀྱི་རྣམ་པར་དབྱེ་བ་ལ་སྦྱོར་བ་ཞེས་བྱ་བ་དང་བྲལ་བ་ཉིད་ཀྱི་བཀོད་པ་དང་འབྲེལ་བ་དེ་དག་ལ་གོས་སྦྱིན་པའི་དུས་ཡིན་ཏེ། དེའི་ཕྱིར་གོས་ཀྱི་གཞིའི་ཆོ་ག་བསྟན་པ་ཡིན་ནོ། །གོས་ཀྱི་རབ་ཏུ་དབྱེ་བ་ཤེས་པ་ནི་ཀོ་ལྤགས་ཞེས་བྱ་བ་ཡིན་ཏེ། དེའི་རྗེས་ལ་ཀོ་ལྤགས་ཀྱི་གཞི་བསྟན་པ་
[3a.5]ཡིན་ནོ། །ནད་གསོ་བ་མེད་པས་གནས་གཅིག་གམ་སོ་སོར་གནས་པར་མི་ནུས་པས་དེའི་ཕྱིར་ལྷན་ཅིག་དང་ཉེ་བའི་སྔ་མ་དང་ཕྱི་མའི་དུས་དག་གིས་དང་པོར་གོས་སྦྱིན་པའི་དུས་ལ་ཕལ་ཆེར་ནད་ཀྱིས་བཏབ་པ་བྱུང་བ་དེ་ལ་བསྟེན་#པ་དེ་ལས་དགོས་པའི་ཆོ་ག་རིགས་པའི་ངོ་བོ་སྟེ། དེའི་རྗེས་ལ་སྨན་གྱི་གཞི་བསྟན་པ་ཡིན་ནོ། །དེ་
[3a.6]ལྟར་གནས་པ་རྣམས་ཀྱིས་འབྱུང་ཞིང་འབྱུང་བའི་བྱ་བ་རྣམས་ལ་རྗེས་སུ་སྒྲུབ་པའི་ཆོ་ག་ཞེས་བྱ་བ་སྟེ་དེའི་རྗེས་ལ་ལས་ཀྱི་གཞི་བརྗོད་པ་ཡིན་ནོ། །སྨོན་ལམ་གྱི་ལས་ལ་སོགས་པ་འབྱུང་བ་རྣམས་ལ་སྨོན་ལམ་གྱི་ལས་བྱེད་པ་ལ་སོགས་པ་ངེས་པར་བྱེད་པ་དང་སོ་སོར་བསྒྲུབ་པར་སྐབས་ལ་སོགས་
[3a.7]པས་རིགས་པ་ཞེས་བྱ་བ་དེའི་རྗེས་ལ་ཕྱིར་བཅོས་པའི་གཞི་བསྟན་པ་ཡིན་ནོ། །དགེ་འདུན་ལྷག་མ་དང་ལྡན་པ་ལ་དུས་དང་དུས་མ་ཡིན་པ་བསྡུས་པ་འབྱུང་བ་དང་། ས་གཞན་ན་#གནས་པ་ལ་སྤྱོད་པའི་གཞི་དག་ལ་ངེས་པར་སྤྱོད་པ་དང་སོ་སོར་སྤྱོད་པའི་དོན་དུ་ཡང་དག་པར་འཇུག་པ་ཡིན་ནོ། །
[3b]
[3b.1]ཀཽ་ཤཱམྦཱི་དང་། སྐྱ་བོ་དང་། དམར་བ་དང་གང་ཟག་དང་ཀུན་ནས་གནས་པའི་གཞི་རྣམས་ནི་ཕྱིར་བཅོས་པའི་གཞི་ལ་སོགས་པའི་མིང་རྣམས་ཀྱིས་གསུངས་པ་ཡིན་ཏེ། མིང་གཞན་འཇུག་པའི་དགོངས་པ་ནི་རིམ་པ་དེ་ཉིད་ལས་བཤད་པར་བྱའོ། །ངེས་པར་འབྱེད་པ་ལ་སོགས་པ་ལ་རྗེས་སུ་ཉེ་བར་
[3b.2]གནས་པ་རྣམས་ལ་ཡོངས་སུ་འདུལ་བར་བྱེད་པ་ནི་རིགས་པའི་ངོ་བོ་ཉིད་ཡིན་ཏེ། དེའི་རྗེས་ལ་ཡོངས་སུ་སྦྱོང་#བའི་གཞི་བསྟན་པ་ཡིན་ནོ། །གསོ་སྦྱོང་གཞག་པའི་གཞིའི་མིང་གཞན་འདི་འཆད་པར་འགྱུར་བའི་དོན་དུ་ཤེས་པ་རྣམས་ལ་འཇུག་པ་ཞེས་བྱ་བ་དེའི་རྗེས་སུ་ལས་བྱེ་བ་#དང་།
[3b.3]འཁོར་ལོ་བྱེ་བའི་གཞི་དག་བསྟན་པ་ཡིན་ནོ། །ཐ་སྙད་ལ་བསྟེན་#པའི་ཆོ་ག་འདིའི་རྗེས་སུ་རིགས་པ་ཡིན་ཞེས་བྱ་བ་འདིའི་དོན་ལ་རྩོད་པའི་གཞི་བསྟན་པ་ཡིན་ནོ། །གནས་གང་དུ་འདི་ཐམས་ཅད་དང་དགེ་བའི་ཕྱོགས་གཞན་རྗེས་སུ་སྒྲུབ་པར་བྱེད་པ་དེ་ལ་བརྟེན་པའི་ཆོ་ག་འདི་ལས་རིགས་
[3b.4]པ་ཡིན་ཏེ། དེའི་རྗེས་ལ་གནས་མལ་གྱི་གཞི་བསྟན་པ་ཡིན་ནོ། །ཕྲན་ཚེགས་ལ་སོགས་པ་རྣམས་ཀྱང་འདི་རྣམས་ཀྱིས་#རབ་ཏུ་དབྱེ་བར་གྱུར་པ་ཉིད་ཀྱི་ཕྱིར་འདི་རྣམས་ལས་ལྷག་པ་ཉིད་ནི་མ་ཡིན་ཏེ། དེ་བས་ན་སོ་སོར་མདོར་བྱས་པ་མ་ཡིན་ནོ། །གང་དུ་གང་གི་སྦྱོར་བ་ནི་དེ་ཉིད་ལས་
[3b.5]ངེས་པར་བསྡུས་པ་ཡིན་ནོ། །མཁན་པོ་དང་སློབ་དཔོན་དག་གིས་རྗེས་སུ་གནང་བས་མཐར་ཕྱིན་པ་ནི་རབ་ཏུ་བྱུང་བ་དང་། བསྙེན་པར་རྫོགས་པའི་ཆོ་ག་སྟེ། དེ་ཉེ་བར་བསྟན་པའི་དོན་དུ། དགེ་འདུན་ཐམས་ཅད་འདུས་པ་ནི་ཆ་ལུགས་འདི་བཞིན་དུ་བྱས། རྒན་རིམས་ལ་ཕྱག་
[3b.6]འཚལ་ནས། ཐལ་མོ་སྦྱར་ཙོག་ཙོག་པོར་འདུག་ཅིང་གསོལ་བ་བཏབ་པར་གྱུར་པ་གསུམ་དང་། གསོལ་བ་དང་བཞིའི་ལས་ཀྱིས་ཅིག་ཅར་རབ་ཏུ་བྱུང་བ་དང་བསྙེན་པར་རྫོགས་པ་ཉེ་བར་བསྒྲུབས་པར་གྱུར་པ་ལྟ་བུ་ནི། སྔོན་གྱི་ཆོ་གའོ་ཞེས་བྱ་བ་གསུངས་ཏེ། འཁོར་དུ་དགེ་འདུན་གྱི་
[3b.7]ཕྱོགས་གཅིག་བསྡུས་པ་དགག་པའི་དོན་དུ་ཐམས་ཅད་ཅེས་བྱ་བའི་ཐ་ཚིག་གོ། །འཁོར་དུ་གནས་པ་ཡང་དགེ་འདུན་གྱི་ཕྱོགས་གཅིག་ལ་ནི་མ་ཡིན་ཏེ། འོན་ཀྱང་དེའི་ནང་དུ་མཚམས་ན་གནས་པ་ཐམས་ཅད་དོ། །འདིས་ཆ་ལུགས་འདི་བཞིན་བྱས་པ་ནི་ཆ་ལུགས་འདི་བཞིན་དུ་བྱས་པའོ། །
[4a]
[4a.1]འདི་ཞེས་བྱ་བ་ནི་སངས་རྒྱས་ཀྱི་བསྟན་པ་ལ་དགེ་སློང་གི་ཆ་ལུགས་འདི་བཞིན་ཏེ་སྐྲ་དང་ཁ་སྤུ་བྲེགས་པའི་དགེ་སློང་གི་ཆ་ལུགས་ཀྱིས་#ཆོས་གོས་གསུམ་གྱོན་པ་ཞེས་བྱ་བའི་དོན་ཏོ། །ཕྱག་འཚལ་ནས་ཞེས་བྱ་བ་ནི་རྒན་རིམས་ལ་ཞེས་བྱའོ། །ཇི་སྐད་དུ་འཆད་པར་
[4a.2]འགྱུར་བ་སྟེ། དེ་ལ་འདིར་མངོན་པར་འབྲེལ་པ་ནི་རྒན་རིམས་ལ་ཕྱག་འཚལ་ནས་ཡན་ལག་ལྔས་ཕྱག་བྱས་ཏེ་ཞེས་བྱ་བའི་དོན་ཏོ། །ཐལ་མོ་སྦྱར་བ་ཞེས་བྱ་བ་ནི་ཐལ་མོ་སྦྱར་བའོ། །ཙོག་ཙོག་པོར་འདུག་ཅིང་ཞེས་བྱ་བ་ནི་ཙོག་ཙོག་པོ་#ཉིད་ཀྱིས་གནས་པ་སྟེ། སྟན་ལ་ཉེ་བར་
[4a.3]འདུག་པས་ནི་མ་ཡིན་ནོ། །གང་དུ་གནས་ཤེ་ན། རྒན་རིམས་ལ་ཞེས་བྱ་བའོ། །འོ་ན་རྒན་རིམས་ལ་ཙོག་ཙོག་པོ་ཉིད་ཀྱིས་འདུག་ལ། ཐལ་མོ་སྦྱར་བ་ཉིད་ཅེས་བྱ་བ་འདིས་ནི་དགེ་འདུན་ལ་རག་ལས་པའི་ལས་ལ་ངེས་པ་ཡིན་ཏེ། ལས་ཐམས་ཅད་ལ་དབང་དུ་བྱེད་པའི་མདོར་བྱས་པ་སྟེ།
[4a.4]དེ་ཉིད་ཀྱི་ཕྱིར་འདིར་#ཡང་ལས་ཉིད་ཀྱི་ཕྱིར་གསུམ་པོ་འདིས་ཐོབ་པར་གྱུར་པ་ལ་ཅིའི་ཕྱིར་སླར་ཚིག་ད་#ལྟར་བྱུང་བའི་ཆོ་ག་དབང་དུ་བྱེད་པ་ཉིད་ཀྱིས་ཐལ་མོ་སྦྱར་ཞེས་པ་ལ་སོགས་པ་ངེས་པ་ལས། འདིར་འདི་ལ་བསྒྲུབས་#པར་གྱུར་པ་ལྟ་བུ་ནི་སྔོན་གྱི་ཆོ་ག་ཞེས་བྱ་བའི་ཚིག་ཡོད་པ་མ་#ཡིན་ནོ། །གསོལ་
[4a.5]བ་བཏབ་པར་གྱུར་པ་ཞེས་པ་ནི་ཅི་ཞིག་ཅེ་ན། རབ་ཏུ་འབྱུང་བ་དང་བསྙེན་པར་རྫོགས་པ་དག་གོ། །སླར་གསོལ་བ་བཏབ་པ་ནི་བཙུན་པ་རྣམས་གསོན་ཅིག །དགེ་འདུན་གྱིས་#བདག་མིང་འདི་ཞེས་བགྱི་བ། ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་ཉིད་དང་། བསྙེན་པར་
[4a.6]རྫོགས་པ་དགེ་སློང་གི་དངོས་པོ་བདག་འདོད་ཅེས་བྱ་བ་ནི་རྒྱ་ཆེར་བཤད་པའོ། །སྔགས་འདིས་ལན་གསུམ་གྱི་བར་དུ་གསོལ་བ་བཏབ་པའོ། །གསོལ་བ་དང་བཞིའི་ལས་ཀྱིས་ཞེས་བྱ་བ་ནི་ལན་གསུམ་དུ་བརྗོད་པས་གསོལ་བ་དང་བཞིའི་ལས་གང་ཞིག་ལ་ཡོད་པ་དེ་ནི་གསོལ་བ་དང་
[4a.7]བཞིའི་ལས་དེ་ཉིད་ཀྱིས་སོ། །ཅིག་ཅར་རབ་ཏུ་འབྱུང་བ་དང་བསྙེན་པར་རྫོགས་པ་དག་ཅེས་བྱ་བ་ནི་རབ་ཏུ་བྱུང་བ་ཉིད་དང་བསྙེན་པར་རྫོགས་པ་དུས་མཉམ་དུ་ཡིན་གྱི་#རིམ་གྱིས་ནི་མ་ཡིན་ནོ། །ཉེ་བར་བསྒྲུབས་པར་གྱུར་པ་ཞེས་བྱ་བ་ནི་དགེ་འདུན་དུ་གྱུར་པའི་དགེ་སློང་རྣམས་སོ། །དེ་
[4b]
[4b.1]ལྟར་ན་ཡང་སྔགས་ནི་དགེ་འདུན་བཙུན་པ་རྣམས་གསན་དུ་གསོལ། བདག་མིང་འདི་ཞེས་བགྱི་བ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་ཉིད་དང་བསྙེན་པར་རྫོགས་པ་དགེ་སློང་གི་དངོས་པོར་འདོད་ཅིང་གསོལ་ན། བདག་མིང་འདི་ཞེས་བགྱི་བ་དགེ་འདུན་གྱིས་རབ་ཏུ་
[4b.2]འབྱུང་བ་དང་བསྙེན་པར་རྫོགས་པར་མཛད་དོ་ཞེས་བྱ་བའོ། །ལྟ་བུ་ནི་སྔོན་གྱི་ཆོ་གས་ཏེ། ལྟ་བུའི་སྒྲ་ནི་རབ་ཏུ་དབྱེ་བ་རྗོད་#པར་བྱེད་པའོ། །སྔོན་གྱི་ཆོ་ག་ཞེས་བྱ་བ་ནི་ད་ལྟར་བྱུང་བའི་ཆོ་ག་ལས་སྔ་རོལ་དུ་འདི་ལྟ་བུའི་རབ་ཏུ་དབྱེ་བ་ཅན་རབ་ཏུ་བྱུང་བ་ཉིད་དང་བསྙེན་པར་རྫོགས་པའི་ཆོ་ག་ཞེས་བྱ་བའི་
[4b.3]དོན་ཏོ། །ཅི་འོ་ན་ད་ལྟར་བྱུང་བའི་ཆོ་ག་ཉིད་བཅོམ་ལྡན་འདས་ཀྱིས་སྔོན་#རོལ་དུ་ཅིའི་ཕྱིར་མ་གསུངས། ཡང་ན་སྔོན་གྱི་ཆོ་ག་འདི་སླར་ཅིའི་ཕྱིར་མ་གསུངས་ཤེ་ན་གང་ག་ཕྱིར་དེའི་ཚེ་ན་རྣམ་པར་དག་པའི་སེམས་ཅན་རྣམས་ནི་རྟོགས་པ་པོ་ཡིན་ཏེ། དེ་རྣམས་ལ་རིམ་གྱིས་རྣམ་པར་ངེས་པ་
[4b.4]ཉིད་མ་ཡིན་ཏེ། གཞན་དག་ལ་བརྟེན་ནས་མ་ཡིན་པ་དང་། ཡོངས་སུ་སློབ་པར་བྱེད་པས་སམ། འདི་རྣམས་ནི་དམན་པ་མ་ཡིན་ཏེ། བསོད་ནམས་བྱས་པ་ཉིད་ཀྱི་ཕྱིར་མི་ལེགས་པ་སྒྲུབ་པ་མ་ཡིན་ཏེ། འོན་ཏེ་སྒྲུབ་པ་ལ་རང་ཉིད་ཀྱིས་འདི་རྣམས་ལ་རྩེ་#བར་བྱེད་པ་རྣམས་ཡོད་པ་ཡིན་
[4b.5]ཏེ། བར་དུ་གཅོད་པར་བྱེད་པའི་ཆོས་རྣམས་ལ་ནི་དེའི་ཚེ་ན་ལྟུང་བ་མེད་པའི་ཕྱིར་རོ། །དེ་བཞིན་དུ་གསལ་བར་བྱེད་པ་རྣམས་ལ་ལྟུང་བ་མེད་པའི་ཕྱིར་ཞེས་བྱ་བ་སྟེ། དེ་བས་ན་སྔོན་གྱི་ཆོ་ག་བརྗོད་པའོ། །གང་གི་ཚེ་རྣམ་པ་གཞན་དུ་ཡང་འདི་རྣམས་འབྱུང་བ་དེའི་ཚེ་ཕྱི་མ་ཐམས་ཅད་ལ་ཉེ་
[4b.6]བར་མི་མཁོ་བ་འགའ་ཡང་མ་ཡིན་ཏེ། དེ་བས་ན་འདིར་ཉེ་བར་བརྟགས་པ་འདིས་ཅི་ཞིག་བྱའོ། །གལ་ཏེ་ཆོ་ག་འདིས་ད་ལྟར་ཐ་སྙད་མ་ཡིན་ཏེ། དེ་ལྟར་ན་ཡང་འདི་ལ་ཕྱི་མ་ལས་གཞན་ཉིད་ནི་#ཡོད་པ་མ་ཡིན་ཏེ། གང་ཞིག་ཕྱི་མ་ལས་ཁྱད་པར་དེ་ནི་འདིའི་ཆ་ལག་ཙམ་ཡིན་ནོ། །
[4b.7]དེ་ལ་འདི་ནི་སྔགས་དང་རྒྱུད་ཡིན་ཏེ། འདི་ཙམ་ཉིད་དེའི་ཚེ་ཡོད་པར་འགྱུར་ཏེ། འདུལ་བའི་དབང་གིས་གཞན་འདིར་འདིའི་ཆོ་ག་རྣམ་པར་གཞག་པ་ཞེས་བྱ་བའི་དོན་ནི་བསྒྲགས་པའི་དོན་དུ་ཉེ་བར་བཏགས་པའོ། །དེ་ལྟར་ན་དགོས་པ་དང་བཅས་པ་ནི་སྔོན་གྱི་ཆོ་ག་ཉེ་བར་བསྟན་པའོ། །#
[5a]
[5a.1]དེ་ནི་ད་ལྟར་བྱུང་བའི་ཆོ་ག་བརྗོད་པར་བྱ་སྟེ། རབ་ཏུ་འབྱུང་བ་དང་བསྙེན་པར་རྫོགས་པ་དེའི་ཕྱིར་དགེ་སློང་འགའ་ཞིག་ལ་མཁན་པོ་ཉིད་དུ་གནས་པ་ལའོ་ཞེས་བྱ་བ་སྟེ། དགེ་སློང་འགའ་ཞིག་ལ་ཞེས་བྱ་བ་ནི་གདོན་མི་ཟ་བར་འགའ་ཞིག་ལ་བརྟེན་ནས་རབ་
[5a.2]ཏུ་འབྱུང་བ་ཉིད་དེ་ལ་#བསྙེན་པར་རྫོགས་པ་མ་ཡིན་ནོ་ཞེས་བྱ་བ་རབ་ཏུ་བསྟན་པའི་དོན་དུ་འགའ་ཞིག་ཅེས་བྱ་བའི་ཚིག་གོ། །ཇི་ལྟར་བརྟེན་ནས་ཤེ་#ན། སྨྲས་པ། མཁན་པོ་ཉིད་དུའོ། །ཅིའི་དོན་དུ་བརྟེན་པ་ལ་ཞེས་བྱ་ཞེ་ན། སྨྲས་པ། དེའི་ཕྱིར་ཞེས་བྱ་བ་སྟེ། རབ་ཏུ་
[5a.3]འབྱུང་#བ་ཉིད་དང་བསྙེན་པར་རྫོགས་པ་ལ་ལྟོས་#པ་ལའོ། །འདིའི་རྒྱུ་མཚན་གྱི་བདུན་པ་སྟེ། འདི་རྣམས་ལ་རབ་ཏུ་འབྱུང་#བ་ཉིད་དང་བསྙེན་པར་རྫོགས་པའི་རྒྱུ་མཚན་གྱིས་#མཁན་པོ་ཉིད་ཀྱིས་དགེ་སློང་འགའ་ཞིག་ལ་བརྟེན་པ་ལས་རབ་ཏུ་འབྱུང་#བ་ཉིད་དང་བསྙེན་པར་རྫོགས་པ་དག་#ཏུ་
[5a.4]འགྱུར་གྱི། ཇི་ལྟར་སྔོན་གྱི་ཆོ་ག་ལྟར་འགའ་ཞིག་ལ་མ་བརྟེན་པ་ཉིད་ཀྱིས་ནི་མ་ཡིན་ཞེས་བྱ་བའོ། །འདིར་#སླར་རབ་ཏུ་བྱུང་བ་ཉིད་ནི་གང་ཞིག་དེ་ལ་འོས་པའི་ཚུལ་ཁྲིམས་དགེ་ཚུལ་གྱི་#སྡོམ་པ་དེས་རྗེས་སུ་ཆགས་པར་རིག་པར་བྱའོ། །རབ་ཏུ་འབྱུང་#བ་ཉིད་དང་དགེ་ཚུལ་གྱི་སྡོམ་པ་དག་
[5a.5]གཉིས་པོ་འདི་ཡང་བརྟེན་པ་ལའོ། །སླར་འདིར་ཁྱད་པར་ཡིན་ཏེ། མཁན་པོ་ཉིད་ལས་རབ་ཏུ་བྱུང་བ་སྟེ་སྡོམ་པ་ནི་གཞན་ལས་ཞེས་བྱའོ། །རྟེན་ལ་བརྟེན་པ་ཡོངས་སུ་འཛིན་པ་ལ་ཆོ་ག་ནི་དང་པོའི་མཁན་པོ་ཉིད་ཀྱིས་#བར་ཆད་དྲིས་ནས། །ཡོངས་སུ་དག་པ་ལ་སྐབས་དབྱེའོ་ཞེས་
[5a.6]བྱ་བ་སྨྲས་ཏེ། རབ་ཏུ་བྱུང་བ་ཉིད་ལ་གང་ཞིག་བར་ཆད་བྱེད་པ་མ་བསད་པ་ལ་སོགས་པ་དེ་ནི་འདིར་བར་ཆད་དུ་མངོན་པར་འདོད་དོ། །དེ་བས་ན་རྟེན་#གང་ཞིག་རབ་ཏུ་འབྱུང་#བ་ཉིད་ལ་ལྟོས་#པའི་བར་ཆད་དྲིས་ནས་གལ་ཏེ་འདི་ལ་ཆོས་དེ་རྣམས་ཡོད་པ་མ་ཡིན་ན#། དེའི་ཕྱིར་ཡོངས་སུ་དག་པ་འདི་
[5a.7]ལ་དང་པོའི་མཁན་པོ་ཉིད་ཀྱིས་དགེ་ཚུལ་གྱི་མཁན་པོ་ཉིད་ཀྱིས་བདག་གིས་ཁྱོད་རབ་ཏུ་དབྱུང་ངོ་ཞེས་སྐབས་དབྱེ་བ་ནི་བྱ་བའོ། །དེ་ལྟར་ན་ཡང་གཞུང་ལས་གང་སུ་དག་ལས་རབ་ཏུ་བྱུང་བ་ལ་ལྟོས་པ་ཉེ་བར་འགྲོ་བར་བྱེད་པ་དེ་དེས་བར་ཆད་ཀྱི་ཆོས་རྣམས་དྲིས་ཏེ་གཟུང་#བར་བྱ་ཞེས་བྱའོ། །སྡོམ་
[5b]
[5b.1]པ་རྣམས་ཀྱི་གོ་རིམས་བསྟན་པར་བྱ་བའི་ཕྱིར། དགེ་བསྙེན་ཉིད་དང་དགེ་ཚུལ་ཉིད་དང་དགེ་སློང་ཉིད་དག་གི་#སྔ་མ་བསྙེན་པར་མ་རྫོགས་པ་ལ་ཕྱི་མ་མི་བྱའོ་ཞེས་སྨྲས་ཏེ། དགེ་བསྙེན་ཉིད་ལ་སོགས་པ་འདི་རྣམས་ཀྱི་#སྔ་མ་སྔ་མ་ནི་སྔ་མ་བསྙེན་པར་མ་རྫོགས་པ་ལ་དེའི་བདག་ཉིད་དུ་ཉེ་
[5b.2]བར་སོང་བས་ཁས་མ་བླངས་པ་ལ་གང་ཞིག་ཕྱི་མ་ཕྱི་མ་དེ་ནི་བྱ་བ་མ་ཡིན་ཏེ། འདི་ནི་རྣམ་པར་གཞག་པ་བསྟན་པའོ། །བར་ཆད་དྲིས་ནས་རབ་ཏུ་བྱུང་བ་གཟུང་#བ་ལ་ལྟོས་པ་དང་པོ་དགེ་བསྙེན་ཉིད་འཛིན་དུ་གཞུག་གོ། །དེ་ནས་དགེ་ཚུལ་ཉིད་དང་། དེ་ནས་དགེ་སློང་ཉིད་འབྱུང་བ་ཡིན་
[5b.3]ནོ་ཞེས་བྱ་བ་འདི་ཤེས་པར་བྱ་བའི་དོན་དུ་སྟེ། འདིའི་དོན་ནི་མ་ཡིན་ཏེ། སྔ་མ་མ་བཟུང་བ་ལ་ཕྱི་མ་#སྐྱེ་བ་འབྱུང་བ་མ་ཡིན་ནོ་ཞེས་བྱ་བའོ། །དགེ་སློང་གི་སྡོམ་པའི་སྔོན་དུ་སྡོམ་པ་གཞན་སྐྱེ་བ་ལ་ཡང་ཁུངས་ཀྱི་ཚིག་གཙོ་བོ་ཡོད་པ་ཉིད་དེ། དགེ་ཚུལ་གྱི་སྡོམ་པ་ལ་ནི་དགེ་བསྙེན་གྱི་སྡོམ་
[5b.4]པ་མེད་པར་སྐྱེ་བ་འབྱུང་བ་ཡིན་ནོ། །དགེ་སློང་གི་སྡོམ་པ་ལ་ནི་ཁུངས་ཀྱི་ཚིག་ཡོད་པ་མ་ཡིན་ནོ། །སྐྱབས་སུ་འགྲོ་བ་སྔོན་དུ་འགྲོ་བས་སྡོམ་པ་བླང་ངོ་ཞེས་#བསྟན་པའི་ཕྱིར། སྐྱབས་སུ་འགྲོ་བ་ཁས་བླངས་པའི་#ཚིག་རྩོམ་པ་དང་། དགེ་བསྙེན་ཉིད་དང་དགེ་ཚུལ་ཉིད་དུ་ཁས་བླངས་པའི་ཚིག་
[5b.5]བྱའོ་ཞེས་སྨྲས་ཏེ། འགྲོ་བ་ནི་འགྲོ་བ་སྟེ་སྐྱབས་སུ་འགྲོ་བ་ཁས་ལེན་པའོ། །སངས་རྒྱས་ལ་སྐྱབས་སུ་མཆིའོ་ཞེས་བྱ་བ་ལ་སོགས་པ་དེ་རྗོད་#པར་བྱེད་པའི་ཚིག་སྐྱབས་སུ་འགྲོ་བ་ཁས་བླངས་#པའི་ཚིག་ནི་དེའི་ཚིག་གོ། །རྩོམ་པ་ནི་བརྩམས་པའོ། །དགེ་བསྙེན་ཉིད་དང་དགེ་ཚུལ་ཉིད་དུ་ཁས་
[5b.6]བླངས་པའི་ཚིག་བྱའོ་ཞེས་སྨྲས་ཏེ། དེ་#སུ་ཞིག་ཅེ་ན། སྒྲུབ་པ་པོའོ། །དེ་ནི་འདི་ཡིན་ཏེ། འདི་ལྟར་ལེན་པ་པོས་སྨྲ་བར་བྱ་སྟེ། བཙུན་པ་དགོངས་སུ་གསོལ། བདག་མིང་འདི་ཞེས་བགྱི་བ། སངས་རྒྱས་ལ་སྐྱབས་སུ་མཆིའོ། །ཇི་སྲིད་འཚོའི་བར་དུ་#བཙུན་པས་བདག་དགེ་བསྙེན་དུ་
[5b.7]གཟུང་དུ་གསོལ། །བཙུན་པ་དགོངས་སུ་གསོལ། བདག་མིང་འདི་ཞེས་བགྱི་བ་ཇི་སྲིད་འཚོའི་བར་དུ་སངས་རྒྱས་ལ་སྐྱབས་སུ་མཆིའོ། །འདོད་ཆགས་དང་བྲལ་བ་རྣམས་ཀྱི་མཆོག་ཆོས་#ལ་སྐྱབས་སུ་མཆིའོ། །ཚོགས་རྣམས་ཀྱི་མཆོག་དགེ་འདུན་ལ་སྐྱབས་སུ་མཆིའོ། །ཇི་སྲིད་འཚོའི་བར་
[6a]
[6a.1]དུ་བདག་དགེ་ཚུལ་དུ་སློབ་དཔོན་གྱིས་གཟུང་དུ་གསོལ། འདི་ལྟ་བུར་གྱུར་པ་ཉིད་རྩོམ་པ་ལ་#ལན་གསུམ་དུ་བརྗོད་པར་བྱའོ། །གང་ཁ་ཅིག་དང་པོར་སྐྱབས་སུ་འགྲོ་བ་ལ་#ལན་གསུམ་དུ་བརྗོད་ནས་དེའི་འོག་ཏུ་བཙུན་པས་བདག་དགེ་བསྙེན་དུ་གཟུང་#དུ་གསོལ། བདག་
[6a.2]དགེ་ཚུལ་དུ་#སློབ་དཔོན་གྱིས་གཟུང་དུ་གསོལ་ཞེས་བྱ་བ་བརྗོད་པ་འདིས་ནི་མི་#རིགས་པར་བརྗོད་པར་བྱའོ། །གང་གི་ཕྱིར་སྡོམ་པ་ཡང་དག་པར་བླང་བའི་ཚིག་འདི་དག་འདི་ལྟར་ཡོད་པ་ལ་སྐྱབས་སུ་འགྲོ་བའི་ཚིག་ཡན་ལག་གི་ངོ་བོ་སོ་སོར་གྱུར་པ་ཉིད་ནི་མ་ཡིན་ནོ། །གཞན་ཡང་གང་གི་#
[6a.3]སྔར་ཉིད་དུ་སྐྱབས་སུ་འགྲོ་བ་ཙམ་ཁས་བླངས་པ་དེ་ལ་སྡོམ་པ་ལེན་པའི་དུས་སུ་#སྐྱབས་སུ་འགྲོ་བ་མི་བརྗོད་པ་ཉིད་དུ་ཐལ་བར་འགྱུར་རོ། །འདི་ནི་ཅི་ནས་ཀྱང་མྱ་ངན་ལས་འདའ་བའི་#བསམ་པ་རབ་ཏུ་སྐྱེད་#པའི་དོན་དུ་དུས་སུ་འདི་ལ་བརྗོད་པར་བྱ་བ་#སྟེ། གང་གི་ཕྱིར་འདི་ལྟར་སྡོམ་པ་ཡང་
[6a.4]དག་པར་བླངས་པའི་ཚིག་དག་གིས་འདི་ནི་ཡན་ལག་ཏུ་གྱུར་པ་ཡིན་གྱི་གཞན་དུ་ནི་མ་ཡིན་ནོ། །མྱ་ངན་ལས་འདས་པའི་བསམ་པ་བརྟེན་#པོ་མེད་པར་སྡོམ་པ་བླང་བ་#ནི་མ་ཡིན་ཏེ། གང་གི་ཕྱིར་མྱ་ངན་ལས་འདས་པ་ལ་རྗེས་སུ་མཐུན་པ་ནི་སྡོམ་པ་ཡིན་ནོ། །འོ་ན་བསྙེན་པར་
[6a.5]རྫོགས་པ་ལ་སྐྱབས་སུ་འགྲོ་བའི་ཚིག་མེད་པར་ཇི་ལྟར་སྐྱེ་བ་ཡིན་ཞེ་ན། འདིས་ནི་སྐྱོན་དུ་མི་འགྱུར་ཏེ། བསྙེན་པར་རྫོགས་པའི་སྒྲ་ཉིད་ལས་ནི་དེའི་དོན་བསྒྲུབ་#པའི་ཕྱིར་དང་། བྱ་བ་མ་ཡིན་པ་ཐམས་ཅད་ལྡོག་པའི་མཚན་ཉིད་ཀྱི་ཕྱིར་རོ། །གང་གི་ཕྱིར་རྣམ་པ་ཐམས་ཅད་དུ་མྱ་
[6a.6]ངན་ལས་འདས་པར་ཁས་ལེན་པ་#ནི་བསྙེན་པར་རྫོགས་པ་ཡིན་ཏེ། གང་གི་ཕྱིར་བསྙེན་པར་རྫོགས་པ་ལ་གནས་པ་མྱ་ངན་ལས་འདས་པ་ལ་རྗེས་སུ་མཐུན་པར་རྣམ་པར་གནས་པར་འགྱུར་རོ། །བྱའོ་ཞེས་བྱ་བ་ནི་བདག་ཉིད་ཀྱི་ཕྱིར་ཚིག་ནི་སྒྲུབ་པ་པོས་འདི་བྱའོ་ཞེས་བྱ་བ་འདིས་ཡང་དག་
[6a.7]པར་བསྟན་པའི་དོན་དུའོ། །གང་ཞིག་འདིར་གཞན་གྱིས་བརྗོད་པ་དེ་ནི་སློབ་པར་བྱེད་པ་ཞེས་བྱ་བར་ཤེས་པར་#བྱའི་སྦྱིན་པ་དང་ལེན་པ་ནི་མ་ཡིན་ནོ། །བསྙེན་གནས་ལ་ཡང་སྒྲུབ་པ་པོ་ཉིད་ཀྱིས་འདི་བྱ་ཞེས་བྱ་བ་ཤེས་པར་བྱའོ། །གང་ཞིག་དེ་སྦྱིན་པ་དང་ལེན་པའི་ཆོས་དེར་ཞེས་བྱ་བ་
[6b]
[6b.1]ནི་ཁ་ཅིག་སྨྲས་ཏེ#། བཟླས་པ་ཉིད་ཀྱི་ཕྱིར་དེ་རྣམས་ལ་འདི་འཁྲུལ་པ་ཞེས་ཤེས་པར་བྱ་སྟེ་ཡང་དག་པར་བླངས་པ་ལ་མཚུངས་པ་ཉིད་ཀྱི་ཕྱིར་རོ། །དེའི་འོག་ཏུ་བསླབ་པ་བརྗོད་པ་ཁས་བླངས་པའི་#ཚུལ་གྱིས་བྱའོ་ཞེས་བྱ་བ་ལ། འདི་ཞེས་བྱ་བ་ནི་དགེ་བསྙེན་ཉིད་དང་། དགེ་ཚུལ་ཉིད་དུ་
[6b.2]ཁས་བླངས་པའི་ཚིག་གི་#རྗེས་ལ་དགེ་བསྙེན་དང་དགེ་ཚུལ་གྱིས་བསླབ་པ་དེས་བསླབ་#པའི་ཚིག་རྣམས་ལ་ཇི་ལྟར་རིགས་#པས་བརྗོད་པ་སྟེ། ཐོག་མར་ལྔ་རྣམས་ལའོ། །ཕྱི་མ་ནི་བཅུ་རྣམས་ལའོ། །རྣམ་པ་གང་གིས་ཤེས་#ཤེ་ན། ཁས་བླངས་པའི་ཚུལ་གྱིས་ཏེ། འདི་དང་འདི་ལས་
[6b.3]བཟློག་པར་བགྱིད་ཅེས་བྱ་བ་ཡིན་གྱི། འདི་དང་འདི་ཁྱེད་ཀྱིས་བྱིན་པ་དེ་ནི་བསྲུང་བར་བགྱི་ཞེས་བྱ་བ་དེ་མ་ཡིན་ནོ། །རང་གིས་དགེ་བསྙེན་ཉིད་དུ་ཉེ་བར་བསྒྲུབས་ནས་དགེ་འདུན་ལ་ཞུ་བའི་དགེ་སློང་ལ་གཏད་པར་བྱའོ་ཞེས་བྱ་བ་སྟེ། རང་གིས་ཞེས་བྱ་བ་ནི་སྐབས་འདི་ཉིད་ཀྱི་ཕྱིར་མཁན་
[6b.4]པོས་སོ། །གང་གི་ཕྱིར་དེ་ནི་རབ་ཏུ་འབྱུང་བ་ལ་སྐབས་བྱས་པའོ། །དེ་རང་ཉིད་ཀྱིས་དགེ་བསྙེན་དུ་ཉེ་བར་བསྒྲུབས་ནས་ནི་དགེ་བསྙེན་གྱི་སྡོམ་པ་བྱིན་ནས་སོ། །གང་ཞིག་དེ་རབ་ཏུ་འབྱུང་བ་ལ་#ལྟོས་པ་ལ་དགེ་འདུན་ལ་ཞུ་བའི་དགེ་སློང་དེ་ལ་འདི་ནི་ཞུ་བ་མཛོད་ཅིག་ཅེས་བྱ་བས་གཏད་པར་
[6b.5]བྱའོ། །དགེ་སློང་དང་འབྲེལ་པས་འདི་བྱ་བ་ཉིད་ནི་སྐྱེས་པས་སོ། །འདི་ནི་མཁན་པོ་ཉིད་ཀྱིས་རང་དོན་ཉིད་ཡིན་ནོ་ཞེས་བྱ་བ་རབ་ཏུ་བསྟན་པའི་དོན་དུ་བདག་གི་དོན་གྱི་ཚིག་གོ། །གསོལ་བ་ལ་སོགས་པའི་ལས་ཀྱི་བདག་ཉིད་ཅན་མ་ཡིན་པ་ཉིད་ཀྱི་ཕྱིར་བསྙེན་པར་རྫོགས་པ་མ་བྱས་
[6b.6]པས་ཀྱང་དགེ་འདུན་ལ་རབ་ཏུ་འབྱུང་བ་ལ་ལྟོས་པ་འདི་ལ་ཞུ་བ་ནི་འགལ་བ་#མ་ཡིན་ཏེ་ཞེས་བྱ་བའི་རྣམ་པར་རྟོག་པ་འདི་རྣམ་པར་གསལ་#བའི་དོན་དུ་དགེ་སློང་ལ་ཞེས་བྱ་བའི་ཐ་ཚིག་གོ། །དེ་ལྟར་ཡང་གཞུང་ལས་དེའི་འོག་ཏུ་དགེ་སློང་ལ་གསོལ་བ་གདབ་པར་བྱའོ། །གང་ཞིག་འདི་ལ་ཞུ་བར་
[6b.7]བྱེད་པས་ཅི་ཞིག་བྱ་ཞེ་ན། ཞུ་བར་བྱེད་པ་པོས་ད་#ཅི་ཡོངས་སུ་དག་གམ་ཞེས་དྲིས་ནས་དག་ན་ཞུ་བར་བྱའོ་ཞེས་བྱ་བ་ནི་གཏོད་པར་བྱེད་པའི་མཁན་པོ་ལ་དྲིས་ནས་དག་པར་གྱུར་ན་རབ་ཏུ་འབྱུང་#བ་ལྟོས་པས་ཞུ་བར་བྱའོ། །བཙུན་པ་དགོངས་སུ་གསོལ། མིང་འདི་ཞེས་བགྱི་བ་འདི་རབ་ཏུ་
[7a]
[7a.1]འབྱུང་#བ་ཉིད་ལ་ལྟོས་པས་གོས་དཀར་པོ་འཛིན་པ་ཞེས་བྱ་བ་ལ་སོགས་པའི་སྔགས་ཀྱིས་ཞུ་བར་བྱའོ་ཞེས་བྱ་བ་གང་ཞིག་#གཞན་གྱི་ཚིག་དེ་ནི་གཞན་གྱི་བྱ་བས་འདི་འཇུག་པའི་ཕྱིར་རང་གི་དོན་ཉིད་མ་ཡིན་པའི་ཕྱིར་རོ། །ཇི་ལྟར་འདིར་མཁན་པོས་བུ་དང་འདྲ་བར་འཇུག་
[7a.2]པ་ལ་རང་གི་དོན་ཉིད་མ་ཡིན་པ་དེ་བཞིན་དུ་འདི་ལའོ། །ཇི་ལྟར་ན་གནས་པའི་དགེ་འདུན་ལ་ཞུ་བར་བྱ་ཞེས་ཤེས་པར་བྱ་ཞེ་ན། ཐམས་ཅད་འདུས་པ་ལ་ཡང་རུང་། གནས་ཁང་སོ་སོ་ན་འཁོད་པ་ལ་ཡང་རུང་ངོ་ཞེས་བྱ་བ་སྨྲས་ཏེ#། སོ་སོར་ཡོངས་སུ་བགྲང་བ་ཉིད་ཀྱིས་ཞེས་བྱ་བ་འདིའི་
[7a.3]འགྲེལ་པ་ནི་གནས་ཁང་སོ་སོ་ན་ཞེས་བྱ་བའོ། །གང་གི་ཡོངས་སུ་བགྲང་བ་ནི་གནས་ཁང་ཁྱད་པར་རོ། །གང་རྣམས་ཀྱི་སྔོན་དུ་ཞུ་བར་བྱེད་པ་དེ་རྣམས་ཀྱི་ཆོ་ག་གང་ཞིག་དེ་བསྟན་པའི་ཕྱིར། ཐམས་ཅད་ཀྱིས་གལ་ཏེ་ཡོངས་སུ་དག་ནའོ། །#བརྗོད་པར་བྱའོ་ཞེས་བྱ་བ་སྨྲས་ཏེ། གལ་ཏེ་
[7a.4]ཞེས་བྱ་བ་ནི་གལ་ཏེ་ཞེས་བྱ་བའི་དོན་ཏེ། ཞུ་བར་བྱེད་པའི་དུས་ཕྱི་མ་ལ་རབ་ཏུ་འབྱུང་#བ་ཉིད་ལ་ལྟོས་པའོ#། །མཁན་པོར་གསོལ་བར་བྱའོ་ཞེས་བྱ་བ་ནི་བླང་བའི་སྔགས་ཀྱིས་མཁན་པོས་འདི་ལ་གཙུག་ཕུད་#མ་གཏོགས་པ་སྐྲ་དང་ཁ་སྤུ་བྲེག་པར་བྱའོ་ཞེས་བྱ་བའོ། །མཁན་པོ་ཉིད་ཀྱིས་
[7a.5]ལྷག་པར་གནས་ནས་གང་ཞིག་འབྲེག་མཁན་གྱི་བྱ་བ་དེ་#ཡང་དག་པར་བསྟན་པའི་དོན་དུ་བྲེག་པར་བྱའོ་ཞེས་བྱ་བ་ནི། བདག་པོའི་དོན་གྱི་ཚིག་གོ། །མཁན་པོ་ཉིད་ཀྱིས་འདིར་རང་གིས་བྱའོ་ཞེས་བྱ་བ་འདི་ལྟར་ཤེས་པར་བྱ་བ་མ་ཡིན་ཏེ། བརྒྱུད་ནས་བྱེད་དུ་བཅུག་པ་ནི་བྱེད་དུ་བཅུག་པ་ཡིན་
[7a.6]པར་ཡང་ཤེས་པར་བྱ་བ་མ་ཡིན་པའོ#། །དོན་དང་དོན་ཉིད་ཀྱི་ཕྱིར་འཇུག་པའོ། །དེ་བས་ན་དོན་བསྒྲུབ་པ་#ལ་འཇུག་པ་མི་སྣང་བའོ། །དེ་ལ་མཁན་པོའི་བསྒོ་བ་ལ་ནི་མི་སྡོད་པར་སྐྲ་དང་ཁ་སྤུ་བྲེགས་པ་གཞན་གྱི་བསྒྲུབ་#པ་ལ་སླར་མཁན་པོས་འདི་ལ་འཇུག་པར་བྱ་ཞེས་བྱ་བ་ཤེས་པར་
[7a.7]བྱ་བ་མ་ཡིན་པའོ#། །གཙུག་ཕུད་མ་གཏོགས་པ་ཞེས་བྱ་བ་ནི་གཙུག་ཕུད་ལས་གཞན་ནོ། །ཁ་སྤུ་བྲེག་པ་ལ་ཡང་ཇི་ལྟར་འདི་ལ་གཟུགས་མི་སྡུག་པའི་བློ་དེ་ལྟར་ནི་མ་ཡིན་ཏེ། དེ་བས་ན་འདི་ངེས་པ་ཡིན་ནམ། མ་ཡིན་ཞེས་བྱ་བའི་དྲི་བས་གསོལ་བའི་དོན་དུ་འདི་གཞག་པའོ། །
[7b]
[7b.1]གཙུག་ཕུད་བྲེག་གོ་ཞེས་དྲིས་ནས་སྟེར་ན་དེའོ་ཞེས་བྱ་བ་སྟེ། གཙུག་ཕུད་བྲེག་གམ་ཞེས་དྲིས་པར་གྱུར་པའི་རབ་ཏུ་བྱུང་བར་བྱ་བས་གལ་ཏེ་སྟེར་བར་གྱུར་ན་དེ་ནས་སྟེར་བ་ལ་གཙུག་ཕུད་བྲེག་པར་བྱ་ཞེས་བྱ་བ་ནི་རྗེས་སུ་འཇུག་གོ། །དེ་ལྟར་སྐྲ་དང་ཁ་སྤུ་བྲེགས་པས་ཁྲུས་བྱའོ་ཞེས་
[7b.2]བྱ་བ་ནི་དུས་དང་རྗེས་སུ་མཐུན་པའི་ཆུས་སོ། །ཁྲུས་ཀྱི་རྗེས་ཀྱི་དུས་ལ་མཁན་པོས་གོས་ངུར་སྨྲིག་དག་#སྦྱིན་པར་བྱའོ། །དེས་ཀྱང་མཁན་པོའི་རྐང་པ་གཉིས་ལ་གཏུགས་ཏེ་བླང་བར་བྱའོ། །དེ་ནས་རང་གི་#དེ་ལ་མཁན་པོས་བསྐོན་པར་བྱའོ། །བསྐོན་པ་ན་ཟ་མ་དང་མ་ནིང་དང་
[7b.3]མཚན་མེད་པ་དང་མཚན་གཉིས་པ་ཉིད་ཀྱི་སྐྱོན་ཡོངས་སུ་སྤང་བའི་དོན་དུ་མཚན་མ་ཚོར་བར་བརྟག་གོ། གཅེར་#བུར་བྱས་ནས་ནི་མ་ཡིན་ཏེ་འོན་ཀྱང་མ་ཚོར་བར་རོ། །ཇི་ལྟར་འདིས་བདག་གི་མཚན་མ་མཐོང་ངོ་སྙམ་དུ་ཤེས་པར་མི་འགྱུར་བར་རོ། །ཁས་བླངས་པས་མཁན་པོའི་ལས་འདིའོ། །ཡིད་ཆེས་
[7b.4]པའི་དགེ་སློང་གཞན་གྱིས་ཀྱང་བྱས་པས་ནི་གོ་ཆོད་པའོ། །བྱས་པ་ཞེས་བྱ་བ་ཉིད་ནི་མཁན་པོ་ཉིད་ཀྱིས་ཞེས་བྱ་བར་ཤེས་པར་བྱའོ། །སྐྱབས་སུ་འགྲོ་བར་རྩོམ་པས་རབ་ཏུ་འབྱུང་བ་ཉེ་བར་བསྒྲུབ་པར་བྱའོ་ཞེས་བྱ་བ་ནི་བདག་མིང་འདི་ཞེས་བགྱི་བ་ཇི་སྲིད་དུ་སངས་རྒྱས་བཅོམ་ལྡན་འདས་ཤཱཀྱ་
[7b.5]ཐུབ་པ་དེ་ལ། ཇི་སྲིད་དུ་ཚོགས་རྣམས་ཀྱི་མཆོག །ཇི་སྲིད་དུ་རབ་ཏུ་འབྱུང་#བ་ཉིད་ཀྱི་རྟགས་ཡང་དག་པར་ལེན་ཏོ་ཞེས་བྱ་བའི་སྔགས་འདིས་མཁན་པོས་སྐྱབས་སུ་འགྲོ་བར་བརྩམས་པས་རབ་ཏུ་འབྱུང་བ་ཉེ་བར་བསྒྲུབ་པར་བྱའོ། །སྐྱབས་སུ་འགྲོ་བ་དང་པོར་གྱུར་པ་མེད་པ་ནི་མ་ཡིན་ཞེས་
[7b.6]བྱ་བའི་དོན་ཏོ། །འོ་ན་འདི་ནི་སྡོམ་པ་མ་ཡིན་ཞེས་བྱ་བ་ནི་འདི་ལ་སྐྱབས་སུ་འགྲོ་བར་རྩོམ་པ་ཉིད་ཀྱི་དོན་ཅི་ཞིག་ཡིན་ཞེས་བྱ་བ་ཁ་ཅིག་སྨྲ་ན་དེ་ནི་ཡང་དག་པ་མ་ཡིན་ཏེ། གང་གི་ཕྱིར་རབ་ཏུ་བྱུང་བ་ཉིད་ཅེས་བྱ་བ་ནི་ངེས་པར་ཞུགས་པ་ཉིད་ཡོངས་སུ་དོར་བ་སྟེ། ཟག་པ་དང་བཅས་པའི་དངོས་པོ་ཐམས་
[7b.7]ཅད་ལ་མངོན་པར་མི་དགའ་བ་དེ་ལ་ངེས་པར་ཞུགས་པའོ། །དེ་བས་ན་འཁོར་བ་ལ་རྒྱབ་ཏུ་ཕྱོགས་པ་ནི་ངེས་པར་ཞུགས་པ་ཡོངས་སུ་དོར་བ་མ་ལུས་པའོ། །མྱ་ངན་ལས་འདས་པ་ལ་བརྟེན་པ་མེད་པར་འཁོར་བ་ལ་རྒྱབ་ཀྱིས་ཕྱོགས་པ་གྲུབ་པ་མ་ཡིན་ཏེ། དེ་བས་ན་སྡོམ་པ་བཞིན་དུ་འདིར་ཡང་མྱ་
[8a]
[8a.1]ངན་ལས་འདས་པའི་བསམ་པ་རབ་ཏུ་བསྒྲུབ་པར་བྱའོ། །དེ་བས་ན་འདིར་ཡང་སྐྱབས་སུ་འགྲོ་བ་རྩོམ་པ་ཉིད་དོ། ཁ་ཅིག་ནི་རབ་ཏུ་བྱུང་བ་ཉིད་ཉེ་བར་བླང་བའི་སྔགས་ལ་རབ་ཏུ་བྱུང་བ་ཉིད་ཀྱི་རྟགས་ཡང་དག་པར་བླང་བར་བགྱི་ཞེས་བྱ་བ་འདིའི་མདུན་དུ་བདག་ནི་དགེ་ཚུལ་དུ་
[8a.2]མཁན་པོས་གཟུང་དུ་གསོལ་ཞེས་བྱ་བ་འདོན་པ་ཡིན་ནོ་ཞེ་ན། དེ་ནི་རིགས་པ་མ་ཡིན་ཏེ། རབ་ཏུ་སྐྱེས་པ་#ལ་སླར་རབ་ཏུ་སྐྱེས་པ་མེད་པ་ཉིད་ཀྱི་ཕྱིར་དང་། ཡང་དག་པར་བླངས་པ་ལ་ཡང་དག་པར་བླང་བ་#མི་འཐད་པའི་ཕྱིར་དང་། སློབ་དཔོན་གྱིས་སྔགས་ལ་ཡང་གདོན་པར་བྱ་བ་ཉིད་མི་འཐད་
[8a.3]པའི་ཕྱིར་རོ། །དགེ་ཚུལ་ཉིད་དུ་སྒྲུབ་པར་བྱེད་པའི་སྔགས་ལ་རབ་ཏུ་བྱུང་བ་ཉིད་དུ་ཁས་བླངས་པ་ལ་ཡང་བཅོམ་ལྡན་འདས་ཤཱཀྱ་ཐུབ་པ་དེ་ལ་ཇི་སྲིད་དུ་རབ་ཏུ་བྱུང་བ་ཉིད་ཀྱི་རྟགས་ཡང་དག་པར་ལེན་ཏོ། །དོན་གྱི་སླད་དུ་མཚན་ནས་བརྗོད་དེ་མཁན་པོ་འདི་ཞེས་བྱ་བས་མཁན་པོའི་མིང་གཟུང་
[8a.4]ངོ་། །བདག་དགེ་ཚུལ་ཉིད་དུ་སློབ་དཔོན་གྱིས་གཟུང་དུ་གསོལ་ཞེས་པ་ནི་དེ་རྣམས་ཀྱི་འདོན་པ་ཡིན་ནོ། །དེ་ཡང་ཡང་དག་པར་བླངས་པ་མི་འཐད་པས་དེ་ཉིད་ཀྱི་ཕྱིར་མི་རིགས་སོ། །གསོལ་བའི་འོག་ཏུ་ཡང་རུང་ངོ་ཞེས་བྱ་བ་ནི་རབ་ཏུ་བྱུང་བ་ཉིད་ཉེ་བར་སྒྲུབ་པ་ཞེས་བྱ་བ་ལ་འཇུག་པའོ#། །
[8a.5]རུང་ངོའི་སྒྲ་ནི་འདོད་པ་རྣམས་རྣམ་པར་བརྟག་#པའི་དོན་དུའོ། །མཁན་པོ་ལ་སོགས་པའི་#རྗེས་ཉིད་ལ་སྐྲ་དང་ཁ་སྤུ་བྲེགས་པ་རབ་ཏུ་དབྱུང་བར་བྱ་ཞེས་བྱ་བ་ནི་ཁ་ཅིག་རྣམས་འདོན་ནོ། །དེ་རྣམས་ཀྱི་དགོངས་པ་ནི་འདི་ཡིན་ཏེ། ཇི་ལྟར་དགེ་ཚུལ་ཉིད་དེ་བཞིན་དུ་སྐྲ་བྲེགས་#པ་ལ་སོགས་པ་
[8a.6]ཡང་རབ་ཏུ་བྱུང་བ་ཉིད་ཀྱི་ལུགས་ཏེ། དེ་བས་ན་དེ་འདོན་པའི་རྣམ་པར་རྟོག་པ་ཉེ་བར་འབྲེལ་པའོ། །དེ་བཞིན་དུ་མཁན་པོས་དེ་དགེ་ཚུལ་ཉིད་དུ་ཉེ་བར་སྒྲུབ་པར་བྱེད་པའི་དགེ་སློང་ལ་གཏད་པར་བྱའོ་ཞེས་བྱ་བ་ནི་གང་ཞིག་འདི་ལས་#དགེ་ཚུལ་ཉིད་དུ་ཉེ་བར་སྒྲུབ་པར་བྱེད་པ་དགེ་ཚུལ་ཉིད་དུ་ཉེ་བར་བསྒྲུབ་
[8a.7]པའི་ཕྱིར་ངང་ཚུལ་འདི་ལ་ཡོད་པས་ན་#དགེ་ཚུལ་ཉིད་དུ་ཉེ་བར་བསྒྲུབ་པའོ། །གང་ཞིག་འདི་ལ་དགེ་ཚུལ་གྱི་སྡོམ་པ་ཉེ་བར་སྒྲུབ་པ་ལ་མངོན་པར་ཤེས་པའི་སླད་དུའོ། །སེམས་ཀྱིས་#རབ་ཏུ་ཕྱེ་བ་ཉིད་འདིར་དེའི་ངང་ཚུལ་ཉིད་ཀྱིས་བརྟེན་པར་རིག་པར་བྱའོ། །གང་ལ་ཉེ་བར་བསྒྲུབ་པའི་དོན་དུ་འདི་གཏད་པར་བྱའོ#། །
[8b]
[8b.1]ཅི་ཡོངས་སུ་དག་གམ་ཞེས་དྲིས་ནས་དག་ན་ཉེ་བར་བསྒྲུབ་པར་བྱའོ་ཞེས་བྱ་བ་སྟེ། དེ་ནི་སློབ་དཔོན་ཡིན་ནོ་ཞེས་བྱ་བ་ནི་གང་ཞིག་དགེ་ཚུལ་ཉིད་དུ་ཉེ་བར་བསྒྲུབ་#པ་དེ་ནི་སློབ་དཔོན་དུ་བལྟ་བར་བྱའོ། །གསང་སྟེ་སྟོན་པ་དང་། ལས་བྱེད་པ་དང་། གནས་སྦྱིན་པ་དང་། ཀློག་པ་ཡང་ངོ་ཞེས་བྱ་བ་ནི་
[8b.2]སློབ་དཔོན་རྣམས་ཞེས་བྱ་བའི་བསྡུས་པའི་དོན་ནི་ཡང་གི་སྒྲའོ། །ཅི་ཙམ་གྱིས་སློབ་དཔོན་ཉིད་འདི་རྣམས་ལ་ཤེས་པ་ཉིད་ཅེ་ན། དོན་གྲུབ་ན་གྱུར་པ་ཉིད་དོ་ཞེས་བྱ་བ་སྨྲས་ཏེ། དོན་གང་ཞིག་གིས་སྔགས་ལ་རྣམ་པར་གཞག་པ་འདི་ལྟ་སྟེ། དགེ་ཚུལ་ཉིད་དུ་ཉེ་བར་བསྒྲུབ་པའི་དོན་
[8b.3]གྱིས་དགེ་ཚུལ་ཉིད་ཀྱི་སློབ་དཔོན་ཉིད་ལའོ། །དེ་གྲུབ་པ་ནི་དོན་ངེས་པ་ལ་སློབ་དཔོན་ཉིད་ལ་སོགས་པར་#གྱུར་པ་དེ་ལའོ། །གྲུབ་པ་ཉིད་ནི་སྐྱེ་བ་ཉིད་དོ། །དེ་བས་ན་ཉེ་བར་སྒྲུབ་པ་ལ་སོགས་པ་གྲུབ་པ་རྣམས་#ལ་སློབ་དཔོན་ཉིད་འདི་རྣམས་ལ་སྐྱེ་བ་ཉིད་དུ་རིག་པར་བྱའོ། །དོན་གང་ཞིག་
[8b.4]གིས་འདི་མཁན་པོ་ཡིན་པ་མཁན་པོ་ཉིད་ལ་ཡང་དེ་ངེས་པའི་དོན་ལ་ཅི་ཞིག་སྐྱེས་པ་ཉིད་ཅེས་བྱ་བ་མཁན་པོར་གསོལ་བ་ཁས་བླངས་པ་ནི་#དེར་གྱུར་ཏོ་ཞེས་བྱ་བ་སྨྲས་ཏེ། གསོལ་བའི་དུས་མཁན་པོར་#ཁས་བླངས་པ་གང་ཞིག་དེ་ལ་མཁན་པོ་ཉིད་དུ་གྱུར་ཏོ། །རབ་ཏུ་བྱུང་བ་ཉིད་ཉེ་བར་བསྒྲུབ་
[8b.5]པའམ། བསྙེན་པར་རྫོགས་པའི་མཚན་ཉིད་ཅན་གྱི་དོན་དུ་བསྒྲུབ་པ་ལ་ནི་མ་ཡིན་ནོ། །དོན་གང་ཞིག་གྲུབ་པས་སློབ་དཔོན་ཉིད་དང་མཁན་པོ་ཉིད་སྐྱེ་བའི་དོན་དུ་#དེ་ལ་གང་གི་ཚེ་གྲུབ་པ་ཉིད་ཅེས་བྱ་བ་བརྗོད་པ་ཐ་མ་གང་ཡིན་པའི་ཆ་གསུམ་པ་ལ་གྲུབ་པ་#ཉིད་དུ་ཞེས་བྱ་བ་སྨྲས་ཏེ། བརྗོད་པ་གང་
[8b.6]ཞིག་ལ་དོན་དེ་གང་ཡིན་པའི་ཆ་སློབ་དཔོན་ཉིད་ལ་སོགས་པ་རྣམས་གྲུབ་པ་ཉིད་དུ་དེ་ནི་བརྗོད་པ་སྟེ། དེའི་ཆ་ལ་དོན་གྲུབ་པ་ཉིད་དེ་བརྗོད་པ་དེ་རྣམས་ཀྱང་གསུམ་ཡིན་ཏེ། དེ་ལ་བརྗོད་པ་གང་ཚིག་ལས་#བརྗོད་པའི་ཆ་ཇི་#ཙམ་པ་ལས་#ཞེས་བྱ་བ་ཤེས་པ་མ་ཡིན་ཏེ། དེ་ལ་འདི་བརྗོད་པར་བྱ་སྟེ། དེ་
[8b.7]ལ་ཐ་མ་ཡིན་ཏེ་ཕྱི་མ་ལའོ། །དེའི་བརྗོད་པ་ཡིན་པ་དེའི་ཆ་གསུམ་པ་གང་ཞིག་དེ་ལ་གྲུབ་པ་ཉིད་དོན་དེ་ལ་ཤེས་པར་བྱའོ། །དཔེ་ཉིད་ཀྱིས་དོན་དེ་རབ་ཏུ་གྲུབ་པར་བྱེད་པ་དཔེར་ན་གཞན་བརྗོད་པའི་དུས་ན་དགེ་ཚུལ་ཉིད་བཞིན་ནོ་ཞེས་བྱ་བ་སྟེ། གཞན་ནི་ཉེ་བར་སྒྲུབ་#པ་པོའི་བརྗོད་པའི་དུས་ནའོ། །
[9a]
[9a.1]བདག་དགེ་ཚུལ་འདི་ཞེས་བྱ་བ་འདི་ལས་ཕ་རོལ་དུ་སློབ་དཔོན་ཞེས་བྱ་བ་གང་ཞིག་གཞན་བརྗོད་པ་དེར་དགེ་ཚུལ་འདི་བྱེད་པ་པོ་ཉེ་བར་བསྒྲུབ་པ་པོའི་དོན་གང་ཞིག་དགེ་ཚུལ་གྱི་སྡོམ་པ་ཞེས་བྱ་བ་དེའི་གྲུབ་པ་ཉིད་ཤེས་པར་བྱའོ། །སློབ་དཔོན་གྱིས་#གཟུང་དུ་གསོལ་ཞེས་
[9a.2]བྱ་བ་འདིར་ཤེས་པར་བྱའི#། བཙུན་པས་གཟུང་དུ་གསོལ་ཞེས་བྱ་བ་ནི་མ་ཡིན་ནོ། །འདིར་ཐ་མ་ལ་མཁན་པོའི་དོན་ཏོ་ཞེས་བྱ་བ་ནི་གྲུབ་པ་ཉིད་ཅེས་བྱ་བ་འཇུག་པ་ཡིན་ནོ། །འདིར་ཞེས་བྱ་བ་ནི་གཞན་གྱིས་བརྗོད་པའི་དུས་ནའོ། །མཁན་པོ་ལ་གསོལ་བ་གདབ་པ་ལ་དགོངས་སུ་
[9a.3]གསོལ་ཞེས་བྱ་བའི་སྒྲ་ལས་དགེ་སློང་དང་འབྲེལ་པ་བརྗོད་པས་ཕྱི་མ་མང་པོ་མཁན་པོས་བརྗོད་པ་རྣམས་སོ། །དེ་ལ་གང་ཞིག་གསུམ་པ་བརྗོད་པ་མཁན་པོས་རབ་ཏུ་དབྱུང་བར་བགྱི་བ་འམ། བསྙེན་པར་རྫོགས་པར་བགྱི་ཞེས་བྱ་བ་འདི་ལས་སྔོན་དུ་གང་ཞིག་དེའི་དུས་ལ་མཁན་པོའི་དོན་
[9a.4]དེ་ཁས་ལེན་པའི་བདག་ཉིད་ལ་གྲུབ་པ་ཉིད་དོ། །དུས་ཉིད་དུ་རབ་ཏུ་བྱུང་བ་ལ་མཁན་པོས་ཞེས་བྱ་བ་བརྗོད་པར་བྱའོ། །བསྙེན་པར་རྫོགས་པ་ལ་ནི་གལ་ཏེ་དང་པོ་ཉིད་དུ་སློབ་དཔོན་མེད་པ་ཡིན་ན་སློབ་དཔོན་གྱིས་ནི་མ་ཡིན་པ་འམ། བཙུན་པ་ཞེས་བྱ་བ་བར་དུ་གཅོད་པ་མེད་པ་ཉིད་ཀྱིས་
[9a.5]འདིར་ཆ་གསུམ་པར་རིག་#པར་བྱའོ། །ཡི་གེའི་ཚད་ཀྱིས་ནི་མ་ཡིན་ཏེ། དེ་ལྟར་ན་མཁན་པོར་གསོལ་བ་གདབ་པ་ལ་བར་དུ་གཅོད་པ་གསུམ་འབྱུང་བ་ཡིན་ཏེ། བདག་མིང་འདི་ཞེས་བགྱི་བ་བཙུན་པ་ལ་མཁན་པོར་གསོལ་བར་བགྱིའོ། །བཙུན་པ་བདག་གིས་#མཁན་པོ་མཛོད་ཅིག་
[9a.6]བཙུན་པ་མཁན་པོས་རབ་ཏུ་བྱུང་བའམ་བསྙེན་པར་རྫོགས་པར་འགྱུར་བར་བགྱིའོ་ཞེས་བྱ་བའོ། །དགེ་ཚུལ་ཉིད་དུ་ཁས་བླངས་པ་ལ་རྒྱུན་དང་རབ་ཏུ་ཆད་པ་དག་སྐྱབས་སུ་འགྲོ་བ་དང་#དགེ་ཚུལ་ཉིད་དུ་ཁས་ལེན་པའོ། །དེ་ལ་ཐ་མ་རབ་ཏུ་ཆད་པ་ནི་དོན་གཞན་ལ་རྗེས་སུ་འགྲོ་བ་སྟེ།
[9a.7]བདག་དགེ་ཚུལ་ཞེས་བྱ་བར་སློབ་དཔོན་གྱིས་གཟུང་དུ་གསོལ་ཞེས་བྱ་བ་རྣམ་པ་གཉིས་སུ་བྱས་ཏེ#། གསུམ་ཉིད་དུ་ངེས་པ་ཡིན་ནོ། །བརྗོད་པ་མ་རྫོགས་པ་ཉིད་ལ་ཅིའི་ཕྱིར་ཆ་གསུམ་པ་ལ་འདི་ལ་འཇུག་པ་ལ་གྲུབ་པ་ཉིད་འབྱུང་བ་ཡིན་ཏེ། གང་ཞིག་སླར་བྱས་སོ་ཞེས་བྱ་བ་སྟེ། མཚམས་
[9b]
[9b.1]གཅད་#པ་ལ་སོགས་པ་ཐམས་ཅད་ལ་ཆོ་ག་འདི་བལྟ་བར་བྱའོ། །དེ་ལྟར་ན་གསང་སྟེ་སྟོན་པ་ལས་#གསང་སྟེ་བསྟན་པ་མ་རྫོགས་པ་ལ་སློབ་དཔོན་ཉིད་དང་། དགེ་ཚུལ་ཉིད་དུ་ཉེ་བར་སྒྲུབ་པའི་དུས་འདི་ལ་ལས་བྱེད་པ་འདི་ལྟ་བུ་ཞེས་བྱ་བས་སོ། །གནས་སྦྱིན་པ་དང་ཀློག་པ་པོ་དག་ལ་དུས་གང་གི་
[9b.2]ཚེ་ན་ཞེས་བྱ་བ་ཤེས་པ་མ་ཡིན་ཏེ། གནས་སྦྱིན་པ་དང་ཀློག་པ་པོ་དག་གི་ཚད་ལ་མི་གནས་པ་ཉིད་ཀྱི་ཕྱིར་རོ། །དེ་ལ་ཅི་ཙམ་གྱིས་འདི་དག་ལ་སློབ་དཔོན་ཉིད་དུ་བྱ་བ་ཉིད་བཤད་པར་བྱའོ། །གནས་སྦྱིན་པ་ནི་ཞག་གཅིག་གནས་ཉིད་ཀྱི་ཕྱིར་ཉེ་བར་གནས་པ་མཐར་ཐུག་པས་ཞེས་བྱ་བའོ#། །
[9b.3]ཞག་གཅིག་ཅེས་བྱ་བ་ནི་ཉིན་མོ་དང་མཚན་མོ་གཅིག་ནི་ཞག་གཅིག་སྟེ། གནས་ཀྱི་སློབ་དཔོན་ལ་གནས་པའི་སླད་དུ་གནས་ཉིད་ཀྱི་#གང་ཞིག་ཉེ་བར་གནས་པ་ལ་མཐར་ཐུག་པ་ཉིད་གནས་སྦྱིན་པ་མཐར་ཐུག་པའོ། །དེ་ལྟར་ཡང་གཞུང་ལས་གནས་ཀྱི་སློབ་དཔོན་ནི་གང་ཡིན་ཞེ་ན། གང་
[9b.4]ཞིག་ཉེ་བར་མཚན་མོ་གཅིག་ཀྱང་གནས་པ་ནས་#གནས་སུ་འགྱུར་ཞེས་བྱ་བའོ། །འདི་ནས་བརྩམས་ཏེ་འདི་ལ་ཡོངས་སུ་རྫོགས་པའི་ངོ་བོ་ཉིད་ཚུ་རོལ་དུ་ནི་རེག་པ་ཙམ་མི་འགྲོ་བའི་མཐར་ཐུག་པ་མ་བྱས་པ་ཉིད་ཀྱིས་ཡིད་ལ་ངེས་པར་འབྲེལ་བཞིན་པ་ངེས་པའི་གྲངས་སུ་འགྲོ་བར་འོས་པ་མ་
[9b.5]ཡིན་ནོ། ཀློག་པ་ནི་#ཚིགས་སུ་བཅད་པ་གཅིག་ལན་གསུམ་བཟླས་ནའོ་ཞེས་བྱ་བ་ནི་གང་ཞིག་དང་ཉེ་བར་ཀློག་པའི་བསམ་པས་ཚིགས་སུ་བཅད་པ་གཅིག་ལན་གསུམ་དུ་བཟླས་པ་དེ་ནི་ཀློག་པའི་སློབ་དཔོན་ནོ། །དེ་ལྟར་ན་ཀློག་པའི་མཐར་ཐུག་པའོ། །དེ་ལྟར་ཡང་གཞུང་ལས། ཀློག་པའི་སློབ་
[9b.6]དཔོན་གང་ཞེ་ན། གང་ཞིག་དང་ཉེ་བར་རྐང་པ་བཞིའི་ཚིགས་སུ་བཅད་པ་ཡང་ལན་གསུམ་བཟླས་ནས་འཛིན་པར་འགྱུར་ཞེས་བྱ་བའོ། །དེ་བས་ན་འདིར་དྲང་སྲོང་གི་གཞུང་གི་དགོངས་པ་འདི་མཚོན་པ་ཡིན་ནོ། །ཀློག་པའི་སློབ་དཔོན་གྱིས་བརྗོད་པའི་ཀློག་པ་པོའི་རྗེས་སུ་བརྗོད་པ་ནི་འཛིན་པའོ། །
[9b.7]ལན་ཅིག་བརྗོད་པ་ལ་རེག་པ་ཙམ་མ་རྫོགས་པའི་ངོ་བོའི་ཀློག་པ་ཡིད་ལ་ངེས་པར་འབྲེལ་པ་ཡིན་ནོ། །ལན་གསུམ་དུ་བརྩམས་ནས་མཐར་ཐུག་པར་འགྲོ་བ་དང་འདྲ་བར་རྒྱུན་བཞིན་དུ་མཚོན་པ་ཡིན་ནོ། །དེ་བས་ན་ཀློག་པའི་མཐར་ཐུག་པ་འདི་རིགས་པ་ཡིན་ཞེས་བྱ་བའོ། །སློབ་དཔོན་རིན་ཆེན་སེང་
[10a]
[10a.1]གེས་གསུངས་པ། མ་ཐུ་རའི་ཀློག་པ་རྣམས་ནི་འདི་ལྟ་བུར་གྱུར་པ་སྟེ། འདི་ལྟར་མཐོང་བའི་ཕྱིར་རོ། །དེས་ནི་མདོ་འདི་བརྩམས་སོ། །འདི་ལྟར་རིགས་པ་མ་#ཡིན་ཏེ། གང་གི་ཕྱིར་གང་ཞིག་འདི་གཞུང་ལ་མ་ལྟོས་པར་མདོ་བྱེད་པ་ཡིན་ནོ། །དེ་ལ་འཐད་པ་སྨྲས་པ།
[10a.2]འདི་ནི་རིགས་པ་མེད་པར་མདོ་ཙམ་ཉིད་དུ་ཉེ་བར་འབྲེལ་བ་སྟེ། དེ་བས་ན་ངེས་པར་འདི་འགའ་ཞིག་ཏུ་འདི་ལྟ་བུའི་ངོ་བོའི་དྲང་སྲོང་གིས་མཛད་པ་འབྱུང་བ་ཡིན་ཞེས་བྱ་བའོ། །ཀློག་པའི་བསམ་པ་མེད་པས་བརྗོད་པ་ནི་ཀློག་པ་ཉིད་མ་ཡིན་ཏེ#། ཀློག་པའི་བསམ་པ་མེད་པས་#གང་ཞིག་བརྗོད་པ་ནི་
[10a.3]ཀློག་པ་ཉིད་དུ་མི་འགྱུར་ཏེ། དཔེར་ན་ཁ་ཏོན་བྱེད་པ་ལ་སོགས་པ་ལྟ་བུའོ། །གོམས་པར་བྱ་བའི་བསམ་པས་ཀློག་པ་ལ་ཐ་སྙད་འདི་གྲགས་པ་ཉིད་ཀྱི་ཕྱིར་རོ། །དེ་ལྟ་#བས་ན་འདིར་སློབ་དཔོན་ཉིད་ལ་ལྟ་བ་མ་ཡིན་ནོ། །དེ་གཉིས་ལ་གཞན་དུ་ཉེ་བར་མི་བརྗོད་དོ་ཞེས་བྱ་བ་སྟེ། །དེ་གཉིས་ནི་མཁན་པོ་
[10a.4]དང་སློབ་དཔོན་དག་གོ། །ཉེ་བར་ཀློག་པའི་ཚིག་ནི་ཉེ་བར་ཀློག་པའོ། །ཚེ་དང་ལྡན་པ་དང་བཙུན་པ་དང་གནས་བརྟན་གྱི་ཉེ་བར་ཀློག་པ་རྣམས་ཀྱིས་ཉེ་བར་ཀློག་པར་བྱས་པ་#ཡིན་ནོ། །ཉེ་བར་ཀློག་པ་མེད་པ་#འདི་དག་གི་མིང་གཟུང་#བ་ལ་རྒན་རིམས་ཉེ་བར་ཀློག་པ་མེད་པའི་མིང་གཟུང་བར་མི་བྱ་ཞེས་བྱ་
[10a.5]བ་འདི་ཉིད་ཀྱིས་བཀག་པར་རིགས་པར་#བྱའོ། །སློབ་དཔོན་ནི་#སློབ་དཔོན་ཉིད་ཀྱིས་བརྗོད་པར་བྱའོ། །མཁན་པོ་ཡང་མཁན་པོ་ཉིད་དོ་ཞེས་བྱ་བའོ། །དེ་ལྟར་གཞན་ལ་མི་བྱའོ་ཞེས་བྱ་བ་ནི་མཁན་པོ་དང་སློབ་དཔོན་དག་ལས་གཞན་པའི་གང་ཟག་ལ་མཁན་པོ་དང་སློབ་དཔོན་གྱི་སྒྲ་དག་གིས་ཉེ་
[10a.6]བར་བརྗོད་པར་བྱ་བ་མ་ཡིན་ནོ། །དོན་གྱི་སླད་དུ་མཚན་ནས་སྨོས་ཏེ་ཞེས་བྱ་བ་དང་བཅས་པར་མ་སྨྲས་པར་མཁན་པོའི་མིང་མི་གཟུང་ངོ་ཞེས་བྱ་བ་སྟེ། བཅས་པར་ཞེས་བྱ་བ་ནི་མཁན་པོའི་གཟུང་བས་སོ། །དོན་གྱི་སླད་དུ་མཚན་ནས་སྨོས་ཏེ་ཞེས་བྱ་བའི་ངག་འདི་དག་དང་བཅས་པས་མཁན་
[10a.7]པོའི་མིང་གཟུང་བར་བྱ་སྟེ། ཚིག་འདི་མ་བརྗོད་པར་ནི་མ་ཡིན་ཞེས་བྱ་བའི་དོན་ཏོ། །དེ་ཡང་འདི་ལ་དེ་མ་ཐག་པ་དང་བཅས་པར་བྱེད་པ་ཚིག་གང་ལ་འདི་ནི་འཇུག་པ་ལོག་པ་ཞེས་བྱ་བའི་བློའོ། །དགེ་ཚུལ་ཉིད་དུ་ཉེ་བར་སྒྲུབ་པའི་ཆོ་གའོ།། །།དགེ་འདུན་ལས་བསྙེན་པར་རྫོགས་པར་བྱའོ་
[10b]
[10b.1]ཞེས་བྱ་བ་ནི་ཇི་ལྟར་རབ་ཏུ་འབྱུང་བ་དང་དགེ་ཚུལ་ཉིད་དུ་ཁས་ལེན་པ་ལྟར་གང་ཟག་ལས་ནི་མ་ཡིན་ཏེ#། འོན་ཀྱང་དགེ་འདུན་ལས་བསྙེན་པར་རྫོགས་པར་བྱའོ། །མཁན་པོ་ཉིད་དུ་ཕྱོགས་པར་གྱུར་པས་ལས་བྱེད་པ་དང་གསང་སྟེ་སྟོན་པའི་དགེ་སློང་ལ་གསོལ་བ་གདབ་པར་བྱའོ་ཞེས་བྱ་བ་སྟེ། མཁན་
[10b.2]པོ་ཉིད་དུ་ཕྱོགས་པར་གྱུར་པ་ཞེས་བྱ་བ་ནི་བསྙེན་པར་རྫོགས་པ་ལ་མཁན་པོ་ཉིད་ཀྱིས་སོ་སོར་ཉེ་བར་གནས་པའོ། །གསོལ་བ་གདབ་པར་བྱའོ་ཞེས་བྱ་བ་ནི་གསོལ་བ་གདབ་པའོ། །གསང་སྟེ་སྟོན་པ་ལ་ཡང་གསོལ་བ་གདབ་པར་བྱའོ། །དགེ་སློང་ལ་ཞེས་བྱ་བ་ནི་གསང་སྟེ་སྟོན་པའི་དོན་དུ་དགེ་སློང་གི་
[10b.3]ཚིག་སྟེ། ལས་བྱེད་པའི་དོན་དུ་ནི་མ་ཡིན་ནོ། །ལས་བྱེད་པ་ལ་ནི་གང་ཞིག་ལས་ཀྱི་ཆོ་ག་གསུངས་པ་དེ་ཉིད་ལས་དེ་ལ་དགེ་སློང་ཉིད་གྲུབ་པའི་ཕྱིར་རོ། །མཁན་པོར་གསོལ་བར་བྱའོ་ཞེས་བྱ་བ་ནི་དགེ་འདུན་གྱི་དབུས་སུ་བསྙེན་པར་རྫོགས་པར་བྱ་བས་#སོ། །དེ་རང་གིས་དེ་ལ་ཆོས་གོས་
[10b.4]གསུམ་བྱིན་གྱིས་བརླབ་པར་བྱའོ་ཞེས་བྱ་བ་སྟེ། དེ་ཞེས་བྱ་བ་ནི་མཁན་པོའོ། །རང་གིས་ཞེས་བྱ་བ་ནི་འདིར་དབུགས་དབྱུང་བའི་ཆོ་ག་བྲེགས་#པ་ལ་སོགས་པ་བཞིན་དུ་ཅི་ནས་ཀྱང་མ་ཡིན་ཏེ། རང་གིས་འདི་བྱའོ་ཞེས་བྱ་བའི་དོན་ཏོ། །དེ་ལ་ཞེས་བྱ་བ་ནི་བསྙེན་པར་རྫོགས་པར་བྱ་བ་ལའོ། །
[10b.5]ཚོགས་པ་ཡོད་པ་ལ་དྲས་ཤིང་དྲུབ་#པས་བྱིན་གྱིས་བརླབས་པས་ཀྱང་ངོ་། །མེད་པ་ལ་གཞན་ཞེས་བྱ་བ་གོས་ཀྱི་#གཞི་ལས་རྟོགས་པར་བྱའོ། །བྱིན་གྱིས་བརླབ་པ་ནི་ཆ་ལུགས་ཀྱི་དོན་ཉིད་ཀྱི་ཕྱིར་བྱིན་གྱིས་བརླབས་པའི་དོན་#དེ་མ་ཐག་ཏུ་འདི་རྣམས་བགོ་བར་བྱ་ཞེས་བྱ་བར་ཤེས་པར་བྱའོ། །
[10b.6]ལྷུང་བཟེད་ཀྱང་མི་ཆུང་ངམ་མི་ཆེ་འམ་མི་སྐྱ་འམ་ཞེས་དགེ་འདུན་ལ་བསྟན་ནས་སོ་ཞེས་བྱ་བ་སྟེ། བསྟན་ནས་ཞེས་བྱ་བ་དགེ་འདུན་ལ་ཞེས་བྱ་བ་འདི་དང་འདི་ལ་འབྲེལ་ཏོ། །ཅིའི་ཕྱིར་བསྟན་ཞེ་ན། མི་ཆུང་ངམ་མི་ཆེ་འམ་མི་སྐྱ་འམ་ཞེས་བྱ་བ་སྨོས་ཏེ། སྐྱོན་འདི་ཡོངས་སུ་སྤང་བའི་དོན་དུ་
[10b.7]རྣམ་པ་འདི་ལྟ་བུ་ལ་བྱིན་གྱིས་བརླབས་#པ་རིགས་པ་མ་ཡིན་ནོ། །དགེ་འདུན་ལ་བསྟན་ནས་སོ་ཞེས་བྱ་བ་ནི་ལྷག་པར་གནས་པར་བྱའོ་ཞེས་བྱ་བའི་རྗེས་སུ་འཇུག་གོ། །ཐམས་ཅད་ཀྱིས་དེ་ལྟ་བུ་ཉིད་མ་ཡིན་ཏེ་ལྷུང་བཟེད་བཟང་ངོ་ཞེས་བརྗོད་པར་བྱའོ་ཞེས་བྱ་བ་ནི་ཇི་ལྟར་དགེ་སློང་རྣམས་འདུས་
[11a]
[11a.1]པས་སོ། །དེ་ལྟ་བུའི་དངོས་པོ་ནི་དེ་ལྟ་བུ་ཉིད་དེ་ཆུང་བ་ལ་སོགས་པའི་སྐྱོན་དང་ལྡན་པ་ཉིད་དོ། །དེ་ལྟ་བུ་ཉིད་མ་ཡིན་པ་#ནི་དེ་ལྟ་བུ་ཉིད་མ་ཡིན་པ་སྟེ། སྐྱོན་འདི་རྣམས་དང་བྲལ་བ་ཉིད་ཅེས་བྱ་བའི་དོན་ཏོ། །བཀར་ནས་ལས་བྱེད་པས་གསང་སྟེ་སྟོན་པ་ལ་གང་ཡིན་ཞེས་
[11a.2]བྱ་བས་སྨྲར་བཅུག་སྟེ་སྤྲོ་བར་བྱས་ནས་དེ་དགེ་འདུན་ལ་གསོལ་བའོ་ཞེས་བྱ་བ་སྟེ། བཀར་ནས་ཞེས་བྱ་བ་ནི་དཀྱིལ་འཁོར་གྱི་གནས་ནས་གཞན་དུ་སྟོན་པའི་ཉེ་བར་གནས་པར་བྱ་བ་ལ་#གསང་སྟེ་སྟོན་པ་ལ་#གནས་པའི་ལས་ཐོས་པའི་ཉེ་#འཁོར་མ་ཡིན་པ་ནི་འདིར་བཀར་བའི་དོན་ཏེ་གཞན་མཐོང་
[11a.3]བ་མ་ཡིན་ནོ། །དེ་བས་ན་གང་དུ་གནས་པ་འདི་ལ་ཐོས་པའི་ཉེ་འཁོར་མ་ཡིན་པར་འགྲོ་བ་དེར་ཞེས་བྱ་བ་ལས་ཀྱི་ཆོ་ག་རྟོགས་པར་བྱའོ། །མཐོང་བ་ཉེ་བར་སྤྱད་པ་ལ་འདི་འཆད་པར་འགྱུར་ཏེ། ཚོགས་པ་ལ་མངོན་པར་ཕྱོགས་ཤིང་ཐལ་མོ་#སྦྱར་བ་འདི་བཀར་ནས་གཞག་པར་བྱ་ཞེས་བྱའོ#། །སུ་
[11a.4]ཞིག་ཅེ་ན། བཀར་ནས་ཞེས་བྱ་བ་སྟེ། མིང་འདི་ཞེས་བྱ་བ་སུ་ཞིག་#གསོལ་བ་བཏབ་པར་གྱུར་པ་གསང་སྟེ་སྟོན་པ་ཞེས་བྱ་བའི་སྔགས་འདིས་བདག་མིང་འདི་ཞེས་བགྱི་བ་གསང་སྟེ་སྟོན་པ་བཙལ་ནས་ཞེས་བྱའོ#། །སྤྲོ་བར་བྱས་ནས་ཞེས་བྱ་བ་ནི་ཁྱོད་སྤྲོའམ་ཞེས་བྱ་བ་ལ་སོགས་པས་གསང་སྟེ་སྟོན་
[11a.5]པ་དེ་ཉིད་ལའོ། །དེ་ཞེས་བྱ་བ་ནི་གསང་སྟེ་སྟོན་པའོ། །གསོལ་བར་བྱའོ་ཞེས་བྱ་བ་ནི་འདིའི་དོན་དུ་ལས་བྱེད་པ་པོས་གསོལ་བར་བྱའོ། །ཁ་ཅིག་ནི་འདིར་སོན་པའི་སྔགས་ལ་དགེ་འདུན་གྱིས་མིང་འདི་ཞེས་བགྱི་བའི་གསང་སྟེ་སྟོན་པ་ལ་ཡང་དག་པར་བསམས་པ་ཞེས་བྱ་བ་གང་ཞིག་འདོན་པར་བྱེད་
[11a.6]པ་དེ་ནི་རིགས་པ་མ་ཡིན་ཏེ། ལས་བརྗོད་པ་ལ་ཡང་བྱ་བ་ཉིད་དུ་ཐལ་བའི་ཕྱིར་དང་། འདི་རྣམས་ལ་བློ་མཐུན་པར་གསོལ་བར་བྱ་བ་འདི་ཞེས་བྱ་བ་རྣམ་པར་གཞག་པའོ། །དེ་བས་ན་མིང་འདི་ཞེས་བགྱི་བའི་གསང་སྟེ་སྟོན་པ་མིང་འདི་ཞེས་བགྱི་བའི་#ལྐོག་ཏུ་སྟོན་པར་བྱེད་པ་ཞེས་བྱ་བ་འདི་ལ་གདོན་
[11a.7]པར་རིགས་པ་ཡིན་ཏེ། དེ་བས་ན་གསོལ་བར་བྱ་བ་ནི་འདི་ལྟར་མདོར་བྱས་པ་ཡིན་ཏེ་བློ་མཐུན་པ་ནི་མ་ཡིན་ནོ། །ཁྱོད་ཉོན་ཅིག་ཅེས་བྱ་བས་ལྐོག་ཏུ་རྗེས་སུ་བསྟན་པར་བྱའོ་ཞེས་བྱ་བ་ནི་གསང་སྟེ་སྟོན་པ་ཞེས་བྱ་བ་ཤུགས་ཀྱིས་རིག་པར་བྱའོ། །ཚེ་དང་ལྡན་པ་ཁྱོད་ཉོན་ཅིག། ཁྱོད་ཀྱིས་#འདི་ནི་
[11b]
[11b.1]བདེན་པའི་དུས་ཡིན་ཏེ་ཞེས་བྱ་བ་ལ་སོགས་པའི་སྔགས་ལ་ཁྱོད་ཉོན་ཅིག་ཅེས་བྱ་བའི་ཚིག་འདི་དང་འབྲེལ་པའོ། །མ་བོས་ཀྱི་བར་དུ་མ་འོང་བར་སྡོད་ཅིག་ཅེས་སྨྲས་ནས་རྗེས་སུ་བསྟན་ན་ཞེས་བྱ་བས་དགེ་འདུན་ལ་ཡོངས་སུ་དག་པ་གོ་བར་བྱ་སྟེ་ཞེས་བྱ་བ་ནི་དགེ་འདུན་བཙུན་པ་རྣམས་གསན་དུ་
[11b.2]གསོལ། །མིང་འདི་ཞེས་བྱ་བས་བདག་གི་དགེ་འདུན་ལ་རྗེས་སུ་བསྟན་པས་ཞེས་བྱ་བའི་སྔགས་ཀྱིས་སོ། །ཅི་མཆི་ཞིག་གམ་ཞེས་བྱ་བས་དགེ་འདུན་ལ་འོང་བ་#ཞུ་བར་བྱའོ། །ཐམས་ཅད་ཀྱིས་གལ་ཏེ་ཡོངས་སུ་དག་ནའོ་ཞེས་བརྗོད་པར་བྱའོ་ཞེས་བྱ་བ་ནི་དགེ་སློང་རྣམས་ཀྱིས་བསྙེན་པར་རྫོགས་
[11b.3]པ་ཅིག་གོ#། །ཁ་ཅིག་ནི་འདི་དང་སྔ་མ་ལ་རབ་ཏུ་བྱུང་བའི་དོན་དུ་ཞུ་བའི་ཚིག་ལ་ལེན་(ལན་)བརྗོད་པ་ཡིན་ཏེ། གལ་ཏེ་ཡོངས་སུ་དག་ནའོ་ཞེས་དགེ་འདུན་ཐམས་ཅད་ཀྱིས་བརྗོད་པར་བྱའོ། །དེས་ན་ཡོངས་སུ་དག་གོ་ཞེས་བྱ་བ་བརྗོད་པར་བྱ་བ་དེ་ནི་མི་འཐད་དེ། གང་གི་ཕྱིར་བརྗོད་པ་པོ་ལ་ཁུར་བཀལ་
[11b.4]བ་འདི་མིན་#ཏེ། གསང་སྟེ་སྟོན་པས་དང་པོ་ཉིད་དུ་བརྗོད་པ་ཉིད་ཀྱི་ཕྱིར་རོ། །ལས་བྱེད་པས་བསྙེན་པར་རྫོགས་པ་གསོལ་དུ་གཞུག་གོ་ཞེས་བྱ་བ་སྟེ། བསྙེན་པར་རྫོགས་པ་ལ་ལྟོས་པའོ། །དགེ་འདུན་ལ་གསོལ་ནས་བར་ཆད་དྲི་བར་བྱའོ་ཞེས་བྱ་བ་ནི། བར་ཆད་ཡོངས་སུ་དྲི་བའི་དོན་དུ་
[11b.5]གསོལ་བ་བྱས་ནས་སོ། །ཚེ་དང་ལྡན་པ་ཁྱོད་ཉོན་ཅིག །འདི་ནི་ཁྱོད་ཀྱི་བདེན་པའི་དུས། །འདི་ནི་ཁྱོད་ཀྱི་འབྱུང་བའི་དུས་ཏེ་ཞེས་བྱ་བ་ལ་སོགས་པའི་སྔགས་ཀྱིས་#བར་ཆད་ཡོངས་སུ་དྲི་བའོ། །བསྙེན་པར་རྫོགས་པ་ཉེ་བར་བསྒྲུབ་པར་བྱའོ་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་ཏེ།
[11b.6]ལས་བྱེད་པ་པོ་ལ་སྐབས་དོན་ཡིན་པའི་ཕྱིར་རོ། །དེ་མ་ཐག་ཏུ་གྲིབ་ཚོད་རིག་པར་བྱའོ་ཞེས་བྱ་བ་ནི་བསྙེན་པར་རྫོགས་པ་ཉེ་བར་བསྒྲུབས་པའི་རྗེས་སུ་གྲིབ་ཚོད་བསྙེན་པར་རྫོགས་པ་ལ་རིག་པར་བྱ་ཞེས་བྱ་བའི་དོན་ཏོ། །དེ་མ་ཐག་ཏུ་ནི་ཐོགས་པ་མེད་པའོ། །ཇི་ལྟར་རིགས་#པར་བྱ་བ་ནི་ཆ་ལྷག་མའི་
[11b.7]བྱ་བའི་ཚད་བྱ་བ་ལ་གཏན་འཇུག་པ་མི་རིགས་པས་ལས་བྱེད་པ་#ལས་གཞན་གྱིས་ཚད་འདི་ལ་སྦྱར་བའོ་ཞེས་བྱ་བ་སྨོས་ཏེ། དེ་ཡང་ཚད་མ་#འདི་ལ་རྐང་པ་ལ་སོགས་པ་རྣམས་ལ་གང་ཞིག་ཅེ་ན། དེ་ནི་ཐུར་མ་སོར་བཞི་པས་བཟང་ངོ་ཞེས་བྱ་བ་སྨོས་སོ། །དེ་ནི་ཞེས་བྱ་བ་ནི་ཚད་དེ་རིང་བ་ཉིད་མེད་པའི་ཕྱིར་
[12a]
[12a.1]ཐུར་མ་སོར་བཞི་པས་ཚད་མཛེས་པའོ། །དེའི་#སྐྱེས་བུ་ཉིད་ཅེས་ཐ་སྙད་དུ་བྱའོ་ཞེས་བྱ་བ་ནི་བཟང་ཞེས་སྦྱར་བར་རོ། །དེ་ནི་ཞེས་བྱ་བ་ནི་ཐུར་མ་སོར་བཞི་པ་ལ་ཇི་ཙམ་པའི་ཐུར་མ་རྣམས་དེ་ཙམ་དུ་སྐྱེས་བུ་གྲིབ་མ་བརྗོད་པར་བྱ་ཞེས་བྱ་བའི་དོན་ཏོ། །ཉིན་མཚན་གྱི་ཆ་སྔ་དྲོ་ལ་
[12a.2]སོགས་པ་དང་ཞེས་བྱ་བ་ནི་རིག་#པར་བྱ་ཞེས་བྱ་བ་རྗེས་སུ་འཇུག་གོ། །སྔ་དྲོ་དང་གུང་གི་ཞེས་བྱ་བ་ལ་སོགས་པའི་གཞུང་གིས་གསུངས་སོ། །དུས་ཚོད་ཀྱང་ངོ་ཞེས་བྱ་བ་ནི་རིག་པར་བྱའོ། །དེ་དག་ལྔའོ་ཞེས་བྱ་བ་ནི་དུས་ཚོད་རྣམས་ཏེ། དགུན་གྱི་#དུས་དང་། དཔྱིད་ཀྱི་དུས་དང་། དབྱར་
[12a.3]གྱི་དུས་དང་། དབྱར་ཐུང་ངུའི་དུས་དང་། དབྱར་རིང་པོའི་དུས་སོ། །འདི་རྣམས་ཀྱི་ཚད་བརྗོད་པ་ཡིན་ནོ། །དང་པོ་གཉིས་ནི་ཟླ་བ་བཞི་བཞིའོ་ཞེས་བྱ་བ་ནི་དགུན་གྱི་དུས་དང་དཔྱིད་ཀྱི་དུས་སོ། །འོག་མ་ནི་ཟླ་བ་གཅིག་གོ་ཞེས་བྱ་བ་ནི་དབྱར་གྱི་དུས་སོ། །དེའི་འོག་མ་ནི་ཉིན་ཞག་གཅིག་གོ་
[12a.4]ཞེས་བྱ་བ་ནི་དེ་ནི་དབྱར་གྱི་དུས་ལས་འོག་མ་ནི་དབྱར་#ཐུང་ངུའི་དུས་ཏེ་ཉིན་ཞག་གཅིག་གོ། །ཐ་མ་ནི་དེས་ཟླ་བ་གསུམ་དུ་མ་ཆོག་པའོ་ཞེས་བྱ་བ་ནི་ཉིན་ཞག་གཅིག་པོ་དེས་མ་ཆོག་པའི་ཟླ་བ་གསུམ་ནི་ཐ་མའི་དུས་ཏེ་དབྱར་རིང་པོའི་དུས་སོ། །དུས་ཚོད་བརྗོད་པའི་དེ་མ་ཐག་ཏུ་བསྙེན་པར་རྫོགས་
[12a.5]པར་བྱས་པ་ཙམ་ལ་ལས་བྱེད་པ་པོས་གནས་རྣམས་བརྗོད་པར་བྱའོ་ཞེས་བྱ་བ་ནི་ཕྱག་དར་ཁྲོད་པ་ལ་སོགས་པ་བཞི་པོ་དེ་རྣམས་སོ། །ལྟུང་བར་འགྱུར་བའི་ཆོས་རྣམས་དང་། དགེ་སྦྱོང་དུ་བྱེད་པའི་ཆོས་རྣམས་ཀྱང་ངོ་ཞེས་བྱ་བ་སྟེ། ཁྲོ་བ་ལ་སླར་མི་ཁྲོ་བ་ལ་སོགས་པ་རྣམས་བརྗོད་པར་བྱའོ་ཞེས་བྱ་
[12a.6]བར་འབྲེལ་ཏོ། །མཆོག་ཏུ་འདོད་པར་བྱ་བ་ཡང་དག་པ་#ཉིད་ཀྱིས་རྫོགས་པ་#ཉིད་བརྗོད་ནས། ཚུལ་ཁྲིམས་ཀྱིས་མཉམ་པར་གྱུར་པ་ཉིད་བསྒྲུབ་པ་ལ་ངེས་པར་སྦྱར་བར་བྱའོ་ཞེས་བྱ་བ་ནི་མཆོག་ཏུ་འདོད་པར་བྱ་བས་ན་མཆོག་ཏུ་འདོད་པར་བྱ་བ་ཡིན་ཏེ། གང་ཞིག་ཁྱེད་ལ་སྔོན་བྱུང་བ་སྟོན་པར་བྱེད་པའོ། །བདག་གིས་#ཅི་
[12a.7]ཞིག་ཐོབ་པར་འགྱུར་རམ་ཞེས་བྱ་བ་ལ་སོགས་པ་དེ་ནི་དེའི་#འདོད་པའོ། །དེའི་རྫོགས་པ་ཉིད་ནི་ཡོད་པ་ཉིད་གཟུང་ནས་སུ་འདི་ལ་རབ་ཏུ་བྱུང་བ་དང་བསྙེན་པར་རྫོགས་པ་ཞེས་བྱ་བ་ལ་སོགས་པས་སོ། །སླར་རྫོགས་པ་ཉིད་ལ་མཐུན་པའི་མཁན་པོས་ཞེས་བྱ་བ་ལ་སོགས་པས་ཡང་དག་པ་ཉིད་བརྗོད་པའོ། །རྫོགས་པ་
[12b]
[12b.1]ཉིད་བརྗོད་ནས་ཅི་ཞིག་བྱ་ཞེ་ན། ཚུལ་ཁྲིམས་ཀྱིས་མཉམ་པར་གྱུར་པ་ཉིད་བསྒྲུབས་#པ་ལ་ངེས་པར་སྦྱར་བར་བྱའོ་ཞེས་བྱ་བ་སྨོས་ཏེ། གང་དུ་བསྙེན་པར་རྫོགས་ནས་ལོ་བརྒྱ་ལོན་པ་ཞེས་བྱ་བ་ལ་སོགས་པའི་ཚུལ་ཁྲིམས་ཀྱིས་མཉམ་པར་གྱུར་པ་ཉིད་ནི་ཚུལ་ཁྲིམས་ཀྱིས་མཉམ་པར་གྱུར་པ་ཉིད་
[12b.2]དོ། །བསྒྲུབ་པ་ནི་སྟེན་#པར་བྱེད་པའོ། །ཚུལ་དང་འབྲེལ་པའི་གཟུགས་བརྙན་དང་ཞེས་བྱ་བ་ནི་ངེས་པར་སྦྱར་བར་བྱ་ཞེས་པ་ཐམས་ཅད་དུ་དབང་དུ་བྱེད་པར་རིག་པར་བྱའོ། །ཚུལ་དང་འབྲེལ་པ་ནི་ཕ་མ་ལྟ་བུར་འབྲེལ་པའོ། །དེའི་གཟུགས་བརྙན་ནི་དེ་ཕྱིན་ཆད་ནས་མཆོག་ཏུ་ཁྱོད་ཀྱིས་མཁན་
[12b.3]པོ་ལ་ཕའི་འདུ་ཤེས་ཉེ་བར་གཞག་པར་བྱའོ་ཞེས་བྱ་བ་ལ་སོགས་པས་སོ། །དེ་ལྟར་ན་ཁྱོད་ཀྱིས་ཁྱིམ་པའི་འབྲེལ་བ་དེ་གོམས་པ་སོ་སོར་སྤང་བར་བྱ་ཞེས་བྱ་བའོ། །དུལ་#བར་གནས་པ་ཉིད་དང་ཞེས་བྱ་བ་ནི་དེང་#ཕྱིན་ཆད་ཁྱོད་ཀྱིས་གུས་པ་དང་བཅས་པར་#ཞེས་བྱ་བ་ལ་སོགས་པས་སོ། །དགོས་#པ་
[12b.4]རྗེས་སུ་བསྒྲུབ་པ་ཡང་ངོ་ཞེས་བྱ་བ་ནི་དེང་ཕྱིན་ཆད་མཆོག་ཏུ་ཁྱོད་ལ་བསྟན་པར་བྱ་ཞེས་བྱ་བ་ལ་སོགས་པས་སོ། །མ་བརྗོད་པ་ཡང་དག་པར་བླངས་པ་ཡོངས་སུ་ཤེས་པའི་བསྒྲུབ་པར་འགྱུར་བ་ཉིད་ཀྱང་བརྗོད་པར་བྱའོ་ཞེས་བྱ་བ་ནི་ཁྱོད་ལ་འདི་དང་འདི་རྣམས་བདག་གིས་རྒྱ་ཆེར་ཞེས་བྱ་བ་འདི་ལྟ་བུ་ལ་སོགས་
[12b.5]པས་སོ། །དེ་ནི་མ་བརྗོད་པར་ཡང་དག་པར་བླངས་པའི་ཚུལ་ཁྲིམས་ལ་གནས་པ་ལ་ཡོངས་སུ་ཤེས་པ་དེ་ལྟར་བསྒྲུབ་པར་འགྱུར་ཞེས་བྱ་བའོ། །གུས་པ་ལས་#ཡང་ངེས་པར་སྦྱར་བར་#བྱའོ་ཞེས་བྱ་བ་ནི། ཁྱོད་ནི་བསྙེན་པར་རྫོགས་པར་གྱུར། །ཞེས་#བྱ་བའི་ཚིགས་སུ་བཅད་པ་དག་གིས་དང་།
[12b.6]སྐྱེད་#པ་ཞེས་བྱ་བ་འདིས་དལ་འབྱོར་ཕུན་སུམ་ཚོགས་པ་རྙེད་པར་དཀའ་བ་ཉིད་བསྟན་པ་ཡིན་ཏེ། གང་གི་ཕྱིར་མི་ཁོམ་པ་གཞན་མེད་པས་ཀྱང་ཐོབ་པར་བྱ་བ་རྙེད་པ་ལ་ཡང་ཐུགས་བརྩེ་བ་དང་ལྡན་པ་རྣམས་ཀྱིས་དལ་འབྱོར་ཕུན་སུམ་ཚོགས་པའི་མིའི་ལུས་ཉིད་འདི་ལ་རྣམ་པར་མ་དག་པའི་གྲངས་མང་
[12b.7]པོ་ནི་བར་ཆད་རྣམས་དང་གཟུགས་ངན་པ་ཉིད་དེ#། དེ་བས་ན་འདི་རྙེད་པར་དཀའ་བའོ། །བསྒྲུབ་པར་བྱ་བ་ཐབས་བརྗོད་པ་དང་བཅས་པ་ལ་ཡང་ངོ་ཞེས་བྱ་བ་ནི་བརྗོད་པ་དང་ལྷན་ཅིག་ཏུ་ནི་བརྗོད་པ་དང་བཅས་པའོ། །གང་གི་#དོན་དུ་རབ་ཏུ་བྱུང་བ་ཉིད་#དང་བསྙེན་པར་རྫོགས་པ་དེ་བསྒྲུབ་པར་བྱ་བ་ལ་ཚེ་
[13a]
[13a.1]དང་ལྡན་པ་ཁྱོད་བསྙེན་པར་རྫོགས་ཟིན་གྱིས་བག་ཡོད་པར་སྒྲུབས་#ཤིག་ཅེས་བྱ་བ་འདིས་ངེས་པར་སྦྱར་བར་བྱའོ། །འདི་ལྟ་སྟེ་ཁྱོད་ནི་གནས་འདི་རྗེས་སུ་ཐོབ་པ་སྟེ། ད་ནི་འདིར་ཁྱོད་ཀྱིས་མངོན་པར་དགའ་བར་བྱ་ཞེས་བྱ་བའོ#། །དང་པོ་ཕྱག་ལན་གསུམ་བྱས་ནས་དགེ་འདུན་
[13a.2]འདུས་པའི་ནང་དུ་རྗེས་སུ་བསྟན་པ་ལ་ཙོག་ཙོག་པོར་འདུག་པའི་མདུན་དུ་སོ་ཕག་བཏིང་བ་དག་གིས་གསང་སྟེ་སྟོན་པ་ལ་བསྙེན་པར་རྫོགས་པ་ལ་གནས་པའི་ལག་པ་གཡོན་པར་ལྷུང་བཟེད་བཞག་སྟེ། ལག་པ་གཡས་པས་བཀབ་ནས་ཞེས་བྱ་བ་ལ་སོགས་པ་ལས་ཀྱི་གཞིར་འཆད་པར་འགྱུར་
[13a.3]བ་ཉིད་ཀྱི་ཕྱིར་འདིར་རྗེས་སུ་འབྲེལ་པ་མ་བྱས་སོ། །བསྙེན་པར་རྫོགས་པའི་ཆོ་གའོ།། །།གནས་པས་གནས་པ་ལ་མ་ཞུས་པར་བྱ་བ་མི་བྱའོ་ཞེས་བྱ་བ་ལ་སོགས་པ་ལ་མ་ཞུས་པ་ནི་མ་དྲིས་པའོ། །མ་དྲིས་པར་ཅུང་ཟད་ཀྱང་མི་བྱའོ་ཞེས་བྱ་བའི་དོན་ཏོ། །བྱ་བ་མཐའ་དག་གནས་ལ་ཞུ་
[13a.4]བར་བྱས་པ་#ཐལ་བ་ལ། བྱ་བ་འགའ་ཞིག་མ་དྲིས་པར་ཡང་བྱེད་པ་བཅོམ་ལྡན་འདས་ཀྱིས་གསུངས་ཏེ། དེའི་ཕྱིར་བཤང་བ་དང་#གཅི་བ་དང་སོ་ཤིང་དོར་བ་དང་ཉེ་འཁོར་དང་བཅས་པའི་གཙུག་ལག་ཁང་དུ་མཆོད་རྟེན་ལ་ཕྱག་བྱ་བ་ནི་མ་གཏོགས་སོ་ཞེས་བྱ་བ་ནི་གང་ཞིག་འདིར་ནང་དུ་བྱ་
[13a.5]བའི་གྲངས་འདྲུ་བ་ལ་སོགས་པའི་བྱ་བས་མངོན་པར་ཁྱབ་པ་དེ་ནི་འདིར་ཉེ་འཁོར་དུ་རིག་པ་ཡིན་ནོ། །ཉེ་འཁོར་དུ་ལྷན་ཅིག་ཏུ་ནི་ཉེ་འཁོར་དང་བཅས་པའོ། །དེར་མཆོད་རྟེན་གང་ཞིག་ལ་ཕྱག་འཚལ་བའོ། །གཙུག་ལག་ཁང་ནས་འདོམ་བཞི་བཅུ་རྩ་དགུའི་མཐའ་ཚུན་ཆད་དུ་འགྲོ་བ་
[13a.6]ཡང་ངོ་ཞེས་བྱ་བ་ནི་མ་གཏོགས་སོ་ཞེས་བྱ་བར་རྗེས་སུ་འབྲེལ་ལོ། །གཅིག་གིས་#མ་ཚང་བའི་ལྔ་བཅུ་ཞེས་བྱ་བ་ལ། ཨཱ་ཊས་མཚམས་སྦྱར་#བའོ། །འདོམ་གཅིག་གིས་མ་ཆོག་པའི་ཇི་སྲིད་ལྔ་བཅུའི་མཐར་ཐུག་པ་ཞེས་བྱ་བའི་དོན་ཏོ། །གཙུག་ལག་ཁང་གང་ལ་འོབས་སམ་ར་བའམ་
[13a.7]འཁོར་ས་གཞན་ཡོད་པ་དེ་ལ་གཙུག་ལག་ཁང་གི་#མཐའ་མ་ཞེས་བྱ་བའི་ངེས་པར་རིག་པ་ཡིན་ནོ། །ར་བ་དུ་མ་ལ་སོགས་པ་ལ་ཐམས་ཅད་ཀྱི་ཕྱི་རོལ་ལོ། །དེ་བས་ན་དེའི་ཕྱི་རོལ་གྱི་ལོགས་ཀྱི་ཚད་ནི་འདིའི་ཚད་ཀྱི་ཐ་མའོ། །གང་ཞིག་འཁོར་ས་མེད་པ་དེ་ལ་གཙུག་ལག་ཁང་གི་རྩིག་
[13b]
[13b.1]པ་ཉིད་ནི་ཐ་མའོ། །འདིར་གང་ཞིག་འོག་ཏུ་སྔར་བཤད་པའི་ཉེ་འཁོར་གྱི་གནས་དེ་ལ་བརྟེན་པའི་མཆོད་རྟེན་ནི་ཕྱག་བཙལ་བར་བྱ་བ་མ་ཡིན་ཞེས་འདིར་ཉེ་བར་གནས་པ་ཡིན་ནོ། །བཅག་པར་བྱ་བའི་ཕྱིར་རྗེས་སུ་གནང་བ་འདི་ཡིན་ཏེ། གཞན་ཡང་དེ་བས་ན་མཆོད་རྟེན་ལ་ཕྱག་བཙལ་བ་
[13b.2]ཞེས་བྱ་བའོ། །དེར་ཅི་ཞིག་བསྒྲུབ་པར་བྱ་ཞེ་ན། དེའི་དོན་དུ་མ་དྲིས་པར་འགྲོ་བར་མི་བྱའོ། །བཅག་པར་བྱ་བའི་ཕྱིར་འགྲོ་བ་ནི་ཕྱག་བཙལ་བར་བྱ་ཞེས་བྱ་བའོ། །བྱ་བ་འདི་ནི་རྣམ་པ་གཉིས་ཏེ། རྩོམ་པར་གྱུར་པ་དང་མངོན་པར་ཕྱག་འཚལ་བར་གྱུར་པའོ། །དེ་ལ་གང་ཟག་རྩོམ་པར་གྱུར་པ་
[13b.3]དེ་ཉིད་བཀག་པ་ཡིན་ཏེ། མངོན་པར་ཕྱག་འཚལ་བར་གྱུར་པ་ལ་ནི་དགག་པར་བྱ་བ་མ་ཡིན་པ་ཉིད་དུ་རྣམ་པར་གནས་པ་ཡིན་ནོ། །འདི་ལྟ་སྟེ་གཏམ་འདྲེ་བ་དང་ཕེབས་པར་སྨྲ་བ་དང་། ཕན་ཚུན་ཀུན་དགའ་བར་བྱ་བ་དང་། ལན་གདབ་པ་དང་འོངས་པ་ལེགས་སོ་ཞེས་བརྗོད་པ་ལ་སོགས་པ་དང་། ལག་
[13b.4]པ་ཚུར་བསྙུགས་པས་#རྐང་ལག་#དག་ལ་བྱུག་#པ་དང་། གོས་ལ་རྡུལ་ཆགས་པ་སྤྲུག་པ་དང་། དེ་ལྟ་བུ་ལ་སོགས་པའོ། །དེ་ནི་མ་ཞུས་པར་ཡང་བྱ་སྟེ། དེ་དག་ཞུས་ན་བཞད་གད་ཀྱི་གཞིར་འགྱུར་བའི་ཕྱིར་རོ། །མཆིལ་ལྷམ་དང་སོ་ཤིང་དང་ཀློག་པ་དང་ཁ་དོན་བྱེད་པ་དང་། ཉེ་བར་བསྡུ་བ་རྣམས་
[13b.5]བྱེད་པ་དང་སོ་སོར་འདོད་པ་#རྣམས་ལ་དེའི་རིགས་ཅན་དགེ་སློང་དང་ཉེ་བར་གནས་ཞེས་བྱ་བའི་ཁྱད་པར་ཡོངས་སུ་འཛིན་པས་འདིར་མངོན་པར་ཕྱག་འཚལ་བར་གྱུར་པ་འདོད་པ་ཡིན་ཞེས་བྱ་བར་ཤེས་པར་བྱའོ། །འདིར་རབ་ཏུ་བྱུང་བ་གདུག་པ་ཅན་ཤེས་པ་འམ། དོགས་པ་མ་དྲིས་པར་ཡོངས་སུ་
[13b.6]སྤང་བར་བྱ་བ་མ་ཡིན་ཏེ། གཞན་ནི་མ་ཡིན་ནོ། །གང་གི་ཕྱིར་ཀློག་པ་འམ་ཁ་དོན་བྱེད་པ་ལ་ཉེ་བར་བསྡུ་བ་དེ་དག་རྗེས་སུ་མཐུན་པའི་དུས་ལ་ཉེ་བར་བསྡུ་བ་བྱ་བ་མ་ཡིན་ནོ་ཞེས་བྱ་བ་ལ་སོགས་པ་ལ་བྱ་བ་ཉིད་ཀྱིས་རབ་ཏུ་ཤེས་སོ། །མངོན་པར་ཕྱག་འཚལ་བའི་རྣམ་པ་ཉིད་ཀྱིས་འདིའི་ཡིད་ལ་ངེས་
[13b.7]པར་གནས་སོ། །གདུག་པ་ཅན་ལ་མི་མཐུན་པའི་རྗེས་སུ་འགྲོ་བ་ཅན་ཉིད་ཀྱིས་འདི་སོ་སོར་སྨྲ་བར་གྱུར་པ་ན་རྩོམ་པ་ཉིད་ཀྱིས་གྲགས་པ་ཉེ་བར་འགྲོ་བ་ཡིན་ཏེ། དེ་བས་ན་དེ་ལ་འབད་པར་བྱ་ཞེས་བྱ་བས་འདིར་དགོངས་པ་མཐོང་བ་ཡིན་ནོ#། །ཆུ་འཐུང་བ་ལ་ཡང་མ་ཞུས་པར་བྱེད་པ་བར་དུ་#གཅོད་པ་
[14a]
[14a.1]འདིས་བྱས་པར་རིག་པར་བྱའོ། །གང་གི་ཕྱིར་འདི་ནི་རྣམ་པ་གཉིས་ཡིན་ཏེ། རྡུལ་དང་བྲལ་#བའི་ཡན་ལག་རྣམས་ལ་ཆུས་ཡང་དག་པར་རེག་པའོ། །གནས་པའི་ཚུལ་ཁྲིམས་བརྗོད་པར་བྱ་སྟེ། ལྷུང་བཟེད་དང་ཆོས་གོས་ཀྱི་ལས་དང་། ནད་གཡོག་དང་འགྱོད་པ་
[14a.2]བསལ་བ་དང་། སྡིག་པ་ཅན་གྱི་ལྟ་བའི་རྣམ་པ་སྤོང་བ་ལ་ཨེ་མའོ་བདག་གིས་བྱའོ་ཞེ་འམ། བྱེད་དུ་འཇུག་གོ་ཞེས་བརྩོན་པ་#ཆེན་པོས་བསྒྲུབ་པར་བྱའོ་ཞེས་བྱ་བ་ལ། འདིར་ཁ་ཅིག་ནི་མཚོན་#གྱི་ལས་ཀྱང་འདོན་པ་ཡིན་ཏེ། དེ་ཆོས་གོས་ཀྱི་ལས་ལས་#ལྷག་པ་མེད་པའི་ཕྱིར་གཟུང་བར་མི་བྱའོ། །ནན་
[14a.3]ཏུར་བྱེད་པར་འདོད་པའི་དགེ་འདུན་ལ་ཨེ་མའོ་དགེ་འདུན་གྱིས་འདི་ལ་ནན་ཏུར་གྱི་ལས་འདི་ལྟ་བུ་མི་བྱའོ་ཞེས་ཀྱང་ངོ་ཞེས་བྱ་བ་ལ་ནན་ཏུར་བྱེད་པར་འདོད་པ་ལ་ཞེས་བྱ་བ་ནི་གདོན་པར་འདོད་པ་ལ་སོགས་པའི་ནན་ཏུར་གྱི་ལས་བྱེད་པར་འདོད་པའི་དགེ་འདུན་ལའོ། །ཨེ་མའོ་དགེ་འདུན་གྱིས་འདི་ལ་ཞེས་བྱ་བ་ནི་རྟེན་
[14a.4]ལའོ། །ནན་ཏུར་གྱི་ལས་འདི་ལྟ་བུ་མི་བྱའོ་ཞེས་ཀྱང་ངོ་ཞེས་བྱ་བ་ནི་བརྩོན་པ་ཤས་ཆེན་པོས་བསྒྲུབ་པར་བྱ་བ་དང་། ལྡོག་པར་བྱ་བ་དང་། ཇི་སྲིད་དུ་བཟོད་པར་བྱ་བ་ཞེས་བྱ་བ་ཐམས་ཅད་དུ་འདི་རྗེས་སུ་འབྲེལ་པར་རིག་པར་བྱའོ། །བྱས་ན་བཟོད་#པར་བྱའོ་ཞེས་བྱ་བ་ནི་ནན་ཏུར་གྱི་ལས་བྱས་པ་ལ།
[14a.5]ཨེ་མའོ་དགེ་འདུན་གྱིས་འདི་ལ་བཟོད་པར་བྱ་ཞེས་བྱའོ#། །སྤོ་བ་དང་གཞི་ནས་སྤོ་བར་བྱ་བ་དང་། མགུ་བར་བྱ་བ་དང་། གཞི་ནས་མགུ་བར་བྱ་བ་དང་། དབྱུང་བར་འདོད་པའི་གནས་ལ་ཨེ་མའོ་དགེ་འདུན་གྱིས་འདི་ལ་སྤོ་#བ་ལ་སོགས་པ་བཞི་པོ་སྦྱིན་པར་བྱ་ཞིང་དབྱུང་བར་འདོད་པ་ལ་ཨེ་མའོ་ཕྱུང་ཤིག་#
[14a.6]ཅེས་བྱ་བའོ། །དེས་ཀྱང་འདི་ལ་དེ་བྱས་ཏེ་#ཞེས་བྱ་བ་ལ་དེས་ཀྱང་ཞེས་བྱ་བ་ནི་གནས་སོ། །དེ་ཞེས་བྱ་བ་ནི་ལྷུང་བཟེད་དང་ཆོས་གོས་ཀྱི་ལས་ལ་སོགས་པའོ། །འདི་ལ་ནི་གནས་པ་ལ་བྱའོ། །ཞུ་བ་ནི་མ་གཏོགས་སོ་ཞེས་བྱ་བ་ནི་ཞུ་བ་གཅིག་ཏུ་དོར་ནས་སོ། །བསྙེན་པར་རྫོགས་ནས་ལོ་བཅུ་མ་
[14a.7]ལོན་པར་མཁན་པོ་ཉིད་དང་གནས་ཉིད་དང་རང་མི་གནས་པར་འདུག་པར་མི་བྱའོ་ཞེས་བྱ་བ་ནི་བསྙེན་པར་རྫོགས་ནས་གང་ཞིག་ལོ་བཅུ་མ་ལོན་པར་དེས་འདི་གསུམ་མི་བྱའོ། །བསྙེན་པར་རྫོགས་ནས་ལོ་བཅུ་ལོན་པས་ཀྱང་འོག་ནས་འབྱུང་བ་དག་ལས་ལྷན་ཅིག་སྦྱར་བ་གང་དང་ཡང་མི་ལྡན་པས་
[14b]
[14b.1]ནི་མ་ཡིན་ནོ་ཞེས་བྱ་བ་གང་ཞིག་འོག་ནས་འཆད་པར་འགྱུར་བའི་ཡན་ལག་ལྔ་དང་ལྡན་པའི་ལྷན་ཅིག་#སྦྱར་བ་རྣམས་ནི་དེ་རྣམས་ལས་གང་ཡང་རུང་བ་དག་ཅིག་གིས་ཀྱང་ཡང་དག་པར་ལྡན་པ་འོས་པ་སྟེ། གཞན་ནི་མ་ཡིན་ཞེས་བྱ་བར་དགོངས་པའོ། །དེ་ལྟ་ན་ཡང་ཇི་སྐད་དུ་གསུངས་པ།
[14b.2]ཆོས་ལྔ་པོ་གཞན་རྣམས་ཀྱིས་ཀྱང་ཡང་དག་པར་ལྡན་པས་ཞེས་བྱ་བ་འདིར་འདི་དང་འདི་རྣམས་གཞན་གྱིས་ཀྱང་ཞེས་བྱ་བའི་བསྡུས་པ་རྣམ་པར་ཤེས་པར་བྱ་བ་མ་ཡིན་ཏེ། འོན་ཀྱང་རེ་ཞིག་འདི་རྣམས་ཀྱིས་ཀྱང་བྱ་ཞེས་བྱ་བ་སྨོས་ཏེ། འདི་རྣམས་ཀྱིས་ཀྱང་གཞན་དག་གིས་ཞེས་
[14b.3]བྱ་བ་གང་ཡང་རུང་བ་ཅིག་གིས་#ཞེས་བྱ་བའི་རྣམ་པར་སོ་སོར་རྟོག་#པའོ། །འདི་ཅིའི་ཕྱིར་ཞེ་ན་ལྔ་པོ་འདི་རྣམས་ཐམས་ཅད་མེད་པའི་ཕྱིར་དེ་ནི་གཞན་ལའོ། །ལྔ་པོ་དང་པོ་ལ་ནི་ལོ་བཅུ་ཉིད་ཡན་ལག་ཏུ་སྨྲ་ཏེ#། བསྙེན་པར་རྫོགས་ཤིང་ལོ་བཅུ་ལོན་པས་ཡིན་ཞེས་བྱ་བས་ནི་ལོ་བཅུ་ལོན་པ་ཉིད་
[14b.4]ཡན་ལག་ཏུ་གསུངས་སོ། །དེ་བས་ན་འདི་ལོ་བཅུ་ལོན་པ་ཉིད་གྱིས་(ཀྱིས་)ཚིག་དང་པོ་ཕྱི་མ་ཐམས་ཅད་ཀྱི་ཡུལ་ཡོངས་སུ་འཛིན་པ་འདི་ཞེས་བྱ་བ་གྲགས་པའི་དོན་དུའོ། །འདུལ་བ་ནི་དོན་ཉིད་གནས་པ་#སྟེ། ལོ་བཅུ་ལོན་པ་ཡོད་པ་ལ་མཁན་པོ་བྱེད་པ་ལ་སོགས་པ་ལ་རྒྱུ་ཡིན་ཏེ། ལྷག་མ་དེར་ཁྱད་
[14b.5]པར་དུ་གྱུར་པ་ཉིད་གལ་ཏེ་ཡོད་པ་ཁྱད་པར་ཉིད་དང་བཅས་པ་ནི་མཆོག་གི་ཆོ་གའོ། །གལ་ཏེ་མིན་ན་འདི་ཙམ་ལ་འདིར་བསྟེན་པར་བྱའོ། །ཇི་ལྟར་སློབ་པ་ཉིད་ལ་སོགས་པའི་ཁྱད་པར་ལ་འདའ་བ་ཉིད་དེ་བཞིན་དུ་ལོ་བཅུ་ལོན་ནས་འདུལ་བའི་དོན་ལ་གནས་པ་འདི་ཡང་མ་ཡིན་ནོ་ཞེས་བྱ་བའོ། །ད་ནི་ལྷན་
[14b.6]ཅིག་སྦྱར་བ་དེ་རྣམས་བརྗོད་པར་བྱ་སྟེ། ནད་གཡོག་དང་འགྱོད་པ་བསལ་བ་དང་སྡིག་པ་ཅན་གྱི་ལྟ་བའི་རྣམ་པ་སྤང་བ་དང་གནས་མངོན་པར་མི་དགའ་བ་དོར་བ་དག་ལ་བྱེད་དམ་བྱེད་དུ་འཇུག་ནུས་པའོ་ཞེས་བྱ་བ་ནི་འགྱོད་པ་བསལ་བར་བྱེད་པའི་ནུས་པའི་ཚིག་གིས་འདུལ་བའི་དོན་ལ་གནས་པ་
[14b.7]བསྟན་པའོ། །སྡིག་པ་ཅན་གྱི་ལྟ་བའི་རྣམ་པ་སྤང་བ་ཞེས་བྱ་བའི་ཚིག་གིས་ཆོས་མངོན་པ་ལ་མཁས་པ་ཉིད་ལའོ། །གནས་མངོན་པར་མི་དགའ་བ་དོར་བའི་ཚིག་གིས་བསམ་པར་ཤེས་#པ་ཉིད་དང་ངག་འཛིན་པ་ཉིད་ལ་ཡང་ངོ་། །འདིར་བྱེད་དུ་འཇུག་པའི་སྒྲས་ནི་མི་ནུས་པས་ཀྱང་བྱེད་པ་ཞེས་བྱ་བ་#
[15a]
[15a.1]ཤེས་པར་བྱ་བ་མ་ཡིན་ནོ། །འོན་ཀྱང་གདུལ་#བྱའི་དབང་གིས་ཤེས་པར་བྱ་བ་ཉིད་ཡོད་པ་ལ་གཞན་འཇུག་པ་ལ་བྱ་བར་འགྲོ་བར་ནུས་པ་ཉེ་བར་བཟུང་བ་ཉིད་དོ། །དེ་ལྟར་ན་འདིར་ཤིན་ཏུ་འདའ་བར་བྱ་བ་མ་ཡིན་པའི་བྱེད་དུ་འཇུག་#པའི་དོན་འདུལ་བ་ལ་གནས་པ་ཉིད་ལ་ཤིན་#
[15a.2]ཏུ་འདའ་བར་བྱེད་པ་མེད་པར་འགྱུར་བ་མ་ཡིན་ནོ། །སློབ་པ་ཉིད་ཡན་ཆད་ལྔ་པ་ཉིད་མ་ཡིན་པ་ལ་ཚུལ་ཁྲིམས་དང་ལྡན་པ་ཉིད་དང་མང་དུ་ཐོས་པ་ཉིད་དང་སྦྱར་རོ་ཞེས་བྱ་བ་ལ། སློབ་པ་ཉིད་དང་མི་སློབ་པ་ཉིད་ཅེས་བྱ་བ་འདི་ལས་ཡན་ཆད་གང་ལྷན་ཅིག་ཏུ་བརྗོད་པའི་ལྔ་པ་མ་ཡིན་པ་ཉིད་#འདི་ལྟ་སྟེ།
[15a.3]དད་པ་དང་ཚུལ་ཁྲིམས་ལ་སོགས་པ་ལས་གཞན་པའི་ལྷན་ཅིག་སྦྱར་བ་རྣམས་ཏེ། ཚུལ་ཁྲིམས་དང་ལྡན་པ་ཉིད་དང་མང་དུ་ཐོས་པ་ཉིད་དང་བཅས་པ་སྦྱར་བར་རིག་པར་བྱའོ། །ཚུལ་ཁྲིམས་དང་ལྡན་པ་ཉིད་དང་མང་དུ་ཐོས་པ་ཉིད་དག་དང་བཅས་པ་ལྔ་པའོ། །འདིར་ཚུལ་ཁྲིམས་དང་ལྡན་པ་
[15a.4]ཉིད་ནི་ཚུལ་ཁྲིམས་འཆལ་པ་དང་ལྷན་ཅིག་ཏུ་གནས་པ་མི་རིགས་པས་ཁྱད་པར་ཅན་ཏེ། གང་གིས་འདི་དགེའོ་ཞེས་བྱ་བར་བསམ་#པར་བྱེད་པ་དེ་རིག་པར་བྱའོ། །སླར་མང་དུ་ཐོས་པ་ཉིད་ནི་ལྷན་ཅིག་སྦྱར་བ་གང་ལ་སྡེ་སྣོད་རྣམས་འཛིན་པ་ཡོད་པ་དེ་ལ་དེའི་མི་མཐུན་པའི་ཕྱོགས་སུ་གྱུར་པ་ཕ་རོལ་
[15a.5]གྱི་གཙོ་བོ་ལ་སོགས་པ་དང་། དངོས་པོ་དང་ཚིག་དང་ངག་ལ་སོགས་པའི་ཡན་ལག་རྣམས་དང་། ཚིགས་སུ་བཅད་པ་རྣམ་པར་བསགས་པ་ལ་སོགས་པ་རྣམས་དང་། བཞད་གད་དང་སྔོན་བྱུང་བ་ལ་སོགས་པ་རྣམས་ལ་མངོན་པར་ཤེས་པ་ཉིད་གང་ལ་ཡོད་པ་མ་ཡིན་པ་དེ་སྡེ་སྣོད་རྣམས་འཛིན་པར་རྟོགས་
[15a.6]པར་བྱའོ། །སྡེ་སྣོད་མངོན་པར་ཤེས་པ་ཉིད་དོ་ཞེས་བྱ་བ་ནི་མདོ་སྡེ་དང་། འདུལ་བ་དང་། མ་མོ་མངོན་པར་ཤེས་པ་ཉིད་དང་། ཚུལ་ཁྲིམས་དང་ལྡན་པ་ཉིད་དང་མང་དུ་ཐོས་པ་ཉིད་དང་སྦྱར་ནས་ལྔའོ། །འདུལ་བ་ལས་གསུངས་ཏེ། མདོ་སྡེ་འཛིན་པ་དང་། འདུལ་བ་འཛིན་པ་དང་མ་མོ་འཛིན་པའོ། །
[15a.7]མདོ་སྡེ་ལ་གསལ་བ་དང་། འདུལ་བ་ལ་གསལ་བ་དང་། མ་མོ་ལ་གསལ་བའོ། །མདོ་སྡེ་ལ་མཁས་པ་དང་། འདུལ་བ་ལ་མཁས་པ་དང་། མ་མོ་ལ་མཁས་པའོ། །མདོ་སྡེ་ལ་རིག་པ་དང་། འདུལ་བ་ལ་རིག་པ་དང་མ་མོ་ལ་རིག་པ་ཞེས་བྱའོ། །དེ་ལ་མདོ་སྡེ་ལ་སོགས་པ་བཟུང་བ་མི་
[15b]
[15b.1]བརྗེད་པ་ནི་འཛིན་པའོ། །འདི་ནི་སྡེ་སྣོད་གསུམ་ཡིན་ཏེ། གཅིག་ཏུ་གནས་པ་ལ་གནས་#ལ་མཐོང་བས་འདྲེས་པར་གནས་པའོ། །དེ་ལྟར་གནས་པ་འདི་ལ་གང་ཞིག་མ་འདྲེས་པ་ཡོངས་སུ་དཔྱོད་པར་ནུས་པ་འདི་ནི་མཁས་པ་ཉིད་དོ། །ལུང་དང་རིགས་#པ་དག་གིས་མདོ་སྡེ་ལ་སོགས་པ་སྦྱོར་བ་འདི་ནི་རིག་པ་
[15b.2]ཉིད་དོ། །དེ་ལྟར་སྦྱར་བས་གང་ཞིག་གཞན་ལ་སྟོན་པར་ནུས་པ་འདི་ནི་གསལ་བ་ཉིད་དོ། །མི་བརྗེད་པ་དང་ལྷན་ཅིག་ཏུ་འདི་ཐམས་ཅད་མངོན་པར་ཤེས་པ་ཉིད་ཅེས་བྱ་བ་སྤྱིར་མངོན་པར་ཤེས་པའི་ཚིག་གིས་གསུངས་སོ། །དེ་དག་འཛིན་དུ་འཇུག་ནུས་པ་ཉིད་དོ་ཞེས་བྱ་བ་ནི་མདོ་སྡེ་རྣམས་མངོན་
[15b.3]པར་མི་ཤེས་པ་ལ་དེ་རྣམས་ལ་#འཛིན་དུ་འཇུག་ཅིང་གོ་བར་བྱེད་ནུས་པ་ཡིན་ནོ། །དེ་བས་ན་སྡེ་སྣོད་མངོན་པར་ཤེས་པའི་ཚིག་འདི་ཁྱད་པར་ཉིད་ལ་རིག་པར་བྱའོ། །ལྷག་པའི་ཚུལ་ཁྲིམས་དང་སེམས་དང་ཤེས་རབ་ལ་སློབ་པ་ཉིད་དོ་ཞེས་བྱ་བ་ལ། སློབ་པའི་དངོས་པོ་ནི་སློབ་པ་ཉིད་དེ་གཉིས་ལྡན་
[15b.4]གྱིས་གཅིག་དང་ལྡན་པའི་དངོས་པོའོ། །ལྷག་པའི་ཚུལ་ཁྲིམས་ཀྱི་ཚིག་གིས་འདུལ་བའི་ལུགས་ཐམས་ཅད་གཟུང་བ་ཡིན་ནོ། །ལྷག་པའི་སེམས་ཀྱི་ཚིག་གིས་ནི་བསམ་གཏན་རྣམས་སོ#། །ལྷག་པའི་ཤེས་རབ་ཀྱི་ཚིག་གིས་ནི་བདེན་པ་མཐོང་བའི་གོམས་པ་ལའོ། །སློབ་ཏུ་འཇུག་ཀྱང་ནུས་
[15b.5]པ་ཉིད་དོ་ཞེས་བྱ་བ་ནི་ལྷག་པའི་ཚུལ་ཁྲིམས་ལ་སོགས་པ་ཡིད་ཆེས་པ་#བསྐྱེད་པའི་དོན་དུ་ཀྱང་གི་སྒྲ་བྱས་པ་ཡིན་གྱི་ཐ་དད་པ་རྟོག་པའི་དོན་དུ་ནི་མ་ཡིན་ནོ། །ལྷག་པའི་ཚུལ་ཁྲིམས་ལ་སོགས་པ་ལ་མི་སློབ་ཅིང་དེས་#སློབ་པ་ལ་སྟོབས་དང་ལྡན་པར་གྱུར་པ་མ་ཡིན་ནོ། །སློབ་པ་ཞེས་བྱ་བའི་ཚིག་གིས་འདི་
[15b.6]བྱེ་བྲག་ཡིན་པར་རིག་པར་བྱའོ། །ལྷག་པའི་སྤྱོད་པ་དང་འདུལ་བ་དང་སོ་སོར་ཐར་པ་ལ་ཡང་དེ་བཞིན་ནོ་ཞེས་བྱ་བ་ལ། དེ་བཞིན་ནོ་ཞེས་བྱ་བ་འདིས་སློབ་པ་ཉིད་ལ་འཇུག་ནུས་པ་ཉིད་དམ་སློབ་ཏུ་འཇུག་པ་ལ་ཞེས་བྱ་བ་འདི་གཟུང་བའོ། །དེ་བས་ན་ལྷན་ཅིག་སྦྱར་བ་འདི་དག་གཉིས་སུ་གྱུར་པ་ཡིན་
[15b.7]ཏེ། དེ་ལ་ལྷག་པའི་སྤྱོད་པ་ནི་རིག་པར་སྤྱོད་པ་ཅན་ནོ། །འདུལ་བ་ནི་ལྷག་པར་གྱུར་པའོ། །སོ་སོར་ཐར་པའི་བསླབ་པ་རྣམས་དང་། གཞིའི་ཆོ་ག་རྣམས་ཡན་ལག་དང་བཅས་པ་ནི། སོ་སོར་ཐར་པ་སྟེ། དེ་ཞེས་བྱ་བ་ནི་མདོར་གཏོགས་པའི་བསླབ་པའི་གཞི་རྣམས་སོ། །དད་པ་དང་
[16a]
[16a.1]ཚུལ་ཁྲིམས་དང་ཐོས་པ་དང་གཏོང་བ་དང་ཤེས་རབ་ཕུན་སུམ་ཚོགས་པ་ཉིད་དོ་ཞེས་བྱ་བ་ལ། ཚུལ་ཁྲིམས་ཀྱི་ཚིག་གིས་ནི་འདིར་འདུལ་བ་བཟུང་བ་ཡིན་ནོ། །ཚུལ་ཁྲིམས་དང་ཏིང་ངེ་འཛིན་དང་ཤེས་རབ་དང་རྣམ་པར་གྲོལ་བ་དང་དེ་ཤེས་པ་དང་མཐོང་བ་རྣམས་ཀྱང་ངོ་ཞེས་
[16a.2]བྱ་བ་ཕུན་སུམ་ཚོགས་པ་ཉིད་དོ་ཞེས་བྱ་བ་དང་རྗེས་སུ་འབྲེལ་ཏོ། །ཚུལ་ཁྲིམས་ཕུན་སུམ་ཚོགས་པའི་ཚིག་གིས་འདིར་འདུལ་བ་གྲགས་པ་ཉིད་ཡིན་གྱི་#གཞན་དུ་ནི་མ་ཡིན་ནོ། །དགེ་སློང་གི་ཚུལ་ཁྲིམས་ཕུན་སུམ་ཚོགས་པ་དང་ལྡན་པ་ལ་ཡང་དག་པར་འབྱུང་བ་ཡིན་ནོ་ཞེས་བྱ་བའོ། །དེ་
[16a.3]ཤེས་པ་ཞེས་བྱ་བ་ལ་དེའི་སྒྲས་ནི་རྣམ་པར་གྲོལ་#བ་བཟུང་བ་ཡིན་ཏེ། རྣམ་པར་གྲོལ་བའི་ཡེ་ཤེས་མཐོང་བ་ཞེས་བྱ་བའོ། །བརྩོན་འགྲུས་བརྩམས་པ་ཉིད་དང་ཤེས་རབ་དང་ལྡན་པ་ཉིད་དང་ཡང་སྦྱར་རོ་ཞེས་བྱ་བ་ནི་སློབ་པ་ཉིད་ཡན་ཆད་ཚུལ་ཁྲིམས་དང་ལྡན་པ་ཉིད་དང་མང་དུ་ཐོས་པ་ཉིད་ཅེས་བྱ་བ་འདི་
[16a.4]ལ་ཡང་གི་སྒྲས་ནི་སོ་སོར་ཉེ་བར་གནས་པ་འདིའི་འོག་ཏུ་སློབ་པ་ཉིད་ཡན་ཆད་གང་ཞིག་ལྷན་ཅིག་ཏུ་གསུངས་པ་ལྔ་པ་#མ་ཡིན་པ་དེ་ནི་བརྩོན་འགྲུས་བརྩམས་པ་ཉིད་དང་ཤེས་རབ་དང་ལྡན་པ་ཉིད་དག་གིས་ལྷན་ཅིག་ཏུ་བརྗོད་པར་རིག་པར་བྱའོ། །ཚུལ་ཁྲིམས་དང་ལྡན་པ་ཉིད་དང་མང་དུ་ཐོས་པ་ཉིད་
[16a.5]དག་གིས་ཀྱང་གསུམ་པོ་འདི་རེ་རེ་ལས་གྲོལ་བ་རྣམས་སོ། །དྲན་པ་དང་ལྡན་པ་ཉིད་དང་ནང་དུ་ཡང་དག་པར་བཞག་པ་#ཉིད་དང་མཉམ་པར་བཞག་པ་ཉིད་དོ་ཞེས་བྱ་བ་ནི་དེ་རྣམས་ལ་བཞི་པོ་འདི་ཁ་སྐོང་བ་ཡིན་ཏེ། ཚུལ་ཁྲིམས་དང་ལྡན་པ་དང་། མང་དུ་ཐོས་པ་དང་། བརྩོན་འགྲུས་བརྩམས་པ་ཉིད་
[16a.6]དང་། ཤེས་རབ་དང་ལྡན་པ་ཉིད་དང་། དྲན་པ་དང་ལྡན་པ་ཡིན་ཏེ། སླར་བཞི་པོ་འདི་བརྗོད་ནས་ནང་དུ་ཡང་དག་པར་བཞག་པ་ཉིད་ཡིན་ནོ་ཞེས་བྱ་བ་བརྗོད་པར་བྱ་བ་དང་། སླར་མཉམ་པར་བཞག་པ་ཉིད་ཅེས་བྱ་བའོ། །སློབ་པ་ཉིད་དོ་ཞེས་བྱ་བ་ནི་སློབ་པའི་ཚུལ་ཁྲིམས་ཀྱི་ཕུང་པོ་དང་ཡང་
[16a.7]དག་པར་ལྡན་པ་ཡིན་པ་དང་། སློབ་པའི་ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་དང་ཞེས་བྱ་བ་འདིས་བསྡུས་པ་ཡིན་ནོ། །མི་སློབ་པ་ཉིད་དོ་ཞེས་བྱ་བ་ནི་མི་སློབ་པའི་ཚུལ་ཁྲིམས་ཀྱི་ཕུང་པོ་དང་ཞེས་བྱ་བ་ལ་སོགས་པ་ལ།
[16b]
[16b.1]གང་ཞིག་འདི་དག་ལ་ཆོས་ཉིད་དང་རྣམ་པར་ངེས་པའི་ཚུལ་ཁྲིམས་དེ་ལ་གང་ཞིག་ལེགས་པ་དང་མི་ལེགས་པ་ཉིད་ཡོངས་སུ་ཤེས་པ་དེ་ནི་རེ་ཞིག་འདི་དག་ལས་རྟོགས་#པ་འབྱུང་བ་ཡིན་ནོ། །གང་ཞིག་ལྟུང་བ་རྣམ་པར་གཞག་པ་ཡོངས་སུ་ཤེས་པ་དང་། ལྷག་མའི་འདུལ་བའི་ཆོ་ག་ལ་#ཡང་གང་ཞིག་དེ་
[16b.2]ལ་ཡང་འདི་དག་ལོ་བཅུ་ལོན་པ་ལ་སོགས་པ་ཉིད་རང་དགར་རྣམ་པར་གནས་པ་ངེས་པར་འབད་པ་བྱས་ཞེས་བྱ་བ་འདི་ལ་ཤིན་ཏུ་འདའ་བར་མ་བྱས་པར་བྱེད་དུ་འཇུག་པ་#ཤིན་ཏུ་འདའ་བར་བྱས་པ་མ་ཡིན་པར་རིག་པར་བྱའོ། །བྱུང་བ་དང་བཅས་པ་དང་རྗེས་སུ་བཅས་པ་དང་བཀག་པ་དང་གནང་བ་མངོན་པར་ཤེས་པ་
[16b.3]ཉིད་དོ་ཞེས་བྱ་བ་ནི་འདི་ལས་འདི་བྱུང་ཞེས་བྱ་བ་བསླབ་པའི་གཞི་བསྐྱེད་པའི་རྒྱུ་ལ་བསྐྱེད་པའི་སྒྲས་བརྗོད་དོ། །བསླབ་པའི་གཞི་རྣམ་པར་གཞག་པར་བྱེད་པ་ནི་བཅས་པའོ། །བྱས་པའི་ཚིག་གིས་ནི་འདི་#ཙམ་དང་ཉེས་པ་སྦོམ་པོའི་ལྟུང་བ་བཤགས་པར་བྱ་#ཞེས་བྱ་བ་ལ་སོགས་པ་ཡང་གཟུང་ངོ་། །འདི་ནི་འདིར་སླར་
[16b.4]བཀག་པ་དང་གནང་བ་མངོན་པར་ཤེས་པ་ཉིད་ཅེས་བྱ་བ་ནི་རྗེས་སུ་བཅས་པའོ། །དཔེར་ན་མཆིལ་ལྷམ་རྗེས་སུ་གནང་བས་ཀྲིག་ཀྲིག་བྱེད་པ་ཞེས་བྱ་བ་ལ་སོགས་པའི་བྱེ་བྲག་བཀག་པའོ། །དུས་མ་ཡིན་པའི་ཁ་ཟས་བཀག་ཀྱང་ནད་པ་ལ་སྨན་པའི་ཚིག་གིས་གནང་བའོ། །ཤིན་ཏུ་ནས་
[16b.5]ཀྱང་འདི་མི་བྱ་ཞེས་བྱ་བ་བསྒྲུབ་པ་ནི་བཀག་པའོ། །དཔེར་ན་རྩྭ་#མཆོག་གིས་ཀྱང་ཆང་མི་བཏུང་བ་དང་མི་ཚངས་པར་སྤྱོད་པ་ལ་སོགས་པ་ལའོ། །གནང་བ་མངོན་པར་ཤེས་པ་ཉིད་དང་ཞེས་བྱ་བ་ནི་སླར་བྱ་བ་གང་ཞིག་བྱེད་པ་ལ་སྐྱོན་མེད་པ་དེར་འཇུག་པ་ལ་མི་བྱེད་དམ་བྱེད་ན་འཇུག་པ་ལའོ། །དཔེར་ན་ཕས་ཀྱི་
[16b.6]རྒོལ་བ་ཚར་གཅད་#པའི་ཕྱིར་ཕྱི་རོལ་གྱི་བསྟན་བཅོས་རྣམས་བཀླག་#པར་བྱ་ཞེས་#བྱ་བ་ལ་སོགས་པ་འདི་ལ་མི་བྱེད་པ་དང་མི་བྱེད་པ་ལ་ལྟུང་བའི་སྐྱོན་འགའ་ཡང་མེད་དེ་#ངས་རྗེས་སུ་གནང་ངོ་ཞེས་གསུངས་པ་ལྟ་བུའོ། །བྱ་བ་དང་བྱ་བ་མ་ཡིན་པ་ཡོངས་སུ་ཤེས་པ་འདི་ཙམ་ནི་འདུལ་བ་སོ་སོ་ལས་ཤེས་པར་
[16b.7]བྱའོ། །འདི་ནི་འདུལ་བ་ཤེས་པ་མ་ཡིན་པ་ཉིད་གཅིག་ཏུ་ལྔ་པས་བསྟན་པ་དང་ལྟུང་བ་ལ་སོགས་པ་ལྔ་པས་ཀྱང་རིག་པར་བྱའོ། །བར་དུ་གཅོད་པ་དང་བར་དུ་གཅོད་པ་མ་ཡིན་པ་མངོན་པར་ཤེས་པ་ཉིད་དང་། སྨྲ་བ་པོ་ཉིད་དང་། རྗེས་སུ་སྟོན་པ་ཉིད་དང་ཞེས་བྱ་བ་ནི་བར་དུ་གཅོད་པ་དང་བར་དུ་གཅོད་པ་མ་
[17a]
[17a.1]ཡིན་པ་མངོན་པར་ཤེས་པ་ཉིད་དང་སྨྲ་བ་པོ་#ཉིད་དང་ཞེས་བྱ་བའི་བསྡུ་བའོ། །གང་ཞིག་འདུལ་བ་ལ་བྱ་བ་མ་ཡིན་པ་དེ་ནི་བར་ཆད་དོ། །གང་ཞིག་#དེ་ནི་བར་ཆད་མ་ཡིན་པའོ། །དེ་དག་ལ་མངོན་པར་ཤེས་པ་ཉིད་དོ། །གཉིས་པོ་འདི་ནི་འདུལ་བ་ལ་གནས་པའི་དོན་ཉིད་བསྟན་
[17a.2]ཏོ། །སྨྲ་བ་པོ་ཉིད་ནི་སླར་སྨྲ་བའི་ཕྱིར་དང་རྟོགས་པའི་ཕྱིར་གཉིས་པོ་འདི་ལ་མཁས་པར་འགྱུར་བའི་ནུས་པ་འམ་ལེ་ལོ་མེད་པ་ཉིད་དོ། །རྗེས་སུ་སྟོན་པ་ཉིད་ནི་རྣམ་པར་བཟློག་པ་ལ་ཡང་དག་པར་གནས་པ་ཉིད་དང་རྗེས་སུ་མཐུན་པར་སྨྲ་བ་པོ་ཉིད་དེ། ལེ་ལོར་གྱུར་པ་ལ་ཡང་རབ་ཏུ་འཇུག་པ་དང་། རྗེས་
[17a.3]སུ་མཐུན་པའི་སྨྲ་བ་པོ་དང་། རྗེས་སུ་སྟོན་པར་བྱེད་ཅེས་བྱ་བ་འདོན་པ་འདིས་ནི་འདོན་པ་འདིའི་དོན་འདི་བརྗོད་དོ། །ཁ་ཅིག་ནི་འདི་དག་གི་#གནས་ལ་གདམས་ངག་ཏུ་བྱེད་པ་དང་། རྗེས་སུ་སྟོན་པར་བྱེད་པ་ཞེས་བྱ་བ་འདོན་པ་ཡིན་ཏེ། དེ་ལ་རྗེས་སུ་སྟོན་པར་བྱེད་པར་#འགྱུར་ཞེས་བྱ་བ་འདི་དང་མཚུངས་
[17a.4]པའོ། །གདམས་ངག་ཏུ་བྱེད་ཅེས་བྱ་བ་ནི་ཡིད་ལ་བྱེད་པའི་དོན་དུ་གདམས་ངག་གང་ཞིག་དེ་ལ་འདིས་བརྗོད་པའོ། །འདིའི་དོན་དུ་རབ་ཏུ་བྱུང་བ་ཉིད་དོ། །དེ་བས་ན་འདིར་བྱེ་བྲག་ཏུ་འཁོར་བསྡུས་པ་འདི་འོས་པ་ཡིན་ཏེ་ཞེས་བྱ་བ་འདིའི་ཉེ་བར་བསྡུས་པའོ། །ལྷན་ཅིག་འཛིན་དུ་འཇུག་ནུས་པ་
[17a.5]ཉིད་ཀྱི་#གནས་སམ་ཉེ་བར་#གནས་འཛིན་དུ་འཇུག་ནུས་པ་ཉིད་འདི་དང་ལྷན་ཅིག་ཏུ་ཡན་ལག་བཞི་པོ་འདི་རྣམས་ཤེས་ནས་གཉིས་པོ་འདི་དག་ལྷན་ཅིག་སྦྱར་བས་ཏེ། གཅིག་ནི་གནས་ལ་བརྟེན་པ་འདིར་བཅུག་ནས་གཞན་ནི་ཉེ་བའི་གནས་ལ་གནས་པ་ཞེས་བྱ་བ་བསྟན་པའི་དོན་དུ་འམ་གྱི་སྒྲའོ། །མཁན་པོ་
[17a.6]གཞན་དུ་འཆག་པ་ལ་གནས་འཛིན་དུ་འཇུག་ནུས་པ་ཉིད་ཉེ་བར་སྦྱར་བ་ཡིན་ནོ། །མཁན་པོ་གཞན་དུ་གནས་པ་ལ་དེ་སྲིད་ཀྱི་དུས་ལ་#དགོངས་པས་འཇུག་པ་དང་གནས་པ་ལ་དགོངས་པ་འགའ་#ཞིག་གི་དབང་གིས་ཉེ་བར་གནས་འཛིན་དུ་འཇུག་པ་ནུས་པ་ཉིད་དང་སྦྱར་རོ། །ལྟུང་བ་དང་ལྟུང་བ་མ་ཡིན་པ་དང་ཡང་བ་
[17a.7]དང་ལྕི་བ་ཉིད་མངོན་པར་ཤེས་པ་ཉིད་དང་སོ་སོར་ཐར་པ་དང་#རྒྱས་པ་ཐོན་པ་ཉིད་དོ་ཞེས་བྱ་བ་ནི་དེ་ལ་ལྟུང་བ་དང་ལྟུང་བ་མ་ཡིན་པ་དང་། མངོན་པར་ཤེས་པ་ཉིད་ལ་བྱ་བ་ཉིད་དང་། བྱ་བ་མ་ཡིན་པ་ཉིད་དང་རྣམ་པར་སྦྱར་བ་ལ་གནས་པའི་སླད་དུ་ཉེ་བར་སྦྱར་བ་ལ་དགོངས་སོ། །ཡང་བ་དང་ལྕི་བ་ཉིད་མངོན་
[17b]
[17b.1]པར་ཤེས་པ་ཉིད་ནི་ལྟུང་བ་སྦོམ་པོ་བཤགས་པ་ལ་དགོངས་པའོ། །སོ་སོར་ཐར་པ་དང་རྒྱས་པ་ཐོན་པ་ཉིད་ཀྱིས་ནི་འདུལ་བ་ལ་གནས་པའི་དོན་ཉིད་བསྟན་ཏོ། །རྒྱས་པའི་སྒྲ་འདིས་ནི་འདུལ་བ་མཐའ་དག་བསྡུས་པ་ཉིད་དོ། །སོ་སོར་ཐར་པ་དང་རྒྱས་པའི་སྒྲ་ནི་རྣམ་པར་འབྱེད་པ་ལས་ལྷག་པའི་གཞི་དང་
[17b.2]ཕྲན་ཚེགས་ལ་སོགས་པ་སྟོན་པར་བྱེད་པ་ཞེས་བྱ་བ་ཤེས་པར་བྱ་བ་ཡིན་ཏེ། སོ་སོར་ཐར་པ་རྒྱས་པར་འགྱུར་བ་ཉིད་ཀྱི་ཕྱིར་རོ། །དང་པོ་ཐམས་ཅད་ལ་ཡང་སོ་སོར་ཐར་པ་ལས་འབྱུང་ངོ་། །གང་ཞིག་ཡང་དགེ་སློང་དང་དགེ་སློང་མ་རྣམས་ལྷན་ཅིག་ཏུ་ཞེས་བྱ་བ་འདི་ལས་རབ་ཏུ་འབྱུང་#བའི་གཞི་འབྱུང་བའོ། །གསོ་སྦྱོང་གི་
[17b.3]ཚིག་ཚེ་དང་ལྡན་པ་རྣམས་ཞེས་བྱ་བ་ལ་#གསོ་སྦྱོང་གི་གཞི་འབྱུང་ངོ་། །གསོ་སྦྱོང་གི་བྱེ་བྲག་ནི་དགག་དབྱེ་སྟེ། དབྱར་མ་ཚང་བ་ཞེས་བྱ་བས་དབྱར་གྱི་གཞི་འབྱུང་ངོ་། །འདི་ཉིད་ཀྱི་ཕྱིར་དགག་དབྱེའི་གཞི་ལ་དབྱར་གནས་པ་དང་འབྲེལ་བས་རྣམ་པར་གཞག་པའོ། །ཚུལ་ཁྲིམས་ལ་གནས་པ་ལ་ནི་སྲ་བརྐྱང་ཞེས་བྱ་
[17b.4]བ་སྲ་བརྐྱང་གི་གཞི་འབྱུང་ངོ་། །གོས་ཀྱི་མཐར་ཐུག་པའི་དགེ་སློང་ཞེས་བྱ་བས་གོས་ཀྱི་གཞི་འབྱུང་ངོ་། །གོས་ཀྱི་ཕྱོགས་ནི་ཀོ་ལྤགས་དང་སྨན་གྱི་ཕྱོགས་ཞེས་བྱ་བ་དེ་ལས་ལྡང་བར་བྱེད་དུ་འཇུག་པ་ཉིད་ཀྱིས་ཀོ་ལྤགས་ཀྱི་གཞི་འབྱུང་བ་དང་། དགེ་སློང་ནད་པ་རྣམས་ལ་བཅོམ་ལྡན་འདས་ཀྱིས་གང་
[17b.5]ཞིག་སྨན་དེ་རྣམས་གནང་བ་ཞེས་བྱ་བ་དེས་སྨན་གྱི་གཞི་འབྱུང་བའོ། །ཚེ་དང་ལྡན་པ་རྣམས་མ་འོངས་པ་རྣམས་ལ་འདུན་པ་དང་ཡོངས་སུ་དག་པ་ཞུ་བར་གྱིས་ཤིག །དགེ་འདུན་དབྱེ་བའི་ཕྱིར་གཞན་དུ་འགྲོ་བར་མ་བྱེད་ཅིག་ཅེས་བྱ་བ་ལ་སོགས་པ་ལ་ཀཽ་ཤཱམྦཱིའི་#གཞི་འབྱུང་བའོ། །དགེ་འདུན་དབྱེ་བའི་ཕྱིར་
[17b.6]གཞི་དང་འདི་ལས་ཀྱང་རབ་ཏུ་འབྱུང་བ་ལ་སོགས་པའི་ལས་ཡང་དག་པར་མཚོན་པས་མ་ཐོབ་པ་ཉིད་འདིར་གནས་པ་ཞེས་བྱ་བའི་ཚིག་འདི་ལས་ཀྱི་གཞི་འབྱུང་ངོ་། །དགེ་སློང་ཀུན་ནས་འདོད་པས་དགེ་འདུན་ལ་ཡོངས་སུ་གནས་པར་བྱའོ་ཞེས་བྱ་བས་སྐྱ་བ་དང་དམར་བའི་གཞི་འབྱུང་ངོ་། །མི་འདོད་པ་
[17b.7]ཉིད་ཀྱིས་བྱ་བ་ལ་སོགས་པས་སྤོང་#བའི་གཞི་འབྱུང་ངོ་། །གང་ཞིག་ལྟུང་བ་རྣམ་པར་གཞག་པའི་སླད་དུ་བྱེད་པ་བསྟན་པ་དང་། དགེ་འདུན་ལྷག་མ་སོ་སོར་བཤགས་པ་རྣམས་ལ་དེ་ནས་གསོ་སྦྱོང་གཞག་པའི་གཞི་འབྱུང་བའོ། །དགེ་སྦྱོང་#རྣམས་ཀྱི་གནས་པ་ནི་ཆེན་པོ་ཡིན་ཏེ་ཞེས་བྱ་བས་གནས་
[18a]
[18a.1]མལ་གྱི་གཞི་འབྱུང་ངོ་། །རྩོད་པ་ལ་ནུས་པའི་བསྟན་པ་དོར་ནས་ཀྱང་ལྟུང་བ་དང་དེ་གསོ་བའི་རྣམ་པར་གཞག་པས་རྩོད་པའི་གཞི་འབྱུང་ངོ་། །བརྗོད་པའི་ཡན་ལག་ཏུ་གྱུར་པ་དེའི་རིགས་ཅན་ཚུལ་ཁྲིམས་གཞན་བྱ་བ་རྣམ་པ་གཉིས་ཡིན་ན་སོ་སོར་ཐར་པ་དང་གཞི་རྣམས་ཀྱི་ལྷག་མའོ། །
[18a.2]ཕྲན་ཚེགས་རྣམས་དང་མ་མོ་ལ་བརྟེན་པའི་གཞི་རྣམས་ཀྱི་རྒྱུ་ཅུང་ཟད་གསུངས་པ་ལ་སོགས་པ་རྣམས་ཀྱི་རྣམ་པར་མཚོན་པ་ནི་དྲི་བ་སྟེ། སྤྱོད་པ་རྣམ་པར་མཚོན་པ་ནི་དྲི་བ་དུལ་བར་བྱེད་པ་རྣམས་སོ། །#དེ་ལྟར་འདི་ལས་ལྷག་མ་མེད་པའི་སོ་སོར་ཐར་པ་རྒྱས་པ་ཉིད་ནི་མ་ཡིན་ནོ། །རྣམ་པར་འབྱེད་པ་ཙམ་
[18a.3]གྱིས་འཇུག་པ་ལ་རབ་ཏུ་བྱུང་བ་ལ་སོགས་པར་བྱེད་པ་མ་ཡིན་ཏེ། འདི་ལྟར་བྱ་བ་ཉིད་རྣམས་ལ་ཡང་འདི་ཙམ་གྱིས་བསྟན་པའི་ཕྱིར་རོ། །རྒན་པ་མེད་ན་གཞོན་པ་ལ་གནས་བཅའ་བར་བྱའོ་ཞེས་བྱ་བ་ནི་གལ་ཏེ་རྒན་པ་ལྔ་པ་གང་ཡང་རུང་བ་ཅིག་#དང་མི་ལྡན་པར་གྱུར་ན་དེའི་ཆོ་ག་ནི་འདི་ཡིན་ནོ། །བཙུན་
[18a.4]པ་དགེ་སློང་བསྙེན་པར་རྫོགས་པ་ནས་ལོ་དྲུག་ཅུ་ལགས་ལ། དེས་སོ་སོར་ཐར་པའི་མདོ་གདོན་པ་དང་རྒྱས་པར་བཀླགས་#པ་དང་ཐོན་པ་མ་ལགས་ན་དེས་ཀྱང་གཞན་ལ་གནས་པར་#མཆིས་པར་བགྱི་འམ་ཉེ་བ་#འཁོར་དེས་ཀྱང་གཞན་ལ་གནས་པས་འདུག་པར་བྱའོ་ཞེས་གསུངས་པ་ཡིན་ནོ། །འདིར་
[18a.5]ལོ་དྲུག་ཅུ་ལོན་པ་ཉིད་ཀྱང་རང་དབང་ཅན་མ་ཡིན་གྱི། ཤིན་ཏུ་མང་བ་ཉིད་སྟོན་པར་གནས་པ་ཡིན་ཞེས་བྱ་བ་ཁྱད་པར་མེད་པར་རྒན་པ་མེད་ན་ཞེས་བྱ་བ་ལ་སོགས་པ་གསུངས་སོ། །འདུད་པ་འབའ་ཞིག་མ་གཏོགས་སོ་ཞེས་བྱ་བ་ནི་ཕྱག་བྱ་བ་འབའ་ཞིག་མ་གཏོགས་པ་གནས་པའི་ཚུལ་
[18a.6]ཁྲིམས་དེ་ལས་གཞན་པ་དག་ལ་རྒན་པས་#གཞོན་པ་ལས་#རྗེས་སུ་གནས་པར་བྱའོ་ཞེས་བྱ་བའི་ཐ་ཚིག་གོ། །ལོ་ལྔ་ལོན་ཅིང་ལྷན་ཅིག་སྦྱོར་བ་ཐ་མ་དང་ལྡན་ན་གནས་མ་#བཅས་པར་ལྗོངས་རྒྱུར་འགྲོ་བར་བྱའོ་ཞེས་བྱ་བ་ནི་ལྟུང་བ་དང་ལྟུང་བ་མ་ཡིན་པ་ཞེས་བྱ་བ་ལ་སོགས་པ་ལྷན་ཅིག་སྦྱར་བ་ཐ་མ་སྟེ།
[18a.7]དེ་དང་ཡང་དག་པར་ལྡན་པའི་ལོ་ལྔ་ལོན་པས་གནས་མ་བཅས་པར་ལྗོངས་རྒྱུར་འགྲོ་བར་བྱའོ། །གཞན་དུ་ན་གསུམ་རིག་པ་ཡིན་ཡང་མི་བྱའོ་ཞེས་བྱ་བ་ལ། ཆོས་ལྔ་དང་མི་ལྡན་པ་དང་ལོ་ལྔ་མ་ལོན་པ་ཡང་ངོ་། །གང་གི་ཕྱིར་ལམ་དུ་འདུལ་བ་ཉམས་པར་གྱུར་པ་ཡིན་ཏེ། དེར་ལོ་ལྔ་ཚུལ་ཁྲིམས་ཀྱི་
[18b]
[18b.1]དངོས་པོ་དང་ལྡན་པའི་ཕྱིར་སྡུག་བསྔལ་གྱི་#རྣམ་པར་འགྱུར་བ་#འབྱུང་བ་ཡིན་ཏེ། ལོ་མ་ཚང་བ་ལ་ནི་#མ་ཡིན་ནོ་ཞེས་བྱ་བ་འདིར་དགོངས་པ་མཐོང་བ་ཡིན་ནོ། །གསུམ་རིག་པ་ཡིན་ཡང་ཞེས་བྱ་བ་ནི་གནས་ལ་གནས་པའི་དོན་དུ་བྱ་བ་དང་བྱ་བ་མ་ཡིན་པ་ལ་#ཡོངས་སུ་ཤེས་པ་གཉིས་དང་ཡོངས་སུ་འདུལ་བར་བྱེད་
[18b.2]པའོ། །དེ་ལ་གལ་ཏེ་ཡང་འདི་ལ་ཆོས་ཉིད་མངོན་པར་ཤེས་པ་ཉིད་ཀྱི་ཕྱིར་དང་སྔོན་གྱི་གནས་ཤེས་པ་ཉིད་ཀྱིས་འཇུག་པ་ལ་ལྟ་བའི་ཕྱིར་དང་དཀའ་བ་ཆུང་ངུའི་རིག་པ་བསྟེན་པས་འོང་བ་ཕུན་སུམ་ཚོགས་པས་བྱ་བ་དང་བྱ་བ་མ་ཡིན་པ་ཡོངས་སུ་ཤེས་པར་འགྲུབ་པར་འགྱུར་ཏེ། དེ་ལྟར་ན་
[18b.3]ཡང་#ཡོངས་སུ་གདུལ་#བར་བྱ་བའི་དོན་དུ་གནས་ལ་གནས་པར་བྱའོ། །གང་གི་ཕྱིར་སྡུག་བསྔལ་བའི་ཐ་སྙད་ནི་འདུལ་བ་#ཉིད་དང་བཅས་པའི་དངོས་པོ་སྔོན་གྱི་རང་བཞིན་འཕྲོག་#པའི་ཕྱིར་རོ། །དགྲ་བཅོམ་པ་རྣམས་ལ་ནི་སྔོན་གྱི་རང་བཞིན་འཕྲོག་པ་ཐོས་པ་ཡིན་ཏེ། དགྲ་བཅོམ་པ་
[18b.4]ལ་ལ་ཞིག་ནི་མཆོང་ཞིང་མཆོང་ཞིང་ཆུ་བོ་རྣམས་ལས་རྒལ་#བར་གྱུར་པ་དང་། ཚེ་དང་ལྡན་པ་པི་ལིན་དའི་བུས་གང་གཱའི་ལྷ་མོ་ལ་རླངས་མ་འདུག་ཤིག་#ཅེས་བྱ་བ་བརྗོད་པར་གྱུར་ཅེས་བྱ་བ་ལ་སོགས་པའོ། །གཞན་ཡང་འདིར་ནི་འདུལ་བ་ཡོངས་སུ་ཤེས་པར་ཅི་ནས་ཀྱང་བྱ་བ་མ་ཡིན་ཏེ།
[18b.5]དཀའ་བ་ཉིད་ཀྱི་ཕྱིར་དང་། མང་བ་དང་ཕྲ་#མོ་དང་། #གཅིག་ན་མི་གནས་པ་ལྟ་བ་དང་འབད་པ་རྣམས་ལ་བར་ཆད་མང་བ་ཉིད་ཀྱི་ཕྱིར་རོ། །གང་གི་ཕྱིར་གནས་སྐབས་ནི་རྣམ་པ་སྣ་ཚོགས་པ་ཡིན་ནོ། །འདི་ལྟ་སྟེ་བཙུན་པ་གལ་ཏེ་དེ་གསུམ་རིག་པ་ལོ་གསུམ་ལོན་པ་དྲི་མ་གསུམ་རབ་ཏུ་སྤངས་པ་
[18b.6]ཡིན་ལ། དེ་ཡང་ཆོས་ལྔ་དང་#ཡང་དག་པར་ལྡན་པར་མ་གྱུར་ན་དེས་ཀྱང་མི་གནས་པ་ལ་ལྗོངས་རྒྱུ་ཞིང་མཆི་བར་མི་བགྱི་འམ། ཉེ་བ་འཁོར་མི་བྱའོ་ཞེས་གསུངས་པའི་ཕྱིར་རོ། །རིང་པོ་ནས་རིང་པོར་འདི་ནི་སྤོང་བར་མཛོད་ཅིག་ཅེས་བྱ་བ་ཡོངས་སུ་བཅས་པ་བསྒྲུབ་པའི་དོན་དུ་འདིས་འདུལ་བ་ལ་#
[18b.7]གནས་པ་ཡང་བསྲུང་བར་བྱ་བ་སྟེ། གང་ཞིག་ལྷག་པར་སྤྱོད་པས་གཞན་དག་ལ་དང་བ་མ་ཡིན་པ་སྐྱེ་བར་འགྱུར་བ་དེ་ཡོངས་སུ་སྤང་བའི་དོན་དུ་བསླབ་པ་རྣམས་ལ་དོན་བྱས་པ་དང་འདི་ལ་གུས་པ་དང་#ལྡན་པ་ཞེས་བྱ་བ་གུས་པ་བསྐྱེད་པའི་དོན་དང་། བསྟན་པ་གནས་པའི་དོན་དུ་གྲགས་པ་ཉིད་ལ་
[19a]
[19a.1]སོགས་པ་མི་འདའ་བར་འགྲོ་བར་འགྱུར་རོ། །གཞན་དུ་ན་གང་ཞིག་#འདས་པར་གྱུར་ན་བསྟན་པ་ཉམས་པ་གྲུབ་པ་ཡིན་ནོ། །དེ་བས་ན་འདིར་ཇི་ལྟར་གསུམ་རིག་པ་ཡང་མ་གནང་བ་བཞིན་དུ་གཞན་པ་ཡང་དེ་ཁོ་ན་བཞིན་ནོ། །གནས་པའི་#སྐབས་སོ།། །།རབ་ཏུ་
[19a.2]འབྱུང་བའི་ཕྱིར་ཉེ་བར་འོངས་པ་ལ་མུ་སྟེགས་ཅན་མ་ཡིན་ནམ་ཞེས་དྲི་བར་བྱ་ཞིང་བསྙེན་པར་རྫོགས་པར་བྱེད་པ་དག་གིས་ཀྱང་ངོ་ཞེས་བྱ་བ་ལ། དྲི་བར་བྱ་ཞིང་ཞེས་བྱ་བས་#ནི་མཁན་པོས་སོ། །འདྲི་བར་འགྱུར་རོ་ཞེས་བྱ་བ་ཡོངས་སུ་གྱུར་པ་ལ་བསྙེན་པར་རྫོགས་པར་བྱེད་པ་རྣམས་ཀྱིས་ཞེས་
[19a.3]བྱ་བ་འདི་དང་འབྲེལ་པའོ། །བསྙེན་པར་རྫོགས་པར་བྱེད་པ་རྣམས་ཁོ་ནས་དྲི་བ་འདི་ཡིན་ཏེ་གང་ཞིག་གསང་སྟེ་སྟོན་པས་དེ་ལ་དེ་ངེས་པར་སྦྱར་བའི་ཕྱིར་རོ། །ཤཱཀྱ་དང་མེ་པ་རལ་པ་ཅན་མ་གཏོགས་པ་སེམས་མགུ་བར་མ་གྱུར་པའི་མུ་སྟེགས་ཅན་རབ་ཏུ་དབྱུང་#བ་དང་བསྙེན་པར་རྫོགས་པར་མི་བྱའོ་
[19a.4]ཞེས་བྱ་བ་ལ། ཤཱཀྱ་དང་མེ་པའི་རིགས་ཅན་དག་ལ་ངེས་པར་བཅོམ་ལྡན་འདས་ཀྱིས་ངེས་པར་འདི་དག་གིས་སྒྲུབ་པ་སྙིང་པོར་བྱེད་པ་ལ་བདེན་པར་བསྒྲུབ་པ་ཡིན་ཏེ། བཅོས་མས་ནི་མ་ཡིན་ནོ་ཞེས་བྱ་བ་ཅུང་ཟད་བཟང་བ་སྐལ་བ་དང་བཅས་པ་ཡིན་ནོ། །གང་དུ་འདི་གནང་བ་ཞེས་བྱ་བ་རྟོགས་
[19a.5]པར་བྱའོ། །བདག་གིས་གཉེན་འདུན་རྣམས་ལ་གཉེན་ཉིད་ཡོངས་སུ་སྤང་བ་བདག་གིས་སྦྱིན་པར་བྱ་ཞེས་བྱ་བ་གང་ཞིག་གསུངས་པ་དེར་གཉེན་འདུན་ཉིད་མ་མཐོང་བ་འདི་རྣམས་ལ་བདེན་པར་བསྒྲུབ་པ་འབྱུང་བར་འགྱུར་ཞེས་བྱ་བ་བཅོམ་ལྡན་འདས་ཀྱིས་མཁྱེན་པ་ཡིན་ཏེ། དེ་བས་ན་གཉེན་
[19a.6]འདུན་གྱི་རྒྱུ་མཚན་ཡོངས་སུ་སྤང་བ་སྦྱིན་པ་ཞེས་གསུངས་པ་ཡིན་ནོ། །འདིར་མེ་པ་ནི་བདེན་པར་མེའི་བསྙེན་བཀུར་བྱེད་པའི་ལས་ལ་འཇུག་པ་ཡིན་ཏེ། དེའི་བསམ་པ་ཡོངས་སུ་དག་པ་ལ་འཇུག་བཞིན་པ་བཟུང་བ་ཞེས་བྱ་བ་རིག་པར་བྱ་སྟེ། དེ་ལྟར་གྱུར་པ་ལ་བསམ་པ་ཕུན་སུམ་ཚོགས་པ་མེད་མི་
[19a.7]སྲིད་པ་ཉིད་ཀྱི་ཕྱིར་རོ། །བཀོལ་བ་དེ་ནི་མུ་སྟེགས་ཅན་དང་ཤཱཀྱ་ལ་སོགས་པའི་མཇུག་#གི་མུ་སྟེགས་ཅན་བཀོལ་བའོ་ཞེས་བྱ་བ་ལ་མགུ་བར་མ་གྱུར་པའི་མུ་སྟེགས་ཅན་གྱི་མཐའ་ཅན་ལ་#གཏོགས་པ་སྟེ་ཞེས་བྱ་བའི་སྒྲ་ལས་ཐོག་མར་མུ་སྟེགས་ཅན་གྱི་སྒྲ་སྤངས་ནས་སེམས་མགུ་བར་མ་གྱུར་པ་སྤངས་
[19b]
[19b.1]ཏེ། ཤཱཀྱ་དང་མེ་པ་རལ་པ་ཅན་མུ་སྟེགས་པ་ཞེས་བྱ་བ་འདི་ནི་མགུ་བར་མ་གྱུར་པའི་སྒྲ་དང་པོ་མུ་སྟེགས་ཅན་གྱི་སྒྲའི་ཐ་མར་སྤངས་ཏེ། གང་ཞིག་འདི་ཁྱོད་མ་ཡིན་ནམ་ཞེས་བྱ་བ་ལ་སོགས་པ་གསུངས་པ་འདི་ནི་མིང་དུ་བཏགས་པར་རིག་པར་བྱའོ། །གང་དུ་བཀོལ་བ་ཞེས་བྱ་བ་བརྗོད་པ་དེར་
[19b.2]ཁྱོད་ནི་མ་ཡིན་ནམ་ཞེས་བྱ་བ་རབ་ཏུ་འབྱུང་བའི་ཕྱིར་ཉེ་བར་འོངས་པ་ལ་ཁྱོད་མུ་སྟེགས་ཅན་མ་ཡིན་ནམ་ཞེས་དྲི་བར་བྱ་སྟེ། བསྙེན་པར་རྫོགས་པར་བྱེད་པ་པོ་རྣམས་ཀྱིས་ཀྱང་རབ་ཏུ་དབྱུང་བ་དང་བསྙེན་པར་རྫོགས་པར་མི་བྱའོ་ཞེས་བྱ་བ་འདི་#བརྗོད་པར་རྟོགས་པར་བྱའོ། །འདི་ནས་བརྩམས་ཏེ་འདི་
[19b.3]ཉིད་ལ་རབ་ཏུ་བྱུང་#བའི་གཞི་དང་#ཕྲན་ཚེགས་#ལ་བརྟེན་པ་རྣམས་ལ་ཕྱོགས་བྱས་པ་རྣམས་སོ། །སེམས་མགུ་བར་གྱུར་པ་རྣམས་ཀྱིས་ཇི་ཙམ་གྱིས་མུ་སྟེགས་ཅན་བརྗོད་པར་བྱ་ཞེས་བྱ་བ་མ་ལུས་པ་ཤེས་པའི་དོན་དུ། དཀོན་མཆོག་རྣམས་ཀྱི་བསྔགས་པ་དང་། མུ་སྟེགས་ཅན་རྣམས་
[19b.4]ཀྱི་བསྔགས་པ་མ་ཡིན་པ་ཡང་དག་པར་བརྗོད་པ་ནི་མི་#གཡོ་བ་ཉིད་ནི་སེམས་མགུ་བར་གྱུར་པ་ཉིད་དོ་ཞེས་བྱ་བ་སྨོས་ཏེ། ཁྲོ་བར་མི་བྱེད་པས་ན་མི་གཡོ་བ་སྟེ། མི་གཡོ་བའི་དངོས་པོ་ནི་མི་གཡོ་བ་ཉིད་དོ། །དེའི་དོན་དུ་དེ་དང་མི་ལྡན་པ་དེ་དགེ་བསྙེན་ཉིད་དུ་བྱས་པའི་མཐའ་ཅན་དེ་ལ་དགེ་
[19b.5]འདུན་གྱི་ལས་ཀྱིས་གནས་པ་བྱིན་ལ་ཟླ་བ་བཞིར་གནས་པར་བྱའོ་ཞེས་བྱ་བ་ལ། དེའི་དོན་དུ་ཞེས་བྱ་བ་ནི་སེམས་མགུ་བར་གྱུར་པ་ཉིད་ཀྱི་དོན་དུའོ། །དེ་དང་མི་ལྡན་པ་ཞེས་བྱ་བ་ནི་སེམས་མགུ་བར་གྱུར་པ་དང་ལྡན་པའོ། །དེ་ཞེས་བྱ་བ་ནི་མུ་སྟེགས་ཅན་ནོ། །དགེ་བསྙེན་ཉིད་དུ་བྱས་པའི་
[19b.6]མཐའ་ཅན་ཞེས་བྱ་བ་ནི་དགེ་བསྙེན་ཉིད་#དུ་བྱས་པའི་མཐའ་ཅན་གྱི་ཆོ་ག་འདི་ལ་བྱས་པས་ན་དགེ་བསྙེན་ཉིད་དུ་བྱས་པའི་མཐའ་ཅན་ནོ། །དེ་ལྟར་གྱུར་པ་དེ་ལ་གསོལ་བ་དང་བཞིའི་ལས་ཀྱིས་#དགེ་འདུན་གྱིས་གནས་པ་བྱིན་#ལ་ཟླ་བ་བཞིར་གནས་པར་བྱའོ། །གནས་པ་བྱིན་པ་ལ། དེའི་ཟན་ནི་
[19b.7]དགེ་འདུན་ལས་སོ། །གོས་ནི་མཁན་པོ་ལས་སོ། །ལས་སུ་བསྐོ་བ་ནི་བྱེད་པ་པོ་ཉིད་དོ། །རབ་ཏུ་བྱུང་བའི་ཕྱིར་ཉེ་བར་འོངས་པ་ལ་ལོ་བཅོ་ལྔ་ལོན་ནམ་ཞེས་དྲི་བར་བྱའོ་ཞེས་བྱ་བ་ནི་མཁན་པོས་སོ། །མ་#ལོན་པ་བྱ་རོག་སྐྲོད་མི་ནུས་པ་དང་། ནུས་པ་ལོ་བདུན་མ་ལོན་པ་རབ་ཏུ་དབྱུང་#བར་མི་
[20a]
[20a.1]བྱའོ་ཞེས་བྱ་བ་ནི་ལོ་བཅོ་ལྔ་མ་ལོན་པ་མི་ནུས་པ་དང་ལོ་བདུན་མ་ལོན་པ་ནུས་པ་གཉིས་པོ་འདི་དག་རབ་ཏུ་འབྱུང་#བར་མི་བྱའོ་ཞེས་བྱ་བ་མང་པོའི་ཚིག་ཅིའི་དོན་དུ་ཡིན་ཞེ་ན། ཞུ་བ་པོས་འདི་ནི་མ་དག་གོ་ཞེས་བྱ་བར་ཤེས་ནས་ཞུ་བར་བྱ་བ་མ་ཡིན་ལ། དགེ་འདུན་གྱིས་
[20a.2]གནང་བར་བྱ་བ་མ་ཡིན་ཏེ། དགེ་ཚུལ་ཉིད་དུ་ཉེ་བར་ཐོབ་པའི་དགེ་ཚུལ་ཉིད་དུ་ཉེ་བར་བསྒྲུབ་པར་བྱ་བ་མ་ཡིན་ནོ་ཞེས་བྱ་བ་ཉེ་བར་བསྡུ་བའི་དོན་དུའོ། །དགེ་ཚུལ་གཅིག་ལས་ལྷག་པ་ཉེ་བར་གཞག་པར་མི་བྱའོ་ཞེས་བྱ་བ་ནི་དགེ་ཚུལ་གཉིས་ལས་ལྷག་པར་#ཉེ་བར་གཞག་པ་མ་ཡིན་པ་ལ་
[20a.3]གཉིས་པ་ལ་རབ་ཏུ་བྱུང་བ་ལ་ཡང་ཐལ་བ་དེ་བསལ་#བའི་དོན་དུ། གལ་ཏེ་སོ་སོར་རབ་ཏུ་འབྱུང་བར་མི་འདོད་ན་རབ་ཏུ་བྱུང་#ལ་རྒན་པ་བསྙེན་པར་རྫོགས་པར་བྱའོ་ཞེས་བྱ་བ་སྨོས་ཏེ། གཉིས་ཀ་རབ་ཏུ་དབྱུང་བའི་དོན་དུ་བདག་ཅག་གིས་གནས་གཅིག་ཏུ་རབ་ཏུ་#འབྱུང་བར་བྱའོ་ཞེས་བྱ་བ་
[20a.4]འདི་ལྟར་ངེས་ནས་འོངས་པ་དག་ལ་གལ་ཏེ་སོ་སོ་ནི་སོ་སོར་རབ་ཏུ་དབྱུང་བར་མི་འདོད་ན་དེ་ནས་གཉིས་ཀ་རབ་ཏུ་ཕྱུང་ནས་གཅིག་ལས་ལྷག་མར་གྱུར་པ་བསྙེན་པར་རྫོགས་པར་བྱའོ། །གལ་ཏེ་མ་ལོན་ན་གཞན་ལ་རེ་ཞིག་གནས་པའི་དོན་དུ་གཏད་པར་བྱའོ་ཞེས་བྱ་བ་ནི་གལ་ཏེ་ལོ་ཉི་ཤུ་མ་ལོན་
[20a.5]ན་དེ་ནས་དགེ་སློང་གཞན་ལ་ཉེ་བར་གནས་པའི་དོན་དུ་གཏད་པར་བྱའོ། །ཉེ་བར་གནས་པའི་དོན་དུ་གང་ལ་གཏད་པ་དེས་#ནི་དེ་དབྲོག་པར་མི་བྱའོ་ཞེས་བྱ་སྟེ། གང་ཞིག་གཏད་པ་དེས་འདི་ལ་བསྙེན་པར་རྫོགས་པར་བྱའོ། །མི་སྟེར་བ་ལ་མཐུས་བཀུག་སྟེའོ་ཞེས་བྱ་བ་ལ་གང་གི་ཕྱིར་ཆོ་ག་འདིའི་
[20a.6]དོན་དུ་གཞན་ལ་ཉེ་བར་གནས་པས་སྦྱིན་པ་སྟེ་ཐམས་ཅད་ཀྱིས་ནི་མ་ཡིན་ནོ། །དེ་བས་ན་དབྲོག་པ་མ་ཡིན་ནོ། །བཀོལ་བ་བྲན་ནོ་ཞེས་བྱ་བ་ནི་བཀོལ་བ་ཞེས་བྱ་བའི་མིང་འདིས་ཁྱོད་བྲན་མ་ཡིན་ནམ་ཞེས་བྱ་བ་ལ་སོགས་པའི་མིང་ཅན་བྲན་དང་འབྲེལ་བ་ལ་སོ་སོར་ཉེ་བར་གཞག་པའོ། །དེ་བས་ན་མིང་
[20a.7]བསྟན་པ་འདི་ལ་གང་ཞིག་ལྡན་པ་ཁས་ལེན་པར་བྱེད་པ་དེ་དོན་ཇི་ལྟར་ཡོངས་སུ་གྱུར་ཀྱང་གནས་ཇི་ལྟ་བར་ཡང་དག་པར་གནས་པ་ཡིན་ནོ། །འདིར་ནི་ངག་ཀྱང་འདི་བསྐྱེད་#པ་ཡིན་ཏེ། ཁྱོད་ནི་བྲན་མ་ཡིན་ནམ་ཞེས་བྱ་བར་རབ་ཏུ་འབྱུང་#བའི་དོན་དུ་ཉེ་བར་འོངས་པ་ལ་དྲི་བར་བྱའོ། །བསྙེན་པར་རྫོགས་
[20b]
[20b.1]པར་བྱེད་པ་རྣམས་ཀྱང་བྲན་ལས་རབ་ཏུ་དབྱུང་བ་མ་ཡིན་པ་དང་བསྙེན་པར་རྫོགས་པར་བྱ་བ་མ་ཡིན་པ་ཞེས་བྱ་བའོ། །ཡིན་ནམ་བཏང་ལ་ཁྱོད་ལ་ལ་ལའི་བུ་ལོན་མང་ཡང་རུང་ཉུང་ཡང་རུང་ཅུང་ཟད་ཆགས་པ་མེད་དམ་ཞེས་བྱ་བ་ཁྱོད་རྣམ་པར་བཏང་བ་ནི་ཡིན་ནམ་ཞེས་བྱ་བ་#བཏང་སྟེ། ཁྱོད་ཀྱི་སྒྲ་དང་བྲལ་#
[20b.2]བ་ནི་བཀོལ་བ་བརྗོད་པར་བྱའོ་ཞེས་བྱ་བའི་དོན་ཏོ། །ཁྱོད་ཅེས་བྱ་བའི་གནས་འདི་ལ་ཁྱོད་ལ་ཞེས་བྱ་བ་བརྗོད་པར་བྱ་སྟེ། དེ་བས་ན་ངག་ནི་འདི་ཡིན་ཏེ། ཁྱོད་ལ་ལ་ལའི་བུ་ལོན་མང་ཡང་རུང་ཉུང་ཡང་རུང་ཅུང་ཟད་ཆགས་པ་མེད་དམ་ཞེས་བྱ་བ་རབ་ཏུ་འབྱུང་#བའི་དོན་དུ་ཉེ་བར་འོངས་པ་ལ་དྲི་བར་བྱའོ། །
[20b.3]བསྙེན་པར་རྫོགས་པར་བྱེད་པ་པོ་རྣམས་ཀྱང་བུ་ལོན་ཆགས་པ་དང་ལྡན་པ་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱ་ཞེས་བྱ་བའི་སྔགས་ཀྱིས་སོ། །འདིའི་སྔགས་ལས་རབ་ཏུ་དབྱུང་དུ་བཅུག་ནས་བསྙེན་པར་རྫོགས་པར་བྱ་སྟེ། སྦྱིན་པར་ནུས་པར་འགྱུར་བ་སོ་སོར་ཤེས་
[20b.4]པར་བྱ་ཞིང་བུ་ལོན་ཆགས་པ་མ་གཏོགས་པར་ཞེས་བྱ་བའི་གྲངས་བྱེ་བྲག་སོ་སོར་བསྒྲུབ་པར་བྱའོ། །རབ་ཏུ་འབྱུང་#བར་འདོད་པ་ཕ་མ་གསོན་ཞིང་དེ་གཉིས་ཀྱིས་མ་གནང་བ་ཡུལ་ཐག་མི་རིང་བ་ནི་ཞག་བདུན་བསྲེལ་བར་བྱའོ་ཞེས་བྱ་བ་ནི་ཕ་མ་དག་གསོན་བཞིན་པ་དང་གང་ལ་ཡོད་པ་དེ་ནི་
[20b.5]ཕ་མ་གསོན་བཞིན་པ་ཅན་ནོ། །དེ་གཉིས་ཀྱིས་མ་གནང་བ་ཞེས་བྱ་བ་ནི་ཕ་མ་དག་ལས་སོ། །དེ་གཉིས་ཀྱི་སྒྲས་ནི་ཕ་མ་དག་འདིར་ཕ་མའི་སྒྲ་ཞེས་བྱ་བས་ཤེས་པར་བྱའོ། །དེ་ཡུལ་ཐག་རིང་ན་ཡང་དགེ་འདུན་ལ་མ་ཞུས་པར་རབ་ཏུ་དབྱུང་བར་མི་བྱའོ་ཞེས་བྱ་བ་ལ། དེ་ཞེས་བྱ་བ་ནི་
[20b.6]ཕ་མ་གསོན་བཞིན་པས་མ་#གནང་བའོ། །དེ་གཉིས་ཀྱི་ནང་ནས་ཕ་མ་གསོན་བཞིན་ཕ་མ་ཡིན་པའམ་ཕ་མ་དག་གིས་གནང་བ་མ་ཞུས་པ་ཡང་སྐྱོན་དང་བྲལ་བ་ཞེས་བྱ་བར་རྟོགས་པར་བྱའོ། །དེ་ལྟར་#ན་ཡང་ཕ་མ་གསོན་བཞིན་པ་ལ་དྲི་བའི་ཀློག་པ་སྟེ། བཙུན་པ་རེ་ཞིག་གང་ལ་ཕ་མ་
[20b.7]དག་དུས་འདས་པར་གྱུར་པའམ། དུད་འགྲོའི་སྐྱེ་གནས་སུ་གྱུར་པ་ནི་དེ་སྐྲ་བྲེག་པའི་ཕྱིར་དགེ་འདུན་ཐམས་ཅད་ལ་ཞུ་བར་བགྱི་འམ། ཉེ་བ་འཁོར་མི་བྱའོ་ཞེས་གསུངས་པའོ། །ཡུལ་ཐག་རིང་པོའི་ཚིག་ནི་ཅིའི་དོན་དུ་བྱས་ཤེ་ན། གང་གི་ཕྱིར་ཁྱིམ་བདག་གི་ཆུང་མ་འགའ་ཞིག་གི་#བུ་རབ་
[21a]
[21a.1]ཏུ་བྱུང་#བ་ལ་འོངས་ཏེ་སྨྲས་པ། ཁྱོད་ནི་ཤཱཀྱའི་སྲས་ཆོམ་རྐུན་འདི་རྣམས་ཀྱི་ནང་དུ་ཅིའི་ཕྱིར་རབ་ཏུ་བྱུང་སྟེ། ཚུར་ཤོག་འགྲོ་བར་བགྱིའོ་ཞེས་སྨྲས་ཏེ། དེས་འདི་བཟུང་ནས་ཁྱིམ་དུ་ཁྲིད་དོ། །དེ་ལྟར་ནི་ཆོམ་རྐུན་ཉིད་དུ་སྐུར་པ་འདེབས་པ་ནི་འདིར་ཉེས་
[21a.2]དམིགས་ཏེ། ཡུལ་ཐག་རིང་བ་ལ་ནི་ཉེས་པ་མེད་དོ། །རང་གི་གནས་ལ་གནས་པ་དག་ལ་ཡང་ཐོས་ནས་བྱས་པ་ལ་ཉེས་དམིགས་སུ་གྱུར་པ་ཉིད་ཀྱི་ཕྱིར་འོངས་ནས་ཀྱང་ཉེས་དམིགས་བྱེད་པ་སྲིད་པ་ཉིད་ཀྱི་ཕྱིར་དེ་བས་ན་ཡུལ་ཐག་རིང་བ་ལ་ཡང་#ཞེས་བྱ་བ་མདོར་བྱས་པ་ཡིན་ནོ། །
[21a.3]རབ་ཏུ་འབྱུང་བར་འདོད་པའི་ཟན་ནི་དགེ་འདུན་གྱིས་བྱིན་ན་རུང་ངོ་ཞེས་བྱ་བ་ལ། རུང་བ་ཞེས་བྱ་བ་ནི་འདི་ངེས་པ་མ་ཡིན་ཏེ། དགེ་སློང་དེ་རྣམས་ལ་སྨོས་པ་འཇུག་པའི་ཕྱིར་ཞེས་བྱ་བ་སྟོན་པར་བྱེད་དོ། །བཀོལ་བ་ཕ་མས་ཁྱོད་གནང་ངམ་འཇུག་ཏུ་ཡུལ་ཐག་རིང་པོ་ནི་མ་གཏོགས་#སོ་ཞེས་
[21a.4]བྱ་བ་ལ། ཁྱོད་གནང་ངམ་ཞེས་བྱ་བ་ནི་ཁྱོད་མ་ཡིན་ནམ་ཞེས་བྱ་བ་འདིའི་གནས་པ་#འདི་ཡིན་ཏེ། བཀོལ་བ་ཞེས་བྱ་བ་འདིའི་#བརྗོད་པའི་ཐ་མ་ལ་ཡུལ་ཐག་རིང་པོ་#ནི་མ་གཏོགས་པ་ཞེས་བྱ་བའི་སྒྲས་འདི་ལྷག་པར་བརྗོད་པར་བྱའོ། །དེ་ལྟར་ན་ངག་ནི་འདི་ཡིན་ཏེ། ཁྱོད་ཕ་མ་དག་གིས་གནང་ངམ་
[21a.5]ཞེས་བྱ་བའོ། །རབ་ཏུ་འབྱུང་བའི་དོན་དུ་ཞེས་བྱ་བ་ལ་སོགས་པ་ནས་ཇི་སྲིད་དུ་ཕ་མ་དག་གིས་མ་གནང་བ་རབ་ཏུ་དབྱུང་བ་དང་བསྙེན་པར་རྫོགས་པར་མི་བྱ་སྟེ། ཡུལ་ཐག་རིང་བ་ནི་མ་གཏོགས་སོ་ཞེས་བྱ་བའོ། །ཉེ་བར་འོངས་པ་ལ་ཁྱོད་ནད་པ་མ་ཡིན་ནམ་ཞེས་དྲི་བར་བྱའོ་ཞེས་བྱ་བ་ནི་རབ་ཏུ་
[21a.6]བྱུང་བའི་དོན་དུ་སྟེ་ཞེས་བྱ་བ་སྐབས་ཀྱིས་ཤེས་པར་བྱའོ། །ཁྱོད་ལ་ནད་གང་ཡང་རུང་བ་མེད་དམ་ཞེས་བྱ་བར་ཡང་རུང་ངོ་ཞེས་བྱ་བ་ནི་འདོན་པའི་རྟོག་པ་ལ་འདིར་ཉེ་བར་འབྲེལ་པའོ། །གཉིས་པོ་དག་ལས་གང་ཡང་རུང་བ་བརྗོད་པར་བྱའོ་ཞེས་བྱ་བ་བསྟན་པར་བྱེད་དོ། །བསྙེན་པར་རྫོགས་པར་
[21a.7]བྱེད་པ་དག་གི་བྱེ་བྲག་ཏུ་འོ་ཞེས་བྱ་#ནི་དྲི་བར་བྱའོ་ཞེས་#བྱ་བ་འདི་#ཡོངས་སུ་གྱུར་པ་ལ་དྲི་བར་བྱའོ་ཞེས་བྱ་བ་དང་རྗེས་སུ་འབྲེལ་ལོ། །སྐྱེས་པ་རྣམས་ཀྱི་#ལུས་ལ་འདི་རྣམས་འདི་ལྟ་བུའི་ངོ་བོ་ཉིད་ལུས་ཀྱི་གནོད་པ་འབྱུང་བ་འདི་ལྟ་སྟེ། མཛེ་དང་འབྲས་དང་ཞེས་བྱ་བ་ལ་སོགས་པ་བྱེ་བྲག་དང་ལྡན་
[21b]
[21b.1]པ་སྟེ། ཁྱོད་ནི་འདི་ཙམ་དུ་ནད་པ་མ་ཡིན་ནམ་ཞེས་བྱ་བའོ། །ནད་པ་རབ་ཏུ་དབྱུང་བ་དང་བསྙེན་པར་རྫོགས་པར་མི་བྱའོ་ཞེས་བྱ་བ་ནི་ཞུ་བ་བྱེད་པ་པོ་དང་། རབ་ཏུ་འབྱིན་པར་བྱེད་པ་དང་དགེ་ཚུལ་ཉིད་དུ་ཉེ་བར་ཁྲིད་པའི་དགེ་འདུན་མང་པོ་རྣམས་ཀྱི་བྱ་བ་སྟེ། དེ་བས་ན་མང་པོའི་ཚིག་གོ། །བཀོལ་
[21b.2]བ་ཆད་པ་ཡན་ཆད་དོ་ཞེས་བྱ་བ་ནི་རྒྱུ་ལས་བཟློག་པའི་ཆད་པ་ཁས་མི་ལེན་པ་དག་ལ་ཞེས་བྱ་བ་འདི་ཡན་ཆད་ལས་ཅི་ཙམ་#བསྟན་པ་ཐམས་ཅད་དུ་བཀོལ་བ་ཞེས་བྱ་བའི་#དབང་དུ་བྱས་ནས་རིག་པར་བྱ་སྟེ། དེ་རྣམས་ཐམས་ཅད་བཀོལ་བ་དང་འབྲེལ་པ་རྣམས་སོ། །འདི་ལ་སྐྱེ་བའི་ཆོས་ཉིད་མེད་པར་
[21b.3]ཡང་འདྲའོ་ཞེས་བྱ་བ་ནི་འདིར་གང་ཞིག་སྤྲུལ་པ་ལ་སོགས་པ་འགག་པར་འགྱུར་བ་དེ་ལ་ཡང་གི་སྒྲ་ནི་ཡན་ཆད་པ་ཞེས་བྱ་བ་ལས་འབྲེལ་བའི་དོན་དུའོ། །དེ་ལྟ་བུའི་རྟགས་ཅན་ནི་བསྙིལ་བར་བྱའོ་ཞེས་བྱ་བ་ལ། དེ་ལྟ་བུའི་ཞེས་བྱ་བ་ནི་སྐྱེ་བའི་ཆོས་དང་མི་ལྡན་པ་ལའོ། །རྟགས་ཅན་
[21b.4]ཞེས་བྱ་བ་ནི་རབ་ཏུ་བྱུང་ངམ་བསྙེན་པར་རྫོགས་པ་ལའོ། །ཁྱིམ་ན་གནས་པར་གྱུར་པ་ལ་དགེ་སློང་རྣམས་ཀྱིས་དབུས་སུ་གནས་པ་ལ་འགྲོ་བ་པའི་དགོངས་པའི་དབང་གིས་བསྙིལ་བ་ཡང་ནི་མ་ཡིན་ནོ། །ད་ནི་བཀོལ་བ་ལ་སོགས་པ་དང་འབྲེལ་པ་ཅན་བཤད་པར་བྱའོ། །སྤྲུལ་པའོ་
[21b.5]ཞེས་བྱ་བ་ལ། ཁྱོད་ནི་སྤྲུལ་པ་མ་ཡིན་ནམ་ཞེས་བྱ་བ་རབ་ཏུ་འབྱུང་བའི་དོན་དུ་ཉེ་བར་འོངས་པ་ལ་དྲི་བ་ཡིན་ཏེ། བསྙེན་པར་རྫོགས་པར་བྱེད་པ་དག་གིས་ཀྱང་སྤྲུལ་པ་རབ་ཏུ་དབྱུང་བ་དང་བསྙེན་པར་རྫོགས་པར་མི་བྱའོ། །འདི་ལ་སྐྱེ་བའི་ཆོས་ཉིད་ཡོད་པ་མ་ཡིན་ཏེ། དེ་ལྟ་བུའི་རྟགས་
[21b.6]ཅན་ནི་བསྙིལ་བར་བྱའོ་ཞེས་#བྱ་བའོ། །དེ་བཞིན་དུ་མ་ནིང་ལ་སོགས་པ་གཞན་དག་ལ་ཡང་སྦྱར་བར་བྱའོ#། །མ་ནིང་ངོ་། །དེ་ནི་རྣམ་པ་ལྔའོ་ཞེས་བྱ་བ་ལ། དེ་ནི་ཞེས་བྱ་བ་ནི་མ་ནིང་ལས་སོ། །ལྔ་པོ་གང་ཞེ་ན། སྐྱེས་ནས་དང་། ཟླ་བ་ཕྱེད་པ་དང་། འཁྱུད་ནས་ལྡང་བ་དང་།
[21b.7]ཕྲག་དོག་ཅན་དང་། ཉམས་པའོ་ཞེས་བྱ་བ་ལ། སྐྱེས་ནས་མ་ནིང་ནི་གང་ཞིག་སྐྱེ་བ་ཉིད་ཀྱིས་བུད་མེད་ཀྱང་མ་ཡིན་སྐྱེས་པ་ཡང་མ་ཡིན་པའོ། །ཟླ་བ་ཕྱེད་པ་ཞེས་བྱ་བ་ནི་གང་ཞིག་ཟླ་བ་ཕྱེད་ལ་བུད་མེད་ཟླ་བ་ཕྱེད་ལ་སྐྱེས་པ་དེ་ནི་ཟླ་བ་ཕྱེད་པའི་མ་ནིང་ངོ་། །ཟླ་བ་ཕྱེད་པ་ནི་ཟླ་བ་ཕྱེད་དོ། །
[22a]
[22a.1]འཁྱུད་ནས་ལྡང་བ་ཞེས་བྱ་བ་ནི་གང་ཞིག་གཞན་གྱིས་འོངས་པ་ལ་འབྱུང་བར་འགྱུར་བ་དེ་ནི་འཁྱུད་#ནས་ལྡང་བའི་མ་ནིང་ངོ་། །ཕྲག་དོག་ཅན་དང་ཞེས་བྱ་བ་ནི་གང་ཞིག་གཞན་དག་གིས་ཉེ་བར་འོངས་པའི་བུད་མེད་མཐོང་ནས་བརྩལ་བར་མ་#གྱུར་པ་དེ་ནི་ཕྲག་དོག་ཅན་གྱི་
[22a.2]མ་ནིང་ངོ་། །ཉམས་པའོ་ཞེས་བྱ་བ་ལ། ཉམས་པའི་མ་ནིང་ནི་གང་གི་ཕོའི་དབང་པོ་བཅད་པ་ལ་སོགས་པས་ཉམས་པར་གྱུར་པ་སྟེ། དེ་ནི་ཉམས་པའི་མ་ནིང་ངོ་། །འདི་ལས་ཐ་མ་ནི་ཉེས་པ་བསྟེན་ན་བསྙིལ་བར་བྱའོ་ཞེས་བྱ་བ་ལ། ཐ་མ་ཞེས་བྱ་བ་ནི་ཉམས་པའི་མ་ནིང་ངོ་། །
[22a.3]སྐད་ཅིག་དེ་ལ་མ་ནིང་གི་སྐྱོན་ལ་བརྟེན་པ་དེ་ལས་བསྙིལ་བར་བྱའི་གཞན་དུ་ནི་མ་ཡིན་ཞེས་བྱ་བའི་དོན་ཏོ། །རྐུ་ཐབས་སུ་གནས་པའོ་ཞེས་བྱ་བ་འདིའི་མཚན་ཉིད་ནི་གང་ཞེ་ན། བསྙེན་པར་རྫོགས་པའི་ཆོ་ག་མ་བྱས་པ་ཉིད་དམ་མ་ཆགས་པ་ཉིད་དུ་ཤེས་ལ་ལན་གཉིས་སུ་དགེ་
[22a.4]འདུན་དང་ལྷན་ཅིག་ལས་#ཉམས་སུ་མྱོང་བར་གྱུར་པ་ཉིད་ན་དེ་ཉིད་ཡིན་ནོ་ཞེས་བྱ་བ་སྨོས་ཏེ། བསྙེན་པར་རྫོགས་པ་ལ་འདྲེན་པའི་གང་ཞིག་གསོལ་བ་ལ་སོགས་པ་དེ་མ་བྱས་པ་ཉིད་དུ་ཤེས་ཤིང་བྱས་པ་ཉིད་དུ་ཡང་མ་ཆགས་པ་ཉིད་དུ་ཤེས་ཤིང་། གལ་ཏེ་ཡང་ཆོ་ག་བྱས་པ་བསྙེན་པར་
[22a.5]རྫོགས་པ་ནི་ཆགས་པ་མ་ཡིན་ཏེ། ལོ་བཅུ་དགུ་ལོན་པ་ལ་སོགས་པའི་སྐྱོན་གྱིས་དེའི་ཕྱིར་དགེ་འདུན་དང་ལྷན་ཅིག་ལས་གཉིས་པ་ཉམས་སུ་#མྱོང་བ་ལ་དེ་ཉིད་#ཅེས་བྱ་བ་ནི་རྐུ་ཐབས་སུ་གནས་པ་ཉིད་དོ། །འོ་ན་གང་གི་ཕྱིར་ཉེ་བར་འཁོར་རང་བཞིན་དུ་གནས་པའི་དགེ་སློང་རྣམས་དང་
[22a.6]ལྷན་ཅིག་ཏུ་གསོ་སྦྱོང་གི་ལས་ལན་གཉིས་ལན་གསུམ་ཉམས་སུ་མྱོང་བར་གྱུར་པ་དེ་ཙམ་གྱིས་ནི་རྐུ་ཐབས་སུ་གནས་པ་ཡིན་ནོ་ཞེས་གསུངས་ན། གསུམ་ཞེས་བྱ་བ་དེ་ཅིའི་ཕྱིར་མདོར་མ་བྲིས་ཤེ་ན། གང་གི་ཕྱིར་ངེས་པར་བྱེད་པའི་ཚིག་ནི་འདི་མ་ཡིན་ཏེ། འོན་ཀྱང་རྒྱུན་ལ་
[22a.7]འདི་རབ་ཏུ་བསྟན་པའོ། །རྒྱུན་ལ་རྩོམ་པར་གྱུར་པ་ན་ཉམས་པར་འགྱུར་ཞེས་བྱ་བ་སྟེ། གཞན་དུ་ན་གཉིས་ཞེས་བྱ་བས་འདི་རྣམ་པར་གཞག་པ་ལ། གསུམ་ཞེས་བྱ་བ་འདི་#དབུགས་དབྱུང་བ་#རྣམ་པར་ཤེས་པར་འགྱུར་རོ། །དེ་ལྟར་ན་འདི་ནི་རྩོམ་པ་སྟེ་ཐ་སྙད་དུ་བྱ་བ་ཆོས་ཉིད་
[22b]
[22b.1]ཀྱི་རྣམ་པར་གཞག་པ་མ་ཡིན་པ་ཞེས་བྱ་བར་ཐལ་བར་འགྱུར་རོ། །འདིར་ལུང་ཡང་ཡོད་དེ། གཏམ་གྱི་གཞི་ལས། གང་གིས་#རྐུ་ཐབས་སུ་གནས་པ་རབ་ཏུ་དབྱུང་བར་མི་བགྱིད#། བསྙེན་པར་རྫོགས་པར་མི་བགྱི་བའི་གཞི་དེ་ཉིད་ཀྱིས་རབ་ཏུ་དབྱུང་བར་བགྱི་བ་དང་། བསྙེན་པར་
[22b.2]རྫོགས་པར་བགྱི་བ་མ་མཆིས་སམ་ཞེ་ན། བཀའ་སྩལ་པ་ཡོད་དེ། གང་གིས་ལན་གཉིས་ལན་གསུམ་དུ་གསོ་སྦྱོང་ཉམས་སུ་མྱོང་བར་འགྱུར་བ་#དེ་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱའི། གང་གིས་ལན་ཅིག་གསོ་སྦྱོང་ཉམས་སུ་མྱོང་བར་གྱུར་པ་དེ་ནི་རབ་ཏུ་
[22b.3]དབྱུང་བར་བྱ། བསྙེན་པར་རྫོགས་པར་བྱའོ་ཞེས་བྱ་བའོ#། གང་གི་ཕྱིར་གཞན་དུ་ན་ཁ་ཅིག་གིས་ལན་གཉིས་སོ་སོར་ཉམས་སུ་མྱོང་བ་ལ་འོས་པ་ཉིད་མ་ཡིན་ཏེ། སླར་རིགས་པ་ནི་གང་གི་ཕྱིར་འདིར་ཐོག་མར་རབ་ཏུ་འཇུག་པ་ན་དོགས་པ་དང་བཅས་པར་འགྱུར་རོ། །དེ་ལས་བརྫུན་#
[22b.4]པ་ཉིད་ཀྱི་#རང་བཞིན་ཉིད་ནི་འགྲོ་བར་མི་འགྱུར་ཏེ། རྒྱུན་དུ་བྱེད་ཅིང་དེའི་རང་བཞིན་ཉིད་ཐོབ་པ་ཡིན་ཞེས་བྱ་བའོ། །འོ་ན་འདིར་གསོ་སྦྱོང་བཟུང་བར་མི་#བྱ་བ་སྟེ། དེ་བས་ན་འདིར་ཅིའི་ཕྱིར་ཁྱད་པར་མེད་པར་ལས་ཐམས་ཅད་སོ་སོར་ཉམས་སུ་མྱོང་བ་གང་#ཞེ་ན། བརྗོད་པར་བྱ་སྟེ། དགེ་
[22b.5]འདུན་ལ་ཡང་དག་པར་བརྟེན་པའི་བྱ་བ་ལ་འདིའི་ཁོངས་སུ་བསྡུས་པའོ། །གང་ཞིག་གསོ་སྦྱོང་ལ་མཚུངས་པའམ་ལས་གཞན་རྣམས་ལ་ཡང་དགེ་འདུན་གྱི་#གནས་པ་ཉིད་དོ། །དེ་བས་ན་དཔེ་ཉིད་ཀྱིས་འདིར་གསོ་སྦྱོང་གཟུང་བ་རྣམ་པར་གནས་པ་ཡིན་ནོ། །བསྙེན་པར་རྫོགས་པར་#མ་
[22b.6]ཚང་བའི་ལྟུང་བྱེད་དྲི་བ་ལས་འདི་ལ་ལུང་ཡང་ཡོད་དེ། གང་ཞིག་གསོལ་བ་དང་། བཞིའི་ལས་ཀྱིས་བསྙེན་པར་མ་རྫོགས་པར་དགེ་འདུན་གྱི་ལས་གསོ་སྦྱོང་ངམ། དགག་དབྱེ་འམ། གང་ཟག་བཅུ་གཉིས་བསྐོ་བ་དག་ཉམས་སུ་མྱོང་བར་གྱུར་པ་དེ་ཡང་དེ་ཙམ་གྱིས་ནི་#རྐུ་
[22b.7]ཐབས་སུ་གནས་པ་ཡིན་ནོ་ཞེས་གསུངས་སོ། །ཇི་སྲིད་དུ་བསྙེན་པར་མ་རྫོགས་པས་བྱ་བ་མ་ཡིན་པ་རྗེས་སུ་མཚོན་པར་གྱུར་པ་དགེ་འདུན་གྱི་ལས་#རབ་ཏུ་འབྱུང་བ་ཞུ་བ་ལ་སོགས་པ་དེ་ཐམས་ཅད་དགེ་འདུན་ལ་རག་ལས་པའི་ཕྱིར་ལས་ཀྱི་#ཕྱོགས་པ་ཉིད་དོ། །དེ་བས་ན་ལས་ཀྱི་
[23a]
[23a.1]ཚིག་ཀྱང་འདིར་དཔེར་རྟོགས་པར་བྱའོ། །གལ་ཏེ་དེ་ལྟ་ཡིན་ན་རབ་ཏུ་འབྱུང་བར་ཞུ་བ་#དང་དགེ་ཚུལ་ཉིད་དུ་ཉེ་བར་བསྒྲུབ་པ་དང་གསང་སྟེ་སྟོན་པ་དང་ཡོངས་སུ་དག་པ་དང་བསྡུ་བ་དང་། སྤོ་བ་ལ་སོགས་པ་ཞུ་བ་དང་རྗེས་སུ་ཐོབ་པ་རྣམས་ཀྱང་སོ་སོར་ཉམས་སུ་མྱོང་
[23a.2]བ་#ལ་རྐུ་ཐབས་སུ་གནས་པ་ཉིད་རྣམ་པར་གནས་པ་ཡིན་ནོ། །མུ་སྟེགས་ཅན་ཞུགས་པའོ་ཞེས་བྱ་བ་ནི་དེའི་རང་གི་ངོ་བོ་ཉིད་ཡོངས་སུ་ཤེས་པར་བྱ་བའི་ཕྱིར། རབ་ཏུ་བྱུང་བ་འདི་ལ་#ཡང་དག་པར་བླངས་པ་ལྟ་བ་དང་ལྡན་པ་ཆོས་གོས་འདི་བོར་ཏེ། རྒྱལ་མཚན་དེས་དེར་སྐྱ་རེངས་#ཤར་ན་དེ་
[23a.3]ཉིད་ཡིན་ནོ་ཞེས་བྱ་བ་སྨོས་ཏེ། རབ་ཏུ་བྱུང་བ་འདི་ལ་#ཡང་དག་པར་བླངས་པ་འདི་ཡིན་པས་ན་ཡང་དག་པར་བླངས་པའི་རབ་ཏུ་བྱུང་བ་འདིའོ། །ལྟ་བ་དེ་དང་ལྡན་པ་ཞེས་བྱ་བ་ནི་མུ་སྟེགས་ཅན་དེ་རྣམས་ཀྱི་ལྟ་བ་འདི་ལ་ཡོད་པས་ན་དེའི་ལྟ་བ་ཅན་ནོ། །ཆོས་གོས་འདི་བོར་ཏེ་ཞེས་བྱ་བ་ནི་
[23a.4]བདེ་བར་གཤེགས་པའི་དགེ་སློང་གི་ཆ་བྱད་བོར་བར་བྱས་ནས་#སོ། །རྒྱལ་མཚན་དེས་ཞེས་བྱ་བ་ནི་མུ་སྟེགས་ཅན་གྱི་རྒྱལ་མཚན་གྱིས་སོ། །དེར་ཞེས་བྱ་བ་ནི་མུ་སྟེགས་ཅན་གྱི་འདུག་གནས་སུའོ། །སྐྱ་རེངས་#ཤར་ན་དེ་ཉིད་ཡིན་ནོ་ཞེས་བྱ་བ་ནི་མུ་སྟེགས་ཅན་ཞུགས་པ་ཅན་ཡིན་
[23a.5]ནོ། །དེ་མ་བྱས་པ་ཡང་རྐུ་ཐབས་དང་འདྲའོ་ཞེས་བྱ་བ་ནི་དེ་བཞིན་གཤེགས་པའི་ཆ་བྱད་མ་བྱས་པར་བོར་ཏེ། མངོན་པར་འདོད་པའི་མུ་སྟེགས་ཅན་གྱི་རྟགས་འདོད་པས་བགོས་#ནས་དེའི་འདུག་གནས་སུ་སྐྱ་རེངས་#ཤར་བ་ཞེས་བྱ་བ་ནི་#དེ་བཞིན་གཤེགས་པའི་རྟགས་ཅན་གང་གིས་ཡང་
[23a.6]དག་པར་བླངས་པ་སྟེ། མུ་སྟེགས་པའི་ལྟ་བ་ཅན་གྱིས་ནི་མ་ཡིན་ནོ། །འདི་ནི་དེ་མ་བྱས་པའོ། །འོག་མ་འདི་མ་བྱས་པས་གཞན་དུ་ཡང་མུ་སྟེགས་ཅན་དུ་སོང་བ་ཉིད་འབྱུང་བ་ཡིན་ཏེ་ཇི་ལྟར་ཞེ་ན། དཔེར་ན་རྐུ་ཐབས་དང་འདྲའོ། །རྐུ་ཐབས་ཀྱི་དེ་ཉིད་བརྗོད་དེ་ལས་ཉམས་སུ་མྱོང་བ་གཉིས་
[23a.7]པ་ལ་ཞེས་བྱ་བའི་དོན་ཏོ། །རྐུ་ཐབས་ཀྱི་དེ་ཉིད་བརྗོད་ཟིན་ཏོ། །མ་བསད་པ་དང་། ཕ་བསད་པ་དང་། དགྲ་བཅོམ་པ་བསད་པ་དང་། དགེ་འདུན་གྱི་དབྱེན་བྱས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། དགེ་སློང་མ་སུན་ཕྱུང་བ་དང་། ཕམ་པར་གྱུར་པ་
[23b]
[23b.1]བཞི་ལས་ལྟུང་བ་གང་ཡང་རུང་བ་ཞིག་བྱུང་བ་མ་ཡིན་ནམ་ཞེས་སོ། །རྒྱུ་ལས་བཟློག་པའི་ཆད་པ་ཁས་མི་ལེན་པ་དག་རབ་ཏུ་བྱུང་#བ་དང་བསྙེན་པར་རྫོགས་པར་མི་བྱའོ་ཞེས་བྱ་བ་ལ། རྒྱུ་ལས་བཟློག་པའི་ཞེས་བྱ་བ་ནི་རྒྱུ་གང་གིས་འཐབ་རྩོད་བྱེད་པ་ཉིད་ལ་སོགས་པས་བསྡིགས་པ་ལ་
[23b.2]སོགས་པའི་ནན་ཏུར་གྱི་ལས་བྱེད་པར་འགྱུར་བ་དེ་བཟློག་པ་ནི་འཐབ་རྩོད་བྱེད་པ་ཉིད་ལ་སོགས་པ་མ་ཡིན་པའོ། །ཆད་པ་ཁས་མི་ལེན་པ་ནི་སྒྲུབ་#པར་བྱེད་པ་#བཞིན་པ་མ་ཡིན་པའོ། །བསྙེན་པར་རྫོགས་ན་བཟོད་པ་གསོལ་ཟིན་པ་ཡིན་ནོ་ཞེས་བྱ་བ་ནི་མི་བཟོད་པ་བསྙེན་པར་མ་རྫོགས་པ་
[23b.3]རྣམས་བསྙེན་པར་རྫོགས་པ་ཉིད་བཟོད་པ་ཉིད་ཀྱི་ཕྱིར་སླར་བཟོད་པ་གཞན་ནི་བྱ་བ་མ་ཡིན་ནོ། །བཟོད་པ་ཞེས་བྱ་བ་ནི་བཟོད་པར་བྱ་བའོ#། །བཙུན་པ་དགེ་སློང་དག་བསྡིགས་པའི་ལས་བགྱིས་ནས་རེ་ཞིག་བསྙེན་པར་རྫོགས་པར་བགྱིད་#ན་བསྙེན་པར་རྫོགས་ཞེས་བགྱི་འམ། བསྙེན་པར་མ་
[23b.4]རྫོགས་ཞེས་བགྱི། ཉེ་བ་འཁོར་བསྙེན་པར་རྫོགས་པ་#ཞེས་བྱ་སྟེ། བསྙེན་པར་རྫོགས་པར་བྱེད་པ་དག་ལ་ནི་འགལ་ཚབས་ཅན་དུ་འགྱུར་ལ། བཟོད་པ་ནི་གསོལ་ཟིན་པ་ཞེས་བྱ་བའོ་#ཞེས་བྱ་བ་ནི་གླེང་གཞི་དག་ལས་གསུངས་སོ། །གལ་ཏེ་བསྙེན་པར་རྫོགས་ནས་ཁས་མི་ལེན་པ་ནི་
[23b.5]ཚོགས་པ་ཡོད་ན་ཡང་ཆད་པས་བཅད་དོ་ཞེས་བྱ་བ་ནི་བསྙེན་པར་རྫོགས་ནས་ནི་#འཐབ་ཀྲོལ་མི་བྱེད་པ་ཉིད་ལ་སོགས་པ་རྒྱུ་བཟློག་པ་གལ་ཏེ་ཁས་མི་ལེན་ན་ཚོགས་པ་ཡོད་པ་ན་ཡང་ཆད་པའི་ལས་བྱའོ་ཞེས་བྱ་བའི་དོན་ཏོ། །གལ་ཏེ་མ་མཐོང་ངོ་ཞེས་བརྫུན་ཟེར་ན་ལྟུང་བྱེད་དོ་ཞེས་བྱ་བ་ནི་ལྟུང་
[23b.6]བ་བདག་གིས་མ་མཐོང་ཞེས་བྱ་བ་གལ་ཏེ་བརྫུན་ཟེར་ན་ལྟུང་བར་བྱེད་པ་འདིའི་ལྟུང་བྱེད་དོ། །འདི་ལྟ་བུའི་རིགས་ཅན་གྱི་བརྫུན་དུ་སྨྲ་བ་རྣམས་ལ་ལྟུང་བྱེད་མེད་པར་དོགས་#པར་བྱ་བ་མ་ཡིན་ནོ། །ལག་རྡུམ་དག་དང་རྐང་རྡུམ་དང་། །ལག་སོར་ཟླུམ་པོར་འཇས་#པ་དང་། །མཆུ་མེད་ལུས་ལ་
[23b.7]རྨ་མཚན་ཅན། །རྒན་ཆེས་པ་དང་གཞོན་ཆེས་དང་། །འཐེང་པོ་སྨད་འཆལ་ཞར་བ་དང་། །ལག་སོར་རྡུམ་རྒུར་#མིའུ་ཐུང་དང་། །ལྦ་བ་ལྐུགས་པ་འོན་པ་དང་། །རྟེན་འཕྱེ་དང་ནི་རྐང་བམ་དང་། །བུད་མེད་ཀྱིས་དུབ་ཁུར་གྱིས་དུབ། །མི་གང་ལམ་གྱིས་དུབ་རྣམས་དང་། །ཡ་ཟ་མ་ལུག་
[24a]
[24a.1]གཏའ་གམ་དང་། །དེ་ལྟ་བུ་ཡི་མི་རྣམས་ནི། །དྲང་སྲོང་ཆེན་པོས་དགག་པར་མཛད། །མཛེས་པ་རབ་ཏུ་དབྱུང་བ་དང་། །ཡོངས་སུ་དག་པ་བསྙེན་རྫོགས་པར། །རྫོགས་སངས་རྒྱས་ཀྱིས་རབ་མཁྱེན་ཏེ། །བདེན་པའི་མཚན་གྱིས་བཀའ་སྩལ་ཏོ། །ཞེས་བྱ་བ་
[24a.2]ལ། ལག་རྡུམ་ཞེས་བྱ་བ་ནི་ནོར་བུ་འཆིང་བ་ནས་བཟུང་ནས་གང་རྣམས་ཀྱི་ལག་རྡུམ་མོ། །རྐང་རྡུམ་ཞེས་བྱ་བ་ནི་གང་རྣམས་ཀྱི་#ལོང་བུ་མན་ཆད་ཆད་པ་དེ་རྣམས་ནི་རྐང་རྡུམ་མོ། །གང་རྣམས་ཀྱི་#ལག་པའི་སོར་མོ་སྦྲུལ་གྱི་གདེངས་ཀ་འདྲ་བ་དེ་རྣམས་ནི་ལག་སོར་ཟླུམ་པོར་འཇས་#པའོ། །
[24a.3]གང་རྣམས་ཀྱི་མཆུ་གཉིས་མེད་པ་དེ་རྣམས་ནི་མཆུ་མེད་པའོ། །གང་རྣམས་ཀྱི་ལུས་ལ་རྨ་མཚན་#ཡོད་པ་དེ་ནི་རྨ་མཚན་ཅན་ཏེ། ལག་པ་ལ་སོགས་པ་བྲིས་པ་ནི་རྨ་མཚན་ཅན་ཡིན་ཏེ་རྒྱུན་གྱིས་བྲབས་པ་དང་འདྲ་བར་ཞེས་བྱ་བ་ལ་སོགས་པ་རྣམས་སོ། །རྒན་ཆེས་པ་ཞེས་བྱ་བ་
[24a.4]ནི་#བརྒྱ་ལོན་པ་ལ་སོགས་པ་རྣམས་སོ། །གཞོན་ཆེས་པ་ཞེས་བྱ་བ་ནི་བྱ་རོག་སྐྲོད་མི་ནུས་པ་ལོ་བདུན་མ་ལོན་པ་རྣམས་སོ། །འཐེང་པོ་ནི་རྐང་པ་(འཐིང་,འཐེང་)ཞིང་འགྲོ་བ་རྣམས་སོ། །སྨད་འཆལ་བ་ནི་བརླའི་ཕྱོགས་སུ་རླུང་བྱ་རྒོད་འགྲོས་ཀྱིས་#ཀུན་དུ་ཉམས་པར་གྱུར་པའོ། །ཞར་བ་
[24a.5]ནི་མིག་ཡ་གཅིག་པའོ། །སོར་མོ་རྡུམ་པ་ནི་གང་གི་མཁྲིག་མའི་#ཕྱོགས་ན་མཚན་མ་ཙམ་གྱི་ལག་པ་ཡོད་ཅིང་ཅུང་ཟད་ཀྱང་བྱེད་མི་ནུས་པའོ། །ལྦ་བ་ཅན་ནི་མགྲིན་པ་ལྦ་བ་ཅན་གང་ལ་ཡོད་པ་དེ་ནི་ལྦ་བ་ཅན་ནོ། །ལྐུགས་པ་ནི་སྨྲ་མི་ནུས་པའོ། །རྟེན་འཕྱེ་#ནི་གང་རྟེན་དག་ལ་ལག་པ་གཉིས་སོ་སོར་
[24a.6]བཞག་ནས་གཟུགས་བཞིས་ཕྱེ་#བའོ། །མིང་གཉིས་པ་ནི་གྲུམ་པོ་ཞེས་ཀྱང་བྱའོ། །བུད་མེད་ཀྱིས་དུབ་པ་ནི་བུད་མེད་རྣམས་ཤས་ཆེར་བསྟེན་པས་སྟོབས་ཟད་པ་སྟེ། གང་གི་ལུས་མི་བདེ་བ་བུད་མེད་ཀྱིས་དུབ་པའོ། །དེ་བཞིན་དུ་མི་བཟོད་པའི་ཁུར་ཐོགས་པའི་ཕྱིར་དང་། ལམ་དུ་འགྲོ་བ་
[24a.7]དྲགས་པའི་ཕྱིར་རིམ་པ་ཇི་ལྟ་བ་བཞིན་དུ་ཁུར་གྱིས་དུབ་པ་དང་ལམ་གྱིས་དུབ་པ་རྣམས་སོ། །ཡ་ཟ་མ་ལུག་ནི་གང་རྣམས་ཀྱིས་ཇི་ལྟར་ཟོས་པ་དག་མ་ཞུ་བ་ཕྱིར་འབྱུང་བའོ། །ཁ་ཅིག་ནི་འདི་སྐད་ཅེས་ཟེར་ཏེ་གང་གིས་འགྲོ་བ་བཅིངས་པས་ཉམས་པ་བཅིངས་པ་ལས་གྲོལ་ཡང་བཅིང་#
[24b]
[24b.1]པ་བཞིན་དུ་ཡོངས་སུ་འགྲོ་བར་བྱེད་པ་དང་། གང་རྣམས་ལང་ཚོ་ལ་བབ་པ་ཁོ་ནར་ནད་ལ་སོགས་པས་དེ་ལྟར་མི་ནུས་པ་ཉིད་བྱས་པ་མཐུག་པ་དང་རབ་ཏུ་སྟོབས་དང་ལྡན་པའི་#རྒས་པས་ཉེ་བར་གདུངས་པ་ལྟར་བྱ་བ་ཐམས་ཅད་མི་ནུས་པ་དེ་རྣམས་ནི་གཏའ་གམ་སྟེ། འབྱུང་བ་བཞིན་དུ་དེ་
[24b.2]རྣམས་ཀྱི་#ལང་ཚོ་མ་ཉམས་པ་ཞེས་བྱ་བའི་དོན་ཏོ། །བསྡུ་བར་བྱ་བའི་སྐབས་རྫོགས་ཏེ། རབ་ཏུ་བྱུང་བའི་གཞི་རྫོགས་སོ།། །།#བཀོལ་བ་རྒྱལ་པོས་བཀྲབས་པའོ། །རྒྱལ་པོས་མ་གནང་བ་ཡུལ་ཐག་མི་རིང་བའོ་ཞེས་བྱ་བ་ལ། ཁྱོད་རྒྱལ་པོས་བཀྲབས་པ་མ་ཡིན་
[24b.3]ནམ་ཞེས་བྱ་བ་རབ་ཏུ་འབྱུང་བ་ཉིད་ཉེ་བར་འོངས་པ་ལ་#དྲི་བར་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱིས་ཀྱང་རྒྱལ་པོས་བཀྲབས་པ་རྒྱལ་པོས་མ་གནང་བ་ཡུལ་ཐག་མི་རིང་བ་ཉིད་#རབ་ཏུ་དབྱུང་བ་དང་བསྙེན་པར་རྫོགས་པར་མི་བྱ་ཞེས་བྱ་བའོ། །གང་ཞིག་རབ་ཏུ་བྱུང་བའི་གཞི་ལ་མ་
[24b.4]བཟུང་བ་དེ་ལ་འདིས་སྟོན་པར་བྱེད་པའོ། །གང་ཞིག་རྒྱལ་པོ་དེའམ་དེའི་རྗེ་བོ་ལ་རྣམ་པར་རྒྱལ་བ་དེ་དེ་ལས་གང་ཡང་རུང་བའི་གྲོགས་པོ་ལ་གང་ཞིག་དེའི་ཚིག་གིས་འབྲེལ་པ་དེ་ནི་འདིར་ཡུལ་ཐག་མི་རིང་བའོ། །བཀོལ་པ་ཆོམ་རྐུན་པར་གྲགས་པའོ་ཞེས་བྱ་བ་ནི་རྒྱལ་པོས་མ་གནང་བ་
[24b.5]ཡུལ་ཐག་མི་རིང་བ་ཞེས་བྱ་བ་འདི་བཟློག་པའི་དོན་དུ་སླར་བཀོལ་བའི་ཚིག་སྟེ། ཁྱོད་ཆོམ་རྐུན་པར་གྲགས་པ་མ་ཡིན་ནམ་ཞེས་བྱ་བ་རབ་ཏུ་འབྱུང་བའི་དོན་དུ་ཉེ་བར་འོངས་པ་ལ་དྲི་བར་བྱ་ཞིང་བསྙེན་པར་རྫོགས་པར་བྱེད་པ་རྣམས་ཀྱིས་ཀྱང་དྲི་བར་བྱ་སྟེ། ཆོམ་རྐུན་པར་གྲགས་པ་རབ་ཏུ་
[24b.6]དབྱུང་བ་དང་བསྙེན་པར་རྫོགས་པར་མི་བྱའོ། །ཆོ་ག་འདི་ཙམ་ཉིད་ཀྱིས་འདིར་འབྱུང་བའོ། །ཆོམ་རྐུན་པར་གྲགས་པ་ནི་རྒྱལ་མཚན་བཅིངས་པའོ། །གང་དུ་གང་ལ་རབ་ཏུ་གྲགས་པར་གྱུར་པ་ཉིད་མ་ཡིན་པ་དེར་དེ་ལ་རྒྱལ་མཚན་བཅིངས་པ་ཉིད་དོ། །ཤིང་རྟ་བྱེད་པ་དང་། ལྷམ་
[24b.7]མཁན་དང་། གདོལ་པ་དང་། གཡུང་པོ་དང་། དེ་ལྟ་བུ་རབ་ཏུ་དབྱུང་བར་མི་བྱའོ་ཞེས་བྱ་བ་ལ། ཤིང་རྟ་བྱེད་པ་ནི་ལྷམ་མཁན་ནོ། །དེ་ལྟ་བུ་ཞེས་བྱ་བ་ནི་ཟན་བཟའ་བར་མི་བྱ་བ་སྟེ། དགེ་ཚུལ་ཉིད་དང་སློབ་པ་ཉིད་ཀྱིས་བསྙེན་པར་རྫོགས་པར་འོས་པ་མ་ཡིན་པ་ཉིད་ཤིང་རྟ་མཁན་
[25a]
[25a.1]ལ་སོགས་པ་རྣམས་ལ་རབ་ཏུ་དབྱུང་བ་མ་ཡིན་པ་ཉིད་ཀྱི་རྒྱུ་མཚན་ནོ། །དེ་བས་ན་འདི་རྣམས་ལ་ཡང་མི་བྱ་བ་ཉིད་དུ་སྟོན་པའོ། །ལག་རྡུམ་ལ་སོགས་པ་ནི་མཚོན་པ་ཡིན་ནོ་ཞེས་བྱ་བ་ནི་གང་ཞིག་འདིར་རབ་ཏུ་དབྱུང་བའི་གཞི་ལས་ལག་རྡུམ་དང་རྐང་རྡུམ་#ལ་སོགས་
[25a.2]པ་བརྗོད་པ་དེ་ནི་མཚོན་པར་རིག་པར་བྱ་སྟེ། ཡོངས་སུ་བགྲང་བ་ནི་མ་ཡིན་ནོ། །ད་ནི་གང་རྣམས་ཀྱིས་འདི་འཚོད་#པ་དེ་རྣམས་ཉེ་བར་དགོད་པར་བྱེད་དེ། སྐྲ་སེར་དང་ནི་སྐྲ་སེར་སྐྱ། །དེ་བཞིན་སྐྲ་ནི་ལྗང་གུ་#ཁ། །མི་རྣམས་སྐྲ་ནི་དཀར་བ་དང་། །གླང་ཆེན་སྐྲ་འདྲ་སྐྲ་མེད་དང་། །མགོ་
[25a.3]འབར་འབུར་ཅན་གླང་པོ་ཆེ། །ཧ་ཅང་སྦོམ་དང་ལུས་གླེབས་འདྲ། །བང་བུ་ཕག་གི་མགོ་ལྟ་བུ། །མགོ་གཉིས་པ་དང་མགོ་#ཆུང་དང་། །གླང་ཆེན་རྣ་འདྲ་རྟ་རྣ་འདྲ། །བ་གླང་#རྣ་འདྲ་སྤྲེའུ་རྣ་འདྲ། །བོང་བུའི་རྣ་འདྲ་ཕག་རྣ་འདྲ། །རྣ་གཅིག་པ་དང་#རྣ་མེད་དང་། །མིག་དམར་ཧ་ཅང་
[25a.4]མིག་ཆེ་དང་། །མིག་#ཆུང་མིག་ནི་#ཧ་ཅང་སེར། །ཤེལ་མིག་མིག་ནི་ཆུ་བུར་འདྲ། །མིག་གཅིག་པ་དང་མིག་མེད་དང་། །གླང་ཆེན་སྣ་འདྲ་རྟ་སྣ་འདྲ། །བ་གླང་#སྣ་འདྲ་སྤྲེའུ་སྣ་འདྲ། །བོང་བུའི་སྣ་འདྲ་ཕག་སྣ་འདྲ། །སྣ་སྦུབས་གཅིག་དང་སྣ་མེད་དང་། །གླང་ཆེན་ཀོས་འདྲ་རྟ་ཀོས་
[25a.5]འདྲ། །བ་གླང་#ཀོས་འདྲ་སྤྲེའུ་ཀོས་འདྲ། །བོང་བུའི་ཀོས་འདྲ་ཕག་ཀོས་འདྲ། །ཀོས་སྨྱུང་དང་ནི་ཀོས་མེད་དང་། །གླང་ཆེན་སོ་འདྲ་རྟ་སོ་འདྲ། །བ་གླང་#སོ་འདྲ་སྤྲེའུ་སོ་འདྲ། །བོང་བུའི་སོ་འདྲ་ཕག་སོ་འདྲ། །སོ་གཅིག་པ་དང་སོ་མེད་དང་། །མགུལ་རིངས་ཆེས་དང་མཇིང་ནུབ་དང་། །
[25a.6]ཕྲག་མིག་དང་ནི་ཆེས་སྒུར་དང་། །ཕོ་མཚན་ཆད་དང་རླིག་རླུགས་དང་། །རླིག་གཅིག་པ་དང་རླིག་མེད་དང་། །ཧ་ཅང་རིང་དང་ཧ་ཅང་ཐུང་། །སྐེམ་པོ་མ་འོས་ངལ་སྐྱེན་དང་། །ཤ་མདོག་ཁ་དོག་རྣམ་བཞི་དང་། །དེ་བཞིན་གྱོལ་པོ་ལུས་ཉམས་པའོ། །རྣམ་པ་དེ་ལྟ་བུ་དག་གི་དགག་པ་དེ་ཡང་རབ་ཏུ་
[25a.7]གཟུང་བར་བྱའོ། །དེ་ཞེས་བྱ་བ་ནི་ལག་རྡུམ་དང་རྐང་རྡུམ་ཞེས་བྱ་བ་ལ་སོགས་པའོ། །རྣམ་པ་དེ་དང་དེ་ལྟ་བུ་རྣམས་ཀྱི་དགག་པ་དེ་ཡང་རབ་ཏུ་གཟུང་ཞེས་བྱ་བ་ནི་གཟུང་བར་བྱ་ཞེས་བྱ་བའི་དོན་ཏོ། །གང་རྣམས་ཀྱི་སྐྲ་ཡུང་བས་བཙོས་པ་ལྟ་བུ་དེ་དག་ནི་སྐྲ་སེར་ཅན་ནོ། །སྐྲ་སེང་གེའི་ལྟ་བུ་རྣམས་
[25b]
[25b.1]ནི་སྐྲ་སེར་སྐྱ་ཅན་ནོ། །གང་རྣམས་ཀྱི་སྐྲ་རམས་ཀྱིས་ཁ་བསྒྱུར་བ་ལྟ་བུ་དེ་རྣམས་ནི་སྐྲ་ལྗང་གུའོ#། །གང་རྣམས་ཀྱི་སྐྲ་སྐྱེས་པ་ཉིད་ཀྱིས་དཀར་བ་དེ་རྣམས་ནི་དཀར་བའི་སྐྲ་ཅན་ཏེ། རྒས་པར་གྱུར་པ་ནི་མ་གཏོགས་སོ། །གང་རྣམས་ཀྱི་སྐྲ་གླང་པོ་ཆེའི་ལྟ་བུ་རྣམས་ནི་གླང་པོ་ཆེའི་སྐྲ་སྟེ་གླང་པོ་ཆེའི་
[25b.2]སྤུ་འདྲ་བ་རྣམས་ཡིན་ནོ། །གང་རྣམས་ཀྱི་མགོ་སྐྲ་མེད་ཅིང་ཟངས་མའི་སྣོད་ལྟར་འཇམ་པ་དེ་རྣམས་ནི་སྐྲ་མེད་པའོ། །གང་གི་མགོ་སུལ་གསུམ་མམ་#བཞི་པ་དག་#རྣམས་ཀྱི་མཐོན་དམན་དུ་སྣང་བ་དེ་ནི་མགོ་འབར་འབུར་#ཅན་ནོ། །གང་རྣམས་ཀྱི་ལུས་གླེབས་པ་འདྲ་བར་རྒྱ་ཆེ་བ་ཉིད་ཀྱིས་སོ་སོ་
[25b.3]དང་། འདྲ་བར་བསྡུས་པ་དེ་རྣམས་ནི་ལུས་#གླེབས་པ་ཅན་ནོ། །གང་གི་མིག་དག་ཧ་ཅང་ཆུང་ཞིང་ཟླུམ་པ་དེ་ནི་མིག་ཆུང་བའོ། །མགོ་བོ་ནང་དུ་ཞུགས་པ་ཉིད་ཀྱི་ཕྱིར་#ཕྲག་པའི་སྐབས་སུ་གང་ལ་མིག་དག་ཡོད་པ་དེ་ནི་ཕྲག་མིག་ཅན་ནོ། །ཕོ་མཚན་ནི་གཅི་བ་འབྱུང་བ་སྟེ། གང་གི་ཆད་
[25b.4]པ་དེ་ནི་ཕོ་མཚན་ཆད་པའོ། །གང་རྣམས་ཀྱི་བྱ་བ་ཆུང་བས་ཀྱང་ཁྱད་པར་ཅན་གྱི་#ངལ་བ་བསྐྱེད་པ་དེ་རྣམས་ནི་ངལ་བ་སྐྱེན་པའོ། །རང་གི་ཤ་མདོག་བཞི་རྣམས་ཀྱིས། །ཞེས་བྱ་བ་ནི་སྔོ་བ་དང་། སེར་བ་དང་། དམར་བ་དང་། དཀར་བ་རྣམས་ཀྱིས་ཏེ། འདིས་ནི་རུས་སྦལ་#བརྗོད་པའོ། །
[25b.5]གང་ཞིག་དེ་ལྟ་བུའི་རྣམ་པ་ཅན་ཁ་དོག་གི་བྱེ་བྲག་རྣམས་ལ་སྨད་པའི་ངོ་བོ་དེ་རྣམས་ལ་#འདི་བཀག་པ་སྟེ། གང་ཞིག་ལྷ་རྣམས་ཀྱི་དང་འདྲ་བར་ཤིས་པའི་ངོ་བོ་ཅན་དེ་རྣམས་ནི་མ་ཡིན་ནོ། །དེ་ལྟར་རེ་ཞིག་འདི་ལྟ་བུ་རྣམས་ལ་རབ་ཏུ་བྱུང་བ་ལ་སོགས་པ་བཀག་ཟིན་ཏོ། །རབ་ཏུ་བྱུང་བ་དང་
[25b.6]བསྙེན་པར་རྫོགས་པ་འདི་རྣམས་ལ་ཡང་བསྡུ་བར་མི་བྱ་ཞེས་བྱ་བ་ཉེ་བར་སྟོན་པར་བྱེད་ཅིང་རིགས་དང་ལུས་ལ་སྐྱོན་ཆགས་པ་རབ་ཏུ་བྱུང་བ་ནི་ཉེ་བར་གཞག་པར་མི་བྱའོ་ཞེས་བྱ་བ་སྨོས་ཏེ། རིགས་ལ་སྐྱོན་ཆགས་པ་ཤིང་རྟ་མཁན་པོ་ལ་སོགས་པ་ཟན་བཟའ་བར་མི་བྱ་བ་རྣམས་སོ། །ལུས་
[25b.7]ལ་སྐྱོན་ཆགས་པ་ནི་དབྱིབས་དང་ཁ་དོག་ལས་ཏེ་ལག་རྡུམ་ལ་སོགས་པའོ། །ཉེ་བར་གཞག་པར་མི་བྱ་བ་ནི་གནས་སྦྱིན་པ་གཅིག་པུར་མ་ཟད་ཀྱི་#གནས་ཁང་གི་ཡང་ནང་དུ་མི་སྦྱིན་པ་དང་རྗེས་སུ་འབྲང་བའི་འཁོར་ཉིད་ཀྱིས་སོ། །དེ་ལྟར་ཡང་དགེ་སློང་གིས་#འཁོར་སུན་འབྱིན་པའི་འཁོར་
[26a]
[26a.1]ཉེ་བར་གཞག་པར་མི་བྱ་སྟེ། ཉེ་བར་འཇོག་པར་འགྱུར་#ན་འགལ་ཚབས་ཅན་དུ་འགྱུར་རོ་ཞེས་གསུངས་ན། ཇི་ཙམ་གྱིས་ན་འཁོར་སུན་འབྱིན་པའི་འཁོར་ཡིན་པར་བརྗོད་པར་བྱ་ཞེ་ན། རིགས་ལས་དང་ཁ་དོག་ལས་དང་དབྱིབས་ལས་ཏེ། ཇི་ལྟར་རིགས་ལས་
[26a.2]ཤེ་#ན་ཤིང་རྟ་མཁན་དང་གདོལ་པ་དང་གཡུང་པོའི་རིགས་ལས་སོ། །ཇི་ལྟར་རིགས་དང་དབྱིབས་ལས་ཤེ་#ན་སྐྲ་སེར་ཞེས་བྱ་བ་ལ་སོགས་པ་འདིར་སྨོས་སོ། །དུ་མ་མཁན་པོ་གཅིག་པས་གསུམ་མན་ཆད་ཚིག་གཅིག་གིས་བསྙེན་པར་རྫོགས་པར་བྱར་རུང་ངོ་ཞེས་བྱ་བ་ལ། དུ་མ་
[26a.3]ཞེས་བྱ་བ་ནི་གཉིས་ལ་སོགས་པའོ། །མཁན་པོ་གཅིག་པ་འདི་ལ་ཡོད་པས་ན་མཁན་པོ་གཅིག་པ་སྟེ་དེ་ལའོ། །ཚིག་གཅིག་གིས་ཞེས་བྱ་བ་ནི་གསོལ་བ་གཅིག་གིས་སོ། །དུ་མ་ཇི་ཙམ་གྱིས་ཤེས་ཤེ་ན། འདིར་གསུམ་མན་ཆད་ཅེས་སྨོས་ཏེ་གསུམ་མན་ཆད་རིགས་པ་ཡིན་གྱི་#
[26a.4]གཞན་ནི་མ་ཡིན་ཞེས་བྱ་བའི་དོན་ཏོ། །ལུང་ལས་ཀྱང་། ཚོགས་ཀྱིས་ཚོགས་ཀྱི་ལས་རྣམས་མི་བྱའོ་ཞེས་གསུངས་པ་#ལ། ཁ་ཅིག་ནི་མཁན་པོའི་བྱེ་བྲག་ཁས་བླངས་པའི་གཞུང་འདི་ལ་བྱེད་པ་ཡིན་ནོ། །ཉེ་བ་འཁོར་གྱིས་ཞུས་པ་ལས་ཀྱང་། བཙུན་པ་དུས་གཅིག་དང་སྐད་ཅིག་ཉིད་
[26a.5]ལ་ལས་བྱེད་པ་པོ་གཅིག་ཅིག་#གིས་གསོལ་བ་གཅིག་གིས་ལས་གཉིས་བགྱི་བ་དང་བགྱིས་པར་བརྗོད་པ་དང་། དགེ་འདུན་ཡང་དེས་འགལ་ཚབས་ཅན་དུ་མི་འགྱུར་བ་མཆིས་སམ། ཉེ་བ་འཁོར་ཡོད་དེ། དེ་#ལས་བྱེད་པ་པོའི་དགེ་སློང་སྟོབས་དང་ལྡན་པར་གྱུར་ན་མཁན་པོ་རྣམས་
[26a.6]དང་། བསྙེན་པར་རྫོགས་པར་འདོད་པ་རྣམས་ཀྱི་མིང་ཡོངས་སུ་བརྗོད་ནུས་ཤིང་གསོལ་བ་ཉམས་པར་མི་འགྱུར་བ་#ལས་ཀྱང་བྱེད་ནའོ་ཞེས་བྱ་བ་ལ་སོགས་པ་གསུངས་སོ། །འཕགས་པ་ཉེ་བ་འཁོར་དགེ་ཚུལ་སྦྱིན་བྱེད་དང་སྐྱོང་བྱེད་མཉེས་གཤིན་པ་དང་བཅས་པ་དེ་གཉིས་ཕན་ཚུན་
[26a.7]སེམས་རྗེས་སུ་བསྲུངས་པས་ཅིག་ཅར་བསྙེན་པར་རྫོགས་པར་བྱ་བ་ཡིན་ཏེ། དེ་བས་ན་སོ་སོར་བསྙེན་པར་རྫོགས་པར་མི་བྱའོ། །རྒྱུ་འདིས་མཁན་པོ་གཅིག་གིས་དུ་མ་བསྙེན་པར་རྫོགས་པར་གནང་བ་ལ་རྒྱུ་འདི་ལས་མཁན་པོ་གཅིག་ལ་དུ་མ་ཁས་ལེན་པ་འདི་ནི་གླེང་གཞི་ལས་
[26b]
[26b.1]མཐོང་བ་ཡིན་ཏེ། དེ་བས་ན་དེ་ལྟར་ཁས་མ་#བླངས་པ་ལ་འདི་ཡང་དགོས་པ་མ་ཡིན་ནོ། །དུས་མཉམ་པ་རྣམས་ནི་གཅིག་ལ་གཅིག་ཕྱག་#མི་བྱའོ་ཞེས་བྱ་བ་ནི་དུས་གཅིག་ཏུ་ལས་གཅིག་བརྗོད་པས་བསྙེན་པར་རྫོགས་པའམ། སོ་སོར་བསྙེན་པར་རྫོགས་པ་གང་དག་གིས་དུས་མཉམ་
[26b.2]པ་དེ་རྣམས་ལ་ཕན་ཚུན་དུ་ཕྱག་བྱེད་པ་མེད་པ་སྟེ། ཕྱག་ཅེས་བྱ་བ་ནི་ཕྱག་གོ། །སྔར་འོངས་པ་དང་པོ་ཡིན་ནོ་ཞེས་བྱ་བ་ནི་དུས་མཉམ་པ་རྣམས་ཀྱང་རྙེད་པ་དང་ལས་སུ་བསྐོ་བ་དང་ལྡན་པ་ལ་སོགས་པའི་གནས་གང་ཞིག་ལ་དང་པོ་འོངས་པ་དེ་ལ་རྙེད་པ་བླངས་པ་#ལ་དང་པོ་ཉིད་དེ། ཇི་ལྟར་
[26b.3]འོངས་པས་རྙེད་པ་བླང་བར་བྱའོ་ཞེས་གསུངས་པའི་ཕྱིར་རོ། །ལས་སུ་བསྐོ་བ་ལ་གང་ཞིག་ཕྱིས་འོངས་པ་དེས་དང་པོར་བྱ་བ་ཉིད་དེ། ཕྱིས་འོངས་པས་ལས་སུ་བསྐོ་བ་དང་པོ་ཞེས་བྱ་བ་ཞེས་གསུངས་པའི་ཕྱིར་རོ། །དོན་ནི་འདི་ཡིན་ཏེ། རྙེད་པ་བླང་བ་ལ་དང་པོར་#གནས་ཡང་དག་པར་ཐོབ་
[26b.4]པ་ལ་དང་པོ་ཉིད་དེ་ལས་སུ་བསྐོ་བར་བྱེད་པ་ལ། ཕྱིས་གནས་ཡང་དག་པར་ཐོབ་པ་ལ་དང་པོ་ཉིད་ཅེས་བྱ་བའོ། །དགོན་པ་བས་སྐྲ་སོར་གཉིས་ལས་ལྷག་པར་མི་གཞག་གོ། །གྲོང་མཐའ་བས་ནི་དེའི་འོག་མ་ཉིད་ལས་མི་གཞག་གོ་ཞེས་བྱ་བ་ལ་#འོག་མའི་དངོས་པོ་ནི་#འོག་མ་ཉིད་དེ། སོར་གཉིས་
[26b.5]པོ་འདིའི་འོག་གི་དངོས་པོ་ལས་ལྷག་པར་སོར་ཕྱེད་དང་གཉིས་ཀྱི་ཚད་ཉིད་ཡང་དག་པར་ཐོབ་པ་སྟེ། ཇི་སྲིད་དུ་གཞག་པར་མི་བྱ་ཞེས་བྱ་བ་འདིར་ཤེས་པར་འགྱུར་ཞེས་བྱ་བར་རིག་པར་བྱའོ། །འདིར་གཞུང་ནི། དགེ་སློང་དགོན་པ་བས་སྐྲ་སོར་གཉིས་སུ་གཞག་པར་བྱ་ལ། གྲང་མཐའ་བས་ནི་དེའི་
[26b.6]འོག་མའོ་ཞེས་གསུངས་སོ། །ཁ་ཅིག་ནི་སོར་གཉིས་བསྐོར་བ་ཞེས་བྱ་བ་སོར་གཉིས་ཀྱི་གནས་ལ་སྨྲ་བ་ཡིན་ཏེ། གལ་ཏེ་འདོན་པ་འདི་ལ་སོར་གཉིས་པའི་ཚད་ཀྱིས་བསྐོར་#བ་གང་རྣམས་ཞེས་བྱ་བའི་དོན་ཏེ། སྔོན་གྱི་འདོན་པ་ལས་དོན་གཞན་ཉིད་ནི་མ་ཡིན་ནོ། །འོན་ཏེ་སོར་གཉིས་པ་བསྐོར་#བ་ཡིན་ན་#ནི་
[26b.7]རིགས་པ་མ་ཡིན་ཏེ། འདི་ཙམ་རིང་པོ་ཉིད་ལ་རྟགས་མི་གནང་བར་གྱུར་པ་ཉིད་ཀྱི་ཕྱིར་དང་། གླེང་གཞིའི་#སྐྱོན་གང་གིས་ཀྱང་བསླབ་པའི་གཞི་འདི་བརྟགས་པ་དེའི་སྐྱོན་ལས་བྱུང་བ་ལ་ཡང་གནས་སྐབས་དེ་ཉིད་ཀྱི་ཕྱིར་རོ། །གང་གི་ཕྱིར་སོར་ལྔ་ལས་ལྷག་པའི་ཚད་ནི་འདི་ཡིན་ཏེ། རབ་ཏུ་བྱུང་
[27a]
[27a.1]བའི་དུས་ན་འབྱུང་བའི་སྐྲ་བྲེག་པའི་ཆོ་ག་ལས་གཞན་དུ་ཡང་སྐྲ་བྲེག་པ་ལ་སོགས་པ་ལ་བྱ་བ་ཉིད་དུ་རིགས་པ་ཡིན་ཏེ། དེ་བས་ན་གནས་འདི་ལ་རྣམ་པར་ཞུགས་པའོ། །སྐྲ་བ་ལང་གི་#འདྲ་བར་མི་བྲེག་གོ། །རྨའི་ཐན་ཀོར་ནི་མ་གཏོགས་སོ། །གཙུག་ཕུད་བྱེད་དུ་མི་གཞུག་
[27a.2]གོ། །མདོམས་#ཀྱི་སྤུ་བྲེག་ཏུ་མི་གཞུག་གོ་ཞེས་བྱ་བ་ནི་བྱེད་དུ་མི་གཞུག་གོ་ཞེས་བྱ་བ་དང་རྗེས་སུ་འབྲེལ་ལོ། །མདོམས་#གྱི་(ཀྱི་)ཕྱོགས་ནི་གསང་བའི་གནས་སོ། །རྨའི་ཆེད་དུ་གཞན་གྱིས་མི་འཚོ་ན་མཁས་པ་གནས་བརྟན་གནས་བརྟན་དག་ལ་དྲིས་ཏེ་འབྲེག་ཏུ་གཞུག་གོ་ཞེས་བྱ་བ་ལ། མི་འཚོ་ན་
[27a.3]ནི་གཞན་གྱིས་#ཞེས་བྱ་བ་བཅོམ་ལྡན་འདས་ཀྱིས་གསུངས་པ་བསྐ་བ་ལྔས་བཀྲུ་བར་བྱའོ། །དེའི་འོག་ཏུ་གལ་ཏེ་འཚོ་བར་མ་གྱུར་ན་མདོ་སྡེ་འཛིན་པ་དང་འདུལ་བ་འཛིན་པ་དང་། མ་མོ་འཛིན་པའི་དགེ་སློང་རྣམས་ལ་དྲིས་ཏེ་མདོམས་#ཀྱི་སྤུ་བྲེག་ཏུ་གཞུག་གོ་ཞེས་བྱ་བ་གསུངས་ཏེ། དེ་ནི་འདིར་གཞུང་ཡིན་ནོ། །དེ་ལ་དཔེ་
[27a.4]ཡིན་ཏེ། སྦྱང་བའི་ཆོ་ག་འདི་རིགས་པ་ཡིན་ཞེས་བྱ་བ་རྣམ་པ་གཞན་རྣམས་ཀྱང་གསོ་བར་བྱེད་པ་ལ་བསྡུས་པ་ཡིན་ཏེ། དགེ་སློང་གནས་བརྟན་གནས་བརྟན་དག་ལ་བལྟས་ནས་རྨའི་ཆེད་དམ་སྲོག་ཆགས་རྣམས་ཀྱི་ཆེད་དུ་གནོད་པ་མེད་པའི་ས་ཕྱོགས་སུ་སྤུའི་ལས་བྱེད་དུ་གཞུག་གོ་ཞེས་བྱ་བ་འདིར་
[27a.5]གཞན་རྣམས་ཀྱི་གཞུང་ནི་དེ་ལ་མངོན་སུམ་དུ་རིག་པར་བྱས་པར་གྱུར་པ་ཞེས་བྱ་བ་འདིའི་ལྷག་མའོ། །རྒན་པ་གཉིས་དག་གིས་མངོན་སུམ་པ་ཉིད་ཀྱི་ཚུལ་ཁྲིམས་ཉིད་དང་#ཆོས་འདུལ་#བ་མངོན་པར་ཤེས་པ་ཉིད་ཀྱིས་སོ། །འདི་གཉིས་ཀ་ཡང་ལྟ་བ་སོན་པས་བསྡུས་པའོ། །བསྡུས་པ་ནི་རྣམ་
[27a.6]པར་ཤེས་པའོ། །སྡེ་སྣོད་འཛིན་པ་ཉིད་ཀྱི་ཚིག་ནི་ཤེས་པ་#པོ་ལ་རག་ལུས་པར་ཤེས་སོ། །སྲོགས་#ཆགས་ཀྱི་ཆེད་ནི་འདིར་རྨ་ལ་གནས་པའི་སྲོག་ཆགས་རྣམས་ལ་དགོངས་པར་རིགས་#པ་ཡིན་ཏེ། ཤིག་ལ་སོགས་པའི་དགོངས་པ་ནི་མ་ཡིན་ནོ། །འདི་ལ་ཡང་རྨའི་ཆེད་ཉིད་ཀྱི་ནང་དུ་བསྡུས་#པ་
[27a.7]ཉིད་དེའི་ཕྱིར་མ་བཟུང་ངོ་། །བྱིན་པའི་སྤུ་བྲེག་པ་ཡང་དེའི་ཕྱིར་མ་ཡིན་པར་བྱེད་དུ་མི་གཞུག་གོ་ཞེས་བྱ་བ་ལ། དེའི་ཕྱིར་མ་ཡིན་པ་ནི་རྨའི་ཕྱིར་མ་ཡིན་པའོ། །བྱིན་པའི་སྤུ་བྲེག་པ་ནི་ཡན་ལག་གི་སྤུའོ། །ལུས་གཞན་གྱི་ཡང་མི་བྱའོ་ཞེས་བྱ་བ་ནི་མདོམས་#དང་བྱིན་པ་དག་ལས་གཞན་པའི་ལུས་ནི་
[27b]
[27b.1]མགྲིན་པ་མན་ཆད་གང་ཞིག་ལུས་ཀྱི་ཐ་སྙད་དེ་ལ་#ཡང་སྤུ་བྲེག་པའི་ལས་འདི་བཀག་པའོ། །དེ་བས་ན་འདིར་སྐྲ་དང་ཁ་སྤུ་དག་ལ་ཡང་བྱ་བ་ཉིད་བཀག་པ་མ་ཡིན་ནོ། །སྣའི་སྤུ་བྲེག་པ་ལ་ནི་ཚིག་ཡོད་དེ་དེའི་ཕྱིར་གྲགས་པ་ལ་ཡིད་ཆེས་པའོ། །འདིར་མ་མོའི་གཞུང་ལས་སྐྲ་དང་ཁ་སྤུ་མ་གཏོགས་པ་
[27b.2]དེ་ལས་གཞན་པའི་ཡན་ལག་དང་ཉིང་ལག་རྣམས་ཀྱི་སྤུ་བྲེག་པར་མི་བྱའོ། །གང་ཞིག་འབྲེག་པར་གྱུར་ན་ཉེས་བྱས་ཀྱི་ལྟུང་བར་འགྱུར་རོ་ཞེས་འབྱུང་ངོ་། །སེན་མོ་སྤུ་གྲིའི་སོ་ལྟ་བུ་འམ་#སྟེའུའི་ཁ་ལྟ་བུར་བྲེག་པར་བྱའོ། །དེ་དག་སྤྱིལ་བར་མི་བྱའོ། །དྲི་མ་བསལ་བའི་ཕྱིར་བྲུད་པར་བྱའོ། །ཆོས་གོས་
[27b.3]གྱོན་བཞིན་དུ་སྐྲ་དང་ཁ་སྤུ་བྲེག་པར་མི་བྱའོ་ཞེས་བྱ་བ་ནི་བླ་གོས་ལ་འདིར་གཟུང་བར་བྱའི། མཐང་གོས་ལ་ནི་མ་ཡིན་ནོ། །མཐང་གོས་ཐམས་ཅད་ལ་ནི་མ་ཡིན་ནོ། །དེ་བས་ན་ཆོས་གོས་དང་བླ་གོས་དག་ཉིད་ལ་སྟེ། འདིར་རྙིང་པ་དུས་གཞན་དུ་སྟེང་དུ་བགོས་པ་ལ་རིགས་པ་ཡིན་ནོ་ཞེས་བྱ་བ་
[27b.4]འདིར་བཀག་པའི་རྒྱུ་མཚན་རྣམ་པར་གཞག་པའི་ཕྱིར་རོ། །སྐྲ་བཟེད་བཅང་བར་བྱའོ་ཞེས་བྱ་བ་ནི་སྐྲ་བཟེད་པའི་གོས་བཅང་བར་བྱ་སྟེ། དོན་དེ་ཉིད་ལ་གང་དགོས་པའོ། །འདི་སྐྲ་རྣམས་སོ་སོར་འཛིན་པས་ན་#སྐྲ་བཟེད་དོ་ཞེས་བྱ་བ་ནི་#ངེས་པའི་ཚིག་གོ། །འདི་ཅིའི་ཕྱིར་གོས་ཞེས་བརྗོད་ཅེ་ན།
[27b.5]གོས་འདི་སྐྲ་བཟེད་དུ་བྱིན་གྱིས་བརླབ་པར་བྱའོ་ཞེས་བྱ་བས་བྱིན་གྱིས་བརླབ་#པའི་སྔགས་ལས་གསུངས་པའི་ཕྱིར་རོ། །བགོ་བའི་དོན་དུ་སླར་འདི་ཇི་ལྟར་རྣམ་པར་ཤེས་ཤེ་ན། སླར་དེ་ཉིད་དུ་སྐྲ་རྣམས་ཉེ་བར་བཅང་བའི་དོན་དུ་མ་ཡིན་ཞེས་བྱ་བའོ། །མེད་ན་རྔུལ་གཟན་གྱིས་སོ་ཞེས་བརྗོད་པའི་
[27b.6]ཕྱིར་རོ། །རྔུལ་གཟན་དུ་སྐྲ་བྲེག་པ་ནི་མ་བཀག་པའོ། །མེད་ན་རྔུལ་གཟན་གྱིས་སོ་ཞེས་བྱ་བ་ནི་སྐྲ་བཟེད་པའི་གོས་མེད་ན་རྔུལ་གཟན་གྱོན་པས་སྐྲ་དང་ཁ་སྤུ་དག་བྲེག་པར་བྱའོ། །བཏིང་བར་ཡང་མི་བྱའོ་ཞེས་བྱ་བ་ནི་སྐྲ་དང་ཁ་སྤུ་དག་བྲེག་པར་མི་བྱའོ། །འདིར་གླེང་གཞི་ལ་ཡང་དང་པོ་ཉིད་དུ་སེན་མོ་
[27b.7]བྲེག་པ་ཞེས་བྱ་བའི་ཐ་མར་གཞུང་ནི་འདི་ཡིན་ཏེ། གང་དུ་དགེ་འདུན་ཕྱག་དར་འཕྱག་པར་ཡང་མི་བྱའོ་ཞེས་བྱ་བ་འདི་ནི་གཙུག་ལག་ཁང་གི་#དབང་དུ་བྱས་པ་ཡིན་ནོ། །རྒན་པོ་དང་ནད་པ་དང་རླུང་དང་ཉི་མ་དང་ཆར་པ་དག་ལ་ཁྱམས་ལ་སོགས་པར་བྲེག་ཏུ་གཞུག་པར་#བྱའོ། །ཕྱོགས་དེར་བྱི་དོར་
[28a]
[28a.1]བྱའོ། །བྱི་དོར་བྱ་བ་ནི་སྐྲ་མེད་པ་ཉིད་དང་ཆུ་མེད་པ་ཉིད་དང་། དེ་ཇི་ལྟར་བསྒྲུབ་#པ་དེ་ལྟར་བྱའོ། །སྐྲ་ནི་ཕྱག་དར་ཁྲོད་དུ་དོར། །ཞེས་བྱ་བ་ནི་ཕྱག་དར་ཁྲོད་ཀྱི་ཕྱོགས་སུའོ་ཞེས་བྱ་བའི་དོན་ཏོ། །སེན་མོ་བཅས་#ཡང་དེ་བཞིན་ནོ། །ཞེས་བྱ་བ་ནི་བཏིང་བར་ཡང་#མི་བྱའོ་ཞེས་བྱ་བ་
[28a.2]ལ་སོགས་པ་ལ་འདྲེ་བ་#འདི་ཡིན་ནོ། །སྐྲ་བཟེད་ལ་མཁས་པ་མཛེས་པར་བྱེད་པར་འགྱུར་བས་ལས་བྱ་བར་འགྱུར་རོ། །དེ་བས་ན་འདིར་བཅད་པ་ནི་གང་དུ་དགེ་འདུན་ཕྱག་དར་འཕྱག་པར་#མི་བྱའོ་ཞེས་བྱ་བ་འདི་#ལས་འདའ་བ་ཉིད་དམ་ས་ལ་བྱི་དོར་བྱ་བ་ཉིད་དོ། །སྐྲ་དང་ཁ་སྤུ་བྲེག་པ་སྤང་#བ་འདི་ལ་མི་སྲིད་པར་
[28a.3]རིག་པར་བྱའོ། །དེ་འདོད་ཆགས་དང་བྲལ་བ་མ་ཡིན་ན་དགེ་སློང་མས་འདི་ཞལ་ཏ་མ་བྱས་པར་སྐྱེས་པས་སྐྲ་མི་བྲེག་གོ་ཞེས་བྱ་བ་ལ། འདི་ཞེས་བྱ་བ་ནི་དགེ་སློང་མ་འདོད་ཆགས་དང་བྲལ་བ་མ་ཡིན་པ་ཞེས་བྱ་བའོ། །གལ་ཏེ་འདོད་ཆགས་དང་བྲལ་བར་གྱུར་ན་ལྟུང་བ་མེད་དེ་ཞེས་བྱ་བའི་གཞུང་འདི་ལ་
[28a.4]བྲེག་པར་བྱའོ་ཞེས་བྱ་བ་བྲེག་#པ་ཉིད་འདིར་འདི་ལྟ་བུའི་ཚིག་གོ། །དེ་ནས་སྐྱེ་དགུའི་བདག་མོ་གཽ་ཏ་མ་ཆེན་པོ་ཤཱཀྱའི་དགེ་སློང་མ་བརྒྱ་ཕྲག་དང་ལྷན་ཅིག་ཏུ་རང་ཉིད་ཀྱིས་སྐྲ་བྲེགས་ཏེ། གོས་ངུར་སྨྲིག་གྱོན་ནས་ཞེས་བྱ་བ་སྐྲ་བྲེག་པ་གསུངས་#ལ། དེ་བཞིན་དུ་གཽ་ཏ་མ་ཁྱོད་ཀྱིས་མགོ་བོ་རྣམས་མཛེས་པར་
[28a.5]གྱིས་ཤིག་ཅེས་བྱ་བ་མགོ་བོ་ཉིད་དུ་བརྗོད་པའི་ཕྱིར་སྐྲ་རྣམས་རིང་བ་ཉིད་ཀྱིས་གཞན་གྱིས་བྲེག་པ་ལ་རྒྱུ་མཚན་དང་བཅས་པ་འདི་བརྗོད་པའོ། །གཞན་དུ་ནི་ཐ་སྙད་དེ་འདོད་ཆགས་དང་མ་བྲལ་བའི་དགེ་སློང་མ་ནི་དགེ་སློང་མས་ཞལ་ཏ་མ་བྱས་པས་སྐྲ་མི་བྲེག་གོ་ཞེས་བྱ་བའི་དོན་ཏོ། །ཀུན་ཏུ་ཆགས་
[28a.6]པར་གྱུར་ན་ཞལ་ཏ་བྱེད་པ་མོས་རྗེས་སུ་བསྟེན་#པར་བྱའོ། །དྲན་པ་ཉེ་བར་ཞོག་ཅིག །ཅི་རྣག་གི་ལུས་འདི་ལ་སྙིང་པོ་ཡོད་དམ་ཞེས་སོ་ཞེས་བྱ་བ་ལ། ཀུན་ཏུ་ཆགས་པར་གྱུར་ན་ཞེས་བྱ་བ་ནི་འབྲེག་མཁན་ལ་དགེ་སློང་མ་#དེའོ། །འབྲེག་མཁན་ལ་ནི་མ་དང་སྲིང་མོ་དང་བུ་#མོའི་འདུ་ཤེས་ཉེ་བར་ཞོག་ཅིག་
[28a.7]ཅེས་སོ་ཞེས་བྱ་བ་ལ། ཀུན་དུ་ཆགས་པར་གྱུར་པ་ལ་ཞལ་ཏ་མོས་མ་ལ་སོགས་པའི་འདུ་ཤེས་ཉེ་བར་ཞོག་ཅིག་ཅེས་བྱ་བ་ལ་#ཡང་དག་པར་རྗེས་སུ་བསྟན་པར་བྱའོ། །དེ་བྱས་ནས་ཁྲུས་བྱའོ་ཞེས་བྱ་བ་ལ། འདིར་དེ་ཞེས་བྱ་བ་ནི་སྐྲ་དང་ཁ་སྤུ་བྲེག་པ་ལའོ། །ཡང་ན་ཡན་ལག་ལྔའི་ཁྲུས་ཀྱང་ངོ་
[28b]
[28b.1]ཞེས་བྱ་བ་ལ། ཡང་ན་ཞེས་བྱ་བའི་སྒྲ་ནི་ཆོ་ག་གཞན་བསྟན་པའི་དོན་ཏོ། །ཆུ་ཡོད་པ་ལ་འདི་བརྟག་པ་ཉིད་ཡིན་ཏེ། འདིར་གཞུང་ནི་དགེ་སློང་གིས་སྐྲ་བཟེད་བཅང་བར་བྱ་ཞིང་ཁྲུས་ཀྱང་བྱ་སྟེ། ཐ་ན་རྐང་ལག་དག་ཀྱང་བཀྲུ་བར་བྱའོ་ཞེས་གསུངས་པ་ཡིན་ནོ། །སྒྲེན་མོར་ཁྲུས་མི་བྱའོ་ཞེས་བྱ་བ་
[28b.2]ལ། འདི་ལྟར་འཁོར་གསུམ་གཡོགས་པ་ཉིད་ཡོངས་སུ་རྫོགས་པ་ཉིད་ནི་སྒྲེན་མོ་མ་ཡིན་པ་ཉིད་དོ། །ཇི་སྲིད་དུ་#འཁོར་གསུམ་གཡོགས་པ་ལ་ཡན་ལག་ལས་སྐྱེས་པའི་སྤུ་དག་གཡོགས་པ་ཉིད་ནི་དེ་སྲིད་དུ་གཡོགས་པ་ཉིད་ཀྱིས་ཐམས་ཅད་ལ་སྤང་བར་བྱ་བ་མ་ཡིན་པ་ཉིད་ཅེས་བྱ་བ་འདི་ནི་འདིར་
[28b.3]ཤུགས་ཀྱིས་#རྟོགས་པར་བྱའོ། །དགེ་སློང་མས་སྐྱེས་པའི་ཆུ་ངོགས་སུ་མི་བྱའོ། །བུད་མེད་ཀྱི་ཆུ་ངོགས་སུ་ཡང་ཕྱེ་མས་མི་བྱའོ་ཞེས་བྱ་བ་ནི་སྐྱེས་པ་རྣམས་ཀྱི་ཆུ་ངོགས་སུ་དགེ་སློང་མས་ཁྲུས་བྱས་པ་#ཉིད་བཀག་པའོ། །བུད་མེད་ཀྱི་ཆུ་ངོགས་སུ་ནི་སྲན་ཆུང་གི་ཕྱེ་མ་ལ་སོགས་པས་ཁྲུས་བྱ་བ་
[28b.4]བཀག་པར་མཛད་ཀྱི་ཁྲུས་ཉི་ཚེ་ནི་མ་བཀག་གོ། །འདིར་གཞུང་ནི་བཅུ་གཉིས་སྡེ་རྣམས་བུད་མེད་ཀྱི་ཆུ་ངོགས་སུ་ཁྲུས་བྱེད་པར་གྱུར་#ཏེ། ཁྱིམ་བདག་གི་བུད་མེད་ཁྲུས་བྱེད་པ་རྣམས་ལ་ང་རྒྱལ་བྱེད་ཅིང་མོན་སྲན་གྲེའུའི་ཕྱེ་མ་ལ་སོགས་པ་ཡང་འདོར་བར་བྱེད་དེ་ཞེས་བྱ་བ་དང་། བཅོམ་ལྡན་འདས་
[28b.5]ཀྱིས་དགེ་སློང་མ་བུད་མེད་ཀྱི་ཆུ་ངོགས་སུ་ཕྱེ་མས་ཁྲུས་མི་བྱའོ་ཞེས་གསུངས་པ་ཡིན་ནོ། །མོན་སྲན་གྲེའུ་ལ་སོགས་པའི་#ཕྱེ་མའི་དྲིས་བསྒོས་པ་རུང་ངོ་ཞེས་བྱ་བ་ལ། འདི་ནི་#ཐམས་ཅད་དུ་དབང་དུ་བྱེད་པའོ། །དེ་ནི་བླང་#བར་བྱའོ། །ནད་པས་ནི་སྨན་གྱི་དགོས་#པ་ཡང་ངོ་ཞེས་བྱ་བ་ནི་རུང་ངོ་ཞེས་བྱ་བ་དང་
[28b.6]རྗེས་སུ་མཐུན་ནོ། །དགེ་སློང་མས་བུད་མེད་ལ་ཕྱེ་མས་མི་གཏོར་རོ་ཞེས་བྱ་བ་ནི་ཁྲུས་ཀྱི་དུས་སུ་འམ་དུས་གཞན་ལ་ཡང་ཞེས་བྱ་བ་ཁྱད་པར་ཡོངས་སུ་མ་བཟུང་བ་སྒྲེན་མོ་ཉིད་བསལ་བ་ཞར་ལ་བསྒྲུབ་#པ་བརྗོད་པ་ཡིན་ནོ། །ཤམ་ཐབས་ཀྱི་མཐའ་མ་ཉིད་ཀྱི་མདུན་དང་རྒྱབ་ཀྱི་མཐའ་མ་མ་མདུད་པར་སྐས་ལ་
[28b.7]མི་འཛེག་གོ་ཞེས་བྱ་བ་ནི་ཤམ་ཐབས་ཀྱི་གོས་ཀྱི་མཐའ་མ་#རྒྱབ་དང་འོག་མ་ནི་འོག་ནས་འབྱུང་བའི་མཐའ་མ་གང་གིས་ན་#མདུད་པ་ཞེས་བྱ་བའི་དོན་ཏོ། །འདི་ནི་སྨད་དཀྲིས་མཐོང་བ་ཡོངས་སུ་སྤང་བའོ། །ཤིང་ལ་སོགས་པ་ལ་འཛེག་པ་ཡང་སྨད་དཀྲིས་མཐོང་བ་བསྒྲུབ་པ་ཡིན་ནོ། །དེ་བས་ན་སྐབས་ཀྱི་
[29a]
[29a.1]ཚིག་ནི་འདིར་དཔེ་ཙམ་དུ་རྟོགས་པར་བྱའོ། །རྒུད་པའི་དུས་སུ་འཛེག་པ་ལ་གསོ་བའི་དོན་དུ་འཛེག་པ་གང་ཞིག་གལ་ཏེ་ཤམ་ཐབས་དེ་ལ་འདི་ལྟར་མདུད་པས་ཉེ་བར་བཀག་པ་མིན་ནས་དེ་ལ་སྲུང་#བ་ཉིད་དོ། །གལ་ཏེ་མ་ཡིན་ན་མ་ཡིན་ཞེས་བྱ་བ་ཤིང་ལ་འཛེག་པ་གནང་བས་རྗེས་
[29a.2]སུ་རྟོགས་པར་བྱའོ། །གཞན་གྱི་དུས་སུ་དེ་ལྟར་མི་བྱའོ་ཞེས་བྱ་བ་ནི་སྐས་ལ་འཛེག་པ་ལས་དུས་གཞན་དུ་ཤམ་ཐབས་ཀྱི་མཐའ་མ་ཉིད་ཀྱི་མདུན་དང་རྒྱབ་ཀྱི་མཐའ་མདུད་#པས་གནས་པར་མི་བྱའོ་ཞེས་བྱ་བའི་དོན་ཏོ། །ཁའི་ནང་ཡང་སྨད་དཀྲིས་པའི་ཕྱོགས་དང་མཐུན་པ་ཉིད་ཀྱི་ཕྱོགས་འདི་ལ་དེ་ས
[29a.3]སྒྲེན་མོ་ཡོངས་སུ་སྤང་བ་བརྗོད་པ་ཡིན་ཏེ། ཁ་མ་བཀག་པར་གདངས་པར་#མི་བྱའོ་ཞེས་བྱ་བ་ལ། གོས་ལ་སོགས་པས་ཁ་མ་བཀབ་པར་གདངས་པ་གང་ཞིག་དེ་ནི་བསྟེན་པར་མི་བྱ་སྟེ། འདིར་གཞུང་ནི་དགེ་སློང་གླལ་བར་གྱུར་པས་ཁ་ལ་#ལག་པས་དགབ་པར་བྱའོ་ཞེས་གསུངས་པ་ཡིན་ནོ། །འདིར་དཔེ་ནི་
[29a.4]ལག་པ་རྣམ་པར་གནས་པ་ཡིན་ནོ། །གླལ་བ་ཡང་འདོད་པ་བཞིན་དུ་བྱ་བ་སྟེ། གང་རྣམ་པར་གསལ་#བའི་སླད་དུ་དེའི་དབང་དུ་བྱས་ནས་འདི་གསུངས་པ་ཡིན་ཏེ། ནུས་པ་མེད་པ་ལ་གང་ཞིག་ཁ་ཕྱེ་བ་དེ་བསྟེན་པ་ལ་སྐྱོན་མེད་དོ། །ཁྲུས་རས་བཅང་བར་བྱའོ། །ཉི་རིམ་ལ་ནི་སྲོག་ཆགས་དག་ཀུན་དུ་#
[29a.5]འཆགས་སོ་ཞེས་བྱ་བ་ལ་#བརྗོད་པར་བྱ་བ་ལ་ཀུན་དུ་ཞེས་བྱ་བ་ནི་གཞུང་མཛེས་པ་སྒྲུབ་པའི་ཕྱིར་ཉེ་བར་བཟུང་བ་སྟེ་འདི་ནི་རྒྱུ་མཚན་བསྟན་པ་ཡིན་ནོ། །གང་གི་ཕྱིར་#ཉི་རིམ་ལ་སྲོག་#ཆགས་རྣམས་འཆགས་#པར་གྱུར་པ་དེའི་ཕྱིར་སྲོག་ཆགས་དང་བཅས་པའི་ཆུ་ལ་དེ་ལྟ་བུའི་གོས་ཀྱིས་ཁྲུས་མི་བྱའོ་ཞེས་#བྱ་
[29a.6]བའི་དོན་ཏོ། །ཆོས་གོས་གསུམ་པས་ཀྱང་ངོ་ཞེས་བྱ་བ་ནི་ཁྲུས་རས་བཅང་བར་བྱའོ་ཞེས་བྱ་བ་དང་རྗེས་སུ་འབྲེལ་ལོ། །འདིར་གཞུང་ནི་བཅོམ་ལྡན་འདས་ཀྱིས་བཀའ་སྩལ་པ། དེ་#དག་(དགེ་)སློང་ཆོས་གོས་གསུམ་པས་ཀྱང་#ཁྲུས་རས་བཅང་བར་བྱའོ་ཞེས་གསུངས་པ་ཡིན་ནོ། །ཁ་ཅིག་ནི་བྱིན་
[29a.7]གྱིས་མ་བརླབས་པར་ཡང་གཟུང་བར་བྱ་ཞེས་ཟེར་ཏེ། དེ་ནི་མི་རིགས་སོ། །བདག་གིས་ཁྲུས་རས་ཞེས་བྱ་བ་ཀུན་དུ་རྟོག་#པ་མ་སྐྱེས་པ་རང་བཞིན་གྱིས་ལྡང་བའི་ཕྱིར་ངེས་པར་ཀུན་དུ་རྟོག་#པ་འདི་འདིར་བསྐྱེད་པར་བྱའོ། །འདིར་ཡང་བསྐྱེད་པ་ལ་ཡིད་ཀྱིས་བྱིན་གྱིས་བརླབ་པར་བྱ་བ་ཉིད་འདིར་སྐྱེ་
[29b]
[29b.1]བ་ཡིན་ཏེ། དེ་བས་ན་བྱིན་གྱིས་བརླབ་པ་གཞན་ལ་བྱ་བར་རིགས་པ་ཡིན་ནོ། །ངག་གིས་བྱིན་གྱིས་བརླབ་པ་ཤིན་ཏུ་བདེ་བ་ཉིད་ཀྱི་ཕྱིར་རོ། །གནང་བ་འདི་ཉིད་ལས་ནི་འདིས་ཡང་དག་པར་བླངས་པ་འདི་ལས་ཉམས་པར་འགྱུར་བ་མ་ཡིན་ཞེས་བྱ་བར་རིག་#པར་བྱའོ། །མད་(མེད་)ན་མདུན་དང་རྒྱབ་
[29b.2]ནས་ལོ་མ་དག་གིས་གླན་ལ་དབེན་པའི་ཕྱོགས་སུ་ཁྲུས་བྱའོ་ཞེས་བྱ་བ་ལ། ཐམས་ཅད་དུ་ཆོས་གོས་གསུམ་པ་ཉིད་ནི་མ་ཡིན་ཏེ། འདིར་གཞུང་ནི། གཞན་རྣམས་ལ་ཁྲུས་རས་ཀྱི་རྙེད་པ་མེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ཀྱི་མདུན་དང་རྒྱབ་ནས་ལོ་མ་རྣམས་ཀྱིས་#
[29b.3]གླན་ལ་དབེན་པའི་ས་ཕྱོགས་སུ་ཁྲུས་#བྱའོ་ཞེས་བྱ་བ་ཁྱད་པར་མེད་པར་གསུངས་པ་ཡིན་ནོ#། །སྲོག་ཆགས་ཆགས་ན་བཤལ་བས་མེད་པར་འགྱུར་རོ་ཞེས་བྱ་བ་ནི་རིམ་པ་གཅིག་ལས་#ཉི་རིམ་ལ་སྲོག་ཆགས་#ན་ཞེས་བྱ་བ་འདི་ལས་རྟོགས་པའོ། །ལྷན་པ་ཅན་ཡང་#ཉི་རིམ་མེད་པ་མ་ཡིན་ནོ། །དེ་བས་ན་
[29b.4]འདིས་སྲོག་ཆགས་དང་བཅས་པའི་ཆུ་ལ་ཁྲུས་མི་བྱའོ་ཞེས་བྱ་བ་འདིར་གནས་པར་རིག་#པར་བྱའོ། །དེ་གཙུག་ལག་ཁང་དུ་ནི་སྟོར་ཁུང་དུའོ་ཞེས་བྱ་བ་ནི་གལ་ཏེ་གཙུག་ལག་ཁང་དུ་འདི་ཁྲུས་བྱེད་ན་སྟོར་ཁུང་ཉིད་དུ་བྱ་སྟེ་གཞན་དུ་ནི་མ་ཡིན་ནོ། །བཙོག་#ཆུ་ཡང་དབོ་བར་བྱའོ་ཞེས་བྱ་བ་ནི་རྐང་པ་བཀྲུས་
[29b.5]པ་ལ་སོགས་པའི་ཆུ་སྟོར་ཁུང་ཉིད་དུ་དབོ་བར་བྱའི་#གཞན་དུ་ནི་མ་ཡིན་ནོ། །ཁྲུས་ཁང་བྱའོ། །དེར་སོ་ཕག་གི་གཅལ་དགྲམ་མོ་ཞེས་བྱ་བ་ལ། དེར་ནི་ཁྲུས་ཀྱི་ཁང་པ་ལ་བྱའོ། །སྟོར་ཁུང་གདོད་དོ། །ལྗན་ལྗིན་བསལ་བར་བྱའོ་ཞེས་བྱ་བ་ལ། འདིར་གཞུང་ནི་བཅོམ་ལྡན་འདས་ཀྱིས་
[29b.6]བཀའ་སྩལ་པ། སྟོར་ཁུང་གདོད་པར་བྱའོ། །ལྗན་ལྗིན་ཡོད་ནས་བཅོམ་ལྡན་འདས་ཀྱིས་བཀའ་སྩལ་པ། དུས་དུས་སུ་བསལ་བར་བྱའོ་ཞེས་གསུངས་པ་ཡིན་ནོ། །འོན་ཀྱང་སྟོར་ཁུང་ཁོ་ནར་ཁྲུས་བྱའོ་ཞེས་གསུངས་པས་དེ་བསྡུ་བའི་ཕྱིར། སྟོར་ཁུང་དུ་ཁྲུས་བྱེད་ན་དེ་མི་འབྱུང་ངོ་ཞེས་བྱ་བ་
[29b.7]སྨོས་#ཏེ། ལྗན་ལྗིན་ཞེས་བྱ་བ་རྗེས་སུ་འབྲེལ་ལོ#། །ཁྲུས་བྱེད་པ་ནི་ཁྲུས་བྱེད་པའོ། །ལྗན་ལྗིན་བྱུང་བ་སོ་སོའི་ཆོ་ག་ལ་བརྗོད་པ་འདི་ཡིན་ནོ། །སྟོར་ཁུང་དུ་ཁྲུས་བྱེད་ན་ལྗན་ལྗིན་མི་འབྱུང་ངོ་ཞེས་བྱ་བ་སྟེ། སྟོར་ཁུང་ཉིད་དུ་ཁྲུས་བྱ་བ་ནི་མ་ཡིན་ནོ། །དེའི་ཕྱིར་ངེས་པར་གྱུར་པ་སྟེ།
[30a]
[30a.1]ཁང་པ་ནི་ཁྲུས་ཀྱི་ཁང་པ་ཉིད་ཀྱི་ཕྱིར་རོ། །སོ་ཕག་གི་དུམ་བུས་བྲུད་པས་རྐང་པ་གཉིས་ལས་གཞན་པའི་ལུས་ལ་བྲུད་པར་མི་བྱའོ་ཞེས་བྱ་བ་ནི་#སོ་ཕག་གི་དུམ་བུས་དགེ་སློང་གིས་ལུས་བྲུད་པར་བྱ་བ་མ་ཡིན་ནོ་ཞེས་བྱ་བའི་གཞུང་ལས་སོ། །གཞན་པའི་ཞེས་བྱ་བ་ནི་རྐང་པ་
[30a.2]གཉིས་ལས་ཐ་དད་པའོ། །དེ་དག་ལས་ནི་བཀག་པ་མེད་དོ། །དེ་ནི་དཔེ་ཡིན་ནོ་ཞེས་བྱ་བ་ནི་བྲུད་པའོ། །རྫས་ཇི་ལྟ་བུ་ལ་ཤེས་པར་བྱ་ཞེ་#ན། རྣོན་པོ་དང་བཞར་སྤྱད་དག་ལའོ། །རྣོན་པོ་ཞེས་བྱ་བ་ནི་མཚོན་ལ་སོགས་པའོ། །བཞར་སྤྱད་ཅེས་བྱ་བ་ནི་སྤུ་བ་ལ་སོགས་པ་སྟེ། སེམས་ཀྱི་རྣམ་
[30a.3]པར་འགྱུར་བ་#སྒྲུབ་པར་བྱེད་པའི་ཕྱིར་རོ། །འདིར་གཞུང་ནི་བཅོམ་ལྡན་འདས་ཀྱིས་སོ་ཕག་གི་#དུམ་བུས་ལུས་ལ་བྲུད་པར་མི་བྱའོ་ཞེས་བྱ་བ་བཀའ་སྩལ་པ་དང་། དགེ་སློང་དག་ཉ་ཕྱིས་ཀྱིས་བྲུད་པར་བྱེད་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉ་ཕྱིས་མི་རྣོ་བས་བྱའོ་ཞེས་གསུངས་
[30a.4]པ་ཡིན་ནོ། །འདིར་ཉ་ཕྱིས་རྣོ་བ་ཉིད་འདིར་བཀག་པའོ། །དེ་བས་ན་སོ་ཕག་གི་དུམ་བུ་ནི་དཔེ་ཡིན་ནོ། །རྣོན་པོ་བཞན་#ལ་ཡང་གཞར་#སྤྱད་ཀྱི་རྫས་ལ་དེས་ཀྱང་ལུས་ལ་བྲུད་པར་མི་བྱའོ། །ཉ་ཕྱིས་ནི་མེས་#སྦྱང་ངོ་ཞེས་བྱ་བ་ནི་འདི་ལ་མེས་རབ་ཏུ་གདུང་བ་ཙམ་སྦྱང་བ་སྟེ། གཞན་ནི་ཉ་ཕྱིས་ཉམས་
[30a.5]པའི་ཕྱིར་རོ། །དགེ་སློང་མས་ནི་གང་དུ་ཡང་ཁུ་ཚུར་དག་དང་གོས་གྲིལ་བ་དག་ཡན་ཆད་གང་གིས་ཀྱང་བྲུད་པར་མི་བྱའོ་ཞེས་བྱ་བ་ནི་ཅུང་ཟད་ཅེས་བྱ་བ་ནི་#ལུས་ཏེ། འཇམ་པའི་བུད་མེད་ཀྱི་ལུས་ཏེ། འཇམ་པ་དང་རྩུབ་པ་མ་ཡིན་པ་ལས་ཀྱང་དེ་ལ་#རྣམ་པར་འགྱུར་བ་བསྒྲུབ་པའོ། །ཤིན་ཏུ་ཁྲུས་པས་འདི་བྱེད་པ་ལ་བུད་མེད་
[30a.6]ལ་བཞར་སྤྱད་ཉིད་ནི། དེའི་ཕྱིར་དགེ་སློང་མ་རྣམས་ལ་ཐམས་ཅད་བཀག་པའོ། །ཅུང་ཟད་ཁུ་ཚུར་ལས་འཇམ་པ་ལས་གཞན་པའི་གོས་འབྱུང་བ་ཡིན་ནོ་ཞེས་བྱ་བའོ། །ཁུ་ཚུར་ཙམ་ཉིད་ཀྱིས་བརྗོད་ནས་གོས་དྲིལ་བའི་ཚིག་གོ། །གཤེར་འགྱུར་གྱི་ཆུ་དང་མ་བྲལ་བས་ཆོས་གོས་དག་བགོ་#བར་མི་བྱའོ་
[30a.7]ཞེས་བྱ་བ་ནི་བགོ་བར་གྱུར་པའི་#གོས་ཉམས་པ་ཡོངས་སུ་བསལ་བའི་དོན་དུ་འདི་ཡིན་ནོ། །དེ་བས་ན་འདི་རྣམས་ལ་གཤེར་འགྱུར་གྱི་ཆུ་དང་མ་བྲལ་བས་གང་ལ་ཞེས་བྱ་བ་ཤེས་པའོ། །གང་ཞིག་མཐོང་བའི་ཕྱིར་བཅུག་པ་མི་འདོད་པ་དེའི་སླད་དུ་འོག་མའི་ཆོ་ག་དག་གོ། །ལུས་ཕྱིས་བཅང་བར་
[30b]
[30b.1]བྱའོ། །མེད་ན་ཡུད་ཙམ་ཞིག་ཙོག་པུར་#འདུག་ལ་ཁྲུས་རས་ཀྱིས་ཕྱི་བར་བྱའོ་ཞེས་བྱ་བ་ནི་འཇུག་#པ་ཇི་ཙམ་གྱིས་འགྲུབ་པས་ཁྲུས་རས་ཀྱིས་ཕྱིས་པས་#དོན་བསྒྲུབ་པ་དེ་ཙམ་གྱིས་འདི་ལ་ཇི་ཙམ་པའི་དུས་ཀྱི་ཚད་ཀྱིས་བསྒྲུབ་#པ་དེ་ཉེ་བར་མཚོན་པ་ནི་འདར་(འདིར་)ནི་ཡུད་ཙམ་མོ། །ཆུང་བ་དག་གིས་དེ་ལ་ཡུད་ཙམ་ཞེས་བྱ་བ་
[30b.2]འདི་བརྗོད་པའོ། །ཙོག་པུར་འདུག་པ་ཞེས་བྱ་#ནི་དེ་བཞིན་དུ་མྱུར་དུ་འགྲོ་བའི་ཆུ་ལ་ལུས་ལས་བསྒྲུབ་#པའོ། །འདིར་གནས་པའི་སྦས་པའི་ངོ་བོ་སྟེ། དེ་བས་ན་འདི་སྒྲེན་མོས་བསྟེན་#པ་རིགས་པ་མ་ཡིན་ནོ་ཞེས་བྱ་བ་འདི་ཡང་དག་པར་བསྟན་#པའོ། །བསྲོ་ཁང་བསྟེན་པར་བྱའོ། །བསྲོ་ཁང་
[30b.3]གི་ཁང་པ་བྱ་བ་ནི་གྲམ་ས་ཆེ་བར་བཟང་ངོ་ཞེས་བྱ་བ་ནི་བསྲོ་ཁང་གི་དོན་དུ་ཁང་པ་ནི་ཁང་པ་སྟེ། གྲམས་ཆེ་བའི་ས་ཕྱོགས་ལ་ཁང་པ་བྱ་ཞེས་བྱ་བའོ། །འདིར་གཞུང་ནི་ཕྱོགས་རྣམས་ལ་འདི་སོང་བ་ལ་ཡང་མ་རྫོགས་པའི་དོན་བསྒྲུབ་པ་#ཡིན་ཏེ། གྲམ་ས་ཆེ་བ་ལ་ནི་ཡོངས་སུ་རྫོགས་པའི་དོན་སྒྲུབ་
[30b.4]པར་བྱེད་པ་ཉིད་ཀྱི་ཕྱིར་རུང་བ་ཉིད་དོ་ཞེས་བྱ་བའི་དོན་ཏོ། །དེ་བཞིན་དུ་གནས་ལ་ཡང་རུང་བའི་སྒྲ་སྦྱོར་བར་རིག་#པར་བྱའོ། །བསྲོ་ཁང་གི་ཁང་པ་དེ་ལ་གང་ཞིག་བྱ་བ་དེ་ཉེ་བར་བསྟན་པའི་ཕྱིར། དཀྱིལ་དུ་སྐར་ཁུང་ཕྱི་རུབ་ལ་ནང་ཡངས་པ་རྒྱ་མཚོའི་རྣམ་པ་ལྟ་བུ་གདོད་དོ་ཞེས་བྱ་བ་སྨོས་ཏེ། ཁང་པ་
[30b.5]ལ་བརྟེན་པའི་རྩིག་པའི་དབུས་སུ་སྟེང་འོག་དང་སྟེང་དུ་ཡང་མ་ཡིན་ཞེས་བྱ་བའི་དོན་ཏོ། །དེར་སྐར་ཁུང་དྲ་བ་ཅན་དང་སྒོ་གླེགས་དང་འཁོར་གཏན་དང་གནམ་གཟེར་དང་འཕྲེད་གཏན་དང་བཅས་པ་གཞུག་གོ་ཞེས་བྱ་བ་ལ། དེར་ཞེས་བྱ་བ་ནི་སྐར་ཁུང་ལའོ། །དབྱུག་གུ་སྐམ་ཁ་ཡང་ཉེ་བར་གཞག་
[30b.6]གོ་ཞེས་བྱ་བ་ནི་དེར་ཞེས་བྱ་བ་#འདི་དང་འབྲེལ་པ་ཉེ་བར་བསྒྲུབ་པའི་དོན་དུ་ཡང་གི་སྒྲའོ། །དབྱུག་གུ་སྐམ་ཁས་སྐར་ཁུང་གི་འཕྲེད་གཏན་གཞུག་པ་དང་དབྱེ་བའོ། །སྒོར་སྒོ་གླེགས་#དང་སྒོ་གཏན་དང་ཡང་མིག་དང་ལག་གཟུངས་ལེགས་པར་བྱའོ་ཞེས་བྱ་བ་ལ། སྒོར་ཞེས་བྱ་བ་ནི་བསྲོ་#ཁང་གི་སྒོ་
[30b.7]ལའོ། །ཆུ་དྲོན་གཞག་པའི་ཕྱིར་ནང་གི་ཕྱོགས་སུ་གཞག་སྟེགས་བྱའོ་ཞེས་བྱ་བ་ལ། གཞག་སྟེགས་ནི་སྟེགས་བུ་སྟེ་གང་ལ་ཆུའི་བུམ་པ་རྣམས་འཇོག་པ་ཡིན་ནོ། །མེ་འབུད་#པའི་གནས་ཀྱི་སར་སོ་ཕག་གི་གཅལ་བྱའོ། །མེ་མི་འཆི་བའི་ཕྱིར་སྦ་བར་བྱའོ་ཞེས་བྱ་བ་ནི་ཟླུམ་པོར་བྱ་བའོ། །དེའི་
[31a]
[31a.1]ཆེད་དུ་ལྕགས་ཀྱི་ཐལ་ཕྱགས་བཅང་བར་བྱའོ་ཞེས་བྱ་བ་ལ། དེའི་ཆེད་དུ་ཞེས་བྱ་བ་ནི་མེ་སྦ་བའི་ཆེད་དུའོ། །མེ་འབར་བ་ན་མི་རྨྱ་བར་བྱ་བའི་ཕྱིར་འཇུག་པ་བསྡད་པར་བྱའོ་ཞེས་བྱ་བ་ནི་བསྲོ་ཁང་ལའོ། །བོག་པ་མི་འབྱུང་བར་བྱ་བའི་ཕྱིར་ཕྱེ་དང་ཉུངས་མར་དུ་བསྲེས་པ་དག་མེར་
[31a.2]བླུགས་སོ་ཞེས་བྱ་བ་ལ། མེའི་ངར་ནི་བོག་པའོ། །དྲི་མི་ཞིམ་པ་ཉིད་བསལ་བའི་ཕྱིར་བདུག་སྤོས་བླུགས་སོ་ཞེས་བྱ་བ་ནི་གང་ཞིག་དེའི་ཕྱེ་རྣམས་ཀྱིས་དྲི་མི་ཞིམ་པར་བྱས་པས་སོ། །མཆི་མ་འཛག་ན་ནས་ཀྱི་བག་ཟན་གྱིས་བཅད་དོ། །སྐྱུ་རུ་རའི་ཕྱེ་མ་སྦྲུས་པའི་ཆང་བུས་ཀྱང་ངོ་། །དེར་རྩྭ་བམ་གྱི་སྟན་
[31a.3]གདིང་#ངོ་ཞེས་བྱ་བ་ལ། དེའི་བསྲོ་ཁང་#ལ་རྩྭ་བམ་གྱི་སྟན་གདིང་ངོ་། །འདི་ལ་ཆགས་པས་སྟན་གདིང་བའི་དོན་མ་ཡིན་ནོ་ཞེས་བྱ་བ་འདི་ལ་གནང་བའོ། །ས་གཞིར་སྐྱེས་པ་ཉིད་ཀྱིས་སམ་སྦངས་པས་གཤེར་བའི་རྩྭ་གཤེར་བ་དག་དགྲམ་མོ་ཞེས་བྱ་བ་ནི་དེ་ལ་སྐྱེས་པ་ཉིད་ནི་གང་ཞིག་སྐྱེས་པ་ཉིད་ཀྱིས་
[31a.4]གཤེར་བ་ཉིད་དོ། །དེ་མེད་ན་གང་ཞིག་སྐྱེས་པ་#སྦངས་པས་གཤེར་བ་ཉིད་དེ་ལ་བསྟེན་#པར་བྱའོ། །འདི་ལ་དོན་ནི་ཚབ་མེད་པའོ། །གཡན་པ་ཕྲུག་པའི་ཆེད་དུ་ལྕགས་ཀྱི་ཕྲུག་སྤྱད་བྱ་བའོ#། །རྫས་ཀྱི་གླས་ལུང་མིག་ནས་ཐག་གུས་བཏགས་#ཏེ་དབེན་པར་གཞག་གོ། །དེ་ལ་དྲི་མ་མེད་པ་ཉིད་དུ་
[31a.5]བསྒྲུབ་པའི་ཕྱིར་མེས་རུང་བར་བྱའོ། །དེར་ཁྲུས་མི་བྱའོ་#ཞེས་བྱ་བ་ལ། དེར་ཞེས་བྱ་བ་ནི་བསྲོ་ཁང་ལའོ། །དེའི་ཆེད་དུ་ཁྲུས་ཁང་བྱའོ་ཞེས་བྱ་བ་ལ། དེའི་ཆེད་དུ་ཞེས་བྱ་བ་ནི་ཁྲུས་ཀྱི་ཆེད་དུའོ། །ཁྲུས་ཆུ་ལྡུགས་པའི་ཆོས་གོས་དག་མི་ཉམས་པར་བྱ་བའི་ཕྱིར་སོ་ཕག་གིས་བསྒྲོན་#པའི་ཁྲུས་དོང་
[31a.6]བྱའོ་#ཞེས་བྱ་བ་ནི་ཁྲུས་ཆུ་ལྡུགས་པའི་ཆོས་གོས་རྣམས་མི་ཉམས་པར་བྱ་བའི་ཕྱིར་དོང་དུ་ཞུགས་པས་ནི་#ཁྲུས་བྱ་བ་ལ་ཁ་ན་སྡོད་པས་ནི་ཆུ་བླུགས་པར་བྱ་སྟེ། དེ་བས་ན་ཉམས་པར་མི་འགྱུར་རོ། །དེ་ལ་སྟོར་ཁུང་གདོད་དོ་ཞེས་བྱ་བ་ལ། དེ་ལ་ཞེས་བྱ་བ་ནི་སྟོར་ཁུང་ལའོ། །ཆུ་ཧ་ཅང་ཚ་ན་ཕྱི་མ་རྣམས་
[31a.7]ལ་སྦྲན་པར་བྱའོ་ཞེས་བྱ་བ་ནི་ཆུ་ཚ་བར་ཤེས་ནས་ཕྱི་མ་རབ་ཏུ་བྱུང་བ་རྣམས་ལ་སྦྲན་པར་བྱའོ་ཞེས་བྱ་བའི་དོན་ཏོ། །དེར་གྲང་མོས་བསྲེའོ་ཞེས་བྱ་བ་ནི་ཆུ་ཚ་བ་ལའོ། །ཆག་ཆག་གིས་#ཆུ་ལ་སོགས་པར་ཡང་ངོ་ཞེས་བྱ་བ་ནི་ཆག་ཆག་གིས་#ཆུ་ལ་སོགས་པའི་དོན་དུ་ཡང་གྲང་མོས་འདི་ལ་བསྲེའོ། །ཐལ་
[31b]
[31b.1]བ་དང་བ་ལང་གི་ལྕི་བ་དང་སོ་ཤིང་གིས་བཀང་བའི་གྱོ་མོ་དག་གཞག་པར་བྱའོ། །གལ་ཏེ་ཉམས་དམས་པར་གྱུར་ན་ཁྱེའུ་སུས་བྱའོ། །དེར་ངོ་མི་ཤེས་པ་ཞིག་ཤན་བསྲེ་བས་ཉེ་བར་གནས་པར་གྱུར་ན་དེར་གཏོགས་པས་ངེས་པར་ཤེས་པར་བྱ་བའི་ཕྱིར་དྲི་བར་བྱ་ཞིང་དེའི་ཆེད་དུ་མི་འཇུག་པར་བྱ་བའི་ཕྱིར་
[31b.2]དགེ་སློང་བསྒོ་བ་བསྐོའོ་#ཞེས་བྱ་བ་ལ། ཤན་བསྲེ་བས་ཞེས་བྱ་བ་ནི་ཁོ་བོ་ཁྱེད་ཅག་ལས་#གང་ཡང་རུང་བ་ཞིག་ཡིན་ནོ་ཞེས་བྱ་བ་གསེབ་ཏུ་འཇུག་པར་བྱ་བས་སོ། །དེར་གཏོགས་#པ་ཞེས་བྱ་#ནི་བསྲོ་ཁང་ན་རྣམ་པར་གནས་པའི་དགེ་སློང་གིས་ཏེ་དེས་དྲི་བར་བྱའོ། །ཇི་ཞིག་གི་ཕྱིར་ཞེ་ན། ཇི་ཆོས་འདི་པའི་དགེ་
[31b.3]སློང་ཞིག་གམ་འོན་ཏེ་འཚོ་བ་པ་ལ་སོགས་པ་ཞིག་ཡིན་ཞེས་ཏེ་དེ་ལྟར་ངེས་པར་ཤེས་པར་བྱ་བའི་ཕྱིར་དྲི་བར་བྱ་ཞིང་། དེའི་ཆེད་དུ་སྒོ་བ་བསྐོའོ་#ཞེས་བྱ་བ་འདི་མི་ཤེས་པ་ཤན་བསྲེ་བས་ཉེ་བར་གནས་པར་གྱུར་པ་དེ་ངེས་པར་ཤེས་པར་བྱ་བའི་ཕྱིར་དྲི་བར་བྱ་བ་དང་མི་འཇུག་པར་བྱ་བའི་ཕྱིར་ཞེས་བྱ་བའོ། །འདི་
[31b.4]ནི་བདག་ཅག་ལས་གང་ཡང་རུང་བ་ཡིན་པས་ཞེས་བྱ་བའི་དྲི་བས་འདི་ཤེས་པ་ལའོ། །བསྒོ་བ་ཇི་ལྟ་བུ་ཞིག་ཅེ་#ན། དགེ་སློང་ཞེས་བྱ་བ་སྨོས་ཏེ། འདི་ནི་དཔེ་ཡིན་གྱི་བསྙེན་པར་རྫོགས་པར་མ་བྱས་པའི་རབ་ཏུ་བྱུང་བ་ལ་ཡང་དགེ་སློང་མ་རྣམས་ལ་དེའི་ཕྱོགས་སུ་གྱུར་པའི་གང་ཟག་ལའོ། །དེར་མ་དད་པ་
[31b.5]འཇུག་ཏུ་མི་གཞུག་པའོ་ཞེས་བྱ་བ་ལ། དེར་ཞེས་བྱ་བ་ནི་བསྲོ་ཁང་ལའོ། །སོ་སོར་གནས་བཞིན་པ་ལ་ཡང་ཤན་བསྲེ་བས་སོ། །འདི་ནི་འདིར་སྒོ་སྐྱོང་གི་དོན་གཞན་ཡིན་ནོ། །དེར་བྱི་དོར་གྱི་ལས་ནི་ལྷན་ཅིག་གནས་པ་དང་ཉེ་གནས་དག་གིས་བྱའོ་ཞེས་#བྱ་བ་ལ། དེར་ཞེས་བྱ་བ་ནི་བསྲོ་ཁང་ལའོ། །
[31b.6]གཞན་ལས་ནི་གཞོན་རབས་དག་གིས་ཞེའོ་ཞེས་བྱ་བ་ལ། འདི་ནི་འདོད་པ་གཞན་རབ་ཏུ་བསྟན་པ་ཡིན་ནོ། །ཁ་ཅིག་རྣམས་ལ་ནི་འདོན་པ་གཞན་ཡིན་ཏེ། གཞོན་རབས་དག་གིས་བྱི་དོར་གྱི་ལས་བསྲོ་ཁང་གི་ལས་ཞེས་བྱ་བའོ#། །བྱི་དོར་གྱི་ལས་ཀྱི་ངོ་བོ་བསྟན་པའི་ཕྱིར་སྦྲེན་#པ་དང་ཟངས་དང་འབྲུ་མར་དང་།
[31b.7]སོ་ཤིང་དང་བ་ལང་གི་ལྕི་བ་དང་། ས་དང་བྱེ་མ་དང་ཆུ་ལ་སོགས་པ་ཉེ་བར་གཞག་པ་དང་། ཤིང་བརྟག་པ་དང་དྲིལ་ཕྱིས་དང་། སྣུམ་གྱིས་བསྐུ་བ་དང་བཀྲུ་བ་དང་། ཕྱགས་#པ་དང་ཕྱག་དར་དོར་བ་ལ་སོགས་པའོ། །དེ་དག་གི་ནི་གཅིག་གིས་གཅིག་ལའོ་ཞེས་བྱ་བ་སྨོས་ཏེ། གཙུག་ལག་ཁང་གི་ནང་ན་#
[32a]
[32a.1]གནས་པ་རྣམས་དང་ལྷན་ཅིག་ཏུ་དྲིལ་ཕྱིས་ལ་སོགས་པའི་ལས་ལ་གཅིག་ལ་གཅིག་བསྒོ་བའོ། །ཁྲིའུ་#དང་ཉ་ཕྱིས་དག་ཀྱང་གཙང་སྦྲ་ཉིད་བྱས་ནས་གནས་ཇི་ལྟ་#བར་གཞག་གོ་ཞེས་བྱ་བ་ལ་སོགས་པའི་སྒྲས་ནི་འཕེན་པའི་ལས་བསྡུ་བ་ནི་#མ་མོ་ལས་འདར་ཞེས་བྱ་བ་ལ་སོགས་པ་
[32a.2]ནས་མདུན་དུ་འདུག་སྟེ་མེ་#མི་འདེའོ་ཞེས་བྱ་བའི་བར་དུའོ། །སྣོད་སྤྱད་ཐམས་ཅད་ལ་ཆོ་ག་དེ་བཞིན་ནོ་ཞེས་བྱ་བ་ནི་གཙང་སྦྲ་ཉིད་བྱས་#ཏེ། གནས་ཇི་ལྟ་བར་གཞག་གོ་ཞེས་བྱ་བ་འདིའོ། །ཡོ་བྱད་ཐམས་ཅད་ལ་ལེགས་པར་སྦ་བ་དང་། བྱི་དོར་བྱའོ་ཞེས་བྱ་བ་ནི་སྣོད་ཀྱི་ཚིག་གིས་ཡོ་བྱད་གང་ཡང་
[32a.3]བཟུང་བར་མི་བྱ་སྟེ། བསྲོ་ཁང་གི་ཐ་མ་ལས་གཞན་དུའོ། །མདོ་འདི་ནི་སྒྲུབ་པ་པོའི་དོན་དུ་སྟེ། དེར་སྒྲ་བསྐྱུངས་ཏེ་འཇུག་པར་བྱའོ་ཞེས་བྱ་བ་ནི་བསྲོ་ཁང་དུའོ། །མཛེས་པར་རོ། །ལེགས་པར་བསྡམས་པ་དང་། སྤྱོད་ལམ་མཛེས་པ་དང་ཤེས་བཞིན་དུའོ་ཞེས་བྱ་བ་ལ། ལེགས་པར་
[32a.4]བསྡམས་པ་ནི་རང་ཉིད་ཀྱི་ལུས་དང་ངག་མ་ཡེངས་པར་ལེགས་པར་བསྡམས་པ་ཉིད་ཀྱིས་སྟེན་#པར་བྱེད་དོ། །ཤེས་བཞིན་དུ་ཞེས་བྱ་བ་འདིས་#ནི་སེམས་ལའོ། །སྤྱོད་ལམ་མཛེས་པ་ཉིད་འདི་ལ་རབ་ཏུ་དབྱེ་བ་གཉིས་ཀྱིས་བསྟན་ཏོ། །མདུན་དུ་འདུག་སྟེ་མེ་མི་འདེའོ་ཞེས་བྱ་བ་ནི་གཞན་ཡང་མེ་#དེ་བཞིན་
[32a.5]པ་ལ་བསྒྲིབས་ནས་བདག་ཉིད་ཀྱིས་མེ་མི་འདེའོ་ཞེས་བྱ་བའི་ཚིག་གོ། །འདུ་འཛིའི་གཏམ་ཡང་#ངོ་ཞེས་བྱ་བ་ནི་དེར་ཞེས་བྱ་བར་སྦྱར་ཏེ་འདི་ནི་འདོད་པ་དང་རྗེས་སུ་མཐུན་པར་བྱར་#ཤེས་ནས་བསྲོ་ཁང་དུ་འཇུག་པ་ན་འདོད་པ་རྣམས་ཡང་དག་པར་འབར་བ་ནི་འདུ་འཛི་ཞེས་བྱའོ#། །དེ་བས་ན་འདིར་འདི་སྤོང་བ་ནི་བྱེ་བྲག་ཏུ་
[32a.6]སྤོང་བའོ། །འཕགས་པའི་མི་སྨྲ་བ་ཉིད་ལ་དམིགས་པས་སོ་ཞེས་བྱ་བ་ནི་དེར་ཞེས་བྱ་བར་སྦྱར་རོ། །རྟོགས་#པ་མི་བདེན་པ་དང་། དེ་དང་རྗེས་སུ་མཐུན་པའི་སེམས་རྣམ་པར་བཟློག་པའི་དོན་དུ་མདོ་འདིའོ། །འཕགས་པའི་མི་སྨྲ་བ་ཉིད་ནི་ཚུལ་བཞིན་དུ་ཡིད་ལ་བྱེད་པ་ལ་ཀུན་ནས་ཕྱོགས་པར་བྱེད་
[32a.7]པར་རིག་#པར་བྱའོ། །མཇུག་#ཏུ་རྒྱུན་ཆགས་གསུམ་པ་གདོན་ནོ་ཞེས་བྱ་བ་ནི་འགྲོ་བའི་དུས་སུའོ། །གོས་གཅིག་པས་བྱི་དོར་གྱི་ལས་མི་བྱའོ་ཞེས་བྱ་བ་ནི་འདིར་ནི་བསྲོ་ཁང་གི་ཚིག་དང་ཁྲོ་བ་ལ་གནས་པར་གྲགས་པའི་གཞི་གཅིག་གིས་གཅིག་གི་ཚིག་ཀྱང་ཁ་ཅིག་བྱེད་དེ། ཆོས་གོས་གཅིག་པའི་དགེ་སློང་
[32b]
[32b.1]རྣམས་ཀྱིས་བསྲོ་ཁང་དུ་གཅིག་གིས་#གཅིག་ལ་ལས་མི་བྱ་ཞེས་བྱ་བའོ། །ལས་ཐམས་ཅད་ལ་ལུས་ལ་གནས་པ་ཉིད་གནས་ཐམས་ཅད་ལ་མ་ཡིན་ཏེ། བསྲོ་ཁང་ཉིད་ལ་ཆོ་ག་འདི་རྣམ་པར་གནས་པ་མ་ཡིན་པ་ཉིད་དེ། དེ་བས་ན་འདི་བསྟན་པ་མ་ཡིན་ནོ། །ལུས་ཀྱི་དེ་ལ་མ་དད་པ་བྱེད་དུ་མི་གཞུག་གོ་ཞེས་
[32b.2]བྱ་བ་ལ། དེ་ཞེས་བྱ་བ་ནི་ལས་སོ། །ཁུར་ཁུར་བ་ལ་སོགས་པ་ཕྱི་རོལ་གྱི་ལས་ནི་བཀག་པ་མ་ཡིན་ནོ། །འདི་དང་གོང་མ་ལ་ཡང་བསྟན་#པ་ནི་དད་པ་ཅན་དུ་འདོད་དོ་ཞེས་བྱ་བ་ལ། བསྟན་#པ་ཞེས་བྱ་བ་ནི་དུས་རིང་པོ་ནས་སྐྱེས་པས་གང་ཞིག་མི་གཡོ་བ་དེ་ནི་བསྟན་#པའོ། །འདི་དང་ཞེས་བྱ་བས་དེ་མ་
[32b.3]ཐག་ཏུ་བརྗོད་པའི་ལས་ཀྱི་ཆོ་ག་ལའོ། །གོང་མ་ལ་ཡང་ཞེས་བྱ་བ་ནི་དད་པ་ཅན་མ་ཡིན་པ་འདིར་ཞུགས་པ་མི་སྦྱིན་ཞེས་བྱ་བ་འདི་ལའོ། །འདོད་དོ་ཞེས་བྱ་བ་ནི་མངོན་པར་འདོད་པའོ། །སེང་གེ་ལྟ་བུས་ཝ་ལྟ་བུ་ལ་བསྙེན་བཀུར་མི་བྱའོ་ཞེས་བྱ་བ་ནི་ཚུལ་ཁྲིམས་དང་ལྡན་པས་ཚུལ་ཁྲིམས་འཆལ་པ་ལ་
[32b.4]ཉེ་བར་གནས་པར་མི་བྱ་#ཞེས་བྱ་བའི་དོན་ཏོ། །འདི་ལ་གསལ་#བར་བྱེད་པ་ཡིན་པ་ནི། སློབ་དཔོན་དང་མཁན་པོ་མཆོག་ཏུ་ཚུལ་ཁྲིམས་འཆལ་པ་ལ་ཡང་བསྙེན་བཀུར་བྱའོ། །ཕ་མ་དང་ནད་པ་དག་ནི་ཁྱིམ་པ་ཡིན་ན་ཡང་ངོ་ཞེས་བྱ་བ་ནི་མཆོག་ཏུ་འདི་རྣམས་ལ་ཕན་པར་བྱེད་པ་ཉིད་ཀྱི་ཕྱིར་དེ་བས་ན་འདི་སྔོན་དུ་
[32b.5]གནང་ངོ་། །ལེགས་པར་སྦྱར་བའི་ཁྲུས་ཀྱིས་བཀྲུའོ་ཞེས་བྱ་བ་ནི་འདིར་གླེང་གཞི་ལས་འདོད་པ་ཡིན་ཏེ། ནད་པའི་ཚིག་ནི་ཐ་སྙད་དུ་མ་བྱས་པ་#ཡིན་ཏེ། འདི་ལ་གཞན་དུ་མཐུན་པ་ཉིད་ཀྱང་མ་ཡིན་ཏེ། ཁྱད་པར་ཡོངས་སུ་མི་འཛིན་པའི་ཕྱིར་ཐམས་ཅད་ཀྱི་དབང་དུ་མཛད་ནས་ཉེ་བར་བརྟགས་པའོ། །
[32b.6]དེའི་རང་གི་ངོ་བོ་ཉིད་བསྟན་པའི་ཕྱིར། རླུང་འདྲེན་པའི་རྩ་བ་དང་སྡོང་བུ་དང་ལོ་མ་དང་མེ་ཏོག་དང་འབྲས་བུ་བསྐོལ་བས་ཁྲུས་བྱ་བ་ནི་དེའི་མིང་ཡིན་ནོ་ཞེས་བྱ་བ་སྨོས་ཏེ། ལེགས་པར་སྦྱར་བའི་ཁྲུས་ཀྱིས་བཀྲུའོ་ཞེས་བྱ་བའི་དོན་ཏོ། །བཅུད་ནི་ཁྲུས་ཀྱི་དོན་ཏོ། །དེ་བས་ན་འདི་རྣམས་ལ་འདིར་ཡན་ལག་ཉིད་
[32b.7]དོ། །ཁྲུས་ཇི་ལྟར་བྱ་ཞེ་ན། བསྐུ་མཉེ་བྱས་ནས་ཏེ་མི་རྩུབ་པ་ཉིད་ཀྱི་ཕྱིར་རོ་ཞེས་བྱ་བ་སྨོས་ཏེ། སྲན་ཆུང་གི་ཕྱེ་མས་ཉེ་བར་བསལ་བའི་ཕྱིར་འདི་མི་རྩུབ་པའི་དོན་འདི་ལ་འབྲུ་མར་ལ་སོགས་པས་བསྐུ་མཉེ་བྱས་པས་དེ་དང་དབྲལ་བའི་ཕྱིར་སྲན་ཆུང་གི་ཕྱེས་བསྐུ་མཉེ་བྱས་ནས་ཞེས་བྱ་བའི་དོན་ཏོ། །དེ་དང་
[33a]
[33a.1]དབྲལ་བའི་ཕྱིར་ཁྲུས་གཅལ་གྱིས་སོ། །སྔ་མའི་ཆེད་དུ་ཆུའི་བུམ་པ་ཕྱི་མར་སྣུམ་ཐིགས་#པ་གཉིས་སམ་གསུམ་བླུགས་སོ་ཞེས་བྱ་བ་ནི#། སྔ་མའི་ཆེད་དུ་ཞེས་བྱ་བ་ནི་མི་རྩུབ་པ་ཉིད་ཀྱི་ཆེད་དུ་གཉིས་སམ་གསུམ་སྣུམ་གྱི་ཐིགས་པ་ཆུའི་བུམ་པར་ཕྱེ་མ་#བླུགས་པར་བྱ་#བའི་དོན་ཏོ། །
[33a.2]ལྕགས་ཀྱི་གཞོང་རིགས་སུ་#ཁྲུས་བྱའོ། །དེ་ནི་ནད་པས་བཅང་བར་བྱའོ་ཞེས་བྱ་བ་ལ། དེ་ནི་ཞེས་བྱ་བ་ནི་ལྕགས་ཀྱི་གཞོང་པའོ། །ནད་པ་མ་ཡིན་པས་ནི་བཅང་བར་མི་རིགས་པ་སྟེ། ལྕགས་ཀྱི་རི་ལུ་ལྟར་དགོས་པ་མེད་དོ་ཞེས་བྱ་བ་འདི་ལ་རྟོགས་པར་བྱའོ། །འདི་ལྟ་བུའི་རིགས་ཅན་ལ་དོན་མེད་པར་བྱེད་པ་
[33a.3]ལ་ང་རྒྱལ་ཡིན་ཏེ། དེ་ཡང་ཐམས་ཅད་ཉེས་པར་#བྱས་པ་ཞེས་བྱ་བ་གོ་བཞིན་པ་ཉིད་ཀྱི་ཕྱིར་མདོར་བྱས་པ་མ་#ཡིན་ནོ། །དེའི་སྟེང་དུ་ཁ་གབ་གཞུག་གོ་ཞེས་བྱ་བ་ནི་ཆུ་དྲོན་མོ་ལ་གྲང་བའི་དངོས་པོ་ཡོངས་སུ་བསལ་#བའི་ཕྱིར་རོ། །དེར་གཉའ་བར་སྔས་ནང་ཚངས་ཅན་གཞུག་གོ་ཞེས་བྱ་བ་དང་སྦྱར་རོ། །
[33a.4]འདིར་ཁྲུས་ནི་ཐོགས་པ་མེད་པར་སྡུག་བསྔལ་མེད་པའི་དོན་དུ་སྟེ་དེ་བས་ན་འདི་བཟུང་བའོ། །གར་བབ་བབ་ཏུ་རྐང་པ་མི་བཀྲུའོ་ཞེས་བྱ་བ་ལ། འདི་ནི་གཙུག་ལག་ཁང་གི་དབང་དུ་བྱས་པའོ། །དེའི་གནས་ནི་ཝ་ཁར་#རོ་ཞེས་བྱ་བ་ལ། དེའི་ཞེས་བྱ་བ་ནི་རྐང་པ་བཀྲུ་བའོ། །འདིར་གཞུང་ནི་བཅོམ་ལྡན་འདས་ཀྱིས་
[33a.5]བཀའ་སྩལ་པ། རྐང་པ་ཝ་ཁར་བཀྲུའོ་ཞེས་གསུངས་པ་ཡིན་ནོ། །རྐང་ཁྲུས་ཀྱི་གཞི་བྱའོ་ཞེས་བྱ་བ་ནི་འདི་མེད་པར་ཝའི་ཁ་ལ་སོགས་པ་དོན་གྲུབ་པ་རྣམ་པར་ཉམས་པ་སྟེ། དེའི་ཕྱིར་འདི་ནི་རེས་འགའ་བྱ་བ་དང་རེས་འགའ་མི་བྱ་བ་ཡིན་གྱི་ཞེས་བྱ་བ་ཡང་དག་པར་བསྟན་པའི་དོན་དུ་དང་པོར་བྱ་བའི་ཚིག་
[33a.6]སྦྱར་བའོ། །དགེ་འདུན་གྱི་རྫས་ནི་འདིའི་གནས་ཡིན་ཏེ། དགེ་འདུན་གྱི་རྫས་ནི་གཅིག་ལ་སྐབས་མེད་དེ་དེ་བས་ན་མང་པོའི་ཚིག་གོ། །ཕྱོགས་གང་དུ་ཞེ་ན། དེའི་ཕྱིར་གཙུག་ལག་ཁང་གི་སྟེང་གི་ཤར་ལྷོའི་མཚམས་སུའོ་ཞེས་བྱ་བ་སྨོས་ཏེ། རྣམ་པ་ཇི་ལྟ་བུ་ཞེ་ན། དེའི་ཕྱིར་རུས་སྦལ་གྱི་རྣམ་པ་འདྲ་བ་
[33a.7]རྩུབ་པར་རོ་ཞེས་བྱ་བ་སྨོས་ཏེ། འདིར་དོན་ནི་དྲི་མ་སེལ་བར་བྱེད་པའོ། །ཆོལ་ཟངས་ས་ལས་བྱས་པ་གཞག་པར་བྱའོ་ཞེས་བྱ་བ་ལ། འདིའི་མིང་ནི་ལྷུང་ཞིང་བཟུང་བ་ལའོ། །ཅི་ལས་བྱས་པ་ཞེ་ན། ས་ལས་བྱས་པ་ཞེས་བྱ་བ་སྨོས་ཏེ། འདིར་གཞུང་ནི་གསེར་དང་དངུལ་དང་བཻ་ཌཱུརྱ་དང་ཤེལ་
[33b]
[33b.1]ལས་བྱས་པའི་ཆོལ་ཟངས་ཉེ་བར་གཞག་པར་མི་བྱ་སྟེ། འོན་ཀྱང་སའི་རང་བཞིན་གཞག་པར་བྱའོ་ཞེས་གསུངས་པ་ཡིན་ནོ། །དབྱིབས་ཇི་ལྟ་བུ་ཞེ་ན་དེའི་ཕྱིར་ཞབས་གླང་པོ་ཆེའི་རྨིག་མཐིལ་འདྲ་ལ་སྙིང་པོ་ཅན་ནོ་ཞེས་བྱ་བ་#སྨོས་ཏེ། འདིར་དོན་ནི་མི་#རྡིབ་པའོ། །སྙིང་པོ་ཅན་ནོ་ཞེས་བྱ་བ་ནི་དག་བཞིན་
[33b.2]པའི་རྐང་པ་གཞག་པའི་དོན་དུ་འདི་བྱའོ། །སྙིང་པོ་གང་དུ་བྱས་པ། དེ་དང་ལྡན་པར་ཤེས་ཤེ་ན། དབུས་ན་ཡོད་པ་ཞེས་#སྨོས་ཏེ། རྣམ་པ་ཇི་ལྟ་བུ་ཞེ་ན། དེའི་ཕྱིར་ཀ་དམ་པའི་མེ་ཏོག་འདྲ་བ་རྩུབ་པ་དང་ངོ་ཞེས་བྱ་བ་སྨོས་ཏེ། རྐང་པ་མི་འདྲེད་པའི་དོན་དུ་རྩུབ་པ་ཉིད་དོ། །བཀྲུས་ནས་ཁ་སྦུབ་ཏུ་གཞག་གོ་
[33b.3]ཞེས་བྱ་བ་ལ། ཁྲུས་བྱེད་པ་འདི་ནི་དྲི་མ་མེད་པ་ཉིད་ཀྱི་དོན་དུ་སྟེ། དྲི་མ་མེད་པ་ཉིད་ནི་དྲི་མ་དང་བྲལ་བ་ཉིད་དོ། །འདི་ལ་ནི་གང་ཞིག་དེར་#ཆུ་གཙང་མ་རྣམས་#གནས་པ་དེ་ལ་#བསྒྲུབ་པ་སྟེ་དེ་ལས་དེ་བས་#ཆུ་གཞན་དག་གིས་ཞེས་བྱ་བ་ཤེས་པར་བྱའོ། །འདིར་གཞུང་ནི་རྐང་པ་གཉིས་བཀྲུས་ནས་རྐང་པ་བཀྲུས་པའི་ཆུ་གཙུག་
[33b.4]ལག་ཁང་གི་ཕྱི་རོལ་ལམ་ཝ་ཁར་དབོར་བཅུག་སྟེ་སླར་ཡང་འཁྲུར་བཅུག་ནས་སོ་ཞེས་གསུངས་པ་ཡིན་ནོ། །གང་དུ་གཞག་པར་བྱ་ཞེ་ན། དེའི་ཕྱིར་དགེ་འདུན་གྱི་ནི་ཁང་ཐོག་ཏུའོ། །གང་ཟག་གི་ནི་གནས་ཁང་གི་སྒོ་གླེགས་ཀྱི་ཕག་ཏུའོ། །གཙུག་ལག་ཁང་གི་ཕྱོགས་གང་དུ་ལྷུང་བཟེད་ཀྱི་བྱི་དོར་ལ་
[33b.5]སོགས་པ་བྱས་པ་དེར་ཆུས་བྱུག་གོ། །ཡང་ན་བསྐུའོ། །དེ་མདུང་རྩེའི་རྣམ་པ་ལྟ་བུའམ། རྫ་རྔའི་རྣམ་པ་ལྟ་བུར་རོ་ཞེས་བྱ་བ་སྨོས་ཏེ། རྣམ་པ་དེ་ལྟ་བུ་ཞེས་བྱ་བ་འཇུག་པ་ཡིན་ནོ། །ཅི་ཞིག་གིས་བསྐུ་ཞེ་ན། བ་གླང་#གི་ལྕི་བའམ་འཇིམ་པས་སོ་ཞེས་བྱ་བ་སྨོས་སོ། །དཀོན་མཆོག་གི་དོན་ཉིད་དུ་བསྐུ་བ་
[33b.6]ལ་ནི་རྣམ་པར་#ངེས་པ་མེད་དོ། །ལྷུང་བཟེད་མེད་#པ་རབ་ཏུ་འབྱུང་བ་དང་བསྙེན་པར་རྫོགས་པར་མི་བྱའོ། །ཆུང་ངུ་དང་ཆེན་པོ་དང་སྐྱ་བས་ཀྱང་མི་བྱའོ་ཞེས་བྱ་བ་སྨོས་ཏེ། ལྷུང་བཟེད་ནི་གསུམ་ཏེ#། ཆེ་བ་དང་འབྲིང་དང་། ཆུང་བ་ཞེས་བྱ་བའོ། །དེ་རྣམས་ཀྱི་ཚད་ངེས་པར་ཤེས་པར་བྱ་བའི་ཕྱིར། ཁའི་
[33b.7]ཆའི་མཐའ་ཁོ་ན་ནས་མཐེ་བོའི་ལྟོ་གང་གི་ལྷག་མར་འབྲས་ཐུག་པོ་ཆེ་མ་ག་དྷཱའི་#བྲེའུ་ཆུང་གང་བཙོས་པ་སྲན་ཚོད་དང་བཅས་པ། ཚོད་མ་དང་བཅས་པ་ལྷག་པ་ནས་དོའི་བར་དེ་ཤོང་བ་དེ་ནི་རིགས་པ་ཡིན་ནོ་ཞེས་བྱ་བ་སྨོས་ཏེ། ཁའི་ཆ་ནས་ཏེ་འོག་གི་ཚད་#ལ་ནི་མ་ཡིན་ནོ། །མཐའ་ཁོ་ན་ནས་ཏེ་ཕྱོགས་གཞན་
[34a]
[34a.1]གྱི་དེ་མ་ཐག་ཏུ་གང་ཞིག་མཐེ་བོའི་ལྟོ་སྟེ་མཐེ་བོའི་ཚིགས་ཀྱི་ཕྱོགས་ལ་གང་ཞིག་མཐེ་བོང་གི་རྒྱ་ཆེ་བ་ཉིད་ནི་ཚད་དེ་ཉིད་དེ། དེའི་ས་ལྷག་མ་སྨད་ཀྱི་ཆར་མ་ག་དྷཱའི་#བྲེའུ་ཆུང་གང་བཙོས་པ་དེའི་ཁའི་ཆ་གཉིས་འགྱུར་ཤོང་བའི་བྲེ་ཇི་སྲིད་དུ་#རང་དང་རྗེས་སུ་མཐུན་པའི་ཚོད་མ་དང་བཅས་པ་དེའི་
[34a.2]ཁར་བྲེ་ཉིས་#འགྱུར་རམ་གང་ཞིག་འཛིན་པ་དེ་ནི་འདི་དང་མ་བྲལ་བར་#རིགས་པ་ཞེས་བྱ་བའི་དོན་ཏོ#། །འབྲུ་མར་དང་མར་དང་སྦྲང་རྩི་དང་ཆུ་#ལ་སོགས་པ་རྣམས་ཀྱི་སྲོང་#སུམ་ཅུ་རྩ་གཉིས་ནི་མ་ག་དྷཱའི་#བྲིའོ། །གཞན་ཞུ་#བ་མ་ཡིན་པ་རྣམས་ལས་བཅུ་དྲུག་ཅེས་བྱ་བ་རྫས་ཙམ་བསམ་པར་#བྱེད་པ་རྣམས་ཀྱིའོ། །དེ་
[34a.3]བས་ན་འདིར་ཆུ་སྲང་བཅུ་དྲུག་ལ་མ་ག་དྷཱའི་#བྲེས་བརྗོད་པ་ཞེས་བྱ་བར་#རྟོགས་པར་བྱའོ། །འདིར་གཞུང་དུ་ནི་གང་དུ་མ་ག་དྷཱའི་འབྲས་#བྲེའུ་ཆུང་དོ་བཙོས་པ་སྲན་ཚོད་དང་བཅས་ཚོད་མ་དང་བཅས་པ་ལ་མཐེ་བོང་གི་ལྟོ་བ་བཅུག་པ་ཁའི་ཆ་ལ་རེག་པར་མི་འགྱུར་བ་དེ་ནི་ཆེན་པོའི་ཚད་ཡིན་ནོ། །གང་དུ་གཅིག་པོ་
[34a.4]དེ་ན་ཆུང་བའོ། །འདི་གཉིས་ཀྱི་བར་དུ་ནི་#འབྲིང་པོ་ཞེས་བྱ་བའོ། །འདིར་ཚད་མར་བྱ་བ་དོན་གཉིས་ཀྱིས་སྲན་ཆུང་ཚོད་མ་དག་བཟུང་བས་ཆ་ཤས་ཀྱིས་སྲན་ཆུང་དང་ཚོད་མ་དག་འདིར་སྤངས་པ་ཉིད་བསྟན་#པ་དེ་བས་ན་ཚོད་མའི་རབ་ཏུ་དབྱེ་བ་རྣམས་ལ་དུ་མའི་ཆ་ཤས་#ཉིད་ཀྱིས་འདིར་བསྟན་#པ་ཉིད་དེ་ཇི་#ཙམ་གྱི་
[34a.5]ཚོད་མས་བཟའ་བར་བྱ་བ་སྤོགས་པར་འགྱུར་བ་ཚོད་མ་དེ་ཙམ་གྱི་ལྷུང་བཟེད་ཀྱི་ཚད་ལ་བརྟེན་པ་སྟེ། གཞན་གྱིས་ནི་མ་ཡིན་ནོ་ཞེས་བྱ་བའི་དོན་ཏོ། །ཡུལ་ཐ་དད་པས་སྲན་ཆུང་དང་འབྲིང་དང་རབ་འདྲེས་པའི་སྐྱོན་རྣམ་པར་བསལ་བའི་དོན་དུ་ཡན་ལག་ལས་འབྱུང་བའི་ཚད་བརྗོད་པར་བྱ་སྟེ། མཾ་ས་སེ་བ་
[34a.6]བརྒྱད་ཅེས་བྱ། །མཾ་ས་བརྒྱད་ལ་ཞོ་གཅིག་འདོད། །གསེར་ཞོ་གཅིག་ཅེས་#རབ་བརྗོད་དེ། །གསེར་ཞོ་བརྒྱད་ལ་སྲང་གཅིག་གོ། །དགེ་སློང་མས་དགེ་སློང་གི་ཆུང་ངུ་ལས་ལྷག་པ་མི་བཅང་#ཞེས་བྱ་བ་ནི་གང་ཞིག་དགེ་སློང་#རྣམས་ཀྱིས་#ཆུང་བ་ནི་འདིའི་ཆེན་པོ་སྟེ། ཆུང་བ་ནི་འདི་ལ་ཇི་ཙམ་དུ་ལྷུང་
[34a.7]བཟེད་ཀྱི་ཚད་ཀྱི་བསོད་སྙོམས་སྒྲུབ་པར་བྱེད་པ་ཞེས་བྱ་བ་དོན་གྱིས་རྟོགས་པའོ། །དེས་དེའི་གཞིར་ཞ་ཉེའི་དབྱར་#འདབ་གཞག་པར་བྱའོ་ཞེས་བྱ་བ་ལ། དེས་ཞེས་བྱ་བ་ནི་དགེ་སློང་མས་སོ། །དེའི་ཞེས་བྱ་བ་ནི་ལྷུང་བཟེད་ཀྱིས་སོ། །གཞིར་ཞེས་བྱ་བ་ནི་སའི་ཕྱོགས་གང་དུ་འདི་གཞག་པའི་ས་
[34b]
[34b.1]གང་ཡིན་པ་དེ་ནི་འདིར་གཞི་དེར་ཞེས་བྱ་བའི་དོན་ཏོ། །དེའི་རྣམ་པ་ཅི་འདྲ་ཞེ་ན། དེའི་ཕྱིར་བྱང་ཆུབ་དང་པ་ཏ་ལའི་ལོ་མའམ་ལག་མཐིལ་གྱི་ལྟ་བུར་རོ། །ཚད་ལས་ཀྱང་ངོ་ཞེས་བྱ་བ་སྨོས་ཏེ། རྣམ་པ་ལས་གཅིག་པུར་མ་ཟད་ཀྱིས་ཚད་ལས་ཀྱང་འདི་ཙམ་ཉིད་ཕྱིན་པར་བྱ་སྟེ། ལྷག་མ་ནི་མ་ཡིན་ཏེ། དོན་
[34b.2]འདྲ་བའི་ཕྱིར་རོ། །ཆད་པ་མ་ཡིན་ཏེ། ཡང་དག་པར་བསྒྲུབ་པའི་ཕྱིར་ཞེས་བྱ་བའི་དོན་ཏོ། །ས་ལ་རེག་པ་ལ་རྐོ་བ་དང་མ་སྦྱར་བ་ནི་འདི་སྦྱིན་པའི་དོན་ཏོ། །བརྙན་པོས་ཀྱང་དེ་ཉིད་དང་བཅས་པ་ཡིན་ནོ་ཞེས་བྱ་བ་ལ། དེ་ཉིད་དང་བཅས་པ་ནི་ལྷུང་བཟེད་དང་བཅས་པ་ཉིད་དོ། །བརྙན་པོ་འདིས་
[34b.3]ལྷུང་བཟེད་མེད་པ་རབ་ཏུ་དབྱུང་བ་དང་བསྙེན་པར་རྫོགས་པར་མི་བྱའོ། །དབྱར་གྱི་དུས་སུ་ལྷུང་བཟེད་མེད་དུ་མི་རུང་ངོ་ཞེས་བྱ་བ་འདི་ལ་སོགས་པ་འདའ་བར་གྱུར་པ་དེ་བས་ན་འདི་བྱས་སོ། །ལྔ་པོ་ཡང་དེ་བཞིན་ནོ་ཞེས་བྱ་བ་ནི་ཆོས་གོས་གསུམ་དང་དེའི་གཞི་དང་ཟག་སྣོད་ཇི་ལྟར་ལྷུང་བཟེད་ཀྱིས་དེ་ཉིད་
[34b.4]དང་བཅས་པར་འགྱུར་བ་དེ་བཞིན་དུ་འདིས་ཀྱང་ཞེས་བྱ་བའི་དོན་ཏོ། །འདིར་གཞུང་ནི་དེ་བས་ན་རྗེས་སུ་ཤེས་ཏེ། བརྙན་པོ་རྣམས་ཀྱིས་ཀྱང་ཡོ་བྱད་དྲུག་པོས་རབ་ཏུ་དབྱུང་བར་བྱའོ་ཞེས་བྱ་བ་ཟག་སྣོད་དང་དེའི་གཞི་དག་ཀྱང་#མེད་པར་རབ་ཏུ་དབྱུང་བར་མི་བྱའོ་ཞེས་གསུངས་#པ་ཡིན་ནོ། །དེ་བས་ན་ལྟུང་
[34b.5]བར་#རིག་པར་བྱའོ། །དབྱར་དག་ལྷུང་བཟེད་མེད་དུ་མི་རུང་ངོ་། །ལྗོངས་རྒྱུ་ཞིང་འགྲོ་བར་མི་བྱའོ། །འཇིགས་པ་དང་བཅས་པ་ཉིད་དུ་ལྷུང་བཟེད་ཆུང་ངུས་འགྲོ་བར་བྱའོ་ཞེས་བྱ་བ་སྨོས་ཏེ#། འདིར་གཞུང་ནི་ཉེ་དགའ་བོས་ལྷུང་བཟེད་མེད་པར་རབ་ཏུ་ཕྱུང་སྟེ། དེས་དགེ་སློང་རྣམས་དང་ལྷན་ཅིག་ཏུ་ལྗོངས་
[34b.6]རྒྱུར་འགྲོ་བར་བྱེད་ཅིང་ཡུལ་ཀར་པ་ཏ་ཀར་རྗེས་སུ་ཐོབ་པོ། །དེར་ཁྱིམ་བདག་གིས་དགེ་སློང་རྣམས་བཟའ་བ་ལ་སྤྱན་དྲངས་ཏེ། ཇི་སྲིད་དུ་གསར་དུ་རབ་ཏུ་བྱུང་བ་དེ་ལ་ལྷུང་བཟེད་མེད་དེ། དེ་ལ་ཁྱིམ་བདག་འཕྱ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ལྷུང་བཟེད་མེད་
[34b.7]པར་ལྗོངས་རྒྱུ་ཞིང་འགྲོ་བར་མི་བྱའོ། །མ་བྱིན་པར་ལེན་པ་དག་གིས་བཅོམ་ནས་བཅོམ་ལྡན་འདས་ཀྱིས་བཀའ་སྩལ་བ། ལྷུང་བཟེད་ཆུང་ངུས་བཀུར་བར་བྱ་ཞིང་ལྷུང་བཟེད་གཞག་པར་བྱའོ། །དབྱར་གྱི་དུས་སུ་ལྷུང་བཟེད་ཉེ་བར་གཞག་པར་བྱའོ་ཞེས་གསུངས་པ་ཡིན་ནོ། །མེད་ན་རབ་ཏུ་དབྱུང་བར་#
[35a]
[35a.1]བྱའོ། །འགྲེང་བཞིན་དུ་ལྷུང་བཟེད་དབྱུང་བ་དང་གཞུག་པ་དང་བསྐམ་པར་མི་བྱའོ། །རན་པར་སྤྱད་པར་བྱའོ་ཞེས་བྱ་བ་ནི་དེའི་ལོངས་སྤྱོད་རབ་ཏུ་བསྟན་པའི་དོན་དུའོ། །གཞན་གྱིས་སྤངས་པ་དེར་མི་བླུགས་སོ་ཞེས་བྱ་བ་ནི་གཞན་གྱིས་སོ། །སྤངས་པ་ཞེས་བྱ་བ་ནི་དོར་བའི་ཆོས་
[35a.2]ཅན་ནོ། །དེས་ཕྱག་དར་མི་དོར་རོ། །ངན་པ་#ཡང་མི་དོར་རོ་ཞེས་བྱ་བ་ནི་མི་དོར་རོ་ཞེས་བྱ་བ་འཇུག་གོ། །ལག་པ་དང་ཁའི་ཆུ་མི་བླུགས་སོ། །དགེ་ཚུལ་བག་མེད་པའི་ཆོས་ཅན་བྱི་དོར་བྱེད་དུ་མི་གཞུག་གོ། །བྱེ་མ་ཅན་དང་ལྕི་བས་མི་བྱའོ། །ཧ་ཅང་གཤེར་བཞིན་དུ་ཕྱིར་མི་གཞུག་གོ། །ཧ་ཅང་
[35a.3]བསྐམ་པར་མི་བྱའོ། །རྡོའི་སྟེང་དུ་མི་གཞག་གོ་ཞེས་བྱ་བ་ནི་གཞག་པ་འདི་ནི་རེ་ཞིག་གི་#དུས་ཅན་ནོ། །མི་གཙང་བའི་ཕྱོགས་སུ་མི་གཞག་གོ། །གར་བབ་བབ་ཏུ་མི་གཞག་གོ་ཞེས་བྱ་བ་ནི་ཕྱོགས་ཞེས་པ་དང་མི་གཞག་གོ་ཞེས་བྱ་བར་སྦྱར་རོ། །དེར་མི་བཞག་གོ་ཞེས་བྱ་བ་ལ། གར་བབ་བབ་ཏུ་
[35a.4]འདི་ནི་གཏན་དུ་གཞག་པའི་ཕྱིར་དགག་པ་ཡིན་གྱི་རེ་ཞིག་ཁོ་ན་ནི་མ་ཡིན་ནོ། །དེའི་ཆེད་དུ་ངོས་ཁུང་བྱའོ་ཞེས་བྱ་བ་ནི་ལྷུང་བཟེད་གཞག་པའི་དོན་དུའོ། །ངོས་ཁུང་ཞེས་བྱ་བ་ནི་ཁུང་བུའི་མིང་ངོ་། །ངོས་ཁུང་ཇི་ལྟར་བྱ་ཞེ་ན། དེའི་ཕྱིར་གཙུག་ལག་ཁང་དང་ཁང་ཁྱིམ་དག་རྩིག་པའི་ཚེ་བྱའི་
[35a.5]རྩིག་པ་རྐོ་བས་ནི་མ་ཡིན་ནོ། །དགོན་པ་པ་རྣམས་ཀྱིས་སྐོན་བུ་ཁ་སྦྱར་བར་#བྱའོ་ཞེས་བྱ་བ་སྨོས་ཏེ། ལྷུང་བཟེད་གཞག་པའི་ཕྱིར་བྱ་བའོ། །ནམ་མཁའ་ལ་ངོས་ཁུང་ཞེས་བྱ་བ་འདི་ལ་འདོན་པ་གཞན་ལ་ཐ་སྙད་དོ། །དེ་ཅི་ལས་བྱ་ཞེ་ན། དེའི་ཕྱིར་ལྕུག་མ་འམ་སྲད་བུ་ལས་བྱས་པའོ་ཞེས་
[35a.6]བྱ་བ་སྨོས་ཏེ། སྲད་བུའི་རང་བཞིན་གྱི་རྣམ་པར་འགྱུར་བ་ལ་ཞེས་བྱ་བའི་དོན་ཏོ། །ལྕི་བ་དང་སས་བྱུགས་པས་སོ་ཞེས་བྱ་བ་ནི་དེ་ལྟ་བུའི་རང་བཞིན་གྱི་ཁ་གབ་ལའོ། །འདི་ལ་ཁ་གབ་ཀྱང་ལྕུག་མའི་རང་བཞིན་ནམ་སྲད་བུའི་རང་བཞིན་པའི་ལྕི་བ་དང་སས་བྱུག་#པ་བྱའོ་ཞེས་བྱ་བའི་དོན་ཏོ། །དེར་
[35a.7]ནི་གཟར་ཐག་གིས་ཤིང་ལ་དཔྱངས་#ན་བཟང་ངོ་། །ས་ལ་མི་བཞག་གོ། །དེ་གཞན་དུ་མི་བསྐུར་#རོ་ཞེས་བྱ་བ་ནི་སྐོན་བུའོ། །དེ་བསྐུར་#བ་ནི་ལུང་ཐག་བཏགས་ཏེ་ལྷུང་བཟེད་ལའོ། །ལག་པས་ཞེས་བྱ་བ་ནི་མི་བསྐུར་#བའོ། །དེ་མཆན་ཁུང་གིས་སོ་ཞེས་བྱ་བ་ནི་#ལྷུང་བཟེད་དོ། །ཁུར་བ་ན་དཔྱད་#ཐག་
[35b]
[35b.1]བཏགས་ནས་སོ། །ལྷུང་བཟེད་དང་སྨན་དང་བར་བུར་དག་སྣོད་ཐ་དད་པར་གཞུག་གོ་ཞེས་བྱ་བ་ནི་གཞན་ལ་ལྷུང་བཟེད་དང་། གཞན་ལ་སྨན་དང་གཞན་ལ་བར་#བུར་ཞེས་བྱ་བའི་དོན་ཏོ། །བར་བུར་ཞེས་བྱ་བ་ཡང་སྨྱུང་བུ་དང་རྒྱུན་ལ་སོགས་པར་བལྟ་བར་བྱའོ། །དེ་དག་བཅང་བར་བྱའོ་ཞེས་བྱ་བ་ནི་
[35b.2]ལྷུང་བཟེད་ལ་སོགས་པའི་སྣོད་རྣམས་སོ། །དེ་དག་ལ་དཔྱང་#བའི་ལུང་ཐག་མཉམ་པར་གདགས་པར་མི་བྱའོ་ཞེས་བྱ་བ་ནི་ཕྱིང་བ་ཉེ་བར་སྦྱར་བའོ། །དེ་དག་ལ་ཞེས་བྱ་བ་ནི་ལྷུང་བཟེད་ལ་སོགས་པའི་སྣོད་རྣམས་ཀྱི་ལུང་ཐག་མཉམ་པར་སྤང་བས་གདགས་པར་བྱ་ཞེས་བྱ་བའི་དོན་ཏོ། །དེ་ལྟར་ཡང་གླེང་
[35b.3]གཞི་ནི་འཕགས་པ་ཅི་ཞིག་འདི་རྫ་རྔ་འམ་ཞེས་བྱ་བ་ཡིན་ནོ། །དེ་བས་ན་མཉམ་པར་གཞག་པའི་དོགས་པ་དགག་པའི་གཙོ་བོ་འདི་ཡིན་ཏེ། སྡུག་བསྔལ་མི་འདོད་པས་ནི་ཞེང་ཆུང་ངུ་དག་ཀྱང་ངོ་ཞེས་བྱ་བ་ནི་དཔྱང་#ཐག་རྣམས་ལ་ཕྱིང་བུས་སྦྱར་བར་བྱའོ། །རྒྱུ་ཅིའི་ཕྱིར་ཞེ་ན། སྡུག་བསྔལ་མི་འདོད་པས་
[35b.4]ནི་ཞུམ་པར་མི་འགྱུར་བར་བྱ་བའི་ཕྱིར་ཞེས་བྱ་བ་ནི་འདོད་པ་སྦྱིན་པ་མ་ཡིན་ནོ། །འདོད་པ་མི་སྦྱིན་པ་ཕྱོགས་གང་ལས་ཤེ་ན། དེའི་ཕྱིར་དབུས་སུ་ཞེས་བྱ་བ་སྨོས་ཏེ། དཔྱང་#ཐག་ཅེས་བྱ་བ་སྐབས་ཀྱིས་གོ་བར་བྱའོ། །ཐ་དད་པ་ཉིད་འདིའི་དབུས་སུ་སྟེ་རིང་པོ་ལ་ནི་མ་ཡིན་ཞེས་བྱ་བ་ནི་#དོན་གྱིས་གོ་བར་
[35b.5]བྱའོ། །དེ་གནས་པར་བྱ་བའི་ཕྱིར་མདོ་མདོར་བྱ་རོག་རྐང་བྱའོ། །ལྷུང་བཟེད་མིག་བཞིན་དུ་བསྐྱང་བར་བྱའོ། །སྣམ་སྦྱར་པགས་པ་དང་འདྲ་བར་རོ། །ཆོས་གོས་ལྷག་མ་ཡང་ངོ་། །བཅོས་ལེགས་བྱ་བ་ཡལ་བར་མི་འདོར་#རོ་ཞེས་བྱ་བ་ནི་ལྷན་པ་དང་བསྲོ་བ་དང་འཁྲུ་བ་དང་བསྟེན་པ་དང་ཁ་བསྒྱུར་བ་
[35b.6]རྣམས་ཏེ། ལྷུང་བཟེད་དང་ཆོས་གོས་གཉིས་ལ་ལྟོས་ནས་ཆོ་ག་འདིའོ། །འདིར་ལྷན་#པ་ནི་དབེན་པའི་ཕྱོགས་སུ་བསྒྲུབ་པར་བྱའོ། །སོ་སོར་མ་སྦས་པར་འདི་བྱེད་པར་གྱུར་ན་མ་དད་པ་སྐྱེ་བའི་དངོས་པོར་འགྱུར་རོ་ཞེས་བྱ་བ་བསྟན་པའི་ཕྱིར་མདོ་འདིའོ། །དགེ་འདུན་གྱིས་མགར་སྤྱད་དག་བསྲེལ་
[35b.7]བར་བྱའོ། །བུ་གུ་དེའི་ཞེས་བྱ་བ་ནི་ལྷན་པའོ། །བུ་རམ་དང་རྒྱ་སྐྱེགས་ཀྱི་ཚིགས་#མ་དང་སྤྲ་ཚིལ་དང་#ཞ་ཉེ་དཀར་པོ་དང་ཞ་ཉེ་ནག་པོ་རྣམས་ཀྱིས་མི་བཟང་ངོ་། །འོ་ན་གང་བཟང་ཞེ་ན། དེའི་ཕྱིར་ལྷན་རིངས་དང་ཐམ་ཕྲན་#དང་ལྷན་པ་དང་ཆུ་སྲིན་གྱི་སོ་ལྟ་བུ་དག་བཟང་ངོ་ཞེས་བྱ་བ་དག་སྨོས་ཏེ།
[36a]
[36a.1]ཕྱེ་མས་ཀྱང་ངོ་། །ལྕགས་ཀྱི་འམ་རྡོའིའོ། །ལྷན་པ་བཟང་ངོ་ཞེས་བྱ་བ་རྗེས་སུ་འབྲེལ་ལོ། །འབྲུ་མར་གྱིས་བདར་རོ་ཞེས་བྱ་བ་སྟེ་ཕྱེ་མས་སོ། །ཇི་སྲིད་དུ་བདར་ཞེ་ན་དེའི་ཕྱིར་སྤྲ་ཚིལ་དང་འདྲ་བ་ལ་ཐུག་#པར་གྱུར་པས་སོ་ཞེས་བྱ་བ་སྨོས་སོ། །རྫས་ཅི་ཞིག་བདར་བར་
[36a.2]བྱ་#ཞེ་ན། དེའི་ཕྱིར་ལྕགས་སམ་ཀུ་#རུ་བིན་དས་སོ་ཞེས་བྱ་བ་སྨོས་ཏེ། འབྲུ་མར་དང་ཕྱེ་མ་བསྲེས་ནས་གླན་པར་བྱ་སྟེ། ཇི་སྲིད་དུ་སྤྲ་ཚིལ་འདྲ་བར་གྱུར་པ་དེ་སྲིད་དུ་བདར་བར་བྱའོ་#ཞེས་བྱ་བའི་དོན་ཏོ། །དྲོ་བ་ལ་གླན་ནོ་ཞེས་བྱ་བ་ནི་ལྷུང་བཟེད་ལ་ཞེས་བྱ་བ་སྐབས་ཀྱིས་རྟོགས་ཏེ་ལྷུང་
[36a.3]བཟེད་དྲོ་བ་ལ་ཕྱེ་མ་བདར་བས་གླན་པའོ། །གྲོ་#བས་གཡོགས་ཏེ་འཇིམ་པ་#བསྐུས་ལ་ཇི་རན་ཙམ་དུ་བསྲོའོ་ཞེས་བྱ་བ་ལ་རྗེས་སུ་འབྲེལ་ལོ། །དྲོ་བ་ཇི་ལྟ་བུར་སྦྱར་ཞེ་ན། དེའི་ཕྱིར་བར་མ་ནི་འབྲུ་མར་གྱིས་བདར་རོ་ཞེས་བྱ་བ་སྨོས་ཏེ། གླན་པ་དེ་ལ་འབྲུ་མར་གླན་ནས་བདར་བར་བྱའོ། །བུ་རམ་
[36a.4]དང་འཇིམ་པས་སོ་ཞེས་བྱ་བ་ནི་ས་ལས་བྱས་པའི་ལྷུང་བཟེད་ལ་བུ་རམ་དང་འཇིམ་པས་གླན་པའོ། །ལྷན་རིངས་ཞེས་བྱ་བ་ལ་སོགས་པ་ལྔ་པོའི་གནས་སུ་བུ་རམ་དང་འཇིམ་པ་བཟུང་བའོ། །དེ་བས་ན་ལྷག་མ་འདི་ལས་སྔ་མ་ལ་རྗེས་སུ་འབྲེལ་བ་ཇི་ལྟར་རིགས་པ་རིག་པར་བྱའོ། །སྤྱོད་པ་ཉིད་ཡིན་ན་
[36a.5]འདུས་བྱས་པ་ལ་སོ་སོར་ཉེ་བར་སྦྱོར་བ་ནི་ཐབས་སོ། །དེ་ལ་དུས་ཇི་ཙམ་གྱིས་ལྷུང་བཟེད་ལ་དེ་འདུས་མ་བྱས་པ་ཉིད་གང་གིས་བསྲེག་#པར་འོས་པ་ཉིད་ཅེ་ན། འདིར་བརྗོད་པར་བྱ་སྟེ་སྤྱོད་པ་ཉིད་#ཡིན་ན་ཟླ་བ་དྲུག་གི་འོག་ཏུ་བསྲེག་པ#་ཉིད་དོ་ཞེས་བྱ་སྟེ། བྱེ་བྲག་ཏུ་བརྗོད་པ་#ནི་ས་ལས་བྱས་པ་
[36a.6]ལ་གསལ་བར་བྱེད་དེ། གལ་ཏེ་ས་ལས་བྱས་པའི་ཡིན་ན་ཟླ་བ་ཕྱེད་ནའོ་ཞེས་བྱ་བ་ནི་བསྲེག་#པ་ཉིད་དོ་#ཞེས་བྱ་བ་དང་རྗེས་སུ་འབྲེལ་ལོ། །སྤྱོད་པ་མ་ཡིན་པ་ཉིད་ལ་ཡང་ནི་ཇི་ལྟར་སྦྱོར་བས་ལྷུང་བཟེད་ལ་སོ་སོར་འདུ་བྱ་བ་བསྒྲུབ་པར་བྱའོ། །གལ་ཏེ་དབྱར་བྱུང་ན་དེའི་བྱ་བའི་བར་དུ་བསྐུ་བ་དང་
[36a.7]རྩུབ་ཁྲུས་ཉིད་ཀྱིས་ལེགས་པར་བཅོས་པ་ཉིད་བྱའོ་ཞེས་བྱ་བ་ནི་སྲོག་ཆགས་རྣམས་ལ་ཉེ་བར་འཚེ་བ་མེད་ཅིང་ནུས་པ་མེད་པ་ཉིད་ལ་འདི་སྦྱིན་པ་ཉིད་དོ། །བསྲེགས་#པ་ལ་གནས་པས་འཚོ་བ་ལ་འདི་བརྗོད་པ་ཡིན་ནོ། །བྱ་བའི་བར་ནི་དགོས་#པའི་དུས་གཉིས་ཀྱི་བར་རོ། །དེར་ལྷུང་བཟེད་འདི་ལ་བཀྲུ་བ་དང་
[36b]
[36b.1]རྩུབ་ཁྲུས་ཉིད་#ཀྱིས་ལེགས་པ་ཉིད་དོ། །བྱ་བ་བྱས་པ་སྟེ་བསྐུ་བ་བྱས་ནས་གཞག་པར་བྱའོ། །བྱ་བའི་དུས་གཞན་ལ་རྩུབ་ཁྲུས་ཉིད་བྱ་ཞེས་བྱ་བའོ། །དེ་ལྟར་ན་འདི་ལེགས་པར་བཅོས་པ་ཞེས་བྱ་བ་དོན་གྱིས་གོ་བར་བྱའོ། །དེ་བསྲེག་པར་བྱའོ་ཞེས་བྱ་བ་ལ་དེ་ནི་ལྷུང་བཟེད་དོ། །འདི་ནི་བདག་
[36b.2]ཉིད་ཀྱིས་བྱེད་པར་མི་རིགས་པ་མ་ཡིན་ཏེ། འདི་ནི་རབ་ཏུ་བྱུང་བ་ལ་བདག་ཉིད་ཀྱིས་བྱེད་པར་#རིགས་པ་མ་ཡིན་ནོ་ཞེས་བྱ་བའི་དོན་ཏོ། །དེའི་ཆེད་དུ་རྫ་བོ་བསྲེལ་བར་བྱའོ་ཞེས་བྱ་བ་ལ། དེའི་དོན་དུ་ཞེས་བྱ་བ་ནི་བསྲེག་པའི་དོན་དུའོ། །དེ་ཇི་ལྟ་བུ་ཞིག་ཅེ་ན། དེའི་ཕྱིར་དེ་ཉིད་དུ་གྲུབ་པའམ་ཞེས་
[36b.3]བྱ་བ་སྨོས་ཏེ། དེའི་དངོས་པོ་དེ་ཉིད་ལ་རྫ་བོ་ཉིད་ཀྱིས་གང་གིས་བསྐྱེད་པའོ། །དེ་གྱུར་པ་ཉིད་ཀྱིས་གང་བྱེད་པ་དེ་#བུམ་པ་ལ་སོགས་པའི་ཡན་ལག་གཉིས་ཀྱིས་ནི་མ་ཡིན་ཞེས་བྱ་བའི་དོན་ཏོ། །ཅི་འདི་ཉིད་གཅིག་པུ་ལ་ཡིན་ནམ་མ་ཡིན་ཞེ་ན། དེའི་ཕྱིར་#དེ་ཉིད་དུ་གྲུབ་པ་འམ་དབྱིབ་མོ་ཡང་རུང་ངོ་ཞེས་བྱ་
[36b.4]བ་སྨོས་ཏེ། ཉེ་བར་གཞག་པ་ཞེས་བྱ་བ་དང་རྗེས་སུ་འབྲེལ་ལོ། །ཇི་ལྟར་དབྱིབ་མོ་འདོད་པས་རྫ་བོ་འདི་ལ་བསྒྲུབ་པའི་དོན་དུ་བུམ་པ་ལ་སོགས་པ་བཅག་པ་བཟང་སྟེ་བསྟན་པའི་ཕྱིར། ཐལ་བས་བཀང་སྟེ་རྫ་གཟང་#གིས་བརྐོས་ན་བཟང་ངོ་ཞེས་བྱ་བ་སྨོས་ཏེ། བུམ་པ་བཅག་པས་ཆག་པའོ། །
[36b.5]ཅི་ཞིག་གིས་#ཤེ་ན་རྫ་གཟང་#གིས་ཞེས་བྱ་བ་སྨོས་ཏེ། ལྕགས་ལས་བྱས་པའི་ཕུར་པ་འདིའི་མིང་ངོ་། །བུམ་པ་བཅག་པ་དེ་སུ་ཞིག་ལ་དགབ་#པར་བྱ་ཞེ་ན། དེས་དུ་བ་མི་འཆོར་བ་སྟེ་རྫ་བོས་ལྷུང་བཟེད་ལའོ། །དགབ་#པ་ཇི་ལྟ་བུ་ཞེ་ན། དུ་བ་མི་འཆོར་བར་ཏེ། གང་ལྟ་བུ་ལ་དུ་བ་མི་འཆོར་བ་དེ་ལྟ་བུ་འདི་
[36b.6]བྱའོ་ཞེས་བྱ་བའི་དོན་ཏོ#། །ཅི་ཞིག་ཕྱི་རོལ་མ་བྱུགས་པ་ཉིད་ཀྱི་#རྫ་བོས་ཡིན་ནམ་ཞེ་ན། དེའི་ཕྱིར་ཕུབ་མ་དང་འཇིམ་པར་སྦྱར་བས་ཕྱི་རོལ་བྱུགས་པས་སོ་ཞེས་བྱ་བ་སྨོས་ཏེ། ཕུབ་མ་དང་འཇིམ་པ་སྦྱར་བས་ཕྱི་རོལ་བྱུགས་པ་གང་ལ་དེས་ཞེས་བྱ་བའི་དོན་ཏོ། །འདི་ལ་#རྫས་ཅི་ཞིག་བྱུགས་པས་ནང་
[36b.7]དུ་མ་བྱུགས་པ་#ཡིན་ནམ་ཞེ་ན། དེའི་ཕྱིར་འབྲུ་མར་གྱི་ཚིགས་མའམ་ལྕི་བས་ནང་བྱུགས་པས་སོ་ཞེས་བྱ་བ་སྨོས་སོ། །ཅི་བྱུགས་པ་སྦྱར་བས་སྐམས་#པས་ཡིན་ནམ་ཞེ་ན། དེ་#བསྐམས་པར་གྱུར་པས་སོ་ཞེས་བྱ་བ་སྨོས་ཏེ། ས་ཅི་ལྟ་བུ་དང་ཅི་ཞིག་བཏིང་བའི་ས་ལ་ལྷུང་བཟེད་བཞག་པ་ལ་འདིས་
[37a]
[37a.1]དགག་#ཅེ་ན། དེའི་ཕྱིར་ས་གཞི་བྱི་དོར་བྱས་པར་ཕུབ་མ་བཏིང་ཞིང་དུ་བ་འཆོར་བར་བྱེད་པ་#འབྲུ་མར་གྱི་ཚིགས་མ་ལ་སོགས་པའི་རྫས་བཀྲམ་པའི་སྟེང་དུ་ཁ་བུབ་ཏུ་བཞག་པ་ལའོ་ཞེས་བྱ་བ་སྨོས་ཏེ། ཕུབ་མའི་སྟེང་དུ་སྣང་བའི་ངང་ཚུལ་ཅན་འབྱུང་བར་བྱེད་པའི་འབྲུ་མར་གྱི་ཚིགས་
[37a.2]མ་ལ་སོགས་པའི་རྫས་#རྣམས་བཀྲམ་པ་ཞེས་བྱ་བའི་ཐ་ཚིག་གོ། །ཇི་ལྟར་གཞག་པར་བྱ་ཞེ་ན། དེའི་ཕྱིར་ཁ་བུབ་ཏུ་ཞེས་བྱ་བ་སྨོས་སོ། །འདིའི་རྗེས་སུ་ཅི་བྱ་ཞེ་ན། དེའི་ཕྱིར་ལྕི་བ་དག་དང་སོགས་མ་བཅེར་ཏེ་སྦར་རོ། །ཏེ་པོར་གྲངས་ནས་དབྱུང་ངོ་ཞེས་བྱ་བ་སྨོས་ཏེ#། ལྷུང་བཟེད་ཁ་དོག་རྫོགས་པ་ཕུན་སུམ་ཚོགས་པར་འགྱུར་#
[37a.3]གྱི་བར་དུ་བཟླས་པར་བྱའོ་ཞེས་བྱ་བ་ལ། ཇི་སྲིད་དུ་ཁ་དོག་གྲུབ་པ་#དེ་སྲིད་དུ་བསྲེག་པ་སྦྱིན་པར་བྱའོ། །བྱི་དོར་བྱས་ཤིང་བྱི་དོར་བྱས་ཤིང་གཞུག་པར་བྱའོ་ཞེས་བྱ་བ་ནི་བསྲེག་#པ་རེ་རེ་ལ་བྱི་དོར་བྱ་#ཞེས་བྱ་བའི་དོན་ནོ། །སྲོག་ཆགས་རྣམས་ལ་སྙིང་བརྩེ་བས་ཉེ་ཀོར་ཕྱག་དར་དང་ཆག་ཆག་བྱའོ་ཞེས་བྱ་བ་ནི་ཆུས་ཉེ་འཁོར་ཉིད་
[37a.4]ལའོ། །ལྷུང་བཟེད་མེད་པར་རབ་ཏུ་དབྱུང་བར་མི་བྱའོ་ཞེས་བྱ་བ་འདི་ཞར་ལ་འབྱུང་བ་ཡན་ལག་དང་བཅས་པའི་ལྷུང་བཟེད་ཀྱི་ཆོ་ག་བཤད་ཟིན་ཏོ།། །།#རབ་ཏུ་འབྱུང་བའི་གཞི་གཞན་འབྲེལ་བས་བརྗོད་པར་བྱ་སྟེ། #ལོ་ཚིགས་མི་ཤེས་ན་#མཚན་གྱི་ཉེ་འཁོར་དུ་སྤུ་སྐྱེས་པ་བསྙེན་པར་རྫོགས་པར་
[37a.5]ཁས་བླངས་པར་བྱའོ་ཞེས་བྱ་བ་ལ། སྤུ་སྐྱེས་པ་ཞེས་བྱ་བ་ནི་སྤུ་སྐྱེས་པ་ལའོ། །ཕྱོགས་གང་དུ་ཞེ་ན། དེའི་ཕྱིར་མཚན་གྱི་ཉེ་འཁོར་#དུ་ཞེས་བྱ་བ་སྨོས་ཏེ་མཚན་མ་ཐམས་ཅད་ལའོ། །ལོ་ཚིགས་མི་ཤེས་པ་ནི་བསྙེན་པར་རྫོགས་པར་བྱེད་པར་ཁས་བླངས་པའོ། །བསྙེན་པར་རྫོགས་པར་བྱ་བ་
[37a.6]ཁས་བླངས་པའི་དོན་དུ་ལོ་ཉི་ཤུ་ལོན་པ་ཉིད་དུ་མི་ཤེས་ན་དེའི་མཚན་གྱི་ཐན་ཀོར་དུ་སྤུ་སྐྱེས་པ་ཁས་བླངས་པས་ཞེས་བྱ་བའི་དོན་ཏོ། །འདིས་སྐྱེས་པའི་དངོས་པོ་མཚོན་པར་བྱེད་པས་ན་མཚན་མ་སྟེ་ཕོའི་དབང་པོའོ། །དེ་ནི་སྒྱུ་ཐབས་ཀྱིས་བརྟག་པར་བྱའོ་ཞེས་བྱ་བ་ལ། དེ་ནི་ཞེས་བྱ་བ་ནི་མཚན་
[37a.7]མ་ལ་སྤུ་བྱུང་བའོ#། །སྒྱུ་ཐབས་སུ་ཇི་ལྟ་བུས་ཤེ་ན། དེའི་ཕྱིར་ཟུང་#ང་དང་གོས་ཀྱི་#གདང་མཐོན་པོ་ལ་འདུག་པའི་དངོས་པོ་དབབ་པ་ལ་སོགས་པས་སོ་ཞེས་བྱ་བ་སྨོས་ཏེ། ཟུང་ང་དང་གོས་ཀྱི་གདང་མཐོན་པོ་ལ་འདུག་པའི་གོས་ལ་#སོགས་པའི་དངོས་པོ་དབབ་པ་དང་འགེལ་བ་ལ་སོགས་པའོ#། །བསྙེན་
[37b]
[37b.1]པར་རྫོགས་པར་འདོད་པ་ཤིང་ལ་འཛེག་ཏུ་མི་གཞུག་གོ། །མཚམས་ཀྱི་#ཕྱི་རོལ་དུ་མི་གཏོང་ངོ་#ཞེས་བྱ་བ་ནི་བསྙེན་པར་རྫོགས་པར་འདོད་པ་ཞེས་བྱ་བ་ལ་འཇུག་པའོ། །སྣང་བའི་ཉེ་འཁོར་གྱི་ནང་ནི་འདིར་མཚམས་སུ་རྣམ་པར་གནས་པའོ། །སྣང་བའི་ཉེ་འཁོར་གྱི་ནང་དུ་བྱས་པ་ནི་བསྙེན་པར་རྫོགས་པའི་གནས་
[37b.2]སུ་ཁྲིད་པ་ལ་#དེའི་གནས་ལས་སོ། །དེའི་གནས་ལས་ལྡང་བ་ཉིད་ལ་བསྙེན་པར་རྫོགས་པའི་གནས་སུ་དེའི་དོན་དུ་བྱ་བ་བྱེད་པའི་བསྟན་པ་ལ་ལྷག་པར་མོས་པ་ཚུལ་ཁྲིམས་དང་ལྡན་པའི་དགེ་སློང་འཁོར་དང་བཅས་པའི་གཙུག་ལག་ཁང་ན་གནས་པ་ལས་འགྲོ་བ་ན་དེའི་ལམ་ལ་ཞུགས་པས་སོ། །དུས་
[37b.3]གཞན་ལ་གནས་པ་ལ་དེ་ལ་འདི་ལྟར་བྱ་བ་ཉིད་དང་། འཆགས་#པ་དང་ཤིན་ཏུ་འདུད་པའི་གནས་པས་#དེ་ལྟར་སྣང་བའི་ཉེ་ཀོར་དུ་བཀར་ཏེ་ཚོགས་ལ་མངོན་དུ་ཕྱོགས་པར་ཐལ་མོ་སྦྱར་ཏེ་གཞག་པར་བྱའོ་ཞེས་བྱ་བ་ལ་དེ་ཞེས་བྱ་བ་ནི་བསྙེན་པར་རྫོགས་པར་འདོད་པའོ། །བཀར་ཏེ་ཞེས་བྱ་བ་ནི་གསང་སྟེ་སྟོན་པ་དེ་
[37b.4]ལ་བསྐོ་བའི་ལས་མི་ཐོས་པར་བྱ་བའི་ཕྱིར་དགེ་འདུན་གྱི་དབུས་ཀྱི་ནང་ནས་ལོགས་ཤིག་ཏུ་གཞག་པ་ཡིན་པ་དེ་ནི་འདིར་བཀར་བའི་ཚིག་གིས་གཟུང་ངོ་། །བཀར་བ་ཡོད་པ་ལ་ཚོགས་ལ་མངོན་དུ་ཕྱོགས་པར་ཐལ་མོ་སྦྱར་ཏེ་གཞག་པར་བྱའོ། །དགེ་འདུན་གྱི་ནང་ནས་མ་བཀར་བར་དེ་མི་བྱའོ་ཞེས་བྱ་བའི་ཐ་ཚིག་
[37b.5]གོ། །ཁྱིམ་པ་ལ་གནས་རྣམས་བརྗོད་པར་མི་བྱའོ། །བསྙེན་པར་རྫོགས་མ་ཐག་པ་ལ་མི་བརྗོད་པར་མི་བྱའོ་ཞེས་བྱ་བ་ནི་གནས་རྣམས་ཞེས་བྱ་བ་#འཇུག་གོ། །ཁྱིམ་དུ་གནས་པ་ལ་གནས་རྣམས་བརྗོད་པར་མི་བྱ་སྟེ། ཇི་སྲིད་དུ་རབ་ཏུ་འབྱུང་བར་མི་འགྱུར་ཞེས་བྱ་བའོ། །འདིའི་འོག་ཏུ་གཞུང་ནི་འདི་
[37b.6]ཡིན་ཏེ། བྲམ་ཟེའི་ཁྱེའུ་གཞན་ཞིག་རབ་ཏུ་བྱུང་བ་དང་བསྙེན་པར་རྫོགས་པ་ལ་མཁན་པོས་ཇི་སྲིད་དུ་#བསོད་སྙོམས་ལ་སོང་ཅིག་#ཅེས་བསྒོ་བ་དང་། དེས་བསྒོ་བ་ན་བདག་སློང་#མོ་ལ་རྒྱུ་བས་སྐྱོ་བ་སྟེ་རབ་ཏུ་བྱུང་ན་ཡང་བསོད་སྙོམས་བྱ་འམ་ཞེས་བསླབ་པ་ཕུལ་ཏེ་ཉམས་པར་གྱུར་པ་ནས་བཅོམ་ལྡན་འདས་ཀྱིས་
[37b.7]བཀའ་སྩལ་པ། བསྙེན་པར་རྫོགས་པའི་དེ་མ་ཐག་ཏུ་གནས་བཞི་བརྗོད་པར་བྱའོ་ཞེས་བྱ་བ་འདི་ལ་བསྡུ་བ་འདི་ཡིན་ནོ། །གང་ན་གནས་མེད་པ་དེར་གསོ་སྦྱོང་ལ་བསྡད་པ་འམ་གནས་པར་ཁས་བླངས་པར་#མི་བྱའོ། །གནས་པར་ཁས་བླངས་པ་#སྔ་མ་རྗེས་སུ་བསྲུང་བར་མི་བྱའོ་ཞེས་བྱ་བ་ནི་གནས་མེད་པ་ལ་ཁས་
[38a]
[38a.1]བླངས་པ་ཕྱི་མས་དོན་བསྒྲུབ་པ་མཐོང་ཞིང་ཚིག་འདི་མཐོང་བ་ཡིན་ཏེ། དེ་ལ་སྔ་མ་ཞིག་པ་ལ་ཕྱི་མ་ཁས་བླང་བར་བྱའོ་ཞེས་བྱ་བ་ཤེས་པར་འགྱུར་ཞེས་བྱ་བར་རིག་པར་བྱའོ། །ཕྱི་མ་ལ་ཡང་ཟླ་བ་གཉིས་ལས་ལྷག་པའོ་ཞེས་བྱ་བ་ལ། ཕྱི་མ་ཞེས་བྱ་བ་ནི་ཁས་ལེན་པའོ། །ཟླ་བ་གཉིས་ལས་
[38a.2]ལྷག་པ་གནས་མེད་ན་བསྲུང་བར་མི་བྱའོ་ཞེས་བྱ་བའི་རྗེས་སུ་དགག་པའི་དོན་དུ་ཡང་གི་སྒྲའོ། །ཟླ་བ་གཉིས་མ་བསྟེན་#པས་ཀྱང་གནས་པར་བྱ་ཞེས་བྱ་བ་འདིར་ཤེས་པར་འགྱུར་རོ། །གནས་དང་ལས་དང་ཉེ་གནས་ཀྱི་སྟ་གོན་གྱིས་དེ་བཙལ་བར་བྱའོ་ཞེས་བྱ་བ་ལ། དེ་ཞེས་བྱ་བ་ནི་གནས་སོ། །གནས་ལ་སོགས་
[38a.3]པའི་སྟ་གོན་རྣམས་ཀྱིས་གནས་འདི་ཡོངས་སུ་བཙལ་བར་བྱའོ། །གནས་ལ་སྟ་གོན་ནི་གནས་ཁང་ལ་སྟ་གོན་ནོ། །གནས་ལ་#འོས་པའི་དགེ་འདུན་ལ་གང་ཟག་མང་བ་ཉིད་ཀྱི་ཕྱིར་བཙལ་བར་བྱའོ་ཞེས་བྱ་བ་#ནི་མང་པོའི་ཚིག་གོ། །མེད་ན་གཞོན་ནུའི་ནང་ནས་ཆེས་#རྒན་པ་ལ་ཞུ་བར་བྱའོ་ཞེས་བྱ་བ་ལ། མེད་ན་ཞེས་
[38a.4]བྱ་བ་ནི་གནས་པའོ། །དབྱར་གནས་ལ་མ་བསྟེན་#པ་ཞེས་བྱ་བའི་ཆེད་དུ་བརྗོད་པའི་ཚིག་འདི་ལ་གནས་སུ་བྱ་བ་རྣམས་ལ་ནང་དུ་ལོ་གཅིག་ཏུ་སློབ་དཔོན་དུས་#ལས་འདས་པར་གྱུར་ནས་དབྱར་བཅུག་#ནས་གཙུག་ལག་ཁང་དུ་མི་གནས་པར་བྱས་ནས་སོང་བར་གྱུར་པ་རྣམས་ལ་གཙུག་ལག་ཁང་ན་གནས་མེད་ཀྱང་མི་བྱ་
[38a.5]སྟེ་བྱེད་ན་འགལ་ཚབས་ཅན་དུ་འགྱུར་རོ། །འོན་ཀྱང་གང་ཞིག་#དེ་རྣམས་ལས་ཤིན་ཏུ་རྒན་པ་དེ་ལ་ཞུ་བར་བྱ་ཞིང་དེའི་འོག་ཏུ་དགག་དབྱེ་ལ་གནས་ཀྱི་སློབ་དཔོན་ཡོངས་སུ་བཙལ་བར་བྱ་བ་གསུངས་པའི་གཞུང་འདི་ལ་འདི་ནི་བསྡུ་བ་ཡིན་ནོ། །དོན་གྱིས་#དེ་རྣམས་ཀྱི་ཆེས་རྒན་པའི་གཞོན་ནུ་དེ་གནས་སོ། །ཆེས་
[38a.6]རྒན་པ་དེ་ལ་ནི་གཞོན་ནུ་ལ་གནང་བར་འགྱུར་ཏེ། གནས་ལ་མི་གནས་པ་ཞེས་བྱ་བར་རིག་པར་བྱའོ། །ཡོད་ན་ཡང་རེ་ཞིག་གི་གནས་དེ་ཉིད་ཀྱིས་སོ་ཞེས་བྱ་བ་ནི་གནས་ལའོ། །ཡོད་ན་ཡང་རྟེན་ནི་རྟེན་ལའོ། །གཞོན་ནུའི་ཆེས་རྒན་པ་ལ་ཞུ་བར་བྱའོ། །འདིར་གཞུང་ནི་འདི་ཡིན་ཏེ། རེ་ཞིག་གི་
[38a.7]གནས་ཉིད་ཀྱིས་འདི་ཉིད་མཁན་པོ་མཉམ་པར་འགྱུར་རོ། །འདི་ཉིད་ཁྱོད་ཀྱིས་ཞུ་བར་བྱའོ། །འདི་ཉིད་ཁྱོད་ལ་སློབ་པར་བྱེད་པར་འགྱུར་བ་དང་། ཀློག་ཀྱང་ཀློག་པར་འགྱུར་ཏེ་ཞེས་བྱ་བ་རབ་ཏུ་བྱུང་བའི་གཞི་ལས་སྤྲུལ་པ་ལ་#གསུངས་པའོ། །མ་ཞུས་པར་དེ་ལྟ་བུ་ལ་བདག་གིས་སམ་དེས་ཀྱང་བསྙེན་བཀུར་གྱི་
[38b]
[38b.1]ལས་མི་བྱའོ་ཞེས་བྱ་བ་ལ། འདིར་དེ་ལྟ་བུ་ནི་ལུགས་ཐ་དད་པའི་རབ་ཏུ་འབྱུང་བ་ཤེས་པའམ་དོགས་པའོ། །གནས་པར་འོས་པ་#ཡོངས་སུ་ཚོལ་#བ་ལ་ཞུགས་པ་ནི་མེད་ན་མི་གནས་པར་འདུག་པ་ལ་ཉེས་པ་མེད་དོ་ཞེས་བྱ་བ་ལ། ཉེས་པ་མེད་དོ་ཞེས་བྱ་བ་ནི་སྐྱོན་མེད་པའོ། །མེད་ན་ནི་ཞེས་བྱ་བ་ནི་རྟེན་
[38b.2]ནོ། །སྐྱོན་མེད་པ་ནི་སུ་ལ་ཞེ་ན། དེའི་ཕྱིར་ཡོངས་སུ་འཚོལ་བ་ལ་ཞུགས་པ་ནི་ཞེས་བྱ་བ་ལ་སོགས་པ་སྨོས་སོ། །དུས་ཇི་ཙམ་དུ་ཞེ་ན། དེའི་ཕྱིར་ཞག་ལྔའི་མཐར་ཐུག་པའི་བར་དུའོ་ཞེས་བྱ་བ་སྨོས་ཏེ། ཇི་སྲིད་དུ་ཞག་ལྔའི་མཐར་ཐུག་པའི་བར་དུའོ་ཞེས་བྱ་བའི་དོན་ཏོ། །ཇི་སྲིད་ཞག་ལྔ་ཉིད་དུ་རྙེད་པ་
[38b.3]ཡོད་ན་འོས་པ་ཡིན་ནོ། །འདིར་གཞུང་ནི་གླེང་གཞི་དག་ལས་མི་གནས་པ་ལ་ཡུལ་ཇི་སྲིད་དུ་རྙེད་པ་འཚལ་བར་བགྱི། ཉེ་བ་འཁོར་ཞག་ལྔ་ཚུན་ཆད་དོ། །རྙེད་པ་ཡོད་ན་འོས་པ་ཉིད་དེ་#ཞེས་གསུངས་པ་ཡིན་ནོ། །དེ་ཡང་སྦྱོར་བ་མི་ཐོགས་པ་དང་གནས་ཡོངས་སུ་ཚོལ་བ་ལ་ཞེས་བྱའོ། །གློ་བུར་དུ་
[38b.4]འོངས་པས་ནི་ངལ་སོས་ནས་ཉི་མ་གཉིས་པའམ་གསུམ་པ་ལ་གནས་བཅའ་བར་བྱའོ། །ཉི་མ་གཅིག་ནི་ཆེད་དུ་མི་བྱའོ་ཞེས་བྱ་བ་ནི་གནས་བཅའ་བར་བྱའོ་ཞེས་བྱ་བ་དང་རྗེས་སུ་འབྲེལ་ཏོ། གནས་པ་ཉེ་བར་མི་གནས་ན་གནས་#ལ་ཞུ་བར་བྱའོ་ཞེས་བྱ་བ་ནི་གནས་པར་བྱེད་པས་ན་གནས་པ་སྟེ། འདི་ལས་
[38b.5]ལ་ཀའི་རྐྱེན་ཏེ་གནས་ཉིད་ཀྱིས་བཅའ་བ་ལ་ཞེས་བྱ་བའི་དོན་ཏོ། ལས་སུ་བསྐོས་པར་སོང་བ་ན་དེར་གཞན་བྱུང་བ་ན་མ་ཞུས་ཀྱང་ཉེས་པ་མེད་དོ་ཞེས་བྱ་བ་ནི་ལས་སུ་བསྐོས་པའི་རྒྱུ་མཚན་དུ་སོང་བ་གཞན་གྱིས་#ལས་སུ་བསྐོས་པ་ལ་འགྲོ་བ་ལ་སྐྱོན་མེད་དེ་མ་ཞུས་པར་ཞེས་པའི་#དོན་ཏོ། །འདི་ནི་རྣམ་པར་འབྱེད་པ་
[38b.6]ལས་གནས་མལ་གྱི་བསླབ་པའི་གཞི་ལས་འདི་དང་ཉེ་བ་ན་མཐོང་བ་མ་ཡིན་ཏེ། གནས་བཅའ་བར་བྱའོ་ཞེས་བྱ་བ་དང་སྦྱར་བར་བྱའོ། །གང་ཡང་རུང་བ་ལ་མི་བྱའོ། །དྲི་བ་ལ་སོགས་པས་ཚུལ་ཁྲིམས་དང་ཤེས་པ་དང་འཁོར་ལ་ཕན་འདོགས་པ་ཉིད་ངེས་པར་ཤེས་པར་བྱས་ནས་དེ་གཟུང་བར་བྱའོ་ཞེས་བྱ་
[38b.7]བ་ནི་ཚུལ་ཁྲིམས་དང་ཤེས་རབ་དང་འཁོར་དང་འཛིན་པར་བྱེད་པ་དང་རྗེས་སུ་བརྗོད་པ་ལ་སོགས་པ་ལ་རབ་ཏུ་འཇུག་བཞིན་པ་ཉིད་གང་ཟག་འདིའི་དྲི་བས་སམ་ཡང་དག་པར་སྤྱོད་པ་གཞན་གྱིས་ཤེས་ནས་གནས་བཟུང་#བ་ཞེས་བྱ་བའི་དོན་ཏོ། །ཆོ་ག་ཇི་ལྟ་བུས་ཤེ་ན། སྡོམ་པ་བཞིན་ནོ་ཞེས་བྱ་བ་ནི་དགེ་བསྙེན་གྱི་
[39a]
[39a.1]སྡོམ་པ་ལ་སོགས་པ་བཞིན་དུ་སྔགས་ལ་སོགས་པའི་ཆོ་གས་ཞེས་བྱ་བའི་དོན་ཏོ། །སྡོམ་པ་ནི་ཐལ་མོ་སྦྱར་ནས་བླང་བར་བྱ་བ་ཡིན་ཏེ། དེའི་ཕྱིར་འདི་ལ་ནི། ལག་པ་གཉིས་ཀྱིས་རྐང་པའི་མཐིལ་གཉིས་ལ་བཅངས་པས་སོ། །ཡོངས་སུ་བརྟགས་ནས་སྦྱིན་ནོ་ཞེས་བྱ་བ་སྨོས་
[39a.2]ཏེ། བསྟན་པ་ལ་གཞག་པར་ཡང་ནུས་སམ་ཞེས་བྱ་བའི་བརྟག་པ་འདིའོ། །བུ་དང་ཕའི་འདུ་ཤེས་དག་བསྐྱེད་པར་བྱའོ། །མཁན་པོ་དེ་ཉིད་གནས་པ་ཉིད་ཡིན་ནོ་ཞེས་བྱ་བ་ལ། །དེའི་སྒྲ་#ནི་མཁན་པོ་ཉིད་མཆོག་ཏུ་བཟུང་#བའོ། །མཁན་པོ་གནས་པ་ལ་མཁན་པོ་དེ་ཉིད་#གནས་པ་ཉིད་ནི། འདིར་
[39a.3]ཡང་ལས་ལ་ཀའི་རྐྱེན་ནོ། །གནས་པས་ན་གནས་པ་སྟེ་གནས་ཞེས་བྱ་བའི་དོན་ཏོ། །དེའི་དངོས་པོ་ནི་གནས་པ་ཉིད་དོ། །དེ་བས་ན་དེར་འདི་མ་བཟུང་#ངོ་། །དེའི་ཕྱིར་དེ་ལ་དེ་མི་བཅའོ་ཞེས་བྱ་བ་ལ། དེ་ལ་ཞེས་བྱ་བ་ནི་གནས་ལའོ། །དེ་ཞེས་བྱ་བ་ནི་མཁན་པོ་ལའོ། །འདི་སྐད་བསྟན་ཏེ། གང་གི་
[39a.4]ཕྱིར་ལྷན་ཅིག་གནས་པའི་མཁན་པོ་དེ་ཉིད་ཁོ་ན་ཡིན་པ་དེའི་ཕྱིར་དེའི་དྲུང་ན་གནས་བཅའ་བར་མི་བྱ་ཞེས་བྱ་བའོ། །གཉིས་ཀ་ལ་མི་ལྟོས་པ་ཉིད་བྱུང་བ་ནི་གནས་བཅས་པ་འཇིག་པའི་རྒྱུ་ཡིན་ནོ་ཞེས་བྱ་བ་སྟེ#། གཉིས་ཀ་ལ་ཞེས་བྱ་བ་ནི་གནས་དང་གནས་པར་ལྡན་པ་དག་ལའོ། །ཅིག་ཅར་རམ་རིམ་
[39a.5]གྱིས་མི་ལྟོས་པ་ཉིད་དུ་བྱུང་བ་ཉིད་དོ། །བཅས་པ་ནི་གནས་བཟུང་བ་ལས་ཉམས་པའི་རྒྱུ་ཡིན་ནོ། །མི་ལྟོས་པ་ཉིད་དུ་གྱུར་པ་གཅིག་ལ་རེ་ཞིག་རྟེན་ལ་རྗེས་སུ་འཇུག་པ་སྟེ། ཇི་སྲིད་དུ་གཞན་མི་ལྟོས་པ་ཉིད་དུ་གྱུར་པ་ཞེས་བྱ་བའོ། །གང་ཞིག་གནས་དང་གནས་པ་ཉིད་དུ་ཁས་བླངས་པ་འདི་ནི་འཁོར་
[39a.6]དང་འབྲེལ་པ་སྟེ། གཅིག་ལ་ལྟོས་པ་དང་བཅས་པ་ཉིད་ལ་འཁོར་དང་འབྲེལ་བ་དང་བྲལ་བ་ཉིད་མ་ཡིན་པ་ཉིད་ཅེས་བྱ་བ་འདི་ནི་འདིར་རྣམ་པར་གཞག་པའོ། །མཁན་པོ་མ་ཡིན་པ་དག་ཚོགས་ན་འདོད་པས་འཇུག་པར་བྱའོ་ཞེས་བྱ་བ་ནི་ཇི་སྲིད་དུ་གསུངས་པ། མཁན་པོ་ཉེ་བར་གནས་པ་ལ་གནས་#
[39a.7]ལ་ཞུ་བར་མི་བྱའོ་ཞེས་བྱ་བ་འདི་ལ་དེ་བསྟན་པའོ། །མེད་པས་འཁོར་དང་#འབྲེལ་པ་ཁས་བླངས་པ་ལ་ལྟོས་པ་དང་བཅས་པ་ཉིད་དོ་ཞེས་བྱ་བའོ། །མཁན་པོ་ལ་བརྟེན་པའི་གནས་ལས་གནས་#གཞན་རྣམས་ནི་མཁན་པོ་མ་ཡིན་པའོ། །ཚོགས་པར་གྱུར་པ་ནི་ཚོགས་པ་སྟེ། དེས་ནི་ཚོགས་པ་ཡོད་པ་
[39b]
[39b.1]ལ་མངོན་པར་འདོད་པའི་གནས་ཀྱིས་གནས་པ་ལ་འཇུག་པའོ། །གང་ཞིག་འདི་ལ་ཞུ་བ་བྱེད་པ་དེ་ལ་གནས་པས་གནས་པར་བྱའོ་ཞེས་བྱ་བའི་དོན་ཏོ། །དེ་དང་ན་ནི་དེ་ཉིད་ཀྱིས་སོ་ཞེས་བྱ་བ་ནི་མཁན་པོར་རྟོག་#པའི་གནས་དེ་དང་ཚོགས་ནའོ། །དེ་ཉིད་ཀྱིས་སོ་ཞེས་བྱ་བ་ནི་མཁན་པོ་དེ་ཉིད་ཀྱིས་ཏེ།
[39b.2]འདི་ལ་རེས་བྱས་པ་དང་རེས་མི་བྱ་བ་མེད་དོ། །མཁན་པོ་མཐོང་མ་ཐག་ཏུ་སྟན་ལས་ལྡང་བར་བྱའོ་ཞེས་བྱ་བ་ལ། མཁན་པོ་ནི་དཔེ་ཙམ་སྟེ་གནས་གཞན་དག་མཐོང་ན་ཡང་ཆོ་ག་འདི་གཞག་པའི་ཕྱིར་རོ། །གཙུག་ལག་ཁང་དེ་ན་གནས་པས་ཉིན་པར་ལན་གསུམ་འགྲོ་བར་བྱའོ། །གལ་ཏེ་དགོན་
[39b.3]པ་ན་འདུག་ན་རྒྱང་གྲགས་ཙམ་ན་ཉིན་རེ་ལན་རེའོ་ཞེས་བྱ་བ་ནི་གལ་ཏེ་རྒྱང་གྲགས་ལ་དགོན་པ་དེ་ཡོད་ན་དེ་#གང་དུ་གནས་པ་#ཡོད་པ་དེར་ཉི་མ་རེ་རེར་འོངས་ཏེ་འགྲོ་བར་བྱའོ་ཞེས་བྱ་བའི་དོན་ཏོ། །རྒྱང་གྲགས་ལྔ་ཡོད་ན་ཞག་ལྔ་འམ་དྲུག་བཅིང་#ངོ་། །དཔག་ཚད་ཕྱེད་དང་གསུམ་དག་ན་གསོ་སྦྱོང་གི་ཚེའོ་ཞེས་
[39b.4]བྱ་བ་ནི་འདིའི་འོག་ཏུ་མཚམས་གཅིག་པ་ཉིད་མེད་པའི་ཕྱིར་གནས་ཉིད་ལ་མེད་པར་རིག་པར་བྱའོ། །གནས་པ་ཆད་པས་གཅད་#པར་འོས་པ་ཆད་པས་མི་གཅད་#པར་མི་བྱའོ། །ཆད་པ་ནི་ལྔ་སྟེ། གཏམ་དྲི་བར་མི་བྱེད་པ་དང་། གདམས་ངག་མི་སྦྱིན་པ་དང་། བསྙེན་བཀུར་དང་ཆོས་དང་ཟང་ཟིང་དག་གིས་#
[39b.5]ལོངས་སྤྱོད་དུ་མི་གཞུག་པ་དང་། དགེ་བའི་ཕྱོགས་བརྩམས་པ་རྒྱུན་གཅད་#པ་དང་། གནས་དགག་པར་བྱའོ། །མ་དད་པ་དང་། ལེ་ལོ་ཅན་དང་། བཀའ་བློ་མི་བདེ་བ་དང་། མ་གུས་པ་དང་། སྡིག་པའི་གྲོགས་བྱེད་པ་ལ་དེ་དག་འོས་པ་ཉིད་དོ། །ཆད་པས་བཅད་པ་གཞན་གྱིས་ལེན་པར་བྱེད་པ་ལ་
[39b.6]ཉེས་པ་སྦོམ་པོར་འགྱུར་རོ་ཞེས་བྱ་བ་ནི་དེ་ལྟར་ན་ཡང་བྱེད་བཞིན་པ་ལ་གལ་ཏེ་འདི་བཟོད་པར་བྱེད་པ་ལ་གུས་པ་མི་བྱེད་ན་དེ་ལ་ཅི་ཞིག་བྱ་ཞེ་ན། དེའི་ཕྱིར་#གུས་པར་མི་བྱད་(བྱེད་)ན་དྲང་པོར་བྱ་བའི་ཕྱིར་དགེ་སློང་ཤེས་#གཉེན་ཅན་བསྐོ་བར་བྱའོ་ཞེས་བྱ་བ་ནི་ཇི་ལྟ་བུ་ལས་ཤེ་ན། དེའི་ཕྱིར་བཤེས་གཉེན་ཅན་ཞེས་བྱ་བ་སྨོས་
[39b.7]ཏེ། གང་ཞིག་དེ་དྲང་བར་བྱ་བའི་ཕྱིར་མཁས་པ་དེ་ལའོ#། །རྒྱུ་བཏང་བ་བཟོད་པར་གསོལ་བར་བྱེད་པ་ལ་བཟོད་པར་བྱའོ་ཞེས་བྱ་བ་ནི་རྒྱུ་མཚན་གང་ཞིག་ཆད་པས་བཅད་པ་དེ་ཡོངས་སུ་དོར་བ་ལ་བཟོད་པའོ། །དེ་ལྟ་ཉིད་དུ་ཡང་མ་ཡིན་ཏེ་འོན་ཀྱང་བཟོད་པར་བྱེད་པ་ལའོ། །མི་འོས་པ་ཆད་པས་གཅད་#པར་མི་
[40a]
[40a.1]བྱའོ། །འོས་པ་ལ་མི་བཟོད་པར་མི་བྱའོ། །མི་འོས་པ་ལ་བཟོད་པར་མི་བྱའོ་ཞེས་བྱ་བ་ནི་རྣམ་པ་ཐམས་ཅད་དུའོ། །མི་བྱེད་པ་ཉིད་ཡིན་ན་གནས་ཁང་ནས་བསྐྲད་པར་བྱའོ། །དགེ་ཚུལ་ལ་ནི་ཆུ་ཚགས་དང་རིལ་བ་སྤྱི་#བླུགས་མཐང་གོས་དང་བཅས་པའི་བླ་གོས་ཀྱང་བྱིན་
[40a.2]ཏེའོ། །གལ་ཏེ་བསྙེན་པར་རྫོགས་པར་འདོད་པ་ཞིག་ཡིན་ན་ཡོ་བྱད་ལྔའོ་ཞེས་བྱ་བ་ནི་བྱིན་ཏེ་བསྐྲད་པར་བྱའོ་ཞེས་བྱ་བ་དང་རྗེས་སུ་འབྲེལ་ལོ། །ཆུ་ཚགས་ནི་སྔར་ཉིད་དུ་བརྗོད་པའི་དྲུང་ཞེས་#བྱ་བ་བརྗོད་པ་ཡིན་ཏེ། ཆོས་གོས་གསུམ་དང་གདིང་བ་དང་ལྷུང་བཟེད་དང་ཞེས་#བྱ་བ་ལྔའོ། །བསྙེན་པར་རྫོགས་
[40a.3]པ་ལ་ཡང་ངོ་ཞེས་བྱ་བ་ནི་ཡོ་བྱད་ལྔ་པོ་དང་ཞེས་བྱ་བ་དང་རྗེས་སུ་འབྲེལ་ལོ། །སེང་གེ་ལྟར་གྱ་ཚོམ་#མི་བྱའོ། །གནོད་པར་འགྱུར་བའི་ཁྲིམས་སུ་བྱ་བ་མི་བཅའོ་ཞེས་བྱ་བ་ནི་དགེ་འདུན་དུ་གྱུར་པའི་དགེ་སློང་རྣམས་ཀྱིས་སོ། །ཁའི་གནས་པ་ཉིད་ནི་མ་བཀྲུས་པ་ཉིད་ཡིན་ནོ་ཞེས་བྱ་བ་ནི་མཚན་མོ་གནས་པ་
[40a.4]ལས་ལངས་ནས་སོ་ཤིང་ངམ་གཞན་གྱིས་ཁ་སྦྱངས་ཀྱི་བར་དུ་རེ་ཞིག་གཞན་ལ་ཕྱག་དང་བཟའ་བ་ལ་སོགས་པ་མི་བྱའོ་ཞེས་བྱ་བ་ནི་འདི་ལ་འདིས་#སྟོན་པའོ། །འདི་ལ་གཞུང་ནི་དགེ་སློང་གིས་སོ་ཤིང་མ་བོར་བར་བསོད་སྙོམས་བཟའ་བར་མི་བྱའོ། །དེ་ཉིད་ལ་ནི་འགལ་ཚབས་ཅན་དུ་འགྱུར་རོ་ཞེས་གསུངས་
[40a.5]པ་དང་། གླེང་གཞི་ལས་ཇི་སྐད་དུ་བྱིན་ལེན་མ་བྱས་པར་ཁ་ཟས་ཉེ་བར་གནས་པ་བཀག་པ་ལ་བརྟེན་པ་འདི་གསུངས་པ་ཡིན་ནོ། །ཁའི་དྲི་མ་མ་བསལ་བར་ཁ་ཟས་ཀྱི་ཕྱོགས་ཉིད་ལ་ཁྱེད་ཅག་གིས་འདའ་བར་བྱེད་པ་དེ་#ཞེས་བྱ་བ་འདི་ལའོ། །དེ་ལྟར་ན་གནས་འཇུག་པ་བསྟན་པའོ། །གཞུང་ནི་ལྡང་བྱེད་འདི་ལ་
[40a.6]ལྷན་ཅིག་གནས་པ་དང་། ཉེ་གནས་ཀྱིས་ནང་པར་སྔར་ལངས་ཏེ་ཤམ་ཐབས་ཟླུམ་པོར་བགོས་ནས་སོ་ཤིང་བོར་ཏེ་མཚམས་ཀྱི་ནང་གི་#མཆོད་རྟེན་ལ་ཕྱག་འཚལ་ནས་ཞེས་བྱ་བ་ལ་སོགས་པ་དང་ཡོངས་སུ་དག་པར་བྱ་བ་ཉིད་དེའི་ཕྱིར་སོ་ཤིང་བོར་ནས་ཞེས་བྱ་བ་འདིར་ཚིག་གོ། །དེའི་ཕྱིར་མདོ་འདི་སྨོས་ཏེ།
[40a.7]སོ་ཤིང་དབེན་པར་དོར་རོ་ཞེས་བྱ་བའོ#། །འདི་ནི་རྗེས་སུ་མཐུན་པ་མ་ཡིན་ཏེ། དེ་བས་ན་ཁའི་དྲི་མ་དག་པའི་དོན་དུ་འདི་ལ་བརྟེན་པར་བྱ་བ་ཉིད་དོ། །ཇི་ལྟར་དོར་བར་བྱ་ཞེ་ན། དེའི་ཕྱིར་བཤང་གཅི་བྱ་བ་ཡང་ངོ་ཞེས་བྱ་བ་སྨོས་ཏེ་དབེན་པ་ཉིད་དུའོ། །ལོངས་སྤྱད་དུ་རུང་བའི་ཤིང་ངམ་རྩིག་པའི་དྲུང་དུ་མི་དོར་རོ་ཞེས་བྱ་བ་ལ།
[40b]
[40b.1]དྲུང་དུ་ཞེས་བྱ་བ་ནི་ཉེ་བ་ལ་བྱ་སྟེ། གང་དུ་སྐྱེས་བུ་ཆེན་པོའི་དུས་ཐམས་ཅད་གནས་པ་དེ་ནི་འདིར་ཉེ་བར་ལོངས་སྤྱད་པར་བྱ་བ་སྟེ#།དེར་སོ་ཤིང་དོར་བ་ལ་སོགས་པ་མི་བྱ་ཞེས་བྱ་བའི་#དོན་ཏོ། །དེའི་ཚད་ནི་སོར་བཅུ་གཉིས་མན་ཆད་སོར་བརྒྱད་ཡན་ཆད་དོ་ཞེས་བྱ་བ་ལ། འདི་ལ་ཞེས་བྱ་བ་ནི་སོ་ཤིང་ལའོ། །སོར་བརྒྱད་#ཡན་ཆད་ཅེས་བྱ་བ་ནི་
[40b.2]ཡན་ཆད་ཀྱི་སྒྲ་དང་འདིར་མཚམས་སྦྱར་བ་སྟེ། སོར་བཅུ་གཉིས་ནས་བརྩམས་ཏེ་ཇི་སྲིད་དུ་སོར་བརྒྱད་ཉིད་ནི་འདིའི་ཚད་ཡིན་ཞེས་བྱ་བའི་དོན་ཏོ། །བད་ཀན་མང་བ་ནི་མེད་ན་#སོར་བཞི་ལས་ལྷག་པ་ཡན་ཆད་དོ་ཞེས་བྱ་བ་ནི་གང་ཞིག་སོར་བཞི་ལས་ལྷག་པ་ཡན་ཆད་ཀྱི་ཚད་དེ་སྲིད་དུ་འབྱུང་བ་ལ་སྔ་
[40b.3]མའི་ཚད་ཀྱིས་#སོ་ཤིང་ལ་བད་ཀན་མང་བའི་སོ་ཤིང་གི་ཚད་དོ། །འདིར་གཞུང་ནི་བར་ནི་དབུས་ཏེ་འོན་ཀྱང་བད་ཀན་མང་བ་གང་ཡིན་པ་ནི་#དེ་རྣམས་ཀྱིས་ནི་སོ་ཤིང་སོར་བཞི་པ་མ་གཏོགས་པར་ཡང་དོར་བར་བྱའོ་ཞེས་གསུངས་པ་ཡིན་ནོ། །གནས་ཁང་དུ་ཆོལ་ཟངས་ཀྱི་ནང་དུ་སོ་ཤིང་དོར་
[40b.4]བ་ལ་མི་རིགས་པ་མེད་དོ་ཞེས་བྱ་བ་ལ། དོར་བ་ལ་ཞེས་བྱ་བ་ནི་སྐབས་ཉིད་ཀྱི་ཕྱིར་སོ་ཤིང་དོར་བ་ལའོ། །དེ་ལ་ཝ་ཁ་ཡང་མི་དབེན་པར་མི་འགྱུར་རོ་ཞེས་བྱ་བ་ནི་འདིར་སོ་ཤིང་དོར་བ་ལ་ཝ་ཁར་སྦས་ཏེ། དབེན་པ་ཉིད་དུ་གྲུབ་པ་ཁོ་ན་ཡིན་ཞེས་བྱ་བའི་དོན་ཏོ། །དེར་ཁྲུ་གང་ཁོར་ཡུག་ཏུ་
[40b.5]རྣམ་པ་དེ་ལྟ་བུ་བྱར་རུང་བ་ཉིད་དོ་ཞེས་བྱ་བ་ལ། དེར་ཞེས་བྱ་བ་ནི་ཝ་ཁར་རོ། །དེ་ལྟ་བུ་བྱར་རུང་བ་ཉིད་དོ་ཞེས་བྱ་བ་ནི་སོ་ཤིང་དོར་བའི་རིགས་ཅན་ཀྱི་(གྱི་)རྐང་པ་བཀྲུ་བ་ལ་སོགས་པའི་བྱ་བ་ཉིད་ལའོ། །ཁྲུ་གང་ཁོར་ཡུག་ཏུ་རུང་བ་ཉིད་དེ་ཁྲུ་གང་ཁོར་ཡུག་ལས་གཞན་དུ་སོ་ཤིང་དོར་བ་ལ་སོགས་པ་མི་བྱའོ་
[40b.6]ཞེས་བྱ་བའི་དོན་ཏོ། །དེའི་རྗེས་ལ་ལྕེ་བཞར་བར་བྱའོ། །ལྕེ་བཞར་#ཉེ་བར་གཞག་པར་བྱའོ། །དེའི་ཞེས་བྱ་བ་ནི་ལྕེ་བཞར་དོན་ལའོ། །ལྕེ་བཞར་བར་བྱ་ཞེས་བྱ་#ནི་བཞར་བར་བྱེད་པའི་ཁབ་ཀྱི་རྫས་ཏེ་རྫས་གང་ཞིག་ཁབ་བྱེད་པར་#གན་དང་ཟངས་དང་ལྕགས་དང་ཁར་#བ་རྣམས་ཀྱིས་ཏེ། དེའི་
[40b.7]རང་བཞིན་ལས་བྱས་པ་ཞེས་བྱ་བའི་དོན་ཏོ། །དོན་འདི་ལ་སོ་ཤིང་གི་ཚལ་པས་ཀྱང་རུང་ངོ་ཞེས་བྱ་བ་ལ། དོན་འདི་ལ་ཞེས་བྱ་བ་ནི་ལྕེ་བཞར་བའི་དོན་ལའོ། །དེ་མི་རྣོ་བར་བྱ་བའི་ཕྱིར་གཅིག་གིས་གཅིག་དྲུད་པར་བྱའོ་ཞེས་བྱ་བ་ལ། གཅིག་གིས་གཅིག་ཅེས་བྱ་བ་ནི་ཕན་ཚུན་དུའོ། །དེ་ཞེས་
[41a]
[41a.1]བྱ་བ་ནི་སོ་ཤིང་འཆའ་བ་ལའོ། །མི་རྣོ་བས་སོ་དང་ལྕེ་དང་རྣ་བ་དྲུང་བཞར་བྱའོ། །དལ་གྱིས་མ་ཡིན་པར་མི་བྱའོ་ཞེས་བྱ་བ་ནི་དལ་གྱིས་དྲུད་ཅེས་#བྱ་བའི་དོན་ཏོ། །དེ་དག་གིས་ཤ་ལ་#མི་གནོད་པར་རོ་ཞེས་བྱ་བ་ནི་སོ་དང་རྙིལ་ལ་སོགས་པ་ལའོ། །སོ་དང་ལྕེ་གཉིས་ཀྱི་དྲུད་
[41a.2]བཞར་གྱི་ཕྱོགས་ཁའི་དྲི་མས་གོས་པ་མ་བཀྲུས་སམ་སས་མ་བསྐུས་#པ་མི་དོར་རོ་ཞེས་བྱ་བ་ནི་སོ་ཤིང་དང་དྲུད་བཞར་དོར་རོ་ཞེས་བྱ་བ་འདི་དང་འབྲེལ་ལོ། །ཆུ་མེད་ན་སོ་དང་ལྕེ་གཉིས་ཀྱི་དྲུད་བཞར་སས་མ་བསྐུས་པར་རོ། །དྲུད་བཞར་ནི་སླར་འདི་དག་ལ་རིམ་པ་ཇི་ལྟ་བ་བཞིན་དུ་སོ་ཤིང་དང་ཚལ་པའོ། །
[41a.3]སྒྲ་མ་བྱས་པར་#མི་དོར་རོ་ཞེས་བྱ་བ་ནི་ཇི་ལྟར་གསུངས་པ་གཉིས་དོར་ཏེ་འདི་ནི་དཔེ་ཡིན་ནོ#། །སྒྲ་མ་བྱས་པར་སོ་དང་ལྕེ་དག་གི་#དྲུད་བཞར་ཏེ། འདིས་གཞན་ཡང་མཚོན་པ་ཞེས་བྱ་བའི་དོན་ཏོ། །གང་ཞིག་དཔེས་མཚོན་པ་དེ་སྟོན་པར་བྱེད་པ་ནི་བཤང་བ་དང་གཅི་བ་དང་མཆིལ་མ་དང་སྣབས་དང་
[41a.4]སྐྱུགས་པ་དང་རླུགས་པ་དང་གཞན་དག་ཀྱང་ངོ་ཞེས་བྱ་བ་ལ། མཆིལ་མ་ཡིན་ལ་སྐྱུགས་པ་མ་ཡིན་པ་ནི་འདི་ལྟ་སྟེ། དཔེར་ན་སྣའི་བཤལ་སྨན་ལྟ་བུའོ། །ཕྱོགས་ཞེས་བྱ་བ་ནི་སོ་ཤིང་ལའོ། །གཙོ་བོ་ཉིད་ཀྱི་ཕྱིར་དོར་རོ། །ཇི་ལྟར་ཟོས་པ་དེ་བཞིན་དུ་ཐུར་དུ་རླུགས་པ་ལྟ་བུའོ། །དེ་བས་ན་
[41a.5]མཆིལ་མ་དང་བཤང་བ་བརྗོད་པ་ཡོད་ཀྱང་སྐྱུགས་པ་དང་རླུགས་པའི་ཚིག་གོ། །བཤང་བ་ལ་སོགས་པ་གཞན་དོར་བར་བྱ་བ་ཐམས་ཅད་ཉེ་བར་བསྡུ་བའི་དོན་དུ་ཀྱང་ངོ་ཞེས་བྱ་བའི་ཚིག་གོ། །དེ་ལས་བྱི་དོར་འབྱུང་བ་བཞིན་དུ་འདག་རྫས་#དང་ལས་ཀྱང་ངོ་ཞེས་བྱ་བ་ནི་སོ་ཤིང་དོར་བ་ལས་སོ། །འདག་རྫས་དང་ལྕི་
[41a.6]བ་ལས་ཀྱང་ངོ་ཞེས་བྱ་བ་ནི་འབྱུང་བའོ། །འདིར་གཞུང་ནི་སོ་ཤིང་མ་རྙེད་ན་བ་གླང་#གི་ལྕི་བ་དང་འདག་རྫས་ཀྱིས་ཁ་སྦྱང་བར་བྱའོ་ཞེས་བྱ་བ་གསུངས་པ་ཡིན་ནོ། །སོ་ཤིང་དོར་བ་དེ་མ་ཐག་ཏུ་བྱ་བ་གང་གིས་བསྒྲུབས་ནས་དེ་ལ་#ཕྱག་བྱའོ། །གནས་པས་སྒྲུབ་པའི་དབང་དུ་བྱས་ཏེ་དེ་ནས་ཀྱི་སྒྲ་ནི་དབང་དུ་བྱ་
[41a.7]བའི་དོན་ཏེ་རྗེས་ཀྱི་དོན་མ་ཡིན་ནོ། །འདིའི་འོག་ཏུ་གནས་པས་བསྒྲུབ་#པ་དབང་དུ་བྱས་པར་རིག་པར་བྱའོ། །དེ་ནས་དེ་མ་ཐག་ཏུ་སྔར་སོང་སྟེ་ཕྱག་བྱའོ་ཞེས་བྱ་བ་ལ། དེ་ནས་ཞེས་བྱ་བ་ནི་ལུས་ཀྱི་བྱ་བ་བསྒྲུབ་#པའི་རྗེས་ལ་སྟེ། མཆོད་རྟེན་ལ་ཕྱག་བྱ་བ་ནི་ངེས་པའོ། །གནས་པ་བདེ་བས་#སྔར་ལུས་
[41b]
[41b.1]ཀྱི་བྱ་བ་བསྒྲུབས་ནས་ཞེས་བྱ་བ་འདི་ལས་ཤིན་ཏུ་སྔར་གནས་ལ་རྟོགས་པར་བྱའོ། །གདོང་རྣམ་པར་དག་པས་ཕྱག་བྱེད་པ་ལ་འདོད་པར་བྱ་བ་ཉིད་ཀྱི་ཕྱིར་རོ། །གཞན་དུ་ན་#གནས་པ་ལ་ཕོངས་པ་བསྐྱེད་པའི་ཕྱིར་རོ། །འདག་རྫས་དང་སོ་ཤིང་དབུལ་ལོ་ཞེས་བྱ་བ་#ཤེས་པར་བྱ་བ་ཡང་མ་ཡིན་
[41b.2]ཏེ། ནད་པ་ལ་སོགས་པ་ལ་གནང་བ་སྦྱིན་#པའི་ཕྱིར་རོ། །བསྙུན་གསོལ་ལོ། །འདག་རྫས་དང་སོ་ཤིང་དབུལ་ལོ། །ཚང་མང་བལྟས་ཏེ་བརྗོད་པར་བྱའོ་ཞེས་བྱ་བ་ནི་གང་གིས་དེར་བཟའ་བ་དང་བཏུང་བ་ཉེ་བར་བརྟགས་ཏེ་དེ་#བརྗོད་པ་ལའོ། །དགའ་བ་བསྟབས་པ་ཉིད་དུ་ཡིད་ལ་བྱའོ་ཞེས་བྱ་
[41b.3]བ་ནི་བརྗོད་པ་ལ་གང་དུ་འདི་དགའ་བ་ཡང་དག་པར་སྟོན་པར་བྱེད་པའི་དགའ་བ་དེ་ལ་དབུལ་བར་བགྱིའོ་ཞེས་བྱ་བས་དེ་ལྟར་ཡིད་ལ་བྱེད་པའོ། །ལྷུང་བཟེད་བཀྲུ་བར་བྱའོ། །གལ་ཏེ་བསོད་སྙོམས་པ་ཞིག་ཡིན་ན་གསིལ་བྱེད་ཀྱང་ངོ་ཞེས་བྱ་བ་ནི་སྒྲ་སི་#ལི་ལི་བྱེད་པ་གསིལ་བྱེད་དེ་གཉིས་
[41b.4]པའི་མིང་ཅན་ལ་བཀུར་བར་བྱའོ། །གསིལ་བྱེད་དེ་སྐྲ་#བྱེད་པས་ན་གསིལ་བྱེད་དོ། །གལ་ཏེ་དགོས་པ་ཡོད་ན་ཆུ་ཚགས་ཀྱང་ངོ་ཞེས་བྱ་བ་ནི་བཀྲུ་བར་བྱའོ་ཞེས་བྱ་བ་དང་འབྲེལ་ལོ། །སླར་དོགས་#པ་ནི་དུས་གཅིག་ཏུ་ཕྱི་རོལ་ཉིད་དུ་བཟའ་བར་བྱ་བར་འགྱུར་རོ། །གལ་ཏེ་དེ་ཡང་ཡིན་ན་ཞུ་བར་
[41b.5]བྱའོ། །གལ་ཏེ་བཟོད་ཅིང་འདོད་ན་དེ་ཉིད་དང་ལྷན་ཅིག་ཏུ་འཇུག་པར་བྱའོ་ཞེས་བྱ་བ་ནི། གལ་ཏེ་གནས་པ་དེ་ཡང་བསོད་སྙོམས་པར་གྱུར་ན་དེ་ནས་བསོད་སྙོམས་ལ་འཇུག་པའི་དོན་དུ་བཟོད་ཅིང་ལྷན་ཅིག་འཇུག་པ་དག་གིས་སོ། །འདི་ལ་མངོན་པར་འདོད་པ་ཅི་ཞིག་ཅེས་བྱ་བ་ངེས་པར་
[41b.6]ཤེས་པའི་དོན་དུ་འདྲི་བ་ནི་གལ་ཏེ་བཟོད་ན་ཞེས་བྱ་བ་ལ། གནམ་#ལ་གནས་པ་དང་ལྷན་ཅིག་ཏུ་ཞུགས་ན་#མངོན་པར་འདོད་ན་དེ་ཉིད་ནི་གནས་དང་ལྷན་ཅིག་ཏུ་འཇུག་པ་སྟེ། ཉམ་ང་བ་ལ་སོགས་པར་མདུན་དུ་འགྲོ་བར་བྱའོ། །བསོད་པ་དེ་ལ་བདར་བར་བྱའོ་ཞེས་བྱ་བ་ནི་གལ་ཏེ་བསོད་སྙོམས་
[41b.7]བསོད་པ་ཞིག་རྙེད་ན་#འདི་ལ་ཕུལ་ཅིག་ཅེས་བྱ་བས་དེ་ལ་བསྔོ་བར་བྱའོ། །གལ་ཏེ་མ་འགྲོགས་ན་ཞེས་བྱ་བ་ནི་ཞུགས་པའོ། །འོངས་ནས་བསྟན་#པར་བྱའོ་ཞེས་བྱ་བ་ནི་བསོད་སྙོམས་ལའོ། །ཇི་ལྟ་བུར་དབུལ་བར་བྱ་ཞེ་ན། དེའི་ཕྱིར་ཆེས་མཆོག་ཏུ་གྱུར་པའི་དབུལ་#བར་བྱའོ་ཞེས་
[42a]
[42a.1]བྱ་བ་སྨོས་ཏེ། བཟའ་བ་དང་བཅའ་#བར་གྱུར་པ་དེ་ནི་གནས་ལ་འདི་བཞེས་ཤིག་#ཅེས་དབུལ་ཞིང་བསྟབས་པར་བྱའོ། །དེས་ཐམས་ཅད་ལ་ཚོད་རིག་པར་བྱའོ་ཞེས་བྱ་བ་ནི་གནས་སོ། །ཆུ་སྣོད་དགང་བར་བྱའོ། །དུས་#བརྗོད་པར་བྱའོ་ཞེས་བྱ་བ་ནི་བཟའ་
[42a.2]བའི་དུས་ལའོ། །ཟན་ཟོས་ནས་ལྷུང་བཟེད་ལ་སོགས་པ་བཀྲུ་བར་བྱའོ། །དེ་དག་གཞག་པར་བྱའོ། །མཆོད་རྟེན་ལ་ཕྱག་འཚལ་བ་ན་འདག་རྫས་དང་ཆུ་ལ་སོགས་པ་དབུལ་ལོ། །རྐང་པ་བཀྲུ་བར་གཏོགས་པ་ལ་ནན་ཏན་བྱའོ། །མལ་དང་སྟན་བཤམ་#པར་བྱའོ། །ཤམ་ཐབས་ཀྱི་
[42a.3]གཟན་དབུལ་བར་བྱའོ། །ཤམ་ཐབས་བླང་བར་བྱའོ། །རྐང་པའི་ཆུ་དང་རྟེན་དང་ཆོལ་ཟངས་དབུལ་བར་བྱའོ་ཞེས་བྱ་བ་ལ། རྐང་པའི་ཞེས་བྱ་བའི་སྒྲ་ནི་ཆུ་དང་#རྟེན་དག་གིས་སོ་སོར་མངོན་པར་འབྲེལ་པ་སྟེ། རྐང་པའི་ཆུ་ལ་སོགས་པ་དབུལ་བར་བྱ་བ་ནི་རྐང་པ་བཀྲུ་བའི་ཆུ་དང་རྟེན་དང་ཆོལ་ཟངས་#རྣམས་
[42a.4]དབུལ་བར་བྱ་བའོ། །མཆིལ་#ལྷམ་གཉིས་ཕྱིའོ། །སྒྲུབ་པར་བྱེད་པ་ཉིད་དུ་མ་བསྒོས་པར་ཕྱག་#མ་ཐོགས་པ་མཐོང་ན་ལས་ཆུང་བར་བྱའོ། །གོས་འཚེམ་པ་ཉིད་དུ་མ་བསྐོས་པར་ཁས་#ཐོགས་པ་ཡང་ངོ་ཞེས་བྱ་བ་ནི་མཐོང་ནས་ལས་ཆུང་བར་བྱའོ་ཞེས་བྱ་བ་རྗེས་སུ་སྦྱར་རོ། །སྒྲུབ་པར་བྱེད་པ་ཉིད་དུ་བསྐོས་པའམ་གོས་
[42a.5]འཚེམ་པ་ཉིད་དུ་བསྐོས་པ་#ལས་ཆུང་བར་མ་བྱས་ཀྱང་སྐྱོན་མེད་དོ། །རུང་བར་བྱ་བ་དང་སྔོ་ཆུང་ངུ་#བརྔ་བ་དང་མེ་ཏོག་དང་འབྲས་བུ་བཏོགས་པ་དང་། སོ་ཤིང་ཉེ་བར་བསྒྲུབ་པ་ལ་སོགས་པ་ལ་ཡང་དགེ་ཚུལ་བསྐོའོ་ཞེས་བྱ་བ་ནི་གནས་ཀྱི་སླད་དུ་བྱའོ་ཞེས་བྱ་བ་དོན་གྱིས་ཤེས་སོ། །དེའི་ཕྱིར་ཡང་ཞེས་བྱ་བའི་སྒྲས་གནས་
[42a.6]པར་བྱ་བ་སྔར་བསྟན་པ་ཐམས་ཅད་དང་གནས་འགའ་ཞིག་ལ་བྱ་བར་མ་ཟད་ཀྱི་དགེ་འདུན་ལ་ཡང་དེ་དག་ཐམས་ཅད་ལ་འདི་བྱའོ་ཞེས་བྱ་བའི་རྗེས་སུ་འབྲེངས་ནས་ཤེས་པར་བྱའོ། །སྒོ་གླེགས་ལ་བརྡབས་#པས་ནང་ན་གནས་པ་ལ་གོ་བར་བྱའོ་ཞེས་བྱ་བ་#གནས་དང་གནས་ལའོ། །ཆོ་ག་འདི་ནི་དགེ་སློང་རྣམས་ཀྱི་དབང་དུ་བྱས་
[42a.7]པའོ། །ད་#ནི་དལ་བུས་དང་ཡུན་མི་རིང་བར་བྱའོ་ཞེས་བྱ་བ་ནི་ཡང་དང་ཡང་དུ་སྒོ་གླེགས་ལ་བརྡབས་#པས་ནང་ན་གནས་པ་ལ་གོ་བར་བྱ་བ་སྟེ། །དེ་ནི་དལ་བུ་དང་ཡུན་མི་རིང་བར་བྱའོ་ཞེས་བྱ་བ་ནི་ཡང་དང་ཡང་དུ་སྒོ་གླེགས་བརྡུང་#བར་མི་བྱ་ཞེས་བྱ་བའི་ཐ་ཚིག་གོ། །དེ་ནི་གཞན་གྱིས་མི་ཕུལ་ལོ་ཞེས་བྱ་བ་ལ།
[42b]
[42b.1]དེ་ནི་སྒོ་གླེགས་ཏེ་སྒོ་ཞེས་བྱ་བ་གཉིས་པའི་མིང་ཅན་ཤིན་ཏུ་ཤུགས་དང་ལྡན་པས་མི་ཕུལ་ལོ་ཞེས་བྱ་བའི་དོན་ཏོ། །དལ་བུས་ཤེས་བཞིན་དུ་འཇུག་པ་དང་འབྱུང་བ་དང་སྒོ་སྐྱས་#ལ་མི་དྲུད་པར་བྱའོ་ཞེས་བྱ་བ་ནི་ཇི་ལྟར་འདི་དག་ལ་དྲུད་#པར་མི་འགྱུར་བ་དེ་ལྟར་ཞེས་བྱ་བའི་དོན་ཏོ། །དེ་ལ་བཀུར་སྟི་བྱའོ་
[42b.2]ཞེས་བྱ་བ་ལ། དེ་ལ་ཞེས་བྱ་བ་ནི་གནས་སོ། །བར་དུ་གནས་དང་གནས་པ་དབང་དུ་བྱེད་པ་ལ་རྒྱུན་མི་འཆད་པ་ཉིད་ཀྱིས་དེ་ལ་ཞེས་བྱ་བའི་སྒྲ་ནི་གནས་ཡོངས་སུ་བཟུང་བའི་དོན་ལའོ། །བཞར་བར་བྱའོ་ཞེས་བྱ་བ་ནི་དེ་ལ་ཞེས་བྱ་བ་དང་རྗེས་སུ་འབྲེལ་ཏེ་གནས་པས་གནས་དེ་ལ་བཞར་བར་བྱ་སྟེ། ཐག་མི་རིང་
[42b.3]བར་འདུག་པར་བྱ་སྟེ་ཞེས་བྱ་བའི་དོན་ཏོ། །དེ་དང་ཞེ་འགྲས་པ་ལ་མི་བཞར་རོ་ཞེས་བྱ་བ་ནི་བཞར་བར་བྱའོ་ཞེས་བྱ་བ་དང་རྗེས་སུ་འབྲེལ་ཏེ། གནས་དང་ལྷན་ཅིག་ཞེ་འགྲས་པའི་གང་ཟག་ལ་མི་བཞར་རོ་ཞེས་བྱ་བའི་དོན་ཏོ། །དེ་ལ་ཁྲེལ་ཡོད་པར་བྱའོ་ཞེས་བྱ་བ་ལ། དེ་ལ་ཞེས་བྱ་བ་ནི་གནས་ལས་
[42b.4]སོ། །ཇི་སྲིད་དུ་གནས་པས་གནས་ལ་ངོ་ཚ་ཤེས་པ་དང་བཅས་པས་གནས་པར་བྱའོ་ཞེས་བསྟན་པར་འགྱུར་རོ། །དེའི་བྱ་བ་ལ་གྲིམས་པར་བྱ་ཞེས་བྱ་བ་ནི་ལེ་ལོ་མེད་པའོ། །གུས་པར་བྱས་ཏེ་བྱ་བ་དང་ཞེས་བྱ་བ་ནི་གང་ཞིག་གིས་བྱ་བ་དེ་ནི་གུས་པར་#བྱའོ་ཞེས་བྱ་བའི་དོན་ཏོ། །མཛེས་པས་
[42b.5]འཇུག་པར་བྱའོ་ཞེས་བྱ་བ་ནི་མཛེས་པ་འདའ་བར་བྱེད་པ་ལ་སོགས་པ་དང་ལྡན་པའོ། །ངོ་ཚ་དང་ལྡན་པ་དང་གུས་པ་དང་བཅས་པ་དང་ཞེས་བྱ་བ་ནི་གལ་ཏེ་ཡང་ངོ་ཚ་བའི་བྱེ་བྲག་གུས་པ་ཡིན་ན་དེ་ལྟར་ན་ཡང་#སྒྲ་འདི་ལས་འདི་ཤེས་པ་མ་ཡིན་པ་དེ་བས་ན་འདི་བཟུང་ངོ་། །ངོ་ཚ་བསྐུམ་པའོ། །
[42b.6]རྗེས་དང་བཅས་པའོ་ཞེས་བྱ་བ་ནི་གཞན་ལ་རག་ལས་པའི་རིག་པའི་ངོ་བོ་ཁྲེལ་ཡོད་པའི་བྱེ་བྲག་ནི་རྗེས་དང་བཅས་པའོ། །སེམས་དམའ་བ་ཞེས་བྱ་བ་ནི་ང་རྒྱལ་བཅོམ་པའོ། །ཤེས་བཞིན་གྱིས་ཞེས་བྱ་བ་ནི་རང་གི་དོན་ཏེ་བསམ་གཏན་དང་ཀློག་པ་ལ་སོགས་པའོ། །དགེ་བ་གང་ཡིན་ཞེས་
[42b.7]ཚོལ་བ་ཅན་དུ་བྱའོ། །འདི་ལ་བརྟེན་པའི་གནས་བཅའ་བ་དང་ཞུ་བ་དང་འཁོར་སྦྱིན་པ་ལ་སོགས་པ་ལས་#གཞན་འདི་ལ་གནས་པ་ལ་གང་དགེ་བ་ཚོལ་བས་གནས་པར་བྱའོ། །འཇིག་རྟེན་གྱི་བྱ་བ་ལ་རྩེ་གཅིག་པས་ནི་འདི་མི་བྱ་ཞེས་བྱ་བའི་དོན་ཏོ། །ཉེས་པ་བྱེད་པ་#འཇུག་ན་བཟློག་པར་བྱའོ་ཞེས་
[43a]
[43a.1]བྱ་བ་ནི་གལ་ཏེ་གནས་འདི་ཉེས་བྱེད་ཅུང་ཟད་ལ་འཇུག་པ་དེ་ནི་གནས་པས་བཟློག་པར་བྱའོ། །དགེ་བ་མི་འཕེལ་ན་དེ་བྱེད་པ་གནས་པ་གཞན་ལ་གཏད་པར་བྱའོ་ཞེས་བྱ་བ་ལ་གལ་ཏེ་གནས་དེ་ལ་གནས་པའི་དགེ་བ་འཕེལ་བར་མི་འགྱུར་ན། དེ་ནས་དེ་འདི་ལ་དགེ་བ་འཕེལ་བར་
[43a.2]བྱེད་པའི་གནས་གཞན་ལ་གཏད་པར་གསོལ་བར་བྱའོ། །དེའི་ཕྱིར་དེས་ཀྱང་དེ་ལ་དྲི་བ་ལ་སོགས་པས་གནས་ཀྱི་#འོས་ངེས་པར་ཤེས་པར་བྱས་ནས་གཏད་པར་བྱའོ། །གནས་དེས་ཀྱང་གནས་པ་དེ་ལ་འདི་ལ་ཡང་བྱ་བ་སྟེ། སྡིག་པའི་གྲོགས་པོ་ལས་བཟློག་པར་བྱའོ། །དགེ་བ་ལ་སྦྱར་བར་
[43a.3]བྱའོ། །དེ་ཉེ་བར་བསྒྲུབ་པར་བྱའོ་ཞེས་བྱ་བ་ནི་དགེ་བ་ལ་ཉེ་བར་བསྒྲུབ་པར་བྱའོ་ཞེས་བྱ་བའི་དོན་ཏོ། །ལྟུང་བ་ལས་བསླང་བ་དང་རྗེས་སུ་མཐུན་པའི་འཚོ་བའི་ཡོ་བྱད་བསྒྲུབ་པ་ལ་བརྩོན་པར་བྱའོ་ཞེས་བྱ་བ་#ནི། ཇི་ལྟར་གནས་པ་ལ་འདི་གཉིས་བསྒྲུབ་པ་དེ་ལྟར་གནས་ཀྱིས་བརྩོན་པར་བྱའོ། །དེས་
[43a.4]ཀྱང་དེ་ལ་དེ་བྱའོ་ཞེས་བྱ་བའི་མདོ་འདའ་བ་ལ་#གནས་པས་ཀྱང་གནས་ལ་འདི་གཉིས་བསྒྲུབ་པ་ལ་བརྩོན་པར་བྱའོ་ཞེས་བྱ་བ་རྟོགས་པར་བྱའོ། །ལྷན་ཅིག་གནས་པ་དང་ཉེ་གནས་དང་མཁན་པོ་དང་སློབ་དཔོན་དང་མཁན་པོ་གཅིག་པ་དང་སློབ་དཔོན་གཅིག་པ་དང་གཏམ་འདྲེས་པ་དང་ཕེབས་པར་སྨྲ་བ་
[43a.5]དང་སྨོས་འདྲིན་དང་འགྲོགས་བཤེས་#རྣམས་ཀྱིས་ནད་གཡོག་#བྱའོ་ཞེས་བྱ་བ་ལ། གཏམ་འདྲེས་པ་ཞེས་བྱ་བ་ནི་གཏམ་དྲི་བ་ལ་སོགས་པ་དང་དགའ་བ་སྤྱོད་པ་ཉིད་ཀྱིས་དགའ་བ་ཉིད་དུ་བཀྲི་བའོ། །ཕེབས་པར་སྨྲ་བ་ནི་གང་དང་ལྷན་ཅིག་ཏུ་བག་ཕེབས་#པར་གྱུར་ཅིང་དེ་ལ་དུས་དུས་སུ་ཀུན་དུ་སྨྲ་
[43a.6]བར་བྱེད་པ་ཡིན་ནོ། །སྨོས་#འདྲིན་ཞེས་བྱ་བ་ནི་གང་དང་ལྷན་ཅིག་ཏུ་གནས་གཅིག་ན་འདུག་པ་དང་ལྷན་ཅིག་ཏུ་འགྲོ་བ་ལ་སོགས་པས་འདྲིས་པ་ཁས་བླངས་པས་ཡན་ལག་དང་ཡན་ལག་ཅན་གྱི་དངོས་པོ་སྐྱེས་པའོ། །འགྲོགས་བཤེས་ཞེས་བྱ་#བ་ནི་གང་གིས་གང་མཐོང་ངམ་ཐོས་#མ་ཐག་ཁོ་
[43a.7]ནར་ཡན་ལག་ཅན་གྱི་དངས་པོ་སྐྱེས་པ་ནས་#དགའ་བ་ཙམ་སྐྱེས་པའོ། །བྱེད་པ་དང་པོ་མེད་ན་འོག་མས་སོ་ཞེས་བྱ་བ་གཙུག་ལག་ཁང་གི་ཉེ་གནས་ལ་སོགས་པ་རྣམས་དང་ལྷན་ཅིག་ཏུ་སྔ་མས་ཉེ་གནས་བྱེད་པ་མེད་པ་ལ་ཕྱི་མ་ཕྱི་མས་ཉེ་གནས་བྱའོ། །གཙུག་ལག་ཁང་དང་ལྷན་ཅིག་ཏུ་ཉེ་
[43b]
[43b.1]གནས་བྱེད་པ་མེད་པ་ལ་#མཐར་གནས་པས་ཉེ་གནས་བྱའོ། །དེ་ཡང་མེད་ན་མཁན་པོས་སོ། །དེ་ཡང་མེད་ན་སློབ་དཔོན་གྱིས་སོ་ཞེས་བྱ་བ་ལ་སོགས་པའོ། །མཁན་པོ་ལ་ལྕི་བ་ཉིད་ཀྱི་#ཕྱིར་དེའི་སྔོན་དུ་གང་ཞིག་དང་པོར་འོས་པ་ཉིད་སློབ་དཔོན་ལ་མཐར་གནས་པ་ལ་གཙུག་ལག་ཁང་དང་ལྷན་ཅིག་
[43b.2]ཉེ་གནས་པས་སོ། །དེ་བས་ན་ཤིན་ཏུ་ཉེ་བར་གནས་པ་ཉིད་ཀྱི་#ཕྱིར་ལྷག་མ་སྔ་མ་ལ་དང་པོ་འོས་པ་ཉིད་དོ། །འདིར་ཀློག་པའི་སློབ་དཔོན་ཡང་བཟུང་བ་ཉིད་ཡིན་ནོ་ཞེས་བྱ་བ་ནི་སློབ་དཔོན་བཟུང་བས་སོ། །ཅིག་ཅར་མི་ནུས་ན་གནས་པ་གང་དང་འཇུག་པའིའོ་#ཞེས་བྱ་བ་ལ། ཅིག་ཅར་ཞེས་པ་ནི་
[43b.3]ནད་པ་ལ་ཉེ་བར་གནས་དུ་མ་ལའོ། །མི་ནུས་པ་ལ་ཞེས་བྱ་བ་ནི་གལ་ཏེ་གཅིག་ལས་ཡང་ཉེ་བར་གནས་པ་མི་ནུས་ན་གནས་པ་ཉེ་བར་གནས་པར་བྱ་ཞེས་བྱ་བའི་དོན་ཏོ། །གནས་པ་སུ་ཞིག་ཅེ་ན། གང་དང་འཇུག་པའིའོ་ཞེས་བྱ་བ་སྨོས་ཏེ། གང་ཞིག་ལ་ཞུ་བ་བྱས་ནས་བྱ་བ་བྱེད་པ་གང་གི་
[43b.4]ཚེ་གང་ལ་གང་གིས་གལ་ཆེ་བ་དེའི་དེ་ལ་འཇུག་པའོ། །ཤིན་ཏུ་གནོད་པར་བྱེད་པའི་ཕོངས་པ་ལ་ཐམས་ཅད་དོར་ནས་ཞེས་བྱ་བ་དོན་གྱིས་གོ་བར་བྱའོ། །འདིར་དེའི་རྟགས་ཙམ་པ་ཡང་རབ་ཏུ་བྱུང་བ་དང་འདྲའོ་ཞེས་བྱ་བ་ལ། འདིར་ཞེས་བྱ་བ་ནི་ནད་གཡོག་བྱ་བའི་ཡུལ་ལ་གང་ཞིག་རབ་ཏུ་བྱུང་བའི་
[43b.5]དོན་དུ་སྐྲ་བྲེགས་#པ་ལ་སོགས་པའི་རྟགས་ཙམ་གྱིས་སྦྱར་ཅིང་ད་ལྟར་ཡང་རབ་ཏུ་འབྱུང་དུ་མ་བཅུག་པ་དེ་ནི་རབ་ཏུ་བྱུང་བ་དང་འདྲ་བར་རིག་པར་བྱའོ། །ཇི་ལྟར་རབ་ཏུ་བྱུང་བ་ལ་ཉེ་བར་གནས་པ་དེ་ལྟར་ནད་པ་དེ་ལ་བྱའོ་ཞེས་བྱ་བའི་དོན་ཏོ། །ཚངས་པ་མཚུངས་པར་སྤྱོད་པ་ན་བ་ཡལ་བར་མི་དོར་རོ། །དེ་ལ་
[43b.6]ནད་གཡོག་མེད་ན་མཐར་ཐུག་#པ་མན་ཆད་ལས་#བསྐོ་བར་བྱའོ་ཞེས་བྱ་བ་ལ། མེད་ན་ཞེས་བྱ་བ་ནི་གཙུག་ལག་ཁང་ལ་སོགས་པ་དང་ལྷན་ཅིག་ཏུའོ། །གང་མན་ཆད་ལས་བསྐོ་བར་བྱ་ཞེ་ན། དེའི་ཕྱིར་མཐར་ཐུག་པ་ཞེས་བྱ་བ་སྨོས་ཏེ། གལ་ཏེ་གཅིག་བྱིན་ནས་ཀྱང་ཉེར་#གནས་མེད་པར་གྱུར་ནས།
[43b.7]དེས་འབྲས་བུ་བསྒྲུབ་པའི་ནུས་པ་མེད་པའི་ཕྱིར་གཞན་བསྐོ་བར་བྱའོ། །དེ་བཞིན་དུ་ཇི་སྲིད་དུ་དགེ་འདུན་གྱི་མཐར་ཐུག་པ་མན་ཆད་ལས་བསྐོ་བར་བྱའོ་ཞེས་བྱ་བའི་དོན་ཏོ། །འདིར་གཞུང་ནི་ཐམས་ཅད་མད་ན་དགེ་འདུན་གྱི་ནད་པའི་གནས་སྐབས་ཡོངས་སུ་ཤེས་པར་བྱ་སྟེ། ནད་གཡོག་གཅིག་གམ་
[44a]
[44a.1]གཉིས་སམ་རབ་ཏུ་མང་པོ་#བསྐོར་བར་བྱ་ཞིང་ཐ་ན་དགེ་འདུན་ཐམས་ཅད་ཀྱིས་ནད་གཡོག་བྱའོ་ཞེས་གསུངས་པ་ཡིན་ནོ། །སྨན་བརྟག་པར་བྱ་བའི་ཕྱིར་དགེ་འདུན་ལས་བྱུང་བའི་སྨན་ནི་ནད་པ་འབའ་ཞིག་གིས་སྤྱད་དུ་རུང་ངོ་ཞེས་བྱ་བ་སྨོས་ཏེ། ཁྱིམ་བདག་སྒྲེ་བོའི་#རྫས་
[44a.2]ལས་སྨན་གང་ཡིན་པ་དགེ་འདུན་གྱི་སྨན་ཁང་དུ་གཞུག་པར་བྱ་ཞིང་དགེ་སློང་ནད་པ་རྣམས་ཀྱིས་ལོངས་སྤྱད་#པར་བྱའོ་ཞེས་གསུངས་#པ་དེ་འདིས་བསྡུས་པ་ཡིན་ནོ། །མེད་པ་ཉིད་ཡིན་ན་དེ་ནད་གཡོག་གིས་ཚོལ་དུ་གཞུག་གོ་ཞེས་བྱ་བ་ནི་མེད་པར་གྱུར་ན་སྨན་འདི་ནད་གཡོག་གིས་ཚོལ་དུ་
[44a.3]གཞུག་པར་བྱའོ། །མ་འབྱོར་ན་དགེ་འདུན་གྱིས་ལས་སྦྱིན་པར་བྱའོ་ཞེས་བྱ་བ་ནི་གལ་ཏེ་ཚོལ་དུ་བཅུག་#ཀྱང་མ་འབྱོར་བར་གྱུར་ན་དེ་ནས་དགེ་འདུན་གྱིས་སྦྱིན་པར་བྱའོ་ཞེས་བྱ་བའི་དོན་ཏོ། །མེད་ན་ཞེས་བྱ་བ་ནི་དགེ་འདུན་གྱིའོ། །སངས་རྒྱས་ཀྱི་སྐུ་ལ་གསོལ་བ་མན་ཆད་ཀྱང་ངོ་ཞེས་བྱ་བ་ནི་
[44a.4]གང་ཞིག་སྐུ་གཟུགས་དང་མཆོད་རྟེན་དང་རྒྱན་ལ་སོགས་པ་བཏགས་པ་གང་ཡིན་པ་དེ་དག་གི་བར་ཡང་སྦྱིན་པར་བྱ་ན་གཞན་ལྟ་སྨོས་ཀྱང་ཅི་དགོས་ཞེས་བྱ་བའི་དོན་ཏོ། །དེའི་ཕྱིར་དགེ་འདུན་གྱི་ལས་བཏུང་བ་དང་གདུགས་གདགས་པ་ལ་སོགས་པའི་མཆོད་པ་བྱའོ་ཞེས་བྱ་བ་ནི་མ་འབྱོར་ན་ཞེས་
[44a.5]བྱ་བ་དང་སྦྱར་རོ། །རང་ལ་མེད་ན་དགེ་འདུན་ལས་འདི་ལ་བྱའོ། །དགེ་འདུན་ལ་འདི་མེད་ན་སངས་རྒྱས་ཀྱི་ལས་སོ། །དེ་གཉིས་ཀྱིས་བླངས་པ་དེ་མ་ཤི་ལ་འབྱོར་པ་ཡོད་ན་བསམ་པ་ཉིད་དུ་བྱའོ་ཞེས་བྱ་བ་ལ་དེ་གཉིས་ཀྱི་#ཞེས་བྱ་བ་ནི་དགེ་འདུན་དང་སངས་རྒྱས་གཉིས་དག་གིའོ། །སྦྱིན་དུ་མེད་ན་
[44a.6]སྐྱོན་མེད་དོ། །ནད་གཡོག་གིས་དེ་ལ་བསྙེན་བཀུར་མི་བྱ་བར་མི་བྱའོ་ཞེས་བྱ་བ་ལ། དེ་ལ་ཞེས་བྱ་བ་ནི་ནད་པ་ལའོ། །དེའི་ཚིག་དོན་དང་ལྡན་པ་དང་ཆོས་དང་ལྡན་པ་བཅག་པར་མི་བྱའོ་ཞེས་བྱ་བ་ལ། དོན་དང་ལྡན་པ་ཞེས་བྱ་བ་ནི་འཚོ་བ་ལ་ཕན་པ་དང་སོ་སོར་ཡང་དག་པར་འབྲེལ་བའོ། །དེའི་
[44a.7]ཞེས་བྱ་བ་ནི་ནད་པའོ། །ཆོས་དང་ལྡན་པ་ཞེས་བྱ་བ་ནི་བསོད་ནམས་ལ་ཕན་པ་དང་འབྲེལ་པའོ། །ལྷག་པར་ཆགས་པའི་དངོས་པོ་འགུགས་ན་དགག་#པར་མི་བྱའོ་ཞེས་བྱ་བ་ལ་ལྷག་པར་ཆགས་པའི་དངོས་པོ་ནི་ལྷུང་བཟེད་ལ་སོགས་པ་གང་ལ་ནད་པའི་སྲེད་#པའོ། །འགུགས་ན་ཞེས་བྱ་བ་ནི་ནད་པས་
[44b]
[44b.1]ནད་གཡོག་ལའོ། །མི་གདམས་པར་མི་བྱའོ་ཞེས་བྱ་བ་ནི་ནད་གཡོག་གིས་ནད་པ་ལའོ། །དེ་ནད་པས་བཟླ་བར་ཤིན་ཏུ་མི་བྱའོ་ཞེས་བྱ་བ་ནི་ནད་གཡོག་གིས་གདམས་ངག་བྱས་པ་ལས་ནད་པ་འདའ་བར་མི་བྱའོ་ཞེས་བྱ་བའི་དོན་ཏོ། །ནད་གཡོག་དེས་དེ་འཆི་བར་དོགས་ན་དེ་དགེ་འདུན་གྱི་
[44b.2]མལ་སྟན་ལ་བསླང་སྟེ་གང་ཟག་གི་ལ་གཞག་པར་བྱའོ། །བསྐུ་#མཉེ་དང་ཁྲུས་སྔར་བྱ་བ་ཉིད་ཀྱིས་སྒྱུ་ཐབས་ཀྱིས་སོ་ཞེས་བྱ་བ་ལ། བསྐུ་#མཉེ་དང་ཁྲུས་སྔར་བྱ་བ་ཉིད་ཀྱིས་#སྒྱུ་ཐབས་ཀྱིས་གཞག་པར་བྱའོ། །འདིར་སྒྱུ་ཐབས་ནི་གཙོ་བོ་ཉིད་ཀྱི་ཕྱིར་གཉིས་པོ་འདི་དཔེར་རིག་པར་བྱའོ། །དེའི་
[44b.3]གནས་སྐབས་ཀྱི་ཡོངས་སུ་བརྟག་#པ་ལ་འབད་པ་དང་ལྡན་པར་བྱའོ་ཞེས་བྱ་བ་ནི་#ཤི་བའི་གནས་སྐབས་ཡོངས་སུ་གཅོད་པ་ལ་ལུས་ཀྱི་གནས་སྐབས་གང་ལ་འཆི་བའི་དོགས་པ་འབྱུང་བ་དེ་ལ་ཞེས་བྱ་བའི་དོན་ཏོ། །འདིར་འབད་པ་ནི་ཡང་ནས་ཡང་དུ་རྟོག་པའོ། །དེས་སྨེ་བར་བྱས་པའི་ཤི་བའི་གོས་
[44b.4]དེ་དག་བཀྲུ་བ་ནི་དེས་བྱ་བ་ཉིད་ཡིན་ནོ་ཞེས་བྱ་བ་ནི་ནད་དེས་ཀུན་ནས་ཉོན་མོངས་པར་བྱས་པ་ཤི་བའི་གོས་དེ་རྣམས་ལ་ནད་པ་གང་ལ་ནད་གཡོག་དེས་ཤི་བ་དེ་ཉིད་ཀྱི་གལ་ཏེ་གོས་དེ་རྣམས་ཡིན་ན་ཡང་གཞན་གྱིས་དེ་རྣམས་བཀྲུ་བ་མ་ཡིན་ཏེ། ནད་གཡོག་དེས་བྱའོ་ཞེས་བྱ་བའི་དོན་ཏོ། །དགེ་
[44b.5]འདུན་འདུས་པ་ན་དེའི་གནས་བརྟན་#མདུན་དུ་འགྲོ་བར་བྱའོ་ཞེས་བྱ་བ་ལ། འདི་ནི་#རྟེན་དང་བརྟེན་#པའི་རབ་ཏུ་དབྱེ་བ་ཞེས་བྱ་བའི་མཐར་ཐུག་པ་འདི་ལ་དགེ་འདུན་གྱི་གནས་བརྟན་གྱིས་དབང་དུ་བྱ་བ་ལ་ཉེ་བར་དགོད་#པ་སྟེ་དགེ་འདུན་ཚོགས་པ་ན་དགེ་འདུན་གྱི་གནས་བརྟན་ཐོག་མར་འགྲོ་བར་བྱའོ་ཞེས་བྱ་
[44b.6]བའི་དོན་ཏོ། །འགྲོ་བའི་ཚེ་ཐོགས་ན་བསྡད་པར་བྱའོ་ཞེས་བྱ་བ་ནི་གནས་བརྟན་དེའོ། །དེ་རྣམས་ཀྱིས་དེ་ཡང་ངོ་ཞེས་བྱ་བ་ནི་གང་རྣམས་ཀྱི་གནས་བརྟན་དེ་དེ་རྣམས་ཀྱིས་ཡང་ཐོགས་#ན་བསྡད་པར་བྱའོ། །མ་བྱུང་བ་ལ་ནི་རིང་བར་སོང་སྟེའོ། །གྲོང་གི་ཉེན་ཀོར་དུ་ཡང་ངོ་ཞེས་བྱ་བ་ལ། ཉེན་ཀོར་གྱི་སྐྲ་#
[44b.7]ནི་ཉེ་བར་བརྗོད་པར་བྱའོ#། །གལ་ཏེ་འཇུག་པ་ན་ཕྱི་བཞིན་འོངས་པ་ན་ཡང་ངོ་ཞེས་བྱ་བ་ནི་གལ་ཏེ་མངོན་པར་འཇུག་པར་#འདོད་ན་ཕྱི་བཞིན་འོང་བ་འདི་ལ་གྲོང་གི་ཉེན་ཀོར་དུ་བསྡད་པར་བྱའོ། །དེ་ལྟར་ལྟ་བར་གྱུར་པ་རྣམས་ལ་གལ་ཏེ་སྦྲོན་པ་འོངས་ན་ཡང་དེ་ལ་གནས་བརྟན་འོངས་ཀྱི་བར་དུ་སྡོད་ཅིག་
[45a]
[45a.1]ཅེས་གོ་བར་བྱའོ་ཞེས་བྱ་བ་ལ། དེ་ལ་ཞེས་བྱ་བ་སྦྲོན་པ་ལའོ། །ཟས་ཀྱི་ཕྱིར་སོན་པ་ཉིད་ན་ལག་ཆུ་དྲངས་པའི་ཚེ་གལ་ཏེ་དུས་ཡོད་ན་ཡང་ངོ་ཞེས་བྱ་བ་ནི་ཟས་ཀྱི་ཕྱིར་རམ་བཏུང་བའི་ཕྱིར་སོན་པ་ཉིད་ན་ལག་ཆུ་དྲངས་པའི་ཚེ་གལ་ཏེ་ཐོགས་པར་གྱུར་པ་རྣམས་ལ་དུས་ཡོད་ན་དེ་ནས་
[45a.2]སྦྲོན་#པ་དེ་ལ་ཚུར་ཤོག་ཇི་སྲིད་དགེ་འདུན་གྱི་གནས་བརྟན་འོངས་ཀྱི་བར་དུ་སྡོད་ཅིག་ཅེས་བསྒོ་བར་བྱའོ། །མེད་ན་གྲལ་དེར་དེའི་སྟན་གཞག་པར་བྱའོ་ཞེས་བྱ་བ་ནི་བསྡད་པའི་དུས་སུ་མེད་ན་བཟའ་བ་ལ་སོགས་པར་ཞུགས་པ་ལ་དགེ་འདུན་གྱི་གནས་བརྟན་ལ་སྟན་#བཞག་པར་བྱའོ། །འདུག་པ་དང་ཕྱི་
[45a.3]རོལ་དུ་ཡང་སོ་སོར་བརྟག་པར་བྱའོ་ཞེས་བྱ་བ་ལ། འདིར་འདུག་པ་ནི་ཁྱིམ་གྱི་ནང་དུའོ། །ཕྱི་རོལ་ཞེས་བྱ་བ་ནི་སྡོད་ས་ལས་སོ། །གནས་སྐབས་འདི་དག་ལ་དགེ་འདུན་གྱི་གནས་བརྟན་གྱིས་སོ་སོར་བརྟག་པར་བྱའོ། །ལེགས་པར་མ་བགོས་པ་ཉིད་དང་ལེགས་པར་མ་དཔྱངས་པ་ཉིད་ཡིན་ན་མཛེས་
[45a.4]པར་བྱ་བའི་ཕྱིར་དེ་གཉིས་ལ་བརྡ་བྱའོ་ཞེས་བྱ་བ་ལ། ལེགས་པར་མ་བགོས་པ་ཉིད་དམ་ལེགས་པར་མ་དཔྱངས་པ་ཉིད་ལ་མཛེས་པར་བྱ་བའི་ཕྱིར་འདི་དག་གི་རྒྱུ་མཚན་དུ་འདི་ལ་བྱའོ། །དེ་གཉིས་ལ་ཞེས་བྱ་བ་ནི་མ་བགོས་པ་ཉིད་དམ་ལེགས་པར་མ་དཔྱངས་པ་ཉིད་ལའོ། །མ་གོ་ན་དྲུང་ན་མོ་ཞེས་བྱ་བ་ནི་གང་
[45a.5]ཞིག་འདི་མ་བགོས་#པ་ཉིད་དམ་ལེགས་པར་མ་དཔྱངས་པ་ཉིད་དོ། །མ་གོ་ན་#དྲུང་ན་མོ་བྱེད་དུ་གཞུག་གོ་ཞེས་བྱ་བ་ལ། གལ་ཏེ་འདི་མ་བགོས་པ་ཉིད་#དགེ་འདུན་གྱི་#གནས་བརྟན་གྱིས་བརྡ་བྱེད་བཞིན་པས་གོ་བར་མ་གྱུར་ན་དེ་ནས་དྲུང་ན་མོ་དེས་བྱེད་དུ་གཞུག་གོ། །མ་གྱུར་ན་རང་གིས་སོ་ཞེས་བྱ་བ་ནི་
[45a.6]དེ་ལྟར་ན་ཡང་མཛེས་པར་བྱེད་པ་ལ། གྲུབ་པར་མ་གྱུར་ན་རང་གིས་བྱེད་དུ་གཞུག་གོ། །བརྡ་མ་གོ་ན་ཚིག་གིས་བྱེད་དུ་གཞུག་གོ། །གསར་བུ་དེ་དག་ལ་ཀུན་དུ་སྨྲ་བར་མི་བྱའོ། །གང་རྣམས་ཀྱིས་དེར་དགེ་འདུན་གྱི་གནས་བརྟན་དེས་གཙུག་ལག་ཁང་དང་དགོན་པ་དེར་དེ་དག་གི་ཚུལ་ཁྲིམས་ཀྱི་ཚུལ་
[45a.7]ཁྲིམས་དེ་འཛིན་དུ་གཞུག་པར་བྱ་ཞིང་ངེས་པར་སྦྱར་བར་ཡང་བའོ་#ཞེས་བྱ་བ་ལ། གང་རྣམས་ཀྱི་ཞེས་བྱ་#ནི་གསར་བུ་དེ་རྣམས་ལའོ། །དེ་དག་གི་ཚུལ་ཁྲིམས་ཞེས་བྱ་བ་ནི་གཙུག་ལག་ཁང་གི་ཚུལ་ཁྲིམས་དང་དགོན་པའི་ཚུལ་ཁྲིམས་སོ། །ངེས་པར་སྦྱར་བར་བྱ་ཞེས་པ་ནི#། དེ་དག་གི་#ཚུལ་
[45b]
[45b.1]ཁྲིམས་འཛིན་དུ་གཞུག་པར་བྱ་བ་གཅིག་པུར་མ་ཟད་ཀྱི། འོན་ཀྱང་ཚུལ་ཁྲིམས་དེ་བསྒྲུབ་པ་ལ་དེ་རྣམས་ཀྱི་ངེས་པར་སྦྱར་བ་#ཡང་བྱའོ། །གློ་བུར་དུ་འོངས་པས་ནི་སོ་སོར་བརྟགས་ནས་གནས་མལ་གྱི་ཕྱི་རོལ་#གཉུག་མར་གནས་པ་རྣམས་ལ་བརྗོད་པར་བྱའོ་ཞེས་བྱ་བ་ལ། གནས་མལ་གྱི་ཕྱིར་གློ་
[45b.2]བུར་དུ་འོངས་པའི་དགེ་འདུན་གྱི་གནས་བརྟན་གྱིས་གློ་བུར་དུ་འོངས་པ་མ་ཡིན་པ་རྣམས་ལ་སོ་སོར་བརྟག་#པར་བྱའོ། །གང་རྣམས་ཀྱི་དགེ་འདུན་གྱི་#གནས་བརྟན་འདི་གཉུག་མར་གནས་པ་རྣམས་ལ་གནས་མལ་གྱི་ཕྱིར་བརྗོད་པར་བྱའོ། །འགྲོ་བར་ཆས་པས་ནི་ཕྱོགས་དང་འགྲོན་པ་#དང་གནས་དང་
[45b.3]གནས་མལ་གྱི་གྲོགས་ན་ནི་#མི་འདོར་བ་ཉིད་བརྟགས་ནས་འབག་#པར་བྱའོ་ཞེས་བྱ་བ་ལ། འགྲོ་བར་ཆས་པ་ལ་ནི་#དགེ་འདུན་གྱི་གནས་བརྟན་ནོ། །འགྲོན་པ་རྣམས་ལ་ཞེས་བྱ་བ་ནི་དོན་གྱིས་གོ་བར་བྱ་སྟེ་ཕྱོགས་གང་དུ་འགྲོ་བར་བྱ་བ་འགྲོ་བ་དང་ལམ་གྱིས་#གནས་གང་ཞིག་དེར་འགྲོ་བ་ལ་གནས་མལ་
[45b.4]དང་དེ་ཐམས་ཅད་བློ་རིགས་པ་ཉིད་ཀྱིས་གཞལ་བར་བྱ་སྟེ་གྲོགས་རྣམས་དང་ནད་ཡོད་པ་ལ་གང་གིས་ཀྱང་སུ་ཡང་ཡོངས་སུ་དོར་བར་མི་བྱའོ་ཞེས་བྱ་བ་དེ་ལྟར་གཞལ་བར་བྱས་ནས་དེ་ནས་ཇི་ལྟར་འདོད་པའི་གནས་ཐོབ་པར་བྱ་བའི་ཕྱིར་འགྲོ་བར་བྱའོ། །རིང་པོར་མ་སོན་པར་ཐམས་ཅད་ཀྱི་ཐ་མར་ལ་ལའི་
[45b.5]ཅུང་ཟད་མ་ལུས་སམ་ཞེས་འཕྲལ་དུ་དྲན་པར་བྱའོ་ཞེས་བྱ་བ་ནི་དགེ་འདུན་གྱི་གནས་བརྟན་ཉིད་དོ། །གསར་བུ་རྣམས་མི་རྒོད་པ་ཉིད་དང་མ་ཁེངས་པ་ཉིད་ལ་དགོད་པར་བྱའོ་ཞེས་བྱ་བ་ལ། རྒོད་པ་ནི་ཉེ་བར་མ་ཞི་བའོ། །ཁེངས་པ་ཉིད་ནི་རེངས་པ་ཉིད་དེ་དེ་#དག་བཟློག་པ་ལ་རབ་ཏུ་དགོད་པར་བྱའོ་ཞེས་བྱ་
[45b.6]བའི་དོན་ཏོ། །ཁྱིམ་ཕྱིར་ཉེ་བ་ནི་ཐམས་ཅད་ཀྱིས་ཐམས་ཅད་ཀྱང་ངོ་ཞེས་བྱ་བ་ནི་མི་རྒོད་པ་ཉིད་དང་མ་ཁེངས་པ་ཉིད་ལ་དགོད་པར་བྱའོ་ཞེས་བྱ་བ་དང་རྗེས་སུ་འབྲེལ་ལོ། །འགྲོ་བར་ཆས་པ་ནི་གནས་བརྟེན་#ཉིད་མ་ཡིན་ཏེ། འོན་ཀྱང་གཞན་ཡང་སྟེ་གསར་དུ་ཞུགས་པ་ཉིད་རྣམས་ནི་མ་ཡིན་ཏེ། འོན་
[45b.7]ཀྱང་གཞན་ལ་ཡང་ཞེས་བྱ་བའི་དོན་ཏོ། །ཀུན་ཤེས་པར་བྱའོ་ཞེས་བྱ་བ་ནི་འགྲོ་བར་ཆས་པའི་དགེ་འདུན་གྱི་གནས་བརྟན་ནོ། །དགེ་འདུན་ནི་སྤྱོད་པ་དང་སྤྱོད་ལམ་བརྟན་པ་དང་ལུང་ནོད་པ་ལ་སོགས་པ་དང་ཟས་ཀྱི་རྙེད་པ་དང་ནད་པ་ལ་བགོ་བཤའ་བྱ་བ་ལ་སོགས་པའི་བྱ་བ་བསྒྲུབ་པས་ཕན་གདགས་
[46a]
[46a.1]པར་བྱའོ་ཞེས་བྱ་བ་ལ་སྤྱོད་པ་ནི་ཡུལ་ལོ། །སྤྱོད་ལམ་ནི་སྤྱོད་ལམ་མོ། །དེ་དག་བསྟན་པ་ནི་འདི་ནི་ཡུལ་ལོ། །འདི་ནི་ཡུལ་མ་ཡིན་པ་དེ་ལྟར་འགྲོ་བར་བྱའོ་#ཞེས་བྱ་བ་ལ་སོགས་པའོ། །ལུང་ནོད་པ་ལ་སོགས་པ་ཞེས་བྱ་བ་འདི་ལ་ཁ་ཏོན་ལ་སོགས་པ་རྣམས་ནི་
[46a.2]སོགས་ཀྱི་སྒྲས་གཟུང་ངོ་། །དབྱར་གནས་པར་ཁས་བླངས་པས་གཙུག་ལག་ཁང་གི་བྱི་དོར་མི་བྱེད་པ་ལ་གྲོས་བཏབ་སྟེ་བྱི་དོར་བྱེད་དུ་གཞུག་ཅིང་བྱི་དོར་བྱེད་པ་ལ་ནི་སྤྲོ་བར་བྱའོ། །ཐམས་ཅད་ཀྱི་འཁོར་དུ་གཏོགས་པ་གཏམ་འདོད་པ་དག་ལ་རྗེས་སུ་མཐུན་པའི་ཆོས་ཉེ་བར་བསྒྲུབ་པས་ཕན་
[46a.3]གདགས་པར་བྱའོ་ཞེས་བྱ་བ་ནི་གལ་ཏེ་དེས་འཁོར་དུ་གཏོགས་པ་རྣམས་གཏམ་འདོད་ན་དེ་ནས་གང་ཞིག་གང་ལ་རྗེས་སུ་མཐུན་པའི་ཆོས་ཉེ་བར་བསྡུས་པས་དེས་#རྗེས་སུ་གཟུང་བར་བྱའོ། །ཐམས་ཅད་ཀྱིས་ཞེས་བྱ་བ་ནི་དགེ་འདུན་གྱི་གནས་བརྟན་གྱིས་སོ། །དབྱར་གནས་པར་#ཁས་བླངས་པའི་
[46a.4]དགེ་འདུན་གྱི་#གནས་བརྟན་ཉིད་ནི་མ་ཡིན་ནོ། །མི་སྨྲ་བ་ཉིད་ལ་དགའ་བ་དག་#བཏང་སྙོམས་སུ་གཞག་སྟེ། སྨྲ་བའི་དངོས་པོ་ནི་སྨྲ་བ་ཉིད་འདིར་མི་སྨྲ་བའི་དངོས་པོ་འཕགས་པ་ཞེས་བྱ་བ་མངོན་པར་འདོད་པ་སྟེ་མི་སྨྲ་བ་ཙམ་ནི་མ་ཡིན་ནོ། །ཁྱིམ་པ་ཉེ་བར་འོངས་པའི་འཚལ་མ་སྦྱོར་དུ་གཞུག་གོ་
[46a.5]ཞེས་བྱ་བ་ནི་འདི་རྣམས་ལ་ཁ་ཟས་སྦྱིན་པར་རིགས་པ་ཞེས་བྱ་བའོ། །དགེ་སློང་རྣམས་ལ་གོ་བར་བྱས་ནས་གལ་ཏེ་དགེ་སློང་དེ་རྣམས་ལ་དགེ་འདུན་གྱི་གནས་བརྟན་གྱིས་བརྗོད་ཅིང་གོ་#བར་མི་བྱེད་པའམ་ཁྱིམ་པ་དེ་རྣམས་ཟར་མི་འདོད་ན་དེའི་ཚེ་མི་བྱེད་དམ་མི་འདོད་ན་དེ་དག་ལ་ཆོས་དང་ལྡན་པའི་གཏམ་བྱས་
[46a.6]ནས་བདག་ཅག་ལ་འདི་ཡོད་དོ་ཞེས་བརྗོད་པར་བྱའོ། །དེ་དང་ལྡན་པ་ཐམས་ཅད་ཀྱིས་#འཁོར་ལ་སོ་སོར་བརྟག་པར་བྱའོ་ཞེས་བྱ་བ་ནི་འཁོར་དང་ལྡན་པ་ཐམས་ཅད་མ་#ཡིན་ཏེ། དགེ་འདུན་གྱི་གནས་བརྟན་ཉིད་ནི་མ་ཡིན་ཞེས་བྱ་བའི་དོན་ཏོ། །དོན་མེད་པར་སྤྱོད་པ་ཚར་གཅད་#དོ་ཞེས་བྱ་བ་ནི་
[46a.7]འཁོར་དང་ལྡན་པ་ཐམས་ཅད་ཀྱིས་ཞེས་བྱ་བ་དང་རྗེས་སུ་འབྲེལ་ལོ། །ཇི་ལྟར་དོན་མེད་པས་དུས་འདའ་བར་མི་བྱེད་པ་དང་རབ་ཏུ་བྱུང་བ་དང་#རབ་ཏུ་བྱུང་བ་དོན་མེད་པར་ཡང་མི་བྱེད་པ་དེ་ལྟར་བྱའོ་ཞེས་བྱ་བའི་དོན་ཏོ། །དེ་ལ་འགྲོ་བ་ལ་སོགས་པ་ལ་དེ་ཇི་ལྟ་བ་བཞིན་དུ་བྱའོ་ཞེས་བྱ་བ་ནི་ཇི་#ལྟར་གནས་
[46b]
[46b.1]པར་བགྱི། ཇི་#ལྟར་འགྲོ་བར་བགྱི་ཞེས་བྱ་བ་ལ་སོགས་པ་ནི་ཡང་དག་པར་ཞུགས་པ་ལ་ལྟོས་པའི་སོགས་ཀྱི་སྒྲའོ། །དེ་ལ་ཞེས་བྱ་བ་ནི་འཁོར་ལའོ། །དེ་ཇི་ལྟ་བ་བཞིན་དུ་ཞེས་བྱ་བ་ནི་འཁོར་ཇི་ལྟ་བས་དེ་འཁོར་དང་རྗེས་སུ་མཐུན་པ་ཞེས་བྱ་བའི་དོན་ཏོ། །གཏམ་སྣ་ཚོགས་དང་འགལ་
[46b.2]བ་མེད་པར་བྱའོ་ཞེས་བྱ་བ་ནི་དེ་ལ་ཞེས་བྱ་བ་དང་སྦྱར་ཏེ་ཆོས་འདུལ་བ་དང་འགལ་ལོ། །འགལ་བ་མེད་པར་བྱ་བ་ནི་འགལ་བ་མེད་པ་སྟེ། གཏམ་སྣ་ཚོགས་པ་དང་འདྲེས་པའོ། །ཕྱི་བཞིན་འབྲང་བ་དགེ་སྦྱོང་མདུན་དུ་འགྲོ་བར་མི་བྱའོ། །འདུག་པར་མི་བྱའོ་ཞེས་བྱ་#ནི་སྔོན་དུ་འམ་ཕྱི་
[46b.3]ནས་དགེ་སྦྱོང་གིས་འདུག་པར་མི་བྱ་ཞེས་བྱ་བའི་དོན་ཏོ། སྨྲ་ནས་སྨྲ་བར་བྱ་ཞིང་ཞེས་བྱ་བ་ནི་མི་སྨྲ་བར་ཅུང་ཟད་བརྗོད་པར་མི་བྱའོ་ཞེས་བྱ་བའོ། །བསྒྲུབ་པར་བྱའོ་ཞེས་བྱ་བ་ནི་གང་ཞིག་འདི་ལ་མདུན་དུ་དགེ་སྦྱོང་གིས་སྨྲ་བ་དེ་བསྒྲུབ་པར་བྱ་ཞེས་བྱ་བའི་དོན་ཏོ། །གཏམ་གྱི་བར་ཆད་མི་བྱའོ་ཞེས་#བྱ་བ་
[46b.4]ནི་དགེ་སྦྱོང་བླ་མ་གཏམ་བྱེད་པས་ན་བར་དུ་གཏམ་མི་བྱའོ་ཞེས་བྱ་བའི་དོན་ཏོ། །ཆོས་མ་ཡིན་པ་སྨྲ་བ་#ཞེས་བྱ་བ་ནི་དགེ་སྦྱོང་བླ་མ་སྟེ་བཟློག་པར་བྱའོ། །ཆོས་ཀྱིས་#རྗེས་སུ་ཡི་རང་བར་བྱའོ། །ཆོས་དང་ལྡན་པའི་རྙེད་པ་བྱུང་ན་བླང་བར་བྱའོ་ཞེས་བྱ་བ་ནི་ཕྱི་བཞིན་འབྲང་བའི་དགེ་སྦྱོང་
[46b.5]ངོ་། །དེ་ནི་ཕྱི་བཞིན་འབྲང་བའི་དགེ་སྦྱོང་གི་ཚུལ་ཁྲིམས་ཡིན་ནོ། །ཁྱིམ་དུ་འགྲོ་བའི་ཚུལ་ཁྲིམས་བརྗོད་པར་བྱ་སྟེ། ཁྱིམ་དུ་མི་རྒོད་པ་དང་མ་ཁེངས་པ་དང་མི་གནས་པར་བྱའོ་ཞེས་བྱ་བ་ལ་མི་རྒོད་པ་དང་ཞེས་བྱ་བ་ནི་ཐམས་ཅད་ཁྱིམ་དུ་འགྱུར་རོ། །མ་ཁེངས་པ་དང་མི་གནས་པར་བྱ་
[46b.6]བ་ལ་ཁྱིམ་ནས་འགྲོ་བར་འདོད་པ་ཉིད་ནི་མི་གནས་པ་ཉིད་དོ། །མིག་དམད་པ་དང་ཁྱིམ་པ་རྣམས་ལ་ཆོས་དང་ལྡན་པའི་གཏམ་བྱའོ་ཞེས་བྱ་བ་ལ། མིག་དམད་པ་ཞེས་བྱ་བ་ནི་ཡུལ་རྣམས་ལས་ཏེ། མིག་སོ་སོར་དམད་པར་བྱས་པ་ཞེས་བྱ་བའི་དོན་ཏོ། །ཁྱིམ་པ་རྣམས་ལ་ཆོས་
[46b.7]དང་ལྡན་པའི་གཏམ་བྱའོ། །སྦྱིན་པ་དང་དུལ་བ་དང་ཡང་དག་པར་སྡོམ་པ་དང་ཚངས་པར་སྤྱོད་པ་ལ་གནས་པ་དང་གསོ་སྦྱོང་དང་སྐྱབས་སུ་འགྲོ་བ་དང་བསླབ་པའི་གཞི་གཟུང་བ་དག་ལ་དེ་རྣམས་ངེས་པར་སྦྱར་བར་བྱའོ་ཞེས་བྱ་བ་ལ། དེ་རྣམས་ཞེས་བྱ་བ་ནི་ཁྱིམ་པ་རྣམས་སོ། །དུལ་བ་ནི་
[47a]
[47a.1]དབང་དུ་བྱེད་པ་སྟེ། དབང་པོ་རྣམས་དང་ལུས་དང་ངག་དག་ལ་དབང་དུ་བྱེད་པ་ཉིད་དོ། །ཡང་དག་པར་སྡོམ་པ་ནི་འདི་རྣམས་ལ་འགྲོ་བ་མེད་པ་སྟེ། འདུལ་བ་དང་འདུལ་བ་ཉིད་ལ་གནས་པའོ། །ཚངས་པར་སྤྱོད་པ་ལ་གནས་པ་དང་ཞེས་བྱ་བ་ནི་རབ་ཏུ་བྱུང་བའི་ཚུལ་
[47a.2]ཁྲིམས་དང་ཁྱིམ་པ་ཉིད་ལ་ཡང་ཇི་སྲིད་འཚོའི་བར་དུ་གྲོང་བའི་ཆོས་ལས་ཕྱིར་བཟློག་པར་བྱའོ#། །ལྟུང་བའི་སྒོར་གྱུར་པའི་འཇུག་པ་ཐམས་ཅད་ལ་དྲན་པས་བསྒྲུབ་པར་བྱའོ་ཞེས་བྱ་བ་ལ། དྲན་པས་ཞེས་བྱ་བ་ནི་ལྟུང་བ་རྣམས་ལ་ཞེས་བྱ་བའི་དོན་གྱིས་གོ་བས་ཁྱིམ་དུ་འཇུག་པ་ལ་
[47a.3]སོགས་པ་#འགྲོ་བ་ལ་སོགས་པ་འཇུག་པ་ལྟུང་བ་ལས་འདའ་བའི་སྒོར་#གྱུར་པ་གང་ཡིན་པ་དེ་ལ་དེ་ལྟར་དྲན་པ་ཉེ་བར་གནས་པར་བྱས་ནས་ཇི་ལྟར་ཅུང་ཟད་ལྟུང་བར་མི་འགྱུར་རོ། །རྗེས་སུ་འགྲོ་བ་བསླབས་#པས་མི་བྱའོ་ཞེས་བྱ་བ་ནི་བསྒྲུབ་པར་བྱའོ་ཞེས་བྱ་བ་དང་རྗེས་སུ་འབྲེལ་ཏོ། །འདི་
[47a.4]ནི་རྗེས་སུ་བསྟན་པ་དང་རྗེས་སུ་འབྲེལ་བ་མ་ཡིན་ཏེ། དེ་བས་#ན་བསྒྲུབ་པར་མི་བྱ་སྟེ། འདིའི་རྗེས་སུ་བསྟན་པ་འདའ་བར་བྱ་བ་མ་ཡིན་ཞེས་བྱ་བའི་དོན་ཏོ། །འོངས་པ་ལ་འོངས་པ་ལེགས་སོ་ཞེས་སྔར་སྙན་པ་བརྗོད་པར་བྱའོ་ཞེས་བྱ་བ་ལ། འོངས་པ་ལ་འོངས་པ་ལེགས་སོ་ཞེས་
[47a.5]བྱ་བ་ནི་ལེགས་པར་འོངས་པ་སྨྲ་བ་ལས་བསྙེན་#པར་བརྗོད་པར་འགྱུར་ཞེས་བྱ་བའི་དོན་ཏོ། །འོངས་པ་ལ་ཞེས་བྱ་བ་ནི་རབ་ཏུ་བྱུང་བའམ་ཁྱིམ་པ་ལའོ། །བཞིན་གྱི་#མདངས་གསལ་བར་བྱའོ་ཞེས་བྱ་བ་ནི་ངོམ་ཟུམ་མི་བྱའོ། །འཛུམ་པ་སྔར་བྱའོ་ཞེས་བྱ་བ་ནི་འཛུམ་པ་ཐོག་མར་འགྲོ་བ་
[47a.6]སྟེ། མངོན་དུ་ཕྱོགས་པ་སྟེར་བ་ཞེས་བྱ་བའི་དོན་ཏོ། །བར་དང་བཅས་པའི་འཇུག་པ་ཡང་འཛུམ་པ་དང་བཅས་པ་ཉིད་དུ་འགྱུར་རོ་ཞེ་ན། དེའི་ཕྱིར་ཁྲོ་གཉེར་མེད་པར་བྱའོ་ཞེས་བྱ་བ་སྨོས་སོ། །གལ་ཏེ་ཁྱིམ་པ་ཞིག་ཡིན་ན་དེ་ལ་ཆོས་དང་ལྡན་པའི་གཏམ་བྱའོ། །གྲོང་མཐའ་བས་ནི་དེར་
[47a.7]མི་འོང་ན་ཀུན་དགའ་བར་འགྱུར་བ་ཅི་ནུས་པས་ལྷུག#་པར་བྱའོ། །མི་འོང་ན་ཞེས་བྱ་བ་ལ་མི་འོང་ན་ནི་ཁྱིམ་པའོ། །གྲོང་མཐའ་བས་ནི་དགེ་སློང་ངོ་། །ཀུན་དགའ་#བར་འགྱུར་བ་ནི་བཟའ་བ་ལ་སོགས་པའོ། །ཅི་ནུས་པས་ལྷུག་#པར་བྱའོ། །ཆུ་དང་སྟན་བསྟབས་#པར་བྱའོ་ཞེས་བྱ་བ་ལ། དགོན་
[47b]
[47b.1]པ་བས་ཀྱང་ཆུ་དང་སྟན་དང་ཞེས་བྱ་བར་བསྡུ་བའོ། །ཕྱག་དར་དང་མལ་དང་སྟན་བཤམ་པ་དང་ཆུ་གཞག་པ་དང་བྲིམ་#པ་དང་ཟན་དྲང་བ་ནི་གསར་བུས་བྱའོ་ཞེས་བྱ་བ་ནི་གང་དེ་ཡང་དག་པར་འོངས་པ་ལ་འདི་ཐམས་ཅད་གསར་དུ་#ཞུགས་པ་དེས་བྱའོ། །གཡོག་འཁོར་གྱི་བྱ་བ་མི་མཐུན་པ་གལ་ཏེ་
[47b.2]རང་དང་གཞན་ལ་གནོད་པར་མི་འགྱུར་བ་ནི་ཅི་བདེར་གཞག་གོ་ཞེས་བྱ་བ་ལ། ཅི་བདེར་གཞག་གོ་ཞེས་བྱ་བ་ནི་བཏང་སྙོམས་སུ་གཞག་པར་བྱ་བའོ#། །གལ་ཏེ་ཁས་བླངས་པར་གྱུར་པ་ཡིན་ན་རང་དང་གཞན་རྣམས་ལ་གནོད་པར་མི་འགྱུར་རོ། །གལ་ཏེ་དེ་ལྟ་ཡིན་ན་ཞེས་བྱ་བ་ནི་གལ་ཏེ་
[47b.3]འཁོར་གྱི་བྱ་བ་དེ་གནོད་པའི་ཕྱིར་ཡིན་ལ་ནུས་པ་ཡོད་ན་དེ་རྒྱུན་བཅད་ལ་ཞེས་བྱ་བ་ནི་མི་མཐུན་པའི་བྱ་བ་གཞན་ནོ། །ཆོས་དང་ལྡན་པ་ནི་བྱ་བའོ། །བསྐྱེད་ནས་དེ་གཡོག་འཁོར་ལ་གྲོས་གདབ་པར་བྱའོ། །དེའི་གཞི་ལས་གཡོག་འཁོར་མི་དགའ་ཞིང་འཕོ་བ་ལྟ་ན་ཕྱིར་བསྡུ་བར་བྱའོ་ཞེས་བྱ་བ་
[47b.4]ནི་ཆོས་དང་ལྡན་པའི་བྱ་བ་སྐྱེད་པར་འགྱུར་བ་#ལ་གཡོག་འཁོར་དེ་ལ་གལ་ཏེ་སེམས་མི་དགའ་ཞིང་ཡིད་མི་བདེ་བར་གྱུར་ཏམ། ནད་མེད་པའམ་གཞན་གྱིས་འགྲོ་བར་བྱ་ཞིང་དེ་ལ་སོ་སོར་འདུ་བྱེད་པའོ། །དེ་བཞིན་དུ་སྦྱིན་པ་ལ་སོགས་པས་སོ་སོར་བསྡུ་བར་བྱའོ། །གཡོག་འཁོར་ཇི་ལྟ་བ་འདི་
[47b.5]ལ་གཉིས་སུ་ཡང་མི་འགྱུར་བར་ཞེས་བྱ་བའོ#། །མི་ནུས་པ་ཉིད་ཡིན་ན་ཡང་གཞན་དུ་འགྲོ་བར་བྱའོ་ཞེས་བྱ་བ་ནི་དེ་རྒྱུན་གཅད་#པར་མི་ནུས་པ་ཉིད་ལ་གཞན་དུ་འགྲོ་བར་བྱའོ། །དེའི་རྐྱེན་གྱིས་རྩོད་ཅིང་སྨྲ་བར་མི་བྱའོ། །དགེ་འདུན་གྱི་ཀུན་དགའ་ར་བར་གནོད་པ་བྱེད་ན་ཅི་ནས་ཀྱང་དེ་ཉིད་འཛིན་
[47b.6]དུ་གཞུག་པའི་ཕྱིར་འཛིན་པ་གཏང་#བ་དེ་ལྟར་བྱའོ། །མི་འགྲོ་ན་བབ་ཅོལ་དུ་སུ་ལ་ཡང་མི་བརྗོད་པར་གཞོན་ནུ་དང་མཛའ་བཤེས་དང་ཞང་བློན་དང་ཞབས་འབྲིང་དག་ལ་སྐད་སྦྱར་ཏེ། འཁོར་དག་པར་འཛིན་དུ་བཅུག་ནས་ཐུལ་འོག་ཏུ་གཞུག་པར་བྱའོ་ཞེས་བྱ་བ་ལ། འཛིན་དུ་བཅུག་ནས་
[47b.7]ཞེས་བྱ་བ་ནི་གོ་བར་བྱས་ནས་སོ། །འཁོར་དག་པ་ནི་གང་དུ་འདི་ལ་ཆད་པ་མི་དབབ་པ་དེར་འཇུག་པར་བྱ་བ་ནི་ཕམ་པར་བྱའོ་ཞེས་བྱ་བའི་དོན་ཏོ། །གཞོན་ནུ་ལ་སོགས་པ་རྣམས་ལ་གང་ཞིག་སྔར་གོ་བར་བྱེད་པ་དེ་ནི་འདིའི་དོན་དུ་སྟེ། ཕམ་པར་གྱུར་པ་དེ་ལ་བརྟན་ནས་གཅོད་#པར་མ་གྱུར་
[48a]
[48a.1]ཅིག་ཅེས་བྱ་བའི་དོན་ཏོ། །རབ་ཏུ་བྱུང་བའི་གཞི་ལས། དགེ་སློང་དང་འབྲེལ་བའི་སྐབས་བཤད་ཟིན་ཏོ།། །།ད་ནི་དགེ་སློང་མ་ལ་བརྟེན་པ་བརྗོད་པར་བྱ་སྟེ། དེ་ལ་སྐྱེས་པ་རབ་ཏུ་འབྱུང་བ་དང་བསྙེན་པར་རྫོགས་པ་ལ་བརྗོད་པ་གང་ཞིག་དེ་ཉིད་བུད་
[48a.2]མེད་ལ་ཡང་ཞེས་བྱ་བ་ཁས་བླང་ངོ་། །བྱེ་བྲག་ཏུ་ནི་འདི་བརྗོད་པར་བྱ་སྟེ། དགེ་སློང་གི་#གནས་སུ་དགེ་སློང་མའོ་ཞེས་བྱ་བ་ནི་དགེ་འདུན་གྱི་ཕྱོགས་གཅིག་#ཏུ་གྱུར་པའམ་གཅིག་པོར་གྱུར་པའི་མཁན་པོ་དང་ཞུ་བ་པོ་ལ་སོགས་པ་གང་དུ་དགེ་སློང་སྨོས་པ་དེར་དགེ་སློང་མ་བལྟ་བར་བྱའོ་
[48a.3]ཞེས་བྱ་བའི་དོན་ཏོ། །ཅི་དགེ་སློང་ཐམས་ཅད་ཀྱི་གནས་སུ་ཡིན་ནམ་འོན་ཏེ་འགའ་ཞིག་ལ་ཞེ་ན། དེའི་ཕྱིར་རབ་ཏུ་བྱུང་བ་ཐམས་ཅད་ཀྱིའོ་ཞེས་བྱ་བ་སྨོས་ཏེ། རབ་ཏུ་བྱུང་བའི་ཡུལ་ལ་མཁན་པོ་ལ་སོགས་པའི་དགེ་སློང་ཐམས་ཅད་ཀྱི་གནས་སུ་དགེ་སློང་མ་ཤེས་པར་བྱའོ། །མཁན་
[48a.4]པོ་ཉིད་ཀྱི་དོན་དུ་ཞུ་བ་བྱེད་པ་དང་དགེ་ཚུལ་མའི་སྡོམ་པ་སྦྱིན་པ་ཞེས་བྱ་བ་འདི་ཐམས་ཅད་དགེ་སློང་མ་རྣམས་ཀྱིས་བསྒྲུབ་པར་བྱའོ། །འདིར་དགེ་སློང་ལ་དབང་དུ་བྱ་བ་མེད་དོ་ཞེས་བྱ་བ་འདི་བསྟན་པའི་དོན་དུའོ། །བསྙེན་པར་རྫོགས་པ་ལ་ནི་དེ་གསོལ་བ་ལ་སོགས་པའི་ལས་བྱེད་པ་ལས་
[48a.5]གཞན་པའིའོ་ཞེས་བྱ་བ་ནི་བསྙེན་པར་རྫོགས་པ་ལ་དགེ་སློང་ཐམས་ཅད་ཀྱི་གནས་སུ་དགེ་སློང་མ་བལྟ་བར་བྱ་བ་མ་ཡིན་ཏེ། འོན་ཀྱང་བསྙེན་པར་རྫོགས་པ་ལ་ནི་དེ་#གསོལ་བ་ལ་སོགས་པའི་ལས་བྱེད་པ་པོ་ལས་གཞན་པའི་དགེ་སློང་གི་#གནས་སུ་དགེ་སློང་མའི་བསྙེན་པར་རྫོགས་པར་གསོལ་བ་
[48a.6]ནས་བརྩམས་ཏེ་འདིར་ལས་བྱེད་པ་པོའི་དགེ་སློང་ཉིད་དེ་དགེ་སློང་མ་ནི་མ་ཡིན་ཞེས་བྱ་བ་ནི་བརྗོད་པར་འགྱུར་རོ། །བསྙེན་པར་རྫོགས་པ་གསོལ་བ་ལས་སྔ་རོལ་དུ་དགེ་སློང་མ་ལས་བྱེད་པ་པོ་སྟེ་གང་ཞིག་འདིར་དགེ་སློང་མའི་#དགེ་འདུན་འགའ་ཞིག་གི་དབུས་སུ་ཚངས་པར་སྤྱོད་པ་ལ་ཉེ་བར་
[48a.7]གནས་པའི་སྡོམ་པ་སྦྱིན་པ་ཞེས་བྱ་བའི་དོན་ཏོ། །འདིར་དགེ་འདུན་གྱིས་བསྣན་པར་བྱའོ་ཞེས་བྱ་བ་ནི་བསྙེན་པར་རྫོགས་པར་གསོལ་བ་ལ་སོགས་པ་ལ་#དགེ་སློང་གི་དགེ་འདུན་སློབ་དཔོན་དུ་གྱུར་པ་#རྟོགས་པར་བྱའོ། །གཉིས་ཀའི་དགེ་འདུན་ཚོགས་ལ་གསོལ་བ་ནས་བརྩམས་ཏེ་ལས་བྱེད་པ་པོ་ནི་
[48b]
[48b.1]དང་པོ་ཞེས་བྱ་བའི་དོན་ཏོ། །བར་ཆད་དྲི་བ་དགེ་སློང་མ་#བསྒྲིབས་པ་ལ་བྱའོ་ཞེས་བྱ་བ་ནི་བར་ཆད་དྲི་#བའི་ཚེ་དགེ་འདུན་གྱི་དབུས་སུ་བར་ཆད་དྲི་བ་ལ་ལན་གཉིས་བྱ་དགོས་ཏེ། གཅིག་ནི་ཚངས་པར་སྤྱོད་པ་ལ་ཉེ་བར་གནས་པའི་སྡོམ་པ་སྦྱིན་པའི་དུས་སུ་དགེ་སློང་མའི་དགེ་འདུན་འབའ་ཞིག་གི་#དབུས་
[48b.2]སུའོ། །གཞན་ནི་#གཉིས་ཀའི་དགེ་འདུན་གྱི་དབུས་སུའོ། །དེ་གཉིས་ཀར་ཡང་ཆོ་ག་འདི་བཞིན་དུ་རྟོགས་#པར་བྱའོ། །ངོ་ཚ་བའི་རྒྱུ་མཚན་དུ་འདི་བརྗོད་པ་སྟེ། རེས་བྱ་བ་དང་རེས་མི་བྱ་བ་ཤེས་པའི་དོན་དུ་དང་པོ་བྱ་བའི་ཚིག་སྦྱར་རོ། །བུད་མེད་ལ་ནི་དགེ་སློང་མ་ཞེས་པའི་ཚིག་#གཞན་
[48b.3]ཡོད་དོ་ཞེས་བྱ་བ་ནི་དགེ་ཚུལ་མས་འོག་ཏུ་དགེ་སློང་མ་ཉིད་ཅེས་བྱ་བའི་ཚིག་#གཉིས་པ་འདི་སྐྱེས་པ་དང་ཐུན་མོང་མ་ཡིན་ནོ། །དེའི་ཚིག་#གསུམ་པ་འདི་ཡིན་ཏེ#། དེ་ཡང་གནས་པ་ཁོ་ན་ལའོ་#ཞེས་བྱ་བ་ནི་དགེ་ཚུལ་མ་ཉིད་དང་དགེ་སློང་མ་ཉིད་དག་དང་ཁྱད་པར་མེད་པ་ཉིད་བསྟན་པའི་དོན་དུ་ཁོ་
[48b.4]ནའི་སྒྲའོ། །ཇི་ལྟར་ཚིག་#གཉིས་པོ་འདི་དག་བརྟེན་#པ་ལ་དེ་བཞིན་དུ་འདི་ཡང་ཞེས་བྱའོ། །དེ་བས་ན་མཁན་པོ་ཉིད་ཀྱིས་དགེ་སློང་མ་སུ་ཞིག་ཡིན་གྱི་དེ་ཉིད་ནི་མ་ཡིན་ཏེ། གང་ཞིག་དགེ་ཚུལ་མའི་དོན་དུ་ཞེས་བྱ་བ་རིག་པར་བྱའོ། །དེ་ལྟར་ན་མཁན་པོ་བུད་མེད་དང་ལྷན་ཅིག་རྣམ་པ་གསུམ་
[48b.5]ཡིན་ཏེ། སྐྱེས་པ་ལ་ནི་རྣམ་པ་གཉིས་ཞེས་བྱ་བ་འབྱུང་བར་འགྱུར་རོ། །དགེ་སློང་མ་ཉིད་ཀྱི་ཚིག་#གཞན་དེ་གནས་སྐབས་གང་དུ་སྦྱིན་པར་བྱ་ཞིང་དེའི་དུས་ཇི་སྲིད་དུ་སྤྱད་པར་བྱ་དགོས་ཤེ་ན། དེའི་ཕྱིར་དགེ་སློང་མ་ཉིད་དང་དགེ་སློབ་མ་གཉིས་ཀྱིས་#བར་སྐབས་སུ་སྤྱོད་པའི་དུས་ནི་ལོ་གཉིས་སོ་ཞེས་
[48b.6]བྱ་བ་སྨོས་ཏེ། དུས་དེ་སྲིད་དུ་སྤྱད་པ་ཉིད་ཀྱིས་བསྙེན་#པར་རྫོགས་པ་ཞེས་བྱ་བ་འདི་ལྟར་དུས་ཡོངས་སུ་འཛིན་པ་སྟེ། བརྟུལ་ཞུགས་ཏེ་སྤྱད་པར་མི་བྱ་ཞེས་བྱ་བ་འདིའི་འོག་ཏུ་ནི་མ་ཡིན་ནོ། །དེ་བས་ན་དུས་འདི་རྫོགས་པ་ཉིད་ཀྱིས་བསྙེན་པར་#རྫོགས་པའི་སྔོན་རོལ་དུ་བསླབ་པར་མི་བྱ་སྟེ།
[48b.7]སྤྱོད་#པ་འདི་ཉམས་པའམ་ཞིག་པ་ཞེས་བྱ་བ་རྟོགས་པར་བྱའོ། །དགེ་སློབ་#མ་ཉིད་འབྱུང་བ་འདི་ལ་དུས་གང་ཡིན་ཞེ་ན། དེའི་ཕྱིར་བསྙེན་པར་རྫོགས་པའི་དུས་ཀྱི་དང་པོར་དེར་མ་ལོན་པའི་དང་པོ་ལ་སྐྱེའོ་#ཞེས་བྱ་བ་སྨོས་ཏེ། བསྙེན་པར་རྫོགས་པའི་དུས་ཀྱི་དང་པོ་ནི་བསྙེན་པར་རྫོགས་པའི་
[49a]
[49a.1]དུས་སོ། །དེ་ནི་དང་པོ་གཉིས་ཡིན་ཏེ། གཞོན་ནུ་མ་ཉིད་ལ་ལོ་ཉི་ཤུ་དང་ཁྱིམ་སོ་བཟུང་བའི་ལོ་བཅུ་གཉིས་སོ། །སྤྱད་པའི་དུས་དེས་ལོ་གཉིས་ཀྱིས་མ་ཆོག་པའི་བསྙེན་པར་རྫོགས་པའི་དུས་ཀྱི་དང་པོའོ། །དེས་མ་ཆོག་པའི་བསྙེན་པར་རྫོགས་པའི་དུས་ཀྱི་དང་པོ་དུས་
[49a.2]འདི་ལ་ཡོད་པས་ན་དུས་དེ་མ་ཚང་བའི་བསྙེན་པར་རྫོགས་པའི་དུས་ཀྱི་དང་པོའི་དང་པོ་སྟེ། དགེ་སློབ་#མ་ཉིད་སྐྱེ་བའི་དུས་འདིའོ། །གཞོན་ནུ་མ་ལ་ལོ་བཅོ་བརྒྱད་ཉིད་དང་ཁྱིམ་སོ་བཟུང་བའི་ལོ་བཅུ་#ཉིད་ཅེས་བྱ་བའི་དོན་ཏོ། །འདིར་གཞུང་ནི་དགེ་སློང་མའི་རྣམ་པར་འབྱེད་པ་ལས་ཁྱིམ་སོ་བཟུང་བའི་
[49a.3]གང་ཡིན་པ་དེ་ནི་ལོ་བཅུ་ལོན་པའམ། གཞོན་#ནུ་མར་གྱུར་པ་ནི་ལོ་བཅོ་བརྒྱད་ལོན་ཏེ། དེ་གཉིས་ལ་ལོ་བཅུ་#གཉིས་སུ་དགེ་སློབ་#མའི་སྡོམ་པ་སྦྱིན་པར་བྱའོ་ཞེས་བྱ་བ་གསུངས་པ་ཡིན་ནོ། །བསྙེན་པར་རྫོགས་པའི་དུས་ནི་འདིར་འགྲུབ་པར་ཁས་བླངས་པའི་ཁྱད་པར་བརྗོད་པར་བྱ་སྟེ།
[49a.4]དེའི་ཕྱིར་ཁྱིམ་སོ་བཟུང་བ་བསྙེན་པར་རྫོགས་པར་བྱ་བའི་ལོ་རྣམས་ཀྱི་དང་པོ་ནི་ལོ་བཅུ་གཉིས་ཉིད་དོ་ཞེས་བྱ་བ་སྨོས་ཏེ། བུད་མེད་ཁྱིམ་སོ་བཟུང་བ་བག་མར་བཏང་བ་གང་ཡིན་པ་དེའི་བསྙེན་པར་རྫོགས་པར་བྱ་བའི་དུས་དེའི་ལོ་#རྣམས་ཀྱི་དང་པོ་ནི་ལོ་བཅུ་གཉིས་ལོན་པ་ཉིད་
[49a.5]དོ། །སྦྱིན་པ་ལས་སྐྱེའོ་#ཞེས་བྱ་བ་ནི་དགེ་སློབ་#མ་ཉིད་ལ་ཞེས་བྱ་བར་རྗེས་སུ་འབྲེལ་ཏོ། །སུས་སྦྱིན་པ་ལས་ཤེ་ན། དེའི་ཕྱིར་དགེ་སློང་མའི་དགེ་འདུན་གྱིས་#སོ་ཞེས་བྱ་བ་སྨོས་སོ། །ཇི་ལྟར་ཞེ་ན། དེའི་#སྦྱིན་པ་ནི་སློབ་པའི་སྡོམ་པ་ཞེས་བྱ་བས་སོ་ཞེས་སྨོས་ཏེ། མིང་འདི་ཞེས་
[49a.6]བགྱི་བ་འདི་བསླབ་པའི་སྡོམ་པ་གསོལ་ན་ཇི་སྲིད་དུ་དགེ་འདུན་དེ་ལ་#བསླབ་པའི་སྡོམ་པ་བྱིན་ཅིག་ཅེས་བྱ་བ་ལ་སོགས་པའི་སྔགས་ལས་#འབྱུང་བ་ཡིན་ནོ། །དེའི་འོག་ཏུ་བསླབ་པ་བརྗོད་པར་བྱའོ་ཞེས་བྱ་བ་ནི་བསླབ་པའི་སྡོམ་པ་སྦྱིན་པ་འདིའི་རྗེས་ལ་བསླབ་པ་བརྗོད་པར་བྱ་བ་ནི་ཆོས་དྲུག་
[49a.7]དང་། རྗེས་སུ་མཐུན་པའི་ཆོས་དྲུག་སྟེ། དེ་ལ་ཆོས་དྲུག་རྣམས་གང་ཞེ་ན། དེའི་ཕྱིར། གཅིག་པུ་ལམ་དུ་འགྲོ་མི་བྱ། །ཆུ་བོའི་ཕ་རོལ་བརྒལ་མི་བྱ། །སྐྱེས་པ་ལ་ནི་རེག་མི་བྱ། །དེ་དང་ཁྱིམ་གཅིག་ཉལ་མི་བྱ། །སྨྱན་དུ་འགྱུར་བ་མི་བྱ་ཞིང་། །ཁ་ན་མ་ཐོ་བཅའ་མི་བྱ། །འདི་ལྟར་
[49b]
[49b.1]འདི་རྣམས་དགེ་སློབ་མའི#། །ཆོས་རྣམས་དྲུག་པོར་ཡོངས་སུ་གྲགས། །རྗེས་སུ་མཐུན་པའི་ཆོས་དྲུག་གང་ཞེ་ན། ས་ལེ་སྦྲམ་ལ་གཟུང་མི་བྱ། །མདོམས་#ཀྱི་སྤུ་ནི་བྲེག་མི་བྱ། །ས་ཡང་བརྐོ་#བར་མི་བྱ་སྟེ། །རྩྭ་སྔོན་དག་ཀྱང་གཅད་#མི་བྱ། །བྱིན་ལེན་མ་བྱས་བཟའ་མི་བྱ། །གསོག་
[49b.2]འཇོག་བྱས་པ་བཟའ་མི་བྱ། །རྗེས་སུ་མཐུན་པའི་ཆོས་དྲུག་འདི། །དགེ་སློབ་#མ་ལ་སློབ་ཕྱིར་བཤད། །ཚངས་པར་སྤྱོད་པ་ལ་ཉེ་བར་གནས་པའི་སྡོམ་པ་མ་ཐོབ་པར་བསྙེན་པར་རྫོགས་པར་མི་འགྱུར་རོ་ཞེས་བྱ་བ་ལ། འདིར་བསྙེན་པར་རྫོགས་པ་ནི་ཚངས་པར་སྤྱོད་པའོ། །དེ་ལ་ཉེ་
[49b.3]བར་གནས་པ་ནི་ཉེ་བར་སྐྱེ་བར་#བྱེད་པའོ། །ཚངས་པར་སྤྱོད་པ་ལ་ཉེ་བར་གནས་པར་བྱ་བའི་ཕྱིར་#སྡོམ་པ་ནི་ཚངས་པར་སྤྱོད་པ་ལ་ཉེ་བར་གནས་པའི་སྡོམ་པའོ། །གང་གིས་དེ་མ་ཐོབ་པ་དེ་ནི་ཚངས་པར་སྤྱོད་པ་ལ་ཉེ་བར་གནས་པའི་སྡོམ་པ་མ་ཐོབ་པ་སྟེ་དེ་ལའོ། །བསྙེན་པར་རྫོགས་པར་
[49b.4]མི་འགྱུར་བ་ནི་གང་གི་ཕྱིར་འདི་རྣམས་ཀྱི་སྡོམ་པ་ནི་བསྙེན་པར་རྫོགས་པའི་དོན་དུ་སྟེ། ཞིང་ཉིད་དུ་ངེས་པར་བྱེད་པ་དེ་ལས་འདི་མ་ཐོབ་པར་ནི་བསྙེན་པར་རྫོགས་པ་མ་ཡིན་ནོ། །གང་གི་ཚེ་འདི་བླང་ཞེ་ན། དེའི་ཕྱིར་གསང་སྟེ་བསྟན་པའི་འོག་ཏུ་དགེ་འདུན་གྱིས་དེ་སྦྱིན་པར་བྱའོ་ཞེས་#
[49b.5]སྨོས་ཏེ། ཚངས་པར་སྤྱོད་པ་ལ་ཉེ་བར་གནས་པའི་སྡོམ་པ་དེ་སྦྱིན་པར་བྱའོ། །སུས་ཤེ་ན་དེའི་ཕྱིར། དགེ་འདུན་གྱིས་ཞེས་བྱ་བ་སྨོས་ཏེ། སྐབས་ཡིན་པའི་ཕྱིར་དགེ་སློང་མའི་དགེ་འདུན་གྱིས་#སྦྱིན་པར་ཤེས་པར་བྱའོ། །ཅི་ཞིག་འདི་ཙམ་ཉིད་ཀྱིས་འདི་སྦྱིན་ནམ་ཞེ་ན།
[49b.6]དེའི་ཕྱིར་བར་ཆད་དྲིས་#སོ་ཞེས་བྱ་བ་སྨོས་ཏེ། དེ་ལྟར་ན་འདི་ལ་བར་ཆད་དྲི་བ་ལན་གསུམ་དུ་འགྱུར་ཏེ། གཅིག་ནི་དགེ་སློང་མས་གསང་སྟེ་སྟོན་པས་བཀར་ཏེ་དྲིའོ#། །དགེ་སློང་མའི་དགེ་འདུན་འབའ་ཞིག་གི་དབུས་སུ་ཚངས་པར་སྤྱོད་པ་ལ་ཉེ་བར་གནས་པ་སྡོམ་པའི་ཡན་ལག་
[49b.7]ཏུ་གྱུར་པ་ནི་གཉིས་པའོ། །གཉིས་ཀའི་མདུན་གྱི་དབུས་སུ་བསྙེན་པར་རྫོགས་པར་གསོལ་བ་ལ་བསྙེན་པར་རྫོགས་པའི་ཡན་ལག་ཏུ་གྱུར་པ་ནི་གསུམ་པའོ། །འདིར་གསོལ་བ་ནི་གསོལ་བར་བྱེད་པ་ལའོ། །ལས་སུ་བསྐོ་བ་ཞེས་བྱ་བ་འདི་ལས་ཐོབ་པ་དེ་བས་ན་གསོལ་
[50a]
[50a.1]བ་འདི་ལ་ཡང་བསྐོ་བ་རིག་པའི་ངོ་བོ་ཡིན་ཏེ། དེའི་ཕྱིར་གསོལ་བ་བྱས་ནས་སོ་ཞེས་བྱ་བ་སྨོས་ཏེ། ཚངས་པར་སྤྱོད་པ་ལ་ཉེ་བར་གནས་པའི་སྡོམ་པ་ཡང་གསོལ་ནས་སྦྱིན་པར་བྱེད་པའི་ཚངས་པར་སྤྱོད་པ་ལ་ཉེ་བར་གནས་པའི་སྡོམ་པ་འདི་མ་གསོལ་བ་ལ་
[50a.2]ནི་མི་སྦྱིན་པའོ་ཞེས་བྱ་བའི་དོན་ཏོ། །ཆོས་གོས་དག་ནི་ལྔ་ཉིད་དོ། །ཞེས་བྱ་བ་ནི་དགེ་སློང་མ་ལ་ནི་ཆོས་གོས་གསུམ་ཐུན་མོང་ཡིན་ཏེ། ཤིང་ང་དཔུང་ཆད་དང་རྔུལ་གཟན་ལྷག་པར་རོ། །གནས་རྣམས་ལ་ཤིང་དྲུང་མ་གཏོགས་སོ་ཞེས་བྱ་བ་ལ། ཤིང་དྲུང་ཉིད་མ་གཏོགས་པ་གནས་
[50a.3]གཞན་གསུམ་པོ་ནི་དེའི་གནས་སོ། །ལྟུང་བར་འགྱུར་བ་ཉིད་རྣམས་ལ་བརྒྱད་ཉིད་དོ་ཞེས་བྱ་བ་ནི། རེག་པ་དང་ནི་ལུས་བཀན་དང་། །འཆབ་པ་དང་ནི་བཟློག་པའོ། །ཞེས་བྱ་བ་བཞི་པོ་རྣམས་ལྷག་པ་ཡིན་ནོ། །ལྕི་བའི་ཆོས་རྣམས་བརྗོད་པར་བྱའོ་ཞེས་བྱ་བ་ལ། ལྕི་བའི་ཆོས་བརྒྱད་པོ་རྣམས་བརྗོད་པར་བྱ་སྟེ། དེ་རྣམས་ཀྱང་།
[50a.4]དགེ་སློང་རྣམས་ལས་བསྙེན་པར་རྫོགས་པ་དང་། གཉེན་པོའི་ཚོགས་དང་གདམས་ངག་ཡོངས་ཚོལ་དང་། །དགེ་སློང་མེད་པར་གནས་པར་བྱེད་པ་དང་། །གང་དུ་ཡང་ནི་དབྱར་གནས་ཁས་ལེན་དང་། །རྒུད་པ་རྣམས་ལ་དགེ་སློང་བསྐུལ་བ་དང་། །ཁྲོ་བ་མེད་དང་གསར་ཞུགས་
[50a.5]ལ་ཕྱག་འཚལ། །གཉིས་ཀའི་ཚོགས་ལས་ཐོབ་བྱ་མིན་པ་དང་། །དགག་དབྱེ་ཞེས་བྱ་ལྕི་བའི་ཆོས་རྣམས་སོ། །དུས་གང་ལ་#བརྗོད་པ་ཞེ་ན། དེའི་ཕྱིར་ལྟུང་བར་འགྱུར་བ་དང་། དགེ་སྦྱོང་བྱེད་པའི་བར་སྐབས་སུའོ། །བཀོལ་བ་དྲུག་གོ་#ཞེས་བྱ་བ་ནི་སྔོན་རབ་ཏུ་བྱུང་བ་ཞེས་བྱ་
[50a.6]བ་འདི་ནས་ཇི་སྲིད་དུ་བཀོལ་བ་ཞེས་བྱ་བ་ཡན་ཆད་ཀྱི་མིང་ཅན་གང་ཞིག་ཁྱོད་ནི་མ་ཡིན་ནམ་ཞེས་བྱ་བ་རབ་ཏུ་བྱུང་བའི་དོན་དུ་ཉེ་བར་འོངས་པ་ལ་དྲི་བར་བྱ་སྟེ#། བསྙེན་པར་རྫོགས་པར་བྱེད་པ་པོ་རྣམས་ཀྱིས་ཀྱང་རབ་ཏུ་དབྱུང་བར་བྱ་བ་དང་བསྙེན་པར་རྫོགས་པར་མི་བྱའོ་ཞེས་བྱ་བའི་དོན་ཏོ། །
[50a.7]དེ་ལ་སྐྱེ་བའི་ཆོས་ཉིད་མེད་པར་ཡང་འདྲའོ་ཞེས་བྱ་བ་ནི་འདིར་ཆོ་ག་དྲུག་པོ་འདི་གཏོགས་པར་བྱའོ། །རྣམ་པ་དེ་ལྟ་བུའི་རྟགས་ཅན་ནི་བསྙིལ་བར་བྱའོ་ཞེས་བྱ་བ་ནི་ཐམས་ཅད་ལ་དབང་དུ་བྱེད་པ་ཉིད་ཀྱི་ཕྱིར་བརྗོད་པར་བྱ་བ་ཡིན་ཏེ། སླར་འདིར་ཡང་དག་པར་#རིག་པར་བྱའོ། །དྲུག་པོ་དེ་དག་
[50b]
[50b.1]གང་ཞེ་ན། དེའི་ཕྱིར་མཚན་གཉིས་པའོ། །གླེ་འདམས་པའོ། །རྟག་ཏུ་ཟླ་མཚན་འཛག་པའོ། །ཟླ་མཚན་མི་འཛག་པའོ། །མཚན་མ་ཙམ་ཡོད་པའོ། །མཚན་མ་ཙམ་དུ་གྱུར་པའི་མཚན་ཡོད་པ་ནི་ཞེས་བྱའོ་ཞེས་བྱ་བ་སྨོས་ཏེ། གང་ལ་མཚན་མ་ཙམ་དུ་གྱུར་པའི་མོ་མཚན་ཡོད་པ་དེ་ནི་
[50b.2]མཚན་མ་ཡོད་པ་དེ་ཞེས་བྱ་བ་སྟེ་མིང་དེ་སྐད་གདགས་སོ། །སྔོན་རབ་ཏུ་བྱུང་བའོ་ཞེས་བྱ་བ་ནི་ཁྱོད་#མཚན་གཉིས་པ་མ་ཡིན་ནམ་ཞེས་བྱ་བ་ནས་ཇི་སྲིད་དུ་ཁྱོད་ནི་སྔོན་རབ་ཏུ་བྱུང་བ་མ་ཡིན་ནམ་ཞེས་བྱ་བའི་བར་ནི་རབ་ཏུ་བྱུང་བའི་དོན་དུ་ཉེ་བར་འོངས་པ་ལ་དྲི་#བར་བྱའོ། །ཇི་སྲིད་འདི་ལ་སྐྱེ་བའི་
[50b.3]ཆོས་ཉིད་མེད་པ་ཞེས་བྱ་བ་འདིར་ཚུལ་འདི་རྟོགས་པར་བྱའོ། །རབ་ཏུ་བྱུང་བའི་གཞི་ཕྲན་ཚེགས་ལ་སོགས་པའི་སྐབས་སོ།། །།མི་མ་ཡིན་པའི་འགྲོ་བ་པ་དང་བྱང་གི་སྒྲ་མི་སྙན་པ་གཉིས་ནི་སྡོམ་པའི་ཞིང་ཉིད་མ་ཡིན་ནོ་ཞེས་བྱ་བ་ནི་མིའི་འགྲོ་བ་པ་ལས་གཞན་པའི་འགྲོ་བ་གཞན་
[50b.4]ལས་སྐྱེས་པ་དང་། མིའི་འགྲོ་བ་ཉིད་ཡིན་དུ་ཟིན་ཀྱང་བྱང་གི་སྒྲ་མི་སྙན་པ་ནི་སྡོམ་པའི་ཞིང་ཉིད་མ་ཡིན་ཏེ། དེ་གཉིས་ལ་སྡོམ་པ་མི་སྐྱེའོ་ཞེས་བྱ་བའི་དོན་ཏོ། །མཚན་ལན་གསུམ་དུ་གྱུར་པ་ཡང་མ་ཡིན་ནོ་ཞེས་བྱ་བ་ནི་སྡོམ་པའི་ཞིང་ཉིད་མ་ཡིན་ཏེ་ཞེས་བྱ་བ་དང་རྗེས་སུ་འབྲེལ་
[50b.5]ཏོ། །གང་ཞིག་མཚན་ལན་གསུམ་དུ་གྱུར་པ་དེ་ལ་སྡོམ་པ་མི་སྐྱེའོ་ཞེས་བྱ་བའི་དོན་ཏོ། །དང་པོ་གཉིས་ལ་ནི་མི་ཉམས་སོ་ཞེས་བྱ་བ་ནི་སྡོམ་པ་སྟེ་མཚན་གྱུར་པ་དང་པོ་དང་གཉིས་པ་ལ་ནི་སྡོམ་པ་ཉམས་པ་མེད་དོ་ཞེས་བྱ་བའི་དོན་ཏོ། །ཕྲན་ཚེགས་ལས་ཆོ་ག་གཉིས་པ་འདི་
[50b.6]འདྲ་བ་ནས་#དྲངས་པའོ། །ལེན་པ་ཉིད་ན་ཡང་སྐྱེའོ་ཞེས་བྱ་བ་ནི་སྡོམ་པ་ཡང་དག་པར་ལེན་པ་ཉིད་ལ་དེའི་ཚེ་ན་མཚན་གྱུར་ན་ཡང་སྡོམ་པ་སྐྱེ་བ་ཉིད་ཡིན་ནོ། །འདིར་གཞུང་ནི་བསྙེན་པར་རྫོགས་པར་འཚལ་བའི་མཚན་གྱུར་ན་བསྙེན་པར་རྫོགས་ཞེས་བགྱི་འམ་བསྙེན་པར་མ་རྫོགས་ཞེས་
[50b.7]བགྱི། བཀའ་སྩལ་པ། བསྙེན་པར་རྫོགས་ཞེས་བྱ་སྟེ། དགེ་སློང་མས་ནི་དགེ་སློང་རྣམས་ལས་བསྙེན་པར་རྫོགས་པ་དགེ་སློང་མའི་དངོས་པོ་ཡོངས་སུ་བཙལ་བར་བྱ་བའི་ཕྱིར་རོ་ཞེས་གསུངས་པ་ཡིན་ནོ། །འདི་#ཕོའི་མཚན་གྱུར་པ་ནི་དཔེ་ཙམ་དུ་ཟད་དོ། །གཞན་དུ་ཆོ་ག་འདི་ལ་
[51a]
[51a.1]ཤིན་ཏུ་དོགས་པ་དང་བྲལ་བ་ཉིད་ཀྱི་ཕྱིར་རོ། །བསྙེན་པར་རྫོགས་པར་གྱུར་པའི་གནས་སྐབས་ཅན་འདི་ནི་བསྙེན་པར་རྫོགས་པར་ལྟ་བ་གཟུང་བ་སྟེ། ཡོངས་སུ་གྱུར་པའི་སྔ་རོལ་དུ་དགེ་སློང་ཙམ་བསྡུས་པ་མི་རིགས་པའི་ཕྱིར་རོ། །དེ་དང་ལྡན་པའི་ལྟར་
[51a.2]མཁན་པོ་མེད་པ་ཉིད་ལ་ཡང་ངོ་ཞེས་བྱ་བ་ལ། #དེ་དང་ལྡན་པའི་ཞེས་བྱ་བ་ནི་མཁན་པོ་དང་ལྡན་པ་ལ་དེའི་སྡོམ་པ་སྐྱེ་བ་ལྟར་མཁན་པོ་མེད་པ་ཉིད་ལ་ཡང་སྡོམ་པ་སྐྱེ་བ་ཡིན་ནོ། །དེ་བསྙེན་པར་མ་རྫོགས་པ་ཉིད་ཡིན་#ཡང་ངོ་ཞེས་བྱ་བ་ནི་མཁན་པོ་དེ་བསྙེན་པར་རྫོགས་པ་ཉིད་ཡིན་ན་ཡང་
[51a.3]མཁན་པོ་དང་ལྡན་པའི་སྡོམ་པ་སྐྱེ་བ་ཉིད་དུ་འགྱུར་རོ། །དེ་དགེ་སློང་ཉིད་མ་ཡིན་པར་ཤེས་ན་ནི་མི་སྐྱེའོ་ཞེས་བྱ་བ་ནི་ཡང་དག་པར་ལེན་པར་བྱེད་པ་པོས་མཁན་པོ་དེ་བསྙེན་པར་མ་རྫོགས་པ་ཉིད་དམ་ཉམས་པ་ཉིད་ཡིན་པས་དགེ་སློང་ཉིད་མ་ཡིན་པར་ཤེས་ནས་ནི་མཁན་པོ་དང་ལྡན་པའི་སྡོམ་
[51a.4]པ་མི་སྐྱེ་བ་ཁོ་ནའོ། །འདིར་གཞུང་ནི་བསྙེན་པར་རྫོགས་པར་འཚལ་བ་མཁན་པོ་རྐུ་ཐབས་སུ་གནས་པས་བསྙེན་པར་རྫོགས་པར་བགྱིད་ན་བསྙེན་པར་རྫོགས་ཞེས་བགྱིའམ། བསྙེན་པར་#མ་རྫོགས་ཞེས་བགྱི། བཀའ་སྩལ་པ། གལ་ཏེ་བདག་གི་མཁན་པོ་རྐུ་ཐབས་སུ་གནས་པ་ཡིན་ནོ་
[51a.5]ཞེས་ཤེས་ན་ནི་བསྙེན་པར་མ་#རྫོགས་པར་ཤེས་པར་བྱའོ། །གལ་ཏེ་མི་ཤེས་ན་ནི་བསྙེན་པར་རྫོགས་ཞེས་བྱའོ། །སྔོན་ལྟུང་བ་བྱུང་བའམ་དེ་བཞིན་ནོ་ཞེས་གསུངས་པ་ལ་སོགས་པ་ཡིན་ནོ། །དང་པོར་ཡེངས་པ་ཁྱིམ་པའི་མཁན་པོས་#ཤེས་པར་བྱའོ། །འོ་ན་མཁན་པོ་མེད་པ་ཉིད་ལ་ཡང་
[51a.6]སྡོམ་པ་སྐྱེ་ན། དེ་བས་ན་ཇི་ལྟར་ཤེས་བཞིན་དུ་འདི་ལ་དགེ་སློང་མ་ཡིན་པ་ཉིད་དུ་མི་འགྱུར་བ་གང་གི་ཕྱིར་མི་ལྡན་པ་#ཤེས་པའི་བསམ་པ་གྱུར་པ་དང་ཚུལ་ཁྲིམས་ལ་མ་གུས་པའི་བསམ་པར་འགྱུར་རོ། །ཚུལ་ཁྲིམས་ལ་དོན་དུ་མི་གཉེར་བར་འགྱུར་རོ་#ཞེས་བྱ་བ་དེའི་ཕྱིར་འདི་སྐྱེའོ་ཞེ་ན། དེ་
[51a.7]མ་ཡིན་ཏེ། མཁན་པོ་ཉིད་མ་ཡིན་པ་ཇི་སྲིད་དུ་ཤེས་ན་དེའི་ཕྱིར་འདིར་སྐྱེ་བ་ལ་འགལ་བ་མེད་པ་གང་ཞིག་མཁན་པོ་ཉིད་བསྙེན་པར་རྫོགས་པ་མ་ཡིན་པ་ལ་སྡོམ་པ་སྐྱེ་བར་བརྗོད་པ་དེ་ནི་དགེ་འདུན་གྱི་དབང་དུ་མཛད་ན། དགེ་འདུན་གྱིས་བསྙེན་པར་རྫོགས་པ་ཉིད་མ་ཡིན་པ་ཤེས་བཞིན་
[51b]
[51b.1]པ་ལ་སྐྱེ་བ་ཡིན་གྱི། བསྙེན་པར་རྫོགས་པར་ལྟ་བས་ནི་#མ་ཡིན་ཞེས་བྱ་བའོ། །དེའི་ཕྱིར་སྤོང་བ་ལ་ཡང་མི་སྐྱའོ་(སྐྱེའོ་)ཞེས་བྱ་བ་ལ་སྡོམ་པའི་སྒོ་ཉིད་ཀྱི་ཕྱིར་མཁན་པོ་ལ་དེའི་ཕྱིར་དབུལ་ཞིང་ཕྱིར་སྤོང་བར་བྱེད་ན་དེ་ལ་ཡང་སྡོམ་པ་མི་སྐྱེའོ། །འདིར་གཞུང་ནི་བསྙེན་པར་རྫོགས་པར་བགྱིད་པ་ནི་སླར་
[51b.2]མཁན་པོ་སྤོང་བར་བགྱིད་ན་བསྙེན་པར་རྫོགས་ཞེས་བགྱིའམ། བསྙེན་པར་མ་རྫོགས་ཞེས་བགྱི། བཀའ་སྩལ་པ། བསྙེན་པར་མ་རྫོགས་ཞེས་བརྗོད་པར་བྱའོ་ཞེས་གསུངས་པ་ཡིན་ནོ། །དེ་གཉིས་ཀྱི་མིང་མ་བརྗོད་ན། ཡང་མི་སྐྱེའོ་ཞེས་བྱ་བ་ནི་ཞིང་དང་མཁན་པོ་འདི་དག་ལ་
[51b.3]ཡང་དག་པར་ལེན་པར་བྱེད་པ་འམ། ལས་བྱེད་པ་དག་གིས་མཚན་མ་བརྗོད་ན་སྡོམ་པ་སྐྱེ་བར་འགྱུར་བ་མ་ཡིན་ནོ། །དགེ་འདུན་གྱི་ན་ཡང་དེའི་སྐྱེ་གནས་ཀྱིས་#མི་སྐྱེའོ་ཞེས་བྱ་བ་ནི་ཡང་དག་པར་ལེན་པར་བྱེད་པའམ་ལས་བྱེད་པ་དག་ལས་གང་ཡང་རུང་བས་དགེ་འདུན་གྱི་མཚན་མ་བརྗོད་ན་
[51b.4]ཡང་དེའི་སྐྱེ་གནས་ཀྱིས་ཞེས་བྱ་བ་དགེ་འདུན་གྱི་སྐྱེ་གནས་དེའི་རིགས་ཀྱི་སྡོམ་པ་ལ་སྐྱེ་བ་ཡོད་པ་མ་ཡིན་ནོ། །འདིར་གཞུང་ནི་ཡང་དག་པར་ལེན་པར་བྱེད་པའི་ཕྱིར་ནི་གང་ཟག་གསུམ་ནི་བསྙེན་པར་མ་རྫོགས་པ་ཡིན་ཏེ། བདག་ཉིད་ཀྱི་མིང་མི་བརྗོད་པ་དང་། མཁན་པོའི་མིང་མི་བརྗོད་པ་དང་། བསྙེན་
[51b.5]པར་རྫོགས་པ་ཡང་མི་ཤེས་པའོ་ཞེས་གསུངས་པའོ། །ལས་བྱེད་པ་པོའི་ཕྱིར་ནི་གཞུང་འདི་ཡིན་ཏེ། མཁན་པོ་དང་བསྙེན་པར་རྫོགས་པར་#འཚལ་བ་དང་དགེ་འདུན་དང་གསུམ་གྱི་མིང་བརྗོད་པར་#མི་བགྱིད་ན་བསྙེན་པར་རྫོགས་ཞེས་བགྱིའམ་#བསྙེན་པར་མ་རྫོགས་ཞེས་བགྱི། བཀའ་སྩལ་
[51b.6]པ། བསྙེན་པར་མ་རྫོགས་ཞེས་བྱའོ་#ཞེས་གསུངས་པ་ཡིན་ནོ། སོ་སོར་ཉེ་བར་གནས་པ་མ་ཡིན་པ་ནི་#འདི་ཡིན་ཏེ། གང་ཞིག་འདིར་གཟུང་བར་བྱས་པ་ཉིད་ཀྱིས་#ཡང་དག་པར་ལེན་པ་པོའི་བདག་ཉིད་ཀྱི་མིང་བརྗོད་པའོ། །འདི་ནི་དགེ་འདུན་གྱི་སོ་སོར་ཉེ་བར་གནས་པ་སྟེ། རྗེས་སུ་
[51b.7]བཟུང་བ་པོ་མ་ཡིན་པ་ཉིད་ཀྱིས་#གང་ཞིག་དགེ་འདུན་གྱི་འདི་#མཚན་ནས་མ་བརྗོད་པའོ། །གང་ཞིག་ལས་བྱེད་པ་པོས་ཡང་དག་པར་བླངས་པ་དེའི་ཡུལ་ཉིད་ཁས་བླངས་པས་#དེ་མི་བྱེད་པའོ། །གང་ཞིག་དགེ་འདུན་དང་དགེ་འདུན་དུ་བྱེད་པ་པོའི་ཁས་བླངས་པས་དེ་མི་བྱེད་པའོ། །གང་ཞིག་མཁན་པོ་
[52a]
[52a.1]ལ་ལས་བྱེད་པ་པོས་མིང་མ་བརྗོད་པ་དེ་ཡང་དགེ་འདུན་དུ་བྱེད་པ་པོ་ཉིད་ལ་ཁས་བླང་བར་#བྱ་བ་སྟེ། གང་གི་ཕྱིར་ལས་གང་ལ་དེར་དགེ་འདུན་#བྱེད་པ་པོ་ཉིད་དུ་རིག་པར་བྱ་སྟེ། དེ་ལས་གཞན་པའི་ལས་དེ་བྱེད་པའོ། །མཁན་པོ་ལ་ཡང་དག་པར་ལེན་པ་པོས་མིང་#
[52a.2]བརྗོད་པ་གང་ཡིན་པ་དེ་ལས་གང་ལ་བྱེད་པ་མཁན་པོ་དང་བཅས་པ་དེ་ལ་དེའི་ཡུལ་ཉིད་ཀྱིས་སོ་སོར་ཉེ་བར་གནས་པའོ། །དེ་བས་ན་འདི་རྣམས་ཀྱི་མཚན་ནས་མ་བརྗོད་པར་སྡོམ་པ་མི་སྐྱེའོ། །ཁྱིམ་པ་དང་མུ་སྟེགས་ཅན་གྱི་རྒྱལ་མཚན་ལ་ཡང་མི་སྐྱེའོ་ཞེས་བྱ་བ་ནི་རྒྱལ་མཚན་ཅན་དང་#སོ་སོར་
[52a.3]ཡོངས་སུ་རྫོགས་པ་སྟེ། ཁྱིམ་པའི་རྒྱལ་མཚན་ཅན་དང་མུ་སྟེགས་ཀྱི་རྒྱལ་མཚན་ཅན་ལ་ཞེས་བྱ་བའོ། །འདིར་ནི་འབྲུ་མང་པོ་ཅན་གྱི་བསྡུ་བའོ། །ཁྱིམ་པའི་རྒྱལ་མཚན་གང་ལ་ཡོད་པ་དང་མུ་སྟེགས་ཀྱི་རྒྱལ་མཚན་གང་ལ་ཡོད་པ་དེར་ནི་ཁྱིམ་པའི་རྒྱལ་མཚན་ཅན་དང་མུ་སྟེགས་ཅན་གྱི་རྒྱལ་
[52a.4]མཚན་ཅན་ཞེས་བྱ་བའོ། །རྒྱལ་མཚན་འདི་གང་འཛིན་པ་དག་ལ་སྡོམ་པ་མི་སྐྱེ་སྟེ། འདིར་རྒྱལ་མཚན་ནི་ཆ་བྱད་དོ། །སྒྲེན་མོ་དང་#འཁྲུགས་པ་དང་མཚན་དུག་མ་ལ་ཡང་མི་སྐྱེའོ་ཞེས་བྱ་བ་ལ་#སྡོམ་པ་མི་སྐྱེའོ་ཞེས་བྱ་བ་དང་རྗེས་སུ་འབྲེལ་ལོ། །ཡང་དག་པར་བླངས་པ་ལས་སྒྲེན་མོར་
[52a.5]གྱུར་པ་མུ་སྟེགས་ཅན་གྱི་རྒྱལ་མཚན་ཞེས་བྱ་བ་འདི་ཉིད་ཀྱིས་བསྡུས་པའི་ཕྱིར། སྒྲེན་མོའི་ཚིག་ནི་དོན་གཞན་ཅན་རབ་ཏུ་དོར་ནས་སེམས་རབ་ཏུ་བཟུང་བ་ཉིད་གནས་སྐབས་དེ་ལ་དེའི་ཕྱིར་སྡོམ་པ་མི་སྐྱེའོ། །འཁྲུགས་པ་ཉིད་ཀྱིས་དེ་ལ་བརྟན་པ་ཉིད་མེད་པ་དེ་ལ་ཡང་སྡོམ་པ་མི་
[52a.6]སྐྱེའོ། །འདིར་མཚན་དུག་མའི་གཞུང་ནི། རེ་ཞིག་མཚན་དུག་མ་ཞིག་བཙུན་པ་རྣམས་ཀྱིས་བསྙེན་པར་རྫོགས་པར་བགྱིད་ན་བསྙེན་པར་རྫོགས་ཞེས་བགྱིའམ་བསྙེན་པར་མ་རྫོགས་ཞེས་བགྱི། བཀའ་སྩལ་པ། བསྙེན་པར་#རྫོགས་ཞེས་བྱ་སྟེ། བསྙེན་པར་རྫོགས་པར་བྱེད་
[52a.7]པ་རྣམས་འགལ་ཚབས་ཅན་དུ་འགྱུར་རོ་ཞེས་གསུངས་པ་ཡིན་ནོ། །མཚན་དུག་མ་ནི་སྔར་གང་དང་མཉམ་པར་སྦྱོར་བས་སྐྱེས་པ་འཆི་བའོ། །རྒྱུ་ལས་བཟློག་པའི་ཆད་པ་ཁས་མི་ལེན་པ་གནས་ནས་ཕྱུང་བ་ལ་ཡང་མི་སྐྱེའོ་ཞེས་བྱ་བ་ནི་ལྟ་བ་དང་བཅས་པ་དྲི་བ་#དང་བྲལ་བ་ཞེས་བྱ་བའི་
[52b]
[52b.1]བསམ་པ་ཅན་ལ་སྡོམ་པ་སྐྱེའོ། །དེ་བས་ན་ལྟུང་བ་མ་མཐོང་བ་ལ་སོགས་པའི་རྒྱུ་གང་གིས་གནས་ནས་དབྱུང་བའི་ལས་བྱས་པ་རྒྱུ་དེ་ལས་བཟློག་#པ་ལ་སོགས་པ་དེ་ཁས་མི་ལེན་པ་ལ་ཡང་སྡོམ་པ་མི་སྐྱེའོ། །འདིར་གནས་ནས་ཕྱུང་བ་སྨོས་པ་ནི་དཔེ་ཙམ་དུ་ཟད་ཀྱི། སྨད་པ་ཐམས་ཅད་ལ་
[52b.2]ཡང་ཆོ་ག་འདི་ཡིན་ཏེ། འཐབ་མོ་བྱེད་པ་ལ་སོགས་པའི་བསམ་པ་ཅན་ལ་ཡང་མི་བཟློག་པའི་བསམ་པ་ཅན་ཉིད་ཀྱི་ཕྱིར་རོ། །ཚིག་#སྔ་མ་མེད་པ་ཉིད་ལ་ནི་ཉེས་བྱས་ཙམ་དུ་ཟད་དོ། །དགེ་བསྙེན་ཉིད་མེད་པར་དགེ་ཚུལ་ཉིད་དུ་ཁས་ལེན་པ་དང་དགེ་ཚུལ་ཉིད་མེད་པར་དགེ་སློང་ཉིད་ཁས་
[52b.3]ལེན་པར་བྱེད་ན་ཉེས་བྱས་ཙམ་དུ་འགྱུར་གྱི་སྡོམ་པ་མི་སྐྱེ་བར་ནི་མི་འགྱུར་རོ། །འདིར་གཞུང་ནི། ཁྱིམ་པ་རབ་ཏུ་མ་བྱུང་བ་ཞིག་བསྙེན་པར་རྫོགས་པར་བགྱིད་ན། བསྙེན་པར་རྫོགས་ཞེས་བགྱིའམ་བསྙེན་པར་མ་རྫོགས་ཞེས་བགྱི། བཀའ་སྩལ་པ། ཉེ་བ་འཁོར་བསྙེན་པར་རྫོགས་
[52b.4]ཞེས་བྱ་སྟེ། བསྙེན་པར་རྫོགས་པར་བྱེད་པ་པོ་རྣམས་ལ་ནི་ཉེས་བྱས་ཀྱི་ལྟུང་བར་འགྱུར་རོ་ཞེས་གསུངས་པ་ཡིན་ནོ། །མཁན་པོར་#མ་གསོལ་བ་ལ་ཡང་ངོ་། །བར་ཆད་མ་དྲིས་པར་ཡང་ངོ་ཞེས་བྱ་བ་ནི་འདིར་གཉིས་ཀ་ལ་ཡང་ཉེས་བྱས་ཡིན་ཏེ། སྡོམ་པ་མི་སྐྱེ་བ་ནི་མ་ཡིན་ཞེས་བྱ་བ་དང་
[52b.5]རྗེས་སུ་འབྲེལ་ལོ། །དེ་མེད་པར་ཁས་ལེན་པ་ལ་སྦྱིན་ན་ཡང་ངོ་ཞེས་བྱ་བ་ལ། མེད་པར་ཞེས་བྱ་བ་ནི་ཡོད་པར་གྱུར་པ་མ་ཡིན་པ་ལའོ། །ཡང་དག་པར་ལེན་པ་པོས་བདག་བར་ཆད་ཡོད་དོ་ཞེས་བྱ་བ་ཁས་བླངས་ན་སྡོམ་པ་འབོགས་པ་ལ་ཉེས་བྱས་ཙམ་ཡིན་གྱི་མི་སྐྱེ་བ་ནི་མ་ཡིན་ནོ། །འདིར་
[52b.6]གཞུང་ནི་གླེང་གཞི་རྣམས་ལས། བཙུན་པ་རེ་ཞིག་བར་ཆད་ཀྱི་ཆོས་རྣམས་དང་ལྡན་ནོ་ཞེས་མཆི་བ་ཞིག་བསྙེན་པར་རྫོགས་པར་བགྱིད་ན་བསྙེན་པར་རྫོགས་ཞེས་བགྱིའམ་མ་རྫོགས་ཞེས་བགྱི། བཀའ་སྩལ་པ། ཉེ་བ་འཁོར་བསྙེན་པར་རྫོགས་ཞེས་བྱ་སྟེ། བསྙེན་པར་རྫོགས་པར་བྱེད་པ་
[52b.7]པོ་རྣམས་ལ་འགལ་ཚབས་ཅན་དུ་འགྱུར་རོ་ཞེས་གསུངས་སོ། །དེ་བས་ན་གང་དུ་བར་ཆོད་མངོན་པར་འདོད་པས་རྣམ་པར་གནས་ཏེ། རྣམ་པ་གང་ཞིག་ལ་བདག་ནི་བསྙེན་པར་རྫོགས་པའོ། །སྐྱེས་པ་འདྲ་བའི་བུད་མེད་ཉིད་དང་། བུད་མེད་འདྲ་བའི་སྐྱེས་པ་ཉིད་མཚན་གྱི་རྣམ་པ་གཞན་མ་ཡིན་
[53a]
[53a.1]པ་ལ་ཡང་#ཞེས་བྱ་བ་འདིར་སྡོམ་པ་མི་སྐྱེ་བ་སྟེ་ཞེས་བྱ་བ་དེ་ལ་འདི་རབ་ཏུ་བསྟན་ཏེ་མཚན་རྣམ་པ་གཞན་ཉིད་ཀྱི་ཕྱིར་འདིར་སྐྱེ་བར་མི་འགྱུར་རོ། །དེ་ཡང་འདིར་མི་འགྱུར་ཏེ། དེ་ནི་ལག་རྡུམ་ལ་སོགས་པ་འཕངས་པ་ཉིད་ཡིན་ནོ་ཞེས་བྱ་བ་འདི་ལ་སྐྱེས་པ་འདི་ལ་བུད་
[53a.2]མེད་ཀྱི་རྣམ་པ་གཞན་ལ་ལག་རྡུམ་དང་རྐང་རྡུམ་ཞེས་བྱ་བ་ལ་སོགས་པས་#འཕངས་པ་ཉིད་ཀྱི་ཕྱིར་ཉེས་བྱས་ཙམ་དུ་ཟད་དོ་ཞེས་བྱ་བ་བརྗོད་པར་ཟད་དོ། །སྡིག་སྡིག་ལྟ་བུའི་མཚན་ཉིད་ཅན་དང་གླིང་གཞན་ནས་སྐྱེས་པའི་ཚུལ་བྱད་མི་འདྲ་བ་གཉིས་ཀྱང་ངོ་ཞེས་བྱ་བ་ནི་འདི་དག་ལ་ཡང་ལག་རྡུམ་
[53a.3]ལ་སོགས་པས་འཕངས་པ་ཉིད་ཡིན་ནོ་ཞེས་བྱ་བའི་དོན་ཏོ། །སྡིག་སྡིག་ལྟ་བུའི་མཚན་ཉིད་ཅན་གྱི་གཞུང་ནི། བཙུན་པ་སྡིག་སྡིག་ལྟ་བུའི་མཚན་ཉིད་ཅན་བསྙེན་པར་རྫོགས་པར་བགྱིད་ན་ཞེས་བྱ་བ་ནས་ཇི་སྲིད་བསྙེན་པར་རྫོགས་པར་བྱེད་པ་པོ་དགེ་སློང་རྣམས་ལ་ཉེས་བྱས་ཀྱི་ལྟུང་བར་
[53a.4]འགྱུར་རོ་ཞེས་གསུངས་པ་ཡིན་ནོ། །#གླིང་གཞན་ནས་སྐྱེས་པའི་གཞུང་ཡང་བཙུན་པ་འཛམ་བུ་གླིང་པའི་དགེ་སློང་རྣམས་ཀྱིས་ཤར་གྱི་ལུས་འཕགས་པོ་ཞིག་བསྙེན་པར་རྫོགས་པར་བགྱིད་ན་བསྙེན་པར་རྫོགས་#ཞེས་བགྱིའམ། ཇི་སྲིད་དུ་ཉེ་བ་འཁོར་བསྙེན་པར་རྫོགས་ཞེས་བྱ་སྟེ། བསྙེན་
[53a.5]པར་རྫོགས་པར་བྱེད་པ་པོ་རྣམས་ནི་འགལ་ཚབས་ཅན་དུ་འགྱུར་རོ་ཞེས་བྱ་བ་དང་། དེ་བཞིན་དུ་རྒྱས་པར་འཁོར་ལོ་བཞིན་དུ་སྦྱར་བ་གསུམ་པ་ཡིན་ནོ། །དབྱིབས་དང་ཚད་དང་གནས་སྐབས་ཀྱི་དབྱེ་བ་མི་རྣམས་ཀྱི་གླིང་གང་ལ་དེ་ཙམ་གསལ་#བའི་གཙོ་བོ་འདིར་གླིང་གི་ཚིག་ཏུ་རྣམ་པར་གནས་པ་ཡིན་ནོ། །
[53a.6]འདིར་ནི་ཚུལ་བྱད་ཀྱི་ཚིག་གིས་འདི་ཁྱད་པར་དུ་བྱས་ཏེ་གདོང་ལ་སོགས་པའི་དབྱེ་བ་ཡང་འདིར་ཚུལ་བྱད་མི་འདྲ་བ་ལ་མངོན་པར་#འདོད་དོ། །དེ་ལྟར་ན་ཡང་གླིང་གཅིག་པ་རྣམས་ལ་ཡང་རའི་གདོང་དང་རྣ་བ་འཕྱང་བ་ལ་སོགས་པ་རྣམས་ལ་#གསལ་བ་ཉིད་དུ་རིག་པར་བྱའོ། །སེན་མོ་གཅིག་པ་དང་
[53a.7]ལག་པ་འཇས་ཏེ་ལྟེབས་པ་དང་། གཞོགས་#ཕྱེད་འཇས་པ་དང་། མགོ་སྨྱུང་དང་སྐྲ་སྒྲ་སྒྲེ་ཅན་དང་། སྒུར་པོ་དང་དགྱེ་བོ་དང་དགྱེ་སྒུར་གྱུར་པ་དང་སེན་མོ་དྲུག་པ་དང་འབྱར་བ་དང་མེད་པ་དང་། མིག་རྫི་མ་ནང་དུ་ཟུག་པ་དང་ནེའུ་ལེའི་ལྟ་བུ་དང་འུག་པའི་ལྟ་བུ་དང་ཕྱིན་ཅི་ལོག་པ་དང་བར་འཛིངས་
[53b]
[53b.1]པ་དང་རློ་བ་དང་གླེའོ་#དང་ཟླུམ་པོ་དང་མིག་པོ་ཆེ་འཛེར་#ཅན་དང་ཤུ་བ་ཅན་དང་འབྲུམ་ཅན་དང་། རྣ་བ་སེར་བ་དང་དཀར་བ་དང་དམར་བ་དང་སྦུབས་ཅན་དང་། ཁྱི་རྔོ་གཡའ་བ་དང་། འཕུངས་པ་དང་། ཆེ་བ་དང་རླིག་པའི་ནང་དུ་མཚན་ནུབ་པ་དང་། གླེན་པ་དང་། ལྕེ་མེད་པ་དང་། རྐང་
[53b.2]ལག་གཅིག་པ་དང་#། སྐྲ་སྔོན་དང་མགོ་གླང་པོ་ཆེའི་ལྟ་བུ་དང་། རྟའི་ལྟ་བུ་དང་ཁྱིའི་ལྟ་བུ་དང་བ་གླང་#གི་ལྟ་བུ་དང་ལུག་གི་ལྟ་བུ་དང་རི་དགས་ཀྱི་ལྟ་བུ་དང་ཉའི་ལྟ་བུ་དང་སྦྲུལ་གྱི་ལྟ་བུ་དང་། རིང་བ་དང་མང་བ་དང་། མགུལ་ཏ་#ལ་ལྟ་བུ་དང་། སྐྲངས་པ་དང་སྤྱོད་ལམ་གྱིས་དུབ་པ་དེ་དག་ལས་མིན་
[53b.3]པ་རྣམས་སོ། །གཞན་དག་ནི་ན་བས་སོ་ཞེས་བྱ་བ་ནི་སེན་མོ་གཅིག་པ་ལ་སོགས་པ་རྫོགས་#པར་བྱེད་པ་རྣམས་ལ་ལག་རྡུམ་ལ་སོགས་པ་དག་གིས་འཕངས་པ་ཉིད་དེ་གཞན་དག་གནོད་པར་#བྱེད་པ་རྣམས་ནི་ན་བ་སྟེ། ཁྱོད་ནད་པ་#ཡིན་ནམ་ཞེས་བྱ་བ་འདིས་འཕངས་པ་ཉིད་ཅེས་བྱ་བའི་དོན་ཏོ། །སེན་
[53b.4]མོ་གཅིག་པ་ནི་གང་ལ་སེན་མོ་གཅིག་པ་ཁོ་ན་ཡོད་པའོ། །ལག་པ་འཇས་ཏེ་ལྟེབས་པ་ནི་གང་གི་ལུས་ཀྱི་ཡན་ལག་རྒྱ་བལྟབས་#པ་འདྲ་བའོ། །གཞོགས་ཕྱེད་འཇས་པ་ནི་གང་གི་གཞོགས་ཕྱེད་བསྐམས་པའོ། །མགོ་སྨྱུང་ཞེས་བྱ་བ་ནི་གང་གི་མགོ་མཚན་གྱི་རྣམ་པ་འདྲ་བའོ། །སྐྲ་སྒྲ་སྒྲེ་ཅན་
[53b.5]ནི་གང་གི་སྐྲ་སྨྱོན་ཐབས་མཁན་གྱི་ལྟར་བར་བར་དུ་འཛིངས་པར་གནས་པའི་སྐྲའོ། །སྒུར་པོ་དང་དགྱེ་བོ་#དང་དགྱེ་སྒུར་གྱུར་པ་#ཞེས་བྱ་བ་ནི་དགྱེ་སྒུའི་སྒྲ་གསུམ་ཆར་ལ་སོ་སོར་ཁྱབ་ཅིང་རྫོགས་པའོ། །ནང་དུ་སྒུར་བ་དང་ཕྱིར་དགྱེ་བ་དང་། མདུན་རྒྱབ་ཏུ་སྒུར་བ་ཞེས་བྱ་བ་ནི་དེ་གཞན་དུ་གསུངས་ཏེ།
[53b.6]ཞར་བ་སོར་གདུབ་སྒུར་མིའུ་ཐུང་། །ཞེས་སྨོས་སྟེ(ཏེ)། འདིའི་རབ་ཏུ་དབྱེ་བ་བསྟན་པའི་དོན་དུའོ། །སོར་མོ་དྲུག་པ་དང་འབྱར་བ་དང་མེད་པ་ཞེས་བྱ་བ་ནི། སོར་མོ་ཞེས་བྱ་བའི་སྒྲ་ནི་སོ་སོར་ཡོངས་སུ་རྫོགས་པ་སྟེ། སོར་མོ་དྲུག་པ་དང་། སོར་མོ་འབྱར་བ་དང་། སོར་མོ་མེད་པ་ཞེས་བྱ་
[53b.7]བའོ། །སོར་མོ་དྲུག་པ་ཉིད་དང་། སོར་མོ་འབྱར་བ་ཉིད་དང་། སོར་མོ་མེད་པར་གྱུར་པ་ཉིད་ཙམ་སོར་མོའི་གདེངས་ཀའི་ལག་པ་ཅན་ཏེ། འདིར་སོར་མོ་འབྱར་བ་ཉིད་ཀྱི་#ཁོངས་སུ་བསྡུ་བའོ། །མིག་གི་རྫི་མ་ནང་དུ་ཟུག་པ་དང་ནེའུ་ལེ་ལྟ་བུ་དང་འུག་པའི་ལྟ་བུ་དང་། ཕྱིན་ཅི་ལོག་པ་དང་བར་
[54a]
[54a.1]འཛིངས་པ་ཅན་དང་། རློ་#བ་དང་གླེའོ་དང་ཟླུམ་པོ་ཞེས་བྱ་བ་ནི་ཡང་མིག་ཅེས་པའི་སྒྲ་སོ་སོར་སྦྱར་ཏེ། མིག་རྫི་མ་ནང་དུ་ཟུག་པ་དང་། མིག་ནེའུ་ལེ་ལྟ་བུ་དང་། མིག་འུག་པའི་ལྟ་བུ་དང་། མིག་ཕྱིན་ཅི་ལོག་པ་དང་། མིག་བར་འཛིངས་པ་དང་། མིག་རློ་#བ་དང་།
[54a.2]མིག་གླེའོ་#དང་། མིག་ཟླུམ་པོའོ། །མིག་གི་རྫི་མ་ནང་དུ་འཛུག་#པ་ཞེས་བྱ་བ་ནི་གང་གི་#མིག་གི་ནང་གི་པགས་པའི་རིམ་པ་ལ་རྫི་མ་ཡོད་པའོ། །མིག་ནེའུ་ལེའི་ལྟ་བུ་ཞེས་བྱ་བ་ནི་གང་གི་མིག་ནེའུ་ལེའི་མིག་ལྟ་བུའོ། །མིག་འུག་པའི་ལྟ་བུ་ཞེས་བྱ་བ་ནི་གང་གི་མིག་འུག་པའི་ལྟ་བུའོ། །
[54a.3]ཡང་ན་མིག་སེར་སྐྱ་བ་ལ་ཟླུམ་པའི་ཕྱིར་སྲིན་པོའི་མིག་འདྲ་བའོ། །མིག་ཕྱིན་ཅི་ལོག་ཅེས་བྱ་བ་ནི་གང་གི་གྲྭ་ལོགས་ཀྱི་ཟུར་གང་ཡིན་པ་དེ་ནི་སྣ་ལོགས་ལ་འདུག་ལ་སྣ་ལོགས་ཀྱི་ཟུར་གང་ཡིན་པ་དེ་ནི་གྲྭ་ལོགས་ན་འདུག་པའོ། །མིག་བར་འཛིངས་པ་ནི་གང་གི་སྣ་གོང་གཏན་མེད་
[54a.4]ལ་མིག་གཡས་གཡོན་འབྲེལ་བའོ། །མིག་རློ་#བ་ཞེས་བྱ་བ་ནི་གང་གི་མིག་དྲ་བ་བཞིན་དུ་ཧ་ཅང་འཕྱང་བའི་མིག་གོ། །མིག་གླེའོ་#ཞེས་བྱ་བ་ནི་གང་གི་མིག་གི་རྫི་མའི་སྤུ་མེད་པའི་ཕྱིར་རྫི་མ་སྐྱེ་བའི་མཐར་དཔེར་ན་ཁྲག་འཛག་པའི་ཤ་ལྟར་དམར་བའོ། །མིག་ཟླུམ་པོ་ཞེས་བྱ་བ་ནི་
[54a.5]གང་གི་མིག་དག་གི་འབྲས་བུ་ཟླུམ་པོ་དེའི་#མིག་དག་གོ། །མིག་པོ་ཆེ་དང་འཛེར་ཅན་དང་ཤུ་བ་ཅན་དང་འབྲུམ་ཅན་ཞེས་བྱ་བ་ནི་ཡང་མིག་ཅེས་བྱ་བའི་སྒྲ་སོ་སོར་སྦྱར་ཏེ། མིག་པོ་ཆེ་དང་། མིག་འཛེར་#ཅན་དང་། མིག་ཤུ་ཅན་དང་། མིག་འབྲུམ་ཅན་ནོ། །དེ་ལ་མིག་པོ་ཆེ་དང་།
[54a.6]ཞེས་བྱ་བ་ནི་གང་གི་མིག་ཧ་ཅང་ཆེ་བའོ། །རྣ་བ་སེར་བ་དང་དཀར་བ་དང་དམར་བ་དང་སྦུབས་ཅན་ཞེས་བྱ་བ་ནི་ཡང་རྣ་བ་ཞེས་བྱ་བའི་སྒྲ་སོ་སོར་སྦྱར་ཏེ། རྣ་བ་སེར་བ་དང་། རྣ་བ་དཀར་བ་དང་། རྣ་བ་དམར་བ་དང་། རྣ་བ་སྦུབས་ཅན་ནོ། །ཁྱི་རྔོ་གཡའ་བ་དང་འཕུངས་པ་དང་། ཆེ་བ་
[54a.7]ཞེས་བྱ་བ་ཡང་ཁྱི་རྔོ་གཡའ་བ་དང་། ཁྱི་རྔོ་འཕུངས་པ་དང་། ཁྱི་རྔོ་ཆེ་བའོ། །རླིག་པའི་ནང་དུ་མཚན་ནུབ་པ་དང་ཞེས་བྱ་བ་ནི་གང་གི་རླིག་པ་གཉིས་ཀྱིས་ཕོ་མཚན་གཡོགས་པའོ། །གླེན་པ་དང་ལྕེ་མེད་པ་དང་རྐང་ལག་གཅིག་པ་དང་ཞེས་བྱ་བ་ལ། གླེན་པ་ཞེས་བྱ་བའི་སྒྲ་ནི་བསྙེན་
[54b]
[54b.1]པར་རྫོགས་པར་མི་ཤེས་ཞེས་བྱ་བ་འདི་བསྡུས་པ་ཉིད་དོ། །ལྕེ་མེད་པ་ཞེས་བྱ་བ་ནི་ལྕེ་གཏན་མེད་པའོ། །ལྐུགས་པའི་ཚིག་གིས་ནི་ལྕེ་ཡོད་དུ་ཟིན་ཀྱང་སྨྲ་བར་མི་ནུས་པ་ནི་ལྐུགས་པ་སྟེ། གཞན་ནི་ལྕེ་མེད་པ་ཞེས་བྱ་བ་བརྗོད་པའི་ཕྱིར་རོ། །རྐང་ལག་གཅིག་པ་དང་ཞེས་བྱ་བ་ནི། རྐང་ལག་གི་སྒྲ་དག་
[54b.2]གིས་སོ་སོར་འབྲེལ་བ་སྟེ་ལག་པ་གཅིག་པ་དང་། རྐང་པ་གཅིག་པ་དང་ལག་པ་མེད་པ་དང་རྐང་པ་མེད་པ་ཞེས་བྱ་བའོ། །སྐྲ་སྔོ་#ཞེས་བྱ་བ་ནི་ཡུང་བའི་ཁ་དོག་ལས་གཞན་པའི་ཁ་དོག་ལ་བྱ་སྟེ། དེ་བས་ན་ཡུང་བའི་ཚིག་གིས་སྔོན་པོ་ལ་བརྗོད་པ་ཉིད་དོ། །མགོ་གླང་པོ་ཆེའི་ལྟ་བུ་དང་། རྟའི་ལྟ་བུ་དང་།
[54b.3]ཁྱིའི་ལྟ་བུ་དང་། བ་གླང་གི་ལྟ་བུ་དང་། ལུག་གི་ལྟ་བུ་དང་། རི་དགས་ཀྱི་ལྟ་བུ་དང་། ཉའི་ལྟ་བུ་དང་། སྦྲུལ་གྱི་ལྟ་བུ་དང་། རིང་བ་དང་མང་བ་ཞེས་བྱ་བ་ལ། མགོའི་སྐྲ་ནི་སོ་སོར་སྦྱར་ཏེ། མགོ་གླང་པོ་ཆེའི་ལྟ་བུ་དང་། མགོ་རྟའི་ལྟ་བུ་དང་། མགོ་ཁྱིའི་ལྟ་བུ་དང་། མགོ་
[54b.4]བ་གླང་#གི་ལྟ་བུ་དང་། མགོ་ལུག་གི་ལྟ་བུ་དང་། མགོ་རི་དགས་ཀྱི་ལྟ་བུ་དང་། མགོ་ཉའི་ལྟ་བུ་དང་། མགོ་སྦྲུལ་གྱི་ལྟ་བུ་དང་། མགོ་རིང་བ་དང་། མགོ་མང་པོ་ཞེས་བྱ་བའོ། །ཐམས་ཅད་སྔོ་བ་དང་། ཐམས་ཅད་སེར་བ་དང་། ཐམས་ཅད་དམར་བ་དང་། ཐམས་ཅད་དཀར་བ་
[54b.5]ཞེས་བྱ་བ་ལ་གང་ཞིག་འདི་ཡང་འདོན་པ་དེ་རྣམས་ལ་ཡང་ལུས་ཀྱི་ཁ་དོག་བཞི་རྣམས་ཀྱིས་དེ་ལྟར་བརྗོད་པ་ཉིད་དོ། །མགུལ་ཏ་#ལ་ལྟ་བུ་དང་། སྐྲངས་པ་དང་། སྐྲངས་པས་དུབ་པ་དང་། སྤྱོད་ལམ་གྱིས་#དུབ་པ་ཞེས་བྱ་བའོ#། །རྐུན་པོས་ནི་ཕུང་ཀྲོལ་པའོ་ཞེས་བྱ་བ་ནི་འཕངས་པ་ཉིད་དོ་ཞེས་
[54b.6]བྱ་བ་དང་རྗེས་སུ་འབྲེལ་ཏོ། །སྡིག་པ་ལ་#འཇུག་པ་མཉམ་པ་ཉིད་ཀྱི་ཐུན་མོང་གིས་སོ། །འོ་ན་སོ་སོ་ཉིད་དུ་འགྱུར་བར་སྨོས་པ་མ་ཡིན་ནམ་ཞེ་ན། དེའི་ཕྱིར་ཕུང་ཀྲོལ་བར་གྱུར་པ་ཡང་རྐུན་པོ་ནི་སྙིང་རྗེ་དང་བཅས་ཤིང་གཞན་ལ་འཕྲོག་པ་ཡིན་ཏེ། ཐམས་ཅད་ཀྱི་ཐམས་ཅད་དུ་གང་གི་ཕྱིར་
[54b.7]ཕལ་ཆེར་སྲོག་གཅོད་པ་ལ་འཇུག་པའོ། །ཕུང་ཀྲོལ་བ་ནི་རྐུན་པོ་མ་ཡིན་པར་གྱུར་པ་སྙིང་རྗེ་མེད་པ་གསད་བྱ་གསོད་པར་བྱེད་པ་ལ་སོགས་པ་སྟེ། དེ་བས་ན་འདི་ལ་སོ་སོ་ཉིད་དུའོ། །རྒྱལ་པོ་ཕ་མའི་བསམ་པ་ཅན་ཉིད་ཀྱིས་གནང་བ་ནི་ཕ་མ་དང་འདྲ་བའོ་ཞེས་བྱ་བ་ནི་ཕ་མའི་བསམ་པ་ཅན་
[55a]
[55a.1]ཉིད་ཀྱི་#རྒྱལ་པས་(པོས་)གནང་བ་ནི་ཕ་མ་དག་ཉིད་ཀྱིས་གནང་བར་བལྟ་བར་བྱ་སྟེ། རྒྱལ་པོས་གནང་བས་རབ་ཏུ་དབྱུང་བ་ལ་སྐྱོན་མེད་དོ་ཞེས་བྱ་བར་དགོངས་པའོ། །ཡོངས་སུ་འཛིན་པར་བྱེད་པ་གཉིས་ཀྱང་གནང་བ་དང་བསྲེལ་བ་དང་ཞུ་བ་དག་ལ་ཕ་མ་ཉིད་དང་འདྲའོ་ཞེས་
[55a.2]བྱ་བ་ནི་སྐྱེད་པར་བྱེད་པ་ཉིད་མེད་པ་ལ་ཡང་ཕ་མས་ཡོངས་སུ་བཟུང་བས་གནས་པ་དག་གིས་གནང་བ་ལ་ཞག་བདུན་བཟུང་བ་དང་། དགེ་འདུན་ལ་ཞུ་བ་བྱེད་པ་ལ་ཕ་མ་ཉིད་ཡིན་གྱི། སྐྱེད་པར་བྱེད་པ་དག་ཁོ་ནས་ཡོངས་སུ་འཛིན་པ་པོ་ཉིད་ཀྱིས་གནས་པ་དག་ལ་ནི་མ་ཡིན་ཞེས་བྱ་བའི་དོན་ཏོ། །
[55a.3]འདིར་གཞུང་ནི། བཙུན་པ་བུ་བཅོས་མ་ཞིག་རེ་ཞིག་བསྙེན་པར་རྫོགས་པར་བགྱིད་ན་སུའི་དྲུང་དུ་བཟོད་པ་#གསོལ་བར་བགྱི། བཀའ་སྩལ་པ། བུ་ཉིད་དང་འདྲ་བས་#གང་གིས་ཁས་བླངས་པ་དེ་ལའོ། །དེ་བཞིན་དུ་བུ་མོ་བཅོས་མ་ཡང་བུ་མོ་ཉིད་དང་འདྲ་བར་གང་གིས་ཁས་བླངས་པ་དེ་
[55a.4]ལའོ་ཞེས་བྱ་བ་གསུངས་པ་ཡིན་ནོ། །མི་མ་ཡིན་པའི་འགྲོ་བ་པ་གཉིས་ནི་མ་ཡིན་ནོ་ཞེས་བྱ་བ་ནི་ཕ་མ་གཉིས་ཞེས་བྱ་བ་དང་རྗེས་སུ་འབྲེལ་ཏོ། །འདིར་གཞུང་ནི། བཙུན་པ་རེ་ཞིག་གང་གི་ཕ་མ་དག་དུས་བྱས་པར་གྱུར་ཏམ། དུད་འགྲོའི་སྐྱེས་#གནས་སུ་སོང་བ་ལགས་ན་དེའི་སྐྲ་བྲེག་
[55a.5]པའི་ཕྱིར་དགེ་འདུན་ཐམས་ཅད་ལ་ཞུ་བར་བགྱིའམ། ཉེ་བ་འཁོར་འདི་ནི་མ་ཡིན་ནོ་ཞེས་གསུངས་སོ། །དེ་གཉིས་ལས་མཚམས་མེད་པར་མི་འགྱུར་རོ་ཞེས་བྱ་བ་ནི་ཕ་མ་མིའི་འགྲོ་བ་ནི་#མ་ཡིན་པ་སྐྱེད་པར་བྱེད་པ་དག་གིས་ནི་འདི་མཚམས་མེད་པ་མི་སྐྱེད་#པའོ། །དེ་ནི་སྐྱེད་པར་བྱེད་པ་གཉིས་
[55a.6]ལས་ཏེ་མཚན་གྱུར་པ་#གཉིས་ལས་ཀྱང་ངོ་ཞེས་བྱ་བ་ནི་མ་སྐྱེས་པ་ཉིད་དུ་གྱུར་ཏམ། ཕ་བུད་མེད་ཉིད་དུ་གྱུར་ན་ཡང་མཚམས་མེད་པ་འབྱུང་བར་འགྱུར་བ་ཁོ་ན་ཡིན་ནོ། །མ་བསད་པ་ལ་སོགས་པ་དེ་བྱས་པ་ཉིད་གཙོ་བོར་#ཞེས་བྱ་བ་ལ། དེ་བྱས་པ་ཉིད་ནི་མཚམས་མེད་པ་བྱས་པ་ཉིད་དེ་གང་ཞིག་
[55a.7]མ་གསོད་#པ་ལ་སོགས་པ་རྣམས་ལ་རབ་ཏུ་དབྱུང་བའི་ཕྱིར་བཀག་པ་གང་ཡིན་པ་དེ་བྱས་པ་ཉིད་དེ་མཚམས་མེད་པ་དེ་བྱས་པ་ཉིད་དུ་རྟོགས་པར་བྱའོ། །དེའི་ཕྱིར་མཚམས་མེད་པ་བྱེད་པ་པོ་ནི་རབ་ཏུ་དབྱུང་བར་མི་བྱ་ཞེས་བྱ་བ་ཐམས་ཅད་དུ་ཡིན་ཏེ། མ་བསད་པ་རབ་ཏུ་དབྱུང་བར་མི་བྱའོ་
[55b]
[55b.1]ཞེས་བྱ་བ་དེ་ལྟ་བུའི་གཙོ་བོ་ཅན་དེ་མ་ཡིན་ནོ། །དེ་ལྟར་ན་ཡང་དུད་འགྲོའི་སྐྱེ་གནས་སུ་གཏོགས་པའི་མ་གསོད་#པར་བྱེད་པ་ལ་རབ་ཏུ་དབྱུང་བ་བཀག་པར་འགྱུར་རོ། །སྐྱེས་པས་དགེ་སློང་མ་ལ་ཇི་ཞིག་བྱས་ན་དགེ་སློང་མ་སུན་ཕྱུང་བར་འགྱུར་ཞིང་བུད་མེད་ཀྱིས་ཀྱང་དགེ་སློང་ལ་ཇི་ཞིག་
[55b.2]བྱས་ན་སུན་ཕྱུང་བར་འགྱུར་ཅིའི་ཕྱིར་དེ་གཉིས་སུ་བསྟན་ཞེ་ན། དེའི་ཕྱིར་ཕམ་པར་གྱུར་པ་མ་བྱུང་བ་ཉིད་ལ་མི་ཚངས་པར་སྤྱོད་པས་ཉམས་སུ་མྱོང་བ་དག་སུན་ཕྱུང་བ་ཉིད་ཡིན་ནོ་ཞེས་བྱ་བ་སྨོས་སོ། །འདིར་གཞུང་ནི་བཙུན་པ་ཇི་ཙམ་གྱིས་ན་དགེ་སློང་མ་སུན་ཕྱུང་བ་ཞེས་བགྱི།
[55b.3]ཉེ་བ་འཁོར་གང་གིས་མི་ཚངས་པར་སྤྱད་པས་དགེ་སློང་མ་སུན་ཕྱུང་བར་གྱུར་ནའོ་ཞེས་གསུངས་པ་ཡིན་ནོ། །ཅི་སེམས་གང་ཡང་རུང་བའི་སེམས་དག་ལ་འདི་འབྱུང་བར་འགྱུར་རམ་ཞེ་ན། དེའི་ཕྱིར་ཉམས་སུ་མྱོང་བ་དག་ལ་ཞེས་བྱ་བ་སྨོས་ཏེ། བགྲོད་པར་བྱ་བ་ཡང་སུན་ཕྱུང་
[55b.4]བར་འགྱུར་ལ་བགྲོད་#པ་པོ་ལ་ཡང་སུན་ཕྱུང་བར་འགྱུར་བ་ཞེས་བྱ་བ་འདི་བསྟན་པའི་དོན་དུ་འདིར་གཉིས་པའི་ཚིག་གོ། །བརྗོད་པ་དང་བཅས་པའི་ཟླས་ཉམས་སུ་མྱོང་བས་སུན་ཕྱུང་བ་#ཉིད་མི་འགྱུར་བ་ཞེས་བྱ་བ་འདི་ལ་འདིར་ཟླས་ཉམས་སུ་མྱོང་བ་ཡན་ལག་མ་ཡིན་པ་ཉིད་དེ་
[55b.5]གང་གི་ཕྱིར་གཞན་གྱི་ཉེས་པས་གཞན་ལ་མི་གོས་པའི་ཕྱིར་རོ། །འདོད་ཆགས་དང་བྲལ་བ་སུན་ཕྱུང་བ་ལ་ཡང་སུན་འབྱིན་པ་ཉིད་མི་འགྱུར་བར་ཐལ་བའི་ཕྱིར་རོ། །འདུན་པ་ཞེས་བྱ་བའི་ཚིག་གང་ཡིན་པ་དེ་ནི་འདིར་ལུང་སྟེ། རང་གི་འདོད་པས་ཞེས་བྱ་བ་འདིའི་དོན་ཏོ། །ཅི་ཕམ་པར་
[55b.6]གྱུར་པ་བྱུང་བའི་ཡུལ་ལ་ཡང་དགེ་སློང་དང་དགེ་སློང་མ་ཉིད་ཡོད་དམ་གནས་སྐབས་དེ་དང་ལྡན་པ་འདི་དག་ལ་ཡང་སུན་འབྱིན་པར་བགྱིད་ན་སུན་ཕྱུང་བ་ཉིད་དུ་འགྱུར་རམ་ཞེ་ན་མ་ཡིན་ཏེ། དེའི་ཕྱིར་ཕམ་པར་གྱུར་པ་མ་བྱུང་བ་ཉིད་ལ་ཞེས་བྱ་བ་སྨོས་སོ། །འདིར་གཞུང་ནི། བཙུན་པ་
[55b.7]རེ་ཞིག་གང་ཟག་བརྒྱད་ཀྱིས་དགེ་སློང་མ་གཅིག་#ལ་དངོས་པོ་བརྒྱད་པོ་རེ་རེས་སུན་འབྱིན་པར་བགྱིད་ན་དགེ་སློང་མ་དེ་སུན་ཕྱུང་བ་ཞེས་བགྱིའམ། ཉེ་བ་འཁོར་སུན་ཕྱུང་བ་ཞེས་བྱའོ། །གང་ཟག་དེ་རྣམས་ལས་དུ་ཞིག་གིས་དགེ་སློང་མ་སུན་ཕྱུང་བ་ཞེས་བགྱི། བཀའ་སྩལ་པ། ཉེ་བ་འཁོར་
[56a]
[56a.1]འགའ་ཡང་མ་ཡིན་ནོ་ཞེས་བྱ་བ་གསུངས་པ་ཡིན་ནོ། །དེ་ནི་རེག་པ་དང་ལུས་བཀན་པ་དག་གིས་དགེ་སློང་མ་ལ་ཕམ་པར་མི་འགྱུར་བ་ཞེས་བྱ་བ་འདི་ནི་སུན་ཕྱུང་བ་ཉིད་དུ་རྣམ་པར་གཞག་པར་མི་སྣང་ངོ་། །ཇི་ལྟར་ཞེ་ན། དེ་ལ་ཡང་སྐྱེ་བ་དོན་གཞན་གྱིས་
[56a.2]རེག་པ་དང་། ལུས་བཀན་པ་ལ་ཁས་མི་ལེན་པ་དང་། ནོམ་པ་དང་ཉུག་པ་ལ་ཡང་དག་པར་ཞུགས་པའོ། །རེག་ནས་ཀྱང་ཁས་མ་བླངས་པ་ལ་དེས་རེག་པ་ལའོ། །སྐྱེས་པའི་ལུས་ལ་རང་གིས་རེག་ཅིང་སྐྱེས་པ་དང་ཉེ་བར་གྱུར་པ་ལའོ། །བུད་མེད་བསླབ་པ་ཕུལ་ནས་སྐྱེས་པ་ཉིད་དུ་
[56a.3]གྱུར་པ་ནི་རབ་ཏུ་དབྱུང་བ་དང་བསྙེན་པར་རྫོགས་པར་རུང་བ་ཉིད་དོ་ཞེས་བྱ་བ་ནི་བུད་མེད་བསླབ་པ་ཕུལ་ནས་ཉམས་པར་གྱུར་པ་མཚན་གྱུར་ནས་སྐྱེས་པ་ཉིད་དུ་གྱུར་པ་ནི་རབ་ཏུ་དབྱུང་བ་དང་བསྙེན་པར་རྫོགས་པར་བྱར་རུང་བ་ཉིད་ཡིན་ནོ། །བུད་མེད་མ་ཡིན་པ་ཉིད་ཀྱིས་གནས་སྐབས་དང་འདྲ་
[56a.4]བར་མི་རུང་བ་ཉིད་དོ་ཞེས་བྱ་བའི་དོན་ཏོ། །ཕམ་པར་གྱུར་པ་ཐུན་མོང་མ་ཡིན་པ་ལྷག་པར་སྤྱད་པ་ཅན་ཡང་ངོ་ཞེས་བྱ་བ་ནི་སྐྱེས་པ་ཉིད་དུ་ཁས་བླངས་པ་ལ་རབ་ཏུ་འབྱུང་བ་དང་བསྙེན་པར་རྫོགས་པར་བྱར་རུང་བ་ཉིད་ཡིན་ཏེ། བུད་མེད་བསླབ་པ་ཕུལ་ནས་ཞེས་བྱ་བ་དང་རྗེས་སུ་འབྲེལ་ཏོ#། །
[56a.5]བུད་མེད་བསྙེན་པར་རྫོགས་པར་བྱ་བ་ལ་གཉུག་མར་གནས་པ་རྣམས་ཡན་ལག་ཡིན་ནོ་ཞེས་བྱ་བ་ལ། འདིར་གཞུང་ནི་གསོ་སྦྱོང་གི་གཞི་ལས། ཇི་སྐད་དུ། བཅོམ་ལྡན་འདས་ཀྱིས་དགེ་སློང་མ་རྣམས་ཀྱི་#དགེ་སློང་རྣམས་དང་ཉེ་བར་དགེ་སློང་མའི་དངོས་པོ་#ཡོངས་སུ་བཙལ་བར་བྱའོ་
[56a.6]ཞེས་གང་གསུངས་པ་ལ་དགེ་སློང་དེ་རྣམས་གང་དག་ལགས། ཉེ་བ་འཁོར་གཉུག་མར་གནས་པ་དང་རིང་དུ་གནས་པ་དག་གོ་ཞེས་གསུངས་པ་ཡིན་ཏེ། དེའི་གནས་ལ་བརྟེན་པའི་གནས་ལ་གནས་པའི་དགེ་སློང་གི་དགེ་འདུན་ལ་ཉེ་བར་བརྟེན་པས་དགེ་སློང་མ་རྣམས་ཀྱི་#གནས་སོ། །
[56a.7]དེ་ནས་དུས་དུས་སུ་གདམས་ངག་དང་རྗེས་སུ་བསྟན་པ་སློང་བ་སྟེ། གནས་པ་ལས་འདའ་བ་ནི་རིགས་པ་མ་ཡིན་ནོ་ཞེས་བྱ་བ་འདིས་#ཤེས་པའོ། །གཉུག་མར་གནས་པ་ཉིད་ནི་འདིར་ཡུན་རིང་པོར་གནས་པ་ཉིད་ཀྱིས་ཁྱད་པར་དུ་གྱུར་པ་ལ་རིང་དུ་གནས་པ་ཡིན་ནོ། །སྐྱེ་བའི་ཚེ་ཉིད་
[56b]
[56b.1]ན་ཕུལ་ལམ་ཉམས་ན་མི་སྐྱེའོ་ཞེས་བྱ་བ་ལ། སྐྱེ་བའི་དངོས་པོ་ནི་སྐྱེ་བ་ཉིད་དེ་སྐྱེ་བཞིན་པ་ཉིད་ཅེས་བྱ་བའི་དོན་ཏོ། །སྡོམ་པ་ལེན་པའི་ཚེ་ན་སྡོམ་པ་དེ་སྐྱེ་བའི་ཚེ་ཉིད་གང་ཡིན་པའི་སྐྱེ་བཞིན་པ་ཉིད་ཀྱི་དེའི་གནས་སྐབས་དེ་ལ་ཕུལ་བས་ཡོངས་སུ་བཏང་བ་ལ་སོགས་པས་ཕུལ་ལམ་ཉམས་
[56b.2]པར་འགྱུར་རོ། །གང་ཞིག་སྡོམ་པ་སྐྱེ་བཞིན་པ་དེ་ནི་རྟོགས་པ་སྟེ། རྟོགས་པ་ལ་ནི་སླར་ལོག་པ་རྒལ་བ་ལ་སོགས་པ་ལ་མཐོང་བ་མ་ཡིན་ནོ། །དེ་བས་ན་སྡོམ་པ་སྐྱེ་བཞིན་པ་ལ་སླར་ལོག་པས་གནས་པ་མ་ཡིན་ནོ་ཞེས་བྱ་བ་གང་ཞིག་གིས་འདོད་པ་དེ་བཟློག་པའི་དོན་དུ་མདོ་འདིའོ། །འདིར་
[56b.3]གཞུང་ནི་སིལ་བུ་རྣམས་ལས། ཉེ་བ་འཁོར་རེ་ཞིག་བསྙེན་པར་རྫོགས་ནས་ཁྱིམ་པ་ཉིད་ཡིན་ནོ་སྙམ་དུ་སོ་སོར་ཤེས་ན་#ཡང་བསྙེན་པར་རྫོགས་པ་མ་ཡིན་ཞེས་བྱ་བ་ན་#བསྙེན་པར་རྫོགས་པར་བྱེད་པའི་ཚེ་ན་ལྟ་སྨོས་ཀྱང་ཅི་དགོས་ཞེས་#གསུངས་པ་ཡིན་ནོ། །རབ་ཏུ་བྱུང་བའི་གཞི་ཞུ་བ་ཕལ་ཆེ་
[56b.4]བའི་སྐབས་སོ། །#འདུལ་བའི་འགྲེལ་པ་རང་གིས་རྣམ་པར་བཤད་པ་ཞེས་བྱ་བ་ལས་རབ་ཏུ་བྱུང་བའི་གཞི་རྫོགས་སོ།། །།རང་བཞིན་ཉམས་པས་བྱས་པ་ཉིད་ནི་ཕུལ་བ་ཉིད་མ་ཡིན་ནོ་ཞེས་བྱ་བ་ལ། རང་བཞིན་ཉམས་པས་བྱས་པ་ནི་རང་བཞིན་ཉམས་པས་བྱས་པ་ཉིད་དོ། །
[56b.5]ཕུལ་བ་ལས་#གང་ཞིག་རང་བཞིན་ཉམས་པས་བྱས་པ་ཉིད་དེ་ནི་ཕུལ་བ་ཉིད་མ་ཡིན་ནོ། །རང་བཞིན་ཉམས་པ་ནི་ཐ་སྙད་ལས་ཉམས་པ་ཞེས་བྱའོ། །རང་བཞིན་ཉམས་པ་ཉིད་ནི་རྣམ་པ་གསུམ་གྱིས་སྐྱེས་#པ་ཡིན་ཏེ། སྨྱོས་པ་དང་། སེམས་རྣམ་པར་གཡེང་བ་དང་། སྡུག་བསྔལ་གྱིས་
[56b.6]མངོན་པར་གདུངས་པས་སོ། །དེ་ལ་མ་ཡིན་ནོ་ཞེས་བྱ་བ་ནི་རང་བཞིན་ཉམས་པའི་གང་ཟག་ལ་ཕུལ་བ་ཉིད་གང་ཞིག་བྱེད་པ་འདི་ཉིད་དེ་ནི་ཕུལ་བ་ཉིད་མ་ཡིན་ནོ། །འདི་ནི་ཐ་སྙད་དུ་རིགས་པ་མ་ཡིན་ནོ། །གང་ཞིག་འདིར་ལྐུགས་པ་ལ་མ་ཡིན་ནོ་ཞེས་བྱ་བས་ནི་དེ་ལ་ཡང་གང་ཞིག་ཕུལ་
[56b.7]བ་ཉིད་དེ་ནི་ཕུལ་བ་ཉིད་མ་ཡིན་ནོ། །རྣམ་པ་ཐམས་ཅད་དུ་སྨྲ་བར་མི་ནུས་པ་དེ་ནི། འདིར་ལྐུགས་པར་འདོད་དེ། དེ་ལ་གང་ཞིག་རབ་ཏུ་རིག་པ་དེ་ནི་རབ་ཏུ་རིག་པས་འདི་ཞུགས་པ་མ་ཡིན་ནོ། །མི་མ་ཡིན་པའི་འགྲོ་བ་ལ་#མ་ཡིན་ནོ་ཞེས་བྱ་བ་ནི་ལྷ་དང་སྤྲུལ་པ་ལ་སོགས་པ་ལའོ། །མ་གོ་
[57a]
[57a.1]བ་ཉིད་ལ་མ་ཡིན་ནོ་ཞེས་བྱ་བ་ནི་གླེན་པ་དང་འོན་པ་དང་སྙོམས་པར་ཞུགས་པ་དང་ཞེས་བྱ་བ་ལ་སོགས་པ་དེ་རྣམས་ཀྱང་བསྡུས་ཏེ། གླེན་པ་དང་འོན་པ་དག་བསྡུས་པ་ཉིད་ཀྱི་ཕྱིར་འདི་རྒྱུ་གཞན་མཐོང་བ་ཡིན་ཏེ། དེ་བས་#རྣམ་པ་ཐམས་ཅད་དུ་གོ་བ་དང་ཉན་པའི་ཕྱིར་ཞེས་བྱ་བ་
[57a.2]གྲངས་ཇི་ལྟ་བ་བཞིན་དུ་འདིར་མི་ནུས་པ་ནི་གླེན་པ་དང་འོན་པ་དག་ལ་འདོད་པ་རྣམ་པར་གནས་པ་ཡིན་ཏེ། གང་དང་ཉེ་བར་ཕུལ་བ་དེ་ལ་གོ་བ་ཉིད་ལ་ཞེས་བྱ་བ་འདི་འདིར་ཤུགས་ཀྱིས་རྟོགས་པ་ཡིན་ནོ། །དབེན་པར་མ་ཡིན་ནོ་ཞེས་བྱ་བ་འདི་དབེན་པའི་འདུ་ཤེས་ཀྱིས་སམ་དབེན་པ་མ་ཡིན་པའི་
[57a.3]འདུ་ཤེས་ཀྱིས་དབུལ་བ་ཉིད་བྱས་ན་ཡང་དེ་ཕུལ་བ་ཉིད་མ་ཡིན་ནོ། །དེ་བས་ན་ལྟོས་པ་དང་བཅས་པ་ཉིད་ལ་འདིར་དབེན་པའི་འདུ་ཤེས་ཀྱིས་ལྐུགས་པའི་ཡུལ་ལ་ཞུགས་པ་བཞིན་དུ་འགྱུར་ཏེ། ཐམས་ཅད་དུ་བྱེད་པའི་རིམ་པའོ། །དབེན་པར་འདུ་ཤེས་པས་མ་ཡིན་ནོ་ཞེས་བྱ་བ་ནི་མི་དབེན་
[57a.4]པར་#དབེན་པའི་འདུ་ཤེས་ཀྱིས་ཕུལ་བ་ཉིད་མ་ཡིན་ནོ། །འདིར་ཕུལ་བ་ཉིད་ནི་རྒྱུ་ཅིས་#མི་འདོད་ཅེ་ན། གང་གི་ཕྱིར་མ་ཉམས་པའི་འདུ་ཤེས་ཀྱིས་ཐ་སྙད་གྱི་(ཀྱི་)ཡུལ་ཐམས་ཅད་དུ་བྱེད་པའི་རིམ་པ་ཐམས་ཅད་བྱེད་པ་གང་ཡིན་པ་དེ་ནི་ཕུལ་བ་ཉིད་དོ། །གཉིད་ལོག་པ་ན་བླ་བར་འགྱུར་བ་ཉིད་ཀྱིས་
[57a.5]འདུ་ཤེས་མ་ཉམས་པ་ཉིད་ལ་#ལ་ཀུན་ནས་སྤྱོད་པ་ཉིད་ལ་གནས་སྐབས་དེ་དང་ལྡན་པས་ཕུལ་བ་ཉིད་མ་ཡིན་ཏེ། རང་བཞིན་ཉམས་པ་དང་ལྐུགས་པ་དང་མ་གོ་བ་ཉིད་དང་དབེན་པར་ཐམས་ཅད་དུ་བྱེད་པ་མེད་པའི་ཕྱིར་རོ#། །གང་གི་ཕྱིར་ཐམས་ཅད་དུ་བྱེད་པ་མ་ཡིན་པ་ལ་འདི་ལྟར་བདག་ནི་ཐ་
[57a.6]སྙད་ལ་གནས་ཞེས་བྱ་བའི་བསམ་པ་རྫོགས་པ་མ་ཡིན་ནོ། །མི་མ་ཡིན་པའི་འགྲོ་བ་པ་ལ་ཐ་སྙད་དུ་བྱ་བ་མེད་པའི་ཕྱིར་དང་དབེན་པའི་འདུ་ཤེས་ཀྱིས་ཐམས་ཅད་དུ་བྱེད་པ་རྩོམ་པ་མེད་པའི་ཕྱིར་རོ། །ཐམས་ཅད་དུ་བྱེད་པ་རྩོམ་པ་ཉིད་མེད་པ་བདག་འདི་ལྟར་ཐ་སྙད་ལ་གནས་ཞེས་བྱ་བ་བསམ་པ་
[57a.7]རྫོགས་པ་མ་ཡིན་ནོ། །དེ་བས་ན་ལྟོས་པ་དང་བཅས་པ་ཉིད་རང་གི་འདོད་པས་རབ་ཏུ་གྲོལ་ཞིང་སེམས་རབ་ཏུ་བཟུང་བར་འགྱུར་རོ། །དེ་བས་ན་འདིར་ཕུལ་བ་ཉིད་འདོད་པ་མ་ཡིན་ནོ། །བསླབ་པའམ། སངས་རྒྱས་སམ་ཆོས་སམ་དགེ་འདུན་ནམ་མདོ་སྡེའམ་འདུལ་བའམ་མ་
[57b]
[57b.1]མོའམ། སློབ་དཔོན་ནམ་མཁན་པོ་#འབུལ་ལོ། །བདག་ཁྱིམ་པའམ། དགེ་ཚུལ་ལམ། ཟ་མའམ། མ་ནིང་ངམ། དགེ་སློང་མ་སུན་ཕྱུང་བའམ། རྐུ་ཐབས་སུ་གནས་པའམ། ཐ་དད་པར་གནས་པའམ། གནས་པར་མི་བྱ་བའམ། མུ་སྟེགས་ཅན་ནམ། མུ་སྟེགས་ཅན་
[57b.2]ཞུགས་པའམ། མ་བསད་པའམ། ཕ་བསད་པའམ། དགྲ་བཅོམ་པ་བསད་པའམ། དགེ་འདུན་གྱི་དབྱེན་བྱས་པའམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བར་གཟུང་དུ་གསོལ། །བདག་ཚངས་པ་མཚུངས་པར་སྤྱོད་པ་ཁྱེད་ཅག་དང་ལྷན་ཅིག་གནས་པའམ་
[57b.3]ལོངས་སྤྱོད་པས་ཆོག་གོ་ཞེས་བྱ་བ་ལྟ་བུ་ནི་འབུལ་བའི་ཚིག་དག་ཡིན་ནོ་ཞེས་བྱ་བ་ལ། ལྟ་བུ་ཞེས་བྱ་བའི་སྒྲ་ནི་རྣམ་པ་གསུམ་བསྟན་པའི་ཕྱིར་ཏེ། རྣམ་པ་དེ་ལྟ་བུ་དང་ཆོ་ག་དེ་ལྟ་བུ་དང་། རིགས་དེ་ལྟ་བུ་རྣམས་ནི་འབུལ་བའི་ཚིག་རྣམས་རྩོམ་པའོ། །སླར་མདོ་འདི་ལ་དེ་ལྟར་
[57b.4]ན་བསླབ་#པ་འབུལ་བ་ནི་ཚིག་ཏུ་སྨྲ་བ་དེ་ཁོ་ན་ལས་བསླབ་པ་འབུལ་བར་མ་ཟད་ཀྱི། ཚིག་ཏུ་མ་སྨྲས་པར་རྣམ་པ་གང་ཡང་རུང་བས་གཏོང་བའི་མཚན་མ་ལས་ཀྱང་ཕུལ་བར་འགྱུར་ཏེ། དེས་ན་ལུས་ཀྱི་རྣམ་པར་རིག་བྱེད་ལས་ཀྱང་འདིར་ཕུལ་བར་འགྱུར་ལ། ངག་གི་རྣམ་པར་རིག་བྱེད་ལས་
[57b.5]ཀྱང་ཞེས་བྱ་བ་རྟོགས་པར་བྱའོ། །འདིར་སླར་རིགས་པ་ནི་འཕོ་བ་བསྟན་པས་འདིར་དགོས་པ་ཡིན་གྱི་ཚིག་གི་#ཁྱད་པར་གྱིས་ནི་མ་ཡིན་ནོ། །དོན་གཞན་སྟོན་པའི་སྒྲ་ལས་དོན་གཞན་ཁོང་དུ་ཆུད་པ་ཞེས་བྱ་བ་འགྲུབ་པ་ཡིན་ནོ། །དེ་བཞིན་དུ་འཕོ་བ་ལ་དགོས་པས། ཚིག་ཏུ་སྨྲས་པ་
[57b.6]དང་། ཚིག་ཏུ་མ་སྨྲས་པར་ཤེས་པ་དང་། རྟོགས་པ་གཞན་གྱིས་ལུས་ཀྱི་རྣམ་པར་རིག་བྱེད་ཀྱིས་#ཉམས་པ་འདི་ལ་སྒྲུབ་པར་བྱེད་པ་ཡིན་གྱི་#གཞན་དུ་ནི་མ་ཡིན་ཞེས་བྱ་བ་འདིར་རྣམ་པར་གཞག་གོ། །གཞན་གྱིས་གོ་བར་བྱས་པ་ལ་འདིར་དོན་ཡིན་པའི་ཕྱིར་གང་དུ་#སུ་ཞིག་གིས་རྣམ་
[57b.7]པ་གང་ཡང་རུང་བས་བསླབ་པ་འདིས་ཡོངས་སུ་བཏང་#ངོ་ཞེས་བྱ་བ་གཞན་གྱིས་རྟོགས་པར་གྱུར་ན་ཕུལ་བ་ཉིད་དུ་འགྱུར་རོ། །ལྟ་བུ་ནི་དབུལ་བའི་ཚིག་རྣམས་ཡིན་ནོ་ཞེས་བྱ་བས་ངག་གི་རྣམ་པར་རིག་བྱེད་ཉིད་ལས་ཡོངས་སུ་བཟུང་བ་ཡིན་ནོ། །འབུལ་བའི་བྱ་བ་#ལ་འདི་ལྟ་བུའི་ཚིག་
[58a]
[58a.1]རྣམས་ཞེས་བྱ་བ་འདིའི་དོན་ཡིན་ཏེ། ཚིག་ཉིད་ནི་འབུལ་བར་བྱེད་པ་ཞེས་བྱ་བ་འདི་ནི་ཡོད་པ་མ་ཡིན་ནོ། །ཚེ་དང་ལྡན་པ་དགོངས་སུ་གསོལ་ཞེས་བྱ་བ་ལ་སོགས་པ་གང་ཞིག་འདིར་འདོན་པ་དེ་ནི་མི་གཡེང་བ་ཉིད་སྦྱིན་དུ་བཅུག་པས་དགེ་སློང་གི་ཚིག་གིས་#འདོན་པ་
[58a.2]ཡིན་ནོ། །འདི་ནི་སྔགས་མ་ཡིན་ཏེ། གང་གི་ཕྱིར་འདིར་སྔགས་ཀྱི་དགོས་པ་མ་ཡིན་ཏེ། དོར་བ་ཙམ་ཉིད་ཀྱི་ཕྱིར་ཞེས་བྱ་བ་འདི་ནི་སོང་བ་ཙམ་དུ་ཟད་དོ། །སངས་རྒྱས་སམ། ཆོས་སམ་དགེ་འདུན་ནམ་ཞེས་བྱ་བ་ནི་དཀོན་མཆོག་འདུལ་བ་ལ་ཡང་དག་པར་བརྟགས་པའི་དོན་དུ་
[58a.3]འདི་ནི་འདི་ལྟ་བུ་མ་ཡིན་པ་དང་། འདི་ལྟ་བུ་ཅུང་ཟད་ཡོད་པ་མ་ཡིན་པ་དང་། འདི་ནི་འདི་ལྟ་བུ་ཡོད་དམ་འོན་ཏེ་མ་ཡིན་སྙམ་#པ་འདིས་བདག་ལ་རེ་ཞིག་དགོས་པ་མེད་ཅེས་བྱ་བ་རྟོགས་པ་གསུམ་མོ། །མདོ་སྡེའམ་འདུལ་བའམ་མ་མོའམ་ཞེས་བྱ་བ་ནི་དེ་བཞིན་དུ་སྡེ་སྣོད་འབུལ་བ་ལ། འདི་
[58a.4]ནི་གཏོང་བའི་ཆོ་ག་#ཡིན་པ་དང་། འདི་ལྟ་བུ་གཏོང་བའི་ཆོ་ག་ཡོད་པ་མ་ཡིན་པ་དང་། གཏོང་བའི་ཆོ་ག་འདི་ནི་ཡོད་དམ། འོན་ཏེ་མ་ཡིན་སྙམ་དུ་འདིས་བདག་ལ་རེ་ཞིག་དགོས་པ་མེད་ཅེས་བྱ་བ་ལ། དང་པོ་བདག་གི་འདོད་པ་བརྟགས་#པ་ནི། མེད་ན་བདེན་པར་བརྟེན་འདོད་ལ། །གཏོང་
[58a.5]བའི་ཆོ་ག་བདེན་པར་འདོད། །ཅེས་བྱ་བས་འབུལ་བར་བྱ་བ་མ་ཡིན་པ་#འབུལ་བ་ཉིད་དོ། །གཞན་ལ་བརྟེན་པའི་གཏོང་བའི་ཆོ་ག་འདི་ཡོད་དམ། དོན་གཞན་ལ་བརྟེན་པའི་གཏོང་བའི་ཆོ་ག་འདི་ཡོད་པ་མ་ཡིན་ཞེ་ན། འདུལ་བ་ཡོད་པ་མ་ཡིན་པ་དང་། འདི་ལྟ་བུ་ནི་ཅུང་ཟད་ཡོད་པ་མ་
[58a.6]ཡིན། འདི་ལྟ་བུར་ཡོད་དམ་འོན་ཏེ་མ་ཡིན་ཞེ་ན། དེའི་ཕྱིར་འདིས་རེ་ཞིག་བདག་ལ་དགོས་པ་མེད་དོ། །གཏོང་བའི་ཆོ་ག་འདི་ལྟ་བུ་ཡོད་པ་མ་ཡིན་པ་དང་། འདི་ནི་ཡོད་དམ་འོན་ཏེ་མ་ཡིན་ཞེ་ན། དེའི་ཕྱིར་རེ་ཞིག་འདིས་བདག་ལ་དགོས་པ་མེད་ཅེས་བྱ་བ་རྣམས་ཀྱིས་རྣམ་རྟོག་#མེད་པར་
[58a.7]འབུལ་བའོ། །འདི་ནི་སྡོམ་པའི་རྟེན་ཡིན་ཏེ། གང་ཞིག་གསུམ་པོ་འདི་དེ་བས་ན་འདི་འབུལ་བས་བསླབ་པ་འབུལ་བ་ལ་ཡིད་ཆེས་པའོ། །སློབ་དཔོན་ནམ་མཁན་པོ་འབུལ་ལོ་ཞེས་བྱ་བ་ནི་སྡོམ་པའི་མཚན་མར་འདི་འབྲེལ་པ་ཡིན་ཏེ། གང་ཞིག་སློབ་དཔོན་ཉིད་དང་མཁན་པོ་ཉིད་འདི་དག་
[58b]
[58b.1]འབུལ་བ་ལ་ཡིད་ཆེས་པའོ། །ཀློག་པའི་སློབ་དཔོན་ལ་ནི་ཆོ་ག་འདི་ཉིད་བདག་གིས་བརྗོད་པ་ཡིན་ཏེ། གང་ཞིག་པའི་དོན་དུ་དང་གཞན་འདི་ལྟ་བུ་ལ་སློབ་དཔོན་ཉིད་དེ་བདག་ལ་སླར་འདིའམ། གཞན་སློབ་དཔོན་འདི་ལྟ་བུ་གང་ལ་སྟེ་ཞེས་བྱ་བའི་ཆོ་ག་གཏོང་བའི་བརྟགས་#པས་འབུལ་ལོ། །
[58b.2]གནས་ཀྱི་སློབ་དཔོན་ལ་ཡང་དེ་ལྟ་བུ་ཉིད་དུ་གཏོང་བའི་ཆོ་གས་སོ། །གལ་ཏེ་མཁན་པོ་ཉིད་ལ་སླར་རྣམ་པར་བཅད་ནས་འབུལ་བ་ཉིད་བསྙེན་པར་རྫོགས་པའི་མཁན་པོ་ལ་འབུལ་བ་ཞེས་བྱ་བ་བསྙེན་པར་རྫོགས་པ་ལ་འབུལ་བ་རྣམ་པར་གཅད་#ནས་དགེ་ཚུལ་ཉིད་ལ་ཡང་ངོ་། །བདག་ཁྱིམ་པའམ་
[58b.3]ཞེས་བྱ་བ་ནི་ཁྱིམ་པ་ཉིད་དུ་དམ་བཅས་པ་ལ་རབ་ཏུ་བྱུང་བའི་སྡོམ་པ་ཡོད་པའི་དངོས་པོ་མེད་དེ་ཞེས་བྱ་བ་ནི་ཁྱིམ་པ་ཉིད་སོ་སོར་ཤེས་པ་ལ་བསླབ་པ་འབུལ་བ་ཉིད་གོ་བར་བྱེད་པའོ། །དགེ་ཚུལ་ལམ་ཞེས་བྱ་བ་ནི་བསྙེན་པར་རྫོགས་པ་ཉིད་དགེ་ཚུལ་ལ་བརྟེན་པ་ཞེས་བྱ་བ་ཡོད་པ་མ་
[58b.4]ཡིན་ཏེ་ཞེས་བྱ་བ་དགེ་ཚུལ་ལ་བརྟེན་པ་ཉིད་ཤེས་པ་ལ་བསྙེན་པར་རྫོགས་པ་འབུལ་བ་ལའོ། །ཟ་མའམ་མ་ནིང་ངམ་ཞེས་བྱ་བ་ནི་ཞིང་མ་ཡིན་པ་ལ་སྡོམ་པའི་དངོས་པོ་ཡོད་པ་མ་ཡིན་ནོ་ཞེས་བྱ་བ་ཟ་མའམ་མ་ནིང་ཉིད་དུ་དམ་བཅས་པ་ལ་སྡོམ་པ་ཐམས་ཅད་འབུལ་བ་ལའོ། །དགེ་
[58b.5]སློང་མ་སུན་ཕྱུང་བའམ་ཞེས་བྱ་བ་ནི་དགེ་སློང་མ་སུན་ཕྱུང་བ་ཉིད་ནི་ཞིང་མ་ཡིན་པ་ཉིད་ཀྱི་རྟོག་པས་གལ་ཏེ་དམ་བཅས་ན་དེ་ལྟ་བུ་ཉིད་འདི་ལ་གོ་བ་ཉིད་དེ་ཕམ་པ་ཉིད་ཀྱི་བསམ་པས་གལ་ཏེ་འཕོ་བ་ཉིད་འདིར་རབ་ཏུ་བྱུང་བའི་ཕྱིར་ཞེས་བྱ་བའི་བློ་གང་ཡིན་པ་དེའི་དབང་གིས་སོ། །རྐུ་ཐབས་
[58b.6]སུ་གནས་པའམ་ཞེས་བྱ་བ་ནི་དམ་བཅས་པ་ལ་ཞིང་མ་ཡིན་པ་ཉིད་ཀྱི་བསམ་པ་ཉིད་ལ་ཟ་མ་དང་མ་ནིང་ཉིད་དུ་དམ་བཅས་པ་བཞིན་གོ་བར་བྱེད་པ་ཉིད་མ་ཡིན་ནོ། །སྡོམ་པ་མ་བླངས་པའི་བསམ་པ་ཉིད་ལ་ཁྱིམ་ན་གནས་པ་དམ་བཅས་པ་བཞིན་དུའོ། །ཐ་དད་པར་གནས་པའམ་ཞེས་བྱ་
[58b.7]བ་ལ། ཐ་དད་པར་གནས་པ་ཞེས་བྱ་བ་ནི་དམ་བཅས་པ་ལ་སྨོན་#པའི་ཕྱོགས་ཀྱི་ནང་ན་གནས་པ་ཉིད་ཀྱི་བསམ་པ་ལ་འབུལ་བ་ལ་གོ་བར་བྱེད་པ་ཉིད་ནི་ཡོད་པ་མ་ཡིན་པ་སྟེ། རབ་ཏུ་བྱུང་བ་ཀུན་ལས་འདི་ཐ་དད་པ་ཉིད་ཅེས་བྱ་བ་མངོན་པར་འདོད་པ་ལ་ཁྱིམ་པ་ཉིད་དུ་དམ་བཅས་པ་བཞིན་དུའོ། །བསྙེན་
[59a]
[59a.1]པར་རྫོགས་པ་ཐམས་ཅད་ལས་འདི་ཐ་དད་པ་གནས་པ་ཞེས་བྱ་བ་འདི་དགེ་ཚུལ་ཉིད་དུ་དམ་བཅས་པ་བཞིན་དུའོ། །གནས་པར་མི་བྱ་བའམ་ཞེས་བྱ་བ་ལ། གནས་པར་མི་བྱ་བ་ནི་དམ་བཅས་པ་འདི་ཕམ་པ་ཉིད་དེ་ཞེས་བྱ་བ་ཕྱོགས་འདི་ལ་དགེ་སློང་མ་སུན་འབྱིན་
[59a.2]པར་བྱེད་པ་ལ་དམ་བཅས་པ་བཞིན་དུའོ། །མུ་སྟེགས་ཅན་ཞེས་བྱ་བ་ལ། མུ་སྟེགས་ཅན་ནི་ཞིང་མ་ཡིན་པ་ཉིད་ཀྱིས་བསམ་པ་ཉིད་ལ་མུ་སྟེགས་ཅན་ཞུགས་པ་ལ་རིགས་པ་ཡིན་ཏེ། དེ་ལ་ཟ་མ་དང་མ་ནིང་ཉིད་དུ་དམ་བཅས་པ་བཞིན་དུའོ། །དགེ་འདུན་གྱི་དབྱེན་བྱས་པའམ། དེ་
[59a.3]བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བར་གཟུང་དུ་གསོལ་ཞེས་བྱ་བ་ལ། དགེ་འདུན་གྱི་དབྱེན་བྱས་པ་དང་ངན་སེམས་ཀྱིས་ཁྲག་ཕྱུང་བ་ཞེས་བྱ་བ་ནི་འདི་ཉིད་རིགས་པ་ཡིན་ཏེ། དེ་དག་ལ་ཡང་དེ་བཞིན་དུའོ། །མཚམས་མེད་པ་ལྷག་མ་རྣམས་བྱེད་པ་ལ་ཞིང་མ་ཡིན་པ་
[59a.4]ཉིད་ཀྱིས་བསམ་པ་ལ་ཡང་སྦྱར་བ་དང་ཕམ་པ་ཉིད་ནི་བསམ་པ་ཡང་སྦྱར་བའོ། །ཞིང་མ་ཡིན་པ་ཉིད་དུ་རྟོགས་པ་ལ་འདི་རྣམས་ཀྱང་དམ་བཅས་པ་ལ་དེ་ལྟ་བུ་ཉིད་དུ་ཕམ་པར་འགྱུར་བའི་བསམ་པ་ཅན་ལ་གནས་པར་མི་བྱ་བ་ཉིད་དུ་དམ་བཅས་པ་བཞིན་དུའོ། །བདག་ལ་ཆོག་གོ་ཞེས་བྱ་བ་ནི་ཐ་
[59a.5]དད་པའི་དངོས་པོའི་ཚིག་ནི་འདི་ལ་ཐ་དད་པར་གནས་པ་ཉིད་དུ་དམ་བཅས་པ་བཞིན་དུའོ། །འབུལ་བའི་ཆོ་གའོ།། །།སོ་སོར་བཤགས་པར་བྱ་བའི་མཐའ་ཅན་གྱི་ལྟུང་བ་རྣམས་ནི་མདོ་འདི་རྣམས་ལ་མ་བརྗོད་པ་ལྟུང་བ་རྒྱས་པར་བཤད་པ་སོ་སོར་ཐར་པའི་མདོ་ལ་གནས་
[59a.6]པ་ལ་ལྟོས་ནས་ལྟུང་བ་འདི་གང་ཡིན་ཞེས་བྱ་བའི་མཚན་ཉིད་སྟོན་པར་རིག་པར་བྱ་སྟེ། དེ་ལ་མི་ཚངས་པར་སྤྱོད་པའི་ཕམ་པར་གྱུར་པ་གང་ཞེ་ན། དེའི་ཕྱིར་བཅུག་རེག་ཉམས་སུ་མྱོང་བར་བྱས་ནའོ་ཞེས་བྱ་བ་སྨོས་ཏེ། བཅུག་པའི་རེག་པ་ཉམས་སུ་མྱོང་བར་བྱས་ན་ཞེས་བྱ་བའི་དོན་ཏོ། །
[59a.7]བཅུག་པ་#དང་འབྲེལ་བ་དང་ཡང་ཚིག་གིས་ནི་བཅུག་པ་མེད་པར་ལྟུང་བ་སྐྱེད་#པ་མ་ཡིན་ཞེས་བྱ་བར་རིག་པར་བྱའོ། །གང་དུ་བཅུག་པ་འདི་དེ་ལ་བཅུག་པའི་ཆ་དང་ཡང་དག་པར་ལྡན་པའི་ཕྱོགས་ཀྱིས་རེག་པ་གང་ཞིག་དེ་ལ་ཉམས་སུ་མྱོང་བར་བྱས་པ་ལ་དགེ་སློང་མ་ཕམ་པར་བྱེད་#པ་ལ་མཚན་
[59b]
[59b.1]ཉིད་འདིའོ། །དགེ་སློང་མ་#བརྟེན་པ་ཉིད་ཀྱིས་ཉེ་བར་མཁོ་#བ་ལ་རེག་པར་བྱ་བ་ལ་རེག་པ་གཅིག་གང་ཞིག་དེ་དང་ཡང་དག་པར་ལྡན་པས་འདི་བརྗོད་པས་ཉམས་སུ་མྱོང་བར་བྱས་ན་ཞེས་བྱ་བའི་ཚུལ་རྟོགས་པར་བྱའོ། །འདིར་ཡང་སྙོམས་པར་འཇུག་པ་གཉིས་ལས་སྒྲ་གཅིག་ལ་འཇུག་པ་
[59b.2]ཡང་དག་པར་འབྱུང་བ་ཡོད་པ་ཡིན་ཏེ། དེ་བས་ན་མདོ་འདི་ལ་ཡང་བལྟབས་#པར་རྟོགས་པར་བྱའོ། །ཅི་ཞིག་བཅུག་པ་ཞེ་ན། དེའི་ཕྱིར། ཟག་བྱེད་དོ་ཞེས་སྨོས་ཏེ། སྐྱེས་པ་ཞེས་བྱ་བ་ཤུགས་ཀྱིས་རྟོགས་པར་བྱའོ། །འདོད་ཆགས་དང་བྲལ་བ་རྗེས་སུ་མཐུན་པ་ཉིད་ཀྱི་ཕྱིར་སྒྲ་འདིས་
[59b.3]གང་དུ་བསྟན་ཞེ་ན། དེའི་ཕྱིར་དེར་རོ་ཞེས་བྱ་བ་སྨོས་ཏེ། ཟག་བྱེད་ལ་ཞེས་བྱ་བའི་དོན་ཏོ། །འདིར་ཟག་བྱེད་ནི་མོའི་དབང་པོའོ། །དེ་ཇི་ལྟ་བུ་ལས་ཤེ་ན། དེའི་ཕྱིར་མ་ཉམས་པར་རོ་ཞེས་བྱ་བ་སྨོས་ཏེ། མིའི་བུད་མེད་གསོན་པ་མ་ཉམས་པ་ལའོ་ཞེས་བྱ་བས་མ་ལུས་པ་ལ་བརྟེན་པ་ལ་འདིར་
[59b.4]རབ་ཏུ་སྦྱར་རོ། །དེར་དགོས་པ་མེད་པར་མོའི་དབང་པོ་དང་ཁའི་ནང་དུ་#བརྩེགས་པ་ལ་བརྟེན་པའི་ཉམས་པ་ཉིད་ལས་དོན་གཞན་ལ་ཉམས་པ་ཉིད་ཅེས་བྱ་བར་རྣམ་པར་ཤེས་ནས་མོའི་དབང་པོ་དང་ཁའི་རྟེན་ཉེ་བར་བརྟགས་པ་ནི་ཁའམ་བཤང་བའི་ལམ་དུའོ་ཞེས་བྱ་བ་སྟེ། ཁྱད་པར་ཡོངས་
[59b.5]སུ་མ་བཟུང་བ་ཐམས་ཅད་དུ་རང་གི་དང་གཞན་གྱི་དང་མོའི་དང་དུད་འགྲོའི་སྐྱེ་གནས་ལ་སོགས་པ་དང་འབྲེལ་བའི་བུད་མེད་ཀྱི་ཚོགས་ལ་དང་སྐྱེས་པའི་དང་མ་ནིང་ན་ཡང་མ་ཉམས་པ་ཞེས་བྱ་བ་འཇུག་པ་ཡིན་ནོ། །ཉམས་པ་དག་ལ་ནི་སྦོམ་པོར་རོ་#ཞེས་བྱ་བ་ནི་ཁ་དང་བཤང་བའི་ལམ་དང་#མོའི་
[59b.6]དབང་པོ་ཉམས་པ་དག་ཏུ་བཅུག་པ་ལ་ནི་ཁ་ན་མ་ཐོ་བ་སྦོམ་པོར་འགྱུར་#ཞེས་བྱ་བའི་དོན་ཏོ། །མི་རུང་བ་ཉིད་ནི་ན་སྨད་དོ་ཞེས་བྱ་བ་ནི་ཡན་ལག་ཐམས་ཅད་ལ་རུང་བ་ཉིད་དེ་གཟུང་བ་དང་འགྲོ་བ་དང་བསྟེན་པ་ལ་རུང་བ་ཉིད་ཅེས་བྱ་བ་ངེས་པ་རྣམས་ལ་འཆད་པར་འགྱུར་བའོ། །བགྲོད་པར་བྱ་
[59b.7]བ་ཕོ་དང་མོ་དང་མ་ནིང་ནི་མི་རུང་བ་ཉིད་ལ་ན་སྨད་པ་སྟེ། རུང་བ་ཉིད་གང་ལ་རྩ་བ་དང་དེར་འདི་ལ་སྦོམ་པོའོ། །གང་དུ་སྦོམ་པོ་དེར་ཉེས་བྱས་ཏེ། གང་དུ་ཉེས་བྱས་དེར་ཕྲ་མོ་ཞེས་བྱ་བའི་དོན་ཏོ། །མི་མ་ཡིན་པའི་འགྲོ་བ་ཉིད་དང་སྐྱེས་པ་ཉིད་དང་མ་ནིང་ཉིད་དང་སྟེན་#པར་བྱེད་པ་དང་། བསྟེན་
[60a]
[60a.1]པར་བྱ་བ་གཡོགས་མ་ཅན་དང་རོ་ཉིད་དག་ལ་ན་སྨད་པ་མེད་དོ། །མ་ཚོར་བ་དང་རང་བཞིན་ཉམས་པའི་གནས་སྐབས་དང་མི་འདོད་བཞིན་དུ་བཅུག་པ་ཉིད་ནའོ། །རང་གིས་#བསྟེན་པར་བྱ་བར་རོ། །སྔར་ཕྱི་རོལ་དུ་དྲུག་#པ་ཉིད་ལའོ། །ནང་དུ་མི་དབོ་བར་ཕྱི་རོལ་ཉིད་དུའོ་
[60a.2]ཞེས་བྱ་བ་ལ། ན་སྨད་པ་མེད་དོ་ཞེས་བྱ་བ་ནི་མེད་པའི་དོན་མི་ཟད་པའི་དངོས་པོ་བསྡུ་བ་འདི་ཡིན་ནོ། །མི་མ་ཡིན་པའི་འགྲོ་བ་པ་ཉིད་ལ་བགྲོད་པར་བྱ་བ་དང་། སྐྱེས་པ་ཉིད་ལ་སྐྱེས་པའི་དངོས་པོ་སྐྱེད་#པ་ཉིད་ལ་ཞེས་བྱ་བའི་དོན་ཏོ། །མ་ནིང་ཉིད་ལ་བགྲོད་པར་བྱ་བ་དང་། སྟེན་#པར་བྱེད་པ་
[60a.3]ཕོའི་དབང་པོའོ། །བསྟེན་པར་བྱ་བ་མོའི་དབང་པོ་དང་། ཁ་དང་བཤང་བའི་ལམ་རྣམས་ལའོ། །གཡོགས་མ་#ཅན་ཉིད་ལ་ཞེས་བྱ་བ་ནི་གཡོགས་པ་ཉིད་ལའོ། །རོ་ཉིད་དག་ལ་ཞེས་བྱ་བ་ནི་བགྲོད་པར་བྱ་བ་ལའོ#། །མ་ཚོར་བ་དང་ཞེས་བྱ་བ་ནི་གཉིད་ལོག་པ་ལ་སོགས་པ་ལ་བཅུག་པ་ཉིད་ལའོ། །
[60a.4]རང་བཞིན་ཉམས་པའི་གནས་སྐབས་དང་མི་འདོད་བཞིན་དུ་བཅུག་པ་ཉིད་ནའོ་ཞེས་བྱ་བའི་ཡུལ་གྱི་བདག་གི་བ་མེད་པ་ཉིད་ལའོ། །སྔར་ཕྱི་རོལ་དུ་དྲུད་པ་ཉིད་ལའོ་ཞེས་བྱ་བ་ནི་ཁ་དང་བཤང་བའི་ལམ་དག་ལ་ཕྱི་རོལ་ཏུ་དྲུད་པ་སྔོན་དུ་འགྲོ་བ་ཉིད་ཀྱིས་བཅུག་པ་ཉིད་ནའོ། །ནང་དུ་མི་དབོ་བར་ཕྱི་རོལ་ཉིད་
[60a.5]དུའོ་ཞེས་བྱ་བ་ལ། ན་སྨད་པ་མེད་དོ་ཞེས་བྱ་བའི་དོན་ཏོ། །མི་མོ་ལ་རོ་གང་གིས་དེ་ཉིད་དུ་མི་ལ་ཕམ་པར་རིག་པ་#ཞེས་བྱ་བ་ལ་སོགས་པ་དོགས་པ་ལ་དེ་བཟློག་པའི་དོན་དུ་ཚིག་འདིའོ། །རོ་གཞན་མ་རྣམས་ནི་འདི་ཡིན་ཏེ། འདི་རྣམས་ཀྱི་ཕྱི་རོལ་གྱི་ངོ་བོ་འདི་#ཙམ་སྟེ། འདིར་བསྟན་#པ་ལམ་
[60a.6]རྫོགས་པ་ཉིད་#དེ། དེ་བས་ན་འདིར་ན་སྨད་པ་མེད་པར་ཤེས་པར་བྱའོ། །མ་བསྲུངས་པར་ཉིན་མོ་གློས་#ཕབ་སྟེ་གཉིད་ལོག་པར་མི་བྱའོ་ཞེས་བྱ་བ་ལ། གང་གིས་འདི་#བསྲུངས་པའི་སྒྲར་བརྗོད་དོ། །བསྲུངས་པ་དེ་ཇི་ལྟ་བུ་ཞིག་ཅེ་ན། དེའི་ཕྱིར་བསྲུངས་པ་ནི་གསུམ་སྟེ། སྒོ་བཅད་
[60a.7]ཅིང་ཀུན་ནས་བསྐོར་བ་ན་གནས་པ་ཉིད་ཅེས་བྱ་བ་སྨོས་ཏེ། སྒོ་བཅད་ཅིང་ཀུན་ནས་བསྐོར་བ་ན་ཐམས་ཅད་ནས་ཀུན་དུ་བསྐོར་བའི་གནས་ལ་གནས་པ་ན་སྒོ་བཅད་ཅིང་ཀུན་ནས་བསྐོར་བ་ན་གནས་པའོ། །དེའི་དངོས་པོ་ནི་དེ་ཉིད་དེ་ཀུན་ནས་བསྲུངས་པ་#ཉིད་དོ། །སུས་ཤེ་ན། དེའི་ཕྱིར་དགེ་སློང་
[60b]
[60b.1]གིས་ཀུན་ནས་བསྲུངས་པ་ཉིད་དང་། ཤམ་ཐབས་ཀྱི་མཐའ་བཅིངས་པ་ཉིད་དོ་ཞེས་བྱ་བ་སྨོས་སོ། །མི་ཚངས་པར་སྤྱོད་པའི་ཕམ་པར་འགྱུར་བ་རྣམ་པར་འབྱེད་པ་སྟེ་ཕམ་པ་དང་པོའི་རྣམ་པར་འབྱེད་པ་རྫོགས་སོ།། །།གང་དུ་བུད་མེད་ཀྱིས་བརྗོད་#པ་དེར་འགྲོ་བར་མི་བྱའོ། །
[60b.2]གང་དུ་མི་མ་ཡིན་པས་གནོད་པའི་ཕྱིར་བརྩལ་བ་དེར་གནས་པར་མི་བྱའོ། །འདོད་ཆགས་ཤས་ཆེ་བས་འཛག་སྣོད་བཅང་བར་བྱའོ་ཞེས་བྱ་བ་ལ། འཛག་སྣོད་ཅེས་བྱ་བ་རགས་#པ་འདིའི་དོན་དུ་འདི་ཞེས་བྱ་བ་ཁུ་བ་འཛག་པར་གྱུར་ན་འདི་མངོན་པར་གནང་བ་སྟེ། རྫས་ཅི་ཞིག་ལས་བྱ་ཞེ་ན། དེའི་
[60b.3]ཕྱིར་རའམ་རི་དགས་སམ་བྱི་བའི་པགས་པ་ལས་སོ་ཞེས་བྱ་བ་སྨོས་སོ། །པགས་པ་འདི་རྣམས་ནི་དཔེ་ཡིན་ཏེ། སྤང་བར་བྱ་བ་མ་ཡིན་པ་ལ་འཇིག་རྟེན་པ་རྣམས་ཀྱིས་མི་བྱེད་ཅིང་སེང་གེའི་པགས་པ་བཞིན་དུ་ཉེས་དམིགས་སོ། །ཅིའི་པགས་པ་ལས་བྱ་ཞེ་ན། དེའི་ཕྱིར་བྱི་བ་#དང་ལུག་ལྤགས་
[60b.4]ལ་སོགས་པ་ཡང་འདིས་འཕངས་པའོ། །དྲི་མི་ང་བར་བྱ་བའི་ཕྱིར་སྐབས་སུ་བཀྲུ་བའམ་བསྐམ་པར་བྱའོ་ཞེས་བྱ་བ་ནི་དྲི་མི་ང་བར་བྱ་བའི་དོན་དུ་ཞེས་བྱ་བའོ། །དེའི་དུས་ཀྱི་ཆེད་དུ་གཞན་བྱའོ་ཞེས་བྱ་བ་ནི་འཛག་སྣོད་བཅང་བར་བྱའོ་ཞེས་བྱ་བ་དང་རྗེས་སུ་འབྲེལ་ལོ། །དེའི་དུས་ཀྱི་ཆེད་དུ་ཞེས་བྱ་
[60b.5]བ་ནི་བཀྲུ་བ་དང་བསྐམ་པའི་དུས་ཀྱི་དོན་དུ་སྟེ། འཛག་སྣོད་གཉིས་པ་བཅང་བར་བྱ་ཞེས་བྱ་བའི་དོན་ཏོ། །ཁུ་བ་ཧ་ཅང་མང་བས་ལྡར་བར་#གྱུར་ན་ཕྲུ་བླུགས་སོ་ཞེས་སྨོས་ན་ཕྲུ་ཅི་འདྲ་བ་བླུགས་པར་བྱ་ཞེ་ན། དེའི་ཕྱིར་བྱེ་མའམ་སའིའོ་ཞེས་བྱ་བ་སྨོས་སོ། །ཟན་ཟ་བ་དང་མཆོད་རྟེན་ལ་ཕྱག་
[60b.6]འཚལ་བའི་ཚེ་ཕོག་ལ་བཀྲུས་ཏེའོ་ཞེས་བྱ་བ་ལ། ཕོག་ལ་ཞེས་བྱ་བ་ནི་འཛག་སྣོད་དེ་དབང་པོ་ལས་བསལ་བར་བྱ་སྟེ་ཞེས་བྱ་བའི་དོན་ཏོ། །དེ་ནས་ཅི་ཞིག་བྱ་ཞེ་ན། དེའི་ཕྱིར་བཀྲུས་ཏེ་ཟན་ཟ་བ་དང་མཆོད་རྟེན་ལ་ཕྱག་འཚལ་བ་ཞེས་བྱ་བ་སྨོས་ཏེ་བྱའོ་ཞེས་བྱ་བ་ནི་ལྷག་མའོ། །མི་ཚངས་པར་
[60b.7]སྤྱོད་པའི་ཕམ་པར་འགྱུར་བ་ལས་ཕྲན་ཚེགས་ཀྱི་སྐབས་རྫོགས་སོ།། །།རྨའི་སྒོ་གསུམ་རྣམས་ལས་ཕྱོགས་གང་ཕམ་པར་བྱེད་པ་ཉིད་ལ་དང་པོ་ཡིན་ཞེ་ན། དེའི་ཕྱིར་ཁའི་དང་པོ་ནི་སོ་ཕན་ཆད་དོ་ཞེས་བྱ་བ་སྨོས་ཏེ། སོའི་ནང་ལོགས་ཀྱི་ངོས་ཀྱི་སོའི་མཐར་ཐུག་པ་སྟེ་དེ་ཕན་ཆད་ནི་ཁའི་
[61a]
[61a.1]དང་པོའོ། །བཤང་བའི་ལམ་གྱི་ནི་བུ་གའི་སྦུབས་ཀྱི་མཐའ་ཡན་ཆད་དོ་ཞེས་བྱ་བ་ནི་བུ་གར་གྱུར་པའི་སྦུབས་ཡིན་པས་བུ་གའི་སྦུབས་ཏེ་གཙང་མའི་རྩ་སྟེ་དེ་ལའོ། །དེ་ནས་བརྩམས་ཏེ་བཤང་བའི་ལམ་གྱི་དང་པོའོ། །གང་ནས་བརྩམས་ཏེ་བྱ་ཞིང་གནོད་པ་དང་བཅས་
[61a.2]པའི་ནད་#ཡོད་པ་གང་ནས་འབྱུང་ཞིང་རྨའི་སྒོའི་མིག་དང་འདྲ་བ་སླར་དགའ་བས་འཇུག་པར་བྱ་བ་མ་ཡིན་པ་ཡོད་པ་དེ་ནི་མཐའ་མ་ཞེས་བྱ་བའི་དོན་ཏོ། །ཟག་བྱེད་ཀྱི་ནི་པགས་རིམ་ཡན་ཆད་དོ་ཞེས་བྱ་བ་ནི་ཕྱི་རོལ་དུ་གྲངས་གཅིག་པ་གཉིས་ཀའི་རིམ་པ་སྟེ། དེ་ལས་གཞན་ནི་པགས་རིམ་ཡན་
[61a.3]ཆད་ཤའི་རྣམ་པའི་དང་པོར་གྱུར་པ་རྡུལ་ཕྲ་རབ་ཀྱི་མཚམས་ལ་ཐུག་པ་ནི་དང་པོ་སྟེ། དེ་ལས་གཞན་པ་ནི་ཟག་བྱེད་ཀྱི་དང་#ཞེས་བྱ་བའི་དོན་ཏོ། །དེར་ནོར་བུ་བཅུག་པ་ཉིད་ནི་དེའི་མཐའོ་ཞེས་བྱ་བ་ལ། དེའི་ཞེས་བྱ་བ་ནི་ཟག་བྱེད་ཀྱིའོ། །ནོར་བུའི་གང་ཞིག་བཅུག་པ་ཉིད་ནི་དེའི་མཐའ་
[61a.4]སྟེ་བཅུག་པའི་མཐའ་མའོ། །ཐམས་ཅད་ལས་ཆུང་བ་བཅུག་པ་ཉིད་དེ་ནོར་བུ་རིལ་གྱིས་མ་འདས་མོད་ཀྱི། འོན་ཀྱང་གང་གིས་བཅུག་པའི་རེག་པ་ཉམས་སུ་མྱོང་བར་བྱས་པ་ཞེས་བྱ་བ་དེས་བཅུག་པ་བསྟན་པ་ཞེས་བྱ་བའི་དོན་ཏོ། །འདིར་གཞུང་ནི། སོ་དག་ལས་ནོར་བུ་འདའ་བར་བྱེད་པ་
[61a.5]དང་། བུ་གུའི་སྦུབས་ལས་ནོར་བུ་འདའ་བར་བྱེད་པ་དང་། པགས་པ་ལས་ནོར་བུ་འདའ་བར་བྱེད་པ་ཞེས་གསུངས་པ་ཡིན་ནོ། །སོ་དག་ཅེས་#བྱ་བ་འདི་ནི་སོ་རྣམས་ལས་ཞེས་བྱ་བ་འདི་ལ་ཟུར་ཆག་པའི་སྒྲ་ཞེས་བྱ་བར་རིགས་པ་ཡིན་ནོ། །རྣམ་པར་འབྱེད་པའི་མདོ་ལས། གང་
[61a.6]ཞིག་རྨའི་སྒོ་ཉིད་རྣམས་ལ་ཉམས་པ་ཉིད་སྨྲས་པ་དེའི་མཚན་ཉིད་བརྗོད་པར་བྱ་སྟེ། ཕྱོགས་ཀྱི་དང་པོ་ཅུང་ཟད་ཟིན་པ་ཉིད་དང་སུངས་པ་ཉིད་དང་#རུལ་བ་ཉིད་དང་མྱགས་པ་ཉིད་དང་སྲོག་ཆགས་དག་གིས་ཟོས་པ་ཉིད་ལྟ་བུ་#ཉམས་པ་ཉིད་དོ་ཞེས་བྱ་བ་ལ། གང་གི་རྨའི་སྒོ་རྣམས་མ་ཟིན་
[61a.7]པའམ་ཟིན་པར་གྱུར་པ་རྣམས་ཀྱང་རུལ་བ་དང་སུངས་པ་ཞེས་བྱ་བ་འདི་གཞུང་འདི་ལ་ཕྱོགས་འདི་ནི་མ་བརྟེན་ཞེས་བྱ་བའི་དོན་ཏོ། །ཕྱོགས་ཀྱི་དང་པོ་ཞེས་བྱ་བ་འདི་སྨོས་པ་ཡིན་ནོ། །གཞུང་གཞན་ལས་ཅུང་ཟད་ཟིན་ཏམ། སྐྲངས་པ་ཉིད་དམ། རུལ་བ་ཉིད་དམ། སྲོག་ཆགས་དག་
[61b]
[61b.1]གིས་ཟོས་པ་ཉིད་དམ་ཞེས་གསུངས་པ་སྟེ། དེ་ལ་འདིར་སྐྲངས་པ་དང་སྲོག་ཆགས་རྣམས་ཀྱིས་ཟིན་པའི་ཚིག་བྱས་པ་ཡིན་ནོ། །འདིར་ཅུང་ཟད་ཟིན་པས་ནི་མ་ཟིན་པ་ཤེས་པར་བྱའོ། །ལྷག་མ་ནི་གོ་སླ་བ་ཉིད་ཀྱི་ཕྱིར་རྒྱས་པར་མ་བཤད་དོ། །རྨའི་སྒོ་ལ་བརྟེན་པའི་ཕྱོགས་འདི་བཟུང་བ་
[61b.2]ཡིན་གྱི་གཞན་གྱི་ལུས་ལ་བརྟེན་པ་ལ་ནི་མ་ཡིན་ནོ། བགྲོད་#པར་བྱ་བ་ཕྱེད་བཅད་པ་ཉིད་ལ་ཡང་ན་སྨད་པ་མེད་དོ་ཞེས་བྱ་བ་ནི་འདིར་བགྲོད་པར་བྱ་བའི་ཚིག་གིས་གནས་མ་ལུས་པ་བཟུང་བ་སྟེ། རྨའི་སྒོ་ཙམ་ལ་ནི་མ་ཡིན་ནོ། །མི་ཚངས་པར་སྤྱོད་པའི་ཕྱིར་ཉེ་བར་སོང་བའི་བགྲོད་#པར་བྱ་བ་
[61b.3]ཕོ་དང་མོ་དང་མ་ནིང་ཕྱེད་བཅད་པ་ཉིད་ལ་དང་པོ་ཡོངས་སུ་རྫོགས་པ་ཉིད་ཅེས་བྱ་བའི་དོན་ཏོ། །འདིར་གཞུང་ནི། བཙུན་པ་རེ་ཞིག་དགེ་སློང་གིས་བུད་མེད་ལུས་ཕྱེད་དུ་བཀུམ་ལ་རྨའི་སྒོ་གསུམ་པོ་རྣམས་ལ་རྨའི་སྒོ་གཞན་དང་གཞན་གང་ཡང་རུང་བ་ཞིག་མ་ཉམས་པ་དེར་མི་ཚངས་པར་སྤྱོད་
[61b.4]པ་སོ་སོར་བསྟེན་ན་མཐར་འགྱུར་#རམ་ཞེས་གསུངས་པ་དེ་ནི་འདིར་བསྡུས་པ་ཡིན་ནོ། །ཡང་གི་སྒྲ་ནི་ན་སྨད་པ་ཉིད་མེད་པ་#ཞེས་བྱ་བ་རྗེས་སུ་འཇུག་པའི་དོན་དུའོ། །བསྟེན་པར་བྱ་བའི་དབུས་ཕྱེ་བའི་#མཚམས་སྦྱར་བ་མི་མངོན་པ་ལ་ཡང་ངོ་། །མངོན་པ་ལ་ནི་ཚིག་#འོག་མར་རོ་ཞེས་བྱ་བ་ནི་
[61b.5]མངོན་པའི་རྗེས་སུ་མཚམས་ཐམས་ཅད་མངོན་པ་ལ་དེ་མ་ཐག་པའི་རིམ་པ་ཞེས་བྱ་བའོ། །གང་དུ་མཚམས་མངོན་པ་ལ་དེར་རྩ་བ་ནི་འདིར་སྦོམ་པོའོ། །གང་དུ་སྦོམ་པོ་དེ་ལ་ནི་འདིར་ཉེས་བྱས་སོ། །གང་དུ་ཉེས་བྱས་དེ་ལ་ནི་འདིར་ཕྲ་མོར་འགྱུར་ཞེས་བྱ་བའི་དོན་ཏོ། །སྦོམ་པོའི་དབང་དུ་བྱས་
[61b.6]པ་ནི་ཕག་ལ་སོགས་པ་བཙོས་པ་སྤུ་མེད་པ་དག་ལའོ་ཞེས་བྱ་བ་ནི་དབང་དུ་བྱས་པ་བསྟན་པའི་ཕྱིར་དང་པོར་སྦོམ་པོའི་དབང་དུ་བྱས་པ་ནི་ཞེས་བྱ་བའི་ཚིག་སྨོས་སོ། །དེ་ལས་གཞན་བརྗོད་པར་བྱ་ཞེས་བྱ་བ་ནི་དེ་ལས་སྔ་རོལ་དུ་སྦོམ་པོའི་དབང་དུ་བྱས་པ་ཞེས་བྱ་བ་འདི་དང་འབྲེལ་ཏོ། །འདིར་
[61b.7]ལོག་པར་རྟོག་པ་ལ་སྦོམ་པོ་ནི་གཉེན་པོ་ཀུན་ཏུ་སྤྱོད་པ་གཞན་ཡང་མ་ཡིན་ཏེ། འདིའི་རྗེས་སུ་འབྲང་#ནས་ཉེས་བྱས་དང་གཞན་ལ་ནི་ཉམས་པ་ཉིད་དོ། །རྨའི་སྒོ་རྣམས་ལ་གང་ཞིག་བཅོས་མ་ཉིད་འདི་ནི་དེ་བས་ན་སྨད་པའོ། །སྤུ་མེད་པའི་ཚིག་ནི་འདིར་མིའི་པགས་པ་ཉིད་དང་འདྲ་བའི་ཕྱིར་སྤུ་མེད་པ་
[62a]
[62a.1]ཉིད་ལ་ན་#སྨད་པ་མེད་དོ་ཞེས་བྱ་བའི་ཀུན་ཏུ་རྟོག་#པ་བཟློག་པའི་དོན་དུ་སྟེ། སྤུ་དང་བཅས་པ་ཉིད་ལ་ན་སྨད་པ་མེད་པ་བསྟན་པའི་ཕྱིར་ནི་མ་ཡིན་ནོ། །འདིར་སོགས་པའི་སྒྲ་ནི་རབ་ཏུ་དབྱེ་བ་ཉེ་བར་བསྡུ་བའི་དོན་དུའོ། །དེ་བས་ན་སྤུ་དང་བཅས་པའི་དུད་འགྲོ་རྣམས་ལ་
[62a.2]འདིས་འཕངས་པར་རིག་པར་བྱའོ། །འདིར་གཞུང་ནི། དེ་ལྟར་དུད་འགྲོའི་སྐྱེས་#གནས་སུ་སྐྱེས་པ་ཐམས་ཅད་ལ་གཏོགས་པར་བྱའོ་ཞེས་གསུངས་པ་ཡིན་ནོ། །མགོ་བཅད་པའི་ཁར་རོ་ཞེས་བྱ་བ་ནི་འདིར་གཅིག་པུ་དེ་ལ་སྦོམ་པོའི་དབང་དུ་བྱས་པ་ཉིད་དོ། །ཟག་བྱེད་དང་བཤང་བའི་ལམ་
[62a.3]དག་ལ་ནི་ཕམ་པ་ཉིད་དུ་བྱེད་པ་ཉིད་དོ། །ཁྱད་པར་མེད་པར་བརྗོད་པའི་ཕྱིར་ཁ་དང་འབྲེལ་པ་ཐམས་ཅད་ལའོ། །བསྟེན་པར་བྱ་བ་དང་། སྟེན་པར་བྱེད་པ་ལུས་#ཐ་དད་པར་བྱས་པ་གཉིས་ཀྱིའོ་ཞེས་བྱ་བ་ནི་ཁ་དང་བཤང་བའི་ལམ་དང་གཞན་དག་དང་མོའི་དབང་པོ་བསྟེན་#པ་དང་བཅས་པ་ལ་
[62a.4]སོགས་པ་ལུས་ལས་ཐ་དད་པར་བྱས་པའི་ཕོའི་དབང་པོ་དང་ཡང་དག་པར་སྦྱོར་བ་ལ་རང་གི་ཕོའི་དབང་པོ་དང་རང་གི་ཁའི་ལམ་དང་བཤང་བའི་ལམ་དུ་དགེ་སློང་མ་ལ་མོའི་དབང་པོས་ཀྱང་རང་གི་ཡང་དག་པར་སྦྱོར་བ་ལ་སྦོམ་པོའི་དབང་དུ་བྱས་པ་ཉིད་ཅེས་བྱ་བའི་དོན་ཏོ། །གཞན་པ་གཉིས་
[62a.5]ཀྱང་གཞན་གྱི་གཉིས་དང་གཞན་དུ་སྦྱོར་བར་བྱེད་ནའོ་ཞེས་བྱ་བ་ནི་ལུས་ལས་ཐ་དད་པར་མ་གྱུར་པ་ལ་ཡང་གཞན་གྱི་བསྟེན་པར་བྱ་བ་དང་སྟེན་པར་བྱེད་པ་དང་ཕོ་དང་མོ་དང་མ་ནིང་དང་གཞན་ལ་ཅི་རིགས་པར་བསྟེན་པར་བྱ་བ་སྟེན་པར་བྱེད་པ་ལ་ཡང་དག་པར་སྦྱོར་བ་ལ་སྦོམ་པོའི་དབང་དུ་བྱས་པ་ཉིད་
[62a.6]དོ། །དེ་བཞིན་དུ་གཞན་དུ་ཡང་གསུངས་ཏེ། བུད་མེད་ཀྱི་ཚོགས་ལ་བཅད་ནས་འཇུག་པར་བྱེད་ན་ཅི་ཞིག་ཐོབ་པར་འགྱུར་ཞེ་ན། དེའི་ཕྱིར་སྦོམ་པོའི་ལྟུང་བ་ཞེས་བྱ་བ་སྨོས་སོ། །གཅིག་ལས་གསུངས་པ་བུད་མེད་ཀྱི་ཚོགས་ལ་རྩོལ་བར་བྱེད་ན་ལྟུང་བ་ཅིར་འགྱུར་ཞེ་ན། དེའི་ཕྱིར་
[62a.7]གཞན་གྱི་ཡན་ལག་གི་རྣམ་པ་གཞན་གྱི་ཟག་བྱེད་དུ་རྩོལ་བར་བྱེད་ནའོ་ཞེས་བྱ་བ་སྨོས་ཏེ། སྦོམ་པོའི་ལྟུང་བ་ཞེས་བྱ་བའོ། །གཞན་དུ་ཡང་དགེ་སློང་འགའ་ཞིག་ཡོད་དེ་ཟག་བྱེད་ལ་ཟག་བྱེད་རྩོལ་བར་བྱེད་ན་ལྟུང་བ་མེད་པར་འགྱུར་རམ། བཀའ་སྩལ་པ། མཐར་འགྱུར་རོ། །བུད་
[62b]
[62b.1]མེད་ཀྱི་ཚོགས་ལ་བཅད་ནས་རྩོལ་བར་བྱེད་པ་དང་གཉིས་ཆར་བཅད་ནས་བཅུག་ན་ཉེས་པ་སྦོམ་པོའི་ལྟུང་བར་འགྱུར་རོ་ཞེས་གསུངས་པ་ཡིན་ནོ། །ལྷག་མ་འདིའི་རྗེས་སུ་འབྲང་#ནས་ཤེས་པར་བྱ་སྟེ། མདོ་འདི་དག་བྱས་པ་ཡིན་ནོ། །གཞན་པའི་བུ་ག་ལུས་ལས་བཅད་པ་ལ་ཡང་ཞེས་བྱ་
[62b.2]བ་ནི་རྨའི་སྒོ་གསུམ་ལས་གཞན་པའི་བུ་ག་མཚན་གྱིས་དྲལ་བ་ལ་སོགས་པ་བཅོས་མ་དང་། མི་ན་བ་ལ་སོགས་པ་ལུས་བྱུང་བ་ཉིད་ལས་བྱུང་བ་དང་པོ་ལས་དོད་པ་ལུས་ལས་བཅད་པ་དང་མ་བཅད་པ་ཡང་སྦོམ་པོའི་དབང་དུ་བྱས་པ་མ་#ཡིན་པའོ། །གཅིག་ནས་གསུངས་པ།
[62b.3]ལུས་དྲལ་ཏེ་ཡན་ལག་གི་རྣམ་པས་རྩོལ་#ན་ལྟུང་བ་ཅིར་འགྱུར། ཉེས་པ་སྦོམ་པོར་ཞེས་གསུངས་སོ། །གཞན་དུ་ཡང་མགོ་བོ་བཅད་པར་གྱུར་ཏེ། མཐའ་གཉིས་པ་ལ་འཇུག་པར་བྱེད་ན་ལྟུང་བར་འགྱུར་རམ། ཉེས་པ་སྦོམ་པོར་རོ་ཞེས་གསུངས་པ་དེ་འདིའི་བསྡུས་པའོ། །བསྟེན་
[62b.4]པར་བྱ་བ་མ་ནིང་མོ་སྦུབས་མེད་པ་ལ་ཡང་ངོ་ཞེས་བྱ་བ་ལ། བུ་ག་ལུས་ལས་#བཅད་པ་ལ་ཡང་ངོ་ཞེས་སྔར་སྨོས་པའི་རྗེས་བསྙག་པའི་ཕྱིར་ཡང་གི་སྒྲའོ། །སྦུབས་ཞེས་བྱ་བ་ནི་གང་ལ་ཕོའི་དབང་པོ་གཞུག་པར་བྱ་བའི་སྐབས་ཀྱི་ཚད་དེ་ལྟ་བུ་སྦུབས་ཀྱི་རྒྱུན་མ་ཆད་པར་བསྙེན་#པར་
[62b.5]འགྱུར་བའི་མ་ནིང་ལ་བུ་ག་ལུས་ལས་བཅད་པ་ལ་ཡང་ངོ་ཞེས་སྦོམ་པོའི་དབང་དུ་བྱས་པའོ། །འབྲེལ་པ་ཙམ་ལ་འདིར་ཕམ་པ་ཞེས་བྱ་བ་སྦུབས་ཀྱི་སྒྲས་ཤེས་པར་བྱའོ། །ཀློག་པ་འབའ་ཞིག་ཏུ་འདི་བརྗོད་དེ་མ་ནིང་ལ་རྩོལ་བར་བྱེད་དེ་གང་དུ་གླགས་མེད་པ་ལ་ལྟུང་བར་འགྱུར་བ་
[62b.6]མཆིས་སམ། སྦོམ་པོའི་ལྟུང་བར་འགྱུར་རོ་ཞེས་བྱ་བ་ནི་བསྡུས་#པའོ། །མཆུ་གཉིས་ལའོ་ཞེས་བྱ་བ་ནི་མཆུ་གཉིས་ལ་སྦྱར་བ་ཙམ་ལ་ཡང་སྦོམ་པོའི་དབང་དུ་བྱས་པ་ཉིད་དེ#། སོའི་མཐའ་ཚུན་ཆད་འབའ་ཞིག་ཏུ་མ་ཟད་ཀྱི་ཇི་སྲིད་དུ་བསྩལ་#བ་ཞེས་བྱ་བ་སྔོན་གྱི་རྗེས་སུ་འབྲང་བས་
[62b.7]རྟོགས་པར་བྱའོ། །ཕྱི་རོལ་གྱི་མཚམས་ལ་ཐུག་པར་རོ་ཞེས་བྱ་བ་ཁའི་དང་པོ་ནི་སོ་ཕན་ཆད་དོ་ཞེས་བསྟན་པ་ལ་ཕྱི་རོལ་དུ་སྦོམ་པོའི་དབང་དུ་བྱས་པ་ཉིད་དོ། འདིར་གཞུང་ནི། སོའི་ཕྱི་རོལ་དུ་ཉམས་པར་བྱེད་ན་ཉེས་པ་སྦོམ་པོའི་ལྟུང་བར་འགྱུར་རོ་ཞེས་གསུངས་པ་ཡིན་ནོ། །སྣོད་དུའོ་
[63a]
[63a.1]ཞེས་བྱ་བ་ནི་བྱེ་བྲག་ཡོངས་སུ་མ་#ཟིན་པའི་ཕྱིར་གང་ཞིག་སྣོད་དེའི་རང་བཞིན་དུ་འཇུག་པ་ན་སྦོམ་པོའི་དབང་དུ་བྱས་པ་ཉིད་དོ། །བལྟབས་#པ་དང་མི་རིག་པར་འཇུག་པ་གཉིས་སོ་ཞེས་བྱ་བ་ནི་ཕོའི་དབང་པོ་རྐེད་བལྟབ་ཏུ་བྱས་ཏེ་རྨའི་སྒོ་རྣམས་སུ་འཇུག་པ་གང་ཡིན་པ་
[63a.2]དང་། གང་ཡང་མི་རེག་པར་གྱུར་པའི་རྨའི་སྒོ་དེ་དགེ་སློང་ལ་ཡང་ལྟུང་བར་འགྱུར་བ་བཞིན་དུ་དགེ་སློང་མ་ལ་ཡང་སྦོམ་པོའི་དབང་དུ་བྱས་པ་ཉིད་ཡིན་ནོ། །གལ་ཏེ་མི་རེག་པར་འཇུག་པ་ལ་སྦོམ་པོའི་དབང་དུ་བྱས་པ་ཉིད་ཡིན་ན་གང་ཞིག་འདི་དག་བསྟེན་པར་བྱ་བ་གཡོགས་མ་ཅན་ཉིད་དག་ལས་ནི་ན་
[63a.3]སྨད་པ་མེད་པར་བརྗོད་དོ། །གཡོགས་མས་བར་དུ་མ་ཆོད་པ་ཞེས་བྱ་བ་དེ་ཇི་ལྟར་ཡིན་ཞེ་ན། དེའི་ཕྱིར་མཐའ་ཉིད་བརྗོད་པའི་གཡོགས་པ་དེ་ནི་བསྒྲིབས་པ་སྟེ། དེས་གཡོགས་པ་ལ་ཐམས་ཅད་ཀྱིས་ཐམས་ཅད་དུ་རེག་པར་མི་འགྱུར་བ་མ་ཡིན་ནོ་ཞེས་བྱ་བ་ནི་ཐ་མ་ན་ཡོད་པའི་ཕམ་པར་འགྱུར་བ་
[63a.4]ལན་སྨད་པ་མེད་པའི་ཚིག་གིས་བརྗོད་པ་ལ་འདི་ལྟ་བུའི་གཡོགས་པ་ནི་གཡོགས་པ་དང་བཅས་པ་དེ་ནི་བསྒྲིབས་པ་ནི་འདོད་པའོ། །གང་ཞིག་བར་དུ་ཆད་པས་གཡོགས་མས་བསྒྲིབས་པ་དེ་ལ་ནི་ཐམས་ཅད་ཀྱིས་ཐམས་ཅད་དུ་རེག་པར་མི་འགྱུར་བ་མ་ཡིན་ནོ། །འོ་ན་ཅི་ཞེ་ན། དེ་ལ་རེག་
[63a.5]པ་ཡོད་པ་ཁོ་ནའོ། །གཞན་གྱིས་གཡོགས་པ་ཉིད་ནི་མི་རེག་པར་#འཇུག་པས་རྣམ་པར་བགད་#པ་ཡིན་ནོ་ཞེས་བྱ་བ་ལ། གཞན་གྱིས་ཞེས་བྱ་བ་ནི་གང་གིས་#གཡོགས་པ་དེ་ལ་ཐམས་ཅད་ཀྱིས་ཐམས་ཅད་དུ་རེག་པར་མི་འགྱུར་བ་ནི་པགས་པ་མཐུག་པའམ། འཇམ་པོས་སམ་གོས་
[63a.6]ཀྱིས་རེག་པས་#འཇུག་པ་ལ་དེ་རྣམ་པར་བཤད་པ་ཡིན་ཏེ། འདི་ལས་ལྷག་པ་ཤེས་པར་བྱ་བ་མ་ཡིན་ནོ་ཞེས་བྱ་བའི་དོན་ཏོ#། །ཕམ་པར་འགྱུར་བ་དང་པོ་ཞུ་བའི་སྐབས་སོ་ཞེས་བྱ་བ་མི་ཚངས་པར་སྤྱོད་པའི་ཕམ་པར་འགྱུར་བ་ཞུ་བའི་སྐབས་རྫོགས་སོ།། །།དགེ་སློང་གི་དངོས་
[63a.7]པོར་མི་ཤེས་པ་ནི་རང་བཞིན་གྱིས་ཉམས་པ་ཡིན་ནོ་ཞེས་བྱ་བ་ནི་རང་བཞིན་གྱིས་ཉམས་པ་ཞེས་བྱ་བའི་སྒྲ་དེའི་དོན་རྒྱས་པར་གྱུར་པས་ཐ་སྙད་ཉམས་པ་ཞེས་བྱ་བའི་སྒྲ་རང་བཞིན་ཉམས་པ་སྨྱོན་པ་ལ་སོགས་པའི་ངོ་བོ་ཉིད་ཀྱིས་བརྗོད་པ་ལ་ལྟུང་བ་མ་བླངས་པས་#ཡོངས་སུ་མ་བཅད་པ་ལ་ངོ་
[63b]
[63b.1]བོ་འདི་ཡིན་ནོ་ཞེས་བྱ་བ་རབ་ཏུ་བསྟན་པའི་དོན་དུ་མདོ་འདི་ཡིན་ནོ། །འདིར་གཞུང་ནི། གལ་ཏེ་དགེ་སློང་གི་དངོས་པོར་#ཡང་དག་པར་ཤེས་ན་ནི་གཞི་ཇི་ལྟ་བ་བཞིན་དུ་ལྟུང་བར་འགྱུར་རོ། །གལ་ཏེ་དགེ་སློང་གི་དངོས་པོར་མི་ཤེས་པ་སྨྱོན་པ་ལ་ནི་ལྟུང་བར་མི་འགྱུར་ཏེ། སེམས་འཁྲུགས་
[63b.2]པ་དང་ཚོར་བས་ཉེན་པ་ཡང་དེ་བཞིན་ནོ་ཞེས་གསུངས་པ་ཡིན་ནོ། །ཉམས་པ་ཉིད་ནི་གཉིས་ཏེ། ནང་དང་ཕྱི་རོལ་ལོ་ཞེས་བྱ་བ་ནི་འདིར་ནང་གི་རིམ་པ་རྟོགས་པ་ཉམས་པ་ཉིད་ལ་དོན་དང་ལྡན་པ་ཉིད་དེ། དེ་བས་ན་ནང་གི་རིམ་པ་ནས་བརྩམས་ཏེ། ཇི་སྲིད་དུ་ཕྱི་རོལ་ཉམས་པའི་བར་དེ་
[63b.3]ནི་འདིར་#ཕྱི་རོལ་ཉམས་པ་ཉིད་ཡིན་གྱི་ཕྱི་རོལ་ཉམས་པ་འབའ་ཞིག་ནི་ཉམས་པ་ཉིད་མ་ཡིན་ནོ། །བསྟན་པའི་ཕྱིར་གཞན་#ལ་ཁས་བླངས་པ་ན་བསླབ་#པ་འཁྲུགས་པ་ཉིད་དོ་ཞེས་བྱ་བ་ནི་དགེ་སློབ་#མ་གང་གི་མིང་དེ་ནི་བསླབ་པར་འདོད་པའོ། །དེ་ལྟར་ན་དགེ་སློབ་#མ་ལ་གནས་པའི་ཆོ་ག་
[63b.4]འདིར་རྟོགས་པར་བྱའོ། །དགེ་སློབ་མ་གང་ཞིག་བསྟེན་པའི་ཕྱིར་གཞན་སྐྱེས་པ་འདོད་པ་བསྟེན་ནུས་པ་ལ་འདི་ལྟར་ཞེས་བྱ་བར་ཁས་ལེན་པར་བྱེད་པ་དེ་ལ་དགེ་སློབ་མ་དེའི་བསླབ་#པའི་གཞི་རྣམས་འཁྲུགས་པ་ཉིད་དེ་མེད་པ་ཞེས་བྱ་བའི་དོན་ཏོ། །འདིར་གཞུང་ནི། དགོན་པ་པ་སྡིག་
[63b.5]ཅན་གྱིས་དགེ་སློབ་མ་ལ་ཁྱོད་བསྙེན་པར་མ་རྫོགས་ཀྱིས་མི་ཚངས་པར་སྤྱོད་ཀྱང་ལྟུང་བར་མི་འགྱུར་རོ་ཞེས་ཅོ་འདྲི་སྟེ་དེས་དེ་བསྟེན་པ་དང་བསྟེན་པ་དེ་ལ་འགྱོད་པ་སྐྱེས་སོ། །དེས་དེ་མི་འདོད་བཞིན་དུ་བརྩལ་བ་དང་། དེ་བདག་དགེ་སློབ་མར་མ་རུང་བར་མ་གྱུར་ཏམ་སྙམ་དུ་འགྱོད་པ་སྐྱེས་
[63b.6]སོ། །བཅོམ་ལྡན་འདས་ཀྱིས་བཀའ་སྩལ་པ། བསླབ་པ་འཁྲུགས་པས་ཡང་དཔོག་པར་བྱ་སྟེ། ཉེས་བྱས་གྱི་#ལྟུང་བར་འགྱུར་རོ་ཞེས་གསུངས་པ་ཡིན་ནོ། །ཕྱིར་བླང་བ་མ་ཡིན་པ་ཉིད་ལ་བརྩལ་བ་ལ་ངེས་པར་མི་འདོད་#པའོ། །འདི་ནི་སྐྱོན་མེད་པར་ཤེས་ནས་ཁས་བླངས་ནས་ཆོ་ག་
[63b.7]འདི་ཤེས་པ་ཡིན་ནོ། །དེ་ལ་དེ་ཡང་སྦྱིན་པར་བྱ་བ་ཉིད་དོ་ཞེས་བྱ་བ་ལ། དེ་ལ་ཞེས་བྱ་བ་ནི་དགེ་སློབ་མའི་བསླབ་པའོ། །འདིར་ཉམས་པ་ཉིད་སླར་སྦྱིན་པ་ཞེས་བྱ་བའི་དོན་ཏོ། །དེ་ནི་དགེ་སློང་གི་སྦོམ་པོའོ་#ཞེས་བྱ་བ་ལ། དེ་ནི་ཞེས་བྱ་བ་ནི་བསྟེན་#པའི་ཕྱིར་གཞན་ལ་ཁས་བླངས་
[64a]
[64a.1]པ་ནི་དགེ་སློང་ལ་སྦོམ་པོའི་ལྟུང་བྱེད་ཅེས་བྱ་བའོ། །འདི་མན་ཆད་འོག་ནས་མདོ་ལས་བསྟན་#པའི་ཕྱིར་གཞན་ལ་བསྒོ་ན་ཞེས་བྱ་བ་ཡན་ཆད་ནི་སྦོམ་པོའི་དབང་དུ་བྱས་པར་རིག་པར་བྱའོ། །འདིར་ཡང་གཞུང་ནི། དགོན་པ་པ་སྡིག་ཅན་གྱིས་ལོར་མ་ལོན་པ་#ལ་ཁྱོད་བསྙེན་
[64a.2]པར་རྫོགས་ནས་རིང་པོར་མ་ལོན་གྱིས་མི་ཚངས་པར་སྤྱད་ཀྱང་དེས་ལྟུང་བར་མི་འགྱུར་རོ་ཞེས་ཅོ་དྲིས་ཏེ། དེས་དེ་བསྟེན་པ་དང་བསྟེན་པ་དེ་ལ་འགྱོད་པ་སྐྱེས་སོ། །དེས་དེ་མི་འདོད་བཞིན་དུ་བརྩལ་པ་དང་། དེ་བདག་ཕམ་པར་མ་གྱུར་ཏམ་སྙམ་དུ་འགྱོད་པ་སྐྱེས་སོ། །བཅོམ་ལྡན་འདས་ཀྱིས་
[64a.3]བཀའ་སྩལ་པ། ཕམ་པའི་ལྟུང་བར་མི་འགྱུར་ཏེ། ཉེས་པ་སྦོམ་པོར་འགྱུར་རོ་ཞེས་བྱ་བའོ། །འདིར་ཡང་ངེས་པར་ཁས་བླངས་པ་ལ་སྦོམ་པོའི་ལྟུང་བར་འགྱུར་བ་སྟེ། བླང་བ་མ་ཡིན་པ་ཉིད་ལ་བསྩལ་#བ་ལ་ངེས་པར་མི་#འདོན་པ་ལས་#འདིར་བཟུང་བ་ཡོད་ལ་ཕམ་པར་འགྱུར་བ་ཡོད་པས་
[64a.4]མེད་པ་ལ་སྐྱོན་མེད་པ་ཉིད་ལའོ། །མ་ཆུད་ན་ཡང་ངོ་ཞེས་བྱ་བ་ནི་བསྟེན་པར་བྱ་བ་#སྦོམ་པོ་སྟེ། སྟེན་པར་བྱེད་པ་ལ་རུང་བ་མ་ཆུད་པ་ནི་མི་མཉམ་པ་ཞེས་བྱ་བའི་དོན་ཏོ། ཆུད་པར་བྱ་བའི་ཕྱིར་རྨ་ཉེད་ན་ཡང་ངོ་ཞེས་བྱ་བ་ནི་ཟག་བྱེད་དུ་ཆུད་པར་བྱའོ་སྙམ་ནས་དེའི་ཆེད་དུ་རྨའི་སྒོ་སྦལ་བར་
[64a.5]བྱེད་ན་ཡང་སྦོམ་པོའོ། །སྐྲག་པ་དང་ངོ་ཚ་བས་ཀུན་དུ་འདོད་ཆགས་མ་སྐྱེས་ནའོ་ཞེས་བྱ་བ་ནི་སྐྲག་པ་དང་ངོ་ཚ་བ་ཡོད་པ་ལ་སྦོམ་པོར་འགྱུར་རོ། །གང་གི་ཕྱིར་འདི་དག་ཀུན་དུ་འདོད་ཆགས་མ་སྐྱེས་ན་ཞེས་བྱ་བའི་དོན་ཏོ། །ཅི་བྱེད་པ་ཞེས་བྱ་བ་འདི་འདིར་མདོར་བྱས་པ་མ་ཡིན་ཏེ། དེར་
[64a.6]རྩོལ་བ་མ་ཡིན་པར་འགྱུར་བ་ལྷག་མ་ཉིད་གང་ཡིན་པ་དེར་ཀུན་དུ་འདོད་ཆགས་སྐྱེས་པ་ལ་ཡང་ལྟུང་བ་སྦོམ་པོ་ཞེས་བྱ་བ་ཀུན་དུ་འདོད་ཆགས་མ་སྐྱེས་པས་ཞེས་བྱ་བའི་རྒྱུའི་ཚིག་#ལས་རྩོལ་བ་ཞེས་རྟོགས་པར་བྱའོ། །རྩོལ་བ་འདི་ཉམས་སུ་མ་མྱོང་ན་ཞེས་བྱ་བ་བྱས་ནས་སོ། །ཡན་
[64a.7]ལག་གི་རྣམ་པ་རྡོལ་བའི་ཕྱིར་རོ་མ་མྱོང་ནའོ་ཞེས་བྱ་བ་ནི་འཁྲིག་པའི་རོ་ཉམས་སུ་མ་མྱོང་ན་སྦོམ་པོ་སྟེ། འདིར་ཡང་རྩོལ་བ་ཉིད་ན་འདིའོ། །ལས་སུ་མི་རུང་བ་བཅུག་ནའོ་ཞེས་བྱ་བ་ནི་སྦོམ་པོའི་ལྟུང་བ་ཤེས་པའོ། །ལག་པས་ལག་པ་དང་རྐང་པས་རྐང་པ་དང་ཚིགས་ཀྱིས་ཚིགས་
[64b]
[64b.1]སུ་དང་མདོམས་ཀྱིས་མདོམས་#སུ་ལྟ་བུར་མི་རུང་ནའོ་ཞེས་བྱ་བ་ནི་ཕྲད་པར་མ་གྱུར་ན་སྦོམ་པོའོ་#ཞེས་བྱ་བ་འཇུག་པ་ཡིན་ནོ། །འདིར་ཐམས་ཅད་དུ་རོ་ཉམས་སུ་མ་#མྱོང་བ་ལ་རྒྱུ་#རིག་པར་བྱའོ། །འདིར་མ་ཕྲད་པ་ནི་ལག་པ་ལ་སོགས་པ་རྣམས་ལ་གཟུང་དུ་མི་རུང་བ་ཉིད་དོ། །ཕྲད་པའི་
[64b.2]གཡོ་བ་ཉིད་ཙམ་ལའོ་ཞེས་བྱ་བ་ནི་སྟོབས་ཀྱིས་བརྩལ་#བར་འགྱུར་བ་ལ་རྩོལ་བའི་བསྟེན་པར་བྱ་བ་ལ་སྟེན་པར་#བྱེད་པ་དང་ཡང་དག་པར་ལྡན་པས་མཐའ་མེད་པར་གནས་པར་བྱེད་ཅིང་འཁྲིག་པའི་རོ་ཉམས་སུ་མྱོང་བ་#སྤྲད་པའི་གཡོ་བ་ཉིད་ལ་ནི་#དེར་སྦོམ་པོའོ། ཤིང་དང་བ་སོ་
[64b.3]དང་རྡོ་བ་དང་གོས་ལས་བུ་མོའི་གཟུགས་བྱས་པ་ལ་རྩོལ་བ་ན་གལ་ཏེ་དབང་པོ་ཙམ་དོད་ནའོ་ཞེས་བྱ་བ་ལ། འདིར་ཤིང་དང་རྡོ་ལ་སོགས་པའི་མཚན་ཉིད་#ནི་དཔེ་ཡིན་ཏེ། གཞན་གྱི་བདག་ཉིད་བུ་མོ་ལ་བརྩལ་བ་ན་ཡང་དབང་པོ་ཙམ་དོད་པ་ལ་སྦོམ་པོ་ཉིད་དོ། །ཡན་ལག་ཐམས་
[64b.4]ཅད་དུ་རེག་པ་སྟེར་ན་དངོས་གཞིའོ་ཞེས་བྱ་བ་ནི་ཤིང་ལ་སོགས་པའི་རང་བཞིན་གྱི་བུ་མོའི་གཟུགས་ལ་ཞེས་བྱ་བ་དང་རྗེས་སུ་འབྲེལ་ཏོ། །བསྟན་#པའི་དོན་དུ་བརྩལ་བའི་ཡན་ལག་གི་རྣམ་པར་རྐང་པ་འཇུག་ནའོ་ཞེས་བྱ་བ་བསྟེན་པའི་དོན་དུ་བརྩལ་བས་ཡན་ལག་གི་རྣམ་པར་རྐང་པ་
[64b.5]འཛུད་#ན་སྦོམ་པོའོ། །བསྟེན་པར་བྱ་བ་ལ་ཡན་ལག་གི་རྣམ་པས་དེ་ཙམ་ལ་གཞོལ་བས་ཕྱི་རོལ་དུ་རེག་ནའོ་ཞེས་བྱ་བ་ནི་བསྟེན་པར་བྱ་བ་མོའི་དབང་པོ་ལ་སོགས་པ་ཡན་ལག་གི་རྣམ་པས་#ཕྱི་རོལ་དུ་རེག་པ་ལ་སྦོམ་པོའོ། །དེ་ཙམ་ལ་གཞོལ་བས་ཞེས་བྱ་བ་ནི་རིག་པ་ཙམ་ལ་
[64b.6]གཞོལ་བས་རྩོལ་བའི་འདུན་པ་མེད་པས་འདིར་ཉེས་བྱས་སུ་རིགས་ཀྱི་སྦོམ་པོ་མ་ཡིན་ནོ་ཞེས་བྱ་བའི་རྣམ་པར་རྟོག་པ་བསལ་#བའི་དོན་དུ་འདི་ཡིན་ནོ། །འདི་ལྟ་བུའི་ཆོ་གས་རེག་པ་ལ་སྦོམ་པོ་མེད་ཅེས་བྱ་བ་ཤེས་པར་བྱ་བ་མ་ཡིན་ནོ། །འདིར་གཞུང་ནི། བུད་མེད་སྒྲེན་མོ་
[64b.7]ཡོལ་བའི་ཕག་ན་སྣང་བ་#ཆུ་ལྡུགས་པ་དེའི་ཡན་ལག་གི་རྣམ་པ་དགེ་སློང་གིས་ཡོལ་བའི་རྒྱབ་ནས་མཐོང་ངོ་། །དེས་མཐོང་ནས་ཀུན་ནས་ཆགས་པས་དེའི་ཡན་ལག་གི་རྣམ་པ་དང་ཡན་ལག་གི་རྣམ་པ་སྤྲད་དོ། །དེ་འགྱོད་པ་སྐྱེས་ནས། ཇི་སྲིད་བཅོམ་ལྡན་འདས་ཀྱིས་བཀའ་
[65a]
[65a.1]སྩལ་པ། ཉེས་པ་སྦོམ་པོར་འགྱུར་རོ་ཞེས་བྱ་བའི་བར་དུ་གསུངས་པ་ཡིན་ནོ། །བསྟན་#པའི་ཕྱིར་གཞན་ལ་བསྒོ་ནའོ་ཞེས་བྱ་བ་ནི་འཁྲིག་#པའི་དོན་དུ་གཞན་ལ་བསྒོ་ན་སྦོམ་པོའོ། །རང་བཞིན་གྱིས་ལས་སུ་རུང་བ་ཉིད་ལེན་#ན་སྨད་པར་བྱ་བ་མེད་དོ་ཞེས་བྱ་བ་ནི་
[65a.2]གང་རང་བཞིན་གྱིས་ཏེ། ངོ་བོ་ཉིད་ཁོ་ནས་དུས་ཐམས་ཅད་དུ་དབང་པོ་ལས་སུ་རུང་བ་དེ་ལ་བཅུག་ནན་སྨད་པ་དང་བཅས་པ་ནི་མ་ཡིན་ཏེ། འོན་ཀྱང་དངོས་གཞི་ཉིད་#ཅེས་བྱ་བའི་དོན་ཏོ། །མདུན་མ་དང་ཕྱི་མ་གཉིས་གང་དུ་བརྩམས་པ་དེ་ལས་གཞན་དུ་གཏུགས་པ་ལ་མེད་དོ་ཞེས་བྱ་བ་ནི་མདུན་ནས་
[65a.3]ལས་བྱས་ཏེ། རྒྱབ་ནས་གྲོལ་བ་དང་། རྒྱབ་ནས་ལས་བྱས་ཏེ་མདུན་ནས་གྲོལ་བ་ནི་ན་སྨད་པར་བྱ་བ་མེད་དོ་ཞེས་བྱ་བའི་དོན་ཏོ། །འདིར་གཞུང་ནི། བཙུན་པ་མདུན་ན་མོར་བསྙུགས་#པའི་ལས་བྱས་ཤིང་རྒྱབ་ན་མོར་འདུག་#པ་དེ་ལ་ནི་ཁོ་མོ་མི་ཚངས་པར་སྤྱད་ཀྱང་ཡིན་པར་མི་འཛིན་ཏེ་ཞེས་
[65a.4]ཟེར་ལ། དེས་མདུན་ན་མོར་བསྙུགས་པའི་ལས་བྱས་ཤིང་། རྒྱབ་ན་མོར་འདུག་#གོ་ཞེས་གསུངས་པ་ཡིན་ནོ། །དེ་ལ་འདྲ་བ་ཉིད་ཀྱི་བཟློག་པ་ལ་རྒྱུད་མེད་པ་དང་སྔགས་ཀྱི་ཁྱད་པར་ནི་གཞན་ཉིད་ཙམ་དེར་ཞེས་བྱ་བ་འདི་ལྟར་ཉེ་བར་འབྲེལ་པའོ། །ལམ་ལྷག་མ་རྣམས་སུ་བརྩལ་བར་བྱའོ་སྙམ་པ་
[65a.5]ལ་ཡང་མེད་དོ་ཞེས་བྱ་བ་ནི་ཟག་བྱེད་དང་ཁ་དང་བཤང་བའི་ལམ་རྣམས་གཅིག་ཏུ་དང་པོར་མི་ཚངས་པར་སྤྱོད་པ་བརྩམས་པ་ལ་#ལམ་ལྷག་མ་རྣམས་སུ་བསྩལ་#བར་བྱའོ་སྙམ་པའི་བསམ་པ་སྟེ། ན་སྨད་པའི་རྒྱུ་མཚན་དུ་ནི་#མ་ཡིན་ནོ། །བདག་ནི་ཉམས་པའོ་སྙམ་པའི་བསམ་པ་ཅན་
[65a.6]ལ་ཡང་མེད་དོ་ཞེས་བྱ་བ་ནི་བདག་ནི་ཉམས་པ་སྟེ་དགེ་སློང་གི་ཚུལ་ཞིག་པའོ་སྙམ་པའི་བསམ་པ་ཅན་གྱིས་བཅུག་པ་ལ་ཡང་ན་སྨད་པར་བྱ་བ་མེད་པའོ། །ནད་དང་བྲལ་བར་བྱ་བའི་དོན་ཉིད་ལ་ཡང་མེད་དོ། །ལམ་ལ་གཞན་ཉིད་དུ་#འདུ་ཤེས་པ་དང་ཡིད་གཉིས་ཟ་བ་ལ་ཡང་མེད་དོ་
[65a.7]ཞེས་བྱ་བ་ནི་མོའི་དབང་པོ་ལ་སོགས་པ་ལ་ལམ་མ་ཡིན་པ་ཉིད་དུ་ཡང་དག་པར་ཤེས་པ་གང་ཡིན་པ་དང་། གང་ལམ་ལ་ཡིད་གཉིས་ཟ་བ་ཅི་འདི་ཟག་བྱེད་ལ་སོགས་པའི་ལམ་མ་ཡིན་ནམ་འོན་ཏེ་ཡིན་སྙམ་དུ་ཡིད་གཉིས་ཟ་བས་བཅུག་ན་དེ་གཉིས་ཀ་ལ་ཡང་ན་སྨད་པར་བྱ་བ་མེད་
[65b]
[65b.1]དོ། །ལམ་མ་ཡིན་པ་ནི་དེ་གཉིས་སྦོམ་པོའི་དབང་དུ་བྱས་པ་ཉིད་དོ་ཞེས་བྱ་བ་ནི་ལམ་མ་ཡིན་པ་ལ་ལམ་དུ་འདུ་ཤེས་པ་ཉིད་དང་། ལམ་མ་ཡིན་པ་ལ་ཡིད་གཉིས་ཟ་བས་བཅུག་པ་ལ་སྦོམ་པོའོ#། །འདིར་གཞུང་ནི་ལམ་ལ་ལམ་མ་ཡིན་པ་ཉིད་དུ་འདུ་ཤེས་པ་ལ་ནི་ཕམ་པར་འགྱུར་བའི་
[65b.2]ལྟུང་བའོ། །ལམ་ལ་ཡིད་གཉིས་ཟ་བ་ལ་ཡང་ཕམ་པར་འགྱུར་བའི་ལྟུང་བའོ། །ལམ་མ་ཡིན་པ་ལ་ལམ་དུ་འདུ་ཤེས་པ་ལ་ནི་ཉེས་པ་སྦོམ་པོར་འགྱུར་རོ། །ལམ་མ་ཡིན་པ་ལ་ཡིད་གཉིས་ཟ་བ་ལ་ལང་#ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །འདིར་#ནི་ལམ་
[65b.3]གསུམ་ཡིན་ཏེ། བཤང་བའི་ལམ་དང་། ཁའི་ལམ་དང་། ཟག་བྱེད་དོ་#ཞེས་བྱ་བའོ། །བརྡོས་#པས་བུད་མེད་ཀྱི་སྟེང་དུ་འགྱེལ་བ་ལ་#ནི་ལྟུང་བ་མེད་དོ་ཞེས་བྱ་བ་ནི་བ་གླང་#ལ་སོགས་པས་བརྡོས་#པའི་དགེ་སློང་བུད་མེད་ཀྱི་སྟེང་དུ་འགྱེལ་བ་ལ་རྒྱུ་དེས་རེག་པ་ལ་སྐྱོན་མེད་དོ་ཞེས་བྱ་བ་འདི་
[65b.4]ཙམ་འདིར་བརྗོད་པ་ཡིན་ཏེ། །དེ་བས་ན་མ་བསྡུས་#པས་གང་ཞིག་རེག་པ་ཉམས་སུ་མྱོང་བར་བྱ་བ་མི་བྱེད་ན་དེ་ལ་ནི་ཉེས་པ་མེད་དོ་ཞེས་ཤེས་པར་བྱའོ། །ཉམ་#ཐག་པས་མགུལ་ནས་མི་འདོད་བཞིན་དུ་འཁྱུད་པ་ལ་ཡང་ངོ་ཞེས་བྱ་བ་ནི་བླངས་པ་མེད་པ་ཞེས་བྱ་བའི་དོན་ཏོ། །མཆུར་
[65b.5]མཆུས་རེག་པ་ལ་ཡང་ངོ་ཞེས་བྱ་བ་ནི་མི་འདོད་པ་ཞེས་བྱ་བ་དང་རྗེས་སུ་འབྲེལ་ཏོ། །ལྟུང་བ་མེད་དོ་ཞེས་བྱ་བ་ཡང་མི་འདོད་བཞིན་དུ་རག་(རེག་)པ་ཡིན་གྱི། འདིར་ཆགས་པ་སྐྱེས་པ་ལ་མངོན་པར་ཚར་གཅོད་པ་ལ་སེམས་ལ་འབད་པ་མི་བྱེད་ཅིང་རོ་མྱོང་བ་སྒྲུབ་#པ་ལ་གལ་ཏེ་སྐབས་སུ་གཡོ་
[65b.6]བ་དང་སྤྲད་པ་ནི་དགེ་འདུན་ལྷག་མར་གཏོགས་པའི་ལྟུང་བ་སྦོམ་པོ་དེར་ཞེས་བྱ་བར་རྟོགས་པར་བྱའོ། །ཁྱིའི་མདུན་དུ་གཅི་བར་མི་བྱའོ། །གང་དུ་སྲོག་གི་བར་ཆད་འབྱུང་བའི་དགོན་པ་དེར་གནས་པར་མི་བྱའོ་ཞེས་བྱ་བ་ལ། མིའམ་ཅི་མོའི་དབང་#པའི་གླེང་གཞིར་གྱུར་པའི་བསླབ་
[65b.7]པའི་གཞི་ལ་དེ་བསྡུ་བ་ཡིན་ནོ། །འདིར་གཞུང་ནི། ཡང་དགེ་སློང་གིས་གང་ན་ཉེས་དམིགས་དེ་ལྟ་བུ་ཡོད་པའི་དགོན་པ་དེ་ལྟ་བུར་ལྷག་པར་གནས་པར་མི་བྱ་སྟེ། གང་ན་འདི་ལྟ་བུའི་འཇིགས་པའི་ངོ་བོ་ཡོད་པར་གྱུར་པའི་ཞེས་གསུངས་པ་ཡིན་ནོ། །གང་ན་ཡན་ལག་གི་
[66a]
[66a.1]རྣམ་པ་འཛིན་པའི་འཇིགས་པ་ཡོད་པའི་ཆུ་ཀླུང་དེར་སྒྲེན་མོར་རྒལ་#བར་མི་བྱའོ། །དེར་ཤེས་བཞིན་དུ་གྲུ་རྒལ་#བར་བྱའོ་ཞེས་བྱ་བ་ནི་བུད་མེད་ལ་རེག་པ་ཡོངས་སུ་སྤང་བའི་ཕྱིར་ཤེས་བཞིན་དུ་འགྲོ་བར་#བྱ་བ་ཡིན་པར་རིག་པར་བྱའོ། །བ་གླང་གི་ནང་དུ་ཡང་ཤེས་
[66a.2]བཞིན་དུ་འགྲོ་བར་བྱའོ། །ཁྲོན་པ་ཡང་བརྟག་པར་བྱའོ། །བསོད་སྙོམས་པ་#ལ་ཡང་གྲོང་དུ་རྒྱུ་བར་བྱའོ་ཞེས་བྱ་བ་ལ། གསུམ་པོ་དག་ལ་ཡང་ཞེས་བྱ་བའི་སྒྲ་སྨོས་པ་ནི་ཤེས་བཞིན་ཞེས་བྱ་བའི་རྗེས་སུ་འཇུག་པའི་དོན་དུའོ། །ལེགས་པར་སོ་སོར་བརྟག་པར་བྱས་ནས་རབ་ཏུ་དབྱུང་
[66a.3]བར་བྱའོ་ཞེས་བྱ་བ་ནི་འདིར་བྱེ་བྲག་ཏུ་འབད་པར་བྱ་ཞེས་བྱ་བ་འདི་ལ་འདི་འགྲུབ་པ་ཡིན་ཏེ#། འགའ་ཞིག་ཏུ་ཡང་ལྷོད་པའི་སྦྱོར་བ་མི་བྱའོ། །དེ་བས་ན་འདི་ནི་དཔེ་ཡིན་ཏེ། ཆོ་ག་འདི་ནི་བསླབ་པ་ཐམས་ཅད་ལ་སྦྱོར་བ་ལྷོད་ན་ཉེས་བྱས་ཡིན་ཏེ། དེའི་ཕྱིར་འདི་བསྟན་པའོ། །གཅིག་པུ་བླ་
[66a.4]གབ་མེད་པར་གློས་མི་དབབ་པོ་ཞེས་བྱ་བ་ནི་གཉིད་ཀྱིས་ལོག་པ་དེའི་ཤམ་ཐབས་བུད་པ་ན་བུད་མེད་ཀྱིས་བརྩལ་བས་འདི་གསུངས་པ་ཡིན་ནོ། །རྩ་བའི་ལྟུང་བའི་རྒྱུར་འགྱུར་བ་ནི་སྐྱེ་བོ་མེད་པའི་ཕྱོགས་ལ་ཉིན་མོའམ་མཚན་མོ་གཉིད་མ་ལོག་པ་ན་ཡང་དེར་གློས་དབབ་པར་མི་བྱའོ། །དེ་བས་
[66a.5]ན་འདི་མི་བྱའོ་ཞེས་བྱ་བ་འདིར་བརྗོད་པ་ཡིན་ནོ། །དགོན་པ་དང་བླ་གབ་མེད་པ་ལ་གཅིག་པུ་ཉིད་དུ་གྱུར་པ་ལ་ཉེས་པ་དང་ལྡན་པ་ཡང་ཡིན་ཏེ། དེ་བས་ན་འདི་རིག་པར་བྱའོ། །དགེ་སློང་མས་གནས་ཁང་སྒོ་མ་བཅད་པར་སྙོམས་པར་འཇུག་པ་ཡང་མི་བྱའོ་ཞེས་བྱ་བ་#ལ། ཡང་གི་སྒྲ་ནི་གློས་#དབབ་
[66a.6]པར་མི་བྱའོ་ཞེས་བྱ་བའི་རྗེས་སུ་དྲང་བའི་དོན་དུའོ། །གཉིས་ཀ་ཡང་འདིར་དགེ་སློང་མས་གནས་ཁང་སྒོ་མ་བཅད་པར་མི་བྱའོ། །གྲོགས་དང་བཅས་པས་ཀྱང་བྱ་བར་འགྱུར་གྱི། འདིར་གྲོགས་ཡོད་པ་ལ་ཡང་འདི་ཟིལ་གྱིས་མནན་ནས་སྩོལ་#བའི་ཉེས་བྱས་སུ་འགྱུར་རོ། །མི་ཚངས་པར་
[66a.7]སྤྱོད་པའི་ཕམ་པར་འགྱུར་བ་རྫོགས་སོ་ཞེས་བྱ་བ་དངོས་གཞི་དང་པོ་མི་ཚངས་པར་སྤྱོད་པའི་ཕམ་པར་འགྱུར་བ་རྫོགས་སོ།། །།གང་བྱས་ན་མ་བྱིན་པར་ལེན་པའི་#ཕམ་པར་འགྱུར་ཞེ་ན། དེའི་ཕྱིར་རྐུ་བའམ་རྐུར་བཅུག་ནའོ་ཞེས་བྱ་བ་སྨོས་ཏེ། རྐུ་བ་ནི་རང་གིས་#བྱ་བའོ། །རྐུར་
[66b]
[66b.1]བཅུག་པ་ནི་གཞན་ལ་བཅོལ་ནས་འཕྲོག་ཏུ་བཅུག་པའོ། །རང་གི་ལུས་ངག་འབའ་ཞིག་ཏུ་ཡང་མ་ཟད་ཀྱི། མངགས་པས་ཀྱང་ངོ་ཞེས་བྱ་བ་སྨོས་ཏེ། ཕོ་ཉས་ཀྱང་བྱེད་པར་འགྱུར་བས་རྐུ་འམ་རྐུར་བཅུག་པས་ཞེས་བྱ་བའི་དོན་ཏོ། །རྐུ་བ་ནི་མངགས་པ་སྟེ་གང་དུ་མངགས་པ་རང་གི་
[66b.2]ལུས་ཀྱིས་བྱེད་པའོ། །རྐུར་བཅུག་པ་ནི་གང་ལ་མངགས་པས་བཅོལ་ནས་གཞན་ལ་འདི་སྐད་ཅེས་སོ། །#རང་གིས་རྐུས་ཤིག །སོང་ལ་རྐུར་ཆུག་ཤིག་#ཅེས་བྱེད་དུ་བཅུག་པའོ། །བྱེ་བྲག་ཏུ་བཅོལ་བའི་དབང་གིས་དེ་ལྟར་རྣམ་པར་གཞག་སྟེ། མངགས་པའི་མངགས་པས་གཞན་
[66b.3]གྱིས་རྐུར་བཅུག་པ་ཡིན་ཏེ། དེས་མངགས་པ་ལ་སོགས་པས་སམ། དེ་ལ་ཡང་རང་གིས་མངགས་པ་ཉིད་ཀྱིས་ཞེས་བྱ་བའི་ཁྱད་པར་ཡོངས་སུ་མ་བཟུང་བའི་ཕྱིར་འདིར་མངགས་པ་ཉིད་རིག་པར་བྱའོ། །གང་གི་ཞེ་ན། དེའི་ཕྱིར་མ་བྱིན་པའོ་ཞེས་བྱ་བ་སྨོས་ཏེ། བྱིན་པ་ལ་ཡང་
[66b.4]རྐུ་སེམས་ཀྱིས་ལེན་པ་སྲིད་པས་དེའི་ཕྱིར་ཁྱད་པར་འདིའོ། །འདིར་ལུང་ནི། དེ་ལ་བུད་མེད་དམ་སྐྱེས་པའམ་མ་ནིང་དག་གིས་ཀྱང་མ་བྱིན་པ་ཞེས་གསུངས་པ་དེ་ཡིན་ནོ། །ཚད་ཇི་ཙམ་ཞེ་ན། དེའི་ཕྱིར་མ་ཤ་ཀ་ལྔ་ལ་སོགས་པའོ་ཞེས་བྱ་བ་སྨོས་ཏེ། འདིར་གཞུང་ནི། མ་ཤ་ཀ་ལྔའམ་མ་
[66b.5]ཤ་ཀ་ལྔ་ལས་ལྷག་པས་ཞེས་གསུངས་པ་ཡིན་ནོ། །སེམས་ཇི་ལྟ་བུས་ཤེ་ན། དེའི་ཕྱིར། རྐུ་སེམས་ཀྱིས་སོ་ཞེས་བྱ་བ་སྨོས་ཏེ། འདི་ལྟར་ཡིད་གཅུགས་#པའི་སེམས་ལ་སོགས་པ་རྣམས་ཀྱིས་ནི་ལྟུང་བ་མེད་དོ་ཞེས་འོག་ནས་འབྱུང་ངོ་། །ཅི་མི་མ་ཡིན་པའི་རྒྱུད་ཀྱིས་ཡོངས་སུ་
[66b.6]བཟུང་བའམ་ཞེ་ན། མ་ཡིན་ཏེ། །དེའི་ཕྱིར་མིའི་རྒྱུད་ཀྱིས་ཡོངས་སུ་བཟུང་བའོ་ཞེས་བྱ་བ་སྨོས་ཏེ། མིས་ཡོངས་སུ་བཟུང་བ་མ་ཡིན་པ་ལ་ན་སྨད་པ་ཉིད་དུ་གསུངས་པའི་ཕྱིར་འགྲོ་བ་གཞན་དང་འབྲེལ་པའི་འདུ་ཤེས་ཀྱིས་ཅི་ཞིག་དེ་ལྟ་ཉིད་དུ་འགྱུར་རམ་ཞེ་ན། མ་ཡིན་ཏེ། དེའི་ཕྱིར་དེར་
[66b.7]འདུ་ཤེས་པས་སོ་ཞེས་བྱ་བ་སྨོས་ཏེ། མིའི་འགྲོ་བ་པས་ཡོངས་སུ་བཟུང་བ་ཡིན་པར་འདུ་ཤེས་པས་སོ་ཞེས་བྱ་བའི་དོན་ཏོ། །གལ་ཏེ་མིའི་བདག་གིས་རྐུའོ་སྙམ་དུ་འདུ་ཤེས་པར་གྱུར་ན་དེས་ཕམ་པ་ཡིན་ནོ། །འདིར་གཞུང་ནི། འདི་ལྟ་སྟེ། དགེ་སློང་གིས་འདི་ལྟར་ཡོ་བྱད་ལྕི་བ་འདི་
[67a]
[67a.1]རྣམས་ནི་གཞན་སྐྱེས་པའམ་བུད་མེད་དམ་མ་ནིང་རྣམས་ཀྱིས་ཡོངས་སུ་བཟུང་བར་འདུ་ཤེས་པས་ཏེ་ཞེས་བྱ་བ་ལ་སོགས་པའོ། །དེ་ལྟར་མ་བྱིན་པར་ལེན་པའི་ཕས་ཕམ་པ་བསྐྱེད་པ་ལ་ཡན་ལག་ལྔ་སྟེ། མ་བྱིན་པ་ཉིད་དང་། མ་ཤ་ཀ་ལྔ་ལ་སོགས་པ་ཉིད་དང་། རྐུ་
[67a.2]སེམས་ཉིད་དང་། མིའི་རྒྱུད་ཀྱིས་ཡོངས་སུ་བཟུང་#བ་ཉིད་དང་། དེར་འདུ་ཤེས་པ་ཉིད་དོ། །ཡན་ལག་གང་ཡང་རུང་བ་མ་ཚང་བ་ལ་ནི་ཕམ་པར་འགྱུར་བ་མེད་དེ་ན་སྨད་པ་ཁོ་ནར་འགྱུར་རོ། །མིའི་རྒྱུད་ཀྱིས་ཡོངས་སུ་བཟུང་བ་ཞེས་སྨོས་སོ། །ཁྱེར་བ་ཉིད་ནི་#བསམ་པས་མ་བཏང་བ་
[67a.3]ནི་བདག་པོ་ཉིད་དང་མ་བྲལ་བ་ཉིད་ཡིན་ནོ་ཞེས་བྱ་བ་སྨོས་ཏེ། རླུང་དང་རྐུན་པོ་ལ་སོགས་པ་རྣམས་ཀྱིས་གོས་ལ་སོགས་པའི་རྫས་ཁྱེར་བ་ཉིད་ནི་གང་གིས་དེ་དང་འབྲེལ་པར་ཇི་སྲིད་བསམ་པ་དེ་དང་ལྡན་པས་མ་བཏང་བར་གྱུར་པ་ནི་ཡོངས་སུ་གཏོང་བར་མི་འགྱུར་བ་འདི་ལ་རེ་བ་
[67a.4]མེད་པ་ཉིད་མ་སྐྱེས་པ་དེ་སྲིད་དུ་རྫས་ཀྱི་ཡུལ་དེ་ལ་གང་ཞིག་བདག་པོ་ཉིད་དང་མ་བྲལ་བ་ཡིན་ནོ་ཞེས་བྱ་བའི་དོན་ཏོ། །འདིར་གཞུང་ནི། ཇི་ལྟར་ཡང་བཙོ་བླག་མཁན་གྱིས་གོས་རྣམས་བཏིང་བ་ཞེས་བྱ་བ་ལ་སོགས་པའོ། །བདག་ཏུ་བྱས་པ་ཉིད་ལ་ཡང་གཞན་གྱིས་མ་བྲལ་
[67a.5]བ་ཉིད་ཀྱི་བསམ་པར་#བདག་པོ་ཉིད་དུ་མ་བཏང་བ་དག་ཏུ་བྱས་པ་རྗེས་སུ་འཇུག་པའི་ཕྱིར་རོ། །དེ་དང་མ་བྲལ་བ་ཉིད་དང་བདག་ལ་#བྱས་པ་ལ་དེ་བསལ་བ་མི་རིགས་པའི་ཕྱིར་རོ། །དེ་ལྟར་ན་རྒྱལ་པོའི་ཕོ་བྲང་དུ་རྐུན་པོ་རྣམས་གཏད་ཅིང་བཟློག་པ་ལ་རྐུ་བ་ཉིད་བསྐྱེད་པ་མི་སྲིད་པའོ། །ཕྱེད་#རིན་
[67a.6]རྣམ་པར་སྦྱོར་#བ་གང་ཞིག་དངོས་པོ་དེ་ལས་བདག་གིས་#བྱེད་པ་སོ་སོར་མ་ལོག་པ་འདི་ནི་འདིར་བསམ་པས་མ་བཏང་བར་ཤེས་པར་བྱའོ། །ཐ་སྙད་མི་ཤེས་པའི་ནི་ཞལ་ཏ་བྱེད་པ་བདག་པོ་ཉིད་#ཡིན་ནོ་ཞེས་བྱ་བ་ལ་ཐ་སྙད་ཤེས་པ་ནི་འཇིག་རྟེན་གྱི་ཐ་སྙད་སྨྲ་ནུས་པ་སྟེ། དེའི་རྒྱུད་དུ་གཏོགས་
[67a.7]པའི་རྫས་ནི་ཐ་སྙད་ཤེས་པའོ#། །ཐ་སྙད་མི་ཤེས་པའི་ནི་ཐ་སྙད་ཤེས་པ་མ་ཡིན་པ་#སྟེ། དཔེར་ན་བྱ་རྣམས་ཀྱི་རྒྱན་བཞིན་ནོ། །དེ་ལ་ཐ་སྙད་མི་ཤེས་པའི་རྒྱུད་དུ་གཏོགས་པ་ཡོད་ཀྱང་དེའི་ཞལ་ཏ་བྱེད་པ་ང་ཡིར་#འཛིན་པར་བྱས་པ་གང་ཡིན་པ་དེ་བདག་པོ་ཉིད་དུ་འགྱུར་རོ། །འདིར་
[67b]
[67b.1]བདག་པོ་མེད་པ་དང་འདྲ་སྟེ་དེ་བས་ན་ཞལ་ཏ་བྱེད་པ་པོའི་འདིར་ངར་འཛིན་པ་དངོས་པོ་ཅན་ལ་ཡང་དག་པར་གནས་པ་སྟེ་འདིར་བདག་ཏུ་བྱས་པ་ནི་བྱ་དེ་རྣམས་ཀྱི་བྱའི་རྒྱན་བཞིན་དུ་དེ་བས་ན་བྱ་རྣམས་ལ་ཡང་འདིར་བདག་པོ་ཉིད་དོ། །གཉིས་ཀ་བདག་པོ་ཉིད་ཡིན་ན་ནི་འདུ་ཤེས་ཀྱི་
[67b.2]དབང་གིས་ལྟུང་བ་རྣམ་པར་གཞག་པ་ཞེས་བྱ་བ་རིག་པར་བྱའོ། །དེ་ལྟར་འདིར་གཞུང་ནི། གལ་ཏེ་དེ་འདི་སྙམ་དུ་མི་ལས་བརྐུ་བར་བྱའི་བྱ་རྣམས་ལས་མ་ཡིན་ནོ་ཞེས་བྱ་བ་དང་། མི་ལས་རིན་ཐང་བརྩི་བར་བྱ་ཞེས་བྱ་བ་ལ་སོགས་པ་གསུངས་པ་ཡིན་ནོ། །མིའི་བདག་པོ་ཉིད་མེད་པར་
[67b.3]ཕམ་པར་སྦྱོར་བ་མ་ཡིན་ནོ། །བཟའ་བཏུང་གི་ཕྱིར་བྱིན་པ་ལ་ནི་བསམ་པ་དང་འབྲེལ་པ་མེད་པ་ཉིད་ཡིན་ནོ་ཞེས་བྱ་བ་ལ། དགོན་པའི་ལམ་དུ་ཆུའི་སྐལ་བ་དུད་འགྲོ་རྣམས་ལ་སྦྱིན་པ་ལ་གང་གི་ཕྱིར་འདུ་ཤེས་ཀྱིས་རྣམ་པར་གཞག་པ་མ་བྱས་པ་དེ་རྒྱུར་བརྗོད་པ་ཡིན་ནོ། །གང་གི་ཕྱིར་
[67b.4]བཟའ་བཏུང་གི་དོན་དུ་དུད་འགྲོ་ཁྱུ་#ལ་སོགས་པ་དེ་ལ་ནི་ཆུ་ལ་སོགས་པ་#གང་ཞིག་སྟེར་བའི་#སྦྱིན་པར་བྱེད་པ་འདི་#བདག་གིའོ་སྙམ་པའི་བསམ་པས་འབྲེལ་པ་གང་ཡིན་པ་དང་ལྟོས་པ་གང་ཡིན་པ་དེ་མེད་པ་ཉིད་ནི་དངོས་པོ་མེད་པའོ། །དེ་བས་ན་དུད་འགྲོ་རྣམས་ཁོ་ན་བདག་པོ་ཉིད་ཅེས་
[67b.5]བྱའོ། །འདིར་གཞུང་#ནི། གནས་སྐབས་དེ་ལ་དུད་འགྲོ་རྣམས་ཀྱི་སྐལ་བའི་ཆུའི་རིན་ཐང་དེ་རྣམས་ཀྱིས་བརྩི་བར་བྱ་ཞེས་གསུངས་པ་གང་ཡིན་པ་དེ་ལས་མ་བྱིན་པར་ལེན་པ་བསྐྱེད་དོ། །ནགས་མེས་བཏང་བ་ལ་སོགས་དག་གིས་གཟུང་བའི་ཕྱིར་རི་དགས་དང་བྱ་དང་སྡིག་སྦྲུལ་ལིངས་
[67b.6]བཏབ་པ་རྣམས་ལ་ནི་ལིངས་པ་མ་ཡིན་པ་བདག་པོ་ཉིད་མ་ཡིན་ནོ་ཞེས་བྱ་བ་ལ། རྔོན་པ་#ལ་སོགས་པ་རྣམས་ཀྱིས་#རི་དགས་ལ་སོགས་པ་རྣམས་ལ་ནགས་མེས་བཏང་བ་ལ་སོགས་པའི་ཐབས་རྣམས་ཀྱིས་བཟུང་བའི་ཕྱིར་མངོན་པར་བརྩོན་པ་རྣམས་ལ་གང་ཞིག་དེ་རྣམས་
[67b.7]ཀྱི་ནང་#མངོན་པར་མི་བརྩོན་པ་དེ་ལ་མངོན་པར་བརྩོན་པ་ཉིད་ནི་བདག་པོ་ཉིད་དུ་དེར་གྱུར་ཏེ་མངོན་པར་མི་བརྩོན་པ་ནི་མ་ཡིན་ནོ། །རྐུ་སེམས་ཀྱིས་འཛིན་པ་ལ་རྐུན་མའི་དངོས་པོ་ཞེས་བྱ་བའི་དོན་ཏོ། །རི་དགས་ལ་སོགས་པ་སྨོས་པ་ནི་འདིར་དཔེ་ཡིན་ཏེ། མི་དང་ཕྱུགས་དག་ལ་
[68a]
[68a.1]ཡང་ཆོ་ག་འདི་སྦྱར་བའོ། །བདག་དང་བདག་གི་དག་ལ་ཡང་ཡོད་པ་ཉིད་ཀྱི་ཕྱིར་བདག་པོ་སྐྱེས་པ་ལ་བདག་པོ་དང་བཅས་པར་སྦྱར་བའོ། །བྱེ་བྲག་མ་ཕྱེད་པ་ལ་ནི་གཞི་ལས་རྣམ་པར་གཞག་གོ་ཞེས་བྱ་བ་ནི་བདག་པོ་དང་བཅས་པ་ཞིག་གམ་འོན་ཏེ་མ་ཡིན་
[68a.2]ཞེས་བྱེ་བྲག་མ་ཕྱེད་པ་གང་ཞིག་དེ་ཡོད་མོད་ཅེས་བྱ་བ་གང་དུ་གཏེར་རམ། རྫས་གཞན་འཛིན་པ་དངོས་པོ་#དེ་ལ་ནི་འདུ་ཤེས་ལས་རྣམ་པར་གཞག་པའོ། །གལ་ཏེ་རྫས་དེ་བདག་པོ་དང་བཅས་པ་ཡིན་ན་བདག་པོ་དང་བཅས་པའི་སྐྱོན་ནོ། །གལ་ཏེ་མིན་ན་བདག་པོ་མ་ཡིན་པ་ལ་སོགས་
[68a.3]པ་ལྡང་བའི་སྐྱོན་ནོ། །རིན་ཐང་ནི་བརྐུས་པའི་གནས་དང་དུས་ཀྱིས་སོ་ཞེས་བྱ་བ་ནི་རིན་ཐང་གི་རྣམ་པར་གཞག་པ་ཞེས་བྱ་བ་འཇུག་གོ། །བརྐུས་པའི་གནས་དང་དུས་གང་ཡིན་པ་དེས་རིན་ཐང་གི་རྣམ་པར་གཞག་པ་གང་དུ་བྱེད་པ་དང་། གང་གི་ཚེ་ན་དེར་དེའི་ཚེ་རིན་ཐང་དེས་དེར་ལྟུང་བྱེད་ཅེས་
[68a.4]བྱ་བའི་དོན་དེ་རྣམ་པར་གཞག་གོ་ཞེས་བྱ་བ་འཇུག་གོ། །མ་བསམས་#པ་ལ་ལྟུང་བ་མེད་དོ་ཞེས་བྱ་བ་ལ། རྫས་གང་ཞིག་རྐུ་བ་ཉིད་ཀྱིས་མངོན་པར་མི་འདོད་པ་དེ་ལྟ་བུའམ་འོན་ཏེ་ཆེ་གེ་མོའི་ཡིན་ན་ཡང་བདག་གིས་རྐུའོ་སྙམ་སྟེ། འཁྲུལ་པས་བརྐུས་པར་གྱུར་པ་དེ་ལས་ལྟུང་བར་མི་
[68a.5]འགྱུར་རོ། །དེ་ལྟར་ན་#ཡང་ཉེ་བ་འཁོར་གྱིས་ཞུས་པ་ལས། བཙུན་པ་རེ་ཞིག་དགེ་སློང་གིས་རྐུ་སེམས་ཀྱིས་ཆོས་གོས་ཀྱི་གདང་བུ་བརྐུས་པ་ལ་གལ་ཏེ་དེར་ཆོས་གོས་དག་ཀྱང་ཞར་ལ་མཆིས་ན་ལྟུང་བ་ཅིར་འགྱུར་ཆོས་གོས་ཀྱི་གདང་བུའི་རིན་ཐང་བརྩི་བར་བྱའོ་ཞེས་གསུངས་པ་ཡིན་
[68a.6]ཏེ། དེ་ལ་ཆོས་གོས་རྣམས་ནི་མངོན་པར་འདོད་པ་མ་ཡིན་ཏེ། དེ་བས་ན་དེ་ལ་བརྟེན་པའི་གྲངས་གསུངས་པ་མ་ཡིན་ནོ། །རང་དང་བརྙ་བ་དང་ཡིད་གཅུགས་#པའི་སེམས་དག་གིས་གཞན་ལ་གོ་བར་བྱ་སྟེ། བླངས་ན་ལྟུང་བ་མེད་དོ་ཞེས་བྱ་བ་ནི་རྐུ་སེམས་མེད་ན་ལྟུང་བ་མེད་དོ་
[68a.7]ཞེས་བྱ་བ་དང་འབྲེལ་ལོ། །རང་གི་སེམས་དང་བརྙ་བའི་སེམས་དང་ཡིད་གཅུགས་པའི་སེམས་ནི་རང་དང་བརྙ་བ་དང་ཡིད་གཅུག་པའི་#སེམས་སོ། །དེ་རྣམས་ཀྱིས་བཟུང་བ་ལ་རྐུ་སེམས་མེད་པས་ལྟུང་བ་མེད་དོ། །དེ་ལྟར་ཡང་དགེ་སློང་གིས་རང་གི་#ལྟུང་(ལྷུང་)བཟེད་དང་ཆོས་གོས་ཀྱང་
[68b]
[68b.1]རྐུ་སེམས་ཀྱིས་ལེན་ན་ཉེས་པ་སྦོམ་པོར་འགྱུར་རོ། །སེམས་འདི་རྣམས་ཀྱིས་ཀྱང་ལེན་པར་བྱེད་ན་གཞན་གྱིས་རྐུ་བའི་གླགས་བཟློག་པའི་དོན་དུ་དངོས་པོ་འདི་གཞན་ལ་གོ་བར་བྱ་བ་འདིར་#རིགས་པ་ཡིན་ནོ། །དེ་ལྟར་ན་ཡང་གཞན་ལ་གོ་བར་བྱའོ་ཞེས་འབྱུང་བའི་ཕྱིར་རོ། །དོགས་#པ་
[68b.2]དང་བྲལ་#བར་བྱ་བའི་ཕྱིར་བསྟན་པ་འདི་ཡིན་ཏེ། དོགས་#པ་མེད་པར་དོན་དུ་གཉེར་བའི་ཕྱིར་འདི་བྱའོ། །དེ་ལྟར་བྱས་ན་འགྱོད་པའི་གླགས་རྙེད་པར་མི་འགྱུར་བ་ཞེས་བྱ་བའོ། །རང་དང་བརྙ་བ་དང་ཡིད་གཅུགས་#པའི་སེམས་དང་གཞན་ལ་གོ་བར་བྱས་པ་རྣམས་ལས་རྣམ་པ་གཞན་
[68b.3]གྱིས་ཀྱང་རྐུ་བའི་སེམས་མེད་པར་ལེན་པ་ལ་ལྟུང་བ་མེད་ཅེས་བསྟན་པའི་ཕྱིར། །རྐུ་སེམས་མེད་པ་གཞན་གྱིས་ཀྱང་ངོ་ཞེས་བྱ་བ་སྨོས་སོ། །རྣམ་པ་གཞན་གྱིས་ཀྱང་ཇི་ལྟར་ཉེས་པ་མེད་ཅེ་ན། ཉེ་བ་འཁོར་གྱིས་ཞུས་པ་ལས། དགེ་སློང་གིས་དགེ་སློང་ལ་འདི་སྐད་ཅེས་སྨྲས་ཏེ།
[68b.4]ཁྱོད་ཀྱིས་དགེ་སློང་ཆེ་གེ་མོའི་ཡོ་བྱད་དེ་དང་དེ་དག་ཤེས་#སམ་ཤེས་སོ། །འོ་ན་སོང་ལ་དེ་#དག་རྐུས་#ཤིག །དེ་དག་ཕྲོགས་ཤིག །དེ་དག་གནས་ནས་ཡང་གཞན་དུ་སྤོགས་ཤིག་ཅེས་བསྒོ་ནས་ཞེས་བྱ་བའོ། །རྐུ་བའི་སེམས་ཀྱིས་#རྐུ་ཞེས་བྱ་བ་འདི་ལ་དོན་གཉིས་དང་ལྡན་པ་ཉིད་དོ། །
[68b.5]རྐུ་བར་བྱེད་ཁར་འཇུག་པར་བྱེད་ཅེས་བྱ་བར་མངོན་པར་འདོད་དོ། །འོན་ཏེ་དེ་འདི་སྙམ་དུ་འདི་ནི་ཞེས་བྱ་བ་འདི་ལ་བདག་པོ་ཉིད་ཀྱིས་འདི་ཞེས་བྱ་བ་དོན་གྱིས་ཀུན་དུ་སྤྱོད་པར་གྱུར་པ་རྐུ་བ་མངོན་པར་འདོད་ཅེས་བྱ་བ་དོན་འདི་ཡིན་ནོ། །སྙིང་རྗེས་#རྫུ་འཕྲུལ་གྱིས་ཕྲོགས་ནའོ་ཞེས་བྱ་བ་ནི་ལྟུང་
[68b.6]བ་མེད་དོ་ཞེས་བྱ་བར་རྗེས་སུ་འབྲེལ་ཏོ། །སེམས་ཀྱིས་རིགས་ཉིད་དེ་འདྲ་བ་འདི་ཡིན་གྱི། གང་ཞིག་འདིར་ལྟུང་བ་མི་སྐྱེད་#ཅེས་བྱ་བར་རིག་པར་བྱའོ། །སྙིང་རྗེའི་སེམས་ཀྱིས་གཞན་ནོར་དང་བྲལ་བ་ལ་ལྟུང་བ་མི་སྐྱེད་པའོ#། །དེ་ལྟར་ན་ཡང་འཆད་པར་འགྱུར་བ་སྟེ་སྙིང་རྗེའི་སེམས་
[68b.7]ཀྱིས་ནི་ཉེས་བྱས་ཞེས་བྱ་བའོ། །དེ་བས་ན་རྣམ་པ་གསུམ་ཞེས་བྱ་བ་ཁྱད་པར་རོ། །ཐམས་ཅད་དུ་སྦྱོར་བ་ལ་ནི་ཉེས་བྱས་སོ་ཞེས་བྱ་བ་ནི་ལྟུང་བ་ཐམས་ཅད་ལ་ཡང་སྦྱོར་བ་གང་ཡིན་པ་དེ་ལ་ནི་ཉེས་བྱས་སོ། །#དེ་ནི་སྤྱིར་བཏང་བ་སྟེ། དེའི་དམིགས་ཀྱིས་བསལ་བ་བསྟན་པའི་ཕྱིར། སྡེ་
[69a]
[69a.1]ཚན་དེ་ལ་གལ་ཏེ་དངོས་གཞིའི་ཡིན་ན་སྦོམ་པོའོ་ཞེས་བྱ་བ་སྨོས་ཏེ་དེ་ལ་ཞེས་བྱ་བ་ནི་ཕམ་པ་ལའོ། །སྡེ་ཚན་ལ་སྦོམ་པོ་ནི་སྦྱོར་བའོ། །གལ་ཏེ་དངོས་གཞིའི་ཡིན་ན་ཞེས་བྱ་བ་ནི་སྦྱོར་བ་དེའོ#། །ཇི་སྟེ་སྦྱོར་བའི་སྦྱོར་བ་ཡིན་ན་དེ་ལ་ནི་ཉེས་བྱས་ཁོ་ནའོ། །འོག་མ་
[69a.2]དག་ལ་ཡང་དེ་བཞིན་ནོ་ཞེས་བྱ་བ་ནི་གང་ཞིག་སྡེ་ཚན་དེ་ལ་འོག་མ་སྦོམ་པོ་བརྗོད་#པ་དངོས་གཞིའི་ཡིན་ན་སྦྱོར་བ་དེ་ལ་ཞེས་བྱ་བ་ནི་#འོག་མའི་སྡེ་ཚན་ལ་དགེ་འདུན་ལྷག་མ་ཞེས་བྱ་བ་རྟོགས་པར་བྱའོ། །འདིར་ཡང་དངོས་གཞིའི་སྦྱོར་བ་ཡིན་ན་སྦོམ་པོའོ། །སྦྱོར་བའི་སྦྱོར་བ་ཡིན་ན་ནི་
[69a.3]ཉེས་བྱས་སོ། །མ་ཆོག་པ་#བརྐུས་ནའོ་ཞེས་བྱ་བ་སྦོམ་པོའོ་ཞེས་བྱ་བའི་དབང་དུ་བྱ་སྟེ། འདི་མན་ཆད་འོག་ནས་སྙིང་རྗེ་དང་ལྡན་པའི་སེམས་ཀྱིས་ན་ཉེས་བྱས་སོ་ཞེས་བྱ་བ་ནས་མ་ཤ་ཀ་ལྔར་མ་ཆོག་པ་བརྐུས་ན་གང་ཅུང་ཟད་མ་ཚང་བར་བརྗོད་པ་དེ་ཐམས་ཅད་ནི་དངོས་གཞིའི་ཆོ་ག་ལའོ#། །
[69a.4]དེ་བས་ན་འདིར་ཇི་ཙམ་དུ་དངོས་གཞིའི་ཆོ་ག་ལ་བརྟེན་པའི་རྣམ་འགྱུར་དུ་གྱུར་པའོ། །དེ་ལས་གཞན་པའི་དངོས་གཞིའི་ཆོ་ག་བརྟེན་པ་དེ་ལ་རྗེས་སུ་སྦྱོར་བའོ། །དཔེར་ན་རྐུ་བ་དང་རྐུར་བཅུག་པ་དང་མངགས་པ་དང་#མ་བྱིན་པ་དང་། རྐུ་སེམས་ཀྱིས་མིའི་རྒྱུད་ཀྱིས་ཡོངས་སུ་
[69a.5]བཟུང་བར་འདུ་ཤེས་པ་དང་ཞེས་བྱ་བ་འདི་རྣམས་དངོས་གཞིའི་ཆོ་ག་ལ་གཏོགས་པའི་ཡན་ལག་རྣམས་མདོ་འདི་ལ་རྗེས་སུ་སྦྱར་བའོ། །དེ་བས་ན་ཁྱད་པར་འདི་དང་ལྡན་པའི་ཆོ་ག་འདི་ལ་སྦོམ་པོ་འདི་རིག་པར་བྱའོ#། །གཞན་དུ་ཡང་དེ་དང་རྗེས་སུ་འབྲང་བས་རྟོགས་པར་བྱའོ། །
[69a.6]མི་མ་ཡིན་པའི་འགྲོ་བ་དང་འབྲེལ་པ་ལ་དེའི་འདུ་ཤེས་དང་མིའི་འགྲོ་བ་ལ་བརྟེན་པའི་འདུ་ཤེས་ཀྱིས་མ་ཆོག་པ་བརྐུས་པ་ལ་སྒོམ་པོའི་ལྟུང་བ་བྱུང་བ་ལ་དམན་པ་ཉིད་ཀྱི་ཕྱིར་ཉེས་བྱས་སོ། །གང་དེའི་བདག་པོ་ཉིད་ཡོངས་སུ་བཟུང་བ་དང་མ་ཆོག་པ་དང་མིའི་འགྲོ་བ་པ་ཡོངས་
[69a.7]སུ་འཛིན་པ་ཉིད་ཀྱི་ཕྱིར་འདུ་ཤེས་ལ་ཉེས་བྱས་ཉིད་དོ། །རྐུ་བའི་སེམས་མེད་ན་ཐམས་ཅད་དུ་ལྟུང་བ་མེད་དོ། །གང་གི་ཕྱིར་འདིར་རྐུ་བའི་སེམས་ནི་ལྟུང་བ་བྱས་པ་སྟེ། ཡན་ལག་གཞན་རྣམས་ལ་ནི་དེའི་ཁྱད་པར་དུ་#བྱས་པ་ཉིད་དོ། །བདག་པོ་མེད་པའི་གཏེར་རོ་ཞེས་བྱ་བ་ནི་
[69b]
[69b.1]མ་བྱས་པ་ལ་འདིར་བདག་པོ་ཉིད་ཅི་འདྲ་བ་སྟེ། གང་ཞིག་དོན་རྟོགས་པའི་བདག་པོས་ཡིན་གྱི་དོན་མ་རྟོགས་པ་ནི་མ་ཡིན་ནོ། །ཡུལ་གྱི་བདག་པོའམ་དེའི་རིགས་དང་ལྡན་པས་མ་རྟོགས་པར་གྱུར་པ་ལ་གང་དང་བཅས་པས་དེའི་རིག་#ཆད་པ་དེ་རྒྱལ་པོས་མ་ཤེས་པ་དང་མ་བྱས་
[69b.2]པ་#ལ་སྦོམ་པོའི་ལྟུང་བའོ། །འདིར་དོན་མ་རྟོགས་#པའི་བདག་པོ་རྒྱལ་པོ་ཡོད་པ་མ་ཡིན་ཏེ། དེ་བས་ན་ཅིའི་ཕྱིར་ཕམ་པ་མ་ཡིན་ཏེ། བདག་ཏུ་བྱས་པ་ཉིད་ཀྱི་ཆད་པས་ཡོངས་སུ་མ་རྫོགས་པའི་ཕྱིར་རོ། །དེ་ལྟར་ན་གཞུང་ནི། དེས་ནད་གཡོག་ལ་སྨྲས་པ། ཁུར་བ་སྣ་གསུམ་དང་
[69b.3]ཐུག་པ་སྟ་གོན་གྱིས་ཤིག་དང་དགེ་འདུན་ལ་ཡང་དབུལ་རང་ཡང་བཟའ་བཏུང་བྱའོ་ཞེས་ཟེར་ནས་དེས་དེ་དག་ལ་ཟོང་ཕོག་གོ། །དེ་དག་འདི་སྙམ་དུ་བདག་ཅག་ལ་ཁུར་བ་སྣ་གསུམ་པ་དང་ཐུག་པས་ཅི་བྱ། འདི་ལ་ཁུར་བ་སྣ་གསུམ་#དང་ཐུག་པ་ཞིག་བྱིན་ལ་ཟོང་བདག་ཅག་གིས་
[69b.4]བགོ་བར་བྱའོ་སྙམ་ནས་དེ་དག་གིས་དེ་ལ་ཁུར་བ་སྣ་གསུམ་པ་དང་ཐུག་པ་ཞིག་བྱིན་ཏེ་ཟོང་བགོས་སོ། །དེ་ལ་འགྱོད་པ་སྐྱེས་ནས་བཅོམ་ལྡན་འདས་ཀྱིས་བཀའ་སྩལ་པ། ཕམ་པར་འགྱུར་བའི་ལྟུང་བ་ནི་མེད་དེ། ཉེས་པ་སྦོམ་པོའི་ལྟུང་བར་འགྱུར་རོ་ཞེས་གསུངས་པ་ཡིན་ཏེ། གང་དག་
[69b.5]ལ་ཕུལ་བ་དེ་དག་ལ་དེར་བདག་གིར་བྱ་བ་སྐྱེས་པར་#མ་གྱུར་པས་དེའི་ཕྱིར་ཕམ་པར་འགྱུར་བའི་རྒྱུ་མེད་པས་#སྣང་ངོ་། །འོ་ན་མ་ཆད་པ་ལ་བདག་ཏུ་བྱ་བ་མེད་པ་ལ་ཇི་ལྟར་སྐྱེད་#པ་སྟེ། དེར་གཏོགས་པ་ཉིད་ཀྱིས་རྫས་དེ་ལ་གནས་པ་ཉིད་ཀྱི་ཕྱིར་རོ། །ཇི་སྟེ་དོན་མ་རྟོགས་པའི་བདག་
[69b.6]པོས་ཀྱང་གང་ཞིག་བདག་པོ་མེད་པ་ཉིད་ནི་དཔེར་ན་སུས་ཀྱང་བདག་ཏུ་མ་བྱས་པའི་དགོན་པ་ལ་གནས་པའི་གཏེར་ལ་ཇི་ལྟར་སྒྲུབ་ཅེ་ན། བྱང་གི་སྒྲ་མི་སྙན་པ་རྣམས་ཀྱི་རྫས་རྐུས་#པ་བཞིན་དུ་དེ་ལ་མ་བྱིན་པར་ལེན་པ་མེད་དེ#། བདག་ཏུ་མ་བྱས་པ་ཉིད་ཀྱི་#ཕྱིར་རོ། །ཇི་སྟེ་རྐུ་སེམས་
[69b.7]སྐྱེད་པར་བྱེད་ན་ཉེས་པ་སྦོམ་པོར་འགྱུར་རོ། །འདིར་དངོས་གཞིའི་ཆོ་ག་ལ་#གཏོགས་པའི་ཡན་ལག་རྣམས་ལ་མིའི་འགྲོ་བ་པ་#ཡོངས་སུ་གཟུང་བར་བྱ་བ་འདིས་སྤང་བའི་དོན་དུ་སྦྱར་བའོ། །དེའི་འདུ་ཤེས་ཀྱིས་ཞེས་བྱ་བ་ལ་དེ་ལ་བདག་པོ་མེད་པའི་གཏེར་གྱི་འདུ་ཤེས་ཀྱིས་ཞེས་བྱ་
[70a]
[70a.1]བའི་དོན་ཏོ། །བྱེ་བྲག་འདི་དང་ལྡན་པ་རྣམས་ལ་འདི་ནི་སྦོམ་པོ་སྟེ། བདག་པོ་མེད་པའི་གཏེར་ལ་བདག་པོ་དང་བཅས་པའི་འདུ་ཤེས་ཀྱིས་མིར་གྱུར་པའི་བདག་པོས་སམ་གཞན་གྱིས་ཀྱང་སྦོམ་པོ་ཉིད་དོ། །འདིར་ལས་འདི་ལ་ཤིན་ཏུ་མཆོག་ཉིད་ཀྱི་ཕྱིར་མ་ཤ་
[70a.2]ཀ་ལྔ་#ལ་སོགས་པ་མ་ཚང་བ་ཉིད་ཀྱི་ཕྱིར་#གཏེར་ལ་བདག་པོ་ཉིད་མེད་པའི་འདུ་ཤེས་ཀྱིས་དང་། བདག་པོ་དང་བཅས་པ་ཉིད་ཀྱི་འདུ་ཤེས་ལ་ཡང་བདག་པོ་མི་མ་ཡིན་པའམ། མིའི་བདག་པོས་ཀྱང་སྦོམ་པོ་བྱས་པ་ལས་དམན་པའི་ཕྱིར་ཉེས་བྱས་སོ། །རང་གིའོ་ཞེས་བྱ་བ་ནི་རང་གི་
[70a.3]རྫས་#མ་ཤ་ཀ་ལྔ་#ལ་སོགས་པ་རྐུ་སེམས་ཀྱིས་དེར་འདུ་ཤེས་པས་རྐུའམ་རྐུར་བཅུག་པ་དང་། མངགས་པས་དང་ལྟུང་བ་སྦོམ་པོར་འགྱུར་རོ། །དེར་འདུ་ཤེས་པ་ཞེས་བྱ་བའི་ཚིག་དེ་སྐབས་འདིར་ནི་རང་གི་འདུ་ཤེས་པ་ཞེས་བྱ་བར་རིག་པར་བྱའོ། །དེ་ལྟར་ཡང་གཞུང་ནི། དེའི་ཕྱིར་
[70a.4]དགེ་སློང་གིས་རང་གི་ལྷུང་བཟེད་དང་ཆོས་གོས་ཀྱང་རྐུ་སེམས་ཀྱིས་བླང་བར་མི་བྱའོ། །གལ་ཏེ་དགེ་སློང་གིས་རང་གི་#ལྷུང་བཟེད་དང་ཆོས་གོས་ཀྱང་རྐུ་སེམས་ཀྱིས་#ལེན་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །རང་གི་ལ་གཞན་གྱིས་ཡོངས་སུ་བཟུང་བར་འདུ་
[70a.5]ཤེས་པ་ཡང་སྦོམ་པོ་ཁོ་ན་སྟེ། འདི་ལས་འདི་ལ་རྐུ་སེམས་ཤིན་ཏུ་ལྕི་བའི་ཕྱིར་རོ། །དེ་ལྟར་ཡང་གཞུང་ནི། དགེ་སློང་དག་མ་ཕམ་པ་མི་གཏི་མུག་ཅན་འདི་ནི་རང་གི་ཆོས་གོས་རྙང་རྙིང་དག་གིས་ཉེས་པ་སྦོམ་པོའི་ལྟུང་བ་འབྱུང་ངོ་ཞེས་གསུངས་པ་ཡིན་ནོ། རང་གི་ལ་གཞན་
[70a.6]གྱིས་ཡོངས་སུ་བཟུང་བར་འདུ་ཤེས་པ་ལ་སྦོམ་པོ་ཁོ་ན་སྟེ། རང་གི་ལ་གཞན་གྱིར་འདུ་ཤེས་པ་དང་ཡོངས་སུ་མ་བཟུང་བ་ལ་#མ་བཟུང་བར་འདུ་ཤེས་པར་ཅེས་#པ་ནི་ལྟུང་བ་ལ་འདྲ་བའི་ཕྱིར་རོ། །དེ་བཞིན་དུ་ཡོངས་སུ་མ་བཟུང་བ་ལ་ཡོངས་སུ་མ་བཟུང་བར་འདུ་ཤེས་པའམ།
[70a.7]ཡོངས་སུ་བཟུང་བ་དང་བཅས་པར་འདུ་ཤེས་པ་ལ་ཡང་སྦོམ་པོ་ཁོ་ནའོ། །འགྲོ་བ་གཞན་གྱིར་#རོ་ཞེས་བྱ་བ་ནི་མིའི་འགྲོ་བ་ལས་གཞན་པའི་འགྲོ་བ་གང་ལ་ཡོད་པ་གང་ཡིན་པ་དེ་ནི་འགྲོ་བ་གཞན་ཏེ་རང་གི་ཞེས་བྱ་བ་འཇུག་གོ། །འགྲོ་བ་གཞན་ལ་གནས་པ་མིའི་འགྲོ་བ་པར་
[70b]
[70b.1]ཡོངས་སུ་འཛིན་པ་ལ་འདི་དང་བྲལ་བའི་དངོས་གཞིའི་ཡན་ལག་ཡོད་དུ་ཟིན་ཀྱང་སྦོམ་པོ་སྟེ། དེར་འདུ་ཤེས་པས་སོ་#ཞེས་བྱ་བ་འདི་ལ་འདིར་འགྲོ་བ་གཞན་དུ་ཤེས་པས་སོ་ཞེས་བྱ་བའི་དོན་ཏོ། །འདིར་གཞུང་ནི། དེ་འདི་སྙམ་དུ་གལ་ཏེ་བྱའི་རྐུའི་མིའི་ནི་མ་ཡིན་ནོ་སྙམ་ན་ཞེས་བྱ་བ་ལ་སོགས་
[70b.2]པ་ཡིན་ནོ། །མི་མ་ཡིན་པའི་འགྲོ་བ་པ་དང་འབྲེལ་པའི་འདུ་ཤེས་ཀྱིས་ནི་འགྲོ་བ་གཞན་དང་འབྲེལ་པ་ལ་སྦོམ་པོ་ཁོ་ན་སྟེ། ཤིན་ཏུ་མཆོག་ཉིད་ཀྱི་ཕྱིར་རོ། །བདག་གིར་མ་བྱས་པར་སྦ་བ་དང་ཆུད་གཟན་པ་དང་ཟིན་པ་བཏང་བ་ལ་སོགས་པས་བྲལ་བར་བྱེད་ན་ཡང་ངོ་ཞེས་བྱ་བ་ནི་བདག་
[70b.3]གིར་མ་བྱས་པར་སྦ་བ་#ལ་སོགས་པ་གང་ཞིག་བྲལ་བར་བྱེད་ན་ཡང་དེར་སྦོམ་པོའོ། །སྦ་བ་ཞེས་བྱ་བ་ནི་འདིར་འདམ་རྫབ་ཏུ་གཞུག་པ་ལ་སོགས་པར་བསྟན་ཏོ། །ཆུད་གཟན་པ་ཞེས་བྱ་བ་ནི་བསྲེག་པ་དང་གཅད་པ་དང་བྲལ་#བའི་བདག་ཉིད་ཀྱིས་#ཆུད་ཟོས་པའོ། །ཟིན་པ་བཏང་བ་ཞེས་བྱ་
[70b.4]བ་ནི་རི་དགས་དང་ཉ་དག་ལ་སོགས་པ་རླུབས་དང་རྡོས་ལ་སོགས་པས་ཟིན་པ་དག་དེའི་ཡང་འདྲ་བ་ཉིད་ཀྱི་ཕྱིར་འདི་ལྟ་བུའི་རིགས་ཅན་གཞན་ལ་དཔེ་ཉིད་རྣམ་པར་གནས་ཞེས་བྱ་བ་བྱེ་བྲག་མེད་པར་ཉེ་བར་འབྲེལ་པའོ། །འདིར་རྣམ་པ་གཞན་ཡང་བཅིང་བ་དང་བྲལ་#བ་དང་སྐྲོད་པ་དང་
[70b.5]གསོད་པ་ལ་སོགས་པ་ཡོད་པ་ཡིན་ཏེ། དེ་རྣམས་ལ་ཁོངས་སུ་བསྡུ་བའི་ཕྱིར་སོགས་པའི་སྒྲའོ། །རྐུའམ་རྐུར་བཅུག་པ་དག་ལ་རྐུ་སེམས་ཀྱིས་ཞེས་བྱ་བ་འདིར་དངོས་གཞིའི་ཆོ་ག་ལ་གཏོགས་པ་འབའ་ཞིག་གི་ཡན་ལག་འདི་མེད་པའོ། །དེ་བས་ན་མངགས་པས་ཀྱང་མ་བྱིན་
[70b.6]པའོ། །མ་ཤ་ཀ་ལྔ་ལ་སོགས་པའོ། །མིའི་འགྲོ་#བ་པས་ཡོངས་སུ་བཟུང་བ་ལ་དེའི་འདུ་ཤེས་ཀྱིས་ཞེས་བྱ་བའི་ཁྱད་པར་དེ་དང་ལྡན་པའི་ཆོ་ག་འདི་ལ་སྦོམ་པོ་འདི་རིག་པར་བྱའོ། །གཞན་ལ་ཡང་དེའི་རྗེས་སུ་འབྲངས་པས་རྟོགས་པར་བྱའོ། །གཞན་གྱི་#འགྲོ་བ་པ་དང་འབྲེལ་
[70b.7]པའི་འདུ་ཤེས་ཀྱིས་མིའི་འགྲོ་བ་པ་དང་འབྲེལ་པ་བྲལ་#བར་བྱེད་ན་སྦོམ་པོའི་བྱེད་པ་དམན་པའི་ཕྱིར་ཉེས་བྱས་སོ། །དེ་བཞིན་དུ་མི་མ་ཡིན་པའི་འགྲོ་བ་པ་དེ་འབྲེལ་པ་ལ་མིའི་འགྲོ་བ་པ་དང་འབྲེལ་བའི་འདུ་ཤེས་ཀྱིས་འབྲལ་#བར་བྱེད་ཀྱང་ཉེས་བྱས་སོ། །མ་ཆོག་པ་ཉིད་ལ་གང་དང་
[71a]
[71a.1]དེ་འབྲེལ་པ་ལ་གང་དང་འབྲེལ་བའི་འདུ་ཤེས་ཀྱིས་སྦོམ་པོའི་བྱེད་པ་དམན་པའི་ཕྱིར་ཉེས་བྱས་སོ། །གཞན་གྱིས་ཡོངས་སུ་མ་བཟུང་བ་ཉིད་ཀྱི་#འདུ་ཤེས་ཀྱིས་ཉེས་བྱས་སོ། །ཡོངས་སུ་བཟུང་བ་དང་བཅས་པའམ་ཡོངས་སུ་མ་བཟུང་བ་ལ་ལྟུང་བ་མེད་དོ། །བྲལ་
[71a.2]བར་བྱེད་པའི་འདུ་ཤེས་མེད་པའི་ཕྱིར་བྲལ་བར་བྱེད་པའི་འདུ་ཤེས་ཅན་ལ་འདིར་ལྟུང་བར་བྱས་པ་ཉིད་དོ། །དཔེར་ན་གཞན་ལ་རྐུ་སེམས་ཀྱིས་དེའི་ཁྱད་པར་དུ་བྱས་པ་ཉིད་ལ་ཡན་ལག་གཞན་རྣམས་ཞེས་བྱ་བའོ#། །འདིར་གཉིས་ཀ་རྣམ་པར་བྲལ་བར་བྱེད་པ་ལས་ཡོངས་སུ་བཟུང་བ་དང་
[71a.3]བཅས་པའི་འདུ་ཤེས་ཡོད་པ་ལ་རྣམ་པར་ལྡང་བ་སྟེ། གསོད་པའི་བློ་དང་སྙིང་རྗེའི་སེམས་ཀྱིས་ཞེས་བྱ་བའོ། །དེ་ལ་སྙིང་རྗེའི་སེམས་ཀྱིས་འདི་བྱེད་པ་ལ་ཉེས་བྱས་ཏེ་ཞེས་བྱ་བར་འཆད་པར་འགྱུར་རོ། །ལྷག་མ་གསོད་པའི་བློས་ཆོ་ག་འདི་བྱེད་པ་ལ་རྣམ་པར་ཞུགས་པར་རིག་པར་བྱའོ། །
[71a.4]སྙིང་རྗེ་དང་ལྡན་པའི་སེམས་ཀྱིས་ན་ཉེས་བྱས་སོ་ཞེས་བྱ་བ་ལ། ཡོངས་སུ་བཟུང་བ་དང་བཅས་པའི་འདུ་ཤེས་ཡོད་#པ་ལ་བཟུང་བ་བཏང་བ་ལ་སོགས་པས་གཞན་གྱི་དོན་དང་བྲལ་བར་བྱེད་པ་ལ་ནི་ཉེས་བྱས་སོ། །སྔར་བྱས་ན་ཕྱིར་བཅོས་མ་བྱས་པ་ཉིད་མ་ཡིན་ནོ་ཞེས་བྱ་བ་ནི་ཁྱིམ་
[71a.5]དེ་ན་བུད་མེད་ནི་མང་སྐྱེས་པ་ནི་ཉུང་ངོ་ཞེས་སྔར་སྦྲན་པའི་ལོ་#རྒྱུས་དབུལ་བའི་ཕྱིར་བཅོས་པ་སྟེ། གང་དུ་ཕྱིར་བཅོས་པ་རྐུན་པོ་རྣམས་ཕྱིར་བཟློག་པ་ལ་སོགས་པ་བྱེད་པ་དེ་ལ་དང་པོ་ནི་རྩོམ་པ་བྱས་པ་མེད་པར་མི་འགྱུར་རོ། །དེ་བས་ན་དེར་སྦོམ་པོའི་ལྟུང་བ་ལས་མེད་པར་ཤེས་པར་རིག་
[71a.6]པར་བྱའོ། །ནོམ་པའི་སྔ་རོལ་ནི་སྦྱོར་བའི་སྦྱོར་བ་ཉིད་དོ་ཞེས་བྱ་བ་ནི་བསམ་པའི་དབྱེ་བས་བྱ་བ་ནི་དབྱེ་བའོ། །བྱ་བའི་དབྱེ་བས་ལྟུང་བ་དབྱེ་བའོ་ཞེས་བྱ་བ་ངེས་པར་བསམ་པའི་དབྱེ་བས་བྱ་བའི་#དབྱེ་བ་ངེས་པར་བྱའོ། །དེ་ལ་ཇི་ལྟར་དངོས་གཞིའི་སྦྱོར་བ་ལ་བྱ་བ་གཞན་ཉིད་ངེས་པར་
[71a.7]བྱས་ནས་ལྟུང་བ་གཞན་དང་རྣམ་པར་ཤེས་པ་ཡིན་ནོ། །དེ་བཞིན་དུ་ནོམ་པའི་ས་རོལ་དུ་བསམ་པའི་དབྱེ་བ་ཡོད་པ་ཡིན་ཞེས་བྱ་བ་བྱ་བ་#གཞན་ཉིད་ངེས་པར་བྱས་ནས་ལྟུང་བ་གཞན་དང་དམན་པར་རིག་པར་བྱའོ། །འདིར་གཞུང་ནི། ཇི་སྲིད་དུ་ནོམ་པར་མི་བྱེད། མཆོག་ཏུ་ནོམ་པར་
[71b]
[71b.1]མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ཀུན་ནས་ནོམ་པར་བྱེད་མཆོག་ཏུ་ནོམ་པར་བྱེད་ཅིང་ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །ཐ་མ་གཏོང་བར་གྱུར་པ་གང་ཡིན་པ་དེ་ལ་རྩོམ་པ་ནི་དེ་ནས་བྱ་བ་གཞན་ཉིད་
[71b.2]རྣམ་པར་གཞག་གོ། །གང་ཞིག་ལ་གཏོང་བར་གྱུར་པ་མ་ཡིན་ན་ནི་དཔེར་ན་ནོམ་ཞིང་ཉུག་ན་དོན་གྱི་དབང་དུ་སུ་ཞིག་གིས་སླར་མནན་པ་ཞེས་བྱ་བར་ཤེས་པར་རིག་པར་བྱའོ། །ཕྲི་བའི་གོམ་པ་རེ་རེ་ལ་དེ་ཐ་དད་པ་ཡིན་ནོ་ཞེས་བྱ་བ་ནི་གོམ་པ་ཕྲི་བ་ལ་རྫས་བཟུང་བའི་དགེ་སློང་གིས་#
[71b.3]དེའི་བདག་པོའི་དྲུང་ནས་རྐུ་བའི་དོན་དུ་ཕྲི་བའི་གོམ་པ་རེ་རེ་ལ་དེ་ཐ་དད་པ་ཡིན་པར་ཤེས་པར་བྱའོ། །གང་ནས་མི་སྣང་བར་འགྲོ་བའི་རྐང་པ་བཏེག་པའི་རྐང་པ་དེ་ནི་སྦྱོར་བ་ཉིད་ཡིན་ནོ། །གཞན་རྣམས་ལ་ནི་སྦྱོར་བའི་སྦྱོར་བ་ཉིད་དང་སྣ་ཚོགས་པ་ཉིད་དེ་གཅིག་པ་ནི་མ་ཡིན་ནོ་
[71b.4]ཞེས་བྱ་བ་འདིའི་བྱེད་པའོ། །ཐ་མའི་རྐང་པ་བཏེག་པ་ལ་སྦོམ་པོ་སྟེ། གཞན་རྣམས་ལ་ནི་སོ་སོར་ཉེས་བྱས་སོ་ཞེས་བྱ་བ་ནི་ཡོངས་སུ་ཐོབ་པའི་དོན་དུ་སོ་སོར་བཏེག་#པར་འདིར་རྩོམ་པར་གྱུར་པ་ཉིད་དེ་འགའ་#ཞིག་ཏུ་ནི་རྫོགས་པར་འགྱུར་བ་མ་ཡིན་ནོ། །དེ་བས་ན་གོམ་པ་རེ་རེར་#
[71b.5]འདིར་ཐ་དད་པའོ། །དེའི་གཞི་ལ་ནི་སེམས་ཅན་སོ་སོ་ལའོ་ཞེས་བྱ་བ་ནི་སེམས་ཅན་གྱི་གཞི་སེམས་ཅན་གྱི་རྟེན་ལ་བརྐུས་པ་དང་གསོད་པ་དང་མཚོན་བྱིན་པ་དང་སྦ་བ་ལ་སོགས་པ་ལ་སེམས་ཅན་སོ་སོ་ལ་དངོས་གཞི་དང་སྦྱོར་བའི་བདག་ཉིད་ཅན་གྱི་ལྟུང་བ་ཐ་དད་དོ། །ཕུར་པ་
[71b.6]ལས་བཀྲོལ་བ་ལ་ནི་གྲུ་ལ་རེག་པ་མ་ཡིན་ནོ་ཞེས་བྱ་བ་ནི་ཐག་པ་གྲུ་དང་འབྲེལ་པ་ཉིད་ཀྱི་ཕྱིར་དེ་ལ་རེག་པས་གྲུ་ལ་རེག་པ་ཉིད་ཅེས་བྱ་བའི་དོགས་པ་བསལ་བའི་ཕྱིར་སྦྱོར་བའི་སྦྱོར་བ་ཉིད་དོ། །འདིར་སྦྱོར་བའི་སྦྱོར་བ་ཉིད་ནི་ཉེས་བྱས་ཡིན་ཏེ། འདིར་སྦོམ་པོ་མ་ཡིན་ཏེ། འདི་ལ་བྱེད་པའོ། །
[71b.7]འདིར་གཞུང་ནི། དགེ་སློང་གིས་རྐུ་སེམས་ཀྱིས་གྲུ་ཕུར་པ་ལ་བཏགས་པ་སྐྱོད་པར་བྱེད་ན་ཉེས་བྱས་སུ་འགྱུར་རོ་ཞེས་གསུངས་པ་ཡིན་ནོ། །དེ་བྱས་ནས་རྐུ་བ་ལ་ནི་ཁུར་བརྐུས་པ་ནའོ་ཞེས་བྱ་བ་ལ། དེ་བྱས་ནས་ཞེས་བྱ་བ་ནི་ཁུར་བུ་བྱས་ནས་#རྐུ་བ་ནི་གང་དུ་ཁུར་བུ་བྱས་ཏེ་རྐུ་བའོ། །
[72a]
[72a.1]དཔེར་ན་གོས་རྣམས་རླུང་གིས་#སྣ་ཚོགས་པའི་ཕྱོགས་རྣམས་སུ་རྣམ་པར་འཕེན་པར་བྱེད་པ་དེར་ཁུར་བུ་འཕྲོག་པ་ཡིན་གྱི་#རྫས་རེ་རེ་ལ་ནི་མ་ཡིན་ནོ། །མ་ཤ་ཀ་ལྔ་ལ་སོགས་པའི་རིན་ཐང་གི་ཚད་ནི་གོས་ལ་སོགས་པ་དག་ཁུར་དྲགས་པའི་སྔ་རོལ་དུ་གནས་སྤོ་
[72a.2]བར་བྱེད་ཀྱང་དེ་ལྟར་ན་ཡང་ཕམ་པར་མི་འགྱུར་ཏེ། དེའི་ཚེ་ན་དེ་ལ་བསྡུའོ་སྙམ་པའི་བློ་ཡོད་ཀྱི་རྐུའོ་སྙམ་པའི་བློ་མེད་པའི་ཕྱིར་རོ། །འདིར་གཞུང་ནི། འདི་ལྟར་བཙོ་བླག་མཁན་གྱིས་གོས་རྣམས་#འཁྲུ་ཞིང་གོས་དག་བཏིང་བ་རླུང་གིས་ཁྱེར་ཞིང་དགེ་སློང་དེ་ལ་སྦྱོར་བས་ཇི་སྲིད་དུ་ནོམ་
[72a.3]པར་མི་བྱེད། ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད། ཉུག་#པར་བྱེད། གོས་དག་སྡུད་པར་བྱེད། བམ་པོར་སྦྲེལ་བར་བྱེད་ཅིང་། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་
[72a.4]སྦེད་པར་བྱེད་ན་བརྐུས་#པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དེ་སྲིད་དུ་སྦོམ་པོའི་ལྟུང་བ་ཞེས་བྱ་བའི་བར་དུའོ། །བཏུས་ནས་ནི་ཕུང་པོ་ནའོ་ཞེས་བྱ་བ་ནི་རྫས་གང་ཞིག་བཏུས་ནས་རྐུ་བར་བྱེད་པ་ནི་མེ་ཏོག་དང་འབྲས་བུ་རྣམས་སོ། །དེའི་ཚེ་ནམ་ཕུང་པོ་བཅེར་བ་ཁོ་ན་
[72a.5]བརྐུས་པ་ཡིན་གྱི་#རྫས་རེ་རེ་ལ་ནི་མ་ཡིན་ནོ། །གང་གི་ཚེ་ན་ཕུང་པོ་དེ་གནས་ནས་འཕོ་བར་གྱུར་ན་དེའི་ཚེ་དངོས་གཞིའི་ལྟུང་བའོ། །གང་གི་ཚེ་མེ་ཏོག་དང་འབྲས་བུ་རེ་རེ་ཡང་རིན་ཐང་མ་ཤ་ཀ་ལྔ་ལ་སོགས་པའི་ཚད་དེ་ལ་བསྡུ་བའོ་སྙམ་པའི་བློ་འདིར་ཡོད་པས་རྐུ་བའི་བློ་ནི་མ་ཡིན་ནོ། །ཕུང་
[72a.6]པོ་འདི་ལ་གཞུང་ནི། ཤིང་རྣམས་ནི་གསུམ་ཡིན་ཏེ། མེ་ཏོག་གི་ཤིང་དང་། འབྲས་བུའི་ཤིང་དང་། གྲིབ་མའི་ཤིང་ཞེས་བྱ་བ་སྟེ། དགེ་སློང་ནི་མེ་ཏོག་རྣམས་ཀྱི་ཕྱིར་ཁྲི་ལས་ལྡང་ཞིང་གོས་གྱོན་པར་བྱེད་དེ་འགྲོ་བར་བྱེད། །མེ་ཏོག་གི་ཤིང་ལ་འཛེག་སྟེ་ཇི་སྲིད་དུ་ནོམ་པར་མི་བྱེད། ཉུག་པར་མི་
[72a.7]བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད། ཉུག་པར་བྱེད།# མེ་ཏོག་རྣམས་འཐོག་པར་བྱེད། ཐུ་བ་འགེངས་པར་བྱེད་ཅིང་ཇི་སྲིད་དུ་གནས་ནས་གནས་གཞན་དུ་འཕོ་བར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ་ཞེས་བྱ་བ་ལ་སོགས་པའོ། །བཏུས་པ་རྣམས་ཀྱི་#ཚོགས་
[72b]
[72b.1]ནི་ཕུང་པོའོ། །སྤྱིངས་པ་ལ་ནི་གནས་ཀྱི་སྟེང་ནས་རྫས་ཀྱི་སྟེང་ན་#བྱིང་ནའོ་ཞེས་བྱ་བ་ནི་བརྐུ་བར་བྱ་བའི་རྫས་ཀྱི་གནས་ནི་ཆུ་ལ་སོགས་པ་གང་ཡིན་པའོ། །དེའི་སྟེང་ནི་གང་ཞིག་སྟེང་གི་ཡ་#མཐའ་ཆའི་སྟེང་རིམ་མོ། །དེའི་སྤྱིངས་པའི་ལྟུང་བ་རྐུ་བཞིན་པའི་རྫས་ལ་ནི་བྱིང་བ་ཉིད་ལ་ནི་
[72b.2]སྟེང་གང་ཞིག་ཡ་བླའི་ཆའི་སྟེང་རིམ་དེའི་བྱིང་བ་ལས་#འཕོ་བའོ། །གནས་གཞན་དུ་བྱིང་བ་ལ་ནི་འཕོ་བ་མ་ཡིན་ནོ། །འདིར་འཕོ་བ་ནི་འཕོ་བའོ། །དེ་ལས་སྟེང་གི་ཆ་ནི་སྟེང་ན་ཡོད་པའི་སྟེང་གི་མཚམས་ཞེས་བྱ་བ་འདིས་ཤེས་པ་རྫས་མ་ལུས་པ་འདའ་བ་ནི་འཕོ་བའོ། །དེ་བས་ན་བུ་ག་
[72b.3]ལ་གནས་གཞན་ཉིད་ཡོད་ཀྱང་འདའ་བར་བྱེད་པ་ཉིད་ལ་གནས་ཀྱི་སྟེང་ནས་རྫས་ཀྱི་སྟེང་ན་#བྱིང་བ་ཉིད་མ་ཡིན་ནོ། །དེར་ཕྱིར་དབྱུང་ངོ་སྙམ་པའི་བློ་གྲོས་གང་ཡིན་པ་ནི་བསྐུར་#བའི་འོ་ཞེས་བྱ་བ་ནི་བྱིང་བ་ལ་ཕྱིས་བརྐུ་བར་བྱའོ་ཞེས་བྱ་བ་འདིར་བློ་གྲོས་ཀྱི་ངེས་པ་གང་ཡིན་པ་དེ་#ལ་ནི་གནས་ཀྱི་
[72b.4]སྟེང་ནས་རྫས་ཀྱི་སྟེང་འཕོ་བ་ཞེས་བྱ་བ་ནི་རིགས་པ་མ་ཡིན་ཞེས་བྱ་བ་གང་ཞིག་གིས་འདོད་པ་དེའི་བློ་བཟློག་པའི་ཕྱིར་མདོ་འདི་ཡིན་ཏེ། གང་གི་ཕྱིར་གལ་ཏེ་རྐུ་བའི་སེམས་ཡང་དག་པར་#མ་སྐྱེས་པ་འདིར་འཇུག་པ་ཡིན་ན་བྱིང་བ་ཉིད་འཕོ་བ་མ་ཡིན་པར་འགྱུར་རོ། །རྐུ་སེམས་ཡང་དག་
[72b.5]པར་#སྐྱེས་པ་ཉིད་ཀྱིས་རྣམ་པ་འདི་ལྟ་བུ་རྣམས་ལ་འཇུག་པའོ། །དེ་བས་ན་འདིར་རྐུ་#བ་ནི་བསྐུར་#བའི་དོན་ཡིན་གྱི། ཀུན་ནས་ཆད་པའི་དོན་དུ་ནི་མ་ཡིན་#ཞེས་བྱ་བའོ། །འདིར་གཞུང་ནི། དགེ་སློང་གིས་ཟོང་སྤྱིང་བའི་#ཕྱིར་ཁྲི་ལས་ལྡང་བར་བྱེད་ཅེས་བྱ་བ་ལ་སོགས་པའོ། །བཤལ་བ་ལ་ནི་ངོས་
[72b.6]ཀྱི་གཞིའི་མཚམས་ལས་ངོས་ཅིག་ཤོས་འདས་ནའོ་ཞེས་བྱ་བ་ནི་བརྐུ་བར་བྱ་བའི་རྫས་ལ་ཕྱོགས་ཀྱི་ཆ་གང་ཞིག་གིས་བཤལ་བའི་ཕྱོགས་ཀྱི་ཆ་དེ་ལ་ངོས་གང་ཞིག་ཐ་མའི་ངོས་ཙམ་དུ་གྱུར་པ་ཆ་མེད་པའི་ཆ་དེའི་རྟེན་གང་ཡིན་པ་ལ་སོགས་པ་དེའི་གནས་ཀྱི་བདག་ཉིད་ཅན་གྱི་ཆ་དེའི་མཚམས་གང་
[72b.7]ཞིག་ཆ་དེ་ལས་རྫས་བསྐུར་#བར་བྱ་བ་དེ་འདས་པ་གང་ཞིག་ཆ་གང་ཡང་རུང་བས་མ་ཡིན་ནོ། །འོན་ཀྱང་ངོས་གཞན་གྱིས་ཏེ་ངོས་གང་ཞིག་གི་གཞི་འདི་སྟེ་མཚམས་བརྗོད་པ་དེའི་རྗེས་སུ་གྱུར་པའི་ངོས་ཀྱིས་བཤལ་བ་ལ་གཞིའི་སྟེང་གི་ཆ་ལ་གཞིའི་སྟེང་གི་ཆས་ཉེ་བར་ཁྲིད་པ་ལ་རྐུ་བའོ། །གལ་
[73a]
[73a.1]ཏེ་དེས་ས་དེ་འདས་པར་གྱུར་ན་ཞེས་བྱ་བ་ནི་བྱེ་བྲག་མེད་པར་#སྨོས་པས་ཕྱོགས་ལས་ཕྱི་རོལ་ཏུ་རྫས་ཀྱིས་ནི་མ་ཡིན་ནོ། །གལ་ཏེ་དེས་ས་དེ་འདས་པར་གྱུར་ན་ཞེས་བྱ་བ་སྟེ། དེ་བས་ན་འདིར་བསྐུར་བ་གདགས་#པར་བྱའོ། །ཁྱབ་པའི་ཁོངས་སུ་གཏོགས་པའི་དེ་དང་
[73a.2]ལྡན་པ་ཉིད་ལ་བསྐུར་#བར་བྱ་བའི་རྫས་དེ་ཕྱོགས་ཅི་ཙམ་ཁྱབ་པ་དེའི་ཁོངས་སུ་བསྡུས་པའི་མཚམས་ཀྱི་ཆ་ལ་ངོས་གཞན་གྱིས་བཤལ་ནས་འདས་པ་ནི་བརྐུས་པ་མ་ཡིན་ཞེས་སྟོན་པ་ཁྱབ་པའི་ཁོངས་སུ་གཏོགས་པའི་དེ་དང་ལྡན་པ་ཉིད་ལ་ནི་མ་ཡིན་ནོ་ཞེས་བྱ་བ་ནི་རྐུ་བཞིན་པའི་རྫས་དེས་
[73a.3]ཕྱོགས་ཇི་ཙམ་ཁྱབ་པ་དེའི་ཁོངས་སུ་གཏོགས་པའི་ཆའི་མཐའ་དང་ལྡན་པ་ཉིད་དུ་གྱུར་པ་ལ་གང་ཞིག་ཁྱབ་པའི་ཁོངས་སུ་གཏོགས་པའི་ཆའི་མཚམས་དེ་ལས་ངོས་གཞན་གྱིས་འདས་ནས་བཤལ་བས་བརྐུས་པ་མ་ཡིན་ནོ། །གང་གི་ཕྱིར་འདི་ལྟར་མ་ལུས་པ་ལ་རྐུ་བ་བསྒྲུབ་པ་མ་ཡིན་ཏེ། འོན་
[73a.4]ཀྱང་དུམ་བུ་ཕྱི་མ་ལས་ཕྲད་པ་བསྒྲུབ་པའི་ཆ་ཤས་འདོད་པར་གྱུར་པ་ཉིད་ཀྱིས་རྐུ་བར་གྱུར་པ་རྣམས་ལ་ཚོགས་པའི་ངོ་བོ་ལ་སོ་སོ་ཉིད་ཀྱིས་#རྐུ་བ་བསྐྱེད་པ་མ་ཡིན་ཏེ། ཚོགས་པའི་ངོ་བོ་ཉིད་ཀྱིས་བརྟེན་པ་ཉིད་ཀྱི་ཕྱིར་རོ། །དེ་ལྟར་ཡང་དགེ་སློང་གིས་ཡོ་བྱད་ལྕི་བ་ཤིན་ཏུ་ཐག་རིང་པོར་བཤལ་
[73a.5]ཏེ་བརྐུས་#ཀྱང་མཐའི་ལྟུང་བར་མི་འགྱུར་བ་མཆིས་སམ་ཡོད་དེ། དགེ་སློང་གིས་#ཡོ་བྱད་ལྕི་བའི་ངོས་གཅིག་ཁོ་ན་ནས་བཟུང་སྟེ་ཤིན་ཏུ་ཐག་རིང་པོར་བཤལ་ཀྱང་ངོས་ཅིག་ཤོས་གནས་དེ་ནས་མ་འདས་ན་ཉེས་པ་སྦོམ་པོར་འགྱུར་རོ་ཞེས་གསུངས་སོ། །དེའི་མཚན་ཉིད་ནི་གྱོང་གྲུགས་དང་
[73a.6]གས་པ་དང་བྲིས་པ་དང་། ཁ་དོག་གཞན་དང་བར་མཚམས་དང་བར་ཆད་དག་གོ་ཞེས་བྱ་བ་ལ། མཚམས་དེའི་མཚན་ཉིད་ནི་བདག་ཉིད་དེའི་མཚན་ཉིད་དོ། །གང་དུ་བཅད་པ་བརྗོད་པར་བྱ་བའོ། །གྱོང་དྲུགས་#ཞེས་བྱ་བ་ནི་གྱོང་བ་བཟུང་བའོ། །གས་པ་ཞེས་བྱ་བ་ནི་གས་པ་བཟུང་བའོ། །བྲིས་
[73a.7]པ་ཞེས་བྱ་བ་ནི་ཡི་གེ་བྲིས་པ་བཟུང་བའོ། །ཁ་དོག་གཞན་བྱ་བ་ནི་ཁ་དོག་གཅིག་ལས་གཞན་པ་གང་ཡིན་པ་དེ་ནི་ཁ་དོག་གཞན་ཏེ་དེ་ནི་མཚམས་གཞན་པའོ། །བར་མཚམས་ཀྱི་ཚིག་གི་ནི་རེ་ལྡེ་ལ་སོགས་པ་རབ་ཏུ་ཤེས་པར་གྱུར་པའི་བར་མཚམས་བཟུང་བའོ། །བར་ཆད་ནི་རྣམ་པ་གཉིས་ཏེ།
[73b]
[73b.1]ཤིན་ཏུ་གྱུར་པ་དང་། ས་ཕྱོགས་གཞན་ལ་རྩོམ་པར་གྱུར་པའོ། །ས་ཕྱོགས་གཞན་དེ་ལས་མཐོང་བ་ཉིད་དུ་དེ་རྩོམ་པར་གྱུར་པ་གང་གིས་འདི་རྩོམ་པར་གྱུར་པའི་ས་ཕྱོགས་གཞན་དེ་ན་ཞུགས་པའོ། །ཤིན་ཏུ་གྱུར་པ་ནི་ཤིན་ཏུའམ། གཞན་ཞིང་ལ་སོགས་པ་ངོས་གཅིག་ཏུ་གྱུར་པའི་ས་ཕྱོགས་
[73b.2]ལ་ཞུགས་པ་མ་ཡིན་པ་དང་། ངོས་གཞན་དུ་གྱུར་པ་ལ་ནི་གསུམ་པ་མ་ཡིན་པའོ། །དེ་བས་ན་དེ་དག་གིས་དབུས་#སུ་བརྐོས་པའི་ས་ལ་དབྱིག་གུས་བཞག་པའོ། །འདིར་བར་ཆད་ཀྱི་ཚིག་གིས་ནི་བསྡུས་པར་རིག་པར་བྱའོ། །རེ་ལྡེ་ལ་སོགས་པས་བར་དུ་བཅད་པ་རྣམས་ལ་བར་མཚམས་ཀྱི་ཚིག་
[73b.3]གིས་ནི་#ཁ་དོག་གཞན་དང་ལྡན་པ་འམ་གཞན་ལ་ཁ་དོག་གཞན་གྱི་ཚིག་གིས་ཏེ། གང་དུ་ཆད་པ་བརྗོད་པར་བྱ་བ་དེ་ཙམ་གྱི་#དགོངས་པ་ནི་མདོ་འདི་ཡིན་གྱི། མ་ལུས་པའི་དགོངས་པ་ཅན་ནི་མ་ཡིན་ནོ། །འདི་ལ་བརྗོད་པར་བྱ་བ་ཉིད་ནི་གཞན་དུ་ཡིན་ཞེ་ན། དབུས་སུ་གནས་པའི་སྐྱེ་བའི་
[73b.4]རྒྱུན་ལའོ། །དེར་ནི་དེ་ཉིད་ད་ལྟར་ཡང་གནས་འདི་ཞེས་བྱ་བ་བློའི་སྐབས་ཡོད་དེ། བཟློག་པའི་དོན་དུ་གནས་དེ་ལ་#གནས་ཀྱི་སྐྱེ་བའི་རྒྱུན་ལ་ཡོད་པ་ཉིད་དེ་གང་གི་ཕྱིར་ད་ལྟར་ཡང་གནས་དེ་ཉིད་ཅེས་བྱ་བའི་བློའི་སྐབས་ཡོད་པ་མ་ཡིན་ནོ། །སྲོག་ཆགས་ལ་ནི་རྩིབ་མ་ལ་སོགས་པ་ཐ་དད་པ་
[73b.5]བརྟག་#ཏུ་རུང་བ་རྣམས་བར་ཆད་ཡིན་ནོ་ཞེས་བྱ་བ་ནི་སྲོག་ཆགས་ལ་ནི་རྩིབ་མ་ལ་སོགས་པ་གང་རྣམས་ལ་ཐ་དད་པར་རྟག་ཏུ་རུང་བ་རྩིབ་མ་ལ་སོགས་པའོ། །དེ་རྣམས་ཀྱི་བར་ཉིད་དེ་བར་ཆད་ནི་ངེས་པ་སྟེ། འདི་རྣམས་ལ་སོ་སོར་གནས་པ་ཉིད་ཅེས་བྱ་བའི་དོན་ཏོ། །སོགས་པའི་སྒྲས་ནི་སོ་
[73b.6]དང་སྣས་བར་དུ་བཅད་པ་བཟུང་བའོ། །སོག་#ཆགས་ལ་གཅིག་པ་ཉིད་ཀྱི་ཕྱིར་སྲོག་ཆགས་ཀྱི་ལུས་ཀྱི་བདག་ཉིད་ལ་གཅིག་པ་ཉིད་ཀྱི་ཕྱིར་དུ་#གནས་ཀྱང་གཅིག་པ་ཉིད་ཅེས་བྱ་བའི་དོགས་པ་བཟློག་པའི་དོན་དུའོ#། །ཤ་དང་ཁྲག་ཉིད་ཉེ་བར་བརྟགས་པ་ཉིད་ལ་འདིའི་ཐ་དད་པར་བརྟག་#ཏུ་རུང་
[73b.7]བ་ཉིད་ཀྱི་ཕྱིར་རྩིབ་མ་ལ་སོགས་པ་རྣམས་ཉིད་ལ་གནས་པ་ཉིད་ཡིན་ཏེ་སྟོབས་ཆུང་བ་ཉིད་ལ་མ་ཡིན་ནོ། །འདི་རྣམས་ཀྱི་ལུས་ཀྱི་བདག་ཉིད་ཀྱི་གནས་ལ་ཆ་ཤས་ཉིད་ཀྱི་ཕྱིར་སོ་སོར་གནས་པ་ཉིད་ཤེས་པར་བྱ་བ་མ་ཡིན་ཞེས་བྱ་བའི་དོན་ཏོ། །དེས་ན་རྩིབ་མ་ཞིག་གཅིག་གི་#ཕྱོགས་ནས་
[74a]
[74a.1]རྩིབ་མ་ཐ་དད་པར་བརྟག་#ཏུ་རུང་བ་ཉིད་གཞན་གྱི་བར་དུ་སྤོས་ན་བརྐུས་པ་ཉིད་དུ་བརྗོད་པར་བྱའོ། །གདིང་བ་བཏིང་བ་ཉིད་གནས་ཉིད་ཡིན་ནོ་ཞེས་བྱ་བ་ནི་ས་ལ་སོགས་པ་གཞིར་རྩྭ་ལ་སོགས་པའི་གདིང་བ་བཏིང་བ་ཉིད་ཡོད་ན་གདིང་བ་དེ་ཉིད་ཀྱིས་#དེ་ལ་གནས་པའི་རྫས་ལ་
[74a.2]གནས་པ་ཉིད་དེ་ས་ལ་སོགས་པ་དེ་ལ་ནི་མ་ཡིན་ནོ། །གདིང་བ་བཏིང་བའི་སྒྲ་དག་ལ་ཡང་དག་པའི་སྒྲ་ཐོག་མར་ལྡན་པ་མ་བྱས་སོ། །བྲག་ལ་སོགས་པ་གདིང་བ་ཐམས་ཅད་ལ་གདིང་བ་ཁོངས་སུ་བསྡུས་པའི་དོན་དུའོ། །ཡང་དག་པར་གདིང་བ་བཏིང་བ་ཞེས་བྱ་བ་བརྗོད་པར་གྱུར་ན་རྩྭ་དང་
[74a.3]ཤིང་ལོ་ལ་སོགས་པའི་རང་བཞིན་ཉིད་ཀྱི་གདིང་བ་ཉིད་ལ་གོ་བར་འགྱུར་རོ#། །སྐྱེ་བ་ནི་བཞག་པ་དང་འདྲའོ་ཞེས་བྱ་བ་ནི་རྩྭ་དང་གེལ་བ་དང་རྩི་དང་ནགས་ཚལ་ལ་སོགས་པ་འབྱུང་བའི་སྐྱེ་བ་ནི་དཔེར་ན་རྫས་བཞག་པ་བརྐུས་པ་དང་འདྲ་བས་དེ་བཞིན་དུ་བལྟ་བར་བྱའོ། །གནས་ནས་སྤོ་བ་ནི་འདི་
[74a.4]ལ་རྐུ་བ་ཞེས་བྱ་བའི་དོན་ཏོ། །འབྲེལ་པ་སེལ་བ་ཙམ་ནི་མ་ཡིན་ཏེ། གང་ཞིག་འདི་ལ་ས་ལ་སོགས་པ་བསྡུ་བའོ། །འདིར་གཞུང་ནི། དགེ་སློང་གིས་མེ་ཏོག་གི་ཤིང་ལྗོན་པ་ཕྱུང་སྟེ། རྐུ་ན་ཇི་སྲིད་དུ་ནོམ་པར་མི་བྱེད་པའི་བར་དུ་ནི་ཉེས་བྱས་སུ་འགྱུར་རོ། །ནོམ་པ་ནས་གནས་དང་སྤོ་བའི་
[74a.5]བར་གྱིས་ནི་བརྐུས་པ་ཞེས་བྱ་བ་སྟེ། མེ་ཏོག་གི་ཤིང་གི་རིན་ཐང་བརྩི་བར་བྱའོ་ཞེས་བྱ་བ་གསུངས་པ་ཡིན་ནོ། །ཁ་ཅིག་ནི་མེ་ཏོག་གི་ཤིང་ཕྱུང་སྟེ། རྐུ་ན་མེ་ཏོག་གི་ཤིང་གི་རིན་ཐང་བགྲང་བར་བྱེད་ཅེས་བྱ་བ་འདི་ཙམ་འདོན་པ་ཡིན་ཏེ་ལྷག་མ་ནི་མ་ཡིན་ནོ། །འདོན་པ་འདི་ལ་ཡང་གནས་ནས་
[74a.6]སྤོ་བ་ལས་ཆོ་ག་གཞན་ལ་ལྡང་བ་དོགས་པར་བྱ་བ་མ་ཡིན་ཏེ། འདིར་ཕྱུང་#བ་ཉིད་རྐུ་བར་བརྗོད་པ་ཡིན་ཏེ། འདིར་རྐུ་བའི་ཁྱད་པར་ནི་འདོད་པ་ཞེས་བྱ་བར་རྣམ་པར་གནས་ཏེ་ཕྱུང་ནས་རྐུ་བ་ཞེས་བྱའོ། །ཇི་ལྟར་ཁ་ཕྱེ་ནས་ཉལ་བ་དང་ཕྱེ་བའི་ཁས་ཉལ་བར་བྱེད་པ་ཞེས་བྱ་བ་ལྟ་བུའོ། །ཕྱུང་བ་
[74a.7]ཡང་གནས་ཉིད་ནས་སྤོས་པ་ཡིན་ཏེ་ས་དང་འབྲེལ་པ་བསལ་བའི་འོག་ཏུ་རྐུ་བ་འདི་ཡིན་ནོ། །གང་#དུ་ཐམས་ཅད་རྡུལ་ཕྲ་རབ་ཙམ་ཡང་འགྲོ་བ་ནི་འཕོ་བ་གནས་ལས་སོ། །བསྐོན་པ་ནི་ཕུད་ནའོ་ཞེས་བྱ་བ་བརྐུས་པ་ཞེས་བྱ་བ་དང་རྗེས་སུ་འབྲེལ་ལོ། །ཕུད་ནའོ་ཞེས་བྱ་བ་ནི་ཕུད་པ་དང་
[74b]
[74b.1]བཀྲོལ་བ་སྟེ་དེ་ལ་གང་དུ་ཡོངས་སུ་བསལ་བའོ། །དེ་ལ་བསྐོན་པ་གང་ཡིན་པ་དེ་ནི་བརྐུས་པའོ། །འདིར་གཞུང་ནི། དེ་དག་རྒྱན་སྣ་ཚོགས་དག་གིས་བརྒྱན་པར་གྱུར་པ་དགེ་སློང་གིས་བརྒྱན་#པར་གྱུར་པ་དེའི་སྦྱོར་བས་ཁྲི་ལས་ལྡང་བ་ནས། ནོམ་ཉུག་མི་བྱེད་པའི་སྦྱོར་བའི་སྦྱོར་བ་ཇི་སྲིད་
[74b.2]དུ་ནོམ་ཉུག་བྱེད་པ་ནས་གནས་ནས་གནས་གཞན་དུ་མ་སྤོས་པའི་བར་དུ་#བྱེད་ན་སྦྱོར་བ་གནས་ནས་སྤོ་བའི་ཚེ་བརྐུས་པར་བརྗོད་པར་བྱ་ཞེས་བྱ་བ་ལ་སོགས་པ་གསུངས་པ་ཡིན་ནོ། །འདིར་བསྐོན་པ་ནི་གནས་གཞན་དུ་འཕོ་བ་ལ་མངོན་པར་འདོད་པས་རྣམ་པར་གནས་པ་སྟེ། དེའི་ཕྱིར་འདི་ལྟར་
[74b.3]ཉེ་བར་བརྟགས་པའོ། །ཇི་ལྟར་ཡང་རྣམ་པར་དབེན་པར་གནས་གཞན་ནས་འཕོ་བ་སྟེ་གང་གི་ཕྱིར་ཕྱུང་བ་ནི་བཏོན་པའོ། །དེ་བས་ན་ཕྱུང་བར་བྱེད་པ་ནི་འདིར་མ་ཆད་པ་སྟེ། གཞན་པའི་གནས་དོར་བ་ནི་མ་ཡིན་ནོ། །ཕྲལ་བའི་སྐབས་བཤལ་བ་ནི་ཕྱུང་བར་བྱེད་པའི་ཚུལ་མ་ཡིན་པ་ཞེས་བྱ་
[74b.4]བའོ། །ཤོ་གམ་ནི་ས་འདས་ནའོ་ཞེས་བྱ་བ་ནི་རྐུ་བ་ཞེས་བྱ་བ་དང་རྗེས་སུ་འབྲེལ་ཏོ། །འདིར་#ཤོ་གམ་གྱི་གནས་ནི་སའོ། །དེ་ཡང་གང་དུ་ཇི་ཙམ་ཞུགས་པ་ལ་ཤོ་གམ་པ་ལ་སྦྱིན་པར་བྱ་བ་ཉིད་དེ། དེ་ཙམ་དུ་ས་དེ་ལས་འདས་པ་ནི་འདས་པའོ། །གང་ཞིག་ཤོ་གམ་བྱ་བ་ཉིད་ཀྱིས་ཤོ་གམ་གྱི་ས་
[74b.5]ལས་འདས་པ་ནི་ཤོ་གམ་གྱི་ས་དེ་ཉིད་ཀྱིས་ཡིན་གྱི་ཕྱོགས་གཞན་གྱིས་ནི་མ་ཡིན་ཏེ། འདས་པ་དེ་ན་#ཤོ་གམ་རྐུ་བའོ། །ཤོ་གམ་ཉིད་ལ་ནི་དེ་འདའ་བར་བྱེད་པ་སྟེ། གང་ཞིག་ཤོ་གམ་བྱ་བ་#ལ་ཤོ་གམ་བྱ་བའི་ཆར་གྱུར་པ་ཉིད་ཀྱི་ཕྱིར་རོ། །རྒྱུད་པས་ཀྱང་ས་ལ་བརྟེན་པ་ཉིད་ཀྱིས་#དགོས་པ་ནི་
[74b.6]མ་ཡིན་ཏེ། དེ་བས་ན་ཁུར་བས་སམ་རང་གི་ལུས་ཀྱིས་#སམ། ཟླ་#ལ་སོགས་པས་སམ་རང་གི་ལུས་ཀྱིས་ཁུར་བ་དང་འབྲེལ་པས་ཤོ་གམ་གྱི་བྱ་བ་འདའ་བར་བྱེད་པ་ནི་གང་ཞིག་ཤོ་གམ་འདའ་བར་བྱེད་པ་འདི་ལ་ས་ཡིས་ནི་མ་ཡིན་ནོ། །དེ་བས་ན་འདིར་འདི་#ཡང་དག་པར་བསྡུས་ནས་འདའ་བར་
[74b.7]བྱེད་པ་བཟུང་བ་མ་ཡིན་པ་ཤེས་པར་བྱའོ། །ཤོ་གམ་གྱི་གནས་སུ་ཞུགས་པ་ལ་གང་ཞིག་ཆུ་ཞེང་དུ་འཇུག་པས་འདའ་བར་བྱེད་པ་དེ་ལ་རེ་ཞིག་ཐེ་ཚོམ་མེད་པ་ཉིད་དུ་དེས་ས་ལས་འདའ་བར་བྱེད་པའོ། །ལོག་ནས་གནས་གཞན་དུ་འགོ་བ་ལ་གལ་ཏེ་ཞུགས་པ་ལས་ས་ལ་སོགས་པ་#ཡང་
[75a]
[75a.1]སྦྱིན་པར་#བྱ་བ་ཉིད་ཡོད་པ་འདི་ནི་འདའ་བར་བྱེད་པའོ། །དེ་ཡང་ལོག་པ་གང་ཞིག་འདི་དེ་ཉིད་ཡིན་གྱི་གཞན་ནི་མ་ཡིན་ཞེས་བྱ་བའོ། །འོ་ན་སྦྱིན་པར་བྱ་བ་ཉིད་མ་ཡིན་ན་#ལོག་པ་ལ་འདའ་བར་བྱེད་པ་འདི་ཡོད་པ་མ་ཡིན་ཞེས་བྱ་བར་#རིག་པར་བྱའོ། །རྣམ་པར་གཞག་
[75a.2]པའི་དབང་གིས་འདི་སྦྱིན་པ་ཉིད་དོ། །གང་དུ་འདའ་བར་བྱེད་པ་མཐོང་བར་སྒོ་ཆེ་གེ་མོར་ཞུགས་པ་ལ་སྦྱིན་པར་བྱ་བ་ཉིད་མ་ཡིན་ཞེས་བྱ་བ་ལ་སོགས་པའི་རྣམ་པར་གཞག་པར་བྱས་པར་འགྱུར་བ་དེ་ལ་སྦྱིན་པ་ཉིད་ཡོད་པ་མ་ཡིན་ནོ། །མི་ལ་གལ་ཏེ་བརྡས་ནི་དེ་གྲུབ་པ་ནའོ་ཞེས་བྱ་བ་ལ།
[75a.3]མི་རྐུ་བ་ནི་རྣམ་པ་མང་དུ་འགྱུར་ཏེ་མི་འདོད་བཞིན་དུ་དཀྲིས་པ་#དང་གཞག་པ་དག་གིས་སོ། །འཇིག་པའི་རྒྱུ་མཚན་གྱིས་སམ་ཀུན་དུ་རྒྱུ་བས་རྣམ་པར་རྨོངས་པར་གྱུར་པ་ལ་ཡང་སྔགས་དང་སྨན་དག་གིས་སོ། །བཅིངས་པ་ལ་ཡང་བཀྲོལ་བས་སོ། །གཉིད་ཀྱིས་ལོག་པ་ལ་ཡང་མ་ཚོར་
[75a.4]བའི་འཕེན་པས་སོ། །གསོད་པ་ཉེ་བར་རྩོལ་བ་#ཡང་འཆི་བདག་དང་ལྷན་ཅིག་ཏུའམ་འཆི་བདག་གིས་ཞེས་བྱ་བ་#ཁྱད་པར་འདིའོ། །མི་ལ་ནི་གལ་ཏེ་བརྡས་བརྐུ་#བའོ། །དེ་#གྲུབ་པ་ནི་བརྡ་གྲུབ་པ་ཉིད་རྐུ་བའོ། །འདི་ལྟར་གཞུང་ལས། མི་རྐུ་བ་རྣམ་པ་གསུམ་པོ་ཡུལ་ཕྱོགས་དང་། མཚན་མ་
[75a.5]དང་། བརྡས་སོ། །རང་གི་འདོད་པས་རབ་ཏུ་རྒྱུ་བ་གྲོལ་བ་ཕྲད་པ་ནི་དེ་འདིར་རྐུ་#བ་ཉིད་ཀྱིས་མངོན་པར་འདོད་པའོ། །འདིར་འདུན་ས་ལ་སོགས་པའི་ཡུལ་ཕྱོགས་བརྗོད་དོ། །མཚན་མ་ནི་རྟགས་ཏེ་སྐྲ་དང་ཁ་སྤུ་བྲེགས་ཏེ་རིང་པོ་མ་ལོན་པ་ཞེས་བྱ་བ་ལ་སོགས་པའོ། །བརྡ་ནི་སྔ་དྲོ་ལ་
[75a.6]སོགས་པའོ། །ཡུལ་ཕྱོགས་ལ་སོགས་པ་#གསུམ་པོ་འདི་རྣམས་ལ་དོན་ཐ་དད་པ་ཉིད་ཡོད་ཀྱང་། སྔ་དྲོ་ལ་སོགས་པའི་ཁྱད་པར་མངོན་པར་#མཚོན་པར་དཀའ་བས་ཏེ། དེ་བས་ན་སྤྱིར་བརྡའི་སྒྲས་བརྗོད་པའོ། །བརྡ་གང་ཡིན་པ་འདི་བྱས་པ་གང་གི་ཚེ་ཁྱོད་ཀྱི་ཁོ་བོ་འདི་དང་འདི་ལྟ་
[75a.7]བུར་མཐོང་བ་དེའི་ཚེ་ཁྱོད་ཁོ་བོའི་གན་དུ་ཤོག་ཅེས་བྱ་བ་ལྟ་བུ་སྟེ། གང་གི་ཚེ་བརྡ་དེ་གྲུབ་པ་དེའི་ཚེ་མི་དེ་བརྐུས་པར་རིག་པར་བྱའོ། །འདི་དང་རྣམ་པ་གཞན་རྣམས་ལ་ཡང་མཚན་ཉིད་ཀྱི་རྗེས་སུ་འབྲང་བས་རྐུ་བ་རྟོགས་པར་བྱའོ། །གཏེར་བཞིན་དུ་གསང་སྔགས་ཀྱིས་དྲང་བར་བྱ་བ་
[75b]
[75b.1]ལ་སྣང་བར་གྱུར་ནའོ། །ཕྱི་བཞིན་དུ་འབྲང་བ་དང་ནང་བྱན་བྱེད་པ་མེད་པ་མ་ཡིན་ནོ་ཞེས་བྱ་བ་ལ་སོགས་པའོ། །གལ་ཏེ་དེ་ལྟར་ན་བྱ་སྤར་བ་ནའོ་ཞེས་བྱ་བ་ནི་འདིར་གལ་ཏེ་བྱ་སྤར་ཏེ་བརྐུ་#བར་བྱེད་ནའོ། །དེའི་ཚེ་བྱ་སྤར་ན་བརྐུས་པ་ཁོ་ན་ཡིན་པར་རིག་པར་བྱའོ། །འདིར་གཞུང་ནི། དགེ་སློང་
[75b.2]བྱ་སྤར་ཏེ་རྐུ་བར་བྱེད་ན་བྱའི་རིན་ཐང་བརྩི་བར་བྱའོ་ཞེས་གསུངས་པ་ཡིན་ནོ། །སྤར་བ་ན་ཞེས་བྱ་#འདི་ནི་རྐུ་བའི་ཁྱད་པར་ཏེ། དེ་ལྟར་སྤར་ནས་རྐུ་བར་བྱེད་ཅེས་བྱ་བའི་དོན་འདི་འགྲུབ་པར་འགྱུར་རོ། །སྤང་བ་ཐམས་ཅད་ནི་མཚམས་གཞན་དུ་འགྲོ་བ་སྟེ། དེ་བས་ན་དེའི་རྐུ་བ་ཉིད་ནི་འདིར་དཔེ་ཡིན་
[75b.3]ནོ། །བྱའི་ཚིག་ནི་རྫས་རྣམས་ཐམས་ཅད་ལ་ཆོ་ག་འདི་རྟོགས་པར་བྱའོ། །དུད་འགྲོ་བཏགས་པ་ནི་བཀྲོལ་ནའོ་ཞེས་བྱ་བ་ནི་དུད་འགྲོ་བཏགས་པ་རྐུ་བ་ནི་བཀྲོལ་བ་ན་#བརྐུས་པ་ཡིན་ནོ། །འདིས་ནི་དགེ་སློང་གིས་#རི་དགས་རླུབས་སུ་ཆུད་པ་ཕྱུང་ན་རི་དགས་ཀྱི་རིན་ཐང་བརྩི་བར་བྱའོ། །དགེ་སློང་གིས་#
[75b.4]ཉ་དོལ་ལ་ཐོགས་པ་ཕྱུང་ན་ཉའི་རིན་ཐང་བརྩི་བར་བྱའོ་ཞེས་གསུངས་པ་རྣམས་ནི་དེ་ལ་འདི་བསྡུས་པ་ཡིན་ནོ། །བཀྲོལ་བ་ཉིད་ལས་རིན་ཐང་བརྩི་བ་ལ་རིམ་པ་ཡོངས་སུ་བཟུང་བས་བཀྲོལ་བ་ཉིད་འདིར་རྐུ་བ་མངོན་པར་འདོད་པ་ཞེས་བྱ་བ་ཤེས་པར་བྱའོ། །བརྟོད་#པ་དང་ཁྱུ་ལས་བཀར་#བ་གཉིས་ནི་མི་སྣང་
[75b.5]བར་གྱུར་པ་ཉིད་ནའོ་ཞེས་བྱ་བ་ལ། བརྟོད་#པ་དང་ཁྱུ་ལས་བཀར་བས་དུད་འགྲོའི་བྱ་བ་ནི་མི་སྣང་བ་ཉིད་འདི་ལ་བརྐུས་པའོ། །གལ་ཏེ་འདི་ལ་དེར་བདག་པོ་འམ་དེ་དང་འདྲ་བ་ཡོད་ན་ཕྱི་བཞིན་འབྲང་བ་འཕྲོག་བཞིན་པ་འདི་ལའམ། ཕྱིར་འགྲོ་བཞིན་པ་མ་ཡིན་པ་དེ་ལ་རྩེ་གཅིག་དེའི་གནས་ལས་མི་སྣང་
[75b.6]བ་ཉིད་དོ། །འོན་ཏེ་ཡོད་པ་མ་ཡིན་ན་མ་བཀྲོལ་བ་ལའམ་#དེ་ལ་རྩེ་གཅིག་པ་ལ་གལ་ཏེ་ཁྱུ་ན་གནས་པ་ལ་བརྟོད་#པ་དང་ཁྱུ་ལས་བཀར་#བས་ཁྱུའི་མཐའ་མ་ཚང་བས་མི་སྣང་བ་ཉིད་དོ། །གལ་ཏེ་གཅིག་པུ་མ་ཡིན་ན་གནས་དེ་ལས་མི་བསྐྱོད་ན་དེ་ནས་མི་སྣང་བ་ཉིད་ནི་རྐུ་བ་ཞེས་བྱ་བ་འདི་རིགས་#པར་རྟོགས་པར་
[75b.7]བྱའོ། །གནས་མ་ངེས་པ་ཉིད་ཀྱི་ཕྱིར་དང་རབ་ཏུ་རྒྱུ་བ་མི་གནས་པ་ཉིད་ཀྱིས་གྲོལ་བའི་དུད་འགྲོ་ལ་གནས་ཀྱི་ཐ་མ་འདི་ལ་སྤོ་བ་རྣམ་པར་གནས་པ་ཡིན་ནོ། །དེ་ཡང་འདི་ལ་འདི་རྣམ་པར་གནས་ནས་ཏེ་གང་ཞིག་སྟོབས་ཀྱི་བདག་ཉིད་བརྟན་པའི་ཕྱིར་དེའི་ཚེ་མི་ནུས་པའམ། འཇིགས་པས་ཀྱང་འཇུག་པ་དེ་
[76a]
[76a.1]བས་ན་དེ་ལྟ་བུར་གྱུར་པའི་དུད་འགྲོའི་འདི་ལ་བཟུང་བར་རྟོགས་པར་བྱའོ། །དེ་བས་ན་གཞན་དུ་ཡང་འདི་ལྟ་བུར་གྱུར་པའི་སྲོག་ཆགས་ལ་རྣམ་པར་གཞག་པས་འདི་ལ་དཔེ་ཉིད་དོ། །འདིར་གཞུང་ནི། མིག་ལམ་དུ་སྣང་བར་མ་གྱུར་ན་བརྐུས་ཞེས་བྱ་བའོ། །ཞེས་གསུངས་པ་
[76a.2]ཡིན་ནོ། །གསང་སྔགས་དག་གིས་འདྲེན་པ་ནི་སྣང་བ་ནའོ་ཞེས་བྱ་བ་ནི་གསང་སྔགས་རྣམས་ཀྱིས་གཏེར་ལ་སོགས་པ་འདྲེན་པ་ན་གཏེར་ལ་སོགས་པ་སྣང་བ་ན་བརྐུས་པ་ཡིན་ནོ། །ཡུལ་དེ་ན་གནས་པ་ན་ཡང་ཁ་བྱེ་བ་ཉིད་བསྒྲུབས་པས་སྣང་བར་གྱུར་ན་འདིར་བསྒྲུབ་#པའི་བློར་འགྲོ་བ་མ་#ཡིན་ཏེ། ཅི་སྟེ་ཤིན་
[76a.3]ཏུ་ཐག་རིང་པོ་ནས་དྲངས་ཏེ་རྐང་པའི་དྲུང་དུ་བཀུག་ཅིང་འབྲེལ་པ་ལ་ཡང་རྐང་པའི་དྲུང་དུ་སྣང་བར་མ་གྱུར་པ་ལ་གྲུབ་པའི་བློ་སྐྱེ་བ་མ་ཡིན་ཏེ། དེ་བས་ན་སྣང་བ་ལ་རྐུ་བ་ཉིད་དུ་ཤེས་པར་བྱའོ། །མང་པོ་ཞིག་ཡོད་པ་ལ་གཅིག་ཁོ་ན་ཞིག་གིས་འཇུག་པ་ལ་#ཡང་སྣང་བར་སྒྲུབ་པ་ལ་ཐམས་ཅད་བསྒྲུབ་#པ་ཉིད་
[76a.4]ཅེས་བྱ་བ་རྐུ་བའི་ཆོ་ག་དང་བཅས་པར་རྟོགས་པར་བྱའོ། །གཏེར་ལ་ནི་འདི་བཤད་པ་ཡིན་ཏེ་ཐམས་ཅད་དུ་འདི་སྦྱར་བ་ཞེས་བྱ་བ་དཔེ་#ཉིད་དུ་རྣམ་པར་ཤེས་པ་ཁྱད་པར་དུ་སྔར་ཉེ་བར་བརྟགས་པ་བསྟན་པའི་ཕྱིར་ཕྱི་བཞིན་འབྲང་བ་དང་ནང་བྱན་བྱེད་པ་གཉིས་ནུར་བ་དང་འབྱངས་པ་དང་འབྱམ་པ་དང་འཇུག་
[76a.5]པ་དང་འཛེག་#པ་རྣམས་ཀྱིས་སྔ་མ་ལྟར་ཡིན་གྱི་དེ་གཉིས་ཀྱིས་བླངས་པ་ནི་མ་ཡིན་ནོ་ཞེས་བྱ་བ་ནི་དེའི་ཚེ་དེ་ལ་སྔར་མི་སྣང་བ་ཉིད་མ་ཡིན་ནོ། །སུ་ལ་མི་སྣང་བ་ཉིད་ཅེ་ན། དེའི་ཕྱིར་ཕྱི་བཞིན་འབྲང་བ་དང་ནང་བྱན་བྱེད་པ་ཞེས་བྱ་བ་སྨོས་ཏེ། རྒྱབ་ནས་འགྲོ་ཞིང་ཆོས་གོས་ཉེ་བར་ཁྱེར་བར་བྱེད་པ་པོ་ཞེས་བྱ་
[76a.6]བའི་དོན་ཏོ། །གཟུང་བ་མ་ཡིན་པ་དེ་དག་གིས་བཟུང་བ་ལ་རྐུ་བའི་དངོས་པོ་ཉིད་དུ་ཁས་བླངས་པའི་རྫས་ལ་མི་སྣང་བ་ཉིད་ནི་བརྐུས་པ་མ་ཡིན་ནོ། །གང་གི་ཕྱིར་དེ་བརྐུ་#བཞིན་པ་ཉིད་ཀྱིས་ཀྱང་ཅུང་ཟད་མི་སྣང་བར་འགྱུར་ཏེ། དེ་ལ་གང་ཞིག་མ་ཉམས་པ་ཙམ་ལ་ཡང་བརྐུས་པར་ཐལ་བའོ། ཕྱི་བཞིན་
[76a.7]འགྲོ་བ་དང་ནང་བྱན་བྱེད་ཅིང་སྣང་བར་གྱུར་པ་དང་མི་སྣང་བར་གྱུར་པའི་རྫས་#ལ་ཡང་མ་བཅད་པའི་བློ་མ་ཡིན་པ་ལ་གནས་ནས་སྤོ་བ་དག་ལ་མི་སྣང་བར་གྱུར་པ་ཉིད་ལ་མ་ཆད་པའི་བློ་ཡོད་པར་འགྱུར་རོ། །རྣམ་པ་གང་གིས་མི་སྣང་བར་གྱུར་པ་ཉིད་ཅེ་ན། དེའི་ཕྱིར་ནུར་བ་དང་འབྱངས་པ་དང་འབྱམ་པ་
[76b]
[76b.1]དང་འཇུག་པ་དང་འཛེག་པ་རྣམས་ཀྱིས་ཞེས་བྱ་བ་སྨོས་ཏེ། ནུར་བ་ནི་གང་ཞིག་མ་ཉམས་པ་ཉིད་ཀྱིས་#འགྲོ་བའོ། །འབྱངས་པ་ནི་ཕྱིར་ནུར་ཏེ་སོང་བའོ། །མ་བརྗོད་པའི་དོན་རྣམས་ལ་འདི་བསྡུས་པའོ། །དེ་རྣམས་ཀྱང་འདའ་བར་བྱས་ནས་འགྲོ་བ་དང་མི་སྣང་བ་དང་གསང་སྔགས་དང་སྨན་དག་གིས་
[76b.2]གཟུགས་གཞན་དུ་བསྒྱུར་བ་དང་། འདི་དག་གིས་ནི་ལུས་གཞན་རྣམ་པར་བཀབ་པས་ནུས་པ་ངེས་པར་གནས་པའོ། །འཇུག་པ་ཞེས་བྱ་བ་ནི་གནས་ཁང་དུའོ། །འཛེག་པ་ཞེས་བྱ་བ་ནི་ཡང་ཐོག་གཞན་དུ་འཛེག་པའོ། །འབྱམ་པ་ཞེས་བྱ་བ་ནི་གནས་གཏང་#བ་སྟེ། དཔེར་ན་གཤོང་ནས་ཐང་ལ་འབྱུང་བ་
[76b.3]དང་ཐང་ལས་གཤོང་དུ་འབབ་པ་དང་། མངོན་པར་སྐབས་ཡོད་པ་ནས་ཐིབས་པོར་འཇུག་པ་དང་། ཐིབས་པོ་ནས་མངོན་པར་སྐབས་ཡོད་པར་འགྲོ་བ་དང་། གནས་ཁང་ནས་ཁྱམས་སུ་དང་ཁྱམས་ནས་གནས་ཁང་དུ་དང་། ཡང་ཐོག་ནས་ཡང་ཐོག་གཞན་དུ་འཛེག་པ་དང་ཡང་ཐོག་ནས་ཡང་ཐོག་གཞན་
[76b.4]དུ་འབབ་པ་དང་། ཁྱམས་ནས་སྒོ་ཁང་དུ་འཇུག་པ་དང་། སྒོ་ཁང་ནས་དང་ར་ཁྱད་ཁྱུད་དུ་འགྲོ་བ་ལ་སོགས་པ་སྟེ། ནུར་བ་ལ་སོགས་པ་འདི་རྣམས་ཀྱིས་ཕྱི་བཞིན་འབྲང་བ་དང་ནང་བྱན་བྱེད་པ་དག་མི་སྣང་བར་གྱུར་པ་ཉིད་གང་ཡིན་པ་དེ་བརྐུས་པ་ཡིན་པར་རིག་པར་བྱའོ། །ཇི་ལྟར་ཡང་འགྲོ་བར་བྱ་བ་ཉིད་ལ་
[76b.5]ཡང་#གནས་ཁང་དུ་ཞུགས་པ་དང་། ཡང་ཐོག་གཞན་དུ་འཛེག་པ་དང་ཁྱམས་ནས་གནས་ཁང་ལ་སོགས་པ་བྱས་པ་ཉིད་དམ་མ་མཐོང་བའི་མཐའ་མ་ཉིད་ནི་ཆོམ་རྐུན་པ་ལ་ཞེས་བྱ་བ་བྱས་ནས་སོ། །འདིར་གཞུང་ནི། ཇི་ལྟར་ཡང་མཁན་པོ་དང་སློབ་དཔོན་དག་ལམ་དུ་ཞུགས་པར་གྱུར་པ་དེ་དག་གིས་ལྷན་
[76b.6]ཅིག་གནས་པ་དང་ཉེ་གནས་དག་གི་#ལག་ཏུ་ཆོས་གོས་དག་གཏད་པ་ན་དེ་ལ་དེ་དག་རྐུ་སེམས་ཉེ་བར་གནས་པར་གྱུར་ཅིང་དེ་དག་གོམ་པ་བསྲི་བས་འགྲོ་ཞིང་དལ་བུས་འགྲོ་ན་གོམ་པ་རེ་རེ་ལ་ཉེས་བྱས་སུ་འགྱུར་རོ། །ཇི་སྲིད་དུ་མིག་སྔར་སྣང་བར་གྱུར་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །མིག་སྔར་
[76b.7]སྣང་བར་མ་གྱུར་ན་བརྐུས་པར་བརྗོད་པར་བྱ་སྟེ་རིན་ཐང་བརྩི་བར་བྱའོ། །དེ་རྣམས་ནི་གཤོང་ནས་ཐང་ལ་འབྱུང་བར་བྱེད་པ་དང་། ཐང་ལས་གཤོང་དུ་འཇུག་པར་བྱེད་པ་དང་། མངོན་པར་སྐབས་ཡོད་པ་ནས་ཐིབས་པོར་འཇུག་པ་དང་། ཐིབས་པོ་ནས་མངོན་པར་སྐབས་ཡོད་པར་འགྲོ་བ་དང་ཇི་སྲིད་དུ་མིག་
[77a]
[77a.1]སྔར་སྣང་བར་གྱུར་པ་#དེ་སྲིད་དུ་སྔ་མ་བཞིན་དུ་ཇི་ལྟར་ཡང་དེ་རྣམས་དང་ལྷན་ཅིག་གནས་པ་དང་། ཉེ་གནས་དག་ལ་མཁན་པོ་དང་སློབ་དཔོན་རྣམས་ཀྱི་ཆོས་གོས་དག་ཁུར་བར་བྱེད་པ་དེར་དེ་ལ་རྐུ་སེམས་ཉེ་བར་གནས་པར་གྱུར་ཅིང་། དེ་རྣམས་གནས་ཁང་ནས་ཁྱམས་སུ་འགྲོ་ཞིང་།
[77a.2]ཁྱམས་ནས་གནས་ཁང་དུ་ཞུགས་པར་བྱེད་པ་དང་། འོག་ཁང་ནས་ཡང་ཐོག་དུ་འཛེག་པར་བྱེད་པ་དང་། ཡང་ཐོག་ནས་འོག་དུ་འཇུག་པར་བྱེད་པ་དང་། ཁྱམས་ནས་སྒོ་ཁང་དུ་འཇུག་པ་དང་། སྒོ་ཁང་ནས་དང་ར་ཁྱད་ཁྱུད་དུ་འབྱུང་བ་དང་། ཇི་སྲིད་དུ་མིག་སྔར་སྣང་བར་གྱུར་པ་དེ་སྲིད་དུ་སྔ་མ་བཞིན་དུ་འདིར་
[77a.3]གང་ཞིག་ནུར་བ་དང་། འབྱངས་པ་དང་འབྱམ་པ་དང་། འཇུག་པ་དང་། གནས་གཞན་དུ་འཛེག་པ་ལས་གཞན་འབྱམ་པ་ཞེས་བྱ་བ་གསུངས་པ་ཡིན་ནོ། །རྐུ་བར་བྱེད་ཅེས་བྱ་བ་འདིར་རྐུ་བ་ནི་ཉེ་བར་རྐུ་བའོ། །གྲུ་ནི་སྐམས་དང་ཡུར་པོ་ཆེ་དང་ཆུ་འདལ་བ་དག་གིས་ཞེས་བྱ་བ་ནི་གྲུ་ནི་
[77a.4]སྐམས་#ལ་སོགས་པ་རྣམས་ཀྱིས་རྐུ་བ་ལ་མི་སྣང་བ་ཉིད་ནི་རྐུ་བ་སྟེ། རྣམ་པར་མི་གནས་པའི་རྒྱུ་བ་རིགས་སུ་འབྱུང་བ་ཉིད་ཀྱི་#ཕྱིར་གྲུ་ལ་འདི་གནས་གཞན་དུ་འཕོ་བ་རྣམ་པར་གནས་པ་ཡིན་ནོ། །འདིར་གྲུ་ནི་དཔེ་ཙམ་སྟེ། སེམས་མེད་པ་ཆུ་ལ་རྒྱུ་བའི་གཟིངས་ལ་ཡང་ཆོ་ག་འདི་ནི་ཤིང་དང་
[77a.5]སྣོད་ལ་སོགས་པའི་རང་བཞིན་ཐམས་ཅད་ལའོ། །རྒྱུན་ཕྱོགས་ཀྱིས་སོ་ཞེས་བྱ་བ་ནི་དེ་ལྟར་ཡང་རྐུ་བ་#ཉིད་ནི་འདིར་རྐུ་བའོ། །ཐད་ཀར་ཡང་ཕ་#རོལ་གྱི་འགྲམ་དུ་མི་སྣང་བར་གྱུར་ནའོ་ཞེས་བྱ་བ་ནི་ཐད་ཀའི་ཕ་རོལ་གྱི་འགྲམ་དེ་མི་སྣང་བར་གྱུར་ན། དེའི་ཚེ་མི་སྣང་བ་འདི་ཉིད་རྐུ་བ་ཡིན་ནོ། །
[77a.6]དེ་ལས་གཞན་པ་ཉིད་ལ་ནི་དེར་ཕྱིན་ནའོ་ཞེས་བྱ་བ་ནི་ཕ་རོལ་གྱི་འགྲམ་དེ་མི་སྣང་བ་ཉིད་ལ་ཕ་རོལ་གྱི་འགྲམ་ཐོབ་པ་ནི་བརྐུས་པའོ། །རྒྱུན་#ལས་བཟློག་པ་ལ་ནི་གྲུ་ཚུགས་ལས་འདས་ནའོ་ཞེས་བྱ་བ་ལ། རྒྱུན་ལས་བཟློག་པ་བརྐུས་པ་ལ་ནི་གྲུ་ཚུགས་ལས་འདས་པ་ན་བརྐུས་པའོ། །རྒྱུན་
[77a.7]ལས་བཟློག་པའི་ཕྱིར་འདི་ལ་རྒྱུ་བ་ཉིད་ཡོད་པ་མ་ཡིན་ཏེ། གྲུའི་འགྲོ་བའི་རྐྱེན་ལས་བཟློག་པ་ལ་མཐུན་པར་མི་འགྲོ་བའི་ཕྱིར་རོ། །ཐང་ལ་རྒྱུ་བའི་འགྲམ་གྱི་རྣམ་པར་ཡང་དག་པར་རྒྱུ་བ་ཉིད་ནི་མ་ཡིན་ནོ། །དེ་བས་ན་གནས་གཞན་དུ་འཕོ་བའི་བདག་ཉིད་ཅན་ལ་འདིར་རྐུ་བའི་རྣམ་པར་གཞག་
[77b]
[77b.1]པའོ། །གྲུ་ཚུགས་ལས་གནས་པ་ཉིད་ལའོ། །འདི་ལ་ཡོངས་སུ་འགྲོ་བར་བྱེད་པའི་སྤྱོད་ཡུལ་དུ་མ་གྱུར་པ་ཉིད་ཀྱིས་མ་ལུས་པའི་གནས་དེ་ཞེས་བྱ་བ་འདི་ཤེས་པའོ། །གྲུ་ཚུགས་པ་#མེད་པ་ལ་འདིའི་གནས་བཟུང་བ་ཙམ་ཡིན་ཏེ་ཞེས་བྱ་བ་རྟོགས་པར་བྱའོ། །གཞན་གྱི་ལས་ཀྱི་མཐའ་དག་ལ་ཆུ་གཏོང་#
[77b.2]བའམ་འགོག་པ་ལ་ནི་རང་གི་ལས་ཀྱི་མཐའ་གྲུབ་པའི་སྐྱེད་མ་གཏོགས་པ་དེའི་ཆེད་དུ་དེར་འདུན་པས་གཞན་དུ་གྱུར་ནའོ་ཞེས་བྱ་བ་ནི་གཏོང་བའམ་འགོག་པ་ལའོ། །དེའི་ཆེད་དུ་ཞེས་བྱ་བ་ནི་རང་གི་ལས་ཀྱི་མཐའ་གྲུབ་པའི་དོན་དུའོ། །སྐྱེད་མ་གཏོགས་པ་ཞེས་བྱ་བ་ནི་གྲུབ་པའི་ཁྱད་པར་རོ། །སྐྱེད་
[77b.3]མ་གཏོགས་པའི་གྲུབ་པ་ནི་རྐུ་བ་ཞེས་བྱ་བའོ། །ཅིའི་ཕྱིར་སྐྱེད་མ་གཏོགས་པ་ཞེས་བྱ་བའི་ཁྱད་པར་བསྟན་པའི་དོན་དུ་ཅིག་ཤོས་ཞེས་བྱ་བ་སྨོས་ཏེ། གྲུབ་པ་ལས་ཅིག་ཤོས་གང་ཡིན་པའོ། །ཕམ་པ་འདི་ཅི་ཡིན་པ་དང་ཕམ་པ་འདི་གང་ཡིན་པ་#སྟེ་ཞེས་བྱ་བའི་རྟེན་འདི་ལ་བརྟེན་པའི་དོན་དུ་གཞན་གྱི་
[77b.4]ལས་ཀྱི་མཐའ་ཞེས་བྱ་བ་སྨོས་སོ། །དགོས་པ་ཅི་ལྟ་བུས་གཞན་གྱི་ལས་ཀྱི་མཐའ་ལ་ཕམ་པ་ཡོད་པ་ལ་རང་གི་ལས་ཀྱི་མཐའ་གྲུབ་པ་རྐུ་བ་ཞེས་བྱ་བ་དེར་འདུན་པས་ཞེས་བྱ་བ་སྨོས་ཏེ། གཞན་གྱི་ཕུང་བར་བྱའོ། །བདག་གི་གྲུབ་པར་བྱའོ་སྙམ་པས་བསམ་པ་འདིས་སོ། །བསམ་པ་ཙམ་ཉིད་
[77b.5]ཀྱིས་གཞན་གྱི་ཕུང་བར་ཡོད་པར་གྱུར་པ་དང་རང་ལ་གྲུབ་པ་རྐུ་བ་ཆུ་བཏང་བ་འམ་འགགས་པ་ལས་ཞེས་བྱ་བ་སྨོས་ཏེ། གལ་ཏེ་རང་གི་ལས་རྣམས་འཇུག་པ་དགག་པ་ལ་ཆུ་ཡོད་པར་འགྱུར་བ་དང་། གཞན་གྱི་ལས་ཀྱི་མཐའ་རྣམས་ལ་#ཆུ་གཏོང་བ་ལ་ཆུ་ཡོད་པར་འགྱུར་རོ། །འོན་ཏེ་ཆུ་དཀོན་པར་གྱུར་ན་
[77b.6]རང་གི་ལས་ཀྱི་མཐའ་རྣམས་ལ་ཆུ་བཏང་བ་དང་། གཞན་གྱི་ལས་ཀྱི་མཐའ་རྣམས་ལས་འགོག་པར་བྱས་པ་ལ་གཞན་གྱིས་ཕུང་བར་བྱས་པའི་བསམ་པས་བྱེད་ལ། གང་#གི་ལས་ཀྱི་མཐའ་གྲུབ་ཅིང་བརྐུས་པ་ཞེས་བྱ་བའི་དོན་ཏོ། །རྒྱུན་ཕྱོགས་སུ་འགྲོ་བ་ལ་ཡང་ཆུ་བཏང་བ་དང་བཀག་པ་
[77b.7]འདི་དག་ལས་ཀྱི་མཐར་འགྲོ་བ་ལ་གཏོགས་པར་བྱའོ། །#འདིར་འབྲུ་ཕུན་སུམ་ཚོགས་པ་ལ་རྐུ་བར་གྱུར་པ་ཉིད་དུ་གནས་པའོ། །ཆུ་གཏོང་བར་བྱེད་པའམ་རང་གི་ལས་ཀྱི་མཐའ་འགོག་པ་ལ་རྐུ་བར་#མི་བྱེད་པར་ཐལ་བ་མ་ཡིན་ནོ#། །རང་འདོད་པ་དང་གཞན་ལ་ཉམས་པ་མེད་པར་གྱུར་པ་ལ་ཅུང་ཟད་
[78a]
[78a.1]བརྐུས་པར་འགྱུར་བ་མ་ཡིན་ཞེས་བྱ་བ་རྣམ་པར་ངེས་ནས་དེ་ལ་གྲུབ་པ་དང་གཞན་ལ་ཕུང་བ་ཞེས་བྱ་བ་ཡང་གཞན་ཕུང་བ་ལ་ཡང་དག་པར་བརྟན་#པའི་གཞུང་ལ་བརྟེན་ནས་ཅིག་ཤོས་ཞེས་བྱ་བ་བྱས་ཏེ་ཆད་པའི་སེམས་མེད་པར་རྐུ་#བ་བསྐྱེད་པ་མ་ཡིན་ནོ། །འདི་ཡང་འདི་ལ་
[78a.2]ཆད་པ་གང་ཞིག་ཉམས་པ་ཞེས་བྱ་བ་རྣམ་པར་ངེས་ནས་བདག་ལ་གྲུབ་པར་གྱུར་ཅིག །གཞན་ལ་ནི་ཕུང་བར་གྱུར་ཅིག་ཅེས་བྱ་བ་གཞན་པར་འདོད་པའི་ཚིག་ལ་བརྟེན་ནས་དེར་འདུན་པས་ཞེས་བྱ་བ་བྱས་སོ། །ཇི་ཙམ་དུ་གཞན་ལས་གཅོད་པ་དེ་ཙམ་ལས་རྐུ་བ་ཉིད་ཅེས་བྱ་བ་ལྟ་#བར་བྱས་ནས་སྐྱེད་མ་
[78a.3]གཏོགས་ཞེས་བྱ་བ་བྱས་སོ། །གང་ཞིག་གཞན་ཕུང་བ་མི་སྐྱེད་#པའི་ཞིང་གི་ཡོན་ཏན་ལ་སོགས་པས་བསྒྲུབ་པར་གྱུར་པ་དེ་ལ་རྐུ་བ་ཉིད་མ་ཡིན་པ་གཏོགས་པར་བྱའོ། །རྐུན་པོ་རྣམས་ལ་དེའི་ཆེད་དུ་ལམ་རྒྱུས་གོ་བར་བྱེད་པ་ལ་ནི་ཤས་ཐོབ་པར་བྱེད་ནའོ་ཞེས་བྱ་བ་ལ། རྐུ་བའི་ལམ་ལ་བརྟེན་པའི་ལོ་
[78a.4]རྒྱུས་ནི་ལམ་རྒྱུས་ཏེ་ལམ་ག་གེ་མོ་ནས་དེར་འགྲོ་བར་བྱའོ། །དེ་ལྟར་འཇུག་པར་བྱ་བ་ཞེས་བྱ་བ་ལ་སོགས་པའོ། །དེའི་ཆེད་དུ་ཞེས་བྱ་བ་ནི་ཤས་ཐོབ་པར་བྱ་བའི་ཆེད་དུའོ། །རྐུན་པོ་རྣམས་ལ་ཞེས་བྱ་བ་ནི་ཆོམ་རྐུན་པ་རྣམས་ལ་གལ་ཏེ་རྐུ་བའི་དོན་དུ་ལམ་རྒྱུས་གོ་བར་བྱེད་པའི་ལས་བྱས་པ་ལ་དེ་རྣམས་ཀྱི་
[78a.5]དྲུང་ནས་ཐོབ་པ་གང་ཡིན་པ་དེ་ནི་ཤས་བརྐུས་པ་ཡིན་ནོ། །འདི་ནི་རྐུན་པོ་ལས་ཤས་ཐོབ་པར་བྱ་བའི་ཕྱིར་ཁས་ལེན་པ་ཡིན་ཏེ། །རྐུན་པོ་རྣམས་ལས་བརྐུས་པ་སོ་སོར་བཟུང་བ་ཉིད་དོ། །དེའི་ཕྱིར་རྐུན་པོའི་ཚོགས་ཀྱི་ཁོངས་སུ་གཏོགས་པ་ཉིད་ཀྱི་#ཕྱིར་བརྐུས་པ་ཉིད་དོ། །བདག་གི་དོན་དུ་ཡང་དེ་ལས་ཆ་
[78a.6]ཤས་བརྐུ་བར་བྱ་བ་འདི་ལ་དེའི་དོན་དུ་རྐུ་བའོ། །ཐོབ་པ་འདི་ལ་བྲན་གྱིས་ལས་དང་འདྲ་བ་ཉིད་དེ་འདིར་ནི་མཉམ་པོར་བྱ་བ་བྱེད་པ་ཉིད་ཀྱིས་དེ་ལས་#གཞན་པའི་ཆོམ་རྐུན་བཞིན་དུ་ཆ་ཤས་དང་ལྡན་པ་ཉིད་ནི་མ་ཡིན་ནོ#། །ངེས་པར་སྦྱོར་བ་པོ་ཉིད་དང་གཏོང་བ་པོ་ཉིད་ཀྱི་བློ་ཡང་དག་པར་གནས་པ་ཞེས་བྱ་བ་
[78a.7]ཐོབ་པ་ལ་རྐུ་བ་ཉིད་ཤེས་པ་ཡིན་ཏེ། འགྲོ་བའི་དུས་ལ་ནི་མ་ཡིན་ནོ། །ས་གཞི་དང་ཁང་ཁྱིམ་དག་#ཡོངས་སུ་བསྐོར་བས་ནི་མཚམས་འབྱོར་ནའོ་ཞེས་བྱ་བ་ནི་རིབ་མ་དང་རྩིག་པ་ལ་སོགས་པས་ཡོངས་སུ་བསྐོར་བས་ས་གཞི་ལ་སོགས་པ་རྐུ་བ་རིབ་མ་ལ་སོགས་པ་དེ་ལས་#མཚམས་
[78b]
[78b.1]འབྱོར་ན་ནི་རྐུ་བའོ། །འདིར་ངེས་པར་དེའི་ཚེ་ན་ཉེ་བར་བཟུང་བ་ཉིད་ཀྱི་བློ་ལ་ཡང་དག་པར་བསྟན་པ་ལ་དེ་རྣམ་པར་ཤེས་པའོ། །ཤགས་ཀྱིས་#གལ་ཏེ་བླའི་གྲར་རྒྱལ་ནའོ། །གལ་ཏེ་འོག་ཟུར་ན་ཕ་རོལ་པོའི་སྦྱོར་བ་ཉིད་བཏང་ནའོ། །དེ་ནི་སྦྱོར་བ་ཉིད་དོ་ཞེས་བྱ་བ་ནི་གལ་ཏེ་བླའི་གྲར་
[78b.2]ཤགས་བཀྱེ་བ་ནི་#ཤགས་ཀྱིས་རྐུ་བ་ལ་རྒྱལ་བ་ནི་བརྐུས་པ་ཡིན་ནོ། །གལ་ཏེ་འོག་ཟུར་ན་ཕ་རོལ་པོའི་སྦྱོར་བ་པ་#ཉིད་བཏང་བ་ནི་བརྐུས་པ་ཡིན་ནོ། །རྒྱལ་བ་འདི་ལ་སྦྱོར་བ་ཉིད་ཡོངས་སུ་རྫོགས་པར་གྱུར་པའི་དངོས་པོ་ཅན་ལ་ཉེས་པ་སྦོམ་པོའོ། །གཞན་དུ་ཉེས་བྱས་ཞེས་བྱ་
[78b.3]བའི་དོན་ཏོ། །ངེས་པར་འདིར་སོ་སོར་གསལ་བ་ཉིད་ལ་གཞན་ལ་གྲུབ་པའི་བློ་ཡང་དག་པར་གནས་པ་ཡིན་ནོ། །བླའི་གྲལ་དུ་གཞན་ལ་གསལ་བ་ཉིད་ཡོད་ཀྱང་མངའ་བདག་ཉིད་ཀྱི་ཕྱིར་རྒྱལ་པོ་རྟེན་གྱི་མ་ངེས་པ་ནི་མ་ཡིན་ནོ། །གྲུབ་པའི་བློ་ཡང་དག་པར་གནས་པ་ཞེས་བྱ་བ་ནི་
[78b.4]རྣམ་པར་ཤེས་པ་ཡིན་ནོ། །ཤོ་གམ་གྱི་ས་ལས་འདས་ན་ཞེས་བྱ་བ་སྨོས་པ་དེར་ཤོ་གམ་གྱི་བརྐུས་པ་ཉིད་དུ་བརྗོད་དེ་ཤོ་གམ་གྱི་བྱ་བ་ཉིད་ལ་བརྟེན་པ་སྐྱེ་བ་དང་བཅས་པ་ལྟུང་བ་དང་ལྟུང་བ་མ་ཡིན་པའི་ཚིག་རྣམས་གང་ཡིན་པ་དེ་རྣམས་ནི་རྣམ་པར་འབྱེད་པ་ལས་བསྡུ་བར་བྱ་སྟེ། རྐུ་སེམས་
[78b.5]མེད་པ་ལ་ཤོ་གམ་དུ་གཏོགས་པའི་ཉེས་པ་འབྱུང་བར་དོགས་པར་མི་བྱའོ་ཞེས་བྱ་བ་ནི་ཡོངས་སུ་སྤང་བ་མ་ཐོབ་པའི་དགེ་སློང་རྣམས་ཀྱིས་ཚོང་པ་རྣམས་ལ་ཤོ་གམ་དུ་གཏོགས་པ་ལས་འདའ་བར་#བྱ་བའི་ཕྱིར་སྦྱིན་པ་གང་ཡིན་པ་དེར་ཚོང་པ་རྣམས་འདིར་རྐུ་བར་བྱེད་པ་ཉིད་མ་ཡིན་ཏེ་ཤོ་གམ་
[78b.6]པའི་སེམས་བཟུང་བར་བྱས་པའི་ཚོང་པ་དེ་རྣམས་ལས་འདའ་བའི་#ཕྱིར་རོ། །གང་གི་ཕྱིར་དགེ་སློང་རྣམས་ལ་བརྐུས་པ་ཉིད་དུ་མི་འགྱུར་བ་དེའི་ཕྱིར་ལྟུང་བ་མེད་པའི་ཚིག་རིགས་པ་ཡིན་ནོ། །གང་ཞིག་ཡོངས་སུ་སྤང་བ་མ་ཐོབ་པའི་དགེ་སློང་གིས་དགེ་སློང་གཞན་ལ་འདའ་བའི་ཕྱིར་སྣོད་སྦྱིན་པ་དེར་
[78b.7]ཡང་དགེ་སློང་འདི་ཡིན་ཏེ། འདི་ནི་ད་ལྟར་འདའ་བར་གྱུར་པ་མ་ཡིན་ཏེ། ཇི་ལྟར་འདི་ལ་རྐུ་བ་ཉིད་འབྱུང་བར་འགྱུར་ཞེས་བྱ་བ་ལྟུང་བ་མ་ཡིན་པའི་རིགས་པར་གྱུར་པ་ཉིད་དེ་ངེས་པར་འདིར་འདིའི་བློ་ཞེས་བྱ་བ་རྐུ་བ་ཉིད་མེད་པའི་ཕྱིར་རོ། །གང་ཞིག་སྤོང་བ་ཐོབ་པ་རྣམས་ཚོང་པ་རྣམས་དང་འབྲེལ་པ་
[79a]
[79a.1]ལས་འདའ་བར་བྱེད་པ་དེར་འདི་རྣམས་ལ་གཞན་གྱི་དོན་དུ་བརྐུས་པ་ཉིད་ཡོད་པ་དེར་རང་གི་སྤོང་བ་ཐོབ་པ་འདི་ཞེས་བྱ་བ་རྣམ་པར་གཞག་པའི་ཕྱིར་རོ། །དེ་ལ་འདི་རྣམས་ལ་གང་ཞིག་ལྟུང་བ་མེད་པར་བརྗོད་པ་དེར་རྐུ་སེམས་མེད་པར་རྒྱུ་རྣམ་པར་གནས་པ་ཡིན་ཏེ།
[79a.2]འདི་ལ་འདི་བསྡུས་པའོ། །འདི་ནི་བདག་ཅག་ལ་གཞན་གྱི་སྤོང་བའི་ཆ་ཤས་#པས་འདི་རྣམས་ལ་རྐུ་སེམས་ཀྱིས་#སྐབས་མ་གྱུར་ཅིག་ཅེས་བྱ་བ་འདིར་རིག་པར་བྱའོ། །གང་གིས་བླངས་པ་ཉིད་ཀྱི་#སྣོད་ལས་སྦྱིན་པར་བྱ་བ་ཉིད་ཡིན་ནོ་ཞེས་བྱ་བ་ནི་གང་གིས་བླངས་པ་ནི་གང་གིས་#བླངས་པ་སྟེ། དེའི་
[79a.3]དངོས་པོ་ནི་གང་གིས་བླངས་པ་ཉིད་དོ། །གང་གིས་དངོས་པོ་བཟུང་བ་ཤོ་གམ་དེ་ལ་སྦྱིན་པ་ཉིད་དོ། །གང་ཞིག་འདིར་འདའ་བར་བྱེད་པ་གཉིས་ནི་སྐྱོན་མེད་པ་དང་ལྡན་པ་གང་གིས་དངོས་པོ་བླངས་པ་དེ་ཤོ་གམ་སྦྱིན་པ་ཉིད་དུ་གྱུར་པ་ལ། འདི་གཉིས་ལ་སྐྱོན་མེད་པ་ཉིད་དུ་རིགས་པ་ཡིན་ཏེ་ཞེས་བྱ་
[79a.4]བ་འདི་ཤེས་པའོ། །གནང་བ་ལས་གཞན་གྱིས་བཟླས་ན་མ་བརྐུས་པ་ཡིན་ནོ་ཞེས་བྱ་བ་ལ། །གནང་བ་ནི་སྤོང་#བ་ཐོབ་པའོ། །དེ་ལ་གཞན་གྱི་ནོར་#ལ་དེ་བྱས་པའི་འདའ་བར་བྱེད་པ་གང་ཡིན་པ་འདི་ནི་དེའི་ཆའི་ཕྱིར་མ་བ་རྐུས་པ་ཡིན་ནོ། །གང་ཞིག་འདི་ཤོ་གམ་མ་བྱིན་པ་ཞེས་བྱ་བ་སྤང་བ་སྦྱིན་
[79a.5]པ་རང་གི་ཆ་སོ་སོར་ཐོབ་པ་སྟེ་གཞན་གྱི་ནི་མ་ཡིན་ནོ། །དེ་བས་ན་སྐྱོན་འདི་འབྱུང་བ་སྟེ། ཚོང་པ་དང་འབྲེལ་པའི་འདའ་བར་བྱེད་པ་གང་ཡིན་པའོ། །སླར་དགེ་སློང་གིས་ས་ལ་རྙེད་པའི་ཤོ་གམ་འདའ་བར་བྱེད་པ་སྟེ་#དགེ་སློང་གིས་ས་ལ་རྙེད་པའི་ཤོ་གམ་འདའ་བར་བྱེད་ན་འགལ་ཚབས་ཅན་དུ་འགྱུར་རོ་
[79a.6]ཞེས་བརྗོད་པ་ལ་བསྡུ་བ་ནི་འདི་ཡིན་ནོ། །དངོས་པོ་ཇི་ལྟར་ལྟུང་བ་ལ་འགལ་ཚབས་ཅན་ཞེས་བྱ་བ་#གསུངས་པའི་ཚིག་ཀྱང་གཞི་ཇི་ལྟ་བ་ལས་འབྱུང་བ་ཡིན་གྱི་ཉེས་བྱས་ཉིད་ནི་མ་ཡིན་ནོ། །འདི་ཅིའི་ཕྱིར་ཞེ་ན། ཉེ་བ་འཁོར་གྱིས་ཞུས་#པ་ལས་འདིར་སྦོམ་པོའི་ལྟུང་བ་ལ་བརྗོད་པའི་ཕྱིར་རོ། །
[79a.7]བཙུན་པ་རེ་ཞིག་ཚོང་པ་རྣམས་ཤོ་གམ་གྱི་ཕྱིར་ཤོ་གམ་ལ་ཉེ་བར་བརྟེན་པའི་དངོས་པོ་ནི་ས་ལ་ཡང་དག་པར་རྙེད་པར་འགྱུར་ཏེ། དགེ་སློང་ལ་ཚོང་པས་འདི་སྐད་ཅེས་སྨྲས་ཏེ། འཕགས་པ་བྱིན་ཅིག་ཤོ་གམ་གྱི་ས་ལས་འདའ་བར་བྱས་ནས་དགེ་སློང་གིས་དེ་ལས་འདའ་བར་བྱེད་ན་ཤོ་གམ་
[79b]
[79b.1]འཇོམས་པ་སྟེ། དེ་ལ་མ་ཤ་ཀ་ལྔའི་རིན་ཐང་འབྱུང་བར་འགྱུར་ཏེ། སྦོམ་པོའི་ལྟུང་བ་ལ་ལྟུང་བར་འགྱུར་ཞེས་བྱ་བའོ། །སྤང་བ་ཐོབ་པའི་དགེ་སློང་གི་དབང་དུ་མཛད་ནས་འདི་གསུངས་པ་རྣམ་པར་གནས་པ་ཡིན་ཏེ། གཞན་གྱིས་རིག་#པ་ཤོ་གམ་པ་#རྣམས་ཀྱིས་འདའ་བར་བྱ་བའི་ཕྱིར་མི་ནུས་པ་
[79b.2]ཉིད་ཀྱིས་བརྐུ་#བ་ཉིད་ཚོང་པ་རྣམས་ཉིད་ལ་ཤིན་ཏུ་བྱ་སླ་བ་ཉིད་ཀྱི་ཕྱིར་རོ། །རང་གི་བྱ་བ་མ་ཡིན་པའི་དབང་དུ་བྱས་ནས་སྦོམ་པོ་འདི་བརྗོད་པར་རིག་པར་བྱའོ། །མ་གནང་བས་གཞན་གྱིས་འདའ་བར་མི་བྱའོ་ཞེས་བྱ་བ་ནི་ཆོ་ག་ཡང་དག་པར་བྱས་པ་གཞན་གྱིས་#ཤོ་གམ་རང་གིས་#ཤོ་གམ་གྱི་བྱ་
[79b.3]བ་ལས་འདའ་བར་བྱ་བ་མ་ཡིན་ནོ། །ཚོང་པ་རྣམས་ཀྱིས་འདའ་བར་བྱེད་པས་ཀྱང་སླར་དགེ་སློང་གི་#སར་ཕྱིན་པའི་ཤོ་གམ་འདའ་བར་བྱེད་པ་སྟེ། དགེ་སློང་གི་སར་ཕྱིན་པའི་ཤོ་གམ་འདའ་བར་བྱེད་ན་འགལ་ཚབས་ཅན་དུ་འགྱུར་རོ་ཞེས་གསུངས་པ་དེའི་དོན་བསྡུ་བའི་ཕྱིར་མདོ་འདི་བྱས་
[79b.4]སོ། །རྐུ་བ་ལ་གནས་པའི་སྐྱོན་གྱིས་སྐྱོན་དང་བྲལ་བ་ཉིད་དུ་གྱུར་པ་ལ་འདི་ཡིན་ཏེ། དེ་བས་ན་བསླབ་པ་གཞན་ལ་འདི་རབ་ཏུ་བཏགས་པ་ཉིད་དོ། །རབ་ཏུ་བཏགས་པ་འདི་ན་སླར་ཅིའི་ཕྱིར་ཞེ་ན། རྐུ་བའི་རྣམ་པ་ཉིད་ཀྱིས་#འདི་འཇིག་རྟེན་ན་ཁ་ཟེར་བར་འགྱུར་བའི་སྐྱོན་ཉིད་ཀྱིས་གཞན་དུ་#ཡང་
[79b.5]གཞན་གྱིས་འདའ་བར་བྱ་བ་མ་ཡིན་ཞེས་བྱ་བ་འདིའི་རྗེས་སུ་འབྲང་བས་#རྟོགས་པར་བྱའོ། །མ་ཚོར་བར་འདའ་བར་བྱེད་པ་མི་གྲུབ་པར་བྱ་བའི་ཕྱིར་མི་འབད་པར་མི་བྱའོ་ཞེས་བྱ་བ་ནི་འདའ་བར་བྱ་བ་གྲུབ་པ་ཉིད་ཀྱིས་འདི་#ནི་གཞན་གྱིས་སམ་བདག་ཉིད་རང་ཉིད་ཀྱིས་སམ#། གཞན་གྱི་ཡང་དག་
[79b.6]པར་རིག་པ་ལས་#འདའ་བར་བྱེད་པ་སེར་སྣ་ལ་སོགས་པ་ཞེས་བྱ་བ་འདིའི་དོན་དུ་མི་འབད་པར་མི་བྱའོ། །འདི་ལྟར་འདའ་བར་བྱེད་པ་ལ་རྐུ་བའི་རྣམ་པ་ཉིད་དང་། སྐྱོན་ཉིད་ཀྱིས་སྲིད་པའི་སྐབས་ཡོད་པ་ཡིན་ཏེ་ཞེས་བྱ་བ་#འདི་རྣམས་ནི་བཏགས་པའོ། །ཇི་ལྟར་ཡང་མི་འབད་པར་མི་བྱ་ཞེ་ན། དེའི་ཕྱིར་
[79b.7]སྲུང་#མ་དགེ་སློང་དུ་མ་གཞག་པར་བྱའོ་ཞེས་བྱ་བ་སྨོས་སོ། །སྲུང་#མ་ཇི་ལྟ་བུ་ཞེ་ན། དགེ་སློང་ཞེས་བྱ་བ་སྨོས་སོ། །གྲངས་ཇི་ལྟ་བུ་ཞེ་ན། དེའི་ཕྱིར་དུ་མ་ཞེས་བྱ་བ་སྨོས་ཏེ། གཉིས་ཡན་ཆད་ནས་བརྩམས་ཏེ་བསྲུངས་པའི་#ཕྱིར་ཇི་སྙེད་ཀྱིས་དོན་གྲུབ་པ་དེ་སྙེད་གཞག་གོ་ཞེས་བྱ་བའི་དོན་ཏོ། །
[80a]
[80a.1]དེའི་ཟན་བསྐྱལ་བར་བྱ་བ་ཉིད་དོ་ཞེས་བྱ་བ་ནི་སྲུང་བར་བྱེད་པ་དེའི་ཟན་ནི་དེའི་ཟན་ཏེ་དེའོ#། །དེའི་བསྐྱལ་བར་བྱ་བ་ཉིད་དེ་འདི་ནི་ངེས་པ་མ་ཡིན་ནོ། །དེས་ན་འདིར་འཇུག་པ་གང་ཡིན་པ་དེ་ལ་རྟོགས་#པ་ཉིད་མ་ཡིན་པ་ཤེས་པར་བྱ་ཞེས་བྱ་བའི་དོན་དུ་འདི་བརྗོད་པའོ། །
[80a.2]དེས་བཟློག་པར་བྱའོ་ཞེས་བྱ་བ་ནི་སྲུང་#བའི་དགེ་སློང་གཞག་པས་སོ། །བཅུག་པ་ཉིད་བརྗོད་པར་བྱའོ་ཞེས་བྱ་བ་ནི་དེས་ཞེས་#བྱ་བར་རྗེས་སུ་འབྲེལ་ཏོ། །གང་རྣམས་ཀྱིས་གཞག་པ་དེ་རྣམས་ལ་ཞེས་བྱ་བ་དོན་གྱིས་གྲུབ་པ་སྟེ་གཞག་པ་ལ་དེའི་དོན་ཉིད་ཀྱི་#ཕྱིར་རོ། །མེད་ན་མཚན་མ་གདབ་པོ་
[80a.3]ཞེས་བྱ་བ་ནི་སྲུང་#མ་མེད་ན་བསོད་སྙོམས་ལ་སོགས་པ་ལ་ཡང་འགྲོ་བའི་དོན་དུ་འགྲོ་བར་བྱེད་ཅིང་རང་གི་སྣོད་དག་ལ་མཚན་མ་གདབ་པར་བྱའོ། །བསོད་སྙོམས་ཀྱི་ཕྱིར་ཞུགས་པ་ལ་ཤོ་གམ་གཞལ་དགོས་པ་ལ་ལས་མི་ཕྱུང་བ་མི་བཅུག་པར་བྱ་ཞེས་བྱ་#བའི་དོན་ཏོ། །ཁྱེར་ཏེ་འོངས་བ་ལ་དྲི་བར་བྱའོ་
[80a.4]ཞེས་བྱ་བ་ནི་གཞན་གྱིས་གང་ཡང་རུང་བ་ཤོ་གམ་དུ་བྱ་བ་མ་ཡིན་པའི་དངོས་པོ་ལ་ཤོ་གམ་གྱི་གནས་ནས་འདའ་བར་བྱེད་པའི་དོན་དུ་ཁྱེར་ཏེ་འོངས་པ་ལ་ཤོ་གམ་གཞལ་དགོས་པའི་རྫས་ཅུང་ཟད་མེད་དམ་ཞེས་བྱ་བ་འདི་དྲི་བར་བྱའོ་ཞེས་བྱ་བའི་དོན་ཏོ། །གཞན་གྱིས་དོར་བ་མི་འགྲུབ་ན་རེག་པ་ཉིད་དུ་
[80a.5]བྱའོ་ཞེས་བྱ་བ་ནི་གསེར་ལ་སོགས་པ་རེག་པར་བྱ་བ་མ་ཡིན་པ་ལ་གཞན་གྱིས་དེའི་གཏུར་བུ་ལ་སོགས་པའི་ནང་དུ་བཅུག་པ་ལ་རང་གིས་རིག་པར་མ་བྱས་ན་དོར་བ་དབྱུང་བར་མི་འགྲུབ་ན་དེའི་ཚེ་དབྱུང་བའི་ཆེད་དུ་རང་ཉིད་ཀྱིས་རེག་པ་ཉིད་དུ་བྱས་ཏེ་དེ་ལ་ནི་ལྟུང་བར་བྱེད་པ་འགའ་ཞིག་ཏུ་འགྱུར་
[80a.6]བ་བག་ཡོངས་སུ་གནང་ངོ་། །མ་ཕུལ་ཡང་ངེས་པ་སྐྱེས་ན་ཕུལ་བ་ཉིད་ཡིན་ནོ་ཞེས་བྱ་བ་ནི་མ་ལ་སོགས་པ་རྣམས་ལ་བདག་གིས་འདི་སྦྱིན་པ་ཞེས་བྱ་བ་གང་ཞིག་འདི་རྫས་ངེས་པར་བྱས་ནས་བཟུང་བ་མ་ཕུལ་བའི་རྫས་དེ་ལ་ཡང་ཕུལ་བ་ཉིད་ཁོ་ན་ཤེས་པར་བྱའོ། །གང་ལ་ཕུལ་བ་ཡིན་པ་
[80a.7]དེས་མ་བཟུང་བ་ཞེས་བྱ་བ་བྱས་ཏེ#། གང་གིས་#དེའི་ལག་པ་ལ་དེ་དང་འབྲེལ་བ་ཉིད་ཤེས་པར་བྱ་བའི་དོན་དང་དེ་དང་འདྲ་བའི་ཤོ་གམ་གྱི་བྱ་བ་འདའ་བར་བྱེད་པ་ལ་གཞན་གྱི་དོན་དུ་རྐུ་བ་ལ་སྐྱོན་ཏེ་དེ་ལྟུང་བ་ཞེས་བྱ་བའི་དོན་ཏོ། །དེ་དག་གིས་#རྫས་གནང་བར་བྱ་བའི་ཕྱིར་ཕ་མའི་བསྔགས་པ་
[80b]
[80b.1]བརྗོད་དོ་ཞེས་བྱ་བ་ལ། ཕ་མ་ཞེས་བྱ་བ་ནི་ཕ་མ་དག་ལའོ། །ཕ་མ་དག་གི་ཆེད་དུ་བཀུར་བའི་རྫས་ནི་ཕ་མ་དག་ལ་བསྔགས་པ་བརྗོད་པར་བྱ་བ་སྟེ། འདིའི་དོན་དུ་ཤོ་གམ་པ་རྣམས་ཀྱི་དྲུང་དུ་འདི་དག་གི་ཡོན་ཏན་བརྗོད་པ་གང་ཡིན་པ་དེ་ནི་བརྗོད་པ་ཙམ་དོན་དུ་གཉེར་བ་ཞེས་བྱ་བ་ཡོངས་སུ་
[80b.2]བརྟགས་ནས་སྐྱོན་དང་ལྡན་པ་ཤེས་པར་བྱ་#ཞེས་བྱ་བའི་དོན་ཏོ། །དཀོན་མཆོག་རྣམས་ཀྱི་ཡང་ངོ་ཞེས་བྱ་བ་ནི་སངས་རྒྱས་དང་ཆོས་དང་། དགེ་འདུན་རྣམས་ལ་དེ་དག་གིས་#རྫས་གནང་བར་བྱ་བའི་ཕྱིར་ཡང་དག་པར་བསྔགས་པ་ཞེས་བྱ་བའི་དོན་ཏོ། །དོན་དུ་གང་ཡང་རུང་བའི་དཀོར་གང་ཡང་རུང་བ་ལས་
[80b.3]སྐྱིན་པོར་བླང་བའི་#ཆོས་སུ་སྦྱིན་པར་བྱའོ་ཞེས་བྱ་བ་ནི་གང་ཡང་རུང་བའི་རྫས་ལས་སྐྱིན་པོ་བླང་བའི་ཆོས་ཀྱིས་སངས་རྒྱས་ལ་སོགས་པ་རྣམས་ལ་གང་ཡང་རུང་བའི་དོན་དུ་ཤོ་གམ་གྱི་བྱ་བ་གང་ཡིན་པ་དེའི་དོན་དུ་དཀོན་མཆོག་གཞན་གྱི་དོན་དུ་ཤོ་གམ་སྦྱིན་པ་སྐྱོན་མེད་དོ་ཞེས་བྱ་བའི་དོན་ཏོ། །སྐྱིན་པོ་
[80b.4]བླང་བའི་ཆོས་ཀྱིས་ཞེས་བྱ་བ་དེ་གང་ལས་བཟུང་བ་སླར་སྦྱིན་པ་ཉིད་དོ། །ཅིའི་ཕྱིར་ཞེ་ན་གང་གི་ཆེད་དུ་བཟུང་བ་དེའི་དོན་གྱིས་ཞེས་#བྱ་བའི་དོན་ཏོ། །ཤོ་གམ་གཞལ་དགོས་པ་དང་བཅས་པར་འགྲོ་བར་མི་བྱའོ་ཞེས་བྱ་བ་ནི་#འདིར་རྒྱང་གྲགས་ཀྱི་ལམ་དུ་སོང་བ་ལ་བདག་ཉིད་ཅེས་བྱ་བ་འདི་#ལས་རྒྱང་
[80b.5]གྲགས་འདི་ལ་དངོས་གཞིར་#གྱུར་པའི་ཉེས་བྱས་རྒྱང་གྲགས་ཕྱེད་ཕྱེད་ཅིང་དེའི་སྦྱོར་བར་འགྱུར་བའི་ཞེས་བྱ་བ་འདི་རྟོགས་པར་བྱའོ། །འགྲོ་བ་ནི་འདའ་བར་བྱེད་པ་སྟེ། ཤོ་གམ་པ་དང་ལྷན་ཅིག་ཏུ་ཐ་སྙད་ལ་གླགས་ལྟ་བའི་ཕྱིར་བཏགས་པའོ། །མཐུན་པར་བྱེད་པ་དཀའ་བ་མ་ཡིན་པར་འགྱུར་བ་ཡང་ཤོ་
[80b.6]གམ་ལ་བརྟེན་པའི་ཐ་སྙད་དེ་དཀའ་བར་གྱུར་པ་ནི་ལྟ་སྨོས་ཀྱང་ཅི་དགོས་ཏེ། དེ་མ་ཡིན་པ་ཉིད་ལ་ནི་བ་ལང་གི་ལྕི་བ་བཙིར་བས་ཀྱང་ཁ་བསྒྱུར་བ་དང་། ཁ་ཚར་དང་ཕུན་ཚར་བཅད་པ་ཡང་ངོ་ཞེས་བྱ་བ་ལ་དེ་མ་ཡིན་པ་ཉིད་ཅེས་བྱ་བ་ནི་ཤོ་གམ་གཞལ་དགོས་པ་མ་ཡིན་པ་ཉིད་དོ། །རེ་རེ་ཉིད་ཀྱིས་
[80b.7]ཀྱང་འདི་དག་ལ་བཅད་པ་དང་ཁ་བསྒྱུར་བ་དག་ལ་ཤོ་གམ་གཞལ་བ་ཉིད་མ་ཡིན་ནོ། །དེ་བས་ན་སོ་སོ་འདི་དག་ལ་ཤོ་གམ་གཞལ་དགོས་པ་མ་ཡིན་པར་རིག་པར་བྱའོ། །མ་མཐོང་བ་ལ་བློ་དེ་མི་འཆགས་སོ་ཞེས་བྱ་བ་ནི་འདི་ནི་ཁ་བསྒྱུར་#བའམ་ཆད་པ་ཞེས་བྱ་བའི་བློ་ལ་མ་མཐོང་བའི་དངོས་པོ་ལ་དེ་མི་
[81a]
[81a.1]མི་#འཆགས་སོ། །མཐོང་བ་མེད་པར་འདིར་ལྟུང་བ་དང་རྟོགས་པའི་ངེས་པ་མེད་པའི་ཕྱོགས་པའོ། །དེའི་དབང་གིས་#ཤོ་གམ་གཞལ་དགོས་པ་དང་བཅས་པ་ཉིད་ནི་མ་ཡིན་ནོ། །མི་འཆགས་སོ་ཞེས་བྱ་བ་ནི་ལྟུང་བ་མི་ལྡང་བ་ཞེས་བྱ་བའི་དོན་ཏོ། །འདིར་གཞུང་ནི་རང་གི་#མིག་གིས་
[81a.2]བལྟ་བར་བྱའོ། །མ་བལྟས་ན་འགལ་ཚབས་ཅན་དུ་འགྱུར་རོ་ཞེས་གསུངས་པ་ཡིན་ནོ། །གཞན་གྱི་སྤྱོད་པ་བརྟོལ་#བར་མི་བྱའོ་ཞེས་བྱ་བ་ནི། རང་གི་འམ་གཞན་གྱི་ཤོ་གམ་གཞལ་དགོས་པའི་རྫས་རང་ངམ་གཞན་གྱིས་#ཤོ་གམ་གྱི་གནས་ནས་འདའ་བར་བྱེད་པ་གང་ཡིན་པ་དེ་དགག་པར་མཛད་
[81a.3]པ་ཉིད་ཀྱི་ཕྱིར་གཞན་གྱི་སྤྱོད་པ་བརྟོལ་བར་བྱེད་པ་འདི་ཡང་བཀག་པར་རིག་པར་བྱའོ། །ཡིད་གཅུགས་པ་#མ་ཡིན་པ་ལ་གཅུགས་པ་#ཉིད་དུ་མི་བྱའོ། །འདི་ལ་གསུམ་ཉིད་དོ། །དེ་ཉིད་ནི་འོག་མ་ལ་གོང་མའོ་ཞེས་བྱ་བ་ལ། དེ་ཉིད་ཅེས་བྱ་བ་ནི་ཡིད་གཅུགས་#པ་ཉིད་དོ། །འོག་མ་ལ་ཞེས་བྱ་བ་ནི་ཡིད་
[81a.4]གཅུགས་#པའོ། །གོང་མའོ་ཞེས་བྱ་བ་ནི་ཡིད་གཅུགས་#པ་ཉིད་ལའོ། །ཆུང་ངུ་དང་། འབྲིང་དང་། ཆེན་པོ་ཉིད་ཀྱིས་གོང་མ་དང་། འོག་མ་ཉིད་འདི་ཞེས་བྱ་བའི་རྣམ་པ་འདིས་སྦྱར་བ་ཉིད་ཀྱི་ཕྱིར་རྟོགས་པར་བྱའོ། །ཡིད་གཅུགས་#པ་མ་ཡིན་པ་ལ་ཡིད་གཅུགས་#པ་ཉིད་དུ་བརྟེན་པར་མི་
[81a.5]བྱའོ། །འདི་སྐད་བསྟན་པ་མཛའ་བཤེས་ཐ་མ་ལ་ཡིད་གཅུགས་#པ་འབྲིང་དང་ཆེན་པོ་མི་བྱའོ། །འབྲིང་ལ་ནི་ཆེན་པོ་བརྟེན་#བཞིན་པ་ཡིད་གཅུགས་#པར་མི་བྱ་བ་བརྟེན་#པར་འགྱུར་གྱི་ཡིད་གཅུགས་#པར་བྱ་བ་ནི་མ་ཡིན་ནོ། །གང་ཞིག་གང་ལ་ཡིད་གཅུགས་#ནས་སྣོད་ཡིན་པ་དེ་ནི་དེའི་དོན་ཡིད་
[81a.6]གཅུགས་#པར་བྱ་བ་མ་ཡིན་ཞེས་བྱ་བ་བྱས་ཏེ་ཞེས་བྱ་བའི་དོན་ཏོ། །སླར་སུ་ཞིག་ལ་ཡིད་གཅུགས་#པར་བྱ་ཞེ་ན། དེའི་ཕྱིར་དེ་ནི་སྡུག་པ་དང་། ཡིད་དུ་འཐད་པ་དང་། བླ་མ་དང་། བསྒྲུབ་པར་འོས་པ་དང་། མཆོད་པར་འོས་པ་དང་། བསྟོད་པར་འོས་པ་དང་། བླངས་ན་དགའ་བའོ་
[81a.7]ཞེས་བྱ་བ་ལ། འདིར་ནི་མཉེས་གཤིན་པ་དང་བཅས་པ་ནི་དགའ་བར་བརྗོད་དོ། །བསྟོད་པར་འོས་པ་ནི་ཡིད་དུ་འོང་བའོ། །བླ་མ་ཞེས་བྱ་བ་ནི་སློབ་དཔོན་དང་མཁན་པོའོ། །རྗེས་སུ་བྱེད་པ་སྒྲུབ་པའི་དོན་དུ་དགེ་བའི་བཤེས་གཉེན་ཉིད་ཀྱིས་#གང་ཞིག་ཉེ་བར་བསྟེན་#ལ་གནས་པ་དེ་ནི་
[81b]
[81b.1]བསྒྲུབ་#པར་འོས་པའོ། །མཆོད་པར་འོས་པ་ཞེས་བྱ་བ་ནི་གང་སྦྱིན་པ་དང་བསྙེན་བཀུར་བ་ལ་སོགས་པའི་མཆོད་པས་གང་ཞིག་ལ་དུས་དུས་སུ་བསྙེན་བཀུར་བར་བྱ་བ་དེ་ནི་མཆོད་པར་བྱ་བའོ། །བསྟོད་པར་འོས་པ་ཞེས་བྱ་བ་ནི་གང་གང་ལ་དུས་དུས་སུ་ཉེ་བར་གནས་ནས་ཚུལ་ཁྲིམས་དང་
[81b.2]ཐོས་པ་དང་གཏོང་བ་ལ་སོགས་པའི་ཡིད་བཟུང་བ་ཉིད་ཀྱིས་ཡང་དག་པར་མཐོང་བ་དེ་ནི་བསྟོད་པར་བྱ་བའོ། །བླངས་ན་དགའ་བ་ཞེས་བྱ་བ་ནི་བདག་གིས་བཟུང་བ་ལ་དགའ་བའི་ཕྱིར་གང་དུ་ཡིད་ཆེས་པ་འདི་སྐྱེས་པའོ། །ལག་སྤོད་#ཀྱི་ལས་ཀྱིས་ལས་བྱ་#ཞིང་བསོད་ནམས་ཀྱི་བློས་ཀྱང་སྟེ་གླ་
[81b.3]རྔན་གྱིས་ནི་མ་ཡིན་ནོ། །ཡུལ་གྱི་ངེས་པའི་ཚིག་ནི་འདྲིད་པ་མ་ཡིན་ནོ་ཞེས་བྱ་བ་ནི་དེ་ལྟར་ཡང་རྣམ་པར་འབྱེད་པ་ལས་བཅོམ་ལྡན་འདས་ཀྱིས་དགེ་སློང་མའི་གནས་སུ་ཁྱོད་ཀྱིས་ཅི་ཞིག་བྱས་ཞེས་#བྱ་བ་གང་བརྗོད་པ་ཅིའི་ཐ་ཚིག་ཅེས་སྨྲས་པ་དང་། གསོལ་བ་བཙུན་པ་འཇིག་རྟེན་ན་ལྟུང་ངོ་
[81b.4]ཞེས་བྱ་བ་གང་ལགས་པའི་ཐ་ཚིག་གོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཡུལ་གྱི་ངེས་པའི་ཚིག་གིས་ལྟུང་བར་མི་འགྱུར་རོ་ཞེས་གསུངས་པ་ཡིན་ནོ། །འདི་ལྟར་བརྗོད་པར་གྱུར་པ་འདི་སྡུག་བསྔལ་དུ་རྟོགས་པར་བྱ་བ་མ་ཡིན་ཏེ་ཞེས་བྱ་བ་#འདི་བསྟན་པའོ། །ལྟུང་བ་
[81b.5]བླངས་པ་ཡུན་རིང་དུ་མི་བསྲེལ་ལོ་ཞེས་བྱ་བ་ནི་དུས་ཇི་སྲིད་ཀྱིས་ན་འདིས་#བཅབས་སོ་སྙམ་དུ་དོགས་པ་སྐྱེ་བའི་དུས་དེ་སྲིད་ན་འདིར་ཡུན་ཤིན་ཏུ་རིང་བ་ཉིད་དུ་རིག་པར་བྱས་ཏེ་དེ་སྲིད་དུ་བསྲེལ་བར་མི་#བྱའོ། །དེ་དགེ་སྐོས་ལ་གཏད་པ་ཉིད་དུ་བྱའོ་ཞེས་བྱ་བ་ལ། དེ་ཞེས་བྱ་བ་ནི་ལྟུང་བ་བླངས་པ་ལའོ། །
[81b.6]དེས་རབ་ཏུ་བྱུང་བ་ཡིན་པར་དོགས་ན་དགེ་འདུན་ལ་བསྟན་པར་བྱའོ་ཞེས་བྱ་བ་ནི་དགེ་སྐོས་དེ་རབ་ཏུ་བྱུང་བ་ལ་འདི་དང་འབྲེལ་པ་ལ་ཞེས་བྱ་བ་དོགས་པ་འདི་ཡོད་པ་ལ་དེའི་ཚེ་རྫས་དེའི་བདག་པོ་ངེས་པར་ཤེས་པར་བྱ་བའི་ཕྱིར་དགེ་འདུན་ལ་བསྟན་པར་བྱའོ། །བདག་པོ་མ་བྱུང་ན་གཟར་ཐག་ལ་
[81b.7]བཏགས་ཏེ་གཞག་གོ་ཞེས་བྱ་བ་ནི་གལ་ཏེ་དེ་ལྟར་ན་འདི་ཉེ་བར་བསྟན་པ་#རབ་ཏུ་བྱུང་བའམ་གཞན་འགའ་ཞིག་བདག་པོ་བྱུང་སྟེ། འདི་ནི་བདག་གི་ཡིན་ཞེས་བྱ་བ་བདག་ཉིད་ཉེ་བར་བསྟན་པར་བྱེད་པ་དེའི་ཆེད་ནི་རྫས་དེ་གཟར་ཐག་ལ་ཉེ་བར་བཏགས་པ་ཉིད་དོ། །འདི་ལ་གོས་རྣམས་གཟར་ཐག་ཏུ་བྱ་
[82a]
[82a.1]བས་ན་གཟར་ཐག་སྟེ་ཀ་བ་ལ་སོགས་པ་ལ་བཅིངས་པ་དགེ་སློང་ཐམས་ཅད་ལ་གསལ་བར་གྱུར་པ་འདི་འདིར་མངོན་པར་འདོད་པ་ཞེས་བྱ་བ་ཤུགས་ཀྱིས་གོ་བར་བྱའོ། །ཉེ་བར་བཏགས་པ་ནི་ལྟུང་བའི་དོན་དུའམ་སླར་མི་སྟོར་བའི་དོན་དུའམ། མ་བྱིན་པར་ལེན་པར་ཡང་
[82a.2]མི་རིགས་པ་བཟུང་བ་མ་གྲུབ་པའི་དོན་དུའོ། །ནད་པས་མ་གནང་བ་དེ་ལ་སྨན་མི་བླང་ངོ་ཞེས་བྱ་བ་ནི་འདི་ལས་སྨན་ལོང་ཤིག་#ཅེས་བྱ་བ་ནད་པས་དེ་ལྟར་གནང་བ་མ་ཐོབ་པ་གང་ཡིན་པ་དེ་ལས་སྨན་དེ་ནད་པའི་ནད་གཡོག་གམ་གཞན་གྱིས་ཀྱང་བླང་བར་མི་བྱའོ། །མ་བྱིན་པར་ལེན་པའི་ཕམ་
[82a.3]པར་འགྱུར་བ་རྣམ་པར་འབྱེད་པའོ་ཞེས་བྱ་བ་མ་བྱིན་པར་ལེན་པའི་ཕམ་པར་གྱུར་པའི་སྐབས་རྣམ་པར་འབྱེད་པ་ལས་འབྱུང་བ་རྫོགས་སོ།། །།ཡོངས་སུ་བཟུང་བ་དང་བཅས་པ་གནང་བ་ལས་གཞན་པའི་ཐབས་ཀྱིས་བདག་གིར་མི་བྱའོ་ཞེས་བྱ་བ་ནི་ཆོམ་རྐུན་དག་གིས་#འགྲོན་པོ་
[82a.4]བཅོམ་པ་དང་། དུར་ཁྲོད་དང་ལྷའི་ཆུའི་རྡོ་སྣོད་དུ་ཞེས་བྱ་བ་ལ་སོགས་པ་ལ་སོང་བ་ཡོངས་སུ་འཛིན་པ་དང་བཅས་པའི་རྫས་དེ་གནང་བ་ལས་གཞན་པའི་ཐབས་ཀྱིས་འདི་ཕྱག་དར་ཁྲོད་དོ་ཞེས་བཤད་པ་ཡིན་ནོ། །བདག་གིས་བཙུགས་པའི་ལྷའི་ཆུའི་རྡོ་སྣོད་ལ་འབྱོར་པར་གྱུར་པ་ཉིད་ཀྱི་ཕྱིར་
[82a.5]ངའི་ཡིན་ནོ་ཞེས་བྱ་བ་ལ་སོགས་པའི་ཐབས་ཀྱིས་བདག་གིར་མི་བྱ་སྟེ། བདག་ཉིད་དུ་བྱ་བ་མ་ཡིན་ཞེས་བྱ་བའི་དོན་ཏོ། །བདག་གིར་བྱས་པ་དགུག་པར་མི་བྱའོ་ཞེས་བྱ་བ་ནི་རང་གི་མ་ཡིན་པའི་ནོར་རང་གི་མིང་གིས་བྱས་པ་རྐུ་བའམ་བཏང་བ་ལྷག་པར་གནས་པས་བདག་ཏུ་བྱས་པ་གང་ཡིན་
[82a.6]པ་དེ་ནི་སོ་སོར་ལེན་པ་དང་། འཚོང་བ་དག་གི་ལས་ཀྱིས་རྙེད་པ་དེར་བདག་ཏུ་བྱས་པ་མ་ཡིན་པ་ཞེས་བྱ་བ་འདི་གྲགས་པ་ཡིན་ནོ། །དགུག་པར་མི་བྱ་བ་ཞེས་བྱ་བ་འདིས་ཉོ་བ་དགག་པ་མ་ཡིན་པ་དང་མཛའ་བོས་སྦྱིན་དུ་བཅུག་པ་དགག་པ་མ་ཡིན་པ་དང་། བྱིན་ལེན་ལ་དགག་པ་མ་ཡིན་
[82a.7]པའོ། །དེ་བས་ན་སྟོབས་#ཀྱིས་བྱ་བས་ཞེས་བྱ་བ་ཡིད་ཆེས་པ་ཡིན་ནོ། །འདིར་ནི་རང་གི་འདུ་ཤེས་ཀྱིས་འཇུག་པ་ལ་ཆོ་ག་ནི་འདི་ཡིན་ཏེ། ཁ་ན་མ་ཐོ་བ་མེད་པ་ལ་གཞན་དུ་བྱས་པ་ཉིད་ཀྱི་ཕྱིར་རོ། །འདིར་གཞུང་ན་སླར་དགེ་སློང་གིས་བདག་ཏུ་བྱས་པ་དགུག་པར་བྱ་བ་ཡང་མ་ཡིན་ཏེ།
[82b]
[82b.1]དེ་ནི་གང་གིས་ཕྲོགས་པ་དེའི་ཡིན་པའི་ཕྱིར་རོ་ཞེས་གསུངས་པ་ཡིན་ནོ། །འདིའི་དོན་ནི་གང་ཞིག་རྐུ་བ་དེའི་དེ་མ་ཡིན་པ་དེ་ནི་དེ་ལ་དེ་རང་ཉིད་མི་འབྱུང་སྟེ། མི་འདོད་པ་ནི་གཞན་ལ་སྦྱིན་པ་ཞེས་བྱ་བ་རིགས་པ་ཡིན་ཏེ། དེ་བས་ན་འདི་མི་བྱ་བ་ཞེས་བྱ་བའོ། །འདིར་སླར་ཇི་ལྟར་བསྒྲུབ་
[82b.2]པར་བྱ་ཞེ་ན། དེའི་ཕྱིར། དེ་ནི་ཆོས་བཤད་པས་བླང་བར་བྱའོ་ཞེས་བྱ་བ་སྨོས་ཏེ། དེ་ནི་ཞེས་བྱ་བ་ནི་#བརྐུས་པའི་ནོར་རོ། །རིན་ཕྱེད་དུ་ཉེ་བས་ཀྱང་ངོ་ཞེས་བྱ་བ་ནི་བླང་བར་བྱ་ཞེས་བྱ་བར་སྦྱར་རོ། །ལྷུང་བཟེད་དང་ཆོས་གོས་ནི་རིན་ཆེན་པོས་བླུས་ཀྱང་རུང་ངོ་ཞེས་བྱ་བ་ལ། རུང་ངོ་ཞེས་
[82b.3]བྱ་བ་ནི་རྙེད་པར་བྱ་བ་མ་ཡིན་པ་དང་བརྐུས་པ་ལའོ། །བླུས་ཀྱང་ཞེས་བྱ་བ་ནི་རིན་ཐང་ཡོངས་སུ་རྫོགས་པས་ཀྱང་ངོ་ཞེས་བྱ་བའི་དོན་ཏོ། །མི་སྙན་#པ་འབྱུང་བར་འགྱུར་བ་ནི་ཕྱིར་བོར་བའོ་ཞེས་སྐྱེ་བོ་ཕལ་པོ་ཆེའི་མངོན་སུམ་དུ་མ་བབ་པར་བསྐུར་བར་མི་བྱའོ་ཞེས་བྱ་བ་ནི་དངོས་པོ་གང་ལས་འདི་ཉིད་
[82b.4]ཀྱིས་འདི་བསད་དོ། །འདི་ཉིད་ཀྱིས་འདི་བརྐུས་སོ་ཞེས་བྱ་བ་ལ་སོགས་པ་མི་སྙན་པ་མི་མཛེས་པ་འབྱུང་བར་འགྱུར་བ་ནི་དེ་བདེན་དུ་བོར་བ་ཉིད་ཡིན་ན་དེ་བདེན་དུ་བོར་བ་ཉིད་ཡིན་ནོ། །སྐྱེ་བོ་ཕལ་པོ་ཆེ་སུའི་ཡང་མངོན་སུམ་དུ་མ་བབ་པར་བསྐུར་བར་མི་བྱ་བླང་བར་མི་བྱ་ཞེས་བྱ་བའི་དོན་ཏོ། །སྐྱེ་བོ་
[82b.5]ཕལ་པོ་ཆེའི་མངོན་སུམ་དུ་དམ་པ་མ་ཡིན་པའི་ཡང་དག་པར་འབྱུང་བ་ལ་སྐབས་མེད་པའོ། །འདིར་གཞུང་ནི་ཕག་གི་མགོ་བཅད་པ་ཞེས་བྱ་བ་གསུངས་པ་ཡིན་ནོ། །རོའི་རྫས་མི་མ་ཡིན་པས་བླངས་པ་ཉིད་ནི་ཡོངས་སུ་མ་བཟུང་བ་ཉིད་མ་ཡིན་ནོ་ཞེས་བྱ་བ་ནི་རོའི་རྒྱུད་དུ་གཏོགས་པའི་རྫས་གང་ཡིན་པ་
[82b.6]དེ་#གལ་ཏེ་མི་མ་ཡིན་པས་བླངས་པར་གྱུར་ན་དེ་ཡོངས་སུ་མ་བཟུང་བའོ་སྙམ་དུ་ཤེས་པར་མི་བྱ་སྟེ། དེ་བརྐུས་ན་ཉེས་པ་སྦོམ་པོར་འགྱུར་བ་ཉིད་ལ་འདི་བརྗོད་པའོ། །རབ་ཏུ་གཏུམ་པ་དེའི་ཕྱི་བཞིན་དུ་འགྲོ་བར་བྱའོ་ཞེས་བྱ་བ་ལ། དེའི་ཞེས་བྱ་བ་ནི་མི་མ་ཡིན་པ་དེས་གནོད་པར་བྱེད་པ་སྤང་བའི་
[82b.7]ཕྱིར་རབ་ཏུ་གཏུམ་པ་དེའི་ཕྱི་བཞིན་དུ་འགྲོ་བར་བྱའོ། །ཁས་བུབ་ཏུ་བསྙལ་བ་ལ་རྐང་པའི་མཐའ་ནས་བརྩམས་ཏེ་གཡོགས་#པར་བྱའོ་ཞེས་བྱ་བ་ལ་བསྙལ་བ་ཞེས་བྱ་བ་ནི་རོ་ལའོ། །འདི་ཡང་རབ་ཏུ་འགྲོ་བ་ཡོངས་སུ་སྤང་བའི་དོན་དུ་རོ་མ་རྨས་པ་ལས་#གོས་བླང་བར་མི་བྱའོ། །རང་གིས་རྨས་པ་དང་
[83a]
[83a.1]རྨས་པར་བྱེད་དུ་གཞུག་པར་མི་བྱའོ་ཞེས་བྱ་བ་ནི་འདིར་རོ་ཞེས་བྱ་བ་མཐའ་གཉིས་ཀར་སྦྱར་རོ། །ཐམས་ཅད་དུ་བསྟི་གནས་དང་སོ་ཤིང་དང་ཆུ་དང་འདག་རྫས་དང་ལྕི་བ་དང་ས་ཅི་བདེར་བྱའོ་ཞེས་བྱ་བ་ནི་འདིར་བྱུག་པ་ལ་སོགས་པའི་དོན་དུ་བ་ལང་གི་ལྕི་བ་བཟུང་བ་ཡིན་ཏེ།
[83a.2]འདག་རྫས་སུ་གྱུར་པ་ལ་ནི་མ་ཡིན་ནོ། །འདིར་གཞུང་ནི་དགེ་སློང་གང་དུ་བསྟི་བ་དེར་རྣམ་པ་ལྔ་པོ་ཅི་བདེར་བརྗོད་པར་བྱ་སྟེ། སོ་ཤིང་དང་ཆུ་དང་འདག་རྫས་དང་ལྕི་བ་དང་སའོ་ཞེས་གསུངས་པ་ཡིན་ནོ། །དགེ་སློང་དང་དགེ་ཚུལ་མི་འདོད་བཞིན་དུ་འབྲེལ་བས་ཁྲིད་པ་ན་གཟུང་བར་བྱའོ་ཞེས་བྱ་བ་
[83a.3]ལ། འབྲེལ་བས་ཞེས་བྱ་བ་ནི་ཕུ་ནུ་དང་བུ་སྲིང་དང་ཆུང་མ་ལ་སོགས་པས་མི་འདོད་བཞིན་དུ་ཁྲིད་པར་གྱུར་ན་དགེ་སློང་གིས་གཟུང་བར་བྱའོ། །འདིར་གཞུང་ནི་དེ་ལ་ལག་པ་གང་ཤོས་ན་ཞེས་དྲིའོ། །གལ་ཏེ་སྔོན་གྱི་ཆུང་མས་བཟུང་བ་ཤོས་ནའོ་ཞེས་ཟེར་ན་ནི་མི་གཏང་#ངོ་། །གལ་ཏེ་ཁྱོད་ཀྱིས་
[83a.4]བཟུང་བ་ཤོས་ནའོ་ཞེས་ཟེར་ན་ནི་བསམ་པ་ལས་ཆུང་མ་འདོད་པ་འདྲ་བས་ཐོང་ཤིག་#ཅེས་གསུངས་པ་ཡིན་ནོ། །ཐམས་ཅད་དུ་མཚན་མ་ཉམས་པ་དང་ཚངས་པར་སྤྱོད་པ་དང་བཅས་པའི་རབ་ཏུ་བྱུང་བ་ལ་འདིའི་བྱ་བ་ཉིད་རིགས་པ་ཡིན་ཏེ།# དེ་བས་ན་དགེ་ཚུལ་གྱི་ཚིག་བཟུང་བའོ། །#ཕྲན་ཚེགས་
[83a.5]ཀྱི་སྐབས་སོ།། །།ཀ་ཀ་ནི་བཞི་ལ་#མ་ཤ་ཀའོ་ཞེས་བྱ་བ་ལ། ཀ་ཀ་ནི་ཞེས་བྱ་བ་ནི་བོ་དྷི་ཀ་སྟེ། འགྲོན་བུ་ཉི་ཤུའི་རིན་ཐང་གི་མིང་ཡིན་ནོ། །ཀ་ཀ་ནི་བཞི་ལ་ནི་མ་ཤ་ཀ་སྟེ། ཚིགས་#ཉིད་ཉི་ཤུ་སྟེ་ཞེས་བྱ་བ་འཆད་པར་འགྱུར་བའི་ཚིག་དེའི་རང་གི་ངོ་བོ་བསྟན་པའི་ཕྱིར་མདོ་འདིའོ། །
[83a.6]གང་གི་ཕྱིར་འདིར་མ་ཤ་ཀ་ནི་ཚིགས་ཏེ་དེ་ཡང་དག་པར་བརྗོད་པ་ནི་ཀཱར་ཥཱ་#པ་ཎའི་ཚད་མ་ལུས་པ་ཤེས་པའི་དོན་དུའོ། །དེ་མ་ལུས་པར་ཤེས་པ་ནི་དེའི་བཞི་ཆ་ཅིག་#བརྐུས་པའི་མཐའ་མར་འགྱུར་བ་ཉིད་ཀྱིས་#ཚད་ཤེས་པར་བྱ་བའི་ཕྱིར། །ལྔ་ཉིད་ནི་ཀཱར་ཥཱ་པ་ཎ་#བཞི་ཆའི་དཔེ་ཡིན་ནོ་ཞེས་བྱ་བ་སྨོས་
[83a.7]ཏེ། གང་ཞིག་རྣམ་པར་འབྱེད་པའི་མདོ་ལས་མ་ཤ་ཀ་ལྔ་ལ་སོགས་པ་ཞེས་བྱ་བ་གསུངས་པ་དེ་ནི་ཀཱར་ཥཱ་པ་ཎའི་བཞི་ཆ་ཅིག་ནི་#དཔེ་ཡིན་པར་རིག་པར་བྱའོ། །ཀཱར་ཥཱ་པ་ཎ་བཞི་ཆ་ཅིག་#ཏུ་རྐུན་ཕམ་པ་ཞེས་བྱ་བ་ཉིད་དོ། །དེའི་ཕྱིར་འདི་གནས་གང་དང་དུས་གང་ལ་བརྟེན་ནས་ཤེས་#ཤེ་ན། དེའི་ཕྱིར་
[83b]
[83b.1]གང་ན་དེའི་ཚིགས་ཉིད་ཉི་ཤུ་ཡིན་པ་དེ་ལ་བརྟེན་ནས་སོ་ཞེས་བྱ་བ་སྨོས་ཏེ། གནས་དང་དུས་གང་ན་ཀཱར་ཥཱ་པ་ཎ་དེའི་ཚིགས་ཉིད་མ་ཤ་ཀ་ཉི་ཤུ་ཡིན་པ་དེ་ལ་བརྟེན་ནས་མ་ཤ་ཀ་ལྔ་ཉིད་ནི་འདིའི་དཔེ་ཡིན་ཞེས་བྱ་བའི་དོན་ཏོ། །གང་ཞིག་བརྐུ་#བའི་གནས་དང་དུས་ཀྱིས་དེའི་བརྩི་བ་རྣམ་པར་གཞག་
[83b.2]གོ་ཞེས་བྱ་བ་འཆད་པར་འགྱུར་བ་ལས་དགར་བར་བྱ་བ་དང་དུས་དང་གནས་ཀྱི་དགོངས་པ་ཉིད་ཤེས་པར་བྱའོ། །ལྔ་ཉིད་ཅེས་བྱ་བ་ནི་དཔེ་ཡིན་ཏེ། དེ་བས་ན་#ཚིགས་ལ་མ་ཤ་ཀའི་དགོས་པ་ཉིད་དོ། །འོ་ན་ན་#ན་ཀ་ཞེས་བྱ་བ་ལ་ཚིགས་འདི་འདོན་པ་ཡིན་ཏེ། ན་ན་ཀ་ཅི་ལྟ་བུ་མ་ཤ་ཀ་ལྔའི་བར་དུ་ལྟུང་བར་མི་འགྱུར་ན་ཐ་
[83b.3]མའི་བཞི་ཆའི་ཀ་ཀ་ནིས་མ་ཤ་ཀ་ཚིགས་ཉི་ཤུ་པའི་ན་ན་ཀས་ཞེས་བྱའོ། །འདིར་ཀཱར་ཥཱ་པ་ཎ་ཉིད་ན་ན་ཀའི་སྒྲས་གསུངས་པ་འདི་ལྟ་སྟེ། འདོན་པ་གང་ཞིག་ལ་མ་ཤ་ཀ་ནི་ན་ན་ཀ་ཉིད་ཀྱིས་འདོན་པ་ཡིན་ཏེ། ཀཱར་ཥཱ་པ་ཎ་#ནི་ཚིགས་ཉིད་ཀྱིས་སོ། །ན་ན་ཀ་ཇི་ལྟ་བུས་བརྐུས་ཤིང་ཀ་ཀ་ནི་བཞིས་ཉེ་
[83b.4]བར་མཚོན་པའི་ཉི་ཤུ་ཉེ་བར་#སོང་བའི་ཀཱར་ཥཱ་པ་ཎས་མ་ཤ་ཀ་ལྔ་རྐུ་ཞིང་ཐ་མ་ལ་ལྟུང་བར་འགྱུར་རོ་ཞེས་གསུངས་སོ། །འདིར་ཁ་ཅིག་རྣམས་ཀྱིས་#འདོན་པ་དེ་ཇི་ལྟར་ཡང་མ་ཤ་ཀ་ལྔ་བརྐུས་ན་ལྟུང་བའི་མཐར་འགྱུར་རོ། །མ་ཤ་ཀ་ཉི་ཤུ་པའི་ན་ན་ཀས་སོ། །ཇི་ལྟ་བུས་ཤེ་ན་ཀ་ཀ་ནི་བཞི་ལ་མ་ཤ་ཀའོ། །
[83b.5]ཀཱར་ཥཱ་པ་ཎ་ཇི་ལྟ་བུས་ཤེ་ན། ན་ན་ཀའོ། །དེའི་བཞི་ཆ་བརྐུ་བར་བྱས་པ་ཞེས་བྱ་བའོ། །འདིར་མ་ཤ་ཀ་ཞེས་བྱ་བ་ཉིད་ཀྱིས་ཚིགས་#བརྗོད་དེ་དེ་བས་ན་ཀཱར་ཥཱ་པ་ཎའི་དགོངས་པ་ཉིད་ན་ན་ཀའི་སྒྲ་ལ་དེའི་ཕྱིར་ལྟུང་བའོ། །འོ་ན་དེ་ལྟར་ཡིན་ན་ཀཱར་ཥཱ་པ་ཎ་ཅི་ལྟ་བུ་ཞེས་བྱ་བའི་དྲི་མ་འདི་མི་ལྡང་ངོ་ཞེ་ན། འདི་ན་#ཡོད་
[83b.6]པ་མ་ཡིན་ཏེ། ཅི་ཞིག་བྱས་པ་དང་། ཅི་ཞིག་རྣམ་པར་གཞག་པས་ཞེས་བྱ་བ་ཉེ་བར་ཤེས་པ་པོ་མ་ལུས་པ་ཤེས་པའི་དོན་ཉིད་ཀྱི་ཕྱིར་འདི་ལའོ། །དེ་ལྟར་ན་ཡང་བརྐུ་བར་བྱས་པས་ཞེས་བྱ་བས་ཉེ་བར་ཤེས་པ་པོ་ཉིད་ལ་བརྐུས་པ་ལ་རྒྱལ་པོས་བསྟན་པའོ། །གཞུང་འདི་རྣམས་ལ་མ་ཤ་ཀ་ཉི་ཤུ་པ་ཉིད་ཀཱར་ཥཱ་པ་ཎ་གང་ལ་
[83b.7]གསུངས་པའོ། །ཀཱར་ཥཱ་པ་ཎ་ཅི་ལྟ་བུས་མ་ཤ་ཀ་ལྔ་བརྐུས་ན་ལྟུང་བ་ཐ་མར་འགྱུར་རོ་ཞེས་བྱ་བའི་དོན་འདི་ལ་གཙོ་བོ་མ་ཡིན་པར་འགྱུར་བ་ཉིད་དོ། །དེ་བས་ན་འདིར་ལྔ་ཉིད་ནི་དཔེ་ཡིན་ཏེ། ཀཱར་ཥཱ་པ་ཎའི་བཞི་ཆ་ཞེས་བྱ་བ་འདི་རྙེད་པའོ། །དེ་ལྟར་ཡང་གཏམ་གྱི་གཞིའི་སྐབས་ནས་ཤིན་ཏུ་གསལ་བར་འདི་
[84a]
[84a.1]གསུངས་པ་ཡིན་ཏེ། བཙུན་པ་མ་ཤ་ཀ་གསུམ་བརྐུས་ན་ཕམ་པའི་ལྟུང་བར་འགྱུར་བ་མཆིས་སམ། བཀའ་སྩལ་པ་ཡོད་དོ#། །གང་ན་མ་ཤ་ཀ་བཅུ་གཉིས་ལ་ཀཱར་ཥཱ་པ་ཎ་གཅིག་ཏུ་གྱུར་པ་ནའོ། །མ་ཤ་ཀ་ལྔ་ལས་ལྷག་པ་#བརྐུས་ན་ཕམ་པའི་ལྟུང་བར་མི་འགྱུར་བ་མཆིས་སམ།
[84a.2]བཀའ་སྩལ་པ་ཡོད་དེ། གང་ན་མ་ཤ་ཀ་བཞི་བཅུ་ལ་ཀཱར་ཥཱ་པ་ཎ་གཅིག་ཏུ་འགྱུར་ནའོ་ཞེས་གསུངས་པ་ཡིན་ཏེ། དེར་ནི་མ་ཤ་ཀ་བཅུ་བརྐུས་ན་ཕམ་པར་འགྱུར་བར་དགོངས་སོ། །དེང་སོང་#ནི་འདིར་ཀཱར་ཥཱ་པ་ཎ་གཅིག་ནི་པ་ཎ་བཅུ་དྲུག་གིས་ཏེ། དེང་སོང་#ནི་འདིར་པ་ཎ་བཞི་བརྐུས་ན་ཕམ་པར་འགྱུར་བར་རིག་
[84a.3]པར་བྱའོ། །རྐུ་བའི་གནས་དང་དུས་ཀྱིས་དེའི་བརྩི་བ་རྣམ་པར་གཞག་གོ་ཞེས་བྱ་བ་ནི་རྐུ་བའི་གནས་དང་རྐུ་བའི་དུས་ཀྱི་རིན་ཐང་བརྩི་བ་གང་ཡིན་པས་ཀཱར་ཥཱ་པ་ཎ་དེའི་རིན་ཐང་མ་ཤ་ཀ་བཅུ་གཉིས་ལ་ཀཱར་ཥཱ་པ་ཎ་གཅིག་གམ་མ་ཤ་ཀ་བཅུ་དྲུག་གམ་མ་ཤ་ཀ་ཉི་ཤུའམ། མ་ཤ་ཀ་བཞི་བཅུའམ་དེ་
[84a.4]ལ་སོགས་པའི་རིན་ཐང་བརྩི་བ་དེས་བརྩིས་པའི་ཀཱར་ཥཱ་པ་ཎའི་བཞི་ཆ་ཅིག་#བརྐུས་ན་ཕམ་པར་འགྱུར་བར་ཤེས་པར་བྱའོ#། །ཡུལ་གཞན་དང་དུས་གཞན་དང་གླིང་གཞན་གྱི་རིན་ཐང་བརྩི་བ་དེས་ཡུལ་དང་དུས་དང་གླིང་གཞན་དུ་བརྩི་བ་ནི་མ་ཡིན་ནོ། །ཆེ་བ་ཉིད་ཀྱིས་རིན་ཐང་གདབ་པར་#མི་ནུས་པ་ནི་རབ་
[84a.5]ཀྱི་མཐར་ཕྱིན་པ་ཉིད་དོ་ཞེས་བྱ་བ་ནི་རྡོ་རྗེ་ཕ་ལམ་ལ་#སོགས་པ་རིན་པོ་ཆེ་གང་ཆེ་བ་ཉིད་ཀྱིས་རིན་ཐང་གདབ་པར་མི་ནུས་པ་དེ་ནི་རབ་ཀྱི་མཐར་ཕྱིན་པ་ཉིད་ཡིན་ཏེ། རྫས་དེ་ལ་རིག་པར་བྱའོ། །མ་ཤ་ཀ་ལྔ་#ལ་སོགས་པའི་རིན་ཐང་བཟློག་པར་མི་ནུས་པ་ཉིད་ཀྱི་ཕྱིར་འདིར་ཕམ་པ་འབྱུང་བར་བྱ་བ་#གང་ཞིག་བསམ་པ་
[84a.6]དེའི་འདོད་པ་བཟློག་པའི་དོན་དུ་མདོ་འདི་གསུངས་སོ། །ཕམ་པ་ནི་འདི་རྐུ་བ་ཞེས་བྱ་བ་དགུག་པའི་དོན་ཏོ། །ཆུང་བ་ཉིད་ཀྱིས་དེར་མི་ཆོག་པ་ནི་ཁོངས་སུ་མ་གཏོགས་པ་ཉིད་མ་ཡིན་ནོ་ཞེས་བྱ་བ་ལ། དེའི་ཞེས་བྱ་བ་ནི་རིན་ཐང་གདབ་མི་ནུས་པ་ལ་སྟེ། གང་ཞིག་ལ་ཆུང་བ་ཉིད་ཀྱིས་རིན་ཐང་གདབ་པར་མི་ཆོག་
[84a.7]པ་སྟེ། གང་ཞིག་མི་ཆོག་པ་ཉིད་ནི་དེར་ཁོངས་#སུ་མ་བསྡུས་པ་ཉིད་མ་ཡིན་སྟེ། དེར་སྦོམ་པོའི་ལྟུང་བ་ཉིད་ཅེས་བྱ་བའི་དོན་ཏོ། །དེ་ལ་སངས་རྒྱས་ཀྱི་སྐུ་གདུང་ནི་གཞལ་དུ་མེད་པའི་རིན་པོ་ཆེ་ཉིད་ཡིན་ནོ་ཞེས་བྱ་བ་ལ། གཞལ་དུ་མེད་པ་ནི་མི་ནུས་པ་སྟེ། རབ་ཀྱི་མཐར་ཕྱིན་པ་ཉིད་ཡིན་པའི་ཕྱིར་
[84b]
[84b.1]འདི་ཙམ་ཞེས་བྱ་བ་གང་ཞིག་གཞལ་བར་མི་ནུས་པའི་རིན་པོ་ཆེ་དེ་ནི་གཞལ་དུ་མེད་པ་སྟེ། སངས་རྒྱས་ཀྱི་སྐུ་གདུང་དེ་ཉིད་ལ་ཞེས་བྱ་བའི་དོན་ཏོ། །དཔེར་ན་ནོར་བུའི་བདག་ཉིད་གཞལ་དུ་མེད་པའི་རིན་པོ་ཆེ་མིའི་རྒྱུད་ཀྱིས་ཡོངས་སུ་བཟུང་བ་ཞིག་རྐུ་སེམས་ཀྱིས་རྐུ་ན། གལ་ཏེ་དོན་ཇི་ལྟ་བ་བཞིན་དུ་འདི་ལ་
[84b.2]དེའི་རིན་ཐང་རྣམ་པར་གནས་པ་ཡིན་ན་ནི་དེའི་ཚེ་ཕམ་པར་འགྱུར་རོ། །གལ་ཏེ་དེའི་རིན་ཐང་དེ་བཞིན་དུ་གནས་པ་མ་ཡིན་ན་ལྟུང་བ་མ་ཡིན་ནོ། །དེ་བཞིན་དུ་སངས་རྒྱས་ཀྱི་སྐུ་གདུང་ལ་ཞེས་བྱ་བ་དེ་ལ་འདི་བྱེད་པའོ། །དེའི་གནས་ལ་ལུགས་སུ་གྱུར་པའི་དུས་དེ་ལ་གང་ཞིག་རྣམ་པར་གཞག་པ་དེས་འདིར་ལྟུང་བ་
[84b.3]སྐྱེད་#པར་རིག་པར་བྱའོ། །གང་ཞིག་གང་ཟག་འགའ་ཞིག་ལ་གཅིག་གམ་དུ་མ་ལ་དོར་བྱེད་པ་ཉིད་ཀྱིས་འདིའི་རིན་ཐང་རྣམ་པར་གཞག་པ་འདི་ལ་བཟུང་བ་ཉིད་དང་#ཞེས་བྱ་བ་དོར་བྱས་ནས་དེ་ལྟར་བྱ་སྟེ། རིན་ཐང་ཆེན་པོ་ལ་སྙིང་པོ་དེ་དང་ལྡན་པ་ཉིད་དུ་ཤེས་ནས་ཀྱང་གནས་གང་ལ་དོར་བྱེད་པ་ཉིད་ཀྱིས་ཐམས་
[84b.4]ཅད་ཀྱིས་རིན་ཐང་ཆུང་བ་ཉིད་དུ་རྣམ་པར་གཞག་པ་དེ་ལ་ཡང་འཇིག་རྟེན་པའི་རིན་ཐང་ཉིད་ལྟུང་བ་བྱེད་པ་ཉིད་དོ། །མཆོད་པའི་དོན་དུ་ནི་ཉེས་བྱས་སོ་ཞེས་བྱ་བ་ནི་འདིར་བདག་ཏུ་བྱ་བའི་བློས་ནི་མ་ཡིན་ལ་གཞན་གྱི་བློས་ཀྱང་མ་ཡིན་ལ་དེ་བས་ན་ཉེས་བྱས་བསྐྱེད་པ་སྟེ། ཕམ་པ་ཡང་མ་ཡིན་ལ་སྦོམ་པོ་ཡང་མ་
[84b.5]ཡིན་ནོ། །འདིར་གཞུང་ནི་ཇི་སྟེ་མཆོད་པའི་དོན་དུ་འདི་བདག་གི་སྟོན་པའོ། །བདག་གིས་འདི་ལ་བཀུར་སྟི་བྱའོ་སྙམ་དུ་རྐུ་བར་བྱེད་ན་ཉེས་བྱས་ཀྱི་ལྟུང་བར་འགྱུར་རོ་ཞེས་གསུངས་པ་ཡིན་ནོ། །དཔེ་བྲི་བ་ལ་ནི་ཉེས་པ་མེད་པ་ཡིན་ནོ་ཞེས་བྱ་བ་ནི་གང་ཞིག་མཐོང་ནས་གཞན་དུ་འདྲི་#བ་ནི་དེའི་ཡི་གེ་ལ་སོགས་
[84b.6]པ་འདྲི་#བར་བྱ་སྟེ། ཡི་གེ་ལ་སོགས་པའི་མཚན་མ་དེ་བསྐུས་#པས་བླངས་པ་ལ་སྐྱོན་མེད་པ་ཉིད་དེ་ལྟུང་བ་མི་བྱེད་པ་ཉིད་དོ། །གཞན་དུ་འདྲི་#བ་མཐོང་ནས་འདི་ལ་བཟུང་བའོ། །འདིར་ནི་ཅུང་ཟད་གཞན་ལ་ཆད་པར་འགྱུར་བ་མ་ཡིན་ཏེ། འདྲི་#བའི་སྣོད་བསྐུས་#པ་ལ་ནི་རིན་ཐང་ཇི་ལྟ་བར་ལྟུང་བའོ། །
[84b.7]བཤིག་སྟེ་རྐུ་བ་ལ་ནི་དེའི་གནས་སྐབས་རྐུ་བའི་དངོས་པོ་ཉིད་ཡིན་ནོ་ཞེས་བྱ་བ་ནི་གསེར་ལ་སོགས་པའི་རྫས་གང་ཞིག་#བཤིག་པ་དེའི་གནས་སྐབས་རྐུ་བའི་དངོས་པོ་ཉིད་དོ། །དེའི་གནས་སྐབས་ཞེས་བྱ་བ་འདི་ལ་རྐུ་བའི་བདག་ཉིད་ཅན་གྱི་སྦྱོར་བ་བདུན་དུ་དེས་སྦྱོར་བ་དང་བྲལ་བར་གྱུར་པ་ཞེས་བྱ་བའི་དོན་
[85a]
[85a.1]ཏོ། །འཇིག་པ་ལ་ནི་སྦོམ་པོ་སྟེ། འཇིག་པའི་རྣམ་པར་འགྱུར་བའི་གནས་སྐབས་ལ་རིན་ཐང་གང་ཡིན་པ་དེའི་དབང་གིས་ལྟུང་བ་ཞེས་བྱ་བ་དེ་ལ་འདི་བརྗོད་པའོ། །འདིར་གཞུང་ནི་བཙུན་པ་དགེ་སློང་གིས་མི་རྣམས་ཀྱི་རིན་པོ་ཆེའམ་#རིན་པོ་ཆེར་སྨོས་པའམ་གསེར་བཤིག་སྟེ་རྐུ་ན་ལྟུང་
[85a.2]བ་ཅིར་འགྱུར། བཀའ་སྩལ་པ། རིན་ཐང་བརྩི་བར་བྱའོ་ཞེས་བྱ་བ་ལ་སོགས་པ་གསུངས་པ་ཡིན་ནོ། །དེ་དང་གནས་སྐབས་ཅན་ཉིད་ལ་རིན་ཐང་བརྩི་བར་བྱའོ་ཞེས་བྱ་བ་གསུངས་པའི་ཕྱིར་དོན་འདི་མངོན་པར་འདོད་ཅེས་བྱ་བ་འདི་ལྟར་དོན་བྱས་སོ། །བྱང་གི་སྒྲ་མི་སྙན་ན་ནི་ཡོངས་སུ་འཛིན་པ་མེད་པ་ཉིད་དོ་ཞེས་བྱ་བ་ནི་ཡོངས་སུ་འཛིན་པ་
[85a.3]མེད་པའི་དངོས་པོ་ནི་རང་གི་བཞིན་དུ་བལྟ་བར་བྱའོ། །དེ་ནི་རང་གི་དང་འདྲའོ་ཞེས་བྱ་བ་ནི་ཇི་ལྟར་རང་གི་རྫས་རྐུ་སེམས་ཀྱིས་བརྐུས་ན་#ཉེས་པ་སྦོམ་པོར་འགྱུར་བ་བཞིན་དུ་འདི་ཡང་དེ་བཞིན་ནོ་ཞེས་བྱ་བའི་ཐ་ཚིག་གོ། །ཞུ་བའི་སྐབས་འདིས་དངོས་པོའི་སྐབས་དང་། བདག་པོའི་སྐབས་དང་། རྗེས་སུ་
[85a.4]སྒྲུབ་པའི་སྐབས་དང་། མཐར་ཐུག་པའི་སྐབས་ཞེས་བྱ་བའི་རྣམ་པ་བཞི་བསྡུས་པ་དེ་རྣམས་ལས་དེ་ཡན་ཆད་དུ་དངོས་པོའི་སྐབས་བཤད་ཟིན་ཏོ། །ད་ནི་བདག་པོའི་སྐབས་བརྗོད་པར་བྱ་སྟེ། དེའི་དུས་ན་བདག་ཉིད་ཡོད་པ་བདག་པོ་ཉིད་དོ་ཞེས་བྱ་བ་ལ། དེའི་དུས་ཀྱི་ཞེས་བྱ་བ་ནི་རྐུ་བའི་དུས་ཀྱིའོ། །མཆོད་
[85a.5]རྟེན་ལས་བསྐུས་#པ་ཡང་མིའི་རྒྱུད་ཀྱིས་#ཡོངས་སུ་བཟུང་བ་མེད་པའི་ཕྱིར་ཡན་ལག་མ་ཡིན་པ་ཉིད་ལ་དངོས་པོ་ཚང་ན་ཉེས་པ་སྦོམ་པོར་འགྱུར་ཏེ་འདི་ནི་བསྡུས་པ་ཡིན་ནོ། །མྱ་ངན་ལས་འདས་པ་ནི་ལྷ་ཉིད་དོ་ཞེས་བྱ་བ་ནི་སླར་འདི་རྣམ་པར་ངེས་པར་ཕུང་པོ་ལྷག་མ་མེད་པའི་མྱ་ངན་ལས་འདས་པའི་
[85a.6]དབྱིངས་སུ་ཡོངས་སུ་མྱ་ངན་ལས་འདས་པ་ནི་རྣམ་པར་དག་པའི་ལྷ་ཉིད་དུ་བཞེད་དོ། །མྱ་ངན་ལས་འདས་པ་འབྱུང་བའི་དབང་གིས་དེར་ཕུང་པོ་སྤངས་#པ་ལ་ཕུང་པོ་ལྷག་མ་མེད་པ་ལ་རྣམ་པར་དག་པའི་ལྷ་ཉིད་དུ་སྐྱེས་པ་ཉིད་དོ། །མཆོག་ཏུ་བདེ་བའི་བདག་ཉིད་ཅན་ཉིད་ཀྱི་ཕྱིར་མྱ་ངན་ལས་འདས་པ་ལ་ཡང་
[85a.7]ལྷ་ཉིད་ཁོ་ནར་རྣམ་པར་གནས་པ་ཡིན་ཞེས་བྱ་བའོ། །བརྙན་པ་ངེས་པར་སྦྱིན་པ་ཉིད་བཞིན་དུ་ཉེ་བར་སྤྱོད་ན་སྦྱོར་བ་བཞིན་ནོ་ཞེས་བྱ་བ་ནི་གཞན་དུ་ནི་རྐུ་སེམས་མེད་པ་ཞེས་བྱ་བ་བསྟན་པའི་ཕྱིར་རྐུ་བའི་སེམས་ཀྱིས་ཞེས་བྱ་བ་འདིར་རྗེས་སུ་ཆགས་པར་རིག་པར་བྱའོ། །དངོས་པོ་མ་ཆོག་པ་ཉིད་#ལ་སྦོམ་པོའི་
[85b]
[85b.1]ལྟུང་བ་ལ་དངོས་གཞིར་བརྗོད་པའི་ཕྱིར་ཡོངས་སུ་རྫོགས་པ་ལ་སྦྱོར་བ་ཉིད་ཤེས་པར་བྱའོ། །དོན་ཅི་ཞིག་གིས་དངོས་པོ་གང་ཞིག་གནང་བ་དེ་ཡང་ཇི་ལྟར་བསྲི་བ་མེད་པར་ཐམས་ཅད་ཉིད་ཀྱིས་བསྟན་པ་ལ་སྦྱིན་པར་བྱ་བ་མ་ཡིན་པ་ཉིད་ཀྱིས་ལོངས་སྤྱོད་པ་དེ་ནི་སྦྱོར་བ་བཞིན་དུ་བལྟ་བར་བྱའོ། །དེ་ལྟ་བུའི་ཉེ་
[85b.2]བར་ལོངས་སྤྱོད་པ་ལ་སྦོམ་པོའི་ལྟུང་བ་ཞེས་བྱ་བའི་དོན་ཏོ། །ཉེ་བར་སྤྱོད་ན་སྦྱོར་བ་བཞིན་ནོ་ཞེས་བྱ་བ་ནི་མ་ཆད་པའི་རྣམ་པ་ཡང་ཉེ་བར་སྤྱོད་པར་བྱ་བ་གཟུང་བ་དང་བཅས་པར་བྱ་བ་ཉིད་ཀྱི་ཕྱིར་རོ། །དེ་བས་ན་འདིར་སྦོམ་པོའི་ལྟུང་བའོ། །མ་གནང་བ་ལ་བསྲི་བ་མེད་པ་ཉེ་བར་ལོངས་སྤྱོད་པ་ནི་ཤིན་ཏུ་ལྕི་བ་
[85b.3]ཉིད་དེ་དེ་བས་ན་འདིར་ཡང་འདིས་སྦོམ་པོའི་ལྟུང་བ་བྱས་པ་ཉིད་དུ་རིག་པར་བྱའོ། །འདིར་གཞུང་ནི་བཙུན་པ་དགེ་སློང་གིས་#ཁྱིམ་བདག་གི་གོས་བརྙན་#པ་བཏགས་ཏེ་རྐུ་ན་ལྟུང་བ་ཅིར་འགྱུར། ཉེས་པ་སྦོམ་པོར་འགྱུར་རོ། །ཅི་སྟེ་ཁྱིམ་བདག་འདི་སྐད་ཅེས་འཕགས་པ་བདག་ཉིད་#འདི་ཁྱོད་ལ་བརྙན་ནོ་ཞེས་ཟེར་ན་
[85b.4]དགེ་སློང་དེ་ལ་བསྲི་བ་མེད་པའི་འདུ་ཤེས་ཅན་དེ་ལ་ཡོངས་སུ་ལོངས་སྤྱོད་པར་བྱེད་ན་སྦོམ་པོའི་ལྟུང་བར་འགྱུར་ཞེས་བྱ་བ་འདིའི་འདི་བསྡུས་པའོ། །འདི་ལས་སྔ་རོལ་གྱི་གཞུང་ལས་རུང་བ་ཞེས་བྱ་བའི་མདོ་འདི་བསྡུས་པའོ། །གསང་སྔགས་དང་སྨན་དག་གིས་འབུལ་དུ་བཅུག་ན་ཡང་ངོ་ཞེས་བྱ་བ་ནི་
[85b.5]སྦྱོར་བ་བཞིན་ནོ་ཞེས་བྱ་བ་དང་རྗེས་སུ་འབྲེལ་ཏོ། །དེ་ནི་ཆད་པས་བཅད་#པའི་རྣམ་པ་ཡིན་པ་སྟེ། དེ་བས་ན་འདིར་ཉེས་པ་སྦོམ་པོར་འགྱུར་རོ། །འདིར་གཞུང་ནི་ཇི་སྟེ་དེས་གསང་སྔགས་ཀྱིས་སམ། མེ་ཏོག་དང་འབྲས་བུ་རྣམས་ཀྱིས་སྩལ་#ནས་ཁྱིམ་བདག་དེས་འདི་སྐད་ཅེས་འཕགས་པ་བདག་གིས་
[85b.6]འདི་ཁྱོད་ལ་བརྙས་པ་#བརྙན་ནོ་ཞེས་ཟེར་ནས། དགེ་སློང་དེ་ལ་#ཡང་བསྲི་བ་མེད་པའི་འདུ་ཤེས་ཅན་དང་། ངེས་པར་བྱིན་པ་ཉིད་ཀྱི་འདུ་ཤེས་ཀྱིས་ཉེ་བར་སྤྱད་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །ངེས་པར་བྱིན་པའི་འདུ་ཤེས་ཅན་ཞེས་བྱ་བ་ནི་དེ་ལྟར་རྙེད་པ་ལ་བདག་ཏུ་བྱ་བ་བསྟན་
[85b.7]པར་རིག་པར་བྱའོ། །ཡོངས་སུ་ཚིམ་པར་བྱ་བའི་ཕྱིར་མེ་ཏོག་དང་འབྲས་བུ་སྦྱིན་པ་གང་ཡིན་པ་ནི་མ་གཏོགས་པ་སྟེ། དེ་ནི་ལོག་པའི་འཚོ་བ་ལ་མཚན་མ་རྙེད་པ་དང་བླངས་པས་བསམ་པ་བྲལ་བར་གྱུར་པ་རྐུ་བ་ལ་བརྟེན་པའི་སྐྱོན་མི་སྐྱེད་#པ་ཉིད་དོ། །དེ་བས་ན་དབང་དུ་བྱ་བ་ལ་མཁས་པར་
[86a]
[86a.1]གྱུར་པའི་མེ་ཏོག་དང་འབྲས་བུ་རྣམས་ལ་མ་བཟུང་བ་འདི་རྣམ་པར་ཤེས་པའོ། །གཞན་གྱི་དོན་ཉིད་དུ་ན་ཡང་དངོས་གཞིའི་རྣམ་པའོ་ཞེས་བྱ་བ་ནི་གཞན་གྱི་དོན་ལ་བདག་གི་#བྱ་བ་མ་སྐྱེས་པར་#གང་རྐུ་བར་བྱེད་ན་ཡང་དེ་ལ་དངོས་གཞིའི་རྣམ་པའོ་ཞེས་བྱ་བ་དངོས་གཞིའི་སྦྱོར་བ་སྟེ།
[86a.2]དངོས་གཞིའི་ཁ་ན་མ་ཐོ་བ་མ་ཚང་བ་ཞེས་བྱ་བའི་དོན་ཏོ། །ཕམ་པར་འགྱུར་བའི་སྦྱོར་བ་ལ་དགོངས་ནས་དངོས་གཞིའི་རྣམ་པ་ཞེས་བརྗོད་དོ། །འདིར་གཞུང་ནི་བཙུན་པ་དགེ་སློང་གིས་མ་བསྒོ་བར་གཞན་གྱི་དོན་ལ་རྐུ་བར་བྱེད་ན་ལྟུང་བར་#ཅིར་འགྱུར། ཉེས་པ་སྦོམ་པོར་རོ་ཞེས་གསུངས་པ་ཡིན་ནོ། །
[86a.3]རྟོག་#པས་ཀྱང་ངོ་ཞེས་བྱ་བ་ནི་དངོས་གཞིའི་རྣམ་པའོ་ཞེས་བྱ་བ་དང་རྗེས་སུ་འབྲེལ་ཏོ། །ཁ་བཅིངས་པ་ཙམ་དུ་གྱུར་པའི་རྟོག་པ་གང་ཡིན་པ་དེ་ལ་མི་སྐྱེད་#པ་འགྲིབ་པ་ལ་དངོས་གཞི་ཉིད་དུ་རྣམ་པར་གནས་ཏེ་དངོས་གཞིའི་རྣམ་པ་ནི་མ་ཡིན་ནོ། །དེ་བས་ན་ཡང་དག་པར་ན་སྐྱོན་མེད་པའི་རྣམ་པའི་
[86a.4]གནས་དང་རྗེས་སུ་འབྲེལ་པ་དེ་ལས་བཟློག་པ་རྣམས་ལ་རྟོག་པ་འདི་ཅིས་རྟོགས་#པར་བྱ་ཞེ་ན། འདི་ལྟ་སྟེ་དཔེར་ན་འདི་ནི་བདག་གི་ཡིན་ནོ་སྙམ་པའམ། ཡོངས་སུ་བཟུང་བ་མ་ཡིན་ནོ་སྙམ་པའམ། དེ་བདག་ལ་སྦྱིན་ནོ་ཞེས་བྱ་བའི་འདུ་ཤེས་སམ། དམིགས་པ་མེད་པའམ། དོགས་པ་དང་
[86a.5]བཅས་པའམ། གཡོ་བ་མེད་པའམ། ཅིག་ཤོས་ཀྱི་འདུ་ཤེས་ཀྱི་#སྐྱོན་གྱིས་རྗེས་སུ་འབྲེལ་བའོ། །འོ་ན་འདི་ནི་ཐེ་ཚོམ་ཡིན་ན་དེར་འདི་ལ་སྐྱོན་གྱི་འདུ་ཤེས་ཏེ་ཐེ་ཚོམ་ནི་མ་ཡིན་ནོ། །དེ་བས་ན་གཞན་ཉིད་དུ་གྱུར་པ་ལ་ཕམ་པ་འབྱུང་བར་འགྱུར་ཏེ། གང་ཡང་རུང་བའི་འོ་སྙམ་པའི་བསམ་པ་ཡང་དག་པར་
[86a.6]གནས་པར་འགྱུར་བ་ལ་འདི་འབྱུང་བར་འགྱུར་བ་ཉིད་དེ། དེ་ལྟ་བུ་ནི་བདག་ཏུ་བྱས་པ་མ་ཡིན་ནོ་ཞེས་བྱ་བ་ངེས་པ་ལ་གནས་པའི་#འཛིན་པ་ལ་སྦོམ་པོ་འདི་བརྗོད་པར་རིག་པར་བྱའོ། །གདམས་ཏེ་བཟང་པོ་རྐུ་བར་འདོད་པ་ལ་ཡང་ངོ་ཞེས་བྱ་བ་ནི་དངོས་གཞིའི་རྣམ་པའོ་ཞེས་བྱ་བ་དང་རྗེས་སུ་འབྲེལ་ཏོ། །རྐུ་བར་འདོད་པ་ལ་
[86a.7]ཞེས་བྱ་བ་འདི་ལྟ་བུའི་འདོད་པ་ཡོད་པ་ལ། གང་ཞིག་གདམས་#པ་དངོས་གཞིའི་རྣམ་པ་དེ་ལ་ཁ་ན་མ་ཐོ་བ་མེད་པའོ། །ཇི་ལྟ་བུ་མེ་ཏོག་རྣམས་ཀྱི་གདམས་པ་དེ་ལྟ་བུ་འདིའོ། །འདི་ལྟར་གཞན་དུ་ནི་ནོམ་པའི་སྔ་རོལ་དུ་ཞེས་བྱ་བ་བརྗོད་པས་འདིའི་ནོམ་པ་སྔ་རོལ་དུ་འདིར་དེའི་དངོས་པོ་#དེ་བས་ན་སྦྱོར་བའི་སྦྱོར་བ་ཉིད་
[86b]
[86b.1]དོ། །ནོམ་པའི་སྔ་རོལ་དུ་ཞེས་བྱ་བ་ཉེས་བྱས་ཐོབ་པ་ལ་མདོ་འདིའོ། །འདིར་གཞུང་ནི་བཙུན་པ་མི་རྣམས་ཀྱི་གོས་ཀྱི་གདང་ཤིང་ངམ། གོས་ཀྱི་སྣོད་དམ་གོས་ཀྱི་ཟ་མ་ཏོག་གམ་གླང་པོ་ཆེའི་སོ་བཞག་པར་འགྱུར་#ཏེ། དེར་དགེ་སློང་རྐུ་བའི་སེམས་རྣམ་པར་ཤེས་ཏེ། གང་འདོད་པར་གྱུར་པ་དེ་རྐུ་བར་བྱེད་
[86b.2]ན་ཅི་ལྟུང་བར་འགྱུར་རམ། ཉེས་པ་སྦོམ་པོའི་ལྟུང་བར་འགྱུར་ཞེས་བྱ་བའོ། །གང་ཞིག་འདོད་པ་དེ་ནི་བརྐུས་ཏེ་རིན་ཐང་བརྩི་བར་བྱའོ་ཞེས་གསུངས་པ་ཡིན་ནོ། །སོ་སོར་བྱེད་པར་འགྱུར་#བ་ལ་ཡང་གནས་ནས་གདམས་པ་འདི་ནི་ཉེས་པ་སྦོམ་པོར་རིག་པར་བྱའོ། །གཞན་དོན་དང་བཅས་པ་འདྲ་བར་
[86b.3]ཡང་དག་པར་འགྲོ་བ་ལ་བསྡུས་པའི་བློ་ལ་དེར་ཡང་དག་པར་གནས་པས་གདམས་ཏེ། འདིར་སྦོམ་པོའི་ལྟུང་བ་གཅིག་གོ། །གདམས་ཏེ་རྐུ་བའི་དོན་དུ་ནོམ་པ་ལ་གཞན་ཞེས་བྱ་བ་རྣམ་པར་གནས་པ་ཡིན་ནོ། །རྒྱན་ལ་དོར་བྱེད་ན་གལ་ཏེ་དེ་རྒྱལ་བ་ཉིད་དུ་མ་གྱུར་པའི་ཚེ་སྦྱོར་བའོ་ཞེས་བྱ་བ་ནི་རྒྱན་ལ་
[86b.4]དོར་བྱེད་ན་གལ་ཏེ་དེ་#རྒྱལ་བ་ཉིད་དུ་#མ་གྱུར་གྱི་བར་དུ་#དོར་ཏེ་སྦྱོར་བར་འགྱུར་རོ། །དེ་ལ་དེ་ནི་བརྐུས་པ་ཡིན་ནོ་ཞེས་བྱ་བ་ལ། དེ་ལ་ཞེས་བྱ་བ་ནི་རྒྱན་ལའོ། །དེ་ནི་#ཞེས་བྱ་བ་རྒྱལ་བ་ཉིད་ན་བརྐུས་པ་ཡིན་ནོ། །གང་གི་ཕྱིར་འདིར་རྐུ་བ་ཉིད་ནི་དེ་བས་ན་འདི་ལ་བརྟེན་པའི་དོར་བྱེད་པ་ལ་སྦྱོར་བ་ཉིད་དོ། །
[86b.5]དངོས་གཞི་ལ་སོ་སོར་དེ་མ་ཐག་པ་ཉིད་ཀྱི་ཕྱིར་རོ། །གྲངས་ལ་ནི་དེའིའོ་ཞེས་བྱ་བ་ནི་གྲངས་ནི་རྩིས་ལས་ཏེ། གང་ཞིག་དོར་བྱེད་པ་ནི་རང་གི་སྦྱོར་ལ་དེའི་སྦྱོར་བ་ཉིད་དང་བཅས་པ་དང་། །དངོས་གཞི་ལ་ཉེས་བྱས་མ་ཡིན་པ་ལ། གྲངས་ཀྱི་སྐབས་སུ་དོར་བྱེད་པ་ཉིད་ནི་ཉེས་བྱས་ཡིན་གྱི་
[86b.6]སྦོམ་པོར་ནི་མི་འགྱུར་ཞེས་བྱ་བའི་དོན་ཏོ། །མཚན་མ་ཕྱིས་པ་དང་བསྣན་པ་གཉིས་གནས་གཞན་དུ་གཞག་པ་ཡང་དེ་ཉིད་ཡིན་ནོ་ཞེས་བྱ་བ་ནི་མཚན་མ་གང་ཞིག་གཅིག་ལ་སོགས་པ་ཤོད་ཐབས་ཀྱི་མཚན་ཉིད་བྱས་པ་དེ་ཕྱིས་པ་ཞེས་བྱ་བ་ནི་མེད་པར་བྱས་པའོ། །བསྣན་#པ་ལ་གང་ཞིག་མཚན་མ་ལ་ཇི་
[86b.7]ལྟར་ཐོབ་པའི་#གཞན་དུ་གཞག་པ་ཡང་དེ་ཉིད་དོ་#ཞེས་བྱ་བ་ནི་དོར་བྱེད་པ་ཉིད་ཅེས་བྱ་བའི་དོན་ཏོ། །ཐམས་ཅད་དུ་དབང་བྱེད་པའི་མདོ་ཡིན་ནོ། །རྒྱན་གྱི་དབང་དུ་བྱེད་པ་ཉིད་མ་ཡིན་ནོ། །དེ་ལ་གྲུབ་པ་ན་བརྐུས་པ་ཡིན་ནོ་ཞེས་བྱ་བ་ལ་དེ་ལ་ཞེས་བྱ་བ་ནི་གྲངས་ལའོ། །གྲུབ་པ་ན་ཞེས་བྱ་བ་ནི་ཐོབ་པ་སྟེ་ནོར་ལ་བརྐུས་པ་ཡིན་ནོ། །
[87a]
[87a.1]དེ་བས་ན་འདིར་དོར་བྱེད་ན་སྦྱོར་བའི་སྦྱོར་བ་ཉིད་དོ། །ཐོབ་པའི་ཕྱིར་དེ་མ་ཐག་པའི་བྱ་བ་ལ་སྦྱོར་བ་ཉིད་དོ། །སླར་ཐོབ་པ་ནི་འདིའི་བདག་ཉིད་དམ་དེ་ལས་གཞན་པའི་གང་ཟག་བསྟན་པ་དང་། བྱ་བ་འགའ་ཞིག་ལ་དེའི་ངེས་པར་སྦྱར་བས་སོ། །ཚོམས་གཞན་དུ་བགྲང་བ་ཡང་དེ་
[87a.2]དང་འདྲའོ་ཞེས་བྱ་བ་ཡང་རྙེད་པའི་ཕྱིར་བདག་ཉིད་ཚོམས་གཞན་དུ་བགྲང་བ་ཡང་དེ་དང་འདྲ་སྟེ། དེའི་གྲངས་ཀྱི་སྐབས་སུ་དོར་བྱེད་པ་དང་འདྲ་བར་བལྟ་བར་བྱའོ། །འདིར་ཡང་བགྲང་བ་ནི་སྦྱོར་བའི་སྦྱོར་བ་ཉིད་དེ་ཉེས་བྱས་ཉིད་དོ། །གྲུབ་པའི་ཚེ་ནི་བརྐུས་པ་ཉིད་དོ#། །འདིར་གཞུང་ནི་བཙུན་པ་དགེ་
[87a.3]སློང་གིས་རེ་ཞིག་བདག་ཉིད་ཚོམས་གཉི་གར་བགྲངས་ན་ལྟུང་བ་ཅིར་འགྱུར། ཉེས་པ་སྦོམ་པོར་སྦྱོར་བའི་ཉེས་བྱས་སུའོ་ཞེས་གསུངས་པ་ཡིན་ནོ། །སྔ་མ་ཉིད་ཕྱི་མ་དག་ལ་#ཕྱི་མ་ཉིད་སྔ་མ་དག་#ལ་བསྙོན་པ་ཡང་ངོ་ཞེས་བྱ་བ་ཡང་གི་སྒྲ་ནི་དེ་དང་འདྲའོ་ཞེས་བྱ་བ་རྗེས་སུ་དྲང་བའི་དོན་དུའོ། །སྔ་མའི་
[87a.4]གྲངས་ལ་ཕྱི་མ་དག་ལ་ནི་ཚོམས་དག་ལ་ཐོག་མར་འདིར་#བདག་ཉིད་བགྲང་བར་བྱས་པའི་ཚོམས་དེ་ལས་གཞན་དེ་རྣམས་ལས་བསྙོན་པའམ་གཞན་གྲངས་གཉིས་པ་གང་ཡིན་པ་དེ་ལ་ཚོམས་སྔ་མ་ཤོས་གང་ལ་དང་པོར་དེའི་གྲངས་བྱས་པ་དེའི་ཚོམས་ཡོངས་སུ་ཐོབ་པ་རྣམས་ལ་བསྙོན་པ་གང་ཞིག་དེ་
[87a.5]ཡང་དེ་དང་འདྲ་བར་གྲངས་ཟིན་པ་དོར་བ་བཞིན་དུ་བལྟ་བར་བྱའོ། །འདིར་ཡང་ཚོམས་ལ་སྦྱོར་བའི་སྦྱོར་བ་ཉིད་དེ་ཉེས་བྱས་སོ། །གྲུབ་པའི་ཚེ་ནི་བརྐུས་པ་ཉིད་དོ། །འདིར་གཞུང་ནི་བཙུན་པ་དགེ་སློང་གིས་རེ་ཞིག་བདག་ཉིད་བགྲང་དུ་སྩལ་#བས་བསྙོན་#ལྟུང་བ་ཅིར་འགྱུར། ཉེས་པ་སྦོམ་
[87a.6]པོར་སྦྱོར་བའི་ཉེས་བྱས་སོ་ཞེས་གསུངས་པ་ཡིན་ནོ། །སྐལ་བ་ཉིད་ནི་དེ་དག་གང་དུ་ཐམས་ཅད་ཀྱི་དང་པོར་བགྲངས་པ་དེར་རོ་ཞེས་བྱ་བ་ནི་གང་དུ་དེ་ཚོམས་ཐམས་ཅད་ཀྱི་དང་པོར་བགྲངས་པ་དེར་གཏོགས་སོ། །དེ་ལ་སྐལ་བ་བླངས་པ་ལ་#ནི་ལྟུང་བ་མེད་དོ་ཞེས་བྱ་བ་དེ་ལ་འདི་ནི་བྱེད་པའོ། །མི་དབང་
[87a.7]བ་དབང་བར་སྒྲོགས་པ་ཡང་ངོ་ཞེས་བྱ་བ་ལ། ཡང་གི་སྒྲས་ནི་དེ་དང་འདྲའོ་ཞེས་བྱ་བ་རྗེས་སུ་དྲང་བའི་དོན་དུའོ། །འདིར་ཡང་དབང་བར་སྒྲོགས་པ་ནི་སྦྱོར་བའི་སྦྱོར་བ་ཉིད་དེ་ཉེས་བྱས་སོ། །གྲུབ་པའི་ཚེ་ན་ནི་བརྐུས་པ་ཉིད་དོ། །འདིར་གཞུང་ནི་བཙུན་པ་དགེ་སློང་གིས་རེ་ཞིག་རྙེད་པ་གློ་བུར་བ་མི་དབང་
[87b]
[87b.1]བ་ལ་འདི་སྐད་ཅེས་བདག་ཀྱང་དབང་ངོ་ཞེས་དབང་བར་སྒྲོགས་ན་ལྟུང་བ་ཅིར་འགྱུར། ཉེས་པ་སྦོམ་པོར་སྦྱོར་བའི་ཉེས་བྱས་སུ་འགྱུར་རོ་ཞེས་གསུངས་པ་ཡིན་ནོ། །མ་བསྒོ་བར་སློང་བ་ཡང་ངོ་ཞེས་བྱ་བ་#ནི་གྲངས་ཀྱི་སྐབས་སུ་དོར་#བྱེད་པ་དེ་དང་འདྲ་བར་མ་བསྒོ་བར་སློང་བ་བལྟ་བར་བྱའོ། །འདིར་
[87b.2]ཡང་མ་བསྒོ་བར་སློང་བ་ནི་སྦྱོར་བའི་སྦྱོར་བ་ཉིད་དེ་ཉེས་བྱས་སོ། །གྲུབ་པའི་ཚེ་ན་ནི་བརྐུས་པ་ཉིད་དོ། །འདིར་གཞུང་ནི་བཙུན་པ་དགེ་སློང་གིས་རེ་ཞིག་ཁྱིམ་བདག་གི་ཁྱིམ་དུ་ཉེ་བར་མཆིས་པས། དེ་ཁྱིམ་བདག་དེའི་ཉེ་དུའི་ཐད་དུ་མཆིས་ནས་ཁྱིམ་བདག་ན་རེ་འདི་སྐད་ཅེས་དངོས་པོ་ཆེ་གེ་མོ་དང་མང་
[87b.3]གེ་ཞིག་བྱིན་ཅིག་ཅེས་ཟེར་རོ་ཞེས་བགྱིས་ན་ལྟུང་བ་ཅིར་འགྱུར་ཉེས་པ་སྦོམ་པོར་སྦྱོར་བའི་ཉེས་བྱས་སུའོ་ཞེས་གསུངས་པ་ཡིན་ནོ། །བརྙས་པ་དང་བསྐྱིས་པ་དང་གཏམས་པ་རྣམས་བསྙོན་#པ་ནི་སྦྱོར་བའོ་ཞེས་བྱ་བ་ནི་བརྙས་པ་ལ་སོགས་པ་བསྙོན་པ་ནི་སྦྱོར་བ་སྟེ། མེད་པ་ནི་སྦྱོར་བ་མ་ཡིན་པ་ཞེས་
[87b.4]བྱ་བའི་དོན་ཏོ། །བརྣོགས་པ་ན་བརྐུས་པ་ཡིན་ནོ་ཞེས་བྱ་བ་ནི་བརྙས་པ་ལ་སོགས་པ་དེ་དག་གང་གི་ཚེ་བརྣོགས་ཤིང་མི་སྦྱིན་པར་ངེས་པ་དེའི་ཚེ་ན་བརྐུས་པ་ཡིན་ནོ། །དེ་ལ་བརྙས་ནས་གཞན་ལ་འདིར་སོ་སོར་དེ་མ་ཐག་པར་གྱུར་པའི་བྱ་བ་ལ་བྱ་བ་མེད་པ་ཞེས་བྱ་བ་དེ་#ལ་བརྙས་པ་ཉིད་ལ་སྦྱོར་བ་ཉིད་
[87b.5]དོ། །བརྣོགས་པ་ལས་སྔ་རོལ་དུ་གྱུར་པའི་བསྙོན་པ་གང་ཞིག་ཕྱི་མ་ནི་མ་ཡིན་ཞིང་དུས་མཉམ་པར་ཡང་མ་ཡིན་པར་འདིར་མངོན་པར་འདོད་པ་ཞེས་བྱ་བ་འདི་ཤུགས་ཀྱིས་རྟོགས་པར་བྱའོ། །དེ་ལ་བརྙས་ནས་ཞུགས་པ་ནི་བརྙན་པོར་ཞུགས་པའོ། །བསྐྱིས་ནས་ཞུགས་པ་ནི་སོ་སོར་སྦྱིན་པར་བགྱི་
[87b.6]ཞེས་བྱ་བས་རྙེད་པ་ནི་བསྐྱིས་ནས་རྙེད་པའོ། །རབ་ཏུ་བསྐྱིས་ནས་རྙེད་པ་ཞེས་བྱ་བ་དྲང་སྲོང་གི་ཚིག་གང་ཡིན་པ་དེ་ལ་འདི་ཉམས་པའོ། །ཡོངས་སུ་སྦྱོར་བ་ཞེས་བྱ་བ་འདི་གཞན་ཞུ་བ་ལས་འབྱུང་བ་ཡིན་ཏེ། ནོར་ཟད་པར་#ཡོངས་སུ་སྦྱར་བའི་དོན་དུ་སྟེ། དེ་ལས་ནོར་བཟུང་བ་མ་བཏང་བ་#ཞེས་བྱ་བའི་
[87b.7]དོན་ཏོ། །ཡོངས་སུ་འགྲོ་བར་བྱེད་པ་ཞེས་བྱ་བ་འདི་གཞན་དག་གིས་བརྗོད་པ་སྟེ། འདི་དང་ཆེ་གེ་མོ་ལས་འགྲོ་བ་བསྒྲུབ་པའི་དོན་དུ་ཞེས་བྱ་བ་ནི་འདིའི་དོན་ཏོ། །འདི་གཉིས་ཀ་ཡང་ཐ་མི་དད་པར་བསྐྱིས་པ་ཞིག་#བྱ་བ་བརྣོགས་པ་ན་བརྐུས་པ་ཡིན་ནོ་ཞེས་བྱ་བའོ། །འདིས་ནི་འདིར་བརྐུ་#བའམ་འོན་ཏེ་མ་
[88a]
[88a.1]ཡིན་སྙམ་དུ་ཡིད་གཉིས་ཟ་བར་གྱུར་པ་དེའི་ཚེ་ན་གང་ཞིག་གནས་ལ་འཕོ་བ་དེར་ནི་ཉེས་པ་སྦོམ་པོར་འགྱུར་རོ། །དངོས་པོ་ཡོངས་སུ་རྫོགས་པ་དེ་ལ་ཕམ་པ་མི་བསྐྱེད་ཅེས་བྱ་བ་འདི་ཐལ་བར་རིག་པར་བྱའོ། །འདིར་གཞུང་ནི་བཙུན་པ་དགེ་སློང་གིས་རེ་ཞིག་བསྙོན་པར་བྱས་ནས་རྐུ་ན་ལྟུང་བ་
[88a.2]ཅིར་འགྱུར། གཡར་ནས་བསྙོན་པར་བྱེད་ན་ཉེས་པ་སྦོམ་པོར་རོ། །དེ་གཉིས་ལན་འགའ་མཐར་འགྱུར་བ་ཡང་#ཡོད་དེ་གང་གི་ཚེ་བརྣོགས་པ་ནའོ། །དགེ་སློང་གི་ཐད་དུ་གཞན་གྱིས་གཏམས་ཏེ་གཞག་པ་དེ་ལེན་པའི་ཚེ་བསྙོན་ན་ལྟུང་བ་ཅིར་འགྱུར། ཉེས་པ་སྦོམ་པོར་རོ། །ལན་འགའ་ནི་མཐར་འགྱུར་ཏེ།
[88a.3]གང་གི་ཚེ་བརྣོགས་པ་ནའོ་ཞེས་གསུངས་པ་ཡིན་ནོ། །གཏམས་པ་སྦས་པ་ལ་གལ་ཏེ་སྤོ་བ་དང་ལྷན་ཅིག་ཏུ་དང་། སྤོས་པའི་འོག་ཏུ་དང་། གལ་ཏེ་སྔར་ན་ནི་སྦྱོར་བ་གཞན་ཉིད་དོ་ཞེས་བྱ་བ་ནི་གཏམས་པ་ཡང་#བ་གང་ཡིན་པ་གང་ཞིག་གཞག་པ་གནས་གང་དུ་གལ་ཏེ་སྤོ་བས་གནས་པ་དང་། ལྷན་ཅིག་
[88a.4]ཏུ་བརྣོགས་ན་ཕྱིར་སྤོ་བའི་འོག་ཏུ་དེ་ལས་[བརྣོགས་]པ་ཉིད་ནི་བརྐུས་པ་ཉིད་ཡིན་ནོ། །འོན་ཏེ་སྤོ་བ་ལས་སྔ་རོལ་དུ་བརྣོགས་ན་གཞན་དུ་བསྙོན་པ་ནི་སྦྱོར་བ་སྟེ་དངོས་གཞིའི་#རྣམ་པ་ཉིད་ཀྱི་ཕྱིར་རོ། །བསྙོན་པ་ཡོད་ཀྱང་གང་#དུ་ཆད་པ་ཉིད་ཀྱིས་བརྣོགས་ན་སྦྱོར་བ་མ་ཡིན་པ་ཉིད་དུ་རྟོགས་པར་མི་བྱའོ། །བརྣོགས་#
[88a.5]པ་ལ་བརྣོགས་པའི་སྔ་རོལ་དུ་བསྙོན་པ་ལ་སྦྱོར་བའི་སྦྱོར་བ་ཉིད་དོ། །དེ་བས་ན་སྦྱོར་བ་ཉིད་དོ། །བརྣོགས་པ་དང་བསྙོན་པའོ། །འདིར་སྦས་པ་ནི་བརྐུས་པའོ། །འདིར་གཞུང་ནི་དགེ་སློང་གི་ཐད་དུ་གཞན་གྱིས་གཏམས་#ཏེ་གཞག་པ་དེ་ལེན་པའི་ཚེ་བསྙོན་ན་ཉེས་པ་སྦོམ་པོར་འགྱུར་རོ། །ལན་
[88a.6]འགའ་ནི་མཐར་འགྱུར་ཏེ་གང་གི་ཚེ་བརྣོགས་པར་བྱེད་ཅིང་དངོས་པོ་ཚང་ན་ནི་མཐར་འགྱུར་རོ། །གལ་ཏེ་མ་ཚང་ན་ཉེས་པ་སྦོམ་པོར་འགྱུར་རོ། །སྔར་བརྣོགས་པར་བྱེད་ཅིང་ཕྱིས་གནས་ནས་སྤོ་བར་བྱེད་ན་བརྣོགས་པའི་ཚེ་ཉིད་ན་ཉེས་པ་སྦོམ་པོར་འགྱུར་རོ། །ཅི་སྟེ་སྔར་གནས་ནས་སྤོ་བར་བྱེད་ཅིང་དངོས་#པོ་
[88a.7]ཚང་ན་མཐར་འགྱུར་རོ། །དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །སྒྱིད་པ་གཅོད་པ་དང་གསོད་པ་ནི་ཆུད་གཟོན་པ་ཡིན་ནོ་ཞེས་བྱ་བ་ནི་གླང་པོ་ཆེ་དང་རྟ་དང་རྔ་མོ་དང་བ་ལང་དང་བསེ་ལ་སོགས་པ་རྣམས་ལ་ཕན་#པར་མ་གྱུར་ཅིག་ཅེས་ཆུ་ལ་གཅོད་པ་དང་། གསོད་
[88b]
[88b.1]པ་ནི་སྦེད་པའོ། །ཆུད་གཟན་པ་ཞེས་བྱ་བ་འདི་ལ་ཆུད་གཟན་པའི་ཚིག་གི་#ཁོངས་སུ་བསྡུ་བ་ཉིད་ཅེས་བྱ་བའི་དོན་ཏོ། །འདིར་སྒྱིད་པ་གཅོད་པ་ནི་དཔེ་ཡིན་ཏེ་རྣམ་པར་འཚེ་བ་གཞན་དག་ལ་ཡང་རིག་པར་བྱའོ། །འདིར་གཞུང་ནི་ཅི་སྟེ་ཕན་#པར་མ་གྱུར་ཅིག་ཅེས་གསོད་པར་བྱེད་ན་ཉེས་པ་སྦོམ་པོར་འགྱུར་
[88b.2]རོ། །ཅི་སྟེ་ཕན་#པར་མ་གྱུར་ཅིག་ཅེས་སྒྱིད་པ་གཅོད་པར་བྱེད་ན་ཡང་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །མཚམས་ཀྱི་ནམ་མཁའ་ལས་ཤོ་གམ་འདྲལ་བར་བྱེད་ན་ཡང་སྦོམ་པོའི་དབང་དུ་བྱས་པ་ཉིད་དོ་ཞེས་བྱ་བ་ནི་མཚམས་དང་འབྲེལ་བའི་ནམ་མཁའ་གང་ཡིན་པ་དེ་ལ་ཤོ་གམ་
[88b.3]འདྲལ་བའི་སྦོམ་པོའི་དབང་དུ་བྱས་པ་ཉིད་དོ། །གང་གིས་#མཚམས་ཀྱི་ཁོངས་སུ་བསྡུས་པའི་ས་ལ་གནས་པ་ལུས་ཀྱིས་#བརྩལ་བ་མཚོན་ཆ་འཕངས་པ་ལ་སོགས་པས་སམ། ངག་གིས་#བརྩལ་བ་གསང་སྔགས་ཀྱི་བཟླས་བརྗོད་#ལ་སོགས་པས་སམ། ཡིད་ཀྱིས་#བརྩལ་བ་རྫུ་འཕྲུལ་མངོན་པར་
[88b.4]འདུ་བྱེད་#པ་ལ་སོགས་པ་ཤོ་གམ་གྱི་བྱ་བ་མ་ཆགས་པར་གྱུར་པ་ལུས་དང་འབྲེལ་བའི་ནམ་མཁའ་འགའ་ཞིག་ལ་ཤོ་གམ་གྱིས་འདའ་བར་བྱེད་ན་དེར་མ་ཤ་ཀ་ལྔ་ལ་སོགས་པའི་དངོས་པོར་ཚང་བ་ལ་ཡང་ཉེས་པ་སྦོམ་པོ་ཡིན་ནོ། །གང་གི་ཚེ་དགེ་སློང་ནམ་མཁའ་ལ་གནས་པ་དང་ཕྱི་རོལ་གྱི་མཚམས་
[88b.5]ཀྱི་ས་ལ་གནས་པ་ལ་ནི་དེར་ལྟུང་བ་མེད་ཅེས་བྱ་བ་འདིར་བསྡུས་པར་རིག་པར་བྱའོ། །རྒྱལ་པོ་དག་ནི་ས་ལ་དབང་བ་ཡིན་གྱི། ནམ་མཁའ་ལ་ནི་མ་ཡིན་ནོ། །དེ་བས་ན་དགོངས་པ་#མེད་པ་ལ་ས་ལ་སྐྱོན་མེད་པ་ཉིད་དུ་རྣམ་པར་གཞག་གོ། །རྫུ་འཕྲུལ་གྱིས་#ཁྱེར་བ་ལ་ནི་ཉེས་པ་མེད་པ་#ཉིད་དོ་
[88b.6]ཞེས་བྱ་བ་ལ། འདི་ནི་ཤོ་གམ་དྲལ་བ་ལ་གནས་པ་ཉིད་དེ་གསང་སྔགས་དང་སྨན་གྱིས་བྱས་པ་དང་ཡང་འདིར་ལས་ལས་སྐྱེས་པའི་རྫུ་འཕྲུལ་གྱི་མངོན་པར་ཤེས་པ་ཡང་འདི་ལྟར་མངོན་#པར་ཤེས་པ་མེད་པར་ཞིང་ཉིད་མ་ཡིན་པའི་ཕྱིར་ཡིད་མི་ཆེས་པའི་སེམས་དང་ལྡན་པ་ལ་ཐམས་ཅད་དུ་ལྟུང་བ་
[88b.7]མེད་དོ། །གསང་སྔགས་དང་སྨན་གྱི་ལས་ཀྱིས་#སྐྱེས་པ་གང་ཞིག་ལ། མཚམས་ཀྱི་ཁོངས་སུ་གཏོགས་པའི་ས་ལ་གནས་པའི་ཁྱེར་བ་པོ་ལ་དགོས་པ་མེད་པ་དེ་ལ་ལྟུང་བ་མེད་དོ། །མཚམས་ཀྱི་ཁོངས་སུ་གཏོགས་པའི་ས་ལ་གནས་པའི་ཁྱེར་བ་པོ་ལ་སྦོམ་པོ་ཉིད་དོ། །འདིར་གཞུང་ནི་བཙུན་པ་དགེ་
[89a]
[89a.1]སློང་གིས་རེ་ཞིག་ནམ་མཁའ་ལས་ཤོ་གམ་འདྲལ་བར་བྱེད་ན་ལྟུང་བ་ཅིར་འགྱུར། གལ་ཏེ་རྫུ་འཕྲུལ་གྱིས་#འདྲལ་བར་བྱེད་ན་ནི་ལྟུང་བ་མེད་དོ། །ཅི་སྟེ་རྣམ་པ་གཞན་དག་གིས་བྱེད་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །མཚམས་གཞན་དུ་ཡང་ངོ་ཞེས་བྱ་
[89a.2]བ་ནི་ཉེས་པ་མེད་པ་ཉིད་དོ། །ཤོ་གམ་དྲལ་བ་ན་ཡང་ཞེས་བྱ་བ་དང་རྗེས་སུ་སྦྱར་རོ། །མཚམས་གཞན་དུ་ཞེས་བྱ་བ་#ཤོ་གམ་གྱི་བྱ་བ་འདའ་བར་བྱེད་པ་ལ་ལྟུང་བ་ཡོད་པ་མ་ཡིན་ཞེས་བྱ་བའི་དོན་ཏོ། །ཤོ་གམ་གྱི་གནས་ནས་ཐོབ་པའི་སྤོང་བའི་བདག་ཉིད་ཅན་དྲལ་#བའི་བསམ་པ་མེད་པ་ལ་རྐུ་
[89a.3]བའི་སེམས་ཞེས་བྱ་བ་འདི་ལ་འདི་བརྗོད་པའོ། །བསྒོ་ན་ཉེས་བྱས་སོ་ཞེས་བྱ་བ་ནི་ཤོ་གམ་དྲལ་ན་ཞེས་བྱ་བར་སྦྱར་ཏེ། ས་གང་ཞིག་ལ་ཤོ་གམ་ལ་སྦྱིན་པར་བྱ་བ་ཉིད་དེས་མི་འགྲོ་བ་ལ་ཐད་ཀར་དེ་ལས་འདའ་བར་བྱེད་པའམ་སོ་སོར་བཟློག་པ་ལ་ས་མ་ཐོབ་པ་ཉིད་ལ་གཞན་གྱིས་འགྲོ་བའམ་བཟློག་
[89a.4]པ་ཞེས་ཤུགས་ཀྱིས་རྟོགས་པར་བྱའོ། །ལམ་གཞན་སྟོན་ན་ཡང་ངོ་ཞེས་བྱ་བ་ཤོ་གམ་དྲལ་བའི་ཞེས་བྱ་བར་སྦྱར་ཏེ། ཤོ་གམ་གྱི་ས་ལ་འགྲོ་བའི་ལམ་གཞན་ནས་འགྲོ་བའམ་ཕྱིར་བཟློག་པར་བྱ་བའམ་ཐད་ཀར་འགྲོ་བ་ལས་ས་མ་ཐོབ་པ་ཉིད་ལ་ཤོ་གམ་གྱི་ས་ལ་འགྲོ་བ་ལས་#ལམ་གཞན་ནས་
[89a.5]འགྲོ་བ་འམ་ཕྱིར་བཟློག་པ་ལ་ཞེས་བྱ་བ་འདི་འདིར་ཤུགས་ཀྱིས་རྟོགས་པར་བྱའོ། །ཐབས་ཀྱིས་བརྗོད་ན་ཕྲ་མོར་རོ་ཞེས་བྱ་བ་#བསྒོ་བ་དང་ལམ་གཞན་སྟོན་པ་དེ་གཉིས་ཀའི་#དངོས་སུ་མི་བྱེད་པར་ཐབས་ཀྱིས་བརྗོད་པ་ཡིན་པ་དེ་ནི་ཟུར་གྱིས་སྨྲ་བ་སྟེ། དངོས་སུ་བརྗོད་པ་ནི་མ་ཡིན་ནོ་ཞེས་བྱ་
[89a.6]བ་འདི་ལྟ་བུར་གྱུར་པ་ཕྲ་མོ་སྟེ། ཤིན་ཏུ་ཡང་བའི་ཉེས་བྱས་ཞེས་བྱ་བའི་དོན་ཏོ། །ལམ་གོལ་བ་ནི་ལམ་དང་འདྲའོ་ཞེས་བྱ་བ་ནི་ཐམས་ཅད་དུ་ལམ་མ་#ཡིན་པས་བརྐུས་པ་ལ་ཤོ་གམ་གྱི་སར་འགྲོ་བའི་ལམ་ཡིན་པས་འདའ་བར་བྱེད་པ་ལ་སྐྱོན་དང་བྲལ་བ་ཉིད་དང་འགྲིབ་པ་ཡང་མ་ཡིན་ཞེས་
[89a.7]བྱ་བའི་དོན་ཏོ། །ཁ་དང་ཚེམ་བུ་ནི་སྐུངས་གཞན་དང་འདྲའོ་ཞེས་བྱ་བ་ནི་ཇི་ལྟར་སྒྲོ་བ་དག་ལ་སོགས་པའི་སྐུངས་གཞན་གྱིས་#རྐུ་བའམ་འདའ་བར་བྱེད་ན་ཉེས་པར་འགྱུར་བ་དེ་བཞིན་དུ་ཁ་དང་ཚེམ་བུའི་ནང་དང་བར་དུ་བཅུག་སྟེ་རྐུ་འམ་འདའ་བར་བྱེད་ན་ཡང་ཉེས་པར་འགྱུར་རོ། །ལུས་ཀྱི་
[89b]
[89b.1]ཁོངས་སུ་གཏོགས་པ་ཉིད་ཀྱི་#ཕྱིར་འདི་ནི་ལུས་སུ་གྱུར་པ་སྟེ། གོས་ཀྱི་ཁོངས་སུ་གཏོགས་པ་ཉིད་ཀྱི་ཕྱིར་གོས་ཡིན་པར་ཤེས་པར་བྱ་བ་མ་ཡིན་ནོ། །དེ་བས་ན་ཉེས་པ་མེད་པ་ཉིད་དང་འགྲིབ་པ་མ་ཡིན་ཞེས་བྱ་བའི་དོན་ཏོ། །འདིར་གཞུང་ནི་ཁས་རྐུ་ན་མཐའི་ལྟུང་བར་འགྱུར་རོ། །
[89b.2]ཚེམ་བུས་རྐུ་ན་མཐའི་ལྟུང་བར་འགྱུར་རོ་ཞེས་གསུངས་པ་ཡིན་ནོ། །རྐུ་སེམས་དང་བྲལ་ན་མཐའི་མཐར་ཐུག་པ་ཉིད་མ་ཡིན་ནོ་ཞེས་བྱ་བ་ནི་གང་རྐུ་སེམས་ཀྱི་སྦྱོར་བ་དང་དེ་མེད་པར་བརྣོགས་པ་ལ་སྦྱོར་བའི་ལྟུང་བ་ཙམ་ལ་དེ་བསྐྱེད་པའོ། །དངོས་གཞིའི་ལྟུང་བ་ཙམ་མ་ཡིན་ནོ་ཞེས་
[89b.3]བྱ་བ་འདི་ལ་འདི་ནི་བྱེད་པའོ། །ཡོངས་སུ་རྫོགས་པའི་དུས་སུ་རྐུ་སེམས་ཉིད་བསལ་བ་ལ་མཐར་ཐུག་པ་དང་དངོས་གཞི་ལ་རྗེས་སུ་འགྲུབ་པ་ཉིད་མ་ཡིན་ཞེས་བྱ་བའི་དོན་ཏོ། །སྦྱོར་བ་ལ་དེ་མེད་ན་དེ་མ་བྱས་པ་ཉིད་མ་ཡིན་ནོ་ཞེས་བྱ་བ་ལ། སྦྱོར་བ་ལ་ཞེས་བྱ་བ་ནི་སྦྱོར་བའི་གནས་
[89b.4]སྐབས་ལའོ། །དེ་མེད་ན་ཞེས་བྱ་བ་ནི་རྐུ་སེམས་དེ་མེད་ལ་རྫས་བཟུང་བའི་དུས་སུ་འདི་ཡོད་པས་ཐ་མ་དང་དངོས་གཞི་ལ་བྱས་པ་ཉིད་ཁོ་ནའོ། །གང་དུ་རྐུ་སེམས་མེད་པར་སྦྱོར་བ་མཐར་ཐུག་པ་ནི་རྐུ་སེམས་ཀྱི་སྦྱོར་བའི་ལྟུང་བ་ཉིད་ལ་དེར་སྒྲུབ་པ་ཡིན་གྱི་དངོས་གཞིའི་ལྟུང་བ་ནི་མ་ཡིན་
[89b.5]ནོ་ཞེས་བྱ་བ་འདི་ལ་འདི་བརྗོད་པའོ#། །འདིར་གཞུང་ནི་བཙུན་པ་དགེ་སློང་ཆོས་གོས་ཀྱི་གདང་ལས་ཆོས་གོས་ལེན་པའི་སྔ་རོལ་དུ་རྐུ་སེམས་བྱུང་ལ་ཕྱིས་ནི་རང་གི་འདུ་ཤེས་ཀྱིས་བླངས་ན་ལྟུང་བ་ཅིར་འགྱུར། སྔར་ནི་ཉེས་པ་སྦོམ་པོར་རོ། །ཕྱིས་ནི་ལྟུང་བ་མེད་དོ། །སྔར་རང་གི་
[89b.6]འདུ་ཤེས་ཀྱིས་ལེན་ལ་ཕྱིས་རྐུ་སེམས་ཀྱིས་རྐུ་ན་ལྟུང་བ་ཅིར་འགྱུར། སྔར་ནི་ལྟུང་བ་མེད་དོ། །ཕྱིས་ནི་ཉེས་པ་སྦོམ་པོར་རོ་ཞེས་གསུངས་པ་ཡིན་ནོ། །རང་གི་འདུ་ཤེས་ཡོད་པ་ལ་རྐུ་སེམས་ཉེ་བར་གཞག་པའི་དབང་དུ་མཛད་ནས་འདིར་ཉེས་པ་སྦོམ་པོར་རོ་ཞེས་#གསུངས་སོ་ཞེས་རྣམ་པར་
[89b.7]གནས་སོ། །སྤྲིང་ཡིག་ལ་སོགས་པས་ནི་ན་སྨད་པ་མེད་དོ་ཞེས་བྱ་བ་ནི་འདོད་པ་ཞེས་བྱ་བ་ངེས་པའི་ཚིག་ལས་ལག་ཡིག་དང་རྒྱའི་ཡི་གེ་རྣམས་ཀྱིས་འགྲིམ་#པ་ཐོབ་པ་ལ་འདི་ནི་རྩོམ་པའོ། །འདིར་གཞུང་ནི་སྤྲིང་ཡིག་དང་ལག་ཡིག་རྣམས་སམ། ལག་རྩིས་ཀྱིས་རྐུ་ན་རིན་ཐང་བརྩི་བར་བྱ་བ་ལ་སོགས་
[90a]
[90a.1]པ་གསུངས་པ་ཡིན་ཏེ། རྣམ་པ་གང་ཡང་རུང་བས་རྐུ་ན་ཡང་ན་སྨད་པ་མེད་དོ་ཞེས་བྱ་བའི་དོན་ཏོ། །རྗེས་སུ་བསྒྲུབ་པའི་སྐབས་སྨྲས་ནས། ད་ནི་མཐར་ཐུག་པའི་སྐབས་བརྗོད་པར་བྱ་སྟེ། ནན་ཁུགས་#དང་དངན་འཐེན་ཡང་མ་བརྐུས་པ་མ་ཡིན་ནོ་ཞེས་བྱ་བ་ནི། ནན་ཁུགས་#
[90a.2]ཀྱིས་རྐུ་བ་གང་ཡིན་པ་སྦྱིན་པར་བྱ་བ་ལ་གཅིག་པ་ན་ཡང་གང་ཡིན་པ་འདི་ནི་རྐུ་བ་མ་ཡིན་ཞེས་བྱ་བར་ཤེས་པར་བྱའོ། །འདི་ལ་ཡང་ཁྱད་པར་མེད་པར་བརྗོད་པ་རྣམས་ལ་ཆོམ་རྐུན་པས་རྐུ་བ་བཞིན་དུ་ཁོངས་སུ་བསྡུ་བར་རིག་པར་བྱའོ། །དེ་ལྟར་ཡང་འདིར་གཞུང་ནི་བཙུན་པ་རྐུ་བ་རྣམ་པ་དུ་མཆིས།
[90a.3]ཉེ་བ་འཁོར་དྲུག་སྟེ། ནན་ཁུགས་#ཀྱིས་རྐུ་བ་དང་། སྒྱུ་ཐབས་ཀྱིས་རྐུ་བ་དང་། གཏམས་པ་རྐུ་བ་དང་། ཕྱིར་བསབ་#པ་རྐུ་བ་དང་། དངན་འཐེན་#གྱིས་རྐུ་བ་དང་། ཆོས་རྐུ་བའོ། །བཙུན་པ་བཅོམ་ལྡན་འདས་ཀྱིས་གང་རྐུ་བ་དྲུག་པོ་འདི་རྣམས་གསུངས་ན་འདི་རྣམས་ཀྱི་#ནང་ནས་དུ་
[90a.4]ཞིག་མཐའི་ལྟུང་བར་འགྱུར། ཉེ་བ་འཁོར་ཆོས་རྐུ་བ་མ་གཏོགས་པ་གཞན་ཐམས་ཅད་ཀྱིས་མཐའི་ལྟུང་བར་འགྱུར་རོ་ཞེས་གསུངས་པ་ཡིན་ནོ། །དེ་ལ་ཆོས་རྐུ་བ་ནི་ཉེས་པ་མེད་དེ། རྐུ་སེམས་མེད་པའི་ཕྱིར་རོ་ཞེས་བྱ་བ་དོན་གོ་བར་ཟད་དོ། །སྒྱུ་ཐབས་ཀྱིས་རྐུ་བ་ནི་རྣམ་པ་གཉིས་ཏེ།
[90a.5]ཆོམ་རྐུན་གྱིས་ལེན་པ་དང་། དོར་བྱེད་པའོ། །དེ་ལ་ཆོམ་རྐུན་གྱིས་ལེན་པ་ནི་རྐུ་བ་ཉིད་ཡིན་པས་དོགས་པར་བྱ་བ་མེད་དོ། །དོར་བྱེད་པ་ལ་ནི་སྦྱོར་བ་དོར་བྱེད་པ་ཞེས་བྱ་བ་ལ་སོགས་པས་བརྐུས་པ་ཉིད་དུ་གྲགས་པའོ། །གཏམས་#པ་རྐུ་བ་ལ་ནི་གཏམས་#པ་ཞེས་བྱ་བ་ལ་སོགས་པའོ། །
[90a.6]ཕྱིར་བསབ་པ་རྐུ་བ་ལ་ནི་སྔར་བརྙས་པ་དང་བསྐྱིས་པ་ཡིན་ཞེས་བྱ་བའོ། །ནན་ཁུགས་#ཀྱིས་རྐུ་བ་ལ་ནི་དབང་གིས་མནན་ཞིང་#ལེན་པ་སྟེ། དེའི་ཕྱིར་དེ་བརྐུས་པ་#མ་ཡིན་ནོ་སྙམ་དུ་དོགས་པ་འགའ་ཡང་ཡོད་ལ། གང་ཞིག་དངན་འཐེན་གྱིས་རྐུ་བ་ཡང་དེ་ནི་མི་སྟེར་བ་ཙམ་དུ་ཟད་ཀྱིས་བརྐུས་
[90a.7]པ་ནི་མ་ཡིན་ནོ་སྙམ་དུ་#དོགས་པ་ཡོད་པས་དེ་བས་ན་བརྐུས་པ་ཉིད་དུ་#བཏགས་པ་མ་ཡིན་ནོ། །དོགས་པ་དེ་གཉིས་བསལ་བའི་ཕྱིར་མདོ་འདི་བསྟན་པར་རིག་པར་བྱའོ། །གནས་དང་བཅས་པ་དང་#མ་ཡིན་ནོ་ཞེས་བྱ་བ་ནི་རྫས་གང་གནས་དང་ལྷན་ཅིག་ཏུ་བརྐུས་པ་དེ་ཡང་མ་བརྐུས་པ་མ་ཡིན་ཏེ་#
[90b]
[90b.1]བརྐུས་པ་ཁོ་ན་ཡིན་ནོ། །རྫས་ཀྱི་གནས་ལས་མི་སེལ་བ་ཉིད་དུ་གང་དུ་#གནས་ལ་སེལ་བར་བྱེད་པ་དེ་ནི་འདིར་གནས་དང་བཅས་པ་ལ་རྐུ་བར་རིག་པར་བྱའོ། །འདིར་སྦྱོར་བ་དང་བྲལ་བ་ཉིད་ནི་དེ་གཉིས་ནི་#དེ་ཉིད་དེ་གནས་དང་#བཅས་པར་ཡང་བརྐུས་པ་ཉིད་ལ་བདག་པོ་ལ་རྫས་དང་སྦྱོར་བ་དྲལ་#བ་
[90b.2]ཉིད་ཀྱི་ཕྱིར་རོ། །འདིར་གཞུང་ནི་ཇི་སྐད་དུ་བཅོམ་ལྡན་འདས་ཀྱིས་ཡོ་བྱད་ལྕི་བ་གནས་ནས་སྤོ་བར་བྱེད་ན་མཐའི་ལྟུང་བར་འགྱུར་རོ་ཞེས་བཀའ་སྩལ་ན། དགེ་སློང་གིས་ཡོ་བྱད་ལྕི་བ་གནས་ལས་མ་སྤོས་པར་བརྐུས་ན་མཐའི་ལྟུང་བར་འགྱུར་བ་མཆིས་སམ། ཡོད་དེ་གནས་གང་ན་
[90b.3]འདུག་པ་དེ་གནས་དང་བཅས་ཏེ་བརྐུས་ནའོ་ཞེས་གསུངས་པ་ཡིན་ནོ། །བསད་པ་ཉིད་ནི་བརྐུས་པ་ཉིད་མ་ཡིན་ནོ་ཞེས་བྱ་བ་ནི་དེ་བས་ན་འདི་ཙམ་གྱིས་བརྐུས་པ་ཉིད་དུ་འགྱུར་བ་མ་ཡིན་ནོ། །འདིར་གནས་ནས་སྤོས་པ་ཉིད་བསད་པ་དང་ལྷན་ཅིག་ཏུ་འགྱུར་བའམ་#ཕྱིས་བརྐུས་པ་ཞེས་བྱ་བར་
[90b.4]གྲུབ་པའོ། །ཕྱོགས་གཅིག་ཏུ་གནས་ནས་མ་འཕགས་པ་ཡང་མ་ཡིན་ནོ་ཞེས་བྱ་བ་ནི་གནས་གང་ཞིག་ལ་གནས་ནས་སྤོ་བར་གྱུར་པ་ལ་རྫས་རྒྱུད་གཅིག་ལ་ཕྱོགས་འགའ་ཞིག་གནས་དོར་བར་གྱུར་ཏེ་གཞན་ཅུང་ཟད་ཀྱང་མ་གྲོལ་བ་ནི་མི་#འདོར་བ་དེ་ལ་འདི་བྱས་པ་ཉིད་མ་ཡིན་ནོ། །ཐམས་
[90b.5]ཅད་ཀྱིས་དོར་བ་ལ་བྱས་པ་#ཉིད་ཅེས་བྱ་བའི་དོན་ཏོ། །ལྟུང་བ་ནི་དེ་ལས་ཁྱེར་ན་བརྐུས་པ་ཡིན་ནོ་ཞེས་བྱ་བ་ནི་འབྲས་བུ་རྣམས་ལ་དེས་ལྟུང་བས་ཏེ། སྔོན་དུ་འདེགས་པ་ལ་རང་གི་གནས་ནས་ཕྱུང་བ་ལ་ལྟུང་#བ་དེ་ཉིད་རྐུ་བའོ། །དེར་འོག་ཏུ་སའམ་གོས་ལ་སོགས་པ་གང་ཡིན་པ་དེ་ནི་
[90b.6]མཆོག་གི་བརྩེགས་#མ་ཐོབ་པའི་བདག་ཉིད་ཅན་གྱི་ལྟུང་བ་ནི་འདིར་བརྐུས་པར་རིག་པར་བྱའོ། །འདིར་ཡུལ་དུ་ཐོབ་པར་བྱེད་པའི་བློ་ཡང་དག་པར་གནས་ཏེ་བསྡུས་པའི་བློ་ནི་མ་ཡིན་ནོ། །ཇི་ལྟར་བསྡུས་ཏེ་གཞག་པ་ལ་དེ་བས་ན་འདིར་བརྐུས་པ་ཉིད་དུ་ཤེས་པའོ། །འདིར་མངོན་པར་འདོད་
[90b.7]པས་ཡུལ་གྱི་རྣམ་པར་གཞག་པའོ། །གང་དུ་རྟེན་པ་#ཉིད་ཀྱིས་འགྲོ་བར་བྱ་བ་མ་ཡིན་པའམ། འགྲོ་བར་བྱ་བ་མངོན་པར་འདོད་པ་དེ་འདིར་ཡུལ་ལོ། །འདིར་གཞུང་ནི་བཙུན་པ་དགེ་སློང་གིས་ཤིང་ཐོག་རྣམས་སྤྲུགས་ཏེ་ལྟུང་བར་བྱས་ནས་བརྐུས་ན་ལྟུང་བ་ཅིར་འགྱུར། གལ་ཏེ་སྦྱོར་བ་གཅིག་
[91a]
[91a.1]གིས་མ་ཤ་ཀ་ལྔ་ལ་སོགས་པ་ཚང་ན་མཐར་འགྱུར་རོ། །ཅི་སྟེ་མ་ཚང་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །འཛག་པ་དང་འབྲུལ་བར་བྱེད་པའི་བུ་གུ་ལས་ནི་བྱུང་ནའོ་ཞེས་བྱ་བ་ལ། འཛག་པར་བྱེད་པའི་བུ་གུ་ཞེས་བྱ་བ་ནི་དཔེར་ན་ཆུ་ཀླུང་ལ་སོགས་
[91a.2]པའོ། །ལག་པས་བྱས་པ་དང་རྐང་པས་བྱས་པ་ནི་དཔེར་ན་གཞིའི་ཆོས་ཅན་རྫོགས་པའི་བང་མཛོད་ལ་སོགས་པ་ལ་བུ་ག་ནི་དེ་བསལ་བ་མ་ཡིན་པ་ལ་ངེས་པར་བྱུང་ནའོ། །དེ་བས་ན་ཆུ་ཀླུང་དང་བང་མཛོད་ལ་སོགས་པ་ལ་རྐུ་བའོ། །འདིར་ཐ་མ་དེ་ཚུན་ཆད་རྫས་གཅིག་པ་ཉིད་ཡིན་ནོ་
[91a.3]ཞེས་བྱ་བ་ལ། འདི་ལ་ནི་བྱུང་བ་ཐ་མ་ལས་ཇི་སྲིད་དུ་བུ་ག་ལ་#རྫས་ཐམས་ཅད་གཅིག་པ་ཉིད་དེ། དེ་ཐམས་ཅད་ཀྱི་རིན་ཐང་གིས་ལྟུང་བ་ལ་#རྣམ་པར་གཞག་པ་ཞེས་བྱ་བའི་དོན་ཏོ། །གང་ལ་ལོ་ཐོག་བསྐྱེད་པ་ལ་སོགས་པའི་དགོས་པ་ལ་རྩེ་གཅིག་པ་ཉིད་མ་བརྟེན་པར་ཆུ་རྐུ་བ་ལ་
[91a.4]སོགས་པ་དེའི་དོན་དུ་ཆུ་འདི་བརྗོད་པར་རིག་པར་བྱའོ། །འདིར་གཞུང་ནི་བཙུན་པ་དགེ་སློང་གིས་#འབབ་ཆུ་བཅད་ནས་རྐུ་ན་ལྟུང་བ་ཅིར་འགྱུར། ཆུའི་ཕུང་པོ་དང་པོ་ནས་བཟུང་སྟེ། ཇི་སྲིད་ཐ་མའི་བར་གྱི་ཆུའི་རིན་ཐང་བརྩི་བར་བྱ་སྟེ། དངོས་པོ་ཚང་ན་ནི་མཐའི་ལྟུང་བར་འགྱུར་རོ། །དངོས་
[91a.5]པོ་མ་ཚང་ན་ནི་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་བང་བ་བརྟོལ་ཏེ། འབྲུ་རྐུ་ན་ལྟུང་བ་ཅིར་འགྱུར། སྦྱོར་བ་གཅིག་གིས་རྐུ་བ་ཉིད་ཚུན་ཆད་ཀྱི་རིན་ཐང་བརྩི་བར་བྱའོ་ཞེས་གསུངས་པ་ཡིན་ནོ། །འདིར་འབུགས་པ་ཉིད་སྦྱོར་བ་སྟེ། གཞན་མེད་པའི་ཕྱིར་དེས་བུག་པ་
[91a.6]བྱས་ལ་ཇི་སྲིད་རང་ཉིད་འབྱུང་བ་དེ་སྲིད་དེར་#སྦྱོར་བ་གཅིག་བྱས་པ་བརྗོད་པར་རྣམ་པར་གནས་སོ། །ཕུང་པོ་ལས་རྐུ་ན་ནི་ལེན་རེ་རེ་#ཞིང་བླངས་པ་ཐ་དད་དོ་ཞེས་བྱ་བ་ནི་བླངས་པ་རེ་རེ་ཕུང་པོ་ལ་རྐུ་ན་ཐ་དད་པའོ། །བསྡུས་པ་ལས་སེལ་བ་འདི་འདིར་བསྡུས་པ་ལས་#ལ་ཡང་དག་པར་གནས་པ་ཡོད་པ་
[91a.7]མ་ཡིན་ནོ། །བཏུས་པ་བཞིན་དུ་ནི་འདིར་རྣམ་པར་གཞག་པ་མ་ཡིན་ནོ། །འདིར་གཞུང་ནི་བཙུན་པ་དགེ་སློང་གིས་འབྲུའི་ཕུང་པོ་ལས་བཅད་དེ་འབྲུ་རྐུན་ལྟུང་བ་ཅིར་འགྱུར། རིན་ཐང་བརྩི་བར་བྱ་སྟེ། གལ་ཏེ་སྦྱོར་བ་གཅིག་གིས་དངོས་པོ་ཚང་ན་ནི་མཐའི་ལྟུང་བར་འགྱུར་རོ། །གལ་ཏེ་མ་ཚང་
[91b]
[91b.1]ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །དབྲལ་བར་བྱ་བ་དུ་མ་ཉིད་ཡིན་ན་དེའི་ཆ་སོ་སོའི་#ཞེས་བྱ་བ་ནི་#བརྐུས་པ་ཐ་དད་དོ་ཞེས་སྦྱར་རོ། །དེ་རྣམས་ནི་སྦྱར་བ་དང་རྣམ་པར་དབྲལ་བར་བྱ་སྟེ། གང་རྣམས་ཀྱི་རྫས་རྐུ་བ་དེ་རྣམས་དུ་མ་ཉིད་ལ་རེ་རེའི་ཆ་གང་ཡིན་པ་རེ་རེའོ། །དེའི་དོན་དུ་རྐུ་
[91b.2]བ་ཐ་དད་པའོ། །བརྐུ་བར་བྱ་བའི་རྫས་ཀྱི་བདག་པོ་གཅིག་ལ་དེའི་ཆ་གང་ཡིན་པ་དེའི་རིན་ཐང་གང་གིས་ལྟུང་བ་གཅིག་གོ། །གཉིས་པ་ལ་གང་ཞིག་དེའི་རིན་ཐང་གིས་གཞན་ནོ། །གསུམ་པ་ལ་གང་ཞིག་དེའི་རིན་ཐང་གིས་གཞན་ནོ། །དེ་ལྟར་ན་དེ་བཞིན་དུ་བཞི་པ་ལ་སོགས་པ་རྣམས་ལ་
[91b.3]ཞེས་བྱ་བའི་དོན་ཏོ། །སྦྱར་བ་དང་དབྲལ་བར་བྱ་བ་སོ་སོ་ལ་འདི་ལ་རིན་ཐང་ཚང་བ་ནི་གང་གི་ངོ་བོ་གཞན་དང་གཞན་ཞེས་བྱ་བ་འདི་འདིའི་ཤེས་པའོ། །རྐུན་པོ་རྣམས་ཀྱང་ངོ་ཞེས་བྱ་བ་ལ་ཡང་དུ་མ་ཉིད་ཡིན་ན་སོ་སོའི་སྐལ་བའི་ཆས་རྐུས་པ་ཐ་དད་དོ་ཞེས་སྦྱར་རོ། །དེར་རྐུ་བ་པོ་གཅིག་
[91b.4]ལ་ཆ་ཇི་ཙམ་པ་དེ་ཙམ་གྱི་རིན་ཐང་གིས་དེ་ལ་ལྟུང་བའོ། །གཉིས་པ་ལ་ཇི་ཙམ་པ་དེ་ཙམ་པ་#དེ་ལ་ལྟུང་བའོ། །དེ་བཞིན་དུ་གསུམ་པ་ལ་སོགས་པ་རྣམས་ལ་ཞེས་བྱ་བའི་དོན་ཏོ། །སྦྱར་བར་བྱ་བ་དང་འབྲལ་བ་ཉིད་ལ་དུ་མ་ཡིན་ན་རྐུ་བ་པོ་རྣམས་ལ་ཡང་དུ་མ་ཉིད་ལ་བསྒྲུབ་པ་གཅིག་གོ། །
[91b.5]སྦྱར་བར་བྱ་བ་དང་དབྲལ་བ་#གཅིག་ལ་ཆ་ཇི་ཙམ་པ་དེའི་རིན་ཐང་གིས་དེ་ལ་ལྟུང་བ་གཅིག་གོ། །སྦྱར་བར་བྱ་བ་དང་དབྲལ་བར་བྱ་བའི་གཉིས་པའི་ཆ་གང་ཡིན་པ་དེའི་རིན་ཐང་#གཉིས་པ་ཞེས་བྱ་བ་ལ་སོགས་པ་རྟོགས་པར་བྱའོ། །མདོ་འདི་དག་གི་གཞུང་ནི་ཇི་སྐད་དུ་བཅོམ་ལྡན་འདས་ཀྱིས་
[91b.6]དགེ་སློང་གིས་མ་ཤ་ཀ་ལྔ་ལ་སོགས་པ་བརྐུས་ན་ལྟུང་བ་མཐར་འགྱུར་རོ་ཞེས་གསུངས་པ་ལ། དགེ་སློང་ཤིན་ཏུ་མང་པོ་དག་གིས་བརྐུས་ན་མཐར་མི་འགྱུར་བ་མཆིས་སམ། ཡོད་དེ། སྐྱེ་བོ་མང་པོ་ལ་བརྐུས་ན་ཉེས་པ་སྦོམ་པོར་འགྱུར་རོ། །དེ་བཞིན་དུ་སྐྱེ་བོ་མང་པོ་རྣམས་དང་ལྷན་ཅིག་ཏུ་རྐུ་
[91b.7]ན་ཡང་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །འདིར་སྐྱེ་བོ་མང་པོ་ཞེས་བྱ་བའི་ཚད་ནི་གཅིག་གི་#ཆས་དངོས་པོ་ཚང་བར་མི་འགྱུར་བ་དེ་སྙེད་དུ་སྐྱེ་བོ་མང་པོ་དེ་ལ་#དགོངས་ནས་ཉེས་པ་སྦོམ་པོའི་ཚིག་འདི་རྣམ་པར་གནས་པ་ཡིན་ནོ། །འདི་ལ་བློ་གྲོས་དུ་མ་ཉིད་ཡིན་ན་ཐོབ་ན་བརྐུས་པ་
[92a]
[92a.1]ཡིན་ནོ་ཞེས་བྱ་བ་ནི་འདི་ལ་རྐུན་པོ་རྣམས་དུ་མ་ཡིན་ན་#རྫས་གང་ལ་མ་སྐྱེས་པ་ལ་བློ་གྲོས་གཅིག་པ་ནི་བཏུས་ནས་བྱེད་པ་ཉིད་དོ། །བློ་གྲོས་ཐ་དད་པ་འབྱུང་ཞིང་རྐུན་པོ་མང་པོ་རྣམས་རྣམ་པར་བསྒྲུབ་པ་ཡིན་ཏེ། དེར་རྫས་དེ་ལ་ཐོབ་པ་ནི་བརྐུས་པ་སྟེ་སྤོས་པ་ནི་མ་ཡིན་ནོ། །
[92a.2]གང་གི་ཚེ་འབྲེལ་བ་དང་བཅས་པ་ཉིད་ཀྱིས་#ཐོབ་པའི་སྔ་རོལ་དུ་བདག་གིར་བྱེད་པ་ལ་འདིར་མི་སྐྱེད་#པ་ཉིད་དོ། །འདིར་གཞུང་ནི་#བཙུན་པ་མུན་ཁྲོད་དུ་ཆོས་གོས་གཞག་པ་ལ་དགེ་སློང་བཞིས་རྐུ་ན་ལྟུང་བ་ཅིར་འགྱུར། བཀའ་སྩལ་པ། ཉེས་པ་སྦོམ་པོར་རོ། །ལན་འགའ་མཐར་འགྱུར་ཏེ།
[92a.3]གང་གི་ཚེ་ཆ་བཞིར་བྱས་པ་དེའི་ཆ་རེ་རེས་ཀྱང་དངོས་པོ་ཚང་ན་མཐའི་ལྟུང་བར་འགྱུར་རོ། །མ་ཚང་ན་ཉེས་པ་སྦོམ་པོར་རོ་ཞེས་གསུངས་པ་ཡིན་ནོ། །དེ་ལྟར་དངོས་པོ་དང་བདག་པོ་དང་རྗེས་སུ་བསྒྲུབ་པ་དང་། མཐར་ཐུག་པའི་སྐབས་དེ་རྣམས་ཀྱིས་མ་བྱིན་པར་ལེན་པའི་སྐབས་དག་གི་ཆོ་ག་རྣམ་
[92a.4]པར་རིག་པར་བྱའོ། །ཕམ་པར་འགྱུར་བ་གཉིས་པའི་ཞུ་བའི་སྐབས་སོ།། །།བླང་བའི་སྔ་རོལ་དུ་ཤི་བ་ཉིད་དུ་གྱུར་ན་གཞག་པ་ཉིད་དོ་ཞེས་བྱ་བ་བློང་#བར་བྱེད་པ་དེའི་བླང་བ་སྟེ་བཟུང་བའོ། །རྣམ་པར་འབྱེད་པའི་དུས་ལ་སྔར་ཆ་བཟུང་བས་གལ་ཏེ་རབ་ཏུ་བྱུང་བ་ཤི་བ་ཉིད་དུ་གྱུར་ན་གང་
[92a.5]ལས་ཆ་སྟེ་#བླངས་པ་དེ་ཉིད་ལ་འདིའི་གཞག་པ་ཉིད་དེ། དེ་ཤི་བའི་ཡོ་བྱད་ཉིད་ནི་མ་ཡིན་ནོ། །བཟློག་པ་ན་ཤི་བའི་ཡོ་བྱད་ཉིད་དོ་ཞེས་བྱ་བ་ནི་ཅི་སྟེ་ཤི་བ་ལས་སྔ་རོལ་དུ་རྫས་བླངས་པར་གྱུར་ན་དེའི་ཚེ་ཤི་བ་དང་འབྲེལ་པ་ཉིད་དོ། །གང་ལས་གཟུང་བ་དེ་ལ་དེར་སོ་སོར་སྦྱིན་པར་བྱ་བ་ཉིད་ནི་མ་
[92a.6]ཡིན་ཏེ། ཤི་བའི་ཡོ་བྱད་ཉིད་ཁོ་ན་འདི་ལ་ཞེས་བྱ་བའི་དོན་ཏོ། །དགེ་འདུན་ནི་ཕོ་ནུ་དང་འདྲ་བས་དེའི་ཆེད་དུ་རྐུ་བ་ནི་བདག་གིར་མི་བྱེད་པ་མ་ཡིན་ནོ་ཞེས་བྱ་བ་ལ། དཔེར་ན་ཕོ་ནུ་རྣམས་ནོར་གཅིག་པ་རྣམས་ལ་སོ་སོར་ཐམས་ཅད་དུ་ནོར་མ་བགོས་པས་བདག་གིར་བྱ་བའི་བློ་འབྱུང་བ་དེ་བཞིན་
[92a.7]དུ་དགེ་སློང་རྣམས་ཀྱང་དགེ་འདུན་གྱིའོ། །དེ་བས་ན་#དགེ་འདུན་གྱི་དོན་དུ་རྐུ་བ་གང་ཡིན་པ་འདི་ནི་བདག་གིས་བྱ་བ་མིན་པ་#མ་ཡིན་ནོ། །ཕམ་པ་ཉིད་གཅིག་གིས་དགེ་འདུན་གྱི་ཆེད་དུ་མ་ཤ་ཀ་ལྔ་ཙམ་གྱི་དངོས་པོ་#བརྐུས་པ་ལ་སོ་སོར་དགེ་སློང་རྣམས་ཀྱི་སྐལ་བ་ཚད་མ་ཡིན་པས་སྦོམ་པོའི་ལྟུང་
[92b]
[92b.1]བ་མེད་ཅེས་བྱ་བ་འདི་རྣམ་པར་གནས་པ་ཡིན་ནོ། །འདིར་གཞུང་ནི་དགེ་སློང་གཉུག་མར་གནས་པ་དགེ་འདུན་གྱི་ཞིང་རྨེད་དུ་འཇུག་པ་དེས་ཉེན་ཀོར་ན་ཁྱིམ་བདག་གི་ཞིང་འདུག་པ་ཡང་རྨེད་དུ་བཅུག་པ་དང་ཁྱིམ་བདག་འོངས་ཏེ་སྨྲས་པ། བཙུན་པ་ཅིའི་ཕྱིར་བདག་གི་ཞིང་རྨེད་དུ་བཅུག །སྨྲས་པ། འདི་ཁྱོད་ཀྱི་མ་ཡིན་གྱི་དགེ་འདུན་གྱི་ཞིང་ཡིན་
[92b.2]ནོ། །སྨྲས་པ། བཙུན་པ་ཁོ་བོས་མི་མ་ཡིན་པའི་ཆེ་བཞི་#བསྟན་པར་བྱའོ། །ཁྱིམ་བདག་དེ་རྣམས་ལ་ཡུལ་ཆོས་རྙིང་པས་མཚམས་སུ་ཕུར་པ་བཏབ་པ་དེ་བསྐོས་#ནས་བསྟན་པ་དང་། དགེ་སློང་གིས་བརྐུས་པ་དང་ཕྲོགས་པ་ན་དེས་ཁྱིམ་བདག་དེ་སོང་བ་དང་ཕུར་པ་དེ་ནང་དུ་བསྣུར་ནས་ཞིང་དེ་རྨོས་པ་དང་
[92b.3]ཁྱིམ་བདག་ཡང་འོངས་ཏེ་སྨྲས་པ། བཙུན་པ་ཁྱོད་ནི་ཁར་#ཚང་ཕམ་པར་བྱས་ཏེ་ད་དུང་ཡང་ཅིའི་ཕྱིར་རྨེད་པར་བྱེད་དེ་འགྱོད་པ་སྐྱེས་ནས་བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དངོས་པོ་ཚང་ན་ཕམ་པའི་ལྟུང་བར་འགྱུར་རོ་ཞེས་གསུངས་པ་ཡིན་ནོ། །འདིར་གལ་ཏེ་དངོས་པོ་
[92b.4]ཚང་ན་ཞེས་བྱ་བའི་ཚིག་གིས་འདི་ལ་དེར་སྐལ་བ་གང་ཡིན་པ་དེ་ལས་ལྟུང་བ་འདིར་#བསྐྱེད་པར་མངོན་པར་འདོད་པ་ཞེས་བྱ་བ་ཤེས་པར་བྱ་བ་ཡང་མ་ཡིན་ཏེ། མ་ཤ་ཀ་ལྔ་ཉིད་ཀྱི་ཕྱིར་སྦྱིན་པར་གྱུར་པའི་ཞིང་ལ་མི་རིགས་པའི་ཕྱིར་ཞེས་བྱའོ། །ཏིལ་ཙམ་ལ་སོགས་པ་ལ་རིགས་#པའི་ཕྱིར་དང་།
[92b.5]ཚད་མེད་པ་ཉིད་ཀྱིས་ཀྱང་དགེ་སློང་རྣམས་ལ་ཡོངས་སུ་རྫོགས་པ་ཉིད་མི་རིགས་པ་ཉིད་ཀྱི་ཕྱིར་དངོས་གཞིའི་ཆོ་ག་ལ་རྣམ་པར་མི་འབྱེད་པ་ཉིད་#ཀྱི་ཕྱིར་སྐལ་བ་རྣམ་པར་བཅད་པས་གནས་པ་མི་རིགས་པའི་ཕྱིར་རོ། །བདག་པོ་ཐ་དད་པ་མ་ཡིན་པ་ནི་རང་གི་དང་འདྲའོ་#ཞེས་བྱ་བ་ནི་གང་དང་འབྲེལ་
[92b.6]བའི་རྫས་དེ་ཉིད་ལ་རྐུ་བ་གང་ཡིན་པ་དཔེར་ན་དགེ་འདུན་གྱི་ཡོ་བྱད་ལ་གནས་ནས་དགེ་འདུན་གྱི་དོན་ཉིད་དུ་སྤོ་བར་བྱེད་ཅིང་ཇི་ལྟར་རང་གི་དོན་འདི་ལྟ་བུ་འདི་རིག་པར་བྱའོ། །དཔེར་ན་རང་གི་རྫས་རྐུ་སེམས་ཀྱིས་བླངས་ན་སྦོམ་པོར་འགྱུར་བ་དེ་བཞིན་དུ་འདིར་ཡང་དེ་བཞིན་ནོ་ཞེས་བྱ་བའི་དོན་ཏོ། །
[92b.7]འདིར་གཞུང་ནི་དགེ་སློང་གཉུག་མར་གནས་པས་ཕྱོགས་བཞིའི་དགེ་འདུན་གྱི་ཡོ་བྱད་རྐུ་སེམས་ཀྱིས་གནས་ནས་གནས་གཞན་དུ་སྤོས་པ་དང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ལྟུང་བ་ཕམ་པར་ནི་མི་འགྱུར་རོ། །ཉེས་པ་སྦོམ་པོར་#འགྱུར་རོ་ཞེས་གསུངས་
[93a]
[93a.1]པ་ཡིན་ནོ། །བདག་པོ་ཐ་དད་པ་ཉིད་ལ་སྡེ་པ་ཐ་དད་པ་ལ་སོགས་པ་གནས་དག་ལ་གལ་ཏེ་འདི་ལ་གང་དུ་འཕོ་བ་ཡོད་ན་དེའི་བདག་པོ་རྣམས་ལ་ཁོངས་སུ་བསྡུས་པ་ཉིད་དོ། །ཚང་བ་ལ་#ཕམ་པ་སྟེ། གལ་ཏེ་མ་ཡིན་ན་སྦོམ་པོ་སྟེ། གཞན་དོན་ཉིད་ཀྱི་ཕྱིར་
[93a.2]ཞེས་བྱ་བ་རྣམ་པར་གནས་སོ། །དེ་བས་ན་བདག་པོ་ཐ་མི་དད་པ་ལ་འདི་རྣམ་པར་ཤེས་པའོ། །འགོད་པ་གཙོ་བོ་ཉིད་རྐུ་བ་ལ་ཐམས་ཅད་ལ་སྦྱོར་བའི་ཕྱིར་འཇུག་པ་ལ་ཕུ་ནུ་འམ་གཞན་ལ་སྐལ་བ་ལ་གཙོ་བོ་ཉིད་དོ། །དེ་བས་ན་ཆོ་ག་གཉིས་པོ་འདི་དག་ལ་ཡང་འགོད་པའི་#དོན་ལ་རང་གི་སྐལ་
[93a.3]བ་ཉིད་རྣམ་པར་གཞག་པ་ཞེས་བྱ་བར་རིག་པར་བྱའོ། །ཕྱིར་ལྡོག་གམ་མི་བླང་བར་ངེས་པ་ན་ལྷག་མ་རྣམས་ཀྱིས་#བརྐུས་པ་ནི་དེའི་ཡན་ལག་མ་ཡིན་ནོ་ཞེས་བྱ་བ་ནི་ཚོགས་ནས་རྐུ་བའི་དོན་དུ་སོང་བ་རྣམས་ལ་གང་ཞིག་ལ་ཚོམས་དེ་ལས་ཕྱིར་ལོག་པ་ནི་སོ་སོར་ཐོབ་པ་གཞན་དང་ཕྱིར་ལོག་
[93a.4]པའོ། །བདག་འདི་རྣམས་དང་ལྷན་ཅིག་ཏུ་སོང་ཡང་མ་བྱིན་པར་ལེན་པར་མི་བྱེད་ཅེས་#བྱ་བ་འདི་ལྟར་མི་ལེན་པའི་ངེས་པའོ། །དེར་རྐུན་པོ་ལྷག་མ་རྣམས་ཀྱིས་བརྐུས་པ་ནི་དེ་ལ་རྐུ་བ་དེའི་ཡན་ལག་ཉིད་མ་ཡིན་ཏེ། རྐུན་པོ་རྣམས་དང་ལྷན་ཅིག་ཏུ་བྱ་བ་གཅིག་པ་ཉིད་མེད་པའི་ཕྱིར་རོ། །
[93a.5]འདིར་ཚོགས་ཏེ་འགྲོ་བ་ན་སྦྱོར་བའི་སྦྱོར་བ་ཞེས་བྱ་བའི་ཉེས་བྱས་ཏེ། བླང་བའི་སྔ་རོལ་དུ་ཞེས་བྱ་བ་འདི་ལས་རྟོགས་པར་བྱའོ། །ཆ་བདག་གིར་བྱ་བར་འདོད་པ་ནི་མི་བླང་བའི་བསམ་པ་མ་ཡིན་ནོ་ཞེས་བྱ་བ་ནི་མི་བླང་བའི་བསམ་པ་ཅན་ལ་མ་བྱིན་པར་ནི་མི་བླང་ངོ་། །བགོ་སྐལ་གྱི་ཆ་ནི་
[93a.6]བདག་གིར་བྱའོ་ཞེས་བྱ་བ་དེ་ལྟ་བུའི་ངོ་བོ་རྐུན་པོ་རྣམས་དང་འགྲོགས་པའི་དོན་དུ་སོང་བ་ལ་སྐལ་བ་ལེན་པར་འདོད་པ་གང་ཡིན་པ་དེ་ནི་མི་བླང་བའི་བསམ་པ་མ་ཡིན་ནོ། །འདིར་བསྙེན་པ་ལ་སྐལ་བ་དང་ལྡན་པ་ཉིད་ནི་འདིའོ། །དེ་བས་ན་འདི་ལ་བླང་བའི་བསམ་པ་ཁོ་ན་ཡིན་ནོ། །འདི་ལྟ་བུར་
[93a.7]གྱུར་པའི་འདོད་པ་ཡོད་པ་ལྷག་མ་རྣམས་ཀྱིས་བརྐུས་པ་ལ་བརྐུས་པའི་ཆ་དང་ལྡན་པ་ཉིད་དོ། །དེར་གཏོགས་པའི་ལས་རྗེས་སུ་སྒྲུབ་#པ་ནི་དེའི་མ་ཡིན་པ་མ་ཡིན་ནོ་ཞེས་བྱ་བ་ནི་རྐུན་པོའི་བྱ་བ་དེར་གཏོགས་པའི་ལམ་བསྲུངས་པ་#ལ་སོགས་པ་དག་རྗེས་སུ་སྒྲུབ་#པ་ནི་རྐུ་བ་དེའི་རྗེས་སུ་སྒྲུབ་པ་#
[93b]
[93b.1]མ་ཡིན་པ་མ་ཡིན་ནོ། །སྐལ་བ་ཉིད་ཀྱི་ཕྱིར་ཡང་འདི་ལ་ལྟུང་བ་གྲུབ་པའོ། །བྱ་བའི་རང་གི་ངོ་བོ་ཡང་བསལ་བར་འགྱུར་བ་ཞེས་བྱ་བ་འདིའི་ཚིག་གོ། །ལྷན་ཅིག་གནས་པ་ཉིད་དང་ཉེ་གནས་ཉིད་ཀྱང་བརྐུས་པར་མི་འགྱུར་བའི་རྒྱུ་མ་ཡིན་ནོ་ཞེས་བྱ་བ་ནི་རྣམ་པ་འདི་དག་གིས་རང་ཉིད་མ་
[93b.2]ཡིན་པ་གཞན་དག་གིས་བླངས་པ་དག་དང་ལྷན་ཅིག་གནས་པ་ཉིད་དང་ཉེ་གནས་ཉིད་དག་རང་གིས་བརྐུས་པ་ཡང་བརྐུས་པའི་ཉེས་པར་མི་འགྱུར་བའི་རྒྱུ་མ་ཡིན་ཏེ། འདིར་བརྐུས་པ་ཁོ་ནར་འགྱུར་རོ། །བླངས་པ་ཉིད་ནི་འདི་དག་གིས་དབང་དུ་བྱས་པ་ཉིད་ཀྱི་ཕྱིར་རོ་ཞེས་བྱ་བ་རྟོགས་པར་བྱའོ། །
[93b.3]ཡོངས་སུ་བསྐོར་བ་ལ་#མཚམས་ཉིད་གཙོ་བོའོ། །མཚམས་གནས་པ་སྤོས་པ་ཡང་འདིས་མ་བསྡུས་པ་མ་ཡིན་ནོ་ཞེས་བྱ་བ་ནི་མཚམས་དང་འབྲེལ་པའོ། །འདིར་ཡོངས་སུ་བསྐོར་བ་ཞེས་སྨོས་པ་མཚམས་གཙོ་བོར་རིག་པར་བྱའོ། །ཡོངས་སུ་བསྐོར་བ་ཉིད་ལ་ནི་མི་བྱའོ། །དེ་བས་ན་
[93b.4]མི་མཐུན་པ་དང་ལྷན་ཅིག་གནས་པས་ཕུར་པས་བརྐོ་#བ་ལ་སོགས་པ་གང་ཡིན་པ་མཚམས་དེའི་སྤོས་པ་ཡང་འདིས་མ་བསྡུས་པ་མ་ཡིན་ནོ། །འདི་ཡང་འདིར་རྐུ་བ་ཉིད་ཀྱིས་བརྗོད་པ་རྟོགས་པར་བྱ་ཞེས་བྱ་བའི་དོན་ཏོ། །མངོན་སུམ་དུ་བླངས་པ་ཡང་མི་སྣང་བ་ཉིད་ན་བརྐུས་པ་ཡིན་ནོ་ཞེས་བྱ་བ་ལ་
[93b.5]དབང་པོ་དང་ཉེ་བ་ནི་མངོན་སུམ་མོ། །དེའི་དངོས་པོ་འབུལ་བ་བླངས་པ་ནི་མངོན་སུམ་གྱིས་བླངས་པའོ། །དེར་ཡང་མི་སྣང་བ་ཉིད་ན་བརྐུས་པ་ཡིན་གྱི་ཕྱི་བཞིན་འབྲང་བ་དང་ནང་བྱན་གཉིས་མི་སྣང་བར་གྱུར་པ་འབའ་ཞིག་ཏུ་མ་ཟད་དོ། །དེ་བས་ན་བདག་པོ་གཟུང་བར་བྱེད་པ་ལ་ཡང་ཇི་སྲིད་དུ་
[93b.6]མཐོང་བའི་བར་ལ་བརྐུས་པར་མི་འགྱུར་ཏེ། དེ་ལྟར་ཡང་རྫས་འདི་དང་རྣམ་པར་བྲལ་བར་མི་འགྱུར་ཞེས་བྱ་བར་སྦྱོར་བ་དང་བྲལ་བ་ཉིད་ནི་ཉེས་བྱས་སོ། །དེ་བས་ན་ནན་གྱིས་རྐུ་བ་ཡང་ཆོ་ག་འདི་ཡོད་པར་རིག་པར་བྱའོ། །འདིར་གཞུང་ནི་དགེ་སློང་གིས་བེའུ་རས་འཚོང་བ་བག་མེད་པར་གྱུར་པ་
[93b.7]ལས་བེའུ་རས་བརྐུས་ཏེ། དེས་དེ་ཁྱེར་ཏེ་འགྲོ་བ་ན་བེའུ་རས་འཚོང་བ་དེས་མཐོང་ནས་དེས་དགེ་སློང་དེ་ལ་སྨྲས་པ། བེའུ་རས་མ་འཕྲོག་ཅིག །དགེ་སློང་གིས་སྨྲས་པ། བསྟན་ལ་ཁྱེར་ཏེ་འོང་བར་བྱའོ། །དེས་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕམ་
[94a]
[94a.1]པའི་ལྟུང་བར་ནི་མི་འགྱུར་ཏེ། ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །འདིར་མི་སྣང་བ་ཉིད་ལས་གཞན་དུ་ལྟུང་བའི་ཚིག་ལ་རྒྱུ་མཐོང་བ་ཡིན་ཏེ། སྦྱོར་བ་ཉིད་ཀྱི་ཕྱིར་འདིར་ཉེས་པ་སྦོམ་པོར་བརྗོད་པ་ཞེས་བྱ་བ་འདིར་ནི་ཤེས་པ་ཡིན་ནོ། །མི་མཐུས་#རྐུ་བ་
[94a.2]ནི་དབང་དུ་བྱས་པ་ཉིད་ནའོ་ཞེས་བྱ་བ་ནི་ནན་གྱིས་ལེན་པ་ལ་མི་ལ་བག་ཕེབས་ཤིང་དབང་དུ་བྱས་པ་ཉིད་ན་#བརྐུས་པ་ཡིན་ནོ། །འདིར་མི་ཞེས་སྨོས་པའི་སྒྲ་འདི་ནི་རིགས་ལ་བསྙགས་པ་དེས་ན་སྐྱེས་པ་འབའ་ཞིག་ཏུ་མ་ཟད་དེ་བུད་མེད་ལ་སོགས་པ་ལ་ཡང་ཡོད་པར་རིག་པར་བྱའོ། །གཞན་
[94a.3]དང་ལྷན་ཅིག་ཏུ་གཙུག་ལག་ཁང་ལ་སོགས་པ་ལས་རྐུ་བ་ནས་དབང་དུ་བྱས་པ་ལས་གྲོལ་#བ་གང་ཡིན་པ་དེའི་དོན་དུ་ཡང་འདི་དེ་ལྟར་བླང་བར་བྱས་པ་ལ་གྲོལ་བ་ན་རྐུ་བ་སྐྱེས་#པ་ཞེས་བྱ་བའི་དོན་ཏོ། །དེ་བདག་ཉིད་ནི་མ་ཡིན་ནོ་ཞེས་བྱ་བ་ནི། གཞན་རྣམས་ཀྱིས་#བདག་ཉིད་#དབང་དུ་བྱ་བ་
[94a.4]ལ། སྐབས་གྲོལ་བ་གང་ཡིན་པ་འདི་ནི་རྐུ་བ་མ་ཡིན་ནོ་ཞེས་བྱ་བའི་དོན་ཏོ། །འདིར་གཞུང་ནི་བདག་ཉིད་ལ་བརྐུས་པ་མེད་དོ་ཞེས་གསུངས་པ་ཡིན་ནོ། །གང་བསམས་པ་དེ་དང་འབྲེལ་བས་མ་བསམས་པ་བླངས་པ་བརྐུས་པ་མ་ཡིན་ནོ་ཞེས་བྱ་བ་ནི་དེ་ཞེས་བྱ་བ་དང་སྦྱར་རོ། །འདི་ལྟར་
[94a.5]མ་བསམས་པ་ནི་རྐུ་བ་མ་ཡིན་ནོ་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་གིས་རས་སྦྱར་མ་མ་བྱིན་པར་བླངས་ནས་དེ་བརྐུས་ཏེ་བར་ཕྱེ་བ་དང་དེའི་བར་ནས་དར་རིན་ཐང་ཆེན་པོ་བྱུང་ནས་དེ་འགྱོད་པ་སྐྱེས་#པ་དང་། བཅོམ་ལྡན་འདས་ཀྱིས་བཀའ་སྩལ་པ། རས་སྦྱར་མའི་རིན་ཐང་བརྩི་བར་
[94a.6]བྱའོ་ཞེས་གསུངས་པ་ཡིན་ནོ། །འདིར་དར་རིན་ཐང་ཆེན་པོ་ནི་རྐུ་བར་བསམས་པ་མ་ཡིན་པས་དེ་བས་ན་ལྟུང་བར་མི་འགྱུར། སྦོམ་པོ་ནི་གང་གི་གང་ལེན་པ་དེ་དེའི་རྣམ་པར་གཞག་པ་ལ་གཞན་གྱིར་རྐུ་བའོ་ཞེས་བྱ་བ་ལ། སྦོམ་པོ་ནི་ཞེས་བྱ་བའི་ཚིག་དེ་དང་པོར་སྨོས་པ་ནི་དབང་དུ་བྱས་པ་ཉིད་བསྟན་
[94a.7]པའི་ཕྱིར་རོ། །གང་ཞིག་གང་ལེན་པ་དེའི་དེ་ཞེས་བྱ་བ་འདིའི་རྣམ་པར་གཞག་པ་ལ་བསྡུས་ནས་འཇུག་པ་རྣམས་ལ་གཞན་གྱི་ནོར་རྐུ་བ་ལ་གང་ཞིག་གྲོགས་ཀྱི་ཕྱིར་འགྲོ་བ་སྟེ། བདག་གི་དོན་དུ་ན་མ་བྱིན་པར་ལེན་པར་འདོད་པ་ནི་ཉེས་པ་སྦོམ་པོར་རོ། །དེར་གཞན་གྱི་དོན་ཉིད་དུ་ན་ཡང་དངོས་
[94b]
[94b.1]གཞིའི་རྣམ་པའོ་ཞེས་སྨོས་པ་ནི་མདོ་འདི་སྤྲོས་པའོ། །ཡོངས་སུ་འཛིན་པ་དང་བཅས་པའི་དུར་ཁྲོད་ནས་ལེན་པ་པོ་ཞེས་བྱ་བ་ནི་འདིར་ལེན་པའི་བདག་ཉིད་ཅན་#ཡོངས་སུ་འཛིན་པ་དང་བཅས་པ་ཉིད་ལ་ཕམ་པར་བྱས་པ་ཉིད་དོ། །དེ་བས་ན་མ་བྱུང་བ་དང་འབྱུང་བར་འགྱུར་བ་ཉིད་ཀྱིས་བདག་གིར་བྱ་བ་
[94b.2]ལ་སོགས་པའི་དབང་གིས་གང་ཞིག་རྣམ་པར་གནས་པ་ཉིད་འདིར་ཡོངས་སུ་བཟུང་བ་དང་བཅས་པ་ཉིད་འདི་རིག་པར་བྱའོ། །གང་རྣམས་ཀྱིས་#དུར་ཁྲོད་ཀྱི་དངོས་པོ་དེ་མ་བྱུང་བར་འགྱུར་བ་དེ་རྣམས་དང་དེ་ལ་ཡོངས་སུ་འཛིན་པ་དང་བཅས་པ་ཉིད་དོ། །ཅི་སྟེ་ཤོ་གམ་བཞིན་འདིར་ཕམ་པ་ཡོད་པར་
[94b.3]འགྱུར་རོ་ཞེ་ན། འདི་ནི་ཡོད་པ་མ་ཡིན་ཏེ་སྐྱིན་པོ་བཞིན་དུ་ཤོ་གམ་ལ་སྦྱིན་པ་ཉིད་དོ། །འདི་ལྟར་དུར་ཁྲོད་ཀྱི་རྫས་དེ་དག་ལ་ཕོངས་#པ་ཉིད་ཀྱིས་བླངས་པ་ཉིད་དོ། །བརྩེ་བ་མེད་པ་ཉིད་ཀྱིས་འདིའི་དོན་དུ་བསྲིས་ལ་སོགས་པ་ཉིད་ཀྱི་རྒྱུའོ། །དེ་བས་ན་མ་བྱུང་བ་དང་འབྱུང་བར་མ་གྱུར་པ་ཉིད་ཡོད་
[94b.4]ཀྱང་འདིར་མ་བྱུང་བ་རྣམས་ལ་ལོག་པར་མ་གྱུར་པ་དེའི་དངོས་པོ་ལ་བདག་གིར་བྱ་བའི་བློ་ཡང་དག་པར་གནས་པའོ། །དེ་བས་ན་འདིར་ཕམ་པ་མི་སྐྱེད་པ་ནི་རྐུ་བའི་རྣམ་པ་འདི་ཡོངས་སུ་བཟུང་བ་དང་བཅས་པའི་འདུ་ཤེས་ཀྱིས་བཟུང་བ་#ཞེས་བྱ་བ་འདིར་ནི་ཉེས་པ་སྦོམ་པོར་ཤེས་པའོ། །དངོས་པོ་ཚང་
[94b.5]བ་ནི་སྦོམ་པོ་འདི་རྟོགས་པར་བྱའོ། །རྩ་བའི་ལྡུམ་ཞིང་དང་སྡོང་བུ་དང་ལོ་མ་དང་མེ་ཏོག་དང་འབྲས་བུའི་ཀུན་དགའ་ར་བ་ལ་སོགས་པ་གསང་སྔགས་དག་གིས་སྐེམས་#པར་བྱེད་པའོ་ཞེས་བྱ་བ་ནི་གསང་སྔགས་དག་གིས་ཆུད་གཟོན་པས་ཆུད་གསོན་པ་དེ་བསྟན་པའི་ཕྱིར་མདོ་འདི་བསྟན་པ་ཡིན་ནོ། །ཆས་
[94b.6]ཀྱིས་རྡོ་བས་#རྟ་བཀྲི་བ་དང་ཞོན་ཏེ་འདི་བརྐུ་བར་བྱའོ་སྙམ་ནས་ལུས་འགྱུར་བའོ་ཞེས་བྱ་བ་ནི་ཆས་སྦྱིན་པས་རྟ་ཁྱེར་བ་དེ་ལྟར་རྣམ་པ་དེས་རྟ་འདི་བརྐུ་བར་བྱའོ་སྙམ་དུ་ལུས་འགྱུར་བ་ལ་ཉེས་པ་སྦོམ་པོའོ། །དེ་བཞིན་དུ་ཞོན་ཏེ་རྟ་འདི་བརྐུ་བར་བྱའོ་སྙམས་#ནས་དེ་ལྟར་སེམས་ཤིང་ལུས་གཡོ་བ་ལ་
[94b.7]སོགས་པས་ལུས་འགྱུར་བ་ཡང་སྦོམ་པོར་འགྱུར་རོ། །གྲུ་ཡང་ངོ་ཞེས་བྱ་བ་ནི་གྲུ་འདིར་ཞུགས་ཏེ་འདི་རྐུ་#བར་བྱའོ་སྙམ་དུ་སེམས་ཤིང་ལུས་འགྱུར་བར་བྱེད་ན་ཞེས་བྱ་བ་ནི་སྦོམ་པོར་ཞེས་བྱ་བ་དང་སྦྱར་རོ། །འདི་ལས་འདི་ལྟར་སྙམ་པ་ཡང་ངོ་ཞེས་བྱ་བ་ནི་སྔར་འདི་ཞེས་བྱ་བ་སྨོས་པའི་ཚིག་གི་
[95a]
[95a.1]གནས་སུ་འདིར་རྟ་འདི་ལས་གྲུ་འདི་ལྟར་བརྐུ་བར་བྱའོ་སྙམ་ནས་ལུས་འགྱུར་བ་ཡང་སྦོམ་པོའོ། །འདིར་འདི་ནི་མི་བསལ་བ་མ་ཡིན་ནོ། །འདིར་གཞུང་ནི་དགེ་སློང་གྲུ་རིན་པོ་ཆེས་བཀང་བ་རྒལ་བར་བྱེད་པ་དེས་འདི་ལས་འདི་ལྟར་བརྐུ་བར་བྱའོ་སྙམ་ན་#དེར་ལུས་འགྱུར་བར་བྱས་ནས་
[95a.2]དེས་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕམ་པར་མི་འགྱུར་ཏེ་ཉེས་པོ་#སྦོམ་པོར་འགྱུར་རོ་ཞེས་གསུངས་པ་ཡིན་ནོ། །ཇི་སྟེ་#སྦྱོར་བའི་རྣམ་པ་#འདི་ཡིན་གྱི་སྦྱོར་བ་ནི་མ་ཡིན་ནོ། །དེ་བས་ན་ཉེས་བྱས་ཀྱིས་འདིར་འབྱུང་བར་འགྱུར་རོ། །ངེས་པ་ཐོབ་པ་ལ་འབྱུང་བ་མེད་
[95a.3]པ་མཐོང་བས་གཅིག་ཏུ་སྤྲོ་བ་ཉམས་པ་ལ་རྣམ་པར་འགྱུར་བ་འདི་ཞེས་བྱ་བ་ཤེས་པར་བྱའོ། །དེ་ལྟར་ན་འདི་ལ་སྦྱོར་བ་ཉིད་སྐྱེས་པར་འགྱུར་རོ། །ཕ་མ་དང་ཕུ་ནུ་དང་བུ་སྲིང་དང་མཁན་པོ་དང་སློབ་དཔོན་དང་མཆོད་རྟེན་དང་དགེ་འདུན་ལ་སོགས་པ་ལ་བསྔོས་པ་ཤོ་གམ་གཞལ་དགོས་པ་བཟླས་
[95a.4]པའོ་ཞེས་བྱ་བ་ནི། འདི་ལ་བདག་གི་ཤོ་གམ་གྱི་བྱ་བ་འདི་དག་ཕུལ་བ་ཞེས་བྱ་བའི་བརྣག་པ་བསྐྱེད་ནས་དེ་འདའ་བར་བྱེད་ན་གཞན་དོན་ཉིད་ཀྱི་ཕྱིར་ཉེས་པ་སྦོམ་པོར་ཏེ་#ཕམ་པ་ནི་མ་ཡིན་ནོ། །གཞན་གྱི་དོན་ལ་ནི་དངོས་གཞིའི་རྣམ་པ་ཞེས་བྱ་བ་འདི་སྤྲོས་པ་ཡིན་ནོ། །བརྙས་པ་དང་བསྐྱིས་པ་དག་
[95a.5]མི་སྦྱིན་པར་སེམས་པའོ་ཞེས་བྱ་བ་ལ། བརྣོགས་པ་ནི་འདིར་བརྐུས་པའོ། །དེ་བས་ན་དེས་སྦྱིན་པར་མི་འགྱུར་བ་ཞེས་བྱ་བ་མི་སྦྱིན་པའི་ཀུན་ཏུ་རྟོག་པ་ལ་སྦྱོར་བ་ཉིད་རིགས་པ་ཡིན་ཏེ། སྣོན་པ་ལ་ཡང་བརྙས་པ་དང་བསྐྱིས་པ་དག་ལ་སྦོམ་པོ་སྟེ། མེ་སྦྱིན་པའི་ཀུན་ཏུ་རྟོག་པ་ཡང་ངོ་ཞེས་བྱ་
[95a.6]བ་ནི་འདིར་རྣམ་པར་གཞག་པར་བྱའོ། །གཞན་གྱི་དོན་དུ་བྱིན་པ་འགོད་པ་ཡང་ངོ་ཞེས་བྱ་བ་ནི་ཡོན་བདག་གིས་དགེ་འདུན་ལ་མཆོད་རྟེན་ལ་སོགས་པའི་དོན་དུ་རྫས་དགེ་སློང་གི་#ལག་ཏུ་བྱིན་པ་དེ་རྣམས་ཀྱིས་འགོད་པ་ལ་སྦོམ་པོ་སྟེ། འདིར་དོན་མི་ཤེས་པ་ཉིད་དགེ་འདུན་གྱི་བདག་ཉིད་ཀྱི་
[95a.7]བདག་པོ་ལ་རྒྱུ་ཡིན་ཏེ། གང་གི་ཕྱིར་ཕམ་པ་དང་འདྲ་བའི་སྦོམ་པོའོ། །གང་གི་ཕྱིར་དགེ་སློང་ནད་པས་དགེ་འདུན་ལ་རྫས་ཕུལ་བ་དགེ་འདུན་གྱི་#འདི་ཤེས་པ་མ་ཡིན་ནོ། །དགེ་འདུན་ལས་ཀྱང་ཉེ་གནས་དེ་དག་གིས་#བརྐུ་བ་འདི་བྱས་པ་སྟེ་སྦྱིན་པ་པོ་ལ་ནི་མ་ཡིན་ནོ། །དེ་བས་ན་བརྐུས་པ་ལ་
[95b]
[95b.1]ཕམ་པ་བསྐྱེད་པའོ། །ཡོངས་སུ་མ་བཟུང་བ་ཡོངས་སུ་བཟུང་བར་འདུ་ཤེས་པའོ་ཞེས་བྱ་བ་ནི་དངོས་པོ་གང་སུས་ཀྱང་ཡོངས་སུ་མ་བཟུང་བ་ལ་འདི་ཡོངས་སུ་བཟུང་ངོ་སྙམ་པའི་འདུ་ཤེས་ཅན་གྱིས་བླངས་པ་ལ་ཉེས་པ་སྦོམ་པོར་འགྱུར་རོ། །ཟན་དྲོན་དང་འབྲས་ཆང་#དང་ཕྱེ་དང་ཉ་ཤ་དང་ཁུར་བ་ལ་
[95b.2]སོགས་པའི་བསོད་སྙོམ་པ་#གཞི་མེད་པ་ནོད་པའོ་ཞེས་བྱ་བ་ནི་གཞི་མེད་པ་ཞེས་བྱ་བ་མི་དབང་བའོ། །ཟན་དྲོན་ལ་སོགས་པའི་བསོད་སྙོམས་ཐོབ་ཅིང་བཟུང་བ་ལ་སྦོམ་པོའོ། །འདིར་གཞུང་ནི་དགེ་སློང་གིས་བསོད་སྙོམས་འབྲས་ཆན་གཞི་མེད་པ་བླངས་ནས་དེ་འགྱོད་པ་སྐྱེས་པ་དང་། བཅོམ་ལྡན་
[95b.3]འདས་ཀྱིས་བཀའ་སྩལ་པ། ཕམ་པར་མི་འགྱུར་ཏེ་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །བསོད་སྙོམས་ལ་འབྲས་ཆན་ལ་ཇི་ལྟ་བ་བཞིན་དུ་བསོད་སྙོམས་ཕྱི་བ་#སོགས་པ་ཇི་ལྟ་བ་མ་ཡིན་པ་ན་ན་ཀར་གྱུར་པའི་ནོར་ལེན་པ་ལ་མངོན་པར་ཞེན་པ་དེ་ལྟ་བུའི་ཁ་ཟས་ལ་ཞེས་བྱ་བ་འདི་འདིར་
[95b.4]དམ་པ་མ་ཡིན་པ་ཉིད་ཀྱི་ཕྱིར་འདི་ལ་སྦོམ་པོའི་ལྟུང་བ་རྣམ་པར་ཤེས་ཏེ། ཕམ་པ་ནི་མ་ཡིན་ནོ་ཞེས་བྱ་བ་མཐོང་བ་ཡིན་ནོ། །མ་ཆོག་པ་ཉིད་ཀྱི་ཕྱིར་རིན་ཐང་བརྩི་བར་བྱེད་པ་མ་ཡིན་ནོ་ཞེས་བྱ་བ་ལ་སོགས་པ་མ་གསུངས་པའི་ཕྱིར་གཞན་#གྱིས་ཀྱང་མ་ཡིན་ནོ། །མ་གསུངས་པ་ཉིད་ཀྱིས་མ་བླངས་
[95b.5]པ་གཞན་གྱི་དོན་དུ་རྐུ་བ་མི་བསྐྱེད་པས་མ་ཐོབ་ཅིང་འདི་བཟུང་བ་ལ་གང་ཞིག་གཞི་མེད་པ་ཐོབ་པ་ནི་འདིར་རྐུ་བའོ། །གཞན་གྱིས་བླངས་པར་མི་ཤེས་པ་ནི་གཞི་མེད་པ་ཉིད་མ་ཡིན་ནོ་ཞེས་བྱ་བ་ནི་རང་གི་དོན་ནམ་གཞན་གྱི་དོན་ལ་བསོད་སྙོམས་སམ་རྙེད་པ་གཞན་གྱིས་དེའི་དོན་དུ་བླངས་པ་ཉིད་ཡོད་པ་
[95b.6]ལ་གལ་ཏེ་མི་ཤེས་ན་གཞན་གྱིས་#བཟུང་བ་ཉིད་སླར་རྙེད་པར་གྱུར་པ་ལེན་ན་དེར་གཞི་མེད་པར་ཤེས་པར་བྱ་བ་མ་ཡིན་ཞེས་བྱ་བའི་དོན་ཏོ། །མ་བཅོལ་བས་མ་ཡིན་ནོ་ཞེས་བྱ་བ་ནི་གང་ཞིག་ལེན་པ་དེའི་དོན་གྱིས་འདིར་བཅོལ་བར་མ་གྱུར་པ་དེས་འདི་ལ་གལ་ཏེ་ཅུང་ཟད་ཐོབ་ཅིང་བཟུང་བ་ཡིན་ན་#
[95b.7]དེ་ལ་དེར་གཞི་མེད་པ་མ་ཡིན་ནོ། །ལེན་པ་ཉིད་དེ་ལ་མི་འགྱུར་ན་ཅིའི་ཕྱིར་འདི་ལ་གཞི་མེད་པ་ཉིད་འབྱུང་བར་འགྱུར་ཞེས་བྱ་བའི་དོན་ཏོ། །མགྲོན་དུ་མ་བོས་པར་ཟན་ཟ་ན་ཉེས་བྱས་སོ་#ཞེས་བྱ་བ་ནི་འདིར་རྙེད་པ་ནི་རྣམ་པ་གཉིས་ཏེ། བརྒྱ་ལ་བདག་པོས་ཤེས་ཏེ་འདི་བདག་གིས་མགྲོན་དུ་ནི་མ་བོས་
[96a]
[96a.1]མོད་ཀྱི་འོན་ཀྱང་སྦྱིན་ནོ་སྙམ་པ་དང་། མི་ཤེས་པས་སྦྱིན་པར་བྱེད་པའོ། །སྔར་གྱི་ལ་མེད་པ་སྟེ། རྐུ་བའི་སྦྱོར་བ་ལ་ཉེས་བྱས་ཉིད་དོ། །ཕྱི་མ་ལ་ནི་ཤིན་ཏུ་དྲང་བ་སྟེ། འདིར་དགའ་བས་བསོད་སྙོམས་བླངས་པ་ལས་མངོན་པར་ཞེན་པའོ། །དེ་ལྟར་ན་ནི་འདིར་འཇིག་རྟེན་པ་
[96a.2]ལ་རྐུ་བའི་བློ་མེད་པ་ཉིད་དེ་དེ་བས་ན་ཉེས་བྱས་སུ་རྣམ་པར་ཤེས་པའོ། །རྐུ་བའི་ཆེད་དུ་འགྲོ་བ་ཡང་ངོ་ཞེས་བྱ་བ་ལ། ཡང་གི་སྒྲས་ནི་ཉེས་བྱས་ཞེས་བྱ་བ་རྗེས་སུ་དྲང་བའི་དོན་དུའོ། །སྔར་བླངས་པ་ལས་ཞེས་བྱ་བ་གང་ཞིག་བརྗོད་པ་དེར་འདི་ཁོངས་སུ་བསྡུ་བ་མ་ཡིན་ཏེ། དེ་བས་ན་མདོ་ཕྱི་
[96a.3]མ་ལ་ཡན་ལག་ཏུ་གཏོགས་པ་མདོ་འདི་རིག་པར་བྱའོ། །དེ་བས་ན་#གྲོས་བྱེད་པ་ཐ་དད་པ་ཉིད་མ་ཡིན་ནོ་ཞེས་བྱ་བ་ནི་འགྲོ་བ་འདི་ལས་གྲོས་བྱེད་པར་གྱུར་པ་ངག་གི་#ལས་སམ་ལུས་ཀྱི་བྱ་བའི་བདག་ཉིད་ཅན་གང་ཡིན་པ་དེ་ལ་མི་འགྲོ་བ་ལས་ཐ་དད་པ་ཉིད་མ་ཡིན་ཏེ། ཉེས་བྱས་འདི་ཉིད་ལ་དེ་
[96a.4]ཁོངས་སུ་གཏོགས་པ་སྟེ། ཉེས་བྱས་གཉིས་པ་ནི་མ་ཡིན་ཞེས་བྱ་བའོ། །ཀུན་དུ་བཟུང་བ་མ་ཡིན་ནམ་ཞེས་ལེགས་པར་སོ་སོར་བརྟག་པར་བྱ་སྟེ་བླང་བར་བྱའོ་ཞེས་བྱ་བ་ནི་འགྱོད་པ་དང་གཞན་གྱི་ཚིག་ལ་གླགས་གཅད་#པའི་དོན་དུ་འདི་བཏགས་#པའོ། །དེ་ལྟར་ལེགས་པར་སོ་སོར་བརྟག་པར་#བྱས་
[96a.5]ནས་བླང་བར་བྱའོ། །ཇི་ལྟར་ཀུན་དུ་བཟུང་བ་མ་ཡིན་པ་འདི་ཞེས་བྱ་བའི་བརྟན་པ་ངེས་པར་འགྱུར་རོ། །ལུས་བསྙལ་བར་མི་བྱའོ་ཞེས་བྱ་བ་ནི་ལུས་སྒྱེལ་ཅིང་བསྙལ་བ་ནི་གྲགས་པ་ལས་དགོས་པའི་དོན་དུའོ། །བརྡུང་བ་དང་བརྡེགས་#པ་ལ་སོགས་པ་གཞན་རྣམ་པར་འཁྲུགས་#པར་གྱུར་པས་འདི་
[96a.6]ལྟ་བུ་བསྙལ་བར་མི་བྱའོ། །འབྲས་བུའི་མདུན་དུ་དགེ་སློང་གིས་བདག་ཉིད་དོར་བ་ལ་སྨྲ་བ་#པ་གང་ཡིན་པའོ། །སླར་དགེ་སློང་གི་ལུས་འགྱུར་བ་རྣམ་པ་དེ་ལྟ་བུ་མི་བྱའོ་ཞེས་གསུངས་པ་གང་ཡིན་པ་དེ་བསྡུས་པ་ཡིན་ནོ། །ཚང་གཞིག་པར་མི་བྱའོ་ཞེས་བྱ་བ་ནི་བྱེའུ་དང་ཕུག་རོན་ལ་སོགས་པའི་
[96a.7]རྟེན་ནི་ཚང་ངོ་། །འདི་ལ་སྐུར་པ་གདབ་པ་ནི་དགེ་སློང་གི་གནས་སུ་སྒོ་ང་མེད་པ་ལ་སོགས་པ་གསལ་བའི་ཆོ་ག་ལ་སོགས་པ་རིག་པར་བྱའོ། །མ་གནས་པ་དེར་ཆོས་གོས་ཀྱི་ཆ་མི་བླང་ངོ་ཞེས་བྱ་བ་ལ། གང་དུ་གནས་པ་ལ་རྙེད་པ་དེ་འབྱུང་བ་དེ་ལས་གཞན་དུ་ལོ་གཅིག་གི་ཆོས་གོས་རྙེད་པ་ལ་
[96b]
[96b.1]ཡང་མི་བླང་ངོ་། །འདིར་གཞུང་ནི་དགེ་སློང་གིས་དབྱར་གཞན་དུ་གནས་ལ། གཞན་དུ་དབྱར་གྱི་སོ་སོར་#ཆ་བླང་བར་མི་བྱའོ་ཞེས་བྱ་བའོ། །སོ་སོའི་ཆ་ནི་སྐལ་བའོ། །འདིར་ལོ་གཅིག་གི་ཚིག་ནི་དཔེ་ཡིན་ནོ། །གཞན་དུ་ཡང་མི་ཐོབ་པ་འདི་བཀག་པའོ། །ཆོམ་རྐུན་པ་ལས་སྦྱིན་བདག་གི་
[96b.2]སེམས་ཀྱིས་#ལེན་པ་ལ་ཉེས་པ་མེད་དོ་ཞེས་བྱ་བ་ནི་ཆོམ་རྐུན་པ་དེའི་དྲུང་ནས་བླངས་པ་#གང་ཡིན་པ་དེ་ལ་འདི་ནི་སྦྱིན་བདག་སྙམ་པའི་#སེམས་ཀྱིས་ལེན་ན་དེ་ལ་ཉེས་པ་མེད་དོ། །ཇི་ལྟར་གཞན་ལས་#བླངས་པ་ལ་ཉེས་པ་མེད་པ་དེ་བཞིན་དུ་འདི་ལའོ། །གང་གི་ཕྱིར་འདིས་བརྐུས་པ་དེ་ཉིད་ཀྱིས་
[96b.3]འདི་འབྲེལ་པའོ། །ནོར་འདི་ལ་འདི་ནི་བདག་པོ་སྟེ་དེ་ཉིད་ཀྱིས་འདི་གནང་བ་ཞེས་བྱ་བ་འདི་ལྟར་ཡོངས་སུ་མ་དག་པའི་སེམས་ཀྱིས་བླངས་པ་ལ་ལྟུང་བ་དང་བཅས་པ་ཉིད་དུ་འགྱུར་རོ། །དེ་བས་ན་སྦྱིན་པ་པོའི་སེམས་ཀྱིས་ཞེས་བྱ་བ་འདི་ནི་བྱེ་བྲག་གོ། །འོང་བ་རྐུ་ཐབས་ཅན་གྱི་ཆོམ་རྐུན་
[96b.4]པར་མ་གྲགས་པ་ལས་བླང་བར་མི་བྱའོ་ཞེས་བྱ་བ་ནི་མ་ཤེས་པ་དང་གློ་བུར་དུ་གྱུར་པ་མ་གྲགས་པ་ལས་བླང་བར་#མི་བྱའོ། །རྐུ་བ་ཡང་དག་པར་སྲིད་པ་ལ་གླགས་གཅད་#པའི་དོན་དུ་འདི་བཏགས་པའོ། །གང་གི་ཕྱིར་རྐུ་བ་དེ་ལ་གང་ཞིག་ཤེས་པ་དེ་ནི་གྲགས་པ་ཞེས་བྱ་བར་རྟོགས་པར་
[96b.5]བྱའོ། །གྲགས་པ་ལས་བླངས་པ་ལ་ཆོམ་རྐུན་པ་ཉིད་ཀྱིས་འདི་བརྐུས་ཏེ་གཞན་གྱི་ནི་མ་ཡིན་ནོ་ཞེས་བྱ་བའི་རྐུ་བ་ཡང་དག་པར་སྲིད་པ་ལ་གླགས་མེད་དོ། །དེ་ལས་བླངས་པ་ནི་མཚོན་གྱིས་བཅད་པ་དང་ཁ་དོག་ངན་པར་བྱ་སྟེ་བཅང་བར་བྱའོ་ཞེས་བྱ་བ་ལ། དེ་ལ་ཞེས་བྱ་བ་ནི་གྲགས་པ་ལས་དེ་ལྟ་བུར་
[96b.6]གྱུར་པ་ཉིད་འཛིན་པ་ལ་སུ་ཞིག་ལ་གློ་བུར་དུ་མ་བཅད་པ་ཡོད་པ་སྲིད་པར་འགྱུར་རོ་ཞེས་བྱ་བ་འདི་བཏགས་པའོ་དེ་ལྟར་བྱས་ཀྱང་སློང་ན་སྦྱིན་ནོ་ཞེས་བྱ་བ་ནི་དེ་ལྟར་བརྐུས་པ་ལ་ཡང་མཚོན་གྱིས་གཅད་#པ་དང་། ཁ་དོག་ངན་པར་བྱས་ཀྱང་སློང་ན་གང་ལས་དེ་བརྐུས་པ་དེས་ཤེས་ཏེ་གལ་ཏེ་སློང་བ་དེ་
[96b.7]ལ་དེར་སྦྱིན་པར་བྱ་བའི་དོན་ཏོ། །གནད་ལ་བསྒྲེ་བར་མི་བྱའོ་ཞེས་བྱ་བ་ལ། གཡོན་པོས་གནོད་པ་ནི་ཡོད་པའོ། །གང་གི་ཚེ་ཚེ་དང་ལྡན་པ་སྤོང་བྱེད་ཀྱིས་བཟོད་པར་བྱ་བའི་ཕྱིར་ཁྱིམ་པ་རྣམས་ཀྱིས་འཕགས་པ་ཀུན་དགའ་བོ་ལ་ཁྱེའུ་དང་བུ་མོ་ངུ་བ་དག་སྡུད་དུ་བཅུག་སྟེ་གནོད་པར་བྱེད་པ་དེའི་
[97a]
[97a.1]ཚེ་ཐམས་ཅད་དུ་སྦྱར་བ་འདི་ཐམས་ཅད་ཀྱིས་#བྱ་བ་ཉེ་བར་བཏགས་པའོ། །མ་བྱིན་#པར་ལེན་པ་ལ་ཡང་འདི་སྦྱར་བ་ཡོད་དེ་རྡོ་རྗེ་ཕ་ལམ་གྱིས་བརྐུས་པ་ལ་གཏོང་བ་དང་སྦྱིན་དུ་འཇུག་པ་ལ་ནོར་ལ་ཁ་ན་མ་ཐོ་བ་ཉིད་དང་བཅས་པ་ཞེས་བྱ་བ་འདི་ལས་རྟོགས་པར་བྱའོ། །གསང་
[97a.2]སྔགས་དག་གིས་གཏོང་བ་ལ་ཉེས་པ་མེད་དོ་ཞེས་བྱ་བ་ནི་རྫུ་འཕྲུལ་དང་འདྲ་བའི་རྣམ་པར་དག་པ་དང་སྐྱོན་མེད་པའི་སེམས་ཀྱིས་#རྐུ་བའི་རྣམ་པ་ངེས་པ་གང་གིས་ཀྱང་བརྐུས་པ་ཆོམ་རྐུན་པ་རྣམས་ལས་གསང་སྔགས་རྣམས་གསང་སྔགས་ཀྱིས་གཏོང་བ་གང་ཡིན་པ་དེ་ནི་ཉེས་པ་དང་བཅས་
[97a.3]པར་ཤེས་པར་བྱ་བ་མ་ཡིན་ཞེས་བྱ་བའི་དོན་ཏོ། །བྱི་བས་ཁྱེར་བ་བདག་པོས་བླངས་པ་ཡང་ངོ་ཞེས་བྱ་བ་གང་ཞིག་ལེན་པ་པོ་འདི་དེའི་རྫས་བྱི་བས་བརྐུས་པ་བླངས་པ་ལ་ཡང་ཉེས་པ་མེད་དོ། །རང་གི་འདུ་ཤེས་ཉིད་ཀྱིས་དེ་#ལེན་པ་ཞེས་བྱ་བ་འདིར་ཉེས་པ་དང་བྲལ་བ་ཉིད་དོ། །དགེ་སློང་གཞན་
[97a.4]གྱི་རྫས་ལ་དེའི་རྫས་སུ་ན་ཡང་ངོ་#ཞེས་བྱ་བ་ནི་དགེ་སློང་གཞན་གང་ལ་ནོར་དེ་བརྐུས་པ་དེ་ལ་ནོར་ལེན་པར་བྱེད་པ་ལ་ཉེས་པ་མེད་དེ། རྐུ་སེམས་མེད་པའི་ཕྱིར་རོ། །རྔོན་པ་དག་གིས་མངོན་པར་གཙེས་པར་གྱུར་པའི་རི་དགས་གནས་ཁང་དུ་ཞུགས་པ་བླངས་པ་ལ་ཡང་ངོ་ཞེས་བྱ་བ་ནི་
[97a.5]ཡོངས་སུ་བསྐྱབ་པ་#ཙམ་དུ་འདི་བླངས་པ་སྟེ། བཟུང་བ་མ་ཡིན་ཞིང་གཏོང་བ་ཡང་མ་ཡིན་ནོ། །དེ་བས་ན་འདིར་སྐྱོན་མེད་དོ། །དེ་ཤི་ན་དེ་དག་ལ་སྦྱིན་པར་བྱ་བ་ཉིད་དོ་ཞེས་བྱ་བ་ནི་དེ་དག་གིས་གཙེས་པས་དེར་ཞུགས་ན་དེ་རྣམས་ལ་སྦྱིན་པར་བྱ་བ་ཉིད་དེ་རང་གིས་གཟུང་བར་བྱ་བ་ཉིད་དང་གཞན་ལ་
[97a.6]སྦྱིན་པར་བྱ་བ་མ་ཡིན་པ་ཉིད་དོ། །ཕམ་པ་གཉིས་པའི་འདུལ་བྱེད་ཀྱི་སྐབས་སོ།། །།#ནད་པ་ལ་འཆི་བའི་སེམས་པ་དང་རྗེས་སུ་མཐུན་པའི་ཆོས་ཉེ་བར་བསྒྲུབ་པས་ཉེ་བར་བསྒྲུབ་པར་མི་བྱའོ་ཞེས་བྱ་བ་ནི་ཉེ་བར་བསྒྲུབ་པ་གང་ཞིག་ཐོས་ནས་ནད་པ་འདི་འཆི་བའི་བསམ་པ་སྐྱེས་པར་#
[97a.7]འགྱུར་བའི་ཉེ་བར་བསྒྲུབ་པ་དེ་ནི་ནད་པའི་ཕྱིར་མི་བྱའོ། །དཔེར་ན་ཁྱོད་དུག་ཟོས་པར་གྱུར་པ་ནི་བླའི་འདི་ལྟ་བུའི་མི་འཕྲོད་པ་ཟ་བར་བྱེད་པ་ནི་དེ་ལྟ་མ་ཡིན་ནོ་ཞེས་བྱ་བ་ལ་སོགས་པའོ། །ཉེས་པ་ཡོད་པ་ལ་ཕམ་པར་འགྲོ་བ་ལས་གཞན་བསྐྱེད་པའོ། །ཉེས་པ་མེད་པ་ཡོད་པ་ཉིད་ལ་བཏགས་པ་འདི་
[97b]
[97b.1]ཡིན་ནོ། །མི་ཤེས་པ་ལས་#འཆི་བའི་དགྲ་བོ་མ་སྨྲས་པར་དེའི་ནད་གཡོག་ཏུ་མི་གཞག་གོ་ཞེས་བྱ་བ་ནི་འདི་ལ་ཁྱོད་ཀྱི་དགྲ་བོས་འཆི་བའི་ཕྱིར་རྗེས་སུ་སྒྲུབ་#པ་པོས་འཆི་བ་#རྗེས་སུ་དབྱུང་བར་བྱའོ། །དེ་ལྟར་བསྒོ་བར་མ་བྱས་པར་ནད་པ་ལ་ནད་གཡོག་མི་ཤེས་པ་ཉེ་བར་གཞག་པར་མི་བྱའོ། །གནས་
[97b.2]ཡོད་ན་མི་གཞག་གོ་ཞེས་བྱ་བ་ནི་གལ་ཏེ་མི་ཤེས་པ་དེ་མེད་པར་ཡོངས་སུ་འཇུག་ན་འདི་ནི་གཞག་པར་བྱ་བ་མ་ཡིན་པ་ཁོ་ནའོ། །དེའི་ངོ་བོ་ཡིད་ཆེས་པ་ལ་#དེའི་ཚིག་གོ། །སླར་དགེ་སློང་གི་ནད་པ་ལ་མི་ཤེས་པའི་ནད་གཡོག་ཉེ་བར་གཞག་པར་བྱ་བ་མ་ཡིན་ནོ། །གལ་ཏེ་དེའི་ངོ་བོ་ཡིད་ཆེས་པར་
[97b.3]གྱུར་#ན་སྦས་ནས་གཞག་པར་བྱའོ་ཞེས་བྱ་བ་བསྟན་པ་འདིར་སྦ་བའོ། །འཆི་བའི་འཚོག་ཆས་མི་གཞག་གོ་ཞེས་བྱ་བ་ནི་ནད་པ་ལ་ཞེས་སྦྱར་བར་བྱའོ། །དེ་ཡང་མཚོན་ལ་སོགས་པའོ། །དེ་འཆི་བའི་ཕྱིར་རྗེས་སུ་བསྒྲུབ་པ་ལས་ནད་གཡོག་གིས་བཟློག་པར་བྱའོ་ཞེས་བྱ་བ་ལ། དེ་ཞེས་བྱ་བ་ནི་ནད་
[97b.4]པའོ། །རྫས་ཀྱི་ཕྱིར་གཞན་འཆི་བར་འདོད་པར་མི་བྱའོ་ཞེས་བྱ་བ་ནི་ལྷུང་བཟེད་དང་། ཆོས་གོས་ལ་སོགས་པའི་རྫས་ཐོབ་པར་བྱ་བའི་དོན་དུའོ། །བྱ་བ་མ་ཡིན་པ་བྱེད་པ་ལ་སེམས་ཀྱིས་རྗེས་སུ་ཡི་རང་བར་མི་བྱའོ་ཞེས་བྱ་བ་ལ། བྱ་བ་མ་ཡིན་པ་ཉིད་བྱེད་པ་ནི་བྱ་བ་མ་ཡིན་པ་ཉིད་བྱེད་པའོ། །
[97b.5]རང་ངམ་གཞན་གྱིས་འདས་པའམ་མ་འོངས་པའམ#། ད་ལྟར་བྱུང་བ་ལ་དེའི་རྗེས་སུ་ཡི་རང་བར་#སེམས་ཀྱིས་མ་བྱས་པ་ཉིད་དམ་ལུས་ཀྱི་བྱ་བས་ཀྱང་མ་ཡིན་ཞེས་བྱ་བ་སྟེ། འདི་དག་ལ་སེམས་སྔོན་དུ་འགྲོ་བ་ཉིད་ཀྱི་ཕྱིར་གྲུབ་པ་དམན་པའི་དེ་ཉིད་བརྗོད་པ་ལ་གཞན་དུ་གཏམ་གང་ཡང་མེད་དོ་
[97b.6]ཞེས་བྱ་བ་རྟོགས་པའི་ཕྱིར་རོ། །གཞུང་ཁ་ཅིག་ལས་ཚེ་དང་ལྡན་པ་ཉེ་སྡེའི་དབང་དུ་མཛད་ནས་གསུངས་པ། ཉེ་སྡེ་ཁྱོད་ཀྱིས་མངལ་ན་གནས་པ་རླུགས་པར་བྱས་པ་བདེན་ནམ། བཙུན་པ་མ་ལགས་ཏེ་འདི་ལྟར་བདག་གིས་རྗེས་སུ་ཡི་རང་བར་ནི་བགྱིས་སོ། །བཀའ་སྩལ་པ། དགེ་སློང་དག་
[97b.7]དགེ་སློང་ཉེ་སྡེ་ལ་ལྟུང་བ་མེད་དེ་སླར་དགེ་སློང་གིས་#མངལ་ན་གནས་པ་རླུགས་པར་མི་བྱའོ། །དགེ་སློང་མངལ་ན་གནས་པ་རླུགས་པར་བྱེད་ན་འགལ་ཚབས་#ཅན་དུ་འགྱུར་རོ་ཞེས་གསུངས་ཏེ། དེ་བས་ན་མདོ་འདི་བྱས་སོ། །#མཛེས་པ་འདི་བྱེད་པར་འགྱུར་བ་ཁྱེད་ནི་འདི་བྱེད་དུ་གཞུག་པ་མ་ཡིན་ཏེ། འཇུག་
[98a]
[98a.1]པ་མ་ཡིན་ཞེས་བྱ་བར་སེམས་པར་བྱེད་ན་འདིས་ནི་འདི་བྱེད་དེ་ཅིའི་ཕྱིར་མི་བྱེད། བདག་ལ་འདིས་ཅི་ཞིག་བྱ་ཞེས་བྱ་བའི་དབང་དུ་མཛད་ནས་འདོན་པ་འདི་ཡིན་ནོ། འདི་ལ་དཔེ་ཉིད་རྣམ་པར་གནས་པ་ཡིན་ནོ། །བྱེད་པར་འགྱུར་བ་ལ་གནས་པ་ཐམས་ཅད་ཉིད་ལ་#བྱ་བ་ལ་གནས་པ་
[98a.2]དང་བྱ་བ་མ་ཡིན་པ་བྱེད་པ་ལ་རྗེས་སུ་ཡི་རང་བ་ལ་ཁ་ན་མ་ཐོ་བ་དང་བཅས་པ་ཉིད་ཀྱི་ཕྱིར་ཤིན་ཏུ་ཡང་དགེ་སློང་ལ་མི་མཐུན་པ་ཉིད་ཀྱི་ཕྱིར་ཞེས་བྱ་བ་ལ་#ཁྱད་པར་མི་བརྟེན་པའོ། །ཇི་ལྟར་ཡང་རྗེས་སུ་ཡི་རང་བ་ལ་ལྟུང་བ་ཉིད་དེ་གང་གི་ཕྱིར་འདི་ལ་ལྟུང་བར་བྱ་བ་ཞེས་བྱ་བ་བརྗོད་པ་དང་སྦྱར་བའོ། །ལྟུང་
[98a.3]བ་ལ་བརྟེན་པའི་ཡིད་ཀྱི་སྒྲིབ་པ་འདི་ཞེས་བྱ་བའོ། །གང་དུ་ཕམ་པ་གསུམ་པ་ཞེས་བྱ་བ་ལ་ལྟོས་ནས་བརྗོད་པར་བྱ་སྟེ། དེའི་ཕྱིར་སྲོག་བཅད་#ནའོ་ཞེས་བྱ་བ་སྨོས་སོ། །སེམས་ཇི་ལྟ་བུས་ཤེ་ན། དེའི་ཕྱིར་དེ་ལྟར་བསམས་པས་སོ་ཞེས་བྱ་བ་སྨོས་ཏེ། སྲོག་གཅོད་པའི་སེམས་ཀྱིས་སོ། །སུའི་
[98a.4]སྲོག་གཅོད་པ་ཡིན་ཞེ་ན། དེའི་ཕྱིར་མིར་གྱུར་པའིའོ་ཞེས་བྱ་བ་སྨོས་ཏེ། འདིར་འགྲོ་བ་ཙམ་ལ་ནི་མཚན་མ་ཉིད་མ་ཡིན་ཏེ། བུད་མེད་དང་སྐྱེས་པ་དང་མ་ནིང་དང་མཚན་མེད་པ་དང་། མཚན་གཉིས་པ་དང་། མངལ་ནས་སྐྱེས་པ་ཉིད་ལ་སོགས་པ་ཁྱད་པར་འགའ་ཞིག་ལ་ཞེས་བྱ་བ་དེའི་ཕྱིར་འགྲོ་
[98a.5]བའི་ཚིག་གོ། །གཞན་དུ་འདུ་ཤེས་པས་སམ་ཞེ་ན་མ་ཡིན་ཏེ། དེའི་ཕྱིར་དེ་ལྟར་འདུ་ཤེས་པས་སོ་ཞེས་བྱ་བ་སྨོས་ཏེ་མ་ནོར་བར་རོ། །ཇི་ལྟར་རྣམ་པ་གང་གིས་ཤེ་ན། དེའི་ཕྱིར་གང་ཡང་རུང་བས་སོ་ཞེས་བྱ་བ་སྨོས་ཏེ། རྣམ་པ་གང་ཡང་རུང་བས་སོ། །དེ་ཉིད་ཀྱི་སྤྲོས་པ་བསྟན་པའི་ཕྱིར། བྱེ་བྲག་མེད་པ་
[98a.6]ནི་ལུས་དང་དེ་དང་འབྲེལ་པ་དང་། འཕངས་པ་དང་གཞན་དང་བསྒོ་བ་རྣམས་སོ་ཞེས་བྱ་བ་སྨོས་ཏེ། བྱེ་བྲག་མེད་པ་ཞེས་བྱ་བ་ནི་འདི་ནས་བརྩམས་ཏེ་ཇི་སྲིད་དུ་རྒྱུ་དེས་གཞན་གྱི་ཚེ་ཤི་ནའོ་ཞེས་འབྱུང་བ་ཡན་ཆད་ཀྱི་དབང་དུ་བྱས་ཏེ་རིག་པར་བྱའོ། །བྱེ་བྲག་མེད་པ་ནི་ཐ་མི་དད་པ་སྟེ། ཤི་བའི་དོན་བྱེད་པ་ལ་#འདི་རྣམས་
[98a.7]ལ་ཞེས་བྱ་བའི་དོན་ཏོ། །རྣམ་པ་གང་ཡང་རུང་བས་གསོད་པ་ལ་ཕམ་པར་འགྱུར་རོ་ཞེས་བྱ་བའི་དགོངས་པའོ། །ལུས་ཞེས་བྱ་བ་ནི་ལུས་ཉིད་དོ། །དེ་དང་འབྲེལ་པ་ཞེས་བྱ་བ་ནི་ལུས་དང་འབྲེལ་པ་དབྱིག་ལ་སོགས་པའོ། །འཕངས་པ་ནི་ལུས་ཀྱིས་སམ་དེ་དང་འབྲེལ་པས་གཏང་#བའོ། །དེ་ལ་གཞན་གྱི་
[98b]
[98b.1]ངེས་པར་སྦྱར་བ་གསད་#པར་བྱ་བ་ནི་བུད་མེད་ལ་སོགས་པའོ། །བསྒོ་བ་ཞེས་བྱ་བ་ནི་གསད་#པར་བྱ་བ་དེ་ཉིད་ལ་རང་གིས་བསྒོ་བའོ། །དུག་དང་ཕྱེ་མ་དང་དོང་དང་ཤིང་དང་རང་བཞིན་ཉམས་པ་གཏོང་བ་དང་བྲང་དུ་འདེབས་པ་དང་། འཁྲུལ་འཁོར་དང་སྒྱུ་ཐབས་དང་རོ་ལངས་དང་རྗེས་སུ་སྦྱོར་བ་
[98b.2]རྣམས་སོ་ཞེས་བྱ་བ་ནི་བྱེ་བྲག་མེད་པ་ཞེས་བྱ་བར་སྦྱར་རོ། །རང་བཞིན་ཉམས་པ་ཞེས་བྱ་བ་ནི་དེ་ཉིད་ཀྱིས་#ཉམས་པ་འམ་གསོད་པ་འདི་ཉིད་ཀྱི་#དོན་དུ་མཚན་མ་དེ་མེད་པར་ཉམས་པའི་རང་བཞིན་གྱིས་གང་ཞིག་དེར་འདི་ལྟ་བུར་གྱུར་པ་དེ་ལ་འཆི་བའི་རྐྱེན་ཉེ་བར་གནས་པར་འགྱུར་ཞེས་བྱ་བའི་བློས་
[98b.3]བསྐུར་བ་ནི་རང་བཞིན་ཉམས་པས་བསྐུར་བའོ། །རོ་ལངས་ཕྱེད་པ་#དང་ཕྱེད་དུ་གྱུར་པ་ཉིད་ཀྱིས་ཡོ་བྱད་རྣམས་ལ་གཞན་དུ་མ་ཡིན་པར་བསྟན་པ་འདི་ལ་རོ་ལངས་ཉིད་མ་ཡིན་པ་མ་ཡིན་ནོ་ཞེས་བྱ་བའི་རོ་ལངས་ཀྱི་ཚིག་བཟུང་བ་ཉིད་དུ་ཤེས་པས་བསྡུས་#པ་ཉིད་དུ་མ་བྱས་སོ། །གཡང་དུ་གཏང་#བའོ་
[98b.4]ཞེས་བྱ་བ་ནི་གཡང་ལ་སོགས་པ་ལ་ཞེས་བྱ་བའི་དོན་གྱིས་གོ་བར་བྱའོ། །མེ་དང་ཆུར་འཇུག་པའོ། །གྲང་བ་དང་ཚ་བར་འདོགས་པ་ཞེས་བྱ་བ་ནི་རྐྱེན་འདི་དང་ལྡན་པ་འདི་ལ་འཆི་བ་འབྱུང་བར་འགྱུར་ཞེས་བྱ་བའི་བློས་སོ། །ཕོ་ཉར་གཏོང་བ་ལ་སོགས་པའི་ཞེས་བྱ་བ་ནི་གང་དུ་འཇིགས་པ་སྲིད་པ་དེར་ཕོ་
[98b.5]ཉ་དང་མངགས་#པ་ཉིད་དུ་གཏོང་བའོ། །དེར་སོང་ན་འདི་དང་འདི་ལྟ་བུ་རྙེད་པར་འགྱུར་རོ་ཞེས་བྱ་བའི་རྣམ་པས་བསྐུལ་བ་གང་ཡིན་པ་དེ་ཉེ་བར་བསྡུ་བའི་དོན་དུ་སོགས་པའི་སྒྲའོ། །དེའི་#རྗེས་སུ་བསྒྲུབ་པ་ཆུང་ངུ་ཉིད་ཀྱང་ངོ་ཞེས་བྱ་བ་ནི་རྐང་པའི་མཐེ་བོང་དང་རྒྱ་ཤུག་གི་ཚི་#གུ་དང་ཤིང་བལ་ལ་
[98b.6]སོགས་པ་བསྣུན་པ་ལྟ་བུ་དག་གོ། །རྗེས་སུ་བསྒྲུབ་པ་ལ་ཆུང་བ་འདི་ནི་མཚན་ཉིད་འདི་ལས་གྲུབ་སྟེ་བྱེ་བྲག་མ་སྨོས་པ་དེ་གསལ་བར་བསྟན་པའི་ཕྱིར་འདི་སྤྲོས་པའོ། །གསད་#པར་བྱ་བ་ནི་སྐྱེས་པ་དང་བུད་མེད་དང་མ་ནིང་ཉིད་དོ་ཞེས་བྱ་བ་ནི་བྱེ་བྲག་མེད་པར་ཞེས་བྱ་བར་སྦྱར་རོ། །གནས་
[98b.7]དེ་དག་བསྟན་པ་ནི་སྤྲོས་པའི་དོན་བསྟན་པ་#ཡིན་ནོ། །གཞི་དེས་གཞན་གྱི་#ཚེ་ཤི་ནའོ་ཞེས་བྱ་བ་ལ་འདིར་གཞུང་ནི་དེས་དེའི་ཚེ་མ་ཡིན་ཡང་འོན་ཀྱང་དེས་དེའི་འོག་ཏུའོ་ཞེས་གསུངས་པ་ཡིན་ནོ། །འདུན་པ་བཟློག་པའི་འོག་ཏུ་ནི་རྒྱུ་ཉིད་མ་ཡིན་ནོ་ཞེས་བྱ་བ་ནི་ཤི་ན་ཞེས་བྱ་བར་སྦྱར་རོ། །ཤི་བའམ་
[99a]
[99a.1]འགྲོ་བ་ལ་འཇིགས་པ་དང་བཅས་པའི་གནས་ལ་བསྒོ་བར་བྱ་བའམ། ངེས་པར་སྦྱར་ཏེ་གསད་#པར་བྱ་བའམ། གཞན་ལ་དེའི་དོན་དུ་འདུས་#པ་ཟློག་པར་བྱེད་པ་དེ་ལས་གཞན་ལ་འདའ་བར་བྱས་ནས་#དེའི་ཚིག་མ་ཡིན་ནོ། །སྦྱར་བར་བྱས་པའི་ཤི་བ་ལ་སྦྱོར་བར་བྱེད་པ་
[99a.2]པོའི་རྒྱུ་མཚན་ཉིད་དུ་སྔར་འདུན་པ་ཟློག་པར་བྱེད་པར་གྱུར་པའི་ཤི་བ་ལ་དེ་ལས་ཕམ་པ་འདའ་བར་འགྱུར་རོ། །ཕྱིས་དེས་སྐྱེ་བ་ཡིན་ཏེ། འདི་ལ་ནི་སྦྱོར་བ་ཙམ་ཉིད་ཡིན་ཏེ། དངོས་གཞིའི་ཕམ་པ་ནི་མ་ཡིན་ཞེས་བྱ་བའི་དོན་ཏོ། །དཀུ་མཉེས་པས་མ་དང་མངལ་ན་གནས་པ་གཉིས་ལས་མ་བསམས་
[99a.3]པ་ཤོས་ན་སྦོམ་པོའོ་ཞེས་བྱ་བ་ནི་#ཤི་ནའོ་ཞེས་བྱ་བར་སྦྱར་རོ། །ཤི་བའི་དོན་དུ་མངལ་དང་བཅས་པའི་ལྟོ་བ་མཉེས་པ་ལས་གང་གི་མངལ་དུ་ཤི་བ་ལ་མ་བསམས་པ་ཉིད་དེ། ཤི་བ་ལ་སྦོམ་པོའོ་ཞེས་བྱ་བའི་དོན་ཏོ། བསམས་པ་ཤོས་ཤི་བ་ཕམ་པ་ཉིད་དེ། འདིར་ངེས་པ་འདི་ལ་འབྲེལ་པ་ཡིན་
[99a.4]ཏེ། འདི་ལ་གསོད་པར་འགྱུར་ཞེས་བྱ་བའོ། །དེ་ལྟར་ཡིད་ལ་འབྲེལ་པར་གྱུར་པ་ལ་ཡོངས་སུ་མ་སྤངས་པ་གང་ཡིན་པ་དེ་ལ་དེ་བས་ན་འདི་སྤོམ་པོའོ། །འཆི་བའི་བདག་ཉིད་ཅན་གྱི་ཉེ་བར་གསོད་པའི་མཚན་མ་ཅན་གྱིས་#མཉེས་པ་ཡང་ཆོ་ག་འདི་དང་སྦྱར་བ་ཤི་བའི་དོགས་པ་ཡོད་པར་གྱུར་པ་ལས་
[99a.5]རྟོགས་པར་བྱའོ། །གཞི་དེ་ལས་གསོད་པ་ལ་འཇུག་པ་དང་དུ་ལེན་ནའོ་ཞེས་བྱ་བ་ནི་སྦོམ་པོའོ་ཞེས་བྱ་བར་སྦྱར་རོ། །གཞི་བྱེད་པ་པོ་གང་ལ་སྦོམ་པོ་འདི་དེའི་རྒྱུ་མཚན་དུ་གཞན་ལ་གསོད་#པའི་དོན་གྱིས་#འཇུག་པ་གང་ཡིན་པ་དེ་གཞི་དེ་ལ་སྦོམ་པོའོ། །འདིར་གཞུང་ནི་གཞན་ལས་ཚེ་དང་ལྡན་པ་ཉེ་སྡེའི་
[99a.6]དབང་དུ་མཛད་ནས་གསུངས་པ། ཉེ་སྡེ་#ཁྱོད་ཀྱིས་མངལ་ན་གནས་པ་རླུགས་པར་བྱས་སམ། བཙུན་པ་བདག་གིས་མངལ་ན་གནས་པ་#རླུགས་པར་མ་བགྱིས་ཏེ། འོན་ཀྱང་བདག་གིས་དང་དུ་བླངས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་ཀྱིས་དེ་ལྟ་བུའི་གནས་པ་#
[99a.7]དང་དུ་བླང་བར་མི་བྱའོ། །གལ་ཏེ་དང་དུ་ལེན་པར་བྱེད་ན་འགལ་ཚབས་ཅན་དུ་འགྱུར་རོ་ཞེས་གསུངས་པ་ཡིན་ནོ། །དེའི་དོན་དུ་མདོ་འདི་བྱས་སོ། །ཁྱོད་ཀྱི་མིང་གིས་#འཆི་བའི་ཡོ་བྱད་སྦྱིན་ནོ་ཞེས་ཟེར་བ་ཡང་ངོ་ཞེས་བྱ་བ་ནི་འདི་ལྟ་བུའི་ཚིག་འདི་ལ་ཡང་གཞི་བྱས་པ་ལ་སྦོམ་པོའོ། །ཇི་སྐད་དུ་དགེ་
[99b]
[99b.1]སློང་མའི་རྣམ་པར་འབྱེད་པ་ལས་ཁྱོད་ཀྱི་མིང་གིས་#ཕྱེ་མ་སྦྱིན་ནོ་ཞེས་བྱ་བ་བརྗོད་པ་ལ་དགེ་སློང་མས་གཞི་བྱས་ཏེ། ཇི་སྲིད་དུ་བདེན་པར་དགེ་སློང་མ་ཁྱོད་མངལ་རླུགས་པར་བྱས་པ་བདེན་ནམ། བཙུན་པ་བདག་གིས་མངལ་ན་གནས་པ་རླུགས་པར་མ་བགྱིས་ཏེ། འོན་ཀྱང་བདག་གིས་དང་དུ་
[99b.2]བླངས་སོ། །བཅོམ་ལྡན་འདས་ཀྱིས་དགེ་སློང་མ་རྣམས་ལ་བོས་ཏེ་བཀའ་སྩལ་པ། དགེ་སློང་མས་གནས་རྣམ་#པ་དེ་ལྟ་བུ་དང་དུ་བླང་བར་བྱ་བ་མ་#ཡིན་ཏེ། དང་དུ་ལེན་པར་བྱེད་ན་ཉེས་པ་སྦོམ་པོའི་ལྟུང་བ་འཕེལ་བར་འགྱུར་རོ་ཞེས་བྱ་བ་གསུངས་ཏེ། དེ་བས་ན་མདོ་འདི་བྱས་པ་ཡིན་
[99b.3]ནོ། །ཆོ་ག་འདི་ལ་འདི་སྦྱོར་ཅིག་ཅེས་བྱ་བ་འདི་ལྟ་བུའི་གཞི་བྱས་པའི་དབང་དུ་བྱས་ནས་འདི་གཉིས་ནི་སྦོམ་པོའི་ལྟུང་བ་ལ་བཏགས་པའོ། །བདག་གི་ཕྱིར་ཉེས་པ་སྦོམ་པོའི་དགོངས་པ་ཉིད་འདི་དགེ་སློང་གི་རྣམ་པར་འབྱེད་པ་ལས་འགལ་ཚབས་དང་བཅས་པའི་ཚིག་ཅན་རང་གིས་འཇུག་པ་
[99b.4]རབ་ཏུ་རིག་པ་ལ་གཞི་བྱེད་པ་འདི་ཡིན་གྱི་#སྣད་པ་དང་བསླངས་པ་ལ་#ནི་མ་ཡིན་ནོ། །དེ་བས་ན་རྣམ་པར་སྦྱར་བ་ཉིད་ཀྱི་ཕྱིར་གོ་བར་བྱེད་པ་ཉིད་ཡོད་ཀྱང་མི་སྨྲ་བའི་ངོ་བོར་གཞི་བྱས་པ་ལ་འདིར་སྦོམ་པོར་རྣམ་པར་ཤེས་པ་སྟེ་ཕམ་པ་ལ་ནི་མ་ཡིན་ནོ། །གཞན་དུད་འགྲོ་མ་ཡིན་པ་དང་སྤྲུལ་པ་བསད་
[99b.5]པ་ལས་ཡང་ངོ་ཞེས་བྱ་བ་#ལ་ཡང་ངོ་ཞེས་བྱ་བའི་སྒྲ་ནི་སྦོམ་པོའོ་ཞེས་བྱ་བའི་རྗེས་བསྙགས་པའི་ཕྱིར་རོ། །མིའི་འགྲོ་བ་ལས་གཞན་པའི་སྤྲུལ་པ་དུད་འགྲོ་སྤངས་པ་ལ་ཡང་གསོད་པ་ལ་སྦོམ་པོའོ་ཞེས་བྱ་བའི་དོན་ཏོ། །འདི་ནི་དངོས་གཞིའི་ཆོ་ག་ལ་ལྟོས་པའོ། །འདི་ལས་སྲོག་ཆགས་སུ་
[99b.6]གྱུར་པ་མ་ཡིན་པའི་སྤྲུལ་པ་ལ་འདིར་བཀག་པའོ། །འདིར་གཞུང་ནི་ཚེ་དང་ལྡན་པ་རྣམས་མི་མ་ཡིན་པ་ཤིན་ཏུ་ཆེན་པོ་བསད་ཀྱང་སྦོམ་པོར་ཟད་དོ་ཞེས་གསུངས་པ་ཡིན་ནོ། །སྤྲུལ་པའི་ཕྱིར་#གཞུང་ནི་གཏམ་གྱི་གཞི་ལས། འགྲོ་བ་ཐམས་ཅད་དུ་མ་གཏོགས་པ་གང་ཡིན་པའོ། །མྱ་ངན་ལས་
[99b.7]འདས་པ་ཡང་མ་ཡིན། རྒྱལ་བའི་བསྟན་པ་ལ་མི་འཇུག་པ་ཡང་ཡིན་ནོ། །ཡོངས་སུ་མྱ་ངན་ལས་འདས་པ་མ་ཡིན་ནོ། །དེས་དེ་ལ་སྨྲས་པ། ཁྱོད་ནི་སྤྲུལ་པ་སྟེ་སྲོག་བཅད་ན་ལྟུང་བ་ཅིར་འགྱུར། བཀའ་སྩལ་པ། ཉེས་པ་སྦོམ་པོར་རོ། །གཞན་ལས་ནི་རོ་ལངས་ཀྱི་བསམ་པས་
[100a]
[100a.1]སྤྲུལ་པ་གསོད་པར་བྱེད་ན་ཞེས་གསུངས་སོ། །གཞན་དུ་ཡང་དེ་དང་འདྲ་བ་ཉིད་ཀྱི་ཕྱིར་འདི་རྣམ་པར་གཞག་གོ། །དུད་འགྲོ་གསོད་པ་ལྟུང་བྱེད་འབའ་ཞིག་པར་བྱས་པ་ཉིད་ཀྱི་ཕྱིར་སྤོང་བའོ། འདིར་དུད་འགྲོ་འགྲོ་བ་པའི་སྤྲུལ་པ་ལ་མིར་འདུ་ཤེས་པས་འགྲོ་བ་#
[100a.2]གཞན་གྱི་ངོ་བོས་གནས་པ་ལ་གཞན་གྱི་འགྲོ་བ་པ་ཡང་མིའི་འགྲོ་བའི་ངོ་བོ་སྟེ། འདུ་ཤེས་ཀྱིས་འདི་རྣམ་པར་གནས་པའི་ཕྱིར་དོན་ཇི་ལྟ་བ་ཉིད་ལ་དངོས་གཞིའོ། །དོན་ཇི་ལྟ་བ་ཉིད་མ་ཡིན་པ་ལ་ཉེ་བའི་དངོས་གཞིའོ་ཞེས་གསུངས་པ་ཡིན་ནོ། །དེ་ལྟར་ལྟུང་བ་རྟོགས་པར་བྱའོ། །
[100a.3]དྲི་བར་བྱས་པ་ལ་མ་སྨྲས་པར་ནད་པ་ལ་སྨན་སྦྱིན་པར་མི་བྱའོ་ཞེས་བྱ་བ་ནི་གསོ་བ་ལ་མཁས་པས་ཚངས་པ་མཚུངས་པར་སྤྱོད་པའི་ནད་གཡོག་བྱའོ་ཞེས་གསུངས་པའི་ཚིག་གིས་གསོ་བར་བྱ་བ་ལ་མཁས་པ་མ་ཡིན་པ་དེའི་ཕྱིར་འདི་བཏགས་པའོ། །འདིར་སུ་ཞིག་ལ་མངོན་པར་དྲི་བར་
[100a.4]འདོད་ན་གང་གིས་མ་སྨོས་པའི་སྨན་སྦྱིན་པར་མི་བྱ་ཞེ་ན། དེའི་ཕྱིར་སྨན་པ་དང་དེ་རབ་ཏུ་བྱུང་བ་དང་། བཀོལ་བ་རྣམས་ལ་དྲི་བར་བྱ་བ་#ཉིད་དོ་ཞེས་བྱ་བ་སྨོས་ཏེ། དེ་རབ་ཏུ་བྱུང་བ་ཞེས་བྱ་བ་ནི་སྨན་པ་རབ་ཏུ་བྱུང་བའོ། །འདིར་བཀོལ་བ་ལ་ཡང་ངོ་#ཞེས་བྱ་བའི་སྒྲ་བཀོལ་བ་ཞེས་བྱ་བ་ཡང་སྦྱར་
[100a.5]རོ། །དེས་བཀོལ་བ་ཞེས་བྱ་བའི་#སྨན་པས་བཀོལ་བའོ། །ནད་ཀྱིས་ཀྱང་ངོ་ཞེས་བྱ་བ་ནི་བཀོལ་བ་ཞེས་བྱ་བར་སྦྱར་ཏེ། ནད་ཀྱིས་བཀོལ་པར་གྱུར་པ་རྣམས་ལ་ཡང་དྲི་བར་བྱ་བའི་དོན་ཏོ། །དགེ་སློང་རྒན་རབས་རྒན་རབས་ཤེས་རབ་ཅན་རྣམས་ལ་ཡང་ངོ་ཞེས་བྱ་བ་ནི་དྲི་བར་བྱ་བ་ཉིད་དོ་ཞེས་བྱ་
[100a.6]བར་སྦྱར་རོ། །སྔ་མ་ཉིད་#མེད་ན་ཕྱི་མ་ལའོ་ཞེས་བྱ་བ་ནི་དྲི་བར་བྱ་བ་འདི་རྣམས་ལ་གང་ཞིག་འདི་ལ་སྔ་རོལ་དུ་མེད་པ་ལ་འདིར་གཞན་ལ་དྲི་བར་བྱ་བ་ཉིད་དོ། །འདི་རྣམས་ཀྱི་སྔ་མ་ནི་ཤིན་ཏུ་མཁས་པ་ཡིན་ཏེ། དྲི་བ་འདི་ནི་རྫས་ཀྱི་དོན་དུ་སྟེ། མེད་པ་ལ་ནི་ཕྱི་མ་ལ་དྲི་བའོ། །ཕུན་སུམ་ཚོགས་
[100a.7]པ་ལས་དྲི་བར་རིགས་ཏེ། སྨན་པ་མེད་ན་དེ་རབ་ཏུ་བྱུང་བ་ཞེས་བྱ་བ་ལ་སོགས་པའོ། །ཕན་པར་འདོད་པ་ཉིད་ཀྱིས་འཆི་བའི་ཕྱིར་སྨན་མ་ཡིན་པ་སྦྱིན་པ་ལ་ནི་ན་སྨད་པ་མེད་དོ་ཞེས་བྱ་བ་ནི་རང་གིས་བསྒོ་བ་#མ་བྱས་པར་ཅི་ཞིག་སྙམ་དུ་འདི་ལྟར་ཕན་པར་འདོད་པས་འཆི་བའི་དོན་དུ་སྨན་མ་ཡིན་
[100b]
[100b.1]པ་སྦྱིན་#པ་ལ་ན་སྨད་པ་མེད་དོ། །ཕན་པར་འདོད་པ་ཉིད་ཀྱིས་#སྦྱིན་པ་འདི་དེའི་ཕྱིར་སྐྱོན་མེད་པ་ཉིད་དང་། ན་སྨད་པ་ལ་ཡང་འདིར་གང་ཞིག་གིས་འདོད་པ་དེ་བཟློག་པའི་དོན་དུ་ཡོངས་སུ་རྫོགས་པ་ཉིད་འདིར་ཁ་ན་མ་ཐོ་བ་ཞེས་བྱ་བའི་དོན་ཏོ། །ཆོམ་རྐུན་པ་རྣམས་ཀྱི་ལག་པ་ལ་སོགས་པ་
[100b.2]བཅད་དེ་ཚོར་བས་གནོད་པར་འགྱུར་བ་རྣམས་ལ་འཆི་བར་བྱ་བའི་#ཕྱིར་གང་ཞིག་དགེ་སློང་མས་འགྱུར་བྱེད་ཀྱི་ལན་ཚྭ་བྱིན་པ་ལས་མདོ་འདི་བྱས་སོ། །ཁུར་འདེགས་པར་མི་ནུས་པ་ལ་གྲོགས་ཉིད་མི་བྱའོ། །གལ་ཏེ་དེ་ལྟ་བུའི་རྐྱེན་གྱིས་མ་བྱིན་མ་དག་རུབ་པ་ཉིད་ལ་ཅིག་ཅར་འདེགས་པར་
[100b.3]སྐད་སྦྱར་ཏེ་བྱའོ་ཞེས་བྱ་བ་ནི་བྱའོ་ཞེས་བྱ་བ་བྱེད་པའི་ཚིག་དང་པོར་སྨོས་པ་ན་འདིར་ཡང་ཅི་དགར་བསྟན་པ་ཡིན་ནོ། །ཁུར་འདེགས་པར་མི་ནུས་པ་ཉིད་ལ་བར་བར་དུ་དེ་ལ་བརྩན་པའི་དོན་དུ་ནུས་པའི་ཁྱིམ་དུ་གནས་པ་རྣམས་ཀྱིས་རུབ་པ་ཉིད་ཤེས་པར་བྱའོ། །གནས་པ་ཙམ་གྱིས་#ཉེ་བར་
[100b.4]གནས་པ་རྣམས་ནི་མ་ཡིན་ནོ། །དེ་འདེགས་པའི་དུས་ནི་ཅིག་ཅར་འདེགས་པར་སྐད་སྦྱར་ཏེ་ཞེས་བྱ་བ་ནི་ཁྱིམ་པ་རྣམས་ལ་བསྒོ་བར་བྱ་ཞིང་སྐད་སྦྱར་ནས་གདེག་#པར་བྱའི། ཅིག་ཅར་དུ་མི་བྱ་ཞེས་བྱ་བའི་དོན་ཏོ། །གཞག་པ་ལ་ཡང་ཅིག་ཅར་ཉིད་དུ་སྐད་སྦྱར་བར་བྱའོ་ཞེས་བྱ་བ་ནི་ཁུར་མི་
[100b.5]བཟོད་པ་དེ་ལ་གདེག་པའི་དུས་དང་གཞག་པ་ལ་ཡང་ཅིག་ཅར་ཉིད་དུ་སྐད་སྦྱར་ཏེ་བྱའོ། །སོ་ཕག་མི་འཕང་ངོ་ཞེས་བྱ་བ་ནི་ལག་ནས་ལག་ཏུ་སྦྱིན་པར་བྱ་ཞེས་བྱ་བའི་དོན་ཏོ། །དེ་ནི་ལག་གི་ལས་དག་བྱེད་པ་ལ་བསྟན་པ་ཡིན་ཏེ། གང་གི་ཚེ་བརྗོད་དོ། །བྱེ་བ་#དང་གས་པ་མ་བརྗོད་པར་དེ་ཉིད་
[100b.6]སྦྱིན་པར་མི་བྱའོ་ཞེས་བྱ་བ་ལ། དེ་ཉིད་ཅེས་བྱ་བ་ནི་བྱེ་#བ་དང་གས་པ་ཉིད་དོ། །རྐུན་པོ་སྤ་བཀོང་བའི་ཕྱིར་ཚམ་#ངམ་བྱའོ་ཞེས་བྱ་བ་ནི་ཅི་དགར་བསྟན་པའི་དོན་དུ་དང་པོ་བྱའོ་ཞེས་བྱ་བའི་ཚིག་གོ། །དེ་བཞིན་དུ་གཞན་རྣམས་ལ་ཡང་དང་པོ་ཆོ་གའི་ཚིག་རྣམས་ལ་རིག་པར་བྱའོ། །གཎྜཱི་#ལ་སོགས་པ་
[100b.7]མི་འཕོག་པར་འཕང་ངོ་ཞེས་བྱ་བ་ནི་ཇི་ལྟར་གཎྜཱི་#ལ་སོགས་པ་ཆོམ་རྐུན་པ་རྣམས་ལ་ཕོག་པར་མི་འགྱུར་བ་དེ་#ལྟར་འཕང་བར་བྱ་སྟེ། ཅི་ནས་ཀྱང་གཞན་ལ་གནོད་པར་མི་འགྱུར་བར་བྱ་བའི་དོན་ཏོ། །རྫི་#ཕྱོགས་ན་རྡུལ་གྱི་བུམ་པ་དང་ཐལ་བའི་གྱོ་མོ་ཡང་ངོ་ཞེས་བྱ་བ་ནི་འདིར་ཕོག་#པ་ཡོངས་
[101a]
[101a.1]སུ་སྤོང་བ་ནི་མ་ཡིན་ཏེ་དེའི་ཕྱིར་འདིས་#རྩོམ་པའོ། །རྡུལ་གྱི་བུམ་པ་དང་ཐལ་བའི་གྱོ་མོ་སྟེ་ཞེས་བྱ་བའི་བསྡུ་བའོ། །རྡུལ་དང་ཐལ་བ་དག་ནི་དཔེ་ཡིན་ཏེ། རྡུལ་འབྱིན་པའི་རྫས་རྣམས་ལ་བུམ་པ་དང་གྱོ་མོ་དག་ཀྱང་དེ་སྡུད་#པར་བྱེད་པ་པོས་སོ། །འུར་རྡོ་བཅང་བར་བྱའོ་
[101a.2]ཞེས་བྱ་བ་ནི་རྐུན་པོ་སྤ་བཀང་#བར་བྱ་བའི་ཕྱིར་ཞེས་བྱ་བར་སྦྱར་རོ། །དེའི་ཕྱིར་འཕེན་པར་བྱའོ། །འདིར་འུར་རྡོ་འཕངས་པའི་དགོས་པ་ནི་ཆོམ་རྐུན་པ་རྣམས་ཕམ་པར་བྱ་བའི་དོན་དུ་ཆགས་པ་ཡོངས་སུ་སྤངས་པས་འདི་བཅང་བར་བྱ་སྟེ། འདིའི་དོན་དུ་ཞེས་བྱ་བ་འདིས་བྱ་བ་ཉིད་དོ། །
[101a.3]དགེ་སློང་ངལ་བ་མི་ཕུལ་ལོ་ཞེས་བྱ་བ་ནི་གཞན་ངལ་བ་ལ་དེ་དང་འདྲ་བས་ཉེས་བྱས་ཕྲ་མོར་རིག་པར་བྱའོ། །དེའི་གྲོགས་བྱའོ་ཞེས་བྱ་བ་ལ། དེའི་ཞེས་བྱ་བ་#ནི་དགེ་སློང་ངལ་བ་དེའོ#། །ཆོས་འདི་པའི་རབ་ཏུ་བྱུང་བ་ཉིད་འདི་ལྟ་བུའི་རིགས་ཅན་རྣམས་ལ་དགེ་སློང་གི་ཚིག་རྣམ་པར་གནས་
[101a.4]སོ། །དེ་བས་ན་དགེ་ཚུལ་ལ་ཡང་འདི་བྱའོ་ཞེས་བྱ་བར་རིག་པར་བྱའོ། །གྲོགས་ཇི་ལྟ་བུས་ཤེ་ན་#དེའི་ཕྱིར་ངལ་#སོར་གཞུག་གོ། །སྣོད་སྤྱད་བླང་བར་བླའོ#། །གལ་ཏེ་ལྷན་ཅིག་ཏུ་གནས་སུ་ཕྱིན་པར་མི་ནུས་ལ་ཟན་དང་སྐོམ་གྱི་དུས་སུ་མ་ཡིན་ན་ལྷུང་བཟེད་བཀྲུ་བ་དང་བྱུག་རེས་གཞག་པ་དང་བྱིན་
[101a.5]ལེན་དང་བརྟག་པར་བྱའོ་ཞེས་བྱ་བ་ནི་གལ་ཏེ་ཁྱོད་ལ་གྲོགས་པོ་དང་མཉམ་པར་གནས་སུ་ཕྱིན་པར་མི་ནུས་ལ་ཟན་དང་སྐོམ་གྱི་དུས་སུ་མ་ཡིན་ན་ལྷུང་བཟེད་བཀྲུ་བ་དང་བྱུག་རིས་གཞག་པ་དང་བྱིན་ལེན་དང་བརྟག་པར་བྱའོ། །གལ་ཏེ་དུས་སུ་ན་ཁྱེར་ཏེ་བསུ་བར་བྱའོ་ཞེས་བྱ་བ་ནི་ཅི་སྟེ་དུས་
[101a.6]ལ་ཡང་ཟས་དང་བཏུང་བ་དག་ལ་ཕྱིན་པར་ནུས་པ་མེད་ན་དེའི་ཕྱིར་ཁྱེར་ཏེ་བསུ་བར་བྱས་ཏེ་ཟན་དང་སྐོམ་དེ་#བླངས་ནས་ཞེས་བྱ་བའི་དོན་ཏོ། །འདིར་ལྟུང་#བས་ནི་ཕྱི་དྲོ་བཟུང་#ངོ་ཞེས་བྱ་བ་ཤུགས་ཀྱིས་གོ་བར་བྱའོ། །ཕམ་པར་འགྱུར་བ་#གསུམ་པའི་རྣམ་པར་འབྱེད་པའོ།། །།
[101a.7]མིའི་འགྲོ་བ་པའི་ལག་པ་གཅོད་#པ་ནི་སྦོམ་པོའོ#། །ནགས་མེས་གཏོང་ནའོ་ཞེས་བྱ་བ་ནི་#དེ་ལས་སྲོག་ཆགས་གསད་#པར་མ་བསམས་ཀྱང་སྤྱིར་སྲོག་ཆགས་མང་པོ་ཡོད་པའི་བློས་འདི་ནི་སྦོམ་པོའོ#། །སྲོག་ཆགས་ཉུང་ངུའི་བློས་ནི་འདི་ཉེས་བྱས་སུ་རྣམ་པར་གཞག་པའོ། །#མེད་པར་ངེས་པ་
[101b]
[101b.1]ལ་ལྟུང་བ་མེད་དོ། སྲོག་ཆགས་རྣམས་#ལ་མ་ལྟོས་པར་མཉམ་པར་སྤྱོད་པ་ཉིད་ཀྱི་ཕྱིར་འདིར་འདི་རྣམ་པར་ཤེས་པའོ། །སྦྱོར་བ་ཐོབ་པའི་ཕྱིར་འདི་མ་སྨོས་སོ། །འདིར་དངོས་གཞི་རྣམས་ལ་མཚན་ཉིད་ཇི་ལྟ་བར་རྟོགས་པར་བྱ་བ་ཉིད་དེ་གནོད་#པ་མེད་པའི་ཕྱིར་སྲོག་གཅོད་པ་ནི་ནགས་ལ་
[101b.2]མེས་གཏོང་དུ་འཇུག་པ་ལ་མེད་པ་ལ་#ངེས་པ་ཡོད་པར་འགྱུར་བ་#ལ་མི་སྐྱེད་#དོ། །ཡོད་པའི་བློ་ལ་ཉེས་བྱས་ཙམ་པོར་འགྱུར་བ་ལ་ཡང་ཇི་ཙམ་དུ་ཉེས་བྱས་འདིར་རིགས་སུ་གྱུར་པ་གང་ཡིན་པ་རྣམས་ལ་སྤྱིའམ་བྱེ་བྲག་གཅིག་#ཏུ་མ་ཟད་ཀྱི་དེ་རྣམས་ཤི་བ་ལ་དེའི་རིགས་ཡོངས་སུ་རྫོགས་པའི་
[101b.3]རྗེས་ལ་ན་སྨད་པར་གྱུར་པའི་ལྟུང་བ་དེ་ཙམ་དག་ལ་སྐྱེད་#པའོ། །གལ་ཏེ་མིའི་འགྲོ་བ་པ་རྣམས་ལ་ཉེས་པ་ཡོད་ན་ནི་སྦོམ་པོའོ#། །ཅི་སྟེ་དུད་འགྲོ་རྣམས་ལ་ནི་ཉེས་བྱས་སོ། །གཞན་དུ་གནོད་པ་ལ་ནི་དེ་ལས་ཀྱང་ན་སྨད་པ་སྟེ་དེ་ཙམ་དག་ལ་མངོན་པར་འབྲེལ་བའི་ཕྱིར་གསོད་པ་དང་སྦ་བ་ལ་འདི་བཅད་
[101b.4]ནས་འདིར་#ལ་ལ་ཐམས་ཅད་གང་ཡིན་པ་འདི་ནི་རྒུད་པར་གྱུར་ཅིག་ཅེས་བྱ་བས#། དེ་རྣམས་ཤི་བ་ལ་ཇི་ལྟར་ཇི་ཙམ་དུ་སྲོག་ཆགས་དེ་དང་རྗེས་སུ་མཐུན་པའི་ལྟུང་བ་རྣམས་ཀྱང་དེ་ཙམ་མོ། །རྣམ་པར་གཅད་#པ་ལ་རི་དགས་རྣམས་ཉིད་ཤི་བར་གྱུར་ཅིག་ཅེས་བྱ་བས་གལ་ཏེ། དེ་མ་ཡིན་ན་དེར་མི་ལ་སོགས་
[101b.5]པ་གཞན་རྣམས་མེད་པའམ་ཡོད་པར་གྱུར་པ་མ་བཟུང་བར་ཤེས་པ་ཉིད་ལ་མངོན་པར་བརྟེན་པའི་རི་དགས་རྣམས་ལ་ཇི་ལྟ་བར་བྱས་པའི་ཁ་ན་མ་ཐོ་བ་དང་མ་ཤེས་པའི་མི་ལ་སོགས་པ་རྣམས་ལ་#ནི་མ་ཡིན་ནོ། །གལ་ཏེ་ཤེས་པ་ཉིད་མི་རྣམས་ལ་ཡང་འདིར་དུད་འགྲོ་གཞན་རྣམས་ཡོད་དེ་དེ་ཡང་རི་དགས་
[101b.6]རྣམས་ལ་#ཇི་ལྟ་བར་བརྗོད་པ་མི་རྣམས་ཤི་བ་ལ་སྦོམ་པོ་དང་གཞན་རྣམས་ལ་ནི་ཉེས་བྱས་སོ། །ཤི་བ་ལས་གཞན་པའི་གནོད་པ་གཉིས་ཀ་ལ་ཉེས་བྱས་ཉིད་དོ། །སྐྲ་ཅན་འཚོང་ནའོ་ཞེས་བྱ་བ་ནི་མིའི་འགྲོ་བ་པ་འཚོང་ན་ནི་སྦོམ་པོའོ། །འདིར་གཞུང་ནི་ཉེ་#དགས་ཤ་ཟའི་བུ་གཅིག་བཟུང་སྟེ་བྲོ་གར་
[101b.7]མཁན་ལ་བཙོངས་པ་ནས། ཇི་སྲིད་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་སྐྲ་ཅན་བཙོང་བར་མི་བྱའོ། །བྱེད་ན་ཉེས་པ་སྦོམ་པོར་འགྱུར་རོ་ཞེས་བྱ་བ་ལ་སོགས་པའི་བར་དུ་གསུངས་པ་ཡིན་ནོ། །གང་གིས་བརྐུས་པ་དེ་བླའི་གྲར་#འབུལ་ནའོ་ཞེས་བྱ་བ་ཡང་སྦོམ་པོའོ་ཞེས་བྱ་བར་
[102a]
[102a.1]སྦྱར་རོ། །ཡོངས་སུ་དོར་བར་གྱུར་པ་ནི་བཏང་#བ་འདིའོ། །འཚོང་ན་ཞེས་བྱ་བ་འདི་ལ་སྦོམ་པོར་ཤེས་པའོ། །འདི་གཉིས་ཀ་ལ་མངོན་པར་མ་བསམས་པས་གནོད་པ་གཅིག་པུ་#འདི་ཉིད་ཁ་ན་མ་ཐོ་བ་མེད་པ་ཉིད་དོ། །མངོན་པར་བསམས་པའི་གནོད་པ་ལ་ནི་དེ་བསྒྲུབ་
[102a.2]པར་གྱུར་པ་ལ་གནོད་པ་ཇི་ལྟ་བར་ཁ་ན་མ་ཐོ་བའོ། །ཕྲན་ཚེགས་#ཀྱི་སྐབས་སོ།། །།སྟོན་པས་བསྒོ་ནའོ་#ཞེས་བྱ་བ་ནི་གསད་པའི་སེམས་ཀྱིས་གང་ཞིག་གསོད་པ་ལ་རང་གི་བསམ་པ་ཉིད་ཀྱིས་བསད་པ་དེའི་དོན་དུ་རྗེས་སུ་འབྲེལ་པས་སྟོན་པ་སུ་ཞིག་ལ་བརྗོད་པ་ནི་སྟོན་པའོ། །
[102a.3]གསོད་པར་བྱེད་པ་ལ་གསད་#པའི་ཕྱིར་བསྒོ་བ་བྱས་པ་ཡིན་ཏེ། དེ་གསོད་པར་བྱེད་པ་ལ་བསད་དུ་ཟིན་ཀྱང་དེ་བསྟན་པ་དེས་གསད་#པར་གྱུར་པས་འདིར་ཕམ་པ་བསྐྱེད་པ་ཞེས་བྱ་བའི་དོན་ཏོ། །མ་དང་མངལ་ན་གནས་པ་གཉིས་ནི་དཔེའོ་ཞེས་བྱ་བ་ནི་གསད་#པར་བྱ་བ་མང་པོའི་རྗེས་སུ་གསོད་#པར་བྱེད་པས་#
[102a.4]སུ་ཞིག་བགྲང་བ་དེ་རྣམས་ལ་གསད་#པར་བྱ་བ་གང་ལ། གསོད་པའི་སེམས་ཉེ་བར་གནས་པར་གྱུར་ལ་#དེ་བསྟན་པའི་ཕྱིར་མ་བསམས་པ་གཞན་ཐམས་ཅད་ཀྱང་སྟོན་པར་བྱེད་ཅིང་དེ་ནི་ཞར་ལ་སྦོམ་པོའོ། །དེར་སྦོམ་པོ་དེ་ནི་མ་བསམས་པ་ལ་མ་དང་མངལ་ན་གནས་པ་དག་ལ་དཀུ་མཉེས་པ་ཞེས་བྱ་བ་
[102a.5]འདིས་བསྟན་པར་རིག་པར་བྱ་སྟེ། འདིར་མ་དང་མངལ་ན་གནས་པ་གཉིས་ནི་དཔེ་ཡིན་ནོ་ཞེས་བྱ་བའི་དོན་ཏོ། །#བདག་ཉིད་གསོད་ན་སྦོམ་པོ་ཞེས་བྱ་བ་ནི་གསད་#པའི་ཕྱིར་རྗེས་སུ་བསྒྲུབ་པ་ལས་འདིར་ལྟུང་བ་རྣམ་པར་གཞག་པའི་#བསད་པ་ལས་ནི་མ་ཡིན་ནོ། །དེ་བས་ན་འདིར་ཚེ་རབས་གཞན་དུ་
[102a.6]ལས་ཀྱིས་#ལམ་སྐྱེ་བ་མེད་དོ། །སེམས་གྱུར་པ་མེད་པར་ལེགས་པར་བྱས་ནས་ཉེས་བྱེད་དོ་ཞེས་བྱ་བ་ནི་མ་བསམས་པའི་འབྲས་བུ་གང་ཞིག་མ་#ལེགས་པར་བྱས་པ་དཔེར་ན་གསད་#པར་བྱ་བ་བསྟན་#པ་དེ་ནི་ཉེས་བྱེད་དེ་ལེགས་པར་བྱེད་པ་མ་ཡིན་ནོ། །དེ་བས་ན་སེམས་འགྱུར་བ་མེད་པ་ཉིད་ཡོད་ཀྱང་འདི་
[102a.7]ནི་ཉེས་བྱས་སུ་རིག་པར་བྱའོ་ཞེས་བྱ་བའི་དོན་ཏོ། །ཆེད་དུ་མ་བསམས་པར་གྲུབ་པ་ནི་བྱེད་པ་པོ་ཉིད་མ་ཡིན་ནོ་ཞེས་བྱ་བ་ནི་མ་བསམས་པའི་འབྲས་བུ་གང་ཞིག་ལས་སྐྱེ་བ་དཔེར་ན་བཞད་#གད་ཀྱི་བསམ་པས་མཚོན་འཕངས་པས་ཤི་བའི་གསོད་པར་གཏོགས་པ་གྲུབ་པ་དེ་ནི་ལྟུང་བའི་བྱེད་པ་པོ་ཉིད་མ་ཡིན་
[102b]
[102b.1]ཏེ། དེ་ལ་ནི་མཚོན་འཕངས་པ་ལས་དེར་ལྟུང་བ་ཁོ་ན་སྟེ། ཤི་བ་ལས་ནི་མ་ཡིན་ཞེས་བྱ་བའི་དོན་ཏོ། །འདིར་གཞུང་ནི་བཙུན་པ་དགེ་སློང་གིས་བཞད་#གད་དུ་གཞན་ལ་མཚོན་འཕངས་པས་རྐྱེན་དེས་དུས་བགྱིས་ན་ལྟུང་བ་ཅིར་འགྱུར། ཉེས་བྱས་སོ་ཞེས་གསུངས་པ་ཡིན་ནོ། །ཚེ་རབས་གཞན་
[102b.2]དུ་ལས་སྐྱེ་བ་མེད་དོ་ཞེས་བྱ་བ་ནི་བསད་པ་ལ་སོགས་པའི་སྦྱོར་བ་བྱས་ནས་ཐོག་མར་ཤི་བར་གྱུར་པའི་སྲོག་ཆགས་#པ་ལ་སོགས་པ་མི་བསྐྱེད་དེ་སྦྱར་བ་ཙམ་ཉིད་ལས་དེར་ལྟུང་བའོ། །ཕམ་པར་གྱུར་པ་གསུམ་པའི་ཞུ་བའི་སྐབས་སོ།། །།#སྦོམ་པོ་ནི་ཁོ་བོ་འཆི་བར་འོང་ངོ་ཞེས་དེ་སྐད་ཟེར་བ་ལ་ཡིད་
[102b.3]མི་ཆེས་ཤིང་དེ་བཞིན་ཉིད་དུ་སྒྲུབ་པར་བྱེད་ནའོ་ཞེས་བྱ་བ་ལ། སྦོམ་པོ་ནི་ཞེས་བྱ་བའི་ཚིག་དང་པོར་སྨོས་པ་ནི་དབང་དུ་བྱ་བ་བསྟན་པའི་ཕྱིར་ཏེ། གལ་ཏེ་ནད་པ་ན་རེ་བདག་ལ་ཁྲུས་དང་བསྐྱོད་པ་ལ་སོགས་པ་ཅུང་ཟད་བྱེད་ན་གདོན་མི་ཟ་བར་ཁོ་བོ་འཆི་བར་འོང་ཞེས་དེ་སྐད་ཟེར་བ་ལ་ཡིད་མ་ཆེས་ཤིང་
[102b.4]དེ་གཞན་ཉིད་#དུ་ཁྲུས་ལ་སོགས་སྒྲུབ་པར་བྱེད་ན་སྦོམ་པོའོ། །ངེས་པར་འདིར་ལྟུང་བར་འགྱུར་བ་ལ་ཡང་རྩུབ་པས་ཉེ་བར་གནས་པ་ཞེས་བྱ་བ་ལྟུང་བ་འདིའོ། །ནད་པ་ཤི་བླའོ་ཞེས་གཡོག་མི་བྱེད་ནའོ་ཞེས་བྱ་བ་ནི་སྦོམ་པོ་ཞེས་བྱ་བ་དང་སྦྱར་རོ། །མེད་པར་བྱ་བ་མི་འཕྲོད་པ་སྦྱིན་ནའོ་ཞེས་བྱ་བ་ནི་ནད་པ་ལ་
[102b.5]ཞེས་བྱ་བ་དང་རྗེས་སུ་འབྲེལ་ལོ། །འདིར་ཡང་ཡིད་མ་ཆེས་པའི་ཕྱིར་ཤེས་པར་གྱུར་པ་ན་རྩུབ་པ་ཉིད་ལ་ཉེ་བར་གནས་པའོ། །འདིར་འཆད་པར་འགྱུར་བ་ལ་ཡང་སྦོམ་པོའོ། །འབྲས་ཡོངས་སུ་མ་སྨིན་པ་བརྟོལ་ནའོ་ཞེས་བྱ་བ་ནི་འདིར་ཡང་ངེས་པར་རྩུབ་པ་ཉིད་ཉེ་བར་གནས་པ་ཞེས་བྱ་བ་ལྟུང་བ་འདིའོ། །
[102b.6]དོང་དུ་འཇུག་པ་དང་སྒོ་གླེགས་ཀྱིས་བཙིར་བ་ལ་སོགས་པས་ཉོན་མོངས་པར་བྱེད་པའོ་ཞེས་བྱ་བ་ལ། འདི་ནི་གསད་#པའི་སྦྱོར་བའི་རྣམ་པ་སྟེ་དེ་བས་ན་འདིར་སྦོམ་པོའོ། །གཡང་ས་ནས་མཆོང་བ་དང་འཆི་བ་ལ་སོགས་པ་ལ་འཆི་བའི་དོན་དུ་བསྒྲུབ་པ་ཡང་ངོ་ཞེས་བྱ་བ་ནི་ཡང་གི་སྒྲས་ནི་སྦོམ་པོའོ་ཞེས་བྱ་བ་དེའི་
[102b.7]རྗེས་སུ་བསྙག་#པའི་ཕྱིར་རོ། །འདིར་གཞན་ཤི་བ་ཡོད་པར་གྱུར་པ་ལ་ཕམ་པ་སྟེ་མེད་པར་གྱུར་ན་སྦྱོར་བ་ཉིད་ཀྱི་ཕྱིར་སྦོམ་པོ་འགྲུབ་པའོ། །དེ་བས་ན་བདག་ཉིད་གསད་#པ་ལ་གཡང་ས་དེར་བཏང་བ་ལ་སོགས་པ་ལ་བཟུང་བར་རྟོགས་པར་བྱའོ། །འདིར་བདག་ཉིད་གསོད་པ་ལ་སྦོམ་པོ་སྟེ། དེ་བས་ན་འདི་
[103a]
[103a.1]ཤི་བ་ལ་བརྗོད་དོ། །དེ་བས་ན་མེད་པར་གྱུར་པ་ལ་ཞེས་བྱ་བར་རྟོགས་པར་བྱའོ། །ནད་པ་ལ་བབ་ཅོལ་དུ་མཚོན་དང་ཐག་པ་སྦྱིན་པར་མི་བྱའོ་ཞེས་བྱ་བ་ནི་ནད་གཡོག་ལ་ཤི་བའི་ཡོ་བྱད་མ་ཡིན་ན་ཞེས་བྱ་བ་བརྗོད་ཟིན་ཏོ། །ནད་གཡོག་མ་ཡིན་པའི་དོན་དུ་ནི་རྩོམ་པ་འདིའི་#
[103a.2]བབ་ཅོལ་དུ་ཞེས་བྱ་བའི་ཚིག་གིས་ཤི་བ་ལ་མ་ཡིན་པའི་ཡོ་བྱད་ཉིད་ཤེས་ནས་བྱ་བ་གཞན་གྱི་དོན་དུ་སྦྱིན་པར་བྱ་ཞེས་བྱ་བའི་དོན་ཏོ། །འདིར་ནི་མཚོན་དང་ཐག་པའི་ཚིག་ནི་དཔེ་ཡིན་ཏེ་ཁབ་ལ་སོགས་པ་རྣམས་ཀྱང་བསྡུས་པ་ཡིན་ནོ། །ཞལ་ཏ་བས་ཤེས་བཞིན་དུ་བྱའོ། །གསང་སྔགས་
[103a.3]ཀྱི་ཐལ་ལྕག་བྱ་བ་ཡང་ངོ་ཞེས་བྱ་བ་ནི་ཤེས་བཞིན་དང་ཞེས་བྱ་བ་དང་སྦྱར་རོ། །ཤེས་བཞིན་དུ་ཞེས་བྱས་པས་#གདོན་གྱིས་ཟིན་པ་ཐར་བར་བྱ་བའི་གསང་སྔགས་སྔོན་དུ་འགྲོ་བས་གདོང་དུ་ཐལ་ལྕག་གིས་བསྣུན་པ་ནི་ཐལ་ལྕག་བསྣུན་པའོ། །ཤི་བ་དང་གནོད་པ་དང་#གཞན་ལ་དགག་པའི་དོན་དུ་དེ་
[103a.4]ལྟ་བུའི་རིགས་ཅན་གྱི་ཐ་སྙད་རྣམས་སོ། །ཁོང་ནད་བསལ་བའི་ཕྱིར་དང་ཐོགས་པ་བསལ་བའི་ཕྱིར་བསྣུན་པ་ཡང་ངོ་ཞེས་བྱ་བ་ནི་མགྲིན་པ་ལ་སོགས་པའི་ལུས་ལ་ཅུང་ཟད་ནུས་པ་ལུས་ལས་དོན་གཞན་དུ་གྱུར་པ་ནི་ཐོགས་པའོ། །དེ་བསལ་བའི་ཕྱིར་བསྣུན་པ་གང་ཡིན་པ་དེ་ཡང་དག་པར་
[103a.5]ཤེས་ཤིང་སྦྱིན་པར་བྱ་ཞེས་བྱ་བའི་དོན་ཏོ། །དེར་འགྱུར་བས་#ལེགས་པར་སོ་སོར་བརྟག་པར་བྱ་སྟེ་དྲིལ་བར་བྱའོ་ཞེས་བྱ་བ་ལ་དེར་གྱུར་པས་ཞེས་#བྱ་བ་ནི་ཡང་དག་པར་ཤེས་པར་གྱུར་པ་ཤེས་བཞིན་ལ་གནས་པའོ། །དེ་ལྟར་སོ་སོར་བརྟག་པར་བྱ་སྟེ་རྡོ་བ་ལ་སོགས་པས་དྲིལ་བར་བྱའོ། །ཇི་
[103a.6]ལྟར་སུ་ཞིག་ལ་ཡང་གནོད་པར་མི་འགྱུར་བར་རོ། །གནོད་པར་བྱ་བ་མེད་པར་ཤེས་པའི་ཕྱིར་སོ་སོར་རྟོག་པ་འདིའོ། །དེ་བས་ན་གནོད་པ་བྱེད་པའི་རྡོ་བ་ལ་སོགས་པ་ལ་འདི་དྲིལ་བ་ཞེས་བྱ་བ་ལ་སོགས་པ་བརྟག་པར་བྱའོ། །ཕྱོགས་ཉུང་ངུས་གདག་#པ་ལྕི་བ་ལ་འབད་པར་མི་བྱའོ་ཞེས་བྱ་བ་ནི་ཉུང་
[103a.7]བའི་གསུམ་གྱི་ཚོགས་བརྩོན་པ་ཆ་ཤས་སུ་གྱུར་པ་ལྕི་བའི་ཁུར་གདེག་#པར་བྱ་བའི་དོན་ཏོ། །སྤྱི་བོ་ཚུགས་སུ་འགྲོ་བར་#མི་བྱའོ་ཞེས་བྱ་བ་ནི་སྤྱི་བོ་ཚུགས་མཁན་ལྟར་རོ། །མ་བསླབས་པས་བསླབས་#པ་ལ་སྦྱར་བར་མི་བྱའོ་ཞེས་བྱ་བ་ནི་མཚོན་གྱི་ལས་ལ་སོགས་པ་གཞན་ལ་གནོད་པའི་ཕྱིར་ནུས་#
[103b]
[103b.1]པ་ཞེས་བྱ་བ་ཤུགས་ཀྱིས་རྟོགས་པར་བྱའོ། །མཚོན་འཕང་བ་#ལ་བསྒོ་བར་མི་བྱའོ་ཞེས་བྱ་བ་ནི་དཔེར་ན་མདའ་འཕངས་#ཤིག་དང་བལྟ་བར་#བྱའི་ཞེས་བྱ་བའོ། །ནད་པ་མི་ནུས་པ་ལམ་དུ་མི་བཀྲིའོ་ཞེས་བྱ་བའོ། །ཕམ་པ་གསུམ་པ་འདུལ་བྱེད་ཀྱི་སྐབས་སོ།། །།གང་དུ་ཕམ་པར་
[103b.2]གྱུར་པ་བཞི་པ་ཞེས་བྱ་བ་ལ་ལྟོས་ནས་བརྗོད་པར་བྱ་སྟེ། དེའི་ཕྱིར་འདུ་ཤེས་བསྒྱུར་ཏེ་བདག་ཉིད་མིའི་ཆོས་བླ་མ་དང་ལྡན་པ་ཉིད་དུ་སྨྲ་ནའོ་ཞེས་བྱ་བ་ནི་གང་ཞིག་འདི་བདེན་པར་གྱུར་པ་དང་མིང་དུ་གྱུར་པའི་དོན་བཟུང་སྟེ་བསྒྱུར་ཏེ་སྦ་བར་བྱས་ནས་འོག་ཏུ་བྱས་ཏེ་བརྫུན་པའི་དོན་གྱིས་འདུ་ཤེས་གཞན་
[103b.3]གྱིས་བཀབ་ནས་བདག་ཉིད་མིའི་ཆོས་བླ་མ་དང་ལྡན་པ་ཉིད་དུ་བརྗོད་པ་ལ་ཅི་བདག་ཉིད་དམ་གཞན་ལ་ཞེས་བྱ་བ་ནི་བདག་ཉིད་ལའོ། །དེ་ཉིད་མཐོང་ངོ་བདག་མཐོང་ངོ་སྒྲ་ཐོས་སོ། །བདག་གིས་ཐོས་སོ། །འགྲོའོ། །བདག་གི་#དྲུང་དུ་འོང་ངོ་། །ལྷན་ཅིག་ཏུ་#གཏམ་འདྲེའོ། །ཕེབས་པར་
[103b.4]སྨྲའོ། །སོ་སོར་ཀུན་དགའོ། །བདག་དང་རྟག་དུ་(ཏུ་)ཡང་ལྷན་ཅིག་གནས་པར་བྱེད་དོ་ཞེས་སྨྲས་པ་འདི་ཉིད་དོ་ཞེས་བྱ་བ་མཐོང་ངོ་ཞེས་བྱ་བ་ལ། སོགས་པ་སྨྲས་པ་དེ་ཉིད་ནི་བདག་ཉིད་མིའི་ཆོས་བླ་མ་དང་ལྡན་པ་ཉིད་དུ་སྨྲ་བ་ཉིད་ཡིན་པར་བལྟ་བར་བྱའོ། །བདག་དང་ལྷན་ཅིག་གཏམ་འདྲེའོ་
[103b.5]ཞེས་བྱ་བ་འདིས་ནི་གཏམ་འདྲེ་བར་བྱེད། ཕེབས་པར་སྨྲ་བར་བྱེད། ཕན་ཚུན་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་དོ་ཞེས་དེ་ལྟར་ཡང་སྦྱར་བར་ཤེས་པར་བྱའོ། །ཅི་མཐོང་ངོ་། །བདག་མཐོང་ངོ་ཞེས་བྱ་བ་དེ་ཙམ་གྱི་ཚིག་ཁོ་ན་ལས་ཕམ་པར་འགྱུར་རམ། འོན་
[103b.6]ཏེ་ཟླ་ཅུང་ཟད་ཅིག་ལ་ལྟོས་ནས་ཡིན། དེ་ལྟར་ན་ཡང་ཟླ་གང་ཡང་རུང་བ་ཞིག་ཡིན་ནམ་འོན་ཏེ་ཁྱད་པར་ཅན་ཞིག་ཡིན་ནམ་#ཞེ་ན། །དེའི་ཕྱིར། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། མིའམ་ཅི་དང་། ལྟོ་འཕྱེ་ཆེན་པོ་དང་། ཡི་དགས་དང་། ཤ་ཟ་དང་། གྲུལ་བུམ་དང་། སྲུལ་
[103b.7]པོ་དང་། ལུས་སྲུལ་པོའི་ཟླ་ཉིད་ལའོ་ཞེས་བྱ་བ་སྨོས་ཏེ། དེའི་ཕྱིར་ལྷ་རྣམས་བདག་གིས་མཐོང་ངོ་། །ལྷ་རྣམས་ཀྱིས་བདག་མཐོང་ངོ་། །ལྷ་རྣམས་དང་ལྷན་ཅིག་བདག་གནས་སོ་ཞེས་བྱ་བ་ཉེ་བར་གནས་པ་འདི་རྣམས་ཀྱི་ཚིག་དང་ལྡན་པས་བདག་ཉིད་མིའི་ཆོས་བླ་མ་དང་ལྡན་པ་ཉིད་སྨྲ་བ་ཞེས་བྱ་
[104a]
[104a.1]བའི་དོན་ཏོ། །སྦོམ་པོའི་དབང་དུ་བྱས་པ་ཉིད་ནི་དུར་#ཁྲོད་ཀྱི་ཤ་ཟའོ་ཞེས་བྱ་བ་ནི་དུར་ཁྲོད་ཀྱི་ཤ་ཟ་བ་ལ་སོགས་པ་འགལ་བའི་ཟླ་ལ་བདག་གིས་རགས་#པ་མཐོང་ངོ་ཞེས་བྱ་བ་འདི་ལྟ་བུ་ལ་སོགས་པ་ཚིག་རྣམས་གཞན་སོ་སོ་ཉིད་ཀྱི་ཕྱིར་འདི་ལ་དེ་ལྟར་འདི་དང་ལྷན་ཅིག་བདག་
[104a.2]ལ་སྟོད་#པར་བྱེད་ཅེས་བྱ་བ་འདི་ཤེས་པའོ། །འབྲས་བུ་དང་ལྷན་ཅིག་ཏུ་མིའི་ཆོས་བླ་མ་བསྟན་པའི་ངོ་བོ་ཉིད་#ལ་བརྗོད་པར་བྱ་སྟེ། མི་རྟག་པ་ལ་སོགས་པའི་འདུ་ཤེས་དང་། བསམ་གཏན་རྣམས་དང་། ཚད་མེད་པ་རྣམས་དང་། གཟུགས་མེད་པ་རྣམས་དང་། འབྲས་བུ་རྣམས་
[104a.3]དང་། མངོན་པར་ཤེས་པ་ལ་སོགས་པ་ནི་ཆོས་བླ་མའོ་ཞེས་བྱ་བ་ནི་མི་རྟག་པའི་འདུ་ཤེས་དང་། མི་རྟག་པ་ལ་སྡུག་བསྔལ་བའི་འདུ་ཤེས་དང་། སྡུག་བསྔལ་བ་ལ་བདག་མེད་པའི་འདུ་ཤེས་དང་། ཟས་ལ་མི་མཐུན་པའི་འདུ་ཤེས་དང་། འཇིག་རྟེན་ཐམས་ཅད་ལ་མངོན་པར་མི་དགའ་
[104a.4]བའི་འདུ་ཤེས་དང་། ཉེས་དམིགས་ཀྱི་འདུ་ཤེས་དང་། སྤོང་བའི་འདུ་ཤེས་དང་། འདོད་ཆགས་དང་བྲལ་བའི་འདུ་ཤེས་དང་། འགོག་པའི་འདུ་ཤེས་དང་། འཆི་བའི་འདུ་ཤེས་དང་། མི་སྡུག་པའི་འདུ་ཤེས་དང་། རྣམ་པར་བསྔོས་པའི་འདུ་ཤེས་དང་། རྣམ་པར་རྣགས་#པའི་འདུ་
[104a.5]ཤེས་དང་། རྣམ་པར་བམ་པའི་འདུ་ཤེས་དང་། རྣམ་པར་འབུས་གཞིགས་པའི་འདུ་ཤེས་དང་། རྣམ་པར་ཟོས་པའི་འདུ་ཤེས་དང་། རྣམ་པར་དམར་བའི་འདུ་ཤེས་དང་། རྣམ་པར་འཐོར་བའི་འདུ་ཤེས་དང་། རུས་གོང་གི་འདུ་ཤེས་དང་། སྟོང་པ་ཉིད་ལ་སོ་སོར་རྟོགས་#པའི་འདུ་ཤེས་སོ་
[104a.6]ཞེས་བྱ་བའི་མདོ་སྡེ་རྣམས་ལས་ཡང་དག་པར་འབྱུང་བའི་འདུ་ཤེས་རྣམས་ཉེ་བར་བསྡུ་བའི་ཕྱིར་རོ། །མི་རྟག་པ་ལ་སོགས་པ་#འདི་ལ་འདིར་སོགས་པའི་སྒྲ་དང་མངོན་པར་ཤེས་པ་ལ་སོགས་པ་ཞེས་བྱ་བ་འདིར་ཡང་སོགས་པའི་སྒྲས་འདི་ལྷག་མ་འདི་ལྟ་བུའི་རྣམ་པའི་ཡོན་ཏན་རྣམས་བསྡུ་བའི་དོན་
[104a.7]དུའོ། །སྦོམ་པོའི་དབང་དུ་བྱས་པ་ཉིད་ནི་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཉོན་མོངས་པ་རྣམ་པར་གནོན་པའོ་ཞེས་བྱ་བ་ནི་མོས་པ་ཡིད་ལ་བྱེད་པའི་བདག་ཉིད་ཚད་མེད་པ་ལ་སོགས་པ་རྣམས་ལའོ། །དེ་ཁོ་ན་ཡིད་ལ་བྱེད་པའི་བདག་ཉིད་ཅན་རྣམས་ལ་ཡང་མི་རྟག་པའི་འདུ་ཤེས་
[104b]
[104b.1]ལ་སོགས་པའི་དགེ་བའི་རྣམ་པ་#རྣམས་ཡོངས་སུ་རྫོགས་པ་གང་ཡིན་པ་དེ་ལ་ཚུ་རོལ་གྱི་ཆ་གང་ཡིན་པ་དེ་འདིར་#རང་གི་མཚན་ཉིད་འཛིན་པ་ཞེས་བྱ་བ་ལ་སོགས་པའི་ཚིག་གིས་བརྗོད་པའོ། །ཞི་གནས་ཀྱི་དོན་ནི་ཏིང་ངེ་འཛིན་གྱི་དོན་ཏོ། །ཡོངས་སུ་རྫོགས་པ་དང་མི་རྟག་པ་ལ་སོགས་པའི་འདུ་ཤེས་
[104b.2]རྣམས་ལ་མི་རྟག་པ་ལ་སོགས་པའི་འདུ་ཤེས་ཉིད་ཀྱིས་བཀའི་ཚིག་གོ། །དེ་བས་ན་ཕྱིར་མི་བཟློགས་#པས་བསྡུས་པའི་དགེ་བའི་རྩ་བ་རྣམས་ཡོངས་སུ་རྫོགས་པ་ལུང་བསྟན་པ་ལ་ནི་ཕམ་པའོ། །ཚུ་#རོལ་ཉིད་ལ་ཡོངས་སུ་རྫོགས་པ་ལུང་བསྟན་པ་ནི་སྦོམ་པོའི་ལྟུང་བ་ཞེས་བྱ་བ་རྣམ་པར་གཞག་པ་རྟོགས་
[104b.3]པར་བྱའོ། །དེ་དང་ལྡན་པའི་ཆོས་ཅན་ཉིད་དུ་སྨྲ་བ་ནི་དེ་དང་ལྡན་པ་ཉིད་མ་སྨྲས་པ་མ་ཡིན་ནོ་ཞེས་བྱ་བ་ནི། དེ་དང་ལྡན་པ་ཉིད་ཀྱི་ཆོས་གང་ཡིན་པ་དེ་ལ་བརྗོད་པ་གང་ཡིན་པ་འདི་ནི་དེ་དང་ལྡན་པ་ཉིད་མ་ཡིན་ནོ། །དེ་བས་ན་མི་མ་ཡིན་པ་རྣམས་མི་འཚེ་བ་ཉིད་དང་། ཁྲོ་བོ་བཀྲ་བ་ལ་སོགས་པ་
[104b.4]འཐོབ་པའི་ཆོས་ཞེས་བྱ་བ་ལ་སོགས་པ། རྒྱུན་དུ་ཞུགས་པ་ལ་སོགས་པའི་ཆོས་ཉིད་ཀྱིས་#རྣམ་པར་གནས་པ་ལ་བརྗོད་པ་གང་ཡིན་པ་དེ་ནི་རྒྱུན་དུ་ཞུགས་པ་ལ་སོགས་པ་མ་ཡིན་ཞེས་བྱ་བར་ཤེས་པར་མི་བྱ་སྟེ་བརྗོད་པ་འདི་ལ་ཕན་པ་ཉིད་ཅེས་བྱ་བའི་དོན་ཏོ། །དེ་ཡོད་དོ་ཞེས་རང་གི་བསམ་
[104b.5]པ་གཞན་ལ་སྦྱོར་ཞིང་སྟོན་པ་ཉིད་དོ་ཞེས་བྱ་བ་ནི་དགེ་སློང་ཡོད་དེ་#གང་ཞིག་ལྷ་རྣམས་མཐོང་བ་ཞེས་བྱ་བ་ལ་སོགས་པ་གང་ཡིན་པ་བདག་ཉིད་ལ་དགོངས་ནས་འདི་ཡོད་དོ་ཞེས་བྱ་བ་བསམས་པས་ཚིག་གོ། །གལ་ཏེ་ཡང་དེར་བདག་ཉིད་མངོན་པར་བསམས་པ་དེ་ལྟར་ན་ཡང་གཞན་ལ་སྦྱོར་
[104b.6]བ་ཉིད་དེ་ལ་ཚིག་གི་ངོ་བོ་རང་དང་གཞན་ལ་སྦྱོར་བ་རྣམ་པར་གཞག་པ་རང་གི་བསམ་པས་གདུག་པ་ཅན་དང་གདུག་པ་ཅན་མ་#ཡིན་པ་ཉིད་ལ་དེ་བས་ན་ཚིག་ལ་ཚིག་འདི་ལས་#རྣམ་པར་གཞག་པ་མེད་དོ#། །དེ་བས་ན་འདིར་ཁ་ན་མ་ཐོ་བ་མ་ཡིན་པ་ཆད་པ་ལ་ཕམ་པ་མ་ཡིན་ནོ་ཞེས་བྱ་བའི་དོན་
[104b.7]ཏོ། །གལ་#ཏེ་འདི་ཡོད་ཅེས་བསམས་#པ་རྣམས་ལ་མ་བསྟན་པ་ཡང་བདག་ཅེས་བྱ་བ་ལ་སོགས་པའི་སྒྲས་ཉེ་བར་བསྡུ་བའོ། །འདི་ནི་བདག་ཉིད་ཅེས་བྱ་བ་ལ་སོགས་པར་འགྱུར་ན་དེའི་ཚེ་ན་ཡང་གཞན་ལ་སྦྱོར་ཞིང་ཞེས་བྱ་བ་ཅི་ཞིག་བྱ་ཞེ་ན། དེའི་ཕྱིར་ཉེ་བར་སྦྱོར་ན་མ་ཡིན་ནོ་ཞེས་བྱ་བ་
[105a]
[105a.1]སྨོས་ཏེ། རང་ལ་ཞེས་བྱ་བར་སྦྱར་རོ། །དགེ་སློང་འདི་ཡོད་དེ་གང་ཞིག་ལྷ་རྣམས་མཐོང་ཞེས་བྱ་བ་འདི་ལ་གལ་ཏེ་རང་གི་སྟོན་པའི་སྒྲ་ལ་བདག་ཉིད་འདི་ཡིན་ཞེས་བྱ་བ་བསམ་པར་བྱེད་ན་དེ་བས་ན་གཞན་གྱི་བསྟན་པ་ཉིད་མ་ཡིན་ནོ། །རང་བསྟན་པ་ཉིད་ཀྱིས་དེར་
[105a.2]ལྟུང་བ་ཡོངས་སུ་རྫོགས་པ་ཉིད་ཅེས་བྱ་བའི་དོན་ཏོ། །དེ་ལྟར་ཡང་གཞུང་ནི་འདི་སྐད་ཅེས་ང་ཉིད་དོ་ཞེས་མི་སྨྲ་ན་ཞེས་བྱ་བ་ཡིན་ནོ། །མ་བསམས་པར་བསྟན་པར་མི་བྱའོ་ཞེས་བྱ་བ་ནི་ཇི་ལྟར་བསླུ་བའི་བློས་ཡིད་ཆེས་དང་བྲལ་བའི་ཚིག་གིས་གླགས་མི་རྙེད་པ་དེ་བཞིན་དུ། སོ་སོར་
[105a.3]བརྟགས་#པ་མ་བྱས་པར་ལུང་བསྟན་པར་མི་བྱའོ་ཞེས་བྱ་བའི་དོན་ཏོ། །ཕམ་པར་འགྱུར་བ་བཞི་པ་རྣམ་པར་འབྱེད་པའི་སྐབས་སོ།། །།བླ་མ་ཐོབ་པ་ཡོངས་སུ་ཉམས་པ་གོ་བར་བྱེད་པ་ནི་མ་བརྗོད་པ་མ་ཡིན་ནོ་ཞེས་བྱ་བ་ནི་བདག་ཉིད་དམན་པ་སྟེ། བདག་ནི་དགེ་སྦྱོང་གི་འབྲས་བུ་
[105a.4]བཞི་ལས་ཉམས་པའོ་ཞེས་བྱ་བ་ལ་སོགས་པས་ཐོབ་པ་ལས་ཡོངས་སུ་ཉམས་པ་ལས་བསྟན་པ་གང་ཡིན་པ་དེ་ཡང་མིའི་ཆོས་བླ་མ་མ་བརྗོད་པ་མ་ཡིན་ཏེ་བརྗོད་པ་ཁོ་ན་ཉིད་ཡིན་པས། འདིར་གལ་ཏེ་བརྫུན་དུ་སྨྲ་བ་ཉིད་ཡོད་པར་གྱུར་པ་ལ་ཕམ་པར་མི་#འགྱུར་བ་མ་ཡིན་ཏེ། ཕམ་པར་འགྱུར་
[105a.5]བ་ཁོ་ན་ཡིན་ནོ། །མ་ཐོབ་པ་ལ་ཉམས་པ་གང་ཞིག་བསྟན་པ་དེ་གལ་ཏེ་སྐྱོན་དང་བཅས་ན་ཁྱད་པར་སུ་ཞིག་སྲིད་པའི་འདུན་པས་ཡང་དག་པར་མཚོན་པ་ཉིད་དེ་ལ་རིག་པར་བྱའོ། །སླར་གང་ཞིག་སྐྱོན་དང་བྲལ་བ་དེ་ལ་སྐྱོན་དང་བྲལ་བ་ཉིད་དོ། །བླ་མ་བརྗོད་པའི་འདུན་པས་མིང་མཐུན་པའི་དོན་
[105a.6]བརྗོད་ན་སྦོམ་པོའོ་ཞེས་བྱ་བ་ནི་མིང་འདྲ་བའི་དོན་བརྗོད་པ་ནི་མིང་དང་མཐུན་པའི་དོན་བརྗོད་པའོ། །བདག་སློབ་པ་ཞེས་བྱ་བ་སོ་སོར་ཐར་པའི་སྡོམ་པ་ལ་སོགས་པ་ལ་སློབ་པའོ། །བདག་ནི་མི་སློབ་ཅེས་བྱ་བ་བསྟན་པ་དང་། འདུལ་བ་དང་སོ་སོར་ཐར་པའི་མདོ་ལ་སོགས་པ་དང་། ཆོས་མངོན་པ་
[105a.7]ལ་སོགས་པ་སློབ་པ་ཉིད་དང་མི་བརྩོན་པ་ཉིད་ལྷུང་བཟེད་ལ་སོགས་པ་ལས་ལྷག་མ་#མེད་པ་དང་། བདག་ལ་ཅིའང་མེད་དོ་ཞེས་བྱ་བ་སྐྱེ་#བའི་ཐ་མ་བཟློག་པ་ཉིད་ཅེས་བྱ་བའོ། །གྲུར་འགྲོ་བ་དག་ལ་རྒྱུན་དུ་ཞུགས་པའི་འབྲས་བུ་ཞེས་བྱ་བ་བསྟན་པ་ཉིད་དེར་འབྲས་བུ་འདི་ལ་མེ་ཏོག་ལ་སོགས་པ་བདག་
[105b]
[105b.1]ཉིད་ཀྱིས་བཟུང་ནས་འབྲས་བུ་ཐོབ་པོ་ཞེས་བྱ་བ་དང་། ཁྱོད་ནི་ཟག་པ་མེད་དོ་ཞེས་བྱ་བ་ལ་སོགས་པས་འདྲི་བའི་བདག་ཉིད་ལ་བདག་ལ་འཚོ་བ་ལ་སོགས་པ་མེད་དོ་ཞེས་བྱ་བ་ནི་འདི་འདས་པའོ། །འཚོ་བའི་འཇིགས་#པ་ལས་བདག་ནི་འཇིགས་#པ་མ་ཡིན་ཞེས་བྱ་བ་དང་བདག་ནི་ཀུན་ཏུ་སྦྱོར་བ་ལ་སོགས་
[105b.2]པ་ལས་གྲོལ་ལོ་ཞེས་བྱ་བའི་མིང་དང་བཅས་པའི་དོན་ལ་དགོངས་ནས་བླ་མའི་མིང་དང་འདྲ་བའི་མིང་དེ་ལ་བླ་མ་བསྟན་པའི་འདུན་པས་བརྗོད་པ་ལ་སྦོམ་པོའོ་ཞེས་བྱ་བའི་དོན་ཏོ། །གཞན་གྱིས་#ཐོས་པ་ལ་ཡོད་པར་འགྱུར་བ་འདི་རྟོགས་པར་བྱའོ། །ནོར་ན་ཡང་ངོ་ཞེས་བྱ་བ་ནི་བརྗོད་པ་ཞེས་བྱ་བ་
[105b.3]དང་སྦྱར་རོ། །རྒྱུན་དུ་ཞུགས་པའི་འབྲས་བུ་ལ་སོགས་པ་མི་བདེན་པ་མིའི་ཆོས་བླ་མ་བརྗོད་པར་བྱའོ་སྙམ་པ་ལས་ནོར་ཏེ་ལན་ཅིག་ཕྱིར་འོང་བའི་འབྲས་བུ་ལ་སོགས་པ་གོང་མ་དག་བརྗོད་ན་སྦོམ་པོར་འགྱུར་རོ་ཞེས་བྱ་བའི་དོན་ཏོ། །གཞོགས་སྨོས་ཀྱང་ངོ་ཞེས་བྱ་བ་ལ། ཡང་གི་སྒྲས་ནི་སྦོམ་པོ་
[105b.4]ཞེས་བསྙག་པའི་དོན་དུའོ། །ཨེ་མའོ་#ཁྱོད་ཁོ་བོ་ཅི་འདྲ་བ་དེ་#འདྲ་བར་འགྱུར་རོ། །ཁོ་བོ་དང་ཁྱོད་དང་འུ་ཅག་འདི་ལྟར་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་རྣམས་སུ་གྱུར་ཅིག །བདག་ནི་རྒྱུན་དུ་ཞུགས་པ་མ་ཡིན་པ་ནས་ཇི་སྲིད་དུ་དགྲ་
[105b.5]བཅོམ་པའི་བར་ཡང་མ་ཡིན་ནོ་ཞེས་དེ་སྐད་དུ་ཟེར་ཞིང་། གང་གི་ཕྱིར་བདག་ནི་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་ཡིན་ཞེས་སུ་ཟེར་ཞེས་བྱ་བའོ། །བདག་ནི་དེང་ནས་འཇིག་རྟེན་པའི་བསམ་གཏན་ལ་སྙོམས་པར་ཞུགས་པ་མ་ཡིན་ཏེ་ཁར་#རྩང་
[105b.6]ནི་མ་ཡིན་ནོ། །དེ་བས་#གཞན་པས་ཀྱང་དུས་གཅིག་གི་ཚེ་ན་ཡང་མ་ཡིན་ནོ། །ཚུར་ཤོག་འབྲས་བུ་རྣམས་ལ་ལུང་བསྟན་པར་བགྱིའོ། །རྒྱུན་དུ་ཞུགས་པའི་འབྲས་བུ་ལ་ལུང་བསྟན་པར་འགྱུར་བར་བགྱི་སྟེ། བདག་ནི་རྒྱུན་དུ་ཞུགས་པ་མ་ཡིན་ནོ་ཞེས་བྱ་བ་ལ་སོགས་པ་འདི་ལྟ་བུ་ལ་སོགས་པ་
[105b.7]ལ་མཐར་བྱེད་པ་བླ་མ་མཚོན་པ་གཞན་གྱིས་ཐོས་བཞིན་པ་ལས་སྦོམ་པོ་ཞེས་བྱ་བའི་དོན་ཏོ། །ཡང་དག་པར་ཕྱི་མ་ཉིད་ལ་དེ་མི་འབྱུང་བ་མ་ཡིན་ནོ་ཞེས་བྱ་བ་ལ། ཡང་དག་པ་ནི་བདེན་པའོ། །ཕྱི་མའི་གང་ལ་ཡོད་པ་ཞེས་བྱ་བའི་བསྡུ་བའོ། །བདེན་པའི་དོན་ཅན་གཞན་མ་གྲོལ་བ་ལ་སྔ་མའི་
[106a]
[106a.1]ཚིག་ལ་གཞོགས་#སྨོས་མ་བྱས་པ་ཉིད་མ་ཡིན་ནོ། །གང་གི་ཕྱིར་མ་བྱས་པ་ཉིད་#ནི་བྱས་པའི་དོན་ཇི་ལྟར་ཡང་རྟོགས་པར་བཟོད་པ་མ་ཡིན་ནོ། །འདིར་གཞུང་ནི། བཙུན་པ་དགེ་སློང་འདི་སྐད་ཅེས་སློང་#མོ་སྟེར་བའི་ཁྱིམ་ཆེ་གེ་མོ་དགེ་སློང་གང་གི་ཡིན་པའི་དགེ་སློང་དེ་ནི་རྒྱུན་
[106a.2]དུ་ཞུགས་པ་དང་ལན་ཅིག་ཕྱིར་འོང་བ་དང་ཕྱིར་མི་འོང་བ་དང་དགྲ་བཅོམ་པའོ། །རིགས་དེ་སུ་ཞིག་གིས་ཏེ་#དེ་ནི་བསོད་སྙོམས་པའི་རིགས་སོ། །དེས་སྨྲས་པ། ཁོ་བོའི་སྟེ་ཁོ་བོ་ནི་རྒྱུན་དུ་ཞུགས་པ་དང་ལན་ཅིག་ཕྱིར་འོང་བ་དང་ཕྱིར་མི་འོང་བ་དང་དགྲ་བཅོམ་པ་མ་ཡིན་ཞེས་མཆི་ན་ལྟུང་བ་ཅིར་
[106a.3]འགྱུར། ཉེས་པ་སྦོམ་པོར་རོ་ཞེས་གསུངས་པ་ཡིན་ནོ། །ཕམ་པ་བཞི་པ་ལས་ཉེ་བ་འཁོར་གྱི་#ཞུས་པའོ།། །།#སྦོམ་པོ་ནི་བཙུན་པ་ནི་དགྲ་བཅོམ་པ་ཆོས་གོས་ལ་སོགས་པ་མཆོག་འོས་པ་བྲམ་ཟེ་སྡིག་པའི་ཆོས་བསལ་བ་བཙུན་པའི་དབང་པོ་དྲུག་པོ་དག་ནི་ཤིན་ཏུ་དུལ་བ་སྦས་པ།
[106a.4]བསྲུངས་པ། བསྒོམས་#པ་དག་ཡིན་ནོ་ཞེས་ཟེར་བ་ལ་ཅང་མི་སྨྲ་བས་དང་དུ་ལེན་པར་བྱེད་ནའོ་ཞེས་བྱ་བ་ལ། ཡང་དག་པར་ཞུགས་པ་ནི་ཡིད་ལ་དང་དུ་ལེན་པ་བརྗོད་ཡང་དོན་འདི་བསྒྲུབ་པ་སྟེ། དེ་བས་ན་ཅང་མི་སྨྲ་བའི་ངོ་བོ་ཞེས་བྱ་བ་ནི་བྱེ་བྲག་གོ། །འདིར་ཅང་མི་སྨྲ་བ་ཉིད་ལ་རྣམ་པར་
[106a.5]རིག་བྱེད་ཀྱིས་#རྣམ་པ་ཉིད་བསྒྲུབ་པ་ཡིན་ཏེ། དེ་བས་ན་ཁ་ཅིག་རྣམས་ལ་རྟོགས་པའོ། །དེ་བས་ན་འདིར་སྐྱོན་འདི་དང་དུ་བླངས་པ་གཞན་གྱིས་རྟོགས་#པ་ཡོད་པར་འགྱུར་བ་ལ་འདི་སྦོམ་པོའོ། །གཞན་དུ་ནི་འདི་ལྟ་བུ་ན་སྨད་པ་ཞེས་བྱ་བ་རིག་པར་བྱའོ། །བཙུན་པ་གལ་ཏེ་དགྲ་བཅོམ་པ་
[106a.6]ཡིན་ན་བདག་གི་བསོད་སྙོམས་ལོང་ཤིག་#ཁྱིམ་དུ་ཞུགས་ཤིག་སྟན་ལ་འདུག་ཤིག་#ལག་ཆུ་བཟེད་ཅིག །བཟའ་བ་དང་སྲན་ཚོད་དང་བཅའ་བ་ལོང་ལ་ཟོ་ཤིག# །རྗེས་སུ་ཡི་རང་བར་#བྱོས་ཤིག །བྱུང་ཤིག་#ཅེས་ཟེར་བ་ལ་དེ་བཞིན་དུ་བསྒྲུབ་ནའོ་ཞེས་བྱ་བ་ནི་སོ་སོར་འདིར་བརྗོད་པ་ཞེས་བྱ་
[106a.7]བའི་ཚིག་ལ། བཙུན་པ་གལ་ཏེ་དགྲ་བཅོམ་པ་ཡིན་ན་#ཞེས་བྱ་བ་འདི་ལོང་ཤིག་#ཅེས་བྱ་བ་རྣམས་ལ་བསྒྱུར་བར་#བྱའོ། །བཟའ་བ་དང་སྲན་ཚོད་ཅེས་བྱ་བ་ནི་ལོང་ཤིག་#ཅེས་བྱ་བ་འདི་གཉིས་ཀ་ཡང་སྦྱར་ཏེ་དེ་བཞིན་དུ་བསྒྲུབ་ནའོ་ཞེས་བྱ་བའོ། །ཇི་སྐད་དུ་གསུངས་པ་དེ་ལྟར་བསྒྲུབ་པ་ལ་
[106b]
[106b.1]བཙུན་པ་གལ་ཏེ་དགྲ་བཅོམ་པ་ཡིན་ན་བདག་ཉིད་#བསོད་སྙོམས་ལོང་ཤིག་#ཅེས་ཟེར་བ་ལ་དེ་བཞིན་དུ་བསྒྲུབ་པ་ལ་བསོད་སྙོམས་ལེན་པར་བྱེད་ན་སྦོམ་པའོ#། །གཞན་དུ་ན་ཡང་ཇི་ལྟར་རིགས་པ་ཞེས་བྱ་བའི་དོན་ཏོ། །བཙུན་པ་གལ་ཏེ་དགྲ་བཅོམ་པ་ཡིན་ན་རྗེས་སུ་ཡི་རང་བར་མཛོད་ཅིག་ཅེས་
[106b.2]ཟེར་བ་ལ་ཅང་མི་སྨྲ་བའི་ངོ་བོས་#རྗེས་སུ་ཡི་རང་བ་#ལ་སྦོམ་པོའམ་འདིར་ཚིག་གིས་ནི་ཕམ་པའོ། །ཕམ་པར་འགྱུར་བ་བཞི་པ་འདུལ་བྱེད་ཀྱི་སྐབས་ལས་བླ་མ་བརྗོད་པའོ།། །།རྨི་ལམ་ནི་མེད་པ་དང་འདྲའོ་ཞེས་བྱ་བ་ནི་ཐ་སྙད་ཀྱི་ཆོས་ལས་ཡང་དག་པར་འདས་པ་ཉིད་ཀྱི་ཕྱིར་རྨི་
[106b.3]ལམ་གྱི་དངོས་པོ་མེད་པ་དང་འདྲ་བ་ཉིད་དོ། །དེའི་འབྲས་བུ་ནི་མ་བྱས་པ་ཉིད་དོ་ཞེས་བྱ་བ་ནི་རྨི་ལམ་གྱི་འབྲས་བུ་ལ་རྨི་ལམ་གྱི་བདག་ཉིད་ཀྱིས་#སེམས་དམིགས་པའི་བུད་མེད་ལ་སོགས་པས་གང་ཞིག་བྱས་པས་ཁུ་བ་འབྱིན་པ་ནི་བྱ་བའོ། །ཚིག་ཀྱང་བྱེད་པ་དང་བཅས་པའི་བྱ་བ་ཅན་ནོ། །བྱ་
[106b.4]བ་མ་བྱས་པ་དེ་ནི་ལྟུང་བ་མ་ཡིན་ཏེ། ལྟུང་བའི་མཚན་མ་མ་ཡིན་ཞེས་བྱ་བའི་དོན་ཏོ། །གང་དུ་ཁུ་བ་འབྱིན་པ་དགེ་འདུན་གྱི་ལྷག་མ་ཞེས་བྱ་ཞེ་ན། དེའི་ཕྱིར་ཕྱུང་#ནའོ་ཞེས་བྱ་བ་#སྨོས་སོ། །སེམས་ཇི་ལྟ་བུ་ཞེ་ན། དེའི་ཕྱིར་དེར་འདུན་པས་སོ་ཞེས་བྱ་བ་སྨོས་ཏེ། འབྱིན་པར་འདུན་པས་ཡིན་
[106b.5]གྱི་རྒྱུག་པ་ལ་སོགས་པའི་སེམས་ནི་མ་ཡིན་ནོ། །སུ་ལས་ཕྱུང་བ་ཞེ་ན། དེའི་ཕྱིར་རང་གི་ཁུ་བའོ་ཞེས་བྱ་བ་སྨོས་ཏེ། རང་གི་ཁུ་བ་ཡིན་གྱི་གཞན་གྱི་ནི་མ་ཡིན་ནོ་ཞེས་བྱ་བའི་དོན་ཏོ། །འདི་ལ་ཁུ་བ་ཕྱུང་བ་ནི་མང་དུ་ཡོད་དེ། གནས་ནས་དབྱུང་བ་དང་གཞན་ཡང་སྦུབས་སུ་འོང་བས་དབྱུང་བ་
[106b.6]དང་། དབང་པོའི་མཐའ་ནས་དབྱུང་བ་ནི་གསུམ་པ་ཞེས་བྱའོ། །འདི་རྣམས་འདི་ལ་སུ་ཞིག་ལས་ཕྱུང་བ་ཞེ་ན། དེའི་ཕྱིར་དང་པོ་ལའོ་ཞེས་བྱ་བ་སྨོས་ཏེ། རང་གི་ཁུ་བ་ཡིན་པ་ནི་དང་པོ་སྟེ་ཕྱུང་བ་དེ་ལའོ་ཞེས་བྱ་བའི་དོན་ཏོ། ཁུ་བ་ལ་ནི་མ་ཡིན་ཏེ་འོན་ཀྱང་ལུས་འདི་ལ་ཁུ་བའི་གནས་སུ་གྱུར་
[106b.7]པ་ལོགས་ཤིག་ན་འཁྲིས་པ་ལྟ་བུ་མེད་དེ། ཡན་ལག་རྣམས་ལས་འབྱུང་བ་སྟེ། དཔེར་ན་བུ་རམ་ཤིང་ལས་ཁུ་བ་དང་ཤ་ལས་ཚིལ་དང་། ཞོ་ལས་མར་རོ། །དེ་བཞིན་དུ་འདིར་འཕོ་བ་རྟོགས་པར་བྱའོ། །སླར་འདི་ནི་ཕྱུང་བ་དང་པོ་དགེ་འདུན་ལྷག་མ་ཅིའི་ཕྱིར་ཏེ། དབང་པོའི་
[107a]
[107a.1]མཐའ་མ་ལ་སོགས་པ་རྣམས་ཀྱིས་ནི་མ་ཡིན་ནོ། །འགའ་ཞིང་#ཏུ་ཉེ་བ་འཁོར་གྱིས་ཞུས་པའི་འདོན་པ་ལས་བཙུན་པ་ཇི་ཙམ་གྱིས་ན་ཁུ་བ་ཕྱུང་བར་བརྗོད་པར་བགྱི། གང་གི་ཕྱིར་རྩའི་སྦུབས་ལ་བརྟེན་#པར་གྱུར་ནའོ་ཞེས་བྱ་བའི་ཚིག་དང་། རྣམ་པར་འབྱེད་པའི་
[107a.2]ཚིག་ལས་ཀྱང་། ཕྱུང་བའི་ཚིག་འདི་ནི་དེ་མ་ཐག་ཏུ་ཕྱུང་བའོ་ཞེས་གསུངས་སོ། །གང་གི་ཕྱིར་གནས་ལ་གནས་པ་ལས་དེ་མ་ཐག་པ་ཉིད་མངོན་པར་འདོད་པ་རྣམ་པར་གནས་པ་ཡིན་གྱི་དབང་པོའི་མཐའ་མ་ནས་མ་ཡིན་ཏེ་མེད་པའི་ཕྱིར་རོ། །དེ་བས་ན་རྣམ་པར་ཕྱུང་བ་གཞན་རྣམས་
[107a.3]ཀྱིས་དེ་མ་ཐག་ཏུ་ཞེས་བྱ་བ་ཁྱད་པར་དོན་མེད་པའི་ཕྱིར་རོ། །གང་གི་ཕྱིར་རྣམ་པར་སྤྱད་པར་བྱ་བ་མེད་ན་ཁྱད་པར་རབ་ཏུ་སྦྱོར་བ་མ་ཡིན་ཏེ། དབང་པོའི་མཐའ་མ་ནས་འབྱུང་བ་ལ་འདོད་ཆགས་ཤིན་ཏུ་ཤས་ཆེར་གྱུར་པ་ཉིད་དང་བསྒྲུབ་པ་ནི་མ་རྫོགས་པའོ། །དེ་བས་ན་འདིར་དངོས་གཞི་འདི་
[107a.4]ལ་སྦྱོར་བ་ཞེས་བྱ་ཞེ་ན་དེ་ནི་མ་ཡིན་ཏེ། ཚངས་པར་སྤྱོད་པ་མ་ཡིན་པ་བཞིན་དུ་དང་པོ་ལ་སྦྱོར་བའི་ཕྱིར་རོ། །དེ་ལས་གཞན་པའི་ཆ་འབྱུང་བ་ལ་ཡང་འདི་ལྟར་དངོས་གཞིར་#ཐལ་བར་འགྱུར་བས་སོ། །རྩ་ལ་བརྟེན་པ་ཕྱུང་བ་ལ་ཡང་དངོས་གཞིར་ཐལ་བའི་ཕྱིར་འདིར་སྦོམ་པོའི་ལྟུང་བར་
[107a.5]འདོད་པ་ཡིན་ནོ། །བདེ་བ་དོན་དུ་གཉེར་བར་#ཕྱུང་བའི་བདེ་བ་སོ་སོར་ཉམས་སུ་མྱོང་བའི་བསམ་པ་ཅན་སུ་ཞིག་ལ་འབྱིན་པའི་འདུན་པ་སྐྱེ་བ་ཡིན་ཏེ། རིག་པ་དོན་དུ་གཉེར་བ་སུ་ཞིག་ལ་གསང་སྔགས་ཀྱིས་#ཕྱུང་བ་བསྒྲུབ་པ་ལ་བཞད་གད་ཅན་གྱི་ཆ་བྱད་ཅན་རིག་པར་གྱུར་པའི་བསླབ་པ་
[107a.6]ཡང་དག་པར་བསྒྲུབ་པ་མངོན་པར་འདོད་པ་མང་ངོ་། །རིག་པ་དོན་དུ་གཉེར་བ་སུ་ཞིག་ལ་ཕྱུང་ནས་བཞག་པས་སོ། །རྨ་རྣམ་པར་སྦས་པ་ལས་ཕྱུང་བར་#སྐྱེ་དགུ་བསྒྲུབ་པ་སོ་སོར་ཤེས་བཞིན་པ་ལའོ། སྨན་དོན་དུ་གཉེར་བ་སུ་ཞིག་ལ་ཁུ་བ་ཕྱུང་བས་ནད་ཉེ་བར་ཞི་བ་སྨན་གྱིས་སམ་རྫས་
[107a.7]གཞན་དང་ལྡན་པ་ལའོ། །འགའ་#ཞིག་ལ་ཁུ་བ་རྣམ་པར་དོར་བ་ལ་མངོན་པར་བརྩོན་པ་ལའོ། །ཤིན་ཏུ་སྦྱངས་པ་དོན་དུ་གཉེར་བ་སུ་ཞིག་ལ་ལམ་དག་པ་བསྒྲུབ་པའམ། ལམ་ལ་ཡིད་ཆེས་པར་འདོད་པ་ལ་བདག་གི་ཁུ་བ་ཕྱུང་ངམ་འོན་ཏེ་མ་ཡིན་ཞེས་བྱ་བ་ཡོད་པ་ཉིད་དམ། བདག་ལ་ཁུ་བ་ཡོད་
[107b]
[107b.1]དམ་འོན་ཏེ་མ་ཡིན་སྙམ་དུ་ཡང་དག་པར་སྐྱེས་པ་ཡང་ཤེས་པར་འདོད་པ་ལ་བདག་ལ་ཁུ་བ་ཡང་དག་པར་སྐྱེས་སམ། འོན་ཏེ་མ་#ཡིན་ཞེས་བྱ་བ་ལོའི་གནས་སྐབས་སམ། བུད་མེད་ཀྱིས་དུབ་པ་ལ་སོགས་པའི་སོ་སོར་ལྟུང་བའི་གནས་སྐབས་ལ་བདག་གི་ཁུ་བ་ནི་ཇི་ལྟ་བུའི་གནས་སྐབས་སྙམ་དུ་
[107b.2]སྐལ་བ་དང་ལྡན་པ་ཉིད་དམ། བདག་གི་ཁུ་བ་ཇི་ལྟ་བུ་ཞེས་བྱ་བ་བདེ་བའི་རྣམ་པའི་དོན་དུ་ཡང་དག་པར་སྤྱོད་པས་ཤེས་པར་འདོད་པ་ལ་བདག་གི་བདེ་བ་འདི་ལྟ་བུ་ཞེས་ཡོད་པའམ། འདིར་སེམས་ཅན་གྱི་རྒྱུ་ཇི་ལྟ་བུ་ཞེས་བྱ་བ་དང་རང་བཞིན་ཇི་ལྟ་བུ་ཞེས་བྱ་བའི་ནུས་པའམ་རྣམ་པ་འདིས་ཁུ་བ་ཕྱུང་
[107b.3]བས་བདག་གིས་#ནུས་སམ་འོན་ཏེ་མིན་ཞེས་བྱ་བའི་བསླབ་པ་བསྒྲུབ་པའམ། བདག་གིས་འདི་ཕྱུང་བའི་རྣམ་པ་བསླབས་#སམ་འོན་ཏེ་མ་ཡིན། འདིར་ལ་ལ་ཞིག་ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མེད་པ་དང་། རྫོགས་པ་དང་མ་རྫོགས་པ་དང་ཤིན་ཏུ་ཆུང་བ་ཉིད་དང་། ཁ་ན་
[107b.4]མ་ཐོ་བ་མ་ཡིན་པ་དེ་#ཉིད་ཀྱི་ཕྱིར་ཅི་ཁྱད་པར་ཡོད་དམ་ཞེ་ན། དེའི་ཕྱིར་བདེ་བ་དང་རིག་སྔགས་དང་ས་བོན་དང་སྨན་དང་བརྟག་པའི་ཕྱིར་བརྟག་པ་ལ་བྱེ་བྲག་མེད་དོ་ཞེས་བྱ་བ་སྨོས་སོ། །རྣམ་པ་གང་གིས་འབྱིན་པ་ཞེ་ན། དེའི་ཕྱིར་རེག་པས་སོ་ཞེས་བྱ་བ་སྨོས་སོ། །རེག་པ་ཇི་ལྟ་བུས་#ཤེ་ན།
[107b.5]དེའི་ཕྱིར་བརྩལ་བས་སོ་ཞེས་བྱ་བ་སྨོས་ཏེ། བྱ་བས་དྲུད་པ་ལ་སོགས་པ་ཡིན་གྱི་#གནས་པ་ནི་མ་ཡིན་ནོ། །འདིར་ཚིག་ནི་རྩོལ་#ན་ཞེས་གསུངས་ལ། འདུལ་བྱེད་དག་ལས་དགེ་སློང་ཡན་ལག་གི་རྣམ་པས་བཟུང་བ་ལ་མི་གཙང་བ་བྱུང་བ་དང་། བཅོམ་ལྡན་འདས་ཀྱིས་བཀའ་སྩལ་པ།
[107b.6]ཉེས་པ་སྡོམ་#པོར་འགྱུར་ཞེས་གསུངས་སོ། །གང་ལ་རེག་པས་ཤེ་ན། དེའི་ཕྱིར་ཡན་ལག་གི་རྣམ་པ་ལའོ་ཞེས་བྱ་བ་སྨོས་ཏེ། ཕྱོགས་གཞན་ལ་ནི་མ་ཡིན་ནོ། །གང་གིས་#རེག་པ་ཞེ་ན། དེའི་ཕྱིར་ཕྱི་རོལ་གྱིས་ཀྱང་ངོ་ཞེས་བྱ་བ་སྨོས་ཏེ། ནང་གི་བདག་ཉིད་འབའ་ཞིག་གིས་ནི་མ་ཡིན་
[107b.7]ནོ། །སེམས་ཅན་དུ་བགྲང་བས་སོ། །དེ་ནི་རྣམ་པར་གནས་པས་སོ་ཞེས་བྱ་བ་ནི་མི་འཕོ་བ་སྟེ་ལུས་ཀྱི་རྣམ་པ་ཉིད་ཡིན་པའི་ཕྱིར་རོ། །གང་ཡང་རུང་བ་ཅིག་གི་ཆས་རེག་པས་བྱུང་བ་ལ་དགེ་འདུན་གྱི་ལྷག་མའོ། །ལག་པ་ཁོ་ནས་རེག་པར་#ཕྱུང་བར་མ་ཟད་དེ#། །ལུས་ཀྱི་རྣམ་པ་ལས་ཉམས་
[108a]
[108a.1]པར་#འཕོ་བ་ལ་ནི་སྦོམ་པོ་སྟེ། ཤའི་དུམ་བུས་ནི་སྦོམ་པོ་ཞེས་གསུངས་པའི་ཕྱིར་རོ། །རྣམ་པ་གང་ཡང་རུང་བ་དང་། དེའི་རྣམ་པ་བརྩལ་བས་རེག་པས་སོ་ཞེས་བྱ་བར་ཤེས་པས་ཆང་བས་བཅང་བའི་བརྩལ་བའི་རང་བཞིན་འབའ་ཞིག་ཏུ་མ་ཟད་དེ#། དམ་དུ་བཅང་
[108a.2]བ་དང་བཅས་པས་བྱེ་བྲག་ཡོངས་སུ་མ་བཟུང་བས་ཡང་དག་པར་བསྟན་པའི་དོན་དུ་#རྣམ་པར་མཚོན་པར་བྱའོ། །རིལ་གྱིས་#བཅད་པ་དང་དམ་དུ་བཅང་བ་གཉིས་མེད་པར་ཡང་ངོ་ཞེས་བྱ་བ་ནི་དེ་གཉིས་མེད་པར་ཡང་དངོས་གཞིར་འགྱུར་བའོ། །བྱེ་བྲག་ངེས་པར་མྱོང་བ་ལ་སོགས་པ་བདེ་བ་སོ་སོར་
[108a.3]ཉམས་སུ་མྱོང་བ་ཡང་འདིར་རེས་འགའ་འབྱུང་སྟེ། དེ་རྣམས་ལ་འདིར་ཆ་ཤས་ཉིད་ཅི་ཞིག་ཡོད་དམ་མ་ཡིན་ཞེ་ན། དེའི་ཕྱིར་བྱེ་བྲག་ངེས་པར་མྱོང་བ་དང་བྱུང་ལ་ཐུག་པ་དང་ངད་ལས་པའི་བདེ་བ་ཉམས་སུ་མྱོང་བ་དག་ཀྱང་ངོ་ཞེས་བྱ་བ་སྨོས་ཏེ། ཡང་གི་སྒྲས་ནི་ཆོ་ག་བསྡུ་བའི་#དོན་དུའོ། །
[108a.4]བདེ་བ་སོ་སོར་ཉམས་སུ་མྱོང་བ་འདི་རྣམས་མེད་པར་ཡོད་ཅེས་#བྱ་བ་ནི་འདིར་བྱེ་བྲག་ངེས་པར་མྱོང་བ་ལ་ཐ་དད་པར་བྱས་པ་བཞིན་དུ་ཁྱད་པར་དུ་མྱོང་བར་རོ། །ལུས་དང་དབང་པོ་ཆགས་པ་ཉིད་ལ་ལུས་ཀྱི་རྣམ་པར་ཤེས་པའི་བྱེད་པ་པོས་ཉེད་#པས་རེག་པ་འབྱུང་བ་སྟེ་དེ་ཉམས་སུ་མྱོང་ནའོ་ཞེས་བྱ་བའི་
[108a.5]དོན་ཏོ། །བྱུང་ལ་ཐུག་པ་ནི་བརྩལ་བའི་ཁུ་བའི་ཁུ་བ་ལ་ལུས་དང་དབང་པོ་ལས་ཀྱང་ངོ་། །ངད་ལས་པའི་བདེ་བ་ཉམས་སུ་མྱོང་བ་དག་ཀྱང་ངོ་ཞེས་བྱ་བ་ནི་ལུས་དང་དབང་པོ་ལས་བྱུང་མ་ཐག་པ་རྣམ་པར་གྲོལ་བཞིན་པའི་བྱེད་པའི་འཚོ་བ་ལ་མྱུར་དུ་ཉེ་བར་#འཚོ་བར་བྱེད་པའི་གང་ཡིན་པ་དེ་ནི་འདིར་བདེ་
[108a.6]བ་སོ་སོར་ཉམས་སུ་མྱོང་བ་དག་ཀྱང་ངོ་། །གང་དུ་ཁུ་བ་འབྱིན་པ་ལ་རྩེ་གཅིག་པ་ཉིད་ཀྱིས་འདི་ལ་ཉེ་བར་འཚོ་བར་བྱེད་པ་དེ་ལ་བྱེ་བྲག་ངེས་པར་མྱོང་བར་བྱེད་པ་ལ་བདེ་བ་སོ་སོར་ཉམས་སུ་མྱོང་བ་ལ་རྩེ་གཅིག་པ་ཉིད་མེད་པར་ཡང་མངོན་པར་གྲོལ་བའི་ཕྱིར་རོ། །འདིར་གཞུང་ནི་#དགེ་སློང་གིས་#བྱེ་
[108a.7]བྲག་ངེས་པར་མྱོང་བའི་བདེ་བ་སོ་སོར་ཉམས་སུ་མྱོང་བར་བྱེད་དེ། ཁུ་བ་འབྱིན་པར་བྱེད་ན་དགེ་འདུན་ལྷག་མའི་ལྟུང་བར་འགྱུར་རོ། །དེ་བཞིན་དུ་བྱུང་ལ་ཐུག་པའི་བདེ་བ་དང་། ངད་ལས་པའི་བདེ་བ་སོ་སོར་ཉམས་སུ་མྱོང་བར་བྱེད་དེ། ཁུ་བ་འབྱིན་པ་ཡང་སྔ་མ་བཞིན་དུ་འབྱིན་པར་བྱེད་ན་
[108b]
[108b.1]ཞེས་བྱའོ། །སྔ་མ་བཞིན་དུ་ཕྱུང་བ་ལ་དེའི་འདུན་པས་རང་གི་ཁུ་བ་དང་པོར་རེག་པས་ཆ་ཤས་ཀྱི་ཚོགས་ལ་བྱ་བ་བྱས་ནས་ཕྱི་རོལ་གྱི་སེམས་ཅན་དུ་བགྲང་བས་ཀྱང་དེའི་རྣམ་པར་གནས་པ་མ་ཡིན་ཞེས་བྱ་བ་ཆ་ཤས་འདི་རྣམས་ཀྱི་གང་ཡང་རུང་#བ་ཅིག་མ་ཚང་བས་#ལྷག་མ་མེད་པའོ། །སྦུབས་སུ་མ་
[108b.2]འོངས་པའོ་ཞེས་བྱ་བ་ནི་འདི་ལ་དང་པོའི་གནས་ལ་དོར་བར་འབྱུང་བར་འགྱུར་ཏེ། གང་དུ་འཕོ་བ་འདི་ལ་གནས་པར་འགྱུར་བ་དེ་ལས་འཕོ་བར་བྱེད་པས་ན་འདི་ནི་སྐུར་བ་བཏབ་པ་སྟེ་འདིར་སྦོམ་པོ་འཆད་པར་འགྱུར་རོ། །ཤུགས་ཀྱི་གནས་སྐབས་སུ་བཏང་ན་རྫོགས་པར་མ་བྱས་པ་ཉིད་དོ་ཞེས་བྱ་བ་ནི་
[108b.3]དེ་མ་ཐག་པར་འཕོ་བཞིན་པ་ནི་འཕོ་བ་སྟེ་ལུས་ཀྱི་བྱ་བ་བཏང་བ་ནི་སྤོང་བའོ། །ཤུགས་ཀྱི་གནས་སྐབས་སུ་སྤོང་བ་ཡོད་པར་འགྱུར་བ་ལ་སྦྱོར་བ་སྔ་མའི་དབང་གིས་རྫོགས་པ་གང་ཡིན་པ་ནི་ཁུ་བ་ཕྱུང་བ་སྟེ། དེ་ལ་མ་བྱས་པ་ཉིད་ནི་སྦོམ་པོའི་ལྟུང་བ་ཉིད་དོ། །དེ་བཞིན་དུ་དེར་
[108b.4]སྦྱར་#བ་ཉིད་ཀྱི་ཕྱིར་དགེ་འདུན་ལྷག་མ་ནི་#མ་ཡིན་ནོ། །དངོས་གཞི་བསྐྱེད་པ་ཡང་འདི་ལྟར་མཐོང་སྟེ། དཔེར་ན་འདིར་སྲོག་གཅོད་པ་ལ་བརྟེན་པ་ནི་དེ་ལ་ནི་གྲོལ་བ་མ་ཡིན་ཏེ་སྲོག་གཅོད་པ་ལ་#ནི་སྲོག་ཆགས་རྣམས་ལ་རྣམ་པར་ལྟུང་བ་ཡིན་ཏེ། དེ་བས་ན་དེ་བཞིན་དུ་འདིར་སྤོང་བ་རྫོགས་པ་ལ་བྱས་པ་
[108b.5]ཉིད་ཅེས་བྱ་བ་དེའི་ཕྱིར་འདི་རྣམ་པར་ཤེས་པའོ། །འདིར་གཞུང་ནི་ཤུགས་བཏང་སྟེ། ཁུ་བ་ཕྱུང་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །ཡིད་ཀྱིས་ཀྱང་སྤོང་བ་ལ་ཚིག་འདི་གནས་པ་ཡིན་ཏེ། འཁྲུལ་#པ་མེད་པའི་དོན་དུ་རྣམ་པ་ཐམས་ཅད་ཀྱིས་སྦྱོར་བའོ། །དེ་བས་ན་
[108b.6]གཞན་ལ་མེད་པའི་དབང་དུ་བྱས་ནས་འདི་བྱས་པའོ། །འདིར་ཉེ་བར་བསྡུ་བ་ནི་སྤང་བའོ། །དེ་མ་ཐག་ཏུ་འཕོ་བཞིན་པའི་གནས་སྐབས་ལ་ལུས་ཀྱི་བྱ་བ་བཟློག་པ་ལ་སྦྱོར་བ་སྔ་མའི་དབང་གིས་ཕྱུང་བ་གང་ཡིན་པ་དེ་རོ་མྱང་བ་ལ་སྦོམ་པོའོ། །མ་མྱངས་པ་ལ་ནི་ལྟུང་བ་མེད་དོ། །གར་བྱེད་པ་དང་རབ་
[108b.7]ཏུ་གར་བྱེད་པ་གཉིས་ལ་ནི་ན་#སྨད་པ་ཉིད་དོ། །ནམ་མཁའ་ལ་རྐེད་པ་བསྐྱོད་#པའོ། །ཕྱོགས་གཞན་དུ་རེག་པའོ། །རྒྱུན་ལས་བཟློག་པའི་ཕྱོགས་སུ་གཏོད་པའོ། །རྫི་ཕྱོགས་མ་ཡིན་པར་ཡང་ངོ་ཞེས་བྱ་བ་ནི་ཡན་ལག་གི་ཚོགས་ལ་རེག་པ་སེམས་ཅན་དུ་བགྲང་བས་ཕྱི་རོལ་པས་ཀྱང་གནས་པའི་དེའི་
[109a]
[109a.1]རྣམ་པ་ཞེས་བྱ་བ་གནས་འདི་ལ་གར་བྱེད་པ་ལ་སོགས་པ་རྣམས་བཟུང་བའོ། །སྦྱོར་བ་འདི་རྣམས་ལ་ན་#སྨད་པ་ཉིད་དོ། །དེ་ལ་ནི་ཕྱུང་བ་དང་འདུན་པ་དང་རང་གི་ཁུ་བ་དང་པོ་ཞེས་བྱ་བ་འདི་རྣམས་ལ་འདིར་དངོས་གཞིའི་ཆོ་ག་ལ་སོན་པའི་ཡན་ལག་རྣམས་དང་འབྲེལ་ལོ། །
[109a.2]ཡན་ལག་གི་ཚོགས་ལས་ཕྱོགས་གཞན་པར་བྱའོ། །བརླ་དང་གོས་དང་གཞན་གྱིས་རེག་པ་དང་། གཡན་པ་ཕྲུག་པ་དག་གིས་བབ་ཅོལ་དུ་དེའི་དོན་མ་ཡིན་པར་ཞུགས་པ་ལ་ནི་ལྟུང་བ་མེད་དོ་ཞེས་བྱ་བ་ལ། དེའི་དོན་མ་ཡིན་པ་ནི་མི་འབྱིན་པའི་དོན་དུ་རྒྱུག་#ཅིང་འགྲོ་བ་ལ། ཀུན་ནས་འགྲོ་བ་
[109a.3]དང་། རྒོད་བག་དང་། མཆོང་བ་ལ་སོགས་པའི་དོན་དུ་འཇུག་པ་ལ་བརླ་དང་གོས་ཀྱིས་རེག་པའོ། །ཤུ་བ་དང་ཁྱི་རྔོ་དང་འབྲུམ་བུ་དང་། གཡན་པ་ཕྲུག་པ་དང་། བལ་ལྡགས་ཀྱི་ཚོགས་དང་། མེ་དབལ་#ལ་སོགས་པའི་སྡུག་བསྔལ་གསོ་བའི་དོན་དུ་གཡན་པ་འཕྲུག་པའི་རྐོ་སྤྱད་འགྲུབ་པའི་
[109a.4]ལས་སོ་སོར་ཉམས་སུ་མྱོང་བའི་དོན་དུ་བསྐུལ་བའི་གཞན་དང་མིས་རེག་པས་བབ་ཅོལ་དུ་སྦྱོར་བ་ལ་སོགས་པ་མེད་པར་བཙན་#ཐབས་ཀྱིས་#བབ་ཅོལ་དུ་བྱུང་བའི་ཤུགས་ཀྱིས་རྐུ་#བཞིན་པ་ལ་འབྱིན་པ་གང་ཡིན་པ་དེ་ལ་ཡོད་པ་ལ་ལྟུང་བ་མེད་པ་#ཞེས་བྱ་བའི་དོན་ཏོ། །བརླ་དང་གོས་དང་གཞན་གྱིས་རེག་
[109a.5]པ་དག་ལ་འདིར་ཡན་ལག་གི་ཚོགས་ལ་སྦྱར་བའོ། །གཞན་ལ་འདི་ལྟར་རེག་པར་བྱ་#བ་ལ་མི་འགྲུབ་པའི་ཕྱིར་རེག་པ་དང་སྤྲུག་པ་དག་ལ་གཉིས་ཀ་ལ་ལུས་ཀྱི་ལས་ཀྱི་ཡན་ལག་གི་ཚོགས་ལ་ཡང་དག་པར་རེག་པས་བསྒྲུབ་པ་དང་འབྱིན་པར་འགྱུར་བ་ཡིན་ནོ། །རེག་བྱ་མ་ཡིན་པ་ཉམས་སུ་མྱོང་
[109a.6]ནའོ་ཞེས་བྱ་བ་ནི་རེག་བྱའི་ཡུལ་མ་གཏོགས་#པ་གཟུགས་དང་སྒྲ་དང་དྲི་དང་རོ་རྣམས་ལ་གཟུགས་ཅན་གྱི་དབང་པོས་སོ་སོར་ཉམས་སུ་མྱོང་བ་ལ་དེའི་དོན་མ་ཡིན་པར་འཇུག་པ་ལ་བབ་ཅོལ་དུ་ཕྱུང་བ་ལ་ལྟུང་བ་མེད་དོ། །ཇི་ལྟར་ཡང་འདི་རྣམས་ལས་ཕྱུང་བ་དང་སྦྱར་བའོ་ཞེ་ན། དེའི་ཕྱིར་འདིར་གཞུང་ནི་དེ་
[109a.7]ཉམས་སུ་མྱོང་བ་བཞིན་དུ་དེས་ཆུ་གཏོང་བ་ལ་རྣམ་པར་འགྱུར་བས་བསྒྲུབ་པས་སྣོད་མ་ཡིན་པ་ལས་ཆགས་པར་བྱ་བའི་གཟུགས་རྣམས་མཐོང་ནས་ཞེས་བྱ་བ་གསུངས་པ་ཡིན་ནོ། །དྲན་པས་དེ་ལ་ཡང་ངོ་ཞེས་བྱ་བ་ནི་རེག་པར་བྱ་བ་མ་ཡིན་པའི་སྒྲས་བརྗོད་པའི་ཡུལ་འདི་རྣམས་ལ་རེག་པར་བྱ་བ་དྲང་ཞིང་
[109b]
[109b.1]ཉམས་སུ་མྱོང་བ་ལ། དེའི་དོན་མ་ཡིན་པར་ཞུགས་པ་ལ་བབ་ཅོལ་དུ་བྱུང་བ་ལ་ལྟུང་བ་མེད་དོ། །འདིར་དེའི་དོན་དུ་འཇུག་པ་ལ་བྱེ་བྲག་ངེས་པར་མྱོང་བའི་བདེ་བ་སོ་སོར་ཉམས་སུ་མྱོང་བར་ཉེ་བར་བསྒྲུབ་པའི་ཕྱིར་ཆོ་ག་འདིའོ། །འདིའི་དོན་མ་ཡིན་པར་འཇུག་པ་ལ་ཡང་འདོད་པ་བཞིན་དུ་ཉེ་བར་ལྟུང་བ་
[109b.2]རྗེས་སུ་ཆགས་པར་བྱ་བའི་གཟུགས་མཐོང་བ་ལ་སོགས་པས་འཇུག་པ་དེ་ལ་ཡང་དེའི་རྣམ་པར་ཉེས་བྱས་ཉིད་དུ་རིག་པར་བྱའོ། །དེ་ལྟར་ཡང་བཅོམ་ལྡན་འདས་ཀྱིས་དེང་ཕྱིན་ཆད་མིག་གིས་མིག་ལ་བརྟེན་ཏེ་བུད་མེད་ཀྱི་ཚོགས་ལ་རྣམ་པར་བལྟ་བར་མི་བྱའོ་ཞེས་གསུངས་པ་ཡིན་ནོ། །དགེ་
[109b.3]འདུན་གྱི་ལྷག་མ་དང་པོའི་རྣམ་པར་འབྱེད་པའོ།། །།འཕོ་བར་#འགྱུར་བ་དང་འཕོས་མ་ཐག་པ་ནི་ཤུགས་དང་སྦུབས་སུ་འོངས་པའོ་ཞེས་བྱ་བ་ལ། གང་ཞིག་ཤུགས་ཞེས་བྱ་བ་དེ་མ་ཐག་ཏུ་བརྗོད་པ་དེ་གནས་ལས་འཕོ་བར་འགྱུར་བ་ལ་རིག་པར་བྱའོ། །གང་གི་ཕྱིར་འདིར་
[109b.4]མ་ཞུགས་པ་ནི་ཞུགས་པ་ཞེས་བརྗོད་དོ། །སྦུབས་སུ་འོངས་པའོ་ཞེས་བྱ་བ་སྨྲས་པ་གང་ཡིན་པ་དེ་ནི་དེ་མ་ཐག་ཏུ་གནས་ནས་འཕོ་བའོ། །སྐད་ཅིག་མ་གཉིས་པ་ལ་གང་ལ་འཕོ་བ་དེ་ནི་འདིར་འཕོ་བར་གྱུར་པ་བརྗོད་པར་རིག་པར་བྱའོ། །བརྩམས་པ་ཙམ་ན་སྦྱོར་བ་ཉིད་མ་ཡིན་པ་མ་ཡིན་
[109b.5]ནོ། །མདོ་འདི་ནི་ཤུགས་ཀྱི་གནས་སྐབས་ལ་སྦོམ་པོའི་ལྟུང་བ་བརྗོད་པའི་འོག་ཏུ་གང་ཞིག་ན་སྨད་པར་འདོད་པ་དེའི་#བཟློག་པའི་དོན་དུའོ། །དེ་ལྟར་ཡང་གསུངས་པས་དེས་བདུད་འཇོམས་ཤིང་སོ་སོར་སྡུད་པར་བྱེད་ན་ལྟུང་བ་ཅིར་འགྱུར། ཉེས་པ་སྦོམ་པོར་ཞེས་གསུངས་པ་ཡིན་ནོ། །འདིར་
[109b.6]བྱས་པ་#ལ་སྦྱར་བ་མ་བྱས་པ་ཉིད་ནི་མ་ཡིན་ཞེས་བྱ་བ་ནི་འདིའི་དོན་ཏོ། །སྦྱོར་བ་མེད་པར་ཕྱུང་བ་ལ་རོ་མྱོང་#བར་བྱེད་པ་ནི་དེ་དང་ལྡན་པ་ཉིད་དོ་ཞེས་#བྱ་བ་དེ་དང་ལྡན་པ་ཉིད་ཅེས་བྱ་བ་ནི་སྦྱོར་བ་མ་ཡིན་པ་ཉིད་ནི་མ་ཡིན་ནོ། །སྦྱོར་བ་མེད་པར་ཞེས་བྱ་བ་ནི་གཉིད་ལོག་པའི་གནས་སྐབས་ན་རྩོམ་པ་
[109b.7]གང་ཡིན་པ་དང་འདབ་ཆགས་སུ་ཕྱུང་བ་གང་ཡིན་པ་སྦྱོར་བ་མེད་པར་གང་ཞིག་ཕྱུང་བ་ལ་རོ་མྱང་བ་ལ་སྦྱོར་བ་དེ་དང་ལྡན་པ་ཉིད་དོ་ཞེས་བྱ་བའི་དོན་ཏོ། །འདིར་གཞུང་ནི་ཉལ་བའི་བརྩལ་བ་ལ་དེ་སྐད་ཅེས་བྱ་སྟེ། གལ་ཏེ་རོ་མྱོང་#བར་བྱེད་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་
[110a]
[110a.1]ནོ། །ཡན་ལག་གི་རྣམ་པ་ཅུང་ཟད་ཉེད་#པ་དང་། ཡོངས་སུ་#ཉེད་པ་དང་འཚིར་བའོ་ཞེས་བྱ་བ་ལ་དེ་དང་ལྡན་པ་ཉིད་ཅེས་བྱ་བར་སྦྱར་རོ། །ཐམས་ཅད་ཉེད་པ་ནི་ཡོངས་སུ་ཉེད་པའོ། །ཀུན་ནས་ཉེད་པ་ནི་གང་དུ་ཉེད་པའི་སྐད་ཅིག་མ་རྣམས་ལ་ཡུལ་གཅིག་པ་ཉིད་ཅེས་བྱ་བ་ནི་འདི་དག་གི་
[110a.2]ཁྱད་པར་རོ། །འདི་ནི་ཕྱོགས་གཅིག་ཉེད་པའོ། །འདིར་གཞུང་ནི་བཙུན་པ་དགེ་སློང་གིས་ཡན་ལག་གི་རྣམ་པ་ལ་ཅུང་ཟད་ཉེད་པ་བདག་གིར་བྱེད་ན་ཉེས་པ་སྦོམ་པོར་འགྱུར་རོ། །ཡོངས་སུ་ཉེད་པ་བདག་གིར་བྱེད་#ན་ཉེས་པ་སྦོམ་པོར་འགྱུར་རོ། །མངོན་པར་བཙིར་བ་བདག་གིར་བྱེད་ན་ཉེས་པ་སྦོམ་པོར་
[110a.3]འགྱུར་རོ་ཞེས་གསུངས་པ་ཡིན་ནོ། །དེ་ལས་སུ་རུང་བ་ལ་ནོམ་པའོ་ཞེས་བྱ་བ་ནི་ཡན་ལག་གི་རྣམ་པ་དེ་ལས་སུ་རུང་བ་ལ་ནོམ་པ་ནི་ཉེས་པ་སྦོམ་པོའོ། །འདིར་གཞུང་ནི་ཡན་ལག་གི་རྣམ་པ་ལས་སུ་རུང་བ་ལ་ནོམ་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །སེམས་ཅན་དུ་བགྲང་བ་
[110a.4]ལག་པ་ལ་སོགས་པས་ནོམ་པར་བྱེད་པ་ལ་ལུས་ཀྱི་རྣམ་པ་ཉིད་ཀྱི་ཕྱིར་ཞེས་བྱ་བ་ཤུགས་ཀྱིས་རྟོགས་པར་བྱའོ། །སྨན་གྱིས་འབྱིན་ནའོ་ཞེས་བྱ་བ་ནི་སྦོམ་པོའོ་ཞེས་བྱ་བར་སྦྱར་རོ། །འདིར་#རྣམ་པར་འགྱུར་བ་ཡོད་པར་འགྱུར་བ་ལ་སྦོམ་པོ་སྟེ་མེད་པ་ལ་ནི་མ་ཡིན་ནོ། །འདིར་ཕྱུང་བ་ལ་
[110a.5]གཅི་བ་#བྱས་པར་འགྱུར་བའི་ཕྱིར་རོ། །གཞན་གྱི་ལས་ཀྱང་ངོ་ཞེས་བྱ་བ་ལ། གཞན་གྱི་ཞེས་བྱ་བ་ནི་ཡན་ལག་གི་རྣམ་པ་ལས་སོ། །འབྱིན་ན་ཉེས་པ་སྦོམ་པོའོ། །ངེས་པར་བདག་ཉིད་ལ་གཞན་གྱི་ཡན་ལག་གི་རྣམ་པ་ལས་འབྱིན་ན་རྣམ་པར་འགྱུར་བ་ཡོད་ཀྱང་འདི་རང་ལ་བརྟེན་
[110a.6]པའི་ཕྱོགས་པ་དང་། དེ་ལས་གཞན་པའི་རགས་པ་ཞེས་བྱ་བ་སྟེ་སྦོམ་པོར་རྣམ་པར་གཞག་པའོ། །དགེ་འདུན་གྱི་ལྷག་མ་དང་པོ་ཞུ་བའི་སྐབས་སོ།། །།#རྣམ་པར་བསྔོས་པ་ལ་སོགས་པ་དང་། རྣམ་པར་ཞིགས་#པ་དང་། ཀེང་རུས་དག་དང་། མགོ་དང་། རྣ་བ་
[110a.7]དང་། སྣ་དག་དང་། མགུལ་པའི་བར་དང་། རྩིབ་ལོགས་དང་། རྒྱབ་དང་། བྲང་#དང་། གཉེར་མ་དག་དང་། སྐྲའི་གསེབ་དང་ལག་པ་དང་། ཕྲག་པ་དང་དཔང་#པ་དག་དང་། དཔུང་#བའི་བར་དང་རྐེད་པ་དང་། བརླ་དང་རྐང་པ་དང་སྒྱིད་པ་དག་དང་སྒྱིད་པའི་བར་དུ་
[110b]
[110b.1]འབྱིན་པ་ན་དངོས་གཞིའོ་ཞེས་བྱ་བ་ནི་ཕྱི་རོལ་སེམས་ཅན་དུ་བགྲང་#བ་དང་། དེའི་རྣམ་པར་གནས་པ་ཞེས་བྱ་བ་སྨོས་པ་དེ་རྣམས་ཀྱི་སྤྲོས་པ་ནི་འདི་ཡིན་ནོ། །རྣམ་པར་བསྔོས་པ་ལ་སོགས་པ་ཞེས་བྱ་བའི་སོགས་པའི་སྒྲས་ནི་རྣམ་པར་རྣགས་#པ་དང་རྣམ་པར་བམ་པ་དང་། རྣམ་པར་
[110b.2]འབུས་གཞིགས་པ་དང་། རྣམ་པར་ཟོས་པ་དང་། རྣམ་པར་དམར་བ་རྣམས་བསྡུའོ། །རྣམ་པར་ཞིགས་#པའི་ཚིག་གིས་ནི་རྣམ་པར་འཐོར་བར་#བསྡུ་སྟེ། གླན་པ་དག་པོག་པ་དང་ཡན་ལག་དང་བྲལ་བ་ནི་རྣམ་པར་གཞིགས་པ་ཞེས་བྱའོ། །སྦོམ་པོ་ནི་ལ་བ་དང་ཕྱིང་བ་དང་དྲེའུ་
[110b.3]རྔོག་དང་སྔས་ནང་ཚངས་ཅན་དང་ཁྲི་དང་ཁྲིའུ་དང་། སྟན་དང་སྟན་ནང་ཚངས་ཅན་དང་། ཁྲིའི་གསེབ་#དང་བུམ་པ་དང་བུམ་བུ་དང་བུམ་པའི་བར་དང་#བྱ་མ་བུམ་དང་#ཆོལ་ཟངས་དང་། རྡོ་བ་དང་སྐྱང་ནུལ་དང་སྐྱང་ནུལ་གྱི་བར་དང་། སྒོ་གཏན་དང་ཤའི་དུམ་བུ་རྣམས་སོ་ཞེས་བྱ་བ་ནི་ལྟུང་བ་མེད་དོ་ཞེས་
[110b.4]འབྱུང་བ་ཡན་ཆད་སྦོམ་པོའི་དབང་དུ་བྱས་པར་རིག་པར་བྱའོ། །ལ་བ་ལ་སོགས་པར་འབྱིན་ན་སྦོམ་པོའོ། །འདིར་ཤའི་དུམ་#བུ་ལུས་ཀྱི་རྣམ་པ་ལས་འཕོ་བ་ཉིད་ཀྱི་ཕྱིར་འབྱིན་པ་ལ་སྦོམ་པོ་སྟེ། གཞན་དུ་སེམས་ཅན་དུ་བགྲང་བ་མ་ཡིན་པ་ཉིད་ཀྱིས་དོན་གོ་བཞིན་པ་ལ་འདི་ནི་སྤྲོས་པའོ། །རྨ་འཆར་#
[110b.5]ནའོ་ཞེས་བྱ་བ་ནི་གཞལ་བའི་དོན་ཉིད་ཀྱིས་ཞེས་བྱ་བ་གང་ཞིག་བརྗོད་པ་དེའི་འདི་ནི་སྤྲོས་པའོ། །འདིར་རང་གི་ཡན་ལག་གི་ཚོགས་ཀྱི་བུ་ག་ནི་རྨ་ཞེས་བྱ་བར་བརྗོད་དོ། །གཞན་གྱིས་འདིར་#བཙིར་བ་ལ་དེ་ལས་བྱུང་བ་ལ་སྦོམ་པོ་མཐོང་བ་མ་#ཡིན་ནོ། །དེ་བས་ན་ཉེས་བྱས་སུ་རྟོགས་པར་བྱའོ། །རྩོམ་
[110b.6]པ་ན་བུད་མེད་དུ་བྱས་པ་འཚིར་ནའོ་ཞེས་བྱ་བ་ནི་བུད་མེད་ཉིད་དེས་བྱས་པ་ནི་བུད་མེད་དུ་བྱས་པ་སྟེ་མོའི་དབང་པོ་ཞེས་བྱ་བའི་དོན་ཏོ། །དེ་ལ་དང་པོར་འཚིར་བ་གང་ཡིན་པ་དེ་ལ་སྦོམ་པོ་སྟེ་དེར་འཇུག་པ་ལ་ནི་མ་ཡིན་ནོ། །དེར་མཐེ་བོ་འཇོག་#པའོ་ཞེས་བྱ་བ་ལ་#དེར་ཞེས་བྱ་བ་ནི་བུད་མེད་དུ་བྱས་པ་སྟེ་ཚངས་པར་
[110b.7]སྤྱོད་པ་མ་ཡིན་ལ་སྤྱོད་པར་འགྱུར་བའི་སྦོམ་པོའི་ལྟུང་བ་འདི་དག་དེ་ལ་#མཉམ་པར་སྦྱར་བ་རྟོགས་པར་བྱའོ། །འདིར་མཐེ་བོའི་ཚིག་ནི་དཔེ་ཡིན་ཏེ། ཡན་ལག་གི་ཚོགས་ལས་གཞན་པའི་འཇུག་པར་བྱ་བ་ནི་བུད་མེད་ཀྱི་དབང་པོ་སྟེ#། ལམ་གཞན་ཁ་དང་བཤང་བའི་ལམ་དག་པ་ཡང་
[111a]
[111a.1]འདིའི་རྗེས་སུ་འབྲངས་པས་འཁྲིག་པ་སོ་སོར་ཡང་དག་པར་སྦྱོར་བས་ཆགས་པ་དང་བཅས་པས་འཚིར་བ་དང་། མཐེ་བོ་ལ་སོགས་པས་#འཇུག་པ་ལ་ནི་སྦོམ་པོའོ། །ཉེ་བར་འགྲོ་བ་ལས་#ཤོར་ནའོ་ཞེས་བྱ་བ་ནི་འཁྱུད་པའི་དོན་དང་ཕྱུང་བའི་དོན་དུ་ཞེས་བྱ་བ་
[111a.2]ཤུགས་ཀྱིས་#ཤེས་པར་བྱའོ། །འཁྱུད་པ་ནི་དོན་དུའམ་མི་ཚངས་པར་སྤྱོད་པའི་དོན་དུ་ཉེ་བར་འགྲོ་བཞིན་པ་#གནས་ནས་གནས་གཞན་དུ་དེའི་དོན་ཉིད་དུ་འཇུག་པའི་ཕྱིར་ཞེས་བྱ་བ་རིག་པར་བྱ་སྟེ། དེའི་དོན་མ་ཡིན་པར་འཇུག་པ་ལ་ལྟུང་བ་མེད་པར་བརྗོད་པའི་ཕྱིར་རོ། །ཚུལ་བཞིན་མ་ཡིན་པ་
[111a.3]ཡིད་ལ་བྱེད་པ་ལས་སོ་ཞེས་བྱ་བ་ནི་བྱེ་བྲག་ངེས་པར་མྱོང་བ་ལ་སོགས་པའི་བདེ་བ་སོ་སོར་ཉམས་སུ་མྱོང་བ་ཉེ་བར་བསྒྲུབ་པ་ལ་བརྗོད་པ་ཉིད་ཀྱི་ཕྱིར་ལྟུང་བ་ལ་གཞན་གྱི་རྣམ་པ་ཚུལ་བཞིན་མ་ཡིན་པ་ཡིད་ལ་བྱེད་པ་བསྡུས་པའི་དོན་དུ་ནི་མདོ་ཡིན་ནོ། །ཡན་ལག་གི་རྣམ་པ་འཛིན་པ་ལས་སོ་ཞེས་བྱ་བ་
[111a.4]ནི་དོན་གཞན་ཉིད་ལ་སྐྱོན་དང་བྲལ་བ་ཉིད་ལ་#རྣམ་པར་གཞག་པས་འབྱུང་བའི་ཕྱིར་ཡིད་ཆེས་པའོ། །བྱ་བ་མེད་པའི་ཕྱིར་འདིར་དགེ་འདུན་ལྷག་མ་མི་བསྐྱེད་པ་སྟེ། བྱ་བ་དང་བྲལ་བའི་ལུས་ཀྱི་བྱ་བ་ལ་ཉེས་བྱས་ཞེས་བྱ་བ་དེའི་ཕྱིར་རིག་པར་བྱའོ། །འཛག་སྣོད་ལ་དྲུད་པ་ལས་ནི་ལྟུང་བ་མེད་དོ་
[111a.5]ཞེས་བྱ་བ་ནི་བབ་ཅོལ་དུ་ཕྱུང་བ་བཞིན་དུ་དེའི་དོན་དུ་འཇུག་པ་ལ་ཞེས་བྱ་བ་ཤུགས་ཀྱིས་རྟོགས་པར་བྱའོ། །འཛག་སྣོད་ལ་དྲུད་པ་ལས་ཞེས་བྱ་བ་ནི་ཆོས་གོས་ལ་ཁུ་བས་གོས་པའི་དོན་དུ་བསག་#པ་དང་སོག་#པའི་འཛག་སྣོད་ཀྱིས་སོ། །སྔོན་གྱི་ཆུང་མས་འཁྱུད་པ་ལས་ཀྱང་ངོ་ཞེས་བྱ་བ་ནི་ཕ་མ་
[111a.6]དང་སྲིང་མོ་དང་བུ་མོས་ཡུན་རིང་བར་བཟུང་བ་ལ་ཉེས་མེད་པ་འབའ་ཞིག་ཏུ་མ་ཟད་ཀྱི་གཞན་ལ་ཡང་དག་པར་ལོངས་སྤྱོད་པས་ཀྱང་ངོ་། །རྐང་པ་དང་བྱིན་པ་དང་དཔུང་པ་དང་མཐེ་བོང་ལ་སོགས་པ་ནས་བུད་མེད་ཀྱིས་བཟུང་བ་ལ་ཡང་ངོ་ཞེས་བྱ་བ་ནི་བབ་ཅོལ་དུ་ཕྱུང་བ་ལ་ལྟུང་བ་མེད་དོ་ཞེས་
[111a.7]བྱ་བ་ཡང་གཉིས་ཀ་ལ་སྦྱར་བའོ། །དེའི་ཕྱིར་ཞུགས་པ་མ་ཡིན་པ་ལ་འདི་ཤུགས་ཀྱིས་གོ་བར་བྱའོ། །དགེ་འདུན་གྱི་ལྷག་མ་དང་པོའི་འདུལ་བྱེད་རྣམས་སོ། །འབྱིན་པའི་དགེ་འདུན་ལྷག་མ་རྫོགས་སོ།། །།འདི་ལ་བྱེད་པ་པོ་ཉིད་ནི་བུད་མེད་དོ་ཞེས་བྱ་བ་ནི་རེག་པའི་བསླབ་པའི་གཞི་
[111b]
[111b.1]འདི་ལ་ལྟུང་བའི་བྱེད་པ་པོ་ཉིད་ནི་བུད་མེད་དོ་ཞེས་བྱ་བའི་དོན་ཏོ། དབེན་པ་ན་འདུག་པ་དང་འགྲེང་བ་གཉིས་ཀྱིའོ་ཞེས་བྱ་བ་ནི་སླར་དགེ་སློང་གང་ཞིག་བུད་མེད་ཀྱི་ཚོགས་དང་ལྷན་ཅིག་ཏུ་གཅིག་པུ་ཉིད་ཀྱིས་དབེན་པ་སྐྱབས་ཡོད་པ་ན་སྟན་ལ་#འདུག་པར་བྱེད་པ་དང་། སླར་དགེ་སློང་གང་དགེ་སློང་མ་
[111b.2]དང་། ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་འགྲེང་ན་ལྟུང་བྱེད་དོ་ཞེས་གསུངས་པ་འདི་དག་ལ་ཡང་བྱེད་པ་པོ་ཉིད་ནི་བུད་མེད་དོ། །ཉལ་པོ་བྱེད་པར་ཤོམ་པ་ལ་ཡང་ངོ་#ཞེས་བྱ་བའི་སྒྲ་ནི་འདུག་པ་དང་འགྲེང་བ་དག་ལ་ཡང་བྱེད་པ་པོ་ཉིད་བུད་མེད་དོ་ཞེས་བྱ་བའི་རྗེས་སུ་བསྙག་
[111b.3]པའི་ཕྱིར་རོ། །ཉལ་པོ་བྱེད་པར་ཤོམ་པའི་ཁྱིམ་ན་འདུག་པ་དང་འགྲེང་བ་དག་ལ་ཡང་བྱེད་པ་པོ་ཉིད་དུ་#ནི་བུད་མེད་དོ་ཞེས་བྱ་བའི་དོན་ཏོ། །ལྷན་ཅིག་ཉལ་བ་ལའོ་ཞེས་བྱ་བ་ནི་སླར་དགེ་སློང་གང་བུད་མེད་ཀྱི་ཡུལ་དང་ལྷན་ཅིག་གནས་གཅིག་ན་ཉལ་ན་ལྟུང་བྱེད་དོ་ཞེས་གསུངས་པ་འདི་ལ་
[111b.4]བུད་མེད་ནི་ལྟུང་བའི་བྱེད་པ་པོ་ཉིད་དོ། །རིག་པའི་སྐྱེས་པ་མེད་པའི་བུད་མེད་དང་ལྷན་ཅིག་ལམ་དུ་འགྲོ་བ་ལའོ་ཞེས་བྱ་བ་ནི་སླར་དགེ་སློང་གང་སྐྱེས་པ་མེད་པར་བུད་མེད་དང་ལྷན་ཅིག་འགྲོན་ལམ་དུ་འགྲོ་ན་ཞེས་བྱ་བའི་འཇུག་པ་འདི་ལ་བུད་མེད་ནི་བྱེད་པ་པོ་ཉིད་དོ། །འདིར་རེག་#པའི་སྒྲས་
[111b.5]ནི་ཆོས་སྟོན་པའི་བསླབ་པའི་གཞིའི་རྗེས་སུ་འབྲངས་ནས་བྱས་པའོ། །རིག་པ་དང་རྩོམ་པའི་འདུན་པ་ལ་སྔར་ཉིད་དུ་སྐུར་པ་འདེབས་པ་ལ་བརྟེན་པ་ལ་མ་བསྒྲུབས་#པ་ནི་འདིར་སྐྱེས་པའི་དོན་ཏོ། །འདི་ནི་ཀུན་ནས་འགྲོ་བའི་ཁྱེའུ་དང་དུད་འགྲོ་རྨོངས་པས་ཀྱང་བསྒྲུབ་པ་མ་ཡིན་ནོ། །འོག་མ་གཉིས་ལའོ་ཞེས་བྱ་བ་ནི་
[111b.6]འདི་ལས་འོག་མ་གང་ཡིན་པ་འཁྲིག་པ་དང་#ལྡན་པ་སྨྲ་བ་དང་། བསྙེན་བཀུར་བསྔགས་པ་གཉིས་པོ་དག་ལ་ཡང་འདིར་བྱེད་པ་པོ་ནི་བུད་མེད་ཉིད་དོ། །ཁྱིམ་པ་མོ་ལ་སྟོན་པ་ལའོ་ཞེས་བྱ་བ་ནི་ཁྱིམ་པ་མོ་ལ་ཚིག་དྲུག་གམ་ལྔ་ལས་ལྷག་པར་ཆོས་འཆད་པའི་ལྟུང་བྱེད་ལ་ཡང་བྱེད་པ་པོ་ཉིད་བུད་མེད་དོ། །དེ་ལྟར་རབ་
[111b.7]ཏུ་བྱུང་བ་ལ་སློབ་མར་གྱུར་པ་ཉིད་ཀྱི་ཕྱིར་ལྟུང་བ་མི་སྐྱེད་#པའོ། །ཕྱི་རོལ་གྱི་རབ་ཏུ་བྱུང་བ་མོ་ལ་ནི་ཉེས་བྱས་ཉིད་དོ། །ཞུ་#བའི་ངེས་པར་བྱེད་པ་འཆད་པར་འགྱུར་ཏེ། དེ་བས་ན་བུད་མེད་ཁྱིམ་ན་གནས་པ་ཉིད་བྱེད་པ་པོ་ཞེས་བྱ་བའོ། །ཅི་ཁྱིམ་པ་མོ་ལ་སྟོན་པའི་གནས་སྐབས་ཐམས་ཅད་ཀྱིས་བྱེད་པ་པོ་ཉིད་བུད་མེད་ཡིན་
[112a]
[112a.1]ནམ་#ཞེ་ན་མ་ཡིན་ཏེ། དེའི་ཕྱིར་སྐྱེས་པ་མེད་པར་རོ་ཞེས་བྱ་བ་སྨོས་སོ། །ཇི་ལྟར་ཞེ་ན། དེའི་ཕྱིར་རིག་པའོ་ཞེས་བྱ་བ་སྨོས་ཏེ། འཁྲིག་པ་དང་ལྡན་པའི་བརྗོད་པ་དང་སྤྱོད་པ་དག་ལ་མངོན་པར་ཤེས་པ་ཉིད་ནི་འདིར་རིག་པ་ཉིད་དུ་ཤེས་པར་བྱའོ། །འདི་ལ་རིག་པ་མ་ཡིན་པ་ཡོད་པ་ནི་
[112a.2]མེད་པ་ཉིད་དེ་དོན་ཡོད་པ་ནི་མ་ཡིན་ནོ། །དེ་བས་ན་ཡོངས་སུ་རྫོགས་པ་ཉིད་ནི་འདི་དག་ལས་རིག་པ་མེད་པར་ཉེ་བར་གྱུར་པ་ལ་སྟོན་པ་དང་། ལམ་དུ་འགྲོ་བ་དག་ལ་ཁ་ན་མ་ཐོ་བ་མི་སྐྱེད་#དེ་ན་སྨད་པ་ཡང་ནི་མ་ཡིན་ནོ། །ཡོད་ཀྱང་མི་རུང་བ་ལའོ་ཞེས་བྱ་བ་ནི་སྦྱར་མའི་སྤྱོད་པ་གང་དག་ཡིན་པ་དེ་དག་ཉེ་བར་སྟོན་
[112a.3]པར་བྱེད་པ་སྟེ། དངོས་སུ་ཡོད་པ་ལ་ནི་རིག་པའི་སྐྱེས་པ་ཡོད་ཀྱང་བུད་མེད་ནི་བྱེད་པ་པོ་ཡིན་ནོ། །དེ་ནི་ཉེས་བྱས་ཀྱིའོ་ཞེས་བྱ་བ་ནི་དངོས་སུ་གནས་པ་ལ་ཡང་མི་རུང་བ་ལ་བྱེད་པ་པོ་ཉིད་གང་ཡིན་པ་འདི་ཉེས་བྱས་ལ་སྟེ་དངོས་གཞི་ལ་ནི་མ་ཡིན་ནོ། །འདིར་གཞུང་ནི་ཞུ་#བ་ལས། བུད་མེད་མི་རུང་བ་ལས་
[112a.4]སྐྱེས་པ་རུང་བ་དང་ལྷན་ཅིག་ཆོས་སྟོན་ན་ཉེས་བྱས་སོ་ཞེས་གསུངས་པ་ཡིན་ནོ། །གླིང་གཞན་ནས་སྐྱེས་པ་དང་འགྱུར་བ་བརྟེན་#པ་གཉིས་ནི་མ་ཆོག་པ་ཉིད་དོ་ཞེས་བྱ་བ་ནི་བྱང་གི་སྒྲ་མི་སྙན་ལ་སོགས་པའི་གླིང་གཞན་ནས་སྐྱེས་པ་དང་། ལུས་སམ་ངག་གིས་བུད་མེད་ཀྱི་སྐབས་སམ་སྐྱེས་པའི་
[112a.5]སྐབས་སུ་འཁྲིག་པ་དང་ལྡན་པའི་རྣམ་པར་འགྱུར་བ་གང་གིས་བསྟེན་པར་འགྱུར་བ་ནི་དཔེར་ན་བསྙོན་#ཐབས་མཁན་ནམ་མ་ནིང་ལྟ་བུ་དེ་གཉིས་ནི་སྟོན་པའི་སྐབས་འདིར་རིག་པར་མ་ཆོག་པ་ཉིད་དོ། །འདིར་རུང་བ་ལ་སྟོན་པ་ཡོད་པར་གྱུར་པ་ལ་ནི་ཉེས་བྱས་ཞེས་བྱ་བའི་དོན་ཏོ། །མི་རུང་བ་ལ་ནི་ཤིན་ཏུ་ལྕི་བ་
[112a.6]འདིའི་རྗེས་སུ་འབྲངས་པས་ཉེས་བྱས་ཤེས་པར་བྱའོ། །འདིར་གཞུང་ནི་ཞུ་#བ་ལས་བཙུན་པ་དགེ་སློང་གིས་རེ་ཞིག་འཛམ་བུའི་གླིང་གི་བུད་མེད་ལ་བྱང་གི་སྒྲ་མི་སྙན་པ་དང་ལྷན་ཅིག་ཆོས་སྟོན་ན་ལྟུང་བ་ཅིར་འགྱུར། ཉེས་བྱས་སོ། །དེ་བཞིན་དུ་གླིང་གཞན་པ་རྣམས་དང་ལྷན་ཅིག་ཆོས་སྟོན་པ་ལ་ཡང་ཉེས་བྱས་
[112a.7]སོ་ཞེས་གསུངས་པ་ཡིན་ནོ། །བཅོམ་ལྡན་འདས་ཀྱིས་རིག་པའི་སྐྱེས་པ་མེད་པར་བུད་མེད་ལ་ཆོས་བསྟན་པར་མི་བྱའོ་ཞེས་གང་གསུངས་པ་དེ་ལ་རིག་པའི་སྐྱེས་པ་ཇི་ལྟ་བུ་ཞིག་དང་ལྷན་ཅིག་ཏུ་བུད་མེད་ལ་ཆོས་བསྟན་པར་བྱ་ཞེ་ན། རུང་བ་གང་ཡིན་པའོ། །རུང་བ་ཇི་ལྟ་བུ་ཞེ་ན། སྨྲས་པ། ཁྱིམ་པ་ཡང་རུང་
[112b]
[112b.1]རབ་ཏུ་བྱུང་བ་ཡང་རུང་སྟེ། འགྱུར་བ་བསྟེན་པར་མི་བྱེད་པ་གང་ཡིན་པའོ། །རྣམ་པར་འགྱུར་བའི་སྒོ་འབྲེལ་བའི་དོན་དུ་འདིར་རིག་པའི་སྐྱེས་པ་ལ་བརྟེན་པའོ། །འདིར་འདི་དག་ལ་བདག་པོ་ཉིད་ཡོངས་སུ་#རྫོགས་པ་མ་ཡིན་ཏེ། གླིང་གཞན་ནས་སྐྱེས་པ་ལ་སྐྱེ་བ་འདི་སུ་ཞིག་ཅེས་བྱ་བ་ཡིན་ལ་བརྟེན་
[112b.2]པ་ཉིད་ཀྱི་གུས་པ་#མེད་པས། དེ་བས་ན་འདི་ལྷག་པར་ཤེས་པར་འགྱུར་ཏེ། འདི་དག་ལ་རྩོམ་པ་དང་འདུན་པ་ལ་སོགས་པ་མ་གྲུབ་པའོ། །དེ་བས་ན་འདིར་#ལམ་དུ་འགྲོ་བ་ཡིན་གྱི་རྣམ་པར་ཤེས་པ་ལ་ནི་མ་ཡིན་ནོ། །དེ་ནི་བརྡ་ཕྲད་པ་ཉིད་དོ་ཞེས་བྱ་བ་ནི་དཔེར་ན་གོ་བར་བྱ་བ་གཞན་ལ་གོ་བར་གྲུབ་པ་ཁོ་
[112b.3]ནར་འགྱུར་གྱི་མ་གྲུབ་ན་ནི་ཕྱེད་ཉིད་ཡིན་པ་དེ་བཞིན་དུ་རིག་པའི་སྐྱེས་པ་ཡོད་པ་འདི་ལ་བརྡ་ཕྲད་ནའོ་ཞེས་བྱ་བའི་དོན་ཏོ། །ཆོམ་རྐུན་དང་ཀླ་ཀློ་ལ་སོགས་པ་ཉིད་ཀྱིས་སྐད་མ་གོ་བ་དང་གཉིད་ལོག་པ་དང་། སྨྱོས་པ་དང་། བག་མེད་པར་གྱུར་པ་དང་། སྙོམས་པར་ཞུགས་པ་དང་། གླེན་པ་དང་འོན་པར་གྱུར་པ་
[112b.4]རྣམས་ལ་སྟོན་པ་ལ་རིག་པའི་སྐྱེས་པ་དེ་ལ་ཉེས་བྱས་དེ་ལ་འདི་བྱེད་པའོ། །རྣམ་པ་དེ་ལྟ་བུ་ཉིད་ལ་མཚན་ཅིག་ཤོས་དོན་མེད་དོ་ཞེས་བྱ་བ་ལ། རྣམ་པ་དེ་ལྟ་བུ་ཞེས་བྱ་བ་ནི་རྣམ་པ་གཉིས་ཉིད་ཡོད་པར་གྱུར་པ་ལའོ། །དོན་མེད་པ་ནི་འབྲས་བུ་མེད་པ་ཅུང་ཟད་ཀྱང་མི་བྱེད་པའོ། །བུད་མེད་ཉིད་ཉམས་པ་ལ་
[112b.5]བུད་མེད་ཀྱི་མཚན་ལས་གཞན་ནི་སྐྱེས་པའི་མཚན་མ་སྟེ། སྐྱེས་པའི་རྣམ་པ་ཉིད་ཀྱང་ཡོད་པར་གྱུར་པ་ལ་སྐྱེས་པ་ཉིད་ནི་དོན་མེད་པ་སྟེ་སྐྱེས་པའི་མཚན་ཉམས་པ་ལས་གཞན་པ་ནི་བུད་མེད་ཀྱི་མཚན་མའོ། །དེ་བས་ན་འཇུག་པ་འདི་རྣམས་ལ་དགེ་སློང་ལ་བུད་མེད་ཀྱི་རྣམ་པའི་མཚན་མ་བྱེད་དོ། །སྐྱེས་
[112b.6]པའི་རྣམ་པ་ལ་ཡང་ལ་ལར་ནི་ན་སྨད་པའོ། །འདིར་གཞུང་ནི་མཚན་གཉིས་པ་ལ་རེག་ན་གལ་ཏེ་བུད་མེད་ཀྱི་དབང་དུ་གྱུར་པ་ཡིན་ན་དེའི་ཚེ་ན་ནི་དགེ་འདུན་གྱི་ལྷག་མའི་ལྟུང་བར་འགྱུར་རོ། །གལ་ཏེ་སྐྱེས་པའི་དབང་དུ་གྱུར་པ་ཡིན་ན་ནི་དེའི་ཚེ་ཉེས་པ་སྦོམ་པོའི་ལྟུང་བར་འགྱུར་རོ་ཞེས་གསུངས་པ་ཡིན་ནོ། །གང་
[112b.7]ཞིག་ཁྱད་པར་མེད་པར་མཚན་གཉིས་པར་གྱུར་ན་སྦོམ་པོའི་ལྟུང་བར་གློག་པར་གྱུར་ན་དེའི་ཉམས་པར་རིག་པར་བྱའོ། །འདིར་ཕྱེད་ཉིད་བྱེད་པ་ཡིན་ནོ་ཞེས་བྱ་བ་ནི་མཚན་ཅིག་ཤོས་མོའི་མཚན་གྱི་སྐབས་འདིར་རིག་པའི་སྐྱེས་པ་ཉིད་ཀྱི་སྐྱེས་པ་དང་བུད་མེད་དང་ལྷན་ཅིག་ཏུ་ལམ་དུ་འགྲོ་བ་དང་བུད་མེད་ལ་ཆོས་སྟོན་པ་
[113a]
[113a.1]ནི་ཉེས་བྱས་སུ་འགྱུར་རོ་ཞེས་བྱ་བའི་དོན་ཏོ། །འོག་མ་གསུམ་ལ་ལེགས་པར་སྨྲས་པ་དང་ཉེས་པར་སྨྲས་པ་དག་གིས་དོན་ཀུན་ཤེས་པ་#དང་། གཞན་ལ་འཁྲིག་པ་བསྟེན་པར་བྱ་བའི་མཐུ་ཡོད་པ་ཉིད་ཡིན་ན་དངོས་གཞིའོ་ཞེས་བྱ་བ་ནི་འདི་ལས་འོག་མ་བསླབ་པའི་གཞི་གཉིས་
[113a.2]པོ་དང་སྟོན་པ་གང་ཡིན་པ་གསུམ་པོ་འདི་འདོན་པའི་རིམ་པ་ལས་ཐ་མར་གྱུར་པ་ཉིད་ཀྱི་ཕྱིར་ཐ་མར་བྱུང་བའོ། །འཁྲིག་པ་ཀུན་ནས་སྨྲས་པ་དང་། བསྙེན་བཀུར་བསྔགས་པ་དང་། སྟོན་པ་རྣམས་ལ་ལེགས་པར་སྨྲས་པ་དང་། ཉེས་པར་སྨྲས་པ་དག་ལ་དོན་ཀུན་ཤེས་པ་དང་། སོ་སོར་སྟོབས་དང་ལྡན་
[113a.3]པ་ཉིད་ལ་བུད་མེད་ལ་དངོས་གཞིའི་བྱེད་པ་པོ་ཉིད་ཡིན་ནོ། །གཞན་དུ་བརྗོད་པའི་གསུམ་ལས་འདིར་རེག་པ་དང་དབེན་པའི་གནས་སུ་སྟན་ལ་འདུག་པ་དང་འགྲེང་བ་གཉིས་དང་ཉལ་#པོ་བྱེད་པར་ཤོམ་པ་དང་བཅས་པའི་ཁྱིམ་དུ་འདུག་པ་དང་། འགྲེང་བ་གཉིས་དང་ལྷན་ཅིག་ཏུ་ཉལ་བ་དང་རིག་པའི་སྐྱེས་པ་མེད་
[113a.4]པར་བུད་མེད་དང་ལྷན་ཅིག་ལམ་དུ་འགྲོ་བ་ལའོ་ཞེས་བྱ་བ་འདིས་འཁྲིག་པ་དགག་པའི་ཕྱིར་བསྟེན་#པར་བྱ་བ་ལ་མཐུ་ཡོད་པ་#ཉིད་ལ་བུད་མེད་དངོས་གཞིའི་བྱེད་པ་པོ་ཉིད་དོ་ཞེས་བྱ་བ་འདིར་ངག་གི་དོན་ཏོ། །གཞན་དུ་ན་འོག་མའི་འོ་ཞེས་བྱ་བ་ནི་མཐུ་ཡོད་པར་ཇི་ལྟར་བརྗོད་པའི་དོན་འདི་ལ་འདིར་དབེན་པ་ཞེས་བྱ་བ་ལ་སོགས་
[113a.5]པ་ལ་འོག་མའི་ཚིག་ལ་བྱེད་པ་པོ་ཉིད་ནི་བུད་མེད་དོ་ཞེས་གང་ཞིག་མཐུ་དང་ལྡན་པ་ལས་དགེ་འདུན་ལྷག་མ་གང་ཡིན་པ་#དེ་ལ་མཐུ་མེད་ན་ཉེས་པ་སྦོམ་པོའོ། །གང་ཞིག་ཉེས་པ་སྦོམ་པོ་གང་ཡིན་པ་དེ་ནི་མཐུ་མེད་ན་ཉེས་བྱས་སོ། །གང་ཞིག་མཐུ་ཡོད་པ་ལས་ལྟུང་བ་དེ་ནི་མཐུ་མེད་པ་ལ་#ཉེས་བྱས་ཏེ་
[113a.6]ཞེས་བྱ་བ་འདི་ལ་འདི་བྱེད་པའོ། །མ་ནིང་མོ་དང་མ་ནིང་ཕོ་དང་སྤྲུལ་པ་མོ་ལ་ཡང་དེ་བཞིན་ནོ་ཞེས་བྱ་བ་ནི་མཐུ་མེད་པ་བཞིན་དུའོ་ཞེས་བྱ་བའི་དོན་ཏོ། །གསུམ་པོ་འདི་ལ་སྐྱེས་པའོ། །ཞེས་བྱ་བ་ནི་ལུས་ཀྱི་རེག་པ་དང་། ཀུན་ནས་སྨྲ་བ་དང་། བསྙེན་བཀུར་བསྔགས་པ་རྣམས་ལ་སྐྱེས་པ་ཡང་དག་པར་གྱུར་པ་
[113a.7]ལ་སྤྲུལ་པ་ལ་མཐུ་མེད་པ་ལྟར་བལྟ་བར་བྱའོ། །གལ་ཏེ་དེ་དག་གི་བདེ་བ་ཉམས་སུ་མྱོང་བར་བྱ་བའི་འདུན་པ་ཀུན་དུ་འདོད་ཆགས་དང་ལྡན་པས་ཀྱང་ངོ་#ཞེས་བྱ་བའི་སྒྲ་ནི་འདི་དང་འདི་ཞེས་བྱ་བའི་ཆོ་ག་ཀུན་ནས་བསྡུས་པའི་དོན་དུའོ། །འདི་ཡང་གསུམ་པོ་འདི་རྣམས་ལ་རིག་པར་བྱའོ། །འདིར་ལྟུང་བ་
[113b]
[113b.1]རྒྱས་པར་བཤད་པ་འདི་ལ་གསུམ་པོ་གང་ཞིག་འཆད་པར་འགྱུར་བ་ལུས་ཀྱིས་རེག་པ་དང་འཁྲིག་པ་དང་ལྡན་པ་སྨྲ་བ་དང་། བསྙེན་བཀུར་བསྔགས་པ་#རྣམས་དེ་ལ་འདིར་དེའི་སྒྲས་བརྗོད་པའོ། །གལ་ཏེ་དེ་དག་གི་བདེ་བ་ཉམས་སུ་མྱོང་བར་བྱ་བའི་འདུན་པ་ཀུན་དུ་འདོད་ཆགས་དང་ལྡན་པས་ཀྱང་ངོ་ཞེས་
[113b.2]བྱ་བ་ནི་འདུན་པའི་ཁྱད་པར་རོ། །ཡོངས་སུ་གྱུར་པ་ཉིད་དང་བུད་མེད་དེ་ལ་ལྟོས་པ་དང་ལྡན་པ་ཉིད་དང་། ཀུན་ནས་དཀྲིས་པ་ཉིད་དང་། ཀུན་ནས་གནས་པ་ཉིད་ཅེས་བྱ་བ་གཉིས་པོ་འདི་དང་ལྡན་པའི་ཆགས་པ་གང་ཡིན་པ་དེ་ནི་འདིར་ཀུན་དུ་འདོད་ཆགས་པ་ཞེས་བྱ་བར་བརྗོད་དོ། །གང་གི་འདུན་
[113b.3]པ་འདི་དང་ཡང་དག་པར་ལྡན་ཏེ་གལ་ཏེ་དེས་རེག་པ་དང་། འཁྲིག་པ་དང་ལྡན་པ་སྨྲ་བ་དང་། བསྙེན་བཀུར་བསྔགས་པ་དེ་བས་ན་དགེ་འདུན་གྱི་ལྷག་མ་ཞེས་བྱ་བའི་དོན་ཏོ། །ཐུན་མོང་གི་མཚན་ཉིད་བསྟན་ནས། ད་ནི་རེག་པ་ལ་བསྟན་#པ་འབའ་ཞིག་བརྗོད་པར་བྱ་སྟེ། རེག་པ་དང་སྤྲོད་པ་ལ་དགེ་
[113b.4]འདུན་གྱི་ལྷག་མ་གང་དུ་ཡིན་ཞེ་ན། དེའི་ཕྱིར་ལུས་ཀྱི་#རེག་པ་བདག་གིར་བྱེད་ནའོ་ཞེས་བྱ་བ་སྨོས་ཏེ། འདིར་བདག་གིར་བྱེད་པའི་དོན་འདོད་པར་གྱུར་པ་ཉིད་དུ་རྣམ་པར་གནས་པ་ཡིན་ཏེ། རོ་མྱང་བ་ནི་མ་ཡིན་ནོ། །འདོད་པར་གྱུར་པ་ཉིད་ཀྱང་སེམས་ལ་ཀུན་ནས་ཆགས་པ་ཉིད་ནི་མ་ཡིན་ཏེ། མ་ལ་
[113b.5]སོགས་པ་རྣམས་ལ་བརྟེན་པ་ལ་སོགས་པ་ལ་ཡོད་པའི་ཕྱིར་ཏེ། དེ་བས་ན་གལ་ཏེ་དེ་དག་གི་བདེ་བ་ཉམས་སུ་མྱོང་བར་བྱ་བའི་འདུན་པ་ཀུན་དུ་འདོད་ཆགས་དང་ལྡན་པས་ཀྱང་ངོ་ཞེས་བྱ་བའི་ཁྱད་འདི་བྱས་སོ། །འདིར་ལན་བུ་#ནི་དེ་དང་ལྡན་པ་ཉིད་དོ་ཞེས་བྱ་བ་ལ། དེ་དང་ལྡན་པ་ཉིད་ནི་ལུས་དང་ལྡན་
[113b.6]པ་ཉིད་དོ། །འདིར་རེག་པའི་དགེ་འདུན་གྱི་ལྷག་མ་ལ་ལན་བུ་ལས་གཞན་པའི་བུད་མེད་ཀྱི་མཚན་མ་ལ་ཁ་ན་མ་ཐོ་བ་མེད་པ་མ་ཡིན་ནོ། །ཇི་ལྟར་བུད་མེད་ཀྱི་ལུས་ལ་རེག་པ་ལ་དངོས་གཞིའོ། །དེ་བཞིན་དུ་ལན་བུ་ལ་རེག་པ་ཡང་ཞེས་བྱ་བའི་དོན་ཏོ། །སླར་ལུས་མེད་པ་ཉིད་ཡོད་པར་གྱུར་པ་ལ་ཅིའི་
[113b.7]ཕྱིར་ལན་བུ་ལ་དངོས་གཞི་བྱེད་པ་ཉིད་དུ་ཤེས་པ་ཡིན། ལུས་ལ་རེག་པ་ལྟར་འདིར་རེག་པ་ལ་རོ་ལ་སོ་སོར་ཉེ་བར་གནས་པའི་ཕྱིར་རོ། །དེ་དང་འབྲེལ་བའི་གོས་ལ་ཡང་ངོ་ཞེས་བྱ་བ་ནི་ལན་བུ་དང་འབྲེལ་པ་སྐུད་པ་ལ་སོགས་པ་ལ་ལན་བུའི་ཡན་ལག་ཏུ་གྱུར་པ་ནི་དེ་ལ་ལུས་དང་ལྡན་པ་ཉིད་ཅེས་བྱ་བའི་
[114a]
[114a.1]དོན་ཏོ། །འདིར་རྣམ་པར་སྤྱོད་པར་བྱེད་པ་རྣམས་ལ་སྐྱེད་#པའི་སྡོང་བུ་ལས་རེག་པའི་སྐྲ་བཞིན་དུ་ཅོད་པན་དང་ཁ་ཆུ་ལ་སོགས་པ་ལ་རེག་པ་ནི་དཔེར་ན་སེན་མོ་དང་འདྲ་བར་སྦོམ་པོའོ། །ནོམ་པ་དང་ཉུག་པ་དང་། སྤྲོད་པ་དང་འཛིན་པ་དང་། འདྲེན་པ་དང་ཡོངས་སུ་འདྲེན་པ་
[114a.2]དང་། འོག་ནས་འཁྱུད་པ་དང་། སྟེང་ནས་འཁྱུད་པ་དང་། དམ་དུ་སྦྱོར་བ་རྣམས་ལ་ནི་བྱེ་ཕྲག་#མེད་པ་ཉིད་དོ་ཞེས་བྱ་བ་ལ། སྤྲོད་པ་ནི་རེག་པ་ཙམ་མོ། །འདིར་#རེག་པ་དང་ལྡན་པ་གང་ཞིག་ལ་བྱེ་བྲག་ཏུ་སྙེགས་#པ་ནི་མ་ཡིན་ནོ། །དེ་བས་ན་ཇི་ལྟར་རྣམ་པ་གང་གིས་རེག་པ་བསྒྲུབ་པ་ལ་ཡང་དགེ་འདུན་གྱི་
[114a.3]ལྷག་མ་འདི་རྣམ་པར་གནས་པ་ཡིན་ནོ། །བྱ་བའི་ཁྱད་པར་འགའ་#ཞིག་ནི་མ་ཡིན་ནོ་ཞེས་བྱ་བའི་དོན་ཏོ། །དེ་ལ་ནོམ་པ་ཞེས་བྱ་བ་ནི་དང་པོར་ལན་ཅིག་ལུས་ལ་སྦྱོར་བ་ཉིད་དོ། །ཉུག་པ་ཞེས་བྱ་བ་ནི་ཡང་དང་ཡང་དུ་ལུས་ལ་སྦྱོར་བའོ། །སྤྱོད་#པ་ཞེས་བྱ་བ་ནི་མཐར་སྦྱར་བའི་བསམ་པས་རང་གི་ལུས་
[114a.4]བུད་མེད་ཀྱི་ལུས་དང་བར་དུ་མ་བཅད་པར་སྤྲོད་པའོ། །འཛིན་པ་ཞེས་བྱ་བ་ནི་ལག་པ་ལ་སོགས་པ་འཆང་བའོ། །འདྲེན་པས་ཞེས་བྱ་བ་ནི་ཐག་རིང་པོ་ནས་ལག་#པ་སོགས་པ་ནས་བཟུང་སྟེ། ཐག་རིང་པོ་རྣམས་ནས་འོངས་པའོ། །རིང་པོ་ནས་དྲངས་པ་ན་འདྲེན་པ་ཞེས་བྱ་བ་བྱས་ནས་སོ། །ཡོངས་
[114a.5]སུ་འདྲེན་པ་ཞེས་བྱ་བ་ནི་ཐག་ཉེ་བ་ནས་ཁོར་ཡུག་ཏུ་བསྐོར་བའོ། །སྟེང་ནས་འཁྱུད་པ་ཞེས་བྱ་བ་ནི་སྟེང་ན་འདུག་པ་ལུས་ཀྱི་འོག་ཏུ་འཇོག་ཅིང་འཁྱུད་པར་བྱེད་པའོ། །འོག་ནས་འཁྱུད་པ་ཞེས་བྱ་བ་ནི་དེ་ནས་ཕབ་སྟེ་འོག་ཏུ་འཇུག་ཅིང་འཁྱུད་པར་#བྱེད་པ་ཞེས་བྱ་བའི་དོན་ཏོ། །དམ་དུ་སྦྱོར་བ་ནི་མཐང་དམ་དུ་སྦྱོར་བ་
[114a.6]ལ་སོགས་པའོ། །བསྟེན་པར་བྱ་བས་བྱས་པ་ཉིད་ཀྱང་ངོ་ཞེས་བྱ་བ་ནི་འདིར་བསྟེན་པར་བྱ་བའི་སྒྲ་ནི་བཟུང་བ་ཡིན་གྱི་བུད་མེད་ཀྱི་སྒྲ་ལ་ནི་མ་ཡིན་ནོ། །ན་སྨད་པ་བྱས་པ་ཐམས་ཅད་ལ་ཡང་ཁོངས་སུ་བསྡུ་བ་སྒྲུབ་#པའི་དོན་དུ་གང་ཞིག་ནོམ་པ་ལ་སོགས་པ་འདི་ལ་ཁྱད་པར་ཅན་དང་ཁྱད་པར་ཅན་མ་ཡིན་པའི་
[114a.7]རེག་པ་ལ་བསྟེན་#པར་བྱ་བ་དང་ལྷན་ཅིག་ཏུ་བུད་མེད་དང་སྐྱེས་པ་ལ་སོགས་པ་རྣམས་ལ་བྱས་པ་ཉིད་དེ་ཁྱད་པར་མེད་པ་ཉིད་དོ#། །དེ་ལ་རང་དང་བཅས་པས་དེ་ལ་ཡང་ཀུན་དུ་འདོད་ཆགས་པའི་སེམས་ཀྱིས་བདག་གིར་བྱེད་ན་ལྟུང་བ་དེ་ཉིད་གང་ཞིག་རང་དང་བཅས་པ་ཉིད་ལ་ཞེས་བྱ་བའི་དོན་ཏོ། །གོས་ཀྱིས་
[114b]
[114b.1]བར་དུ་ཆོད་པ་ལ་ནི་འོག་མར་རོ་ཞེས་བྱ་བ་ནི་གོས་ཀྱིས་#བར་དུ་ཆོད་པ་ཉིད་ལ་བསྟེན་པར་བྱ་བ་ལ་རེག་པ་ལ་འོག་མའི་ཚིག་གིས་ཞེས་བྱ་བའི་དོན་ཏོ། །ཁྱད་པར་མ་བཟུང་བའི་ཕྱིར་མི་སྲིད་པ་ལ་ཞེས་བྱ་བར་རྟོགས་པར་བྱའོ། །བར་དུ་ཆོད་པ་ཞེས་བྱ་བའི་སྒྲ་ནི་བར་དུ་ཆོད་པའི་རྣམ་གྲངས་སུ་གྱུར་པར་ཤེས་
[114b.2]པར་བྱའོ། །ཉེས་བྱས་ཀྱི་#ན་སྨད་པ་ནི་གཞན་ཉིད་མ་ཡིན་ནོ་ཞེས་བྱ་བ་ནི་ཇི་ལྟར་ལྟུང་བ་གཞན་ལ་ན་སྨད་པར་གསུངས་པ་ལ་ལྟུང་བ་གཞན་དུ་རྣམ་པར་གཞག་པ་ཡིན་པ་དེ་བཞིན་དུ་འདིར་མ་ཡིན་ནོ། །འོན་ཀྱང་ཉེས་བྱས་ཀྱི་ན་སྨད་པ་ལ་བྱ་དཀའ་བ་ཉིད་ཀྱི་ཕྱིར་གཞན་ཉིད་མ་ཡིན་ཏེ། ཉེས་བྱས་ཉིད་དེ་
[114b.3]ཉེས་བྱས་ཕྲ་མོ་ཞེས་བྱ་བའི་དོན་ཏོ། །དགེ་སློང་མ་ལ་རེག་པར་མི་བྱའོ། །བུད་མེད་ལ་ཡང་མི་བྱའོ་ཞེས་བྱ་བ་ནི་ཡང་རེག་#པར་མི་བྱའོ་ཞེས་བྱ་བ་དང་རྗེས་སུ་འབྲེལ་ལོ། །རྗེས་སུ་བྱས་པ་ཉིད་ཀྱི་ཕྱིར་བསམ་པའི་ཉེས་པ་མེད་དུ་ཟིན་ཀྱང་བཀག་པར་རིག་པར་བྱ་སྟེ། ཀུན་ནས་ལྷག་མ་ཉིད་ཀྱི་ཕྱིར་
[114b.4]བསྒྲུབ་པའོ། །འདིར་གཉིས་ཀ་ལ་རེག་ན་ཉེས་བྱས་སོ། །དགེ་སློང་མ་ནི་བུད་མེད་ཀྱི་རིགས་ལས་མ་འདས་མོད་ཀྱི་འོན་ཀྱང་དགེ་འདུན་གྱི་ཁོངས་སུ་གཏོགས་པའི་ཕྱིར་དགེ་སློང་མ་ལ་ཞེས་བྱ་བ་གང་ཞིག་ཁས་ལེན་པར་བྱེད་པ་དེའི་འདོད་པ་བཟློག་པའི་དོན་དུ་དགེ་སློང་མ་ལ་རེག་པར་མི་བྱ་ཞེས་བྱ་བའི་མདོ་
[114b.5]འདི་བརྩམས་སོ། །ཆུར་ཉམ་ཐག་པ་བསྒྲལ་བའི་ཕྱིར་ནི་རེག་པར་བྱའོ་ཞེས་བྱ་བ་ནི་སྙིང་བརྩེ་བས་སྡུག་བསྔལ་ལས་#ཐར་བར་བྱ་བ་ལ་ལྟུང་བ་མེད་དོ་ཞེས་བྱ་བ་འདི་ལ་ཕྱོགས་གཅིག་པའི་རྗེས་སུ་བརྗོད་པ་འདི་འོག་མའི་ཆོ་ག་ལ་ཡུལ་བསྟན་པའི་དོན་དུའོ། །ཇི་ལྟར་རིག་#པར་བྱ་ཞེ་ན། དེའི་ཕྱིར་མ་དང་
[114b.6]སྲིང་མོ་དང་བུ་མོའི་འདུ་ཤེས་ཉེ་བར་བཞག་སྟེ་ལག་པ་འམ་སྐྲ་དག་ལས་སོ་ཞེས་བྱ་བ་སྨོས་སོ། །དྲན་པ་རྙེད་པར་བྱ་བའི་ཕྱིར་བྱེ་མ་བདལ་བའི་སྟེང་དུ་ཁ་སྦུབ་ཏུ་གཞག་གོ་ཞེས་བྱ་བ་ནི་དེའི་ཚེ་ན་ཆུ་ཞུགས་པ་འཇག་(འཛག་)པར་འགྱུར་ཞིང་དེ་ཟགས་ན་དྲན་པ་ཐོབ་པར་འགྱུར་རོ། །ཁྱེའུ་བཞིན་བསྲུང་བར་བྱའོ་ཞེས་བྱ་བ་
[114b.7]ནི་ཇི་ལྟར་ཁྱིམ་པ་དག་ལ་བྱིན་པའི་ཁྱེའུ་རྣམས་ལ་ཁ་ཏོན་བྱེད་པའམ་ཡིད་ལ་བྱེད་པ་བསྐྱེད་ཅིང་ཕྱོགས་གཅིག་ཏུ་འདུག་སྟེ་སྲུང་བར་བྱེད་པ་དེ་བཞིན་དུ་འདི་ལ་ཡང་ཞེས་བྱ་བའི་དོན་ཏོ། །བ་གླང་#རྫིའམ་ཕྱུགས་རྫི་དག་ལ་གཏང་(གཏད་)དེ་ཟན་ལ་འགྲོ་བར་བྱའོ་ཞེས་བྱ་བ་ནི་དུས་དེ་ཙམ་དུ་བ་གླང་#རྫི་དང་ཕྱུགས་རྫི་རྣམས་
[115a]
[115a.1]ཀྱིས་ཁས་བླངས་པ་དང་མི་བསྐྱེད་པ་ལ་རང་གིས་བརྩོན་པར་གྱུར་པ་འམ་མགོན་མེད་པ་སླར་གཏད་པ་དང་། མཚན་མོ་ཡང་འོང་བའི་དོན་དུ་འབད་པར་བྱའོ། །འོང་བ་མ་གྲུབ་པ་དང་མི་ནུས་པ་ཉིད་ཀྱིས་#འདི་ལ་བདག་ཉིད་བསྲུང་བ་ལ་དེ་ཉིད་དུ་གནས་པ་ཞེས་བྱ་བའི་དོན་གྱིས་ཤེས་
[115a.2]པར་བྱའོ། །འཚོ་འམ་འོན་ཏེ་མ་ཡིན་ཞེས་ཡང་དང་ཡང་དུ་བརྟག་#པར་བྱའོ་ཞེས་བྱ་བ་ནི་འཇིག་པ་དང་མི་འཇིག་པའི་དོན་འབད་པས་སོ་སོར་བརྟག་པའོ། །སེམས་དག་པས་སྙིང་བརྩེ་བས་བུད་མེད་དེ་#ལ་འཁྱུད་པ་ལ་ཉེས་པ་#མེད་དོ་ཞེས་བྱ་བ་ནི་གང་ཞིག་སྨན་གྱི་གཞི་ལས་བཅོམ་ལྡན་འདས་ཀྱིས་
[115a.3]བུད་མེད་སྐྲ་གྲོལ་བ་ལ་འཁྱུད་པ་གནང་ངོ་ཞེས་འབྱུང་བ་#སྟེ། དེ་མདོ་འདིར་བསྡུས་པ་ཡིན་ནོ། །འདིར་དགེ་བའི་#སེམས་ཉིད་ཙམ་ནི་དག་པའི་སེམས་ཉིད་དུ་རིག་པར་བྱའི། འདོད་ཆགས་དག་དང་བྲལ་བའི་སེམས་ཉིད་ཁོ་ན་ནི་#མ་ཡིན་ནོ། །དགེ་འདུན་གྱི་ལྷག་པ་#གཉིས་པའི་རྣམ་པར་འབྱེད་པའོ།། །།
[115a.4]འཇམ་པ་དང་དྲོ་བ་དང་སྙི་བའི་བསམ་པ་ཉིད་ན་#སྦོམ་པོའོ་ཞེས་བྱ་བ་ནི་#འཇམ་པ་ཡིན་ནམ་འོན་ཏེ་མ་ཡིན་སྙམ་པའི་བསམ་པ་ཉི་ཚེས་བུད་མེད་ལ་ཉམས་སུ་མྱོང་བ་ལ་#ཡིན་གྱི། རེག་པ་རྩེ་གཅིག་པ་ཉིད་ཀྱིས་#འཁྱུད་པ་དང་སོ་སོ་#ཡང་དག་པར་ལྡན་པའི་རོ་མྱང་བའི་བསམ་པ་#ཉིད་ཀྱིས་ནི་མ་ཡིན་ཞེས་བྱ་བའི་
[115a.5]དོན་ཏོ། །འདིར་གཞུང་ནི་བཙུན་པ་རེ་ཞིག་དགེ་འདུན་གྱིས་#དྲོ་བའི་བསམ་པ་དང་ལྡན་པས་ལུས་ལ་རེག་པར་བགྱིད་ན་ལྟུང་བ་ཅིར་འགྱུར། ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །དེ་བཞིན་དུ་འཇམ་པའི་བསམ་པ་དང་ལྡན་པ་དང་། སྙི་བའི་བསམ་པ་དང་ལྡན་པ་ཞེས་བྱ་བའོ། །ཀུན་
[115a.6]དུ་འདོད་ཆགས་པ་མེད་པར་བུད་མེད་དག་གི་ལུས་ལ་རེག་པ་རྣམ་པ་ལྔ་གསུངས་ཏེ་དེ་ནི་ཁྱད་པར་ཅན་གྱི་སྤྱོད་པ་དང་། དེ་དང་འདྲ་བ་དང་། དོན་མེད་པར་རེག་པ་ཁོ་ན་ཡིན་པ་དང་། རྒོད་བག་གིས་#རེག་པའི་བྱེ་བྲག་ཉམས་སུ་མྱོང་བར་འདོད་པ་དང་། མི་འདོད་པར་སྐྱེ་བོ་མང་པོ་#ལྟོས་པའི་དུས་དག་ཏུ་དབང་མེད་
[115a.7]པར་རེག་#པ་གང་ཡིན་པ་རྣམས་སོ། །འདིར་ཁྱད་པར་ཅན་གྱི་སྤྱོད་པ་ནི་རྣམ་པ་གསུམ་སྟེ། སྙིང་བརྩེ་བ་དང་ཉེ་དུ་བཤེས་པ་མཐོང་བ་དང་། སྔོན་སྤྱད་པ་ལ་ཀུན་དགའ་བ་ཉམས་སུ་མྱོང་བའོ། །ཁྱད་པར་ཅན་གྱི་སྤྱོད་པ་དང་འདྲ་བ་ནི་གནས་མ་ཡིན་པ་ལ་སྙིང་བརྩེ་#བ་ལ་སོགས་པ་རྣམས་ལ་དེའི་ངོ་བོས་མི་
[115b]
[115b.1]འཇུག་པའོ། །དཔེར་ན་འགྱེལ་བ་རང་ཉིད་སྔངས་པར་ནུས་པ་སློང་བར་བྱེད་པའོ། །རྣམ་པ་ལྔ་པོ་འདི་རྣམས་ལ་ཞུ་བ་#འདི་རྣམས་ཏེ། གང་ཞིག་འདུལ་བྱེད་དག་ལས་ལྟུང་བ་དང་ལྟུང་བ་མེད་པ་#རྣམས་བསྟེན་#པའི་ཕྱིར་བརྗོད་དོ། །སྙིང་བརྩེ་#བས་སྡུག་བསྔལ་ལས་ཐར་པར་བྱ་བ་ལ་ནི་ལྟུང་བ་མེད་དོ་ཞེས་
[115b.2]བྱ་བ་ནི་མེ་དང་གཡང་ས་དང་མཚོན་#དང་གག་མིག་དང་། དུག་ཟ་བ་དང་སྦྲུལ་གྱིས་སོས་#བཏབ་པ་དང་སྟག་དང་འདབ་ཆགས་དང་མི་མ་ཡིན་པ་ལ་སོགས་པའི་རྒུད་#པའི་རྒྱུ་མཚན་གྱི་སྡུག་བསྔལ་ལས་གྲོལ་བ་ལ་རེག་པ་གང་ཡིན་པ་དེ་ལ་ནི་ལྟུང་བ་མེད་དོ། །མ་དང་བུ་མོ་དང་སྲིང་མོ་རྣམས་ལ་དེ་དག་ཏུ་འདུ་
[115b.3]ཤེས་པའོ་ཞེས་བྱ་བ་ནི་མ་ལ་སོགས་པའི་འདུ་ཤེས་དེ་རྣམས་ཡོད་པར་གྱུར་པ་ལས་མ་ལ་སོགས་པ་ལ་རེག་པས་ལྟུང་བ་མེད་དོ་ཞེས་བྱ་བའི་དོན་ཏོ། །སྔོན་སྤྱད་པ་ཉིད་ལ་ཀུན་དགའ་བར་བྱའོ་ཞེས་བྱ་བ་ནི་ཀུན་དགའ་བའི་མཚན་ཅན་གྱི་རེག་པ་ལ་ལྟུང་བ་མེད་ཅེས་བྱ་བའི་དོན་ཏོ། །དགེ་འདུན་ལྷག་
[115b.4]མ་གཉིས་པའི་ཞུ་བའི་སྐབས་སོ།། །།ཟས་དང་ས་དང་བོང་བ་ལ་སོགས་པ་མོའི་དབང་པོར་འཇུག་ན་སྦོམ་པོའོ་ཞེས་བྱ་བ་ནི་འདི་ནི་རྣམ་པར་འགྱུར་བར་གྱུར་པ་མི་ཚངས་པར་སྤྱོད་པའི་ལམ་གྱི་རྣམ་པར་ངེས་པར་འདིར་རྒོད་བག་ཅེས་བྱ་བ་ཁ་ན་མ་ཐོ་བ་དང་བཅས་པ་ཉིད་དོ། །རྐང་པ་དང་ཕྲག་པ་ལ་
[115b.5]སོགས་པས་བུད་མེད་ལ་#ཕུལ་ན་ཉེས་བྱས་སོ་ཞེས་བྱ་བ་ལ་འདི་ནི་ཤིན་ཏུ་མ་ཁྱབ་པ་སྟེ། ཇི་ལྟར་སྔར་བསྟན་པ་ཞེས་བྱ་བ་འདི་ཤེས་པའོ། །པུས་མོ་དང་རྗེ་#ངར་དང་བརླ་དང་རྐེད་#པ་དང་ལག་པ་དང་དཔུང་པ་དང་མགོ་བོ་ལ་སོགས་པ་གཅིག་པུ་རྣམས་#ཁོ་ནར་མ་ཟད་ཀྱི་#སེན་མོ་ལ་སོགས་པ་རྣམས་#ཡང་འདི་
[115b.6]སྙེགས་པར་རིག་པར་བྱའོ། །དེའི་སྟན་ལ་ཡང་ངོ་ཞེས་བྱ་བ་ནི་བུད་མེད་དང་བཅས་པ་འམ། བུད་མེད་མེད་པའི་བུད་མེད་ཀྱི་སྟན་ལ་རྐང་པའི་ཆུ་ལ་སོགས་པས་འཕུལ་ན་ཉེས་བྱས་སོ། །བུད་མེད་དང་བཅས་པ་ཉིད་ཀྱིས་འདི་རྣམས་ལ་བུད་མེད་ཀྱི་སྟན་བསྟེན་#པ་འདོན་པ་ཡིན་ཏེ། འདིར་གཞུང་ནི་
[115b.7]དགེ་སློང་གིས་བུད་མེད་དང་བཅས་པ་འམ། བུད་མེད་མེད་པའི་སྟན་ལ་རྐང་པས་བསྒུལ་ན་ཉེས་བྱས་སོ་ཞེས་གསུངས་པ་ཡིན་ནོ། །བུད་མེད་དང་བཅས་པ་ཉིད་ལ་ནི་འདིར་ཉེས་བྱས་ཡིན་ཏེ། འོན་ཀྱང་བུད་མེད་ལ་དགའ་བས་འདི་ཕུལ་བ་གཅིག་པུ་ཉིད་ལ་ཡང་ཉེས་བྱས་དང་སྦྱོར་བ་ཞེས་བྱ་བ་འདི་
[116a]
[116a.1]ལྟར་མདོ་བྱས་སོ། །འདྲེད་པས་འགྱེལ་བའི་བུད་མེད་སློང་བའོ་ཞེས་བྱ་བ་ནི་འདྲེད་པས་འགྱེལ་བའི་བུད་མེད་སློང་ན་ཉེས་བྱས་སོ། །འདི་ནི་ཉམ་#ང་བར་གྱུར་པས་འགྱེལ་བ་མ་ཡིན་ནོ#། །དེ་བས་ན་ལེགས་པར་མ་བྱས་#པ་ཉིད་ཀྱིས་འཇུག་པ་འདི་ཡིད་ལ་ངེས་པར་འབྲེལ་བ་
[116a.2]ཡིན་གྱི་སྙིང་རྗེའི་དངོས་པོ་རྒྱུ་མཐུན་པ་ཉིད་ཀྱིས་ནི་མ་ཡིན་ནོ། །དེ་བས་ན་འདིར་ལྟུང་བ་རྣམ་པར་གཞག་པའོ། །ཉེས་བྱས་ལ་སྙིང་བརྩེ་བའི་ངོ་བོ་ཉིད་ཀྱི་ཕྱིར་སྦོམ་པོའི་ལྟུང་བ་ནི་མ་ཡིན་ནོ། །བུད་མེད་ཀྱིས་དེ་གསུམ་བྱེད་པ་ལ་ནི་ལྟུང་བ་མེད་དོ་ཞེས་བྱ་བ་ནི་རྐང་པའི་ཆ་ལ་སོགས་པས་དགེ་སློང་
[116a.3]འཕུལ་བ་དང་། དགེ་སློང་གི་སྟན་ལ་འཕུལ་བ་དང་། འདྲེད་པས་འགྱེལ་བ་སློང་བ་ཞེས་བྱ་བ་གསུམ་པོ་འདི་བུད་མེད་ཀྱིས་བྱས་པ་ལ་ལྟུང་བ་མེད་དོ། །མི་འདོད་བཞིན་དུ་འབྱུང་#བ་ཉིད་ཀྱི་ཕྱིར་འདི་དང་འཆད་པར་འགྱུར་བ་ལ་སྐྱོན་མེད་པ་ཉིད་དོ། །བཟུང་བ་ལ་ཡང་ངོ་ཞེས་བྱ་བ་ནི་དགེ་སློང་མི་འདོད་
[116a.4]བཞིན་དུ་བུད་མེད་ཀྱིས་བཟུང་བ་ལ་ཡང་ལྟུང་བ་མེད་དོ། །མས་འཁྱུད་པ་ལ་ཡང་ངོ་། །པང་པར་བུ་#མོ་འདུག་པ་ལ་ཡང་ངོ་ཞེས་བྱ་བ་ནི་ལྟུང་བ་མེད་དོ་ཞེས་བྱ་བར་སྦྱོར་#རོ། །བུད་མེད་འཁྲུལ་བ་སྟེང་དུ་འགྱེལ་བ་ཡང་ངོ་ཞེས་བྱ་བ་ནི་ལྟུང་བ་མེད་དོ་ཞེས་བྱ་བར་སྦྱར་རོ། །དགེ་འདུན་ལྷག་མ་གཉིས་པའི་
[116a.5]འདུལ་བྱེད་ཀྱི་སྐབས་སོ།། །།ལུས་ཀྱིས་རེག་པའི་དགེ་འདུན་ལྷག་མའོ། །གང་ཞིག་སྨྲས་ན་དགེ་འདུན་ལྷག་མར་འགྱུར་ཞེ་ན། དེའི་ཕྱིར་འཁྲིག་པ་སྨྲས་ནའོ་ཞེས་བྱ་བ་སྨོས་ཏེ། བུད་མེད་མཐུ་ཡོད་པ་ལ་ཀུན་ནས་ཆགས་པས་ཞེས་བྱ་བ་འདི་སྔར་བརྗོད་པ་རྟོགས་པར་བྱའོ། །སླར་ཡང་
[116a.6]འཁྲིག་པ་ནི་གཉིས་ཀྱིས་གཉིས་སྤྲོད་པ་སྟེ་དེ་སྨྲས་ནའོ། །སྒྲ་ཇི་ལྟ་བུས་དེ་#བརྗོད་པ་གང་#ཞེ་ན། དེའི་ཕྱིར་རྒྱ་ལ་སོགས་པའི་དོན་གྱིས་སོ་ཞེས་བྱ་བ་སྨོས་ཏེ། འདིར་#རྒྱ་ལ་སོགས་པའི་སྒྲ་ནི་ཡ་ཡིག་དང་བྷ་ཡིག་གི་རང་བཞིན་ཞེས་བྱ་བ་བརྗོད་པའོ། །དེའི་དོན་ཅན་རྒྱ་ལ་སོགས་པ་རྣམ་པ་གཞན་
[116a.7]གྱིས་འཁྲིག་པ་བརྗོད་པ་གང་ཡིན་པར་སྟོན་པ་དེ་ནི་རྒྱ་ལ་སོགས་པ་ཞེས་བྱ་བ་གྲགས་པ་ཉེ་བར་སོང་བའོ། །རྒྱའི་དོན་ནི་མཐོང་བར་རིག་པར་བྱ་བ་མ་ཡིན་ནོ། །དེ་ལྟར་ཡང་བཅོམ་ལྡན་འདས་ཀྱིས་བདག་དང་ལྷན་ཅིག་བུད་པར་གྱིས་ཤིག་ཅེས་བྱ་བ་དེ་ལ་ཉེས་པ་སྦོམ་པོར་གསུངས་པ་ཡིན་ནོ། །
[116b]
[116b.1]བྱེ་བྲག་མ་བྱས་པའི་སྒྲ་ལ་ཡང་བརྗོད་པར་འདོད་པའི་དབང་གིས་#ཁྱད་པར་དུ་གཞག་པ་སྟེ། དེ་བས་ན་བདག་ཉིད་ཀྱིས་#བརྗོད་པར་འདོད་པ་གསལ་#བར་བྱེད་པའི་སྒྲ་མེད་ཀྱང་རང་གིས་#བརྗོད་པར་འདོད་པས་སྦྱོར་བར་རྟོགས་པ་ལ་དེའི་བརྗོད་པར་འདོད་པ་ཉིད་ལ་གཞན་གྱི་དངོས་གཞི་བསྐྱེད་པར་རིག་པར་
[116b.2]བྱའོ། །ཡ་ཡིག་བྷ་ཡིག་ལ་སོགས་པ་གང་ཡང་རུང་བའི་སྒྲ་ལ་བརྗོད་པར་འདོད་པ་ལ་ཡིན་ཏེ། བུད་མེད་ལ་གནས་པའི་བདག་ཉིད་བརྗོད་པར་འདོད་པས་ཐོས་སུ་བཅུག་པ་ཙམ་ལ་ཉེས་བྱས་ནི་ཡིན་ནོ། །འདིར་བྱ་བའི་ཚིག་ནི་དགོངས་པ་མ་ཡིན་ནོ། །བདག་ཉིད་དུ་རྣམ་པར་རིག་པར་བྱ་བ་དག་
[116b.3]ལ་མཚམས་ཉེ་བར་སྦྱོར་བས་ཁས་ལེན་པའི་ངོ་བོས་#ནི་མ་ཡིན་ནོ# ། །འགྲོ་བ་བརྗོད་པ་ཉིད་ལ་འདིར་སྐྱོན་ཉིད་བསྟན་པས་དོན་གྱིས་བསྙེན་པ་རྩོམ་པར་གྱུར་པ་ཉིད་ལ་ནི་མ་ཡིན་ནོ། །འདིར་རང་གི་འདོད་པ་ཉིད་སྨྲ་བ་ཡོད་པས་གྱུར་པ་ཡང་གཞན་གྱིས་མ་ཤེས་པ་ལ་སྦོམ་པོའོ་ཞེས་བྱ་བ་འདི་
[116b.4]ཤེས་པའི་དོན་དུ་ངེས་པའི་མདོ་འདི་ལས་རྟོགས་པར་བྱའོ། །རང་གི་སྨྲ་བར་གྱུར་པ་ཉིད་མེད་པ་ལ་སྦོམ་པོ་ཉིད་ནི་རང་གི་དོན་ཉིད་དོ། །དེ་ནི་དེའི་གཙོ་བོ་ཞེས་བྱ་བ་འདི་ལས་སོ། །གང་ལ་གོ་བར་བྱ་བ་ཉིད་དེ་བརྡ་ཕྲད་པ་ནི་མཐའོ་ཞེས་བྱ་བ་ནི་འདིར་བརྡ་ཕྲད་པ་ནི་བརྗོད་པར་འདོད་པའི་དོན་ཡོངས་སུ་
[116b.5]ཐོབ་པའོ། །བརྗོད་པར་འདོད་པའི་དོན་ཡོངས་སུ་ཐོབ་པར་བྱེད་པའི་དོན་ཅན་གྱི་ལུས་དང་ངག་ཕྲད་པར་བྱེད་པའི་བདག་ཉིད་ཅན་ཐམས་ཅད་ལ་དོན་གཅིག་ལ་རྩོམ་པར་གྱུར་པ་ཉིད་ཀྱི་ཕྱིར་སྐད་ཅིག་མ་གཅིག་ཏུ་གྱུར་པའོ། །འདིར་ལྟུང་བ་རྣམ་པར་གཞག་པ་མེད་པར་གྱུར་པ་ཉིད་དེ་མཐའ་དང་མཐའ་མེད་
[116b.6]པའི་དབྱེ་བ་ཇི་ཙམ་དུ་བྱས་པ་ལ་དངོས་གཞིའི་ལྟུང་བ་བསྐྱེད་པ་སྟེ་ཞེས་བྱ་བ་འདི་ལ་མདོ་འདིའོ། །ཚིག་ལ་སོགས་པའི་མཐའ་ནི་མཐའ་ཞེས་བྱ་བ་འདི་རྣམ་པར་གཞག་པ་མ་ཡིན་ཏེ། འོན་ཀྱང་མཐའ་ལས་བྱུང་བའམ་མཐའ་མ་ཡིན་པ་གང་ཡིན་པ་#གང་ཞིག་ལ་ཡི་གེ་ལ་སོགས་པ་གང་ཞིག་ལ་
[116b.7]གཞན་གྱི་#ཤེས་པར་རུང་བ་ཉིད་བརྗོད་པར་འདོད་པའི་དོན་ཤེས་པ་ལས་སྣོད་དུ་རུང་བ་ཉིད་དུ་གྱུར་པ་ལ་རྟོག་པ་པོ་ལ་རྣ་བའི་རྣམ་པར་ཤེས་པའམ་མིག་གི་རྣམ་པར་ཤེས་པ་ལ་བསྒྲུབ་པ་གང་ཡིན་པ་དེ་ནི་འདིར་མཐའོ། །དེ་བས་ན་དེར་དངོས་གཞིའོ། །དེའི་འོག་ཏུ་རྩོམ་པ་གཅིག་ཏུ་གྱུར་པའི་ཕྱིར་དེ་
[117a]
[117a.1]ཉིད་དུ་ཞུགས་པའོ། །གལ་ཏེ་ཡི་གེ་དང་པོ་ཤེས་པའི་དུས་ན་ཡང་དེ་ལ་དངོས་གཞིའི་#ཞེས་བྱ་བ་རིག་པར་བྱ་སྟེ། འདིར་ཤེས་པ་ལ་ཡན་ལག་ཉིད་དོ། །དེ་དང་འབྲེལ་#བའི་དོན་སྨྲས་པ་ནི་སྦྱོར་བ་མ་ཡིན་པ་མ་ཡིན་ནོ་ཞེས་བྱ་བ་ནི་འདིར་དངོས་གཞིའི་དོན་གྱི་ཚིག་ཡ་ཡིག་དང་
[117a.2]བྷ་ཡིག་གི་#རང་བཞིན་ཅན་ལ་དེའི་སྒྲ་བཟུང་བའོ། །འབྲེལ་བ་ཞེས་བྱ་བ་ནི་དངོས་གཞིའི་དོན་ཉིད་ཀྱི་ཚིག་དང་འབྲེལ་པའི་དོན་གང་ཡིན་པའོ། །དེ་སྨྲས་པ་གང་ཡིན་པ་ནི་འདི་ལྟ་སྟེ། དཔེར་ན་བསྔགས་པ་བྱེད་པ་ལ་སོགས་པ་ལ་སྲུ་ཁྱོད་ཀྱི་རྨའི་སྒོ་གསུམ་པོ་རྣམས་ལེགས་པར་དོད་#དམ་ཞེས་བྱ་
[117a.3]བ་ལ་སོགས་པ་སྨྲས་པའོ། །ཡ་ཡིག་བྷ་ཡིག་གི་རང་བཞིན་གྱི་སྒྲ་མེད་པར་དེ་ལ་སྦྱོར་བ་མེད་པ་ཉིད་དོ། །མ་སྨྲས་པ་ལ་དངོས་གཞི་བྱས་པའི་སྒྲ་ལ་དེ་དང་འབྲེལ་པ་མེད་པ་ཉིད་ཀྱི་ཕྱིར་སྨྲ་བ་འདི་ལ་སྦྱོར་བ་མ་ཡིན་པ་ཉིད་གང་ཞིག་འདོད་པ་དེ་འདོད་པ་བཟློག་པའི་དོན་དུ་མདོ་འདི་བྱས་ཏེ། རྒྱ་
[117a.4]ཞེས་བྱ་བ་དང་#རྣ་རུ་ཞེས་བྱ་བ་ལ་#སོགས་པའི་སྒྲ་བརྗོད་པ་ལ་ནི་སྦྱོར་བ་ཉིད་ཐེ་ཚོམ་མེད་པའོ། །བསྔགས་པ་དང་བསྔགས་པ་མ་ཡིན་པ་དང་། གསོལ་བ་དང་ཉེ་བར་གསོལ་བ་དང་། འདྲི་བ་དང་ཉེ་བར་འདྲི་བ་དང་། བརྗོད་པ་དང་སྨོན་པ་དང་གཤེ་བ་དང་། ཕྱིར་སྨྲ་བ་བསྒྲུབ་པ་དག་ལ་ནི་བྱེ་བྲག་
[117a.5]མེད་པ་ཉིད་དོ་ཞེས་བྱ་བ་ནི་བསྔགས་པ་ལ་སོགས་པའི་བདག་ཉིད་ཅན་གྱིས་#སྨོན་པ་ཐམས་ཅད་ཉིད་རྣམས་ལ་དངོས་གཞིའི་བྱེད་པ་ཉིད་དེ། བྱེ་བྲག་ཅུང་ཟད་ཀྱང་མེད་དོ་ཞེས་བྱ་བའི་དོན་ཏོ། །དེ་ལ་བསྔགས་པ་ཞེས་བྱ་བ་ནི་སྲུའི་རྨའི་སྒོ་གསུམ་རྣམས་ལེགས་པར་དོད་པ་ཡིན་ནམ་ཞེས་བྱ་བའོ། །
[117a.6]བསྔགས་པ་མ་ཡིན་པ་ཞེས་བྱ་བ་ནི་དེ་ལས་བཟློག་པར་སྨོད་པའོ། །གསོལ་བ་ཞེས་བྱ་བ་ནི་སྲུ་ཚུར་ཤོག་དེ་དང་དེ་བྱའོ་ཞེས་བརྗོད་ཅིང་། རྒྱ་ཞེས་བྱ་བ་དང་རྣ་རུ་ཞེས་བྱ་བ་གཉིས་ཀྱིས་བརྗོད་པ་གང་ཡིན་པའོ། །ཉེ་བར་གསོལ་བ་ཞེས་བྱ་བ་ནི་སྲུ་བུད་མེད་དམ་སྐྱེས་པ་གང་ལ་ལ་འདི་དང་འདི་བྱེད་
[117a.7]དེ། དེ་ལ་དགའ་བ་དང་ཡིད་དུ་འོང་བར་འགྱུར་རོ། །སྲུ་ཡང་བདག་ཅག་ལ་དེ་དང་དེ་བྱེད་དོ། །སྲུ་ཡང་བདག་ཅག་ལ་དགའ་བ་དང་ཡིད་དུ་འོང་བར་འགྱུར་རོ་ཞེས་བྱ་བ་དགའ་བ་ཉེ་བར་བསྒྲུབ་པས་འདུན་པ་སྐྱེད་#པ་སྟེ། འདི་ནི་དགའ་བ་ཉེ་བར་བསྒྲུབ་པ། འདི་ནི་གསོལ་པའོ། །འདྲི་#བ་ཞེས་བྱ་བ་ནི་
[117b]
[117b.1]སྲུ་སྐྱེས་པ་གང་དང་བུད་མེད་གང་དེ་དང་དེ་བྱེད་པ་དེ་ནི་དགའ་བ་དང་ཡིད་དུ་འོང་བར་འགྱུར་ན་ཁོ་བོས་ཀྱང་སྲུ་ལ་དེ་དང་དེ་བྱས་ན་སྲུ་#ཁོ་བོ་ལ་དགའ་བ་དང་ཡིད་དུ་འོང་བར་འགྱུར་རམ་ཞེས་འདྲི་བའོ། །ཉེ་བར་འདྲི་#བ་ཞེས་བྱ་བ་ནི་སྲུའི་རྨའི་སྒོ་གསུམ་པོ་རྣམས་ལེགས་པར་དོད་པ་དང་། ལེགས་པར་གནས་
[117b.2]པ་དང་། ལེགས་པར་གྱུར་པ་བདེན་ནམ་ཞེས་བྱ་བ་ལ་སོགས་པ་ཡོངས་སུ་འདྲི་བའོ། །བརྗོད་པ་ཞེས་བྱ་བ་ནི་#ཁོ་བོ་ནི་ཁྱོད་ལ་དགའ་བ་དང་ཡིད་དུ་འོང་བ་བདེན་ན་ཁྱོད་དེ་ལ་ཇི་ལྟར་ཞེས་བརྗོད་པའོ། །སྨོན་པ་ཞེས་བྱ་བ་ནི་སྲུ་ནམ་ཞིག་ན་ཁོ་བོ་ཁྱོད་དང་ལྷན་ཅིག་དེ་དང་དེ་ལྟར་བྱེད་ཞིག་གུ་སྙམ་དུ་སྨོས་#པའོ། །
[117b.3]གཤེ་བ་ཞེས་བྱ་བ་ནི་ཁྱོད་ལ་བོང་བུ་རྣམས་གང་དེ་ལྟར་བྱེད་པར་གྱུར་ཅིག་པའི་བློས་འདིར་མི་ལྟུང་ཞེས་གཤེ་བའོ། །ཕྱིར་སྨྲ་བ་ཞེས་བྱ་བ་ནི་བུད་མེད་ཀྱིས་བརྗོད་པའི་བསྔགས་པ་ལ་སོགས་པ་ལ་དགེ་སློང་གིས་ཕྱིར་རྣམ་པ་དེ་རྣམས་ཀྱིས་སླར་ལན་འདེབས་པའོ། །དོན་གཞན་ལ་བསམས་པས་
[117b.4]ལྗོངས་ཀྱི་ངེས་པའི་ཚིག་གི་དབང་གིས་ན་ལྟུང་བ་མེད་དོ་ཞེས་བྱ་བ་འདི་ནི་མི་མཛེས་པ་ཞེས་བྱ་བ་བསམས་པར་གྱུར་པ་ལ་ལྟུང་བའི་བློས་འདིར་མི་ལྟུང་བའོ་ཞེས་བྱ་བ་དེའི་ཟློག་#པའི་དོན་དུ་མདོ་འདི་དང་འོག་མའོ། །ཅི་སྟེ་དོན་གཞན་ལ་བསམས་པ་ཞེས་བྱ་བ་ལྗོངས་ཀྱི་ཚིག་འདིའི་ངེས་པའི་ཚིག་གི་དབང་གིས་#
[117b.5]དོན་གཞན་གྱི་བསམ་#པས་འཁྲིག་པ་སྨྲས་པ་གང་ཡིན་པ་དེ་ལ་ནི་ལྟུང་བ་མེད་དེ། གང་ཞིག་རུང་བ་ཙམ་གྱིས་གཞན་ལ་བསམ་པར་བྱེད་པ་ནི་མ་ཡིན་ཞེས་བྱ་བའོ། །མིང་གི་ཆ་ཉིད་འདྲ་བ་ལ་ཡང་ངོ་ཞེས་བྱ་བ་ནི། ཆ་ཉིད་འདྲ་བ་#གང་ཞིག་གི་དབང་གིས་#འཁྲིག་པ་སྨྲས་པ་གང་ཡིན་པ་སྟེ་འདི་ལྟ་སྟེ་
[117b.6]དཔེར་ན། རྒྱ་གར་སྐད་དུ་ནས་ལ་ནི་ཡ་བ་ཞེས་བྱ་བ། འཁྲིག་པ་ལ་ནི་ཡ་བྷ་ཞེས་བྱ་བ་དེ་ལ་ནས་ཀྱི་མིང་ཡ་བ་ཞེས་བརྗོད་པའི་བསམ་པས་དྲག་ཏུ་བརྗོད་པའི་དབང་གིས་བ་ཞེས་བྱ་བའི་གནས་སུ་བྷ་ཞེས་བརྗོད་པ་ལ་ལྟུང་བ་མེད་ཅེས་བྱ་བའི་དོན་ཏོ། །དགེ་འདུན་ལྷག་མ་གསུམ་པའི་རྣམ་
[117b.7]པར་འབྱེད་པའོ།། །།མཛེས་པ་ཡིན་ནོ། །སྡིག་ཅན་ཡིན་ནོ། །རྨའི་སྒོ་མཛེས་པ་འམ་སྡིག་ཅན་ཡིན་#ནོ། །བགོ་བཤའ་གྱིས་ཤིག་ཁོ་བོ་ལ་བགོ་བཤའ་གྱིས་ཤིག །ཁོ་བོ་དང་ལྷན་ཅིག་ཉོལ་ཅིག །ཕྲད་པར་གྱིས་ཤིག་ཅེས་སྨྲས་ན་སྦོམ་པོའོ་ཞེས་བྱ་བ་ནི་འདིར་ཁྱོད་ནི་སྡིག་པ་ཅན་
[118a]
[118a.1]ཞེས་#བྱ་བ་ལ་སོགས་པ་རྣམས་ཀྱི་སྒྲ་བརྗོད་པ་དང་སོ་སོར་མངོན་པར་འབྲེལ་ལོ། །གནས་ངན་ལེན་དང་བཅས་པའི་སེམས་ཀྱིས་གནས་ངན་ལེན་གྱི་ཚིག་བརྗོད་པ་ལ་སྦོམ་པོའོ། །རྣམ་པ་གང་ཡིན་#སྦྱར་བར་གྱུར་པ་དེའི་རྣམ་པའི་གནས་ངན་ལེན་གྱིས་ཐ་ན་རྒོད་བག་
[118a.2]ཙམ་གྱིས་སྨྲས་ན་ཡང་ཐམས་ཅད་དུ་སྦོམ་པོར་རིག་པར་བྱའོ#། །ཀུན་དུ་ཆགས་པར་གྱུར་པས་ནི་མ་ཡིན་ཏེ་དེ་#ཡང་མཐུ་ཡོད་པ་ཅན་ལའོ། །དགེ་འདུན་ལྷག་མ་གསུམ་པའི་ཞུ་བའི་སྐབས་སོ།། །།དེ་བཞིན་དུ་རྫུ་འཕྲུལ་གྱི་རྣམ་པར་འཕྲུལ་པའི་ཆོས་ཅན་མོ་ལ་སྨྲ་ནའོ་ཞེས་བྱ་བ་ལ། དེ་
[118a.3]བཞིན་དུ་ཞེས་བྱ་བའི་སྒྲ་ནི་སྦོམ་པོའོ་ཞེས་སྔར་བསྟན་པའི་རྗེས་བསྙགས་#པའི་ཕྱིར་རོ། །རྫུ་འཕྲུལ་གྱི་རྣམ་པར་འཕྲུལ་བའི་ཆོས་གང་ལ་ཡོད་པ་དེ་ནི་རྫུ་འཕྲུལ་གྱི་རྣམ་པར་འཕྲུལ་པའི་ཆོས་ཅན་ནོ། །དེའི་གནས་ངན་ལེན་ཅན་སྨྲས་ན་ནི་སྦོམ་པོའོ། །འདིར་སེམས་ནི་འཇིགས་པར་འགྱུར་ཏེ།
[118a.4]མངོན་པར་ཞེན་པ་དམན་པས་རབ་ཏུ་འགྲོ་བ་མི་སྲིད་པའི་ཕྱིར་དང་། མཐུ་མཐོང་བའི་ཕྱིར་རོ། །དེ་བས་ན་འདིར་ན་སྨད་པའོ། །དེ་བཞིན་དུ་ཞེས་བྱ་བ་ནི་འདིས་ཐམས་ཅད་ཀྱི་དབང་དུ་བྱ་བར་རིག་པར་བྱའོ། །སྲུ་ཁོ་བོ་ལ་ནས་བྱིན་ཅིག །སྲུ་ཁྱོད་ལ་ཅི་མཐོང་བ་དེ་བྱིན་ཅིག །སྲུ་ཁྱོད་ཀྱི་མདུན་ན་
[118a.5]མོ་གང་ཡིན་པ་དེ་བྱིན་ཅིག །སྲུ་ཁྱོད་ཀྱི་ཡིད་དུ་འོང་བ་གང་ཡིན་པ་དེ་བྱིན་ཅིག །ཁྱོད་ལ་ཅི་དགའ་བ་བྱིན་ཅིག་ཅེས་བདག་ལ་སྨྲས་པ་ཁྱོད་ཅི་ལ་དགའ་ཞེས་ཟེར་བ་ལ་སྲུ་ཁྱོད་ལ་ཁོ་བོ་དགའོ་#ཞེས་བྱ་བ་དང་། སྲུ་ཁོ་བོ་ལ་ཆུ་དང་བཅའ་བ་དང་ཐུག་པ་དང་བཟའ་བ་བྱིན་ཅིག །ཁྱོད་ཉིད་དེ་དག་ཡིན་
[118a.6]ནོ་ཞེས་སྨྲས་པ་དག་ལའོ་ཞེས་བྱ་བ་ནི་ཁྱོད་ཅི་ལ་དགའ་བ་སྦྱིན་#པར་བྱ་ཞེས་ཟེར་བ་ལ་བདག་ནི་ཁྱོད་ཀྱི་#སྦྱིན་བདག་གིས་སྨྲས་པ་དེ་བས་ན་ཁྱོད་ལ་དྲི་བར་བྱ་སྟེ། ཁྱོད་ཅི་ལ་དགའ་ཞེས་ཟེར་བ་ལ་བུད་མེད་དེ་ལ་འདི་སྐད་ཅེས་སྲུ་ཁྱོད་ལ་ཁོ་བོ་དགའ་འོ་#ཞེས་ཟེར་བའོ། །བདག་ལ་བྱིན་ཅིག་ཅེས་བྱ་བ་ནི་
[118a.7]བཟའ་བ་ལ་སོགས་པ་གསུམ་པོ་འདི་ལ་ཡང་སོ་སོར་རྗེས་སུ་འབྲེལ་ལོ། །ཁྱོད་ཉིད་དེ་དག་ཡིན་ནོ་ཞེས་བྱ་བ་ནི་ཆུ་ལ་སོགས་པ་བཞི་པོ་ལ་ཡང་ཚིག་ལྷག་མ་འདི་རྣམས་སོ། །སྲུ་ཁོ་བོ་ལ་ཆུ་བྱིན་ཅིག །སྲུ་ཁྱོད་ཉིད་ནི་ཆུ་ཡིན་ཏེ་ཞེས་བྱ་བ་ནས་ཇི་སྲིད་དུ་སྲིང་མོ་བདག་ལ་བཟའ་བ་བྱིན་ཅིག་ཅེས་བྱ་
[118b]
[118b.1]བའི་བར་དུ་སྨྲས་པ་དག་ལ་འདི་ལྟ་བུའི་ངོ་བོ་བཞི་པོ་སྨྲ་བ་འདི་རྣམས་ལ་སྦོམ་པོའི་ལྟུང་བའོ། །ཁྱོད་ལ་བོང་བུ་དག་དེ་བྱེད་པར་གྱུར་ཅིག །སྲུ་སྐྱེས་བུ་འཕྱོན་པ་དག་#ལ་བསོད་སྙོམས་སྤྱོད་དམ་ཞེ་#ན་ཡང་ངོ་ཞེས་བྱ་བ་འདི་ལ། སྤྱོད་དམ་ཞེས་བྱ་བ་འདི་དང་འབྲེལ་ཏོ། །བསོད་སྙོམས་ཀྱི་སྤྱོད་
[118b.2]པ་ཁྱོད་ཀྱིས་སྤྱོད་ཅེས་ཟེར་ཞིང་གྲོང་བའི་རོ་ལ་ཉེ་བར་བརྟེན་པ་རྣམས་ལ་ཁྱོད་ནི་སྤྱོད་པ་འདིས་སྤྱོད་པར་བྱེད་དེ་གང་ལ་བསོད་སྙོམས་ཤེས་པའི་དོན་ཏོ། །དེར་མགལ་དུམ་ཆུག་ཅིག་ཅེས་ན་#ཡང་ངོ་། །རང་བཞིན་གྱིས་#གནས་ངན་ལེན་བརྗོད་པས་གནས་ངན་ལེན་སྨྲས་པ་ཡང་ངོ་ཞེས་བྱ་བ་ནི་རྒྱའི་
[118b.3]དོན་ཅན་གྱི་སྒྲ་རྣམས་ཀྱིས་ཀྱང་སྨྲས་པ་ལ་སྦོམ་པོ་འདིའོ། །ཀུན་ནས་ཆགས་པ་མེད་པའི་ཕྱིར་འོ་ན་ཅིའི་ཕྱིར་ལྟུང་བ་མེད་པ་ཉིད་དུ་མི་འགྱུར་ཏེ་རྒོད་པར་གྱུར་པའི་གནས་ངན་ལེན་ཡོད་པའི་ཕྱིར་རོ། །དགེ་འདུན་གྱི་ལྷག་མ་གསུམ་པོ་འཁྲིག་པ་དང་ལྡན་པ་སྨྲ་བའི་འདུལ་བྱེད་རྣམས་སོ།། །།གང་
[118b.4]དུ་བསྔགས་པ་དགེ་འདུན་གྱི་ལྷག་མར་འགྱུར་ཞེ་ན། དེའི་ཕྱིར་བདག་ཉིད་འཁྲིག་པ་ཀུན་ཏུ་སྤྱོད་པ་བསྔགས་ནའོ་ཞེས་བྱ་བ་སྨོས་ཏེ། བུད་མེད་དོན་ཀུན་ཤེས་པར་བྱ་བའི་མཐུ་ཡོད་པ་ལ་དེས་ཞེས་བྱ་བ་འདི་འདིར་སྔར་བཤད་པ་རྗེས་སུ་དྲན་པར་བྱའོ། །ལོག་པར་བསྒྲུབས་#པ་ལ་ལེགས་པ་ཉིད་ཀྱིས་
[118b.5]སྤྱོད་པ་ནི་བསྔགས་པའོ། །འོན་ཏེ་བསྒྲུབ་པ་འདི་མཆོག་ཅེས་བྱ་བ་ལ་སོགས་པའི་རྣམ་པ་དང་ཁྱད་པར་དུ་འཕགས་པས་ལོག་པའི་བསྒྲུབ་པ་དོར་བས་ཁ་ན་མ་ཐོ་བ་དེ་ཉིད་དུ་རྣམ་པར་གཞག་པ་ཡིན་ནོ། །བདག་ཉིད་དང་འཁྲིག་པ་ཀུན་དུ་སྤྱོད་པ་སྨྲ་བ་ལ་གལ་ཏེ་འགྲོ་བ་བརྗོད་པར་སྦྱོར་ན་སྨྲ་བ་ལ་དགེ་
[118b.6]འདུན་གྱི་ལྷག་མ་ཉིད་དོ། །སྨྲ་བའི་བདག་ཉིད་ཅན་ལ་ཡང་སྐད་ཅིག་མ་གཅིག་ཏུ་གྱུར་པ་ཉིད་ཀྱི་ཕྱིར་དོན་གཅིག་གོ་བར་བྱེད་པའི་སྔོན་གྱི་རྣམ་པ་མེད་པ་ལ་ཐ་སྙད་འདིའོ། །དེ་བས་ན་གཞན་གྱིས་འགྲོ་བ་བརྗོད་པའི་ཕྱིར་འཁྲིག་པའི་ཚིག་ནི་དགེ་འདུན་གྱི་#ལྷག་མ་ལ་ཡན་ལག་ཏུ་རྟོགས་པར་བྱའོ། །དེས་
[118b.7]བསྔགས་པ་ལ་རྗེས་སུ་ཡི་རང་བའི་དོན་གྱི་ཚིག་ནི་དེ་དང་འདྲའོ་ཞེས་བྱ་བ་ནི་འདིར་བུད་མེད་གང་ཞིག་འགལ་ཟླ་ཉིད་ཀྱིས་གནས་པ་དེ་དང་ལྷན་ཅིག་དགེ་སློང་དེ་ལ་བསྙེན་བཀུར་བྱས་པ་འདི་ནི་འཕགས་པ་ལ་བསྙེན་བཀུར་བྱས་པ་རྣམས་ཀྱི་མཆོག་སྟེ། གང་གི་ཕྱིར་ཁྱེད་ལྟ་བུའི་དགེ་སློང་ཚུལ་ཁྲིམས་དང་
[119a]
[119a.1]ལྡན་པ་ལ་ཞེས་བྱ་བ་ལ་སོགས་པས་བསྔགས་པ་ལ། གང་ཞིག་འདི་ནི་དེ་ལྟར་#ཡིན་ནོ་ཞེས་བྱ་བ་རྗེས་སུ་ཡི་རང་བའི་དོན་དུ་བརྗོད་པ་ནི་བསྔགས་པ་བཞིན་དུ་བལྟ་བར་བྱའོ། །འདིར་དངོས་གཞི་ཁོ་ནའི་ཁ་ན་མ་ཐོ་བ་ཞེས་བྱ་བའི་དོན་ཏོ། །དེ་ཉིད་ཕྱིར་བཟླས་ནའོ་ཞེས་བྱ་བ་ནི་གང་ཞིག་
[119a.2]འདི་བསྙེན་བཀུར་བྱས་པ་རྣམས་ཀྱི་མཆོག་ཅེས་བྱ་བ་ལ་སོགས་པ་དེས་བཟླས་ན་དགེ་སློང་གི་ཕྱིར་ཟློ་བར་བྱེད་དེ། དེས་བསྔགས་པ་ཉིད་ནི་ཡོད་པ་མ་ཡིན་ཏེ་དེ་ལས་བཟླས་པར་བྱས་པའོ། །དེ་ལྟ་དེ་ལྟར་ཕྱིས་རྗེས་སུ་སྨྲ་བ་ཞེས་བྱ་བ་གང་གསུངས་པ་དེ་འདིས་བསྡུས་པ་ཡིན་ནོ། །དེ་དང་འཁྲིག་
[119a.3]པ་དང་ཉེ་བར་མ་སྦྱར་ན་སྦྱོར་བ་ཉིད་དོ་ཞེས་བྱ་བ་ནི་གང་དུ་ཉེ་བར་མ་སྦྱར་བ་ལ་དེས་སྦྱོར་བ་ཉིད་དོ། །དཔེར་ན་འདི་ལྟ་སྟེ། དགེ་སློང་ལ་འཁྲིག་པས་བསྙེན་བཀུར་བྱས་པར་གྱུར་ན་དེ་ནི་བསྙེན་བཀུར་རྣམས་ཀྱི་མཆོག་གོ་ཞེས་ཇི་ལྟར་ཡང་དགེ་སློང་དེས་འཁྲིག་པས་བསྙེན་#བཀུར་བར་བྱེད་ན་ཞེས་ཟེར་
[119a.4]བ་ལྟ་བུའོ། །འཁྲིག་པ་དང་ཉེ་བར་མ་སྦྱར་བ་ཡང་#སྦྱོར་བ་ཉིད་དེ། དཔེར་ན་འདི་ལྟ་སྟེ་ཁོ་བོ་#ལྟ་བུའི་དགེ་སློང་ལ་བསྙེན་བཀུར་བྱས་པར་གྱུར་པ་དེ་ནི་བསྙེན་བཀུར་རྣམས་ཀྱི་མཆོག་གོ་ཞེས་ཟེར་བ་ལྟ་བུ་སྟེ། དེ་གཉིས་ཀ་ཡང་སྦོམ་པོའི་ལྟུང་བ་ཞེས་བྱ་བའི་དོན་ཏོ། །གཉིས་ཀ་དང་ནི་དེའིའོ་ཞེས་བྱ་བ་ནི་
[119a.5]འཁྲིག་པའི་ལྟུང་བ་ལ་#གཉིས་ཀ་དག་གིས་ཀྱང་ཉེ་བར་མ་སྦྱར་བ་ལ་སྦྱོར་བའི་#སྦྱོར་བ་ཉིད་དོ། །དཔེར་ན་འདི་ལྟ་སྟེ། དགེ་སློང་ལ་བསྙེན་བཀུར་བྱས་པར་གྱུར་པ་དེ་ནི་བསྙེན་བཀུར་རྣམས་ཀྱི་མཆོག་གོ་ཞེས་བྱ་བ་ལྟ་བུ་སྟེ། སྦྱོར་#བ་ཉིད་ཀྱི་ཕྱིར་ཉེས་བྱས་སོ། །བསྙེན་བཀུར་བསྔགས་པའོ།། །།གང་
[119a.6]དུ་སྨྱན་བྱེད་པའི་དགེ་འདུན་ལྷག་མ་བརྗོད་པར་འདོད་ནས་ཕྲད་ནའོ་ཞེས་བྱ་བ་སྨོས་ཏེ། གཉིས་ཀྱིས་གཉིས་ཕྲད་ནའོ་ཞེས་བྱ་བའི་དོན་ཏོ། །འདིར་གཞུང་ནི་ཉེ་བ་འཁོར་གྱིས་ཞུས་པ་ལས། ངེས་པར་མི་སྟེན་#པར་བྱེད་པ་རྣམས་ལ་སྨྱན་བྱེད་པ་ལ་སྦོམ་པོའི་#ཚིག་གོ། །གང་དེའི་#ཕོ་ཉ་དང་འབྲེལ་བ་ལ་
[119a.7]བཟུང་བ་དང་བརྐུས་པ་དང་། ཕྱིར་ཞིང་བརྐུས་པ་གསུམ་གྱིས་བསྒྲུབས་པས་དགེ་འདུན་གྱི་ལྷག་མ་ཡིན་པར་གྱུར་ན། འདིར་ཡང་བརྗོད་པར་འགྱུར་ཏེ་ཕྲད་པ་མེད་པས་འདི་སྦོམ་པོ་ཉིད་དུ་གསུངས་པ་ཡིན་ནོ་ཞེས་བྱ་བ་རྣམ་པར་གནས་སོ། །འདུལ་བྱེད་ཀྱི་གཞུང་རྣམས་ལས་ཁྱིམ་བདག་གི་ཆུང་
[119b]
[119b.1]མ་ལ་ཅུང་#ཟད་སྨྱན་བྱས་པ་དང་། དེས་དེ་རྐང་ལག་ལ་བཏེག་པར་བྱས་ཏེ#། ཁྱིམ་ནས་ཕྱིར་ཕྱུང་ནས་དེར་དགེ་སློང་གཞན་ཞིག་རིགས་དང་ཉེ་བར་འགྲོ་བ་དེས་དེ་དག་ཚོགས་པ་བྱས་ཏེ་དེ་དག་ཀྱང་ཕྲད་པར་གྱུར་པ་དང་། དགེ་སློང་དེ་ལ་འགྱོད་པ་སྐྱེས་པ་དང་ཞེས་བྱ་བ་ལ་སོགས་པ་གསུངས་པ་
[119b.2]ཡིན་ནོ། །འཕགས་པ་ཁྱིམ་པ་མིང་འདི་ཞེས་བྱ་བ་ཞིག་ཚུར་ཤོག་ཅེས་སྨྲ་བར་ནུས་སམ། སྨྲས་པ་ནུས་སོ། །གལ་ཏེ་དགེ་འདུན་ལ་གུས་པར་བྱད་#ནུས་ན་དེ་ལ་འདི་འབོད་པར་བགྱི་སྟེ། དེས་དེ་ལ་སྤྱད་#པའི་རྒྱུ་བྱིན་ནོ། །དགེ་སློང་དེས་གུས་པ་སོ་སོར་སད་#པར་བྱ་སྟེ། ཁྱིམ་བདག་དེ་ལ་བོས་སོ། །
[119b.3]དེ་དག་ཕྲད་པར་གྱུར་ཏོ་ཞེས་བྱ་བ་ལ་སོགས་པ་འདུལ་བྱེད་དག་ལས་ཐམས་ཅད་ཉིད་དུ་ཕྲད་པ་ལ་ལྟུང་བར་བརྗོད་པའོ། །དེ་དག་ཕྲད་པ་ཡོད་པར་གྱུར་ན་སྨྱན་བྱེད་པའི་དགེ་འདུན་ལྷག་མ་ཡིན་གྱི་ཕྲད་པ་མེད་པར་ནི་མ་ཡིན་ནོ་ཞེས་བྱ་བ་དེས་ཀྱང་ཤེས་པ་ཡིན་ནོ། །གཞན་དུ་ན་ཚིག་འདི་ལ་དོན་དང་
[119b.4]ལྡན་པ་ཉིད་སྐྱེ་བ་ནི་མ་ཡིན་ནོ། །སུ་དང་ཕྲད་ཅེ་ན། དེའི་ཕྱིར་གཞན་དང་ངོ་ཞེས་བྱ་བ་སྨོས་ཏེ། བདག་ཉིད་དང་སྨྱན་བྱེད་པ་ལ་ནི་མ་ཡིན་ནོ། །སུར་ཕྲད་ན་ཞེ་ན། དེའི་ཕྱིར་གཞན་དུའོ་ཞེས་བྱ་བ་སྨོས་ཏེ། བདག་ཉིད་དུ་ཕྲད་པ་མ་ཡིན་གྱི་གཞན་དུ་ཕྲད་ནའོ། །ཁྱད་པར་ཡོངས་སུ་མ་བཟུང་བས་ན་
[119b.5]ཐམས་ཅད་ཀྱིས་སོ། །མིའི་འགྲོ་བ་པ་གཉིས་ཕྲིན་#གསུམ་རྣམས་ཀྱིས་བསྟེན་པར་བྱ་བ་#རྨའི་སྒོ་རྣམས་དང་ལྡན་པ་ཐམས་ཅད་ལྡན་པ་བསྟེན་པས་མིའི་#འགྲོ་བ་ལ་ཞེས་བྱ་བ་རྟོགས་པར་བྱ་སྟེ། བདག་ཉིད་ཡོངས་སུ་བཅད་པའི་དོན་དུ་མདོ་འདིའོ། །དེའི་དོན་དུ་མི་མཐུན་པ་མཐུན་པར་བསྒྲུབ་
[119b.6]པའི་ཕྱིར་སྤྲད་པར་བྱ་བ་ལས་སྤྲིང་བ་མནོས་པ་གཞན་དེ་ལ་གོ་བར་བྱས་ཤིང་དེས་སྨྲས་པ་སྔ་མ་ལ་བརྗོད་ནའོ་ཞེས་བྱ་བ་ལ། འདིས་ནི་ལྟུང་བ་རྗེས་སུ་བསྒྲུབས་#པས་སྤྲད་པར་བྱ་བ་གཉིས་སུ་སྒྲུབ་#པ་ལ་ཞེས་བྱ་བ་ནི་འདིར་ངག་གི་དོན་ཏོ། །#མི་མཐུན་པ་མཐུན་པར་བསྒྲུབ་པའི་ཕྱིར་ཞེས་བྱ་བ་ལ། མི་མཐུན་
[119b.7]པ་དག་ལ་མཐུན་པ་སྒྲུབ་པའི་#དོན་དུའོ། །འདིའི་#མཐུན་པར་ཞེས་བྱ་བ་ཡང་ཡིད་གཅུགས་#པའི་དངོས་པོ་ཉིད་དུ་བྱས་པ་ཡིན་གྱི། གཉིས་ཀྱིས་#གཉིས་སྤྲད་པ་ནི་མ་ཡིན་ཏེ། དེ་ཡང་ཇི་ལྟར་ན་བསྒྲུབ་པར་མི་འགྱུར་ཞེས་བྱ་བ་དེའི་དོན་དུ་སྤྲིང་བ་མནོས་པས་ཞེས་བྱ་བ་སྨོས་ཏེ་ཕྲིན་#མནོས་པ་ནའོ#། །སྤྲིང་
[120a]
[120a.1]བ་མནོས་པ་དེ་སུ་ལ་གོ་བར་བྱས་ན་ཞེ་ན། དེའི་ཕྱིར་སྤྲད་པར་བྱ་བ་ཞེས་བྱ་བ་སྨོས་ཏེ། སྤྲད་པ་གང་ལ་བྱ་བ་དེ་ནི་སྤྲད་པར་བྱ་བའོ། །གཞན་དེ་ལ་གོ་བར་བྱས་ཤིང་ཞེས་བྱ་བ་ནི་སྤྲིང་བ་མནོས་པ་དེའོ། །དེ་ལ་ཞེས་བྱ་བ་ནི་སྤྲད་པར་བྱ་བ་ལའོ། །སྤྲད་པར་བྱ་བ་གང་ལ་གོ་བར་བྱ་ཞེ་ན། དེའི་ཕྱིར་
[120a.2]གཞན་ལ་ཞེས་བྱ་བ་སྨོས་ཏེ། གང་ལ་སྤྲིང་བ་མནོས་པ་དེ་ལས་གཞན་པ་དེ་ལའོ་ཞེས་བྱ་བའི་དོན་ཏོ། །དེས་སྨྲས་པ་ཞེས་བྱ་བ་ནི་དེ་གཞན་སྤྲད་པར་བྱ་བ་སྨྲས་པའོ། །གང་ཞིག་འདི་སྤྲིང་བ་མནོས་པ་བརྗོད་པ་ལ་ལན་སྟེར་བ་དེ་ལ་དེ་ཞེས་བྱ་བའི་དོན་ཏོ། །སྔ་མ་ལ་ཞེས་བྱ་བ་ནི་སྤྲད་པར་བྱ་བ་ལ་སྟེ་གང་
[120a.3]ལས་སྤྲིང་བ་མནོས་པ་དེ་ལའོ། །སྔ་མ་དེ་#ལ་གཞན་དེས་སྨྲས་པ་དེ་ཇི་ལྟར་བྱས་ན་ཞེ་ན། དེའི་ཕྱིར་བརྗོད་ན་ཞེས་བྱ་བ་སྨོས་ཏེ། བརྗོད་པ་ལ་ཞེས་བྱ་བའི་དོན་ཏོ། །ཕྲད་པའི་དོན་དུ་ཡིད་གཅུགས་#པ་བསྒྲུབ་པའི་ཕྱིར་མནོས་ཏེ་ཕྲིན་#ཕར་སྐྱེལ་བར་བྱེད་དམ་ཕྲིན་ཚུར་སྐྱེལ་བར་བྱེད་པ་རྣམས་ལ་རྗེས་སུ་
[120a.4]བསྒྲུབ་པ་ཞེས་བྱ་བའི་ཐ་ཚིག་གོ། །འཇུག་པ་བར་མའི་ཕྱང་ཡར་ཐོས་པ་ཉིད་ན་དེ་བྱས་པ་ཉིད་ཅེས་#བྱ་བ་ལ། འཇུག་པ་བར་མ་ཞེས་བྱ་བ་ནི་འཇུག་པ་དེ་བར་མར་གཏོགས་པས་འཇུག་པ་བར་མ་སྟེ་ཕྲིན་ལས་ཞེས་བྱ་བའི་དོན་ཏོ། །གང་གི་ཚེ་ན་སྤྲད་པར་བྱས་ནས་སྤྲིང་བ་མནོས་པ་དེ་ལ་གོ་བར་
[120a.5]བྱས་པར་གྱུར་ན་དེའི་ཚེ་ན་གང་ཞིག་འདི་ལུས་ཀྱི་རྣམ་པར་རིག་བྱེད་དམ་ངག་གི་རྣམ་པར་རིག་བྱེད་དམ་ཅང་མི་སྨྲ་བར་འཇུག་པ་གང་ཡིན་པས་ལན་སྟེར་བར་བྱེད་ན་བསྐུར་#བ་པོ་ལ་མིག་གི་རྣམ་པར་ཤེས་པས་སམ་རྣ་བའི་རྣམ་པར་ཤེས་པས་སམ་ཡིད་ཀྱི་རྣམ་པར་ཤེས་པས་གྲངས་ཇི་ལྟ་བར་བསྐུར་བ་
[120a.6]པོའི་ཁས་ལེན་པ་ལ་སྔ་མར་བརྗོད་པ་ལ་ཕྱང་ཡར་ཉིད་ཅེས་བྱ་བའི་དོན་ཏོ། །ཇི་སྲིད་དུ་བསྟན་པར་འགྱུར་ཏེ། དབུས་དང་འབྲེལ་བའི་འཇུག་པ་དེ་གོ་བར་བྱེད་པ་ལ་བརྟེན་པའི་ལོ་རྒྱུས་ལ་དེའི་ཕྲིན་ལན་སྨྲ་བར་གོ་བར་བྱས་པའི་སྤྲིང་བར་བྱ་བས་བསྐུར་བ་པོ་འམ་སྨྲ་བ་པོ་འམ་གཞན་ལས་ཕྲིན་ལན།
[120a.7]ཐོས་པ་དང་བྱས་པ་ཉིད་ལ་བསྐུར་བ་ལ་ཕྱང་ཡར་ཉིད་དོ། །སྔ་མ་ལ་བརྗོད་ན་ཅི་ཡང་རུང་བའི་དོན་བསྒྲུབ་པ་ནི་འདིར་ཡན་ལག་གོ། །དེ་ལྟར་འདི་ནི་མ་ཡིན་ཏེ་དེས་#ན་བསྐུར་བར་བྱེད་པ་པོས་#བསྒྲུབ་པར་འགྱུར་རོ། །གང་གི་ཕྱིར་གལ་ཏེ་དེས་གོ་བར་མི་འགྱུར་ན་འདི་ནི་དེའི་ལན་སྟེར་བར་མི་འགྱུར་རོ། །འདིར་
[120b]
[120b.1]གཞུང་ནི་དགེ་སློང་དེས་སྤྲིང་བ་རྣམ་པ་དེ་ལྟ་བུ་དེ་མནོས་ཏེ། ཕྲིན་ཕར་སྐྱེལ་#བར་བྱེད་དམ་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མའི་ལྟུང་བར་འགྱུར་རོ་ཞེས་གསུངས་པ་ཡིན་ནོ། །ཕྲིན་#ཚུར་བསྐྱལ་བ་ལ་ལྟ་སྨོས་ཅི་དགོས་ཏེ་ཕྲིན་#གཏོང་བ་ཙམ་ལ་ཡང་འདིར་དགེ་འདུན་གྱི་ལྷག་མའོ་ཞེས་བྱ་བ་འདིའི་དོན་ཏོ། །
[120b.2]གསུམ་པོ་དེ་དག་གི་བྱ་བ་ཉིད་ནི་ཐ་དད་པ་ཉིད་དོ་ཞེས་བྱ་བ་ནི་འདིར་རྗེས་སུ་བསྒྲུབ་པར་བྱ་བའི་ཚིགས་གསུམ་པོ་#གང་དག་སྔར་བསྟན་པ་ནོད་པ་དང་གོ་བར་བྱེད་པ་དང་བརྗོད་པ་ཞེས་བྱ་བ་ཚིགས་#དེ་དག་གི་བྱ་བ་ཉིད་ཅེས་བྱ་བ་ནི་རྗེས་སུ་བསྒྲུབ་པར་བྱ་བ་ཉིད་ནི་ཐ་དད་པ་ཉིད་དེ་སྦྱོར་བ་ཐ་དད་པ་ཉིད་ཡིན་ནོ་ཞེས་བྱ་བའི་
[120b.3]དོན་ཏོ། །དེ་བས་ན་སོ་སོར་འདི་རྣམས་ལ་སྦོམ་པོའི་ལྟུང་བའོ། །དེ་ལྟར་ན་འདི་རྣམས་ལ་རེ་རེ་དག་ལ་སྦོམ་པོའི་ལྟུང་བའོ། །#ཉེས་པ་སྦོམ་པོར་གསུངས་པ་གང་ཡིན་པ་དང་། ཕྱི་མ་མེད་ན་ཡང་ཚིགས་སྔ་མ་ལ་ཉེས་པ་སྦོམ་པོར་གསུངས་པ་གང་ཡིན་པ་དེའི་འདི་བསྡུ་བའོ། །མི་ཉིད་ལ་མཐའི་བྱེད་པ་
[120b.4]པོ་ཉིད་མ་ཡིན་པ་ཡང་སྦྱོར་བ་ཉིད་མ་ཡིན་པ་མ་ཡིན་ནོ་ཞེས་བྱ་བ་ལ་མི་ཉིད་ནི་མི་ཉིད་དོ། །མིའི་འགྲོ་བ་པ་#ཉིད་ཡོད་པར་གྱུར་པ་ལ་མངལ་ན་གནས་པ་དང་རྡེའུ་གསུམ་གཏོར་བ་ལ་སོགས་པར་ནོད་པ་དང་། ཕྲིན་ཕར་སྐྱེལ་ཚུར་སྐྱེལ་#བ་རྣམས་ལ་ཡང་དག་པར་སྦྱོར་བ་མེད་པའི་ཕྱིར་སྤྲད་པར་བྱ་བ་ཐོབ་པ་ལ་
[120b.5]མི་མཐུན་པ་མེད་པས་དངོས་གཞི་ལ་བྱེད་པ་པོ་ཉིད་མ་ཡིན་ཡང་དེ་ལ་གནོད་པ་ལ་སོགས་པ་ཚིགས་གསུམ་པོ་འདི་རྣམས་ཡོད་པར་གྱུར་པ་ལ་སྦྱོར་བ་ཉིད་མ་#ཡིན་ཏེ། འདི་ལྟར་སྦྱོར་བ་ཁོ་ན་ཡིན་ནོ། །དེ་ལ་ཉེ་བ་འཁོར་གྱིས་ཞུས་པ་ལས། མངལ་ན་གནས་པ་ལ་སོགས་པ་ལས་ཉེས་པ་སྦོམ་པོར་
[120b.6]གསུངས་པ་དང་། རྣམ་པར་འབྱེད་པ་ལས། རྡེའུ་གཏོར་བ་དང་། ཆོ་ག་བཏང་བ་གཉིས་ཀྱིས་ཉེས་པ་སྦོམ་པོར་གསུངས་པ་དེ་དག་གིས་འདིར་ལུང་གི་དོན་ཁོང་དུ་ཆུད་པར་བྱའོ། །གཉིས་ལ་སོགས་པ་རྣམས་ནི་དགེ་འདུན་ནས་བརྩམས་ཏེ་ཚིགས་#འདི་རྣམས་ལ་ལྷན་ཅིག་པའི་དངོས་པོས་#ཀུན་དུ་སྤྱོད་
[120b.7]པ་ལ་དེའི་སྦྱོར་བ་རྣམས་ལ་ཡང་རེ་རེ་དག་ལ་ལྟུང་བ་རྣམས་བསྐྱེད་པ་དེ་བརྗོད་པར་བྱ་བ་སྟེ། དེའི་ཕྱིར་འབྲས་བུ་གཅིག་ལ་#བྱེད་པ་པོ་སོ་སོ་ལ་བྱ་བ་རྫོགས་པར་བྱེད་#པ་མ་ཡིན་ནོ་ཞེས་བྱ་བ་སྨོས་ཏེ། གཅིག་པའི་དངོས་པོ་ནི་གཅིག་པ་ཉིད་དེ། འབྲས་བུ་གཅིག་པ་ཉིད་ནི་འབྲས་བུ་གཅིག་པ་ཉིད་དོ། །ནོད་པ་
[121a]
[121a.1]ལ་སོགས་པའི་ཚིགས་#ཐམས་ཅད་དང་ལྷན་ཅིག་པའི་དངོས་པོས་གང་ཟག་མང་པོ་རྣམས་ཀྱིས་ཀུན་དུ་སྤྱོད་པ་ལ་ཕྲད་པ་ཞེས་བྱ་བའི་ཐ་མི་དད་པར་འབྲས་བུ་གཅིག་ཅེས་བྱ་བ་འབྲས་བུ་གཅིག་པ་ཉིད་ཀྱིས་#འདིར་རེ་རེ་ཡང་ལྟུང་བ་འདི་རྣམས་བསྐྱེད་པ་ལ་མི་སྦྱོར་བ་ཡིད་ལ་འབྲེལ་པར་གྱུར་
[121a.2]ཅིང་འདྲེ་བར་མི་འགྱུར་ཏེ་ཞེས་བྱ་བ་འདི་ལྟར་འདི་བརྗོད་པའོ། །འོན་ཀྱང་བྱེད་པ་པོ་དང་བྱེད་པའི་ཕྱིར་བྱ་བ་རྫོགས་པ་ཉིད་དེ་ཐམས་ཅད་ཀྱི་བདག་ཉིད་ཀྱིས་འབྲེལ་པ་ཉིད་དོ། །ལྟུང་བའི་བྱེ་བྲག་དེ་ལྟ་བུར་གྱུར་པ་ལ་རྒྱུ་ཡིན་ཏེ། འབྲས་བུའི་དབྱེ་བ་ནི་མ་ཡིན་ནོ། །གལ་ཏེ་དེ་ལ་འབྲས་བུ་གཅིག་པ་བྱེད་པ་པོ་རེ་རེ་
[121a.3]ལ་བྱ་བ་#རྫོགས་པར་གནས་པ་ལ་རྒྱུ་ཡིན་པར་གྱུར་ན་འདི་ནི་དེ་ལྟར་འགྱུར་བ་ཡིན་ཏེ། དེ་ནི་ཡོད་པ་མ་ཡིན་ཞེས་བྱ་བའི་དོན་ཏོ། །འདིར་མངགས་པ་ནི་རང་ཉིད་དང་འདྲའོ་ཞེས་བྱ་བ་ནི་ཇི་ལྟར་གནས་ངན་ལེན་སྨྲ་བ་ལ་སོགས་པ་ལ་མངགས་པ་ལྟ་བུ་ནི་མ་ཡིན་ཏེ། དེར་མངགས་པས་བྱས་པ་མ་ཡིན་པ་མེ་#
[121a.4]རང་གིས་བྱས་པ་འདྲ་བ་མ་ཡིན་པ་ལྟར་དེ་བཞིན་དུ་འདིར་མངགས་པ་གང་ཡིན་པ་དེ་རང་གིས་བྱས་པར་འགྱུར་རོ། །སྤྲད་པར་བྱ་བ་ཉིད་ཀྱིས་དེ་མངགས་པ་སྦྱིན་པར་འགྱུར་རོ། །གང་ཞིག་དེའི་མངགས་པས་སྤྲད་པར་བྱ་བ་ཉིད་ཀྱིས་བརྗོད་པར་འགྱུར་བ་གང་ཡིན་པ་དེ་ནི་མངགས་པ་ཉིད་ལའོ། །གང་དེ་བྱས་
[121a.5]པར་འགྱུར་བ་ལ་མངགས་པ་གང་ཡིན་པ་ཞེས་བྱ་བ་ནི་འདིར་#རྣམ་པར་གཞག་པའོ། །མངགས་པའི་བདག་ཉིད་དུ་གྱུར་པ་#དེ་མངགས་པ་ལ་རང་གི་མངགས་པ་ཉིད་ཁོ་བོ་#ན་སྐྱེ་བར་འགྱུར་བ་ཡིན་གྱི་མངགས་པ་ཉིད་ནི་མ་ཡིན་ནོ་ཞེས་བྱ་བའོ། །མངགས་པའི་མངགས་པ་ལ་སོགས་པ་ལ་ཡང་འདིས་བདག་ཉིད་
[121a.6]ཀྱིས་བྱས་པར་རིག་པར་བྱའོ། །དེ་གཉིས་ཀྱིས་བདག་པོ་དག་ནི་སྤྲད་པར་བྱ་བ་ཉིད་དང་འདྲའོ་ཞེས་བྱ་བ་ནི་སྤྲད་པར་བྱ་བ་སྟེ། བདག་པོ་དབང་བྱེད་པ་ལ་དེར་ངེས་པར་སྦྱོར་བ་བཟློག་པ་དང་སྦྱིན་པ་དང་ཀུན་དུ་ཆད་པ་རྣམས་ལ་ཅི་རིགས་པར་སྤྲད་པར་#བྱ་བ་ཉིད་དོ། །འདིར་སྤྲད་པར་བྱ་བའི་ཁྱེའུ་དང་བུ་མོ་དེ་
[121a.7]གཉིས་ཀྱི་བདག་པོ་ཕ་མ་ལ་སོགས་པ་གང་དག་ཡིན་པ་དེ་དག་#ནི་དེ་ལ་བཟུང་བ་དང་སྨྲ་བ་གང་ཡིན་པ་དེར་སྤྲད་པར་བྱ་བ་ཉིད་ལས་དེ་དང་སྤྲད་པར་བྱ་བ་འམ་ཞེས་བྱ་བ་འདིར་ཤེས་པར་བྱའོ། །གཞན་ལ་བྱས་པ་ཉིད་ནི་#ཉེས་བྱས་སོ་ཞེས་བྱ་བ་ལ་གཞན་ལ་#ཞེས་བྱ་བ་ནི་བདག་པོ་མ་ཡིན་པ་ལའོ། །སྤྲད་པར་བྱ་བ་དབང་དུ་མི་
[121b]
[121b.1]བྱེད་པ་ཉིད་གང་ཡིན་པ་དེ་ལས་མངགས་པ་སྤྲིང་བ་མ་ནོད་པ་ལ་སོགས་པ་ལ་ཉེས་བྱས་ཞེས་བྱ་བའི་དོན་ཏོ། །སྤྲིང་ཡིག་དང་ལག་ཡིག་དང་ཡུལ་ཕྱོགས་དང་བརྡ་དང་མཚན་མ་རྣམས་ནི་ཚིག་ཉིད་དང་འདྲའོ་ཞེས་བྱ་བ་ནི་འདིར་ཡོངས་སུ་ཐོབ་པ་བྱེད་པ་ཙམ་ལ་གཙོ་བ་#ཉིད་དེ་འདིར་ཐོབ་པ་ལ་དོན་ཉིད་ཀྱི་
[121b.2]ཕྱིར་རོ། །རྣམ་པ་ཐམས་ཅད་དུ་ཡང་ཕུན་སུམ་ཚོགས་པ་འདི་ཡོངས་སུ་ཐོབ་པའི་ཕྱིར་རོ། །དེ་བས་ན་འདིར་སྤྲིང་ཡིག་ལ་སོགས་པ་རྣམས་ལ་ཚིག་ཏུ་གྱུར་པ་ཉིད་དེ་ན་སྨད་པར་#བྱེད་པ་ཉིད་ནི་མ་ཡིན་ནོ། །ཇི་ལྟར་ཚིག་གིས་ཇི་ལྟར་བསྟན་པའི་དོན་ཡོངས་སུ་ཐོབ་པས་ལྟུང་བ་དེ་བཞིན་དུ་སྤྲིང་ཡིག་ལ་
[121b.3]སོགས་པ་རྣམས་ཀྱིས་ཞེས་བྱ་བའི་དོན་ཏོ། །འདིར་མཚན་མ་ནི་གང་མཐོང་ནས་སོ་སོར་གོ་བ་སྟེ། དཔེར་ན་སྐྲ་དང་ཁ་སྤུ་བྲེགས་ནས་རིང་པོ་མ་ལོན་པ་འམ་གོས་དམར་སེར་གྱོན་པ་ཉིད་དམ་ཡན་ལག་དང་འབྲེལ་པའི་ཤིང་དཔུང་ཆད་ལྟ་བུའོ། །ཡུལ་ནི་ས་ཕྱོགས་ཏེ་སྐྱེད་མོས་ཚལ་ལ་སོགས་པའོ། །
[121b.4]བརྡ་ནི་དངོས་པོ་ཅུང་ཟད་མ་ཡིན་པར་གྱུར་པའི་མཚན་མ་སྟེ། དཔེར་ན་སྔ་དྲོ་འམ་ཉི་མ་ཕྱེད་#དམ་ཕྱི་དྲོ་ཞེས་བྱ་བའི་དུས་ཀྱི་རྣམ་པར་གཞག་པའོ། །བརྡ་ནི་བརྡའི་ཡུལ་ཉིད་ཀྱི་ཕྱིར་འདིར་བརྡས་བརྗོད་པའོ། །འདིར་ཐམས་ཅད་དུ་བརྡའི་དབང་གིས་གོ་བར་གྱུར་པ་སྟེ། འདིར་ནི་ཅུང་ཟད་མ་ཡིན་པར་གྱུར་པ་
[121b.5]ཉིད་ཀྱི་ཕྱིར་བརྡ་ཙམ་གྱི་དབང་ཉིད་ཞེན་པར་བྱས་ནས་བརྗོད་པ་འདི་བྱས་སོ། །འདིར་གཞུང་ནི་རྒྱུ་གསུམ་གྱིས་མངགས་པ་ལ་ཕྲིན་#བསྐུར་བར་འགྱུར་གྱི་ཚུར་སྐྱེལ་#བ་ནི་མ་ཡིན་ནོ། །གསུམ་གང་ཞེ་ན། ཡུལ་ཕྱོགས་དང་། བརྡ་དང་མཚན་མས་སོ་ཞེས་བྱ་བ་ལ་སོགས་པའོ། །སྨད་འཚོང་མ་#ནི་མི་
[121b.6]མཐུན་པ་ཉིད་དོ་ཞེས་བྱ་བ་ནི་དེའི་སྐད་ཅིག་ལ་ཕྲད་པའམ། ལན་བདུན་དུ་ཕྲད་པའི་ཆུང་མ་བརྗོད་པ་སྟེ། ཡུན་ཐུང་#ངུ་ཕྲད་པ་ཞེས་བྱ་བ་འདིར་#འདིའི་དོན་ཤེས་པ་ཡིན་ནོ། །བཤད་པ་ཡང་དེ་བཞིན་དུ་སྟེ། དེའི་སྐད་ཅིག་ལ་ཕྲད་པ་ནི་ཡུད་ཙམ་ཕྲད་པ་བརྗོད་པ་ཡིན་ནོ། །སྨད་འཚོང་མའི་དེའི་ལུས་
[121b.7]ཀྱི་དོན་དུ་ཉེ་བར་གཟུང་བ་ཞེས་བྱ་བ་ནི་འདིའི་རྣམ་པར་#གཞག་པར་འགྱུར་རོ། །ཐམས་ཅད་ཀྱིས་ཐམས་ཅད་དུ་ཉེ་བར་གཟུང་བ་ལ་དེའི་སྐད་ཅིག་ཙམ་དུ་ཕྲད་པ་ཉིད་མེད་པའི་ཕྱིར་རོ། །གཞན་གྱིས་ཡོངས་སུ་བཟུང་བ་ལ་ཆུང་མ་ཉིད་མེད་པས་འདི་ནི་ཁ་དུམ་པ་#ཡིན་ཏེ། དེ་ལ་སྨད་འཚོང་བ་#ཉིད་དུ་ཐོབ་
[122a]
[122a.1]པ་ཡོད་པར་གྱུར་པ་ལ་དུས་ཐམས་ཅད་དུ་ཐམས་ཅད་ཀྱི་ཕྱིར་སྨད་འཚོང་མ་ལ་ཆུང་མ་ཉིད་དུ་ཤེས་པར་འགྱུར་རོ་ཞེས་བྱ་བ་མ་ཕྲད་པ་ཉིད་འདི་ལ་འདིར་ཤེས་པར་རྣམ་པར་གནས་པ་ཡིན་ནོ། །དེའི་འདི་ནི་བསྡུ་བའོ། །འདི་ནི་ཀུན་དུ་སྦྱར་བར་གྱུར་པ་ཞེས་བྱ་བ་ཤེས་པར་བྱ་བ་ཡང་མ་ཡིན་ཏེ།
[122a.2]འདི་ལ་ལུས་འདུད་པ་མེད་པའི་ཕྱིར་རོ། །བདག་པོ་ཉིད་མ་ཡིན་པས་བཞི་པ་མན་ཆད་ཞུགས་པ་ཉིད་དོ་ཞེས་བྱ་བ་ནི་བཞི་པ་མན་ཆད་འཇུག་པ་ཉིད་གང་ཡིན་པ་བདག་པོ་ཉིད་མ་ཡིན་པས་བདག་གིས་#ཉིད་ཁས་བླངས་པས་ནི་མ་ཡིན་པར་འཇུག་པ་ཉིད་གང་ཡིན་པ་དེ་ཡང་མི་འཐོབ་པ་མེད་པར་གླ་མེད་པར་
[122a.3]འདོད་པ་ཙམ་གྱི་དབང་གིས་དོན་དུ་གཉེར་བ་མེད་པར་སྨད་འཚོང་མ་ལ་འཇུག་པ་གང་ཡིན་པ་གཞན་ལ་ཡང་དེ་ནི་ཆོ་ག་འདིའི་ཡུལ་བཞི་པོ་ལ་སྐྱེས་པར་འགྱུར་རོ། །བཞི་པོ་མ་ཡིན་པ་ལ་བདག་ཉིད་དུ་གྱུར་པ་ཉིད་དང་བཅས་པ་མ་ཡིན་པ་ཞེས་བྱ་བ་འདིར་མི་རིགས་པའོ། །འདིར་ཁ་དུམ་པའི་ཚིག་
[122a.4]གང་ཡིན་པ་དེ་ལ་ནི་འདི་བསྡུ་བའོ། །གང་ཞིག་ཡང་ཉེ་བ་འཁོར་གྱིས་ཞུས་པ་ལས། དགེ་སློང་གིས་ལན་གྲངས་གཉིས་ལས་ལྷག་པ་ལ་སྤྲིང་བ་མནོས་ཏེ། ཕྲིན་#ཕར་སྐྱེལ་ཚུར་སྐྱེལ་བགྱིད་ན་ལྟུང་བ་ཅིར་འགྱུར། དགེ་འདུན་ལྷག་མར་རོ། །དགེ་སློང་གིས་ལན་གྲངས་མང་པོ་ལས་ལྷག་པ་
[122a.5]ལ་སྤྲིང་བ་མནོས་ཏེ། ཕྲིན་ཕར་སྐྱེལ་ཚུར་སྐྱེལ་བགྱིད་ན་ལྟུང་བ་ཅིར་འགྱུར། ཉེས་པ་སྦོམ་པོར་རོ་ཞེས་བྱ་བ་གསུངས་པ་ཡང་བསྡུས་པ་ཡིན་ནོ། །དེ་ཁྱད་པར་འདི་དང་བཅས་པ་ལ་འདི་བསྡུ་བའོ། །བདག་ཏུ་གྱུར་པ་དང་བཅས་པ་མ་ཡིན་པའི་བསམ་པ་ཁ་དུམ་པ་ཉིད་ཀྱིས་ཞེས་བྱ་བའི་ཚིག་འདིའོ། །
[122a.6]དེ་བས་དྲི་བ་བརྗོད་པ་ཤེས་པར་བྱའོ། །འདིར་ལན་གྲངས་ཞེས་བྱ་བ་ལ། ལན་ཞེས་བྱ་བ་ནི་རེས་ལ་བྱའོ། །ལན་#གྱིས་དོན་དེའི་ཡང་དང་ཡང་དུ་གོམས་པ་ནི་ལན་གྲངས་ཞེས་བྱའོ། །ལན་གྲངས་གཉིས་ཕྲད་པའི་རེས་གྲུབ་པ་དེ་ནི་ལན་གྲངས་གཉིས་ཞེས་བྱའོ། །གང་ལན་གྲངས་མང་དུ་
[122a.7]ཕྲད་པའི་རེས་གྲུབ་པ་དེ་ནི་ལན་གྲངས་མང་ངོ་ཞེས་བྱ་བ་སྟེ་གསུམ་པའོ། །འདིར་གསུམ་པ་ལན་གྲངས་མང་བ་ཉིད་ཀྱིས་སོ། །འདིར་གཉིས་ཀ་དག་ཀྱང་སྤྲིང་བ་མནོས་པ་ཉིད་དུ་རྣམ་པར་གནས་པ་ཡིན་ནོ་#ཞེས་བྱ་བ་ནི་བཞི་པ་མན་ཆད་ཅེས་བྱ་བ་གསུངས་སོ། །འཐབས་པ་ཉིད་ནི་ཉམས་པ་
[122b]
[122b.1]ཉིད་དོ་ཞེས་བྱ་བ་ནི་མཐུན་པ་ཉིད་ཅེས་བྱ་བར་སྦྱར་རོ། །འདིར་འཐབས་པའི་སྐད་ཅིག་མ་དང་པོ་ལ་ནི་འདས་པ་ཉིད་དུ་བརྗོད་དེ། དེའི་རྗེས་ལ་འཐབས་པའི་གནས་སྐབས་ལ་ཡང་ཉམས་པ་ཉིད་འདི་གང་ལ་མཛའ་གཅུགས་#ཉམས་པའི་དོན་དུ་ནི་#ཚིག་འདིའོ། །དེ་བས་ན་འཐབས་པ་མེད་
[122b.2]པར་ཡང་ཕྲ་མ་ལ་སོགས་པས་མཛའ་གཅུགས་#ཉམས་པར་གྱུར་པ་དེ་ལ་ནི་མཐུན་པ་ཉིད་ཉམས་པ་ཡིན་ནོ། །འདིར་གཞུང་ནི་དགེ་སློང་གིས་ཆུང་མ་ཐ་མ་བཞི་པོ་དེའི་དེ་མ་ཐག་ཏུ་འཐབས་པའི་འོག་ཏུ་སྡུམ་བྱེད་ཅིང་མཐུན་པར་འགྱུར་ཏེ། ཚོགས་པ་རྙེད་ན་དགེ་འདུན་ལྷག་མའི་ལྟུང་བར་འགྱུར་རོ་ཞེས་
[122b.3]གསུངས་པ་ཡིན་ནོ། །འདིར་དེའི་འོག་ཏུ་དང་#དེ་མ་ཐག་པའི་ཚིག་འདི་མཛའ་གཅུགས་#ཉམས་པ་གསལ་བ་ཉིད་ཐོབ་པའི་དོན་དུའོ། །དེ་བས་ན་དེའི་འོག་ཏུ་འཐབས་པ་ཉིད་དང་ཡུན་རིང་པོར་འཐབས་པ་ཉིད་ལ་འདིས་ཉམས་པར་མ་བྱས་པ་ཉིད་ཅེས་བྱ་བ་ཤེས་པར་མི་བྱ་སྟེ་དེའི་ཕྱིར་འདི་ལ་སྨད་
[122b.4]པར་བྱའོ། །གལ་ཏེ་དེ་དབང་བ་ཆུང་མ་མ་ཡིན་པར་བསྒྲགས་པ་ཉིད་ཀྱང་ངོ་ཞེས་བྱ་བ་ནི་གང་དུ་འདི་ལ་ཕྲད་པ་དེ་གལ་ཏེ་དེ་ནི་དེའི་དབང་དུ་འགྱུར་རོ། །ཆུང་མ་མ་ཡིན་པ་ཞེས་བྱ་བ་རྗེས་སུ་བཅུག་པ་ཉིད་ལ་ཉམས་པ་ཉིད་དེ་འཐབས་པ་ཙམ་འགའ་ཞིག་གིས་དེ་ཉམས་པར་མ་ཟད་དོ། །འཐབས་པ་ཉིད་ཀྱི་
[122b.5]མོད་ལ་དང་། འོག་ཏུ་དང་དུམ་པ་བཅད་པ་ཉིད་དང་རྡེའུ་གསུམ་གཏོར་བ་ཉིད་དང་ཆོ་ག་བཏང་བ་ཉིད་དང་ཆུང་མ་མ་ཡིན་པར་བསྒྲགས་པ་ཉིད་དང་། དྲིལ་བསྒྲགས་པ་ཉིད་དག་ནི་སྲོག་དང་ལྡན་པ་ཉིད་དག་བཞིན་ནོ་ཞེས་བྱ་བ་ནི་ཇི་ལྟར་སྤྲད་པར་བྱ་བ་སྲོག་དང་ལྡན་པ་ཉིད་ཇི་སྙེད་སྤྲད་པར་འདོད་པ་དེ་
[122b.6]རྣམས་ལ་ལྟུང་བ་དེ་སྙེད་པ་དེ་རྣམས་དེ་བཞིན་དུ་བསྐྱེད་པའོ། །དེའི་འོག་ཏུ་འཐབས་པ་ལ་སོགས་པའི་ཆོས་ཇི་ཙམ་པ་འདི་རྣམས་ཡོད་པར་གྱུར་པ་ལ་འཇུག་པ་དེ་སྙེད་རྣམས་ལ་ཞེས་བྱ་བ་འདི་ལ་དེ་སྟོན་པའོ། །བར་དུ་བསྒྲིབ་#པ་བཞིན་དུ་འདི་རྣམས་ལ་ཡིད་ལ་གནས་པ་ལས་#སོ་སོར་འདའ་བར་བྱེད་
[122b.7]པ་ལ་ལྟུང་བ་སྐྱེད་པར་བྱེད་པའོ#། །དེ་བས་ན་འདི་རྣམས་ཡང་དག་པར་ཤེས་ཤིང་འདིས་#ཞེས་བྱ་བ་ཤེས་པར་བྱའོ། །དེའི་དུས་ལ་དེའི་རྗེས་ཀྱིས་སྒྲ་རིགས་#པར་བྱའོ། །ཇི་ལྟར་དེའི་འོག་ཏུ་སྤངས་པ་ཞེས་བྱ་བ་ལྟ་བུའོ། །དེའི་དང་པོ་གསུམ་ལ་#ཉེས་བྱས་ཀྱི་དབང་དུ་བྱས་པ་ཉིད་དོ་ཞེས་བྱ་བ་ནི་སྔར་
[123a]
[123a.1]བསྟན་པའི་ཆུང་མ་དེ་དབང་བ་དེའི་དང་པོ་གསུམ་པོར་#འཐབས་པ་ཉིད་ཀྱི་མོད་ལ་དང་འོག་ཏུ་དང་། དུམ་པ་བཅད་པ་ཉིད་ལ་ཏི་#ལི་ཏིན་ཏ་ལི་ཀ་དུམ་པ་བཅད་པ་ཉིད་ལ་ནི་ཉེས་བྱས་ཀྱི་དབང་དུ་བྱས་པ་ཉིད་དོ། །བྱེད་པ་#པོ་ཉིད་ལ་གསུམ་པོ་ཉིད་ཀྱིས་སྦྱོར་བ་ཉིད་འདི་ལ་ཡོད་པ་མ་
[123a.2]ཡིན་ཏེ། དེ་བས་ན་#སྦོམ་པོའི་ལྟུང་བ་ལ་ནི་འདིར་#སྐུར་བ་འདེབས་པའོ། །འདིར་གཞུང་ནི་དགེ་སློང་གིས་ཆུང་མ་དང་པོ་གསུམ་པོ་ཆུ་ཚིགས་ཀྱིས་བྱིན་པ་དང་། རིན་ཆས་ཉོས་པ་དང་། བཙན་ཕྲོགས་སུ་ཐོབ་པ་འཐབས་པའི་མོད་ལ་ཡིན་པ་འཐབས་པའི་འོག་མ་#ཡིན་པ་དང་། ཏི་ལི་ཏིན་ཏ་#ལི་ཀ་དུམ་
[123a.3]པ་མ་བཅད་པ་དང་། རྡེའུ་གསུམ་མ་གཏོར་བ་དང་། ཆོ་ག་མ་བཏང་བ་དང་། ཆུང་མ་མ་ཡིན་པར་མ་བསྒྲགས་པ་དང་། དྲིལ་མ་བསྒྲགས་པ་དག་གིས་སྡུམ་བྱེད་ཅིང་མཐུན་པར་གྱུར་ན་ཉེས་བྱས་གཅིག་ཏུ་འགྱུར་རོ། །དགེ་སློང་གིས་ཆུང་མ་དང་པོ་གསུམ་པོ་འཐབས་པའི་མོད་ལ་དང་འཐབས་པའི་
[123a.4]འོག་ཏུ་ཡིན་ལ་ཏི་ལི་ཏིན་ཏ་ལི་ཀ་དུམ་པ་བཅད་པ་མ་ཡིན་ལ། ཇི་སྲིད་དྲིལ་མ་བསྒྲགས་པའི་བར་དག་གིས་#སྡུམ་བྱེད་ཅིང་མཐུན་པར་གྱུར་ན་ཉེས་བྱས་གཉིས་སུ་འགྱུར་རོ། །དགེ་སློང་གིས་ཆུང་མ་སྔ་མ་གསུམ་པོ་འཐབས་པའི་མོད་ལ་དང་། ཏི་ལི་ཏིན་ཏ་ལི་ཀ་དུམ་པ་བཅད་པ་ནས་ཇི་སྲིད་རྡེའུ་གསུམ་
[123a.5]མ་གཏོར་གྱི་བར་ལ་དེ་སྲིད་དུ་སྔར་བཞིན་དུ་ཉེས་བྱས་གསུམ་དུ་འགྱུར་རོ། །དགེ་སློང་ཆུང་མ་སྔ་མ་གསུམ་པོ་འཐབས་པའི་མོད་ལ་དང་། ཇི་སྲིད་དུ་རྡེའུ་གསུམ་གཏོར་བ་ཡིན་ལ། ཆོ་ག་མ་བཏང་བ་ནས་དེ་སྲིད་དུ་ཉེས་བྱས་གསུམ་དང་སྦོམ་པོ་གཅིག་ཏུ་འགྱུར་རོ། །དགེ་སློང་གིས་ཆུང་མ་སྔ་མ་གསུམ་པོ་
[123a.6]འཐབས་པའི་མོད་ལ་དེ་ཇི་#སྲིད་དུ་ཆོ་ག་བཏང་བ་ཆུང་མ་མ་ཡིན་པར་མ་བསྒྲགས་པ་དེ་སྲིད་དུ་ཉེས་བྱས་གསུམ་དང་སྦོམ་པོ་གཉིས་སུ་འགྱུར་རོ། །དགེ་སློང་གིས་ཆུང་མ་སྔ་མ་གསུམ་པོ་ཇི་སྲིད་དུ་ཆུང་མ་མ་ཡིན་པར་#བསྒྲགས་ནས་དྲིལ་མ་བསྒྲགས་པ་དག་གིས་#སྡུམ་བྱེད་ཅིང་མཐུན་པར་གྱུར་ན་ཉེས་བྱས་
[123a.7]གསུམ་དང་སྦོམ་པོ་གཉིས་དང་དགེ་འདུན་ལྷག་མ་གཅིག་ཏུ་འགྱུར་རོ། །དགེ་སློང་གིས་ཆུང་མ་སྔ་མ་ནས་ཇི་སྲིད་དྲིལ་བསྒྲགས་པའི་བར་དག་གིས་#སྡུམ་བྱེད་ཅིང་མཐུན་པར་གྱུར་ན་ཉེས་བྱས་གསུམ་དང་སྦོམ་པོ་གཉིས་དང་དགེ་འདུན་ལྷག་མ་གཉིས་སུ་འགྱུར་རོ་#ཞེས་གསུངས་པ་ཡིན་ནོ། །ཅིའི་ཕྱིར་འདིའམ་
[123b]
[123b.1]འདི་མི་སྤྲད། གྱོས་པོའི་གན་དུ་མི་འགྲོ་མི་བཀྲི་ཞེས་ཟེར་བ་དག་ཀྱང་ངོ་ཞེས་བྱ་བ་ལ། ཀྱང་ངོ་ཞེས་#བྱ་བའི་སྒྲ་ནི་ཉེས་བྱས་ཀྱི་#དབང་དུ་བྱས་པ་ཉིད་དོ་ཞེས་བྱ་བའི་རྗེས་སྙེགས་#པའི་ཕྱིར་རོ། །འདི་འམ་ཞེས་བྱ་བ་སྐྱེས་པའི་རྟགས་ཀྱིས་#གནས་ལ་འདི་ཞེས་བྱ་བ་བུད་མེད་ཀྱི་རྟགས་བལྟ་བར་བྱའོ། །ཅིའི་ཕྱིར་འདི་
[123b.2]འམ་འདི་མི་སྤྲད་#གྱོས་པོའི་གན་དུ་མི་འགྲོའོ་#ཞེས་བྱ་བ་ནི་ཅིའི་ཕྱིར་བྱ་བ་དང་སྦྱར་རོ། །འདི་ནི་ཅིའི་ཕྱིར་གྱོས་པོའི་གན་དུ་མི་འགྲོ་མི་བཀྲི་ཞེས་ཟེར་བ་འདི་ལ་ཡང་། ཅིའི་ཕྱིར་འདི་གྱོས་པོའི་གན་དུ་མི་འགྲོ་མི་བཀྲི་ཞེས་པའི་སྒྲ་ནི་རབ་ཏུ་དབྱེ་བ་ཉེ་བར་བསྟན་པའི་དོན་དུའོ། །#ཅིའི་ཕྱིར་བུ་མོ་འདི་མི་སྤྲད། ཅིའི་ཕྱིར་ཁྱེའུ་འདི་
[123b.3]གྱོས་པོའི་གན་དུ་མི་འགྲོ། །ཅིའི་ཕྱིར་བུ་མོ་འདི་གྱོས་པོའི་གན་དུ་མི་འགྲོ་ཞེས་བྱ་བ་རྣམ་པ་དེ་ལྟ་བུ་དག་སྨྲ་བ་རྣམས་ལ་ཉེས་བྱས་ཀྱི་དབང་དུ་བྱས་པ་ཡིན་ནོ་ཞེས་བྱ་བའི་དོན་ཏོ། །སྨྱན་བྱེད་པའི་དགེ་འདུན་ལྷག་མ་རྣམ་པར་འབྱེད་པའོ།། །།མངལ་ན་གནས་པ་དང་མེད་པ་དང་ངེས་པ་དང་མི་བརྟེན་#པ་དང་།
[123b.4]ཉོས་པ་དང་མཐུན་པ་དང་བདག་གི་སྨྱན་བྱེད་པ་ནི་སྦོམ་པོའོ་ཞེས་བྱ་བ་ལ། སྨྱན་གྱི་ལས་ནི་སྨྱན་བྱེད་པའོ། །སོ་སོར་འདི་ལ་མངལ་ལ་སོགས་པ་རྣམས་ལ་ཉེ་བར་ལྟུང་བའོ། །མངལ་ན་གནས་པ་དང་མེད་པ་དང་ངེས་པ་དང་མི་བརྟེན་#པ་དང་ཉོས་པ་དང་མཐུན་པ་དང་བདག་ནི་དེ་རྣམས་ཉིད་ཡིན་ཏེ།
[123b.5]དེ་རྣམས་ཀྱི་སྨྱན་བྱེད་པ་ནི་#སྦོམ་པོར་འགྱུར་རོ། །དེ་ལ་མངལ་དང་མི་མཐུན་པའི་རབས་འབྱུང་བའི་ཕྱིར་འདིར་གང་དག་གིས་ཚར་གཅོད་པ་དེ་ནི་མེད་པ་ཞེས་བྱ་བར་བརྗོད་པ་ཡིན་ནོ། །དེའི་མཐུན་པ་ཉིད་ཀྱིས་དེའི་སྨྱན་བྱེད་པར་རིག་པར་བྱའོ#། །དེ་བཞིན་དུ་མངལ་ལ་ཡང་སྟེ་མངལ་ན་གནས་པའི་སྨྱན་བྱེད་པ་ལ་
[123b.6]ནི་སྦོམ་པོའི་ལྟུང་བ་ཞེས་གསུངས་པ་ཡིན་ནོ། །འདིར་གཞུང་ནི་སྦྲུམ་མ་གཅིག་ནི་བུ་མོའི་སྦྱར་ཏེ། གཉིས་པ་ནི་ཁྱེའུ་ལ་དེ་དག་གི་སྨྱན་བགྱིས་#ན་ལྟུང་བ་ཅིར་འགྱུར། ཉེས་པ་སྦོམ་པོར་རོ་ཞེས་གསུངས་པ་ཡིན་ནོ། །ཁྱིམ་བདག་བུ་མེད་པ་རྣམས་ཀྱི་སྨྱན་བགྱིས་ན་ལྟུང་བ་ཅིར་འགྱུར། ཉེས་པ་སྦོམ་
[123b.7]པོར་རོ་ཞེས་གསུངས་པ་ཡིན་ནོ། །ངེས་པ་དང་ཞེས་བྱ་བ་ནི་དེ་དག་གི་སྨྱན་བྱེད་ན་སྦོམ་པོའོ། །དགེ་སློང་མ་ལ་སྨྱན་བགྱིས་#ན་ལྟུང་བ་ཅིར་འགྱུར། ཉེས་པ་སྦོམ་པོར་རོ་ཞེས་གསུངས་པ་ཡིན་ནོ། །བརྟུལ་ཞུགས་ལ་གནས་པ་གཞན་ཐམས་ཅད་ལ་ཡང་དེ་བཞིན་དུ་ཤེས་པར་བྱའོ། །མི་བསྟེན་#པ་
[124a]
[124a.1]ཞེས་བྱ་བ་ནི་སྨྱན་བྱེད་པ་ལ་ཟ་མ་དང་མ་ནིང་ཕོ་དང་མ་ནིང་མོ་དག་ནི་#སྨྱན་བྱེད་ན་ལྟུང་བ་ཅིར་འགྱུར། ཐམས་ཅད་ཉེས་པ་སྦོམ་པོ་#ཞེས་གསུངས་པ་ཡིན་ནོ། །འདི་རྣམས་བསྟེན་པ་ལ་མོའི་དབང་པོའམ་ཕོའི་དབང་པོ་ཡོད་པ་མ་ཡིན་ཏེ། དེ་བས་ན་ཟ་མ་ལ་སོགས་པ་མི་བསྟེན་པ་རྣམས་
[124a.2]སོ། །འདིར་གཞུང་ནི་བུད་མེད་ཉོས་པ་ལ་སྨྱན་བགྱིད་ན་ལྟུང་བ་ཅིར་འགྱུར། ཉེས་པ་སྦོམ་པོར་རོ་ཞེས་གསུངས་པ་ཡིན་ནོ། །མཐུན་པའི་སྨྱན་བྱེད་ན་དགེ་སློང་གིས་སྤྲིང་བ་མནོས་ཏེ་ལན་གྲངས་མང་པོ་འཕྲིན་#ཕར་སྐྱེལ་བ་དང་ཚུར་སྐྱེལ་བར་བགྱིད་ན་ལྟུང་བ་ཅིར་འགྱུར་ཉེས་པ་སྦོམ་པོར་རོ་ཞེས་གསུངས་
[124a.3]པ་ཡིན་ནོ། །བདག་གི་སྨྱན་བྱེད་པ་ཞེས་བྱ་བ་ནི་བདག་ཉིད་ཀྱི་ཕྱིར་བདག་ཉིད་སྨྱན་བྱེད་ན་ཉེས་པ་སྦོམ་པོར་རོ་ཞེས་གསུངས་པ་ཡིན་ནོ། །ཕྲིན་ཕར་སྐྱེལ་བའི་ཚིག་ལ་བདག་ཉིད་ལ་སྨྱན་བྱེད་པ་ལ་སྦོམ་པོའི་ཚིག་འདིའོ། །ནོད་པ་དང་ཚུར་སྐྱེལ་བ་དག་འདིར་མེད་པའི་ཕྱིར་དང་ཕྲད་པ་ལ་ཡང་ཕམ་པར་
[124a.4]འགྱུར་གྱི། ལྷག་མ་མེད་པའི་ཕྱིར་མི་བསྟེན་པའི་མཐའ་ཅན་རྣམས་ལ་ནོད་པ་ལ་སོགས་པའི་ཚིག་#གསུམ་པོ་འདི་ཡོད་པ་ལ་སྤོམ་པོ་སྟེ། འདི་ལྟར་ཕྲད་པ་འཇུག་པ་མེད་པའི་ཕྱིར་རོ། །ངེས་པ་དང་མི་བསྟེན་པ་དག་སྤོམ་པོའོ། །མངལ་མེད་པ་དག་ལ་ཁུངས་གཞན་གྱི་དབང་ཉིད་ཀྱི་ཕྱིར་རྙེད་པ་
[124a.5]འཇུག་པ་ཡང་ནམ་མཁའི་ཞགས་པ་བཞིན་དུ་མི་འཇུག་པ་ཉིད་དུ་ཡིད་ལ་ངེས་པར་འབྲེལ་པ་ཡིན་ནོ། །ངེས་པར་སྐྱེས་པ་ཉིད་ལ་སླར་འདིར་ཁུངས་དྲང་བར་བྱ་སྟེ། འདི་ལ་ཁྱོད་ཀྱིས་ནུ་མོ་འདི་སྦྱིན་པར་བྱ་སྟེ་གཞན་ལ་ནི་སྦྱིན་པར་མི་བྱའོ་ཞེས་ཟེར་རོ། །ཉོས་པ་དང་མཐུན་པ་དག་ལ་ཕྲད་པ་ལ་ཡང་
[124a.6]དེའི་དབང་ཉིད་ཀྱིས་ཐོབ་པའི་རྣམ་པ་ཉིད་ཀྱི་ཕྱིར་སྦོམ་པོ་ཉིད་དེ་དགེ་འདུན་ལྷག་མ་ནི་མ་ཡིན་ནོ། །སྐད་སྦྱར་བ་ཉིད་སྟོན་ནའོ་ཞེས་བྱ་བ་ནི་འདིར་#ཤུགས་ཀྱིས་ཕྲད་པའི་དོན་དུ་ཞེས་བྱ་བ་འོག་ཏུ་ཡང་རྟོགས་པར་བྱའོ། །སྟོན་པ་ཡོད་པར་གྱུར་པ་ལ་སྐད་སྦྱར་བ་གང་ཡིན་པ་ཕྲད་པའི་དོན་དུ་དེར་སྦོམ་པོ་ཞེས་
[124a.7]བྱ་བའི་དོན་ཏོ། །འདིར་གཞུང་ནི་སྐྱེས་པས་བུད་མེད་དང་ལྷན་ཅིག་བརྡ་བགྱིས་ནས་དེས་#དགེ་སློང་ལ་འདི་སྐད་ཅེས་འཕགས་པ་བུད་མེད་ཅིག་མཐོང་ངམ་ཞེས་མཆི་བ་ལ། དེས་འདི་སྐད་ཅེས་རྩིག་པ་འདིའི་དྲུང་ན་འདུག་གོ་ཞེས་བགྱིས་ན་ལྟུང་བ་ཅིར་འགྱུར་ཉེས་པ་སྦོམ་པོར་ཞེས་གསུངས་པ་ཡིན་ནོ། །
[124b]
[124b.1]འཐབ་ཀྲོལ་གྱིས་འཕྲོག་ཏུ་བཅུག་ནའོ་ཞེས་བྱ་བ་ལ་འདི་ནི་སྨྱན་བྱེད་པ་ལ་མ་ཡིན་ཏེ་ཞེས་བྱ་བ་འདིར་དངོས་གཞི་མི་སྐྱེད་#པའོ། །འདིར་གཞུང་ནི་འཐབ་ཀྲོལ་ཅན་གྱིས་འཕྲོག་ཏུ་བཅུག་ན་ཉེས་པ་ཅིར་འགྱུར། ཉེས་པ་སྦོམ་པོར་རོ་#ཞེས་གསུངས་པ་ཡིན་ནོ། །ཆུང་མ་འམ་བུད་མེད་ཆེ་གེ་མོ་ཉོས་ཤིག་ཅེས་ཟེར་
[124b.2]ནའོ་ཞེས་བྱ་བ་ནི་གཞུང་ཁ་ཅིག་ལས་འདི་ཉོས་ཤིག་ཅེས་མཆི་ན་ལྟུང་བ་ཅིར་འགྱུར། ཉེས་པ་སྦོམ་པོར་རོ་ཞེས་གསུངས་པ་ཡིན་ནོ། །གཞུང་ཁ་ཅིག་ལས་བུད་མེད་ཆེ་གེ་མོ་ཉོས་ཤིག་ཅེས་མཆི་ན་ལྟུང་བ་ཅིར་འགྱུར་ཉེས་པ་སྦོམ་པོར་རོ་ཞེས་གསུངས་པ་འདི་གཉིས་ཀ་ཡང་རིགས་པར་འགྱུར་བ་#ཉིད་ཀྱི་ཕྱིར་
[124b.3]བསྡུས་པ་ཡིན་ནོ། །བུད་མེད་ཅེས་ཟེར་ན་ཉེས་བྱས་སོ་ཞེས་བྱ་བ་ནི་ཉོས་ཤིག་ཅེས་བྱ་བར་སྦྱར་རོ། །འདིར་བཙུན་པ་དགེ་སློང་གིས་འདི་སྐད་ཅེས་བུད་མེད་ཉོས་ཤིག་ཅེས་བགྱི་ན་ལྟུང་བ་ཅིར་འགྱུར་ཉེས་བྱས་སུའོ་ཞེས་གསུངས་པ་ཡིན་ནོ། །ཚིག་འདི་ནི་ཤིན་ཏུ་མ་ངེས་པའི་ཁྱད་པར་དང་ལྡན་པ་སྟེ།
[124b.4]ཁྱད་པར་མངོན་པར་ངེས་པར་བསྟེན་#པ་རྒུད་པ་ལ་ཤིན་ཏུ་བསྟན་#པ་ཉིད་ཅེས་བྱ་བ་འདི་ལྟར་སྨད་པའོ། །རྙེད་མོད་ཅེས་བྱ་བ་ཡང་ངོ་ཞེས་བྱ་བ་ལ། ཡང་ངོ་ཞེས་བྱ་བའི་སྒྲས་ནི་སྨྲས་ན་ཉེས་བྱས་སོ་ཞེས་བྱ་བའི་རྗེས་སྙེགས་#པའི་ཕྱིར་རོ། །འདིར་གཞུང་ནི་བཙུན་པ་རེ་ཞིག་སྐྱེས་པས་བུད་མེད་དང་ལྷན་ཅིག་
[124b.5]བརྡ་བགྱིད་པ་ན་དགེ་སློང་དེར་མཆིས་ནས་འདི་སྐད་ཅེས་རྙེད་མོད་ཅེས་མཆིས་ན་ལྟུང་བ་ཅིར་འགྱུར་ཉེས་པ་སྦོམ་པོར་རོ་ཞེས་གསུངས་པ་ཡིན་ནོ། །དེ་ལ་ཅིའི་ཕྱིར་ཁྱེའུ་འདི་མི་སྤྲད་ཅེས་བྱ་བ་ལ་སོགས་པའི་རྣམ་པ་ཚིག་འདི་སྟེ། དེ་བས་ན་ཉེས་པ་#སྦོམ་པོར་སྨྲས་པས་ཉམས་པ་ཉིད་ཤེས་ནས་ཉེས་བྱས་ཞེས་
[124b.6]བྱ་བ་མདོར་བྱས་པ་ཡིན་ནོ། །གང་གི་ཕྱིར་འདི་ནི་ངེས་པ་མ་ཡིན་ཏེ། བརྗོད་པ་ཡང་མ་ཡིན་ནོ་ཞེས་བྱ་བ་ན་སྨད་པ་ཉིད་འདིར་རབ་ཏུ་སྦྱར་བའོ།། སྨྱན་བྱེད་པ་ཞུ་བའི་སྐབས་སོ།། །།བྱིན་པ་ལས་དོར་བྱས་པ་སྤྲད་པས་ནི་སྦོམ་པོའོ་ཞེས་བྱ་བ་ལ། བྱིན་པ་ལས་དོར་བྱས་པ་ཞེས་བྱ་བ་ནི་སྔར་བྱིན་ཟིན་
[124b.7]པ་ཉིད་ལ་ཕྱིས་#དོར་བྱེད་དེ་བུ་མོ་འདི་ངས་#མ་བྱིན་ནོ་ཞེས་འདའ་བར་བྱེད་པ་གང་ཡིན་པ་དེ་ནི་སྤྲད་ཅིང་སླར་སྦྱིན་#དུ་བཅུག་ནས་ཕྲད་ན་སྦོམ་པོའོ། །ཆོས་ཀྱི་ཕུང་པོ་མངོན་དུ་བཏང་སྟེ་བོས་པས་སོ་ཞེས་བྱ་བ་ནི་དགེ་འདུན་མཆོད་སྟོན་གསོལ་བ་ལ་སོགས་པ་ཆོས་ཀྱི་ཕུང་པོ་བསོད་སྙོམས་ཀྱི་རྒྱུ་མཚན་གྱི་ཕྱིར་བུད་མེད་
[125a]
[125a.1]ཀྱིས་སྐྱེས་པ་ལ་མངགས་པའི་ཚིག་གིས་གཞན་བོས་ནས་དེས་ཕྲད་ན་སྦོམ་པོའོ། །འདིར་གཞུང་ནི་འཕགས་པ་ཁྱིམ་བདག་ཆེ་གེ་མོ་ལ་འདི་སྐད་ཅེས་ཚུར་ཤོག་ཤིག་#ཅེས་སྨྲ་ནུས་སམ། དེས་སྨྲས་པ། གལ་ཏེ་ཁྱོད་དགེ་འདུན་ལ་མཆོད་སྟོན་བྱེད་པ་ལྟ་ན་ནུས་ཏེ་དེར་དེ་བོད་དོ། །
[125a.2]དེས་དེ་ལ་རྒྱུ་བྱིན་པ་དང་དགེ་སློང་དེས་མཆོད་སྟོན་བཤམས་ནས་ཁྱིམ་བདག་དེ་འབོད་པ་བཏང་བ་དང་། དེ་གཉིས་ཕྲད་པར་གྱུར་ནས་#དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །དོན་གཞན་དང་ལྡན་པས་
[125a.3]ཀྱང་ངོ་ཞེས་བྱ་བ་ལ་ཀྱང་ངོ་ཞེས་བྱ་བའི་སྒྲས་ནི་འབོད་ན་ཞེས་བྱ་བའི་རྗེས་སྙེགས་#པའི་ཕྱིར་ཏེ། ཆོས་ཀྱི་ཕུང་པོ་ལས་གཞན་པའི་དོན་ནི་ཁྱོད་ཀྱི་ཁྱིམ་མི་མོ་འདི་ཡིན་ཏེ། སྐྱེ་བོ་འདི་ཡང་དོན་#ཐམས་ཅད་ལ་སྐྱོང་བ་#ཞེས་བྱ་བ་ལ་སོགས་པ་ཉེ་བར་དགོངས་ནས་བོས་ཏེ་ཕྲད་ན་སྦོམ་པོའོ་ཞེས་བྱ་བའི་དོན་ཏོ། །
[125a.4]འདིར་གཞུང་ནི་འཕགས་པ་སྣ་ཆེན་པོ་ལ་གཏོགས་པ་ཆེ་གེ་མོ་ལ་འདི་སྐད་ཅེས། འདི་ནི་ཁྱོད་ཀྱི་ཁྱིམ་མོ་འདི་ནི་ཁྱོད་ཀྱི་མི་སྟེ། དོན་ཐམས་ཅད་ལ་བསྐྱང་བར་#བྱ་དགོས་ཀྱིས་ཚུར་ཤོག་ཤིག་#ཅེས་སྨྲ་ནུས་སམ། དེས་ནུས་སོ་ཞེས་སྨྲས་ནས་སོང་སྟེ། སྨྲས་པ་དང་དེ་གཉིས་ཕྲད་པར་གྱུར་ནས་དགེ་
[125a.5]སློང་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །གཞན་ཞེས་བྱ་བས་སྐྱོན་ཆགས་པ་མེད་པར་སེམས་ཅན་ལ་བསྣུན་པ་ཡང་མ་#འཕངས་པ་ཉིད་མ་ཡིན་ནོ་ཞེས་བྱ་བ་ནི་གཞུང་ལས་ཀ་བ་ལ་བསྣུན་པས་བསྣུན་པར་མི་བྱའོ་ཞེས་བྱ་
[125a.6]བ་འདིའམ་གཞན་ལ་ལ་#གང་ཡིན་པ་ཞེས་བྱ་བའི་ཚིག་དེས་སྐྱོན་ཆགས་པ་མེད་པར་བརྡེག་#པ་པོའི་བསྣུན་པ་སྟེར་དུ་འཇུག་པ་ལ་སེམས་ཅན་ལ་འཕངས་པ་ཉིད་མ་ཡིན་ནོ། །ཇི་ལྟར་ཤིང་ལ་སོགས་པ་ལ་བསྣུན་པས་བསྣུན་པ་ལ་ཉེས་བྱས་སུ་འགྱུར་བ་བཞིན་དུ་སྐྱོན་ཆགས་པ་མེད་པའི་སེམས་ཀྱིས་སེམས་
[125a.7]ཅན་ལ་བསྣུན་པས་སྣུན་#པར་བྱེད་པ་ལས་ཀྱང་ཉེས་བྱས་ཞེས་བྱ་བའི་དོན་ཏོ། །སྐྱོན་ཆགས་པ་མེད་པའི་སེམས་ཀྱིས་སེམས་ཅན་ལ་སྣུན་#པར་བྱེད་པ་གང་ཡིན་པ་དེ་ལ་ནི་ལྟུང་བར་གསུངས་པ་ཡིན་ནོ། །ལྟུང་བ་ལ་འདིར་གཞུང་ནི་ཁྱིམ་བདག་གིས་#བུད་མེད་ལ་སྨྲས་པ་ཁོ་བོ་ལ་སྐབས་ཕྱེ་ཤིག# །དེས་
[125b]
[125b.1]སྨྲས་པ། ཁོ་མོ་མི་ཁོམ་མོ། །སྨྲས་པ་ཁྱོད་དུས་གང་གི་ཚེ་ཁོམ་པར་འགྱུར་བ་ཁོ་བོས་ཇི་ལྟར་ཤེས་པར་བྱ། སྨྲས་པ། ཁོ་མོའི་ཁྱིམ་ན་དགེ་སློང་ཁྱིམ་དུ་ཉེ་བར་འགྲོ་བ་ཡོད་དེ། དེས་ཁྱེད་ཀྱི་#རྒྱབ་ཏུ་ཁུ་ཚུར་སྣུན་#པར་བྱེད་ནའོ། །དེ་ནས་དགེ་སློང་དེ་ཁྱིམ་དེར་ཞུགས་པ་ན་དེ་ལ་བུད་མེད་དེས་
[125b.2]སྨྲས་པ། འཕགས་པ་ཁྱིམ་བདག་ཆེ་གེ་མོའི་རྒྱབ་ཏུ་ཁུ་ཚུར་བསྣུན་ནུས་སམ། དེས་ནུས་སོ་ཞེས་སྨྲས་ཏེ། དེ་#སོང་ནས་ཁྱིམ་བདག་དེའི་རྒྱབ་ཏུ་ཁུ་ཚུར་བསྣུན་པ་དང་། དེས་#སྨྲས་པ#། བཙུན་པ་ལ་#ལེགས་སོ་ལེགས་སོ་དོན་གྲུབ་བོ། །དེས་སྨྲས་པ། འདི་ཅི་ཞིག་ཡིན། སྨྲས་པ། བརྡའོ། །
[125b.3]དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་ལྷག་མའི་ལྟུང་བར་མི་འགྱུར་ཏེ། ཉེས་བྱས་སུ་འགྱུར་རོ་ཞེས་གསུངས་པ་ཡིན་ནོ། །སྨྱན་བྱེད་པའི་འདུལ་བྱེད་རྣམས་སོ།། །།སྤྱོད་ལམ་བཞིའི་སྣོད་མ་ཡིན་པ་ཉིད་ལ་ནི་ཉེས་པ་མེད་དོ་#ཞེས་བྱ་
[125b.4]བ་ནི་ཉེས་པ་ཡོད་པ་མ་ཡིན་པ་ནི་ཉེས་པ་མེད་པའོ། །སྤྱོད་ལམ་བཞི་པོ་ལ་གནས་#གང་ཡིན་པའི་སྣོད་མ་ཡིན་པ་ནི་སྣོད་མ་ཡིན་པ་ཞེས་བྱ་བ་གཞིར་#མི་རུང་བའི་གནས་ཏེ། གནས་དེ་ལྟ་བུ་བྱེད་པ་ལ་ཉེས་པ་མེད་དོ། །འཇིགས་#པར་གྱུར་པ་ཉིད་ཀྱིས་#དེ་ཙམ་དུ་རྒྱུག་ཅིང་ཡིད་ལ་ཞུགས་པས་འཇུག་
[125b.5]པའི་དོན་ཉིད་ཀྱིས་ཡན་ལག་ཐམས་ཅད་རེངས་པས་ལངས་པར་#གནས་པར་མི་ནུས་པ་དེ་ལ་དེའི་གནས་ལ་སྣོད་མ་#ཡིན་པ་ཉིད་དོ། །གང་དུ་འདུག་པས་གནས་པར་ནུས་པ་དེ་ལ་#མལ་དུ་སྣོད་མ་ཡིན་པ་ཉིད་དོ། །ཡང་དང་ཡང་དུ་འཆག་པ་ནི་འཆག་པའོ། །དེ་བས་ན་གསུམ་རྣམས་ལ་གང་དུ་ཐ་
[125b.6]མལ་པའི་འགྲོ་བ་བགྲོད་པར་གྱུར་པ་ལ་གོ་སྐབས་མེད་པ་དེ་ལ་འཆག་པའི་སྣོད་མ་ཡིན་པ་ཉིད་དོ། །སྐྱིལ་མོ་ཀྲུང་བཅས་ནས་འདུག་པར་མི་ནུས་པ་དེ་ནི་གནས་པའི་སྣོད་མ་ཡིན་ནོ། །དེ་བས་ན་སྐྱིལ་མོ་ཀྲུང་བཅིངས་པ་གང་གང་དུ་གླགས་#མེད་པ་དེ་ལ་འདུག་པའི་སྣོད་མ་ཡིན་ནོ། །མལ་ཙམ་
[125b.7]ཉིད་དུ་ལན་གསུམ་དུ་ཐ་མལ་པས་འགྲོ་བ་བའི་རིམ་གྱིས་#འཆག་པ་སྤྲོ་བ་དེ་བས་ན་རིང་བ་དང་ཞིང་གིས་སྐྱེས་པའི་ཚད་མཐའ་ནས་རྒྱར་ནི་སྐྱིལ་མོ་ཀྲུང་གི་ཚད་ཀྱི་དངོས་པོ་གང་ཡིན་པ་དེ་ལ་སོགས་པའི་ལྟུང་བ་བྱས་པ་ཉིད་དོ། །གང་ཞིག་འདི་ལས་ཤིན་ཏུ་མཆོག་པ་དེ་ལ་ནི་ལྟུང་བ་མེད་དོ། །ས་གཞིའི་
[126a]
[126a.1]བདག་ཉིད་ཀྱིས་གཞི་དང་ཤིང་དང་རིན་ལ་སོགས་པའི་ཡོ་བྱད་#བླངས་པ་དང་། མ་བླངས་པའི་གཞིའི་ཡོ་བྱད་#ལས་ཁང་པ་དང་གཙུག་ལག་ཁང་བྱེད་པས་ཀུན་དུ་བསྒྲུབ་པ་ལ་ཡན་ལག་བཞི་པོ་ཐམས་ཅད་དུ་རུང་བ་ཉིད་དང་རྩོད་#པ་མེད་པ་ཉིད་དང་། བརྩམ་དུ་རུང་བ་ཉིད་དང་།
[126a.2]བརྟན་པ་ཉིད་ཅེས་བྱ་བ་ལས་འདའ་བར་བྱེད་པ་ལ་#ཚད་ལས་ལྷག་པར་བྱེད་ན་མཐར་ནི་དགེ་འདུན་ལྷག་མར་འགྱུར་རོ། །སྔར་ནི་སྦོམ་པོར་འགྱུར་རོ། །ཡན་ལག་བཞི་པོ་མ་ཚང་བ་སྒྲུབ་#པ་འདའ་བར་བྱེད་པ་ཚད་ཀྱི་མཐར་ནི་སྦོམ་པོར་འགྱུར་ལ། སྔར་ནི་ཉེས་བྱས་སུ་#འགྱུར་རོ། །འདའ་བར་མི་བྱེད་
[126a.3]པ་ལ་ཡང་ཚང་བ་དང་མ་ཚང་བའི་ཡན་ལག་བཞི་པོ་མ་བསྒྲུབས་པ་ལ་མཐར་ནི་སྦོམ་པོ་སྟེ། སྔར་ནི་ཉེས་བྱས་སུ་འགྱུར་རོ། །མ་བླངས་པའི་གཞིའི་ཡོ་བྱད་ཀྱི་ཚད་ལས་འདའ་བར་བྱེད་པ་ལ་ཡན་ལག་བཞི་པོ་མ་བསྒྲུབས་པ་ལ་མཐར་ནི་སྦོམ་པོ་སྟེ་སྔར་ནི་ཉེས་བྱས་སོ། །ཚད་ལས་འདའ་བར་
[126a.4]བྱེད་པ་ལ་ཡན་ལག་བཞི་པོ་ཐམས་ཅད་ཀྱིས་མ་བསྒྲུབས་པ་ལ་མཐར་ནི་ཉེས་བྱས་སུ་འགྱུར་ལ། སྔར་ཡང་ཉེས་བྱས་ཉིད་དོ། །ཚད་ལས་འདའ་བར་མི་བྱེད་པ་ཡན་ལག་བཞི་པོ་#ཐམས་ཅད་ཀྱིས་མ་བསྒྲུབས་པ་ལ་མཐར་ནི་ཉེས་བྱས་སུ་འགྱུར་ལ། སྔར་ཡང་ཉེས་བྱས་ཉིད་དོ་ཞེས་བྱ་བའི་རྣམ་
[126a.5]པར་གཞག་པ་འདི་ལའོ། །སྤྱོད་ལམ་བཞི་པོ་འགྲོ་བ་ལ་སོགས་པ་ཁང་པ་དང་གཙུག་ལག་ཁང་དག་ཚད་ལས་འདའ་བར་མ་བྱས་པ་ཞེས་བྱ་བར་རིག་པར་བྱའོ། །བསྐོས་#པ་ཉིད་དང་མ་བསྐོས་#པ་ཉིད་དག་ནི་གཙོ་བོ་ཉིད་མ་ཡིན་ནོ་ཞེས་བྱ་བ་ནི་གཙོ་བོ་མ་ཡིན་པ་ཉིད་ཅེས་བྱ་བའི་དོན་ཏོ། །བསྐོས་#
[126a.6]པ་ཉིད་ཅེས་བྱ་བ་ནི་གཞན་གྱིས་བྱེད་དུ་བཅུག་པ་ཉིད་དེ། དེའི་རྣམ་པ་ཉིད་བསྒྲུབ་པ་ཡིན་ནོ། །གང་གི་རྣམ་པར་རང་གི་འདོད་པས་ཞེས་བྱ་བ་འདི་ལ་འདི་བསྟན་པའོ། །འདིར་འདོད་པ་དང་འབྲེལ་པའི་ལྟུང་བ་བསྒྲུབ་པ་ལ་རྒྱུ་ཉིད་ཀྱི་ཕྱིར་བསྐོས་#པའི་རྒྱུ་ལ་འདོད་པ་དང་འབྲེལ་པ་མེད་པའི་ཕྱིར་མ་ཆོག་པ་
[126a.7]མེད་པས་གང་གིས་འདྲ་#བ་ཉིད་མི་འདོད་པ་དེའི་འདོད་པ་ཟློག་#པའི་དོན་དུ་མདོ་འདིའོ། །ཇི་ལྟར་ཞེ་ན། གང་གི་ཕྱིར་འདིར་ལྟུང་བ་འམ་འདྲ་བ་ཉིད་བསྒྲུབ་#པ་མ་ཡིན་ཏེ། འདིར་#འདོད་པ་འདི་ལ་བསྒྲུབ་པར་གནས་པའི་ཕྱིར་རོ། །དེ་བས་ན་དགེ་སློང་རྗེས་སུ་གནང་བ་ཉིད་ལ་དངོས་གཞི་གྲུབ་པ་སྟེ།
[126b]
[126b.1]མངོན་པར་རྗེས་སུ་མ་གནང་བ་ཉིད་ལ་ནི་མ་ཡིན་ནོ། །བསྐོས་པ་ནི་རང་ཉིད་དང་འདྲའོ་ཞེས་བྱ་བ་ལ་བསྐོས་པས་བྱས་པ་ནི་སྐོ་བར་བྱེད་པ་རང་ཉིད་ཀྱིས་བྱས་པ་དང་འདྲའོ། །ཇི་ལྟར་བདག་ཉིད་ཀྱིས་ཁང་པ་དང་གཙུག་ལག་ཁང་དག་#ལོག་པ་ཉིད་དུ་སྒྲུབ་པར་བྱེད་པ་ཁ་ན་མ་ཐོ་བར་གྱུར་པ་#དེ་བཞིན་དུ།
[126b.2]བསྐོས་པས་ལོག་པ་ཉིད་དུ་སྒྲུབ་པར་བྱེད་ན་ཡང་སྐོ་བར་བྱེད་པ་ཉིད་ལ་ཁ་ན་མ་ཐོ་བར་འགྱུར་རོ་ཞེས་བྱ་བ་འདི་ལ་འདི་བྱེད་པའོ། །གང་གི་ཚེ་གནས་པར་གྱུར་ན་བསྐོས་བཞིན་པས་སྐོ་བ་#པོས་བསྒྲུབ་པ་ལ་བསྐོས་པ་དེ་ནི་འདིར་རྒྱུར་རིག་པར་བྱའོ། །ཇི་སྐད་བསྒོ་བ་བཞིན་མི་བྱེད་པ་ལ་ལུས་དང་ངག་གིས་
[126b.3]ནོད་ནའོ་ཞེས་བྱ་བ་ནི་ཇི་ལྟར་བསྒོ་#བ་བཞིན་མི་བྱེད་པ་བསྐོ་བ་བྱས་པ་འམ་བྱེད་དུ་བཅུག་པ་དེ་ལ་ཇི་སྐད་བསྐོ་བའི་རྒྱུ་དེ་ལ་ལུས་སམ་ངག་གིས་ནོད་ན་རང་ཉིད་དེ་མི་ནོད་པ་ལ་ནི་མ་ཡིན་ནོ། །ཡིད་ཀྱིས་ནོད་པ་ལ་ཡང་མ་ཡིན་ཞེས་བྱ་བའི་དོན་ཏོ། །འདིར་གཞུང་ནི་གལ་ཏེ་དེ་ལ་འདི་སྐད་ཅེས་ལེགས་པར་
[126b.4]བྱས་སོ། །ཤིན་ཏུ་བྱས་སོ་ངས་ཁྱོད་ལ་འདི་ལྟར་བསྐོའོ་#ཞེས་ཟེར་ཞིང་། དེས་དེ་ལ་ཤིང་ངམ་རྩྭ་འམ་ལྕི་བ་འམ་ས་འཇིམ་རྣམས་འབུལ་བར་བྱེད་དེ། གང་མི་རུང་བ་བྱེད་དུ་འཇུག་ན་གཉིས་ཀ་ལ་ཡང་གཞི་ཇི་ལྟ་བ་བཞིན་དུ་ལྟུང་བར་འགྱུར་ཞེས་གསུངས་པ་ཡིན་ནོ། །བྱས་པ་ནི་གཅིག་
[126b.5]ཉིད་དོ་ཞེས་བྱ་བ་ནི་འདིར་བྱེད་པ་ཐམས་ཅད་རྗེས་སུ་བསྒྲུབ་པའི་ཕྱིར་གཅིག་པ་ཉིད་དེ། ལོ་ལ་སོགས་པའི་ཚད་ཀྱང་སྡོད་པ་ལ་གཞན་ལ་མི་ལྟོས་པས་མ་བཏང་བ་ནི་འདིར་སྡོད་ཅིང་བྱས་པ་ལྟུང་བ་མང་བ་ཉིད་མེད་ཅེས་བྱ་བའི་དོན་ཏོ། །མི་ལྟོས་པས་བཏང་བ་ནི་དུམ་བུ་ལ་སོ་སོ་ཉིད་དུ་རྣམ་པར་
[126b.6]གནས་པ་ཡིན་ནོ། །དེ་ལྟར་ན་#མི་ལྟོས་པས་བཏང་བ་ལ་སྔར་གྱི་ཆ་ཙམ་ལྟུང་བ་སྟེ། མི་ལྟོས་པས་བར་དུ་ཡེ་བཏང་བ་ལ་གང་ཞིག་ཕྱིས་ཡང་རྩོམ་པར་བྱུང་བ་#ལ་ཡང་ཕྱི་མའི་ཆ་ལའོ། །ཕྱིས་ཀྱང་བསམ་པ་གཞན་གྱིས་རྩོམ་པ་ལ་ནི་གཞན་ཉིད་དོ། །གཙོ་བོ་མ་ཡིན་པར་མཐར་ཐུག་པ་ལ་གང་ཞིག་འདིར་
[126b.7]གཞན་ཐམས་ཅད་ལ་ཆ་ཐམས་ཅད་ཀྱི་བདག་ཉིད་མེད་པར་ལྟུང་བ་བྱས་པ་ཉིད་ཅེས་བྱ་བ་འདིར་རྣམ་པར་གནས་པར་རིག་པར་བྱའོ། །རྗེས་སུ་བསྒྲུབ་པ་ཅིག་#ཁོ་ན་ཡིན་དུ་ཟིན་ཀྱང་། དཔེར་ན་འཐབས་པའི་མོད་ལ་དང་འཐབས་པའི་འོག་ཏུ་སྡུམ་#བྱེད་པ་ལ་སོགས་པའི་ཚིག་དག་ལ་ལྟུང་བ་ཐ་དད་པར་བྱས་
[127a]
[127a.1]པ་བཞིན་དུ་ཅིའི་ཕྱིར་འདིར་#ཡང་རུང་བ་ཉིད་མ་ཡིན་པ་དང་། རྩོད་པ་དང་བཅས་པ་ཉིད་དང་རྣམ་པར་གནོན་པ་ཉིད་མ་ཡིན་པ་དང་། མ་བསྟན་པ་ཉིད་རྣམས་ལ་ཞེས་བྱ་བ་འདོད་པ་འདི་#ལ་ལྟུང་བའོ་སྙམ་དུ་དོགས་པ་བསལ་#བའི་ཕྱིར། ཡན་ལག་རྣམས་ནི་བྱེད་པ་པོ་ཐ་དད་པ་
[127a.2]ཉིད་མ་ཡིན་ནོ་ཞེས་བྱ་བ་སྨོས་ཏེ། ཐོབ་པ་ལ་སྒྲིབ་པར་བྱེད་པར་འགྱུར་བ་ཉིད་ནི་དེའི་འོག་ཏུ་སྡུམ་བྱེད་པ་ལ་སོགས་པ་རྣམས་ལ་སྟེ། དེ་བས་ན་འདི་རྣམས་ལས་ཐ་དད་པ་འདི་ལ་བསྐྱེད་པའོ། །འདིར་ནི་ཁྱིམ་བྱེད་པར་འདོད་པ་ལ་འབྲེལ་པའི་དབང་ཉིད་ལྟུང་བ་བསྒྲུབ་པ་ལ་འདི་གསལ་བར་བྱ་སྟེ།
[127a.3]འདིའི་ཡན་ལག་འདའ་བར་བྱེད་པ་གང་ཡིན་པ་ནི་ཤིན་ཏུ་ཁྱབ་པ་ཉིད་དུ་གྱུར་པ་འདི་ལ་གང་ཞིག་སྲོག་ཆགས་རྣམས་ལ་གནོད་པར་བྱེད་པའི་དོགས་པ་མངོན་པར་རྗེས་སུ་གནང་བ་རྣམས་ལ་མ་ལྟོས་པ་བྱེད་པ་དང་། བརྩམ་དུ་མི་རུང་བ་ཉིད་ཅེས་བྱ་བ་འདའ་བར་གྱུར་པའི་ཡན་ལག་རྣམས་འདིར་དགོས་
[127a.4]པའོ། །དེ་བས་ན་རབ་ཏུ་འབྱེད་པ་པོ་འདི་རྣམས་དང་མི་སྦྱོར་རོ། །འདིར་ཡན་ལག་རྣམས་ཇི་ཙམ་འདའ་བར་བྱེད་པ་ལྟུང་བ་རྣམ་དེ་ཙམ་མ་ཡིན་ཏེ། འོན་ཀྱང་ལྟུང་བ་གཅིག་ཁོ་ནར་ཟད་དེ་ཞེས་བྱ་བའི་དོན་ཏོ། །གང་ལ་ཁང་པའི་དགེ་འདུན་ལྷག་མར་འགྱུར་ཞེ་ན། དེའི་ཕྱིར་བཙལ་བ་ལའོ། །དེས་
[127a.5]རྗེས་སུ་གནང་བ་ལའོ། །རྣམ་པ་དེ་ལྟ་བུས་སོ། །གཞི་མ་དག་#ལའོ། །མ་བསྟན་པ་ལའོ། །གནས་བྱས་སམ་བྱེད་དུ་བཅུག་ནའོ། །མཐར་རོ་ཞེས་བྱ་བ་རྣམས་སྨོས་ཏེ། འདིར་གཞི་ཞེས་བྱ་བའི་སྒྲས་ནི་ས་གཞི་བརྗོད་དོ། །བཙལ་བ་ཞེས་བྱ་བ་ནི་ཁྱད་པར་ཡོངས་སུ་མ་བཟུང་བས་ཆོས་འདི་ལ་#
[127a.6]རབ་ཏུ་བྱུང་བ་ལས་ཀྱང་ཞེས་བྱ་བ་རྟོགས་པར་བྱའོ། །སུས་བཙལ་ཞེ་ན། དེ་ནི་འདིར་སྐབས་ཡིན་པས་ལྟུང་བ་འབྱིན་པ་པོས་ཞེས་བྱ་བར་ཤེས་པར་བྱའོ། །དེས་རྗེས་སུ་གནང་བ་ལའོ་ཞེས་བྱ་བ་ནི་#དགེ་སློང་གང་གིས་ས་གཞི་བཙལ་བར་གྱུར་པས་སོ། །རྣམ་པ་དེ་ལྟ་བུས་སོ་ཞེས་བྱ་བ་ནི་ལྟུང་བ་
[127a.7]འབྱིན་པ་པོས་བཙལ་བ་འམ་བཙལ་བ་པོས་སོ། །དེ་དགེ་སློང་གིས་རྟེན་དུ་གནང་བ་ལ་སྒྲུབ་པར་བྱེད་པའི་ཚིག་འདིའོ། །དེ་ཡང་ལས་ལ་དགོས་པར་བྱ་བའི་རྫས་རྣམས་དང་འདི་རྣམས་ཀྱི་རིན་ཐང་ངོ་། །འགའ་ཞིག་ལས་ནི་གཉིས་ཀ་དག་ལ་ཞེས་འབྱུང་ངོ་། །ཉེ་བ་འཁོར་གྱིས་ཞུས་པ་#
[127b]
[127b.1]ལས་འདི་སྐད་ཅེས་ཇི་ཙམ་གྱིས་ན་རང་གིས་བཙལ་བའི་ཁང་པ་ཞེས་བགྱི། གང་ལས་གཉིས་ཡོངས་སུ་འགྲུབ་པར་འགྱུར་བ་སྟེ། བྱེད་དུ་བཅུག་པ་དང་གཞི་ཞེས་བྱ་བའོ། །འདིར་འདི་ནི་བཙལ་བའི་ཆ་ཉིད་ལ་ལུང་རིག་པར་བྱའོ། །དེ་ཉིད་ཀྱི་གཞུང་ཡང་འདི་ཡིན་ཏེ། གང་ཟག་གི་གཞིར་བྱེད་
[127b.2]དུ་འཇུག་ན་ཉེས་པ་སྦོམ་པོར་འགྱུར་#ཞེས་གསུངས་པ་ཡིན་ནོ། །སོ་སོར་ཐར་པའི་མདོ་ལས་ཀྱང་རང་གིས་བཙལ་བ་ཞེས་གསུངས་པའོ། །གང་གི་ཕྱིར་འདི་གཉིས་ཀ་དོན་མེད་པ་སྟེ་གཞན་དུ་ན་གཉིས་ཀ་སྐྱེ་བར་འགྱུར་རོ། །གཞི་མ་དག་པ་ལའོ་ཞེས་བྱ་བ་ནི་མི་རུང་བ་ཉིད་ལ་སོགས་པ་ནི་མ་
[127b.3]དག་པའོ་ཞེས་འོག་ནས་འབྱུང་ངོ་། །མ་བསྟན་པ་ལའོ་གནས་བྱས་སམ་བྱེད་དུ་བཅུག་ནའོ་ཞེས་བྱ་བ་ལ། མ་བསྟན་པ་ལའོ་ཞེས་བྱ་བ་ནི་དགེ་འདུན་ལས་བསྟན་པ་ཐོབ་པ་ནི་བསྟན་པ་ཉིད་དོ་ཞེས་བསྟན་པ་ཉིད་ཀྱང་འོག་ནས་འབྱུང་སྟེ། དེ་ལས་བཟློག་པ་ནི་མ་བསྟན་པ་ཉིད་དོ། །གནས་
[127b.4]བྱས་སམ་བྱེད་དུ་བཅུག་ནའོ་ཞེས་བྱ་བ་ནི་ཁང་པ་#བྱེད་དུ་བཅུག་ནའོ། །མཐར་རོ་ཞེས་བྱ་བ་ནི་ཟིན་ནས་ཏེ་གནས་ཀྱི་ངོ་བོ་ཉིད་ནི་ཐོག་བཀབ་ཅིང་བསྒོ་བ་མ་གཏོགས་པ་ཀུན་ནས་བསྐོར་བ་ཉིད་དོ། །དེ་ཟིན་པའི་སྐད་ཅིག་མ་ལ་ཞེས་བྱ་བའི་དོན་ཏོ། །སྔར་ནི་སྦོམ་པོར་རོ་ཞེས་བྱ་བ་འདིའི་རྗེས་ཀྱི་སྡེ་
[127b.5]པ་ཞེས་བྱ་བ་ནི་མདོ་འདིས་བྱས་པར་རིག་པར་བྱའོ། །འོག་མ་ལ་ཡང་དེ་དག་ཉིད་དེ་དེ་མ་བཙལ་བ་ཉིད་དོ་ཞེས་བྱ་བ་ནི་གང་འདི་ཉེས་པ་མེད་པ་ཞེས་བྱ་བ་འདི་ནི་སྐབས་སུ་བབ་པ་དེ་དེ་མ་ཐག་པའི་གཙུག་ལག་ཁང་གི་རྒྱུ་བསླབ་པའི་གཞི་འོག་མ་ལ་ཡང་བལྟ་བར་བྱ་སྟེ། དེ་ནི་བཙལ་བ་ཉིད་མ་
[127b.6]གཏོགས་པར་རིག་པར་བྱའོ། །དེ་ལ་ཡང་བཙལ་བ་ཉིད་ཀྱི་དོན་དང་ངེས་པར་གྲོལ་བའི་ཆོ་ག་འདི་ཞེས་བྱ་བའི་དོན་ཏོ། །བཙལ་བ་ཉིད་གསལ་#བ་ལ་འདིར་འདི་སྐྱེ་བར་འགྱུར་རོ། །རང་ཉིད་ཀྱིས་གནས་པ་འམ་རྗེས་སུ་གནང་བའི་གཞི་ལ་སྒྲུབ་པར་བྱེད་པ་གནས་པ་འམ་རྗེས་སུ་གནང་བས་
[127b.7]དག་པའི་དངོས་པོ་མ་བསྟན་པའི་གནས་ཀྱི་རྒྱུའི་མཐར་ཞེས་བྱ་བའོ། །བདག་པོ་དང་བཅས་པ་ཞེས་བྱ་བ་གཙུག་ལག་ཁང་གི་ཚིག་འདིར་གང་ཡིན་པ་ཕལ་ཆེ་བའི་ཆོས་ལ་འདི་སྐྱེ་བའི་དབང་གིས་སྨོས་པ་སྟེ་དེའི་ཡན་ལག་ནི་མ་ཡིན་ནོ། །ཇི་ལྟར་བདག་པོ་མེད་པ་ཉིད་ལ་ཡང་ས་གཞི་སྲིད་པ་
[128a]
[128a.1]སྟེ། ཁྱིམ་གྱི་གཞི་ཡོངས་སུ་འཛིན་པ་དགག་པ་ལས་འདའ་བར་བྱས་ནས་དགེ་འདུན་ལ་བརྟེན་ནས་ཉོས་པ་བཟུང་བ་དང་། དགེ་འདུན་གྱི་གཞི་རྗེས་སུ་གནང་བས་ཞེས་བྱ་བའོ། །ཁང་པའི་དགེ་འདུན་ལྷག་མ་པ་#ཡན་ལག་གཞན་གཉིས་བརྗོད་པར་བྱ་སྟེ། གཅིག་གི་
[128a.2]དོན་དུའོ་ཞེས་བྱ་བ་ནི་གང་ཟག་གཅིག་གི་དོན་དུ་བྱེད་དུ་འཇུག་ན་དགེ་འདུན་ལྷག་མར་འགྱུར་གྱི་གཉིས་དང་མང་པོ་དག་ལ་ནི་མ་ཡིན་ནོ། །འདིར་གཞུང་ནི་ཉེ་བ་འཁོར་གྱིས་ཞུས་པའི་གཞུང་ཁ་ཅིག་ལས#། གཉིས་ཀྱིས་སྤྱི་ལ་བྱེད་དུ་འཇུག་ན་སྦོམ་པོར་རོ་ཞེས་འབྱུང་ངོ་། །འདིར་མང་པོའི་དོན་དུ་ནི་
[128a.3]ཉེས་པ་མེད་པ་ཉིད་རིགས་པ་ཡིན་ཏེ། དགེ་འདུན་གྱི་དོན་ཉིད་དུ་ནི་ཉེས་བྱས་སུ་བརྗོད་པའི་ཕྱིར་དངོས་གཞི་ནི་མ་ཡིན་ནོ། །འདིར་ཤིན་ཏུ་འབྱུང་བར་འདོད་པ་དང་འབྲེལ་པ་ལ་གནས་པས་ཉེས་བྱས་ཙམ་ནི་མ་ཡིན་ནོ། །ལྟུང་བ་བྱེད་པའི་དངོས་པོ་ཐམས་ཅད་ལ་ཡན་ལག་འདའ་བར་བྱེད་པ་ལ་སྦོམ་པོའི་
[128a.4]ལྟུང་བ་བྱེད་པའི་ཕྱིར་རོ། །དེ་བས་ན་གཉིས་ལ་སོགས་པ་དུ་མ་ཉིད་ལ་འདི་བསྟན་པ་ནི་#འདིར་གཉིས་ཀྱི་ཚིག་རྣམ་པར་གནས་པ་ཞེས་བྱ་བ་གཅིག་པ་ཉིད་ཀྱི་གཙོ་བོ་འདི་ཤེས་པ་ཡིན་ནོ། །དེ་བས་ན་བདག་ཉིད་གཅིག་པུ་འམ་དགེ་སློང་གཞན་གཅིག་གམ། ཁྱིམ་པ་གཅིག་གི་དོན་བྱེད་དུ་བཅུག་ན་
[128a.5]དགེ་འདུན་ལྷག་མ་སྟེ་ཞེས་བྱ་བ་བྱེ་བྲག་ཏུ་མ་བྱས་པའི་ཕྱིར་རྟོགས་པར་བྱའོ། །ཅི་གནས་བྱེད་དུ་བཅུག་པ་ཐམས་ཅད་ལས་དེར་འགྱུར་རམ་ཞེ་ན་མ་ཡིན་ཏེ། དེའི་ཕྱིར་ཚད་ལས་ལྷག་པའོ་ཞེས་བྱ་བ་སྨོས་ཏེ། ཚད་ལས་འདས་པ་ལ་ཞེས་བྱ་བའི་དོན་ཏོ། །གཞི་མ་དག་པ་#ལའོ་ཞེས་སྨོས་ན་
[128a.6]འདིར་མ་དག་པ་གང་ཡིན་ཞེ་ན། དེའི་ཕྱིར་མི་རུང་བ་ཉིད་དང་རྩོད་པ་དང་བཅས་པ་ཉིད་དང་བརྩམ་དུ་མི་རུང་བ་ཉིད་ནི་མ་དག་པའོ་ཞེས་བྱ་བ་སྨོས་ཏེ། དེ་གསུམ་གྱི་རང་བཞིན་ཇི་ལྟར་ཞེ་ན་མ་ཡིན་ཏེ། དེའི་ཕྱིར་སྐྱེ་བ་པོ་ཕྲ་མོའི་གནས་དང་ལྡན་པ་ཉིད་དང་རྒྱལ་པོ་དང་ལྷའི་གནས་དང་། མུ་སྟེགས་ཅན་
[128a.7]གྱི་འདུག་གནས་ལ་བརྟེན་པ་ཉིད་དང་། ཤིང་ལྗོན་པ་གཅད་#པར་བྱ་བ་མ་ཡིན་པ་ཉིད་དང་། ཕྱི་རོལ་འདོམ་གང་གི་#མཐའི་ཉེན་ཀོར་#གྱི་ནང་རོལ་དུ་ཆུ་ཀླུང་ངམ་ངམ་གྲོག་གམ་ཁྲོན་པ་དང་འདོམ་པ་ཉིད་#ནི་གོ་རིམས་བཞིན་དུ་དེ་དག་ཡིན་ནོ་ཞེས་སྨོས་ཏེ། དེ་ལ་སྐྱེ་བ་པོ་ཕྲ་མོའི་གནས་དང་ལྡན་པ་ཉིད་དང་འདོམ་པ་
[128b]
[128b.1]ཉིད་ནི་མི་རུང་བ་ཉིད་དང་། རྒྱལ་པོའི་གནས་ལ་སོགས་པར་བརྟེན་པ་ཉིད་དང་། ཤིང་ལྗོན་པ་གཅད་#པར་བྱ་བ་མ་ཡིན་པ་ཉིད་ནི་རྩོད་#པ་དང་བཅས་པ་ཉིད་དང་། ཕྱི་རོལ་ཞེས་བྱ་བ་ལ་སོགས་པ་བརྩམ་དུ་མི་རུང་བ་ཉིད་དོ། །འདིར་གཞུང་ནི་གལ་ཏེ་དེ་ན་སྐྱེ་བ་པོ་ཕྲ་མོའི་གནས་དང་སྦྲུལ་གྱི་གནས་སམ།
[128b.2]སྡིག་པའི་གནས་སམ། སྦྲང་བུ་ཏྲེ་མ་བུ་ཀ་#དང་ཏྲཻ་ལ་ཏ་ཀའི་གནས་ཡོད་པ་ཉིད་དོ་ཞེས་གསུངས་པ་ཉིད་དོ། །འདིར་སྦྲུལ་ལ་སོགས་པ་སྐྱེ་བ་ཕྲ་མོ་རྣམས་ནི་དཔེ་ཙམ་དུ་རྣམ་པར་གནས་པ་ཡིན་ནོ། །དེ་བས་ན་འདི་རྣམས་ཐམས་ཅད་ཁོངས་སུ་བསྡུ་བར་བྱའོ#། །རྒྱལ་པོའི་གནས་ལ་སོགས་པ་ལ་
[128b.3]བརྟེན་པ་ཉིད་ནི་དེའི་དྲུང་དུ་འགྲོ་བ་ཉིད་དོ། །འདིར་མཐོ་བཙམས་#པ་ལས་འབྱུང་བའི་ཉེས་པའོ། །སྒྲ་དེ་དང་དེའི་དབང་གིས་བྱུང་བའི་སྲོག་ཆགས་རྣམས་དང་རྫས་གཞན་རྣམས་ཀྱིས་ཀྱང་ངོ་། །འདིར་རྣམ་པར་མཐོ་བཙམས་#པ་ནི་གནོད་པའོ། །ཤིང་ལྗོན་པ་གཅད་#པར་བྱ་བ་མ་ཡིན་པ་ཉིད་དང་ཞེས་བྱ་བ་
[128b.4]ནི་གཅད་#པར་འོས་པ་མ་ཡིན་པ་ནི་འདིར་ཤིང་ཞེས་#འཇིག་རྟེན་པ་དག་ལ་མཁོ་བ་ཡིན་པའི་ཕྱིར་ཁ་མཆུ་འབྱུང་བ་མི་རྩོམ་པའོ། །ཡུན་ཐུང་བར་གནས་པ་ཉིད་ཀྱིས་དགོས་པ་ཆུང་བ་ཉིད་དོ། །རྣམ་པར་གནོན་པ་མ་ཡིན་པ་ཉིད་ཙམ་དུ་མི་རུང་བ་ཉིད་ཀྱི་སྐྱོན་ནོ། །ཕྱོགས་གཅིག་པ་#ཡང་འདོམ་སྟེ་དེའི་གང་
[128b.5]ཞིག་ཉེན་ཀོར་#གྱི་ནང་རོལ་དེ་མ་ཐག་པ་གཞན་གྱིས་#ཉེ་བར་ལོངས་སྤྱོད་པ་དེའི་ཕྱི་རོལ་ཉིད་དུ་འཛིན་པ་ཉིད་མ་#ཡིན་པ་ཇི་ཙམ་པ་དེ་ཙམ་གྱི་ཕྱོགས་ལའོ། །གཅིག་གིས་ཀྱང་ཆུ་ཀླུང་ལ་སོགས་པ་རྣམས་ལ་ཉེས་པ་འདི་ཡིན་ནོ། །འདིར་གཞུང་ནི་འདོམ་གང་གི་མཐའི་ཉེན་ཀོར་#བརྟག་པར་བྱ་སྟེ། གལ་
[128b.6]ཏེ་གཞི་ཆུ་ཀླུང་ལ་བརྟེན་ནམ་ངམ་གྲོག་ལ་བརྟེན་པ་ཡིན་ན་བརྩམ་དུ་མི་རུང་བའི་ཕྱིར་བསྟན་#པར་མི་བྱའོ་ཞེས་གསུངས་པ་ཡིན་ནོ། །གང་ལས་འདས་ན་གནས་ཚད་ལས་འདས་པར་གྱུར་པའི་ཚད་དེ་གང་ཡིན་ཞེ་ན། དེའི་ཕྱིར་ཚད་དང་ལྡན་པའི་ཁྲུ་ཕྱེད་དང་དོ་ནི་བདེ་བར་གཤེགས་པའི་མཐོ་གང་སྟེ། ནང་
[128b.7]རོལ་ནས་དེ་བཅུ་གཉིས་དང་བདུན་གྱི་ཚད་དོ་ཞེས་བྱ་བ་སྨོས་ཏེ། དེ་ཞེས་བྱ་བ་ནི་འདི་ཙམ་གྱི་ཚད་དེ་ལའོ། །བདེ་བར་གཤེགས་པའི་མཐོ་གང་ཞེས་བྱ་བ་ནི་དཀྱུས་སུའོ། །ནང་རོལ་དུ་ནི་དེ་བཅུ་གཉིས་ཏེ#། རྒྱར་ནི་བདུན་གྱི་ཚད་དོ་ཞེས་བྱ་བའི་དོན་ཏོ། །དེ་ལས་བཟློག་པ་ཉིད་ནི་མ་བསྟན་པ་ཉིད་དོ་ཞེས
[129a]
[129a.1]སྨྲས་ན་བསྟན་པ་ཉིད་དེ་གང་ཞེ་ན། དེའི་ཕྱིར་དགེ་འདུན་ལ་བསྟན་པ་ཐོབ་པ་ཉིད་ནི་བསྟན་པ་ཉིད་དོ་ཞེས་བྱ་བ་སྨོས་ཏེ། ཤིན་ཏུ་གཏོང་བར་གྱུར་པའི་གཞི་དེའི་#ལས་ལ་མངོན་པར་རྗེས་སུ་གནང་བར་གྱུར་པའི་ཚིག་ནི་བསྟན་པ་སྟེ། གཞི་གང་ལས་དགེ་འདུན་ལ་ཐོབ་པ་དེ་ནི་བསྟན་པ་
[129a.2]ཞེས་བྱ་བར་འདིར་འདོད་དོ་ཞེས་བྱ་བའི་དོན་ཏོ། །མ་དག་པ་གསོལ་བར་མི་བྱའོ་ཞེས་བྱ་བ་ནི་གཞི་མི་རུང་བ་ཉིད་ལ་སོགས་པ་དང་ལྡན་པ་དང་#མ་དག་པ་དགེ་འདུན་ལས་བསྟན་པ་གསོལ་བར་མི་བྱའོ། །རང་དག་རྟོག་ཏུ་དོང་བར་བྱའོ། །ཡང་ན་དགེ་སློང་བསྐོས་པ་དག་གོ་ཞེས་བྱ་བ་ནི་གང་དག་ལ་གཞི་བསྟན་པ་ལ་
[129a.3]གསོལ་པ་དེ་རྣམས་རང་གི་རྐྱེན་གྱིས་དངོས་པོའི་དག་པ་ཉིད་ཤེས་པར་འགྱུར་བ་འམ། རང་ཉིད་ཀྱིས་བསྐོས་པའི་དགེ་སློང་རྣམས་ཀྱི་རྐྱེན་གྱིས་#ཤེས་པར་འགྱུར་རོ། །སྟན་ལ་ཡང་དེ་བཞིན་ནོ་ཞེས་བྱ་བ་ནི་རྙིང་#པ་ཉིད་ཀྱི་ཕྱིར་ལོ་#དྲུག་ཚུན་ཆད་དུ་སྟན་བྱ་བའི་ཕྱིར་གནང་བ་གསོལ་བར་བྱེད་ན་བསྟན་#
[129a.4]ལ་རང་གི་རྐྱེན་གྱིས་ཤེས་པར་འགྱུར་བ་འམ་གསོལ་བའི་དགེ་སློང་རྣམས་ཀྱིས་ཞེས་བྱ་བ་འདི་རྟོགས་པར་བྱའོ་ཞེས་བྱ་བའི་དོན་ཏོ། །བྱས་པ་རྙེད་པ་དང་བྱས་པ་ལ་ལོངས་སྤྱོད་#པ་དག་ལ་ནི་ལྟུང་བ་མེད་དོ་ཞེས་བྱ་བ་ནི་རྙེད་པར་བྱས་པའམ་ལོངས་སྤྱད་#པར་བྱས་པ་ལ་ལྟུང་བ་མེད་དོ། །འདི་ལ་བདག་ཏུ་
[129a.5]བྱས་པའི་དབང་གིས་ཁ་ན་མ་ཐོ་བ་མེད་དོ། །ལྷག་པར་གནས་པའི་དབང་གིས་མ་ཡིན་ནོ་#ཞེས་བྱ་བ་འདི་བསྟན་པའི་ཕྱིར་ཚིག་འདིའོ། །རྙིང་པ་མ་#འཆོས་པ་ལ་སོགས་པ་#ཡང་ངོ་ཞེས་བྱ་བའི་སྒྲས་ནི་ལྟུང་བ་མེད་དོ་ཞེས་སྦྱར་རོ། །འདིར་གསར་པ་བརྩིག་པ་ལ་ནི་སྐྱོན་ཏེ། རྙིང་པ་མ་#འཆོས་པ་ལ་ནི་
[129a.6]མ་ཡིན་ནོ། །དེ་བས་ན་རྙིང་པ་མ་ཡིན་པ་མ་#འཆོས་པ་ལ་ཡང་ལྟུང་བ་མེད་དེ། འདིར་རྙིང་པའི་ཚིག་སྨོས་པ་ནི་དཔེར་ན་རིག་པར་བྱའོ། །ཁང་པའི་དགེ་འདུན་ལྷག་མའོ།། །།#གང་བྱས་ན་གཙུག་ལག་ཁང་གི་དགེ་འདུན་ལྷག་མར་འགྱུར་ཞེ་ན། འདིར་འོག་མ་ལ་ཡང་དེ་དག་ཉིད་དེ།
[129a.7]དེ་མ་བཙལ་བ་ཉིད་དོ་ཞེས་བྱ་བ་སྔར་བསྟན་པའི་ཆོ་ག་ལ་ལྟོས་ནས་བྱེ་བྲག་བརྗོད་པར་བྱ་སྟེ། ཚོགས་ཀྱི་དོན་དུའོ་ཞེས་བྱ་བ་ནི་འདིར་ཁྱིམ་པ་ཡན་ཆད་ཀྱི་གང་ཟག་བཞི་ལ་སོགས་པ་ཚོགས་ཞེས་བྱ་བ་མངོན་པར་འདོད་པར་རིག་པར་བྱའོ། །ཤིན་ཏུ་སྡིག་པ་དང་ལྡན་པ་ཉིད་ཀྱི་ཕྱིར་ཁྱིམ་པའི་དོན་ཉིད་
[129b]
[129b.1]ཀྱི་བསམ་པ་ལ་འཕགས་པའི་དགེ་འདུན་རྗེས་སུ་གཟུང་བའི་བསམ་པ་ལ་ཤིན་ཏུ་དགེ་བ་ཉིད་ལ་ཡང་ཁ་ན་མ་ཐོ་བ་རྣམ་པར་གཞག་པའི་ཕྱིར་རོ། །གང་ཞིག་ཚོགས་ཀྱི་ཕྱིར་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ནོ་ཞེས་གསུངས་པ་དེ་ནི་གླེང་གཞིའི་དབང་གིས་དེ་དཔེ་ཙམ་དུ་ཟད་པར་#
[129b.2]འདི་ལ་ཉེས་པ་མེད་དོ་ཞེས་རིག་པར་བྱའོ། །གཙུག་ལག་ཁང་གི་དགེ་འདུན་ལྷག་མའོ།། །།རྩོམ་པ་ཉིད་ནི་སྦྱོར་བ་ཉིད་དོ་ཞེས་བྱ་བ་ནི་མཐར་ཐུག་པ་གང་ལ་དངོས་གཞིའི་ཚད་འདའ་བར་བྱེད་པ་ཉིད་ལ་ཐམས་ཅད་དུ་ཡན་ལག་ལྷག་མ་རྣམས་ལ་འདའ་བར་བྱེད་པ་དང་། སྦྱོར་བ་ཉིད་ལ་དེར་འདི་
[129b.3]རྣམས་སྦོམ་པོར་སྟོན་པར་བྱེད་པའི་ཚིག་རྣམས་ཞེས་བྱ་བ་རྟོགས་པར་བྱའོ། །མཐར་ཐུག་པ་གང་ལ་སྦོམ་པོ་དེས་སྦྱོར་བ་ཡང་སྦོམ་པོ་རིགས་#པ་མ་ཡིན་ནོ། །འདིར་གཞུང་ནི་བརྩམས་ནས་བདག་ཉིད་གསོད་#པར་བྱེད་པ་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །མ་གཡོགས་པ་བྱེད་
[129b.4]དུ་འཇུག་པའི་མཐའ་ཡང་དེ་འདྲའོ་ཞེས་བྱ་བ་ནི་གནས་དེ་མ་གཡོགས་པ་ཞིག་བྱེད་དུ་གཞུག་གོ་སྙམ་པའི་བསམ་པས་མཐའི་མཐར་ཐུག་པ་གང་ཡིན་པ་དེ་ཡང་དེ་བཞིན་དུ་སྟེ་སྦྱོར་བ་དང་འདྲ་བར་བལྟ་བར་བྱའོ། །འདིར་གཞུང་ནི་སྟེང་མ་གཡོགས་པ་ཞིག་བྱེད་དུ་འཇུག་ན་ཉེས་པ་སྦོམ་པོར་འགྱུར་རོ་ཞེས་
[129b.5]གསུངས་པ་ཡིན་ནོ། །སྔར་ནི་ཉེས་བྱས་སོ་ཞེས་བྱ་བ་འདིའི་སྦྱོར་བ་ལ་ཉེས་བྱས་སོ། །ཐམས་ཅད་དུ་ཞེས་བྱ་བ་འདིས་བྱས་པ་ཉིད་རིག་པར་བྱའོ། །དུ་མའི་དོན་དུའོ་ཞེས་བྱ་བ་ནི་ཁང་པ་མི་རུང་བ་ལ་སོགས་པའི་ཡན་ལག་ཐམས་ཅད་ལས་འདས་པ་དུ་མའི་དོན་དུ་བྱེད་དུ་བཅུག་པའི་མཐའ་གང་ཡིན་པ་དེ་ཡང་སྦྱོར་བ་
[129b.6]དང་འདྲ་བར་བལྟ་བར་བྱའོ། །འདིར་གཞུང་ནི་གཉིས་ཀྱི་སྤྱི་ལ་བྱེད་དུ་འཇུག་ན་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །མ་བསྐོས་པར་རོ་ཞེས་བྱ་བ་ནི་འཚོལ་བ་པོ་འམ་གནང་བ་པོས་རྗེས་སུ་མ་གནང་བར་གནས་བྱེད་དུ་འཇུག་པ་སྟེ། དེའི་མཐའ་གང་ཡིན་པ་དེ་ཡང་སྦྱོར་བ་དང་འདྲ་བར་
[129b.7]བལྟ་བར་བྱའོ། །གང་གི་དེ་སོ་སོར་བཟུང་བ་དེའི་དོན་ཉིད་དུ་འདི་བྱེད་དུ་འཇུག་པས་མངོན་པར་འདོད་པའོ། །འོ་ན་ཅིའི་ཕྱིར་དངོས་གཞིར་རྣམ་པར་མི་གཞག་སྟེ། ལྷག་མ་བསྒྲུབ་པ་དག་ལ་འདིར་གནས་པར་འགྱུར་རོ། །ཇི་ལྟར་རང་བཞིན་མི་མཐུན་པ་བྱེད་དུ་འཇུག་པས་འདས་པ་ལ་ཡང་རྗེས་སུ་
[130a]
[130a.1]གནང་བ་ལ་ནི་བཟུང་བ་#འདིས་འགྱུར་ཏེ་དེ་ནི་འཇུག་པའོ། །དེ་བས་ན་རྗེས་སུ་གནང་བ་དང་བསྒྲུབ་པ་དེ་ལ་གནོད་པ་ཉིད་ཀྱི་ཕྱིར་དངོས་གཞི་བསྐྱེད་པའོ། །རྗེས་སུ་མ་གནང་བ་ལ་སྦྱོར་བའོ། །འདིར་གཞུང་ནི་ཡི་གེ་ཁ་ཅིག་ལས་མ་བསྐོས་པར་བྱེད་དུ་འཇུག་ན་ཉེས་པ་#སྦོམ་པོར་
[130a.2]འགྱུར་རོ་ཞེས་གསུངས་པ་ཡིན་ནོ། །གང་ཟག་གིས་སོ་ཞེས་བྱ་བ་ནི་སྒྲུབ་པར་བྱེད་པས་བྱེད་དུ་འཇུག་ན་དེ་བཞིན་དུ་མཐའོ། །འདིར་གཞུང་ནི་གང་ཟག་གི་གཞིས་བྱེད་དུ་འཇུག་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །འདི་ཐམས་ཅད་ཞུ་བ་དང་འབྲེལ་པ་བསླབ་པའི་གཞི་གཉིས་ཀྱི་
[130a.3]དབང་དུ་བྱས་པ་ཡིན་གྱི་གང་ཟག་གི་ཞེས་བྱ་བ་འདི་ནི་མ་གཏོགས་པར་རིག་པར་བྱའོ། །གང་གི་ཕྱིར་གཙུག་ལག་ཁང་གི་བསླབ་པའི་གཞི་ལ་བཙལ་བ་ཉིད་ཀྱི་ཡན་ལག་རྣམ་པར་མ་#བཞག་པའི་ཕྱིར་རོ། །རང་བཞིན་མི་མཐུན་པ་ཡང་ངོ་ཞེས་བྱ་བ་ལ་#ཡང་ངོ་ཞེས་བྱ་བའི་སྒྲས་ནི་དེ་བཞིན་དུ་བྱེད་དུ་འཇུག་
[130a.4]ན་མཐའ་དེ་དང་འདྲའོ་ཞེས་བྱ་བའི་རྗེས་སྙེགས་#པའི་ཕྱིར་རོ། །འདིར་གཞུང་ནི་རང་བཞིན་མི་མཐུན་པའི་ཞལ་ཏ་བྱེད་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །གསོལ་བའི་འོག་ཏུ་མ་གྲུབ་ན་ཉེས་བྱས་སོ་ཞེས་བྱ་བ་གསོལ་བའི་འོག་ཏུ་གནས་དེ་མོར་མ་གྲུབ་#པ་གང་ཡིན་པ་དེ་ལ་ནི་ཉེས་བྱས་སོ། །
[130a.5]འདིར་རིམ་པ་ཉིད་ནི་སྐྱོན་ཏེ་དེ་བས་ན་རིམ་པའི་ངོ་བོས་མི་འདོད་པའི་བསམ་པས་མ་གྲུབ་པ་ལ་ཉེས་བྱས་སུ་#རྣམ་པར་གཞག་གི་བར་ཆད་ཀྱི་དབང་གིས་མ་གྲུབ་པ་ནི་མ་ཡིན་ནོ། །འདིར་གཞུང་ནི་བཙུན་པ་རེ་ཞིག་གཞི་བཙལ་ནས་མི་བགྱིད་ན་ལྟུང་བ་ཅིར་འགྱུར། ཉེས་བྱས་སུའོ། །ཁང་པ་བསྟན་པ་གསོལ་ནས་
[130a.6]བགྱིད་དུ་མི་སྩོལ་#ན་ལྟུང་བ་ཅིར་འགྱུར་ཉེས་བྱས་སུའོ་ཞེས་གསུངས་པ་ཡིན་ནོ། །ཁང་པ་དང་གཙུག་ལག་ཁང་གི་དགེ་འདུན་ལྷག་མ་ཞུ་བའི་སྐབས་སོ།། །།གང་དུ་དངོས་གཞི་དང་འབྲེལ་པ་བརྗོད་པ་ལ་དགེ་འདུན་གྱི་ལྷག་མ་ཡིན་ཞེ་ན། དེའི་ཕྱིར་ཕམ་པར་འགྱུར་བ་ལྷག་པར་སྤྱོད་པས་དགེ་སློང་
[130a.7]ཉམས་པ་ལ་ཡང་ངོ་ཞེས་བྱ་བ་སྨོས་ཏེ། མི་ཚངས་པར་སྤྱོད་པ་ལ་སོགས་པས་ཕམ་པར་འགྱུར་བ་ལྷག་པར་སྤྱོད་པ་དེས་སྐུར་པ་འདེབས་ན་དགེ་འདུན་གྱི་ལྷག་མའོ། །སུ་ལ་ལྷག་པར་སྤྱོད་པ་དེས་སྐུར་བ་འདེབས་ཤེ་ན། དེའི་ཕྱིར་དགེ་སློང་ཉམས་པ་ཡང་ངོ་ཞེས་བྱ་བ་སྨོས་ཏེ་ཚུལ་ཁྲིམས་དང་ལྡན་པ་
[130b]
[130b.1]འབའ་ཞིག་ལ་མ་ཡིན་གྱི་ཉམས་པ་ལ་སྐུར་བ་བཏབ་ན་ཡང་ངོ་། །བསྙེན་པར་རྫོགས་པའི་ལས་དང་བཅས་པ་ཚུལ་ཁྲིམས་དང་ལྡན་པ་གཅིག་པུ་ལ་ནི་མ་ཡིན་ནོ། །ཉམས་པ་ལ་ཡང་ཞེས་བྱ་བའི་ཚིག་ནི་དགེ་སློང་ཕ་དང་དགེ་སློང་མ་ཉིད་ཉམས་པ་ཞེས་བྱ་བ་འདི་ལ་སྐུར་བ་འདེབས་པའི་དོན་དུའོ། །མ་
[130b.2]དག་པ་དང་ཉམས་པ་ལ་དགེ་འདུན་ལྷག་མའི་ལྟུང་བའི་ཚིག་ལ་གཞུང་ནི་འདི་ཡིན་ཏེ་ཞུ་བ་ལས་ཀྱང་བཙུན་པ་དགེ་སློང་རང་འདི་སྐད་ཅེས་བདག་གིས་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ནོ་ཞེས་མཆི་བ་དེ་ལ་དགེ་སློང་གིས་གཞི་མ་མཆིས་པར་རྐུ་བ་འམ་འགུགས་པའི་སྨྲ་བས་སྐུར་པ་འདེབས་ན་ལྟུང་བ་ཅིར་
[130b.3]འགྱུར། དགེ་འདུན་ལྷག་མར་རོ་ཞེས་བྱ་བ་ལ་སོགས་པ་གསུངས་པ་ཡིན་ནོ། །རང་གི་ཕྱོགས་ཀྱི་བསྙེན་པར་རྫོགས་པ་དང་མཐུན་པ་ནི་མཚན་དང་ཁས་ལེན་པ་དག་གིས་ཞེས་བྱ་བ་འདི་ལ་དེའི་དམིགས་ཀྱིས་བསལ་བ་བསྟན་པའི་ཕྱིར། ཕྱོགས་ལས་རང་ཉིད་ནི་འདིར་ཡན་ལག་མ་ཡིན་ནོ་ཞེས་བྱ་
[130b.4]བ་སྨོས་ཏེ། གང་ཞིག་འདི་མཚན་དང་ཁས་ལེན་པ་དག་གི་ཕྱོགས་ལས་#རང་ཉིད་དུ་གསུངས་པ་གང་ཡིན་པ་དེ་འདིར་ཁས་ལེན་པ་ནི་མ་ཡིན་ནོ། །མཚན་མི་མཐུན་པ་ལ་སྐུར་བ་འདེབས་པ་དང་ལྟ་བ་མི་མཐུན་པ་ལ་སྐུར་བ་འདེབས་པ་ལའང་དགེ་འདུན་ལྷག་མའོ་ཞེས་བྱ་བའི་དོན་ཏོ། །འདིར་#ཞུ་བ་ལས་
[130b.5]མཚན་དང་ལྟ་བ་ཡན་ལག་མ་ཡིན་པ་ཉིད་ལ་གཞུང་ནི་དགེ་སློང་གིས་དགེ་སློང་མ་ལ་གཞི་མེད་པའི་ཕམ་པར་འགྱུར་བའི་ཆོས་ཀྱིས་སྐུར་བ་འདེབས་ན་དགེ་འདུན་ལྷག་མའོ། །དེ་བཞིན་དུ་དགེ་སློང་མས་དགེ་སློང་ལ་གཞི་མེད་པའི་ཕམ་པར་འགྱུར་བའི་ཆོས་ཀྱིས་སྐུར་པ་འདེབས་ན་དགེ་འདུན་ལྷག་མའོ་ཞེས་གསུངས་
[130b.6]སོ། །ཉམས་པ་ལ་སྐུར་བ་འདེབས་པ་ལ་ཡང་ཁ་ན་མ་ཐོ་བ་ཡོངས་སུ་རྫོགས་པ་ཞེས་བྱ་བ་ལས་ན་ཁས་ལེན་པ་དང་མི་ལེན་པ་ཉིད་ཀྱི་ཐ་དད་པ་ལ་འདྲ་བའི་ཁ་ན་མ་ཐོ་བ་འདིར་རྣམ་པར་གཞག་གོ། །ཤིན་ཏུ་སླར་ཁྲོས་པའི་འཇུག་པ་འདི་ཤིན་ཏུ་ཡང་སྒོར་གྱུར་པ་དགེ་སྦྱོང་གི་རིགས་ལ་སྐུར་པ་འདེབས་པ་
[130b.7]ཞེས་བྱ་བ་དང་། ཉམས་པ་དང་མཚན་ཐ་དད་པའི་ཡུལ་ལ་ཡང་ལྟུང་བ་མཚུངས་པ་ཉིད་དུ་འདི་ལ་རྣམ་པར་གཞག་པའོ། །བརྫུན་དུ་སྨྲ་བའོ་#ཞེས་བྱ་བ་ནི་གཞི་མེད་པ་ཞེས་བྱ་བའི་ཚིག་གིས་མ་ཡིན་ནོ། །མ་གྲགས་པའི་ཤེས་པས་ཉེ་བར་དམིགས་པར་བྱ་བ་གོ་བར་བྱེད་པ་ལ་ཡིད་མ་ཆེས་པའི་ཐོས་
[131a]
[131a.1]པས་བདག་གིས་ཐོས་སོ། །བདག་ནི་ཡིད་ཆེས་པས་མ་ཡིན་ཞེས་བྱ་བ་འདི་ལྟར་དགེ་འདུན་ལྷག་མ་སྐྱེད་#པར་གྱུར་ཏམ་ཞེས་བྱ་བའོ། །གང་ཡང་རུང་བ་ལ་གོ་བར་བྱས་ནའོ་ཞེས་བྱ་བ་ནི་མིའི་འགྲོ་བ་ཐམས་ཅད་ལ་གླེང་བ་འབའ་ཞིག་གིས་མ་ཡིན་ཞེས་བྱ་བའི་དོན་ཏོ། །
[131a.2]སྐུར་བ་འདེབས་པ་ལ་ཁ་ན་མ་ཐོ་བ་འདིའོ། །གཞན་ལ་སྨྲ་བ་ནི་སྐུར་པ་འདེབས་པ་ཡང་མ་ཡིན་ནོ། །ལྟུང་བའི་ཕྲེང་བ་ལ་ཡང་བདག་གིས་མཐོང་ངོ་ཞེས་བྱ་བ་སྲིད་པ་ཙམ་ལ་འབྱུང་བ་སྟེ། ཁྱོད་ནི་བདག་གིས་མཐོང་ངོ་ཞེས་བྱ་བ་ནི་མ་ཡིན་ཏེ། དེ་བས་ན་འདི་ཤེས་པའོ། །གང་ལ་ལྟུང་བ་ཉིད་
[131a.3]ལ་སྐྱོན་ཞེས་བྱ་བ་མ་བསྟན་པ་མེད་པ་རྒོད་བག་གི་བློས་དེ་ལ་འདི་བདག་གིས་#བྱེད་ཅིང་མཐོང་ངོ་#ཞེས་བྱ་བ་འཇུག་པའོ། །གང་ལ་འདིར་སྐྱོན་གཞན་ཡིན་གྱི་#ཕམ་པ་ནི་མ་ཡིན་ཞེས་བྱ་བའི་བློ་སྒྲུབ་པ་གཞན་ལ་དེས་ཉམས་པ་ལ་འཇུག་པ་སྟེ། འཕོ་བར་གྱུར་པ་ལ་ནི་མ་ཡིན་ནོ། །འདིར་གང་ལ་སྐྱོན་
[131a.4]ཡོད་པ་ཞེས་བྱ་བ་འདི་ཙམ་གྱི་བློ་འདི་ནི་འདི་མ་ཡིན་#ཞེས་བྱ་བ་དེ་ལ་ཡང་རྣམ་པ་གཞན་ཉིད་དེ་ཉམས་པར་གྱུར་པ་ནི་མ་ཡིན་ནོ། །དེ་བས་ན་འདིར་བསམ་པ་གང་ཡང་རུང་བ་དེས་ཅི་ཞིག་བྱ་ཞེས་བྱ་བ་སུ་ཞིག་ལ་གོ་བར་བྱས་ན་དེ་བས་ན་ལྟོས་པ་དེར་བརྗོད་པར་བྱའོ། །ཉམས་པར་འདུན་པས་སོ་ཞེས་བྱ་བ་ནི་
[131a.5]ཁྲོས་པར་མ་གྱུར་ཅིག་ཅེས་བྱ་བ་བྱུང་རྒྱལ་གྱིས་སྨྲས་པས་བརྡ་བྱས་པ་ལ་ཕམ་པ་འདི་ཞེས་བྱ་བ་བརྫུན་དུ་སྨྲས་པ་ལས་འཕོ་བར་འཇུག་#པའི་འདུན་པ་མེད་པའོ། །ཉམས་པ་ཉིད་དུ་སྲིད་པ་དང་འབྲེལ་པ་འདི་ཡིན་ཏེ། ཉམས་པ་ཉིད་ལས་གཞན་ནི་འདིར་ཉམས་པ་ཉིད་ནི་མ་ཡིན་ནོ། །དེ་བས་ན་འདི་
[131a.6]ལྟ་བུའི་འདུན་པས་བརྫུན་པར་གཞན་ལ་གོ་བར་བྱེད་པ་གང་ཡིན་པ་དེ་ལ་འདིར་ལྷག་མའི་ལྟུང་བྱེད་དོ། །ཉམས་པར་མ་གྱུར་པའི་བརྗོད་པ་རྣམས་གང་ཡིན་པ་དེ་རྣམས་ལ་ནི་གང་དུ་དགེ་འདུན་གྱི་ལྷག་མའི་བློ་ཡོད་པ་དེ་ལ་ལྟུང་བྱེད་དོ། །གཞན་ལ་ནི་ཉེས་བྱས་སུ་རིག་པར་བྱའོ། །གང་དུ་དོགས་པ་
[131a.7]འཇུག་པ་འདི་ཕམ་པ་ཞེས་བྱ་བར་མ་གྱུར་ཏམ་སྙམ་དུ་ཡིད་གཉིས་སུ་གྱུར་པས་དེ་ལ་བསྐྱེད་པའོ། །དེ་#གཞི་གཞན་མ་ཡིན་ནོ་ཞེས་བྱ་བ་ནི་གང་གིས་#སྨྲ་བ་དེ་འདིར་ནི་ཞེས་བྱ་བར་བརྗོད་དོ། །གཞི་དེ་ལས་གཞི་གཞན་གང་ཡིན་པ་དེ་ལ་ནི་འདིར་གཞི་མ་ཡིན་ནོ། །འདི་ལྟ་སྟེ་དཔེར་ན་མཐོང་བས་སྨྲ་བ་
[131b]
[131b.1]ཡོད་པར་གྱུར་པ་ལ་མཐོང་བ་དེ་ལས་གཞན་དོགས་པའི་གཞི་མ་#ཐོས་པ་གང་ཡིན་པ་དེ་ནི་མཐོང་བ་མ་ཡིན་ཞེས་བྱ་བའི་དོན་ཏོ། །གཞི་གཞན་ཡོད་པར་གྱུར་ཀྱང་གང་གིས་སྨྲ་བ་དེ་མེད་པ་ལ་འདིར་དགེ་འདུན་གྱི་ལྷག་མ་ཡོད་པར་གྱུར་ཏེ་ཞེས་བྱ་བ་འདི་ལ་བྱེད་དུ་འཇུག་པའི་ཚིག་གིས་སྟོན་པའོ། །གལ་ཏེ་
[131b.2]གཞི་གཞན་གང་ཡིན་པ་དེ་ཉིད་དེའི་གཞིར་འགྱུར་ན། གཞི་གཞན་ཡོད་པས་ཀྱང་གཞི་གང་གིས་གླེང་བའི་གཞི་དེས་དགེ་འདུན་ལྷག་མ་ཡོད་པར་མི་འགྱུར་ཏེ། འདི་ནི་ཡོད་པ་མ་ཡིན་ཞེས་བྱ་བའི་དོན་ཏོ། །འདིར་གཞུང་ནི་ཐོས་པ་ལ་ཡིད་ཆེས་ནས་སྨྲས་པ། བདག་གིས་མཐོང་ངོ་ཞེས་ཡིད་
[131b.3]ཆེས་པར་བྱེད་པ་དང་། ཐོས་པ་ལ་ཡིད་མ་#ཆེས་པས་སྨྲས་པ། བདག་གིས་མཐོང་ངོ་ཞེས་སྨྲས་པ་དང་ཐོས་པ་ལ་དོགས་#ཏེ། མཐོང་བར་བརྗོད་པ་དང་། མི་དོགས་ཏེ་མཐོང་བར་བརྗོད་པ་དང་། དོགས་པར་གྱུར་པས་སྨྲས་པ། བདག་གིས་མཐོང་ངོ་ཞེས་སྨྲ་ན་བརྗོད་དོ་ཅོག་དགེ་འདུན་ལྷག་མའོ་
[131b.4]ཞེས་གསུངས་པ་ཡིན་ནོ། །བརྗོད་པ་ནི་ཡོད་པ་ཉིད་མ་ཡིན་ནོ་ཞེས་བྱ་བ་ནི་མི་འདྲ་བ་ནི་མེད་པ་ཉིད་དུ་བལྟ་བར་བྱ་སྟེ། གང་ཞིག་མི་དྲན་པས་བརྗེད་པ་ལ་ནི་ཉེས་པས་འདིར་#བརྗོད་པའོ། །འདིར་གཞུང་ནི་འདིས་མཐོང་བར་གྱུར་པ་བརྗེད་བཞིན་དུ་དང་། འདིས་ཐོས་པར་གྱུར་ཏེ། དེ་ཡང་བརྗེད་བཞིན་དུ་དང་།
[131b.5]འདིས་དོགས་པར་གྱུར་ཏེ་དེ་ཡང་བརྗེད་བཞིན་དུ་དེས་འདུ་ཤེས་བསྒྱུར་བ་དང་བཅས་པས་ཇི་སྲིད་དུ་མཐོང་ངོ་། །དེ་ཡང་མི་བརྗེད་པ་དང་སྨྲས་པ་ཐོས་ཏེ་འདི་ཡང་མ་བརྗེད་པ་དང་དོགས་སོ་ཞེས་དེ་ཡང་མ་བརྗེད་པའོ་ཞེས་ཟེར་ན། བརྗོད་དོ་ཅོག་#ལ་དགེ་འདུན་ལྷག་མའོ་ཞེས་གསུངས་པ་ཡིན་ནོ། །དོན་གྱི་དེ་ཉིད་
[131b.6]ནི་མི་བརྫུན་པར་སྨྲ་བ་ཉིད་ཀྱི་རྒྱུ་མ་ཡིན་ནོ་ཞེས་བྱ་བ་ནི་འདུ་ཤེས་པ་ལ་ཇི་ལྟར་སྨྲ་བ་དེ་ཉིད་མེད་པ་ནི་འདིར་རྒྱུ་ཡིན་ཏེ་དོན་ལ་མ་ཡིན་ནོ། །དེ་ཉིད་ཡོད་ཀྱང་དོན་ལ་བསམས་པ་ཉིད་ནི་འདུ་ཤེས་པ་ཉིད་སྨྲ་བ་ལ་བརྫུན་དུ་སྨྲ་བ་ཉིད་དོ། །མ་བསམས་པར་འདུ་ཤེས་པ་མེད་པར་གྱུར་པ་ལ་སྨྲ་བ་ལ་བདེན་པ་ཉིད་དོ། །
[131b.7]གཞི་གཞན་གྱིས་མི་དྲན་པས་བརྗོད་པ་ལ་དགེ་འདུན་གྱི་ལྷག་མ་ཞེས་བྱ་བའོ#། །འདི་དང་འདི་བརྗོད་པ་ལ་ལྟུང་བའི་རྒྱུར་བརྗོད་པ་ནི་མ་དག་པས་སྐུར་བ་བཏབ་པ་ལ་དགེ་འདུན་གྱི་ལྷག་མར་བརྗོད་པས་བསྡུས་པའོ། །ཞེ་སྡང་བས་མ་གཏོགས་ཞེས་བྱ་བ་འདི་དང་འོག་ཏུ་བརྗོད་པ་དེའི་ཡན་ལག་ཉིད་ནི་མ་ཡིན་
[132a]
[132a.1]ཏེ། སྐུར་བ་འདེབས་པ་ལ་འདིར་སྐྱོན་ཉིད་ཀྱི་ཕྱིར་རོ། །བརྗོད་པ་ཡོད་པར་གྱུར་ཅིག་ཅེས་བྱ་བ་ཡང་ཀུན་ནས་རྒོལ་བའམ་རྣམ་པ་གཞན་གྱིས་སྐུར་བ་འདེབས་པ་དང་། སྐུར་བ་འདེབས་པ་ཉིད་ཀྱིས་ཅི་སྟེ་འཇུག་པའི་རྒྱུ་རྗེས་སུ་འགྲོ་བ་ཙམ་འདི་དཔེ་ཉིད་ཀྱིས་#ཕལ་ཆེ་བ་ཉིད་ལ་
[132a.2]བརྟེན་ནས་ཕལ་ཆེར་སྐུར་བ་འདེབས་པ་འཇུག་པ་ལ་ཞེ་སྡང་གི་རྒྱུ་སྐྱེས་པའི་དབང་གིས་འདིར་གསུངས་པ་ཡིན་གྱི་ཡན་ལག་ཉིད་ཀྱིས་ནི་མ་ཡིན་ནོ། །གཞི་མེད་པའི་དགེ་འདུན་ལྷག་མའོ།། །།ད་#ནི་གཞན་གྱི་ཆ་དང་མཐུན་པའི་དགེ་འདུན་ལྷག་མ་ལ་འདི་ཉིད་ཆོ་ག་མ་ལུས་པ་ཁས་བླངས་ནས་བརྫུན་
[132a.3]དུ་སྨྲ་བས་སོ་ཞེས་སྨོས་པའི་གནས་སུ་འདི་འཐོབ་པས་དེའི་བྱེ་བྲག་འགའ་ཞིག་འདིར་བརྗོད་པར་བྱ་སྟེ། བརྗོད་པར་བྱ་བ་གཞན་ལ་གནས་པའི་ཚིག་གིས་བརྫུན་ནའོ་ཞེས་བྱ་བ་འདི་ཕམ་པར་འགྱུར་བའི་ལས་འདིས་ལྷག་པར་སྤྱོད་པ་ཞེས་བྱ་བ་བརྗོད་པར་བྱ་བ་འདིས་#ལས་གཞན་དུ་དེའི་ཡན་ལག་ཏུ་གྱུར་པའི་རྣམ་
[132a.4]པར་བྲལ་བ་བརྗོད་པར་བྱ་བ་ལ་གནས་པ་གང་ལ་ཡོད་པ་དེ་ནི་བརྗོད་པར་བྱ་བ་གཞན་ལ་གནས་པའི་ཚིག་གོ། །འདི་ལྟ་སྟེ་དཔེར་ན་ཁོ་བོ་ཅག་གིས་ཚེ་དང་ལྡན་པ་གྱད་བུ་ནོར་མཐོང་ངོ་། །དགེ་སློང་མ་ཨུཏྤ་ལའི་མདོག་ཅན་མཐོང་ངོ་། །མི་ཚངས་པར་སྤྱོད་པ་འཁྲིག་པའི་ཆོས་བསྟེན་#པ་མཐོང་ངོ་ཞེས་གང་
[132a.5]གི་ཕྱིར་སྒྲ་དེ་གསུམ་གཅིག་ལ་གཅིག་སྦྱར་བ་དེ་བཞིན་དུ་འདི་རྣམས་ཀྱིས་བརྗོད་པར་བྱ་བའི་དོན་རྣམ་པར་བྲལ་བ་དེའི་ཆར་གྱུར་པའི་ཕམ་པའི་ལས་འདིས་ལྷག་པར་སྤྱོད་པ་དེ་བས་ན་དེ་ལྟར་དེའི་ཆ་དང་རྣམ་པར་བྲལ་བ་སོ་སོར་གྱུར་པ་འདིས་#ཞེས་བྱ་བ་བྱས་ནས་སོ། །འདིར་ཡང་འདི་ཉིད་ཀྱི་ཚིག་ལ་གནས་པ་
[132a.6]སྟེ། དེས་ན་བརྗོད་པར་བྱ་བ་གཞན་ལ་གནས་པའི་ཚིག་གིས་ཕམ་པ་#ལྷག་པར་སྤྱོད་པའི་དགེ་སློང་སུ་ཞིག་ལ་གོ་བར་བྱེད་པ་ལ་དགེ་འདུན་ལྷག་མ་ཞེས་བྱ་བའི་དོན་ཏོ། །ཡང་དག་པར་ཤེས་ནས་ཀྱང་སྐུལ་བར་བྱེད་པ་དང་འབྲེལ་བ་ཕམ་པ་ལྷག་པར་སྤྱོད་པར་གྱུར་པ་ཡིན་ཏེ་བརྗོད་པར་བྱ་བ་གཞན་ལ་
[132a.7]གནས་པའི་ཚིག་གིས་དེ་སྟོན་པ་སྟེ། དེ་བསལ་བའི་ཕྱིར་བརྫུན་ནའོ་ཞེས་བྱ་བ་སྨོས་ཏེ། འོག་མ་སྒྲོགས་པར་འདོད་པའི་འདུན་པས་འདྲ་བའི་དོན་བརྗོད་པ་ལ་སྦོམ་པོའོ་ཞེས་བྱ་བ་རྣམ་པ་འདིས་སྦོམ་པོ་ཐོབ་པ་ལ་ཐ་སྙད་འདི་བཏགས་པའོ། །གཞན་གྱི་ཆ་དང་མཐུན་པའི་དགེ་འདུན་ལྷག་མའོ།། །།
[132b]
[132b.1]མི་བསྟེན་པས་སྐུར་པ་འདེབས་ན་སྦོམ་པོའོ་ཞེས་བྱ་བ་ནི་དགེ་སློང་མ་ལ་ཕོའི་དབང་པོ་མེད་པ་ནི་དཔེར་ན་མ་ནིང་ཕོས་#ལྟ་བུའོ། །དགེ་སློང་ལ་མོའི་དབང་པོ་མེད་པ་ནི་དཔེར་ན་མ་ནིང་མོས་སྐུར་པ་འདེབས་ན་ཡང་སྦོམ་པོའི་#ཁ་ན་མ་ཐོ་བའོ། །དེ་ཡང་འདིའི་#དབང་དུ་མ་བྱས་ཤིང་ཁ་དང་བཤང་བའི་ལམ་ཞེས་བྱ་བར་
[132b.2]རིག་པར་བྱའོ། །མིང་མ་སྨོས་པ་ཡང་ངོ་ཞེས་བྱ་བ་ནི་ཉམས་པར་བྱ་བའི་མིང་མ་སྨོས་པར་སྐུར་པ་འདེབས་ན་ཡང་སྦོམ་པོའོ། །འདིར་གཞུང་ནི་ཞུ་བ་ཁ་ཅིག་ལས། དགེ་འདུན་གྱི་དབུས་སུ་ངེས་པ་མེད་པར་འདི་སྐད་ཅེས་མི་ཚངས་པར་སྤྱོད་པ་བྱས་སོ། །མ་ཤ་ཀ་ལྔ་ལས་ལྷག་པ་#བརྐུས་སོ། །མི་
[132b.3]སྲོག་དང་ཕྲལ#་ལོ། །མི་ཆོས་བླ་མ་ཡང་དག་པ་མ་ཡིན་པ་སྨྲས་སོ་ཞེས་ཟེར་ཞིང་། བདག་ནི་ཆེ་གེ་མོས་སོ་ཞེས་མི་ཟེར་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་དགེ་འདུན་གྱི་དབྱེན་བྱས་པའོ་ཞེས་བྱ་བ་ནི་མཚམས་མེད་
[132b.4]པ་འདི་གཉིས་ནི་སྦོམ་པོའོ། །མི་གསོད་པ་དང་དགེ་འདུན་གྱི་དབྱེན་གྱི་ལྷག་མ་དབྱེ་བར་བརྟུལ་བ་ནི་སྤོང་བའི་ཕྱོགས་ལ#། འདི་དག་ལ་གོ་རིམས་#ཇི་བཞིན་དུ་སྦོམ་པོའི་ལྟུང་བ་ཡིན་གྱི་སྐུར་པ་འདེབས་པའི་ཕྱོགས་པ་ནི་མ་ཡིན་ཞེས་བྱ་བར་རིག་པར་བྱའོ། །དེ་གཉིས་ཀྱིས་སྐུར་པ་འདེབས་ན་ཉེས་བྱས་སུ་#
[132b.5]རྣམ་པར་གནས་པ་ཡིན་ནོ། །བསམས་ཏེ་སྨྲས་སོ་ཞེས་བྱ་བ་ལ་སོགས་པས་གཞོགས་སྨོས་བྱེད་ན་ཉེས་བྱས་སོ་ཞེས་བྱ་བ་ནི་འདིར་སོགས་པ་ཞེས་བྱ་བའི་སྒྲ་ནི་རྣམ་པ་གཞན་བསྟན་པའི་ཕྱིར་རོ། །བསམས་ཏེ་སྨྲས་སོ་ཞེས་བྱ་བ་ནི་འདི་ལྟ་བུའི་རྣམ་པ་མཚོན་པར་བྱེད་པ་ལ་ཉེས་བྱས་སོ། །འདིར་
[132b.6]གཞུང་ནི་ཞུ་བ་ཁ་ཅིག་གི་གཞུང་ལས་དགེ་སློང་སྟན་ལས་ལངས་ཏེ་བདག་གིས་བསམས་ཏེ་སྨྲས་སོ་ཞེས་ཟེར་ཞིང་སྐྱེ་བོ་ཐམས་ཅད་ལ་ཉེས་བྱས་སུ་འགྱུར་རོ་ཞེས་བྱ་བ་ལྟ་བུའོ། །བག་ཙམ་ལ་ཡང་རྣམ་པ་དེ་དག་ཤེས་པར་བྱས་ཏེ#། བདག་གིས་དགེ་སློང་མ་ཆེ་གེ་མོ་ཞེས་བྱ་བ་མ་ནིང་ཕོ་དང་མི་ཚངས་
[132b.7]པར་སྤྱོད་པ་འཁྲིག་པའི་ཆོས་བསྟེན་པ་མཐོང་ངོ་ཞེས་བྱ་བ་ལ་སོགས་པའོ། །གཞི་མེད་པའི་དང་བག་ཙམ་གྱི་ཞུ་བའོ།། །།#གཞན་གྱི་འཁོར་ཁ་འདྲེན་ན་སྦོམ་པོའོ་ཞེས་བྱ་བ་ནི་ཕྲན་ཚེགས་རྣམས་ལས་འདི་འབྱུང་ངོ་། །དགེ་འདུན་གྱི་དབྱེན་ལ་སོགས་པའི་དགེ་འདུན་ལྷག་མ་བསྒོ་བ་ལས་བྱུང་བ་བཞི་པོ་
[133a]
[133a.1]རྣམས་ཀྱི་ཐུན་མོང་གི་རྣམ་པ་བརྗོད་པར་བྱ་སྟེ། བཟློག་པའི་ཚུལ་གྱིས་མི་གཏོང་བར་རྗེས་སུ་བསྒྲུབ་པའི་རང་བཞིན་ནི་རྗེས་སུ་མཐུན་ནོ་ཞེས་བྱ་བ་ནི་འཆད་པར་འགྱུར་བ་དག་ལས་དགེ་འདུན་གྱི་དབྱེན་བྱེད་པ་ལ་འཇུག་པས་ཞེས་བྱ་བ་འདི་ལྟ་བུ་ལ་སོགས་པ་མི་གཏོང་བའི་བདག་ཉིད་
[133a.2]ཅན་རྗེས་སུ་བསྒྲུབ་པ་ལ་གང་ཞིག་གི་ངོ་བོ་ལུས་ངག་གིས་གོ་བར་གྱུར་པ་ལའང་ཅང་མི་སྨྲ་བའི་ངོ་བོས་རྗེས་སུ་མཐུན་པར་གྱུར་པའམ། གཉིས་ཀའི་བདག་ཉིད་ཅན་བཟློག་པའི་ཚུལ་གྱིས་དེ་རྗེས་སུ་འགྲོ་བའོ། །གང་གི་ཕྱིར་བཟློག་པ་དང་འབྲེལ་པའི་སོ་སོར་ཉེ་བར་གནས་པ་ཞེས་བྱ་བ་འདི་ལ་མི་གཏོང་
[133a.3]བར་རྗེས་སུ་བསྒྲུབ་པའི་རང་བཞིན་ནོ། །དེ་བས་ན་བཟློག་པའི་ངོ་བོས་རྗེས་སུ་འགྲོ་བར་རིགས་པ་ཡིན་ནོ། །གཅིག་ཏུ་བཟློག་པ་ལ་དེ་དང་འབྲེལ་པའི་མི་གཏོང་བའི་རྗེས་སུ་བསྒྲུབ་པ་ལ་གཅིག་པ་ཉིད་དང་། གཞན་ལ་ནི་གཞན་ཉིད་དང་། སྦྱོར་བར་གྱུར་པ་ལ་སྦྱོར་བར་འགྱུར་བ་ཉིད་དང་། མཐར་ཐུག་
[133a.4]པར་གྱུར་པ་ལ་མཐར་ཐུག་པར་འགྱུར་བ་#ཉིད་ཅེས་བྱ་བ་འདི་ལ་འདི་བྱེད་པའོ། །གསོལ་བ་ནི་བཟློག་པ་དང་འདྲ་བ་ཉིད་དོ་ཞེས་བྱ་བ་ནི་འདིར་ཡང་མི་གཏོང་བ་ལ་བྱེད་པ་པོ་ཉིད་དོ་ཞེས་བྱ་བའི་དོན་ཏོ། །བཟློག་པར་བྱ་བ་ཉིད་#ལ་འདི་ཁས་ལེན་པ་སྟེ། བཟློག་པ་ལ་ནི་མ་ཡིན་ནོ་ཞེས་བྱ་བའི་རྩོམ་པ་འདིའོ། །
[133a.5]བསྒྲུབ་པ་འདི་ནི་བཟློག་པའི་དོན་ཅན་ཉིད་དེ། དེ་བས་ན་བཟློག་པའི་དབང་ཅན་གྱི་ཉེས་པ་བསྐྱེད་པའོ། །ཚིག་གི་སྐད་ཅིག་མ་གཅིག་ཉིད་དོ་ཞེས་བྱ་བ་ནི་ཆ་ཤས་རེ་རེ་ལ་ཡང་འདིར་ཆ་རེ་རེ་ནི་སོ་སོར་གཅོད་པ་ལ་ནི་ལྟུང་བ་མེད་དོ། །འདིར་ཤིན་ཏུ་རིང་བ་གཅིག་ཉིད་ལ་ཡང་ལྟུང་བ་གཅིག་ཉིད་དོ། །གང་ཞིག་
[133a.6]གང་དུ་དངོས་གཞིའི་དུས་དེའི་དུས་ལས་འབྱུང་བའི་རྣམ་པར་རིག་པ་དང་རྣམ་པར་རིག་པ་མ་ཡིན་པ་དག་ལ་ལྟུང་བ་བྱས་པ་ཉིད་དོ། །དེའི་བདག་ཉིད་དུ་གྱུར་པ་གཞན་དག་ལ་རྣམ་པར་འགྱུར་བ་ཉིད་ཀྱི་ཕྱིར་ལྟུང་བ་རྣམ་པར་གཞག་པ་ལ་མཐོང་བའོ། །འདིར་གཞུང་ནི་གསོལ་བ་བྱེད་པ་ན་གཞི་དེ་གཏོང་
[133a.7]ན་དེ་ལྟ་ན་ལེགས། གལ་ཏེ་མི་གཏོང་ན་དེ་ལ་བརྗོད་པར་བྱས་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་ཡིན་ནོ། །སྐད་ཅིག་མ་གང་ལ་ཕལ་ཆེར་བྱས་པ་ཉིད་གང་ཡིན་པ་#ནི་འདིར་དངོས་གཞིའི་དུས་#ཤེས་པར་བྱའོ། །བཟླས་པ་ནི་ཐ་དད་པ་ཉིད་དོ་ཞེས་བྱ་བ་ནི་ལས་སོ་སོ་ལ་ཟློག་པར་བྱེད་པ་ནི་ཐ་དད་པའོ། །
[133b]
[133b.1]དང་པོ་འདི་དག་ལ་སོ་སོར་སྦོམ་པོ་སྟེ། ཕྱི་མ་ནི་དངོས་གཞིའོ་ཞེས་བྱ་བ་གང་ཞིག་བརྗོད་པ་དེ་བས་ན་མདོ་འདི་བརྩམས་པའོ། །མཇུག་སྡུད་པ་ནི་མ་ཡིན་ནོ་ཞེས་བྱ་བ་ནི་དགེ་འདུན་གྱིས་བཟོད་ཅིང་གནང་ནས་ཞེས་བྱ་བ་ལ་སོགས་པའི་མཇུག་སྡུད་པ་ལ་སོ་སོ་ཉིད་མ་ཡིན་ནོ། །བྱས་པ་ནི་གོ་བར་བྱ་བ་ཙམ་ཉིད་
[133b.2]ཀྱི་ཕྱིར་ལྷག་མ་ལྟར་དངོས་གཞིའི་དུས་ཀྱི་ཐ་མ་རྒྱུན་ལས་འདི་ལ་སྔོན་དུ་ཞུགས་པ་རྣམ་པར་གནས་པ་ཡིན་ནོ། །སྔར་སྔོན་དུ་འདི་ལ་ཞུགས་པ་གང་དུ་རིགས་པ་མ་ཡིན་ཏེ་ཕྱི་མ་བསྒྲུབ་པ་ལ་རིགས་པ་ཡིན་ཞེ་ན། དེའི་ཕྱིར་འཇུག་པ་ཉིད་ནི་སྦྱོར་བ་ཉིད་དོ་ཞེས་བྱ་བ་ནི་དགེ་འདུན་གྱི་དབྱེན་བྱ་བ་ལ་བརྩམས་པ་ལ་
[133b.3]སོགས་པའི་འཇུག་པ་ནི་སྦྱོར་བ་ཉིད་དེ། དུས་གང་ཞིག་ལ་འཇུག་པ་གང་ཡིན་པ་ཞེས་བྱ་བ་འདིར་ཁྱད་པར་མ་བརྗོད་#པས་སྔར་ཡང་བཞམས་ཏེ་བསྒོ་བ་ལ་སོགས་པའི་འོག་ཏུ་འམ་གསོལ་པ་ལ་སོགས་པའི་བར་དུ་ཡང་ཞེས་བྱ་བ་ཤེས་པར་བྱའོ། །མ་གཏད་པའི་ཕྱིར་ཤིན་ཏུ་དམན་པ་འཇུག་པ་འདི་ཡིན་
[133b.4]ཏེ། དེ་བས་ན་འདིས་དེ་མ་ཐག་པའི་མི་གཏོང་བ་ལ་སྦྱོར་བ་ཉིད་དུ་གྲགས་པར་འགྱུར་རོ། །བསྐྲད་པའི་ལས་མ་བགྱིས་པར་ཡང་འདུན་པས་འགྲོ་བ་ལ་སོགས་པ་ཉིད་ཀྱིས་འགྲོ་བར་བྱེད་པ་ལ་འདི་ལས་སྦྱོར་བ་ཉིད་ཐལ་བ་དང་། བསྐྲད་པ་དང་གླེང་བ་དང་དྲན་པར་བྱེད་དུ་འཇུག་པ་ལ་ཡང་བརྩམ་#པར་བྱ་བ་
[133b.5]ཉིད་གོ་བར་བྱེད་པས་དེ་བསལ་བར་བྱ་སྟེ། བསྐྲད་པ་དང་གླེང་བ་དང་དྲན་པར་མ་བྱས་པར་དེའི་འོ་ཞེས་བྱ་བ་ནི་གནས་འདི་ལ་སྦྱོར་བ་འཇུག་པའི་ཕྱིར་རོ#། །སྦྱོར་བ་ཉིད་དེ་དངོས་གཞིའི་ལ་ནི་མ་ཡིན་ཞེས་བྱ་བའི་དོན་ཏོ། །འདིར་གཞུང་ནི་ཞུ་བ་ལས། བསྐྲད་པའི་ལས་མ་བགྱིས་#པར་དེ་འདུན་པས་
[133b.6]མཆིའོ་ཞེས་བགྱི་བ་དང་། ཞེ་སྡང་གིས་མཆི་བ་དང་། གཏི་མུག་གིས་མཆི་བ་དང་། འཇིགས་པས་མཆིའོ་ཞེས་བགྱི་བའི་བར་དུ་མཆི་ན། ལྟུང་བ་ཅིར་འགྱུར་ཉེས་བྱས་སུ་འགྱུར་རོ། །བསྒོ་བར་བགྱི་འམ་འོན་ཏེ་བསྒོ་བར་མི་བགྱི། བཀའ་སྩལ་པ། བསྒོ་བར་མི་བྱའོ། །བསྒོ་བ་འཆགས་#
[133b.7]སམ་མི་འཆགས། བཀའ་སྩལ་པ། མི་འཆགས་སོ། །གླེང་བར་མ་བགྱིས་དྲན་པར་མ་བགྱིས་པར་བདག་ཉིད་ངག་མི་ཉན་པ་ཉིད་དུ་འཇོག་པར་བགྱིད་ན་ལྟུང་བ་ཅིར་འགྱུར་ཉེས་བྱས་སུ་འགྱུར་རོ། །བསྒོ་བར་བགྱི་འམ་འོན་ཏེ་བསྒོ་བར་མི་བགྱིད#། བཀའ་སྩལ་པ་བསྒོ་བར་མི་བྱའོ། །བསྒོ་བ་འཆགས་
[134a]
[134a.1]སམ་མི་འཆགས། བཀའ་སྩལ་པ། མི་འཆགས་སོ་ཞེས་གསུངས་པ་ཡིན་ནོ། །སླར་ཅིའི་ཕྱིར་གནས་སྐབས་འདི་ལ་ནི་ཉེས་བྱས་བསྐྱེད་པ་སྟེ། འདི་ལ་ཤིན་ཏུ་མངོན་པར་ཞེན་པ་གཞན་གནས་པའི་ཕྱིར་ཤིན་ཏུ་སྡིག་པའི་བསམ་པ་ཤས་ཆུང་བ་ལ་ཇི་ལྟར་དྲན་པར་བྱེད་པ་མ་ཚང་
[134a.2]བས་#མེད་པའོ། །ཁ་ན་མ་ཐོ་བ་མ་ཡིན་པ་དག་ཉིད་ལ་དྲན་པ་རྙེད་པས་ཡིད་ལ་གནས་པའི་ཕྱིར་བརྩོན་པ་ངན་པ་ཉིད་ཀྱིས་དྲན་པར་མི་བྱེད་ཅིང་གླེང་བ་ལ་སྡིག་པ་དང་བཅས་པ་ཉིད་མཐོང་ཤིང་ཚིག་གི་#སྒོ་ནས་མཐུ་དང་ལྡན་པ་ཉིད་སྡིག་པའི་བསམ་པ་ཅན་ལ་སོ་སོར་ཉེ་བར་གནས་པར་འགྱུར་རོ། །བརྩོན་
[134a.3]པ་བཟང་བ་ཉིད་ཀྱང་བསམས་པར་གྱུར་པ་ལ་གླེང་བ་ལ་གནས་པ་ཉིད་དོ། །གླེང་བར་བྱེད་པ་པོ་ལ་#གནས་པ་ཡིན་ཏེ། གླེང་བ་ནི་ཕྱོགས་གཅིག་ཏུ་གྱུར་པའོ། །འདིར་གླེང་བ་ཡོངས་སུ་རྫོགས་པར་གྱུར་པ་དྲན་པར་བྱེད་པ་ལ་འདོད་པ་ཡིན་ནོ། །གང་ཞིག་མེད་པར་བསྟན་པ་བཟུང་བས་རྩོམ་#པ་པོའམ།
[134a.4]བདག་ཉིད་གླེང་བའི་བསམ་པ་མ་ཡིན་པ་དེ་ནི་འདིར་དྲན་དུ་འཇུག་པར་ཤེས་པར་བྱའོ། །ཚིག་འདི་གཉིས་ཀྱིས་ནི་གླེང་བ་ཡོངས་སུ་རྫོགས་པར་བྱས་པ་ཡིན་ནོ། །དེ་ལྟ་བུའི་གླེང་བ་པོ་ཉིད་མེད་པ་ལ་ཉེས་བྱས་སུ་ཞེས་བྱའོ། །དེ་ལ་ནི་བསྒོ་བར་མི་བྱའོ་ཞེས་བྱ་བ་ནི། བསྐྲད་པར་མ་བགྱིས་པ་ལ་གླེང་བ་དང་།
[134a.5]དྲན་པར་མ་བྱས་པ་ལ་བྱེ་བྲག་ཡོངས་སུ་མ་བཟུང་བས། བཞམས་ཏེ་བསྒོ་བ་ལས་ཀྱང་སྟེ་ལས་གཅིག་པུས་མ་ཡིན་ནོ་ཞེས་བྱ་བ་རྟོགས་པར་བྱའོ། །དེ་དག་ལ་བཞམས་པ་དང་། ལས་ཀྱིས་མི་བསྒོ་བར་མི་བྱའོ་ཞེས་བྱ་བ་ནི་དགེ་འདུན་གྱི་དབྱེན་བྱེད་པ་ལ་རྩོལ་བ་ལ་སོགས་པ། འདི་རྣམས་ལ་
[134a.6]གཞམས་#ཏེ། བསྒོ་བའི་ལས་ཀྱིས་མི་བསྒོ་བར་མི་བྱའོ། །དགེ་སློང་དག་ཁྱེད་ཀྱིས་བསྒོ་བར་གྱིས་ཤིག་ཅེས་བྱ་བ་ལ་སོགས་པས་བཞམས་ཏེ་བསྒོ་བའི་ལས་ཀྱིས་བྱས་པ་དག་ལ་བསླབ་པའི་གཞི་འདི་རྣམས་ལ་གོ་བར་བྱེད་པ་དག་ལ་བསྡུས་པ་#འདི་ཡིན་ནོ། །སྐྱོན་རབ་ཏུ་ཞི་བའི་དོན་དུ་འདི་བྱས་པའོ། །
[134a.7]སྐྱོན་ལ་ལྟོས་པ་ནི་མི་རིགས་པ་སྟེ་ཞེས་བྱ་བ་ངེས་པར་བྱ་བ་ཉིད་ཀྱིས་བསམས་#པས་འདི་ཤེས་པའོ། །འདིར་ལས་ཀྱིས་ཞེས་བྱ་བ་ཚིག་གཅིག་གིས་ཀྱང་དོན་འགྲུབ་པའོ། །དགེ་འདུན་བྱེད་པ་པོ་ཉིད་ཀྱི་ཕྱིར་བཞམས་ཏེ་བསྒོ་བ་ཞེས་བྱ་བ་འདིའི་དོན་དུའོ། །མི་བསྒོ་བར་མི་བྱའོ་ཞེས་བྱ་བ་མང་པོའི་
[134b]
[134b.1]ཚིག་བཟུང་བའོ། །འདིར་དགེ་འདུན་གྱི་བྱེད་པ་པོ་ཉིད་མ་ཡིན་ཏེ་གནས་མ་ཡིན་པ་ཉིད་ཀྱི་ཕྱིར་རོ། །དེ་ལྟར་ཡང་འདི་དགེ་སློང་མང་པོ་རྣམས་ཀྱིས་བཞམས་ཏེ་བསྒོ་བས་བསྒོ་བ་དེ་འདིར་#དགེ་སློང་མང་པོ་རྣམས་ཀྱིས་བཞམས་ཏེ་བསྒོ་བར་#གནང་བར་གྱུར་པ་ན་ཞེས་བྱ་བའི་ཚིག་འདིར་མང་པོར་གྱུར་པ་རྣམས་
[134b.2]ཀྱིས་དེར་འཇུག་པར་བྱ་སྟེ། མང་པོ་མ་ཡིན་པ་རྣམས་ཀྱིས་ནི་མ་ཡིན་ནོ་ཞེས་བྱ་བ་འདི་བསྟན་པའི་དོན་དུ་མང་པོའི་ཚིག་ལ་དགོངས་པ་ཉིད་དོ། །གང་དུ་བསྒོ་བ་ལས་གྱུར་པའི་དགེ་འདུན་#ལྷག་མ་རྣམས་ཤེ་ན། དེའི་ཕྱིར་དེའི་མཐའ་ལ་མི་གཏོང་ནའོ་ཞེས་བྱ་བ་སྨོས་ཏེ། དེའི་འདི་ལས་ཀྱི་#
[134b.3]གལ་ཏེ་ཞེས་བྱ་བ་སྨོས་པ་ལ་བསྒོ་བའི་མཐའ་སྟེ། ཐ་མ་ལ་མི་གཏོང་བ་གང་ཡིན་པ་དེ་ལ་ཞེས་བྱ་བའི་དོན་ཏོ། །ད་ནི་འདི་བསྒོ་བར་བྱེད་པ་ཐུན་མོང་བ་སྟེ་བསྒོ་བར་བྱེད་པ་ལས་སྐྱེས་པའི་དགེ་འདུན་གྱི་ལྷག་མ་རྣམས་ལ་བརྩམས་ལ་#སོ་སོ་དང་འབྲེལ་པ་རིམ་པ་ཇི་ལྟ་བ་བཞིན་དུ་བརྗོད་པར་བྱ་སྟེ།
[134b.4]དོན་གང་མི་གཏོང་ན། དགེ་འདུན་གྱི་དབྱེན་བྱེད་པའི་དགེ་འདུན་ལྷག་མར་འགྱུར་ཞེ་ན། དེའི་ཕྱིར་བརྟུལ་བར་བྱེད་པ་ཉིད་དོ་ཞེས་བྱ་བ་སྨོས་ཏེ། གང་ལ་བརྟུལ་བར་བྱེད་པ་ཉིད་ཅེ་ན་དེའི་ཕྱིར་དབྱེན་ལའོ་ཞེས་བྱ་བ་སྨོས་སོ། །གང་གི་ཕྱིར་དབྱེན་བྱེད་པ་ལ་ཞེ་ན། དེའི་ཕྱིར་དགེ་འདུན་གྱིའོ་ཞེས་
[134b.5]སྨོས་ཏེ། དགེ་འདུན་གྱི་དབྱེན་ལའོ། །དབྱེན་བྱེད་པའི་དགེ་འདུན་ལྷག་མའོ། །གང་ཞིག་མི་གཏོང་ན་དེའི་རྗེས་སུ་ཕྱོགས་པ་དགེ་འདུན་ལྷག་མར་འགྱུར་ཞེ་ན། དེའི་ཕྱིར་དེའི་གྲོགས་ཉིད་རྗེས་སུ་སྒྲུབ་པར་བྱེད་པའོ་ཞེས་བྱ་བ་སྨོས་ཏེ། དེ་དང་འབྲེལ་པ་དེར་དགེ་འདུན་གྱི་དབྱེན་དང་འབྲེལ་པའི་གྲོགས་#
[134b.6]ནི་དེའི་གྲོགས་ཉིད་དོ། །དེ་ལ་#རྗེས་སུ་བསྒྲུབ་པ་ཉིད་ནི་ཤིན་ཏུ་དམན་པ་ཉིད་ཀྱི་ཕྱིར་རོ། །སྔོན་ནས་འཇུག་པ་འདི་ལ་ན་སྨད་པ་ཐོབ་པ་ཉིད་ལ་འདི་བཏགས་པའོ། །རྗེས་སུ་ཕྱོགས་པའི་དགེ་འདུན་ལྷག་མའོ།། །།#གང་ཞིག་མི་གཏོང་ན་ཁྱིམ་སུན་འབྱིན་པའི་དགེ་འདུན་ལྷག་མར་འགྱུར་ཞེ་ན།
[134b.7]དེའི་ཕྱིར་རང་སྐྲོད་པར་བྱེད་པའི་དགེ་འདུན་ལ་ལོག་པའི་བསམ་པས་དེ་དེ་ལ་དེ་ལྟར་ཞུགས་སོ་ཞེས་བརྫུན་དུ་སྨྲ་བ་ཉིད་དོ་ཞེས་བྱ་བ་སྨོས་ཏེ། འདིའི་བདག་ཉིད་ཀྱི་རང་སྐྲོད་པ་ལ་དགེ་འདུན་གང་ཞིག་བྱེད་པ་པོ་དེར་འདི་ལ་ཁོ་བོ་ཅག་གི་#སྐྲོད་པ་ལ་ལས་གོ་བར་བྱ་བ་ལ་འཇུག་པར་གྱུར་པ་ལ་ལོག་པའི་བསམ་
[135a]
[135a.1]པས་འདུན་པ་དང་ཞེ་སྡང་དང་འཇིགས་#པ་དང་རྨོངས་པ་དང་སྡུག་བསྔལ་གྱིས་འབྱུང་བར་འགྱུར་བ་ཞེས་བྱ་བ་ལོག་པར་སྨྲ་བ་པོ་ཉིད་གང་ཡིན་པའི་རྣམ་པ་དེ་ལྟ་བུའི་བརྫུན་དུ་སྨྲ་བ་རྣམ་པ་དེ་ལྟ་བུའི་ཚིག་གིས་མཐའ་མར་མ་བཏང་བ་ལའོ། །ཁྱིམ་སུན་འབྱིན་པའི་དགེ་འདུན་ལྷག་
[135a.2]མ་སྟེ་བཅུ་གཉིས་པའོ།། །།གང་ཞིག་མི་གཏོང་ན་བཀའ་བློ་མི་བདེ་བའི་དགེ་འདུན་ལྷག་མར་འགྱུར་ཞེ་ན། དེའི་ཕྱིར་དགེ་སློང་གིས་ལྷག་པའི་ཚུལ་ཁྲིམས་ཀྱིས་གླེང་བ་ཉིད་ན་བདག་ཉིད་ཀྱི་དེ་ལ་དགེ་སློང་དག་གིས་བརྗོད་པར་མི་བྱ་བ་ཉིད་དུ་བྱེད་པའོ་#ཞེས་བྱ་བ་སྨོས་ཏེ། དགེ་སློང་གིས་
[135a.3]ལྷག་པའི་ཚུལ་ཁྲིམས་ཀྱིས་གླེང་བ་#ཉིད་ན་འདིར་བདག་ཉིད་དང་འབྲེལ་པའི་ལྷག་པའི་ཚུལ་ཁྲིམས་ལ་དགེ་སློང་རྣམས་ཀྱིས་བརྗོད་པར་མི་བྱ་བ་ཉིད་ལ་#བྱེད་པ་གང་ཡིན་པ་དེ་ལ་ཞེས་བྱ་བའི་དོན་ཏོ། །ཕྱོགས་བཅུ་ན་གནས་པའི་དེ་བཞིན་གཤེགས་པ་ཐམས་ཅད་ཀྱི་དགེ་སློང་གི་དགེ་འདུན་ལ་འདིར་དགེ་
[135a.4]སློང་རྣམས་ཀྱིས་ཞེས་བྱ་བ་བརྗོད་པ་ཉིད་དུ་རིག་པར་བྱའོ། །ལྷག་པའི་ཚུལ་ཁྲིམས་ཞེས་བྱ་བ་ནི་འདིར་འདུལ་བའི་རྣམ་པ་ཐམས་ཅད་བསྟན་པ་ཡིན་ནོ། །ཡོངས་སུ་གཅོད་པ་བརྗོད་པར་མི་བྱ་བ་ཉིད་བྱེད་པ་ལ་ཇི་སྲིད་དུ་ཅུང་ཟད་དགེ་སློང་ཞེས་བྱ་བ་འདིས་ཉེས་བྱས་སུ་བྱ་བ་ཉིད་དུ་རིག་པར་བྱའོ། །བསླབ་
[135a.5]པའི་གཞི་རྣམས་ཀྱིས་ཀྱང་རྣམ་པར་གཅོད་པར་#བརྗོད་པར་མི་བྱ་བ་ཉིད་བྱེད་པ་ལ་ཉེས་བྱས་ཉིད་དོ། །སོ་སོ་ཉིད་ཐོབ་པ་ལ་འདི་ནི་ཁ་ན་མ་ཐོ་བ་སྟེ། ཡོངས་སུ་གཅོད་པའི་བསླབ་པའི་གཞི་རྣམས་ཀྱིས་བརྗོད་པར་མི་བྱ་བ་ཉིད་བྱེད་པ་ནི་སོ་སོ་ཉིད་ཐོབ་པ་མ་ཡིན་ནོ། །དེ་བས་ན་འདིར་སྦོམ་པོ་མི་བསྐྱེད་#པ་ཉིད་
[135a.6]དོ། །དེར་ཉེས་བྱས་ཉིད་དེ་#མི་མཛེས་པ་ཉིད་ཀྱི་ཕྱིར་རོ། །བཀའ་བློ་མི་བདེ་བའི་དགེ་འདུན་ལྷག་མའོ། །དགེ་འདུན་ལྷག་མ་རྣམས་རྫོགས་སོ།། །།ཉིན་མཚན་གྱི་དང་པོ་མ་ཡིན་པ་ལ་ཐ་མ་མ་ཡིན་པ་མེད་པ་ཉིད་དོ་ཞེས་བྱ་བ་ནི་ཆོ་ག་ཐམས་ཅད་ཀྱི་དབང་དུ་བྱ་བ་མདོ་འདི་#དང་མདོ་འོག་མ་གཉིས་
[135a.7]ཀྱང་དེའི་ཁ་ན་མ་ཐོ་བའི་ཡན་ལག་ཏུ་གྱུར་པ་དང་པོའོ། །ཉིན་མཚན་གང་ལ་ཉིན་མཚན་གྱི་དང་པོ་མེད་པ་དེ་ནི་དང་པོ་མ་ཡིན་པའོ། །དེའི་མཐའི་ཐ་མ་ལ་མཐར་ཐུག་པར་གྱུར་པའི་སྐད་ཅིག་མ་གང་ཡིན་པ་དེ་ལས་གཞན་ལ་ཡོད་པ་ཉིད་ནི་ཡོད་པ་#ཉིད་མ་ཡིན་པ་ཞེས་བྱ་བའི་དོན་ཏོ། །ཞག་བཅུ་འདས་པར་
[135b]
[135b.1]བྱེད་པ་ལ་གང་ཞིག་སྤང་བ་རྣམ་པར་གཞག་པ་ཟླ་བ་གཅིག་འདས་པ་དང་། ཞག་དྲུག་འདས་པ་དང་ཞག་བདུན་འདས་པ་ལ་ཕྱི་མའི་ཆ་ཙམ་ཡོད་པ་ལ་ཡང་དེར་གཞན་ཉིན་ཞག་གཅིག་#པའི་དང་པོ་ཉིད་དོ། །མཐར་འབྱུང་བའི་ཆ་ལ་བསྐྲད་པ་བརྗོད་པ་སྟེ། དང་པོ་འགའ་ཞིག་ལ་ནི་མ་ཡིན་ཏེ་ཞེས་བྱ་བ་
[135b.2]འདི་ལ་འདི་བྱེད་པའོ། །འདིར་ལུང་ནི་འཆང་བ་འམ་#བསླབ་པའི་གཞི་ལས་དགེ་སློང་གིས་ཚེས་གཅིག་ལ་ཆོས་གོས་རྙེད་དམ་ཚེས་ལྔ་ལ་ལྷུང་བཟེད་རྙེད་ན་ཞེས་གསུངས་པས་ཚེས་འདིའི་#དང་པོ་ཐུན་ཚོད་ངེས་པར་མ་སྨོས་པར་ཚེས་བཅུ་གཅིག་གི་ཉིན་པར་སྐྱ་རེངས་#ཤར་ན་སྤང་བའི་ལྟུང་བྱེད་དུ་འགྱུར་ཞེས་
[135b.3]གསུངས་པ་ཡིན་ནོ། །གང་གི་ཕྱིར་འདིས་ཚིག་བསྟན་པར་འགྱུར་ཏེ། མཐའ་མ་ལས་གཞན་པའི་ཉིན་མཚན་གྱི་ཆ་རྣམས་ལ་ཉིན་མཚན་གྱི་ཡན་ལག་རྣམས་ལ་#ཡོད་པ་མ་ཡིན་པ་ཉིད་གང་གི་ཕྱིར་འདི་རྣམས་ཡོད་པ་ཉིད་ལ་འདི་ནི་འདི་སྐད་ཅེས་ཚེས་གཅིག་གི་#སྔ་དྲོ་ཞིག་ལ་ཞེས་བྱ་བ་བརྗོད་པར་བྱ་བ་སྐྱེ་བར་
[135b.4]འགྱུར་རོ། །གནས་པ་ལ་ནི་སྦྱོར་བའི་སྣོད་ཉིད་དོ་ཞེས་བྱ་བ་ནི་བསྙེན་པར་མ་རྫོགས་པ་དང་ལྷན་ཅིག་གནས་པ་དང་བསྙེན་པར་རྫོགས་ན་ཡང་ལྟ་བའི་རྣམ་པ་མི་གཏོང་བ་དང་ལྷན་ཅིག་གནས་པ་དང་། དགེ་ཚུལ་བསྙིལ་བ་དང་ལྷན་ཅིག་#གནས་པ་དང་། མཚན་མི་མཐུན་པ་དང་གནས་པ་དང་།# མཚན་
[135b.5]མི་མཐུན་པ་དང་གནས་གཅིག་ན་ལྷན་ཅིག་ཉལ་བ་#དང་། སྣང་བ་དང་བཅས་པ་དང་དམག་གི་ནང་ན་གནས་པ་ལ་སྦྱོར་བའི་སྣོད་ཉིད་ཡིན་པའོ། །མཐའ་ཡས་པ་གནས་པ་ཉིད་ནི་སྦྱོར་བ་ཉིད་དོ། །དེའི་ཡུལ་ལྷན་ཅིག་ཉལ་བ་ལ་ཕྱོགས་སྔ་མ་རྣམས་དང་དམག་གི་ནང་དུ་གནས་པ་ལ་ཉེས་པ་མེད་པ་
[135b.6]ཉིད་མ་ཡིན་ཞེས་བྱ་བའི་དོན་ཏོ། །འདིར་མཚན་མོ་ཙམ་ལ་དམག་གི་ནང་ན་འདུག་པ་མ་གཏོགས་པ་གནས་ན་མལ་ཆ་བཟུང་བའི་ཕྱིར་རོ། །གང་གི་ཕྱིར་མཚན་མོ་ལམ་ལ་རབ་ཏུ་གྲགས་པ་ཡིན་པ་སྟེ། དེ་དག་གི་མཚན་མོ་གསུམ་པ་ལ་འདྲོན་པ་དག་ཕྱི་རོལ་དུ་དགར་བར་བྱའོ་ཞེས་གསུངས་པ་
[135b.7]ལས་མཚན་མོ་ཞེས་སྨོས་པའི་ཕྱིར་རོ། །དེ་བས་ན་མཚན་མོ་དང་འབྲེལ་པ་འདི་རྣམས་ལ་མལ་དང་ལྷན་ཅིག་སྦྱོར་བར་རྟོགས་པར་བྱའོ། །དམག་གི་ནང་ན་གནས་པ་ལ་ཉེས་པ་དང་ལྡན་པ་ཉིད་དོ། །དེ་བས་ན་ཉིན་མོ་ཡང་འདིར་གནས་པར་སྦྱོར་བ་ལ་ཞུགས་པའོ། །དེའི་དང་པོ་ནི་སྐྱ་རེངས་དང་པོ་དེའིའོ་
[136a]
[136a.1]ཞེས་བྱ་བ་ལ་#ཉིན་མཚན་དེའི་དང་པོ་ནི་སྐྱ་རེངས་#དང་པོ་གང་ཡིན་པ་དེ་#ཡིན་པར་རིག་པར་བྱའོ། །ཞག་ནི་ཉིན་མཚན་གྱི་དང་པོ་སྟེ། ངེས་པར་འབྱུང་བར་འགྱུར་བ་#ངོ་བོ་ཉིད་ཀྱི་ཕྱིར་རོ། །ཉིན་མོ་དང་མཚན་མོ་ལ་སྣང་བ་ནི་ཞག་གི་ངོ་བོའོ། །སྐྱ་རེངས་#དང་པོ་ལ་སོགས་
[136a.2]པ་ཡང་ཉིན་མོ་ལ་སོགས་པའི་སྣང་བ་ལ་དང་པོ་ཞེས་བྱ་བ་འདི་ལྟར་མདོ་བྱས་པའོ། །ལས་ལ་ནི་འདས་ན་ཉི་མ་ཤར་བའི་འོ་ཞེས་བྱ་བ་ནི་གསོ་སྦྱོང་དང་དགག་དབྱེ་དང་། དེ་གཉིས་ལ་ལྷག་པར་གནས་པ་དང་། དབྱར་ཁས་བླངས་པ་དང་སྲ་བརྐྱང་འདིང་#བའི་སྒོ་རྣམས་ལ་ཚེས་ཀྱི་ཁྱད་པར་དང་འབྲེལ་བའི་ལས་
[136a.3]རྣམས་ལ་དུས་འདའ་བར་ཡོད་པར་གྱུར་པ་ལ་ཉི་མ་འབྱུང་བའི་དང་པོ་ནི་ཉིན་མོ་དང་མཚན་མོ་སྐྱ་རེངས་#ཤར་བའི་བར་དུ་འདའ་བར་བྱེད་པ་ལ་དུས་ཀྱི་བྱ་བ་ཉིད་ཅེས་བྱ་བའོ། །དོན་འདྲི་བ་ལ་འདིར་གཞུང་ནི་ཞུ་བ་ལས། བཙུན་པ་རེ་ཞིག་དགེ་སློང་གིས་སྐྱ་རེངས་#ཤར་བ་དང་བདག་ཅག་གིས་གསོ་སྦྱོང་མ་བྱས་སོ་སྙམ་
[136a.4]དུ་དྲན་པ་སླར་རྙེད་པར་གྱུར་ནས། དེ་དག་དེའི་ཚེ་ན་གསོ་#སྦྱོང་བགྱིད་ཅིང་སོ་སོར་ཐར་པ་འདོན་པར་བགྱིད་ན་དགེ་འདུན་གྱིས་གསོ་སྦྱོང་བགྱིས་པ་དང་སོ་སོར་ཐར་པ་བཏོན་པ་ཞེས་བགྱི་འམ། ཉེ་བ་འཁོར་དགེ་སློང་དེ་རྣམས་ཀྱིས་གསོ་སྦྱོང་བྱས་པ་དང་#སོ་སོར་ཐར་པ་བཏོན་ཞེས་#བྱ་བ་ནི་འདྲ་བ་ཉིད་ཀྱི་
[136a.5]ཕྱིར་དགག་དབྱེ་ལས་འདི་ཤེས་པའོ། །སྤང་བ་ལ་ནི་འདུ་ཤེས་ལས་གཙོ་ཆེར་རང་གི་ཉིད་དོ་ཞེས་བྱ་བ་ནི་དངོས་པོ་ལས་ཇི་ལྟར་མ་བྱིན་པར་ལེན་པ་དང་། ཤི་བའི་ཡོ་བྱད་གཉིས་ནི་ཉེ་བར་དགོས་པར་བྱ་བ་མ་ཡིན་པ་ཉིད་ནི་རང་ཉིད་མ་ཡིན་པ་ཤེས་པར་བྱེད་པའི་བདག་པོ་ལ་ཡང་སྐྱེ་བ་ཉིད་བདག་ཏུ་བྱ་བ་འདི་
[136a.6]ལ་ཡང་དག་པར་ཤེས་པ་ཉིད་དེ་དེ་བཞིན་དུ་སྤང་བའི་ལྟུང་བྱེད་ལ་#ཡང་ཤེས་པར་#གྱུར་པ་ཡོད་དུ་ཟིན་ན་དངོས་གཞི་སྐྱེས་པ་སྟེ་མ་#ཤེས་པར་གྱུར་པ་ལ་ནི་གཙོ་ཆེར་རང་ཉིད་ཀྱི་འདུ་ཤེས་ལ་ནི་ལྟུང་བ་མེད་དོ། །དོན་ཇི་ལྟ་བ་ཉིད་ན་#དངོས་གཞི་སྟེ་དོན་ཇི་ལྟ་བ་#མ་ཡིན་པ་ལ་ཞེས་བྱ་བའི་དོན་ཏོ། །རང་གི་མ་ཡིན་པ་ལ་
[136a.7]རང་གི་བློ་ཡོད་པ་ལ་ཉེས་བྱས་བསྐྱེད་པ་ཞེས་བྱ་བར་ཤེས་པར་བྱའོ། །རང་གི་ཡིན་པ་ལ་ནི་དངོས་གཞི་སྟེ། རང་གི་མ་ཡིན་པ་ལ་ཉེས་བྱས་སོ་ཞེས་བྱ་བ་འདི་འདུ་ཤེས་པ་བཞིན་དུ་སོམ་ཉི་ཞེས་བྱ་བའི་དོན་ཏོ། །འདིར་གཞུང་ནི་ཀོ་ལྤགས་ཀྱི་གཞི་ལས་དགེ་སློང་གིས་དགེ་སློང་ལ་ཆོས་གོས་དག་བསྐུར་ཞིང་
[136b]
[136b.1]འདི་ནས་བཏང་ལ་དེར་མ་བྱིན་པ་དག་ལ་ནི་གང་#ལ་ཡང་སྤང་བར་མི་འགྱུར་རོ་ཞེས་གསུངས་པ་ཡིན་ནོ། །མ་ཐོབ་པ་གང་ལ་བཏང་བ་དེ་ལ་ནི་སྤང་བའི་ལྟུང་བྱེད་མི་བསྐྱེད་#པར་བསྟན་པ་ནི་འདུ་ཤེས་པར་མི་འགྱུར་བ་ཉིད་ཀྱི་ཕྱིར་འདིར་རྣམ་པར་གནས་པ་ཡིན་ནོ། །དེ་ནི་བསྔོས་པ་ཉིད་ན་བྲལ་བ་ཉིད་དོ་ཞེས་བྱ་བ་
[136b.2]ནི་གཞན་ལ་བྲལ་བ་ཉིད་འདི་ལ་སྤང་བའི་ལྟུང་བྱེད་མ་བྱས་པའི་ཕྱིར་རང་ཉིད་ལ་གང་དུ་བསྔོས་པ་ཉིད་དེས་འདུ་ཤེས་པ་ཉིད་ལ་ཡང་སྟོང་པ་#ཉིད་ལ་རྣམ་པར་མ་བརྟགས་སུ་ཟིན་ཀྱང་སུ་ཞིག་ལ་ཞེས་བྱ་བ་བྱེ་བྲག་ཡོངས་སུ་མ་བཟུང་བར་ཤེས་པར་བྱའོ། །གང་ཞིག་འདི་ནི་ཀོ་ལྤགས་ཀྱི་གཞི་ལས་གང་གིས་
[136b.3]བཏང་བ་དེར་སྤང་བའི་ལྟུང་བྱེད་མི་བསྐྱེད་པར་བརྗོད་པའོ། །འདིར་ལུང་ནི་འོ་ན་འདི་ཤི་བའི་ཡོ་བྱད་ལ་ཇི་ལྟར་འདིར་དངོས་པོ་ལས་རང་ཉིད་རྣམ་པར་གཞག་གི་འདུ་ཤེས་ལས་མ་ཡིན་ནོ། །རབ་ཏུ་བྱུང་བའི་དོན་དུ་ངེས་པར་བྱ་བ་ཡང་དེ་ཉིད་དོ་ཞེས་བྱ་བ་ནི་དངོས་པོ་ཉིད་ཅེས་བྱ་བའི་དོན་ལ་ལྟུང་བ་མེད་དོ། །རབ་
[136b.4]ཏུ་བྱུང་བ་ལ་ལྟོས་པའི་དོན་དུ་བྱེད་པ་ཉིད་ཀྱི་ཕྱིར་འཛིན་པར་བྱེད་ཅེས་བྱ་བ་གང་ཞིག་ཙམ་ལ་བརྗོད་པ་དེ་ལའང་བཤད་པའོ། །ཆོས་གོས་ལས་ཀྱང་རྣམ་པར་བརྟགས་ནའོ་ཞེས་བྱ་བ་ནི་མ་བླངས་པ་ཉིད་ལ་རྣམ་པར་བརྟགས་པ་ལས་ཆོས་གོས་ལས་ཀྱང་རང་གི་ཉིད་དང་འབྲལ་བ་སྟོན་ཏོ། །འདི་ལ་རྗེས་སུ་
[136b.5]ཞུགས་པ་ཉིད་ཀྱང་ཉམས་པ་ཡིན་ནོ་ཞེས་བྱ་བ་ནི་རང་ཉིད་ཀྱིས་#རྗེས་སུ་འཇུག་པ་ཉིད་གང་ཡིན་པ་དེ་ལ་འདིར་མ་བླངས་པ་ཉིད་ལ་སོགས་པས་བྲལ་བ་ཉིད་ལ་ཉམས་པ་ཉིད་དོ། །རང་བཞིན་ལས་ཉམས་ན་ཡང་ངོ་#ཞེས་བྱ་བའི་སྒྲ་ནི་རྗེས་སུ་ཞུགས་པ་ཉིད་ཉམས་པ་ཡིན་ནོ་ཞེས་བྱ་བའི་རྗེས་སུ་སྙེགས་#
[136b.6]པའི་ཕྱིར་རོ། །འདིར་གཞུང་ནི་ཉེ་བ་འཁོར་གྱིས་ཞུས་པ་ལས་བཙུན་པ་དགེ་སློང་གིས་ཆོས་གོས་རྙེད་ནས་དགུང་ལྔ་ལགས་ལས་#སེམས་རྣམ་པར་འཁྲུགས་པར་གྱུར་ནས་དེའི་དགུང་བཅུ་པོ་སླད་མ་གང་ཚུན་ཆད་ནས་བགྲང་བར་བགྱི། ཉེ་བ་འཁོར་གང་ཚུན་ཆད་ནས་རང་གི་སེམས་ཕྱིར་རྙེད་པ་ནས་སོ་ཞེས་གསུངས་
[136b.7]པ་ཡིན་ནོ། །རང་གི་སེམས་སོ་སོར་རྙེད་པ་ནས་བརྩམས་ཏེ་འདིར་བགྲང་བའི་ཚིག་གང་ཡིན་པས་ཞག་ལྔ་པོ་ཡང་འདའ་བར་བྱེད་པ་ལ་ཉེ་བར་བསྡུ་བའོ། །འདིར་ནི་འདི་ལ་བསྟན་པའོ། །དེ་ཡོད་ན་དངོས་པོ་དེ་ལྟ་བུ་གཞན་ལ་ཡང་འབྱུང་བ་ཉིད་དོ་ཞེས་བྱ་བ་ནི་རྗེས་སུ་ཞུགས་པ་ཉིད་དེ་ཡོད་ཅིང་གཞན་དུ་དེའི་
[137a]
[137a.1]དངོས་པོ་དང་གང་གི་#རྣམ་པའི་དངོས་པོ་ལ་དེ་དང་རྗེས་སུ་འཇུག་པ་ཉིད་དོ། །ཡོད་པའི་རྣམ་པའི་དངོས་པོ་ལ་ཆོས་གོས་ཞག་བཅུ་པར་གཏོགས་པ་ནི་ཞག་བཅུ་པའི་ཆོས་གོས་ལ་འབྱུང་བ་ཉིད་དོ། །ཟླ་བ་གཅིག་པར་གཏོགས་པ་#ནི་ཟླ་བ་གཅིག་པ་ལའོ། །#སྨན་ཞག་བདུན་པར་
[137a.2]གཏོགས་པ་#ནི་སྨན་ཞག་བདུན་པ་ལ་འབྱུང་བ་ཉིད་ཙམ་ལ་སྐྱེས་པ་ཉིད་དོ། །གང་གི་ཕྱིར་ཕྱིས་འབྱུང་བ་རྣམས་ལ་དང་པོའི་དུས་འདའ་བ་ཉིད་ནི་སྤང་བའི་ལྟུང་བྱེད་བརྗོད་པའོ། །དེ་ཉིད་ལ་ཞག་བཅུའི་ནང་རོལ་དུ་སྟེ་དེ་བས་ན་སྐྱོན་མེད་དོ། །འདིར་ལུང་ནི་སྦྱོར་བ་ནི་ཡོངས་སུ་དག་པ་ཉིད་དེ། འདིར་རྒྱུན་#ལ་དེར་
[137a.3]འཛིན་པ་མ་ཡིན་ནོ། །སྦྱོར་བ་དེས་དེ་དང་འབྲེལ་པའི་རྫས་ཀྱི་ཁྱད་པར་བུམ་པ་དང་སྣམ་བུ་ཞེས་བྱ་བ་ལ་སོགས་པ་གསུངས་པ་ཡིན་ནོ། །ཞག་བདུན་པ་ལ་ནི་རིགས་མཐུན་པ་ལའོ་ཞེས་བྱ་བ་ནི་རྫས་ཀྱི་རིགས་འདྲ་བ་ལ་ཞག་བདུན་པའི་དོན་དུ་ལྷག་པར་གནས་པ་ལ་རྗེས་སུ་འཇུག་པ་ཉིད་ཡོད་པ་
[137a.4]འདི་ལ་སྐྱེས་པ་ཉིད་དོ། །འདིར་རྣམ་པར་འབྱེད་པའི་གཞུང་འགའ་ཞིག་ལས་མར་དང་འབྲེལ་བ་ནི་མར་ལའོ། །འབྲུ་མར་དང་འབྲེལ་པ་ནི་འབྲུ་མར་ལའོ། །སྦྲང་རྩི་དང་འབྲེལ་པ་ནི་སྦྲང་རྩི་ལའོ། །ཧྭགས་དང་འབྲེལ་པ་ནི་ཧྭགས་ལའོ། །འབྲེལ་པ་དང་བཅས་པ་ནི་འབྲེལ་པ་དང་བཅས་པའོ་
[137a.5]ཞེས་གསུངས་པ་ཡིན་ནོ། །དོན་ཐ་དད་པས་འདི་ལྟ་བུ་ཉིད་དུ་རྣམ་པར་གཞག་པའོ། །ལྟུང་བ་དེ་ཡོད་ན་ཡོ་བྱད་ཙམ་བདག་གིར་#བྱས་པ་ལ་སྤང་བ་ཉིད་དོ་ཞེས་བྱ་བ་ནི་སྤང་བའི་ལྟུང་བྱེད་དེ་ཡོད་ནའོ། །རང་བཞིན་གྱིས་མ་གྲུབ་པ་ལ་སྤང་བའི་ལྟུང་བྱེད་དག་ཏུ་བྱེད་པ་ལ་གང་དུ་ཡོ་བྱད་འགའ་ཞིག་ལ་སྤང་
[137a.6]བའི་ལྟུང་བྱེད་ལས་སྐྱེས་པ་ཉིད་དོ། །འདི་ནི་སྤང་བའི་ལྟུང་བྱེད་ལས་མ་སྐྱེས་པ་ཉིད་བྱས་པར་རིག་པར་བྱའོ། །སྤང་བ་ཉིད་ཙམ་ལ་ཆོ་ག་འདི་ལྟ་སྟེ་སྤང་བའི་ལྟུང་བྱེད་རང་བཞིན་གྱིས་མ་བྱས་པ་ཉིད་ལ་ཇི་སྲིད་དུ་ཐམས་ཅད་འགྲུབ་#པ་དངོས་པོ་ཐམས་ཅད་དེ་དངོས་པོ་གང་ལས་ལྟུང་བ་དེ་བསྐྱེད་པ་དེའི་དངོས་པོ་
[137a.7]བཞིན་དུ་དེ་ལ་ཡང་བྲལ་བ་མ་བྱས་པའོ། །དེའི་ཕྱིར་ལྟུང་བ་ནི་བཤགས་#པར་བྱ་མི་དགོས་ཏེ། །དེའི་གཞི་ལས་ལྟུང་བ་མ་བྱུང་བའི་ཕྱིར་རོ། །འདིར་གཞུང་ནི་དགེ་སློང་གིས་ཆོས་གོས་སྤང་བ་མ་སྤངས་ཤིང་བྲལ་བར་མ་བྱས་ལ་ལྟུང་བ་དེ་ཡང་མ་བཤགས་པར་གཞན་ཞིག་རྙེད་ན་དེ་ཡང་སྤང་བ་ཡིན་ཏེ། སྔ་མའི་#
[137b]
[137b.1]ཤུགས་ཀྱིས་སོ་ཞེས་#བྱ་བ་ལ་སོགས་པ་གསུངས་པ་#ཡིན་ནོ། །ཆུང་བ་#ཉིད་ཀྱི་དུམ་བུ་དེ་ནི་མི་འགྱུར་རོ་ཞེས་བྱ་བ་ལ་དེ་ནི་མི་འགྱུར་རོ་ཞེས་བྱ་བ་ནི་སྤང་བ་ཉིད་དོ། །འཁོར་ཡུག་གི་#མཐའ་མཉམ་པ་ནི་#སྤང་བའི་ལྟུང་བྱེད་རྣམས་ལ་དེ་བས་ན་མ་ཚང་བ་རྣམས་ལ་ཞེས་བྱ་བར་གཏོགས་པའོ། །འཁོར་ཡུག་མཉམ་#པ་
[137b.2]ལས་མ་ཚང་བ་ཉིད་ལ་དུམ་བུ་ནི་སྤང་བ་ཉིད་མ་ཡིན་ཞེས་བྱ་བའི་དོན་ཏོ། །སྤང་བ་ཉིད་ལ་འདི་དུམ་བུ་ཉིད་དུ་འབྲེལ་པ་ལ་དུམ་བུ་རྣམས་ལ་བྲལ་བར་མ་བྱས་པ་ལ་བྱེད་པའོ། །འདིར་གཞུང་ནི་ཉེ་བ་འཁོར་གྱིས་ཞུས་པ་ལས་བཙུན་པ་དགེ་སློང་གིས་ཆོས་གོས་སྤང་བ་ཚིག་གམ་སྲོག་ཆགས་དག་#དང་སྲིལ་དག་གིས་
[137b.3]འཚལ་བར་གྱུར་ན་དེ་ལ་ཕྱ་ཕྱེ་འམ་དམ་དུམ་གང་དག་མཆིས་པ་དག་སྤང་བར་བགྱི་འམ་ཉེ་བ་འཁོར་མི་བྱ་སྟེ། ལྟུང་བྱེད་འགའ་#ཞིག་བཤགས་པར་བྱའོ། །ལྷག་པར་གནས་པར་#བྱ་བ་མ་ཡིན་ཞེས་གསུངས་པ་དེ་ཉིད་དེ་རྣམས་ལ་ལྷག་པར་གནས་པ་དེ་འདིར་བསྡུས་པ་ཡིན་ནོ། །དགེ་འདུན་གྱི་ཡང་ངོ་
[137b.4]ཞེས་བྱ་བ་ནི་དགེ་འདུན་མངའ་བ་གང་ཟག་གིས་བདག་ཉིད་དུ་རིས་སུ་བཅད་པ་དང་། དགེ་འདུན་མངའ་རིས་སུ་མ་བཅད་པའོ། །སྤང་བའི་ལྟུང་བྱེད་དག་གིས་#ཡང་འཆང་བ་དང་འབྲལ་བ་དང་འཇོག་པ་དེའི་རྒྱུས་སྤང་བའི་#ལྟུང་བྱེད་རྣམས་ལ་ཡང་དེར་གང་ཟག་གཅིག་#པ་དང་འདྲ་བར་གང་ཟག་རེ་རེས་
[137b.5]བདག་ཏུ་བྱས་པས་ཡང་དག་པར་གནས་པའོ། །དགེ་འདུན་མངའ་རིས་སུ་བཅད་པའི་དགེ་འདུན་དང་འབྲེལ་པ་ལ་བདག་ཏུ་བྱས་པས་སུ་ཞིག་མེད་པས་འཆང་བ་དང་འཇོག་པའི་རྒྱུས་སྤང་བའི་ལྟུང་བྱེད་དག་གི་ཡང་སྐབས་མེད་པས་གནས་པའི་རྒྱུས་ལྷག་པར་#གནས་པ་ལ་མངའ་#རིས་སུ་མ་བཅད་པ་མི་སྲིད་པའི་ཕྱིར་
[137b.6]གང་ཟག་གཅིག་གིས་དགེ་འདུན་རིགས་སུ་བཅད་པ་དང་ལྷག་པར་འབྲེལ་བ་གནས་པ་སྤང་བའི་ལྟུང་བྱེད་ལ་གླག་#ཡོད་དེ་དེ་བས་ན་མདོ་འདི་ཡིན་ནོ། །འདིར་གཞུང་ནི་ཉེ་བ་འཁོར་གྱིས་#ཞུས་པ་ལས། བཙུན་པ་དགེ་སློང་གིས་དགེ་འདུན་གྱི་ཆོས་གོས་བྱིན་གྱིས་བརླབས་ནས་#མཚམས་ཀྱི་སླད་རོལ་ཏུ་འབྲལ་
[137b.7]བར་བགྱིད་ན་ཆོས་གོས་དང་བྲལ་ཞེས་བགྱི་འམ་མ་བྲལ་ཞེས་བགྱི་བཀའ་སྩལ་པ། ཆོས་གོས་དང་བྲལ་ཞེས་བྱའོ། །ཆོས་གོས་དེ་སྤང་བར་བགྱིའམ། ཉེ་བ་འཁོར་མི་བྱ་སྟེ། ལྟུང་བྱེད་འབའ་ཞིག་བཤགས་པར་བྱའོ་ཞེས་གསུངས་པ་ཡིན་ནོ། །དེ་བས་ན་གང་དུ་རང་ཉིད་ལ་གཏད་པ་ཉིད་མ་ཡིན་པ་ནི་
[138a]
[138a.1]འདི་ལྟ་སྟེ་དགེ་འདུན་གྱི་ཆོས་གོས་དེ་ལ་བྱ་བ་ཉིད་དོ། །འདི་ལ་མེད་པ་དེ་ཉིད་གཙོ་བོའོ་ཞེས་བྱ་བ་ནི་འདི་ལ་དངོས་པོ་དེ་#ཡོད་པ་མ་ཡིན་ཞེས་བྱ་བ་ནི་འདི་ལ་དངོས་པོ་དེ་མེད་པས་ན་མེད་པའོ། །མེད་པའི་དངོས་པོ་ནི་མེད་པ་ཉིད་དོ། །དེ་ཉིད་སྤང་བ་ཉིད་ལ་གཙོ་བོ་ཡིན་གྱི་སྤང་བར་བྱ་བའི་རྫས་
[138a.2]ནི་གཙོ་བོ་མ་ཡིན་ནོ། །ཐམས་ཅད་མེད་པས་འདི་ལ་བྱ་བ་ཉིད་དུ་ཤེས་ནས་འདིར་ཅི་ཞིག་བྱ་བ་ཞེས་བྱ་བ་ཐེ་ཚོམ་མི་བྱ་ཞེས་བྱ་བ་འདི་ལ་འདི་བྱེད་པའོ། །འདིར་གཞུང་ནི་ཞུ་བ་ལས། བཙུན་པ་དགེ་སློང་གིས་ཆོས་གོས་སྤང་བ་ཉམས་པར་གྱུར་ན་ལྟུང་བྱེད་བཤགས་པར་བགྱི་འམ། ཉེ་བ་འཁོར་མ་དག་པ་
[138a.3]ནི་བཤགས་པར་བྱའོ་ཞེས་གསུངས་པ་ཡིན་ནོ། །འདི་གསུམ་ནི་སྲ་བརྐྱང་བཏིང་བ་ལ་མི་འབྱུང་ངོ་ཞེས་བྱ་བ་ནི་འཆང་བ་འམ་འབྲལ་བ་དང་འཇོག་པ་ལྷག་པར་གནས་པའོ། །ཐུན་མོང་བ་ནི་སོང་ཟིན་ཏོ།། །།#དེ་ནས་སོ་སོའི་སྐབས་བརྗོད་པར་བྱ་སྟེ། གང་དུ་འཆང་བའི་སྤང་བའི་ལྟུང་བྱེད་བསྐྱེད་
[138a.4]ཅེ་ན། དེའི་ཕྱིར་ཡོད་ནའོ་ཞེས་བྱ་བ་སྨོས་ཏེ་སུ་ཡོད་ཅེ་ན། དེའི་ཕྱིར་རང་གི་ཉིད་དོ་ཞེས་བྱ་བ་སྨོས་ཏེ། ཐམས་ཅད་ལ་ཡང་མ་ཡིན་ནོ། །འོ་ན་གང་ཞེ་ན། དེའི་ཕྱིར་ཞག་བཅུར་རྗེས་སུ་ཞུགས་པ་ཉིད་དོ་ཞེས་བྱ་བ་སྨོས་སོ། །དུས་གང་གི་ཚེ་སྤང་བར་འགྱུར་ཞེ་ན། དེའི་ཕྱིར་གཞན་གྱི་ཉི་མའི་དང་པོ་
[138a.5]ལའོ་ཞེས་བྱ་བ་སྨོས་ཏེ་རྗེས་སུ་ཞུགས་པའི་དུས་འདི་ཞག་བཅུར་བརྗོད་པ་གང་ཡིན་པ་དེ་ལས་གཞན་པའི་ཞག་ལ་དང་པོར་སྐྱ་རེངས་#འཆར་བའི་སྐད་ཅིག་མ་དང་པོ་ལའོ། །རང་ཉིད་གང་དུ་སྟེ་དུས་ཙམ་གང་ཞིག་ལ་ཡོད་པ་ན་ཞེ་ན། དེའི་ཕྱིར་གོས་ལའོ་ཞེས་བྱ་བ་སྨོས་སོ། །ཐམས་ཅད་དུ་མ་ཡིན་ཏེ་འོན་
[138a.6]ཀྱང་འཁོར་གསུམ་ཁེབས་པའི་མཐའི་ཚད་ལའོ་ཞེས་བྱ་བ་ལ་#འཁོར་གསུམ་ཞེས་བྱ་བ་ནི་ལྟེ་བའི་དཀྱིལ་འཁོར་དང་པུས་མོའི་ལྷ་ངའི་ཚིགས་#གཉིས་སོ། །འཁོར་གསུམ་པོ་དེ་དག་ཆུབ་པར་ཁེབས་པའི་མཐར་གྱུར་པའི་ཁྱོན་གྱི་ཚད་གང་ལ་ཡོད་པ་དེ་ཞེས་བྱ་བའི་དོན་ཏོ། །འདི་ཡང་ཐམས་ཅད་དུ་ནི་མ་
[138a.7]ཡིན་ཏེ་གཞན་ཡང་བྱིན་གྱིས་བརླབས་པ་དང་མ་འབྲེལ་པ་ལའོ། །གཞན་ཡང་འབྲེལ་ཀྱང་རྗེས་སུ་ཞུགས་པ་དང་བཅས་པ་ལའོ་ཞེས་བྱ་བ་ནི་འབྲེལ་ཀྱང་རྗེས་སུ་ཞུགས་པ་དང་བཅས་པ་ལའོ། །ཡོད་པ་ཉིད་དང་རྗེས་སུ་འཇུག་པ་ལྷན་ཅིག་ཏུ་རྗེས་སུ་#འཇུག་པ་དང་བཅས་པའོ། །རང་ཉིད་ལས་བྱུང་བ་
[138b]
[138b.1]དང་གཞན་ལས་བྱུང་བའོ། །རང་ཉིད་ཀྱིས་#རྗེས་སུ་ཞུགས་པ་དང་བཅས་པ་ལ་འབྲེལ་པ་ནི་ཡུལ་ཁྱད་པར་དུ་གྱུར་པ་ཡོངས་སུ་བཟུང་བ་ཡིན་ནོ། །འདི་ལ་གཞན་ཡོད་ན་བྱིན་གྱིས་མ་བརླབས་པ་དེའི་ཤན་ཚུན་ཆད་ནས་སོ་ཞེས་བྱ་བ་ལ། འདི་ལ་ཞེས་བྱ་བ་ནི་རྗེས་སུ་ཞུགས་པ་དང་བཅས་པའི་གོས་ལའོ། །
[138b.2]བྱིན་གྱིས་བརླབས་པ་རྗེས་སུ་ཞུགས་པ་དང་བཅས་པ་དེ་ལས་གཞན་བྱིན་གྱིས་མ་བརླབས་པ་དེའི་ཤན་ཚུན་ཆད་ནས་ཡོད་པ་ཞེས་བྱ་བའི་དོན་ཏོ། །ཤན་ཚུན་ཆད་ནས་སོ་ཞེས་བྱ་བ་ནི་མ་ཚང་བ་ལ་གཙོ་བོར་འགྱུར་རོ། །དེ་ལྟར་ན་ཡོངས་སུ་དག་པ་ཉིད་བྱིན་གྱིས་བརླབས་པ་ལ་ཞེས་བྱ་བ་འདི་ཤེས་པའོ། །
[138b.3]འདིར་གཞུང་ནི་ཉེ་བ་འཁོར་གྱིས་#ཞུས་པ་ལས། བཙུན་པ་དགེ་སློང་གིས་ཆོས་གོས་དེ་ཉིད་ཞག་བཅུ་ལས་འདས་པ་ཡང་ལགས་ལ་དེ་ཉིད་ཞག་གཅིག་བྲལ་བ་ཡང་ལགས་པ་མཆིས་སམ་ཉེ་བ་འཁོར་ཡོད་དེ་འདི་ལྟ་སྟེ། དགེ་སློང་གིས་ཆོས་གོས་རྒྱུན་མ་ཆད་པར་རྒྱུན་འབྱུང་བ་ཡང་ཡིན་ལ། དེས་ཆོས་
[138b.4]གོས་འབྱུང་བ་དེ་ཞག་བཅུ་པ་ལ་བྱིན་གྱིས་བརླབས་ནས་མཚམས་ཀྱི་ཕྱི་རོལ་དུ་ཆོས་གོས་དེ་མེད་པར་སྐྱ་རེངས་#འཆར་བར་བྱེད་ན། དེ་ལྟར་ན་ཆོས་གོས་དེ་ནི་དེ་ཉིད་ཞག་བཅུ་འདས་པ་ཡང་ཡིན་ལ་དེ་ཉིད་ཞག་གཅིག་བྲལ་བ་ཡང་ཡིན་ནོ་ཞེས་གསུངས་པ་ཡིན་ནོ། །འཆང་བའི་སྤང་བའོ།། །།གདིང་
[138b.5]བ་དང་བྲལ་བ་ལ་ནི་ཉེས་པ་མེད་དོ་ཞེས་བྱ་བ་ནི་འདིར་ཕྲན་ཚེགས་རྣམས་ལས་འདི་ལ་སོགས་པའི་ཤིན་ཏུ་མང་བ་ཟད་པས་ཞེས་བྱ་བའི་མཐར་འདི་སྙེགས་#པའོ། །གལ་ཏེ་དེང་ཉིད་ཕྱིར་ལྡོག་ཅིང་གནས་པར་བྱའོ་སྙམ་པ་མེད་ན་གདིང་བ་གཞག་སྟེ་འགྲོ་བར་མི་བྱའོ་ཞེས་བྱ་བ་ནི་འདི་ལྟར་དགོངས་ནས་#འགྲོ་བ་
[138b.6]ལ་དུས་འབྱོར་པར་འགྱུར་བ་ལ་དེར་སླར་འོངས་པ་ཉིད་ལ་དེར་གནས་པར་བྱའོ། །གལ་ཏེ་དེང་ཉིད་ཀྱི་ཕྱིར་ལྡོག་ཅིང་འདིར་གནས་པར་བྱའོ་སྙམ་པའི་བསམ་པ་མེད་ན་གདིང་བ་མེད་པར་གང་དུ་ཡང་འགྲོ་བར་མི་བྱའོ། །དེར་དུས་མ་འབྱོར་ན་ཡོད་པར་གྱུར་པ་ལ་#བརྙས་ཏེ་གདིང་བ་ལ་གནས་པར་བྱའོ། །མ་རྙེད་
[138b.7]ན་བླ་གོས་བཞི་བལྟབ་ཏུ་བྱས་པའི་སྟེང་དུ་ཡུན་རིང་དུ་མི་ཉལ་བར་རོ། །སྣམ་སྦྱར་གཞག་པར་མི་འོས་པའི་གནས་སུ་དབྱར་གྱི་གོས་རས་ཆེན་ཡང་གཞག་པར་མི་བྱའོ་ཞེས་བྱ་བ་གནས་གང་ན་དགེ་སློང་ཉིད་མེད་པ་དང་སྒོ་གླེགས་གཉིས་ཀ་འདོམ་པ་དེར་གཞག་པར་མི་བྱ་ཞེས་བྱ་བའི་དོན་ཏོ། །ཆར་འབབ་
[139a]
[139a.1]ན་མི་གཞག་གོ། །ཆུ་ཀླུང་གིས་ཆོད་པར་འགྲོ་བ་ལ་ཡང་མི་གཞག་གོ། །དེ་གཉིས་དོགས་པར་ཡང་མི་གཞག་གོ་ཞེས་བྱ་བ་ནི་དབྱར་གྱི་གོས་རས་ཆེན་ཞེས་བྱ་བ་འདི་ལ་ནི་འདིར་སོ་སོར་སྦྱར་བར་བྱའོ། །འདི་#གཉིས་ཞེས་བྱ་བ་ནི་ཆར་འབབ་པ་དང་ཆུ་ཀླུང་གིས་ཆོད་པ་དེ་
[139a.2]གཉིས་ཡོད་པར་དོགས་པའི་གནས་སུ་འགྲོ་ན་ཡང་དབྱར་གྱི་གོས་རས་ཆེན་མི་གཞག་པར་བསྐུར་རོ#། །དགེ་སློང་དང་བཅས་པ་ཉིད་དང་སྒོ་གླེགས་དང་བཅས་པ་ཉིད་དུ་བཅས་པའི་གནས་དང་ཆར་འབབ་པ་དང་ཆར་འབབ་པར་དོགས་པ་དང་། བགྲོད་པར་བྱ་བ་ཆུ་ཀླུང་གིས་ཆོད་པ་ཉིད་འདི་ལྟ་བུ་མེད་ན་གནང་བ་
[139a.3]མ་བྱིན་པ་དང་སྲ་བརྐྱང་མ་བཏིང་བས་སྣམ་སྦྱར་མེད་པར་གར་ཡང་འགྲོ་བར་མི་བྱའོ་ཞེས་བྱ་བ་ལ་བཅས་པ་ཉིད་ཅེས་བྱ་བ་ནི་གཉིས་པོ་འདི་དང་ཡང་དག་པར་ལྡན་པའོ། །ཆུ་ཀླུང་གིས་ཆོད་པ་ཞེས་བྱ་བ་ནི་འབད་པས་བརྒལ་བར་མི་བྱ་བའི་ཆུས་བར་དུ་ཆོད་པ་ཉིད་དོ། །གཞི་སྣང་བ་ཡོད་པ་ལ་བར་དུ་མ་
[139a.4]ཆོད་པ་ཉིད་དོ། །འདི་ལྟ་བུ་མེད་ན་ཞེས་བྱ་བ་ནི་དགེ་སློང་དང་བཅས་པ་ཉིད་ཅེས་བྱ་བ་ལ་སོགས་པའོ། །འདི་ཡོད་པ་ལ་#འདི་དང་ལྷན་ཅིག་ཏུ་སྦྱོར་བ་མེད་པར་སྐྱོན་མེད་དེ། ཆར་འབབ་པ་དང་དགེ་སློང་དང་བཅས་པ་ཉིད་མི་བདེན་ཡང་སྒོ་གླེགས་དང་བྱས་པ་ཉིད་དུ་བཅས་པའི་གནས་ཞེས་བྱ་བར་སྦྱར་ཏེ་
[139a.5]སྣམ་སྦྱར་ཞེས་བྱ་བ་འདིར་#རྣམ་པར་གནས་པ་ཡིན་ནོ། །དེས་བསྙེན་པར་མ་རྫོགས་པའི་ལག་ཏུ་སྣམ་སྦྱར་གཏམས་པ་ཡང་རུང་བར་སྣང་ངོ་། །གནས་སུ་ཕྱིན་པར་མི་འགྱུར་ན་ཆོས་གོས་ཀྱིས་ཕྱུང་སྟེ་གཞན་ལ་བྱིན་གྱིས་བརླབས་པ་ནི་ཆོ་གའི་རྣམ་པའོ་ཞེས་བྱ་བ་ནི་གནས་གཞན་ན་འདུག་པའི་བྱིན་གྱིས་བརླབས་པ་
[139a.6]ཕྱུང་སྟེ། ཁྱིམ་པ་ཡན་ཆད་ཀྱི་གོས་སམ་གཞན་ལ་བརྙས་པ་ལ་ཡང་བྱིན་གྱིས་བརླབས་#པ་བསྒྲུབ་པར་བྱའོ། །འདི་ནི་ཆོས་གོས་ཀྱི་གནས་ལ་ཐོབ་པ་མི་སྲིད་པ་ལ་སླར་ཆོ་གའི་རྣམ་པ་སྟེ་ཐབས་སོ་ཞེས་བྱ་བའི་དོན་ཏོ། །སྣམ་སྦྱར་ལྕི་བ་ཉིད་ཡིན་ན་རྒན་པོ་དང་ནད་པ་དག་ལ་མི་འབྲལ་བའི་གནང་བ་
[139a.7]སྦྱིན་ནོ་ཞེས་བྱ་བ་སྟེ་འབྲལ་བའི་སྤང་བའི་ཐབས་སོ། །གང་ལ་གནང་བ་#དང་སྤང་བའི་ལྟུང་བྱེད་ལ་བྱེད་པ་པོ་ཉིད་ཅེ་ན། དེའི་ཕྱིར་བྱིན་གྱིས་བརླབས་པ་དང་གནང་བ་མ་ཐོབ་པ་ནི་བྱེད་པ་པོ་ཉིད་དོ་ཞེས་བྱ་བ་སྨོས་ཏེ། གོས་ཞེས་བྱ་བ་འདི་ལ་གོས་ཀྱི་དངོས་པོར་ཡོངས་སུ་གྱུར་པ་ལ་སོ་སོར་ཉེ་བར་གནས་
[139b]
[139b.1]པའོ། །དེ་བས་ན་ལྷུང་བཟེད་ལ་སྐབས་མ་ཡིན་ནོ། །བྱིན་གྱིས་བརླབས་པའི་གོས་ལ་#གང་ཟག་གནང་བ་མ་ཐོབ་པ་ནི་ལྷུང་བའི་བྱེད་པ་པོ་ཉིད་ཅེས་བྱ་བའི་དོན་ཏོ། །འདིར་ནི་གནས་སྐབས་ཐམས་ཅད་ལ་གང་ཟག་དེ་བྱེད་པ་པོ་ཉིད་#མ་ཡིན་ཏེ། དེ་ལ་བདེན་པ་ལ་འདི་གང་ཡིན་པ་དེར་བརྗོད་པར་བྱ་སྟེ། དེའི་
[139b.2]ཕྱིར་དེའི་གནས་ཉེན་ཀོར་དང་བཅས་པ་ནས་གཞན་ན་གནས་པ་ལ་སྐྱ་རེངས་#ཤར་ནའོ་ཞེས་བྱ་བ་སྨོས་ཏེ། ཆོས་གོས་བྱིན་གྱིས་བརླབས་པ་དེའི་གནས་གང་ཡིན་པ་གནས་པའི་ས་དེ་ཉེ་བར་སྤྱད་པས་ཀྱང་གནས་གཞན་ན་གནས་པ་ལ་སྟེ་གང་ཡང་རུང་བ་གཅིག་#གི་དུས་ལ་ནི་མ་ཡིན་ནོ། །འོན་ཀྱང་སྐྱ་རེངས་#
[139b.3]ཤར་བ་ལ་གང་གིས་དེ་བྱིན་གྱིས་བརླབས་པ་དེ་ལ་ཞེས་བྱ་བ་འདི་སྐྱ་རེངས་#ཤར་བ་ལ་འབྲེལ་པ་ཅན་གྱི་སྒྲ་ཉིད་ཀྱི་ཕྱིར་ཤེས་པར་བྱའོ། །འདིར་བཟུང་བ་ཙམ་ནི་གནས་མ་ཡིན་ཏེ་དེ་བས་ན་འདི་ལ་མཚམས་བརྗོད་པར་བྱའོ། །མཚམས་བྱས་པ་ལ་མཚམས་གནས་#ཀྱི་མཐའོ་ཞེས་བྱ་བ་ནི་འདི་ལྟར་ཡོལ་བ་
[139b.4]དང་རྩིག་པ་དང་རིབ་མ་དང་འོབས་ཀྱིས་བསྐོར་བ་ལ་སོགས་པ་དག་ཀྱང་མཚམས་ཉིད་ཡིན་ནོ། །མཚམས་བཅད་པ་འབའ་ཞིག་མཚམས་ཡིན་པར་ནི་མ་ཟད་དེ་ཁྱད་པར་ཡོངས་སུ་མ་བཟུང་བའི་ཕྱིར་རོ། །ཇི་#ལྟར་བདག་པོ་གཅིག་པ་ཉིད་མ་ཡིན་པའི་བར་གྱི་མཚམས་རྣམ་#པ་ཐ་དད་པ་ཉིད་ཡིན་པ་དེ་བཞིན་དུ་
[139b.5]བདག་པོ་གཅིག་ཉིད་ཀྱི་བར་གྱི་མཚམས་རྣམས་ནི་ཐ་དད་པ་ཉིད་དུ་མི་འགྱུར་བས་དེའི་ཕྱིར་བདག་པོ་གཅིག་ཉིད་མ་ཡིན་པའི་བར་གྱི་མཚམས་རྣམས་ནི་ཐ་དད་པ་ཉིད་དོ་ཞེས་བྱ་བ་སྨོས་ཏེ། གང་དུ་རབ་ཏུ་འབྱེད་པས་མང་བའི་བདག་པོ་རྣམས་ལ་གཉེན་གཅིག་པའི་རིགས་པས་གནས་པ་དེ་ལ་ཆོ་ག་འདི་མི་
[139b.6]འཇུག་པའོ། །མཚམས་གཞན་ལ་ཡང་དེ་ཉིད་ལ་བདག་པོ་ཉིད་དོ། །གནས་སོ་སོར་ནི་བདག་པོ་ཐ་དད་པ་མ་ཡིན་པ་ཞེས་བྱ་བའོ། །གང་ཞིག་སྣ་ཚོགས་པ་ཉེ་བར་སྤྱོད་པའི་རིགས་ལ་ཕྱི་སྒོ་ལ་སོགས་པ་ཐུན་མོང་བའི་དངོས་པོ་བརྗོད་པ་ནི་ཡུལ་གྱི་ཚོམས་དང་། མུ་སྟེགས་ཅན་གྱི་ཁྱིམ་དང་།
[139b.7]ཚོང་ཁང་དང་། ཚོང་རྡལ་དང་། གཞག་སྟེགས་དང་། འདུག་སྟེགས་དང་། དགྲ་ཁང་དང་། གཡུལ་དང་། དཀྱིལ་དང་། རྒྱལ་མཚན་གྱི་ཤིང་བསྒྲེང་བ་དང་། ཤིང་རྟ་དང་། ཁ་ལོ་བའི་གནས་ཞེས་བྱ་བ་དང་། གྲུ་ལ་དང་། གྲུ་དོང་#དང་། ཀུན་དགའ་ར་བ་ནི་ཁྲོན་པ་ཐུན་མོང་ཡིན་ཏེ།
[140a]
[140a.1]ཐམས་ཅད་ལ་དེ་དང་ཁྱིམ་པ་ལ་སོགས་པར་འཇུག་པ་ལ་ནི་ཞུགས་པའི་བདག་པོ་རྣམས་དེ་ཡོངས་སུ་གཅོད་#པ་ཉིད་ཀྱི་སྒོ་བ་#ལ་སོགས་པ་རྣམས་ལ་ཞེན་པ་ཞེས་བྱ་བ་འདིས་ཤེས་པའོ། །ནོར་ལས་དང་ལྟ་བ་ལས་ཐ་དད་པས་ཐ་དད་པ་མ་ཡིན་པའི་ཡང་ངོ་ཞེས་བྱ་བ་ལ་ནོར་ལས་ནི་འདི་
[140a.2]ལྟ་སྟེ་དཔེར་ན་སྤུན་རྣམས་ཀྱི་ལྟ་བུའོ། །ལྟ་བ་ལས་ནི་མུ་སྟེགས་ཅན་རྣམས་ཀྱི་ལྟ་བུའོ། །མ་བགོས་པ་ནི་ཡོངས་སུ་བཟུང་བ་པོ་རྣམས་སོ། །གཞན་མཚམས་ཀྱང་ཐ་དད་པ་ཉིད་མ་ཡིན་ཏེ། གནས་འགོད་པ་ལ་ཐ་#དད་པ་ཉིད་ཅེས་བྱ་བའི་དོན་ཏོ། །ཡལ་ག་དང་ཡལ་ག་ཕྲ་མོ་དག་མ་རེག་པ་ནི་
[140a.3]གནས་ཐ་དད་པ་ཉིད་དོ་ཞེས་བྱ་བ་ལ་མི་རེག་པ་ནི་མ་རེག་པ་སྟེ་ཕན་ཚུན་མ་ཕྲད་པ་ཞེས་བྱ་བའི་དོན་ཏོ། །དེ་ཡོད་པ་ལ་གནས་ཐ་དད་པ་ཉིད་དེ་འདི་རྣམས་མ་#འདྲེས་པ་ལ་གནས་གཅིག་པ་ཉིད་ཅེས་བྱ་བ་འདི་དང་བྱས་པར་རིག་པར་བྱའོ། །རྩ་བ་ནི་ཐུན་མོང་ངོ་ཞེས་བྱ་བ་ནི་ཡལ་ག་དེ་དག་གི་རྩ་བ་ནི་ཐུན་མོང་བའོ། །
[140a.4]རྩ་བའི་རྩ་བ་ལ་སོགས་པ་ཡང་ངོ་ཞེས་བྱ་བ་ནི་ཕྱོགས་གང་ལས་ཡལ་ག་དུ་#གྱེས་པར་གྱུར་པ་དེའི་མོད་#ཁོ་ནའི་འོག་ན་ཡལ་ག་མེད་པའི་ཤིང་ལྗོན་པའི་སྡོང་པོའི་ཕྱོགས་ལ་བྱ་སྟེ་དེ་ནི་རྩ་བའོ། །དེ་ལ་དེ་ལྟ་བུ་ཉིད་ཀྱི་ཡལ་ག་གཅིག་ཏུ་གྱུར་ཏམ་ཡལ་ག་དུ་མར་གྱུར་པའི་ཆུང་ངུ་འམ་ཆེན་པོ་འམ་ཕྲ་བ་འམ་#
[140a.5]རགས་པའི་ཤིང་ལྗོན་པ་དང་ལྷན་ཅིག་ཏུ་གང་དུ་གཅིག་པ་ཉིད་དེའི་མཐའ་ཅན་འདིར་རྟེན་ཡལ་ག་མེད་པ་ཤིང་ལྗོན་པའི་སྡོང་པོའི་ཕྱོགས་ལ་བྱ་སྟེ། དེ་ནི་རྩ་བའི་རྩ་བར་རིག་པར་བྱའོ། །སོགས་པའི་སྒྲས་ནི་དེ་མན་ཆད་ནས་ས་#གཞི་ལ་ཐུག་པ་ཡན་ཆད་ཀྱི་བར་བཟུང་སྟེ་དེ་རྣམས་ཉེ་བར་སྡུད་པའོ། །གང་གི་
[140a.6]གང་རྣམས་ལ་རྩ་བ་ཉིད་དེའི་#དེ་རྣམས་ཐུན་མོང་བ་ཉིད་དོ། །འདིར་གཞུང་ནི་འདི་ལྟ་སྟེ་ཤིང་ལྗོན་པ་ཡལ་ག་དང་ལོ་མ་མ་རེག་པ་དེའི་ཉེན་ཀོར་གང་ལགས། སོ་སོ་ཐ་དད་པའོ། །ཇི་ཞིག་ཐུན་མོང་ལགས་རྩ་བའོ་ཞེས་གསུངས་པ་ཡིན་ནོ། །ཡལ་ག་དང་ལོ་མ་རེག་པའི་ཤིང་ལྗོན་པ་རྣམས་ནི་གནས་གཅིག་
[140a.7]པ་ཉིད་དོ་ཞེས་བྱ་བ་ནི་འདབ་མ་དང་མེ་ཏོག་དང་འབྲས་བུ་རྣམས་ལ་ཡལ་ག་རྒྱས་པར་འགྱུར་བ་ཉིད་དེ་དེ་བས་ན་སོ་སོར་མ་སྨོས་སོ། །ཤིང་ལྗོན་པ་རྣམས་ཞེས་བྱ་བ་ནི་ཤིང་དག་དང་ཤིང་རྣམས་ལའོ། །དེའི་ཆ་འོག་མར་སྦྱངས་པ་ནི་སྟེང་གཡོགས་#དང་འདྲའོ་ཞེས་བྱ་བ་ནི་འདིར་བླ་གབ་ཀྱི་རིམ་པའི་ཆ་
[140b]
[140b.1]འོག་མ་དེའི་གནས་ཀྱི་ཁོངས་སུ་གཏོགས་པ་དེ་བཞིན་དུ་འདིར་ཞེས་བྱ་བའི་དོན་ཏོ། །གྲུ་དང་ཤིང་རྟ་དག་གི་ཡང་ངོ་ཞེས་བྱ་བ་ནི་ཆ་འོག་མ་ཡང་སྟེང་གཡོགས་དང་འདྲ་བར་ཁོངས་སུ་གཏོགས་པར་ཤེས་པར་བྱའོ། །ནམ་མཁའ་ནི་མཚམས་སུ་གཏོགས་པ་མ་ཡིན་ནོ། །དེ་བས་ན་དེ་དང་འབྲེལ་པ་སྟེང་གི་
[140b.2]ངོས་དང་འབྲེལ་པའི་རྫས་ནི་མདོ་འདི་གཉིས་ཀྱིས་#གནས་ཉིད་ཡིན་པར་རིག་པར་བྱའོ། །མཚམས་མེད་པ་ལ་ནི་ཡན་ལག་གིས་ཁྱབ་པ་མཐའོ་ཞེས་བྱ་བ་ནི་ལྷག་པར་གནས་པ་འམ་དེའི་རྣམ་པའི་ཤིང་གཅོད་པ་ལ་སོགས་པ་ལ་རྣམ་པར་གཅོད་པ་ནི་འདིར་མཚམས་བཅད་པ་སྟེ། དེ་མེད་པ་ལ་འདི་རྣམས་
[140b.3]མཚམས་བཅད་པ་མེད་པ་ཉིད་ཀྱི་ཚིག་གོ། །ཁྱབ་པ་ནི་གནས་ཏེ་དེར་ཡལ་ག་#གང་ཡིན་པ་དེའི་མཐར་ཐུག་པ་ནི་གནས་ཀྱི་མཐར་ཐུག་པའོ། །འདིར་ལུང་ནི་གང་ཞིག་ལམ་དུ་ཞུགས་པ་ལ་ལུས་དང་འབྲེལ་པའི་ཕྱོགས་ནས་མཚམས་#སོ། །འདོམ་བཞི་བཅུ་རྩ་དགུ་ཚུན་ཆད་ཉེན་ཀོར་ཡིན་པར་གསུངས་པ་གང་
[140b.4]ཡིན་པ་དང་། མཚམས་གཞན་པ་ལ་ལུས་ཀྱིས་ནོན་པ་ཉི་#ཚེ་གནས་ཉིད་ཡིན་པར་གསུངས་པ་གང་ཡིན་པ་དེ་ཡིན་ནོ། །ཡང་#རིགས་པ་ནི་འདིར་ཞུགས་པ་ལ་གནས་ཉིད་ཙམ་དུ་རུང་བ་ཉིད་ཀྱིས་#གནས་ཀྱི་ཁོངས་སུ་གཏོགས་#པ་ཞེས་བྱ་བ་སྟེ་གཟུགས་ལ་#ནི་མ་ཡིན་ཞེས་བྱ་བའོ#། །དེའི་ཕྱིར་གནས་
[140b.5]བསྟན་པར་བྱས་པའོ#། །ད་ནི་འདི་ལ་ཉེན་ཀོར་བསྟན་པའི་ཕྱིར་ཉེན་ཀོར་ནི་ཁོ་ར་ཁོར་ཡུག་ཏུ་འདོམ་རེ་རེའོ་ཞེས་བྱ་བ་སྨོས་ཏེ། ཉེན་ཀོར་ནི་རྣམ་པ་གཉིས་ཏེ། བརྩམས་པ་ཉིད་ཀྱི་གནས་ཉིད་ཀྱི་ཁོངས་སུ་གཏོགས་པ་དང་། གནས་ངེས་པ་ལ་ལྷག་པར་གནས་ཤིང་བརྩམས་#པའི་སྐབས་ལ་བརྩམས་#
[140b.6]པ་ཡང་དག་པར་གནས་ཞེས་བྱ་བའོ། །ཉེན་ཀོར་དུ་གྱུར་པ་ཉིད་ཀྱི་དང་པོ་ལ་འདིར་བརྗོད་པ་ཉིད་དོ། །ཁོར་#ཡུག་ཏུ་འདོམ་རེ་རེའོ་ཞེས་བྱ་བའོ། །ཕྱི་མ་ནི་དམིགས་ཀྱིས་བསལ་#བར་གྱུར་པའོ། །གྲོང་གསུམ་དང་འབྲེལ་པ་གནས་སོ་སོས་#བརྩམས་པ་ཙམ་#ནི་མ་ཡིན་ནོ། །ལྷག་པར་གནས་པ་བརྩམས་
[140b.7]པ་ལ་ཡང་གསུམ་སྟེ། ཉེན་ཀོར་ལ་ཡང་གྲུབ་པ་དང་། ཤིང་རྟ་ལ་སོགས་པ་རྣམས་ལ་འདིར་གཡོག་འཁོར་ཉིད་དོ། །གྲུབ་པ་ནི་རྣམ་པ་གསུམ་ཡིན་ཏེ། བཤང་བ་དང་གཅི་བ་དང་མི་གཙང་བའོ། །ང་རྒྱལ་ཡང་ར་དང་ལུག་ལ་སོགས་པ་རྣམས་ཀྱི་རླུང་གིས་#ངེས་པར་འབབ་པར་འགྱུར་བ་སྟེ།
[141a]
[141a.1]དེ་བས་ན་དེ་རྣམས་ལ་འདི་བརྟེན་པའོ། །རྩིག་#པས་བསྐོར་བའི་གྲོང་ལ་ནི་ཇི་ཙམ་དུ་བ་ལང་དྲུག་#དང་ལྡན་པའི་ཤིང་རྟ་སྨྱིག་མ་ཅན་གྱིའམ་བྱ་གག་སྤར་ནས་འདུག་པའི་ལམ་གྱིས་ཁྱབ་པའོ་ཞེས་བྱ་བ། བྱ་གག་སྤར་ནས་འདུག་པའི་ཞེས་བྱ་བ་ནི་ལམ་ཇི་ཙམ་ན་འདུག་པ་དེ་ནི་འདིའམ་
[141a.2]སྔ་མ་གང་ཡང་རུང་བ་ཉེན་ཀོར་ཡིན་ནོ། །རིབ་#མས་བསྐོར་བ་ལ་ནི་ར་ལུག་གི་རྡུལ་གྱི་འམ་མི་རང་བཞིན་གྱིས་#ངོ་ཚ་བ་དང་ལྡན་པའི་བཤང་བའི་ལམ་གྱིས་སོ་ཞེས་བྱ་བ་ནི་མི་རང་བཞིན་གྱིས་#ངོ་ཚ་བ་དང་ལྡན་པ་གང་ཡིན་པ་དེས་སྤྲོ་བས་འདིར་དེ་ནི་ཉེན་ཀོར་རམ་ཇི་སྲིད་དུ་རྡུལ་གྱིས་ཁྱབ་པ་ལའོ། །འོབས་ཀྱིས་
[141a.3]བསྐོར་བ་ལ་ནི་སྐས་གདང་བུ་བཅུ་གཉིས་པའི་འམ་ཕྱག་དར་བོར་བའི་བོང་བ་རགས་པའི་ལམ་གྱིས་སོ་ཞེས་བྱ་བ་ནི་ཕྱག་དར་བོར་བའི་བོང་བ་རགས་པ་ཡན་ལག་ཏུ་གྱུར་པའི་ལམ་གྱིས་ཁྱབ་པ་གང་ཡིན་པ་དེ་ནི་ཉེན་ཀོར་དུ་བརྗོད་དོ། །བརྩམས་#པ་ཉིད་ཀྱི་གནས་པ་ལ་ཉེན་ཀོར་ནང་#དུ་འབྱུང་ཞིང་ཉེན་ཀོར་དུ་
[141a.4]གྱུར་པ་ཉིད་ཀྱིས་གང་ཡིན་པ་དེ་ནི་བརྗོད་པར་བྱ་སྟེ། གནས་དེའི་འཕྲལ་#གྱི་བྱ་བ་དང་འགྲོ་བ་དང་འདུག་པ་དང་རྡུལ་དག་གིས་དེར་#གཏོགས་པ་#ཁྱབ་པའོ་ཞེས་བྱ་བ་ནི་གནས་དེ་#དང་འབྲེལ་པ་དེའི་འཕྲལ་#གྱི་བྱ་བ་ཉིད་གང་ཡིན་པ་དང་འགྲོ་བ་དང་འདུག་པ་དང་རྡུལ་དེ་དག་གིས་སམ། དེ་ཇི་ཙམ་པ་དེར་
[141a.5]གཏོགས་པ་དེའི་གནས་ཀྱི་ས་ཕྱོགས་ལ་ཁྱབ་པའོ། །དེ་ཡང་ཉེ་བར་སྤྱོད་པ་གཞན་ནོ། །དེའི་སྒྲ་ནི་འདིར་གཞན་གནས་པའོ། །འཕྲལ་གྱི་བྱ་བ་ལ་སོགས་པ་ཁྱབ་པར་གྱུར་པ་ལ་གནས་གཞན་པ་ཉེ་བར་སྤྱོད་པ་ཉིད་ཐོབ་པར་མ་གྱུར་ཅིག་ཅེས་བྱ་བ་གང་དུ་ཡང་དེ་རྣམས་འདྲ་#བར་བྱེད་པ་དང་། རྔོ་བར་བྱེད་པ་
[141a.6]དང་།# འཐག་པར་བྱེད་པ་དང་། ཁྱིའུ་སུས་བྱེད་པ་ཞེས་བྱ་བ་ལ་སོགས་པ་ཉེ་བར་སྤྱོད་པ་རིགས་ལ་སོགས་པ་གང་ཡིན་པ་དང་བརྗོད་པ་#གང་ཡིན་པ་དེ་ནི་#ཁོངས་སུ་གཏོགས་པ་བསྡུ་བའི་དོན་དུ་མདོ་འདི་བྱས་པའོ། །མཚམས་མེད་པའི་ལམ་དུ་ཐ་དད་པ་མ་ཡིན་པར་འགྲོ་བའི་མི་ལ་ནི་འདོམ་བཞི་བཅུ་
[141a.7]རྩ་དགུའོ་ཞེས་བྱ་བ་ནི་གང་དུ་བྱིན་གྱིས་རློབ་#པར་བྱེད་པ་དེ་མངོན་པར་འགྲོ་བ་དེ་དང་མངོན་པར་ཕྱོགས་པར་འགྲོ་བ་གང་ལ་ཡོད་པ་དེ་ནི་ཐ་དད་པ་མ་ཡིན་པར་འགྲོ་བའོ། །དེ་མཚམས་བཅད་པ་མ་ཡིན་པའི་ལམ་ལ་འཇུག་པར་གྱུར་པ་ལ་ཉེ་བར་སྤྱོད་པ་འདི་བྱས་སོ། །མཚམས་བཅད་པ་དང་བཅས་པ་ལ་མཚམས་
[141b]
[141b.1]བཅད་པ་ཉིད་ཀྱིས་རྣམ་པར་གཞག་པ་རིགས་པ་ཡིན་ཏེ། ཞེང་དུ་ལམ་ཇི་ཙམ་གྱི་འགྲོ་བ་རྣམས་ལ་ལམ་གཅིག་ལ་ལྟུང་བ་ཉིད་སེམས་པར་བྱེད་པ་རྒྱས་པ་དེ་ཙམ་ལ་འདིར་འདི་ལ་ལམ་ཉིད་ཅེས་བྱ་བར་#རིག་པར་བྱའོ། །གང་ལ་གནས་དང་གནས་མ་ཡིན་པ་དག་ལ་བསམ་པ་དེ་ལ་འདི་ནི་གནས་ཉེ་བར་བཟུང་བ་
[141b.2]ཞེས་བྱ་བ་སྐབས་ཀྱིས་#རྟོགས་པའོ། །མི་ལ་ཞེས་བྱ་བ་ནི་འགྲོ་བ་ལ་འདི་བཟུང་བའོ། །འདིར་མོའི་མཚན་མ་འམ་སྐྱེས་པའི་མཚན་མ་གཙོ་བོ་མ་ཡིན་པ་དེ་ལ་ནི་འདོམ་བཞི་བཅུ་རྩ་དགུ་ཡན་ཆད་ཞེས་#བྱ་བ་ཤིང་རྣམས་ཀྱིས་#རྒྱས་པ་བདུན་པའི་ཚད་ཀྱིས་ལམ་གྱི་བར་གྱིས་བར་དུ་ཆོད་པར་བྱས་པ་ལ་ཤིན་ཏུ་རིང་བ་ཉིད་མ་
[141b.3]ཡིན་པ་ཞེས་བྱ་བའོ། །སྦྱར་བར་གྱུར་པ་ཉིད་ཀྱི་ཕྱིར་རྣམ་པར་གཞག་པ་འདིའོ། །འདི་ནི་དམིགས་ཀྱིས་བསལ་བ་སྟེ། དེ་བས་ན་ལམ་བརྒྱད་ཀྱི་ཐ་མ་ལ་འདིར་འདོམ་བཞི་བཅུ་རྩ་དགུ་ཚུན་ཆད་ལ་གྲངས་ཡིན་ཏེ། དེ་ལས་གཞན་པའི་འདོམ་གང་ཡིན་པ་དེ་ནི་མཐའ་ཚུན་ཆད་ལས་གཞན་ཞེས་བྱ་བ་
[141b.4]རྟོགས་པར་བྱའོ། །མཚམས་གཞན་མ་ཡིན་ནོ་ཞེས་བྱ་བ་ནི་ཉེས་པར་སྤྱོད་པ་ཐམས་ཅད་ཀྱི་སྐབས་སུ་གྱུར་པའི་ཉེས་པར་སྤྱོད་པའི་ཆོ་ག་ལ་དམིགས་ཀྱིས་བསལ་བ་འདི་ཡིན་ནོ། །དབུས་ནས་རྒྱང་གྲགས་ཀྱི་མཐའ་ཕན་ཆད་ནི་ཐ་དད་པ་ཉིད་དོ་ཞེས་བྱ་བ་ནི་དབུས་སུ་གྱུར་པའི་ཡན་ལག་དང་པོར་བྱས་ཏེ།
[141b.5]གང་ཞིག་རྒྱང་གྲགས་གང་ཡིན་པ་དེའི་མཐའ་མ་ལས་གཞན་པའི་ཐ་དད་པ་ཉིད་གནས་ཀྱི་མཚན་ཉིད་ཀྱིས་ཀྱང་ཞུགས་པ་མ་ཡིན་ན་ཉེ་བར་སྤྱོད་པའི་མཚན་ཉིད་ཀྱིས་ལྟ་སྨོས་ཀྱང་ཅི་དགོས་ཞེས་བྱ་བའི་དོན་ཏོ། །གནས་དང་ཉེ་བར་སྤྱོད་པའི་ཆོ་ག་རྣམ་པ་གཉིས་ཀ་ལ་ཡང་འདི་དམིགས་ཀྱིས་བསལ་བ་ཡིན་ནོ། །
[141b.6]ལུང་ནི་གཞུང་བསྟན་པའི་ཕྱིར་ནགས་ཞེས་བྱ་བ་ནི་ཤིང་ལྗོན་པའི་གནས་སོ། །དེ་ལ་ཇི་སྲིད་དུ་ཡལ་ག་དང་ལོ་མ་དང་མེ་ཏོག་དང་འབྲས་བུ་རྣམས་ལ་ཕན་ཚུན་འབྲེལ་པར་གྱུར་པ་དེར་དགེ་སློང་གི་རྒྱང་གྲགས་ཁོ་ར་ཁོར་ཡུག་གར་#དགའ་བར་ཆོས་གོས་བཞག་སྟེ་དེར་གར་དགའ་བར་སྐྱ་རེངས་#འཆར་བར་
[141b.7]བྱའོ་ཞེས་མ་མོ་ལས་གསུངས་པ་ཡིན་ཏེ་གནས་རྣམས་ཐམས་ཅད་ལ་ཆོ་ག་འདིས་རྣམ་པར་གཞག་པ་ཞེས་བྱ་བའི་བར་རྣམ་པར་གཞག་གོ། །འབྲལ་བའི་སྤང་བ་རྣམ་པར་འབྱེད་པའོ།། །།དམ་དུམ་དུ་གྱུར་པ་ལ་བྱིན་གྱིས་བརླབ་པ་མེད་པར་མི་འགྱུར་རོ། །སྤང་བ་ལ་ནི་མི་འཆགས་པ་མ་ཡིན་ནོ་ཞེས་
[142a]
[142a.1]བྱ་བ་ནི་སྤང་བར་བྱ་བའི་དངོས་པོ་ལ་བྱིན་གྱིས་བརླབ་པ་མི་འཆགས་པར་མི་འགྱུར་བ་སྟེ་རང་ཉིད་དང་མ་བྲལ་བའི་ཕྱིར་རོ། །གཞུང་ཁ་ཅིག་ལས་དགེ་སློང་གིས་ཆོས་གོས་དེ་ཉིད་དགུང་བཅུ་#འདས་པ་ཡང་ལགས་ལ་དགུང་གཅིག་བྲལ་བ་ཡང་ལགས་པ་མཆིས་སམ། བཀའ་སྩལ་
[142a.2]པ་ཡོད་དེ། ཆོས་གོས་ཞག་བཅུ་འདས་པ་ཡང་ཡིན་ལ་དགེ་སློང་གིས་ཀྱང་དེ་བྱིན་གྱིས་བརླབས་ཏེ་མཚམས་ཀྱི་ཕྱི་རོལ་དུ་སྐྱ་རེངས་#འཆར་པར་བྱེད་པའོ་ཞེས་གསུངས་ཏེ་བསྡུས་པ་ཡིན་ནོ། །དགེ་སློང་གིས་ཀྱང་དེ་བྱིན་གྱིས་བརླབས་ནས་ཞེས་བྱ་བ་ལ་དེ་བྱིན་གྱིས་#བརླབས་ཏེ་ཞེས་བྱ་བའི་ཚིག་ནི་འདིར་འཆད་པ་ཞེས་
[142a.3]མཐོང་བ་ཡིན་ནོ། །དགེ་འདུན་གྱི་ལ་ཡང་ངོ་ཞེས་བྱ་བ་ནི་བྱིན་གྱིས་བརླབས་པ་མི་འཆགས་པ་མ་ཡིན་ནོ། །རང་ཉིད་ཁོ་ནས་དགེ་སློང་ལ་དགེ་འདུན་གྱི་ཉེ་བར་ལོངས་སྤྱོད་པའི་དུས་ན་རྣམ་པར་གཞག་པ་དེ་བཞིན་དུ་མང་པོ་ཡོངས་སུ་ཐོབ་པ་རེ་རེ་ནས་ཉེ་བར་ལོངས་སྤྱོད་པ་ལ་མང་པོ་དང་འབྲེལ་པའི་དོན་ཉིད་ཀྱི་ཕྱིར་དེ་ལས་འབྲལ་བར་
[142a.4]འགྱུར་རོ། །དེ་ལས་ཞེས་བྱ་བ་ནི་དགེ་འདུན་གྱི་བྱིན་གྱིས་བརླབས་པ་དེ་ལས་འདིར་བྱིན་གྱིས་བརླབས་པ་བཟུང་བ་ནི་རྒྱུ་ཡིན་ཏེ། ཐམས་ཅད་ཀྱི་ཐམས་ཅད་དུ་བཟུང་བ་ནི་མ་ཡིན་ནོ། །དེ་བས་ན་དགེ་འདུན་གྱིས་#བྱིན་གྱིས་བརླབས་པ་ལས་འབྲལ་པར་ཡང་འགྱུར་བ་ཁོ་ནའོ། །གཞན་གནས་པས་
[142a.5]གཞན་གྱི་གནས་མི་ཉམས་སོ་ཞེས་བྱ་བ་ལ། གཞན་གྱི་ཞེས་བྱ་བ་ནི་མཚན་ཐ་དད་པ་བསྙེན་པར་རྫོགས་པ་འམ་#བསྙེན་པར་རྫོགས་པ་མ་ཡིན་པ་བྱིན་གྱིས་བརླབས་པར་གྱུར་པའི་གནས་ལས་གནས་གཞན་ཉིད་གང་ཡིན་པ་དེར་བྱིན་གྱིས་བརླབས་པས་སམ། གཞན་དུ་ན་བསྙེན་པར་རྫོགས་པ་
[142a.6]ཉིད་དེ་ནི་#ཉམས་པ་མ་ཡིན་ཏེ་བྲལ་བ་མ་ཡིན་པའོ། །གནས་གཞན་དུ་བྱིན་གྱིས་བརླབས་པ་གཞན་ལ་བྲལ་བ་མ་ཡིན་པ་སྟེ་ཞེས་བྱ་བ་འདི་ཡང་འདིའི་རྗེས་སུ་འབྲངས་ཏེ་རྟོགས་པར་བྱའོ། །འདིར་གཞུང་ནི་ཡི་གེ་ཁ་ཅིག་ལས་དགེ་སློང་ལ་ལ་ཞིག་མུ་སྟེགས་ཅན་གྱི་གནས་སུ་ཆོས་གོས་བཞག་
[142a.7]སྟེ། དགེ་འདུན་གྱི་གནས་ཉེན་གོར་གཅིག་པར་གནས་པར་བགྱིས་ན་ལྟུང་བར་མི་འགྱུར་བ་མཆིས་སམ། བཀའ་སྩལ་པ་ཡོད་དེ། གང་ཞིག་མུ་སྟེགས་ཅན་དང་ལྷན་ཅིག་བསྐོས་པར་རོ་ཞེས་གསུངས་པ་ཡིན་ནོ། །དེ་བཞིན་དུ་ཤིང་ལྗོན་པ་ཡང་དེ་དང་འདྲའོ། །དངོས་པོ་གཅིག་ལ་
[142b]
[142b.1]འཇུག་པར་རྣམ་པར་རྟོག་#པ་ཙམ་དུ་འདིར་བསྐོས་པར་རིག་པར་བྱའོ། །ཆོས་འདི་པ་དང་གཞན་པ་དག་ནི་ལྟ་བ་ལས་ཤེས་པས་མ་འཕངས་པ་མ་ཡིན་ནོ་ཞེས་བྱ་བ་ནི་ཡོངས་སུ་འཛིན་པ་པོ་རྣམས་རྣམ་པར་འབྱེད་པ་ལ་ལྟ་བ་ལས་དབྱེ་བ་ཞེས་བྱ་བ་འདིས་ཆོས་གཞན་པ་དང་འདི་པ་དག་མ་འཕངས་པ་མ་ཡིན་ནོ། །
[142b.2]ཐུན་མོང་བ་དག་གི་སྒོ་གང་ཡང་མ་ཡིན་ནོ་ཞེས་བྱ་བའི་གནས་དུ་མ་ཉིད་ཀྱི་ཕྱིར་སྒོ་ལ་སོགས་པ་ནི་ཐུན་མོང་བར་བརྗོད་དོ། །དེས་ནི་སྒོ་གང་ཡང་མ་བསྡུས་པ་མ་ཡིན་ཏེ་བསྡུས་པ་ཁོ་ན་ཡིན་ནོ། །མདོ་འདི་གཉིས་ཀྱི་གཞུང་ནི་འདི་ཡིན་ཏེ་དགེ་འདུན་གྱི་གནས་དང་མུ་སྟེགས་ཅན་གྱི་གནས་ཉེན་ཀོར་གཅིག་པར་
[142b.3]གནས་པར་བྱེད་ན་སྒོ་ཁང་དུ་གནས་པ་ལ་ལྟུང་བ་མེད་དོ་ཞེས་གསུངས་པ་གྲགས་པར་གྱུར་པ་དེ་བས་ན་འདི་དང་ཐ་མི་དད་པ་ཉིད་དོ། །ནོར་ལས་ཞེས་བྱ་བས་ཕ་དང་བུ་དག་ཀྱང་མ་ཡིན་ནོ་ཞེས་བྱ་བ་ནི་ཉེ་བར་འཛིན་པ་པོ་རྣམས་ཐ་དད་པ་ནི་ནོར་ལས་གནས་ཀྱི་དབྱེ་བ་ཞེས་བྱ་བ་འདིས་ཕ་དང་བུ་དག་ཀྱང་འཕངས་
[142b.4]པ་ཁོ་ནའོ། །སྤངས་པ་ཉིད་ཀྱང་དེ་དང་འདྲའོ་ཞེས་བྱ་བ་ནི་རྣམ་པར་འབྱེད་པ་ཉིད་ལ་ཐ་དད་པ་ཉིད་དང་། ནོར་གྱིས་རྣམ་པར་འབྱེད་པ་ཉིད་མ་ཡིན་པ་ལ་ནོར་གྱིས་ཐ་དད་པ་ཉིད་མ་ཡིན་པ་ཞེས་བྱ་བ་འདི་གང་ཞིག་#འདིར་ལྷུང་བཟེད་ཁ་སྦུབ་པས་སམ་ཁྲིམས་སུ་བྱས་པས་སྤངས་པ་ཉིད་ཀྱང་དེ་དང་འདྲ་བར་རིག་
[142b.5]པར་བྱའོ་ཞེས་བྱ་བའི་དོན་ཏོ། །ཟས་དང་བཅས་པ་ཉིད་ལ་ཡང་ངོ་ཞེས་བྱ་བ་ནི་རྣམ་པར་འབྱེད་པ་ཉིད་ལ་ཐ་དད་པ་ཉིད་དང་ནོར་གྱིས་ཀྱང་རྣམ་པར་འབྱེད་པ་ཉིད་མ་ཡིན་པ་ཉིད་ལ་ཐ་མི་དད་པ་ཉིད་དོ། །ཐ་མི་དད་པ་ཉིད་ཅེས་བྱ་བ་འདི་ཁ་ཟས་དང་བཅས་པ་ཉིད་ལ་ཡང་ཞེས་བྱ་བའི་དོན་ཏོ། །ཁང་པ་གཅིག་
[142b.6]པ་ཉིད་དང་ཤིང་ཆེ་བ་གཅིག་པ་ཉིད་དང་གཅིག་པར་གྱུར་པ་ཉིད་ལ་གཞན་སུ་དག་རྣམས་ལ་ཆོ་ག་འདི་སྦྱར་བའོ། །ཉལ་པོ་བྱེད་པར་ཤོམ་པ་ཉིད་ཀྱང་ངོ་ཞེས་བྱ་བ་འདིར་འདུག་ནས་གནས་པ་བརྟག་པར་བྱེད་ཅིང་འཁྲིག་པའི་ཚད་དང་ལྡན་པ་ལྟུང་བྱེད་རྣམས་ལ་ཞེས་བྱ་བ་འདི་ལ་འདི་བསྟན་པའོ། །འདིར་
[142b.7]གཞུང་ནི་ཕྲན་ཚེགས་ཀྱི་ཞུ་བ་ལྷུང་བཟེད་ཁ་སྦུབ་པ་ལས། ཁྱིམ་བདག་ལ་ཁྱིམ་ཞིག་ཡོད་ལ་དེ་ལ་དུ་#རབ་ཏུ་མང་པོ་དག་བདོག་ཅིང་དེ་ཡང་ནོར་ཐ་དད་པའི་ཁྱིམ་མ་ཡིན་པ་ལ་ཁྱིམ་བདག་རྣམས་ཀྱང་ལྷན་ཅིག་གནས་པ་ཡིན་ན་ཁྱིམ་གཅིག་#ཡིན་པར་བརྗོད་པར་བྱ་སྟེ། འདིར་ཕྱིས་གནོན་མ་བྱས་ཤིང་
[143a]
[143a.1]ཡོངས་སུ་གཅོད་པར་མི་འགྱུར་ནའོ། །གལ་ཏེ་དེས་སླར་ནོར་བགོས་པར་གྱུར་ན་ཁྱིམ་ཐ་དད་པ་བརྗོད་པར་བྱ་སྟེ། བུ་དེ་རྣམས་#ཇི་སྙེད་པ་དག་དང་#འབྲེལ་པ་ཇི་སྙེད་པ་ཡོད་པ་རྣམས་དང་མནའ་མ་ཇི་སྙེད་པ་དེ་རྣམས་འཁོད་པ་ཐམས་ཅད་ལ་ཕྱིས་གནོན་བྱས་ཤིང་འདུག་པའམ#།
[143a.2]སྐྱབས་ཡོད་པ་ན་འགྲེང་བའི་ལྟུང་བྱེད་རེ་རེར་འགྱུར་རོ་ཞེས་གསུངས་པ་ཡིན་ནོ། །དེ་ལྟར་ཁྱིམ་བདག་རྣམས་ཀྱང་ལྷན་ཅིག་གནས་པ་ཡིན་ལ་#ཞེས་བྱ་བ་ནི་ཁྱིམ་གཅིག་ཏུ་གྱུར་པ་ཉིད་བསྟན་ཏོ། །ཕྱིས་གནོན་མ་བྱས་ཤིང་འདུག་པར་གྱུར་པ་#ཞེས་བྱ་བ་འདི་ལ་ཕྱིས་གནོན་མ་བྱས་ཤིང་འདུག་པར་ཡང་འགྱུར་ཏེ།
[143a.3]འདིའི་མཚན་མ་ཅན་ཁ་ན་མ་ཐོ་བ་གཉིས་ལ་འདིའི་མཚན་མ་ཙམ་ཉིད་ཀྱིས་སོ་སོར་ཉེ་བར་གནས་པ་མ་ཡིན་ཞེས་བྱ་བའི་དོན་ཏོ། །ཐམས་ཅད་ལ་ཕྱིས་གནོན་མ་བྱས་ཤིང་འདུག་ལ་ཞེས་བྱ་བ་འདི་ལ་ཐམས་ཅད་ཕྱིས་གནོན་མ་བྱས་པར་འདུག་པར་ཡང་འགྱུར་ཏེ། སོ་སོར་ཉེ་བར་འདུག་པའི་མཚན་མ་འདི་
[143a.4]གཉིས་ནི་གནས་ཀྱིས་ཞེས་བྱ་བའོ། །གྲོང་ལ་དེ་ཡོད་པ་ནི་གཙུག་ལག་ཁང་གི་ཉེན་ཀོར་ཉིད་མ་ཡིན་ནོ་ཞེས་བྱ་བ་ནི་གྲོང་ལ་#དེ་ཞེས་བྱ་བ་ནི་ཉེ་བར་སྤྱོད་པའོ། །ཡོད་པ་ཞེས་བྱ་བ་ནི་བདོག་པ་སྟེ། གཙུག་ལག་ཁང་གི་ཉེན་ཀོར་ཉིད་མ་ཡིན་ནོ། །གྲོང་གི་ཉེན་ཀོར་གྱི་དོན་གང་ཡིན་པ་དེ་ནི་གཙུག་ལག་ཁང་
[143a.5]གི་ཉེན་ཀོར་ཉིད་མ་ཡིན་ནོ། །འདིར་གཞུང་ནི་ཞུ་བ་ལས་བཙུན་པ་རེ་ཞིག་གྲོང་དང་གཙུག་ལག་ཁང་གི་ཉེན་ཀོར་འབྲེལ་བར་#གྱུར་ན་ཆོས་གོས་དང་མི་འབྲལ་བར་ཇི་ལྟར་འཚལ་བར་བགྱི། ཉེ་བ་འཁོར་གྲོང་གི་ཉེན་ཀོར་མ་གཏོགས་པ་ལྷག་མ་ལས་ཆོས་#དང་མི་འབྲལ་བར་ཤེས་པར་བྱ་ཞེས་གསུངས་
[143a.6]པ་ཡིན་ནོ། །འདིར་མཚམས་ལ་ཇི་ལྟར་མི་ལྡང་བ་དང་བྱིན་གྱིས་བརླབས་པ་དོན་དུ་གཉེར་བ་ལ་#ཤེས་པར་བྱ་བ་གནས་པ་ཉིད་ཀྱིས་སོ་སོར་གྱུར་པ་ཉིད་ཀྱི་ཕྱིར་དེ་བཞིན་དུ་འདི་ལ་གང་ཞིག་གཙུག་ལག་ཁང་ལ་ཅུང་ཟད་ལྷག་པར་གནས་པའི་དགེ་སློང་ཁྱིམ་ན་#གནས་པས་གནས་ཁང་དུ་ལྷག་པར་གནས་
[143a.7]ན་སོ་སོར་གནས་པ་ཉིད་དེ་ལ་ཞེས་བྱ་བ་འདི་ཡང་འདིས་བྱས་པར་རིག་པར་བྱའོ། །དེ་བས་ན་གནས་ཁང་དང་འབྲེལ་པའི་རྣམ་པར་གཞག་པས་འདི་ཐོབ་པར་རིག་པར་བྱའོ། །གང་ཞིག་འགྲོ་བ་པོས་མཚན་མོ་གཅིག་ལ་ཡང་མཚམས་ཀྱི་ས་ཕྱོགས་འབའ་ཞིག་ན་ལྷག་པར་གནས་པ་དེ་ལ་དེའི་སོ་སོར་
[143b]
[143b.1]གནས་པ་ཉིད་ཅེས་བྱའོ། །འབྲལ་བའི་སྤང་བ་ཞུ་བའི་སྐབས་སོ།། །།ཁ་བསྐང་བ་ལ་རེ་བ་མེད་ན་ཆུང་བ་ཁྲུ་གང་ཡན་ཆད་ཀྱང་#ཆོག་པ་དང་འདྲའོ་ཞེས་བྱ་བ་ནི་འཁོར་གསུམ་ཁེབས་པའི་མཐའི་ཚད་བཞིན་དུ་འཛིན་པ་དང་། བསླབ་པའི་གཞི་ལས་འདི་ཞུགས་པ་ཞེས་བྱ་བའི་དོན་ཏོ། །མེད་ན་
[143b.2]ཞེས་བྱ་བ་ནི་གནས་མ་#ཟིན་པ་ལ་འདིར་ཇི་#ལྟར་རྣམ་པ་གང་གིས་ཀྱང་བསྒྲུབ་པ་ཡིན་ཏེ། ཕྱིར་#འོང་བ་ལ་སྡོད་པ་ནི་རེ་བ་དང་བཅས་པར་རིག་པར་བྱའོ། །འདིར་#ཆད་ནི་རེ་བ་ཀུན་ནས་ཆད་པའོ། །འདིར་གཞུང་ནི་དེ་ཆོས་གོས་ལ་རེ་བ་གང་ཡིན་པ་དེ་ཐམས་ཅད་ཀྱི་ཐམས་ཅད་དུ་རྒྱུན་ཆད་པར་གྱུར་ན་
[143b.3]དགེ་སློང་དེས་#གོས་དེ་ཉི་མ་བཅུ་པ་དེ་ཉིད་ཀྱི་ནང་རོལ་དུ་གཏང་#བར་བྱའོ་ཞེས་བྱ་བ་ལ་སོགས་པས་ཆོག་པ་ཞེས་བྱ་བ་གང་ཞིག་#དེར་ཁ་བསྐང་བར་གསུངས་པ་འཁོར་གསུམ་ཁེབས་པའི་མཐའི་ཚད་དུ་འདི་ཆོག་པར་སྔ་མ་བཞིན་དུ་ཞེས་བྱ་བ་ནི་ཁྲུ་གང་ཡན་ཆད་#ཁ་བསྐང་བ་པོ་ལ་རེ་བ་མེད་པར་གྱུར་ན་ཁྲུ་གང་
[143b.4]ཡན་ཆད་དུ་ཆོག་པ་དེ་ཞག་བཅུའི་མཐར་ཐུག་པར་བཙང་བར་བྱའོ། །ཡོད་ན་ནི་ཁྲུ་གང་ཡན་ཆད་ཉེ་བར་བསྐུལ་བར་བྱའོ་ཞེས་བྱ་བ་ནི་རྣམ་པར་གཞག་པ་འདིའོ། །བྱིན་གྱིས་བརླབ་#པར་བྱ་བ་ཡོད་པ་ཉིད་ཡིན་ན་ཡང་ངོ་ཞེས་བྱ་བ་ནི་ཁ་བསྐང་བ་བཞིན་དུ་རྫོགས་པར་གྱུར་པ་ལ་ཁྲུ་གང་ལས་ཆོག་པ་དང་འདྲ་
[143b.5]བར་བལྟ་བར་བྱའོ། །འདིར་གཞུང་ནི་མདོའི་ཚིག་ལས་ཆུང་ན་ཁ་བསྐང་བར་བྱའོ་ཞེས་གསུངས་སོ། །བྱིན་གྱིས་བརླབ་#པར་བྱ་བ་ལ་འདི་འདིར་ཁ་བསྐང་བ་ཉིད་དུ་མངོན་པར་འདོད་པ་དེ་གང་གི་ཕྱིར་འདིར་དེའི་རྣམ་པར་འབྱེད་པ་ནི་འདི་ཡིན་ཏེ་མ་ཆོག་པ་ཁ་བསྐང་བའི་དོན་དུ་འམ་ཞེས་བྱ་བ་ནི་སྣམ་སྦྱར་
[143b.6]གྱི་འམ་མཐང་གོས་ཀྱིའོ་ཞེས་བྱ་བས་འདིར་འམ་གྱི་སྒྲ་ནི་ཉམས་པ་མཐོང་བ་ཡིན་ནོ་ཞེས་གསུངས་པ་ཡིན་ནོ། །ཕྲན་ཚེགས་ཀྱི་ཞུ་བ་པའི་#ནང་ནས་ཀྱང་གཞུང་འདི་ཡིན་ཏེ་ཟླ་བ་གཅིག་གི་མཐར་ཐུག་པའི་ཆོས་གོས་ནི་འདི་ཡིན་ཏེ་གང་ལ་ཆོས་གོས་གསུམ་ཚང་བར་ཡོད་པ་དེས་དེ་གཞག་པར་མི་བྱའོ། །ཅི་སྟེ་
[143b.7]འཇོག་ན་སྤང་བའི་ལྟུང་བྱེད་དོ་ཞེས་གསུངས་པ་ཡིན་ནོ། །གང་ལ་འཇོག་པའི་སྤང་བ་འབྱུང་ཞེ་ན། དེའི་ཕྱིར་གཞན་དུ་ན་དེ་ནི་ཞག་སུམ་ཅུ་འདས་ནའོ་ཞེས་བྱ་བ་ནི་ཁ་སྐོང་བ་པོ་ལ་རེ་བ་ལ་#ཡོད་པ་དང་བྱིན་གྱིས་བརླབ་#པར་བྱ་བ་མེད་པ་ཉིད་ནའོ། །དེ་ནི་ཞེས་བྱ་བ་ནི་ཆུང་བ་ཁྲུ་གང་ཡན་ཆད་པའོ། །ཞག་
[144a]
[144a.1]སུམ་ཅུ་འདས་ནའོ་ཞེས་བྱ་བ་ནི་ཞག་སུམ་ཅུ་རྩ་གཅིག་གི་སྐྱ་རེངས་དང་པོ་#ཤར་ནའོ་ཞེས་བྱ་བའི་ཐ་ཚིག་གོ། །འདིར་གཞུང་ནི་དགེ་སློང་གིས་#ཆོས་གོས་སྔོན་པོ་རྙེད་ལ་བྱེད་དུ་མི་འཇུག་ཅེས་བྱ་བ་ལ་སོགས་པ་དང་། ཞུ་བ་ལས་ཀྱང་བཅོམ་ལྡན་འདས་ཀྱིས་#དགེ་སློང་དེས་ཟླ་བ་
[144a.2]གཅིག་གི་མཐར་ཐུག་པར་ཆོས་གོས་གཞག་པར་བྱའོ། །ཆོས་གོས་ཇི་ལྟ་བུ་ཞིག་ཅེ་ན། འཁོར་གསུམ་མི་ཁེབས་པ་གང་ཡིན་པའོ་ཞེས་གསུངས་པ་གང་ཡིན་པའོ། །ཁ་དོག་ལ་སོགས་པ་ལས་རིགས་མི་མཐུན་པ་ནི་ཆོག་པ་ཉིད་མ་ཡིན་ནོ་ཞེས་བྱ་བ་ནི་འདི་ལ་འགྲུབ་པ་ཉིད་དུ་རྩོམ་#པ་ཉིད་འདིར་
[144a.3]གང་ཞིག་རེ་བ་གང་ཡིན་པས་ནི་རེ་བ་དང་བཅས་པ་མ་ཡིན་ཞེས་བྱ་བའི་དོན་ཏོ། །འདིར་གཞུང་ནི་འདི་ལྟར་གང་གི་ཚེ་དེ་དང་འདྲ་བ་རྙེད་པར་གྱུར་ནའོ་ཞེས་བྱ་བ་གསུངས་པ་ཡིན་ནོ། །སོགས་པ་ཞེས་བྱ་བའི་སྒྲས་ནི་རིགས་མི་མཐུན་པ་ཐ་དད་པ་བལ་གོས་དང་རས་གོས་ལ་སོགས་པ་ལྟ་བུ་ཐམས་ཅད་བསྡུའོ། །
[144a.4]ཁ་དོག་ཅེས་བྱ་བའི་སྒྲས་ནི་འདིར་སྔོན་པོ་དང་སེར་པོ་དང་དམར་པོ་དང་དེ་དག་གི་བྱེ་བྲག་ལས་བྱས་པ་དག་ཀྱང་བསྡུའོ། །དཀར་པོ་ཉིད་ནི་ཁ་དོག་ཐམས་ཅད་པ་ཉིད་དོ་ཞེས་བྱ་བ་ལ་ཁ་དོག་ཐམས་ཅད་པ་ནི་ཁ་དོག་ཐམས་ཅད་པའོ། །དེའི་དངོས་པོ་ནི་དཀར་པོ་ཉིད་དོ། །སྔོན་པོ་ལ་སོགས་པ་ལ་
[144a.5]དཀར་པོའི་རྫོགས་པ་ཉིད་མ་ཡིན་ཏེ། སྔོན་པོ་ལ་སོགས་པ་བཞག་པ་ལ་དཀར་པོ་རྙེད་པ་གང་ཡིན་པ་དེ་ནི་གཞན་རྙེད་པ་ཉིད་མ་ཡིན་ཞེས་བྱ་བ་འདི་ལ་འདི་བྱེད་པའོ། །འདིར་ལུང་ནི་སྔོན་པོ་ལ་སོགས་པའི་ནང་དུ་དཀར་པོ་མ་སྨོས་པ་ཡིན་པར་རིག་པར་བྱའོ། །དེ་རྙེད་ན་ཞག་བཅུ་པ་དེའི་དང་པོ་ལ་བག་ལ་
[144a.6]གློན་པ་ཉིད་དོ་ཞེས་བྱ་བ་ནི་གང་ཞིག་ཉེ་བར་གཞག་པ་དེ་ཞེས་བྱ་བ་ནི་དེའི་རིགས་ཀྱི་ཁ་དོག་ལ་སོགས་པ་དེ་དང་རིགས་མཐུན་པ་བསྒྲུབ་#པ་ལ་གང་ཞིག་དེའི་ཚེ་ན་གཞག་པའི་དུས་ན་ཞག་བཅུ་པ་དང་པོ་འམ་གཉིས་པ་ལ་སོགས་པ་དེའི་དང་པོ་ལ་བག་ལ་གློན་པ་ཉིད་དོ། །ཚད་རྫོགས་པ་ཉིད་གལ་ཏེ་དེའི་
[144a.7]ཚད་ཀྱིས་ཆོག་#ལ་ཞག་བཅུ་ལས་འབྱུང་བ་ཉིད་དེ་དག་གཅིག་པ་ཉིད་ཀྱི་རྣམ་པར་ལྟོས་པར་བྱ་བ་ཉིད་དོ། །དེའི་ཞག་བཅུ་ལ་སོགས་པ་ཉིད་ནི་འཆང་བ་ལ་སོགས་པའོ། །དེ་ཡང་གལ་ཏེ་དེའི་ཚེ་བག་ལ་གློན་པ་ཉིད་དེ་ཚད་དུ་ཆོག་པ་ཉིད་ཡིན་ན་དེའི་ཚེ་ལྟུང་བ་མེད་པ་ཉིད་དོ། །སྔ་མ་ལ་ཟླ་བ་གཅིག་པ་ཉིད་ཀྱི་
[144b]
[144b.1]ཕྱིར་དེ་ཉིད་དུ་ཕྱི་མ་ལ་ཞུགས་པ་ཉིད་དོ་ཞེས་བྱ་བ་འདི་ལ་འདི་བྱེད་པའོ། །བཞག་པ་དང་བག་ལ་གློན་པའི་དབང་གིས་འདིར་རྣམ་པར་བཞག་པ་#འདི་རིག་པར་བྱའོ། །འདིར་གཞུང་ནི་དགེ་སློང་དེས་ཞག་བཅུ་པ་དེ་ཉིད་ཀྱི་ནང་རོལ་དུ་ཞེས་འདི་ཙམ་ལྟ་བུར་གྱུར་པ་ལ་བྱིན་གྱིས་བརླབས་པ་ཉིད་བསྐྱེད་པ་སྤང་བའི་
[144b.2]ལྟུང་བྱེད་བྱས་པ་ཉིད་གཞན་ལ་ཞེས་བྱ་བ་གསུངས་པ་ཡིན་ནོ། །དེ་བསྒྲུབ་པའི་ཚུལ་བརྗོད་པར་བྱ་སྟེ་སར་པ་ལས་སྣམ་སྦྱར་གྱི་མཐའ་ནི་ཉིས་རིམ་མོ་ཞེས་བྱ་བ་སར་པ་ལས་ཞེས་བྱ་བ་ནི་དུས་གསུམ་དུ་གང་ཡང་རུང་བ་གཅིག་དུས་ལས་ལོངས་མ་སྤྱད་པ་ལའོ། །གདིང་བའི་ཡང་ངོ་ཞེས་བྱ་བ་ནི་སར་པ་ལས་
[144b.3]བྱེད་ན་དེའི་རིམ་པའི་ཚད་ཀྱི་མཐའ་ཉིས་རིམ་མོ། །བླ་གོས་དང་མཐང་གོས་གཉིས་ནི་ཆིག་རྐྱང་ངོ་ཞེས་བྱ་བ་ནི་བླ་གོས་དང་མཐང་གོས་གལ་ཏེ་སར་པ་ལས་བྱེད་ན་དེ་གཉིས་ཀྱི་རིམ་པའི་ཚད་ཀྱི་མཐའ་ནི་ཆིག་རྐྱང་ངོ་། །འདིར་གཞུང་ནི་གལ་ཏེ་དགེ་སློང་དེས་བཅག་པ་དང་ཁ་བསྒྱུར་བ་དང་རྩོམ་པར་ནུས་ན་དགེ་
[144b.4]སློང་དེས་གོས་དེ་ལས་སྣམ་སྦྱར་དང་གདིང་བ་ནི་ཉིས་རིམ་དུ་བྱའོ། །བླ་གོས་དང་མཐང་གོས་ནི་ཆིག་རྐྱང་དུ་བྱའོ་ཞེས་གསུངས་པ་ཡིན་ནོ། །དུས་ཚིགས་སུ་སྤྱད་པ་ལས་ནི་ཉིས་འགྱུར་དུའོ་ཞེས་བྱ་བ་ནི་མདོ་སྔ་མ་དག་ལས་ཉིས་རིམ་དང་ཆིག་རྐྱང་ཞེས་སྨོས་པ་དེ་དག་ལ་#ལྟོས་ཏེ། གལ་ཏེ་གོས་ཚིགས་
[144b.5]གཅིག་ཏུ་སྤྱད་པ་ལས་དེ་དག་བྱེད་ན་ཉིས་འགྱུར་དུ་བྱའོ། །སྣམ་སྦྱར་དང་གདིང་བ་གཉིས་ནི་#བཞི་རིམ་དུ་བྱའོ། །བླ་གོས་དང་མཐང་གོས་གཉིས་ནི་ཉིས་རིམ་དུ་བྱའོ་ཞེས་བྱ་བའི་དོན་ཏོ། །དུས་ཚིགས་སུ་སྤྱད་པའི་གོས་ནི་བགོ་ཟས་ཆུང་བ་ཉིད་དེ་ཞེས་བྱ་བ་འདི་གྲུབ་པའོ། །གང་ཞིག་དུས་ཚིགས་གསུམ་
[144b.6]པོ་དག་ལས་དུས་ཚིགས་གང་ཡང་རུང་བའི་དུས་ཚིགས་སུ་སྤྱད་པ་གང་ཡིན་པའོ་ཞེས་དུས་ཟད་པའི་ངོ་བོ་བརྗོད་པའོ། །འདིར་ཟླ་བ་བཞི་པོ་ནི་དུས་སུ་རིག་པར་བྱའོ། །ཕྱག་དར་ཁྲོད་ལས་བྱས་པ་དག་ལ་ནི་ངེས་པ་མེད་དོ་ཞེས་བྱ་བ་ནི་རིམ་པ་རྣམས་ཤིན་ཏུ་མང་བ་ཉིད་ལ་ཡང་ངེས་པ་མེད་དོ་ཞེས་བྱ་བའི་
[144b.7]དོན་ཏོ། །འདིར་གཞུང་ནི་ཕྱག་དར་ཁྲོད་ལ་ནི་ཇི་ཙམ་འདོད་པར་བྱའོ་ཞེས་གསུངས་པ་#ཡིན་ནོ། །རྙིང་#པ་ཉིད་དང་དེངས་པ་ཉིད་ནི་ཅི་དགོས་པ་ལྷག་པར་སྦྱར་རོ་ཞེས་བྱ་བ་ནི་ཕྱག་དར་ཁྲོད་མ་ཡིན་པ་དག་#ལྷག་པར་སྦྱར་བར་བྱའོ། །རྙིང་#པ་ཉིད་ཅེས་#བྱ་བ་ནི་རང་ཟད་པ་ཉིད་དོ། །དེངས་#པ་ཉིད་ཅེས་བྱ་བ་ནི་སྒོ་
[145a]
[145a.1]སྐྱེས་ཀྱི་བཤུང་བ་ལ་སོགས་པས་བསྲབས་པར་གྱུར་པའོ། །ཅི་དགོས་པ་ཞེས་བྱ་བ་ནི་ཅི་ཙམ་དགོས་པ་སྟེ་ཇི་ཙམ་#སྤྱད་པར་བྱ་དགོས་པ་ཞེས་བྱ་བའི་དོན་ཏོ། །ལྷག་པར་ཞེས་བྱ་བ་ནི་རིམ་པའི་མཐའ་སྔར་བསྟན་པ་ལས་སོ། །སྦྱར་རོ་ཞེས་བྱ་བ་ནི་ལྷན་པ་དག་གོ། །མདོ་འདི་
[145a.2]ནི་མ་མོ་ལས་གསུངས་པ་བསྡུས་པ་ཡིན་ནོ། །ལྷག་པར་སྦྱར་བ་ཉིད་དུ་མི་བྱའོ་ཞེས་བྱ་བ་ལ་སྦྱར་བ་ནི་ཉེས་བྱས་སོ་ཞེས་བྱ་བ་འདི་ལ་འདི་བསྟན་པའོ། །སྤང་བར་འགྱུར་བ་ཉིད་ཀྱང་ཡིན་ནོ་ཞེས་བྱ་བ་ནི་ལྷག་པར་སྦྱར་བའི་རིམ་པ་དེ་ཞག་བཅུ་འདས་ན་སྤང་བའི་ལྟུང་བྱེད་དུ་རིག་པར་བྱའོ། །རིག་
[145a.3]པ་ཅན་བྱི་དོར་བྱས་ནས་འདི་ཉིད་དུ་སྦྱར་བར་བྱའོ་སྙམ་པའི་སེམས་མ་བསྐྱེད་པར་དབོག་པར་མི་བྱའོ་ཞེས་བྱ་བ་ལ་མི་རུང་བར་གྱུར་པ་ནི་འདིར་དབོག་པར་བྱའོ། །ཆོས་གོས་འདི་ཉིད་དུ་སྦྱར་བར་བྱའོ་སྙམ་པའི་སེམས་མ་བསྐྱེད་པར་དབོག་པར་མི་བྱའོ། །འདི་ལྟ་བུའི་སེམས་ལ་མི་གནས་པ་ནི་སེམས་མ་
[145a.4]བསྐྱེད་པར་ཞེས་བྱ་བའི་དོན་ཏོ། །གང་ཡང་རུང་བས་ཕོག་པ་#མ་སྦྱར་བའི་སྔ་རོལ་དུ་སྤང་བར་འགྱུར་བ་ཉིད་དོ་ཞེས་བྱ་བ་ལ། གང་ཡང་རུང་བས་ཞེས་བྱ་བ་ནི་ཇི་ལྟར་ཡང་རུང་བ་ཞེས་བྱ་བ་དེ་ལྟ་བུའམ་གཞན་པའི་སེམས་ཀྱིས་ཕོག་པ་དེའི་གཟུགས་ཉིད་དུ་གྱུར་པ་ལ་དེ་ཉིད་དོ། །ཡང་དག་པར་སྦྱར་བ་
[145a.5]ཉིད་ལ་བསྒྲུབ་པ་ཉིད་དུ་འགྱུར་ཏེ་ཞེས་བྱ་བ་འདི་ཤེས་པ་རིམ་པ་རྣམ་པར་གཞག་པའི་རྗེས་སུ་འབྲེལ་པས་བརྗོད་པ་ཡིན་ནོ། །སྣམ་སྦྱར་གྱི་སྣམ་ཕྲན་དག་ནི་དགུ་ཡན་ཆད་ནས་ཉི་ཤུ་རྩ་ལྔ་མན་ཆད་དེ་ཟུང་མ་གཏོགས་སོ་ཞེས་བྱ་བ་ནི། འདིར་མཉམ་པ་ནི་ཟུང་ཉིད་ཀྱི་#ཉེ་བར་མཚོན་པ་སྟེ། བཅུ་དང་བཅུ་གཉིས་
[145a.6]དང་བཅུ་བཞི་དང་། བཅུ་དྲུག་དང་བཅོ་བརྒྱད་དང་། ཉི་ཤུ་དང་ཉི་ཤུ་གཉིས་དང་ཉི་ཤུ་བཞི་རྣམས་མ་གཏོགས་པར་ཞེས་བྱ་བ་འདིའི་དོན་ཏོ། །ཅིའི་#ཕྱིར་དེ་ལྷག་པའི་དུམ་བུ་རྣམས་ཀྱིས་སྣམ་སྦྱར་ཞེས་བྱ་བ་འདིར་རྒྱུ་བརྗོད་པ་ཡིན་ནོ། །དེ་ཡན་ཆད་ནི་ཚེམ་བུའོ་ཞེས་བྱ་བ་ནི་གང་གི་ཕྱིར་ཚེམ་བུ་ཉིད་དེར་གྱུར་པ་
[145a.7]དེ་བས་ན་མ་ཡིན་ནོ་ཞེས་བྱ་བའི་དོན་ཏོ། །དང་པོ་གསུམ་པ་ལ་ནི་དེ་དག་གི་གླེགས་བུ་ཕྱེད་དང་གསུམ་པ་ཉིད་དོ་ཞེས་བྱ་བ་ནི་སྣམ་སྦྱར་གསུམ་པ་དང་པོ་ལ་སྟེ། སྣམ་ཕྲན་དགུ་པ་དང་བཅུ་གཅིག་པ་དང་བཅུ་གསུམ་པའི་དུམ་བུ་འདི་རྣམས་ལ་གླེགས་བུ་ཕྱེད་དང་གསུམ་པ་ཉིད་དོ། །གླེགས་བུ་ཕྱེད་དང་གསུམ་
[145b]
[145b.1]པ་རྣམས་ནི་དུམ་བུ་འདི་ལ་ངོ་བོ་སྟེ། དེ་བས་གླེགས་བུ་ཕྱེད་དང་གསུམ་པ་ནི་དེའི་དངོས་པོའོ། །འདིར་#སྣམ་ཕྲན་རྣམས་ནི་དུམ་བུ་ཉིད་དུ་རིག་པར་བྱའི་གླེགས་བུ་དང་ཕྱེད་པ་རྣམས་ལ་ནི་མི་བྱའོ། །གཉིས་པ་ལ་ནི་གླེགས་བུ་ཕྱེད་དང་བཞི་པོ་#ཉིད་དོ་ཞེས་བྱ་བ་ནི་སྣམ་སྦྱར་གསུམ་པ་གཉིས་པ་ལ་སྟེ། སྣམ་
[145b.2]ཕྲན་བཅོ་ལྔ་པ་དང་བཅུ་བདུན་པ་དང་བཅུ་དགུ་པའི་སྣམ་སྦྱར་རྣམས་ལའོ། །སྣམ་#ཕྲན་དེ་རྣམས་ཀྱི་གླེགས་བུ་ཕྱེད་དང་བཞི་པ་ཉིད་དོ། །གསུམ་པ་ལ་ནི་གླེགས་བུ་ཕྱེད་དང་ལྔ་པ་ཉིད་དོ་ཞེས་བྱ་བ་སྣམ་ཕྲན་ཉི་ཤུ་རྩ་གཅིག་པ་དང་ཉི་ཤུ་རྩ་#གསུམ་པ་དང་ཉི་ཤུ་རྩ་#ལྔ་པའི་སྣམ་སྦྱར་རྣམས་ལའོ། །བླ་གོས་ནི་
[145b.3]སྣམ་ཕྲན་བདུན་དང་གླེགས་བུ་ཕྱེད་དང་གསུམ་པའོ། །མཐང་གོས་ནི་སྣམ་ཕྲན་ལྔ་པ་དང་གླེགས་བུ་ཕྱེད་དང་གཉིས་པའོ། །དེ་གཉིས་ནི་ཆོས་གོས་བྱིན་གྱིས་བརླབ་#པའི་སྔགས་ལས་ཤེས་པར་བྱའོ། །བྱིན་གྱིས་བརླབ་ཏུ་རུང་བ་ཆེན་པོ་དག་ནི་རང་གི་ཁྲུ་གསུམ་དང་ལྔ་དག་གོ་ཞེས་བྱ་བ་ནི་ཞེང་དུ་ཁྲུ་
[145b.4]གསུམ་ཆུར་ཁྲུ་ལྔ་ནི་གང་རྣམས་ཀྱི་ཚད་དོ་ཞེས་བྱ་བའི་དོན་ཏོ། །ཕྱོགས་གཅིག་ལ་ཡང་ཚད་ལས་ལྷག་པར་བྱེད་ན་སྤང་བར་འགྱུར་བ་ཉིད་དོ། །དེ་བས་ན་ལྟུང་བ་ལས་ལྷག་པའི་དོན་ཉིད་ཀྱིས་#འདི་ལྟར་བརྗོད་པ་ལ་སྐྱེས་པ་ཉིད་ཀྱིས་དེ་བཞིན་དུ་རིམ་པ་དུ་མ་བྱའོ་སྙམ་པའི་བསམ་པས་མཚམས་སྦྱར་བ་ལ་
[145b.5]ཇི་སྲིད་དུ་རིམ་པ་རིགས་པ་ཉིད་བྱེད་པ་མངོན་པར་འདོད་པ་དེ་ཙམ་གྱི་རིམ་པ་ཉིད་ཀྱིས་ཞུགས་ལ་ཚད་གང་ཡིན་པ་དེ་ནི་དེ་ལས་ལྷག་པར་བྱེད་ན་ཡང་སྤང་བར་འགྱུར་བ་ཉིད་དུ་ཤེས་པར་བྱའོ། །རིམ་པ་དུ་མ་བྱའོ་སྙམ་པའི་བསམ་པ་མེད་དེ་རིམ་པ་གཅིག་པའོ་#སྙམ་པ་ལས་གང་ཞིག་ཚད་འདི་ལས་ལྷག་པར་
[145b.6]བྱེད་དམ། དྲས་ཏེ་བྱའོ་སྙམ་པའི་བསམ་པ་ཡོད་པས་གཞག་པར་བྱ་བ་ལ་འདི་ནི་ཚད་དོ། །དེ་ལས་ལྷག་པ་མེད་པ་མ་བཅད་པའི་ངོ་བོ་ཉིད་ཀྱིས་ཚད་འདི་གང་ཡིན་པ་དེ་ལས་ལྷག་པར་བྱེད་ན་སྤང་བར་འགྱུར་བར་རིག་པར་བྱའོ། །ངོས་ཇི་ཙམ་པ་དེ་ཙམ་གྱི་བསམ་པས་འཇུག་པ་དེ་ཙམ་ལ་དེའི་དོན་ཉིད་ཀྱིས་#
[145b.7]ཉེས་པར་གྱུར་པ་ཉིད་མེད་དོ། །གང་གི་ཕྱིར་མངོན་པར་བརྟེན་པ་དང་རིག་པ་ལས་མ་འདས་པའི་དོན་ལ་ལྷག་པར་གྱུར་པ་ཉིད་མ་ཡིན་པའོ། །གཞན་ཐམས་ཅད་ལ་ལྷག་པའི་དོན་ཉིད་ཐམས་ཅད་ལ་སོགས་པ་ལ་གནས་པས་ན་ཆོས་གོས་ཐམས་ཅད་ཀྱི་ཚད་ལ་མངོན་པར་གནས་པ་ཉིད་དོ། །དེ་བས་
[146a]
[146a.1]ན་ཆེ་བ་དང་བར་མ་ཉིད་བྱེད་པའི་ལྷག་པར་གྱུར་པ་ལ་ཞེང་ངམ་ཆུར་ཉེས་པ་མི་བསྐྱེད་པའོ། །ཞེང་ངམ་ཆུ་དག་ལས་གང་ཡང་རུང་བར་ལྷག་ན་བཅད་དེ་ལྔ་པོ་འཕགས་པ་ཉིད་ཀྱིས་མངོན་པར་འདོད་པའོ། །རིགས་#པ་ལས་མ་འདས་པའི་གོས་ཀྱི་ཕྱོགས་གཅིག་ཉིད་ཀྱི་མངོན་པར་བརྟེན་པ་
[146a.2]ཉིད་ནི་མ་ཡིན་ནོ། །ཆུང་ངུ་དག་ནི་གཉིས་ཀ་དག་ལས་ཁྲུ་ཕྱེད་ཕྱེད་ཕྲི་བའོ་ཞེས་བྱ་བའི་ཁྲུ་གསུམ་མམ་ལྔ་ལས་གཉིས་ཀ་ལས་ཀྱང་ཁྲུ་ཕྱེད་ཕྱེད་དོར་ནས་ཆུང་བ་ཆོས་གོས་#གསུམ་པོ་ལ་ཡང་ངོ་ཞེས་བྱ་བའི་དོན་ཏོ། །འབྲིང་རྣམས་ཀྱི་ཚད་ནི་བར་མའོ་ཞེས་བྱ་བ་ནི་ཁྲུ་གསུམ་དང་ལྔ་དང་ཕྱེད་དང་གསུམ་དང་ཕྱེད་
[146a.3]དང་ལྔ་གང་ཡིན་པ་དེའི་བར་མ་ནི་འབྲིང་པོ་སྟེ་དེ་ནི་འབྲིང་པོ་རྣམས་ཀྱི་ཚད་དོ། །མཐང་གོས་ནི་དོ་དང་ལྔ་ཡང་#ཡིན། དོ་དང་བཞི་ཡང་ཡིན་ནོ་འཁོར་གསུམ་ཁེབས་པ་ཡན་ཆད་ཀྱང་ངོ་ཞེས་བྱ་བ་ནི་དོ་དང་བཞི་མན་ཆད་ནས་བརྩམས་ཏེ་ཇི་སྲིད་#འཁོར་གསུམ་ཁེབས་པ་ཉིད་ཡན་ཆད་ཀྱི་བར་རོ། །ཁྲུའི་དོན་ནི་
[146a.4]ལུས་ཀྱི་ཆ་བདུན་ལས་གཉིས་སོ་ཞེས་བྱ་བ་ནི་ལུས་ཀྱི་ཁྲུའི་སྒྲའི་དོན་དུ་རིག་པར་བྱའོ། །ལུས་དང་གྲུ་མོ་ནས་གུང་མོའི་རྩེ་མོའི་བར་ཡོད་པ་དེའི་ཚད་ནི་མ་ཡིན་ནོ་ཞེས་བྱ་བའི་དོན་ཏོ། །གང་དུ་ལུས་ལ་ཁྲུའི་ཚད་ཐུང་བ་འམ་རིང་བ་ཉིད་དེ་དང་འབྲེལ་པ་ཉིད་ནི་ཆོ་ག་འདིའོ། །མི་ཡོག་ན་རལ་ག་དཔུང་ཆད་བྱའོ་
[146a.5]ཞེས་བྱ་བ་ནི་འདི་ལྟར་ཡང་#གང་གིས་ལུས་མི་ཁེབས་ན་རལ་ག་དཔུང་ཆད་བྱ་སྟེ་ཁེབས་པར་བསྒྲུབ་པར་བྱའོ། །འདི་ནི་གཙོ་བོའི་ཐབས་ཏེ་དེ་བས་ན་འདིའི་འདི་བརྗོད་པར་བྱའོ། །ཟླ་བས་སྤང་བ་རྣམ་པར་འབྱེད་པའོ།། །།དེ་བས་དམན་པ་ནི་ཆུང་བ་དང་འདྲ་སྟེ་ཉེས་བྱས་སུ་འགྱུར་བ་ཉིད་དོ་ཞེས་
[146a.6]བྱ་བ་ནི་མཉམ་པ་ཀུན་ལས་འོག་ཏུ་གོས་གང་ཞིག་དུམ་བུར་གྱུར་པ་འམ་དུམ་བུར་མ་གྱུར་པ་ཆུང་བ་འཇོག་པ་ཟླ་བ་དང་འདྲ་བར་དེ་ལ་ཉེས་བྱས་སུ་གྱུར་པ་ཉིད་དོ། །རེ་བ་ཡོད་པ་ལ་བྱིན་གྱིས་རློབ་#པར་བྱེད་པ་མེད་པ་ཉིད་ལ་ཟླ་བ་གཅིག་འདས་ན་ཤིན་ཏུ་དམན་པ་འཆང་བ་ལ་ཉེས་བྱས་སོ། །རེ་བ་མེད་པ་
[146a.7]ལ་བྱིན་གྱིས་བརླབ་པར་བྱ་བ་ཡོད་ལ་ཞག་བཅུ་འདའ་བར་བྱེད་ན་ཞེས་བྱ་བའི་དོན་དུའོ། །འཁོར་གྱི་ཕྱེད་གཡོགས་པ་གང་ཞིག་དམན་པ་དེར་ཆོ་ག་འདི་ཞུགས་པའོ། །འདི་ལས་འོག་མ་གང་ཡིན་པ་དེ་ལ་ཆོ་ག་བརྗོད་པར་བྱ་སྟེ། འཁོར་གྱི་ཕྱེད་མི་ཁེབས་པ་ནི་རེ་བ་མེད་པ་ཉིད་དོ་ཞེས་བྱ་བ་ནི་འདིར་ལྟེ་བའི་
[146b]
[146b.1]རི་མོ་ལ་སོགས་པ་ནས་པུས་མོའི་ལྷ་ངའི་མཐར་ཐུག་པ་གང་ཡིན་པ་དེ་ནི་ཀན་#ཐ་འཁོར་རོ། །འདིའི་ཞེང་ལས་གང་གིས་ཕྱེད་མི་ཁེབས་པ་དེ་ལ་རེ་བ་མེད་པ་ཉིད་དོ། །ཆ་གཅིག་པས་ཞག་བཅུའི་ཕྱོགས་ཉིད་དོ། །ཞག་བཅུ་ལས་འདས་པར་བྱེད་ན་ཉེས་བྱས་སུ་འགྱུར་རོ་ཞེས་བྱ་བའི་དོན་ཏོ། །འདིར་
[146b.2]རེ་བ་ཤིན་ཏུ་ཆེ་བ་ཡང་དག་པར་གནས་པ་མ་ཡིན་ཏེ། དལ་གྱིས་འགྲོ་བས་ཡུལ་གཞན་དུ་ཕྱིན་པ་དང་འདྲ་བ་ཞེས་བྱ་བ་འདིས་ཤེས་པའོ། །རུང་བ་མ་ཡིན་པ་ཡང་ངོ་ཞེས་བྱ་བ་ནི་རེ་བ་མེད་པ་ཉིད་ཅེས་བྱ་བར་སྦྱར་བར་བྱའོ། །འདིར་གཞུང་ནི་གོས་ཇི་ལྟ་བུ་ཅིག་གཞག་པར་བགྱི#། རུང་བ་གང་ཡིན་
[146b.3]པའོ། །རུང་བ་ཇི་ལྟ་བུ་ལགས། བཅོམ་ལྡན་འདས་ཀྱིས་མ་#བཀག་པ་གང་ཡིན་པའོ་ཞེས་གསུངས་པ་ཡིན་ནོ། །གདོང་ཕྱིས་དང་ཆུ་ཚགས་དང་། སྟན་འཇམ་པོ་དང་དྲེའུ་རྔོག་#ལ་སོགས་པའི་ཡོ་བྱད་ཀྱི་གོས་བྱིན་གྱིས་མ་བརླབས་པ་དག་གོ་ཞེས་བྱ་བ་ནི་གདོང་ཕྱིས་ལ་སོགས་པ་ཉིད་དུ་བྱིན་
[146b.4]གྱིས་མ་བརླབས་པ་དེ་དག་ཀྱང་ཁ་བསྐང་བ་ལ་རེ་བ་མེད་པ་ཉིད་ཡིན་ཏེ། གཞན་རྩེ་གཅིག་པ་རྣམས་ལ་#རེ་བ་ཡོད་པ་ཉིད་ལ་ཡང་དག་པར་གནས་པའི་ཕྱིར་གླགས་མི་རྙེད་པ་ཞག་བཅུ་ཉིད་ལ་འདི་བརྗོད་པ་སྟེ་ཡང་དག་པར་འགྱུར་བ་ཉིད་ཀྱང་འདིར་མེད་ན་མི་འབྱུང་བའི་ཕྱིར་གྲགས་པར་རིག་པར་བྱའོ། །འདིར་
[146b.5]གཞུང་ནི་ཡི་གེ་ཁ་ཅིག་ལས་ཡོ་བྱད་ཀྱི་གོས་བྱིན་གྱིས་མ་བརླབས་པ་ཞག་བཅུ་ལས་འདས་པ་སྤང་བར་འགྱུར་བ་ཉིད་ནི་གདོང་ཕྱིས་དང་ཆུ་ཚགས་དང་སྟན་འཇམ་དང་དྲེའུ་རྔོག་ལ་སོགས་པའི་ཡོ་བྱད་བྱིན་གྱིས་རློབ་#པར་བྱེད་ན་ལྟུང་བ་མེད་དོ་ཞེས་བྱ་བའི་དོན་ཏོ། །ཟླ་བས་སྤང་བ་ཞུ་བའོ།། །།
[146b.6]སྦྲུམ་མ་དབེན་པར་གཞག་གོ་ཞེས་བྱ་བ་ལ། སྦྲུམ་མ་ཞེས་བྱ་བ་ནི་མངལ་ན་བུ་ཡོད་པ་སྟེ་རབ་ཏུ་བྱུང་བ། སྦྲུམ་མ་མངལ་ན་བུ་ཡོད་པ་སྟེ་དབེན་པའི་ཕྱོགས་སུ་གཞག་པར་བྱ་ཞེས་བྱ་བའི་དོན་ཏོ། །དེ་དགེ་སློང་མ་རྣམས་ཀྱིས་#ཡལ་བར་མི་དོར་རོ་ཞེས་བྱ་བ་ནི་གང་ཞིག་འདི་དབེན་པའི་ས་ཕྱོགས་ན་སྦྲུམ་
[146b.7]མའི་གནས་བཅས་པ་དེར་འདི་#བསྒྲུབ་ན་དགེ་སློང་མ་གཞན་རྣམས་ཀྱིས་ཡལ་བར་མི་དོར་རོ་ཞེས་བྱ་བའི་དོན་ཏོ། །དེ་ལ་ཟན་སྦྱིན་པར་བྱའོ་ཞེས་བྱ་བ་ནི་སྦྲུམ་མ་ལ་དགེ་སློང་མ་རྣམས་ཀྱིས་སོ། །ཕ་མ་དག་ནས་བདུན་པ་ཚུན་ཆད་ལས་གང་ཡང་རུང་བ་སྔ་མ་གཅིག་#ལས་སྐྱེས་པ་ཡང་ཉེ་དུ་ཡིན་ནོ་
[147a]
[147a.1]ཞེས་བྱ་བ་ལ་ཕ་མ་དག་ཅེས་བྱ་བ་ནི་ཕ་དང་#མ་ནི་ཕ་མ་དག་གོ། །འདིར་མའི་རྒྱུད་ཕའི་ཡན་ལག་དང་བཅས་པ་ལ་མའི་སྒྲའོ། །ཕའི་སྒྲ་ཡང་མའི་ཡན་ལག་དང་བཅས་པ་ཕའི་རྒྱུད་ལ་ཕྲུགས་བདུན་དུ་གྱུར་པའི་ཕ་མ་དག་གིས་ཇི་སྲིད་དུ་གང་ཡང་རུང་བ་གཅིག་གིས་#ཀྱང་ཕ་མ་དེ་
[147a.2]དག་ལ་གཉིས་ཀ་དག་ཉིད་ཀྱིས་ནི་མ་ཡིན་ཏེ། གཅིག་སྔ་མ་ལས་སྐྱེས་པ་ཉིད་དང་མ་གཅིག་ལས་སྐྱེས་པ་ཉིད་དང་ཕ་གཅིག་ལས་སྐྱེས་པ་ཉིད་གང་ལ་ཡོད་པ་དེ་ནི་གཉེན་ཞེས་བྱ་བ་འདི་དག་གི་དོན་ཏོ། །འཁྲུར་འཇུག་པའི་སྤང་བའི་བྱེད་པ་པོ་ཉིད་གང་ཡིན་ཞེ་ན། དེའི་ཕྱིར་འདུ་ཤེས་གཙོ་ཆེར་བྱེད་པ་
[147a.3]པོ་ཉིད་ཡིན་ནོ་ཞེས་བྱ་བ་སྨོས་ཏེ། དོན་མེད་ན་ཡང་འདུ་ཤེས་ནི་གཙོ་ཆེར་བྱེད་པ་པོ་ཉིད་ཡིན་ཏེ་འདུ་ཤེས་ནི་གཙོ་ཆེར་རིག་པར་བྱའོ། །གང་དུ་འདིའི་འོག་ཏུ་ཉེ་བར་གནས་པ་ཉིད་རྟོགས་པར་བྱའོ། །དེ་ནི་འདུ་ཤེས་གཙོ་བོར་བྱ་བ་ལ། དེ་ནི་ཞེས་བྱ་བ་ནི་མིང་ཅན་ཏེ་འདུ་ཤེས་གཙོ་བོར་བྱེད་པ་པོ་ཉིད་
[147a.4]ཡིན་ནོ། །ཤེས་#གཙོ་བོར་བྱ་བ་ནི་མིང་སྟེ་འདུ་ཤེས་གཙོ་བོར་བྱེད་པ་པོ་ཉིད་ཡིན་པ་དེའི་མིང་ངོ་། །དེ་ལྟར་ན་ཚིག་གི་དོན་འདི་འབྱུང་སྟེ་འདི་མན་ཆད་ཀྱི་མདོ་གང་དང་གང་ལ་ཤེས་གཙོ་བོ་ཞེས་བྱ་བའི་མིང་སྨོས་པ་དེ་དང་དེར་མིང་དེའི་རང་གི་མིང་ཅན་འདུ་ཤེས་གཙོ་བོར་བྱེད་པ་པོ་ཉིད་ཡིན་ནོ་ཞེས་བྱ་བ་སྟོན་པར་ཤེས་
[147a.5]པར་བྱའོ། །དོན་གང་ལ་འདུ་ཤེས་གཙོ་ཆེར་བྱེད་པ་པོ་ཉིད་ཡིན་ཞེ་ན། དེའི་ཕྱིར་དགེ་སློང་མ་ཉིད་དང་དེ་ཉེ་དུ་མ་ཡིན་པ་ཉིད་དག་ལའོ་ཞེས་བྱ་བ་སྨོས་ཏེ། དགེ་སློང་མ་ཉིད་དང་དགེ་སློང་མ་དེ་ཉེ་དུ་མ་ཡིན་པ་དག་ལ་འདུ་ཤེས་གཙོ་ཆེར་བྱེད་པ་ཉིད་ཡིན་ནོ་ཞེས་བྱ་བའི་དོན་ཏོ། །འོག་མ་ལ་ཡང་ངོ་
[147a.6]ཞེས་བྱ་བ་ནི་གང་ཞིག་འདིའི་རྗེས་ལ་བསླབ་པའི་གཞིའི་ཕྱིར་གཟུང་#བ་དང་འབྲེལ་པ་དེ་ལ་ཡང་དགེ་སློང་མ་ཉིད་དང་དེ་ཉེ་དུ་མ་ཡིན་པ་དག་ལ་འདུ་ཤེས་གཙོ་ཆེར་བྱེད་པ་པོ་ཉིད་ཡིན་ནོ་ཞེས་བྱ་བ་འདྲ་བར་བསྟན་པའོ། །ཅི་ཞིག་བྱས་ན་འཁྲུར་འཇུག་པའི་སྤང་བར་འགྱུར་ཞེ་ན། དེའི་ཕྱིར་བྱིན་གྱིས་
[147a.7]བརླབས་པ་རང་གི་རྙིང་པ་འཁྲུར་འཇུག་པར་འོས་པ་ཆོས་གོས་དང་གདིང་བ་དག་ལས་འགའ་ཞིག་བསྒོ་བས་འཁྲུར་འཇུག་གམ་འཚེད་དུ་འཇུག་གམ་འཆག་ཏུ་འཇུག་པ་དག་ནའོ་ཞེས་བྱ་བ་སྨོས་ཏེ་བྱིན་གྱིས་བརླབས་པ་རང་གི་རྙིང་ལ་#འཁྲུར་འཇུག་པར་འོས་པ་ཆོས་གོས་དང་གདིང་བ་དག་ལས་འགའ་
[147b]
[147b.1]ཞིག་བསྒོ་བས་འཁྲུར་འཇུག་པ་ལ་སོགས་པ་ཞེས་བྱ་བའི་དོན་ཏོ། །འདིར་རྙིང་#པ་ཉིད་ནི་ལོངས་སྤྱད་པ་ཉིད་དོ། །ཇི་སྲིད་དུ་ཡང་དུས་ཙམ་ལ་སོགས་པའི་ཚད་དེ་སྲིད་དུ་འདི་ནི་#ཡོངས་སུ་རྫོགས་པའི་གཟུགས་ཀྱི་འདུ་བྱེད་མ་ཡིན་ཏེ། གང་ཞིག་མ་འོངས་པ་ན་#འདུ་བྱེད་ཅེས་བྱ་བ་འཁྲུར་འཇུག་པར་འོས་པ་ཉིད་ལ་
[147b.2]འདིར་ཡན་ལག་ཉིད་དེ། དེ་ལྟ་བུར་གྱུར་པའི་འཁྲུར་འཇུག་པ་ལ་སོགས་པའི་#ཕྱོགས་ཉིད་དོ། །འཁྲུར་འཇུག་པར་འོས་པ་མ་ཡིན་པ་རྙིང་པ་འདི་འཁྲུ་བ་ལ་སོགས་པ་ཉེས་བྱས་སུ་རིག་པར་བྱའོ། །གདིང་བའི་ཚིག་ནི་ལུས་ཐམས་ཅད་ལ་ཡང་དག་པར་རེག་པས་ལོངས་སྤྱོད་པ་ཉིད་གང་ཡིན་པ་དེ་ནི་
[147b.3]འདིར་ཤེས་པར་བྱ་ཞེས་པ་འདི་སྟན་ཙམ་#དུ་རྣམ་པར་གནས་པ་ཡིན་ནོ། །ལུས་ཀྱི་བསྙེན་བཀུར་བྱེད་པའི་རྣམ་པ་ཉིད་ནི་འདིར་ཉེས་པ་མཐོང་བ་ཡིན་ཏེ། དེ་བས་ན་#གཞན་གྱིས་ཡོངས་སུ་ལོངས་སྤྱོད་པ་ཉིད་ལ་ན་སྨད་པ་ཞེས་བྱ་བ་རྟོགས་པར་བྱའོ། །ངག་ཀྱང་ཞེས་བྱ་བའི་ཆོ་ག་འདི་ལ་འཇུག་པའི་དོན་
[147b.4]དུ་བསྒོ་བ་ཞེས་བྱ་བའི་ཚིག་གོ། །འདིར་གཞུང་ནི་བཙུན་པ་དགེ་སློང་ཆོས་གོས་རུང་བས་གྲོང་དུ་ཞུགས་ཤིང་དེའི་ཆོས་གོས་དེ་ཡང་ལུས་ལས་མ་ཕུད་པར་དེངས་པར་བགྱི་བའི་སླད་དུ་འབྱུང་བར་འགྱུར་བ་མཆིས་སམ། ཉེ་བ་འཁོར་ཡོད་དེ། འདི་ལྟ་སྟེ་ཁྱིམ་གྱི་ནང་དུ་ཞུགས་པའི་ཆོས་གོས་མི་གཙང་བ་ལ་
[147b.5]སོགས་པས་གོས་པར་གྱུར་པ་དེ་དགེ་སློང་མ་ཉེ་དུ་མ་ཡིན་པ་ལ་འཁྲུར་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་ཡིན་ནོ་ཞེས་བྱ་བའི་ཚིག་གིས་འདུ་བྱས་པ་ཙམ་གྱིས་#འདི་ལ་འདི་དགོས་པའོ། །ལོངས་སྤྱོད་པ་#འདུ་བྱེད་དུ་བཅུག་པ་ཞེས་བྱ་བ་འདི་ཙམ་གྱིས་ཞེས་བྱ་སྟེ་དེ་བས་ན་#འཁྲུར་འོས་
[147b.6]པའི་ཚིག་གོ། །ཕྱོགས་ལ་བྱས་པ་ཡང་ལས་བྱས་པ་ཉིད་དོ་ཞེས་བྱ་བ་ལ་ཕྱོགས་ལ་ཡང་ངོ་ཞེས་བྱ་བ་ནི་རྫས་ཕྱོགས་གཅིག་ཏུ་སོང་བ་ཉིད་དམ་རྒྱུན་དུམ་བུར་གྱུར་པ་ཉིད་ཀྱིས་ཕྱོགས་ཤེས་པར་བྱའོ། །འདིར་གཞུང་ནི་འདིར་བཙུན་པ་འདི་ལྟར་ཡོད་པར་གྱུར་པ་ཞིག་ན་དགེ་སློང་ཆོས་གོས་རུང་བར་གྲོང་དུ་
[147b.7]ཞུགས་ཤིང་དེའི་ཆོས་གོས་དེ་ཡང་ལུས་ལས་མ་ཕུད་པར་དེ་#སྤང་བར་བགྱི་བའི་སླད་དུ་དབྱུང་བར་འགྱུར་བར་མཆིས་སམ། ཉེ་བ་འཁོར་ཡོད་དེ། ཇི་ལྟར་ཡང་དགེ་སློང་ཁྱིམ་གྱི་ནང་དུ་ཞུགས་པ་ལས་ཆོས་གོས་བཤང་བ་འམ་གཅི་བ་འམ་འདམ་གྱིས་སམ་ལུད་པས་སམ་མི་གཙང་བ་གཞན་དང་གཞན་
[148a]
[148a.1]གྱིས་གོས་པར་གྱུར་ཏེ། དེ་མ་གནང་བའི་དགེ་སློང་མ་ལ་འཁྲུར་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་ཡིན་ནོ། །འདི་ནི་རྫས་ཕྱོགས་གཅིག་ཏུ་སོང་བ་ཞེས་བྱ་བའོ། །ཕྱོགས་གཅིག་ལས་ལྷག་པ་འདི་ནི་ལུས་ལས་མ་ཕུད་པའི་ཚིག་གིས་རྒྱུན་དུམ་བུར་གྱུར་པ་
[148a.2]ཉིད་#ཅེས་བྱ་བ་ཉིད་ཀྱིས་ཤེས་པར་བྱའོ། །འདིར་འཁྲུར་འཇུག་པར་བྱ་ཞེས་བྱ་བ་ནི་ཐ་ན་ཆུར་སྙུག་པར་བྱེད་དམ། ཚོན་དུ་སྙུག་པར་བྱེད་དམ་འཚེད་དུ་འཇུག་པར་བྱེད་དམ་ཐ་ན་ཐལ་མོས་རྡེབ་པར་བྱེད་ན་ཡང་ངོ་ཞེས་གསུངས་པ་ལྟ་བུའོ། །བྱས་པ་ཉིད་ན་བྱེད་དུ་བཅུག་པ་ཉིད་ཡིན་ནོ་ཞེས་བྱ་བ་ནི་གང་
[148a.3]གི་ཚེ་དེ་ལས་དེ་ངེས་པར་སྦྱོར་བ་བྱས་པར་འགྱུར་བ་དེའི་ཚེ་བྱེད་དུ་བཅུག་པ་ཉིད་འགྲུབ་པར་འགྱུར་ཏེ་ཉེས་བྱས་ཀྱི་སྦྱོར་བ་ཙམ་ལ་མ་ཡིན་ནོ། །འབྲས་བུའི་མཐའ་མན་ཆད་གཅིག་པ་ཉིད་དོ་ཞེས་བྱ་བ་ནི་འབྲས་བུའི་མཐར་ཐུག་པ་ནི་ཇི་སྲིད་དུ་ལས་ཀྱིས་གཅིག་#པ་ཉིད་དོ། །ཚིགས་སུ་གྱུར་པ་ཉིད་ལ་འབྲས་བུ་
[148a.4]རྣམས་གཅིག་པ་ཉིད་དོ་ཞེས་བྱ་བ་ནི་ཚིགས་སུ་གྱུར་པ་སྔ་མ་དང་ཕྱི་མའི་ཆ་ཉིད་ཀྱིས་ཡིད་ལ་འབྲེལ་པར་གྱུར་པ་དུ་མའི་འབྲས་བུ་རྣམས་གང་ཡིན་པ་ནི་འདི་ལྟ་སྟེ། རུང་བ་ཉིད་ཀྱིས་ཐོབ་པའི་མཐར་ཐུག་པ་འདུ་བྱེད་པའི་དགོངས་པས་རྩོམ་པ་ལ་འཁྲུར་འཇུག་པ་དང་འཚེད་དུ་འཇུག་པ་དང་#འཆག་ཏུ་འཇུག་
[148a.5]པར་བྱེད་པ་ཉིད་དག་གིས་གཅིག་པ་ཉིད་དོ། །དེ་རྣམས་ལ་དེའི་དབྱེ་བ་དང་བསྒོ་བ་དང་ལས་ཀྱི་དབྱེ་བས་གཅིག་པ་ཉིད་དོ། །དེ་ལ་ཐ་མའི་ཚིགས་ཀྱི་ཐ་མའི་བར་དུ་འཁྲུར་འཇུག་པ་ལ་སོགས་པའི་ལས་གསུམ་པོ་རྗེས་སུ་བསྒྲུབ་#པ་ལ་གང་ཞིག་ལྟུང་བ་རེ་རེར་གསུངས་པ་དེ་བས་མདོ་འདི་དང་#སྔ་མའོ། །
[148a.6]འདུ་ཤེས་གཙོ་བོ་ཉིད་ལ་དོན་ཇི་ལྟ་བ་ཉིད་ལ་ནི་དངོས་གཞིའོ། །དོན་ཇི་ལྟ་བ་མ་ཡིན་པ་ཉིད་ལ་ནི་དངོས་གཞི་དང་ཉེ་བའོ་ཞེས་བྱ་བ་ནི་གང་དུ་འདུ་ཤེས་གཙོ་ཆེ་བ་ཉིད་དེ་ལ་ཆོ་ག་ནི་འདི་རིག་པར་བྱའོ། །འདུ་ཤེས་པ་ནི་དོན་ཇི་ལྟ་བ་ཉིད་ལ་ནི་དངོས་གཞིའི་ལྟུང་བའོ། །དོན་ཇི་ལྟ་བ་ཉིད་མ་ཡིན་པ་ལ་ནི་
[148a.7]གང་ཞིག་དེ་དང་ཉེ་བའོ་ཞེས་བྱ་བ་ནི་བར་མེད་པའི་ཚིགས་སུ་གྱུར་པའོ། །ཡིད་གཉིས་ནི་འདུ་ཤེས་དང་འདྲའོ་ཞེས་བྱ་བ་ནི་ཡིད་གཉིས་ནི་འདུ་ཤེས་དང་འདྲ་བ་ཉིད་དོ། །ཡིད་གཉིས་ཟ་བ་ལ་ཡང་#དོན་དེ་ལ་ལྟུང་བ་དེ་ཉིད་དུ་འགྱུར་རོ། །གང་ཞིག་དེ་ལ་འདུ་ཤེས་ཤིང་ཞེས་བྱ་བའོ། །དགེ་འདུན་གྱི་
[148b]
[148b.1]ཁྲིམས་སུ་བཅའ་བ་བསྲུང་བར་བྱའོ། །གློ་བུར་དུ་འོངས་པས་ཀྱང་དེ་ལས་མི་འགལ་བ་ཉིད་དུ་བྱའོ་ཞེས་བྱ་བ་ལ། དེ་ལས་ཞེས་བྱ་བ་ནི་ཁྲིམས་སུ་བཅའ་བ་རྗེས་སུ་བསྲུང་བ་ལས་སོ། །གློ་བུར་དུ་འོངས་པས་ཀྱང་དེ་ལ་རྗེས་སུ་བསྲུང་བར་བྱ་བ་ཉིད་ཅེས་བྱ་བའི་དོན་ཏོ། །ཡོད་དམ་མེད་པ་ཉིད་དང་ཇི་ལྟ་བུ་
[148b.2]ཡོངས་སུ་ཤེས་པར་བྱ་བའི་ཕྱིར་དེས་དེ་དྲི་བར་བྱའོ་ཞེས་བྱ་བ་ནི་ཚོགས་འདི་ན་དགེ་འདུན་གྱི་ཁྲིམས་སུ་བྱ་བ་འགའ་ཞིག་ཡོད་དམ་འོན་ཏེ་མེད་ཡོད་ན་ཇི་ལྟ་བུ་ཞིག་ཅེས་བྱ་བ་དེ་ཡོངས་སུ་ཤེས་པར་བྱ་བའི་ཕྱིར་གློ་བུར་དུ་འོངས་པ་དེས་དེ་དྲི་བར་བྱའོ། །དུས་གང་གི་ཚེ་ཞེ་ན། དེའི་ཕྱིར་ཧ་ཅང་ཡུན་རིང་
[148b.3]བའོ་ཞེས་བྱ་བ་སྨོས་ཏེ་ཧ་ཅང་ཡུན་རིང་དུ་གནས་པ་བས་སྔ་རོལ་དུ་ཞེས་བྱ་བའི་དོན་ཏོ། །འཇུག་པ་དང་འཇུག་པའི་གནས་བཙལ་བ་པ་དང་རྫས་གཞག་པ་དང་རེ་ཞིག་བསྡད་པ་དེ་རྣམས་ཐམས་ཅད་ལས་ཇེ་དང་པོར་བྱའོ་ཞེས་བྱ་བའི་དོན་འདི་ལས་འདའ་བར་བྱ་བ་ལས་སྔ་རོལ་དུ་རིག་པར་བྱའོ། །སངས་
[148b.4]རྒྱས་ཀྱིས་གསུངས་པ་དགེ་འདུན་ལས་གཡོ་བ་མེད་དོ་ཞེས་བྱ་བ་ནི་ཚེ་དང་ལྡན་པ་རྣམས་བཅོམ་ལྡན་འདས་ཀྱིས་འདི་སྐད་ཅེས་གང་གི་ཚེ་ཚེ་དང་ལྡན་པ་ཉེ་སྡེས་དགེ་འདུན་གྱི་ཁྲིམས་སུ་བྱ་བ་དྲལ་ཀྱང་ལྟུང་བ་མི་འབྱུང་བ་སྟེ། བཅོམ་ལྡན་འདས་ཀྱིས་#བག་ཡངས་སུ་མཛད་དུ་ཟིན་ཀྱང་ཤིན་ཏུ་སྦྱངས་
[148b.5]པའི་དབང་གིས་ལྟུང་བ་མི་འབྱུང་བ་ཉིད་དུ་གསུངས་པ་དེའི་འདི་བསྡུ་བའོ། །ལྷུང་བཟེད་དང་ཆོས་གོས་དང་དྲ་བ་དང་ཕོར་བུ་དང་སྐ་རགས་དག་ལྷག་པ་འབུལ་བ་ན་དགེ་འདུན་གྱི་ཉེ་བར་གཞག་པའི་དོན་དུ་བླང་བར་བྱའོ། །དེ་ལྟར་ཉེ་བར་གཞག་པ་ནི་དེ་དག་མེད་པ་རྣམས་ཀྱིས་#ཅི་དགར་བསྐུར་རོ་ཞེས་བྱ་
[148b.6]བ་ནི་ལྷུང་བཟེད་ལ་སོགས་པ་མེད་པ་རྣམས་ཀྱིས་གང་#ལ་ཡོངས་སུ་ལོངས་སྤྱོད་པར་འོས་པ་ཉིད་དགེ་འདུན་དེ་རྣམས་ཀྱིས་#བྱ་བ་ཤུགས་ཀྱིས་རྟོགས་པར་བྱའོ། །འཁྲུར་འཇུག་པའི་སྤང་བ་རྣམ་པར་འབྱེད་པའོ། །བཤང་བ་དང་གཅི་བ་དང་ལྗན་ལྗིན་དང་འདམ་རྫབ་ལ་སོགས་པས་མ་རུང་བར་གྱུར་
[148b.7]པ་#འཁྲུར་འཇུག་པ་ལ་ན་སྨད་པ་མེད་དོ་ཞེས་བྱ་བ་ནི་ཇི་ལྟར་འདིར་འཁྲུར་འཇུག་པར་འོས་པ་ཉིད་ཡན་ལག་དྲི་མ་ཅན་ཉིད་ཀྱིས་ནི་མ་ཡིན་ནོ་ཞེས་བྱ་བ་འདི་ལ་གསལ་བ་ཉིད་དུ་བྱ་བའི་དོན་དུ་འདི་ཡིན་ནོ། །དྲེའུ་རྔོག་དང་ཁྱིམ་པའི་གོས་དང་སྔས་ནང་ཚངས་ཅན་དང་རུང་བར་བྱས་པ་དང་སྤངས་པ་དང་
[149a]
[149a.1]དགེ་འདུན་གྱི་རྣམས་ལ་ཉེས་བྱས་སོ་ཞེས་བྱ་བ་ནི་འདི་རྣམས་ཉེ་དུ་མ་ཡིན་པའི་དགེ་སློང་མ་ལ་འཁྲུར་འཇུག་པ་ལ་སོགས་པ་#ལ་ཉེས་བྱས་སོ། །དྲེའུ་རྔོག་ཁྱིམ་པ་#མ་ཡིན་པའི་གཡོག་ཉིད་ཀྱིས་འདིའོ། །ཁྱིམ་གྱི་གཡོག་པོ་ཉིད་ནི་དགེ་སློང་གི་གཡོག་ཉིད་ཀྱི་ཕྱིར་དེའི་རྫས་རྣམས་
[149a.2]ལ་རུང་བ་ཉིད་དོ་ཞེས་བྱ་བ་འདིའི་འདི་#སྤྲོས་པའོ། །འདིར་ཉེ་བར་ལོངས་མ་སྤྱད་པ་ནི་མ་ཆགས་པའོ། །ཁྱིམ་གྱི་གཡོག་དང་སྔས་རྟེན་མགོ་བོ་ཙམ་གྱིས་#ལོངས་སྤྱོད་པར་སྐྱེས་#པ་ཉིད་ཀྱི་ཕྱིར་དང་ལུས་ཐམས་ཅད་ལ་ཡང་དག་པར་རིག་པས་ལོངས་སྤྱོད་ཅིང་རྣམ་པར་#མི་རྟོག་པ་ལ་རང་ཉིད་ལ་མི་
[149a.3]བརྟེན་པའི་ཕྱིར་རོ། །འབུལ་བ་ལ་རང་ཉིད་འཕོ་བ་ཉིད་ཀྱི་ཕྱིར་དང་དགེ་འདུན་གྱི་རང་ཉིད་མེད་པའི་ཕྱིར་རོ། །འཁྲུར་འཇུག་པའི་སྤང་བ་ཞུ་བའི་སྐབས་སོ།། །།དགེ་སློང་མས་གོས་རིན་པོ་ཆེ་བརྗེ་བའི་ཕྱིར་བླང་བར་བྱའོ་ཞེས་བྱ་བ་ནི་བརྗེ་བའི་ཕྱིར་ཡིན་གྱི་ཡོངས་སུ་ལོངས་སྤྱོད་པའི་ཕྱིར་ནི་མ་
[149a.4]ཡིན་ནོ། །དགེ་སློང་མ་དང་ལྷན་ཅིག་བརྗེ་བར་བྱའོ་ཞེས་བྱ་བ་ནི་གོས་ཀྱི་ཕྱིར་འདིར་ཁྱད་པར་མེད་པའི་ཕྱིར་ཐམས་ཅད་ཀྱི་དབང་དུ་བྱས་ནས་མདོ་བྱས་པའོ། །རྫས་ཇི་ལྟ་བུ་བརྗེ་བར་བྱ་ཞེ་ན། དེའི་ཕྱིར་མཉམ་པས་སོ། །ཡང་ན་དེ་དག་འགལ་བ་ཉིད་ཀྱིས་སོ་ཞེས་བྱ་བ་སྨོས་ཏེ། དགེ་སློང་མ་དང་ལྷན་
[149a.5]ཅིག་དེ་བརྗེ་བར་བྱེད་པའི་དགེ་སློང་མ་དེ་དགའ་བར་འགྱུར་བས་རིན་ཐང་གིས་གཟུང་#བ་ལ་ནི་བརྗེ་#བའི་རྣམ་པ་ཉིད་དོ། །གང་དུ་སྔ་བ་#ལེན་པའི་སྤང་བའི་ལྟུང་བྱེད་དུ་འགྱུར་ཞེ་ན། དེའི་ཕྱིས་ལེན་ནའོ་ཞེས་བྱ་བ་སྨོས་ཏེ་ཉེ་དུ་མ་ཡིན་པའི་དགེ་སློང་མ་ལ་དེར་འདུ་ཤེས་པའམ་ཡིད་གཉིས་ཟ་བ་ཞེས་སྔར་བྱས་སོ། །
[149a.6]ཇི་ལྟར་ལེན་#ཞེ་ན། དེའི་ཕྱིར་རྣམ་པར་རིག་བྱེད་ཀྱིས་སོ་ཞེས་བྱ་བ་སྨོས་ཏེ། ཅང་མི་སྨྲ་བ་དང་དུ་ལེན་པས་ཀྱང་མ་ཡིན་ལ་ཚིག་ལས་གཞན་པའི་རྣམ་པར་རིག་བྱེད་ཀྱིས་ཀྱང་མ་ཡིན་ནོ། །ཅི་ཞིག་གི་ཕྱིར་ལེན་ན་ཞེ་ན། དེའི་ཕྱིར་དགེ་འདུན་ལ་གོས་འབུལ་བ་དང་། ལེགས་པར་སྨྲ་བ་ལ་ལྟུང་བ་
[149a.7]མེད་དོ་ཞེས་བྱ་བ་སྨོས་ཏེ་རབ་ཏུ་སྦྱིན་པ་ལའོ། །བསྙེན་པར་རྫོགས་པར་བྱེད་པ་དག་དང་བོར་རླག་#བྱུང་བ་དག་ལའོ་ཞེས་བྱ་བ་ནི་དགེ་སློང་མ་ལས་ལེན་པ་ལ་#ལྟུང་བ་མེད་དོ། །དད་རྫས་བརྗོད་དེ་མདུན་དུ་བཞག་ནས་མི་ལྟོས་པར་སོང་བ་ལའོ་ཞེས་བྱ་བ་ནི་འབུལ་བར་བྱེད་པའི་དགེ་སློང་མ་ལས་ཕྱིར་
[149b]
[149b.1]སྤོང་བར་བྱེད་པ་ཉིད་ལ་དགེ་སློང་གིས་ཐོབ་ན་དད་རྫས་བརྗོད་དེ་བདག་ཉིད་དད་པ་ཅན་དུ་གྲགས་པར་ཤེས་ཏེ། རྫས་དེ་མདུན་དུ་བཞག་ནས་མི་ལྟོས་པར་སོང་བ་ནི་དེའི་ཚེ་བླངས་ན་ལྟུང་བ་མེད་དོ། །ལེན་པའི་སྤང་བ་རྣམ་པར་འབྱེད་པའོ།། །།ལག་ཏུ་འོངས་པ་ཉིད་ནི་ཐོབ་པ་ཉིད་དོ། །བལྟ་བའི་ཉེན་ཀོར་
[149b.2]དུ་གྱུར་པ་ནི་དེའི་དང་པོའོ་ཞེས་བྱ་བ་ལ། དེའི་ཞེས་བྱ་བ་ནི་ལག་ཏུ་འོངས་པ་ཉིད་ལའོ། །འདིར་གཞུང་ནི་གོས་ཀྱི་གཞིའི་ཞུ་བ་ལས། ཇི་ཙམ་གྱིས་ན་གོས་ཐོབ་པ་ལགས། གང་ཚུན་ཆད་དེའི་ལག་ཏུ་འོངས་པར་གྱུར་པ་འམ་བལྟ་བའི་ཉེན་ཀོར་དུ་གྱུར་པ་ནའོ་ཞེས་གསུངས་པ་ཡིན་ནོ། །ཉེ་བར་མ་
[149b.3]གྱུར་པ་ནོད་པ་ཉིད་ནི་སྦྱོར་བ་ཉིད་དོ་ཞེས་བྱ་བ་ལ། འདིར་གཞུང་ནི་ཡི་གེ་ཁ་ཅིག་ལས་གྲོང་ཆེ་གེ་མོ་ཞིག་ན་གོས་མཆིས་ཀྱིས་#དེ་ཚེ་དང་ལྡན་པ་ལས་#གསོལ་ལོ་ཞེས་ཟེར་བ་ནོད་ན་ཉེས་བྱས་སུ་འགྱུར་རོ་ཞེས་གསུངས་པ་ཡིན་ནོ། །འདིར་ཉེ་བར་མ་གྱུར་པ་ནོད་པ་ཉིད་ཀྱི་ཕྱིར་གཞན་#ནི་སྨད་པའི་རྒྱུ་མཐོང་བ་མ་
[149b.4]ཡིན་ཏེ་ཞེས་བྱ་བ་འདིར་འདི་#ཤེས་པའོ། །འདིར་དང་དུ་ལེན་པ་ཡང་ནོད་པ་ལ་ཤེས་པར་བྱ་སྟེ་གོ་བར་བྱ་བ་ཉིད་ནི་མ་ཡིན་ནོ། །དེ་ལྟར་གཞུང་ནི་འདི་ཡིན་ཏེ་སྔར་བཞག་པར་གྱུར་ནས་སྨྲས་པ་རྗེས་སུ་གནང་བར་བགྱི་ཡིས་འཕགས་པས་ལོངས་སྤྱད་དུ་གསོལ། བདག་ལ་བསོད་ནམས་སུ་འགྱུར་རོ་ཞེས་ཟེར་
[149b.5]ན་ལྟུང་བ་མེད་དོ་ཞེས་གསུངས་པའོ། །ཡང་ན་ཕྱིར་སྩལ་#མི་འཚལ་བར་འབུལ་གྱིས་ལོངས་སྤྱད་དུ་གསོལ་ཞེ་འམ། གོས་ཆ་མི་མཐུན་པ་དང་བརྗེའོ་ཞེས་ཟེར་བ་བླངས་པར་གྱུར་པ་ལས་ཕྱིས་ཚེ་དང་ལྡན་པ་རིན་སྩལ་#མི་འཚལ་ལོ་ཞེས་ཟེར་བ་ལ་ལྟུང་བ་མེད་དོ་ཞེས་གསུངས་པ་གང་ཡིན་པ་དེ་མདོ་འདིས་
[149b.6]བསྡུས་པ་ཡིན་ནོ། །རྒྱ་ཆེ་བ་དང་ཐ་སྙད་ཀྱི་དབང་མ་ཡིན་པ་ཉིད་ནི་གོས་སྦྱིན་པ་ལ་སོགས་པ་ལ་གཙོ་བོ་ཡིན་ནོ་ཞེས་བྱ་བ་ནི་ཇི་ཙམ་དུ་རང་གི་ལུས་ཀྱིས་འཇུག་པ་ཉེ་བར་བཀག་པར་གྱུར་པ་ཉིད་ཀྱིས་མ་ཡིན་པ་དེ་ཙམ་དུ་འདིར་རྒྱ་ཆེ་བ་ལ་མངོན་པར་བརྟེན་པར་རིག་པར་བྱའོ། །འདིར་གཉིས་པོ་འདི་ཐམས་
[149b.7]ཅད་གཙོ་བོར་རིག་པར་བྱ་བ་སྟེ། ཐ་དད་པ་ནི་མ་ཡིན་ནོ། །བོར་རླག་#བྱུང་བ་རྙེད་པ་ལ་འདི་ཙམ་དུ་གཟུང་བ་ཞེས་བྱ་བར་རིག་པར་བྱའོ། །རེ་ཞིག་གི་སེམས་ཀྱིས་ནི་ལྟུང་བ་མེད་དོ་ཞེས་བྱ་བ་ནི། ཉེ་བར་གཡོགས་པ་འམ་བགོས་པའམ་དུས་རེ་ཞིག་པ་སྟེར་བ་ལ་གང་ཞིག་ཡིད་གཅུགས་#པས་ལེན་པ་ལ་
[150a]
[150a.1]ལྟུང་བ་མེད་དོ་ཞེས་གསུངས་པ་གང་ཡིན་པ་དེ་མདོ་འདིས་#བསྡུས་པ་ཡིན་ནོ། །རིན་སྦྱིན་པ་བརྗེད་པ་ལའོ་ཞེས་བྱ་བ་ནི། ཚེ་དང་ལྡན་པ་སླར་ནོར་མ་སྦྱིན་ཅེས་ཟེར་ན་ལྟུང་བ་མེད་དོ་ཞེས་བྱ་བ་འདིའི་རྗེས་ལ་དེར་འདི་གསུངས་#སོ། །དེ་བཞིན་དུ་གང་ཞིག་མི་དྲན་པ་དེའི་འདི་བསྡུས་
[150a.2]པའོ། །ལེན་པའི་སྤང་བ་ཞུ་བའོ། །ལེན་པའི་སྤང་བའོ།། །།སློང་བའི་སྤང་བ་འདི་ལ་ལྟུང་བ་བྱེད་པ་པོ་གང་ཞེ་ན། དེའི་ཕྱིར་མིའི་འགྲོ་བ་པར་གཏོགས་པ་ཁྱིམ་པར་གྱུར་པ་སྲོག་དང་ལྡན་པ་ཉེ་དུ་མ་ཡིན་པ་ནི་ལྟུང་བའི་བྱེད་པ་པོ་ཡིན་ནོ། །འོག་མ་གསུམ་པ་ལ་ཡང་ངོ་ཞེས་བྱ་བ་ནི་འདས་མ་
[150a.3]ཐག་པའི་བསླབ་པའི་གཞི་འོག་མ་གསུམ་ལ་ཡང་དེ་ཉིད་ལྟུང་བའི་བྱེད་པ་པོ་ཡིན་པའོ། །འདིར་དགེ་སློང་ཇི་ལྟ་བུ་ལ་དེ་ལྟུང་བའི་བྱེད་པ་པོ་ཡིན་ཞེ་ན། དེའི་ཕྱིར་གོས་ཕྲོག་པ་དང་། བརླག་#པ་དང་། ཚིག་པ་དང་། རླུང་གིས་ཁྱེར་བ་དང་། ཆུས་ཁྱེར་བར་མ་གྱུར་པ་ལའོ་ཞེས་བྱ་བ་སྨོས་ཏེ། གང་
[150a.4]དུ་ཇི་ཞིག་ལྷག་པར་སྤྱད་#ན་ལྟུང་བ་ཇི་ལྟ་བུར་འགྱུར་ཞེ་ན། དེའི་ཕྱིར་བླངས་ན་ཉེས་བྱས་ཀྱིའོ། །ཐོབ་ན་དངོས་གཞིའོ་ཞེས་བྱ་བ་#སྨོས་ཏེ། བྱེད་པ་པོ་མ་རྙེད་པ་ལ་དེ་ལས་བླངས་ན་དངོས་གཞིའི་སྤང་བའི་ལྟུང་བྱེད་དོ་ཞེས་བྱ་བའི་དོན་ཏོ། །ཅི་ཞིག་ཐོབ་ན་ཞེ་ན། དེའི་ཕྱིར་ཆོས་གོས་སོ་ཞེས་བྱ་བ་སྨོས་
[150a.5]སོ། །ཚད་ཇི་ཙམ་ཞིག་ཅེ་ན། དེའི་ཕྱིར་མི་ཆུང་བའོ་ཞེས་བྱ་བ་སྨོས་ཏེ། ཆོས་གོས་གསུམ་གང་ཡང་རུང་བ་ལས་ཚད་དང་ལྡན་པའོ། །ཇི་ལྟ་བུ་ཞིག་ཅེ་ན། དེའི་ཕྱིར་རིན་ཐང་དང་། ཁ་དོག་དང་ཁྲུ་ཚད་ལས་རྣམ་པ་གང་བླངས་པའོ་ཞེས་བྱ་བ་སྨོས་ཏེ། སྔོན་པོ་དང་། སེར་པོ་དང་། དམར་
[150a.6]པོ་དང་། མཐུག་པོ་དང་། ལེ་བརྒན་རྣམས་ནི། འདིར་ཁ་དོག་གི་རྗེས་སུ་འགྲོ་བ་སྟེ། དེ་བས་ན་འདིར་ཁ་དོག་བྱེད་པ་ཅན་ལ་ཁ་དོག་གི་སྒྲའོ། །གཞན་ལ་ནི་ལྟུང་བ་མེད་དོ་ཞེས་བྱ་བ་ནི་རིན་ཐང་གཞན་ནམ་ཁ་དོག་གཞན་ནམ། ཁྲུ་ཚད་གཞན་#ཐོབ་པ་ནི་ལྟུང་བ་མེད་དོ། །འདིར་གཞུང་ཁ་ཅིག་
[150a.7]ལས་ནི། དགེ་སློང་གིས་#ཆོས་གོས་སྔོན་པོ་སློང་བར་བྱེད་ཅིང་སྔོན་པོ་ཉིད་ཐོབ་ནས་དེ་ལ་སློང་བར་བྱེད་ན་ཉེས་བྱས་སོ། །ཐོབ་པ་ན་སྤང་བའི་ལྟུང་བྱེད་དོ། །འོག་མ་ལ་ནི་ལྟུང་བ་མེད་དོ་ཞེས་གསུངས་པ་ཡིན་ནོ། །རིན་ཐང་གི་གཞུང་ནི་དགེ་སློང་མའི་རྣམ་པར་འབྱེད་པ་ལས། དགེ་སློང་མས་ཆོས་
[150b]
[150b.1]གོས་ཀཱར་ཥཱ་པ་ཎ་ལྔ་རི་བ་དེ་ཉིད་སློང་བར་བྱེད་ན་ཉེས་བྱས་སོ། །ཐོབ་པ་ན་སྤང་བའི་ལྟུང་བྱེད་དོ། །འོག་མ་ལ་ནི་ལྟུང་བ་མེད་དོ་ཞེས་གསུངས་པ་ཡིན་ནོ། །ཚད་ནི་གཞུང་ཡང་དགེ་སློང་གི་ཆོས་གོས་ཁྲུ་ལྔ་པ་སློང་བར་བྱེད་ཅིང་དེས་གོས་ཁྲུ་ལྔ་པ་ཉིད་ཐོབ་ན་སློང་བ་ལ་ཉེས་བྱས་སོ། །ཐོབ་པ་ན་སྤང་
[150b.2]བའི་ལྟུང་བྱེད་དོ། །འོག་མ་ལ་ལྟུང་བ་མེད་དོ་ཞེས་གསུངས་པ་ཡིན་ནོ། །འདིར་འོག་མ་ལ་ལྟུང་བ་མེད་དོ་ཞེས་བྱ་བའི་ཚིག་ནི་ཐ་དད་པར་འགྱུར་བ་ཉིད་ལ་ཡིན་པར་རིག་པར་བྱའི#། འོག་མ་ཁྲུ་ལྔ་པ་སློང་བ་ལ་ཁྲུ་བཅུ་པ་ཐོབ་པ་ལ་ཆོས་གོས་དེ་ཉིད་ལ་ཁྲུ་ལྔ་པ་རྣམས་ལ་ལྟུང་བ་མེད་དོ། །ལྔ་པོ་རྣམས་
[150b.3]ལ་ནི་སྤང་བ་ཞེས་བྱ་བའོ། །སློང་བ་ལ་རྣམ་པར་སྤྱད་#པ་ནི་ཐམས་ཅད་སྤང་བའོ། །རས་མ་དང་ཁ་ཚར་དག་སློང་ནའོ་ཞེས་བྱ་བ་ནི་ལྟུང་བ་མེད་དོ་ཞེས་བྱ་བར་སྦྱར་རོ། །ཁ་ཚར་དག་སློང་བ་ལ་ལྟུང་བ་མེད་དོ། །ཁ་ཚར་བསླངས་པ་ལས་རས་མ་ཐོབ་པ་ལ་ཡང་ལྟུང་བ་མེད་དོ། །རས་མ་བསླངས་ནས་རས་
[150b.4]ཡུག་ཆེན་དང་། རས་ཡུག་ཕྲན་དག་ཐོབ་བོ་སྙམ་ནས་བསླངས་ཤིང་ཐོབ་པ་ན་#ཡང་ལྟུང་བ་མེད་པར་རིག་པར་བྱའོ། །གང་ཞིག་སྦྱོར་བ་ལ་#ལྟུང་བ་མེད་པར་བརྗོད་པ་དེ་དག་གིས་བསྡུས་པ་ཡིན་ནོ། །རྙེད་པ་ལ་ནི་གང་ཞིག་ལྟུང་བ་མེད་པའི་ཚིག་ཤིན་ཏུ་མང་བ་ལ་ཡང་འདི་ལྟ་བུ་ལ་འདིར་ཉེས་པ་མེད་པར་བརྗོད་
[150b.5]པས་དེ་ལ་གྲུབ་པ་ཉིད་དོ། །རྒྱུ་དང་སྤུན་ལ་ནི་ན་སྨད་པ་ཉིད་དོ་ཞེས་བྱ་བ་ནི་ཆོས་གོས་ཚད་དང་ལྡན་པ་ལོངས་སྤྱོད་པར་གྱུར་པ་ལ་སོགས་པའི་རྒྱུ་#དང་སྤུན་དག་ལ་ན་སྨད་པ་ཉིད་དོ། །ཆོས་གོས་མི་ཆོག་པ་ཉིད་ཞེས་#བྱ་བའི་དོན་ཏོ། །ཉེས་བྱས་ཙམ་ལ་ནི་འདི་བྱེད་པ་པོ་དེ། འདིས་ནི་ཞུ་བ་ལས་ཉེ་དུ་མ་ཡིན་པ་ལས་ཆོས་
[150b.6]གོས་མི་ཆོག་པ་ཉིད་སློང་ན་ཉེས་བྱས་ཀྱི་ལྟུང་བར་འགྱུར་རོ། །རྒྱུ་སློང་ན་ཡང་ཉེས་བྱས་སོ། །སྤུན་སློང་ན་ཡང་ཉེས་བྱས་སོ་ཞེས་གསུངས་པ་དེ་དག་བསྡུས་པ་ཡིན་ནོ། །དེའི་རང་བཞིན་ནི་དེ་དང་འདྲའོ་ཞེས་བྱ་བ་ནི། རྒྱུ་དང་སྤུན་གྱི་སྐུད་པ་དང་འདྲའོ། །འདིས་ནི་ཐ་ག་པའི་ཞུ་བ་ལས།
[150b.7]བཙུན་པ་རེ་ཞིག་དགེ་#སློང་རས་བལ་སློང་བར་བགྱིད་ན་ལྟུང་བ་ཅིར་འགྱུར། ཉེས་བྱས་སོ་ཞེས་གསུངས་པ་དེ་བསྡུས་པ་ཡིན་ནོ། །སློང་བའི་སྤང་བ་སྟེ་དྲུག་པའོ།། །།བྱིན་གྱིས་བརླབ་པར་བྱ་བ་ཐམས་ཅད་མེད་ན་སློང་བར་རིག་པ་ཉིད་དོ་ཞེས་བྱ་བ་ལ། ཐམས་ཅད་ཅེས་བྱ་བ་ནི་བྱིན་
[151a]
[151a.1]གྱིས་བརླབ་པར་བྱ་བ་ཆོས་གོས་གསུམ་ལས་གཞན་པ་ལ་ཡང་ཡོ་བྱད་དང་ཆོས་གོས་བཅུ་གསུམ་པོ་རྣམས་ལ་ནི་རྗེས་སུ་གནང་བའོ། །མེད་པར་གྱུར་ན་ཡོ་བྱད་ཐམས་ཅད་བླང་བར་རིག་#པ་ཉིད་དོ། །ཆོས་གོས་གསུམ་པོ་#འབའ་ཞིག་ཏུ་མ་ཟད་དོ་ཞེས་བྱ་བའི་དོན་ཏོ། །
[151a.2]འདིར་གཞུང་ནི། ཡི་གེ་ཁ་ཅིག་ལས་ནི་དབྱར་གྱི་རས་ཆེན་མི་སྨོས་པར་ཁྲུས་རས་ཞེས་འབྱུང་སྟེ། ཉེ་དུ་མ་ཡིན་པའི་དྲུང་ནས་སློང་བར་བྱེད་ན་ལྟུང་བ་མེད་ཅེས་བྱའོ། །དེ་ནི་ལྟུང་བའི་བྱེད་པ་པོ་ཉིད་དོ་ཞེས་བྱ་བ་ལ་དེ་ནི་ཞེས་བྱ་བ་ནི་སློང་བར་རིགས་པ་ལའོ། །སྤྱི་ཙམ་ལ་འདི་ཉེ་བར་གནས་
[151a.3]པ་སྟེ་རྫས་ལ་ཡང་མ་ཡིན་ནོ། །འདིར་གང་ཟག་ནི་སློང་བར་རིགས་#པར་བརྗོད་པར་རིག་པར་བྱའོ། །ཉེ་དུ་མ་#ཡིན་པ་ལས་ཆོས་གོས་སློང་བ་རིགས་པ་ཞེས་བྱ་བ་བྱས་ནས་སོ། །སླར་ཡང་དེ་གང་ཞེ་ན་ཆོས་གོས་ཕྲོགས་པ་ལ་སོགས་པའོ། །གང་ལས་འདིར་ཉེས་བྱས་བརྗོད་པ་ཉིད་ཀྱིས་
[151a.4]སློང་#བར་མི་རིགས་པ་སློང་བའི་རྙེད་པ་ལ་སྔ་མའི་ལྟུང་བའོ། །འདི་ནི་སློང་བར་རིགས་པ་སློང་བར་བྱེད་པའི་དབང་གིས་བྱས་པའོ། །དེ་གང་ལས་འབྱུང་ཞེ་ན། སོ་སོར་ཐར་པའི་མདོ་ལས་ཆོས་གོས་ཆུས་ཁྱེར་ན་ཉེ་དུ་མ་ཡིན་པའི་ཁྱིམ་བདག་གམ་ཁྱིམ་བདག་གི་ཆུང་མའི་དྲུང་དུ་སོང་སྟེ་ཆོས་
[151a.5]གོས་བླང་བར་བྱའོ། །དེ་ལ་གལ་ཏེ་བྲམ་ཟེ་དང་ཁྱིམ་བདག་དད་པ་ཅན་དག་གིས་ཆོས་གོས་རབ་ཏུ་མང་པོ་དག་དུས་ཀྱིས་སྟོབས་པར་གྱུར་པ་ན་དགེ་སློང་དེས་འདོད་ན་ཆོས་གོས་དེ་ལས་སྟོད་གཡོགས་དང་སྨད་གཡོགས་སུ་བཅས་པ་མན་ཆད་བླང་བར་བྱའོ། །དེ་ལས་ལྷག་པར་ལེན་ན་སྤང་བའི་ལྟུང་བྱེད་དོ་
[151a.6]ཞེས་སློང་བར་རིགས་པས་བླངས་ཏེ་ཐོབ་པ་ན་ལྟུང་བྱེད་དོ་ཞེས་རྣམ་པར་གཞག་པའི་ཕྱིར་རོ། །གང་ཞིག་ཡང་རྣམ་པར་#འབྱེད་པ་ལས་དགེ་སློང་གིས་ཁྱིམ་གྱི་#ནང་དུ་འོག་མ་འོག་མ་ལ་སློང་བར་བྱེད་ཅིང་། དེ་བླངས་པ་ན་ཉེས་བྱས་སུ་འགྱུར་ཏེ་སྤང་བའི་ལྟུང་བྱེད་དོ་ཞེས་བརྗོད་དོ། །དེ་ལ་སྦྱོར་བ་
[151a.7]ཐོབ་པའི་ཕྱིར་#སྔར་གྱི་བསླབ་པའི་གཞི་བརྗོད་པ་དངོས་གཞི་ཐོབ་པའི་ཕྱིར་གཉིས་ཀ་དང་འབྲེལ་པ་འདིར་བསླང་བར་བྱ་བ་དང་། སློང་བར་བྱེད་པའི་དབང་ཉིད་ཀྱིས་དེ་རྙེད་པ་འཛིན་པ་མ་ཡིན་ཏེ། གཞན་ཡང་བསླང་བར་བྱ་བ་དང་བསླབ་པའི་དབང་གིས་ཀྱང་བསླབ་པའི་གཞི་འདི་དང་འབྲེལ་པའོ། །
[151b]
[151b.1]གཞན་དུ་ན་དངོས་གཞི་ལོངས་མ་སྤྱད་པ་ཉིད་ཐོབ་པའི་ཕྱིར་བསླང་བར་བྱ་བ་མ་ཡིན་པའི་དབང་གིས་གསུངས་པ་གང་ཡིན་པ་དེ་ནི་སྔར་གྱི་བསླབ་པའི་གཞི་དང་འབྲེལ་པ་བསླང་བར་བྱ་བ་དང་། སློང་བར་#བྱེད་པ་གང་ཡིན་པ་དེ་ནི་འདིར་བསླབ་པའི་གཞི་ལས་#འབྲེལ་པའོ། །ཟུང་བསླང་བར་བྱ་བ་ཉིད་#ཅེས་བྱ་བ་
[151b.2]འཆད་པར་འགྱུར་བ་དེའི་རང་བཞིན་བསྟན་#པར་བྱ་སྟེ། ཁྱིམ་པའི་སྟོད་གཡོགས་ཆེ་ཚད་ནི་རས་ཡུག་ཆེན་ཁྲུ་བཅུ་གཉིས་པའོ། །སྨད་གཡོགས་ནི་རས་ཡུག་ཕྲན་བདུན་པ་དང་དོ་#པའོ་ཞེས་བྱ་བ་ནི་འདིར་དགེ་སློང་གི་སྟོད་གཡོགས་ཆེ་ཚད་ཀྱི་རྐྱེན་མངོན་པར་འདོད་པ་ཞེས་བྱ་བ་རྣམ་པར་གནས་པ་ཡིན་
[151b.3]ནོ། །དེ་བས་ན་དངོས་པོ་གསུམ་ནི་འདིར་ཆེ་ཚད་ཅེས་བྱ་བར་རྟོགས་#པར་བྱའོ། །དགེ་སློང་གི་#ཆེ་ཚད་ནི། སྣམ་སྦྱར་དང་ཤམ་ཐབས་ཀྱི་རིམ་པ་ཇི་སྐད་བསྟན་པའོ་ཞེས་བྱ་བ་ནི། འདིར་ཆེ་ཚད་ཅེས་བྱ་བར་སྦྱར་རོ། །ཟུང་བསླང་བར་བྱ་བ་ཉིད་དོ་ཞེས་བྱ་བ་ནི་སྟོད་གཡོགས་དང་སྨད་གཡོགས་ཀྱི་
[151b.4]ཟུང་འདི་ལ་ཁྱིམ་པ་དག་དང་། དགེ་སློང་གི་ཟུང་འདི་དག་ལས་གང་བསླང་བར་བྱ་བ་ཉིད་ཡིན་ཅེ་ན། དེའི་ཕྱིར་གང་ཡང་རུང་བའོ་ཞེས་བྱ་བ་ནི། ཁྱིམ་པའི་སྟོད་གཡོགས་སྨད་གཡོགས་དང་བཅས་པ་འམ། དགེ་སློང་གི་སྟོད་གཡོགས་སྨད་གཡོགས་དང་བཅས་པའོ་ཞེས་བྱ་བའི་དོན་ཏོ། །
[151b.5]ཤུགས་ཀྱིས་རྟོགས་པ་དང་དངོས་སུ་བརྗོད་པར་བྱ་སྟེ། ཚད་དེ་ལས་ལྷག་པ་ནི་བསླང་བར་བྱ་བ་ཉིད་མ་ཡིན་ནོ་ཞེས་བྱ་བ་ནི་ཐ་དད་པར་གྱུར་ཀྱང་རུང་ཐ་དད་པར་གྱུར་པ་མ་ཡིན་པ་#ཡང་རུང་སྟེ། ཚད་ལས་ལྷག་པར་བསླང་བར་བྱ་བ་མ་ཡིན་ནོ། །དེའི་སྔ་མ་#ཉིད་ལ་བསླབ་པའི་གཞི་ལས་ལྟུང་བའོ། །
[151b.6]འདིར་ཟུང་བཤད་པའི་ཚད་གཙོ་བོ་བརྗོད་པར་འདོད་པ་མ་ཡིན་པ་གཅིག་དང་འབྲེལ་པ་ཉིད་དེར་བྱས་པར་འགྱུར་རོ། །འདིས་ཐ་དད་དུ་གྱུར་པ་ལ་ཆུང་བ་རྙེད་པ་ལ་རྫོགས་པར་བྱེད་པ་ལ་བླངས་#པ་ཉིད་དོ། །དེ་ནི་ཁྱིམ་པའི་སྟོད་གཡོགས་དང་སྨད་གཡོགས་ལས་འདའ་བར་བརྗོད་པར་བྱ་སྟེ། ཚད་དེ་
[151b.7]ལས་ལྷག་པར་ནི་བསླང་བར་བྱ་བ་ཉིད་མ་ཡིན་ནོ། །སྔ་མ་ལས་#ན་ཁ་བསྐང་བ་ཡང་ངོ་ཞེས་བྱ་བ་ནི་བསླང་བར་བྱ་བ་ཉིད་མ་ཡིན་པའི་རྗེས་སྙེགས་#པའི་ཕྱིར་ཡང་ངོ་ཞེས་བྱ་བའི་སྒྲ་སྨོས་སོ། །སྔ་མ་ཞེས་བྱ་བ་ནི་ཁྱིམ་པའི་སྟོད་གཡོགས་དང་སྨད་གཡོགས་མ་ཆོག་པ་རྙེད་པ་ལ་དེའི་ཁ་བསྐང་བ་བསླང་
[152a]
[152a.1]བར་མི་བྱ་བའི་དོན་ཏོ། །ཁྱིམ་པའི་ཆེ་ཚད་ནི་ཁྲུ་བཅུ་གཉིས་པའོ་ཞེས་བྱ་བ་ནི་མཆོག་ཏུ་གྱུར་པ་ལ་ཁྱིམ་པའི་སྟོད་གཡོགས་དང་#སྨད་གཡོགས་ཀྱི་ཚད་དུ་གསུངས་སོ། །དེ་བས་ན་འདི་ལས་ཆུང་བ་ཐམས་ཅད་ཉིད་དུ་ཁྱིམ་པའི་སྟོད་གཡོགས་སྨད་གཡོགས་ལ་མེད་པ་མ་ཡིན་ནོ། །
[152a.2]སླར་གང་ཞིག་འདིའི་མཐར་ཐུག་པའི་རིགས་པ་ཡིན་ཏེ། རས་ཡུག་ཆེན་ཁྲུ་བཅུ་གཉིས་པ་དང་། རས་ཡུག་ཕྲན་བདུན་པ་དང་། དོ་པ་མན་ཆད་ནས་རས་ཡུག་ཆེན་ཁྲུ་ཕྱེད་དང་གསུམ་པ་དང་། ཇི་སྲིད་དུ་ཕྱེད་པ་དང་ལྔ་པའི་བར་དང་རས་ཡུག་ཕྲན་འཁོར་གསུམ་ཁེབས་པའི་ཚད་ཀྱི་བར་ནི་ཆུང་བའི་
[152a.3]མཐའ་ཡིན་པར་རིག་པར་བྱའོ། །གང་གི་ཕྱིར་འདིའི་དོན་གྲུབ་པ་ཉིད་ལ་མ་བླངས་#པ་ཉིད་ནི་རྒྱུ་ཉིད་འདིར་མཐར་ཐུག་པའི་དོན་མཐར་ཐུག་པའི་ཁྱིམ་པའི་སྟོད་གཡོགས་དང་སྨད་གཡོགས་ཐོབ་པ་ལ་ཁྲུ་བཅུ་གཉིས་པ་ལ་སོགས་པ་ཁ་སྐོང་#བར་བྱེད་པ་ལ་འདི་བསླང་བར་མི་བྱ་བ་ཉིད་བསྟན་པའོ། །
[152a.4]མཐར་#ཐུག་པར་གྱུར་པ་ལས་ཀྱང་མ་ཆོག་པ་རྙེད་པ་ལ་བླངས་#པ་ཉིད་ཁོ་ན་ཞེས་བྱ་བར་རིག་པར་བྱའོ། །ཆོས་གོས་མ་དྲས་པར་འཆང་བར་འདོད་པ་ལས་ལྷག་མ་#གང་ཞིག་ཁྱིམ་པའི་སྟོད་གཡོགས་དང་སྨད་གཡོགས་འདོད་པ་འདི་ལ་མ་ཆོག་པ་ཉིད་ཀྱིས་རྫོགས་པ་ཉིད་ཀྱང་མ་ཡིན་ཞེས་བྱ་བ་
[152a.5]མ་ཚང་བ་#འདི་ལ་བསླང་བར་བྱ་བ་ཉིད་མ་ཡིན་ནོ། །ལྷག་པ་སྦྱིན་པར་བྱ་བ་ཉིད་མ་ཡིན་ནོ་ཞེས་བྱ་བ་ནི་ཇི་ཙམ་གྱིས་ཡང་མཆོག་ཏུ་གྱུར་པའི་དགེ་སློང་གི་སྟོད་གཡོགས་དང་སྨད་གཡོགས་ཡོངས་སུ་རྫོགས་པ་དེ་ཙམ་ལ་ཡིན་གྱི། འདི་ལས་འོག་ཏུ་མ་ཡིན་ནོ། །ཕྱི་མ་ཐོབ་ན་ལྷག་མ་སྦྱིན་
[152a.6]པར་བྱ་བ་ཉིད་དོ་ཞེས་བྱ་བ་ནི། གལ་ཏེ་དགེ་སློང་གིས་#སྟོད་གཡོགས་དང་སྨད་གཡོགས་དང་བཅས་པ་སློང་བར་བྱེད་པ་ནི་ཚད་ལས་ཆེས་ལྷག་པ་ཞིག་ཐོབ་ན་དེ་ནི་སྦྱིན་བདག་དེ་ཉིད་ལ་སྦྱིན་པར་བྱ་བ་སྟེ་ཡོངས་སུ་རྫོགས་པའི་དོན་ལས་འདི་ལྷག་པ་ཉིད་ཀྱི་ཕྱིར་རོ། །ཡོངས་སུ་ལོངས་སྤྱོད་པའི་དོན་དུ་
[152a.7]ངོ་བོ་གང་ཞིག་ཆིག་རྐྱང་#ལ་སོགས་པ་འདོད་པ་དེས་འདིར་རྣམ་པར་གཞག་པར་རིག་པར་བྱའོ། །བོར་རླག་བྱུང་བ་ཉིད་ལ་ཉེ་དུ་མ་ཡིན་པའི་དགེ་སློང་མ་ལས་ཆོས་གོས་ལེན་པ་ལ་རྗེས་སུ་གནང་བ་གང་ཡིན་པ་དེའི་སྟོད་གཡོགས་དང་སྨད་གཡོགས་མེད་པ་དེར་གཙོ་བོ་ཉིད་དོ། །འདི་ཙམ་ནི་གཟུང་#བར་
[152b]
[152b.1]བྱ་བ་ཉིད་དོ། །ཡོངས་སུ་མ་རྫོགས་པ་འདི་མེད་པ་ལ་རྫོགས་པ་ཙམ་ལ་ཞེས་བྱ་བ་འདི་ལས་རྟོགས་པར་བྱའོ། །གང་གི་ཕྱིར་འདི་ལ་ལྟུང་བ་མེད་དོ་ཞེས་བྱ་བ་སྔར་བརྗོད་པ་དེ་ཡང་འདི་ལས་སྟོད་གཡོགས་#དང་སྨད་གཡོགས་ཙམ་ཉིད་ལ་ཞེས་བྱ་བ་ཤེས་པར་བྱའོ། །གང་གི་ཕྱིར་སློང་བ་ལ་ཞུགས་པ་ཉིད་
[152b.2]ནི་འདིར་ཕྱི་མ་སོ་སོར་འཛིན་པ་སྤོང་བར་བྱེད་པའི་རྒྱུ་ཡིན་ཏེ། དེ་བས་ན་སློང་བ་ལ་མ་ཞུགས་པ་ཉིད་ལ་ཆོས་གོས་མེད་པ་ཉིད་དང་ཆོས་གོས་ཡོངས་སུ་རྫོགས་པ་ཉིད་#ཐོབ་པ་ལ་ཤིན་ཏུ་མང་བ་ཡིན་ན་ཡང་འདི་ལ་འཛིན་པ་སྐྱོང་མེད་པ་ཞེས་བྱ་བར་རྟོགས་པར་བྱའོ། །ཅི་སྟེ་བླངས་#པ་གཞན་རྣམས་ལ་དེ་
[152b.3]སྔོན་དུ་འགྲོ་བ་ཅན་གྱིས་#དོན་བསྒྲུབ་པ་རྣམས་ལ་གཏོགས་པ་གང་ཡིན་པ་དེ་ཙམ་གྱི་ཆོས་གོས་ལ་སྐྱོན་ཡོད་པ་མ་ཡིན་ཏེ། ཆོས་གོས་མ་ཡིན་པ་ལ་དགོས་པ་མེད་པའམ། ལྷག་པ་འཆང་བའི་དགོས་པ་ཅན་ཡོད་པ་ཞེས་བྱའོ། །སློང་བར་རིགས་པ་#ཡིན་ནོ་སྙམ་དུ་རྟོགས་པ་འདིས་སློང་བ་ལ་ཞུགས་ན་
[152b.4]བྱ་བ་གང་ལ་ལྟུང་བར་འགྱུར་ཞེ་ན། དེའི་ཕྱིར་བསླང་བར་བྱ་བ་མ་ཡིན་པ་བསླངས་ན་ཉེས་བྱས་སོ། །ཐོབ་ན་དངོས་གཞིའོ་ཞེས་བྱ་བ་ནི་གང་ཞིག་དགེ་སློང་ལ་གོས་དང་ཁ་ཟས་ལ་སོགས་པ་རུང་བ་མ་ཡིན་པ་དེ་སློང་བ་ལས་ཉེས་བྱས་སོ། །བསླངས་#ནས་རྙེད་ན་དངོས་གཞིའོ། །མ་རྙེད་ན་ཉེས་
[152b.5]བྱས་སོ། །དོན་གྱིས་སྔ་མར་གཏོགས་#ཏེ་འདི་ནི་ཉེས་བྱས་སོ། །གལ་ཏེ་དངོས་གཞིའི་#ལས་སློང་བ་འདི་ནི་འདིའི་བསླང་བར་བྱ་བ་ལས་སྔར་རྙེད་པའོ། །བསླང་བར་བྱ་བ་མ་ཡིན་པ་སློང་བར་བྱེད་པ་སྦྱིན་པར་བྱ་བ་མི་སྦྱིན་ན་ཡང་ངོ་ཞེས་བྱ་བ་ལ་དངོས་གཞིའོ་ཞེས་བྱ་བའི་རྗེས་སྙེགས་#པའི་ཕྱིར་ཡང་
[152b.6]ངོ་ཞེས་བྱ་བའི་སྒྲ་སྨོས་སོ། །བསླང་བར་བྱ་བ་མ་ཡིན་པ་བསླངས་པས་མ་ཐོབ་པ་ལ་འདིར་ལྷག་པར་#སྦྱིན་པར་བྱ་བ་ཉིད་དོ་ཞེས་བྱ་བ་སྨོས་པས་ཐོབ་པ་ཉིད་ལ་གཞན་ལ་ལྟུང་བ་འགྲུབ་པ་ལ་ཡང་མི་རིགས་པའི་ཕྱིར་སྦྱིན་པར་བྱ་བ་ཉིད་དེ། དེ་བས་ན་#འདི་ཉིད་འདིར་མ་སྦྱིན་ན་དངོས་གཞིའི་#ཞེས་བྱ་
[152b.7]བར་རྟོགས་པར་བྱའོ། །སློང་བར་རིགས་པའི་སྤང་བའོ།། །།སྤགས་པ་སློང་བའི་སྤང་བ་ནི་སློང་བའི་རབ་ཏུ་དབྱེ་བར་གྱུར་པ་ཡིན་པས་སྤགས་པ་སློང་བའི་སྤང་བ་དེ་ཉིད་འདིར་ཆོ་ག་ཐོབ་པའི་བསམ་པ་ཙམ་གྱི་བྱེ་བྲག་དེ་ལ་དེའི་ཆོ་ག་ཐོབ་པ་ལ་འདི་ལ་བརྗེད་པར་བསྒྲུབ་པར་འགྱུར་ཏེ།
[153a]
[153a.1]དེའི་#ཆོ་ག་ཡོངས་སུ་ཐོབ་པ་བསྒྲུབ་པའི་དོན་དུ་བྱེ་བྲག་འདི་མཚུངས་པ་ཉིད་བརྗོད་པར་བྱ་སྟེ། དེའི་ཕྱིར་སྤགས་#པ་མ་ཕུལ་བ་ཤེས་པ་ནི་མ་སྤགས་#པ་དང་འདྲའོ་ཞེས་བྱ་བ་སྨོས་ཏེ། འདིར་ཡུལ་གྱི་ཁྱད་པར་#ནི་བྱེ་བྲག་གོ་ཞེས་བྱ་བ་འདི་ཙམ་གྱི་མཚུངས་པ་ཉིད་བརྗོད་པས་
[153a.2]མ་ཕུལ་བ་ཡོད་པར་གྱུར་པ་ལ། གང་ཞིག་འདི་ལ་ཆོས་གོས་སྟེར་བར་འགྱུར་བ་ཞེས་བྱ་བར་སྤགས་པ་ཇི་ལྟར་ཡང་མ་ཤེས་པ་དེ་ནི་མ་སྤགས་#པ་དང་འདྲ་བ་སྟེ། བསླངས་པའི་ཕྱིར་ཞེས་བྱ་བའི་དོན་ཏོ། །དེ་ཉིད་གཞན་ཡིན་ནོ་ཞེས་བྱ་བ་ནི་གཞན་གྱིས་མ་ཤེས་པ་སྤགས་#པ་ནི་མ་
[153a.3]སྤགས་#པ་ཉིད་དོ། །འདི་ནི་སློང་བའི་སྤང་བའི་གཞི་ཉིད་ཀྱི་#ཁོངས་སུ་གཏོགས་པར་རིག་པར་བྱའོ། །དེའི་བསླབ་པའི་གཞིར་གྱུར་པ་འདི་ལ་འཇུག་པ་ལ་སྐྱེད་#པ་ཞེས་བྱ་བའི་དོན་ཏོ། །རང་ཉིད་འདི་ལ་དོན་གྱིས་འཇུག་པ་ཞེས་བྱ་བ་དགོངས་པའི་དབང་གིས་འདིར་འཇུག་པའི་རྣམ་པ་ཉིད་
[153a.4]དེ། དེ་བས་ན་མི་བསྐྱེད་པ་ཉིད་དོ། །འདི་མི་#ཤེས་པ་ཉིད་ལ་ཞེས་བྱ་བ་འདི་ཤེས་པའོ། །གང་ལ་མི་#ཤེས་པ་ཉིད་ལ་སློང་བ་ལ་འཇུག་པ་ཤེས་པ་ཉིད་ལ་ཡང་ལེན་པ་ལ་དེ་དངོས་གཞི་འདི་ཡིན་ནམ། འོན་ཏེ་དེ་དང་འབྲེལ་བའི་ཉེས་བྱས་ཞེས་བྱ་བ་འདི་ལས་རྟོགས་པར་བྱའོ། །སྤགས་པ་
[153a.5]སློང་བའི་སྤང་བའོ།། །།སྦྱིན་པ་པོ་འདི་དག་ལས་སྤུངས་ཆེ་བ་ཡང་ངོ་ཞེས་བྱ་བ་ནི་འདིར་རབ་ཏུ་གཏོང་བ་ཉིད་དང་ཚམ་ཚོམ་མེད་པ་ཉིད་ལ་དོན་གྱིས་འཇུག་པ་འདི་ཞེས་བྱ་བ་བྱེ་བྲག་འདིས་སོ་སོར་སྤགས་པ་དག་ལ་སློང་བ་དང་དེ་སྔོན་དུ་འགྲོ་བ་ཅན་གྱི་སློང་བ་ལ་འཇུག་པ་འདི་གཞན་ཡིན་
[153a.6]ཏེ་སྔ་མ་ནི་མ་#ཡིན་ནོ་ཞེས་བྱ་བའི་བློའོ། །གང་གི་ཕྱིར་འདིར་འཇུག་པ་ཡང་ཉེས་པ་མེད་པའི་བློས་#སྔར་བསླབ་པའི་གཞི་ཡོད་པ་ལ་ཡོད་པར་གྱུར་པའི་#བསླབ་པའི་གཞི་གཞན་ཡོད་པར་འགྱུར་བ་དེ་ལ་བཏགས་པའོ། །འདི་ནི་ལྟུང་བ་དང་ལྡན་པ་མ་ཡིན་ཏེ། སྔར་ཉིད་དུ་མི་འཇུག་པ་བྱ་བ་སྲིད་པ་
[153a.7]ཡིན་ནོ། །དེ་ལ་འདི་ལ་ཡང་དེའི་ཆོ་ག་ཡོངས་སུ་ཐོབ་པས་ཉེ་བར་བརྗོད་པ་མི་སླུ་བར་བྱེད་ཅིང་། དེའི་ཆོ་ག་ཡོངས་སུ་ཐོབ་པ་ལ་#བསྒྲུབ་པའི་དོན་དུ་ཡུལ་འདི་ལ་མཚུངས་པ་ཉིད་དུ་བྱེ་བྲག་ལ་བརྗོད་པར་བྱ་སྟེ། སྦྱིན་པར་བྱེད་པ་སྤུངས་ཆེ་#བ་ཡང་ངོ་ཞེས་བྱ་བ་ནི་སྤགས་པ་མ་ཕུལ་བ་ཞེས་བྱ་བ་
[153b]
[153b.1]ནི་མ་སྤགས་པ་དང་འདྲའོ་ཞེས་བྱ་བར་སྦྱར་བར་བྱའོ། །སྦྱོར་བ་གཅིག་པའི་ཕྱིར་ཐོབ་ན་གཅིག་ཉིད་དོ་ཞེས་བྱ་བ་ནི། སྦྱོར་བ་གཅིག་པའི་ཕྱིར་ཐོབ་ན་རྫས་ཐ་དད་པ་ཅན་ལ་ཡང་རྙེད་པ་ལ་གཅིག་པ་ཉིད་དོ་ཞེས་བྱ་བའི་དོན་ཏོ། །ལེན་པ་ལ་སོགས་པ་ལ་དུ་མ་ཉིད་ལ་ཡང་#ཡོངས་སུ་རྫོགས་པའི་གོས་སྦྱིན་
[153b.2]པ་དགེ་སློང་མ་ལ་ལྷུང་བཟེད་དང་དབྱར་གྱི་རས་ཆེན་ཐོབ་པ་ལ་ཡང་སྦྱོར་བ་གཅིག་པ་ཉིད་ཡིན་ན་ལྟུང་བ་གཅིག་ཅེས་བྱ་བ་དེ་འདིའི་བྱེད་པའོ། །སོ་སོ་ནས་སྤགས་པ་སློང་བའི་སྤང་བའོ།། །།ཅི་ཞིག་བྱས་ན་བསྐུར་#བའི་སྤང་བར་འགྱུར་ཞེ་ན། དེའི་ཕྱིར་བསྐུར་#བར་རུང་བ་མ་ཡིན་པ་
[153b.3]ཆོས་གོས་ཀྱི་རིན་སྤངས་ནས་ཡོངས་སུ་དྲི་བ་སྔོན་དུ་བཏང་ཞིང་བསྟན་ཏེ་བསྒོ་ཞིང་སྨྲས་པ་བྱུང་བའི་མཐའ་རྗེས་སུ་བརྗོད་པ་སྔར་བྱས་པའི་ཞལ་ཏ་བྱེད་པ་ལ་བསྐུར་#བར་གྱུར་ནའོ་ཞེས་བྱ་བ་སྨོས་ཏེ། སྤངས་ནས་ཞེས་བྱ་བ་ནི་ཚེ་དང་ལྡན་པ་ཕོ་ཉ་དགེ་སློང་རྣམས་གོས་ཀྱི་རིན་དག་ལེན་དུ་མི་རུང་སྟེ་ཞེས་བྱ་བ་
[153b.4]ལ་སོགས་པས་ཡོངས་སུ་དྲི་བ་སྔོན་དུ་བཏང་ཞིང་ཞེས་བྱ་བའོ། །འཕགས་པ་རྣམས་ལ་ཞལ་ཏ་བྱེད་པ་འགའ་ཞིག་ཡོད་དམ་ཞེས་བྱ་བ་ལ་སོགས་པ་འདི་སྔོན་དུ་བཏང་ཞིང་ཞེས་བྱ་བ་སྨྲས་པ་ནི་བསྟན་ཏེ་ཞལ་ཏ་བྱེད་པ་ཞེས་བྱ་བ་ནི་དགེ་སློང་སྤོང་བར་བྱེད་པ་པོས་ཤེས་པར་བྱ་བ་གནས་སྐབས་ཀྱིས་ཤེས་
[153b.5]པར་བྱའོ། །བསྟན་ཏེ་ཞེས་བྱ་བ་ནི་ཁྱོད་ཀྱི་#རིན་བྱེད་པ་འདི་རྣམས་ཀྱིས་ཞེས་བྱ་བ་ལ་སོགས་པས་བསྐུལ་བར་གྱུར་ན་ཞེས་བྱ་བ་འདི་ལ་ལྟོས་པ་འདི་སྔོན་དུ་སྨོས་པར་རིག་པར་བྱའོ། །སུས་བསྟན་པ་ཞེ་ན། དེའི་ཕྱིར་བསྒོ་ཞེས་སྨྲས་པ་ཞེས་བྱ་བ་སྨོས་སོ། །བསྒོ་ཞིང་ཇི་སྐད་སྨྲས་ཤེ་ན། དེའི་
[153b.6]ཕྱིར་བྱུང་བའི་མཐའ་རྗེས་སུ་བརྗོད་པ་སྔར་བྱས་པ་ཞེས་བྱ་བ་སྨོས་ཏེ། གང་ཞིག་འདི་འཕགས་པས་ཞལ་ཏ་བགྱིད་པ་བསྟན་པ་གང་ལགས་པ་དེ་ཞེས་བྱ་བ་ལ་སོགས་པས་སོ། །བསྐུལ་བར་གྱུར་ནའོ་ཞེས་བྱ་བ་ནི། དགེ་སློང་གི་ཞལ་ཏ་བྱེད་པའོ། །ཚེ་དང་ལྡན་པ་ཞལ་ཏ་བྱེད་པ་བདག་གོས་
[153b.7]འདོད་དོ་ཞེས་བྱ་བ་ལ་སོགས་པས་སོ། །འགྲོ་བར་མ་ནུས་པ་ཉིད་ནི་བསྐུལ་བ་འདི་མ་ཡིན་ནོ་ཞེས་བྱ་བ་ནི་དལ་བ་མ་ཡིན་པ་རྗོད་#པར་བྱེད་པ་ལ་གང་དུ་གཞན་གྱི་ཚིག་ལ་སྐབས་མེད་པར་འགྱུར་བ་ཞེས་བྱ་བ་མྱུར་བར་བརྗོད་པ་ནི་འདིར་རྒྱུ་བསྟན་པ་ཡིན་ནོ། །བཏང་བར་སྨྲས་པའམ་གཉིད་ལོག་པའམ། །
[154a]
[154a.1]ར་རོ་བ་དང་འབྲེལ་པ་ཉིད་དམ། འོན་པ་ཉིད་དམ་ནད་ཀྱིས་བཏབ་པའམ། གཞན་གྱི་དབང་དུ་གྱུར་པ་ལ་སོགས་པའི་རྐྱེན་གྱིས་མི་འབྱུང་བར་འགྱུར་ཏེ། དེ་བས་ན་འདིར་འགྲོ་བ་མ་ནུས་པ་ཉིད་ཀྱི་#དཔེ་ཡིན་ཏེ། དེའི་ཕྱིར་མྱུར་བར་#བརྗོད་པ་ལ་སོགས་པ་འདི་རྣམས་ཀྱིས་མི་ནུས་པ་
[154a.2]ཉིད་ལ་ཡང་དག་པར་འགྲོ་བས་བསྐུལ་བ་ནི་ཞེས་བྱ་བའི་དོན་ཏོ། །གང་འགྲོ་བ་ཞེས་བྱ་བ་བྱེ་བྲག་མ་སྨོས་པ་ཐམས་ཅད་ལ་འདིའི་དོན་གྱིས་དངོས་པོ་དང་འབྲེལ་བའི་ཚིག་ལ་#ཡང་བསྐུལ་བར་གྱུར་པའི་དོན་ལ་ཡང་མཚན་མ་འདི་ལ་ཡང་གང་དུ་མེད་པ་ཉེ་བར་འགྲོ་བའི་ལན་#སྟེར་བ་ལ་དེའི་དོན་དུ་གནས་
[154a.3]བརྟག་པར་རིག་པར་བྱའོ། །དེ་འདིར་འདི་ལྟར་གཞན་ལ་ཡང་བསྐུལ་བར་#བྱས་པ་ཉིད་དེ་ལ་འདིར་གང་ཞིག་གྲངས་གསུམ་གྱི་རྗེས་སུ་གནང་བ་དེའི་ཁ་བསྐང་#བ་ཉིད་ཅེས་བྱ་བ་འདིའི་བྱེད་པ་བསྐུལ་བའི་སྒོ་དྲུག་པོ་#གང་དག་གསུངས་པ་དེ་དག་ཀྱང་དུས་ལ་འཇུག་པ་ཞེས་བྱ་བ་དེར་ཆོས་ཀྱི་གཏམ་གྱི་སྒོའི་#
[154a.4]ཚིག་དེ་ལའོ། །དུས་ཞེས་བྱ་བ་ནི་དེའི་སྒོ་ཐོབ་པ་ལ་རྒྱས་པ་ཙམ་བསྟན་པ་སྟེ། འདི་ནི་དཔེ་ཡིན་ནོ། །ཚེ་དང་ལྡན་པ་དག་ནི་གོས་དེ་དོན་དུ་གཉེར་བ་སྟེ། བདག་ནི་ཅུང་ཟད་ཅིག་སྨྲ་ཡིས། །ཚེ་དང་ལྡན་པ་ཁྱོད་ཉོན་ཅིག །སོང་ཤིག་ནི་གོས་དེ་དོན་དུ། །གཉེར་བས་#བདག་ལ་གོས་བྱིན་#ཅིག །
[154a.5]ཞེས་#བྱ་བ་ལ་སོགས་པ་ཡང་གཏམ་གཞན་དུ་གྱུར་པ་འབྲེལ་པ་ཅན་གྱི་གཏམ་གྱི་སྒོ་ཉིད་ཀྱི་ཕྱིར་རོ། །འདི་ལྟ་སྟེ། མངོན་པར་སྨྲ་བ་དང་། ལེགས་པར་སྦྱོར་བ་དང་། ཟས་སྐོམ་དག་གི་དབང་དུ་བྱས་ནས་རེ་རེ་ལ་ཡང་གཉིས་གཉིས་ཏེ་དྲུག་ཏུ་འགྱུར་རོ། །དེ་ལ་མངོན་པར་སྨྲ་བ་ནི། ཁྱོད་འོངས་སམ་ཞེས་
[154a.6]ཟེར་བ་ལ་དེའི་ཕྱིར་རོ་ཞེས་ཟེར་བ་དང་། ལེགས་པར་འོངས་སམ་ཞེས་ཟེར་བ་ལ་དེའི་ཕྱིར་རོ་ཞེས་ཟེར་བའོ། །ལེགས་པར་སྦྱོར་བ་ནི་སྟན་འདི་ལ་འདུག་ཅེས་ཟེར་བ་ལ་དེའི་ཕྱིར་རོ་ཞེས་ཟེར་བ་དང་། རྐང་པ་ཁྲུས་གྱིས་ཤིག་ཅེས་ཟེར་བ་ལ་དེའི་ཕྱིར་རོ་ཞེས་ཟེར་བའོ། །ཟས་སྐོམ་གྱི་དབང་དུ་བྱས་པ་
[154a.7]ནི་ཟན་ཟོ་ཞིག་ཟེར་བ་ལ་དེའི་ཕྱིར་རོ་ཞེས་ཟེར་བ་དང་། སྐོམ་འཐུངས་ཤིག་#ཟེར་བ་ལ་དེའི་ཕྱིར་རོ་ཞེས་ཟེར་བའོ། །སོ་སོའི་དངོས་པོས་བྱས་པའི་དེ་རྣམས་ལ་དེའི་དོན་དུ་འགྲོ་བ་ལ་རྣམ་པ་གང་གིས་ཀྱང་ཉེ་བར་བཀོད་པ་ལ་དེའི་ཕྱིར་རོ་ཞེས་བྱ་བ་བསྟན་པར་རིག་པར་བྱའོ། །གང་གི་ཕྱིར་མི་རིགས་པའི་#
[154b]
[154b.1]ངོ་བོ་འདི་ནི་གཞན་དུ་འགྱུར་རོ། །མ་གྲུབ་ན་ལན་གཉིས་སུ་ཡང་ངོ་ཞེས་བྱ་བ་ནི་བསྐུལ་བ་དང་པོ་དེས་མ་གྲུབ་ན་ལན་གཉིས་སུ་ཡང་བསྐུལ་བར་བྱའོ། །ལན་གསུམ་དུ་ཡང་ངོ་ཞེས་བྱ་བ་ནི་ལན་གཉིས་སུ་བསྐུལ་བ་དེས་ཀྱང་མ་གྲུབ་ན་ལན་གསུམ་དུ་ཡང་བསྐུལ་བར་བྱའོ། །དེའི་འོག་ཏུ་ལན་གསུམ་གྱི་
[154b.2]བར་དུ་ཕྱོགས་སུ་བསྡད་པར་བྱའོ་ཞེས་བྱ་བ་ལ་དེའི་#ཞེས་བྱ་བ་ནི་ལན་གསུམ་བསྐུལ་བས་གོས་ཀྱི་རྙེད་པ་མ་གྲུབ་ན་ཕྱོགས་སུ་གང་དུ་འདི་དོན་གྱིས་#ཐོབ་པར་བྱ་བ་དེ་གནས་དེར་ལན་གསུམ་གྱི་བར་དུ་བསྡད་པར་བྱས། ལན་བཞི་འམ་ལྔ་འམ་དྲུག་གི་བར་དུ་བྱ་#སྟེ། དེའི་འོག་ཏུ་ཅང་མི་སྨྲ་བས་ཕྱོགས་སུ་
[154b.3]བསྡད་པར་བྱ་ཞེས་གསུངས་སོ། །འདིར་གཞུང་ནི་བསྐུལ་བ་དང་འབྲེལ་པའི་གཅིག་ལ་སོགས་པའི་གྲངས་དང་ལྷན་ཅིག་ཏུ་འདི་ནི་གྲངས་ཡིན་གྱི་རང་དང་འབྲེལ་པས་ནི་མ་ཡིན་ཏེ་མ་གསུངས་པ་ཉིད་ཀྱི་ཕྱིར་རོ། །འདིར་འདི་ལ་ལན་གཅིག་གམ་ལན་གཉིས་སམ་གསུམ་མམ་བཞི་འམ་ལྔ་འམ་ལན་
[154b.4]དྲུག་གི་བར་དུ་བྱ་སྟེ་འདི་ལྟར་བརྗོད་ན་དེའི་རིགས་སོ། །བསྟན་པ་ནི་བཞི་སྟེ། ཀུན་ནས་ཞུགས་པ་དང་། ངེས་པར་ཞུགས་པ་དང་། ལས་ཀྱི་མཐའ་དང་། ལས་ཀྱི་ཁང་པ་ཞེས་བྱ་བ་དེར་གསུངས་སོ། །གཞན་དུ་ན་ཡང་ཀུན་ནས་འཇུག་པ་དང་། ངེས་པར་འཇུག་པ་དང་། ཀུན་ནས་སྤྱོད་པ་དང་།
[154b.5]ཚོང་པ་ཞེས་བྱ་བ་ཤིན་ཏུ་གྲགས་པ་དང་། གང་ན་ཀུན་ནས་སྡོད་པ་རྣམས་ཀྱིས་#དཔེ་འདི་རྟོགས་པར་བྱའོ། །འདིར་ཡང་སྔ་མ་བས་ནི་ཡོ་བྱད་ཆུང་བའི་ཚོང་པ་རྣམས་ཀྱི་དབང་དུ་བྱས་ནས་སོ། །གཉིས་པ་ནི་ཚོང་པ་ཙམ་ལའོ། །མ་གྲུབ་ན་སྦྱིན་པར་བྱེད་པ་ལ་བསྒྲག་པར་བྱའོ། །དེ་ལྟར་
[154b.6]སྤངས་པར་གྱུར་ཟིན་པ་ནི། འབུལ་བར་བྱེད་ན་སྤངས་པར་སྨྲ་སྟེ། སྦྱིན་པར་བྱེད་པའི་སེམས་བསྡུ་བར་རྗེས་སུ་བསྒྲུབ་པ་ཁས་ལེན་པ་ལས་བླང་བར་བྱའོ་ཞེས་བྱ་བ་ལ་འབུལ་བར་བྱེད་ན་ཞེས་བྱ་བ་ནི་ཞལ་ཏ་བྱེད་པས་སོ། །སྤངས་པ་སྨྲ་ཏེ་#ཞེས་བྱ་བ་ནི། སྦྱིན་བདག་ལ་སླར་སྦྱིན་པ་ཉིད་འདི་ལ་ཞེས་
[154b.7]བྱ་བ་འདིས་བསྡུས་པའོ། །གཞན་བསྐུལ་བ་ལ་གནས་ཀྱི་ཁས་བླངས་པ་ལའོ། །བསྐུལ་བ་ལ་ཡང་གཞན་སྒོ་གསུམ་ལས་གནས་དང་ཕྱོགས་ལ་སྒོ་གསུམ་ལས་གཞན་དུ་ཁས་མི་ལེན་པ་ལ་ཡང་ཁས་བླངས་པ་ཉིད་ལ་སྦྱིན་པར་བྱེད་པ་ནི། སེམས་བསྡུ་བར་རྗེས་སུ་བསྒྲུབ་པ་ཞེས་བྱ་བའི་དོན་
[155a]
[155a.1]ཏོ། །འདིར་འཇུག་པ་ནི་གཙོ་བོ་སྟེ་རིམ་པས་ནི་མ་ཡིན་ནོ། །དེ་བས་ན་སྔར་གནས་པ་དང་། ཕྱིས་བསྐུལ་བ་ཞེས་བྱ་བ་དབང་དུ་བྱ་བ་འདི་དག་ལ་འདྲེན་མར་བྱས་པ་ཉིད་དོ། །བསྐུལ་བས་ཤེས་#པར་གྱུར་པ་ཉིད་ལྷག་པའི་གནས་ལ་མཆོག་
[155a.2]པ་ཉིད་#ཀྱི་ཕྱིར་འདི་ལ་བསྐུལ་བས་ཤེས་པར་བྱ་བ་རིག་པར་བྱའོ། །ཅི་སླར་འདིས་དངོས་གཞིའི་རྗེས་སུ་བསྒྲུབ་པ་འདི་ལ་འདི་བརྗོད་པ་ལ་སྔར་གྱི་ཆར་གྱུར་པ་ཡོད་པ་ལ་གང་དུ་བྱེད་བཞིན་པའི་སྤང་བ་འདིས་ཤེ་ན། དེའི་ཕྱིར་#ཁས་ལེན་པ་ལས་ཞེས་བྱ་བ་སྨོས་ཏེ། སྦྱིན་པར་བྱེད་པའི་སེམས་བཟུང་བ་ལ་
[155a.3]རྗེས་སུ་བསྒྲུབ་པ་ནི་དེ་གང་གིས་ཁས་བླངས་པ་བརྗོད་པ་འདི་ལས་སུན་འབྱིན་པ་ལ་སོགས་པ་རྗེས་སུ་བསྒྲུབ་པས་སོ། །རྗེས་སུ་བསྒྲུབ་པ་གང་ལ་བཟུང་བ་ལས་སྔོན་གྱི་ཆར་གྱུར་པ་ཡོད་པ་ལས་བསྐུལ་བའི་སྤང་བའི་དེའི་ཕྱིར་བླངས་ནའོ་ཞེས་བྱ་བ་སྨོས་ཏེ། ཇི་ལྟ་བུ་ཉིད་ལ་སྦྱིན་པ་པོ་དང་། ཕོ་ཉ་དང་།
[155a.4]ཞལ་ཏ་བྱེད་པས་ཤེ་ན། དེའི་ཕྱིར་གསུམ་ཆར་མི་ཉིད་དང་། ཁྱིམ་པ་ཉིད་ཡིན་ནོ་ཞེས་བྱ་བ་སྨོས་སོ། །འདིར་གཞུང་ནི་མི་མ་#ཡིན་པས་སྦྱིན་པར་བྱེད་ཅིང་མི་མ་ཡིན་པས་ཕོ་ཉ་བྱེད་ལ་མི་མ་ཡིན་པས་རུང་བར་བྱེད་ན་ཉེས་བྱས་ཀྱི་ལྟུང་བར་འགྱུར་རོ། །མི་མ་ཡིན་པས་སྦྱིན་པར་བྱེད་ཅིང་མིའི་ཕོ་ཉ་དང་། མི་མ་
[155a.5]ཡིན་པས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མི་མ་ཡིན་པས་སྦྱིན་པར་བྱེད་ཅིང་། མིའི་ཕོ་ཉ་དང་མི་མ་ཡིན་པས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མིས་སྦྱིན་པར་བྱེད་ཅིང་མི་མ་ཡིན་པའི་ཕོ་ཉ་དང་། མི་མ་ཡིན་པས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མིས་སྦྱིན་པར་བྱེད་
[155a.6]ཅིང་མིའི་ཕོ་ཉ་དང་མིས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མིས་སྦྱིན་པར་བྱེད་ཅིང་། མི་མ་ཡིན་པའི་ཕོ་ཉ་དང་མིས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མི་མ་ཡིན་པས་རུང་བར་བྱེད་ཅིང་མིའི་ཕོ་ཉ་དང་མིས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མིས་སྦྱིན་པར་བྱེད་ཅིང་མིའི་ཕོ་ཉ་
[155a.7]དང་། མིས་རུང་བར་བྱེད་ན་ཡང་སྤང་བའི་ལྟུང་བྱེད་དུ་འགྱུར་རོ། །མི་མ་ཡིན་པས་གསུམ་གཅིག་དང་། །གཉིས་པ་གསུམ་དུ་བྱས་པ་དང་། །མི་ཡི་གཉིས་པ་གསུམ་དག་དང་། །གསུམ་གཅིག་དེ་དག་མུ་བརྒྱད་དོ། །མ་སྨྲས་ན་ཉེས་བྱས་སོ་ཞེས་བྱ་བ་ནི་གལ་ཏེ་ཕོ་ཉས་བྱུང་བའི་མཐའ་རྗེས་སུ་བརྗོད་པ་
[155b]
[155b.1]སྔར་བྱས་པ་མ་སྨྲས་པར་ཞལ་ཏ་བྱེད་པ་ལ་སྐུལ་བར་བྱེད་ན་དེ་ལས་ཉེས་བྱས་སུ་འགྱུར་རོ། །མ་སྤངས་པ་ལའོ་ཞེས་བྱ་བ་ནི་རུང་བ་མ་ཡིན་པ་ཆོས་གོས་ཀྱི་རིན་ལ་སོགས་པ་བདག་ཅག་ནི་གོས་ཀྱི་རིན་དག་བླང་དུ་མི་རུང་སྟེ་ཞེས་བྱ་བ་ལ་སོགས་པའི་ཚིག་གིས་#མ་སྤངས་པ་ལ་ཞལ་ཏ་བྱེད་པས་བསྐུལ་བ་བྱས་པ་དང་།
[155b.2]ཕྱོགས་སུ་བསྡད་པས་གོས་སྦྱིན་པར་བྱེད་པ་མ་སྤངས་པར་ལེན་ན་ཉེས་བྱས་སོ། །མ་དྲིས་པར་སྟོན་ན་ཡང་ངོ་ཞེས་བྱ་བ་ནི། གལ་ཏེ་ཕོ་ཉས་མ་དྲིས་པ་ཉིད་ཞལ་ཏ་བྱེད་པ་ལ་སྟོན་ན་#དེ་ལ་ཡང་ཉེས་བྱས་སོ། །རེ་བ་རེ་བ་མེད་པ་ཉིད་ན་མ་སྦྲན་ན་ཡང་ངོ་ཞེས་བྱ་བ་ནི་རེ་བ་མེད་པ་ཉིད་ན་སྦྱིན་པར་བྱེད་པ་ལ་མ་
[155b.3]སྦྲན་ན་ཡང་ཉེས་བྱས་སུ་འགྱུར་བའོ། །འདི་ནི་འདི་རྣམས་མེད་པར་དངོས་གཞིར་གྱུར་པའི་#སྤྱོད་པ་འབྲིང་པོར་གྱུར་པ་ཉིད་ཀྱི་ཕྱིར་འདི་རྣམས་ལ་ཞེས་བྱ་བར་འདིའི་དོན་དུ་ནི་མ་ཡིན་ནོ། །གཞན་ཡང་བསྒྲུབ་པ་འདི་ཉིད་ནི་#མི་མཐུན་པ་ཞེས་བྱ་བས་ན་འདི་རྣམས་མེད་ཀྱང་གོས་འཛིན་པ་ལ་ཉེས་པ་མེད་
[155b.4]ཅེས་རིག་པར་བྱའོ། །མ་བསླངས་པ་ཉིད་ཀྱིས་འདི་རྣམས་ལ་ཤིན་ཏུ་བསླངས་པ་ཉིད་ནི་འདིར་མཚན་མ་ཡིན་ཏེ། འདི་ལ་#ཡང་གོ་བར་བྱ་བར་འོས་པའི་བསླབ་པའི་གཞི་ལ་སོགས་པ་བཞིན་དུ་བསླངས་པའི་བསླབ་པའི་གཞི་དང་འདྲ་བར་ལྷག་མར་གྱུར་པ་ཉིད་ནི་བསླབ་པའི་གཞི་སྟེ། དེའི་འོག་ཏུ་ཆོས་
[155b.5]གོས་བསྒྲུབ་པའི་ཕྱིར་འབད་པར་བྱའོ། །གོས་བསྒྲུབ་ན་སྤང་བའི་ལྟུང་བྱེད་ཅེས་གསུངས་པའི་ཕྱིར་རོ། །བསྐུར་#བའི་སྤང་བ་རྣམས་སོ།། །།སྟན་གཙང་#བར་བྱའོ་ཞེས་བྱ་བ་ལ། སྟན་ནི་རྣམ་པ་གཉིས་ཏེ། ནང་ཚངས་ཅན་དང་། [བླིངས་]པའོ། །སྤྱིར་སྟན་ཞེས་བྱ་བ་འདིས་གཉིས་ཀ་ཡང་
[155b.6]བཟུང་བ་ཉིད་ཡིན་ནོ། །ནང་ཚངས་ཅན་ཞེས་བྱ་བ་ནི་ཚིག་གིས་འདིར་ཕྱི་ཤུན་གྱི་རྫས་ཀྱང་རྗེས་སུ་གནང་བར་བསྒྲུབ་པར་རིག་པར་བྱའོ། །འདིར་འདུག་པའི་རྣམ་གྲངས་ནི་འདིར་བརྗོད་པ་ཡིན་ཞེས་བྱ་བ་ཁ་ཅིག་གིས་#རྣམ་པ་འདི་མི་བདེན་པར་འདུག་པ་ལ་དངོས་པོ་མ་ཡིན་པ་ཉིད་ཀྱི་ཕྱིར་རོ། །འདི་དག་
[155b.7]ལ་ཡང་ཐ་དད་པ་ཉིད་ཀྱི་ཕྱིར་དོན་ལ་རིམ་པ་གཅིག་པ་དང་། རིམ་པ་གཉིས་པ་རྣམ་པར་གཞག་པས་གོས་གཉིས་པ་ཉིད་འདུག་པ་ལ་གོ་བར་གྱུར་པ་ནི་ཆས་འདུག་པ་བླངས་ནས་ཞེས་བྱ་བའི་ཚིག་གིས་#མི་མཐུན་པ་ཆས་བླངས་ཏེ། སྟན་ནང་ཚངས་ཅན་དང་ཞེས་བྱ་བ་ལ་སྟན་ནི་གྲང་བའི་གཉེན་པོ་
[156a]
[156a.1]ཡིན་ནོ། །འདི་ལྟར་འབྲོག་ཕྱོགས་དག་ཏུ་གྲང་བའི་གཉེན་པོ་ནི་འདིང་#བའི་དགོས་པ་སྟེ། འདི་རྒྱུ་མཚན་དུ་རྗེས་སུ་གནང་བའི་ཕྱིར་རོ། །གང་གི་ཕྱིར་དགོན་པ་ལ་གནས་པ་རྣམས་ལ་གྲང་བས་གནོད་པར་གྱུར་པ་རྣམས་ཀྱི་དབང་དུ་མཛད་ནས་འདི་རྗེས་སུ་གནང་བ་ཡིན་ལ་
[156a.2]གདིང་བ་ནི་མལ་སྟན་ལ་གཡོགས་#པའི་ཕྱིར་དང་། ཀུན་དུ་བསྲུང་བའི་ཕྱིར་གདིང་བའི་དགོས་པ་སྟེ། དེ་ལྟར་ན་འདིའི་གདིང་བ་ཞེས་བྱ་བ་རྣམ་པར་འབྱེད་པའོ། །གདིང་བའི་ཚད་ནི་གང་ཞིག་སྟན་ལ་དེ་ཉིད་རིག་པར་བྱ་སྟེ་ཡུལ་འདྲ་བ་ཉིད་ཀྱི་ཕྱིར་རོ། །གང་ཞིག་སྲིན་བལ་གྱི་སྤང་བ་ཞེ་ན། དེའི་
[156a.3]ཕྱིར་སྲིན་བལ་གྱི་ལས་བྱས་སམ་བྱེད་དུ་བཅུག་ནའོ་ཞེས་བྱ་བ་སྨོས་ཏེ། བྱས་པ་འམ་བྱེད་དུ་བཅུག་པ་ལ་སྲིན་བལ་གྱི་གདིང་བ་ཞེས་བྱ་བའི་དོན་ཏོ། །ཐམས་ཅད་པ་འམ་སོ་སོ་བ་བྱས་པ་འམ་བྱེད་དུ་བཅུག་པ་དག་ལ་ཉེས་པ་དང་ལྡན་པ་ཉིད་དོ། །གང་ཞིག་གནས་པ་ལ་མཐར་ཐུག་པས་འཁོར་
[156a.4]གསུམ་གཡོགས་པ་ཉིད་དོ། །དེ་ཉིད་འདི་སྤང་བར་བྱེད་པ་ཉིད་ལ་རྟོགས་པར་བྱའོ#། །འདི་ཙམ་ཉིད་ཀྱིས་འདིར་ཡང་མཐར་ཐུག་པར་གྱུར་པའི་དོན་ལ་བཀྲམ་པ་ལ་སོགས་པ་སྟེ། གང་ཞིག་མཐར་ཐུག་པའི་གོས་རྙིང་པར་གྱུར་པ་རྣམས་ལ་#བརྐུས་ན་ལོངས་སྤྱོད་པ་རྣམས་ནི་བལ་ལས་བྱས་པ་རྣམས་
[156a.5]ལ་སྤང་བར་བྱེད་པ་ཉིད་དུ་རྣམ་པར་གནས་པ་ཞེས་བྱ་བར་རིག་པར་བྱའོ། །འདི་རྣམས་ལ་ཐམས་ཅད་ཕྱི་མ་དག་ལ་ཉེས་བྱས་ཉིད་དེ་ཆུང་བ་ལ་ཡང་འདིར་འཇུག་པས་རྗེས་སུ་མཐུན་པ་ཉིད་ཀྱང་བྱི་དོར་ལ་སོགས་པའི་དོན་དེ་ལ་དེ་ཙམ་དུའོ། །སྟན་ལ་ནི་བཀྲམ་པ་ཉིད་བྱེད་པ་མཐར་ཐུག་པའི་དང་པོ་ཉིད་
[156a.6]ཡིན་ནོ་ཞེས་བྱ་བ་ལས་གདིང་བ་ཉིད་ཐམས་ཅད་ཀྱི་དང་པོའོ། །འདི་ཙམ་བྱས་པ་ལ་དངོས་གཞི་བསྐྱེད་པའོ། །གཞན་ལ་ཡང་རྩོམ་པ་གཅིག་པར་གྱུར་པ་ཉིད་ཀྱི་ཕྱིར་འདི་ལས་ཐ་མི་དད་པ་ཉིད་ཅེས་བྱ་བའི་དོན་ཏོ། །འདིར་གཞུང་ནི་ཞུ་བའི་ཡི་གེ་ཁ་ཅིག་#ལས། ཇི་ཙམ་གྱིས་ན་ལྟུང་བ་རྫོགས་
[156a.7]པར་འགྱུར། གང་ཚུན་ཆད་བཀྲམ་པར་གྱུར་ནའོ་ཞེས་གསུངས་པ་ཡིན་ནོ། །བྱས་ཟིན་པ་རྙེད་པ་དང་། ཡོངས་སུ་ལོངས་སྤྱོད་པ་དང་། མངོན་པར་འདུ་བྱེད་པ་ལ་ནི་ལྟུང་བ་མེད་དོ་ཞེས་བྱ་བ་ནི་བྱས་ཟིན་པ་རྙེད་པ་དང་། གཞན་གྱིས་#བྱས་ཟིན་པ་ལོངས་སྤྱོད་པ་དང་རྙིང་བའི་བྱི་དོར་མངོན་པར་འདུ་
[156b]
[156b.1]བྱེད་པ་དག་ལ་ནི་ལྟུང་བ་མེད་དེ། འདིར་རྗེས་སུ་སྒྲུབ་#པ་ལ་ཉེས་པ་དང་ལྡན་པ་ཉིད་དེ། བདག་གིར་བྱེད་པ་དང་ཡོངས་སུ་སྤྱོད་པ་ལ་ནི་མ་ཡིན་ནོ། །ལྡོག་པར་གྱུར་པ་གཞན་ལ་ཡང་མ་ཡིན་ནོ་ཞེས་བྱ་བ་འདི་བསྟན་པའི་ཕྱིར་ལྟུང་བ་མེད་པའི་བསྟན་པ་འདིའོ། །སྲིན་བལ་གྱི་སྤང་བ་རྣམ་པར་འབྱེད་པའོ།། །།#
[156b.2]ཉུང་ངུ་དང་བསྲེས་པ་ཉིད་ནི་ན་སྨད་པ་ཉིད་དོ་ཞེས་བྱ་བ་ནི། བལ་དཀར་པོ་འམ། ཤ་ནའི་རས་#ལ་སོགས་པ་ན་སྨད་པའི་རྫས་རྣམས་དང་འདྲེས་པའི་རས་བལ་གྱི་གདིང་བ་བྱེད་དུ་བཅུག་པ་ལ་ན་སྨད་པ་ཉིད་དེ། ཁ་ན་མ་ཐོ་བ་ཡོངས་སུ་མ་རྫོགས་པ་ཉིད་དེ་ཉེས་བྱས་སུ་འགྱུར་རོ་ཞེས་བྱ་བའི་དོན་ཏོ། །རྫས་
[156b.3]ཀྱི་#ཚད་དེ་ལ་མ་སྐྱེས་པ་ཉིད་དེ་གང་གི་ཕྱིར་དངོས་གཞི་ལྡང་བ་ཞེས་བྱ་བའི་དོན་ནི་གདིང་བ་ཐམས་ཅད་ཀྱི་དབང་དུ་བྱེད་པ་འདི་ཁྱད་པར་ཡོངས་སུ་མ་བཟུང་བས་རྟོགས་པར་བྱའོ། །རྫས་ཉམས་པ་ཉིད་ལ་ཡང་ངོ་ཞེས་བྱ་བ་ལ་ཡང་ངོ་ཞེས་བྱ་བའི་སྒྲས་#ནི་ན་སྨད་པ་#ཉིད་དོ་ཞེས་བྱ་བའི་རྗེས་སུ་སྙེགས་#པར་
[156b.4]བྱེད་དོ། །འདིར་གཞུང་ནི། རེ་ཞིག་བཙུན་པ་དགེ་སློང་ཉམས་པའི་རས་བལ་གྱི་གདིང་བ་བྱེད་དུ་བཅུག་ན་ཅིར་འགྱུར། ཉེས་བྱས་ཞེས་གསུངས་པ་ཡིན་ནོ། །འདྲ་བ་ཉིད་ཀྱི་ཕྱིར་ཐམས་ཅད་དུ་བལ་གྱིས་བྱས་པ་ལ་སོགས་པས་ཞེས་བྱ་བའོ། །སྲིན་བལ་གྱི་སྤང་བ་#ཞུ་བའོ།། །།བལ་ནག་
[156b.5]པོ་འབའ་ཞིག་གི་སྤང་བའི་ཆོ་ག་འདི་ཉིད་དོ་ཞེས་བྱ་བ་ཁས་བླངས་ནས་སྲིན་བལ་ཞེས་བྱ་བ་དེའི་གནས་སུ་བལ་ནག་པོ་འབའ་ཞིག་པའི་མིང་གཞན་བརྗོད་པར་བྱ་སྟེ། དེའི་ཕྱིར་ལུག་གི་བལ་ནག་པོ་འབའ་ཞིག་དག་གོ་ཞེས་བྱ་བ་སྨོས་སོ། །བྱས་པ་བྱེད་དུ་བཅུག་པ་དག་གི་གདིང་བ་ཞེས་བྱ་བ་དང་སྦྱར་
[156b.6]བར་བྱའོ།། །།ཅི་ཞིག་གིས་#བལ་ནག་པོར་གྱུར་པ་ཡིན་ནོ#། །རང་བཞིན་གྱིས་སམ་ཁ་སྒྱུར་#བས་སམ་གཉིས་ཀས་སམ་ཞེ་ན། དེའི་ཕྱིར་རང་བཞིན་གྱིས་སོ་ཞེས་བྱ་བ་སྨོས་སོ། །གཞན་གྱིས་ནི་མ་ཡིན་ཞེས་བྱ་བའི་དོན་ཏོ། །སྔོན་པོ་དང་འདམ་ཁ་དང་ཁམ་པ་དག་ཀྱང་དེ་ཉིད་དོ་ཞེས་བྱ་བ་ནི་སྔོན་
[156b.7]པོ་ལ་སོགས་པ་རྣམས་ཀྱི་བར་དུ་དེ་ཉིད་བལ་ནག་པོ་འབའ་ཞིག་དང་འདྲ་བར་རིག་པར་བྱའོ་ཞེས་བྱ་བའི་དོན་ཏོ། །བལ་ནག་པོ་འབའ་ཞིག་གི་སྤང་བའོ།། །།དམན་པ་དང་བལ་ནག་པོའི་རྫས་བསྲེས་པ་དེ་ལས་སྟན་བྱེད་ན་ཉེས་བྱས་སུ་ཐལ་བར་འགྱུར་བ་བསལ་#བའི་ཕྱིར་ཆ་གཉིས་#བསྲེ་བའི་སྤང་བ་བཅའ་
[157a]
[157a.1]བ་མཛད་དོ། །འདིར་ཡང་སྔར་བསྟན་པའི་ཆོ་ག་ཁས་བླངས་ནས་ཚད་ཀྱི་བྱེ་བྲག་འབའ་ཞིག་ཙམ་བརྗོད་པར་བྱ་སྟེ། དེ་དག་ཕྱེད་པས་ལྷག་པ་ཉིད་ནའོ་ཞེས་བྱ་བ་ནི་ལུག་གི་བལ་ནག་པོ་དེ་དག་ཕྱེད་ཀྱི་ཚད་ལས་ལྷག་པ་ཉིད་ན་ཞེས་བྱ་བའི་དོན་ཏོ། །གང་གི་ཚེ་དཀར་པོ་དང་། འཁོབ་
[157a.2]བལ་དག་ནི་ལྷག་པར་གྱུར་ལ་ལུག་གི་བལ་ནག་པོ་དག་ནི་ཉུང་བ་འམ་མཉམ་པར་གྱུར་ན་ནི་དེའི་ཚེ་ལྟུང་བ་མེད་དོ། །ཕྱེད་དཀར་པོ་དང་འཁོབ་བལ་དག་ལས་ཆ་མཉམ་པ་ཉིད་དུའོ་ཞེས་བྱ་བ་ལ། ཕྱེད་ལ་ཞེས་བྱ་བ་འདི་རྣམས་ཀྱི་ཕྱེད་ལ་འདིར་ཆ་མཉམ་པ་ཉིད་དེ། དཀར་པོ་དང་འཁོབ་བལ་དག་གི་དཀར་
[157a.3]པོ་རྣམས་ལ་འདིར་ཤིན་ཏུ་རྒྱ་ཆེ་བ་ཉིད་དེ#། དེ་རྣམས་ལ་མི་འཕེལ་བའི་དོན་དུ་ཚིག་འདི་ཡིན་གྱི་འཁོབ་བལ་དག་ལ་ནི་མ་ཡིན་ནོ། །གང་གི་ཕྱིར་འདི་རྣམས་ཀྱི་འཕེལ་བ་ནི་ཉེས་པ་མེད་པ་སྟེ། འདིར་#དཀར་པོ་རྣམས་འཕེལ་བ་དང་བཅས་པ་འདི་ལ་དུས་ཀྱི་འཕེལ་བ་ཉིད་སྤང་བར་བྱ་བ་ཉིད་དམ་གཅིག་པ་
[157a.4]ཉིད་ལ་ཡང་འདི་ལ་ཞེས་བྱ་བར་རིག་པར་བྱའོ། །སྲིན་བལ་ལས་བྱས་པ་ལ་ཡང་རྫས་གཞན་གྱིས་བསྒྲུབ་པར་བྱ་བའི་ན་སྨད་པ་འདི་ཙམ་ལ་སྤང་བ་ཉིད་དོ། །ན་སྨད་པའི་སྟན་ལ་ཉེས་བྱས་ཞེས་བྱ་བ་འདིའི་རྗེས་སུ་འབྲངས་པས་རྟོགས་པར་བྱའོ། །ཤིན་ཏུ་རྙེད་པར་དཀའ་བ་ཉིད་ཀྱི་ཕྱིར་དང་། འདི་ནི་འདི་བས་
[157a.5]ཤིན་ཏུ་རིན་ཐང་ཆེ་བ་ཉིད་ཀྱི་ཕྱིར་རོ། །ཅིའི་ཕྱིར་སླར་འདི་ལ་གསུངས་ཏེ། ཆུང་བ་ལ་ཡང་འདི་ལས་གདིང་བ་སྦྱིན་པར་བྱ་བ་མ་ཡིན་པ་ཉིད་ཀྱི་ཕྱིར་ཆུང་བ་ལ་ཡང་འདི་ལས་#གདིང་བ་ལ་ཡང་གླེང་གཞི་ལས་འདི་ཉིད་ཀྱི་ཕྱིར་གང་དུ་རས་བལ་རྣམས་ནི་རྙེད་པར་དཀའ་བ་དང་། རིན་ཐང་ཆེ་བ་ཉིད་དེ་#བལ་ནག་པོ་འདི་
[157a.6]རྣམས་དང་དཀར་བ་དེ་ཅི་ཞིག་རྟོགས་པར་བྱ་བ་ཞེ་ན། རས་བལ་ལ་#ནི་ལྟུང་བ་མེད་པའོ། །བལ་གྱིས་#བྱས་པ་ལ་ནི་ལྟུང་བས་དེ་ཡང་རས་བལ་ལས་བྱས་པ་ལ་ནི་ལྟུང་བ་མེད་པའོ། །བལ་ནག་པོ་འབའ་ཞིག་ལ་ལྟུང་བ་མེད་དེ། དཀར་པོ་ལ་ནི་ལྟུང་བ་ཡོད་དོ་ཞེས་བྱ་བ་གོ་བཟློག་ནས་བརྗོད་དེ་འདིར་རྫས་
[157a.7]ཀྱི་སྙིང་པོ་ཉིད་#ཀྱི་གཙོ་བོ་ཅན་རྙེད་པར་དཀའ་བ་དང་། རིན་ཐང་ཆེ་བ་ཉིད་ཀྱི་ཚིག་རྣམ་པར་གནས་པ་ཡིན་གྱི་རྒྱ་ཆེ་བ་ལ་རྟོགས་པར་བྱ་བ་ཞེས་བྱ་བ་འདི་ལ་འདིར་ཁས་#ཟས་གྱ་ནོམ་པར་བསྒོ་#བར་བྱེད་པ་ལྟར་དོན་རྣམ་པར་གཞག་པས་སོ། །ལུག་གི་བལ་དཀར་པོ་ནི་#གང་ཡིན་འཁོབ་བལ་ནི་#གང་ཡིན་ཞེ་ན་དེའི་ཕྱིར་གློ་
[157b]
[157b.1]དང་རྒྱབ་དང་གཉའ་བར་སྐྱེས་པ་ནི་སྔ་མའོ་ཞེས་བྱ་བ་ནི་གློ་དང་གཉིས་ལྡན་གྱིས་བསྡུ་བ་གཅིག་པའི་དངོས་པོའོ། །སྔ་མ་ཞེས་བྱ་བ་ནི་དཀར་བའོ། །མགོ་དང་། རྐང་པ་དང་། ལྟོ་བ་ནས་སྐྱེས་པ་ནི་ཕྱི་མའོ་ཞེས་བྱ་བ་ནི་འཁོབ་བལ་ཞེས་བྱ་བའི་དོན་ཏོ། །ཆ་གཉིས་བསྲེ་བའི་སྤང་བའོ། །#མ་དག་པ་ནི་གསོལ་
[157b.2]བར་མི་བྱའོ། །རང་དག་རྟོག་ཏུ་འདོད་པར་#བྱའོ། །ཡང་ན་དགེ་སློང་བསྐོས་པ་དག་གོ་ཞེས་བྱ་བ་བཤད་ཟིན་ཏོ་ཞེས་བྱ་བ་དེ་ལ་སོ་སོར་བརྟགས་ནས་གང་ཞིག་གདིང་བའི་བྱ་བ་དེ་བརྗོད་པར་བྱ་སྟེ། ཆུ་དང་ཞེང་གཉིས་ཀར་ལྷག་པ་ཉིད་ཡིན་ན་གཅད་#པར་བྱའོ། །ཇི་སྐད་བཤད་པའི་ཚད་ལས་གལ་ཏེ་རིང་བ་དང་
[157b.3]ཞེང་གདིང་བ་ལས་ལྷག་པར་གྱུར་ན་དེ་དག་ནི་གཅད་#པར་བྱའོ་ཞེས་བྱ་བའི་དོན་ཏོ། །ཐུང་བ་ཉིད་དང་དོག་པ་ཉིད་དག་ནི་བསྐྱེད་པར་བྱའོ་ཞེས་བྱ་བ་ནི། ཅི་སྟེ་ཐུང་བ་དང་དོག་པར་གྱུར་ན་དེ་ནས་བསྐྱེད་པར་བྱའོ། །རལ་ན་བཙེམ་པར་བྱའོ་ཞེས་བྱ་བ་ནི་བརྟེན་པ་ལ་སོགས་པའོ། །བུག་རྡོལ་དུ་གྱུར་ཏམ་ཤ་ཟད་
[157b.4]པ་དག་ནི་སྦྱར་བར་བྱའོ་ཞེས་བྱ་བ་ནི། བུག་རྡོལ་དུ་གྱུར་པའམ་ཤ་ཟད་པ་ནི་མཐུག་པའི་ངོ་བོའི་ཕྱིར་བལ་རྣམས་སྦྱིན་པ་ནི་སྦྱར་བར་བྱའོ། །བཅོས་དཀའ་བ་ཉིད་ཡིན་ན་སྦྱིན་ནོ་ཞེས་བྱ་བ་ནི་གནང་བ་ཞེས་བྱ་བ་དོན་གྱིས་སྨོས་པ་སྟེ། འདི་རྣམས་ལ་ཐབས་ཐམས་ཅད་ཀྱིས་སྦྱིན་པར་བྱ་བ་སོ་སོར་འདུས་བྱས་པའི་
[157b.5]ཕྱིར་ནུས་པ་མ་ཡིན་པ་དེའི་ཚེ་སྟན་གཞན་བྱ་བའི་ཕྱིར་གནང་བ་སྦྱིན་པར་བྱའོ་ཞེས་བྱ་བའི་དོན་ཏོ། །འདི་ལྟར་ལག་གི་བླའི་ཕྱིར་གསུངས་པ་ནི་གླེང་གཞིའི་དབང་གི་ཕྱིར་འདི་རྣམ་པར་གནས་པ་ཡིན་གྱི་གཞན་ལ་ཡང་གྲང་བས་རྣམ་པར་འཚེ་བར་འགྱུར་བ་ལ་ཉེ་བར་སྦྱར་དུ་རུང་བའི་ཕྱིར་སྤྱིར་མདོར་བྲིས་སོ། །ཅི་ཞིག་
[157b.6]བྱས་ན་ལོ་དྲུག་ཏུ་བཅང་བའི་སྤང་བར་འགྱུར་ཞེ་ན། དེའི་ཕྱིར་གནང་བ་མ་ཐོབ་པ་གཞན་ཡོད་པའམ་རང་དགར་བཏང་བས་ལོ་དྲུག་མ་ལོན་པར་སྟན་བྱས་པ་ཉིད་ནའོ་ཞེས་བྱ་བ་སྨོས་ཏེ། བྱས་ཟིན་པ་ཉིད་ལ་གནང་བ་མ་ཐོབ་པ་ལ་གདིང་བ་ལོ་དྲུག་མ་ལོན་པར་དང་པོར་བྱས་ཟིན་པ་ཉིད་ནས་བརྩམས་ཏེ། གང་
[157b.7]ལ་ཡོངས་སུ་རྫོགས་པ་དེར་གདིང་བ་གཞན་ཡོད་པ་ལ་རང་དགར་བཏང་ནས་ཞེས་བྱ་བའི་དོན་ཏོ། །བརྩམས་#པ་ཉིད་ནི་རྩོམ་པ་ཟིན་པ་དང་འདྲའོ་ཞེས་བྱ་བ་#རྩོམ་པ་གཞན་ལ་ཟིན་པ་དང་འདྲ་བར་ཇི་ལྟར་ཉིད་དུ་མཐར་ཐུག་པ་ཡོད་པ་ལ་བྱ་བ་གཞན་ལ་ཉེས་བྱས་སུ་འགྱུར་ཏེ། དེ་བཞིན་དུ་རྩོམ་ནའོ་ཞེས་བྱ་བའི་
[158a]
[158a.1]དོན་ཏོ། །དེར་ཡོད་པ་ཉིད་ལ་ཡོད་པ་ཉིད་#ཡིན་ཏེ། གང་ཞིག་དུས་མཉམ་པ་ལ་དེ་བས་ན་དུས་མཉམ་དུ་འདིས་བརྩམས་པ་ལ་ཉེས་བྱས་མ་བྱས་པ་ཉིད་མ་ཡིན་ཏེ། ལྷན་ཅིག་གམ་ཕྱིས་ཉེས་བྱས་ཉིད་དོ། །སྦྱོར་བ་བྱས་པ་རྩོམ་པ་སྔར་གྱི་མཐར་ཐུག་པ་ལ་ཡང་ལྟུང་བ་མེད་པར་
[158a.2]ཤེས་པར་བྱའོ། །མེད་པ་ཉིད་དོན་གྱིས་བྱས་པ་བསྒྲུབ་པ་ཉིད་ཀྱིས་ཉེས་བྱས་བྱས་#པ་མ་ཡིན་པའི་སྦྱོར་བ་མཐར་ཐུག་པ་ལ་ནི་འདིར་ལྟུང་བའོ། །དེ་ལ་གང་ཞིག་གིས་ཕྱིས་བརྩམས་པ་ལ་མཐར་འགྲོ་བ་མ་ཡིན་པ་ཉིད་གང་ལ་ཡང་ཕྱིས་མཐར་གྱུར་པ་དེར་འདི་ཡོད་པར་བརྗོད་པར་རྣམ་པར་
[158a.3]གནས་པའོ། །མཐར་ཐུག་ན་སྦྱར་བའི་ལྟུང་བར་མི་འགྱུར་བ་ཉིད་མ་ཡིན་ནོ་ཞེས་བྱ་བ་ནི་བརྩམས་པ་གཞན་ལ་གང་ཞིག་གཉིས་པ་རྩོམ་པར་བྱེད་པ་ལ་གལ་ཏེ་འདིར་སྔར་ཡོངས་སུ་རྫོགས་པར་གྱུར་ན་དེ་ལ་དངོས་གཞིའི་ལྟུང་བ་འདོད་པ་མ་ཡིན་ཏེ། དེ་ལ་གང་གི་སྔར་ཟིན་པར་བྱེད་ན་དེར་སྦྱོར་བ་ལ་ཡང་
[158a.4]ལྟུང་བ་མ་ཡིན་པས་གནས་པར་བྱ་ཞེས་བྱ་བས་གང་ཞིག་འདོད་པ་དེའི་ཕྱིར་མདོ་འདིའོ། །འདི་ནི་འཐད་པ་ཡང་དག་པར་བསྟན་པ་ཡིན་ཏེ། མཐར་འགྲོ་བ་ལ་ནི་སྦྱོར་བ་ལ་ལྟུང་བ་མེད་པར་བྱས་པ་ཉིད་ནི་མ་ཡིན་ཏེ། ལྟུང་བ་མེད་པར་བྱས་པ་ཉིད་དུ་གྱུར་པ་ལ་#ཡང་ཡོངས་སུ་བསྒྱུར་བ་སྐྱེས་པ་མ་ཡིན་
[158a.5]ནོ། །དེ་བས་ན་འདིར་སྦྱོར་བ་ལ་ལྟུང་བ་མ་ཡིན་པར་བྱས་པ་ཉིད་དུ་རྟོགས་#པར་བྱ་བ་མ་ཡིན་ཏེ་ཞེས་བྱ་བ་ནི་འདིའི་ངག་གི་དོན་ཏོ། །རབ་ཏུ་བྱུང་བ་གཞན་གྱི་ནི་ཐ་དད་པ་ཉིད་དོ་ཞེས་བྱ་བ་ནི། སྔོན་དང་ཕྱིས་རབ་ཏུ་བྱུང་བ་དང་རབ་ཏུ་དབྱུང་བ་དག་ལ་རྒྱུན་#གཅིག་པ་ཉིད་#མ་ཡིན་པ་ཞེས་བྱ་བ་འདི་ཤེས་
[158a.6]པར་གྱུར་པའི་དོན་ལ་འདི་རྗེས་སུ་བརྗོད་པའོ། །རབ་ཏུ་བྱུང་བ་གཞན་བྱས་པ་མི་རྩོམ་#པའམ་རྙེད་པ་མ་ཡིན་པ་གདིང་བ་ལ་གཞན་རབ་ཏུ་མ་བྱུང་བ་ལ་དུས་འོག་མ་ཡོངས་སུ་#རྫོགས་པ་ལ་བྱ་བ་ཉིད་མེད་པ་འདི་བསྟན་པའི་དོན་དུ་གཅིག་བརྩམས་པ་ལ་གཞན་མཐར་ཐུག་པ་ལ་དངོས་གཞི་མེད་པ་ལ་ཇི་ལྟར་
[158a.7]ཡང་ཁྱིམ་པའི་གནས་སྐབས་བཞིན་ཏེ། མི་རྩོམ་པ་འམ་ཐོབ་པར་བྱ་བ་ཉིད་མེད་པ་དེ་བཞིན་དུ་འདིར་ཡང་ཞེས་བྱ་བ་རྣམ་པར་གནས་པ་ཡིན་ནོ། །འདིར་གཞུང་ནི་ཞུ་བ་ཁ་ཅིག་#ལས་དགེ་སློང་འགའ་ཞིག་ཡོད་དེ། ལོ་དྲུག་གི་མདུན་རོལ་དུ་དེས་གདིང་བ་བྱེད་དུ་བཅུག་ན་ལྟུང་བ་མེད་པར་ཡང་འགྱུར་ལ་#ལོ་
[158b]
[158b.1]དྲུག་གི་མདུན་རོལ་དུ་བབས་ཤིང་དེས་སླར་ཡང་བསྙེན་པར་རྫོགས་ནས་སྟན་གཞན་བྱེད་དུ་བཅུག་ན་ལྟུང་བ་མེད་པ་ཡིན་ནོ། །བརྩམས་ཏེ་འབབས་པ་ཡང་དེ་བཞིན་ནོ་ཞེས་གསུངས་པ་ཡིན་ནོ། །ལོ་དྲུག་ཏུ་བཅང་བའི་སྤང་བའོ།། །།ཅི་ཞིག་བྱས་ན་མཐོ་གང་གིས་སྤང་བར་འགྱུར་ཞེ་ན། དེའི་ཕྱིར་
[158b.2]གདིང་བ་རྙིང་པ་ལས། བདེ་བར་གཤེགས་པའི་མཐོ་གང་གིས་མ་གླན་པའི་གདིང་བ་སར་པ་སྤྱོད་ནའོ་ཞེས་བྱ་བ་ནི། གདིང་བ་སར་པ་གང་ལ་གདིང་བ་རྙིང་པ་ལས་བདེ་བར་གཤེགས་པའི་མཐོ་གང་གིས་མ་གླན་པ་དེ་ནི་གདིང་བ་ལས་བདེ་བར་གཤེགས་པའི་མཐོ་གང་གིས་མ་གླན་པ་སྟེ། ཡོངས་
[158b.3]སུ་ལོངས་མ་སྤྱད་པའི་སར་པ་ཞེས་བྱ་བ་ནི་སར་པ་རྙེད་ཀྱང་རྙེད་པ་བྱས་པ་ལ་ཡང་སྦྱིན་པ་ཉིད་མཐོང་བ་རྫས་རྙིང་#པ་ལ་ཡང་འདིར་སྦྱིན་པར་བྱ་བ་ཉིད་དོ། །འདིར་བྱས་པ་ཉིད་ཀྱི་སར་པ་ཉིད་དུ་བརྗོད་དེ་རྫས་ལ་ནི་མ་ཡིན་ཞེས་བྱ་བར་རིག་པར་བྱའོ། །ཅི་མཉམ་པ་ཉིད་ལ་ཡང་གདིང་བ་ལས་ཁྲུ་གང་མ་གླན་
[158b.4]པར་སར་པ་ལོངས་སྤྱོད་པ་ལ་ལྟུང་བ་འདི་ཡིན་ནམ་ཞེ་ན། དེའི་ཕྱིར་གལ་ཏེ་དེ་ཡོད་ནའོ་ཞེས་བྱ་བ་སྨོས་སོ། །ཅི་གལ་ཏེ་རིལ་གྱིས་མི་བདོག་#ན་ཡང་། དེའི་ཕྱིར་ལྟུང་བ་འདིར་འགྱུར་རམ་ཞེ་ན། དེའི་ཕྱིར་དེ་ཙམ་ན་#ཡང་ངོ་ཞེས་བྱ་བ་སྨོས་ཏེ། གལ་ཏེ་བདེ་བར་གཤེགས་པའི་མཐོ་གང་ཙམ་ཞིག་
[158b.5]ཡོད་ན་ཡང་ངོ་ཞེས་བྱ་བའི་དོན་ཏོ། །ཅི་གལ་ཏེ་སྲ་བ་དེ་ཙམ་ཞིག་ཡོད་ན་འམ་ཞེས། དེའི་ཕྱིར་བཅོས་པར་ནུས་ན་ཡང་ངོ་། །མཐུད་ཅིང་སྦྱར་དུ་རུང་བས་ཀྱང་ངོ་#ཞེས་བྱ་བ་ནི་བཅོས་པར་རུང་བ་ཡང་གལ་ཏེ་དེ་ཙམ་དུ་གྱུར་ན་མཐུད་པས་སམ། དམ་དུམ་དུ་སྦྱར་དུ་རུང་ན་དེས་ཀྱང་གཟུང་#བར་བྱའོ་ཞེས་
[158b.6]བྱ་བའི་དོན་ཏོ། །དེ་ལྟར་ཡང་མེད་པ་ཉིད་ལ་ལྟུང་བ་མེད་ཅེས་བྱ་བ་འདིར་སྐྱེས་པར་རིག་པར་བྱའོ། །མཐོ་གང་གི་སྤང་བའོ།། །།#ཅི་ཞིག་བྱས་ན་བལ་ཐོགས་པའི་སྤང་བར་འགྱུར་ཞེ་ན། དེའི་ཕྱིར་ཁྱེར་བ་མེད་ན་དཔག་ཚད་གསུམ་ལས་ལྷག་པར་ལུག་གི་བལ་ཁྱེར་ནའོ། །ཡོད་ན་ཡང་ངོ་
[158b.7]ཞེས་བྱ་བ་སྨོས་ཏེ། ཁྱེར་བ་མེད་ན་དཔག་ཚད་གསུམ་ལས་འདས་པར་ཁུར་བ་ཡོད་པ་ལ་ཁུར་བ་ཉིད་དུ་བརྩམས་ནས་ཞེས་བྱ་བའི་དོན་ཏོ། །འགྲོ་བ་ནི་གཉིས་སུ་གསུངས་ཏེ། ལྟུང་བ་དང་བཅས་པ་དང་། ལྟུང་བ་མེད་པའོ། །དེ་ལ་ལྟུང་བ་དང་བཅས་པ་ནི་བལ་ཐོགས་པ་དང་། དགེ་སློང་མ་
[159a]
[159a.1]དང་ལྷན་ཅིག་ལམ་དུ་འགྲོ་བ་དང་། དགེ་སློང་མ་དང་། ལྷན་ཅིག་གྲུར་འཇུག་པ་དང་། སྐྱེས་པ་མེད་པར་ལམ་དུ་འགྲོ་བ་དང་རྐུན་མ་དང་ལྷན་ཅིག་ལམ་དུ་འགྲོ་བའོ། །དེ་ལ་ལྟུང་བ་མེད་པ་ནི་ཡང་ཡང་ཟ་བ་དང་། འདུས་ཤིང་ཟ་བ་དང་། ཁྲུས་བྱེད་པའོ། །དེ་ལ་ལྟུང་བ་མེད་པ་ནི་
[159a.2]དཔག་ཚད་ཕྱེད་དོ་ཞེས་འོག་ནས་འབྱུང་ངོ་། །དེའི་ཚད་ལྟུང་བ་ལ་བསྟན་པའི་ཕྱིར། ལམ་དུ་འགྲོ་བ་ནི་རྒྱང་གྲགས་ཀྱི་བདག་པོ་ཉིད་དོ་ཞེས་བྱ་བ་སྨོས་ཏེ། དམག་ལ་ལྟ་བའི་ཕྱིར་འགྲོ་བར་བྱ་བ་ལ་སོགས་པ་ལས་རྣམ་པར་བཅད་པའི་ཕྱིར་#འདིར་ལམ་གྱི་ཚིག་གོ། །གང་ཞིག་ཆུའི་ལམ་ནས་འགྲོ་
[159a.3]བ་ནི་འདི་ཡིན་ཏེ་གྲུས་གང་ཡིན་པའོ། །དེ་བས་ན་འདི་དང་འགྲོ་བའི་དོན་དུ་ལམ་བཟུང་བས་འཕངས་པ་ཉིད་མ་ཡིན་ནོ། །དེ་ལྟར་ན་གྲུའི་ལམ་གྱིས་སོང་བ་དང་། ཆུའི་ལམ་གྱིས་སོང་བ་ཞེས་བྱ་བ་ནི་གྲགས་པའོ། །དེ་བས་ན་རྐུན་མ་དང་ལྷན་ཅིག་གམ་སྐྱེས་པ་མེད་པར་བུད་མེད་དང་ལྷན་ཅིག་
[159a.4]གྲུ་གཅིག་གི་ནང་དུ་འགྲོ་བར་མི་བྱ་བ་ཉིད་དོ་ཞེས་བྱ་བར་རྟོགས་པར་བྱའོ། །འདི་ནི་ཤིན་ཏུ་ཡང་སྐྱོན་དང་ལྡན་པ་ལམ་དུ་འགྲོ་བ་ལས་ཤིན་ཏུ་གསང་བ་ཉིད་ཀྱི་ཕྱིར་རོ། །གླེང་གཞི་ལས་མི་འབྱུང་བས་འདིར་ཐ་དད་#པའི་ཚིག་ནི་གྲུབ་པ་མ་ཡིན་ཞེས་བྱ་བ་རྣམ་པར་གནས་པ་ཡིན་ནོ། །ཁྲུས་ལ་ནི་ཆོ་ག་
[159a.5]འདི་མི་རིགས་པས་མ་གྲུབ་པའི་ཕྱིར་གྲུར་འགྲོ་བ་ལ་ཁྲུས་ལ་འོངས་པ་ཉིད་ལ་ཡང་ཡང་ཟ་བ་ལ་#འདིར་ལྷག་པོར་མེད་པར་དེའི་དབང་གིས་ཀྱང་#ཉམ་ཆུང་བ་དང་ཤིན་ཏུ་གྲགས་པ་དག་ལ་ཚོགས་སུ་ཟ་བ་ལ་འདིར་ཡོད་པ་ཡིན་ནོ། །རྒྱུ་མཚན་ནི་སྦྱིན་པ་པོ་གཅིག་#མ་གྲུབ་པའོ། །བལ་ཐོགས་པའི་བསླབ་
[159a.6]པའི་གཞི་གཞན་ཡོད་པས་ལྷག་པོར་གྱི་གླགས་མེད་པའོ། །མཚན་ཉིད་བརྗོད་པ་ཉིད་ཀྱི་ཕྱིར་མདོ་འདི་ལ་ཐམས་ཅད་དུ་དབང་བྱས་པ་ཉིད་དོ། །འདིའི་དམིགས་ཀྱིས་བསལ་#བ་ནི་དཔག་ཚད་ཕྱེད་ཀྱི་ལམ་ཞེས་བྱ་བ་ནི་རྒྱང་གྲགས་ཀྱི་ཐ་མར་ཡོངས་སུ་རྫོགས་པ་ཉིད་འགྲོ་བའི་མཚན་ཉིད་ལ་འདི་ཙམ་རྫོགས་
[159a.7]པ་ལ་ལྷག་པོར་རམ། དེ་འདིར་དེ་དང་ལྷན་ཅིག་སྐྱེས་པའི་རྣམ་པར་རིག་པ་ལ་དངོས་གཞི་རྒྱང་གྲགས་རེ་རེ་གཞན་དང་གཞན་ཞེས་བྱ་བ་འདིའི་བྱེད་པའོ། །ཕྱེད་དུ་ན་སྦྱོར་བའོ་ཞེས་བྱ་བ་ནི་རྒྱང་གྲགས་ཀྱི་ཕྱེད་ཀྱི་བདག་པོ་ཉིད་དུ་སོང་ན་སྦྱོར་བར་འགྱུར་ཏེ། དེ་ཙམ་དུ་སོན་ན་སྦྱོར་བ་ཡོངས་སུ་རྫོགས་པ་ཉིད་
[159b]
[159b.1]ཡིན་ནོ་ཞེས་བྱ་བའི་དོན་ཏོ། །འདི་ནས་བརྩམས་ཏེ། སྦྱོར་བ་ཡོངས་སུ་རྫོགས་པའི་མཚན་ཉིད་དུ་གྱུར་པ་ཉིད་དོ། །མདུན་དུ་ནི་ན་སྨད་པ་མེད་པ་ཉིད་དང་ན་སྨད་པའི་མདུན་ནས་ཉེས་བྱས་མེད་པ་འདི་ནས་བརྩམས་ཏེ་རྫོགས་པ་ཉིད་ལ་འདི་བྱེད་པའོ། །འདིར་གཞུང་ནི་རྒྱང་གྲགས་ཕྱེད་དུ་སོན་པར་གྱུར་ན་ཉེས་བྱས་
[159b.2]ཀྱི་ལྟུང་བར་འགྱུར་རོ། །རྒྱང་གྲགས་སུ་སོན་ན་སྤང་བའི་ལྟུང་བྱེད་དོ་ཞེས་གསུངས་པ་ཡིན་ནོ། །རྫུ་འཕྲུལ་གཞན་བས་ནམ་མཁའ་ལ་འགྲོ་ན་ཉེས་བྱས་སོ་ཞེས་བྱ་བ་ནི། རྫུ་འཕྲུལ་དང་བཅས་པས་ནམ་མཁའ་ནས་འགྲོ་ན་ལྟུང་བ་མེད་དོ། །རྣམ་པ་གཞན་གྱིས་ནམ་མཁའ་ནས་འགྲོ་ན་ཉེས་བྱས་སོ་ཞེས་
[159b.3]བྱ་བའི་དོན་ཏོ། །སྤྲུལ་པས་ཀྱང་ངོ་ཞེས་བྱ་བ་ལས་ཀྱང་ངོ་ཞེས་བྱ་བའི་སྒྲ་ནི། ཉེས་བྱས་སོ་ཞེས་བྱ་བའི་རྗེས་སྙེགས་#པའི་ཕྱིར་རོ། །འདི་ཡང་རྫུ་འཕྲུལ་དང་བཅས་པར་འགྲོ་བ་ཞེས་བྱ་བ་དེའི་ཕྱིར་#ལྟུང་བ་མེད་པའི་སྐབས་ཡོད་པ་ལ་རྩོམ་པ་འདིའོ།། །།#འདི་ཡང་མི་རིགས་པ་མ་ཡིན་ཏེ། །དེའི་
[159b.4]ལུས་ཀྱི་རྣམ་པར་རིག་བྱེད་ཡང་དག་པར་ལྡང་བར་བྱེད་པ་མངོན་པར་བརྩོན་པ་སྤྲུལ་པ་ལ་ཡོད་པའི་ཕྱིར་བརྒྱུད་ནས་འབྱུང་བའི་ཡོད་པས་མཚན་ཉིད་པ་ནི་མ་ཡིན་ནོ། །འདིར་གཞུང་ནི་ཞུ་བ་ལས། བཙུན་པ་རེ་ཞིག་དགེ་སློང་གིས་#ནམ་མཁའ་ལས་བལ་འཚལ་ན་ལྟུང་བ་ཅིར་འགྱུར། རྫུ་འཕྲུལ་གྱིས་ཁྱེར་ན་
[159b.5]ནི་ལྟུང་བ་མེད་དོ། །རྣམ་པ་གཞན་གྱིས་ཁྱེར་ན་ནི་ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྤྲུལ་པས་རུང་བར་བགྱིས་པ་འཚལ་ན་ལྟུང་བ་ཅིར་འགྱུར། ཉེས་བྱས་སུ་འགྱུར་ཞེས་གསུངས་པ་ཡིན་ནོ། །ཞྭ་དང་ལྷམ་སྒྲོ་གུ་ཅན་དང་སྟོད་ཀོར་ནང་ཚངས་ཅན་དང་། རྒྱ་ཅང་དང་ལྕག་པོད་#དང་
[159b.6]ཤུར་#བུ་ཕྲེའུ་ལ་སོགས་པའི་དོན་དུ་དེ་ཙམ་དག་ལ་ནི་#ཉེས་པ་མེད་དོ་ཞེས་བྱ་བ་ནི་ཞྭ་ལ་སོགས་པའི་ཚད་ལྡང་བའི་བལ་རྣམས་ལ་ཞྭ་ལ་སོགས་པའི་ཚད་དུ་ཁྱེར་བ་ལ་ནི་ལྟུང་བ་མེད་དོ་ཞེས་བྱ་བའི་དོན་ཏོ། །རྒྱང་གྲགས་ཀྱི་ཚད་བརྗོད་པར་བྱ་སྟེ། རྡུལ་ཕྲ་རབ་དང་། རྡུལ་ཕྲ་མོ་དང་། ཆུ་དང་། ལྕགས་དང་།
[159b.7]རི་བོང་དང་། ལུག་དང་། གླང་དང་། ཉི་ཟེར་གྱི་རྡུལ་དང་། སྲོ་མ་དང་། ཤིག་དང་། ནས་དང་། སོར་རྣམས་ནི་སྔ་མ་དྲུག་ལ་ཕྱི་མའོ། །སོར་བཞི་དྲུག་ལ་ཁྲུ་གང་ངོ་། །ཁྲུ་ཕྱེད་དང་བཞི་ལ་ནི་མིའི་སྲིད་དོ། །ཁྲུ་བཞི་ལ་གཞུ་གང་ངོ་། །དེ་ལྔ་བརྒྱ་ལ་རྒྱང་གྲགས་སོ་ཞེས་བྱ་བ་ནི་ནས་འབྲུ་དྲུག་གློས་གཞིབས་#
[160a]
[160a.1]པ་ལ་སོར་གཅིག་ཏུ་རིག་པར་བྱ་སྟེ། འདིར་གཞུང་ནི་ནས་དྲུག་ལ་སོར་མོའི་ཚིགས་གཅིག་གོ་ཞེས་གསུངས་པ་ཡིན་ནོ། །སོར་མོ་གང་ཡིན་པའི་ཚིགས་ཀྱི་ཚིགས་ལ་ཞེས་བྱ་བ་ནི་འདི་#བསྟན་པའི་དོན་དུ་འདིར་ཚིགས་ཀྱི་ཚིགས་རིག་#པར་བྱའོ། །འཇིགས་པ་དང་བཅས་པ་
[160a.2]ཉིད་དུ་ནགས་ཁྲོད་དགོན་པ་བསྟེན་པ་ལ་དགེ་སློང་མས་དགོན་པར་གནས་པར་མི་བྱ་བ་གསུངས་པས་མངོན་པར་བསྟེན་པར་བྱ་བའི་དགོན་པའི་ངོ་བོ་བརྗོད་པར་བྱ་སྟེ། དེའི་ཕྱིར་དགོན་པའི་དང་པོ་ནི་དེའི་མཐའོ་ཞེས་བྱ་བ་སྨོས་ཏེ། རྒྱང་གྲགས་ཀྱི་མཐར་ཞེས་བྱ་བའི་དོན་ཏོ། །ལུས་ཀྱིས་#ཁུར་མི་
[160a.3]བསྐུར་#རོ་ཞེས་བྱ་བ་ལ་ལུས་ཀྱི་ཁུར་ཞེས་བྱ་བ་ཕྲག་གདང་གི་ཁུར་ལ་བྱ་སྟེ། ཕྲག་གདང་གིས་ཁུར་བསྐུར་#བར་མི་བྱའོ། །གློ་དང་རྒྱབ་དང་རྐེད་པ་དང་། མགོ་བོ་དག་གིས་མི་བསྐུར་#རོ་ཞེས་བྱ་བར་རོ། །ཁུར་བསྐུར་#བ་ཐམས་ཅད་ལ་ནི་འདི་རྣམས་ཉིད་བཀག་པའོ། །འདིར་ཐུན་མོང་མ་ཡིན་པ་
[160a.4]ཉིད་དུ་དོགས་པར་མི་བྱའོ་ཞེས་བྱ་བ་ནི་ལུས་ཀྱིས་མི་བསྐུར་#ཞེས་བྱ་བ་ལ་སོགས་པ་ནི་དགེ་སློང་མ་རྣམས་ཀྱིས་ཐུན་མོང་#བ་ཡིན་པ་ཉིད་དུ་དོགས་#པར་མི་བྱ་སྟེ། དགེ་སློང་མ་རྣམས་ཀྱིས་ཀྱང་འདི་མི་བྱ་ཞེས་བྱ་བའི་དོན་ཏོ། །ཁུར་ཕྱེད་#ལས་ལྷག་པ་བསྐུར་#བར་མི་བྱའོ་ཞེས་བྱ་བ་ལ་འདིར་གཞུང་ནི་མི་ཁུར་
[160a.5]གང་ཡིན་དེ་#དགེ་སློང་གཉིས་ཀྱིས་བསྐུར་བར་#བྱའོ་ཞེས་གསུངས་པ་ཡིན་ནོ། །བལ་ཐོགས་པའི་སྤང་བའོ།། །།འཁྲུར་འཇུག་པའི་སྤང་བ་ལ་ཚོག་གང་ཡིན་པ་དེ་ཉིད་ལས་བལ་རྨེལ་དུ་འཇུག་པའི་སྤང་བ་ལ་བརྟེན་ནས་བྱེ་བྲག་བརྗོད་པར་བྱ་སྟེ། ཆོས་གོས་རྙིང་པའི་གནས་སུ་ལུག་གི་བལ་
[160a.6]དག་གོ། །འཆག་པར་རྨེལ་བའོ་ཞེས་བྱ་བ་ནི་གནས་སུ་ཞེས་བྱ་བ་ཉིད་དུ་འཁྲུར་འཇུག་པའི་སྤང་བའི་སྐབས་སུ་འཁྲུར་འཇུག་པ་འམ་འཚེད་དུ་འཇུག་#ནའོ་ཞེས་བྱ་བ་སྨོས་པ་དེ་འདིར་ནི་འཁྲུར་འཇུག་གམ་འཚེད་དུ་འཇུག་གམ་རྨེལ་དུ་བཅུག་ནའོ་ཞེས་བརྗོད་པར་བྱའོ། །གང་གི་ཕྱིར་དེ་ཉིད་འདིར་
[160a.7]རྫོགས་པ་ནི་ལྟུང་བའི་བྱེད་པ་པོའི་གཞུང་ངོ་། །བལ་རྨེལ་དུ་འཇུག་པའི་སྤང་བའོ།། །།ཅི་ཞིག་བྱས་ན་གསེར་དངུལ་ལ་རེག་པའི་སྤང་བར་འགྱུར་ཞེ་ན། དེའི་ཕྱིར་རིན་པོ་ཆེ་བདག་གིར་བྱས་ནའོ་ཞེས་བྱ་བ་སྨོས་ཏེ། འདིར་གཞུང་ནི་ཞུ་བ་ཁ་ཅིག་ལས་རྐང་པའི་དྲུང་ན་མོའི་རོ་མྱང་ངམ་
[160b]
[160b.1]ཐོབ་པའི་གནས་སམ་ས་ལེ་སྦྲམ་གྱི་རྫས་འདུག་པ་བདག་གིར་བྱེད་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་ཡིན་ནོ། །ལྕོགས་པ་ཉིད་ན་དེ་རྫོགས་སོ་ཞེས་བྱ་བ་ནི་ལྕོགས་པ་ཉིད་དུ་བདག་གིར་བྱ་བར་ནུས་པ་ཉིད་ལ་ཐོབ་པ་ལག་ཏུ་འོང་བར་རུང་བ་ཉིད་ལ་ལག་ཏུ་གྱུར་པ་མ་ཡིན་པ་ཉིད་ལ་སྟོན་པ་ན་བདག་
[160b.2]གིར་བྱ་བ་དེ་ཡོངས་སུ་རྫོགས་པ་ཡིན་ནོ། །དེ་བས་ཕ་ཟད་ན་ནི་ཕྱེད་ཉིད་དོ་ཞེས་བྱ་བ་ནི། ལྕོགས་#པ་ཉིད་ཀྱི་གནས་སྐབས་པས་གལ་ཏེ་རྫས་དེ་འདི་བླངས་པ་ལ་དངོས་གཞི་སྟེ། གལ་ཏེ་མ་ཡིན་ལྕོགས་#པ་ཉིད་ཀྱི་གནས་སྐབས་ན་ཐོབ་པ་ན་དངོས་གཞི་སྟེ། ལེན་པ་པོའི་སྦྱོར་བ་ལ་ནི་ཁ་ན་མ་ཐོ་བ་
[160b.3]ཞེས་བྱ་བའི་དོན་ཏོ། །འདིར་གཞུང་ནི་གང་ཞིག་འདི་ཐོབ་པའི་གནས་ལ་ས་ལེ་སྦྲམ་གྱི་རྫས་འཇུག་པ་བདག་གིར་བྱེད་ན་མ་ཐོབ་པའི་སྤང་བ་འདི་ཞེས་བྱ་བའི་དོན་ཏོ། །ཅི་ལྟར་#བདག་གིར་བྱེད་པ་ཞེས་བྱ་བ་གཅིག་ཏུ་རྗེས་སུ་སྒྲུབ་#ན་སྤང་བ་འདིར་འགྱུར་རམ་ཞེ་ན། དེའི་ཕྱིར་རང་གི་རུང་བ་མ་བྱས་པ་ཡང་ངོ་
[160b.4]ཞེས་བྱ་བ་སྨོས་ཏེ། རང་གི་ཞེས་བྱ་བ་ནི་གཞན་གྱི་དག་ལ་ལྟུང་བ་རྣམ་པར་གཞག་པས་སྤང་བའི་ལྟུང་བ་འདི་ལ་ཞིང་ཉིད་ཀྱི་ཕྱིར་མ་བྱས་པ་དང་འདྲ་བ་ལ་འཛིན་པ་གང་ཞིག་གསུངས་པ་འདི་ནི་འདིར་ལུང་ངོ་། །གང་གིས་#བྱིན་པ་ལན་ཏམ་#ལེན་དུ་འཇུག་པ་མེད་ན་འཛིན་པ་སྐྱེ་བར་མི་འགྱུར་རོ། །འདིར་
[160b.5]བདག་ཏུ་བྱས་པ་ནི་དེ་དང་རྗེས་སུ་མཐུན་པ་སྟེ། དེ་དང་རྗེས་སུ་མཐུན་པ་ནི་འཛིན་པ་བརྗོད་ཀྱིས་#ངེས་པར་བྱེད་པ་ནི་མ་ཡིན་ནོ་ཞེ་ན། འདི་ནི་འཐད་པ་མ་ཡིན་ཏེ། བདག་ཏུ་བྱ་བ་#དང་དོར་བར་བྱ་བ་ཉིད་ཀྱི་ཕྱིར་རོ། །རུང་བ་རྣམས་ལ་ནི་བདག་ཏུ་བྱ་བ་དང་དོར་བར་བྱ་བའི་ཕྱིར་རོ། །གང་གི་ཕྱིར་བར་དུ་ཆད་
[160b.6]པར་གྱུར་པ་འདི་རྣམས་ལ་བདག་ཏུ་བྱེད་པ་སྟེ། གང་ཞིག་དེའི་ལོགས་སུ་བྱེད་པར་འགྱུར་བ་ཉིད་དོ། །དེ་བས་ན་འདིར་བདག་གིར་བྱ་བ་རྗེས་སུ་གནང་བ་ཡོད་པ་མ་ཡིན་ནོ། །གང་ཞིག་འདིར་བླང་བར་#བྱ་ཞིང་བླངས་ནས་ཀྱང་སྦྱིན་བདག་དེ་ཉིད་ལ་ཡིད་བརྟན་ཏེ་བཅང་བར་བྱ་བར་རྗེས་སུ་ངས་གནང་ངོ་ཞེས་
[160b.7]གསུངས་པ་དེ་ནི་རུང་བ་དང་པོ་ཡིན་ནོ#། །ཇི་ལྟར་འདིར་བདག་གིར་བྱེད་པ་མི་བསྐྱེད་པའོ། །རུང་བར་བྱ་སྟེ་གཟུང་#བར་བྱའོ་ཞེས་བྱ་བ་འདིའི་དོན་ནི་འདི་ཡིན་ནོ། །འདུད་པའི་དོན་གྱིས་མངོན་པར་འབྲེལ་པར་གྱུར་པ་ཞེས་བྱ་བ་སྟེ། དེ་བས་ན་འདུད་པ་ཉིད་ཁས་ལེན་པ་ནི་འདིར་ལེན་པར་ཤེས་པར་
[161a]
[161a.1]བྱའོ། །བདག་ཏུ་མ་བྱས་པ་ཉིད་ཀྱིས་འདུད་པར་བྱས་ནས་ཞེས་བྱ་བའི་དོན་ཏོ། །བདག་པོ་ཉིད་ཀྱིས་#ལྷག་པོར་མོས་པ་དང་པོར་གཟུང་#ནས་ལེན་པ་ལ་བྱ་བ་ཉིད་ནམ་ཡང་མ་བྱས་པ་དང་འདྲ་བ་ལ་ལེན་པ་ཡོད་པ་མ་ཡིན་ནོ། །འཇུག་པ་གང་ལ་རང་གིར་མ་བྱས་པ་དང་འདྲ་བའི་
[161a.2]རིན་པོ་ཆེ་མ་ཡིན་ཞེ་ན། དེའི་ཕྱིར་རེག་གམ་རེག་ཏུ་བཅུག་ནའོ་ཞེས་བྱ་བ་སྨོས་སོ། །ཇི་ལྟར་རེག་པས་ཤེ་ན། དེའི་ཕྱིར་གང་ཡང་རུང་བས་སོ་ཞེས་བྱ་བ་སྨོས་ཏེ། ཕྱོགས་གཅིག་པར་རེག་ན་ཡང་ལོངས་ཤིག་ཁྱེར་ཅིག་ཞོག་ཅིག་ཅེས་བྱ་བ་ལྟ་བུ་དམིགས་ཀྱིས་#མ་སྨྲས་པར་ཡང་རེ་ཞིག་ཅེས་བྱ་བ་
[161a.3]དངོས་སུ་ཚིག་གིས་ཀྱང་མ་སྨྲས་ཤིང་། ཉེ་བར་གནས་པ་ལ་ཡང་གནས་གཞན་ན་གནས་པ་དེ་ལ་ཞེས་བྱ་བ་བསྟན་པས་ཉེ་བར་གནས་པ་ཉིད་ལ་འདི་ཞེས་བྱ་བའོ། །སྙད་གདགས་སུ་རུང་བའི་ཟངས་མ་ལ་ནི་ཉེས་བྱས་སོ་ཞེས་བྱ་བ་ནི་འདི་ལ་དམན་པའི་རིན་པོ་ཆེ་ཉིད་ཡོད་པའི་ཕྱིར་རོ། །གཞན་ལ་ནི་
[161a.4]ལྟུང་བ་མེད་དོ་ཞེས་བྱ་བ་ནི་སྙད་གདགས་སུ་རུང་བའི་ཟངས་མ་འདི་ལ་ནི་རྫས་ལས་རིན་པོ་ཆེ་ཉིད་མ་ཡིན་པ་ཞེས་བྱ་བའི་དོན་ཏོ། །ཞ་ཉེ་དང་ཁྲོ་ཆུ་དང་རོ་ཉེ་དང་ལྕགས་དག་ལ་ཡང་ངོ་ཞེས་བྱ་བ་ནི་འདི་རྣམས་ཀྱང་རིན་པོ་ཆེ་ཉིད་མ་ཡིན་ཞེས་བྱ་བའི་དོན་ཏོ། །དགེ་ཚུལ་གཉིས་ཀྱིས་ཀྱང་ངོ་ཞེས་བྱ་བ་ནི།
[161a.5]དགེ་ཚུལ་དང་དགེ་ཚུལ་མ་གཉིས་ཀྱིས་#རིན་པོ་ཆེ་ལ་རེག་གམ་རེག་ཏུ་བཅུག་ན་ལྟུང་བ་མེད་དོ། །གང་#གི་རུང་བ་མ་བྱས་པ་ཡང་ངོ་ཞེས་སྨྲས་ན་རུང་བ་གང་ལ་བྱས་ན་#རུང་བ་མ་ཡིན་པའི་རུང་བ་དེ་ཅི་འདྲ་བ་ཞིག་ཅེ་ན། དེའི་ཕྱིར་སྦྱིན་བདག་བདག་པོ་ཉིད་དུ་སྨོས་སུ་གཞུག་པ་དང་། ཞལ་ཏ་བྱེད་པ་བདག་པོ་ཉིད་དུ་
[161a.6]ཁས་ལེན་དུ་གཞུག་པ་དང་། བྱིན་#གྱིས་བརླབ་པ་ཞེས་བྱ་བ་ནི་རུང་བ་དག་ཡིན་ནོ་ཞེས་བྱ་བ་སྨོས་ཏེ། འདིར་རུང་བ་གསུམ་གྱི་གཞུང་ནི་དགེ་སློང་དག་དེ་ལྟ་བས་ན་རྗེས་སུ་ཤེས་པར་བྱ་སྟེ། ཆོས་གོས་ཀྱི་རིན་དག་རྙེད་པ་ན་བླང་བར་བྱ་ཞིང་བླངས་ནས་ཀྱང་སྦྱིན་བདག་དེ་ཉིད་ལ་ཡིད་བརྟན་ཏེ་བཅང་བར་བྱའོ། །
[161a.7]དེ་བཞིན་དུ་སྦྱིན་བདག་ཀྱང་སྤྲོ་བར་བྱའོ། །བྱིན་གྱིས་བརླབ་པ་ཡང་བྲམ་ཟེའི་བུ་མོས་ཞུས་པའི་གཞུང་ལས་གང་ཞིག་བདག་དགེ་སློང་མིང་འདི་ཞེས་བགྱི་བར་#དངོས་པོ་རུང་བ་མ་ལགས་པ་འདིས་དངོས་པོ་རུང་བར་བསྒྲུབ་པར་བགྱི་ཞིང་དེ་ནི་བདག་གིར་བགྱིའོ་ཞེས་གསུངས་པ་ཡིན་ནོ། །ལན་ཇི་ལྟ་བར་
[161b]
[161b.1]འདི་རྣམས་ལ་གཙོ་བོ་ཉིད་དུ་རིག་པར་བྱའོ། །གང་གི་#ཕྱིར་སྦྱིན་བདག་གི་ཤིན་ཏུ་གསལ་བ་བདག་པོ་ཉིད་དུ་ལྷག་པར་མོས་པས་ཞལ་ཏ་བྱེད་པའི་བདག་པོ་ཉིད་དུ་ཁས་ལེན་པ་ལ་གཞན་གྱི་བློ་དང་གཞན་གྱི་རྣམ་པར་རིག་བྱེད་དང་བདག་གིར་བྱེད་པ་ཉིད་ལ་ཤིན་ཏུ་གསལ་བ་ཉིད་དོ། །གང་ཞིག་འདིར་ཞལ་ཏ་
[161b.2]བྱེད་པ་ལ་བདག་པོ་ཉིད་དུ་ཁྱོད་ཀྱིས་ཁས་ལེན་ཞིང་འདི་ལྟར་སྤྲོ་བར་བྱེད་པ་འདི་འདིར་བདག་པོ་ཉིད་དུ་ཁས་ལེན་པར་རིག་པར་བྱའོ། །ཡང་ཅིའི་ཕྱིར་བདག་ཏུ་བྱ་བ་མ་ཡིན་པ་ལ་གོ་བར་བྱེད་པ་དང་། བྱིན་གྱིས་བརླབས་པ་ཡོངས་སུ་སྐྱོང་བ་ཉིད་ཀྱིས་བདག་གི་འདི་གཙུག་ལག་ཁང་ལ་སོགས་པ་དང་འདྲ་བར་
[161b.3]བསྲུང་བ་དང་བྱིན་གྱིས་བརླབ་#པར་བགྱིའོ། །འདིར་བདག་གི་བློ་ནི་འདི་ཡིན་ཏེ་བདག་ཏུ་བྱ་བས་ནི་མ་ཡིན་གྱི། བདག་ལ་བདག་ཏུ་བྱ་བའི་དབང་གིས་བསྒྲུབ་པ་ཡང་མ་ཡིན་ཏེ། འདི་སྐད་ཅེས་ཚེ་དང་ལྡན་པ་དགོངས་སུ་གསོལ་ཞེས་བྱ་བའི་ངོ་བོ་ལས་གང་ཞིག་བདག་དགེ་སློང་མིང་འདི་ཞེས་བགྱི་བས་
[161b.4]དངོས་པོ་རུང་བ་མ་ལགས་པ་འདི་རྙེད་དེ་ཞེས་བྱ་བའི་ཚིག་འདི་དེ་ཇི་ལྟར་བདག་ཏུ་བྱ་བ་རུང་བ་ཉིད་ཁས་ལེན་པ་ནི་འདིར་བསྒྲུབ་པ་སྟེ། བདག་ཏུ་བྱ་བ་འོངས་པའི་དོན་དང་སྦྱར་བ་ནི་མ་ཡིན་ནོ། །ཆོས་དང་ལྡན་པའི་དོན་མི་བདོག་#པའི་རྐྱེན་ལས་གཞན་པ་ལ་མི་འཆགས་སོ་ཞེས་བྱ་བ་ལ། ཆོས་ལས་
[161b.5]མི་འདའ་བའི་ཆོས་དང་ལྡན་པ་སྟེ། རང་གི་དོན་དུ་ཆོས་གོས་དང་སྨན་ལ་སོགས་པ་ཡོ་བྱད་དག་གོ། །དེ་ནི་ཆོས་དང་ལྡན་པ་ཡང་ཡིན་ལ་དོན་ཡང་ཡིན་པས་ཆོས་དང་ལྡན་པའི་དོན་ཏེ། ཆོས་གོས་དང་སྨན་ལ་སོགས་པའི་དོན་ཏོ#། །དེའི་རྐྱེན་ཞེས་བྱ་བ་ནི་རྫས་གང་ཡིན་པ་སྟེ། རྫས་ཇི་ཙམ་གྱིས་#
[161b.6]ཆོས་དང་ལྡན་པའི་དོན་ཏེ། སྒྲུབ་#པར་འགྱུར་བའོ། །དེ་མི་བདོག་པར་གྱུར་པ་ལ་རུང་བ་འདི་རྣམས་གྲགས་པའོ། །ཆོས་དང་ལྡན་པའི་དོན་མི་བདོག་པ་དེའི་རྐྱེན་ལས་གཞན་དུ་གྲགས་པ་མ་ཡིན་ནོ། །གལ་ཏེ་བདོག་པ་ཉིད་རེ་ཞིག་རྐྱེན་རྫས་སུ་གྱུར་ན་ཆོས་དང་ལྡན་པའི་དོན་མེད་པར་ཡང་ལྷག་
[161b.7]པར་གནས་ན་རུང་བ་འདི་རྣམས་ཀྱང་སྐྱེ་བར་མི་འགྱུར་ཞེས་བྱ་བའི་དོན་ཏོ། །དེར་བྱས་པ་ཉིད་#ཡང་རུང་བ་འདི་རྣམས་ཆོས་འདི་མ་ཡིན་པ་ལ་ལྟུང་བ་ཉིད་ཀྱི་ཕྱིར་དེ་བྱེད་པ་དང་། དེ་ལ་རེག་པ་དང་རེག་པར་བྱེད་པ་དག་ལ་སྤང་བའི་ལྟུང་བྱེད་སྐྱེད་#པ་ཁོ་ན་ཡིན་ནོ་#ཞེས་བྱ་བའི་དོན་ཏོ། །འདིར་ལུང་ནི་ཆོས་
[162a]
[162a.1]གོས་སེམས་པར་བྱེད་ཅིང་ཐོབ་པར་གྱུར་པ་རྣམས་སྦྱིན་པ་པོའི་ལག་ཏུ་ཡིད་བརྟན་པས་བཅང་བར་བྱ་ཞེས་བྱ་བ་ཆོས་གོས་ལ་སེམས་པར་བྱེད་པའི་ཚིག་ཅེས་གསུངས་པ་ཡིན་ནོ། །ཆོས་གོས་ཀྱི་དོན་དུ་སེམས་པར་བྱེད་པའི་ཚིག་ནི་དཔེར་ཤེས་པར་བྱའོ། །དེ་ལྟར་ཡང་ལམ་དུ་
[162a.2]མཛའ་བོའི་དོན་དུ་ཡང་གཟུང་#བར་བྱ་ཞེས་བྱ་བ་སྨོས་ཏེ། ཆུ་དང་མེའི་དོན་དུ་ཆུ་ཤེལ་དང་མེ་ཤེལ་དག་བཅང་བར་བྱ་བར་གསུངས་སོ། །སྦྱོར་བ་དང་ཡང་མི་མཐུན་པ་ཉིད་ཀྱི་ཕྱིར་རབ་ཏུ་བྱུང་བ་རྣམས་ཀྱི་ལུས་འཚོ་བར་བྱ་བའི་དོན་དུ་བསོད་སྙོམས་ཙམ་ལ་ཡང་འདི་རྣམས་ཀྱིས་ལྷག་པར་འཆང་
[162a.3]བ་ལ་རུང་བ་རྣམས་ལ་མི་འཇུག་པས་རྣམ་པར་རྟོག་པ་ཙམ་མམ་ཚིག་སྦྱོར་བ་ཙམ་འདིར་སྤོང་བ་ལ་གཙོ་བོ་ཡིན་པས་གཞན་ཉིད་དུ་ཐོབ་པས་སངས་རྒྱས་དང་ཆོས་དང་དགེ་འདུན་རྣམས་ལ་བྱ་བ་བྱེད་པར་འགྱུར་རོ། །རྣམ་པར་ཉམས་པར་གྱུར་པ་ཚངས་པར་སྤྱོད་པ་དང་བཅས་པ་རྣམས་ལ་ཡོ་བྱད་
[162a.4]བཅུ་གསུམ་རྣམས་ལས་ཅིག་ཤོས་མ་ཚང་བས་རྗེས་སུ་གཟུང་#བར་བགྱིའོ། །ཕོངས་པ་རབ་ཏུ་དབྱུང་བ་དང་བསྙེན་པར་རྫོགས་པའི་རྟོགས་པ་དང་ལྡན་པ་རྣམས་ལ་ལྷུང་བཟེད་དང་ཆོས་གོས་བསྒྲུབ་པར་བགྱི་ཞེས་བྱ་བའི་དོན་གང་ཡིན་པ་དེ་ལ་ནི་ཆོས་དང་མི་ལྡན་པ་ཉིད་མ་ཡིན་ནོ། །བདག་པོ་རིང་བ་ཉིད་
[162a.5]ཡིན་ན་ཡང་ཉམས་པ་མེད་དོ་ཞེས་བྱ་བ་ནི་བདག་པོ་སྦྱིན་བདག་གམ་ཞལ་ཏ་བྱེད་པ་རིང་བ་ཉིད་ཡིན་ཏེ། ཡུལ་ཐག་རིང་པོ་ཉིད་དུ་སོང་ཞིང་ཡུལ་གྱིས་#བསྐལ་པ་ཉིད་ཡིན་ཡང་རུང་བ་དག་ལ་ཉམས་པ་མེད་དོ། །བདག་ཉིད་ཀྱི་དོན་དུ་བཟའ་བ་བྱེད་དུ་གཞུག་ཏུ་རུང་ངོ་། །དེ་བྱད་(བྱེད་)པ་ལ་དབུལ་བའི་ཕྱིར་ཀཱར་ཥཱ་
[162a.6]པ་ཎ་བླང་བ་ལ་ཡང་ངོ་ཞེས་བྱ་བ་ནི་ཕྲན་ཚེགས་རྣམས་ལས་འདི་ལ་སོགས་པའི་ལམ་དུ་བཟའ་བ་དང་རིན་པོ་ཆེ་ལ་སོགས་པ་རྣམས་འདི་སྤང་བའི་ཇི་སྲིད་དུ་སའི་རང་བཞིན་ཞེས་བྱ་བ་འདི་མཐར་དེ་བྱེད་པ་ཞེས་བྱ་བ་ནི་བཟའ་བ་བྱེད་པ་ལ་དབུལ་བའི་ཕྱིར་ཀཱར་ཥཱ་པ་ཎ་བླང་བ་ཡིན་ཞེས་བྱ་བའི་དོན་ཏོ། །འདིའི་
[162a.7]ཆོས་དང་མི་ལྡན་པའི་དོན་མ་ཡིན་ཞེས་བྱ་བར་ཤེས་པར་བྱའོ་ཞེས་བྱ་བ་འདི་ལ་འདི་བསྟན་པ་སྟེ། རུང་བ་མེད་པས་ལེན་པ་རྗེས་སུ་གནང་བ་མ་ཡིན་ཞེས་བྱ་བའོ། །འདི་ནི་རུང་བ་གཞན་བརྗོད་པ་སྟེ། དེ་བཞིན་དུ་རྗེས་སུ་གནང་བ་གཞན་རྣམས་ལ་ཡང་རིག་པར་བྱའོ། །ལམ་རྒྱགས་ནི་རིན་པོ་
[162b]
[162b.1]ཆེ་མན་ཆད་ལས་སོ་#ཞེས་བྱ་བ་ནི་རིན་པོ་ཆེ་མན་ཆད་ནས་ལམ་དུ་བཟའ་བ་ལེན་པ་རུང་བ་ཡིན་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་དག་གིས་ལམ་རྒྱགས་ཇི་ལྟ་བུ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། བཟའ་བ་ལྔ་དང་བཅའ་བ་#སྨོས་པ་ལྔ་དང་། རིན་པོ་ཆེ་ལྔ་དང་།
[162b.2]རིན་པོ་ཆེར་#སྨོས་པ་ལྔའོ། །དེ་ལ་བཟའ་བ་ལྔ་གང་ཞེ་ན། འབྲས་ཆན་དང་། ཟན་དྲོན་དང་ཤ་དང་ཉ་ཤ་དང་སྣུམ་ཁུར་རོ། །བཅའ་བར་སྨོས་པ་ལྔ་གང་ཞེ་ན། ཇི་ཙེ་དང་ཁྲེ་རྒོད་དང་རྒྱ་སྲན་དང་བྲ་རྒོད་དང་ཁྲེའོ། །རིན་པོ་ཆེ་ལྔ་གང་ཞེ་ན། གསེར་དང་། དངུལ་དང་། བཻ་ཌཱུརྱ་དང་། ཤེལ་
[162b.3]དང་། མུ་ཏིག་གོ། །རིན་པོ་ཆེ་ལྔར་སྨོས་པ་གང་ཞེ་ན། ཞ་ཉེ་དང་རོ་ཉེ་དང་ཟངས་དང་། ཁྲོ་ཆུ་དང་། ལྕགས་སོ་ཞེས་གསུངས་པ་ཡིན་ནོ། །མེའི་དོན་དུ་དགེ་སློང་གིས་མེ་ཤེལ་ཉེ་བར་གཞག་པར་བྱའོ་ཞེས་བྱ་བ་ལ་འདི་ནི་ཆོས་དང་མི་ལྡན་པའི་དོན་མ་ཡིན་ཏེ་ཞེས་བྱ་བ་འདི་#བསྟན་པའོ། །དེ་མ་
[162b.4]སྦས་པར་གཞག་པར་མི་བྱའོ་ཞེས་བྱ་བ་ནི་གཏོར་བའི་#སྐྱོན་བསལ་#བའི་དོན་དུ་སྦ་བའོ། །མ་སྦྱིན་པར་ལེན་པ་ལ་བསྟན་པར་མི་བྱའོ། །དེའི་འབྲས་བུ་ཕྱུང་ནས་དེ་ལ་སྦྱིན་པར་བྱའོ་ཞེས་བྱ་བ་ནི་མེ་ཤེལ་དེའི་འབྲས་བུ་མེ་ཞེས་བྱ་བ་ཕྱུང་ནས་རྐུན་པོ་དེ་ལ་མེ་སྦྱིན་པར་བྱའོ། །ཆུའི་དོན་དུ་ཆུ་ཤེལ་ཡང་
[162b.5]ངོ་ཞེས་བྱ་བ་ལ། ཡང་ངོ་ཞེས་བྱ་བའི་སྒྲ་ནི་ཉེ་བར་གཞག་པར་བྱའོ་ཞེས་བྱ་བའི་རྗེས་སྙེགས་#པའི་ཕྱིར་རོ། །བསྲུང་བའི་ཆོ་ག་ནི་འདྲའོ་ཞེས་བྱ་བ་ནི་མེ་ཤེལ་དེ་#འདི་མ་སྦས་པར་གཞག་པར་མི་བྱ་ཞེས་བྱ་བ་ལ་སོགས་པའོ། །ཡོ་བྱད་རྗེས་སུ་གནང་བར་རིན་པོ་ཆེ་བདག་གིར་བྱ་བའི་ཤན་བསྲེ་#བར་མི་བྱ་བ་
[162b.6]ཉིད་དོ་ཞེས་བྱ་བ་ནི་གང་ཞིག་རྒྱ་ལ་སོགས་པའི་འཚོག་ཆས་ནི་ཡོ་བྱད་དེ་དེ་ནི་རྗེས་སུ་གནང་བ་ཡིན་ནོ། །དེའི་རྗེས་སུ་གནང་བའི་ཁོངས་སུ་རིན་པོ་ཆེ་བདག་གིར་བྱ་བའི་ཤན་བསྲེ་#བ་གཞུག་པར་མི་བྱ་བ་ཉིད་དོ། །དེ་བས་ན་རིན་པོ་ཆེའི་རང་བཞིན་ལ་ཡང་འདིར་རྗེས་སུ་གནང་བ་ཉིད་དོ། །གནོད་པར་བྱེད་
[162b.7]པ་#སྤང་བའི་ཆོ་ག་ལ་ཞེས་བྱ་བ་འདོད་པ་ལ། དོན་ནི་འདི་ཡིན་ཏེ། རྒྱ་ལ་སོགས་པ་རྗེས་སུ་གནང་བ་གང་ཡིན་པ་དེ་ལ་རིན་པོ་ཆེའི་རང་བཞིན་གྱི་རྒྱ་ལ་སོགས་པ་ལ་བདག་ཏུ་བྱེད་པ་གང་ཡིན་པ་དེའི་མཐའ་བྱས་པ་ཉིད་ནི་མ་ཡིན་ཏེ་རྗེས་སུ་མ་གནང་བ་ཉིད་དོ། །དེ་ལ་རིན་པོ་ཆེའི་རང་བཞིན་བདག་ཏུ་བྱ་བ་
[163a]
[163a.1]ཞེས་བྱ་བའི་དོན་ཏོ། །དེ་ལྟར་ཡང་ཕྲན་ཚེགས་རྣམས་ལ་འདིར་རྒྱ་ལ་སོགས་པ་ལ་རིན་པོ་ཆེའི་རང་བཞིན་བཀག་པའི་གཞུང་ངོ་། །གླེང་གཞི་རྣམས་ལས་ཀྱང་གསུངས་ཏེ། ཇི་སྐད་དུ་བཅོམ་ལྡན་འདས་ཀྱིས་དུད་པའི་སྨན་གཅེའུ་བཅང་བར་བྱའོ་ཞེས་གསུངས་པ་དང་། ཞུས་པ་#ཇི་
[163a.2]ལྟ་བུ་བཅང་བར་བགྱི། བཀའ་སྩལ་པ། ཉེ་བ་འཁོར་རིན་པོ་ཆེ་ལས་བྱས་པ་མ་གཏོགས་སོ#། །སྣར་བླུགས་པའི་སྤྱད་#དང་འཕུལ་བའི་བཏུང་ཕོར་དང་ཁབ་དང་#ཁབ་རལ་དང་མིག་སྨན་གྱི་གབ་ཙེ་དང་། སྨན་ཕོར་དང་རྐང་རྟེན་#དང་ཁྲིའུ་དང་སྨན་གྱི་ནལ་ཟེ་བཅང་བར་བྱའོ། །ལྕགས་ཀྱི་གར་བུ་
[163a.3]ལ་ལུ་གུ་རྒྱུད་གདགས་པར་བྱའོ་ཞེས་གསུངས་པ་ཐམས་ཅད་ལ་ཡང་ཇི་ལྟ་བུ་ཞིག་བཅང་བར་བགྱི། ཉེ་བ་འཁོར་རིན་པོ་ཆེའི་རང་བཞིན་ལས་བྱས་པ་མ་གཏོགས་སོ་ཞེས་བཀའ་སྩལ་པ་དེ་ལྟ་བུའི་ཚིག་ཡོད་དོ། །ར་གན་དང་ཟངས་དང་འཁར་བ་དང་ཤིང་གི་ལྷུང་བཟེད་དང་#བདག་གིར་མི་བྱའོ་ཞེས་བྱ་
[163a.4]བ་ནི། ལྷུང་བཟེད་ཅེས་བྱ་བའི་སྒྲར་#ར་གན་ལ་སོགས་པ་སོ་སོ་དང་སྦྱར་རོ། །དེ་དག་བདག་གིར་བྱས་པའམ་གཞན་ཡང་རུང་སྟེ། གལ་ཏེ་ཡོངས་སུ་སྤྱད་དགོས་པར་གྱུར་ན་སྨན་ཕོར་གྱིས་ཡོངས་སུ་སྤྱད་པས་སོ་ཞེས་བྱ་བ་ལ། དེ་དག་ཅེས་བྱ་བ་ནི་ར་གན་ལ་སོགས་པའི་ལྷུང་བཟེད་ལའོ། །འབྲུ་མར་
[163a.5]གྱི་སྣོད་ཀྱི་རྣམ་པ་ཉིད་ཀྱིས་ཤིན་ཏུ་འདི་མཐུན་པ་ཉིད་མ་ཡིན་ཏེ་ཞེས་བྱ་བ་འདི་འཆང་བ་དང་། མངོན་པར་རྗེས་སུ་ཡི་རང་བའོ། །གཞན་ཡང་རུང་སྟེ་ཞེས་བྱ་བ་ནི་བདག་གིར་མ་བྱས་པར་གན་ལ་སོགས་པའི་ལྷུང་བཟེད་འདི་ལ་ཡང་#ཡོངས་སུ་སྤྱད་དགོས་པ་སྨན་དང་སྨན་ཕོར་གྱི་རིགས་པ་ཉིད་ཀྱིས་དེ་
[163a.6]ཞེས་བྱ་བའི་དོན་ཏོ། །སྨན་ཞེས་བྱ་བ་ནི་ལྷུང་བཟེད་ཡོངས་སུ་སྤྱད་དགོས་པ་བསལ་བའི་གཙོ་བོ་འདི་སྨན་དང་སྨན་ཕོར་གྱིས་ཡོངས་སུ་སྤྱད་དགོས་པའི་ཚིག་གོ། །གསུངས་པའི་སྨན་དང་འབྲེལ་པ་ཉིད་ཀྱི་#འབྲས་བུ་ངེས་པར་སྤྱོད་པ་#ལ་ནི་མ་ཡིན་ཞེས་ཏེ། གཞན་དུ་ན་ཡང་མ་ཡིན་ཞེས་བྱ་བར་
[163a.7]རིག་པར་བྱའོ། །འདིར་གཞུང་ནི་ཉེ་བར་མ་བཞག་པ་དེ་རྣམས་ནི་ཉེ་བར་གཞག་པར་མི་བྱའོ་ཞེས་གསུངས་པའོ། །གཞག་པར་བྱས་པ་ནི་སྨན་ཕོར་ཡོངས་སུ་ལོངས་སྤྱོད་#པར་བྱའོ་ཞེས་གསུངས་པ་ཡིན་ནོ། །བྱིན་གྱིས་བརླབ་ཏུ་རུང་བ་ནི་གཉིས་ཏེ། ལྕགས་ལས་བྱས་པ་དང་ས་ལས་བྱས་པའོ་
[163b]
[163b.1]ཞེས་བྱ་བ་ནི་ལྷུང་བཟེད་ཅེས་བྱ་བར་སྦྱར་རོ། །ལྷུང་བཟེད་འབའ་ཞིག་པ་འདིར་བསྟན་པའི་རིན་པོ་ཆེའི་ངོ་བོ་བརྗོད་པར་བྱ་སྟེ། ནོར་བུ་དང་མུ་ཏིག་དང་བཻ་ཌཱུརྱ་དང་མན་ཤེལ་དཀར་པོ་དང་བྱི་#རུ་དང་དངུལ་དང་གསེར་དང་། རྡོའི་སྙིང་པོ་དང་སྤུག་དང་དམར་པོ་དང་གཡས་སུ་འཁྱིལ་བ་ལ་སོགས་པ་ནི་རིན་པོ་ཆེའི་#
[163b.2]ཞེས་བྱ་བ་ལ་སོགས་པ་ལ་ནོར་བུ་ཞེས་བྱ་བ་ལ་སོགས་པས་#ཤེལ་དག་འཕངས་སོ། །སོགས་པ་ཞེས་སྨོས་པ་ནི་སངས་རྒྱས་ཀྱི་སྐུ་གདུང་ལ་སོགས་པ་དག་བསྡུ་བའོ། །ཆུ་ཤེལ་དང་མེ་ཤེལ་དག་ལ་ཡང་འདིར་ནོར་བུའི་ཚིག་གིས་གཟུང་བ་#ཉིད་དོ། །ནོར་བུར་གྱུར་པའི་ཁབ་ལེན་གང་ཡིན་པ་དེ་#
[163b.3]ཡང་འདིས་འཕངས་པ་ཉིད་དོ། །རྡོ་བར་གྱུར་པ་ལ་ནི་མ་ཡིན་ཏེ། དེར་རིན་པོ་ཆེ་ཉིད་མེད་པའི་ཕྱིར་རོ། །འདིར་ནོར་བུ་ལ་སོགས་པ་བརྗོད་པའི་རིན་པོ་ཆེ་ལ་དཔེ་ཉིད་དུ་རིག་པར་བྱ་སྟེ་གཞན་དུ་རིན་པོ་ཆེའི་སྙིང་པོ་ལ་སོགས་པའི་དངོས་པོ་ཉིད་ལ་འདྲ་བ་ཉིད་ཀྱི་ཕྱིར་རོ། །དངུལ་ཞེས་བྱ་བ་ནི་དངུལ་
[163b.4]སྐྱའོ། །གསེར་ཞེས་བྱ་བ་ནི་ས་ལེ་སྦྲམ་མོ། །མདོ་ལས་འདི་གཉིས་སྨོས་པ་གང་ཡིན་པ་དེ་ནི་དཔེ་ཡིན་ཏེ། ནོར་བུ་དང་མུ་ཏིག་དང་བཻཌཱུརྱ་དང་དུང་དང་མན་ཤེལ་དཀར་པོ་དང་བྱི་རུ་དང་དངུལ་དང་ས་ལེ་སྦྲམ་དང་རྡོའི་སྙིང་པོ་དང་སྤུག་དང་དམར་པོ་དང་གཡས་སུ་འཁྱིལ་པ་ལ་སོགས་པ་ལ་རེག་པར་
[163b.5]བྱེད་ན་སྤང་བའི་ལྟུང་བ་ཞེས་བྱ་བ་ཚིག་ཏུ་བརྗོད་པར་བྱ་བའི་#ཕྱིར་རྣམ་པར་འབྱེད་པ་ལས་འདིར་དབྱིག་གམ་གསེར་རམ་ས་ལེ་སྦྲམ་དུ་གྱུར་པ་འདི་གཉིས་ཀ་ཡང་སྙད་གདགས་སུ་རུང་བ་ཞེས་བྱ་བའི་དོན་ཏོ། །འདིའི་དོན་འདི་རྫས་གཅིག་པུ་ཉིད་དེ་རིན་པོ་ཆེ་ཉིད་དུ་སྙད་གདགས་སུ་རུང་བ་དང་བཅས་པ་རྫས་
[163b.6]ཉིད་དང་བཅས་ཆ་གཅིག་པུ་ཉིད་ལ་འདིས་བསྟན་པ་ཉིད་དོ། །དེ་ལྟར་ན་ཡང་ཟངས་མའི་སྙད་གདགས་སུ་རུང་བ་ལ་ནི་ཉེས་བྱས་སུ་རྣམ་པར་གཞག་པའོ། །དེ་བས་ན་འདི་ནི་དཔེ་ཡིན་ཏེ་རིན་པོ་ཆེའི་རང་བཞིན་མ་ཡིན་པ་གཞན་ལ་ཡང་སྙད་གདགས་སུ་རུང་བ་ལ་ནི་ཉེས་བྱས་ཞེས་རྟོགས་པར་བྱའོ། །གང་
[163b.7]ཞིག་དེ་མངོན་པར་རྟེན་པ་སྙད་གདགས་སུ་རུང་བའི་མངོན་མཚན་ཅན་ལ་འདིར་ངོ་བོ་སྟེ། སྐྱེས་པ་ལ་སོགས་པ་ནི་མ་ཡིན་ཏེ། འདི་ལྟ་བུའི་མཚན་ཉིད་ཅན་ཁྱད་པར་མེད་པའི་ཕྱིར་གཉིས་པོ་འདི་དག་ལ་སྙད་གདགས་སུ་རུང་བ་ཉོ་ཚོང་གི་བྱ་བ་ཉིད་ནི་འདིར་མངོན་མཚན་ཅན་#ལ་གཙོ་བོ་སྟེ། དེ་ལྟར་ན་ཡང་
[164a]
[164a.1]སྙད་གདགས་སུ་རུང་བའི་ཟངས་ལ་རེག་ན་ཞེས་བྱ་བ་ལ། སྙད་གདགས་སུ་རུང་བའི་ཚིག་སྟེ་མངོན་མཚན་ཅན་ལ་ནི་མ་ཡིན་ནོ། །དེ་བས་ན་མངོན་མཚན་ཅན་#མ་ཡིན་པ་ལ་ཡང་པ་ཎ་ཉིད་ཀྱིས་སྙད་གདགས་སུ་རུང་བའི་རིན་པོ་ཆེར་གྱུར་པ་མ་ཡིན་པ་ལ་གཙོ་བོ་ཉིད་དུ་འདིར་ཉེས་བྱས་སུ་
[164a.2]བྱ་བ་ཉིད་རྟོགས་པར་བྱའོ། །དཔེར་ན་འགྲོན་བུ་རྣམས་ལ་སྟེ། འདི་#རྣམས་ལ་ནི་སྤང་བར་བྱ་བ་ཉིད་མ་ཡིན་པར་ཤེས་པར་བྱ་སྟེ། རིན་པོ་ཆེ་ཉིད་ལ་#རྫས་ལས་མེད་པའི་ཕྱིར་རོ། །རིན་པོ་ཆེའི་རང་བཞིན་སྙད་གདགས་སུ་མི་རུང་བའི་མངོན་མཚན་ཅན་གྱི་རིན་པོ་ཆེ་དེ་#ལ་སྙད་གདགས་སུ་མི་རུང་བ་ཉིད་
[164a.3]ལ་ཉེས་བྱས་སུ་རིག་པར་བྱའོ། །ཐ་སྙད་རྫོགས་པ་ལ་ཡང་པ་ཎ་ཉིད་དུ་མངོན་མཚན་ཅན་ཉིད་ཀྱི་#གཙོ་བོ་སྟེ། འདིར་རིན་པོ་ཆེའི་སྙིང་པོའི་བློ་ལ་ནི་མ་ཡིན་ནོ། །གཞན་ཡང་ཡིད་ཆེས་པ་ལ་བདེ་བར་གནས་པ་ཉིད་སྤོབས་པ་ཡང་དག་པར་གནས་པའི་སྲེད་པ་དང་རྒྱགས་པ་དང་ང་རྒྱལ་རྣམས་ལ་དངོས་པོ་ཉིད་
[164a.4]མ་ཡིན་སྟེ། བདག་ཏུ་བྱ་བ་ལ་རེག་པར་བྱེད་པ་དག་ལ་སྤང་#བ་རྣམ་པར་གཞག་པ་ལ་རྒྱུ་ཡིན་ནོ། །ཐ་སྙད་ལྷན་ཅིག་སྤྱོད་པ་དང་ཉོ་ཚོང་ལྷན་ཅིག་སྤྱོད་པ་འདི་བྱེད་པ་ཞེས་བྱ་བའི་ལན་རྣམ་པར་གཞག་པའོ། །འདིར་ཐ་དད་པ་ལ་བཟུང་བ་སྟེ། འདི་འདིར་མཐར་ཐུག་པ་ཞེས་བྱ་བ་འདི་ནི་མདོར་བསྡུས་
[164a.5]པའི་དོན་ཏོ། །རིན་པོ་ཆེ་ལ་ཡང་ཁས་ལེན་པ་ཉིད་ཐམས་ཅད་དུ་བྱ་བ་བསྒྲུབ་པ་ལ་སྒྲིབ་བྱེད་དུ་གྱུར་པ་གཞི་བྱེད་པ་ལྷག་མ་ལ་ཡང་ཐོབ་པར་བྱེད་པ་པོ་རུང་བ་ལ་སོགས་པ་ཐམས་ཅད་ལ་འདི་རྣམ་པར་གཞག་པས་སོ། །སྙད་གདགས་སུ་མི་རུང་བ་ལ་ནི་ན་སྨད་པ་ཉིད་དོ་ཞེས་བྱ་བ་ནི་སྙད་གདགས་སུ་མི་རུང་
[164a.6]བ་ནི་ཉོ་ཚོང་བྱར་མི་རུང་བ་སྟེ། དེ་ལ་རེག་པ་ལ་ཉེས་བྱས་ཞེས་བྱ་བའི་དོན་ཏོ། །འོག་མ་དག་ལ་ཡང་ངོ་ཞེས་བྱ་བ་ནི་#ཐ་སྙད་རྫོགས་པའི་བསླབ་པའི་གཞི་ལ་ཡང་ན་སྨད་པ་ཉིད་འདི་སྙད་གདགས་སུ་མི་རུང་བ་ལ་ཞེས་བྱ་བའི་དོན་ཏོ། །སྙད་གདགས་སུ་མི་རུང་བ་ཞེས་བྱ་བ་དེ་ཇི་ལྟ་བུ་ཞིག་ཡིན་པར་རིག་
[164a.7]པར་བྱ་ཞེ་ན། དེའི་ཕྱིར་དེ་ནི་གས་པ་དང་ཆག་པ་དང་དུམ་བུ་དང་ཚིག་པ་དང་སྔོན་མ་སྤྱད་པ་དང་མ་བྱས་པ་དང་#མཚན་དང་མི་ལྡན་པ་དང་བཅོས་པའོ་ཞེས་བྱ་བ་སྨོས་ཏེ། དེ་ནི་ཞེས་བྱ་བ་ནི་སྙད་གདགས་སུ་མི་རུང་བའོ། །གས་པ་ཉིད་དང་ཆག་པ་ཉིད་དང་ཞེས་བྱ་བ་ནི་སེར་ག་བྱུང་བ་སྟེ། འབྱར་ཀྱང་རུང་མ་
[164b]
[164b.1]འབྱར་ཀྱང་རུང་བ་དང་བུ་ག་བྱུང་བའོ། །ཚིག་པ་ཞེས་བྱ་བ་ནི་རིན་པོ་ཆེ་དེ་མེ་དང་ཕྲད་ནས་རིན་པོ་ཆེ་མ་ཡིན་པ་ཉིད་དུ་གྱུར་ཏེ། ཉོ་ཚོང་བྱར་མི་རུང་བར་གྱུར་པ་ཡིན་པར་ཤེས་པར་བྱའོ། །པ་ཎ་ནི་#མངོན་མཚན་ལྷག་པ་#ཡོད་པ་ཉིད་དུ་ཉམས་པ་ཡིན་གྱི་ཐམས་ཅད་ཀྱི་ཐམས་ཅད་དུ་ཐལ་བར་གྱུར་པ་ནི་མ་ཡིན་ཏེ།
[164b.2]དེ་ལེན་པ་ལ་ཉེས་པ་མེད་པའི་ཕྱིར་རོ། །སྔོན་མ་སྤྱད་པ་ཞེས་བྱ་བ་ནི་ཐ་སྙད་འཇུག་པ་ཤེས་པར་གྱུར་པ་མ་ཡིན་པར་མངོན་མཚན་ཅན་ནོ། །པ་ཎ་ཉིད་ལ་འདི་སྦྱར་བར་བྱའོ། །རིན་པོ་ཆེ་ཉིད་ལ་ནི་མ་ཡིན་ནོ། །ཡང་ན་ཚིག་པ་ཞེས་བྱ་བ་ནི་བདར་བ་སྟེ། དང་པོར་དྲི་མ་ཅན་བསྲེགས་པས་ཀྱང་ངོ་། །མཚན་དང་
[164b.3]མི་ལྡན་པ་ཞེས་བྱ་བ་ནི་མཚན་ཉིད་དང་བྲལ་བའོ། །མ་བྱས་པ་ཞེས་བྱ་བ་ནི་གང་ལ་མཚན་ཉིད་ཁོ་ན་མ་བྱས་པའོ། །བཅོས་པ་ཞེས་བྱ་བ་ནི་གང་ཞིག་ས་དང་རྩྭ་དང་རྡོ་ལ་སོགས་པ་རྣམས་ལ་ནོར་བུ་དང་དང་#ཙེ་དང་མངོན་མཚན་ཅན་དང་རྒྱན་དང་འགྲོན་བུ་ལ་སོགས་པའི་རྣམ་པར་དབྱིབས་སུ་ཉེ་བར་བཀོད་
[164b.4]པའོ། །ཁ་མ་བསྒྱུར་བ་ནི་དེ་ལྟ་བུའི་ཚོན་གྱིས་#མ་བཅོས་པའོ། །འདིར་གཞུང་ནི་རྣམ་པར་འབྱེད་པ་ལས། དགེ་སློང་གིས་གསེར་གྱི་ཕྲེང་བ་ལ་རེག་ན་སྤང་བའི་ལྟུང་བྱེད་དོ། །དགེ་སློང་གིས་སོག་མའི་ཕྲེང་བ་ལ་རེག་ན་ཉེས་བྱས་སོ་ཞེས་བྱ་བ་ལ་སོགས་པ་གསུངས་པ་ཡིན་ནོ། །གསེར་དང་
[164b.5]དངུལ་ལ་རེག་པའི་སྤང་བའི་ལྟུང་བྱེད་དོ།། །།རྙེད་པ་འདོད་པ་ལ་ལྟུང་བ་འབྱུང་ངོ་ཞེས་བྱ་བ་ནི་ཁེ་སྤོགས་འདོད་པ་ཉིད་ཀྱིས་འདུན་པ་བརྗོད་པ་དེའི་ཕྱིར་འདིར་ནི་སྐྱེད་#ཕྱིན་ན་རྙེད་པ་ཡིན་གྱི་ཐོབ་པ་ཙམ་ནི་མ་ཡིན་ནོ་ཞེས་བྱ་བར་ཤེས་པར་བྱའོ། །བདག་ཉིད་ཀྱི་དོན་ཉིད་དུ་གཙོ་བོ་དེ་ལ་ཞེས་བྱ་བ་འདི་
[164b.6]ལས་རང་གི་དོན་ཉིད་ལ་དངོས་གཞི་སྟེ། སྦྱོར་བ་ལ་ནི་ཉེས་བྱས་སོ། །གཞན་གྱི་དོན་ཉིད་ལ་ནི་ཉེས་བྱས་དང་འདིའི་སྦྱོར་བ་ལ་ནི་ན་སྨད་པ་ཉིད་དེ་#ཞེས་བྱ་བ་རྟོགས་པར་བྱའོ། །ལྟུང་བ་འབྱུང་ངོ་ཞེས་བྱ་བ་ནི་དངོས་གཞི་འབའ་ཞིག་ནི་མ་ཡིན་ཏེ་སྦྱོར་བར་གྱུར་པ་ཡང་ངོ་། །ཕ་རོལ་པོ་ཁྱིམ་པ་ཉིད་དང་ཉེ་དུ་
[164b.7]མ་ཡིན་པ་ཉིད་ཡིན་ན་དངོས་གཞིའོ་ཞེས་བྱ་བ་ནི་ཕ་རོལ་པོ་གང་དང་ལྷན་ཅིག་ཏུ་འདིར་ཐ་སྙད་དུ་བྱེད་པ་དེ་གལ་ཏེ་ཁྱིམ་པ་ཉིད་དང་ཉེ་དུ་མ་ཡིན་པ་ཉིད་ཡིན་ན་དེ་ནས་འདིར་དངོས་གཞིའི་ལྟུང་བར་འགྱུར་ཞེས་བྱ་བའི་དོན་ཏོ། །འདིར་གཞུང་ནི་ཞུ་བ་ལས་ཉེ་དུ་རྣམས་དང་ལྷན་ཅིག་སྤྱོད་ན་ཉེས་བྱས་སོ་ཞེས་
[165a]
[165a.1]བྱ་བ་ནི་ཉེས་བྱས་སུ་གསུངས་པ་གང་ཡིན་པའོ། །དེ་བས་ན་འདིར་ཉེ་དུའི་ཚིག་འདི་ཡིན་ནོ། །གཞན་ཉེ་དུ་མ་ཡིན་པ་ཉིད་ཅེས་བྱ་བ་ནི་#འདིར་འགལ་ཟླའི་ཁྱད་པར་ཡོད་པ་ལ་འདིར་དངོས་གཞི་གང་དུ་ཞེ་ན། དེའི་ཕྱིར་སྐྱེད་#ཕྱིན་ནའོ་ཞེས་བྱ་བ་སྨོས་ཏེ། གང་གི་ཚེ་སྐྱེད་ཕྱིན་ན་#དེའི་ཚེ་
[165a.2]དངོས་གཞིའི་#ལྟུང་བར་འགྱུར་རོ། །སྐྱེད་མེད་ན་ནི་སྦྱོར་བ་ཙམ་དུ་ཟད་དོ་ཞེས་བྱ་བ་ལ་#ནོར་འཕེལ་བར་གྱུར་པའི་#ནོར་ལ་འདིར་སྤང་བ་ནི་སྦྱིན་པ་པོ་ཉིད་ལ་ཡང་དག་པར་གནས་པ་དགོས་#པར་བྱའོ། །རྩ་བ་དང་བཅས་པ་ལ་ལྟུང་བར་རིག་པར་བྱའོ། །སྐྱེད་#ཕྱིན་པའི་ནོར་བསྒྲུབ་པ་ལ་སྦྱིན་པ་པོ་ཉིད་ལ་
[165a.3]ཞེན་པས་རྣམ་པར་གཞག་ཅིང་དེ་ལས་སྐྱེད་#དུ་གྱུར་པ་མངོན་པར་ཞེན་པ་སྦྱིན་པ་པོ་ལ་བྱས་པ་ཉིད་དོ། །འོག་མ་ལ་ཡང་ངོ་ཞེས་བྱ་བ་ནི་ཉོ་ཚོང་གིས་ཀྱང་རྙེད་པར་འདོད་པ་ཉིད་ལ་ལྟུང་བ་སྟེ། ཉེ་དུར་མ་གྱུར་པ་ཉིད་དང་ཁྱིམ་པའི་བདག་ཉིད་ཅན་ཉིད་ལ་སྐྱེད་#ཕྱིན་པ་ཉིད་དུ་སྒྲུབ་ན་གཞན་ལ་དངོས་གཞིའོ། །
[165a.4]འདིར་ཅིའི་ཕྱིར་སྐྱེད་#བསྒྲུབ་པ་ལ་དངོས་གཞི་ཡིན་ཞེ་ན། དེའི་ཕྱིར་པ་ཎ་འམ་#རིན་པོ་ཆེས་སྤྱོད་པ་ལས་སོ་ཞེས་བྱ་བ་སྨོས་ཏེ། འདིར་རེག་གམ་རེག་དུ་འཇུག་པར་བྱེད་པ་དག་ལ་#སོ་སོར་བསྒྲུབ་པ་སྔོན་དུ་འགྲོ་བས་སྤང་བའི་ལྟུང་བྱེད་དུ་རིག་པར་བྱའོ། །ཉོ་བ་ལ་ཡང་རྙེད་པ་གྲུབ་ན་དངོས་གཞི་སྟེ། ཉོ་བ་མ་
[165a.5]ཡིན་པ་ལ་ཡང་རྙེད་པ་མ་གྲུབ་པ་ལ་ཉེས་བྱས་སོ། །ཉོ་བ་མ་ཡིན་པ་ལ་#སྔོན་དུ་འགྲོ་བའི་རྙེད་པ་ལ་ཡང་དངོས་གཞིའི་བྱས་པ་ཉིད་ཅེས་བྱ་བ་འདིར་#རྣམ་པར་གཞག་པ་འདི་རིག་པར་བྱའོ། །སྦྱོར་བ་ལས་ནི་གཅིག་པོ་ཉིད་དོ་ཞེས་བྱ་བ་ནི་སྐྱེད་#གྲུབ་པ་བས་མདུན་རོལ་དུ་ཇི་སྲིད་དུ་འདིར་ཐམས་ཅད་ལ་བསྒྲུབ་པ་དེ་ལ་
[165a.6]གཅིག་པ་ཉིད་དེ་ཐ་དད་པ་ནི་འགའ་ཡང་མ་ཡིན་ནོ། །མཐའ་ནས་ཕྱོགས་ཡོངས་སུ་བཙལ་བ་ལ་ཡང་འདི་ལྟ་བུར་གྱུར་པ་གཞན་ཐམས་ཅད་ལ་དེར་སྦྱོར་བའི་ལྟུང་བ་གཅིག་ཉིད་ཅེས་བྱ་བའི་དོན་ཏོ། །དེ་ལྟར་ཡང་འདིར་གཞུང་ནི་ཇི་སྲིད་དུ་རྙེད་པ་སྒྲུབ་#པར་མི་བྱེད་ཀྱི་བར་དུ་ནི་ཉེས་བྱས་སོ། །རྙེད་པ་
[165a.7]གྲུབ་ན་ནི་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་ཡིན་ནོ། །ཀུན་དགའ་ར་བ་འམ་དགེ་བསྙེན་དག་ཡོད་ན་བསྒོ་བས་དཀོན་མཆོག་གི་དོན་དུ་བསྐྱེད་པར་བྱའོ་ཞེས་བྱ་བ་ནི་གལ་ཏེ་ཀུན་དགའ་ར་བ་འམ་དགེ་བསྙེན་དག་ཡོད་པར་གྱུར་ན་དེ་གཉིས་འདིར་བསྐོ་བས་དཀོན་མཆོག་གི་དོན་དུ་སྦྱོར་
[165b]
[165b.1]བ་བྱེད་པ་ལ་ངེས་པར་སྦྱར་བར་བྱའི་རང་ཉིད་ཀྱིས་ནི་འཇུག་པར་བྱ་བ་མ་ཡིན་ནོ། །འདིར་གཞུང་ནི་མ་མོ་ལས་འདི་ལྟ་སྟེ་ཡངས་པ་ཅན་གྱི་ཚོང་པ་རྣམས་ཀྱིས་བཅོམ་ལྡན་འདས་ཀྱི་མཆོད་རྟེན་ཡང་བྱེད་དུ་བཅུག་གཙང་ཁང་བྱུར་བུ་ཡང་བྱེད་དུ་བཅུག་ནས། དགེ་སློང་རྣམས་ལ་མཆོད་རྟེན་དང་གཙང་ཁང་བྱུར་
[165b.2]བུ་གང་ཞིག་རལ་དུ་མི་འགྱུར་བའི་ཡོ་བྱད་རྗེས་སུ་གཏོད་པ་ན་དགེ་སློང་དག་འགྱོད་ཅིང་ལེན་པར་མི་བྱེད་ནས་སྐབས་དེ་དགེ་སློང་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་ར་བ་འམ་དགེ་བསྙེན་དག་གིས་མཆོད་རྟེན་ཞིག་རལ་དུ་མི་འགྱུར་བའི་ཡོ་
[165b.3]བྱད་བླང་བར་བྱ་ཞིང་བླངས་ནས་ཀྱང་བསྐྱེད་པར་བྱ་སྟེ། དེ་ལ་རྙེད་པ་ཇི་ཙམ་བྱུང་བ་དེས་མཆོད་རྟེན་ལ་མཆོད་པ་བྱ་བར་ངས་རྗེས་སུ་གནང་ངོ་ཞེས་གསུངས་སོ། །གཏའ་ཉིས་རིར་#བླང་བར་བྱའོ་ཞེས་བྱ་བ་ནི་ཆུད་མི་གཟན་པར་བྱ་བའི་ཕྱིར་འདི་སྤང་བ་མི་སྐྱེད་#པའི་ཡན་ལག་ཅེས་བྱ་བ་ཤུགས་ཀྱིས་
[165b.4]རྟོགས་པར་བྱའོ། །ཇི་ལྟར་འདི་བླངས་ནས་སྦྱར་བར་བྱ་ཞེ་ན། དེའི་ཕྱིར་དཔང་པོ་དང་ལོ་དང་ཟླ་བ་དང་ཉི་མ་དང་དགེ་འདུན་གྱི་གནས་བརྟན་དང་དགེ་སྐོས་དང་ལེན་པ་པོ་དང་རྫས་དང་སྐྱེད་#རྣམས་དབང་རྒྱར་བྲིས་ནས་སོ། །རྒྱུས་ཤེས་པས་དེ་གཞན་ལ་ཁོང་དུ་#ཆུད་པར་བྱའོ་ཞེས་བྱ་བ་སྨོས་ཏེ། དགེ་
[165b.5]སློང་གང་ལ་འཇུག་པ་འདི་དེས་འདི་ཙམ་ཞིག་འདི་ལས་སྤྱད་པ་དང་དེས་འདི་ཙམ་དུས་དེ་ལ་སྦྱིན་པར་བྱ་བ་ཞེས་བྱ་བའི་རྒྱུས་ཤེས་པར་གྱུར་པ་དེས་གཞན་གྱི་སྟེང་དུ་འདིའི་ལོ་རྒྱུས་ཤེས་པའི་དགེ་སློང་གང་ཞིག་གིས་#དེ་ལ་རིམ་པ་ཐོབ་ན་ཁོངས་སུ་ཆུད་པར་བྱ་བ་ནི་བརྗོད་པར་བྱ་ཞེས་བྱ་བའི་#དོན་ཏོ། །འདིར་གཞུང་
[165b.6]ནི་དགེ་སློང་གཉུག་མར་གནས་པ་རྣམས་ཀྱིས་དགེ་སློང་གློ་བུར་དུ་ལྷགས་#པ་རྣམས་ལ་གང་ཟག་ཆེ་གེ་མོ་ཞིག་ལས་ཟླ་བ་རེ་རེ་ཞིང་འདི་ཙམ་ཞིག་མནོད་དོ་ཞེས་བརྗོད་པར་བྱའོ་ཞེས་གསུངས་པ་ཡིན་ནོ། །མངོན་མཚན་ཅན་གྱི་སྤྱོད་པའི་སྤང་བའོ།། །།སྔར་བསྟན་མ་ཐག་པའི་བསླབ་པའི་གཞིར་
[165b.7]སྐྱེད་#ཕྱིན་ན་དངོས་གཞིའོ་ཞེས་སྨས་ན་སྤྱོད་པ་གང་གིས་ཡིན་པ་མ་བསྟན་པས་དེའི་ཕྱིར་གཞན་གྱིས་སོ་ཞེས་བྱ་བ་སྨོས་ཏེ། སྤྱོད་པ་ཞེས་བྱ་བར་སྦྱར་རོ། །པ་ཎ་དང་རིན་པོ་ཆེ་དག་གིས་སྔར་བསྟན་པ་དེ་བས་ན་དེ་དག་ལས་གཞན་པ་#གཞལ་བར་བྱ་བ་ལ་སོགས་པས་སྤྱོད་པ་ལས་སྐྱེད་#ཕྱིན་ན་ལྟུང་བ་འདིར་
[166a]
[166a.1]འགྱུར་རོ་ཞེས་བྱ་བའི་དོན་ཏོ། །རྙེད་པ་གང་ལ་མངོན་སུམ་མམ་བརྒྱུད་པས་སྐྱེད་#པ་ཉིད་དང་#པ་ཎ་དགོས་པ་ལས་སྐྱེས་པ་ཉིད་དེར་སྔ་མའི་ལྟུང་བའོ། །གང་དུ་ཇི་ལྟར་པ་ཎ་མི་དགོས་པ་ཉིད་དེ་ལ་འདི་ཞེས་བྱ་བ་འདིར་རྣམ་པར་གཞག་པར་རིག་པར་བྱའོ། །གང་དུ་པ་ཎ་གཞན་དང་ལྡན་
[166a.2]པ་ལ་དགོས་#པ་དེར་ཇི་ལྟར་བསྒྲུབ་པར་བྱ་ཞེ་ན། སྔར་གྱི་ལྟུང་བ་ཞེས་བྱ་བ་པ་ཎས་ཉོས་པ་ཐམས་ཅད་དེ་ལ་པ་ཎ་དགོས་པས་ཡང་དག་པར་རེག་པ་འདིར་སྐྱེ་བར་འགྱུར་རོ། །དགེ་འདུན་གྱི་#བཤོས་ཀྱི་ཕྱིར་དགེ་འདུན་གྱི་འབྲས་རིན་གྱིས་ཉོ་བ་ལ་སྦྱིན་པར་བྱའོ་ཞེས་བྱ་བ་ནི་འདོད་པ་མེད་པར་ཉེས་བྱས་ཀྱི་
[166a.3]སྤྱོད་པ་ལྷན་ཅིག་སྤྱོད་པ་ལ་དགའ་སྟོན་མ་ཡིན་པ་ལ་ཐོབ་པའོ། །དེ་བས་ན་མི་འཇུག་པར་གྱུར་པ་རྣམས་ཀྱི་སླད་དུ་ཚིག་འདིའོ། །ཆོས་དང་མི་ལྡན་པའི་དོན་ལ་ཐམས་ཅད་ཀྱིས་རང་གི་དོན་ནམ་གཞན་གྱི་དོན་དུ་འདོད་པ་མེད་པར་སྤྱོད་པ་ལྷན་ཅིག་སྤྱོད་པ་མི་བྱེད་པའོ། །ཆོས་དང་ལྡན་པ་རྗེས་སུ་
[166a.4]གནང་བ་ཉིད་འདི་ལས་གཞན་ལ་ཞེས་བྱ་བ་འདིར་གནས་པར་བྱའོ། །ཁྱིམ་པ་ཉོར་གཞུག་གོ། །མེད་ན་ལན་གསུམ་གྱི་བར་དུ་ཚིག་བརྗོད་པར་བྱའོ་ཞེས་བྱ་བ་འདི་ལ་ཆོ་ག་འདིས་ཉོ་བ་འམ། འཚོང་བ་#འདི་འདིར་བྱ་ཞེས་བྱ་བ་རྟོགས་པར་བྱའོ། །གལ་ཏེ་དེ་ཉིད་ཀྱི་ན་འཐེབ་དང་བཅས་པར་རོ་
[166a.5]ཞེས་བྱ་བ་ནི་གང་ཞིག་དགེ་འདུན་དབང་བའི་#འབྲས་ཀྱི་སོ་བ་གང་ཡིན་པ་ལས། གལ་ཏེ་དེ་ཉིད་ཀྱི་དགེ་འདུན་གྱི་བཤོས་ཀྱི་ཕྱིར་ཉོ་བར་བྱེད་ན་དེ་ནས་དེས་དེ་ལ་འཐེབ་དང་བཅས་པར་བསྐྱེད་དེ་སྦྱིན་པར་བྱའི་#རིན་ཐང་མཉམ་ཏེ་#སྦྱིན་པར་མི་བྱའོ་ཞེས་བྱ་བའི་དོན་ཏོ། །ཟད་ན་དགེ་འདུན་གྱིས་ཉོ་བར་བྱའོ་ཞེས་
[166a.6]བྱ་བ་ནི་འབྲས་སོ་མ་#ཟད་ན་སྐབས་ཉིད་ཀྱི་ཕྱིར་ཉོ་བར་བྱའོ། །སར་པ་ཡང་ངོ་ཞེས་བྱ་བ་ནི་དགེ་འདུན་གྱིས་ཉོ་བར་བྱའོ། །གལ་ཏེ་སྲོག་ཆགས་མེད་ན་རྙིང་པ་བཙོང་བར་བྱའོ། །རིན་ཐང་མི་གདབ་པོ་ཞེས་བྱ་བ་ནི་འདིའི་རིན་ཐང་འདིའོ་ཞེས་ཉོ་བར་མི་འདོད་པ་འམ་ཉོ་བར་འདོད་པ་རང་ཉིད་ཀྱིས་མི་བྱ་བའི་དོན་ཏོ། །
[166a.7]པ་ཎ་ལ་སོགས་པ་དང་འབྲེལ་པའི་སྤྱོད་པ་འདི་ལ་སོགས་པ་སྔར་དང་འབྲེལ་པར་རིག་པར་བྱའོ། །གཞན་ནི་འདི་དང་འབྲེལ་པའོ། །ཁྱིམ་པའི་ཉོ་ཚོང་དག་ཏུ་ལག་གཞུག་པར་མི་བྱའོ་ཞེས་བྱ་བ་ནི་པ་ཎ་ལ་སོགས་པ་སྤྱོད་པས་ཁྱིམ་པ་མ་ཡིན་པ་རྣམས་ཀྱི་ཉོ་བ་ལ་སོགས་པ་རྣམས་ལ་ཡང་ལག་གཞུག་
[166b]
[166b.1]པར་མི་བྱ་ཞེས་བྱ་བའི་དོན་ཏོ། །འོ་ན་རིན་ཐང་ཡོད་པ་ལ་དགེ་སློང་གིས་ཆོས་གོས་ལ་སོགས་པ་དག་ཇི་ལྟར་ཉོ་བར་བྱ་ཞེ་ན། དེའི་ཕྱིར་ཁྱིམ་པ་ཉོར་གཞུག་གོ་ཞེས་བྱ་བ་སྨོས་སོ། །ཁྱིམ་པ་མེད་ན་དེའི་ཚེ་སུས་ཉོ་བར་བྱ་ཞེ་ན། དེའི་ཕྱིར་མེད་ན་ལན་གསུམ་གྱི་བར་དུ་ཚིག་བརྗོད་པར་བྱའོ་ཞེས་བྱ་བ་སྨོས་
[166b.2]ཏེ། གལ་ཏེ་ཁྱིམ་པ་མེད་ན་དེའི་རིན་ཐང་ངེས་པར་གཅད་#པར་བྱ་ཞིང་དེ་ནས་ལན་གསུམ་གྱི་བར་དུ་དྲི་བའི་ཚིག་བརྗོད་པར་བྱ་སྟེ། རིན་འདི་ཙམ་གྱིས་བྱིན་ཅིག་ཅེས་ལན་གསུམ་གྱི་བར་དུ་བརྗོད་པར་བྱའོ་ཞེས་བྱ་བའི་དོན་ཏོ། །ཟོང་ལ་རྩེག་པ་ནི་གཞན་གྱི་དོན་དུ་ཡང་མི་བྱ་སྟེ། དཀོན་མཆོག་གསུམ་
[166b.3]ནི་མ་གཏོགས་སོ་ཞེས་བྱ་བ་ལ། ཟོང་ཞེས་བྱ་བ་ནི་ཀ་ཀ་ནི་དང་བ་ར་ཏ་ཀ་#ལ་སོགས་པའོ། །རྩེག་པ་ཞེས་བྱ་བ་ནི་ཉོ་བའི་ཚེ་ན་ཅུང་ཟད་ཅུང་ཟད་བསྐྱེད་པ་དང་། འཚོང་བར་བྱེད་པའི་དུས་ན་ཅུང་ཟད་འབྲིད་པ་སྟེ། དེ་ནི་གཞན་གྱི་དོན་དུ་ཡང་མི་བྱ་ན་རང་གི་དོན་དུ་ལྟ་སྨོས་ཀྱང་ཅི་དགོས། འདི་ནི་འགའ་ཞིག་
[166b.4]ཏུ་དཀོན་མཆོག་གསུམ་སྤངས་ནས་བསྐྱེད་པར་བྱ་ཞེས་བྱ་བའོ། །དཀོན་མཆོག་གསུམ་གྱི་དོན་དུ་ནི། དེ་བྱེད་པ་ལ་ཁ་ན་མ་ཐོ་བ་མེད་པ་ཞེས་བྱ་བའི་དོན་ཏོ། །གཏའ་གཞུག་པར་མི་བྱའོ་ཞེས་བྱ་བ་ནི། གཏའ་མ་ཉིད་ནི་གཏའ་མ་སྟེ། གལ་ཏེ་དེ་ཁོ་ན་ཉིད་མ་ཡིན་ན། བདག་གིས་འདི་
[166b.5]སྦྱིན་པར་བྱ་སྟེ། འདི་གཏའ་ཞེས་བྱ་བ་རྫས་སྦྱིན་པ་ནི་འདིའི་བྱེད་པའོ། །འདིར་གཞུང་ནི་དྲུག་སྡེ་རྣམས་ཡལ་ཟུག་འཁྲ་ཞིང་ལྷུང་བཟེད་ལ་སོགས་གཏར་འཇུད་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གི་ཡལ་ཟུག་འཁྲ་ཞིང་གཏའ་གཞུག་པར་མི་བྱའོ། །གལ་ཏེ་དགེ་སློང་ཡལ་
[166b.6]ཟུག་འཁྲ་ཞིང་གཏའ་འཇུག་ན་འགལ་ཚབས་ཅན་དུ་འགྱུར་རོ་ཞེས་གསུངས་པ་ཡིན་ནོ། །དགེ་འདུན་གྱི་རྫས་དེ་སྤོགས་པ་ལ་དགེ་འདུན་གྱི་ལས་བྱེད་པ་ལ་གཏད་དོ་ཞེས་བྱ་བ་ལ་རྫས་དེ་ཞེས་བྱ་བ་ནི་དགེ་འདུན་གྱི་རྫས་སོ། །སྤོགས་པ་ལ་ཞེས་བྱ་བ་ནི་ཉོ་བ་ལ་སོགས་པའི་སྤྱོད་པས་དགེ་འདུན་ལ་རྙེད་
[166b.7]པ་བསྒྲུབ་བྱ་ཞེས་བྱ་བ་ལ་སོགས་པ་གང་ཡིན་པ་དེ་ལ་དབྱིག་གཏད་པར་བྱའོ། །ཅི་རང་གི་དེ་གཏད་པར་བྱ་འམ་ཞེ་ན་མ་ཡིན་ཏེ། དེའི་ཕྱིར་དགེ་འདུན་གྱི་ལས་བྱེད་པ་ལ་གཏད་དོ་ཞེས་བྱ་བ་སྨོས་ཏེ། དམ་གཞག་པ་#ལ་སོགས་པ་ལ་དེ་གཏད་པ་རྗེས་སུ་བསྒྲུབ་པར་བྱ་ཞེས་བྱ་བའི་དོན་ཏོ། །འདི་
[167a]
[167a.1]བརྗོད་པར་བྱ་སྟེ། རྒན་རབས་རྒན་རབས་ལ་མ་ཞུས་པར་དགེ་འདུན་གྱི་དོན་དུ་བརྩོན་པར་མི་བྱའོ། །དེའི་ཚིག་ཡི་གེར་བྲི་བའི་དམ་གཞག་ལ་ནན་ཏན་བྱའོ་ཞེས་བྱ་བ་ནི་དུས་ག་གེ་མོ་ཞིག་གི་#ཚེ་འདི་ཙམ་ཞིག་གཏད་དོ་ཞེས་བྱ་བ་ལ་སོགས་པ། གང་དུ་ཡི་གེར་བྲི་བའི་དམ་གཞག་
[167a.2]གཏད་པ་འདི་ལ་བརྗོད་པར་བྱའོ། །དེ་བཞིན་དུ་རྫས་དེར་རིན་ཐང་འདི་ཙམ་གྱིས་ཉོས་ནས་འདི་ཙམ་ཞིག་ཏུ་བཙོངས་ཏེ་ཞེས་བྱ་བ་ལ་སོགས་པས་#གཏད་ནས་དུས་ཕྱིས་རྗེས་སུ་བསྒྲུབ་པར་བྱ་ཞེས་བྱ་བའི་དོན་ཏེ#། ཉོ་ཚོང་བྱེད་པའི་སྤང་བའོ།། །།བྱིན་གྱིས་མ་བརླབས་པའི་ཆོས་གོས་
[167a.3]འཆང་བའི་ཆོ་ག་གང་ཡིན་པ་ཡོད་ནའོ་ཞེས་བྱ་བ་དང་། ཞག་བཅུར་རྗེས་སུ་ཞུགས་པ་ཉིད་དོ་ཞེས་བྱ་བ་དང་། གཞན་གྱི་ཉི་མའི་དང་པོ་ལའོ་ཞེས་བྱ་བ་ལ་སོགས་པ་དེ་ཉིད་ལྷུང་བཟེད་ལ་ཡོད་ནའོ་ཞེས་བྱ་བ་དང་། རང་ཉིད་ཅེས་བྱ་བ་ལ་སོགས་པའི་གཞུང་ནི་རང་ཉིད་ལ་ལྟོས་ནས་གོས་ཡོད་པའོ། །
[167a.4]ཞེས་བྱ་བ་སྨོས་པའི་གནས་སུ་འདིར་ལྷུང་བཟེད་ཀྱིའོ་ཞེས་བྱ་བ་གཞུག་པར་བྱ་སྟེ། དེའི་ཕྱིར་ལྷུང་བཟེད་ཀྱིའོ་ཞེས་བྱ་བ་སྨོས་ཏེ། བྱིན་གྱིས་མ་བརླབས་པའི་འོ་ཞེས་བྱ་བར་སྦྱར་རོ། །ཡུལ་དང་ཡུལ་ཅན་གྱི་འབྲེལ་པ་ལ་དྲུག་པ་སྟེ། ལྷུང་བཟེད་དང་འབྲེལ་པའི་ཕྱིར་འདིར་ལྷུང་བཟེད་ལ་རང་
[167a.5]ཉིད་ཅེས་བྱ་བ་བརྗོད་དོ། །དེའི་ཕྱིར་གོས་ལ་ཞེས་བྱ་བ་འདི་དང་འདིའི་ཐ་དད་པའི་དོན་ཤེས་པར་མི་བྱའོ། །འཁོར་གསུམ་ཁེབས་པའི་མཐར་ཐུག་པའི་ཚད་ཅེས་བྱ་བ་འདི་ལ་འདི་མི་སྲིད་པའི་ཕྱིར་བཟློག་པའོ། །དེ་ལྟར་ན་འདིར་མདོ་འདི་འབྱུང་བ་སྟེ་ཡོད་ནའོ་ཞེས་བྱ་བ་དང་རང་གི་ཉིད་དོ་ཞེས་བྱ་བ་
[167a.6]དང་། ཞག་བཅུར་རྗེས་སུ་ཞུགས་པ་དེ་ཉིད་དོ་ཞེས་བྱ་བ་དང་། གཞན་གྱི་ཉི་མའི་དང་པོ་ལ་ལྷུང་བཟེད་བྱིན་གྱིས་མ་བརླབས་པ་དང་། བྱིན་གྱིས་བརླབས་པ་ཡོད་ནའོ་ཞེས་བྱ་བ་འདིར་བྱིན་གྱིས་མ་བརླབས་པ་དེའི་ཤན་ཚུན་ཆད་ནས་གཞན་དུ་ཞེས་བྱ་བའི་ཚིག་གིས་འདི་རྣམས་ནི་སྔར་གོས་འཆང་
[167a.7]བའི་སྤང་བའི་སྐབས་སུ་བཤད་ཟིན་ཏོ། །རབ་ཏུ་བྱུང་བ་ལ་ལྟོས་པའི་དོན་ཉིད་དུ་ངེས་པར་བྱས་པ་ནི་སྤངས་པ་ཉིད་ཡིན་ནོ་ཞེས་བྱ་བ་ནི། གང་ཞིག་རབ་ཏུ་བྱུང་བ་ལ་ལྟོས་པའི་དོན་ཉིད་དུ་ལྷུང་བཟེད་བསྡོས་ཤིང་ངེས་པར་བྱས་པ་གང་ཡིན་པ་དེ་ནི་སྤང་བ་ཉིད་ཡིན་པས་དེའི་ཕྱིར་འཆང་ཡང་སྤང་བར་
[167b]
[167b.1]མི་འགྱུར་རོ་ཞེས་བྱ་བའི་དོན་ཏོ། །སྐྱ་བ་དང་དཀར་བ་དང་། ཆེ་བ་རྣམས་ནི་རུང་བ་ཉིད་མ་ཡིན་ནོ་ཞེས་བྱ་བ་ནི་རུང་བ་ཉིད་མ་ཡིན་པའི་ཕྱིར་འདི་རྣམས་ལ་བྱིན་གྱིས་བརླབ་པར་བྱ་བ་མ་ཡིན་པས་དེ་བས་ན་ན་སྨད་པ་ལ་ལྟུང་བ་བསྟན་པའོ། །མ་ཚོས་པ་ཡང་ཆུང་ངུ་ཉིད་ཡིན་ནོ་ཞེས་བྱ་བ་ལ། རུང་བ་ཉིད་མ་
[167b.2]ཡིན་ནོ་ཞེས་བྱ་བའི་རྗེས་སྙེགས་#པའི་ཕྱིར་ཡང་ཞེས་བྱ་བའི་སྒྲ་སྨོས་སོ། །མ་ཚོས་པ་ཞེས་བྱ་བ་ནི་ལྷུང་བཟེད་ཀྱི་དོན་དུ་ཤིན་ཏུ་ཡང་མི་རུང་བ་ཉིད་དོ། །དེའི་ཕྱིར་ན་ནག་པོར་གྱུར་ཀྱང་། འདི་ནི་མི་རུང་བ་ཉིད་དོ། །འདིར་སྐྱ་བོའི་གཞུང་ནི་ཞུ་བ་ལས། ལྷུང་བཟེད་མ་ཚོས་པ་འཆང་ན་ཉེས་བྱས་སོ། །ལྷུང་བཟེད་
[167b.3]དཀར་པོ་འཆང་ན་ཉེས་བྱས་སོ་ཞེས་གསུངས་པ་ཡིན་ནོ། །འདིར་སྐྱ་བོ་དང་། ཆེན་པོ་དག་ལ་ལྟུང་བ་མེད་དོ། །ལྷུང་བཟེད་ཆུང་ངུ་ཡོད་དམ། ལྷུང་བཟེད་ཆེན་པོ་ཡོད་དམ། ལྷུང་བཟེད་སྐྱ་བོ་ཡོད་པར་གྱུར་ན་ཞེས་གསུངས་པ་ཡིན་ནོ། །སྨན་ཕོར་དུ་ཡོངས་སུ་སྤྱད་པའི་བསམ་པས་འཆང་ན་དེ་ལ་ལྟུང་བ་མེད་པར་གསུངས་
[167b.4]པ་ཡིན་གྱི། ལྷུང་བཟེད་ཀྱི་དོན་དུ་ནི་འདི་#རྣམས་ལ་འཆང་བར་བྱ་བ་ཉིད་མ་ཡིན་ནོ། །འདི་ལ་མི་འོས་པ་བྱིན་གྱིས་བརླབས་པ་ལ་ཁ་ཟས་ལ་ཡོངས་སུ་ལོངས་སྤྱད་པའི་དོན་ཉིད་དུ་འཆང་བ་ལ་ཉེས་བྱས་ཏེ། གཞན་ལ་ནི་ལྟུང་བ་མེད་དོ་ཞེས་བྱ་བའི་རྣམ་པར་གཞག་པར་རིག་པར་བྱའོ། །ལྷུང་བཟེད་
[167b.5]ཆུང་ངུ་གཅིག་ལ་ནི་ཉེས་པ་མེད་དོ་ཞེས་བྱ་བ་ནི་ལྷུང་བཟེད་ཆུང་ངུ་གཅིག་ལྷག་པར་འཆང་བ་ལ་ནི་ཉེས་པ་མེད་དོ། །གང་ཞིག་ལྷུང་བཟེད་ཆུང་ངུས་ལྗོངས་རྒྱུར་འགྲོ་བར་བྱའོ་ཞེས་གསུངས་པའི་ཕྱིར་དེ་ནི་འདིའི་ཆེན་པོ་ཉིད་འཆང་བ་ལ་བསྟན་པའོ། །ལྷུང་བཟེད་འཆང་བའི་སྤང་བའོ།། །།
[167b.6]ཧ་ཅང་ཆགས་པར་མི་བྱའོ་ཞེས་བྱ་བ་ནི་འདིར་གཞུང་ནི་གནས་མལ་གྱི་གཞིར་རོ། །ཡོ་བྱད་ཅེས་བྱ་བ་མདོ་དང་པོ་གཉིས་ཏེ་གོས་ཀྱི་གཞིར་རོ། །ཡོ་བྱད་ལ་ཧ་ཅང་ལྷག་པར་ཆགས་པར་མི་བྱའོ་ཞེས་བྱ་བ་ནི་མི་བྱའོ་ཞེས་བྱ་བར་སྦྱར་རོ། །རང་གི་ཞེས་བྱ་བར་སྦྱར་བར་གྱུར་པ་ཉིད་ཀྱིས་ཤེས་པར་
[167b.7]བྱའོ། །ཡོ་བྱད་ནི་ཆོས་གོས་ལ་སོགས་པའོ། །གང་ལ་ཞེན་པ་དེ་བཅང་བར་མི་བྱའོ་ཞེས་བྱ་བ་ལ་ཞེན་པ་ཞེས་བྱ་བ་ནི། ལྷག་པར་ཆགས་པའོ། །གང་དུ་ཞེས་བྱ་བར་#ལྷུང་བཟེད་ལ་སོགས་པ་ལས་བྱུང་བ་དེ་བཅང་བར་མི་བྱ་ཞེས་བྱ་བའི་དོན་ཏོ། །ལྷུང་བཟེད་ཀྱང་མེད་ན་བསླང་བར་བྱའོ་ཞེས་བྱ་
[168a]
[168a.1]བ་ནི་ལྷུང་བཟེད་ཡོད་པས་སློང་བའི་ཉེས་པ་གང་ཡིན་པ་དེ་མི་འབྱུང་ཞེས་བྱ་བ་བྱས་ཏེ། ཆོས་གོས་བླང་བར་རྗེས་སུ་གནང་བ་གང་ཡིན་པ་དེ་ལ་ལྟོས་པ་ནི། འདིར་ཡང་ནི་#སྒྲའོ། །མེད་པ་གང་ཞིག་ལྷུང་བཟེད་ཡོངས་སུ་ཚོལ་བའི་སོ་སོར་ཡང་དག་པར་ལྡན་པ་ཁ་ན་མ་ཐོ་
[168a.2]བར་འགྱུར་ཞེ་ན། དེའི་ཕྱིར་དེ་ཡོད་པ་ཉིད་ནའོ་ཞེས་བྱ་བ་སྨོས་ཏེ། ལྷུང་བཟེད་དེ་ཞེས་བྱ་བའི་དོན་ཏོ། །གཞན་ལ་ནི་ལྟུང་བ་མེད་ཅེས་བྱ་བ། ལྟུང་བའི་ཡུལ་ཉིད་ཀྱི་ཕྱིར་འདིའི་ཆོ་ག་བསྒྲུབ་པའོ། །ཇི་ལྟ་བུ་ཞིག་ཡོད་པ་ཉིད་ན་ཞེ་ན་དེའི་ཕྱིར། ལྷན་པ་བཞི་མན་ཆད་ནས་དེ་དག་རུང་ཞིང་། ཡོངས་
[168a.3]སུ་སྤྱད་བཟོད་པའོ་ཞེས་བྱ་བ་སྨོས་ཏེ། ལྷན་པ་བཞི་མན་ཆད་ནས་ནུས་པ་ཉིད་ཀྱིས་ལྷན་པ་འདི་ཙམ་རྣམས་ཀྱིས་དེ་ནས་བརྩམས་ཏེ། འདི་ལྟ་བུ་ཇི་སྲིད་ལྷུང་བཟེད་ཡོངས་སུ་ལོངས་སྤྱད་པར་ནུས་པ་དེའི་ཞེས་བྱ་བའི་དོན་ཏོ། །ཅུང་ཟད་སྐྱོན་མེད་པ་ཡང་ཤིན་ཏུ་སྙི་བ་ཉིད་ཀྱི་ཕྱིར་དང་། འཇམ་པའི་ས་
[168a.4]གཞི་རང་བཞིན་ཉིད་ཀྱི་ཕྱིར་ཡོངས་སུ་ལོངས་སྤྱད་པར་བཟོད་པར་འགྱུར་བ་དེ་བཟློག་པའི་དོན་དུ་ཡོངས་སུ་སྤྱད་པར་བཟོད་པའོ་ཞེས་བྱ་བའི་བྱེ་བྲག་གོ། །དེ་ཡོད་པ་ཉིད་ན་ཇི་ཞིག་ལྷག་པར་སྤྱད་ན་ཁ་ན་མ་ཐོ་བ་ཅི་འདྲ་བ་འགྱུར་ཞེ་ན། དེའི་ཕྱིར་ཁྱིམ་པ་ཉེ་དུ་མ་ཡིན་པ་ལས་བསླངས་པས་ཡོངས་སུ་
[168a.5]བཙལ་ནའོ་ཞེས་བྱ་བ་སྨོས་ཏེ། ཁྱིམ་པ་ཉེ་དུ་མ་ཡིན་པ་ལས་བསླངས་ཏེ་ཡོངས་སུ་བཙལ་ན་ཞེས་བྱ་བའི་དོན་ཏོ། །དེ་གཉིས་ནི་འོག་མ་གཉིས་ལ་ཡང་ངོ་ཞེས་བྱ་བ་ནི་འདིའི་འོག་མ་བསླབ་པའི་གཞི་གཉིས་པོ་གང་དག་ཡིན་པ་དེ་དག་ལ་ཡང་ཉེ་དུ་མ་ཡིན་པ་དང་། ཁྱིམ་པ་ཉིད་ཅེས་བྱ་བ་འདི་
[168a.6]གཉིས་རིག་པར་བྱའོ་ཞེས་བྱ་བའི་དོན་ཏོ། །ཐ་ག་པ་དང་། སྦྱིན་པ་དང་། གཞན་དག་ལའོ་ཞེས་བྱ་བ་ནི་ཐ་ག་པ་དང་། སྦྱིན་པ་དང་།# གཞན་དང་དེ་རྣམས་སོ། །དེ་དག་ཉེ་དུ་མ་ཡིན་པ་དང་། ཁྱིམ་པ་མ་ཡིན་པ་རྣམས་ལ་#ཞེས་བྱ་བའི་དོན་ཏོ། །གཞན་གྱིས་
[168a.7]བརྗོད་པའི་དོན་ལ་གཞན་ཞེས་བྱ་བའི་སྒྲས་དེ་བཟུང་བར་རིག་པར་བྱའོ། །ཉེ་དུ་མ་ཡིན་པ་ལྟར་ཉེ་དུ་ལས་ནི་སྐྱེད་#དང་ལྷུང་བཟེད་གཉིས་མ་གཏོགས་པ་ལ་ཉེས་པ་མེད་དོ་ཞེས་བྱ་བ་ལ། ཉེས་པ་མེད་དོ་ཞེས་བྱ་བ་ནི་སྐྱོན་མེད་པའོ། །ཉེ་དུ་མ་ཡིན་པ་ལྟར་ཞེས་བྱ་བ་ནི་འདི་ནི་རྒྱུ་མཚན་གྱི་བདུན་པ་སྟེ། ཉེ་དུ་མ་ཡིན་
[168b]
[168b.1]པའི་རྒྱུ་མཚན་ཅན་གྱི་ཉེས་པ་བསོད་པ་སློང་བ་ལ་སོགས་པ་གང་ཡིན་པ་ཉེས་པ་དེ་ལ་ཉེ་དུའི་རྒྱུ་མཚན་ཉིད་ཀྱིས་#ཡང་དག་པར་བརྟེན་པ་ལ་མེད་པའོ། །འཕེལ་བ་དོར་ནས་འཕེལ་བ་བརྟེན་པ་ཉིད་ལ་ནི་འདི་ལྟ་སྟེ། མངོན་མཚན་ཅན་#གྱི་སྤྱོད་པ་དང་ཉོ་ཚོང་གི་སྤྱོད་པ་དག་གིས་རྙེད་པ་གྲུབ་པ་དང་ལྷུང་བཟེད་ལ་
[168b.2]ཡང་འདི་དག་ལ་ན་སྨད་པ་ཉིད་ཅེས་བྱ་བའི་དོན་ཏོ#། །གང་ཞིག་ཉེ་དུས་བོས་པ་ལ་ལྟུང་བ་མེད་པའི་ཚིག་གོ། །འདིར་གཞུང་ནི་འདི་ཡིན་ཏེ་གཅེར་བུ་པ་ལ་སྦྱིན་ན་ཉེ་དུ་ཡིན་ན་ལྟུང་བ་མེད་དོ་ཞེས་གསུངས་པ་གང་ཡིན་པ་དང་། ཞུ་བ་ལས་ཀྱང་ཉེ་དུ་ལས་ཟས་བསོད་པ་བསླངས་ཏེ་རང་ཟ་བ་དང་གཅེར་
[168b.3]བུ་པ་ལ་སྦྱིན་ཞིང་སྡིག་པ་ཅན་གྱི་ལྟ་བའི་རྣམ་པ་དང་བྲལ་བར་འདོད་པས་སྦྱིན་པར་བྱེད་ན་ལྟུང་བ་མེད་དོ། །ཉེ་དུ་ཡིན་ན་ཡང་དེ་བཞིན་ནོ་ཞེས་གསུངས་པ་#ཡིན་ནོ། །ཞར་ལས་བྱུང་བ་བསྟན་ནས་གང་ཞིག་གང་གསུངས་པ། ཁྱིམ་པ་ཉེ་དུ་མ་ཡིན་པ་ལས་བསླངས་པས་ཡོངས་སུ་བཙལ་ནའོ་ཞེས་
[168b.4]གང་སྨྲས་པའི་ལྟུང་བ་དེའི་སྐབས་སུ་གཏོགས་པ་བསྟན་པའི་ཕྱིར་འདིར་འདི་བརྗོད་པར་བྱ་སྟེ། ཉེས་བྱས་སོ་ཞེས་བྱ་བ་ནི་འཚོལ་བ་ཙམ་ལས་ཉེས་བྱས་སུ་འགྱུར་ཞེས་བྱ་བའི་དོན་ཏོ། །དེ་ལས་གྲུ་པ་ན་དངོས་གཞིའོ་ཞེས་བྱ་བ་ལ། དེ་ལས་ཞེས་བྱ་བ་ནི་ཁྱིམ་པ་ལས་བླངས་པ་
[168b.5]བཙལ་ན་ཐོབ་པ་ལ་དངོས་གཞིའི་ཁ་ན་མ་ཐོ་བར་འགྱུར་རོ་ཞེས་བྱ་བའི་དོན་ཏོ། །མེད་པ་ཉིད་ལ་ཡོད་པའི་བློ་ཅན་ལ་ནི་ན་སྨད་པ་མེད་དོ་ཞེས་བྱ་བ་ནི་བདག་ལ་ལྷུང་བཟེད་གཞན་ཡོད་དོ་སྙམ་པའི་བློ་གང་ཡིན་པ་འདི་ཡོད་ཅིང་དེའི་ཚེ་གལ་ཏེ་འཚོལ་#བར་བྱེད་ན་རྙེད་པར་འགྱུར་བ་དང་ཡོད་པར་#འགྱུར་བའི་
[168b.6]ལྷུང་བཟེད་དག་གི་#ནང་ནས་གཞན་དག་ལ་མེད་པ་ཉིད་ལ་ནི་མེད་པ་སྟེ། དབྱེ་བ་ལ་སོགས་པས་འགྱུར་ན་དེ་ལ་ལྷུང་#བ་ལ་ན་སྨད་པ་ཉིད་དེ་#དངོས་གཞིའི་ལྷུང་#བ་ཉིད་ནི་མེད་དོ་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་འགའ་ཞིག་ཡོད་དེ་ལྷུང་བཟེད་མཆིས་བཞིན་དུ་ལྷུང་བཟེད་གཞན་ལ་བསླངས་པར་
[168b.7]གྱུར་ལ་ལྟུང་བར་མི་འགྱུར་བ་འགའ་ཞིག་མཆིས་སམ། བཀའ་སྩལ་པ་ཡོད་དེ། གལ་ཏེ་བསླངས་པ་དག་སྔ་ཕྱི་མེད་པར་ལྷུང་བཟེད་ཆག་#པར་གྱུར་ན་ལྷུང་#བ་མེད་དོ་ཞེས་གསུངས་པ་ཡིན་ནོ། །འདིར་སྤང་བ་མེད་པ་ལ་དགོངས་ནས་ལྟུང་བ་མེད་དོ་ཞེས་གསུངས་པ་ཡིན་པས་སྦྱོར་བ་མེད་པའི་
[169a]
[169a.1]དགོངས་པ་ཅན་ནི་མ་ཡིན་ནོ། །འདིར་ན་སྨད་པའི་ཚིག་གིས་དངོས་གཞིའི་ཉེས་བྱས་སོ། །སྦྱོར་བ་ལ་#ནི་འདི་མ་ཆོག་#པ་ཞེས་བྱ་བ་འདི་བསྟན་པའོ། །རང་གི་ཡོ་བྱད་དག་གིས་སོ། །དེ་དག་ཡོད་པ་ཉིད་ན་ཡང་ངོ་ཞེས་བྱ་བ་ནི་ཡོ་བྱད་རྣམས་ལ་ན་སྨད་པ་ཉིད་ཅེས་བྱ་བར་སྦྱར་རོ། །འདིར་
[169a.2]གཉིས་ཀའི་ཡོ་བྱད་རྣམས་ཀྱིས་ལྷུང་བཟེད་གཞན་ཚོལ་བར་བྱེད་ན་ཉེས་བྱས་ཏེ། ཡོད་ཅིང་བདོག་པ་ཉིད་ན་ལྷུང་བཟེད་ཚོལ་བར་བྱེད་ན་ཉེས་བྱས་ཞེས་བྱ་བའོ། །འདིར་ཡང་དངོས་གཞིའི་སླད་དུ་ལྟུང་བ་མེད་པར་བསྟན་ཏེ་སྦྱོར་བ་ལ་ནི་མ་ཡིན་ནོ། །རྗེས་སུ་གནང་བའི་སློང་བ་གཞན་ལ་ཡང་རང་གི་རིན་ཐང་ཡོད་ན་
[169a.3]འཇུག་པ་ལ་ཉེས་བྱས་སོ་ཞེས་བྱ་བ་འདི་ལ་རྟོགས་པར་བྱའོ། །བཟང་པོ་འདོད་པས་བརྗེ་ན་ཡང་ངོ་ཞེས་བྱ་བ་ནི། ལྷུང་བཟེད་བཟང་པོ་འདོད་པ་ལ་ནི་བཟང་པོ་འདོད་པ་སྟེ། ཚོལ་བར་བྱེད་པ་སྔོན་དུ་འགྲོ་བ་ཅན་གྱི་བཟང་པོ་དེའི་འདུན་པས་བརྗེ་བར་བྱེད་ན་ལྟུང་བ་ན་སྨད་པར་ཤེས་པར་བྱའོ། །བརྗེ་བས་
[169a.4]ལེན་ན་#ལྟུང་བ་མེད་དོ་ཞེས་བྱ་བ་གང་ཞིག་གསུངས་པ་ནི་བཟང་བ་འདོད་པ་མེད་པར་བརྗེ་བའི་དབང་དུ་བྱས་ཏེ་དེ་རིག་པར་བྱའོ། །ཁྱིམ་པ་ཉེ་དུ་མ་ཡིན་པ་ལས་བསླངས་ཏེ་ཐོབ་ན་དངོས་གཞིའོ། །མ་བསླངས་པར་བཙལ་ན་སྤངས་ནས་བརྗེ་བ་ཉེ་དུ་མ་ཡིན་པའི་ཁྱིམ་པ་འམ་གཞན་ལ་སྤངས་ཏེ་ཐོབ་པར་གྱུར་པ་ལ་བཟང་
[169a.5]པོ་འདོད་པས་ཀྱང་བརྗེ་བ་ཐམས་ཅད་དུ་སྦྱོར་བ་ལ་ནི་ཉེས་བྱས་སོ། །བཙལ་བ་མེད་པར་བརྗེ་བས་བཟང་པོ་འདོད་པ་ཉིད་མེད་པར་གྲུབ་ན་ནི་ལྟུང་བ་མེད་དོ་ཞེས་བྱ་བ་འདི་འདིར་གནས་པར་རིག་པར་བྱའོ། །ཞག་བཅུ་ལས་འདའ་བར་བྱེད་པ་ལ་སྤང་བའི་ལྟུང་བྱེད་གཞན་དུ་ཤེས་པར་བྱའོ། །འདི་ནི་དགེ་
[169a.6]འདུན་ལ་སྤང་ངོ་ཞེས་བྱ་བ་ནི་ལྷུང་བཟེད་ལྷག་པ་འདི་ནི་ཇི་ལྟར་སྤང་བ་གཞན་གང་ཟག་ལ་ནི་མ་ཡིན་ནོ། །ཅི་ལྷུང་བཟེད་ཐམས་ཅད་དགེ་འདུན་ལ་སྤང་བར་བྱ་བ་ཡིན་ནོ་ཞེ་ན། མ་ཡིན་ཏེ་དེའི་ཕྱིར་དུ་མ་ཉིད་ཡིན་ན་མཆོག་ཏུ་འདོད་པ་གཅིག་གོ་ཞེས་བྱ་བ་སྨོས་ཏེ། ལྷུང་བཟེད་ལྷག་མ་དུ་མ་ཉིད་དུ་#ཡིན་ན་མཆོག་
[169a.7]ཏུ་འདོད་པ་གཅིག་དགེ་འདུན་ལ་སྤང་བར་བྱའོ། །འོ་ན་ལྷག་མ་གཞན་སྤང་བར་བྱ་བ་འམ་མ་ཡིན་ཞེ་ན། དེའི་ཕྱིར་གཞན་ནི་ཐམས་ཅད་ཀྱི་ཐམས་ཅད་དུ་སྤང་བར་བྱ་བ་ཉིད་ཡིན་ནོ་ཞེས་བྱ་བ་སྨོས་ཏེ#། གང་དུ་ཡིན་ཞེ་ན། དེའི་ཕྱིར་རབ་ཏུ་བྱུང་བ་འདི་ལའོ་ཞེས་བྱ་བ་སྨོས་སོ། །ཞུ་བ་ལས་ལྷུང་བཟེད་ལྷག་
[169b]
[169b.1]མ་རྣམས་ནི་དགེ་སློང་རྣམས་ལ་བགོ་#བར་བྱའོ་ཞེས་གསུངས་པ་ཡིན་ནོ། །དགེ་སློང་ཞེས་སྨོས་པ་ནི་མཚོན་པ་ཙམ་དུ་ཟད་དེ་ཆོས་འདི་ལ་རབ་ཏུ་བྱུང་བ་ཐམས་ཅད་ཀྱང་སྤྱིར་བསྡུ་བའོ#། །དེ་ལ་ཐ་ཆད་སྦྱིན་པར་བྱའོ་ཞེས་བྱ་བ་ནི་སྤངས་པ་དེ་ཉིད་ལ་ནི་མ་ཡིན་ནོ། །གཞན་དུ་ན་ཡང་ལྷུང་བཟེད་ཐ་ཆད་གང་ཡིན་པ་དེ་
[169b.2]འདི་ལ་སྦྱིན་པར་བྱའོ། །འོན་ཏེ་དེ་ཉིད་དགེ་འདུན་དེ་ལ་ཐ་ཆད་འབྱུང་བར་འགྱུར་ན་དེ་ཉིད་ལ་སྦྱིན་པར་བྱ་བ་ཉིད་དོ། །བྲིམ་པས་བསྙིགས་#པར་བྱའོ་ཞེས་བྱ་བ་ནི་ཐ་ཆད་དེ་དགེ་འདུན་དེ་ལས་སོ། །བྱེད་པ་པོ་ཇི་ལྟ་བུས་བྲིམ་པས་དགེ་འདུན་ལས་ཐ་ཆད་དེ་བསྙིགས་#པར་བྱ་ཞེ་ན་དེའི་ཕྱིར་བསྐོས་#པས་སོ། །
[169b.3]དེས་སང་དེ་བྱེད་པར་འགྱུར་བ་ན་ཚོགས་ཀྱི་དུས་སུ་དགེ་འདུན་ལ་གཞལ་#བར་བྱའོ་ཞེས་བྱ་བ་སྨོས་ཏེ། དེ་ཞེས་བྱ་བ་ནི་བྲིམ་པ་ལ་བྱའོ། །དེ་ཞེས་བྱ་བ་ནི་བསྐོས་པས་སོ། །ཇི་སྐད་གཞལ་#བར་བྱ་ཞེ་ན། དེའི་ཕྱིར་ཚེ་དང་ལྡན་པ་དག་བདག་སང་ལྷུང་བཟེད་འབྲེལ་པ་མེད་པ་འདྲིམ་པར་འགྱུར་གྱིས་ཁྱེད་
[169b.4]ཅག་རང་རང་གི་ལྷུང་བཟེད་དག་ཐོགས་ལ་དགེ་འདུན་གྱི་ནང་དུ་གཤེགས་པར་མཛོད་ཅིག་ཅེས་སོ་ཞེས་བྱ་བ་སྨོས་ཏེ། ལྷུང་བཟེད་འབྲེལ་པ་#མེད་པ་ཞེས་བྱ་བ་ནི་ལྷུང་བཟེད་འདི་ཨུ་ན་དྷ་#ཏེ་འབྲེལ་པ་མེད་པ་དང་བྱིན་གྱིས་བརླབ་པར་བྱ་བ་མ་ཡིན་པ་དང་#། འཆག་པར་བྱ་བ་མ་ཡིན་པ་དང་། འབངས་བཞིན་
[169b.5]དུ་སྤང་བ་དང་བཅས་པ་ཞེས་བྱ་བ་འདི་ནི་འདིའི་མིང་ངོ་། །འཁོད་པའི་དོན་དུ་ནན་ཏན་བྱའོ་ཞེས་བྱ་བ་ནི་བསྐོས་པ་ཉིད་ཀྱིས་གཉིས་ཀ་དག་གི་སྔ་རོལ་དུ་ཞེས་བྱ་བའི་མདོ་འདི་ལས་ཇི་སྲིད་དུ་བསྐོས་པ་ལ་ཞེས་བྱ་བ་དབང་དུ་བྱ་བ་ཉིད་ལེན་པ་དང་མ་བླངས་པ་ཞེས་བྱ་བ་འདི་དག་ལ་ཤུགས་ཀྱིས་ལེན་པ་པོའི་བྱེད་#པ་པོ་
[169b.6]ཉིད་དུ་རྟོགས་པར་བྱའོ། །བསྔགས་པ་བརྩམ་ཞིང་དབུལ་བར་བྱའོ་ཞེས་བྱ་བ་ནི། དེས་ལྷུང་བཟེད་ཀྱི་དབང་དུ་བྱ་བ་སྟེ། རྣམ་པ་ཇི་ལྟ་བུའི་བསྔགས་པ་བརྩམ་ཞིང་དབུལ་བར་བྱ་ཞེ་ན་དེའི་ཕྱིར་གནས་བརྟན་ལྷུང་བཟེད་འདི་ནི་ཤིན་ཏུ་གསལ་བ་དབྱིབས་ལེགས་པ་ལོངས་སྤྱད་#བཟོད་པ་ལགས་ཀྱི་གལ་
[169b.7]ཏེ་བཞེད་ན་སྣོམས་#ཤིག་ཅེས་སོ་ཞེས་བྱ་བ་སྨོས་ཏེ། ཅི་འདི་ལྟ་བུ་ཉིད་#ཐམས་ཅད་ལ་བརྗོད་པར་བྱ་འམ་ཞེ་ན་དེའི་ཕྱིར་ཡོན་ཏན་ཇི་ལྟ་བ་བཞིན་དུའོ་ཞེས་བྱ་བ་སྨོས་ཏེ། འདི་ནི་དཔེ་ཡིན་ནོ། །གང་ལ་ཡོན་ཏན་གང་དང་གང་ཡོད་པ་དེ་དང་དེ་དག་ལ་བརྗོད་པར་བྱ་ཞེས་བྱ་བའི་དོན་ཏོ། །འདོད་ན་བླང་བར་
[170a]
[170a.1]བྱའོ་ཞེས་བྱ་བ་ནི་འདོད་པ་ཡོད་ན་གཟུང་#བར་བྱའོ། །མེད་ན་ནི་མ་ཡིན་ཞེས་བྱ་བའི་དོན་ཏོ། །བར་དུ་ཆོད་པས་བླངས་པ་བླང་བར་མི་བྱའོ་ཞེས་བྱ་བ་ནི་འདིར་གཅིག་གིས་བར་དུ་ཆོད་པ་ཉིད་ནི་བརྟེན་#པའོ། །གང་གི་ཕྱིར་གསུམ་པས་བླངས་པ་ན་དུ་མས་བར་དུ་ཆོད་པ་ཉིད་ལ་ནི་ཤིན་ཏུ་
[170a.2]ཡང་བླང་བར་མི་བྱ་བ་ཉིད་དུ་བྱའོ་ཞེས་བྱ་བ་འདི་བརྗོད་དོ། །སློང་བ་ཡོད་ན་ཚིག་གཉིས་པ་ལ་ནི་མི་སྦྱིན་ཞིང་གསུམ་པ་ལ་ནི་མ་ཡིན་ནོ་ཞེས་བྱ་བ་ནི་ཚིག་གསུམ་#པ་ལ་ནི་མི་རིགས་པ་མ་ཡིན་ནོ། །འབྲེལ་པ་མེད་པར་ཤིན་ཏུ་འདའ་བར་བྱེད་ན་ཞེས་བྱ་བ་འདི་ཙམ་ནི་འདིར་རྒྱུ་མཐོང་བ་ཡིན་ཏེ། དེ་བས་ན་གསུམ་
[170a.3]པའི་ཚིག་ལ་ཅི་ནས་#ཀྱང་སྦྱིན་པར་བྱ་བ་ཉིད་དོ། །ལྟུང་བ་བྱུང་བ་ལ་སྤང་བར་མི་བྱ་བ་ཉིད་དང་བྱིན་གྱིས་བརླབ་པར་མི་བྱ་བ་ཉིད་དག་གོ་བར་བྱའོ་ཞེས་བྱ་བ་ནི་བྱིན་གྱིས་བརླབ་པར་ཡང་མི་བྱ་བ་ཉིད་དང་། སྤང་བར་མི་བྱ་བ་ཉིད་ཅེས་བྱ་བ་#འདི་ལྟར་བསྐོས་པས་ལྟུང་བར་འགྱུར་བ་ལ་གོ་བར་བྱའོ་ཞེས་བྱ་བའི་
[170a.4]དོན་ཏོ། །ཉེ་བར་སྤྱོད་པ་ལ་མ་ཆག་གི་བར་དུ་དལ་བུ་དལ་བུས་སྤྱོད་ཅིག་ཅེས་སོ་ཞེས་བྱ་བ་ནི་ལྟུང་བ་#ལ་གོ་བར་བྱ་ཞེས་པ་ཉིད་དུ་རིམ་གྱིས་དལ་བུ་དལ་བུས་ཡོངས་སུ་ལོངས་སྤྱད་པར་བྱ་སྟེ། ཇི་སྲིད་དུ་ནམ་ཆག་པའི་མཐར་ཐུག་གི་བར་དུ་བཟུང་ནས་ཞེས་བྱ་བ་འདིས་འདི་བསྡུས་པའོ། །འདིར་འཆང་
[170a.5]བའི་ཉེས་པ་སྐྱེས་#པ་མེད་དོ་ཞེས་བྱ་བའི་ཆོ་ག་འདི་ཉིད་ཀྱི་ཕྱིར་རྟོགས་པར་བྱའོ། །དེ་གཉིས་ཀས་ཀུན་དུ་སྤྱད་པར་བྱའོ་ཞེས་བྱ་བ་ལ་གཉིས་ཀས་ཞེས་བྱ་བ་ནི་ལྷུང་བཟེད་དག་གིས་སོ། །དེས་ཞེས་བྱ་བ་ནི་ལྟུང་བ་བྱུང་བས་དེ་ཀུན་དུ་སྤྱད་པར་བྱའོ། །འདིའི་ཆད་པའི་ལས་ནི་འདི་ལྟ་སྟེ། ལྷུང་བཟེད་
[170a.6]གཞན་ལ་དད་པས་གཅོད་པའི་དོན་དུའོ#། །དེ་ལ་ཡོ་བྱད་ཆེས་བཟང་པོ་ངེས་པར་སྦྱར་བར་བྱའི་#ཞེས་བྱ་བ་ནི་གང་འདི་ཐ་ཆད་འདི་ལྟ་བུ་བྱུང་ནས་འདི་ལ་སྦྱིན་པ་དེ་ལ་ལྷུང་བཟེད་ཀྱི་#སྣོད་དང་ཁ་གཡོགས་ལ་སོགས་པ་ཡོ་བྱད་ཆེས་བཟང་པོ་ངེས་པར་སྦྱར་བར་བྱ་བའོ#། །སྤྱོད་པ་ནི་ཆེས་ཡང་བའོ་ཞེས་བྱ་བ་ནི་
[170a.7]བསོད་སྙོམས་བླང་བ་ལ་སོགས་པ་ལ་ངེས་པར་སྦྱར་བར་བྱའོ། །ཟས་ཀྱི་བྱ་བ་ཉིད་ལ་ནི་མི་བྱ་བ་ཁོ་ནའོ་ཞེས་བྱ་བ་ནི་ཟས་བཟའ་བའི་བྱ་བ་བསྒྲུབ་པ་ཉིད་ལ་ནི་འདི་ངེས་པར་སྦྱར་བར་མི་བྱ་བ་ཁོ་ནའོ། །ལྷུང་བཟེད་ཚོལ་བའི་སྤང་བའོ།། །།གང་དུ་འཐག་ཏུ་འཇུག་པའི་སྤང་བར་འགྱུར་ཞེ་ན།
[170b]
[170b.1]དེའི་ཕྱིར་རིན་ཐང་མེད་པར་བསྒོ་བས་སམ་གཞན་གྱིས་ཀྱང་འཐག་ཏུ་བཅུག་ནའོ་ཞེས་བྱ་བ་སྨོས་ཏེ། ཁྱིམ་པ་ཉེ་དུ་མ་ཡིན་པ་ཞེས་བྱ་བ་སྔར་བསྟན་པའི་རིན་ཐང་མེད་པར་ངག་གིས་བསྒོ་བས་འཐག་ཏུ་བཅུག་ན་དངོས་གཞིའི་ལྟུང་བར་འགྱུར་རོ། །རང་གིས་བསྒོ་བ་གཅིག་པུར་མ་ཟད་ཀྱི་འོན་ཀྱང་ཕོ་ཉ་ལ་སོགས་
[170b.2]པ་གཞན་གྱིས་ཀྱང་འཐག་ཏུ་བཅུག་ན་དངོས་གཞིའི་ལྟུང་བ་ཁོ་ནའོ། །ཕན་ཚུན་བརྒྱུད་#ནས་བྱེད་དུ་བཅུག་ན་ན་སྨད་པའི་ཚིག་ལ་དམིགས་ཀྱིས་བསལ་བའོ། །འདིར་གླེང་གཞི་ལས་འདི་ཤེས་པ་ཡིན་ཏེ། བླངས་པའི་སྐུད་པ་ཉིད་འདི་ལ་མ་ཆོག་པར་སོང་བ་སྟེ། དགེ་སློང་གིས་#ཉེ་དུ་ལ་སྐུད་པ་བླངས་
[170b.3]ནས་ཐ་ག་པ་ཉེ་དུ་མ་ཡིན་པ་#ལ་འཐག་ཏུ་བཅུག་ནས་སློང་བ་པོ་དེ་ལ་ནི་ལྟུང་བ་མེད་ལ་ཐ་ག་#པ་ཉེ་དུ་མ་ཡིན་པ་ལ་#འཐག་ཏུ་བཅུག་པ་ནི་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་ཡིན་ནོ། །གཞན་ཉིད་དང་བཅས་པ་ལ་ནི་དེ་ལ་བྱས་པ་ཉིད་མ་ཡིན་ནོ་ཞེས་བྱ་བ་ནི་གཞན་དང་ལྷན་ཅིག་ཏུ་གང་གིས་གང་བྱེད་
[170b.4]པ་དེ་ནི་དེས་མ་བྱས་པར་གྱུར་པ་མ་#ཡིན་ནོ་ཞེས་བྱ་བའི་དོན་ཏོ། །ཉེ་དུ་དང་ཉེ་དུ་མ་ཡིན་པ་གཉིས་ཀ་ལས་འཐག་ཏུ་བཅུག་ན་ཡང་ཉེ་དུའི་ཕྱིར་ལྟུང་བ་མེད་ཀྱི་ཉེ་དུ་མ་ཡིན་པའི་དབང་གིས་སྤང་བའི་ལྟུང་བྱེད་དུ་འགྱུར་རོ། །བདག་ཉིད་དང་ཉེ་དུ་མ་ཡིན་པར་བཅས་པས་བདག་ཉིད་ལ་དགོས་པ་ཉིད་བྱ་བའི་ཕྱིར་
[170b.5]དགེ་སློང་བཟོ་བྱེད་པ་ལ་ཉེས་བྱས་ཞེས་བྱ་བ་#གསུངས་པ་གང་ཡིན་པ་དེ་འདིས་བསྡུས་པ་ཡིན་ནོ། །རིན་བྱིན་པ་དང་མ་བྱིན་པ་གཉིས་ཀ་ལ་འཐག་ཏུ་བཅུག་ན་ཡང་ཆོ་ག་འདི་རྣམ་པར་གཞག་པའོ། །འདི་ཡང་འདིས་བྱེ་བྲག་ཡོངས་སུ་མ་བཟུང་བའི་ཕྱིར་བསྡུས་པའོ། །འཐག་ཏུ་བཅུག་པའི་སྤང་བའོ།། །།
[170b.6]འཐག་པ་སྐྱེད་#པ་དང་འཕེལ་བར་འགྱུར་བའི་སྤང་བའི་#ཡན་ལག་གང་དག་བྱེད་པ་པོར་གྱུར་པ་དེ་དག་གང་ཞེ་ན། དེའི་ཕྱིར་བཏགས་#པར་བྱ་བ་བསམས་#པ་ལས་བྱུང་བ་ཉིད་དོ་ཞེས་ཏེ། བསམ་པ་དགོས་པ་འདི་ལ་ཡོད་པས་ན་སེམས་པའོ། །དེའི་དངོས་པོ་སེམས་པ་ལས་བྱུང་བའོ། །དེའི་ཞེས་བྱ་བ་འདིས་
[170b.7]ནི་ལྟུང་བ་བཟུང་བའོ། །ཁོ་ལག་ཆེ་བ་ཉིད་དང་འབྲས་བཟང་བ་ཉིད་ལ་ཐ་ག་པ་ངེས་པར་སྦྱར་བར་བྱའོ་ཞེས་བྱ་བ་ནི་རིང་བ་ནི་འདི་ཙམ་ཞེང་ཆེ་བ་ནི་འདི་ཙམ་ཞེས་བྱ་བ་ཁོ་ལག་ཆེ་བ་ཉིད་ལ་འདི་ངེས་པར་སྦྱར་བར་བྱས་པའོ། །གོས་གཞན་འདོད་པ་མ་ཡིན་པ་ལ་སྦྱིན་པ་པོས་དོན་གྱིས་བསྒྲུབ་པའོ། །གང་
[171a]
[171a.1]ཞིག་ཁོ་ལག་ཆེ་བ་ཉིད་ལ་ཚེ་དང་ལྡན་པ་ཐ་ག་པ་ཉིད་ལ་གོས་འདི་ཞེང་ཆེ་བ་དང་ཁྲུན་རིང་བ་དང་ཐར་གྱིས་ཞག་པ་དང་ཐག་རན་བཟང་བ་ལེགས་པར་གྱིས་ཤིག་ཅེས་གསུངས་པ་ཡིན་ནོ། །ཐག་རན་བཟང་བ་དང་བྱེར་ཟུག་སྙོམས་པ་དང་ཤས་བཟང་བ་དང་#སང་སེང་མེད་པ་ཞེས་བྱ་བ་རྣམ་པར་
[171a.2]བཤད་པར་སྦྱར་རོ།། །།འདིར་དོན་ལྷག་པར་བསྒྲུབ་པ་ནི་སྐྱོན་ཡིན་ཏེ། འདིར་དོན་ལྷག་པར་འགྱུར་རོ་ཞེས་བྱ་བ་གཙོ་བོ་ཉིད་དུ་ཤེས་པའོ། །གལ་ཏེ་སྦྱིན་བདག་གི་ཟད་ནའོ་ཞེས་བྱ་བ་ནི་གལ་ཏེ་དེ་འདི་ལྟར་ཐ་ག་པ་ལས་ངེས་པར་སྦྱར་བ་འཐོབ་པ་#ན་སྦྱིན་བདག་གི་སྐུད་པ་ལ་སོགས་པ་ཟད་པར་
[171a.3]གྱུར་ན་གཞན་ལ་བླངས་པས་གྲུབ་པ་ནི་འདིར་སྐྱོན་ཡིན་ཏེ་དེ་བས་ན་ཟད་པ་མེད་པ་ལ་འདི་མེད་པའོ། །འདིར་འཐག་པ་བསྐྱེད་པས་ནི་རིན་སྐྱེ་ལ་རིན་སྐྱེས་པ་ནི་སྦྱིན་བདག་གི་ཟད་པར་འགྱུར་བར་རིག་པར་བྱའོ། །རྔན་པ་མ་བྱིན་པ་ཡང་ངོ་ཞེས་བྱ་བ་ནི་དེ་ལྟར་ཡང་ཚེ་དང་ལྡན་པ་ཐ་ག་པ་འདི་ལྟར་ཁོ་བོས་
[171a.4]གླ་རྔན་ཅུང་ཟད་ཉིད་བསྒྲུབ་#པར་བྱའོ་ཞེས་བྱ་བ་རང་གིས་ཀྱང་འདིར་འབྲས་བཟང་བའི་དོན་དུ་འདིར་རིན་སྦྱིན་པ་ལ་འདིར་མི་སྡོད་པ་སྲིད་པའོ། །མི་སྡོད་ཅིང་ཉོ་བ་མེད་པར་ཡང་བླངས་པས་ཁོ་ལག་ཆེ་བ་ཉིད་དམ་འབྲས་བཟང་བ་ཉིད་དུ་མི་འགྱུར་ཏེ། ཉེ་བར་བསྒྲུབ་པ་འདི་ཡང་འཚོང་བ་མེད་པར་བླངས་པ་
[171a.5]ལ་སྐྱེ་བར་འགྱུར་རོ། །བླངས་པས་གཞན་ལ་བསྒྲུབས་#པས་ཏེ་འདིའི་དོན་དུ་མདོ་འདི་སྨྲས་སོ། །འདོད་པའི་ཚོང་བ་མེད་པ་འདིར་རྐུ་བ་ལ་ཡང་བསྐྱེད་པར་རིག་པར་བྱའོ། །སྦྱིན་པར་བྱེད་པས་དེའི་དོན་དུ་རྗེས་སུ་མ་གནང་བ་ལྟ་བུ་ནི་བྱེད་པ་པོ་དག་ཡིན་ནོ་ཞེས་བྱ་བ་ནི། འདི་རྗེས་སུ་མ་གནང་བ་ཁོ་ལག་
[171a.6]ཆེ་བ་ཉིད་དང་འབྲས་བཟང་བ་ཉིད་ལ་འདིའི་དོན་ཞེས་བྱ་བ་དེའི་རྗེས་སུ་མ་གནང་བ་ལྟུང་བའི་བྱེད་པ་པོ་འམ་གོས་དེའི་དངོས་པོ་ནི་དེ་ཉིད་དོ། །སུས་#རྗེས་སུ་མ་གནང་བ་ཞེས་བྱ་བ་སྨོས་པ་ལ་སྦྱིན་པར་བྱེད་པ་པོས་ཞེས་བྱ་བའི་ཚིག་གོ། །ཁས་བླངས་པ་ལེན་པར་མི་བྱེད་ཅིང་རིན་ཐང་ལ་འཇུག་པར་མི་བྱེད་ན་
[171a.7]སྦྱིན་བདག་མ་ཡིན་པ་ཡང་འདིར་སྦྱིན་པ་པོར་འགྱུར་རོ། །དེ་བས་ན་དེ་ལ་འདིས་མ་བཟུང་བ་ཉིད་དོ། །བླངས་པར་གྱུར་པས་རྗེས་སུ་གནང་བ་གང་ཡིན་པ་དེ་ལ་བླངས་པ་བསྒྲུབ་པ་ལས་ལྷག་པ་མ་ཡིན་ནོ། །དེ་ལ་ཡང་འདིར་སྐྱོན་ཉིད་ཅེས་བྱ་བ་འདིར་བརྗོད་པ་ལ་གོ་བར་གྱུར་པའོ། །དེ་བས་ན་
[171b]
[171b.1]བླངས་པ་མེད་པར་རང་དད་པས་མགྲོན་དུ་གཉེར་བ་མ་ཡིན་ན་རྗེས་སུ་གནང་བ་གང་ཡིན་པ་དེ་འདིར་བཟུང་བ་ཞེས་བྱ་བར་རྟོགས་པའོ། །འདིར་གཞུང་ནི་འདི་ལྟར་བཅོལ་བའི་མདུན་རོལ་དུ་#སྔར་རྗེས་སུ་མ་གནང་ན་ཞེས་གསུངས་པའོ#། །ཡན་ལག་འདི་རྣམས་ནི་ལྟུང་བའི་བྱེད་པ་པོ་ཡིན་ནོ། །འདི་རྣམས་ནི་
[171b.2]གང་དུ་སྟེ་ཇི་ལྟ་བུ་འཐག་པའི་བསླབ་པའི་གཞི་ཁ་ན་མ་ཐོ་བའི་བྱེད་པ་པོ་རྣམས་ཤེ་ན། གྲུབ་པ་ན་དངོས་གཞིའོ་ཞེས་བྱ་བ་སྨོས་ཏེ། གོས་གྲུབ་པའི་གནས་སྐབས་ན་དངོས་གཞིའི་ལྟུང་བའོ་ཞེས་བྱ་བའི་དོན་ཏོ། །མདུན་རོལ་དུ་དེའི་ཕྱིར་བསམས་#པ་ལས་བྱུང་བ་རྗེས་སུ་#བསྒྲུབ་པ་ཐ་དད་པ་ནི་ཉེས་
[171b.3]བྱས་ཀྱིའོ་ཞེས་བྱ་བ་ནི་གོས་གྲུབ་པའི་མདུན་རོལ་དུའོ། །ཕྱིར་ཞེས་བྱ་བ་ནི་གཅིག་དང་གཅིག་ཏུ་འདི་དང་འབྲེལ་པའི་བསམས་#པ་ལས་བྱུང་བ་རྗེས་སུ་བསྒྲུབ་པ་ལ་ཉེས་བྱས་ཀྱི་བྱེད་པ་པོ་རྣམས་ཏེ། དེའི་བསྒྲུབ་པ་ལ་བརྟེན་ནས་ཇི་སྲིད་དུ་རྩོམ་པ་གཅིག་ཏུ་གྱུར་པའི་རྗེས་སུ་བསྒྲུབ་#པ་དེ་སྲིད་དུ་འདིར་
[171b.4]གཅིག་རྗེས་སུ་བསྒྲུབ་པ་ཉིད་ཀྱིས་མངོན་པར་བརྟེན་པ་ཞེས་བྱ་བ་ཤུགས་ཀྱིས་ཤེས་པར་བྱའོ། །འདིར་གཞུང་ནི་དགེ་སློང་ཆོས་གོས་ཀྱི་དོན་དུ་ཇི་ཙམ་དུ་ཅུང་ཟད་ལག་པ་དག་འཁྲུ་བར་བྱེད་པ་དང་། ལྷུང་བཟེད་འཁྲུ་བར་བྱེད་པ་དང་འགྲོ་བ་དང་འོང་བ་#དང་བསོད་སྙོམས་ཐོབ་ནས་ཐ་ག་པ་ལ་
[171b.5]སྦྱིན་པར་བྱེད་ན་ཐམས་ཅད་དུ་ཉེས་བྱས་སུ་འགྱུར་རོ། །གོས་གྲུབ་ན་ནི་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་ཡིན་ནོ། །འདིར་ཡང་དང་ཡང་དུ་འདོད་པ་ཅན་ཇི་ཙམ་ཅུང་ཟད་ཅེས་བྱ་བ་དང་། ཐམས་ཅད་ཅེས་བྱ་བའི་ཚིག་ནི་རྣམ་པར་གནས་པ་ཡིན་ཏེ། །ལག་པ་འཁྲུ་བ་ལ་སོགས་པ་བསྒྲུབ་པར་
[171b.6]འདོད་པ་ནི་མ་ཡིན་ནོ། །འདི་རྣམས་ལ་རྩོམ་པ་གཅིག་ཉིད་དུ་གྱུར་པའི་ཕྱིར་ཞེས་བྱ་བ་དེ་ལྟར་གསུངས་སོ། །མ་བསྒོ་བས་ཉེ་བར་འགྲོ་བ་ནི་དེ་ཉིད་དོ་ཞེས་བྱ་བ་ལ། དེ་ཉིད་དོ་ཞེས་བྱ་བ་ནི་ཉེས་བྱས་སོ། །བདག་གི་དོན་བསྒྲུབ་པ་མ་བསྒོ་བར་དགའ་བ་ཙམ་གྱིས་ཉེ་བར་འགྲོ་བ་གང་ཡིན་པ་དེ་ནི་འདིར་བཟུང་
[171b.7]བ་སྟེ། གཞན་ལ་སྔར་བསྟན་པ་ལས་ལྷག་པ་མེད་པའི་ཕྱིར་རོ། །འདིར་གཞུང་ནི་ཞུ་བ་ལས། དགེ་སློང་གི་ཕྱིར་ཁྱིམ་པས་གོས་འཐག་ཏུ་བཅུག་ནས་དགེ་སློང་དེ་ཡང་ཉེ་བར་འགྲོ་ན་ཐ་དད་པར་མི་བྱེད་ཀྱང་ཉེས་བྱས་སུ་འགྱུར་རོ་ཞེས་གསུངས་པ་ཡིན་ནོ། །འཐག་ཏུ་འཇུག་པ་དང་འཐག་པ་
[172a]
[172a.1]བསྐྱེད་པའི་སྤང་བའོ།། །།#འཕྲོག་པའི་སྤང་བ་ལ་ཡན་ལག་གང་དག་བྱེད་པ་པོ་གང་ཡིན་ཞེ་ན། དེའི་ཕྱིར་དབྲལ་བར་བྱ་བ་དགེ་སློང་ཉིད་དོ་ཞེས་བྱ་བ་སྨོས་ཏེ། གང་ལས་གོས་ཕྲོག་#པར་བྱེད་པ་དེ་དགེ་སློང་ཉིད་ཡིན་ནའོ། །དབྲོག་པར་བྱ་བ་རང་གི་ཉིད་མ་ཡིན་ནོ་ཞེས་བྱ་བ་ནི་འདི་རང་
[172a.2]གིས་བྱིན་པ་ལ་འདིར་གལ་ཏེ་འདི་#བཟུང་ན་དབྲོག་པའི་ཉེས་པར་འགྱུར་རོ། །བདེ་བླག་ཏུ་གཞན་གྱིས་བྱིན་པ་ལ་ཉེས་པ་འདི་ལ་གཞན་གྱིས་དབྱུང་#བར་བྱ་བ་ཉིད་གསུངས་པ་ཁོ་ན་སྟེ། དོན་ལ་ནི་མ་ཡིན་ཏེ་སྦྱིན་བདག་གི་ཚིག་གི་སྤང་བ་བརྗོད་པའི་ཕྱིར་རོ། །དེའི་རང་གིས་བྱིན་#པ་ཞེས་བྱ་བ་འདིར་
[172a.3]གཟུང་#བར་བྱ་བ་མ་ཡིན་ནོ། །རྐུ་བའི་སེམས་མེད་པ་ལ་རང་གིས་བྱིན་པ་#གཞན་གྱིས་#དབྲོག་པ་ལ་ཁ་ན་མ་ཐོ་བ་འདིར་འགྱུར་རོ། །ཡོད་པ་ལ་ནི་#མ་སྦྱིན་པར་ལེན་པར་འགྱུར་རོ། །འདིར་ཚེ་དང་ལྡན་པ་ཀུན་དགའ་བོ་ལ་རང་གི་བློས་ཞུགས་པར་གྱུར་ཏེ། ཁྱོད་ལ་བདག་གིས་མི་སྦྱིན་ཞེས་བྱ་བར་#
[172a.4]གསུངས་པའི་ཕྱིར་རོ། །དེ་གོས་ཉིད་ཡིན་ནའོ་ཞེས་བྱ་བ་ནི་གླེང་གཞི་ལས་#དབྲོག་པར་བྱ་བ་ཐམས་ཅད་ལ་དགེ་སློང་གི་ཡོ་བྱད་ལ་དངོས་གཞིའི་ལྟུང་བ་བྱེད་པ་ཉིད་དུ་གསུངས་ཏེ། ཤིན་ཏུ་ལྕི་བ་ཡང་འདིར་འཇུག་པ་སྤངས་#པ་ཉིད་ཙམ་ནི་འདིར་ལྷག་པ་སྟེ་ལྟུང་བ་ལ་བྱེ་བྲག་ཅུང་ཟད་ཀྱང་མེད་དོ། །
[172a.5]འདིར་ནི་#སླར་སྦྱིན་པར་བྱ་བ་ཉིད་སྤང་བ་ཉིད་དེ་འདི་ཡང་ལྟུང་བ་མེད་པ་ལ་ཡང་དངོས་པོ་ལ་གཞན་#ཉིད་ཀྱི་ཕྱིར་འདིར་བྱད་(བྱེད་)པའི་རིགས་པ་ཉིད་དེ་དེ་བས་ན་དཔེ་འདི་ནི་གླེང་གཞིའི་དབང་གིས་བཟུང་བའོ། །དགེ་སྦྱོང་གི་ཡོ་བྱད་ཐམས་ཅད་ལ་ཡང་བྱེད་པ་པོ་ཉིད་ཅེས་བྱ་བ་རྟོགས་པར་བྱའོ། །དེའི་འམ་དེས་བསྐོས་
[172a.6]པའི་ལུས་སམ་ངག་བསྡུས་པ་འམ་ཐ་དད་པ་དག་གིས་དབྲོག་པའི་དོན་དུ་ཞུགས་པ་ལྟ་བུ་ནི་བྱེད་པ་པོ་ཡིན་ཞེས་བྱ་བ་ལ། བསྡུས་པ་འམ་ཐ་དད་པ་ཞེས་བྱ་བ་ནི་འདི་དག་ལ་སོ་སོར་ལྟུང་བ་མེད་དེ་འདིར་གཉིས་པོ་འདི་དག་ཉིད་ལ་ཡོད་པ་ཉིད་#ཅེས་བྱ་བ་འདིའི་འདི་བསྟན་པའོ། །དེའི་ཞེས་བྱ་བ་ནི་ལྟུང་
[172a.7]བ་འབྱིན་པར་བྱེད་པའི་འོ། །འདིར་གཞན་བྱེད་དུ་འཇུག་པ་འམ་བྱས་པ་ལས་བྱེ་བྲག་ཅེས་བྱ་བ་འདི་བརྗོད་པའོ། །འདིར་ཁ་ན་མ་ཐོ་བ་ཇི་ལྟ་བུ་གང་གི་#ཕྱིར་བྱེད་པ་པོ་དག་ཡིན་ཞེ་ན། དེའི་ཕྱིར་ལུས་ལས་ཐ་དད་པའི་དངོས་པོར་གྱུར་པ་མཐར་ཐུག་པ་ན་མཐའིའོ། །སྦྱོར་བ་ལ་ནི་ཉེས་བྱས་ཀྱིའོ་#ཞེས་
[172b]
[172b.1]བྱ་བ་སྨོས་ཏེ། འདིར་དབྲལ་བར་བྱ་བ་བསྟན་པ་གང་ཡིན་པ་དེའི་ལུས་#གང་ཡིན་པ་དེ་ལས་ཐ་དད་པའི་མཐར་ཐུག་པ་ལ་དངོས་གཞིའོ། །སྦྱོར་བ་ལ་ནི་ཉེས་བྱས་ཞེས་བྱ་བའི་དོན་ཏོ། །དེའི་ཕྱིར་སྦྱིན་པར་བྱ་བ་ཉིད་དོ་ཞེས་བྱ་བ་ལ། དེ་ནི་ཞེས་བྱ་བ་ནི་དབྲོག་པ་དེའོ། །འདིར་ནི་འཇུ་བར་འོས་པ་ཉིད་
[172b.2]མ་ཡིན་ཏེ་ཞེས་བྱ་བ་ནི་གཉིས་ཀ་བསྟན་པའོ། །འདིར་གཞུང་ནི་ལྷག་མ་ཡོད་པ་ཐམས་ཅད་སླར་བྱིན་ཅེས་གསུངས་པ་ཡིན་ནོ། །འདི་ལ་རང་གི་དོན་ཉིད་ཡན་ལག་མ་ཡིན་ནོ་ཞེས་བྱ་བ་ནི་འདིར་དགེ་སློང་ལ་བྲལ་བ་ཙམ་ནི་གཙོ་བོ་སྟེ་བདག་ཏུ་བྱ་བ་ནི་མ་ཡིན་ནོ། །རང་གི་དོན་དང་གཞན་གྱི་དོན་དུ་
[172b.3]ཞེས་བྱ་བ་ཁྱད་པར་ལ་མི་བསྟེན་#པའི་དབྲོག་པའོ། །དེ་བས་ན་གཞན་ངེས་པར་སྦྱོར་བས་བྲལ་བ་ལ་འདིར་དངོས་གཞིའི་ཁ་ན་མ་ཐོ་བ་ཉིད་ཅེས་བྱ་བ་གསུངས་པ་ཡིན་ནོ། །རྫོགས་པར་མ་བསྙེན་པ་ལ་#ནི་སྐྲོད་པ་དང་འདྲའོ་ཞེས་བྱ་བ་ནི་འདིར་སྐབས་མ་ཡིན་ཞེས་བྱ་བས་འདིར་ཞེས་བྱ་བའི་སྒྲ་འདི་
[172b.4]ལ། འདི་ཞེས་བྱ་བ་ཡོངས་སུ་གྱུར་པ་ལ་འབྲེལ་པའོ། །འདི་སྐྲོད་པ་ནི་དཔེར་ན་#གཙུག་ལག་ཁང་ནས་སྐྲོད་པ་ལ་དགེ་སློང་མ་ལ་སོགས་པ་རྣམས་ལ་སྐྲོད་པར་བྱེད་པ་ཉིད་དང་བསྐྲད་པར་བྱ་བ་ཉིད་ལ་ཉེས་བྱས་སུ་གསུངས་སོ། །ཁྱིམ་པ་རྣམས་ཀྱང་སྐྲོད་པར་བྱེད་པ་ནི་བསོད་ནམས་མ་ཡིན་པ་མང་
[172b.5]དུ་འཕེལ་བར་འགྱུར་བ་དེ་བཞིན་དུ་འདི་ཡང་འདི་རྣམས་ལ་ཁ་ན་མ་ཐོ་བ་ཞེས་བྱ་བའི་དོན་ཏོ། །དེ་ལྟར་ཡང་འདིར་དགེ་སློང་མ་ལ་སོགས་པ་རྣམས་ལ་དབྲོག་པ་ཉིད་ལ་གཞུང་ནི་དགེ་སློང་མ་དང་དགེ་ཚུལ་དང་དགེ་ཚུལ་མས་ནི་ཉེས་བྱས་ཀྱི་ལྟུང་བར་འགྱུར་རོ། །ཁྱིམ་པ་དང་ཁྱིམ་པ་མོས་ནི་བསོད་
[172b.6]ནམས་མ་ཡིན་པ་མང་དུ་འཕེལ་བར་འགྱུར་རོ་ཞེས་གསུངས་པ་ཡིན་ནོ། །འཕྲོག་པ་ནི་རྣམ་པ་གསུམ་སྟེ། རང་གི་ཉིད་སེལ་བར་གྱུར་པ་དང་གཞན་ནི་རྣམ་པ་གཉིས་ཏེ། བློ་གྲོས་ངན་པས་བྱས་པ་དང་། རིགས་དོན་གྱི་དབང་དུ་བྱས་པའོ། །དེ་ལ་བློ་གྲོས་ངན་པ་ནི་བློ་གྲོས་འདི་ནི་ལེགས་པ་
[172b.7]མ་ཡིན་ཏེ། མཆོག་མ་ཡིན་པ་དང་ལྷག་པའི་ཆོས་སུ་གྱུར་པ་ནི་མ་ཡིན་ནོ། །དེ་ལྟར་གང་ཞིག་གྲངས་སུ་འགྲོ་བ་དེས་སོ། །འདི་ལྟ་སྟེ་ཡི་ཆད་པར་གྱུར་ཅིག །གནོད་པར་གྱུར་ཅིག །མཐུ་བརྟན་#པར་གྱུར་ཅིག །སྟོབས་ཉེ་བར་གནས་པར་གྱུར་ཅིག་ཅེས་#འདིས་འདི་བྱ་སྟེ་སྦྱིན་པར་བྱའོ་
[173a]
[173a.1]ཞེས་བྱ་བ་ལྟ་བུ་སྟེ། དེ་ལ་ཅི་ཐམས་ཅད་རྣམ་པ་གསུམ་པོ་འདིར་རྟོགས་པར་བྱ་བ་འམ་འོན་ཏེ་ཐམས་ཅད་མ་ཡིན། གང་དུ་འདིར་ཅི་ཞིག་རྟོགས་པར་བྱ་ཞེ་ན། དེའི་ཕྱིར་འདི་ཉིད་བརྗོད་པར་བྱ་བ་སྟེ། དེའི་ཕྱིར་རང་གི་ཉིད་སེལ་བར་གྱུར་པའི་འཕྲོག་པ་འདིར་བསྡུས་པ་ཡིན་ནོ་ཞེས་
[173a.2]བྱ་བ་སྨོས་ཏེ། འདིར་ཞེས་བྱ་བ་བསླབ་པའི་གཞི་ལའོ། །དབྲལ་བར་བྱ་བའི་ཆོས་གོས་ཀྱི་ཐ་མ་ལས་དེ་#བསལ་བར་གྱུར་པ་འདིར་འཕྲོག་པ་བཟུང་#བ་གང་ཡིན་པ་དེའི་དོན་དུ་འཇུག་#པ་ལ་འདིར་སྦྱོར་བ་ལ་ཉེས་བྱས་སུ་བརྗོད་དོ། །མཐར་ནི་དངོས་གཞིའོ་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་གོས་
[173a.3]འོན་ཅིག་ཁྱོད་ལ་མི་སྦྱིན་ནོ་ཞེས་གསུངས་པ་ཡིན་ནོ། །བློ་གྲོས་ངན་པས་བྱས་པ་ནི་རྗེས་སུ་འཕྲོད་པ་ཡིན་ནོ་ཞེས་བྱ་བ་ནི་ཡི་ཆད་པར་གྱུར་ཅིག་ཅེས་བྱ་བ་བློ་གྲོས་ངན་པས་འཕྲོགས་#པ་གང་ཡིན་པ་བྱེད་པར་གྱུར་པ་ནི་རྗེས་སུ་འཕྲོད་པ་ཉིད་ཡིན་ནོ། །རྗེས་སུ་འཕྲོད་པ་ཉིད་ཀྱི་ཕྱིར་འདིར་ཉེས་བྱས་རྟོགས་པར་
[173a.4]བྱ་ཞེས་བྱ་བའི་དོན་ཏོ། །གནོད་པ་དང་མི་ཕན་པར་བྱེད་པ་ལ་འཇུག་པའི་གེགས་#བྱ་བའི་ཕྱིར་ནི་ལྟུང་བ་མེད་དོ་ཞེས་བྱ་བ་ནི་གནོད་པ་#བྱེད་པའི་ཕྱིར་འཇུག་པ་ལས་ཏེ། མི་ཕན་པར་བྱེད་པའི་ཕྱིར་རམ་གེགས་བྱ་བའི་ཕྱིར་འཕྲོག་པ་ལ་ལྟུང་བ་མེད་དོ། །འདིར་གཞུང་ནི་དོན་གཞན་དང་འདུལ་བའི་ཡོ་བྱད་ཀྱི་ཕྱིར་ནི་ལྟུང་
[173a.5]བ་མེད་པའི་ཚིག་ཅེས་བྱ་བའོ། །གཉིས་པོ་འདི་ལས་གཞན་དུ་ལྟུང་བ་འབྱུང་བར་འགྱུར་རོ། །འཕྲོག་པའི་སྤང་བའོ།། །།#དགོན་པ་#པའི་ཆོས་གོས་གཅིག་#ལ་ནི་འཇིགས་པ་དང་བཅས་པ་ཉིད་ཡིན་ན་གྲོང་ཡང་རང་གི་གནས་དང་འདྲའོ་ཞེས་བྱ་བ་ནི་དགོན་པ་ནི་འདིར་གནས་ཏེ་ཞེས་བྱ་བ་ནི་དགོན་པ་པ་
[173a.6]ཞེས་བྱ་བའི་ཚིག་གིས་རྟོགས་པའོ། །འདིར་ལོར་མ་ཚང་བ་ཉིད་ནི་འདིའི་བྱེ་བྲག་ཏུ་བྱུང་བ་ཡིན་ནོ། །རྣམ་པར་འབྱེད་པ་ལས་ཀྱང་འདིའི་དོན་གསུངས་ཏེ། ལོ་ཕྱི་མ་ལ་ཉེ་བར་འབྲེལ་པར་འགྱུར་ཏེ། དེ་ནི་འདིར་རྟེན་#པ་མ་ཡིན་ནོ། །གང་གི་ཕྱིར་འདི་ལ་ལྟུང་བ་བསྟན་པའི་གནས་སྐབས་སུ་ཡང་དག་
[173a.7]པར་རྟེན་#པ་ཡོད་པ་མ་ཡིན་ནོ། །འོ་ན་ཅིའི་ཕྱིར་དེ་བཟུང་ཞེ་ན། གླེང་གཞིའི་དབང་གིས་སྐབས་མ་ཡིན་པར་གྱུར་པའི་དོན་རྣམས་ལ་ཡང་བཟུང་བ་རྣམས་ཡོད་པར་འགྱུར་ཏེ། འདི་ལྟ་སྟེ་དཔེར་ན་རང་གིས་བླངས་པའི་སྐུད་པའི་ཞེས་བྱ་བ་དང་གཅིག་ཏུ་གོས་ཞེས་བྱ་བ་གང་གི་ཕྱིར་དེར་འབྲལ་བའི་ཉེས་པ་
[173b]
[173b.1]བསྐྱེད་པའོ། །ཆོས་གོས་གཅིག་ལ་ནི་ཞེས་བྱ་བ་གང་གི་ཕྱིར་དེར་འབྲལ་བའི་ཉེས་པ་བསྐྱེད་པའོ། །གྲོང་ཞེས་བྱ་བ་ནི་གང་ཞིག་དགོན་པ་དེའི་སྤྱོད་ཡུལ་དུ་གྱུར་པའི་ཞེས་བྱ་བ་ཤུགས་ཀྱིས་རྟོགས་པའོ། །འདིར་གཞུང་ནི་དེ་བས་ན་ཆོས་གོས་གསུམ་ལས་གང་ཡང་རུང་སྟེ། ཆོས་གོས་ཁྱིམ་གྱི་ནང་དུ་
[173b.2]གཞག་པར་བྱའོ་ཞེས་གསུངས་པ་ཡིན་ནོ། །དོན་གྱི་དབང་གིས་གྲོང་གཞན་དུ་འདུག་པ་དེ་ལས་ཞག་དྲུག་ཚུན་ཆད་དུ་དབྲལ་#བར་བྱའོ་ཞེས་བྱ་བ་ལ་འདིར་དབྲལ་#པར་བྱ་བ་ནི་འདུག་པའི་གནས་དང་། གྲོང་དེའི་ཕྱི་རོལ་གྱི་ཉེན་ཀོར་དུ་སྐྱ་རེངས་#ཤར་བའོ། །དེ་ལས་ཞེས་བྱ་བ་ནི་ཆོས་གོས་གཅིག་ལས་སོ། །
[173b.3]དེས་ཞེས་བྱ་བ་ནི་དགོན་པ་པ་སྟེ། གང་ཞིག་འདིའི་གྲོང་དུ་བརྗོད་པ་འདི་ལ་དེ་རྣམ་པ་གཞན་གྱིས་#གྲོང་ཁྱེར་གཞན་དུ་འདུག་པ་ཞེས་བྱ་བའི་ཐ་#ཚིག་གོ། །སྐྱབས་དང་བཅས་པ་ཉིད་དང་དབེན་པའི་གནས་ཡོངས་སུ་བཟུང་བའི་དོན་དུའོ། །དོན་གྱི་དབང་གིས་ཞེས་བྱ་བ་ནི། ཆོས་དང་ལྡན་པའི་དགོས་པའི་
[173b.4]དབང་གིས་སོ། །ཞག་དྲུག་ཚུན་ཆད་ཅེས་བྱ་བ་ནི་ཉིན་མཚན་དྲུག་པ་ཚུན་ཆད་དུའོ། །ལྷག་པ་ལ་ནི་བག་ཡངས་མེད་དོ་ཞེས་བྱ་བ་ནི་ཞག་དྲུག་པ་ལས་ལྷག་པ་འདིར་བྲལ་བའི་ཆོ་ག་ལ་འཇུག་པ་ཞེས་བྱ་བའི་དོན་ཏོ། །བག་ཡངས་ཀྱི་དབང་གིས་#དུས་ཐམས་ཅད་དུ་འདིར་ཉེས་པ་དང་བྲལ་བ་ཉིད་དུ་ངེས་
[173b.5]པ་ལ་འདི་གསུངས་སོ། །དེའི་ཕྱིར་འདི་ལ་བསླབ་པའི་གཞི་ཁོངས་སུ་བསྡུ་བ་ཉིད་ཀྱིས་བགྲང་བའོ། །འདི་ལ་ནི་དེའི་ཕྱོགས་གཅིག་ཏུ་གྱུར་པ་ཉིད་དོ། །བར་ཆད་ཀྱི་དབང་གིས་མ་འོངས་པ་ལ་ཉེས་པ་མེད་དོ་ཞེས་བྱ་བ་ནི། བར་ཆད་ཀྱི་དབང་གིས་མ་འོངས་པ་ལ་ལྷག་པར་ཡང་བག་ཡངས་དང་བྲལ་བའི་
[173b.6]ཆོ་ག་ལས་ཞེས་བྱ་བའི་དོན་ཏོ། །འདིར་བཙུན་པ་དགེ་སློང་དགོན་པ་བས་གྲོང་གཞན་དུ་ཆོས་གོས་བཞག་སྟེ་བགྱི་བ་འགའ་ཞིག་གི་#སླད་དུ་མཚམས་ཀྱི་སླད་རོལ་དུ་མཆི་ཞིང་དེ་ཉིད་དུ་སླར་བཟློག་པར་བགྱིའོ་སྙམ་པ་ལས་གལ་ཏེ་དེ་ལ་བར་ཆད་འགའ་ཞིག་བྱུང་ནས་སླར་མཆི་བར་རྔོ་མ་ཐོགས་#ན་ཆོས་གོས་
[173b.7]དེ་དང་འབྲལ་ཞེས་བགྱི་བ་ལགས་སམ། ཉེ་བ་འཁོར་མི་བྱའོ་ཞེས་གསུངས་པ་ཡིན་ནོ། །ཁ་ཅིག་འདི་ལྟར་རྣམ་པར་རྟོག་སྟེ་དགེ་སློང་དག་གིས་ཞག་དྲུག་ཕྱི་#རོལ་དུ་འགྲོ་བར་བྱའོ་སྙམ་དུ་བརྣག་པ་སྔོན་དུ་བྱས་ཏེ་ཕྱི་རོལ་དུ་འགྲོ་ཞིང་ཞག་ལས་འདས་པ་ལ་ནི་འབྲལ་བའི་ཉེས་པ་མེད་པ་ཡིན་གྱི། གལ་
[174a]
[174a.1]ཏེ་དེ་ལྟར་བརྣག་པ་མ་བྱས་པར་ཉིན་གཅིག་གམ་མཚན་གཅིག་འགྲོ་བར་བརྣགས་ཏེ་སོང་བ་ལས་ཞག་དྲུག་འདས་པ་དེ་ལ་ནི་ཉེས་པ་ཁོ་ནར་འགྱུར་སྙམ་དུ་རྟོག་པ་དག་ཡོད་པས་དེ་བསལ་བའི་ཕྱིར་འདིར་ཞག་དྲུག་ཏུ་འགྲོ་#བ་ཧ་ཅང་ཐལ་བ་ཉིད་ལ་ནི་བརྣག་པ་ཡན་ལག་མ་ཡིན་ནོ་ཞེས་བྱ་བ་སྨོས་
[174a.2]ཏེ། འདིར་ཞག་དྲུག་ཏུ་འགྲོ་བའི་དུས་དེ་ལ་#བརྣག་པ་བྱས་ནས་ཞག་དྲུག་འབྲལ་བར་གྱུར་པ་ལ་#ཉེས་པ་མེད་ཅེས་བྱ་བ་ནི་འདིར་རྣམ་པར་གཞག་པ་ཡོད་པ་མ་ཡིན་ཏེ། ཇི་ལྟར་ཡང་རུང་བར་འགྲོ་བ་ལ་ཉེས་པ་མེད་ཅེས་བྱ་བའི་དོན་ཏོ། །ཞག་དྲུག་#ན་འབྲལ་བའི་སྤང་བའོ།། །།#བདག་ཉིད་
[174a.3]གནས་#པར་ཁས་བླངས་པས་#ཁས་བླངས་པའི་ཉིན་མོའི་ཟླ་བ་སྔ་མའི་དང་པོ་ཚུན་ཅད་#ནས་དབྱར་གྱི་རས་ཆེན་བཙལ་བར་བྱའོ་ཞེས་བྱ་བ་ནི་གང་འདིའི་ལྟུང་བ་ཁས་བླངས་པའི་ཉིན་མོ་ནི་ཁས་བླངས་པའི་#ཞག་གང་ཞིག་འདིས་ཉེ་བར་འཁོར་བའི་ཕྱིར་སྔ་མའམ་ཕྱི་མ་འམ་#མངོན་པར་འདོད་པའི་ཉི་མའོ། །དེའི་
[174a.4]སྔ་མར་གྱུར་པའི་ཟླ་བ་གང་ཡིན་པ་དེའི་དང་པོ་གང་ཞིག་དེ་དང་པོར་བྱས་ནས་ཞེས་བྱ་བའི་དོན་ཏོ། །དབྱར་གནས་པའི་ཟླ་བ་ཕྱེད་ཀྱི་མཐར་དེ་གཟུང་#བར་བྱའོ། །རང་གི་སྔ་མའམ་#ཕྱི་མ་ཁས་བླངས་པའི་དབང་གིས་འདིའི་དབྱར་གནས་པའི་གང་ཞིག་རྣམ་པར་#གནས་པ་དེ་རྣམས་ལས་ལྷག་པར་གྱུར་པའི་ཟླ་བ་
[174a.5]ཕྱེད་གང་ཡིན་པ་དེའི་ཐ་མའི་དུས་ཀྱི་བར་དུ་འཛིན་པར་ཞེས་བྱ་བའི་དོན་ཏོ། །གྲུབ་པའི་སྐད་ཅིག་མ་ཚུན་ཆད་ནས་དོན་གྱིས་གོ་བའོ། །སྐྱ་རེངས་#ཤར་བ་ནི་ཉིན་མོ་ལ་སོགས་པའི་བར་རོ། །དེ་བས་ན་ཚེས་བཅུ་དྲུག་ལ་སྐྱ་རེངས་#ཤར་བ་ལ་འདིར་ལྟུང་བྱེད་དོ། །དབྱར་གྱི་རས་ཆེན་རྣམས་འདིར་བཟུང་བ་སྟེ།
[174a.6]ལོ་དུས་རྣམས་ལ་ནི་མ་ཡིན་ནོ་ཞེས་བྱ་བ་ནི་རང་གི་སྒྲས་རྟོགས་པར་བྱའོ། །འདིར་མདོ་ནི་ཟླ་བ་ཕྱེད་ཀྱིས་ལྷག་པར་དབྱར་གནས་པ་རྣམས་ཀྱིས་བྱ་སྟེ་བཅང་བར་བྱ་ཞེས་བྱ་བའོ། །འདིའི་རྣམ་པར་འབྱེད་པ་ནི་ཟླ་བ་ཕྱེད་དགོས་པ་ཞེས་བྱ་བ་དབྱར་གནས་བྱས་ཏེ་ཟླ་བ་ཕྱེད་ཀྱི་#ལྷག་མ་ནི་ལྷག་པར་#གྱུར་པ་འཆང་བའི་
[174a.7]དུས་ན་བཅང་བར་#བྱ་ཞེས་བྱ་བའི་མདོའི་ཚིག་འདི་ལ་དོན་འདིའོ། །ཡི་གེ་ཁ་ཅིག་ལས་འདི་ཤིན་ཏུ་བསལ་#བར་བརྗོད་པ་ཡིན་ཏེ#། བཙུན་པ་རེ་ཞིག་དགེ་སློང་གིས་དབྱར་གྱི་གོས་རས་ཆེན་རུང་བ་མ་ཡིན་པ་འཆང་བར་བྱེད་དེ། ལྷག་མ་ཟླ་བ་ཕྱེད་དང་ལྔ་#ལས་ལྷག་ན་ཅི་ལྟུང་བར་འགྱུར་རམ་ཉེས་བྱས་
[174b]
[174b.1]སུ་འགྱུར་རོ་ཞེས་བྱ་བའི་དོན་ཏོ། །དོན་མ་ཡིན་པ་ལ་ཡང་འདི་ལྟར་དུས་སུ་འཆང་བ་སྐྱེད་#པར་འགྱུར་བ་འདི་ནི་མི་རིགས་པ་མ་ཡིན་ཏེ། གང་གི་ཕྱིར་འདི་མྱུར་བ་ཞེས་བྱ་བ་ཉིད་དུ་འཇུག་པར་རིགས་པ་མ་ཡིན་ནོ། །གང་ཞིག་ཆོ་ག་འདི་ལས་འདའ་བར་བྱེད་པ་ལ་ཁ་ན་མ་ཐོ་བ་དེ་བསྟན་པར་བྱ་སྟེ། དེའི་ཕྱིར་
[174b.2]སྔོན་དང་ཕྱི་མ་གཉིས་ལས་དེ་མ་ཡིན་པའི་དུས་ནི་བྱེད་པ་པོ་ཉིད་དོ་ཞེས་བྱ་བ་སྨོས་ཏེ། བཙལ་བའི་དུས་དང་བཅས་#པ་ཇི་ལྟར་བསྟན་པ་ལས་སྔ་མ་དང་ཕྱི་མའི་དུས་དེ་དག་གི་དུས་ལྟུང་བའི་བྱེད་པ་པོ་ཉིད་ཅེས་བྱ་བའི་དོན་ཏོ། །གང་དུ་ཕྱི་མ་ལ་བྱེད་པ་པོ་ཉིད་གང་དུ་སྔ་མ་ལ་ཡིན་ཞེ་ན། དེའི་ཕྱིར་གཞན་དུ་
[174b.3]འཆང་བ་ལའོ་ཞེས་བྱ་བ་སྨོས་ཏེ། རིགས་པ་ལས་མ་འདས་པའི་འཆང་བའི་དུས་ལས་གཞན་པའི་དུས་ཏེ། དེ་འཆང་བ་ཡོད་པ་ལ་དངོས་གཞིའི་ཁ་ན་མ་ཐོ་བའི་བྱེད་པ་པོ་ཉིད་ཡིན་ནོ། །སྔར་བཙལ་བ་ལ་ནི་ཉེས་བྱས་ཀྱིའོ་ཞེས་བྱ་བ་ནི་བཙལ་བའི་དུས་སྔར་བསྟན་པ་བས་གང་ཞིག་གཞན་ནི་དུས་
[174b.4]ཏེ། དེ་བཙལ་ན་བཙལ་བ་ཙམ་ལ་ཉེས་བྱས་འདི་ལ་བྱེད་པ་པོ་ཉིད་མ་#ཡིན་ནོ། །#ད་ནི་དངོས་གཞི་ལ་དུ་ཡིན་ཞེ་ན། དེའི་ཕྱིར་གྲུབ་ན་མཐའིའོ་ཞེས་བྱ་བ་སྨོས་ཏེ། གང་གི་ཚེ་བཙལ་བར་གྱུར་པ་ལ་དེ་གྲུབ་པར་གྱུར་ན་དེའི་ཚེ་དངོས་གཞི་ཞེས་བྱ་བའི་དོན་ཏོ། །རྙང་རྙིང་ལ་ནི་ན་སྨད་པ་མེད་#དོ་ཞེས་
[174b.5]བྱ་བ་ནི་འདིར་གཞུང་ནི་ཞུ་བ་ལས། དབྱར་གྱི་གོས་རས་ཆེན་རྙང་རྙིང་དུ་གྱུར་པ་ཞིག་ཟླ་བ་ཕྱེད་དང་ལྔ་ལས་ལྷག་པར་འཆང་ན་ཉེས་བྱས་སོ། །དེ་བཞིན་དུ་དབྱར་གྱི་གོས་རས་ཆེན་བུག་རྡོལ་དུ་གྱུར་པ་ཞིག་ཧ་ཅང་མ་ཚོགས་ཏེ། ཚོལ་བར་བྱེད་ན་ཡང་ཉེས་བྱས་སོ་ཞེས་གསུངས་པ་ཡིན་ནོ། །དེའི་རྗེས་སུ་
[174b.6]འགྲོ་བ་ནི་ཁས་བླངས་པ་ཇི་ལྟ་བ་བཞིན་ནོ་ཞེས་བྱ་བ་ནི་རྗེས་སུ་འགྲོ་བ་ཁས་བླངས་པ་ནི་རྗེས་སུ་འགྲོ་བ་དང་འབྲེལ་པ་ལ་གང་ཅུང་ཟད་དེ་ཐམས་ཅད་ནི་ཁས་བླངས་པ་ཇི་ལྟ་བར་རིག་པར་བྱའོ། །གལ་ཏེ་སྔར་ཁས་ལེན་ན་དེའི་དབང་གིས་#དེ་ནས་དེའི་ཕྱི་མའོ། །འདི་ལྟ་སྟེ་མཐའི་ཞག་བཅུ་ལ་བརྟད་#པ་ལས་
[174b.7]བྱུང་བའི་གོས་བླངས་སོ་སྙམ་པའི་ཞག་བཅུ་པ་ལ་ཕྱི་མ་ཉིད་ཉེས་པ་མ་ཡིན་པའི་འབྱུང་གནས་ཉིད་དུ་གྱུར་པ་དབྱར་གྱི་གོས་རས་ཆེན་གྱིས་དབྱར་གནས་པར་བྱ་བའི་ཚད་ལ་ལྟོས་ནས་#དགག་དབྱེ་དང་སྲ་བརྐྱང་འདིང་བའོ#། །དབྱར་གྱི་#རས་ཆེན་གྱི་སྤང་བའོ།། །།#བརྟད་པ་ལས་བྱུང་བའི་སྤང་བ་ལ་དོན་
[175a]
[175a.1]གང་ཞིག་བྱེད་པ་པོ་ཉིད་ཡིན་ཞེ་ན། དེའི་ཕྱིར་དབྱར་གྱི་རྙེད་པ་ནི་བྱེད་པ་པོ་ཉིད་ཡིན་ནོ་ཞེས་བྱ་བ་སྨོས་ཏེ། དབྱར་གནས་པའི་ཕྱིར་རྙེད་པ་གང་ཡིན་པ་ལ་སྟེ། གཞན་དབྱར་གྱི་རྙེད་པ་ལ་ནི་མ་ཡིན་ཞེས་བྱ་བའི་དོན་ཏོ། །འདིའི་བྱེད་པ་པོ་ཉིད་གང་དུ་ཡིན་ཞེ་ན། དེའི་ཕྱིར་དབྱར་
[175a.2]གྱི་ནང་ལོགས་སུ་བདག་གིར་བྱེད་ནའོ་ཞེས་བྱ་བ་སྨོས་ཏེ་དབྱར་གནས་པར་བྱ་བའི་#ནང་རོལ་དུ་བདག་གིར་བྱེད་ནའོ་ཞེས་བྱ་བའི་དོན་ཏེ། །དེ་ལ་དམིགས་ཀྱིས་བསལ་བར་བྱ་བར་འདོད་ནས་བརྟད་པའི་དབང་གིས་མཐའ་#ཞག་བཅུ་ལ་རྙེད་པ་ནི་མ་གཏོགས་སོ་ཞེས་བྱ་བ་སྨོས་ཏེ། མཐའི་ཞག་བཅུ་ལ་བརྟད་
[175a.3]པ་ཙམ་ཉེ་བར་བརྟགས་པས་བྱས་པ་#ལ་ཉེས་པ་མེད་དོ་ཞེས་བྱ་བའི་དོན་ཏོ། །བརྟད་པ་ལས་བྱུང་བའི་གོས་ལྔ་པོ་ནད་པ་ལ་སྦྱིན་པ་དང་། ནད་པའི་ཕྱིར་སྦྱིན་པ་དང་། འཆི་བ་ལ་སྦྱིན་པ་དང་། འཆི་བའི་ཕྱིར་སྦྱིན་པ་དང་། འགྲོ་བར་ཆས་པ་ལ་སྦྱིན་པ་ཞེས་བྱ་བ་བརྟག་#པ་ལས་བྱུང་བ་ལྔ་པོ་རྣམས་ལ་
[175a.4]འདིར་བཟུང་ངོ་ཞེས་གསུངས་པ་གང་ཡིན་པ་དེ་ནི་དཔེ་ཙམ་དུ་རྣམ་པར་གནས་པའོ། །རྒྱལ་པོ་དང་ཆོམ་རྐུན་དང་རིགས་རྒྱུད་དང་ཆུ་ལ་སོགས་པས་ཁྱེར་དུ་དོགས་པ་དང་། ཡོངས་སུ་ཟད་པ་ཁས་བླངས་པ་ལྟ་བུ་སྐྱེས་པའི་ཞག་ལ་སོགས་པའི་སྐབས་སུ་བླང་བར་བྱེད་པ་པོའི་ཁོངས་སུ་བསྡུས་པ་
[175a.5]མཆོད་གནས་བགོ་སྐལ་ལ་གཏོགས་པའི་འཆིར་དོགས་པ་ལ་སོགས་པ་དག་ཀྱང་འདི་རྣམ་པར་གཞག་པ་སྟེ། དེ་བས་ན་བརྟད་པ་ཙམ་ཉེ་བར་བརྟགས་པའོ། །དེ་བགོས་ན་ཡང་ངོ་ཞེས་བྱ་བ་ནི་བརྟད་པའི་དབང་གིས་ཀྱང་རྙེད་པར་འགྱུར་བ་ལ་དབྱར་གྱི་ནང་ལོགས་སུ་བོག་ན་ཡང་བྱེད་པ་པོ་ཉིད་ཡིན་པ་
[175a.6]དང་། དབྱར་གྱི་རྙེད་པ་གཞན་གཅིག་པུ་ལ་མ་ཡིན་ཞེས་བྱ་བའི་དོན་ཏོ། །འདིར་གཞུང་ནི་བླང་བར་བྱ་ཞིང་བླངས་ནས་ཀྱང་གོས་འགྱེད་པའི་དུས་#ལ་མ་བབ་ཀྱི་བར་དུ་ཆོངས་ཤིག་ཅེས་བྱ་བ་གསུངས་པའི་ཕྱིར་རོ། །འདིར་བགོ་བར་མི་བྱ་བའི་ཚིག་ནི་མངོན་པར་འདོད་པ་སྟེ། རྣམ་པར་བགོས་
[175a.7]པས་མ་ཡིན་ཞེས་བྱ་བར་རྟོགས་པའོ། །བརྟད་པ་ལས་བྱུང་བའི་དབྱར་གྱི་རྙེད་པ་ལ་དབྱར་གྱི་ནང་ལོགས་སུ་བགོ་བར་མི་བྱ་བའི་རྣམ་པ་ལ་ཡང་བདག་ཏུ་སྤང་བའོ། །བརྟད་པ་ལས་བྱུང་བའི་བགོ་བ་ལ་ཡང་བགོ་བ་ཉིད་དོ་ཞེས་བྱ་བ་འདིར་རྣམ་པར་གཞག་པའོ། །གཙུག་ལག་ཁང་གང་དག་ན་ཆོས་གོས་ཀྱི་ཟོང་ངེས་
[175b]
[175b.1]པར་གྱུར་པ་ཡོད་པ་དེ་ལ་བསྒྲུབ་པ་གང་ཡིན་ཞེ་ན། བཟུང་བ་ཉིད་ན་དེ་བདག་ཏུ་བྱ་བ་ཉིད་དེ་མདུན་དུ་བྱ་བ་ནི་མ་ཡིན་ནོ་ཞེས་བྱ་བའོ། །མ་#བགོས་ན་ཡང་ངོ་ཞེས་བྱ་བ་ནི་དེ་ཞེས་བྱ་བའི་རྗེས་སུ་སྦྱར་རོ། །བརྟད་པའི་དབང་གིས་གཞན་དབྱར་གྱི་བཟུང་བ་ལ་མ་བགོས་པ་བྱེད་པ་པོ་ཉིད་ཅེས་བྱ་བའི་དོན་ཏོ། །
[175b.2]དངོས་གཞི་བདག་གིར་བྱེད་པ་དང་། འགོད་པ་དང་མི་འགོད་པ་རྣམས་ལ་བྱེད་པ་པོ་ཉིད་འདིར་བརྗོད་པར་རིག་པར་བྱའོ། །འདིར་གཞུང་ནི་དགེ་སློང་གིས་དབྱར་གྱི་ནང་ཚུན་ཆད་དུ་དབྱར་གྱི་རྙེད་ལ་#འགོད་པར་བྱེད་དམ་གོས་འགྱེད་པར་བྱེད་པའི་དུས་ལས་འདས་པའི་བར་དུ་འཆང་བར་བྱེད་ན་ཐམས་
[175b.3]ཅད་དུ་སྤང་བའི་ལྟུང་བྱེད་དུ་འགྱུར་རོ་ཞེས་བྱ་བ་གསུངས་པ་ཡིན་ནོ། །མ་བགོས་ན་ཡང་#བརྟད་པ་ལས་བྱུང་བ་ལས་གཞན་ལ་དབྱར་གྱི་ནང་རོལ་དག་ཏུ་མ་བྱས་པ་ལ་མདོའི་གཞུང་ཡང་རིག་པར་བྱའོ། །ལྟུང་བ་མེད་པ་རྒྱས་པར་བཤད་པ་ཡང་བརྟད་པའི་དབང་གིས་ཞག་བཅུའི་མཐར་རྙེད་པར་གྱུར་པ་
[175b.4]ལས་#འདི་ལྟར་བླང་བར་བྱ་བ་ཉིད་ཅེས་བྱ་བ་བརྗོད་པའི་ཕྱིར་སྐྱེ་བར་འགྱུར་རོ། །གཞན་དུ་ན་འོག་ནས་རྙེད་པར་གྱུར་པ་ལས་#ཞེས་བྱ་བའོ། །སྦྱིན་བདག་གི་ཚིག་གིས་དབང་མེད་ནའོ་ཞེས་བྱ་བ་ནི་གལ་ཏེ་སྦྱིན་བདག་འདི་སྐད་ཅེས་རེ་ཞིག་ཁྱེད་ཅག་གིས་མ་བགོ་ཞིག །བདག་མཆིས་ནས་རང་གི་ལག་
[175b.5]ནས་འབུལ་ལོ་ཞེས་ཟེར་ན། དེའི་དབང་གིས་མ་བགོས་ན་ཡང་མེད་ཅེས་བྱ་བའི་དོན་ཏོ། །དུས་གང་གི་ཚེ་མ་བགོས་ན་ཞེ་ན། དེའི་ཕྱིར་དགག་དབྱེའི་ཉིན་མོའི་ཕྱི་#དེ་ཉིན་པར་དེ་སྦེད་པར་#མ་བསྐོས་པ་རྣམས་ལའོ་ཞེས་བྱ་བ་སྨོས་ཏེ། དགག་དབྱེའི་ཉིན་མོ་ཞེས་བྱ་བ་ནི་དེ་མ་ཐག་པའི་ཚེས་བཅུ་
[175b.6]དྲུག་སྟེ། ཟླ་བ་གསུམ་གྱི་རྗེས་ལ་ཆོས་གོས་སྦེད་པར་བྱེད་པ་མ་བསྐོས་པའོ། །འདི་རྣམས་ཀྱིས་མ་བསྐོས་པ་ལ་གལ་ཏེ་དེ་དང་འབྲེལ་པའི་ཁ་ན་མ་ཐོ་བ་གང་རྣམས་ཀྱིས་འདོད་པ་མ་ཡིན་པ་ཞེས་བྱ་བའི་དོན་ཏོ། །ཇི་སྲིད་དུ་གོས་འགྱེད་པའི་དུས་ལས་འདས་པའི་བར་དུ་བཅང་བར་བྱ་བ་སྨོས་ཏེ#། དེ་
[175b.7]ལས་ལྷག་པར་འཆང་བར་བྱེད་ན་ཞེས་བྱ་བ་ནི་འདིར་མདོ་སྡེ་འགྱེད་པའི་དུས་ལས་ཐོབ་པའི་བར་དུ་ཞེས་བྱ་བའི་དོན་ཏོ། །འགོད་པའི་དུས་ཐོབ་པ་ནི་ཟླ་བ་གསུམ་ལས་འདས་པར་བྱེད་པའོ། །ཟླ་བ་#གསུམ་ལས་གཞན་པའི་དུས་ནི་འགེད་པའི་དུས་སོ། །དེ་ལྟར་ཡང་དེའི་རྣམ་པར་འབྱེད་པ་ལས་དགེ་
[176a]
[176a.1]སློང་གིས་གོས་(འགེད་‚འགེབས་)པའི་དུས་དང་སྐབས་མ་ཡིན་པ་གང་ཞེ་ན། སྲ་བརྐྱང་མ་བཏིང་#བའི་གནས་ན་ནི་སྟོན་ཟླ་ཐ་ཆུངས་#ཀྱི་ཉ་ཚུན་ཆད་དོ། །སྲ་བརྐྱང་བཏིང་བའི་གནས་ན་ནི་སྟོན་ཟླ་ཐ་ཆུངས་#ཉ་ཕྱིན་ཆད་ནས་དཔྱིད་ཟླ་འབྲིང་པོའི་ཉའི་བར་ཏེ། དེ་ནི་དགེ་སློང་གི་གོས་འགྱེད་པའི་དུས་
[176a.2]མ་ཡིན་ནོ། །ལྷག་མའི་དུས་ཞེས་བྱ་བ་ནི་ཁས་བླངས་པ་ཕྱི་མ་ཤོས་#ངེས་པར་བྱས་#ན་ནི་སྟོན་ཟླ་ཆུངས་#ཉ་ཚུན་ཆད་དོ་ཞེས་གསུངས་སོ། །ཁས་བླངས་པ་སྔ་མ་ལ་ནི་སྟོན་ཟླ་འབྲིང་པོའི་ཉ་#ཚུན་ཆད་དུས་མ་ཡིན་ནོ། །དེ་ནི་མི་བསྐོ་#བར་མི་བྱའོ་ཞེས་བྱ་བ་ནི་བརྟད་པ་ལས་བྱུང་བའི་དུས་སུ་གཏང་#བར་བྱ་བ་
[176a.3]ཉིད་ལ་གོས་སྦེད་པ་མ་ཡིན་པ་འདི་བསམ་པར་མི་བྱའོ། །ཞུ་བ་ལས་བསླབ་པའི་གཞི་འདི་ལ་རིམ་པ་ནི་འདི་ཡིན་ནོ། །རྣམ་པར་འབྱེད་པ་ལས་ནི་འཕྲོག་པའི་#བསླབ་པའི་གཞི་ལས་ནི་དེ་མ་ཐག་པའོ། །དེ་ལས་འཆང་བ་ལ་འཆང་བའི་རྗེས་སུ་འབྲེལ་པའི་རིགས་ཏེ་ཞེས་བྱ་བའི་རིམ་པ་འདི་
[176a.4]ལྟར་བསྟན་#པའོ། །བརྟད་པ་ལས་བྱུང་བའི་སྤང་བའོ།། །།#ཅི་ཞིག་བྱས་ན་བསྔོས་པ་ལས་བསྒྱུར་བའི་སྤང་བར་འགྱུར་ཞེ་ན། དེའི་ཕྱིར་གཞན་གྱིས་གང་ཟག་གཞན་རྣམ་#དགེ་འདུན་ལ་བསྔོས་པའི་གོས་ཤེས་བཞིན་དུ་བདག་ཉིད་ལ་བསྒྱུར་ཏེ་ཐོབ་ནའོ་ཞེས་བྱ་བ་སྨོས་ཏེ། དགེ་འདུན་
[176a.5]གྱི་རྙེད་པ་ཞེས་བྱ་བ་འདི་ལ་མདོ་#འདི་ལྟུང་བ་རྒྱས་པར་བཤད་པ་ལ། གང་ཟག་གི་ཡང་བདག་ཉིད་ལ་བསྔོས་པས་ཐོབ་པ་ལ་དངོས་གཞིར་གསུངས་སོ། །དགེ་སློང་གིས་གང་ཟག་གཅིག་#ལ་བསྔོས་པའི་རྙེད་པ་གང་ཟག་བདག་ཉིད་ལ་སྒྱུར་#བར་བྱེད་པ་དེ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་
[176a.6]ལྟུང་བྱེད་དུ་འགྱུར་རོ་ཞེས་བྱའོ། །དེ་ལ་དཔེ་ནི་འདི་ཡིན་ཏེ། སྐྱེ་བའི་དབང་གིས་བརྟེན་པ་ཞེས་བྱ་བ་འདིར་རྣམ་པར་བཞག་པའོ་ཞེས་བྱ་བ་ནི་གང་ཟག་གི་ཚིག་གོ། །གང་ཟག་བདག་ཉིད་ལ་གང་ཟག་ཡིན་ཞེས་བྱ་བ་སྟེ། དེ་བས་ན་བྱེ་བྲག་འབྱེད་པ་ནི་གང་ཟག་གཞན་ནམ་ཞེས་བྱ་བ་སྟེ། གང་ཞིག་
[176a.7]འདི་ལྟུང་བ་འབྱིན་པར་བྱེད་པ་ལས་གང་ཟག་གཞན་ལ་བསྔོས་པ་ལ་སྟེ་དེ་ཉིད་ལ་ནི་མ་ཡིན་ནོ། །རང་གིས་#བསྔོས་པ་ལ་བདག་ཉིད་ལ་བསྔོས་པ་ནི་འགོད་པ་མ་ཡིན་ནོ། །དེ་ལ་ཡང་ཉེས་བྱས་སུ་འབྱུང་བར་འགྱུར་ཏེ། དེ་བས་ན་གཞན་གྱིས་ཞེས་བྱ་བའི་ཁྱད་པར་ཏེ། གཞན་གྱིས་བསྔོས་པ་སྟེ་བདག་
[176b]
[176b.1]ཉིད་ཀྱིས་ནི་#མ་ཡིན་ནོ། །བསྔོས་པ་གང་ལ་ཡིན་ཞེ་ན། དེའི་ཕྱིར་གོས་ཞེས་བྱ་བ་སྨོས་ཏེ། དེ་ལྟར་ཡང་རྣམ་པར་འབྱེད་པ་ལས། རང་གི་དོན་དུ་འདི་ལ་གོས་ཀྱི་རྙེད་པ་མངོན་པར་འདོད་ན་ཞེས་གསུངས་པ་ཡིན་ནོ། །བླངས་པར་གྱུར་པ་སུ་ཞིག་དང་ལྷན་དུ་མི་ཤེས་བཞིན་དུ་བསྔོ་བར་འགྱུར་ཏེ། དོར་བྱས་
[176b.2]པའི་དབང་གིས་སམ། འཇམ་པར་བྱས་པའི་དབང་གིས་སམ། སུ་ཞིག་དེ་ལ་རྗེས་སུ་འདོད་ཅིང་འདུག་པ་ཞེས་བྱ་བ་འམ། གང་ཡང་རུང་བ་དེ་ལ་(འགེད་‚འགེབས་)པར་གྱུར་ཅིག་ཅེས་བྱ་བ་འམ། གཞན་དུ་བསྔོས་པ་ལ་མི་སྦྱིན་པའོ། །འདིར་ནི་བསྒྱུར་བ་ཉིད་མེད་པ་ཡང་མ་ཡིན་ཏེ། གང་གི་ཕྱིར་ས་བོན་མི་
[176b.3]ཤེས་པའི་ཕྱོགས་ལ་རྨོ་བ་ལ་སོགས་པ་ལས་#མི་བྱེད་ཅིང་སྐྱེད་པར་བྱེད་པར་མི་འགྱུར་རམ། དེ་བས་ན་ཤེས་བཞིན་དུ་ཞེས་བྱ་བའི་ཁྱད་པར་རོ། །འདིར་མདོ་ནི་གང་སླར་ཤེས་བཞིན་ཞེས་བྱ་བ་ལྟ་བུའོ། །འདིའི་རྣམ་པར་འབྱེད་པ་ནི་རང་ཉིད་ཀྱིས་#འདི་ལ་རིག་པར་འགྱུར་རོ། །གཞན་རྣམས་ཀྱིས་གོ་བར་
[176b.4]བྱས་པ་ཞེས་བྱ་བའོ། །དེ་ལྟར་ན། གཞན་ལ་གཞན་གྱིས་གོས་བསྔོས་པ་ཞེས་བྱ་བ་ཤེས་བཞིན་དུ་བདག་ཉིད་ལ་བསྒྱུར་བ་ཡིན་པ་དེ་ལ་#གང་ཞིག་ཐོབ་པ་གང་ཡིན་པ་དེ་ལ་སྤང་བའི་ལྟུང་བ་ཞེས་བྱ་བའི་དོན་ཏོ། །གལ་ཏེ་ཐོབ་པ་ལ་དངོས་གཞི་ཡིན་ན་བསྒྱུར་བ་ལ་ཁ་ན་མ་ཐོ་བ་ཅིར་འགྱུར་ཞེ་ན། དེའི་
[176b.5]ཕྱིར་བསྒྱུར་བ་ལ་ནི་ཉེས་བྱས་སོ་ཞེས་བྱ་བ་སྨོས་ཏེ། འདིར་གོས་ནི་དཔེ་ཡིན་ཏེ། ཁ་ཟས་ལ་སོགས་པ་གཞན་པ་ལ་རྣམ་པར་གནས་པ་ཡིན་ནོ། །དེ་བས་ན་གཞན་དུ་ཡང་རྙེད་པ་ལ་སྤང་བ་འདི་ཡོད་པའོ། །འདི་ནི་རྙེད་པར་གྱུར་པ་མ་ཡིན་ནོ་ཞེས་བྱ་བ་ཟས་འདི་ལ་ཁས་ལེན་པར་བྱེད་པའོ། །
[176b.6]རྙེད་པ་གཞན་ལ་ནི་རང་ཉིད་ལ་བསྒྱུར་བ་ཞེས་བྱ་བ་འདི་ཁ་ན་མ་ཐོ་བ་སྟེ། བཏུང་བ་ལ་ནི་མ་ཡིན་ཞེས་བྱ་བའོ། །དེ་བས་ན་འདིར་ཉེ་དུ་མ་ཡིན་པ་ཉིད་ནི་སྐབས་མ་ཡིན་ནོ། །འདི་ལྟར་ཞུ་བ་ལས་ཇི་སྐད་དུ་བཅོམ་ལྡན་འདས་ཀྱིས་ཉེ་དུ་མ་ལགས་པ་ལས་གོས་ལེན་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་ན།
[176b.7]དག་(དགེ་)སློང་མ་ལས་གོས་ལེན་པར་བྱེད་ན་དེ་ལ་ཡང་སྤང་བའི་ལྟུང་བྱེད་དུ་འགྱུར་བ་མཆིས་སམ། ཡོད་དེ་དེས་གལ་ཏེ་དགེ་འདུན་གྱི་#ཕྱིར་ཉེ་བར་གཞག་པ་ཡིན་ལ། དགེ་སློང་གིས་བདག་ཉིད་ལ་སྦྱོར་བར་བྱེད་ནའོ་ཞེས་གསུངས་པ་ཡིན་ནོ། །ཇི་ལྟར་འདིར་ཉེ་དུ་མ་ཡིན་པ་ཉིད་ཡན་ལག་མ་ཡིན་པ་བཞིན་དུ་ཚིག་
[177a]
[177a.1]ཉིད་ཀྱང་དེ་དང་འདྲའོ། །གལ་ཏེ་འབྲལ་བར་བྱ་བ་དགེ་སློང་ཡིན་ན་ཞེས་བྱ་བ་མཐོང་བ་ཡིན་ནོ། །འདིར་གཞན་ལ་ཡང་ངོ་ཞེས་བྱ་བ་ལ། གཞན་ལ་ཞེས་བྱ་བ་ནི་བསྔོས་པ་ལའོ། །གང་ཟག་གཞན་ལ་འདི་བསྔོས་པ་གཞན་ལ་སྒྱུར་བར་བྱེད་ན་ཡང་ཉེས་བྱས་ཞེས་བྱ་བའི་དོན་ཏོ། །དེའི་
[177a.2]འབྲས་བུ་ལ་ཡང་ངོ་ཞེས་བྱ་བ་ནི་ཐོབ་པ་ལ་ཞེས་བྱ་བའི་དོན་ཏོ། །བདག་ཉིད་ལས་གཞན་པ་ལ་སྒྱུར་བར་བྱེད་ན་དངོས་གཞི་ལ་ཡང་ཉེས་བྱས་ཡིན་ལ། སྦྱོར་བ་གཅིག་པུ་ལ་ནི་མ་ཡིན་ཞེས་བྱ་བའི་དོན་ཏོ། །གཞན་ཡང་ངོ་ཞེས་བྱ་བ་ནི་ཟས་ལས་#གཞན་པའི་རྙེད་པ་སྒྱུར་བར་བྱེད་ན་ཁ་ན་མ་ཐོ་བ་བཤད་ཟིན་ཏོ། །འདིར་
[177a.3]ཟས་ནི་ལྷག་མར་བྱས་པ་སྟེ། བསྒྱུར་བ་དང་བསྒྲུབ་པ་#ལ་འདི་ནི་ཉེས་བྱས་#སུ་བརྗོད་པའོ། །འདིར་གཞུང་ནི་འདི་ཡིན་ཏེ། མུ་#ཏོ་བ་གཅིག་ལ་བསྔོས་པའི་ཟས་མུ་#ཏོ་བ་གཞན་ལ་སྒྱུར་བར་བྱེད་ན་ཉེས་བྱས་སུ་བརྗོད་པ་གང་ཡིན་པ་བཟའ་བར་བྱ་བ་ལ་#ཡང་དེའོ་ཞེས་བྱ་བ་མཐོང་བ་ཡིན་ནོ། །དབྲལ་བ་དང་
[177a.4]སྦྱར་བ་གཉིས་ཀ་སེམས་ཅན་དུ་བགྲང་བ་མ་ཡིན་པ་ལ་ཡང་ངོ་ཞེས་བྱ་བ་ནི་གནས་ཁང་ལ་སོགས་པ་སེམས་ཅན་དུ་བགྲང་བ་ཉིད་མ་ཡིན་པ་གནས་ཁང་ལ་སོགས་པ་གང་ལ་རྙེད་པ་འདི་བསྔོས་པ་འདི་ནི་འདིར་དབྲལ་བར་བྱ་བར་བརྗོད་དོ། །གང་དུ་སྔོ་#བར་བྱེད་པ་དེ་ནི་སྦྱོར་བའོ། །འདིར་ཡང་བསྔོ་བ་དང་
[177a.5]གྲུབ་པ་ལ་ཉེས་བྱས་ཞེས་བྱ་བ་འདིར་ངག་གི་དོན་ཏོ། །ཕྱོགས་གཅིག་པ་ཉིད་ལ་ཡང་ངོ་ཞེས་བྱ་བ་ནི་ཐེམ་སྐས་ཀྱི་རིམ་པ་ལ་སོགས་པ་གཅིག་ལ་ལུས་ལ་སོགས་པ་ཉིད་ཀྱིས་ཕྱོགས་གཅིག་པ་ཉིད་ཀྱི་ཕྱིར་དབྲལ་བར་བྱ་བ་དང་། སྦྱར་བ་གཉིས་ཀ་གཞན་ལ་བསྔོས་པ་འདི་ནི་སྦྱར་བར་བྱ་བ་མ་ཡིན་པ་
[177a.6]དེ་བས་ན་དངོས་གཞིའི་ཉེས་པ་མེད་པར་ཤེས་པར་བྱ་བ་ཞེས་བྱ་བའི་དོན་ཏོ། །འདིར་ཡང་བསྔོས་པ་དང་། གྲུབ་པ་ལ་ཉེས་བྱས་ཞེས་བྱ་བའི་#དོན་ཏོ། །ལྷག་མ་ཟ་བ་དུད་འགྲོ་ལ་སོགས་པ་བཙལ་ཏེ་མ་རྙེད་པ་ལ་ནི་ལྟུང་བ་མེད་དོ་ཞེས་བྱ་བ་ནི། ལྷག་མ་ཟ་བ་དུད་འགྲོ་ལ་སོགས་པ་གང་ལ་བསྔོས་པ་དེ་
[177a.7]གལ་ཏེ་བཙལ་ཏེ་མ་རྙེད་ན#། དེ་ལས་གཞན་པ་ལ་བསྒྱུར་བ་ན་ཡང་ལྟུང་བ་མེད་དོ། །བདེ་བར་གཤེགས་པའི་སྐུ་གཟུགས་གཞན་ལ་ནི་གཡར་པོར་སྦྱིན་དུ་རུང་ངོ་ཞེས་བྱ་བ་ནི། རྒྱན་ལ་སོགས་པ་གང་ཞིག་གཞན་ནི་བཅོམ་ལྡན་འདས་ཀྱིས་#སྐུ་གཟུགས་དང་འབྲེལ་པ་གལ་ཏེ་དེ་ལས་གཞན་པའི་
[177b]
[177b.1]བཅོམ་ལྡན་འདས་ཀྱི་སྐུ་གཟུགས་ལ་གཡར་པོ་སྦྱིན་པར་གྱུར་ན་དེ་ལ་ཉེས་པ་མེད་དོ། །བསྔོས་པ་མི་སྦྱིན་ན་ཉེས་བྱས་སོ་ཞེས་བྱ་བ་ནི། ཆེ་གེ་མོ་ཞིག་#ལ་སྦྱིན་ནོ་ཞེས་བྱ་བ་སྨོས་ཏེ། གལ་ཏེ་དེ་ལ་སྦྱིན་པར་མི་བྱེད་ན་དེའི་ཕྱིར་འདི་ལ་ཉེས་བྱས་སུ་འགྱུར་རོ་ཞེས་བྱ་བའི་དོན་ཏོ། །མཚམས་ཀྱི་ཕྱི་རོལ་དུ་སོང་སྟེ་
[177b.2]དགེ་འདུན་གྱི་བྱིན་གྱིས་རློབ་#པར་བྱེད་ནའོ་ཞེས་བྱ་བ་ནི། དགེ་འདུན་གྱི་རྙེད་པར་བསྔོས་པ་མཚམས་ཀྱི་ཕྱི་རོལ་དུ་སོང་སྟེ། བྱིན་གྱིས་རློབ་པར་བྱེད་ན་ཉེས་བྱས་སུ་འགྱུར་རོ། །མ་ཚོགས་པ་དག་གིས་འགོད་ནའོ་ཞེས་བྱ་བ་ནི་ཉེས་བྱས་སོ་ཞེས་བྱ་བར་སྦྱར་རོ། །བྱིན་གྱིས་མ་བརླབས་ན་ཡང་ངོ་ཞེས་
[177b.3]བྱ་བ་ནི། ཤི་བའི་ཡོ་བྱད་ལ་སོགས་པ་འགོད་ན་ཡང་ཉེས་བྱས་སོ། །ཀུན་དབང་བའི་རྙེད་པ་དགེ་འདུན་ལས་གཅིག་གམ། གཉིས་སམ་གསུམ་གྱིས་ལེན་ནའོ་ཞེས་བྱ་བ་ནི། ཉེས་བྱས་སོ་ཞེས་བྱ་བ་འདི་ལ་ཐམས་ཅད་དུ་སྦྱར་བར་བྱའོ། །ཀུན་དབང་བའི་རྙེད་པ་ཞེས་བྱ་བ་ནི་རྙེད་པ་དགེ་འདུན་
[177b.4]ལས་ཐོབ་པར་གྱུར་པའོ། །གཅིག་གམ་གཉིས་སམ་གསུམ་ལ་མི་སྟེར་བ་ལ་ཉེས་བྱས་སོ། །གལ་ཏེ་དེ་#རྙེད་པ་དེ་རྣམས་ལ་ཡོད་པར་གྱུར་ན་ཅིའི་ཕྱིར་ཉེས་བྱས་སུ་འགྱུར་ཞེ་ན། དེའི་ཕྱིར་དེ་ལ་གཞན་དག་གིས་#ཤས་ཉིད་མ་བྲལ་ལོ་ཞེས་བྱ་བ་སྨོས་ཏེ། གང་དག་གིས་རྙེད་པ་བླངས་པ་དེ་ལས་གཞན་
[177b.5]པའི་རྙེད་པ་དེ་ལ་འདིར་ཤེས་པར་བྱའོ། །འདིར་ནི་རྒྱུ་བསྟན་པ་སྟེ་རྐུ་#སེམས་མེད་པ་ལ་འདི་རྣམ་པར་གཞག་པ་ཡིན་གྱི། རྐུ་སེམས་ཡོད་ན་ལྟུང་བ་ཅིར་འགྱུར་ཞེ་ན། དེའི་ཕྱིར་རྐུ་སེམས་ཀྱིས་ནི་བརྐུས་པ་ཉིད་ཡིན་ནོ་ཞེས་བྱ་བ་སྨོས་ཏེ། འདིར་གཞུང་ནི་བྲམ་ཟེའི་བུ་མོས་ཞུས་པ་ལས། བྱིན་གྱིས་བརླབ་#པ་
[177b.6]གསུངས་པའི་འོག་ཏུ་ཇི་སྟེ་འདི་ལྟར་མི་བྱེད་ན་དགེ་སློང་དེ་གཅིག་པུས་གོས་དེ་བདག་#ཏུ་བྱེད་ན་ཉེས་བྱས་སུ་འགྱུར་རོ། །དགེ་སློང་དག་ཀྱང་སྐལ་བ་མཉམ་པ་སྟེ། དགེ་འདུན་ལ་བསྔོས་པའི་རྙེད་པ་གཅིག་གིས་མཚམས་ཀྱི་ཕྱི་རོལ་དུ་སོང་སྟེ་བདག་གིར་བྱེད་ན་ཉེས་བྱས་སུ་འགྱུར་རོ། །འོན་ཏེ་དེ་རྣམས་
[177b.7]རྐུ་སེམས་ཀྱིས་#བརྐུ་ཞིང་བདག་གིར་བྱེད་ན་ནི་འགལ་ཚབས་ཅན་དུ་འགྱུར་རོ། །གཉིས་དང་རབ་ཏུ་མང་པོ་རྣམས་ཀྱང་དེ་བཞིན་ནོ་ཞེས་གསུངས་པ་ཡིན་ཏེ#། གང་ཞིག་དེ་འདིར་འོན་ཏེ་དེ་རྣམས་རྐུ་སེམས་ཀྱིས་ཞེས་བྱ་བ་ནི་ཚིག་ནི་དེ་ལ་རྐུ་བ་ཉིད་དུ་ཤེས་པའོ། །ཡོངས་སུ་རྫོགས་པ་དང་ཡོངས་སུ་མ་རྫོགས་པའི་
[178a]
[178a.1]སྤྲོས་པ་སྤང་བའི་དོན་དུ་འདིར་འགལ་ཚབས་ཅན་དུ་འགྱུར་རོ་ཞེས་བྱ་བའི་ཚིག་ཡིན་གྱི་ཕམ་པ་མི་སྐྱེད་#པ་ནི་མ་ཡིན་ནོ། །གང་ཞིག་འདིར་རབ་ཏུ་མང་པོ་ཞེས་བྱ་བའི་ཚིག་དེ་ལ་དགེ་འདུན་དུ་གྱུར་པ་ཉིད་ལ་ཆོ་ག་འདི་དང་ལྡན་པ་སྟེ། དགེ་འདུན་དུ་མ་#གྱུར་པ་ལ་ནི་མ་ཡིན་ནོ། །དེར་
[178a.2]གང་ཟག་གི་བྱེད་པར་གྱུར་པ་ཉིད་མེད་པའི་ཕྱིར་རོ་ཞེས་བྱ་བའི་དགོངས་པ་ཉིད་མང་པོའི་ཚིག་ལས་ཤེས་པའོ། །གྱ་ཚོམ་དུ་གཙུག་ལག་ཁང་དོར་བར་མི་བྱའོ་ཞེས་བྱ་བ་ནི་ཕྲན་ཚེགས་དག་ལས་འདི་ཞེས་བྱ་བ་ལ་སོགས་པ་ཇི་སྲིད་དུ་དོར་བ་ལས་འགྱེད་པ་ཞེས་བྱ་བ་འདི་ལས་སོ། །རྗེས་སུ་ཆགས་
[178a.3]པ་དང་བཅས་པ་དེར་སྲུང་#མར་བཞག་གོ་ཞེས་བྱ་བ་ནི་གཙུག་ལག་ཁང་དེ་ལ་ཆགས་པ་དང་བཅས་པ་གང་ཡིན་པ་དེ་ནི་སྲུང་#མའི་ཕྱིར་གཞག་པར་བྱའོ། །དེ་ལ་འོས་པ་རྣམས་ཀྱིས་གཙུག་ལག་ཁང་གཏད་པར་བྱ་ཞེས་#བྱ་བའི་དོན་ཏོ། །རྗེས་སུ་ཆགས་པ་དང་བཅས་པའི་ཕྱིར་དཀར་པོ་ཐོབ་ཀྱང་འདི་
[178a.4]ཡོངས་སུ་དོར་བར་མི་བྱེད་ཅེས་བྱ་བ་ནི་དགོས་པའོ། །མ་ལྷག་ན་ལོ་བཅུ་འདའ་བར་བྱའོ་ཞེས་བྱ་བ་ནི་དེ་ལྟར་གཙུག་ལག་ཁང་བསྲུང་བ་ལ་དགེ་འདུན་མ་ལྷགས་ཤིང་གང་གིས་#བསྲུང་བ་དེར་ལོ་བཅུ་འདའ་བར་བྱའོ། །ཇི་ལྟར་འདའ་#བར་བྱ་ཞེ་ན། དེའི་ཕྱིར་ལྔ་ནི་བསོད་སྙོམས་ཀྱིས་སོ། །དེར་དུས་སུ་སྦྱིན་
[178a.5]བདག་མ་བྱུང་ན་ལོ་གཞན་ལྔ་ནི་ཉེ་འཁོར་གྱི་གཙུག་ལག་ཁང་དང་ལྷན་ཅིག་ཏུའོ་ཞེས་བྱ་བ་སྨོས་ཏེ། དེར་དུས་སུ་ཞེས་བྱ་བ་ནི་ལོ་ལྔ་འདས་པ་རྣམས་ལ་སྦྱིན་བདག་མ་བྱུང་ན་ལོ་གཞན་ལྔ་པོ་རྣམས་ནི་ཉེ་འཁོར་གྱི་གཙུག་ལག་ཁང་དང་ལྷན་ཅིག་འདའ་བར་བྱའོ། །འདིར་གཞུང་ནི་ཁ་ཅིག་ལས་ལྔ་ནི་
[178a.6]བསོད་སྙོམས་ཀྱིས་སོ། །ལྔ་ནི་ཉེ་འཁོར་གྱི་གཙུག་ལག་ཁང་ལ་བརྟེན་པ་#སྟེ། དེ་ལྟར་ན་ལོ་བཅུར་བྱའོ་ཞེས་གསུངས་པ་ཡིན་ནོ། །འདི་ཉིད་འདི་ལྟར་སྨྲས་པ་ལ་བྱ་བ་དང་བཅས་པའི་ལོ་བཅུའི་ཚིག་བྱས་སོ་ཞེས་བྱ་བ་ཤེས་པ་ཡིན་ནོ། །གསོ་སྦྱོང་ཐ་དད་པ་དང་རྙེད་པ་ཐུན་མོང་བའི་ལས་བྱའོ་ཞེས་བྱ་བ་ལ།
[178a.7]ཐ་དད་པར་ཞེས་བྱ་བ་ནི་སོ་སོར་རོ། །ཉེ་འཁོར་གྱི་གཙུག་ལག་ཁང་དང་ལྷན་ཅིག་ཏུ་གཙུག་ལག་ཁང་དེར་གསོ་སྦྱོང་ཐ་དད་པར་རྙེད་པ་གཅིག་པའི་ལས་ཀྱིས་བྱའོ་ཞེས་བྱ་བའི་དོན་ཏོ། །འགྲོ་བ་ན་དངོས་པོ་རྣམས་ཉེ་འཁོར་གྱི་གཙུག་ལག་ཁང་རྣམས་སུ་གདམས་པར་བྱའོ་ཞེས་བྱ་བ་ནི་གཙུག་ལག་ཁང་གཏད་
[178b]
[178b.1]པ་ན་གང་གི་ཚེ་འཕོངས་པ་ལ་སོགས་པའི་དབང་གིས་གཙུག་ལག་ཁང་ནས་འགྲོ་བར་འདོད་པ་མལ་སྟན་དང་སྣོད་ལ་སོགས་པའི་དངོས་པོ་རྣམས་ཉེ་འཁོར་གྱི་གཙུག་ལག་ཁང་རྣམས་སུ་གདམས་པར་བྱ་ཞེས་#བྱ་བའི་དོན་ཏོ། །གཉུག་མར་གནས་ན་སྦྱིན་པར་བྱའོ་ཞེས་བྱ་བ་ནི་གཏམས་པའི་དངོས་པོ་ལ་
[178b.2]གང་དུ་གཏམས་པ་དེར་གཉུག་མར་གནས་པའི་དགེ་སློང་རྣམས་ཀྱིས་སྦྱིན་པར་བྱའོ། །གནས་གཞན་གྱི་#རྫས་གནས་གཞན་དུ་མི་སྦྱིན་ནོ་ཞེས་བྱ་བ་ནི་ཇི་ལྟར་ངེས་པའི་རྙེད་པ་ལ་རྣམ་པར་གཞག་པ་ཞེས་བྱ་བའི་མདོའི་ཕྱོགས་ཀྱི་རྗེས་སུ་བརྗོད་པའོ། །འདི་ལ་སྦྱིན་པར་བྱ་བ་ཉིད་ཅེས་བྱ་བའི་ཆོ་
[178b.3]ག་འདིའི་ཡུལ་བསྟན་པའི་དོན་དུ་བརྗོད་དོ། །སིལ་བུ་རྣམས་ལ་དེ་ལ་སོགས་པའི་སྟོབས་ཀྱིས་མི་སྦྱིན་པ་ཞེས་བྱའོ། །འདི་ཡང་སྤང་བ་ནི་གནས་མལ་གྱི་#ལྟུང་བྱེད་ལས། མི་སྟེར་ན་དེ་དག་གི་སྦྱིན་པར་བྱ་བ་ཡིན་ནོ་ཞེས་བྱ་བ་ལ། དེ་དག་གི་ཞེས་བྱ་བ་ནི་གང་རྣམས་ཀྱི་རྫས་དེ་རྣམས་གཞན་ལ་
[178b.4]སྦྱིན་པར་#དེ་རྣམས་ལ་སྟེར་བ་མེད་པར་གྱུར་པ་ལ་སྦྱིན་པར་བྱ་བ་ཉིད་དོ། །ཁྱིམ་བདག་དེ་ཉིད་ཡིན་ཡང་ངེས་པ་ལ་གཞིག་པ་མེད་དོ་ཞེས་བྱ་བ་ནི་གལ་ཏེ་དེ་དང་#ཁྱིམ་བདག་དེ་ཉིད་གནས་གཞན་དུ་སྦྱིན་བདག་དུ་གྱུར་ན་གང་གི་དངོས་པོ་དེ་གནས་གཞན་ལ་དངོས་པོར་གྱུར་ན་དེ་ལྟར་ན་ཡང་གང་ཞིག་
[178b.5]གང་ལ་ངེས་པ་དེ་ནི་དེ་ཉིད་དོ་ཞེས་བྱ་བའི་དོན་ཏོ། །མི་སྟེར་ན་མཐུས་གཟུང་བར་བྱའོ་ཞེས་བྱ་བ་ནི་མི་སྣང་ན་ཡོད་པའམ་མེད་པའི་རྫས་བྱིན་#པ་ལ་སྦྱིན་པར་བྱ་བ་ཉིད་ཅེས་བྱ་བའོ། །ཆོ་ག་གཞན་#པ་ལ་བསྒྲུབ་པ་གང་ཡིན་པ་དེ་བརྗོད་པའི་དོན་དུ་མདོ་འདི་བསྟན་པའོ#། །འདིར་མཐུས་བཟུང་བ་ལ་ཉེས་པ་
[178b.6]མེད་དོ་ཞེས་བྱ་བ་ཡང་འདི་བསྟན་པ་ཡང་རིག་པར་བྱའོ། །གཡར་པོ་ཉིད་དུ་ནི་སྦྱིན་པར་བྱའོ་ཞེས་བྱ་བ་ནི་གནས་གཞན་གྱི་རྫས་ནི་གནས་#གཞན་དུའོ། །མཆོད་རྟེན་གཞན་ལ་བསྔོས་པའི་རྙེད་པ་མ་གྲུབ་པ་ལ་ནི་ཉེས་པ་མེད་དོ་#བྱང་ཆུབ་ཆེན་པོ་དང་། ཆོས་ཀྱི་འཁོར་ལོ་དང་། ཆོ་འཕྲུལ་ཆེན་པོ་དང་།
[178b.7]ལྷ་ལས་བབས་པ་རྣམས་ཀྱིས་དེ་དག་ལས་གཞན་ནི་མ་གཏོགས་སོ་ཞེས་བྱ་བ་ལ། མ་གྲུབ་པ་ལ་ཞེས་བྱ་བ་ནི་དེ་ཐོབ་པ་ལའོ། །རྙེད་པ་དེ་ཞེས་བྱ་བ་ནི་མཆོད་རྟེན་གྱི་རྙེད་པ་ལའོ། །འདིར་མཆོད་རྟེན་ཉིད་ཀྱི་ཚིག་ནི་སངས་རྒྱས་ཀྱི་བྱེ་བྲག་ཙམ་ལ་ཡིན་ཏེ། འདིར་གཟུགས་སྐུ་ལ་#ནི་མ་བརྗོད་པ་མ་ཡིན་པར་
[179a]
[179a.1]ཤེས་པར་བྱའོ། །ཧ་ཅང་ཐལ་བ་ལ་དམིགས་ཀྱིས་བསལ་བར་བརྗོད་པ་ནི་བྱང་ཆུབ་ཆེན་པོ་ཞེས་བྱ་བ་ལ་སོགས་པ་སྟེ། གནས་འདིའི་མཆོད་རྟེན་འདི་རྣམས་ནི་རྙེད་པ་ལ་མི་འགྲུབ་པ་མེད་ཀྱང་བཞི་#པོ་འདི་རྣམས་ལས་གཞན་པའི་མཆོད་རྟེན་ལ་སྒྱུར་བར་བྱེད་པ་ནི་སྐྱོན་དང་བྲལ་
[179a.2]བ་མ་ཡིན་ནོ། །འདི་རྣམས་ལས་གཞན་ལ་མ་གྲུབ་པར་གྱུར་ཀྱང་ཉེས་པ་དང་བྲལ་བ་ཉིད་ཅེས་བྱའོ། །རྙེད་པ་གང་ཞིག་བྱང་ཆུབ་ཆེན་པོ་དང་བལྟམ་#པ་དང་ཆོས་ཀྱི་འཁོར་ལོའམ་ཡོངས་སུ་མྱ་ངན་ལས་འདས་པ་ལ་ངེས་པར་འབྱུང་བ་དེ་དྲན་པར་བྱ་ནུས་ལ། མཆོད་རྟེན་བཞི་པོ་དག་ལ་ཕུལ་བ་ནི་འདི་དག་
[179a.3]དགེ་བའོ། །གལ་ཏེ་མི་ནུས་ན་མཆོད་རྟེན་གཅིག་ཁོ་ན་ལ་དབུལ་བར་བྱའོ། །ཁ་ཅིག་ལས་གཞན་ལ་ནི་མ་ཡིན་ནོ་ཞེས་འབྱུང་སྟེ། གང་ཞིག་འདིར་བལྟམ་#པ་དང་ཡོངས་སུ་མྱ་ངན་ལས་འདས་པ་དག་བཟུང་བ་ཡིན་གྱི་ཆོ་འཕྲུལ་ཆེན་པོ་དང་ལྷ་ལས་བབས་པ་དག་ནི་མ་ཡིན་ཏེ། དེ་ནི་ཡི་གེ་ཆད་པར་
[179a.4]རིག་པར་བྱ་སྟེ#། ངེས་པ་རྣམས་ལ་ཆོ་ག་འདི་དང་ལྡན་པའི་ཕྱིར་དང་། བལྟམ་#པ་དང་ཡོངས་སུ་མྱ་ངན་ལས་འདས་པའི་གནས་གཞན་ལ་ནི་མ་ངེས་པ་ཉིད་ཀྱི་ཕྱིར་རོ། །བསྔོས་པ་ལས་བསྒྱུར་བའི་སྤང་བའོ།། །།#ཞག་བདུན་པར་བྱིན་གྱིས་བརླབས་པའི་ཉི་མ་འདས་སོ་ཅོག་དགེ་སློང་ལ་བརྗོད་པར་
[179a.5]བྱའོ་ཞེས་བྱ་བ་ནི་དེང་ཕྱིན་ཆད་དུ་ཉི་མ་དང་པོ་འདས་ཏེ་དེང་ཉི་མ་གཉིས་པ་ལགས་སོ་ཞེས་བྱ་བ་ལ་སོགས་པའོ། །གང་དུ་གསོག་འཇོག་གི་སྤང་བར་འགྱུར་ཞེ་ན། དེའི་ཕྱིར་བཟའ་བའི་ཕྱིར་འཆང་ནའོ་ཞེས་བྱ་བ་སྨོས་ཏེ། གསོག་འཇོག་ཉིད་ཀྱི་རྒྱུ་མཚན་ལ་བརྟགས་པའི་ཕྱིར་ཡོངས་སུ་སྤྱོད་པ་ལ་
[179a.6]ལྟུང་བྱེད་འདི་རྣམ་པར་གཞག་པར་བྱས་པའོ། །གང་གི་ཕྱིར་སྤང་བ་ཡོངས་སུ་སྤྱད་པ་ལ་དོན་མེད་པ་གླགས་མེད་པ་ཉིད་དོ། །འོ་ན་དེའི་འོག་ཏུ་ཡོངས་སུ་ལོངས་སྤྱད་པར་བྱ་བ་སྤང་བའི་ལྟུང་བྱེད་ཅེས་བྱ་བ་འདིར་མདོ་ལས་གསུངས་སོ་ཞེ་ན། བདེན་མོད་ཀྱི་འོན་ཀྱང་འདིའི་འཆང་བ་ལ་ཉེ་བར་མཚོན་པ་
[179a.7]དོན་གྱིས་རྣམ་པར་གནས་པ་ཡིན་ནོ། །དེ་བཞིན་དུ་ལྟུང་བ་རྒྱས་པར་བཤད་པ་ནི་འདིར་འཆང་བ་ལ་ལྟུང་བ་བརྗོད་པའི་ཕྱིར་དགེ་སློང་ལ་ཚེས་གཅིག་ལ་སྨན་ཞིག་བྱུང་ལ་ཚེས་གཉིས་པ་ལ་ཡང་སྨན་ཕྱི་མ་ཞིག་བྱུང་ན་དགེ་སློང་དེས་ཉི་མ་བདུན་པོ་དེ་ཉིད་ཀྱི་ནང་དུ་#སྔ་མ་ཤོས་བྱིན་གྱིས་བརླབ་#པར་བྱ་ཞིང་ཕྱི་མ་
[179b]
[179b.1]ཤོས་གཏང་#བར་བྱ་བའམ་གཞན་ལ་སྦྱིན་པར་བྱའོ། །ཡང་ན་ཕྱི་མ་ཤོས་བྱིན་གྱིས་བརླབ་པར་བྱ་ཞིང་སྔ་མ་ཤོས་གཏང་#བར་བྱ་བའམ་གཞན་ལ་སྦྱིན་པར་བྱའོ། །བྱིན་གྱིས་མི་རློབ་པར་བྱད་(བྱེད་)དམ་གཏོང་བར་མི་བྱེད་དམ་གཞན་ལ་སྦྱིན་པར་མི་བྱེད་ན་ཉི་མ་བརྒྱད་པའི་སྐྱ་རེངས་#ཤར་བ་ན་སྤང་བའི་ལྟུང་བྱེད་དོ་ཞེས་
[179b.2]གསུངས་པའི་ཕྱིར་རོ། །ཇི་སྲིད་འཆང་ཞེ་ན། དེའི་ཕྱིར་དེའོ་ཞེས་བྱ་བ་སྨོས་ཏེ། ཞག་བདུན་པར་བྱིན་གྱིས་བརླབ་པར་བྱས་པ་དེ་ཞེས་བྱ་བའི་དོན་ཏོ། །བྱིན་གྱིས་མ་བརླབས་#པ་ནི་ཞག་བདུན་ལས་འདས་པར་འཆང་བར་བྱ་བ་ཉིད་མ་ཡིན་ཏེ། གང་གི་ཕྱིར་རུང་བ་ལ་#འཆང་བར་བཀག་པ་སྟེ། འཐད་
[179b.3]པའི་ངོ་བོར་ནི་མ་ཡིན་ཏེ། དབྱིག་དང་གསེར་ལ་ཡང་དོན་ལ་བརྟེན་ནས་རྗེས་སུ་གནང་བ་ཉིད་ཀྱི་ཕྱིར་རོ། །ནམ་གྱི་ཚེ་སྤང་བར་འགྱུར་ཞེ་ན། དེའི་ཕྱིར་སྐྱ་རེངས་#བརྒྱད་པ་ཤར་ནའོ་ཞེས་བྱ་བ་#སྨོས་ཏེ། འདིར་ཚད་ནི་བླངས་པ་ཉིད་ན་འབྱུང་བ་ཞེས་བྱ་བ་རྣམ་པར་གནས་པ་ཡིན་ནོ། །ཉེ་བར་ལོངས་
[179b.4]སྤྱད་#པར་བྱ་བ་མ་ཡིན་པ་ལ་ཉེ་བར་ལོངས་སྤྱོད་པའི་དོན་དུ་འཆང་བ་ཞེས་བྱ་བ་འདི་ནི་ཁ་ན་མ་ཐོ་བའོ། །བྱིན་ལེན་མ་བྱས་པ་དང་རུང་བ་མ་ཡིན་པ་དང་བརྟག་པ་གཞན་དང་རྫས་གཞན་དང་འདྲེས་པ་ཉིད་ཀྱིས་ཞེས་བྱ་བ་ལ་སོགས་པ་གཞན་ཡང་མི་རུང་བ་ཉིད་དུ་གྱུར་པ་ལ་ཉེ་བར་ལོངས་སྤྱད་པར་བྱ་བ་#ཉིད་མ་
[179b.5]ཡིན་ནོ། །དེ་བཞིན་དུ་དུས་སུ་རུང་བ་དང་ཐུན་ཚོད་#དུ་རུང་བ་དང་འཚོ་བའི་བར་དུ་འཆང་བ་རྣམས་ལ་སྐྱོན་གྱིས་རུང་བ་མ་ཡིན་པ་ཉིད་དུ་འགྱུར་བའམ#། ཞག་བདུན་པ་ལས་བྱེ་བྲག་འགའ་ཡང་མེད་དོ། །གང་གི་ཕྱིར་འདིར་དེ་རྣམས་ལོངས་སྤྱད་པར་བྱ་བ་མ་ཡིན་པ་རྣམས་ལ་ལོངས་སྤྱད་#པའི་དོན་དུ་འཆང་
[179b.6]བས་#ཉེས་པ་འདི་མེད་པར་འགྱུར་བའམ་ན་སྨད་པ་མེད་པ་ཉིད་དོ། །དེ་ལྟ་བས་ན་འདིར་སྨོས་པ་ནི་དཔེ་ཙམ་དུ་ཟད་པར་རིག་པར་བྱའོ་ཞེས་བྱ་བ་འདི་རྣམ་པར་གཞག་པ་འདི་རྟོགས་པར་བྱའོ། །གང་ཞེ་ན། དེའི་ཕྱིར་བཟའ་བར་བྱ་བ་རུང་བ་མ་ཡིན་པ་ཉིན་མཚན་འདས་པ་ནི་འདིར་ཟོས་པ་དང་འདྲ་བར་
[179b.7]རྣམ་པར་གཞག་གོ་ཞེས་བྱ་བ་སྨོས་ཏེ། བཟའ་བར་བྱ་བ་ཟོས་པ་ལྟར་ཞེས་བྱ་བ་འདིར་རྣམ་པར་གཞག་པའོ། །རུང་བ་མ་ཡིན་པ་ཉིན་མཚན་འདའ་བར་བྱེད་ན་ལྟུང་བ་ཞེས་བྱ་བ་སྨོས་ཏེ། སྐྱ་རེངས་#བརྒྱད་པ་ཤར་ནའོ་ཞེས་བྱ་བ་ནི་འདིར་དོན་ཏོ། །འདིར་ཉིན་ཞག་ལ་ཉིན་མཚན་ཞེས་བྱ་བ་བརྗོད་པ་ཡིན་ནོ། །
[180a]
[180a.1]ཉིན་མཚན་འདའ་བར་བྱེད་པ་ནི་ནང་དུ་ཞག་ལོན་པ་དང་ནང་དུ་བཙོས་པ་ལ་སོགས་པ་རུང་བའི་བཟའ་བ་ཇི་ལྟ་བུ་ཐོས་པ་ལ་ཁ་ན་མ་ཐོ་བ་དེ་ལྟ་བུ་འདིར་འཆང་བ་ལ་རིགས་པ་ཡིན་གྱི་ལྷག་པ་ནི་མ་ཡིན་ནོ། །གང་གི་ཕྱིར་མི་རིགས་པར་གྱུར་པ་ཟ་བར་བྱེད་པ་ལ་ནང་དུ་ཞག་ལོན་པ་དང་
[180a.2]ནང་དུ་བཙོས་པ་ལ་སོགས་པ་རྣམས་ལ་ཉེས་བྱས་ཏེ་འཆང་བ་ལ་ནི་སྤང་བའོ་ཞེས་གསུངས་སོ། །དེ་བས་ན་འདིར་ཟོས་པ་ལྟར་ཞེས་བྱ་བ་བསྟེན་#པའོ། །དེ་དོན་གང་གི་ཕྱིར་བརྟགས་པ་དེའི་ཕྱིར་ནི་ལྟུང་བ་མེད་དོ་ཞེས་བྱ་བ་ནི་བཟའ་བའི་དོན་ལས་དོན་གཞན་གང་ཞིག་ལ་ཞག་བདུན་པ་བརྟག་པ་དོན་དེའི་
[180a.3]ཕྱིར་འཆང་བ་ལ་ལྟུང་བ་མེད་དོ། །དོན་མ་བཅད་པར་འཆང་བ་བཟའ་བའི་དོན་ཉིད་ལ་ཁོངས་སུ་གཏོགས་པ་ཉིད་ནི་མ་ཡིན་ནོ། །དེ་བས་ན་དེར་ཉེས་པ་མེད་པ་འམ་ན་སྨད་པ་མེད་#པའོ། །བག་མེད་པ་དང་དྲན་པ་བརྗེད་#ངས་པས་འཆང་བ་ནི་འཆང་བ་མ་ཡིན་པའོ། །དེ་བས་ན་འདིར་ཡང་ཡིད་
[180a.4]ཀྱིས་མ་བསྡུས་པ་ཉིད་ལ་རུང་བ་མ་ཡིན་པའི་དོན་ལས་འདིའི་སྒོ་ནས་འདའ་བར་བྱེད་པ་ནི་མ་ཡིན་ནོ། །རུང་བ་མ་ཡིན་པའི་དོན་ལས་བསྡུས་ཏེ། དངོས་པོ་ལ་མ་བརྟེན་པར་རུང་བ་མ་ཡིན་པའི་དོན་ལ་འདི་ཙམ་ཉིད་དུ་དོན་མེད་པར་ཉེས་བྱས་སུ་རྣམ་པར་གནས་པ་ཡིན་ནོ་ཞེས་བྱ་བར་རིག་པར་བྱའོ། །
[180a.5]སྣར་བླུགས་པ་དང་བསྐུ་མཉེ་བྱས་པ་དག་ནི་གསོག་འཇོག་བྱས་ཀྱང་རུང་ངོ་ཞེས་བྱ་བ་ནི་ཞག་བདུན་པའི་དབང་དུ་བྱེད་པ་ན་མཚུངས་པ་ཉིད་ཀྱི་ཕྱིར་འདི་རྟོགས་པའོ། །ཞག་བདུན་པའི་སྤང་བའོ། །སྤང་བ་རྣམས་རྫོགས་སོ།། །།དགེ་འདུན་འདུས་པ་ལ་ཤེས་བཞིན་དུ་ཆོས་མ་ཡིན་པ་
[180a.6]ཆོས་སུ་དང་། ཆོས་ཆོས་མ་ཡིན་པར་བསྟན་པ་ནི་ཉེས་པ་སྦོམ་པོའོ་ཞེས་བྱ་བ་ལ། ཤེས་བཞིན་དུ་ཞེས་བྱ་བ་ནི་ཆོས་དང་ཆོས་མ་ཡིན་པ་ཉིད་དོ། །དགེ་འདུན་འདུས་པ་ལ་ཞེས་བྱ་བ་ནི་དགེ་འདུན་དབྱེ་བའི་ཕྱིར་འགྲོ་བ་ལ་དེའི་སྦོམ་པོའི་ལྟུང་བ་བསྐྱེད་པའོ། །དེ་བས་ན་གཞན་དུ་ནི་འདི་མེད་པའོ། །
[180a.7]གསོ་སྦྱོང་ལ་ཅི་འདི་ལ་ཁྱེད་ཡོངས་སུ་དག་གམ་ཞེས་ལན་གསུམ་གྱི་བར་དུ་དྲིས་པ་ལས་མ་དག་པར་ཤེས་བཞིན་དུ་ཅང་མི་སྨྲ་བས་འདའ་བར་བྱེད་ན་ཉེས་བྱས་སོ་ཞེས་བྱ་བ་ནི་འདིར་ཚིག་ལ་ནི་ཡན་ལག་ཉིད་ཀྱི་ཕྱིར་ན་འདིར་ནི་ན་སྨད་པ་ཉིད་དོ། །ཅང་མི་སྨྲ་བས་#འདའ་བར་བྱེད་པ་འདི་ནི་དཔེ་ཡིན་ཏེ། ཚིག་ལས་
[180b]
[180b.1]གཞན་པ་ཐམས་ཅད་ལ་འདིས་གོ་བར་བྱེད་པ་ལ་འཕངས་པར་རིག་པར་བྱའོ། །གང་དུ་བརྫུན་དུ་སྨྲ་བའི་ལྟུང་བྱེད་ཅེ་ན། དེའི་ཕྱིར་དེ་གཉིས་དང་#ཕམ་པར་འགྱུར་བ་དང་དགེ་འདུན་ལྷག་མར་གྱུར་པ་གཉིས་ལས་གཞན་པའི་བརྫུན་དུ་སྨྲ་བའོ་ཞེས་བྱ་བ་སྨོས་ཏེ། འདུ་ཤེས་རྣམ་པར་བཞག་ནས་ཞེས་བྱ་
[180b.2]བ་ནི་འདིར་ཕམ་པར་རྒྱས་པར་བཤད་པའི་རྗེས་སུ་འབྲངས་ནས་རྟོགས་པར་བྱའོ། །དེ་གཉིས་དང་ཞེས་བྱ་བ་ནི་བསྟན་མ་ཐག་པའི་ཉེས་པ་སྦོམ་པོར་འགྱུར་བ་དང་། ཉེས་བྱས་སུ་འགྱུར་བའི་བརྫུན་དུ་སྨྲ་བ་གཉིས་སོ། །བརྫུན་དུ་སྨྲ་བ་རྣམ་པ་བཞི་པོ་དེ་དག་ལས་གཞན་པའི་ལྟུང་བ་འདིར་འགྱུར་
[180b.3]རོ་ཞེས་བྱ་བའི་དོན་ཏོ། །སྨྲ་བར་#འདོད་པ་ཉིད་ལ་འདུ་ཤེས་རྙེད་པ་ལ་བརྫུན་དུ་སྨྲ་བ་ཞེས་བྱ་བ་འདི་ཐེ་ཚོམ་མེད་པར་སྨྲ་བར་གྱུར་པ་ཉིད་ལ་འདུ་ཤེས་ཐོབ་པ་ལ་བརྫུན་དུ་སྨྲ་བ་ཡོད་པར་མི་འགྱུར་རོ་ཞེས་བྱ་བ་གང་ཞིག་ལ་དོགས་པར་གྱུར་ན། དེ་བཟློག་པའི་དོན་དུ་བརྗོད་པར་བྱ་སྟེ། སྨྲ་བའི་ཚེ་ཉིད་ན་ཡང་
[180b.4]འདུ་ཤེས་བྱུང་ན་དེ་ཀུན་ནས་སློང་བ་ཡིན་ནོ་ཞེས་བྱ་བ་ལ། འདུ་ཤེས་བྱུང་ན་ཞེས་བྱ་བ་ནི་གཞན་དུ་སྨྲ་བར་གྱུར་པ་ལ་ཞེས་བྱ་བའི་དོན་གྱིས་ཤེས་པར་བྱའོ། །དེ་ཞེས་བྱ་བ་ནི་བརྫུན་དུ་སྨྲ་བའོ། །ཡང་ཞེས་བྱ་བའི་སྒྲ་ནི་སྨྲ་བར་འདོད་པ་ཉིད་ལ་ཡང་ངོ་། །འདིར་གཞུང་ནི་བརྫུན་དུ་སྨྲ་བ་རྣམ་པ་གཉིས་པོ་
[180b.5]གང་ཞེ་ན། ཤེས་བཞིན་དུ་བརྫུན་གྱི་ཚིག་སྨྲ་བ་ནི་འདི་སྙམ་དུ་བརྫུན་གྱི་ཚིག་སྨྲའོ་སྙམ་པ་དང་། སྨྲས་པའི་འོག་ཏུ་འདི་སྙམ་དུ་བདག་གིས་བརྫུན་གྱི་ཚིག་སྨྲས་སོ་སྙམ་པ་སྟེ། དེ་བས་ན་འདིར་བརྫུན་དུ་སྨྲ་བ་གཅིག་པུ་ཉིད་ལ་རྣམ་པ་གཉིས་ཡིན་ཏེ། རྣམ་པ་གཉིས་འདི་ལ་ཡོད་པའི་ཕྱིར་རྣམ་པ་
[180b.6]གཉིས་དང་ལྡན་པ་ཉིད་ཀྱིས་བརྗོད་པའོ། །གཅིག་པུ་གཅིག་གིས་ནི་མ་ཡིན་ནོ། །དེ་བས་ན་རྣམ་པ་གཉིས་དང་ལྡན་པའི་བརྫུན་དུ་སྨྲ་བ་ཉིད་བསྟན་ཏེ། དེ་ལྟར་ཡང་རྣམ་པ་གཅིག་པ་འབའ་ཞིག་གིས་བརྫུན་དུ་སྨྲ་བ་ནི་ཡོད་པ་མ་ཡིན་ཏེ་ཞེས་བྱ་བ་གསུངས་སོ། །ངེས་པར་སྨྲ་བར་གྱུར་པ་ཉིད་ཀྱི་འདུ་ཤེས་
[180b.7]ཅན་གྱི་སྨྲ་བ་ཉིད་ལ་ཡང་འདི་བསྒྲུབ་#པ་ཞེས་བྱ་བ་འདིའི་ཚིག་སྟེ། སྨྲ་བ་ཉིད་ཀྱི་འདུ་ཤེས་ལ་ནི་མ་ཡིན་ནོ། །འདུ་ཤེས་ལ་སྨྲ་བར་གྱུར་པ་ཉིད་ལ་ཡང་མ་གྲུབ་པ་ཞེས་བྱའོ། །འདུ་ཤེས་སྔ་མ་ལ་ནི་ཕྱི་མ་གནས་པའི་ངོ་བོ་སྟེ། ཕྱི་མ་ལ་ནི་སྔ་མས་མ་ཡིན་ནོ་ཞེས་བྱ་བའོ། །མནའ་དོར་བར་མི་བྱའོ་ཞེས་
[181a]
[181a.1]བྱ་བ་ནི་ཕྲན་ཚེགས་རྣམས་ལས་བཏུས་པ་ཡིན་ཏེ། ཐམས་ཅད་བདག་ལ་བདེན་པ་ལ་འཇུག་པ་མ་ཡིན་ཏེ་ཞེས་བྱ་བ་འདི་ལ་འདི་བསྟན་པ་སྟེ། གང་ཞིག་མནའ་མེད་པའོ། །དེ་བས་ན་བརྫུན་དུ་སྨྲ་བའི་ཕྱོགས་ཉིད་ཀྱི་ཕྱིར་འདི་ལ་འདིར་སྤོང་བའོ། །དེ་ལྟར་ཡང་དགེ་སློང་རྣམས་
[181a.2]ནི་བདེན་པར་སྨྲ་བར་འདོད་པ་ཡིན་ཏེ། རབ་ཏུ་བྱུང་བ་ཉིད་ལ་ཞེས་བྱ་བར་བརྗོད་ནས་དེ་བས་ན་དགེ་སློང་གིས་མནའ་དོར་བར་མི་བྱ་བའི་ཚིག་འདིའོ། །བརྫུན་དུ་སྨྲ་བའི་ལྟུང་བྱེད་དོ།། །།རུང་བ་མ་ཡིན་པར་བསམ་#པས་གང་ཡང་རུང་བའི་སྐྱོན་ནས་སྨྲ་བར་འདོད་ནས་སྐྱོན་ནས་སྨྲ་བའི་ལྟུང་བྱེད་ཅེས་
[181a.3]བྱ་བ་འཆད་པར་འགྱུར་རོ། །དེ་ལ་ཅི་ཞིག་བསྙེན་པར་མ་རྫོགས་པ་ལ་ཡང་རུང་བ་མ་ཡིན་པར་བསམ་པ་བརྗོད་པ་ཡང་འདི་ཡིན་ནམ་ཞེ་ན། དེའི་ཕྱིར་དགེ་སློང་གིའོ་ཞེས་བྱ་བ་སྨོས་ཏེ། འདིར་དགེ་སློང་ནི་ཡུལ་དུ་རྟོགས་པར་བྱ་སྟེ། དགེ་སློང་གི་ཡུལ་བརྗོད་པ་ཞེས་བྱ་བའི་དོན་ཏོ། །འོག་མ་ལ་ཡང་ངོ་
[181a.4]ཞེས་བྱ་བ་ནི་ཕྲ་མ་བྱེད་པའི་ལྟུང་བྱེད་ལ་ཡུལ་དགེ་སློང་ཉིད་དུ་རྟོགས་པར་བྱ་ཞེས་བྱ་བའི་དོན་ཏོ། །སྨྲས་ན་ཞེས་བྱ་བ་ནི་བསླབ་པའི་གཞི་གཉིས་ཀ་ཡང་དགེ་སློང་གི་ཡུལ་ཁོ་ན་ལ་#རིག་པར་བྱ་སྟེ། དགེ་སློང་ལ་བརྗོད་པ་ལ་ཞེས་བྱ་བའོ། །གཞན་ལ་ནི་འདི་དག་བརྗོད་པ་འམ་སྨྲས་པ་གཅིག་པུ་ལ་
[181a.5]གཏོགས་#པའི་ཕྱོགས་ཉིད་ཀྱི་ཕྱིར་ཉེས་བྱས་སུ་རིག་པར་བྱའོ། །དག་པའི་སེམས་ཀྱིས་ཀྱང་རུང་བ་མ་ཡིན་པར་བསམ་པ་བརྗོད་པ་བྱུང་བ་ཡིན་ནོ། །དེའི་ཁྱད་པར་དུ་བྱས་པ་སྟེ། སྐྱོན་ཉིད་བརྗོད་པར་འདོད་པས་སོ་ཞེས་བྱ་བའོ། །ཚིག་ཇི་ལྟ་བུས་ཤེ་ན། དེའི་ཕྱིར་འཇམ་པས་ཀྱང་རུང་རྩུབ་པས་ཀྱང་
[181a.6]རུང་ངོ་ཞེས་བྱ་བ་སྨོས་ཏེ། སྐྱོན་ལས་སྨྲ་བ་དང་བཅས་པའི་ཚིག་རྩུབ་མོ་#སྨྲས་ན་དངོས་གཞིར་འགྱུར་གྱི་གཞན་ལ་ནི་ཉེས་བྱས་ཞེས་བྱ་བའོ། །དེ་ལྟར་ན་ཚིག་རྩུབ་པོ་སྨྲས་པ་ཡང་བསླབ་པའི་གཞི་འདི་དག་ཉིད་ལ་ཁོངས་སུ་བསྡུ་བ་ཉིད་ཅེས་བྱ་བ་འདིས་ཡང་དག་པར་རིག་པར་བྱའོ། །རུང་བ་མ་ཡིན་
[181a.7]པར་བསམ་པ་གང་ཡང་རུང་བ་སྨྲ་ནའོ་ཞེས་བྱ་བ་ནི། ཁྱོད་ནི་མཛེ་ཅན་ནོ་ཞེས་བྱ་བ་ལ་སོགས་པས་སྒྲ་#ལ་ཡང་ཁྲོ་བ་པོ་ཉིད་ཅེས་བྱ་བ་ཉེ་བའི་ཉོན་མོངས་པ་ལ་སོགས་པ་སྨད་པར་བསམ་པ་གང་ཡང་རུང་བ་བརྗོད་པ་ལ་སྐྱོན་ནས་སྨྲ་བའི་ལྟུང་བྱེད་དུ་འགྱུར་རོ་ཞེས་བྱ་བའི་དོན་ཏོ། །མི་དགའ་བ་ཉིད་དུ་མ་
[181b]
[181b.1]གྱུར་ན་ཡང་ངོ་ཞེས་བྱ་བ་ལ། མི་དགའ་བ་ཉིད་ཅེས་བྱ་བ་ནི། ཁྲོས་པ་དང་འཁྲུགས་#པ་དང་ཡི་ཆད་པ་དང་སྐེངས་པ་དང་ཡུལ་ཡུལ་བོར་གྱུར་པ་ཞེས་བྱ་བ་རྣམས་དང་དོན་གཅིག་གོ། །དེ་ལྟར་འདིར་གཞུང་ནི་དགེ་སློང་སྤ་བཀོང་བ་ཉིད་དུ་གྱུར་ཀྱང་རུང་ཞེས་གསུངས་པ་ཡིན་ནོ། །གཞན་རྒྱལ་རིགས་ཉིད་
[181b.2]དང་བྲམ་ཟེ་ཉིད་ལ་སོགས་པ་ནི་ཉེས་བྱས་སོ་ཞེས་བྱ་བ་ལ་གཞན་ཞེས་བྱ་བ་ནི། རུང་བ་མ་ཡིན་པར་བསམ་#པ་ལས་གཞན་པ་སྟེ། རྒྱལ་རིགས་ཉིད་དང་བྲམ་ཟེ་ཉིད་ལ་སོགས་པ་ལ་རུང་བ་མ་ཡིན་པའི་བསམ་པས་སྨྲ་ན་ཉེས་བྱས་སོ། །སྐྱོན་ནས་སྨྲ་བའོ།། །།གང་དུ་ཕྲ་མ་བྱེད་
[181b.3]པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་ཕྲ་མ་བྱེད་འདོད་པས་ཆེ་གེ་མོ་ཞིག་ཟེར་རོ་ཞེས་སྨྲ་ནའོ་#ཞེས་བྱ་བ་སྨོས་ཏེ། འདིར་སྐྱོན་ཉིད་ཀྱང་ཡན་ལག་མ་ཡིན་ལ་རུང་བ་མ་ཡིན་པ་བསམས་པ་ཉིད་ཀྱང་#བྲམ་ཟེ་ལ་སོགས་པས་སོ། །བྱེ་བྲག་ཏུ་སྨྲ་བའི་སྒྲ་ལ་ཐ་དད་པར་བྱས་པ་ཉིད་ཀྱི་ཕྱིར་དེ་བས་ན་#མི་
[181b.4]བརྟེན་#པའོ། །སྤྱིར་#ཡང་ཆེ་གེ་མོ་ཞིག་ཟེར་རོ་ཞེས་བྱ་བ་བརྗོད་པ་འདི་ལ་ལྟུང་བ་ཅིར་འགྱུར་ཞེ་ན། དེའི་ཕྱིར་གལ་ཏེ་མིང་ནས་སོ་ཞེས་བྱ་བ་སྨོས་ཏེ། ཆེ་གེ་མོ་ཞིག་ཟེར་རོ་ཞེས་བྱ་བ་གལ་ཏེ་དེའི་མིང་གིས་སྨོས་པར་བྱེད་ན་གལ་ཏེ་མིང་གིས་ཆེ་གེ་མོ་དེ་ལ་བརྗོད་#པར་བྱེད་ན་ཞེས་བྱ་བའི་དོན་ཏོ། །
[181b.5]དེ་ཡང་དགེ་སློང་ཉིད་ཡིན་ནའོ་ཞེས་བྱ་བ་ནི་གང་གི་མིང་དེས་གལ་ཏེ་བརྗོད་ན་ཞེས་བྱ་བ་སྨོས་པར་བྱད་(བྱེད་)ན་གལ་ཏེ་དེ་ལ་དགེ་སློང་ཉིད་ཡིན་ནའོ་ཞེས་བྱ་བའི་དོན་ཏོ། །དགེ་སློང་ཉིད་མ་ཡིན་པ་ལ་གཅིག་གམ་གཉིས་པོ་དག་ལ་ཉེས་བྱས་སོ་ཞེས་བྱ་བའི་རྗེས་སུ་འབྲངས་ནས་རྟོགས་པར་བྱའོ། །གཞན་དུ་
[181b.6]ནི་ཉེས་བྱས་སོ་ཞེས་བྱ་བ་ནི་གོ་བར་བྱེད་པ་མ་ཡིན་པས་རྣམ་གཅོད་#ལ་རིགས་ལ་སོགས་པ་དང་ལྡན་པས་བརྗོད་པ་ལ་ཉེས་བྱས་སོ། །ཕྲ་མ་བྱེད་པའི་ལྟུང་བྱེད་དོ།། །།#ཤེས་གཙོ་བོ་ཞེས་བྱ་བ་ནི་འདུ་ཤེས་ལ་བྱེད་པ་པོ་ཉིད་གཙོ་ཆེར་ཞེས་#བྱ་བའི་དོན་ཏོ། །འདུ་ཤེས་གང་ལས་ཤེ་ན། དེའི་ཕྱིར་དགེ་
[181b.7]སློང་གཉིས་ཀྱི་རྩོད་པ་ཉིད་དགེ་འདུན་གྱིས་ལེགས་པར་ཞི་བར་#བྱས་པ་ཉིད་ལའོ་ཞེས་བྱ་བ་སྨོས་ཏེ། རྩོད་པ་ལ་དགེ་འདུན་གྱི་ཡང་དག་པར་དགེ་འདུན་གྱིས་སོ། །དགེ་འདུན་ལ་ཡང་རྩོད་པ་ཉིད་ལ་འདུ་ཤེས་ལ་བྱེད་པ་པོ་ཉིད་ཅེས་བྱ་བའི་དོན་ཏོ། །རྩོད་པའི་གཞི་ལ་རྩོད་པའི་གཞིར་འདུ་ཤེས་པ་ཞེས་བྱ་བ་
[182a]
[182a.1]རྩོད་པའི་གཞི་ལ་འདུ་ཤེས་གང་ཞིག་རྙེད་པ་དེ་འདིས་བསྡུས་པ་ཡིན་ནོ། །རྒོལ་བ་དང་ཕྱིར་རྒོལ་བ་གཉིས་ཀ་ལ་དགེ་སློང་ཉིད་ཡིན་ན་སྐྱོ་སྔོགས་བྱེད་པའི་དངོས་གཞིའོ། །གཅིག་གམ་གཉིས་ཀ་དག་གམ་གཞན་ཉིད་ལ་ཞེས་བྱ་བར་རིག་པར་བྱའོ། །འདིར་གཞུང་ནི་ཞུ་བ་
[182a.2]ལས་བཙུན་པ་དགེ་སློང་གིས་དགེ་སློང་མ་དང་རྩོད་པ་ལ་སྐྱོ་སྔོགས་བགྱིད་ན་ལྟུང་#བ་ཅིར་འགྱུར་ཉེས་བྱས་སུའོ། །དེ་བཞིན་དུ་དགེ་སློང་མ་དང་དགེ་ཚུལ་དང་དགེ་ཚུལ་མ་དང་དགེ་བསྙེན་དང་དགེ་བསྙེན་མ་ལ་ཡང་རྩོད་པའི་གཞི་དགེ་སློང་གིས་སྐྱོ་སྔོགས་བྱེད་ན་ཉེས་བྱས་སོ། །དེ་བཞིན་དུ་དགེ་སློང་དང་དགེ་
[182a.3]ཚུལ་དང་དགེ་སློབ་མ་དང་དགེ་ཚུལ་མ་ལ་ཞེས་བྱ་བ་ལ་སོགས་པ་གསུངས་པ་ཡིན་ནོ། །སྐྱོ་སྔོགས་སོ་ཞེས་བྱ་བ་ནི་ཡང་དག་པ་མ་ཡིན་པར་བྱས་པ་ཉིད་དུ་འབྱུང་བ་ཞེས་བྱ་བའི་དོན་ཏོ། །ཡང་ལས་སུ་བྱས་པ་#ཡང་བྱ་བ་ཉིད་ཀྱིས་ཤེས་པ་འདིར་གང་ཞིག་སྨོས་པ་དེ་འདིར་ངེས་པ་ཅན་གྱི་ཆོས་ལ་
[182a.4]རྗེས་སུ་བརྗོད་པའོ། །ཡང་དག་པར་བྱ་བ་འབྱུང་བ་ལ་སྐྱོ་སྔོགས་བྱེད་པ་ཉིད་ཀྱི་ཕྱིར་རོ། །དེ་བས་ན་འདིར་བསྡུ་བའོ། །གང་ཟག་ཇི་ལྟ་བུ་དང་ཁ་ན་མ་ཐོ་བ་ཇི་ལྟ་བུ་ལ་འདིར་འདུ་ཤེས་ཀྱི་བྱེད་པ་པོ་ཉིད་ཡིན་ཞེ་ན། དེའི་ཕྱིར་གཉུག་མར་གནས་པ་དང་ལས་བྱེད་པ་དང་འདུན་པ་འབུལ་བ་རྣམས་ཁོ་ན་དངོས་
[182a.5]གཞིའོ་ཞེས་བྱ་བ་སྨོས་ཏོ། །དེས་#འདི་རྣམས་ལ་ཡང་དག་པར་བཞག་པ་ཉིད་ལ་ངེས་པ་ཞེས་བྱ་བ་འདི་ལས་མདུན་དུ་གང་ཞིག་འདུ་ཤེས་པར་གྱུར་པ་ཉིད་ཀྱི་སྐྱོ་སྔོགས་བྱེད་པ་དེ་འདི་རྣམས་ལ་དངོས་གཞིའོ། །དངོས་གཞིའི་གནས་ལ་ཡང་གཞན་ལ་ཉེས་བྱས་ཞེས་བྱ་བའི་དོན་ཏོ། །ཤེས་གཙོ་བོ་ཞེས་
[182a.6]བྱ་བ་འདི་ལ་སྤྲོས་པ་འདི་རིག་#པར་བྱའོ། །ལྟ་བ་སྨྲ་བ་དང་གློ་བུར་དུ་འོངས་པ་དག་ལ་ནི་ཉེས་བྱས་ཁོ་ནའོ་ཞེས་བྱ་བ་ནི་གློ་བུར་དུ་འོངས་པ་ཉིད་ཡིན་པས་རྒྱུས་#མི་ཤེས་པའི་ཕྱིར་རྩོད་པའི་གཞི་དང་བཅས་པ་ལ་འདི་ཐོག་མ་དང་བར་དང་ཐ་མར་མངོན་པར་མི་#ཤེས་པའི་ལྟ་བ་སྨྲས་པ་ཉིད་ནི་སྐྱོ་སྔོགས་བྱེད་པ་འདི་
[182a.7]དག་གི་ལྟ་བ་སྨྲ་བར་བྱེད་པ་དག་ནི་འདི་མི་འདོད་ཅེས་བྱ་བ་ངེས་པ་འདི་དག་ལ་ཡང་དག་པར་བཞག་པ་ཉིད་ལ་ངེས་པ་མེད་ཅེས་བྱ་བ་དེའི་ཕྱིར་གང་ཞིག་རྒྱུས་མི་ཤེས་པར་འགྱུར་རོ། །སྐྱོ་སྔོགས་བྱེད་པ་དེ་བས་ན་འདི་ནི་ཉེས་བྱས་སོ། །རྩོད་པ་གཞན་ཉིད་ལ་རྩོད་པ་གཞན་དུ་ཤེས་པ་ནི་དེ་དང་འདྲ་བ་ཉིད་
[182b]
[182b.1]ཡིན་ནོ་ཞེས་བྱ་བ་ནི་རྩོད་པ་གཞན་ཉིད་ཀྱིས་#འདུ་ཤེས་པ་ལ་རྩོད་པ་དེ་དང་ལྡན་པ་ཉིད་དོ། །རྩོད་པ་གཞན་ཉིད་ནི་ངག་གིས་འདིའི་འདུ་ཤེས་པ་ནི་དེར་གྱུར་པ་ཉིད་ཅེས་བྱ་བའི་དོན་ཏོ། །ན་སྨད་པའི་ངོ་བོ་ལ་འདི་བསྟན་པའོ། །འདིར་རྩོད་པ་ཉིད་ཚད་མར་ཡིན་གྱི་དེའི་བྱེ་བྲག་ནི་མ་ཡིན་ནོ་ཞེས་བྱ་བ་འདིར་རྣམ་པར་
[182b.2]གཞག་པ་འདི་ཡིན་ནོ། །ལྟུང་བའི་ཕྱིར་རྩོད་པ་ཉིད་དུ་འདུ་ཤེས་པ་ལ་ནི་ན་སྨད་པ་མེད་དོ། །དེ་བཞིན་དུ་གཞན་ལས་ཏ་དེའི་ཕྱིར་འདི་བྱེད་པའོ། །ལས་ཀྱི་འབྲས་བུ་ལ་གནས་པ་ལ་དེ་མ་ཡིན་པ་ཉིད་ཀྱིས་ཀུན་དུ་སྤྱོད་པ་ལ་ནི་ཕྱེད་ཉིད་དོ་ཞེས་བྱ་བ་ནི་ལས་ཀྱི་འབྲས་བུ་ལ་གནས་པ་ལ་ནི་ཤེས་པ་ལ་
[182b.3]སོགས་པའི་ལས་ཀྱི་འབྲས་བུ་ཐོབ་པ་ལ་ལས་ཀྱི་འབྲས་བུ་ལ་གནས་པ་དེར་གནས་པ་ཉིད་ཀྱི་ཀུན་དུ་སྤྱོད་པ་ལ་ནི་ཕྱེད་ཉིད་དོ། །ཡོངས་སུ་#རྫོགས་པའི་ཀུན་དུ་སྤྱོད་པ་ཉིད་ལ་ནི་ཉེས་བྱས་སུ་འགྱུར་ཞེས་བྱ་བའི་དོན་ཏོ། །འདིར་གཞུང་ནི་ཞུ་བ་ལས་བཙུན་པ་དགེ་སློང་གིས་བསླབ་པ་བྱིན་པ་ལ་འདི་
[182b.4]སྐད་ཅེས་ཁྱོད་བསླབ་པ་པོ་མ་ཡིན་ནོ་ཞེས་བགྱིས་ན་ལྟུང་བ་ཅིར་འགྱུར་ཉེས་བྱས་སུ་འགྱུར་རོ་ཞེས་གསུངས་པ་ཡིན་ནོ། །སྐྱོ་སྔོགས་བྱེད་པའོ།། །།འདི་ལ་བྱེད་པ་པོ་ཉིད་ནི་བུད་མེད་དོ། །ཁྱིམ་པ་མོ་ལ་སྟོན་པ་ལའོ། །སྐྱེས་པ་མེད་པར་རོ། །རེག་པའོ་ཞེས་བྱ་བ་སྔར་བསྟན་པ་དེ་ལ་ཉེ་
[182b.5]བར་མི་གནས་པ་ཉིད་ལ་རེག་པའི་སྐྱེས་པ་ལ་བསྟན་པའི་ལྟུང་བྱེད་གང་ལ་བྱེད་པ་པོ་ཉིད་བུད་མེད་ཡིན་ཞེ་ན། དེའི་ཕྱིར་སྟོན་པ་ལའོ་ཞེས་བྱ་བ་ནི་སྨོས་སོ#། །ཅི་ཞིག་སྟོན་པ་ལ་ཞེ་ན། དེའི་ཕྱིར་ཆོས་སོ་ཞེས་བྱ་བ་སྨོས་ཏེ། གྲོང་འདིའི་ལམ་འདི་མ་ཡིན་ཞེས་བྱ་བ་ལ་སོགས་པ་ལས་ཡང་དག་པའི་
[182b.6]བསམ་པས་ཆོས་ཀྱི་རྗེས་སུ་འགྲོ་བར་བྱའོ། །འདིར་བརྫུན་པའི་དངོས་པོ་ལ་ནི་སྒོ་ཡིན་ཏེ་གང་ཞིག་བུད་མེད་ལ་རང་དབང་མེད་པར་འཚེ་བའོ། །འདིའི་ཕྱིར་རང་དགར་སྨྲ་བའི་རྣམ་པས་དཔེ་ཡིན་ཏེ་ཞེས་བྱ་བ་འདི་ལ་འདིར་བསླབ་པའི་གཞི་དང་འབྲེལ་པའི་ཆོ་ག་དྲུག་པ་ཞེས་བྱ་བ་ལ་སོགས་པ་ཡོངས་སུ་བཟུང་
[182b.7]བའོ། །མཁས་པས་གོང་ནས་གོང་དུ་ཞེས་བྱ་བ་ལ་སོགས་པ་ཡང་འདྲི་བ་སྟེ་ཇི་ཙམ་ལས་ཤེ་ན། དེའི་ཕྱིར་ཚིག་དྲུག་པ་ལས་ལྷག་པར་རོ་ཞེས་བྱ་བ་སྨོས་སོ། །གང་ཟག་#ཇི་ལྟ་བུས་ཤེ་ན། དེའི་ཕྱིར་ལྷག་པ་ཉིད་དུ་ཤེས་པ་ལའོ་ཞེས་བྱ་བ་སྨོས་ཏེ། དོན་ཡོད་པའི་དེར་འདུ་ཤེས་པ་ལ་དངོས་གཞི་བསྟན་
[183a]
[183a.1]པའོ། །དེར་མེད་པ་ལ་ལྟུང་བ་ཉེས་བྱས་ཞེས་བྱ་བའོ། །དེ་བས་ན་འདུ་ཤེས་འདི་ལ་གཙོ་ཆེར་བྱེད་པ་པོ་ཉིད་དོ་ཞེས་བྱ་བ་འདི་ལས་ཤེས་པ་པོ་ཉིད་དོ། །འདིར་ཡིད་གཉིས་ཟ་ན་ནི་ཡིད་གཉིས་ནི་འདུ་ཤེས་དང་འདྲའོ་ཞེས་བྱ་བས་ལྟུང་བ་རྣམ་པར་གཞག་པར་རིག་པར་བྱའོ། །ཚིག་སྔ་མ་
[183a.2]ལ་ནི་རྩོམ་པ་#ལྔ་པ་ལས་སོ་ཞེས་བྱ་བ་ནི་ཚིག་ལྔ་པའི་ཆོས་རྩོམ་པ་ལ་ཚིག་ལྔ་ལས་ལྷག་པར་སྟོན་པ་ན་གཞན་ཐམས་ཅད་ལ་དྲུག་པ་ལས་ཞེས་བྱ་བའི་དོན་ཏོ། །དོན་ལྔ་པ་ཡོངས་སུ་རྫོགས་པ་ལ་འདིར་མང་པོ་ཉིད་དོ། །ཐམས་ཅད་དུ་དྲུག་པ་ལ་ཞེས་བྱ་བའི་འདི་རྣམ་པར་གཞག་པའོ། །ཡོངས་སུ་
[183a.3]རྫོགས་པ་དང་ཡོངས་སུ་མ་རྫོགས་པ་དོན་གཅིག་པ་ཆད་པ་ལ་བརྟེན་པའི་ཚིག་ནི་འདིར་ཚིག་གོ། །གནས་སྐབས་ཀྱི་དོན་བསྟན་པ་ལ་བརྗོད་པར་འདོད་པ་ལ་གཟུགས་མི་རྟག་གོ་ཞེས་བྱ་བ་འདི་ལ་ཚིག་ཉིད་དོ། །གཟུགས་ཙམ་གྱི་དོན་རྗེས་སུ་བཤད་པ་སྨྲ་བར་འདོད་པ་ལ་ཕུང་པོ་ནི་ལྔ་སྟེ། གཟུགས་
[183a.4]དང་ཚོར་བ་དང་ཞེས་བྱ་བ་ལ་སོགས་པ་སྟེ། གཟུགས་ཞེས་བྱ་བ་འདི་ཉིད་ལ་ཚིག་གོ། །འདིར་མདོར་བསྟན་པ་ལ་ནི་རྒྱས་པར་བཤད་པ་ཚད་མ་ཡིན་པའི་ཕྱིར་ཐ་མི་དད་པར་རིག་པར་བྱ་སྟེ། དཔེར་ན་ཕུང་པོ་ལྔ་ཞེས་བྱ་བ་#ལྟ་བུའོ། །མཁས་པས་གོང་ནས་གོང་དུ་དྲིས་པ་གཏན་ལ་དབབ་པ་བྱས་པ་དང་།
[183a.5]སློབ་གཉེར་བསོད་པ་དང་། ཁ་ཏོན་ཞུ་བ་དང་། དམིགས་ཀྱིས་དྲི་བ་དང་། དུས་ཁྲིམས་དབོག་པ་དང་ཡོན་བཤད་པ་དག་ནི་མ་ཡིན་ནོ་ཞེས་བྱ་བ་ནི་མཁས་པས་གོང་ནས་གོང་དུ་དྲིས་པ་གཏན་ལ་དབབ་པ་བྱས་པ་དང་། སློབ་གཉེར་བསོད་པ་དང་། ཁ་ཏོན་ཞུ་བ་དང་། དམིགས་ཀྱིས་དྲི་བ་དང་། དུས་
[183a.6]ཁྲིམས་དབོག་པ་དང་། ཡོན་བཤད་པ་ལ་བརྟེན་པ་ལ་ཡང་བྱེད་པ་པོ་ཉིད་ནི་མ་ཡིན་ཏེ། དེ་ལ་ལྟུང་བ་མེད་དོ། །འདིར་རང་དང་ཉེ་བའི་གཞིར་གྱུར་པ་ཞེས་བྱ་བའི་དོན་ཏོ། །འདིར་ཁ་ཏོན་ཞུ་བ་སྨོས་པས་ཀློག་པ་ཡང་བསྡུས་པ་ཡིན་ནོ། །བཙུན་#མོ་ཕྲེང་ལྡན་མ་དང་དབྱར་ཚུལ་མ་གཉིས་ཀྱིས་
[183a.7]ཀློག་པའི་ཕྱིར་ཅི་བཀླགས་#ལགས་སམ་ཞེས་བྱ་བ་དང་ལྷོགས་ཤིག་ཅེས་བྱ་བའི་ཚིག་གིས་སོ། །དུས་ཁྲིམས་དབོག་པ་དང་ཡོན་བཤད་པ་གཉིས་ཀྱི་གཞུང་ནི་ཞུ་བའི་གཞུང་ཁ་ཅིག་ལས་ཡོན་བཤད་པ་ལ་ལྟུང་བ་མེད་དོ། །བསྙེན་གནས་ཡན་ལག་བརྒྱད་དང་ལྡན་པ་དབོག་པ་ལ་ལྟུང་བ་མེད་དོ་
[183b]
[183b.1]ཞེས་གསུངས་པ་ཡིན་ནོ། །གནས་གཞན་དུ་ནི་སྔ་མ་མ་བྱས་པ་ཉིད་དོ་ཞེས་བྱ་བ་ལ། གནས་གཞན་དུ་ཞེས་བྱ་བ་ནི་ཁང་བཟངས་#ལ་སོགས་པར་སྟོན་པ་ལ་སྔ་མ་གནས་ཁང་ལ་སོགས་པར་བྱས་པ་དང་ལྷན་ཅིག་མ་བྱས་པ་ཉིད་དེ། དེ་ལ་ལྟུང་བ་རྣམ་པར་གཞག་པར་མི་བྱའོ་ཞེས་#བྱ་བའི་དོན་ཏོ། །སྟོན་པའོ།། །།#
[183b.2]གང་དུ་འདོན་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་བསྙེན་པར་མ་རྫོགས་པ་དང་ཅིག་ཅར་རམ་མཇུག་ཐོགས་སུ་སྟོན་བྱེད་དུ་གྱུར་པའི་ཆོས་དང་ཡི་གེ་ཡང་འདོན་ནའོ་ཞེས་བྱ་བ་སྨོས་ཏེ། འདིར་གཞུང་ནི་ལུང་ལས་གསལ་བར་གྱུར་པ་འམ་སྟོན་བྱེད་དུ་གྱུར་པ་ཉིད་ཀྱིས་མངོན་པར་འདོན་#པའོ། །བསྙེན་
[183b.3]པར་མ་རྫོགས་པ་དང་ཅིག་ཅར་རམ་#བསྙེན་པར་མ་རྫོགས་པ་ལས་གནས་ཀྱི་རྒྱུད་དུ་གྱུར་པའི་འདོན་པ་ལ་ཞེས་བྱ་བའི་དོན་ཏོ། །གནས་མ་ཡིན་པ་ལ་ཡང་སྟོན་བྱེད་དུ་འགྱུར་ཏེ། དེ་#འདི་ལྟ་སྟེ་དཔེར་ན་འཕོང་གི་རིག་#བྱེད་དེ་དེ་གསལ་བའི་དོན་དུ་ཆོས་ཞེས་བྱ་བའི་ཚིག་སྨོས་པ་ཡིན་ནོ། །སྟོན་བྱེད་དུ་
[183b.4]གྱུར་པ་ལས་བྱུང་བ་ལ་མཉམ་པར་སྦྱོར་བ་གཞན་ལས་ཡི་གེ་མ་ཡིན་པར་བྱས་པའི་ཆོས་དང་ལྡན་པ་དོན་ལ་ཆོས་སུ་འགྱུར་ཏེ། དེ་བསལ་བའི་སྟོན་བྱེད་དུ་གྱུར་པ་ཞེས་བྱ་བའི་ཚིག་གོ། །དེ་ལྟར་གཉིས་ཀ་ཡང་ཆོས་འཇིག་པའོ། །གང་ཅུང་ཟད་བློ་ལ་ཉེ་བར་སོན་པ་ཞེས་བྱ་བ་འདི་ལ་བཏགས་#པའོ། །
[183b.5]སྟོན་བྱེད་དུ་གྱུར་པ་ལ་ཡང་འདི་ཡོངས་སུ་གྲུབ་པའི་སྐྱོན་དུ་གྱུར་པ་སྟེ་གཞན་ལ་ནི་མ་ཡིན་ནོ། །སྟོན་བྱེད་དུ་གྱུར་པའི་དོན་ལ་ཡང་སྟོན་བྱེད་དུ་གྱུར་པ་གནས་ཡིན་ཏེ་དེར་གྱུར་པའོ། །དེ་ལ་གནས་ནི་ཡང་དག་པའི་གནས་ཏེ། དེའི་རྒྱུ་ནི་བརྗོད་པར་འདོད་པའི་དོན་སྟོན་པའི་ཕྱིར་རབ་ཏུ་རྒྱས་པའི་ངོ་བོས་ཚིག་
[183b.6]དང་ངག་གི་#རྒྱུན་གྱིས་གནས་པའོ། །དེ་ལྟ་བུར་གྱུར་པའི་དོན་འདོན་པ་ལ་ལྟུང་བྱེད་དོ། །ཆོས་ལ་ཞེས་བྱ་བ་ནི་མིང་དང་ཚིག་གི་བདག་ཉིད་སངས་རྒྱས་ཀྱིས་གསུངས་པ་འམ་དེའི་ཉན་ཐོས་ཀྱིས་བཤད་པའོ། །ཡི་གེ་ཡང་ཞེས་བྱ་བ་ནི་ཡིག་འབྲུ་ཙམ་ཡང་ངོ་། །འདིར་དེ་ལས་གཞན་པའི་འདོན་པ་
[183b.7]ལ་རྩོམ་པ་གཅིག་པུར་འགྱུར་བ་ཉིད་ཀྱི་ཕྱིར་ལྟུང་བ་གཅིག་པུ་ཉིད་དོ། །དེ་ལྟར་ཡང་ཚིག་ཅིག་ཅར་བརྗོད་ན་ལྟུང་བྱེད་དོ། །ཚིག་སོ་སོར་བརྗོད་ན་ལྟུང་བྱེད་དོ། །ཅིག་ཅར་ཡི་གེ་བརྗོད་ན་ལྟུང་བྱེད་དོ། །མཇུག་ཐོགས་སུ་ཡི་གེ་བརྗོད་ན་ལྟུང་བྱེད་དོ་ཞེས་བྱ་བ་#ལན་ཅིག་བརྩམ་པར་བྱས་ནས་ཚིག་ཅིག་
[184a]
[184a.1]ཅར་དང་། ལྷག་པའི་ཚིག་དང་ཅིག་ཅར་ཡི་གེ་དང་། ཡི་གེ་ལྷག་པར་རྗོད་པར་བྱེད་ན་ལྟུང་བྱེད་ཅེས་བྱ་བའོ། །དེ་ལྟར་བསྡུས་ནས་ལྟུང་བྱེད་ལ་གཅིག་པ་ཉིད་གསུངས་སོ། །ཧ་ཅང་ཐལ་བ་ལ་དམིགས་ཀྱིས་བསལ་བའི་ཕྱིར་མི་འདོད་བཞིན་དུ་གྲུབ་པ་ནི་མ་གཏོགས་སོ་ཞེས་
[184a.2]བྱ་བ་སྨོས་ཏེ། དེ་ལྟར་ཡང་གཞུང་ནི་ལྡབ་ལྡིབ་ཅན་དང་སྨྲ་མྱུར་བ་ལ་ལྟུང་བ་མེད་དོ་ཞེས་བྱ་བ་འདིས་འདི་བསྡུས་པ་ཡིན་ནོ། །རྗེས་སུ་ཉན་དུ་གཞུག་པར་བྱ་བ་འདོན་པ་ཡང་ངོ་ཞེས་བྱ་བ་ནི་མ་གཏོགས་སོ་ཞེས་བྱ་བར་སྦྱར་#རོ། །རྗེས་སུ་ཉན་དུ་གཞུག་པར་བྱ་བ་ནི་གང་ཞིག་ཅིག་ཅར་རམ་
[184a.3]ཐོག་མར་བརྗོད་པར་བྱ་བ་མ་ཡིན་པ་ཞེས་བྱ་བ་དེ་ཁྲེལ་དང་བཅས་པ་ཉིད་དོ། །དེ་ལྟར་ངེས་པར་སྦྱོར་བ་ལ་དོགས་པ་དང་བཅས་པར་ཅིག་ཅར་རམ་འདས་པར་བྱས་ནས་འདོན་པ་ལ་ཡང་དག་པར་གནས་པ་སྟེ་རྒྱུད་པ་དེ་ལྟ་བུས་ནི་མ་ཡིན་ནོ། །ཁ་ཏོན་ཞུ་བ་དང་སློབ་གཉེར་བསོད་#པ་དང་། དམིགས་
[184a.4]ཀྱིས་འདྲི་#བ་ཡང་ངོ་ཞེས་བྱ་བ་ཡང་མ་གཏོགས་སོ་ཞེས་བྱ་བར་སྦྱར་རོ། །ཐོག་མར་བཟུང་ཏེ་(སྟེ་)རང་དགར་འདོན་པ་ལ་རྒྱུད་པ་འདི་ཡང་དག་པར་གནས་པའོ། །དེ་ལ་ཁ་ཏོན་ཞུ་བ་ཞེས་བྱ་བ་ནི་སྔར་སྟོན་པ་མི་བརྗེད་པར་བྱ་བའི་ཕྱིར་སྦྱོར་བའོ། །སློབ་གཉེར་བསོད་#པ་ཞེས་བྱ་བ་ནི་སྔར་བསྟན་པ་ལ་བཟུང་
[184a.5]བ་ཡོངས་སུ་རྫོགས་པར་ཟློས་ཤིང་འཆད་པར་འགྱུར་རོ། །དམིགས་ཀྱིས་འདྲི་#བ་ཞེས་བྱ་བ་ནི་ཕྱོགས་འགའ་ཞིག་དྲན་པར་བྱ་བའི་ཕྱིར་རམ་ཐེ་ཚོམ་བཅད་པའི་ཕྱིར་ཀུན་ནས་འཛིན་པར་བྱེད་པའོ། །འདོན་པའི་ལྟུང་བྱེད་དོ།། །།དགེ་སློང་དང་#དགེ་སློང་མ་སྡིག་ཅན་དག་ཁྱིམ་དུ་སོ་སོར་གོ་བར་
[184a.6]བྱེད་པ་བསྐོ་བར་བྱའོ། །ཁྱིམ་རྣམས་སུ་སོ་སོར་གོ་བར་བྱེད་པས་ཚེ་དང་ལྡན་པ་དག་ཉོན་ཅིག །ཁྱིམ་རྣམས་སུ་ཁྱིམས་#སུན་འབྱིན་པར་བྱེད་པ་དང་། གནས་རྣམས་སུ་གནས་སུན་འབྱིན་པར་བྱེད་པ་དག་ཡོད་དེ། འདི་ལྟ་སྟེ་དཔེར་ན་འབྲས་སཱ་ལུའི་ཞིང་ཕུན་སུམ་ཚོགས་པ་ལ་སེར་བའི་འཁོར་ལོ་
[184a.7]མི་བཟད་པ་བབ་ན་#འདི་ལྟར་འབྲས་སཱ་ལུ་དེ་ཉིད་ཤིན་ཏེ་མ་དང་ཆུད་ཟ་བ་དང་ཚུལ་མ་ཡིན་པས་མ་རུང་བར་འགྱུར་བ་དང་བུ་རམ་ཤིང་གི་ཞིང་ཕུན་སུམ་ཚོགས་པ་ལ་ནད་ཀྱི་རིགས་དམར་པོ་ཞེས་བྱ་བ་བྱུང་ན་འདི་ལྟར་བུ་རམ་ཤིང་དེ་ཉིད་ཤིན་ཏེ་མ་དང་ཆུད་ཟ་བ་དང་ཚུལ་མ་ཡིན་པས་མ་རུང་བར་གྱུར་པ་#ལྟ་
[184b]
[184b.1]བུ་དག་ཡོད་ཀྱི་#ཚེ་དང་ལྡན་པ་དག་ཁྱེད་ཅག་དགེ་སློང་འདི་དང་དགེ་སློང་མ་འདིས་བསྟན་པའི་ཚོད་མ་འཛིན་ཅིག། འདི་ལྟར་དགེ་སློང་འདི་དང་དགེ་སློང་མ་འདི་ནི་ཡོས་ཚིག་པ་བཞིན་དུ་ཆོས་འདུལ་བ་འདི་ལ་སྐྱེར་མི་རུང་བའི་ཆོས་ཅན་ཡིན་གྱི་བཅོམ་ལྡན་འདས་དང་དགེ་སློང་གནས་བརྟན་རྣམས་ལ་ལྟོས་ཤིག་
[184b.2]ཅེས་སྨྲ་བར་བྱའོ། །མི་སྤྲོ་ན་གསོལ་བར་བྱའོ་ཞེས་བྱ་བ་ནི་ཁྱིམ་དུ་སོ་སོར་གོ་བར་བྱེད་པ་དང་ཁྱིམ་རྣམས་སུ་སོ་སོར་གོ་བར་བྱེད་པ་མི་སྤྲོ་ན་ཐམས་ཅད་ཀྱིས་དགེ་སློང་དང་དགེ་སློང་མ་འདི་གཉིས་སྡིག་ཅན་ཡིན་ནོ་ཞེས་ཁྱིམ་དུ་སོ་སོར་གོ་བར་བྱེད་པ་#ཞེས་བྱ་བ་དེའི་དོན་དུ་གསོལ་བར་བྱའོ། །ཤེས་
[184b.3]གཙོ་བོ་ཞེས་བྱ་བ་ནི་འདུ་ཤེས་གཙོ་ཆེར་བྱེད་པ་པོ་ཉིད་དོ། །འདུ་ཤེས་གང་ལ་ཞེ་ན། དེའི་ཕྱིར་ཉན་པ་པོ་མི་ཤེས་པ་ཉིད་དང་བསྙེན་པར་མ་རྫོགས་པ་ཉིད་དག་དང་ལྡན་པ་ལའོ་ཞེས་བྱ་བ་སྨོས་ཏེ། ཉན་པ་པོ་བསྙེན་པར་མ་རྫོགས་པ་ཉིད་ལ་ཕམ་པ་དང་དགེ་འདུན་ལྷག་མའི་ལྟུང་བ་གང་ཡིན་པ་
[184b.4]དེ་འདི་ལས་ཤེས་པ་ཡིན་ཏེ། དེ་ལ་ཡང་ཉན་པ་པོས་མི་ཤེས་པ་ཉིད་ལ་ཞེས་བྱ་བའི་དོན་ཏོ། །ཅི་ཞིག་རྗེས་སུ་བསྒྲུབས་ན་གནས་ངན་ལེན་བརྗོད་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་སྨྲས་ནའོ་ཞེས་བྱ་བ་སྨོས་སོ། །བརྗོད་པར་བྱ་བ་ཅི་ཞིག་སྨྲས་པས་ཤེ་ན། དེའི་ཕྱིར་ཕམ་པར་འགྱུར་བ་དང་
[184b.5]དགེ་འདུན་ལྷག་མ་དག་སོ་སོར་ཡང་རུང་བསྡུས་པ་ཡང་རུང་ངོ་ཞེས་བྱ་བ་སྨོས་སོ། །དོན་དུ་མ་ཉིད་ལ་ཚིག་ཐ་དད་པ་མེད་དོ་ཞེས་བྱ་བ་ནི་དེའི་ཕྱིར་བསྡུས་པ་དེ་ཉིད་ལ་ལྟུང་བ་གཅིག་ཉིད་ཡིན་ཏེ་ཚིག་གཅིག་ཡིན་པའི་ཕྱིར་རོ། །འདི་ལྟ་སྟེ་དཔེར་ན་འདིས་སྲོག་ཆགས་ལྔ་བསད་དོ་ཞེས་བྱ་བ་ལ་དོན་ལྔ་པོ་འདི་
[184b.6]རྣམས་ལ་གནས་གཅིག་ཏུ་ཅིག་ཅར་བརྫུན་དུ་སྨྲ་བས་བརྫུན་དུ་སྨྲ་བའོ། །འདི་དག་ལས་གཞན་པའི་ཁ་ན་མ་ཐོ་བ་བརྗོད་པ་ནི་འདིའི་རྗེས་སུ་འབྲང་བས་ཉེས་བྱས་ཡིན་པར་རིག་པར་བྱའོ། །བརྗོད་#པར་བྱེད་པ་ཇི་ལྟ་བུ་ལ་ཞེ་ན། དེའི་ཕྱིར་བསྐོ་#བ་མ་བྱས་པ་ལའོ་ཞེས་བྱ་བ་སྨོས་ཏེ། བརྗོད་པའི་ཕྱིར་གང་
[184b.7]ལ་བསྐོ་བ་#མ་བྱས་པ་དེ་ལའོ། །ཅི་གནས་སྐབས་ཐམས་ཅད་ལའམ་ཞེ་ན། དེའི་ཕྱིར་དགེ་འདུན་ལ་མ་གསོལ་བ་ལའོ་ཞེས་བྱ་བ་སྨོས་ཏེ། དགེ་འདུན་ལ་བརྗོད་ནས་དེའི་ཕྱིར་གསོལ་བ་ལ་ནི་བརྗོད་ཀྱང་ལྟུང་བ་མེད་དོ། །བདེན་པར་སྨྲས་པ་ལ་འདི་ཞེས་བྱ་བར་རིག་པར་བྱ་སྟེ། བརྫུན་དུ་སྨྲ་#ན་ནི་ལྟུང་བ་
[185a]
[185a.1]གཞན་རྣམ་#པར་གཞག་པའི་ཕྱིར་རོ། །གནས་ངན་ལེན་པ་བརྗོད་པའོ། །སྨྲ་བའི་ཕམ་པར་འགྱུར་བ་ལ་ཆོ་ག་གང་ཡིན་པ་དེ་ཉིད་མི་ཆོས་བླ་མ་བརྗོད་པའི་ལྟུང་བྱེད་དོ། །དེའི་ཕྱིར་དེའི་ཆོ་ག་ཡོད་པ་ཁས་བླངས་ནས་བྱེ་བྲག་སྨོས་པ་ནི་བདེན་པ་ཉིད་ནའོ་ཞེས་བྱ་བ་སྨོས་ཏེ། འདུ་ཤེས་རྣམ་
[185a.2]པར་མ་བཞག་ནས་ཡོད་པ་འམ་མེད་པའི་བླ་མའི་བདག་ཉིད་ཀྱིས་མིའི་#ཆོས་ཀྱི་རིགས་པ་ཉིད་བརྗོད་ན་ཞེས་བྱ་བའི་དོན་ཏོ། །གང་ཟག་ཅི་འདྲ་བ་ལ་བརྗོད་ན་ཞེ་ན། དེའི་ཕྱིར་བདེན་པ་མ་མཐོང་བ་བསྙེན་པར་མ་རྫོགས་པ་ལའོ་ཞེས་བྱ་བ་སྨོས་ཏེ། འདིར་གཞུང་ནི་ཞུ་བ་ཁ་ཅིག་ལས་བདེན་པ་མཐོང་བ་ལྟ་བ་ཕུན་
[185a.3]སུམ་ཚོགས་པ་ལ་བརྗོད་ན་ནི་ལྟུང་བ་མེད་དོ་ཞེས་གསུངས་པ་ཡིན་ནོ། །འཕྱ་བ་ཡོངས་སུ་བསལ་#བའི་དོན་དུ་འདི་བཏགས་པའོ། །ལྟ་བ་ཕུན་སུམ་ཚོགས་པ་ལས་གླགས་ཡོད་པ་མ་ཡིན་ནོ། །དེ་བས་ན་རིགས་པའི་ངོ་བོ་ཉིད་ཀྱི་རྣམ་པར་ངེས་ནས་བདེན་པ་མཐོང་བའི་ཚིག་བྱས་སོ། །ཁྱིམ་པའི་
[185a.4]མདུན་དུ་རྫུ་འཕྲུལ་རྣམ་པར་བསྟན་པར་མི་བྱའོ་ཞེས་བྱ་བ་ནི་འདུལ་བའི་དོན་ཉིད་ལ་ལྟུང་བ་མེད་དོ་ཞེས་བྱ་བ་ནི་ཕྲན་ཚེགས་དག་ལས་རྟོགས་པར་བྱའོ། །དགེ་སློང་མས་སྟོན་པའི་སྤྱན་སྔར་མི་བྱའོ་ཞེས་བྱ་བ་ནི་སྤྱན་སྔར་རྫུ་འཕྲུལ་རྣམ་པར་བསྟན་པར་མི་བྱའོ་ཞེས་བྱ་བར་སྦྱར་རོ། །རྣམ་པ་འདི་གཉིས་
[185a.5]ནི་ཕྲན་ཚེགས་ལས་འབྱུང་ངོ་། །མིའི་ཆོས་བླ་མ་བརྗོད་པའོ། །གལ་ཏེ་བསྟན་པ་ཉིད་དུ་དགོས་ན་གསོལ་བ་སྔར་བཏང་བའི་#དོན་བྱའོ་ཞེས་བྱ་བ་ནི་གསོལ་བ་བྱས་ནས་སྦྱིན་པར་བྱའོ། །འདིས་ནི་མི་གཡོ་བར་འགྱུར་རོ་ཞེས་གསུངས་པ་དེ་བསྡུས་པ་ཡིན་ནོ། །གང་ལ་སྐུར་པ་འདེབས་པའི་ལྟུང་བྱེད་དུ་འགྱུར་
[185a.6]ཞེ་ན། དེའི་ཕྱིར་དད་པ་ཕུལ་བ་ལའོ་ཞེས་བྱ་བ་སྨོས་ཏེ། འདིར་གཞུང་ནི་ཡང་དག་པར་རུང་བར་བྱས་ནས་ཞེས་གསུངས་པ་ཡིན་ནོ། །ལེགས་པར་རུང་བར་བྱས་ནས་ཞེས་བྱ་བ་ཁ་ཅིག་གིས་བྱས་པ་སྟེ། དེ་ནི་ཉམས་པར་ཡང་དག་པར་རིག་པར་བྱའོ། །མི་སྲིད་པ་ཉིད་ཀྱི་ཕྱིར་བསྐྱེད་པས་བྱས་པའི་གྲོགས་
[185a.7]དང་ས་#དག་གིས་འཕགས་པའི་རྫས་ཀྱི་ཕྱིར་ལེགས་པར་རུང་བ་ཉིད་ལ་སྐྱེ་བ་ཉིད་ཡན་ལག་ཉིད་དུ་སོང་ནས་གནས་པར་བྱེད་ཅེས་བྱ་བའོ། །འདིར་འདི་ཙམ་གྱི་དོན་ཉིད་ཀྱི་ཕྱིར་རོ། །རྣམ་པར་འབྱེད་པ་ལས་ཡང་དག་པར་རུང་བར་བྱ་སྟེ་ཞེས་བྱ་བའི་འདོད་པ་བྱིན་ནས་སོ། །ཅི་ཞིག་བྱས་ན་སྐུར་པ་འདེབས་པའི་ལྟུང་
[185b]
[185b.1]བྱེད་དུ་འགྱུར་ཞེ་ན། དེའི་ཕྱིར་དགེ་སློང་གིས་#དགེ་འདུན་གྱི་ཟས་ཀྱི་རྙེད་པ་མ་ཡིན་པ་དགེ་སློང་གིས་#གང་ཟག་ལ་ལོག་པར་བསྔོས་པ་ཡང་དག་པ་མ་ཡིན་པའི་དོན་ཉིད་གཞན་ལ་ཡང་མིང་མ་སྨོས་པར་བརྗོད་ན་ཡང་ངོ་ཞེས་བྱ་བ་སྨོས་ཏེ། ཡང་དག་པ་མ་ཡིན་པའི་དོན་ཉིད་ཡོད་པ་ལ་ཟས་ཀྱི་རྙེད་པ་མ་ཡིན་པ་
[185b.2]ལས་གཞན་དགེ་སློང་གི་དགེ་འདུན་གྱི་རྙེད་པ་ལ་དགེ་སློང་གིས་#གང་ཟག་ལ་ལོག་པར་བསྔོས་པ་ཉིད་ཀྱིས་བརྗོད་པ་ལ་གཞན་ལ་ཡང་མིང་མ་སྨོས་པ་ཞེས་བྱ་བའི་དོན་ཏོ། །གང་ཟག་ལ་ཞེས་བྱ་བ་ནི་འདིར་དགེ་སློང་ངམ་ཁྱིམ་པ་གཞན་ཡང་གང་ཟག་གི་སྒྲས་བཟུང་བ་ཤེས་པར་བྱའོ། །བདག་ཉིད་
[185b.3]གཅིག་པུ་མ་ཡིན་ནོ། །འདིར་གཞན་བརྗོད་པ་ཚད་མ་གཉིས་ཀྱིས་མ་རྙེད་པ་བདག་ཉིད་མ་ཡིན་པ་དང་དགེ་སློང་ལ་སྔོ་#བར་བྱེད་ཅེས་བྱ་བ་བརྫུན་དུ་སྨྲ་བས་གཞན་ལ་བརྗོད་པ་ཉིད་ཀྱི་ཕྱིར་རོ། །བཟུང་ནས་མི་སྦྱིན་པ་དག་ལ་ཡང་མངོན་པར་བརྗོད་པ་འདི་ནི་ཤིན་ཏུ་སྡིག་ཆེ་བར་ཤེས་པར་བྱའོ། །འདིར་
[185b.4]ཁ་ཅིག་ནི་བདག་ཉིད་ལ་གང་ཟག་གིས་#བསྔོ་བར་བྱ་ཞེས་བྱ་བའི་མདོ་བྱེད་པ་ཡིན་ནོ། །འདིའི་རྣམ་པར་འབྱེད་པ་ནི་བདག་ཉིད་ལ་གང་ཟག་གིས་བསྔོ་བར་བྱ་ཞེས་བྱ་བ་བདག་ཉིད་ཀྱི་ཕྱིར་ཞེས་བྱ་བ་སྨོས་སོ་ཞེས་བྱ་བ་དེ་ནི་མི་རིགས་ཏེ་ཇི་ལྟར་བཤེས་ངོར་ཞེས་བྱ་བ་འདི་དང་འགལ་བའི་ཕྱིར་རོ། །
[185b.5]ཞུ་བ་ལས་ཀྱང་བཅོམ་ལྡན་འདས་ཀྱིས་ཡང་དགེ་སློང་གང་འདི་སྐད་ཅེས། ཚེ་དང་ལྡན་པ་བདག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པ་བསྔོས་པ་གང་ཟག་ལ་སྔོ་བར་བྱེད་དོ་ཞེས་ཟེར་ན་ཞེས་གསུངས་ཏེ། དགེ་འདུན་གྱི་རྙེད་པར་བསྔོས་པ་དག་གིས་ཤེས་པ་ཡིན་ནོ། །ཇི་ལྟར་
[185b.6]བཤེས་ངོར་བྱས་པའི་དགེ་སློང་རྣམས་ཀྱིས་སྔོ་བར་བྱེད་ཅེས་གསུངས་སོ། །ཡི་གེ་གཞན་ལས་ཤེས་པ་འདིར་རྟགས་ནི་བསྔོ་བར་བྱ་ཞེས་གསུངས་པའོ། །རིང་དུ་མ་འབྲེལ་བ་ཉིད་དགེ་སློང་གི་དགེ་འདུན་ལས་ཟས་ཀྱི་རྙེད་པ་མ་ཡིན་པ་ཞེས་བྱ་བའོ། །ཟས་ཀྱི་ཡིན་པར་གྱུར་པའི་དགེ་འདུན་གྱིས་རྙེད་
[185b.7]པ་ལ་དགེ་སློང་རྣམས་ཀྱི་ཡང་དགེ་འདུན་གང་ཡིན་པ་སྟེ། གཞན་རྣམས་ནི་མ་ཡིན་ནོ། །འདིར་ཟས་ཀྱི་རྗེས་སུ་འབྲངས་པས་འདི་ལ་ཉེས་བྱས་སུ་རྟོགས་པར་བྱའོ། །རྙེད་པ་ཞེས་བྱ་བ་ལ་རྙེད་པ་ནི་རྣམ་པ་གཉིས་ཏེ། གོས་ཀྱི་རྙེད་པ་དང་ཟང་ཟིང་གི་རྙེད་པའོ། །དོན་འདི་ལ་ནི་གོས་ཀྱི་རྙེད་པ་མངོན་
[186a]
[186a.1]པར་འདོད་པ་ཞེས་བྱ་བ་འདི་འདིར་ཟས་མ་ཡིན་པའི་ཚིག་གི་གཞུང་སྟེ། འདིར་གཞུང་ནི་ལོག་པར་བསྔོས་པ་ཉིད་ཀྱིས་ཞེས་བྱ་བ་སྟེ། ཆོས་ཀྱིས་#ཇི་ལྟར་བཤེས་ངོར་མ་བྱིན་ཞེས་བྱ་བའོ། །གཞན་ཡང་འདིར་གཉིས་ཀ་འདོད་པ་ལ་སོགས་པ་ལོག་པའི་རྣམ་པ་ཡོད་དེ། དེ་
[186a.2]དམིགས་ཀྱིས་བསལ་བ་ལ་ཉེས་པ་མེད་པའམ། ན་སྨད་པ་ཉིད་ནི་རིགས་པ་མ་ཡིན་ནོ་ཞེས་བྱ་བ་བྱེ་བྲག་མེད་པར་གསུངས་སོ། །ཅི་ཞིག་གིས་དམིགས་ཀྱིས་བསལ་བ་ཡིན་ཞེ་ན། དེའི་ཕྱིར་དགེ་སློང་གིས་ཞེས་བྱ་བ་སྨོས་ཏེ། ཤིན་ཏུ་འདིར་སྔོ་#བར་བྱེད་ཅེས་བྱ་བ་མདོ་ལས་མང་པོ་ཚིག་
[186a.3]གིས་རེ་རེ་བཞིན་དུ་ཡང་བརྗོད་པ་ལ་འདིར་ལྟུང་བ་ཡིན་ཏེ། ཅིག་ཅར་མང་པོ་རྣམས་བརྗོད་པ་ལ་ཇི་ཙམ་དུ་སྐུར་པ་གདབ་པར་བྱ་བའི་ལྟུང་བ་རྣམས་དེ་ཙམ་ཡིན་ནོ་ཞེས་བྱ་བ་འདིར་གཅིག་པའི་ཚིག་གིས་འདིར་བསྟན་པར་རིག་པར་བྱའོ། །གཞན་ལ་ཡང་ཞེས་བྱ་བ་ནི་སྐུར་པ་གདབ་པར་བྱ་བ་ཐོབ་པ་
[186a.4]འབའ་ཞིག་ཏུ་མ་ཟད་ཀྱི་ཉན་པ་པོ་གཞན་ལ་ཡང་གོ་བར་བྱེད་ན་འདིར་དངོས་གཞི་སྟེ། འོན་ཀྱང་གང་ཡང་རུང་བའི་མིའི་འགྲོ་བར་གཏོགས་པ་ལ་ཞེས་བྱ་བའི་དོན་ཏོ། །འདི་ལ་སྟེར་བར་འདོད་ན་བརྫུན་དུ་སྨ་བ་ལ་དངོས་གཞིའོ། །མི་སྟེར་བར་འདོད་ན་ཉེས་བྱས་སོ། །གཉིས་ཀའི་བརྫུན་དུ་མི་སྨྲ་བ་ལ་
[186a.5]ལྟུང་བ་མེད་དོ། །ལོག་པ་ཉིད་དུ་ཤེས་བཞིན་དེ་མ་ཡིན་པ་ལ་སྟེར་བ་ལ་ནི་ཉེས་བྱས་སོ་#ཞེས་བྱ་བ་འདིར་རྣམ་པར་གཞག་པ་འདི་རིག་པར་བྱའོ། །མིང་མ་སྨོས་པར་ཞེས་བྱ་བ་ནི་མིང་མ་ཡིན་པར་བཟུང་བ་ཉིད་ལ་ཡང་འདིར་དངོས་གཞི་ཁོ་ན་ཞེས་བྱ་བའི་དོན་ཏོ། །བརྗོད་ན་ཡང་ངོ་ཞེས་བྱ་བ་ནི་ཡོངས་
[186a.6]སུ་བསྔོ་བ་ཉིད་ཀྱིས་སོ། །ཡང་དག་པ་མ་ཡིན་པའི་དོན་ཉིད་ཅེས་བྱ་བ་འདི་ནི་དངོས་གཞིའོ། །སྐུར་པ་འདེབས་པའི་ལྟུང་བྱེད་དོ།། །།#ཁྱད་དུ་གསོད་པའི་ལྟུང་བྱེད་སྨྲ་བར་འདོད་ནས་འདུལ་བ་དང་ལྡན་པ་ཉིད་དོ་ཞེས་བྱ་བ་སྨོས་ཏེ། འདུལ་བ་དང་ཡང་དག་པར་ལྡན་པའི་སོ་སོར་ཐར་པའམ། དེ་རྣམ་
[186a.7]པར་འབྱེད་པ་ལ་སོགས་པར་#གཏོགས་པ་ལའོ། །ཕྲན་ཚེགས་དང་སིལ་བུ་དང་གླེང་གཞི་རྣམས་སམ་གཞི་རྣམས་ལ་འདུལ་བའི་མ་མོ་འམ། འདུལ་བའི་དཀའ་འགྲེལ་#ལམ་འདུལ་བ་དྲུག་པ་འམ་གཅིག་ལས་འཕྲོས་པ་འམ་འདུལ་བ་མ་མོ་ལ་ཡང་དག་པར་གནས་པ་བརྗོད་པ་གང་ཡིན་པ་ལ་བརྙས་ཐབས་
[186b]
[186b.1]སུ་གྱུར་པ་ན་ཁྱད་དུ་གསོད་པའི་ལྟུང་བྱེད་ཅེས་བྱ་བའི་དོན་ཏོ། །འདིར་བརྙས་ཐབས་ཀྱི་བྱེ་བྲག་ལས་ལྟུང་བའི་བྱེ་བྲག་ཏུ་ཤེས་པར་བྱའི་འདོན་པའི་བྱེ་བྲག་ལས་ནི་མ་ཡིན་ཏེ། གཅིག་ཏུ་འདོན་པ་ལ་ངག་རྣམས་ཐམས་ཅད་ལ་ལྟུང་བ་གཅིག་ཉིད་དེ་གཞན་ལ་ནི་གཞན་ཞེས་བྱ་བ་ཆ་ཤས་དང་རྒྱུད་#དང་སྔགས་
[186b.2]དང་སོ་སོར་ཐར་པའི་མདོ་འདོན་པ་ལས་ཕམ་པའི་ཆོས་བཞི་འདོན་པར་གྱུར་པ་རྣམས་ལ་བརྗོད་པར་བྱ་ཞེས་བྱ་བ་ལ་སོགས་པའི་ཚིག་གིས་འདིར་སོ་སོར་ཐར་པའི་མདོ་ལས་གསུངས་པ་ནི་འདུལ་བ་ལྷག་མ་རྣམས་ཀྱི་#དཔེ་ཙམ་དུ་ཟད་དེ། ཇི་སྲིད་དུ་དགེ་སློང་གིས་འདུལ་བ་དང་ལྡན་པ་གང་ཇི་ཙམ་
[186b.3]བརྗོད་པ་ལ་བརྙས་ཐབས་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ་ཞེས་བྱ་བ་རྣམ་པར་འབྱེད་པ་ལས་གསུངས་པའི་ཕྱིར་རོ། །མདོ་སྡེ་ལས་ནི་ཉེས་བྱས་ཞེས་བྱ་བ་ནི་འདུལ་བ་དང་ལྡན་པ་ལས་གཞན་པའི་མདོ་སྡེ་མངོན་པ་དང་འདུལ་བའི་མདོ་དག་གི་རྣམ་པར་འབྱེད་པ་ཉིད་ཀྱི་ཕྱིར་འདི་ལས་ལྷག་པ་མེད་པ་ཞེས་བྱ་
[186b.4]བ་འདིར་རྗེས་སུ་འགྲོ་བའོ། །ཁྱད་དུ་གསོད་པའོ།། །།#ལག་གི་བླས་མཆོད་རྟེན་དང་དགེ་འདུན་གྱི་དོན་དུ་ཤིང་ལྗོན་པར་#བཅད་པར་བྱའོ་ཞེས་བྱ་བ་སྟེ། ཇི་ལྟར་ཞེ་ན། དེའི་ཕྱིར་དེའི་མདུན་རོལ་དུ་ཉི་མ་བདུན་ནམ་བརྒྱད་དག་ནས་དེའི་དྲུང་དུ་དཀྱིལ་འཁོར་དང་དྲི་དང་མེ་ཏོག་དང་མར་མེ་དང་གཏོར་མ་
[186b.5]སྦྱིན་པ་དང་རྒྱུན་ཆགས་གསུམ་གདོན་པ་དང་སྦྱིན་པ་བཤད་པ་དག་བྱས་ནས། ལྷ་གང་དག་ཤིང་ལྗོན་པ་འདི་ལ་གནས་པ་དེ་དག་གནས་གཞན་ཚོལ་ཅིག །ཤིང་ལྗོན་པ་འདིས་མཆོད་རྟེན་#ནམ་དགེ་འདུན་གྱི་བྱ་བ་བྱེད་པར་འགྱུར་རོ་ཞེས་བརྗོད་ནས་སྨྲ་བ་པོས་ཤེས་པར་གྱིས་ཤིག་ཅེས་སོ་#ཞེས་བྱ་བ་
[186b.6]སྨོས་ཏེ། དེའི་མདུན་རོལ་དུ་ཞེས་བྱ་བ་ནི་གཅོད་པའི་མདུན་རོལ་དུ་སྦྱིན་པ་བཤད་པར་བྱས་ནས་ཞེས་བྱ་བ་ནི་ཐམས་ཅད་དེ་ན་གནས་པའི་ལྷ་ལ་བརྟེན་པར་བྱས་ནས་ཞེས་བྱ་བ་དོན་གྱིས་ཤེས་པར་བྱའོ། །མཆོད་རྟེན་#ནམ་ཞེས་བྱ་བ་ནི་མཆོད་རྟེན་#གྱི་དོན་ཉིད་ལ་མཆོད་རྟེན་པ་#ཞེས་བྱ་བ་བརྗོད་པར་བྱའོ། །
[186b.7]དགེ་འདུན་གྱི་ཞེས་བྱ་བ་ནི་དགེ་འདུན་གྱི་དོན་ཉིད་ལ་ཞེས་བྱ་བ་ནི་བརྗོད་པར་བྱའོ། །གལ་ཏེ་མེ་འབྱུང་བའམ་ཁྲག་འཛག་པ་འམ་ཡལ་ག་#འགུལ་བའམ་ལོ་མ་ལྷགས་པ་ལ་སོགས་པ་རྣམ་པར་འགྱུར་བ་སྟོན་ན། དེས་ཞིང་ལ་སྦྱིན་པ་དང་སེར་སྣ་དག་གི་བསྔགས་པ་དང་བསྔགས་པ་མ་ཡིན་པ་བརྗོད་པར་བྱའོ་
[187a]
[187a.1]ཞེས་བྱ་བ་ལ། ཞིང་དང་ལྷན་ཅིག་ཏུ་སྦྱིན་པ་ནི་ངེས་ཞིང་ལ་སྦྱིན་པའོ། །ཞིང་ནི་སངས་རྒྱས་དང་དགེ་འདུན་གྱི་བདག་ཉིད་ལ་བསྔགས་པ་བརྗོད་པར་བྱའོ། །སྦྱིན་པ་ལ་ཡང་སེར་སྣའི་བསྔགས་པ་མ་ཡིན་པ་ཞེས་བྱ་བའི་དོན་ཏོ། །མི་གཏོང་ན་གཅད་#པར་མི་བྱའོ་ཞེས་བྱ་བ་
[187a.2]ན་#དེ་ལྟར་བྱས་ཀྱང་མེ་འབྱུང་བ་ལ་སོགས་པའི་རྣམ་པར་འགྱུར་བས་མི་གཏོང་ན་གཅད་#པར་མི་བྱའོ། །ཤེས་#གཙོ་བོའོ་ཞེས་བྱ་བ་ནི་འདུ་ཤེས་གཙོ་ཆེར་བྱེད་པ་པོ་ཉིད་དོ། །མ་ཉམས་པ་ཉིད་ལའོ་ཞེས་བྱ་བ་སྟེ། གང་དུ་ཡིན་ཞེ་ན། དེའི་ཕྱིར་ས་བོན་དང་ཁྱེའུ་ཁ་འཐོན་#པ་རུང་བ་དག་གིའོ་ཞེས་བྱ་བ་
[187a.3]སྨོས་ཏེ། ས་བོན་རུང་བར་མ་བྱས་པ་དང་། ཁྱེའུ་ཁ་འཐོན་#པ་ལ་ཞེས་བྱ་བའི་དོན་ཏོ། །འདིར་རྩྭ་#ལ་སོགས་པ་སྐྱེ་བ་ཁྱེའུ་ཁ་འཐོན་#པ་ཞེས་བྱ་བར་བརྗོད་དོ། །རུང་བར་མ་བྱས་པ་ཞེས་སྨོས་པས་ནི་རུང་བར་བྱས་#པ་ཉིད་ཡོད་ཀྱང་ས་བོན་ཉིད་ལ་ལྟུང་བ་མེད་ཅེས་#བྱ་བར་རིག་པར་བྱའོ། །འདིར་ཅི་ཞིག་
[187a.4]རྗེས་སུ་བསྒྲུབ་ན་དེ་ལ་འདུ་ཤེས་གཙོ་ཆེར་བྱེད་པ་པོ་ཉིད་ཡིན་ཞེ་ན། དེའི་ཕྱིར་ཐ་ན་རྩ་རྒྱུན་ཡན་#ཆད་ཉམས་པར་བྱས་ནའོ་ཞེས་བྱ་བ་སྨོས་ཏེ། ཡན་ཆད་ཀྱི་སྒྲས་ནི་མངོན་པར་ཁྱབ་པར་བྱས་པའི་དོན་ལའོ། །ཐ་ན་རྩ་རྒྱུན་གྱི་ཡན་ཆད་ཀྱི་ས་བོན་འདི་དག་ལ་ཁྱེའུ་ཁ་འཐོན་#པ་སྟེ། གང་ཡང་རུང་བ་དག་
[187a.5]ལ་ནི་མ་ཡིན་ནོ་ཞེས་བྱ་བའི་དོན་ཏོ། །འདིར་གཞུང་ནི་ཤིང་ལྗོན་པའི་རྩ་རྒྱུན་འབྱིན་པར་བྱེད་ན་ཉེས་བྱས་སུ་འགྱུར་རོ་ཞེས་གསུངས་པ་ཡིན་ནོ། །ཇི་ལྟར་ཉམས་པ་དང་གཅོད་པ་དང་རུང་བ་ལ་སོགས་པ་ཉིད་ཀྱིས་#ཅིར་འགྱུར་ཞེ་ན། དེའི་ཕྱིར་ཇི་ལྟར་ཡང་རུང་ངོ་ཞེས་བྱ་བ་སྨོས་ཏེ། དེ་ཉིད་བསྟན་
[187a.6]པའི་ཕྱིར་སྤུལ་#པས་ཀྱང་ངོ་ཞེས་བྱ་བ་སྨོས་སོ། །འདིར་གཞུང་ནི་བཙུན་པ་དགེ་སློང་གིས་#ཤིང་ཏོག་རྣམས་སྤྲུག་ཅིང་གློག་པར་བགྱིད་ན་ལྟུང་བ་ཅིར་འགྱུར། གལ་ཏེ་ཤིང་ཏོག་སྨིན་པ་དག་ཡིན་ན་ནི་ཉེས་བྱས་སོ། །ཇི་སྟེ་མ་སྨིན་པ་དག་ཡིན་ན་ནི་ལྟུང་བྱེད་དོ་ཞེས་གསུངས་པ་ཡིན་ནོ། །རྩ་བ་དང་འདམ་#རྫབ་
[187a.7]དང་ས་རྡུལ་ལ་སོགས་པ་དག་གིས་མནན་པས་ཀྱང་ངོ་ཞེས་བྱ་བ་ལ། འདིར་གཞུང་ནི་བཙུན་པ་དགེ་སློང་གིས་རན་ནམ་འདམ་རྫབ་བམ་ས་རྡུལ་གྱིས་#ཤིང་ལྗོན་པ་ཉམས་པར་གྱུར་ཅིག །རྣམ་པར་ཉམས་པར་#གྱུར་ཅིག་ཅེས་གནོན་པར་བགྱིད་ཅིང་རྩྭ་#སྔོན་པོ་ས་རྡུལ་ལམ་ཕྱེ་མའམ་གཞན་གང་ཡང་རུང་བས་
[187b]
[187b.1]འགེབས་པར་བགྱིད་ན་ལྟུང་བ་ཅིར་འགྱུར། ཉེས་བྱས་སོ་ཞེས་གསུངས་པ་ཡིན་ནོ། །འདིར་སྦྱོར་བ་ཙམ་ལ་དགོངས་ནས་ཤིང་ལ་སོགས་པ་མནན་པ་ལ་སོགས་པ་ལ་ཉེས་བྱས་ཀྱི་ཚིག་གོ། །འདིར་འདམ་རྫབ་ཀྱི་ཚིག་གིས་བཟུང་བའོ། །ཁུ་ཚན་#ལ་སོགས་པས་ཀྱང་ངོ་ཞེས་བྱ་བ་ལ། ཁུ་ཚུན་ཞེས་བྱ་
[187b.2]བ་ནི་འུ་ཤ་ཞེས་བྱ་བ་ལ་སོགས་པ་ཁུ་བ་ཚབ་གཏོར་བའོ། །སོགས་པ་ཞེས་བྱ་བའི་སྒྲས་ནི་འཆག་པ་དང་ཡལ་ག་ལ་སོགས་པ་འདྲེན་པ་དང་དཀྱིལ་འཁོར་དང་སྐྱང་ནུལ་ལ་སོགས་པ་དག་ཀྱང་བསྡུའོ། །འདིར་གཞུང་ནི་དགེ་སློང་གིས་སྔོའི་ཕྱོགས་སུ་འུ་ཤ་ཚ་བ་འཐོར་ཞིང་སྙིང་པོ་འཐོར་བར་བྱེད་ན་
[187b.3]ཞེས་བྱ་བ་ལ་སོགས་པ་གསུངས་པ་ཡིན་ནོ། །རླུང་དང་ཉི་མ་ལ་འཇོག་པས་ཀྱང་ངོ་ཞེས་བྱ་བ་ལ་འདིར་གཞུང་ནི་དགེ་སློང་མའི་རྣམ་པར་འབྱེད་པ་ལས་དགེ་སློང་མས་ས་བོན་གྱི་རིགས་ལྔ་པོ་འདི་དག་ཉམས་པར་གྱུར་ཅེས་རླུང་དང་ཉི་མ་ལ་འཇོག་པར་བྱེད་ན་གལ་ཏེ་ས་བོན་རྣམ་པར་ཉམས་པ་ནི་ལྟུང་བྱེད་དོ། །
[187b.4]ཇི་སྟེ་རྣམ་པར་མ་ཉམས་ན་ནི་ཉེས་བྱས་སོ་ཞེས་གསུངས་པ་ཡིན་ནོ། །ས་གཞི་སྐམ་པོར་ཡང་ངོ་ཞེས་བྱ་བ་ལ་འདིར་གཞུང་ནི་དགེ་སློང་གིས་ས་བོན་གྱི་རིགས་ལྔ་པོ་དག་ཉམས་པར་གྱུར་ཅིག་ཅེས་ས་གཞི་སྐམ་པོར་འཇོག་པར་བྱེད་ན་གལ་ཏེ་ས་བོན་ཉམས་ན་ནི་ལྔར་འགྱུར་རོ། །གལ་ཏེ་རྣམ་པར་མ་ཉམས་
[187b.5]ན་ནི་ཉེས་བྱས་ལྔར་འགྱུར་#ཞེས་གསུངས་པ་ཡིན་ནོ། །བསམ་པ་ཇི་ལྟ་བུས་ཤེ་ན། དེའི་ཕྱིར་དེར་#འདུན་པས་སོ་ཞེས་བྱ་བ་སྨོས་ཏེ། ཉམས་པར་འདུན་པས་སོ། །ཅི་རང་ཁོ་ནས་སམ་ཞེ་ན། དེའི་ཕྱིར་རང་ངམ་གཞན་གྱིས་ཀྱང་རུང་ངོ་ཞེས་བྱ་བ་སྨོས་སོ#། །འདིར་གནས་སྐབས་གང་ལ་ཁ་ན་མ་ཐོ་བ་ཇི་ལྟ་
[187b.6]བུ་དག་ཉམས་པ་ལ་བྱེད་པ་པོ་ཉིད་ཡིན་ཞེ་ན། དེའི་ཕྱིར་ཉམས་པར་འགྱུར་#ཞེ་ན་དངོས་གཞི་དག་གོ་ཞེས་བྱ་བ་སྨོས་ཏེ། ཉམས་པར་གྱུར་པ་ནི་དངོས་གཞིའི་ལྟུང་བ་དག་ཀྱང་འབྱུང་ངོ་ཞེས་བྱ་བའི་དོན་ཏོ། །སྦྱོར་བ་གཅིག་གི་#དབང་གིས་ས་བོན་མང་པོ་དག་ཉམས་པར་བྱེད་ན་ཅི་གཅིག་གམ་མང་པོ་ལ་ཡིན་ཞེ་ན།
[187b.7]དེའི་ཕྱིར་ཉམས་པར་བྱ་བའི་གྲངས་དག་གིའོ་ཞེས་བྱ་བ་སྨོས་ཏེ། ཉམས་པར་བྱ་བ་འདི་རྣམས་ལ་གྲངས་ཡོད་པས་ཞེས་བྱ་བ་འདིར་བསྡུའོ། །ཇི་ལྟར་ཉམས་པར་བྱ་བ་དག་གི་གྲངས་ཀྱིས་ལྟུང་བ་རྣམ་པར་གཞག་པར་བསྟན་ཅིང་། སྡོང་པོ་དང་ཡལ་ག་དང་འདབ་མ་ལས་གྲངས་རྣམ་པར་གཞག་པར་
[188a]
[188a.1]བྱ་འམ་ཞེ་ན། དེའི་ཕྱིར་སྡོང་བུ་ལས་སོ་ཞེས་བྱ་བ་སྨོས་ཏེ། སྡོང་བུ་རྩ་བ་ལས་#ཤིང་ལྗོན་པ་གཅོད་པར་བྱེད་ན་ཡང་ཡལ་ག་ཕྲ་མོ་དང་འདབ་མ་དུ་མ་#ཉིད་ཡོད་དུ་ཟིན་#ཀྱང་ལྟུང་བ་གཅིག་ཁོ་ནར་འགྱུར་ཏེ། དེ་བཞིན་དུ་ཡལ་ག་དག་རང་གི་སྡོང་བུ་ལས་བཅད་#པ་ལ་ཡལ་ག་ཕྲ་
[188a.2]མོ་དང་འདབ་མ་མང་པོ་ཉིད་ཡོད་པ་དང་། ཡལ་ག་ཕྲ་མོ་དག་རང་གི་སྡོང་པོ་ལས་བཅད་པ་ལ་འདབ་མ་མང་པོ་ཉིད་ཡོད་པ་དང་། འདབ་མ་དག་རང་གི་སྡོང་བུ་ལས་བཅད་པ་ལས་འདབ་མ་བདུན་པ་ལྟར་འདབ་མ་མང་པོ་ཉིད་ཡོད་པ་དང་། ཨེ་རན་ཏའི་འདབ་མ་ལྟར་ཡལ་ག་མང་པོ་ཉིད་ཡོད་དུ་ཟིན་
[188a.3]ཀྱང་དེ་ལྟ་མོད་ཀྱི་ལྟུང་བྱེད་གཅིག་#ཁོ་ནར་འགྱུར་རོ། །སྡོང་བུ་ཞེས་བྱ་བ་ནི་འདིར་འོག་མའི་ཆའི་དཔེ་ཡིན་ཏེ། དེ་ལྟ་བས་ན་འདབ་མའི་ཡལ་ག་བཅད་པ་དང་། ལྕུག་མའི་མགོ་ལྕོགས་བཅད་ན་ཡང་འདིར་དངོས་གཞི་སྟོན་པ་ཉིད་དོ། །སྡོང་བུའི་ངོས་ནས་འདབ་མ་ལ་ཅུང་ཟད་བརྩེགས་པ་དང་། འདབ་
[188a.4]མའི་རིམ་པ་ནས་ཅུང་ཟད་བརྩེགས་པ་ནི་སྦྱོར་བའི་ཉེས་བྱས་ཏེ། དངོས་གཞིའི་#ནི་མ་ཡིན་ཞེས་བྱ་བར་རིག་པར་བྱའོ། །འདིར་གཞུང་ནི་དགེ་སློང་གིས་#ཤིང་ལྗོན་པ་གཅིག་སྦྱོར་བ་གཅིག་གིས་བཅད་ན་ཉེས་བྱས་གཅིག་དང་ལྟུང་བྱེད་གཅིག །དགེ་སློང་གིས་ཤིང་ལྗོན་པ་གཅིག་སྦྱོར་བ་གཉིས་
[188a.5]ཀྱིས་གཅོད་ན་ཉེས་བྱས་གཉིས་དང་ལྟུང་བྱེད་གཅིག་གོ་ཞེས་བྱ་བ་ལ་སོགས་པ་གསུངས་པ་ཡིན་ནོ། །སྐྱེ་བའི་ཕྱིར་མདོ་རྣམ་པར་བཤད་ནས་མདོ་དེ་ཉིད་ལས་ས་བོན་གྱི་ཕྱིར་འདི་ལྟར་ཤེས་པར་བྱ་སྟེ། ཇི་ལྟར་ཞེ་ན་གང་ཞིག་ཉམས་པར་བྱ་བའི་གྲངས་དག་གིའོ་ཞེས་སྨོས་པས་གཞན་ས་བོན་དུ་གྱུར་པ་
[188a.6]གང་ཕྱོགས་གཅིག་#པ་དེ་བས་ན་མ་ཡིན་ཞེས་སྨོས་པ་ནི་སྡོང་བུ་ལས་ཞེས་བྱ་བ་སྨོས་སོ། །སྡོང་བུ་ཐམས་ཅད་ལ་གཅིག་པ་ཉིད་མངོན་པར་བརྟེན་པས་འདིར་གཟུགས་ཐམས་ཅད་སྡོང་བུ་ཉིད་ཀྱིས་བརྗོད་པར་རིག་པར་བྱ་སྟེ། རྩ་བ་དང་འབྲས་བུ་དག་ལ་ནི་འདི་མེད་པ་མ་ཡིན་ནོ། །དེ་བས་ན་འདི་དག་
[188a.7]ལ་འདིས་མ་བསྡུས་པ་ཉིད་ནི་མ་ཡིན་ནོ། །གཟུགས་ཐ་དད་པ་རྣམས་ལ་སྦུབས་དང་ཡལ་ག་དག་ལ་འདི་གནས་པའོ། །གང་ཞིག་ཐོ་#གུ་དང་རྩེ་མོ་དག་ལའོ། །དེ་ལས་བྱུང་བའི་འབྲས་བུ་རྣམས་ལ་གཅིག་པ་ཉིད་དུ་མངོན་པར་བརྟེན་པ་ལ་བྱས་པ་ཉིད་དེ་ཕྱོགས་གཅིག་ཏུ་གྱུར་པའི་ས་བོན་ཉམས་པས་ས་
[188b]
[188b.1]བོན་ཉམས་པ་མ་ཡིན་ནོ། །དེ་བས་ན་ས་བོན་གྱི་ཕྱོགས་གཅིག་ཉམས་པ་ལ་ཡང་དངོས་གཞི་སྟེ། ཐམས་ཅད་ཉམས་པ་ཉིད་ནི་མ་ཡིན་ནོ། །སྦྱོར་བ་ལ་ནི་ཉེས་བྱས་དག་ཏུའོ་ཞེས་བྱ་བ་ནི་སླར་ཅི་ཞིག་ཉམས་པར་བྱ་བའི་གྲངས་ཀྱིས་འདི་རྣམས་ཀྱི་ཐ་དད་པ་ཡིན་ནམ་མ་ཡིན་ཞེ་ན།# དེའི་ཕྱིར་འདི་ལ་བསྣུན་པ་
[188b.2]རེ་རེ་ལས་དེ་ཐ་དད་པ་ཡིན་གྱི་དངོས་པོ་ལས་ནི་མ་ཡིན་ནོ་ཞེས་བྱ་བ་སྨོས་ཏེ། འདི་ལ་ཞེས་བྱ་བ་ནི་སྦྱོར་བ་ལའོ། །དེ་ཞེས་བྱ་བ་ནི་བསྣུན་པ་ལའོ། །#བསྣུན་པ་རེ་རེ་ལ་དེ་ཐ་དད་པ་སྟེ། དངོས་པོ་ཐ་དད་པ་ལས་ནི་མ་ཡིན་ནོ། །བསྣུན་པ་ཇི་སྙེད་པ་དེ་ཁོ་ན་ཉིད་ཀྱི་སྦྱོར་བ་དག་ཏུ་འགྱུར་རོ་ཞེས་བྱ་བའི་དོན་ཏོ། །
[188b.3]བཏོན་ན་བསྐྱེད་པར་བྱ་བ་ཉིད་ཡིན་དུ་ཟིན་ཀྱང་མཐའ་ཉིད་དེ་ཞེས་བྱ་བ་ནི་ཤིང་ལྗོན་པ་ལ་སོགས་པ་རང་གི་#གནས་ནས་བཏོན་པ་གང་ཡིན་པ་དེ་ལ་མཐའ་ཉིད་དེ་#སྐྱེར་རུང་བའི་ཆོས་ཉིད་ཡོད་དུ་ཟིན་ཀྱང་ཉམས་པ་ལས་སྐྱེ་བ་ཉིད་དེ། དེའི་ཚེ་ཉམས་པ་ལས་ཞེས་བྱ་བའི་དོན་ཏོ། །སྐྱེར་མི་རུང་བ་ཉིད་ཡོད་ཀྱང་
[188b.4]སྔར་གྱི་རྣམ་པ་ཉིད་ཀྱིས་#སོ་སོར་བརྗོད་པ་ལ་འདི་ཉེ་བར་མ་སོན་པར་གྱུར་པ་དང་རོ་ཉིད་དུ་གྱུར་པའི་བྱེ་བྲག་ཡོད་དེ་ཞེས་བྱ་བ་ཤེས་བཞིན་པའོ། །སྐྱེར་རུང་བ་ཉིད་ལ་ནི་རྙེད་པ་#ཉིད་ཡོད་དུ་ཟིན་ཀྱང་རོ་ཉིད་དུ་གྱུར་པའི་བྱེ་བྲག་མེད་དོ་ཞེས་བྱ་བ་ཡིན་ལ་ངེས་པར་ཐིམ་པ་ཡིན་ནོ། །དེ་བས་ན་འདིར་མདོ་འདི་བྱས་པའོ། །ཉ་
[188b.5]ལྕིབས་དང་ཉ་ཚང་དག་ཆུ་ནས་བཏོན་པ་ནི་དེ་ཉིད་དོ་ཞེས་བྱ་བ་ནི། ཉ་ལྕིབས་དང་ཉ་ཚང་དག་ཆུ་ནས་བཏོན་#པ་ནི་དེ་ཉིད་དོ། །ཆུ་ནས་འདི་དག་ལ་བཏོན་པ་དང་རྗེས་སུ་བཟུང་བ་དེ་ལ་དེའི་ཚེ་ན་གཅོད་པ་ཞེས་བྱ་བའོ#། །དེའི་ཚེ་ན་འདི་དག་ལ་རོ་ཉིད་ཁས་བླངས་པའོ། །གང་ཞིག་སླར་བཅུག་#པ་དག་ལ་དེ་ལྟ་#ཉིད་དུ་རྗེས་སུ་འཇུག་པས་དེ་
[188b.6]ཡང་ས་བོན་ཉིད་ལ་རྗེས་སུ་འཇུག་པ་ཉིད་ཀྱིས་ཉ་ལྕིབས་དང་ཉ་ཚང་དག་ལ་གང་ཞིག་ས་དང་མ་འབྲེལ་པས་ཆུའི་#སྟེང་དུ་སྐྱེས་པ་དེ་ལ་འདི་བཤད་པའོ། །ཚི་#གུ་མ་བཅོམ་པར་རིལ་མིད་བྱེད་པ་ནི་ཕྱེད་ཉིད་དོ་ཞེས་བྱ་བ་ནི་ཚི་#གུ་མ་བཅོམ་པ་ཞེས་བྱ་བ་ནི་སོ་རྣམས་ཀྱིས་དུམ་བུར་མ་བྱས་པ་ལ་གང་ཞིག་རིལ་མིད་བྱེད་པ་ནི་ཟ་བར་བྱེད་
[188b.7]པ་ལ་ཕྱེད་ཅེས་བྱ་བའི་ཚིག་སྨོས་པས་ནི་ཉེས་བྱས་ཡིན་པར་གོ་བར་བྱེད་དོ། །ཕྱེད་ཀྱི་ཚིག་གིས་#ཐམས་ཅད་དུ་ལྟུང་བ་གཅོད་པར་གྱུར་པའི་ཉེས་བྱས་སྟོན་པར་བྱེད་པའོ། །འདིར་གཞུང་ནི་བཙུན་པ་དགེ་སློང་གིས་རྒྱ་ཤུག་གི་ཚི་#གུ་མ་བཅོམ་པར་རིལ་མིད་བགྱིད་ན་ལྟུང་བ་ཅིར་འགྱུར་ཉེས་བྱས་སོ་ཞེས་
[189a]
[189a.1]གསུངས་པ་ཡིན་ནོ། །འདི་ནི་ཚི་#གུ་མ་བཅོམ་པ་ལྟར་ཉམས་པར་བྱེད་པ་དང་རིལ་མིད་བྱེད་པ་ཞེས་བྱ་བ་འདི་ལ་དོན་བྱས་པ་ཉིད་བཏབ་པ་དག་ལྟར་ལྟོར་བཅུག་པ་ལ་འདིར་བློས་ཡིན་གྱི་ཉམས་པའི་དོན་དུ་གཞག་པ་ནི་མ་ཡིན་ནོ་ཞེས་བྱ་བའི་དོན་ཏོ། །ལྟོ་བ་དང་འབྲེལ་པར་ཉམས་པ་ལ་
[189a.2]འདིར་ལྟུང་བ་རྣམ་པར་གཞག་པར་མི་བྱ་བ་#སྟེ། གང་ལ་འདིར་ཉམས་པའི་བློས་འབྱུང་བར་གྱུར་པ་དེ་ལ་དངོས་གཞིའི་ལྟུང་བ་བྱུང་བ་ཁོ་ན་ཡིན་ནོ་ཞེས་བྱ་བར་རིག་པར་བྱའོ། །གལ་ཏེ་འདི་བཅད་པར་གྱུར་ན་ལེགས་སོ་ཞེས་སྨྲས་ན་བཏོན་པའི་འོ་ཞེས་བྱ་བ་ལ། བཏོན་པའི་འོ་ཞེས་བྱ་བ་ནི་བཏོན་པའི་ཕྱེད་
[189a.3]ཅེས་བྱ་བར་སྦྱར་རོ། །ལེགས་སོ་ཞེས་བྱ་བའི་བརྗོད་པ་འདི་ནི་བཏོན་པའི་ཕྱེད་ལ་འདི་ལྟར་བརྗོད་ཅིང་གཅོད་པར་བྱེད་ན་#དངོས་གཞིའི་མཐའ་ཅན་གྱི་ཉེས་བྱས་ཞེས་བྱ་བའི་དོན་ཏོ། །འདིར་གཞུང་ནི་ཞུ་བ་ལས། བཙུན་པ་དགེ་སློང་གིས་#འདི་སྐད་ཅེས་འདིས་ཤིང་ལྗོན་པ་འདི་གཅད་#པར་གྱུར་ན་
[189a.4]ལེགས་སོ་སྟེས་སོ་#ཞེས་མཆི་ཞིང་དེས་འགུམས་#པར་བགྱིད་ན་ལྟུང་བ་ཅིར་འགྱུར་ཉེས་བྱས་སོ་ཞེས་གསུངས་པ་ཡིན་ནོ། །རྫུ་འཕྲུལ་གྱིས་ན་མ་བྱས་པ་ཉིད་དོ་ཞེས་བྱ་བ་ནི་འདི་ནི་#རྣམ་པར་རོལ་པ་ཙམ་ཡིན་ཏེ་བྱ་བའི་ངོ་བོ་འཇུག་པ་འདི་མ་ཡིན་ཞེས་བྱ་བ་འདིས་ཤེས་པའོ། །འདིར་གཞུང་ནི་ཞུ་བ་
[189a.5]ལས་བཙུན་པ་རེ་ཞིག་དགེ་སློང་གིས་རྫུ་འཕྲུལ་གྱིས་ཤིང་ལྗོན་པ་འགུམས་པར་བགྱིད་ན་ལྟུང་བ་ཅིར་འགྱུར། ཉེ་བ་འཁོར་ལྟུང་བ་མེད་དོ་ཞེས་གསུངས་པ་ཡིན་ནོ། །ས་བོན་ལ་#ས་བོན་གཞན་ཉིད་དུ་འདུ་ཤེས་པ་ལ་འདི་དེ་དང་འདྲ་བ་ཉིད་དོ་ཞེས་བྱ་བ་ནི་རྩ་བའི་ས་བོན་ལ་སོགས་པ་ལ་སྡོང་བུའི་ས་
[189a.6]བོན་ཉིད་དུ་འདུ་#ཤེས་པ་ནི་དེ་དང་འདྲ་བ་ཉིད་དེ་ཕྱེད་ཉིད་ནི་མ་ཡིན་ནོ། །འདིར་སྐྱོན་ནི་མཚུངས་ཏེ་སྲོག་གཅོད་པ་ལྟར་ན་སྨད་པ་ནི་མ་ཡིན་ཞེས་བྱ་བའི་དོན་ཏོ། །སྐྱེ་བ་ལ་ཡང་ཆོ་ག་འདི་རྣམ་པར་གནས་པ་ཡིན་ཏེ། དེ་ཡང་འདིར་ས་བོན་ཉིད་ཀྱིས་བརྗོད་པར་རྟོགས་པར་བྱའོ། །འདིར་ནི་རྩ་བ་ལ་སོགས་
[189a.7]པའི་ས་བོན་ཉིད་ཡོད་པ་ཡིན་ཏེ། དེ་བས་ན་ས་བོན་སྐྱེ་བ་དག་ལ་ཡང་ཕན་ཚུན་ཉིད་དུ་ཕྱིན་ཅི་ལོག་སྟེ། འདི་ནི་དངོས་གཞིའི་ཁ་ན་མ་ཐོ་བ་སྟེ་མ་#སྨད་པ་ནི་མ་ཡིན་ཞེས་བྱ་བའི་དོན་ཏོ། །ཤུན་པ་དང་ཕྲི་དང་འདབ་མ་སྐྱ་བོ་དང་། མེ་ཏོག་ཁ་བྱེ་བ་དང་འབྲས་བུ་སྨིན་པ་རྣམས་ནི་ཕྱེད་ཤི་བ་ཉིད་དུ་རྗེས་སུ་ཐ་སྙད་
[189b]
[189b.1]གདགས་སོ་ཞེས་བྱ་བ་ནི་ཤུན་པ་དང་ཕྲི་དང་འདབ་མ་སྐྱ་བོ་དང་མེ་ཏོག་ཁ་བྱེ་བ་དང་། འབྲས་བུ་སྨིན་པ་དང་ཞེས་བྱ་བས་#བསྡུ་བའོ། །དེ་རྣམས་ནི་ཕྱེད་ཤི་བ་ཉིད་ཅེས་བྱ་བ་འདི་ལྟུང་བ་ན་སྨད་པ་ཉིད་དེ་ཉེས་བྱས་ཞེས་བྱ་བའི་དོན་ཏོ། །འདིར་རབ་ཏུ་གྲགས་པ་ལ་བློ་ལྟུང་བ་ནི་རྗེས་སུ་ཐ་སྙད་གདགས་པའོ། །
[189b.2]འདི་རྣམས་ལ་ཕྱེད་#ཤི་བ་ཉིད་ནི་རབ་ཏུ་གྲགས་པ་ཁོ་ན་ཉིད་དེ་#འདིར་སྟོན་བྱེད་ཀྱི་རྒྱུ་བཙལ་བར་བྱ་བ་ནི་མ་ཡིན་ཏེ་ཞེས་བྱ་བ་འདི་ལས་#འདི་ཡང་དག་པར་བསྟན་པའོ། །དེ་དག་གི་རྩ་བར་གྱུར་པ་རང་བཞིན་ལས་མ་ཕྱེ་བ་ནི་མ་ཡིན་ནོ་ཞེས་བྱ་བ་ནི་གང་ཞིག་རང་བཞིན་ལས་ཕྱེ་བ་བྲལ་བ་དེ་ནི་འོག་ནས་ཤུན་
[189b.3]པ་ལ་སོགས་པ་རྣམས་ལ་རྩ་བར་གྱུར་པ་དེ་ནི་ཕྱེད་ཤི་བ་ཉིད་དུ་རྗེས་སུ་ཐ་སྙད་གདགས་པ་མ་ཡིན་ཏེ། དེ་བས་ན་ཕྱོགས་ལས་འདི་རྣམས་སེལ་བར་བྱེད་པ་ལ་དངོས་གཞི་ཁོ་ནར་འགྱུར་རོ་ཞེས་བྱ་བའི་དོན་ཏོ། །འདིར་ཤུན་པའི་གཞུང་ནི་ཤུན་པ་འཆུ་བར་བྱེད་ཅིང་སྙིང་པོ་དང་འབྲེལ་བ་འཆུ་བར་བྱེད་ན་ལྟུང་བྱེད་
[189b.4]དུ་འགྱུར་རོ། །སྙིང་པོ་དང་མ་འབྲེལ་པ་འཆུ་བར་བྱེད་ན་ནི་ཉེས་བྱས་སུ་འགྱུར་ཞེས་གསུངས་པ་ཡིན་ཏེ། ཕྲི་དང་འདབ་མ་སྐྱ་བོ་དང་མེ་ཏོག་ཁ་ཕྱེ་བ་དང་། འབྲས་བུ་སྨིན་པ་རྣམས་ལ་ཡང་འདི་ཉིད་རྣམ་པར་གཞག་གོ་ཞེས་བྱ་བ་ཐམས་ཅད་ལས་གསུངས་སོ། །འདབ་མ་དང་འབྲས་བུ་དག་ལ་འཇུག་
[189b.5]པས་འཆུ་བ་ནི་དེ་དག་ཉིད་དང་ལྷན་ཅིག་ཆོས་མཚུངས་པ་ཡིན་ཏེ་སྨིན་པ་རྣམས་ཀྱི་ནི་སྨིན་པ་ཉིད་ཡིན་ལ་མ་སྨིན་པ་རྣམས་ཀྱི་ནི་མ་སྨིན་པ་ཉིད་ཡིན་ཏེ། དེ་དག་ཉིད་ཀྱི་ཕྱོགས་གཅིག་གྱུར་པ་ཉིད་ཡིན་པར་རིག་པར་བྱའོ། །གང་ཞིག་མེ་ཏོག་འཆུ་བའི་#ངོ་བོ་ནི་མེ་ཏོག་ལ་འཇུག་པ་དེ་ལ་མེ་ཏོག་ཉིད་དེ་འཇུག་
[189b.6]པར་གྱུར་པ་ཉིད་ནི་མ་ཡིན་ནོ། །དེ་བས་ན་འོག་ནས་གང་ཞིག་འདི་དག་ལ་དེ་ནི་འདི་རྣམས་ལ་འདིར་འཇུག་པ་འདི་#བརྗོད་པར་རིག་པར་བྱའོ། །འདིར་གཞུང་ནི་ཞུ་བ་ལས་ཅིག་ཅར་འབྱུང་སྟེ་འཆུ་བ་གཅོད་ན་ཉེས་བྱས་སོ། །ཕ་བོང་གི་དྲེག་པ་འཆུ་ན་ཉེས་བྱས་སོ་ཞེས་གསུངས་པ་ཡིན་ནོ། །འདིར་འཆུ་
[189b.7]བ་ཞེས་བྱ་བའི་སྒྲས་ནི་ཨུཏྤ་ལ་ལ་སོགས་པ་ཁ་བྱེ་བའི་འཆུ་བ་དང་། འདབ་མའི་འཆུ་བ་བསྡུས་པ་#རིག་པར་བྱའོ། །འདིར་ཕ་བོང་གི་དྲེག་#པ་ཞེས་བྱ་བ་ནི་རྡོའི་དྲེག་#པ་ཡིན་པར་རིག་པར་བྱའི་སྲུ་སྲུ་ནི་མ་ཡིན་ནོ། །ས་བོན་གྱི་ཁམས་བཏབ་པ་རྩ་བ་མ་སྐྱེས་པ་ནི་ཕྱེད་སྐྱེད་#པ་ཉིད་དུའོ་ཞེས་བྱ་བ་ནི་ས་
[190a]
[190a.1]བོན་གྱི་ཁམས་བཏབ་པ་ལ་ད་དུང་རྩ་བ་མ་སྐྱེས་པ་ཉིད་དུ་རྗེས་སུ་ཐ་སྙད་གདགས་ཏེ། དེ་ལ་ནི་འདིར་ཉེས་བྱས་སོ་ཞེས་བྱ་བའི་དོན་ཏོ། །ས་འབུས་པ་དང་ཤ་མོ་དང་ཤ་བལ་དང་སྣོད་དང་གོས་ལ་སོགས་པའི་རླམ་རྣམས་ནི་ཕྱེད་སྐྱེས་#པ་ཉིད་དུའོ་ཞེས་བྱ་བ་ནི་རྗེས་སུ་ཐ་སྙད་གདགས་སོ་
[190a.2]ཞེས་བྱ་བར་སྦྱར་རོ། །སྣོད་དང་གོས་ལ་སོགས་པ་རྣམས་ཀྱི་རླམ་གྱི་སྒྲ་དང་#འབྲེལ་པ་ཡིན་གྱི། སྔ་མ་རྣམས་ཀྱིས་ཀྱང་མ་ཡིན་ནོ། །འུ་ཤའི་ཁུ་ཚན་ལ་སོགས་པ་དབོ་བ་དང་འཆག་པ་དང་ཡལ་ག་ལ་སོགས་པ་འདྲེན་པ་དང་། དཀྱིལ་འཁོར་དང་སྐྱང་ནུལ་དག་ལ་དེ་དག་གི་བསམ་པ་ཉིད་ལ་ནི་
[190a.3]ལྟུང་བ་མེད་དོ་ཞེས་བྱ་བ་ནི་དབོ་བ་ལ་སོགས་པའི་བསམ་པ་ཉིད་ལ་ཞེས་བྱ་བའི་དོན་ཏོ། །མ་ཉམས་པའི་འདུན་པས་ལྟུང་བ་མེད་པ་ཉིད་དེ་ན་སྨད་པ་ནི་མ་ཡིན་ཞེས་བྱ་བ་འདི་བསྟན་པའི་དོན་དུ་མདོ་འདི་ཡིན་ནོ། །རྟེན་ཉིད་ཀྱིས་#ཡིན་ཏེ་དེ་བས་ན་འདིར་ལྟོས་པས་བསྲེག་པར་བྱ་བ་དང་འཐག་པར་བྱ་བ་ཉིད་
[190a.4]ཀྱིས་ནི་མ་ཡིན་ནོ་ཞེས་བྱ་བ་འདིར་ལྟུང་བ་མེད་པར་ཤེས་པའོ། །ཕོངས་པའི་ཚེ་རྩྭ་#ཀུ་ཤ་ལ་སོགས་པས་བཅིངས་པ་དེས་མི་ཐར་ན་བཅད་ན་ཡང་ངོ་ཞེས་བྱ་བ་ལ། ཡང་གི་སྒྲས་ནི་ལྟུང་བ་མེད་དོ་ཞེས་བྱ་བ་འདིའི་རྗེས་སྙེགས་#པའི་དོན་དུའོ། །རྩྭ་#ཀུ་ཤ་ལ་སོགས་པས་ཞེས་བྱ་བ་ནི་འདིར་གཞུང་ནི་སིལ་བུ་
[190a.5]དག་ལས་གླེང་གཞིའི་དབང་གིས་རྩྭ་#ཀུ་ཤ་རྣམས་ཉིད་ལ་འདི་གསུངས་ཏེ། སེམས་ཅན་གྱི་གྲངས་ལས་གཞན་ཐམས་ཅད་ལ་གཅོད་པར་བྱེད་པ་ལ་རྣམ་པར་གཞག་པ་བྱ་བ་ནི་སོགས་པའི་ཚིག་གོ། །ཕོངས་པའི་ཚེ་ན་ཞེས་བྱ་བ་ནི་ཀུན་ནས་ཉོན་མོངས་པའི་གནས་སྐབས་ཐོབ་པ་ཡོད་པ་ལའོ། །འདིར་
[190a.6]གང་གིས་གཅོད་ན་#རྗེས་སུ་བསྒྲུབ་པར་གྱུར་པ་ལ་ལྟུང་བ་མེད་དོ་ཞེ་ན། དེའི་ཕྱིར་བཅིངས་པ་ཞེས་བྱ་བ་སྨོས་སོ། །གང་གིས་བཅིངས་པ་ཞེ་ན། དེས་#ཞེས་བྱ་བ་སྨོས་ཏེ། གང་ལ་གཅོད་པ་འདི་བཤད་པ་རྫས་གང་ཉིད་ཀྱིས་བཅིངས་པ་རྫས་དེ་ཉིད་བརྗོད་པ་ལ་ལྟུང་བ་འདི་མེད་པ་ཡིན་གྱི་གནས་སྐབས་ཐམས་
[190a.7]ཅད་དུ་ནི་མ་ཡིན་ཏེ། འོན་ཀྱང་མི་ཐར་ན་བདག་གམ་གཞན་ལ་འགྲོ་བ་པོ་མེད་པས་སོ། །དུ་མ་ཉིད་ཡིན་ན་དེ་ལས་གཅིག་གིས་སོ་ཞེས་བྱ་བ་ནི་གང་གི་ཕྱིར་མི་ཐར་ན་ཆོ་ག་འདི་ཡིན་པ་དེ་བས་ན་དུ་མ་ཉིད་དུ་བཅིངས་པ་ལ་དེ་གཅིག་གིས་གཅད་#པར་བྱའི་གཞན་གྱིས་ནི་མ་ཡིན་ནོ། །ས་བོན་གྱི་ཆོས་མེད་
[190b]
[190b.1]བ་ནི་ཉེས་པ་བྱེད་པ་མ་ཡིན་ནོ་ཞེས་བྱ་བ་ནི་མ་སྦས་པ་ཉིད་ཀྱི་ཕྱིར་འདི་ལ་ལྟུང་བར་བྱས་པ་ཉིད་ནི་#གང་གིས་སམས་#པ་དེའི་དོན་དུ་ས་བོན་གྱི་ཆོས་མེད་པ་ཉིད་འདི་རུང་བ་ལྔ་པོ་རྣམས་གསུངས་པ་གང་ཡིན་པ་དེའི་བསྡུ་བའོ། །བྱིན་ལེན་མ་བྱས་པའི་ཁ་ཟས་ཀྱི་ལྟུང་བ་དང་འབྲེལ་#པ་ལས་འདི་དང་པོའི་རུང་བ་ཞེས་
[190b.2]བྱ་བ་དོན་འདིར་ཕྲན་ཚེགས་རྣམས་ལས་ས་བོན་མེད་པ་ཉིད་འབྲེལ་པ་ལས་ཞེས་བྱ་བ་ལ་སོགས་པ་བླངས་པ་ཞེས་བྱ་བའི་མཐར་ཐུག་པར་གྲངས་སོ། །སྨན་གྱི་གཞི་ལས་ཡང་དག་པ་ཉིད་དུ་གྲངས་པ་#ཞེས་བྱ་བ་ལ་སོགས་པ་སྲིད་པ་#ལྡང་བ་ཞེས་བྱ་བའི་མཐར་ཐུག་པར་གྲངས་པ་དང་། སྨན་གྱི་གཞི་ཞུ་བ་
[190b.3]ལས་བྱས་པ་ཉིད་ཅེས་བྱ་བ་ལ་སོགས་པ་བཟའ་བར་བྱ་ཞེས་བྱ་བའི་མཐར་ཐུག་པར་གྲངས་པ་དང་། ཕྲན་ཚེགས་ལ་སོགས་པ་ལས་ཐ་མི་དད་པ་མ་ཡིན་པ་ཞེས་བྱ་བར་#གྲངས་སོ། །མེས་རེག་པ་དང་མཚོན་དང་སེན་མོ་དང་ནེ་ཙོ་དག་གིས་རྨ་ཕྱུང་བ་དང་རྙིངས་པ་#དང་ཕྱུང་བ་དང་བཀྲུམ་#པ་དང་བཀས་པ་
[190b.4]དང་བཅད་པ་ལྟ་བུ་དག་ནི་རུང་བའོ་ཞེས་བྱ་བ་ནི་གཞན་རྣམས་ཀྱིས་#རྨ་ཕྱུང་བ་ནི་རྨ་ཕྱུང་བ་མ་ཡིན་པ་#མ་ཡིན་ཏེ། དེ་བས་ན་མཚོན་ལ་སོགས་པས་བརྒྱབ་#པ་ནི་འདིར་དཔེར་རྟོགས་པར་#བྱའོ། །དེ་ལས་གཞན་པ་རྨ་བྱུང་བ་མ་ཡིན་པ་ནི་ཤིང་ཏོག་#ལ་སོགས་པ་ལ་#སེན་མོ་དང་ནེ་ཙོས་རྨ་ཕྱུང་བ་སྟེ། གྲགས་པ་ཉིད་
[190b.5]ཀྱི་ཕྱིར་དང་བརྩལ་#བར་བྱ་བ་མ་ཡིན་པ་ཉིད་ཀྱི་ཕྱིར་དང་གྲགས་པར་#བྱ་དཀའ་བ་ཉིད་མ་ཡིན་པའི་ཕྱིར་མ་བྱས་པ་ཇི་ལྟ་བ་བཞིན་དུ་འདི་རྣམས་ལ་དཔེ་ཉིད་ཀྱིས་བསྟན་#པའོ། །ཕྱུང་བ་ཞེས་བྱ་བ་ནི་ཕྱུང་བ་སྟེ། འདིར་དེ་ནི་བརྟགས་#པ་གཞན་གྱིས་རུང་བར་བྱ་བ་ལ་ལྟོས་#མི་དགོས་ཏེ། ཕྱུང་བ་ཉིད་ཁོ་ན་འདིར་རུང་
[190b.6]བར་བྱས་པས་ཉིད་ཅེས་བྱ་བ་འདིར་རྟོགས་པར་བྱའོ། །འདི་བཀྲུམ་པར་བྱེད་པ་ནི་#བཀྲུམ་པའི་ཚིག་གིས་བཟུང་ངོ་། །བཀས་པ་སྟེ་ཞེས་བྱ་བ་ནི་གས་པར་གྱུར་པ་སྟེ། རང་གས་པ་ཉིད་གང་ཡིན་པ་དེ་ནི་རུང་བ་ཉིད་མ་ཡིན་ཏེ། རྣམ་པར་མི་འགྱུར་བར་གྱུར་པ་ཉིད་ཀྱི་ཕྱིར་རོ། །བཅད་པ་ཞེས་བྱ་བ་ནི་
[190b.7]བརྔས་པ་སྟེ། གནས་ལས་བསལ་#བའི་དོན་དུ་གཅོད་པ་གང་ཡིན་པ་འདི་ནི་དེའི་དོན་ཏོ#། །བཟའ་བའི་དོན་དུ་འཐད་པ་བྱས་པ་ཉིད་ལ་རྨ་བྱུང་བ་ནི་འདི་ཡིན་ཏེ། དེ་ནི་སྔར་བཟུང་བ་སྟེ། དེ་ལྟ་བུར་གྱུར་པ་མ་ཡིན་པ་ཞེས་བྱ་བར་གང་གིས་བསམ་པ་དེའི་དོན་དུ་ཚིག་འདིའོ། །རུང་བར་བྱེད་པ་ན་ས་བོན་མ་
[191a]
[191a.1]ཡིན་པ་ཉིད་དུ་གྱུར་གྱི་བར་དུ་ལྟོས་པར་བྱ་བ་མི་དགོས་པ་ཉིད་དོ་ཞེས་བྱ་བ་ནི་རུང་བར་བྱེད་པ་ན་ཇི་སྲིད་དུ་ས་བོན་མ་ཡིན་པ་ཉིད་དུ་གྱུར་གྱི་བར་དེ་སྲིད་དུ་འདི་ལ་ལྟོས་པ་འདི་མི་བྱ་ཞེས་བྱ་བའི་དོན་ཏོ། །དེ་རེག་པའི་མེ་ཞེས་བྱ་བ་ལ་སོགས་པས་བསལ་བའི་དོན་ཉིད་ཤེས་པ་ཡིན་ཏེ་དེ་བས་ན་
[191a.2]མདོ་འདི་བྱས་སོ། །འདི་ལ་རླངས་པ་ནི་མེ་མ་#ཡིན་ནོ་ཞེས་བྱ་བ་ལ། འདི་ལ་ཞེས་བྱ་བ་ནི་རུང་བ་ལའོ། །རླངས་པ་ནི་མེ་ཁོ་ན་ཉིད་དེ་རླངས་པས་ཀྱང་མེས་རེག་པ་ལ་རུང་བ་ཉིད་སྐྱེས་པ་ཞེས་བྱ་བ་དེའི་འདི་བྱེད་པའོ། །འདིར་མདོ་དེ་གཉིས་ཀྱི་གཞུང་ནི་དགེ་སློང་དག་ས་བོན་གྱི་རིགས་མ་ཚོས་པ་ཞེས་བྱ་
[191a.3]བ་ཡོད་པས་དེའི་ཕྱིར་རླངས་པས་བརླན་པ་དེ་བཟའ་བར་རྗེས་སུ་གནང་གིས་#འདི་ལ་འགྱོད་པར་མི་བྱའོ་ཞེས་གསུངས་པ་ཡིན་ནོ། །འབྲས་བུ་དག་མེས་རུང་བར་བྱ་བ་ལ་སྤྱིའི་ཚོམས་ནི་གཙོ་ཆེར་#བྱ་བ་ཡང་དག་པའི་གྲངས་ཉིད་དོ་ཞེས་བྱ་བ་ལ་འདིར་གཞུང་ནི་དགེ་སློང་དག་རྒུན་འབྲུམ་མེས་སྤྱིར་རེ་རེ་ནས་རུང་བར་བྱེད་
[191a.4]པས་ཞེས་བྱ་བ་ལ་སོགས་པ་གསུངས་པ་ཡིན་ནོ། །འདིར་སྤྱིའི་ངོ་བོ་གཙོ་བོར་#བྱེད་པའི་ཡང་དག་པ་ཉིད་ཀྱི་གྲངས་དང་ལྡན་པ་སྟེ་སྤྱི་ལ་རུང་བ་#ཉིད་ཡིན་པར་སྣང་ངོ་ཞེས་བྱ་བའི་དོན་ཏོ། །ཕྱོགས་གཅིག་ནས་ནི་ཕྱིའི་རུང་#བར་མི་འབྱུང་ངོ་ཞེས་བྱ་བ་ནི་རུང་བ་དག་བྱས་པ་ཞེས་བྱ་བ་རུང་བ་འདི་ལའོ། །དེ་བས་ན་
[191a.5]སྤྱི་ལ་ངོས་ཐམས་ཅད་ལ་མེས་རེག་པར་རིགས་པ་ཞེས་བྱ་བའི་དོན་ཏོ། །ཕྱོགས་གཉིས་སམ་གསུམ་རྣམས་སུ་རེག་པར་བྱའོ་ཞེས་གསུངས་པ་དེ་བསྡུས་པ་ཡིན་ནོ། །དགེ་སློང་གིས་#རུང་བ་དག་བྱས་པ་ཉིད་ནི་བྱས་པ་ཡིན་ནོ་ཞེས་བྱ་བ་ལ། འདིར་གཞུང་ནི་བཙུན་པ་རེ་ཞིག་དེ་དག་གིས་ཞུགས་ཀྱིས་སམ་སེན་
[191a.6]མོས་སམ་མཚོན་གྱིས་#ས་བོན་གྱི་རིགས་#ལྔ་པོ་དག་རུང་བར་བགྱིད་ན་རུང་བར་བགྱིས་པ་ཞེས་བགྱི་འམ། ཉེ་བ་འཁོར་རུང་བར་བྱས་པ་ཞེས་བྱ་སྟེ། ཉེ་བ་འཁོར་མེས་རུང་བར་བྱས་པ་མ་གཏོགས་པ་ལྷག་མ་རྣམས་ནི་བཟར་རུང་སྟེ་བཟའ་བར་བྱ་བ་དག་ཡིན་ནོ། །གང་རུང་བར་བྱེད་ན་ས་བོན་གྱི་ཚོགས་
[191a.7]འཇོམས་པའི་ལྟུང་བྱེད་དུ་འགྱུར་རོ་ཞེས་གསུངས་པ་ཡིན་ནོ། །ཉམས་པར་གྱུར་པའི་རུང་བའི་དབང་དུ་བྱས་ནས་གང་རུང་བར་བྱེད་ན་ཞེས་བྱ་བའི་ཚིག་རིག་པར་བྱའོ། །གང་འདིར་ཉེ་བ་འཁོར་མེས་རུང་བར་བྱས་པ་མ་གཏོགས་པ་ཞེས་གསུངས་པ་དེས་ནི་མེར་#རུང་བར་བྱ་བ་མ་གསུངས་པ་ཡིན་ཏེ། འཚེད་
[191b]
[191b.1]པ་མ་ཡིན་ནོ་ཞེས་བྱ་བ་མདོ་འདིས་#རིག་པར་བྱའོ། །དགེ་སློང་གིས་བཙོས་པའི་དབང་དུ་བྱས་པ་འདིར་བཟའ་བར་བྱ་བ་ཉིད་ལ་རྒྱུ་རྣམ་པར་གནས་པ་ཡིན་ཏེ། གཞན་ནི་མ་ཡིན་ནོ་ཞེས་བྱ་བ་དོན་འདི་མདོར་བྱས་པའོ། །ས་རུང་བ་མ་ཡིན་པར་ཡང་ངོ་ཞེས་བྱ་བ་ནི་རུང་བ་རྣམས་ཀྱིས་བྱས་པ་ཉིད་ནི་བྱས་པ་
[191b.2]ཉིད་དོ། །ཞག་བདུན་པ་དང་འཚོ་བའི་བར་བཅང་བ་ཆུ་གྲང་མོས་#མ་གཏོར་བར་བཟའ་བར་མི་བྱའོ་ཞེས་བྱ་བ་ནི། དེར་རུང་བར་བྱ་བ་དང་འབྲེལ་པ་ཡིན་#པས་འདིའི་ཚིག་བྱས་པའོ། །རུང་བ་ལ་ནི་འདིར་མ་གཏོར་བ་ཉིད་ཇི་ལྟར་མེ་ལ་སོགས་པས་དེ་བཞིན་དུ་འདི་ལ་ཡང་གང་གི་ཚེ་དེའི་#ཉེས་བྱས་ཉིད་ལ་རུང་བ་
[191b.3]ཉིད་དེ་བཟའ་བའི་དུས་ཉིད་#ལ་ནི་མ་ཡིན་ནོ་ཞེས་བྱ་བར་རྟོགས་པར་བྱའོ། །འདིར་གཞུང་ནི་བཙུན་པ་གང་ཞིག་ལྟུང་བ་བརྒྱད་པོ་#འདི་རྣམས་ཙོ་ཙའི་འབྲས་བུ་ལས་བྱུང་བ་དང་ཆུ་ཤིང་གི་འབྲས་བུ་ལས་བྱུང་བ་དང་རྒྱ་ཤུག་གི་ལས་བྱུང་བ་དང་འབྲ་གོ་ལས་བྱུང་བ་དང་རྩུབ་འགྱུར་ལས་བྱུང་བ་དང་། རྒུན་དང་
[191b.4]ཨུ་དུམ་བཱ་ར་ལས་བྱུང་བ་དང་ནྱ་གྲོ་དྷ་ལས་བྱུང་བ་དང་ཁྱབ་གནས་ལས་བྱུང་བ་གང་དག་ལགས་པ་དེ་རྣམས་རྩ་བའི་ཁུ་བ་འམ་སྡོང་བུའི་ཁུ་#བ་འམ་འདབ་མའི་ཁུ་བ་འམ་མེ་ཏོག་གི་ཁུ་བ་དང་བསྲེས་ཤིང་འཚལ་ཞིང་སྦྱར་ན་རུང་ངམ། གལ་ཏེ་སྐྱུར་#བ་དང་། མྱོས་པར་མི་འགྱུར་བ་དང་། མི་བསྐ་བ་དག་ཡིན་
[191b.5]ན་བཏུང་#དུ་རུང་ངོ་། །དེ་ལས་ལྷག་པར་ཆུས་བཏབ་པ་#དག་ནི་ཞག་བདུན་པ་འམ་#འཚོ་བའི་བར་དུ་བཅང་བ་དག་ཡིན་ནོ་ཞེས་གསུངས་པའི་ཚིག་གིས་སོ། །ཐུན་ཚོད་དུ་རུང་བ་ཡང་དེ་མ་ཐག་པའི་#མི་བྱའོ་ཞེས་བྱ་བ་ལ། དེས་ཞེས་བྱ་བ་ནི་ཆུ་གྲང་མོས་སོ། །འདི་ལ་གཞན་གྱི་དུས་མ་ཡིན་པ་ལས་#མ་
[191b.6]བྱས་པ་ལ་#བྱས་པ་ཉིད་དོ། །མར་བསྲུབ་པའི་ཚེ་དང་འབྲི་མར་འཚིར་བའི་ཚེ་ན་ཡང་ཆུ་གྲང་མོས་གདབ་དགོས་མོད་གྱི#། འོན་ཀྱང་མར་དང་མར་ནག་པོ་དག་གིས་#རུང་བར་བྱས་པ་ཉིད་དོ། །ཀུན་སློང་ལ་འདི་དགོས་པས་འདི་དག་གྲུབ་པ་ལ་རུང་བ་འདི་ལ་བྱས་པ་ཉིད་ཀྱི་ཕྱིར་བུ་རམ་ཡང་མེས་བསྐོལ་
[191b.7]བ་ན་ཆུ་གྲང་མོས་གདབ་#པར་བྱ་བ་ཡིན་#མོད་ཀྱི། དེའི་ཚེ་ན་ཆུས་#བཏབ་པ་དེས་#རུང་བར་བྱས་པ་ཉིད་དུ་མི་ཆུད་དོ། །ཞག་བདུན་པ་ལ་མེས་རུང་#བར་བྱ་བ་མི་སྲིད་དེ་#འདིར་གཞུང་ནི་དེ་#ལ་ཉམས་སུ་#མ་གྲུབ་པ་དང་། མངོན་སུམ་མ་ཡིན་པར་ཐོས་པར་འཕྱ་ཡང་རུང་ཞེས་བྱ་བ་འདིའི་རྗེས་སུ་སྙེགས་#
[192a]
[192a.1]པའི་ཕྱིར་རོ། །འདིར་གཞུང་ནི་ཚེ་དང་ལྡན་པ་ཉེ་དགའ་དང་ལྷན་ཅིག་ཏུ་འདུ་འཛིའི་གཏམ་གྱི་ཕྱིར་འཁོད་པ་ན་ཚེ་དང་ལྡན་པ་གྱད་བུ་ནོར་ཕྱོགས་དེར་སོང་ངོ་ཞེས་གསུངས་པ་ཡིན་ནོ། །གཞོགས་འཕྱས་ཞེས་བྱ་བ་ནི་གང་གི་དོན་དུ་འཕྱ་བ་དེའི་མིང་ནས་འབྱིན་པ་ནི་མ་ཡིན་
[192a.2]ཞེས་བྱ་བའི་དོན་ཏོ། །ལྟུང་བ་ཇི་ལྟ་བུ་དང་ཁ་ན་མ་ཐོ་བ་ཇི་ལྟ་བུ་ལ་འདིར་འདི་རྣམས་ལ་བྱེད་པ་པོ་ཉིད་ཡིན་ཞེ་ན་བགྲངས་པ་ལ་ནི་དངོས་གཞིའོ་ཞེས་བྱ་བ་སྨོས་ཏེ། མངོན་སུམ་དུ་འཕྱ་བ་དང་གཞོགས་འཕྱས་བྱེད་པ་འཕངས་པ་ཉིད་ཀྱིས་གལ་ཏེ་འདི་བགྲང་བར་གྱུར་ཅིག་#འཕྱ་བ་དང་གཞོགས་#འཕྱས་བྱེད་ན་དེ་
[192a.3]ནས་གང་ཟག་འདི་ལ་དངོས་གཞིའི་བྱེད་པ་པོ་ཉིད་དོ། །མ་བགྲངས་པ་ལ་གཞན་དུ་ཉེས་བྱས་ཀྱིའོ་ཞེས་བྱ་བའི་དོན་ཏོ། །ཅུང་ཟད་ཙམ་ཡང་དང་དུ་ལེན་པར་མི་ནུས་པ་ལ་ནི་བརྗོད་པར་མི་བྱའོ་ཞེས་བྱ་བ་ནི་ཅུང་ཟད་ཙམ་ཡང་དང་དུ་ལེན་པར་མི་ནུས་པའི་གང་ཟག་ལ་བསྐུལ་བ་དྲན་པ་བྱ་བ་ལ་སོགས་པས་
[192a.4]ཅུང་ཟད་ཙམ་ཡང་བརྗོད་པར་མི་བྱའོ། །གཞན་ལ་འཕྱ་བ་དང་གཞོགས་འཕྱས་བྱེད་པའི་རྣམ་པས་གང་ཞིག་བརྗོད་པ་དེ་འདིར་བསྡུས་པ་ཡིན་ནོ། །ཞེ་སྡང་བར་གྱུར་པ་དེ་རང་གིས་ལས་སུ་བསྐོ་#བར་མི་བྱའོ་ཞེས་བྱ་བ་ནི་ཅུང་ཟད་ཙམ་ཡང་དང་དུ་ལེན་པར་མི་ནུས་པའི་གང་ཟག་གང་ཡིན་པ་དེ་ཞེ་སྡང་བར་
[192a.5]གྱུར་ཅིང་མི་དགའ་བར་གྱུར་ན་དེ་དགེ་འདུན་གྱིས་ལས་སུ་བསྐོ་བར་མི་བྱ་སྟེ་བརྒྱུད་པས་ནི་བསྐོ་བར་བྱའོ། །འཕྱ་བའོ། །གླེང་བར་གཏོགས་པའི་བསྒོ་བ་#ཚིག་གིས་རྣ་#ལ་གཟོན་པ་དང་། ཅང་མི་སྨྲ་བས་རྣ་#ལ་གཟོན་པ་དང་། གང་ཟག་བསྟན་པ་རྣམས་ལ་ངོར་འཕྱ་བ་དང་། ཟུར་གྱིས་གཞོགས་འཕྱས་
[192a.6]བྱེད་པ་གསོལ་བར་#མི་བགྲང་བར་མི་བྱའོ་ཞེས་པ་ནི་གླེང་བར་གཏོགས་པའི་བསྒོ་བའི་#ཚིག་གིས་རྣ་ལ་གཟོན་པ་དང་། ཅང་མི་སྨྲ་བས་རྣ་ལ་གཟོན་པ་དང་།# གང་ཟག་བསྟན་པ་རྣམས་ལ་ངོར་འཕྱ་བ་དང་ཟུར་གྱིས་གཞོགས་#འཕྱས་བྱེད་པ་དང་ཞེས་བྱ་བའི་བསྡུ་བའོ། །ཟས་ལ་བསྐོ་བ་ལ་སོགས་པའི་གང་
[192a.7]ཟག་རྣམས་བཤད་ཟིན་ཏོ། །ད་ལྟར་བྱུང་བ་ལ་འདི་ནི་ངེས་པར་བྱེད་པ་སྟེ། བགྲང་བར་བྱ་བ་ནི་ངེད་ཀྱིས་#ཁྱོད་ཀྱི་སྤྱོད་པ་དམ་པ་མ་ཡིན་པ་འདི་འདྲ་བར་ཤེས་ཏེ། ཁྱོད་གང་ཟག་སྤྱོད་པ་དམ་པ་མ་ཡིན་པ་དང་ལྡན་པ་དེ་ལྟ་བུ་དག་གི་ནང་དུ་བཅུག་གོ་ཞེས་ཁྲེལ་མེད་པ་རྣམ་པ་དེ་ལྟ་བུ་ཉིད་ཀྱི་གྲངས་སུ་དེ་དག་
[192b]
[192b.1]བགྲང་བའོ། །དེ་བས་ན་དེ་དག་བགྲང་བ་ལ་བཏང་སྙོམས་བྱ་བ་ཉིད་ནི་མ་ཡིན་ནོ། །གླེང་བར་གཏོགས་པ་ནི་ཚིག་ཏུ་གྱུར་པ་གོ་བར་བྱེད་པའོ། །གླེང་བར་གཏོགས་པའི་བསྒོ་#བ་གླེང་བ་པོས་བྱ་བའི་དྲི་བ་ཞེས་བྱ་བའི་དོན་ཏོ། །རྣ་ལ་གཟོན་པ་ནི་རྣམ་པ་གཉིས་དག་གིས་ཏེ། ཚིག་གིས་ལེན་#འདེབས་པ་
[192b.2]ལ་སོགས་པས་གང་ཞིག་བཟློག་པ་དང་ཅང་མི་སྨྲ་བའི་ངོ་བོས་སོ། །དེ་ལ་གླེང་བར་གཏོགས་པའི་གང་ཞིག་གླེང་བ་དང་འབྲེལ་བའི་བསྒོ་བ་རྣ་ལ་གཟོན་པར་བྱེད་པ་དེ་ནི་འདིར་རྣ་ལ་གཟོན་པ་པོར་རིག་པར་བྱའོ། །གང་ཞིག་ཅང་མི་སྨྲ་བའི་ཚུལ་གྱིས་རྣ་ལ་གཟོན་པར་བྱེད་པ་དེ་ནི་ཅང་མི་སྨྲ་བའི་ཚུལ་གྱིས་
[192b.3]རྣ་ལ་གཟོན་པའོ། །གང་#ཟག་བཅུ་གཉིས་གསུངས་པ་དེ་རྣམས་ལ་གང་ཞིག་མངོན་སུམ་དུ་འཕྱ་བར་བྱེད་པ་དེ་ནི་གང་ཟག་བརྗོད་པ་ལ་མངོན་སུམ་དུ་འཕྱ་བར་བྱེད་པའོ། །འདིར་མངོན་སུམ་གྱི་སྒྲས་ནི་མིང་ནས་འབྱིན་པའོ། །གང་ཟག་འདི་རྣམས་ཉིད་ནི་ཟུར་གྱིས་གཞོགས་འཕྱས་བྱེད་པས་གང་
[192b.4]གིས་སྐུལ་#བར་བྱེད་པས་དེ་ནི་ཟུར་གྱིས་གཞོགས་འཕྱས་བྱེད་པས་སོ། །གང་ཞིག་གོ་བར་བྱེད་པ་#ནི་འདིར་འཕྱ་བའོ། །མིང་ནས་མི་འབྱིན་པ་ཉིད་ཀྱིས་འཕངས་པའོ། །འདི་རྣམས་ནི་གསོལ་བའི་ལས་ཀྱིས་བགྲང་བར་བྱའོ། །བསྒོ་བ་རྣ་ལ་གཟོན་པ་ཉིད་དང་། ཅང་མི་སྨྲ་བས་རྣ་ལ་གཟོན་པ་ཉིད་དང་
[192b.5]མངོན་སུམ་དུ་འཕྱ་བར་བྱེད་པ་དང་། ཟུར་གྱིས་གཞོགས་འཕྱས་བྱེད་པ་འཕངས་པ་ཉིད་ཀྱིས་གྲངས་ཇི་ལྟ་བ་བཞིན་དུའོ། །ཅི་ཞིག་བྱས་ན་བསྒོ་བ་རྣལ་གཟོན་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་དགེ་སློང་གིས་བསྒོ་བ་རྣ་ལ་གཟོན་ནའོ་ཞེས་བྱ་བ་སྨོས་སོ། །བསམ་པ་ཇི་ལྟ་བུས་#ཤེ་ན། འདུན་པས་སོ་ཞེས་
[192b.6]བྱ་བ་སྨོས་སོ། །རྣ་ལ་གཟོན་པར་འདུན་པ་སྟེ་གཞན་དུ་ན་#ལྟུང་བ་མེད་ཅེས་བྱ་བ་འདིར་རྣམ་པར་གཞག་པའོ། །ཇི་ལྟར་ཞེ་ན་དེའི་ཕྱིར་གཞན་བརྗོད་པས་སོ་ཞེས་བྱ་བ་སྨོས་ཏེ། བསྒོ་བ་མ་ཡིན་པ་དང་འདྲ་བའི་དོན་གྱི་#ཚིག་གིས་ཞེས་བྱ་བའི་དོན་ཏོ། །ཁྱད་པར་ཡོངས་སུ་མ་བཟུང་བའི་ཕྱིར་འདིར་ཐམས་ཅད་
[192b.7]དུ་དགེ་སློང་གིས་བསྒོ་བ་ཐམས་ཅད་དུ་རྣ་ལ་གཟོན་པ་ལ་ཐ་ན་འགྲོ་བ་ཡོངས་སུ་འདྲི་བའི་བདག་ཉིད་ཅན་ལ་དངོས་གཞི་ཞེས་བྱ་བ་རྟོགས་པར་བྱའོ། །དེ་ལྟར་ཡང་གཞུང་ནི་འདི་#རྣམ་པར་འབྱེད་པ་ལས་དགེ་སློང་གིས་ཇི་ཙམ་དུ་གཞན་འདྲི་བ་ལ་ལན་འདེབས་ན་ཐམས་ཅད་དུ་ལྟུང་བྱེད་དུ་འགྱུར་རོ་ཞེས་གསུངས་
[193a]
[193a.1]པ་ཡིན་ནོ། །གཞན་འདྲི་བ་ལ་དོན་གཞན་བརྗོད་པ་ནི་གཞན་བརྗོད་པའོ། །རྟོག་#པ་ཡོད་པ་ལ་དོན་གཞན་གྱིས་ནི་དངོས་ཏེ། དེ་ལྟར་ཡང་གཞུང་ནི་ཞུ་བ་ལས། དབུས་པའི་ཚིག་གིས་མཐའ་འཁོབ་པ་ལ་འམ། མཐའ་འཁོབ་པའི་ཚིག་གིས་དབུས་པ་ལ་མཐའ་གཞན་#དང་
[193a.2]གཞན་བརྗོད་ན་ཉེས་བྱས་སོ་ཞེས་གསུངས་པ་ཡིན་ནོ། །ཅང་མི་སྨྲ་ན་ཉེས་བྱས་སོ་ཞེས་བྱ་བ་ནི་ཅང་མི་སྨྲ་བས་དགེ་སློང་གིས་བསྒོས་པ་#རྣ་ལ་གཟོན་ལ་#ཉེས་བྱས་སོ། །མི་དྲན་ནོ་ཞེ་ན་ཡང་ངོ་ཞེས་བྱ་བ་ནི་བརྗོད་པ་འདི་ཉིད་དེ་#དང་འབྲེལ་པ་ཉིད་ཡིན་ཏེ། གཞན་དོན་ལ་ནི་མ་ཡིན་ཏེ་དེ་བས་འདི་#ན་སྨད་པའོ། །འདིར་
[193a.3]གཞུང་ནི་ཞུ་བ་ཁ་ཅིག་ལས་མི་དྲན་ནོ་ཞེས་ཟེར་ན་ཉེས་བྱས་སོ་ཞེས་གསུངས་པ་ཡིན་ནོ། །གལ་ཏེ་བརྗོད་པར་བྱ་བ་སྡུག་བསྔལ་བར་གྱུར་པ་ཡིན་ན་མེད་དོ་ཞེས་བྱ་བ་ནི་སྡུག་བསྔལ་བར་གྱུར་པའི་རྒྱུ་ཡིན་ན་གཞན་བརྗོད་ཀྱང་ལྟུང་བ་མེད་དོ་ཞེས་བྱ་བའི་དོན་ཏོ། །གང་གི་ཕྱིར་དེ་#འདི་ལྟར་ཡིན་ན#། དེའི་ཕྱིར་གསད་
[193a.4]པར་བྱ་བ་མཐོང་ངམ་ཞེས་འདྲི་བ་ལ་རེ་ཞིག་མེ་འདེ་ཤིག་སྐོམ་འཐུངས་ཤིག་ངལ་སོས་#ཤིག །ནམ་མཁའ་མཐོང་ངོ་སེན་མོ་མཐོང་ངོ་། །དོན་དམ་པར་ན་སེམས་ཅན་ནམ་གསད་#པར་བྱ་བ་མ་མཐོང་ངོ་ཞེས་བྱ་བ་སྨྲས་ན་ལྟུང་བ་མེད་དོ་ཞེས་བྱ་བའོ། །གང་དུ་ཆེ་བཞི་ཉིད་བྱ་དགོས་པར་འགྱུར་བའི་གནས་དེར་བསྟེན་
[193a.5]པར་མི་བྱའོ་ཞེས་བྱ་བ་ནི་གླེང་གཞི་དག་ལས་ཆོ་ག་གཉིས་པ་འདི་དེ་ལྟ་བུའི་འདྲི་བའི་ཕྱོགས་ཀྱི་ཕྱིར་འདིར་ཡང་དག་པར་ཞུགས་པའོ། །གནོད་པའི་སྒོ་མ་བཅད་པས་ཆེ་བཞིའི་དབྱེ་བར་མི་བྱའོ་ཞེས་བྱ་བ་ནི་ཆང་བ་ལ་སོགས་པ་གནོད་པར་སྒོ་མ་བཅད་པ་གང་གིས་ཞེས་བྱ་བ་འདིར་བསྡུ་བའོ། །གསད་#
[193a.6]པ་དང་བཅིང་བ་ལ་སོགས་པ་དག་གིས་གཞན་ལ་གནོད་པ་དག་གི་#སྒོ་ནི་སྒོ་སྟེ། སྒོ་གང་གིས་གནོད་པ་དེའི་བཅད་པ་ནི་བཅད་པ་མ་བྱས་པར་ཆེ་བཞིའི་#དབྱེ་བར་མི་བྱ་ཞེས་བྱ་བའི་དོན་ཏོ། །བསྒོ་#བ་རྣ་ལ་གཟོན་པའི་ལྟུང་བྱེད་དོ།། །།#ཁྲི་དང་ཁྲིའུ་དང་སྟན་ནང་ཚངས་ཅན་དང་ལ་བ་དང་སྔས་དང་གོར་བུ་ཞེས་
[193a.7]བྱ་བ་ནི་གནས་མལ་ལོ་ཞེས་བྱ་བ་ལ། སྟན་ནང་ཚངས་ཅན་ཞེས་བྱ་བ་ནི་རས་བལ་ཅན་ནོ། །ལ་བ་ཞེས་བྱ་བ་ནི་བལ་ལས་བྱས་པའི་གོས་སྤུ་དང་བཅས་པའོ། །གོར་བུ་ཞེས་བྱ་བ་ནི་སྟན་ཟླུམ་ལ་སོགས་པའོ། །འདི་ནི་མཚོན་པ་ཙམ་དུ་ཟད་དེ་དྲེའུ་རྔོག་དང་དབྱམ་པོ་དང་བེའུ་རས་ལ་སོགས་པ་ཡང་འདིས་དྲངས་
[193b]
[193b.1]པའོ། །འདོམ་བཞི་བཅུ་རྩ་དགུ་ཚུན་ཆད་ནི་དེའི་ཉེན་ཀོར་#རོ་ཞེས་བྱ་བ་ནི། གནས་མལ་འདུག་པའི་ཕྱོགས་ནས་བརྩམས་ཏེ། འདོམ་བཞི་བཅུ་རྩ་དགུ་ཚུན་ཆད་ན་#གནས་མལ་དེའི་ཉེན་ཀོར་#ཡིན་ནོ། །བསྐོར་བ་ལ་ནི་སྒོ་ཁང་ནས་སོ་ཞེས་བྱ་བ་ནི་གཙུག་ལག་ཁང་དང་ཁང་ཁྱིམ་རྩིག་པ་ལ་སོགས་པས་
[193b.2]བསྐོར་བ་ལ་ནི་སྒོ་ཁང་ནས་བརྩམས་ནས་འདོམ་བཞི་བཅུ་རྩ་དགུ་ཚུན་ཆད་དེའི་ཉེན་ཀོར་#ཡིན་ནོ། །འདིར་གཞུང་ནི་མ་མོ་ལས། དགེ་སློང་གིས་#ཕྱི་རོལ་དུ་བླ་གབ་མེད་པར་གནས་མལ་བཤམས་ནས་སྒོ་ཁང་གི་ཕྱི་རོལ་ནས་འདོམ་བཞི་བཅུ་རྩ་དགུ་ཕན་#ཆད་དུ་འགྲོ་བར་མི་བྱའོ། །གལ་ཏེ་འགྲོ་ན་འགལ་
[193b.3]ཚབས་ཅན་དུ་འགྱུར་རོ་ཞེས་གསུངས་པ་ཡིན་ནོ། །དེ་ལས་འདའ་བའི་ཕྱིར་བརྗེད་པས་ཀྱང་འགྲོ་བ་དང་ནང་དུ་གཉིད་ལོག་པ་དང་སྙོམས་པར་ཞུགས་པ་#ལ་སོགས་པས་ལྐོག་ཏུ་གྱུར་པ་ཡིན་ནོ་ཞེས་བྱ་བ་ནི་གནས་མལ་དེ་ལས་འདའ་བའི་དོན་དུ་བརྗེད་པས་ཀྱང་རུང་མ་བརྗེད་པས་#བློ་སྔོན་དུ་བཏང་བས་
[193b.4]ཀྱང་གནས་འདི་ལས་འགྲོ་བ་གང་དག་ཡིན་པའོ། །འདིར་གཞུང་ནི་གལ་ཏེ་དེ་ལས་#ལམ་ཁར་དྲན་ཞིང་ཞེས་བྱ་བ་ལས་ལྟུང་བ་དེ་ཡང་ཆོས་བཞིན་དུ་ཕྱིར་བྱའོ་ཞེས་བྱ་བའི་བར་དུ་གསུངས་པ་དང་། ཡི་གེ་ཁ་ཅིག་ལས་གང་ཞིག་ཐོག་མ་དང་ཐ་མར་གཉིད་ལོག་པ་དང་སྙོམས་པར་ཞུགས་པ་ལ་སོགས་
[193b.5]པས་ལྐོག་ཏུ་གྱུར་པ་གཉིད་ལོག་གམ་སྙོམས་པར་ཞུགས་ན་ཞེས་གསུངས་པ་ཡིན་ནོ། །སྤྱིར་ཡང་འདིར་གཞུང་ཡོད་དེ་བླ་གབ་#མེད་པར་ཉེ་བར་#གཞག་ཅིང་ཉེ་བར་འཇོག་ཏུ་བཅུག་ནས་མ་བསྡུས་ཤིང་བསྡུས་པ་མ་བྱས་པར་གཙུག་ལག་ཁང་དུ་འཇུག་ཅིང་ཕན་ཕུན་དུ་གྱུར་ན་ལྟུང་བྱེད་དོ་ཞེས་བྱ་བའི་བར་དུ་
[193b.6]གསུངས་པ་ཡིན་ནོ། །དེར་ཡང་གཉིད་ལོག་པ་ལ་སོགས་པ་ནི་མཚོན་པ་ཙམ་ཡིན་ཏེ་ཞེས་བྱ་བ་ཤེས་ཤིང་སོགས་པའི་སྒྲ་འདི་མཛད་དོ། །འདིར་སྙོམས་པར་ཞུགས་པའི་ཚིག་གིས་དགེ་བའི་ཕྱོགས་ལ་མངོན་པར་བརྩོན་པ་ལ་གནས་པ་འམ། འདིར་དེའི་དོན་དུ་#གནས་པས་ངེས་པར་འབྱུང་
[193b.7]བ་ཞེས་བྱ་བ་བསྟན་པར་རིག་པར་བྱའོ། །ཁ་ན་མ་ཐོ་བ་འདིའི་རྒྱུར་གྱུར་པ་ལྐོག་ཏུ་གྱུར་པ་ནི་རྣམ་པ་གཉིས་སོ། །ལྐོག་ཏུ་གྱུར་པ་ནི་ཅིའི་དུས་ཅན་ཏེ། ཁ་ན་མ་ཐོ་བ་གང་ལ་རྒྱུ་ཅི་ཡིན་ཞེ་ན། དེའི་ཕྱིར་ཕན་ཕུན་གྱི་མདུན་རོལ་དུ་ནི་སྦྱོར་བའོ་ཞེས་བྱ་བ་སྨོས་ཏེ། གནས་མལ་དེ་
[194a]
[194a.1]ཕན་ཕུན་དུ་གྱུར་པའི་མདུན་རོལ་དུ་ནི་སྦྱོར་བའོ། །ཕན་ཕུན་དུ་གྱུར་པ་དང་འདས་པ་ནི་མཐའོ་ཞེས་བྱ་བ་ལྐོག་ཏུ་གྱུར་པ་དང་འགྲོ་བ་ཕན་ཕུན་དུ་གྱུར་པ་ཡོད་པ་ལ་གནས་མལ་གྱི་མཐའི་མཐའ་ནི་དངོས་གཞི་ཞེས་བྱ་བའི་དོན་ཏོ། །གཞུང་ནི་རྣམ་པར་འབྱེད་པའི་ཡི་གེ་ཁ་ཅིག་
[194a.2]ལས་དགེ་འདུན་གྱི་གཙུག་ལག་ཁང་ནས་འགྲོ་བ་ལ་ཡང་ཕན་ཕུན་དུ་གྱུར་ཅིང་ཁྲི་འམ་ཁྲིའུ་འམ་#སྟན་ནང་ཚངས་ཅན་ནམ་#ལ་བའམ། སྔས་བླ་གབ་#མེད་པར་ཉེ་བར་བཞག་ཅིང་ཉེ་བར་འཇོག་ཏུ་བཅུག་ནས་མ་བསྡུས་ཤིང་བསྡུ་བ་མ་#བྱས་པར་མཚམས་ཀྱི་ཕྱི་རོལ་དུ་འགྲོ་བར་བྱེད་ན་ཕན་ཕུན་དུ་མ་
[194a.3]གྱུར་ན་ནི་ཉེས་བྱས་སུ་འགྱུར་རོ། །ཕན་ཕུན་དུ་གྱུར་ན་ནི་ལྟུང་བྱེད་ཅེས་གསུངས་སོ། །གཞན་དུ་ཡང་མཚོན་པ་ཉིད་ཀྱི་ཕྱིར་གཉིད་ལོག་པ་དང་སྙོམས་པར་འཇུག་པ་དག་ལ་འདི་ཐོབ་པའོ། །གང་གི་ཕྱིར་དེ་ལྟར་ལྐོག་ཏུ་གྱུར་པ་ལས་འབྱུང་བར་བྱ་བ་མ་ཡིན་ནོ། །ཕན་ཕུན་དུ་གྱུར་ན་ཡང་
[194a.4]དངོས་གཞི་ལ་རྒྱུ་ཅུང་ཟད་ཀྱང་ཡོད་པ་མ་ཡིན་ཏེ། གང་གི་ཕྱིར་འདིར་གྲངས་པ་ཉིད་ནི་འདི་ལ་མི་འགྱུར་རོ། །དེ་བས་ན་འདིར་འགྲོ་བ་ལ་མངོན་པར་འབྲེལ་པ་དང་མཚམས་ལས་འདས་ན་ཕན་ཕུན་དུ་གྱུར་པ་ཡོད་པས་ཀྱང་མཐའ་ཁོ་ནའོ། །བསྡུ་བ་བྱས་སམ་བྱེད་དུ་བཅུག་པ་ལ་ནི་དེ་དག་
[194a.5]མི་འབྱུང་ངོ་། །གང་གིས་གནས་མལ་བསྡུ་བར་བྱས་སམ་བྱེད་དུ་བཅུག་པ་དེ་ལ་འདི་དག་སྦྱོར་བ་མཐའ་དག་ནི་འདི་དག་མ་ཡིན་ནོ། །བཅོལ་བའི་དགེ་སློང་ཡོད་པ་ལ་ཡང་མི་འབྱུང་ངོ་ཞེས་བྱ་བ་ནི་དེས་བླ་གབ་#མེད་པར་བཞག་པའམ་འཇོག་པར་བྱེད་པའི་གནས་མལ་དེ་ལ་གཏམ་རྗེས་སུ་བསྒྲུབ་པ་དག་
[194a.6]གིས་དགེ་སློང་ལ་བཅོལ་བར་སྦྱོར་བ་མཐའ་དེ་དག་འབྲས་བུ་དང་བཅས་པའི་འདི་བཅོལ་བ་ལ་ཁས་བླངས་པའི་བསྒྲུབ་པ་ལ་བཟུང་བ་ཞེས་བྱ་བ་ཤུགས་ཀྱིས་རྟོགས་པར་བྱའོ། །ཉམ་#ང་བ་ལ་དང་ཕྲད་པ་ལ་ཡང་མི་འབྱུང་ཞེས་བྱ་བ་ནི་#སྦྱོར་བ་དང་མཐའ་དེ་དག་མི་འབྱུང་ངོ་། །སྤྱོད་པ་ནི་བྱེད་པ་དང་
[194a.7]འདྲའོ་ཞེས་བྱ་བ་ནི། གཞན་གྱིས་བཏིང་བ་ལ་གདིང་བར་བྱེད་པ་དང་། བཟུང་#བ་ལ་འདིར་ལོངས་སྤྱོད་པ་བཟུང་བར་ཤེས་པར་བྱ་བའི་དོན་ཏོ། །གཉིས་ཀ་ཅིག་ཅར་ལོངས་#སྤྱོད་པ་ལས་ནི་ཕྱིས་ལངས་པས་བྱ་བ་དང་ལྡན་པ་ཡིན་ནོ་ཞེས་བྱ་བ་ནི་གནས་མལ་བསྡུ་བ་ལའོ། །གལ་ཏེ་མཉམ་དུ་ན་གཞོན་
[194b]
[194b.1]པས་སོ་ཞེས་བྱ་བ་ནི་གལ་ཏེ་གཉིས་ཀ་མཉམ་དུ་ལངས་པར་གྱུར་ན་གཞོན་པ་ཤོས་ཀྱིས་#གནས་མལ་བསྡུ་བར་བྱ། མཉམ་པ་ཉིད་ཡིན་ན་ནི་གཉིས་ཀས་སོ་ཞེས་བྱ་བ་ནི། ལོ་གྲངས་མཉམ་པ་ཉིད་ཡིན་ན་གཉིས་ཀས་བྱ་བ་དང་ལྡན་པ་ཉིད་ཡིན་ནོ། །བཅོལ་བ་ལ་ཡང་མི་འབྱུང་ངོ་ཞེས་བྱ་བ་བརྗོད་པ་ལ་
[194b.2]བཅོལ་བའི་གནས་དང་ངོ་བོ་བརྗོད་པར་བྱ་སྟེ་ངོ་ཚ་བ་མེད་པ་དང་ནད་དང་བཅས་པ་དང་རྒས་པ་དང་ན་བ་དང་བསྙེན་པར་མ་རྫོགས་པ་རྣམས་ལ་འདི་བཅོལ་བར་བྱ་བ་མ་ཡིན་པ་ཉིད་དོ་ཞེས་བྱ་བ་སྨོས་ཏེ། འདི་ཞེས་བྱ་བ་གནས་མལ་གྱི་#གྲོང་དུ་ཞུགས་པ་ལའོ། །གཙུག་ལག་ཁང་འདེ་རེ་#ཞེས་སམ་
[194b.3]ལྟོས་ཤིག་ཅེ་འམ། གནས་མལ་འདི་རེ་ཞེ་འམ་སྡུས་#ཤིག་ཅི་འམ། སྒོ་ལྕགས་ཆུག་ཅིག་ཅེས་#བྱ་བ་ལྟ་བུ་ནི་བཅོལ་བ་དག་ཡིན་ནོ་ཞེས་བྱ་བ་ལ་ཅེས་བྱ་བའི་སྒྲ་ནི་རྣམ་པར་འབྱེད་པའི་དོན་ཏེ#། འདི་ལྟ་བུའི་རྣམ་པར་འབྱེད་པ་ཅན་བཅོལ་བ་དག་ཅེས་བྱ་བ་འདིའི་དོན་ཏོ། །གང་ཡང་རུང་བའི་དབྱེ་བས་
[194b.4]རྟོགས་པར་བྱས་པའི་བཅོལ་བ་ཉིད་ཅེས་བྱ་བ་ཡང་དག་པར་བསྟན་པའི་དོན་དུ་འདིར་རྣམ་པ་ལྔ་བཟུང་ངོ་། །ཕན་ཕུན་དུ་གྱུར་པ་ལས་མདུན་རོལ་དུ་ཞེས་བྱ་བ་བརྗོད་པའི་ཕན་ཕུན་དུ་གྱུར་པ་ལ་ངོ་བོ་བརྗོད་པར་བྱ་སྟེ། ཕན་ཕུན་ནི་རྣམ་པ་གསུམ་སྟེ། རླུང་གིས་#བཟློག་པ་དང་། ཆར་པས་རིམ་པ་
[194b.5]གཞན་སླེབས་པ་དང་། སྲིལ་ལ་སོགས་པས་ཀྱང་ངོ་ཞེས་བྱ་བ་སྨོས་ཏེ། ཀྱང་གི་སྒྲས་ནི་རིམ་པ་གཞན་སླེབས་པ་ཞེས་བྱ་བ་དྲང་བའི་#དོན་དུའོ། །སྦྱོར་བ་དང་མཐའ་གཉིས་ཀྱི་ངོ་བོ་བསྟན་ནས་འདིར་ཁ་ན་མ་ཐོ་བ་ཇི་ལྟ་བུ་དང་། གང་གིས་བྱེད་པ་པོ་ཉིད་ཡིན་ཞེ་ན་དེའི་ཕྱིར་དེ་ལ་དགེ་འདུན་གྱི་མལ་
[194b.6]ཆ་དང་སྟན་ཉིད་#རང་ངམ་བསྐོས་པས་བླ་གབ་#མེད་པར་བཞག་པར་བྱས་པ་ལྟ་བུ་ནི་བྱེད་པ་པོ་དག་ཡིན་ནོ་ཞེས་བྱ་བ་སྨོས་ཏེ། རང་ངམ་ཞེས་བྱ་བ་ནི། རང་གིས་བྱས་པ་ཉིད་དམ་བསྐོས་པས་སོ། །གང་ལ་ཡིན་ཞེ་ན། དེའི་ཕྱིར་བཞག་པ་ཞེས་བྱ་བ་སྨོས་ཏེ། དེ་ལ་ཞེས་བྱ་བ་དང་སྦྱར་བས་གནས་ལ་
[194b.7]བཞག་པ་དེ་ལ་ཞེས་བྱ་བ་ཤེས་པ་ཡིན་ནོ། །བྱེད་པ་པོ་དག་ཅེས་བྱ་བ་ནི། གནས་མལ་ཉིད་ཅེས་བྱ་བ་ལ་སོགས་པའི་ཡན་ལག་རྣམས་ནི་ཁ་ན་མ་ཐོ་བ་ལའོ། །གནས་སྐབས་གང་ལ་ཇི་ལྟ་བུའི་ཁ་ན་མ་ཐོ་བ་ལ་བྱེད་པ་པོ་རྣམས་ཡིན་ཞེ་ན། དེའི་ཕྱིར་མཐར་ཐུག་ན་དངོས་གཞིའོ། །སྦྱོར་བ་ལ་ནི་
[195a]
[195a.1]ཉེས་བྱས་ཀྱིའོ། །རེ་ཞིག་གི་དུས་སུ་གཞན་འདུག་པའི་བར་དུ་ཡང་དེའིའོ་ཞེས་བྱ་བ་སྨོས་ཏེ། དེའོ་ཞེས་བྱ་བ་ནི་ཉེས་བྱས་སོ། །འདིར་མཐར་ཐུག་ན་སྟེ་སྦྱོར་བ་#ནི་མ་ཡིན་ནོ། །རེ་ཞིག་གི་དུས་སུ་གཞན་འདུག་པའི་#དུས་ཡུན་ཅུང་ཟད་ཅིག་གོ། །འདུག་པའི་ཞེས་བྱ་བ་ནི་གནས་དེར་
[195a.2]འདུག་པའི་སྟེ་མཐར་ཐུག་པ་ཡང་ཉེས་བྱས་འདི་ཡིན་ཞེས་བྱ་བའི་དོན་ཏོ། །འདིར་གཞུང་ནི་ཞུ་བའི་ཡི་གེ་ཁ་ཅིག་ལས་འཆག་པའི་གནས་མལ་མནོས་པ་ལ་དགེ་སློང་རྣམས་ཀྱིས་དུས་ཅུང་ཟད་ཅིག་བླངས་ན་དགེ་འདུན་གྱིས་བཏིང་བ་དེ་ཡང་མི་སྡུད་དམ་སྡུད་དུ་མི་འཇུག་ན་ཉེས་བྱས་སོ་ཞེས་གསུངས་
[195a.3]པ་ཡིན་ནོ། །གང་ཟག་གི་ཡང་ངོ་ཞེས་བྱ་བ་ཡང་འདིར་ཉེས་བྱས་སོ། །འདིར་གཞུང་ནི་ཞུ་བ་དག་ལས་གང་ཟག་གི་གནས་མལ་ཡིན་ལ། དེ་དགེ་སློང་གིས་གདིང་དུ་བཅུག་ནས་དགེ་སློང་འདུག་པ་ལ་མ་བཅོལ་བར་དེ་ནས་འགྲོ་ན་ཉེས་བྱས་སོ་ཞེས་གསུངས་པ་ཡིན་ནོ། །འོག་མ་བཞི་ལ་ཡང་ངོ་ཞེས་
[195a.4]བྱ་བ་ནི་གདིང་བ་དང་སྐྲོད་པ་དང་ཕྱིས་གནོན་པ་དང་རྩ་བ་འབྱུང་བ་ལ་འདུག་པ་ཞེས་བྱ་བ་དག་ལ་ཡང་གང་ཟག་གི་གནས་སུ་ནི་ཉེས་བྱས་སོ། །འདིར་གཞུང་ནི་ཞུ་བ་ལས་གང་ཟག་གི་གཙུག་ལག་ཁང་དུ་འདིང་#ན་ཉེས་བྱས་སོ། །གང་ཟག་གནས་མལ་ནས་སྐྲོད་ན་ཉེས་བྱས་སོ། །གང་ཟག་གི་#གཙུག་
[195a.5]ལག་ཁང་གི་ཡིན་ལ་དེར་དགེ་སློང་གིས་#ཕྱིས་གནོན་བྱས་ཏེ་གནས་མལ་བཅས་ན་ཉེས་བྱས་སོ། །གང་ཟག་གི་#གཙུག་ལག་ཁང་གི་སྟེང་གི་ནམ་མཁའ་ལ་ཡང་ཐོག་བྱས་པར་ལྗིད་ཀྱིས་ཕབ་སྟེ་འདུག་གམ་ཉལ་ན་ཉེས་བྱས་སོ་ཞེས་གསུངས་པ་ཡིན་ནོ། །རེག་པར་བྱ་བ་ཉིད་མ་ཡིན་པ་ཉིད་ལ་ནི་མི་
[195a.6]འགྱུར་རོ་ཞེས་བྱ་བ་ནི་གསེར་ལ་སོགས་པའི་རང་བཞིན་ཉིད་རེག་པར་བྱ་བ་མ་ཡིན་པ་ཉིད་ནི་ཉེས་བྱས་སུ་ཡང་མི་འགྱུར་ཞེས་བྱ་བའི་དོན་ཏོ། །འདིར་གཞུང་ནི་ཞུ་བ་ལས་དགེ་སློང་འགའ་ཞིག་གིས་ཁྲིའམ་ཁྲིའུ་འམ་བླ་གབ་#མ་མཆིས་པར་བཞག་སྟེ། མ་བསྡུས་སམ་སྡུད་དུ་མ་བཅུག་པར་དེ་ནས་གཞན་དུ་མཆི་#ན་
[195a.7]ལྟུང་བ་མི་འབྱུང་བ་འགའ་མཆིས་སམ། བཀའ་སྩལ་པ་ཡོད་དེ་རིན་པོ་ཆེ་ལས་བྱས་པ་ཡིན་ནོ་ཞེས་གསུངས་པ་ཡིན་ནོ། །འདིར་རེག་པར་བྱ་བ་མ་ཡིན་པ་ཉིད་རིན་པོ་ཆེ་བཟུང་བ་ལ་གཙོ་བོ་སྟེ། དེ་བས་ན་འདིར་གཞན་དུ་ཉེ་བར་བཏགས་པ་ཤེས་པར་བྱ་བ་མ་ཡིན་ནོ། །བསྡུ་བར་#བྱ་བ་བཏིང་སྟེ་
[195b]
[195b.1]བསོད་སྙོམས་ལ་ཞུགས་པ་ན། གལ་ཏེ་རླུང་དང་ཆར་པ་འོང་ན་གཙུག་ལག་ཁང་ན་འཁོད་པ་རྣམས་ཀྱིས་བསྡུ་བར་བྱའོ་ཞེས་བྱ་བ་ནི་གུས་པར་བྱ་སྟེ་ཞུགས་པ་ཕྱིར་འོང་བར་བྱའོ། །བསྡུ་བར་བྱ་བ་བཏིང་སྟེ་གནས་མལ་དང་བསོད་སྙོམས་ལ་ཞུགས་པ་དང་རླུང་དང་ཆར་འབབ་པ་མཐོང་ན་གུས་པར་བྱ་སྟེ་
[195b.2]མྱུར་དུ་ཕྱིར་འོང་བར་བྱའོ་ཞེས་བྱ་བའི་དོན་ཏོ། །དེའི་དོན་ལ་ཉེས་པ་མེད་པ་དང་ན་སྨད་པ་མ་ཡིན་ན་ཞེས་བྱ་བ་ནི་བསོད་སྙོམས་ཀྱི་དོན་ཉིད་#དུ་ཞུགས་པ་དེ་ལ་གནས་མལ་དང་འབྲེལ་པའི་#ཡོངས་སུ་རྫོགས་པ་ཉིད་ནི་ཁ་ན་མ་ཐོ་བ་ཞེས་བྱ་བའི་དོན་ཏོ། །ན་སྨད་པ་ཞེས་བྱ་བ་ལ། འདིར་གཞུང་ནི་བསྡུ་བར་བྱ་བ་བཏིང་
[195b.3]སྟེ་བསོད་སྙོམས་ལ་ཞུགས་པར་མི་བྱའོ། །འཇུག་ན་འགལ་ཚབས་ཅན་དུ་འགྱུར་རོ་ཞེས་གསུངས་པ་ཡིན་ནོ། །གང་གི་ཕྱིར་འགལ་ཚབས་ཅན་བཅས་པའི་ཚིག་ནི་ཇི་ལྟར་བརྗོད་པའི་སྐྱོན་ཡོད་པ་སྟོན་པར་བྱེད་པ་སྟེ། འདི་ན་སྨད་པའི་རྒྱུ་#ཡང་ཡོད་པ་མ་ཡིན་ཏེ་གང་གི་ཕྱིར་ན་སྨད་པར་འགྱུར།
[195b.4]གལ་ཏེ་བརྗོད་པས་ལམ་རིང་དུ་འདས་སམ་ཕྱི་ནས་དྲན་པ་རྙེད་ན་ཕྱིན་ཆད་དེ་ལྟར་མི་བྱའོ་ཞེས་སེམས་བསྐྱེད་པར་བྱ་ཞིང་ཚིག་ཏུ་བརྗོད་པར་ཡང་བྱའོ་ཞེས་བྱ་བ་ནི། གལ་ཏེ་ལམ་རིང་པོར་མ་ཕྱིན་པར་སླར་དྲན་པ་རྙེད་ན་ནི་ཕྱིར་#ལོག་པར་བྱའོ་ཞེས་བྱ་བ་འདིར་རྣམ་པར་གནས་པ་ཡིན་ནོ། །གལ་ཏེ་དགེ་སློང་
[195b.5]ལམ་ནས་ཚུར་འོང་བ་ཞིག་དང་#ཕྲད་པར་གྱུར་ན་བསྡུ་བའི་ཕྱིར་དེ་ལ་བཅོལ་བར་བྱའོ། །ཁས་བླངས་པས་སོན་པ་ཉིད་ན་བྱ་བ་ཉིད་དོ་ཞེས་བྱ་བ་ནི་གནས་མལ་གྱི་གནས་སུ་སོན་པ་ཉིད་ལ་འདིར་ནི་གནས་མལ་ཡང་དག་པར་བསྒྲུབ་པ་ལ་སླར་བསྡུ་བར་བྱ་ཞེས་བྱ་བ་གང་ཞིག་གིས་ཁས་བླངས་པ་དེ་དེའི་བྱེད་པ་
[195b.6]པོ་ཉིད་དོ། །དེའི་ཞེས་བྱ་བ་འདི་ནི་ཤུགས་ཀྱིས་རྙེད་པར་བྱ་བ་སྟེ། དེ་བས་ན་མདོར་མ་བྱས་སོ། །འདིར་འདིའི་#གཞུང་ནི་གལ་ཏེ་དགེ་སློང་དེས་ཀྱང་དགེ་སློང་དེ་ལ་ཁས་བླངས་ནས་གནས་མལ་དེ་བསྡུ་བར་མི་བྱེད་ན་ལྟུང་བྱེད་དུ་འགྱུར་རོ་ཞེས་གསུངས་སོ། །ཚུར་འོང་བ་ཞིག་ལ་འདི་སྐད་སྨྲས་ཏེ།
[195b.7]གཞན་དུ་ཡང་འདིའི་རྗེས་སུ་འབྲེངས་པས་འདི་ཤེས་པ་སྟེ། རིག་པ་ལ་ཡང་བྱེད་པ་པོ་ལ་གནས་པ་ལ་ནི་ལྟུང་བ་མེད་དེ། འདི་ནི་ཁས་བླངས་པ་ཞེས་བྱ་བ་གསུངས་པ་ཡིན་ནོ། །གནས་ནས་འཕགས་པར་འགྱུར་བ་ན་ཉམ་ང་#དང་ཕྲད་པར་མི་འགྱུར་བ་ལྟ་ན་གནས་མལ་བསྡུ་བར་བྱའོ་ཞེས་བྱ་བ་ནི་
[196a]
[196a.1]བླ་གབ་#མེད་པ་འམ་གཡོགས་#པ་ལ་ཡང་ཞེས་བྱ་བ་བྱེ་བྲག་ཡོངས་སུ་འཛིན་པར་རྟོགས་པའོ། །འདིར་གཞུང་ནི་ཕྲན་ཚེགས་དག་ལས་དགེ་སློང་གིས་#གནས་མལ་བསྡུས་ནས་འགྲོ་བར་བྱའོ། །མི་སྡུད་ན་འགལ་ཚབས་ཅན་དུ་འགྱུར་རོ་ཞེས་གསུངས་པ་ཡིན་ནོ། །ཉམ་#ང་བ་དང་
[196a.2]ཕྲད་པར་མི་འགྱུར་བ་ལྟ་ན་ཞེས་སྨོས་པ་ནི་གནས་མལ་སྡུད་པར་བྱེད་པ་ན་#མཆིས་པའི་དབང་གིས་གལ་ཏེ་ན་#སྲོག་གི་བར་ཆད་ལ་སོགས་པས་འབྱུང་བར་དོགས་པ་དང་ཉམ་#ང་བ་ལ་གནས་པ་ཞེས་བྱ་བ་འདིའི་དོན་དུའོ། །གལ་ཏེ་དྲི་མ་ཅན་དུ་གྱུར་ན་སྤྲུག་པར་བྱའོ་ཞེས་བྱ་བ་ལ། འདིར་གཞུང་ནི་
[196a.3]མ་མོ་ལས་དགེ་སློང་འགྲོ་བར་ཆས་པ་ཞེས་བྱ་བ་ནས་གནས་མལ་དྲི་མ་ཅན་དུ་གྱུར་པ་ན་སྤྲུག་པར་བྱའོ་ཞེས་བྱ་བའི་བར་དུ་གསུངས་པ་ཡིན་ནོ། །དེ་དབུལ་བར་བྱའོ་ཞེས་བྱ་བ་ནི་ཉམ་#ང་བ་དང་ཕྲད་པར་གྱུར་པའི་གནས་མལ་ལོ། །ཡང་ན་བཅོལ་བར་བྱའོ་ཞེས་བྱ་བ་ནི་ཉམ་#མི་ང་བར་ཕྲད་པར་
[196a.4]མི་འགྱུར་བར་ལྟ་ན་ཞེས་བྱ་བ་ནི་རྗེས་སུ་སྦྱར་རོ། །གང་ལ་ཞེ་ན། དེའི་ཕྱིར་དགེ་སློང་ལའོ། །མེད་ན་དགེ་ཚུལ་ལའོ་ཞེས་བྱ་བ་སྨོས་ཏེ། དགེ་སློང་མེད་ན་དགེ་ཚུལ་ལ་དེ་བཅོལ་བར་བྱའོ། །དེ་ཡང་མེད་ན་ཁྱིམ་བདག་ལའོ་ཞེས་བྱ་བ་ནི་དགེ་ཚུལ་དེ་ཡང་མེད་ན་ཁྱིམ་བདག་ལ་དེ་བཅོལ་
[196a.5]བར་བྱའོ། །ཐམས་ཅད་མེད་ན་ཕྱོགས་བཞིར་རྣམ་པར་བལྟས་ཏེ་ལྡེ་མིག་སྦས་ནས་འགྲོ་བར་བྱའོ་ཞེས་བྱ་བ་ནི་བཅོལ་བར་བྱ་བ་#ཐམས་ཅད་མེད་ནའོ། །གལ་ཏེ་ལམ་ཁར་དགེ་སློང་མཐོང་ན་ཕྱོགས་དེ་དེ་ལ་བརྗོད་པར་བྱའོ་ཞེས་བྱ་བ་ནི་གང་དུ་ལྡེ་མིག་སྦས་པའོ། །གལ་ཏེ་འོང་བ་ནི་#ཁྱིམ་གཞན་
[196a.6]དུ་མགྲོན་དུ་བོས་ཤིང་སྒོ་བཅད་པར་གྱུར་ན་རྩིག་དྲུང་ངམ་ཤིང་ལྗོན་པའི་དྲུང་དུ་སྟན་བཞག་སྟེ་འཇུག་པར་བྱའོ་ཞེས་བྱ་བ་ནི་གལ་ཏེ་སྒོ་ལ་ཞེས་#བྱ་བ་འདི་ལ་བཅད་པར་གྱུར་ན་ཞེས་བྱ་བ་འདི་དང་འབྲེལ་ཏོ། །འདིར་རྩིག་དྲུང་ངམ་ཤིང་ལྗོན་པའི་དྲུང་དུ་ཞེས་སྨོས་པ་ནི་ཉི་ཚན་བསྐྱབ་པའི་དཔེ་ཙམ་དུ་ཟད་དོ། །
[196a.7]དེ་ལྟར་ཡང་འདིར་གཞུང་ནི་ཞུ་བའི་ཡི་གེ་ཁ་ཅིག་ལས་རྩིག་དྲུང་ངམ་ཤིང་ལྗོན་པའི་དྲུང་ངམ་ཉི་མས་ཆུད་ཟོས་པར་མི་འགྱུར་ན་གཞག་པར་བྱའོ་ཞེས་གསུངས་པ་ཡིན་ནོ། །དེར་སྟན་དག་གཡར་པོར་སྦྱིན་ནོ་ཞེས་བྱ་བ་ལ་དེར་ཞེས་བྱ་བ་ནི་ཁྱིམ་གྱི་ནང་དུའོ། །རང་གིས་བསྐུར་བར་མི་བྱའོ་ཞེས་བྱ་བ་ནི་
[196b]
[196b.1]ཁྱིམ་གྱི་ནང་ནས་དགེ་སློང་གི་གནས་མལ་ལོ། །དེ་ནི་ཁྱིམ་པ་དང་དགེ་ཚུལ་དག་གིའོ་ཞེས་བྱ་བ་ནི་སྟན་བསྐུར་བ་ཞེས་བྱ་བའི་དོན་ཏོ། །མེད་ན་བསྐྱལ་བའི་ཕྱིར་ཁྱིམ་པ་ལ་བཅོལ་ཏེ་འདོང་བར་བྱའོ་ཞེས་བྱ་བ་ལ་མེད་ན་ཞེས་བྱ་བ་ནི་ཁྱིམ་པ་དང་དགེ་ཚུལ་དག་གོ། །འདིར་གཞུང་ནི་དགེ་སློང་ཟན་ཟོས་ནས་སྟན་རང་
[196b.2]གི་མཆན་ཁུང་གིས་བླངས་ཏེ་འགྲོ་བ་ན་བྲམ་ཟེ་དང་ཁྱིམ་བདག་དག་ཅི་འཕགས་པ་དག་རོལ་མོ་ལྟར་འདོང་ངམ་ཞེས་ཅོ་འདྲི་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། རང་གིས་སྟན་བསྐུར་བར་མི་བྱ་བར་ཁྱིམ་པ་དང་#དགེ་ཚུལ་དག་གིས་བསྐུར་བར་བྱའོ། །གལ་ཏེ་ཁྱིམ་པ་དང་དགེ་ཚུལ་དག་
[196b.3]མེད་པར་གྱུར་ན་ཁྱིམ་བདག་དེ་ཉིད་ལ་བཅོལ་ཏེ་འདོང་བར་བྱའོ་ཞེས་གསུངས་པ་ཡིན་ནོ། །བདག་ཅག་གིས་བསྐྱལ་ལོ་ཞེས་ཟེར་ན་བཞག་སྟེ་འདོང་བར་བྱའོ། །དེ་དག་གིས་མ་བསྐྱལ་ན་གནས་པར་བྱེད་པ་དག་གིས་བླང་བར་བྱའོ་ཞེས་བྱ་བ་ལ་དེ་རྣམས་ཀྱིས་ཞེས་བྱ་བ་ནི་ཁྱིམ་པ་རྣམས་ཀྱིས་སོ། །
[196b.4]དེ་ལྟར་ཁས་མ་བླངས་ནས་མ་བསྐྱལ་ན་གནས་པར་བྱེད་པ་རྣམས་ཀྱིས་བླང་བར་བྱའོ། །མེད་ན་རང་གིས་སོ་#ཞེས་བྱ་བ་ནི། གནས་པར་བྱེད་པ་དག་ཀྱང་མེད་ན་རང་གིས་བླང་བར་བྱའོ། །ཐམས་ཅད་ཀྱིས་ན་གཎྜཱི་#བརྡུང་བར་བྱའོ་ཞེས་བྱ་བ་ནི། གལ་ཏེ་དགེ་སློང་ཐམས་ཅད་ཀྱིས་བླང་བར་བྱ་དགོས་པ་
[196b.5]ཞིག་ཡོད་ན་ཐམས་ཅད་འདུས་ཏེ་གཎྜཱི་#བརྡུངས་ཏེ་བླང་བར་བྱའོ། །ཡོན་བདག་གིས་གཙུག་ལག་ཁང་དུ་རང་གི་དོན་དུ་སྟན་དག་གཡར་པོར་བྱེད་ན་སྦྱིན་པར་བྱའོ་ཞེས་བྱ་བ་ནི་#གང་རྣམས་ཀྱིས་#སྤྱན་འདྲེན་ལ་སྦྱིན་པ་དེ་རྣམས་གལ་ཏེ་གཙུག་ལག་ཁང་དུ་རང་གི་དོན་དུ་གདན་ཆ་དག་གཡར་པོར་བྱེད་ན་དེ་རྣམས་ལ་
[196b.6]གཡར་པོ་སྦྱིན་པར་བྱའོ་ཞེས་བྱ་བའི་དོན་ཏོ། །དེ་དག་བསྲུང་བའི་ཕྱིར་དགེ་སློང་ཡང་གཞག་པར་བྱའོ་ཞེས་བྱ་བ་ནི་གདན་རྣམས་ལའོ། །དེས་ཕྱོགས་གཅིག་ཏུ་བསྡད་པར་བྱའོ་ཞེས་བྱ་བ་ནི་བཞག་པའི་དགེ་སློང་གིས་སོ། །རང་གི་ལས་བྱའོ་ཞེས་བྱ་བ་ནི་བསམ་གཏན་དང་ཁ་ཏོན་བྱེད་པའོ། །སེམས་
[196b.7]གཏད་པ་ལ་ཡང་ངོ་#ཞེས་བྱ་བ་ནི་གདན་རྣམས་ལ་སེམས་གཏད་པར་བྱེད་ཅིང་གནས་པར་བྱའོ། །དོང་ནས་བརྟུལ་བར་བྱའོ་ཞེས་བྱ་བ་ནི་སྤྱན་འདྲེན་པར་བྱེད་པ་རྣམས་དོང་ནས་གདན་ཆ་དེ་རྣམས་བརྟུལ་བར་བྱའོ། །མ་རུང་བ་#དག་བྱི་དོར་བྱའོ་ཞེས་བྱ་བ་ནི་གང་གིས་མ་རུང་བ་#བྱས་པའི་བྱི་དོར་གང་གིས་བྱ་
[197a]
[197a.1]ཞེ་ན། དེའི་ཕྱིར་ཆང་གིས་ན་ཆུ་དག་གིས་སོ་ཞེས་བྱ་བ་སྨོས་ཏེ། ཆང་གི་སྙིགས་མས་མ་རུང་བར་#བྱས་པ་རྣམས་ནི་ཆུ་འབའ་ཞིག་གིས་བཀྲུ་ཞིང་བྱི་དོར་བྱའོ། །སྣུམ་གྱིས་ན་ཆལ་གྱིས་སོ་ཞེས་བྱ་བ་ནི་སྣུམ་གྱིས་མ་རུང་བར་#གྱུར་པ་རྣམས་ནི་འདག་པའི་ཆལ་གྱིས་བྱི་དོར་བྱའོ། །
[197a.2]མི་གཙང་བས་ན་སའམ་ལྕི་སྐམ་མམ་ལྕི་བས་སོ་ཞེས་བྱ་བ་ནི། གདན་ཆ་རྣམས་མི་གཙང་བས་མ་རུང་བར་#གྱུར་ནས་སའམ་ལྕི་སྐམ་མམ་ལྕི་བ་རྣམས་ཀྱིས་བྱི་དོར་བྱ་བའོ། །འདིར་གཞུང་ནི་གཞན་དུ་ས་ཙམ་ལ་འདིར་བཟུང་བ་ཞེས་གསུངས་ཏེ། དེ་ནི་མཚོན་པ་ཙམ་དུ་རྣམ་པར་གནས་པ་ཡིན་ནོ། །དེ་
[197a.3]དང་འདི་འགལ་བར་ཤེས་པར་མི་བྱའོ། །ཐགས་མ་མ་དག་ན་གཅད་#པར་བྱའོ་ཞེས་བྱ་བ་ལ། འདིར་གཞུང་ནི་གལ་ཏེ་རེ་ཞིག་སྦྱང་བར་ནུས་ན་དེ་ལྟ་ན་ལེགས། གལ་ཏེ་མི་ནུས་ན་འབྲེང་བ་#བཅད་དེ་དོར་བར་བྱ་ཞིང་འབྲེང་བུ་གསར་པ་རྣམས་ཀྱིས་ཀྱང་སླར་གསོ་བར་བྱའོ་ཞེས་གསུངས་པ་ཡིན་ནོ། །ཁྱིམ་
[197a.4]པ་འདུག་འདུག་པའི་སྟན་#མ་བསྡུས་པ་མཐོང་ན་བསྡུ་བར་བྱ་བ་ཉིད་དོ་ཞེས་བྱ་བ་ནི་དགེ་སློང་གང་དག་གིས་དེ་དག་མཐོང་བ་ཉིད་ཀྱིས་དེ་དག་བསྡུ་བར་བྱའོ། །གལ་ཏེ་རྒས་པ་དང་ན་བ་ཡིན་ན་དགེ་སྐོས་ཀྱིས་སོ་ཞེས་བྱ་བ་ནི་གལ་ཏེ་མཐོང་བ་པོ་རྒས་པའམ་ན་བ་ཡིན་ན་དགེ་སྐོས་ཀྱིས་བསྡུ་བར་བྱ་བ་ཉིད་ཡིན་ནོ། །དེས་
[197a.5]སྦྲན་པར་བྱ་བ་ཉིད་ཡིན་ནོ་ཞེས་བྱ་བ་ནི་རྒན་པོའམ་ནད་པ་མཐོང་བ་པོ་དེས་སྦྲན་པར་བྱ་བ་ཉིད་ཡིན་ནོ། །གང་ལ་སྦྲན་#པར་བྱ་སྙམ་དུ་དོགས་པ་ལ་འདིར་བསྐོས་པ་ལ་ཞེས་བྱ་བ་དོན་གྱིས་དང་དབང་དུ་བྱས་པ་ཤེས་པར་བྱའོ། །ཐམས་ཅད་ཀྱི་ནད་པ་བལྟ་བར་བྱའོ་ཞེས་བྱ་བ་ནི་#དེའི་ཁང་བུའི་གནས་སུ་ཉེ་བར་
[197a.6]འགྲོ་བ་ན་གསར་བུའམ་རྒན་པོ་འགའ་ཞིག་གིས་ནི་མ་ཡིན་ཞེས་བྱ་བའི་དོན་ཏོ། །ཅི་འགྲེང་སྟེ་བལྟ་བར་བྱ་བ་འམ་ཞེ་ན་མ་ཡིན་ཏེ་དེའི་ཕྱིར་འདུག་སྟེའོ། །དེར་སྟན་ཐོགས་ཏེ་འགྲོ་བར་མི་བྱའོ་ཞེས་བྱ་བ་སྨོས་ཏེ། དེར་ཞེས་བྱ་བ་ནི་ནད་པ་ལྟ་བ་ལའོ། །ནད་པའི་ནད་གཡོག་གིས་#དེར་སྟན་དག་
[197a.7]བཤམ་པར་བྱའོ། །མཁན་པོའམ་སློབ་དཔོན་དགེ་བའི་ཕྱོགས་ལ་འགྲོ་ན་གལ་ཏེ་གཞན་གྱིས་#དགེ་བའི་ཕྱོགས་མི་འཕེལ་ན་ཕྱི་བཞིན་འགྲོ་བར་བྱའོ་ཞེས་བྱ་བ་ནི་#གལ་ཏེ་མ་ཡིན་ན་གཞན་དུ་ཞེས་བྱ་བའོ། །དེའི་ཕྱི་བཞིན་འགྲོ་བ་མ་གཏོགས་པར་ཀློག་པའམ་གདམས་ངག་གམ་རྗེས་སུ་བསྟན་པ་བརྩམས་པ་ལས་
[197b]
[197b.1]སོ་སོར་ཉེ་བར་འདུག་པར་གྱུར་པ་ལ་འདིར་སློབ་དཔོན་ནམ་མཁན་པོ་སྨོས་པའོ། །གལ་ཏེ་མ་ཡིན་ན་གཞན་དུ་ཞེས་བྱ་བ་འདི་ལས་རྟོགས་པར་བྱའོ། །དེ་བས་གནས་ཀྱི་སློབ་དཔོན་དང་ཀློག་པའི་སློབ་དཔོན་དག་ལས་གཞན་པའི་སློབ་དཔོན་འདིར་སྨོས་པ་ཞེས་བྱ་བར་ཤེས་པར་བྱའོ། །དེའི་ཕྱིར་
[197b.2]རང་གི་སྟན་བསྐུར་བར་བྱའོ་ཞེས་བྱ་བ་ལ། དེའི་ཕྱིར་ཞེས་བྱ་བ་ནི་མཁན་པོའམ་སློབ་དཔོན་གྱི་ཕྱིར་རོ། །འགྲོ་བ་མ་ཞུས་པར་མི་བསྐུར་རོ་ཞེས་བྱ་བ་ནི། བདག་ཉིད་ཀྱང་ཕྱི་བཞིན་འགྲོ་བར་འགྱུར་བ་འདི་ལྟར་མ་ཞུས་པར་བསྐུར་བར་མི་བྱའོ་ཞེས་བྱ་བའི་དོན་ཏོ། །དེ་རང་ཉིད་ཀྱིས་བསྐུར་རོ་ཞེས་བྱ་བ་#
[197b.3]ནི་དེ་ཞེས་བྱ་བ་ནི་རང་ཉིད་ཀྱིས་བསྐུར་བར་བསྟན་ནོ། །བླ་གབ་#མེད་པར་ཆོས་ཉན་པ་ན་རླུང་དང་ཆར་བྱུང་བ་ན་བསྡུ་བར་བྱའོ། །རྒན་པོ་རྣམས་ཀྱིས་ནི་རང་གིས་མི་ནུས་ན་གཞོན་ནུ་རྣམས་དང་ལྷན་ཅིག་#བརྗེ་བར་བྱའོ་ཞེས་བྱ་བ་ནི་གཞོན་ནུ་རྣམས་ཀྱི་གནས་མལ་གང་ཡིན་པ་དེ་ནི་ཡང་བའི་ཕྱིར་
[197b.4]རྒན་པོ་རྣམས་ཀྱིས་བསྐུར་བར་བྱའོ། །རྒན་པོ་རྣམས་ཀྱི་ནི་ལྕི་བ་ཉིད་ཀྱི་#ཕྱིར་གཞོན་ནུ་རྣམས་ཀྱིས་བསྐུར་བར་བྱའོ་ཞེས་བྱ་བའི་དོན་ཏོ། །མཐུན་པ་དང་མཐུན་པར་གཞག་པར་བྱའོ་ཞེས་#བྱ་བ་ནི་གང་གིས་གང་མཐུན་པ་དང་#མཐུན་པ་དེ་ཉིད་དང་ལྷན་ཅིག་ཏུ་དེ་གཞག་པར་བྱའི་མི་མཐུན་པ་དང་ནི་
[197b.5]མ་ཡིན་ཞེས་བྱ་བའི་དོན་ཏོ། །གཙུག་ལག་ཁང་གཞན་དུ་གདན་ཆ་དང་རྫས་བརྙན་བསྐུར་བར་བྱའོ་ཞེས་བྱ་བ་ལ་དང་གི་སྒྲ་ནི་བརྙན་བསྐུར་བར་བྱའོ་ཞེས་བྱ་བར་སྦྱར་བའི་དོན་དུའོ། །འདིར་རྫས་ནི་མཆོད་པའི་དབང་དུ་བྱས་ཏེ་བལྟ་བར་བྱའོ། །ཅི་ཞིག་ངེས་པ་ཉིད་དུ་བསྐུར་བར་བྱའམ་ཞེ་ན་མ་ཡིན་
[197b.6]ཏེ། དེའི་ཕྱིར་གལ་ཏེ་ཆར་འབབ་པ་དང་འབབ་དུ་དོགས་པ་མེད་ནའོ། །གལ་ཏེ་ལམ་ཁར་རླུང་དང་ཆར་བྱུང་ན་ཤིང་ལྗོན་པའམ་རྩིག་དྲུང་དུ་བཅེར་#བར་བྱའོ་ཞེས་སྨོས་ཏེ། རྩིག་པའི་ཞེས་བྱ་བ་ནི་དྲུང་དུའོ། །རྫས་ངན་པ་གཅིག་གིས་གཡོགས་#པར་བྱའོ། །གཙུག་ལག་ཁང་དུ་ཕྱིན་ནས་རྫས་
[197b.7]རྣམས་ནི་བསྐམ་པར་བྱའོ་ཞེས་བྱ་བ་ལ་འདིར་གཞུང་ནི་ཁྱིམ་བདག་གཅིག་ལ་གཙུག་ལག་ཁང་གཉིས་ཡོད་དེ། དགོན་པ་པ་དང་གྲོང་མཐའ་པ་སྟེ། དགེ་སློང་དགོན་པ་པ་རྣམས་ཀྱིས་གྲོང་མཐའ་པའི་གཙུག་ལག་ཁང་ནས་གོས་དག་དང་གནས་མལ་གཡར་བ་དང་། དགེ་སློང་གྲོང་མཐའ་པ་དག་
[198a]
[198a.1]གིས་མ་སྟེར་ནས། བཅོམ་ལྡན་འདས་ཀྱིས་བཀའ་སྩལ་པ་བརྙན་པར་བྱའོ། །ཁ་དོག་སྣ་ཚོགས་པའི་གོས་རྣམས་ནི་ཆར་བབ་ན་ཉམས་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཆར་པ་འབབ་པའམ་འབབ་ཏུ་དོགས་ན་བརྙན་#པར་མི་བྱའོ། །
[198a.2]གལ་ཏེ་ལམ་ཀར་ཆར་འབབ་ན་ཤིང་ལྗོན་པའི་དྲུང་དུ་གནས་པར་བྱའོ། །གཙུག་ལག་ཁང་དུ་སོང་ནས་གོས་རྣམས་བསྐམ་པར་བྱའོ་ཞེས་གསུངས་པ་ཡིན་ནོ། །མེ་ཤོར་རམ་ཆུ་བྱུང་ན་དགེ་འདུན་གྱི་ཡང་གདོན་པར་#བྱའོ་ཞེས་བྱ་བ་ནི་གནས་མལ་གྱི་ཕྱིར་འདི་བརྗོད་པ་སྟེ། སྐྱེད་#པའི་དབང་གིས་འདི་
[198a.3]ཡང་དག་པར་བསྟེན་#པའོ། །གཞན་ལ་ཡང་ཆོ་ག་འདིས་སྦྱར་བ་སྟེ་དེ་བས་ན་ཁྱད་པར་མེད་པར་ཉེ་བར་བརྟགས་པའོ། །རང་གི་ལྷུང་བཟེད་དང་ཆོས་གོས་ཐོན་ཟིན་ནའོ་ཞེས་བྱ་བ་ནི་ཇེ་དང་པོར་རང་གི་ལྷུང་བཟེད་དང་ཆོས་གོས་གདོན་པར་བྱ་ཞིང་དེའི་འོག་ཏུ་དགེ་འདུན་གྱི་ཡང་གདོན་པར་བྱའོ་ཞེས་
[198a.4]བྱ་བའི་དོན་ཏོ། །གང་ཟག་ནི་#ཕོངས་པར་འགྱུར་གྱི་དགེ་འདུན་ནི་མ་ཡིན་ཞེས་བྱ་བ་བྱས་ནས་#སོ། །བཏོན་ཟིན་པ་བསྲུང་བའི་ཕྱིར་དགེ་སློང་ཆེན་པོ་མི་ནུས་པ་གཞག་པར་བྱའོ་ཞེས་བྱ་བ་ནི་སྟོབས་ཆུང་བ་ཉིད་ཀྱི་ཕྱིར་ལས་གཞན་ལ་མི་སྦྱར་ཞེས་པར་དགོངས་སོ། །མི་བཟོད་པ་ཉིད་དུ་འཇུག་པར་མི་
[198a.5]བྱའོ་ཞེས་བྱ་བ་ནི། མེ་དང་ཆུ་དག་མི་བཟོད་པ་ཉིད་ལ་གདོན་པའི་ཆེད་དུ་འཇུག་#པར་མི་བྱའོ། །གནས་མལ་གྱི་ལྟུང་བྱེད་དོ།། །།#ཁྱིམ་གཞན་དུ་གདིང་བར་བྱས་པ་ཁྱིམ་བདག་ལ་དྲིས་པ་དེ་དོར་བར་བྱའོ་ཞེས་བྱ་བ་ལ་བྱས་པ་ཞེས་བྱ་བ་ནི་རང་གིས་སམ་བསྐོས་པས་སོ། །དགོན་པར་ཡང་
[198a.6]ན་སློང་བར་བྱའོ་ཞེས་བྱ་བ་ནི། ཡང་ན་དོར་བར་བྱ་ཞེས་བྱ་བ་ལ་ཡང་ན་ཞེས་བྱ་བའི་སྒྲས་ནི་རྣམ་པར་རྟོག་པའི་དོན་ཏོ། །དེ་ནི་མགོའམ་མཇུག་བཟློག་པར་བྱས་པ་ཉིད་དོ་ཞེས་བྱ་བ་ལ། དེ་ཞེས་བྱ་བ་ནི་སློང་བར་བྱས་པ་ལའོ། །འདིར་གཞུང་ནི་དེ་རྣམས་སློང་བར་བྱེད་ན་ཉེས་དམིགས་དེ་ཉིད་དུ་འགྱུར་
[198a.7]རོ། །བཅོམ་ལྡན་འདས་ཀྱིས་བཀའ་སྩལ་པ། མགོའམ་མཇུག་བཟློག་པ་སློང་བར་#བྱས་ཏེ། འགྲོ་བར་བྱའོ་ཞེས་གསུངས་པ་ཡིན་ནོ། །གོས་དག་བསྐམ་པའི་ཕྱིར་རྩྭ་གདིང་བ་ཡང་དོར་བར་བྱ་བ་ཉིད་དོ། །སློང་བ་ལ་དོར་བ་ཁས་ལེན་ན་སྦྱིན་ནོ་ཞེས་བྱ་བ་ལ། སྦྱིན་པ་ཞེས་བྱ་བ་ནི་གནང་བའི་
[198b]
[198b.1]རྩྭ་#རྣམས་སོ། །འཆག་ས་དག་ཏུ་རྐང་མཐིལ་གཉིས་ལ་རྩུབ་ན་རྩྭ་#དག་གདིང་བར་བྱའོ། །དེ་དག་ཀྱང་དོར་བར་བྱ་བ་ཉིད་དོ་ཞེས་བྱ་བ་ནི་གནང་བའི་རྩྭ་#རྣམས་སོ། །གཏོང་ན་དོར་བར་བྱ་བ་མ་ཡིན་པ་ཉིད་དུ་མ་གྱུར་པ་དོར་བར་བྱའོ་ཞེས་བྱ་བ་ལ། གཏོང་ན་ཞེས་བྱ་བ་ནི་འཆག་པ་གཏོང་བའི་དུས་ལ་དོར་
[198b.2]བར་བྱ་བ་དོར་བའོ། །ཅི་གནས་སྐབས་ཐམས་ཅད་དུ་ཡིན་ནམ་ཞེ་ན་མ་ཡིན་ཏེ། དེའི་ཕྱིར་དོར་བར་བྱ་བ་མ་ཡིན་པ་ཉིད་དུ་མ་གྱུར་པ་ལ་ཞེས་བྱ་བ་སྨོས་ཏེ། གྱུར་པ་ལ་ནི་གྱུར་པ་ཉིད་ཁོ་ན་བྱས་པ་ཉིད་དོར་བ་ཞེས་བྱ་བ་དོན་གྱིས་ཐོབ་བོ། །གཞན་གྱི་ཚེ་ནི་དུས་སུ་སོ་སོར་བརྟག་པ་དང་བསྒྱུར་ལོག་བྱའོ་
[198b.3]ཞེས་བྱ་བ་ལ། གཞན་གྱི་ཚེ་ཞེས་བྱ་བ་ནི་གཏོང་#བའི་དུས་ལས་སོ། །ས་སྣུམ་པ་དང་མངར་བ་ནི་ཉིན་རེ་བཞིན་ནོ་ཞེས་བྱ་བ་ནི་སྲིལ་ལ་སོགས་པ་ལས་བྱུང་བའི་ཉེས་པ་སྤང་བའི་ཕྱིར་ཉི་མ་རེ་རེར་བསྒྱུར་བཟློག་བྱ་བའོ། །ཡུལ་གང་ནས་ས་སྣུམ་པ་དང་མངར་བ་ནི་སྲིལ་རྣམས་ལ་སྡུག་བསྔལ་འབྱུང་བས་
[198b.4]ཏེ། དེའི་ཕྱིར་ན་སྣུམ་པའི་ཚིག་གོ། །དེ་ལྟར་ཡང་ཡུལ་འདི་ནི་སྣུམ་པ་དང་འཇམ་པའི་ས་དང་ལྡན་པ་ཞེས་བྱ་བས་#ནི་སྣུམ་པ་བརྗོད་པའོ། །གཞན་དུ་ཟླ་བ་ཕྱེད་ཕྱེད་ཅིང་ངོ་ཞེས་བྱ་བ་ནི་ས་སྣུམ་པ་དང་མངར་བ་ལས་གཞན་པའི་ཡུལ་དུ་ནི་#ཟླ་བ་ཕྱེད་ཕྱེད་ཅིང་ལན་རེ་བསྒྱུར་བཟློག་བྱའོ། །འདིར་
[198b.5]གཞུང་ནི་གལ་ཏེ་ས་ཕྱོགས་སྣུམ་པ་དང་མངར་བ་ཡིན་ན་བཏིང་བ་ཉིན་རེ་ཞིང་བསྒྱུར་བཟློག་བྱའོ། །གལ་ཏེ་ས་ཕྱོགས་སྣུམ་པ་དང་མངར་བ་མ་ཡིན་ན་ནི་ཟླ་བ་ཕྱེད་ཅིང་བསྒྱུར་བཟློག་བྱའོ་ཞེས་གསུངས་པ་ཡིན་ནོ། །འཆག་ས་དག་ཏུ་རྩྭའི་#ཆུན་པོ་དག་ཐག་པས་བཅིངས་ཏེ་ཤིང་ལ་གཞག་པར་བྱའོ། །
[198b.6]ལྕི་བ་གྱོ་མོར་གཞག་པར་བྱའོ། །གནས་ནས་འཕགས་པར་འགྱུར་བ་ན་ཞེས་བྱ་བ་ཡན་ཆད་སྔར་ཐལ་བའོ་ཞེས་བྱ་བ་ནི། སྔར་མདོ་ལས་གནས་ནས་འཕགས་པར་འགྱུར་བ་ན་སྔར་གྱི་བསླབ་པའི་གཞི་དེ་དང་འབྲེལ་པ་གང་ཡིན་པ་དེ་འདིར་རྟོགས་པར་བྱའོ། །འདིར་གཞུང་ནི་དགེ་སློང་འཁོད་པ་ལ་ཡང་མ་
[198b.7]བཅོལ་ན་གཞན་ལ་དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ་ཞེས་གསུངས་པའི་ལྟུང་བ་བསྟན་པའི་གཞུང་རྒྱ་ཆེར་འབྱུང་བ་དེ་དག་གནས་མལ་ལྟུང་བའི་ལམ་ཞེས་གསུངས་པ་ཡིན་ནོ། །དེ་བཞིན་དུ་འདིར་ཁ་ཅིག་ནི་འདིར་གཞན་དེ་འདྲ་བའི་རྐྱེན་ལས་ཞེས་བྱ་བ་འདི་ཉམ་ང་བ་དང་ཕྲད་པར་མི་འགྱུར་བ་ལྟ་ན་ཞེས་བྱ་བ་
[199a]
[199a.1]ནི་མ་ཡིན་པ་དགག་པ་སྟེ་འབྲེལ་པ་མང་པོ་ཉིད་དུ་བྱ་བ་མི་འཇུག་པ་ཡིན་ནོ། །དེའི་ཕྱིར་འདི་མེད་པར་རྟོགས་པར་བྱ་སྟེ། བསླབ་པའི་གཞི་འདི་དག་ལ་རྣམ་པ་གཅིག་ཏུ་གྱུར་པ་ཉིད་ཀྱི་ཕྱིར་རོ། །དེ་བས་ན་མ་བརྗོད་པའི་དོན་ལ་ཡང་འདིར་སྔ་མའི་རྗེས་སུ་འབྲང་བས་ཐོབ་པའོ། །གཞན་
[199a.2]དག་ནི་ཆར་པས་ཕན་ཕུན་#དུ་གྱུར་པས་འདིར་མི་འཇུད་དོ་ཞེས་ཟེར་ན་དེ་ཡང་མི་རིགས་ཏེ། འདིར་འདིས་ཀྱང་ས་གཞི་ཆུད་ཟོས་པའི་ཕྱིར་རོ། །རེག་པར་བྱ་བ་མ་ཡིན་པ་ཉིད་ལ་ནི་མི་འགྱུར་རོ་ཞེས་བྱ་བ་འདི་ལ་འདིར་དོན་མི་སྣང་བས་ལོག་པའོ། །གནས་མལ་འདི་སྡུས་#ཤིག་ཅེས་བྱ་བ་འདིར་#འདི་ལ་གནས་
[199a.3]མལ་གྱི་གནས་སུ་གདིང་བ་གཏོགས་པར་དོན་གྱིས་གྲུབ་བོ། །དེ་བས་ན་དེའི་འོག་ཏུ་ཐམས་ཅད་ལ་དམིགས་ཀྱིས་བསལ་བའོ། །ཅིག་ཅར་སྤྱོད་པ་ནི་འདྲ་བ་ཉིད་དོ་ཞེས་བྱ་བ་ཐམས་ཅད་ལ་ཁྱབ་པ་དང་ལྡན་པ་ཡིན་གྱིས་ལངས་པ་ལ་ནི་མ་ཡིན་ཞེས་བྱ་བའི་དོན་ཏོ། །དགེ་འདུན་གྱི་#མ་ཡིན་པར་ནི་གནས་
[199a.4]པའི་བདག་པོ་རྣམས་ལ་ཡང་དྲི་བར་བྱ་བ་ཉིད་ཡིན་ནོ་ཞེས་བྱ་བ་ནི་ཡང་གི་སྒྲས་ནི་དགེ་སློང་ལ་ཡང་ཞེས་བྱ་བ་དགེ་འདུན་གྱི་གནས་མ་ཡིན་པར་གནང་བའི་གདིང་བ་ལ་གནས་དེའི་བདག་པོ་རྣམས་ལ་དྲི་བར་བྱ་ཞིང་དོར་བར་བྱ་བ་ཉིད་ཡིན་ནོ། །རྣམས་ལ་ཞེས་མང་པོའི་ཚིག་ཏུ་བསྟན་པ་ནི་འདིར་བུ་དང་ཆུང་མ་ལ་
[199a.5]སོགས་པ་དག་ཀྱང་དེའི་དངོས་པོ་ལ་བདག་པོར་གྱུར་པ་ལ་ཁོངས་#སུ་བསྡུ་བའི་དོན་ཏོ། །གཅིག་གི་ཚིག་གིས་#ཁྱིམ་བདག་གཅིག་ཁོ་ན་ལ་བཟུང་བར་ཤེས་པར་འགྱུར་རོ། །འདིར་ཡན་ལག་གང་རྣམས་ལ་ལྟུང་བའི་བྱེད་པ་པོ་ཉིད་ཡིན་ཞེ་ན། དེའི་ཕྱིར་དགེ་འདུན་གྱི་གཙུག་ལག་ཁང་ཉིད་དང་རྡོ་བ་དང་བྱེ་མའི་
[199a.6]གཞི་ཉིད་ལ་སོགས་པའི་བདག་ཉིད་མ་ཡིན་པ་ཉིད་དང་དེ་ལྟ་བུའི་ཉེས་དམིགས་#ཡོད་པ་ཉིད་ཀྱིས་གཞིར་རང་དང་བསྐོས་པས་གདིང་བ་བྱ་བ་ཉིད་ལྟ་བུ་ནི་བྱེད་པ་པོ་ཉིད་ཡིན་ནོ་ཞེས་བྱ་བ་སྨོས་ཏེ། རྡོ་བ་དང་ཞེས་བྱ་བ་ནི་རུང་བ་ཉིད་ལ་འདི་བསྟན་པ་སྟེ། དེ་ལྟ་བུའི་བདག་ཉིད་རུང་བ་ཉིད་ཅེས་བྱ་བའོ། །སོགས་
[199a.7]པའི་སྒྲས་ནི་རྡོ་བ་ལ་སོགས་པས་མ་#ཡིན་པར་འགྱུར་བ་བཟུང་ངོ་། །རྡོ་བ་དང་བྱེ་མ་ལ་སོགས་པ་ས་གང་ལ་ཡོད་པ་མ་ཡིན་པ་དེ་ནི་རྡོ་བ་དང་བྱེ་མའི་གཞིའོ། །དེའི་དངོས་པོ་དང་རྡོ་བ་དང་བྱེ་མའི་གཞི་ཉིད་དེ་རྣམས་ཀྱི་བདག་ཉིད་དོ། །དེ་ལྟ་བུའི་ཉེས་#དམིགས་ཡོད་པ་ཉིད་ཀྱིས་རུང་བ་ཉིད་ཅེས་བྱ་བ་ནི་སྲིལ་ལ་
[199b]
[199b.1]སོགས་པའི་ཉེ་བར་འཚེ་བ་རུང་བ་ཉིད་དོ། །རང་དང་བསྐོས་པས་གདིང་བ་བྱས་པ་ཉིད་ལྟ་བུ་ནི་བྱེད་པ་པོ་དག་ཡིན་ནོ་ཞེས་བྱ་བ་ནི། སྔར་ཐལ་བའོ་ཞེས་བྱ་བ་འདི་ལས་དངོས་གཞིའི་མཐའ་ཞེས་བྱ་བ་ལ་སོགས་པ་འདིར་རྟོགས་པར་བྱའོ། །གདིང་བའི་ལྟུང་བྱེད་དོ།། །།#སྐྲོད་པའི་ལྟུང་བྱེད་ལ་
[199b.2]བྱེད་པ་པོ་ཉིད་གང་ཡིན་ཞེ་ན་དེའི་ཕྱིར་དགེ་སློང་ཉིད་དང་དགེ་འདུན་གྱི་གཙུག་ལག་ཁང་ཉིད་དག་ནི་བྱེད་པ་པོ་ཉིད་དོ་ཞེས་བྱ་བ་སྨོས་སོ། །ཅི་བསམ་པ་ཐམས་ཅད་ཀྱིས་དེ་ཉིད་བྱེད་པ་པོ་ཡིན་ནམ་ཞེ་ན་དེའི་ཕྱིར། གལ་ཏེ་དེ་ལ་གནོད་པ་དང་དགེ་འདུན་འཁྲུག་པ་སྐྱེ་བ་ཉེ་བར་ཞི་བར་མི་འགྱུར་བའི་གཉེན་
[199b.3]པོར་འདོད་པ་མ་ཡིན་ནའོ་ཞེས་བྱ་བ་སྨོས་ཏེ། དགེ་སློང་ཉིད་གང་#ལ་བྱེད་པ་པོ་ཉིད་དུ་བརྗོད་པ་དེ་ལ་སྲོག་གཏོང་བ་ལ་སོགས་པས་གནོད་པ་ནི་དེ་ལ་གནོད་པའོ། །དེ་ལ་གནོད་པ་དང་དགེ་འདུན་#འཁྲུག་པ་དག་#ལ་སྐྱེ་བ་དང་སྐྲོད་པ་གཉིས་ལ་ཉེ་བར་ཞི་བར་མི་འགྱུར་བར་དོགས་པ་ཡོད་པ་ལས་བསམ་
[199b.4]པ་གཞན་ལ་འདི་དག་ལས་བྱེད་པ་པོ་ཉིད་ཅེས་བྱ་བའི་དོན་ཏོ། །དེ་གཉིས་གང་ལ་བྱེད་པ་པོ་ཉིད་#ཡིན་ཞེ་ན། དེའི་ཕྱིར་སྐྲོད་པ་ལའོ་ཞེས་བྱ་བ་སྨོས་སོ། །སུས་ཤེ་#ན། དེའི་ཕྱིར་གཞན་གྱིས་ཀྱང་ངོ་ཞེས་བྱ་བ་སྨོས་ཏེ#། རང་ཉིད་གཅིག་པུ་ནི་#མ་ཡིན་ནོ། །གཞན་གྱིས་རྗེས་སུ་འཇུག་པས་ཀྱང་ངོ་
[199b.5]ཞེས་བྱ་བ་ནི། གཞན་དག་བསྐོས་ནས་སྐྲོད་པར་བྱེད་ན་ལྟུང་བ་མེད་པའམ་ན་སྨད་པ་མ་ཡིན་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་གིས་སྐྲོད་པར་བྱེད་ན་གཉི་ག་ལ་ལྟུང་བྱེད་དོ་ཞེས་གསུངས་པ་ཡིན་ནོ། །དགེ་སློབ་#མ་དང་དགེ་ཚུལ་དང་དགེ་ཚུལ་མ་རྣམས་ཀྱིས་ནི་ཉེས་བྱས་ཀྱིའོ་ཞེས་
[199b.6]བྱ་བ་ནི་འདི་རྣམས་སྐྲོད་པར་བྱེད་པ་རྣམས་ལ་ཉེས་བྱས་ཀྱི་བྱེད་པ་པོ་ཉིད་ཡིན་ནོ། །འདིར་གཞུང་ནི་རྣམ་པར་འབྱེད་པ་ལས་དགེ་སློང་གིས་#དགེ་སློབ་མ་དང་དགེ་ཚུལ་དང་དགེ་ཚུལ་མས་དགེ་སློང་སྐྲོད་པར་བྱེད་ན་ལྟུང་བྱེད་དོ། །དགེ་སློབ་མ་དང་དགེ་ཚུལ་དང་དགེ་ཚུལ་མ་ལ་ནི་ཉེས་བྱས་སུ་འགྱུར་རོ་
[199b.7]ཞེས་གསུངས་སོ། །དེ་དག་ཀྱང་ངོ་ཞེས་བྱ་བ་ནི་དགེ་སློབ་མ་ལ་སོགས་པ་བསྐྲད་པར་བྱ་བ་རྣམས་ལ་སྐྲོད་ནའོ། །འདིར་གཞུང་ནི་ཕྲན་ཚེགས་རྣམས་ལས་དེར་དགེ་ཚུལ་དེའི་རྣམ་པས་ཅིག་ཤོས་དག་ལ་འདི་བསྡུ་བར་བྱའོ་ཞེས་གསུངས་པ་ཡིན་ནོ། །བཞད་གད་ཀྱིས་ཀྱང་ངོ་ཞེས་བྱ་བ་ནི་སྐྲོད་ན་
[200a]
[200a.1]ཉེས་བྱས་ཀྱི་བྱེད་པ་པོ་ཉིད་ཡིན་ནོ། །ཁྱིམ་པ་རྣམས་ལ་ནི་#བསོད་ནམས་མ་ཡིན་པ་མང་པོ་ཞེས་བྱ་བ་ནི་སྐྲོད་པར་བྱེད་པ་ཁྱིམ་པ་རྣམས་#ཡིན་ན་དེ་རྣམས་ལ་ནི་བསོད་ནམས་མ་ཡིན་པ་མང་པོར་#བྱེད་པ་པོ་ཉིད་ཡིན་ནོ། །འདིར་གཞུང་ནི་དགེ་སློང་གིས་ཁྱིམ་པ་དང་ཁྱིམ་པ་
[200a.2]མོས་དགེ་སློང་སྐྲོད་དུ་བཅུག་ན་ལྟུང་བྱེད་དོ། །ཁྱིམ་པ་དང་ཁྱིམ་པ་མོ་ལ་ནི་བསོད་ནམས་མ་ཡིན་པ་མང་དུ་བསྐྱེད་པར་འགྱུར་རོ་ཞེས་གསུངས་པ་ཡིན་ནོ། །སྐྲོད་པའི་ལྟུང་བྱེད་དོ།། །།#ཤེས་གཙོ་བོ་ཞེས་བྱ་བ་ནི་འདུ་ཤེས་གཙོ་ཆེར་བྱེད་པ་པོ་ཉིད་དོ་ཞེས་བྱ་བ་ནི་མིང་ཅན་དུ་སྦྱོར་བ་#བྱེད་དོ་
[200a.3]ཞེས་བྱ་བའི་དོན་ཏོ། །གང་ལ་འདུ་ཤེས་གཙོ་ཆེར་བྱེད་པ་པོ་ཉིད་ཡིན་ཞེ་ན། དེའི་ཕྱིར་དགེ་འདུན་གྱི་གཙུག་ལག་ཁང་གི་གནས་སུ་དགེ་སློང་ཞུགས་པ་ཉིད་ལའོ་ཞེས་བྱ་བ་#སྨོས་ཏེ། དགེ་འདུན་གྱི་གཙུག་ལག་ཁང་གང་ཡང་རུང་བ་དང་འབྲེལ་པའི་གནས་རྟེན་པ་ཉིད་དུ་དགོས་པ་ལ་སའི་ཕྱོགས་
[200a.4]གཞན་ལ་གཙུག་ལག་ཁང་#གི་གནས་ཉིད་དུ་བརྗོད་པའོ། །འདི་ལྟ་བུ་ལ་སྔར་ཁས་བླངས་པའི་དགེ་སློང་གིས་ཞུགས་པ་ཉིད་ལ་གང་དེ་ལ་ལྟུང་བ་འབྱིན་པར་བྱེད་པའི་འདུ་ཤེས་གནས་འདི་ན་དགེ་སློང་འདིས་གནས་འདིར་ལྷག་པར་གནས་སོ་#སྙམ་དུ་འདུ་ཤེས་འདི་ཡོད་པ་ལ་གནས་དེ་ལ་ནི་ལྟུང་
[200a.5]བའི་བྱེད་པ་པོ་ཉིད་ཡིན་ནོ། །དེ་ལྟར་དགེ་སློང་གང་ཞིག་སླར་ཤེས་ཤིང་དགེ་འདུན་གྱི་གཙུག་ལག་ཁང་ན་དགེ་སློང་དག་སྔ་#ན་འཁོད་པར་#ཤེས་བཞིན་དུ་ཕྱིས་འོངས་ནས་ཕྱིས་གནོན་བྱེད་ན་ཞེས་བྱ་བ་ལ་སོགས་པའི་མདོ་གསུངས་པ་ཡིན་ནོ། །དེ་ལ་གང་དུ་བྱེད་པ་པོ་ཉིད་ཡིན་ཞེ་ན་དེའི་ཕྱིར་ན་བ་དང་འཇིགས་
[200a.6]པའི་དབང་མ་གཏོགས་པར་ཕྱིས་གནོན་བྱེད་པ་ལའོ་ཞེས་བྱ་བ་སྨོས་ཏེ། ཕྱིས་གནོན་བྱེད་པ་ལའོ་ཞེས་བྱ་བ་ནི་གཞན་ལ་མི་འདོད་པས་ཞེས་བྱ་བའི་དོན་ཏོ། །མ་གཏོགས་པར་ཞེས་བྱ་བ་ནི་ན་བ་དང་དེའི་དབང་ཉིད་ཀྱིས་ཞེས་བྱ་བའི་དོན་ཏོ། །འདིར་གཞུང་ནི་གང་གི་ཚེ་ན་བའམ་འཇིགས་པར་
[200a.7]གྱུར་ན་ལྟུང་བ་མེད་དོ་ཞེས་གསུངས་པ་ཡིན་ནོ། །དེ་ནི་དཔེ་སྟེ་མཐོ་བཙམས་#པར་འདུན་པས་དགེ་སློང་ལ་མཐོ་བཙམས་#པས་ཀྱང་ངོ་ཞེས་བྱ་བ་ལ། འདིར་#གཞུང་ནི་བར་སྡོམ་ལ#། ངན་དང་བསོད་དང་དྲང་ངོ་#དང་། །ཆོལ་ཟངས་#དང་ནི་བཀྲུ་སྨན་དང་། །རྣལ་འབྱོར་མཐུན་དང་ཁ་ཏོན་དང་། །
[200b]
[200b.1]འཇིགས་དང་བཅས་དང་འཇིགས་མེད་དོ། །ཞེས་བྱ་བས་དགེ་སློང་གིས་དགེ་སློང་ལ་ཇི་ཙམ་ཅུང་ཟད་ཐོ་འཚམས་#པར་བྱེད་ན་ཐམས་ཅད་ལྟུང་བྱེད་དུ་འགྱུར་རོ་#ཞེས་བྱ་བ་དགེ་འདུན་གྱི་གཙུག་ལག་ཁང་དང་འབྲེལ་པའི་གནས་ཀྱི་སྒོ་ལ་རྗེས་སུ་མཐུན་པའི་ས་ཕྱོགས་སུ་ཡང་དག་པར་ཞུགས་པའམ་ཕོངས་#པ་
[200b.2]བསྒྲུབ་པས་རྣམ་པར་འཚེ་བ་སྐྱེད་#པའམ་འགགས་པས་གང་ཞིག་ཐོ་འཚམས་#པར་བྱེད་ན་དེ་འདིར་མངོན་པར་འདོད་པ་ཞེས་བྱ་བ་མདོར་བྱས་པ་ནི་བསླབ་པའི་གཞི་རྗེས་སུ་འབྲངས་པས་རྟོགས་པར་བྱའོ། །བསྒོ་བ་རྣ་ལ་གཟོན་པ་དང་སྐྲོད་པར་བྱེད་པ་དང་། དེས་ཚིག་དང་དགག་དབྱེ་དང་འདེབས་པར་
[200b.3]བྱེད་པ་དང་། སྤྱོད་པ་དང་། བསྡིགས་པ་དང་། ཡོ་བྱད་འཇོག་པ་དང་། བསླབ་པའི་གཞི་རྣམས་ལ་གཞན་དུ་བསླབ་པའི་གཞི་ལས་ལྟུང་བ་ཐ་མི་དད་པ་ཉིད་དུ་འགྱུར་རོ། །འདིར་ཡང་དགེ་འདུན་གྱི་གཙུག་ལག་ཁང་ལ་གནས་པ་རྟེན་#པ་དོན་མེད་པ་ཉིད་དུ་ཐལ་བའི་ཕྱིར་མ་སྨོས་པའི་ཆོ་ག་
[200b.4]གཞན་ལ་རྣམ་པར་འཚེ་བ་ལ་ནི་ཉེས་བྱས་སུ་རྟོགས་པར་བྱའོ། །ཕྱིས་གནོན་གྱི་ལྟུང་བྱེད་དོ།། །།#དགེ་འདུན་གྱི་གཙུག་ལག་ཁང་གི་སྟེང་གི་ཐོག་ཉིད་ནི་བྱེད་པ་པོ་ཞེས་བྱ་བ་ནི། དགེ་འདུན་གྱི་གཙུག་ལག་ཁང་གི་སྟེང་གི་#ཐོག་ཉིད་ནི་ལྟུང་བའི་བྱེད་པ་པོ་ཉིད་ཡིན་ནོ། །ཅི་རྣམ་པ་ཐམས་ཅད་
[200b.5]ལ་དེ་བྱེད་པ་པོ་ཡིན་ནོ་ཞེ་ན་མ་ཡིན་ཏེ། གལ་ཏེ་བྱིན་གྱིས་གཞོལ་བ་ཉིད་དམ་སྤང་ལེབ་ཉིད་དམ། དེ་དང་འདྲ་བས་གཡོགས་#པ་ཉིད་མ་ཡིན་ནའོ་ཞེས་བྱ་བ་སྨོས་ཏེ། དེ་དང་འདྲ་བ་#ཞེས་བྱ་བ་འདིས་ནི་སྤང་ལེབ་ཀྱི་རྣམ་པ་བཟུང་བ་ཡིན་ནོ། །དེ་ལྟར་ཡང་འདིར་གཞུང་ནི་བྱིན་གྱིས་གཞོལ་བ་ཡིན་ན་
[200b.6]ལྟུང་བ་མེད་དོ་ཞེས་གསུངས་པ་ཡིན་ནོ། །གལ་ཏེ་རྐང་པ་འབྱུང་བའི་གླགས་མེད་པ་ཞེས་བྱ་བ་འདི་འདིར་བསྡུས་པའི་དོན་དུ་རིག་པར་བྱའོ། །ཅི་འདི་ཉིད་གཅིག་ཏུ་བྱེད་པ་པོ་ཡིན་ནམ་ཞེ་ན་མ་ཡིན་ཏེ། འདིའི་ཕྱིར་གནོན་པར་འོས་པའི་རྩ་བ་ཕུར་བུ་ལྟ་བུ་ཉིད་ཀྱང་ངོ་ཞེས་བྱ་བ་སྨོས་ཏེ། ཁྲི་དང་ཁྲིའུ་སྨོས་
[200b.7]པ་འདིར་བྱས་ཏེ་ཁྲིའུ་དོར་ཅིག་ཅེས་བྱ་བ་འདིར་མཚོན་པ་ཙམ་དུ་རྣམ་པར་གནས་པ་ཡིན་ནོ། །ཡོད་པ་ཉིད་ཀྱི་ཕྱིར་འདི་ལྟ་བུར་གྱུར་པ་གཞན་ལ་ཡང་འདི་ལྟ་སྟེ། ཁྲིའུ་རྐང་པ་དང་འདས་པ་དང་བཅས་པ་འདྲ་བ་ལ་ཉེས་དམིགས་འདྲ་བ་ཉིད་ཀྱིས་#དེར་ངེས་པར་#གནས་པ་ལ་སོགས་པ་སྟེ། དེའི་ཕྱིར་གནོན་པར་
[201a]
[201a.1]འོས་པ་ཞེས་བྱ་བའི་ཚིག་བྱས་སོ། །ཅི་གནས་སྐབས་ཐམས་ཅད་དུ་འདི་ལ་བྱེད་པ་པོ་ཉིད་ཡིན་ནམ་ཞེ་ན་མ་ཡིན་ཏེ། དེའི་ཕྱིར་བཀན་པ་ཉིད་དང་རྐང་རྟེན་བཅུག་པ་ཉིད་ནི་མ་གཏོགས་སོ་ཞེས་བྱ་བ་སྨོས་ཏེ། གང་ལས་ཐོག་ཉིད་དང་རྩ་བ་ཕུར་བུ་ལྟ་བུ་ཉིད་དེ་གཉིས་བྱེད་པ་པོ་ཡིན་
[201a.2]ཞེ་ན། དེའི་ཕྱིར་གནོན་པ་ལའོ་ཞེས་བྱ་བ་སྨོས་ཏེ། མནན་པར་འོས་པ་ཞེས་བྱ་བ་དབང་དུ་བྱེད་པ་ལས་ཤེས་པར་བྱེད་དོ། །མངོན་པར་འདུག་པར་བྱ་བའམ། མངོན་པར་འདུག་པ་ཞེས་བྱ་བ་འདིར་འདུག་པ་ཙམ་ནི་གཙོ་བོར་རྣམ་པར་གནས་པ་ཡིན་ཞེས་བྱ་བ་འདི་ལྟར་ཉེ་བར་བརྟག་#པར་བྱའོ། །
[201a.3]ཅི་ཞིག་ཅི་ཡང་རུང་བ་ཉིད་ཀྱིས་དེ་གཉིས་#ལ་བྱེད་པ་པོ་ཉིད་ཡིན་ནམ་ཞེ་ན། དེའི་ཕྱིར་ཤེས་གཙོ་བོ་ཞེས་བྱ་བ་སྨོས་ཏེ། འདུ་ཤེས་གཙོ་ཆེར་བྱེད་པ་པོ་ཉིད་དོ་ཞེས་བྱ་བའི་རྣམ་པས་སོ་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་གང་ཤེས་བཞིན་དུ་ཞེས་བྱ་བ་སྨོས་པ་ཡིན་ནོ། །རྣམ་པར་འབྱེད་པ་
[201a.4]ལས་ཀྱང་འདིར་རང་ཉིད་ཀྱིས་རིག་པར་གྱུར་པའམ་གཞན་དག་གིས་བརྗོད་པས་སོ་ཞེས་གསུངས་སོ། །དགེ་སློང་གནོན་པར་བྱས་པའི་གླེང་གཞི་དང་སྦྱིན་པ་གཅད་#པའི་ཕྱིར་འདི་རྣམས་བརྟགས་པའོ། །#རྩ་བ་འབྱུང་བ་ལ་འདུག་པའི་ལྟུང་བྱེད་དོ།། །།ཡང་གང་ཞིག་བསླབ་པའི་གཞི་འདི་
[201a.5]ལ་ཡང་དགེ་སློང་གང་ཤེས་བཞིན་དུ་སྲོག་ཆགས་དང་བཅས་པའི་ཆུས་རྩྭའམ་#ཞེས་བྱ་བ་དང་། གང་ཞིག་ཡང་སླར་ཤེས་བཞིན་དུ་སྲོག་ཆགས་དང་བཅས་པའི་ཆུ་ལ་སྤྱོད་ན་ཞེས་བྱ་བ་གཅིག་པོ་ཉིད་གཉིས་སུ་འགྱུར་ཏེ། ཡུལ་གྱི་བྱེ་བྲག་གིས་ནི་དེ་གཉིས་ལྟུང་བ་ཐ་དད་པ་ཉིད་ཡིན་པས་གང་ཞིག་
[201a.6]དེར་ཆོ་ག་དེ་ཉིད་ཅེས་བྱ་བ་མངོན་པར་བརྟེན་ནས་ཡུལ་གང་ལ་འདི་དང་དེ་ཞེས་བྱ་བ་དེ་བསྟན་པའི་ཕྱིར། རང་སྤྱོད་པའི་དོན་ཉིད་དེ་ལས་གཞན་པའོ་ཞེས་བྱ་བ་སྨོས་ཏེ། རང་སྤྱོད་པ་ཉིད་གཞག་པར་བྱ་བ་གཞན་ལ་ཤེས་གཙོ་བོ་ཞེས་བྱ་བ་དེ་ལ་ནི་སྲོག་ཆགས་དང་བཅས་པ་ལ་སྤྱོད་པ་ཞེས་བྱ་བའི་ལྷག་
[201a.7]མ་དེ་ཉིད་ལས་རྟོགས་པར་བྱའོ། །སྲོག་ཆགས་དང་བཅས་པ་ལ་སྤྱོད་པའི་ལྟུང་བྱེད་དོ།། །།#སྒོ་ཆ་གཞུག་པར་བྱའོ་ཞེས་བྱ་བ་ནི་སྒོ་ཆ་#ཞེས་བྱ་བ་ནི་སྒོ་སྐྱེས་#ལ་སོགས་པ་སྒོ་དང་འབྲེལ་པའི་ཡོ་བྱད་#དོ། །འདི་ལྟར་ཡ་ཕུབས་ལས་གཞན་སྒོ་སྐྱེས་#བཟུང་བ་ཡིན་ནོ་ཞེས་བྱ་བའི་ཚིག་གིས་རྟོགས་པར་
[201b]
[201b.1]བྱའོ། །སྒོ་གླེགས་དག་ཀྱང་ངོ་ཞེས་བྱ་བ་ན་#འདིར་སྒོ་གླེགས་ཞེས་བྱ་བ་སྒོ་ལེབ་ལ་བྱ་སྟེ། དེ་ཡང་སྒོ་གླེགས་ཞེས་སྨོས་པའི་ཚིག་གིས་སོ། །སྐར་ཁུང་དག་ཀྱང་གདོད་པར་བྱའོ་ཞེས་བྱ་བ་ནི་འཇུག་པར་བྱའོ། །ལྟུང་བ་འདི་ལ་བྱེད་པ་པོ་ཉིད་གང་ཡིན་ཞེ་ན། དེའི་ཕྱིར་གཙུག་ལག་ཁང་ནི་བྱེད་པ་པོ་ཉིད་
[201b.2]དོ་ཞེས་བྱ་བ་སྨོས་སོ། །འདི་ལ་ཚད་ཇི་ཙམ་ལ་བྱེད་པ་པོ་ཉིད་ཡིན་ཞེ་ན། དེའི་ཕྱིར་སྤྱོད་ལམ་བཞི་ཤོང་བའོ་ཞེས་བྱ་བ་སྨོས་ཏེ། གང་དུ་སྤྱོད་ལམ་རྣམ་བཞི་བྱར་རུང་ཞིང་ཤོང་བའོ་ཞེས་བྱ་བའི་དོན་ཏོ། །ཅི་གཙུག་ལག་ཁང་ཚད་དེ་ཙམ་དང་ལྡན་པ་ཐམས་ཅད་བྱེད་པ་པོ་ཡིན་ནམ་ཞེ་ན། དེའི་
[201b.3]ཕྱིར་གལ་ཏེ་ཐམས་ཅད་རྡོའམ་སོ་ཕག་གམ་ཤིང་ལས་བྱས་པ་མ་ཡིན་ནའོ་ཞེས་བྱ་བར་སྦྱར་ཏེ། ཐམས་ཅད་ཀྱིས་ཞེས་བྱ་བ་ནི་ཐམས་ཅད་ཀྱིས་#ཐམས་ཅད་དུ་གཙུག་ལག་ཁང་ལ་ཡང་ད་ལྟར་ཁྱིམ་ལ་དབང་བ་ཞེས་བྱ་བ་བྱེ་བྲག་མ་སྨོས་པའི་ཕྱིར་རྟོགས་པའོ། །འདིར་བྱེ་བྲག་གཞན་ཡང་བརྗོད་
[201b.4]པར་བྱ་སྟེ། ཆར་ཆུ་བསྐྱབ་པའི་གཡོགས་#མ་ཡང་ངོ་ཞེས་བྱ་བ་ནི་གལ་ཏེ་ཐམས་ཅད་ཉི་མ་རེ་རེ་ཞིང་བྱ་བ་བྱས་པ་ཞེས་བྱ་བ་དོན་གྱིས་རྟོགས་པར་བྱའོ། །འདིར་གཞུང་ནི་ཞུ་བ་ལས་བཙུན་པ་དགེ་སློང་དག་ཡོད་དེ། རྩིག་པ་རིམ་པ་གཉིས་སམ་གསུམ་ལས་ལྷག་པར་རྩིག་ཅིང་དེ་ལ་ལྟུང་
[201b.5]བྱེད་དུ་ཡང་མི་འགྱུར་བ་མཆིས་སམ། ཡོད་དེ་རྩྭ་#དག་གིས་གཡོགས་#པར་བྱེད་ན་ལྟུང་བ་མེད་དོ། །སྤང་ལེབ་དག་གིས་གཡོགས་#པར་བྱེད་ན་ལྟུང་བ་མེད་དོ། །ཤིང་ལེབ་དག་གིས་གཡོགས་#པར་བྱེད་ན་ལྟུང་བ་མེད་དོ་ཞེས་གསུངས་པ་ཡིན་ནོ། །རྩ་བའི་ལྟུང་བ་འབྱིན་པར་བྱེད་ན་ཐམས་
[201b.6]ཅད་ལ་འདི་བྱེད་པ་པོ་ཉིད་ཡིན་ནམ་ཞེ་ན། མ་ཡིན་ཏེ་དེའི་ཕྱིར་ཡོན་བདག་གིས་བྱས་སམ་ཟིན་ནམ་བལྟའོ་ཞེས་མ་སྨྲས་པ་ལའོ་ཞེས་བྱ་བ་སྨོས་སོ། །སྨྲས་པ་ལ་ནི་ཉེས་པ་མེད་པ་ཉིད་ཡིན་ནོ། །གང་ལ་དེ་བྱེད་པ་པོ་ཉིད་ཡིན་ཞེ་ན། དེའི་ཕྱིར་ཕ་གུ་#རིམ་པ་གསུམ་ལས་ལྷག་པ་ལའོ་ཞེས་བྱ་བ་
[201b.7]སྨྲས་སོ། །ཅི་བདག་ཉིད་ཁོ་ནས་སམ་ཞེ་ན། དེའི་ཕྱིར་གཞན་གྱིས་ཀྱང་ངོ་ཞེས་བྱ་བ་སྨོས་ཏེ། འདིར་གཞུང་ནི་བྱེད་དུ་བཅུག་ན་ཡང་ཞེས་གསུངས་པ་ཡིན་ནོ། །གང་གི་ཚེ་བརྩིགས་ཤེ་ན། དེའི་ཕྱིར་ཉི་མ་དེ་ལའོ་ཞེས་བྱ་བ་སྨོས་ཏེ། ཉི་མ་གང་ལ་རིམ་པ་གསུམ་བརྩིགས་པའི་ཉི་མ་དེ་ཉིད་ལ་གལ་
[202a]
[202a.1]ཏེ་ལྷག་པར་བརྩིགས་ནའོ་ཞེས་བྱ་བའི་དོན་ཏོ། །རིམ་པ་གང་དང་གང་ལ་ཉི་མ་གཞན་ལ་བརྩིགས་པ་ཉིད་དེ་ལ་ནི་འདིར་གྲངས་ཤེས་པར་བྱ་བ་མ་ཡིན་ནོ། །གཞན་ལ་ཡང་འཇིམ་པ་མེད་པ་ལས་སོ་ཞེས་བྱ་བ་ནི་ཉི་མ་གཞན་ལ་ཡང་ཕ་གུ་འཇིམ་པ་མེད་པ་གསུམ་ལས་ལྷག་
[202a.2]པར་བརྩིག་པ་བྱས་ན་ཞེས་བྱ་བའི་དོན་ཏོ#། །བར་དུ་ཆོད་པ་ཕ་གུ་འཇིམ་པ་མེད་པ་ལ་འདིར་བགྲང་བར་བྱ་བ་ཉིད་ཅེས་བྱ་བ་དོན་གྱིས་རྟོགས་པའོ། །ཆུ་ཁུང་དག་མ་བཏོད་#པ་ཡང་རུང་ངོ་ཞེས་བྱ་བ་ནི་ཉི་མ་གཞན་ལ་ཡང་ཕ་གུ་རིམ་པ་གསུམ་ལས་ལྷག་པར་བརྩིག་པར་བྱས་ནས་#གཞན་ལ་ཡང་ཞེས་
[202a.3]བྱ་བར་སྦྱར་བར་བྱའོ། །གང་ཞིག་རྟེན་གྱིས་རིགས་པ་ལས་#མ་འདས་པའི་ཆུ་ཁུང་བཏོད་#པའི་གནས་ཡན་ཆད་ནས་འདིར་རིམ་པ་གསུམ་བགྲང་བར་བྱ་བ་ཉིད་ཅེས་བྱ་བ་དོན་གྱིས་རྣམ་པར་གཞག་པའོ། །བརྐོས་ཏེ་རྩ་བ་མ་བཙུགས་#པ་ཉིད་ཀྱང་ངོ་ཞེས་བྱ་བ་ནི་ཉི་མ་གཞན་ལ་ཡང་ཕ་གུའི་རིམ་པ་
[202a.4]གསུམ་ལས་ལྷག་པར་བརྩིག་#པར་བྱ་བ་ལ་#གཞན་གྱིས་ཀྱང་ཐོག་མ་ནས་བརྩམས་ཏེ། འདིར་བགྲང་བར་བྱ་བ་ཉིད་ནི་རིམ་པ་རེ་རེར་བྱེད་དུ་བཅུག་ན་ཡང་དངོས་གཞིར་རིག་པར་བྱའོ། །གང་ལ་མི་སྦྱིན་པ་ཉིད་ཡིན་ཞེ་ན། དེའི་ཕྱིར་བརྐོས་ཏེ་རྩ་བ་མ་བཙུགས་པ་ཉིད་ཀྱང་ངོ་ཞེས་བྱ་བ་སྟེ། བརྐོས་
[202a.5]ཏེ་རྨང་གི་རྩ་བ་འཛུགས་པར་བྱའོ་ཞེས་བྱ་བའི་དོན་ཏོ། །སྒོ་ཆ་གོང་མ་མ་བཅུག་པ་ལས་ཡང་རུང་ངོ་ཞེས་བྱ་བ་ནི། རིམ་པ་གསུམ་ལས་ལྷག་པར་ཞེས་བྱ་བ་དང་རྗེས་སུ་འབྲེལ་ཏོ། །ཇི་སྲིད་དུ་སྒོ་ཆ་གོང་མ་འགེབས་པར་འདོད་པས་ཕ་གུའི་རྟེན་བཙུགས་#པ་
[202a.6]དེ་འདིར་གཅིག་གམ་དུ་མ་སྨོས་པ་ཞེས་བྱ་བ་དོན་གྱིས་ཤེས་པར་བྱའོ། །ཕྱོགས་དེ་ནས་བརྩམས་ཏེ་བགྲང་བ་ཉིད་ཅེས་བྱ་བ་ཡང་ངོ་། །རྩིག་པ་གཞན་གསུམ་ལ་འདིར་རིམ་པ་མ་ཡིན་པ་སྦྱོར་བ་ལ་ཉེས་བྱས་ཀྱི་སྦྱོར་བ་ཐམས་ཅད་ལ་ཉེས་བྱས་ཐམས་ཅད་དུ་ཞེས་བྱ་བ་དེ་ཐོས་#པའོ། །དེ་ཡང་ཉི་མ་དང་པོ་
[202a.7]ནས་ཞེས་བྱ་བ་བསྟན་པའི་མཚན་མ་ལས་སྔ་མ་ཉིད་ཀྱིས་གསུམ་ལ་བརྟེན་ནས་དགག་པར་བྱའོ། །དང་པོའི་མདུན་རོལ་ལ་ནི་ཉེས་པ་མེད་དོ་ཞེས་བྱ་བ་ནི་འདིར་ཡང་ལྟུང་བའི་རྒྱུར་གྱུར་པ་ལས་དང་པོ་གསུམ་ལས་རིམ་པ་ལྷག་པར་རྩིག་#པ་ལ་དེ་ལ་ལྟུང་བ་མེད་ཅེས་བྱ་བའི་དོན་ཏོ། །གཙུག་ལག་ཁང་གི་
[202b]
[202b.1]ལྟུང་བྱེད་དོ།། །།ཕམ་པར་གྱུར་པ་མ་བྱུང་བ་མདོ་སྡེ་དང་འདུལ་བ་དང་མ་མོ་འཛིན་པ་ལོ་ཉི་ཤུ་ལས་མི་ཉུང་བ་གྲོང་ཁྱེར་པའི་སྐད་སྨྲ་བ་དགེ་སློང་མ་ལ་ལུས་ཉེ་བར་གཞོལ་བ་ཉིད་ཀྱི་ཕྱིར་བཅོས་པ་བྱས་པ་དགེ་སློང་མའི་སྟོན་པར་བསྐོའོ་#ཞེས་བྱ་བ་ནི་#གསོ་སྦྱོང་བཅོ་ལྔ་པ་ལ་མཚམས་ཀྱི་ནང་དུའོ། །ཕམ་པར་
[202b.2]འགྱུར་བ་མ་བྱུང་བ་ཞེས་བྱ་བ་ནི་ཕམ་པར་འགྱུར་བའི་ལྟུང་བ་མ་བྱུང་བའོ། །ལོ་ཉི་ཤུ་ལས་མི་ཉུང་བ་ཞེས་བྱ་བ་ནི་གང་ཞིག་ཚིག་འདིས་ནི་རྒྱལ་ཚབ་#ལྟ་བུ་ཞེས་བྱ་བ་མངའ་#བདག་ཉིད་དང་བདག་པོ་དང་ལྡན་པ་ཉིད་དེའི་དོན་ཏོ། །གནས་བརྟན་ཉིད་ཀྱི་བདག་པོ་ཉིད་གང་ཡིན་པ་དེ་ནི་འདིར་མངོན་པར་འདོད་
[202b.3]པ་ཞེས་བྱ་བ་གནས་བརྟན་གྱི་རྣམ་གྲངས་ཉིད་ཀྱིས་བརྗོད་པར་རྟོགས་པའོ། །གྲོང་ཁྱེར་བའི་སྐད་སྨྲ་བ་ཞེས་བྱ་བ་ནི་སྒྲ་མཁས་པ་སྟེ་རིགས་པ་དང་གྲོལ་བར་སྨྲ་བ་ཞེས་བྱ་བའི་དོན་ཏོ། །རང་བཞིན་ཉིད་ཀྱིས་#གཞན་གང་ཞིག་སྤང་བ་རྣམས་ལ་བདག་གིས་བརྩམས་པ་གང་ཞིག་སྤོང་བ་རྣམས་ལ་ཁྱོད་
[202b.4]ཀྱི་ལས་ཏེ། འདི་སྐད་ཅེས་གང་ཞིག་སྤང་བར་བྱ་བ་ཉིད་བདག་གིས་སྨྲས་པ་ཞེས་བྱ་བ་ལ་སོགས་པ་རྣམས་ཀྱིས་མི་ནུས་པ་ལ་མཐོ་བཙམས་#པ་ཞེས་བྱ་བ་དེ་ལ་བརྟེན་པའོ། །དགེ་སློང་མ་ལ་ལུས་ཉེ་བར་གཞོལ་བ་ཉིད་ཀྱི་ཕྱིར་བཅོས་པ་བྱས་པ་ཞེས་བྱ་བ་ལ#། འདིར་གཞི་ནི་འདིས་#དགེ་སློང་མ་ལུས་
[202b.5]ཉེ་བར་འདྲེས་པས་སྐྱོན་ཅན་དུ་འགྱུར་བ་ནི་མ་ཡིན་ནོ། །འདིས་དགེ་སློང་མའི་ལུས་ལ་ལུས་ཉེ་བར་གཞོལ་བར་ནི་མི་འགྱུར་བའམ། འདིས་དེ་སྐྱོན་ཅན་དུ་བྱས་པ་ལ་ལྟུང་བ་ཕྱིར་བཅོས་པ་བྱས་པ་ཞེས་གསུངས་པ་ཡིན་ནོ། །ཡོན་ཏན་དེ་ལྟ་བུ་དང་ལྡན་པ་དེ་ལ་བསྒྲུབ་པའོ། །གང་གི་ཚེ་ན་མཐུན་
[202b.6]པ་ཡིན་ཞེ་ན། དེའི་ཕྱིར་གསོ་སྦྱོང་བཅོ་ལྔ་པ་ལའོ་ཞེས་བྱ་བ་སྨོས་ཏེ། དེ་ནི་མཐུན་པའི་གསོ་སྦྱོང་ལ་སོགས་པ་བསལ་བའི་ཕྱིར་རོ། །འདིས་གསོ་སྦྱོང་བཅུ་བཞི་པ་ནི་མ་བསལ་བ་སྟེ། བཅོ་ལྔ་པ་ཉིད་གཞན་ཞེས་བྱ་བའི་ཚེས་བཅོ་ལྔའི་ཡིན་པའི་ཕྱིར་རོ། །ཕྱོགས་གང་དུ་བསྐོ་བར་བྱ་ཞེ་ན། དེའི་
[202b.7]ཕྱིར་མཚམས་ཀྱི་ནང་དུའོ་ཞེས་བྱ་བ་སྨོས་ཏེ། གལ་ཏེ་མདོ་སྡེ་ལ་སོགས་པ་འཛིན་པ་མེད་ན་ཇི་ལྟ་བུ་ལས་བསྐོ་བར་བྱ་ཞེ་ན། དེའི་ཕྱིར་མདོ་སྡེ་ལ་སོགས་པ་འཛིན་པ་མེད་ན་#སོ་སོར་ཐར་པ་ཐོན་པའོ་ཞེས་བྱ་བ་སྨོས་ཏེ། དགེ་སློང་མའི་སྟོན་པར་བསྐོ་བར་བྱའོ། །དེ་ཡང་མེད་#ན་ཕམ་པར་འགྱུར་བའམ་
[203a]
[203a.1]ལྕི་བའི་ཆོས་རྣམས་སྟོན་པར་ནུས་པའོ་ཞེས་བྱ་བ་ནི། སོ་སོར་ཐར་པ་ཐོན་པ་དེ་ཡང་མེད་ན་དགེ་སློང་མའི་ཕམ་པར་འགྱུར་བ་བརྒྱད་དམ་ལྕི་བའི་ཆོས་རྣམས་སྟོན་ནུས་པའི་ངང་ཚུལ་ཅན་དེ་བསྐོ་བར་བྱའོ། །ཕྱི་མ་ནི་སྲིང་མོ་དག་ཅི་ཁྱེད་ཅག་དགེ་སློང་མའི་དགེ་འདུན་ཚོགས་སམ་ཡོངས་
[203a.2]སུ་དག་གམ། མཐུན་ནམ་ཁ་ན་མ་ཐོ་བ་མེད་དམ། ཁྱེད་ཅག་ལ་དགེ་འདུན་གྱིས་མ་བསྐོས་པའི་གང་ཟག་འགའ་ཞིག་སྟོན་པར་མི་བྱེད་དམ། ཁྱེད་ཅག་ལ་སྟོན་པའི་གང་ཟག་འགའ་ཞིག་དགེ་འདུན་ལས་འོང་ངོ་། །ཁྱེད་ཅག་ལ་དགེ་སློང་འགའ་ཡང་སྟོན་པར་མི་སྤྲོའོ། །ཁྱེད་ཅག་གིས་#
[203a.3]གདམས་ངག་དང་#རྗེས་སུ་སྟོན་པ་ནི་དགེ་འདུན་ལས་སོ། །སྲིང་མོ་དག་གིས་བག་ཡོད་པར་སྒྲུབས་#ཤིག་ཅེས་བྱ་བ་དེ་སྟོན་ནུས་པའོ་ཞེས་བྱ་བ་ནི་འདི་ལ་ཡང་དག་པར་བསལ་བར་#བྱེད་པ་དགེ་སློང་མའི་སྟོན་པ་ཕྱི་མ་ནི་དེ་ལྟ་བུ་ལས་བསྐོ་བར་བྱའོ་ཞེས་སྦྱར་བར་བྱའོ། །ཆོས་བླ་མའི་མཐུ་དང་ལྡན་པ་ནི་མ་གཏོགས་
[203a.4]སོ་ཞེས་བྱ་བ་ནི་མ་བསྐོས་ཀྱང་འདི་དང་རྗེས་སུ་མཐུན་པའི་གདམས་ངག་སྟོན་པ་ལ་ཉེས་པ་མེད་ཅེས་བྱ་བའོ། །བསྐོས་པ་དེ་དག་ལས་གཅིག་དང་ཡང་མི་ལྡན་པ་དང་མ་བསྐོས་པ་དགེ་སློང་མ་ལ་སྟོན་ནའོ་ཞེས་བྱ་བ་ལ། གཅིག་དང་ཡང་མི་ལྡན་པ་ཞེས་བྱ་བའི་ཆོ་ག་འདའ་བར་བྱེད་པ་ལས་མ་གྲགས་
[203a.5]པ་མེད་དོ་ཞེས་བྱ་བ་བསྐོས་པ་ཉིད་ཁོ་ན་ལ་འདིའི་ལས་བྱས་པ་ཉིད་དུ་སེམས་པར་#དེའི་ཕྱིར་ཚིག་འདི་སྨོས་སོ། །དེ་བས་ན་ཇི་ལྟར་ཉེ་བར་བརྗོད་པའི་ཡན་ལག་གཅིག་མེད་ཀྱང་བསྐོས་པ་དང་མ་བསྐོས་པ་ཡོད་ཀྱང་ཡན་ལག་འདི་རྣམས་ལ་ཡང་མ་བསྐོས་པར་གདམས་ངག་སྟོན་པའི་ལྟུང་བྱེད་དོ།། །།སྔར་
[203a.6]བསྐོས་པ་ནི་མ་བསྐོས་པ་ཉིད་མ་ཡིན་ནོ་ཞེས་བྱ་བ་ནི་གང་ལ་གསོ་སྦྱོང་གི་ཚིག་མེད་པ་དེ་ཉིད་ལ་འདིར་བསྐོས་པ་དེའང་མ་བསྐོས་པར་ཤེས་པར་མི་བྱའོ། །འདི་ལྟར་བསྐོས་པ་ཉིད་ཡིན་པས་ལན་ཅིག་བསྐོས་པས་ཇི་སྲིད་འཚོའི་བར་དུ་ཉེས་པ་མེད་ཅེས་བྱ་བ་དེ་ལ་འདི་བསྟན་པར་བྱའོ། །འདིར་གཞུང་ནི་
[203a.7]བཙུན་པ་རེ་ཞིག་ལན་ཅིག་དགེ་སློང་མའི་སྟོན་པར་བསྐོས་པ་གང་ལགས་པ་དེ་#ཅི་དུས་གཞན་གྱི་ཚེ་ཡང་བསྐོ་བར་བགྱིའམ་འོན་ཏེ་མ་བསྐོས་པར་ཡང་བསྟན་པར་བགྱི། ཉེ་བ་འཁོར་དེར་བསྐོས་པ་དེ་ཉིད་ཀྱིས་བསྐོས་པ་ཡིན་ནོ་ཞེས་གསུངས་སོ། །འདིར་གཞུང་ནི་ཞུ་བ་ཁ་ཅིག་ལས་ཀྱང་ལན་ཅིག་
[203b]
[203b.1]བསྐོས་པ་ཇི་སྲིད་འཚོའི་བར་དུ་བསྟན་པར་བྱའི་ཡང་བསྐོ་བར་མི་བྱའོ་ཞེས་གསུངས་པ་ཡིན་ནོ། །ཆོས་བཤད་པར་གསོལ་བ་ལ་ཡང་རྣམ་པ་འདི་ཉིད་ཡིན་པར་གསུངས་པ་ཡིན་ནོ། །འདིར་གཞུང་ནི་དགེ་སློང་མས་མ་གསོལ་བར་ཆོས་སྨྲ་བ་ལ་ལྟུང་བར་ཡང་མི་འགྱུར་བ་འགའ་མཆིས་སམ་ཡོད་དེ་སྔར་གསོལ་
[203b.2]ཟིན་པའོ་ཞེས་བྱ་བ་ནི། དུས་སུ་མར་ལམ་ལ་བསྐུལ་བར་བྱས་པ་དེའི་ཕྱིར་འདི་གསུངས་པར་རྣམ་པར་གནས་པ་ཡིན་ཞེས་བྱ་བར་རིག་པར་བྱའོ། །དགེ་འདུན་དུ་མ་ལངས་#ཤིང་འོས་པ་ལ་གསོལ་ན་ཉེས་པ་མེད་དོ་ཞེས་བྱ་བ་ནི། གནས་གང་ན་ཐམས་ཅད་དུ་དགེ་འདུན་དུ་མ་ལངས་#པ་དེ་ནི་འོས་པ་ཕམ་པར་
[203b.3]མ་བྱུང་བ་ལ་སོགས་པ་ཕྱི་མའི་མཐར་མ་བསྐོས་པར་དེ་ལ་དགེ་སློང་མ་རྣམས་ཀྱིས་#གསོལ་བ་ཉིད་ན་#དགེ་སློང་མ་རྣམས་ལ་སྟོན་པ་ན་ཉེས་པ་མེད་དོ་ཞེས་བྱ་བའི་དོན་ཏོ། །དེ་དག་ལ་ཡང་ངོ་ཞེས་བྱ་བ་ནི་དགེ་སློང་གང་ལ་དགེ་སློང་མ་རྣམས་ཀྱིས་གསོལ་བ་འདེབས་པར་བྱེད་པ་དེ་དག་སྟོན་པ་ལ་ཡང་ལྟུང་བ་མེད་དོ། །གསོལ་
[203b.4]བ་འདེབས་པ་དེ་དག་འོས་སུ་རུང་བ་མ་ཡིན་ན་མི་བྱའོ་ཞེས་བྱ་བ་འདིའི་རྗེས་སུ་འབྲངས་ནས་བྱ་བར་ཤེས་པར་བྱ་ཞེས་བྱ་བའི་དོན་ཏོ། །འདིར་གཞུང་ནི་ཞུ་བ་ལས་གང་ན་དགེ་སློང་གཅིག་གམ་གང་ན་གཉིས་སམ་གང་ན་གསུམ་གནས་པ་ལ་གལ་ཏེ་སྟོན་པའི་འོས་ཡིན་ན་ཉེ་བར་སོང་ལ་གསོལ་བར་བྱའོ་ཞེས་
[203b.5]གསུངས་པ་ཡིན་ཏེ། སྟོན་པའི་འོས་སུ་རུང་བ་ཡིན་ན་ཞེས་བྱ་བའི་དོན་ཏོ། །མ་བསྐོས་པར་སྟོན་པའི་ལྟུང་བྱེད་དོ།། །།ཤེས་གཙོ་བོ་ཞེས་བྱ་བ་ནི་འདུ་ཤེས་གཙོ་ཆེར་བྱེད་པ་པོ་ཉིད་དོ། །དེའི་ཕྱིར་ཉི་མ་ནུབ་པ་ཉིད་ལའོ་ཞེས་བྱ་བ་སྨོས་སོ། །ཅི་ཞིག་རྗེས་སུ་བསྒྲུབ་ན་འདིའི་བྱེད་པ་པོ་ཉིད་ཡིན་
[203b.6]ཞེ་ན། དེའི་ཕྱིར་མཚན་ཐོག་ཐག་ཏུ་ཆོས་སྟོན་པ་མ་གཏོགས་པར་དགེ་སློང་མ་ལ་སྟོན་ནའོ་ཞེས་བྱ་བ་སྨོས་ཏེ། མཚན་ཐོག་ཐག་ཏུ་ཉན་པ་ལས་གཞན་དུ་དགེ་སློང་མ་ལ་སྟོན་ན་ཞེས་བྱ་བའི་དོན་ཏོ། །ཅི་གནས་ཐམས་ཅད་དུའམ་ཞེ་ན། དེའི་ཚེ་#གལ་ཏེ་སྒོ་ཕྱེ་ཞིང་དེ་ལྟ་བུའི་གཙུག་ལག་ཁང་གི་
[203b.7]མདུན་ན་དབྱར་ཁང་འདུག་པ་ནི་མ་ཡིན་པར་རོ་ཞེས་བྱ་བ་སྨོས་ཏེ། དེའི་ཚེ་ཞེས་བྱ་བ་ནི་སྟོན་པའི་དུས་ཀྱི་ཚེའོ། །དེ་ལྟ་བུའི་ཞེས་བྱ་བ་ནི་སྟོན་པའི་དུས་ལའོ། །སྒོ་ཕྱེ་ཞིང་ཞེས་བྱ་བ་ནི་རང་གི་གནས་ཐོབ་པ་ལས་འདིར་ཕོངས་པ་མེད་པ་ཞེས་བྱ་བ་ནི་ཉེས་པ་མེད་པའོ། །དེ་བས་ན་འདི་མཚོན་པ་
[204a]
[204a.1]ཙམ་ཡིན་ཏེ། གཞན་དུ་ན་ཡང་གང་དུ་དགེ་སློང་མ་རྣམས་ལ་ཕོངས་#པ་མེད་པ་དེ་ལ་ཡང་ལྟུང་བ་མེད་དོ། །དེ་ལྟར་ཡང་འདིར་གཞུང་ནི་ཞུ་བ་ཁ་ཅིག་ལས་དགེ་སློང་འགའ་ཞིག་ཡོད་དེ་གདུགས་བས་པའི་དུས་ཀྱི་ཚེའི་བར་དུ་དགེ་སློང་མ་ལ་སྟོན་པར་བགྱིད་ན་ལྟུང་བར་ཡང་མི་འགྱུར་
[204a.2]བ་འགའ་མཆིས་སམ། བཀའ་སྩལ་པ་ཡོད་དེ་དབྱར་#ཁང་དུ་སྟོན་ན་ཇི་སྲིད་དུ་དགེ་སློང་མ་རྣམས་ཀྱི་གྲོང་འདབ་ཀྱི་གཙུག་ལག་ཁང་ངམ་ཁང་ཁྱིམ་དག་ཏུ་སྟོན་ན་ལྟུང་བ་མེད་དོ། །གྲོང་གི་ཕྱི་རོལ་དུ་སྟོན་པ་ནི་མ་གཏོགས་སོ་ཞེས་གསུངས་པ་ཡིན་ནོ། །ཉི་མ་ནུབ་ནུབ་ཀྱི་བར་དུ་སྟོན་པའི་ལྟུང་བྱེད་
[204a.3]དོ།། །།དགེ་སློང་མས་ཆོས་འདྲི་#བ་ལ་མི་འཇིགས་པར་བྱ་བའི་ཕྱིར་དགེ་སློང་ལ་ཟས་དབུལ་#བར་བྱའོ་ཞེས་བྱ་བ་ནི་དགེ་སློང་མས་ཆོས་དྲི་བ་ལ་མི་འཇིགས་པར་བྱ་བའི་ཕྱིར་དགེ་སློང་ལ་ཟང་ཟིང་དབུལ་བར་བྱའོ། །རྒྱ་ཅང་དང་#ཤུར་བུ་དང་ལྕག་པོད་#དང་ཤུར་བུ་ཕྲེའུ་ཡང་ངོ་ཞེས་བྱ་བ་ནི་དབུལ་བར་བྱའོ་ཞེས་
[204a.4]བྱ་བར་སྦྱར་རོ། །དགེ་སློང་གིས་དེ་དག་བླང་བར་བྱའོ་ཞེས་བྱ་བ་ལ་དེ་དག་ཅེས་བྱ་བ་ལ་སོགས་པ་གོས་འཛིན་པ་དགག་པ་དང་འབྲེལ་པའི་དོན་ལ་དམིགས་ཀྱིས་བསལ་བ་ལྡེ་མིག་#ཀྱོག་པོ་ལ་སོགས་པ་བཟུང་ངོ་། །ཅི་ཞིག་རྗེས་སུ་བསྒྲུབ་ན་ཟས་ཅུང་ཟད་ཙམ་གྱི་ཕྱིར་སྟོན་པའི་ལྟུང་བྱེད་དུ་འགྱུར་ཞེ་ན།
[204a.5]དེའི་ཕྱིར་དགེ་སློང་དེ་ལྟར་གྱུར་པ་མ་ཡིན་པ་ལ་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ནའོ་ཞེས་བྱ་བ་སྨོས་ཏེ། དེ་ལྟ་བུར་གྱུར་པ་མ་ཡིན་པ་ལ་ཞེས་བྱ་བ་ནི་ཟས་ཅུང་ཟད་ཙམ་གྱི་ཕྱིར་སྟོན་པར་བྱེད་པ་པོ་མ་ཡིན་པ་ལའོ། །འདིར་བདེན་པ་ཉིད་དུ་རྣམ་པར་གཞག་པར་རིགས་
[204a.6]པ་ཡིན་ཏེ། འདུ་ཤེས་ཙམ་ལས་ནི་མ་ཡིན་ནོ། །བརྫུན་དུ་སྨྲ་བ་བཀག་པ་ཉིད་ཀྱི་ཕྱིར་དགག་པར་བྱ་བ་མ་ཡིན་པ་ཉིད་ཐལ་བའི་ཕྱིར་རོ། །འདིར་གཞུང་ནི་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་པ་བདེན་ན་ལྟུང་བ་མེད་དོ་ཞེས་གསུངས་པ་ཡིན་ནོ། །ཟས་ཅུང་ཟད་ཙམ་གྱི་ཕྱིར་སྟོན་པའི་
[204a.7]ལྟུང་བྱེད་དོ།། །།ཤེས་གཙོ་བོ་ཞེས་བྱ་བ་ནི་འདུ་ཤེས་གཙོ་ཆེར་བྱེད་པ་པོ་ཉིད་དོ། །གང་ལ་འདུ་ཤེས་གཙོ་ཆེར་བྱེད་པ་པོ་ཉིད་ཡིན་ཞེ་ན། དེའི་ཕྱིར་དགེ་སློང་མ་ཉེ་དུ་མ་ཡིན་པ་ཉིད་ལའོ་ཞེས་བྱ་བ་སྨོས་སོ། །ཅི་ཞིག་རྗེས་སུ་བསྒྲུབ་པ་ལ་འདུ་ཤེས་གཙོ་ཆེར་བྱེད་པ་པོ་ཉིད་ཡིན་ཞེ་ན། དེའི་ཕྱིར་
[204b]
[204b.1]གོས་བྱེད་ནའོ་ཞེས་བྱ་བ་སྨོས་ཏེ། འདིར་མཐར་ཐུག་ན་དངོས་གཞི་སྟེ། མདུན་རོལ་དུ་ནི་སྦྱོར་བ་ཞེས་བྱ་བར་རིག་པར་བྱའོ། །གོས་འཚེམ་པའི་ལྟུང་བྱེད་དོ།། །།ཤེས་གཙོ་བོ་ཞེས་བྱ་བ་དང་། དགེ་སློང་མ་ཉེ་དུ་མ་ཡིན་པ་ཉིད་ལའོ་ཞེས་བྱ་བ་འདིར་ཁས་བླངས་ནས་རྗེས་སུ་བསྒྲུབ་པ་འདིའི་#བྱེད་པ་
[204b.2]པོ་ཉིད་ཅེས་བྱ་བ་འདི་ལ་བརྗོད་པར་བྱ་སྟེ། དེའི་ཕྱིར་གོས་བྱིན་ནའོ་ཞེས་བྱ་བ་ནི་གོས་བྱིན་ནའོ་ཞེས་བྱ་བར་སྦྱར་རོ། །ཇི་ལྟ་བུ་ཞིག་བྱིན་ཞེ་ན། དེའི་ཕྱིར་གོས་འབུལ་བ་མ་ཡིན་པའོ་ཞེས་བྱ་བ་སྨོས་ཏེ། དགེ་འདུན་ལ་གོས་འབུལ་བ་མ་གཏོགས་པར་སྦྱིན་#པར་བྱེད་ན་ཞེས་བྱ་བའི་དོན་ཏོ། །ཅི་
[204b.3]འདི་ལྟ་བུར་གྱུར་པ་ཐམས་ཅད་ལ་སྦྱིན་ན་ལྟུང་བྱེད་དུ་འགྱུར་རམ་ཞེ་ན། དེའི་ཕྱིར་གལ་ཏེ་བོར་རླག་བྱུང་བ་དང་། ལེགས་པར་སྨྲས་པ་དང་བསྙེན་པར་རྫོགས་པར་བྱེད་པ་དང་། བརྗེ་བའི་ཕྱིར་མ་ཡིན་པ་ལའོ་ཞེས་བྱ་བ་སྨོས་ཏེ། དོན་འདི་རྣམས་ལ་སྦྱིན་པ་གང་ཡིན་པ་དེ་ལ་ནི་ཉེས་པ་མེད་ཅེས་
[204b.4]བྱ་བའི་དོན་ཏོ། །གོས་སྦྱིན་པའི་ལྟུང་བྱེད་དོ།། །།ལམ་བརྒྱགས་#བསྐུར་བར་བྱའོ། །རྩེ་རྒོད་དང་རྩེ་རྒོད་མོ་དང་དགེ་ཚུལ་དང་། དགེ་ཚུལ་མ་དག་གིས་སོ། །དགེ་སློང་དང་དགེ་སློང་མ་རྣམས་གཅིག་གི་ལམ་བརྒྱགས་#གཅིག་གིས་བསྐུར་དུ་རུང་ངོ་། །གཅིག་གིས་གཅིག་གི་བྱིན་ལེན་
[204b.5]ཡང་ངོ་ཞེས་བྱ་བ་ནི་དགེ་སློང་དང་དགེ་སློང་མ་རྣམས་ལ་གཅིག་གི་#བྱིན་ལེན་ཡང་གཅིག་གིས་བྱར་རུང་སྟེ། རིགས་པ་ལས་མི་འདའ་བར་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་མ་རྣམས་ལ་ཞེས་བྱ་བ་གསུངས་པ་ཡིན་ནོ། །ཚངས་པ་མཚུངས་པར་སྤྱོད་པ་ན་བ་ལམ་དུ་དོར་བར་མི་བྱའོ། །
[204b.6]དེ་བསྐུར་བར་བྱའོ་ཞེས་བྱ་བ་ནི་ནད་པ་དེའོ། །དགེ་སློང་མ་ལ་ཡང་དེ་བཞིན་ནོ་ཞེས་བྱ་བ་ནི་དགེ་སློང་མ་རྣམས་ཀྱིས་ཀྱང་ལམ་དུ་དོར་བར་མི་བྱ་བ་དང་། དེ་བསྐུར་བར་བྱ་ཞེས་བྱ་བའི་དོན་ཏོ། །འདི་ནི་མི་ནུས་པ་ཉིད་ཀྱི་ཕྱིར་དགེ་སློང་མ་རྣམས་ཀྱི་མིང་འདི་མི་བྱ་ཞེས་བྱ་བ་དོགས་པ་བསལ་བའི་དོན་དུའོ། །དེ་ལ་
[204b.7]ཕན་ཚུན་དུ་གྲོགས་བྱའོ་ཞེས་བྱ་བ་ནི་དགེ་སློང་དང་དགེ་སློང་མ་རྣམས་ཀྱིས་སོ། །དེ་ལ་ཞེས་བྱ་བ་ནི་ནད་པ་བསྐུར་བ་ལའོ། །ཇི་ལྟར་བྱ་#ཞེ་ན། དེའི་ཕྱིར་མགོ་ལོགས་ནས་གཟུང་#བས་སོ་ཞེས་བྱ་བ་སྨོས་ཏེ། མགོ་བོའི་མཐའ་མ་ཕྱོགས་གཞན་ནས་གཟུང་#བར་བྱ་ཞེས་བྱ་བའི་དོན་ཏོ། །གྲོང་དུ་ཕྱིན་པ་ཉིད་
[205a]
[205a.1]སོང་ན་ཡང་ཉེས་པ་མེད་དོ་ཞེས་བྱ་བ་སྟེ། ཅི་དུས་ཐམས་ཅད་དུ་འགྲོ་བ་ལ་ཉེས་པ་མེད་དམ་ཞེ་ན། དེའི་ཕྱིར་ནད་པའི་སྨན་དང་ཟན་ལེགས་པར་སྦྱར་ཏེ་རང་བཞིན་མཐུན་པའི་ནད་གཡོག་གཅིག་དང་བཞག་ནས་སོ་ཞེས་བྱ་བ་སྨོས་ཏེ། མཐུན་པའི་ཞེས་བྱ་བ་ནི་མཚན་འདྲ་བ་ཉིད་ཀྱིས་ཏེ་སྐྱེས་
[205a.2]པ་ལ་སྐྱེས་པ་དང་བུད་མེད་ལ་བུད་མེད་གཞག་པར་བྱ་ཞེས་#བྱ་བའི་དོན་ཏོ། །གང་ལ་ལྷན་ཅིག་འགྲོ་བའི་ལྟུང་བྱེད་དུ་འགྱུར་ཞེ་ན། དེའི་ཕྱིར་འཇིགས་པ་དང་བཅས་པའི་ལམ་ཉིད་དུ་འགྲོན་ཐབས་ཅིག་ཏུ་ཞུགས་ཤིང་ཐ་མི་དད་པར་འགྲོ་བ་ཉིད་མ་གཏོགས་པར་དགེ་སློང་མ་གཅིག་དང་ཡང་ལམ་
[205a.3]ནས་འདའ་ཞིང་འགྲོ་ནའོ་ཞེས་བྱ་བ་སྨོས་ཏེ། འཇིགས་པ་དང་བཅས་པའི་ལམ་ཉིད་དུ་གང་ཞིག་#འགྲོན་ཐབས་ཅིག་#ཏུ་བདག་པོ་དང་བཅས་པའི་གཅིག་པའི་དངོས་པོ་མེད་པར་འགྲོ་བ་དེ་ལས་གཞན་པ་ལའོ། །དགེ་སློང་མ་གཅིག་ལ་ཡང་འགྲོ་བ་གཅིག་ཉིད་ཡོད་པ་ལ་ལམ་ལས་འདའ་
[205a.4]བར་#བྱེད་པ་ལ་ཞེས་བྱ་བའི་དོན་ཏོ། །འདིར་དགེ་སློང་གི་འགྲོན་ཐབས་ཀྱི་ཚིག་ནི་རིགས་ཙམ་མཚོན་པར་གནས་པ་ཡིན་ནོ། །དེའི་ཕྱིར་དགེ་སློང་མ་གཅིག་ལ་ཡང་ཞེས་བྱ་བ་སྨོས་སོ། །ལམ་དུ་#འཇིགས་པ་དང་བཅས་པ་ཉིད་ལ་ཡང་བཅད་ནས་འགྲོ་བ་རིགས་པ་དང་ལྡན་པ་ཉིད་དོ། །དེ་བས་
[205a.5]ན་འགྲོན་ཐབས་ཅིག་#ཏུ་འདོང་ཞིང་འགྲོགས་པ་ཙམ་ལ་ཉེས་པ་མེད་པ་#ཉིད་དུ་བསྟན་ནོ། །འཇིགས་པ་དང་བཅས་པ་ཉིད་ཡིན་ན་གྲོགས་#མེད་པར་ཅིག་ཅར་ཉིད་དུ་འགྲོ་བ་ཞེས་བྱ་བ་འདི་རྣམ་པར་གནས་པ་ཡིན་ནོ། །འདིར་ཇི་སྲིད་དུ་འདས་ན་ཞེ་ན་དེའི་ཕྱིར་རྒྱང་གྲགས་རེ་རེའོ། །དེའི་ཕྱེད་རེ་རེར་ཉེས་བྱས་སོ་ཞེས་བྱ་
[205a.6]བ་ནི་རྒྱང་གྲགས་རེ་རེར་དངོས་གཞི་སྟེ། རྒྱང་གྲགས་ཕྱེད་ཕྱེད་དུ་ནི་ཉེས་བྱས་སོ། །བསལ་བ་ཉིད་ཀྱི་དོན་དུ་འདི་ལམ་དུ་འགྲོ་བ་ལ་རྒྱང་གྲགས་ཀྱི་བདག་ཉིད་དེ་སྦྱོར་བའི་ཕྱེད་ཅེས་བྱ་བར་གྲུབ་བོ། །དགེ་སློང་མ་དང་ལམ་དུ་ལྷན་ཅིག་འགྲོ་བའི་ལྟུང་བྱེད་དོ།། །།ཅི་ཞིག་གྲུར་#འཇུག་པའི་ལྟུང་བྱེད་དུ་འགྱུར་
[205a.7]ཞེ་ན། དེའི་ཕྱིར་འགྲམ་གཉིས་འཇིགས་པ་དང་བཅས་པ་ཉིད་མ་གཏོགས་པར་འཐམས་ནས་ཅིག་ཅར་གྲུ་གཅིག་གི་ལམ་ལས་འདས་ཤིང་འགྲོ་ནའོ་ཞེས་བྱ་བ་སྨོས་ཏེ། ཐད་ཀར་ཕ་རོལ་དུ་འགྲོ་བ་མ་གཏོགས་སོ། །ལམ་ལས་འདས་ཤིང་རྒྱང་གྲགས་རེ་རེ་དང་རྒྱང་གྲགས་ཕྱེད་དུ་ཉེས་བྱས་སུ་ཞེས་བྱ་བར་#སྦྱར་རོ། །
[205b]
[205b.1]དགེ་སློང་མ་གཅིག་གིས་ཀྱང་ཞེས་བྱ་བ་ལ་སོགས་པ་འདི་ལ་དོན་གྱིས་གསུམ་#པར་འགྱུར་བ་དང་ལྷན་ཅིག་ཏུ་འདི་དོན་གྱིས་ཐོབ་པའོ། །འགྲམ་གཉིས་#འཇིགས་པ་དང་བཅས་པ་ཉིད་ལས་གང་ཞིག་འདའ་ཞིང་འགྲོ་ནའོ། །འཐམས་ནས་དེ་མ་གཏོགས་པར་དགེ་སློང་མ་དང་ལྷན་ཅིག་ཏུ་དེའི་ཕྱིར་ཞུགས་པ་ན་
[205b.2]ཡོ་བ་དང་གཏིབ་(གཏིང་)ཆད་པ་དང་རྦ་ཀློང་དང་ལས་བཟུར་བ་དང་རུ་སྐྱ་དང་གདོས་པ་ཆག་པ་དང་རུ་སྐྱ་འཛིན་པའི་དབང་གིས་འཇུག་པ་གཞན་དུ་#སོང་བ་ལ་ནི་ཉེས་པ་མེད་དོ་ཞེས་བྱ་བ་སྨོས་ཏེ། ཡོ་བ་ལ་སོགས་པ་ལས་བཟུང་བའི་དབང་གིས་རུ་སྐྱ་དང་གདོས་པའི་དབང་ངམ། རུ་སྐྱ་འཛིན་པའི་དབང་གིས་ཐད་ཀར་ཕ་
[205b.3]རོལ་དུ་འགྲོ་བའི་དོན་དུ་ཞུགས་པ་ཡོད་པ་ལས་འཇུག་པ་གཞན་དུ་སོང་བ་ལ་ཉེས་པ་མེད་དོ། །དགེ་སློང་མ་དང་ལྷན་ཅིག་གྲུར་འཇུག་པའི་ལྟུང་བྱེད་དོ།། །།གཅིག་པུ་འདུག་པའི་ལྟུང་བྱེད་ལ་ཡན་ལག་གང་དག་བྱེད་པ་པོ་དག་ཡིན་ཞེ་ན། དེའི་ཕྱིར་བུད་མེད་གཅིག་པུ་ཉིད་དང་སྐྱེ་བོའི་རྒྱུན་ལུགས་མེད་པ་
[205b.4]ཉིད་ཀྱིས་ཕྱོགས་དབེན་པ་ཉིད་དང་སྐྱབས་དང་བཅས་པ་ཉིད་དང་བར་འདམ་#གང་ཉིད་ནི་བྱེད་པ་པོ་དག་ཡིན་ནོ་ཞེས་བྱ་བ་སྨོས་ཏེ། བུད་མེད་གཅིག་པུ་#ཉིད་ནི་བུད་མེད་གཅིག་པུ་ཉིད་དོ། །འདིར་དབེན་པ་ན་འདུག་སྟེ་བྱེད་པ་པོ་ནི་བུད་མེད་ཉིད་དོ་ཞེས་བྱ་བ་ཁྱད་པར་ཉིད་ཀྱིས་དེ་འདིར་བརྟེན་པ་སྟེ་བུད་
[205b.5]མེད་ཉིད་ནི་མ་ཡིན་ཞེས་བྱ་བའོ། །ཐ་དད་པ་ཉིད་ཀྱིས་ཇི་ལྟར་དབེན་པ་ཉིད་ཡིན་ཞེ་ན། དེའི་ཕྱིར་སྐྱེ་བོའི་རྒྱུན་ལུགས་མེད་པ་ཉིད་ཀྱིས་ཞེས་བྱ་བ་སྨོས་ཏེ། སྐྱེ་བོ་མང་པོའི་རྒྱུན་ལུགས་བྱེད་པ་#ཉིད་འདི་ལ་ཡོད་པ་ན་ཞེས་བྱ་བའི་བསྡུ་བའོ། །སྐྱབས་དང་བཅས་པ་ཉིད་ཅེས་བྱ་བ་ནི། རྩིག་པས་
[205b.6]བསྒྲིབས་པའམ་སབ་མོས་བསྒྲིབས་པ་འམ་ཡོལ་བས་བསྒྲིབས་པ་ཞེས་བྱ་བ་འདིར་གསུངས་སོ། །དེ་ཡང་མཚོན་པ་ཙམ་གྱིས་དེ་མཐོང་བའི་ཡུལ་བཅད་པས་རྣམ་པར་གནས་པ་ཡིན་ནོ། །དེ་ལྟར་ཡང་དགེ་སློང་མའི་རྣམ་པར་འབྱེད་པ་ལས་མུན་ནག་མཐུག་པོ་དག་ཀྱང་བསྡུའོ་ཞེས་བྱ་བ་
[205b.7]སྐྱབས་ཙམ་ལ་ཡང་དག་པར་བརྟེན་པ་དང་བར་འདོམ་གང་ཉིད་ཅེས་བྱ་བའོ། །བུད་མེད་དང་ལྷན་ཅིག་ཏུ་གནས་པ་འདིའི་གང་དུ་འདི་རྣམས་བྱེད་པ་པོ་ཉིད་ཡིན་ཞེ་ན། དེའི་ཕྱིར་འདུག་པ་ལའོ་ཞེས་བྱ་བ་སྨོས་སོ། །དེའི་ངོ་བོ་ཇི་ལྟ་བུ་ཞེ་ན་དེའི་ཕྱིར་དེ་ནི་རྐུབ་ཆོས་(ཚོས་)ཙམ་བཞག་པའོ་ཞེས་བྱ་བ་སྨོས་ཏེ།
[206a]
[206a.1]དེའི་ཞེས་བྱ་བ་ནི་འདུག་པའོ། །གཅིག་པུ་འདུག་པའི་ལྟུང་བྱེད་དོ།། །།དེ་མ་ཐག་པར་བསྟན་པ་འདི་ཐམས་ཅད་ཁས་བླངས་ནས་བྱེ་བྲག་འགའ་ཞིག་བརྗོད་པར་བྱ་སྟེ། དེའི་ཕྱིར་དགེ་སློང་མ་དང་ངོ་ཞེས་བྱ་བ་སྨོས་ཏེ། བུད་མེད་ཀྱི་གནས་སུ་འདིའོ། །འདི་
[206a.2]བྱེ་བྲག་བསྟན་པ་ཡིན་ཏེ། འདིར་དགེ་སློང་མ་གཅིག་པུ་ཉིད་བྱེད་པ་པོ་ཡིན་གྱི། བུད་མེད་ཙམ་པོ་གཅིག་པུ་ཉིད་ནི་མ་ཡིན་ཞེས་གསུངས་པ་ཡིན་ནོ། །སླར་འདིར་ཅིའི་ཕྱིར་བུད་མེད་ཙམ་བརྟེན་པ་ཡིན་ཏེ། བསོད་ནམས་ཀྱི་དོན་དུ་འགྲེང་བ་ལ་སོགས་པ་ལ་འདི་དག་ལ་སྦྱར་བའི་ཕྱིར་ཁྱིམ་
[206a.3]པ་མོ་དང་ལྷན་ཅིག་ཏུ་གནས་པ་འདི་ལ་བཟུར་བ་ཞེས་བྱ་བ་མཐོང་བ་ཡིན་ནོ། །གང་ལ་དེ་དག་བྱེད་པ་པོ་དག་ཅེས་བྱ་བ་འདིར་འདུག་པའི་གནས་ལས་ཐོབ་པ་འཇུག་པ་བརྗོད་པར་བྱ་སྟེ། འགྲེང་བ་ལའོ་ཞེས་བྱ་བ་སྨོས་སོ། །གཅིག་པུ་འགྲེང་བའི་ལྟུང་བྱེད་དོ།། །།ཤེས་གཙོ་བོའོ་ཞེས་བྱ་བ་ནི་
[206a.4]འདུ་ཤེས་གཙོ་ཆེར་བྱེད་པ་པོ་ཉིད་དོ། །གཙོ་ཆེར་ཤེས་ཤིང་ཞེས་བྱ་བ་འདི་ནི་དེའི་རྣམ་པར་འབྱེད་པ་ལས་ཀྱང་གལ་ཏེ་དགེ་སློང་གིས་#དེ་ཤེས་ལ་ཟོས་ཏེ། གལ་ཏེ་དགེ་སློང་མ་སྦྱོར་དུ་བཅུག་པ་ལ་དགེ་སློང་མས་སྦྱོར་དུ་བཅུག་པར་ཤེས་ན་ཞེས་བྱ་བ་འདི་ལྟར་གཞུང་ཡོད་པ་ཡིན་ཏེ། གཞན་དུ་
[206a.5]ཤེས་པའི་བསླབ་པའི་གཞི་ལ་རྗེས་སུ་འབྲངས་ནས་འདིར་རྣམ་པར་ཤེས་པ་ཡིན་ནོ། །གང་དུ་འདུ་ཤེས་པ་ཡིན་ཞེ་ན། དེའི་ཕྱིར་དགེ་སློང་མས་སྦྱོར་དུ་བཅུག་པ་ཉིད་ལའོ་ཞེས་བྱ་བ་སྨོས་ཏེ། འདིར་སྦྱོར་དུ་བཅུག་པ་ནི་བསྐོས་པ་སྟེ། བསྐོས་པ་ནི་རྣམ་པར་རིག་བྱེད་དོ། །དེ་ཡང་ཚིག་གིས་ཏེ་སྤྲིང་
[206a.6]ཡིག་ལ་སོགས་པ་རྣམས་ཀྱིས་#མ་ཡིན་པས་སོ། །སྦྱོར་དུ་བཅུག་པ་ཟ་བ་ལ་ཞུ་བ་ལས་ཉེས་བྱས་སུ་གསུངས་པའི་ཕྱིར་སྤྲིང་ཡིག་ལ་སོགས་པ་རྣམས་དང་ལག་རྩིས་དང་མངགས་པ་དག་བརྒྱུད་པ་དང་གཞན་ལ་ཟུར་གྱིས་#བསོད་སྙོམས་སྦྱོར་དུ་བཅུག་པ་ཟོས་ན་ཉེས་བྱས་སོ་ཞེས་གསུངས་པ་ཡིན་ནོ། །ཇི་
[206a.7]ལྟར་སྦྱོར་དུ་བཅུག་པ་ཉིད་ལ་ཡིན་ཞེ་ན། དེའི་ཕྱིར་ཡང་དག་པ་མ་ཡིན་པའི་ཡོན་ཏན་རྣམས་ཀྱིས་སོ་ཞེས་བྱ་བ་སྨོས་ཏེ། འདིར་གཞུང་ནི་རྒྱུན་དུ་ཞུགས་པ་དང་ལན་ཅིག་ཕྱིར་འོང་བ་དང་ཕྱིར་མི་འོང་བ་དང་དགྲ་བཅོམ་པ་དག་ཡིན་པ་བདེན་ན་ལྟུང་བ་མེད་དོ། །མདོ་སྡེ་འཛིན་པ་དང་འདུལ་བ་འཛིན་པ་དང་མ་
[206b]
[206b.1]མོ་འཛིན་པ་དག་ཡིན་པ་བདེན་ན་ལྟུང་བ་མེད་དོ་ཞེས་གསུངས་པ་ཡིན་ནོ། །གང་ལ་སྦྱོར་དུ་བཅུག་པ་ཉིད་ལ་ཡིན་ཞེ་ན། དེའི་ཕྱིར་མགྲོན་དུ་མ་བོས་པ་ལའོ། །བོས་པ་ལ་ཡང་ལྷག་ནའོ་ཞེས་བྱ་བ་སྨོས་ཏེ། མགྲོན་དུ་བོས་པ་ལ་ཡང་ལྷག་པར་སྦྱོར་དུ་བཅུག་པ་ཉིད་ལ་དེར་ལྟུང་བ་ཇི་ལྟར་འགྱུར་ཞེ་ན། ཇི་
[206b.2]ལྟར་ཡང་འདིར་གཞུང་ནི་དགེ་སློང་རབ་ཏུ་མང་པོ་དག་ཁྱིམ་གཞན་དུ་མགྲོན་དུ་བོས་པས་#གྱུར་པ་ན། དེར་དགེ་སློང་མ་འོངས་ཏེ་དྲིས་པ་ཁྱེད་ཅག་གིས་དགེ་སློང་གང་དག་མགྲོན་དུ་བོས་མིང་ཆེ་གེ་མོ་དང་ཆེ་གེ་མོ་དག་གོ། །ཟན་ཇི་ལྟ་བུ་སྦྱིན་སུམ་འཕེལ་གྱི་#ཟན་དག་གོ། །མི་རུང་སྟེ་གང་གི་ཕྱིར་དགེ་
[206b.3]སློང་དེ་དག་ནི་རྒྱུན་དུ་ཞུགས་པ་ཡིན་པས་ཞེས་བྱ་བ་ལ་སོགས་པ་འདིར་གང་ཞིག་ལྟུང་བ་རྒྱས་པར་བཤད་པ་ལ་སོགས་པ་མཛད་པ་སྟེ་དེ་བས་ན་འདི་གསུངས་པ་ཡིན་ནོ། །མགྲོན་#དུ་བོས་སུ་ཟིན་ཀྱང་གང་ཞིག་སྦྱིན་བདག་གིས་མ་བསམས་པ་སྦྱིན་དུ་བཅུག་པ་གང་ཡིན་པ་དེ་ཡང་བཟའ་བར་བྱ་བ་མ་ཡིན་
[206b.4]ཏེ། གང་གི་ཕྱིར་བོས་པ་ཉིད་ལ་ཡང་མ་བསམས་པ་སྦྱིན་དུ་འཇུག་པ་ལ་ཁྱད་པར་འགའ་ཡང་ཡོད་པ་མ་ཡིན་ནོ། །ཅི་ཞིག་སྦྱོར་དུ་བཅུག་པ་ཉིད་ལ་ཡིན་ཞེ་ན། དེའི་ཕྱིར་བཟའ་བ་ལའོ་ཞེས་བྱ་བ་སྨོས་ཏེ། ཡོན་ཏན་ཇི་ལྟ་བུ་དག་གིས་ཤེ་ན། དེའི་ཕྱིར་བསྒྲུབ་པ་ཕུན་སུམ་ཚོགས་པས་སོ། །
[206b.5]དེ་ཐོས་པས་ཀྱང་རུང་ངོ་ཞེས་བྱ་བ་སྨོས་ཏེ། བསྒྲུབ་པ་ཕུན་སུམ་ཚོགས་པའི་ཐབས་སུ་གྱུར་པའི་ཐོས་པ་གང་དེའི་རིགས་ལས་སྐྱེས་པའི་ཡོན་ཏན་རྣམས་ལས་ཏེ། བྲོ་གར་དང་གླུ་གླིང་ལ་མཁས་པ་ལ་སོགས་པས་གཞན་དག་གིས་ནི་མ་ཡིན་ནོ་ཞེས་བྱ་བའི་དོན་ཏོ། །འདི་རྣམས་ཀྱི་རྗེས་སུ་འབྲངས་#ནས་ཉེས་
[206b.6]བྱས་སུ་རིག་པར་བྱའོ། །བསྒྲུབ་པ་ཕུན་སུམ་ཚོགས་པ་ནི་རྒྱུན་དུ་ཞུགས་པ་ལ་སོགས་པའོ། །དེའི་ཐོས་པ་ནི་དེ་ཐོས་པ་དང་རྗེས་སུ་མཐུན་པའོ། །བསོད་སྙོམས་སྦྱོར་དུ་བཅུག་པ་ནི་རྣམ་པ་གཉིས་ཏེ། ཚུལ་ཁྲིམས་ཀྱིས་སྦྱོར་དུ་བཅུག་པ་དང་ཐོས་པས་སྦྱོར་དུ་བཅུག་པའོ། །གང་དེར་ཚུལ་
[206b.7]ཁྲིམས་ཀྱིས་#སྨོས་པ་དེ་ལ་ནི་བསྒྲུབ་པའི་ཚིག་འདི་དང་འགལ་བར་ཤེས་པར་བྱ་བ་མ་ཡིན་ཏེ། འདིར་དམ་པ་རྣམས་ཀྱིས་སྤྱོད་པ་ཐམས་ཅད་ལ་ཚུལ་ཁྲིམས་ཉིད་དུ་གསུངས་པ་ཡིན་ཏེ། དེ་བས་ན་རྒྱུན་དུ་ཞུགས་པ་ལ་སོགས་པ་རྣམས་ལ་གོ་རིམས་ཀྱིས་#ཤེས་པའོ། །རྗེས་སུ་བསྒྲུབ་པ་ལ་འདི་བྱེད་པ་པོ་#
[207a]
[207a.1]ཉིད་ཡིན་ཞེ་ན་ཞེས་བྱ་བ་སྨོས་ཏེ། ཟོས་པའི་ངོ་བོ་ཉིད་བསྟན་པའི་ཕྱིར་དེ་ནི་མིད་ན་དེའོ་ཞེས་བྱ་བ་སྨོས་ཏེ། ཟོས་པ་དེ་ནི་མིད་ན་དངོས་གཞིར་གྱུར་པའི་ཟོས་པའོ། །གང་ཞིག་འདུན་ནས་ཞེས་བྱ་བ་འདིར་དོན་མ་ཡིན་ནོ། །གཞན་གྱི་དོན་དུ་ན་ན་སྨད་པར་བྱ་བ་ཉིད་དོ་ཞེས་བྱ་བ་ནི་
[207a.2]གཞན་གྱི་དོན་དུ་དགེ་སློང་མས་སྦྱོར་དུ་བཅུག་པ་གཞན་གྱིས་#ཟ་བ་ལ་ཉེས་བྱས་ཞེས་བྱ་བའི་དོན་ཏོ། །འདིར་གཞུང་ནི་ཞུ་བ་ལས་གཞན་གྱི་དོན་དུ་སྦྱོར་དུ་བཅུག་པར་ཤེས་བཞིན་དུ་ཟོས་ན་ཉེས་བྱས་སོ། །མི་ཤེས་པ་ལ་ནི་ལྟུང་བ་མེད་དོ་ཞེས་གསུངས་པ་ཡིན་ནོ། །རང་གི་ཆོས་མེད་པ་ལ་ཇི་ལྟ་བུའི་རྣམ་
[207a.3]པར་ཉེ་བར་འཚེ་བ་ལྟ་བུ་ནི་གཞན་གྱི་ཆོས་ལ་མ་ཡིན་ཏེ། གང་གི་ཕྱིར་ཡང་བ་ནི་འདི་ཡིན་ཏེ་དེ་བས་ན་འདི་ཤེས་པའོ། །བསོད་སྙོམས་ལ་ཞུགས་པ་ན་བྱིན་ཅིག་ཅེས་ཟེར་བ་ཡང་ངོ་ཞེས་བྱ་བ་ནི་བྱིན་ཅིག་ཅེས་བྱ་བ་འདི་ལྟར་ན་སྨད་པ་ཉིད་བྱས་པ་ཉིད་དོ། །ཅིའི་དོན་དུ་#བྱིན་ཅིག་ཅེས་བརྗོད་པ་ཡིན་ཞེ་ན།
[207a.4]དེའི་ཕྱིར་བསོད་སྙོམས་ལ་ཞེས་བྱ་བ་སྨོས་སོ། །གནས་སྐབས་གང་ལ་ལྟུང་བ་ཡིན་ཞེ་ན། དེའི་ཕྱིར་ཞུགས་པ་ན་ཞེས་བྱ་བ་སྨོས་ཏེ། བསོད་སྙོམས་ལ་ཞེས་བྱ་བ་སྦྱར་རོ། །ཁྱིམ་གྱི་ནང་དུ་ཞེས་བྱ་བ་ཤུགས་ཀྱིས་རྟོགས་པར་བྱའོ། །ཁྱིམ་གྱི་ནང་དུ་བསོད་སྙོམས་ཀྱི་ཕྱིར་ཞུགས་པ་ལ་ལྟུང་བར་འགྱུར་
[207a.5]ཞེས་བྱ་བའི་དོན་བསྡུས་པ་དང་། བྱིན་ཅིག་ཅེས་བྱ་བ་ཡང་བརྗོད་པ་ལ་ན་སྨད་པ་ཉིད་ཅེས་བྱ་བའི་དོན་ཏོ། །འདིར་དང་པོ་བཤགས་པར་བྱ་བའི་གཞུང་ནི་ཞུ་བ་ལས་བཙུན་པ་རེ་ཞིག་དགེ་སློང་བསོད་སྙོམས་ལ་ཞུགས་པ་ན། དེ་ན་དགེ་སློང་མ་ཞིག་ཁྱིམ་བདག་ལ་འདི་སྐད་ཅེས་དགེ་སློང་འདི་ལ་བསོད་
[207a.6]སྙོམས་བྱིན་ཅིག་ཅེས་མཆི་ཞིང་དགེ་སློང་དེས་ཀྱང་དེ་བླངས་ཏེ་འཚལ་ན་ལྟུང་བ་ཅིར་འགྱུར། ཉེས་བྱས་སུ་འགྱུར་རོ་ཞེས་གསུངས་པ་ཡིན་ནོ། །སྦྱོར་དུ་བཅུག་པ་ལ་རིགས་འདྲི་#བ་འདི་ནི་ཚིག་ཡིན་ཏེ། དེའི་ཕྱིར་འདི་དང་འབྲེལ་བ་ཉིད་ལ་ཁ་ན་མ་ཐོ་བ་འདི་ལ་དེ་དང་འབྲེལ་པ་ཉིད་ཅེས་བྱ་བ་འདིར་གྲགས་
[207a.7]པ་ཡིན་ནོ། །དགེ་སློང་མས་སྦྱོར་དུ་བཅུག་པའི་ལྟུང་བྱེད་དོ།། །།ཁྱིམ་གཞན་དུ་ཡང་ཟན་ལ་བོས་པ་དང་དུ་བླང་བར་བྱའོ་ཞེས་བྱ་བ་ལ། ཡང་ཞེས་བྱ་བའི་སྒྲས་ནི་གཙུག་ལག་ཁང་འབའ་ཞིག་ཏུ་མ་ཟད་ཀྱི་ཁྱིམ་གཞན་དུ་ཡང་ངོ་ཞེས་བྱ་བ་འདི་བསྟན་པའི་དོན་དུའོ། །གནས་མལ་གྱི་
[207b]
[207b.1]ལྟུང་བྱེད་ལས་འདི་ལ་སོགས་པ་སྐོམ་གྱི་ཕྱིར་ཞེས་བྱ་བའི་བར་དུ་འདི་དྲངས་པའོ། །དུས་ཤེས་པར་བྱ་སྟེ་འཇུག་པར་བྱའི་སྔ་ཚོམས་#སུ་མི་བྱའོ་ཞེས་བྱ་བ་ནི་འདིར་ཁྱིམ་གཞན་དུ་གང་དུ་བོས་པ་འདི་དང་དུ་བླངས་པར་གྱུར་ན་ཞེས་བྱ་བ་དེ་མ་ཐག་པ་ལས་རྟོགས་པའོ། །ཇི་ལྟར་ཡིན་ཞེ་ན། དེའི་ཕྱིར་གཎྜཱི་#
[207b.2]བརྡུངས་ཏེ་རང་གི་འཁོར་ལ་བལྟ་བར་བྱའོ་ཞེས་བྱ་བ་སྨོས་ཏེ། ཁྱིམ་གཞན་དུ་མགྲོན་དུ་བོས་པ་ལའོ། །གློ་བུར་དུ་འོངས་པ་ལ་ནི་གནས་བརྟན་གྱིས་སོ་ཞེས་བྱ་བ་ནི་འཁོར་དེ་ལ་གནས་བརྟན་གང་ཡིན་པ་དེས་བལྟ་བར་བྱའོ་ཞེས་བྱ་བའི་དོན་གྱིས་རྟོགས་པའོ། །འདིར་དགེ་འདུན་གྱིས་གནས་བརྟན་ལ་
[207b.3]གནས་བརྟན་དུ་བརྗོད་པ་ཞེས་བྱ་བའོ། །དེ་བས་ན་འདིར་གཞུང་ནི་ཡིད་ཆེས་པའི་འཁོར་གྱི་ནང་དུ་སྤྱོད་པའི་དགེ་སློང་གི་འཁོར་ལ་བལྟས་ཏེ་འགྲོ་བར་བྱའོ། །གང་ཞིག་དགེ་སློང་གློ་བུར་དུ་འོངས་པ་དེ་ལ་ནི་དགེ་འདུན་གྱི་གནས་བརྟན་གྱིས་བལྟ་བར་བྱའོ་ཞེས་གསུངས་པ་ཡིན་ནོ། །གྱ་ཚོམ་དུ་ཟན་གཅད་#
[207b.4]པར་མི་བྱའོ། །སྐོམ་གྱི་ཕྱིར་གསོལ་བ་དག་#འདེབས་ན་བསྡད་པར་བྱའོ་ཞེས་བྱ་བ་སྟེ། ཡང་ཡང་ཟ་བའི་ལྟུང་བྱེད་ལ་བྱེད་པ་པོ་གང་ཡིན་ཞེ་ན། དེའི་ཕྱིར་ཅིག་ཅར་ཡང་རུང་ཕྱིས་ཀྱང་རུང་སྟེ་གོས་ཀྱི་རྙེད་པ་མེད་པའི་མགྲོན་དུ་བོས་པ་རྙེད་པའོ་ཞེས་བྱ་བ་སྨོས་ཏེ། གོས་ཀྱི་རྙེད་པ་མེད་པའི་མགྲོན་དུ་བོས་
[207b.5]པ་གཉིས་པ་རྙེད་པ་ནི་བྱེད་པ་པོ་ཡིན་ཏེ། ཅིག་ཅར་རམ་དུས་གང་ལ་མགྲོན་དུ་བོས་པ་གཅིག་ལ་རྙེད་པ་དེ་ཉིད་ལ་ཡང་རྙེད་པ་གཞན་གྱི་ཕྱི་ནས་སོ་ཞེས་བྱ་བའི་དོན་ཏོ། །ཅིག་ཅར་དང་དུ་ལེན་པར་བྱེད་པ་ལ་གཉིས་ཀ་ལ་ཡང་གལ་ཏེ་གོས་མེད་པ་ཉིད་ཡིན་ན་གང་ལ་ཕྱིས་བཟའ་བ་མཐོང་བ་དེ་ལས་ཆོས་ཉིད་
[207b.6]ཀྱིས་ཉེས་བྱས་བསྐྱེད་པའོ། །གལ་ཏེ་གཅིག་ལ་གོས་མེད་པ་ཞེས་བྱ་བ་རིག་པར་བྱའོ། །འདིར་གོས་དང་བཅས་པ་དང་གོས་མེད་པ་དང་གོས་དང་བཅས་ཤིང་གོས་ཀྱི་རིན་དང་ཡང་བཅས་པ་དང་། གོས་མེད་ཅིང་གོས་ཀྱི་རིན་ཡང་མེད་པ་རྣམ་པ་བཞིས་ལྟུང་བ་བསྟན་པར་མཛད་དོ། །དེ་ལ་གོས་
[207b.7]དང་བཅས་པ་ཞེས་བྱ་བ་ནི་གོས་དང་བཅས་པ་གཞན་ནས་འདིར་གོས་ལ་བོས་པའོ། །གོས་མེད་པ་ཞེས་བྱ་བ་ནི་གོས་དང་བཅས་པ་གཞན་ནས་འདིར་གོས་མེད་པ་ལ་བོས་པའོ། །གོས་དང་བཅས་ཤིང་གོས་ཀྱི་རིན་དང་ཡང་བཅས་པ་དང་། གོས་མེད་ཅིང་གོས་ཀྱི་རིན་ཡང་མེད་པ་གཉིས་ཀ་
[208a]
[208a.1]བརྩམས་པ་ཡིན་ཏེ། དེ་ནི་འདིར་མི་འདུས་པར་ཤེས་པར་མི་བྱའོ། །གོས་གཅིག་པ་ཡིན་མོད་དུ་མ་འམ་གང་ཡང་རུང་བ་གོས་དང་བཅས་པ་ཉིད་ཀྱི་འདིར་དགོས་པའོ། །དེ་བས་ན་དེ་ལ་འདི་བསྟན་པའོ། །ཁ་ཅིག་ནི་གོས་དང་བཅས་ཤིང་གོས་ཀྱི་རིན་དང་ཡང་བཅས་པ་ཞེས་བྱ་
[208a.2]བ་དང་། གོས་མེད་ཅིང་རིན་ཡང་མེད་པ་ཞེས་བྱ་བ་ལ་རྣམ་པ་གཉིས་པོ་འདི་དག་ལ་གོས་ཀྱི་རིན་ཞེས་བྱ་བ་ནི་གོས་དང་ལྡན་པ་ཞེས་བྱ་བ་སྨྲས་པ་ཡིན་ཏེ། འདིས་ཀྱང་གོས་དང་བཅས་པ་ཉིད་རིག་པར་བྱའོ། །དེ་བས་ན་དེ་ལ་འདི་བསྟན་པ་སྟེ། དེ་ཡང་འདིར་བསྡུས་པར་ཤེས་པར་#བྱ་བ་མ་ཡིན་ནོ། །གོས་བརྟག་
[208a.3]པ་ཉིད་ཀྱིས་དེའི་རིན་ཐང་བཟུང་བ་སྟེ། ཟས་ཙམ་ལ་བརྟེན་ནས་སླར་མགྲོན་དུ་བོས་པ་ལ་འདོད་པ་ཚོལ་བར་མངོན་པ་ཡིན་གྱི། རྙེད་པ་གཞན་ལ་བརྟེན་ནས་འཇུག་པ་ལ་འདི་སྐྱེ་བར་མི་འགྱུར་རོ་ཞེས་བྱ་བ་འདི་རྣམ་པར་གཞག་པའོ། །ཅི་ཞིག་ལ་མགྲོན་དུ་བོས་པ་ལ་#ཡིན་ཞེ་ན། དེའི་ཕྱིར་བཟའ་བར་བྱའོ་
[208a.4]ཞེས་བྱ་བ་སྨོས་སོ། །ཇི་ལྟར་ལ་ཡིན་ན་དེའི་ཕྱིར་ལྔའི་ཁོངས་སུ་གཏོགས་པ་ལའོ་ཞེས་བྱ་བ་སྨོས་ཏེ། འབྲས་ཆན་དང་ཟན་དྲོན་དང་ལྡེ་གུ་དང་ཤ་དང་སྣུམ་ཁུར་ཞེས་བྱ་བ་ལྔ་པོ་གང་ཡང་རུང་བ་ལ་ཞེས་བྱ་བའི་དོན་ཏོ། །མགྲོན་དུ་བོས་པ་སྔ་མ་ལས་གཉིས་པའི་རྙེད་པ་བྱེད་པ་#པོ་ཡིན་ཞེ་ན། དེའི་ཕྱིར་གལ་
[208a.5]ཏེ་གཞན་ཡང་དེ་ཉིད་ཡིན་ནའོ་ཞེས་བྱ་བ་སྨོས་ཏེ། གལ་ཏེ་བཟའ་བར་བྱ་བ་དེ་ཉིད་ཀྱི་ཁོངས་སུ་གཏོགས་པ་ལྔ་པོས་དང་པོར་མགྲོན་དུ་བོས་པ་རྙེད་པ་དེ་ལ་ནི་བྱེད་པ་པོ་ཉིད་ཡིན་ལ་གལ་ཏེ་དེ་ཉིད་མ་ཡིན་ན་ལྟུང་བ་མེད་དོ་ཞེས་བྱ་བའི་དོན་ཏོ། །འདིར་གཞུང་ནི་ཞུ་བ་ལས་བཙུན་པ་རེ་ཞིག་དགེ་སློང་སྔར་བཟའ་བ་
[208a.6]མ་ལགས་པ་ལ་གཡར་དྲངས་ན། དེ་སླད་ཀྱིས་བཟའ་བ་ལ་གཡར་དྲངས་ཏེ་དེས་དེ་འཚལ་ན་ལྟུང་བ་ཅིར་འགྱུར་ཉེ་བ་འཁོར་ལྟུང་བ་མེད་དོ། །བཙུན་པ་རེ་ཞིག་དགེ་སློང་བཟའ་བ་ལྔ་པོ་རྣམས་མ་གཏོགས་པ་དེ་ལས་གཞན་པའི་བཟའ་བ་དག་ལ་སྔར་གཡར་དྲངས་ནས་དེ་སླད་ཀྱིས་#བཟའ་བ་ལྔ་པོ་རྣམས་
[208a.7]ལ་གཡར་དྲངས་ཏེ་དེས་དེ་འཚལ་ན་ལྟུང་བ་ཅིར་འགྱུར། ཉེ་བ་འཁོར་ལྟུང་བ་མེད་དོ་ཞེས་གསུངས་པ་ཡིན་ནོ། །ཅི་ཐམས་ཅད་ལ་ལྟུང་བ་འདི་བྱེད་པ་པོ་ཡིན་ནམ་ཞེ་ན། དེའི་ཕྱིར་ན་བ་མ་ཡིན་པ་དང་ལས་མ་བྱས་པ་དང་། ལམ་དུ་མ་སོང་བའོ་ཞེས་བྱ་བ་སྨོས་ཏེ། ན་བ་ལ་སོགས་པར་གནས་པའི་དུས་
[208b]
[208b.1]དང་ལྡན་པ་རྣམས་ལ་ལྟུང་བ་མེད་དོ། །གནས་པ་མ་ཡིན་པའི་དུས་ཐམས་ཅད་ལ་ནི་ཉེས་བྱས་སོ་ཞེས་གསུངས་པ་མི་གནས་པའི་དུས་ལ་ཉེས་བྱས་ཞེས་བྱ་སྟེ། དེ་བས་ན་ཉེས་བྱས་སུ་གཏོགས་པར་བྱའོ། །རྙེད་པ་གང་ལ་གང་གི་བྱེད་པ་པོ་ཡིན་ཞེ་ན། དེ་བླངས་#ན་ཉེས་བྱས་ཀྱིའོ། །ཟོས་ན་དངོས་གཞིའོ་ཞེས་
[208b.2]བྱ་བ་སྨོས་ཏེ། དང་དུ་བླངས་ཡིད་ཀྱི་ཡིན་པའི་ཕྱིར་དེ་ནི་བསྡམ་པར་བྱ་བའི་ཉེས་བྱས་སུ་གསུངས་པར་རིག་པར་བྱའོ། །འདིར་ཁར་ཟ་བའི་མདུན་རོལ་དུ་འགྲོ་བ་ལ་སོགས་པ་རྗེས་སུ་བསྒྲུབ་པ་བསྟན་པར་བྱ་བ་རྟོགས་པར་བྱའོ། །འདིར་གོས་ཀྱི་མཐར་གྱུར་པ་ནི་ཁྲུ་གང་གི་ཁྱོན་ནོ་ཞེས་བྱ་བ་ནི་འདི་ལས་ཆུང་བའི་
[208b.3]ཆོས་གོས་དང་ལྡན་པ་ལ་བོས་པ་ནི་གོས་མེད་པ་ཉིད་ནི་འདིར་དངོས་གཞི་ཁོ་ན་སྟེ། དེ་བས་འདི་ལ་འདི་བྱེད་པ་ཡིན་ཏེ། ཇི་ཙམ་དུ་སྤང་བའི་བྱེད་པ་པོ་དེ་ཉིད་དེ་ཙམ་ལ་གཞན་དུ་ཡང་ཡན་ལག་ཉིད་དེ་བས་ན་དེ་ལ་འདི་བསྟན་པ་ཡིན་ནོ། །དེའི་ཕྱིར་གོས་སྦྱིན་པར་བྱ་བ་དང་གོས་བྱ་བ་ལ་སོགས་པ་ལ་ཡང་
[208b.4]འདི་ཙམ་ལ་མཐར་ཐུག་པར་འགྱུར་བ་ཉིད་དུ་རྟོགས་པར་བྱའོ། །ཆུང་བ་ཉིད་སྦྱིན་པ་དང་བྱེད་པ་ལ་ཉེས་བྱས་སུ་རྣམ་པར་གནས་པ་ཡིན་ཏེ། འདིར་ནི་དངོས་གཞི་ཁོ་ནའོ་ཞེས་བྱ་བར་རིག་པར་བྱའོ། །ལམ་ནི་དཔག་ཚད་ཕྱེད་དོ་ཞེས་བྱ་བ་ནི་འདིར་ལས་#འདི་ནི་མཐར་ཐུག་པར་གྱུར་པ་ཉིད་དོ། །
[208b.5]གཞན་ལ་ཡང་ངོ་ཞེས་བྱ་བ་ནི་ཡང་ཡང་ཟ་བ་ལས་གཞན་པའི་བསླབ་པའི་གཞི་དག་ལ་འདུས་ཤིང་ཟ་བ་ལ་སོགས་པའི་དོན་དུ་འདི་ཡིན་ནོ། །འདིར་རམ་གྲུར་འགྲོ་བ་ལ་ཡང་ངོ་ཞེས་བྱ་བ་ལ། འདིར་ཞེས་བྱ་བ་ནི་ལམ་ལ་སྟེ། ཐང་གི་ལམ་ཉིད་ཀྱི་ཡུལ་ལ་འདིའི་མཐར་ཐུག་པར་གྱུར་པའི་ལམ་གྱི་ཚད་མ་
[208b.6]ཡིན་ནོ། །འོན་ཀྱང་གྲུར་འགྲོ་བ་ལ་ཡང་ཞེས་བྱ་བའི་དོན་ཏོ། །ལས་ཀྱི་ངོ་བོ་ཅི་ཞིག་ཡིན་ཞེ་ན། དེའི་ཕྱིར་ལས་ནི་ཕྱག་དར་རེ་ལྡེ་ཙམ་མམ། དཀྱིལ་འཁོར་བ་མལ་ཙམ་ཡིན་ནོ་ཞེས་བྱ་བ་སྨོས་ཏེ། འདི་ནི་ལས་ཀྱི་མཐར་གྱུར་པའི་ཚད་ཅེས་བྱ་བའི་དོན་ཏོ། །གཞན་ལ་ཡང་ངོ་ཞེས་བྱ་བ་འདི་སྦྱར་བར་
[208b.7]བྱའོ། །དེ་ཡང་དགེ་འདུན་ཉིད་དམ་མཆོད་རྟེན་ཉིད་ནའོ་ཞེས་བྱ་བ་ནི། ལས་འདིའི་རབ་ཏུ་དབྱེ་བ་འདི་དག་རིག་པར་བྱའོ། །དེ་ལྟ་བུར་གྱུར་པའི་ཡན་ལག་འདི་བརྗོད་པ་ཤེས་པར་བྱ་ཞེས་བྱ་བའི་དོན་ཏོ། །ན་བ་ཉིད་ཀྱི་ཚད་ནི་མི་ནུས་པའོ་ཞེས་བྱ་བ་ནི་གཞན་ལ་ཡང་ངོ་ཞེས་བྱ་བ་འདིར་ཡང་སྦྱར་བར་བྱའོ། །
[209a]
[209a.1]བཤམས་པ་ནི་མགྲོན་དུ་བོས་པ་ཉིད་མ་ཡིན་ནོ་ཞེས་བྱ་བ་ནི། གང་ཞིག་གཏན་དུ་བའམ་བར་མ་ལས་བྱུང་བ་བཤམས་པར་གྱུར་པ་དེ་ནི་བོས་པར་རྟོགས་པར་བྱ་བ་མ་ཡིན་ནོ། །འདིར་གཞུང་ནི་ཞུ་བ་ཁ་ཅིག་ལས། མངོན་པར་ལྷག་པ་ཟོས་ན་ལྟུང་བ་མེད་དོ། །མངོན་པར་ལྷག་པ་
[209a.2]ཞེས་བྱ་བ་ནི་དགེ་སློང་ལ་བཤམས་པའི་བསོད་ནམས་ཀྱི་ཕུང་པོ་ལ་བརྗོད་པ་ཡིན་ཏེ། དེ་ཟོས་པ་ན་ལྟུང་བ་མེད་ཅེས་བྱ་བའོ། །དགེ་སློང་གི་ཕྱིར་བཤམས་པ་ནི་དགེ་སློང་ལ་བཤམས་པའོ། །ཀུན་དུ་ལྟ་བ་ཡང་ངོ་ཞེས་བྱ་བ་ནི་ཡང་མགྲོན་དུ་བོས་པ་ཉིད་མ་ཡིན་པ་འཇིག་རྟེན་གྱི་ཐ་སྙད་ཀྱི་དབང་
[209a.3]ངམ་བཤེས་པའི་དབང་གིས་འབོད་པ་ཉིད་ནི་ཀུན་དུ་ལྟ་བའོ། །འདིར་གཞུང་ནི་ཞུ་བ་ལས་སྤྱན་གཟིགས་སམ་གསོལ་ལ་གདུགས་ཚོད་ཙམ་གཞན་དུ་གསོལ་ཅིག་ཅེས་ཟེར་བ་ལ་ལྟུང་བ་མེད་དོ། །འདི་ཉིད་དུ་དགེ་སློང་གསོལ་ཞིང་གཞན་འཚོལ་བར་བྱེད་ན་ལྟུང་བ་མེད་དོ། །འདི་ཉིད་དུ་དགེ་སློང་བསོད་
[209a.4]སྙོམས་ཙམ་པོ་#འཚོལ་ཞིང་ལྷག་མ་གཞན་ནས་ཚོལ་བར་བྱེད་ན་ལྟུང་བ་མེད་དོ་ཞེས་གསུངས་པ་ཡིན་ནོ། །ཡང་ཡང་ཟ་བ་ལ་ནི་ཉེས་པ་མེད་པའི་ཚིག་འདི་ཡིན་གྱི་ཐམས་ཅད་དུ་ནི་མ་ཡིན་ནོ། །དགག་དབྱེ་ཉིད་ཡོད་པར་གྱུར་པ་ལ་སྟན་#གཅིག་ལ་ཟ་བ་ལས་འདའ་བར་བྱེད་པའི་ལྟུང་བ་ལས་ལྡང་བ་ཡོད་
[209a.5]པ་ཡིན་ནོ། །མགྲོན་དུ་བོས་པ་གཞན་ཡོད་ན་ཟན་བླང་བ་ལ་སྤང་#བ་བསྲུང་ཞིང་འཇུག་པར་བྱའོ། །ཐོ་འཚམས་#པས་བྱས་པ་ནི་མ་ཡིན་པ་ཉིད་དོ་ཞེས་བྱ་བ་ནི་མགྲོན་དུ་བོས་པ་ཞེས་བྱ་བར་སྦྱར་རོ། །འདིར་གཞུང་ནི་ཞུ་བ་ལས་བཙུན་པ་རེ་ཞིག་དགེ་སློང་སྔར་ཐོ་འཚམས་#པའི་རྟོག་པ་ཅན་གྱིས་གཡར་དྲངས་
[209a.6]པར་གྱུར་ནས་སླད་ཀྱི་ཐ་མལ་པའི་གནས་སྐབས་སུ་གཡར་དྲངས་པ་གཞན་རྙེད་ཅིང་དེ་འཚལ་ན་ལྟུང་བ་ཅིར་འགྱུར། ཉེ་བ་འཁོར་ལྟུང་བ་མེད་དོ་ཞེས་གསུངས་པ་ཡིན་ནོ། །ཐོ་འཚམས་#པའི་རྟོག་པ་ཞེས་བྱ་བ་ནི་ཐོ་འཚམས་#པའི་རྟོག་པ་སྟེ་གཞན་ལ་ཞེས་བྱ་བ་འདི་ཉམས་པའོ། །མི་རུང་བ་ཞེས་བྱ་བ་
[209a.7]ནི་བྱས་པ་ལ་མེད་པ་ཉིད་དོ། །དེ་བས་ན་བོས་པ་ཡང་ངོ་ཞེས་བྱ་བ་ནི་བཟའ་བར་བྱ་བ་མི་རུང་བ་ཉིད་ཀྱི་ཕྱིར་སྐྱེས་པར་རིག་པར་བྱའོ། །དེའི་ཕྱིར་མ་ཡིན་པར་དགེ་འདུན་ཡང་ངོ་ཞེས་བྱ་བ་ནི་དེ་ལ་བརྟེན་ནས་དགེ་འདུན་སྤྱན་དྲངས་པ་དེའི་མེད་པ་ཉིད་ན་དེའི་ཕྱིར་རྣམ་པར་གཅད་#པར་བྱ་བ་ལ་མངོན་པར་བརྟེན་པ་ཉིད་ཀྱི་
[209b]
[209b.1]ཕྱིར་གཞན་ལ་ནི་མེད་པ་ཉིད་དོ། །འདིར་ཁུངས་ནི་གང་གི་ཕྱིར་འཕགས་པ་ལེགས་འོངས་ཀྱི་ཕྱིར་ཏེ། གང་དེ་ལ་བརྟེན་ན་ཆུ་སྲིན་བྱིས་པ་གསོད་ཀྱི་རི་པ་རྣམས་ཀྱིས་#དགེ་འདུན་སྤྱན་འདྲེན་པ་ལ་བྲམ་ཟེ་སྤྱན་དྲངས་པར་གྱུར་པས་བྲམ་ཟེ་རྣམས་འོངས་ནས་བྱིས་པ་གསོད་པའི་རི་པའི་བྲམ་ཟེ་དང་ཁྱིམ་
[209b.2]བདག་རྣམས་ཀྱིས་#སངས་རྒྱས་ལ་སོགས་པ་དགེ་སློང་གི་དགེ་འདུན་ཞག་བདུན་བཤོས་ལ་སྤྱན་དྲངས་པས་དེའི་ཚེ་ངས་དང་དུ་མ་བླངས་སོ་ཞེས་གསུངས་པ་ཡིན་ཏེ། དེའི་ཕྱིར་མདོ་འདི་བྱས་སོ། །དགག་དབྱེ་སོ་སོར་རྗེས་སུ་གནང་བ་དང་སྦྱར་བར་བྱའོ། །གཞན་དུ་ལྔ་པོ་འཇོག་པ་ཡང་ངོ་ཞེས་བྱ་བ་ནི་མགྲོན་
[209b.3]དུ་བོས་པ་མ་ཡིན་པ་ཉིད་དོ། །སིལ་བུ་དག་ལས་དང་པོ་ལྔ་པོ་ཞེས་བྱ་བ་འདི་བརྗོད་པ་ཡིན་ཏེ། དེ་བས་ན་གཞུང་ནི་ཡི་གེ་གཞན་ལས་དགེ་སློང་བཅའ་བ་དང་བཟའ་བའི་ཟན་གཉིས་དང་མགྲོན་དུ་བོས་པས་གཅིག་དགེ་སློང་ལ་རྣམ་པར་རྟོག་པར་བྱེད་ན་ལྟུང་བ་མེད་དོ། །དགེ་སློང་མ་ལ་རྣམ་པར་རྟོག་#པར་
[209b.4]བྱེད་ན་ལྟུང་བ་མེད་དོ། །དེ་བཞིན་དུ་དགེ་སློབ་མ་དང་དགེ་ཚུལ་མ་ལ་རྣམ་པར་#རྟོག་པར་བྱེད་ན་ཡང་ལྟུང་བ་མེད་དོ། །དེ་བཞིན་དུ་སྡེ་པ་ལྔ་པོ་ཐམས་ཅད་ལ་རྣམ་པར་རྟོག་པར་བྱེད་ན་ཡང་ལྟུང་བ་མེད་དོ་ཞེས་གསུངས་པ་ཡིན་ནོ། །སིལ་བུ་དག་ལས་ཀྱང་དགེ་སློང་དང་དགེ་སློང་མ་དང་
[209b.5]དགེ་སློབ་མ་དང་དགེ་ཚུལ་དང་དགེ་ཚུལ་མ་རྣམས་ལས་འདིར་ལྔ་ཉིད་ཀྱི་ཚིག་གིས་གསུངས་སོ། །འཕགས་པ་འདི་བྱེད་པར་མི་རིགས་སོ་ཞེ་ན་འདིར་བརྗོད་པར་བྱ་སྟེ། དེ་ནི་ཆོས་དང་ལྡན་པ་ཉིད་དོ་ཞེས་བྱ་བ་ནི་ཅི་གཞན་ལ་བོས་པས་གཟུང་བར་འདོད་པ་ཉིད་མེད་པ་ལ་འདི་རིགས་པ་ཉིད་ཡིན་ནམ་འོན་ཏེ་ཡོད་པ་ལ་ཡང་ཡིན་ཞེ་ན། དེའི་
[209b.6]ཕྱིར་གཞན་བླང་#བ་ལ་ཡང་ངོ་ཞེས་བྱ་བ་སྨོས་ཏེ། མགྲོན་དུ་བོས་པ་གཞན་བླང་བ་ཡོད་པ་ལ་འཇོག་པ་ལ་ཆོས་དང་ལྡན་པ་ཉིད་དོ་ཞེས་བྱ་བའི་དོན་ཏོ། །མུ་གེ་བྱུང་ན་མགྲོན་དུ་བོས་པ་ཇི་སྙེད་བྱུང་བ་དག་བདག་གིར་བྱའོ་ཞེས་བྱ་བ་ནི་སྔ་མ་སྔ་#མ་བཞག་ཀྱང་ཇི་སྙེད་བྱུང་བ་དེ་སྙེད་རྣམས་ལའོ། །ཟོས་
[209b.7]ནས་ཡང་ངོ་ཞེས་བྱ་བ་ནི་མགྲོན་དུ་བོས་པ་ཇི་སྙེད་བྱུང་བའི་སྤྱན་དྲངས་པ་རྣམས་ལའོ། །སྦྱིན་དུ་ཡང་རུང་ངོ་ཞེས་བྱ་བ་ནི་ལྔ་པོ་ལྔ་པོ་ཞེས་སྔར་བསྟན་པའི་རྗེས་སུ་འབྲེངས་ཏེ་ཤེས་པར་བྱའོ། །སྦྱིན་པ་པོ་མངོན་པར་མི་དགའ་བར་འགྱུར་བ་ལྟ་ན་ཁམ་གཉིས་སམ་གསུམ་ཟོས་པའི་འོག་ཏུ་ཁྱིམ་བདག་དགེ་
[210a]
[210a.1]སློང་འདི་བསོད་སྙོམས་ཀྱིས་#ཕོངས་པ་ཡིན་གྱི་#རྗེས་སུ་ཡི་རང་བར་གྱིས་ཤིག་དང་འདི་ལ་སྦྱིན་པར་བྱའོ་ཞེས་མངོན་པར་དགའ་བར་བྱས་ནས་སོ་ཞེས་བྱ་བ་ནི་སྦྱིན་པ་པོ་དེ་ལྔ་པོ་དག་ལ་སྦྱིན་པའོ། །ཡང་ཡང་ཟ་བའི་ལྟུང་བྱེད་དོ།། །།འདུག་གནས་སུ་ཟ་བའི་ལྟུང་བྱེད་ལ་
[210a.2]བྱེད་པ་པོ་གང་ཡིན་ཞེ་ན། དེའི་ཕྱིར་ཆོས་འདི་པའི་མ་ཡིན་པ་བདག་པོ་ཁྱིམ་པ་དང་བཅས་པ་ཡ་མཚན་ཅན་ཐམས་ཅད་མ་ཡིན་པའི་འདུག་གནས་སོ་ཞེས་བྱ་བ་སྨོས་ཏེ། ཆོས་འདི་ལ་#ཞེས་བྱ་བ་ནི་སངས་རྒྱས་ཀྱི་ཆོས་འདུལ་བར་བྱ་བ་གང་ཡིན་པ་དེ་ནི་ཆོས་འདི་པའོ། །དེ་ལས་གཞན་པ་ནི་ཆོས་འདི་པ་
[210a.3]མ་ཡིན་པའོ། །བདག་པོ་ཁྱིམ་པ་དང་བཅས་པ་ཞེས་བྱ་བ་ནི། བདག་པོ་ཁྱིམ་པ་དང་ལྷན་ཅིག་འཇུག་པ་གང་ཡིན་པ་དེ་ནི་བདག་པོ་ཁྱིམ་པ་དང་བཅས་པའི་འདུག་གནས་སོ། །རང་བཞིན་ཅན་ཡང་བདག་ཏུ་བྱས་ནས་སྦྱིན་པའམ་བྱེད་དུ་འཇུག་པ་ལ་འདིར་ཉེས་པ་རྣམ་པར་གཞག་པའོ། །དེ་
[210a.4]བས་ན་ཁྱིམ་པས་བྱེད་དུ་འཇུག་པ་ཞེས་བྱ་བའི་ཚིག་གོ། །ཡ་མཚན་ཅན་ཐམས་ཅད་མ་ཡིན་པ་ཞེས་བྱ་བ་ནི་#ཡ་མཚན་ཅན་ཐམས་ཅད་ལ་འདིར་ཆོས་འདི་པ་ཉིད་ཀྱང་#ཡོད་པས་ཉེས་པ་བྱེད་པ་པོ་ཉིད་མ་ཡིན་ནོ། །འདུག་གནས་སོ་ཞེས་བྱ་བ་ནི་འདི་ལས་འདིར་བྱེད་པ་པོ་རྣམས་ཞེས་བྱ་བ་འདི་ལས་
[210a.5]ཡོངས་སུ་གྱུར་པ་ལ་སོ་སོར་ཉེ་བར་གནས་པའོ། །ལྟུང་བ་འབྱིན་པར་བྱེད་པ་ཇི་ལྟ་བུ་ལ་དེ་བྱེད་པ་པོ་ཉིད་ཡིན་ཞེ་ན། དེའི་ཕྱིར་མི་ན་བ་ལའོ་ཞེས་སྦྱིན་བདག་གིས་མ་བསྟབས་པ་ལའོ་ཞེས་བྱ་བ་སྨོས་ཏེ། འདི་ནི་ཡིད་ཀྱི་བྱ་བ་སྟེ་དེ་ལ་ཡོངས་སུ་ལོངས་སྤྱོད་པ་མ་ཡིན་པ་རྣམས་ལ་མ་བསྟབས་པ་གང་
[210a.6]ཡིན་པ་འདི་དེར་ཡ་མཚན་ཅན་ཐམས་ཅད་དང་འདྲ་བར་འདིར་ཉེས་པ་མི་སྐྱེད་#པའོ། །ཕྱིར་མི་འབྱུང་བ་ལ་ཆོ་ག་འདི་དང་ལྡན་པ་སྟེ། ཕྱིར་#འབྱུང་བ་ལ་ནི་སྦྱིན་བདག་ཕྱུག་པོ་མེད་པས་བསྟབས་པ་ཉིད་ལ་ཡང་དངོས་གཞི་ཁོ་ན་སྟེ་གཞན་ལ་བརྟེན་པ་ནི་འདིར་སྐྱོན་ཡིན་ཏེ། དེ་ཡོངས་སུ་གསལ་བའི་དོན་དུ་བསླབ་
[210a.7]པའི་གཞི་འདི་ཡིན་ནོ། །འདིར་གང་དུ་#གང་ལ་བྱེད་པ་པོ་ཉིད་ཡིན་ཞེ་ན། དེའི་ཕྱིར་ཟོས་ན་ཟོས་པ་ལ་དངོས་གཞིའོ། །གནས་ན་ཞག་ལོན་པ་ལ་ཉེས་བྱས་ཀྱིའོ་ཞེས་བྱ་བ་སྨོས་ཏེ། དེའི་བསོད་སྙོམས་གཅིག་ཟ་ཞིང་གཉིས་པ་ཟ་བ་ལ་དངོས་གཞིའི་བྱེད་པ་པོ་ཉིད་དོ། །ཞག་གཅིག་ལོན་པའི་ཉི་མ་གཉིས་
[210b]
[210b.1]པ་ལ་ཉེས་བྱས་ཀྱི་བྱེད་པ་པོ་ཉིད་ཅེས་བྱ་བའི་དོན་ཏོ། །ཉི་མ་དང་པོ་ལ་ནི་གནས་པ་དང་ཟོས་པ་ལ་ལྟུང་བ་མེད་དོ། །འདིར་གཞུང་ནི་དེར་གནས་#པ་ན་ཉེས་བྱས་སུ་འགྱུར་ལ། དེར་ཟ་བ་ལ་ལྟུང་བྱེད་དུ་འགྱུར་ཞེས་བྱ་བ་ལ་སོགས་པ་གསུངས་པ་ཡིན་ཏེ། ཉི་མ་གཉིས་པ་ལ་གནས་པ་དང་ཟ་བའི་དབང་དུ་
[210b.2]མཛད་ནས་ཚིག་འདི་གསུངས་སོ། །འདུག་གནས་གཅིག་ཏུ་ཞག་ལོན་པའི་དགེ་སློང་མི་ན་བས་བསོད་སྙོམས་གཅིག་བཟའ་བར་བྱའོ། །དེའི་ཕྱིར་དང་པོ་འདི་དག་ལ་རྗེས་སུ་གནང་བ་ཉིད་ཡིན་པས་དེ་བས་ན་འདིར་ཉེ་བར་བཏགས་པའོ། །བདག་པོ་མེད་པ་ཡང་ངོ་ཞེས་བྱ་བ་ནི་ཆོས་འདི་པའི་མ་ཡིན་པ་
[210b.3]ཡ་མཚན་ཅན་ཐམས་ཅད་མ་ཡིན་པའི་འདུག་གནས་དེ་བདག་པོ་མེད་པ་ཡིན་ན་ཡང་ཉེས་བྱས་བྱེད་པ་པོ་ཡིན་ནོ། །འདི་ལ་རབ་ཏུ་བྱུང་བ་འདི་པ་ནི་མུ་སྟེགས་ཅན་དང་འདྲ་བ་ཉིད་དོ་ཞེས་བྱ་བ་ནི་འདིར་འདི་ལ་མུ་སྟེགས་ཅན་དང་འདྲ་བ་ཉིད་དུ་བལྟ་བར་བྱའོ། །ཇི་ལྟར་མུ་སྟེགས་ཅན་རབ་ཏུ་བྱུང་བའི་བདག་པོ་ཡིན་པའི་
[210b.4]འདུག་གནས་དེ་ཉེས་བྱས་ཀྱི་བྱེད་པ་པོ་ཡིན་པ་དེ་བཞིན་དུ་རབ་ཏུ་བྱུང་བ་འདི་པ་བདག་པོ་ཡིན་ལ་ཆོས་འདི་པ་ཡ་མཚན་ཅན་ཐམས་ཅད་མ་ཡིན་པའི་འདུག་གནས་ཀྱང་ཉེས་བྱས་ཀྱི་བྱེད་པ་པོ་ཡིན་ཏེ། འདིར་ནི་ལྟུང་བ་མེད་ཅེས་བྱ་བའི་དོན་ཏོ། །འདིར་གཞུང་ནི་དགེ་སློང་རབ་ཏུ་བྱུང་བས་འདུག་གནས་བགྱིད་
[210b.5]དུ་སྩལ་#པ་དེར་དགེ་སློང་གིས་གདུགས་གཅིག་ལས་ལྷག་པར་གནས་ཤིང་བསོད་སྙོམས་གཅིག་ལས་ལྷག་པར་འཚལ་ན་ལྟུང་བ་ཅིར་འགྱུར་ཉེས་བྱས་སོ་ཞེས་གསུངས་པ་ཡིན་ནོ། །ཉེ་དུས་ཀྱང་ངོ་#ཞེས་བྱ་བ་མུ་སྟེགས་ཅན་དང་འདྲ་བ་ཉིད་དོ་ཞེས་བྱ་བར་སྦྱར་རོ། །འདིར་གཞུང་ནི་བདག་པོ་ཉེ་དུས་བགྱིད་དུ་
[210b.6]སྩལ་#བ་ལགས་ན་ལྟུང་བ་ཅིར་འགྱུར། ཉེས་བྱས་ཀྱི་བྱེད་པ་པོར་འགྱུར་རོ། །ཁ་ཅིག་ནི་འདི་དག་ལ་ལྟུང་བ་མེད་ཅེས་ཟེར་ཏེ་དེ་ནི་#མི་རིགས་སོ། །གང་ཡང་རུང་བ་གཅིག་རབ་ཏུ་བྱུང་བ་ལ་བརྟེན་པའི་དོན་འཛིན་པ་མི་རིགས་པའི་ཕྱིར་རོ། །འདུག་གནས་གཅིག་ཏུ་ཟ་བའི་ལྟུང་བྱེད་དོ།། །།བསོད་
[210b.7]སྙོམས་ནི་བྱེད་པ་པོ་ཡིན་ཞེས་བྱ་བ་གསུངས་ན། དེ་ལ་#སུ་དང་འབྲེལ་པའི་བསོད་སྙོམས་འདི་བྱེད་པ་པོ་ཡིན་ཞེ་ན། དེའི་ཕྱིར་སྟོབས་པའི་འོ་ཞེས་བྱ་བ་སྨོས་ཏེ། མ་གཏོགས་པ་ཉིད་བཟུང་བས་མ་བྱིན་པར་ལེན་པ་ཉིད་བསྐྱེད་པའོ། །ཇི་ལྟར་སྟོབས་པའི་ཞེ་ན། དེའི་ཕྱིར་ཡོངས་སུ་མ་སྤགས་པར་རོ་ཞེས་
[211a]
[211a.1]བྱ་བ་སྨོས་ཏེ། རྒྱ་ཆེ་བ་ཙམ་རབ་ཏུ་བསྟན་པ་ལ་སྤགས་པ་གང་ཡིན་པ་དེ་ནི་སྦྱིན་པ་འཇུག་པས་མ་ཡིན་ནོ། །དེར་ཉེས་པ་འདི་བསྐྱེད་པ་སྟེ། གལ་ཏེ་ཡོངས་སུ་སྤྱོད་པ་འདི་ཡིན་ན་#འདི་ཙམ་སྦྱིན་པར་བྱ་ཞེས་བྱ་བ་སྤགས་པ་གང་ཡིན་པ་དེ་ལ་ནི་རྒྱ་ཆེ་བ་ཙམ་དུ་བསྟན་པས་སྤགས་པ་མ་
[211a.2]ཡིན་པ་སྟེ། དེ་བས་ན་འདིར་ཉེས་པ་མེད་དོ། །ཅི་མ་སྤགས་པ་ཐམས་ཅད་ལ་སྟོབས་པ་བྱེད་པ་པོ་ཡིན་ནམ་ཞེ་ན། དེའི་ཕྱིར་ཅི་བདེར་མ་བྱས་པར་རོ་ཞེས་བྱ་བ་སྨོས་ཏེ། སྦྱིན་པ་ལ་འཇུག་པས་སྟོབས་པ་དེ་ཡིན་ཏེ། གང་ཞིག་ཅི་བདེར་མ་བྱས་པར་རོ་ཞེས་བྱ་བ་འདི་ལ་ཉེས་པ་མེད་དོ། །ཅི་འདི་ཐམས་
[211a.3]ཅད་ལ་ཡིན་ནམ་ཞེ་ན། དེའི་ཕྱིར་ཁྱིམ་པའི་འོ་ཞེས་བྱ་བ་སྨོས་ཏེ། ཚད་ཇི་ཙམ་པ་ལ་དེ་དང་འབྲེལ་པའི་བསོད་སྙོམས་བྱེད་པ་པོ་ཡིན་ཞེ་ན། དེའི་ཕྱིར་བྲེའུ་ཆུང་དག་གི་ཚད་ནི་འབྲས་ཐུག་པོ་ཆེ་མ་ག་དྷཱའི་#བྲེའུ་ཆུང་གི་ཕྱེད་དང་ལྔ་བཙོས་པ་ཚོད་མ་མ་#གཏོགས་པ་ལས་ལྷག་པའི་བསོད་སྙོམས་ཏེ། གྲོགས་
[211a.4]ཀྱི་སྐལ་བ་དང་བཅས་པ་ཡིན་ནོ་ཞེས་བྱ་བ་སྨོས་ཏེ། བྲེའུ་ཆུང་ཕྱེད་དང་ལྔ་བཙོས་པ་ལས་ལྷག་པའི་བསོད་སྙོམས་ནི་བྱེད་པ་པོ་ཡིན་ནོ། །བྲེའུ་ཆུང་དག་གི་ཚད་ནི་ཇི་ཙམ་ཞེ་ན། དེའི་ཕྱིར་བཙོས་པ་ཞེས་བྱ་བ་སྨོས་ཏེ། འབྲས་བཙོས་པ་མ་ག་དྷཱའི་#བྲེའུ་ཆུང་གི་ཚད་བྲེ་གང་རྣམས་ལ་ཡོད་པ་དེ་རྣམས་
[211a.5]ལའོ། །ཚོད་མ་མ་#གཏོགས་ཞེས་བྱ་བ་ནི། འདིར་ཚོད་མ་བརྩི་བར་མི་བྱ་ཞེས་བྱ་བའི་དོན་ཏོ། །འདུས་ནས་ལེན་པ་ལ་གྲོགས་དང་ལྷན་ཅིག་ཏུ་ལེན་པ་གང་ཡིན་པ་དེ་ནི་དེའི་བརྩི་བར་བྱ་འམ་#འོན་ཏེ་མ་ཡིན་ཞེ་ན། དེའི་ཕྱིར་གྲོགས་ཀྱི་སྐལ་བ་དང་ཡང་བཅས་པ་ཡིན་ནོ་ཞེས་བྱ་བ་སྨོས་ཏེ། འདིར་གཞུང་ནི་
[211a.6]འདོད་ན་དགེ་སློང་དེ་དག་གི་ལྷུང་བཟེད་གང་བ་གཉིས་སམ་གསུམ་བླང་བར་བྱའོ་ཞེས་ཐམས་ཅད་བྱེད་པ་པོ་ཉིད་ཀྱིས་གཉིས་སམ་གསུམ་གྱི་ཚིག་ཅེས་གསུངས་པ་ཡིན་ནོ། །གང་དུ་འདིའི་འོག་ཏུ་འདི་དང་འབྲེལ་པའི་བསོད་སྙོམས་བྱེད་པ་པོ་ཡིན་ཞེ་ན། དེའི་ཕྱིར་ཟོས་པ་ལའོ་ཞེས་བྱ་བ་སྨོས་སོ། །ཅི་
[211a.7]ཟོས་སོ་ཅོག་ཐམས་ཅད་ལའམ་ཞེ་ན། དེའི་ཕྱིར་མནོས་པའོ་ཞེས་བྱ་བ་སྨོས་ཏེ། རྙེད་པ་བཞག་པས་ཞེས་བྱ་བའི་དོན་ཏོ། །འདིར་གཞུང་ནི་ཞུ་བ་ལས་དེ་ཉིད་དུ་འདུག་ཅིང་དོན་ཇི་སྲིད་དུ་ཟོས་ཀྱང་ལྟུང་བ་མེད་དོ་ཞེས་གསུངས་པ་ཡིན་ནོ། །དེ་ལ་ནི་ཉེས་བྱས་ཀྱིའོ་ཞེས་བྱ་བ་ནི་བྱེད་པ་པོ་སྟེ་འདིར་ནི་མནོས་པ་
[211b]
[211b.1]ལའོ། །འདིར་ཉེས་བྱས་ཀྱི་བྱེད་པ་པོ་ཡིན་ནོ། །གཞན་གྱིས་མནོས་པ་ཡང་ངོ་ཞེས་བྱ་བ་ནི། གཞན་ནོད་དུ་བཅུག་ལ་ཟོས་ན་ཡང་ཉེས་བྱས་ཀྱི་བྱེད་པ་པོ་ཡིན་ནོ། །འདིར་གཞུང་ནི་ཞུ་བ་ལས། ལྡེ་གུ་དག་དང་སྣུམ་ཁུར་དག་བསྟབས་པ་དེ་ལས་འོག་ཏུ་ལྷུང་བཟེད་གཉིས་སམ་གསུམ་ལས་ལྷག་པར་གཞན་
[211b.2]ནོད་དུ་བཅུག་ན་ཉེས་བྱས་སོ་ཞེས་གསུངས་པ་ཡིན་ནོ། །གཞན་ལ་ནི་ལྟུང་བ་མེད་དོ་ཞེས་བྱ་བ་ལ། འདིར་གཞུང་ནི་འདི་ཡིན་ཏེ། དེ་ཉིད་དུ་འདུག་སྟེ་མ་བསྟབས་པར་ཟོས་ཀྱང་ལྟུང་བ་མེད་ཅེས་གསུངས་པ་ཡིན་ནོ། །འདིར་མདོ་འདི་ནི་ཉེས་བྱས་སུ་དོགས་པ་བསལ་བའི་ཕྱིར་བྱས་སོ། །ལས་སུ་མ་
[211b.3]བྱས་པ་ལ་ཡང་ངོ་ཞེས་བྱ་བ་ནི་འབྲས་ལ་སོགས་པ་རྔོ་བཏགས་མ་བྱས་པ་མནོས་ཏེ་ཟ་བ་ལ་ལྟུང་བ་མེད་པ་སྟེ། ཉེས་པ་མེད་པ་ལ་དགོངས་པ་ཡིན་གྱི་འབྲུ་ཙམ་པ་ལེན་པའི་ཉེས་པ་གཞན་ནི་ཡོད་དོ། །དེ་བས་ན་འདི་ལ་ཡང་འདིར་འདི་ལས་མེད་པར་རྟོགས་པར་མི་བྱའོ། །བླང་བར་བྱ་བ་གལ་ཏེ་མང་བ་
[211b.4]ཉིད་ཡིན་ན་དགེ་སློང་དག་ལ་བགོ་བཤའ་བྱའོ་ཞེས་བྱ་བ་ནི། འདིར་བླང་བར་འོས་པ་བྲེའུ་ཆུང་ཕྱེད་དང་ལྔའི་མཐར་ཐུག་པ་དེ་དང་རྗེས་སུ་མཐུན་པའི་ཚོད་མ་དང་ལྷན་ཅིག་ཏུ་གང་ཡིན་པ་དེ་ལས་གལ་ཏེ་ལྷག་པ་ཡིན་པར་བླང་བར་བྱའོ། །འདིར་མང་པོ་ལ་ཡང་དག་པར་བསྟེན་པ་ལ་གཞུང་ནི་དགེ་
[211b.5]སློང་དག་ལ་བགོ་བཤའ་བྱ་སྟེ། ལྷུང་བཟེད་གང་བ་གཉིས་སམ་གསུམ་བླངས་ནས་ཞེས་བྱ་བའི་ཚིག་གིས་རིག་པར་བྱའོ། །ལྷུང་བཟེད་དོ་གསུམ་ཙམ་ལས་ལྷག་པར་ལེན་པའི་ལྟུང་བྱེད་དོ།། །།ཇི་ཙམ་གྱིས་ཆོག་པ་བཟའ་བར་བྱའོ། །ཟས་བརྩམས་པས་ལྡང་བར་མི་བྱའོ་ཞེས་བྱ་བ་ལ། ཟས་
[211b.6]ལ་བརྩམས་པའི་ངོ་བོ་གསུངས་པ་ནི། ཐ་ན་ལན་ཚྭ་#ཡན་ཆད་བཟའ་བར་བྱ་བ་གང་ཡང་རུང་བ་ཅུང་ཟད་ཅིག་བླངས་ན་རྣམ་པ་དེ་ཉིད་ཡིན་ནོ་ཞེས་བྱ་སྟེ། ཅུང་ཟད་ཅིག་ཅེས་བྱ་བ་ནི་ཉུང་དུ་ཡང་ན་ཞེས་བྱ་བའི་དོན་ཏོ། །གང་ཡང་རུང་བ་ཞེས་བྱ་བ་འདིས་ནི་འདི་སྟོན་པར་བྱེད་དེ། ལན་ཚྭ་ཡན་ཆད་ཅེས་བྱ་བ་
[211b.7]སྟེ་ཇི་སྲིད་ལན་ཚྭ་ཞེས་བྱ་བའི་དོན་ཏེ། བླངས་ནས་ཞེས་བྱ་བ་ནི་ལེན་པ་ལའོ། །རྣམ་པ་དེ་ཉིད་ཡིན་ནོ་ཞེས་བྱ་བ་ནི་ཟས་ལ་མ་བསྐོས་པ་དེ་ཉིད་དོ། །ཤེས་གཙོ་བོ་སྤངས་པ་ཉིད་དང་ལྷག་བོར་མ་བྱས་པ་ཉིད་དག་ལའོ་ཞེས་བྱ་བ་འཆད་པར་འགྱུར་ཏེ། དེ་ལས་སྤངས་པ་གང་ཡིན་པ་དང་། སྤངས་པ་
[212a]
[212a.1]ཉིད་བྱེད་པ་བརྗོད་པར་བྱ་བ་ཡིན་ནོ། །དེ་བས་ན་སྤངས་པ་ནི་བཏང་བའོ་ཞེས་བྱ་བ་སྟེ། གང་གི་ཕྱིར་དེའི་ཚེ་ན་ཟས་ལ་སོགས་པ་ཡོངས་སུ་བཀང་བ་ཞེས་བྱ་བའོ། །འདི་གང་ལས་ཤེས་པ་ཡིན་ཞེ་ན། དེའི་ཕྱིར་འདུག་པའོ་ཞེས་བྱ་བ་སྨོས་སོ། །ཇི་ལྟ་བུ་ཞིག་ཅེ་ན། དེའི་ཕྱིར་རྩ་བ་
[212a.2]ལ་སོགས་པ་བཅའ་བར་བྱ་བ་ལ་སོགས་པའི་ཟས་བརྩམས་པའོ་ཞེས་བྱ་བ་སྨོས་ཏེ། སྤངས་པའི་རྩ་བ་ལ་སོགས་པ་དང་བཅའ་བར་བྱ་བ་ལ་སོགས་པའི་ཟས་གང་གིས་ཞེས་བྱ་བའི་དོན་ཏོ། །ཅི་ཅུང་ཟད་ཀྱང་མ་བྱས་པར་སྤངས་ནའང་ཞེ་ན། དེའི་ཕྱིར་རྩ་བ་དང་སྡོང་བུ་དང་འདབ་མ་དང་མེ་ཏོག་དང་
[212a.3]འབྲས་བུ་བཅའ་བར་བྱ་བ་དང་ཐུག་པ་ལས་གཞན་པ་བཟའ་བར་བྱ་བ་རུང་བ་#དང་མི་རུང་བ་མ་འདྲེས་པའི་བྱིན་ལེན་སྟོབས་པ་འཐབ་#པའི་ཕྱོགས་ན་འགྲེང་བ་སྤང་བར་བྱས་ནས་སོ་ཞེས་བྱ་བ་སྨོས་ཏེ། གཞན་པ་ཞེས་བྱ་བ་ལ། འདིར་གཞུང་ནི་ཞུ་བ་ལས་བཙུན་པ་རེ་ཞིག་དགེ་སློང་བཟའ་བ་ལྔ་པོ་དག་
[212a.4]མ་གཏོགས་པ་དེ་ལས་གཞན་པའི་དངོས་པོ་དག་སྤངས་པར་གྱུར་ནས་དེས་སླད་ཀྱི་བཟའ་བ་ལྔ་པོ་དག་འཚལ་བར་གྱུར་ན་ལྟུང་བ་མེད་དོ་ཞེས་གསུངས་པ་ཡིན་ནོ། །ཐུག་པ་ལས་ཞེས་བྱ་བ་ནི་གཞན་ནོ། །མི་རུང་བ་མ་འདྲེས་པ་ཞེས་བྱ་བ་ནི། གང་ཞིག་དེར་རུང་བ་དེས་འདི་ལ་རུང་བ་ཉིད་ཤེས་པར་མི་བྱ་སྟེ་
[212a.5]ཞེས་བྱ་བའི་དོན་དུ་འདི་ཡིན་ནོ། །སྟོབས་པ་འཐོབ་ཕྱོགས་ནས་འགྲེང་བ་ཞེས་བྱ་བ་ནི་གཞན་ལས་བྱིན་ལེན་མི་འཐོབ་པ་དང་བྱིན་ལེན་ལས་བཟློག་པ་གང་ཡིན་པ་དེ་ལ་འདིར་ཡན་ལག་ཉིད་ཀྱི་ཕྱིར་འདི་ཤེས་པ་ཡིན་ཏེ། འཐོབ་པའི་ཕྱོགས་ནས་འགྲེང་བ་འདི་ལྟ་བུའི་ཁ་ཟས་ལ་བྱིན་ལེན་བྱེད་ཅིང་བཟློག་
[212a.6]པར་བྱ་སྟེ། ཁ་ཟས་སྤངས་པ་དང་འདུག་པ་ཆོག་ཤེས་པའི་གནས་ལ་སྤངས་པ་གང་ཡིན་པ་དེ་ནི་སྤངས་པ་ཡིན་ཞེས་བྱ་བ་ནི་འདིར་བསྡུས་པའི་དོན་ཏོ། །གསོལ་ཅིག་ཅེས་བྱ་བ་ཡང་དེ་ཡིན་ནོ་ཞེས་བྱ་བ་ལ་ཞེས་བྱ་བ་ནི་དེ་ལ་སྦྱིན་པར་གྱུར་པ་གང་ཡིན་པ་དེ་ཙམ་འདིས་རྣམ་པར་མ་སྤྱད་པ་ལ་བརྟེན་#པར་
[212a.7]གྱུར་པ་དེ་བས་ན་གཞན་དེ་ལས་#བཟློག་པ་ཉིད་དོ། །སོང་ཤིག་ཅེས་བྱ་བ་ཡང་ངོ་། །འཚལ་ལགས་སོ་ཞེས་བྱ་བས་ཀྱང་ངོ་ཞེས་བྱ་བ་ལས་བཟློག་པ་ནི་ཀྱང་ངོ་ཞེས་བྱ་བའི་སྒྲ་ནི་སྔར་ཡང་ངོ་ཞེས་བྱ་བའི་རྗེས་བསྙགས་པའི་ཕྱིར་རོ། །རེ་ཞིག་ཅེས་བྱ་བའི་སྒྲ་ཉེ་བར་སྦྱར་ན་ནི་མ་ཡིན་ནོ་ཞེས་བྱ་བ་ནི་འདི་གསུམ་
[212b]
[212b.1]རེ་ཞིག་སྒྲ་ལ་ཉེ་བར་མཚམས་སྦྱར་བ་ལ་བཟློག་པར་མི་འགྱུར་ཞེས་བྱ་བའི་དོན་ཏོ། །ཆོག་གོ་ཞེས་བྱ་བ་ཡང་ངོ་ཞེས་བྱ་བ་ནི་དེ་ལ་ཡང་རེ་ཞིག་ཅེས་བྱ་བའི་སྒྲ་ཉེ་བར་སྦྱར་ན་སྤངས་པ་མ་ཡིན་ན་སླར་གཞན་དག་ལ་ལྟ་སྨོས་ཀྱང་ཅི་དགོས་ཞེས་བྱ་བའི་དོན་ཏོ། །ཐུག་པ་ལས་ཀྱང་ཞེས་བྱ་བ་གང་ཞིག་བརྗོད་པ་དེ་ལ་སླར་
[212b.2]བརྗོད་པར་འདོད་ནས་#ཁ་གཟར་གྱེན་དུ་འགྲེང་དུ་མི་བཏུབ་པ་ཉིད་ཀྱི་ཐུག་པ་དག་ནི་ཐུག་པ་ཉིད་དོ་ཞེས་བྱ་བ་སྨོས་ཏེ། ཁ་གཟར་གྱེན་དུ་གནས་པ་གང་ཡིན་པ་དེ་གལ་ཏེ་ཐུག་པ་ལ་གྱེན་དུ་འགྲེང་#དུ་མི་བཏུབ་ན་དེ་ལྟར་ན་འདི་ལ་ནི་ཐུག་པ་ཉིད་དོ། །སོར་མོ་ལྔ་མི་མངོན་པ་ནི་སྐྱོ་མའོ་ཞེས་བྱ་བ་ནི་ཐུག་པ་ཉིད་ལེན་དུ་
[212b.3]བཅུག་པ་ལ་ཞེས་བྱ་བ་འདི་དང་འབྲེལ་པ་བརྗོད་པར་བྱའོ། །ཐོ་འཚམས་#པ་ནི་བྱིན་ལེན་སྟོབས་པ་མ་ཡིན་ནོ་ཞེས་བྱ་བ་འདི་ནི་ཐོ་འཚམས་#པར་ཤེས་པ་ཉིད་ལ་འདི་ལྟར་བྱིན་ལེན་དུ་འཇུག་པ་མ་ཡིན་ནོ། །འདི་ནི་བྱིན་ལེན་བྱེད་དུ་འཇུག་པའི་ཀུན་དུ་སྤྱོད་པ་ལ་རྗེས་སུ་མཐུན་པ་ཞེས་བྱ་བ་ཤུགས་ཀྱིས་
[212b.4]རྟོགས་པར་བྱའོ། །འདིར་གཞུང་ནི་ཞུ་བ་ལས། བཙུན་པ་རེ་ཞིག་དགེ་སློང་སྔར་ཐོ་འཚམས་#པར་རྟོགས་པ་ཅན་གྱིས་བྱིན་ལེན་བསྟབས་པར་གྱུར་ལ། དེས་སླད་ཀྱི་ཐ་མལ་པའི་གནས་སྐབས་སུ་བྱིན་ལེན་བསྟབས་པ་དེ་འཚལ་ན་ལྟུང་བ་ཅིར་འགྱུར། ཉེ་བ་འཁོར་ལྟུང་བ་མེད་དོ་ཞེས་གསུངས་པ་ཡིན་ནོ། །
[212b.5]ཐོ་འཚམས་པའི་རྟོག་པ་#ཅན་ཞེས་བྱ་བ་ནི་འདི་ལ་ཐོ་#འཚམ་མོ་སྙམ་པའི་རྟོག་པ་གང་ལ་ཡོད་པར་གྱུར་པ་ཞེས་བྱ་བ་འདི་#དོན་རིག་པར་བྱའོ། །སྤང་བ་བསྟན་ཟིན་ཏོ།། །།ད་ནི་ལྷག་བོར་བྱ་བ་བསྟན་པར་བྱ་སྟེ། མཚམས་ཀྱི་ཕྱི་རོལ་དང་མི་འཐོབ་པའི་ཕྱོགས་དང་མདུན་མ་#ཡིན་པ་ན་འདུག་པ་ལས་ལྷག་
[212b.6]བོར་བྱ་བ་མི་འབྱུང་ངོ་ཞེས་བྱ་བ་ནི་མཚམས་ཀྱི་ཕྱི་རོལ་ན་གནས་པ་དང་། མི་འཐོབ་པའི་ཕྱོགས་ན་གནས་པ་དང་། མདུན་མ་ཡིན་པ་ན་འདུག་པ་ལས་ཞེས་བྱ་བའི་བསྡུ་བའོ། །གཉིས་དང་ལྡན་པ་ལ་གཅིག་པའི་དངོས་པོ་འདི་རྣམས་ལས་ལྷག་བོར་བྱ་བ་མི་འབྱུང་སྟེ། མཚམས་གཞན་ན་
[212b.7]གནས་པ་ན་གང་ཞིག་ལ་ཡང་ཡན་ལག་ཉིད་#དོ། །དེ་བས་ན་ཕྱི་རོལ་གྱི་མཚམས་ལ་གནས་པ་དོར་བའོ། །ལྷག་བོར་ཞེས་བྱ་བ་ནི་མཐར་ཐུག་པར་གྱུར་པའི་བོར་བ་ནི་དོར་བ་སྟེ་ལྷག་བོར་#རོ། །དེ་ལྟར་ཡང་འདིར་གཞུང་ནི་རྣམ་པར་འབྱེད་པ་ལས། ལྷག་མར་མ་བྱས་ཤིང་མ་བོར་ཡོངས་སུ་མ་བཏང་
[213a]
[213a.1]བ་ནི་ལྷག་བོར་མ་བྱས་པ་ཞེས་གསུངས་པ་ཡིན་ནོ། །བྱ་བ་ལག་ཏུ་མ་བླངས་པ་ལ་ཡང་མི་འབྱུང་ངོ་ཞེས་བྱ་བ་ནི་ལྷག་བོར་བྱ་བའི་དངོས་པོ་གང་ཡིན་པ་དེ་ལག་ཏུ་མ་བླངས་པ་ལ་ཡང་ལྷག་བོར་མི་འབྱུང་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་དེས་ལག་པ་གཉིས་བསྙལ་
[213a.2]ཏེ་བྱིན་ལེན་བྱས་པ་ལས་ཞེས་གང་གསུངས་པ་ཡིན་ནོ། །ནམ་མཁའ་ལ་ཡང་མི་འབྱུང་ངོ་ཞེས་བྱ་བ་དེ་ནི་མཚམས་ཀྱི་ཕྱི་རོལ་ཞེས་བྱ་བ་འདིའི་ཁོངས་སུ་གཏོགས་པ་ཉིད་དུ་རིག་པར་བྱའོ། །རུང་བ་མ་ཡིན་པ་དང་དེ་དང་འདྲེ་བ་ལ་ནི་མི་བྱ་བ་ཉིད་དོ་ཞེས་བྱ་བ་ནི་རུང་བ་ལ་མི་རུང་བ་འདྲེས་པས་ལྷག་བོར་
[213a.3]བྱི་དངོས་པོ་དོར་བ་ཉིད་ཀྱིས་མི་བྱ་བ་ཉིད་དོ། །གང་གི་ལྷག་བོར་དུ་བྱ་བ་དང་གང་གི་འདིར་བྱེད་པ་པོ་ཉིད་ཡིན་ཞེ་ན། དེའི་ཕྱིར་གནས་#མ་བཏང་བས་བྱ་བ་ཉིད་དོ་ཞེས་བྱ་བ་སྨོས་ཏེ། འདིར་ཟ་བའི་གནས་ནི་གནས་ཤེས་པར་དོན་གྱིས་ཤེས་པར་བྱའོ། །ཅི་ཆོག་པར་མ་བྱས་པ་ལ་ཡིན་ནམ་ཞེ་ན།
[213a.4]དེའི་ཕྱིར་མི་ཟ་བར་བརྟག་པར་#བྱས་ཀྱང་ངོ་ཞེས་བྱ་བ་སྨོས་ཏེ། ཅི་མ་གསོལ་བས་ཀྱང་བྱའམ་ཞེ་ན། དེའི་ཕྱིར་གསོལ་བར་བྱ་བ་ཉིད་ཡིན་ནོ་ཞེས་བྱ་བ་སྨོས་སོ། །འདིའི་བྱ་བ་ཅི་ཡིན་ཞེ་ན། དེའི་ཕྱིར་ཁྱོད་ཀྱིར་གྱུར་གྱི་#བཞུད་ཅིག་ཅེས་བྱ་བའི་ཚིག་གིས་བྱའོ། །ཁ་ཅིག་ནི་ཅི་བདེར་གསོལ་
[213a.5]ཅིག་ཅེས་ཀྱང་བྱའོ་ཞེས་བྱ་བ་སྨོས་ཏེ། འདོད་པ་གཞན་ལ་འདི་བསྟན་པའོ། །གཞན་དག་གི་ཚིག་འདི་འདིར་བྱ་བ་ཉིད་ཀྱིས་ཤེས་ཀྱང་ཟེར་ཏེ། འདིར་དོན་གཙོ་ཆེ་བ་ཡིན་གྱི་ཚིག་ནི་མ་ཡིན་ནོ། །དེ་བས་ན་འདི་གཉིས་ཀ་འདིའི་བྱ་བ་ཡིན་ནོ། །གཞན་ཡང་འདི་ལྟ་བུའི་རིགས་ཅན་ཀྱི་ཚིག་ཅེས་བྱ་བ་
[213a.6]རྟོགས་པར་བྱའོ། །ཅི་ཚིག་ཙམ་ཁོ་ནས་ལྷག་བོར་བྱ་བ་ཟད་དམ་ཞེ་ན། དེའི་ཕྱིར་ཁམ་གཉིས་སམ་གསུམ་ཟོས་ནས་སོ་ཞེས་བྱ་བ་སྨོས་ཏེ། གང་ཞིག་གི་ཡང་མ་ཟོས་པ་ལ་ཀུན་དུ་རྟོག་#པར་བྱ་བའི་ལྷག་བོར་འདུ་#བྱེད་པ་དེས་ཀྱང་ཁམ་གཉིས་སམ་གསུམ་ཟོས་ནས་བྱ་བ་ཞེས་སྨོས་པ་ནི་བྱ་བ་བཏང་
[213a.7]བས་ནི་བཟའ་བར་མི་བྱའོ་ཞེས་བྱ་བ་སྟེ། མ་ཟོས་པ་ལ་ཀུན་དུ་རྟོག་#པ་བྱེད་བཞིན་པ་ལ་ཡང་གང་ཟག་བརྗོད་པ་གང་ཡིན་པ་དེ་ལ་དེས་ནི་བཟའ་བར་མི་བྱ་བར་ཁྱོད་ཀྱིར་གྱུར་གྱི་#བཞུད་ཅིག་ཅེས་བྱ་བའི་ཚིག་ཙམ་ཉིད་དུ་བྱ་བ་འདིས་བསྟན་པར་ཤེས་པར་བྱའོ། །ལྷག་བོར་བྱས་པ་གཞན་གྱིས་བཟའ་བར་
[213b]
[213b.1]བྱའོ་ཞེས་བྱ་བ་ནི་དགེ་སློང་གཅིག་ལ་རུང་བ་གང་ཡིན་པ་དེ་གཞན་ལ་ཡང་རུང་ངོ་ཞེས་བྱ་བ་དེ་ལ་འདི་བསྟན་པའོ། །ཤེས་གཙོ་བོ་ཞེས་བྱ་བ་ནི་འདུ་ཤེས་གཙོ་ཆེར་བྱེད་པ་པོ་ཉིད་དོ། །གང་ལ་འདུ་ཤེས་གཙོ་ཆེར་བྱེད་པ་པོ་ཉིད་ཡིན་ཞེ་ན། དེའི་ཕྱིར་སྤངས་པ་ཉིད་དང་ལྷག་བོར་མ་བྱས་པ་ཉིད་དག་ལའོ་ཞེས་བྱ་བ་
[213b.2]སྨོས་ཏེ། ལྷག་བོར་མ་བྱས་པ་ཉིད་གང་ཡིན་པ་དེ་ལ་དེ་ནི་ལྷག་བོར་ཉིད་དུ་མ་བྱས་པའོ། །ཟོས་ནས་#སྤངས་པ་ཉིད་ལ་ཡང་ལྷག་བོར་དུ་བྱ་བ་མ་བྱས་པ་ཞེས་བྱ་བའི་དོན་ཏོ། །ཅི་ཞིག་རྗེས་སུ་བསྒྲུབ་ན་བྱེད་པ་པོ་ཉིད་ཡིན་ཞེ་ན། དེའི་ཕྱིར་ཟོས་ནའོ་ཞེས་བྱ་བ་སྨོས་སོ། །ཅི་ཞིག་ཟོས་ན་ཞེ་ན། དེའི་
[213b.3]ཕྱིར་ཟས་ཙམ་མོ་ཞེས་བྱ་བ་སྨོས་ཏེ། བཅའ་བར་བྱ་བ་ཙམ་ཡང་ཞེས་བྱ་བའི་དོན་ཏོ། །འདི་སྟན་གཅིག་པའི་ཟས་དང་པོར་བྱས་པས་དེའི་ཕྱིར་དེ་དག་ཐམས་ཅད་ནི་རྣམ་པར་ངེས་པ་མ་ཡིན་པར་རིག་པར་བྱའོ། །སྦྱངས་པའི་ཡོན་ཏན་ཡང་དག་པར་བླངས་པ་སྤངས་པ་ཉིད་ཡིན་ཡང་རུང་སྤངས་པ་
[213b.4]ཉིད་མ་ཡིན་ཡང་རུང་སྟེ། ལྷག་བོར་བྱས་ཀྱང་རུང་ལྷག་བོར་མ་བྱས་ཀྱང་རུང་བཅའ་བར་བྱ་བ་དང་བཟའ་བར་བྱ་བ་དག་ཟོས་བཞིན་པས་བཟའ་བར་མི་བྱ་ཞེས་བྱ་བ་འདིའི་བྱེ་བྲག་རྟོགས་པར་བྱའོ། །སྟན་གཅིག་པའི་ཟས་ཀྱི་ལྟུང་བྱེད་དོ།། །།འདི་ཡང་ཤེས་གཙོའོ། །སྤངས་པ་ཉིད་དང་ལྷག་
[213b.5]བོར་མ་བྱས་པ་ཉིད་དག་ལའོ་ཞེས་སྔར་བསྟན་པའི་ཡན་ལག་དེ་དག་ཁས་བླངས་ནས་བསྒྲུབ་པ་གང་ཡིན་ལ་འདུ་ཤེས་པ་འདིའི་བྱེད་པ་པོ་ཉིད་ཡིན་ཞེས་བྱ་བ་འདི་ལ་འདི་སྐད་ཅེས་བརྗོད་པར་བྱ་སྟེ། སྟོབས་ནའོ་ཞེས་བྱ་བ་སྨོས་ཏེ། ཟས་ཙམ་ཟོས་པ་ལ་ཞེས་བྱ་བའི་དོན་ཏོ། །གང་ལ་སྟོབས་ན་ཞེ་ན་དེའི་
[213b.6]ཕྱིར་དགེ་སློང་ལའོ་ཞེས་བྱ་བ་སྨོས་ཏེ། ཐམས་ཅད་དུ་རུང་བ་མ་ཡིན་པའི་ཕྱིར་སྟོབས་པ་ལ་ཉེས་པ་ཞེས་བྱ་བ་འདིའི་རྗེས་སུ་འབྲངས་ནས་རིག་པར་བྱའོ། །སྤངས་པ་ལ་སྟོབས་པའི་ལྟུང་བྱེད་དོ།། །།#ཤེས་གཙོ་བོ་ཞེས་བྱ་བ་ནི་འདུ་ཤེས་གཙོ་ཆེར་བྱེད་པ་པོ་ཉིད་དོ། །གང་ལ་འདུ་ཤེས་
[213b.7]གཙོ་ཆེར་བྱེད་པ་པོ་ཉིད་ཡིན་ཞེ་ན། དེའི་ཕྱིར་སོ་སོར་ངེས་པའི་ཟས་ཀྱི་གནས་ཅན་དག་ལས་གཞན་པའི་དགེ་སློང་དགེ་འདུན་དུ་གྱུར་པ་མཚམས་ཀྱི་ནང་ན་གནས་པ་དག་ཟན་ལྷན་ཅིག་མ་ཡིན་པ་ཉིད་ལའོ་ཞེས་བྱ་བ་སྨོས་ཏེ། གནས་ཁང་#ན་ཟས་ཐ་དད་པ་ཉིད་དུ་ངེས་པ་དེ་ནི་སོ་སོར་ངེས་པའི་ཟས་སོ། །
[214a]
[214a.1]དགེ་སློང་གང་དག་ལ་གནས་དེ་དག་ནི་སོ་སོར་ངེས་པའི་ཟས་ཀྱི་གནས་ཅན་དག་གོ། །དེ་རྣམས་ལས་གཞན་དགེ་སློང་མཚམས་ཀྱི་ནང་ན་གནས་པའི་བཞི་ལ་སོགས་པ་དགེ་འདུན་དུ་གྱུར་པའི་དགེ་སློང་རྣམས་དང་ལྷན་ཅིག་མ་ཡིན་པ་ཉིད་ཀྱིས་ཞེས་བྱ་བའི་དོན་ཏོ། །འདིར་གཞུང་ནི་ཚོགས་
[214a.2]ཤིང་ཟ་བ་བཟུང་བ་ནི་དགེ་འདུན་དུ་གྱུར་པ་རྣམས་ཀྱིས་ཞེས་བྱ་བ་རིག་པར་བྱའོ། །འདིར་རྣམ་པར་འབྱེད་པ་#ལས་ལ་གཡེང་བ་ཞེས་བྱ་བ་སྟེ། ཚོགས་ཤིང་ཟ་བ་ནི་ཚོགས་ནས་ཟ་བའོ། །གཡེང་བ་ཉིད་ཅེས་པ་ནི་དགེ་འདུན་གཉིས་འབྱེད་པའོ་ཞེས་བྱ་བ་འདིའི་དོན་རྣམ་པར་གནས་པ་ཡིན་ནོ། །ཅི་གཅིག་
[214a.3]པུ་#ཞིག་ཟན་ལྷན་ཅིག་མ་ཡིན་པ་ཉིད་ལ་ཡིན་ནམ་ཞེ་ན། དེའི་ཕྱིར་ལྷན་ཅིག་པའི་འོ་ཞེས་བྱ་བ་སྨོས་ཏེ། རྣམ་པ་གང་དང་ལྷན་ཅིག་པའི་ཞེ་ན། དེའི་ཕྱིར་ཅིག་ཅར་ཟ་བ་དང་ངོ་ཞེས་བྱ་བ་སྨོས་སོ། །སུ་དང་ལྷན་ཅིག་པའི་ཞེ་ན། དེའི་ཕྱིར་གསུམ་པོ་ལ་སོགས་པ་དང་ངོ་ཞེས་བྱ་བ་སྨོས་ཏེ།
[214a.4]གསུམ་པ་འམ་བཞི་ལ་སོགས་པའི་ཚོགས་དང་ངོ་། །འདིར་གཞུང་ནི་བཞི་པོ་དག་ལས་གཅིག་གིས་ཞལ་ཏ་བྱེད་ཅིང་གསུམ་ཟ་བ་ལ་ནི་ལྟུང་བ་མེད་དོ་ཞེས་གསུངས་པ་ཡིན་ནོ། །གང་གི་གསུམ་པོ་ལ་སོགས་པ་དང་ཞེ་ན། དེའི་ཕྱིར་དགེ་སློང་རྣམས་ཀྱིའོ་ཞེས་བྱ་བ་སྨོས་ཏེ། འདིར་གཞུང་ནི་ལྟུང་
[214a.5]བ་བསྟན་པ་ལ་གསུམ་བསྙེན་པར་རྫོགས་པ་ཡིན་ལ་གཅིག་བསྙན་(བསྙེན་)པར་མ་རྫོགས་པ་ཡིན་ན་ལྟུང་བ་མེད་དོ་ཞེས་གསུངས་པ་ཡིན་ནོ། །ཅི་ཐམས་ཅད་དུ་ལྷན་ཅིག་པ་འདི་ཙམ་ལ་ཡང་ཡིན་ནམ་ཞེ་ན། དེའི་ཕྱིར་དགེ་སློང་རྣམ་པ་ཇི་ལྟ་བུས་གོས་མེད་པའི་ཟས་གཉིས་པ་རྙེད་པ་བྱེད་པ་པོ་ཉིད་ཡིན་པ་བཞིན་ནོ་
[214a.6]ཞེས་བྱ་བ་སྨོས་ཏེ། དགེ་སློང་རྣམ་པ་ཇི་ལྟ་བུ་གོས་མེད་པའི་ཟས་གཉིས་ཡང་ཡང་ཟ་བའི་བྱེད་པ་པོ་ཉིད་ཡིན་པ་དེ་བཞིན་དུ། འདིར་ཡང་མི་ན་བ་དང་ལས་མ་བྱས་པ་དང་ལམ་དུ་མ་ཞུགས་པ་དང་། གྲུར་མ་ཞུགས་པ་དེ་ལ་ཡང་ཞེས་བྱ་བའི་དོན་ཏོ། །ལམ་དཔག་ཚད་དམ་དཔག་ཚད་ཕྱེད་དུ་སོང་བའམ་
[214a.7]སླར་འོང་བར་འགྱུར་#ཞེས་བྱ་བ་འདི་ལ་ཁ་ཅིག་འགྲོ་བ་དང་སླར་འོང་བར་འགྱུར་ཞེས་བྱ་བའི་གཞུང་བྱེད་པ་ཡིན་ཏེ། གཞན་དག་ནི་དཔག་ཚད་དུ་འགྲོ་བར་འགྱུར་བའམ་དཔག་ཚད་དུ་འགྲོ་བའམ། དཔག་ཚད་ཕྱེད་དུ་འགྲོ་བར་འགྱུར་བའམ་སླར་འོངས་པ་ཞེས་བྱ་བར་རྣམ་པར་རྟོག་#པ་ཡིན་ནོ། །འདི་གཉིས་ཀ་
[214b]
[214b.1]ཡང་བདེན་པ་མ་ཡིན་ཏེ། བཙུན་པ་རེ་ཞིག་དགེ་སློང་གི་དཔག་ཚད་ཕྱེད་ལས་འདས་པར་བགྱིས་#ནས་འདུས་པ་དང་ལྷན་ཅིག་འཚལ་#འཚལ་ན་ལྟུང་བ་ཅིར་འགྱུར་ཉེ་བ་འཁོར་ལྟུང་བ་མེད་དོ་ཞེས་ཞུ་བ་ལས་གསུངས་པ་ཡིན་ནོ། །ཅི་ཟན་ལྷན་ཅིག་མ་ཡིན་པ་ཉིད་ཐམས་ཅད་ལའམ་ཞེ་ན། དེའི་ཕྱིར་དུས་སྟོན་ཆེན་པོ་ལས་
[214b.2]གཞན་པ་ལའོ་ཞེས་བྱ་བ་སྨོས་ཏེ། འདིར་དུས་སྟོན་ཆེན་པོ་ཞེས་བྱ་བའི་གཞུང་ནི་ཟན་སྤངས་པ་ཞེས་གསུངས་པ་ཡིན་ནོ། །ཀུན་དུ་སྤྱོད་པ་གང་ལ་འདི་ལ་བྱེད་པ་པོ་ཉིད་ཅེས་བྱ་བ་འདི་ལ་ཟོས་ནའོ་ཞེས་འོག་ནས་འབྱུང་ན་ཅི་དུས་ལ་མ་བབ་པའི་བཟའ་བར་བྱ་བ་ཐམས་ཅད་ལ་ཟོས་ན་ཞེས་བྱ་བ་འདི་ལ་བརྗོད་པར་བྱ་
[214b.3]སྟེ། དེའི་ཕྱིར་རྟགས་འདི་མེད་པའི་རབ་ཏུ་བྱུང་བའི་ཟས་ལས་གཞན་པའི་འོ་ཞེས་བྱ་བ་སྨོས་ཏེ། རབ་ཏུ་བྱུང་བ་གང་ལ་རྟགས་འདི་མེད་པ་ཞེས་བྱ་བ་ནི་ཕྱི་རོལ་པའི་རབ་ཏུ་བྱུང་བའོ། །དེའི་ཟས་ལས་གཞན་པ་ཞེས་བྱ་བ་ནི་བཟའ་བར་བྱ་བ་གང་ཡིན་པ་དེ་ཟོས་པ་ལ་ཞེས་བྱ་བའི་དོན་ཏོ། །དེར་འོང་
[214b.4]བར་བྱ་བ་ཉིད་དུ་གནས་པ་མཚམས་ཀྱི་ནང་ན་འཁོད་པ་དག་གི་འོང་པ་ཉིད་མ་དྲིས་པར་ཟ་ན་འདའ་བའི་ཕྱེད་ཡིན་ནོ་ཞེས་བྱ་བ་ལ། གནས་པ་ཞེས་བྱ་བ་ནི་རྣམ་པར་གནས་པ་སྟེ། གནས་གང་ལ་རྩ་བའི་གནས་ཡོངས་སུ་རྩི་བ་ལ་སོགས་པ་ལ་ཁ་ཅིག་ནི་ཟ་བར་བྱེད་པ་དེ། དེར་ཁ་ཟས་ཀྱི་དོན་དུ་འོངས་
[214b.5]པ་ཉིད་གང་རྣམས་ལ་གནས་གཞན་དུ་རྩ་བའི་གནས་ཡོངས་སུ་བརྩི་བ་ལ་སོགས་པ་ལ་མཚམས་ཐ་མི་དད་པར་གནས་པ་རྣམས་ལ་དེ་རྣམས་ནི་དེ་གནས་པ་དང་དེར་འོངས་པ་ཉིད་རྣམས་སོ། །དེ་རྣམས་ལ་འོང་བ་ཉིད་མ་དྲིས་པར་ཟ་ན་འདའ་#བའི་ཕྱེད་ཡིན་ཏེ་ཉེས་བྱས་སོ་ཞེས་བྱ་བའི་དོན་ཏོ། །གནས་པ་
[214b.6]ལ་མ་ཡིན་པར་དེར་འོང་བ་ཉིད་མ་དྲིས་པར་ཟ་ན་ལྟུང་བྱེད་ཁོ་ན་སྟེ། དེ་བས་ན་མ་བྱས་པ་ཉིད་ཀྱི་དམིགས་ཀྱིས་བསལ་བར་དེ་རྟོགས་པར་བྱའོ། །འདིར་གཞུང་ནི་གཞིའི་འདུག་གནས་ཀྱི་ཉེ་འཁོར་ན་ཁང་ཁྱིམ་དག་ཡོད་པ་གཞིའི་འདུག་གནས་སུ་དགེ་སློང་དག་ཟན་ཟན་དེ་དག་གིས་#ཁང་ཁྱིམ་གྱི་འདུག་
[214b.7]གནས་ནས་དགེ་སློང་དག་འོངས་སམ་ཞེས་དྲི་བར་བྱའོ། །མ་དྲིས་པར་ཟ་ན་གཞིའི་#འདུག་གནས་པ་དག་ལ་ནི་ཉེས་བྱས་སུ་འགྱུར་ལ། ཁང་ཁྱིམ་གྱི་འདུག་གནས་པ་དག་ལ་ནི་ལྟུང་བྱེད་དུ་འགྱུར་རོ། །དགེ་སློང་དག་ཁང་ཁྱིམ་གྱི་འདུག་གནས་སུ་ཟན་ཟ་ན། དེ་དག་གིས་གཞིའི་#འདུག་གནས་
[215a]
[215a.1]ནས་དགེ་འདུན་དག་འོངས་སམ་ཞེས་དྲི་བར་བྱའོ། །མ་དྲིས་པར་ཟོས་ན་ཁང་ཁྱིམ་གྱི་འདུག་གནས་པ་དག་ལ་ནི་ཉེས་བྱས་སུ་འགྱུར་ལ། གཞིའི་འདུག་གནས་པ་དག་ལ་ནི་ལྟུང་བྱེད་དོ་ཞེས་གསུངས་པ་ཡིན་ནོ། །དོགས་པར་གྱུར་པ་མ་དཔྱད་པར་ཞེས་བྱ་བའི་དོན་འདི་ལ་འདིར་མཚོན་
[215a.2]པ་དང་མ་དྲིས་པར་རྣམ་པར་གནས་པ་ཡིན་ནོ། །དོགས་པར་བྱ་བ་མ་བཟུང་བ་ཉིད་ཀྱི་ཕྱིར་དྲི་བར་བྱ་བ་མ་ཡིན་ཏེ། དེ་བས་ན་ངེས་པ་རྣམས་ལ་ནི་ཉི་མ་གཅིག་གི་དོན་ལ་ཡང་དགེ་འདུན་གྱི་སྐབས་#ན་སྨད་པ་ཉིད་དོ། །གཞན་དུ་ནི་ཁ་ན་མ་ཐོ་བ་ཡོངས་སུ་རྫོགས་པར་འགྱུར་རོ#། །དེ་བས་ན་དེ་ལ་འདི་ནི་བྱེད་པ་པོ་
[215a.3]ཡིན་ནོ། །དེ་ལྟར་ན་གནས་པ་གཅིག་ཡིན་ལ། དེ་ཉིད་ན་དགེ་སློང་གང་དག་སོ་སོ་ན་ཟན་ཟ་ཞིང་དེ་དག་གིས་ཀྱང་འདུས་ཤིང་ཟ་བར་མངོན་སུམ་དུ་ཤེས་སམ་དོགས་པ་དག་ཡོད་ན་དགེ་འདུན་གྱི་ལྷག་མ་ཐམས་ཅད་ལ་ཁོངས་སུ་གཏོགས་པའི་ཉེས་བྱས་བསྐྱེད་པ་ཞེས་བྱ་བར་རིག་པར་བྱའོ། །གང་ཡང་
[215a.4]རུང་བ་ཅུང་ཟད་ཅིག་བྲིམས་ན་ཡང་ཟན་གཅིག་པ་ཉིད་ཡིན་ནོ་ཞེས་བྱ་བ་ནི་ཟན་བཟའ་བར་བྱ་བ་གང་ཡང་རུང་བ་ཅུང་ཟད་ཅིག་དགེ་འདུན་གྱིས་ལོགས་ཤིག་ན་ཟ་བའམ། ཟན་ལོགས་ཤིག་ན་ཟ་བ་བས་དགེ་འདུན་ལ་བྲིམས་ཀྱང་རུང་སྟེ་ལྟུང་བ་མེད་ཅེས་བྱ་བའི་དོན་ཏོ། །འགྲོ་བར་ཆས་པ་དང་གློ་བུར་དུ་
[215a.5]འོངས་པ་དང་ནད་པ་དང་ནད་གཡོག་དང་དགེ་སྐོས་ལས་གཞན་པ་ཐམས་ཅད་ཀྱིས་མ་ཟོས་པར་གཡོས་མལ་དང་སྤྱི་བུངས་ལས་མནོས་ཏེ་བཟའ་བར་མི་བྱའོ་ཞེས་བྱ་བ་ནི་སྨན་གྱི་གཞི་དང་ཕྲན་ཚེགས་དག་ལས་ཀྱང་མགྲོན་དུ་བོས་པ་ན་ཐམས་ཅད་ཀྱིས་མ་ཟོས་པ་བཟའ་བར་མི་བྱ་བ་ཉིད་དེ། དེ་བས་ན་དེར་ཡང་
[215a.6]ཆོ་ག་འདི་རིག་པར་བྱའོ། །འདིར་ནི་དགེ་འདུན་གྱི་དོན་དུ་ཞེས་བྱ་བ་གསུངས་པ་མ་ཡིན་ཏེ། གཉིས་གང་ལ་ཡང་མ་ཡིན་ནོ། །གསུམ་བོས་པ་ལ་ཡང་གཅིག་པ་ཉིད་དེ་བོས་པ་ལ་ནི་ཁ་ཟས་གྱ་ནོམ་པ་ལ་རིགས་#པའི་ངོ་བོ་ཉིད་དོ། །དེ་བས་ན་འདིར་ཆོ་ག་འདི་མེད་པ་མ་ཡིན་ནོ། །གཙུག་ལག་ཁང་ན་
[215a.7]དགེ་སློང་གཅིག་པུ་ཞིག་གནས་པ་ན་ཡང་དེས་ཀྱང་བཀད་ས་ལས་གཞན་དུ་ཟན་བཟའ་བར་མི་བྱ་སྟེ། ཟོས་ན་འདས་པར་འགྱུར་རོ། །དེས་ན་བསླབ་པའི་གཞི་འདིའོ། །གཅིག་པུ་ཞིག་མགྲོན་དུ་བོས་པར་འགྱུར་བ་དེས་ཀྱང་སྦྱིན་བདག་#གིས་བསྐོས་པའི་དབང་བ་མ་གཏོགས་པར་གང་ཞིག་མ་ཟོས་པར་#ཟན་དེ་ནི་
[215b]
[215b.1]འདི་ལས་འདའ་བར་རྗེས་སུ་བྱེད་པ་ཞེས་བྱ་བར་རིག་པར་བྱའོ། །མ་ཟོས་པ་ཉིད་ལ་ཞེས་བྱ་བ་ནི་ཚངས་པ་མཚུངས་པར་སྤྱོད་པ་དགེ་སློང་མ་ལ་སོགས་པ་གཅིག་ཏུ་འདུས་ནས་ཁ་ཟས་མི་མཐུན་པ་འདི་འཇུག་པ་དེ་ནི་བཅོམ་ལྡན་འདས་ཀྱིས་ཀྱང་དོན་དུ་རྗེས་སུ་གནང་སྟེ། དགེ་སློང་འགའ་འོང་ཡང་སྲིད་པས་དེའི་
[215b.2]ཆེད་དུ་གྲལ་གྱི་དང་པོར་སྟན་གཅིག་གཞག་སྟེ། ཁ་ཟས་ཀྱི་མདུན་དུ་དགེ་སློང་མ་རྣམས་བཀོད་པར་བྱའོ་ཞེས་གསུངས་པ་ཡིན་ནོ། །དེ་བས་ན་མཚན་མཐུན་པའི་ཚངས་པར་སྤྱོད་པ་དང་མཚུངས་པ་ལ་དོན་འདི་མི་#འཕངས་པར་ཤེས་པར་བྱའོ། །འདུས་ཤིང་ཟ་བའི་ལྟུང་བྱེད་དོ།། །།རང་
[215b.3]གི་ཕྱེད་ཡོལ་ནས་སྐྱ་རེངས་འཆར་བའི་བར་དུས་མ་ཡིན་ནོ་ཞེས་བྱ་བ་ལ། རང་གི་ཞེས་བྱ་བ་ནི་ཕྱེད་ཡོལ་བ་དང་སྐྱ་རེངས་ཤར་གྱིས་#ཀྱང་འདི་ལ་འབྲེལ་པའོ། །རང་གི་ཕྱེད་ཡོལ་བའི་མཐར་ཐུག་པ་ལ་རང་གི་སྐྱ་རེངས་#འབྱུང་བ་ལ་ཡང་བར་དུ་ཞེས་བྱ་བ་ནི་ཕྱེད་ཡོལ་མན་ཆད་ནས་སྐྱ་རེངས་འཆར་བའི་བར་
[215b.4]གང་ཡིན་པ་དེ་ནི་འདིར་མངོན་པར་འདོད་པར་རིག་པར་བྱའོ། །འདིར་གཞུང་ནི་འཛམ་བུའི་གླིང་ལ་སོགས་པ་གནས་གང་ན་སོ་སོར་གནས་པ་དེ་ལ་རང་གི་ཞེས་བྱ་བར་འགྱུར་རོ། །དགེ་སློང་གིས་#དུས་མ་ལགས་པར་བཅའ་བར་བགྱི་བ་དང་བཟའ་བར་བགྱི་བ་འཚལ་བ་ལྟུང་བར་མི་#འགྱུར་བ་མཆིས་སམ།
[215b.5]ཡོད་དེ་འཛམ་བུའི་གླིང་པའི་དུས་ཀྱིས་གླིང་གསུམ་པ་དག་ཏུ་ཟོས་ན་ལྟུང་བར་མི་འགྱུར་བའོ་ཞེས་བྱ་བ་ལ་སོགས་པ་གསུངས་པ་ཡིན་ནོ། །དེ་ཉིད་ལ་ཤེས་གཙོ་བོ་ཞེས་བྱ་བ་ནི་དུས་མ་ཡིན་པ་དེ་ཉིད་ལ་འདུ་ཤེས་གཙོ་ཆེར་བྱེད་པ་པོ་ཡིན་ནོ། །ཅི་ཀུན་དུ་#སྤྱོད་ན་ཞེ་ན་དེའི་ཕྱིར་བཅའ་བར་བྱ་བ་དང་བཟའ་བར་བྱ་བ་
[215b.6]ཟོས་ནའོ་ཞེས་བྱ་བ་སྨོས་སོ། །དུས་མ་ཡིན་པར་ཟ་བའི་ལྟུང་བྱེད་དོ།། །།གསོག་འཇོག་གི་ངོ་བོ་བསྟན་པར་བྱ་སྟེ། དེའི་ཕྱིར་སྔ་དྲོའི་ཟས་བྱིན་ལེན་བྱས་པ་ཕྱི་དྲོའི་ཟས་སུ་དང་དེ་ཐུན་ཚོད་ལས་འདས་པ་ལྟ་བུ་ནི་སོག་#འཇོག་བྱས་པ་ཡིན་ནོ་ཞེས་བྱ་བ་ནི་ཕྱི་དྲོའི་ཟས་སུ་དང་སྔ་དྲོའི་ཟས་བྱིན་ལེན་བྱས་
[215b.7]པ་ཕྱི་དྲོ་ཟོས་པ་ལ་སོགས་པ་སོག་#འཇོག་དང་བྱིན་ལེན་བྱས་པ་ཕྱི་དྲོའི་ཟས་སུ་དང་། དེ་ཐུན་ཚོད་ལས་འདས་པ་ལྟ་བུ་ནི་སོག་#འཇོག་བྱས་པ་ཉིད་ཡིན་ནོ། །དེ་ཉིད་ལ་ཤེས་གཙོ་བོ་ཞེས་བྱ་བ་ནི་སོག་#འཇོག་བྱས་པ་དེ་ཉིད་ལའོ། །ཤེས་གཙོ་བོ་ཞེས་བྱ་བ་ནི་བཅའ་བར་བྱ་བ་དང་བཟའ་བར་བྱ་བ་ཡང་ཞེས་བྱ་བ་
[216a]
[216a.1]དང་སྦྱར་རོ། །ལག་ཉར་བླངས་པ་མེད་པར་མི་བྱའོ་ཞེས་བྱ་བ་ནི་འདི་ནི་གླེང་གཞི་དག་ལས་ཡིན་ཏེ། བཟའ་བར་མི་བྱའོ་ཞེས་གསུངས་པ་ཡིན་ནོ། །མཚམས་ཀྱི་ནང་དུ་བཙོས་པ་དང་ཞག་ལོན་པ་ཡང་མི་བྱའོ་ཞེས་བྱ་བ་ལ་འདིར་གཞུང་ནི་སྨན་གྱི་གཞི་ལས་འདི་དང་པོ་སྟེ། གཉིས་པ་ནི་
[216a.2]ལྡང་བ་ཉིད་ཀྱི་ཕྱིར་ཞེས་བྱ་བ་གསུངས་པ་ཡིན་ནོ། །མཚམས་ཀྱི་ནང་དུ་ཞེས་བྱ་བ་ནི་མཚམས་ཀྱི་ནང་རོལ་དུའོ། །འདིར་གཞུང་ནི་ནང་དུ་བཙོས་པ་གང་ཞེ་ན། གང་ཞིག་ཀུན་དགའ་ར་བའི་ནང་དུ་བློ་མཐུན་པར་མ་བསྐོས་ཤིང་རུང་བ་མ་ཡིན་པའི་ས་གཞིར་བཙོས་པ་གང་ཡིན་པ་དེའོ། །བཙོས་#པ་དང་
[216a.3]བཞག་པ་ཞེས་བྱ་བ་ཇི་ཙམ་ཡིན་ཞེ་ན། གང་ཞིག་ཀུན་དགའ་ར་བའི་ནང་དུ་བློ་མཐུན་པར་མ་བསྐོས་ཤིང་རུང་བ་མ་ཡིན་པའི་ས་གཞིར་བཙོས་པ་དང་ཞག་ལོན་པ་གང་ཡིན་པའོ་ཞེས་གསུངས་པ་ཡིན་ཏེ། དགེ་སློང་བསྙེན་པར་རྫོགས་པས་བཟའ་བར་མི་བྱའོ་ཞེས་བྱ་བ་མ་མོ་ལས་འདིར་ཀུན་དགའ་ར་
[216a.4]བའི་ནང་དུ་དོན་གྱིས་ཚོགས་བསྟན་པ་མཚམས་ཀྱི་ནང་དུ་ཞེས་བྱ་བ་#གསུངས་པ་ཡིན་ནོ། །གནས་ཀྱི་གཞི་ལས་ཀྱང་འདིར་ཀུན་དགའ་ར་བའི་སྒྲ་ནི་གྲགས་པ་སྟེ། དེས་#ན་དགེ་སློང་གིས་ཀུན་དགའ་ར་བའི་ཕྱི་རོལ་དུ་སོང་ནས་བཤགས་པར་བྱའོ་ཞེས་གསུངས་པ་ཡིན་ནོ། །ཀུན་དགའ་ར་བའི་
[216a.5]ཕྱི་རོལ་དུ་བཅའ་བར་བྱ་བ་དང་བཟའ་བར་བྱ་བ་བླངས་ཏེ། ཀུན་དགའ་ར་བའི་ནང་དུ་བཟའ་བར་བྱའོ། །བཅོམ་ལྡན་འདས་ཀྱིས་ཀུན་དགའ་ར་བའི་ནང་དུ་སྟེང་གི་སྒྲ་དང་སྒྲ་ཆེན་པོ་གསན་པར་གྱུར་ནས་དེ་བས་ན་དགེ་འདུན་གྱི་ཀུན་དགའ་ར་བ་ཞེས་བྱ་བ་གནས་ཀྱི་གཞི་ལ་འདི་གསུངས་པའོ། །གསོག་
[216a.6]འཇོག་བྱེད་#པ་ཡོངས་སུ་བསལ་བ་འདི་ནི་ལན་ཏེ། གང་ཞིག་འདི་མཚམས་ཀྱི་ནང་དུ་བཙོས་པ་དང་ཞག་ལོན་པ་ཉིད་ནི་དོར་བའོ། །གནས་ཀྱི་གཞི་ལས་ཀྱང་གསོག་འཇོག་འབྱུང་བ་སྟེ་གཞན་དུ་ནི་མ་ཡིན་ནོ། །དགེ་སློང་གིས་#བཙོས་པ་ལ་ཡང་གསོག་འཇོག་བྱེད་པ་དང་གཟི་བརྗིད་མེད་པའི་ཕྱིར་བོར་བ་
[216a.7]ཉིད་དོ། །དེ་བས་ན་འདིར་ཡང་དགེ་སློང་གིས་བཙོས་པ་ལ་དགེ་སློང་ཉིད་ཀྱིས་བཟའ་བར་བྱ་བ་ཉིད་དང་དགེ་སློང་མས་བཙོས་པ་ལ་དགེ་སློང་མ་ཁོ་ནས་ཟ་བ་ཉིད་དོ་#ཞེས་བྱ་བ་འདིའི་རྣམ་པར་འབྱེད་པའོ། །གང་ཞིག་སྦྱིན་བདག་གིས་རུང་བ་མ་ཡིན་པའི་གཞིར་བཙོས་པའམ་ཞག་ཏུ་ལོན་པ་འབུལ་བར་བྱེད་པ་དེ་
[216b]
[216b.1]ལ་ནི་ལྟུང་བའི་ཉེས་པ་མེད་དོ། །འབུལ་བ་ནི་རང་འོངས་ནས་བརྟག་པར་བྱ་ཞེས་བྱ་བ་ཡང་ངེས་པ་ཡོད་དེ་བདག་ཏུ་བྱ་བའི་དོན་ཡོད་པའི་ཕྱིར་རོ་ཞེས་བྱ་བ་ཡང་འདི་ལས་རྟོགས་པར་བྱའོ། །དགེ་སློང་གིས་གྲོང་དག་ཏུ་དགེ་སློང་གི་དོན་དུ་དགོས་པའི་གནས་ལ་སོགས་པ་གང་དག་བྱེད་ཅིང་། དེ་དག་གི་ནང་དུ་
[216b.2]གང་ཞིག་དགེ་སློང་རྣམས་ཀྱིས་#གནས་པ་#དེ་ལ་དགེ་སློང་རྣམས་ཀྱིས་གནས་ཉིད་དུ་རིག་པར་བྱའོ། །དེར་གནས་པ་བཏང་བ་ནི་དགེ་སློང་གི་གནས་ཀྱི་གཞི་ཉིད་དང་#བྲལ་བ་ཉིད་ཁོ་ན་ཡིན་ནོ། །འདི་ལ་ངེས་པར་བྱས་པ་དེ་ནི་གནས་ཉིད་དང་བྲལ་བ་ཁོ་ན་ཡིན་ནོ། །དེ་བས་ན་འདིར་གནས་པར་མི་བྱ་ཞེས་བྱ་བ་
[216b.3]ངེས་པར་བྱས་པ་གང་ཞིག་མི་འཇུག་པར་གནས་གཞན་གྱི་དབང་གིས་གཙུག་ལག་ཁང་དུ་ཞུགས་པ་ལ་དེ་དང་བྲལ་བ་ཉིད་འབྱུང་བར་འགྱུར་རོ། །གཞི་མ་ཡིན་པའི་ས་ཕྱོགས་ལ་ཡང་ལྷག་པར་གནས་པར་གྱུར་པ་ལ་གནས་ཀྱི་གཞི་ཉིད་དོ། །དེ་བས་ན་བདེ་བའི་དོན་དུ་འདའ་བར་གྱུར་པ་རྣམས་ལ་
[216b.4]གཙུག་ལག་ཁང་སྟོང་པར་གནས་པ་ལ་གནས་ཉིད་ལས་སྐྱེས་པ་ཉིད་དོ། །མཚམས་གསུམ་པོ་ཉིད་ལ་གནས་ཀྱི་གཞི་དེ་གཏོགས་པར་བྱའོ། །དེར་ཡང་རང་བཞིན་ཅན་ཡིན་གྱི་བཅོས་པ་#མ་ཡིན་ནོ། །སླར་འདིར་རྩིག་པ་ལ་སོགས་པའི་མཐའ་ནས་བརྩམས་ཏེ་ནང་གང་ཡིན་ཞེ་ན། དེའི་ཕྱིར་འདིར་རྗེན་པར་
[216b.5]བཙོས་#པ་གང་ཡིན་པ་ནི་དེའོ་ཞེས་བྱ་བ་ནི་ནང་དུ་བཙོས་པ་དང་དགེ་སློང་གིས་བཙོས་#པ་དག་ལས་བྱིན་ལེན་བྱས་ནས་ཡང་བཙོ་བར་བྱ་བ་ཉིད་ཡིན་ནོ་ཞེས་གསུངས་པའི་ཕྱིར་རོ། །མི་སྙི་བ་རྣམས་ཀྱི་ནི་སུམ་ཆ་བངས་པ་ཉིད་ཀྱི་མདུན་རོལ་དུ་དེ་ཉིད་ཡིན་ནོ་ཞེས་བྱ་བ་ལ་དེ་ཉིད་ཅེས་བྱ་བ་ནི་རྗེན་པ་ཉིད་དོ། །དེ་སྙི་བ་
[216b.6]རྣམས་ཀྱི་ཞེས་བྱ་བ་ནི་འདིར་སྐམ་པོའི་ལོ་མ་དང་ཤ་དག་ལ་ཞུགས་པར་རིག་པར་བྱའོ། །རྫས་སྙི་བ་ཉིད་ནི་ཕྱེ་མར་བྱས་པ་ཉིད་ན་ཡང་སྙི་བ་ཉིད་དང་བྲལ་བ་ཉིད་མ་ཡིན་ནོ། །དེ་བས་ན་འདིར་རྩྭ་#སྐོར་ཀ་ལ་སོགས་པ་རྣམས་ལ་འདིར་ཞུགས་པར་རིག་པར་བྱའོ། །སྙི་བ་རྣམས་ཀྱི་ནི་ཁ་དོག་གྱུར་པའོ་[ཞེས་]
[216b.7]ཞེས་བྱ་བ་ནི་རྫས་སྙི་བ་རྣམས་ཀྱི་ཁ་དོག་གྱུར་པའི་མདུན་རོལ་དུ་དེ་ཉིད་ཡིན་ཏེ་རྗེན་པ་ཉིད་ཡིན་ནོ། །ཁུ་བ་རྣམས་ཀྱི་ནི་ལན་གཉིས་ཁོལ་བར་གྱུར་པ་ཉིད་ཀྱིའོ་ཞེས་བྱ་བ་ནི་མདུན་རོལ་དུ་དེ་ཉིད་ཅེས་བྱ་བ་དང་སྦྱར་རོ། །མེས་#རུང་བར་བྱས་པ་ནི་མ་བཙོས་པ་མ་ཡིན་ནོ་ཞེས་བྱ་བ་ནི། གང་གི་ཕྱིར་དེ་ལྟར་ཡིན་པ་
[217a]
[217a.1]དེ་བས་ན་མཚམས་ཀྱི་ནང་དུ་མེས་རུང་བ་མི་བྱའོ་ཞེས་བྱ་བའི་དོན་ཏོ། །འདུག་པའི་གྲུབ་པ་ཉིད་སྐྱེ་བ་ལ་རག་ལས་པ་ལ་ནི་མ་ལོན་པ་ཉིད་མ་ཡིན་ནོ་ཞེས་བྱ་བ་ནི་འདུག་པ་གང་གི་གྲུབ་པ་ཉིད་སྐྱེ་བ་ལ་རག་ལས་པ་འདུག་པའི་གྲུབ་པ་ཉིད་དོ། །དེར་སྐྱེ་བ་ལ་གང་ཞིག་འདི་མི་འབྲེལ་བའམ་སྐྱེ་བའི་
[217a.2]རྒྱུན་དང་འབྲེལ་བའི་ཇི་ལྟར་སྐྱེ་བ་ཉིད་ལ་སྐྱེ་བའི་རྒྱུན་དང་བྲལ་བ་ལ་གང་ཞིག་དེར་གནས་པ་དེ་ཞེས་བྱ་བའི་དོན་ཏོ། །དེ་ཉིད་ནི་འདི་ལྟར་གྱུར་པ་ཉིད་དོ། །གང་ཞིག་འདུག་པ་ལ་མ་ལོན་པ་ཉིད་མ་ཡིན་ནོ་ཞེས་བྱ་བ་ནི་ནང་དུ་ཞག་མ་ལོན་པ་ཉིད་དུ་མི་འགྱུར་ཞེས་བྱ་བ་དེ་ལ་འདི་བསྟན་པའོ། །སྐྱེ་བའི་རྒྱུན་རུང་བ་མ་ཡིན་པའི་
[217a.3]ས་ནས་བྱུང་བ་ལ་རུང་བའི་ས་ནས་བྱུང་བ་གང་ཡིན་པ་དེར་བསྒྲུབ་པ་གང་ཡིན་པའོ། །ནང་དུ་ཞག་མ་ལོན་པ་ཉིད་ཅེས་བྱ་བ་ནི་ས་བོན་ནང་དུ་ཞག་ལོན་པ་ཕྱི་རོལ་དུ་བཏབ་པ་ལས་སྐྱེས་པ་གང་ཡིན་པ་དེ་ལ་ཡང་ཆོ་ག་འདི་ཡིན་ནམ་ཞེ་ན། མ་ཡིན་ཞེས་བསྟན་པ་ནི་དེ་དང་འཕེལ་བ་ཉིད་དམ། དེའི་གནས་སྐབས་
[217a.4]གཞན་ཉིད་ཀྱིས་གང་དུ་ཡིད་ཆེས་པ་དེ་ལ་ནི་ཆོ་ག་འདི་ཡིན་ནོ། །སྐྱེ་བ་གཞན་ཉིད་དང་དེ་དང་འཕེལ་བ་ཉིད་དང་དེའི་གནས་སྐབས་གཞན་ཉིད་ཀྱི་ཆོ་ག་འདི་ཡིན་ནོ། །དེ་ལ་ཇི་ལྟར་ལུང་ལ་སོགས་པའི་ནང་དུ་བཞག་པ་ཞིང་ལ་གཏོར་བ་ལ་བཟའ་བར་མི་བྱ་བ་མ་ཡིན་པ་ནི་བྱེད་པ་པོ་ཉིད་མ་ཡིན་པ་དེ་བཞིན་དུ་འདི་ལ་
[217a.5]ཞག་ལོན་པའི་བ་ལ་འོ་མ་བྱུང་བ་གང་ཡིན་པ་དེ་ཡང་བཟའ་བར་བྱ་བ་མ་ཡིན་པ་ཁོ་ན་སྟེ། འོ་མ་དེ་མཚམས་ཀྱི་ནང་ནས་བྱུང་བ་ཡིན་པའི་ཕྱིར་རོ། །སྣོད་ཕྱོགས་ན་འདུག་པ་དེས་ཀྱང་ས་དེར་བཙོས་པ་ཉིད་ཡིན་ནོ་ཞེས་བྱ་བ་ནི། སྣོད་རུང་བ་མ་ཡིན་པའི་ཕྱོགས་ན་འདུག་པ་ནི་དཔེར་ན་སར་གཞག་པའམ་
[217a.6]རྒྱུད་ནས་སོ། །དཔེར་ན་སོལ་བ་རྣམས་ལ་བཞག་པའམ་རྩྭ་#ལ་སོགས་པ་གང་ཡང་རུང་བ་ལ་དེའི་ས་གཞི་ལ་བཙོས་པ་ཉིད་དང་མ་བཙོས་པ་ཉིད་ཅེས་བྱ་བའི་དོན་ཏོ། །འཚོད་#པར་བྱེད་པ་པོ་#དེ་ན་འདུག་པ་ཉིད་ཀྱིས་ནི་མི་འགྱུར་རོ་ཞེས་བྱ་བ་ནི། གང་ཞིག་ས་དེ་ལ་བརྟེན་པ་ཉིད་ཀྱིས་ས་དེའི་བཙོས་པ་ཉིད་མ་ཡིན་
[217a.7]ནོ། །མེ་ནི་སྣོད་མ་ཡིན་པ་ཉིད་མ་ཡིན་ནོ་ཞེས་བྱ་བ་ལ། མེ་ཞེས་བྱ་བ་ནི་སོལ་བ་རྣམས་ལ་ཡིན་གྱི་འོད་འཕྲོ་བ་རྣམས་ལ་མ་ཡིན་ཏེ། ནམ་མཁའ་དང་འདྲ་བ་ཉིད་#ཡིན་པའི་ཕྱིར་རོ། །དེ་ལས་ཕྱུང་བ་དང་བྱུང་བ་དག་ནི་དེ་ཉིད་མ་ཡིན་ནོ་ཞེས་བྱ་བ་ནི་མེ་དེ་ལས་སམ་བོང་བ་ལ་སོགས་པ་སུ་ཞིག་གིས་
[217b]
[217b.1]ཕྱུང་བ་དང་རང་གིས་སམ་རླུང་ལ་སོགས་པའི་དབང་གིས་འབྱུང་བ་ལ་དེ་ཉིད་མ་ཡིན་ཏེ། གང་ལས་ཕྱུང་བ་དང་བྱུང་བ་དག་ལས་དེར་གྱུར་པ་ཉིད་དམ་ས་དེ་ལ་#བརྟེན་པ་ཉིད་དོ། །ཉེན་ཀོར་ནི་གནས་ཉིད་ཡིན་ནོ་ཞེས་བྱ་བ་ལ། གནས་ཞེས་བྱ་བ་ནི་ངེས་གནས་པར་བྱ་བ་ཡིན་པས་ན་གནས་ཞེས་བྱ་བ་བརྗོད་
[217b.2]དོ། །སྟེང་དུ་རྒྱུ་བ་གང་ཡིན་པ་གནས་ཀྱི་དེ་ཁོ་ན་ཉིད་ལ་དེར་མི་ཞུགས་པ་ཞེས་བྱ་བའི་དོན་ཏོ། །ལམ་ཇི་སྲིད་ཚུན་ཆད་འདིའི་དེ་ཉིད་ཡིན་ཞེ་ན། དེའི་ཕྱིར་འདོམ་གང་ངོ་ཞེས་བྱ་བ་སྨོས་ཏེ། ཕྱི་རོལ་གྱི་རྩིག་པ་ལ་སོགས་པའི་ངོས་ནས་བརྩམས་ཏེ་དེ་དང་འདྲ་བ་ཉིད་ཀྱི་ངོ་བོ་ཉིད་དུ་རྟོགས་པར་བྱའོ། །
[217b.3]སྟེང་དུ་ནམ་མཁའ་ལ་སླེབ་པ་མན་ཆད་དོ་ཞེས་བྱ་བ་ནི་གནས་ཀྱི་སྟེང་གི་ནམ་མཁའ་ནི་ནམ་མཁའ་སྟེ། རྒྱུ་བ་དག་གིས་སླེབ་པར་ནུས་པ་དེ་ལ་ནི་གནས་ཉིད་དེ་སྟེང་དུ་ལག་པས་སླེབ་པ་ནི་ཡན་ལག་མ་ཡིན་ནོ། །དེ་བས་ན་མགོ་བོས་སླེབས་པར་གྱུར་པ་ནི་འདིར་མཐར་ཐུག་པ་ཉིད་དེ། དེ་#འདིར་མ་
[217b.4]གཡོགས་པ་དང་མ་བཀབ་པའི་དབང་དུ་བྱས་ནས་བསྟན་པའོ། །བཀབ་པའི་དབང་དུ་བྱས་ནས་བསྟན་པ་ནི་ཀུན་ནས་མ་བཀབ་པ་ནི་མ་གཡོགས་པའོ། །ནང་ཡང་ངོ་ཞེས་བྱ་བ་ནི་ནང་གི་ནམ་མཁའ་གང་ཡིན་པ་དེ་ཡང་གནས་ཉིད་ཡིན་ཞེས་བྱ་བའི་དོན་ཏོ། །དེ་འདི་ཙམ་དུ་རུང་བ་ལ་#རུང་བ་ཉིད་དང་མི་རུང་བ་
[217b.5]ལ་མི་རུང་བ་ཉིད་ཀྱིས་#གནས་ཀྱི་གཞི་ལ་ཞུགས་པ་ཞེས་བྱ་བ་འདིའི་བྱེད་པའོ#། །སྟེང་གི་ཡ་ཐོག་གཞན་ཡང་དེ་ཉིད་ཡིན་ནོ་ཞེས་བྱ་བ་ནི། སྟེང་གི་ཡ་ཐོག་ཁ་ཁྱེར་གཞན་ཡང་འོག་ཁང་དེ་ཁོ་ན་ཉིད་ཡིན་ཞེས་བྱ་བའི་དོན་ཏོ། །ནམ་མཁའི་དཀྱིལ་ནི་སྟེང་གི་ཡ་ཐོག་ཐམས་ཅད་ལ་མངོན་སུམ་དུ་འཇུག་པའི་ཕྱིར་
[217b.6]རོ། །དེའི་སྒོ་འོག་མ་རྣམས་ལ་ནི་མ་ཡིན་ཞེས་བྱ་བར་རིག་པར་བྱའོ། །མ་འབྲེལ་པའི་ངོ་བོ་སྟེང་དུ་བསྒྲུབ་པ་དང་འཚེད་པ་ལ་སོགས་པའི་འོག་ཁང་གི་གནས་ཞེས་བྱ་བ་སྟེང་འོག་ཏུ་བསྒྲུབ་པ་དང་འཚེད་པ་ལ་སོགས་པའི་འོག་ཁང་གི་གནས་ཞེས་བྱ་བ་སྟེ་དེ་བས་ན་འདི་ཤེས་པའོ། །དེའི་ཕྱིར་རྟེན་ལས་
[217b.7]རྣམ་པར་བཅད་ནས་ཕྱི་མ་ལ་རུང་བ་ཉིད་ཀྱིས་བློ་མཐུན་པར་མ་གྲགས་པ་ཞེས་བྱ་བར་རྟོགས་པར་བྱའོ། །འདིར་གཞུང་ནི་སིལ་བུ་དག་ལས། བཙུན་པ་གང་འོག་ཁང་གི་རུང་བའི་ཁང་པ་ལགས་པ་དེའི་ཡང་ཐོག་ཀྱང་རུང་བའི་ཁང་པ་ལགས་སམ། ཉེ་བ་འཁོར་ཡང་ཐོག་ཀྱང་ཡིན་ཏེ། ངོས་དག་དེ་
[218a]
[218a.1]བཞིན་ནོ་ཞེས་གསུངས་པ་ཡིན་ནོ། །གཞན་གནས་པ་ཉིད་ནི་གཞན་གྱི་གནས་ཉིད་མ་ཡིན་ནོ་ཞེས་བྱ་བ་ནི་གནས་འདི་ལ་ཡང་གནས་ཤེས་པར་བྱ་བར་བརྗོད་དོ། །གཞན་པར་གྱུར་པ་ཉིད་ནི་གཞན་གྱི་གནས་ཉིད་མ་ཡིན་ནོ། །དཔེར་ན་ཁྱིམ་པས་བཟུང་བ་འམ་གནས་པར་གྱུར་ན་འདི་
[218a.2]ལྟར་དགེ་སློང་དག་དེ་ཉིད་ན་གནས་སུ་ཟིན་ཀྱང་དེ་དགེ་སློང་གི་གནས་ཉིད་མ་ཡིན་པ་ལྟ་བུའོ། །འདིར་གཞུང་ནི་ཞུ་བ་ལས། བཙུན་པ་དེ་ཉིད་ན་དགེ་སློང་དང་བཅས་ཤིང་དེ་ཉིད་ན་ཁྱིམ་པ་དང་བཅས་ན་དེར་དགུང་དུ་ལགས་པ་དང་དེར་བསྒྲལ་བར་འཚལ་བར་བགྱི་འམ་#མི་བགྱི། ཉེ་བ་འཁོར་བཟའ་བར་བྱའོ་
[218a.3]ཞེས་གསུངས་པ་ཡིན་ནོ། །གནས་སྟོང་པར་བྱས་པ་ཞིག་ཏུ་གལ་ཏེ་དགེ་སློང་རེ་ཞིག་གནས་པར་གྱུར་ན་དེ་ཡང་དགེ་སློང་གནས་སུ་རུང་བ་ཉིད་ཡིན་ནོ། །ཁྱིམ་པའི་རྫས་མ་བཏོན་#ན་ནི་སྟོང་པར་བྱ་བ་ཉིད་མ་ཡིན་ནོ། །དགེ་ཚུལ་རྣམས་ཀྱི་གང་ཟག་གི་གནས་དང་། དགེ་ཚུལ་འཚོགས་#ས་སྤྱིར་དབང་
[218a.4]བའི་གནས་དེ་ནི་དགེ་སློང་གི་གནས་ཉིད་མ་ཡིན་ནོ། །དགེ་སློང་གི་གནས་སམ་དགེ་སློང་གི་དགེ་འདུན་གྱི་གནས་ན་དགེ་ཚུལ་ཙམ་གནས་སུ་ཟིན་ཀྱང་དེ་ལྟ་མོད་ཀྱི། དགེ་སློང་གི་གནས་ཉིད་ཡིན་ཏེ། དགེ་ཚུལ་རྣམས་ནི་དགེ་སློང་གི་འཁོར་ཡིན་པའི་ཕྱིར་རོ། །ལག་ཉར་བླངས་པ་དང་ནང་དུ་
[218a.5]བཙོས་པ་དང་། དགེ་སློང་གིས་བཙོས་པ་དེ་དག་དུས་ཀྱི་ཕྱིར་དགག་པར་#མཛད་པར་འཚོ་བའི་བར་དུ་བཅང་བ་དག་ནི་མ་བསྡུས་པ་ཉིད་ཡིན་ནོ་ཞེས་བྱ་བ་ལ། དེ་དག་དགག་པ་མཛད་པ་ཞེས་བྱ་བ་ནི་ལག་ཉར་བླངས་པ་ལ་སོགས་པ་དེ་དག་བཟའ་བར་མི་བྱའོ་ཞེས་དགག་པ་མཛད་པ་ལའོ། །དུས་ཀྱི་ཕྱིར་
[218a.6]ཞེས་བྱ་བ་ནི་གུང་ཚིགས་ཚུན་ཆད་ཀྱི་སྔ་དྲོ་དང་དེ་#ཕྱིན་ཆད་ཐུན་ཚོད་ཀྱི་དུས་དེ་ཉིད་ལ་གང་དུ་ལག་ཉར་བླངས་པ་ལ་སོགས་པ་བྱས་ན་དུས་དེ་ཉིད་དུ་བཟའ་བར་བྱ་བ་དེ་ཉིད་ཡིན་གྱི་དེ་ཕན་ཆད་དུ་ནི་མ་ཡིན་ཞེས་བྱ་བའི་དོན་ཏོ། །གཞུང་ཁ་ཅིག་#ལས་བཙུན་པ་ལྟུང་བར་བྱ་བའི་སྨན་རང་གིས་བླངས་ན་#བྱིན་ལེན་བྱ་བ་འདི་
[218a.7]གསུངས་ཏེ་ལག་ཉར་བླངས་པ་དང་ནང་དུ་བཙོས་པ་དང་དགེ་སློང་གིས་བཙོས་པ་དེ་རྣམས་རྙེད་པར་གྱུར་ན་བཟའ་བར་བྱའམ། ཉེ་བ་འཁོར་བཟའ་བར་བྱ་སྟེ་དུས་ཀྱི་ཕྱིར་ཞེས་གསུངས་པ་ཡིན་ནོ། །གཞུང་གཞན་ལས་ཀྱང་ས་གཞི་རུང་བ་ལ་འཚོ་བའི་བར་དུ་བཅང་བའི་#སྨན་རྙེད་ན་བཟའ་བར་མི་བྱ་འམ། བཀའ་
[218b]
[218b.1]སྩལ་བ་བཟའ་བར་མི་བྱའོ་ཞེས་གསུངས་པ་ཡིན་ནོ། །གཉིས་པོ་འདི་དག་མཉམ་པར་སྦྱར་ནས་འདི་སྐད་ཅེས་གསུངས་སོ། །གཞུང་སྔ་མ་ལས་ནང་དུ་ཞག་ལོན་པའི་ཚིག་བྱས་པ་དེ་ལ་གཞུང་ཕྱི་མ་དང་འགལ་བའི་ཕྱིར་ཉམས་པ་ཉིད་དུ་ཤེས་པ་ཡིན་ཏེ། གང་གི་ཕྱིར་འདིར་ནང་དུ་ཞག་ལོན་པ་བཟའ་བར་བྱ་བ་
[218b.2]ཉིད་བཀག་པ་ཡིན་ནོ། །སྔ་མ་ལ་ཡང་དུས་ཀྱི་ཕྱིར་ཞེས་བྱ་བ་འདི་དང་སྦྱར་བས་ཀྱང་ཉམས་པ་ཉིད་དུ་ཤེས་པར་བྱའོ། །གང་གི་ཕྱིར་སྔ་དྲོ་ནས་བརྩམས་ཏེ་ཉི་མ་ཡོལ་བའི་མཐར་ཐུག་པ་དེ་དང་དེའི་འོག་ཏུ་དུས་གཞན་ཐུན་མཚམས་ཀྱི་མཐར་ཐུག་པའི་དུས་འདི་དག་ལ་གང་དུ་ལག་ཉར་བླངས་པ་ལ་སོགས་པ་འདི་བྱས་
[218b.3]པའི་དུས་དེ་ཉིད་དུ་བཟའ་བར་བྱ་བ་ཡིན་གྱི། དེ་ཚུན་ཆད་དུ་ནི་མ་ཡིན་ཞེས་བྱ་བ་ནི་དུས་ཀྱི་ཕྱིར་ཞེས་བྱ་བའི་དོན་ཏོ། །ཉིན་མཚན་གྱི་ཆ་ཐ་མ་ལ་ཡང་གནས་པ་ཉིད་ནི་ཞག་ལོན་པ་ཉིད་ཅེས་བྱ་བར་བརྗོད་དོ། །གལ་ཏེ་དེ་ལྟར་ཡིན་ན་གཞུང་ཕྱི་མ་ཡོངས་སུ་སྤངས་པས་#དུས་ཀྱི་ཕྱིར་ཞེས་བྱ་བ་འདི་དང་མི་ལྡན་པ་
[218b.4]ཡོངས་སུ་སྤངས་ནས་ཞག་ལོན་པ་ཉིད་སྤངས་ཚིག་ལྷག་མ་མཛད་དོ་ཞེས་འདིར་མཉམ་པར་སྦྱར་བའོ། །འདིར་གཞུང་སྔ་མ་བཟུང་བ་ལས་ནང་དུ་བཙོས་པ་རྣམས་ལ་དེ་དག་དགག་པ་མ་བསྡུས་པ་ཉིད་ཡིན་ནོ། །དུས་ཀྱི་ཕྱིར་ཞེས་བྱ་བ་འདི་བསྟན་ཏོ། །ཕྱི་མ་ནི་འཚོ་བའི་བར་དུ་བཅང་བ་ཞེས་བྱ་བ་འདི་དང་རྗེན་པར་
[218b.5]སྤངས་པ་ཡང་མཛད་པ་ཡིན་ཏེ་དེའི་དོན་ནི་འདི་ཡིན་ནོ། །ལག་ཉར་བླངས་པ་ལ་སོགས་པ་རྣམས་བཟའ་བར་བྱའི། དུས་གཞན་དུ་ནི་མ་ཡིན་ནོ་ཞེས་བྱ་བ་དུས་ཀྱི་ཕྱིར་བཟའ་བ་དགག་པར་བྱས་པ་གང་ཡིན་པ་དེ་བཀག་པས་འཚོ་བའི་བར་དུ་བཅང་བ་དག་བསྡུས་པ་#ཡིན་ནོ། །དེ་རྣམས་ཇི་སྐད་བསྟན་པའི་
[218b.6]ཆོ་གས་ལག་ཏུ་བླངས་པ་ཇི་སྲིད་འཚོའི་#བར་དུ་བཟའ་བར་བྱའོ་ཞེས་བྱ་བའི་དོན་ཏོ། །ལྷག་པར་གནས་པ་རྣམས་ལ་ནི་ཚུལ་འདི་ཡིན་ནོ། །ལྷག་པར་མི་གནས་པ་རྣམས་ལ་ནི་དུས་ཀྱི་ཕྱིར་བསྡུས་པ་ཉིད་ཡིན་ནོ། །འབགས་པ་ནི་ཟས་ཀྱི་ཕྱེད་ཉིད་དོ་ཞེས་བྱ་བ་ལ། ལྷུང་བཟེད་ལ་སོགས་པ་ཟས་ལ་
[218b.7]སོགས་པས་འབགས་པ་གང་ཡིན་པ་དེ་ནི་ཟས་ཕྱེད་ཉིད་ཡིན་གྱི་ཟས་རྫོགས་པ་ཉིད་ནི་མ་ཡིན་ཏེ། ན་སྨད་པར་བྱས་པ་ཉིད་ཅེས་བྱ་བའི་དོན་ཏོ། །འདི་ནི་བཟའ་བར་གྱུར་པ་ཉིད་ལ་ཐ་སྙད་དུ་གདགས་པ་མ་ཡིན་པ་འདིས་ཤེས་པར་བྱའོ། །འདིར་གཞུང་ནི་དགེ་སློང་གིས་ལྷུང་བཟེད་དང་ལྷུང་བཟེད་ཆུང་ངུ་དང་ཁ་
[219a]
[219a.1]གཟར་དང་ཚྭ་ཁུག་དང་ལྷུང་བཟེད་ཀྱི་སྣོད་དང་གོས་དང་#མེ་ཤེལ་དང་། ཁྲི་དང་ཁྲིའུ་དང་ཁར་#པ་དང་བུམ་པ་དང་རིལ་བ་དང་ལྡེ་མིག་དང་ལྡེ་མིག་ཀྱོག་པོ་དང་#གསོག་འཇོག་བྱས་པས་འབགས་པ་ཟ་ན་ཐམས་ཅད་ཉེས་བྱས་སུ་འགྱུར་རོ་ཞེས་གསུངས་པ་ཡིན་ནོ། །འདིར་ཟས་ཀྱི་ཕྱིར་
[219a.2]འབགས་པ་སྟེ་ཟོས་ནའོ་ཞེས་བྱ་བའི་ཚིག་སྟེ་རང་ལོངས་སྤྱོད་པའི་ཕྱིར་ནི་མ་ཡིན་ནོ། །འདི་རྣམས་ནི་མཐའ་མེད་པར་བྱས་པ་ཉིད་ཀྱི་ཕྱིར་རོ#། །གསོག་འཇོག་གི་མཚན་ཉིད་ལ་དེ་དང་འདྲེས་པའི་ཁ་ཟས་ཟ་བ་ནི་འདིར་དེ་ཡོངས་སུ་ལོངས་སྤྱོད་པར་མངོན་པར་འདོད་པ་ཞེས་བྱ་བར་རྣམ་པར་གཞག་པའོ། །
[219a.3]ཁ་དྲི་མ་ཅན་གྱིས་བཟའ་བ་དང་བཏུང་བ་དག་ཀྱང་ངོ་ཞེས་བྱ་བ་ཁའི་ནང་མ་དག་པས་བཟའ་བ་དང་བཏུང་བ་དག་ཟོས་སམ་འཐུངས་ན་དེ་དང་རེག་པས་ཁ་དྲི་མ་ཅན་དུ་གྱུར་པས་#ཟན་གྱི་ཕྱིར་#ཉིད་དེ་གཞན་དུ་འཇུག་པར་བྱེད་ན་ལྟུང་བ་མེད་ཅེས་བྱ་བའི་དོན་ཏོ། །འདིར་གཞུང་ནི་དགེ་སློང་གིས་#ཁ་མ་བཀྲུས་པར་སྐོམ་
[219a.4]འཐུངས་ན་ཉེས་བྱས་སོ་ཞེས་གསུངས་པ་ཡིན་ནོ། །ཇི་ཙམ་གྱིས་ནི་#ཁ་དག་པ་ཡིན་ཞེ་ན། དེའི་ཕྱི་རོལ་ནི་ལྕི་བའམ་སས་ཀུན་ནས་དྲུད་#དེ་ཆུས་བཤལ་ན་དག་པ་ཡིན་ནོ་ཞེས་བྱ་བ་སྨོས་ཏེ། མཆུ་གཉིས་ནི་དག་པ་འདིས་རྣམ་པར་གནས་པ་ཡིན་ནོ། །སིལ་བུ་རྣམས་ལས་འདི་ལ་སོགས་པ་ཡང་
[219a.5]དག་པར་རིག་པར་བྱའོ་ཞེས་བྱ་བའི་མཐར་ཐུག་པ་གསུངས་པ་ཡིན་ནོ། །ནང་ནི་#ཆུ་མཁུར་བ་དོའམ་གསུམ་གྱིས་བཤལ་ནའོ་ཞེས་བྱ་བ་ནི་ཁའི་ནང་གི་དག་པ་འདི་ཡིན་ནོ། །ལྷུང་བཟེད་ནི་བསམ་པ་ཐག་པས་ལན་གཉིས་སམ་ལན་གསུམ་བཀྲུ་བཤལ་བྱས་ན་སྒྲ་མི་སྙན་ཡང་དག་པ་ཡིན་ནོ་ཞེས་བྱ་བ་
[219a.6]ལ། ལྷུང་བཟེད་ནི་བསམ་པ་ཐག་པས་གུས་པར་བྱ་སྟེ་ལན་གཉིས་ལན་གསུམ་དུ་བསྒྱུར་ལོག་བྱ་ཞིང་ཐོ་རངས་ཀྱི་ཆུ་ལ་སོགས་པས་བཀྲུ་བཤལ་བྱས་ན་སྒྲ་མི་སྙན་ཅིང་སྒྲ་སང་སང་པོ་མ་བྱུང་དུ་ཟིན་ཀྱང་དག་པ་ཉིད་ཡིན་ནོ་ཞེས་བྱ་བའི་དོན་ཏོ། །རྩི་ལངས་པ་ལ་ནི་ཉེས་པ་མེད་དོ་ཞེས་བྱ་བ་ནི་ལྷུང་བཟེད་ལ་
[219a.7]ཞེས་བྱ་བའི་སྒྲ་འཇུག་པ་ཡིན་ཏེ། ལྷུང་བཟེད་དག་པར་བྱས་པ་ལ་ང་#ལངས་པ་ནི་རྩི་ལངས་པ་སྟེ། དེ་ལ་ནི་ཉེས་པ་མེད་ཅེས་བྱ་བའི་དོན་ཏོ། །འབགས་པ་མེད་པར་རེག་པ་ལ་ཡང་ངོ་ཞེས་བྱ་བ་ནི་གང་ཞིག་ལྷུང་བཟེད་བཟའ་བར་བྱ་བ་ལ་རེག་ཀྱང་འབགས་པ་མེད་ན་དེ་ལ་ཡང་ཉེས་པ་མེད་ཅེས་བྱ་བའི་དོན་ཏོ། །
[219b]
[219b.1]ལྕི་སྐམ་མམ་ལྕི་བའམ་ས་གང་ཡང་རུང་བ་ལན་གསུམ་བཀྲུས་པ་ལ་སྣུམ་པ་ཉིད་ཀྱང་ངོ་ཞེས་བྱ་བ་ནི་ཉེས་པ་མེད་དོ་ཞེས་བྱ་བར་སྦྱར་རོ། །འདིར་གཞུང་ནི་ཞུ་བ་ལས་བཙུན་པ་དགེ་སློང་གིས་#ལྷུང་བཟེད་ལྕི་སྐམ་མམ་ལྕི་བའམ་སས་ལན་གསུམ་འཁྲུ་བར་བགྱིད་ཅིང་དེ་ཡང་སྣུམ་ཞིང་སྣུམ་བག་ཆགས་པར་གྱུར་
[219b.2]ན་ཡོངས་སུ་ལོངས་སྤྱད་པར་བགྱི་འམ། ཉེ་བ་འཁོར་དེ་བཞིན་ནོ་ཞེས་གསུངས་པ་ཡིན་ཏེ། ཅིའི་ཕྱིར་ཞེ་ན། དེ་ནི་ཐ་སྙད་དུ་བྱ་བའི་རིན་མི་ཆོག་པའི་ཕྱིར་རོ། །འདིར་ལྕི་སྐམ་ལ་སོགས་པ་གསུམ་པོ་འདི་དཔེ་ཙམ་དུ་ཟད་ཀྱི་གཞན་དག་ཀྱང་རུང་བར་རིག་པར་བྱའོ། །ལངས་པ་བསལ་བར་བྱ་
[219b.3]བ་ཉིད་དོ་ཞེས་བྱ་བ་དེ་ལྷུང་བཟེད་དག་པར་བྱས་པ་ལ་སྣུམ་བག་གམ་ཚོན་རྩིའི་བག་སྐོ་ལ་སོགས་པ་དག་ཕྲད་པས་ལངས་པར་གྱུར་ན་བསལ་བར་བྱ་བ་ཉིད་ཡིན་ནོ། །འདིར་གཞུང་ནི་དགེ་སློང་ཞིག་ལ་ལྷུང་བཟེད་འཕྲེན་ཆེན་ཞིག་ཡོད་ནས། དེས་དེར་ཁུ་#བ་བྱིན་ལེན་བྱས་པ་ན་སྣུམ་བག་འཐོན་ཅིང་
[219b.4]སྟེང་དུ་ཞག་ཉ་མིག་ཆགས་#ཤིང་འདུག་ནས་དགེ་སློང་དེ་#འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྟེང་གི་སྣུམ་བསལ་ཏེ་བཏུང་བར་བྱའོ་ཞེས་གསུངས་པ་ཡིན་ནོ། །འབགས་པའི་ཕྱོགས་ཉི་ཚེ་བཀྲུ་བར་བྱ་བ་ཉིད་དོ་ཞེས་བྱ་བ་ལ། དེ་ཉི་ཚེ་ཞེས་བྱ་བ་ནི་ལྷུང་བཟེད་ཀྱི་
[219b.5]ཕྱོགས་གང་དུ་འབགས་པར་གྱུར་པའི་ཕྱོགས་དེའོ། །འདིར་གཞུང་ནི་དགེ་སློང་གིས་ལྷུང་བཟེད་འཕྲེན་ཅན་ཞིག་དེས་འཁྲུ་བར་བྱེད་པ་ན་འཕྲེན་རེར་འབྲས་ཆན་གྱི་དུམ་བུ་སོང་བ་ཞིག་མཐོང་ནས་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཤིང་བུས་བྲུད་དེ་ཆུས་ལན་གཉིས་
[219b.6]སམ་གསུམ་བཤལ་ནས་ཡོངས་སུ་སྤྱད་པར་བྱ་སྟེ། འདི་ལ་འགྱོད་པར་མི་བྱའོ་ཞེས་གསུངས་པ་ཡིན་ནོ། །བུམ་པ་ལ་སོགས་པ་སྣུམ་ཅན་དག་སྣུམ་མེད་པར་བྱ་བའི་ཕྱིར་ཆུའི་རྫིང་བུ་ཟབ་མོའི་ནང་དུ་གཞུག་གོ། །ཉའམ་རུས་སྦལ་ལམ་སྦལ་པའམ་ཆུ་སྲིན་བྱིས་པ་གསོད་དམ་ཉ་ཁྱི་བ་དག་གིས་མ་
[219b.7]ལུས་པར་ལྡོགས་ཀྱི་བར་དུ་གཞག་གོ། །བསྲེགས་པས་ཀྱང་སྣུམ་མེད་པ་ཉིད་དུ་འགྱུར་རོ་ཞེས་བྱ་བ་ནི་དེ་ལྟར་མ་ལུས་པར་ལྡོགས་པ་དང་བསྲེག་པ་དག་གིས་སྣུམ་མེད་པར་འགྱུར་བའི་བུམ་པ་ལ་སོགས་པ་དག་ཇི་ལྟར་དག་ཅིང་གཙང་བ་ཉིད་དུ་བྱ་ཞེ་ན། དེའི་ཕྱིར་སྣུམ་མེད་པར་གྱུར་པ་ནི་བཀྲུས་པས་སོ་ཞེས་
[220a]
[220a.1]བྱ་བ་སྨོས་ཏེ། དག་པ་ཉིད་ཡིན་ནོ་ཞེས་བྱ་བ་དེ་དང་འདི་འབྲེལ་ཏེ། གང་གིས་#བཀྲུ་ཞེ་ན། དེའི་ཕྱིར་ལྕི་སྐམ་མམ་ལྕི་བས་དག་པ་ཉིད་དོ་ཞེས་བྱ་བ་སྨོས་ཏེ། ཐོ་རངས་ཀྱི་ཆུ་འམ་ལྕི་བས་དག་པ་སྟེ་སྣུམ་མེད་པར་གྱུར་པ་ནི་དག་པ་ཉིད་དོ། །ལན་ཚྭ་ལ་སོགས་པ་ཚྭ་ཆུ་དང་འགྱུར་བྱེད་
[220a.2]ཀྱི་ཆུ་དང་རྙོག་ཆུར་གྱུར་པ་ནི་ཕྱེད་ཉིད་དོ་ཞེས་བྱ་བ་ནི་ལན་ཚྭ་དང་འགྱུར་བྱེད་དང་། རྙོག་པ་དག་ལས་ཚྭ་ཆུར་གྱུར་པ་དང་འགྱུར་བྱེད་ཀྱི་ཚུར་གྱུར་པ་དང་རྙོག་པ་རྙོག་ཆུར་གྱུར་པ་འཐུང་བ་ནི་ཕྱེད་ཉིད་དེ་ཉེས་བྱས་སོ་ཞེས་བྱ་བའི་དོན་ཏོ། །དེ་ནི་ཐམས་ཅད་ལ་དུས་མ་ཡིན་པར་རུང་བ་ཉིད་དོ་ཞེས་བྱ་བ་ནི་ལན་ཚྭ་ལ་སོགས་པར་
[220a.3]གྱུར་པ་དེ་ནི་རུང་བ་ཉིད་དེ་ནད་པ་མ་ཡིན་པ་ཐམས་ཅད་ཀྱིས་ཀྱང་ངོ་། །ལན་ཚྭ་དང་འགྱུར་བྱེད་རང་གི་བྱ་བ་མི་བྱེད་པ་དག་ལ་ནི་མེད་པ་ཉིད་དོ་ཞེས་བྱ་བ་ནི་འདིར་ཕྱེད་ཉིད་ཀྱང་མེད་པ་ཉིད་དེ། དེ་ལ་ནི་ལྟུང་བ་མེད་པ་ཁོ་ན་སྟེ། ཉེས་བྱས་ཀྱི་ལྟུང་བ་ཡང་མེད་དོ་ཞེས་བྱ་བའི་དོན་ཏོ། །འདིར་ཐམས་ཅད་ལ་ལན་ཚྭ་དང་
[220a.4]འགྱུར་བྱེད་ཅེས་སྨོས་པ་ནི་ལྷན་ཅིག་སྐྱེས་པ་ཡིན་པར་རིག་པར་བྱའི་ཉེ་བར་སྒྲུབ་#པ་ནི་མ་ཡིན་ནོ། །ཉེ་བར་བསྒྲུབས་#པ་དེ་ལ་འབྱུང་ཁུང་གི་དབང་གིས་འབྱུང་ཁུང་དག་ལ་མ་ཡིན་ནོ་ཞེས་བྱ་བ་#འདི་ནི་ཆོ་གའོ། །གཞན་ལ་ཐ་སྙད་བཏགས་#པར་འགྱུར་བ་མ་ཡིན་པ་ལ་ཡང་ཉེས་པ་ཡོངས་སུ་རྫོགས་པ་ལ་བྱེད་
[220a.5]པ་པོ་ཉིད་དོ། །གང་ལ་གནས་པ་ལ་ཡང་དང་བ་འབྱུང་བར་འགྱུར་བའི་དུས་ཀྱིས་བར་དུ་ཆུས་དག་པ་དེའི་ཚེ་ནི་#ལྷན་ཅིག་སྐྱེས་པ་མ་ཡིན་ཡང་ལྷན་ཅིག་སྐྱེས་པ་ཉིད་དང་འདྲ་བར་རིག་པར་བྱའོ། །འདིར་ཕྱེད་ཉིད་ཀྱི་གཞུང་ནི་ཞུ་བ་ལས། བཙུན་པ་རེ་ཞིག་དགེ་སློང་གིས་ཆབ་དབོན་ཚ་ཅན་དུ་བགྱིས་པ་
[220a.6]གསོག་འཇོག་བགྱིས་ཏེ་འཚལ་ན་ལྟུང་བ་ཅིར་འགྱུར། ཉེས་བྱས་སོ། །བཙུན་པ་རེ་ཞིག་དགེ་སློང་གིས་#ཆབ་དབོན་ཚ་ཅན་དུ་བགྱིས་ནས་#བྱིན་ལེན་མ་བགྱིས་པ་འཚལ་ན་ལྟུང་བ་ཅིར་འགྱུར་ཉེས་བྱས་སོ། །འདིར་ནི་སྔ་རོལ་དུ་ཡང་དབོན་ཚ་ཅན་དུ་བགྱིས་པ་ཞེས་བྱ་བའི་ཚིག་ནི་གང་གིས་ཤེས་བྱེད་ཡིན་
[220a.7]སྙམ་དུ་ཤེས་པར་བྱ་བ་མ་ཡིན་ཏེ། ལྷན་ཅིག་སྐྱེས་པ་ལ་ཡང་སྦྱོར་བ་འདི་ཡོད་པའི་ཕྱིར་རོ། །གང་གི་ཕྱིར་རང་བཞིན་གྱིས་ཀྱང་དབོན་ཚ་ཅན་གྱི་ཆུ་ནི་དབོན་ཚ་ཞེས་བྱ་བར་སྨྲ་བ་ཡིན་ཏེ། ཉམས་པ་འདི་ལ་ཡང་དབོན་ཚ་ཅན་དུ་བྱས་པ་ཞེས་བྱ་བ་རང་བཞིན་ཡིན་ནོ། །འདིར་ཡང་གཞུང་ནི་བཙུན་པ་རེ་ཞིག་
[220b]
[220b.1]དགེ་སློང་གིས་ཆབ་འགྱུར་བྱེད་ཅན་དུ་བྱས་པ་བྱིན་ལེན་མ་བྱས་པར་འཚལ་ན་ལྟུང་བ་ཅིར་འགྱུར། ཉེས་བྱས་སོ་ཞེས་གསུངས་པ་ཡིན་ནོ། །འགྱུར་བྱེད་ཅན་དུ་བགྱིས་པའི་ཚིག་ཀྱང་དབོན་ཚ་ཅན་དུ་བྱས་པའི་སྤྱོད་པས་བསལ་ཟིན་ཏོ། །རྙོག་པ་ཅན་གྱི་གཞུང་ཡང་བཙུན་པ་རེ་ཞིག་དགེ་སློང་གིས་ཆབ་རྙོག་པ་ཅན་བྱིན་
[220b.2]ལེན་མ་བྱས་པར་འཚལ་ན་ལྟུང་བར་#ཅིར་འགྱུར། ཉེས་བྱས་སོ་ཞེས་གསུངས་པ་ཡིན་ནོ། །ཐ་མ་ལ་ནི་གཟུགས་བརྙན་བྱུང་ནའོ་ཞེས་བྱ་བ་ནི་ལན་ཚྭ་ཅན་དང་འགྱུར་བྱེད་དག་གི་#ཐ་མ་ནི་རྙོག་མ་#ཅན་གྱི་ཆུར་གྱུར་པ་ཉིད་ཀྱིས་#བཞིན་གྱི་གཟུགས་བརྙན་འབྱུང་བ་ཡོད་པ་ལ་མེད་པ་ཉིད་དོ། །ཀ་ཏ་ཀའི་འབྲས་
[220b.3]བུས་ཆུ་ཤིན་ཏུ་དང་བར་འགྱུར་རོ། །འགྱུར་བྱེད་ཀྱིས་ཀྱང་ངོ་ཞེས་བྱ་བ་ནི་དང་བར་འགྱུར་བའོ། །ཟན་གྱིས་ཀྱང་ངོ་ཞེས་བྱ་བ་ནི་རྫས་གཞན་འདིས་དང་བར་འགྱུར་བའོ། །དེ་མི་འཇིག་#པར་བྱ་བའི་ཕྱིར་སྣུམ་གྱིས་བསྐུའོ་ཞེས་བྱ་བ་ནི་གཞུག་པར་བྱ་བའི་ཟན་དེས་ཆུ་ཤིན་ཏུ་དང་བར་འགྱུར་རོ། །དེ་ལྟར་
[220b.4]མ་ཞུགས་པ་ལ་འབྱུང་ཁུང་དུ་བཏབ་པ་ཉིད་ནི་མ་ཡིན་ནོ། །དེ་བས་ན་འདི་ལ་ཐ་སྙད་དུ་གྱུར་པ་ཉིད་ལ་ཉེ་བར་ལོངས་སྤྱོད་པ་ནི་ཤེས་པར་བྱ་བ་མ་ཡིན་ནོ། །འབྱུང་ཁུང་དག་ཏུ་བཏབ་པ་མི་མངོན་པ་ནི་ཡོད་པའི་གྲངས་ཉིད་མ་ཡིན་ནོ་ཞེས་བྱ་བ་ནི་དགེ་སློང་མང་པོ་འདུས་པ་དག་ཁྲོན་པ་དག་ཏུ་ལྷུང་བཟེད་དག་
[220b.5]འཁྲུ་བར་བྱེད་པ་#ན། ཀུན་དགའ་ར་བ་པ་དང་དགེ་བསྙེན་དག་གིས་དེ་དག་ཏུ་མར་སར་དང་འབྲུ་མར་དང་ཞོ་དང་སྦྲང་རྩིའི་བུམ་པ་དག་འཁྲུ་བར་བྱེད་པས་སྟེང་དུ་སྣུམ་གྱི་ཉ་མིག་ཆིལ་ཆིལ་པོ་དག་ཆགས་#པར་གྱུར་ནས། དགེ་སློང་དག་འགྱོད་པ་སྐྱེས་ནས་མི་འཐུང་བའི་#སྐབས་དེ་དགེ་སློང་དག་གིས་
[220b.6]བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་དག་གིས་འབགས་པ་དེས་ཟས་ཀྱི་བྱ་བ་བྱར་མི་རུང་གི་#བསལ་ལ་བཏུང་བར་བྱ་སྟེ། འདི་ལ་འགྱོད་པར་མི་བྱའོ་ཞེས་པ་དེ་བསྡུས་པ་ཡིན་ནོ། །ཕྱོགས་གཅིག་ཏུ་འདྲེས་པར་གྱུར་ན་དེ་ཉིད་ཉི་ཚེ་བསལ་བ་ཉིད་
[220b.7]ཡིན་ནོ་ཞེས་བྱ་བ་ནི་གང་འདི་འདྲེས་པར་གྱུར་པའི་ཕྱོགས་དེ་ཉིད་ལའོ། །ཁྭའི་མཆུས་#རེག་པ་ལ་ནི་ཐན་སྐོར་ཡང་ངོ་ཞེས་བྱ་བ་ནི་གང་རེག་པའི་ཕྱོགས་དེ་ཉིད་དང་དེའི་ཐན་སྐོར་ཡང་བསལ་བར་བྱ་བ་ཉིད་ཡིན་ནོ། །འོ་ན་མདོ་སྔ་མ་ཤོས་ཀྱི་དགོངས་#པ་མེད་དམ་ཞེ་ན་མ་ཡིན་ཏེ། འདིར་ཐམས་ཅད་མི་རུང་
[221a]
[221a.1]བར་འགྱུར་བར་ཤེས་པར་བྱ་བ་མ་ཡིན་ཏེ། དེ་བས་ན་དེ་ལ་འདི་བསྟན་གྱི་ལྷག་མ་ལ་ནི་མ་ཡིན་ཏེ་བཙོག་#པ་ཉིད་སྤང་བའི་ཕྱིར་བཟའ་བར་བྱ་བ་མ་ཡིན་པ་ཉིད་དུ་ཤེས་པར་བྱ་སྟེ། དེ་བས་ན་དོན་འདི་བརྗོད་པའོ། །དེ་དང་འབྲེལ་པའི་རྒྱུན་གྱིས་རེག་པ་ནི་དེ་ལ་རེག་པ་ཉིད་མ་ཡིན་ནོ་ཞེས་བྱ་བ་
[221a.2]ནི་གང་དང་འབྲེལ་པའི་རྒྱུན་ལ་རེག་པ་དེ་འོ་མ་ལ་སོགས་པ་དེ་ལ་དེར་རེག་པ་ཉིད་མ་ཡིན་ནོ། །ནོར་བ་དང་བརྗེད་པས་ཀྱང་མ་ཡིན་ནོ་ཞེས་བྱ་བ་ནི་རེག་པ་ལ་རེག་པ་ཉིད་དོ། །དེ་གཉིས་ཀྱིས་སྤོས་པ་གཞག་པའི་ཕྱིར་ཡང་མ་ཡིན་ནོ་ཞེས་བྱ་བ་ནི་ནོར་བ་དང་བརྗེད་པ་དེ་ཉིད་ཀྱིས་སྤོས་པ་ཕྱིར་གཞག་པར་
[221a.3]བྱ་བའི་དོན་དུ་རེག་པ་ཡང་རེག་པ་ཉིད་མ་ཡིན་ནོ། །གནས་ཀྱི་ཐག་ཤིན་ཏུ་ཉེ་བར་བསྐུར་རོ་ཞེས་བྱ་བ་ནི་གནས་གང་དུ་བར་སྐབས་ཀྱི་ཐག་ཤིན་ཏུ་ཉེ་བ་ཡོད་པ་དེར་སྤོང་བ་ལ་ཉེ་བར་བསྐུར་བར་བྱའོ། །གནས་ཀྱི་ཐག་ཤིན་དུ་རིང་བར་ཁྱེར་ན་དེ་ལ་རྗེས་སུ་གནང་བ་ཉིད་ཀྱི་ཕྱིར་རེག་པ་ཉིད་ཤེས་
[221a.4]པར་འགྱུར་རོ་ཞེས་བྱ་བ་ཤེས་པར་བྱའོ། །གཡེལ་བས་ལག་ཉར་བླངས་པ་ཉིད་དང་བྱིན་ལེན་བླངས་པ་ཉིད་ནི་མ་ཡིན་ནོ་ཞེས་བྱ་བ་ལ། གཡེལ་བས་ཞེས་བྱ་བ་ནི་སངས་རྒྱས་ཀྱི་འདུལ་བ་ལ་མ་མོས་པའམ་དེ་ཉིད་ལ་ཐེ་ཚོམ་དུ་བྱེད་ཅིང་འཛིན་ལ་ལག་ཏུ་ལེན་པ་དག་འབྱུང་བ་མ་ཡིན་ནོ། །འདིར་གཞུང་ནི་ངོ་ཚ་མེད་པ་དང་
[221a.5]གཡེལ་བས་ཞེས་བྱ་བ་འདི་གསུངས་སྟེ(ཏེ)། གང་ཞིག་གཡེལ་བས་འབྱུང་ཞིང་རྒྱལ་མཚན་དེ་འཛིན་པ་དེ་ནི་འདིར་ངོ་ཚ་མེད་པ་ཉིད་དུ་མངོན་པར་འདོད་པ་རྣམ་པར་གནས་པ་ཡིན་གྱི་ཕམ་པ་བྱུང་#བ་ནི་མ་ཡིན་ནོ། །དེ་བས་ན་དེ་ལ་འདིར་བཟུང་བར་མ་མཛད་དོ། །བྱིན་ལེན་སྟོབས་#པར་འོས་པ་དང་#འབྲེལ་པ་
[221a.6]མ་བྲལ་བའི་བླང་བ་ཡང་མ་ཡིན་ནོ་ཞེས་བྱ་བ་ནི་བཟའ་བར་བྱ་བ་གང་ལ་བྱིན་ལེན་དེ་སྟོབས་པར་འོས་པའི་གང་ཟག་དང་འབྲེལ་པ་གང་ཡིན་པ་དེ་དང་ཇི་སྲིད་དུ་མ་བྲལ་བ་དེའི་བླང་བ་ཡང་ལག་ཉར་བླངས་པ་ཉིད་ཀྱང་མ་ཡིན་ལ་བྱིན་ལེན་བྱས་པ་ཉིད་ཀྱང་མ་ཡིན་ནོ། །དེས་གཟུང་#བའི་ཐག་པ་ལ་དང་འབྲེལ་པ་ཉིད་#ནི་
[221a.7]འབྲེལ་པ་ཉིད་ཡིན་ནོ་ཞེས་བྱ་བ་ལ། དེས་ཞེས་#བྱ་བ་ནི་བྱིན་ལེན་སྟོབས་པར་འོས་པས་སོ། །གཟུང་#བའི་ཞེས་བྱ་བ་ནི། གང་ཞིག་དེ་ཐག་པ་ལ་སོགས་པ་དེ་དང་ཟས་སུ་འབྲེལ་པ་ཉིད་ཡིན་ན་བྱིན་ལེན་སྟོབས་པར་འོས་པའི་ཟས་དང་འབྲེལ་པ་ཉིད་ཡིན་ནོ། །སྡོམ་པས་མཉམ་པ་ལྟ་བ་ཐ་མི་དད་པ་དག་
[221b]
[221b.1]གིས་གསོག་འཇོག་བྱས་པ་དང་། བྱིན་ལེན་བྱས་པ་དང་ལག་ཉར་བླངས་པ་དག་ནི་གཅིག་པ་ཉིད་#ཡིན་ནོ་ཞེས་བྱ་བ་ནི། ལྟ་བ་ཐ་དད་པའི་ཕྱིར་འདིར་གཞུང་ནི་ཞུ་བ་ལས། བཙུན་པ་རྗེས་སུ་ཁས་མ་བླངས་པས་བྱིན་ལེན་བགྱིས་པ་འཚལ་བར་བགྱི་འམ་ཉེ་བ་འཁོར་མི་བྱའོ། །བཙུན་པ་རྗེས་སུ་ཁས་བླངས་
[221b.2]པས་#བྱིན་ལེན་བགྱིས་པ་འཚལ་བར་བགྱི་འམ། ཉེ་བ་འཁོར་མི་བྱའོ་ཞེས་བྱ་བ་འདི་ནི་ལྟ་བ་ཐ་མི་དད་པ་དག་གིས་ཞེས་བྱ་བ་འདིས་བསྡུས་པ་ཡིན་ནོ། །མཆོག་དང་མཆོག་མ་ཡིན་པར་རོ་ཞེས་བྱ་བ་ལ། མཆོག་དང་ཞེས་བྱ་བ་ནི་སྡོམ་པ་མཆོག་དང་ལྡན་པ་དེས་གཞན་ལ་སྡོམ་པ་གཅིག་པ་ཉིད་དེ་གཞན་དམན་
[221b.3]པ་གང་ཡིན་པ་དེ་ནི་དེས་གཞན་མཆོག་ཉིད་ལ་ནི་མ་ཡིན་ནོ། །དགེ་སློང་མའི་གསོག་འཇོག་བྱས་པ་ནི་དགེ་སློབ་མ་དང་བསླབ་པ་བྱིན་པ་མོས་ཀྱང་གསོག་འཇོག་བྱས་པ་ཉིད་ལ་དེ་གཉིས་ཀྱིས་གསོག་འཇོག་བྱས་པ་ནི་དགེ་སློང་མས་གསོག་འཇོག་བྱས་པ་མ་ཡིན་ནོ་ཞེས་བྱ་བ་དེ་འདིར་བསྡུས་པ་ཡིན་ནོ། །
[221b.4]སྐྱེས་པ་དང་བུད་མེད་དག་ནི་ཕན་ཚུན་ཁྱིམ་པ་དང་འདྲའོ་ཞེས་བྱ་བ་ནི། དཔེར་ན་ཁྱིམ་པས་ལག་ཉར་བླངས་པ་དང་བྱིན་ལེན་བྱས་པ་དང་གསོག་འཇོག་བྱས་པ་དགེ་སློང་ལ་སོགས་པའི་ལག་ཉར་བླངས་པ་དང་བྱིན་ལེན་བྱས་པ་དང་། གསོག་འཇོག་བྱས་པ་ཉིད་མ་ཡིན་པ་དེ་བཞིན་དུ་དགེ་སློང་དང་དགེ་སློང་མ་
[221b.5]དང་བསླབ་པ་བྱིན་པས་ཀྱང་དགེ་སློང་དང་དགེ་སློང་མ་དང་བསླབ་པ་བྱིན་པ་མོ་དང་དགེ་སློང་#མ་རྣམས་ཀྱི་#མ་ཡིན་ནོ་ཞེས་བྱ་བའི་དོན་ཏོ། །དགེ་ཚུལ་དག་གི་#རེག་པ་ནས་སྦེད་པའི་བར་ལ་ཉེས་པར་མི་འགྱུར་བ་ནི་དེ་བཞིན་ནོ་ཞེས་བྱ་བ་ལ། རེག་པ་ནས་སྦེད་པའི་བར་ལ་ཞེས་བྱ་བ་ནི་དེ་ལ་རེག་པ་ནས་
[221b.6]སྦེད་པའི་བདག་ཉིད་ཀྱི་རེག་པའི་བར་ལའོ། །ཉེས་པར་མི་འགྱུར་བ་ནི་དེ་བཞིན་ནོ་ཞེས་བྱ་བ་ནི། གང་གིས་#ལག་ཉར་བླངས་པ་ལ་སོགས་པའི་#ཉེས་པར་མི་འགྱུར་བ་དེ་བཞིན་དུ་དགེ་ཚུལ་དབང་བ་གང་ཡིན་པ་དེ་དགེ་སློང་གིས་སྦེད་པར་བྱེད་དུ་ཟིན་ཀྱང་དེས་དགེ་སློང་དེ་ཉིད་དང་དགེ་སློང་གཞན་གང་ལ་རུང་བ་
[221b.7]མ་ཡིན་པ་ཉིད་དུ་མི་འགྱུར་ལ། དགེ་ཚུལ་མ་དབང་བ་གང་ཡིན་པ་དེ་དགེ་སློང་མས་སྦེད་པར་བྱེད་དུ་ཟིན་ཀྱང་དེས་དགེ་སློང་མ་དེ་ཉིད་དང་དགེ་སློང་མ་གཞན་དག་ལ་རུང་བ་མ་ཡིན་པ་ཉིད་དུ་མི་འགྱུར་རོ་ཞེས་བྱ་བའི་དོན་ཏོ། །འདི་དགེ་ཚུལ་གྱི་ཡིན་པས་ན་དགེ་ཚུལ་གྱིའོ། །ལྟོས་པ་དང་བཅས་པས་བྱིན་པ་ནི་
[222a]
[222a.1]བཏང་བ་ཉིད་མ་ཡིན་ནོ་ཞེས་བྱ་བ་ནི་གང་ཞིག་ལག་ཉར་བླངས་པ་ལ་སོགས་པ་ལ་#ལྟོས་པ་དང་བཅས་པས་གཞན་ལ་སྟེར་ན་དེས་དེ་ཟ་བ་ལ་ལག་ཉར་བླངས་པ་ཉིད་དང་གསོག་འཇོག་གི་#ཕྱེད་ཉིད་དེ་ཉེས་བྱས་སོ་ཞེས་བྱ་བའི་དོན་ཏོ། །ལྟོས་པ་མེད་པར་བཏང་བ་ལ་ལྟོས་པ་དང་བཅས་པ་ཉིད་ནི་ཕྱེད་
[222a.2]ཉིད་དོ་ཞེས་བྱ་བ་ནི་གསོག་འཇོག་དང་ལག་ཉར་བླངས་པ་#ལ་སོགས་པ་ལ་ལྟོས་པ་མེད་པར་བཏང་བ་ལ་ལྟོས་པ་དང་བཅས་པ་ཡོད་ན་བྱིན་ལེན་བྱ་བ་དང་བཟའ་བ་ལ་ཕྱེད་ཉིད་དེ་ཉེས་བྱས་སོ་ཞེས་བྱ་བའི་དོན་ཏོ། །དེའི་ཕྱིར་དེ་བླང་བར་མི་བྱའོ་ཞེས་བྱ་བ་ནི་གང་གི་ཕྱིར་ལྟོས་པ་མེད་པར་གཏང་པ་དེ་#ནི་ལྟོས་པ་
[222a.3]དང་བཅས་པ་ཉིད་ཀྱི་ཕྱེད་ཉིད་ཡིན་པ་དེ་བས་ན་འདི་བླང་བར་མི་བྱ་སྟེ། བཟའ་བའི་དོན་དུ་ཞེས་བྱ་བའི་དོན་ཏོ། །གང་གི་ཕྱིར་བླངས་པ་ལ་ངེས་པར་ལྟོས་པ་དང་བཅས་པ་ཉིད་སྐྱེ་བ་ཡིན་ནོ། །ཤེས་བཞིན་དུ་མི་བླང་ངོ་ཞེས་བྱ་བ་ནི་ལྟོས་པ་མེད་པར་གཏད་པ་དེ་ཤེས་བཞིན་དུ་ཕྱིར་བླངས་ན་རྟོགས་པ་དང་བཅས་
[222a.4]པ་ཉིད་དུ་འགྱུར་ལ། མི་ཤེས་པ་ལ་ནི་མ་ཡིན་ནོ། །དེ་བས་ན་#ཤེས་བཞིན་དུ་བླང་བར་མི་བྱའོ། །མི་ཤེས་པས་བླངས་པ་ལ་ནི་ཉེས་པ་མེད་དོ། །འདིར་གཞུང་ནི་ཞུ་བ་ལས་བཙུན་པ་རེ་ཞིག་དགེ་སློང་གིས་ཀུན་དགའ་ར་བ་འམ་#དགེ་ཚུལ་ལ་ཟས་བརྩལ་བ་དེ་གཉིས་ཀྱི་དེ་ཉིད་ལ་སླར་བརྩལ་ན་འཚལ་བར་
[222a.5]བགྱི་འམ། གལ་ཏེ་མངོན་པར་མ་བསམས་ན་བཟའ་བར་བྱའོ། །བླང་བར་བགྱིའམ་ཉེ་བ་འཁོར་མི་བྱའོ་ཞེས་གསུངས་པ་ཡིན་ནོ། །མངོན་པར་མ་བསམས་ན་ཞེས་བྱ་བ་ནི་འཐོབ་བོ་སྙམ་དུ་ཡིད་ཀྱིས་མ་བསམས་ནའོ། །གླེང་གཞི་དག་ལས་ཀྱང་ལྟོས་པ་དང་བཅས་པས་ཟོས་ནའོ་ཞེས་བྱ་བ་ལ་སོགས་
[222a.6]པ་གསུངས་པ་ཡིན་ནོ། །ཤས་མནོད་པ་དང་དེ་འགུགས་པའི་ཕྱིར་རེག་པ་ནི་རྐྱེན་དེ་ལྟ་བུ་དག་ཡོད་ན་རུང་བ་མ་ཡིན་པ་ཉིད་དུ་མི་འགྱུར་རོ་ཞེས་བྱ་བ་ལ། ཤས་མནོད་པ་ཞེས་བྱ་བ་ནི་སྐལ་བ་སློང་བའོ། །བཀུག་པར་འགྱུར་བ་ནི་འདི་གཙུག་ལག་ཁང་དུ་ཁྱེར་བ་བྱེད་པ་ཉིད་ཅེས་བྱ་བ་སྐལ་བ་ལེན་པ་
[222a.7]གསུངས་པ་གང་ཡིན་པ་དེ་ལ་རེག་པ་ལ་མི་རུང་བ་ཉིད་ནི་མ་ཡིན་ནོ། །ཅི་དུས་ཐམས་ཅད་དུ་འམ་ཞེ་ན། མ་ཡིན་ཞེས་བྱ་བ་བསྟན་པ་ནི་དེའི་ཕྱིར་རྐྱེན་དེ་ལྟ་བུ་དག་ཡོད་ན་ཞེས་བྱ་བ་སྨོས་ཏེ། བསྙེན་པར་མ་རྫོགས་པ་དག་མེད་པའམ་ནད་པ་ཉིད་ལ་གྲུ་དང་ཤིང་རྟ་གནས་པ་ལ་སྦྱར་བ་འདི་དག་ལ་གཞན་
[222b]
[222b.1]མེད་པ་ལ་གྲོགས་བྱེད་པ་པོ་དང་གྲོགས་བྱེད་པ་ལ་ཞུགས་པ་གཞན་མེད་པ་ཞེས་བྱ་བ་ལ་སོགས་པ་རྣམས་སོ། །ཤིང་རྟ་ལ་ནི་ཁ་ལོ་བའི་སྟན་མ་གཏོགས་པ་ཉིད་དོ་ཞེས་བྱ་བ་ནི་འདི་དག་ཐམས་ཅད་ཀྱང་རྐྱེན་དེ་ལྟ་བུ་དག་ཡོད་པ་#ན་ཞེས་བྱ་བའི་རྗེས་སུ་སྦྱར་བར་#རིག་པར་བྱའོ། །རྐྱེན་དེ་ལྟ་བུ་རྣམས་ནི་ཤིང་རྟ་
[222b.2]བསྐུལ་བར་བྱའོ་ཞེས་བྱ་བ་ལ་སོགས་པ་འདིར་གསུངས་སོ། །མི་བྱ་བར་བརྗོད་པ་ཙམ་དུ་ཟད་པ་འདི་རྣམ་པར་གནས་པ་ཡིན་ནོ། །བཟའ་བར་བྱ་བ་ནང་དུ་བཅུག་པའི་ཤིང་རྟ་ནི་རེག་པར་བྱ་བ་ཉིད་མ་ཡིན་ཏེ། མི་རེག་ཏུ་མི་རུང་བའི་རྐྱེན་དེ་ལྟ་བུ་དག་ཡོད་ན་དེའི་ཚེ་ཡང་#ཁ་ལོ་བའི་སྟན་གཅིག་པོ་སྟེ་#གཏོགས་
[222b.3]པའི་ཤིང་རྟ་ལ་རེག་པར་བྱའོ། །འདིར་ཤིང་རྟ་ལ་རེག་པ་ལ་མི་#རུང་བ་ཉིད་ནི་མ་ཡིན་ཏེ། ཤིང་རྟ་དང་འབྲེལ་#པའི་ཟས་སུ་བྱ་བ་ལ་འདི་བསྟན་པའོ། །གང་བ་#ལ་ཡང་ངོ་ཞེས་བྱ་བ་ནི་འབྲས་ལ་སོགས་པས་ཁ་ལོ་བའི་སྟན་གྱིས་ཤིང་རྟ་ཉིད་སྤངས་པ་ཉིད་དོ། །ནད་པ་ཞོན་པ་ལ་ཡང་ངོ་ཞེས་བྱ་བ་ནི་ཟས་ཀྱིས་#
[222b.4]སྟོང་པའི་ཤིང་རྟ་དག་#ཡང་ཁ་ལོ་བའི་སྟན་སྤངས་པ་ཉིད་ཁོ་ནའོ། །གྲུ་ལ་ནི་རུ་སྐྱའོ་ཞེས་བྱ་བ་ནི་དེ་དང་འབྲེལ་པའི་བཟའ་བར་བྱ་བ་བཅུག་པའི་གྲུ་དང་དེ་དག་#འབྲེལ་པས་གང་བའི་གྲུ་དང་གྲུར་འཇུག་པ་ལ་རུ་སྐྱ་སྤངས་པ་ཉིད་དོ། །ན་བ་མེད་ཀྱང་འདིར་འཇུག་པ་རིགས་པ་ཞེས་གསུངས་པ་དེ་བས་ན་ན་བའི་
[222b.5]སྒྲས་ནི་འདི་ལས་བཟློག་པས་ཤེས་པའོ། །དེ་འཛིན་པའི་སྟན་ཡང་ངོ་ཞེས་བྱ་བ་ནི་རུ་སྐྱ་འཛིན་པའི་དོན་ཅན་གྱི་སྟན་ལས་#དེ་འབྲེལ་པའི་ཁ་ཟས་སུ་བྱས་པ་ལ་རེག་པ་དང་གང་བ་དང་གྲུར་འཇུག་པ་ན་སྤང་བར་བྱ་བ་ཉིད་དོ། །དགེ་འདུན་གྱི་སྨན་དག་ལྡུད་#པ་ནི་བསྐྱམ་པ་དང་དབྱུང་བ་དང་གཟར་བུའི་ལས་དང་
[222b.6]དབོག་པ་དག་ལ་ཡང་ངོ་ཞེས་བྱ་བ་ནི་དགེ་འདུན་གྱི་ཟ་བ་ལ་སོགས་པ་སྨན་དག་དང་གང་ཟག་གི་ཡང་རུང་སྟེ། དེ་དག་ལྡུད་#པ་ན་བསྐྱམ་པ་ལ་སོགས་པའི་ཕྱིར་རེག་པ་ལ་ཡང་མི་རུང་བ་ཉིད་དུ་མི་འགྱུར་རོ། །ཅི་དང་པོ་ཉིད་དུ་འདི་དག་རྣམ་པ་འདི་ལྟ་བུ་ཉིད་ལ་རེག་པར་བྱ་བ་ཉིད་ཡིན་ནམ་ཞེ་ན། དེའི་
[222b.7]ཕྱིར་དང་པོར་ཤིང་དབྲི་བ་དང་མེ་གསད་#པ་དང་གོས་ཀྱི་ཐུ་བ་ལ་སོགས་པས་རླུང་གཡབ་པས་འབད་པར་བྱའོ་ཞེས་བྱ་བ་སྨོས་ཏེ། དང་པོ་ཁོ་ནར་ལུད་པ་ཞི་བར་བྱ་བའི་ཕྱིར་འདི་ལྟར་འབད་པར་བྱའོ། །དེ་ལྟར་གཉེན་པོར་བྱ་བ་མ་གྲུབ་པ་ལ་བསྐྱམ་པ་ལ་སོགས་པ་བྱ་ཞེས་བྱ་བའི་དོན་ཏོ། །གཉེན་པོ་བྱེད་
[223a]
[223a.1]པའི་ནུས་པ་མེད་ན་མ་རེག་པར་བསྐྱམ་པ་ལ་སོགས་པ་ལ་ཉེས་པ་མེད་ཅེས་བྱ་བ་འདིར་དེ་ལ་རྩེ་གཅིག་པ་ཉིད་དུ་རྣམ་པར་གནས་པ་ཡིན་ནོ། །དེ་བས་ན་འདི་ལྟར་ཤེས་པར་གྱུར་པ་ལ་གཉེན་པོར་བྱ་བ་མ་ཡིན་པ་ཉིད་དེ་དང་པོར་བསྐྱམ་པ་ལ་སོགས་པ་ཉེས་པ་མེད་ཅེས་བྱ་བ་རྟོགས་པར་
[223a.2]བྱའོ། །ཆུ་ཀླུང་རྒལ་བའི་ཕྱིར་རམ་ཁུར་ཚ་བ་སྙེག་པའི་ཕྱིར་ལག་ཉར་བླངས་པའི་ལམ་བརྒྱགས་#རུང་སྟེ། ཆོ་ག་མ་འབྱོར་ཏམ་ལམ་བརྒྱགས་#གཞན་མེད་ནའོ་ཞེས་བྱ་བ་ནི། རུང་སྟེ་ཞེས་བྱ་བ་ནི་བཟར་རུང་ངོ་ཞེས་བྱ་བའི་དོན་ཏོ། །ཆོ་ག་མ་འབྱོར་ཏམ་#ཞེས་བྱ་བ་ནི་གང་གིས་རེག་པ་ལ་བླངས་པ་ཉིད་
[223a.3]མ་ཡིན་ན་དེས་ནི་ཆུ་ཀླུང་རྒལ་བ་དང་སྙེག་པ་འདི་དག་ལ་བྱ་བ་ཉིད་དོ། །དེས་གནས་པ་ལ་རང་གི་ཡན་ལག་གམ་དེ་དང་འབྲེལ་པ་གཞན་གྱིས་ཤེས་པར་བྱ་བ་འདི་ལ་བྱ་བ་ཉིད་དོ། །གཞན་མེད་ནའོ་ཞེས་བྱ་བ་ནི་གལ་ཏེ་གཞན་ཁུར་ཚ་བ་མེད་པར་གྱུར་ན་དེ་ལ་ཆོ་ག་མ་གྲུབ་པའི་དབང་གིས་འདིར་དོན་དུ་
[223a.4]བསྐུར་#བ་ལ་རུང་བ་ཉིད་ཅེས་བྱ་བའི་དོན་ཏོ། །ཁུར་ཚ་བ་མེད་ན་སྦྱིན་བདག་སྤྲོ་བར་བྱའོ་ཞེས་བྱ་བ་ནི་ལམ་བརྒྱགས་#དེ་ཁྱེར་བའི་ཁུར་ཚ་བ་གཞན་མེད་ན་དེ་#སྦྱིན་བདག་གིས་དེ་ལ་བསྐུར་#བར་སྤྲོ་བ་བསྐྱེད་པར་བྱ་ཞེས་བྱ་བའི་དོན་ཏོ། །ཁྱེར་བ་མེད་ན་རང་གིས་སོ་ཞེས་བྱ་བ་ནི་སྦྱིན་བདག་ལ་བཅོལ་བ་ཡང་མ་
[223a.5]གྲུབ་ན། དེའི་ཚེ་རང་གིས་ལམ་བརྒྱགས་བསྐུར་#བར་བྱའོ། །དེ་ཉིད་ལས་སྦྱིན་པར་བརྗེ་#ཞིང་བླང་བ་བསྒྲུབ་པར་བྱའོ་ཞེས་བྱ་བ་ནི་གཞན་ཁྱེར་དུ་གཞུག་པ་མ་གྲུབ་ཅིང་རང་གིས་ཁྱེར་བར་གྱུར་ན། རང་གིས་ཁྱེར་བ་དེ་ཉིད་ལས་གཞན་ལ་སྦྱིན་པས་ལམ་བརྒྱགས་བརྗེ་#ཞིང་བླང་བ་བསྒྲུབ་པར་བྱའོ་ཞེས་བྱ་བའི་
[223a.6]དོན་ཏོ། །འདི་ནི་གཞན་ལ་བསྒྲུབ་#པ་ལ་མི་བྱའོ། །དེ་ཡང་མ་གྲུབ་ན་དེ་བཟའ་བར་བྱ་བ་ཉིད་དོ་ཞེས་བྱ་བ་ནི་དེ་ཡང་དེ་ཉིད་ཀྱི་ཕྱིར་སྦྱིན་པས་བརྗེ་#ཞིང་བླང་བ་མ་གྲུབ་ན་རང་གིས་ཁྱེར་བ་དེ་ཡང་བཟའ་བར་བྱ་བ་ཉིད་ཡིན་ནོ་ཞེས་བྱ་བའི་དོན་ཏོ། །བྱིན་ལེན་སྟོབས་པ་མེད་ན་བྱིན་ལེན་མ་བྱས་པ་དེ་འམ་
[223a.7]གཞན་ཡང་ངོ་ཞེས་བྱ་བ་ནི་རང་གིས་ཁུར་བ་དེ་འམ་གཞན་བྱིན་ལེན་བྱས་པ་མེད་པར་གྱུར་ན་བྱིན་ལེན་མ་བྱས་པ་ཡང་བཟའ་བར་བྱ་བ་ཉིད་ཡིན་ནོ་ཞེས་བྱ་བའི་དོན་ཏོ། །སླར་རང་གིས་ཁྱེར་བ་དང་བྱིན་ལེན་མ་བྱས་པ་དེ་གཉིས་གང་གིས་བཟའ་བར་བྱ་བ་ཉིད་ཡིན་ཞེ་ན། དེའི་ཕྱིར་ཟན་བཅད་པར་བྱས་པའི་འོ་
[223b]
[223b.1]ཞེས་བྱ་བ་སྨོས་ཏེ། གང་ལ་ཇི་ཙམ་བཟའ་བར་བྱ་བ་ཉིད་ཡིན་ཞེ་ན། དེའི་ཕྱིར་ཉི་མ་དང་པོ་ལ་སྤར་གང་ངོ་། །གཉིས་པ་ལ་ནི་དོའོ། །གསུམ་པ་ལ་ནི་ཅི་ཙམ་གྱིས་#ཆོག་པའོ། །ཤིང་ཐོག་#རུང་བར་མ་བྱས་པ་དང་བྱིན་ལེན་མ་བྱས་པ་དང་། ལག་ཉར་བླངས་པ་དག་ཀྱང་དུས་མ་ཡིན་པར་ཡང་བཟའ་བར་
[223b.2]བྱ་བ་ཉིད་ཡིན་ནོ་ཞེས་བྱ་བ་སྨོས་ཏེ། དེ་དག་ཐམས་ཅད་ཀྱང་གཞན་མ་གྲུབ་ན་ཞེས་བྱ་བའི་དབང་དུ་བྱས་པ་ཉིད་ཡིན་ནོ། །དེ་དག་སུའི་བཟའ་བར་བྱ་བ་ཉིད་ཡིན་ཞེ་ན། དེའི་ཕྱིར་ཟན་མེད་ནའོ་ཞེས་བྱ་བ་སྨོས་ཏེ། ཟན་མེད་པར་གྱུར་པ་ལ་ཞེས་བྱ་བའི་དོན་ཏོ། །ཅི་གནས་སྐབས་ཐམས་ཅད་དུ་འམ་ཞེ་ན།
[223b.3]དེའི་ཕྱིར་ཤིན་ཏུ་བཀྲེས་པ་ཉིད་ནའོ་ཞེས་བྱ་བ་སྨོས་ཏེ། བཀྲེས་པ་#སྲོག་ལ་བབ་པ་ལ་ཐུག་ན་ཞེས་བྱ་བའི་དོན་ཏོ། །རྩ་བ་དག་ཀྱང་ངོ་ཞེས་བྱ་བ་ཡང་དུས་མ་ཡིན་པར་བཟའ་བར་བྱ་བ་ཉིད་ཡིན་ནོ་ཞེས་བྱ་བ་ལ་སོགས་པ་གསུངས་སོ། །རང་གིས་ཀྱང་བཏོགས་#པ་ཉིད་དང་དབྱུང་བ་ཉིད་དང་བསྒྲུབ་པར་བྱ་བ་
[223b.4]ཉིད་ཀྱང་ངོ་ཞེས་བྱ་བ་ནི་ཟས་མེད་པ་ཤིན་ཏུ་བཀྲེས་པ་ཉིད་ན་འབྲས་བུ་རྣམས་དང་རྩ་བ་རྣམས་ལའོ། །འདིར་གྲངས་ཇི་ལྟ་བ་བཞིན་དུ་ཤེས་པར་མི་བྱ་སྟེ། རྩ་བ་རྣམས་ལ་ཡང་བཏོགས་#པ་ཉིད་ཡོད་པའི་ཕྱིར་རོ། །དཔེར་ན་ཆུ་འགྲམ་དུ་སྐྱེས་པ་ངོས་ལྟུང་བ་རྣམས་ལྟ་བུའོ། །འབྲས་བུ་རྣམས་
[223b.5]ལ་ཡང་བཏོན་པ་ཉིད་ཡོད་པའི་ཕྱིར་རོ། །དཔེར་ན་པ་ན་ས་ལ་སོགས་པ་རྣམས་ལྟ་བུའོ། །བྱིན་ལེན་མ་བསྟབས་པ་དང་རུང་བར་མ་བྱས་པ་དང་དུས་མ་ཡིན་པར་བཟའ་བ་ལ་སོགས་པ་རུང་བར་བྱ་བ་དག་ལ་ཐམས་ཅད་དུ་རྩོམ་འདོད་པ་ལ་སོགས་པ་ན་བྱང་གི་སྒྲ་མི་སྙན་ན་གྲགས་པའི་ཡིད་ལ་བྱེད་པ་
[223b.6]བྱའོ་ཞེས་བྱ་བ་ནི་རང་གིས་བྱེད་པར་འདྲ་བ་ལ་རྣམ་པར་དག་པར་གྱུར་པའི་སྡེ་འདི་སྐས་ཀྱི་གདང་བུ་ལྟ་བུར་གྱུར་པ་སྟེ། བྱེ་བྲག་ཐོབ་པའི་ཕྱིར་དེ་དང་འདྲ་བའོ#། །ཇི་ལྟར་མངོན་པར་འདུ་བྱེད་པས་ཀྱང་ཡིད་ལས་ངེས་པར་འབྱུང་བ་ཞེས་བྱ་བ་ནི་རྩོམ་འདོད་པ་ནའོ། །དེ་བས་ན་འདིར་ཐམས་ཅད་དུ་བྱང་
[223b.7]གི་སྒྲ་མི་སྙན་ན་གྲགས་པའི་ཕྱིར་རྩོམ་འདོད་པ་ལ་སོགས་པའོ། །ཐམས་ཅད་དུ་ཞེས་བྱ་བ་ནི་རྩ་བ་དང་འབྲས་བུ་ལ་བརྟེན་པ་འདི་ཉིད་ལ་མ་ཡིན་ནོ། །འདིར་སོགས་པའི་སྒྲས་ནི་ལེན་པ་དང་ཉེ་བར་ལེན་པའི་དོན་དུ་རིག་པར་བྱའོ། །ལག་པ་བསྙལ་བ་དང་འདབ་མ་དག་ཡོད་ན་སྐྱོགས་ཀྱིས་སྐོམ་མི་བཏུང་ངོ་
[224a]
[224a.1]ཞེས་བྱ་བ་ནི་ཆུ་ཉུང་ཟད་ཉིད་དང་ལམ་འགྲོན་ཤོར་བ་ལ་སོགས་པས་ལག་པ་བསྙལ་བ་མེད་པའོ། །མེད་ན་མ་བསྒྲིབས་པར་མི་བྱའོ་ཞེས་བྱ་བ་ནི། ལག་པ་བསྙལ་བ་དང་འདབ་མ་དག་མེད་ན་སྐྱོགས་ཀྱིས་སྐོམ་བཏུང་བ་མ་བསྒྲིབས་པར་བཏུང་བར་མི་བྱའོ། །དེ་ཆུ་དང་བཅས་པ་ཉིད་ཡིན་
[224a.2]ན་ཁ་མ་བཅད་པ་ཉིད་དུ་མི་གཞག་གོ་ཞེས་བྱ་བ་དེ་ལ་དེ་ཞེས་བྱ་བ་ནི་སྐྱོགས་སོ། །དེའི་ཁ་གབ་ནི་རྣམ་པ་གསུམ་སྟེ། ཤིང་ལས་བྱས་པ་དང་རྡོ་ལས་བྱས་པ་དང་ས་ལས་བྱས་པའོ་ཞེས་བྱ་བ་ལ། དེའི་ཞེས་བྱ་བ་ནི་སྐྱོགས་ལའོ། །སྐྱོགས་གཞི་ཤིང་ལས་བྱས་པའམ་རྡོ་ལས་བྱས་པ་བཅང་བར་བྱའོ་ཞེས་བྱ་བ་ལ།
[224a.3]གང་དུ་གནས་པའི་དོན་དུ་སྐྱོགས་འདི་གཞག་པར་བྱ་བ་དེ་ནི་སྐྱོགས་ཀྱི་གཞིའོ། །འདབ་མ་དག་སྣོད་ཉིད་དུ་སྤྱོད་པ་ནི་བྱིན་ལེན་མ་བྱས་པ་ཉིད་ལ་ཉེས་པ་མེད་དོ། །འདི་ལ་བརྔས་པ་དང་མ་བརྔས་པ་དག་ནི་ཁྱད་པར་མེད་དོ་ཞེས་བྱ་བ་ལ། འདི་ལ་ཞེས་བྱ་བ་ཤིང་ལྗོན་པ་ལ་སོགས་པ་མ་བརྔས་པ་དག་ལ་ཡང་
[224a.4]སྐྱེས་པ་ལས་འདི་རྣམས་དང་འབྲེལ་པས་འདིར་ཉེས་པ་མེད་པ་ནི་བྱིན་ལེན་མ་བྱས་པ་ཉིད་ཅེས་བྱ་བའི་དོན་ཏོ། །གཞན་མེད་ན་#མ་བརྔས་པ་དག་སྤྱད་དོ་ཞེས་བྱ་བ་ལ། གཞན་ཞེས་བྱ་བ་ནི་འདབ་མ་བརྔས་པའམ་དེའི་དོན་བྱེད་ནུས་པ་གཞན་ལའོ། །ཤིང་ལྗོན་པ་ལ་སོགས་པ་དག་དང་འབྲེལ་པའི་སྐོམ་ལ་སོགས་པ་འཐུང་
[224a.5]བར་བྱེད་པ་བཞད་གད་དུ་འགྱུར་བས་མི་བྱའོ་ཞེས་བྱ་བ་འདི་ལ་བསྟན་#པའོ། །གསོག་འཇོག་གི་ལྟུང་བྱེད་དོ།། །།#གཞན་དང་བྱིན་ལེན་སྟོབས་པ་མེད་ན་སྦྱིན་བདག་གིས་བསམ་པ་ཐག་པ་ནས་བཏང་བ་རང་གིས་བླངས་ཏེ་བཟའ་བར་བྱའོ་ཞེས་བྱ་བ་ནི་བྱིན་ལེན་མ་བསྟབས་པར་བཟའ་བ་ཐམས་ཅད་ལ་
[224a.6]བྱང་གི་སྒྲ་མི་སྙན་པའི་དུས་སུ་བྱིན་གྱིས་བརླབ་པར་བྱའོ་ཞེས་བྱ་བ་ཐམས་ཅད་དུ་ཤེས་པར་བྱའོ། །བྱིན་ལེན་བྱས་ཟིན་པའི་ཟས་གཞན་མེད་དམ་བྱིན་ལེན་སྟོབས་པ་པོ་གཞན་མེད་ན་ཞེས་བྱ་བའི་དོན་ཏོ། །གང་ཡང་རུང་བ་ཅིག་ཡོད་ན་ཉེས་པ་ཁོ་ནར་འགྱུར་རོ། །འདིར་གཞན་མེད་པའི་གཞུང་ནི་དགེ་སློང་
[224a.7]གཅིག་གིས་བསོད་སྙོམས་བླངས་ཏེ། གཙུག་ལག་ཁང་དུ་བཞག་ནས་ཕྱི་རོལ་དུ་བྱུང་བ་དང་། ཁྱིམ་བདག་གཅིག་གིས་ཀྱང་བསོད་སྙོམས་གཅིག་ཁྱེར་ཏེ་འོངས་ནས་དེ་ཉིད་ཀྱི་སྟེང་དུ་བསོད་སྙོམས་གཞན་གཞག་པ་མཐོང་ནས་དེ་འགྱོད་པ་སྐྱེས་ཏེ་མི་ཟ་བའི་སྐབས་དེ་#དགེ་སློང་དག་གིས་བཅོམ་ལྡན་
[224b]
[224b.1]འདས་ལ་གསོལ་པ་དང་། ཇི་སྲིད་དུ་བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་བྱིན་ལེན་སྟོབས་པ་ཡོད་ན་ནི་བྱིན་ལེན་བྱས་ཏེ་བཟའ་བར་བྱའོ། །ཅི་སྟེ་མེད་ན་ནི་ཕྱིས་བྱིན་པ་གང་ཡིན་པ་དེ་བསལ་ཏེ་སྔ་མ་ཤོས་བཟའ་བར་བྱ་སྟེ། འདི་ལ་འགྱོད་པར་མི་བྱའོ་ཞེས་གསུངས་པ་ཡིན་ནོ། །བྱིན་ལེན་
[224b.2]བསྟབས་པ་མེད་པའི་གཞུང་ནི་དེ་ཉིད་ལས་ཚོང་བ་རབ་ཏུ་མང་པོ་དག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་བཤོས་ལ་སྤྱན་དྲངས་ཏེ། དེ་དག་གིས་#ཟས་དག་སྤྱི་བུངས་བཅེར་བ་དང་། ཚོང་ཁང་དག་ཏུ་མེ་ཤོར་ནས་དེ་དག་མེ་གསོད་པའི་ཕྱིར། དོང་པ་དང་གདུགས་ཚོད་དག་ཀྱང་བབ་པར་
[224b.3]གྱུར་ནས་དགེ་སློང་དག་གིས་ཇི་ལྟར་བསྒྲུབ་#པར་བྱ་བ་མི་ཤེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་བསམ་པ་དག་པས་བཏང་བ་ཡིན་པས་བྱང་གི་སྒྲ་མི་སྙན་པའི་དུས་སུ་བྱིན་གྱིས་བརླབ་ཅིང་བཟའ་བར་བྱ་སྟེ། འདི་ལ་འགྱོད་པར་མི་བྱའོ་ཞེས་གསུངས་པ་ཡིན་ནོ། །ཤེས་
[224b.4]གཙོ་བོ་བྱིན་ལེན་མ་བྱས་པ་ཉིད་ལའོ་ཞེས་འོག་ནས་འབྱུང་ན་དེ་བྱིན་ལེན་གང་ཡིན་ཞེ་ན། དེའི་ཕྱིར་དེ་བརྗོད་པར་བྱ་སྟེ། མངོན་སུམ་དུ་མཚམས་ཀྱི་ནང་དུ་འཐོབ་པའི་ཕྱོགས་ན་གནས་པས་ལག་པ་བཀན་པས་ལུས་སམ་དེ་དང་འབྲེལ་པར་གྱེན་དུ་འདེགས་ནུས་པ་བསྙེན་པར་མ་རྫོགས་པ་མི་མ་ཡིན་པ་ལས་
[224b.5]ཀྱང་སྦྱིན་པར་འདོད་པས་ཡན་ལག་གིས་སམ་དེ་དང་འབྲེལ་པས་བྱིན་པ་མནོས་པ་ནི་བྱིན་ལེན་ནོ་ཞེས་བྱ་བ་སྨོས་ཏེ། མངོན་སུམ་དུ་ཞེས་བྱ་བ་ནི་མངོན་སུམ་དུ་ཕྱོགས་པ་སྟེ། གློའམ་རྒྱབ་ནས་བླངས་པ་ནི་བྱིན་ལེན་མ་ཡིན་ནོ། །མཚམས་ཀྱི་ནང་དུ་ཞེས་བྱ་བ་ལ་འདི་ནི་སྤྲོས་པ་སྟེ། མཚམས་
[224b.6]གཞན་ན་གནས་པ་གང་ལ་ཡན་ལག་ཉིད་མ་ཡིན་ཞེས་གསུངས་སོ། །གྱེན་དུ་འདེགས་ནུས་པ་ལས་ཞེས་བྱ་བ་ནི་གང་ཞིག་སྦྱིན་པར་ནུས་པ་དེ་ལས་སོ། །མི་མ་ཡིན་པ་ལས་ཀྱང་ཞེས་བྱ་བ་ལ། འདིར་གཞུང་ནི་དགེ་སློང་དགོན་པ་བ་རྣམས་ལ་དགོན་པ་ན་གནས་པའི་གླང་པོ་ཆེ་ཅང་ཤེས་དང་རྟ་ཅང་ཤེས་དང་
[224b.7]སྤྲེའུ་ཅང་ཤེས་དག་གིས་ཤིང་ཐོག་#དག་འབུལ་བ་དགེ་སློང་དག་མི་ལེན་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་ལ་གྱེན་དུ་འདེགས་པ་ཡོད་པ་དེ་ལ་བྱིན་ལེན་ཡང་ཡོད་པས་བཟའ་བར་བྱ་སྟེ། འདི་ལ་འགྱོད་པར་མི་བྱའོ་ཞེས་གསུངས་པ་ཡིན་ནོ། །སྦྱིན་པར་འདོད་པས་ཞེས་བྱ་བ་
[225a]
[225a.1]ལ་འདིར་གཞུང་ནི་དབང་མེད་པ་ལ་སོགས་པས་སྦྱིན་པར་བྱེད་པ་ནི་མ་ཡིན་ནོ་ཞེས་གསུངས་པ་ཡིན་ནོ། །ཡུལ་གྱིས་མི་སྨད་པར་བྱ་བ་ཉིད་ཡིན་ན་དཀྱིལ་འཁོར་གྱི་སྟེང་དུ་ཞོག་ཅིག་ཅེས་བསྟན་ན་ཡང་ངོ་ཞེས་བྱ་བ་ནི་དེ་ལྟར་ཉེ་བར་བསྟན་པའི་དཀྱིལ་འཁོར་ལ་ཡང་བཏང་བ་ལ་སོ་སོར་
[225a.2]འདོད་པ་ནི་བྱིན་ལེན་མནོས་པ་ཡིན་གྱི་ལུས་སམ་དེ་དང་འབྲེལ་པར་མནོས་པ་འབའ་ཞིག་ཏུ་ནི་མ་ཟད་དོ། །ལྷུང་བཟེད་དང་དེའི་གཞི་དག་ནི་གཅིག་པ་ཉིད་དོ་ཞེས་བྱ་བ་ནི་འདི་དག་ལས་གཅིག་ཏུ་བྱེད་དུ་བཅུག་པ་དག་ལ་གཞན་དུ་ལྟུང་བ་མི་འདོད་པ་ལས་སྐྱེས་པར་ཤེས་པར་མི་བྱ་ཞེས་བྱ་བ་དེ་#ལ་འདི་བསྟན་
[225a.3]པའོ། །སྤྲེའུ་རྣམས་ཀྱི་སྤྱོད་ཡུལ་ནི་ཡལ་ག་ཡིན་པས་དེ་ནས་དེའི་ཕྱིར་མི་འཐོབ་པའི་ས་ཉིད་མ་ཡིན་ནོ་ཞེས་བྱ་བ་ནི་ཡལ་ག་དེ་ནས་སྤྲེའུ་རྣམས་བྱིན་ལེན་བསྟབས་པ་དེའི་ཕྱིར་མི་འཐོབ་པའི་ས་ཉིད་ནི་མ་ཡིན་ནོ། །ཤིང་ཐོག་དག་མན་#ཤེལ་དང་ཁྲི་དང་ཁྲིའུ་དང་ཐུ་བ་དང་ལྷུང་བཟེད་དག་གིས་བྱིན་
[225a.4]ལེན་མནོད་དུ་མི་རུང་བ་ཉིད་མ་ཡིན་ནོ་ཞེས་བྱ་བ་ལ། བྱིན་ལེན་མནོད་དུ་ཞེས་བྱ་བ་ནི་#བྱིན་ལེན་གྱི་བདག་ཉིད་ཅན་ནི་བྱིན་ལེན་གྲུབ་པར་འགྱུར་བའི་སྣོད་དུ་རུང་བར་གྱུར་པ་ལའོ། །དེ་དག་གནས་པ་དག་གིས་ཅང་མི་སྨྲ་བས་སོ་སོར་བརྟག་པར་བྱ་བ་ལ། དེ་རྣམས་ཞེས་བྱ་བ་ནི་ཤིང་ཐོག་རྣམས་ལའོ། །སྙོམས་
[225a.5]པར་འདྲིམ་པར་བྱེད་པ་མོས་པར་བྱའོ་ཞེས་བྱ་བ་ནི་སྙོམས་པར་འདྲིམ་པ་འདི་ལ་ཡོད་པས་ན། སྙོམས་པར་འདྲིམ་པ་ཞེས་བྱ་བས་བསྡུས་པའོ། །འདིར་གཞུང་ནི་འདྲིམ་པའི་ཕྱིར་ཁྱིམ་པ་རྣམས་ཤིང་ཐོག་དག་མི་སྙོམས་པར་འདྲིམ་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་ཚུལ་
[225a.6]དག་བྲིམ་#དུ་གཞུག་པར་བྱའོ། །དགེ་ཚུལ་དག་ཀྱང་མི་སྙོམས་པར་འདྲིམ་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་ལག་པ་དག་བསྙལ་ཏེ་བྱིན་ལེན་བྱས་ནས་བྲིམ་པར་བྱའོ་ཞེས་གསུངས་པ་ཡིན་ནོ། །དགེ་སློང་བྱིན་ལེན་#བྱས་པས་བྲིམ་པ་ཉིད་ནི་རུང་བ་ཉིད་
[225a.7]ཡིན་ནོ་ཞེས་ཟས་བྱིན་ལེན་བྱས་པ་བྲིམ་པ་ཉིད་ནི་རུང་བ་ཡིན་ཏེ། ཚུལ་དང་མི་མཐུན་པ་ཉིད་ནི་མ་ཡིན་ནོ་ཞེས་བྱ་བའི་དོན་ཏོ། །མར་དང་འབྲུ་མར་དང་སྦྲང་རྩི་དང་བུ་རམ་གྱི་དབུ་བའི་བུམ་པ་དག་འདྲིམ་ན་རྩྭ་#དང་ལོ་མ་དག་ལ་སོགས་པ་དག་གིས་གོས་དག་#བསྐྱབ་པར་བྱའོ། །བྲིམ་པར་བྱ་བ་གཅེས་པ་དང་
[225b]
[225b.1]བར་མ་དང་ཐ་མ་དག་སོ་སོར་བྱའོ་ཞེས་བྱ་བ་ནི་བྲིམ་པར་བྱ་བའི་ཟས་འདི་རྣམས་ནི་སོ་སོར་བྲིམ་པར་བྱ་སྟེ་མི་བསྲེ་བར་བྲིམ་པར་བྱའོ་ཞེས་བྱ་བའི་དོན་ཏོ། །ཨ་མྲ་ཞིམ་པོ་དག་ལོགས་ཤིག་ཏུ་བསལ་#ཏེ་བྲིམ་པར་བྱའོ་ཞེས་བྱ་བ་ལ་མདོ་སྔ་མ་འདི་སྙོམས་པར་བསལ་བའི་དོན་དུའོ། །འདི་རྣམས་ནི་རྒན་པ་ཉིད་མ་
[225b.2]ཡིན་ཏེ། དེ་བས་ན་སྤྲོས་པ་འདི་ནི་རྒན་པ་དང་གཞོན་པ་དང་བར་མ་དག་ལ་ཤེས་པར་མི་བྱའོ། །འདྲིམ་པར་བྱེད་པ་ཡི་#ནི་མཁན་པོའམ་སློབ་དཔོན་གྱིས་མནོད་པར་བྱའོ། །མི་འཐོབ་པ་འཐོབ་ན་དྲུང་དུ་འདུག་པས་སོ་ཞེས་བྱ་བ་གལ་ཏེ་མཁན་པོའམ་སློབ་དཔོན་གྱིས་འདྲིམ་པར་བྱེད་པས་མི་ཐོབ་པ་ཐོབ་#པ་མི་
[225b.3]རིགས་པ་ནི་གནས་གཞན་མ་ཡིན་པས་འདི་ལ་བྱིན་ལེན་དུ་བྱ་བའོ། །འདིར་གཞུང་ནི་བཅོམ་ལྡན་འདས་ཀྱིས་བཀའ་སྩལ་པ། འདྲིམ་པར་བྱེད་པའི་སྐལ་བ་ནི་མཁན་པོ་དང་སློབ་དཔོན་དག་གིས་མནོད་པར་བྱའོ། །དེ་དག་གིས་བཟང་པོ་དག་ཐོབ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་
[225b.4]དག་གི་དྲུང་དུ་འདུག་པ་དག་གིས་མནོད་པར་བྱའོ་ཞེས་གསུངས་པ་ཡིན་ནོ། །དུ་མ་ཉིད་ཡིན་ན་སྟན་ལས་མ་འཕགས་པས་ཇི་ཙམ་ལེན་ནུས་པའོ་ཞེས་བྱ་བ་ནི། གང་གི་དོན་དུ་དེ་མ་ཐག་པའི་གནས་ལ་གཟུང་#བར་བྱ་བ་ཉིད་ནི་དེ་དག་དུ་མ་ལ་སྟན་ལས་མ་འཕགས་པར་ཇི་ཙམ་ལེན་ནུས་པ་དེ་ཙམ་མནོད་པར་
[225b.5]བྱ་ཞིང་དེ་མ་ཐག་པའི་གནས་དང་ལྡན་པས་གཟུང་#བར་བྱའོ། །འདྲིལ་བ་ལ་ནི་རང་གནས་ལས་མ་འཕགས་པས་ལེན་ནུས་པ་ཉིད་ཡིན་ན། བྱིན་ལེན་མ་ཞིག་གོ་ཞེས་བྱ་བ་ནི་གང་ཞིག་བྱིན་ལེན་བྱས་པའི་ཟས་འདྲིལ་ཅིང་གནས་ནས་གུད་དུ་སོང་བ་གང་ཡིན་པ་དེ་ནི་སྟན་ལས་མ་འཕགས་པས་ལེན་ནུས་པ་
[225b.6]ཉིད་ཡིན་ན་བྱིན་ལེན་མ་ཞིག་པ་ཡིན་ལ་གཞན་དུ་ན་ཞིག་པ་ཁོ་ན་ཡིན་ནོ། །སྦྲང་བུ་དང་གྲོག་སྦུར་ལ་སོགས་པ་དག་གིས་རེག་པ་ཡང་ངོ་ཞེས་བྱ་བ་ནི་བྱིན་ལེན་མ་ཞིག་པའོ། །སོགས་པའི་སྒྲས་ནི་བྱིའུ་ཕྲུག་བྱུང་མ་ཐག་པའི་ཚད་པས་ཀྱང་ཆུང་བའི་སྐྱེ་བ་ཕྲ་མོ་དག་བསྡུའོ། །དགེ་སློང་གིས་མ་བཏང་བ་ལ་
[225b.7]གཞན་གྱིས་ཀྱང་ངོ་ཞེས་བྱ་བ་ནི་དགེ་སློང་གིས་འཛིན་པ་མ་བཏང་བ་ལ་སྦྲང་བུ་དང་གྲོག་སྦུར་ལ་སོགས་པ་གཞན་གྱིས་རེག་པས་ཀྱང་བྱིན་ལེན་མ་ཞིག་པའོ། །འདིར་གཞུང་ནི་བཅོམ་ལྡན་འདས་ཀྱིས་བཀའ་སྩལ་པ། དེ་ཉིད་ཀྱིས་བྱིན་ལེན་བྱ་ཞིང་དེ་ལ་བགོ་བཤའ་བྱ་སྟེ་བཟའ་བར་བྱའོ་ཞེས་གསུངས་པ་
[226a]
[226a.1]ཡིན་ནོ། །བྱི་བས་ནི་གཞིག་པར་བྱེད་དོ་ཞེས་བྱ་བ་ནི། བྱི་བས་རེག་པས་ནི་བྱིན་ལེན་ཞིག་པར་བྱེད་དོ། །འདིར་གཞུང་ནི་དེ་ལྟར་དེར་སྦྲང་བུ་དང་གྲོག་སྦུར་དང་བྱི་བའི་བར་དག་ལྷུང་ནས་བཅོམ་ལྡན་འདས་ཀྱིས་བཀའ་སྩལ་པ། བྱི་མངས་ལ་སོགས་པའི་བྱི་བ་དག་གིས་རེག་པ་ནི་བྱིན་ལེན་བྱ་
[226a.2]སྟེ་བཟའ་བར་བྱའོ་ཞེས་གསུངས་པ་ཡིན་ནོ། །བྱིན་ལེན་བྱས་པའི་བྱིན་ལེན་སྟོབས་པ་ནི་མི་རིགས་པ་མ་ཡིན་ནོ་ཞེས་བྱ་བ་ནི་རེག་པར་མ་གྱུར་ཏམ་འོན་ཏེ་བྱིན་ལེན་བྱས་པ་མ་ཡིན་སྙམ་པའི་ཐེ་ཚོམ་བསལ་བའི་ཕྱིར་རོ། །བྱིན་ལེན་བྱས་པ་ལ་སླར་བྱིན་ལེན་བྱེད་པ་ནི་རིགས་པ་དང་མི་ལྡན་པ་མ་ཡིན་ནོ། །ཤེས་
[226a.3]གཙོ་བོ་ཞེས་བྱ་བ་ནི་འདུ་ཤེས་གཙོ་ཆེར་བྱེད་པ་པོ་ཉིད་དོ། །གང་ལ་འདུ་ཤེས་གཙོ་ཆེར་བྱེད་པ་པོ་ཉིད་ཡིན་ཞེ་ན། དེའི་ཕྱིར་བྱིན་ལེན་མ་བསྟབས་པ་ཉིད་ལའོ། །ཆུ་དང་སོ་ཤིང་མ་གཏོགས་པ་བཟའ་བར་བྱ་བའི་འོ་ཞེས་བྱ་བ་སྨོས་ཏེ། ཆུ་དང་སོ་ཤིང་མ་གཏོགས་པའི་བཟའ་བར་བྱ་བ་ལའོ་ཞེས་བྱ་བའི་དོན་ཏོ། །
[226a.4]འདིར་ཆུ་དང་སོ་ཤིང་ཞེས་བྱ་བ་སྨོས་པ་ནི་#དཔེ་ཙམ་དུ་ཟས་དེ་ཁ་སྦྱང་#བའི་ཐོ་རངས་ཀྱི་ཆུ་དང་བའི་ལྕི་སྐམ་དང་ལྕི་བ་དག་ཀྱང་འདིས་བསྡུས་པར་རིག་པར་བྱའོ། །དེ་ཡང་ཁ་སྦྱང་བའི་ཟས་ཀྱི་ཕྱིར་སོ་ཤིང་ལ་འདི་ནི་ཉེས་པ་མེད་པ་ཉིད་ཡིན་གྱི་མགུལ་དུ་མིད་པའི་ཕྱིར་ནི་མ་ཡིན་ནོ། །དེར་བྱིན་ལེན་མ་བྱས་པ་ཉིད་
[226a.5]མགུལ་དུ་མིད་པ་ལ་ནི་ལྟུང་བྱེད་ཁོ་ནར་འགྱུར་རོ། །མགུལ་ནས་ཁའི་ཆ་ཐ་དད་པར་གྱུར་པས་བཟའ་བ་གང་ཡིན་པའི་#དེ་ལ་ནི་ཉེས་བྱས་སུ་འགྱུར་རོ་ཞེས་བྱ་བ་ཡང་དེའི་ཕྱིར་ཤེས་པར་བྱའོ། །གཟུགས་དང་མི་ལྡན་པ་ལ་ཡང་བློས་བཟའ་བར་འགྱུར་བ་ཡིན་ཏེ། དེ་ལྟར་ཡང་རེག་པ་དང་ཡིད་ཀྱིས་ཀུན་དུ་སེམས་པ་#
[226a.6]བཟའ་བ་ཉིད་ཀྱིས་#མངོན་པར་བརྗོད་པའོ། །བཟའ་བ་ཡང་གང་ཞིག་བློ་འདི་རྣམས་ཉེ་བར་འཚོ་བར་བྱེད་པ་དེ་ཞེས་བྱ་བ་ནུས་པར་བྱའོ#། །དེ་བས་ན་ཁྱད་པར་བསྟན་པར་བྱ་བའི་ཕྱིར་ཁར་རོ་ཞེས་བྱ་བ་སྨོས་སོ། །ཇི་ཞིག་རྗེས་སུ་བསྒྲུབ་ན་འདིའི་བྱེད་པ་པོ་ཉིད་ཡིན་ཞེ་ན། དེའི་ཕྱིར་ཟོས་ནའོ་ཞེས་བྱ་བ་སྨོས་སོ། །
[226a.7]ཅི་ཡུལ་ཐམས་ཅད་དུའམ་ཞེ་ན། དེའི་ཕྱིར་བྱང་གི་སྒྲ་མི་སྙན་མ་གཏོགས་པར་རོ་ཞེས་བྱ་བ་སྨོས་ཏེ། འདིར་ཞུ་བ་ལས་བྱང་གི་སྒྲ་མི་སྙན་གྱི་གླིང་ན་ཟས་མ་བྱིན་པར་ཁའི་སྒོ་ནས་ཟ་བར་བྱེད་དེ། གལ་ཏེ་བྱང་གི་སྒྲ་མི་སྙན་པའི་དུས་སུ་བྱིན་གྱིས་བརླབས་#ན་ནི་ལྟུང་བ་མེད་དོ། །ཇི་སྟེ་བྱིན་གྱིས་མི་རློབ་ན་ནི་ཉེས་བྱས་
[226b]
[226b.1]སོ་ཞེས་གསུངས་པ་ཡིན་ནོ་ཞེས་བྱ་བ་དེ་འདིས་བསྡུས་པ་ཡིན་ནོ། །ནད་པས་བསྙེན་པར་རྫོགས་པ་མེད་ན་བསྙེན་པར་མ་རྫོགས་པ་ལ་ཟན་མནོད་པར་བྱའོ་ཞེས་བྱ་བ་ནི་ནད་པའི་ཁར་ཟན་མནོད་པ་ལ་འདི་ཡིན་གྱི་རྗེས་སུ་གནང་བའི་དངོས་པོ་ལ་ནི་དེ་བསྙེན་པར་རྫོགས་པ་ལ་གནང་བ་མ་ཡིན་པས་བཏང་བ་མ་ཡིན་པ་
[226b.2]ཉིད་ཀྱི་ཕྱིར་འདི་མི་བྱ་བ་ཉིད་དོ། །བསྙེན་པར་མ་རྫོགས་པས་བཟའ་བར་བྱའོ་ཞེས་བྱ་བ་ནི། ནད་པ་ཁོ་ན་སྟེ་གཏོང་བར་བྱེད་པ་ཉིད་ཀྱི་ཕྱིར་འདི་མི་བྱ་བ་ཤེས་པར་མི་བྱ་ཞེས་བྱ་བའི་དོན་ཏོ། །འདིར་གཞུང་ནི་བསྙེན་པར་མ་རྫོགས་པ་དང་ལྷན་ཅིག་ཉལ་བའི་ལྟུང་བྱེད་ཀྱི་ཆོ་ག་གཉིས་པོ་དག་གོ། །བྱིན་
[226b.3]ལེན་མ་བྱས་པར་ཟ་བའི་ལྟུང་བྱེད་དོ།། །།འོ་མ་དང་ཞོ་དང་མར་དང་ཉ་ཤ་དང་ཤ་སྐམ་ལྟ་བུ་ནི་ཁ་ཟས་བསོད་པ་ཡིན་ནོ་ཞེས་བྱ་བ་ནི་རྣམ་པ་དེ་ལྟ་བུ་དག་ཅེས་བྱ་བའི་དོན་ཏོ། །དེ་ནི་བྱེད་པ་པོའོ་ཞེས་བྱ་བ་ལ་འདི་ནི་ཟས་བསོད་པ་སྟེ། དེ་ནི་ལྟུང་བ་འདིའི་བྱེད་པ་པོ་ཡིན་ནོ། །སྦྱིན་པར་བྱེད་པ་ཉེ་དུ་མ་
[226b.4]ཡིན་པ་ཁྱིམ་པ་ཉིད་ཀྱང་ངོ་ཞེས་བྱ་བ་ལ། ཉེ་དུར་མ་གྱུར་པའི་ཁྱིམ་པ་ནི་ཉེ་དུ་མ་ཡིན་པའི་ཁྱིམ་པ་སྟེ་དེའི་དངོས་པོ་ནི་དེ་ཉིད་དོ། །འདིར་སྦྱིན་པ་པོའི་བྱེད་པ་པོ་གཞན་གྲོགས་སུ་གྱུར་པ་ནི་ཟས་བསོད་པ་འདི་ལའོ། །ཉེ་དུ་མ་ཡིན་པ་ཞེས་སྨོས་པ་ལ། གཞུང་ནི་ཞུ་བ་ལས་བཙུན་པ་དགེ་སློང་གིས་བྲོ་མ་
[226b.5]འཆལ་#བར་བདག་ཉིད་ཀྱིས་སླད་དུ་ཁྱིམ་དག་ནས་#ཟས་བསོད་པ་བླངས་ཏེ་འཆའ་འམ་འཆའ་བ་ལ་ལྟུང་བར་ཡང་མི་འགྱུར་བ་མཆིས་སམ་ཡོད་དེ་ཉེ་དུ་ལས་བླངས་ཏེ་ཟ་ན་ལྟུང་བ་མེད་དོ་ཞེས་བསྟན་པ་ཡིན་ནོ། །རབ་ཏུ་བྱུང་བ་གང་ལ་ཉེས་བྱས་བྱེད་པ་ཉིད་མ་ཡིན་པ་ཉིད་ལྟུང་བའི་རྟགས་འདི་ཡིན་ཞེས་བྱ་བ་འདིར་
[226b.6]ཁྱིམ་པའི་ཚིག་གིས་འདི་འབྱུང་བར་རིག་པར་བྱའོ། །གང་གི་ཚེ་དེ་གཉིས་ལྟུང་བ་འདི་ལ་བྱེད་པ་པོ་ཉིད་ཡིན་ཞེ་ན། དེའི་ཕྱིར་རང་གིས་བླངས་ཏེ་ཟོས་ནའོ་ཞེས་བྱ་བ་སྨོས་ཏེ། རང་གིས་བླངས་ཏེ་ཟོས་ནའོ། །མི་ན་བས་བླངས་པ་དང་སློང་དུ་#བཅུག་པ་ཉིད་དེ་ལ་#ཉེས་བྱས་ཀྱིའོ་ཞེས་བྱ་བ་ནི་#མི་ན་བས་རང་གིས་
[226b.7]བླངས་པ་ཙམ་ལ་ཡང་དེ་གཉིས་ཉེས་བྱས་ཁོ་ནའི་བྱེད་པ་པོ་ཡིན་ལ་མི་ན་བར་གཞན་སློང་དུ་བཅུག་པ་ཉིད་ཡིན་#ན་སློང་དུ་བཅུག་ཏེ་(སྟེ་)ཟོས་པ་དེ་ལ་ནི་དེ་གཉིས་ཉེས་བྱས་ཀྱི་བྱེད་པ་པོ་ཡིན་ནོ། །མི་ན་བར་སློང་དུ་བཅུག་པ་ལ་ནི་ཉེས་བྱས་ཕྲ་མོར་འགྱུར་རོ། །ཅི་མི་ན་བར་#ཐམས་ཅད་ལ་དེ་གཉིས་ཁ་ན་མ་ཐོ་བ་འདིའི་
[227a]
[227a.1]བྱེད་པ་པོ་#ཡིན་ནམ་ཞེ་ན། དེའི་ཕྱིར་ཅི་བདེར་བསྟབས་པ་མ་བྱས་པ་ལའོ་ཞེས་བྱ་བ་སྨོས་ཏེ། གང་ལ་སློང་བར་བྱེད་པ་དེས་མ་བྱས་པ་དེས་ནི་ཅི་བདེར་བསྟབས་པ་མ་བྱས་པ་ལ་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་བསོད་སྙོམས་ལ་རྒྱུ་ཞིང་ཁྱིམ་དག་ཏུ་འགྲོ་བ་ན་བུད་མེད་ཀྱི་ཡུལ་
[227a.2]ཟས་ཐོགས་ཏེ་ཕྱིར་བྱུང་བའི་ཚེ་དགེ་སློང་ཅང་མི་སྨྲ་བར་སྡོད་པ་ན་བུད་མེད་ཀྱི་ཡུལ་ན་རེ་འཕགས་པ་ཅི་བཞེད་ཅེས་འདྲི་ན་བསྟབས་པར་བརྗོད་པར་བྱ་སྟེ། ཅི་འདོད་པ་དེ་བླང་བར་བྱ་བ་ལ་ལྟུང་བ་མེད་དོ། །སྦྱིན་བདག་གིས་ཅི་བདེར་བྱས་པ་ལ་ལྟུང་བ་མེད་དོ་ཞེས་གསུངས་པ་ཡིན་ནོ། །དེའི་ཕྱིར་ངན་
[227a.3]པའམ་བསོད་པའམ་ཐ་མལ་པའམ་བཟང་པོ་ཐོབ་#པ་ནི་གལ་ཏེ་བླངས་ན་ཡང་ངོ་ཞེས་བྱ་བ་ནི་གང་གི་ཕྱིར་ཅི་བདེར་བསྟབས་པ་མ་བྱས་པ་ལ་འདི་ནི་བྱེད་པ་པོ་ཡིན་ཏེ། ཅི་བདེར་བསྟབས་པར་བྱེད་པ་ཅིག་#ནི་འདིར་ངེས་པར་འབྱུང་བ་སྟེ། ཉེ་བར་བསྡུས་པ་ལ་བྱེད་པ་པོ་མ་ཡིན་ནོ། །དེ་ལས་རྙེད་པར་གྱུར་པ་ལ་
[227a.4]ཡང་གལ་ཏེ་འདི་དང་འབྲེལ་པའི་བླངས་པ་མེད་ན་དེ་ལྟར་ཡང་འདི་བླངས་ཏེ་ཟོས་ན་དངོས་གཞིའི་བྱེད་པ་པོ་ཡིན་ནོ། །ངན་པ་འདི་ལ་ཕྱེད་ཉིད་དོ་ཞེས་བྱ་བ་ནི་གང་ཞིག་བླངས་ཏེ་ཟ་བ་འདི་ལ་བྱེད་པ་པོ་ཉིད་བསྟན་པ་དེར་ངན་པ་འདི་ལ་ནི་ཕྱེད་ཉིད་དེ་ཉེས་བྱས་སོ། །རང་གིས་བླངས་ཏེ་ཟ་བ་འདི་ལ་ནི་ཉེས་བྱས་ཕྲ་
[227a.5]མོར་འགྱུར་ཏེ་སློང་དུ་བཅུག་པའི་སྦྱོར་བ་ལ་ཡང་ཞེས་བྱ་བའི་དོན་ཏོ། །འདིར་གཞུར་ནི་དགེ་སློང་གིས་འོ་མ་ཐོབ་པ་ན་ཞོ་སློང་བར་བྱེད་ན། དེ་སློང་བ་ལ་ནི་ཉེས་བྱས་#ལ་མ་འཐུངས་ན་ནི་ལྟུང་བ་མེད་དོ། །དགེ་སློང་གིས་བསོད་པ་ཐོབ་པ་ན་ངན་པ་སློང་བར་བྱེད་ན་དེ་སློང་བ་ལ་ཡང་ཉེས་བྱས་ལ་ཟོས་པར་
[227a.6]གྱུར་ན་ཉེས་བྱས་སོ་ཞེས་གསུངས་པ་ཡིན་ནོ། །ངན་པ་ཐོབ་པར་གྱུར་པ་ཉིད་ལ་ནི་ཐམས་ཅད་ཉེས་བྱས་ཀྱི་བྱེད་པ་པོ་ཉིད་ཡིན་ནོ་ཞེས་བྱ་བ་འདིས་ནི་ཕྱེད་ཚིག་གིས་#འདི་ལ་བྱས་པར་རིག་པར་བྱའོ། །ཟས་ཁྱེར་ཏེ་ཕྱིས་བྱུང་བས་ཅང་མི་སྨྲ་བའམ་ཕྱིར་སྤོང་བ་ལ་འོ་ན་ཅི་སློང་ཞེས་དྲིས་པ་ན་ཅི་བདེ་བར་བསྟབས་
[227a.7]པ་ཉིད་ཡིན་ནོ་ཞེས་བྱ་བ་ནི་དྲིས་པ་འདི་ལ་ཅི་བདེ་བར་བསྟབས་པ་ཉིད་ཡིན་ནོ། །དེ་བས་ན་འདིར་བྱིས་པ་ལས་#གང་འདོད་པ་དེ་བླང་བར་བྱའོ། །བསོད་པ་སློང་བའི་ལྟུང་བྱེད་དོ།། །།རང་སྤྱོད་པའི་དོན་ཉིད་ལ་འཇུག་པ་དང་སྤྱོད་དུ་འཇུག་པ་དག་ལའོ་ཞེས་བྱ་བ་ནི་འདི་དག་ལ་གཞན་ཉེ་བར་སྤྱོད་
[227b]
[227b.1]པའི་དོན་ཉིད་ལ་སྟེ། དཔེར་ན་དགེ་འདུན་གྱི་གཙུག་ལག་ཁང་དུ་ལྷུང་བཟེད་དང་ཆོས་གོས་ལ་སོགས་པའི་ལས་ལ་དོན་མ་ཡིན་པ་ཉིད་ལ་ཡང་ངོ་། །འདི་ལྟ་སྟེ་དཔེར་ན་དོན་མེད་པར་ཆུ་ལ་སོགས་པ་ལ་སྤྱོད་པ་དང་། རྩྭ་#ལ་སོགས་པ་སྦེངས་#པ་དང་ཤིང་ལ་སོགས་པ་འཐུ་བ་ལ་སོགས་པ་ལ་སྔར་བསྟན་པའི་ལྟུང་
[227b.2]བྱེད་ནི་བྱེད་པ་པོ་ཉིད་དོ། །གང་ལ་རང་འཇུག་པ་དང་གཞན་འཇུག་དུ་འཛུད་པར་བྱེད་ན་རང་སྤྱད་པའི་དོན་ཉིད་ལ་ཡང་སྨྲས་པ་ནི་དེ་ལ་ཤེས་གཙོ་བོ་ཞེས་བྱ་བ་སྟེ། དེ་ལ་འདུ་ཤེས་གཙོ་ཆེར་བྱེད་པ་ཉིད་དོ། །གང་ལ་འདུ་ཤེས་གཙོ་ཆེར་བྱེད་པ་པོ་འདི་#ཡིན་ཞེ་ན། དེའི་ཕྱིར་སྲོག་ཆགས་དང་བཅས་པ་ཉིད་ལའོ་
[227b.3]ཞེས་བྱ་བ་སྨོས་སོ། །གང་གི་སྲོག་ཆགས་དང་བཅས་པ་ཉིད་ལ་ཞེ་ན་དེའི་ཕྱིར་ཆུ་དང་མར་དང་སྦྲང་རྩི་དང་བུ་རམ་གྱི་དབུ་བ་དང་འོ་མ་དང་ཞོ་དང་མར་སར་པ་དང་ཚྭ་དང་འབྲུའི་ཚ་དང་ཞོ་ག་#ཆུ་དང་། རྩབ་མོ་དང་ཤིང་ཏོག་དང་བཅའ་བར་བྱ་བ་ལ་སོགས་པ་ཉེ་བར་སྦྱར་བར་བྱའོ་ཞེས་བྱ་བ་སྨོས་ཏེ།
[227b.4]སྲོག་ཆགས་དང་བཅས་པའི་ཆུ་ལ་ཞེས་བྱ་བ་ལ། ཆུའི་ཚིག་ནི་སོ་སོར་ཐར་པར་དཔེར་མཚོན་པ་ཙམ་དུ་ཟད་ཀྱི་འདི་ནི་སྐྱེ་བའི་དབང་གིས་གནས་ཡིན་ཏེ། ཆུ་འདི་ལ་ཤིན་ཏུ་མང་དུ་འཇུག་པ་འདི་ལ་ལྟུང་བའི་ཕྱིར་རོ། །ཉེ་བར་སྦྱར་བ་དེ་དག་སྲོག་ཆགས་ཇི་ལྟ་བུ་དང་བཅས་པ་ཉིད་ཡིན་ཞེ་ན། དེའི་ཕྱིར་
[227b.5]སྣང་བ་དག་གིས་སོ་ཞེས་བྱ་བ་སྨོས་སོ། །འདིར་གང་གི་ཚེ་འདིའི་བྱེད་པ་པོ་ཉིད་ཡིན་ཞེ་ན། དེའི་ཕྱིར་ཤི་ནའོ་ཞེས་བྱ་བ་སྨོས་ཏེ། འདིར་སྲོག་ཆགས་དུ་མ་ཤི་ན་ཡང་#ཁ་ན་མ་ཐོ་བ་གཅིག་གི་#བྱེད་པ་པོ་ཉིད་ཡིན་ནམ་ཞེ་ན། དེའི་ཕྱིར་སྲོག་ཆགས་རེ་རེའི་འོ་ཞེས་བྱ་བ་སྨོས་ཏེ། སྲོག་ཆགས་ཇི་
[227b.6]སྙེད་སྦྱོར་བ་དེའི་དབང་གིས་སྲོག་བཅད་དེ་དུས་བྱས་ན་དེ་ཉིད་ཁོ་ནའི་ལྟུང་བྱེད་དུ་འགྱུར་རོ་ཞེས་བྱ་བའི་དོན་ཏོ། །སླར་སྤྱོད་པ་གང་ཡིན་ཞེ་ན། དེའི་ཕྱིར་སྤྱོད་པ་ན་ལུས་ཀྱི་ཉེ་བར་སྤྱོད་པའོ་ཞེས་བྱ་བ་སྨོས་ཏེ། དེ་ནི་སྤྱད་པ་མཚན་ཉིད་ཀྱི་སྒོ་ནས་བསྟན་ནས། ད་#ནི་ངོ་བོའི་སྒོ་ནས་བསྟན་པའི་ཕྱིར། འདི་
[227b.7]ལྟ་སྟེ་ཁྲུས་དང་བཏུང་བ་དང་སོ་ཤིང་དོར་བ་དང་ལག་པ་དང་རྐང་པ་བཀྲུ་བའོ་ཞེས་བྱ་བ་སྨོས་ཏེ། ལུས་ཀྱི་ཡོ་བྱད་དག་ཏུ་ཉེ་བར་སྤྱོད་པ་གང་ཡིན་པ་དེ་ལུས་ཀྱིས་#ཉེ་བར་སྤྱོད་པ་ཁོ་ན་ཡིན་པར་ཤེས་པར་བྱའོ་ཞེས་བྱ་བའི་ཕྱིར་ཡོ་བྱད་དག་ཏུ་ཉེ་བར་སྤྱད་པ་གང་ཡིན་པ་དེ་ནི་ལུས་ཀྱིར་#ཡིན་ནོ་ཞེས་བྱ་བ་སྨོས་ཏེ།
[228a]
[228a.1]གང་གི་ཡན་ལག་ཏུ་གང་བྱེད་པ་དེ་ཉིད་ལ་དེ་བྱས་པར་འགྱུར་ཞེས་བྱ་བའི་དོན་ཏོ། །སླར་ལུས་ཀྱི་ཡོ་བྱད་དེ་དག་གང་དག་ཡིན་ཞེ་ན། དེའི་ཕྱིར་བཟའ་བར་བྱ་བ་དང་ལྷུང་བཟེད་དང་ཆོས་གོས་དང་གནས་དང་སོ་བཀྲུ་བ་དང་མེ་ལ་སོགས་པ་ནི་ལུས་ཀྱི་ཡོ་བྱད་#ཡིན་ནོ་ཞེས་བྱ་བ་སྨོས་སོ། །འོ་ན་
[228a.2]ལུས་ཀྱི་ཡོ་བྱད་རྣམས་སུ་ཉེ་བར་སྦྱར་བ་གང་ཡིན་པར་བལྟ་བར་བྱ་ཞེ་ན། དེའི་ཕྱིར་དེ་དག་ཏུ་ནི་ས་དང་ལྕི་བ་དང་ཚོན་དང་རྩྭ་#དང་ཤིང་ལ་སོགས་པའོ་ཞེས་བྱ་བ་སྨོས་སོ། །ལུས་ཀྱི་ཡོ་བྱད་དེ་དག་ཏུ་ཉེ་བར་སྦྱར་བ་དེ་དག་ལ་ཆུ་ལ་སོགས་པ་དགོས་པ་གང་ཡིན་ཞེ་ན། དེའི་ཕྱིར་དེ་དག་ཏུ་དགོས་པ་ནི་འདི་ལྟ་སྟེ་
[228a.3]བྱི་དོར་བྱ་བ་དང་ཁ་བསྒྱུར་བ་དང་ཆག་ཆག་གདབ་པ་དང་། ཕྱག་དར་བྱ་བ་དང་ཞལ་ཞལ་བྱ་བ་དང་འུ་ཤ་དང་ཐང་དང་ཐུག་པ་རྣམས་བཏུང་བའོ་ཞེས་བྱ་བ་སྨོས་ཏེ། སྦྱོར་#བ་འདི་རྣམས་ཞེས་བྱ་བ་འོག་ནས་འབྱུང་བ་འདི་རྣམས་ལ་ཐམས་ཅད་དུ་སོ་སོར་མངོན་པར་སྦྱར་བར་བྱའོ། །ཆུ་སྲོལ་བཀག་པ་དང་བསལ་
[228a.4]བ་དག་ཀྱང་ངོ་། །ཤིང་དང་གཡེང་བ་དག་གཞུག་པ་དང་དྲ་#བ་དང་བཤལ་བ་དག་ཀྱང་ངོ་ཞེས་བྱ་བ་ནི་བྱའོ་ཞེས་བྱ་བར་སྦྱར་རོ། །འདིར་#ཤིང་དང་གཡེང་བ་ཞེས་བྱ་བ་ནི་དཔེ་ཙམ་དུ་རིག་པར་བྱའོ། །རིམ་པ་གཅིག་པ་ལས་གཞན་པ་སྦུ་ཅན་ལ་སོགས་པ་བཀྲུ་བ་ཡང་ངོ་ཞེས་བྱ་བ་ལ། རིམ་པ་གཅིག་པ་ལས་
[228a.5]གཞན་པ་ཞེས་བྱ་བ་ཆིག་རྐྱང་ལས་སོ། །གཞན་པ་ཞེས་བྱ་བ་ལ། འདི་ནི་ངོ་བོ་ལས་སྟོན་པར་བྱེད་པ་སྦུ་ཅན་ལ་སོགས་པས་ཞེས་བྱ་བས་སོ། །དེ་ཡང་སྲོག་ཆགས་ཀྱི་ཁམས་ལྷག་པར་མང་བའི་ཆུ་ལྟ་བུ་ཡང་སྦྱོར་བ་དག་ཡིན་ནོ་ཞེས་བྱ་བ་ལ། དེ་ཡང་ཞེས་བྱ་བ་ནི་གོས་རིམ་པ་གཅིག་པ་དེ་ཡང་
[228a.6]ངོ་། །ཆུ་ཞེས་བྱ་བ་ནི་བཀྲུ་བ་ཡང་ངོ་ཞེས་བྱ་བར་སྦྱར་རོ། །དེ་ལྟ་བུ་ཡང་ཞེས་བྱ་བ་ནི་རྣམ་པ་དེ་ལྟ་བུ་ཡང་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་གིས་སྲོག་ཆགས་དང་བཅས་པའི་ཆུས་ཆག་ཆག་འདེབས་སམ་ཕྱག་དར་བྱེད་པ་དང་འུ་ཤ་དང་ཐང་དང་ཐུག་པ་དག་བྱེད་ན་སྲོག་ཆགས་ཇི་སྙེད་
[228a.7]འཆི་བ་དང་དེ་སྙེད་ཀྱི་ལྟུང་བྱེད་དུ་འགྱུར་ལ། མ་#འཆི་ན་ནི་ཉེས་བྱས་སོ། །དགེ་སློང་གིས་#སྲོག་ཆགས་དང་བཅས་པའི་ཆུའི་ཡུར་བ་འགོག་གམ་སེལ་བར་བྱེད་ན་སྲོག་ཆགས་ཇི་སྙེད་འཆི་བ་དེ་སྙེད་ཀྱི་ལྟུང་བྱེད་དུ་འགྱུར་ལ་མི་འཆི་ན་ནི་ཉེས་བྱས་སོ། །དགེ་སློང་གིས་སྲོག་ཆགས་དང་བཅས་པའི་
[228b]
[228b.1]ཆུར་ཤིང་འཛུད་དམ་འདྲེན་ནམ། ཆུའི་ནང་ནས་སྐམ་སར་བཤལ་ལ་གཡེང་བས་གཡེང་བར་བྱེད་དམ་འདྲེན་ནམ་ཆུའི་ནང་ནས་སྐམ་སར་བཤལ་བར་བྱེད་ན་སྔ་མ་བཞིན་ནོ། །གོས་སྤུ་ཅན་དང་ལྷན་པ་ཅན་དག་ཤིང་གིས་བརྡུང་བ་དང་འཁྲུ་བར་བྱེད་ན་སྲོག་ཆགས་ཇི་སྙེད་#འཆི་བ་དེ་ཉིད་ཀྱི་ལྟུང་བྱེད་དུ་འགྱུར་ལ་
[228b.2]མ་#འཆི་ན་ནི་ཉེས་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། གོས་སྤུ་ཅན་དང་ལྷན་པ་ཅན་དག་ཤིང་གིས་བརྡུངས་པ་#དང་བཀྲུ་བར་མི་བྱ་སྟེ་འཁྲུ་ན་འགལ་ཚབས་ཅན་དུ་འགྱུར་རོ། །འོན་ཀྱང་རིམ་པ་གཅིག་པ་ནི་བཀྲུ་བར་བྱའོ། །དགེ་སློང་དག་གིས་བཀྲུ་བ་གཏན་བཏང་བ་དང་། བཅོམ་
[228b.3]ལྡན་འདས་ཀྱིས་བཀའ་སྩལ་པ། གང་ན་སྲོག་ཆགས་ཀྱི་ཁམས་#མང་ལ་ཆུའི་ཁམས་ཉུང་བ་དེར་བཀྲུ་བར་མི་བྱའི་གང་ན་ཆུའི་ཁམས་མང་ལ་སྲོག་ཆགས་ཀྱི་ཁམས་ཉུང་བ་དེར་བཀྲུ་བར་བྱའོ་ཞེས་གསུངས་པ་ཡིན་ནོ། །འདི་ནི་ཉེ་བར་ལོངས་མི་#སྤྱད་པ་མ་ཡིན་ནོ། །དེ་བས་ན་འདིར་འགལ་
[228b.4]ཚབས་ཅན་དུ་འགྱུར་རོ་ཞེས་གསུངས་པ་ནི་ལྟུང་བྱེད་དུ་འགྱུར་རོ་ཞེས་བྱ་བར་དགོངས་པར་རིག་པར་བྱའོ། །སྲོག་ཆགས་དང་བཅས་པའི་ཆུ་ལ་ལོངས་སྤྱོད་པའི་རྣམ་པར་འབྱེད་པའོ།། །།དཔྱང་#ཚགས་བཅབ་པར་#བྱའོ་ཞེས་བྱ་བ་ལ། དཔྱད་#ཚགས་ཞེས་བྱ་བ་འདི་ཡང་ཅི་ཞིག་ཡིན་ཞེ་ན།
[228b.5]དེའི་ཕྱིར་བཟེད་སྣོད་ཀྱི་སྟེང་གི་ནམ་མཁའ་ལ་གཞག་པར་བྱ་ཞིང་དགང་བ་#དང་བཙག་པར་བྱ་བའི་ཆུ་བཟེད་པར་བྱེད་པ་ཚགས་གདགས་པར་བྱ་བའི་ལྕགས་དག་བཏབ་པའི་ཤིང་བུ་གསུམ་དང་ལྡན་པ་ནི་དེ་ཞེས་བྱའོ་ཞེས་བྱ་བ་སྨོས་ཏེ། ཆུ་ཟེད་#པར་བྱེད་པའི་ཚགས་གདགས་པར་བྱ་བའི་འོག་ཏུ་བུམ་
[228b.6]པ་ལ་སོགས་པའི་སྣོད་གཞག་པར་བྱ་བ་གང་ཡིན་པའི་བཟེད་སྣོད་ཀྱི་སྟེང་གི་ནམ་མཁའ་ལ་གཞག་པར་བྱ་ཞིང་དགང་བ་དང་ཆུ་བཟེད་པར་བྱེད་པའི་ཚགས་གདགས་པར་བྱ་སྟེ། དེ་དབྱུང་བར་བྱ་བའི་དོན་དུ་གོང་#དུ་ལྕགས་གཟེར་དག་བཏབ་པ་དེ་ཞེས་བྱ་བའི་དོན་ཏོ། །འདིར་གཞུང་ནི་དཔྱང་#
[228b.7]ཚགས་བྱ་ཞིང་དེའི་ཡ་ཐོག་ཏུ་ལྕགས་གཟེར་དག་གདབ་པར་བྱའོ། །དེ་ལ་ཆུ་ཚགས་གདགས་པར་བྱ་ཞིང་དེའི་འོག་ཏུ་བུམ་པ་གཞག་པར་བྱའོ། །ཆུ་སྣོད་ཀྱི་བུམ་པ་དག་དགང་བར་བྱའོ་ཞེས་གསུངས་པ་ཡིན་ནོ། །གང་ཞིག་འདིར་ཆུ་སྣོད་ཀྱི་བུམ་པ་དགང་བར་བྱའོ་ཞེས་གསུངས་པའི་དོན་ནི་ཆུ་
[229a]
[229a.1]སྣོད་ཀྱི་ཆུས་#བུམ་པ་གང་བར་བྱ་ཞེས་གསུངས་པས་ཟེད་#སྣོད་དང་འདི་ལ་སོགས་པ་བྱེད་པས་ཞེས་བྱ་བ་དོན་གྱིས་རིག་པར་བྱའོ། །ཆུ་གནས་པར་བྱ་བའི་ཕྱིར་ཆུ་ཚགས་སུ་གཅལ་གཞུག་པར་བྱའོ་ཞེས་བྱ་བ་ནི་ཆུ་གནས་པར་བྱ་བའི་ཕྱིར་ཆུ་#ཚགས་དེའི་ནང་དུ་གཅལ་གཞུག་པར་བྱའོ། །
[229a.2]གཅལ་ཅི་ཞིག་གཞུག་པར་བྱ་ཞེ་ན། དེའི་ཕྱིར་ཕྱེ་མའམ་ལྕི་བའོ་ཞེས་བྱ་བ་སྨོས་སོ། །ཡང་ན་ཚགས་རྟེན་སྣོད་དོ་ཞེས་བྱ་བ་ནི་ཆུ་གནས་པར་བྱ་བའི་ཕྱིར་ཆུ་ཚགས་ལ་ཡང་ན་ཚགས་རྟེན་སྣོད་གཞུག་གོ། །དེ་ཅི་འདྲ་བ་ཅིག་#ཅེ་ན་དེའི་ཕྱིར་ས་དང་ཟངས་མ་ལས་བྱས་པ་གང་ཡང་རུང་བའོ་ཞེས་བྱ་བ་
[229a.3]སྨོས་ཏེ། ས་ལས་བྱས་པ་ཡང་རུང་ཟངས་མ་ལས་བྱས་པ་ཡང་རུང་ཞེས་བྱ་བའི་དོན་ཏོ། །དེ་ནི་ཤིང་བུ་གསུམ་#གྱི་ཐོག་མ་ལ་གདགས་སོ་ཞེས་བྱ་བ་སྟེ་ཇི་ལྟར་ཞེ་ན། དེའི་ཕྱིར་བུ་གུར་ལུང་བྱས་ཏེའོ་ཞེས་བྱ་བ་སྨོས་ཏེ། འདིར་བུ་ག་ཕུག་ནས་དོན་བསྒྲུབ་པ་ལ་ལྟོས་ནས་བུ་ག་དུ་མ་ཡང་བྱའོ་ཞེས་བྱ་བ་འདིས་
[229a.4]ཁས་བླངས་པར་རིག་པར་བྱའོ། །ཕྱི་རོལ་གྱི་ངོས་སུ་ཚགས་རྟེན་སྣོད་གཞག་པར་བྱའོ་ཞེས་བྱ་བ་ནི་བཅིང་#བ་གང་དང་གང་མེད་པས་འདི་ལ་གནས་པ་མེད་ན་དེ་འདི་ལ་བྱའོ། །དེ་ཡང་སྐྱེས་པ་ལ་དགོངས་ནས་སྨོས་པ་ཡིན་ནོ#། །དེ་ལྟར་དེ་ཅི་ཞིག་གིས་གདགས་ཤེ་ན། དེའི་ཕྱིར་སྔ་མ་ནི་ཐ་གུས་སོ། །ཕྱི་མ་
[229a.5]ནི་ལྕགས་ཐག་འཇམ་པོས་སོ་ཞེས་བྱ་བ་སྨོས་ཏེ། སྔ་མ་ས་ལས་བྱས་པ་ནི་ཐ་གུས་གདགས་སོ། །ཕྱི་མ་ཟངས་ཀྱིས་བྱས་པ་ནི་ལྕགས་ཐག་འཇམ་པོས་གདགས་སོ་ཞེས་བྱ་བའི་དོན་ཏོ། །དེ་བཅང་བར་བྱའོ་ཞེས་བྱ་བ་ལ་དེ་ཞེས་བྱ་བ་ནི་བཅང་བར་བྱ་བའི་སྣོད་དོ། །འདིར་དེ་ཡན་ལག་ཉིད་ལྕགས་ཐག་
[229a.6]དང་ཐ་གུ་བསྟན་ནོ། །དེ་བས་ན་འདི་དག་ལ་ཡང་འདིར་འཆང་བ་བསྟན་པར་རིག་པར་བྱའོ། །ཆུ་མི་འཛག་ན་ཤིང་ལེབ་ཀྱིས་ཆུ་ཚགས་ལ་དལ་བུ་དལ་བུས་གདབ་པར་བྱའོ། །བུམ་ཚགས་གཅེའུ་ཅན་ནི་ཚེགས་ཆུང་ངུ་ཞེས་བྱ་བ་ནི་དཔྱང་#ཚགས་ཡོད་ཀྱང་ཚེགས་ཆུང་ཞིང་སླ་བ་ཡིན་པས་དེ་ལ་འདོད་
[229a.7]པ་བསྐྱེད་པར་བྱའོ་ཞེས་བྱ་བའི་དོན་ཏོ། །བུམ་ཚགས་གཅེའུ་ཅན་ནི་དེ་ནས་དགའ་#བར་བྱ་བར་རིག་པར་ཞེས་བྱ་བས་#བསྟན་ཟིན་#ཏོ། །བཅང་བ་ནི་རིགས་སམ་མི་རིགས་ཞེས་བྱ་བས་མ་བསྟན་ཏོ། །དེ་བརྗོད་པར་བྱ་སྟེ། དེའི་ཕྱིར་དེ་བཅང་བར་བྱའོ་ཞེས་བྱ་བ་སྨོས་སོ། །དེ་ཅི་ལས་བྱས་པ་ཞེ་ན།
[229b]
[229b.1]དེའི་ཕྱིར་ས་འམ་ཟངས་ལས་བྱས་པའོ་ཞེས་བྱ་བ་སྨོས་སོ། །དེའི་དབྱིབས་ཅི་འདྲ་ཞེ་ན། དེའི་ཕྱིར་དེ་ནི་བུམ་པའི་དབྱིབས་དང་ནང་པདྨའི་སྤུ་#གུ་ལྟ་བུ་དང་ལྡན་པས་འོག་སྦུབས་ཅན་ཡིན་ནོ་ཞེས་བྱ་བ་སྨོས་ཏེ། འདི་རྣམས་ཀྱི་འོག་ཏུ་#རྩའི་སྦུབས་ཡོད་པས་ན་འོག་སྦུབས་ཅན་ནོ། །ནང་པདྨའི་སྦུ་#གུ་
[229b.2]ལྟ་བུ་དང་ལྡན་པ་ཞེས་བྱ་སྟེ། པདྨའི་སྙིང་པོའི་ནང་ན་གནས་པའི་སྦུ་#གུ་དག་ལྟ་བུ་ནང་གི་སྦུ་གུ་#འོག་སྦུབས་ཅན་གང་ལ་ཡོད་པ་དེ་ནི་འོག་སྦུབས་ཅན་པདྨ་ལྟ་བུ་ནང་གི་བུ་ག་ལྟ་བུའོ། །པདྨའི་ལྟེ་བ་མེད་པར་པདྨ་ལྟ་བུ་ཉིད་འགྲུབ་པ་མ་ཡིན་ཏེ། དེ་བས་ན་འདི་ལ་ཚིག་འདིས་#ཀུན་ནས་ཐོབ་པར་རིག་པར་བྱའོ། །
[229b.3]འདིར་གཞུང་ནི་བུམ་པའི་དབྱིབས་ལྟ་བུར་བྱ་ཞིང་དེའི་ནང་དུ་པདྨའི་རྣམ་པ་ལྟ་བུའི་བུ་ག་དག་གདོད་#པར་བྱའོ། །དེ་དག་བསྡུ་བའི་ཕྱིར་དེ་དག་གི་སྟེང་དུ་བུ་གུ་ཆེན་པོ་གཅིག་གདོད་པར་བྱའོ། །དེ་དག་ཉིད་བསྡུ་བའི་ཕྱིར་འོག་སྦུབས་ཅན་དུ་བྱའོ་ཞེས་གསུངས་པ་ཡིན་ནོ། །འདིར་བུམ་པའི་བུ་ག་ཆེན་པོ་གཅིག་
[229b.4]གདོད་པར་བྱའོ་ཞེས་རྣམ་པར་གནས་པ་ཡིན་ནོ། །དེ་ཡང་འདིར་དོན་གྱིས་ཐོབ་པ་སྟེ་དེ་བས་ན་འདིར་མ་བསྟན་ཏོ། །དེ་དག་ཏུ་རས་མ་དགབ་པ་ཉིད་དོ་ཞེས་བྱ་བ་ལ་དེ་དག་ཏུ་ཞེས་བྱ་བ་ནི་ནང་གི་བུ་ག་རྣམས་ལའོ། །འདིར་གཞུང་ནི་དེ་དག་གི་སྟེང་དུ་རས་གཡོགས་ཏེ་ཆུ་བཙགས་#པར་བྱའོ་ཞེས་གསུངས་པ་
[229b.5]ཡིན་གྱི་བུམ་པའི་བུ་ག་ལ་ནི་མ་ཡིན་ནོ། །ཆུ་ཚགས་ཉེ་བར་གཞག་པར་བྱའོ་ཞེས་བྱ་བ་ནི་བདག་གི་བ་འདི་ཤིན་ཏུ་བྱས་པ་ངེས་པར་བྱ་བའི་དོན་ཏོ། །ཆུ་ཚགས་གྲུ་གསུམ་མམ་རིལ་བ་ཞབས་ཚགས་ཅན་ནམ་གསལ་ཚགས་ཀྱང་ངོ་ཞེས་བྱ་བ་ནི་བུམ་ཚགས་#གཅེའུ་ཅན་ནི་ཚུ་(ཆུ་)ཚགས་ཉིད་མེད་པ་མ་ཡིན་ཏེ།
[229b.6]དེ་བས་ན་འདིས་འདི་ལ་མ་བཟུང་བ་ཉིད་དུ་ཤེས་པར་མི་བྱའོ། །འཆང་བ་ཉེ་བར་དགོས་པར་བྱ་བ་ལ་གསལ་ཚགས་ཀྱི་ཚིག་གིས་བཟུང་བ་ཉིད་དུ་རིག་པར་བྱའོ། །འམ་ཞེས་བྱ་བའི་སྒྲ་ནི་འདིར་གཅིག་གི་རྣམ་པ་འདི་ཉེ་བར་གཞག་པ་ལ་འདི་ཉེས་པ་#ལ་འདི་ཉེས་པ་ཡིན་གྱི་དུ་མ་ལ་ནི་མ་ཡིན་ནོ་ཞེས་
[229b.7]བསྟན་པའི་ཕྱིར་བྱ་མ་བུམ་དང་རིལ་བ་དག་གིས་ཆུ་རུང་བར་བཅུས་པ་ཉིད་དང་ཡོད་པ་ཉིད་ཀྱང་དེ་དང་ལྡན་པ་ཉིད་དོ་ཞེས་བྱ་བ་སྨོས་ཏེ། བྱ་མ་བུམ་ཞེས་བྱ་བ་ནི་#ལམ་ཇི་སྲིད་དུ་ཆུ་རུང་བ་བཅུས་པ་ཡོད་པ་དེ་སྲིད་དུ་ཆུ་ཚགས་དང་ལྡན་པ་ཉིད་ཡིན་ནོ་ཞེས་བྱ་བ་ཤུགས་ཀྱིས་རྟོགས་པར་བྱའོ། །ཡོད་པ་ཉིད་
[230a]
[230a.1]ཀྱང་ཞེས་བྱ་བ་ནི། དེ་ནས་ལམ་གྱི་ཕྱིར་དེ་བཟུང་བ་ལ་བསྒྲུབ་#པར་འགྱུར་བའི་བྱ་མ་བུམ་ཉིད་ལ་ཉེ་བར་བརྩིས་པ་འདི་ཉིད་དོ། །དེ་དང་ལྡན་པ་ཉིད་དོ་ཞེས་བྱ་བ་ལ། ཉིད་དོ་ཞེས་བྱ་བ་ནི་ཆུ་ཚགས་ཉིད་དོ། །དེ་མེད་པར་ལྗོངས་རྒྱུ་ཞིང་འགྲོ་བར་མི་བྱའོ། །ནང་དང་བཅས་པ་དང་ལྷན་
[230a.2]ཅིག་ཏུ་#མི་བྱའོ། །གལ་ཏེ་རྐྱེན་དེ་ལྟ་བུ་ཡོད་ན་བཟོད་པ་གསོལ་ཏེའོ། །བྱ་བ་བྱེད་པ་ན་ཡོད་པ་ཉིད་ནི་#ཡོད་པ་ཉིད་ཡིན་ནོ། །གཞན་གྱིས་འདི་ལྟར་དེར་བྱིན་ནོ་ཞེས་ཁས་བླངས་པ་ཉིད་དེ་དང་ལྡན་པ་ཉིད་ཡིན་ནོ་ཞེས་བྱ་བ་ལ་དེར་ཞེས་བྱ་བ་ནི་བྱ་བ་བྱེད་པའི་དུས་ལའོ། །ཆུ་བཙགས་#པའི་དུས་དེར་གཞན་གྱིས་
[230a.3]ཁས་བླངས་པ་ལ་དེ་དང་ལྡན་པ་ཉིད་ནི་ཆུ་ཚགས་དང་ལྡན་པ་ཉིད་དོ། །གང་གི་ཕྱིར་བྱ་བ་བྱེད་པ་ལ་ཡོད་པ་ཉིད་གང་ཡིན་པ་དེ་ནི་འདིར་ཡོད་པ་ཉིད་ཅེས་བྱ་བའི་དོན་ཏོ། །ལྗོངས་རྒྱུ་བའི་ཚེ་འབྲལ་བ་ན་སྦྱིན་པར་ཁས་མ་བླངས་ན་དེ་ལ་བརྟེན་པར་མི་བྱའོ་ཞེས་བྱ་བ་ནི། གང་གི་ཚེ་འབྲལ་བ་ཡོད་པར་གྱུར་ན་
[230a.4]དེའི་ཚེ་ཆུ་ཚགས་སྦྱིན་ནོ་ཞེས་དེ་ལྟར་ཆུ་ཚགས་དང་ལྡན་པས་ཆུ་ཚགས་སྦྱིན་པར་ཁས་བླངས་ན་ལྗོངས་རྒྱུ་བའི་ཚེ་འདི་སྦྱིན་པར་ཁས་བླངས་པ་དེ་དང་ལྡན་པ་ཉིད་གང་ཡིན་པ་དེ་ནི་ཆུ་ཚགས་དང་ལྡན་པ་ཉིད་དེ། དེ་ལ་བརྟེན་པར་མི་བྱ་སྟེ་འབྲལ་བའི་ཚེ་སྦྱིན་པར་ཁས་བླངས་པ་ནི་སྔ་མའི་ཁས་བླངས་པ་ནི་ཕྱིས་
[230a.5]འབྲལ་པའི་ཚེ་ན་མེད་པའི་ཕྱོགས་དང་མཐུན་པ་ཉིད་ཡིན་པའི་ཕྱིར་རོ། །ཕོངས་པར་མི་འགྱུར་བའི་ཉེ་འཁོར་དུ་འགྲོ་བ་ནི་རྒྱུ་བ་མ་ཡིན་ནོ། །དེའི་ཕྱིར་རྒྱང་གྲགས་ལྔ་ཉིད་ཡིན་ནོ་ཞེས་བྱ་བ་ལ། ཕོངས་#པར་མི་འགྱུར་བ་ནི་ཉེ་འཁོར་དེ་ཉིད་དོ། །འདིར་དེ་དག་གི་གཞུང་ནི་གཞུང་ཁ་ཅིག་ལས་བཙུན་པ་ཆང་#
[230a.6]ཚགས་མ་མཆིས་པར་གྲོང་གཞན་ནས་གཙུག་ལག་ཁང་གཞན་དུ་མཆིར་རུང་ངམ། རུང་སྟེ་གལ་ཏེ་དེར་སོང་ཡང་ཕོངས་པར་མི་འགྱུར་ནའོ་ཞེས་བྱ་བ་དང་། གཞུང་ཅིག་ཤོས་ཀྱིས་#ནི་ཆབ་ཚགས་མ་མཆིས་པར་ཤུལ་དུ་ཞུགས་ཏེ་མཆིར་རུང་ངམ་རུང་སྟེ་རྒྱང་གྲགས་ལྔ་ཚུན་ཆད་དོ། །དེ་དེས་དེར་
[230a.7]སོན་པ་ན་ཕོངས་པར་མ་གྱུར་ན་ཞེས་བྱ་བ་གསུངས་པ་ཡིན་ནོ། །མདོ་འདི་#ནི་གཞུང་ཕྱི་མ་ཤོས་བསྡུས་པ་ཡིན་ནོ། །གང་ཞིག་འདིར་གལ་ཏེ་དེར་ཞེས་བྱ་བ་ལ་སོགས་པའི་ཚིག་གིས་བསྡུས་པ་ཡིན་ནོ། །གནས་སུ་བཞག་སྟེ་སོང་བ་དེ་དང་ལྡན་པ་ཉིད་མ་ཡིན་པ་དེ་ནི་རང་དགར་བྱེད་པ་མ་ཡིན་པ་མ་ཡིན་
[230b]
[230b.1]ནོ་ཞེས་བྱ་བ་ནི་གལ་ཏེ་བདག་དེར་སོང་ན་དེ་དང་ལྡན་པ་ཉིད་ཅེས་བྱ་བ་དེ་ལྟར་ངེས་པ་མེད་ན་དེའི་ཚེ་ཆུ་ཚགས་མེད་པར་དེས་དེར་འགྲོ་བར་མི་བྱའོ། །དེ་བས་ན་དེ་ལ་འདི་ནི་བྱེད་པ་པོའོ། །འདོད་པས་བྱས་པ་ཉིད་དེ་ལ་ཆུ་ཚགས་ཉིད་མེད་པར་ཞེས་བྱ་བའི་དོན་ཏོ། །གཅིག་གིས་དགེ་འདུན་མན་ཆད་དུ་མ་དེ་དང་
[230b.2]ལྡན་པ་ཉིད་མ་ཡིན་པར་མི་འགྱུར་རོ་ཞེས་བྱ་བ་ནི་དགེ་འདུན་མན་ཆད་དུ་མ་དག་ལ་གཅིག་གིས་ཆུ་ཚགས་དང་ལྡན་པ་ཉིད་མ་ཡིན་པར་མི་འགྱུར་ཞེས་བྱ་བའི་དོན་ཏོ། །རྒྱུན་མགྱོགས་#པ་ལ་ཕོངས་པར་མི་འགྱུར་བ་ཉིད་མ་ཡིན་ནོ་ཞེས་བྱ་བ་ནི་དེ་ལས་གཞན་པའི་རྒྱང་གྲགས་ལྔ་ལ་དེ་དང་ལྡན་པ་ཉིད་མ་ཡིན་
[230b.3]ནོ་ཞེས་བྱ་བ་#འདི་ཤེས་པར་བྱའོ། །འདི་ལ་ཡང་ཆོ་ག་འདི་ཞེས་བྱ་བའི་དོན་ཏོ། །འདིར་གཞུང་ནི་བཙུན་པ་ཆུ་ཀླུང་འབབ་པ་ལ་ཆབ་ཚགས་མ་མཆིས་པར་མཆིར་རུང་ངམ། ཉེ་བ་འཁོར་རུང་སྟེ་རྒྱང་གྲགས་ལྔ་ཚུན་ཆད་དུའོ་ཞེས་གསུངས་པ་ཡིན་ནོ། །དེ་ལ་རྒྱུན་ཕྱོགས་སུ་རྗེས་སུ་འབྲལ་བར་འགྲོ་
[230b.4]བ་ནི་རྒྱང་གྲགས་ཀྱི་བར་དུ་འཇུག་ཏུ་རུང་ངོ་ཞེས་པ་ལ། ཆུ་རྟོག་#པ་ལས་བརྩམས་ཏེ་རྗེས་སུ་འགྲོ་བར་བྱེད་པ་ན། རྒྱང་གྲགས་འདི་ལ་རྒྱུན་ཕྱོགས་སུ་ཆུ་བོ་ལ་ཆུ་རྟོག་#པ་དེ་ཉིད་ཀྱིས་འཇུག་པའོ། །དེའི་འོག་ཏུ་སླར་ཆུ་རྟོག་པས་ཞེས་བྱ་བའི་དོན་ཏོ། །ཆོ་ག་དེའི་དམིགས་ཀྱིས་བསལ་བ་བྱས་པ་
[230b.5]ཡིན་ཏེ། གལ་ཏེ་ཆུ་གཞན་དང་འདྲེས་པར་གྱུར་ན་དེ་མན་ཆད་དུའོ་ཞེས་བྱ་བ་སྨོས་ཏེ། དེ་ཞེས་བྱ་བ་ནི་ཆུའི་རྒྱུན་མགྱོགས་པ་དེ་རྒྱང་གྲགས་གཅིག་གི་མཐར་ཡང་ངོ་། །གལ་ཏེ་ཆུ་གཞན་དང་འདྲེས་པ་དེ་ལས་སྔ་རོལ་དུ་ཆུ་རྟོག་#པ་དེ་ཉིད་ཀྱི་འཇུག་པའོ། །ཆུ་འདྲེས་པ་མན་ཆད་ལ་ནི་དེས་ཡང་
[230b.6]བརྟག་ཅིང་འཇུག་པར་བྱའོ་ཞེས་བྱ་བའི་དོན་ཏོ། །བརྟགས་པ་ནས་འདོམ་གང་འཁོར་ཡུག་ནི་དེ་ཉིད་ཡིན་ནོ་ཞེས་བྱ་བ་ནི་ཆུ་བརྟག་པའི་གནས་ནས་འདོམ་གང་འཁོར་ཡུག་ཚུན་ཆད་ནི་བརྟགས་པ་ཉིད་ཡིན་ནོ། འདིར་གཞུང་ནི་བཙུན་པ་ཆབ་ཀའི་ཉེ་འཁོར་གང་ལགས། ཉེ་བ་འཁོར་འདོམ་གང་ངོ་ཞེས་
[230b.7]གསུངས་པ་ཡིན་ནོ། །ཉེ་འཁོར་ཞེས་བྱ་བ་ནི་ཆབ་ཀའི་དཔེ་ཙམ་ཉིད་ཡིན་ནོ་ཞེས་བྱེ་བྲག་མེད་པར་གསུངས་སོ། །མིག་གིས་དག་པ་ཉིད་ཀྱིས་ཆུ་ནི་དག་པ་ཡིན་ནོ་ཞེས་བྱ་བ་སྟེ། མིག་#གང་གིས་ཤེ་ན། དེའི་ཕྱིར་ཐ་མལ་པས་སོ་ཞེས་བྱ་བ་སྨོས་ཏེ། འདིར་གཞུང་ནི་ཚེ་དང་ལྡན་པ་མ་འགགས་
[231a]
[231a.1]པས་ལྷའི་མིག་གིས་ཆུ་བརྟགས་པ་ན་དེའི་ཚེ་སྲིད་པ་བར་མ་པའི་སྲོག་ཆགས་དག་གིས་ཐམས་ཅད་ཁྱབ་པར་མཐོང་ནས། བཅོམ་ལྡན་འདས་ཀྱིས་བཀའ་སྩལ་པ། ལྷའི་མིག་ནི་ཐ་སྙད་དུ་#གདགས་སུ་མི་རུང་སྟེ། དེ་བས་ན་ལྷའི་མིག་གིས་ཆུ་བརྟག་པར་མི་བྱ་བར་འདི་ལྟར་ཆུ་རུང་
[231a.2]བ་ལྔ་བཤད་པར་བྱའོ་ཞེས་གསུངས་པ་ཡིན་ནོ། །མི་གཡོ་བ་ཉིད་དང་རྙོག་པ་མེད་པ་ཉིད་ལ་བརྟག་པར་བྱའོ་ཞེས་བྱ་བ་ནི་བརྟག་པར་བྱ་བའི་ཆུ་ཞེས་བྱ་བ་ཤུགས་ཀྱིས་རྟོགས་པར་བྱའོ། །བུམ་པ་གང་བ་ཉིད་ལའོ་ཞེས་བྱ་བ་ནི་བརྟག་པར་བྱ་ཞེས་བྱ་བ་འཇུག་པ་ཡིན་ནོ། །དེ་ལ་བྱ་བ་ལས་འདས་པར་
[231a.3]བགྲང་#བའི་ཡུན་རིང་པོ་ཉིད་དུ་མི་བྱའོ་ཞེས་བྱ་བ་ནི་དེ་བྱ་བ་ལས་འདས་པ་ཡིན་ནོ་ཞེས་བྱ་བ་ཡུན་རིང་བ་ཉིད་ཀྱིས་གྲངས་སུ་གྲགས་པ་འདིར་ནི་ཡུན་རིང་པོ་ཉིད་དུ་བརྟག་པར་མི་བྱའོ། །གང་གི་ཕྱིར་ཇི་ཙམ་གྱིས་སེམས་དག་པར་གྱུར་པ་དེ་ཙམ་དུ་བརྟག་པར་བྱའོ། །འོག་ཏུ་མ་གྲུབ་པ་ལ་སེམས་དག་པར་
[231a.4]འགྱུར་བས་གདོན་མི་ཟ་བར་ཤིན་ཏུ་རིང་པོར་བྱས་པ་ཉིད་ཀྱི་ཕྱིར་ཤིན་ཏུ་རིང་པོར་བརྟག་པར་བྱ་བ་མ་ཡིན་ནོ། །འོན་ཀྱང་ཇི་ཙམ་གྱིས་བ་ལང་དྲུག་དང་ལྡན་པའི་ཤིང་རྟ་རྨིག་པའི་ཤར་བས་བཀང་བ་གཡངས་ཀྱིས་འཁོར་བར་གྱུར་པ་དེ་སྲིད་དུ་བརྟག་པར་བྱའོ་ཞེས་གསུངས་པ་ཡིན་ནོ། །ཡང་དེ་སྲིད་དུ་
[231a.5]སེམས་དག་པར་གྱུར་པ་ཞེས་གསུངས་པ་ཡིན་ནོ། །དེ་ལ་སེམས་དག་པར་གྱུར་པ་ཞེས་བྱ་བ་དེ་ལ་སེམས་དག་པར་གྱུར་ཅེས་བྱ་བ་ནི་མིག་གིས་དག་པ་ཉིད་ཅེས་བྱ་བ་དེ་ཡིན་པས། དེའི་ཕྱིར་ཞེས་བྱ་བ་འདི་ལས་ལྷག་པར་གྱུར་པ་མ་ཡིན་ནོ། །བ་ལང་དྲུག་གིས་ཞེས་བྱ་བ་ནི་དེ་ཉིད་འདིར་
[231a.6]ཚད་མ་ཡིན་ཏེ། དུས་འདི་ཙམ་གྱིས་དེ་ལ་ཕལ་ཆེར་བསྒྲུབ་པར་འགྱུར་ཞེས་བྱ་བའོ། །ཧ་ཅང་ཡུན་རིང་དུ་བརྟག་པར་མི་བྱ་བར་ཞེས་བྱ་བ་འདིས་འདི་བསྡུས་པ་ཡིན་ནོ། །འདིར་རྩེ་གཅིག་པ་ནི་རྣམ་པར་གནས་པ་ཡིན་ནོ། །རྩེ་མོ་འཇམ་པོས་སྲོག་ཆགས་དག་བསྟན་ལའོ། །དེ་དག་འཆི་བར་
[231a.7]འགྱུར་བའི་ལམ་དུ་མི་འདོར་རོ་ཞེས་བྱ་བ་ནི་ཆུའི་སྲོག་ཆགས་དེ་དག་དོར་བའི་ལམ་གྱི་ཐག་ཇི་སྲིད་ཀྱིས་འཆི་བར་འགྱུར་བའི་ལམ་གྱི་ཐག་#དེ་སྲིད་དུ་དོར་བར་མི་བྱའོ། །གཞན་ཡང་མི་དོར་རོ་ཞེས་བྱ་བ་ནི་ཆུའི་སྲོག་ཆགས་དག་ལས་གཞན་ལ་ཤིག་དང་རྩྭ་#ཤིག་ལ་སོགས་པ་དག་ཀྱང་འཆི་བར་འགྱུར་
[231b]
[231b.1]བའི་ལམ་གྱི་ཐག་དེ་སྲིད་དུ་མི་དོར་#རོ། །གལ་ཏེ་མར་མེའི་ནང་དུ་སྲོག་ཆགས་ལྟུང་ན་དེ་བྱེད་པས་དེ་གཡོགས་#པར་བྱའོ་ཞེས་བྱ་བ་ནི་མར་མེད་དེ་བྱེད་པས་ཞེས་བྱ་བའི་དོན་ཏོ། །དེའི་ངོ་བོ་ཉིད་ཇི་ལྟ་བུ་ཞེ་ན། དེའི་ཕྱིར་སྨྱིག་ཚལ་གྱི་གཟེབ་དར་དཀར་རམ་ལྷང་ཚེར་སྲབ་མོས་གཡོགས་#པ་སྟེ་དེ་ཞེས་བྱ་བ་ནི་འོད་
[231b.2]ཁང་ཞེས་བྱའོ། །མིག་བརྒྱ་པ་ཡང་རུང་ངོ་ཞེས་བྱ་བར་སྦྱར་རོ། །འདིར་གཞུང་ནི་འོད་ཁང་གི་#གཟེབ་དར་དཀར་གྱིས་གཡོགས་པར་བྱའོ། །དེ་མི་རྙེད་ན་ལྷང་ཚེར་སྲབ་མོས་གཡོགས་#པར་བྱའོ། །དེ་ཡང་མ་རྙེད་ནས་བཅོམ་ལྡན་འདས་ཀྱིས་བཀའ་སྩལ་པ། མིག་བརྒྱ་པ་བྱའོ་ཞེས་གསུངས་པ་ཡིན་ནོ། །
[231b.3]མིག་བརྒྱ་པ་ཇི་ལྟ་བུ་ཡིན་ཞེ་ན། དེའི་ཕྱིར་དང་པོ་ནས་བྱས་པའམ་བུམ་པ་ལ་སོགས་པའི་སྣོད་བུ་ག་ཅན་ནོ་ཞེས་བྱ་བ་སྨོས་ཏེ། དང་པོ་ཉིད་དུ་སྐྱེད་པར་བྱེད་པའི་བྱས་པ་འདི་ལ་ཡོད་པས་ན་དང་པོ་ཉིད་དུ་བྱས་པའོ། །ས་ལས་བྱས་པའི་སྣོད་བུམ་པའི་དབྱིབས་འདྲ་བ་གྱོ་མོག་གི་རྣམ་པ་ལྟ་བུའི་སྣོད་ཀྱི་
[231b.4]ཚོགས་བྱ་སྟེ་སོ་བཏང་ཞེས་བྱ་བའི་དོན་ཏོ། །འདིར་བརྒྱའི་ཚིག་ནི་མང་པོ་ཉིད་དུ་བསྟན་པ་ཙམ་དུ་རྣམ་པར་གནས་པ་ཞེས་བྱ་བར་རིག་པར་བྱའོ། །སྐྲའི་རྙིས་སྦྲུལ་གཟུང་#བར་མི་བྱ་བ་ནི་འོ་ན་འདི་ཇི་ལྟར་བསལ་བར་བྱ་ཞེ་ན། དེའི་ཕྱིར་སེ་གོལ་གྱི་སྒྲ་ཕྱུང་སྟེ། བཞིན་བཟངས་#མིག་ལམ་ན་མ་འདུག་
[231b.5]ཤིག་#ཅེས་བརྗོད་པར་བྱའོ་ཞེས་བྱ་བ་སྨོས་སོ། །དེ་སྐད་བརྗོད་ཀྱང་མིག་ལམ་ན་འདུག་ན་དེའི་ཚེ་ཇི་ལྟར་བྱ་ཞེ་ན། དེའི་ཕྱིར་མི་འདུག་ན་དབྱུག་གུ་སྐམ་ཁས་དལ་བུ་དལ་བུས་རྫ་མའམ་བུམ་པར་བཅུག་སྟེ་ཁ་བཅད་ནས་བུ་ག་བཏོད་#དེ་བསལ་བར་བྱའོ་ཞེས་བྱ་བ་སྨོས་ཏེ། ཁ་ཞེས་བྱ་བ་ནི་བུམ་པའམ་རྫ་མ་
[231b.6]དེའོ། །མ་གྲུབ་ན་ལྕག་པོད་#དམ་ཤུར་བུ་ཕྲེའུ་འམ་ཐེ་གུ་རས་མས་#དཀྲིས་པས་ཞགས་མིག་གིས་མགུལ་པར་བཅིངས་ཏེ་དོར་བར་བྱའོ། །དེ་དག་ནི་གཞུག་པ་ཡང་ངོ་#ཞེས་བྱ་བ་ནི། ལྕག་པོད་#ལ་སོགས་པ་འདི་རྣམས་དོར་བ་འབའ་ཞིག་ལ་བྱ་བར་མ་ཟད་ཀྱི་བུམ་པ་ལ་སོགས་པ་ལ་གཞུག་པ་ལ་ཡང་
[231b.7]བྱའོ། །ཚང་ཚིང་གི་ནང་དུ་དོར་བར་མི་བྱའོ་ཞེས་བྱ་བ་འདི་ནི་སྐྱེ་བ་བསལ་བའི་དོན་དུའོ། །ཁུང་དུ་ཞུགས་ཀྱི་བར་དུ་བསྡད་པར་བྱའོ་ཞེས་བྱ་བ་ནི། འདིར་བར་དུ་ཞེས་བྱ་བའི་སྒྲ་ནི་བཞག་པ་སྟེ། ཇི་སྲིད་ཁུང་དུ་ཞུགས་ཀྱི་བར་དུ་ཞེས་བྱ་བའི་དོན་ཏོ། །འོལ་བ་ལ་སོགས་པ་རྣམས་ཀྱིས་འདི་ལ་སྲོག་གཅོད་
[232a]
[232a.1]པར་མ་གྱུར་ཅིག་ཅེས་བྱ་བ་ནི་འདིར་དོན་ཏོ། །དེ་བས་ན་བླ་གབ་#མེད་པར་ནི་འདི་རྣམས་ལ་ནི་བྱེད་པ་པོ་སྟེ། ནགས་ལ་ནི་མ་ཡིན་ཞེས་བྱ་བ་དོན་གྱིས་རྟོགས་པར་བྱའོ། །ཤིག་རྣམས་ནི་རས་མར་གཞུག་པར་བྱའོ། །དེ་ནི་གསེབ་དག་ཏུའོ་ཞེས་བྱ་བ་ནི་རས་མ་དེ་ནི་ཀ་བ་ལ་སོགས་
[232a.2]པའི་གསེབ་དག་ཏུ་གཞུག་པར་བྱའོ། །འདིར་གཞུང་ནི་རས་མའི་ནང་དུ་དཀྲིས་ཏེ་ཀ་བའི་གསེབ་བམ་རྩིག་པའི་གསེབ་དག་ཏུ་གཞུག་པར་བྱའོ་ཞེས་གསུངས་པ་ཡིན་ནོ། །རྩ་#ཤིག་རྣམས་ནི་བསིང་མར་རོ། །ཡང་ན་ཕྱོགས་བསིལ་བར་རོ་ཞེས་བྱ་བ་ནི་གང་དུ་གནས་པ་བསྒྲུབ་པ་དེ་ཞེས་བྱ་བ་དོན་གྱིས་ཤེས་
[232a.3]པའོ། །སྔ་མ་གཞུག་པར་བྱ་བའི་ཕྱིར་བསལ་སྣོད་#བཅང་བར་བྱའོ་#ཞེས་བྱ་བ་ནི་གང་ཞིག་འདི་ལ་ཆུའི་སྲོག་ཆགས་རྣམས་ཀྱི་སྐབས་སྔར་མཛད་པ་དེ་རྣམས་གཞུག་#པའི་དོན་དུ་དེ་ལྟ་བུ་བཅང་བར་བྱའོ། །བུམ་པ་གང་བཞིན་དུ་གཞུག་ཅིང་ཤིན་ཏུ་སྟོང་པར་དབྱུང་དུ་རུང་བ་ཞེས་བྱ་བ་#ནི་བསལ་བའི་སྣོད་བརྗོད་པ་
[232a.4]ཉིད་ཀྱིས་གྲུབ་པའི་ཕྱིར་བརྗོད་པར་བྱ་བ་མ་ཡིན་ཏེ། གང་གི་ཕྱིར་གང་ཞིག་གང་བར་འཇུག་པ་དེ་ནི་གང་བ་ཁོ་ན་ལྡང་བ་མ་ཡིན་གྱི་དེ་བས་བསལ་སྣོད་དུ་འགྱུར་རོ། །ཡང་ན་ཆུ་ཚགས་དེ་ཉིད་ཀྱིས་གཞུག་པར་བྱའོ་ཞེས་བྱ་བ་ནི་གང་གིས་སྲོག་ཆགས་དེ་དག་བཙགས་པར་གྱུར་པའི་ཆུ་ཚགས་དེ་ཉིད་ཀྱིས་འདི་
[232a.5]རྣམས་ལ་བུ་ག་རྣམས་ཀྱི་#ལྟུང་བ་མ་གྲུབ་པའོ། །འདིར་དོན་ནི་འདི་ཡིན་ཏེ། དེ་བས་ན་གཞན་བསགས་པར་བྱེད་པས་འདི་མི་བྱ་ཞིང་ཤེས་པར་བྱ་བ་མ་ཡིན་ནོ། །ཆུ་ཚགས་ལ་སྲོག་ཆགས་ཆགས་པ་བསལ་བའི་ཐབས་ནི་བཤལ་བ་ཡིན་ནོ། །དྲི་མ་ནི་བཀྲུ་བ་ཡིན་ནོ་ཞེས་བྱ་བ་ནི་དྲི་མ་ཆགས་པ་
[232a.6]བསལ་བའི་ཐབས་སོ། །རུལ་པ་ཉིད་དུ་མི་འགྱུར་བ་ནི་སྐམ་#པའོ་ཞེས་བྱ་བ་ཡང་། ཐབས་ཤེས་རབ་རྣམ་པར་སྦྱར་རོ། །རུལ་པའི་དངོས་པོ་ནི་རུལ་པ་ཉིད་དོ། །དེ་གཉི་#ག་ལ་ཡང་དམ་དུ་བཙིར་ན་ཕན་པ་ཉིད་དོ་ཞེས་བྱ་བ་ནི་དྲི་མ་བསལ་བ་དང་རུལ་པ་ཉིད་དུ་མི་འགྱུར་བར་བྱ་བ་ལའོ། །དགེ་འདུན་
[232a.7]དང་གང་ཟག་དང་ཆུ་ཚགས་དང་ཆུ་ཚད་མ་རྙེད་པའི་ཤེས་པས་#འཇུག་པ་ལ་ཁ་ན་མ་ཐོ་བ་མེད་དོ་ཞེས་བྱ་བ་ནི་འདིར་ཚད་མ་རྙེད་པའི་སྒྲ་ལ་སོ་སོར་ཤེས་པས་ཞེས་བྱ་བ་ནི་#འདི་དང་སྦྱར་བར་བྱའོ། །དེ་ལྟར་ན་དགེ་འདུན་ཚད་མ་རྙེད་པའི་ཤེས་པས་འཇུག་པ་དང་། གང་ཟག་ཆུ་#ཚད་མ་རྙེད་པའི་ཤེས་པས་
[232b]
[232b.1]འཇུག་པ་དང་ཆུ་ཚགས་ཚད་མ་རྙེད་པའི་ཤེས་པས་འཇུག་པ་དང་ཆུ་ཚད་མ་རྙེད་པའི་ཤེས་པས་འཇུག་པ་ཞེས་བྱ་བར་སྦྱར་རོ། །དེ་ལ་དགེ་འདུན་ཚད་མ་རྙེད་པའི་ཞེས་བྱ་བ་ནི་དགེ་འདུན་འདི་ལ་མ་དག་པ་ཉིད་མེད་པ་དང་ཆུ་ཐ་སྙད་བྱེད་པ་མེད་དོ་ཞེས་བྱ་བ་མ་ལུས་པར་ཤེས་པའོ། །གང་ཟག་འདི་ནི་དག་པ་མ་
[232b.2]ཡིན་པ་དང་། ཆུ་དེས་ཐ་སྙད་དུ་བྱེད་པ་ཞེས་བྱ་བ་གང་ཟག་ཆུ་ཚགས་འདི་དང་#བུམ་ཚགས་གཅེའུ་ཅན་ནམ་#དེ་དག་ཐམས་ཅད་ཀྱིས་ཆུ་དག་པ་མ་ཡིན་ནོ་ཞེས་བྱ་བ་ནི་ཆུ་ཚགས་ཀྱིའོ། །ཆུ་འདི་ལ་ཕྱོགས་འདི་འམ་ཐམས་ཅད་དུ་ནམ་ཡང་སྲོག་ཆགས་དང་བཅས་པ་ཉིད་ཡོད་པ་མ་ཡིན་ནོ། །དེ་བས་ན་ཆུ་
[232b.3]ཚགས་ལ་ཚད་མ་རྙེད་པ་ཉིད་དོ། །ཐ་སྙད་ཀྱི་དུས་སུ་ཆེགས་#པ་ཉིད་གང་ཡིན་པ་དེ་ལ་འདིར་ཡན་ལག་ཉིད་དུ་རིག་པར་བྱའོ། །ཁྱིམ་པ་ལ་ཡང་གང་ཟག་གི་ཚིག་གིས་བཟུང་བ་ཉིད་ལ་སྦྱར་བར་གྱུར་པ་ཉིད་དོ། །འདིར་གཞུང་ནི་ཆུ་རུང་བ་ཉིད་དུ་#རྣམ་པ་ལྔ་སྟེ། དགེ་འདུན་གྱིས་རུང་བ་དང་གང་ཟག་
[232b.4]གིས་རུང་བ་དང་ཆུ་ཚགས་ཀྱིས་#རུང་བ་དང་། ཁྲོན་པས་རུང་བ་དང་། ཉིན་ཞག་གཅིག་ཏུ་རུང་བའོ་ཞེས་གསུངས་པ་ཡིན་ནོ། །དེ་ལ་རུང་བ་དང་པོ་#བཞི་ནི་མདོ་འདིས་བསྡུས་པ་ཡིན་ཏེ་གོ་རིམས་བཞིན་ནོ། །ལྔ་པ་ཉིན་ཞག་གཅིག་ཏུ་རུང་བའི་བཏུང་བ་བསྟན་པའི་ཕྱིར། བཅུས་པ་དང་ཁྲོན་པ་དག་ནི་ཉི་མ་འཆར་
[232b.5]ཀ་ཚུན་ཆད་བརྟགས་པ་དེ་ཉིད་རྗེས་སུ་འཇུག་གོ་ཞེས་བྱ་བ་ལ། འདིར་ཁྲོན་པ་ཞེས་བྱ་བ་ནི་ཆུ་དོང་ཡིན་པར་རིག་པར་བྱའོ། །རྐང་ཁྲུས་སྣོད་སྟོང་པར་མཐོང་ན་དགང་བར་བྱའོ། །ཆུ་དང་གཞན་གྱི་སྣོད་ཀྱང་ཉེ་བར་གཞག་པར་བྱའོ་ཞེས་བྱ་བ་ནི་རྫ་མ་དང་བུམ་པ་དང་། ཆུའི་སྣོད་ལ་སོགས་པ་རྣམས་སོ། །
[232b.6]དགེ་འདུན་གྱིས་དེར་གཏོགས་པ་ནི་སྣོད་སྤྱད་འབྲུབ་#པའི་ལས་ཡིན་ནོ་ཞེས་བྱ་བ་ལ། དེར་རྟོགས་པ་ཞེས་བྱ་བ་ནི་ཆུའི་སྣོད་ལ་སོགས་པ་དང་འབྲེལ་པའོ། །འདིར་གཞུང་ནི་གནས་མལ་གྱི་གཞི་ལས་ཡོན་བདག་དག་གཙུག་ལག་ཁང་དུ་ལྷགས་ཏེ། དེ་དག་རྫ་མཁན་གྱིས་བྱས་པའི་སྣོད་དག་རེད་པ་དང་།
[232b.7]བཅོམ་ལྡན་འདས་ཀྱིས་བསྐུར་ཅིག་ཅེས་བཀའ་སྩལ་ཏོ། །དེ་དག་སུས་ཀྱང་མ་བསྡུས་པས་དེ་དག་ཆུད་ཟོས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་སྣོད་སྤྱད་འབྲུབ་པ་བསྐོ་#བར་བྱ་ཞིང་དེས་ཀྱང་འོང་བ་དག་ལ་སྦྱིན་པར་བྱའོ་ཞེས་གསུངས་པ་ཡིན་ནོ། །འདིར་སྦྱིན་པ་དང་བླང་
[233a]
[233a.1]བ་དག་ཀྱང་མ་འདུས་པ་མ་ཡིན་ནོ་ཞེས་བྱ་བ་ལ་འདིར་ཞེས་བྱ་བ་བཟུང་བ་ལའོ། །སྦྱིན་པ་དང་བླང་བ་ཞེས་བྱ་བ་ནི་འདི་ཡང་སྣོད་སྤྱད་འབྲུབ་#པས་བྱ་བ་ཡིན་ནོ་ཞེས་བྱ་བའི་དོན་ཏོ། །གནས་མལ་གྱི་གཞི་ལས་གང་ཞིག་འདི་དེ་རྣམས་མ་བསྡུས་པ་ཞེས་བྱ་བ་ལ་སོགས་པའི་སྦྱིན་པ་དང་
[233a.2]བླང་བ་དག་ཀྱང་སྣོད་སྤྱད་འབྲུབ་#པས་བྱ་བ་བསྟན་#པ་འདི་ལ་ནི་འདི་བསྡུས་པ་ཉིད་བསྟན་པའོ། །ཁྱིམ་པ་རྙིང་པ་བརྙན་པ་ཉིད་ལ་དེ་ཡོད་པ་ཉིད་ལ་ནི་སྦྱིན་པར་བྱའོ་ཞེས་བྱ་བ་ནི་རྙིང་པ་དེ་ཡོད་པ་ཉིད་ཡིན་ན་གཡར་པོར་སྦྱིན་པར་བྱའོ། །དེས་གཙུག་ལག་ཁང་དུ་ཡོན་བདག་རྣམས་ལ་སྦྱིན་པར་བྱ་བ་ཉིད་
[233a.3]ཀྱང་མ་བསྟན་པ་མ་ཡིན་ནོ་ཞེས་བྱ་བ་ནི་དེས་ཡོན་བདག་ལ་སྦྱིན་པར་བྱའོ་ཞེས་བྱ་བ་ལ་སོགས་པའི་ཚིག་དེས་གཙུག་ལག་ཁང་དུ་ཡོན་བདག་རྣམས་འོངས་ཏེ་བརྙན་པ་དག་ལ་གཡར་བ་#སྦྱིན་པར་བྱ་བ་ཉིད་ཀྱང་མ་བསྟན་པ་མ་ཡིན་པ་དེ་ནི་སྔར་གཞུང་ལས། ཡོན་བདག་གཙུག་ལག་ཁང་དུ་ལྷགས་ཏེ་
[233a.4]ཞེས་བྱ་བ་ལ་སོགས་པ་གསུངས་པ་དེ་#ཉིད་འདིས་བསྡུས་པ་བསྟན་པ་ཡིན་ནོ། །དགེ་སློང་ལ་ནི་སར་པ་ཕྱིས་བླང་བ་མེད་པ་ཉིད་དུའོ་ཞེས་བྱ་བ་ནི་སྣོད་སྤྱད་སར་པ་དགེ་སློང་ལ་ཐམས་ཅད་ཀྱི་ཐམས་ཅད་དུ་སྦྱིན་པའོ། །དེ་ཡང་དེ་ཡོད་པ་གཉིས་ལ་སྦྱིན་པ་འདི་ཆ་གཅིག་གིས་བརྟགས་པའོ། །འདིར་
[233a.5]གཞུང་ནི་དགེ་སློང་རྣམས་ལ་ནི་སར་པ་དག་སྦྱིན་པར་བྱའོ། །ཁྱིམ་པ་རྣམས་ལ་ནི་རྙིང་པ་དག་བརྙན་པར་བྱའོ་ཞེས་གསུངས་པ་ཡིན་ནོ། །སྣོད་སྤྱད་ཀྱི་ཆེད་དུ་མཛོད་ཁང་བསྐོ་བར་བྱའོ། །ས་དང་ཟངས་མའི་སྣོད་སྤྱད་དག་སོ་སོར་གཞག་པར་བྱའོ་ཞེས་བྱ་བ་ནི་འདིར་ཐ་དད་པ་ཉིད་དུ་གདོན་མི་ཟ་བར་བསྒྲུབ་
[233a.6]པར་བྱའི་གནས་ཐ་དད་པར་ནི་མ་ཡིན་ཞེས་བྱ་བའི་དགོངས་པའོ། །འདིར་གཞུང་ནི་གནས་བརྟན་གཉིས་པ་སྦྱིན་པར་བྱ་སྟེ། གང་དུ་ཟངས་ལས་བྱས་པའི་སྣོད་སྤྱད་དག་གཞག་པ་ཞེས་བྱ་བ་འདི་གསུངས་སོ། །དེ་ནི་འདིར་དེ་དང་རྩེ་གཅིག་པ་ཉིད་དུ་རྣམ་པར་གནས་པ་ཡིན་ནོ། །ཆུ་ཉེ་བར་གཞག་
[233a.7]པར་བྱའོ། །གར་བབ་བབ་ཏུ་མི་གཞག་གོ། །དེའི་ཆེད་དུ་ཆུ་ཁང་བྱའོ། །གཙུག་ལག་ཁང་གི་ལྷོ་ནུབ་ཀྱི་མཚམས་སུའོ་ཞེས་བྱ་བ་ལ་ལྷོ་ནུབ་ཀྱི་མཚམས་སུ་ཞེས་བྱ་བ་ནི་སྒོ་ནི་ཤར་ཕྱོགས་སུ་ངེས་པར་བྱ་སྟེ་ཞེས་གསུངས་པ་ཡིན་ནོ། །སྒོ་ཕྱོགས་གཞན་དུ་ལྟ་#བ་ལ་ནི། ལྷོ་དང་ནུབ་ཀྱི་ཕྱོགས་
[233b]
[233b.1]མཚམས་ཁོ་ནར་ཆ་དང་འབྲེལ་པའི་མཚམས་ཀྱི་རྩ་བ་ལ་བྱེད་པ་ཁང་པའི་མཚམས་སྤང་ནང་དུ་བྱའོ་ཞེས་གསུངས་པ་ཡིན་ནོ། །འདིར་ཕྱོགས་འདིའི་ནང་དུ་ཡིན་གྱི་གར་བབ་བབ་ཏུ་མ་ཡིན་ཞེས་བྱ་བའི་དོན་ཏོ། །སྐར་ཁུང་གདོད་པ་དང་སོ་ཕག་གི་གཅལ་དགྲམ་པ་དང་། ཆུ་ཁུང་#གདོད་པ་དང་སྒོ་གདོད་
[233b.2]པ་དང་སྒོ་གླེགས་དང་ཡང་#མིག་གཞུག་པར་བྱའོ། །ཆུ་ཚགས་གཞག་པའི་ཕྱིར་གདང་བུ་བྱའོ་ཞེས་བྱ་བ་ལ། འདིར་གཞུང་ནི་སྦྱིན་པ་སྟེ་དེར་གདང་བུ་བཅིང་#བར་བྱའོ། །གང་དུ་ཆུ་ཚགས་རུང་བ་དག་གཞག་པར་བྱའོ་ཞེས་གསུངས་པ་ཡིན་ནོ། །ཤིང་གི་ཁྲིའུ་དག་ལ་གཞག་གོ་ཞེས་བྱ་བ་ནི་ཆུ་སྣོད་ལ་
[233b.3]ཞེས་བྱ་བ་ལ་སྐབས་ཀྱིས་རྟོགས་པའོ། །ཡང་ན་སོ་ཕག་གི་སྟེགས་བུའི་སྟེང་དུ་བྱའོ་ཞེས་བྱ་བ་ནི་དེ་ཙམ་ཉིད་ཀྱིས་#མ་ཡིན་ཏེ་འོན་ཀྱང་གཞི་དག་ལའོ་ཞེས་བྱ་བས་ཏེ། མ་མོ་ལས་རྒྱུ་བར་བྱ་ཞེས་བྱ་བའི་མཐར་ཐུག་པའོ། །ཆུ་སྣོད་ནི་ཁྲུས་ཆུའི་ཆེད་ཀྱི་བར་ཡན་ཆད་གཙང་སྦྲ་བྱ་བ་ནི་གཞན་གྱིས་སློབ་དཔོན་
[233b.4]ལ་སོགས་པ་དང་འབྲེལ་པའི་ཡོངས་སུ་འཛིན་པའི་ཆོ་ག་འདི་རྟོགས་པའི་དོན་དུ་གཞན་གྱི་#དོན་གྱི་ཚིག་ཉེ་བར་བླང་བའོ། །དེ་ནི་འདིར་དྲི་མ་མེད་པར་བྱ་བ་བསྒྲུབ་པ་བསྟན་པ་དེ་ནི་གཙང་བར་བྱ་བ་ཉིད་བསྟན་པའི་ཕྱིར་གཙང་བར་རོ་ཞེས་བྱ་བ་སྨོས་ཏེ། ཡོངས་སུ་ལོངས་སྤྱོད་པར་བྱེད་པ་ལ་#གཙང་བ་ཉིད་དུ་བྱེད་
[233b.5]པ་དང་། སྦྱོར་ཤེས་པར་བྱ་བ་མ་ཡིན་ཏེ་ཤིན་ཏུ་ཡོད་པ་ཉིད་ཀྱི་ཕྱིར་རོ། །དེའི་གནས་འཇོག་པ་ཡོངས་སུ་དག་པས་གཙང་བར་#བྱེད་པས་གཙང་བ་ཉིད་ལའོ། །བཏུང་བར་བྱ་བའི་ཆུ་ཡང་ངོ་ཞེས་བྱ་བ་ནི་བཏུང་བར་བྱ་བའི་ཆུ་ཡང་གཙང་སྦྲ་དང་གཙང་བར་བྱའོ། །ཡོངས་སུ་ལོངས་སྤྱོད་པར་བྱ་བའི་ཆུ་ལ་དེ་
[233b.6]དང་རྗེས་སུ་མཐུན་པའི་གཙང་སྦྲ་བསྒྲུབ་པ་འདི་ནི་རྗེས་སུ་འབྲངས་པས་ཤེས་པར་བྱའོ། །དེ་ལག་པ་དང་གོས་རུང་བ་མ་ཡིན་པ་དག་གིས་བྲིམ་པར་མི་བྱའོ་ཞེས་བྱ་བ་ལ་དེ་ཞེས་བྱ་བ་ནི་བཏུང་བར་བྱ་བའི་ཆུའོ། །ལག་པ་དང་གོས་རུང་བ་མ་ཡིན་པ་ཞེས་བྱ་བ་ནས་#ཀུན་ནས་རེག་པས་ཉེ་བར་འབགས་པར་གྱུར་
[233b.7]པ་དག་གིས་སོ། །ཆུ་སྣོད་རྣམས་ཀྱི་ནང་དུས་དུས་སུ་སྦྱང་བར་བྱའོ་ཞེས་བྱ་བ་ལ། ནང་#ཞེས་བྱ་བ་ནི་ཁྱད་པར་ཡང་དག་པར་བསྟན་པའོ། །ཕྱི་རོལ་དུ་ནི་གཙང་སྦྲ་ཞེས་བྱ་བ་འདི་ཉིད་ཀྱིས་བྱས་པའོ། །ཟབ་མོ་རྣམས་ཀྱི་ནི་པུ་ཤེལ་ཙིའི་ཁྲུད་ཤིང་ངམ་འདབ་མའི་ཆང་བུའམ་རས་མ་ཤིང་བུའི་རྩེ་མོ་ལ་བཏགས་
[234a]
[234a.1]པས་སོ་ཞེས་བྱ་བ་ལ་པུ་ཤེལ་ཙི་ཞེས་བྱ་བ་འདི་ལ་གང་དུ་རྣམ་པར་འབྱེད་པ་རྣམས་ཀྱི་ཁྲུད་ཤིང་ཞེས་བྱ་བར་སྨོས་པ་དེ་བས་ན་འདིར་ཡོངས་སུ་གྱུར་པ་འདི་ལ་འབྲེལ་པ་ཤེས་པར་བྱ་བ་མ་ཡིན་ནོ། །དེ་ལ་ཟས་ཀྱི་འབྲེལ་ཟེར་མི་བསྲུང་བ་ཉིད་དུ་མི་བྱའོ་ཞེས་བྱ་བ་ལ། དེ་ཞེས་བྱ་བ་
[234a.2]ནི་པུ་ཤེལ་ཙིའི་ཤིང་ལ་སོགས་པའོ། །གང་ཞིག་ཟང་ཟིང་ཅན་དུ་འགྱུར་བ་ནི་ཟང་ཟིང་དང་བཅས་པ་ཉིད་དུ་འགྱུར་བ་དེ་ལ་ནི་མི་བསྲུང་བ་ཉིད་དུ་མི་བྱའོ། །མི་རུང་བ་ཉིད་ཡོད་པ་ལ་འདི་ནི་རུང་བར་བྱེད་པ་ཡིན་ཏེ། འདི་ནི་གཙང་བར་བྱའོ་ཞེས་བྱ་བ་དེ་ལ་འདི་བསྟན་པའོ། །བསྐམ་པར་ཡང་
[234a.3]ངོ་ཞེས་བྱ་བ་ནི་ཆུ་སྣོད་བཀྲུ་བཤལ་བྱས་པ་རྣམས་ལའོ། །དེའི་ཚེ་འབྲེལ་པར་#མི་འགྱུར་བར་བྱ་བའི་ཕྱིར་ཅིག་ཅར་ཉིད་དུ་མི་བྱའོ་ཞེས་བྱ་བ་ནི་བཀྲུ་བཤལ་བྱ་བ་དང་བསྐམ་པའི་དུས་དེ་ལ་བྲེལ་པར་མ་གྱུར་ཅིག་ཅེས་བྱ་བ་འདིའི་དོན་ཅིག་ཅར་ཉིད་དུ་འདི་བཀྲུ་བ་དང་བསྐམ་པར་མི་བྱའོ། །སྣོད་རྣམས་ཀུན་ལ་དུས་
[234a.4]གཅིག་ཏུ་མ་ཡིན་ནོ། །ཆུ་དང་འབྲེལ་པའི་ལས་ནི་གནས་པས་བྱ་བ་ཡིན་ནོ་ཞེས་བྱ་བ་ནི་འདི་རྣམས་ལ་བརྩམ་པ་དང་གཞན་ལ་བརྗོད་པའོ། །འདིར་གཞུང་ནི་བཅོམ་ལྡན་འདས་ཀྱིས་ཆུ་བླང་བར་བྱའོ་ཞེས་གསུངས་པ་དང་། དགེ་སློང་གིས་སུས་བླང་བར་བྱ་མི་ཤེས་ནས། བཅོམ་ལྡན་འདས་ཀྱིས་བཀའ་
[234a.5]སྩལ་པ། གནས་པ་དག་གིས་བྱའོ་ཞེས་གསུངས་པ་ཡིན་ནོ། །ཆུ་ཁང་གི་འཁོར་དུ་གཏོགས་པ་དང་ཆུ་ཚགས་ཀྱི་བྱ་བ་ཡང་འདི་རྣམས་ཉིད་ལ་རིགས་པ་ཡིན་གྱི་གཞན་དུ་ན་ཡང་ཞེས་བྱ་བ་འདི་བསྟན་པ་ཡིན་ནོ། །སྲོག་ཆགས་དང་བཅས་པའི་ཆུ་དང་འབྲེལ་པ་ཕྲན་ཚེགས་ལ་སོགས་པའི་
[234a.6]སྐབས་སོ།། །།ཤེས་གཙོ་བོ་#ཞེས་བྱ་བ་ནི་འདུ་ཤེས་གཙོ་ཆེར་བྱེད་པ་པོ་ཉིད་དོ། །གང་ལ་འདུ་ཤེས་གཙོ་ཆེར་བྱེད་པ་པོ་ཡིན་ཞེ་ན། དེའི་ཕྱིར་ཞུགས་པ་འམ་ཕྱོགས་པ་ལའོ་ཞེས་བྱ་བ་སྨོས་སོ། །ཅི་ཞིག་ལ་ཞུགས་པའམ་ཕྱོགས་པ་ལ་ཞེ་ན་དེའི་སྤྱོད་པ་ལའོ་ཞེས་བྱ་བ་སྨོས་ཏེ། གཉིས་
[234a.7]ཀྱིས་གཉིས་སྤྱོད་པ་ལ་ཞེས་བྱ་བའི་དོན་ཏོ། །གང་གི་སྤྱོད་པ་ལ་ཞེ་ན་དེའི་ཕྱིར་སྐྱེས་པ་དང་བུད་མེད་ཀྱིའོ་ཞེས་བྱ་བ་སྨོས་སོ། །ཅི་གནས་སྐབས་འདི་ཐམས་ཅད་ལ་ཡིན་ནམ་ཞེ་ན། དེའི་ཕྱིར་ཁྱིམ་པ་ཉིད་དོ་ཞེས་བྱ་བ་སྨོས་ཏེ། གལ་ཏེ་སྐྱེས་པ་དང་བུད་མེད་གཉིས་ཁྱིམ་པ་ཉིད་ཡིན་ནའོ་ཞེས་བྱ་བའི་
[234b]
[234b.1]དོན་ཏོ། །ཡང་དག་པར་སྦྱོར་བ་གཅིག་ལ་ཡང་ཁྱིམ་པ་ཉིད་མ་ཡིན་པ་ལ་མ་ཆོག་པའི་ཁ་ན་མ་ཐོ་བ་བསྐྱེད་པ་ཞེས་བྱ་བའི་དོན་ཏོ། །ཅི་དེ་གཉིས་གནས་གང་ན་འདུག་ཀྱང་རུང་ངམ་ཞེ་ན། དེའི་ཕྱིར་གནས་གཞན་ཉིད་ནའོ་ཞེས་བྱ་བ་སྨོས་ཏེ། ལྟུང་བ་ལས་གཞན་གང་ཡིན་པ་དེའི་གནས་གང་ཞིག་#དེ་དང་འབྲེལ་
[234b.2]པ་ཉིད་ལ་ཞེས་བྱ་བའི་དོན་ཏོ། །གནོད་པར་གྱུར་པ་ལས་གཞན་མ་#ཡིན་གྱི་རང་གི་གནས་ཉིད་དུ་ནི་ཉེས་པ་འདི་མི་བསྐྱེད་ཅེས་བྱ་བ་འདི་ཤེས་པར་བྱའོ། །གང་ཞིག་དགེ་སློང་གིས་ཁྱིམ་པ་ལ་གཡར་པོར་བྱིན་ཅིང་དེ་ལ་ཡང་ཁ་ན་མ་ཐོ་བ་འདིར་འགྱུར་རོ། །གང་ཞིག་ཁྱིམ་པས་དགེ་སློང་དེ་ལ་ནི་ལྟུང་
[234b.3]བ་མེད་པར་རིག་པར་བྱའོ། །དེ་བཞིན་དུ་དགོན་པ་ལ་ཡང་གལ་ཏེ་དགེ་སློང་སྔ་ན་གནས་པ་ཡིན་ན་ནི་དེ་ལ་ལྟུང་བ་མེད་དོ། །གཞན་ལ་ནི་ལྟུང་བར་འགྱུར་རོ་ཞེས་བྱ་བ་གང་ཞིག་གཞན་རབ་ཏུ་བྱུང་བ་འདི་ལ་#གཙུག་ལག་ཁང་གཅིག་གམ་གཞན་ན་གནས་པ་དེ་ལ་ནི་གནས་གཞན་ཉིད་ཡིན་པར་
[234b.4]རིག་པར་བྱ་བ་མ་ཡིན་ནོ། །དེ་ལ་ཡང་རུང་བ་ཉིད་ཡོད་པ་ལ་ལྟུང་བ་འབྱུང་བར་འགྱུར་ཏེ། དེ་ལ་ཡང་གཞན་གྱི་དངོས་པོ་ལ་རྗེས་སུ་འབྲེལ་པ་ཞེས་གསུངས་པ་ཡིན་ནོ། །ཅི་གནས་གཞན་ཙམ་འབའ་ཞིག་ལ་འདི་རྣམ་པར་གཞག་གམ་ཞེ་ན། དེའི་ཕྱིར་གནས་གཞན་མེད་པ་ཉིད་ཀྱིས་སྤུད་དུ་རུང་བ་ཉིད་
[234b.5]ཡིན་ནའོ་ཞེས་བྱ་བ་སྨོས་ཏེ། གང་ཉེ་བར་གནས་པ་ལ་སྤུད་དུ་རུང་བ་ཉིད་ཡིན་ན་དེ་ནི་འདིར་གཞན་མ་ཡིན་ཞེས་བྱ་བ་ཤུགས་ཀྱིས་རྟོགས་པའོ། །གཉིས་སྤུད་པ་ལས་བྱུང་བའི་འཇུག་པའི་ལ་གེགས་སུ་གྱུར་པ་གཞན་མེད་པས་རུང་བ་ཉིད་ལ་གཉིས་ཀྱིས་གཉིས་སྤུད་པའི་བདག་ཉིད་ཅན་སྦྱོར་བ་ལ་
[234b.6]ཞེས་བྱ་བ་ནི། འདིར་དོན་གྱིས་གཞན་ཡོད་པ་ལ་ནི་ལྟུང་བ་མེད་དོ། །ཅི་ཞིག་རྗེས་སུ་སྒྲུབ་#ན་དེ་བྱེད་པ་པོ་ཉིད་ཡིན་ཞེ་ན། དེའི་ཕྱིར་མངོན་སུམ་དུ་བརྣགས་པས་འདུག་ནའོ་ཞེས་བྱ་བ་སྨོས་ཏེ། ཕྱིས་གནོན་བྱས་ཏེ་སྟོབས་ཀྱིས་#གློ་བུར་དུ་བརྣགས་པས་ཞེས་བྱ་བ་འདིས་དེ་བསྡུས་པ་ཡིན་ཏེ། དེ་ནི་འདིར་བསྡུས་
[234b.7]པའི་དོན་ཏོ། །ཉལ་པོ་བྱེད་པར་ཤོམ་པའི་ཁྱིམ་ན་འདུག་པའི་ལྟུང་བྱེད་དོ།། །།ཤེས་གཙོ་བོ་#ཞེས་བྱ་བ་ལ་སོགས་པ་ནས་ཡང་དག་པར་སྦྱོར་བ་ཞེས་བྱ་བའི་མཐར་ལྟོས་ནས་སོ། །ཅི་ཞིག་རྗེས་སུ་སྒྲུབ་#ན་འདིར་བྱེད་པ་པོ་ཉིད་ཡིན་ཞེ་ན་དེ་ལ་བརྗོད་པར་བྱ་སྟེ། དེའི་ཕྱིར་དབེན་པར་བརྣགས་
[235a]
[235a.1]པས་འགྲེང་ནའོ་ཞེས་བྱ་བ་སྨོས་ཏེ། ཤིན་ཏུ་ལྕི་བའི་འཇུག་པ་ལ་ལྟུང་བ་མེད་པ་ནི་རིགས་པ་མ་ཡིན་པའམ། ན་སྨད་པ་དེ་བས་ན་མཐར་ཐུག་པའི་རྩེ་གཅིག་པ་ཉིད་ནི་འདིར་གནས་ཀྱི་ཚིག་དང་སྔ་མ་ནི་འདུག་པའི་ཚིག་གོ། །སྟན་ལ་གནས་ཤིང་འདུག་པའི་ཉེས་པ་འདི་ནི་གཞན་ཏེ་འདུག་
[235a.2]པ་ལ་ཡང་སྔ་མའོ་ཞེས་རིག་པར་བྱའོ། །མངོན་སུམ་དུ་བརྣགས་པའི་གནས་#ལ་ཉེས་བྱས་ལ་རྣམ་པར་གནས་པ་ཉིད་དུ་རིག་པར་བྱ་བ་ཡིན་ནོ། །ཅི་གནས་ཐམས་ཅད་ན་འགྲེང་བའི་དགེ་སློང་ལའམ་ཞེ་ན། དེའི་ཕྱིར་སྐྱབས་ཡོད་པར་རོ་ཞེས་བྱ་བ་སྨོས་ཏེ། རྩིག་པའམ་རིབ་མའམ་ཡོལ་བའམ་མུན་
[235a.3]ནག་ལ་སོགས་པའི་བདག་ཉིད་ཅན་གེགས་སུ་གྱུར་པའི་མིག་གི་#ཡུལ་གང་ཡིན་པ་དེ་བསྒྲིབས་པ་སྟེ། དེ་བས་ན་མུན་ནག་གང་ལ་གནས་པ་ལ་སྣང་དུ་རུང་བ་ཉིད་མ་ཡིན་པ་དེ་ནི་བསྒྲིབས་པར་ཤེས་པར་བྱ་བ་ཡིན་ནོ། །ཅི་དགོས་པ་གང་ཡང་རུང་བ་#གནས་པ་ཡིན་ནམ་ཞེ་ན། དེའི་ཕྱིར་གལ་ཏེ་འཇིགས་པའི་
[235a.4]དབང་གིས་མ་ཡིན་ནོ་#ཞེས་བྱ་བ་སྨོས་སོ། །འདིར་གཞུང་ནི་གལ་ཏེ་འཇིགས་པར་གྱུར་ན་ལྟུང་བ་མེད་དོ་ཞེས་གསུངས་པ་ཡིན་ནོ། །མངོན་སུམ་དུ་བརྣགས་#པས་འདུག་པ་ལ་ཡང་འཇིགས་པའི་དབང་གིས་ལྟུང་བ་མེད་ཅེས་བྱ་བ་འདིའི་རྗེས་སུ་འབྲངས་ནས་རྟོགས་པར་བྱའོ། །འཇིགས་པས་གནས་
[235a.5]པས་ཀྱང་མཐོ་བཙམས་#པའི་སེམས་ལ་མངོན་དུ་ཕྱོགས་པར་གྱུར་པ་འདིར་ཤིན་ཏུ་ཚར་བཅད་པ་ལ་རྩེ་གཅིག་པར་གནང་བར་བྱའོ། །ཅི་གནས་དེར་འགྲེང་པ་ཐམས་ཅད་དངོས་གཞིའི་བྱེད་པ་པོ་ཉིད་ཡིན་ནམ་ཞེ་ན། དེའི་ཕྱིར་ཚོར་བྱ་དང་ཚོར་བྱེད་ཉིད་ཀྱིས་མ་ཚོར་ན་ཉེས་བྱས་ཀྱིའོ་ཞེས་བྱ་བ་སྨོས་ཏེ།
[235a.6]དེ་དང་འདྲ་བའི་རྫས་བྱུང་བ་ཉིད་ལ་སོགས་པ་གང་དུ་སྒྲིབ་པ་སྒྲ་བཟུང་#བ་ལ་ཡང་སྒྲིབ་པ་རྣམ་པ་ཐམས་ཅད་དུ་རིག་པར་བྱ་བ་ཉིད་ལ་གནས་པ་གང་ལ་ཚོར་བ་བྱེད་པ་པོ་ཉིད་ལ་ཡང་དག་པར་སྦྱོར་བ་མེད་པའི་གནས་སྐབས་དེ་ལ་ཉེས་བྱས་ཀྱི་བྱེད་པ་པོ་ཞེས་བྱ་བའི་དོན་ཏོ། །གནས་གཞན་ལ་སེམས་གཏོད་པ་
[235a.7]ཡང་ངོ་ཞེས་བྱ་བ་ནི་ཡང་དག་པར་སྦྱོར་བ་པོ་ཉིད་གནས་ནས་གནས་གཞན་དུ་སེམས་གཏོད་པ་སྟེར་བ་ལ་མཐོང་བའམ་ཐོས་པས་དང་ད་ལྟར་བྱུང་བར་གྱུར་པའི་མངོན་སུམ་དུ་བརྣགས་#པ་དང་དབེན་པར་བརྣགས་#པ་ལ་ཉེས་བྱས་ཀྱི་བྱེད་པ་པོ་ཉིད་དོ། །བསླབ་པའི་གཞི་འདི་གཉིས་ཀྱང་འདི་ནས་བརྩམས་ནས་ལྷག་མར་
[235b]
[235b.1]གྱུར་པའི་གཞུང་ཞེས་བྱ་བ་ཤུགས་ཀྱིས་རྟོགས་པར་བྱའོ། །འོ་ན་ནི་ཅི་ཙམ་ལ་འདི་དག་གིས་གནས་པ་གཅིག་པ་ཉིད་#ཅེས་བྱ་བ་འདི་ལ་བརྗོད་པར་བྱ་སྟེ། འདི་ལ་མཐོང་བའི་སྤྱོད་ཡུལ་གྱི་མཐའ་ཚུན་ཆད་#ནི་གནས་ཀྱི་མཐའ་ཡིན་ནོ་ཞེས་བྱ་བ་ནི། འདི་དག་གི་མིག་གི་སྤྱོད་ཡུལ་གྱི་མཐའ་ཚུན་ཆད་ནི་གནས་
[235b.2]ཀྱི་མཐའ་ཡིན་ནོ་ཞེས་བྱ་བའི་དོན་ཏོ། །མཛོད་ལ་འདི་ལྟར་སོ་སོར་གནས་པ་ཉིད་ཐོབ་པ་བསྐྱེད་པར་བྱ་སྟེ། མཛོད་ནི་ཁོངས་སུ་གཏོགས་པ་ཉིད་ཡིན་ནོ་ཞེས་བྱ་བ་ནི་ཁྱིམ་གཅིག་པར་གྱུར་པ་ཉིད་ལ་ཁྱམས་ཀྱི་བདག་ཉིད་ཅན་གྱི་ཁང་ཁྱིམ་དང་ལྷན་ཅིག་ཅེས་བྱ་བ་འདིས་ཤེས་པ་ཡིན་ཏེ། གཅིག་ཏུ་ཉེ་བར་སྤྱོད་
[235b.3]པའི་ཁང་པ་རྣམས་ལ་གཞན་སྒོ་བསྐྱབ་#པ་ལ་ལྟ་#བ་ལྟུང་བར་འགྱུར་བ་ཡིན་ཏེ། དེ་ལ་གནས་ནས་གཞན་ཉིད་བསྟན་པའི་དོན་དུ་བརྗོད་པར་བྱ་སྟེ། ཁྱིམ་གཞན་ནི་ཐ་དད་པ་ཉིད་དོ་ཞེས་བྱ་བ་ནི་ཉལ་པོ་བྱེད་པར་ཤོམ་པ་ཡང་ཞེས་བྱ་བ་འདིས་གལ་ཏེ་གཟའ་གཅིག་#པ་ཉིད་ཀྱི་བདག་ཉིད་ཅན་གྱི་གནས་བརྗོད་
[235b.4]པ་ཉིད་ཀྱི་ཕྱིར་གཉེན་འདུན་ཐ་དད་པ་ཉིད་ལ་ཚིག་འདི་ཤེས་པར་བྱའོ། །ཉལ་པོ་བྱེད་པར་ཤོམ་པའི་ཁྱིམ་ན་འགྲེང་བའི་ལྟུང་བྱེད་དོ།། །།ཕོ་ཡང་རུང་མོ་ཡང་རུང་བ་ལའོ་ཞེས་བྱ་བ་ནི་རྟགས་#འདི་དང་རབ་ཏུ་བྱུང་བ་འདི་མེད་པའི་གཅེར་བུའོ་ཞེས་འབྱུང་བ་དང་སྦྱར་རོ། །འདི་ལ་འདིའི་རྣམ་པར་
[235b.5]བརྗོད་པ་སྟེ། དེ་ལྟར་གྱུར་པའི་གཅེར་བུའི་གང་ཟག་ལ་ཡང་བྱེད་པ་པོ་ཉིད་དོ། །དེ་ལྟ་བུར་གྱུར་པ་ལ་ཡང་ངོ་ཞེས་བྱ་བ་ཅི་བུད་མེད་དུ་གྱུར་པའམ་སྐྱེས་པར་གྱུར་པ་གཅེར་བུ་ལ་#ཐམས་ཅད་#ཡང་མ་ཡིན་ནམ་ཞེ་ན། དེའི་ཕྱིར་ཉེ་དུ་དང་རབ་ཏུ་བྱུང་བ་ལ་ཡང་ལྟོས་པ་དང་ནད་པ་མ་གཏོགས་སོ་ཞེས་བྱ་བ་
[235b.6]སྨོས་སོ། །འདིར་གཞུང་ནི་དགེ་སློང་འགའ་#ཞིག་གཅེར་བུ་པ་ལ་རང་གི་སུག་པ་ནས་བཟའ་བ་དང་བཅའ་བ་སྩལ་ལ་ལྟུང་བར་ཡང་མི་འགྱུར་བ་འགའ་#ཞིག་མཆིས་སམ། ཡོད་དེ་ཉེ་དུ་ལ་བྱིན་པ་དང་། རབ་ཏུ་བྱུང་བ་ལ་ལྟོས་པ་དང་ནད་པ་ལ་བྱིན་པ་ལ་ལྟུང་བ་མེད་དོ་ཞེས་གསུངས་པ་ཡིན་ནོ། །དེ་ཇི་
[235b.7]ལྟ་བུར་གྱུར་པ་ཞིག་ཡིན་ཞེ་ན། དེའི་ཕྱིར་རྟགས་འདི་དང་རབ་ཏུ་བྱུང་བ་འདི་མེད་པའི་གཅེར་བུའོ་ཞེས་བྱ་བ་སྨོས་ཏེ། གང་ལ་རྟགས་འདི་མེད་པའི་རྟགས་ཙམ་གྱི་རབ་ཏུ་བྱུང་བ་གང་ཡིན་པ་དེ་སྟེ་རབ་ཏུ་བྱུང་བ་མ་ཡིན་པ་དང་རྟགས་འདི་ལ་རབ་ཏུ་བྱུང་བ་ལ་ཉམས་པ་ཉིད་དུ་འགྱུར་བ་ཡིན་ཏེ། དང་པོ་འདི་
[236a]
[236a.1]པའི་རབ་ཏུ་བྱུང་བ་ནི་གཅེར་བུ་པ་ཉིད་དོ། །དེ་བས་ན་གཅེར་བུ་པ་ཞེས་བྱ་བ་འདི་ལས་འདི་པའི་རབ་ཏུ་བྱུང་བ་མ་ཡིན་པར་དགག་པ་གྲུབ་པ་ཉིད་དོ། །ཅི་ཞིག་ལྟ་བུར་གྱུར་པའི་གཅེར་བུ་པ་ལ་ཡིན་ནམ་ཞེ་ན། དེའི་ཕྱིར་ལུས་སམ་ལུས་དང་འབྲེལ་པར་རོ་ཞེས་བྱ་བ་སྨོས་ཏེ། འདིར་
[236a.2]ཅི་ཞིག་ཅེས་#བྱ་བ་འདི་ལ་རང་གིས་བྱིན་ན་ཞེས་བྱ་བ་གསུངས་ན་དེ་ལ་གང་བྱིན་ན་ཞེ་ན། དེའི་ཕྱིར་བཅའ་བར་བྱ་བ་དང་བཟའ་བར་བྱ་བ་དག་གི་#ཞེས་བྱ་བ་སྨོས་སོ། །ཅི་རྣམ་པ་གང་ཡང་རུང་བ་ཞིག་གམ་ཞེ་ན། དེའི་ཕྱིར་རུང་བ་དག་གོ་ཞེས་#བྱ་བ་སྨོས་སོ། །དེ་དག་སུ་ལ་རུང་བ་ཞེ་ན། དེའི་ཕྱིར་རང་
[236a.3]དང་དེ་ལའོ་ཞེས་བྱ་བ་སྨོས་ཏེ། རང་ཞེས་བྱ་བ་ནི་ལྟུང་བའི་ཚིག་གོ། །དེ་ལ་ཞེས་བྱ་བ་ནི་ཡང་དག་པར་བྱིན་པར་བྱ་བ་གཅེར་བུ་པ་ལའོ། །འདིར་གཞུང་ནི་ཞུ་བ་ལས། བཙུན་པ་རེ་ཞིག་དགེ་སློང་གིས་གཅེར་བུ་པའམ་གཅེར་བུ་མ་ལ་བཅའ་བར་བགྱི་བ་དང་བཟའ་བར་བགྱིར་#རུང་བ་མ་ལགས་པར་སྩོལ་ན་
[236a.4]ལྟུང་བ་ཅིར་#འགྱུར། ཉེས་བྱས་སོ། །གལ་ཏེ་དེ་ལ་རུང་བ་མ་ལགས་པ་དེ་འདྲ་བའི་བཅའ་བར་བགྱི་བ་དང་། བཟའ་བར་བགྱི་བ་སྩལ་ན་ལྟུང་བ་ཅིར་འགྱུར་ཉེས་བྱས་སོ་ཞེས་གསུངས་པ་ཡིན་ནོ། །གང་ཞིག་དེ་ལ་མ་ཡིན་ཞེས་བྱ་བ་འོག་མའི་དྲི་བ་ལས་གསུངས་ན་སྔ་རོལ་དུ་དགེ་སློང་ལ་མི་རུང་བ་གང་
[236a.5]ཡིན་པ་དེ་བཟུང་བ་ཞེས་བྱ་བ་ངེས་པའོ། །ཅི་དོན་གང་ཡང་རུང་བའི་ཕྱིར་སྦྱིན་ནམ་ཞེ་ན། དེའི་ཕྱིར་སྡིག་པ་ཅན་གྱི་ལྟ་བའི་རྣམ་པ་དང་དབྲལ་བ་ཉིད་ཀྱི་ཕྱིར་མ་གཏོགས་སོ་ཞེས་བྱ་བ་སྨོས་སྟེ#། འདིར་གཞུང་ནི་སྡིག་པ་ཅན་གྱི་ལྟ་བའི་རྣམ་པ་དང་དབྲལ་བར་འདོད་པ་ནི་ལྟུང་བ་མེད་དོ་ཞེས་གསུངས་
[236a.6]པ་ཡིན་ནོ། །ཅི་ཞིག་རྗེས་སུ་བསྒྲུབ་ན་གཅེར་བུ་པ་ལ་སྦྱིན་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་རང་གིས་བྱིན་ནའོ་ཞེས་བྱ་བ་སྨོས་སོ། །མི་རུང་བ་དག་ནི་ཉེས་བྱས་སོ་ཞེས་བྱ་བ་ནི་རང་དང་དེ་ལ་མི་རུང་བའི་བཅའ་བ་དང་བཟའ་བ་དག་སྦྱིན་པ་ལ་ནི་ཉེས་བྱས་ཏེ། འདི་དག་སྦྱིན་དུ་འཇུག་ན་ཤིན་
[236a.7]ཏུ་ན་སྨད་པ་ཉིད་དེ་འདི་#ནི་མཚོན་པ་ཙམ་ཡིན་ནོ། །འདིར་གཞན་ལ་ཡང་དངོས་གཞི་མ་ཡིན་པར་བྱས་པ་སྦྱིན་པ་ཐམས་ཅད་དུ་སྦྱིན་པར་བྱས་ལ་གོས་ལ་སོགས་པ་ལ་ཉེས་བྱས་སུ་རྟོགས་པར་བྱའོ། །སྦྱིན་དུ་འཇུག་ན་ཡང་ངོ་། །རང་གིས་ཞལ་ཏ་བྱས་ནའོ་ཞེས་བྱ་བ་ནི་རང་གིས་ལུས་སམ་#དེ་འབྲེལ་པ་
[236b]
[236b.1]ལ་མི་རུང་བའི་བཅའ་བ་དང་བཟའ་བ་དག་#ལ་ཉེས་བྱས་སོ། །དེ་ལ་གཅེར་བུ་པ་ལ་ཡོངས་སུ་འཚོལ་བར་བྱེད་ན་ཉེས་བྱས་སོ། །མངོན་གསུམ་#དུ་སྦྱིན་པ་ལ་འདི་དང་འབྲེལ་པ་མ་ཡིན་ནོ། །རང་གིས་ཞལ་ཏ་བྱས་ན་སྦྱིན་དུ་འཇུག་པ་ལ་དེ་དང་འབྲེལ་པ་ཉིད་ལ་གུས་པ་ཉིད་དུ་འགྱུར་བ་ཡིན་ནོ། །དེ་བས་ན་
[236b.2]རང་གིས་ཞལ་ཏ་བྱས་ནས་སྦྱིན་དུ་འཇུག་པའི་དབང་དུ་བྱས་ནས་ཉེས་བྱས་འདི་བརྗོད་པར་རིག་པར་བྱའོ། །བགོ་བཤའ་བྱེད་ན་ཡང་ངོ་ཞེས་བྱ་བ་ནི་བགོ་བཤའ་བྱེད་པའི་ངོ་བོས་བཅའ་བ་དང་བཟའ་བ་དག་ལ་ལུས་སམ་དེ་དང་འབྲེལ་#པ་ལས་གཞན་དུ་ཉེས་བྱས་སོ། །གང་ཞིག་སློང་བ་འབྲས་བུ་དང་
[236b.3]བཅས་པའི་ངོ་བོ་གཞན་དུ་འཇོག་པ་གདོལ་པ་བཞིན་དུ་དེ་སྦྱིན་པས་ན་དེ་ལ་ཉེས་པ་མེད་དོ། །བགོ་བཤའ་བྱ་བའི་ཚུལ་གྱིས་འདིར་ཡོངས་སུ་ཚོལ་#བར་བྱེད་པར་འགྱུར་བ་ཉིད་ཡོད་པ་ཡིན་ནོ། །དེ་བས་ན་འདིར་ཉེས་པ་མེད་པ་ཉིད་མེད་དོ། །འདིར་གཞུང་ནི་ཞུ་བ་ལས་གཅིག་ཏུ་བགོ་བཤའ་བྱ་སྟེ་ཟ་ན་ཉེས་
[236b.4]བྱས་སོ། །གཞན་གྱིས་#རང་གི་དོན་དུ་བགོ་བཤའ་བྱེད་དུ་འཇུག་པ་ལ་ཉེས་བྱས་ལས་ཤིན་ཏུ་ན་སྨད་པ་ཉིད་ཅེས་གསུངས་པ་ཡིན་ནོ། །མི་རུང་བའི་བཟའ་བར་བྱ་བ་དང་བཅའ་བར་བྱ་བ་དག་ལ་མདོ་སྔ་མ་དག་གིས་ཤེས་པར་བྱའོ། །གཅེར་བུ་པ་#ལ་སྦྱིན་པའི་ལྟུང་བྱེད་དོ།། །།གང་དུ་དམག་ལ་
[236b.5]ལྟ་བའི་ལྟུང་བྱེད་དུ་འགྱུར་ཞེ་ན། དེའི་ཕྱིར་གཡུལ་ལ་རྣམ་པར་དགའ་བའི་དམག་ལ་ལྟ་བའི་དོན་ཉིད་ཀྱིས་སོ་ཞེས་བྱ་བ་སྨོས་ཏེ། ཞུགས་པ་ལ་ཞེས་བྱ་བ་དང་འབྲེལ་ལོ། །བསོད་སྙོམས་ལ་སོགས་པའི་དོན་དུ་བྱུང་བས་དམག་ལ་ལྟ་བར་བྱེད་ན་ཡང་ལྟུང་བྱེད་དོ། །ཅི་རྒྱུ་མཚན་གང་ཡང་རུང་བས་བལྟའོ་
[236b.6]ཅོག་ལའམ་ཞེ་ན། དེའི་ཕྱིར་རྒྱལ་པོ་དང་བཙུན་མོ་དང་གཞོན་ནུ་དང་ཞང་བློན་#དང་ཁྲོམ་གྱི་རུ་སྣ་དང་། གྲོང་རྡལ་གྱི་མི་དང་ལྗོངས་ཀྱི་མིས་#བཀུག་པ་དང་བར་ཆད་བྱུང་བའི་དབང་ཉིད་མ་གཏོགས་སོ་ཞེས་བྱ་བ་སྨོས་སྟེ(ཏེ)། འདི་རྣམས་ཀྱིས་ཀྱང་བརྗོད་དེ་བར་དུ་གཅོད་པའི་རྒྱུ་མཚན་ལ་ཉེ་བར་ལྟུང་བ་དོར་ནས་ཞེས་བྱ་
[236b.7]བའི་དོན་ཏོ། །སྟོབས་ཀྱིས་བཟུང་ནས་ཁྱེར་བ་ནི་བར་དུ་གཅོད་པ་ཉེ་བར་ལྟུང་བ་ལ་ཁོངས་སུ་བསྡུས་#པར་རིག་པར་བྱའོ། །ཉེ་བར་འཚེ་བ་དང་དགེ་འདུན་ནམ་གང་ཟག་གམ་མཆོད་རྟེན་ལ་སོགས་པ་ལ་བར་དུ་གཅོད་པ་ཉིད་ནི་ཤེས་པར་བྱ་བ་མ་ཡིན་ནོ། །རྗེས་སུ་བསྒྲུབ་པ་གང་ལ་ལྟུང་བ་འདི་ཡིན་ཞེ་ན། དེའི་
[237a]
[237a.1]ཕྱིར་འཕགས་པའི་ཉེན་ཀོར་གྱི་མཐའ་ལས་འདས་ཏེ་མཐོང་ནའོ་ཞེས་བྱ་བ་སྨོས་ཏེ། གནས་གང་ན་འཕགས་པའི་གནས་དེའི་ཉེ་འཁོར་གང་ཡིན་པ་དེའི་མཐའ་གང་ཡིན་པ་དེ་ལས་འདས་ཏེ་མཐོང་བ་ཆོས་གོས་ཀྱི་ཉེན་ཀོར་གང་ཡིན་པ་དེ་ནི་འདིར་ཉེན་ཀོར་དུ་རིགས་པ་ཡིན་ནོ། །གྲོང་དང་འབྲེལ་
[237a.2]པ་དོར་ནས་འདིར་ཐོགས་པ་དང་བཅས་པའི་ཁྱིམ་བཞིན་དུ་མ་བསྒྲིབས་པ་ལ་ཉེས་པ་མེད་པ་ལྟར། དགེ་སློང་གླང་པོ་ཆེའི་ཚོགས་ལྟ་བའི་ཕྱིར་འགྲོ་ན་ཇི་སྲིད་དུ་མིག་གིས་མ་མཐོང་གི་བར་དུ་ནི་ཉེས་བྱས་སོ། །མིག་གིས་མཐོང་བར་གྱུར་ན་ནི་ལྟུང་བྱེད་དོ། །དེ་བཞིན་དུ་རྟའི་ཚོགས་དང་ཤིང་རྟའི་ཚོགས་དང་#
[237a.3]རྐང་ཐང་གི་ཚོགས་དང་ཞེས་བྱ་བ་ལ་སོགས་པ་ལྟུང་བ་བསྟན་པ་ལ་མཐོང་བ་ཙམ་ལ་དངོས་གཞིར་གསུངས་སོ། །དེའི་སྔ་རོལ་དུ་ཉེན་ཀོར་གྱི་#མཐའ་མ་ལས་མ་འདས་པར་དེའི་དོན་དུ་འཇུག་#པ་ལ་དེའི་བཞིན་བསྒྱུར་བ་ཙམ་གྱིས་མཐོང་བ་ལ་ནི་ཉེས་བྱས་སུ་གཏོགས་པར་བྱའོ། །དམག་ལ་ལྟ་བའི་ལྟུང་
[237a.4]བྱེད་དོ།། །།གང་དུ་དམག་གི་ནང་དུ་གནས་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་དེ་དག་མེད་པར་དེར་ཉིན་མཚན་གཉིས་ལས་ལྷག་པར་འདུག་ནའོ་ཞེས་བྱ་བ་སྨོས་ཏེ། དེ་དག་མེད་པར་ཞེས་བྱ་བ་ནི་རྒྱལ་པོ་ལ་སོགས་པས་བཀུག་པ་དང་བར་ཆད་ཉེ་བར་བྱུང་བའི་དབང་ཉིད་དོ། །དེར་ཞེས་
[237a.5]བྱ་བ་ནི་གཡུལ་ལ་མངོན་པར་དགའ་བའི་དམག་ལའོ། །ཉིན་མཚན་གཉིས་ལས་ཞེས་བྱ་བ་ནི་ཉིན་མོ་དང་མཚན་མོ་#དག་ལའོ། །དེ་ལས་གང་#དུ་ལྷག་པར་འདུག་ནའོ་ཞེས་བྱ་བ་འདི་ནི་ཉིན་མཚན་དག་གོ། །ཉིན་མཚན་གྱི་མཐར་ཡང་འདུལ་བའི་ཐ་སྙད་དོ། །དེ་བས་ན་འདི་ལ་ཡང་དངོས་གཞིའི་
[237a.6]རྣམ་པར་གཞག་པའོ། །འདིར་ཡང་གང་ཞིག་རྣམ་པར་གནས་པ་ལ་སྐད་ཅིག་མའི་རྗེས་སུ་མཐུན་པ་ཉིད་མ་ཡིན་ནོ། །དེའི་ཕྱིར་འདིར་སྦྱོར་བ་ཐོབ་པ་འདུན་ནས་རྣམ་པར་གནས་པ་ཡིན་གྱི་ལྟུང་བ་མེད་པ་ནི་མ་ཡིན་ནོ། །ཁ་ན་མ་ཐོ་བ་དང་བཅས་པའི་རྗེས་སུ་སྒྲུབ་#པ་ལ་དུས་ནམ་གྱི་ཚེ་བྱས་པ་ཁ་ན་མ་ཐོ་བ་མེད་
[237a.7]པ་མ་ཡིན་ནོ། །ཉིན་མཚན་གཞན་པོ་འདི་ལ་ནི་ཉིན་མཚན་གཞན་ལ་ཞུགས་པ་ཡང་མ་ཡིན་ཏེ། དེ་བས་ན་#ཉིན་མཚན་སོ་སོར་འདིར་ཁ་ན་མ་ཐོ་བར་རིག་པར་བྱའོ། །དགོས་པ་མེད་ན་སྔ་མ་ལ་ཡང་ངོ་ཞེས་བྱ་བ་ནི་རིགས་པའི་ཚུལ་གྱིས་དགོས་པ་མེད་ན་སྔ་མ་ཡང་ཉིན་ཞག་གསུམ་པར་འདུག་པ་
[237b]
[237b.1]ལས་གནས་པ་གང་ཡིན་པ་དེ་ལ་ཡང་ཞེས་བྱ་བའི་དོན་ཏོ། །མཐར་ནི་དངོས་གཞི་སྟེ་སྔ་རོལ་དུ་ནི་ཉེས་བྱས་ཞེས་བྱ་བ་འདི་ལ་འདིར་སྔ་མ་བཞིན་དུ་རྟོགས་པར་བྱའོ། །འདིར་གཞུང་ནི་དགེ་སློང་ལ་དེ་འདྲ་བའི་རྐྱེན་ཡོད་པར་གྱུར་ན་རྩོམ་པའི་དམག་ལ་ལྟ་བའི་ཕྱིར་ཉེ་བར་འགྲོ་བར་བྱའོ་ཞེས་གསུངས་པ་
[237b.2]ཡིན་ནོ། །ལེགས་པའི་ངོ་བོ་འདོད་པའི་དོན་མེད་པ་ན་དམག་གི་ནང་དུ་སོ་སོར་ཉམས་སུ་མྱོང་བར་བྱ་བ་མ་ཡིན་ནོ་ཞེས་བྱ་བ་གསུངས་པ་དེའི་ཚིག་གི་བརྗོད་པའོ། །དམག་གི་ནང་ན་གནས་པའི་ལྟུང་བྱེད་དོ།། །།དཔུང་གི་ཡན་ལག་རྣམས་ནི་བྱེད་པ་པོ་ཉིད་དོ་ཞེས་བྱ་བ་ནི་གཡུལ་ལ་མངོན་པར་དགའ་བའི་
[237b.3]དམག་གི་དཔུང་གི་ཡན་ལག་གླང་པོ་ཆེ་དང་རྟ་དང་ཤིང་རྟ་དང་རྐང་ཐང་དང་རྒྱལ་མཚན་ལ་སོགས་པ་རྣམས་ཀྱི་#དམག་ལ་ཞེས་བྱ་བར་སྦྱར་རོ། །འདིར་མཚོན་པའི་ནི་བརྩམས་པའི་གཡུལ་ངོ་རྣམས་ཀྱི་ཡན་ལག་ཏུ་རྣམ་པར་གནས་པ་ཡིན་ཞེས་བྱ་བ་ཐམས་ཅད་ཁོངས་སུ་བསྡུ་བའོ། །ཅི་དེ་ཐམས་ཅད་ལ་འདི་རྣམས་
[237b.4]བྱེད་པ་པོ་ཡིན་ནམ་ཞེ་ན། དེའི་ཕྱིར་བར་ཆད་ཀྱི་དབང་གིས་འགྲོ་བ་མ་ཡིན་པ་ལའོ་ཞེས་བྱ་བ་སྨོས་ཏེ། སྤངས་ནས་ཞེས་བྱ་བ་བརྗོད་པ་དག་ལ་ལྟུང་བ་མེད་དོ། །རྒྱུ་དག་ལས་གཅིག་ནི་འདིར་རྒྱུ་ཉིད་དེ་བར་ཆད་ཀྱི་དབང་གིས་ལྟུང་བ་ཉིད་དེ། རྒྱལ་པོ་ལ་སོགས་པ་ལས་སྨོས་པ་ལས་ནི་མ་ཡིན་ནོ་ཞེས་བྱ་བའི་
[237b.5]དོན་ཏོ། །འདིར་གཞུང་ནི་བར་ཆད་བརྒྱད་པོ་དག་ལས་བར་ཆད་གང་ཡང་རུང་བ་ཉེ་བར་གནས་པར་གྱུར་ན་ཉེས་པ་མེད་དོ་ཞེས་གསུངས་པའི་ཕྱིར་རོ། །དེ་ཡང་དེ་ཙམ་དུ་ཟད་ཀྱི་#གནོད་པ་ཐམས་ཅད་ཉེ་བར་ཞི་བར་བྱ་བའི་དོན་དུ་འགྲོ་བ་ལ་ཡང་འདིར་ཉེས་པ་མེད་པ་#ལ་སྦྱོར་བ་ཞེས་བྱ་བ་ནི་བར་ཆད་ཙམ་ལ་
[237b.6]ཡང་དག་པར་བརྟེན་པའོ། །བསྡུས་པ་དང་སོ་སོ་#དག་གོ་ཞེས་བྱ་བ་ནི་གཡུལ་གྱི་ཡན་ལག་རྣམས་ལ་བྱེད་པ་པོ་ཉིད་ཡིན་ནོ་ཞེས་བྱ་བར་སྦྱར་རོ། །དཔུང་གི་ཚོགས་སམ་#དམག་གི་ཚོགས་ཡང་དག་པར་བསྟན་པ་ཞེས་བྱ་བ་འདི་ལ་ཐམས་ཅད་དུ་བཟུང་ནས་བསྡུས་པའོ། །འདིར་དཔུང་གི་ཚོགས་ནི་དཔུང་གི་ཚོགས་
[237b.7]ལ་རིག་པར་བྱ་སྟེ། ཚོགས་དང་འབྲེལ་པ་ཉིད་ཀྱིས་རྣམ་པ་བཞི་པོ་རྣམས་ཀྱི་ཚིག་གོ། །ཚོགས་རྣམས་ནི་བཞི་སྟེ། འབྲུའི་ཁ་ལྟ་བུ་དང་། ཤིང་རྟའི་དབྱིབས་ལྟ་བུ་དང་། ཟླ་ཁམ་གྱི་རྣམ་པ་ལྟ་བུ་དང་། ནམ་མཁའི་#ལྡིང་གི་འདབ་མ་ལྟ་བུའོ། །བཤམས་#པ་ལ་ཡང་རྣམ་པ་བཞི་སྟེ། ཟླ་བའི་
[238a]
[238a.1]རྣམ་པ་ལྟ་བུ་དང་། ཤིང་རྟའི་དབྱིབས་ལྟ་བུ་དང་། གཡུལ་ངོ་རྣམ་པ་#ལྟ་བུ་དང་། ནམ་མཁའ་ལྡིང་གི་འདབ་མ་ལྟ་བུའོ། །ཟླ་བའི་རྣམ་པ་ལྟ་བུ་ཞེས་བྱ་བ་ནི་མདུན་དུ་ཡང་རུ་དངར་རྒྱབ་ཏུ་ཡང་རུ་#དངར་གློར་ཡང་རུ་#དངར་ལ་དབུས་ན་རྒྱལ་པོ་འདུག་པའོ། །ཤིང་རྟའི་
[238a.2]དབྱིབས་ལྟ་བུ་ཞེས་བྱ་བ་ནི་མདུན་དུ་ཡང་རུ་#དངར་གློར་ཡང་རུ་དངར་ལ་#རྒྱབ་ན་རྒྱལ་པོ་འདུག་པའོ། །གཡུལ་ངོའི་རྣམ་པ་ལྟ་བུ་ཞེས་བྱ་བ་ནི་མདུན་དུ་ཡང་རུ་#དངར་རྒྱབ་དུ་(ཏུ་)ཡང་རུ་#དངར་ལ་དབུས་ན་རྒྱལ་པོ་འདུག་པའོ། །ནམ་མཁའ་ལྡིང་གི་འདབ་མ་ཞེས་བྱ་བ་ནི་གློར་ཡང་རུ་#དངར་ལ་མདུན་ན་རྒྱལ་
[238a.3]པོ་འདུག་པའོ། །ཚོགས་དང་དམག་ཚོགས་ཀྱི་སྒྲ་དག་ལ་རྣམ་གྲངས་ཉིད་ཀྱི་ཕྱིར་དོན་གཅིག་པ་ཉིད་དུ་ཤེས་པར་བྱའོ། །དེ་ལྟ་བས་ན་འདི་ལྟ་སྟེ། དམག་གི་ཚོགས་སོ་སོ་ཉམས་སུ་མྱོང་བར་བྱ་ཞེས་བྱ་བ་འདིའི་བཤད་པ་ནི། ཚོགས་ལ་ལྟ་བ་སོ་སོར་ཉམས་སུ་མྱོང་བར་བྱ་ཞེས་གསུངས་པ་ཡིན་ནོ། །
[238a.4]རྣམ་པ་ཅི་འདྲ་བ་འདི་རྣམས་ལ་ཁ་ན་མ་ཐོ་བ་གང་ལ་བྱེད་པ་པོ་ཉིད་ཡིན་ཞེ་ན། དེའི་ཕྱིར་སྟ་གོན་བྱས་པ་རྣམས་ཀྱིའོ། །དངོས་ལ་དངོས་གཞིའོ། །སྦྱོར་བ་ལ་ནི་ཉེས་བྱས་ཀྱིའོ་ཞེས་བྱ་བ་སྨོས་ཏེ། ལྟ་#གོན་མ་བྱས་པ་དེ་ལ་ནི་གཉིས་ཀ་ལ་ཡང་ཉེས་བྱས་ཁོ་ནའི་བྱེད་པ་པོ་ཉིད་ཡིན་ནོ། །གླང་པོ་ཆེ་ལ་སོགས་པ་རྣམས་
[238a.5]ལ་གོ་བསྐོན་པ་ཉིད་ནི་སྟ་གོན་བྱས་པ་ཉིད་དུ་རིག་པར་བྱའོ། །ཤིང་རྟ་བཤམས་པ་དང་རྒྱལ་མཚན་བསྒྲེང་བ་དང་། གཞུ་བདུངས་པ་དང་། མདའ་མདའུ་(མདེའུ་)ཅན་བདར་བ་དང་རལ་གྲི་ཕྱུང་བ་ཉིད་ལ་སོགས་པ་ཡིན་པར་རིག་པར་བྱའོ། །གཉི་ག་ལ་ཡང་ཞེས་བྱ་བ་ནི་དངོས་གཞི་དང་སྦྱོར་བ་ལའོ། །ཅི་འདིར་
[238a.6]དངོས་གཞི་ལ་ཞེས་བྱ་བ་བདུན་ལྟུང་བའི་མཚན་མ་ཉིད་ཀྱིས་དངོས་གཞི་བརྗོད་པ་ཡིན་ནམ་ཞེ་ན། དེའི་ཕྱིར་རེག་པ་དང་བཤམ་པ་དཀྲུག་པ་དང་ལྟ་བའི་ཕྱིར་འཕགས་ཤིང་ཉེ་འཁོར་གྱི་མཐའ་ལས་འདས་ཏེ་མཐོང་བ་ལྟ་བུ་ནི་དངོས་གཞི་དག་ཡིན་ནོ་ཞེས་བྱ་བ་སྨོས་ཏེ། རིན་པོ་ཆེ་སྨོས་པ་ཞེས་བྱ་བས་མཚོན་
[238a.7]ཆ་ལ་རེག་པའི་ལྟུང་བ་གང་ཡིན་པ་དེ་ནི་འཆད་པར་འགྱུར་ཏེ། དེ་ལས་ཡུལ་གཞན་ཡིན་པ་དེ་ཞེས་བྱ་བ་འདི་ལས་རྟོགས་པར་བྱའོ། །འདིར་བཤམས་#པ་ནི་གནས་ནས་འཕོ་བར་རྣམ་པར་གནས་པ་#ཡིན་ནོ། །དཀྲུགས་#པས་ཞེས་བྱ་བ་ནི་ལྟ་བའི་དོན་དུ་དཀྲུགས་ནས་ཉེ་འཁོར་གྱི་མཐའ་ལས་འདས་པ་གང་ཡིན་
[238b]
[238b.1]པ་དེར་ལྟ་བའི་ཕྱིར་ཞེས་བྱ་བའི་དོན་ཏོ། །དགེ་སློང་གིས་གླང་པོ་ཆེ་གོ་བསྐོན་པ་བཤམ་པར་བྱེད་ཅེས་བྱ་བ་ནི་ཁ་ཅིག་གིས་གླང་པོ་ཆེ་དང་རྟ་དང་ཤིང་རྟ་དང་རྐང་ཐང་རྣམས་ལ་བཤམ་པ་ཐོབ་པར་བརྗོད་པ་ཡིན་ནོ། །གཞན་དུ་ཡང་གླང་པོ་ཆེའི་ཚོགས་ལ་ལྟ་བའི་ཕྱིར་ཉེ་བར་འགྲོ་བར་བྱེད་ན་ཞེས་བྱ་བ་ལ་
[238b.2]སོགས་པ་གསུངས་པ་ཡིན་ནོ། །དགེ་སློང་གིས་གླང་པོ་ཆེ་གོ་བསྐོན་པ་ལ་རེག་ན་ཞེས་བྱ་བ་#གསུངས་པ་ཡིན་ནོ། །ལྟ་བ་དང་རེག་པ་དག་ལ་གཉི་ག་ལ་ཡང་སྦྱོར་བ་ཞེས་བྱ་བ་འདི་གཉིས་#བསྡུས་པའོ། །མ་ཆས་པ་ཉིད་ལ་ནི་ན་སྨད་པ་ཉིད་དོ་ཞེས་བྱ་བའི་གཡུལ་ལ་མངོན་པར་དགའ་བ་ཉིད་མ་ཡིན་པ་ལའོ། །དེ་
[238b.3]བས་ན་འདིར་དམག་ལ་ཞེས་བྱ་བ་རྟོགས་པ་ཡིན་ནོ། །བསླབ་པའི་གཞི་གསུམ་པོ་དག་ལས་གཡུལ་ངོའི་ཕྱིར་མ་ཆས་#པ་ཉིད་ལ་ནི་དམག་གི་དངོས་གཞིའི་གནས་སུ་ནི་#ཉེས་བྱས་ལ། ཉེས་བྱས་ཀྱི་གནས་སུ་ནི་ཉེས་བྱས་ཕྲ་མོར་འགྱུར་རོ་ཞེས་བྱ་བ་དེ་ལ་འདི་བྱེད་པའོ། །རྒྱལ་པོ་འམ་ཆོམ་རྐུན་པའི་
[238b.4]གྲོང་དུ་རྐྱེན་དེ་ལྟ་བུ་མ་གཏོགས་པར་འདིར་ཞུགས་པར་བྱ་བ་ཉིད་དུ་རིག་པར་བྱའོ། །མི་རུང་བ་དང་རྗེས་སུ་མི་མཐུན་པའི་རྒྱལ་པོའི་ནང་དུ་ཉེ་བར་འགྲོ་བའོ། །སྤྱོད་ཡུལ་ནི་རྣམ་པ་ལྔ་སྟེ། འབྲོག་དང་ཇི་སྲིད་དུ་རྒྱལ་པོའི་ཉེ་འཁོར་ཞེས་བྱ་བ་འདི་ཡང་འདིར་ལུང་དུ་རིག་པར་བྱའོ། །གླང་པོ་ཆེ་དང་རྟ་དང་
[238b.5]བྱ་གག་དང་བྱ་ལ་བ་ཀ་དང་། བྱ་བར་ཏ་ཀ་དང་། སྐྱེས་པ་དང་བུད་མེད་འཐབ་པ་ལ་སོགས་པ་བྱ་བ་དང་། བྱེད་དུ་གཞུག་པ་དང་བལྟ་བར་མི་བྱའོ་ཞེས་བྱ་བ་ནི་འདིར་གཞུང་ནི་ཕྲན་ཚེགས་དག་ལས་ལྷག་མ་དབང་དུ་བྱེད་པ་ནི་འདི་ཡིན་ཏེ། དེ་བས་ན་གཡུལ་ངོའི་ཡན་ལག་ཏུ་གྱུར་པ་གླང་པོ་ཆེ་ལ་སོགས་
[238b.6]པ་རྣམས་ནི་འདིར་མི་གཟུང་#ངོ་། །དཔུང་གི་ཡན་ལག་ཉམས་སུ་མྱོང་བའི་ལྟུང་བྱེད་དོ།། །།ཅི་ཞིག་བྱས་ན་རྡེག་#པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་རྙོག་པ་ཅན་གྱི་སེམས་ཉིད་ཀྱིས་དགེ་སློང་ཕ་རོལ་ལ་ལུས་སམ་དེས་འཕངས་པའམ་དེ་དང་འབྲེལ་པ་དག་གིས་#ཡང་རུང་བ་ཐ་ན་རྐང་པའི་མཐེ་
[238b.7]བོའམ#། ཡུངས་ཀར་རམ་རྩྭ་#དག་གིས་བརྡེགས་ནའོ་ཞེས་བྱ་བ་སྨོས་ཏེ། རྙོག་པ་ཅན་གྱི་#སེམས་ཀྱིས་དགེ་སློང་ཕ་རོལ་ལ་ཞེས་བྱ་བ་ནི་ཕྱི་མ་གསུམ་པོ་རྣམས་ལའོ། །རེག་ནའོ་ཞེས་བྱ་བ་ནི། བརྡེགས་ནའོ་ཞེས་བྱ་བ་རྗེས་སུ་བསྒྲུབ་པ་བཤད་པའོ། །རེག་ནའོ་ཞེས་བྱ་བ་ནི་མཐར་ཐུག་པའི་
[239a]
[239a.1]ཚིག་གོ། །རྗེས་སུ་བསྒྲུབ་པ་འདི་ལ་འདི་བསྒྲུབ་པ་ལ་ཞེས་བྱ་བའི་དོན་ཏོ། །འདིར་མངོན་པར་ཞེན་པ་དང་ཁྲོས་པ་དང་དྲག་པོར་གྱུར་པ་དང་ཡིད་མི་བདེ་བ་ཞེས་བྱ་བ་གསུངས་པ་ཡིན་ནོ། །ཉེ་བའི་ཉོན་མོངས་པ་གཞན་གྱིས་ཀྱང་སྦྱིན་པ་ལ་ཁ་ན་མ་ཐོ་བ་ཉམས་#པས་འདིར་བསྐྱེད་
[239a.2]པར་རྣམ་པར་གནས་པ་ཡིན་ནོ། །དེ་བས་ན་རྙོག་པའི་དངོས་པོ་ལ་བརྟེན་པའོ། །གང་གིས་བརྡེགས་#པ་ལ་ཡིན་ཞེ་ན། དེའི་ཕྱིར་ལུས་སམ་དེས་འཕངས་པའམ་དེ་དང་འབྲེལ་པ་དག་གིས་སོ། །ལུས་སམ་དེས་འཕངས་པའམ་དེ་དང་འབྲེལ་པ་དག་གིས་སོ་#ཞེས་བྱ་བའི་དོན་ཏོ། །འདིར་འགའ་ཞིག་ཏུ་ནི་ཤིན་
[239a.3]ཏུ་ཡང་མ་ཆད་པ་ལ་ན་སྨད་པར་ཤེས་པར་བྱ་བ་མ་ཡིན་ཞེས་བྱ་བ་འདི་བསྟན་པའི་དོན་དུ་གསུངས་པ་ནི་གང་ཡང་རུང་བ་ཞེས་བྱ་བ་ལ་སོགས་པ་ཐ་ན་རྐང་པའི་མཐེ་བོ་ལ་སོགས་པ་གྲངས་ཇི་ལྟ་བ་བཞིན་དུའོ། །ལུས་ལ་སོགས་པ་རྣམས་ཀྱི་མཐར་ཐུག་པ་ལ་ཡང་དག་པར་རིག་པར་བྱའོ། །གང་ལ་
[239a.4]བརྡེགས་པར་#ཡིན་ཞེ་ན། དེའི་ཕྱིར་དགེ་སློང་ལའོ་ཞེས་བྱ་བ་སྨོས་ཏེ། ལྟུང་བ་འབྱིན་པ་པོ་ཡང་དགེ་སློང་ཡིན་ཏེ། དེར་བདག་ཉིད་ལ་ཡང་བརྡེགས་པ་ལ་ཞེས་བྱ་བ་ཐོབ་པའོ། །དེའི་ཕྱིར་གསུངས་པ་ནི་ཕ་རོལ་ལ་ཞེས་བྱ་བ་སྨོས་པ་ཡིན་ནོ། །འོག་མ་གསུམ་པ་ལ་ཡང་ཞེས་བྱ་བ་ནི་དེ་མ་ཐག་པའི་
[239a.5]གསུམ་ལ་བཟའ་བ་དང་། གནས་ངན་ལེན་#འཆབ་པ་དང་ཟན་གཅོད་དུ་འཇུག་པ་#ཞེས་བྱ་བ་བསླབ་པའི་གཞི་རྣམས་ལས་དགེ་སློང་ཕ་རོལ་པོ་ལ་ཡང་འདི་བལྟ་བར་བྱའོ། །ཅི་#བརྡེག་པ་ཡོད་པ་ལ་གཞན་དེའི་འབྲས་བུར་གྱུར་པ་སྒྲུབ་#པ་ལ་ཡིན་ནམ་འོན་ཏེ་བརྡེགས་པ་ཁོ་ན་ལ་ཡིན་ཞེ་ན#། དེའི་ཕྱིར་རེག་
[239a.6]ནའོ་ཞེས་བྱ་བ་སྨོས་ཏེ། བརྡེག་པའི་བདག་ཉིད་ཅན་གྱི་རྗེས་སུ་བསྒྲུབ་པ་ཡོད་པ་ལ་རེག་པ་བསྒྲུབ་པ་ལ་ཞེས་བྱ་བའི་དོན་ཏོ། །ཅི་ལྟུང་བྱེད་གཅིག་ཏུ་འགྱུར་རམ་ཞེ་ན། དེའི་ཕྱིར་བརྡེག་སྤྱད་རེ་རེ་ལའོ་ཞེས་བྱ་བ་སྨོས་ཏེ། སོར་མོ་ལ་སོགས་པའི་བརྡེག་སྤྱད་ཇི་སྙེད་ཀྱིས་རེག་པར་གྱུར་པ་དེ་སྙེད་ཀྱི་ལྟུང་བྱེད་དུ་
[239a.7]འགྱུར་རོ་ཞེས་བྱ་བའི་དོན་ཏོ། །མ་ཕོག་ན་ཉེས་བྱས་སོ་ཞེས་བྱ་བ་ནི་སོར་མོ་ལ་སོགས་པ་བརྡེག་སྤྱད་དག་གིས་མ་ཕོག་ན་ཉེས་བྱས་སོ། །བརྡེག་པར་བྱ་བ་གཞན་ཡིན་ལ། གཞན་ལ་བརྡེག་པར་མི་བྱའོ་ཞེས་བྱ་བ་ནི་སེམས་བརྡེག་པར་བྱ་བ་ཉིད་ལ་རང་གི་#ལུས་ལ་བརྡེག་པ་འདི་བཀག་པའོ། །འདིར་
[239b]
[239b.1]གཞུང་ནི་དེ་ལྟ་བས་ན་དགེ་སློང་གིས་བརྡེག་པར་བྱ་བ་གཞན་ཡིན་ལ། གཞན་ལ་བརྡེག་པར་མི་བྱའོ་ཞེས་གསུངས་པ་ལྟ་བུ་ཡིན་ནོ། །ཀ་བ་ལ་བརྡེག་པར་མི་བྱའོ། །རྩིག་པ་དང་། ས་དང་ཤིང་ལྗོན་པ་དང་གཞན་ལ་ཡང་ངོ་ཞེས་བྱ་བ་ནི་ཕྲན་ཚེགས་རྣམས་ལ་འབྲས་བུ་ལ་སོགས་པ་དེ་དབབ་པའི་དོན་
[239b.2]དུ་འདིར་བརྡེག་པ་སྟེར་བ་ལ་སོགས་པ་འབྱུང་པོའི་ཚོགས་འཇིག་པའི་ཆོ་ག་ལ་དེ་ཁོངས་སུ་འདུས་པ་ཞེས་བྱ་བ་གཞན་འགོག་པ་ནི་འདིའི་ཡུལ་ལོ། །བུད་ཤིང་གི་དོན་དུ་ཤིང་ལྗོན་པ་དང་། མཎྜལ་གྱི་དོན་དུ་ས་བརྡུང་བ་ལ་#སོགས་པ་འདི་ལྟ་བུ་ལ་ཡང་། ཅི་འདིས་བཀག་པ་ཉིད་ཡིན་ནམ་ཞེ་ན། མ་ཡིན་ཏེ་
[239b.3]ཞེས་བསྟན་པ་ནི་བརྡེག་པ་སྟེར་བའི་སྦོམ་པོ་ལ་འཇུག་པ་ལ་འདི་བཀག་པ་ཡིན་གྱི་གཞན་ལ་ནི་མ་ཡིན་ནོ། །དེ་ལྟར་ཡང་ཚེ་དང་ལྡན་པས་རི་ཤིང་གཤེགས་པ་འཇུག་པ་#འབྱུང་བར་འགྱུར་རོ། །བརྡེག་པའི་ལྟུང་བྱེད་དོ།། །།གང་དུ་གཟས་པའི་ལྟུང་བྱེད་ཅེས་བྱ་བ་འདི་ལ་རྙོག་པ་ཅན་གྱི་སེམས་
[239b.4]ཉིད་ཅེས་བྱ་བ་ལ་སོགས་པ་ནས་གཟས་པ་ནའོ་ཞེས་བྱ་བ་ལ་སོགས་པའི་མཐའ་མ་ལ་ལྟོས་ནས་བརྗོད་པར་བྱ་སྟེ། དེའི་ཕྱིར་བརྡེག་པར་གཟས་པ་ནའོ་ཞེས་བྱ་བ་སྨོས་ཏེ། ཅི་འདིར་གཅིག་ཉིད་དུ་འགྱུར་རམ་ཞེ་ན། དེའི་ཕྱིར་རྫས་རེ་#རེ་ལའོ་ཞེས་བྱ་བ་སྨོས་ཏེ། སོར་མོ་ལ་སོགས་པའི་རྫས་ཇི་སྙེད་གཟས་པ་
[239b.5]དེ་#སྙེད་ཀྱི་ལྟུང་བྱེད་དུ་འགྱུར་རོ་ཞེས་བྱ་བའི་དོན་ཏོ། །གཟས་པའི་ལྟུང་བྱེད་དོ།། །།ཅི་ཞིག་བྱས་ན་གནས་ངན་ལེན་འཆབ་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་ཕམ་པར་གྱུར་པ་དང་དགེ་འདུན་ལྷག་མ་དག་བཅབ་པ་#ཞེས་བྱ་བ་སྨོས་ཏེ། གནས་ངན་ལེན་ཅེས་བྱ་བ་འཆད་པར་འགྱུར་བ་དང་#
[239b.6]དེ་དང་འདི་ལ་འབྲེལ་པའོ། །ཅི་བཅབ་པ་རྣམ་པ་ཐམས་ཅད་ལ་གནས་ངན་ལེན་དུ་འགྱུར་རམ་ཞེ་ན། དེའི་ཕྱིར་བདེ་བ་ལ་མི་རེག་པ་དང་དགེ་སྦྱོང་གི་#ཚུལ་དང་ཚངས་པར་སྤྱོད་པའི་བར་ཆད་དང་། དགེ་འདུན་འཁྲུག་ཏུ་དོགས་པའི་དབང་ཉིད་མ་གཏོགས་པར་འཆབ་ནའོ་ཞེས་བྱ་བ་སྨོས་ཏེ། དབང་ཉིད་
[239b.7]ཅེས་བྱ་བའི་སྒྲ་ནི་བདེ་བ་ལ་མི་རེག་པ་ལ་སོགས་པ་ཐམས་ཅད་དང་སྦྱར་བར་བྱའོ། །བར་ཆད་ཅེས་བྱ་བའི་སྒྲ་ནི་དགེ་སྦྱོང་གི་ཚུལ་དང་། ཚངས་པར་སྤྱོད་པ་གཉིས་དང་སྦྱར་བར་བྱའོ། །བདེ་བ་ལ་མི་རེག་པའི་དབང་ཉིད་དང་། དགེ་སྦྱོང་#གི་ཚུལ་གྱི་བར་ཆད་ཀྱི་དབང་ཉིད་དང་། ཚངས་པར་སྤྱོད་
[240a]
[240a.1]པའི་བར་ཆད་ཀྱི་དབང་ཉིད་དང་། དགེ་འདུན་འཁྲུག་ཏུ་དོགས་པའི་དབང་ཉིད་མ་གཏོགས་པར་གཞན་ཕམ་པར་འགྱུར་བ་དང་དགེ་འདུན་ལྷག་མ་དག་འཆབ་ན་ཞེས་བྱ་བའི་དོན་ཏོ། །དེ་ལ་འདིར་དགེ་སྦྱོང་གི་བར་ཆད་ལ་སོགས་པ་ནི་དཔེ་ཙམ་དུ་རིག་པར་བྱའོ། །གང་ཟག་གི་གཞི་འཁོར་དང་
[240a.2]བཅས་པས་འཆབ་པའི་ཆོ་ག་ཤེས་པར་བྱའོ། །དུས་གང་གི་ཚེ་བཅབས་ཤེ་ན། དེའི་ཕྱིར་ཉིན་མཚན་གྱི་མཐར་རོ་ཞེས་བྱ་བ་སྨོས་ཏེ། གང་གི་རྗེས་ལ་སྐྱེ་རེངས་འཆར་ཀ་ཚུན་ཆད་ཅེས་བྱ་བའི་དོན་ཏོ། །སྔ་རོལ་དུ་ནི་ཉེས་བྱས་སོ་ཞེས་བྱ་བ་ནི་ཉིན་མཚན་གྱི་མཐའི་སྔ་རོལ་དུ་འཆབ་པ་ལ་ནི་ཉེས་བྱས་སོ། །
[240a.3]ལྟུང་བ་གཞན་ཡང་ངོ་ཞེས་བྱ་བ་ཆུང་བ་ལ་དོན་འཐོབ་པ་ལས་ཕམ་པར་གྱུར་པ་དང་། དགེ་འདུན་གྱི་ལྷག་མ་དག་ལས་གཞན་པའི་ལྟུང་བྱེད་བཅབས་ན་ནི་ཉིན་མཚན་གྱི་མཐར་ཡང་ཉེས་བྱས་ལ་སྔ་རོལ་དུ་ཡང་ཉེས་བྱས་སོ། །གནས་ངན་ལེན་འཆབ་པའི་ལྟུང་བྱེད་དོ།། །།ཅི་ཞིག་བྱས་ན་ཟན་
[240a.4]གཅོད་དུ་འཇུག་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་ནད་ཀྱི་གཉེན་པོའི་དོན་ཉིད་མ་གཏོགས་པར་ཆེད་དུ་བསམས་ཏེ་ཁྱིམ་པ་སྦྱིན་པ་པོ་ཟན་གཅོད་དུ་བཅུག་ནའོ་ཞེས་བྱ་བ་སྨོས་ཏེ། ཟན་གང་གི་སྦྱིན་པ་པོ་ཁྱིམ་པ་གང་ཡིན་པ་དེ་ནི་སྦྱིན་པ་པོ་ཁྱིམ་པའི་ཟན་ཏེ། དེ་#གཅོད་པ་ནི་དགེ་སློང་གི་ཆེད་དུ་བསམས་
[240a.5]ཏེ་ཟན་གང་གིས་གཅོད་#དུ་བཅུག་ན་ཞེས་བྱ་བའི་དོན་ཏོ། །ཅི་རྣམ་པ་ཐམས་ཅད་དུ་བཅུག་པ་ལ་ཡིན་ནམ་ཞེ་ན། དེའི་ཕྱིར་ནད་ཀྱི་གཉེན་པོའི་དོན་ཉིད་མ་གཏོགས་པ་ཞེས་བྱ་བར་སྦྱར་རོ། །གཅོད་དུ་བཅུག་པ་ནི་དེར་རང་གི་ཚིག་གིས་ཞེས་བྱ་བ་འཇུག་གོ། །དེ་ལྟ་བས་ན་སྤྲིང་ཡིག་དང་ལག་ཡིག་དང་ལག་རྩིས་
[240a.6]དང་། མངགས་པ་དང་བརྒྱུད་པ་དང་ཟུར་གྱིས་གཅོད་དུ་བཅུག་ན་ཉེས་བྱས་སོ། །འདིར་གཞུང་ནི་ཞུ་བ་ཁ་ཅིག་ལས་གསུང་དེ་འདིས་#བསྡུས་པར་རིག་པར་བྱའོ། །སྦྱིན་བདག་ཁྱིམ་པ་དག་ཟན་གཅོད་པར་བྱེད་དུ་བཅུག་པ་འདིར་གཞུང་ནི་ཞུ་བ་ཁ་ཅིག་ལས་མུ་སྟེགས་ཅན་གྱི་ཁྱིམ་བདག་ཏུ་བྱེད་དུ་བཅུག་
[240a.7]ན་ཉེས་བྱས་སོ་ཞེས་གསུངས་པ་ཡིན་ནོ། །ཟན་གཅོད་དུ་འཇུག་པའི་ལྟུང་བྱེད་དོ།། །།སེང་གེ་ལ་རེག་པར་མི་བྱའོ་ཞེས་བྱ་བ་ནི་མེ་དང་འདྲ་བར་བསྙེན་#པར་དཀའ་ཞིང་བཟོད་པར་དཀའ་བ་ཉིད་ཡིན་པའི་ཕྱིར་རེག་པར་བྱ་བ་མ་ཡིན་ཏེ། རིན་པོ་ཆེའམ་དེ་དང་མཉམ་པ་ཉིད་ཀྱི་ཕྱིར་ནི་མ་ཡིན་ནོ། །དེ་
[240b]
[240b.1]བས་ན་དེར་འཇུག་པའོ། །རིན་པོ་ཆེ་འམ་དེ་དང་འདི་མཉམ་པས་དེ་རེག་པ་བཀག་པ་ལ་དུས་བྱིན་གྱིས་བརླབ་པའི་རྣམ་པ་བསྟན་པའི་ཕྱིར། དེ་ལ་དུས་བྱིན་གྱིས་བརླབས་#པའི་ངོ་བོ་གསུངས་པ་ནི་སྟོན་པ་དང་ཆོས་དང་དགེ་འདུན་དང་ཚངས་པ་མཚུངས་པར་སྤྱོད་པ་རྣམས་ཀྱིས་ཆོས་དང་ལྡན་པའི་བྱ་བའི་དོན་ཉིད་
[240b.2]དང་ལྷུང་བཟེད་དང་ཚོན་གྱི་ལས་ལ་བརྟག་པ་ནི་དུས་བྱིན་གྱིས་བརླབས་#པ་ཡིན་ནོ་ཞེས་བྱ་བ་#སྨོས་ཏེ། དེ་རྣམས་ཀྱིས་ཆོས་དང་ལྡན་པའི་བྱ་བ་གང་ཡིན་པ་དེའི་དོན་ཉིད་ལ་རེག་པ་ལ་ལྷུང་བཟེད་དང་ཚོན་གྱི་ལས་ལ་བརྟགས་པ་ནི་དུས་བྱིན་གྱིས་བརླབས་#པའོ། །འདིར་གཞུང་ནི་དུས་བྱིན་གྱིས་བརླབ་པར་བྱའོ་
[240b.3]ཞེས་གསུངས་པ་དང་། དེ་དག་གིས་གང་གི་དོན་དུ་བྱིན་གྱིས་བརླབ་པ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྟོན་པའི་བྱ་བ་དང་ཆོས་དང་དགེ་འདུན་དང་། སློབ་དཔོན་དང་མཁན་པོ་དང་། ཚངས་པ་མཚུངས་པར་སྤྱོད་པའི་བྱ་བས་མངོན་པར་བརྟེན་པ་ནི་བྱིན་གྱིས་བརླབ་པ་དང་། མངོན་
[240b.4]པར་འདུ་བྱེད་པ་སེམས་ཀྱིས་འདིར་རྣམ་པར་གནས་པ་ཡིན་ནོ། །ཆོས་དང་ལྡན་པའི་བྱ་བའི་དོན་གྱི་དབང་ཉིད་ཀྱིས་ནི་འདིར་འཇུག་པར་རིགས་#པ་ཡིན་ཏེ། དེའི་ཕྱིར་ཆོས་དང་ལྡན་པའི་དོན་ཉིད་ཀྱི་ཚིག་གོ། །སློབ་དཔོན་དང་མཁན་པོ་དག་ལ་ནི་མ་ཡིན་ཏེ་ཚངས་པ་མཚུངས་པར་སྤྱོད་པ་དག་ལ་ཡང་མ་ཡིན་
[240b.5]ནོ། །དེ་བས་ན་འདིར་དེ་དག་གི་#ཞེས་བྱ་བའི་ཚིག་གོ། །འདིར་ལྷུང་བཟེད་དང་ཚོན་གྱི་ལས་ཞེས་སྨོས་པས་ནི། རང་གི་ལྷུང་བཟེད་དང་ཆོས་གོས་ཀྱི་ལས་བསྟན་ཏོ། །ལྷུང་བཟེད་ཀྱི་ལས་བྱའོ་ཞེ་འམ། ཚོན་གྱི་ལས་བྱའོ་ཞེས་ཡིད་ཀྱིས་བརྟག་པ་གང་ཡིན་པ་དེ་ནི་དུས་བྱིན་གྱིས་བརླབ་པ་ཡིན་ནོ། །ཡུན་རིང་དུ་
[240b.6]བྱིན་གྱིས་བརླབ་པར་བྱའོ་ཞེས་བྱ་བ་ནི་དུས་ཞེས་བྱ་བར་སྦྱར་རོ། །འདིར་གཞུང་ནི་དགེ་སློང་དག་ལྷུང་བཟེད་ཀྱི་ལས་དང་ཚོན་#གྱི་ལས་དག་བྱེད་པ་ན་ཡང་དང་ཡང་བརྗེད་ངས་པས་མེ་ལ་རེག་ནས་དེ་དག་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དུས་ཡུན་རིང་དུ་བྱིན་གྱིས་བརླབ་པར་བྱའོ་
[240b.7]ཞེས་བྱ་བ་དེ་འདིས་བསྡུས་པ་ཡིན་ནོ། །ཅི་ཞིག་བྱས་ན་མེའི་ཐ་སྙད་ཀྱི་ལྟུང་བྱེད་དུ་འགྱུར་ཞེ་ན། དེའི་ཕྱིར་རྩེ་བ་ཉིད་ནའོ་ཞེས་བྱ་བ་སྨོས་སོ། །དེ་རྣམ་པ་གང་གིས་ཡིན་ཞེ་ན། རྩེ་བའི་ངོ་བོ་བསྟན་པའི་ཕྱིར་གཞན་ལ་གཏོང་བས་ཟླ་བ་དང་ཉི་མ་དང་མགལ་མེའི་འཁོར་ལོ་ལ་སོགས་པ་བྱེད་པས་སོ་ཞེས་བྱ་བ་
[241a]
[241a.1]སྨོས་སོ། །ཅི་ཞིག་རྩེ་བ་ལ་ཞེ་ན། དེའི་ཕྱིར་མེའི་ཞེས་བྱ་བ་སྨོས་སོ། །ཅི་རྩེ་བ་འབའ་ཞིག་ལ་ལྟུང་བ་འདིར་འགྱུར་རམ་ཞེ་ན། དེའི་ཕྱིར་དུས་བྱིན་གྱིས་མ་བརླབས་#པའི་དགེ་སློང་ན་བའི་དབང་ཉིད་དུ་གནས་པ་མ་ཡིན་པས་རེག་ནའོ་ཞེས་བྱ་བ་སྨོས་ཏེ། མེ་ལ་ཞེས་བྱ་བར་སྦྱར་རོ། །
[241a.2]ཇི་ལྟར་རེག་ན་ཞེ་ན་དེའི་ཕྱིར་རང་ངམ་བསྒོ་བས་སོ་ཞེས་བྱ་བ་སྨོས་ཏེ#། ཅི་རྩེ་བས་རེག་པ་#འབའ་ཞིག་ལ་ལྟུང་བ་#འདིར་འགྱུར་རམ་ཞེ་ན་དེའི་ཕྱིར། སྦར་བ་དང་གསོད་པ་དང་རེག་པ་དང་མ་རེག་པའི་བུད་ཤིང་བསྐུལ་བ་དང་བཅས་པ་འདྲེན་པ་དང་མ་དག་མ་སྤུང་བ་དང་འབྲུ་བ་དག་ལའོ་ཞེས་བྱ་བ་སྨོས་སོ། །དུས་
[241a.3]བྱིན་གྱིས་མ་བརླབས་པའམ་ན་བའི་དབང་ཉིད་དུ་གནས་པ་མ་ཡིན་པའི་རང་ངམ་བསྒོ་བས་ཞེས་བྱ་བར་སྦྱར་རོ། །མེ་སྦར་ཏམ་གསོད་དམ་#མེས་རེག་པའི་བུད་ཤིང་བསྐུལ་ཏམ། མེས་མ་རེག་པའི་བུད་ཤིང་བསྐུལ་ཏམ། མེ་དང་བཅས་པའི་བུད་ཤིང་འདྲེན་ཏམ་བསྐུལ་ཏམ། མདག་མ་སྤུངས་སམ་#འབྲུ་བར་བྱེད་པ་
[241a.4]འདི་རྣམས་ལ་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་མེ་སྦར་བར་བྱེད་ན་དེས་དུས་བྱིན་གྱིས་བརླབ་པར་བྱའོ། །བྱིན་གྱི་མ་བརླབས་#པར་སྦར་བར་བྱེད་ན་ལྟུང་བྱེད་དོ་ཞེས་གསུངས་པ་ཡིན་ནོ། །སྦར་ཏམ་#གསོད་པ་དག་ལ་ནི་འདི་ཡིན་ཏེ། བུད་ཤིང་མེས་རེག་པ་བསྐུལ་ཏམ། མས་#མ་རེག་པའི་
[241a.5]བུད་ཤིང་བསྐུལ་ཏམ། མེ་དང་བཅས་ཤིང་འབྲེལ་པའི་བུད་ཤིང་ཕྱིར་དྲངས་སམ། མདག་མ་དག་སྤུངས་སམ་དེ་བཞིན་དུ་མགལ་བར་སྐུལ་#བར་བྱེད་དམ། མགལ་བ་འདྲེན་པར་བྱེད་དམ། ཤིང་འཛུད་པར་བྱེད་ན་ཐམས་ཅད་ལྟུང་བྱེད་དོ་ཞེས་གསུངས་པ་ཡིན་ནོ། །མེས་མ་རེག་པའི་བུད་ཤིང་
[241a.6]བསྐུལ་ཏམ་ཞེས་བྱ་བ་གཞན་ཀློག་པ་འདི་བུད་ཤིང་བསྐུལ་བར་གྱུར་ན་ལྟུང་བྱེད་དུ་འགྱུར་རོ་ཞེས་སྨོས་པ་དང་། འདིར་རང་གིས་བསྐུལ་བ་ལ་ནི་ལྟུང་བ་མེད་དོ་ཞེས་བྱ་བ་དང་། འདིར་གཞན་ལ་བསྒོ་#བ་ཞེས་བྱ་བ་མདོའི་ཚིག་ལས་རྟོགས་#པར་བྱའོ། །མེ་མ་#མུར་ནི་ཕྱེད་ཤི་བ་ཉིད་དོ་ཞེས་བྱ་བ་ཉེས་བྱས་བྱེད་པ་པོ་
[241a.7]ཉིད་ཡིན་ནོ་ཞེས་བྱ་བའི་དོན་ཏོ། །འདིར་གཞུང་ནི་མེ་མ་#མུར་ལ་རེག་ན་ཉེས་བྱས་སོ་ཞེས་གསུངས་པ་ཡིན་ནོ། །མེ་ལྕེ་དག་ཀྱང་ངོ་ཞེས་བྱ་བ་ལ། ཡང་གི་སྒྲས་#ནི་ཕྱེད་ཤི་བ་ཉིད་ཅེས་བྱ་བའི་རྗེས་སྙེགས་#པའི་ཕྱིར་སྨོས་སོ། །འདིར་གཞུང་ནི་མེ་མ་#མུར་ལ་རེག་ན་ཉེས་བྱས་སོ་ཞེས་གསུངས་པ་ཡིན་ནོ། །འདིར་
[241b]
[241b.1]གང་ཞིག་མེ་མ་#མུར་དང་མེ་ལྕེ་རྣམས་ལ་དེར་བུད་ཤིང་འཛུད་པ་#དང་འབྱིན་པ་ནི་མེ་གཞན་གྱི་ཉེས་པ་ཁོ་ན་ཡིན་གྱི་དེར་ཅི་ཞིག་འདིར་བྱས་པས་ཉེས་བྱས་སུ་རྟོགས་པར་བྱ་ཞེས་བྱ་བ་འདིར་སྟོན་པ་ནི་དེར་བུད་ཤིང་འཇུག་པ་དང་འབྱིན་པ་ནི་མེ་གཞན་གྱི་#ཉེས་པ་ཡིན་ནོ་ཞེས་བྱ་བ་སྨོས་ཏེ། མེ་གཞན་དུ་འཛུད་པ་ནི་འདི་ཡིན་ཏེ།
[241b.2]མེ་མ་#མུར་དང་མེ་ལྕེའི་འཇུག་པ་ནི་མ་ཡིན་ནོ། །དེ་ལྟ་བས་ན་དེའི་དབང་གིས་འདིར་ལྟུང་བ་འབྱུང་བ་མ་ཡིན་ནོ། །མེ་གཞན་གྱི་དབང་ཁོ་ནར་ལྟུང་བར་འགྱུར་ཞེས་བྱ་བའི་དོན་ཏོ། །འདིར་འཛུད་པ་ལ་ནི་ལྟུང་བྱེད་དུ་ཤེས་པར་བྱའོ། །སྐྲ་དང་ཁ་#སྤུ་དང་སེན་མོ་དང་མཆིལ་མ་དང་སྣབས་དང་སྐྱུགས་པ་དང་
[241b.3]རླུགས་པ་དང་། མོན་སྲན་སྡེའུ་དང་། མོན་སྲན་གྲེའུ་དང་ཏིལ་དང་འབྲུ་མར་དང་སྦྲང་རྩི་དང་མར་དག་ནི་བུད་ཤིང་གི་ཕྱེད་ཉིད་དོ་ཞེས་བྱ་བ་སྨོས་ཏེ། བུད་ཤིང་གི་ཕྱེད་དུ་གྱུར་པ་འདི་རྣམས་ལ་ནི་ཉེས་བྱས་ཏེ། འདི་རྣམས་ལ་#ནི་འཇོག་པ་དང་འདོན་པ་#དག་ལ་ཞེས་བྱ་བའི་དོན་ཏོ། །ཀློག་པ་ཁ་ཅིག་ལས་དགེ་སློང་གིས་
[241b.4]མེའི་ནང་དུ་སྐྲ་དང་སྤུ་དང་རུས་པ་དང་སེན་མོ་དག་འཇུག་ན་ཉེས་བྱས་སོ་ཞེས་གསུངས་པ་ཡིན་ནོ། །གཞན་དུ་ན་ཡང་མེའི་ནང་དུ་མཆིལ་མ་དང་སྣབས་དང་སྐྱུགས་པ་དང་རླུགས་པ་དག་འཛུད་ན་ཉེས་བྱས་སོ་ཞེས་གསུངས་པ་དང་། ཞུ་བ་ལས་ཀྱང་བཙུན་པ་རེ་ཞིག་དགེ་སློང་གིས་ཏིལ་མར་དང་མོན་སྲན་སྡེའུ་དང་། མོན་
[241b.5]སྲན་གྲེའུ་ཞུགས་སུ་གསོལ་ན་ལྟུང་བ་ཅིར་འགྱུར། ཉེས་བྱས་སོ། །ཀློག་པ་ཁ་ཅིག་ལས་བཙུན་པ་#རེ་ཞིག་དགེ་སློང་གིས་མར་དང་འབྲུ་དང་སྦྲང་རྩི་ཞུགས་སུ་སྩོལ་ན་ལྟུང་བ་ཅིར་འགྱུར། ཉེས་#བྱས་སོ་ཞེས་བྱ་བའི་དོན་ཏོ། །དེ་བཞིན་དུ་རུས་པ་དང་མཆིལ་མ་བསྲེགས་#ན་ཉེས་བྱས་སོ་ཞེས་གསུངས་པ་ཡིན་#ཏེ།
[241b.6]དེ་དག་ནི་བསྡུས་ནས་སྨྲས་སོ། །དེ་དག་ཀྱང་དཔེ་ཙམ་དུ་ཟད་དེ་རྩྭ་དང་ཤིང་དང་རས་བལ་དང་བལ་དུ་གྱུར་པ་ཡང་དེ་དང་འདྲ་བར་བཅས་པའི་ཆོས་ཅན་ནོ། །གཞན་གྱི་བྱ་བ་གཞན་ལ་བྱིན་གྱིས་རློབ་#པ་ནི་ཕྱེད་བྱིན་གྱིས་བརླབས་པ་ཡིན་ནོ་ཞེས་བྱ་བ་ལ། འདི་ནི་དོན་ཇི་ལྟ་བར་བྱིན་གྱིས་བརླབ་པར་བྱ་བ་མ་
[241b.7]ཡིན་ཏེ། དེ་ལྟ་བས་ན་འདི་ནི་ན་སྨད་པ་ཡིན་ནོ། །འདིར་གཞུང་ལ་ལ་དག་ལས་ནི་འདི་སྐད་ཅེས་དགེ་སློང་གིས་#མཁན་པོའི་བྱ་བ་ལ་མེ་ལ་རེག་ཅིང་སློབ་དཔོན་ལ་བྱིན་གྱིས་རློབ་པར་བྱེད་ན་ཉེས་བྱས་སོ། །ཆོས་ཀྱི་བྱ་བས་དགེ་འདུན་ལ་བྱིན་གྱིས་རློབ་པར་བྱེད་ན་ཉེས་བྱས་སོ། །ཐམས་ཅད་ཕྱིན་ཅི་ལོག་ཏུ་
[242a]
[242a.1]བྱིན་གྱིས་རློབ་པར་བྱེད་ན་ཉེས་བྱས་སོ་ཞེས་གསུངས་པ་ཡིན་ནོ། །མེ་ལ་རེག་པའི་ལྟུང་བྱེད་དོ།། །།ཅི་ཞིག་བྱས་ན་དད་པ་ཕྱིར་བསྒྱུར་བའི་ལྟུང་བྱེད་དུ་འགྱུར་ཞེ་ན། དེའི་ཕྱིར་དགེ་སློང་གི་དོན་གྱི་ཆེད་ཀྱི་ལས་བྱས་པ་ལ་དད་པ་ཕུལ་བའི་ཕྱིར་བསྒྱུར་བའི་ཕྱིར་སྨྲས་ནའོ་ཞེས་བྱ་བ་སྨོས་
[242a.2]སྟེ(ཏེ)། དགེ་སློང་དང་འབྲེལ་པའི་དོན་གྱིས་དགོས་པ་གང་ཡིན་པ་དེ་ནི་དགེ་སློང་གི་དོན་ཏོ། །དོན་དེའི་ཕྱིར་ལས་བྱས་པ་གང་ཡིན་པ་དེ་ནི་དགེ་སློང་གི་དོན་ཆེད་དོ། །དོན་གྱི་ཆེད་དེ་ལ་གསོལ་བ་དང་བརྗོད་པ་དང་དགག་དབྱེ་དང་བསྒོ་བའི་བདག་ཉིད་ཀྱིས་#ལས་བྱས་པ་གང་ཡིན་པ་དེ་དོན་གྱི་ཆེད་ཀྱི་#ལས་སོ། །
[242a.3]ལས་དེ་བྱས་པ་ལ་ཞེས་བྱ་བ་ནི་བྱས་ཟིན་པ་ལའོ། །ལས་བྱས་པ་དེ་ལ་དད་པ་ཕུལ་བ་ཕྱིར་བསྒྱུར་བའི་ཕྱིར་སྨྲས་པ་ནི་དགེ་སློང་དད་པ་སླར་བྱིན་ཅིག །ཁྱོད་ལ་མི་སྦྱིན་ནོ་ཞེས་དེ་སྐད་#ཟེར་ཞིང་ཕྱིར་འཕྲོག་པ་སྟེ། དེ་བས་ན་དད་པ་#ཕྱིར་བསྒྱུར་བའི་ལྟུང་བྱེད་དུ་འགྱུར་རོ་ཞེས་བྱ་བའི་དོན་ཏོ། །ཚོགས་པ་འདི་འཇིག་#
[242a.4]པ་དགེ་འདུན་འབྱེད་#པ་ཞེས་བྱ་བའི་#ཁ་ན་མ་ཐོ་བའོ། །དད་པ་ཕྱིར་བསྒྱུར་བའི་ལྟུང་བྱེད་དོ།། །།ཟླ་བ་དང་ཉི་མ་མ་གཏོགས་པའི་སྣང་བ་དང་བཅས་པའི་གནས་ཀྱི་ཕྱོགས་སུ་ཉལ་བར་མི་བྱའོ་ཞེས་བྱ་བ་ནི། ཟླ་བ་དང་ཉི་མ་དག་མ་གཏོགས་པའི་སྣང་བ་ཟླ་བ་དང་ཉི་མ་དག་ལས་གཞན་པའི་སྣང་
[242a.5]བ་ཁྱིམ་གྱི་ཕྱོགས་གང་ན་ཡོད་པ་དེར་རོ། །ཁྱིམ་དེ་ནི་དེར་གང་ཞིག་སླར་བཀབ་པ་དང་ཡོངས་སུ་བསྐོར་བ་ཁྱིམ་གྱི་ཐ་མར་ཞེས་བྱ་བ་འདི་འཇུག་པས་ཁྱིམ་འདིའི་ངོ་བོ་རིག་པར་བྱའོ། །འདི་ཕྱོགས་ཀྱི་ཚིག་ནི་ཕྱོགས་གང་ན་སྣང་བ་མེད་པ་དེར་ཉལ་བ་ལ་ནི་ཉེས་པ་མེད་དོ་ཞེས་བྱ་བར་སྟོན་ཏོ། །ཕྱོགས་དེ་ལས་
[242a.6]གཞན་དུ་ནི་ལྟུང་བ་མེད་ཅེས་བྱ་བའི་དོན་འདི་བསྒྲུབ་པའི་དོན་དུའོ། །འོ་ན་འདི་ལྟར་སྣང་བ་དང་བཅས་པ་ཉིད་ལ་ཕྱོགས་གཅིག་ཏུ་སྣང་བ་དང་བྲལ་བའི་ཕྱོགས་ལ་སྣང་དུ་རུང་བ་ཉིད་ཡོད་དོ་ཞེ་ན། བདེན་མོད་ཀྱི་འོན་ཀྱང་འདི་ནི་ལོངས་སྤྱོད་ཅན་གྱི་ཡོ་ལང་སྤང་བའི་ཕྱིར་ཡིན་གྱི། ལྟ་བའི་ཕྱིར་བཀག་པ་ནི་མ་ཡིན་
[242a.7]ནོ། །འདིར་གླེང་གཞི་ནི་གཙོ་བོ་མ་ཡིན་ཏེ། ཟླ་བ་དང་ཉི་མ་དག་ལས་སྤང་བ་མ་ཡིན་པ་ཉིད་བརྗོད་པའི་ཕྱིར་རོ། །ཉལ་བར་མི་བྱའོ་ཞེས་བྱ་བ་ནི་གཉིད་ལོག་པ་ལས་འདའ་བར་བྱ་སྟེ། དེ་ཉལ་ན་མཚན་མོའི་མཐར་ནི་དངོས་གཞིར་འགྱུར་བའི་ཉེས་བྱས་སོ། །མདུན་རོལ་དུ་ནི་སྦྱོར་བར་འགྱུར་བའི་
[242b]
[242b.1]ཞེས་བྱ་བ་འདི་འདིར་རྟོགས་པར་བྱའོ། །ཅི་རྣམ་པ་ཐམས་ཅད་ཉིད་ཀྱིས་དེ་ལྟ་ཡིན་ནམ་ཞེ་ན། དེའི་ཕྱིར་ནད་པ་དང་། ནད་གཡོག་གི་དབང་ཉིད་མ་གཏོགས་སོ་ཞེས་བྱ་བ་སྨོས་ཏེ། ནད་པའི་དབང་ཉིད་དང་ནད་གཡོག་གི་དབང་ཉིད་ཀྱིས་དེར་ཉལ་བ་ནི་མ་གཏོགས་སོ། །འདི་ལ་ཁ་ཅིག་ནི་ལྟུང་
[242b.2]བྱེད་ཅེའོ་ཞེས་བྱ་བ་ནི་འདིར་སྣང་བ་དང་བཅས་པའི་ཁྱིམ་གྱི་ཕྱོགས་སུ་ཉལ་བ་འདི་ལ་འདུལ་བ་འཛིན་པ་ཁ་ཅིག་ནི་ལྟུང་བྱེད་དུ་འདོད་དོ། །དེ་ནི་མི་རིགས་ཏེ་བསྙེན་པར་མ་རྫོགས་པ་དང་ལྷན་ཅིག་ཏུ་#ཉལ་ན་ཞེས་སྨོས་པ་ཡིན་ཏེ། དེ་བས་ན་དགེ་སློང་གིས་སྣང་བ་དང་བཅས་པའི་གནས་སུ་བསྙེན་པར་མ་
[242b.3]རྫོགས་པ་དང་ལྷན་ཅིག་ཉལ་བར་མི་བྱའོ། །ཉལ་ན་ལྟུང་བྱེད་དོ། །འདིར་གཞུང་ནི་ཀློག་པ་ཁ་ཅིག་ལས་བསྙེན་པར་མ་རྫོགས་པ་དང་ལྷན་ཅིག་ཉལ་བ་འདི་ལ་དེའི་འོག་ཏུ་ལྟུང་བྱེད་བཅའ་བར་མཛད་དེ། འདིར་སྣང་བ་དང་བཅས་པར་འཇུག་པ་འདི་ལ་བསྙེན་པར་མ་རྫོགས་པ་དང་ལྷན་ཅིག་ཉལ་
[242b.4]བ་བསྡུས་པ་ནི་མ་ཡིན་ཏེ། རིགས་ཐ་དད་པ་ཉིད་ཀྱི་ཕྱིར་རོ། །འདིར་ལྟུང་བྱེད་རྣམས་མི་རིགས་པས་འདི་དང་འབྲེལ་པའི་ལྟུང་བྱེད་དུ་རྣམ་པར་གཞག་པར་འགྱུར་བ་མ་ཡིན་ནོ། །ཉལ་བ་མ་ཡིན་པ་ནི་ཕྱེད་ཉིད་དོ་ཞེས་བྱ་བ་ནི་འདི་དག་ཐམས་ཅད་བསླབ་པའི་གཞི་རྣམས་ལ་དང་པོར་ཉལ་བ་དང་། བསླབ་
[242b.5]པའི་གཞི་རྣམས་ལ་ཉལ་བ་མ་ཡིན་པ་ལས་གཞན་པའི་སྤྱོད་ལམ་ལ་ནི་ཕྱེད་ཉིད་ནི་ན་སྨད་པ་བྱེད་པ་ཉིད་དོ། །ཉལ་བ་མ་ཡིན་པ་ལ་ཤིན་ཏུ་མ་ཆོག་པ་ཉིད་དེ་སྣང་བ་དང་གཉིད་འདའ་བར་བྱེད་པ་དང་མཚན་མོའི་མཐའ་ནི་ཉེས་བྱས་སོ། །བསྙེན་པར་མ་རྫོགས་པ་དང་བཅས་པའི་དགེ་སློང་ལ་ནི་ཉེས་བྱས་སོ། །
[242b.6]བསྙེན་པར་མ་རྫོགས་པ་ལ་སོགས་པ་དང་ལྷན་ཅིག་ཏུ་ཉལ་བ་ལ་ལྟུང་བྱེད་དུ་མི་འགྱུར་ཏེ། ཉལ་བ་བརྟག་པར་བྱའོ་ཞེས་བྱ་བ་ལ་ཉལ་བའི་ཚིག་འདི་ནི་འདིར་གཞུང་ངོ་། །གང་གི་ཕྱིར་འདུག་པ་ལ་ནི་ཉལ་བའི་ཚིག་འཇུག་#པ་ཡིན་ཏེ། རྨི་ལམ་དུ་གཉིས་པོ་ཡང་འདིར་ཡན་ལག་དང་ཡན་ལག་ཅན་དུ་གྱུར་པ་
[242b.7]མངོན་པར་འདོད་པ་སྟེ། དེ་ལྟར་ཡང་བུད་མེད་དང་ལྷན་ཅིག་ཏུ་ཉལ་བ་ལ་ནི་དབུགས་ཕྱུང་བ་དགེ་སློང་ཡིད་བརྟན་པ་མི་འཇོག་པར་གློས་འབེབས་སམ། གཉིད་ལོག་པར་བྱེད་ན་ཞེས་བྱ་བའི་ཡན་ལག་གཉིས་གསུངས་སོ། །ཉིན་མོ་ཐ་དད་པ་ཉིད་ཀྱང་ངོ་ཞེས་བྱ་བ་ནི་དེ་ཡང་ཕྱེད་ཉིད་དེ་#ཞེས་བྱ་བའི་རྗེས་
[243a]
[243a.1]སྙེག་#པའི་ཕྱིར་ཀྱང་ངོ་ཞེས་བྱ་བའི་སྒྲ་སྨོས་སོ། །ཉིན་མོའི་འཇུག་པ་ལ་དེའི་རིགས་དང་མི་ལྡན་པ་མ་ཡིན་པ་ཞེས་བྱ་བ་འདིར་ཉེས་པ་དང་ལྡན་པ་ཉིད་ཤེས་པའོ། །སྣང་བ་ལ་ཡང་འདིར་ནི་ཉི་མའི་སྣང་བ་ཞེས་བྱ་བའི་ཚིག་གིས་སོ། །གང་གི་ཕྱིར་མཚན་མོ་ཉི་མའི་སྣང་བ་མེད་པས་
[243a.2]སོ། །དེ་བས་ན་འདིས་ཉིན་མོ་ཡང་སྣང་བ་དང་བཅས་པར་ཉལ་བས་#ལྟུང་བ་བསྟན་པར་འགྱུར་རོ། །འཇུག་པ་འདི་གང་དེ་དང་འདྲ་བ་ཉིད་ནི་བསྙེན་པར་མ་རྫོགས་པ་དང་ལྷན་ཅིག་ཏུ་ཉལ་བ་དང་བུད་མེད་དང་ལྷན་ཅིག་ཏུ་ཉལ་བའོ། །དེ་ལྟ་#བས་ན་འདིར་ཡང་ཉིན་མོ་ཡང་ལྟུང་བ་བསྐྱེད་པར་ཤེས་པ་ཡིན་ནོ། །
[243a.3]ཕལ་ཆེར་གཡོགས་པ་དང་བསྐོར་བ་ནི་གནས་ཀྱི་མཐའ་ཡིན་ནོ་ཞེས་བྱ་བ་ནི་གང་ཞིག་སླར་གཡོགས་པ་དང་གང་ཞིག་སླར་བསྐོར་བ་འདི་ནི་གནས་ཀྱི་མཐའ་ཡིན་ནོ། །དེ་ཡང་ཐམས་ཅད་པས་དམན་པའི་གནས་དང་འདིའི་ཕྱོགས་གཅིག་མ་གཡོགས་པ་གང་ཡིན་པ་དེ་ཡང་གནས་ཉིད་དོ། །ཅུང་ཟད་
[243a.4]གཡོགས་ཤིང་ཐམས་ཅད་དུ་བསྐོར་བ་ལ་#གཡོགས་པ་ལ་ཡང་མ་ཡིན་ནོ་ཞེས་བྱ་བ་འདིས་བྱས་པར་རིག་པར་བྱའོ། །གནས་ནི་རྣམ་པ་བཞི་སྟེ་ཐམས་ཅད་གཡོགས་ཤིང་ཐམས་ཅད་བསྐོར་བ་དང་། ཕལ་ཆེར་གཡོགས་ཤིང་ཐམས་ཅད་བསྐོར་བ་དང་། གང་ཞིག་ཐམས་ཅད་གཡོགས་ཤིང་ཕལ་
[243a.5]ཆེར་བསྐོར་བ་ནི་བསྒོ་བཅུ་པའམ་སྒོ་#བཅུ་གཉིས་པ་དང་། ཕལ་ཆེར་གཡོགས་ཤིང་ཐམས་ཅད་བསྐོར་བ་ཁྱམས་ངོས་བཞི་པ་དང་། གང་ཞིག་ཕལ་ཆེར་གཡོགས་ཤིང་ཕལ་ཆེར་བསྐོར་བ་ཁྱམས་ངོས་གསུམ་པའམ་འཁོར་གྱི་ཁྱམས་ལྟ་བུའོ་ཞེས་གསུངས་པ་ཡིན་ནོ། །གང་གིས་ངོས་བཞི་ལ་ཡང་བསྐོར་བ་
[243a.6]དང་འབྲེལ་པའི་ངོས་ཡོད་པ་དབུས་ན་མེད་པ་དེ་ནི་#ཁྱམས་ངོས་བཞི་པའོ། །གང་གིས་ངོས་གསུམ་དང་དབུས་སུ་ངོས་གཅིག་གིས་གཡོགས་པ་ལ་བསྐོར་བ་མེད་པ་དེ་ནི་ཁྱམས་ངོས་གསུམ་པའོ། །ད་#ལྟ་བས་ན་རྣམ་པ་བཞི་པོ་འདི་བསྡུ་བའི་ཕྱིར་#མཐར་ཐུག་ན་ཞེས་སྨོས་སོ། །དེའི་སྒོའི་ངོས་དང་འབྲེལ་པའི་ཉེ་
[243a.7]འཁོར་གྱི་གནས་སུ་གྱུར་པ་ནི་དེའི་ཁོངས་སུ་གཏོགས་པ་ཉིད་ཡིན་ནོ་ཞེས་བྱ་བ་ལ། སྒོ་ཡོད་པ་དེའི་གནས་སུ་གྱུར་པ་ནི་འབྲེལ་པ་སྟེ། དེའི་ཉེ་འཁོར་གང་ཡིན་པ་དེ་ལ་དེའི་གནས་སུ་གྱུར་པ་ཉིད་ནི་གཅིག་ཏུ་གྱུར་པ་ཉིད་དོ། །གནས་དེས་ཀུན་ནས་ཡོངས་སུ་བསྐོར་བའི་ཁྱམས་རིམ་པ་གསུམ་པ་ལ་ངོས་
[243b]
[243b.1]གཡོགས་པ་གང་ཡིན་པ་དེ་ལྟ་བུར་གྱུར་པ་ནི་ཉེ་འཁོར་རོ། །དེ་ལ་འདི་དང་ལྷན་ཅིག་གཅིག་#པ་ཉིད་ནི་གཅིག་པར་གྱུར་པ་ཉིད་དུ་ཤེས་པར་བྱ་བ་ཡང་མ་ཡིན་ནོ། །འདིར་ཚིག་ནི་ཉེ་འཁོར་དོར་ལ་#བྱའོ་ཞེས་གསུངས་པ་ཡིན་ནོ། །འདིར་དེའི་དོན་རྣམ་པར་གནས་པ་ཡིན་ཏེ། གཙུག་ལག་ཁང་གི་ཁྱམས་ཀྱི་
[243b.2]ཕྱིར་འདི་གསུངས་པ་ཡིན་ཏེ། གནས་མ་ཡིན་པར་གྱུར་པ་ལ་ནི་གནས་ཉིད་རིགས་པ་མ་ཡིན་གྱི། ཉེ་འཁོར་དང་བཅས་པ་ཉིད་ལྷན་ཅིག་ཏུ་གནས་པ་ཉིད་འགྱུར་བ་ཡིན་ཏེ། དེ་ལྟ་བས་ན་འདིར་འདི་རྣམ་པར་གཞག་པའོ། །ཉེ་འཁོར་དུ་བཅས་པ་མ་ཡིན་པ་ཉིད་ལ་ཉེ་བར་བརྟེན་པ་ཉིད་ལ་ཡང་འདི་དང་གཞན་ཡོད་
[243b.3]པ་ཡིན་ཏེ། གནས་ཐ་དད་པ་ཉིད་ཀྱི་ཕྱིར་རོ། །ཁྱེར་གཞན་བར་དུ་མ་ཆོད་པ་སྒོ་དེ་དང་འབྲེལ་པ་ཡང་ཞེས་བྱ་བ་ནི་ཁྱེར་གཞན་ནི་གང་ཞིག་གནས་སུ་གྱུར་པ་འབྲེལ་པ་བར་དུ་མ་ཆོད་པ་ཁྱེར་ཏེ་དེ་ལ་ཁྱེར་གཞན་དང་མ་འདྲེས་པ་དེ་ལ་ཡང་གལ་ཏེ་ཡོད་ན་དེ་དང་འབྲེལ་པའི་སྒོ་གཞན་དུ་ཟིན་ཀྱང་དེ་དང་འབྲེལ་
[243b.4]པ་ཉིད་ནི་གཅིག་པར་འགྱུར་བ་ཉིད་དེ། ཁྱེར་གཞན་དང་ལྷན་ཅིག་ཏུ་ཞེས་བྱ་བའི་དོན་ཏོ། །ཉེ་འཁོར་གྱི་རྣམ་པ་ཉིད་ཀྱིས་འདི་ལ་དེ་དང་འབྲེལ་པ་ཉིད་ཤེས་པ་ཡིན་ཏེ་ཁྱེར་གཞན་ལ་ནི་མ་ཡིན་ནོ། །ཁྱེར་གཞན་གྱིས་བར་དུ་ཆོད་པ་ནི། གང་ཞིག་འདི་ལ་བར་དུ་ཆོད་པ་ཉིད་དེ་ལ་ཉེ་འཁོར་གྱི་རྣམ་པ་ཉིད་དོ། །དེ་
[243b.5]བས་ན་འདི་ལ་དེ་དང་འབྲེལ་པ་ཉིད་ནི་མ་ཡིན་ནོ། །ཉེ་འཁོར་དང་བཅས་པ་ནས་གནས་ཁང་ཙམ་གྱི་ཕ་རོལ་ན་ཐ་དད་པར་གྱུར་ཅིང་གནས་པ་མ་ཡིན་ནོ་ཞེས་བྱ་བ་ལ། ཉེ་འཁོར་དང་བཅས་པའི་གནས་ལ་ཚད་གང་ཡིན་པ་དེ་ཙམ་གྱི་བར་ནས་གཞན་ཐ་དད་པར་གྱུར་པ་གཅིག་གམ་དུ་མའི་གང་ཟག་གིས་ལྷག་པར་
[243b.6]གནས་པ་ལ་དེ་དང་འབྲེལ་པ་ཉིད་ནི་མ་ཡིན་ལ་གནས་ངེས་པ་མ་ཡིན་ཞེས་བྱ་བའི་དོན་ཏོ། །གཡོགས་པ་གཅིག་#ཆ་ཅན་བཀབ་པ་འདི་ཡིན་ཏེ་ཞེས་བྱ་བ་འདིར་ཧ་ཅང་ཐལ་བས་གནས་གཅིག་#ཉིད་དུ་རྟོགས་པ་ཡིན་ནོ། །འདིར་ཁུངས་ནི་འགྲོན་པ་ལས་ཕྱི་རོལ་དུ་འབྱུང་བར་མི་བྱ་བར་འདི་#འདི་ལྟར་འགྲོན་པ་དང་ཁོ་བོ་#
[243b.7]གཉིས་སུ་གཅད་#དོ་ཞེས་གསུངས་པ་ཡིན་ནོ། །གང་གི་ཕྱིར་འདི་ནི་མངོན་པར་སྐྱོབ་པའི་དབང་དུ་བྱས་པ་མ་ཡིན་ཏེ། འདི་ལ་ཉེས་པ་མེད་པའི་ཕྱིར་རོ། །ཐ་དད་པར་གྱུར་པ་བསྙེན་པར་མ་རྫོགས་པ་ལྷག་པར་གནས་པ་ཉིད་ནི་འདིར་གཙོ་བོ་མ་ཡིན་ཏེ། དུ་མ་ཉིད་ཀྱང་མ་ཡིན་ནོ། །དེ་ལྟ་བས་ན་གཅིག་ལ་ཡང་
[244a]
[244a.1]འདིར་འཕགས་པར་བྱས་པ་ཡིན་ནོ། །ཤིང་ལྗོན་པའི་དྲུང་དང་རྩིག་པའི་བར་དང་ཚང་ཚིང་གི་དྲུང་དག་ནི་ཕྱེད་ཉིད་དོ་ཞེས་བྱ་བ་ནི་གནས་ཀྱི་ཕྱེད་ཉིད་དེ་ཉེས་བྱས་སོ་ཞེས་བྱ་བའི་དོན་ཏོ། །འདིར་གཞུང་ནི་ཞུ་བ་ལས་བཙུན་པ་རེ་ཞིག་དགེ་སློང་ཤིང་ལྗོན་པའི་དྲུང་དུ་བསྙེན་པར་མ་རྫོགས་པ་དང་
[244a.2]ལྷན་ཅིག་མཆིས་ཤིང་ཉལ་བར་བགྱིད་ན་ལྟུང་བ་ཅིར་འགྱུར་ཉེས་བྱས་སོ། །དེ་བཞིན་དུ་རྩིག་པའི་བར་དང་དེ་བཞིན་དུ་ཤིང་དྲུང་དག་ཏུ་ཞེས་བྱ་བ་ནི་དཔེ་ཙམ་དུ་རིག་#པར་བྱའོ། །མ་བསྐོར་བ་དང་མ་བཀབ་པ་དང་བསྐོར་བའི་སྣ་མ་ཕྲད་པ་དང་གཅིག་གམ་གཉིས་སམ་བསྐོར་བའི་སྣ་མ་ཕྲད་པ་དང་། བྱ་སྐྱིབས་
[244a.3]དང་ཤིང་ལྗོན་པ་ལ་སོགས་པ་དག་ཀྱང་རྣམ་པ་འདི་བཞིན་དུ་ཤེས་པར་བྱའོ། །གང་གི་ཕལ་ཆེར་སྐོར་#བ་མེད་པ་དེ་ནི་འདིར་བར་དུ་བརྗོད་པར་རིག་པར་བྱའོ། །ཐིབས་པོ་དང་བཅས་པ་དག་བུད་མེད་དང་ལྷན་ཅིག་ཉལ་བ་ཡང་ངོ་ཞེས་བྱ་བ་ནི་ཐིབས་པོ་ཞེས་བྱ་བ་རྩྭའམ་#ནགས་སམ་འོད་མའམ་ཚེར་མ་ལ་
[244a.4]སོགས་པ་དང་བཅས་པ་དག་གི་#ནང་དུ་བུད་མེད་དང་ལྷན་ཅིག་ཉལ་ཡང་ཉེས་བྱས་ཉིད་དེ་ཤིང་གི་རྩ་བ་གཅིག་པུར་མ་ཡིན་ཞེས་བྱ་བའི་དོན་ཏོ། །ཀུན་ནས་ཡོངས་སུ་བསྐོར་བ་ལ་ཡང་མ་གཡོགས་པ་དང་གསང་བར་གྱུར་པ་གཞན་དག་ཀྱང་འདིར་འཕངས་པར་རིག་པར་བྱའི། ཉེ་འཁོར་དང་བཅས་པ་གནས་
[244a.5]པ་#ཙམ་ལས་གཞན་ཐ་དད་པར་གྱུར་པ་ལྷག་པར་གནས་པ་ལ་ནི་མ་ཡིན་ནོ་ཞེས་གསུངས་པ་ཡིན་ནོ། །དེ་བུད་མེད་དང་ལྷན་ཅིག་ཉལ་བ་ལ་དམིགས་ཀྱིས་བསལ་བའི་བྱེ་བྲག་གང་ཞིག་བསྟན་པའི་ཕྱིར་འདི་ལ་ནི་བྱ་གག་འཕུར་ནས་བབ་#པའི་ལམ་གྱིས་བར་དུ་#ཆོད་པར་གྱུར་པ་ཉིད་ཡིན་ནོ་ཞེས་བྱ་བ་སྨོས་ཏེ། བྱ་གག་
[244a.6]འཕུར་ནས་བབ་#པའི་བར་གྱི་ལམ་གང་ཡིན་པ་དེ་ལ། འདིར་བུད་མེད་དང་ལྷན་ཅིག་བར་དུ་ཆོད་པར་གྱུར་པ་ཉིད་དོ། །ཉེ་འཁོར་དང་བཅས་#ནས་གནས་ཁང་ཙམ་གྱི་ཕ་རོལ་ན་ནི་མ་ཡིན་ཏེ། དེ་ཙམ་གྱི་བར་ཆད་ཀྱིས་#བར་དུ་ཆོད་པ་མེད་པ་དང་བར་དུ་ཆོད་པ་ལ་བར་དུ་མི་རྒྱུ་བའི་དབང་གིས་གནས་གཅིག་པ་
[244a.7]ཉིད་དུ་བརྟེན་པ་ཡིན་ནོ། །ཐ་དད་པར་གྱུར་པ་ཉིད་དུ་ལྷག་པར་གནས་པ་ཐ་དད་པར་གནས་པ་ཉིད་ཅེས་བྱ་བ་འདི་ལ་འདི་ནི་བྱེད་པ་པོའོ། །ནང་དུ་གཅིག་ཏུ་རྒྱུ་ཞིང་བར་ན་གནས་གཞན་མེད་པ་མ་ཡིན་པ་ཉིད་ལ་ནི་གཡོགས་པ་ཐམས་ཅད་གཅིག་#པ་ཉིད་ཡིན་ནོ་ཞེས་བྱ་བ་ནི་བར་ན་གནས་གཞན་མེད་པ་
[244b]
[244b.1]གཡོགས་པ་གང་ཡིན་པ་དེ་ནི་བར་ན་གནས་གཞན་མེད་པ་ཉིད་དོ། །གནས་མེད་པར་གྱུར་པའི་བར་དང་བྲལ་བ་ཞེས་བྱ་བའི་དོན་ཏོ། །འདིའི་#གང་སླར་གཡོགས་ཤིང་ཡོངས་སུ་བསྐོར་བའི་མཐར་ཐུག་པ་ཉེ་འཁོར་དུ་གྱུར་པ་མ་ཡིན་པའི་གནས་གཞན་ཐམས་ཅད་ལ་གནས་ཐ་དད་པ་ཉིད་མ་ཡིན་ནོ། །རྒྱུ་
[244b.2]བའི་གོ་སྐབས་གང་འདི་ལ་གནས་པ་#ཉིད་དུ་བྱེད་པའི་ཉེ་#འཁོར་དང་ལྡན་པ་ལ་ཕལ་ཆེར་ལ་གཡོགས་པ་ཉིད་ཀྱིས་གནས་གཞན་མ་ཡིན་པ་ཉེ་བར་མེད་པ་ཉིད་དོ། །གནས་མ་ཡིན་པར་གྱུར་པའི་བར་གྱི་དེ་ལ་ནང་དུ་རྒྱུ་བ་འདི་ཡོད་པ་ཡིན་ཏེ། འབྱུང་བ་ཉིད་ཀྱིས་ནི་གོ་སྐབས་དེ་འདིར་འཇུག་པ་ཉིད་ནི་མ་
[244b.3]ཡིན་ནོ། །དེ་དང་ལྷན་ཅིག་ཏུ་གནས་པ་ཉིད་དེ་དང་ལྷན་ཅིག་ཏུ་གང་གི་ཕྱིར་དེ་བརྗོད་པ་ཐམས་ཅད་ལ་གནས་མ་ཡིན་པར་གྱུར་པ་ཉིད་ལ་རྒྱུ་བའི་ལམ་པ་#ལའོ། །གལ་ཏེ་མ་ཡིན་ན་འདི་ལ་གཡོགས་པ་ཉིད་ལ་ནི་ལྟུང་བ་མེད་དོ། །གལ་ཏེ་གཡོགས་#པ་ཉིད་ཡིན་ན་ཉེས་བྱས་སུ་རིག་པར་བྱའོ། །ཁྱམས་ངོས་བཞི་
[244b.4]དང་གསུམ་པ་དག་ལ་ནོར་དག་ལ་བར་ཆོད་#དང་བཅས་པ་ཉིད་ཀྱིས་#ཉེས་བྱས་སུ་རིག་པར་བྱའོ། །རང་གི་ཆར་གཏོགས་པའི་སྒོ་བཅད་པ་ལ་ནི་ཉེ་འཁོར་ཡང་ཐ་དད་པ་ཉིད་དོ་ཞེས་བྱ་བ་ནི་ལྟུང་བ་འབྱིན་པ་པོའི་ཆར་གཏོགས་པའི་སྒོ་གང་ཡིན་པ་བཅད་པས་བཅད་པ་ཉིད་ཀྱི་སྒོ་དང་ཉེ་འཁོར་ལ་ཡང་འདིར་བུད་
[244b.5]མེད་དང་ལྷན་ཅིག་ཏུ་ཉལ་བ་ལ་ཐ་དད་པ་ཉིད་དོ། །ཁང་བཟངས་ཀྱི་ཕྱོགས་ཀྱི་གཞན་ལ་གནས་ཁང་གཞན་སྒོ་ཁང་དང་བང་རིམ་པ་#རྣམས་ལ་གོང་རིམ་#ཉིད་དུ་སྨོས་དགོས་སོ། །ལྟུང་བ་འབྱིན་པར་བྱེད་པ་དགེ་སློང་གིས་བསྲུངས་པ་ཉིད་ནི་དེ་དང་#འདྲའོ་ཞེས་བྱ་བ་ནི་ལྟུང་བ་འབྱིན་པར་བྱེད་པ་དགེ་སློང་གིས་
[244b.6]བསྲུངས་པ་ཉིད་དང་། བུད་མེད་ཀྱི་ཚོགས་ཀྱང་བདག་པོས་བསྲུངས་པ་ཉིད་དོ། །འདིར་བུད་མེད་དང་ལྷན་ཅིག་ཏུ་ཉལ་བ་གང་ཡིན་པ་དེ་རང་གི་ཆར་གཏོགས་པའི་སྒོ་བཅད་པས་བཅད་པ་ཞེས་བསྟན་པ་གང་ཡིན་པ་དེ་ནི་དེ་དང་འདྲ་བར་བལྟ་བར་བྱའོ། །འདི་ཡང་ཉེ་བར་སྤྱོད་པ་ལ་སོགས་པ་རྣམས་ལ་ཐ་དད་
[244b.7]པ་ཉིད་ཅེས་བྱ་བའི་དོན་ཏོ། །འདིར་གཞུང་ནི་དགེ་སློང་བང་རིམ་ཁ་ན་རྟག་ཏུ་ཉལ་བར་བྱེད་ཅིང་བུད་མེད་སྒོ་ཁང་ན་ཉལ་ན། དགེ་སློང་དེས་ཕྱི་སྒོ་གཅད་པར་བྱ་བའམ་དགེ་སློང་སྲུང་#མ་གཞག་པར་བྱའོ། །ཕྱི་སྒོ་གཅོད་#པར་མི་བྱེད་དམ་དགེ་སློང་སྲུང་#མ་འཇོག་པར་མི་བྱེད་པར་གློས་ཕབ་སྟེ་གཉིད་ལོག་པར་བྱེད་
[245a]
[245a.1]ན་ཇི་སྲིད་དུ་སྐྱ་རེངས་#མ་ཤར་གྱི་བར་དུ་ནི་ཉེས་བྱས་སོ། །སྐྱ་རེངས་#ཤར་ནས་ནི་ལྟུང་བྱེད་དོ། །བདག་པོས་བསྲུངས་པར་གྱུར་ན་ལྟུང་བ་མེད་དོ་ཞེས་བྱ་བ་འདི་ཡང་གསུངས་པ་ཡིན་ནོ། །གནས་ཐ་དད་པ་ཉིད་ལ་ནི་བདག་པོས་བསྲུངས་པ་ཉིད་ལ་ལྟུང་བ་མེད་པ་ཡིན་ནོ། །གནས་གཅིག་
[245a.2]པ་ཉིད་ལ་ནི་བདག་པོས་བསྲུངས་པ་ཉིད་ལ་ཡང་སྤྱོད་པ་ལས་བྱུང་བའི་ཆ་དང་། ལྷན་ཅིག་ཏུ་བུད་མེད་ལ་སོགས་པ་དང་འདུག་པའི་གེགས་བྱེད་པའི་བུད་མེད་དང་འབྲེལ་པའི་སྲུང་#མ་ཉིད་ལ་ཡང་ལྟུང་བ་མེད་པ་ཡིན་པས་དེའི་ཕྱིར་འདིར་བདག་པོས་བསྲུངས་པ་ཉིད་ནི་དེ་བཞིན་དུ་འདིར་ལྟུང་བས་གོ་བར་བྱེད་པའི་བློ་ལ་
[245a.3]སྐབས་མེད་དོ། །དེ་བས་ན་འདིར་ཡང་གནས་ཐ་དད་པ་ཉིད་ལ་བདག་པོས་བསྲུངས་པ་ཉིད་ལ་ལྟུང་བ་མེད་དོ། །འདིར་བདག་པོས་ཞེས་སྨོས་པ་ནི་དཔེ་ཙམ་དུ་ཟད་དོ། །རིམ་ཁང་གཞན་ལ་ནི་སྐས་སྟེང་དུ་བཏུལ་#བ་ཉིད་དོ་ཞེས་བྱ་བ་ནི། རིམ་ཁང་གི་ཁྱེར་གཞན་ལ་ནི་སྐས་སྟེང་དུ་བརྟུལ་བ་ཉིད་ཀྱང་ངོ་། །
[245a.4]རང་གི་#ཆར་གཏོགས་པའི་སྒོ་བཅད་པས་བཅད་པ་དང་འདྲ་བར་ལྟུང་བ་འབྱིན་པ་པོ་དགེ་སློང་གིས་བསྲུངས་པ་ཉིད་གཅིག་པུར་མ་ཟད་དེ། ཚོགས་ལ་བསྲུངས་པ་ཉིད་ཀྱང་ཞེས་བྱ་བའི་དོན་ཏོ། །གཞན་གནས་མ་ཡིན་པ་ཉིད་ལ་ནི་ན་སྨད་དོ་ཞེས་བྱ་བ་ནི་ཉེ་འཁོར་ལ་སོགས་པ་ལས་གཞན་དུ་གྱུར་པ་གང་ཡིན་པ་འདིར་
[245a.5]ཞུགས་པ་ཉིད་ཀྱིས་འདིར་བརྩམས་པ་ནི་གནས་མེད་པ་ཉིད་ལ་འདིར་ན་སྨད་པ་སྟེ། ཁ་ན་མ་ཐོ་བ་མེད་པ་ནི་མ་ཡིན་ནོ། །འདིར་གནས་སུ་གྱུར་པ་ཉིད་ལ་#ནི་ཉེས་བྱས་ཡོངས་སུ་རྫོགས་པ་ཉིད་དོ། །གཞན་ལ་ནི་ཉེས་བྱས་པར་འགྱུར་བ་ཡིན་ནོ། །ཅི་ཞིག་བྱས་ན་བསྙེན་པར་མ་རྫོགས་པ་དང་ལྷན་ཅིག་ཉལ་
[245a.6]བའི་ལྟུང་བྱེད་དུ་འགྱུར་ཞེ་ན། དེའི་ཕྱིར་བསྙེན་པར་མ་རྫོགས་པ་དང་ལྷན་ཅིག་ཏུ་མཚན་མོ་གསུམ་པ་ལ་ཉལ་ནའོ་ཞེས་བྱ་བ་སྨོས་ཏེ། འགལ་ཟླ་གཉིད་མ་ལོག་པ་ལ་དེ་དང་ལྷན་ཅིག་ཏུ་ཉལ་བ་བསྒྲུབ་པ་ཉིད་མ་ཡིན་ནོ། །དེ་བས་ན་དེ་དང་ལྷན་ཅིག་གཉིད་ལོག་པ་ལ་ནི་གཉིད་ཀྱི་ཁ་ན་མ་ཐོ་བ་ཉིད་དུ་བསྒྲུབ་
[245a.7]པའི་ཕྱིར་རོ། །གཅིག་ལ་ནི་ཉེས་བྱས་སོ། །སྤྱོད་ལམ་ནི་གཞན་གྱི་#འདིར་ལྟུང་བྱེད་དུ་རྟོགས་པར་བྱའོ། །གཉིད་མ་ལོག་པ་ལ་གཅིག་ཏུ་བསྒྲུབ་པ་ཉིད་ཀྱིས་འདི་ལྟ་བུར་གྱུར་པ་གང་ལ་གཞན་དང་འདྲ་བ་ལྷན་ཅིག་ཉལ་བ་ལ་ནི་ལྟུང་བ་མེད་དོ། །ཁ་ཅིག་ནི་གཞན་དུ་ཡང་དགེ་སློང་གཉིད་ལོག་པ་ཉིད་#ལ་ལྟུང་བ་
[245b]
[245b.1]མེད་དོ་ཞེས་འདོད་པ་དེ་ནི་མི་རིགས་ཏེ། འདུག་པ་ལ་ནི་སྐྱོན་མེད་པའི་ཕྱིར་དང་ཉམས་པ་མེད་པའི་ཕྱིར་ཏེ། དེ་བས་ན་འདུག་པ་ལ་བསྒྲུབ་པས་སོ། །མཚན་མོའི་དུས་ལ་ལྟུང་བྱེད་དུ་འགྱུར་ཞེ་ན། དེའི་ཕྱིར་མཐར་རོ་ཞེས་བྱ་བ་སྨོས་ཏེ། སྐད་ཅིག་གང་གི་#མཇུག་ཐོགས་སུ་སྐྱ་རེངས་#འཆར་བ་དེར་རོ་ཞེས་བྱ་བའི་དོན་
[245b.2]ཏོ། །འདིར་གཞུང་ནི་གནས་བཞི་པོ་དག་ཏུ་སྐྱ་རེངས་#འཆར་བར་བྱེད་ཅིང་། སྐྱ་རེངས་#ན་ལྟུང་བྱེད་དུ་འགྱུར་བ་ཁོ་ནར་གསུངས་པ་ཡིན་ནོ། །གང་ཞིག་ཇི་ལྟར་མཐར་རོ་ཞེས་བརྗོད་ཅེ་ན། ཉེས་པ་མེད་དེ། དེའི་ཕྱིར་#སྒོ་ནས་འདི་བསྟན་པར་ནུས་པའི་ཕྱིར་རོ། །མདུན་རོལ་དུ་ནི་ཉེས་བྱས་སོ་ཞེས་
[245b.3]བྱ་བ་ནི་མཐའ་མ་ལས་མདུན་རོལ་དུ་གསུམ་དུ་གཏོགས་པའི་གཉིད་ལོག་པ་ལ་ནི་ཉེས་བྱས་སོ། །ཉིན་མོ་ཐ་དད་པ་ཉིད་ཀྱང་ངོ་། །དེ་བས་ན་གཞན་དུ་ཞག་གཞན་ལ་ཉེས་བྱས་བསྐྱེད་པ་ཞེས་བྱ་བར་#རིག་པར་བྱའོ། །ལམ་གྱིས་དུབ་པ་རྨྱ་བ་ལ་ནི་ཉེས་པ་མེད་དོ་ཞེས་བྱ་བ་ནི་མདུན་རོལ་དུ་ནི་གཉིད་ལོག་པ་ལ་ཉེས་
[245b.4]པ་མེད་པ་ཉིད་ལ་འདིར་བསྒྲུབ་པའོ#། །གལ་ཏེ་བསྙེན་པར་མ་རྫོགས་པ་མེད་པའི་གནས་རྙེད་པ་མེད་ན་མཐར་ནི་ཉེས་པ་ཁོ་ནར་འགྱུར་ཞེས་ཤུགས་ཀྱིས་རྟོགས་པར་བྱའོ། །མཐར་ཡང་དེ་བཞིན་ནོ་ཞེས་བྱ་བ་ནི་དེ་ལྟར་ཡང་དེས་མདུན་རོལ་དུ་གཉིད་ལོག་པ་ཙམ་བྱས་སུ་ཟིན་ཀྱང་དེས་དུབ་པ་ལ་མཐར་ཡང་གཉིད་
[245b.5]ལོག་པ་ལ་ཉེས་པ་མེད་དོ། །དགེ་སློང་གིས་བྱར་མི་རུང་བ་ཡོད་ན་དེ་སྒྲུབ་པར་བྱེད་པ་དང་ལྷན་ཅིག་པའི་ནད་གཡོག་ལ་ཡང་ཞེས་བྱ་བ་ནི། དགེ་སློང་གིས་བྱར་མི་རུང་བ་བྱིན་པ་ལ་སོགས་པ་གང་ཡིན་པ་དེ་སྒྲུབ་པར་བྱེད་པའི་ཕྱིར་གང་ཞིག་དེར་འཛིན་པར་བྱེད་པར་གྱུར་པ་#དེ་ཡང་ལྷན་
[245b.6]ཅིག་ཏུ་ཉལ་བ་ལ་མདུན་རོལ་དང་མཐར་ཡང་ཉེས་པ་མེད་དོ། །དེར་ནད་པ་དང་ནད་གཡོག་ལ་ཉེས་པ་མེད་པ་ཁོ་ན་ཡིན་གྱི་#གཞན་ལ་ནི་མ་ཡིན་ནོ། །དགེ་ཚུལ་དང་ཡང་ངོ་ཞེས་བྱ་བ་ནི་དགེ་ཚུལ་དང་ལྷན་ཅིག་ཉལ་བ་ལ་མདུན་རོལ་དུ་མཐར་ཡང་ཉེས་པ་མེད་དོ། །གང་ལ་ཞེ་ན། དེའི་ཕྱིར་དེ་དང་
[245b.7]ལྡན་པ་ལའོ་ཞེས་བྱ་བ་སྨོས་ཏེ། དགེ་ཚུལ་དང་ལྡན་པ་ལའོ། །གནས་སྐབས་གང་གི་ཚེ་ཞེ་ན། དེའི་ཕྱིར་དགེ་སློང་སྡིག་ཅན་ཉེ་བར་གྱུར་པ་ཉིད་ནའོ་ཞེས་བྱ་བ་སྨོས་སོ། །ཅི་དེ་དང་ལྡན་པ་ཐམས་ཅད་ལའམ་ཞེ་ན། དེའི་ཕྱིར་དེ་སྤྱུག་#པ་ལ་འབད་པ་བྱས་སམ་བྱེད་པ་ལའོ་ཞེས་བྱ་བ་སྨོས་ཏེ། གང་གིས་དགེ་
[246a]
[246a.1]སློང་སྡིག་ཅན་དེ་སྤྱུག་པའི་ཕྱིར་འབད་པ་སྔར་བྱས་པའམ་བྱེད་ཅིང་དེ་ལས་ཏེ། གཞན་ལ་ནི་མ་ཡིན་ནོ་ཞེས་བྱ་བའི་དོན་ཏོ། །བརྩོན་འགྲུས་ཇི་སྙེད་པ་བྱེད་པའི་ཕྱིར་ནུས་པ་ཉིད་དེ་སྙེད་#པའི་འབད་པ་ལ་དེར་བརྩོན་པའོ། །དེས་མངོན་པར་འདུ་བྱས་པའི་སེམས་ཀྱིས་འཇིགས་པ་དག་ལས་
[246a.2]བརྩམས་ཏེ། ལུས་སམ་ངག་གིས་ལྡོག་པ་ཉིད་ལ་འདིར་འབད་པ་མ་བྱས་པ་ཉིད་ནི་མ་ཡིན་ནོ། །ཅི་དུས་གང་ཡང་རུང་བ་ལ་ཉེས་པ་མེད་པ་ཡིན་ནམ་ཞེ་ན། དེའི་ཕྱིར་གནས་པར་ཁས་བླངས་ན་དུས་ཕྱི་མ་དང་སྔ་མའི་གཉིས་པ་དག་ལ་བབ་པ་ནའོ་ཞེས་བྱ་བ་སྨོས་ཏེ། ཕྱི་མར་ཁས་བླངས་པའི་དུས་སུ་གྱུར་
[246a.3]པ་སྔ་མའི་གཉིས་པོ་དག་ནི་དབྱར་ཟླ་ཐ་ཆུངས་#ཉ་ནས་སྟོན་ཟླ་ར་བའི་ཉའི་བར་དུ་ཁས་བླངས་པ་#སྔ་མ་དང་ཕྱི་མ་ལ་གནས་པར་གྱུར་པ་ལ་ཞེས་བྱ་བའི་དོན་ཏོ། །དེས་ལྷག་པར་གནས་པར་མི་བྱ་བ་ཉིད་དོ་ཞེས་བྱ་བ་ལ། དེས་ཞེས་བྱ་བ་ནི་དབྱར་གནས་པར་ཁས་བླངས་པ་ལ་ཟླ་བ་གཉིས་ལས་ལྷག་པར་
[246a.4]གནས་པར་མི་བྱ་བ་ཉིད་ཡིན་ནོ། །ཕྱི་མར་ཁས་བླངས་པ་ལ་ད་ལྟར་བྱུང་བའི་ཕྱིར་འདིའོ། །གནས་པར་ཁས་བླངས་པ་སྔ་མ་ཤོས་མི་བྱ་བ་ཉིད་དོ་ཞེས་བྱ་བ་ནི་དེས་ཞེས་བྱ་བར་སྦྱར་བར་བྱའོ། །སྔ་མ་མི་བསྲུང་བར་བྱ་བ་ཉིད་དོ་ཞེས་བྱ་བ་ནི་ཟླ་བ་གཉིས་པོ་#དག་གི་སྔ་རོལ་དུ་ཁས་བླངས་པ་སྔ་མ་ཤོས་མི་བསྲུང་
[246a.5]བར་བྱ་བ་ཉིད་དོ། །དེ་དགེ་ཚུལ་ཉེ་བར་མ་བཞག་པ་གཞག་པར་མི་བྱའོ་ཞེས་བྱ་བ་ལ། དེས་ཞེས་#བྱ་བ་ནི་དགེ་སློང་སྡིག་ཅན་གནས་པར་གྱུར་པའི་གནས་ལ་གནས་པར་གྱུར་པའོ། །ལམ་དུ་དགེ་ཚུལ་གཉིད་བྲོ་བས་རྨྱ་བར་གྱུར་ན་མདུན་དུ་བཏང་སྟེ་འགྲོ་བར་བྱའོ། །གལ་ཏེ་བྲུ་བ་ཚ་བར་གྱུར་ན། དེ་ལ་
[246a.6]ནང་བར་གྱི་དུས་སུ་ཁ་ཟས་སྦྱིན་པར་བྱའོ་ཞེས་བྱ་བ་ནི་དེ་ལ་#ཁ་ཟས་ནང་པར་ཁྱེའུ་སུས་ཀྱི་དུས་སུ་སྦྱིན་པར་བྱའོ། །གལ་ཏེ་དྲོ་ཀར་ཡང་ན་དེའི་ཚེ་ཡང་ངོ་ཞེས་བྱ་བ་ནི། གལ་ཏེ་དྲོ་ཀར་ཡང་བཀྲེས་པར་གྱུར་ན། དེའི་ཚེ་ཡང་དེ་ལ་#དྲོ་ཟན་སྦྱིན་པར་བྱའོ། །#བསྙེན་པར་མ་རྫོགས་པ་དང་ལྷན་ཅིག་ཉལ་
[246a.7]བའི་ལྟུང་བྱེད་དོ།། །།བཟློག་པའི་ངོ་བོ་ཞེས་བྱ་བ་ལ་སོགས་པ་དེའི་ཐ་མར་ཞེས་བྱ་བའི་མཐར་ཇི་ལྟར་རིགས་པར་བཀའ་བསྒོ་བ་ཉེ་བར་བརྩམས་པའི་བསླབ་པའི་གཞིར་གཏོགས་པ་སྤྱིའི་ཆོ་ག་ལ་ཉེ་བར་གནས་པ་ལ་ལྟོས་ན་གང་ལ་ལྟ་བར་གྱུར་པ་མི་འདོར་བའི་ལྟུང་བྱེད་ཅེས་བྱ་བ་འདིའི་བྱེ་བྲག་བརྗོད་
[246b]
[246b.1]པ་#ཡིན་ཏེ། དེའི་ཕྱིར་ཇི་ལྟར་བཅོམ་ལྡན་འདས་ཀྱིས་བར་དུ་གཅོད་#པའི་ཆོས་སུ་གསུངས་པ་གང་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་#བསྟན་པ་བདག་གིས་ཤེས་སོ་ཞེས་བྱ་བ་ལ་སོགས་པར་འཇུག་པའི་ཚིག་མི་གཏོང་བ་ལའོ་ཞེས་བྱ་བ་སྨོས་ཏེ།
[246b.2]ཇི་ལྟར་བཅོམ་ལྡན་འདས་ཀྱིས་ཞེས་བྱ་བ་ལ་སོགས་པ་གང་ཞིག་གསུངས་པ་འཇུག་པའི་ཚིག་ཉིད་མི་#གཏོང་བ་ཞེས་བྱ་བའི་#དོན་ཏོ། །བར་དུ་གཅོད་པའི་ཆོས་རྣམས་ནི་ཀུན་ནས་ཉོན་མོངས་པའི་ཆོས་སུ་རིག་པར་བྱའོ། །འདིར་སོགས་པའི་སྒྲ་#ནི་ལྟ་བ་དང་འབྲེལ་པ་གཞན་རྣམས་ལ་ཡང་ཉེ་བར་བསྡུས་པའི་དོན་ཏོ། །ལྟ་
[246b.3]བ་དང་འབྲེལ་པ་ཐམས་ཅད་ལ་ཆོ་ག་འདི་འཇུག་པ་སྟེ། དེ་རྣམས་ཐམས་ཅད་ལོག་པའི་ལམ་དུ་རྟོགས་པར་འགྱུར་#བ་ཉིད་ཀྱི་ཕྱིར་རོ། །དེ་ལ་གསོལ་བས་སྨད་པ་ཉིད་བྱ་ཞིང་དེའི་འོག་ཏུའོ་ཞེས་བྱ་བ་ལ། #དེ་ལ་ཞེས་བྱ་བ་ནི་ལས་ཀྱི་མཐའ་མི་གཏོང་བ་ལ་ལྟུང་བྱེད་དེ། འགྱུར་བ་ནི་སྨད་པ་ཉིད་འདི་གསོལ་པའི་
[246b.4]ལས་ཀྱི་འོག་ཏུ་བྱའོ། །དེ་ལ་སྨད་པ་ཉིད་དུ་བྱས་པས་མི་གཏོང་བར་འགྱུར་ན་དེའི་འོག་ཏུ་ཕངས་#པར་བྱེད་པར་#རིག་པར་བྱའོ། །འདི་ནི་སྐྲོད་པས་སྨད་པ་ཉིད་ལ་རྣམ་པར་གཞག་པ་སྨད་པ་ཉིད་དུ་བྱེད་པ་སྤངས་པ་ཉིད་དུ་རིག་པར་བྱའོ། །ལྟ་བར་གྱུར་པ་མི་གཏོང་བའི་ལྟུང་བྱེད་དོ།། །།སྤངས་པའི་རྗེས་སུ་ཕྱོགས་
[246b.5]པའི་ལྟུང་བྱེད་ལ་བྱེད་པ་པོ་གང་ཡིན་ཞེ་ན། དེའི་ཕྱིར་ཤེས་གཙོ་བོ་ཞེས་བྱ་བ་སྨོས་ཏེ། འདུ་ཤེས་གཙོ་ཆེར་བྱེད་པ་པོ་ཉིད་དོ་ཞེས་བྱའོ། །གང་ལ་འདུ་ཤེས་གཙོ་ཆེར་བྱེད་པ་པོ་ཡིན་ཞེ་ན། དེའི་ཕྱིར་དེ་སྐད་སྨྲས་པ་#སྤངས་པའི་ཕྱིར་བཅོས་པ་ཉིད་མ་བྱས་པའི་དགེ་སློང་ལའོ་ཞེས་བྱ་བ་སྨོས་ཏེ། གང་ཞིག་འདི་#
[246b.6]ལྟར་བདག་ཇི་སྲིད་དུ་བར་དུ་གཅོད་པའི་ཕྱིར་མི་ནུས་པ་ཞེས་བྱ་བ་ལ་སོགས་པ་སྨོས་པ་འདིར་དེ་ཉིད་སྨྲས་པའོ། །དེ་སྐད་སྨྲ་བ་ཉིད་ཕྱིར་བཅོས་པ་ཉིད་མ་བྱས་པ་ཞེས་བྱ་བ་ནི། རྗེས་སུ་ཕྱིར་བཅོས་པ་ཉིད་མ་བྱས་པ་མི་གཏོང་བ་ཉིད་ཅེས་བྱ་བ་སྟེ། སྤངས་པ་ཉིད་ཀྱིས་བཟོད་པ་གསོལ་བ་ཉིད་མ་བྱས་པའོ་ཞེས་བྱ་བ་
[246b.7]རྣམ་པར་འབྱེད་པ་ལས་སོ། །དེ་བཞིན་དུ་ལྟ་བ་མ་བཏང་བའི་ལྟུང་བ་མ་བཤགས་པ་ཡང་ཁ་ན་མ་ཐོ་བ་འདི་འབྱུང་བའི་རྒྱུ་མ་ཡིན་ཏེ། འོན་ཀྱང་བླངས་པ་ཉིད་དོ། །མ་བཏང་བ་དང་མ་བཤགས་པ་འདི་དག་སྨོས་པ་ནི་མ་བླངས་པ་ནི་ཁ་ན་མ་ཐོ་བ་འདི་མི་སྐྱེད་པའོ། །མེད་པ་དག་ལ་བླངས་པ་ཉིད་ལ་སྤང་བར་བྱ་བ་
[247a]
[247a.1]ཉིད་སྐྱེ་བ་འབྱུང་བ་ཡིན་ནོ། །དེ་ལྟར་ཡང་བཏང་བའི་མ་བཤགས་པ་ཉིད་ལ་ཁ་ན་མ་ཐོ་བ་འདི་མི་བསྐྱེད་པ་ཡིན་ནོ། །དེ་ལྟ་བས་ན་འདིར་མ་བཏང་བ་ཉིད་ནི་མ་བྱས་པ་ཉིད་དོ། །ལྟ་བ་བརྟེན་པ་མི་གཏོང་བ་ཉིད་དང་ལྟུང་བྱེད་ལ་ནི་མ་བྱས་པ་ཉིད་དོ། །དགེ་སློང་ལའོ་ཞེས་བྱ་བ་ནི་བསྙེན་པར་མ་
[247a.2]རྫོགས་པ་ལ་གང་དུ་ཡིན་ཞེ་ན། འདིར་རབ་ཏུ་བྱུང་བ་ཉིད་རྣམ་པར་གཅད་#པའི་དོན་དུ་ཁྱིམ་པ་འམ་ཕྱི་རོལ་པའི་རབ་ཏུ་བྱུང་བ་ལ་ནི་མ་ཡིན་ནོ། །སྨོན་ལམ་དང་ལས་འདི་དག་ལ་ཡུལ་མ་ཡིན་པ་ཉིད་ཀྱི་ཕྱིར་རྣམ་པར་གཅོད་པ་འདི་ཡང་འདིར་རྣམ་པ་གཞན་ལ་ནི་མི་འདོད་པ་ཉིད་ཀྱི་ཕྱིར་རྣམ་པ་གཞན་རྗེས་སུ་རྣམ་པར་
[247a.3]གཞག་པའི་ཕྱིར་རོ། །ཀུན་དུ་སྤྱོད་པ་གང་ལ་དེ་བྱེད་པ་པོ་ཡིན་ཞེ་ན། དེའི་ཕྱིར་ལུང་འབོགས་#པ་དང་དམིགས་ཀྱིས་དྲི་བ་དང་། གནས་དང་རྗེས་སུ་སྟོན་པ་དང་གདམས་ངག་སྦྱིན་པའོ་ཞེས་བྱ་བ་སྨོས་ཏེ། འདིར་སོ་སོར་སྦྱིན་པའི་སྒྲ་ལས་མངོན་པར་སྦྱོར་བར་བྱའོ། །ལྟ་བ་སྨྲ་ནའོ་ཞེས་བྱ་བ་ལ། འདིར་གཞུང་
[247a.4]ནི་ཞུ་བ་ཁ་ཅིག་ལས་དགེ་སློང་གིས་#སྤངས་པའི་དྲུང་དུ་ལྟ་བ་སྨྲ་ན་ལོངས་སྤྱོད་ལས་བྱུང་བའི་ལྟུང་བྱེད་དུ་འགྱུར་རོ་ཞེས་གསུངས་པ་ཡིན་ནོ། །ཟང་ཟིང་གི་ལོངས་སྤྱོད་བྱེད་ནའོ་ཞེས་བྱ་བ་ནི་ལྷུང་བཟེད་དང་ཆོས་གོས་ཞེས་བྱ་བ་ལ་སོགས་པའི་གཞི་ཕྱི་མའི་ཚིག་གོ། །འདི་ལ་གཅིག་པ་ཉིད་ཀྱི་ཕྱིར་འདུག་པ་ཉིད་
[247a.5]དག་ལ་འདིར་ཐོབ་པ་ལ་བསྡུས་པ་འདི་ཡིན་ནོ། །བསྙེན་བསྐུར་#བདག་གིར་བྱེད་ནའོ། །གནས་སུ་ལྷན་ཅིག་ཉལ་ན་ཡང་ངོ་ཞེས་བྱ་བ་སྟེ། དུས་ནམ་གྱི་ཚེ་ལྷན་ཅིག་ཏུ་ཉལ་ཞེ་ན། དེའི་ཕྱིར་མཐར་རོ་ཞེས་བྱ་བ་སྨོས་སོ། །གང་གི་མཐར་ཞེ་ན་དེའི་ཕྱིར་མཚན་མོའི་འོ་ཞེས་བྱ་བ་སྨོས་ཏེ། གནས་སྐབས་འདི་ལ་
[247a.6]འདུག་པ་འདིའི་ཡོངས་སུ་རྫོགས་པར་འགྱུར་བ་ཉིད་དོ། །གཞན་གྱིས་སྤྲུལ་ན་ཡང་ཞེས་བྱ་བ་ནི་འདི་ཆོས་རྣམ་པར་གཏན་ལ་དབབ་པ་ལས་རྟོགས་པ་ཡིན་ཏེ། འདི་དང་ལྷན་ཅིག་ཏུ་ཉེ་བར་གནས་པའི་བྱེད་པ་པོ་ཡོ་བྱད་ཉེ་བར་བསྡུ་བའོ། །དེ་དང་འདྲ་བའི་ཆུ་དང་སོ་ཤིང་ལ་སོགས་པ་དེ་དང་ལྷན་ཅིག་ཏུ་འདུ་འཛི་བྱེད་
[247a.7]ན་ཕྱིན་ཅི་ལོག་ཏུ་རིག་པར་བྱའོ། །ཕེབས་པར་སྨྲ་བ་དང་སྨོས་འདྲིན་དག་ལ་དེར་གཏོགས་པའི་གཙོ་བོ་ཉིད་དུ་བྱེད་པ་ནི་འདུ་འཛིར་གྱུར་པ་ཉིད་དོ། །གཞན་དག་ལ་ནི་ཉེས་བྱས་སུ་རྟོགས་པར་རིག་པར་བྱའོ། །ཅི་རྣམ་པ་ཐམས་ཅད་དུ་གཞན་གྱིས་སྤྲུལ་པ་ལ་ཡིན་ནམ་ཞེ་ན། དེའི་ཕྱིར་ནད་#དང་ལྟ་བ་དང་བྲལ་
[247b]
[247b.1]བར་འདོད་པའི་དོན་གྱིས་ནི་མ་གཏོགས་སོ་ཞེས་#སྨོས་ཏེ། ནད་པར་གཏོགས་པ་དེའི་དོན་དང་ལྟ་བ་དང་བྲལ་བར་གཏོགས་པའི་དོན་གྱིས་སྤྲུལ་པ་གང་ཡིན་པ་དེ་ནི་མ་གཏོགས་སོ་ཞེས་བྱ་བའི་#དོན་ཏོ། །ཚུལ་ཁྲིམས་འཆལ་པ་ལ་ཅི་ཞིག་བསྒྲུབ་པར་བྱ་ཞེ་ན། དེའི་ཕྱིར་བླང་བའི་རྣམ་པར་གཞག་པ་ལས་འདའ་བར་བྱ་
[247b.2]བ་ཞེས་བྱ་བ་དེ་ལ་ཁ་ན་མ་ཐོ་བ་རྣམ་པར་གཞག་གོ། །དེ་བས་ན་དེ་ལ་ཚུལ་ཁྲིམས་འཆལ་བའི་ཕྱིར་འདིར་འཇུག་པ་ཐོབ་པ་ཡིན་ནོ། །དེ་ལྟར་ཡང་ཤིན་ཏུ་ཚུལ་ཁྲིམས་འཆལ་བ་མཁན་པོ་དང་སློབ་དཔོན་དག་ལ་ཉེ་བར་གནས་པར་བྱ་བ་ཉིད་དུ་གསུངས་སོ། །ཚུལ་ཁྲིམས་འཆལ་བའི་ལྕི་བ་ཉིད་ཡོངས་སུ་སྤོང་བའི་དོན་
[247b.3]དུ་སོ་སོར་བསྐོར་བར་བྱའོ། །སྤངས་པའི་རྗེས་སུ་ཕྱོགས་པའི་ལྟུང་བྱེད་དོ།། །།དེ་དག་ལ་གཞམ་#པ་དང་ལས་ཀྱིས་#མི་བསྒོ་བར་མི་བྱའོ་ཞེས་བྱ་བ་འདིས་གང་ཞིག་ལྟ་བ་དང་འབྲེལ་པ་རྣམས་ལ་ཆོ་ག་འདི་བྱ་བ་ཉིད་དུ་བསྟན་པ་དེ་ནི་དགེ་ཚུལ་ཡོད་པར་གྱུར་པ་ཉིད་ཀྱི་ཕྱིར་འདི་ལ་གལ་ཏེ་དགེ་སློང་གི་ཁོངས་སུ་
[247b.4]སྡུད་#ན། དེ་ལ་ལས་ཀྱི་མཐའ་ལ་མི་གཏོང་ན་དེའི་ཚེ་ཇི་ལྟར་བྱ་ཞེ་ན། དེའི་ཕྱིར་ལྟོས་ནས་བརྗོད་པར་བྱ་སྟེ། ཚིག་དེ་ཉིད་ལ་ཞུགས་པ་མི་གཏོང་ན། དགེ་ཚུལ་བསྙིལ་བར་བྱའོ་ཞེས་བྱ་བ་སྨོས་ཏེ། ཚིག་དེ་ཉིད་ཞུགས་པ་དེ་ལྟར་བདག་གིས་#ཇི་སྲིད་བར་དུ་གཅོད་པའི་ཕྱིར་ནུས་པ་མ་ཡིན་ཞེས་བྱ་བ་ལ་སོགས་པའི་
[247b.5]ཚིག་གང་ལ་ཡོད་པ་དེ་ནི་ཚིག་དེ་ཉིད་ལ་ཞུགས་པའོ། །དེའི་དངོས་པོ་མི་གཏོང་ན་དགེ་ཚུལ་དེ་བསྙིལ་བར་བྱའོ། །འདིར་འདོད་པ་ཞེས་བྱ་བ་ནི་དཔེ་ཙམ་ཡིན་པར་རིག་པར་བྱའོ། །དེ་བས་ན་ལྟ་བ་ཐམས་ཅད་ཡོད་པར་བྱེད་པའི་ཚིག་བསྡུས་པ་#ཡིན་ནོ། །འདི་མ་ཡིན་ཞེས་བྱ་བ་ནི་ཞུགས་པའོ། །བསྟན་པ་ལ་
[247b.6]གང་ཞིག་ཚུལ་འདིར་ལེགས་པར་ཞུགས་པ་ལ་ཡང་ལེགས་པར་གནས་པ་དེའི་ཆོས་དང་ལྡན་པ་དག་གིས་སྨད་པར་བྱ་བ་སྟོབས་དང་ལྡན་པ་ལ་གང་དུ་ཡང་མི་འཇུག་པ་དེ་ལས་འདིར་སྨོད་པར་བྱ་བ་རྣམ་པར་གཞག་པར་བྱ་བ་མ་ཡིན་ནོ། །དགེ་འདུན་ལ་ཐ་དད་པར་བྱེད་པ་ནི་གསལ་བའོ། །དགེ་འདུན་ཀུན་ནས་ལྟུང་
[247b.7]བ་ལས་འབྱུང་བའོ། །འདི་ལ་ཀུན་ནས་ལྟུང་བ་ཉིད་ཀྱིས་དགེ་འདུན་ལ་ཁོངས་སུ་སྡུད་པ་ཡོད་པ་མ་ཡིན་ཏེ། འདུག་པའི་དབུས་སུ་གནས་པ་ལ་ནི་འཁོར་གྱི་དབུས་ཀྱི་དངོས་པོ་ཉིད་ལ་ཡོད་པ་མ་ཡིན་ཏེ། དེ་བས་ན་བསྙིལ་བར་བྱའོ་ཞེས་བྱ་བ་འདི་ལ་སྤང་བར་བྱ་བའི་ལས་ལ་བརྟགས་པ་ཡིན་ནོ། །གཞག་པར་བྱའོ་
[248a]
[248a.1]ཞེས་བྱ་བ་ནི་རྟོགས་པར་བྱ་བ་གསལ་བ་ཉིད་མ་ཡིན་ནོ། །སོ་སོའི་དངོས་པོ་ལ་ངེས་པར་ལྡན་པ་ཉིད་ཀྱང་མ་ཡིན་ནོ། །འདིའི་ལས་བྱེད་པ་ལ་རྟོགས་པ་བསྒྲུབ་པ་མ་ཡིན་ནོ། །དེ་བས་ན་འདིར་རྟོགས་པ་བསྒྲུབ་པ་ལ་དེའི་ཆོ་ག་བརྗོད་པར་བྱ་སྟེ། ཁྱོད་ལ་དང་པོར་གསོལ་བ་དང་བཞིའི་ལས་
[248a.2]སོ། །དེའི་འོག་ཏུ་བསྙིལ་བ་རྩོམ་མོ་ཞེས་བྱ་བ་དང་། གསོལ་བ་བྱས་སོ། །ལས་བརྗོད་པ་དང་པོ་དང་གཉིས་པ་ཡང་བྱས་ཟིན་གྱི་སྡིག་པ་ཅན་གྱི་ལྟ་བར་གྱུར་པ་འདི་ལྟ་བུ་འདི་ཐོང་ཤིག་ཅེས་མཐར་དགེ་སློང་གིས་#དེ་ལ་བསྒྲགས་#པར་བྱའོ་ཞེས་བྱ་བ་སྨོས་ཏེ། དང་པོར་ཞིས་(ཞེས་)བྱ་བ་ནི་གསོལ་བ་ལའོ། །དེའི་འོག་
[248a.3]ཏུ་ཞེས་བྱ་བ་ནི་བསྙིལ་བའི་ལས་ལའོ། །བསྙིལ་བའོ་ཞེས་བྱ་བ་ནི་ལས་ལ་ཞེས་བྱ་བར་སྦྱར་རོ། །རྩོམ་པ་ཞེས་བྱ་བ་ནི་རྩོམ་པ་སྟེ་འདི་ནི་དང་པོའི་ཆའོ། །རྩོམ་པ་དེ་ཡང་གང་ཞེ་ན། དེའི་ཕྱིར་གསོལ་བ་བྱས་ཟིན་གྱི་སྡིག་པ་ཅན་གྱི་ལྟ་བར་གྱུར་པ་འདི་ལྟ་བུ་འདི་ཐོང་ཤིག་ཅེས་བྱ་བ་སྨོས་ཏེ། འདི་ནི་གཅིག་སྟེ་
[248a.4]གཞན་#བཤད་པ་ནི་ལས་#བརྗོད་པ་དང་པོ་ཡང་བྱས་ཟིན་གྱི་#སྡིག་པ་ཅན་གྱི་ལྟ་བར་གྱུར་པ་འདི་ལྟ་བུ་འདི་ཞེས་བྱ་བས་སོ། །དེའི་འོག་ཏུ་ལས་བརྗོད་པ་གཉིས་པ་ཡང་བྱས་ཟིན་གྱི་སྡིག་པ་ཅན་གྱི་ལྟ་བར་གྱུར་པ་འདི་ལྟ་བུ་འདི་ཐོང་ཤིག་ཅེས་བྱ་བས་སོ། །རེ་རེའི་མཐར་ཞེས་བྱ་བ་ནི་གསོལ་བ་དང་ལས་བརྗོད་པ་དང་
[248a.5]པོ་དག་སོ་སོ་རེ་རེའི་མཐའ་ནས་བརྩམས་ཏེ་མཐར་མི་འགྲོ་བར་ལྡོག་པ་ནི་རིགས་པ་མ་ཡིན་ནོ་ཞེས་བྱ་བ་ནི་འདོད་པ་དགག་པའི་དོན་དུ་བརྗོད་པར་བྱའོ། །བཏང་ན་ཕྱི་མ་མི་བྱའོ་ཞེས་བྱ་བ་སྨོས་ཏེ། སྔ་མ་ཉིད་ཀྱིས་སོ་སོར་ལྡོག་པ་ཡོད་པ་ལ་ཕྱི་མ་མི་བྱའོ། །བརྡའི་བྱེད་པ་ཡང་ཆོ་ག་འདིས་རྟོགས་པར་བྱའོ། །
[248a.6]ཐམས་ཅད་དུ་འབྲེལ་པ་བྱེད་པ་ལ་སོགས་པའི་དོན་གྱི་ལས་ལ་མི་བསྒོ་བ་དང་སྨད་པར་བྱ་བ་དང་སྤང་བ་དང་བསྙིལ་བ་རྣམས་ཉིད་ལ་སྔར་བཤད་པའི་ཆོ་གའི་དངོས་པོ་ལ་ལྟོས་ནས་ཆོ་ག་རིག་པར་བྱའོ། །བསྙིལ་བ་སྡུད་པའི་ལྟུང་བ་བྱེད་པ་པོ་ཉིད་ནི་གང་ཡིན་ཅི་ཞིག་སྤྱད་ན་ཞེས་བྱ་བ་འདི་ལ་སྔར་བཤད་པ་ལ་མངོན་པར་བརྟེན་
[248a.7]ནས་དེ་སྐད་སྨྲ་བ་པ་འབྱུང་བ་ལ་སླར་བྱས་པས་#དགེ་སློང་ལ་ཞེས་བྱ་བ་འདིའི་གནས་སུ་གང་དུ་འདུ་ཤེས་བྱ་བ་ལ་སྨོས་པ་ནི་དགེ་ཚུལ་བསྙིལ་བ་ཉིད་དུ་གྱུར་པའི་གནས་སྐབས་ལ་སྟེ། བསྙེན་པར་མ་རྫོགས་པ་ལ་འདི་ལྟ་བུ་#ཉིད་ཡིན་ན་ཞེས་བྱ་བའི་དོན་ཏོ། །ཉེས་བྱས་འདི་ཡོད་#ལ་དོར་བ་རྣམ་པར་གཞག་པའོ། །བསྙིལ་
[248b]
[248b.1]བ་སྡུད་པའི་ལྟུང་བྱེད་དོ།། །།ཅི་ཞིག་བྱས་ན་ཁ་མ་བསྒྱུར་བའི་གོས་གྱོན་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་སྔོན་པོའམ་དམར་པོའམ་ངུར་སྨྲིག་གིས་ཁ་མ་བསྒྱུར་བ་རང་གི་གོས་ཐ་ན་ལྷུང་བཟེད་ཀྱི་ཁ་གཡོགས་དང་། སྣོད་དང་རྐང་པའི་འབོབ་དང་སྐེ་#རགས་དག་གི་#བགོ་བ་ལ་སོགས་པ་ཡོངས་སུ་
[248b.2]ལོངས་སྤྱོད་ནའོ་ཞེས་བྱ་བ་སྨོས་ཏེ། ཚོན་ཆེན་པོ་བརྒྱད་པོ་རྣམས་སྤངས་ནས་གཞན་གང་ཡང་#རུང་བ་འགའ་ཞིག་ལས་གོས་ཁ་བསྒྱུར་བར་བྱའོ་ཞེས་བྱ་བ་ཕྲན་ཚེགས་དག་ལས་སྨོས་སོ། །འདིར་ཡང་འདག་པ་ཞེས་བྱ་བ་ལས་གང་ཞིག་འདི་ལ་དམར་པོས་ཞེས་བྱ་བ་རྣམ་པར་འབྱེད་#པ་ཀློག་པ་ཁ་ཅིག་ལས་འདིར་ཡང་འདོན་
[248b.3]པ་ཡིན་ཏེ། ཚོན་ཆེན་པོ་རྣམ་པ་བརྒྱད་ཀྱིས་ཁ་སྒྱུར་#བར་བྱེད་ལ་ལི་ཁྲི་དང་། མཐིང་ཤུན་དང་རྒྱ་སྐྱེགས་དང་། མཚལ་དང་། གུར་གུམ་དང་། བཙོད་#དང་། རྨ་ཤིང་དང་། ལེ་བརྒན་རྩིས་ཁ་སྒྱུར་#བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ཁ་དོག་ཆེན་པོ་བརྒྱད་མ་གཏོགས་པ་གཞན་
[248b.4]གང་ཡང་རུང་བ་འགའ་ཞིག་གིས་གོས་ཁ་བསྒྱུར་བར་བྱ་ཞེས་#གསུངས་པ་ཡིན་ནོ། །དེ་བས་ན་འདིར་སྔོན་པོ་ལ་སོགས་པ་ནི་དཔེ་ཙམ་དུ་རྟོགས་པར་བྱ་བའོ#། །དེ་ལ་སྔོན་པོས་ཞེས་བྱ་བ་ནི་སྐྱེ་བ་ཕུན་སུམ་ཚོགས་པའི་ཚོན་ལ་དཔེར་#རིག་པར་བྱའོ། །དམར་པོས་ཞེས་བྱ་བ་ནི་ས་ལས་འབྱུང་བའི་ཁམས་ལའོ། །རྨ་ཤིང་
[248b.5]ཞེས་བྱ་བ་ནི་སྐྱེ་བ་ཕུན་སུམ་ཚོགས་པའི་མེ་ཏོག་དང་འབྲས་བུ་ལ་སོགས་པའི་ཚོན་ལས་བསྐྱེད་པའོ། །ཁ་མ་བསྒྱུར་བ་ཞེས་བྱ་བ་ནི་ཚོན་གྱིས་#སོ། །དེ་བས་ན་གང་ཡང་རུང་བས་ཁ་མ་བསྒྱུར་བའི་རང་གི་གོས་ལ་ཞེས་བྱ་བ་ནི་གཞན་གྱི་#གོས་ཉེ་བར་ལོངས་སྤྱོད་པ་ལ་ན་སྨད་པ་ཉིད་དེ་ཁ་ན་མ་ཐོ་བ་སྟོབས་དང་ལྡན་པ་
[248b.6]ཉིད་ཀྱི་ཕྱིར། བདག་ཏུ་བྱས་པ་དང་དཀྲིས་པར་མངོན་པར་བརྟེན་པ་ཉིད་ཤིན་ཏུ་སྟོབས་དང་ལྡན་པ་ཉིད་ཀྱི་ཕྱིར་རོ། །དེ་ལྟར་ཡང་སོ་སོར་ཁྱིམ་པའི་གོས་བགོ་བ་བཀག་པའི་ཚུལ་གྱིས་ཏེ་གཞན་#དུ་ནི་མ་ཡིན་ནོ། །དེ་ལྟ་བུའི་ལྟུང་བྱེད་ལ་འབྱུང་བ་སྲིད་པ་མ་ཡིན་ནོ། །གོས་སར་པ་སོ་སོར་རྙེད་པས་ཞེས་བྱ་བ་ལ།
[248b.7]གང་ཞིག་སོ་སོར་རྙེད་པའི་ཚིག་བྱས་ཞེས་བྱ་བ་འདིའི་རྗེས་ལ་ཡང་རང་གི་ཚིག་སྨོས་པ་དེ་ལས་སོ། །སར་པ་ཞེས་བྱ་བ་ལ་སར་པ་ནི་རྣམ་པ་གཉིས་ཏེ། སར་པ་ལས་ཀྱང་སར་པ་དང་སོར་#སོར་རྙེད་པ་ལས་ཀྱང་སར་པ་སྟེ། དོན་འདི་ལ་ནི་སོར་སོར་རྙེད་པ་ལས་སར་པ་མངོན་པར་འདོད་པ་ཞེས་བྱ་བ་འདིར་གཞུང་དུ་
[249a]
[249a.1]རྣམ་པར་གནས་པ་ཡིན་ནོ། །རྙིང་པ་ལ་ཡང་ཁ་མ་བསྒྱུར་བ་ལ་བགོ་བར་བྱ་བ་ཉིད་ཀྱི་ཕྱིར་རོ། །ཡང་གང་ཞིག་ཀློག་པ་ལས་འབྱུང་བ་ཡིན་ཏེ#། དོན་འདི་ལ་ནི་སར་#པ་ལས་སར་པ་མངོན་པར་འདོད་པ་ཞེས་བྱ་བ་འདི་ལས་ཉམས་པ་ཉིད་དོ། །དེ་ལྟ་བས་ན་སོ་སོར་རྙེད་པ་ལས་གང་ཞིག་ཐོག་མ་ཉིད་གང་
[249a.2]ཡིན་པ་དེས་ཆོས་གོས་དང་པོ་སོ་སོར་རྙེད་པས་འདི་ཞེས་བྱ་བ་འདིའི་དོན་ཏོ། །འདིར་ཐམས་ཅད་དཀྲིས་པ་དང་། དུས་འབྱུང་བ་དང་ཕྱེ་མ་ལ་སོགས་པ་ལ་ཉེས་པར་བགོ་བར་#བྱ་བའི་གོས་བགོ་བར་བྱེད་པར་ནུས་པ་ཉིད་ནི་མ་ཡིན་ཞེས་བྱ་བ་འདི་བསྟན་པའི་དོན་དུ་སྨོས་པ་ནི་ཐ་ན་ལྷུང་བཟེད་ཀྱི་ཁ་གཡོགས་དང་ཞེས་བྱ་
[249a.3]བ་ལ་སོགས་པའོ། །འདིར་ལྷུང་བཟེད་ཀྱི་ཁ་གཡོགས་ཀྱིས་བསོད་སྙོམས་ཉེ་བར་གཡོགས་པ་བརྗོད་པ་མཐོང་བ་ཡིན་གྱི། གཞན་དུ་ནི་རྗེས་སུ་གནང་བ་མ་ཡིན་པ་ཉིད་ཀྱི་ཕྱིར་འདིར་ཞུ་བའི་གཞུང་ཁ་ཅིག་ལས་ལྷུང་བཟེད་ཀྱི་དྲ་བ་ལ་སོགས་པ་རྐང་པ་བཀྲུ་བའི་སྣོད་དུ་སྦྱར་དུ་རུང་ངམ་ཞེ་ན། རུང་ཞེས་གསུངས་པ་#ནི་
[249a.4]ཆུ་ཚགས་འདིར་རིགས་པར་གྱུར་པ་ཉིད་ཀྱི་ཕྱིར་བསྡུས་པ་ཡིན་ཏེ། རྒྱུ་བ་འདི་ཆུ་གཟུང་#བ་ལ་ཁ་བསྒྱུར་བ་དང་བཅས་པ་ཉིད་དོ། །གཟུང་#བ་དང་ལྡན་པ་ཉིད་དང་འདི་ལ་བྱིན་ལེན་བྱ་བ་ཉིད་དང་། ཉེ་བར་གནས་པ་ཉིད་དང་དུས་མ་ཡིན་པ་ཉིད་ལ་གཟུང་#བར་བྱ་བ་དང་ཉེ་བར་གནས་པ་ཉིད་ཡོད་ཀྱང་ལོངས་སྤྱད་པར་བྱ་བ་
[249a.5]ཉིད་མ་ཡིན་ནོ། །དོན་འདི་ནི་ཕལ་ཆེར་ཉམས་པ་མ་ཡིན་ནོ། །དེ་ལྟ་བས་ན་ཡོ་བྱད་དང་ཆོས་གོས་སྦྱིན་པ་འདི་དང་འདི་ལ་ཁ་མ་#བསྒྱུར་བ་ཉིད་དུ་རྣམ་པར་གཞག་པ་ཡིན་ནོ། །བགོ་བ་ལ་སོགས་པ་ཞེས་བྱ་བ་ནི་བསོད་སྙོམས་སོ་སོར་གཡོགས་པ་#ཡང་སྟེ། བགོ་བ་དང་གཡོགས་པ་དང་ཉིད་ལ་ནི་མ་ཡིན་ཞེས་བྱ་བའི་དོན་
[249a.6]ཏོ། །འདིར་ཚད་དང་ལྡན་པ་ཉིད་ཀྱང་མ་ཡིན་ཞེས་བྱ་བ་འདི་འཇུག་པའོ། །སྐེ་#རགས་དག་ལ་ཡང་གལ་ཏེ་ཉེས་པ་ཡོད་ན་ཚད་དང་མི་ལྡན་པའི་གོས་ལ་སོགས་པ་ལ་ཡང་འབྱུང་བའི་ཕྱིར་འོས་པ་མ་ཡིན་ཞེས་གསུངས་སོ། །སྡེ་པ་གཞན་གྱིས་#ན་རུང་བར་བྱ་མི་དགོས་པ་ཉིད་ཡིན་ནོ་ཞེས་བྱ་བ་ནི། དགེ་སློང་དང་དགེ་སློང་
[249a.7]མ་དང་དགེ་ཚུལ་དང་དགེ་སློབ་མ་དང་དགེ་ཚུལ་མའི་སྡེ་པའི་འཁོར་རྣམས་ནི་དེ་ནི་འདིར་སྡེ་པ་ཞེས་བྱ་བའི་སྒྲར་འགྱུར་རོ། །དེ་ལས་སྡེ་པ་གཞན་གང་ཡང་རུང་བའི་གོས་རང་སྤྱོད་པ་ལ་ནི་ཡང་གཟོད་རུང་བར་བྱ་མི་དགོས་པ་ཡིན་ནོ་ཞེས་བྱ་བའི་དོན་ཏོ། །ཁྱིམ་པས་བརྐུས་པ་ཡང་མ་ཡིན་ནོ་#ཞེས་བྱ་བ་ནི་གཟོད་
[249b]
[249b.1]རུང་བར་བྱ་མི་དགོས་པ་ཉིད་ཅེས་བྱ་བར་སྦྱར་རོ། །འདིར་མདོ་དེ་གཉིས་ཀྱི་གཞུང་ནི་ཞུ་བ་ཁ་ཅིག་ལས་དགེ་སློང་གི་གོས་རུང་བར་བྱས་པ་གང་ཡིན་པ་དེ་ནི་དགེ་སློང་མ་རྣམས་ལ་ཡང་རུང་བར་བྱས་པ་ཉིད་ཡིན་ལ། དེ་བཞིན་དུ་སྡེ་པ་ལྔ་པོ་ཐམས་ཅད་ལ་ཡང་རུང་བར་བྱས་པ་ཉིད་ཡིན་ནོ། །དགེ་སློང་གིས་རྒྱལ་
[249b.2]པོའམ་ཕྱིར་རྒོལ་བ་གཞན་དག་གོས་བརྐུས་པར་གྱུར་པ་ཞིག་གལ་ཏེ་སླད་ཀྱིས་ཐོབ་པར་གྱུར་ན་ཡང་རུང་བར་བགྱི་འཚལ་ལམ་ཉེ་བ་འཁོར་མི་དགོས་ཏེ། སྔ་མ་#ཉིད་དུ་རུང་བ་ཡིན་པའི་ཕྱིར་རོ་ཞེས་གསུངས་པ་ཡིན་ནོ། །ཁ་དོག་ཆེན་པོར་ཁ་བསྒྱུར་བའི་གོས་བརྟེན་པར་མི་བྱའོ་ཞེས་བྱ་བ་ལ། འདིའི་གཞུང་ནི་
[249b.3]བཤད་ཟིན་ཏོ། །འདིར་བརྒྱད་ཀྱི་ཚིག་ནི་དཔེ་ཙམ་དུ་རྣམ་པར་གནས་པ་ཡིན་ནོ། །དེ་བས་ན་འདིར་ཉེ་བར་མ་བསྡུས་སོ། །ཁྱིམ་པའི་གོས་ཀྱང་མི་བྱའོ་ཞེས་བྱ་བ་ནི། བགོ་བ་#བརྟེན་པར་མི་བྱའོ་ཞེས་བྱ་བར་སྦྱར་རོ། །འདིར་ཕྲན་ཚེགས་དག་ལས་#དང་པོའི་གཞུང་ངོ་། །གཙུག་ལག་#ཁང་གི་ནང་དུ་#ངུར་སྨྲིག་
[249b.4]གིས་གཡོགས་ཏེ་བརྟེན་#པར་བྱའོ་ཞེས་བྱ་བ་ནི་འདིར་གནས་ཁང་གཙུག་ལག་ཁང་ནས་ཕྱིར་མི་འབྱུང་བར་བགོ་བར་བྱའོ་ཞེས་གསུངས་པ་ཡིན་གྱི་གནས་ཁང་ལ་ནི་མ་ཡིན་ནོ། །གཞན་མ་ཡིན་པ་ལ་ཡང་གཙུག་ལག་ཁང་ཉིད་མ་ཡིན་ནོ། །དེ་བས་ན་འདི་ལ་སོར་#སོར་བཟུང་བ་མ་བྱས་སོ། །ཁྱིམ་པའི་གོས་ཇི་ལྟ་བུ་
[249b.5]ལ་གཙུག་ལག་ཁང་གི་ནང་དུ་བགོ་བ་བརྟེན་#པར་བྱ་བ་ཡིན་ནམ་ཞེ་ན། དེའི་ཕྱིར་ངུར་སྨྲིག་གིས་གཡོགས་ཏེ་བརྟེན་པར་བྱའོ་ཞེས་བྱ་བ་སྨོས་ཏེ། མལ་ཆའི་སྟེང་དུ་བརྟེན་པ་ལ་ཉེས་པ་མེད་དོ་ཞེས་བྱ་བ་ནི་དེའི་ཕྱིར་གཞན་དུ་ནི་བཏགས་པའོ། །ལམ་དུ་གོས་བརྙས་པ་ནི་ཐུན་མོང་ཉིད་ཡིན་ནོ་ཞེས་བྱ་བ་ནི་བརྙས་པ་གཅིག་
[249b.6]གིས་ཐོབ་པ་ཡང་འདི་ནི་ཐུན་མོང་བ་ཉིད་དུ་བསྟན་པའོ། །སུ་དང་ཐུན་མོང་བ་ཉིད་ཡིན་ཞེ་ན། དེའི་ཕྱིར་གྲོགས་དག་དང་ཡང་ངོ་ཞེས་བྱ་བ་སྨོས་ཏེ། ཇི་ལྟ་བུ་དག་དང་ཞེ་ན། དེའི་ཕྱིར་དགེ་སློང་དང་དགེ་ཚུལ་དག་དང་ངོ་། །གཅིག་པུ་ཉིད་ཡིན་ན་རྒན་རབས་ནས་བརྩམས་ཏེ་ཇི་སྲིད་སླེབས་པའི་སྟེང་དུ་གཡོགས་སོ་#ཞེས་
[249b.7]བྱ་བ་ནི་གོས་བརྙས་པ་ནི་ཞེས་བྱ་བ་དང་སྦྱར་རོ། །དམིགས་ཀྱིས་མ་བསྔོས་ན་གཞན་ལས་གྱོན་ཏེ་བཙག་#པར་མི་བྱའོ་ཞེས་བྱ་བ་ནི། གོས་ཐུན་མོང་བ་བགོས་ནས་ཞེས་བྱ་བ་མི་བརྗོད་པ་དམ་པ་རྣམས་ཀྱིས་རྗེས་སུ་གནང་བ་ལ་དེ་ལ་ཡང་ཁོངས་སུ་བསྡུ་བ་སྒྲུབ་#པའི་དོན་དུ་གང་ཞིག་ཐུན་མོང་ཉིད་དུ་སྦྱིན་པ་སྟེ། དེ་དང་
[250a]
[250a.1]འདི་ཞེས་བྱ་བ་བྱེ་བྲག་ཏུ་ནི་མ་ཡིན་ཏེ། དེ་ནི་དམིགས་ཀྱིས་མ་བསྔོས་པའོ། །བསོད་ནམས་འདོད་པས་མགྲོན་དུ་བོས་ན་ཁ་ཚར་མ་བཅད་པ་མན་ཆད་སར་པ་ལ་མི་རྟག་པས་ཉེན་པར་གྱུར་པའི་ཡིད་ལ་བྱེད་པས་སྟེང་དུ་བརྫི་བར་བྱའོ་ཞེས་བྱ་བ་ལ། དུས་ནམ་གྱི་ཚེ་ན་བརྫི་བར་བྱ་ཞེ་ན། དེའི་ཕྱིར་
[250a.2]མགྲོན་དུ་བོས་ནས་ཞེས་བྱ་བ་སྨོས་ཏེ། ཐོ་འཚམས་#པར་བྱེད་པའི་བསམ་པས་ནི་མ་ཡིན་ཏེ། འོན་ཀྱང་བསོད་ནམས་འདོད་པས་སོ། །ཅི་ཞིག་བརྫི་བར་བྱ་ཞེ་ན། དེའི་ཕྱིར་སར་པ་ལ་ཞེས་བྱ་བ་སྨོས་ཏེ། གོས་ཞེས་བྱ་བ་དང་སྦྱར་རོ། །ཁ་ཚར་མ་བཅད་པ་ཞེས་བྱ་བ་ནི་འདིར་ཇི་སྲིད་ཀྱི་སྒྲ་དང་འབྲེལ་པ་སྟེ། ཇི་
[250a.3]སྲིད་དུ་ཁ་ཚར་མ་བཅད་པ་མན་ཆད་ཅེས་བྱ་བའི་དོན་ཏོ། །ཅི་གང་ཡང་རུང་བས་ཡིན་ནམ་ཞེ་ན། དེའི་ཕྱིར་མི་རྟག་པས་ཉེན་པར་གྱུར་པའི་ཡིད་ལ་བྱེད་པས་སོ་ཞེས་བྱ་བ་སྨོས་སོ། །ཁ་མ་བསྒྱུར་བའི་གོས་གྱོན་པའི་ལྟུང་བྱེད་དོ།། །།གང་དུ་ཅི་ཞིག་བྱས་ན་ལོངས་པ་བཞིར་#གཏོགས་པའི་ལྟུང་བྱེད་དུ་འགྱུར་
[250a.4]ཞེ་#ན། དེའི་ཕྱིར་རིན་པོ་ཆེ་རང་གི་མ་ཡིན་པ་དང་། དེར་སྨོས་པ་ལ་རེག་གམ་རེག་ཏུ་བཅུག་ན་བྱེད་པ་པོ་ཡིན་ནོ་ཞེས་བྱ་བ་སྨོས་ཏེ། གང་དུ་ཞེས་བྱ་བའི་དྲི་བ་འདི་ལ་རེག་གམ་རེག་ཏུ་བཅུག་ན་ཞེས་བྱ་བའི་ཚིག་གིས་སོ། །ཅི་ཞིག་བྱས་ན་ཞེས་བྱ་བའི་དྲི་བ་འདི་ལ་རིན་པོ་ཆེ་རང་གི་མ་ཡིན་པ་དང་། དེར་སྨོས་པ་
[250a.5]ཞེས་བྱ་བའི་ཚིག་གིས་སོ། །དེར་ཞེས་བྱ་བའི་སྒྲས་ནི་དེར་སྨོས་པ་ལ་རིན་པོ་ཆེར་བཟུང་སྟེ་རིན་པོ་ཆེ་དང་མཉམ་པ་དེ་ཞེས་བྱ་བའི་དོན་ཏོ། །དེར་རང་ལ་རང་བཞིན་གྱིས་དངོས་པོ་ཉིད་ཀྱི་ཕྱིར་རང་གི་རིན་པོ་ཆེའི་རང་བཞིན་གྱི་ཆོ་ག་རྣམ་པར་གཞག་པ་ཞེས་བྱ་བའི་ཆོ་ག་འདིར་རང་བཟུང་བ་ཉིད་ཀྱི་ཕྱིར་འདིར་དག་པའི་ལྟུང་བྱེད་ལ་
[250a.6]རང་མ་ཡིན་པའི་ཚིག་ཏུ་བྱས་སོ། །དེར་སྨོས་པ་ལ་ཞེས་བྱ་བ་འདི་ལ་རང་མ་ཡིན་པ་ཞེས་བྱ་བ་#རྟོགས་པར་བྱ་སྟེ། འདིར་གཉིས་ཀ་ཡང་བྱེད་པ་པོར་རིག་པར་བྱའོ། །རང་གི་དང་རང་གི་མ་ཡིན་པ་ཤིན་ཏུ་སྟོབས་དང་ལྡན་པ་ནི་ཤིན་ཏུ་རྒྱགས་པའི་གནས་སོ། །གང་གི་ཕྱིར་རང་གི་ཤིན་ཏུ་རྒྱགས་པའི་གནས་ལ་བདག་
[250a.7]ཏུ་བྱ་བའི་རིན་པོ་ཆེར་སྨོས་པ་ལ་ཉེས་བྱས་སུ་གཏོགས་པར་རིག་པར་བྱའོ། །རིན་པོ་ཆེར་སྨོས་པ་ཞེས་བྱ་བ་དེ་ཅི་ཞིག་ཡིན་ཞེ་ན། དེའི་ཕྱིར་དེ་ནི་གཡུལ་དུ་སྤྱད་པའི་མཚོན་ཆ་དང་རོལ་མོར་སྤྱད་པའི་ལག་ཆའོ་ཞེས་བྱ་བ་སྨོས་ཏེ། གཡུལ་དུ་དགོས་ཤིང་དེ་འབྲེལ་བའི་མཚོན་ཆ་ནི་གཡུལ་དུ་སྤྱད་པའི་མཚོན་ཆའོ། །
[250b]
[250b.1]དེ་བཞིན་དུ་རོལ་མོར་སྤྱད་པ་ཡང་ངོ་། །དེ་གཉིས་ཇི་ལྟ་བུ་ཞིག་གང་གི་བྱེད་པ་པོ་ཡིན་ཞེ་ན། དེའི་ཕྱིར་དགོས་པའི་ཕྱིར་རུང་བར་གྱུར་པ་ནི་དངོས་གཞིའོ། །གྱུར་པ་མ་ཡིན་པ་ནི་ཉེས་བྱས་ཀྱིའོ། །གཙུག་ལག་ཁང་དང་ཉེ་འཁོར་ན་འདུག་པ་ལ་བདག་གིར་བྱ་བ་དང་#མ་འབྲེལ་པར་རྫས་ཆུད་མི་ཟ་བར་བྱ་བའི་སེམས་
[250b.2]ཀྱིས་ནི་མ་གཏོགས་སོ་ཞེས་བྱ་བ་སྨོས་སོ། །དེ་གཉིས་གནས་གང་ལ་ཡང་རུང་བ་ན་འདུག་པ་བྱེད་པ་པོ་ཡིན་ནམ་ཞེ་ན་མ་ཡིན་ཏེ། དེའི་ཕྱིར་གཙུག་ལག་ཁང་དང་དེའི་ཉེ་འཁོར་ན་འདུག་པ་ནི་མ་གཏོགས་ཏེ་ཞེས་བྱ་བའི་ཚིག་གིས་སོ། །ཅི་སེམས་གང་ཡང་རུང་བས་འདི་མ་གཏོགས་པར་སེམས་གང་ཡང་རུང་བ་དེ་ལ་འདི་
[250b.3]བྱེད་པ་པོ་ཡིན་ཞེ་ན། དེའི་ཕྱིར་བདག་གིར་བྱ་བ་དང་མ་འབྲེལ་པར་རྫས་ཆུད་མི་ཟ་བར་བྱ་བའི་སེམས་གང་ལ་ཡོད་པ་དེའི་ཕྱིར་འདིའོ། །གཙུག་ལག་ཁང་དང་དེའི་ཉེ་འཁོར་ན་འདུག་པ་ནི་མ་གཏོགས་ཏེ་ཞེས་བྱ་བ་འདིའི་དོན་ཏོ། །དེ་བསྐྱང་བའི་ཕྱིར་རེག་པ་དང་རེག་ཏུ་བཅུག་པ་ལ་ནི་ཉེས་པ་མེད་དོ་ཞེས་བྱ་བ་
[250b.4]དེ་ཙམ་བཤད་དོ། །དེ་ལ་འདི་ལྟར་ཡོངས་སུ་བསྐྱང་བར་བྱ་ཞེས་བྱ་བ་མ་བསྟན་པས་དེ་རྗོད་#པར་བྱེད་པ་ནི། དེ་ཡལ་བར་མི་དོར་ཞེས་བྱ་བ་ནི་གཙུག་ལག་ཁང་ན་འདུག་པའམ། གཙུག་ལག་ཁང་གི་ཉེ་འཁོར་ན་འདུག་པ་ཞེས་བྱ་བ་དང་སྦྱར་རོ། །རིན་པོ་ཆེ་འམ་རིན་པོ་ཆེར་སྨོས་པ་དེ་ཡལ་བར་མི་དོར་
[250b.5]ཏེ། དེ་བསྲུང་བའི་ཕྱིར་འདོད་པ་དེ་ཐོབ་པར་མི་བྱ་ཞེས་བྱ་བའི་དོན་ཏོ། །བདག་པོ་ལས་འཁྱམས་པར་གྱུར་ན་ཞེས་བྱ་བ་ཤུགས་ཀྱིས་རྟོགས་པའོ། །བསྲུང་བའི་དོན་དུ་འདོད་པ་ཐོབ་པར་བྱ་བ་ཇི་ལྟར་དེ་ཡལ་བར་མི་འདོར་བར་བྱ་ཞེ་ན། དེའི་ཕྱིར་ཞག་བདུན་ནམ་བརྒྱད་དུ་བསྡུ་སྐྱོགས་བྱའོ་ཞེས་བྱ་བ་སྨོས་ཏེ།
[250b.6]འགྲོ་བའི་ལམ་གཡོགས་སུ་འམ་ལོ་མའི་ཚོགས་དག་གིས་གཡོགས་པར་བྱའོ། །བདག་པོ་རྟགས་ཐམས་ཅད་ལ་མ་བབ་པར་ཁོ་བོའི་ཡིན་ནོ་ཞེ་#ཟེར་བ་ལ་སྦྱིན་པར་མི་བྱའོ་ཞེས་བྱ་བ་སྨོས་ཏེ། རྫས་དེའི་རྟགས་གང་ཡིན་པ་དེའི་ཐོག་ཏུ་ཕེབས་པར་གྱུར་པའི་དོན་གྱིས་མ་ཕེབས་པར་མུན་སྤྲུལ་ཙམ་དུ་ཁོ་བོའི་ཡིན་ནོ་
[250b.7]ཞེས་ཟེར་བ་དེ་ལ་གྱ་ཚོམ་དུ་སྦྱིན་པར་མི་བྱའོ། །འོངས་པར་མ་གྱུར་ན་དེའི་འོག་ཏུ་དགེ་འདུན་གྱི་མཛོད་དུ་གཞུག་པར་བྱའོ་ཞེས་བྱ་བ་ལ། དེའི་ཞེས་བྱ་བ་ནི་བདག་པོའི་འོ། །དེའི་འོག་ཏུ་ཞེས་བྱ་བ་ནི་ཞག་བདུན་ནམ་བརྒྱད་རྣམས་ལས་སོ། །འདིར་དུས་ཡུན་ཇི་སྲིད་དུ་གཞུག་ཅིང་བཅང་བར་#ཞེ་ན། དེའི་ཕྱིར་ཟླ་བ་
[251a]
[251a.1]དྲུག་གི་མཐའ་ཚུན་ཆད་དུ་བཅང་བར་བྱའོ་ཞེས་བྱ་བ་སྨོས་སོ། །དུས་དེ་ལ་ཡང་བདག་པོ་མ་འོངས་ན་དེའི་འོག་ཏུ་གང་ཞིག་བྱ་བ་དེ་སྨོས་པ་ནི། དེའི་ཕྱིར་འོག་ཏུ་མ་འོངས་ན་སངས་རྒྱས་སམ་དགེ་འདུན་གྱི་#རིས་གང་ནས་རྙེད་པ་དེར་#སྤྱད་དུ་རུང་ངོ་ཞེས་བྱ་བ་སྨོས་ཏེ། ས་རིས་གང་ནས་ཞེས་བྱ་བ་ནི་
[251a.2]སངས་རྒྱས་སམ་དགེ་འདུན་གྱི་#ས་རིས་ཀྱི་ཡུལ་གང་གི་#ནང་ནས་སོ། །དེས་ཞེས་བྱ་བ་ནི་སངས་རྒྱས་སམ་དགེ་འདུན་གྱིས་སོ། །དགོས་པའི་ཕྱིར་རུང་བ་ཉིད་ལ་དངོས་པོ་དེའི་ཚིག་ཏུ་བརྗོད་པ་མ་ཡིན་པ་སྟེ། མི་རུང་བ་ཉིད་ལ་འདིའི་#བྱ་བ་གང་ཡིན་པ་དེ་བརྗོད་པར་བྱ་སྟེ། དེ་རུང་བ་ཉིད་མ་ཡིན་ན་#དེས་རུང་བ་བརྟན་#པ་
[251a.3]ཉོ་བར་བྱའོ། །གལ་ཏེ་དེའི་ཚེ་བདག་པོ་འོངས་པར་གྱུར་ན་རྗེས་སུ་གནང་བ་གསོལ་ཏེ། མི་སྟེར་ན་སྦྱིན་པར་བྱའོ་ཞེས་བྱ་བ་སྨོས་ཏེ། གལ་ཏེ་དེའི་ཚེ་ཞེས་བྱ་བ་ནི་ཉོས་པ་ཉིད་དང་མ་ཉོས་པར་སྤྱོད་པའི་གནས་སྐབས་སུ་ཡང་དགོས་པར་གྱུར་པ་ཉིད་ནའོ། །མི་སྟེར་ན་ཞེས་བྱ་བ་ནི་རྗེས་སུ་གནང་བའོ། །སྦྱིན་པར་བྱའོ་
[251a.4]ཞེས་བྱ་བ་ནི་རྫས་དེའོ། །གལ་ཏེ་སྐྱེད་#སློང་ན་ཁོ་བོ་ཅག་གིས་ཡོངས་སུ་བསྐྱངས་པ་གང་ཡིན་པ་དེ་ཉིད་དྲིན་ཆེ་བར་མི་སེམས་སམ་ཞེས་བརྗོད་པར་བྱའོ་ཞེས་བྱ་བ་ལ། སྐྱེད་#སློང་ན་ཞེས་བྱ་བ་ནི་དགོད་#པའི་རྒྱུ་མཚན་གྱི་རྙེད་པའོ། །སྔར་རུང་བ་ཉིད་དུ་གྱུར་པ་#ཞེས་གང་སྨོས་པ་དེ་ལ་གང་ལ་དགོད་པར་བྱ་བ་ཉིད་ཡིན་
[251a.5]ཞེ་ན། དེའི་ཕྱིར་བརྗོད་པར་བྱ་སྟེ། ནོར་བུ་ལ་སོགས་པ་ནི་བདར་བ་དང་། ཕུག་པ་ཉིད་ཡིན་ནོ་ཞེས་བྱ་བ་#སྨོས་ཏེ། སོགས་པ་ཞེས་བྱ་བའི་སྒྲས་ནི་མུ་ཏིག་དང་བཻ་ཌཱུརྱ་ལ་སོགས་པ་དག་བསྡུས་པའི་དོན་དུའོ། །འདིར་གཞུང་ཁ་ཅིག་ལས་ནི་དགེ་སློང་གིས་ནོར་བུ་ལེན་ན་ནི་ཉེས་བྱས་སུ་འགྱུར་ལ། བདར་བ་ལེན་པར་
[251a.6]བྱེད་ན་ལྟུང་བྱེད་དོ། །ནོར་བུ་ཇི་ལྟ་བ་བཞིན་དུ་མུ་ཏིག་དང་བཻ་ཌཱུཪྱ་དང་དུང་དང་མན་ཤེལ་དང་བྱི་རུ་དང་དངུལ་དང་ས་ལེ་སྦྲམ་དང་སྤུག་དང་རྡོའི་སྙིང་པོ་དང་། དམར་པོ་དང་གཡས་སུ་འཁྱིལ་པའི་བར་དུ་ཡང་རུང་ངམ་#ཞེས་པའོ། །གཞན་ལས་ཀྱང་དགེ་སློང་གིས་ནོར་བུ་ལེན་ན་མ་ཕུག་པ་ལེན་ན་ཉེས་བྱས་སུ་འགྱུར་ལ།
[251a.7]ཕུག་པ་ལེན་པར་བྱེད་ན་ནི་ལྟུང་བྱེད་དོ། །ནོར་བུ་ཇི་ལྟ་བ་བཞིན་དུ་མུ་ཏིག་དང་བཻ་ཌཱུརྱ་དང་ཇི་སྲིད་གཡས་སུ་འཁྱིལ་བའི་བར་དུ་ཡང་དེ་བཞིན་ནོ་ཞེས་གསུངས་པ་ཡིན་ནོ། །དེ་གཉིས་ཀ་ལ་ཡང་ཇི་ལྟར་རིགས་#པར་སྦྱར་བ་ཞེས་བྱ་བས་གཉིས་ཀ་བསྡུས་པ་ཡིན་ནོ། །མགུལ་རྒྱན་དང་གདུ་བུ་རྒྱན་ཅན་དང་#དཔུང་རྒྱན་དང་དོ་ཤལ་དང་
[251b]
[251b.1]སེ་མོ་དོར་གནས་པ་ཉིད་དུ་ཡང་ངོ་ཞེས་བྱ་བ་ནི་ས་ལེ་སྦྲམ་དང་དངུལ་ལས་བྱས་པ་ཉིད་གང་ཞིག་འདིར་དེ་#ལ་འདི་ལྟ་བུར་འདུག་པའི་ངོ་བོ་མ་ཡིན་པ་ལ་འདི་དག་ལ་དངོས་གཞིའི་བྱེད་པ་པོ་ཉིད་མ་ཡིན་ནོ་ཞེས་བྱ་བ་འདི་བསྟན་པའི་དོན་དུ་བཟུང་བའོ། །པི་ཝང་དང་གླིང་བུ་དང་བ་ལ་རི་དང་མ་ཧཱ་ཏི་དང་སུ་གྷོ་ཥ་ཀ་རྣམས་ནི་རྒྱུད་
[251b.2]དང་བཅས་པ་ཉིད་ནའོ་ཞེས་བྱ་བ་ནི་རུང་བར་གྱུར་པ་ཉིད་ནའོ་ཞེས་བྱ་བ་སྟེ་འདིར་ཐམས་ཅད་དུ་སྦྱར་བར་བྱའོ། །འདིར་གཞུང་ནི་དགེ་སློང་གིས་པི་ཝང་ལེན་ན་རྒྱུད་དང་བཅས་པ་ལེན་ན་ལྟུང་བྱེད་དུ་འགྱུར་ལ་རྒྱུད་མེད་པ་ལེན་ན་ལྟུང་བ་ཉེས་པ་ཅན་དུ་#འགྱུར་རོ། །པི་ཝང་ཇི་ལྟ་བ་བཞིན་དུ་གླིང་བུ་དང་བ་ལ་རི་དང་མ་ཧཱ་ཏི་དང་སུ་
[251b.3]གྷོ་ཥ་ཀ་ཡང་དེ་བཞིན་ནོ་ཞེས་གསུངས་པ་ཡིན་ནོ། །དུང་དང་རྔ་བོ་ཆེ་དང་རྔ་པ་ཊ་ཧ་དང་རྫ་རྔ་རྣམས་ནི་སྒྲ་འབྱིན་ནའོ་ཞེས་བྱ་བ་ནི་རུང་བར་གྱུར་པ་ཡིན་ནོ། །གཞན་#ནི་རྒྱུད་དང་བཅས་པ་ཉིད་ནའོ་ཞེས་བྱ་བ་ནི་རུང་བར་གྱུར་པ་ཉིད་ཡིན་ནོ་ཞེས་བྱ་བར་འཇུག་གོ། །རལ་གྲི་དང་རལ་གྲི་#ཁྱོག་པོ་དང་རལ་གྲི་སོ་གཅིག་
[251b.4]པ་དང་མདུང་དང་འཕང་མདུང་དང་ལྕགས་ཀྱུ་རྣམས་ནི་དེ་ཉིད་ཡིན་ནའོ་ཞེས་བྱ་བ་ནི་རལ་གྲི་ལ་སོགས་པ་རྣམས་ཀྱི་དེ་དག་ཉིད་ཡིན་ན་རལ་གྲི་ལ་སོགས་པ་རུང་བ་ཉིད་#ལ་རུང་བ་ཉིད་ཅེས་བྱ་བའི་དོན་ཏོ། །མདའ་དང་ལྕགས་མདའ་དང་མདའ་ཕྱེད་ལྕགས་ལས་བྱས་པ་རྣམས་ནི་མདེའུ་དང་བཅས་པ་ཉིད་ཡིན་ནའོ་
[251b.5]ཞེས་བྱ་བ་ནི་རུང་བ་ཉིད་ཡིན་ནོ་ཞེས་བྱ་བར་སྦྱར་རོ། །སྐུ་གཟུགས་ནི་སྐུ་གདུང་དང་བཅས་པ་ཉིད་ཡིན་ནའོ་ཞེས་བྱ་བ་ནི་གང་གིས་#འདི་འདྲ་བ་དེ་ནི་མཚོན་པར་བྱེད་པ་རྣམས་སོ། །འདིར་སོ་སོར་ཉེ་བར་གནས་པ་ཞེས་བྱ་བའི་དོན་ཏོ། །སྐུ་གདུང་དང་#བཅས་པ་ཉིད་ཡིན་ན་ཡོངས་སུ་རྫོགས་པ་ཉིད་དེ་ལ་སོ་སོར་
[251b.6]ཉེ་བར་གཞག་པ་ཉིད་དོ། །ཉེ་བར་དགོས་པ་ཉིད་ལ་འདིའི་ངོ་བོ་ཉིད་ལྟར་སྐུ་གདུང་དང་བཅས་པའི་སྐུ་གཟུགས་བསྟན་པའོ། །རིན་པོ་ཆེའི་རང་བཞིན་ཉིད་ལ་སྐུ་གདུང་དང་བཅས་པ་ཉིད་ནི་ཁ་ན་མ་ཐོ་བ་ཡོངས་སུ་རྫོགས་པའོ། །སྐུ་གདུང་དང་བཅས་པ་མ་ཡིན་ན་ནི་ཉེས་བྱས་སོ། །རིན་པོ་ཆེའི་རང་བཞིན་མ་
[251b.7]ཡིན་པ་ཉིད་ལ་སྐུ་གདུང་དང་བཅས་པ་ཉིད་ན་ནི་ཉེས་བྱས་སོ། །སྐུ་གདུང་མེད་པ་ཉིད་ལ་ནི་ལྟུང་བ་མེད་དོ། །འདིར་ལྕི་བ་ཡོངས་སུ་སྤང་བའི་#དོན་དུ་དྲན་པ་ཉེ་བར་གཞག་པ་ཞེས་བྱ་བ་འདིར་རྣམ་པར་གཞག་པར་#རིག་པར་བྱའོ། །མཆོད་རྟེན་རིན་པོ་ཆེ་ལས་བྱས་པ་ལ་ནི་དགོས་པ་ཉིད་མེད་པ་ནི་མ་ཡིན་ཏེ། དེ་བས་ན་
[252a]
[252a.1]འདིར་ཡང་རིན་པོ་ཆེའི་རང་བཞིན་དང་སྐུ་གདུང་དང་བཅས་པ་ཉིད་དག་ལ་ལྟུང་བྱེད་དོ། །གང་ཡང་རུང་བ་གཅིག་#མ་ཚང་ན་ནི་ཉེས་བྱས་སོ་ཞེས་བྱ་བ་རྟོགས་པར་བྱའོ། །ཉན་ཐོས་དང་རང་སངས་རྒྱས་ཀྱི་སྐུ་གཟུགས་དང་སྐུ་གདུང་དང་བཅས་པ་ཉིད་ལ་ནི་དེ་དག་གི་སྐུ་གདུང་དང་བཅས་པ་ཡང་རུང་། སངས་
[252a.2]རྒྱས་ཀྱི་སྐུ་གདུང་དང་བཅས་པ་ཡང་རུང་སྟེ། ཉེས་བྱས་སུ་འགྱུར་བ་ཉིད་དུ་རྟོགས་པར་བྱའོ། །སྲེད་མེད་ཀྱི་བུ་ལ་སོགས་པའི་གཟུགས་རིན་པོ་ཆེ་ལས་བྱས་པ་ཉིད་མ་ཡིན་པ་སྐུ་གདུང་དང་བཅས་པ་ཉིད་ནི་དེ་དག་གི་རུས་པ་དང་བཅས་པ་ཡང་རུང་སངས་རྒྱས་ཀྱི་སྐུ་གདུང་དང་བཅས་པ་ཡང་རུང་སྟེ་
[252a.3]ཉེས་པ་མེད་དོ། །རིན་པོ་ཆེ་ལས་བྱས་པ་ཉིད་ཡིན་ན་ནི་རྫས་ཙམ་གྱི་དབང་ལས་ཉེས་བྱས་སུ་འགྱུར་རོ། །དེ་ལ་སྟོན་པའི་འདུ་ཤེས་ཉེ་བར་གཞག་ན་ཉེས་པ་མེད་དོ་ཞེས་བྱ་བ་ནི་སྐུ་གཟུགས་དེ་དག་ལ་སྟོན་པའི་འདུ་ཤེས་ཉེ་བར་བཞག་#སྟེ། རེག་གམ་རེག་ཏུ་བཅུག་པ་ནི་ཉེས་པ་མེད་དོ་ཞེས་བྱ་བའི་དོན་ཏོ། །ནོར་བུ་
[252a.4]མཆིང་བུ་དང་སོག་མའི་ཕྲེང་བ་དང་མཆུ་#སྒྲེང་དང་རྫ་རྔ་ཁ་ཅིག་#པ་དང་གཞུ་དང་མདའ་ལྟར་བཅོས་པ་རྣམས་ནི་ཕྱེད་ཉིད་དོ་ཞེས་བྱ་བ་ལ། མདའ་ལྟར་བཅོས་པ་ཞེས་བྱ་བ་ནི་ལྟོང་ལ་སོགས་པ་དང་སྦྱར་བས་མདའ་རྣམ་པ་ཉིད་དུ་ཉེ་བར་གྱུར་པ་སྟེ། ཤིང་བུ་ལ་སོགས་པ་དག་ལས་ལྟོང་ཙམ་བཏོད་#ཅིང་འོལ་བྱི་ཙམ་
[252a.5]མདའ་འདྲ་བ་བྱས་པ་ཡིན་པར་རིག་པར་བྱའོ། །འདིར་མཆིང་བུ་ལ་སོགས་པའི་ཚིག་ནི་དཔེ་ཙམ་དུ་ཟད་དེ། ས་ལས་བྱས་པའི་ནོར་བུ་དག་ཀྱང་ཕྱེད་ཉིད་དེ་ཉེས་བྱས་སུ་རིག་པར་བྱའོ། །གསེར་གྱི་སྟེགས་བུ་ནི་མི་རུང་བ་ཉིད་དོ་ཞེས་བྱ་བ་ལ། རྣམ་པ་འདི་ལྟ་བུ་ཉིད་ནི་མཁོ་བའི་ཡོ་བྱད་དུ་གྱུར་པ་ཉིད་མ་ཡིན་ཏེ།
[252a.6]གང་ཞིག་འདི་ལ་སྟེགས་བུ་ལ་སོགས་པ་ཉེ་བར་མཁོ་བའོ། །མི་རུང་བ་ཉིད་ལ་གྲུབ་པས་ཐམས་ཅད་དུ་གྱུར་པའི་ཡོངས་སུ་གྲུབ་པའི་དོན་ལའོ། །འདིར་གཞུང་ནི་ཞུ་བ་ཁ་ཅིག་ལས་དགེ་སློང་གསེར་གྱི་སྟེགས་བུ་ལ་འདུག་ན་ཉེས་བྱས་སོ་ཞེས་གསུངས་པ་ཡིན་ནོ། །འཇིགས་པར་གྱུར་ན་རང་གི་ལ་མི་
[252a.7]གནོད་ན་དགེ་འདུན་གྱི་དང་མཆོད་རྟེན་གྱི་དབྱིག་དང་གསེར་སྦས་སམ་ཁྱེར་ཏེ་འགྲོ་བར་བྱའོ་ཞེས་བྱ་བ་ནི་གཞུང་ཁ་ཅིག་ལས་འདིར་སྦས་ནས་ཁྱེར་ཏེ་འགྲོ་བར་བྱའོ་ཞེས་འབྱུང་ངོ་། །གཞན་དུ་ནི་དགེ་སློང་གིས་དགེ་འདུན་གྱི་#མི་ཟད་པའི་གཏེར་ཁྱེར་ཏེ། ཁྱིམ་པ་དང་དགེ་ཚུལ་དག་ལ་བྱིན་པ་དང་དེ་དག་གིས་ཁྱེར་སྟེ་བྲོས་
[252b]
[252b.1]ནས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་པ་ཡིད་ཆེས་པ་མ་ཡིན་པ་ལ་ཁྱིམ་པའམ། དགེ་ཚུལ་ལ་དགེ་འདུན་གྱི་མི་ཟད་པའི་གཏེར་རྣམས་ལག་ཏུ་སྦྱིན་པར་མི་བྱའོ། །གལ་ཏེ་ཡིད་ཆེས་པར་གྱུར་ན་ནི་སྦྱིན་པར་བྱའོ། །འོན་ཏེ་ཡིད་ཆེས་པར་མ་གྱུར་ན་དགེ་སློང་རང་གིས་ཁྱེར་ཏེ་འགྲོ་བར་བྱ་ཞིང་གང་
[252b.2]གི་ཚེ་གཙུག་ལག་ཁང་དེ་ཉིད་ན་གནས་པ་ཡིན་ན་དེའི་ཚེ་དེ་ཉིད་དུ་སྦྱིན་པར་བྱའོ། །འོན་ཏེ་གཙུག་ལག་ཁང་པ་#ཞིག་ན་གནས་པ་མ་ཡིན་ན་གཙུག་ལག་ཁང་དེ་ཉིད་དུ་གཞག་པར་བྱའོ་ཞེས་གསུངས་པ་ཡིན་ནོ། །དེར་གཉིས་ཀ་ལྟར་ཡང་ཇི་ལྟར་ཉེ་བར་དགོས་པར་གྱུར་པ་རྟོགས་པ་ཕྱིར་འཐད་པ་ཡིན་ནོ། །དེ་བས་
[252b.3]ན་དེ་གཉིས་ཀ་ཡང་འདིས་#བསྡུས་པ་ཡིན་ནོ། །རང་གི་ལ་མི་གནོད་ན་ཞེས་བྱ་བ་ནི་གལ་ཏེ་དགེ་འདུན་ནམ་མཆོད་རྟེན་གྱི་སྦ་བར་བྱ་བ་ལ་བདག་ཉིད་ཀྱི་དོན་ལ་མི་སྦ་བར་ཁྱེར་བ་དང་མ་ཁྱེར་བར་གནོད་པར་གྱུར་ན་ནི་དེ་ལྟ་བུ་མི་བྱའོ་ཞེས་བྱ་བའི་དོན་ཏོ། །རང་གི་ལ་ཞེས་བྱ་བ་ནི་ཆོས་དང་ལྡན་པ་དེའི་འོ། །གང་ཞིག་མེད་
[252b.4]པར་ལུས་གནས་པའམ་ཆོས་སྒྲུབ་#པ་ལ་གནོད་པར་འགྱུར་བ་རྨོངས་པའི་ཡོ་བྱད་ལ་ནི་མ་ཡིན་ནོ་ཞེས་བྱ་བ་ཤུགས་ཀྱིས་ཤེས་པར་བྱའོ། །དགེ་འདུན་གྱིས་ཞེས་བྱ་བ་ལ། འདིར་གཞུང་ནི་དེར་དགེ་སློང་རྣམས་ཀྱིས་དགེ་འདུན་གྱི་#མི་ཟད་པའི་གཏེར་རྣམས་ཁྱེར་བ་དང་། དེ་དག་གི་ལྷུང་བཟེད་དང་ཆོས་གོས་
[252b.5]དང་འཁྱམས་ནས་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་མི་བྱ་སྟེ་གང་ཟག་ནི་ཕོངས་པར་འགྱུར་གྱི་དགེ་འདུན་ནི་མི་འགྱུར་བས་དེའི་ཕྱིར་དགེ་སློང་གིས་དང་པོར་རང་གི་ལྷུང་བཟེད་དང་ཆོས་གོས་བསྐུར་#བར་བྱ་ཞིང་གལ་ཏེ་བསྲུང་བར་
[252b.6]ནུས་ན་ཕྱིས་དགེ་འདུན་གྱི་ལ་ཡང་འབད་པར་བྱའོ། །མཆོད་རྟེན་གྱི་ལ་ཡང་ཞེས་བྱ་བ་ནི་དེ་ཡང་གང་དུ་སྦས་ནས་འགྲོ་བ་ཀློག་པ་ལས་དེར་གསུངས་པ་རིང་བ་ཉིད་ཀྱི་ཕྱིར་འདིར་མ་བརྟགས་སོ། །བྱེད་པར་གྱུར་པ་གང་གིས་སྦས་ནས་སམ་ཁྱེར་ཏེ་འགྲོ་ཞེ་ན། དེའི་ཕྱིར་དད་པ་ཅན་གྱིས་ཏེ་འདི་པའི་རབ་ཏུ་བྱུང་
[252b.7]བ་མ་ཡིན་པ་ལ་འདི་བཟུང་བ་ཞེས་བྱ་བ་འོག་ནས་ཤེས་པར་བྱའོ། །དགེ་ཚུལ་གྱིས་སོ་ཞེས་བྱ་བ་ནི་སྡོམ་པ་ཉིད་ལ་དད་པས་དེའི་གནས་ལས་མཐའ་ཡས་པར་བྱས་པ་ཉིད་འདིས་ནི་དད་པ་ཅན་ཞེས་བྱ་བར་རིག་པར་བྱའོ། །མེད་ན་རང་གིས་སོ་ཞེས་བྱ་བ་ནི། དེ་གཉིས་གཅིག་ཀྱང་མེད་ན་རང་གིས་སྦས་སམ་
[253a]
[253a.1]ཁྱེར་ཏེ་འགྲོ་བར་བྱའོ། །དེར་བསྐོ་བར་བྱ་བ་ནི། སྦ་བ་དང་བསྐུར་བར་བྱ་སྟེ་འཛིན་པར་སྦྱོར་བའོ། །དེར་བསྐོ་བ་ཡང་འདི་དང་ཤིན་ཏུ་ཞན་པ་ཉིད་ཀྱི་ཕྱིར་འགྲོ་བ་ཉིད་དུ་རིག་པར་བྱའོ། །བྲལ་ན་སྦྱིན་ནོ་ཞེས་བྱ་བ་ནི་འདིར་བྲལ་ན་སྦས་པའམ་ཁྱེར་བ་དེ་ཉིད་དུ་སྦྱིན་པའོ། །བྲུ་བ་ཡང་དེ་
[253a.2]དང་འདྲའོ་ཞེས་བྱ་བ་ནི་ཇི་ལྟར་སྦས་ཏེ་ཁྱེར་ནས་འགྲོ་བ་དེ་བཞིན་དུ་དད་#པ་ཅན་ནམ། དགེ་ཚུལ་གྱིས་བྲུ་བའོ། །ཇི་སྲིད་དུ་དེ་གཉིས་མེད་ན་རང་གིས་སོ། །མི་མ་ཡིན་པའི་གནས་ན་གནས་ཏེ་དེ་དག་གི་བསོད་ནམས་ཀྱིས་བྱུང་བ་རིན་པོ་ཆེའི་རང་བཞིན་གྱི་ས་#གཞི་དང་ཐེམ་སྐས་ལ་སོགས་པ་ལ་ནི་ཉེས་པ་མེད་དོ་ཞེས་
[253a.3]བྱ་བ་ནི་དེ་དང་འདྲ་བའི་འཇིག་རྟེན་སྒྲུབ་པར་བྱེད་པའི་བསོད་ནམས་ནི་འདིར་རིག་པར་བྱ་སྟེ་གཞན་རྣམས་ལ་ནི་མ་ཡིན་ནོ། །ཟན་གྱི་ཕྱིར་སྣོད་གཞན་མེད་ན་རིན་པོ་ཆེ་ལ་སོགས་པ་ཡང་ངོ་ཞེས་བྱ་བ་ནི་འདིར་ཕྲན་ཚེགས་དག་ལས་སྐྱོན་མེད་པའི་རིན་པོ་ཆེའི་རང་བཞིན་ལས་བྱས་པའོ། །ཡང་ངོ་ཞེས་བྱ་བའི་སྒྲ་ནི་མི་མ་ཡིན་
[253a.4]པའི་གནས་ན་གལ་ཏེ་དེ་#དག་གི་བསོད་ནམས་ཀྱིས་བྱུང་བའི་དེ་རྣམས་ཀྱི། རིན་པོ་ཆེའི་རང་བཞིན་ལ་ནི་ཉེས་པ་མེད་དོ་ཞེས་བྱ་བའི་རྗེས་བསྙེག་པའི་ཕྱིར་རོ། །འདུག་པའི་ཕྱིར་གནས་མལ་ཡང་ངོ་ཞེས་བྱ་བ་ལ། ཡང་ངོ་ཞེས་བྱ་བའི་སྒྲ་ནི་སྐྱོན་མེད་པའི་ཞེས་#བྱ་བ་ལ་སོགས་པ་འདི་མེད་པ་ལ་གཞན་མེད་#ན་ཞེས་བྱ་
[253a.5]བ་ལ་སོགས་པའི་རྗེས་བསྙེག་པའི་ཕྱིར་རོ། །འདིར་གཞུང་ནི་ཀོ་ལྤགས་ཀྱི་གཞི་ལས། དགེ་སློང་དག་ལྷ་དང་ཀླུའི་གནས་དག་ཏུ་འགྲོ་བ་ན་དེར་རིན་པོ་ཆེའི་རང་བཞིན་གྱི་#གདན་རྣམས་རྙེད་པར་གྱུར་ཏེ། དེ་རྣམས་ལ་འདུག་པར་མི་བྱེད་ཅིང་། བཅོམ་ལྡན་འདས་ཀྱིས་བཀའ་སྩལ་པ། དེ་དག་ནི་སེམས་ཅན་
[253a.6]དེ་རྣམས་ཀྱི་#བསོད་ནམས་ལས་བྱུང་བ་ཡིན་པས་དེ་རྣམས་ལ་འདུག་པར་བྱའོ་ཞེས་གསུངས་པ་ཡིན་ནོ། །གལ་ཏེ་ཡང་གཞན་ལ་མེད་པ་ཞེས་བྱ་བ་འདིར་མི་འདོད་ན་དེ་ལྟར་ཡང་འདི་ནི་རིགས་#པར་གྱུར་པ་སྟེ། དེ་བས་ན་བརྟེན་པའོ། །བཞོན་#པས་འགྲོ་བར་བྱའོ། །ཆོས་དང་ལྡན་པའི་ཆོས་ཉིད་ཀྱི་དབང་ཉིད་ཀྱིས་
[253a.7]སོ། །དེ་ལ་ཡང་ཆ་སྒེག་པ་དང་ལྡན་པ་ཉིད་ཀྱིས་མི་བྱའོ། །རྒས་པ་དང་ན་བ་དག་ལས་གཞན་པས་མི་བྱ་བ་ནི་ཀོ་ལྤགས་ཀྱི་ཕྲན་ཚེགས་རྣམས་ལས་འདི་སྐད་ཅེས་གསུངས་ཏེ། ཆོས་ཉན་དུ་གཞུག་པའི་ཕྱིར་རིན་པོ་ཆེ་ལས་བྱས་པའི་སེང་གེའི་ཁྲི་ལ་#མི་རྟག་པས་ཉེས་པར་གྱུར་པའི་ཡིད་ལ་བྱེད་པས་འདུག་པར་བྱའོ་
[253b]
[253b.1]ཞེས་བྱ་བ་ལ། ཆོས་བསྒྲག་པའི་དོན་དུ་ཞེས་བྱ་བ་ནི་འདིར་#འདུག་ཅིང་ཉན་པ་པོ་རྣམས་ལ་ཆོས་བསྒྲགས་#པར་བྱའོ་ཞེས་བྱ་བའི་དོན་ལ་བརྟེན་ནས་གནས་མལ་གྱི་བསླབ་པའི་གཞི་ལ་སོགས་པ་གསུངས་སོ། །དེ་ལ་སོགས་པའི་རྫས་ཀྱང་ཞེས་བྱ་བའི་མཐའ་ཅན་འདིར་དྲངས་#པའོ། །འདིར་གཞུང་ནི་དེ་ནས་ཁྱིམ་བདག་
[253b.2]མགོན་མེད་ཟས་སྦྱིན་གྱིས་ཐོས་ནས་རིན་པོ་ཆེ་སྣ་བཞི་ལས་བྱས་པའི་སེང་གེའི་ཁྲི་བཤམས་པ་དང་དགེ་སློང་དེ་དག་དེ་ལ་མི་འཁོད་ནས། བཅོམ་ལྡན་འདས་ཀྱིས་བཀའ་སྩལ་པ། འདུ་བྱེད་ཐམས་ཅད་མི་རྟག་གོ་སྙམ་དུ་#བསམས་ནས་དེ་ལ་འདུག་ནས་ཆོས་བཤད་པར་བྱའོ་ཞེས་གསུངས་པ་ཡིན་ནོ། །ཁྱིམ་
[253b.3]དུ་དེ་བཤམས་པ་དང་གསེར་དང་དངུལ་གྱིས་སྤྲས་པ་དྲིལ་བུ་གཡེར་ཁ་གཤིབས་པའི་#གོས་དག་ལ་ཁྱིམ་པའི་ཡིན་ནོ་སྙམ་དུ་ཤེས་པར་བྱས་ནས་ཀྱང་ངོ་ཞེས་བྱ་བ་ལ། ཀྱང་ངོ་ཞེས་བྱ་བའི་སྒྲ་ནི་མི་རྟག་པས་ཉེན་པར་གྱུར་པ་#ཡིད་ལ་བྱེད་པས་འདུག་པར་བྱའོ་ཞེས་བྱ་བའི་རྗེས་སྙེག་པའི་ཕྱིར་རོ་སྙམ་དུ་ཤེས་པར་བྱས་ནས་
[253b.4]ཞེས་བྱ་བ་ནི་ཁྱིམ་པའི་ཡིན་ནོ་སྙམ་དུ་ཤེས་པར་བྱས་ནས་སོ། །འདིར་གཞུང་ནི་བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་ཁྱིམ་གྱི་ནང་དུ་གསེར་གྱིས་སྤྲས་པ་གསེར་གྱི་དྲིལ་བུ་གཡེར་ཁས་གཤིབས་པའི་གོས་དག་བཤམས་པ་དང་། དགེ་སློང་དག་དེ་ལ་མི་འཁོད་ནས། བཅོམ་ལྡན་འདས་ཀྱིས་བཀའ་
[253b.5]སྩལ་པ། འདུ་བྱེད་ཐམས་ཅད་མི་རྟག་གོ་སྙམ་དུ་བསམས་ཏེ། སྦྱིན་པ་པོ་རྣམས་ཀྱིས་སྦྱིན་པར་བྱ་བའི་ཆོས་རྣམས་ལ་ཡོངས་སུ་ལོངས་སྤྱོད་#པར་བྱའོ་ཞེས་གསུངས་པ་ཡིན་ནོ། །དེ་ལ་ནོར་བུས་སྤྲས་པ་གསེར་དང་དངུལ་གྱིས་བརྒྱན་པ་དག་ལ་ཡང་ངོ་ཞེས་བྱ་བ་ལ། དེ་ལ་ཞེས་བྱ་བ་ནི་སེང་གེའི་ཁྲི་
[253b.6]དེ་ལའོ། །དེ་ལྟ་བུའི་གོས་དག་ལ་འདུག་པ་འདི་ནི་དེའུ་རེ་མི་རྟག་པས་ཉེན་པར་གྱུར་པ་ཡིན་ནོ་སྙམ་པའི་ཡིད་ལ་བྱེད་པས་འདུག་པར་བྱའོ། །འདི་ལྟར་སེང་གེའི་ཁྲིའི་ཆོ་ག་ལ་གྲུབ་པ་མེད་དེ་དངོས་སུ་ཡང་བྱེ་བྲག་འདི་ལ་ཁྱད་པར་གྱི་གཞུང་ཡོད་པ་མ་ཡིན་ཏེ། འདི་བསྟན་པའི་ཕྱིར་མདོ་
[253b.7]འདི་བྱས་སོ། །དེ་དག་གྲུབ་པར་བྱའོ་ཞེས་བྱ་བ་ནི་སེང་གེའི་ཁྲི་ལ་གོས་རྣམ་པ་དེ་ལྟ་བུ་བཤམས་པ་དེ་#དག་གོ། །ཁྱིམ་པ་དང་དགེ་ཚུལ་#མེད་ན་སངས་རྒྱས་ཀྱི་སྐུ་གཟུགས་ལ་སྟོན་པའི་འདུ་ཤེས་ཉེ་བར་གཞག་པ་རྣམས་ཀྱིས་ཆོས་དང་ལྡན་པའི་དོན་གྱི་དབང་ཉིད་ཀྱིས་རེག་པ་ལ་མི་རུང་བ་མེད་དོ་
[254a]
[254a.1]ཞེས་བྱ་བ་ནི་འདིར་རིན་པོ་ཆེ་ཡང་སངས་རྒྱས་ཀྱི་སྐུ་གཟུགས་བརྗོད་པར་འདོད་པའོ། །དེའི་རྫས་ལ་ཡང་ངོ་ཞེས་བྱ་བ་ནི་སངས་རྒྱས་ཀྱི་སྐུ་གཟུགས་དེའི་རྫས་དང་རྒྱན་ལ་སོགས་པ་ལ་ཡང་ངོ་། །རྒྱན་གདགས་པ་བརྟེན་#པར་མི་བྱའོ་ཞེས་བྱ་བ་ལ་འདིར་གཞུང་ནི་དེ་ལྟ་བས་ན་དགེ་
[254a.2]སློང་གིས་རྒྱན་དང་རྐང་རྒྱན་གདགས་པར་མི་བྱའོ། །འདོགས་ན་འགལ་ཚབས་ཅན་དུ་འགྱུར་རོ། །དེ་བཞིན་དུ་ཚོན་སྣ་#ལྔའི་སྔགས་སྐུད་གདགས་པར་མི་བྱའོ། །འདོགས་ན་འགལ་ཚབས་ཅན་དུ་འགྱུར་རོ་ཞེས་བྱ་བའི་བར་དུ་#གསུངས་པ་ཡིན་ནོ། །རྒྱན་འདོགས་པ་འདི་ལ་རྒྱན་དེ་#ཐམས་ཅད་ནི་#
[254a.3]དཔེ་ཙམ་ཡིན་གྱི་འདི་ཐམས་ཅད་བཅང་བར་བྱ་#བ་མ་ཡིན་ནོ་ཞེས་བྱ་བ་འདི་སྟོན་པར་བྱེད་པའོ། །འདི་ནི་རང་བཞིན་གྱི་ཁ་ན་མ་ཐོ་བ་དང་བཅས་པ་མ་ཡིན་ཏེ། དེ་བས་ན་དེ་བསྲུང་བའི་དོན་དུ་སྲུང་སྐུད་འདི་#ཚོན་ལྔའི་རང་བཞིན་ཅན་ནི་མི་བྱ་བར་#ཤེས་པར་བྱ་བ་མ་ཡིན་ནོ། །ཕྲན་ཚེགས་དག་ལས་དེ་ལ་
[254a.4]སོགས་པ་འདིར་རུང་བ་ཞེས་བྱ་བའི་ཕྱིར་མཐར་འདི་དྲངས་#པའོ། །མ་མོ་ལས་ཀྱང་ཉན་ཐོས་ཀྱིས་ཀྱང་དོར་ན་ཞེས་#གསུངས་པ་ཡིན་ནོ། །རྒྱན་བཅང་#བར་བྱའོ་ཞེས་བྱ་བ་ལ། རྒྱན་#རྣམ་པ་ཇི་ལྟ་བུ་ཞིག་ཅེ་ན། དེ་ཡི་ཕྱིར་གདགས་སུ་མི་རུང་བའོ་ཞེས་བྱ་བ་སྨོས་ཏེ། གདགས་པར་མི་འོས་པ་དང་མི་རུང་
[254a.5]བའོ་ཞེས་བྱ་བའི་དོན་ཏོ། །རང་བཞིན་གང་ལས་བྱས་ཤེ་ན། དེའི་ཕྱིར་རོ་ཉེའམ་ཟངས་མའམ་ར་གན་ནམ་ཁར་#བའམ་རྒྱ་སྐྱེགས་ཀྱི་ཚིགས་མའམ། ཤིང་ངམ་རྡོ་འམ་ས་འམ་བ་སོའམ་རྭ་དག་རྣམས་ལས་བྱས་པའོ་ཞེས་བྱ་བ་སྨོས་ཏེ། འདིའི་#གཞུང་ནི་གཞུང་ཁ་ཅིག་ལས་དགེ་སློང་གིས་གསེར་
[254a.6]དང་དངུལ་དང་བཻ་ཌཱུརྱ་དང་ཤེལ་གྱི་རང་བཞིན་ལས་བྱས་པའི་རྒྱ་#རྣམས་བཅང་བར་མི་བྱའོ། །སོར་གདུབ་ཀྱི་རྒྱན་ཡང་བཅང་བར་མི་བྱའོ། །འོན་ཀྱང་འདིར་རྒྱན་ནི་རྣམ་པ་ལྔ་སྟེ། ར་གན་ལས་བྱས་པ་དང་ཟངས་མ་ལས་བྱས་པ་དང་། ཁར་#བ་ལས་བྱས་པ་དང་བ་སོ་ལས་བྱས་པ་དང་རྭ་ལས་བྱས་
[254a.7]པའོ་ཞེས་གསུངས་ཏེ། གཞན་དུ་ནི་དགེ་སློང་གིས་ཇི་སྲིད་གསེར་ལས་བྱས་པའི་བར་དུ་བཅང་བར་བྱའོ། །འོན་ཀྱང་རྒྱན་རྣམ་པ་བརྒྱད་པོ་རོ་ཉེ་དང་ཟངས་དང་ར་གན་དང་ཁར་#བ་དང་རྒྱ་སྐྱེགས་ཀྱི་ཚིགས་#མ་དང་ཤིང་དང་རྡོ་དང་ས་ལས་བྱས་པ་བཅང་བར་བྱའོ་ཞེས་གསུངས་པ་ཡིན་ནོ། །དེ་ལ་རིན་པོ་ཆེ་
[254b]
[254b.1]ལས་གཞན་པའི་རྫས་ཀྱི་དཔེ་ཡིན་ནོ་ཞེས་བྱ་བ་ནི་བསྡུས་ནས་བྱས་པ་ཡིན་ནོ། །རྟགས་ནི་དགེ་འདུན་གྱི་ལ་ནི་དབུས་སུ་འཁོར་ལོ། །ངོས་གཉིས་སུ་རི་དགས#། འོག་ཏུ་གཙུག་ལག་ཁང་གི་བདག་པོའི་མིང་བྲིའོ#། །གང་ཟག་གི་ལ་ནི་རུས་པའི་ཀེང་རུས་སམ་མགོའི་ཐོད་པའོ། །སོ་མངས་ཀྱིས་སྐྲ་བཤད་
[254b.2]པར་མི་བྱའོ་ཞེས་བྱ་བ་ནི་ལོངས་པའི་དངོས་པོ་ཡིན་པའི་ཕྱིར་རྣམ་པ་འདི་འཇུག་པ་དངོས་པོའི་#རྣམ་པར་ཡང་འདིར་དངོས་པོ་ཞེས་བྱ་བ་འདི་ཞུགས་པའོ། །དེ་ནི་དཔེའོ་ཞེས་བྱ་བ་ནི་སོ་མངས་ཞེས་བྱ་བ་འདི་ནི་གཞན་སྒྲུབ་#པར་བྱེད་པའི་དཔེ་ཡིན་ཏེ། གཞན་གྱིས་ཀྱང་མགོའི་སྐྲ་བཤད་པས་མགོ་
[254b.3]བཤད་པར་མི་བྱ་ཞེས་བྱ་བའི་དོན་ཏོ། །མེ་ལོང་གིས་བཞིན་བལྟ་བར་མི་བྱའོ། །ཆུ་ཡན་ཆད་ཀྱིས་སོ་ཞེས་བྱ་བ་ནི་#ཐ་ན་ཆུ་ཡན་ཆད་ཀྱིས་ཀྱང་སྟེ། ཆུ་ཡན་ཆད་ནས་ཏིལ་མར་དང་མར་#ལ་སོགས་པའི་རྫས་གཞན་གྱི་བར་མན་ཆད་ཀྱིས་ཀྱང་བལྟ་བར་མི་བྱ་ཞེས་#བྱ་བའི་དོན་ཏོ། །ཆུ་བརྟག་པའི་ཆེད་#
[254b.4]ཉིད་དང་རྨ་དང་གཉེར་མ་དང་སྐྲ་དཀར་བལྟ་བ་དང་སྔ་ཕྱིའི་མཚན་མ་བཟུང་བ་ལ་ནི་ལྟུང་བ་མེད་དོ་ཞེས་བྱ་བ་ནི་ཆོས་དང་ལྡན་པའི་དོན་གྱི་རྒྱུ་མཚན་ཉིད་གཙོ་བོ་འདི་ཡིན་ཏེ། འདིར་མིག་གི་དྲི་མ་ལ་སོགས་པ་ལ་ཡང་དོན་ཡོད་པར་དགོངས་པས་གནང་དུ་རུང་བ་འཕངས་པའོ། །འཕྲལ་རིས་གསུམ་
[254b.5]བསྟེན་#པར་མི་བྱའོ་ཞེས་བྱ་བ་ལ། འདིར་གཞུང་ནི་ཕྱོགས་དེ་ལ་འདི་ནི་དཔེ་ཙམ་ཡིན་ཏེ། དེ་ལྟར་རིགས་ཅན་གྱི་ཆ་ནི་རང་གིས་བྱས་པའམ་གཞན་གྱིས་བྱས་པ་རྣམ་པར་འབྱེད་པ་#བྱ་བ་མ་ཡིན་ཏེ། དེ་བས་ན་དགེ་སློང་གིས་འཕྲལ་རིས་གསུམ་བསྟེན་པར་མི་བྱའོ་ཞེས་གསུངས་པ་ཡིན་ནོ། །གི་ཝང་
[254b.6]གིས་བསྐུ་བ་བསྟེན་པར་མི་བྱའོ། །དྲི་དག་གིས་ཀྱང་མི་བྱའོ་ཞེས་བྱ་བ་ཡང་བསྐུ་བར་མི་བྱའོ་ཞེས་བྱ་བར་སྦྱར་རོ། །གསོ་བའི་ཆེད་དུ་ནི་གི་ཝང་གིས་#བསྐུ་བ་བསྟན་#པར་བྱའོ། །གང་ཞིག་དྲིས་པས་རྗེས་སུ་གནང་བ་དེ་ལ་གསོ་བའི་ཆེད་ཉིད་མ་གཏོགས་པར་གཞན་ནི་ཁོངས་སུ་བསྡུས་པར་#རིག་
[254b.7]པར་བྱའོ། །བསོད་ནམས་འདོད་པས་རྐང་པ་གཉིས་ལ་#ལུས་བསྐུ་བའི་དྲིས་སྐུད་པ་བསྟེན་པར་བྱའོ། །དེའི་མདུན་དུ་དོར་བར་མི་བྱའོ་ཞེས་བྱ་བ་ལ། དེའི་ཞེས་བྱ་བ་ནི་སྦྱིན་བདག་བསོད་ནམས་འདོད་པ་དེ་ལ་ཆོ་ག་གང་ཡང་འདི་སྐུད་པ་#དང་འབྲེལ་པ་ཡོད་པ་མ་ཡིན་ཏེ། དེ་ཉིད་བརྗོད་པར་བྱ་
[255a]
[255a.1]ཏེ།# དེ་དག་བསྐུས་པ་དགེ་འདུན་གྱི་ནང་དུ་འདུ་བར་མི་བྱའོ་ཞེས་བྱ་བ་ལ། དེ་དག་ཅེས་བྱ་བ་ནི་དྲི་དག་གིས་སོ། །བསྐུས་པ་ཞེས་བྱ་བ་ནི་བྱུགས་པའོ། །ཁྱིམ་བདག་ལ་ཆོས་བསྟན་པར་མི་བྱའོ། །ཁྱིམ་དག་ཏུ་འགྲོ་བར་མི་བྱའོ། །མཇུག་ཏུ་ཁྲུས་#བྱའོ། །དེ་དག་
[255a.2]བླང་བར་བྱའོ་ཞེས་བྱ་བ་ལ། དེ་དག་ཅེས་བྱ་བ་ནི་དྲི་དེ་དག་གོ། །ཕེང་བ་རྒྱུ་དག་ཀྱང་ངོ་ཞེས་བྱ་བ་ཡང་#བླང་བར་བྱའོ། །མཆོད་རྟེན་ལ་དབུལ་བར་བྱའོ་ཞེས་བྱ་བ་ནི། དྲི་དང་ཕྲེང་བ་རྒྱུ་བླངས་པ་དེ་དག་གོ། །སུའི་མཆོད་རྟེན་ལ་ཡིན་ཞེ་ན། དེའི་ཕྱིར་ཉན་ཐོས་ཀྱི་ལ་ཡང་ངོ་ཞེས་བྱ་བ་སྨོས་ཏེ། སངས་རྒྱས་
[255a.3]ཀྱི་འབའ་ཞིག་ལ་དབུལ་བར་མ་ཟད་ཀྱི་ཞེས་བྱ་བའི་དོན་ཏོ། །སྦྱིན་པར་བྱེད་པ་མངོན་པར་མ་དད་#ན་མགོ་ལོགས་སམ་རྐང་པ་ལོགས་སུའོ་ཞེས་བྱ་བ་ནི་མཆོད་རྟེན་ལ་དབུལ་བ་སྦྱིན་པར་བྱེད་པ་མངོན་པར་མ་དད་ན་རང་གི་མགོ་ལོགས་ཀྱི་སྔས་#སམ་རྐང་པ་ལོགས་ཀྱི་རྟེན་མར་གཞག་པར་བྱའོ། །ཇི་ལྟར་ཞེ་ན་
[255a.4]དེའི་ཕྱིར་སྒོའི་བྱང་ཏད་#མ་ཡིན་པར་རོ་ཞེས་བྱ་བ་སྨོས་སོ། །འདིར་གཞི་གང་ལ་དབུལ་བ་ཡིན་ཞེ་ན། དེའི་ཕྱིར་རྩིག་པ་ཞེས་བྱ་བ་སྨོས་ཏེ་ཕྲེང་#བའོ། །དེ་ལ་དམིགས་ཀྱིས་བསལ་བར་གྱུར་པའི་ཆོ་ག་གཞན་བརྗོད་པར་བྱ་སྟེ། དེར་ཁབ་བམ་ཚེར་མ་བཙུགས་པ་ལ་ཕྲེང་བ་བརྒྱུས་པ་དག་དཔྱང་
[255a.5]བར་#བྱའོ་ཞེས་བྱ་བ་དེར་ཞེས་བྱ་བ་ནི་རྩིག་པའི་ངོས་བསྟན་པ་ལ་སྟེ་ཕྱེད་བརྐོས་#པ་ལ་འཇུག་པ་ལ་ཞེས་བྱ་བའི་དོན་ཏོ། །ཚེར་མ་བཙུགས་པ་ལ་ཞེས་བྱ་བ་ནི་ཕྱེད་བཙུགས་པ་ལའོ། །མིག་ལ་ཕན་པའི་དྲི་ཞིམ་པོ་དུས་དུས་སུ་བསྣམ་#པར་བྱའོ་ཞེས་བྱ་བ་ནི་ཆོ་ག་འདི་ནི་གཉིས་ཀ་#དང་འབྲེལ་པར་རིག་
[255a.6]པར་བྱའོ། །བྲམ་ཟེ་སྲད་བུ་ཐོགས་པ་བསྟེན་པར་མི་བྱའོ། །སྔགས་སྐུད་ཀྱང་ངོ་ཞེས་བྱ་བ་ནི་སྔགས་སྐུད་ཐོགས་པ་བསྟེན་པར་མི་བྱའོ་ཞེས་སྦྱར་བར་བྱའོ། །བྱས་པ་ཉིད་ལ་ནི་གསོ་བའི་ཕྱིར་རྗེས་སུ་གནང་བ་ལ་བརྟན་#ནས་གནས་ཀྱི་བྱེ་བྲག་བསྟན་པ་ནི་གསོ་བའི་ཕྱིར་ནི་དཔུང་བ་གཡོན་པར་རོ་
[255a.7]ཞེས་བྱ་བ་སྨོས་སོ། །སྔགས་སྐུད་ཐོགས་པ་ཡང་བསྟེན་པར་བྱའོ་ཞེས་བྱ་བར་སྦྱར་རོ། །གར་བབ་བབ་#ཏུ་ནི་མི་དོར་ཞེས་བྱ་བ་ནི་སོས་པར་གྱུར་ནས་སྔགས་སྐུད་དེའོ། །གལ་ཏེ་ལྷག་མ་དང་བཅས་པར་གྱུར་ན་ཆོས་གོས་ཀྱི་ཐ་མའམ། སྐ་རགས་ལ་གདགས་སོ་ཞེས་བྱ་བ་ལ། གལ་ཏེ་ལྷག་
[255b]
[255b.1]མ་དང་བཅས་པར་གྱུར་ན་ཞེས་བྱ་བ་ནི་གནང་ངོ་། །གལ་ཏེ་མ་གྱུར་ན་ཀ་བའམ། རྩིག་པའི་གསེབ་ཏུ་གཞུག་ཅེས་བྱ་བ་ལ། གལ་ཏེ་མ་གྱུར་ན་ཞེས་བྱ་བ་ནི་ལྷག་མ་དང་བཅས་པར་རོ། །རྩིག་པའི་གསེབ་ཏུ་ཞེས་བྱ་བ་ནི་དེའི་ནང་དུའོ། །གར་དང་གླུ་དང་རོལ་མོ་ཀུན་དུ་སྤྱད་པར་མི་བྱའོ། །བསླབ་པར་མི་
[255b.2]བྱའོ། །བཟླས་པར་མི་བྱའོ། །ལྟ་#བའི་ཕྱིར་འགྲོ་བར་མི་བྱའོ། །དགེ་སློང་མ་ཀུན་དུ་གར་བྱེད་དུ་མི་གཞུག་གོ་ཞེས་བྱ་བ་ནི་གར་ནས་བརྩམས་ཏེ་དགེ་སློང་མས་མི་བྱའོ། །དགེ་སློང་མ་གར་བྱེད་དུ་མི་གཞུག་གོ་ཞེས་བྱ་བ་ཡན་ཆད་ཀྱི་སྒྲ་འཇུག་པའོ། །སྟོན་པའི་ཡོན་ཏན་ཡང་དག་པར་བསྒྲག་པ་
[255b.3]དང་། རྒྱུན་ཆགས་གསུམ་པ་གདོན་པ་ལ་དབྱངས་ཀྱི་ང་རོ་བྱའོ་ཞེས་བྱ་བ་ནི་སྟོན་པའི་ཡོན་ཏན་བསྒྲག་#པ་དང་། རྒྱུན་ཆགས་གསུམ་པ་གདོན་པ་ལས་གཞན་པའི་དབྱངས་ཀྱི་ང་རོ་བསྒྱུར་བ་ལ། གླུ་རྒྱང་གི་ཁོངས་སུ་གཏོགས་པར་རིག་པར་བྱའོ། །དེ་དག་དབེན་པའི་#ཕྱོགས་སུ་བསླབ་པར་
[255b.4]བྱའོ་ཞེས་བྱ་བ་ལ། དེ་དག་ཅེས་བྱ་བ་ནི་དབྱངས་ཀྱི་ང་རོ་དེ་དག་དབེན་པའོ། །ཐོ་#འཚམས་པ་དང་ཀུན་དུ་རྩེ་བ་དང་། ཀུན་དུ་ཅ་ཅོ་འདོན་པ་དང་། རྒོད་པ་དང་། དྲེགས་པ་དང་། ལུས་བརྡེག་པ་#དག་མི་བྱའོ། །རྒོད་པའི་བསམ་པས་ལུས་དང་ངག་གི་རྣམ་པར་འགྱུར་བ་མི་བྱའོ་ཞེས་བྱ་བ་ནི་
[255b.5]འདིར་གཞུང་ནི་ཀོ་ལྤགས་ཀྱི་གཞི་ལས་བཅོམ་ལྡན་འདས་ཀྱིས་གསུངས་པ། དགེ་སློང་གིས་མཆིལ་ལྷམ་གཟུང་#བར་མི་བྱའོ། །ལག་འགྲོས་མཁན་རབ་ཏུ་བྱུང་བ་ཞིག་རྐང་ཁྲུས་སར་དེའི་ཆུ་སྣོད་གཞག་ཏེ་(སྟེ་)རྐང་པ་གཉིས་བཀྲུས་ནས་ཁ་ཆུས་བཀང་སྟེ། རྨ་བྱའི་འགྲོས་ཀྱིས་འདུག་པ་དང་དྲུག་སྡེ་
[255b.6]དག་གིས་མཐོང་ནས་དེ་རྣམས་ཀྱིས་སྨྲས་པ། ཚེ་དང་ལྡན་པ་ལ་རོལ་མོ་མེད་པར་དགེ་སློང་གར་བྱེད་དེ། དེ་དག་གི་#ཁས་གླུ་བླངས་པས་རོལ་མོའི་གླུ་བརྩམས་པའི་སྐབས་དེ་དགེ་སློང་དག་གིས་གསོལ་པ་ན། ཚེ་དང་ལྡན་པ་དག་ཅིའི་ཕྱིར་དགོད་#པར་གྱུར་ཅེས་སྨྲས་པ་དང་། དེ་རྣམས་ཀྱིས་སྨྲས་པ་འདི་
[255b.7]ལ་བགད་#དུ་ཅི་ཞིག་ཡོད། ཁྱེད་རྣམས་ཀྱིས་མཐོང་ངམ་དགེ་སློང་རོལ་མོ་མེད་ཀྱང་གར་བྱེད་པ་ཞེས་བྱ་བའི་སྐབས་འདི་ནས། ཇི་སྲིད་དུ་སངས་རྒྱས་བཅོམ་ལྡན་འདས་ཀྱིས་དགེ་སློང་དེ་ལ་དྲི་བ་མཛད་དེ་དགེ་སློང་བསམ་པ་གང་གིས་འདི་ལྟར་བྱས། བཙུན་པ་གནས་མལ་བསྐྱབ་པའི་དོན་ཅུང་ཟད་དང་དགོད་#
[256a]
[256a.1]པའི་བསམ་པ་ཅུང་ཟད་ཀྱིས་སོ། །བཅོམ་ལྡན་འདས་ཀྱིས་བཀའ་སྩལ་པ། གནས་མལ་བསྐྱབ་པའི་ཆེད་གང་ཡིན་པ་དེ་ལ་ནི་ལྟུང་བ་མེད་དོ། །དགོད་#པའི་བསམ་པས་བྱས་པ་ལ་ནི་ཉེས་བྱས་སོ། །དྲུག་སྡེ་དག་ལ་སྨྲས་པ། བསམ་པ་གང་གིས་ཁྱེད་ཀྱིས་དེ་ལྟར་བྱས། བཙུན་པ་
[256a.2]བསྡད་པའི་བསམ་པ་ཅུང་ཟད་དག་དང་། དགོད་#པའི་བསམ་པ་ཅུང་ཟད་ཀྱིས་བགྱིས་སོ། །བཅོམ་ལྡན་འདས་ཀྱིས་བཀའ་སྩལ་པ། བསྡད་པའི་བསམ་པ་དག་གང་ཡིན་པ་དེ་ལ་ནི་ལྟུང་བ་མེད་དོ། །གང་ཞིག་དགོད་#པའི་བསམ་པས་བྱས་པ་དེ་ལ་ཉེས་བྱས་སོ་ཞེས་གསུངས་པ་ཡིན་ནོ། །གང་ཞིག་འདིར་
[256a.3]རྩོམ་པ་གཅིག་པར་གྱུར་པ་ཉིད་ལ་ཡང་རིགས་མི་མཐུན་པས་བར་དུ་ཆོད་པ་དག་ལ་ལྟུང་བ་དང་ལྟུང་བ་མེད་པ་གཅིག་ཏུ་བསྟན་པའི་ཕྱིར་འདྲེས་པ་ནི་ཆར་སྡོམ་མོ་ཞེས་བྱ་བ་སྨོས་ཏེ། ཆ་ཤས་ཀྱིས་འདྲེས་པ་ཉིད་ལ་རིགས་མི་མཐུན་པའི་ཆ་རྣམས་ཀྱིས་འདིར་རིགས་མི་མཐུན་པར་བར་དུ་གཅོད་#པ་ཉིད་ཀྱི་
[256a.4]དབང་གིས་ཐ་དད་པ་ཐམས་ཅད་རིགས་མཐུན་པའི་ཆ་རྣམས་ཆ་གཅིག་པ་ཉིད་ཀྱིས་མངོན་པར་འདོད་པ་ཉིད་དོ། །ཆ་གཅིག་པ་ཉིད་#ལ་དེ་ཉིད་ལ་འཇུག་པ་གཅིག་པ་#ཉིད་དོ། །འདིར་རིགས་གཞན་ཉིད་ཀྱིས་ཐ་དད་པའི་དངོས་པོའོ། །འདིར་རྩོམ་པ་གཅིག་པར་གྱུར་པ་ཉིད་ཀྱི་ཕྱིར། བར་དུ་གཅོད་པ་ཉིད་
[256a.5]མེད་པ་ལ་ཡང་གཅིག་ཉིད་དུ་རྣམ་པར་གཞག་པའོ། །བར་ཆད་འགའ་ཞིག་ནི་དམན་པ་སྟེ། གང་ཞིག་མེད་པས་དེ་བས་ན་ངེས་པར་གནས་པ་དང་ལྟ་བ་དང་སྤྲུགས་པ་ལ་སོགས་པ་རྣམས་ཀྱིས་སོ། །སྣོད་བརྒྱུད་པས་ཟས་ཀྱི་བྱ་བ་མི་བྱའོ་ཞེས་བྱ་བ་ནི། ཇི་ལྟར་ཆང་འཐུང་བ་དག་ཕན་ཚུན་སྐོམ་སྣོད་
[256a.6]བརྒྱུད་པས་ཆང་འཐུང་བར་བྱེད་པ་དེ་ལྟར་མི་བྱའོ། །མེ་ཏོག་རྣ་རྒྱན་བརྒྱུ་བར་མི་བྱའོ་ཞེས་བྱ་བ་#ནི། བཟོ་རྗེས་སུ་བསྒྲུབ་པར་མི་བྱའོ་ཞེས་བྱ་བའི་སྤྲོས་པ་ཡིན་པར་རིག་པར་བྱའོ། །གདགས་པར་མི་བྱའོ་ཞེས་བྱ་བ་ནི་མེ་ཏོག་རྣ་རྒྱན་ཞེས་བྱ་བར་སྦྱར་རོ། །འདི་ནི་མཚོན་པ་ཙམ་ཡིན་ཏེ། འདིས་ཕྲེང་བ་#
[256a.7]བརྒྱུ་ཞིང་འདོགས་པ་ཐམས་ཅད་ལ་དགག་པར་བྱས་པ་རྟོགས་པར་བྱའོ། །ངོ་སོ་ལས་བྱུང་བར་སྦྱིན་པར་མི་བྱའོ། །མི་རིངས་པར་རྒྱུག་#པར་མི་བྱའོ། །མྱུར་བ་དང་མཆོངས་པར་མི་བྱའོ། །བརླ་དང་ལག་པ་ཉ་ལྟར་བསྐོར་བར་མི་བྱའོ། །ཆུར་གསེག་#མ་དག་གདབ་པར་མི་བྱའོ། །ཆུར་རྫ་རྔ་ཁ་ཅིག་#
[256b]
[256b.1]པ་དང་རྔ་བོ་ཆེ་ལྟར་བརྡུང་བར་མི་བྱའོ། །རྫ་བ་ལ་ཕྱིལ་མོ་ཉུག་པར་མི་བྱའོ། །གླང་པོ་ཆེའི་སྐད་དང་། རྟའི་སྐད་དང་། ཁྱུ་མཆོག་གི་སྐད་དང་། ཁུ་བྱུག་གི་སྐད་མི་དབྱུང་ངོ་#། །ཁས་དུང་དང་སིལ་ཁྲོལ་དང་རྔ་བོ་ཆེའི་སྐད་མི་བྱའོ་ཞེས་བྱ་བར་སྦྱར་རོ། །ལོངས་པའི་གཞིར་གཏོགས་པའི་ལྟུང་བྱེད་དོ།། །།
[256b.2]ཅི་ཞིག་བྱས་ན་ཁྲུས་བྱས་པའི་ལྟུང་བྱེད་དུ་འགྱུར་ཞེས་བྱ་བ་འདི་ལ་མདུན་རོལ་གྱི་གནས་ལ་ཞེས་འཆད་པར་འགྱུར་ཏེ། གང་གིས་མདུན་རོལ་ནས་ཞེས་བྱ་བའི་དྲི་བ་འདི་ལ་ཁྲུས་ཀྱི་ཞག་བཅོ་ལྔ་པོ་ལས་བྱ་བ་འཆད་པར་འགྱུར་རོ། །གང་ལས་ཤེ་ན། དུས་གཞན་དུ་གང་ཞག་#བཅོ་ལྔ་པ་ལས་#ཁྲུས་ཀྱི་
[256b.3]ཞག་གཅིག་བྱ་བ་འདི་ལ་བརྗོད་པར་བྱ་སྟེ། སོ་ག་རྣམས་ཀྱི་ཟླ་བ་ལྷག་མ་ཕྱེད་དང་གཉིས་དང་དབྱར་རྣམས་ཀྱི་དང་པོ་ལས་སོ་ཞེས་བྱ་བ་ནི་ལྷག་མ་ཅི་ཙམ་པས་ཞེས་བྱ་བའི་དྲི་བ་འདི་ལ་ཟླ་བ་ལྷག་མ་ཕྱེད་དང་གཉིས་དང་། གང་གི་ཟླ་བ་ཕྱེད་དང་གཉིས་ལྷག་པའི་ལྷག་མ་ཞེས་བྱ་བའི་དྲི་བ་འདི་ལ་སོ་ག་རྣམས་
[256b.4]ཀྱི་ཞེས་བྱ་བ་སྨོས་སོ། །ཅི་སོ་གའི་ཟླ་བ་ཕྱེད་དང་གཉིས་ལས་ལྷག་པ་ལྷག་མའི་དུས་གཞན་ལ་ཡང་ཡིན་ནམ་#ཞེ་ན། དེའི་ཕྱིར་དབྱར་རྣམས་ཀྱི་དང་པོ་ལས་#སོ་ཞེས་བྱ་བ་སྨོས་ཏེ། སོ་ག་རྣམས་ཀྱི་ཟླ་བ་ལྷག་མ་ཕྱེད་དང་གཉིས་དང་། དབྱར་རྣམས་ཀྱི་དང་པོའི་ཟླ་བ་ལས་དུས་གཞན་ལ་ཞེས་བྱ་བའི་
[256b.5]དོན་ཏོ། །ཟླ་བ་ཕྱེད་དང་གསུམ་པོ་#དེ་དག་ལ་ཚ་བའི་གཉེན་པོའི་ཕྱིར་འདི་རྗེས་སུ་གནང་ངོ་། །དེ་བས་ན་འདིར་ཁས་བླངས་པར་རྣམ་པར་གཞག་པར་ཤེས་པར་བྱ་བ་མ་ཡིན་ནོ། །ཅི་གནས་སྐབས་ཐམས་ཅད་དུ་དགེ་སློང་ལ་དེ་ལྟ་བུའི་དུས་ཀྱི་ཐ་མར་ཁྲུས་བྱེད་པ་ལ་ལྟུང་བྱེད་དུ་འགྱུར་རམ་ཞེ་ན། དེའི་ཕྱིར་
[256b.6]གོས་མེད་པའི་ཟས་གཉིས་པ་རྙེད་པའི་རྣམ་པ་གང་ཡིན་པ་ལའོ་ཞེས་བྱ་བ་སྨོས་ཏེ། གོས་མེད་པའི་ཟས་གཉིས་པ་རྙེད་པ་ལ་རྣམ་པ་གང་ཡིན་པའི་དགེ་སློང་ལ་ལྷག་པར་གནས་ཏེ་ཟ་བ་ལ་ཁ་ན་མ་ཐོ་བ་དེ་ལྟ་བུ་ཞེས་བྱ་བའི་དོན་ཏེ། །ནད་པ་མ་ཡིན་པ་དང་ལས་མ་བྱས་པ་དང་ལམ་དུ་མ་ཞུགས་པ་
[256b.7]ཞེས་བྱ་བ་དེ་ལ་འདི་བསྟན་པའོ། །ཅི་གནས་སྐབས་གཞན་#ཐམས་ཅད་ལ་ཡང་བབ་པ་ལ་ཡང་འདིར་འགྱུར་རམ་ཞེ་ན། དེའི་ཕྱིར་རླུང་གིས་མ་བསྐྱོད་པ་ལའོ་ཞེས་བྱ་བ་སྨོས་ཏེ། །འདིར་ཚད་ཇི་ཙམ་གྱིས་ན་བསྐྱོད་པ་ཡིན་པར་རིག་པར་བྱ་ཞེ་ན། དེའི་ཕྱིར་གོས་ཀྱི་གྲྭ་འགུལ་བ་ནི་དེའི་མཐའ་ཡིན་
[257a]
[257a.1]ནོ་ཞེས་བྱ་བ་སྨོས་ཏེ། འདིར་བཏིང་བ་ནི་རྒྱུ་མཚན་ཉིད་དོ། །དེ་ཙམ་གྱིས་བསྒུལ་བ་ལ་སྟེ་འདིང་བ་#ནི་མ་ཡིན་ནོ། །གང་ཇི་སྲིད་ཅེས་བྱ་བ་འདི་ལ་བཟུང་བ་ནི་དེའི་མཐའོ་ཞེས་བྱ་བ་ནི་བསྐྱེད་པའི་མཐའོ། །བཞི་པོ་འདི་#རྣམས་ལས་གཞན་པའི་གནས་སྐབས་ཐམས་ཅད་
[257a.2]ལ་ཅི་ཡོད་པར་གྱུར་པ་ཡིན་ནམ་ཞེ་ན། ཆར་གྱིས་མ་ཕོག་པ་ལའོ་ཞེས་བྱ་བ་སྨོས་ཏེ། འདིར་གང་ཡང་རུང་བའི་ཆུས་ཕོག་པ་གང་ཡིན་པ་དེ་ནི་འདིར་ཆར་གྱིས་ཕོག་པ་ཡིན་ནོ། །དེ་ལྟར་ཡང་ཆུ་ཀླུང་རྒལ་བ་ལ་སོགས་པ་ལ་དུས་དེ་ཉིད་དུ་ལྷག་པར་གནས་ཏེ་ཁྲུས་བྱའོ་ཞེས་སྨོས་པ་ཡིན་ནོ། །ཆར་གྱིས་
[257a.3]ཕོག་པ་འདིའི་མཐའ་གང་ཡིན་ཞེ་ན། དེའི་ཕྱིར་དེའི་ཐིགས་པ་གཉིས་ཀྱིས་ཕོག་པའོ་ཞེས་བྱ་བ་སྨོས་སོ། །ཅི་གོས་ལ་ཡང་ཡིན་ནམ་ཞེ་ན། དེའི་ཕྱིར་ལུས་ལའོ་ཞེས་བྱ་བ་སྨོས་ཏེ། ཐ་ན་ཆུའི་ཐིགས་པ་གཉིས་སམ་གསུམ་གྱིས་ལུས་ལ་ཕོག་པར་གྱུར་ན་ཞེས་གསུངས་པ་ཡིན་ནོ། །འདིར་བསྒྲུབ་
[257a.4]པའི་ཚུལ་གྱིས་ནི་འདི་སྐད་བསྟན་པ་ཡིན་ཏེ། དེ་བས་ན་འདི་མ་བཟུང་ངོ་། །འདིར་རླུང་དང་ཆར་གྱིས་ཕོག་པའི་གཞན་གྱི་#འདུ་ཤེས་འབྱུང་བ་ཡིན་ཏེ། འདིར་རླུང་ནི་རྒྱུ་མཚན་ཅན་གྱི་སྒྲིབ་པ་ནི། རྒྱུ་མཚན་ཉིད་མ་ཡིན་ཏེ་ཆར་གྱིས་#འདི་ལ་སོ་སོར་བྱས་པ་ཉིད་ཀྱི་ཕྱིར་རོ། །ཆར་མི་བབ་#ན་སྐམས་པ་
[257a.5]བཞིན་དུ་གཉེན་པོ་གོས་ཉིད་ཀྱི་ཕྱིར་ཞེས་བྱ་བ་འདོད་པར་གྱུར་པའི་ཕྱིར་འདི་སྨོས་སོ། །ཕྱིར་འདོད་པ་འདི་བྱེ་བྲག་མེད་པར་འབྱུང་བ་ཡིན་ཏེ། གོ་སྐབས་མེད་པར་བྱས་པ་འདི་ཞེས་བྱ་བ་མ་བཟུང་བའོ། །གཞན་གྱི་དུས་སུ་ཁྲུས་ཀྱི་ཉིན་མོ་མ་ཡིན་པ་ཞག་བཅོ་ལྔའི་མདུན་རོལ་དུ་ཁྲུས་བྱེད་ནའོ་ཞེས་བྱ་
[257a.6]བ་ནི་གང་ཞིག་དུས་འདི་སྨོས་པ་དེ་ལས་གཞན་པའི་དུས་ལ་གང་ཞིག་བཅོ་ལྔ་པ་ཁྲུས་མ་ཡིན་པའི་#ཞག་སྨོས་པ་དེའི་#མདུན་རོལ་དུ་ཁྲུས་བྱེད་པ་ལ་ལྟུང་བྱེད་ཅེས་བྱ་བའི་དོན་ཏོ། །ཁྲུས་ཇི་ལྟར་བྱ་ཞེ་ན། དེའི་ཕྱིར་དབང་བསྐུར་བས་སམ་འཇུག་པས་སོ་ཞེས་བྱ་བ་སྨོས་ཏེ། ཆུས་ལུས་ཀྱི་ཚད་ཙམ་དུ་
[257a.7]བྱས་ན་ཁྲུས་ཡིན་ཞེ་ན། དེའི་ཕྱིར་ལྟེ་བར་སོན་ནའོ་ཞེས་བྱ་བ་སྨོས་ཏེ། དེ་ཡང་དབང་བསྐུར་བས་སྤྱི་བོ་ནས་བརྩམས་ཏེ་རྐང་མཐིལ་གྱི་བར་དུ་ཕྱོགས་གཞན་ནས་རྩོམ་པ་ཡོད་པ་ལ། གལ་ཏེ་ལྟེ་བའི་ལྟག་ཡན་ཆད་འཁྲུ་ཞིང་འོག་ཏུ་མ་སོན་པ་དང་ཆུས་འཁྲུ་ཞིང་ལྟག་ཏུ་མ་སོན་པ་ཡང་མ་ཆོག་པ་ཉིད་དོ། །
[257b]
[257b.1]གལ་ཏེ་དེ་གཉིས་ཀ་ཡང་དུས་གཅིག་ཏུ་ཁྲུས་#རྩོམ་པ་ན་གལ་ཏེ་མཉམ་དུ་འཇུག་པར་གྱུར་ན་ཁ་ན་མ་ཐོ་བ་ཡོངས་སུ་རྫོགས་པ་གཅིག་གི་ཕྱེད་དུ་འགྱུར་རོ། །གལ་ཏེ་མ་ཡིན་ན་མ་ཆོག་པ་ཉིད་དོ། །དེ་བས་ན་གོང་མའམ་འོག་གི་ཆ་དག་ལ་ཐམས་ཅད་དུ་གྱུར་པ་ཉིད་ཅེས་བྱ་བ་འདི་ལ་ལྟེ་བར་ཞེས་སྨོས་པ་
[257b.2]ནི་གཙོ་བོ་ཡིན་ཏེ། དེ་ལྟ་བས་ན་མི་སྲིད་པ་ཉིད་ལ་ཡང་ལྟེ་བའི་ཕྱོགས་གཏམས་#ཏེ་རྫོགས་པ་ལ་རྫོགས་པ་ཉིད་དོ། །འདིར་ལྟེ་བར་མ་ཕྱིན་པའི་མདུན་རོལ་དུ་ཅི་ཞིག་རྟོགས་པར་བྱ་ཞེ་ན། དེའི་ཕྱིར་མདུན་རོལ་དུ་ནི་ཉེས་བྱས་སོ་ཞེས་བྱ་བ་སྨོས་ཏེ། ཆུ་ལ་རེག་པའི་མདུན་རོལ་དུ་སྦྱོར་བར་བྱེད་པ་ནི། དེ་
[257b.3]སྦྱོར་བའི་ཉེས་བྱས་སུ་རྣམ་པར་གནས་པ་ཡིན་ནོ། །ཐམས་ཅད་ལ་དུས་དག་ཡོད་ཀྱང་བྱིན་གྱིས་མ་བརླབས་ན་ཞེས་བྱ་བ་ནི་དུས་དག་ལ་ཐམས་ཅད་དུ་བྱས་པ་གང་ཡིན་པ་བསླབ་པའི་གཞི་གཞན་དང་འབྲེལ་པ་དེ་ལ་དུས་དག་ཡོད་དུ་ཟིན་ཀྱང་བྱིན་གྱིས་མ་བརླབས་ཤིང་མངོན་སུམ་དུ་མ་བྱས་ན་ཉེས་
[257b.4]བྱས་སོ། །འདིར་གཞུང་ནི་ཞུ་བ་ལས། ཉེས་བྱས་ལས་ལྡང་བ་ནི་འདི་ཡིན་ཏེ། གང་ཞིག་རྒྱུར་གྱུར་པ་#དུས་ཀྱི་གནས་སྐབས་སམ་གཞན་དེ་ནི་དུས་སོ། །ཞག་བཅོ་ལྔ་ན་ཁྲུས་ཀྱི་ཉིན་མོ་ལ་ཁྲུས་བྱ་བ་གང་ཡིན་པ་དེ་ནི་གྲགས་པ་ཡིན་པས་ན་འདིར་དུས་མེད་པའོ། །འདི་ནི་དུས་བྱིན་གྱིས་བརླབ་
[257b.5]པར་བྱ་བ་ལ་ཡུལ་མ་ཡིན་ཞེས་བྱ་བར་རིག་པར་བྱའོ། །དོན་གཞན་ལ་གཞོལ་བར་ཆུ་ཉམས་སུ་མྱོང་བ་ནི་ཁྲུས་མ་ཡིན་ནོ། །དེའི་ཕྱིར་མ་བསམས་#པར་བརྒལ་བ་དང་#བརྒྱལ་བ་ལ་གདབ་པ་དག་ནི་ལྟུང་བ་མེད་དོ་ཞེས་བྱ་བ་ནི་ཁྲུས་ལ་རྩེ་གཅིག་པ་ཉིད་ཀྱི་ཆུ་ཉམས་སུ་མྱོང་བ་གང་ཡིན་པ་དེ་ནི་ཁྲུས་གཞན་
[257b.6]ལ་ནི་མ་ཡིན་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་དག་ཆུ་ཀླུང་རྒལ་བར་བྱེད་དོ་ཞེས་གསུངས་པ་དང་། འདིར་གཞུང་གཞན་ལས་ཀྱང་རྐྱལ་བ་ལ་ཆུས་#དབང་བསྐུར་བ་དང་། ཟམ་པ་ལས་ལྟུང་བ་ཆུ་ཀླུང་ལས་རྒལ་བར་བྱེད་པ་དང་། ཆུས་གང་བ་ལ་མཆོང་བར་བྱེད་པ་ལ་ཡང་ལྟུང་བ་མེད་དོ། །
[257b.7]དེ་བཞིན་དུ་མདུན་རོལ་དུ་འགྲོ་ཞིང་རྒྱ་མཚོ་ལ་གཟིངས་ནས་འགྲོ་བ་རྣམས་ལ་བཤང་བ་དང་གཅི་བ་བྱེད་པ་ཡང་ལྟུང་བ་མེད་དོ་ཞེས་གསུངས་པ་ཡིན་ནོ། །དེ་དང་དེའི་ངོ་བོ་གཞན་གྱི་རྐྱེན་རྣམས་ལ་ཆུ་ཉམས་སུ་མྱོང་བ་ལ་ཉེས་པ་མེད་པ་ཉིད་དུ་བསྟན་པའོ། །ཇི་སྲིད་དུ་ཁྲུས་ཞེས་བྱ་བ་ལ་སོགས་པ་རྣམས་
[258a]
[258a.1]ཀྱིས་རིག་པར་བྱའོ། །ཨ་མྲ་#པ་རན་ཏའི་ཡུལ་དག་ལ་འདི་ནི་འདི་#མེད་པར་ཤེས་པར་བྱའོ་ཞེས་བྱ་བ་ལ། འདི་ཞེས་བྱ་བ་ནི་ཁྲུས་ངེས་པའོ། །འདིར་གཞུང་ནི་ཀོ་ལྤགས་ཀྱི་གཞི་དག་ལ་ཨ་མྲ་#པ་རན་ཏའི་ཡུལ་དག་ཏུ་ནི་སྐྱེ་བོའི་ཚོགས་རྣམས་ལ་རྟག་ཏུ་ཁྲུས་བྱ་བ་རྗེས་སུ་གནང་ངོ་ཞེས་
[258a.2]གསུངས་པ་ཡིན་ནོ། །འདིར་ཡུལ་དེ་ཉིད་དུས་སུ་རིག་པར་བྱའོ། །དེའི་ཕྱིར་དེ་ཉིད་ཉེ་བར་བཞག་སྟེ། དུས་མ་ཡིན་པར་ཡང་ཁྲུས་ལ་འཇུག་པར་བྱའོ། །ཆོ་ག་བཙན་པོ་ཡོད་ན་བག་ཡངས་བྱ་བ་ལ་བརྟེན་པར་མི་བྱའོ་ཞེས་བྱ་བ་ནི་བག་ཡངས་སུ་གྱུར་པའི་རྟོགས་#པ་ནི་བག་ཡངས་སུ་གྱུར་པའོ། །ཆོ་ག་བཙན་པོ་གཞན་#
[258a.3]ཡོད་ན་བག་ཡངས་སུ་བྱ་བ་ལ་བརྟེན་པར་མི་བྱའོ། །འདིར་གཞུང་ནི་བཙུན་པ་བཅོམ་ལྡན་འདས་ཀྱིས་བྲམ་ཟེའི་བུ་མོ་ལ་#ཇི་སྐད་དུ་ཡུལ་མཐའ་འཁོབ་དག་ཏུ་འདུལ་བ་འཛིན་པ་དང་ལྔའི་ཚོགས་ཀྱིས་བསྙེན་པར་རྫོགས་པར་བྱའོ་ཞེས་གསུངས་པ་དེ་ལ། བཙུན་པ་གལ་ཏེ་བཅུའི་ཚོགས་མཆིས་བཞིན་དུ་འདུལ་བ་འཛིན་པ་
[258a.4]དང་ལྔའི་ཚོགས་ཀྱིས་བསྙེན་པར་རྫོགས་པར་བགྱི་ན་བསྙེན་པར་རྫོགས་ཞེས་བགྱིའམ། ཉེ་བ་འཁོར་བསྙེན་པར་རྫོགས་ཞེས་བྱ་སྟེ། བསྙེན་པར་རྫོགས་པར་བྱེད་པ་དག་ལ་འགལ་ཚབས་ཅན་དུ་འགྱུར་རོ་ཞེས་གསུངས་པས་རྣམ་པར་གནས་པ་ཡིན་ནོ། །ཚིག་འདི་ནི་ཆོ་ག་བཙན་པོ་ཡོད་ན་ཞེས་བྱ་བའི་ཚིག་#གིས་ཏེ།
[258a.5]རྣམ་པར་གཞག་པར་བྱས་པར་གྱུར་པ་ནི་མ་ཡིན་ནོ། །དེ་ལྟ་བས་ན་དེ་ལྟ་བུའི་རིགས་ཅན་ལ་དབང་དུ་བྱེད་པ་ཉིད་ནི་འདིར་རོ། །ཁྲུས་བྱེད་པའི་ལྟུང་བྱེད་དོ།། །།#ཅི་ཞིག་བྱས་ན་དུད་འགྲོ་གསོད་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་གསོད་པའི་སེམས་ཀྱིས་#དུད་འགྲོ་ལ་བསྣུན་ནའོ་ཞེས་བྱ་བ་སྨོས་ཏེ།
[258a.6]འདིར་གང་གི་ཚེ་#བྱས་པ་ལ་གང་བསྐྱེད་པ་ཡིན་ཞེ་ན། དེའི་ཕྱིར་གཞི་དེས་དེའི་ཚེའམ་གཞན་གྱི་ཚེ་ཤི་ནའོ་ཞེས་བྱ་བ་སྨོས་ཏེ། གཞི་དེས་ཞེས་བྱ་བ་ནི་གསོད་པའི་སེམས་ཀྱིས་བསྣུན་པའི་གཞི་དེས་སོ། །དེའི་ཚེའམ་ཞེས་བྱ་བ་ནི་#དུས་དེ་ཉིད་ཀྱི་ཚེའོ། །གཞན་གྱི་ཚེ་ཞེས་བྱ་བ་ནི་བསྣུན་པའི་དུས་ཀྱི་འོག་དུས་གཞན་གྱི་
[258a.7]ཚེ་ཤི་ནའོ་ཞེས་བྱ་བའི་དོན་ཏོ། །གཞན་གྱི་ཚེ་ཞེས་བྱ་བ་འདི་ནི་གཞི་དེས་ཞེས་བྱ་བ་བྱེ་བྲག་ཏུ་བསྟན་པའོ། །དེའི་ཚེའམ་ཞེས་བྱ་བ་#འདི་ལ་ཡང་རྣམ་པར་དཔྱད་པར་བྱ་བ་མེད་པས་གང་ཞིག་འདིར་ཞུ་#བ་ལས་སྦྱོར་བ་གཅིག་གིས་བྱས་ན་ཡང་གསོད་པར་བྱ་བ་ཇི་སྙེད་པ་རེ་རེ་ལ་#ལྟུང་བྱེད་རེ་རེར་འགྱུར་རོ། །སེམས་
[258b]
[258b.1]ཅན་རེ་རེ་དེ་དང་འབྲེལ་པ་ཞེས་བྱ་བ་འདིས་དེ་བསྡུས་པར་རིག་པར་བྱའོ། །ལུས་དེ་#དང་འབྲེལ་པ་ནི་ཐ་མི་དད་དོ་ཞེས་བྱ་བ་ལ་སོགས་པ་ཐམས་ཅད་འདིར་གསོད་པའི་ཕམ་པར་འགྱུར་བ་ལ་རིག་པར་བྱའོ། །སེམས་ཅན་གྱི་གཟུགས་སེམས་ཅན་མ་ཡིན་པ་ལ་ནི་ཉེས་བྱས་བྱེད་པ་ཉིད་དོ་ཞེས་བྱ་བ་ནི་འདིར་གཞུང་ནི་ཞུ་བ་
[258b.2]ཁ་ཅིག་ལས་ཤིང་ལས་བྱས་པའམ་ས་ལས་བྱས་པའི་གཟུགས་ལ་བསྣུན་ན་ཉེས་བྱས་སོ་ཞེས་གསུངས་པ་ཡིན་ཏེ། འདི་ནི་རིག་པར་མ་གྱུར་པར་ཤེས་པར་མི་བྱའོ། །སེམས་ཅན་གྱི་འདུ་ཤེས་དང་འབྲེལ་པའི་འདུ་ཤེས་ལ་འདིར་དངོས་པོ་ལས་ཡོད་པར་གྱུར་པ་ཉིད་ཀྱིས་དུད་འགྲོའི་རྣམ་པ་ཉིད་ལ་ནི་འདིར་གཏོགས་པའི་
[258b.3]ཁ་ན་མ་ཐོ་བར་རིག་པར་བྱའོ། །གཞན་གྱི་རྣམ་པ་ཉིད་ལ་ནི་མི་གསོད་པ་དང་འབྲེལ་པའོ། །དུད་འགྲོ་གསོད་པའི་ལྟུང་བྱེད་དོ།། །།#ཅི་ཞིག་རྗེས་སུ་སྒྲུབ་#ན་འགྱོད་པ་བསྐྱེད་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་ཁྱོད་བསྙེན་པར་རྫོགས་པ་མ་ཡིན་ཞིང་ཕམ་པར་འགྱུར་བ་བྱུང་ངོ་ཞེས་བྱ་བ་ལ་སོགས་པ་དགེ་སློང་མ་
[258b.4]ཡིན་པའི་དོན་གྱིས་འགྱོད་པ་བསྐྱེད་ནའོ་ཞེས་བྱ་བ་སྨོས་ཏེ་ཞེས་བྱ་བ་ལ་སོགས་པ་དགེ་སློང་མ་ཡིན་པ་ཉིད་དུ་ཇི་སྲིད་བསྙེན་པར་རྫོགས་པའི་དངོས་པོ་ཉམས་པ་ཉིད་དུ་གསལ་བར་བྱེད་ཅིང་དགེ་སློང་མ་ཡིན་པ་ཉིད་དུ་གསལ་བར་བྱེད་པ་དེ་རྣམ་པར་རིག་པའི་རྫས་དེ་ཐམས་ཅད་ཀྱིས་ཚེ་དང་ལྡན་པ་ཁྱོད་ལ་དགེ་སློང་#གི་
[258b.5]ཚུལ་ག་ལ་ཡོད་དེ་#བྲམ་ཟེ་ཉིད་ཀྱང་ག་ལ་ཡོད། ཚེ་དང་ལྡན་པ་ནི་བྲམ་ཟེ་རབ་ཏུ་བྱུང་བ་ཡིན་ནོ་ཞེས་བྱ་བ་ལ་སོགས་པས་ཀྱང་ཞེས་བྱ་བའི་དོན་ཏོ། །འདིར་དགོས་པ་ནི་རིགས་#དམིགས་ཀྱིས་བསལ་བ་ལ་རྣམ་པར་གཞག་པར་རིག་པར་བྱའོ། །མིའི་སྐྱོན་ནས་སྨྲ་བའི་བསམ་པས་གོ་བར་མི་བྱེད་ཅིང་དེ་ཁ་ན་མ་
[258b.6]ཐོ་བ་ཉམས་པའི་བསམ་པ་ཉིད་ནི་གཉིས་ཀའི་བསམ་པ་ཉིད་ལ་གཉིས་ཀ་ཞེས་བྱ་བའོ། །སུ་ལ་འགྱོད་པ་བསྐྱེད་ཅེ་ན། དེའི་ཕྱིར་དགེ་སློང་ལའོ་ཞེས་བྱ་བ་སྨོས་སོ། །ཅི་བསམ་པ་གང་ཡང་རུང་བས་སམ་ཞེ་ན། དེའི་ཕྱིར་བདེ་བ་ལ་མི་རིག་པ་བསྐྱེད་པའི་སེམས་ཀྱིས་སོ་ཞེས་བྱ་བ་སྨོས་ཏེ། །འདིར་
[258b.7]བདེ་བ་ལ་མི་རེག་པ་ཞེས་བྱ་བ་ནི་དགེ་སློང་ལ་ཡིད་ལ་གཅགས་པ་བསྐྱེད་པ་གང་ཡིན་པ་དེ་ཡིན་པར་རིག་པར་བྱའོ། །བཞད་གད་ཀྱིས་ཀྱང་འགྱོད་པ་བསྐྱེད་#པའི་བསམ་པས་ཞེས་སྨོས་ཏེ། འདིར་ན་སྨད་པར་ཡོད་པར་འགྱུར་རམ་ཞེས་བྱ་བའི་དགོས་པ་སྲིད་པས་གནས་སྐབས་པ་དེ་བཟློག་པའི་ཕྱིར་བརྗོད་
[259a]
[259a.1]པར་བྱ་སྟེ། བཞད་གད་ཀྱིས་ཀྱང་ཞེས་བྱ་བ་སྨོས་ཏེ། ཅི་འགྱོད་པ་སྐྱེས་པ་ཁོ་ན་འམ་ཞེ་ན། མ་ཡིན་ཏེ། དེའི་ཕྱིར་འགྱོད་པ་མ་སྐྱེས་ན་ཡང་ངོ་། །གཞན་གྱིས་ནི་ཉེས་བྱས་སོ་ཞེས་བྱ་བ་སྨོས་ཏེ། དགེ་སློང་མ་ཡིན་པ་ཉིད་ཀྱི་ཕྱིར་གཞན་གྱི་#འགྱོད་པ་བསྐྱེད་པ་ལ་ཉེས་བྱས་སོ། །འགྱོད་
[259a.2]པ་བསྐྱེད་པའི་ལྟུང་བྱེད་དོ།། །།ཅི་ཞིག་བྱས་ན་ག་ག་ཚིལ་བྱེད་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་དགེ་སློང་ལ་སོར་མོ་འམ་ཁུ་ཚུར་རམ་གྲེ་མོ་འམ་ཕྲག་པའམ་མགོ་འམ་རྐེད་པ་འམ་བརླ་འམ་པུས་མོ་འམ་བྱིན་པ་འམ་རྐང་པའམ། མཐེ་བོ་ལ་སོགས་པ་དག་གིས་ག་ག་ཚིལ་བྱེད་པས་#རེག་ནའོ་ཞེས་བྱ་བ་
[259a.3]སྨོས་ཏེ། རེག་པའི་བྱེ་བྲག་ཉམས་སུ་མྱོང་བ་དང་། ཉམས་སུ་མྱོང་དུ་བཅུག་པ་དག་ལ་ནི་ཁ་ན་མ་ཐོ་བ་འདིར་འགྱུར་རོ། །དེ་ལྟར་ན་ཡང་རང་གི་འམ་གཞན་གྱི་ལུས་ཀྱི་དབང་པོ་ཉམས་པ་ཉིད་ལ་རེག་ན་ནི་ཉེས་བྱས་ཀྱི་ཚིག་གོ། །དེ་ལྟ་བས་ན་སོགས་#པ་ཞེས་བྱ་བའི་སྒྲས་ནི་རང་གི་ལུས་ཀྱི་ཡན་ལག་
[259a.4]གཞན་དག་ཀྱང་འཕངས་པ་ཡིན་གྱི། གོས་ལ་སོགས་པ་ནི་མ་ཡིན་ནོ། །ལུས་མ་ཡིན་པས་ལུས་མ་ཡིན་པ་ལ་རེག་པ་དང་སྐྲ་དང་སེན་མོ་དང་སོ་རྣམས་ལ་ནི་ལུས་ཀྱི་དབང་པོ་ཉམས་པ་ཉིད་ཀྱི་ཚུལ་གྱི་རྗེས་སུ་འབྲངས་པས་ཉེས་བྱས་སུ་#རྟོགས་པར་བྱའོ། །ག་ག་ཚིལ་བྱེད་པ་འདི་ནི་མཚོན་པ་ཙམ་ཡིན་ཏེ།
[259a.5]འབྲེལ་པ་བྱེད་པའི་རྣམ་པ་ལའོ། །བཟོད་པ་དང་ཀུན་ནས་བཟོད་པ་དང་རེག་པ་ལ་ཡང་ཀུན་དུ་ཆགས་པ་མེད་པའི་སེམས་ཀྱིས་གལ་ཏེ་དེ་དང་འབྲེལ་པར་བྱེད་པའི་དེ་ལ་ཡང་འདིས་འཕངས་པའོ། །བག་འཁུམས་པར་མི་བྱེད་པའི་རྣམ་པས་ཀུན་དུ་ཆགས་པ་མེད་པའི་སེམས་ཀྱིས་རེག་པ་ལ་ལྟུང་བ་
[259a.6]མེད་པར་རིག་པར་བྱའོ། །ཅི་བསམ་པ་གང་ཡང་རུང་བས་རེག་ན་འམ་ཞེ་ན། དེའི་ཕྱིར་སྐྱི་གཡའ་བར་བྱ་བའི་སེམས་ཀྱིས་སོ་ཞེས་བྱ་བ་སྨོས་ཏེ། འདིར་སྐྱི་གཡའ་ཞེས་བྱ་བ་ནི་བག་འཁུམས་པར་རིག་པར་བྱའོ། །འདིར་ཀུན་དུ་འདོད་ཆགས་པ་དང་ལྡན་པའི་སེམས་ཀྱིས་#རེག་པ་ལ་ནི་དགེ་འདུན་ལྷག་
[259a.7]མར་གཏོགས་པའི་ཁ་ན་མ་ཐོ་བའི་ཆོ་ག་དམིགས་ཀྱིས་བསལ་བའོ། །སྐྱི་གཡའ་བ་དང་ལྷན་ཅིག་འབྲེལ་པ་ལ་གསོད་པ་དང་རྡེག་པར་བྱེད་པའི་ལྟུང་བྱེད་དོ། །འདི་ལས་གཞན་པའི་སེམས་ལ་སྐྱི་གཡའ་བར་བྱ་བའི་སེམས་ཀྱི་སྒྲས་རྣམ་པར་གཞག་པའོ། །དེའི་ཕྱིར་རྨ་དང་སྦྲང་བུ་དང་འབྲུམ་བུ་དང་
[259b]
[259b.1]སྨེ་བ་དང་སྤུའི་ཚུམས་བསྟན་པ་ལ་ནི་ལྟུང་བ་མེད་དོ་ཞེས་བྱ་བ་ནི། གང་གི་ཕྱིར་སྐྱི་གཡའ་བའི་སེམས་ཀྱིས་རེག་པ་ལ་ཁ་ན་མ་ཐོ་བ་འདིར་འགྱུར་བ་དེའི་ཕྱིར་འདི་དག་ལ་ནི་ལྟུང་བ་མེད་དོ་ཞེས་བྱ་བའི་དོན་ཏོ། །རེག་བྱེད་གཅིག་གམ་དུ་མ་ཉིད་ལའོ་ཞེས་བྱ་བ་ནི། འདིར་རྡེག་པར་བྱེད་པ་བཞིན་དུ་གསོད་པར་
[259b.2]བྱེད་པ་རེ་རེ་ལ་ལྟུང་བ་མེད་དོ། །འོན་ཀྱང་གསོད་བྱེད་དུ་མ་ཉིད་ལ་ཡང་ལྟུང་བ་གཅིག་ཁོ་ན་#བསྐྱེད་པ་ཞེས་བྱ་བའི་དོན་ཏོ། །ལོངས་སྤྱོད་དུ་གྱུར་པའི་རྣམ་པར་གྱུར་པ་ཅན་གྱི་འཇུག་པ་ལ་ཁ་ན་མ་ཐོ་བ་འདིར་འགྱུར་ཏེ། ལོངས་སྤྱོད་ལ་ཡང་གསོད་པར་བྱེད་པ་རེ་རེ་ལ་ཐ་དད་པར་དབྱེ་བ་ནི་མེད་དེ་གནོད་པ་ཇི་ལྟ་བར་ཞེས་བྱ་བ་
[259b.3]འདིས་ཤེས་པའོ། །འདིར་གཞུང་ནི་དགེ་སློང་གིས་#སོར་མོ་གཅིག་གིས་ག་ག་ཚིལ་བྱེད་ན་ལྟུང་བྱེད་དོ། །དེ་བཞིན་དུ་གཉིས་སམ་གསུམ་མམ་བཞི་འམ་ལྔ་རྣམས་ཀྱིས་ཀྱང་ལྟུང་བྱེད་དོ་ཞེས་གསུངས་པ་ཡིན་ནོ། །གཞན་དུ་ཡང་སོར་མོ་གཅིག་གིས་ག་ག་ཚིལ་བྱེད་ན་ལྟུང་བྱེད་ཉིད་དུ་འགྱུར་རོ། །གཉིས་
[259b.4]སམ་གསུམ་མམ་བཞི་འམ་ལྔ་དག་གིས་ག་ག་ཚིལ་བྱེད་ན་ལྟུང་བ་ལྔའི་#ལྟུང་བར་འགྱུར་རོ་ཞེས་བྱ་བ་འདིར་གཞུང་མཐོང་བ་ཡིན་ནོ། །བརྡེག་པའི་བསླབ་པའི་གཞིའི་རྗེས་སུ་འབྲངས་ནས་དེའི་རྣམ་པར་རྟོག་པར་བྱས་སོ་སྙམ་དུ་བདག་ཅག་སེམས་སོ། །ག་ག་ཚིལ་བྱེད་པའི་ལྟུང་བྱེད་དོ།། །།
[259b.5]ཅི་ཞིག་བྱས་ན་ཆུ་ལ་རྩེ་བའི་ལྟུང་བྱེད་དུ་འགྱུར་ཞེ་ན། དེའི་ཕྱིར་ཆུའི་ཡུལ་ལ་རྩེ་བ་རྗེས་སུ་བསྒྲུབ་ནའོ་ཞེས་བྱ་བ་སྨོས་ཏེ། འདིར་གང་དུ་ཁ་ན་མ་ཐོ་བ་ཇི་ལྟ་བུ་འདི་ཡིན་ཞེ་ན། དེའི་ཕྱིར་ཞུགས་ཤིང་ནུབ་པ་དང་འབྱུང་བ་དང་ངོགས་གཞན་དུ་རྒལ་བ་དང་རྒྱུན་ཕྱོགས་དང་རྒྱུན་ལས་བཟློག་ཕྱོགས་སུ་རྩོལ་
[259b.6]བ་དང་ཆུ་ལ་རྔ་བོ་ཆེ་དང་། རྫ་རྔ་ཁ་གཅིག་པའི་སྒྲ་འབྱིན་པ་དང་གསེག་མ་འཁྲབ་པ་དང་འཕེན་པ་དང་འཁོར་ཡུག་དང་རྡོ་རྗེ་དང་ཁྲོན་པ་དང་རྦ་ཀློང་དང་ཆུ་སྲུབས་འདྲེན་པར་བྱེད་ན་དངོས་གཞིའོ་ཞེས་བྱ་བ་སྨོས་ཏེ། རྔ་བོ་ཆེ་ལ་སོགས་པ་ནས་ཆུ་སྲུབས་འདྲེན་པའི་མཐར་སོ་སོར་ཆུའི་སྒྲ་དང་འབྲེལ་པའོ། །རྒྱུན་
[259b.7]ཕྱོགས་ཀྱི་སྒྲས་ཀྱང་#འབྱིན་པ་དང་སོ་སོར་འབྲེལ་པའོ། །བེམ་ཏོལ་གྱིས་རྡེག་#ན་ཉེས་བྱས་སོ། །བུམ་པ་དང་ཕྲུ་བ་དང་རིལ་བ་དང་ཁམ་ཕོར་དང་། བུ་རམ་གྱི་ཁུ་བ་འཛག་པ་དང་སྲན་ཚོད་དང་འུ་ཤ་དང་ཐང་ཚ་བ་ཉིད་ཡོད་པ་ལ་ཡང་ངོ་ཞེས་བྱ་བ་ནི་འཇུག་ཏུ་རུང་བའི་གནས་དེར་ཞུགས་ཏེ་ནུབ་པ་ལ་སོགས་
[260a]
[260a.1]པ་རྗེས་སུ་བསྒྲུབ་པ་ལ་ནི་ལྟུང་བྱེད་དུ་འགྱུར་ལ། བེམ་ཏོལ་གྱིས་རྡེག་#པ་ནི་རིལ་བ་ལ་སོགས་པ་འཇུག་པའི་ཡུལ་གང་ལ་གང་དུ་འཇུག་ཏུ་རུང་བ་དེར་ཆུའི་ཡུལ་གྱི་ལས་རྗེས་སུ་བསྒྲུབ་པ་ལ་ཉེས་བྱས་ཏེ་བེམ་ཏོལ་གྱིས་རྡེག་#པ་ལ་ནི་ཉེས་བྱས་སོ། །འུ་ཤ་ལ་སོགས་པ་ཚ་བ་ཉིད་ལ་ལྟུང་བ་
[260a.2]མེད་དོ་ཞེས་བྱ་བར་ཤེས་པར་བྱ་བ་མ་ཡིན་ཞེས་བྱ་བར་ཤེས་པར་བྱ་བའི་དོན་ཏོ། །མ་ཞུགས་པ་དང་ཞུགས་པའི་ཡུལ་བེམ་ཏོལ་#གྱིས་རྡེག་པ་ཞེས་བྱ་བ་འདི་ལ་ཉེས་བྱས་སུ་གཏོགས་#པར་བྱའོ། །ལྟེ་བ་ཙམ་ལ་ཞུགས་པའི་བློ་ནི་དེ་ལྟ་#ན་ཡང་ཁྲུས་བྱེད་པ་ལ་འདི་ནི་མཐར་གསུངས་སོ། །དེ་ལྟ་བས་ན་
[260a.3]དེ་དག་ལ་སོགས་པ་ལ་འཇུག་པ་ཉིད་ཀྱིས་ཡང་དག་པར་བརྟེན་པ་ཉིད་ཡིན་གྱི་དབང་བསྐུར་བ་ལ་ཆུ་དང་འབྲེལ་པ་ཉིད་ནི་མ་ཡིན་ནོ། །དེ་བས་ན་འདིའི་དབང་གིས་དངོས་གཞིའི་བྱེད་པ་ཉིད་ནི་མ་ཡིན་ནོ། །ཆོལ་ཟངས་ལ་སོགས་པར་མི་ནུབ་པ་ནི་#མི་ནུབ་པའོ། །འདིར་ཆུ་ལ་རྩེ་བའི་བློ་ཡོད་པས་#
[260a.4]ཡིན་ཏེ། དེ་བས་ན་འདིའི་དབང་གིས་དངོས་གཞི་མ་ཡིན་པ་ནི་མ་ཡིན་ནོ། །གང་ཡང་རུང་བ་ཉིད་ཀྱིས་ལྟེ་བ་ནུབ་པ་ཙམ་དུ་ཆུ་ལ་ཞུགས་པ་ཉིད་ནི་ཆུ་ལ་རྩེ་བའི་བློ་ཡོངས་སུ་རྫོགས་པ་སྟེ། དེ་བས་ན་འདུག་པ་ལྟེ་བ་ཙམ་དུ་སོན་པ་ལ་དངོས་གཞིའི་#བྱེད་པ་ཉིད་ནི་མ་ཡིན་ནོ། །ཆུ་མ་ཡིན་པ་ལ་རྩེ་བ་ལ་ཡང་ངོ་ཞེས་
[260a.5]བྱ་བ་ལ། ཡང་ངོ་ཞེས་བྱ་བའི་སྒྲས་ནི་ཉེས་བྱས་སོ་ཞེས་བྱ་བའི་རྗེས་བསྙེག་པའི་ཕྱིར་ཏེ། ཆུ་ལས་གཞན་པ་ལ་ཡང་#རྩེ་བའོ། །རྩེ་བར་གྱུར་པའི་འཛག་པ་ནི་རྩེ་བར་བྱེད་པའོ། །ལུས་ཀྱི་རྩེད་མོར་གྱུར་པ་གང་ཡིན་པ་དེ་ནི་དེའི་གར་གྱི་བདག་ཉིད་ཡིན་ཞེས་བྱ་བ་ཉིད་དུ་དགག་པ་ཉིད་ཀྱི་ཕྱིར་འདིར་
[260a.6]ཞུགས་པ་མ་ཡིན་ནོ། །གར་གྱི་བདག་ཉིད་མ་ཡིན་པའི་གཞན་ཐམས་ཅད་ནི་བོང་བ་ལ་སོགས་པ་འཕེན་པ་དང་། ལུས་ཀྱི་རྩེད་མོར་གྱུར་པ་གཡོ་བའི་རྩེད་མོ་གཞན་ཐམས་ཅད་ལ་ཡོངས་སུ་བཟུང་བ་འདིར་རིག་པར་བྱའོ། །འདིར་གཞུང་ནི་ཞུ་བ་ལས། བཙུན་པ་རེ་ཞིག་དགེ་སློང་ཆབ་མ་ལགས་
[260a.7]པ་དངོས་པོ་ལྡེག་མ་ལ་#རྩེ་བར་བགྱིད་ན་ལྟུང་བ་ཅིར་འགྱུར་ཉེས་བྱས་སོ་ཞེས་གསུངས་པ་ཡིན་ནོ། །དེ་ལྟ་བུ་ལ་བྱེད་དུ་བཅུག་པ་ནི་དེ་དང་འདྲའོ་ཞེས་བྱ་བ་ནི་གང་དུ་འདིར་ཆར་པར་གྱུར་པ་ལ་ཆུ་ལས་གཞན་པའི་རྫས་ལ་ཁ་ན་མ་ཐོ་བར་སྨོས་པ་དེ་ལྟ་བུར་གྱུར་པའི་ཆུ་དང་། དེ་ལས་གཞན་པའི་རྫས་དག་
[260b]
[260b.1]ལ་འཛག་ཏུ་འཇུག་པའི་རྒྱུ་དེ་དང་འདྲ་བར་རང་གིས་བྱས་པ་ལྟར་བལྟ་བར་བྱའོ། །རེངས་པའི་ལྟུང་བྱེད་དུ་འགྱུར་བར་བྱེད་དུ་བཅུག་པ་ལ་ཡང་ལྟུང་བྱེད་དོ། །ཉེས་བྱས་སུ་གྱུར་པ་ལ་ནི་ཉེས་བྱས་ཞེས་བྱ་བའི་དོན་ཏོ། །བསྙེན་པར་རྫོགས་པས་བྱེད་དུ་བཅུག་ན་བྱེད་དུ་བཅུག་པ་དང་བྱེད་པ་པོ་གཉིས་ཀ་ལ་ཁ་
[260b.2]ན་མ་ཐོ་བ་དང་འདྲ་བར་འགྱུར་རོ་ཞེས་བྱ་བའི་དོན་ཏོ། །དེ་བས་ན་སྐྱེས་པར་རིག་པར་བྱའོ། །འདིར་གཞུང་ནི་ཞུ་བ་ལས། རེངས་པའི་བསམ་པ་ལ་ཇི་ལྟ་བ་བཞིན་དུ་རེངས་སུ་བཅུག་པའི་བསམ་པ་ལ་ཡང་དེ་བཞིན་ནོ། །རྩེ་བའི་བསམ་པ་ལ་ཇི་ལྟ་བ་བཞིན་དུ་རྩེར་འཇུག་པའི་བསམ་པ་ལ་ཡང་དེ་བཞིན་
[260b.3]ནོ། །དགའ་བའི་བསམ་པ་ལ་ཇི་ལྟ་བ་བཞིན་དུ་དགར་འཇུག་པའི་བསམ་པ་ལ་ཡང་དེ་བཞིན་ནོ་ཞེས་བྱ་བ་གསུངས་པ་ཡིན་ནོ། །ཇི་བསམ་པ་གང་ཡང་རུང་བས་དེ་ལས་གཞན་པའི་ཡུལ་ལས་སྐྱེས་པའི་བྱ་བ་རྣམས་རྗེས་སུ་བསྒྲུབ་པ་ལ་ཁ་ན་མ་ཐོ་བ་འདི་རྣམས་ཡིན་ནམ་ཞེ་ན། དེའི་ཕྱིར་དགོད་#
[260b.4]པས་དགའ་བ་ཉམས་སུ་མྱོང་བར་བྱ་བའི་འདུན་པས་སོ་ཞེས་བྱ་བ་སྨོས་ཏེ། ཇི་སྲིད་དུ་དགའ་བའི་ངོ་བོ་མེད་པར་འདུན་པ་འདི་མི་འགྲུབ་པས་དེ་སྲིད་དུ་འདིར་འདི་ནི་མཐར་རོ། །འདིར་གཞུང་ནི་ཞུ་བ་ཁ་ཅིག་ལས་དགེ་སློང་གིས་བུམ་པའི་སྦྱོར་བས་ཆུས་འཐོར་ན་ཐམས་ཅད་དུ་ལྟུང་བྱེད་དུ་འགྱུར་རོ་ཞེས་
[260b.5]གསུངས་པ་ཡིན་ནོ། །དེའི་ཕྱིར་སིམ་པར་འདོད་པས་རྒལ་བ་ལ་སོགས་པ་ལ་ནི་ལྟུང་བ་མེད་དོ་ཞེས་བྱ་བ་ནི་ནུབ་པ་དང་མ་ནུབ་པ་#དག་ལ་སོགས་པའི་སྒྲས་འཕངས་པའོ། །རྐྱལ་སློབ་པ་#ཐད་ཀའམ་ལྟག་འོག་ཏུ་རྩོལ་བ་ལ་ཡང་ངོ་ཞེས་བྱ་བ་ལ། ལྟག་#འོག་ཏུ་ཞེས་བྱ་བ་ནི་སྲིད་དུའོ། །ཐད་
[260b.6]ཀར་ནི་ལྟུང་བ་མེད་དོ། །གྲང་བར་འདོད་པས་ཚ་བ་དག་ལ་རི་མོ་འདོད་པ་ལ་ཡང་ངོ་ཞེས་བྱ་བ་ནི་གྲང་ཞིང་ངད་ལས་#པར་འདོད་པས་ནི་ཉི་མ་ལ་སོགས་ཚ་བར་གྱུར་པའི་ཆུ་དག་ལ་རི་མོ་འདོད་པར་བྱེད་པ་ལྟུང་བ་མེད་དོ། །ཆུ་ལ་རྩེ་བའི་ལྟུང་བྱེད་དོ།། །།ཅི་ཞིག་བྱས་ནས་འཇུག་པ་གང་བུད་
[260b.7]མེད་དང་ལྷན་ཅིག་ཉལ་བའི་ལྟུང་བྱེད་དུ་འགྱུར་ཞེ་ན། དེའི་ཕྱིར་བུད་མེད་དང་ལྷན་ཅིག་གནས་གཅིག་ཏུ་གཉིད་ལོག་ནའོ་ཞེས་བྱ་བ་སྨོས་ཏེ། ལྷན་ཅིག་ཅེས་བྱ་བ་ནི་གཉིས་ཀ་དག་ཀྱང་ལྷན་ཅིག་གཉིད་ལོག་པ་ལས་འདའ་བར་བྱེད་ན་ཞེས་བྱ་བའི་དོན་ཏོ། །དུས་གང་གི་ཚེ་གཉིད་ལོག་པ་ན་ཞེ་ན། དེའི་
[261a]
[261a.1]ཕྱིར་མཚན་མོའོ་ཞེས་སྨོས་སོ། །ཅི་མཚན་མོ་ཐམས་ཅད་ཀྱི་སྐད་ཅིག་གང་#ཡང་རུང་བ་ལའམ་ཞེ་ན། དེའི་ཕྱིར་མཐར་རོ་ཞེས་བྱ་བ་སྨོས་སོ། །ཅི་མཚན་མོའི་མཐའི་མདུན་རོལ་དུ་ལྟུང་བ་མེད་དམ་ཞེ་ན། དེའི་མདུན་རོལ་དུ་ནི་ཉེས་བྱས་སོ་ཞེས་བྱ་བ་སྨོས་ཏེ། གང་ཞིག་འདིར་
[261a.2]སྟོབས་དང་མི་ལྡན་པའི་མ་ནིང་ལ་སོགས་པ་དང་། དུད་འགྲོ་ལ་སོགས་པ་རྣམས་ལ་སོ་སོར་སྟོབས་དང་ལྡན་པ་ཉིད་ལ་ཡང་ཉེས་བྱས་ཡིན་ན་ནི་སྤྱི་བོ་ཚོད་གང་ཡང་རུང་བ་དང་ལྡན་པའི་མཐུ་མེད་#པ་ལ་སོགས་པ་དེར་ཤེས་པར་བྱ་འམ་ཞེ་ན། དེའི་ཕྱིར་བྱ་གག་གི་ཚད་ནི་དེ་བྱེད་པ་ཉིད་ཀྱི་མཐའོ་ཞེས་བྱ་བ་སྨོས་ཏེ།
[261a.3]གཞན་ཡང་དེ་བྱེད་པ་ཉིད་ནི་ཉེས་བྱས་བྱེད་པ་མཐའོ་ཞེས་བྱ་བ་མཐའ་ཡིན་ནོ་ཞེས་བྱ་བའི་དོན་ཏོ། །བུད་མེད་དང་ལྷན་ཅིག་ཉལ་བའི་ལྟུང་བྱེད་དོ#།། །།གང་ལ་སྔངས་པར་བྱེད་པའི་ཁ་ན་མ་ཐོ་བར་འགྱུར་ཞེ་ན། དེའི་ཕྱིར་བཞད་གད་བྱ་བའི་བསམ་པས་ཀྱང་རུང་སྟེ། ངང་#བར་འདོད་པས་འཇིགས་
[261a.4]པའི་རྒྱུ་ཉེ་བར་བསྒྲུབ་པར་སྔོན་དུ་བཏང་བ་འཇིགས་པར་བྱེད་པ་ཆེ་གེ་མོ་ཞིག་ཅེས་དགེ་སློང་ལ་གཞན་གྱིས་ཀྱང་གོ་བར་བྱེད་ན་འཇིགས་པ་མ་སྐྱེས་ཀྱང་ངོ་ཞེས་བྱ་བ་སྨོས་ཏེ། ཤེས་པར་གྱུར་པའི་འཇུག་པ་བྱེད་པ་འདི་ནི་འཇུག་པ་འདི་#ཤེས་པ་ཡིན་ཏེ། འདི་ལ་འཇིགས་པ་བསྐྱེད་པ་འདི་ལས་འབྱུང་
[261a.5]བ་ཡོད་པ་མ་ཡིན་ནོ་ཞེས་བྱ་བའི་བློ་ཡོད་པ་ལ་འཇིགས་པའི་འདུན་པ་ལ་གོ་སྐབས་ཡོད་པ་མ་ཡིན་ནོ། །དེ་བས་ན་འཇིགས་པར་འདུན་པས་ཞེས་བྱ་བ་ནི་བྱེ་བྲག་གོ། །འཇིགས་པའི་རྒྱུ་མཚན་ཡིད་དུ་འོང་བ་མ་ཡིན་པའི་ངོ་བོ་ལ་སོགས་པ་ལ་ཉེ་བར་བསྒྲུབ་པ་སྔོན་དུ་འགྲོ་བས་གོ་བར་བྱེད་ན་
[261a.6]འཇིགས་པའི་ཁ་ན་མ་ཐོ་བའོ། །འདིར་གཞུང་ནི་ཡིད་#དུ་མི་འོང་བའི་གཟུགས་རྣམས་ཉེ་བར་སྒྲུབ་པར་བྱེད་པ་དེ་ནག་པོ་དང་ཁ་དོག་#ནག་པོར་སྟོན་པ་དེ་ནག་པོར་སྣང་བའོ། །འདི་ལྟ་སྟེ་དཔེར་ན་ཡི་དགས་དང་ཤ་ཟ་དང་གྲུམ་#བུམ་དང་ལུས་སྲུལ་པོའི་གཟུགས་ཅན་དེ་ལྟ་བུ་དེ་རྣམས་ཀྱིས་#ནི་རུང་བ་དང་།
[261a.7]དེ་རྣམས་ཀྱིས་#ནི་གསོད་པར་གྱུར་པ་དང་། དེ་རྣམས་ཀྱིས་ནི་སྲོག་གཅོད་པར་འགྱུར་ཏེ། དེ་ལྟ་བུར་གྱུར་པའི་རྣམ་གྲངས་གཞན་ཡང་ཤེས་པར་བྱའོ། །འདིར་ཡང་དེ་ལྟ་བུའི་གཟུགས་ཅན་ཞེས་བྱ་བ་ལ་སོགས་པའོ། །ལྷག་མ་འཇིགས་པའི་རྒྱུ་ཉེ་བར་བསྒྲུབ་པར་བྱའོ། །སྔོན་དུ་འགྲོ་བ་
[261b]
[261b.1]ཞེས་བྱ་བ་འདི་ལ་གོ་བར་བྱེད་པ་ན་རྣམ་པ་གཉིས་ཏེ། དོན་དང་གོ་བར་བྱ་བ་ལའོ། །དེ་ལ་དོན་གོ་བར་བྱེད་པ་གང་ལ་ཞེས་བྱ་བ་འདི་ལ་འཇིགས་པར་བྱེད་པ་ཞེས་སྨོས་པ་ཡིན་ནོ། །ཇི་ལྟར་འཇིགས་པར་གོ་བར་བྱེད་པ་གོ་བར་བྱེད་ཅེ་ན། དེའི་ཕྱིར་ཆེ་གེ་མོ་ཞེས་བྱ་བ་སྨོས་སོ། །གང་ལ་གོ་བར་བྱེད་
[261b.2]ཅེས་བྱ་བའི་དྲི་བ་འདི་ལ་དགེ་སློང་ལ་ཞེས་བྱ་བ་སྨོས་སོ། །ཅི་བདག་ཉིད་ཀྱིས་དེ་ལྟ་བུ་གོ་བར་བྱེད་པ་ལ་འཇིགས་པའི་ཁ་ན་མ་ཐོ་བ་ཞེས་བྱ་བ་འདི་ལ་གཞན་གྱིས་ཀྱང་ཞེས་བྱ་བ་སྨོས་སོ། །ཅི་མ་སྐྱེས་པ་ལ་ཡང་གོ་བར་བྱ་ཞེས་བྱ་བའི་འཇིགས་པ་ལ་ཁ་ན་མ་ཐོ་བ་འདི་ཡིན་ཞེ་ན། དེའི་ཕྱིར་འཇིགས་པ་མ་
[261b.3]སྐྱེས་ཀྱང་ངོ་ཞེས་བྱ་བ་སྨོས་#སོ། །འཇིགས་པའི་རྒྱུ་ཅི་འདྲ་བ་ཞིག་ཉེ་བར་བསྒྲུབ་པ་ལ་ཁ་ན་མ་ཐོ་བ་ཅི་འདྲ་བར་འགྱུར་ཞེ་ན། དེའི་ཕྱིར་ཡིད་དུ་མི་འོང་བ་ལ་ནི་དངོས་གཞིའོ་ཞེས་བྱ་བ་སྨོས་སོ། །འདིར་ཡིད་དུ་མི་འོང་བ་དཔེས་བསྟན་པའི་ཕྱིར། འདི་ལྟ་སྟེ་དཔེར་ན་ཡི་དགས་དང་ཤ་ཟ་དང་གྲུམ་#བུམ་དང་
[261b.4]ལུས་སྲུལ་པོའི་གཟུགས་ལ་བ་ནག་པོ་དང་སོལ་བ་དང་ཀ་བ་ཚིག་པ་ལྟ་བུ་དང་། སེང་གེ་དང་སྟག་དང་གུང་དང་། མཚའ་དང་གཟིག་དང་ཝའི་སྐད་ལྟ་བུ་བཤང་བ་དང་གཅི་བ་དང་རྭ་དང་དེའི་ཟེ་བའི་དྲི་ལྟ་བུ་སེག་དང་རེ་ལྡེ་དང་ཕྱར་བའི་རེག་པ་ལྟ་བུ་བདག་ཉིད་སྒྲོགས་#པའོ་ཞེས་བྱ་བ་སྨོས་ཏེ། འདིར་ཐམས་
[261b.5]ཅད་དུ་སྒྲ་དང་དྲི་དང་རེག་བྱ་རྣམས་ལ་ཡི་དགས་དང་། ཤ་ཟ་དང་གྲུམ་#བུམ་དང་ལུས་སྲུལ་པོ་ཡོད་དོ་ཞེས་སྒྲོགས་ཤིང་གོ་བར་#བྱེད་པ་འདི་ལ་འདིར་སོ་སོར་རྗེས་སུ་སྦྱར་བར་#རིག་པར་བྱའོ། །སེང་གེ་ལ་སོགས་པའི་སྒྲ་ལ་སོགས་པ་རྣམས་ལ་ཡི་དགས་ལ་སོགས་པར་གྲགས་པས་གོ་བར་བྱེད་ན་དངོས་གཞི་
[261b.6]སྟེ་གཞན་རྣམས་ལ་ནི་མ་ཡིན་ཞེས་བྱ་བའི་དོན་ཏོ། །ཡིད་དུ་འོང་བ་ལ་ནི་ཉེས་བྱས་སོ་ཞེས་བྱ་བ་ནི་ཡིད་དུ་འོང་བའི་རྒྱུ་ཉེ་བར་བསྒྲུབ་པ་སྒྲོགས་ན་ཉེས་བྱས་སོ། །གང་གི་ཕྱིར་འདི་ལ་འཇིགས་པའི་རྒྱུ་ཡོངས་སུ་རྫོགས་པ་མ་ཡིན་ཏེ། གང་གི་ཕྱིར་འདི་ལ་ཤིན་ཏུ་ཡིད་འབྱུང་བར་བྱེད་པ་ཉིད་མ་ཡིན་ཞེས་གསུངས་
[261b.7]པ་ཡིན་ནོ། །འདིར་ཡིད་དུ་འོང་བ་དཔེ་#བསྟན་པའི་ཕྱིར། འདི་ལྟ་སྟེ་དཔེར་ན་ལྷ་དང་ཀླུ་དང་དྲི་ཟ་དང་གནོད་སྦྱིན་དང་མིའམ་ཅི་#དང་ལྟོ་འཕྱེ་ཆེན་པོ་གཟུགས་ནོར་ཅན་དང་ཚོང་དཔོན་དང་དེད་དཔོན་ལ་སོགས་པ་ལྟ་བུ། པི་ཝང་ལ་སོགས་པའི་སྒྲ་ལྟ་བུའོ་ཞེས་བྱ་བ་ལ། འདིར་སོགས་པའི་སྒྲས་ནི་གླིང་བུ་དང་
[262a]
[262a.1]བ་ལ་རི་དང་མ་ཧཱ་ཏི་དང་སུ་གོ་ཥ་#ལྟ་བུ་རྣམས་ཀྱང་བསྡུའོ། །ཨ་ཀ་རུ་དང་ཙན་དན་དང་གུར་གུམ་དང་། ཏ་མ་ལའི་ལོ་མའི་དྲི་ལྟ་བུ་དང་། དར་དང་རས་ཡུག་ཆེན་#དང་བེའུ་རས་དང་དར་ལ་#དང་དུ་ཀུ་ལའི་རས་དང་། ཀོ་ཏམ་པའི་རས་ཀྱི་རེག་པ་ལྟ་བུ་རྣམས་ཉིད་སྒྲོགས་པའོ་ཞེས་བྱ་བ་ནི་
[262a.2]ཇི་སྲིད་ལྷ་ལ་སོགས་པ་འདི་ན་ཡོད་དོ་ཞེས་སྒྲོགས་ཤིང་ཞེས་བྱ་བ་འདི་ལ་འདིར་#ཐམས་ཅད་དུ་སྦྱར་བར་རིག་པར་བྱའོ། །འདིར་ལྷ་ལ་སོགས་པ་#སྨོས་པ་ནི་མཚོན་པ་ཙམ་ཡིན་ཏེ་ཤིན་ཏུ་ཆེ་བའི་ཡི་དགས་ལ་སོགས་པ་རྣམས་ཀྱང་འདིར་བསྡུས་པའོ། །ཅི་འདིར་འཇུག་པ་ཐམས་ཅད་ལ་ཁན་མ་ཐོ་བ་འདི་ཡིན་
[262a.3]ནམ་ཞེ་ན། དེའི་ཕྱིར་སྐྱོ་བར་བྱ་བའི་ཆེད་ཉིད་ནི་མ་གཏོགས་སོ་ཞེས་བྱ་བ་སྨོས་ཏེ། འཇུག་པ་འདི་ལ་རྣམ་པ་འདི་ལྟ་བུ་དག་མ་གཏོགས་པར་ཞེས་བྱ་བའི་དོན་ཏོ། །གང་གི་ཕྱིར་འཇུག་པ་འདི་ལས་འཇུག་པ་གཞན་ནི་ཁ་ན་མ་ཐོ་བ་དེ་བས་ན་དེའི་ཕྱིར་སྐྱོ་བར་བྱ་བའི་ཆེད་དུ་སེམས་ཅན་དམྱལ་བ་#དང་
[262a.4]དུད་འགྲོ་དང་། ཡི་དགས་ཀྱི་གཏམ་ལ་སོགས་པ་ནི་ལྟུང་བ་མེད་དོ་ཞེས་བྱ་བ་སྨོས་སོ། །སྔངས་པར་བྱེད་པའི་ལྟུང་བྱེད་དོ།། །།ཅི་ཞིག་བྱས་ན་སྦེད་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་རབ་ཏུ་བྱུང་བ་འདི་པ་དབང་བའི་ལྷུང་བཟེད་དང་། ཆོས་གོས་དང་དྲ་བ་དང་ཕོར་བུ་དང་སྐེ་#རགས་ལ་
[262a.5]སོགས་པ་དགེ་སློང་གི་འཚོ་བའི་ཡོ་#བྱད་སྦེད་དུ་བཅུག་ནའོ་ཞེས་བྱ་བ་སྨོས་ཏེ། སངས་རྒྱས་ཀྱིས་གསུངས་པའི་རབ་ཏུ་བྱུང་བ་འདི་པ་དབང་བའི་ལྷུང་བཟེད་ལ་སོགས་པ་དེ་དག་དགེ་སློང་གི་འཚོ་བའི་ཡོ་བྱད་ཚད་དང་ལྡན་པ་རུང་བ་རང་གིས་#སྦེད་དམ་སྦེད་དུ་འཇུག་ན་ཞེས་བྱ་བའི་#དོན་ཏོ། །རབ་ཏུ་
[262a.6]བྱུང་བ་འདི་པ་ཞེས་བྱ་བ་སྨོས་པ་ནི་དགེ་སློང་དང་དགེ་སློང་མ་དང་དགེ་སློབ་མ་དང་དགེ་ཚུལ་དང་དགེ་ཚུལ་མ་དང་ཞེས་བྱ་བ་ཐམས་ཅད་ནི་རབ་ཏུ་བྱུང་བ་འདི་པའི་གང་ཟག་རྣམས་ཉེ་བར་བསྡུ་བའི་དོན་དུའོ། །ཅི་དུས་གང་ཡང་རུང་བ་ལ་མ་བྱས་པ་འདི་དག་ལ་ཡིན་ནམ་ཞེ་ན། དེའི་ཕྱིར་ཕན་པར་འདོད་པས་ནི་
[262a.7]མ་གཏོགས་སོ་ཞེས་བྱ་བ་སྨོས་ཏེ། འདིས་#ལྟུང་བ་མེད་པ་ཁོ་ན་ཡིན་ནོ། །སྦེད་པའི་ལྟུང་བྱེད་དོ།། །།གང་ལ་བྱིན་པས་ཉེ་བར་འཚོ་བའི་ལྟུང་བྱེད་དུ་འགྱུར་ཞེ་ན། དེའི་ཕྱིར་དགེ་སློང་ལ་གོས་བླངས་པ་#མེད་པར་བྱིན་པ་དེས་གནང་བ་མེད་པར་སྤྱོད་ནའོ་ཞེས་བྱ་བ་སྨོས་ཏེ། ཐམས་ཅད་ཀྱང་
[262b]
[262b.1]ཐམས་ཅད་དུ་བྱིན་པའི་དགེ་སློང་གིས་#གོས་གང་ལ་སྦྱིན་པ་དེ་རྗེས་སུ་གནང་བ་མེད་པར་ཡོངས་སུ་ལོངས་སྤྱོད་པ་ལ་ཞེས་བྱ་བའི་དོན་ཏོ། །རང་གི་བློས་ཉེ་བར་འཚོ་བ་ལ་ཁ་ན་མ་ཐོ་བ་འདིར་འགྱུར་རོ། །གཞན་གྱི་བློས་ནི་སྦོམ་པོ་སྟེ། འདིར་མ་བྱིན་པར་ལེན་པ་ཉེ་བར་འབྲེལ་པའོ། །དེ་བས་ན་མ་བྱིན་པ་
[262b.2]ལ་ཁ་ན་མ་ཐོ་བ་འདི་བསྐྱེད་པའོ། །འདི་རང་གི་བློ་ལ་ཉེས་པ་མེད་པ་ཁོ་ན་ཡིན་ནོ། །གཞན་གྱི་ལ་འདི་ནི་བདག་གི་ཡིན་ནོ་སྙམ་དུ་འཁྲུལ་པར་འགྱུར་བའི་གོ་བ་གྲུབ་པའོ། །རང་གི་བློ་འཁྲུལ་པར་གྱུར་པས་འདི་དང་གཞན་ལ་ཡང་ཉེ་བར་སྦྱོར་བ་ལ་ཉེས་པ་མེད་དོ། །གོས་དང་ཡོ་བྱད་ལྷག་མ་རྣམས་
[262b.3]ལ་ཡང་ཐོག་མ་ཉིད་དུ་འདིར་ཁ་ན་མ་ཐོ་བ་འདི་རྣམ་པར་གནས་པ་ཡིན་ནོ། །ལྷུང་བཟེད་ལ་ནི་ཡོངས་སུ་རྫོགས་པ་སྟེ། ལྷུང་བཟེད་ཆུང་བ་ལ་ནི་ན་སྨད་པར་རིག་པར་བྱའོ། །འདིར་གཞུང་ནི་ཞུ་བ་ཁ་ཅིག་ལས། བཙུན་པ་རེ་ཞིག་དགེ་སློང་ལ་ལྷུང་བཟེད་དང་ཆོས་གོས་སྦྱིན་པར་བྱ་སྟེ། དེའི་འོག་ཏུ་
[262b.4]སླར་འཕྲོག་པར་བྱེད་ཅིང་ལོངས་སྤྱོད་པར་བྱེད་ན་ལྟུང་བ་ཅིར་འགྱུར། ལྟུང་བྱེད་དོ། །བཙུན་པ་རེ་ཞིག་དགེ་སློང་གིས་ལྷུང་བཟེད་དམ་#ཆོས་གོས་དགེ་སློང་#གཞན་དང་གཞན་ལ་འཚོ་བའི་ཡོ་བྱད་དུ་#བྱིན་ནས་འཕྲོག་པར་བྱེད་ན་ལྟུང་བ་ཅིར་འགྱུར། ཉེས་བྱས་སོ་ཞེས་གསུངས་པ་ཡིན་ནོ། །འདིར་སྔ་མ་ལ་
[262b.5]ལྷུང་བཟེད་དང་ཆོས་གོས་ལས་གཞན་མ་བཟུང་#བའོ། །འདི་ལ་ནི་ཉེས་པ་མེད་པས་མ་བཟུང་བ་ཞེས་གསུངས་པ་ཡིན་ནོ། །ཕྱི་མ་ནི་བཟུང་བས་འདི་ལ་ནི་ཉེས་བྱས་སུ་འགྱུར་བ་ཞེས་བྱ་བ་ནི་ཤེས་བྱེད་དོ། །ཕྱི་མ་ལ་ལྷུང་བཟེད་དམ་ཆོས་གོས་ཞེས་བྱ་བ་འདི་ལྷུང་བཟེད་དམ་ཆོས་གོས་ལས་གཞན་པ་
[262b.6]ཞེས་བྱ་བ་ཉམས་པའོ། །དེའི་རྗེས་སུ་གནང་བ་མེད་པ་ཞེས་བྱ་བ་ནི་གང་ལ་བྱིན་པ་དེའི་རྗེས་སུ་གནང་བ་སོ་སོར་བཟུང་ནས་ཞེས་བྱ་བ་ནི་བསྡུ་བའོ། །ཅི་བསམ་པ་གང་ཡང་རུང་བས་སྤྱོད་པ་ལ་འམ་ཞེ་ན། དེའི་ཕྱིར་གལ་ཏེ་གཞི་དེས་དེ་དག་དགའ་བར་མི་འགྱུར་ནའོ་ཞེས་བྱ་བ་སྨོས་ཏེ། དེ་ཞེས་བྱ་
[262b.7]བ་ནི་གང་ལ་བྱིན་པ་དེས་ཡིད་ཆེས་པས་ལོངས་སྤྱོད་པ་ལ་ལྟུང་བ་མེད་ཅེས་བྱའོ། །བྱིན་པས་ཉེ་བར་འཚོ་བའི་ལྟུང་བྱེད་དོ།། །།ཅི་ཞིག་བྱས་ན་སྐུར་པ་འདེབས་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་སྐུར་པ་འདེབས་པར་འདོད་པས་དགེ་སློང་ལ་འདུ་ཤེས་བསྒྱུར་ཏེ། དགེ་འདུན་ལྷག་མས་
[263a]
[263a.1]སྐུར་པ་བརྗོད་ནའོ་ཞེས་བྱ་བ་སྨོས་ཏེ། དགེ་འདུན་ལྷག་མའི་ལྟུང་བས་སྐུར་པ་འདེབས་པར་འདོད་པས་སྐུར་པ་འདེབས་པ་གང་ཡིན་པ་དེའི་འདུན་པས་ཤེས་པར་རིག་པར་བྱའོ། །ཅི་དངོས་སུ་སྐུར་པ་འདེབས་པ་ཁོ་ན་ལ་ཡིན་ནམ་ཞེ་ན། དེའི་ཕྱིར་བག་ཙམ་གྱིས་ཀྱང་ངོ་ཞེས་
[263a.2]བྱ་བ་སྨོས་ཏེ། འདིར་གཞུང་ནི་ཞུ་བ་ལས། བཙུན་པ་རེ་ཞིག་དགེ་སློང་གིས་བསླབ་པ་སྩལ་བ་ཙམ་གྱིས་དགེ་འདུན་ལྷག་མས་སྐུར་པ་འདེབས་པར་བྱེད་ན་ལྟུང་བ་ཅིར་འགྱུར། ལྟུང་བྱེད་དོ་ཞེས་གསུངས་པ་ཡིན་ནོ། །སྐུར་པ་འདེབས་པའི་ལྟུང་བྱེད་དོ།། །།སྔར་ལམ་དུ་འགྲོ་བ་ལ་བུད་
[263a.3]མེད་བྱེད་པ་པོ་ཉིད་དོ། །གང་ཞེས་སྨོས་པ་དེ་ཅི་གཞན་གང་ཡང་རུང་བ་ལ་དེ་བྱེད་པ་པོ་ཡིན་ནམ་ཞེ་ན། དེའི་ཕྱིར་འདོད་པས་ལམ་དུ་འགྲོ་ནའོ་ཞེས་བྱ་བ་སྨོས་ཏེ། རང་དགར་ལམ་དུ་འགྲོ་ན་སྟེ། གཞན་དབང་གིས་ནི་མ་ཡིན་ནོ་ཞེས་གསུངས་པ་ཡིན་ནོ། །ལམ་ཇི་སྲིད་དུ་འགྲོ་བ་ལ་ཡིན་
[263a.4]ཞེ་ན། དེའི་ཕྱིར་རྒྱང་གྲགས་རེ་རེར་རོ་ཞེས་བྱ་བ་སྨོས་ཏེ། ལྟུང་བྱེད་ཉིད་ལ་འདིར་བྱེད་པ་པོ་ཉིད་ནི་འདི་ཡིན་ནོ་ཞེས་བྱ་བ་བྱེ་བྲག་མ་བྱས་པ་ཉིད་ཀྱི་ཕྱིར་རྟོགས་པའོ། །དེའི་ཕྱེད་རེ་རེ་ཉིད་ནི་ཉེས་བྱས་སོ་ཞེས་བྱ་བ་ནི་རྒྱང་གྲགས་ཀྱི་ཕྱེད་རེ་རེར་ནི་བུད་མེད་ཀྱི་ཉེས་བྱས་ཀྱི་བྱེད་པ་པོ་ཉིད་ཡིན་ནོ། །རྒྱང་གྲགས་
[263a.5]རེ་རེར་རིག་པའི་སྐྱེས་པ་མེད་པར་བུད་མེད་དང་ལྷན་ཅིག་ཏུ་#རང་དགར་ལམ་དུ་འགྲོ་བ་ལ་སྤྲོས་པ་ནི་ཤེས་པར་བྱའོ། །ཅི་བུད་མེད་ཀྱི་གནས་སྐབས་ཐམས་ཅད་དགེ་སློང་གི་གནས་སྐབས་#རྣམས་ལ་བྱེད་པ་པོ་ཉིད་ཡིན་ནམ་ཞེ་ན། དེའི་ཕྱིར་བསེལ་བྱེད་པ་ནི་མ་གཏོགས་སོ་ཞེས་བྱ་བ་#སྨོས་ཏེ། དགེ་
[263a.6]སློང་དེ་#ཉིད་ཅེས་བྱ་བ་འདི་ལ་འདིར་ཉེ་བར་གནས་པ་ཉིད་ཀྱི་ཕྱིར་རྟོགས་པར་བྱའོ། །དེ་ལྟར་ཡང་ཤུགས་ཀྱིས་ཏེ། གང་གི་དབང་གིས་#ཉེས་པ་འདི་མ་བསྐྱེད་པ་ཞེས་བྱ་བ་རིགས་#པ་ཉིད་དུ་དེ་འགྱུར་རོ། །དེས་#ལམ་ནོར་པ་ལ་ལམ་དུ་འཇུག་པར་བྱེད་པ་ཡང་ངོ་ཞེས་བྱ་བ་ལ། དེ་ཞེས་བྱ་བ་ནི་དགེ་
[263a.7]སློང་ངོ་། །མི་ནུས་པ་ཁྲིད་པ་ཡང་ངོ་ཞེས་བྱ་བ་ནི་ཁྲིད་པར་མི་ནུས་པ་ཞེས་བྱ་བ་ལྟུང་བའི་#མི་མཐུན་པའི་ཕྱོགས་དོར་ནས་ཞེས་བྱ་བ་འདི་ལྟར་འདི་བསེལ་བྱེད་པས་རྩོམ་པའི་དོན་དུ་འདིའོ། །བུད་མེད་དང་ལྷན་ཅིག་ལམ་དུ་འགྲོ་བའི་ལྟུང་བྱེད་དོ།། །།#གང་ལ་རྐུན་མ་དང་ལྷན་ཅིག་འགྲོ་བའི་
[263b]
[263b.1]ལྟུང་བྱེད་དུ་འགྱུར་ཞེ་ན། དེའི་ཕྱིར་གྲོང་འཇོམས་པར་བྱེད་པའི་ཆོམ་རྐུན་དག་གམ་ཤོ་གམ་འདྲལ་བའི་ཚོང་པ་དག་དང་ལྷན་ཅིག་འགྲོ་བ་ལའོ་ཞེས་བྱ་བ་སྨོས་ཏེ། འདོད་པས་ལམ་དུ་འགྲོ་ནའོ་ཞེས་བྱ་བ་ཐམས་ཅད་ལ་འདི་སྦྱར་བར་བྱའོ། །འདོད་པར་བྱེད་ཅིང་འཇུག་པ་ཞེས་བྱ་བ་འདི་ལ་ཡོངས་སུ་གྱུར་པར་
[263b.2]རིག་པར་བྱའོ། །ཟོལ་པ་དག་དང་རྐུ་ཐབས་སུ་རབ་ཏུ་བྱུང་བ་དག་དེ་དང་ལྷན་ཅིག་འགྲོ་བ་ལ་ནི་ཉེས་བྱས་སོ་ཞེས་བྱ་བ་ནི། འདིར་ཡང་འདོད་པས་ལམ་དུ་འགྲོ་ནའོ་ཞེས་བྱ་བ་ལ་སོགས་པ་སྔར་བསྟན་པ་ཐམས་ཅད་སྦྱར་བར་བྱའོ། །འདིར་རྒྱང་གྲགས་རེ་རེར་ནི་ཉེས་བྱས་ཞེས་བྱ་བ་ཐོབ་པའི་གནས་ལ་ཉེས་
[263b.3]བྱས་ཞེས་སྨོས་པ་འདི་ཡིན་ཏེ། དེའི་དོན་དུ་སོ་སོར་ཉེས་བྱས་སོ། །རྐུན་མ་དང་ལྷན་ཅིག་ལམ་དུ་འགྲོ་བའི་ལྟུང་བྱེད་དོ།། །།ཅི་ཉི་ཤུ་མ་ལོན་པར་བསྙེན་པར་རྫོགས་པར་བྱེད་པའི་ལྟུང་བྱེད་#ལ་བྱེད་པ་པོ་ཉིད་གང་ཡིན་ཞེ་ན། དེའི་ཕྱིར་ཤེས་གཙོ་བོ་ཞེས་བྱ་བ་སྨོས་ཏེ། འདུ་ཤེས་གཙོ་ཆེར་བྱེད་
[263b.4]པ་པོ་ཉིད་ཅེས་བྱ་བའི་དོན་ཏོ། །བསྙེན་པར་རྫོགས་པར་བྱ་བ་ལ་ལོ་ཉི་ཤུ་མ་ལོན་པ་ཉིད་ལའོ་ཞེས་བྱ་བ་ནི་འཇུག་པ་གང་ལ་བྱེད་པ་པོ་ཉིད་ཅེས་བྱ་བ་འདི་ལ་བསྙེན་པར་རྫོགས་པར་ཞེས་འོག་ནས་སྟོན་ཏོ། །ཡན་ལག་གང་གིས་བསྙེན་པར་རྫོགས་ཤེ་ན། དེའི་ཕྱིར་སྨོས་པ་ནི་མཁན་པོ་ཉིད་ཀྱིས་
[263b.5]སོ་ཞེས་བྱ་བ་སྟེ། འོ་ན་འདིར་བསྙེན་པར་རྫོགས་པར་བྱེད་པ་ཐམས་ཅད་དབང་དུ་བྱེད་པ་ལྟུང་བའི་བཤད་པ་དང་དགེ་འདུན་ནོ། །དེ་བས་ན་འགལ་ཚབས་དང་བཅས་པར་འགྱུར་རོ་ཞེ་ན། འོན་ཀྱང་བདེན་མོད་ཀྱི་ཉེས་བྱས་གཅིག་ཏུ་བྱས་ཏེ་ལྟུང་བྱེད་དོ། །དེ་བས་ན་ཉེས་བྱས་འགྱོད་པ་དང་བཅས་
[263b.6]པ་ཞེས་བྱ་བ་འདི་ལ་ལྟུང་བྱེད་ཀྱི་བཤད་པ་མི་བཟུང་བ་ཁོ་ན་མཁན་པོ་ལ་ལྟུང་བྱེད་དུ་འགྱུར་ཏེ། ལྷག་མ་ལ་ནི་ཉེས་བྱས་ཞེས་བྱ་བར་རབ་ཏུ་འབྱེད་པ་ལས་མངོན་པར་འདོད་པའོ། །དེའི་ཕྱིར་འདིར་འདི་དག་གིས་#ཉེས་པ་སྟེ། དགེ་སློང་གིས་སྦོམ་པོའི་#ཕྱིར་བསྙེན་པར་རྫོགས་པར་བྱས་ནའོ་ཞེས་བྱ་
[263b.7]བ་ནི་ལྟུང་བྱེད་ཅེས་སྦྱར་རོ། །གང་ཟག་དེ་ལ་བསྙེམ་#པར་མ་རྫོགས་ལ་དགེ་སློང་དེ་རྣམས་ཀྱང་གཟུང་#བར་བྱའོ་ཞེས་བྱ་བའི་མདོ་ལས་མཁན་པོ་ཉིད་ཀྱིས་བསྙེན་པར་རྫོགས་པའི་དབང་དུ་མཛད་ནས་འདི་བཅའ་བ་མཛད་དོ། །འདི་ནི་གླེང་གཞི་ལས་ཤེས་པ་ཡིན་ཏེ་#མཁན་པོ་འཕགས་པ་མཽད་གལ་གྱི་བུ་
[264a]
[264a.1]ཆེན་པོས་ལོ་བཅོ་བརྒྱད་ལོན་པ་རྣམས་ལ་བསྙེན་པར་རྫོགས་པའི་དབང་དུ་མཛད་ནས་འདི་བརྟགས་#པའོ། །དེས་དེ་ལ་ལོན་པ་ཉིད་མི་དྲི་བར་མི་བྱའོ་ཞེས་བྱ་བ་ལ་དེས་ཞེས་བྱ་བ་ནི་མཁན་པོའོ། །དེ་ལ་ཞེས་བྱ་བ་ནི་བསྙེན་པར་རྫོགས་པར་བྱ་བ་ལའོ། །རྫོགས་པ་ཞེས་བྱ་བ་ནི་ལོ་
[264a.2]ཉི་ཤུ་ལོན་པ་ཉིད་མི་དྲི་བར་མི་བྱ་སྟེ་དྲི་བ་ཁོ་ནར་བྱའོ། །གཞན་གྱིས་ཀྱང་མི་བྱའོ་ཞེས་བྱ་བ་ལ་#མཁན་པོ་ལས་གཞན་བསྙེན་པར་རྫོགས་པར་བྱེད་པ་པོ་དག་གིས་ཀྱང་བསྙེན་པར་རྫོགས་པར་བྱེད་པ་དེ་ལ་མི་དྲི་བར་མི་བྱའོ། །ངེས་པར་མི་ཤེས་པར་དེ་བསྙེན་པར་རྫོགས་པར་མི་བྱའོ་ཞེས་བྱ་བ་ལ། དེ་ཞེས་
[264a.3]བྱ་བ་ནི་བསྙེན་པར་རྫོགས་པའོ། །མི་ཤེས་པར་དེ་བསྙེན་པར་རྫོགས་པར་བྱ་བ་མ་ཡིན་ནོ། །གང་ཞིག་འདི་རྣམས་ལ་སྨད་#པར་བྱ་བ་ཞེས་བྱ་བ་ནི། དགེ་སློང་ལྷག་མ་རྣམས་ལ་ཉེས་བྱས་སྟོན་པར་བྱེད་པ་སྟེ། འདི་ནི་དེའི་བསྡུ་བ་ཡིན་ནོ། །རྣམ་པ་ཐམས་ཅད་དུ་ལོ་ཉི་ཤུ་ལོན་པ་ལ་ནི་བསྙེན་པར་
[264a.4]རྫོགས་པ་འཆགས་སོ་ཞེས་བྱ་བ་ནི། ཡོངས་སུ་མ་རྫོགས་པའི་འདུ་ཤེས་ཅན་ལ་བསྙེན་པར་རྫོགས་པར་བྱེད་པ་པོ་རྣམས་ལ་བློ་མི་མཐུན་པར་བྱེད་པ་ཉིད་ལ་ཡང་མ་དྲིས་སམ་མ་བརྗོད་པ་དག་ལ་ཡང་ཤེས་པར་བྱ་བ་རྣམ་པ་ཐམས་ཅད་དུ་ལོ་ཉི་ཤུ་ལོན་པ་ལ་བསྙེན་པར་རྫོགས་པ་འཆགས་ཏེ་གཞན་ནི་མ་
[264a.5]ཡིན་ནོ། །འདུ་ཤེས་སམ་ཡིད་གཉིས་ཟ་བ་ལ་སོགས་པ་རྣམས་ལ་ནི་འདིར་ནུས་པ་མ་ཡིན་ནོ། །ཅིག་ཤོས་ལ་ནི་ལོན་པར་འདུ་ཤེས་པ་ཉིད་ནའོ་ཞེས་བྱ་བ་ནི། ཅིག་ཤོས་ཉི་ཤུ་མ་ལོན་པ་ལ་ལོ་ཉི་ཤུ་ལོན་པ་ཉིད་དུ་ཤེས་ན་བསྙེན་པར་རྫོགས་པ་འཆགས་སོ། །མི་ཤེས་པ་དང་མི་དྲན་པ་དང་ཡིད་གཉིས་
[264a.6]ཟ་བ་དག་ལ་ཡང་ངོ་ཞེས་བྱ་བ་ནི#། ཅིག་ཤོས་ལ་བསྙེན་པར་རྫོགས་པ་འཆགས་སོ་ཞེས་བྱ་བར་སྦྱར་རོ། །མི་ཤེས་པ་ཞེས་བྱ་བ་ནི་ལོ་གྲངས་མི་ཤེས་པས་སོ། །མི་ཤེས་པ་དང་མི་དྲན་པ་དང་ཡིད་གཉིས་ཟ་བ་རྣམས་ནི་མི་ཤེས་པ་དང་མི་དྲན་པ་དང་ཡིད་གཉིས་ཟ་བ་དང་། ལོ་ཉི་ཤུ་མ་ལོན་པ་ལ་ལོ་ཉི་ཤུ་ལོན་
[264a.7]བ་ཉིད་དུ་འདུ་ཤེས་པ་ཉིད་ཡིན་ནོ། །གལ་ཏེ་མི་ཤེས་པ་ལ་སོགས་པར་གྱུར་ན་དེ་ལྟར་ཡང་གྲགས་པ་ཞེས་བྱ་བའི་དོན་ཏོ། །འདིར་བྱེད་པ་པོ་རྣམས་ལྷ་#འདུ་ཤེས་ཡོངས་སུ་མ་རྫོགས་པ་ཉིད་ཡིན་ཡང་གྲགས་པའོ། །ཇི་ལྟར་ཉི་ཤུ་མ་ལོན་པ་ཞིང་ཉིད་ཡིན་ཡང་#ཞེ་ན། འདིར་རྣམ་པ་གཉིས་ཀྱིས་#ཞིང་
[264b]
[264b.1]ཉིད་དུ་རྣམ་པར་གཞག་སྟེ་དངོས་པོ་དང་ཡིད་ཀྱིས་སོ། །ཡང་དག་པར་ལན་(ལེན་)པར་#བྱེད་པའི་ཡིད་ཀྱི་དབང་གིས་#ཞིང་ཉིད་ཡིན་ཏེ་འོན་ཏེ། གང་ཞིག་ལོ་ཉི་ཤུ་མ་ལོན་པ་ལ་ལོ་ཉི་ཤུ་ལོན་པར་འདུ་ཤེས་པར་གྱུར་ན་ལོ་ཉི་ཤུ་མ་ལོན་པ་ལ་བསྙེན་པར་རྫོགས་པར་བྱ་བ་མ་ཡིན་ནོ། །ཆོ་ག་འདི་མི་ཤེས་ན་མཁན་པོས་མ་
[264b.2]དྲིས་པའམ་དགེ་འདུན་གྱིས་ཀྱང་མ་དྲིས་པར་གྱུར་ན་དུས་དེ་ལ་གཏོགས་པ་ནི་མ་གྲགས་པ་ཞེས་གསུངས་པ་ཡིན་ནོ། །འོ་ན་འདི་ལ་ཚར་བཅད་པའི་བློས་ཡང་དག་པར་གནས་པ་མ་ཡིན་ནོ་ཞེ་ན། འོན་ཀྱང་བདེན་མོད་ཀྱི་ཚར་བཅད་པའི་བློ་ཡིས་ནི་མ་གྲགས་པ་ཡན་ལག་མ་ཡིན་ཏེ། འོན་ཀྱང་ཞིང་
[264b.3]ཉིད་དོ། །དེ་ལ་སྐྱེ་བ་ཡང་ཡོད་པར་འགྱུར་ཏེ། ཡོངས་སུ་རྫོགས་པའི་འདུ་ཤེས་ཉིད་ཡོད་པ་ལ་ཡང་ཞིང་ཉིད་དོ། །འོ་ན་རྐུ་ཐབས་སུ་གནས་པ་བསྒྲུབས་#པ་གང་ཡིན་ཞེ་ན། འདི་ནི་བསྙེན་པར་རྫོགས་པ་ཉིད་ལ་བསྐྱེད་པ་ཡིན་ནམ་མ་ཡིན་ཞེ་ན། དེའི་ཕྱིར་བསྙེན་པར་རྫོགས་པར་ཁས་བླངས་ཤིང་མ་
[264b.4]གྲགས་པར་གཏོགས་པ་ལ་སྐྱེད་#པ་ཡིན་ཏེ། །རྐྱེན་གྱི་དབང་ཉིད་མ་ཡིན་པ་ལ་མ་ཡིན་ཞེས་བྱ་བ་ཐམས་ཅད་ཉིད་དུ་ཆོ་ག་མ་བྱས་པ་ལ་རྟོགས་#པ་ཉིད་ཀྱིས་འདི་བསྐྱེད་པར་རིག་པར་བྱའོ། །གང་གི་ཕྱིར་གཞན་དུ་ན་བདག་ནི་དགེ་སློང་ངོ་སྙམ་དུ་དགེ་འདུན་གྱི་ནང་དུ་གཏོགས་པ་རྐུ་ཐབས་སུ་གནས་པ་མེད་པའི་
[264b.5]ཕྱིར་རོ། །ཤེས་ན་ནི་དེ་ཞིག་གོ་ཞེས་བྱ་བ་ནི་ལོ་ཉི་ཤུ་མ་ལོན་པ་བསྙེན་པར་རྫོགས་པ་ལ་ལོ་ཉི་ཤུ་མ་ལོན་པར་ཤེས་ན་དེ་ལ་སྔར་སྡོམ་པ་འཆགས་པ་དེ་ཞིག་གོ། །ཅི་ཆོ་ག་དེ་ལ་གཅིག་#ཏུ་ཟད་དམ་ཞེ་ན། དེའི་ཕྱིར་གལ་ཏེ་སྐྱེས་པ་ན་མ་ལོན་པ་ཡིན་ནོ་ཞེས་བྱ་བ་སྨོས་ཏེ། དེས་ཞེས་བྱ་བ་ནི་ཤེས་པའོ། །
[264b.6]སྐྱེས་པ་ན་མ་ལོན་པའི་འོ་ཞེས་བྱ་བ་ནི་ཤེས་ན་ནི་ཡོད་པ་ཉིད་ཉམས་པའོ། །ཡོངས་སུ་རྫོགས་པ་ཐོབ་པ་ལ་ནི་ཉམས་པ་ཉིད་དོ། །ཅི་དང་པོ་མངལ་གྱི་སྒོ་ནས་བཙས་པ་དེ་ནས་བརྩམས་ཏེ་ཟླ་བ་ལྷག་པ་མེད་པར་སོ་སོར་བགྲང་བ་ལ་བསྙེན་པར་རྫོགས་པ་ཐོབ་པ་མ་ཡིན་ནམ་ཞེ་ན། དེའི་ཕྱིར་མངལ་ན་
[264b.7]གནས་པ་དང་ཤོལ་གྱི་ཟླ་བ་དག་དང་ཡང་བཅས་ཏེའོ་ཞེས་བྱ་བ་སྨོས་ཏེ། བསྙེན་པར་རྫོགས་པ་ཉིད་ལ་དེ་གཉིས་ཀ་བརྟེན་པར་བྱ་བ་མ་ཡིན་ནོ། །ལྟུང་བ་དེ་དང་བརྟེན་པས་བསྙེན་པར་རྫོགས་པར་མ་གྲགས་པས་ཤེས་པར་བྱ་བ་རིག་པར་བྱའོ། །མངལ་ན་གནས་པའི་ཟླ་བ་དག་དང་ཤོལ་གྱི་ཟླ་བ་ལྷག་པ་དང་
[265a]
[265a.1]བཅས་ཏེ། དེའི་ལོ་ཉི་ཤུ་ཉིད་བརྩི་བར་བྱའོ། །ལོ་མ་ལོན་པར་བསྙེན་པར་རྫོགས་པའི་ལྟུང་བྱེད་དོ།། །གང་ལས་ས་རྐོ་བའི་ཁ་ན་མ་ཐོ་བར་འགྱུར་ཞེ་ན། དེའི་ཕྱིར་རྐོ་འམ་རྐོར་བཅུག་པ་ལའོ་ཞེས་བྱ་བ་སྨོས་ཏེ། རྐོ་བ་ནི་རང་གིས་སོ། །#རྐོར་བཅུག་པ་#ནི་གཞན་ལའོ། །གང་
[265a.2]ཞིག་དེ་ཙམ་ཞིག་གིས་ཐ་དད་པར་བྱ་བ་གང་ཡིན་པ་ལ་འབྲས་བུ་ཉིད་ཀྱིས་#རྣམ་པར་གཞག་པའོ། །དེའི་ཕྱིར་འདི་ནི་ལན་རེ་བཏབ་པ་ལ་བྱ་བ་ཐ་དད་པར་རིག་པར་བྱའོ། །འབྱིན་པ་ལ་ནི་སོ་སོར་འགུགས་པའོ། །འབད་པ་གཞན་རབ་ཏུ་བསྒྲུབས་པས་འགུགས་པ་ཐ་དད་པའོ། །གང་ཞིག་རྐོ་འམ་རྐོར་
[265a.3]བཅུག་པ་ལ་ཞེ་ན། དེའི་ཕྱིར་སའི་སའོ་ཞེས་བྱ་བ་སྨོས་ཏེ། སའི་རང་བཞིན་གྱིས་ས་ཡིན་གྱི་བྱེ་མ་དང་རྡོ་ཐལ་རྒྱུ་དང་རྡོ་ལ་སོགས་པའི་རང་བཞིན་གྱིས་ནི་མ་ཡིན་ནོ་ཞེས་བྱ་བའི་དོན་ཏོ། །ཅི་འདི་དག་ཐམས་ཅད་དུ་མ་ཡིན་ནམ་ཞེ་ན། དེའི་ཕྱིར་ལག་གི་བླས་རྒྱུ་སྐར་གྱི་#སྦྱོར་བས་རུང་བར་བྱེད་པ་མེད་ན་ཐུར་མ་
[265a.4]སོར་བཞི་ཙམ་བཙུགས་པ་མ་གཏོགས་སོ་ཞེས་བྱ་བ་སྨོས་སོ། །སའི་ས་ཇི་ལྟ་བུ་ཞིག་ལ་ཁ་ན་མ་ཐོ་བ་ཇི་ལྟ་བུར་འགྱུར་ཞེ་ན། དེའི་ཕྱིར་གལ་ཏེ་#རང་བཞིན་ཅན་དེ་ཡིན་ན་དངོས་གཞིའོ་ཞེས་བྱ་བ་སྨོས་ཏེ། འབྲེལ་བར་གྱུར་པའི་གནས་སྐབས་རིགས་མ་ཡིན་པ་ལ་ཉེས་བྱས་འདི་ཞེས་བྱ་བ་ཤུགས་ཀྱིས་རྟོགས་
[265a.5]པར་བྱའོ། །མ་འབྲེལ་པར་གྱུར་པའི་གནས་སྐབས་ལ་ནི་ལྟུང་བ་མེད་པ་ཡོད་པའི་ཕྱིར་རོ། །རང་བཞིན་ཅན་ཞེས་བྱ་བ་ནི་ཇི་ལྟ་བུ་ཞིག་ཡིན་རང་བཞིན་ཅན་མ་ཡིན་པ་ཞེས་བྱ་བ་ནི་ཇི་ལྟ་བུ་ཞིག་ཡིན་ཞེ་ན། དེའི་ཕྱིར་སྔ་མ་ཤོས་ནི་ཟླ་བ་གསུམ་ལོན་པའི་འཐས་པའོ་ཞེས་བྱ་བ་སྨོས་ཏེ། འཐས་པ་ཞེས་བྱ་
[265a.6]བ་ནི་འབྲེལ་པ་ཉམས་པ་རྣམས་ལ་དང་པོ་ཉིད་ཡན་ལག་རྣམས་ལ་འབྲེལ་པ་ཁས་ལེན་པར་འདོད་པ་དེ་ལྟ་བུར་#གྱུར་པ་འདོད་པ་#རྣམས་ལ་ཞེས་བྱ་བ་ཤུགས་ཀྱིས་རྟོགས་པར་བྱའོ། །གང་གི་ཕྱིར་མ་འབྲེལ་པར་གྱུར་པ་ཉིད་ལ་འབྲེལ་པ་ཉིད་ཉམས་པས་ཀྱང་#ཅུང་ཟད་ཀྱང་ཉམས་པར་གྱུར་པ་མ་ཡིན་ནོ། །ཅི་སྟེ་
[265a.7]གང་ནས་བརྩམས་ནས་འབྲེལ་པར་གྱུར་པ་ཉིད་རྟོགས་པར་བྱའོ། །གང་ནས་བརྩམས་ཏེ་སར་པ་ཉིད་དགོད་#པ་དང་ལྷན་ཅིག་ཏུ་སོ་སོར་སྨྲ་བ་སྔོན་གྱི་རང་བཞིན་ཅན་ལ་ཇི་ཙམ་དུ་དེའི་#རྣམ་པའི་དུས་ལ་དེ་ཙམ་སོ་སོར་གནས་པ་འདི་རྟོགས་པར་#བྱའམ་ཞེ་ན། དེའི་ཕྱིར་གལ་ཏེ་ཆར་ཆུ་ཞོད་ནའོ་ཞེས་བྱ་བ་སྨོས་སོ། །
[265b]
[265b.1]དུས་གཞན་གྱི་ཚེ་ཟླ་བ་དུ་ལོན་ན་རང་བཞིན་ཅན་དུ་འགྱུར་ཞེ་ན། དེའི་ཕྱིར་གཞན་གྱི་ཚེ་ན་དྲུག་གོ། །རྩིག་པ་ལ་ནི་ས་ཉིད་མ་ཡིན་པར་ཤེས་པར་མི་བྱའོ་ཞེས་བྱ་བ་ནི། འདིས་ནི་ཁང་ཐོག་ཀྱང་ས་ཉིད་ཡིན་པར་རིག་པར་བྱའོ། །ས་ཕུང་ཡང་འབྲེལ་པ་ལ་འདིར་ས་གཞན་གྱིས་ནི་མ་ཡིན་ནོ། །འཐས་པར་
[265b.2]གྱུར་ན་ནི་སའི་གོང་བུ་ཉིད་དུ་གྱུར་པའི་ཕྱིར་རོ། །ས་ཕུང་གལ་ཏེ་སྟེང་གི་ཆ་ནི་འཐས་པ་འོག་གི་ཆའི་ཡན་ལག་མ་འཐས་པར་གྱུར་ན་དེ་ནི་ས་ཉིད་མ་ཡིན་པར་#ཤེས་པར་བྱའོ། །སྔ་མ་འཐས་པར་གྱུར་ན་ནི་མཚུངས་པ་རྣམས་ལ་མཚན་ཉིད་རྣམས་ལ་རབ་ཏུ་བྱུང་བ་ཉིད་དོ། །འདུས་པ་དག་ལ་ནི་ཤས་ཆེ་བས་
[265b.3]མཚན་ཉིད་དག་རབ་ཏུ་འབྱེད་པ་ཉིད་ཡིན་ནོ་ཞེས་བྱ་བ་ལ། མཚན་ཉིད་དག་ལ་ཞེས་བྱ་བ་ནི་རྫས་ཀྱི་རང་གི་མཚན་ཉིད་རིགས་#མི་མཐུན་པའི་རྫས་ཡོད་པར་གྱུར་ཀྱང་རྫས་ཀྱི་#མཚན་ཉིད་གང་གི་ཆ་ཤས་ཆེ་བ་ཉིད་ནི་དེ་རྣམས་ཀྱིས་#ཚོགས་པ་འདི་གཞག་པ་ཡིན་ཏེ་བསྟེན་#པ་ཡིན་ནོ་ཞེས་བྱ་
[265b.4]བའི་དོན་ཏོ། །གང་གི་ཕྱིར་ས་ལ་སོགས་པ་འདུས་པ་དག་ལ་རྫས་ཀྱི་རང་གི་མཚན་ཉིད་རྣམས་ནི་མང་བ་ཉིད་ཀྱིས་རྣམ་པར་གཞག་པའོ། །དེའི་#ཕྱིར་ཉུང་ངུ་གཞན་ཡོད་པའི་རྫས་ཉིད་ལ་ནི་ཕལ་ཆེ་བ་ཉིད་དོ་ཞེས་བྱ་བ་ནི་ཚིག་པ་རྣམས་ལ་ཐམས་ཅད་ཉིད་དོ། །དེའི་ཕྱིར་འདིར་རྐོ་བ་དང་རྐོར་བཅུག་པ་དག་
[265b.5]ལ་དངོས་གཞི་ཁོ་ན་སྟེ་ཞེས་བྱ་བ་ནི་མ་ཡིན་ཞེས་བྱ་བའི་དོན་ཏོ། །ཚིག་པ་ཉིད་ནི་ཉམས་པ་ཉིད་ཡིན་ནོ་ཞེས་བྱ་བ་ལ། ས་ཉིད་ཚིག་པ་ཉིད་ནི་ཉམས་པ་ཉིད་ཡིན་པར་རིག་པར་བྱའོ་ཞེས་བྱ་བའི་དོན་ཏོ། །སྨིན་པ་ཉིད་ནི་ས་ཉིད་མ་ཡིན་ཞེས་བྱ་བ་འདིས་བྱས་པར་རིག་པར་བྱའོ། །ཉམས་པ་ཉིད་ལ་ནི་ཕྱེད་ཉིད་
[265b.6]དོ་ཞེས་བྱ་བ་ནི་ཕྱེད་ཉིད་དེ་ཉེས་བྱས་བྱེད་པ་ཡིན་ནོ་ཞེས་བྱ་བའི་དོན་ཏོ། །འདིར་གཞུང་ནི་ཞུ་བ་ལས་ས་ཚིག་པ་རྐོ་ན་ཉེས་བྱས་སོ། །རྐོར་འཇུག་ན་ཉེས་བྱས་སོ། །རྣམ་པར་ཉམས་པ་ཡང་དེ་བཞིན་ནོ་#ཞེས་གསུངས་པ་ཡིན་ནོ། །ས་ཞག་དང་ངོགས་དང་རྩིག་པ་དང་དེའི་སྐྱང་ནུལ་གྲུགས་པ་དག་ཀྱང་ངོ་ཞེས་བྱ་
[265b.7]བ་ནི་ཕྱེད་ཉིད་དོ་ཞེས་སྦྱར་རོ། །དུས་གང་གི་ཚེ་སྐྱང་ནུལ་ཞེས་བྱ་བའི་སྒྲ་བརྗོད་པའོ། །རྡོ་ཐལ་རྒྱུ་དང་བྱེ་མ་ལ་སོགས་པ་ཤས་ཆེ་བ་ཡང་ངོ་ཞེས་བྱ་བ་ཡང་ཕྱེད་ཉིད་དོ་ཞེས་བྱ་བར་སྦྱར་རོ། །བདུད་རྩིའི་སྦྱིན་པས་རྫས་ལྷག་མ་དག་ལ་སོགས་པ་ཞེས་བྱ་བའི་སྒྲས་བསྙེགས་སོ། །བྱ་བ་དག་ཀྱང་ངོ་
[266a]
[266a.1]ཞེས་བྱ་བ་ཡང་ཕྱེད་ཉིད་དོ། །དེ་ཡང་གང་ཞེ་ན། དེའི་ཕྱིར་ཕུར་པ་འབྱིན་པ་དང་རི་མོ་འདྲེན་པ་དང་སའི་ཕྱེ་མ་འདྲེན་པའི་ལྕི་བ་འགོགས་པ་དང་འདམ་བསྐྱོད་པ་དང་། དེ་དང་འབྲེལ་པའི་ཕྲུ་བ་ལ་སོགས་པ་འདེགས་པ་དང་འཇིགས་#པའི་བདག་ཉིད་ཀྱི་ཚ་སྒོ་དག་ཀྱང་ངོ་ཞེས་བྱ་བ་
[266a.2]སྨོས་ཏེ། ཕུར་པ་བཏབ་པ་ནི་ལྟུང་བྱེད་དུ་འགྱུར་ལ་ཞེས་བྱ་བ་འདི་ལ་བཟུང་བས་འདིར་བསྟན་པར་རིག་པར་བྱའོ། །སའི་ཕྱེ་མ་འདྲེན་པའི་ལྕི་བ་འགོགས་པ་དེ་ནི་སའི་ཕྱེ་མ་འདྲེན་པ་ལ་ཉེས་བྱས་ཞེས་བྱ་བའི་དོན་ཏོ། །དེ་དང་འབྲེལ་པའི་ཞེས་བྱ་བ་ནི་འདམ་རྫབ་དང་འབྲེལ་པ་བསྟན་པའོ། །
[266a.3]ཅི་བསམ་#པ་གང་ཡང་རུང་བས་འདིར་དེ་དག་སྤྱད་ན་དེའི་མཐར་ཐུག་ཁ་ན་མ་ཐོ་བ་རྫོགས་པའམ་ཆུང་བར་འགྱུར་ཞེ་ན། དེའི་ཕྱིར་འདིར་གཞིག་པའི་བློ་དང་ལྡན་ན་དེའོ་ཞེས་བྱ་བ་སྨོས་ཏེ། འདུ་ཤེས་གཙོ་ཆེར་བྱེད་པ་པོ་ཡིན་ནོ། །ས་ལ་ཞེས་བྱ་བ་འདི་ལ་ཡང་དེ་འདིར་འཇུག་པ་བསྟན་པར་རིག་པར་
[266a.4]བྱའོ། །གང་གི་ཕྱིར་སྦ་བའི་བློས་ཕུར་བུ་དབྱུང་བ་ལ་སོགས་པའི་བྱ་བ་རྣམས་ལ་འདི་ནི་ཁ་ན་མ་ཐོ་བའོ། །དེའི་ཕྱིར་བགྲང་བ་དང་ཤོད་དགོད་པ་ལ་སོགས་པའི་བསམ་པ་ལ་ནི་ལྟུང་བ་མེད་དོ་ཞེས་བྱ་བ་ནི། །གང་ལ་རྣམ་པར་སྦེད་པ་འདི་ལྟ་བུའི་འདི་ལྟ་སྟེ་ཕུར་བུ་དབྱུང་བའི་གླགས་མེད་པ་དེར་
[266a.5]ཆོ་ག་འདི་ལ་ཞེས་བྱ་བ་#རིག་པར་བྱའོ། །ས་རྐོ་བའི་ལྟུང་བྱེད་དོ།། །།ཧ་ཅང་བསླང་བར་མི་བྱའོ། །མགྲོན་དུ་བོས་པའི་ཁྱིམ་དུ་གདུགས་ཚོད་བསྐུལ་བ་དེ་མེད་ན་འགྲོར་རུང་ངོ་ཞེས་བྱ་བ་ལ། རུང་ཞེས་བྱ་བ་ནི་འདིར་སློང་བའི་རྣམ་པ་ཉིད་ཀྱི་ཕྱིར་མི་རུང་བར་ཤེས་པར་བྱ་བ་མ་ཡིན་ཏེ། བྱ་བར་#གྱུར་
[266a.6]པ་དུས་ལས་ཡོལ་བར་ཁས་བླངས་པ་བཅག་པ་མ་ཡིན་ཞེས་བྱ་བའི་དོན་ཏོ། །གང་དུ་བདག་གིས་གདུགས་བསྐུལ་བར་མི་ནུས་ཀྱི་རང་གིས་#དུས་ཤེས་ནས་ཤོག་ཤིག་#ཅེས་གསུངས་པ་ཡིན་ནོ། །དུས་ལས་ཡོལ་དུ་བྱེད་ན་བྲིམས་ཤིག་ཅེས་བསྒོ་བ་ཡང་ངོ་ཞེས་བྱ་བ་ནི་ཞུ་བའི་དོན་བྱས་པ་ཉིད་
[266a.7]ཀྱི་ཕྱིར་རིག་པར་བྱའོ། །དེ་མེད་ན་ཞེས་བྱ་བ་ནི་དུས་ལས་ཡོལ་དུ་དོགས་པ་དེ་མེད་ནའོ། །གདུགས་ཚོད་མ་བསྐུལ་བ་ཞེས་བྱ་བ་ལ། འདིར་གདུགས་ཚོད་བསྐུལ་བའི་ཁྱིམ་དུ་སྟེ། དེར་འགྲོར་རུང་བ་ནི་དུས་ལས་ཡོལ་དུ་#བྱེད་པ་ཡོད་སྲིད་པའི་ཕྱིར་རོ། །དུས་ལས་ཡོལ་དུ་བྱེད་ན་བྲིམས་ཤིག་ཅེས་
[266b]
[266b.1]བསྒོ་བ་ཡང་ངོ་ཞེས་བྱ་བ་ནི་མགྲོན་དུ་བོས་པའི་ཁྱིམ་དུ་སོན་པ་ན་གདུགས་ཚོད་ཡོལ་དུ་བྱེད་ན། གདུགས་ཚོད་#བྲིམས་ཤིག་ཅེས་བསྐུལ་དུ་རུང་བ་ཉིད་ཡིན་པའོ། །ཚིག་འབྲུ་དེ་ཉིད་མ་ཡིན་པ་ལ་གུས་པར་མི་བྱའོ་ཞེས་བྱ་བ་ནི། ཚིག་གང་རྣམས་ལ་སྔགས་ཉིད་ཀྱིས་བསྡུ་བ་མཛད་པ་དེ་རྣམས་ལ་དེ་ཉིད་
[266b.2]ཀྱི་ཕྱིར་བསྡུ་བ་སྔགས་ཀྱིས་#ངེས་པའི་སྐབས་ལ་བརྗོད་པས་འདི་ནི་མི་འཇུག་པར་རྟོགས་པར་བྱའོ། །དོན་དེ་གོ་བར་བྱ་བའི་ཕྱིར#། བཅོམ་ལྡན་འདས་ཀྱིས་ཚིག་འབྲུ་གང་དུ་གསུངས་པ་དེ་ཉིད་མ་གཏོགས་པ་དེ་ལས་གཞན་ལ་གུས་པར་མི་བྱ་སྟེ། ཚིག་འབྲུ་དེ་ཉིད་ཀྱིས་དོན་དེ་ཉིད་བརྗོད་པར་བྱ་བ་མ་
[266b.3]ཡིན་ཏེ། ཡོངས་སུ་རྫོགས་པ་དེའི་འདོད་པས་ཞེས་བྱ་བའི་དོན་ཏོ། །འདིར་གཞུང་ནི་སྟན་དག་ཅི་བདེར་གྱིས་ཤིག །ཚེ་དང་ལྡན་པ་ཁྱེད་ཀྱི་#ཅི་བདེ་བ་ཞེས་བྱ་བ་ནི་བདག་གིས་#མི་ཤེས་ཀྱི་#འདི་ལྟར་སྟན་དག་ནི་ཁྱེད་ཁོ་ནའི་ཕྱིར་བཤམས་སོ་ཞེས་ཟེར་བ་དང་། བཅོམ་ལྡན་འདས་ཀྱིས་བཀའ་
[266b.4]སྩལ་པ། གལ་ཏེ་དེ་སྐད་ཟེར་ན་ཅི་བདེར་བརྗོད་པར་བྱའོ་ཞེས་གསུངས་པ་ཡིན་ནོ། །དེ་ལྟ་བུར་གྱུར་པ་ཐམས་ཅད་ལ་འདི་རྣམ་པར་གཞག་པ་དེའི་ཕྱིར་ཐམས་ཅད་དུ་ཞེས་བྱ་བ་ཤེས་པའོ། །སོ་སོར་མགྲོན་དུ་བོས་པ་བདག་གིར་བྱའོ་ཞེས་བྱ་བ་ལ། འདི་མི་རུང་བར་ཤེས་པར་མི་བྱ་ཞེས་བྱ་བའི་
[266b.5]དོན་ཏོ། །དགེ་འདུན་མགྲོན་དུ་བོས་པ་ནི་དེའི་ཁོངས་སུ་གཏོགས་པས་#མགྲོན་དུ་བོས་པ་ཉིད་དོ། །སྤྱན་དྲངས་པ་ཡོད་ན་ཁས་བླང་བར་#མི་བྱ་སྟེ། དེ་ལྟ་བས་ན་མགྲོན་དུ་བོས་པ་མ་ཡིན་པ་ཉིད་ལ་དགེ་འདུན་གྱིས་#སོ་སོར་མགྲོན་དུ་བོས་པ་བདག་གིར་བྱའོ། །ཚུལ་འདི་ལྟ་བུ་བྱ་བར་འདོད་པ་ལ་འབྲེལ་
[266b.6]པའི་དོན་དུ་གསུངས་པ་ནི། དགེ་འདུན་དང་བཅས་ཏེ་མགྲོན་དུ་བོས་པ་ཡང་ངོ་ཞེས་བྱ་བ་སྨོས་ཏེ། དགེ་འདུན་སྤྱན་དྲངས་པ་ཡོད་ན་གང་ཟག་གིས་ཀྱང་མངོན་པར་མི་བརྟེན་པ་ནི་ཁྱད་པར་རོ། །ཇི་ལྟར་གཙུག་ལག་ཁང་གི་ཁ་ཟས་ནི་གང་ཟག་མགྲོན་དུ་བོས་པ་མ་ཡིན་པ་དེ་བཞིན་དུ་འདིས་ཞེས་བྱ་
[266b.7]བའི་ཚིག་འདིའོ། །དུས་ཐམས་ཅད་དུ་ཡང་#ཞེས་བྱ་བ་ནི་དགེ་འདུན་ནམ་གང་ཟག་ཇི་སྲིད་འཚོའི་བར་དུ་མགྲོན་དུ་བོས་ན་ཡང་བདག་གིར་བྱའོ་ཞེས་བྱ་བའི་དོན་ཏོ། །ཅི་ཞིག་བྱས་ནས་མགྲོན་དུ་གཉེར་བ་ལས་རིང་དུ་འདུག་པའམ་ལྟུང་བྱེད་དུ་འགྱུར་ཞེ་ན། དེའི་ཕྱིར་ཚིག་རྣམ་པར་གཞག་པ་
[267a]
[267a.1]མེད་པར་མགྲོན་དུ་གཉེར་བ་དང་ལྡན་པ་ལ། ཕྱིས་གཞན་ནམ་ཡང་དང་ཡང་དུའམ་དུས་ཀྱི་མགྲོན་དུ་གཉེར་བར་མ་བྱས་པ་ཟླ་བ་བཞི་པ་ཡོངས་སུ་རྫོགས་པའི་འོག་ཏུ་བཤམས་པ་ཟོས་ནའོ་ཞེས་བྱ་བ་སྨོས་ཏེ། གང་ཞིག་དུས་འདི་ཙམ་དུ་རྟག་པ་ཉིད་དུ་ངེས་པ་རྣམ་པར་གཞག་ནས་ཁྱད་
[267a.2]པར་དུ་དགེ་འདུན་གྱི་སྒོ་ནས་མགྲོན་དུ་གཉེར་བར་བྱེད་པ་རབ་ཏུ་སྦྱར་བའི་མགྲོན་དུ་གཉེར་བར་བྱས་པའམ། ཉེ་བར་སྤྱན་དྲངས་པར་གྱུར་པ་འདི་ལྟ་བུར་གྱུར་པའི་མགྲོན་དུ་བོས་པའི་འོག་ཏུ་དགེ་འདུན་ལ་གཞན་དུ་བྱས་པ་ཉིད་ལ་གང་ཟག་ལ་#བྱས་པས་དགེ་འདུན་ལ་བྱས་པ་ཉིད་དོ། །ཡང་དང་ཡང་
[267a.3]དུའམ་ཤིན་ཏུ་དོན་ཉིད་ཀྱིས་མགྲོན་དུ་བོས་པ་བྱས་པ་ནི་ཟླ་བ་བཞིའི་མཐར་ཐུག་པའི་འོག་ཏུ་བཤམས་པ་རྣམ་པར་གཞག་པ་བྱས་པ་ནི་#མགྲོན་དུ་གཉེར་བར་བྱས་པ་ཁ་ཟས་སུ་བྱས་པ་ཟ་བར་བྱེད་པ་ལ་ཞེས་བྱ་བའི་དོན་ཏོ། །མགྲོན་དུ་གཉེར་བ་ལས་ལྷག་པར་གནས་པའི་ཁ་ན་མ་ཐོ་བ་འདི་དང་མགྲོན་དུ་མ་#
[267a.4]བོས་པའི་དོན་དུ་#ཁ་ཟས་བསོད་པའི་ཁ་ན་མ་ཐོ་བའི་ཆོ་ག་འདི་གཉིས་ཀྱི་བྱེ་བྲག་རྟོགས་པར་བྱའོ། །རྟག་ཏུ་མགྲོན་དུ་བོས་པ་ལས་གཞན་དུ་ཞེས་བྱ་བ་#འདི་ལ་ངེས་པར་རྣམ་པར་གཞག་པ་མེད་པར་ཞེས་བྱ་བ་བསྡུ་བའོ། །དངོས་སུ་ནི་ཟླ་བ་བཞིའི་འོག་ཏུ་རྙེད་པ་ལ་ཉེས་པ་མེད་དོ་ཞེས་བྱ་བ་དེ་ལ་འདི་བསྟན་
[267a.5]པའི་དོན་དུའོ། །གཞན་དག་གིས་#སོ་སོར་མགྲོན་དུ་གཉེར་བ་ཞེས་བྱ་བ་དེ་ལ་གཞན་དུ་#ཞེས་བྱ་བ་དེའི་འདི་བསྡུ་བའོ། །འདིར་ཁ་ཟས་བསོད་པ་ལ་མངོན་པར་བརྟེན་པ་ཡོད་པ་མ་#ཡིན་ནོ། །དེ་བས་ན་ཁ་ཟས་ཐ་མལ་པ་ལ་ཡང་འདིར་ཡོངས་སུ་རྫོགས་པ་ལ་ཁ་ན་མ་ཐོ་བ་བྱེད་པ་ཉིད་དོ། །འདིར་
[267a.6]གཞུང་ནི་བསྡུ་བ་བསྟན་པ་ལས་དགེ་སློང་ཟླ་བ་བཞིའི་བར་དུ་མགྲོན་དུ་བོས་པ་ལས་ཅུང་ཟད་ལྷག་པར་རོ་མྱོང་བར་བྱེད་ན་སོ་སོར་མགྲོན་དུ་བོས་པ་དང་། རྟག་ཏུ་མགྲོན་དུ་བོས་པ་མ་གཏོགས་#པར་ཐམས་ཅད་དུ་ལྟུང་བྱེད་དུ་འགྱུར་རོ་ཞེས་གསུངས་པ་ཡིན་ནོ། །རྣམ་པར་རིག་བྱེད་ལ་ནི་ཉེས་
[267a.7]བྱས་སོ་ཞེས་བྱ་བ་འདི་ནི་སྦྱོར་བ་ལ་ཉེས་བྱས་སོ་ཞེས་བྱ་བ་དེའི་སྤྲོས་པ་ཡིན་ཏེ། འདིར་རྣམ་པར་རིག་བྱེད་ཅེས་བྱ་བ་འདི་ནི་ཟླ་བ་བཞི་ལས་ལྷག་པར་བཤམས་པའི་ཟན་གྱི་ཕྱིར་ཉེ་བར་འགྲོ་བ་ཡང་ཡིན་པར་རིག་པར་བྱའོ། །ནད་པ་ལ་ནི་ལྟུང་བ་མེད་དོ་ཞེས་བྱ་བ་ནི་ནད་པའི་ཕྱིར་བླངས་པ་དང་ཟ་བ་ནི་
[267b]
[267b.1]ཉེས་པ་མེད་དོ། །འདིར་གཞུང་ནི་ཞུ་བ་དག་ལས་མི་ན་བར་བླངས་ཏེ་ཟ་ན་བླངས་པ་ལ་ནི་ཉེས་བྱས་ལ། ཟོས་པ་ལ་ནི་ལྟུང་བྱེད་དོ་ཞེས་གསུངས་པ་དེ་#ཉིད་མདོ་འདིར་བསྡུས་པ་ཡིན་ནོ། །ཉེ་དུ་ལས་ཀྱང་ངོ་ཞེས་བྱ་བ་ནི་སྦྱིན་བདག་ཉེ་དུ་ལས་བླངས་ཏེ་ཟོས་པ་ལ་ཡང་ལྟུང་བ་མེད་དོ། །འདིར་གཞུང་ནི་
[267b.2]ཞུ་བ་ལས་ཁྱིམ་བདག་དེ་#དེའི་ཕུ་ནུ་འམ། བུ་ཚའམ་བུ་སྲིང་ཡིན་ན་དེ་དག་ལས་རོ་མྱོང་#བར་བྱའོ་ཞེས་གསུངས་པ་ཡིན་ནོ། །རྣམ་པར་འཁྱམས་པ་ལས་སྔ་མ་ནི་ཐ་དད་པ་ཉིད་དོ་ཞེས་བྱ་བ་ནི་རྣམ་པར་འཁྱམས་པ་ཞེས་བྱ་བ་ཁྱིམ་པར་བབས་པ་ལས་སྔ་མ་ཞེས་བྱ་བ་དེ་དགེ་སློང་ཉིད་ནི་ཐ་དད་པ་ཉིད་
[267b.3]ཡིན་པའོ། །འདིར་གཞུང་ནི་ཞུ་བ་ལས་ཚེ་དང་ལྡན་པ་ལ་གང་དགོས་པ་དེ་ཁྱེར་ཅིག་ཅེས་དགེ་སློང་ལ་བསྟབས་པར་གྱུར་པ་ལས་དགེ་སློང་དེ་རྣམ་པར་འཁྱམས་པར་གྱུར་ཅིང་དེ་དང་བསྙེན་པར་རྫོགས་པར་བགྱིད་ན། དགེ་སློང་དེས་ཆོ་ག་སྔ་མ་དེ་ཉིད་ཀྱིས་རོ་མྱང་བར་བགྱི་འམ། གལ་ཏེ་
[267b.4]ཡང་སྟོབས་#པར་བྱེད་ན་ནི་རོ་མྱང་བར་བྱ་བའོ། །སྟོབས་པར་མི་བྱེད་ན་ནི་རོ་མྱང་བར་མི་བྱའོ་ཞེས་གསུངས་པ་ཡིན་ནོ། །དེ་ནི་མ་བསྟབས་པའི་ཉེས་པ་བྱེད་པ་ཉིད་ཡིན་ནོ་ཞེས་བྱ་བ་ནི་རྣམ་པར་འཁྱམས་པའི་འོག་ཏུ་མགྲོན་དུ་བོས་པ་ལ་བསོད་པ་སློང་བའི་ཁ་ན་མ་ཐོ་བ་བྱེད་པ་ཡིན་ནོ་ཞེས་བྱ་
[267b.5]བའི་དོན་ཏོ། །མདུན་རོལ་དུ་ཡང་གང་གིས་མ་བསྟབས་པའོ་ཞེས་བྱ་བ་ནི། ཟླ་བ་བཞིའི་འོག་འབའ་ཞིག་ཏུ་མ་ཟད་ཀྱི་ཟླ་བ་བཞི་མ་ཚང་བའི་མདུན་རོལ་དུ་ཡང་ཞེས་བྱ་བའི་དོན་ཏོ། །བཟའ་བར་བྱ་བའི་དངོས་པོ་གང་གིས་མགྲོན་དུ་བོས་པ་དེ་སློང་ངམ་ཟ་ན་མ་བསྟབས་པའི་ཉེས་པ་བྱེད་པ་ཉིད་#
[267b.6]ཡིན་པའོ། །མགྲོན་དུ་གཉེར་བ་ལས་རིང་དུ་འདུག་པའི་ལྟུང་བྱེད་དོ།། །།#བསླབ་པ་ལ་ཉེ་བར་འཇོག་པ་སྤོང་བའི་ལྟུང་བྱེད་ལ་བྱེད་པ་པོ་གང་ཡིན་ཞེ་ན། དེའི་ཕྱིར་ཤེས་གཙོ་བོ་ཞེས་བྱ་བ་སྨོས་ཏེ། འདུ་ཤེས་གཙོ་ཆེར་བྱེད་པ་པོ་ཉིད་དོ་ཞེས་བྱ་བའི་དོན་ཏོ། །གང་ལ་འདུ་ཤེས་གཙོ་ཆེར་
[267b.7]བྱེད་པ་པོ་ཡིན་ཞེ་ན། དེའི་ཕྱིར་མངོན་པར་ཤེས་པ་ཉིད་ལའོ་ཞེས་བྱ་བ་སྨོས་སོ#། །མངོན་པར་ཤེས་པ་ཉིད་གང་ལ་#ཞེ་ན། དེའི་ཕྱིར་སྨྲ་བ་པོ་ལའོ་ཞེས་བྱ་བ་སྨོས་སོ། །དེས་གང་ལ་མངོན་པར་ཤེས་པ་ཉིད་ཡིན་ཞེ་ན། དེའི་ཕྱིར་བསླབ་པ་ལའོ་ཞེས་བྱ་བ་སྨོས་ཏེ། འདིར་གཞུང་ནི་ཡང་དག་
[268a]
[268a.1]པ་ཁོ་ནར་བྱིས་པ་གླེན་པ་མི་གསལ་བ་མི་མཁས་པ་དག་ཡིན་ན་ལྟུང་བ་མེད་དོ་ཞེས་གསུངས་པ་ཡིན་ནོ། །འདིར་ཆོ་ག་འདི་རྣམ་པར་གནས་པ་ཡིན་ཏེ། མངོན་དུ་བྱས་པ་ལ་དྲང་སྲོང་གིས་ཡེ་ཤེས་ཀྱིས་འདུལ་བ་མངོན་པར་ཤེས་པ་ཉིད་ལ་ཡིད་ཆེས་པ་ལས་#ཉེ་བར་ཐོས་པ་
[268a.2]ལ་འདིར་འདུ་ཤེས་དག་པ་སྟེ། གཞན་དུ་ནི་མ་ཡིན་ནོ། །དེའི་ཕྱིར་དེ་རྣམས་ལ་གཅིག་ཏུ་ཁ་ན་མ་ཐོ་བ་མི་སྐྱེད་#པ་སྟེ། གཞན་འགའ་ཞིག་ལ་ནི་མ་ཡིན་ནོ་ཞེས་བྱ་བར་རིག་པར་བྱའོ། །གལ་ཏེ་བྱེད་པ་པོ་ཉིད་ཡིན་#ཞེ་ན། དེའི་ཕྱིར། དགེ་སློང་གིས་ཁྱེད་ཀྱིས་འདི་ལ་བསླབ་པར་བྱའོ་ཞེས་
[268a.3]བརྗོད་པ་ན་འམ་བསྒོ་བ་ནི་མི་སློབ་པ་ཞེས་རྒྱུའི་#དངོས་པོ་དེས་གོ་བར་བྱེད་པ་ལ་#མི་ཤེས་པ་ཉིད་སྒྲོགས་པར་བྱེད་པའི་ཚིག་བརྗོད་ནའོ་ཞེས་བྱ་བ་སྨོས་ཏེ། བརྗོད་པ་ནའམ་ཞེས་བྱ་བ་ནི་བསླབ་པ་ལ་ཞེས་བྱ་བ་འདིས་སྐབས་ཀྱིས་སོ་སོར་གནས་པའི་འབྲེལ་པ་ཅན་དུ་རིག་པར་བྱའོ། །འདི་ལ་
[268a.4]ཞེས་བྱ་བ་ནི་འདུལ་བ་ལས་གསུངས་པ་ལས་ཏེ། མདོ་སྡེ་ལས་གསུངས་པ་ནི་ཉེས་བྱས་ཀྱིའོ་ཞེས་འབྱུང་བའི་ཕྱིར་རོ། །བསྒོ་བ་ན་ཞེས་བྱ་བ་ནི་བརྗོད་པ་ལའོ། །འདི་ལ་ཁྱོད་ཀྱིས་བསླབ་པར་བྱའོ་ཞེས་མོས་པར་བྱས་#ནའོ། །འདིར་གཞུང་ནི་ཞུ་བ་ཁ་ཅིག་ལས། འདུལ་བ་དང་ཉེ་བར་གྱུར་པའི་
[268a.5]མདོ་སྡེ་རྣམས་བཞག་ནས་འདི་སྐད་ཅེས་སྨྲ་བར་བྱེད་དེ། བདག་གིས་འདི་ལ་བསླབ་པར་མི་བྱའོ་ཞེས་ཟེར་ན་ཉེས་བྱས་སུ་འགྱུར་རོ། །དེ་བས་ན་འདི་བརྗོད་པ་ཡིན་ནོ། །གང་གིས་འདི་ལྟར་བརྗོད་པ་ཞེ་ན། དགེ་སློང་ཞེས་སྨོས་པས་སོ། །རྣམ་པ་གང་གིས་མི་ཤེས་པ་སྲིད་པ་ཉིད་ཀྱིས་#ཕྱིར་ཞེ་ན།
[268a.6]དེའི་ཕྱིར་མི་སློབ་བོ་ཞེས་རྒྱུའི་དངོས་པོ་དེས་གོ་བར་བྱེད་པ་ཞེས་བྱ་བ་སྨོས་ཏེ། བདག་གིས་བསླབ་པ་འདི་ལ་མི་སློབ་བོ་ཞེས་དེ་སྐད་ཟེར་བ་སྟེ། གང་གི་ཕྱིར་ཁྱོད་མི་ཤེས་པ་ཉིད་སྒྲོགས་པར་བྱེད་པ་ཡིན་ཞེ་ན། དེའི་ཕྱིར་གོ་བར་བྱེད་པ་ལ་ཞེས་སྨོས་ཏེ། གང་གི་ཕྱིར་ཁྱོད་མི་ཤེས་པ་དེའི་
[268a.7]ཕྱིར་ཁོ་བོ་མི་སློབ་པོ་ཞེས་གོ་བར་བྱེད་པ་ལ་མི་ཤེས་པ་ཉིད་སྒྲོགས་པར་བྱེད་པའི་ཚིག་གང་ཡིན་པ་དེ་བརྗོད་ན་ཁ་ན་མ་ཐོ་བ་འདིར་འགྱུར་རོ་ཞེས་བྱ་བའི་དོན་ཏོ། །མདོ་སྡེ་#ལས་གསུངས་པ་ལ་ནི་ཉེས་བྱས་ཀྱིའོ་ཞེས་བྱ་བ་ཡང་མངོན་པར་ཤེས་པ་ཉིད་ལ་ཞེས་བྱ་བ་འདིའི་#མཐར་བསླབ་པར་བྱའོ་ཞེས་བྱ་བ་ལ་
[268b]
[268b.1]སོགས་པ་བརྗོད་པར་གྱུར་པ་ལ་ཇི་སྲིད་དུ་ཚིག་བརྗོད་པ་ལ་ཉེས་བྱས་ཀྱི་བྱེད་པ་པོ་ཉིད་ཅེས་བྱ་བའི་དོན་ཏོ། །འདིར་གཞུང་ནི་ཞུ་བ་ཁ་ཅིག་ལས#། འདུལ་བ་དང་ལྡན་པ་དག་མ་གཏོགས་པ་མདོ་སྡེ་དག་ལས་འདི་སྐད་ཅེས་ཁོ་བོ་འདི་ལ་མི་སློབ་པོ་ཞེས་ཟེར་ན་ཉེས་བྱས་སོ། །གཞན་མདོ་སྡེ་ཉིད་བཞག་པ་འདི་
[268b.2]ལས་མངོན་པར་བརྟེན་པ་ཤེས་པ་ཡིན་ནོ། །བསླབ་པ་ལ་ཉེ་བར་འཇོག་པ་སྤང་བའི་ལྟུང་བྱེད་དོ།། །།ཅི་ཞིག་བྱས་ན་འཇུག་པ་གང་ལ་ཉན་རྣ་ལས་གྱུར་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་དགེ་སློང་དག་རྩོད་པར་གྱུར་པ་དགེ་སློང་དག་དང་གྲོས་བྱེད་པ་ན་ཉན་པའི་ཕྱིར་རྣ་གཏོད་ན་
[268b.3]སྟེ་ཉེ་བར་ཞི་བར་འདོད་པས་ནི་མ་གཏོགས་སོ་ཞེས་བྱ་བ་སྨོས་ཏེ། ཡུལ་གྱི་དོན་གཅིག་ལ་བརྟེན་པའི་རྒོལ་བ་དང་ཕྱིར་རྒོལ་བ་དག་མང་པོ་ཞིག་ཡོད་མོད་ཀྱི། འོན་ཀྱང་རིགས་གཉིས་ཡིན་པའི་ཕྱིར་དགེ་སློང་དག་ཅེས་གཉིས་ཀྱི་ཚིག་ཏུ་བྱས་སོ། །རྒོལ་བ་དང་ཕྱིར་རྒོལ་བའི་དགེ་སློང་གང་ཡིན་
[268b.4]པ་དེ་དག་ལ་དགེ་སློང་རྣམས་ཀྱིས་#སྡུམ་པ་གང་ཡིན་པ་དེ་ལ་རྣ་གཏོད་པའི་དོན་དུ་རྩེ་གཅིག་ཏུ་བྱེད་#པའོ། །ཅི་རྣ་གཏོད་པ་ཐམས་ཅད་ལ་ཡིན་ནམ་ཞེ་ན། དེའི་ཕྱིར་ཉེ་བར་ཞི་བར་འདོད་པས་ནི་མ་གཏོགས་སོ་ཞེས་བྱ་བ་སྨོས་ཏེ། རྣ་གཏོད་ཅིང་ཉན་པ་དོར་ནས་ཞེས་བྱ་བའི་དོན་ཏོ། །འདིར་གང་
[268b.5]ལ་ཁ་ན་མ་ཐོ་བ་ཇི་ལྟ་བུར་འགྱུར་ཞེ་ན། དེའི་ཕྱིར་སྒྲ་ཐོས་པ་ལ་ནི་ཉེས་བྱས་སོ། །དོན་ལ་ནི་#དངོས་གཞིའོ་ཞེས་བྱ་བ་ནི་སྒྲའི་དོན་གོ་ནས་དོན་སོ་སོར་རིག་པའོ། །དེ་བས་ན་འདིར་སྦྱོར་བ་ཐོབ་པ་ནི་སྒྲ་སོ་སོར་རིག་པ་དང་འབྲེལ་པ་སྟེ། དངོས་གཞིའི་ལྟུང་བ་ན་སྨད་པ་ནི་མ་ཡིན་ནོ། །ཅི་དོན་
[268b.6]གང་ཡང་རུང་བ་ཁོ་ནས་དངོས་གཞིར་འགྱུར་རམ་ཞེ་ན། དེའི་ཕྱིར་འཁྲུག་ལོང་བྱ་བ་ལ། གཞོལ་བས་སོ་ཞེས་བྱ་བ་སྨོས་ཏེ། དོན་གཞན་གྱི་དབང་ཉིད་དུ་སོན་ཅིང་ཤེས་པའི་འོག་ཏུ་རྐང་པ་དང་སེ་གོལ་དང་ལུད་པའི་སྒྲ་དག་གིས་གོ་བར་མི་བྱེད་ན་ངེས་པར་ལྟུང་བ་འབྱིན་པ་ཉིད་དུ་འགྱུར་ཏེ། གལ་
[268b.7]ཏེ་ནོར་བ་དང་ཞི་བར་འདོད་པ་ནི་མ་གཏོགས་སོ་ཞེས་བྱ་བ་སྨོས་ཏེ། ཉེ་བར་ཐོས་པ་ལས་དོན་གཞན་མངོན་དུ་བྱས་ཏེ་ཉེ་བར་འབྲེལ་པར་བྱའོ། །དུས་གང་གི་ཚེ་ན་ཤེས་པར་འགྱུར་བ་ཅུང་ཟད་འདིར་བསྡད་པར་བྱ་སྟེ། ད་#ལྟར་ཤེས་པའི་འོག་ཏུ་རྐང་པའི་ཏིང་#སྒྲ་ལ་སོགས་པས་བསྡད་པར་བྱའོ། །
[269a]
[269a.1]གལ་ཏེ་མ་ཡིན་ན་གང་ལས་ངེས་པར་ལྟུང་བར་བྱེད་པ་ལ་ལྟུང་བར་འགྱུར་བ་ནི་ལྟུང་བ་བསྐྱེད་པའོ། །གལ་ཏེ་ནོར་བར་གྱུར་ཏམ་ཞི་བར་འདོད་པས་ནི་མ་གཏོགས་ཏེ། ཉེ་བར་མི་གནས་པར་གྱུར་པའི་ཚེ་གཅིག་པའི་སྦྱིན་པར་མི་འགྱུར་བ་ཞི་བ་ལ་དོན་དུ་གཉེར་བའམ་ཞེས་བྱ་བའི་དོན་
[269a.2]ཏོ། །འཐབ་གཅུགས་མི་བྱའོ་ཞེས་བྱ་བ་ནི་རྟེན་དུ་གྱུར་པ་ལ་ཆོ་ག་སྔ་མ་རྣམ་པར་གཞག་པའི་ཕྱིར་གཞན་ཞེས་བྱ་བའི་རྐྱེན་ཏོ། །མི་སྟོབས་#པ་ཉིད་ཀྱིས་ཐོབ་པ་ལ་ཚིག་འདིའོ། །མཉན་པར་མི་བྱའོ་ཞེས་བྱ་བ་ནི་འཐབ་མོའོ། །དེ་བྱེད་པ་ལ་ཉེ་བར་བསྐོར་ཏེ་འདུག་པར་མི་བྱའོ། །ཉེ་བར་
[269a.3]ཞི་བར་བྱ་བའི་ཕྱིར་མི་འབད་པར་མི་བྱའོ་ཞེས་བྱ་བ་ནི་#རྩོད་པ་ལའོ། །ཉན་རྣ་ལས་གྱུར་པའི་ལྟུང་བྱེད་དོ།། །།གང་ལ་མི་སྨྲ་བར་འགྲོ་བའི་ལྟུང་བྱེད་དུ་འགྱུར་ཞེ་ན། དེའི་ཕྱིར་གསོལ་བ་ལ་སོགས་པའི་ལས་ལ་འདུས་པ་དགེ་སློང་ལ་མ་སྨྲས་པར་འགྲོ་ནའོ་ཞེས་བྱ་བ་སྨོས་ཏེ། གསོལ་
[269a.4]པ་ལ་སོགས་པའི་ལས་ལ་ཞེས་བྱ་བ་ནི་གསོལ་བ་འབའ་ཞིག་དང་གསོལ་བ་དང་གཉིས་དང་། གསོལ་བ་དང་བཞིའི་ལས་ལ་ཡང་དགག་དབྱེའི་བདག་ཉིད་ཅན་གྱི་ལས་ལའོ། །རབ་ཏུ་བྱུང་བ་ལ་ལྟོས་པ་ཞུ་བ་ལ་སོགས་པ་ལ་ནི་#མ་ཡིན་ནོ། །འདུས་པ་ཞེས་བྱ་བ་ནི་ཞུགས་པ་ལའོ། །དགེ་
[269a.5]འདུན་འདུས་པ་ལ་མ་དྲིས་པར་རོ། །དགེ་སློང་ལ་མ་དྲིས་པར་འགྲོ་ནའོ་ཞེས་བྱ་བ་ལ། དགེ་སློང་ལ་མ་སྨྲས་པར་ཞེས་བྱ་བ་ནི་ལྟ་བ་ཡང་དག་པར་བསྒྲུབ་པའི་དོན་དུ་མ་ཡིན་ནོ། །འོན་ཀྱང་ཚོགས་པ་བསྒྲུབ་པའི་དོན་དུ་འདུན་པ་འབུལ་བ་ལྟར་རྟོགས་#པར་བྱའོ། །ཐག་ཇི་སྲིད་དུ་སོང་ན་འགྲོ་
[269a.6]བའི་ཆ་དེ་ཁ་ན་མ་ཐོ་བ་ཅིར་འགྱུར་ཞེ་ན། དེའི་ཕྱིར་ཐོས་པའི་ཉེ་འཁོར་ལས་འདས་ན་དངོས་གཞིའོ། །མདུན་རོལ་དུ་ནི་ཉེས་བྱས་སོ། །དོན་མེད་པ་དང་མི་རིགས་པས་#འགྲོ་བའོ་ཞེས་བྱ་བ་སྨོས་ཏེ། དགོས་#པ་མེད་པ་དང་མི་རིགས་པའི་ཚུལ་གྱིས་དགོས་#པར་འགྲོ་ན་ཡང་ཉེས་བྱས་སུ་
[269a.7]འགྱུར་རོ#། །གསོལ་བ་བྱས་པ་ཉིད་ལའོ་ཞེས་བྱ་བ་ནི། འདིར་གཞུང་ནི་ལས་ཀྱི་གཞི་ཞུ་བ་ལས། བཙུན་པ་རེ་ཞིག་ལས་བརྗོད་པར་#བགྱིད་པ་ན། དགེ་སློང་སྟན་ལས་ལངས་ཏེ་མཆི་ཞིང་དགེ་སློང་#མཆིས་པ་དག་ལ་ཡང་མི་སྨྲ་བར་མཆི་ན་ལྟུང་བ་ཅིར་འགྱུར། ཉེ་བ་འཁོར་ཉེས་བྱས་
[269b]
[269b.1]སོ་ཞེས་གསུངས་པ་ཡིན་ནོ། །ཆོས་དང་ལྡན་པ་ཉིད་མ་ཡིན་པའི་ལས་ལ་ཡང་ངོ་ཞེས་བྱ་བ་ནི་ཆོས་དང་ལྡན་པ་ཉིད་མ་ཡིན་པ་འདི་རྣམས་ལ་དངོས་གཞིའི་གནས་སུ་ཉེས་བྱས་སོ། །འདིར་གཞུང་ནི་ཞུ་བ་ཁ་ཅིག་ལས། ཆོས་དང་ལྡན་པ་ཉིད་མ་ཡིན་པའི་ལས་བྱེད་པ་ན་འགྲོ་ན་ཉེས་བྱས་སོ་ཞེས་གསུངས་པ་
[269b.2]ཡིན་ནོ། །ཐོས་པའི་ཡུལ་ལས་མི་འདའ་བར་འདོད་པ་ནི་ལྟུང་བ་མེད་དོ་ཞེས་བྱ་བ་#འདི་ནི་སྔར་མདུན་རོལ་དུ་ནི་ཉེས་བྱས་སོ་ཞེས་བྱ་བ་སྨོས་པ་དེའི་དམིགས་ཀྱིས་བསལ་བ་ཡིན་ནོ། །འདིར་གཞུང་ནི་ཞུ་བ་ལས། གསོལ་བ་བརྩམས་པ་ནས་བཤང་བའི་ས་འམ་གཅི་བའི་སར་འགྲོ་བ་འམ་འོང་
[269b.3]ཡང་རུང་སྟེ། དགེ་སློང་འཁོད་པ་དག་ལ་མི་སྨྲ་ཡང་ཐོས་པའི་ཉེ་འཁོར་ཡོངས་སུ་མི་གཏོང་བ་གང་ཡིན་པ་ལ་ནི་ལྟུང་བ་མེད་དོ། །འདིར་སྔ་མ་ལ་ཡང་ཐོས་པའི་ཉེ་འཁོར་མི་གཏོང་བ་ལ་ལྟུང་བ་མེད་པར་རྣམ་པར་གནས་པ་ཡིན་ནོ། །གཏོང་ན་ནི་ངེས་པར་ཉམས་པར་འགྱུར་རོ། །མི་སྨྲ་
[269b.4]བར་འགྲོ་བའི་ལྟུང་བྱེད་དོ།། །།#གང་ལ་མ་གུས་པའི་ཚུལ་གྱིས་ལྟུང་བྱེད་དུ་འགྱུར་ཞེ་ན། དེའི་ཕྱིར་འདུག་པ་དང་འགྲོ་བ་དང་གནས་མལ་དང་#གཙུག་ལག་ཁང་ལེན་པ་དང་སྨྲ་བ་ལ་སོགས་པ་ལ་#བསྒོ་བའི་དོན་ལ་མ་གུས་པས་ཆོས་དང་ལྡན་པར་ཤད་ཀྱིས་#སྦྱང་བ་མེད་པར་དེ་ལས་བཟློག་སྟེ།
[269b.5]འགལ་བར་བྱེད་པའོ་ཞེས་བྱ་བ་ནི་དེ་ལས་བཟློག་སྟེ་མི་འདུག་པ་དང་མི་འགྲོ་བ་དང་གནས་མལ་མི་ལེན་པ་དང་གཙུག་ལག་ཁང་མི་ལེན་པ་དང་མི་སྨྲ་བའོ། །སོགས་པའི་སྒྲས་ནི་ལྷག་མ་འདི་ལས་ཆོས་དང་ལྡན་པའི་དོན་ལ་ཉེ་བར་བསྡུས་པའི་དོན་ཏོ། །མི་འགྱུར་བའི་ཡིད་ཀྱིས་ཀྱང་མི་མཐུན་
[269b.6]པར་གྱུར་པ་ཡིན་ཏེ་ཤད་ཀྱིས་ཀྱང་ངོ་། །འདི་ལྟ་སྟེ་དཔེར་ན་གུས་པ་རབ་ཏུ་བྱེད་ཅིང་མི་མཐུན་པ་སྟེ། ཁ་ན་མ་ཐོ་བ་ལ་འཇིགས་པར་མཐོང་བ་ནི་མ་ཡིན་ནོ། །ཆོས་དང་མི་ལྡན་པའི་གསོལ་བ་འབའ་ཞིག་ཏུ་ནི་མ་ཟད་དེ། ཆོས་དང་ལྡན་པའི་གསོལ་བ་བཏབ་པས་ཀྱང་འདི་ནི་གུས་པ་མེད་པ་
[269b.7]མ་ཡིན་ཏེ། དེ་བས་ན་མི་གུས་པར་ཤེས་པར་མི་བྱའོ། །དེ་བས་ན་གུས་པ་མེད་པ་ཞེས་བྱ་བ་ནི་བྱེ་བྲག་གོ། །གུས་པ་ཡོད་པ་ལས་ཡང་དུས་གཅིག་གི་ཚེ་ཆོས་དང་ལྡན་པའི་གསོལ་བ་བཏབ་པ་ཡོད་པ་མ་ཡིན་ཏེ། འདིར་ཆོས་ཀྱི་གསོལ་བ་བཏབ་པ་མེད་པར་ཡང་སྟེར་བ་ཡིན་ནོ། །དགོངས་
[270a]
[270a.1]པ་ནི་འདི་ཡིན་ཏེ། གང་གི་ཕྱིར་གཉིས་ཀ་ལ་འཁྲུལ་པ་ཡོད་པ་ལ་ཁ་ན་མ་ཐོ་བ་ཡོངས་སུ་རྫོགས་པ་སྟེ། ཅིག་ཤོས་མེད་པ་ལ་ནི་མ་ཡིན་ཏེ། དེ་བས་ན་གཉིས་ཀའི་ཚིག་བཟུང་བའོ། །གང་དུ་གསོལ་བ་མ་བཏབ་པ་ལ་མ་#གུས་པ་ཡོད་པ་ནི་#མ་ཡིན་ནོ། །གུས་པ་མ་ཡིན་པ་
[270a.2]ལ་ནི་གསོལ་བ་མི་སྦྱིན་པར་དེར་#ནི་ཉེས་བྱས་སོ་ཞེས་བྱ་བ་འདིས་#རིག་པར་བྱའོ། །གང་གིས་ཉེ་བར་འོངས་པའི་དོན་ལ་འགལ་བར་བྱེད་པ་ལ་ལྟུང་བ་ཅི་ལྟ་བུར་འགྱུར་ཞེ་ན། དེའི་ཕྱིར་དགེ་སློང་གིས་དགེ་འདུན་ལ་ནི་དངོས་གཞིའོ། །མཁན་པོ་དང་སློབ་དཔོན་དག་གི་#ལ་ནི་ཉེས་བྱས་སོ། །ཆོས་
[270a.3]དང་ལྡན་པ་ཉིད་མ་ཡིན་པའི་བསྒོ་བ་ལས་ཀྱང་ངོ་ཞེས་བྱ་བ་སྨོས་ཏེ། དགེ་སློང་གི་དགེ་འདུན་གྱིས་བསྒོ་བའི་དོན་ཆོས་དང་ལྡན་པ་མ་ཡིན་པའི་བསྒོ་བ་ལས་འགལ་བར་བྱེད་པ་ལ་ཡང་ཉེས་བྱས་སོ་ཞེས་བྱ་བའི་དོན་ཏོ། །འདིར་གཞུང་ནི་ཞུ་བ་ལས། བཙུན་པ་དགེ་སློང་གིས་དགེ་སློང་གནས་
[270a.4]བརྟན་རྣམས་ཆོས་དང་ལྡན་པའི་བཀའ་མཆིད་རྣམ་པར་གཏན་ལ་འབེབས་པ་ན། གློ་བུར་དུ་#བཀའ་མཆིད་མཆི་ལ་ལྟུང་བར་ཡང་མི་འགྱུར་བ་#མཆིས་སམ། ཡོད་དེ་འདི་ལྟ་སྟེ་དགེ་སློང་གནས་བརྟན་དག་ཆོས་མ་ཡིན་པར་སྨྲ་ལ#། གསར་བུ་དག་ནི་ཆོས་སྨྲ་བས་#གློ་བུར་དུ་གཏམ་ཟེར་ན་ཉེས་བྱས་
[270a.5]སུ་གྱུར་པའོ་ཞེས་གསུངས་པ་ཡིན་ནོ། །གཏམ་ཟེར་བ་ནི་དེ་ཉིད་དོ་ཞེས་བྱ་བ་ནི་གཞན་དག་ལ་ཆོས་དང་ལྡན་པའི་གཏམ་རྣམ་པར་གཏན་ལ་འབེབས་པའི་བར་དུ་གློ་བུར་དུ་གཏམ་ཟེར་བ་ནི་དེའི་དེ་ཉིད་ནི་བསྒོ་བ་ལས་འགལ་བར་བྱེད་པ་ཉིད་ཡིན་ཏེ། ལྟུང་བྱེད་དོ་ཞེས་བྱ་བའི་དོན་ཏོ། །གླེང་
[270a.6]གཞི་ལས་འདི་རྣམ་པར་ཤེས་པ་ཡིན་ཏེ། གླང་ཆེན་ལྷས་ཀྱི་བདག་པོའི་བུ་ནག་པོ་གཏམ་གྱི་མཇུག་ཏུ་སྡོད་པར་མི་བྱེད་གུས་པར་བྱེད་ཅིང་ཕྱིར་སྨྲ་བར་#བྱའོ་སྙམ་དུ་སེམས་སོ་ཞེས་བྱ་བའི་བར་དུ་གསུངས་པ་དང་། འདིར་ཞུ་བའི་གཞུང་ལས་ཀྱང་གསར་བུ་ཆོས་མ་ཡིན་པ་དག་གནས་བརྟན་
[270a.7]ཆོས་སྨྲ་བ་རྣམས་ལ་གློ་བུར་དུ་གཏམ་ཟེར་བ་ནི་ལྟུང་བྱེད་དོ་ཞེས་གསུངས་པ་ཡིན་ནོ། །དགེ་འདུན་གྱི་ཐ་སྙད་པ་ནི་དེའི་ཁ་ཡིན་ནོ་ཞེས་བྱ་བ་ནི་དགེ་འདུན་གྱི་ཐ་སྙད་པ་ནི་དགེ་འདུན་གྱི་ཁ་ཡིན་ཏེ། དེ་བས་ན་དགེ་འདུན་ཉིད་ཀྱིས་#བསྒོ་བ་གང་ཡིན་པ་དེ་ནི་དགེ་འདུན་གྱི་བསྒོ་བ་ཡིན་ཏེ། དགེ་འདུན་
[270b]
[270b.1]གྱི་ཐ་སྙད་པ་ཞེས་བྱ་བའི་དོན་ཏོ། །སངས་རྒྱས་ནི་དགེ་འདུན་དང་འདྲའོ་ཞེས་བྱ་བ་སངས་རྒྱས་ལ་མ་གུས་པ་ལས་ཁ་ན་མ་ཐོ་བ་ཡོངས་སུ་རྫོགས་པར་འགྱུར་བ་ཞེས་བྱ་བའི་དོན་ཏོ། །འདིར་གཞུང་ནི་ཤཱ་རིའི་བུ་ལྔ་པོ་རྣམས་ཀྱི་ཚིག་ནི་མི་བསྐྱེད་པ་ཞེས་བྱ་བ་སྟེ། དེ་བས་ན་མདོ་འདི་རྣམ་པར་གནས་པ་
[270b.2]ཡིན་ནོ། །གང་གི་ཕྱིར་དགེ་འདུན་ལ་མ་གུས་པ་དང་སངས་རྒྱས་ལ་མ་གུས་པ་ནི་#ཤིན་ཏུ་སྡིག་ཆེ་བ་ཡིན་ཏེ། གང་གི་ཚེ་ཚེ་དང་ལྡན་པ་མ་གྷ་དང་། བྷ་དྷ་ལ་ཡང་ལྟུང་བ་མ་བྱུང་བ་སྟེ། དེ་དག་ལ་མི་གུས་པ་#ཉིད་མ་སྐྱེས་པའི་ཕྱིར་རོ། །ཆོས་དང་ལྡན་པའི་གསོལ་བ་ཡང་སྦྱིན་པའི་ཕྱིར་ཞེས་
[270b.3]གསུངས་པ་ཡིན་ནོ། །བསླབ་པ་རྣམས་ལ་མ་གུས་པའི་ཕྱིར་འགལ་#བར་བྱེད་པའོ། །གལ་ཏེ་སངས་རྒྱས་ལ་གུས་པ་མེད་ན་མི་རིགས་པར་འགྱུར་བ་འདིས་ཅི་ཞིག་བྱ། དེའི་ཚིག་གིས་བྱ་བ་ཞེས་བྱ་བ་ལ་སོགས་པའི་ལྟུང་བྱེད་དོ། །གལ་ཏེ་བསླབ་པ་ཙམ་ལ་ཅུང་ཟད་ཙམ་དང་། ངན་ངོན་
[270b.4]ཙམ་འདིས་ཅི་ཞིག་ཅེས་བྱ་བ་ལ་སོགས་པས་བསླབ་པ་ལ་མ་གུས་པ་བསྐྱེད་པ་ནི་ཉེས་བྱས་སོ། །ལྷག་མ་ལྔ་པོ་རྣམས་ཞེས་བྱ་བ་འདི་ལས་བསྡུ་བ་བྱ་སྟེ། རྒྱལ་པོ་དང་དགྲ་བཅོམ་པ་དང་དགེ་འདུན་གྱི་གནས་བརྟན་རྣམས་ཀྱི་ཚིག་རྣམ་པར་དཀྲུགས་#པར་མི་བྱའོ་ཞེས་བྱ་བ་སྨོས་སོ། །མ་གུས་
[270b.5]པའི་ཚུལ་གྱི་ལྟུང་བྱེད་དོ།། །།ཅི་ཞིག་བྱས་ན་མྱོས་པར་འགྱུར་བ་འཐུང་བའི་ལྟུང་བྱེད་དུ་འགྱུར་ཞེ་ན། དེའི་ཕྱིར་མྱོས་པར་འགྱུར་བ་འཐུང་ནའོ་ཞེས་བྱ་བ་སྨོས་ཏེ། བཏུང་བའི་ཚིག་གིས་འཐུང་#ནའོ་ཞེས་བྱ་བ་སྨོས་པས་འཐུང་བར་བྱེད་པ་རྟོགས་པར་བྱའོ། །དེ་བསྐོལ་ན་ནི་དེ་ཉིད་ལས་ཉམས་པ་
[270b.6]ཡིན་ནོ་ཞེས་བྱ་བ་ནི་མྱོས་པར་འགྱུར་བ་དེ་བསྐོལ་ན་ནི་#མྱོས་པར་འགྱུར་བ་དེ་ཉིད་ལས་ཉམས་པ་ཡིན་ནོ་ཞེས་བྱ་བའི་དོན་ཏེ་བསྐོལ་བ་འཐུངས་པ་ལ་ནི་ལྟུང་བ་མེད་དོ་ཞེས་བྱ་བ་འདིས་བསྡུས་པ་ཡིན་ནོ། །སྦང་མ་དང་ཚིགས་མ་ཟ་བ་ལ་ནི་དེའི་འཇུག་པ་ཡོད་དོ་ཞེས་བྱ་བ་ནི་མྱོས་པར་འགྱུར་བའི་ལྟུང་བ་
[270b.7]དེའི་འཇུག་པ་ཡོད་དོ་ཞེས་བྱ་བའི་དོན་ཏོ། །འདིར་གཞུང་ནི་སྦང་མ་ཟ་ན་ལྟུང་བྱེད་དོ། །ཚིགས་#མ་ཟ་ན་ལྟུང་བྱེད་དོ་ཞེས་གསུངས་པ་ཡིན་ནོ་ཞེས་བྱ་བ་འདིས་བསྡུས་པ་ཡིན་ནོ། །ཕབས་ཀྱི་ཆང་བུ་ནི་ཕྱེད་ཉིད་དོ་ཞེས་བྱ་བ་ནི་མྱོས་པར་འགྱུར་བའི་ཕྱེད་ཉིད་དེ་ཉེས་བྱས་ཉིད་ཡིན་ནོ་ཞེས་བྱ་བའི་དོན་ཏོ། །
[271a]
[271a.1]རྩ་བ་དང་སྡོང་བུ་དང་འདབ་མ་དང་མེ་ཏོག་དང་འབྲས་བུ་མྱོས་པར་འགྱུར་བ་རྣམས་ཀྱང་ངོ་། །མྱོས་པར་འགྱུར་བའི་དྲི་དང་རོ་བྲོ་བའི་ཐུག་པ་མྱོས་པར་མི་བྱེད་པ་རྣམས་ཀྱང་ངོ་ཞེས་བྱ་བ་ནི་ཕྱེད་ཉིད་དོ་ཞེས་བྱ་ལ་འཇུག་#གོ། །མདོག་ཙམ་མྱོས་པར་འགྱུར་བ་དང་འདྲ་བ་ལ་ནི་ཉེས་པ་མེད་དོ་
[271a.2]ཞེས་བྱ་བ་ནི་འདིར་གཞུང་ལས་མདོག་འབའ་ཞིག་མྱོས་པར་འགྱུར་བ་དང་འདྲ་བ་འཐུང་བ་ལ་ནི་ལྟུང་བ་མེད་དོ་ཞེས་གསུངས་པ་ཡིན་ནོ། །མཁུར་བར་བསྲེལ་བ་དང་ལུས་སྐུད་པ་ལ་ནི་སྦྱོར་བ་དང་འདྲའོ་ཞེས་བྱ་བ་ནི་ཟ་བར་མི་འདོད་པ་ལ་གང་ཞིག་ཡན་ལག་གི་རྒྱན་འཆང་བ་མེད་པ་ནི་དེར་སྦྱོར་བ་ཉིད་ལ་
[271a.3]སྙམ་པའི་བློ་བཟློག་པའི་དོན་དུ་འདིར་འདི་གསུངས་པའོ#། །སྨན་པའི་ལུང་གིས་འདི་དག་བྱེད་པ་ལ་ལྟུང་བ་མེད་པའི་ཚིག་གང་ཡིན་པ་དེས་དོན་འདི་བསྟན་པ་ཉིད་དེ་དེ་བས་ན་མདོ་འདི་ཡིན་ཏེ། བ་སྤུའི་བུ་ག་རྣམས་ལ་བཟའ་བ་ཞུགས་པ་ལུས་སྐུད་པ་བསྒྲུབ་པ་ཞེས་བྱ་བ་ནི་འདིར་སྐྱོན་ནོ། །ནད་པ་ལ་
[271a.4]ནི་ལྟུང་བ་མེད་དོ་ཞེས་བྱ་བ་ནི། ནད་པའི་མཁུར་བར་བསྲེལ་བ་དང་ལུས་བསྐུ་བ་དག་བྱེད་པ་ལ་ནི་ཞེས་བྱ་བ་དེ་མ་ཐག་པས་རྟོགས་པར་བྱའོ། །མྱོས་པར་འགྱུར་བ་ལ་ནི་བཅས་པའི་ཁ་ན་མ་ཐོ་བ་གནང་བ་འཇུག་པ་མ་ཡིན་ཞེས་བྱ་བ་འདི་དེའི་ཕྱིར་རྩོམ་པའོ། །མྱོས་པར་འགྱུར་བ་འཐུང་བའི་
[271a.5]ལྟུང་བྱེད་དོ།། །།དུས་མ་ཡིན་པར་འགྲོ་བའི་ལྟུང་བྱེད་ལ་བྱེད་པ་པོ་ཉིད་གང་ཞེ་ན། དེའི་ཕྱིར་ཤེས་གཙོ་བོ་#ཞེས་བྱ་བ་སྨོས་ཏེ། འདུ་ཤེས་གཙོ་ཆེར་བྱེད་པ་པོ་ཉིད་དོ། །གང་ལ་འདུ་ཤེས་གཙོ་ཆེར་བྱེད་པ་པོ་ཉིད་ཡིན་ཞེ་ན། དེའི་ཕྱིར་དུས་མ་ཡིན་པ་ཉིད་ལའོ་ཞེས་བྱ་བ་སྨོས་ཏོ(ཏེ)།
[271a.6]རང་གི་ཕྱེད་ཡོལ་ནས་སྐྱ་རེངས་#མ་ཤར་གྱི་བར་དུ་ནི་མ་ཡིན་ནོ་ཞེས་བྱ་བ་བསྟན་པ་དེ་ནི་དུས་མ་ཡིན་པའི་མཚན་ཉིད་དོ། །དགེ་སློང་ཁྱད་པར་ཅན་ཇི་ལྟ་བུ་ཞིག་ལ་དེ་བྱེད་པ་པོ་ཡིན་ཞེ་ན། དེའི་ཕྱིར་དགེ་སློང་འཁོད་པ་ལ་མ་སྨྲས་པ་ལའོ་ཞེས་བྱ་བ་སྨོས་ཏེ། གང་གིས་དགེ་སློང་འཁོད་ཅིང་ཡོད་པ་
[271a.7]ལ་མ་སྨྲས་པ་དེ་ནི་འདིར་བསྡུས་པ་ཡིན་ནོ། །ཅི་ཞིག་བྱས་ན་དགེ་སློང་དེ་ལ་འདུ་ཤེས་གཙོ་ཆེར་བྱེད་པ་པོ་ཉིད་ཡིན་ཞེ་ན། དེའི་ཕྱིར་གྲོང་དུ་ཞུགས་ནའོ་ཞེས་བྱ་བ་སྨོས་ཏེ། ཁྱིམ་གཅིག་པའི་གནས་ཀྱང་གྲོང་ཉིད་ཡིན་པར་གསུངས་པས་དེའི་ཕྱིར་ཁང་པ་གཅིག་ཙམ་ཡོད་པའི་གནས་ཀྱང་གྲོང་
[271b]
[271b.1]ཉིད་ཡིན་ནོ་ཞེས་བྱ་བ་དེ་ལ་#བསྡུས་པ་ཉིད་དོ། །གྲོང་པའི་ཆོས་དང་ལྡན་པ་ལྷག་པར་སྤྱོད་པའི་གནས་དག་ལ་གྲོང་གི་སྒྲ་འཇུག་པར་འགྱུར་བས་དེའི་ཕྱིར་མ་སྨྲས་པར་ཕྱི་རོལ་པའི་རབ་ཏུ་བྱུང་བའི་གནས་སུ་འཇུག་པ་ལ་ནི་ཁ་ན་མ་ཐོ་བ་མེད་པར་རིག་པར་བྱའོ། །བསྐོར་བ་དང་བཅས་པའི་གྲོང་ལ་ནི་སྒོ་
[271b.2]གཏན་གྱི་བར་དུ་འཇུག་ན་དེ་སྲིད་དུ་ཞུགས་པ་ཡོངས་སུ་རྫོགས་པར་རིག་པར་བྱའོ། །མ་བསྐོར་བ་ལ་ནི་བསྐོར་#བའི་མཐའི་བསྐོར་བས་དེས་#བྱས་ནས་རྣམ་པར་གཞག་པར་རིག་པར་བྱའོ། །ཅི་ཞུགས་པ་ཐམས་ཅད་ལའམ་ཞེ་ན། དེའི་ཕྱིར་གལ་ཏེ་གཏད་པའི་བྱ་བ་མ་བྱུང་ནའོ་ཞེས་བྱ་བ་སྨོས་
[271b.3]ཏེ། དེའི་དབང་གིས་#འཇུག་པ་གང་ཡིན་པ་དེ་ལ་ནི་ལྟུང་བ་མེད་དོ། །གཞན་དུ་རྒྱུ་བ་ལ་ནི་ཉེས་བྱས་སོ་ཞེས་བྱ་བ་དེས་ནི་ཕྱོགས་གང་དུ་འགྲོ་བའི་ཕྱིར་སྨྲས་པའི་ཕྱོགས་དེ་ལས་གཞན་པ་དེའི་ཡན་ལག་ཏུ་གྱུར་པའི་ཕྱོགས་གང་ཡིན་པ་དེར་རྒྱུ་བ་ལ་ནི་ཉེས་བྱས་སོ། །གྲོང་ཡོངས་སུ་ཆད་པར་བྱེད་
[271b.4]ཅིང་ཅུང་ཟད་ཕྱོགས་འགའ་ཞིག་ཏུ་བྱེད་དམ། རིགས་འགའ་ཞིག་ལ་སྨྲ་བར་བྱེད་ན་ཉེས་བྱས་ལ་འཇུག་པ་ཡིན་ནོ། །གྲོང་གཅིག་གོ་#ཁྱིམ་གཞན་དུ་འགྲོ་ན་ཉེས་བྱས་ཀྱི་ཚིག་འདིའོ། །གྲོང་གཞན་དུ་རྒྱུ་བ་ལ་ནི་ལྟུང་བྱེད་ཁོ་ནའོ། །འདིར་གཞུང་ནི་ཞུ་བ་ལས་དང་པོར་གང་ན་ཉེ་འཁོར་གཅིག་
[271b.5]ཡིན་པའི་ཉེ་འཁོར་ཤེས་པ་ལས་འདས་ཏེ། དེར་འགྲོ་ན་ཉེས་བྱས་སོ་ཞེས་གསུངས་པ་ཡིན་ནོ། །འདིར་ཉེ་#འཁོར་གཅིག་ཉིད་ཅེས་བྱ་བ་ནི་གྲོང་གཅིག་ཉིད་བསྟན་པར་རིག་པར་བྱའོ། །གང་ཞིག་ཉེ་འཁོར་ཞེས་སྨོས་པ་འདིས་ཁྱིམ་གྱི་ཉེ་འཁོར་ལ་#ཤེས་པར་བྱ་བ་འདིས་སྨྲས་ན་བྱེད་པ་པོ་
[271b.6]ཉིད་དོ། །འདི་ལ་དགེ་སློང་མེད་ན་དགེ་སློང་མ་ཡང་དེ་དང་འདྲའོ་ཞེས་བྱ་བ་ནི་བསླབ་པའི་གཞི་འདི་ལ་སྨྲ་བར་བྱ་བའི་ཕྱིར་དགེ་སློང་མེད་ན་དགེ་སློང་བཞིན་དུ་དགེ་སློང་མའོ། །གང་ཞིག་དགེ་སློང་དུ་མ་གྱུར་པ་དང་། དགེ་སློང་མར་ཡང་མ་གྱུར་ལ་#དེ་ལ་ནི་སྨྲ་བར་བྱ་ཞེས་བྱ་བའི་དོན་ཏོ། །དེ་
[271b.7]ཡང་མེད་ན་དགེ་ཚུལ་ལའོ་ཞེས་བྱ་བ་ནི་དགེ་སློང་མ་མེད་ན་དགེ་ཚུལ་ལ་དགེ་སློང་དང་འདྲ་བར་རིག་པར་བྱ་ཞེས་བྱ་བའི་དོན་ཏོ། །དེ་ཡང་མེད་ན་དགེ་སློབ་མའོ་ཞེས་བྱ་བ་ནི། དགེ་ཚུལ་དེ་ཡང་མེད་ན་དགེ་སློབ་མ་དགེ་སློང་དང་#འདྲ་བའོ། །དེ་ཡང་མེད་ན་དགེ་ཚུལ་མའོ་ཞེས་བྱ་བ་ནི། དགེ་
[272a]
[272a.1]སློབ་མ་དེ་#ཡང་མེད་ན་དགེ་ཚུལ་མ་ཡོད་ན་དེ་ལ་སྨྲ་བར་བྱའོ་ཞེས་བྱ་བའི་དོན་ཏོ། །འདིར་གཞུང་ནི་དགེ་སློང་གིས་དགེ་སློང་ལ་སྨྲ་བར་བྱ་ཞིང་དགེ་སློང་མ་དང་དགེ་ཚུལ་དང་། དགེ་སློབ་མ་དང་དགེ་ཚུལ་མ་ལ་ཡང་སྨྲ་བར་བྱ་སྟེ། འཁོར་ལོ་བཞིན་དུ་སྦྱར་བར་བྱའོ་ཞེས་
[272a.2]གསུངས་པ་ཡིན་ནོ། །བརྡ་མི་ཕྲད་པ་ནི་མེད་པ་ཉིད་དོ་ཞེས་བྱ་བ་ནི་གླེན་པ་དང་ལྐུགས་པ་དང་ཀླ་ཀློ་ལ་སོགས་པ་དག་དེས་བརྡ་མི་ཕྲད་པ་ཡིན་ན་སྨྲ་བར་བྱ་བ་མེད་པ་ཡིན་ནོ། །ཡོད་པར་གྱུར་ཀྱང་བརྡ་མི་ཕྲད་པ་ལ་མ་སྨྲས་པར་ཞུགས་པ་ལ་ལྟུང་བ་མེད་དོ། །འདིར་གཞུང་ནི་ཐ་
[272a.3]མལ་པར་སྨྲས་པ་མི་ཐོས་པ་དང་། ཐ་མལ་པ་#སྨྲ་མི་ཤེས་པ་གང་དག་ཡིན་པ་དེ་དང་ལྷན་ཅིག་འདུག་པས་ནི་དེ་དག་ལ་མ་སྨྲས་པར་འཇུག་པ་ལ་ལྟུང་བ་མེད་དོ་ཞེས་གསུངས་པ་ཡིན་ནོ། །མཚམས་གཞན་ན་གནས་པ་དང་#གཞན་གྱི་ཕྱོགས་དང་མཐུན་པ་དག་ཀྱང་ངོ་ཞེས་བྱ་བ་ཡང་
[272a.4]མེད་པ་ཉིད་ཅེས་བྱ་བར་སྦྱར་རོ། །ཐ་དད་པ་ཉིད་ལ་ཕྱོགས་གཞན་ལ་ལྟུང་བ་གཞན་གྱི་#ཕྱོགས་སུ་གྱུར་པར་རིག་པར་བྱའོ། །འདིར་གཞུང་ནི་མཚམས་གཞན་གྱི་ས་ལ་གནས་པས་ནམ་མཁའ་ལ་གནས་པ་ལ་མ་སྨྲས་པར་འཇུག་པ་ལ་ལྟུང་བ་མེད་དོ་ཞེས་བྱ་བ་ལ་སོགས་པ་གསུངས་པ་ཡིན་ནོ། །
[272a.5]འདིར་གཞུང་ནི་ཅིག་ཤོས་ལ་ཡང་སྣ་ཚོགས་པ་དང་། འགྲོགས་པ་རྣམས་དང་ལྷན་ཅིག་ཏུ་འདུག་པས་དེ་དག་ལ་མ་སྨྲས་པར་འཇུག་པ་ལ་ལྟུང་བ་མེད་ཅེས་བྱ་བ་ལ་སོགས་པ་གསུངས་པ་ཡིན་ནོ། །དེ་བཞིན་དུ་མི་མ་ཡིན་པ་རབ་ཏུ་བྱུང་ཞིང་བསྙེན་པར་རྫོགས་པ་དང་ལྷན་ཅིག་འདུག་པས་དེ་
[272a.6]ལ་མ་སྨྲས་པར་འཇུག་པ་ལ་ལྟུང་བ་མེད་དོ། །སྔོན་ལྟུང་བ་བྱུང་བ་དང་དང་པོ་འཁྲུགས་པ་དང་། རྐུ་ཐབས་སུ་གནས་པ་དང་། དགེ་སློང་མ་སུན་ཕྱུང་བ་དང་། མཐའི་ལྟུང་བ་བྱུང་བ་དང་། ལྷན་ཅིག་འདུག་པས་དེ་དག་ལ་མ་སྨྲས་པར་འཇུག་པ་ལ་ལྟུང་བ་མེད་དོ། །དེ་བས་
[272a.7]གཞན་པའི་དགེ་སྦྱོང་དང་བྲམ་ཟེ་དང་ལྷན་ཅིག་འདུག་པས་དེ་རྣམས་ལ་མ་དྲིས་པར་འཇུག་པ་ལ་ལྟུང་བ་མེད་དོ་ཞེས་གསུངས་པ་ཡིན་ཏེ། བསྙེན་པར་རྫོགས་པ་དང་བཅས་པའི་དབུས་སུ་གནས་པའི་དགེ་སློང་དང་དགེ་སློང་མ་དག་ཅེས་བྱ་བ་འདིས་བསྡུས་པར་རིག་པར་བྱའོ། །རྫུ་འཕྲུལ་
[272b]
[272b.1]གྱིས་ནི་#ལྟུང་བ་མེད་དོ་ཞེས་བྱ་བ་ལ། ནི་ཞེས་བྱ་བའི་སྒྲ་ནི་གྲོང་དུ་འཇུག་པ་ལ་བྱེ་བྲག་གི་དོན་ཏེ། འདིར་འདི་ནི་མེད་པར་ནི་གོ་བ་#མ་ཡིན་ནོ། །གཞུང་གི་སྡེབ་སྦྱོར་བསྒྲུབ་པའི་དོན་འདི་སྦྱར་བ་ཡིན་ནོ། །འདིར་གཞུང་ནི་རྫུ་འཕྲུལ་གྱིས་ནམ་མཁའ་ལ་འཇུག་ན་མ་སྨྲས་ཀྱང་ལྟུང་བ་མེད་དོ་ཞེས་གསུངས་པ་
[272b.2]ཡིན་ནོ། །དུས་མ་ཡིན་པར་འགྲོ་བའི་ལྟུང་བྱེད་དོ།། །།གང་ལ་གྲོང་རྒྱུ་བའི་ལྟུང་བྱེད་དུ་འགྱུར་ཞེ་ན། དེའི་ཕྱིར་དུས་མ་ཡིན་པར་ཁྱིམ་པའི་གཞི་ལ་སོགས་པར་འགྲོ་བ་ལའོ་ཞེས་བྱ་བ་སྨོས་ཏེ། དགེ་སློང་འཁོད་པར་མ་སྨྲས་པར་ཞེས་བྱ་བ་འདིས་དམིགས་ཀྱིས་བསལ་#བར་གྱུར་
[272b.3]པའི་ཆོ་ག་འདི་ཡིན་ནོ། །དགེ་སློང་འཁོད་པ་ལ་སྨྲས་ཀྱང་ཁྱིམ་གཞི་ལ་སོགས་པར་དུས་མ་ཡིན་པར་འགྲོ་བ་གང་ཡིན་པ་དེ་ལ་ཞེས་བྱ་བའི་དོན་ཏོ། །ཅི་འདིར་དེ་འབའ་ཞིག་ལའམ་ཞེ་ན། དེའི་ཕྱིར་དེའི་ཚིག་གིས་དགེ་འདུན་སྤྱན་དྲངས་པ་ན་སྦྱིན་བདག་ཁོ་བོ་མ་འོངས་པའི་དབང་གིས་#བྲིམ་པ་
[272b.4]ཡོལ་བར་མ་བྱས་ཤིག་ཅེས་མ་བསྒོ་བར་གསུངས་པ་ལ་སོགས་པར་རྒྱུ་བ་ལ་ཡང་ངོ་ཞེས་བྱ་བ་སྨོས་ཏེ། དེའི་ཚིག་གིས་དགེ་འདུན་སྤྱན་དྲངས་པ་ན་འདི་སྐད་ཅེས་ཁོ་བོ་མ་འོངས་པའི་དབང་གིས་ཞེས་བྱ་བ་བྲིམ་པ་ཡོལ་བར་མ་བྱས་ཤིག་ཅེས་བསྒོ་བའོ། །ཟས་དེ་སྦྱིན་པ་པོ་ནི་སྦྱིན་བདག་
[272b.5]སྟེ། དེས་གནང་བ་མ་བྱིན་པར་ཁྱིམ་གསུམ་པ་ལ་སོགས་པར་འགྲོ་བ་སྨོས་པ་གང་ཡིན་པ་དེ་ལ་ཡང་ཁ་ན་མ་ཐོ་བ་འདིར་འགྱུར་རོ་ཞེས་བྱ་བའི་དོན་ཏོ། །དགེ་སྦྱོང་གི་ཚུལ་དང་སྲོག་ལ་སོགས་པའི་བར་ཆད་ཀྱི་དབང་གིས་དེ་དག་ལ་འདའ་བར་བྱེད་པ་ལ་ལྟུང་བ་མེད་དོ་ཞེས་བྱ་བ་ཤུགས་ཀྱིས་རྟོགས་
[272b.6]པར་བྱའོ། །ཉི་མ་དེ་ཉིད་དང་#གསོ་སྦྱོང་བྱེད་པའི་དུས་དེ་སྲིད་དུ་ཆོས་འདིའི་དབང་དུ་བྱས་པ་ལ་ཐོ་འཚམས་#པར་བྱེད་ན་ཞེས་བྱ་བ་གླེང་གཞི་ལས་ཕྱི་ནས་ཁ་ཟས་བགོས་པ་ལ་སོ་སོར་ཉིད་དུ་གནང་བ་སྟེ། ཁ་ཟས་སྔ་མའི་ཆོ་གའི་ལྷག་མ་ཉིད་ནི་མ་ཡིན་ནོ། །འདིར་ཐ་དད་པ་རྩོམ་པ་ནི་མི་མཐུན་པ་
[272b.7]སྟེ། བདེན་པ་ཉིད་ཀྱི་ཕྱིར་ཕྱིས་དེར་འགྲོ་བ་ན་ལྟུང་བྱེད་དུ་རྣམ་པར་གནས་པ་ཡིན་ནོ། །དེ་བས་ན་བཞི་པ་ལ་སོགས་པ་དང་གསུམ་པ་ལ་སོགས་པ་ཞེས་སྨོས་པ་ཡིན་ཏེ། བཞི་པ་དང་གསུམ་པ་ནི་མ་ཡིན་ནོ་ཞེས་གསུངས་པ་ཡིན་ནོ། །ཟན་གཅད་#པར་བྱ་བའི་བསམ་པས་གང་ཟག་རེ་རེ་ལ་
[273a]
[273a.1]འདིར་ལྟུང་བྱེད་གཞན་ཡོད་པར་རིག་པར་བྱའོ། །གྲོང་དུ་འགྲོ་བའི་ལྟུང་བྱེད་དོ།། །།ཤེས་གཙོ་བོ་#ཞེས་བྱ་བ་ནི་འདུ་ཤེས་གཙོ་ཆེར་བྱེད་པ་པོ་ཉིད་དོ། །གང་ལ་འདུ་ཤེས་པ་ཡིན་ཞེ་ན། དེའི་ཕྱིར་ནམ་མ་ལངས་པ་ཉིད་ལའོ་ཞེས་བྱ་བ་སྨོས་ཏེ། ཉིན་མོའི་
[273a.2]དང་པོ་ནི་སྐྱ་རེངས་#ཤར་བ་ཡིན་པར་གསུངས་ལ་དེའི་མདུན་རོལ་ནི་མཚན་མོའི་མཐའ་ཡིན་པར་རྣམ་པར་གཞག་ན་ཅི་འདིར་ཡང་དེ་བཞིན་དུ་རྣམ་པར་གཞག་གམ་ཞེ་ན། མ་ཡིན་ཏེ། དེའི་ཕྱིར་འདིར་ནི་སྐྱ་རེངས་#ཐ་མ་མ་#ཤར་བ་ཉིད་དེ་ཡིན་ནོ་ཞེས་བྱ་བ་སྨོས་ཏེ། དམར་ཞིང་སྐྱ་བ་ནི་ཐ་
[273a.3]མའི་སྐྱ་རེངས་#ཡིན་ལ་དེ་མ་ཤར་བ་ཉིད་ནི་འདིར་#ནམ་མ་ལངས་པ་ཉིད་ཡིན་ལ། ཤར་བ་ཉིད་ནི་ནམ་ལངས་པ་ཉིད་ཡིན་ནོ་ཞེས་བྱ་བའི་དོན་ཏོ། །མི་འཕྲོགས་པའི་རིན་པོ་ཆེ་རྣམས་སམ་རིན་པོ་ཆེར་སྨོས་པ་རྣམས་ལ་གང་ཞིག་འདིར་ཆོས་ཙམ་དུ་བརྗོད་པ་དེ་ནི་འོད་མེད་པ་ཉིད་ཀྱི་གནས་སྐབས་
[273a.4]སུ་ཕལ་ཆེར་འགའ་ཞིག་འདིར་དམིགས་ཀྱིས་བསལ་བ་བསྐྱེད་པའོ། །གང་ཞིག་འདི་སྤོང་བར་རིགས་པ་ཞེས་བྱ་བ་བསྟན་པའི་དོན་དུ་འདི་བསྟན་#པ་ཡིན་ནོ། །མི་འཕྲོགས་པ་ཉིད་འདི་#ལ་ལྟུང་བ་བསྐྱེད་པའི་ཡན་ལག་ཉིད་མ་ཡིན་ཏེ། དེ་བས་ན་འདིས་བསྡུས་པ་ཡིན་ནོ། །གནས་
[273a.5]སྐབས་གང་ལ་དེ་བྱེད་པ་པོ་ཉིད་ཡིན་ཞེ་ན། དེའི་ཕྱིར་བཙུན་མོའི་འཁོར་འདུག་པའི་གནས་དང་འབྲེལ་པ་ཉིད་ལའོ་ཞེས་བྱ་བ་སྨོས་ཏེ། བཙུན་མོའི་འཁོར་འདུག་པའི་གནས་དང་འབྲེལ་པ་ཉིད་ལ་ཞེས་བྱ་བའི་དོན་ཏོ། །རང་འཇུག་པའི་དབང་ཉིད་ཀྱི་ཕྱིར་ལྟུང་བ་འབྱིན་པར་བྱེད་པའི་དུས་སུ་
[273a.6]འབྲེལ་པ་ཉིད་ལ་འདིར་མ་སྨྲོས་#པའི་ཕྱིར་ལྟུང་བ་འབྱིན་པ་པོ་ཞེས་བྱ་བར་རྟོགས་པར་བྱའོ། །ལུས་ཀྱིས་ཞེས་བྱ་བ་ཤུགས་ཀྱིས་འབྲེལ་པའོ། །གང་གི་ཕྱིར་འདིར་དམིགས་པར་བྱེད་པ་པོ་ཉིད་ཀྱིས་སེམས་ཙམ་གྱི་འབྲེལ་པར་འགྱུར་ཏེ། དེ་ལ་ཡང་རེ་ཞིག་སེམས་ལ་ཉོན་མོངས་པ་ཅན་
[273a.7]མ་ཡིན་པ་ཉིད་ལ་#ལྟུང་བ་མི་འཐད་པ་ཉིད་དོ། །ཉོན་མོངས་པ་#ཅན་ཉིད་ལ་ཡང་བསྡམ་#པར་བྱ་བ་ཉིད་རྣམ་པར་གནས་པ་ཡིན་ནོ། །དེ་ལྟ་བས་ན་སེམས་ཀྱིས་ནི་#མ་ཡིན་ཏེ། འོན་ཀྱང་ལུས་ཀྱིས་ཀྱང་ལྟུང་བ་འབྱིན་#པ་པོ་ཞེས་བྱ་བའི་དོན་ཏོ། །མཚན་མོ་དུས་གཞན་གྱི་ཚེ་ན་ནི་མ་ཡིན་ནོ་ཞེས་བྱ་བ་
[273b]
[273b.1]འདི་#འདིར་ཤེས་གཙོ་བོ་#ནམ་མ་ལངས་པ་ཉིད་ལའོ་ཞེས་བྱ་བ་འདིས་གྲུབ་པའོ། །ཅི་ནུབ་མོ་གང་ལ་འབྲེལ་པ་ཉིད་དུ་འགྲོ་བའི་སྐབས་བྱེད་པ་ཉིད་ལ་ཡང་ཡིན་ནམ་ཞེ་ན། དེའི་ཕྱིར་དེའི་ཚེ་སྐབས་མ་ཡིན་པ་ལ་ཡང་ངོ་ཞེས་བྱ་བ་སྨོས་ཏེ། དེའི་ནུབ་མོ་དེ་དང་འབྲེལ་པ་ཉིད་ཀྱི་སྐབས་མ་ཡིན་པ་སྟེ།
[273b.2]འབྲེལ་པ་ཉིད་འདི་#ལ་ཞེས་བྱ་བ་དེའི་ཚེ་སྐབས་མ་ཡིན་པའོ། །འདིར་གཞུང་ནི་གང་གི་ཚེ་འཕགས་པ་ཤཱ་རིའི་བུས་འཇུག་པར་བྱེད་པའི་གཞན་ཡང་བཅོམ་ལྡན་འདས་ཀྱིས་རྗེས་སུ་མ་གནང་མོད་ཀྱི་གནས་དེ་ནི་ཡོད་དོ། །གང་ཞིག་ཡིད་ཆེས་པ་#འདི་ཉིད་ཀྱི་དབང་དུ་བྱས་ན་རྗེས་སུ་ཡང་སུན་འབྱིན་པ་#
[273b.3]ཉིད་དུ་གྲགས་པ་དེ་བས་ན་མདོ་འདི་བྱས། མཚན་མོ་དུ་མར་འབྲེལ་པ་ཉིད་ལ་ཐམས་ཅད་ལ་འདུ་ཤེས་གཅིག་ཁོ་ན་བྱེད་པ་པོ་ཡིན་ནམ་ཞེ་ན། དེའི་ཕྱིར་མཚན་མོ་རེ་རེ་ལའོ་#ཞེས་བྱ་བ་སྨོས་ཏེ། ཉིན་མཚན་གྱི་དང་པོ་མ་ཡིན་པ་ལ་ཐ་མ་མ་ཡིན་པ་མེད་པ་ཉིད་དོ་ཞེས་སྨོས་པ་དེས་ནི་ཉིན་མཚན་གྱི་ཆོ་
[273b.4]ག་འདི་བསྟན་པ་ཡིན་གྱི་མཚན་མོ་འབའ་ཞིག་གི་མཚན་ཉིད་བསྟན་པ་ནི་མ་ཡིན་པས་དེའི་ཕྱིར་འདི་#ལས་འཇུག་པ་ཤེས་པར་བྱ་བ་མ་ཡིན་ནོ། །མཚན་མོའི་ཆ་གང་ཡང་རུང་བ་ཉིད་ལ་ནི་ལྟུང་བྱེད་དོ། །འོད་དམར་པོ་ཆགས་པ་གང་ཡིན་པ་དེ་འདས་པར་གྱུར་པ་ནི་མཚན་མོའི་དང་པོ་ཡིན་ཏེ།
[273b.5]གལ་ཏེ་ནམ་འདས་#པ་ཉིད་བསྟན་པའི་རྗེས་སུ་འབྲངས་པ་ལས་ཁོང་དུ་ཆུད་པར་བྱའོ། །རྩོམ་པ་གཅིག་པར་གྱུར་པ་ཉིད་ཀྱི་ཕྱིར་མཚན་གཅིག་ལ་བར་མ་ཆད་པའི་གནས་སྐབས་ལ་ལྟུང་བ་གཅིག་པ་ཉིད་དོ། །བར་དུ་ཆད་པ་ལ་ནི་ལྟུང་བྱེད་གཞན་ཡིན་ཏེ། རྩོམ་པ་གཞན་དུ་གྱུར་པ་ཉིད་ཀྱི་ཕྱིར་རོ། །
[273b.6]གང་ནས་བརྩམས་ཏེ་སྒོར་ཞུགས་པ་དང་བཙུན་མོའི་འཁོར་གྱི་ནང་དུ་གནས་པ་རྟོགས་པར་བྱ་ཞེ་ན། དེའི་ཕྱིར་དེའི་སྒོའི་གཏན་པའི་ཉེན་ཀོར་གཉིས་ནི་དེའི་དང་པོ་ཡིན་ནོ་ཞེས་བྱ་བ་སྨོས་ཏེ། བཙུན་མོའི་འཁོར་གྱི་གནས་དེའི་སྒོ་གཏན་པ་གང་ཡིན་པ་དེའི་ཉེན་ཀོར་གྱི་མདུན་དུ་ལྟུང་བ་དང་ཕྱིས་
[273b.7]ལྟུང་བ་དག་ལ་སྲིད་པར་གྱུར་པའི་ཕྱོགས་དེས་ཇི་སྲིད་#དུ་དེའི་ནང་གི་ངོས་ཀྱི་བཙུན་མོའི་འཁོར་གྱི་གནས་དེའི་དང་པོ་ཡིན་པར་རིག་པར་བྱའོ་ཞེས་བྱ་བའི་དོན་ཏོ། །གལ་ཏེ་སྒོ་མ་བཅད་ན་ནི་ཉེ་འཁོར་གྱི་མཐའ་འདིར་དང་པོ་#རྣམ་པར་གནས་པ་ཡིན་ནོ། །སྒོ་བཅད་ན་ནི་དེའི་ཚེ་སྒོ་གཏན་#གྱི་
[274a]
[274a.1]མཐའོ། །རྒྱལ་པོའི་ཕོ་བྲང་དང་#གྲོང་ཁྱེར་དག་ཀྱང་དེ་དང་འདྲའོ་ཞེས་བྱ་བ་ནི་ཇི་ལྟར་བཙུན་མོའི་འཁོར་དུ་འདུག་པའི་གནས་ཀྱི་དང་པོའི་སྒོ་གཏན་པའི་#ཉེན་ཀོར་གྱི་མཐའ་གཉིས་ནི་དང་པོ་ཡིན་ནོ། །དེ་བཞིན་དུ་རྒྱལ་པོའི་ཕོ་བྲང་དང་གྲོང་ཁྱེར་དག་གི་དང་པོ་ཡང་སྒོའི་
[274a.2]གཏན་པའི་#ཉེ་ཀོར་གྱི་མཐའ་གཉིས་ཡིན་ནོ་ཞེས་བྱ་བའི་དོན་ཏོ། །འོབས་ཀྱིས་#བསྐོར་བ་ཉིད་ལ་ནི་སྒོའི་དབུས་ཀྱི་རི་མོ་ལ་ནི་སྒོའི་ངོགས་ཀྱི་དབུས་ཉིད་དུ་ངེས་པ་འདི་ནི་ཆོ་ག་དང་པོར་ཁོང་དུ་ཆུད་པར་བྱའོ། །ཞར་ལ་བྱུང་བ་བཤད་ཟིན་ཏོ།། །།#གང་དུ་འདི་བྱེད་པ་པོ་ཉིད་ཅེས་བྱ་བ་འདི་ལ་
[274a.3]འཇུག་པ་གཞན་ལྟུང་བྱེད་གཞན་བྱེད་པའི་ཚུལ་གཞན་བརྗོད་པར་བྱ་སྟེ། རྒྱལ་པོའི་ཕོ་བྲང་#གི་གནས་ལ་ཡང་ངོ་ཞེས་བྱ་བ་སྨོས་ཏེ། འབྲེལ་པ་ཉིད་ལའོ་ཞེས་བྱ་བར་སྦྱར་རོ། །འདིར་གཞུང་ནི་དགེ་སློང་ནམ་#ལངས་པ་ལས་#ནམ་མ་ལངས་པར་འདུ་ཤེས་བཞིན་དུ་རྒྱལ་པོའི་ཕོ་བྲང་གི་
[274a.4]སྒོའི་གཏན་པ་ལས་འདས་པར་བྱེད་ན་ལྟུང་བྱེད་དོ་ཞེས་གསུངས་པ་ཡིན་ནོ། །གྲོང་ཁྱེར་དང་ནི་ཉེས་བྱས་སོ་ཞེས་བྱ་བ་ནི་གྲོང་ཁྱེར་གྱི་གནས་དང་འབྲེལ་པ་ཉིད་ལས་ནི་སྦྱོར་བ་ལས་བྱུང་བའི་ཉེས་བྱས་སུ་འགྱུར་བའོ། །སྔ་མའི་ལྟུང་བྱེད་ཅེས་བྱ་བ་འདི་ལ་ཉེས་བྱས་ཀྱི་#ཚིག་དང་སྐབས་ཀྱིས་
[274a.5]རྟོགས་པའོ། །ཅི་གང་ཡང་རུང་བ་ལ་འདི་དང་འབྲེལ་པ་ཉིད་ལ་ཉེས་བྱས་ནི་ཡིན་ནམ་ཞེ་ན། དེའི་ཕྱིར་གལ་ཏེ་དེའི་དོན་ཉིད་ཡིན་ནའོ་ཞེས་བྱ་བ་སྨོས་ཏེ། གང་ཞིག་འདི་འབྲེལ་པ་གཉིས་བརྩམས་ན་གལ་ཏེ་གཅིག་ལ་ཡང་འདིའི་དོན་དུ་འབྲེལ་པ་ཉིད་ནི་འདི་ཞེས་བྱ་བའི་དོན་ཏོ། །འདི་ལ་
[274a.6]ཅིག་ཤོས་ཀྱི་ཁ་ན་མ་ཐོ་བ་དེ་ཡང་ངོ་། །འདི་ལ་ཁ་ན་མ་ཐོ་བ་གཉིས་དེ་ཡང་ངོ་ཞེས་བྱ་བ་ནི། གང་དུ་དུས་མ་ཡིན་པར་འདུག་#པའི་ཁ་ན་མ་ཐོ་བ་མེད་པ་སྐྱ་རེངས་#དང་པོ་ཤར་བའི་མདུན་རོལ་དུ་མ་སྨྲས་པར་འཇུག་པ་འདི་ལ་དེའི་དགོངས་#པ་ཅན་གྱི་ཚིག་སྟེ་དེ་ཡང་འདིར་ལྟུང་བྱེད་དུ་རིག་པར་བྱའོ། །
[274a.7]དེའི་ཕྱིར་དེ་ལ་བསྟན་པའོ། །ཅི་གང་ཡང་རུང་བའི་འབྲེལ་པ་སྔ་མ་དག་ལ་གྲོང་ཁྱེར་དང་འབྲེལ་པ་དང་དེའི་དོན་ཉིད་དུ་ཁ་ན་མ་ཐོ་བ་#དེ་ཡང་ཡོད་དམ་ཞེ་ན། དེའི་ཕྱིར་གལ་ཏེ་རྒྱལ་པོ་དང་། བཙུན་མོ་དང་། གཞོན་ནུ་དང་ཞང་བློན་དང་བར་ཆད་དང་#། གདུལ་བའི་དབང་གིས་མ་ཡིན་པ་
[274b]
[274b.1]ལའོ་ཞེས་བྱ་བ་སྨོས་ཏེ། འདིར་གདུལ་བའི་དབང་གིས་འགྲོ་བའི་ལུང་ནི་འཕགས་པ་ཤཱ་རིའི་བུའི་བྱུང་བའི་མཐའ་ལས་རྗེས་སུ་གནང་བ་ཡིན་ཏེ། བྱེ་བྲག་ཏུ་ནི་ལྟུང་བ་མེད་དོ། །འདིར་ལུང་ནི་རྒྱལ་པོས་བོས་པ་དང་། བཙུན་མོ་དང་། གཞོན་ནུ་དང་ཞང་བློན་དང་བར་ཆད་བརྒྱད་པོ་དག་
[274b.2]ལས་གང་ཡང་རུང་བ་ཉེ་བར་གནས་པར་གྱུར་ན་ཉེས་པ་མེད་དོ་ཞེས་གསུངས་སོ། །མ་བཟླུགས་པར་རྒྱལ་པོའི་ཕོ་བྲང་དུ་འཇུག་པར་མི་བྱའོ། །འོ་ན་འདིར་གཞུང་ནི་མ་ཞུས་པར་རྒྱལ་པོའི་ཕོ་བྲང་དུ་འཇུག་པར་མི་བྱ་བར་དགེ་འདུན་གྱི་དབྱེན་གྱི་གཞི་ལས་གསུངས་སོ། །ཁྱོད་ཀྱིས་
[274b.3]ཀྱང་གྱ་ཚོམ་དུ་རྒྱལ་པོའི་ཕོ་བྲང་དུ་འཇུག་པར་མི་བྱ་བར་སྒོར་#བསྡད་ནས་ཤཱཀྱའི་དགེ་སློང་འོངས་སོ་ཞེས་བརྗོད་པར་བྱ་ཞིང་། གལ་ཏེ་སྤྱོན་#ཅིག་ཟེར་ན་འཇུག་པར་བྱའོ་ཞེས་གསུངས་པ་ཡིན་ནོ། །#རྒྱལ་པོའི་ཕོ་བྲང་དུ་ནུབ་མོ་འགྲོ་བའི་ལྟུང་བྱེད་དོ།། །།གང་ལ་བསླབ་པ་
[274b.4]བསྟན་པ་ལ་ལོག་པར་བསྒྲུབ་པ་ནི་རྣམ་པ་གསུམ་གནང་སྟེ། ཁྱད་དུ་གསོད་པ་དང་སྤོང་བ་དང་བསླབ་པའི་གཞི་དངོས་པོ་ལ་ཁྱད་དུ་གསོད་པའོ། །དེ་གཉིས་གང་ཡང་སྔགས་ཀྱི་གཞི་ཐོབ་པ་ལས་བརྟགས་#པ་ཏེ(སྟེ)། དེ་ནི་མདུན་ནས་རྣམ་པར་གཞག་པ་ཡིན་ཏེ། དེ་བས་ན་དོན་དེ་
[274b.5]ཉིད་དུ་རྣམ་པར་གཞག་པའོ། །དངོས་པོ་ལ་ཁྱད་དུ་གསོད་པ་གང་ཡིན་པ་དེ་ནི། འདིར་ཡང་དག་པར་ཞུགས་ཏེ། དེ་བས་ན་འདི་ཉིད་དུ་རྣམ་པར་འབྱེད་པར་བྱ་སྟེ། གང་ལ་འདིའི་ལྟུང་བྱེད་དུ་འགྱུར་ཞེ་ན། དེའི་ཕྱིར་སོ་སོར་ཐར་པའི་མདོ་གདོན་པ་#འདོན་པའི་ཚེ། དེ་ལ་#ལན་གཉིས་
[274b.6]ཉམས་སུ་མྱོང་ཞིང་ཡིད་རྨོངས་པ་མ་#ཡིན་པས། འདི་ལ་ཆོས་འདི་ཡོད་པར་གཟོད་#ཤེས་སོ་ཞེས་ཟེར་བ་དེ་ལའོ་ཞེས་བྱ་བ་སྨོས་ཏེ། ལན་གཉིས་ཉམས་སུ་མྱོང་ཞིང་ཞེས་བྱ་བ་ནི་སོ་སོར་ཐར་པའི་མདོ་གདོན་པ་འདོད་པ་གང་གིས་#ལན་གཉིས་ཉམས་སུ་མྱོང་བ་དེ་ཡིས་སོ། །ཉམས་སུ་མྱོང་
[274b.7]བ་མེད་པ་ཉིད་ལ་གཉིས་པོ་འདིས་མ་གྲོལ་བ་ལ་ཉེས་བྱས་སུ་རིག་པར་བྱའོ། །གལ་ཏེ་དགེ་སློང་དག་གིས་དེང་ཤེས་པར་འགྱུར་ན། ཚེ་དང་ལྡན་པ་འདི་ནི་སྔར་གནས་པ་ལན་གཉིས་ལན་གསུམ་དུ་གསོ་སྦྱོང་གི་ལས་སླར་བརྗོད་པ་གང་ཡིན་པ་དེའི་ས་འདི་ནི་བསྡུ་བ་ཡིན་ནོ། །ཡིད་
[275a]
[275a.1]རྨོངས་པ་མ་ཡིན་པས་ཞེས་བྱ་བ་ནི་ལྟུང་བ་མ་ཡིན་པའི་ངོ་བོ་ལ་རྒན་པོ་ཁོ་ན་ལ་མི་ཤེས་པར་འབྱུང་བ་ཡིན་ཏེ། ཡིད་རྨོངས་པ་མ་ཡིན་པས་ཞེས་བྱ་བའི་ཚིག་གིས་སོ། །རིགས་པ་ལས་སྤྱོད་པ་འདི་དགེ་བ་ཡིན་ཏེ#། དོན་གང་ལ་ཡིད་རྨོངས་པ་#མ་ཡིན་པས་སོ། །
[275a.2]དེ་#བས་ན་ལྟུང་བ་རྣམ་པར་གཞག་པ་འདི་ནི་རིགས་པ་མ་ཡིན་ནོ་ཞེས་ཟེར་རོ། །ཁ་ན་མ་ཐོ་བ་འདི་ལ་ཐམས་ཅད་མ་གུས་པར་གྱུར་པའི་སེམས་དེར་གལ་ཏེ་སངས་རྒྱས་ལ་ཡང་འདིར་འདི་མ་གྲུབ་པས་མ་གུས་པའི་ལྟུང་བྱེད་ཀྱང་རིག་པར་བྱའོ། །གལ་ཏེ་མ་ཡིན་ན་མ་གུས་པའི་ཉེས་བྱས་ཀྱང་མ་
[275a.3]ཡིན་ནོ། །བརྫུན་དུ་སྨྲ་བ་ཡིན་ན་ནི་བརྫུན་དུ་སྨྲ་བའི་ལྟུང་བྱེད་གཞན་དུ་ཡང་འགྱུར་རོ། །མཚན་གཞན་གྱིས་འདོན་པའི་ཚེ། ཐུན་མོང་བ་ལ་ནི་ཉེས་བྱས་སོ་ཞེས་བྱ་བ་ལ། མཚན་གཞན་འདོན་པའི་ཚེ་ཞེས་བྱ་བ་ནི#། དགེ་སློང་ལ་ལྟུང་བྱེད་དོ་ཞེས་བྱ་བ་དགེ་སློང་མ་རྣམས་ཀྱིས་གསོ་
[275a.4]སྦྱོང་འདོན་པའི་ཚེ་བསླབ་པ་ཐུན་མོང་པའི་ཕྱིར་ད་ལྟར་བདག་གིས་ཤེས་སོ་ཞེས་བྱ་བ་ལ་སོགས་པ་ལ་ཉེས་བྱས་སོ། །ལྟུང་བ་མ་ཡིན་པ་བསྟན་པ་ལས་འདིར་གཞུང་ནི་ཞུ་བ་ཁ་ཅིག་ལས་བཙུན་པ་དགེ་སློང་མ་རྣམས་ཀྱིས་#སོ་སོར་ཐར་པའི་མདོ་འདོན་པ་ན་འདི་སྐད་ཅེས་འདི་ལྟར་ཆོས་འདི་ཡང་མདོའི་
[275a.5]ནང་དུ་འདུས་#པར་བདག་གིས་ད་གཟོད་#ཤེས་སོ་ཞེས་མཆི་ན་ལྟུང་བ་ཅིར་འགྱུར། གལ་ཏེ་བསླབ་པ་ཐུན་མོང་མ་ཡིན་པ་ལ་བསམས་ཏེ་སྨྲས་ན་ལྟུང་བ་མེད་དོ། །གང་གི་ཚེ་བསླབ་པ་ཐུན་མོང་པ་ལས་བསམས་ཏེ་སྨྲས་ན་ཉེས་བྱས་སོ། །དེ་བཞིན་དུ་དགེ་སློང་མ་ལ་ཡང་སྦྱར་བར་བྱའོ་ཞེས་
[275a.6]གསུངས་པ་ཡིན་ནོ། །མདོ་སྡེ་དང་ལྡན་པ་སྨྲས་ན་ཡང་ངོ་ཞེས་བྱ་བ་ནི། མདོ་སྡེ་དང་ལྡན་པའི་#བསླབ་པའི་གཞི་སྨྲ་བ་#ན་དེ་སྐད་ཟེར་བ་དེ་ལ་ཉེས་བྱས་སོ། །གཞུང་ཁ་ཅིག་ལས་འདིར་གཞུང་ནི་འདུལ་བ་དང་ལྡན་པའི་མདོ་མ་གཏོགས་པ་ལ་འདི་སྐད་ཅེས་འདི་ལྟར་ཆོས་འདི་ཡང་མདོའི་ནང་དུ་གཏོགས་མདོའི་
[275a.7]ནང་དུ་འདུས་པ་དང་། ཟླ་བ་ཕྱེད་ཕྱེད་ཅིང་བཏོན་པར་བདག་གིས་ད་གཟོད་ཤེས་སོ་ཞེས་ཟེར་ན་ཉེས་བྱས་སོ་ཞེས་གསུངས་པ་ཡིན་ནོ། །ཐུན་མོང་མ་ཡིན་པ་ལ་ནི་ལྟུང་བ་མེད་དོ་ཞེས་བྱ་བ་ནི། མཚན་གཞན་བསྟན་པ་འདི་ནི་བསླབ་པའི་གཞི་ཐུན་མོང་མ་ཡིན་པ་འདོན་པའི་ཚེ་ལྟུང་བ་མེད་
[275b]
[275b.1]པའོ། །སོ་སོར་ཐར་པའི་མདོ་འདོན་པའི་ཚེ་མ་གུས་པར་ཉན་པ་ཉེ་བར་བསྒྲུབ་པ་འགྱོད་དུ་གཞུག་གོ་ཞེས་བྱ་བ་ནི། བདག་གིས་ད་གཟོད་ཤེས་སོ་ཞེས་བྱ་བ་ལ་སོགས་པ་ཙམ་ལ་ཡང་སྔར་འདུག་པ་ན་འདོན་པ་ལ་མ་གུས་པར་ཉན་པ་ལ་ཉེ་བར་སྦྱར་བར་རིག་པར་བྱའོ། །དངོས་སུ་ནི་མ་ཡིན་ཏེ།
[275b.2]གང་ཞིག་འདི་བསྟན་པ་ཅི་ཁོ་བོ་ཅག་ལ་ལས་འདི་ཉིད་གཅིག་པུ་ཡིན་ནམ། ཁོ་བོ་ཅག་གིས་ཀྱང་འདོད་པའི་རྣམ་པར་རྟོག་པ་ལ་ཡང་རྣམ་པར་རྟོག་#དགོས་སོ། །གནོད་སེམས་ཀྱི་རྣམ་པར་རྟོག་པ་དང་། རྣམ་པར་འཚེ་བའི་རྣམ་པར་#རྟོག་པ་ལ་ཡང་རྣམ་པར་རྟོག་དགོས་སོ་ཞེས་བྱ་བ་ལ་སོགས་པ་
[275b.3]སྟེ། དེ་ཡང་མ་གུས་པར་ཉན་པ་ལ་ཉེ་བར་སྦྱར་བར་རིག་པར་བྱའོ། །འགྱོད་དུ་གཞུག་གོ་ཞེས་བྱ་བ་ནི་འདི་ནི་ལམ་དམ་པའོ་ཞེས་བྱ་བའི་བསླབ་པ་ལ་ཉེ་བར་སྐྱེ་བར་འགྱུར་རོ། །འདིར་མང་པོའི་ཚིག་ནི་དུ་མ་ཉེ་བར་གནས་པ་བརྗོད་པ་ལ་ཉན་པ་པོ་རྣམས་ཐམས་ཅད་ཀྱིས་འདིར་འཇུག་པར་བྱའོ་ཞེས་
[275b.4]བྱ་བ་འདི་བསྟན་པའི་དོན་དུའོ། །འདིར་འགྱོད་དུ་གཞུག་པ་ནི་ཚེ་དང་ལྡན་པ་ཁྱོད་མ་རྙེད་པའོ་ཞེས་བྱ་བ་ལ་སོགས་པ་གསུངས་པ་ཡིན་ནོ། །ཉེས་བྱས་དང་མ་གུས་པར་གསོ་སྦྱོང་ལ་སོགས་པ་ཐོས་པ་ཞེས་བྱ་བའི་ཆོ་ག་འདི་ལས་རྟོགས་པར་རིག་པར་བྱའོ། །བསླབ་པའི་གཞིའི་
[275b.5]དངོས་པོ་ལ་ཁྱད་དུ་གསོད་པའི་ལྟུང་བྱེད་དོ།། །།#གང་ལ་ཁབ་རལ་འཆོས་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་བ་སོ་དང་རུས་པ་དང་རྭའི་ཁབ་རལ་བྱེད་དམ་བྱེད་དུ་བཅུག་པ་ལ་ཞེས་བྱ་བ་སྨོས་ཏེ། བ་སོའམ་རུས་པའམ་རྭའི་ཁབ་རལ་བྱེད་དམ་བྱེད་དུ་བཅུག་པ་ལ་
[275b.6]ཁ་ན་མ་ཐོ་བ་འདིར་འགྱུར་རོ་ཞེས་བྱ་བའི་དོན་ཏོ། །འདི་མན་ཆད་ཤིང་བལ་གྱིས་གོས་པར་བྱས་པ་མ་གཏོགས་པའི་ལྟུང་བྱེད་རྣམས་ལ་བྱེད་དུ་འཇུག་པ་འབའ་ཞིག་གསུངས་མོད་ཀྱི། རང་བྱེད་པ་ལ་ཆེས་ལྕི་བས་ཞེས་བྱ་བ་དེ་ཡང་འདི་རྣམས་ཀྱི་ཁོངས་སུ་བསྡུས་སོ། །ཤིན་ཏུ་ཡང་བ་
[275b.7]བརྗོད་པ་ན་ལྕི་བ་མ་བརྗོད་ཀྱང་གྲུབ་པ་ཉིད་ཅེས་བྱ་བ་འདི་དེ་ཙམ་ཞིག་སྨོས་སོ། །ཁབ་རལ་དང་ཁྲིའི་རྐང་པ་འཆོས་པ་ལས་ཀྱང་དགེ་སློང་གིས་བཅག་པ་ནའོ། །#བ་སོ་#ལ་སོགས་པ་ཡང་རིན་ཆེ་བའི་ཕྱིར་བཀག་པའོ། །དེ་ལྟ་བས་ན་གང་ལ་ཆེས་རིན་ཆེ་བའི་ཕྱིར་དེ་ཡང་འདིར་བཀག་#པར་རིག་
[276a]
[276a.1]པར་བྱ་སྟེ། ཐ་ན་མཚོན་ཆ་ལ་སོགས་པ་ཡང་ངོ་། །དེ་ལ་ཡང་དེ་འདི་བྱས་པ་ཉིད་དོ། །རིན་པོ་ཆེ་ལས་བྱས་པ་ནི་རུང་བ་མ་ཡིན་པའི་ཕྱིར་ཉེས་བྱས་བྱེད་པ་ཉིད་ཡིན་ནོ། །དེ་ལྟར་#ཡང་འདིར་གཞུང་ནི་ཞུ་བ་ལས། བཙུན་པ་རེ་ཞིག་དགེ་སློང་གིས་རིན་པོ་ཆེ་ལས་
[276a.2]བགྱིས་པའི་ཁབ་རལ་བགྱིད་དུ་སྩོལ་#ན་ལྟུང་བ་ཅིར་འགྱུར། ཉེས་བྱས་སོ་ཞེས་གསུངས་པ་ཡིན་ནོ། །བྱས་ཟིན་པ་རྙེད་པ་དང་བྱས་ཟིན་པ་སྤྱོད་པ་དག་ནི་ལྟུང་བ་མེད་དོ་ཞེས་བྱ་བ་ནི། རས་ལ་སོགས་པ་རྙེད་པ་དེ་ལས་བྱས་པ་དང་བྱེད་དུ་བཅུག་#པ་ལ་ལྟུང་བ་མེད་པ་དང་ན་སྨད་པ་ཡང་མེད་དེ#།
[276a.3]བྱས་པ་འདི་ཉིད་ལས་བཀག་པའི་ཕྱིར་རོ། །འདིར་གཞུང་ནི་ཞུ་བ་ལས། བྱས་པ་རྙེད་པ་དང་བྱས་པ་ལ་སྤྱོད་པ་ལ་ལྟུང་བ་མེད་དོ་ཞེས་གསུངས་པ་ཡིན་ནོ། །བཅག་པ་ཉིད་མ་དྲིས་པར་འཆགས་པ་བླང་བར་མི་བྱའོ་ཞེས་བྱ་བ་ནི། གང་གི་#མདུན་དུ་ལྟུང་བ་འཆགས་པ་དེས་ཁབ་རལ་དེ་ཁྱོད་
[276a.4]ཀྱིས་བཅག་གམ་ཞེས་དྲི་བར་བྱ་སྟེ། དེ་སྐད་མ་དྲིས་པར་ལྟུང་བ་འཆགས་པ་བླང་བར་མི་བྱའོ། །གལ་ཏེ་མ་བཅགས་#ན་མ་བཤགས་པ་ཉིད་ཡིན་ནོ་ཞེས་བྱ་བ་ནི་གང་ཞིག་མ་བཅགས་#པར་ལྟུང་བ་འཆགས་པར་བྱེད་ན་དེའི་ལྟུང་བ་དེ་མ་བཤགས་པ་ཉིད་ཡིན་ནོ། །འོག་མ་ལྔ་པོ་དག་ལ་ཡང་དེ་
[276a.5]དག་དང་བཅས་པ་དང་ལྡན་པ་ཉིད་ཡིན་ནོ་ཞེས་བྱ་བ་ནི་བསླབ་པའི་གཞི་འདིའི་འོག་མ་བདེ་བར་གཤེགས་པའི་ཆོས་གོས་ཀྱི་ཚད་ལས་གྱུར་པའི་གོང་མ་རྣམས་དེ་མ་ཐག་པར་རྟོགས་པར་བྱའོ། །དེ་དག་ཅེས་བྱ་བ་ནི་མ་དྲིས་པར་ཞེས་བྱ་བ་ལ་སོགས་པའོ། །བཅད་པ་དང་ལྡན་པ་ཉིད་དུ་
[276a.6]རྟོགས་པར་བྱ་སྟེ། བཅད་པ་ཉིད་མ་དྲིས་པར་འཆགས་པར་བླང་བར་མི་བྱའོ། །གལ་ཏེ་མ་བཅད་པ་ན་ཆགས་པ་བླང་བར་མི་བྱའོ་ཞེས་བྱ་བར་སྦྱར་རོ། །འདིར་གཞུང་ནི་རྣམ་པར་འབྱེད་པ་ལས། གང་གི་མདུན་དུ་འཆགས་པར་བྱེད་པ་དེས་ཁྱེད་ཀྱིས་དངོས་པོ་དེ་བཅད་དམ་ཞེས་དྲི་བར་བྱའོ། །
[276a.7]མ་དྲིས་པར་བཤགས་ན་ལྟུང་བ་དེ་དག་བཤགས་པ་མ་ཡིན་ལ། དགེ་སློང་དེ་ལ་ཡང་ཉེས་བྱས་སུ་འགྱུར་རོ་ཞེས་གསུངས་པ་ཡིན་ནོ། །བདེ་བར་གཤེགས་པའི་ཆོས་གོས་ཀྱི་ཚད་ལས་གྱུར་པའི་ལྟུང་བྱེད་ལ་བཅད་ནས་ལྟུང་བྱེད་དུ་ནི་མ་གསུངས་སོ། །འདིར་རྣམ་པར་འབྱེད་པ་ལས་བཅད་ནས་
[276b]
[276b.1]ཞེས་བྱ་བ་འདི་ལ་དོན་བསྟན་པར་གྱུར་པ་མ་ཡིན་ཏེ། དེའི་ཕྱིར་བདེ་བར་གཤེགས་པའི་ཆོས་གོས་ཀྱི་ཚད་ལས་གྱུར་པ་ལས་གཞན་དག་ལ་བཅད་པ་དང་ལྡན་པ་ཡིན་ནོ། །ཅི་བཅགས་#པ་དང་བཅད་པ་ཉིད་ཅེས་བྱ་བ་འདི་ལ་རང་བཞིན་གྱི་དོན་འདི་ཉིད་ཀྱིས་དེ་ལྟར་ཉིད་དུ་གནས་སྤྱིར་བཏང་བར་བྱས་ན་
[276b.2]དམིགས་ཀྱིས་བསལ་བ་བསྟན་པའི་ཕྱིར། དེའི་ཕྱིར་བཅད་པ་དང་ལྡན་པ་ཡིན་ནོ་ཞེས་བྱ་བ་སྨོས་སོ། །ཅི་ལྔ་པོ་དག་ལ་ཡང་བཅད་པ་དང་ལྡན་པ་ཡིན་ནམ་ཞེ་ན། དེའི་ཕྱིར་གཉིས་པ་ལ་ནི་བསྡུས་པ་དང་ངོ་ཞེས་བྱ་བ་སྨོས་ཏེ། ཤིང་བལ་གྱིས་གོས་པར་བྱས་པ་ཞེས་བྱ་བ་བསླབ་
[276b.3]པའི་གཞི་ལ་ཞེས་བྱ་བའི་དོན་ཏོ། །ཁབ་རལ་འཆོས་པའི་ལྟུང་བྱེད་དོ།། །#རྐང་པ་#དམའ་བ་དང་ལྡན་པའི་ཁྲི་ལ་ཉལ་བར་མི་བྱ་བའོ་#ཞེས་བྱ་བ་ནི། གང་ཞིག་འབྱུང་བར་འགྱུར་#བའི་མགོ་བོ་ལ་ཉེས་པར་#འགྱུར་བ་དེ་ལྟ་བུའི་ས་དང་གང་ལ་འཁྱིལ་བ་མ་བཅགས་#པར་སྦྲུལ་གྱིས་སོས་#
[276b.4]བཏབ་པ་བསྒྲུབ་པ་མི་འབྱུང་བ་དེ་ལྟ་བུའི་#ས་ལ་ཞེས་བྱ་བ་གླེང་གཞི་ལས་རྟོགས་པར་བྱའོ། །མལ་དང་འབྲེལ་པའི་ཁྲིའི་ཉེ་འཁོར་གྱི་ཕྱོགས་སུ་རྐང་པ་བཀྲུ་བར་མི་བྱའོ་ཞེས་བྱ་བ་ནི་ཉལ་བའི་གནས་དང་འབྲེལ་པའི་ཁྲིའི་ཉེན་ཀོར་#དང་འབྲེལ་པའི་ཕྱོགས་སུ་རྐང་པ་བཀྲུ་བར་མི་བྱའོ། །ཁྱིམ་
[276b.5]པའི་གནས་མལ་གྱི་གནས་གཞན་དང་འབྲེལ་པ་ཉིད་ལ་འདི་དང་མི་མཐུན་པ་སྟེ། དེ་བས་ན་དེ་ལས་ཡང་ཉེས་པ་འདིའོ། །ཁྱིམ་པའི་གནས་མལ་#ཉིད་ལ་འདི་ནི་ཤིན་ཏུ་ན་སྨད་པར་རིག་པར་བྱའོ། །ཅི་ཐམས་ཅད་ཀྱིས་བཀྲུ་བར་མི་བྱའམ་ཞེ་ན། དེའི་ཕྱིར་ལྷམ་ཡོད་པས་སོ་ཞེས་བྱ་
[276b.6]བ་སྨོས་སོ། །ཅི་འདིར་ཕྱོགས་ཐམས་ཅད་དུ་གཞན་ལ་བཀྲུ་བར་བྱ་བ་ཉིད་ཡིན་ནམ་ཞེ་ན། དེའི་ཕྱིར་གཞན་གྱིས་ནི་མགོ་ལོགས་དང་རྐང་ལོགས་མ་གཏོགས་པར་རོ་ཞེས་བྱ་བ་སྨོས་ཏེ། བཀྲུ་བར་མི་བྱའོ་ཞེས་བྱ་བར་སྦྱར་རོ། །འདིར་གཞུང་ནི་བཅོམ་ལྡན་འདས་ཀྱིས་བཀའ་སྩལ་པ་
[276b.7]གང་དག་ལ་མཆིལ་ལྷམ་མི་བདོག་པ་#དེ་དག་གིས་མགོ་ལོགས་སམ་རྐང་ལོགས་སུ་བཀྲུ་བར་བྱའོ་ཞེས་གསུངས་པ་ཡིན་ནོ། །རིགས་པ་ཡང་དེ་ལྟར་ཁོ་ན་སྟེ། འདི་ནི་མི་མཐུན་པ་ཞེས་བྱ་བ་#འདིས་སྤང་བའོ། །སྦྲུལ་ལ་སོགས་པ་གནས་པའི་དོན་དུ་ནི་མ་ཡིན་ནོ། །འདིར་འཇུག་པ་
[277a]
[277a.1]ཙམ་ནི་གླེང་གཞི་ལས་གཙོ་བོ་སྟེ། ཉེས་དམིགས་ནི་མ་ཡིན་ནོ། །འདི་ནི་མི་བྱ་བ་ཁོ་ན་ཡིན་ནོ་ཞེས་བྱ་བ་འདི་ལ་འཇུག་པ་བརྟེན་པ་མ་གསུངས་སོ། །ཉེས་དམིགས་བྱེད་པ་ཉིད་ཀྱིས་ལྟུང་བ་དང་། ཁྲུས་ལ་སོགས་པ་ལ་ཡང་དག་པར་བྱ་བ་ཉིད་དུ་ཐལ་བའི་
[277a.2]ཕྱིར་རོ། །མགོ་ལོགས་སམ་རྐང་ལོགས་སུ་འདི་ལ་ཤིན་ཏུ་ཡང་མི་མཐུན་པ་ཉིད་མ་ཡིན་ནོ། །མལ་སྟན་མཐོན་པོ་དང་། མལ་སྟན་ཆེན་པོ་ལ་འདུག་པ་འམ་ཉལ་བར་མི་བྱའོ་ཞེས་བྱ་བ་ལ། མལ་སྟན་ཆེན་པོ་ནི་གསེར་ལ་སོགས་པ་རིན་པོ་ཆེ་དང་དངུལ་གྱི་རང་བཞིན་ཉིད་དོ། །འདོད་
[277a.3]བསླབ་པའི་གཞི་གང་ཞིག་ལས་ཚད་ལས་ལྷག་པ་ཉིད་ཀྱི་རྐང་པ་རྣམས་བསྒྲུབ་པར་མི་བྱའོ་ཞེས་གསུངས་ཏེ། འདི་ནི་མཐོན་པོའི་ངོ་བོ་ཉིད་དོ། །དེ་བས་ན་མལ་སྟན་མཐོན་པོ་ཞེས་བྱ་བ་ནི། རྩ་བ་བུ་གར་གཞུག་པ་མ་གཏོགས་པར་གནང་བར་#འགྱུར་རོ་ཞེས་བྱ་བ་འདི་ལ་ཁྲུ་གང་ལས་
[277a.4]ལྷག་པའོ། །དེ་ལྟར་ཡང་གཞན་དུ་རྩ་བའི་བུ་གར་ཞེས་སྨོས་པས་#སོ། །ཁྲི་དང་ཁྲིའུའི་ལྟུང་བྱེད་ཀྱི་ཞུ་བ་ལས་སོར་བརྒྱད་ཀྱི་ཚད་ལས་ལྷག་པར་གནས་མལ་དེ་ཡོད་པ་ཡིན་ཏེ། དེ་དགེ་སློང་གིས་གདོན་པར་མ་བྱས་པར་བྱེད་ན་ཉེས་བྱས་སོ། །མི་རུང་བ་ཉིད་ཀྱི་ཕྱིར་ན་སྨད་པ་
[277a.5]འདི་རྣམ་པར་གནས་པ་ཡིན་ནོ། །སོར་བརྒྱད་ཀྱིས་ལྷག་པ་ཉིད་ནི་མི་རུང་བ་ཉིད་དོ། །འདིར་མལ་སྟན་ཞེས་སྨོས་པས་སྟན་ཡང་འཕངས་པར་རིག་པར་བྱ་སྟེ། འདུག་པ་བཀག་པར་གཏོགས་པའོ། །ཁྱིམ་གཞན་དུ་གཞན་མེད་ན་སྔ་མ་ཤོས་བྱའོ་ཞེས་བྱ་བ་ནི་གཞན་དུ་མི་མཐོ་#
[277a.6]དང་མི་ཆེ་བ་མེད་ན་ཁྱིམ་གྱི་ནང་དུ་བྱའོ། །མལ་#སྟན་མཐོན་པོ་དང་། མལ་སྟན་ཆེན་པོ་སྔ་#མ་ཤོས་བྱ་སྟེ། ཀུན་དགའ་བོ་དེ་དག་ཐམས་ཅད་དུ་འབྱོར་པར་འགྱུར་རོ་ཞེས་བྱ་བ་དེ་འདིས་བསྡུས་པ་ཡིན་ནོ། །རྐང་རྟེན་དང་བཅས་པ་ལ་མལ་བཅའ་བར་བྱའོ་ཞེས་བྱ་བ་ནི། ཕྱོགས་
[277a.7]གཅིག་མཐོ་#བ་ཉིད་ཀྱིས་ནི་མལ་སྟན་མཐོན་པོ་མ་ཡིན་པར་རིག་པར་བྱའོ། །དེ་བས་ན་རྐང་རྟེན་དང་པོའི་ཆོ་ག་འདི་སྟོན་པར་བྱེད་པ་མཐོན་པོ་བཀག་པ་ལ་དམིགས་ཀྱིས་བསལ་བ་ཡིན་ཏེ། དེ་བསྡུ་བར་བྱ་ཞིང་བཀག་པ་འདིར་རྟོགས་པར་བྱའོ། །རྐང་རྟེན་དང་བཅས་པ་ལ་ཉོལ་
[277b]
[277b.1]ཅིག་ཅེས་བྱ་བ་ཅིའི་ཕྱིར་མ་གསུངས། ཉལ་བའི་དོན་ཅན་མ་ཡིན་པའི་སྒྲ་ལ་ཡང་ཁོངས་སུ་གཏོགས་པར་བསྡུ་བའི་དོན་དུ། ཕྲན་ཚེགས་རྣམས་ལས་འདི་གསུངས་སོ། །ཁྲི་རྩེག་མའི་སྟེང་དུ་འདུག་པར་མི་བྱའོ་ཞེས་བྱ་བ་ལ། འདི་ནི་སྨན་གྱི་གཞི་ལས་བཤད་པ་ཡིན་ཏེ།
[277b.2]ཐུན་མོང་བའི་མཐོན་པོ་ཉིད་ཀྱིས་#དེ་འདིར་ཁྱད་པར་དུ་འཕགས་པའོ། །ཁྲི་རྩེག་མ་ཞེས་བྱ་བ་ནི་ཁྲིའི་སྟེང་དུ་ཁྲི་བཞག་པའོ། །གང་ལ་ཁྲིའི་རྐང་པ་འཆོས་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་ཚད་ལས་ལྷག་པར་བྱེད་དམ་བྱེད་དུ་འཇུག་པ་ལའོ་ཞེས་བྱ་བ་སྨོས་ཏེ། བསླབ་པའི་གཞི་
[277b.3]གཞན་རྣམས་ལ་དོན་འདི་ཡོངས་སུ་ཐོབ་པ་ཡིན་ཏེ། གཉིས་པའི་འོག་མ་གསུམ་པོ་དག་ལ་ཡང་ངོ་ཞེས་བྱ་བ་གང་ཞིག་#འདིར་བསླབ་པའི་གཞི་འདིའི་འོག་མ་གཉིས་པ་ཤིང་བལ་གྱིས་གོས་པར་བྱ་བ་#དགག་པ་ཞེས་བྱ་བའི་བསླབས་པའི་གཞིའོ། །དེའི་འོག་མ་གསུམ་པོ་དེ་དག་ཅེས་བྱ་བ་ནི་
[277b.4]གདིང་བ་ལས་གྱུར་པ་དང་། གཡན་པ་དགབ་པ་ལས་གྱུར་པ་དང་དབྱར་གྱི་རས་ཆེན་ལས་གྱུར་པ་ཞེས་བྱ་བ་རྣམས་ཏེ་བསླབ་པའི་གཞི་དེ་གསུམ་ལ་ཡང་ཚད་ལས་ལྷག་པར་བྱེད་དམ་བྱེད་དུ་འཇུག་པ་ལས་ལྟུང་བྱེད་དོ་ཞེས་བྱ་བ་འདི་བལྟ་བར་བྱའོ་ཞེས་བྱ་བའི་དོན་ཏོ། །གང་གི་ཚད་ལས་ལྷག་པར་
[277b.5]བྱེད་དམ་བྱེད་དུ་འཇུག་པ་ལ་ཞེ་ན། རྐང་པ་དག་གིའོ་ཞེས་བྱ་བ་འོག་ནས་འབྱུང་ངོ་། །གང་གི་རྐང་པ་དག་ཅེ་ན། དེའི་ཕྱིར་ཁྲིའམ་ཁྲིའུ་དག་གིའོ་ཞེས་བྱ་བ་སྨོས་སོ། །ཅི་ཐམས་ཅད་ཀྱིས་སམ་ཞེ་ན། དེའི་ཕྱིར་དགེ་འདུན་གྱིའོ་ཞེས་བྱ་བ་སྨོས་ཏེ། ཁ་ན་མ་ཐོ་བ་འདི་ལ་དེ་བསྒྲུབ་
[277b.6]པར་གྱུར་པའི་མཐར་ཐུག་པ་སྟེ། གང་ཞིག་དགེ་འདུན་མ་ལོག་པའི་ལམ་ལ་བརྟག་པ་ཞེས་བྱ་བ་འདི་ཤེས་པའོ། །འོག་མ་ལ་ཡང་ངོ་ཞེས་བྱ་བ་ནི་བསླབ་པའི་གཞི་འདི་འོག་མ་ཤིང་བལ་གྱིས་གོས་པར་བྱས་པ་ཞེས་བྱ་བ་བསླབ་པའི་གཞི་ལ་ཡང་ཁྲིའམ་ཁྲིའུ་དག་ལའོ། །དགེ་འདུན་
[277b.7]གྱིའོ་ཞེས་བྱ་བར་རིག་པར་བྱའོ། །དགེ་འདུན་གྱི་དོན་དུ་འདི་ལ་ལོག་པར་རྟོགས་པ་ལ་བསྒྲུབ་པར་གྱུར་པ་ཉིད་ཅེས་བྱ་བ་འདི་ལ་ཡང་དགེ་འདུན་དག་གི་ཞེས་བྱ་བས་ཤེས་པའོ། །གང་གི་ཆད་(ཚད་)ལས་ལྷག་པར་བྱེད་དམ་བྱེད་དུ་འཇུག་པ་ལ་ནི་ཁྲིའི་རྐང་པ་འཆོས་པའི་ལྟུང་བྱེད་དུ་འགྱུར་ཞེ་ན། དེའི་ཕྱིར་རྐང་
[278a]
[278a.1]པ་དག་གིའོ་ཞེས་བྱ་བ་སྨོས་ཏེ། ཇི་སྙེད་པ་རྣམས་ཀྱིས་ཁྲིའམ་ཁྲིའུ་དེའི་གནས་སྐབས་བསྒྲུབ་པ་ནི། དཔེར་ན་དཔུང་གི་ཚོགས་ཡན་ལག་བཞི་ལྟ་བུའམ་བཞི་ཡིས་གཉིས་སམ་གསུམ་གྱིས་འགྲུབ་པ་འདི་དཔེར་ན་ཤིང་གི་ཁྲིའུ་གཅིག་#ལྟ་བུ་སྟེ། དེ་སྙེད་ཅེས་བྱ་བ་ནི་ཤུགས་ཀྱིས་ཁོངས་
[278a.2]སུ་ཆུད་པར་བྱའོ། །གཞན་གྱིས་ནི་དེ་དག་ངེས་པར་སྦྱར་བ་གཅིག་གམ་དུ་མར་བྱས་པ་ལ་ལྷག་མ་སྒྲུབ་པར་བྱེད་ཅིང་ཉེས་བྱས་སོ་ཞེས་བྱ་བའོ། །ཁང་པའམ་གཙུག་ལག་ཁང་དང་གདིང་བ་རྣམས་ལས་བརྩམས་པ་མཐར་བྱས་པ་ལ་ན་སྨད་པའི་ཚིག་གིས་རིག་པར་བྱའོ། །ཅི་སླར་རྐང་པ་དེ་དག་གི་ཚད་གང་
[278a.3]ཡིན་པ་གང་གིས་བྱེད་དམ་བྱེད་དུ་བཅུག་པ་ལ་ལྟུང་བྱེད་ཡིན་ཞེ་ན། དེའི་ཕྱིར་དེ་དག་གི་ཆད་(ཚད་)ནི་བུ་གར་གཞུག་པའི་ཕྱོགས་མ་གཏོགས་པར་ཁྲུ་གང་ངོ་ཞེས་བྱ་བ་སྨོས་ཏེ། བུ་གར་གཞུག་པ་ཞེས་བྱ་བའི་ཕྱོགས་དག་མ་གཏོགས་པར་ལྷག་མ་འདི་རྣམས་ཀྱི་ཚད་ཁྲུ་གང་ཞེས་བྱ་བའི་དོན་ཏོ། །གལ་ཏེ་གང་ཡོད་ན་འདི་ལ་གང་
[278a.4]ཡོད་པར་གྱུར་ན་འདི་གལ་ཏེ་གང་ལས་གཏོགས་པའི་ཕྱོགས་ལས་བརྩམས་ཏེ། ཆ་ཕྱེད་ལ་བུ་གར་གཞུག་པ་ཞེས་བྱ་བའི་དོན་ཏོ། །ཁྲུ་ཅི་ལྟ་བུ་ཞེ་ན། དེའི་ཕྱིར་བདེ་བར་གཤེགས་པའི་སུམ་ཆས་སོ་ཞེས་བྱ་བ་#སྨོས་ཏེ། བདེ་བར་གཤེགས་པའི་ཁྲུའི་སུམ་ཆར་གྱུར་པས་ཀྱང་ངོ་། །བསླབ་པའི་གཞི་རྣམས་ལ་བདེ་བར་གཤེགས་
[278a.5]པའི་ཁྲུ་ཆ་གསུམ་དུ་གྱུར་པའི་ཁྲུ་ཚད་ཀྱི་རྣམ་པར་གཞག་པ་དེ་བས་ན་འདི་ལྟར་འདི་ལ་དེ་རྣམས་ལ་འབྲེལ་པ་རྣམ་པར་གཞག་པས་རྟོགས་པའོ། །འོག་མ་དག་ལ་ཡང་ངོ་ཞེས་བྱ་བ་ནི་བསླབ་པའི་གཞི་འོག་མ་ཤིང་བལ་གྱིས་གོས་པར་བྱ་བ་དང་བདེ་བར་གཤེགས་པའི་ཆོས་གོས་ཀྱི་ཚད་ལས་གྱུར་པ་ཞེས་བྱ་བའི་བསླབ་
[278a.6]པའི་གཞི་ལ་ཚད་མངོན་པར་བསྟན་པས་བར་མ་གསུམ་ལ་འདིའི་སྐབས་ཡིན་ནོ་ཞེས་བྱ་བ་རྣམ་པར་གཞག་པའོ། །རང་གི་ལུས་ཀྱི་ཚད་དང་རྗེས་སུ་མཐུན་པར་གདིང་བ་ལས་གྱུར་པ་དང་། གཡན་པ་དགབ་པ་ལས་གྱུར་པ་དང་། དབྱར་གྱི་རས་ཆེན་ལས་གྱུར་པ་རྣམས་ལ་ཚད་ཀྱི་ཆོས་གོས་བཞིན་དུ་རྣམ་
[278a.7]པར་གཞག་པར་རིགས་པ་མ་ཡིན་ནོ། །དེའི་ཕྱིར་བར་མ་དང་རྗེས་སུ་མཐུན་པར་བདེ་བར་གཤེགས་པའི་ཚད་ཀྱི་རྗེས་སུ་འགྲོ་བས་གང་ཟག་གི་དབང་དུ་བྱས་ཏེ། བདེ་བར་གཤེགས་པའི་ཚད་ལ་སོགས་པར་བརྟེན་པ་ནི་རྟོགས་པར་བྱའོ། །ཁྲིའི་རྐང་པ་འཆོས་པའི་ལྟུང་བྱེད་དོ།། །།