[1a]
[1b]
[1b.1]{T4150}༄༅༅། །རྒྱ་གར་སྐད་དུ། ཛཱ་ཏ་ཀ་མཱ་ལ། བོད་སྐད་དུ། སྐྱེས་པའི་རབས་ཀྱི་རྒྱུད། བམ་པོ་དང་པོ། བཅོམ་ལྡན་འདས་ངག་གི་དབང་པོ་ལ་ཕྱག་འཚལ་ལོ། །དཔལ་
[1b.2]ལྡན་ཡོན་ཏན་དམ་པས་ཡོངས་བཟུང་བཀྲ་ཤིས་པ། །གྲགས་པའི་གཞིར་གྱུར་མ་སྨད་ཤིན་ཏུ་ཡིད་དུ་འོང་། །ཐུབ་པའི་སྐུ་ཚེ་སྔ་མའི་སྤྱོད་པ་རྨད་བྱུང་རྣམས། །བདག་གི་སྙན་དངགས་མེ་ཏོག་
[1b.3]སྙིམ་པས་གུས་པས་མཆོད། །གྲགས་པའི་མཚན་མར་གྱུར་པ་བཟང་པོ་འདི་རྣམས་ཀྱིས། །བདེ་བར་གཤེགས་འགྱུར་ལམ་རྣམས་གང་ཡིན་བསྟན་པར་འགྱུར། །ཡིད་ལ་དད་པ་
[1b.4]མེད་པ་རྣམས་ཀྱང་དད་པར་འགྱུར། །ཆོས་དང་ལྡན་པའི་གཏམ་གྱིས་རབ་ཏུ་དགའ་བར་འགྱུར། །འཇིག་རྟེན་མཆོག་གི་སྤྱོད་པ་དམ་པ་ཕྱོགས་ཙམ་གྱིས། །བདག་གི་སྙན་དངགས་མཉན་
[1b.5]དུ་རུང་བར་བྱ་བའི་ཕྱིར། །ལུང་དང་གཙུག་ལག་རིག་པར་མི་འགལ་ལམ་བདག་གིས། །དེ་ལྟར་འཇིག་རྟེན་དོན་གྱུར་སྙམ་ནས་འདི་བརྩམས་སོ། །རང་དོན་བརྩོན་པས་གཞན་དོན་བརྩོན་པ་གང་
[2a]
[2a.1]ཡིན་པ། །ཡོན་ཏན་བསྒྲུབ་པ་བཟང་པོའི་རྗེས་སུ་མཐུན་མ་གྱུར། །ཐམས་ཅད་མཁྱེན་ཅེས་བརྗོད་པ་མ་ནོར་གསལ་བར་གྲགས། །མཉམ་མེད་དེ་དང་ཆོས་དང་དགེ་འདུན་སྤྱི་བོས་འདུད། །བཅོམ་ལྡན་
[2a.2]འདས་དེ་སྐུ་ཚེ་སྔ་མ་ལ་ཡང་། སེམས་ཅན་ཐམས་ཅད་ལ་རྒྱུ་མེད་པར་རབ་ཏུ་བྱམས་པའི་ངོ་བོ་ཉིད་ཡིན་པས། སངས་རྒྱས་བཅོམ་ལྡན་འདས་ལ་སེམས་རབ་ཏུ་དང་བས་ཕྱག་འཚལ་ལོ། །དེ་ཡང་འདི་སྐད་ཐོས་སོ། །
[2a.3]བདག་ཅག་གི་བླ་མ་དཀོན་མཆོག་གསུམ་བླ་མར་བྱེད་པ། སྒྲུབ་པའི་ཡོན་ཏན་རྣམས་ཀྱིས་བླ་མ་མགུ་བར་བྱས་པ། ཡོན་ཏན་གྱི་ཚོགས་ཀྱིས་བླ་མར་གྱུར་པ་རྣམས་ཀྱིས། བཅོམ་ལྡན་འདས་ཀྱི་སྐུ་ཚེ་སྔ་མའི་རྟོགས་པ་བརྗོད་པ་
[2a.4]འདི་ཡོངས་སུ་བསྒྲགས་པ་རྗེས་སུ་ཐོས་ཏེ། བྱང་ཆུབ་སེམས་དཔའ་ཡིད་དམ་བཅས་པ་ཁྱད་པར་ཅན་དང་མཐུན་པར་གྱུར་པ། སྦྱིན་པ་དང་། ཚིག་སྙན་པ་དང་། དོན་སྤྱོད་པ་ལ་སོགས་པ་ཤེས་རབ་ཀྱིས་ཡོངས་སུ་ཟིན་པས་སྐྱོན་མེད་
[2a.5]ཅིང་སྙིང་རྗེའི་རྒྱུ་མཐུན་པ་རྣམས་ཀྱིས་འཇིག་རྟེན་ཡོངས་སུ་འཛིན་པ་ན། རང་གི་ཆོས་ལ་མངོན་པར་དགའ་བ་ལས་གྱུར་པའི་གཙང་སྦྲ་དང་། སྤྱོད་པ་དང་ལྡན་པའི་བྲམ་ཟེའི་རིགས་ཆེན་པོ་ཇེ་མཐོ་ཇེ་མཐོར་གྱུར་པ་ཞིག་ཏུ་སྐྱེ་བ་
[2b]
[2b.1]ཡོངས་སུ་བཟུང་བར་གྱུར་ཏོ། །ཞེས་གྲགས་སོ། །དེ་སྐྱེས་པའི་ལས་བྱ་བ་ལ་སོགས་པས་སྦྱངས་པ་རིམ་པ་བཞིན་དུ་བྱས་ཤིང་མངོན་པར་སྐྱེས་པ་ནི། རང་བཞིན་གྱིས་ཡིད་གཞུངས་པ་དང་། མགོན་སྐྱབས་ཀྱི་ཁྱད་པར་དང་། ཤེས་པ་ཆེད་ཆེར་འཛིན་པ་དང་།
[2b.2]ལེ་ལོ་མེད་པས་རིང་པོ་མ་ཐོགས་པར་རིག་པའི་གནས་བཅོ་བརྒྱད་དང་། བདག་གི་རིགས་དང་མི་འགལ་བའི་སྒྱུ་རྩལ་རྣམས་ལ་སློབ་ཀྱི་སློབ་དཔོན་གྱི་གོ་འཕང་དམ་པ་ཐོབ་པར་གྱུར་ཏོ། །རིག་བྱེད་ཤེས་ལ་དེ་ནི་ཚངས་པ་བཞིན། །རྒྱལ་པོ་རྣམས་ཀྱིས་བཀུར་བས་རྒྱལ་
[2b.3]པོ་བཞིན། །སྐྱེ་དགུ་རྣམས་ལ་བརྒྱ་བྱིན་མངོན་སུམ་བཞིན། །ཤེས་འདོད་རྣམས་ལ་དོན་སྤྱོད་ཕ་དང་འདྲ། །དེ་སྐལ་བ་དང་ལྡན་ཞིང་ཡོན་ཏན་ཁྱད་པར་ཅན་དུ་གྱུར་པས། རྙེད་པ་དང་། བཀུར་སྟི་དང་། གྲགས་པའི་ཁྱད་པར་རྣམས་རབ་ཏུ་བྱུང་བར་གྱུར་ཏོ། །བྱང་ཆུབ་
[2b.4]སེམས་དཔའ་དེ་བློ་ཆོས་ལ་གོམས་པར་བསྒོམས་པ་དང་། རབ་ཏུ་བྱུང་བ་ལ་འདྲིས་པར་བྱས་པས་དེ་ལ་མངོན་པར་དགའ་བར་མ་གྱུར་ཏོ། །སྔོན་གྱི་སྤྱོད་པས་དེའི་བློ་ཡོངས་སུ་དག །འདོད་པ་རྣམས་ལ་སྐྱོན་མང་མཐོང་ནས་ནི། །ཁྱིམ་ན་གནས་པ་ནད་བཞིན་ཡོངས་
[2b.5]སྤངས་ནས། །ནགས་ཚལ་གནས་ཤིང་རབ་ཏུ་བརྒྱན་པར་གྱུར། །དེ་ནི་དེར་ཡང་ཆགས་མེད་དེ་ཡིས་སུ། །ཤེས་རབ་ཡོངས་སུ་སྦྱངས་ཤིང་ཞི་བ་ཡིས། །མི་ཡི་འཇིག་རྟེན་དམ་པའི་སྤྱོད་བྲལ་བ། །ངན་པར་སྤྱོད་ལ་ཆགས་པ་བཟློག་པ་བཞིན། །དེ་ཡི་རང་བཞིན་
[2b.6]བྱམས་པའི་བདག་ཉིད་ཀྱིས། །རྣམ་པར་བརླན་པ་བཞིན་དུ་སེམས་མཐུན་ཞིང་། །ཕན་ཚུན་གནོད་པ་མེད་པའི་སེམས་གྱུར་ནས། །དཀའ་ཐུབ་ཅན་བཞིན་གཅན་གཟན་ཁྲོ་བོའང་སྤྱོད། །སྤྱོད་པ་དག་ཅིང་དབང་པོ་དུལ་བ་དང་། །ཆོག་ཤེས་ལྡན་ཞིང་སྙིང་རྗེའི་ཡོན་ཏན་
[2b.7]གྱིས། །འཇིག་རྟེན་དག་ན་སྐྱེ་བོ་མ་འདྲིས་པའང་། །གཞན་ལ་དེ་བྱམས་བཞིན་དུ་དེ་ལ་བྱམས། །འདོད་པ་ཆུང་ལ་ངན་གཡོ་མི་ཤེས་ཤིང་། །རྙེད་དང་གྲགས་དང་བདེ་ལ་མ་ཆགས་པས། །དེ་ལ་ལྷ་རྣམས་ཡིད་ཀྱང་མགུ་གྱུར་ནས། །དང་ཞིང་གུས་ལ་རབ་ཏུ་གཞོལ་བར་
[3a]
[3a.1]བྱེད། །དེ་ནི་རབ་ཏུ་བྱུང་བར་མིས་ཐོས་ཏེ། །དེ་ཡི་ཡོན་ཏན་རྣམས་ཀྱིས་སེམས་དྲངས་ནས། །གཉེན་དང་ཡོངས་སུ་བཟུང་བ་རྣམས་སྤངས་ཏེ། །དགོངས་སྒྲུབ་བཞིན་དུ་དེ་ཡི་སློབ་མར་གྱུར། །ཚུལ་ཁྲིམས་གཙང་སྦྲ་དབང་པོ་དུལ་བ་དང་། །དྲན་པ་མ་
[3a.2]ཉམས་རབ་ཏུ་དབེན་པ་དང་། །བྱམས་ལ་སོགས་དང་ཡིད་ནི་ཏིང་འཛིན་ལ། །དེ་ནི་སློབ་མ་རྣམས་ལ་ཅི་ནུས་སྟོན། །དེ་ནས་བདག་ཉིད་ཆེན་པོ་དེ་རེ་ཞིག་ཅིག་ན་སློབ་མའི་ཚོགས་རྣམས་ནི་ཕལ་ཆེར་ཡོངས་སུ་རྫོགས་ཤིང་རྒྱ་ཆེར་གྱུར། དགེ་བའི་ལམ་ལ་ནི་རབ་ཏུ་བཀོད།
[3a.3]འཇིག་རྟེན་པ་རྣམས་ནི་ངེས་པའི་ལམ་དམ་པ་ལ་བཙུད། ངན་སོང་གི་སྒོ་ནི་བཅད་པ་བཞིན་དུ་བྱས། བདེ་འགྲོའི་ལམ་ནི་ལམ་པོ་ཆེ་བཞིན་དུ་བྱས་ནས། ཚེ་འདི་ལ་བདེ་བ་སྤྱད་པའི་ཕྱིར་དེའི་ཚེ་རྗེས་སུ་མཐུན་པའི་སློབ་མ་མ་ཕམ་པ་དང་འགྲོགས་ཏེ། རྣལ་འབྱོར་དང་མཐུན་
[3a.4]པའི་གནས་རིའི་སྨན་ལྗོངས་ཞིག་ཏུ་གནས་ཤིང་སྤྱོད་དོ། །དེ་ནས་རི་ཁྲོད་དེ་ན་ནི། །སྟག་མོ་ཕྲུ་གུ་འབྲངས་པ་ཞིག །ཕྲུ་གུ་འབྲངས་པའི་སྡུག་བསྔལ་གྱིས། །སྤྱོད་པ་ཉམས་པར་གྱུར་པ་མཐོང་། །མིག་གཉིས་ལྟ་བ་ཞན་པར་གྱུར། །བཀྲེས་པས་ལྟོ་བ་རབ་ཏུ་
[3a.5]ཉམས། །ཕྲུ་གུ་བདག་གི་བུ་ཡིན་ཀྱང་། །ཁ་ཟས་བཞིན་དུ་ལྟ་བར་གྱུར། །མ་ལ་ཡིད་གཅུགས་འཇིགས་མེད་ཅིང་། །ནུ་ཞོ་འདོད་ཕྱིར་ལྷགས་པ་ལ། །སྟག་སྐད་ཉེར་ཉེར་སྒྲ་འབྱིན་ཅིང་། །གཞན་གྱི་བུ་བཞིན་སྤང་བར་གྱུར། །བྱང་ཆུབ་སེམས་དཔས་དེ་མཐོང་
[3a.6]ནས། །བརྟན་ཡང་སྙིང་རྗེའི་དབང་གྱུར་པས། །ས་གཡོས་པ་ཡིས་ལྗོན་ཤིང་བཞིན། །གཞན་གྱི་སྡུག་བསྔལ་གདུངས་པས་འདར། །བདག་གི་སྡུག་བསྔལ་ཆེན་པོས་ཀྱང་། །སྙིང་རྗེའི་བདག་ཉིད་བརྟན་པ་གསལ། །གཞན་གྱི་སྡུག་བསྔལ་ཆུང་ངུས་ཀྱང་། །འདར་
[3a.7]བར་གྱུར་པ་དེ་རྨད་དོ། །དེ་ནས་བྱང་ཆུབ་སེམས་དཔའ་རྟབས་ཤིང་རིངས་རིངས་སྐད་དུ། སྨྲ་བའི་ཚིག་རང་བཞིན་ཁྱད་པར་ཅན་གསལ་བར་སྟོན་པ། སྙིང་རྗེའི་དབང་གིས་ཚིག་འབྲུ་གསལ་བར་སློབ་མ་ལ་སྨྲས་པ། བུ་བུ་འཁོར་བ་ཡོན་ཏན་མེད་ལ་ལྟོས། །གཅན་
[3b]
[3b.1]གཟན་མོ་ནི་ལྟོགས་ནས་སུ། །བྱམས་པའི་མཚམས་ལས་འདས་ནས་ནི། །རང་གི་བུ་ཡང་ཟ་བར་འདོད། །ཀྱེ་མ་ཧོ་བདག་ལ་བྱམས་པ་འདི། །ཧ་ཅང་མ་འོས་མི་བཟོད་དོ། །གང་ཕྱིར་མ་ཡིས་བདག་གི་བུ། །ཟ་བར་འདོད་པ་ག་ལ་སྲིད། །གང་ཕྱིར་འདི་འདྲའི་ལས་དག་
[3b.2]ཀྱང་། །བྱེད་པར་རྩོམ་པ་དེ་ལྟ་བུའི། །བདག་ལ་བྱམས་པའི་དགྲ་བོ་དེ། །འཕེལ་བར་བྱེད་པ་སུ་ཞིག་ཡོད། །དེ་བས་ན་སྟག་མོ་དག་དང་ཕྲུ་གུ་རྣམས་མ་རུང་བར་མ་གྱུར་པ་འདི་བཀྲེས་པའི་སྡུག་བསྔལ་བསལ་བའི་རྒྱུ་ག་ཤེད་ན་མྱུར་དུ་ཚོལ་ཅིག །བདག་ཀྱང་འདིའི་ཐུབ་ཆོད་
[3b.3]འདི་ལས་བཟློག་པའི་ཕྱིར་འབད་དོ། །དེས་ཀྱང་དེ་མཉན་ཏེ་དེ་བཞིན་དུ་བགྱིའོ་བྱས་ནས། དེའི་ཟས་ཚོལ་བ་ལ་འབད་པར་གྱུར་ཏོ། །དེ་ནས་བྱང་ཆུབ་སེམས་དཔས་སློབ་མ་དེ་སྙད་བཏགས་ཏེ་བཏང་ནས་བསམས་པ། བདག་གི་ལུས་འདི་ཚང་བར་ཡོད་བཞིན་དུ། །ཅི་ཕྱིར་གཞན་
[3b.4]ལས་ཤ་ནི་བཙལ་བར་བྱ། །དེས་ཀྱང་རྙེད་དམ་མི་རྙེད་གཏོལ་མེད་ལ། །བདག་གི་དགོངས་པ་འདི་ཡང་མི་འགྲུབ་སྲིད། །གཉིས་སུ་ན། བདག་མེད་འཇིག་ལ་སྙིང་པོ་མེད་པའི་ལུས། །སྡུག་བསྔལ་དྲིན་མེད་རྟག་ཏུ་མི་གཙང་བའི། །ལུས་ཀྱིས་གཞན་ལ་ཕན་ཐོགས་
[3b.5]འགྱུར་བ་ལ། །དགའ་བར་མི་འགྱུར་དེ་ནི་མཁས་མ་ཡིན། །བདག་གི་བདེ་ལ་ཆགས་ནས་གཞན་དག་གི །སྡུག་བསྔལ་ཡལ་བར་འདོར་བ་མཐུ་མེད་དམ། །གཞན་དག་སྡུག་བསྔལ་བདག་ལ་བདེ་བ་མེད། །ནུས་པ་ཡོད་བཞིན་ཅི་སྟེ་ཡལ་བར་དོར། །ནུས་པ་ཡོད་
[3b.6]བཞིན་བདག་གིས་ཡལ་བོར་ན། །གསོད་པའི་དགྲ་ཡང་སྡུག་བསྔལ་བྱིང་བ་ལ། །ཡལ་བར་བོར་ན་སྡིག་པ་བྱས་པ་བཞིན། །བདག་གི་སེམས་ནི་འདམ་བུ་མེས་ཚིག་བཞིན། །དེ་བས་ལུས་ཀྱིས་བསྲུང་བར་བྱ་བ་ནི། །གཡང་སར་ལྷུང་ལ་ཐུག་པའི་སྲོག་ཡོད་པས། །
[3b.7]ཕྲུ་གུ་བསད་ལ་སྟག་མོ་བསྲུང་བ་དང་། །སྟག་མོ་ལས་ཀྱང་དེ་ཡི་ཕྲུ་གུ་བསྲུང་། །གཞན་ཡང་། འཇིག་རྟེན་ཕན་བརྩོན་རྣམས་ལ་བསྟན་པ་དང་། །བརྩོན་འགྲུས་ཞན་པ་སྤྲོ་བ་བསྐྱེད་པ་དང་། །གཏོང་ཕོད་རྣམས་ནི་དགའ་བ་བསྐྱེད་པ་དང་། །སྐྱེ་བོ་དམ་པའི་ཡིད་ནི་དྲང་
[4a]
[4a.1]བ་དང་། །བདུད་ཀྱི་སྡེ་ཆེན་སྤ་ནི་བཀོང་བ་དང་། །སངས་རྒྱས་ཡོན་ཏན་དགའ་བ་དང་བ་དང་། །བདག་གི་དོན་བརྩོན་ངོ་ཚ་བསྐྱེད་པ་དང་། །འཇུངས་དང་འདོད་ཆེན་ཅན་ཡང་ངོ་ཚ་བསྐྱེད། །ཐེག་པ་མཆོག་ལ་བརྟེན་པ་དད་བསྐྱེད་ཅིང་། །གཏོང་བས་
[4a.2]སྙེམས་པ་ངོ་མཚར་བསྐྱེད་པ་དང་། །གཏོང་ལ་དགའ་བ་རྗེས་སུ་ཡི་རང་རྣམས། །མཐོ་རིས་ལམ་ཆེན་རྣམ་པར་སྦྱང་ཕྱིར་རོ། །ལུས་ཙམ་གྱིས་ཀྱང་གཞན་ལ་ཕན་ཐོགས་པར། །ནམ་ཞིག་འགྱུར་ཞེས་བདག་གིས་གང་བསམས་པ། །སྨོན་ལམ་ལ་ནི་འབྲས་བུ་ཡོད་པར་བྱ། །
[4a.3]བྱང་ཆུབ་མཆོག་ཀྱང་རབ་ཏུ་ཉེ་བར་བྱ། །འགྲན་ཕྱིར་མ་ཡིན་གྲགས་པ་འདོད་ཕྱིར་མིན། །མཐོ་རིས་འདོད་དང་རྒྱལ་སྲིད་བསྒྲུབ་ཕྱིར་མིན། །བདག་གིས་བདེ་བ་མཆོག་ཐོབ་ཕྱིར་མིན་གྱི། །གཞན་དོན་བསྒྲུབ་ཕྱིར་བདག་གིས་འདི་བརྩམས་སོ། །དེ་བས་བདག་ནི་འདི་ཡིས་དུས་
[4a.4]གཅིག་ཏུ། །འཇིག་རྟེན་དག་ལ་སྡུག་བསྔལ་བདེ་འབྱུང་བ། །གསལ་ཞིང་བསྒྲུབ་པ་རྟག་ཏུ་ནུས་གྱུར་ཅིག །ཉི་མས་མུན་བསལ་སྣང་བྱུང་ནུས་བཞིན་ནོ། །མཐོང་ཞིང་ཐོས་སམ་རྗེས་སུ་དྲན་ཀྱང་རུང་། །རེག་གམ་གཏམ་དུ་བརྗོད་པར་གྱུར་ཀྱང་རུང་། །རྣམ་པ་ཀུན་དུ་འགྲོ་ལ་
[4a.5]ཕན་པ་ནི། །བདེ་དང་ལྡན་པ་རྟག་ཏུ་བྱེད་གྱུར་ཅིག །དེ་ལྟར་གཞན་དོན་བསྒྲུབ་ཕྱིར་ངེས་བྱས་ནས། །སྲོག་དང་བྲལ་ཡང་རབ་ཏུ་དགའ་གྱུར་ཏེ། །བརྟན་པའི་ལྷ་རྣམས་ངོ་མཚར་སྐྱེ་འགྱུར་བར། །བདག་གིས་ལུས་ནི་དེ་ནས་བོར་བར་གྱུར། །དེ་ནས་སྟག་མོ་དེས་བྱང་ཆུབ་
[4a.6]སེམས་དཔས་ལུས་བོར་བའི་སྒྲ་དེ་ཐོས་ཤིང་ངོ་མཚར་སྐྱེས་ནས། བདག་གི་ཕྲུ་གུ་བཅའ་བ་བཏང་སྟེ། དེ་ནས་མིག་གཉིས་ཀྱིས་བལྟས་ནས། བྱང་ཆུབ་སེམས་དཔའ་དེའི་ལུས་སྲོག་དང་བྲལ་བ་མཐོང་ནས། དེ་མ་ཐག་ཏུ་ཉེ་བར་འོངས་ནས་བཟའ་བར་བརྩམས་སོ། །དེ་ཟ་
[4a.7]ཞིང་འདུག་པ་དང་། དེའི་འོག་ཏུ་དེའི་སློབ་མ་དེས་ཤ་མ་རྙེད་པར་སླར་འོང་སྟེ། མཁན་པོ་གང་ན་བཞུགས་སྙམ་ནས་བལྟས་པ་ན། བྱང་ཆུབ་སེམས་དཔའ་དེར་ལུས་སྲོག་དང་བྲལ་ནས་སྟག་མོ་དེས་ཟ་ཞིང་འདུག་པ་མཐོང་བ་དང་། དེས་དེའི་སྤྱོད་པ་ཁྱད་པར་ཅན་དེ་ངོ་མཚར་ཆེ་
[4b]
[4b.1]བར་བཟུང་ནས། མྱ་ངན་དང་སྡུག་བསྔལ་གྱི་ཤུགས་བཏང་སྟེ། དེའི་ཡོན་ཏན་གྱི་གཞི་ལ་སྨོན་པའི་ཚིག་ཏུ་སྨྲས་པ་བཞིན་དུ་ཡིད་ལ་བསམ་པ་ཚིག་ཏུ་སྨྲས་པ། ཨེ་མའོ་སྡུག་བསྔལ་ཅན་ལ་སྙིང་རེ་རྗེ། །བདག་ཉིད་ཆེ་བ་བདག་གི་བདེ་མ་ཆགས། །དམ་པ་རྣམས་ཀྱི་སྤྱོད་པ་
[4b.2]མཆོག་ཏུ་བྱས། །གཞན་གྱི་དཔལ་དང་གྲགས་པ་ཟིལ་གྱིས་མནན། །ཨེ་མའོ་རབ་ཏུ་དཔའ་བ་འཇིགས་པ་མེད། །ཡོན་ཏན་བྱམས་མཆོག་རྣམ་པར་བསྟན། །ཨེ་མའོ་ཡོན་ཏན་ཆེན་པོ་བདག་གི་ལུས། །ཕྱག་གི་གནས་ཀྱི་ཁྱད་པར་ཅན་དུ་བྱས། །རང་བཞིན་ཞི་བ་ས་གཞི་
[4b.3]བཞིན་དུ་བརྟན། །ཨེ་མའོ་གཞན་གྱི་སྡུག་བསྔལ་མི་བཟོད་པ། །ཨེ་མའོ་དཔའ་བོ་ཕུན་སུམ་ཚོགས་པ་འདིས། །བདག་གི་སྐྱོན་ནི་རབ་ཏུ་གྲགས་པར་གྱུར། །མགོན་པོ་འདིས་ནི་མགོན་དང་བཅས་བྱས་པས། །ད་ནི་འགྲོ་བ་མྱ་ངན་བྱ་མི་དགོས། །གཞན་གྱིས་ཕམ་དུ་བྱས་
[4b.4]པའི་བདུད་དག་ཀྱང་། །ད་ནི་ངེས་པར་ཤུགས་ཀྱང་ནར་ཞེས་འབྱིན། །ཡོང་ཡེ་སྐལ་བ་ཆེན་པོ་འདི་སེམས་ཅན་ཐམས་ཅད་ཀྱི་སྐྱབས་སུ་གྱུར་པ། ཐུགས་རྗེ་ཤིན་ཏུ་རླབས་ཆེ་བ། སྙིང་སྟོབས་དཔག་ཏུ་མེད་པ། བྱང་ཆུབ་སེམས་དཔའི་དོན་ཇི་ལྟ་བུ་ཉིད་ལ་ཕྱག་འཚལ་
[4b.5]ལོ། །ཞེས་སྨྲས་ནས། དེ་ནས་དེའི་དོན་དེ་ཚངས་པར་སྤྱོད་པ་རྣམས་ལ་སྦྲན་ནོ། །དེ་ནས་དེ་ཡི་སྤྱོད་པས་ངོ་མཚར་གྱུར་པའི་སློབ་མ་དང་། །དྲི་ཟ་གནོད་སྦྱིན་ཀླུ་དང་སུམ་ཅུ་རྩ་གསུམ་བདག་པོ་རྣམས། །ཕྲེང་བ་ན་བཟའ་རྒྱན་དང་ཙནྡན་ཕྱེ་མ་ཆར་ཕབ་པས། །དེ་ཡི་
[4b.6]སྐུ་གདུང་རིན་ཆེན་མཛེས་པས་ས་གཞི་ཁེབས་པར་བྱས། །དེ་ལྟ་བས་ན། བཅོམ་ལྡན་འདས་དེ་སྐུ་ཚེ་སྔ་མ་ལ་ཡང་སེམས་ཅན་ཐམས་ཅད་ལ་སྒྱུ་མེད་པར་རབ་ཏུ་བྱམས་པའི་རང་བཞིན་ཅན་སེམས་ཅན་ཐམས་ཅད་བདག་གིར་གྱུར་པ་ཡིན་པས། སངས་རྒྱས་བཅོམ་ལྡན་
[4b.7]འདས་ལ་རབ་ཏུ་དད་པར་བྱའོ། །དད་པ་སྐྱེས་པ་རྣམས་ཀྱིས་སངས་རྒྱས་བཅོམ་ལྡན་འདས་རྣམས་ལ་དགའ་བ་བསྐྱེད་པར་བྱའོ། །དེ་ལྟ་བས་ན་དེ་ནི་བདག་ཅག་གིས་དད་པར་བྱ་བའི་གནས་ཡིན་ནོ། །ཞེས་དེ་ལྟར་ཡང་སྦྱར་བར་བྱའོ། །དེ་ལྟར་ཆོས་ཀྱང་བྱ་དཀའ་བ་མང་
[5a]
[5a.1]པོས་བསྒྲུབ་པ་ཡིན་པའི་ཕྱིར་རིམ་གྲོ་བསྐྱེད་དེ་ཆོས་མཉན་པར་བྱའོ། །དེ་ལྟར་སྙིང་རྗེ་ནི་གཞན་ལ་ཕན་འདོགས་པའི་རྒྱུ་ཡིན་ཞིང་ངོ་བོ་ཉིད་ཁྱད་པར་ཅན་བསྒྲུབ་པ་ཡིན་པའི་ཕྱིར། སྙིང་རྗེའི་ཡོན་ཏན་ལ་ཡང་བསྔགས་པ་བརྗོད་པར་བྱའོ། །བྱང་ཆུབ་
[5a.2]སེམས་དཔའི་རྟོགས་པ་བརྗོད་པའི་རྒྱུད་ལས་རྟོགས་པ་བརྗོད་པ་དང་པོའོ།། །།བཅོམ་ལྡན་འདས་དེས་བྱ་དཀའ་བ་བརྒྱ་ཕྲག་མང་པོས། བདག་ཅག་གི་དོན་དུ་དམ་པའི་ཆོས་འདི་ཡང་དག་པར་བསྒྲུབ་པའི་ཕྱིར་རིམ་གྲོ་བསྐྱེད་དེ་ཆོས་མཉན་པར་བྱའོ། །དེ་ཡང་
[5a.3]འདི་སྐད་ཐོས་ཏེ། བཅོམ་ལྡན་འདས་འདི་བྱང་ཆུབ་སེམས་དཔར་གྱུར་པའི་ཚེ། དཔག་ཏུ་མེད་པའི་དུས་ནས་གོམས་པར་བྱས་པས། བསོད་ནམས་ཀྱི་ལས་བསགས་ཤིང་འདྲིས་པར་བྱས་པ་དེ། རེ་ཞིག་ཅིག་ཡུལ་ཤི་པི་པ་རྣམས་ཀྱི་རྒྱལ་པོར་གྱུར་ཏོ། །ཞེས་
[5a.4]གྲགས་སོ། །དེ་བྱིས་པ་ནས་རྒན་པོ་ལ་བསྙེན་བཀུར་བྱེད་པ་ལ་དགའ་བ། དུལ་བ་ལ་རྗེས་སུ་དགའ་བ། རྗེ་བློན་བྱམས་པ། རང་བཞིན་གྱིས་ཡིད་གཞུངས་པ། རིག་པ་དུ་མ་རྟོགས་པས་བློ་རྒྱ་ཆེ་བ། སྤྲོ་བ་དང་། གསང་ཚིག་དང་། གཟི་བྱིན་གྱི་མཐུ་དང་སྐལ་བ་ཕུན་སུམ་ཚོགས་པས་སྐྱེ་དགུ་
[5a.5]རྣམས་བདག་གི་བུ་བཞིན་སྐྱོང་བར་གྱུར་ཏོ། །དེ་ལ་འཁོར་གསུམ་རྗེས་མཐུན་ཡོན་ཏན་ཚོགས། །ཕན་ཚུན་འགྲན་པ་བཞིན་དུ་གནས་པར་གྱུར། །དངོས་པོ་ཐམས་ཅད་ཡོངས་སུ་རྫོགས་གྱུར་ཞིང་། །འགལ་ཞིང་འཁྲུག་པས་གཙེས་པ་མེད་པར་གྱུར། །མ་དུལ་
[5a.6]འཆལ་པ་རྣམས་ལ་འཕྱ་འགྱུར་བ། །བླུན་པོ་རྣམས་ནི་རབ་ཏུ་ཕུང་བྱེད་པ། །བདག་ཉིད་ཆུང་ངུ་རྣམས་ནི་མྱོས་འགྱུར་གང་། །དཔལ་དེ་དེ་ལ་མིང་ནི་དོན་བཞིན་གྱུར། །རང་བཞིན་རྒྱ་ཆེ་སྙིང་རྗེའི་ཡོན་ཏན་ལྡན། །རྒྱལ་པོ་དེ་ནི་ནོར་ལ་དབང་ཡོད་ཕྱིར། །ཕོངས་པ་རྣམས་
[5a.7]ནི་འདོད་པའི་དོན་གྲུབ་པས། །ངོ་འཛུམ་མི་གནག་བཞིན་བཟང་མཐོང་བས་དགའ། །དེ་ནས་རྒྱལ་པོ་སྦྱིན་པ་ལ་དགའ་བས། གྲོང་ཁྱེར་གྱི་ཁོ་ར་ཁོར་ཡུག་ཏུ་སྦྱིན་པའི་ཁང་པར་ནོར་དང་། འབྲུ་དང་། ཡོ་བྱད་ཐམས་ཅད་ཕུན་སུམ་ཚོགས་པ་བརྩིགས་སུ་བཅུག་ནས།
[5b]
[5b.1]བདག་གི་བདག་ཉིད་ཆེ་བ་དང་རྗེས་སུ་མཐུན་པ། རེ་བ་ཅི་ལྟ་བ་བཞིན་དུ་སྐོང་བ། གུས་པ་དང་བཅས་པས་ཡིད་དགའ་བར་བྱེད་པ། དུས་བཞིན་དུ་འབྱོར་པས་ཡིད་དུ་འོང་བའི་སྦྱིན་པའི་ཆར་རྫོགས་ལྡན་གྱི་དུས་ཀྱི་སྤྲིན་བཞིན་དུ་ཕབ་པར་གྱུར་ཏེ། ཟས་འདོད་པ་རྣམས་ལ་ནི་ཟས།
[5b.2]བཏུང་བ་འདོད་པ་རྣམས་ལ་ནི་བཏུང་བ། མལ་ཆ་དང་། སྟན་དང་། གོས་དང་། བཟའ་བ་དང་། བྱུག་པ་དང་། སྤོས་དང་། ཕྲེང་བ་དང་། གསེར་དང་། དངུལ་ལ་སོགས་པ་འདོད་པ་རྣམས་ལ་དེ་དག་ཆར་བཞིན་དུ་ཕབ་པོ། །དེ་ནས་རྒྱལ་པོ་དེའི་སྦྱིན་པ་རླབས་པོ་ཆེ་དེ་ཐོས་
[5b.3]ནས། ཕྱོགས་ཐ་དད་པའི་ཡུལ་ན་གནས་པའི་མི་རྣམས་ཡ་མཚན་ཆེ་ཞིང་སྙིང་དགའ་བར་གྱུར་ཏེ་ཡུལ་དེར་ལྷགས་སོ། །མི་ཡུལ་ཀུན་ཏུ་ཡིད་ཀྱིས་བརྟགས་ན་ཡང་། །གཞན་དུ་བསླང་བའི་སྐབས་ནི་མ་རྙེད་ནས། །ཕོངས་པ་རྣམས་ནི་དགའ་བཞིན་དེར་ལྷགས་པ། །ནགས་
[5b.4]ཚལ་གླང་པོ་མཚོ་ཆེན་ངང་ལྷགས་བཞིན། །དེ་ནས་རྒྱལ་པོ་དེ་སྐྱེ་བོ་སློང་བ་ཐོབ་ཏུ་རེ་བས་ཡིད་དགའ་བར་གྱུར་པ་འགྲོན་པོའི་ཆས་སུ་ཞུགས་པས། མི་སྡུག་པར་གྱུར་པ་རྣམས་སོ་སོ་ནས་ལྷགས་པ་དང་། སྐྱེ་བོ་མཛའ་བཤེས་བྱེས་ནས་འོངས་པ་དག །མཐོང་བར་གྱུར་ན་
[5b.5]དགའ་བའི་མིག་བགྲད་བཞིན། །སློང་བའི་ཚིག་ནི་གཏམ་སྙན་ཐོས་བཞིན་དགའ། །བྱིན་ནས་དགའ་བ་སློང་བ་ལས་ཀྱང་ལྷག། །སྦྱིན་པ་ལས་བྱུང་དེ་ཡི་གྲགས་པའི་དྲི། །ཕོངས་པའི་ཚིག་གི་རླུང་གིས་བསྒྲགས་པ་དག །རྒྱལ་པོ་གཞན་གྱི་དྲེགས་པ་མེད་བྱས་
[5b.6]པས། །སྤོས་ཀྱི་གླང་པོས་གླང་པོ་གཞན་གྱི་བཞིན། །དེ་ནས་རེ་ཞིག་ཅིག །རྒྱལ་པོ་དེ་སྦྱིན་གཏོང་གི་ཁང་པ་རྣམས་ཉུལ་དུ་སོང་སོང་བ་དང་། ཕོངས་པ་རྣམས་རེ་བ་སྐོང་བའི་སློང་བའི་སྐྱེ་བོ་འདུ་བ་ཉུང་བ་མཐོང་ནས། སྦྱིན་པའི་བསོད་ནམས་མི་འཕེལ་བར་འགྱུར་
[5b.7]བས་མགུ་བར་མ་གྱུར་ཏོ། །དེ་ལ་བརྟེན་ནས་ཕོངས་པ་ཚིམ་པར་གྱུར། །སྦྱིན་ལ་དཔའ་བ་དེ་ནི་སྙིང་མ་ཚིམ། །ཕོངས་པ་རྣམས་ཀྱིས་སློང་བའི་ཚད་དག་གིས། །དེ་ཡི་སྦྱིན་པའི་ཚད་ལ་ཐུབ་མ་གྱུར། །དེས་བསམས་པ་ཕོངས་པ་རྣམས་འཛེམ་པ་མེད་ཅིང་བག་མེད་
[6a]
[6a.1]པར། བདག་གི་ལུས་སློང་བ་ཡང་ཡོད་ན་སྐྱེས་བུ་དམ་པ་ཡ་རབས་དེ་དག་རེ་སྐྱིད། ངས་ཉོན་མོངས་པས་ཕོངས་པ་རྣམས་ཚིག་རྩུབ་པས་བསྡིགས་ཏེ་བསྐྲད་པ་བཞིན་དུ་ནོར་ཙམ་ལ་ཡང་བག་བསྐུམ་སྟེ་སློང་མི་ཕོད་པར་གྱུར་ཏོ་སྙམ་མོ། །དེ་ནས་
[6a.2]རྒྱལ་པོའི་སྦྱིན་པ་རླབས་པོ་ཆེ། །བདག་གི་ལུས་ལའང་མངོན་པར་མ་ཆགས་པར། །སྦྱིན་པར་བྱ་བ་རྣམ་རྟོག་དེ་རིག་ནས། །བུད་མེད་ཁྱོ་ལ་གདུང་བཞིན་ས་གཡོས་སོ། །དེ་ནས་ལྷའི་དབང་པོ་བརྒྱ་བྱིན་ས་གཞི་གཡོས་པས་རིའི་རྒྱལ་པོ་རི་རབ་རིན་པོ་ཆེའི་འོད་
[6a.3]གསལ་བ་ཡང་གཡོས་པར་གྱུར་པ་དང་། འདི་ཅི་སྙམ་དུ་རྟོགས་པ་སྐྱེས་སོ། །རྒྱལ་པོ་དེའི་རྣམ་པར་རྟོག་པ་ཁྱད་པར་ཅན་དེ་ལས་ས་གཡོས་པར་རིག་ནས། སེམས་ལ་ཡ་མཚན་ཆེ་བར་གྱུར་ནས་བསམས་པ། སྦྱིན་ལ་རབ་ཏུ་དགའ་བའི་ཡིད་ཀྱིས་སུ། །འདི་
[6a.4]ནི་རྒྱལ་པོས་གྱི་ནར་རྣམ་བརྟགས་སམ། །བདག་གིས་ལུས་འདི་ངེས་པར་སྦྱིན་བྱས་ན། །འོན་ཏེ་སྙིང་ནས་འབད་དེ་བསམ་པ་ཡིན། །དེ་བས་ན། ད་འདི་རེ་ཞིག་བརྟག་པར་བྱའོ་སྙམ་མོ། །དེ་ནས་རྒྱལ་པོ་དེ་བློན་པོའི་ཚོགས་ཀྱིས་བསྐོར་ཏེ་འཁོར་གྱི་ནང་ན་འདུག་པ་
[6a.5]དང་། ཕོངས་པ་རྣམས་ལ་གར་འོས་འོས་སུ་གང་ཅི་འདོད་ཅེས་བོས་ཏེ། ནོར་བུ་རིན་པོ་ཆེ་དང་། གསེར་དང་། དངུལ་དང་། ནོར་གྱི་ཚོགས་རྣམས་ནི་བྱུང་སྟེ། དཀོར་གྱི་བླ་མ་རྣམས་ཀྱིས་སྤྱན་པ་བྱས་ནས་གོས་རྣམ་པ་སྣ་ཚོགས་ཀྱིས་བཀང་བའི་སྣོད་རྣམས་ནི་ཁ་
[6a.6]ཕྱེས། བཞོན་པ་དུལ་བ་སྣ་ཚོགས་ཀྱིས་དྲངས་པའི་ཤིང་རྟའི་ཁྱད་པར་བཟང་པོ་རྣམས་ནི་བསོགས། སྐྱེ་བོ་ཕོངས་པ་རྣམས་ནི་སོ་སོ་ནས་ལྷགས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་བྲམ་ཟེ་རྒན་པོ་ལོང་བ་ཅིག་གི་གཟུགས་སུ་བསྒྱུར་ནས། རྒྱལ་པོའི་སྤྱན་སྔར་
[6a.7]འོངས་པར་གྱུར་ཏོ། །དེ་ནས་རྒྱལ་པོ་དེའི་སྙིང་རྗེ་དང་བྱམས་པ་བསྒོམ་པའི་ལྟ་བ་བརྟན་ཞིང་གསལ་ལ་ཞི་བས་བསུ་བ་བཞིན་འཁྱུད་པ་བཞིན་དུ་བལྟས་པ་དང་། རྒྱལ་པོའི་འཁོར་རྣམས་ཀྱིས་ཅི་འདོད་ཅེས་དྲིས་ནས། མིའི་བདག་བོ་དང་ཉེ་བར་འོངས་ནས་རྒྱལ་
[6b]
[6b.1]བར་གྱུར་ཅིག་ཚིག་གིས་ཤིས་པ་བརྗོད་དེ། རྒྱལ་པོ་ལ་འདི་སྐད་ཅེས་སྨྲས་སོ། །ས་བདག་དམ་པ་ཁྱོད་ཀྱི་སྤྱན་འཚལ་ཕྱིར། །རྒན་པོ་རིང་ནས་མི་མཐོང་བཞིན་དུ་མཆིས། །པདྨའི་སྤྱན་མངའ་སྤྱན་ནི་གཅིག་པུས་ཀྱང་། །འཇིག་རྟེན་བདག་པོས་འཇིག་རྟེན་བགྱི་བ་
[6b.2]འགྲུབ། །བྱང་ཆུབ་སེམས་དཔས་ཡིད་ལ་བསམས་བཞིན་སྨོན་ལམ་རབ་ཏུ་གྲུབ་པས་རབ་ཏུ་དགའ་ཞིང་རབ་ཏུ་སྤྲོ་བར་གྱུར་ཏེ། ཅི་བྲམ་ཟེ་འདིས་འདི་བདེན་པར་སྨྲས་སམ། འོན་ཏེ་འདི་ལྟ་བུའི་རྟོག་པ་ལ་གོམས་པས། བདག་ཉིད་ཀྱིས་འདི་ལྟར་ཟིན་སྙམ་དུ་རྟོགས་པ་
[6b.3]སྐྱེས་ནས། ཡིད་ལ་མིག་སློང་བའི་ཚིག་སྙན་པ་ཉན་པར་འདོད་དེ། མིག་སློང་བ་དེ་ལ་སྨྲས་པ། བྲམ་ཟེའི་གཙོ་བོ་ང་ལ་མིག་སློང་བ། །སུ་ཡིས་བསྟན་ནས་ཁྱོད་ནི་འདི་རུ་འོང་། །མིག་ནི་རབ་ཏུ་གཏང་དཀའ་ཞེས་གྲགས་པའི། །སྲིད་པ་སུ་ཞིག་ང་ལ་མེད་པར་
[6b.4]འགྱུར། །དེ་ནས་བྲམ་ཟེའི་ཆ་ལུགས་སུ་བསྒྱུར་བའི་བརྒྱ་བྱིན་དེས། རྒྱལ་པོ་དེའི་བསམ་པ་རིག་ནས་སྨྲས་པ། བརྒྱ་བྱིན་འདྲ་བ་བརྒྱ་བྱིན་གྱིས་བསྟན་ནས། །ཁྱོད་ལ་སྤྱན་སློང་སླད་དུ་འདིར་མཆིས་སོ། །དེ་ཡི་སྲིད་དང་བདག་གི་རེ་བ་དག །སྤྱན་སྩལ་བས་ནི་
[6b.5]འབྲས་བུ་མཆིས་པར་མཛོད། །དེ་ནས་རྒྱལ་པོ་དེས་བརྒྱ་བྱིན་སྨོས་པས། ལྷའི་མཐུས་བྲམ་ཟེའི་མིག་འདི། གདོན་མི་ཟ་བར་ཆོ་ག་འདིས་མིག་དང་ལྡན་པར་འགྱུར་རོ་སྙམ་དུ་བསམས་ནས། རབ་ཏུ་དགའ་བའི་ཚིག་གསལ་བས་དེ་ལ་འདི་སྐད་སྨྲས་སོ། །ཡིད་ལ་
[6b.6]རེ་བ་གང་གིས་འདིར་འོངས་པའི། །བྲམ་ཟེ་ཁྱོད་ཀྱི་རེ་བ་དེ་ངས་བསྐང་། །ང་ཡི་མིག་ནི་ཡ་གཅིག་འདོད་པ་ལས། །ཁྱོད་ལ་མིག་ནི་གཉིས་ཀ་ངས་སྦྱིན་གྱིས། །དེས་ཁྱོད་ཨུཏྤལ་རྒྱས་པའི་མིག་གིས་གདོང་བརྒྱན་ནས། །ཅི་སྟེ་འདི་ཉིད་ཡིན་ནམ་འོན་ཏེ་མ་ཡིན་ཞེས། །
[6b.7]རྣམ་རྟོག་ཡེངས་པ་དེ་འདི་ཡིན་ཞེས་ངོ་མཚར་གྱུར། །ཇི་ལྟར་འདོད་པའི་གནས་སུ་འགྲོ་བས་མཐོང་བར་སོང་། །དེ་ནས་རྒྱལ་པོ་དེའི་བློན་པོ་རྣམས་མིག་སྦྱིན་པ་སྩོལ་བར་རིག་ནས་བརྟབ་པ་དང་བཅས་པའི་ཤུགས་ཀྱི་སྐྲག་པས་གདུངས་པའི་ཡིད་དུ་གྱུར་ནས། རྒྱལ་པོ་ལ་
[7a]
[7a.1]སྨྲས་པ། སྦྱིན་པ་ལ་དགྱེས་ཆེས་ན་མི་རིགས་པ་དང་གནོད་པར་འགྱུར་བ་མི་བརྟག་པར་ལྷ་དེ་ལྟར་མི་མཛད་དུ་གསོལ། སྤྱན་སྩལ་བར་མི་རིགས་སོ། །བྲམ་ཟེ་འདི་ནི་གཅིག་པུའི་ཕྱིར། །བདག་ཅག་ཐམས་ཅད་མི་འདོར་གསོལ། །སྐྱེ་དགུ་
[7a.2]བདེ་བར་བསྐྱེད་པ་རྣམས། །མྱ་ངན་ཞུགས་ཀྱིས་མི་བསྲེག་གསོལ། །དཔལ་ཆེན་སྐྱེད་པར་བྱེད་པའི་ནོར་རྣམས་དང་། །དཔལ་དང་ལྡན་པ་རིན་ཆེན་བ་བཞོན་དང་། །དུལ་བའི་རྟ་དང་སྦྱར་བའི་ཤིང་རྟ་སྩོལ། །གླང་པོ་དྲེགས་པས་གཟི་ལྡན་འགྱིང་བ་སྩོལ། །རྐང་གདུབ་
[7a.3]འཁྲོལ་བའི་སྒྲ་རྣམས་གྲགས་པ་ཡི། །ཁང་པ་དུས་རྣམས་ཀུན་ཏུ་བདེ་ལྡན་པ། །སྟོན་ཀའི་སྤྲིན་བས་རབ་ཏུ་དཀར་བ་སྩོལ། །འགྲོ་བའི་མིག་གཅིག་ཉིད་ཀྱི་སྤྱན་མ་སྩལ། །གཞན་ཡང་རྒྱལ་པོ་རེ་ཞིག་དགོངས་སུ་གསོལ། །གཞན་གྱི་མིག་གཞན་ལ་ཇི་ལྟར་སྦྱར་
[7a.4]དུ་རུང་། དེ་སྟེ་འདི་ལྷ་ཡི་མཐུ་ཅི་ལགས་ན། ཁྱོད་ཀྱི་སྤྱན་ལ་ཡང་ལྟོས་ཅི་འཚལ། ལྷ་གཞན་ཡང་གཞན་གྱི་འབྱོར་པ་དབང་བྱེད་པ། མིག་གིས་དབུལ་ལ་ཅི་ཞིག་བགྱི། །དེ་བས་དཀོར་ལས་སྩལ་དུ་གསོལ། །ལྷ་གཅིག་ཐུབ་ཆོད་མི་མཛད་གསོལ། །
[7a.5]དེ་ནས་རྒྱལ་པོ་དེས། བློན་པོ་རྣམས་ལ་བྱམས་པའི་ཚིག་འཇམ་པོས་སྨྲས་པ། གང་ཞིག་སྦྱིན་ཞེས་སྨྲས་ནས་ནི། །མི་སྦྱིན་པ་ཡི་བློ་བསྐྱེད་པ། །དེ་ནི་འདོད་པའི་ཞགས་པ་ཡིས། །བདག་ཉིད་སླར་ནི་འཆིང་བར་བྱེད། །སྦྱིན་ནོ་ཞེས་ནི་ཁས་བླངས་ནས། །གང་
[7a.6]ཞིག་ཡིད་ལ་གཞན་སེམས་པ། །སེར་སྣས་མ་ངེས་བློ་ཅན་དེ། །དེ་ལས་སྡིག་ཆེ་གང་ཞིག་ཡོད། །སྦྱིན་ནོ་ཞེས་ནི་ཁས་བླངས་པས། །ཕོངས་པའི་རེ་བ་བརྟན་བྱས་ནས། །བསླུ་བའི་ཚིག་ནི་རྩུབ་པོ་དེའི། །སྦྱིན་པོའི་བསབ་པ་ཅི་ཡང་མེད། །གང་ཡང་ཁྱེད་
[7a.7]ན་རེ། ལྷའི་མཐུ་ཉིད་ཀྱིས་འདིའི་མིག་ཡོད་པར་ཅིའི་ཕྱིར་མི་འགྱུར་ཞེས་ཟེར་བ་དེ་ཡང་ཉོན། རྒྱུ་གཅིག་གིས་ནི་འགྲུབ་པ་ཡི། །འབྲས་བུ་གང་ཡང་ཡོད་མ་ཡིན། །ལྷ་རྣམས་ཀྱིས་ནི་བྱས་པ་ཡང་། །རྒྱུ་རྐྱེན་གཞན་ལ་ལྟོས་ཡོད། །དེ་བས་ན་ངས་སྦྱིན་པ་ཆེན་པོ་
[7b]
[7b.1]བྱེད་པ་ལ་ཁྱེད་ཀྱིས་གེགས་བྱེད་པར་མི་རིགས་སོ། །དེ་ནས་བློན་པོ་རྣམས་ཀྱིས་སྨྲས་པ། ལྷ་ནོར་དང་། འབྲུ་དང་། རིན་པོ་ཆེ་ལ་སོགས་པ་རྣམས་སྩལ་བར་རིགས་ཀྱི། སྤྱན་ནི་སྩལ་བར་མི་རིགས་སོ། །ཞེས་བདག་ཅག་གིས་སྔར་གསོལ་བ་ལགས་ཏེ། དེ་བས་ན་
[7b.2]བདག་ཅག་ལྷ་ཤུལ་མ་ལགས་པར་གཤེགས་སུ་མི་གསོལ་ལོ། །རྒྱལ་པོས་སྨྲས་པ། གང་ཞིག་སློང་བ་དེ་ཉིད་སྦྱིན་པར་བྱ། །མི་འདོད་པ་ནི་བྱིན་ཡང་དགའ་མི་འགྱུར། །ཆུས་ཁྱེར་བ་ལ་ཆུ་ཡིས་ཅི་ཞིག་བྱ། །དེ་བས་སློང་བའི་དོན་འདི་འདི་ལ་སྦྱིན། །དེ་ནས་
[7b.3]རྒྱལ་པོའི་བློན་པོ་ཆེན་པོ་རབ་ཏུ་ཡིད་གཅུགས་ཤིང་འདྲིས་པ་གཅིག་བྱམས་པའི་ཤུགས་ཀྱི་ཞེས་བཏང་སྟེ། རྒྱལ་པོ་དེ་ལ་སྨྲས་པ། ཀྱེ་ཅུང་ཞིག་གཞེས་ཤིག །ལ་ལས་དཀའ་ཐུབ་ཏིང་འཛིན་ཆོ་ག་ཆེན་པོས་གང་ཞིག་ཐོབ་འགྱུར་ཞིང་། །གང་ལ་བརྟེན་ནས་མཆོད་
[7b.4]སྦྱིན་ཆེན་པོ་མང་པོས་གྲགས་དང་མཐོ་རིས་ཐོབ། །བརྒྱ་བྱིན་ལོངས་སྤྱོད་ལ་ཡང་འགྲན་པའི་རྒྱལ་པོའི་རྒྱལ་སྲིད་ཐོབ་པ་དེ་སྤངས་ནས། །ཅི་ཞིག་མཐོང་ནས་ཁྱོད་ཀྱིས་མིག་སྦྱིན་ཆོ་ག་འདི་ནི་སུ་ལས་ལོབས། །མཆོད་སྦྱིན་བྱས་པས་སུམ་ཅུ་རྩ་གསུམ་ཉེ། །གྲགས་པས་
[7b.5]ཀུན་ཏུ་རབ་ཏུ་གསལ་འགྱུར་ཞིང་། །མི་དབང་གཙུག་གི་འོད་ཀྱིས་རྐང་བརྒྱན་པ། །ཅི་ཞིག་འདོད་ཕྱིར་མིག་ནི་སྦྱིན་པར་བྱེད། །དེ་ནས་རྒྱལ་པོ་དེས་བློན་པོ་རྣམས་ལ་བྱམས་པ་དང་བཅས་པའི་ཚིག་གིས་སྨྲས་པ། ད་འབད་འདི་ནས་ས་ཀུན་ཐོབ་ཕྱིར་མིན། །མཐོ་
[7b.6]རིས་ཐར་པ་གྲགས་པ་ཐོབ་ཕྱིར་མིན། །སློང་བ་འདི་ནི་དོན་མེད་མི་འགྱུར་ཞིང་། །འཇིག་རྟེན་བསྐྱབ་ཕྱིར་ང་ནི་འདི་ལྟར་འབད། །དེ་ནས་རྒྱལ་པོ་དེས་མེ་ཏོག་ཨུཏྤལ་མཐིང་གའི་འདབ་མ་ལྟར་མཛེས་ཤིང་ཡིད་དུ་འོང་བའི་མིག་ཡ་གཅིག་སྨན་དཔྱད་ལས་བྱུང་བ་བཞིན་
[7b.7]དུ་དལ་བུས་མ་སྣད་པར་ཕྱུང་སྟེ་རབ་ཏུ་དགའ་བཞིན་དུ་མིག་སློང་བ་ལ་བྱིན་ཏོ། །དེ་ནས་ལྷའི་དབང་པོ་བརྒྱ་བྱིན་གྱིས་ཅི་ནས་ཀྱང་མིག་དེ་དེའི་མིག་ཏུ་གནས་པར་གྱུར་པ། རྒྱལ་པོ་འཁོར་དང་བཅས་པ་དེས་མཐོང་བར་གྱུར་པ་དེ་ལྟ་བུའི་རྫུ་འཕྲུལ་མངོན་པར་བྱས་སོ། །དེ་
[8a]
[8a.1]ནས་མིག་ཡ་གཅིག་ཕྱེས་ཏེ། སློང་བ་པོ་ལ་བལྟས་པ་དང་། རྒྱལ་པོ་དེ་སྙིང་རབ་ཏུ་དགའ་བར་གྱུར་ནས། མིག་ཡ་གཅིག་ཀྱང་དེ་ལ་བྱིན་ཏོ། །དེ་ནས་རྒྱལ་པོ་དེ་ཡིས་མིག་བྱིན་ནས། །པདྨ་མེད་པའི་པདྨའི་མཚོ་འདྲ་གདོང་། །གཞན་ལ་མེད་པས་
[8a.2]རབ་ཏུ་དགའ་བར་གྱུར། །བྲམ་ཟེའང་མིག་དང་ལྡན་པར་འཁོར་གྱིས་མཐོང་། །རྒྱལ་པོའི་བཙུན་མོ་འཁོར་དང་ཕོ་བྲང་འཁོར་རྣམས་ཀྱང་། །མྱ་ངན་མཆི་མས་ས་གཞི་ཐམས་ཅད་ཆག་ཆག་གདབ། རྒྱལ་པོ་རྫོགས་པའི་བྱང་ཆུབ་བློ་བརྟན་མཐོང་ནས་ནི། །བརྒྱ་བྱིན་དེ་
[8a.3]ཡང་ངོ་མཚར་ཆེ་ཞིང་རབ་ཏུ་དགའ། །དེ་ནས་བརྒྱ་བྱིན་ངོ་མཚར་ཆེན་པོས་སེམས་རབ་ཏུ་དགའ་བ་དང་དང་བར་གྱུར་ནས་འདི་སྙམ་དུ་སེམས་སོ། །ཨེ་མའོ་བརྟན་ཞིང་སྙིང་སྟོབས་ཆེ། །ཨེ་མའོ་སེམས་ཅན་ཕན་འདོགས་པ། །ལས་འདི་མངོན་སུམ་གསལ་གྱུར་ཀྱང་། །ཐེ་
[8a.4]ཚོམ་ཟ་བར་གྱུར་པ་འདྲ། །དེ་ལྟ་བས་ན་ངོ་མཚར་ཆེ་བའི་སེམས་ཅན་འདི་ཡུན་རིང་དུ་འདི་ལྟར་ཉོན་མོངས་སུ་གཞུག་པར་མི་རིགས་ཀྱི། ཐབས་ཀྱིས་འདིའི་མིག་སླར་སྐྱེ་བར་འགྱུར་བར་བྱའོ་སྙམ་མོ། །དེ་ནས་རྒྱལ་པོ་དེའི་རིམ་གྱིས་མིག་གི་རྨ་ནི་སོས་སོ། །བཙུན་
[8a.5]མོའི་འཁོར་དང་ཕོ་བྲང་འཁོར་གྱི་མི་རྣམས་ཀྱི་མྱ་ངན་སྲབས་ཀྱི་སོང་ནས། རབ་ཏུ་དབེན་པར་འདོད་པའི་ཕྱིར་རྫིང་བུའི་འགྲམ་ན་མེ་ཏོག་གི་ལྗིད་ཀྱིས་ནོན་པའི་ཤིང་བཟང་པོ་སྟུག་པོ་ཡོད་པ་སེར་བུ་བསིལ་ཞིང་བདེ་ལ་དྲི་ཞིམ་པོའི་ངད་ལྡང་བ། བུང་བ་མང་པོས་སྒྲ་འབྱིན་པ་
[8a.6]ཞིག་ཏུ་སྐྱིལ་མོ་ཀྲུང་བཅས་ཏེ་འདུག་པ་དང་། ལྷའི་དབང་པོ་བརྒྱ་བྱིན་མདུན་དུ་འོངས་སོ། །དེ་ནས་རྒྱལ་པོས་འདི་སུ་ཡིན་ཞེས་དྲིས་པ་དང་། སྨྲས་པ། ང་ནི་ལྷའི་དབང་པོ་བརྒྱ་བྱིན་ཡིན་ཏེ་ཁྱོད་ཀྱི་དྲུང་དུ་འོངས་སོ། །གཤེགས་པ་ལེགས་སོ་ཅི་བཞེད་པ་བཀའ་སྩལ་དུ་
[8a.7]གསོལ། ཞེས་ཞེས་དང་བཅས་པས་སྨྲས་པ་དང་། རྒྱལ་པོ་ལ་ཡང་སྨྲས་པ། རྒྱལ་པོ་དྲང་སྲོང་ང་ལ་ཅི་འདོད་པའི་མཆོག་དེ་སློང་ཅིག །དེ་ནས་རྒྱལ་པོ་དེ་སྦྱིན་པ་ལ་གོམས་ཤིང་སློང་བ་ལ་མ་གོམས་པའི་ཕྱིར་བརྟན་པས་འཛུམ་ཞིང་ངོ་མཚར་མི་ཆེ་ཞིང་རླབས་ཅན་དུ་སྨྲས་པ། བརྒྱ་བྱིན་བདག་
[8b]
[8b.1]ལ་ནོར་མང་ཞིང་། །དམག་ཚོགས་ཆེ་ཞིང་མཐུ་དང་ལྡན། །ད་ནི་ལོང་བར་གྱུར་པས་བདག །འཆི་བ་འབའ་ཞིག་མངོན་པར་འདོད། །གཞན་ཡང་སློང་བ་རྣམས་ནི་ཡིད་ལ་རེ་བ་ཀུན། །ཡོངས་སུ་བསྐོངས་པས་རབ་ཏུ་དགའ་འགྱུར་ཞིང་། །ལེགས་པར་ལྟ་བའི་
[8b.2]བཞིན་རྣམས་མི་མཐོང་བས། །དེ་ཕྱིར་དབང་པོ་བདག་ནི་འཆི་བར་དགའ། །བརྒྱ་བྱིན་གྱིས་སྨྲས་པ། སྐྱེས་བུ་དམ་པ་རྣམས་འདི་ལྟ་བུ་ཉམས་སུ་མྱོང་བར་གྱུར་གྱིས། དེ་སྙམ་དུ་མ་སེམས་ཤིག །འོན་ཀྱང་ཁྱོད་ལ་ངས་དྲིའོ། །སློང་བ་རྣམས་ཀྱིས་འདི་ལྟའི་
[8b.3]གནས་སྐབས་གྱུར་བྱས་ནས། །ད་ནི་དེ་ལ་ཁྱོད་ཀྱི་ཡིད་ནི་ཅི་སྙམ་སེམས། །ཅི་ནས་ཡིད་ནི་རབ་ཏུ་ཆེས་པར་འགྱུར་བ་རུ། །དེ་ནི་གསང་བ་མེད་པར་རབ་ཏུ་སྨྲ་བར་གྱིས། །རྒྱལ་པོས་སྨྲས་པ། བདག་ངོམ་དུ་ཞུགས་པ་དེ་ཙམ་དུ་ཁྱོད་ལ་ཅི་ཡིད་ཆེས། འོན་ཀྱང་ལྷ་ཡི་
[8b.4]དབང་པོ་གསན་དུ་གསོལ། །དེ་ཚེ་ང་ནི་དེ་ལྟར་སློང་རྣམས་ཀྱིས། །སློང་ཞེས་ངེས་པར་སྨྲ་བའི་ཚིག་རྣམས་ལ། །ཤིས་པ་བརྗོད་པ་བཞིན་དུ་བདག་དགའ་ན། །བདག་གི་མིག་ནི་ཡ་གཅིག་མཐོང་བར་ཤོག །དེ་ནས་རྒྱལ་པོ་དེའི་བདེན་པའི་བྱིན་རླབས་ཀྱི་མཐུ་དང་བསོད་
[8b.5]ནམས་སྤེལ་བའི་ཁྱད་པར་གྱིས། ཚིག་དེ་སྐད་སྨྲས་མ་ཐག་ཏུ་མེ་ཏོག་ཨུཏྤལ་མཐིང་གའི་དབུས་རིན་པོ་ཆེ་ཨན་ད་རྙིལ་གྱིས་སྤྲས་པ་འདྲ་བའི་མིག་ཡ་གཅིག་མཐོང་བར་གྱུར་ཏོ། །ཡ་མཚན་ཆེ་བའི་མིག་དེས་མཐོང་བར་གྱུར་ནས་རྒྱལ་པོ་དེ་སེམས་རབ་ཏུ་དགའ་བས། ཡང་
[8b.6]བརྒྱ་བྱིན་ལ་སྨྲས་པ། གང་ཡང་བདག་ལ་མིག་ཡ་གཅིག་སློངས་ནས། །དེ་ལ་བདག་གིས་མིག་གཅིག་དགའ་བཞིན་བྱིན། །དགའ་ཞིང་སྤྲོ་ལ་རྩེ་གཅིག་སེམས་གྱུར་ན། །ཡ་གཅིག་མིག་ཀྱང་བདག་ལ་ཡོད་པར་ཤོག །དེ་ནས་དེ་སྐད་སྨྲས་མ་ཐག་ཏུ་རྒྱལ་པོ་དེའི་
[8b.7]མིག་ཡ་གཅིག་ཀྱང་སྔ་མ་དང་འདྲ་བ་བཞིན་དུ་ཡོད་པར་གྱུར་ཏོ། །དེ་ནས་རི་དང་བཅས་པའི་ས་ཆེན་གཡོས། །རྒྱ་མཚོའི་རླབས་ཀྱང་དུས་ལས་འདས་པ་བྱུང་། །ལྷ་རྣམས་ཀྱིས་ནི་རྔ་བོ་ཆེ་དག་ཀྱང་། །ཟབ་ཅིང་སྙན་པའི་སྒྲ་ཆེན་སྒྲོགས་པར་གྱུར། །ཕྱོགས་རྣམས་ཀུན་ཀྱང་
[9a]
[9a.1]དྭངས་ཤིང་གསལ་བར་སྣང་། །སྟོན་ཀའི་དུས་བཞིན་ཉི་མ་གསལ་བར་སྣང་། །ཙནྡན་ཕྱེ་མས་བསྒོས་པའི་མེ་ཏོག་རྣམས། །ནམ་མཁའི་ནང་ནས་ལྡེང་ཞིང་བབ་པར་གྱུར། །ལྷ་ཡི་བུ་མོ་འཁོར་བཅས་ལྷ་རྣམས་ཀྱང་། །ཡ་མཚན་ཆེ་བའི་མིག་
[9a.2]བགྲད་དེར་ལྷགས་གྱུར། །སེར་བུ་ཡིད་དུ་འོང་བ་བདེ་བ་ལྡན། །འགྲོ་བ་རྣམས་ཀྱི་ཡིད་ཀྱི་དགའ་བར་གྱུར། །འབྱུང་པོ་མཐུ་ཆེན་ངོ་མཚར་གྱུར་པ་རྣམས། །ཡིད་ནི་རབ་ཏུ་དགའ་བས་ཁྱབ་གྱུར་ནས། །རྒྱལ་པོའི་སྤྱོད་མཆོག་བསྟོད་པའི་གཞི་བརྗོད་པ། །སྙན་པའི་ཚིག་
[9a.3]རྣམས་ཀུན་ཏུ་གྲགས་པར་གྱུར། །ཨེ་མའོ་རླབས་ཆེན་ཨེ་མའོ་སྙིང་རྗེ་ཆེ། །འདི་ཡི་སེམས་ནི་ཇི་ལྟར་རྣམ་དག་ལྟོས། །ཨེ་མའོ་བདག་གི་བདེ་ལ་སེམས་མ་ཆགས། །བརྟན་ཞིང་དཔའ་མཆོག་ཁྱོད་ལ་ཕྱག་འཚལ་ལོ། །པདྨའི་སྤྱན་ནི་དཔལ་ལྡན་སླར་རྒྱས་པས། །
[9a.4]ཁྱོད་ཀྱིས་འགྲོ་བ་མགོན་བཅས་བགྱིས་པ་ལེགས། །ཨེ་མའོ་བསོད་ནམས་ཚོགས་ནི་དོན་ཡོད་པ། །རིང་ཞིག་ལོན་ནས་ཁྱོད་ཀྱི་བྱིན་གྱིས་རྒྱལ། །དེ་ནས་བརྒྱ་བྱིན་གྱིས་ལེགས་སོ་ལེགས་སོ། །ཞེས་བྱ་བས་དེ་མགུ་བར་བྱས་ནས་ཡང་སྨྲས་པ། རྒྱལ་པོ་ཁྱོད་ཀྱི་བསམ་པ་དག་
[9a.5]པ་ནི། །ང་ཡིས་སྔར་ནས་མི་ཤེས་མ་ཡིན་ཏེ། །རྒྱལ་པོ་ཁྱོད་ཀྱི་མིག་འདི་གཉིས། །དེ་ལྟར་ཁྱོད་ལ་སྦྱིན་པས་ན། །དཔག་ཚད་བརྒྱར་ནི་ཁོར་ཡུག་ཏུ། །བྲག་རི་རྣམས་ཀྱིས་བར་བཅད་ཀྱང་། །ཁྱོད་ཀྱི་མིག་ནི་འདི་གཉིས་ཀྱིས། །ཐོགས་པ་མེད་པར་མཐོང་བར་འགྱུར། །
[9a.6]ཞེས་སྨྲས་ནས། བརྒྱ་བྱིན་དེ་ཉིད་དུ་མི་སྣང་བར་གྱུར་ཏོ། །དེ་ནས་བྱང་ཆུབ་སེམས་དཔའ་བློན་པོ་ཆེན་པོ་རྣམས་དང་། རྗེས་སུ་འབྲང་བ་རྣམས་དང་ཕོ་བྲང་འཁོར་གྱི་མི་རྣམས་ཡ་མཚན་ཆེ་ཞིང་སེམས་རབ་ཏུ་དགའ་བར་གྱུར་པའི་མིག་གིས་ལྟ་ཞིང་། བྲམ་ཟེ་རྣམས་ཀྱིས་
[9a.7]ཀྱང་རྒྱལ་བར་གྱུར་ཅིག །ཅེས་བྱ་བའི་ཤིས་པ་བརྗོད་པའི་ཚིག་སྨྲ་བས་མངོན་པར་དགའ་བར་བྱས་ཏེ། ཕོ་བྲང་དམ་པ་རྒྱལ་མཚན་དང་བ་དན་སྣ་ཚོགས་བཙུགས་པ། མངོན་པར་མཐོ་བའི་རྒྱན་རྣམས་ཀྱིས་བརྒྱན་པར་ཕྱིན་ནས། འཁོར་གྱི་ནང་ན་འདུག་སྟེ་དགའ་བ་ལྟ་
[9b]
[9b.1]བའི་ཕྱིར་ལྷགས་པའི་བློན་པོ་ལ་སོགས་པ་བྲམ་ཟེ་དང་། ཕོ་བྲང་འཁོར་གྱི་མི་ཡ་རབས་རྣམས་ལ་དེ་ལྟར་བདག་གིས་ཉམས་སུ་སྩོང་བའི་ཆོས་བཤད་དེ། རབ་ཏུ་སྦྱིན་པའི་བསོད་ནམས་ལས་གྱུར་པའི། །ལྷ་ཡི་མཐུ་ལྡན་ང་ཡི་མིག་མཐོང་ནས། །ཕོངས་པ་རྣམས་ནི་
[9b.2]ནོར་གྱིས་མགུ་བྱས་ལ། །འཇིག་རྟེན་ན་ནི་སུ་ཞིག་བསྒྲིམ་པ་ལྷོད། །དཔག་ཚད་བརྒྱ་ནི་ཚུན་ཆད་དུ། །བྲག་རི་མང་པོས་བར་བཅད་ཀྱང་། །ཤིན་ཏུ་རིང་ན་གནས་པ་ཡང་། །བལྟ་བར་བྱ་བ་གསལ་བར་མཐོང་། །གང་ཕྱིར་མི་ཡི་མིག་ནི་འདིར་བྱིན་ནས། །མི་ལས་འདས་
[9b.3]པའི་ལྷ་མིག་བདག་གིས་ཐོབ། །གཞན་ལ་བརྩེ་ཞིང་དུལ་བ་ལས་བྱུང་བའི། །སྦྱིན་ལས་གཞན་པའི་མངོན་མཐོའི་ཐབས་གང་ཡོད། །ཤི་པི་པ་རྣམས་དེ་ལྟར་རིག་བྱས་ནས། །སྦྱིན་དང་སྤྱད་པས་ནོར་རྣམས་དོན་ཡོད་བྱོས། །འཇིག་རྟེན་འདི་དང་གཞན་ལའང་འདི་ཉིད་
[9b.4]ནི། །གྲགས་པ་ཆེ་བའི་བདེ་བ་འབྱུང་བའི་ལམ། །འཇིག་རྟེན་ཕན་ཕྱིར་བྱིན་པ་གང་ཡིན་པ། །སྙིང་པོ་མེད་པའི་ནོར་ཡང་སྙིང་པོར་སྤྱོད། །སྦྱིན་པ་བྱས་ན་གཏེར་དང་འདྲ་བར་འགྱུར། །མ་སྦྱིན་ན་ནི་ཤིན་ཏུ་ཆུད་ཟོས་འགྱུར། །དེ་ལྟར་བཅོམ་ལྡན་འདས་དེས་བདག་
[9b.5]ཅག་གི་ཕྱིར་བྱ་དཀའ་བ་མང་པོས་དམ་པའི་ཆོས་འདི་བསྒྲུབས་པ་ཡིན་པས། རིམ་གྲོ་བསྐྱེད་དེ་ཆོས་མཉན་པར་བྱའོ། །དེ་བཞིན་གཤེགས་པའི་ཆེ་བ་ཉིད་དང་། སྔ་མ་བཞིན་དུ་སྙིང་རྗེའི་ཡོན་ཏན་བསྔགས་པ་དང་། ཚེ་འདི་ཉིད་ལ་བསོད་ནམས་ཀྱི་འབྲས་བུ་མཐོང་བར་
[9b.6]འགྱུར་བ་ལ་ཡང་བརྗོད་པར་བྱའོ། །དེ་ལྟར་རིམ་གྲོ་བསྐྱེད་དེ་བསོད་ནམས་བསགས་པ་ནི། བདག་གིས་མཐུ་ཆེན་པོ་ཐོབ་པར་འགྱུར་བའི་མེ་ཏོག་གྲགས་པའི་རྒྱུན་ཆགས་པ་ཡིད་དུ་འོང་བ་ཚེ་འདི་ཉིད་ལ་བསྟན་པ་ཡིན་ནོ། །ཡུལ་ཤི་པི་པའི་རྒྱལ་པོར་སྐྱེས་པའི་རབས་ཏེ་གཉིས་
[9b.7]པའོ།། །།སེམས་རབ་ཏུ་དང་བ་ལས་བྱུང་བ་དང་། སྣོད་ཁྱད་པར་ཅན་ལ་སྦྱིན་པ་བྱིན་པ་ནི་རྣམ་པར་སྨིན་པ་ཆེ་བའི་ཕྱིར་ཆུང་ཞེས་བྱ་བ་གང་ཡང་མེད་དོ། །དེ་ཡང་འདི་སྐད་ཐོས་ཏེ། བཅོམ་ལྡན་འདས་འདི་བྱང་ཆུབ་སེམས་དཔར་གྱུར་པའི་ཚེ། ཡུལ་ཀོ་ས་ལའི་རྒྱལ་
[10a]
[10a.1]པོར་གྱུར་ཏོ་ཞེས་གྲགས་སོ། །དེ་ཡང་སྤྲོ་བ་དང་གསང་ཚིག་དང་མཐུ་དང་ནུས་པ་ཕུན་སུམ་ཚོགས་པ་ལ་སོགས་པ་རྒྱལ་པོའི་ཡོན་ཏན་རྣམས་མཆོག་ཏུ་གྱུར་དུ་ཟིན་ཀྱང་སྐལ་བ་ཕུན་སུམ་ཚོགས་པའི་ཡོན་ཏན་བཟང་པོས་འབྱོར་པ་ལྷག་པར་གྱུར་ཏོ། །
[10a.2]སྐལ་བ་ཕུན་སུམ་ཚོགས་བརྒྱན་པས། །དེ་ཡི་ཡོན་ཏན་ལྷག་པར་གསལ། །སྟོན་ཀའི་དཔལ་ནི་གསལ་གྱུར་པས། །ཟླ་བའི་འོད་ཟེར་གསལ་བ་བཞིན། །དེས་དགྲ་དྲེགས་པ་རྣམས་ཀྱང་བཏང་། །དེ་ལ་བརྟེན་པ་རྣམས་ལ་ཆགས། །ཁྲོས་དང་བྱམས་པའི་རྗེས་འབྲང་
[10a.3]དཔལ། །རྒྱལ་པོ་གཞན་ལ་དེ་ལྟར་གྱུར། །དེ་ནི་ཆོས་ཀྱི་བདག་ཉིད་གྱུར་པས་ན། །གཞན་ལ་གནོད་པའི་སེམས་དུག་མེད་པར་འགྱུར། །དེ་ཡི་དཔལ་ནི་དགྲ་ལ་མི་འགོ་བས། །འབངས་ཀྱང་དེ་ལ་གློ་བ་ཉེ་བར་གྱུར། །དེ་བདག་གི་ཚེ་སྔ་མ་འདས་པ་རྗེས་སུ་དྲན་པར་གྱུར་ཏོ། །
[10a.4]དེ་རྗེས་སུ་དྲན་པར་གྱུར་པས་རབ་ཏུ་སྐྱོ་བར་གྱུར་ནས། དགེ་སྦྱོང་དང་བྲམ་ཟེ་དང་ཕོངས་པ་དང་སློང་བ་རྣམས་ལ། བདེ་བའི་རྒྱུ་དང་གཞིར་གྱུར་པའི་སྦྱིན་པ་ཁྱད་པར་ཅན་བྱིན་པར་གྱུར་ཏོ། །ཚུལ་ཁྲིམས་ཀྱི་སྡོམ་པ་ངན་པ་མ་ཡིན་པ་དང་། གསོ་སྦྱོང་ངེས་པར་གནས་པ་དག་ཀྱང་དུས་
[10a.5]མཚམས་ཀྱི་ཉིན་པར་ཡང་དག་པར་ལེན་ཏོ། །རྒྱལ་པོའི་འཁོར་དང་། བདག་གི་བཙུན་མོའི་འཁོར་གྱི་ནང་ན་བསོད་ནམས་ཀྱི་མཐུ་བསྒྲགས་པ་དང་། འཇིག་རྟེན་པ་རྣམས་ལེགས་པ་ལ་བཀོད་པ་འདོད་པས་དང་བའི་སེམས་ཀྱིས་དོན་ངེས་པའི་ཚིགས་སུ་བཅད་པ་འདི་གཉིས་ཡང་
[10a.6]དང་ཡང་དུ་སྨྲས་སོ། །བདེ་བར་གཤེགས་ལ་བཀུར་སྟི་བྱས་པ་ཆུང་ངུ་ཡང་། །འབྲས་བུ་འབྱོར་པ་ཆུང་ངུ་མེད་ཅེས་སྔོན་ཐོས་ཀྱི། །ཟན་དྲོན་ཁེངས་པ་རྩུབ་མོ་ལན་ཚྭ་མེད་པ་ཡི། །འབྲས་བུ་འབྱོར་པ་ཆེན་པོ་འདི་ལྟར་གྱུར་ལ་ལྟོས། །ཤིང་རྟ་སྣ་ཚོགས་རྟ་དང་གླང་པོ་འགྱིང་བ་
[10a.7]དང་། །བདག་གི་དམག་ཚོགས་ཆེན་པོ་འདི་དང་ས་ཆེན་འདི། །ནོར་མང་དཔལ་ཡང་རྗེས་ཆགས་བཙུན་མོ་རྒྱ་ཆེན་ལྡན། །ཟན་དྲོན་ཆངས་ཅིག་འབྲས་བུ་གྲུབ་པ་བཟང་པོ་ལྟོས། །བློན་པོ་ཆེན་པོ་རྣམས་དང་། བྲམ་ཟེ་རྒན་པོ་རྣམས་དང་། ཕོ་བྲང་འཁོར་གྱི་མི་སྟོད་རིམ་རྣམས་
[10b]
[10b.1]ཡིད་ལ་ངོ་མཚར་ཆེར་གྱུར་ཀྱང་། རྒྱལ་པོ་ཆེན་པོ་ཅི་ལ་དགོངས་ཏེ། ཚིགས་སུ་བཅད་པ་འདི་གཉིས་རྟག་ཏུ་གསུངས་ཞེས་དེ་ལ་སླར་ཞུ་མ་ནུས་སོ། །དེ་ནས་རྒྱལ་པོ་དེའི་བཙུན་མོ་གནང་ཆེན་སྨྲ་བའི་སྤོབས་པ་ཐོགས་པ་མེད་པ་ཅིག་ངོ་མཚར་སྐྱེས་ནས། གཏམ་གླེང་བའི་སྐབས་
[10b.2]སུ་བབ་སྟེ་འཁོར་གྱི་ནང་དུ་དེ་ལ་ཞུས་པ། མི་ཡི་བདག་པོ་ངེས་པར་གསུངས་པ་ནི། །ཐུགས་ལ་དགོངས་པ་དགྱེས་པ་ཞལ་དུ་བྱུང་། །ཁྱོད་ཀྱིས་དེ་སྐད་གསུངས་པས་བདག་གི་སེམས། །ངོ་མཚར་ཆེ་བས་རབ་ཏུ་གཡེངས་པར་གྱུར། །སྐྱེ་བོ་འདི་ཡིས་དེ་ནི་ཐོས་རུང་ན། །རྒྱལ་
[10b.3]པོ་ཅི་ཕྱིར་གསུངས་པ་བཀའ་སྩལ་གསོལ། །གསང་ན་དེ་སྐད་གར་ཡང་མི་བསྒྲགས་ཏེ། །དེ་བས་བདག་གིས་གུས་པས་ཞུ་བ་ལགས། །དེ་ནས་རྒྱལ་པོ་དེ་དགའ་ཞིང་རབ་ཏུ་བྱམས་པའི་ལྟ་བས་བཙུན་མོ་ལ་བལྟས་ཏེ། འཛུམ་པའི་བཞིན་མདངས་དང་ལྡན་པས་སྨྲས་པ། །
[10b.4]དོན་དང་རྒྱུ་མཚན་མ་ཕྱེས་པར། །ང་ཡིས་སྨྲས་པ་འདི་ཐོས་ནས། །འདི་ནི་ཁྱོད་ཉིད་འབའ་ཞིག་ཏུ། །ངོ་མཚར་ཆེ་གྱུར་ཡིད་གཡོས་མིན། །བློན་པོ་ཆེན་པོ་ཚོགས་པ་འདི་དག་ཐམས་ཅད་ཀྱང་། །ཡིད་ནི་ངོ་མཚར་ཆེན་པོས་རབ་ཏུ་གཡོས་པར་གྱུར། །ང་ཡི་ཕོ་བྲང་འཁོར་དང་
[10b.5]བཙུན་མོར་བཅས་པ་ཡང་། །གང་ཕྱིར་ང་ཡིས་དེ་སྐད་སྨྲས་པ་མཉན་པར་གྱིས། །གཉིད་ལས་སད་པ་བཞིན་དུ་སྐྱེ་བ་ངས་དྲན་པ། །ཚུལ་དང་ལྡན་ཡང་ནོར་ཙམ་གྱིས་ནི་མཐོ་བ་ལ། །ལས་ཀྱིས་མགུ་བར་བྱས་ནས་དམན་ཆས་འཚོ་བ་ཡིས། །གླ་མི་གཅིག་ཏུ་གྲོང་ཁྱེར་འདིར་ནི་ང་གྱུར་ཏོ། །
[10b.6]གཞན་གྱིས་བརྙས་ཤིང་ངལ་བ་དམན་པའི་གླ་དེ་ཡང་། །སྐྱབས་སུ་རེ་ཞིང་མི་འཚོར་དོགས་ནས་དེ་ལ་ཞུགས། །དགེ་སློང་བཞི་སྡེ་བསོད་སྙོམས་ཕྱིར་ལྷགས་མཐོང་བར་གྱུར། །དབང་པོ་དུལ་ཞིང་དགེ་སློང་དཔལ་གྱི་རྗེས་འབྲངས་བཞིན། །འཇམ་པའི་ཡིད་ཀྱིས་དེ་ལ་ཕྱག་
[10b.7]འཚལ་ནས། །ཟན་དྲོན་ཙམ་ཅིག་བདག་གིས་ཁྱིམ་དུ་གུས་པར་བྱིན། །དེ་ཡིས་མྱུ་གུ་ཙམ་ཞིག་བྱུང་བ་འདི་ཡིན་ཏེ། །རྒྱལ་པོ་གཞན་གྱི་གཙུག་གིས་ང་ཡི་ཞབས་ལ་གཏུགས། །ང་ཡིས་དེ་ལ་བསམས་ནས་ནི། །ལྷ་མོ་ཁྱོད་ལ་སྨྲས་པ་ཡིན། །བསོད་ནམས་ཀྱིས་ནི་
[11a]
[11a.1]ངོམས་མི་མྱོང་། །དགྲ་བཅོམ་མཐོང་བས་མི་ངོམས་སོ། །དེ་ནས་ལྷ་མོ་དགའ་ཞིང་ཡ་མཚན་ཆེ་བའི་མིག་བགྲད་ནས། རྒྱལ་པོ་ལ་རབ་ཏུ་གུས་པར་བལྟ་ཞིང་སྨྲས་པ། མངོན་པར་མཐོ་བའི་ཁྱད་པར་འདི་ལྟ་བུ་ནི། བསོད་ནམས་ཀྱི་རྣམ་པར་སྨིན་པ་ལགས་
[11a.2]པར་གདའོ། །རྒྱལ་པོ་ཆེན་པོ་འདི་ལྟར་མཛད་པ་ལ་གུས་པ་ནི། བསོད་ནམས་ཀྱི་འབྲས་བུ་མངོན་སུམ་དུ་གྱུར་པའི་སླད་དུའོ། །དེ་བས་ན་འདི་ལྟར་དངོས་སྡིག་མི་མཛད་པ་དང་། སྐྱེ་དགུ་རྣམས་ལ་ཕ་བཞིན་དུ་ཡོངས་སུ་སྐྱོང་བ་ལེགས་པར་མཛད་པ་དང་། བསོད་ནམས་
[11a.3]ཀྱི་ཡོན་ཏན་བསྒྲུབ་པ་ལ་མངོན་པར་ཕྱོགས་པས་ལགས་སོ། །གྲགས་དང་དཔལ་དང་སྦྱིན་པ་ཕུན་སུམ་ཚོགས་པས་འབར། །བཀའ་ལུང་གཉེན་པོ་རྒྱལ་པོ་གཞན་གྱི་སྤྱི་བོས་ནོད། །བསེར་མ་ལངས་པས་རླབས་བསྐྱོད་རྒྱ་མཚོའི་གོས་གྱོན་པའི། །ཆོས་ཀྱི་ཚུལ་བཞིན་ས་ཆེན་
[11a.4]ཡུན་རིང་སྐྱོང་བར་འགྱུར། །རྒྱལ་པོས་སྨྲས་པ། ལྷ་མོ་དེ་དེ་ལྟར་ག་ལ་ཞིག་མ་ཡིན། མཚན་མ་བཟང་པོས་མངོན་པར་མཚོན་པ་ལེགས་པའི་ལམ། །དེ་ཉིད་ལ་ནི་བདག་གིས་ད་དུང་བསྟན་པར་བྱ། །འཇིག་རྟེན་པ་ནི་སྦྱིན་པའི་འབྲས་བུ་ཐོས་ནས་སྟེར། །ང་བདག་
[11a.5]ཉམས་སུ་མྱོང་ན་ཅི་ཕྱིར་སྦྱིན་མི་བྱ། །དེ་ནས་རྒྱལ་པོ་དེས་ལྷ་མོ་བཞིན་དུ་དཔལ་འབར་བའི་ལྷ་མོ་ལ་རབ་ཏུ་བྱམས་པས་བལྟས་ནས། དཔལ་ཕུན་སུམ་ཚོགས་པ་ལ་སེམས་ཞེན་པས་ཡང་སྨྲས་པ། སྐར་མའི་ནང་ན་ཟླ་བ་བཞིན། །བུད་མེད་ནང་ན་རྣམ་པར་མཛེས། །ཤིན་ཏུ་
[11a.6]ཡིད་འོང་འབྱུང་བའི་ལས། །དགེ་ལྡན་ཁྱོད་ཀྱིས་ཅི་ཞིག་བྱས། །ལྷ་མོས་སྨྲས་པ། ལྷ་བདག་གིས་ཀྱང་ཚེ་སྔ་མ་ཅུང་ཟད་ཅིག་བགྱིས་པ་རྗེས་སུ་དྲན་ནོ། །དེ་སྨྲོས་ཤིག་ཅེས་རྒྱལ་པོས་དྲིས་པ་དང་། སྨྲས་པ། བྱིས་པའི་ཚེ་ན་མྱོང་བ་རྗེས་དྲན་བཞིན། །བདག་ནི་བྲན་
[11a.7]མོ་བྱེད་པའི་ཚེ་ན་ཟན་ཆངས་ཅིག །ཐུབ་པ་ཟག་པ་ཟད་ལ་གུས་པར་ཕུལ་བ་ཡིས། །དེ་ཚེ་གཉིད་ཀྱིས་ལོག་པ་འདིར་ནི་སད་པ་བཞིན། །མི་རྗེ་ལྷས་མཛད་དགེ་བ་དེ་ནི་བདག་གིས་དྲན། །དེ་ཡིས་བདག་ནི་ས་དང་བཅས་པའི་མགོན་དུ་གྱུར། །ཟག་པ་ཟད་ལ་བྱས་པ་ཆུང་བ་གང་
[11b]
[11b.1]ཡང་མེད། །ཇི་ལྟར་ཐུབ་པས་བཀའ་སྩལ་བཞིན་དུ་ཁྱོད་ཀྱིས་གསུངས། །དེ་ནས་རྒྱལ་པོ་དེས་བསོད་ནམས་ཀྱི་འབྲས་བུ་མཐོང་བས། བསོད་ནམས་ལ་གུས་པ་བསྐྱེད་པར་སེམས་རབ་ཏུ་དད་པར་གྱུར་པའི་འཁོར་ཡ་མཚན་ཆེ་ལ་རྩེ་གཅིག་ཏུ་གྱུར་པར་རིག་ནས། ངེས་པར་
[11b.2]འདི་འདྲ་ཅུང་ཟད་ཅིག་རྗེས་སུ་དྲན་ཏོ། །དགེ་བ་མི་ཆེ་བས་ཀྱང་རྣམ་སྨིན་རྒྱ་ཆེན་དཔལ་འདི་མཐོང་ནས་སུ། །སྦྱིན་དང་ཚུལ་ཁྲིམས་སྤྱད་པས་བསོད་ནམས་བྱ་ལ་མི་འབད་སུ་ཞིག་ཡོད། །ནོར་གྱིས་ཆོག་པར་ཡོད་ཀྱང་སེར་སྣའི་མུན་པས་གང་ཞིག་བློ་བསྒྲིབས་ནས། །སྦྱིན་པས་
[11b.3]གྲགས་པ་ཐོབ་པར་མི་བྱེད་མི་དེ་(བལྟར་,ལྟར་)མི་རུང་། །དབང་མེད་པར་ནི་གང་ཞིག་བཏང་དགོས་དེ་བཞིན་སུ་ལའང་ཕན་མི་ཐོགས། །ནོར་དེ་རིགས་པར་བཏང་ན་གལ་ཏེ་ཡོན་ཏན་འགའ་ཞིག་ཐོབ་གྱུར་ན། །ཡོན་ཏན་རྣམས་ནི་ཡོད་བཞིན་དེ་ལ་སུ་ཞིག་སེར་སྣའི་ལམ་ལ་བརྟེན། །སྦྱིན་
[11b.4]པ་ལས་བྱུང་ཡོན་ཏན་དགའ་བ་ལ་སོགས་སྣ་ཚོགས་གྲགས་དང་ལྡན། །སྦྱིན་པ་ཞེས་བྱ་གཏེར་ཆེན་རྗེས་འགྲོ་རྐུན་པོ་ལ་སོགས་ཐུན་མོང་མིན། །སྦྱིན་པ་འདོད་དང་སེར་སྣའི་སྐྱོན་གྱིས་རྡུལ་ཅན་སེམས་ནི་སྦྱོང་བར་བྱེད། །སྦྱིན་པས་འཁོར་བའི་ལམ་བགྲོད་ངལ་བ་མེད་པ་བཞོན་པ་བདེ་
[11b.5]བ་ཡིན། །སྦྱིན་པས་བདེ་བ་མང་པོ་འགྲུབ་ཅིང་གྲོགས་པོ་བཟང་པོའི་མཆོག་ཡིན་ནོ། །འབྱོར་པ་ཕུན་སུམ་ཚོགས་པའམ་བཀའ་ལུང་ཡོན་ཏན་ནམ། །སུམ་ཅུ་རྩ་གསུམ་ཕོ་བྲང་གནས་སམ་གཟུགས་བཟང་ཡོན་ཏན་ནམ། །གང་ཞིག་འདོད་པ་དེ་དག་ཐམས་ཅད་སྦྱིན་པས་
[11b.6]ཐོབ་པར་འགྱུར། །དེ་ལྟར་ངེས་དོན་གཏན་ལ་ཕབ་ན་སྦྱིན་པ་སུས་མི་བྱེད། །སྦྱིན་པས་ནོར་གྱི་སྙིང་པོ་ལེན་པར་གསུངས། །སྦྱིན་པ་དབང་ཕྱུག་རྣམས་ཀྱི་རྒྱུ་ཞེས་གསུངས། །སྦྱིན་པ་དཔལ་ལྡན་སྐྱེ་བོ་མཆོག་གི་ཚུལ། །ཤེས་རབ་ཆུང་ངུས་རྡུལ་ཙམ་སྦྱིན་མི་ནུས། །དེ་ནས་
[11b.7]འཁོར་དེ་དག་གིས་རྒྱལ་པོ་དེའི་ཚིག་བཟུང་བ་ལ་རབ་ཏུ་དགའ་ཞིང་གུས་པར་བྱས་ནས། སྦྱིན་པ་ལ་སོགས་པའི་ཡོན་ཏན་བསྒྲུབ་པ་ལ་མངོན་དུ་ཕྱོགས་པར་གྱུར་ཏོ། །དེ་བས་ན་སེམས་རབ་ཏུ་དང་བ་ལས་བྱུང་བ་དང་། སྣོད་ཁྱད་པར་ཅན་ལ་སྦྱིན་པའི་རྣམ་པར་སྨིན་པ་ཆེ་བའི་ཕྱིར།
[12a]
[12a.1]སྦྱིན་པ་ཆུང་ཞེས་བྱ་བ་གང་ཡང་མེད་དོ། །དེ་བས་ན་སེམས་རབ་ཏུ་དང་བས་བླ་ན་མེད་པའི་བསོད་ནམས་ཀྱི་ཞིང་འཕགས་པའི་དགེ་འདུན་ལ་སྦྱིན་པ་བྱིན་ན། བདག་ཀྱང་དེ་ལྟ་བུའི་ཕུན་སུམ་ཚོགས་པའམ་དེ་བས་ཀྱང་ཁྱད་པར་དུ་འཕགས་པ་ཐོབ་པར་འགྱུར་བ་རིང་
[12a.2]པོར་མི་ཐོགས་སོ་སྙམ་དུ་བསམས་ཏེ། དགའ་བ་བསྐྱེད་པར་བྱའོ་ཟན་དྲོན་ཆངས་ཅིག་བྱིན་པའི་སྐྱེས་པའི་རབས་ཏེ་གསུམ་པའོ།། །།བམ་པོ་གཉིས་པ། སྐྱེས་བུ་དམ་པ་རྣམས་ནི་བདག་བརླག་པར་འགྱུར་བ་ལ་མི་འཛེམ་པར་སྦྱིན་པ་བྱེད་ན། བདེ་བར་འདུག་པས་
[12a.3]ལྟ་སུ་ཞིག་སྦྱིན་པར་མི་བྱེད། དེ་ཡང་འདི་སྐད་ཐོས་ཏེ། བཅོམ་ལྡན་འདས་འདི་སྔོན་བྱང་ཆུབ་སེམས་དཔར་གྱུར་པའི་ཚེ། སྐལ་བ་ཁྱད་པར་ཅན་དང་ལྡན་པ་ཡོན་ཏན་སྤྲོ་བ་ཕུན་སུམ་ཚོགས་པས་ནོར་ཕུན་སུམ་ཚོགས་པ་དང་ནི་ལྡན། སྤྱོད་ཚུལ་མི་མཐུན་པ་མེད་པའི་ངང་ཚུལ་ཅན་
[12a.4]ཡིན་པས། འཇིག་རྟེན་པ་རྣམས་ཀྱིས་བཀུར་སྟི་བྱ་བའི་གནས་སུ་ནི་གྱུར། ཆོ་རིགས་བཙུན་པ་དང་ནི་ལྡན། རིག་པ་སྒྱུ་རྩལ་གྱི་ཁྱད་པར་རྣམ་པ་དུ་མ་ཁོང་དུ་ཆུད་པས། བློ་རབ་ཏུ་དྲི་མ་མེད་པར་ནི་གྱུར། ཡོན་ཏན་ཆེ་བས་རྒྱལ་པོས་ནི་བཀུར་སྟིར་བྱས། རབ་ཏུ་སྦྱིན་པའི་ངང་ཚུལ་
[12a.5]ཅན་ཡིན་པས། འབྱོར་པ་རྣམས་ནི་འཇིག་རྟེན་པ་རྣམས་དང་ཐུན་མོང་དུ་སྤྱོད་པའི་ཚོང་དཔོན་ཞིག་ཏུ་སྐྱེས་སོ། །ཞེས་གྲགས་སོ། །ཕོངས་པ་རྣམས་ནི་དགའ་འགྱུར་བས། །ཕན་ཚུན་ཀུན་ཏུ་བསྒྲགས་པ་ནི། །དེ་མིང་སྦྱིན་ལ་དཔའ་བ་ཞེས། །ཕྱོགས་བཅུ་ཀུན་ཏུ་ཁྱབ་པར་གྱུར། །
[12a.6]སྦྱིན་ནམ་མི་སྦྱིན་སྙམ་པའི་རྣམ་རྟོག་པ། །ཡིད་ལ་སེམས་པ་ཕོངས་པ་རྣམས་ལ་མེད། །དེ་ཡི་སྦྱིན་པའི་མཐུ་ཆེན་གྲགས་པར་གྱུར། །ཕོངས་པ་རྣམས་ནི་ཡིད་ཆེས་སྤོབས་ཤིང་སློང་། །དེས་ནི་བདག་གི་བདེ་ཕྱིར་ནོར་མི་སྦེད། །འདྲེན་པ་དང་ནི་ཆགས་པས་ཟིལ་གནོན་མིན། །
[12a.7]དེས་ནི་ཕོངས་པའི་སྡུག་བསྔལ་བཟོད་མི་ནུས། །དེ་བས་མེད་ཅེས་སྨྲ་བ་སྤས་པར་འགྱུར། །དེ་ནས་རེ་ཞིག་ཅིག་སེམས་དཔའ་ཆེན་པོ་དེ་ཟས་ཀྱི་དུས་ལ་བབས་པའི་ཚེ། ཁྲུས་བྱས་བྱུག་སྤོས་ཀྱིས་བྱུགས་པ་དང་། གཡོས་མཁན་མཁས་པས་གཡོས་པའི་བཟའ་བ་དང་། བཅའ་བ་དང་།
[12b]
[12b.1]བཏུང་བ་དང་། རོ་དང་འཇམ་པ་ལ་སོགས་པའི་ཡོན་ཏན་དང་ལྡན་པ་སྣ་ཚོགས་བཤམས་པ་དང་། རང་སངས་རྒྱས་ཉོན་མོངས་པའི་བུད་ཤིང་ཐམས་ཅད་བསྲེགས་པ་བསོད་ནམས་ཀྱི་ཚོགས་རྣམས་འཕེལ་བར་འདོད་པ་ཅིག་དེའི་ཁྱིམ་དུ་བསོད་སྙོམས་ཀྱི་ཕྱིར་འོངས་སོ། །འོངས་ནས་
[12b.2]ཀྱང་དེའི་སྒོ་ཁང་ན་བསྡད་དེ། དོགས་མེད་མི་གཡོ་བརྟན་ཞིང་ཞི་བ་ཡི། །མིག་གིས་ས་ལ་གཉའ་ཤིང་གང་དུ་བལྟ། །རབ་ཏུ་ཞི་བར་གྱུར་ཅིང་དེ་ན་བསྡད། །དེ་ལག་པདྨའི་མཆོག་ནི་ལྷུང་བཟེད་ཐོགས། །དེ་ནས་བདུད་སྡིག་ཅན་གྱིས་བྱང་ཆུབ་སེམས་དཔའི་སྦྱིན་པ་ཕུན་སུམ་
[12b.3]ཚོགས་པ་ལ་མི་བཟོད་པས་དེ་ལ་གེགས་བྱ་བའི་ཕྱིར། རང་སངས་རྒྱས་དེ་དང་བར་སྒོ་གཉིས་ཀྱི་བར་ན་སེམས་ཅན་དམྱལ་བ་ཆེན་པོའི་ནང་ན་མེ་ཆེན་པོ་འབར་བ། ཟབས་སུ་མི་འགྲེད་དུ་ཡོད་པ་རབ་ཏུ་ཟབ་པ། མཐོང་ན་རབ་ཏུ་འཇིགས་པ། འཇིགས་སུ་རུང་བའི་སྒྲ་བསྒྲགས་པ།
[12b.4]སྐྱེ་བོ་མང་པོ་རྣམ་པར་གཡོ་བས་གང་བ་ཅིག་མངོན་པར་སྤྲུལ་ཏེ། དེ་ནས་བྱང་ཆུབ་སེམས་དཔས་རང་སངས་རྒྱས་བསོད་སྙོམས་ལ་གཤེགས་པར་མཐོང་ནས། ཆུང་མ་ལ་བདག་ཉིད་ཀྱིས་འཕགས་པ་ལ་བསོད་སྙོམས་ཕུལ་ཅེས་སྨྲས་སོ། །དེས་དེ་ལྟར་མཉན་ནས་དེ་བཞིན་དུ་
[12b.5]བགྱིའོ་ཞེས་སྨྲས་ནས། བཟའ་བ་དང་བཅའ་བ་བཟང་པོ་ཁྱེར་ཏེ་སོང་སོང་བ་ལས། སེམས་ཅན་དམྱལ་བའི་གནས་མཐོང་བ་དང་། འཇིགས་ཤིང་སྐྲག་ནས་མིག་རིག་རིག་པོར་གྱུར་ཏེ། སྒོ་དྲུང་ནས་སླར་ལོག་པ་དང་། འདི་ཅི་ཉེས་བྱང་ཆུབ་སེམས་དཔས་དྲིས་པ་དང་། དེ་
[12b.6]སྐྲག་པས་སྐད་འགགས་ནས་དེ་ལ་སྨྲ་ཡང་དེའུ་མ་ནུས་ཏེ་སྨྲས་སོ། །དེ་ནས་བྱང་ཆུབ་སེམས་དཔས་བསམས་པ། ཨེ་མ་ཧོ། འཕགས་པ་འདི་བདག་གི་ཁྱིམ་ནས་བསོད་སྙོམས་མ་བཞེས་པར་སླར་བཞུད་ན་ག་ལ་རུང་བསམས་ནས་དེས་སྨྲས་པ་ལ་མ་ཉན་པར། རིངས་
[12b.7]རིངས་ལྟར་བཟའ་བ་དང་། བཅའ་བ་བཟང་པོ་བདག་ཉིད་ཀྱིས་ཁྱེར་ཏེ། མཐུ་ཆེན་པོ་དེ་ལ་བསོད་སྙོམས་འབུལ་བའི་ཕྱིར། སྒོ་ཁང་གི་དྲུང་དུ་ཕྱིན་པ་དང་། སེམས་ཅན་དམྱལ་བའི་གནས་ཆེན་པོ་རབ་ཏུ་འཇིགས་པ་དེ་མཐོང་བར་གྱུར་ཏོ། །དེ་ནས་འདི་ཅི་ཞིག་ཡིན་སྙམ་དུ་རྣམ་པར་
[13a]
[13a.1]རྟོགས་པ་སྐྱེས་པ་དང་། བདུད་སྡིག་ཅན་ཁང་པའི་ངོས་ཀྱི་རྩིག་པའི་ནང་ནས་བྱུང་སྟེ། ལྷའི་ལུས་ཡ་མཚན་ཆེ་བར་མངོན་སུམ་དུ་བསྟན་ནས་བར་སྣང་ལ་གནས་ཏེ། ཕན་པར་འདོད་པ་བཞིན་དུ་གསལ་བར་སྨྲས་པ། ཀྱེ་ཁྱིམ་བདག་སེམས་ཅན་དམྱལ་
[13a.2]གནས་ཆེན་པོ་འདི་ནི། ངོམ་གྲོག་ཆེན་པོ་ཞེས་བྱ་བ་ཡིན་ནོ། །ཕོངས་པས་བསྔགས་པའི་ཚིག་གིས་བསླུས་ནས་ནི། །སྦྱིན་ལ་ཞུགས་པ་གང་གིས་ནོར་ཆུད་གསན། །དེ་དག་ལོ་ནི་སྟོང་ཕྲག་དུ་མར་ཡང་། །འདི་ན་གནས་འགྱུར་དབྱུང་བ་རབ་ཏུ་དཀའ། །ནོར་ནི་འཁོར་གསུམ་བྱང་བར་
[13a.3]རྒྱུ་ཡིན་ཏེ། །དེ་མེད་བྱས་ན་སུ་ཡིས་ཆོས་མ་བརླག །ནོར་ཆུད་གསན་པས་ཆོས་ནི་བརླགས་གྱུར་ན། །ཅི་ཕྱིར་སེམས་ཅན་དམྱལ་བར་གནས་མི་འགྱུར། །སྦྱིན་པའི་ཕྱིར་ནི་ཆོས་ཀྱི་རྩར་གྱུར་པའི། །ནོར་ནི་ཁྱོད་ཀྱིས་ཆུད་གསན་སྡིག་བྱས་པས། །དམྱལ་བའི་གཤེད་པོ་མི་
[13a.4]བཟད་འབར་བའི་ལྕེས། །དེ་ཕྱིར་ཁྱོད་ནི་ཟ་བར་འདིར་འོངས་སོ། །དེ་བས་བློ་ནི་སྦྱིན་ལས་བཟློག་ན་ལེགས། །འོན་ཏེ་འཕྲལ་དུ་ལྟུང་བར་ཁྱོད་མི་འགྱུར། །སྙིང་རྗེར་ངུ་ཞིང་འགྲེ་ལྡོག་བྱེད་པ་ཡི། །གཏོང་བ་འདི་དང་ལྷན་ཅིག་ཁྱོད་མ་འགྲོགས། །སྦྱིན་པ་ཚུལ་མིན་མི་བྱེད་
[13a.5]ལེན་པ་པོའི། །སྐྱེ་བོ་རྣམས་ནི་ལྷ་ཡུལ་འགྲོ་བར་འགྱུར། །དེ་བས་མཐོ་རིས་ལམ་བསྒྲིབ་བཏང་ནས་ནི། །སྦྱིན་ལ་བརྩོན་པ་བཟློག་པར་གནས་པར་གྱིས། །དེ་ནས་བྱང་ཆུབ་སེམས་དཔས་བསམས་པ། འདི་སྐད་ཟེར་བའི་བདག་ཉིད་ངན་པ་འདི་ནི། བདག་གིས་སྦྱིན་
[13a.6]པ་བྱེད་པ་ལ་ངེས་པར་གེགས་བྱེད་པ་ཡིན་ནོ་སྙམ་ནས། བདག་གིས་སྙིང་སྟོབས་ཀྱི་ཁུར་མ་བོར་ཏེ། བརྟན་པར་བྱས་ནས། ཚིག་འཇམ་པོའི་རྒྱུན་མ་ཆད་པར་དེ་ལ་འདི་སྐད་ཅེས་སྨྲས་སོ། །བདག་ཅག་འདྲ་ལ་ཕན་པར་དགོངས་ནས་ནི། །ཁྱོད་ཀྱིས་འཕགས་པའི་ལམ་འདི་
[13a.7]རྣམས་བསྟན་པ། །གཞན་ལ་ཕན་འདོགས་མཁས་པའི་སྤྱོད་པ་ཅན། །ལྷ་རྣམས་ཀྱིས་ནི་དེ་ལྟར་བགྱི་བའི་རིགས། །ཉེས་པ་འབྱུང་བའི་སྔོན་ནམ་འོག་ཏུ་ཡང་། །ཞི་བའི་ལམ་དེར་འཆི་བ་རབ་ཏུ་རིགས། །ནད་ལ་ཆོ་ག་སྤྱད་པ་ནོངས་པ་ཡིས། །ཚབས་ཆེར་གྱུར་ལ་དཔྱད་ཀྱིས་ཕན་མི་
[13b]
[13b.1]ཐོགས། །སྦྱིན་ལ་ཞུགས་པ་བདག་གིས་སྡུག་བསྔལ་འདི། །དཔྱད་ཀྱིས་རློན་པ་རབ་ཏུ་མི་འགྱུར་རོ། །ཁྱོད་ཀྱིས་ཕན་པར་བསྟན་པའང་མི་ཉན་པར། །བདག་གི་སེམས་ནི་སྦྱིན་ལས་སླར་མི་ལྡོག །སྦྱིན་པ་སྡིག་པ་འགྱུར་ཞེས་གང་སྨྲས་ཤིང་། །ནོར་ཡང་ཆོས་ཀྱི་རྒྱུ་ཡིན་
[13b.2]ཞེས་བགྱི་བ། །སྦྱིན་པ་མ་གཏོགས་ཆོས་ལམ་གཞན་ཡོད་པ། །དེས་ནི་གཏེར་སྦས་ཆོས་ཀྱི་རྒྱུར་འགྱུར་བ། །འོན་ཏེ་རྐུན་པོ་འོང་ནས་ཕྲོག་གྱུར་ཏམ། །འདོད་པས་ཁྱེར་ཏེ་མི་སྣང་འགྱུར་བའམ། །མེ་ཡིས་ཚིག་ན་བསོད་ནམས་ཐོབ་འགྱུར་བར། །མི་ཡི་བློས་ནི་རྟོགས་
[13b.3]པར་མི་ནུས་སོ། །ནོར་སྦྱིན་པས་ནི་དམྱལ་བར་འགྲོ་བ་དང་། །ལེན་པ་ལྷ་ཡུལ་འགྲོ་ཞེས་བྱ་བ་ཡང་། །ཁྱོད་ཀྱིས་སྦྱིན་ལས་བཟློག་པར་བྱས་མོད་ཀྱི། །དེ་ཡིས་བདག་ནི་སྦྱིན་ལ་བརྩོན་པར་འགྱུར། །ཁྱོད་ཀྱི་ཚིག་དེ་གཞན་དུ་མ་གྱུར་ཅིག །བདག་ལ་སློང་བ་དེ་དག་མཐོ་རིས་
[13b.4]དང་། །འཇིག་རྟེན་ཕན་ཕྱིར་བདག་ནི་སྦྱིན་པ་བྱེད། །བདག་ནི་བདེ་བ་བསྒྲུབ་ཕྱིར་འདི་མི་བྱེད། །དེ་ནས་ཡང་བདུད་ཕན་པར་འདོད་པ་བཞིན་བརྟན་པར་བྱ་བའི་ཕྱིར་ལག་པ་བརྐྱང་ནས། བྱང་ཆུབ་སེམས་དཔའ་ལ་སྨྲས་པ། འདི་ནི་ང་ཡིས་ཕན་པའམ་བརྫུན་སྨྲས་པ། །ལེགས་
[13b.5]པར་རྟོགས་ལ་གང་དུ་བདེ་བར་སོང་། །བདེ་དང་ལྡན་པས་གུས་བྱས་བདེ་བར་གྱིས། །ཡང་ན་འགྱོད་བཞིན་ང་ནི་དྲན་པར་བྱོས། །བྱང་ཆུབ་སེམས་དཔས་གྲོགས་པོ་ཁྱོད་བཟོད་པ་མཛོད་ཅིག་ཅེས་སྨྲས་ནས། ཕོངས་པ་རྣམས་ཀྱིས་བག་ཕབ་སྤོབས་ཏེ་སློང་བ་ལ། །སྦྱིན་པའི་དུས་
[13b.6]སུ་བརྙས་ཏེ་མ་བྱིན་དགའ་བ་བས། །མི་བཟད་མེ་ལྕེ་འབར་བའི་སེམས་ཅན་དམྱལ་བ་དེར། །མེ་ལྕེ་འབར་བས་ཕོག་ནས་སྤྱི་གཙུག་ལྟུང་ཡང་རུང་། །དེ་སྐད་སྨྲས་ནས་བྱང་ཆུབ་སེམས་དཔའ་བདག་གི་སྐལ་བའི་མཐུ་ལ་བརྟེན་ནས་སྦྱིན་པ་ལ་ཉེས་དམིགས་མེད་པར་ཡང་ཤེས་ཏེ།
[13b.7]བུ་སྨད་དང་གཡོག་འཁོར་འགྲོ་མི་སྟེར་བ་རྣམས་བོར་ཏེ། བློ་ལ་ཐེ་ཙོམ་མེད་ཅིང་སྦྱིན་པ་བྱེད་པར་འདོད་པ་སྐྱེས་ཏེ། དམྱལ་བའི་ནང་ནས་ཕར་སོང་ངོ་། །དེ་ནས་དེ་ཡི་བསོད་ནམས་མཐུ་ཡིས་དེར། །འདམ་རྫ་བ་མེད་པར་འདམ་ལས་སྐྱེས་པ་བྱུང་། །ཟེའུ་འབྲུ་དཀར་པོ་
[14a]
[14a.1]སོ་ཡི་ཕྲེང་བ་དག །བདུད་ལ་འཕྱ་བ་བཞིན་དུ་དགོད་པར་གྱུར། །དེ་ནས་བྱང་ཆུབ་སེམས་དཔའ་བདག་གི་བསོད་ནམས་ཁྱད་པར་ཅན་ལས་བྱུང་བའི་པདྨའི་སྟེགས་བུ་ལས་སོང་སྟེ། རང་སངས་རྒྱས་ཀྱི་དྲུང་དུ་ཕྱིན་ནས་སེམས་རབ་ཏུ་དང་ཞིང་དགའ་བས་དེ་ལ་
[14a.2]བསོད་སྙོམས་ཕུལ་ལོ། །དེ་ཡི་ཡིད་ནི་རབ་ཏུ་དང་བྱའི་ཕྱིར། །དེ་ནས་དགེ་སློང་དེ་ནི་མཁའ་ལ་ལྡིང་། །དེས་ནི་དེ་ན་ཆར་འབབས་འབར་བར་བྱེད། །གློག་དང་བཅས་པའི་སྤྲིན་གྱི་དཔལ་བཞིན་མཛེས། །བདུད་ནི་ཡིད་ལ་བསམ་པ་མ་གྲུབ་ནས། །ཡི་ཆད་ནས་ནི་མདངས་ཀྱང་
[14a.3]ཉམས་པར་གྱུར། །དེ་ལ་ཕྱོགས་ཏེ་ལྟ་ཡང་མ་ནུས་ནས། །དམྱལ་བ་དང་བཅས་དེ་ན་མི་སྣང་གྱུར། །དེ་ཅིའི་ཕྱིར་བཤད་ཅེ་ན། དེ་ལྟར་སྐྱེས་བུ་དམ་པ་རྣམས་ནི་བདག་བརླག་པར་འགྱུར་བ་ལ་ཡང་མི་འཛེམ་པར་སྦྱིན་པ་བྱེད་ན། བདེ་བར་འདུག་པ་ལྟ་སུ་ཞིག་སྦྱིན་པར་མི་བྱེད།
[14a.4]དེ་བས་ན་སྙིང་སྟོབས་ཅན་ནི་བསྡིགས་ཀྱང་མི་རིགས་པ་བྱེད་དུ་གཞུག་མི་ནུས་སོ། །ཞེས་ཀྱང་བཤད་པར་བྱའོ། །ཚོང་དཔོན་གྱི་སྐྱེས་པའི་རབས་ཏེ་བཞི་པའོ།། །།སྐྱེས་བུ་དམ་པ་རྣམས་ནི་འབྱོར་པ་ཟད་དུ་དོགས་ནས། སྦྱིན་པ་བྱེད་པ་ལ་ཞུམ་པར་མི་འགྱུར་རོ། །
[14a.5]དེ་ཡང་འདི་སྐད་ཐོས་ཏེ། བྱང་ཆུབ་སེམས་དཔའ་གཏོང་བ་དང་། ཚུལ་ཁྲིམས་དང་། ཆོ་རིགས་དང་། དུལ་བ་དང་། མང་དུ་ཐོས་པ་དང་། ཤེས་རབ་དང་། དྲེགས་པ་མེད་པ་ལ་སོགས་པའི་ཡོན་ཏན་དང་ནི་ལྡན། འབྱོར་པ་ཕུན་སུམ་ཚོགས་པས་ནི་ནོར་སྦྱིན་པོ་དང་འདྲ།
[14a.6]གློ་བུར་པ་ཐམས་ཅད་ལ་སྦྱིན་པ་བྱེད་པས་སྦྱིན་པའི་འབྱོར་པ་ནི་རྒྱུན་མི་འཆད། འཇིག་རྟེན་ལ་ཕན་པའི་དོན་བྱེད་པའི་ཕྱིར་སྦྱིན་པ་པོའི་གཙོ་བོ་ཚོང་དཔོན་ཞིག་ཏུ་གྱུར་ཏོ། །ཞེས་གྲགས་སོ། །སེར་སྣ་ལ་སོགས་པའི་ཉེས་པས་ཟིལ་གྱིས་མི་གནོན་པའི་ཕྱིར། མིང་ཡང་ཟིལ་
[14a.7]གྱིས་མི་གནོན་པ་ཞེས་བཏགས་སོ། །འདོད་པའི་དོན་ཕྱིར་ཐེ་ཙོམ་མེད་གྱུར་པས། །དགའ་བ་སྐྱེ་བའི་ཁྱད་པར་རྒྱུར་གྱུར་པ། །ཕོངས་པ་རྣམས་ཀྱིས་དེ་ནི་མཐོང་བ་བཞིན། །དེས་ཀྱང་ཕོངས་པ་རྣམས་ནི་མཐོང་ན་དགའ། །སློང་བས་སློང་ཞེས་ངེས་པར་བསློངས་པ་ལ། དེས་
[14b]
[14b.1]ནི་མེད་ཅེས་བྱ་བར་མི་འགྱུར་ཏེ། །དེ་ཡི་སེམས་ནི་ནོར་ལ་ཆགས་པའི་སྐབས། །སྙིང་རྗེ་ཆེན་པོས་རབ་ཏུ་མེད་པར་བྱས། །ཕོངས་པ་རྣམས་ཀྱིས་དེ་ཡི་ཁྱིམ་ནས་ནི། །ནོར་གྱི་སྙིང་པོ་ཕྱུང་ན་རབ་ཏུ་དགའ། །རྒྱུ་རྐྱེན་མེད་པར་མྱུར་དུ་ཆུད་ཟ་བའི། །ནོར་ནི་ཤིན་ཏུ་མི་བཟད་ནོར་
[14b.2]མི་རིགས། །འཇིག་རྟེན་དག་ན་ནོར་ནི་ཕལ་ཆེར་ཡང་། །ཆགས་པའི་གཞི་དང་ངན་འགྲོའི་གྲོགས་སུ་འགྱུར། །དེ་ཡི་ནོར་ནི་བདག་དང་གཞན་དག་གི །འབྱོར་པ་ཐོབ་པས་དོན་དང་ལྡན་པར་འགྱུར། །དེ་ནས་སེམས་དཔའ་ཆེན་པོ་དེས། ཀུན་ཏུ་སློང་བ་རྣམས་ཇི་ལྟར་འདོད་པ་
[14b.3]བཞིན་དུ་ཉོན་མ་མོངས་པར་གུས་པ་ཁྱད་པར་ཅན་གྱིས་བརྒྱན་ཅིང་། ནོར་སྦྱིན་པ་རླབས་པོ་ཆེས་རབ་ཏུ་ཚིམ་པར་བྱས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་གྱིས་སྦྱིན་པ་རླབས་པོ་ཆེ་དེ་ཐོས་ནས། ཡིད་ལ་ཡ་མཚན་ཆེ་བར་གྱུར་ཏེ་འདི་སྦྱིན་པ་ལ་བརྟན་ནམ་མི་བརྟན་ཉམས་བསྐྱེད་
[14b.4]པ་དང་། འདིའི་ནོར་ཟད་ཀྱིས་དོགས་པས་སེར་སྣ་བྱེད་དུ་གཞུག་པའི་ཕྱིར། ཉིན་རེ་ཞིང་རིམ་གྱིས་འབྲས་བུ་དང་ནོར་དང་། རིན་པོ་ཆེ་དང་། ཡོ་བྱད་ཀྱི་རྣམ་པ་དེ་དང་དེ་དག་མི་སྣང་བར་བྱས་སོ། །སེམས་དཔའ་ཆེན་པོ་དེ་ནི་སྦྱིན་པ་ལ་མོས་པས། ཆུ་ཡི་ཐིགས་པ་ཉི་མས་ཕོག་པ་
[14b.5]བཞིན། །དེ་ཡི་ནོར་ནི་ཅི་ཙམ་ཟད་གྱུར་པ། །དེ་ཙམ་གྱིས་ནི་སྦྱིན་པ་ཆེན་པོ་ཡི། །མེ་ཡིས་ཚིག་པ་བཞིན་དུ་ཁྱིམ་ནས་འབྱིན། །དེ་ནས་ལྷའི་དབང་པོ་བརྒྱ་བྱིན་གྱིས་སེམས་དཔའ་ཆེན་པོ་དེའི་ནོར་ཐམས་ཅད་ཟད་པར་གྱུར་ཀྱང་། སྦྱིན་པ་ལ་རབ་ཏུ་གཞོལ་བར་གྱུར་པ་རིག་
[14b.6]ནས་བློ་ལ་ཤིན་ཏུ་ངོ་མཚར་བར་གྱུར་ཏེ། དེའི་ནོར་གཅེས་པ་ཐམས་ཅད་ནུབ་ཅིག་མི་སྣང་བར་བྱས་ནས། ཐག་པ་ཞིག་དང་ཟོར་བ་ཞིག་བཞག་གོ། །དེ་ནས་བྱང་ཆུབ་སེམས་དཔས་ནང་པར་ནམ་ལངས་ནས་དུས་བཞིན་དུ་ལངས་ཏེ་བལྟས་པ་ན། བདག་གི་ཁྱིམ་གྱི་ནོར་དང་། འབྲུ་དང་།
[14b.7]ཡོ་བྱད་དང་། མི་རྣམས་ནི་མེད་ལ་སྒྲ་ཅ་ཅོ་ཡང་མེད་ལ་སྡུག་བསྔལ་བ་ལྟར་འདུག་ཅིང་། སྲིན་པོས་ཕུང་བར་བྱས་པ་བཞིན་དུ་བལྟས་ན་ཉམས་མི་དགའ་བར་གྱུར་པ་མཐོང་ནས། འདི་ཅི་ཉེས་སྙམ་དུ་རྟོགས་པ་སྐྱེས་ཏེ། ཀུན་ཏུ་ཉུལ་ཉུལ་བ་དང་། ཐག་པ་བསྡོགས་པ་ཞིག་དང་།
[15a]
[15a.1]ཟོར་བ་ཞིག་དེ་ན་འདུག་པ་མཐོང་ནས། དེས་བསམས་པ། གལ་ཏེ་འགའ་ཞིག་གིས་སློང་བའི་ཚིག་སྨྲ་མ་ཕོད་དེ། བདག་གི་ཞོ་ཤས་འཚོ་བས་བདག་གི་ཁྱིམ་དུ་སྤོབས་པ་དེ་ལྟ་བུ་བསྟན་ན་ནི་བདག་གི་ནོར་ལེགས་པར་སྤྱད་པ་ཉིད་དུ་གྱུར་ཏོ། །དེ་སྟེ་
[15a.2]བདག་སྐལ་བ་ཆུང་བའི་སྐྱོན་གྱིས་མཐོང་བར་གྱུར་པ་མ་བཟོད་ནས་སུས་ཀྱང་མ་སྤྱད་པར་མེད་པར་གྱུར་ན་ནི་མ་རུང་བར་གྱུར་ཏོ་སྙམ་མོ། །ནོར་རྣམས་ངོ་བོ་མི་རྟག་པར། །བདག་གིས་སྔ་ནས་ཤེས་ཟིན་ན། །ཕོངས་པ་རྣམས་ཀྱི་སྡུག་བསྔལ་གྱིས། །བདག་གི་ཡིད་ནི་འདིར་
[15a.3]བསྲེགས་སོ། །སྦྱིན་དང་བཀུར་སྟིས་ཡུན་རིང་བདེ་བྱས་པ། །བདག་གི་ཁྱིམ་ནི་ནོར་དང་བྲལ་མཐོང་ནས། །མཚོ་སྐམས་དྲུང་དུ་སྐོམ་པ་ལྷགས་པ་བཞིན། །བདག་གི་ཕོངས་པ་དེ་དག་ཇི་ལྟར་འགྱུར། །དེ་ནས་བྱང་ཆུབ་སེམས་དཔའ་བདག་གིས་བརྟན་པ་ལ་བརྟན་པས་
[15a.4]ཞུམ་པ་དང་སྤྲོ་བའི་བློ་ཞི་བར་མ་གྱུར་ཏོ། །དེའི་གནས་སྐབས་ན་ཡང་སློང་བ་ལ་མ་གོམས་པ་ངོ་ཤེས་ཀྱང་གཞན་ལ་སློང་མ་ཕོད་པ་དང་། སློང་བ་དེ་ནི་དེ་ལྟར་དཀའ་བ་ལྟ་ཞིག་སྙམ་ནས། དེས་སློང་མི་རྣམས་ལ་དེ་བས་ཀྱང་རྗེས་སུ་བརྩེ་བར་གྱུར་ཏོ། །དེ་ནས་བདག་ཉིད་ཆེན་པོ་
[15a.5]དེས་སློང་མི་རྣམས་ལ་འོངས་པ་ལེགས་སོ། །ཞེས་བྱ་བ་ཙམ་ལ་ལྟོས་ནས། བདག་ཉིད་ཀྱིས་ཐག་པ་བསྡོགས་པ་དེ་དང་ཟོར་བ་གཉིས་བླངས་ཏེ། ཉིན་རེ་བཞིན་རྩྭ་བཙོངས་པའི་རིན་རྙེད་པ་ཙམ་གྱིས་སྐྱེ་བོ་ཕོངས་པ་རྣམས་སློང་བ་ལ་མགུ་བར་བྱས་སོ། །དེ་ནས་ལྷའི་དབང་པོ་
[15a.6]བརྒྱ་བྱིན་གྱིས་དེ་རབ་ཏུ་དབུལ་བར་གྱུར་ཀྱང་དེ་ལྟར་ཞུམ་པ་མེད་ཅིང་སྦྱིན་པ་ལ་རབ་ཏུ་གཞོལ་བར་མཐོང་ནས་ཡ་མཚན་ཆེ་ཞིང་གུས་པར་གྱུར་ཏེ། ལྷའི་ལུས་མངོན་སུམ་དུ་བསྟན་ནས་བར་སྣང་ལ་གནས་ཏེ། སྦྱིན་པ་ལས་བཟློག་པའི་ཕྱིར་སེམས་དཔའ་ཆེན་པོ་ལ་སྨྲས་པ། ཁྱིམ་
[15a.7]བདག་བྱམས་ཀྱིས་འགྱོད་པའི་གནས་སྐབས་འདི་ལྟ་བུར། །སྦྱིན་པ་དྲགས་པས་ཁྱོད་ཀྱིས་མྱོང་བ་ནི། །རྐུན་པོས་མ་ཁྱེར་ཆུ་དང་མེས་མ་ཚིག །རྒྱལ་པོ་རྣམས་ཀྱིས་ནོར་ཡང་མ་འཕྲོགས་སོ། །དེ་བས་ཁྱོད་ལ་ཕན་ཕྱིར་ང་ཡིས་སྨྲ། །སྦྱིན་ལ་ཞུགས་པའི་ཆགས་པ་
[15b]
[15b.1]བཏང་བར་གྱིས། །འདི་ལྟར་གྱུར་ཀྱང་གལ་ཏེ་མ་སྦྱིན་ན། །སྔོན་གྱི་འབྱོར་པ་བཟང་པོ་ཐོབ་པར་འགྱུར། །ཆུང་ངུ་གོད་ཀྱང་རྟག་ཏུ་སྤྱད་ན་ནི། །ཡུན་རིང་སྤྱད་ན་མིག་སྨན་ཟད་ལ་ལྟོས། །བསགས་ན་གྲོག་མཁར་མཐོན་པོར་གྱུར་ལ་ལྟོས། །དར་བར་འདོད་པས་བསྡམ་པར་བྱས་
[15b.2]ན་ལེགས། །དེ་ནས་བྱང་ཆུབ་སེམས་དཔས་སྦྱིན་པའི་ཡོན་ཏན་བསྟན་པའི་ཕྱིར་བརྒྱ་བྱིན་ལ་སྨྲས་པ། སྤྱན་སྟོང་མངའ་བ་རབ་ཏུ་ཕོངས་གྱུར་ཀྱང་། །འཕགས་པས་མ་རབས་ཆོས་བྱ་རབ་ཏུ་དཀའ། །གང་ཞིག་ཐོབ་ཕྱིར་སེར་སྣའི་སེམས་བྱུང་བ། །བརྒྱ་བྱིན་ནོར་དེ་བདག་ལ་
[15b.3]མེད་ཀྱང་རུང་། །སློང་བའི་སྡུག་བསྔལ་ཤི་དང་འདྲ་བ་ཡི། །གཉེན་པོའི་ལམ་དུ་བགྲོད་པར་འདོད་པ་ལ། །དེ་ཡིས་ཕོངས་པ་ཡ་རབས་གཟི་བྱིན་ཅན། །སུ་ཞིག་མེད་ཅེས་ཟེར་བའི་སེར་བས་བརྡེག །སློང་བས་གདུངས་ནས་ངོ་ཟུང་གནག་གྱུར་པས། །ཕོངས་པ་རྣམས་
[15b.4]ནི་མགུ་བར་མི་འགྱུར་བའི། །ནོར་རམ་རིན་ཆེན་ལྷ་ཡི་རྒྱལ་སྲིད་ཀྱང་། །དེ་ལྟ་བུ་དག་བདག་ནི་སོགས་སམ་ཅི། །གང་ཞིག་སེར་སྣའི་སྐྱོན་ནི་འཕེལ་འགྱུར་ཞིང་། །གཏོང་བའི་སེམས་ཀྱང་སྐྱེ་བར་མི་འགྱུར་བ། །བདག་ལྟ་བུ་ཡིས་དེ་ནི་བཏང་བའི་རིགས། །ཡོངས་སུ་
[15b.5]བཟུང་བར་སྙད་བཏགས་ཕོངས་པ་ཡིས། །གློག་ནི་འགྱུ་བ་བཞིན་དུ་མི་བརྟན་ནོར། །ཀུན་དང་ཐུན་མོང་ཕོངས་པ་དུ་མའི་རྒྱུ། །བདེ་བ་འབྱུང་བའི་རྒྱུ་ནི་སྦྱིན་པ་ཡིན། །ཡ་རབས་སུ་ཞིག་སེར་སྣའི་ལམ་ལ་བརྟེན། །བརྒྱ་བྱིན་ཁྱོད་ཀྱིས་བདག་ལ་གཉེན་པོ་བསྟན། །ཕན་
[15b.6]པ་སྨྲས་པས་བདག་ལ་བརྩེ་བར་བགྱིས། །སྦྱིན་པས་ཡིད་ནི་དགའ་ལ་གོམས་པར་གྱུར། །དེ་བས་ལམ་མིན་སུ་ཞིག་དགའ་བར་འགྱུར། །ཁྱོད་ཀྱི་ཐུགས་ནི་ཁྲོ་བར་གྱུར་པ་ཡིས། །ལམ་དུ་འཇུག་པར་བགྱི་བ་མི་རིགས་སོ། །ངོ་བོ་ཉིད་ནི་མི་མཐུན་ཕྱོགས་ཀྱི་ལམ། །བགྲོད་
[15b.7]དཀའ་བཞུགས་པ་སླ་བ་མ་ཡིན་ནོ། །བརྒྱ་བྱིན་གྱིས་སྨྲས་པ། ཁྱིམ་བདག་འབྱོར་པ་ཕུན་སུམ་ཚོགས་ཤིང་བང་མཛོད་ཡོངས་སུ་གང་བ་དང་། །ཞིང་གི་སོ་ནམ་ལེགས་པར་བྱེད་ཅིང་རླབས་ཆེ་རྣམ་པ་སྣ་ཚོགས་བྱེད་པ་དང་། །དབང་ཕྱུག་དབང་དུ་གྱུར་པ་ལ། །རིམ་པ་འདི་འཇིག་རྟེན་ན་དར་བར་འགྱུར་
[16a]
[16a.1]གྱིས། གནས་སྐབས་འདི་ལྟ་བུ་མི་རུང་ངོ་ལྟོས་ཤིག །བདག་གིས་བློ་ཡིས་ལྕོགས་ཤིང་མ་ཡེངས་པ་འམ། །གྲགས་པའི་རྗེས་མཐུན་རིགས་དང་མཐུན་པ་འམ། །ལས་ཀྱི་ཡོན་ཏན་གྱི་ནི་འབྱོར་ཐོབ་ནས། །ཉི་མ་བཞིན་དུ་འགྲན་ཟླ་ཟིལ་མནན་ཏེ། །སྐྱེ་བོ་
[16a.2]རྣམས་ནི་ཞོར་ལ་གྲོགས་བཙལ་ནས། །མཛའ་བོར་བཅས་པའི་གཉེན་རྣམས་མགུ་བྱས་ཏེ། །རྒྱལ་པོ་ལས་ཀྱང་བཀུར་སྟི་ཐོབ་གྱུར་ནས། །མངོན་པར་ཆགས་བཞིན་དཔལ་གྱིས་འཁྱུད་གྱུར་ན། །དེ་ནས་སྦྱིན་པའམ་བདེ་བའི་རིམ་པ་ལ། །རབ་ཏུ་ཞུགས་ནས་སྐྱེ་བོས་འཕྱས་གདབ་
[16a.3]མེད། །འདབ་གཤོག་མ་རྫོགས་མཁའ་ལ་འཕུར་འདོད་བཞིན། །སྦྱིན་པ་འབའ་ཞིག་འདོད་པས་བརླག་པར་འགྱུར། །དེ་བས་སྡོམ་ཞིང་མི་གཡེང་གནས་བཅས་ལ། །སྦྱིན་པ་ཐོང་ལ་རེ་ཞིག་ནོར་སོགས་ཤིག །འབྱོར་པ་མེད་པར་གང་ཞིག་མི་སྦྱིན་པ། །དེ་ལ་མ་རབས་གྱུར་པ་ཅི་ཞིག་
[16a.4]ཡོད། །བྱང་ཆུབ་སེམས་དཔས་སྨྲས་པ། ཁྱོད་དེ་ལྟར་ཧ་ཅང་དུས་མ་ཆེ་བར་ཐོང་ཞིག །གཞན་གྱི་དོན་པས་གང་ཞིག་བདག་དོན་ཆེར་འཛིན་པ། །དེས་ཀྱང་འབྱོར་པ་ཁྱད་དུ་བསད་ནས་སྦྱིན་དགོས་སོ། །གང་དག་ཆགས་པ་སྤངས་ནས་སྦྱིན་པར་དགའ་འགྱུར་བ། །
[16a.5]འབྱོར་པ་ཆེན་པོ་ཡིས་ཀྱང་དགའ་བ་དེ་མི་མྱོང་། །འབྱོར་པ་འབའ་ཞིག་གིས་ཀྱང་མཐོ་རིས་ཐོབ་མི་འགྱུར། །སྦྱིན་པ་ཡིས་ནི་གྲགས་པ་སྙན་པ་ཐོབ་པར་འགྱུར། །སེར་སྣ་ལ་སོགས་སྐྱོན་གྱིས་ཟིལ་གྱིས་གནོན་མི་འགྱུར། །དེ་བས་འབྱོར་པ་དེ་ཕྱིར་སྦྱིན་པ་སུས་མི་བྱེད། །གང་
[16a.6]ཞིག་སྐྱེ་ཤིས་ཉེན་པའི་འཇིག་རྟེན་སྐྱོང་འདོད་པའི། །སྙིང་རྗེའི་དབང་གིས་བདག་ཀྱང་རབ་ཏུ་གཏོང་བྱེད་ཅིང་། །གཞན་སྡུག་བསྔལ་བས་བདག་གིས་བདེ་བ་མི་མྱོང་བས། །དེ་བས་དཔལ་ལྡན་ཁྱོད་ཀྱི་ནོར་ཡང་ཅི་ཞིག་བྱ། །ལྷའི་དབང་པོ་གཞན་ཡང་། ནོར་རྣམས་ཕུན་སུམ་
[16a.7]ཚོགས་པ་བཞིན། །ཚེ་ཡང་གནས་པ་མི་བརྟན་ཏེ། །དེ་བས་སློང་མི་མཐོང་ན་ནི། །ཕུན་སུམ་ཚོགས་ལ་མི་ལྟའོ། །ཤིང་རྟ་གཅིག་གིས་གང་དུ་ས་ལ་ལམ་དྲངས་པ། །དེ་བཞིན་གཞན་དང་གཞན་ཡང་ལམ་དེར་བརྟུལ་ཏེ་འདོང་། །དེ་ལྟར་ཐོག་མའི་ལམ་ནི་བདེ་བ་འདི་
[16b]
[16b.1]བོར་ནས། །ཡང་དག་མ་ཡིན་ལམ་དུ་འཇུག་པ་བདག་མི་དགའ། །གལ་ཏེ་བདག་ནི་ཕྱིས་ཀྱང་ནོར་དང་ལྡན་གྱུར་ན། །སློང་མི་རྣམས་ཀྱི་སེམས་ནི་ངེས་པར་མགུ་པར་བྱ། །བརྒྱ་བྱིན་བདག་ནི་སྦྱིན་ལས་ལྡོག་པར་མི་བྱེད་ཅིང་། །འདི་ལྟར་གྱུར་ཀྱང་ཅི་འབྱོར་པ་ནི་སྦྱིན་པར་བྱ། །
[16b.2]དེ་སྐད་ཅེས་སྨྲས་པ་དང་། ལྷའི་དབང་པོ་བརྒྱ་བྱིན་ཡིད་རབ་ཏུ་དགའ་བར་གྱུར་ནས། ལེགས་སོ་ལེགས་སོ་ཞེས་བྱ་བས་མགུ་བར་བྱས་ཏེ་རབ་ཏུ་གུས་ཤིང་བྱམས་པའི་ལྟ་བས་བལྟས་ནས་སྨྲས་པ། སྐྱེ་བོ་རྣམས་ནི་གྲགས་དང་འགལ་བར་འགྱུར་བའི་ལས། །མི་བཟད་ངན་
[16b.3]པ་རྣམས་ཀྱིས་འབྱོར་པ་ཐོབ་པར་འདོད། །བདག་གི་བདེ་ལ་ཆགས་པའི་ཉེས་དམིགས་མང་མཐོང་ནས། །ཤིན་ཏུ་གཡེང་བའི་སེམས་ཀྱིས་ཆགས་པ་རབ་ཏུ་འཇུག །ཁྱོད་ཀྱིས་ནོར་ནི་ཟད་པར་འགྱུར་བའང་མ་བསམས་ཤིག །བདག་གི་བདེ་ཉམས་ང་ཡིས་བསླུས་པའང་མ་
[16b.4]བསམས་པར། །གཞན་གྱི་ནོར་བསྒྲུབ་པ་ལ་སེམས་ནི་བརྟན་གྱུར་པས། །བདག་ཉིད་ཕུན་སུམ་ཚོགས་པར་རབ་ཏུ་ཆེ་བར་བསྟན། །ཨེ་མའོ་རླབས་ཆེན་ཁྱད་པར་འཕགས་པ་གསལ་བ་ཡིས། །སྙིང་གི་སེར་སྣའི་མུན་པ་རབ་ཏུ་བསལ་བར་གྱུར། །ནོར་ནི་མེད་པར་གྱུར་ཀྱང་དེ་
[16b.5]ལ་ཆགས་པ་ཡིས། །རབ་ཏུ་སྦྱིན་ལས་ཞུམ་པའི་སྐྱོན་དུ་ཡོངས་མ་གྱུར། །གཞན་སྡུག་པ་ཡིས་སྡུག་ལ་ངོ་མཚར་མི་ཆེ་སྟེ། །སྙིང་རྗེའི་དབང་གིས་ཁྱོད་ནི་འཇིག་རྟེན་ཕན་པར་འདོད། །གངས་ཀྱི་རི་བོ་རླུང་གིས་བསྐྱོད་པར་མ་ནུས་བཞིན། །རབ་ཏུ་སྦྱིན་ལས་བདག་གིས་
[16b.6]བསྐྱོད་པར་མི་ནུས་སོ། །གྲགས་པ་ཀུན་ཏུ་བསྒྲགས་ཕྱིར་ཡོངས་སུ་བརྟགས་པ་འདིས། །ཁྱོད་ཀྱི་ནོར་འདི་རྣམས་ནི་བདག་གིས་སྦས་པར་གྱུར། །དེ་ལྟར་མ་བྱས་ན་ནི་ནོར་བུ་བཟང་པོ་ཡང་། །ནོར་བུ་དེ་ནི་གྲགས་དང་རིན་ཆེན་མི་རྟོགས་སོ། །དེ་བས་སློང་མི་རྣམས་ལ་
[16b.7]སྦྱིན་པའི་ཆར་ཕོབ་ལ། །སྤྲིན་ཆེན་གྱིས་ནི་མཚོ་རྣམས་གང་བ་བཞིན་དུ་བྱོས། །ངས་ནི་རྗེས་སུ་བཟུང་བས་ནོར་རྣམས་ཟད་མི་འགྱུར། །བདག་གིས་གཙེས་པ་འདི་ཡང་ཁྱོད་ཀྱིས་བཟོད་པར་བྱོས། །ཞེས་བྱ་བས་དེ་མགུ་བར་བྱས་ནས། བརྒྱ་བྱིན་གྱིས་དེའི་ནོར་གྱི་རྣམ་པ་
[17a]
[17a.1]དེ་དག་སླར་བྱིན་ཏེ། བཟོད་པར་བྱས་ནས་དེ་ཉིད་དུ་མི་སྣང་བར་གྱུར་ཏོ། །དེ་ལྟ་བས་ན་སྐྱེས་བུ་དམ་པ་རྣམས་ཀྱི་བདོག་པ་ཟད་དུ་དོགས་པའམ། འབྱོར་པ་ལ་ཆགས་པའི་ཕྱིར་སྦྱིན་པ་དང་འགལ་བར་མི་བྱེད་དོ། །ཚོང་དཔོན་ཟིལ་གྱིས་མི་གནོན་པའི་སྐྱེས་
[17a.2]པའི་རབས་ཏེ་ལྔ་པའོ།། །།སེམས་དཔའ་ཆེན་པོ་རྣམས་ནི་དུད་འགྲོར་གྱུར་ཀྱང་སྦྱིན་པ་ཅི་ནུས་བྱེད་པ་ཡོད་ན། མིར་གྱུར་པ་རྣམས་ལྟ་སུ་ཞིག་སྦྱིན་པ་མི་བྱེད། དེ་ཡང་འདི་སྐད་ཐོས་ཏེ། དགོན་པའི་གནས་ལྡུམ་བུ་དང་། རྩྭ་དང་ཤིང་ལྗོན་པ་ཡིད་དུ་འོང་བ་ཡོད་པ།
[17a.3]མེ་ཏོག་དང་འབྲས་བུར་ལྡན་པ་དང་། ཆུ་གཙང་མ་བཻ་ཌཱུརྱ་མཐིང་ག་དང་འདྲ་བ། འབབ་པའི་མཚོས་མཐའ་བསྐོར་བ། ས་གཞི་ནེའུ་གསིང་སྔོན་པོ་འཇམ་པ་དང་ལྡན་པ། སྐྱེ་བོ་དཀའ་ཐུབ་ཅན་དག་གནས་པ་ཅིག་ན། བྱང་ཆུབ་སེམས་དཔའ་རི་བོང་ཞིག་ཏུ་གྱུར་ཏེ་གནས་སོ་ཞེས་
[17a.4]གྲགས་སོ། །དེ་ནི་ལུས་བཟང་སྙིང་སྟོབས་ཆེ་བ་དང་། །སྟོབས་ཀྱང་ཆེ་ཞིང་གཟི་མདངས་ཆེ་བས་ན། །གཅན་གཟན་ངན་པས་གླགས་ལྟ་བག་མི་ཚ། །རི་དྭགས་རྒྱལ་པོའི་ཚུལ་གྱིས་དེ་ན་གནས། །བདག་གིས་པགས་པ་ཨ་ཛིན་གྱོན། །བདག་གི་སྤུ་ཡིས་ཤུན་ཕྲགས་བྱས། །
[17a.5]རྩྭ་ཡི་མྱུ་གུས་སེམས་མགུ་ཞིང་། །ཐུབ་པ་བཞིན་དུ་དེ་ན་མཛེས། །དེ་ཡི་ལུས་དང་ངག་ཡིད་ལ། །བྱམས་པས་ཡོངས་སུ་བསྐོར་བ་ཡི། །རི་དྭགས་སློབ་མ་བདེར་གནས་ཤིང་། །བདག་ཉིད་ངན་པ་སྤངས་པར་གྱུར། །དེའི་ཡོན་ཏན་ཁྱད་པར་ཅན་གྱིས་བྱམས་པ་དང་གུས་
[17a.6]པ་བསྐྱེད་པས་སེམས་རབ་ཏུ་ཆགས་པའི་གྲོགས་གསུམ་ཡོད་པ་ནི། སྲམ་དང་། ཅེ་སྤྱང་དང་། སྤྲེའུ་རྣམས་སོ། །དེ་དག་ཀྱང་ཕན་ཚུན་གཉེན་འདུན་འབྲེལ་བ་བཞིན་དུ་གཅིག་ལ་གཅིག་བྱམས་ཤིང་ཆགས་པར་གྱུར། གཅིག་ལ་གཅིག་སྤོབས་ཤིང་བཀུར་སྟི་བྱེད་པས་རབ་ཏུ་
[17a.7]མཛའ་བར་གྱུར་པའི་གྲོགས་པོ་བཞིན་དུ་དགའ་ཞིང་དེ་ན་གནས་ཏེ། དུད་འགྲོའི་རང་བཞིན་ལ་ནི་དེ་མི་ཕྱོགས། །སྲོག་ཆགས་རྣམས་ལ་སྙིང་རྗེ་ཆེ་བ་དང་། །བརྐམ་པ་མེད་པ་དང་། རྐུ་བ་མི་དྲན་པ་དང་། ཆོས་དང་མཐུན་པའི་འཚོ་བ་ལ་གནས་པ་དང་། རྣམ་པར་ཤེས་པ་
[17b]
[17b.1]གསལ་བས་དུལ་བ་དང་། སྡོམ་པ་སྤྱོད་པ་བརྟན་པའི་ཕྱིར། ལྷ་རྣམས་ཀྱང་ཡ་མཚན་དུ་གྱུར་ཏོ། །བདེ་དང་མཐུན་ཞིང་ཡོན་ཏན་མི་མཐུན་ཚུལ། །ཡོན་ཏན་མཐུན་ཞིང་བདེ་དང་མི་མཐུན་ཚུལ། །མི་ཡང་ཡོན་ཏན་ཕྱོགས་ལ་བརྟེན་ན་ནི། །རྣམ་པར་མཛེས་པ་དུད་འགྲོ་སྨོས་
[17b.2]ཅི་དགོས། །རི་བོང་གཟུགས་ཅན་མཁས་ཏེ་དེ་རྣམས་ཀྱི། །གཞན་ལ་སྙིང་རྗེ་ཆེ་བའི་བླ་མར་གྱུར། །ཡོན་ཏན་རྗེས་འགྲོ་རང་བཞིན་ཕུན་སུམ་ཚོགས། །དེ་རྣམས་གྲགས་པ་ལྷ་ཡུལ་དུ་ཡང་གྲགས། །དེ་ནས་རེ་ཞིག་ཅིག་བདག་ཉིད་ཆེན་པོ་དེས་ཕྱི་དྲོའི་དུས་སུ་གྲོགས་དེ་རྣམས་
[17b.3]ཆོས་ཉན་པའི་ཕྱིར་ལྷགས་ཏེ། རབ་ཏུ་གུས་པས་བཀུར་སྟི་བྱས་པ་དང་། ཟླ་བ་ཡར་གྱི་ངོའི་ཚེས་བཅུ་བཞི་ལ་དཀྱིལ་འཁོར་ཡོངས་རྫོགས་སུ་ཉེ་བ་ཉི་མ་དང་ཐག་རིང་བ་རྣམ་པར་དཀར་ཞིང་མཛེས་པ། དངུལ་གྱི་མེ་ལོང་ལུང་མེད་པ་འདྲ་བ་ངོས་ཅིག་ཅུང་ཟད་སྔོ་བ་ཤར་བ་ལ་བལྟས་ནས་གྲོགས་རྣམས་
[17b.4]ལ་སྨྲས་པ། དཀྱིལ་འཁོར་ཅུང་ཟད་མ་རྫོགས་པ། །བཟང་པོ་འདི་ལ་དགོངས་པ་བཞིན། །དགེ་བ་རྣམས་ལ་གསོ་སྦྱོང་གིས། །སྤྲོ་བ་ཟླ་བ་འདི་སྟོན་ཏོ། །དེ་བས་ན་ངེས་པར་སང་ནི་ཚེས་བཅོ་ལྔ་སྟེ། ཁྱེད་རྣམས་ཀྱང་གསོ་སྦྱོང་དང་སྡོམ་པ་ལ་
[17b.5]བརྩོན་ཞིང་། རིགས་པར་རྙེད་པའི་ཁ་ཟས་ཀྱི་དུས་སུ་ལྷགས་པའི་གློ་བུར་པ་བྱུང་ན་མགྲོན་གྱིས་ལ་སྲོག་གཟུང་བར་བྱ་བར་རིགས་སོ། །ཁྱེད་རྣམས་ལྟོས་ཤིག །འདུ་བ་གང་ཡོད་མཐའ་ནི་བྲལ་བར་འགྱུར། །དར་བ་ཡོད་ན་དེ་ཡང་རྒུད་པའི་མཐའ། །ཚེ་ཡང་གློག་བཞིན་
[17b.6]འགྱུར་ཞིང་མི་བརྟན་ནོ། །དེ་ཕྱིར་བག་ཡོད་པ་ལ་བརྟན་པར་གྱིས། །དེ་བས་སྦྱིན་པ་ཚུལ་ཁྲིམས་བརྒྱན་པ་ཡི། །བསོད་ནམས་དག་ནི་ཁྱེད་ཅག་སྤེལ་བར་གྱིས། །ཀྱེ་ཧོ་ངན་འགྲོའི་ནང་ན་འཁོད་པའི་ཚེ། །འཇིག་རྟེན་རྣམས་ལ་བསོད་ནམས་རྟེན་གྱི་མཆོག །སྐར་
[17b.7]མ་རྣམས་ཀྱི་དཔལ་ནི་ཟིལ་མནན་ནས། །གཟི་མདངས་ཡོན་ཏན་གྱིས་ནི་ཟླ་བ་མཛེས། །འོད་ཟེར་ཅན་རྣམས་ཉི་མས་ཟིལ་མནན་ནས། །མཛེས་པར་གང་འགྱུར་དེ་ནི་བསོད་ནམས་མཐུ། །ས་ཡི་དབང་གྱུར་རྣམས་ཀྱི་བསོད་ནམས་མཐུས། །རྒྱལ་པོ་རྣམས་དང་བློན་པོ་དྲེགས་
[18a]
[18a.1]པ་རྣམས། །དྲེགས་པ་ཀུན་སྤངས་རྟ་མཆོག་ཚུལ་དག་གིས། །དགའ་བ་བཞིན་དུ་བཀའ་ལུང་ཉན་པར་བྱེད། །སོ་ཚིས་བྱ་བའི་དོན་ལ་འབད་གྱུར་ཀྱང་། །བསོད་ནམས་མི་ལྡན་དཔལ་མིན་རྗེས་སུ་འབྲང་། །བསོད་ནམས་ཆེ་བས་དེ་ནི་བསྐྲད་པ་བཞིན། །
[18a.2]དེ་དང་མི་མཐུན་དྲུང་དུ་ཁྲོས་བཞིན་འགྲོ། །སྡུག་བསྔལ་གཞིར་གྱུར་གཏམ་ངན་རྗེས་འབྲང་བས། །སྡིག་པའི་ལས་ལམ་དེ་ལས་སླར་ལོག་ལ། །དེ་ལས་བསོད་ནམས་སྤྱད་པ་དཔལ་ལྡན་པ། །བདེ་བ་རབ་བྱུང་བསྒྲུབ་ལ་བློ་བྱོས་ཤིག །དེ་དག་གིས་དེ་བཞིན་བགྱིའོ་ཟེར་ནས་
[18a.3]རྗེས་སུ་བསྟན་པ་མཉན་ཏེ་ཕྱག་འཚལ་བསྐོར་བ་བྱས་ནས། རང་རང་གི་གནས་སུ་སོང་ངོ་། །གྲོགས་དེ་དག་སོང་ནས། རིང་པོ་མ་ལོན་པར་བདག་ཉིད་ཆེན་པོ་དེས་བསམས་པ། མགྲོན་ཅིག་བྱུང་ན་དེ་དག་གིས། །ཅིར་ཡང་རུང་བས་མགྲོན་བྱར་ཡོད། །བདག་གིས་
[18a.4]ཅི་ཡང་སྦྱིན་དུ་མེད། །བདག་གིས་སོ་རྩེས་བཅད་པ་ཡི། །རྩྭ་ཡི་མྱུ་གུ་ཁ་བོ་ནི། །མགྲོན་ལ་སྦྱིན་དུ་ཡང་མི་རུང་། །མི་ནུས་པ་ནི་ཡོང་ཡེ་སྨད། །དེ་བས་ཅི་ཡང་མི་ནུས་པ། །བདག་ནི་གསོན་ཡང་ཅི་ལ་ཕན། །བདག་ནི་མགྲོན་ཅིག་བྱུང་གྱུར་ན། །དགའ་ཞིང་མྱ་ངན་སྐྱེ་
[18a.5]བར་འགྱུར་སྙམ་མོ། །ད་མགྲོན་བྱར་རུང་བ་སྙིང་པོ་མེད་པའི་ལུས་འདི་གར་བོར་ན། འགའ་ཞིག་ལ་ཕན་ཐོགས་པར་འགྱུར་སྙམ་དུ་བསམས་པ་དང་། བདག་ཉིད་ཆེན་པོ་དེས་དྲན་པ་རྙེད་པ། ཨེ་མའོ། དབང་བདག་ལ་ཡོད་ཅིང་རྙེད་སླ་བ་བདག་གི་ལུས་པོ་འདི་ཉིད་མགྲོན་
[18a.6]རྣམས་ལ་སྦྱིན་དུ་རུང་བའི་ནོར་ཁ་ན་མ་ཐོ་བ་མེད་པ་བདག་ལ་ཡོད་བཞིན་དུ་ཅིའི་ཕྱིར་མྱ་ངན་བྱེད། བདག་གིས་མགྲོན་བྱར་རུང་བ་འདི་རྙེད་ཀྱིས། །སྙིང་ཁྱོད་ད་ནི་མི་དགའ་མ་བྱེད་ཅིག །བདག་གིས་ད་ནི་མགྲོན་རྣམས་སྤོབས་པ་ལ། །རྫོགས་པར་ཡོད་པའི་ལུས་འདིས་བཀུར་
[18a.7]སྟི་བྱའོ་སྙམ་དུ་ངེས་པར་བསམས་ནས། སེམས་དཔའ་ཆེན་པོ་དེ་རྙེད་པའི་མཆོག་རྙེད་པ་བཞིན་དུ་དགའ་བར་གྱུར་ཅིང་དེ་ན་འདུག་གོ། །དེ་ཡི་སྙིང་ལ་རྣམ་རྟོག་པ། །ཁྱད་པར་ཅན་ནི་སྐྱེས་གྱུར་པས། །མཐུ་དང་རབ་ཏུ་དང་བ་དག །ལྷ་རྣམས་ལ་ནི་བསྟན་པར་གྱུར། །དེ་ནས་
[18b]
[18b.1]ས་གཞི་རི་དང་བཅས་པ་གཡོས་པ་ནི། །རྒྱ་མཚོ་འཁྲུག་པའི་གོས་གྱོན་དགའ་བ་བཞིན། །མཁའ་ལས་ལྷ་ཡི་རྔ་སྒྲ་རྒྱས་པར་གྲག །ཕྱོགས་ཀྱང་རབ་ཏུ་དང་བའི་གོས་གྱོན་གསལ། །སྤྲིན་ཀྱང་གློག་དང་ལྡན་པ་འབྲུག་གི་སྒྲ། །རྒྱུན་ཆགས་དལ་བུས་སྒྲོགས་ཤིང་དགོད་པ་
[18b.2]བཞིན། །ཕན་ཚུན་བདས་པས་རྡུལ་རྣམས་ལྷགས་པ་ཡི། །མེ་ཏོག་རྒྱུན་ཆགས་རྣམས་ཀྱིས་དེ་ལ་འཐོར། །སེར་བུ་དལ་བུར་ལྡང་བའི་རླུང་གིས་ཀྱང་། །ལྗོན་ཤིང་སྣ་ཚོགས་མེ་ཏོག་དྲི་ཞིམ་རྡུལ། །རབ་ཏུ་འཁྲིགས་པ་སྲབ་མོའི་གོས་བཀྲམ་བཞིན། །རབ་ཏུ་དགའ་བས་དེ་
[18b.3]ལ་མཆོད་བྱེད་འདྲ། །དེའི་རྣམ་པར་རྟོག་པ་རྨད་དུ་བྱུང་བ་དེ་ལ་རབ་ཏུ་དགའ་ཞིང་ཡིད་ལ་ངོ་མཚར་སྐྱེས་པའི་ལྷ་རྣམས་ཀྱིས་ཀུན་ཏུ་བསྒྲགས་པ་ལྷའི་དབང་པོ་བརྒྱ་བྱིན་གྱིས་ཐོས་ནས། ཡིད་ལ་ཡ་མཚན་དང་ངོ་མཚར་ཆེ་བར་གྱུར་ནས། དེའི་བསམ་པ་ཉམས་བསྐྱེད་པའི་ཕྱིར།
[18b.4]ཕྱིར་ཉིན་ཉི་མ་ཕྱེད་ཀྱི་དུས་ན་ཉི་ཟེར་གྱི་འོད་ཀྱིས་ནི་རབ་ཏུ་གསལ་བར་གྱུར། ཕྱོགས་ཐམས་ཅད་ཀྱི་སྨིག་རྒྱུ་འཁྲིགས་པའི་གོས་ནི་གྱོན། ཉི་མ་ཚ་བའི་འོད་ཀྱིས་ནི་མགོ་གཡོགས། མིག་གིས་བལྟར་ཡང་མི་བཟོད་པར་གྱུར་པའི་ཚེ་ན། ནགས་ཚལ་ཆེན་པོ་རྣམས་ཀྱི་གྲིབ་མ་ཉི་
[18b.5]ཟེར་གྱིས་བསྒྲིབས་པ་ལྟ་བུར་གྱུར། ཚ་བའི་སྦྲང་བུ་རྣམས་ཀྱི་སྒྲ་ནི་ཆེར་གྲག །བྱ་རྣམས་ལྡིང་ཞིང་རྒྱུ་བའི་རྒྱུན་ནི་ཆད། མགྲོན་པོ་རྣམས་ནི་ཚ་བས་གདུང་ཞིང་ངལ་བར་གྱུར་པས་ན། ལྷ་རྣམས་ཀྱི་དབང་པོ་བརྒྱ་བྱིན་བྲམ་ཟེའི་གཟུགས་སུ་བསྒྱུར་ནས་ལམ་ནོར་བ་འདྲ་བར་
[18b.6]བྱས་ནས། བཀྲེས་པ་དང་སྐོམ་པ་དང་ངལ་བས་གདུངས་ཤིང་མགྲིན་པ་འགག་པ་བཞིན་དུ་དེ་དང་ཉེ་ས་ཅིག་ཏུ་སྒྲ་ཕྱུང་སྟེ་ངུས་ཤིང་བོས་པ། གྲོགས་དང་བྲལ་བ་གཅིག་པུར་གྱུར། །ནགས་ཚལ་སྟུག་པོའི་ནང་དུ་འཁྱམས། །བཀྲེས་ཤིང་ངལ་བས་བདག་ལུས་དུབ། །
[18b.7]དགེ་སེམས་ཀྱིས་ནི་བསྐྱབ་པར་རིགས། །བདག་ནི་ལམ་དང་ལམ་མིན་མི་ཤེས་པས། །གཅིག་པུ་ཕྱོགས་སླར་གར་འགྲོ་གཏོལ་ཡང་མེད། །དགོན་པ་འདི་ན་ཚ་ཞིང་སྐོམ་པས་གདུངས། །མ་འཇིགས་སྒྲ་ཡིས་སུ་ཞིག་བདག་ཚིམ་བྱེད། །དེ་ནས་སྐྱེས་བུ་ཆེན་པོ་དེས་
[19a]
[19a.1]སྙིང་རྗེ་རྗེ་སྐད་ཟེར་བའི་སྒྲ་དེ་ཐོས་ནས་སྙིང་འདར་བར་གྱུར་ཏེ་རིངས་རིངས་ལྟར་མགྱོགས་སུ་སོང་སྟེ། ཕྱོགས་དེར་ཕྱིན་པ་དང་། མགྲོན་པོ་ལམ་ནོར་ཏེ་ཉམ་ཐག་པ་དེ་མཐོང་ནས་ཉེ་བར་ལྷགས་ཏེ། གུས་པ་དང་བཅས་པས་དབུགས་ཕྱུང་ཞིང་སྨྲས་པ། བདག་
[19a.2]ནི་དགོན་པར་འཁྱམས་སྙམ་དུ། །ཁྱོད་ཀྱི་བསམས་པ་དེ་ཐོང་ཤིག །བདག་གི་སློབ་མ་འཁོད་བཞིན་དུ། །བདག་ཅག་གང་ཕྱིར་ཉེ་བར་འཁོད། །དེ་བས་དེ་རིང་བདག་ཅག་གིས། །བཀུར་སྟི་བྱ་བ་ཡོངས་བཟུང་ཞིང་། །ཞི་བ་ཡོངས་སུ་བཟུང་ནས་སུ། །སོང་ནི་ཇི་ལྟར་
[19a.3]འདོད་པར་སོང་། །དེ་ནས་ཅང་མི་ཟེར་བས་མགྲོན་དུ་བོས་པ་ཁས་བླངས་པ། སྲམ་གྱིས་རིག་ནས། དགའ་བས་རྟབ་རྟབ་པོར་གྱུར་ཞིང་མགྱོགས་པར་སོང་སྟེ། ཉ་མོ་བདུན་ཁྱེར་ཏེ་འོངས་ནས་སྨྲས་པ། ཉ་པ་རྣམས་ཀྱིས་བརྗེད་ནས་བོར་བའམ། སྡངས་ཏེ་བརྒལ་ནས་
[19a.4]ཐང་ལ་འདྲེས་པ་དག །མི་དགའ་གཉིད་ཀྱིས་ལོག་པའི་ཉ་བདུན་པོ། །བདག་གིས་རྙེད་པ་འདི་དག་ཟོ་ལ་འདུག །དེ་ནས་ཅེ་སྤྱང་ཡང་ཅི་སྙེད་པའི་ཟས་དག་ཁྱེར་ཏེ་འོངས་ནས་ཕྱག་བྱས་ཏེ་གུས་པར་སྨྲས་པ། སྐྱིན་གོར་གཅིག་དང་ཞོ་ནི་རྫེའུ་གང་ཞིག །ལ་ལ་ཅིག་གིས་
[19a.5]བོར་བ་རྙེད་པ་འདི། །བདག་ལ་ཕན་པའི་ཕྱིར་ནི་དེར་བསྣམས་ལ། །ཡོན་ཏན་གནས་ཁྱོད་ནགས་ཚལ་འདིར་བཞུགས་ཤིག །ཅེས་སྨྲས་ནས་ཡིད་དགའ་བཞིན་དུ་དེ་ལ་བྱིན་ནོ། །དེ་ནས་སྤྲེའུས་ཤིང་ཐོག་ཨ་མྲའི་འབྲས་བུ་རབ་ཏུ་སྨིན་པ་འཇམ་པོ་ལྡོང་རོས་ཀྱི་ཕྱེ་མས་ཁ་བསྒྱུར་
[19a.6]བ་འདྲ་བ་སེར་བ་རྩ་བ་དམར་བའི་སྙེ་མ་དག་ཁྱེར་ཏེ་འོངས་ནས་ཐལ་མོ་སྦྱར་ཏེ་དེ་ལ་སྨྲས་པ། ཨ་མྲ་སྨིན་དང་ཡིད་དུ་འོང་བའི་ཆུ། །གྲིབ་མ་བསིལ་བ་དམ་པ་རྣམས་དང་འགྲོགས། །བདག་ལ་མཆིས་ཀྱི་ཚངས་པ་རིག་པའི་མཆོག། །
[19a.7]འདི་དག་བསྣམས་ནས་ཁྱེད་ནི་འདིར་བཞུགས་ཤིག །དེ་ནས་རི་བོང་གིས་ཞེ་ས་དང་བཅས་པས་དེའི་དྲུང་དུ་འོངས་ཏེ་གུས་པར་ལྟ་ཞིང་། བདག་གི་ལུས་ཀྱིས་མགྲོན་དུ་བྱེད་པ་ནི། །ནགས་ཀྱི་རི་བོང་ལ་ནི་ཅི་ཡང་མེད། །མུངྒ་དང་ནི་ཏིལ་དང་འབྲས་ཀྱང་མེད། །བདག་གི་ལུས་ནི་མེ་ལ་བསྲེག་པ་འདི། །
[19b]
[19b.1]བསྣམས་ལ་དེ་རིང་དཀའ་ཐུབ་ནགས་ན་བཞུགས། །གང་གི་དོན་གྲུབ་ནོར་ནི་ཅི་ཡོད་པ། །ཕོངས་པ་འོང་ན་ད་ནི་དེ་ལ་འབུལ། །བདག་ལ་ལུས་ལས་ལྷག་པའི་ནོར་ཡང་མེད། །དེ་བས་བདག་གི་ནོར་ཕྱིར་འདི་ཁྱེར་ཅིག །བརྒྱ་བྱིན་གྱིས་སྨྲས་པ། བདག་ཅག་ལྟ་
[19b.2]བུས་གཞན་དག་གི །སྲོག་ཀྱང་གཅོད་པར་མི་བྱེད་ན། །དེ་ལྟར་རབ་ཏུ་བྱམས་བསྟན་པ། །ཁྱེད་ལྟ་བུ་ལ་སྨོས་ཅི་དགོས། །རི་བོང་གིས་སྨྲས་པ། བྲམ་ཟེ་ཆོས་ལ་འདི་ལྟ་བུའི་སྙིང་རྗེ་ཉེ་བར་གནས་པ་ནི་རིགས་ཀྱི། དེ་བས་ན་བདག་ལ་ཕན་པའི་ཐབས་འགའ་ཞིག་གུད་
[19b.3]ནས་བཙལ་ཏེ་འོང་གི་དེའི་བར་དུ་བདག་ལ་ཕན་པའི་སླད་དུ་རེ་ཞིག་འདི་ན་བཞུགས་ཤིག །དེ་ནས་ལྷའི་དབང་པོ་བརྒྱ་བྱིན་གྱིས་དེའི་བསམ་པ་ཤེས་ནས། མེའི་ཕུང་པོ་གསེར་བཙོ་མའི་མདོག་འདྲ་བ་ཅུང་ཟད་འབར་བ་མེ་སྟག་རྣམ་པར་འཕྲོ་བ་དུ་བ་མེད་པ་ཞིག་མངོན་པར་སྤྲུལ་
[19b.4]ལོ། །དེ་ནས་རི་བོང་གིས་ཕྱོགས་ཀུན་ཏུ་བལྟས་པ་དང་མེའི་ཕུང་པོ་དེ་མཐོང་ངོ་། །མཐོང་ནས་ཀྱང་ཡིད་དགའ་ནས། བརྒྱ་བྱིན་ལ་སྨྲས་པ། བདག་ལ་ཕན་པའི་ཐབས་འདི་བདག་གིས་རྙེད་དེ། དེ་བས་ན་བདག་གིས་ལུས་ལོངས་སྤྱོད་དུ་བྱས་པས་ཕན་གདགས་
[19b.5]པའི་བསམ་པས་འབྲས་བུ་དང་བཅས་པ་བདག་ལ་མཛད་པར་རིགས་སོ། །བྲམ་ཟེ་ཆེན་པོ་གཟིགས་སུ་གསོལ། །སྦྱིན་པར་བྱ་དང་སྦྱིན་འདོད་གཞོལ་སེམས་དང་། །ཁྱོད་ལྟ་བུ་ཡི་མགྲོན་དང་ལྡན་གྱུར་པ། །འདི་ལྟ་བུ་ནི་རྙེད་པ་རབ་ཏུ་དཀའ། །དེ་ལ་བརྟེན་ནས་བདག་
[19b.6]ནི་དོན་ཡོད་འགྱུར། །ཅེས་མགྲོན་ལ་དགའ་བའི་ཕྱིར་གུས་ཤིང་རིམ་གྲོ་བསྐྱེད་དེ། དེ་ལ་འདི་སྐད་སྨྲས་སོ། །དེ་ནས་དེ་ནི་མེ་འབར་དེ་ནང་དུ། །ནོར་འདོད་པ་དག་གཏེར་ནི་མཐོང་བ་བཞིན། །རབ་ཏུ་དགའ་བས་མེ་ཡི་ནང་དུ་ཞུགས། །པདྨ་རྒྱས་པའི་ཆུ་ནང་ངང་པ་
[19b.7]བཞིན། །ལྷ་རྣམས་ཀྱི་བདག་པོས་དེ་མཐོང་ནས། ཡིད་ལ་ངོ་མཚར་སྐྱེས་ཏེ། བདག་ཉིད་ཀྱི་ལུས་སུ་གནས་ནས། ལྷའི་མེ་ཏོག་ཆར་བཞིན་དུ་འབབ་པ་དང་བཅས་པའི་ཚིག་རྣར་སྙན་ཅིང་ཡིད་དུ་འོང་བས་མངོན་པར་བསྟོད་དེ། བདག་ཉིད་ཀྱི་ལག་པ་པདྨའི་འདབ་མ་འདྲ་
[20a]
[20a.1]བ། དཔལ་ཕུན་སུམ་ཚོགས་པ། སོར་གདུབ་ཀྱི་རྒྱན་བཟང་པོས་བརྒྱན་པ་གཉིས་ཀྱིས་དེ་བླངས་ནས། སུམ་ཅུ་རྩ་གསུམ་གྱི་ལྷའི་རིས་ན་གནས་པའི་ལྷ་ཁྱེད་རྣམས་ལྟོས་ཤིག །སྐྱེས་བུ་ཆེན་པོའི་ལུས་རབ་ཏུ་ཡ་མཚན་ཆེ་བ་འདི་ལ་རྗེས་སུ་ཡི་རང་
[20a.2]བར་གྱིས་ཤིག །མགྲོན་ལ་བྱམས་པས་དེ་རིང་མ་ཆགས་པར། ཨེ་མའོ། འདི་ཡིས་ཅི་ལྟར་ལུས་བཏང་བ། །སེམས་ཅན་མི་བརྟན་རྣམས་ཀྱིས་དམན་མ་ཡང་། །དེ་ལྟར་ཐེ་ཚོམ་མེད་པར་གཏོང་མི་ནུས། །འདི་ལྟའི་རིགས་དང་དེ་དག་འགལ་བ་ཡི། །གཏོང་
[20a.3]བ་རྒྱ་ཆེན་སེམས་ཀྱང་གསལ་བ་འདི། །ལྷ་མི་བསོད་ནམས་མི་བྱེད་པ་རྣམས་ལ། །དཔེ་བསྟན་བཞིན་དུ་འདི་ནི་རྣམ་པར་གསལ། །ཨེ་མའོ་ཡོན་ཏན་གོམས་བྱས་པ། །འདི་ཡི་བློ་ལ་བསྒོས་པ་དང་། །ཨེ་མའོ་དམ་པའི་སྤྱོད་གཞོལ་བ། །སྤྱོད་པ་རྒྱ་ཆེན་འདི་ཡིས་བསྟན། །
[20a.4]དེ་ནས་བརྒྱ་བྱིན་གྱིས་དེའི་ལས་ཁྱད་པར་ཅན་བརྟན་པའི་ཕྱིར། འཇིག་རྟེན་ལ་ཕན་པར་བསམས་ནས། ཁང་བཟངས་མཆོག་རྣམ་པར་རྒྱལ་བ་དང་། ལྷའི་འདུན་ས་ཆོས་བཟང་གི་ཁང་པ་བརྩེགས་པ་དང་། ཟླ་བའི་དཀྱིལ་འཁོར་ལ་རི་བོང་གི་གཟུགས་བརྙན་གྱིས་བརྒྱན་
[20a.5]ཏེ་བཞག་གོ། །ཟླ་བའི་དཀྱིལ་འཁོར་བཟང་པོ་ལ། །དིང་སོང་དུ་ཡང་རི་བོང་གཟུགས། །མེ་ལོང་དཀྱིལ་ན་གཟུགས་བརྙན་བཞིན། །རབ་ཏུ་མངོན་པར་མཛེས་པར་སྣང་། །དེ་དག་ཕྱིན་ཆད་འཇིག་རྟེན་པས། །ཀུ་མུ་ཏ་ཡི་ཁ་འབྱེད་པ། །མཚན་མོའི་མཚན་མ་ཟླ་བ་ལ། །
[20a.6]རི་བོང་མཚན་མ་ཅན་ཞེས་གྲགས། །དེ་བས་ན་དེ་ལྟར་སེམས་དཔའ་ཆེན་པོ་དུད་འགྲོར་གྱུར་པ་རྣམས་ཀྱང་ཅི་ནུས་པར་སྦྱིན་པ་བྱེད་པ་མཐོང་ན་མིར་གྱུར་པ་སུ་ཞིག་སྦྱིན་པ་མི་བྱེད། དེ་བཞིན་དུ་དུད་འགྲོར་གྱུར་པ་རྣམས་ཡོན་ཏན་ལ་དགའ་ན། དམ་པ་རྣམས་ཀྱིས་
[20a.7]མཆོད་པར་གྱུར་པའི་ཕྱིར། ཡོན་ཏན་ལ་གུས་པར་བྱའོ། །ཞེས་ཀྱང་བཤད་པར་བྱའོ། །རི་བོང་དུ་སྐྱེས་པའི་རབས་ཏེ་དྲུག་པའོ།། །།དཀའ་ཐུབ་ཀྱི་ནགས་ཚལ་ན་གནས་པ་རྣམས་ལ་ཡང་གཏོང་བ་དང་དཔའ་བ་གཉིས་རྒྱན་དུ་གྱུར་ན། ཁྱིམ་ན་གནས་
[20b]
[20b.1]པ་རྣམས་ལ་སྨོས་ཅི་དགོས། དེ་ཡང་འདི་སྐད་ཐོས་ཏེ། བཅོམ་ལྡན་འདས་འདི་བྱང་ཆུབ་སེམས་དཔར་གྱུར་པའི་ཚེ། འཇིག་རྟེན་ལ་ཕན་པའི་ཕྱིར་འཁོར་བ་ན་གནས་པའི་ཚེ། སྤྱོད་པ་དང་ཡོན་ཏན་རྣམ་པར་དག་པས་མངོན་པར་མཚོན་པ། སའི་སྟེང་ན་རྒྱན་དུ་གྱུར་པ།
[20b.2]ཟླ་བའི་དཀྱིལ་འཁོར་ཡོངས་སུ་རྫོགས་པ་ནམ་མཁའ་ལ་ཤར་བ་བཞིན་དུ་བྲམ་ཟེའི་རིགས་ཅིག་ཏུ་སྐྱེས་པར་གྱུར་ཏོ། །ཞེས་གྲགས་སོ། །དེ་བཞིན་དུ་ཐོས་པ་དང་། དྲན་པ་ལས་བྱུང་བའི་ཆོ་ག་བཞིན་དུ་སྐྱེས་པའི་ལས་ལ་སོགས་པའི་བྱ་བ་རྣམས་ནི་བྱས། རིག་བྱེད་ཡན་
[20b.3]ལག་དང་བཅས་པ་ནི་བསླབ། མཁས་པའི་གྲགས་པས་ནི་མིའི་འཇིག་རྟེན་མ་ལུས་པར་ཁྱབ་པར་བྱས། སྦྱིན་པ་པོ་ཡོན་ཏན་ལ་དགའ་བ་རྣམས་ཀྱིས་གསོལ་བ་བཏབ་སྟེ། ཕུལ་བ་རྣམས་བླངས་པས་འབྱོར་པའི་ཕྱིར། ནོར་རབ་ཏུ་ཕུན་སུམ་ཚོགས་པར་གྱུར་ཏོ། །
[20b.4]གཉེན་དང་མཛའ་བཤེས་བརྟན་དང་ཕོངས་རྣམས་དང་། །མགྲོན་དང་བླ་མར་བཀུར་སྟི་བྱ་བ་རྣམས། །འབྱོར་པ་དེས་ནི་རབ་ཏུ་ཚིམ་བྱས་ནས། །ཡུལ་དུ་སྤྲིན་གྱི་ཆར་ཆེན་བབ་པ་བཞིན། །མཁས་པའི་ཕྱིར་ནི་དེ་ཡི་གྲགས་པ་དེ། །གཏོང་བ་དང་ནི་དཔའ་བས་ལྷག་གྱུར་པས། །
[20b.5]སྟོན་ཀའི་ཟླ་བ་རྣམ་པར་དག་པ་དང་། །ཡོངས་སུ་རྫོགས་པས་ལྷག་པར་གསལ་བ་བཞིན། །དེ་ནས་བདག་ཉིད་ཆེན་པོ་དེ་ཁྱིམ་ན་གནས་པ་བྱ་བ་ངན་པས་བྲེལ་བའི་ཉེས་པས་གླགས་པ། བག་མེད་པའི་གནས་སུ་གྱུར་པ། ནོར་སྒྲུབ་ཅིང་བསྲུང་བའི་ཞར་གྱིས་རྣམ་པར་དཀྲུགས་པ།
[20b.6]ཉེ་བར་ཞི་བ་དང་འགལ་བ། སྡུག་བསྔལ་མང་པོའི་མདའི་འབེན་དུ་གྱུར་པ། སོ་ཚིས་ཀྱི་ལས་བསྒྲུབ་པ་མཐའ་ཡས་པས་དུབ་པར་གྱུར་པ། ཆོག་མི་ཤེས་པས་བདེ་བ་མྱོང་བ་ཆུང་བར་རིག་ནས། རབ་ཏུ་བྱུང་བ་ནི་དེའི་ཉེས་པ་མེད་ཅིང་བདེ་བ་ལ་ཆོས་བསྒྲུབ་པ་དང་རྗེས་སུ་
[20b.7]མཐུན་པ། ཐར་པའི་ཆོས་བརྩམས་པའི་གནས་སུ་གྱུར་པར་མཐོང་བས་ཉོན་མ་མོངས་པར་རྙེད་པའི་ནོར་ཕུན་སུམ་ཚོགས་པ་འཇིག་རྟེན་གྱིས་བཀུར་སྟི་བྱས་པ། ཡིད་དུ་འོང་བ་དེ་དག་ཀྱང་རྩྭ་བཞིན་སྤངས་ནས། རབ་ཏུ་བྱུང་བ་དཀའ་ཐུབ་ཅན་གྱི་ཆོས་འདུལ་བ་དང་། སྡོམ་པ་
[21a]
[21a.1]ལ་རབ་ཏུ་འབད་པར་གྱུར་ཏོ། །སེམས་དཔའ་ཆེན་པོ་དེ་རབ་ཏུ་བྱུང་བར་གྱུར་ཀྱང་། གྲགས་པ་ཆེ་བ་དང་། སྔོན་ཤེས་པ་རྗེས་སུ་དྲན་པ་དང་། སྲིད་པའི་ཡོན་ཏན་དང་རབ་ཏུ་ཞི་བས་མཚོན་པའི་ཕྱིར་ལེགས་པར་འདོད་པའི་སྐྱེ་བོ་རྣམས་དེའི་ཡོན་ཏན་
[21a.2]མང་པོས་ཡིད་མགུ་བས་དེའི་ཕྱི་བཞིན་དུ་འདུ་ཞིང་འོང་བར་གྱུར་ཏོ། །དེའི་སྐྱེ་བོ་ཁྱིམ་པའི་འདུ་འཛིས་རབ་ཏུ་དབེན་པའི་བདེ་བ་མེད་པར་བྱེད་པ། འཁྲུག་པ་དང་གཡེང་བ་དང་བར་ཆད་དུ་གྱུར་པ་དེ་ལ་མི་དགའ་ནས་སེམས་རབ་ཏུ་དབེན་པ་ལ་དགའ་བའི་ཕྱིར། ཀུ་རུ་ཞེས་བྱ་བའི་
[21a.3]གླིང་ལྷོ་ཕྱོགས་ཀྱི་རྒྱ་མཚོའི་ནང་ན་འདུག་པ། རྒྱ་མཚོའི་རླབས་རླུང་གིས་བསྐྱོད་པ། ཨན་ད་རྙིལ་གྱི་བཅག་འཕྲོ་ལྟར་སྔོ་བ་འཐོར་བས་མཐའ་མ་བསྐོར་བ། ས་གཞི་བྱེ་མ་སྐྱ་བོས་ཁེབས་པ། ཤིང་ལྗོན་པ་རྣམ་པ་སྣ་ཚོགས་པ་མེ་ཏོག་དང་། འབྲས་བུ་དང་འདབ་མས་བརྒྱན་པ་
[21a.4]རྣམས་ཀྱིས་མཛེས་པར་བྱས་པ། ཆུ་གཙང་མ་བཏུང་དུ་རུང་བ་ཡོད་པ་ཅིག་ཏུ་གནས་ནས། དཀའ་ཐུབ་ལ་གནས་ཤིང་དཔལ་དང་ལྡན་པར་བྱས་སོ། །ལུས་བཟང་དེ་ནི་དཀའ་ཐུབ་ཀྱིས། །རིད་པར་གྱུར་ཅིང་དེ་ན་མཛེས། །མཁའ་ལ་ཟླ་བ་ཚེས་པ་བཞིན། །གཟི་
[21a.5]མདངས་ཆེ་བའང་མཁའ་ལ་སྣང་། །སྤྱོད་དང་དབང་པོ་རབ་ཏུ་ཞི་ཞིང་དུལ། །བརྟུལ་ཞུགས་སྡོམ་ལ་ངེས་བྱས་ནགས་ཚལ་གནས། །བློ་ཡི་མཐུ་ཆུང་རྣམས་ཀྱིས་ཐུབ་པ་ཞེས། །བྱ་དང་རི་དྭགས་རྣམས་ཀྱང་དེ་ལ་འཁོར། །དེ་ནས་བདག་ཉིད་ཆེན་པོ་དེ་དཀའ་ཐུབ་ཀྱི་ནགས་
[21a.6]ཚལ་ན་གནས་ཀྱང་སྦྱིན་པ་ལ་རབ་ཏུ་གོམས་པས་གློ་བུར་པ་རྣམས་དུས་སུ་འོང་ན་རྩ་བ་དང་འབྲས་བུ་ཇི་སྙེད་པ་དང་། ཆུ་གཙང་མ་དང་འདིར་འོངས་པ་ལེགས་སོ་ཞེས་བྱ་བའི་ཚིག་གིས་ཤིས་པ་བརྗོད་པ། ཡིད་དུ་འོང་བ་སྐྱེ་བོ་དཀའ་ཐུབ་ཅན་རྣམས་ཀྱིས་མཆོད་པར་བྱེད་དོ། །
[21a.7]གློ་བུར་དུ་ལྷགས་པ་རྣམས་ལ་མགྲོན་བྱས་པའི་ལྷག་མ་རྣམས་ནགས་ཚལ་ནས་བྱུང་བ་འཚོ་བའི་ཕྱིར་ཟ་ཞིང་གནས་སོ། །དེའི་དཀའ་ཐུབ་མཆོག་ཏུ་གྱུར་པའི་གྲགས་པ་འཕྲོས་པས། ལྷ་རྣམས་ཀྱི་དབང་པོ་བརྒྱ་བྱིན་སེམས་མགུ་བར་གྱུར་ནས། སེམས་དཔའ་ཆེན་པོ་དེ་ཉམས་
[21b]
[21b.1]བརྟན་ནམ་མི་བརྟན་ཉམས་བསྐྱེད་པའི་ཕྱིར། དགོན་པའི་གནས་དེ་ན་རྩ་བ་དང་། འབྲས་བུ་དཀའ་ཐུབ་ཅན་རྣམས་ཀྱིས་བཟར་རུང་བ་ཐམས་ཅད་མཐར་གྱིས་མི་སྣང་བར་བྱས་སོ། །བྱང་ཆུབ་སེམས་དཔའ་ཡང་ཡིད་བསམ་གཏན་ལ་ཞུགས་པ་དང་། ཆོག་ཤེས་པ་ལ་གོམས་
[21b.2]པ་དང་། ཁ་ཟས་ལ་ཞེན་པ་མེད་པ་དང་། ལུས་ལ་མ་ཆགས་པའི་ཕྱིར་དེ་དག་མི་སྣང་བར་གྱུར་པའི་རྒྱུ་ཡིད་ལ་མི་བྱེད་དོ། །དེས་ཤིང་གི་ལོ་མ་གཞོན་ནུ་རྣམས་བཙོས་ཏེ་དེས་ཁ་ཟས་ཀྱི་དགོས་པ་བྱས་ནས་ཞེན་པ་མེད་ཅིང་ཟས་ཁྱད་པར་ཅན་མི་ཚོལ་བར་བློ་བདེ་བར་བྱས་ཏེ་དེར་
[21b.3]གནས་སོ། །ཆོག་ཤེས་ངེས་པའི་བདག་ཉིད་ཅན། །འཚོ་བ་གང་ནའང་བཙལ་མི་དཀའ། །རྩྭ་དང་ལོ་མ་ཆུ་ཡི་གནས། །གང་ནའང་མེད་པ་མ་ཡིན་ནོ། །དེ་དེ་ལྟར་གནས་པས་ལྷའི་དབང་པོ་བརྒྱ་བྱིན་ཉིད་ཡིད་ལ་ངོ་མཚར་ཆེ་བར་གྱུར་ནས། །ཡོན་ཏན་རབ་ཏུ་བརྟན་པ་
[21b.4]དེ་དག་བརྟག་པའི་ཕྱིར་ནགས་ཚལ་དགོན་པ་དེ་ན་ཤིང་ལྗོན་པ་དང་ལྡུམ་བུ་ཐམས་ཅད་དཔྱིད་ཀྱི་རླུང་གིས་བཏབ་པ་བཞིན་དུ་ལོ་མ་ཐམས་ཅད་མེད་པར་བྱས་སོ། །དེ་ནས་བྱང་ཆུབ་སེམས་དཔའ་དེས་ལོ་མ་ལྷགས་ཤིང་རྙིངས་པ་ཅུང་ཟད་ཡོད་པ་རྣམས་བཏུས་ཏེ་ཆུའི་ནང་དུ་བཙོས་པ་
[21b.5]དེ་དག་ཟ་ཞིང་མི་དགའ་བ་མེད་པར་དེར་བསམ་གཏན་གྱི་བདེ་བས་ཡིད་ཚིམ་པར་བྱས་ཏེ། བདུད་རྩིའི་དམ་པ་བཞིན་དུ་གནས་སོ། །མང་དུ་ཐོས་པ་སྙེམས་པ་མེད། །འབྱོར་པ་རྣམས་ནི་སེར་སྣ་མེད། །ནགས་ཚལ་གནས་རྣམས་ཆོག་ཤེས་པས། །ཡོན་ཏན་རྒྱན་གྱི་མཆོག་
[21b.6]ཡིན་ནོ། །དེ་ནས་དེའི་ཆོག་ཤེས་བརྟན་པ་ངོ་མཚར་དུ་གྱུར་པ་དེས། བརྒྱ་བྱིན་ངོ་མཚར་ཆེར་གྱུར་ནས་བོས་པ་བཞིན་དུ། སེམས་དཔའ་ཆེན་པོ་དེ་དྲོ་ལ་བབས་པའི་ཚེ། མེ་ལ་སྦྱིན་སྲེག་བྱ་བ་ནི་ཟིན། བཟླས་བརྗོད་ནི་རྫོགས་ནས། སྐྱེ་བོ་གློ་བུར་དུ་འོངས་པ་ལྟ་བའི་ཕྱིར་
[21b.7]ཕྱོགས་སུ་བལྟས་པ་དང་། ལྷའི་དབང་པོ་བརྒྱ་བྱིན་བྲམ་ཟེའི་གཟུགས་སུ་བསྒྱུར་ནས་གློ་བུར་དུ་འོངས་པ་འདྲ་བར་མདུན་དུ་འོངས་སོ། །བྱང་ཆུབ་སེམས་དཔའ་ཡིད་རབ་ཏུ་དགའ་ནས། དེའི་དྲུང་དུ་འོངས་ནས། འདིར་འོངས་པ་ལེགས་སོ། །ཞེས་བྱ་བ་ལ་སོགས་པའི་
[22a]
[22a.1]ཚིག་སྙན་པར་བརྗོད་ནས། ཟས་ཀྱི་དུས་ལ་བབས་པ་བསྟན་ནས་མགྲོན་དུ་བོས་སོ། །དེས་ཀྱང་མི་སྨྲ་བས་ཁས་བླངས་པ་བདག་ཉིད་ཆེན་པོ་དེས་ཤེས་ནས། སྦྱིན་པ་འདོད་པས་མིག་བགྲད་བཞིན་ནི་འཛུམ་པས་མཛེས། །ཡིད་འོང་རྣར་སྙན་ཚིག་གིས་
[22a.2]དགའ་བར་བྱས་ནས་ནི། །དཀའ་བས་རྙེད་དེ་བཙོས་པ་དེ་དག་ཐམས་ཅད་ཀྱང་། །དེ་ལ་བྱིན་ནས་བདག་ཉིད་དགའ་བས་ཚིམ་པར་གྱུར། །དེ་དེ་བཞིན་དུ་བསམ་གཏན་གྱི་གནས་སུ་ཞུགས་ནས་དགའ་ཞིང་མགུ་བ་ཉིད་ཀྱིས་ཉིན་མཚན་གནས་སོ། །དེ་ནས་བརྒྱ་བྱིན་དེ་ཕྱི་དེ་
[22a.3]གཉིས་དང་། ཉི་མ་གསུམ་ལ་ཡང་དེ་བཞིན་དུ་བརྟུལ་ཞུགས་ཀྱིས་དེའི་མདུན་དུ་འོངས་སོ། །དེའང་རབ་ཏུ་དགའ་ནས་དེ་བཞིན་དུ་དེ་ལ་མཆོད་པ་བྱས་སོ། །སྦྱིན་པར་འདོད་པའི་དགེ་བ་རྣམས། །སྙིང་རྗེ་གོམས་པ་ལས་སྐྱེས་པས། །སྡུག་བསྔལ་སྲོག་ལ་བབས་ན་ཡང་། །
[22a.4]དམན་ཞིང་ཞུམ་པར་ཡོངས་མི་འགྱུར། །དེ་ནས་བརྒྱ་བྱིན་སེམས་ལ་ངོ་མཚར་ཆེ་བར་གྱུར་ནས། འདི་ནི་དཀའ་ཐུབ་ཆེ་བས་སུམ་ཅུ་རྩ་གསུམ་པའི་བདག་པོའི་དཔལ་ཐོབ་པར་བྱ་བ་ཡང་འདོད་པ་ཙམ་གྱིས་འགྲུབ་པར་རིག་ནས་དོགས་པ་དང་འཇིགས་པ་སྐྱེས་ནས། བདག་
[22a.5]གི་ལུས་ལྷའི་ཆ་ལུགས་ངོ་མཚར་ཆེ་བར་བཟང་པོ་དང་ལྡན་པ་མངོན་པར་བསྟན་ནས། དེ་ལ་དཀའ་ཐུབ་ཀྱི་དགོས་པ་དྲིས་སོ། །གཉེན་དང་མཛའ་བཤེས་མཆི་མས་འཇུ་བ་དང་། །བདེ་བའི་རྒྱུར་གྱུར་ཡོངས་སུ་བཟུང་བོར་ནས། །བསམ་པའི་ལྕགས་ཀྱུ་གང་དུ་དམིགས་ནས་ནི། །
[22a.6]དཀའ་ཐུབ་སྡུག་བསྔལ་འདི་ལ་གནས་པར་གྱུར། །བདེ་བ་འབྱོར་པའི་ལོངས་སྤྱོད་ཡོངས་བོར་ཞིང་། །གཉེན་བཤེས་རྣམས་ཀྱང་མྱ་ངན་བསློངས་ནས་སུ། །རྒྱུ་རྐྱེན་ཆུང་ངུ་དག་གིས་བརྟེན་པ་རྣམས། །བདེ་དང་འགལ་བའི་དཀའ་ཐུབ་ནགས་མི་འགྲོ། །གང་གི་ཡོན་
[22a.7]ཏན་ཐོས་ནས་ཁྱོད་ལྟ་བུའི། །བློ་ཡང་དེ་ལྟར་དབང་དུ་བྱས་པ་དེ། །བདག་ལ་གལ་ཏེ་སྨྲ་བར་བྱ་རུང་ན། །དེ་བས་བདག་གི་རྟོག་པ་བསལ་བར་རིགས། །བྱང་ཆུབ་སེམས་དཔས་སྨྲས་པ། གང་གི་ཕྱིར་བདག་ལྟར་འབད་པ་གྲོགས་པོ་ཁྱོད་ཉོན་ཅིག །ཡང་དང་ཡང་དུ་
[22b]
[22b.1]སྐྱེ་བའི་སྡུག་བསྔལ་དང་། །རྒས་དང་རྒུད་དང་ན་བའི་སྡུག་བསྔལ་དང་། །འཆི་བར་གྱུར་སྙམ་སེམས་པའི་འཇིག་རྟེན་རྣམས། །བསྐྱབ་པའི་ཕྱིར་ན་བདག་ནི་དེ་ལྟར་གནས། །དེ་ནས་བརྒྱ་བྱིན་གྱིས་བསམས་པ། འདི་ནི་བདག་གི་དཔལ་འདོད་པ་མ་ཡིན་ནོ་སྙམ་ནས་
[22b.2]དབུགས་ཕྱིན་ཏེ། ལེགས་པར་སྨྲས་པ་དེས་དགའ་བར་གྱུར་ཏེ། དེའི་ཚིག་དེ་རིགས་སོ། །ཞེས་བྱ་བས་དགའ་བ་བསྐྱེད་དེ། བྱང་ཆུབ་སེམས་དཔའ་ལ་མཆོག་སྦྱིན་པར་བྱས་སོ། །འདིར་ཁྱོད་ཀྱིས་དཀའ་ཐུབ་ཅན་དང་མཐུན་པའི་ཚིག་ལེགས་པར་སྨྲས་པའི་ཕྱིར་འོངས་
[22b.3]བས། ཁྱོད་ལ་མཆོག་སྦྱིན་གྱི་གང་འདོད་པ་དེ་སློངས་ཤིག །དེ་ནས་བྱང་ཆུབ་སེམས་དཔས་སྲིད་པའི་བདེ་བ་ལ་མ་ཆགས་པ་དང་། སློང་བ་ཉིད་སྡུག་བསྔལ་དུ་རིག་ཅིང་ཆོག་ཤེས་པ་ལ་གོམས་པས། བརྒྱ་བྱིན་ལ་སྨྲས་པ། རྗེས་སུ་ཕན་པར་བྱེད་པའི་མཆོག །
[22b.4]གལ་ཏེ་བདག་ལ་སྦྱིན་འདོད་ན། །ལྷ་ཡི་མཆོག་ལ་དམ་པ་འདི། །བདག་གིས་ད་ནི་བསློང་བར་བྱའོ། །ཆུང་མ་ཡིད་དུ་འོང་དང་བུ་དང་དབང་བྱེད་དང་། །མངོན་པར་འདོད་པའི་ནོར་རྣམས་རྒྱ་ཆེན་ཐོབ་གྱུར་ཀྱང་། །གང་གིས་ཡིད་གདུངས་རྣམས་ཀྱང་ཆོག་མི་ཤེས་པ་ཡི། །བརྐམ་
[22b.5]པའི་རླུང་དེ་བདག་གི་སྙིང་ལ་མེད་པར་བྱོས། །དེ་ནས་དེའི་ཆོག་ཤེས་པ་ལ་གཞོལ་བ་ལ་ལེགས་པར་སྨྲས་པས་བསལ་བར་བྱས་པ་དེས། བརྒྱ་བྱིན་ཡིད་རབ་ཏུ་དང་བར་གྱུར་ནས། བྱང་ཆུབ་སེམས་དཔའ་ལ་ལེགས་སོ་ཞེས་བྱ་བས་བསྟོད་དེ། ཡང་མཆོག་སྦྱིན་པས་འདུན་
[22b.6]པར་བྱས་སོ། །འདིར་ཡང་སྐྱེ་བོ་དཀའ་ཐུབ་པ་དང་མཐུན་པའི་ཚིག་ཁྱོད་ཀྱིས་ལེགས་པར་སྨྲས་པ་ལ་དགའ་བས། སྐྱེས་ལན་དང་འདྲ་བར་མཆོག་གཞན་ལ་ཡང་སྦྱིན་པར་བྱའོ། །ད་ནས་བྱང་ཆུབ་སེམས་དཔས་མཆོག་སློང་བ་ལ་སྙད་བཏགས་ཏེ། ཉོན་མོངས་པ་དང་བྲལ་བ་
[22b.7]ཐོབ་དཀའ་བ་ཉིད་དེ་ལ་བསྟན་པའི་ཕྱིར་ཡང་དེ་ལ་ཆོས་བཤད་དོ། །ཡོན་ཏན་མཆོག་ནི་བརྒྱ་བྱིན་ཁྱོད། །ང་ལ་གལ་ཏེ་མཆོག་སྦྱིན་ན། །ལྷ་ཡི་དབང་པོ་དམ་པའི་མཆོག །དེ་བས་གཞན་ཡང་འདི་བསླང་ངོ་། །སེམས་ཅན་གང་གིས་ཟིལ་ནོན་དགྲ་བོ་བཞིན། །ནོར་
[23a]
[23a.1]ཡང་ཉམས་ཤིང་མདོག་བཟང་གྲགས་པ་དང་། །བདེ་བ་ལས་ཀྱང་ཉམས་པར་གྱུར་པ་ཡི། །ཞེ་སྡང་མེད་དེ་བདག་ལ་རིང་དུ་བྱོས། །ལྷའི་དབང་པོ་བརྒྱ་བྱིན་གྱིས་དེ་ཐོས་ནས། ངོ་མཚར་དུ་གྱུར་ཏེ། ལེགས་སོ་ཞེས་བྱ་བས་དེ་ལ་གུས་པས་བསྟོད་དེ། ཡང་
[23a.2]སྨྲས་པ། རབ་ཏུ་བྱུང་ལ་གྲགས་པ་དེ། །རྗེས་སུ་ཆགས་བཞིན་བསྟན་པར་འོས། །དེ་བས་ལེགས་པར་སྨྲས་པ་ཡི། །མཆོག་དེ་བདག་ལ་བཞེས་སུ་གསོལ། །དེ་ནས་བྱང་ཆུབ་སེམས་དཔའ་ཉོན་མོངས་པ་དང་མི་མཐུན་པའི་ཕྱིར། མཆོག་འདོད་པ་ལ་སྙད་བཏགས་ནས་
[23a.3]སེམས་ཅན་ཉོན་མོངས་པ་ཅན་དང་འགྲོགས་པ་སྨད་པའི་ཕྱིར་འདི་སྐད་སྨྲས་སོ། །བྱིས་པ་རྣམས་ནི་ནམ་ཡང་མི་ཐོས་ཤིང་། །མཐོང་བར་མི་འགྱུར་ནམས་ཀྱང་མི་སྨྲ་ཞིང་། །དེ་དང་འགྲོགས་པར་སྐྱོ་བའི་སྡུག་བསྔལ་ཡང་། །མི་མྱོང་མཆོག་ནི་བདག་གིས་ཁྱོད་ལ་སློང་། །བརྒྱ་བྱིན་
[23a.4]གྱིས་སྨྲས་པ། ཕོངས་པར་གྱུར་ལ་ཁྱད་པར་དུ། །དམ་པས་ཕན་བཏགས་མ་ཡིན་ན། །ཕོངས་པའི་གནས་སུ་གྱུར་པའི་ཕྱིར། །བྱིས་པ་ཐ་མ་ཡིན་པར་འདོད། །བྱིས་པ་འདི་དག་ཁྱད་པར་དུ། །སྙིང་རྗེའི་གནས་སུ་གྱུར་པ་ནི། །ཅི་ཕྱིར་སྙིང་རྗེ་ཅན་ཡིན་ཡང་། །མཐོང་བ་
[23a.5]ཙམ་དུ་ཁྱོད་མི་འདོད། །བྱང་ཆུབ་སེམས་དཔས་སྨྲས་པ། གྲོགས་པོ་ཁྱོད་མི་ནུས་མོད་འདི་ལ་ལྟོས་ཤིག །ཇི་ལྟར་བྱས་ཀྱང་བྱིས་པ་ལ། །ཕན་གདགས་པར་ནི་མི་ནུས་ཏེ། །བདག་ཅག་ལྟ་བུ་ཇི་ལྟར་ན། །དེ་ལ་ཕན་པར་བརྩོན་མི་བྱེད། །དེ་ལྟ་བས་ན་
[23a.6]འདི་དག་ཕན་གདགས་པར་བྱ་བའི་སྣོད་མ་ཡིན་པར་ཟུང་ཤིག །འདི་དག་ཚུལ་མིན་པ་ཡང་ཚུལ་བཞིན་བྱེད། །གཞན་ཡང་འདི་ལ་རབ་ཏུ་སྦྱོར་བར་འདོད། །འདུལ་དང་དྲང་པོའི་རིམ་དང་མི་མཐུན་པར། །ཕན་པར་བསྟན་ཀྱང་རབ་ཏུ་འཁྲུག་པར་འགྱུར། །མཁས་པའི་ང་རྒྱལ་གཏི་མུག་
[23a.7]མེས་བསྲེགས་ཤིང་། །ཕན་པར་སྨྲ་ལའང་ཁྲོ་བས་རྩུབ་འགྱུར་བ། །འདུལ་དང་བརྩོན་འགྲུས་ཆུང་བས་གཟུ་ལུམས་ཅན། །དེ་ལ་ཇི་ལྟར་ཕན་བཏགས་རུང་བ་སྨོས། །ལྷའི་གཙོ་བོ་དེ་ལྟ་བས་ན། སྙིང་རྗེ་ཆེན་པོར་གྱུར་པ་ཡང་། །བྱིས་པ་རྗེས་སུ་མི་རུང་བ། །མཐོང་
[23b]
[23b.1]བ་ཙམ་དུའང་མི་འདོད་དོ། །བརྒྱ་བྱིན་གྱིས་དེ་ཐོས་ནས། ལེགས་སོ་ལེགས་སོ་ཞེས་དེ་ལ་བསྟོད་དེ་ལེགས་པར་སྨྲས་པས་སེམས་རབ་ཏུ་དད་པར་གྱུར་ནས། ཡང་སྨྲས་པ། ལེགས་པར་སྨྲས་པ་རིན་ཆེན་ལ། །རིན་ནི་ཅི་ཡང་ཡོད་མ་ཡིན། །དགའ་བས་མེ་ཏོག་སྙིམ་
[23b.2]བཀང་ནས། །འདིར་ཡང་ཁྱོད་ལ་མཆོག་སྦྱིན་ནོ། །དེ་ནས་བྱང་ཆུབ་སེམས་དཔས་སྐྱེས་བུ་དམ་པ་གནས་སྐབས་ཐམས་ཅད་དུ་བདེ་བ་བསྟན་པའི་ཕྱིར། བརྒྱ་བྱིན་ལ་སྨྲས་པ། བརྟན་པ་མཐོང་ཞིང་བརྟན་པ་ཐོས་པ་དང་། དེ་དག་ཉིད་དང་བརྒྱ་བྱིན་བདག་འགྲོགས་གྱུར། །
[23b.3]དེ་དང་སྨྲ་ཞིང་སྤོབས་པའི་བདེ་ལྡན་གྱུར། །ལྷ་ཡི་དམ་པ་མཆོག་དེ་བདག་ལ་སྩོལ། །བརྒྱ་བྱིན་གྱིས་སྨྲས་པ། ཁྱོད་ནི་བརྟན་པ་ལ་རབ་ཏུ་དགའ་ན། དེ་སྨྲོས་ཤིག །བརྟན་པས་ཁྱོད་ལ་ཅི་ཞིག་བྱས། །འོད་སྲུངས་དེ་ཡི་རྒྱུ་སྨྲོས་ཤིག །བརྟན་པ་མཐོང་བར་འདོད་པ་ཡི། །
[23b.4]གང་ཕྱིར་མི་བརྟན་བཞིན་དུ་འགྱུར། །དེ་ནས་བྱང་ཆུབ་སེམས་དཔས་སྐྱེས་བུ་དམ་པའི་ཡོན་ཏན་བསྟན་པའི་ཕྱིར་སྨྲས་པ། བདག་གང་གི་ཕྱིར་བརྟན་པ་འབའ་ཞིག་མཐོང་བར་འདོད་པ་དེ་གྲོགས་པོ་ཁྱོད་ཉོན་ཅིག །ཡོན་ཏན་ལམ་དུ་བདག་ཉིད་འགྲོ་བར་བྱེད། །གཞན་ཡང་
[23b.5]ལམ་དེ་ཉིད་དུ་འཛུད་པར་བྱེད། །རྩུབ་མོའི་ཚིག་ཀྱང་མི་བཟོད་བསྐྱེད་མི་འགྱུར། །དེ་ཡི་ཚིག་ནི་ཕན་པར་ལྡན་པ་ཡིན། །གཡོ་སྒྱུ་མེད་པའི་འདུལ་བས་རྟག་ཏུ་བརྒྱན། །དེ་ལྟར་ཕན་པ་དག་ཀྱང་བསྟན་པར་ནུས། །དེ་ལྟར་བདག་བློ་ཡོན་ཏན་དགའ་བ་ལ། །ཡོན་ཏན་
[23b.6]དགའ་ཕྱིར་རབ་ཏུ་གཞོལ་བར་གྱུར། །དེ་ནས་དེ་ལ་བརྒྱ་བྱིན་གྱིས། ལེགས་སོ་འདི་ནི་ལེགས་སོ་ཞེས་བསྟོད་དོ། །སེམས་རབ་ཏུ་དང་བར་གྱུར་ནས། ཡང་མཆོག་སྦྱིན་པར་བྱས་སོ། །ཆོག་ཤེས་པ་ལ་གོམས་གྱུར་པས། །ཁྱོད་ཀྱིས་ཀུན་ཏུ་བཟློག་གྱུར་ཀྱང་། །བདག་
[23b.7]ལ་ཕན་བཏགས་བློ་ཡིས་སུ། །མཆོག་ནི་བླང་བར་བྱ་བའི་རིགས། །གུས་དང་ཕན་པའི་བསམ་པ་དང་། །མཐུ་ཡང་ཅི་ཡོད་ཐམས་ཅད་ཀྱིས། །མཆོག་ནི་སྦྱིན་པར་བྱས་པ་ལ། །མ་བླངས་པ་ནི་སྡུག་བསྔལ་ཆེ། །དེ་ནས་བྱང་ཆུབ་སེམས་དཔས་དེ་རབ་ཏུ་ཕན་འདོགས་པར་
[24a]
[24a.1]འདོད་པ་རྟོགས་ནས་དེ་དག་ལ་དགའ་བ་དང་ཕན་པར་འདོད་པས་སྦྱིན་པ་ལ་རབ་ཏུ་དགའ་བ་དེ་ལ་བརྟན་པའི་ཕྱིར་སྨྲས་པ། ཁྱོད་ཀྱི་ཁ་ཟས་ཟད་པའི་ཉེས་པ་སྤངས། །ཡིད་ཀྱང་སྦྱིན་ལ་དགའ་དང་མཐུན་གྱུར་ཞིང་། །སློང་མི་རྣམས་ནི་ཚུལ་ཁྲིམས་རྣམ་དག་
[24a.2]བརྒྱན། །འདི་དག་བདག་ལ་ཡོད་གྱུར་མཆོག་སློང་ངོ་། །བརྒྱ་བྱིན་གྱིས་སྨྲས་པ། འདིར་ཡང་ཁྱོད་ནི་ལེགས་པར་སྨྲས་པ་རིན་པོ་ཆེའི་འབྱུང་ཁུངས་སུ་གྱུར་ཏོ། །གཞན་ཡང་ཁྱོད་ཀྱིས་གང་བླངས་པ། །དེ་དག་ཐམས་ཅད་དེ་བཞིན་དུ་འགྱུར་རོ། །ལེགས་པར་སྨྲས་པ་འདི་ལ་
[24a.3]ཡང་། །ཁྱོད་ལ་མཆོག་ནི་སྦྱིན་པར་བྱ། །བྱང་ཆུབ་སེམས་དཔས་སྨྲས་པ། ལྷ་རྣམས་ཀུན་གྱི་མཆོག་ཏུ་གྱུར་པ་ཁྱོད། །བདག་ལ་ཕན་འདོགས་རྒྱུར་གྱུར་མཆོག་སྦྱིན་ན། །གསལ་བར་བདག་དྲུང་སླན་ཆད་མི་འབྱོན་པའི། །མཆོག་འདི་ལྷ་མིན་འཇོམས་པ་ཁྱོད་ལ་བསློང་། །
[24a.4]དེ་ནས་བརྒྱ་བྱིན་ངོ་མཚར་དུ་གྱུར་ནས། །མི་བཟོད་པ་བཞིན་དུ་དེ་ལ་སྨྲས་པ། ཁྱོད་རེ་ཞིག་ལྟོས་ཤིག་དང་། བཟླས་བརྗོད་བརྟུལ་ཞུགས་མཆོག་སྦྱིན་དཀའ་ཐུབ་སྤྱད་པ་ཡིས། །སྐྱེ་བོ་འདི་དག་ཁོ་བོའི་རྗེས་སུ་མཐུན་འདོད་ན། །ཁོ་བོ་མཆོག་སྦྱིན་འདོད་ཕྱིར་འདི་ལྟར་འོངས་པ་ལ།
[24a.5]ཁྱོད་ནི་དེ་ལྟར་མཐོང་བར་མི་འདོད་ཅི་ཡི་ཕྱིར། །བྱང་ཆུབ་སེམས་དཔས་སྨྲས་པ། འདི་ལ་བདག་གིས་ཁྱོད་མཉེས་པར་བགྱི་ཡིས། ལྷའི་དབང་པོ་ཁྱོད་མ་བཀྱོན་ཅིག །འདི་མི་སྲུན་པའི་ཚུལ་ཀྱང་མ་ལགས། མ་གུས་པར་བགྱིད་པ་ཡང་མ་ལགས། ཁྱོད་དང་འཕྲད་པར་
[24a.6]མི་འཚལ་བ་ཡང་མ་ལགས་ན། ལྷ་ཡི་གཟུགས་མཆོག་རྨད་དུ་བྱུང་བ་མཐོང་བ་དང་། །གཟི་བརྗིད་གསལ་ཞིང་མདངས་དང་ལྡན་པ་མཐོང་གྱུར་ན། །ཁྱོད་ནི་རབ་ཏུ་དང་ཞིང་ཞི་བར་གྱུར་པ་ཡང་། །བདག་གི་དཀའ་ཐུབ་ཉམས་པར་འགྱུར་དུ་དོགས་ལགས་མོད། །དེ་ནས་བརྒྱ་
[24a.7]བྱིན་གྱིས་དེ་ལ་ཕྱག་འཚལ་ཏེ་བསྐོར་བ་བྱས་ནས་དེ་ཉིད་དུ་མི་སྣང་བར་གྱུར་ཏོ། །དེ་ནས་ནམ་ལངས་པ་དང་། ལྷའི་བཟའ་བ་དང་བཏུང་བ་བརྒྱ་བྱིན་གྱིས་སྦྱར་བ་རྣམས་དང་། རང་སངས་རྒྱས་བརྒྱ་ཕྲག་དུ་མ་བརྒྱ་བྱིན་གྱིས་སྤྱན་དྲངས་པ་རྣམས་དང་། ལྷའི་བུ་གཞོན་ནུ་བཤོས་འདྲེན་
[24b]
[24b.1]པར་ཆས་ཤིང་བསྡོགས་པ་དུ་མ་ཙམ་ལྷགས་པ། བྱང་ཆུབ་སེམས་དཔས་མཐོང་བར་གྱུར་ཏོ། །བཟའ་བ་དང་ནི་བཏུང་བ་སྦྱར་བ་དེ་དག་གིས། །དྲང་སྲོང་ཆེན་པོ་དེ་དག་མཆོད་པར་བྱས་པ་དང་། །ཐུབ་པ་དེ་ནི་དགའ་བ་ཆེན་པོ་ཐོབ་པར་གྱུར། །སྐྱེ་བོ་དཀའ་ཐུབ་ཅན་དང་
[24b.2]མཐུན་པའི་ཚུལ་དག་དང་། །བསམ་གཏན་ཚད་མེད་སྡོམ་དང་ཞི་བའི་གནས། །དེ་བས་ན་དེ་ལྟར་དཀའ་ཐུབ་ཀྱི་ནགས་ཚལ་ན་གནས་པ་རྣམས་ལ་ཡང་གཏོང་ཕོད་པ་དང་དཔའ་བས་རྒྱན་དུ་གྱུར་ན། ཁྱིམ་ན་གནས་པ་རྣམས་ལྟ་སྨོས་ཀྱང་ཅི་དགོས་ཏེ། དེ་བས་ན་མི་རྣམས་
[24b.3]ཀྱི་གཏོང་ཕོད་པས་བདག་བརྒྱན་པར་བྱའོ། །ཞེས་སྦྱིན་བདག་གཟེངས་བསྟོད་པའི་ཕྱིར་དེ་ལྟར་བཅོམ་ལྡན་འདས་དེ་སྐུ་ཚེ་སྔ་མ་ལ་ཡང་ལེགས་པར་གསུངས་པ་ཁྱད་པར་ཅན་རིན་པོ་ཆེའི་འབྱུང་གནས་སུ་གྱུར་པ་ཡིན་ན། མངོན་པར་རྫོགས་པར་སངས་རྒྱས་པ་ན་ལྟ་སྨོས་ཀྱང་ཅི་དགོས་
[24b.4]ཞེས་དེ་བཞིན་གཤེགས་པའི་ཆེ་བ་ཉིད་བསྟན་པ་ལ་ཡང་སྦྱར་བར་བྱའོ། །ཨ་གསྟྱའི་སྐྱེས་པའི་རབས་ཏེ་བདུན་པའོ།། །།བམ་པོ་གསུམ་པ། སྙིང་རྗེ་ཆེན་པོ་གཞན་གྱི་སྡུག་བསྔལ་གྱིས་གདུང་བ་རྣམས་ནི་བདག་གི་བདེ་བ་ལ་མི་ལྟ་སྟེ། དེ་ཡང་འདི་སྐད་
[24b.5]ཐོས་སོ། །བྱང་ཆུབ་སེམས་དཔའ་དག་གི་ཆེ་བ་ཉིད་ཀྱིས་སྙིང་རྗེ་དང་ལྡན་ཞིང་། འགྲོ་བ་ཡོངས་སུ་བསྐྱབ་པའི་ལྷག་པའི་བསམ་པ་ཅན། སྦྱིན་པ་དང་དུལ་བ་དང་སྡོམ་པ་དང་། ངེས་པ་ལ་སོགས་པ་འཇིག་རྟེན་ལ་ཕན་འདོགས་པ་དང་། མཐུན་པའི་ཡོན་ཏན་ཁྱད་པར་ཅན་མངོན་པར་
[24b.6]འཕེལ་བ། སེམས་ཅན་ཐམས་ཅད་ལ་བྱམས་པའི་ཡིད་དུ་གྱུར་པ། བྱམས་པའི་སྟོབས་ཞེས་བྱ་བའི་རྒྱལ་པོར་གྱུར་ཏོ། །ཞེས་གྲགས་སོ། །སྐྱེ་དགུ་རྣམས་ནི་བདེ་དང་སྡུག་བསྔལ་གང་། །རྒྱལ་པོ་དེ་ཡང་དེ་དག་དེ་བཞིན་གྱུར། །དེ་བས་དེ་ནི་སྐྱེ་དགུ་བསྲུང་ལ་མཁས། །
[24b.7]མཚོན་ཆ་དང་ནི་གཙུག་ལག་རྣམས་ལ་གོམས། །མི་ཡི་བདག་པོའི་བཀའ་ཁྲིམས་སྤྱི་བོས་མནོས། །དེ་ཡི་མཚོན་ཆ་རྒྱན་དང་འདྲ་བར་གྱུར། །འཇིག་རྟེན་ཕན་བྱུང་བསྟན་བཅོས་ཚུལ་རྣམས་ཀྱི། །གཙུག་ལག་དག་ཀྱང་རྣམ་པར་གསལ་བར་སྣང་། །ཚར་གཅད་པ་དང་ཕན་གདགས་བྱས་
[25a]
[25a.1]པ་ལ། །ཆོས་དང་འགལ་བ་དེ་ནི་ཡོངས་མི་བྱེད། །ཚུལ་ལ་མཁས་ཤིང་ཕན་པར་སེམས་པའི་ཕྱིར། །སྐྱེ་དགུ་རྣམས་ལ་རྟོག་མཁས་ཕ་དང་འདྲ། །དེ་དེ་ལྟར་ཆོས་ཀྱིས་སྐྱེ་དགུ་རྣམས་སྐྱོང་བ་ན། བདེན་པ་དང་གཏོང་བ་དང་། ཤེས་རབ་ལ་སོགས་པ་
[25a.2]གཞན་ལ་ཕན་པ་ཡོངས་སུ་བསྔོས་པའི་ཕྱིར་ཁྱད་པར་ཅན་གྱུར་པ་ལ་རླབས་ཆེ་བའི་རིམ་པས་བྱང་ཆུབ་ཀྱི་ཚོགས་བསགས་ཤིང་མངོན་པར་དར་བ་ལས། རེ་ཞིག་ཅིག་ཉེས་པ་འགའ་ཞིག་བྱུང་བའི་ཕྱིར་གནོད་སྦྱིན་གཞན་གསོད་པ་ལ་མཁས་པ་མདངས་འཕྲོག་པ་ལ་དགའ་བ་ལྔ་
[25a.3]སྡེ་ཅིག །གནོད་སྦྱིན་གྱི་བདག་པོས་རང་གི་ཡུལ་ནས་སྤྱུགས་པ་ཡུལ་དེར་ལྷགས་སོ། །དེའི་ཡུལ་ན་གནོད་པ་ཐམས་ཅད་མེད་པ་དང་རྟག་ཏུ་དགའ་བ་སྣ་ཚོགས་ཡོད་པ་དང་། ཕུན་སུམ་ཚོགས་པ་མཆོག་དང་ལྡན་པས་རྟག་ཏུ་མི་རྣམས་རབ་ཏུ་དགའ་མགུ་ཞིང་དར་བ་མཐོང་ནས། དེ་
[25a.4]དག་ཡུལ་དེ་ན་གནས་པའི་མི་རྣམས་ཀྱི་མདངས་འཕྲོག་འདོད་པར་གྱུར་ཏོ། །དེ་དག་རབ་ཏུ་བསྒྲིམས་ནས་ནི། །རང་གི་ལས་ལ་འཇུག་བྱས་ཀྱང་། །དེ་ན་གནས་པ་རྣམས་ཀྱི་མདངས། །འཕྲོག་པར་བྱ་བར་མི་ནུས་སོ། །རྒྱལ་པོ་དེའི་མཐུ་ཁྱད་པར་ཆེ་བས་ན། །བདག་གི་ཡིན་པའི་
[25a.5]བློ་ནི་གར་བཞག་པ། །དེ་ཉིད་དེ་ཡི་སྲུང་མ་མཆོག་ཡིན་པས། །དེ་དག་གིས་ནི་མདངས་འཕྲོག་ནུས་མ་གྱུར། །དེ་ལྟར་རབ་ཏུ་འབད་ཀྱང་ཡུལ་དེ་ན་གནས་པའི་མི་གང་གི་མདངས་འཕྲོག་པར་མ་ནུས་པ་དེའི་ཚེ། དེ་དག་གཅིག་ལ་གཅིག་བལྟས་ནས། གྲོགས་པོ་དག་འདི་ཅི་ཞིག་
[25a.6]ཡིན་སྙམ་དུ་སེམས་པར་གྱུར་ཏོ། །བདག་ཅག་མཐུ་ལ་གནོད་པར་ནུས་པ་ཡི། །རིག་སྔགས་དཀའ་ཐུབ་དངོས་གྲུབ་ཁྱད་པར་ཡང་། །དེ་དག་ལ་ནི་ཡོད་པ་མ་ཡིན་ན། །འོན་ཀྱང་དེ་རིང་བདག་ཅག་ཐམས་ཅད་ཀྱི། །མིང་ནི་དོན་དང་མཐུན་པར་མ་གྱུར་ཏོ། །དེ་ནས་གནོད་སྦྱིན་དག་
[25a.7]བྲམ་ཟེའི་གཟུགས་སུ་བསྒྱུར་ཏེ་སོང་སོང་བ་དང་། གྲིབ་ཤིང་སྔོན་པོ་ཅིག་གི་དྲུང་ན་ནགས་ན་རྒྱུ་བའི་བ་གླང་གི་རྫིའུ་ཅིག་ལྷམ་དང་བཅས་པར་འདུག་ཅིང་། ནགས་ཚལ་གྱི་ཤིང་གི་མེ་ཏོག་ལོ་མ་དང་བཅས་པའི་ཕྲེང་བ་ནི་ཐོགས། དབྱུག་པ་དང་དགྲ་སྟ་ནི་གཡས་རོལ་དུ་བཞག །གཅིག་
[25b]
[25b.1]པུས་སྲད་བུ་ནི་འཁལ། སྤྱུགས་གླུ་ནི་ལེན་ཅིང་འདུག་པ་མཐོང་ནས། དེའི་དྲུང་དུ་ལྷགས་ཏེ་སྨྲས་པ། ཀྱེ་བ་གླང་རྫིའུ་འདི་ལྟ་བུའི་དགོན་པ་དབེན་པ་འགྲོ་བ་མེད་པ་ན་གཅིག་པུར་ཇི་ལྟར་མི་འཇིགས། དེས་དེ་དག་ལ་བལྟས་ནས་སུ་ལ་འཇིགས་ཞེས་སྨྲས་སོ། །གནོད་
[25b.2]སྦྱིན་རྣམས་ཀྱིས་སྨྲས་པ། སྲིན་པོ་རྣམས་དང་འདྲེ་རྣམས་རང་བཞིན་གྱིས་གཏུམ་ཞིང་མ་རུངས་པ་ཡིན་པར་ཁྱོད་ཀྱིས་སྔོན་མ་ཐོས་སམ། རིག་སྔགས་དཀའ་ཐུབ་བདེ་ལེགས་ལྡན་པ་དག །གྲོགས་ཀྱིས་བསྐོར་བའི་ནང་ན་འདུག་གྱུར་ཞིང་། །དཔའ་ལ་འཇིགས་པ་མེད་པའི་
[25b.3]མི་དག་ཀྱང་། གང་ལས་ཐར་བར་འགྱུར་བ་རབ་དཀའ་བ། །ནགས་ཚལ་རབ་ཏུ་དབེན་ཞིང་ཟབ་པ་ལ། །འཇིགས་པའི་ས་ན་གྲོགས་ཀྱང་ཡོང་མེད་པར། །མི་ཡི་ཤ་དང་ཚིལ་དག་ཟ་བ་ཡི། །སྲིན་པོ་དེ་དག་ཅི་ཕྱིར་ཁྱོད་མི་སྐྲག །དེ་སྐད་ཅེས་སྨྲས་པ་དང་། བ་གླང་རྫིའུ་
[25b.4]དེས་དགོད་ནས་སྨྲས་པ། བདེ་ལེགས་ཆེན་པོས་འགྲོ་བ་འདི། །ཡོངས་སུ་བསྐྱང་བར་གྱུར་པ་ན། །ལྷ་ཡི་དབང་པོ་དག་གིས་ཀྱང་། །འདི་དག་གཙེ་བར་མི་ནུས་ན། །ཤ་ཟ་རྣམས་ཀྱིས་ག་ལ་ནུས། །དེ་བས་ནགས་ན་ཁྱིམ་བཞིན་དུ། །མཚན་མོ་དག་ཀྱང་ཉིན་པར་བཞིན། །
[25b.5]གཅིག་པུའང་གྲོགས་ཀྱི་ནང་འདུག་འདྲ། །བདག་ནི་འཇིགས་པ་མེད་པར་འདུག །དེ་ནས་གནོད་སྦྱིན་དེ་དག་ངོ་མཚར་ཆེར་གྱུར་ནས། དེ་ལ་ཟིལ་གྱིས་གནོན་པ་བཞིན་དུ་ཆེད་ཆེར་བྱས་ནས་སྨྲས་པ། ཀྱེ་བཟང་པོ་ཁྱོད་ཀྱི་བདེ་ལེགས་ཀྱི་བྱེ་བྲག་དེ་ཅི་འདྲ་བ་ཞིག་རེ་ཞིག་སྨྲོས་
[25b.6]ཤིག །དེ་དགོད་ཅིང་དེ་དག་ལ་སྨྲས་པ། བདག་ཅག་གི་བདེ་ལེགས་ཀྱི་བྱེ་བྲག་རྨད་དུ་བྱུང་བ་ཅི་འདྲ་བ་ཉོན་ཅིག །གསེར་གྱི་རི་བོའི་བྲག་ལྟར་ཡངས་པའི་བྲང་། །སྟོན་ཀའི་ཟླ་བ་དྲི་མེད་མཛེས་པའི་ཞལ། །དཔུང་པ་གསེར་གྱི་སྡོང་པོ་ལྟ་བུར་རྒྱས། །མི་དབང་ཁྱུ་མཆོག་
[25b.7]སྤྱན་འདྲ་རྣམ་པར་གནོན། །བདག་ཅག་གི་བདེ་ལེགས་ཀྱི་ཁྱད་པར་ནི་འདིའོ་ཞེས་སྨྲས་ནས། ངོ་མཚར་ཆེ་ཞིང་ཁྲོ་བ་དང་བཅས་པས་གནོད་སྦྱིན་དེ་དག་ལ་བལྟས་ཏེ་ཡང་སྨྲས་པ། ཨེ་མ་ཧོ་འདི་ངོ་མཚར་ཆེའོ། །མི་དབང་ཐུབ་ཆེན་འདི་ལྟར་གྲགས་པ་ཡང་། །ཁྱེད་
[26a]
[26a.1]ཀྱི་རྣ་ལམ་ཅི་ལྟར་མ་གྲགས་ཀྱེ། །འོན་ཏེ་ཐོས་ཀྱང་ཤིན་ཏུ་རྨད་བྱུང་བས། །ཁྱེད་ཅག་ཡིད་མི་ཆེས་ཕྱིར་མ་བཟུང་ངམ། །ཁྱེད་ཅག་གང་ནས་ལྷགས་པའི་ཡུལ་དེ་ཡི། །མི་རྣམས་ཡོན་ཏན་ཚོལ་ལ་མི་མཁས་སམ། །ཆེད་ཆེར་མི་འཛིན་སྐལ་བ་མེད་པའི་
[26a.2]ཕྱིར། །མི་དབང་གྲགས་པས་རྣམ་པར་སྤངས་སུ་དོགས། །དེ་བས་ན་ཡུལ་དེ་ལྟ་བུ་མཐའ་འཁོབ་ནས་འདིར་ལྷགས་པ་ནི། ཁྱེད་ཅག་ལ་སྐལ་བ་ཅུང་ཟད་ཅིག་ཡོད་དོ། །གནོད་སྦྱིན་རྣམས་ཀྱིས་སྨྲས་པ། བཟང་པོ་དེའི་ཡུལ་ན་གནས་པའི་སྐྱེ་བོ་རྣམས་ལ་མི་མ་ཡིན་པ་རྣམས་ཀྱིས་
[26a.3]གནོད་པ་བྱེད་མི་ནུས་པ་རྒྱལ་པོ་དེའི་མཐུ་དེ་ལྟ་བུ་ཅི་ལས་གྱུར། བ་གླང་རྫིའུས་སྨྲས་པ། ངེད་ཀྱི་རྒྱལ་པོ་ཆེན་པོའི་མཐུ་འདི་ལྟ་བུ་འདི་ནི་རང་གི་ཆེ་བ་ཉིད་ཀྱིས་ཐོབ་པའོ། །བྲམ་ཟེ་དག་ལྟོས་ཤིག །དེའི་དཔུང་བྱམས་པའི་རུ་མཚོན་ཁྲོ་བོའི་དཔུང་ནི་ཆོ་ག་ཙམ། །དེ་ནི་མི་ཁྲོ་ཚིག་རྩུབ་མི་
[26a.4]སྨྲ་ས་ཡང་ལེགས་པར་བསྲུང་། །དེ་ཡི་བཀའ་ཁྲིམས་ཆོས་ཡིན་རྒྱུ་མེད་ནོར་ཡང་དམ་པ་མཆོད། །དེ་ལྟར་རྨད་དུ་བྱུང་ཡང་ངན་པའི་ཆོས་ཉིད་དྲེགས་པ་མེད། །ཁོ་བོ་ཅག་གི་རྗེ་འདི་ནི་དེ་ལྟ་བུ་ལ་སོགས་པའི་ཡོན་ཏན་མང་པོ་དང་ལྡན་ཏེ། དེ་བས་ཡུལ་ན་གནས་པའི་སྐྱེ་བོ་རྣམས་ལ་གནོད་
[26a.5]པར་མི་ནུས་སོ། །དེ་ལྟ་བས་ན་ཁོ་བོས་ཁྱེད་ལ་ཅི་སྙེད་ཅིག་སྨྲ་བར་མི་ནུས་ཀྱིས། མིའི་བདག་པོའི་ཡོན་ཏན་ཐོས་པར་འདོད་ན་ཁྱེད་གྲོང་ཁྱེར་དེ་ཉིད་དུ་འདོང་བར་རིགས་སོ། །ཁྱེད་དེར་སོང་དང་སྐྱེ་བོ་རྣམས་རང་རང་གི་ཆོས་ལ་དགའ་བས་ཡ་རབས་ཀྱི་ཚུལ་ལ་གནས་པ་དང་རྟག་ཏུ་བདེ་ཞིང་
[26a.6]ལོ་ལེགས་པས་རབ་ཏུ་དགའ་བ་ཕུན་སུམ་ཚོགས་ཤིན་ཏུ་ལུགས་བཟང་ལ་མི་འཕྱ་བ་དང་། སྐྱེ་བོ་གློ་བུར་དུ་ལྷགས་པ་རྣམས་ལ་ཁྱད་པར་དུ་བྱམས་པ་དང་། མིའི་བདག་པོའི་ཡོན་ཏན་སྙིང་ལ་དྲན་པ་དང་། དེའི་གྲགས་པའི་གཞི་བསྟོད་པ་དང་བཀྲ་ཤིས་པ་དང་བདེ་ལེགས་བཞིན་དུ་རབ་ཏུ་
[26a.7]དགའ་ཞིང་གོམས་པར་བྱེད་པ་དག་མཐོང་ན་རྒྱལ་པོའི་ཡོན་ཏན་རྒྱ་ཆེར་ཤེས་པར་འགྱུར་རོ། །དེ་ལྟར་ཡོན་ཏན་མང་པོ་བརྗོད་པས་དེ་མཐོང་བར་འདོད་པ་ལ་ངེས་པར་དེའི་ཡོན་ཏན་མངོན་སུམ་དུ་འགྱུར་རོ། །དེ་ནས་གནོད་སྦྱིན་དེ་དག་རང་གི་མཐུས་མ་ཚུགས་པས་རྒྱལ་པོ་དེ་ལ་སེམས་
[26b]
[26b.1]མི་བཟོད་པ་དང་བཅས་པས་ཡོན་ཏན་སྙིང་ནས་བརྗོད་ཅིང་ཚིག་རིགས་པ་དང་། བདེན་པར་སྨྲས་པ་དེས་ཀྱང་སེམས་འཇམ་པོར་མ་གྱུར་ཏོ། །དམན་པ་རྣམས་ནི་ཕལ་ཆེར་ཡང་། །མི་བཟོད་པས་ནི་ཡིད་གདུངས་པས། །དངོས་པོ་གང་ལ་དེ་གྲགས་པ། །དེ་ཡིས་ལྷག་པར་
[26b.2]གདུངས་པར་གྱུར། །རྒྱལ་པོ་དེ་སྦྱིན་པ་ལ་དགའ་བར་ཤེས་ནས། དེ་ལ་གནོད་པ་བྱེད་པར་འདོད་པའི་གནོད་སྦྱིན་དེ་དག་གིས་རྒྱལ་པོ་དེ་མཐོང་ནས་མཐོང་བའི་ཚེ། བཟའ་བ་སློངས་སོ། །དེ་ནས་རྒྱལ་པོ་དེ་རབ་ཏུ་དགའ་ནས་དེའི་ལས་སུ་བསྐོས་པའི་མི་རྣམས་ལ་ཁ་ཟས་ཞིམ་པོ་
[26b.3]བྲམ་ཟེ་རྣམས་ལ་མྱུར་དུ་བྱིན་ཅིག་ཅེས་བཀའ་སྩལ་ཏོ། །དེ་ནས་བྲམ་ཟེ་ལ་དགོས་པའི་ཁ་ཟས་རྣམས་ཁྱེར་ཏེ་འོངས་ན་ཡང་། གནོད་སྦྱིན་དེ་དག་ན་རེ་ཁ་ཟས་དེ་ལྟ་བུ་བདག་ཅག་མི་བཟའོ་ཞེས་སྨྲས་ནས། སྟག་གཟིག་རྩ་སྔོན་པོ་མི་འདོད་པ་བཞིན་དུ་ལེན་དུ་མ་བཏུབ་བོ། །དེ་
[26b.4]རྒྱལ་པོ་དེས་ཐོས་ནས། དེ་དག་གི་དྲུང་དུ་སོང་སྟེ། འོ་ན་ཁྱེད་ཅག་རྣམས་ཁ་ཟས་ཅི་ལྟ་བུ་འདོད་དེ་འདྲ་བ་བཙལ་ལོ། །ཞེས་སྨྲས་སོ། །གནོད་སྦྱིན་རྣམས་ཀྱིས་སྨྲས་པ། མི་ཤ་ཤིན་ཏུ་དྲོན་པོ་དང་། །མི་ཡི་ཁྲག་ནི་དྲོན་མོ་དག །བརྟུལ་ཞུགས་མ་ཉམས་པདྨའི་སྤྱན། །གནོད་
[26b.5]སྦྱིན་རྣམས་ཀྱི་བཟའ་བཏུང་ལགས། །ཞེས་སྨྲས་ནས། རང་གི་ལུས་ཁ་ནས་མཆེ་བ་གཙིགས་པ། མིག་དམར་ཞིང་སེར་ལ་གཡོ་ཞིང་མི་སྡུག་པ་དང་། སྣ་ལེབ་ཅིང་མི་སྡུག་པ་དང་། སྐྲ་དང་ཁ་སྤུ་མེ་འབར་བ་ལྟར་སེར་བ་དང་། ལུས་ཆར་སྤྲིན་ལྟར་གནག་ཅིང་མི་སྡུག་པ་འཇིགས་པ་
[26b.6]བསྟན་པ་དེ་དག་མཐོང་ནས། རྒྱལ་པོ་དེས་བསམས་པ། འདི་དག་ནི་ཤ་ཟ་ཡིན་ཏེ་མི་མ་ཡིན་ནོ། །དེ་བས་ན་བདག་ཅག་གི་བཟའ་བ་དང་བཏུང་བ་མ་འདོད་དོ་སྙམ་དུ་ངེས་པར་གྱུར་ཏོ། །དེ་ནས་མིའི་དབང་པོ་དེ་སྙིང་རྗེ་ཅན་ཡིན་པས། བསམ་པ་དག་པས་དེ་དག་ལ་སྙིང་རྗེ་དེ་བས་
[26b.7]ཡང་ཆེས་གྱུར་སྙིང་ལ་སྙིང་རྗེ་འབའ་ཞིག་སེམས། གནོད་སྦྱིན་དེ་དག་ལ་མྱ་ངན་བྱེད་ཅིང་དོན་འདི་ལྟ་བུ་ངེས་པར་བསམ་མོ། །སྙིང་རྗེ་ཅན་ལ་འདི་ལྟ་བུའི། །བཟའ་དང་བཅའ་བ་རབ་ཏུ་དཀོན། །ཉིན་རེ་ཞིང་ཡང་དེ་བཙལ་བ། །དེ་ལས་སྡུག་བསྔལ་ཆེ་བ་མེད། །སྙིང་རྗེ་མེད་
[27a]
[27a.1]ཅིང་མི་ནུས་ནའང་། །འབད་པ་དོན་ནི་མེད་པར་འགྱུར། །ནུས་ནའང་ཕན་བྱེད་གོམས་པ་ལ། །དེ་བས་དཀའ་བ་ཅི་ཞིག་ཡོད། །སྙིང་རྗེ་མེད་ཅིང་ཡིད་ནི་མ་ཞི་བ། །དེ་ལྟ་བུ་ཡི་ཁ་ཟས་ཟ་བ་རྣམས། །ཚེ་འདི་དང་ནི་ཕ་རོལ་རང་དོན་བསྲེག །འདི་དག་
[27a.2]སྡུག་བསྔལ་ནམ་ཞིག་མེད་པར་འགྱུར། །ད་འདི་དག་གི་ཁ་ཟས་སྦྱར་བས་ཉིན་ཞག་འགའ་ཙམ་ཡང་གཞན་གསོད་པ་ལ་ཞུགས་པ་འདི་ལས་ཅི་ལྟར་བཟློག་པར་བྱ། ཕོངས་ཏེ་སློང་དུ་འོངས་པ་རྣམས་ཀྱི་གདོང་། །རེ་བ་བཟློག་པས་ངོ་འཛུམ་གནག་གྱུར་པ། །བུ་ཡུག་རླུང་གིས་པདྨ་
[27a.3]རྙིང་པ་བཞིན། །མི་དགའ་བྱས་པས་ནམས་ཀྱང་བདག་མི་དྲན། །གདོན་མི་ཟ་བར་བདག་ལུས་རྒྱས་པ་འདི། །ཁྲག་དང་བཅས་པའི་ཤ་རྣམས་སྦྱིན་བར་བྱ། །ཕོངས་པ་འོངས་ན་དེ་ནི་རིགས་པ་སྙམ། །དེ་ལས་གཞན་པ་བདག་གིས་གང་དུ་བཙལ། །བདག་རང་ཤི་བའི་ཤ་
[27a.4]རྣམས་དྲོད་མེད་ལ། །ཁྲག་རྣམས་འང་དེ་ལ་ཡོད་པ་མ་ཡིན་ནོ། །བྲུ་བ་ཚ་བས་སེམས་ནི་གདུངས་པ་ལ། །དེ་ཡིས་ལེགས་པར་མགུ་བར་འགྱུར་མ་ཡིན། །གསོན་པོའི་ཤ་ཡང་བདག་གིས་ཇི་ལྟར་བཙལ་བར་བྱ། །འདི་དག་བདག་གི་ཐད་དུ་འོངས་ནས་བཀྲེས་པ་ལ། །སྐོམ་
[27a.5]པས་མིག་དང་གདོང་གི་མདོངས་ཉམས་ཤིང་། །བསློང་དང་རེ་བའི་འབྲས་བུ་མེད་པས་ཡིད། །སྡུག་བསྔལ་བཞིན་དུ་སླར་དོང་ན་ཡང་ཅི་ཞིག་བྱ། །དེ་བས་ན་འདི་ནི་དུས་ལ་བབ་ཀྱིས། རྟག་ཏུ་ན་ཞིང་གདུག་པའི་རྨ་དང་འདྲ། །ནད་ཀྱི་འབྱུང་ཁུངས་ངན་པའི་ལུས་འདི་ལ། །
[27a.6]དགོས་པ་ཁྱད་པར་ཅན་དུ་སྤྱད་པ་ཡིས། །བཅོས་པའི་སྡུག་བསྔལ་ཤིན་ཏུ་བཟོད་པར་བྱ། །དེ་ལྟར་ངེས་པར་བྱས་ནས་རྒྱལ་པོ་རབ་ཏུ་དགའ་བར་གྱུར་པས། མིག་རྩ་དང་གདོང་གི་མདངས་བཟང་པོས་རང་གི་ལུས་བསྟན་ནས། གནོད་སྦྱིན་དེ་དག་ལ་སྨྲས་པ། བདག་གི་ཤ་
[27a.7]ནི་ཁྲག་དང་བཅས་པ་འདི། །འཇིག་རྟེན་རྣམས་ལ་ཕན་པའི་ཕྱིར་བཟུང་སྟེ། །གལ་ཏེ་དེ་རིང་མགྲོན་དུ་བྱར་རུང་ན། །དེ་ནི་བདག་གིས་མངོན་པར་ཐོབ་པར་འགྱུར། །དེ་ནས་གནོད་སྦྱིན་དེ་དག་རྒྱལ་པོ་དེའི་ལྷག་པའི་བསམ་པ་ཤེས་བཞིན་དུ་ངོ་མཚར་རབ་ཏུ་ཆེ་བས་ཡིད་མ་ཆེས་ནས།
[27b]
[27b.1]རྒྱལ་པོ་ལ་སྨྲས་པ། ཕོངས་པས་བདག་གི་སྡུག་བསྔལ་དག །སློང་ཞིང་དམན་པས་བསྟན་པ་ལགས། །དེ་ལས་སྦྱིན་པ་པོ་ཉིད་ཀྱིས། །དུས་ལ་བབ་པ་མཁྱེན་པར་མཛོད། །དེ་ནས་རྒྱལ་པོ་དེས་བསམས་པ་ད་ནི་འདི་དག་དགའ་འདོད་དོ་སྙམ་ནས། སྙིང་རབ་ཏུ་དགའ་སྟེ།
[27b.2]རྩ་དབྲལ་བའི་ཕྱིར་སྨན་པ་རྣམས་བོས་ཤིག་ཅེས་བཀའ་སྩལ་ཏོ། །དེ་ནས་རྒྱལ་པོ་དེའི་བློན་པོ་རྣམས་རྒྱལ་པོའི་ཤ་དང་ཁྲག་རྣམས་སྦྱིན་པར་སྩོལ་བར་རིག་ནས། རྟབ་རྟབ་པོར་གྱུར་ཏོ། །མི་བཟོད་ཅིང་སེམས་འཁྲུགས་ནས་བྱམས་པའི་དབང་གིས་དོན་འདི་ལྟ་བུ་ཅུང་ཟད་
[27b.3]ཅིག་གསལ་བར་སྨྲས་སོ། །ལྷ་སྦྱིན་པ་ལ་དགྱེས་ཆེས་པས་འབངས་གློ་བ་ཉེ་བ་རྣམས་ལ་ཕན་པ་དང་། གནོད་པར་འགྱུར་བ་མི་གཟིགས་པ་མི་རིགས་སོ། །ལྷས་འདི་དག་ནི་མི་མཁྱེན་པ་ཡང་མ་ལགས་ཏེ། །འདི་ལྟར་སྐྱེ་དགུ་རྣམས་ལ་གནོད་པ་གང་དང་གང་། །དེ་དང་དེ་དག་
[27b.4]གནོད་སྦྱིན་རྣམས་ལ་དགའ། །གཞན་ལ་གནོད་པས་འཚོ་ཞིང་དགའ་བ་སྐྱེ། །འདི་དག་རིགས་དང་རང་བཞིན་དེ་ལྟ་ལགས། །རྒྱལ་སྲིད་དཔལ་འདི་འཇིག་རྟེན་ཕན་པའི་ཕྱིར། །བདེ་ལ་མ་ཆགས་ལྷ་ཡིས་བཟུང་བར་མཛོད། །དེ་བས་བདག་གི་ཤ་སྦྱིན་གསོལ་བ་ཡི། །ལོག་
[27b.5]པའི་ལམ་དུ་ཡི་དམ་བཅས་པ་མཐོང་། །སྐྱེས་བུ་དཔའ་བོ་ཁྱོད་ཀྱི་མཐུས་བསྐྱབས་པའི། །འཇིག་རྟེན་གདོན་མི་ཟ་བར་འདི་མི་བཟོད། །ཕུང་བར་བྱེད་ལ་མཁས་པ་འདི་དག་ནི། །ཚུལ་གྱིས་ཚུལ་མིན་སྐྱེ་དགུ་ཕུང་བར་འདོད། །མཆོད་སྦྱིན་ཚེ་ན་སུམ་ཅུ་རྩ་གསུམ་པའང་། །
[27b.6]ཚིལ་དང་ཞག་ལ་སོགས་པ་བསྲེགས་པས་མགུ། །ཁྱོད་ཀྱི་ཞལ་ཟས་ཕུན་སུམ་ཚོགས་པ་དག །གུས་པར་སྦྱིན་ཡང་འདི་དག་འདོད་མི་འགྱུར། །ལྷའི་ཐུགས་ནི་བདག་ཅག་ལྟ་བུའི་སྐྱེ་བོས་བཅོས་པ་མ་ལགས་མོད་ཀྱི། འོན་ཀྱང་འདི་ནི་བདག་ཅག་གི་དོན་དུ་གཅེས་པའི་སླད་
[27b.7]དུ་བདག་ཅག་འདི་ལྟར་ཀོ་ལོང་གསོལ་བར་གྱུར་ཏོ། །གནོད་སྦྱིན་ལྔ་པོ་འདི་རྣམས་ཀྱི་དོན་དུ་འབངས་ཐམས་ཅད་མགོན་མ་མཆིས་པར་བགྱིའམ། ལྷ་འདི་ལྟ་བུའི་ཆོས་གང་གི་ལམ་ལགས། གཞན་ཡང་འདི་ལྟར་བདག་ཅག་ལ་མི་བྱམས་པ་ཅི་ལས་གྱུར། རྗེའི་ཆེད་དུ་འཚལ་བ་
[28a]
[28a.1]ལ་ཤ་དང་ཁྲག་ཡོངས་སུ་རྫོགས་པར་མཆིས་པ་འདི་དག་སྔོན་བདག་ཅག་གང་གིས་སྦས་ཏེ་མ་ཕུལ་ན་ལྷ་ཉིད་ཀྱིས་སྩལ་བར་བཞེད། དེ་ནས་རྒྱལ་པོ་དེས་བློན་པོ་དེ་དག་ལ་སྨྲས་པ། ཡོད་བཞིན་དུ་ནི་མེད་ཅེས་སུ། །ངེད་ཅག་ལྟ་བུས་ཅི་ལྟར་སྨྲ། །བརྟུལ་ཏེ་གསལ་
[28a.2]བར་སློང་བ་ལ། །མི་སྦྱིན་ཞེས་ཀྱང་ཅི་སྐད་སྨྲ། །ཆོས་ཀྱི་བཀའ་ཁྲིམས་ཐོག་མར་འགྲོ་བ་དག །གལ་ཏེ་ངན་པའི་ལམ་དུ་བདག་སོང་ན། །ང་ཡི་སྤྱོད་པའི་རྗེས་སུ་འཇུག་པ་ཡི། །ང་ཡི་འབངས་རྣམས་གནས་སྐབས་ཅི་ལྟར་འགྱུར། །འདི་ཡང་སྐྱེ་དགུ་རྣམས་ཀྱི་དོན་གྱི་
[28a.3]ཕྱིར། །ངས་ནི་ལུས་ལ་སྙིང་པོ་དབྱུང་བར་བྱ། །ང་ཡི་སེམས་ནི་སེར་སྣས་ཕྲོགས་གྱུར་ན། །སྐྱེ་བོའི་དོན་ལ་དགེ་བའི་གཟི་ཅི་འདྲ། །ཁྱེད་ཀྱིས་ང་ལ་གུས་པ་དང་བཅས་པར་བྱམས་པ་དང་བག་ཕབ་སྟེ་གང་སྨྲས་པ། འདི་ལྟར་བདག་ཅག་ལ་ནི་མི་བྱམས་པ་ནི་ཅི་ལས་གྱུར། ཤ་
[28a.4]དང་ཁྲག་བདག་ཅག་ལ་ཡོངས་སུ་རྫོགས་པར་མཆིས་བཞིན་དུ། ལྷ་ཉིད་ཀྱིས་སྩལ་བར་བཞེད་ཅེས་ཟེར་བ་དེ་ཡང་ཁྱེད་ལ་བཤད་དོ། །ང་ཁྱེད་ལ་མི་འབྱོར་ཞིང་མི་བྱམས་པ་ཡང་མ་ཡིན་ལ། མ་བྱིན་དུ་དོགས་པ་ཡང་མེད་མོད་ཀྱིས། རིམ་གྱིས་ནོར་ནི་ཉུང་ངུར་གྱུར་པའམ། །
[28a.5]སྐལ་བ་ཆུང་བས་ཟད་པར་གྱུར་ན་ནི། །མཛའ་བོ་རྣམས་ལ་སློང་བ་མཛེས་པར་གྱུར། །ནོར་ལྡན་དབུལ་ལ་སློང་བ་ཡོངས་མི་མཛེས། །སྐྱེ་བོ་ཕོངས་པ་རྣམས་ཀྱི་ཕྱིར་བསྐྱེད་པའི། །ལུས་ནི་ཤ་རྒྱས་ཤིན་ཏུ་མཐོ་བ་དང་། །ང་བདག་ཉིད་ལ་ཆེན་པོ་ཡོད་བཞིན་དུ། །ཁྱོད་ལ་
[28a.6]སློང་བ་ལེགས་པ་མ་ཡིན་ནོ། །མི་ཤེས་གཞན་གྱི་གནོད་པའང་མི་བཟོད་ན། །ཁྱོད་ཀྱི་གནོད་པ་བདག་གིས་ག་ལ་བཟོད། །འདི་དག་ཁྱོད་ལ་མི་སློང་ང་ལ་སློང་། །དེ་བས་ང་བདག་ཤ་ནི་སྦྱིན་པར་བྱ། །དེ་བས་ན་ང་ལ་རབ་ཏུ་བྱམས་པས་ཆོས་ཀྱི་གེགས་ལ་འཛེམ་པ་མེད་པ་
[28a.7]འདི་ཐོང་ཤིག །ངའི་དོན་དུ་ཁྱོད་ཀྱིས་སྤྱོད་པ་འདི་ལྟ་བུ་བྱ་བ་མི་རིགས་སོ། །འདི་ནི་རེ་ཞིག་དཔྱད་དགོས་ཏེ། བཟའ་བ་ལ་སོགས་བདོག་བཞིན་དུ། །སྦྱིན་པ་འགོག་པ་ཇི་ལྟར་འགྱུར། །ལེགས་སམ་གལ་ཏེ་མ་ལེགས་ན། །དེ་ལྟར་བྱེད་པ་ཅི་འདྲར་འགྱུར། །དེ་
[28b]
[28b.1]ལྟར་འདིར་བསམ་པ་དེ་ལྟ་བུ་དེ་ཐོང་ལ། ངའི་གྲོགས་རྗེས་སུ་མཐུན་པར་བྱས་ན་རིགས་པས་དཔྱད་པར་བྱའོ། །ལམ་ལོག་པར་འགྲོ་བ་ལས་བཟློག་པའི་ཡིད་ཅན་དུ་བྱས་ལ་རྗེས་སུ་ཡི་རང་བ་དང་མཐུན་པར་འདི་ལ་ཁྱེད་ཀྱིས་བྱས་ན་བཟང་གི་དེ་ལྟར་མི་བརྟན་པར་བྱ་བ་མི་རིགས་སོ། །
[28b.2]ཅིའི་ཕྱིར་ཞེ་ན། ནོར་ནི་གཅིག་པུས་སྤྱད་པ་མ་ཡིན་ལ། །སློང་བའང་ཉིན་རེ་རྟག་ཏུ་འོང་མ་ཡིན། །སློང་བ་འདི་ལྟ་བུ་དང་འཕྲད་པ་ནི། །ལྷ་དག་མཉེས་པར་བྱས་ཀྱང་མི་འགྲུབ་ན། །སློང་བ་འདི་ལྟ་བུའང་འོང་འགྱུར་ཞིང་། །ལུས་ཀྱང་ཆུད་ཟ་མི་བདེའི་གནས་གྱུར་ལ། །ཐེ་ཚོམ་
[28b.3]ཟ་ནའང་རྒྱ་ཆེར་མི་འགྲུབ་ན། །འཛུམ་ཞིང་ཞུམ་པ་མེད་པའི་མཆོག་ཡིན་ནོ། །དེ་ལྟར་རྒྱལ་པོ་དེས་རང་གི་འཁོར་རྣམས་ལ་ཁྱེད་ཀྱིས་དེ་ལྟར་ང་ལ་བརྒལ་བར་མི་རིགས་སོ། །ཞེས་ཚིག་འཇམ་པོས་བསྒོས་ནས། སྨན་པ་རྣམས་བོས་ཏེ་རང་གི་ལུས་ལ་རྩ་ལྔ་དབྲལ་ཏེ། གནོད་སྦྱིན་
[28b.4]དེ་རྣམས་ལ་སྨྲས་པ། ང་ཡི་ལུས་འདི་ཁྱེར་ནས་སུ། །ཆོས་ཀྱི་གྲོགས་ཀྱང་བྱ་བ་དང་། །ང་ཡང་རབ་ཏུ་དགའ་གྱུར་པར། །ཁྱོད་ཀྱིས་ང་ནི་བྱ་བར་རིགས། །དེ་དག་གིས་དེ་ལྟར་བགྱིའོ་ཞེས་སྨྲས་ནས། རྒྱལ་པོའི་ཁྲག་ཙནྡན་དམར་པོའི་ཁུ་བ་འདྲ་བ་སྙིམ་པ་ཟེད་དེ་བཏུང་བར་ཆས་སོ། །
[28b.5]རྒྱལ་པོ་དེའི་ལུས་གསེར་མདོག་འདྲ་བ་ལ། །མཚན་མོ་སྤྱོད་པ་རྣམས་ནི་ཁྲག་འཐུང་བ། །རི་རབ་ལྷུན་པོའི་རི་ལ་དབྱར་དུས་ཀྱི། །ཆར་སྤྲིན་སྟུག་པོས་ཉེ་བར་བསྐོར་བ་བཞིན། །དགའ་བ་མཆོག་ལྡན་བསྟན་དང་ལྡན་པ་དང་། །ལུས་ཀྱི་ཡོན་ཏན་ལྡན་པས་རྒྱལ་པོ་དེ། །ལུས་ཀྱང་
[28b.6]མ་ཉམས་སེམས་ཀྱང་བརྒྱལ་བ་མེད། །ཁྲག་གི་རྒྱུན་ཡང་ཟད་པ་ཡོད་མ་གྱུར། །གནོད་སྦྱིན་དེ་དག་སྐོམ་གྱིས་གདུང་བ་ཞི་ནས་ད་ནི་འདིས་འཚལ་ཏོ་ཞེས་རྒྱལ་པོ་ལ་སྨྲས་སོ། །སྡུག་བསྔལ་མང་པོ་འབྱུང་བའི་གནས་ཀྱི་ལུས། །རྟག་ཏུ་བྱས་པ་མི་གཟོ་ཡིན་ཡང་རྒྱལ་པོ་དེ། །
[28b.7]སློང་བ་དག་ལ་སྦྱིན་བའི་དོན་གྲུབ་པས། །རབ་ཏུ་དགའ་དང་རྗེས་མཐུན་བཟུང་བར་གྱུར། །དེ་ནས་རྒྱལ་པོ་དེ་རབ་ཏུ་དགའ་བས་བསྐུལ་བས་མིག་དང་བཞིན་གྱི་མདངས་ལྷག་པར་གསལ་བར་གྱུར་ནས། ཨུཏྤ་ལ་མཐིང་གའི་འདབ་མ་ལྟར་མདོག་སྔོ་བའི་རལ་གྲི་རྣོན་པོ་རྡོ་རྗེ་རིན་པོ་ཆེས་སྤྲས་
[29a]
[29a.1]པའི་འོད་ཀྱིས་མཛེས་པ་བླང་སྟེ། བདག་གི་ཤ་བཅད་ཅིང་དེ་དག་ལ་བྱིན་ནོ། །བྱིན་ལ་དགའ་བས་ཡང་དང་ཡང་། །སྐབས་ནི་མེད་པར་བྱས་པ་ན། །བཅད་པའི་སྡུག་བསྔལ་དེ་ཡིད་ལ། །དམིགས་པར་བྱེད་ནི་མ་ནུས་སོ། །རལ་གྲི་རྣོན་པོས་བཅད་
[29a.2]པས་དྲངས་པ་ཡི། །དགའ་བས་ཕྱིར་ཡང་རིང་དུ་བསྲེགས་པ་བཞིན། །དེ་ཡི་སྡུག་བསྔལ་སྐྱོ་ཞིང་ངལ་བ་ལྟར། །ཡིད་ལ་འཇུག་པར་བྱེད་པ་ཆུང་བར་འགྱུར། །རང་གི་ཤ་ཡིས་གནོད་སྦྱིན་དེ་དག་ནི། །ཚིམ་པར་བྱས་པས་དེ་ནི་དེ་བཞིན་དགའ། །དེ་དག་སེམས་ནི་ཁྲོ་བའི་
[29a.3]རང་བཞིན་ཡང་། །དེ་ལྟར་བྱས་ནས་འཇམ་ཞིང་ངེས་པར་གྱུར། །ཆོས་ལ་དགའ་ཞིང་སྙིང་རྗེའི་དབང་གྱུར་ཏེ། །གཞན་གྱི་དོན་དུ་བདག་ལུས་གཅེས་བཏང་བས། །ཞེ་སྡང་མེ་ཡིས་བསྲེགས་པའི་ཡིད་རྣམས་ཀྱང་། །རབ་ཏུ་དང་ཞིང་མདོག་ཀྱང་གསལ་བར་བྱས། །དེ་ནས་
[29a.4]གནོད་སྦྱིན་དེ་དག་རྒྱལ་པོ་དེས་རང་གི་ཤ་གཅོད་པ་ལ་འབད་ཅིང་ཤ་བཅད་པའི་སྡུག་བསྔལ་གྱིས་བཞིན་མདངས་མ་གྱུར་པ་དང་། མི་གཡོ་བ་དེ་བཞིན་དུ་བཞུགས་པ་མཐོང་ནས། རབ་ཏུ་དགའ་ཞིང་ངོ་མཚར་ཆེ་བར་གྱུར་ཏོ། །ཨེ་མ་ཧོ་ངོ་མཚར་རྨད་བྱུང་འདི་དག་ཅི། །བདེན་
[29a.5]ནམ་བརྫུན་ཞེས་དཔྱོད་ཅིང་དགའ་བ་སྐྱེས། །བརྒྱ་ལ་མི་བཟོད་ཞི་ནས་ཡིད་ཀྱང་དང་། །དེ་ལ་བསྟོད་ཅིང་ཕྱག་ཀྱང་འཚལ་བར་གྱུར། །ལྷ་ཉིད་ཀྱི་སྐུའོ་བརྒྱལ་བར་མཛད་པ་བཏང་དུ་གསོལ། བདག་ཀྱང་ཚིམ་པར་བགྱིས་ལགས་སོ། །སྐྱེ་བོ་སློང་བ་ཡིད་དགའ་བར་བགྱིད་པ་
[29a.6]ཤིན་ཏུ་རྨད་དུ་བྱུང་བ་ཁྱོད་ཀྱི་སྤྱོད་པ་འདི་ངོ་མཚར་གྱིས་བཏང་དུ་གསོལ། ཞེས་རྒྱལ་པོ་ལ་གུས་པ་དང་བཅས། ཕྱག་འཚལ་བ་དང་བཅས་པས་རབ་ཏུ་དགའ་ཞིང་གདོང་མཆི་མ་ཅན་གྱིས་བལྟས་ནས་ཡང་སྨྲས་པ། གུས་པའི་དབང་གིས་སྐྱེ་བོས་ཁྱོད་ཀྱི་གྲགས་པ་སྒྲོགས་པ་
[29a.7]ཐོག་ཏུ་བབ། །དཔལ་ཡང་པདྨའི་ནགས་ཚལ་བཏང་སྟེ་ཁྱེད་ལ་བརྟེན་པ་ཐོག་ཏུ་བབ། །བརྒྱ་བྱིན་མགོན་དུ་གྱུར་ཀྱང་ཁྱོད་ཀྱི་མཐུས་བསྐྱབས་ས་ཡི་ལྷ་མོ་འདི། །མཐོ་རིས་ཀྱིས་མཐོང་སྨོན་པར་ངེས་ཏེ་གལ་ཏེ་མི་སྨོན་བསླུས་སུ་ཟད། །མང་དུ་སྨོས་ཀྱང་མི་དགོས་ཏེ། སྐྱེ་བོ་
[29b]
[29b.1]འདི་ལྟ་བུས་མངོན་པར་བཟུང་བའི་མིའི་འཇིག་རྟེན་འདི་དག་ནི་སྐལ་པ་དང་ལྡན་པའོ། །ཁྱོད་ལྟ་བུའོ་བརྒྱལ་བར་བགྱིས་པ་འདིས་ནི་བདག་ཅག་བསྲེགས་ཀྱི་འགྲན་ཟླ་མ་མཆིས་སོ། །དེ་ལྟར་གྱུར་པ་ལས་ཀྱང་སྐྱེ་བོ་ཁྱོད་ལྟ་བུ་ལ་བརྟེན་ནས་བདག་ཅག་ཐར་བར་ནུས་ངེས་སོ། །
[29b.2]བདག་ཅག་གིས་ནོངས་པ་བགྱིས་པ་གསོལ་བའི་སླད་དུ་ཞུ་བར་འཚལ་ལོ། །བདེ་བ་བརྙེས་པར་གྱུར་པ་དང་། །རྒྱལ་པོའི་དཔལ་ཡང་བོར་ནས་ནི། །འདི་ལྟ་བུ་ཡི་སྤྱོད་པ་ཡིས། །རྨད་དུ་བྱུང་བའི་གནས་ཅི་བཞེད། །ཐམས་ཅད་ས་ཡི་བདག་པོའམ། །ནོར་གྱིས་ཕྱུག་
[29b.3]པའམ་དབང་པོའམ། །ཚངས་པའམ་རྣམ་པར་གྲོལ་བ་དག །དཀའ་ཐུབ་འདི་ཡིས་བཞེད་ལགས་སམ། །འདི་ལྟ་བུ་ཡི་རྩོལ་ཕོད་པས། །བཞེད་པའི་དོན་ནི་མི་རིང་སྟེ། །གལ་ཏེ་བདག་ཅག་ཐོས་རུང་ན། །བདག་ཅག་ལ་ནི་བཀའ་སྩལ་རིགས། །རྒྱལ་པོས་སྨྲས་པ།
[29b.4]ཅིའི་ཕྱིར་ངས་འདི་ལྟར་བྱེད་པ་ཉོན་ཅིག །རྙེད་པར་དཀའ་ལ་འཇིག་པར་སླ་བ་དང་། །ཆོག་པའི་བདེ་མེད་རབ་ཏུ་ཞི་མེད་པའི། །སྲིད་པའི་ལོངས་སྤྱོད་བདེ་བ་ང་མི་འདོད། །ལྷ་དབང་དཔལ་ཡང་འདོད་པ་མ་ཡིན་ན། །དེ་ལས་གཞན་པ་སྨོས་ཀྱང་ཅི་ཞིག་དགོས། །བདག་
[29b.5]གིས་སྡུག་བསྔལ་ཟད་པ་ཙམ་གྱི་ཕྱིར། །ང་ཡི་ཡིད་ནི་མགུ་བར་འགྱུར་མ་ཡིན། །སྡུག་བསྔལ་མི་བཟད་ནད་ཀྱིས་ཉེན་པ་ཡི། །ལུས་ཅན་མགོན་མེད་འདི་རྣམས་ངས་བལྟས་ན། །བསོད་ནམས་འདིས་ནི་ཐམས་ཅད་གཟིགས་པ་ཡི། །གོ་འཕང་ཐོབ་ཅིང་སྐྱོན་གྱི་དགྲ་བཏུལ་ནས། །
[29b.6]རྒ་དང་ན་དང་འཆི་བའི་རླབས་འཁྲུགས་པའི། །སྲིད་པའི་མཚོ་ལས་སྐྱེ་བོ་འདོན་པར་འདོད། །དེ་ནས་གནོད་སྦྱིན་དེ་དག་རབ་ཏུ་དང་ཞིང་བ་སྤུ་ལངས་ནས། རྒྱལ་པོ་ལ་ཕྱག་འཚལ་ཏེ་སྨྲས་པ། འདི་ལྟ་བུའི་རྩོལ་བ་ཁྱད་པར་ཅན་གྱི་ལས་འདི་ནི་རིགས་ཏེ། དེ་བས་ན་ཁྱོད་ལྟ་བུའི་དགོས་པ་
[29b.7]གྲུབ་པ་ནི། རིང་པོར་མི་ཐོགས་སོ་སྙམ་དུ་ཡིད་ལ་ངེས་པར་བསམས་པས་གསོལ་བ་བཏབ་པ། ཁྱོད་ཀྱི་བསམ་པ་འདི་ཀུན་ནི། །འཇིག་རྟེན་ཕན་པའི་ཕྱིར་ལགས་ཀྱང་། །བདག་ཅག་རང་ལ་ཕན་འཚལ་བས། །དེ་ཚེ་བདག་ཅག་དགོངས་སུ་གསོལ། །མ་འཚལ་བས་
[30a]
[30a.1]ན་བདག་ཅག་གིས། །བདག་གི་དོན་ཡང་མ་མཐོང་བས། །དེ་ལྟར་ཁྱོད་ནི་འོ་བརྒྱལ་བ། །དེ་ཡང་བཟོད་པ་མཛད་དུ་གསོལ། །ཁྱོད་ཀྱི་བཀའ་ཡང་བདག་ཅག་ལ། །རྗེས་སུ་བཟུང་བའི་རྒྱུར་གྱུར་པ། །བློན་པོ་དག་ལ་བགྱི་བ་བཞིན། །འཛེམ་པ་མེད་
[30a.2]པར་སྩལ་བ་རིགས། །དེ་ནས་རྒྱལ་པོ་དེས་དེ་དག་སེམས་རབ་ཏུ་ཞི་ཞིང་འཇམ་པར་གྱུར་པ་རིག་ནས་སྨྲས་པ། འདི་ནི་ང་ལ་ཕན་པ་ཡིན་གྱི་གནོད་པ་མ་ཡིན་པས་མི་བཟོད་དུ་དོགས་པ་མ་བསྐྱེད་ཅིག །གཞན་ཡང་། ཆོས་ཀྱི་ལམ་ལ་འདི་ལྟར་གྲོགས་བྱེད་པ། །བྱང་ཆུབ་ཐོབ་ནས་རྗེད་
[30a.3]པར་ག་ལ་འགྱུར། །རྣམ་པར་ཐར་པའི་ཆོས་ཀྱི་བདུད་རྩི་ལས། །ཁྱེད་ཅག་ཉིད་ལ་ཐོག་མར་བགོ་བར་བྱ། །ང་ནི་དེ་ལ་དགའ་བར་ཤེས་བྱས་ནས། །སྲོག་གཅོད་ཁྱེད་ཀྱིས་དུག་བཞིན་སྤང་བར་བྱོས། །གཞན་ནོར་ཆུང་མ་དག་ལ་ཆགས་པ་དང་། །བརྫུན་དུ་སྨྲ་དང་ཆང་གི་སྡིག་
[30a.4]པ་སྤོངས། །དེ་ནས་གནོད་སྦྱིན་དེ་དག་གིས་དེ་བཞིན་དུ་བགྱིའོ་ཞེས་དེ་ལ་མཉན་ནས། དེ་ལ་བསྐོར་བ་བྱས་ཏེ་ཕྱག་འཚལ་ནས་དེ་ཉིད་དུ་མི་སྣང་བར་གྱུར་ཏོ། །སེམས་དཔའ་ཆེན་པོ་དེས་བདག་གི་ཤ་དང་ཁྲག་ངེས་པར་སྦྱིན་པར་བྱས་པ་དེ་ཉིད་ཀྱི་ཚེ། ས་ནི་རྣམ་པ་མང་པོར་གཡོས་
[30a.5]པར་གྱུར་ཏོ། །གསེར་གྱི་རི་བོ་རྣམ་པར་འགུལ་བར་གྱུར། །དེ་ན་གནས་པའི་བྱ་རྣམས་སྒྲ་ཡང་འབྱིན། །ཤིང་རྣམས་འགུལ་བས་མེ་ཏོག་ལྷགས་པར་གྱུར། །དེ་དག་རྫིས་བསྐྱོད་མཁའ་ལ་སྤྲིན་ལྟར་ཆགས། །ལ་ལ་བླ་རེས་བྲེས་ཤིང་བྱ་བརྒྱུས་བཞིན། །ཁ་ཅིག་ཏུ་ནི་ཕྲེང་
[30a.6]བ་བརྒྱུས་པ་བཞིན། །མི་ཡི་བདག་པོ་ཁོར་ཡུག་མཉམ་པར་ལྷགས། །རྒྱ་མཚོ་ཆེན་པོ་ཤིན་ཏུ་གཡོ་བའི་རླབས། །རང་བཞིན་ལས་ནི་ལྷག་པའི་ཤུགས་དང་སྒྲས། །འགྲོ་བ་བརྟུལ་བའི་ལུས་ནི་གཟི་མདངས་ཅན། །ས་ཡི་བདག་པོའི་བཟློག་པ་བཞིན་དུ་བྱུང་། །དེ་
[30a.7]ནས་ལྷ་ཡི་དབང་པོས་འདི་ཅི་ཞེས། །བརྟགས་པར་གྱུར་ནས་དེ་ཡི་རྒྱུ་རྟོག་ཅིང་། །རྒྱལ་པོ་ཉེས་པར་དོགས་ཏེ་རབ་མྱུར་བར། །རྒྱལ་པོའི་ཕོ་བྲང་མྱ་ངན་འཁྲུགས་པར་འོངས། །ས་ཡི་བདག་པོ་དེ་ལྟར་གྱུར་ན་ཡང་། །གཟི་མདངས་གསལ་བས་ལྷག་པར་ཡ་མཚན་སྐྱེས། །
[30b]
[30b.1]ཐད་དུ་འོངས་ནས་སྙན་པའི་ཚིག་རྣམས་ཀྱིས། །དང་ཞིང་དགའ་བས་དེ་ཡི་སྤྱོད་པ་བསྟོད། །ཨེ་མ་ཧོ། །སྐྱེ་བོ་དམ་པའི་ཆོ་རིགས་བཟང་། །ཨེ་མ་ཧོ། །ཡོན་ཏན་བསྒོམས་པས་རྒྱ་རེ་ཆེ། །ཨེ་མ་ཧོ། གཞན་ལ་ཕན་པས་བློ་རེ་བདེ། །ས་འདི་ཁྱོད་ལ་གཏད་པ་མགོན་དང་
[30b.2]བཅས། །ཞེས་བསྟོད་ནས། ལྷའི་དབང་པོ་བརྒྱ་བྱིན་གྱིས་ལྷ་དང་མིའི་སྨན་གྱི་ཁྱད་པར་གྱི་རྨ་གསར་པ་སོས་པར་བྱེད་ནུས་པ་རྣམས་ཀྱིས། དེའི་ལུས་སྔོན་བཞིན་དུ་སྡུག་བསྔལ་མེད་པར་བྱས་ནས། རྒྱལ་པོ་དེས་ཀྱང་མཐུན་པ་དང་གུས་པ་དང་ཡོ་བྱད་ཀྱིས་སླར་མཆོད་པར་བྱས་ཏེ།
[30b.3]ཉིད་ཀྱི་གནས་སུ་སླར་སོང་ངོ་། །དེ་ལྟར་ན་སྙིང་རྗེ་ཆེན་པོ་རྣམས་ནི་གཞན་གྱི་སྡུག་བསྔལ་གྱིས་སྡུག་བསྔལ་ཞིང་། བདག་གི་བདེ་བ་ལ་མི་ལྟ་བ་ཡིན་ན། ནོར་ཙམ་ལ་ཆགས་ནས་གཏོང་མི་ཕོད་པ་ལྟ་སུ་ཞིག་ཡོད་ཅེས། སྐྱེ་བོ་སྦྱིན་པ་བྱེད་པ་དག་ལ་གཟེངས་བསྟོད་པ་དང་།
[30b.4]སྙིང་རྗེའི་ཡོན་ཏན་བསྔགས་པ་དང་། །དེ་བཞིན་གཤེགས་པའི་ཆེ་བ་བསྟན་པ་དང་། བསྟི་སྟང་དུ་བྱས་ཏེ་ཆོས་ཉན་པ་ལ་ཡང་བརྗོད་པར་བྱའོ། །བཅོམ་ལྡན་འདས་ཀྱིས་དགེ་སློང་ལྔ་པོ་འདི་དག་ནི་མང་དུ་བྱེད་བྱེད་པའོ། །ཞེས་གསུངས་པ་དེ་ཡང་འདི་ལ་དགོངས་ཏེ། དེའི་ཏེ་
[30b.5]གནོད་སྦྱིན་ལྔ་པོར་གྱུར་པ་དེ་དག་ལ་བཅོམ་ལྡན་འདས་ཀྱིས་ཇི་ལྟར་ཞལ་གྱིས་བཞེས་པ་དེ་བཞིན་དུ་ཆོས་ཀྱི་བདུད་རྩི་བྱིན་པ་ཡིན་ནོ། །བྱང་ཆུབ་སེམས་དཔའ་བྱམས་པའི་སྟོབས་སུ་སྐྱེས་པའི་རབས་ཏེ་བརྒྱད་པའོ།། །།བྱང་ཆུབ་སེམས་དཔའི་སྤྱོད་པ་ནི་སེམས་
[30b.6]ཅན་ཕལ་པ་རྣམས་ཀྱིས་རྗེས་སུ་ཡི་རང་བ་ཙམ་ཡང་ལགས་པར་མི་ནུས་ན་ཀུན་ཏུ་སྤྱད་པ་ལྟ་ག་ལ་ནུས། དེ་ཡང་འདི་སྐད་ཐོས་ཏེ། དབང་པོ་ཐུལ་བ་གོམས་པར་གྱུར་པ་དང་། དཔའ་བ་དང་། ཚུལ་དང་དུལ་བ་ཕུན་སུམ་ཚོགས་པས་རྣམ་པར་རྒྱལ་བའི་དཔལ་ཐོབ་པ། རྒན་
[30b.7]པ་ལ་བསྙེན་བཀུར་ངེས་པར་བྱས་པས་རིག་བྱེད་གསུམ་དང་བརྟག་པའི་དོན་གྱི་དེ་ཁོ་ན་ཉིད་ཁོང་དུ་ཆུད་པ་རང་གི་འཁོར་རང་གི་ཆོས་དང་ལས་ལ་འབད་པ། ཡིད་དེའི་རྒྱུ་མེད་པས་མ་གྱུར་ཞིག་བདེ་བར་འཚོ་བ་སྙིང་ཉེ་བ་རྣམས་ཀྱིས་བཀའ་ཁྲིམས་བཟང་པོ་བསྒྲགས་པ། སོ་ཚིས་བྱས་
[31a]
[31a.1]པ་ལེགས་པར་འབྱོར་པ། ཡུལ་ཤི་བི་པ་རྣམས་ཀྱི་རྒྱལ་པོ་ཀུན་ཏུ་རྒྱལ་བ་ཞེས་བྱ་བ་ཞིག་བྱུང་ངོ་། །ཡོན་ཏན་ལྡན་པས་མི་ཡི་བདག་པོའི་དཔལ། །རིགས་ལྡན་ཆུང་མ་བཞིན་དུ་སྙིང་ཉེ་བ། །རི་ཕུག་སེང་གེས་བསྲུངས་པའི་རི་དྭགས་བཞིན། །ས་ཡི་
[31a.2]བདག་པོ་གཞན་རྣམས་གླགས་མི་ལྟ། །དཀའ་ཐུབ་རྣམས་དང་རིགས་དང་སྒྱུ་རྩལ་ལ། །ནང་གི་འཁོར་གྱིས་གོམས་པར་བྱས་པ་རྣམས། །འོངས་ནས་རིམ་གྲོ་ལྷག་པར་ཆེ་བར་འགྱུར། །བཀུར་སྟི་བྱས་པ་གཙོ་བོ་ཡིན་པར་སྣང་། །དར་རྒྱལ་སྲིད་ཐོབ་མ་ཐག་ཏུ་དེའི་བུ་
[31a.3]ཐམས་ཅད་སྒྲོལ་ཞེས་བྱ་བ་ཡོན་ཏན་མང་པོ་རབ་ཏུ་གྲགས་པ་ཅིག་རྒྱལ་ཚབ་ཏུ་གྱུར་ཏེ། དེའི་ཚེ་རྒྱལ་ཚབ་དེ་བཅོམ་ལྡན་འདས་འདི་ཉིད་ཡིན་ནོ། །གཞོན་ཡང་རྒན་པའི་ཉེ་བར་ཞི་ལ་དགའ། །གཟི་བརྗིད་ཆེ་ཡང་བཟོད་ཅིང་དེས་པའི་ངང་། །མཁས་པར་གྱུར་ཀྱང་ཤེས་པའི་
[31a.4]ང་རྒྱལ་མེད། །དཔལ་དང་ལྡན་ཞིང་འབྱོར་ཡང་དྲེགས་པ་མེད། །དེ་ཡི་གྲགས་པས་འཇིག་རྟེན་གསུམ་ཁྱབ་པས། །ཕྱོགས་རྣམས་རབ་ཏུ་རྒྱ་ཆེན་མཐོང་གྱུར་ཀྱང་། །གཞན་གྱི་གྲགས་པ་ཅུང་ཟད་ཡོད་པ་རྣམས། །འཕྲོ་བའི་སྐབས་ཀྱང་མེད་པ་བཞིན་དུ་འགྱུར། །སྐྱེ་བོ་
[31a.5]རྣམས་ཀྱི་སྡུག་བསྔལ་དཔག་མེད་པ། །དེ་ཡིས་མ་བཟོད་སྙིང་རྗེའི་གཞུ་དག་དང་། །སྦྱིན་པའི་མདའ་རྣམས་ཆར་བཞིན་འབེབས་པ་ཡིས། །དེ་དང་ལྷན་ཅིག་གཡུལ་ཆེན་འགྱེད་པ་འདྲ། །དེ་ཉིན་རེ་བཞིན་སློང་བ་ལྷགས་པ་རྣམས་ལ་བསློངས་པ་བས་ཀྱང་ལྷག་པར་ཉོན་མ་
[31a.6]མོངས་པར་ནར་གཏོང་ཞིང་ཚིག་འཇམ་པོ་དང་གུས་པ་དང་ཡིད་དུ་འོང་བས་རབ་ཏུ་ཚིམ་པར་བྱེད་པར་གྱུར་ཏོ། །དུས་མཚམས་ཀྱི་ཉི་མ་དག་ལ་ཡང་གསོ་སྦྱོང་ངེས་པར་གནས་པ་དང་། རབ་ཏུ་ཞི་བས་བརྒྱན་ཏེ། མགོ་ཁྲུས་བྱས་ཏེ་གོས་དཀར་པོ་བགོས་ནས་གླང་པོ་ཆེའི་མཆོག་
[31a.7]གངས་རི་འདྲ་བ། དྲེགས་པ་དངུལ་གྱིས་གདོང་བརྒྱན་པ། མཚན་ཉིད་དང་། དུལ་བ་དང་། མགྱོགས་པ་དང་། སྙིང་སྟོབས་ཆེ་བ་ཕུན་སུམ་ཚོགས་པ། གྲགས་པ་བཞོན་པར་འོས་པའི་སྤོས་ཀྱི་གླང་པོ་ཆེ་མཆོག་ཞོན་ནས། གྲོང་ཁྱེར་གྱི་ཁོ་ར་ཁོར་ཡུག་ན་བདག་གིས་སྦྱིན་
[31b]
[31b.1]པ་བཏང་བའི་ཁང་པ་སྐྱེ་བོ་ཕོངས་པ་རྣམས་ཀྱི་རྫིང་བུ་དང་འདྲ་བ་བཤམས་ཏེ་བཞག་པ་རྣམས་ཉུལ་དུ་སོང་ངོ་། །དགའ་བའི་ཁྱད་པར་འདི་ལྟ་བུ་དག་ཐོབ་པར་གྱུར་ཏེ། ཕོངས་པ་རྣམས་ལ་སྦྱིན་འདོད་པའི། །དགའ་བ་གང་དག་སྐྱེ་བ་ནི། །ཁྱིམ་ན་གནས་པའི་ལོངས་སྤྱོད་ལ། །
[31b.2]དེ་ཙམ་དུ་ནི་དགའ་བ་མེད། །དེ་ནས་རེ་ཞིག་ཅིག་དེ་དེ་ལྟར་སྦྱིན་པ་ལ་རབ་ཏུ་དགའ་བའི་སློང་མོ་པ་རྣམས་ཀྱིས་ཀུན་ཏུ་བསྒྲགས་པ་ཐོས་ནས། དེའི་ཚེ་ཉི་འོག་གི་རྒྱལ་པོ་གཞན་ཅིག་གིས་བསམས་པ། འདི་ནི་སྦྱིན་པ་ལ་དགའ་བའི་དབང་དུ་གྱུར་པས་བསླུ་བར་ནུས་སོ་སྙམ་ནས།
[31b.3]གླང་པོ་ཆེའི་མཆོག་སོང་བའི་ཕྱིར་དེར་བྲམ་ཟེ་ཅིག་བཏང་ངོ་། །དེ་ནས་ཐམས་ཅད་སྒྲོལ་རང་གིས་སྦྱིན་བཏང་གི་ཁང་པ་ཉུལ་ཞིང་རབ་ཏུ་དགའ་བས་བཞིན་གྱི་མདངས་བཟང་པོ་དང་ལྡན་པ་ལ། བྲམ་ཟེ་དེ་དག་གིས་རྒྱལ་བ་དང་ཤིས་པ་བརྗོད་ནས་ལག་པ་གཡས་པ་བསྒྲེང་སྟེ་བསྟོད་ནས་མདུན་དུ་
[31b.4]སྡོད་པ་དང་། །དེས་གླང་པོ་ཆེའི་མཆོག་དེ་བཟུང་ནས་ཞེ་ས་དང་བཅས་པས་ཅི་བཞེད་གསུངས་ཤིག་ཅེས་ཅིའི་ཕྱིར་ལྷགས་པ་དྲིས་སོ། །བྲམ་ཟེ་རྣམས་ཀྱིས་སྨྲས་པ། ཁྱོད་ནི་སྦྱིན་ལ་དགའ་བ་དང་། །ཁྱོད་ཀྱི་གླང་པོ་ཆེན་པོ་འདི། །འགྲོས་བཟང་འགྱིང་ཞིང་འགྲོ་བ་ཡི། །ཡོན་ཏན་
[31b.5]འཚལ་ཕྱིར་བདག་ཅག་མཆིས། །ཏི་སེའི་གངས་དང་འདྲ་བ་ཡི། །གླང་ཆེན་འདི་ནི་སྩལ་བ་ཡིས། །འཇིག་རྟེན་འདི་དག་ཡ་མཚན་གྱིས། །འདི་ནི་རབ་ཏུ་དགའ་བར་མཛོད། །ཅེས་སྨྲས་པ་དང་། བྱང་ཆུབ་སེམས་དཔའ་སྙིང་དགའ་བས་ཀུན་ཏུ་རྒྱས་པར་གྱུར་ནས།
[31b.6]ཡུན་རིང་མོ་ཞིག་ནས་གདོད་སློང་མོ་པའི་སྐྱེ་བོ་རླབས་ཆེར་སློང་ཕོད་པ་མཐོང་བར་གྱུར་ཏོ་སྙམ་དུ་བསམ་མོ། །བྲམ་ཟེ་འདི་དག་ལ་ནི་གླང་པོ་ཆེའི་རྒྱལ་པོ་འདི་ལྟ་བུ་ནི་ཅང་མི་དགོས་ཀྱི། གདོན་མི་ཟ་བར་འདི་ནི་བརྐམ་པ་དང་། ཕྲག་དོག་གི་སྐྱོན་གྱིས་བདག་ལ་ཡིད་དཀྲུགས་པའི་
[31b.7]རྒྱལ་པོ་འདོད་ཆེན་ཅིག་གིས་སྦྱར་ཏེ་བཏང་ངོ་སྙམ་དུ་ངེས་སོ། །གྲགས་དང་ཆོས་ལའང་མ་བལྟས་པར། །ང་ལ་ཕན་བཞིན་གང་བྱེད་པ། །རྒྱལ་པོ་དེ་ཡི་བསམས་པ་དག །རེ་ཐག་ཆད་པར་མི་བྱའོ། །དེ་ལྟར་ངེས་པར་བྱས་ནས། བདག་ཉིད་ཆེན་པོ་དེ་གླང་པོ་ཆེའི་མཆོག་དེ་
[32a]
[32a.1]ལས་མྱུར་དུ་བབས་ཏེ་བཞེས་སུ་གསོལ་ཞེས་བྱས་ནས་གསེར་གྱི་རིལ་བ་གཏད་དེ། དེ་དག་གི་མདུན་ན་འདུག་གོ། །ནོར་བསྒྲུབ་ངོར་ནི་ཆོས་ལམ་མི་མཐུན་པའི། །རྒྱལ་པོ་གཙུག་ལག་དག་ལ་མཁས་གྱུར་ཀྱང་། །ཆོས་ལ་དགའ་བས་དེ་ནས་གླང་ཆེན་བྱིན། །
[32a.2]ཚུལ་དང་དགའ་བས་དེ་ནི་གཡོས་མ་གྱུར། །གླང་ཆེན་གསེར་གྱི་དྲ་བས་མཛེས་པར་ལེགས་བརྒྱན་པ། །སྟོན་ཀའི་སྤྲིན་ཚོགས་གློག་འགྱུ་འདྲ་བ་དེ་བྱིན་ནས། །མི་ཡི་བདག་པོའི་སྲས་དེ་རབ་ཏུ་དགའ་བར་གྱུར། །ཚུལ་གྱི་ཕྱོགས་ལ་དགའ་བའི་གྲོང་ཁྱེར་པ་རྣམས་འཁྲུག །དེ་ནས་
[32a.3]གླང་པོ་ཆེའི་རྒྱལ་པོ་དེ་བྱིན་པ་ཐོས་ནས་ཡུལ་ཤི་བི་པའི་བྲམ་ཟེ་རྒན་པོ་དང་བློན་པོ་བཀའ་ལ་གཏོགས་པ་དང་། དམག་མི་དང་གྲོང་ཁྱེར་གྱི་གཙོ་བོ་རྣམས་ཅ་ཅོའི་སྒྲ་ཕྱུང་ནས། རྒྱལ་པོ་ཀུན་ཏུ་རྒྱལ་གྱི་དྲུང་དུ་ལྷགས་ནས། རྟབ་རྟབ་པོར་གྱུར་ནས་མི་བཟོད་ཅིང་སྡངས་ཏེ་ཞེས་བཏང་ནས་ཀོ་
[32a.4]ལོང་དུ་སྨྲས་པ། ལྷ་རྒྱལ་སྲིད་ཀྱི་དཔལ་འདི་ལྟར་མཆོག་ཏུ་གྱུར་པ་ཡལ་བར་དོར་བ་ནི་ཅི་ལགས། ལྷ་ཉིད་ཀྱི་རྒྱལ་སྲིད་འདི་ལྟར་ཉམས་པར་གྱུར་པ་བཟོད་པར་མཛད་པ་མི་རིགས་སོ། །རྒྱལ་པོས་རིངས་རིངས་སྐད་དུ་འདི་ཅི་ཉེས་ཞེས་སྨྲས་པ་དང་། ཡང་སྨྲས་པ། ཅི་ལྷ་
[32a.5]མི་མཁྱེན་ཏམ། གང་གི་འགྲམ་པ་བུད་པ་སྒྲ་སྒྲོགས་པ། །དངུལ་གྱི་དྲི་ཞིམ་རླུང་གིས་རེག་བ་ཡི། །གཞན་གྱི་གླང་པོ་མྱོས་ཤིང་དྲེགས་པ་རྣམས། །སྩལ་བའི་སྡུག་བསྔལ་མེད་པར་ཟིལ་གནོན་པ། །གང་གི་གཟི་ཡིས་ཁྱོད་ཀྱི་དགྲ་བོ་རྣམས། །མཐུ་སྟོབས་མནན་ཞིང་
[32a.6]དྲགས་པ་མེད་བྱས་པ། །ཐམས་ཅད་སྒྲོལ་གྱིས་གླང་པོ་དེ་བྱིན་བས། །ཁྱོད་ཀྱི་རྒྱལ་བ་གཟུགས་ཅན་གཞན་ཡུལ་སོང་། །བ་དན་གསེར་དང་གོས་དང་བཟའ་བ་དག །རྒྱལ་པོས་བྲམ་ཟེ་རྣམས་ལ་སྦྱིན་པར་འོས། །གང་ལ་དཔལ་དང་རྒྱལ་བ་ངེས་ཡོད་པའི། །གླང་ཆེན་བཏང་བ་
[32a.7]སྦྱིན་པ་དཔའ་ཆེས་སོ། །ཚུལ་དང་འགལ་བའི་ལམ་དུ་སོང་བ་འདིས། །རྒྱལ་པོའི་དཔལ་ནི་ཇི་ལྟར་འགྲོ་ཞེས་འགྱུར། །འདི་ནི་ཡལ་བར་དོར་བ་ཁྱོད་ལ་གནོད། །ཁྱོད་ཀྱི་དགྲ་ནི་མདུན་ན་དགའ་བར་བྱེད། །དེ་སྐད་ཐོས་ནས་རྒྱལ་པོ་བུ་ལ་བྱམས་པས་དེ་དག་ཉིད་ལ་ཅུང་ཟད་ཅིག་མི་
[32b]
[32b.1]དགའ་བར་གྱུར་ནས། དགོས་པའི་དབང་གིས་མི་དགའ་བཞིན་དུ་དེ་ལྟར་བྱའོ་སྨྲས་ནས། ཡུལ་ཤི་བི་པའི་མི་རྣམས་ལ་ཡིད་བཞོས་ཏེ་སྨྲས་པ། ཐམས་ཅད་སྒྲོལ་འདི་སྦྱིན་པ་ལ་ཞུགས་ཤིང་། །ཚུལ་གྱི་རིམ་པ་ལ་མི་ལྟ་བ་ངས་ཤེས་ཏེ། རྒྱལ་སྲིད་ལ་དབང་བྱེད་དུ་བཅུག་པ་ནི་དེ་
[32b.2]ལྟར་སྤང་བར་བྱ་བ་མི་རིགས་མོད། འདིས་ཀྱང་རང་གི་གླང་པོ་ཆེ་བྱིན་ཟིན་པས། སྐྱུགས་པ་དང་འདྲ་བར་བོར་བ་ལྟ་བུ་ཅིག་སླར་འཕྲོག །འོན་ཀྱང་འདི་ཅི་ནས་སྦྱིན་པ་ལ་ཚོད་ཤེས་པར་བྱ་ཡིས་ཁྱེད་དེ་ལྟར་འཁྲུག་པར་མ་བྱེད་ཅིག །ཤི་བི་པ་རྣམས་ཀྱིས་སྨྲས་པ། རྒྱལ་པོ་ཆེན་པོ་
[32b.3]ཐམས་ཅད་སྒྲོལ་འདི་ནི་དོན་དེ་ལྟ་བུ་དག་ལ་གཏམས་པ་ཙམ་གྱིས་དམ་བཅའ་བཟློག་ཏུ་བཏུབ་པ་མ་ལགས་སོ། །ཀུན་ཏུ་རྒྱལ་བས་སྨྲས་པ། འོ་ན་དེ་ལ་ངས་གཞན་ཅི་ཞིག་བྱ། །ཉེས་པ་སྤྱོད་ལ་གང་ཞིག་རབ་དགའ་ཞིང་། །ཡོན་ཏན་བརྟན་ལ་སྐྱོན་དུ་བཟུང་ངམ་ཅི། །གླང་པོ་དེ་ཡི་
[32b.4]ཕྱིར་ནི་བདག་གི་བུ། །བསད་དམ་འོན་ཏེ་བཟུང་ངམ་ཅི་ཞིག་བྱ། །དེ་བས་ན་ཁྱེད་རྣམས་འདི་ལ་རྔམ་ཞིང་འཁྲུག་པར་མ་བྱེད་ཅིག །ངས་ཐམས་ཅད་སྒྲོལ་ལ་འདི་ལྟ་བུ་དག་བྱེད་དུ་མི་འཇུག་གོ། །དེ་ནས་ཡུལ་ཤི་བི་པ་རྣམས་ཁྲོས་ནས་རྒྱལ་པོ་ལ་སྨྲས་པ། མི་ཡི་བདག་པོ་ཁྱོད་ཀྱི་
[32b.5]སྲས་འདི་ལ། །བསད་དམ་བཅིང་ངམ་བརྡེག་པར་སུ་ཞིག་འཚལ། །ཆོས་ལ་ཞེན་པ་སྙིང་རྗེའི་བདག་ཉིད་པས། །འདིས་ནི་རྒྱལ་སྲིད་བཟུང་བ་ཡོངས་མི་ནུས། །འཁོར་གསུམ་བརྟེན་ཞིང་གཟི་བརྗིད་ཆེ་བ་ལ། །གྲགས་པ་ཐོབ་པ་སེང་གེའི་ཁྲི་ལ་འོས། །ཚུལ་ལ་མི་ལྟ་
[32b.6]ཆོས་ལ་རབ་དགའ་བས། །འདི་ནི་དཀའ་ཐུབ་ནགས་ན་གནས་པར་འོས། །ས་ཡི་བདག་པོ་རྣམས་ཀྱི་ཚུལ་ཉེས་སྐྱོན། །དེ་ལ་བརྟེན་པ་རྣམས་ལ་འབྱུང་མོད་ཀྱི། །འོན་ཀྱང་དེ་དག་བཅོས་སུ་རུང་མ་མཆིས། །ས་བདག་གཙོ་བོ་ཉམས་ན་བཅོས་མི་རུང་། །འདི་ལ་མང་དུ་གསོལ་
[32b.7]ཡང་ཅི་འཚལ་ཏེ། །ཁྱོད་ཀྱི་སྲིད་ཉམས་མི་བཟོད་ཤི་བི་པ། །འདི་རྣམས་ཀྱིས་ནི་འདི་ལྟར་ངེས་པར་བཅད། །མི་རྗེའི་སྲས་འདི་བཀའ་ཐུབ་འཕེལ་བའི་ཕྱིར། །ཐུབ་པས་བསྟན་པའི་རི་བོ་འབང་ཀར་བཏང་། །ཚུལ་མ་ཡིན་པར་ཉམས་སུ་དོགས་ཤིང་ཕན་པར་དགའ་བའི་སྐྱེ་བོ་དེ་
[33a]
[33a.1]དག་གིས་ངོ་བཟློག་མ་ཕོད་པར་སྨྲས་པ་དང་། དེ་ནས་རྒྱལ་པོ་དེ་བུ་དང་བྲལ་བའི་སེམས་གདུངས་བས་ངོ་ཚ་བ་བཞིན་དུ། མགོ་སྨད་དེ་ཉམ་ང་ང་ལྟར་ཤུགས་ནར་སེ་བྱུང་ནས། བྱམས་ཤིང་སྤོབས་པ་དང་། ཡིད་གཅུགས་པའི་དབང་གིས་ཡུལ་ཤི་བི་
[33a.2]པ་རྣམས་ལ་སྨྲས་པ། ཁྱེད་དེ་ལྟར་འདི་ལ་གལ་གྱིས་འཆུ་ན་རེ་ཞིག་ཉིན་ཞག་གཅིག་ཙམ་ཅིག་སྤྲོ་སྲིངས་ཤིག་དང་། སང་ནང་པར་ཁྱེད་ཀྱིས་བསམས་པ་བཞིན་དུ་ཐམས་ཅད་སྒྲོལ་བྱེད་དུ་བཅུག་གོ། །ཡུལ་ཤི་བི་པ་རྣམས་ཀྱིས་དེ་ལྟར་བགྱིའོ་ཞེས་སྨྲས་ནས། བསྒོ་བ་ཉན་པ་དང་།
[33a.3]རྒྱལ་པོ་དེས་གསོལ་ཀ་བ་ལ་ཁྱོད་སོང་ལ་འདི་ལྟར་གྱུར་པ་ཐམས་ཅད་སྒྲོལ་ལ་སྤྲོན་ཅིག་ཅེས་བཀའ་སྩལ་ཏོ། །དེས་ཀྱང་དེ་བཞིན་དུ་བགྱིའོ་ཞེས་མཉན་ནས། མྱ་ངན་གྱི་མཆི་མས་གདོང་ཁེབས་ཤིང་། ཐམས་ཅད་སྒྲོལ་རང་གི་ཁང་པ་ན་འདུག་པ་དེའི་དྲུང་དུ་སོང་སྟེ། མྱ་ངན་གྱི་སྡུག་
[33a.4]བསྔལ་གྱིས་ཤུགས་ཀྱི་སྐད་ཕྱུང་སྟེ་ངུས་ནས། དེའི་རྐང་པ་གཉིས་ལ་ཕྱག་འཚལ་ལོ། །ཐམས་ཅད་སྒྲོལ་གྱིས་རྟབ་རྟབ་ལྟར། ཨེ་མ་རྒྱལ་པོ་ཐུགས་བདེའམ་ཞེས་དྲིས་པ་དང་། མི་དགའ་བས་ཚིག་མི་གསལ་བར་དེ་ལ་རྒྱལ་པོ་ཐུགས་བདེ་ཞེས་སྨྲས་སོ། །འོ་ན་ཅིའི་ཕྱིར་དེ་ལྟར་
[33a.5]མི་བརྟན་པར་གྱུར་ཞེས་ཐམས་ཅད་སྒྲོལ་གྱིས་ཡང་ཡང་དྲིས་པས། གསོལ་ཀ་བ་མཆི་མས་བརྣངས་ཤིང་སྐད་འཇོར་ལ་དབུགས་ཀྱིས་བརྣངས་པའི་ཚིག་མི་གསལ་བས། གཅོམ་ཆུང་ངུས་སྨྲས་པ། ཤི་བི་པ་རྣམས་མི་སྲུན་པ། །འཁྲུགས་པར་གྱུར་ནས་རྒྱལ་པོའི་བཀའ། །འཇམ་
[33a.6]པོར་སྩལ་ཡང་མི་ཉན་པར། །རྒྱལ་པོ་ཁྱོད་ནི་ཡུལ་ནས་འབྱིན། །ཐམས་ཅད་སྒྲོལ་གྱིས་སྨྲས་པ། ཡུལ་ཤི་བི་པ་རྣམས་ཅིའི་ཕྱིར་འཁྲུགས་ནས་ང་སྐྲད། འདུལ་དང་འགལ་བའི་ལམ་མི་འགྲོ། །བག་མེད་པ་ལ་ང་མི་དགའ། །ཉེས་པར་བྱས་པ་མ་མཐོང་ན། །ཤི་བི་པ་རྣམས་ཅི་ཕྱིར་
[33a.7]འཁྲུག །གསོལ་ཀ་པས་སྨྲས་པ། ཧ་ཅང་རླབས་ཆེས་པས་ལེན་ནོ། །ཁྱོད་ནི་ཆགས་པ་མེད་ལ་དགའ་བར་གྱུར། །སློང་བ་རྣམས་ཀྱི་ཡིད་ནི་ཆགས་ལ་དགའ། །གླང་པོའི་རྒྱལ་པོ་ཁྱོད་ཀྱིས་བྱིན་པའི་ཕྱིར། །ཤི་བི་པ་རྣམས་འཁྲུགས་ནས་བསྟན་པ་ཉམས། །དེ་བས་རང་གི་
[33b]
[33b.1]ཆོས་བོར་ཏེ། །ཁྱོད་ལ་ཚམ་ཚོམ་མེད་པར་ནི། །གང་དུ་སྤྱུགས་ཀྱང་མི་དང་པས། །ལམ་དེར་ཁྱོད་ཀྱང་སོང་ཞེས་ཟེར། །དེ་ནས་བྱང་ཆུབ་སེམས་དཔའ་སྙིང་བརྩེ་བ་ལ་གོམས་པ་ཤས་ཆེ་བ་དང་། གཞུང་ལུགས་སྐྱེ་བོ་སློང་བ་རྣམས་ལ་བྱམས་པ་དང་། རང་གི་བསྟན་པ་ཕུན་སུམ་ཚོགས་
[33b.2]པའི་ཕྱིར་སྨྲས་པ། ཡུལ་ཤི་བི་པ་རྣམས་ནི་མི་བརྟན་པའི་རང་བཞིན་ཅན་ཡིན་ཏེ། ངས་རང་བཞིན་མི་ཤེས་པ་ལྟར་བྱེད་མོད། འཇིག་རྟེན་དོན་དུ་ང་ཡི་ལུས་འཛིན་ན། །ཕྱི་རོལ་ནོར་ལྟ་སྨོས་ཀྱང་ཅི་ཞིག་དགོས། །རང་གི་མིག་དང་མགོ་ཡང་ངས་སྦྱིན་ན། །ཕྱི་རོལ་ནོར་སྦྱིན་སྨོས་
[33b.3]ཀྱང་ཅི་ཞིག་དགོས། །སློང་བ་རྣམས་ཀྱི་སློང་བའི་ཚིག་རྣམས་ལ། །རང་གི་ལུས་ཀྱང་གཏོང་བར་སེམས་པ་ལ། །སྐྲག་པར་བྱས་ནས་མི་སྦྱིན་སེམས་སྙམ་པ། །བྱིས་པ་རང་གི་རང་བཞིན་སྟོན་པ་ཟད། །ཤི་བི་པ་རྣམས་ཐམས་ཅད་ཀྱིས། །ང་ནི་བསད་དམ་སྤྱུགས་ཀྱང་རུང་། །མི་
[33b.4]སྦྱིན་པ་ནི་ངས་མི་བྱེད། །དཀའ་ཐུབ་ཚལ་དུ་འགྲོ་ཟད་མོད། །དེ་ནས་བྱང་ཆུབ་སེམས་དཔའི་བཙུན་མོས་གཏམ་ངན་དེ་ཐོས་ནས་བཞིན་འགྱུར་བ་ལ། ཡུལ་ཤི་བི་པ་རྣམས་ཀྱིས་འདིར་ཇི་ལྟར་ངེས་པར་བྱས་པ་ཁྱོད་ཀྱིས་ཐོས་སམ། ང་ལས་ཁྱོད་ཀྱིས་ཅི་ཐོབ་དང་། །གང་ཡང་ཁྱོད་ཀྱི་ཕ་མ་
[33b.5]ཡི། །ནོར་རྣམས་ཅུང་ཟད་ཅི་ཡོད་པ། །དེ་དག་ཁྱོད་ཀྱིས་གཏེར་དུ་སྦོས། །མ་དྲིས་སྨྲས་པ། ལྷ་འདི་དག་གར་གཏེར་དུ་སྦ་བར་བགྱི། ཐམས་ཅད་སྒྲོལ་གྱིས་སྨྲས་པ། རྟག་པར་ཚུལ་ཁྲིམས་ལྡན་པ་ལ། །སྦྱིན་པ་བཀུར་སྟིས་བརྒྱན་པ་སྦྱིན། །ནོར་རྣམས་དེ་ལྟར་གཏེར་བཅུག་
[33b.6]པ། །རྗེས་སུ་འགྲོ་ཞིང་ཕྲོག་ཏུ་མེད། །གྱོས་སྒྱུག་གཉིས་ཀྱང་དགའ་བར་བྱོས། །ཆོས་ལ་གཅིག་ཏུ་བག་ཡོད་བྱོས། །ང་མེད་མྱ་ངན་མ་བྱེད་ཅིག །མ་དྲིས་དེ་ཐོས་ནས་སྙིང་རབ་ཏུ་གདུངས་ནས། ཁྱིམ་ཐབ་མི་དགའ་བ་སྤང་བའི་ཕྱིར་མྱ་ངན་དང་མི་དགའ་བ་བཏང་སྟེ་སྨྲས་པ། རྒྱལ་
[33b.7]པོ་ཆེན་པོ་ཉག་གཅིག་པུ། །ནགས་སུ་གཤེགས་པའི་ཆོས་མ་མཆིས། །རྒྱལ་རིགས་གང་དུ་གཤེགས་པ་དེར། །བདག་ཀྱང་དེ་བས་མཆི་བར་འཚལ། །ཁྱོད་སྤངས་ནས་ནི་ཡོངས་བསྐོར་ཏེ། །གནས་ཀྱང་བདག་ཉིད་ངེས་པར་མཆི། །དུལ་བ་ཁྱེད་གང་གསོན་པ་དེར། །འཆི་
[34a]
[34a.1]བའི་སྡུག་བསྔལ་མེད་པར་འགྱུར། །ལྷ་བདག་ནི་ནགས་ན་གནས་པ་མི་བདེ་བར་མ་མཐོང་ལགས་སོ། །ཅིའི་ཕྱིར་ཞེ་ན། མི་སྲུན་མི་མེད་ཤིང་དང་ཆུ་མང་བསྐྱེད། །བྱ་རྣམས་སྣ་ཚོགས་སྒྲ་འབྱིན་རི་དྭགས་མང་། །ནེའུ་གསེང་སྔོན་པོ་ཡིད་འོང་བཻ་ཌཱུར་འདྲ། །སྐྱེད་
[34a.2]མོས་ཚལ་བས་དཀའ་ཐུབ་ནགས་ཚལ་དགྱེས། །ལྷ་གཞན་ཡང་། ནགས་ཚལ་ལྕུག་མའི་ཁྲོད་དག་ན། །གཞོན་ནུ་འདི་གཉིས་ཕྲེང་བ་ཡིས། །བརྒྱན་ཅིང་བརྩེ་བ་གཟིགས་ན་ནི། །རྒྱལ་སྲིད་དག་ཀྱང་དགོས་མི་འགྱུར། །དུས་ཀྱི་དབང་གིས་གྱུར་པ་ཡི། །ནགས་ཚལ་མཛེས་
[34a.3]པ་གསར་པ་དང་། །སྨན་ལྗོངས་འབབ་ཆུར་བཅས་པ་ཡི། །ནགས་ཚལ་དག་ན་དགྱེས་པར་འགྱུར། །དགའ་བས་འཚལ་བའི་བྱ་རྣམས་ནི། །སྣ་ཚོགས་སྒྲ་འབྱིན་སིལ་སྙན་བཞིན། །འདོད་ཆགས་བདེ་བའི་སློབ་དཔོན་གྱིས། །བསྟན་པའི་རྨ་བྱ་གར་ཡང་བགྱིད། །བུང་
[34a.4]བའི་ན་ཆུང་གླུ་ལེན་པ། །རབ་ཏུ་སྙན་ཅིང་མ་སྨད་པ། །ནགས་ཚལ་དག་ན་གླུ་གར་གྱིས། །ཁྱོད་ཀྱི་ཐུགས་ནི་དགྱེས་པར་བགྱིད། །ནགས་ཚལ་དག་ན་མཚན་མོ་ཟླ་འོད་ནི། །རས་དཀར་བཟང་པོས་གཡོགས་པའི་རྡོ་ལེབ་དང་། །མེ་ཏོག་ཤིང་གི་དྲི་ཞིམ་བསྒོས་པ་ཡི། །ནགས་
[34a.5]ཚལ་སེར་བུའི་བསིལ་ཡབ་གཡོབ་པར་བགྱིད། །འབབ་ཆུའི་ན་ཆུང་གོར་མས་བསྐྱོད་པ་ཡི། །ཆབ་སྒྲ་སྙན་པ་ལྷང་ལྷང་སྒྲ་སྒྲོགས་པ། རྒྱན་གྱི་སྒྲ་རྣམས་སིལ་ཁྲོལ་མཆིས་པ་བཞིན། །ཁྱོད་ཀྱི་ཐུགས་ནི་རབ་ཏུ་དགྱེས་པར་བགྱིད། །དེ་དེ་ལྟར་བཙུན་མོ་གནང་ཆེན་གྱིས་ཡིད་
[34a.6]བཞོས་པ་དང་། ནགས་སུ་འགྲོ་བ་ལ་སེམས་སྤྲོ་བར་གྱུར་ནས། སྐྱེ་བོ་སློང་མོ་པ་རྣམས་ལ་བལྟས་ཏེ། སྦྱིན་པ་ཆེན་པོ་སྦྱིན་པ་ལ་ཞུགས་སོ། །དེ་ནས་ཐམས་ཅད་སྒྲོལ་དེ་ལྟར་བཏང་བར་གྱུར་པ་ཐོས་ནས། རྒྱལ་པོའི་ཕོ་བྲང་ན་ངུད་མོའི་སྒྲ་ཆེན་པོ་བྱུང་བར་གྱུར་ཏོ། །སྐྱེ་བོ་སློང་
[34a.7]མོ་པ་རྣམས་ཀྱང་མྱ་ངན་གྱིས་གདུངས་པའི་ཤུགས་ཀྱིས་བརྒྱལ་བ་བཞིན་དུ་གྱུར་ཞིང་། སྨྱོ་བླ་ཅན་དུ་གྱུར་པ་བཞིན་དུ་སྨྲེ་སྔགས་རྣམ་པ་མང་པོ་འདོན་པར་གྱུར་ཏོ། །འབྲས་བུ་ཞིམ་པོ་ཡོད་པའི་གྲིབ་ཤིང་དག །བཅད་པའི་ཕྱིར་ནི་སྟ་རེ་གཟས་པ་རྣམས། །འཛིན་པའི་ས་ནི་ངོ་མཚར་
[34b]
[34b.1]མ་གྱུར་པ། །འདི་ནི་སེམས་དཔའ་མེད་པར་གསལ་བར་མངོན། །ཆུ་གཙང་ཞིམ་པོ་བསིལ་བས་གང་བ་ཡི། །རྫིང་བུ་འདྲ་བ་དག་ཀྱང་མི་འགོག་ན། །འཇིག་རྟེན་སྐྱོང་རྣམས་མིང་ནི་དོན་མེད་གྱུར། །གྲགས་པས་ཟད་དམ་གལ་ཏེ་གུད་དུ་སོང་། །གང་ན་རྒྱལ་པོ་ཐམས་ཅད་སྒྲོལ། །
[34b.2]རང་གི་སྲིད་ལས་ཕྱུང་བས་ན། །ཀྱེ་མའོ་ཆོས་མིན་གཉིད་མ་ལོག །ཆོས་ནི་གཉིད་ལོག་ཡང་ན་ཤི། །བདག་ཅག་ཕོངས་པ་སློང་མོ་པ། །ཉེས་པ་ཅུང་ཟད་མེད་པ་ལ། །སྲོག་ལ་རྒོལ་བ་མི་སྲུན་པ། །དེ་ལས་ཕུང་བྱེད་མཁས་པ་མེད། །དེ་ནས་བྱང་ཆུབ་སེམས་དཔས་ནོར་བུ་
[34b.3]རིན་པོ་ཆེ་དང་། གསེར་དངུལ་གྱིས་གང་བའི་མཛོད་འབུམ་ཕྲག་དུ་མ་དང་། ནོར་དང་འབྲུ་མང་པོར་ལྡན་པའི་བང་མཛོད་རྣམས་དང་། བྲན་ཕོ་དང་། བྲན་མོ་དང་། ཐེག་པ་དང་། བཞོན་པ་དང་། གོས་དང་ཡོ་བྱད་ལ་སོགས་ཐམས་ཅད་ཕོངས་པ་རྣམས་ལ་ཇི་ལྟར་རིགས་པ་
[34b.4]བྱིན་ཏེ། ཕ་མ་མྱ་ངན་གྱི་སྡུག་བསྔལ་གྱིས་བརྟན་པ་ཟིལ་གྱིས་གནོན་པའི་རྐང་པ་གཉིས་ལ་ཕྱག་འཚལ་ནས། བུ་དང་ཆུང་མར་བཅས་ཏེ་ཤིང་རྟའི་མཆོག་ལ་ཞོན་ནས། བསོད་ནམས་ཀྱི་ཉིན་བར་གྱི་སྒྲ་བཞིན་དུ་སྐྱེ་བོ་མང་པོ་ཆོ་ངེ་འདོན་པའི་སྒྲ་སྒྲོགས་ཤིང་། གྲོང་ཁྱེར་ཆེན་པོ་མཆོག་
[34b.5]གི་ནང་ནས་ཕྱིར་བྱུང་སྟེ། །རྗེས་སུ་ཆགས་པའི་དབང་གིས་རྗེས་སུ་འབྲང་བའི་སྐྱེ་བོ་མྱ་ངན་གྱིས་གདུངས་པའི་མཆི་མ་ལ་གདོང་གཡོགས་པ་རྣམས་ནན་གྱིས་སླར་བཟློག་སྟེ་བཀྱེ་ནས། བདག་ཉིད་ཀྱིས་སྲབ་སྐྱོགས་བཟུང་སྟེ། རི་བོ་འབང་ཀ་ལ་གལ་བ་དེར་སོང་ངོ་། །གྲོང་ཁྱེར་གྱི་
[34b.6]མཆོག་གི་ཉེ་ཀོར་བ་སྐྱེད་མོས་ཚལ་བཟང་པོ་ཡིད་དུ་འོང་བ་དང་ར་བ་འདས་ནས་ཀྱང་། ཡིད་ལ་འཁྲུགས་པ་མེད་པ་མཐར་གྱིས་གྲིབ་ཤིང་ཉུང་ཞིང་སྐྱེ་བོ་མང་པོ་འདུ་བའི་རྒྱུན་ཆད་པ། རི་དྭགས་མང་པོ་རྒྱུ་བ། ཕྱོགས་གསལ་བར་སྣང་བ། ཚད་པས་བྱིའུ་ཙ་ཙའི་སྒྲ་གྲག་པའི་
[34b.7]དགོན་པ་ཅིག་ཏུ་ཕྱིན་ཏོ། །དེ་ནས་བྲམ་ཟེ་འཁྱམས་པ་དག་ཅིག་གིས་དེ་ལ་ཤིང་རྟ་འདྲེན་པའི་རྟ་བསླངས་སོ། །དཔག་ཚད་དུ་མའི་ལམ་དུ་དེ་ལུས་པ། །བུ་སྨད་བཅས་ཤིང་གྲོགས་ནི་མེད་གྱུར་ཀྱང་། །སྦྱིན་ལ་དགའ་བས་ཕྱི་རྗེས་མི་ལྟ་བར། །བྲམ་ཟེ་རྣམས་ལ་རྟ་བཞི་བྱིན་
[35a]
[35a.1]པར་གྱུར། །དེ་ནས་བྱང་ཆུབ་སེམས་དཔའ་བདག་ཉིད་ཀྱིས་ཤིང་རྟ་དྲངས་པར་བརྩམས་ནས་ལེགས་པར་ཆས་པ་དང་། གནོད་སྦྱིན་གཞོན་ནུ་བཞི་རི་དྭགས་དམར་པོའི་གཟུགས་སུ་བསྒྱུར་ནས་རྟ་བཟང་པོ་རབ་ཏུ་དུལ་བ་བཞིན་དུ་བདག་ཉིད་ཀྱི་ཤིང་རྟའི་གཉའ་ཤིང་གཉའ་
[35a.2]བར་ཐོགས་པར་གྱུར་ཏོ། །དེ་མཐོང་བ་དང་མ་དྲིས་དགའ་ཞིང་ངོ་མཚར་དུ་གྱུར་པས་མིག་བགྲད་པ་ལ་བྱང་ཆུབ་སེམས་དཔས་སྨྲས་པ། གང་ན་འདི་ལྟར་གློ་བུར་འོངས་པ་ལ། །བྱམས་པའི་རྩ་ཟུག་རི་དྭགས་མཆོག་འཁོད་ནགས། །དཀའ་ཐུབ་ཅན་གྱི་ནགས་བཅས་བཀུར་བ་
[35a.3]ཡི། །མཐུ་ཆེན་ཁྱད་པར་འཕགས་པ་འདི་ལ་ལྟོས། །མ་དྲིས་སྨྲས་པ། དམ་པ་རྣམས་ཀྱི་ཡོན་ཏན་དང་། །རབ་ཏུ་གོམས་ཀྱང་མི་འདྲ་བས། །བདག་གིས་བསམས་ན་མཐུ་ཆེན་འདི། །རྒྱལ་པོ་ཁྱོད་ཀྱི་ལགས་པ་སྙམ། །མཚོ་ཡི་ནང་ན་སྐར་མའི་གཟུགས་བརྙན་རྣམས། །
[35a.4]ཀུ་མུད་རྒྱས་པ་ལྷག་པར་མཛེས་གྱུར་པ། །ཟླ་བའི་འོད་ཟེར་ལྟད་མོ་ལྟ་བ་བཞིན། །འདིར་མཆིས་པ་རྣམས་རྒྱུར་གྱུར་ལགས་པ་སྙམ། །འདི་ལྟར་དེ་དང་དེ་དག་ཕན་ཚུན་རྗེས་སུ་མཐུན་པས་གཅིག་ལ་གཅིག་སྙན་པར་སྨྲ་ཞིང་ལམ་དུ་ཞུགས་ཏེ་དོང་བ་ལས། བྲམ་ཟེ་ཅིག་བྱུང་ནས་བྱང་
[35a.5]ཆུབ་སེམས་དཔའ་ལ་ཤིང་རྟ་བསླངས་སོ། །སློང་ལ་དགའ་བས་སྙན་གྱུར་པ། །བདག་གིས་ནོར་ལ་མ་ཆགས་དེས། །ཤིང་རྟ་བྱིན་པས་བྲམ་ཟེ་དེ། །རེ་བ་ཡོངས་སུ་རྫོགས་པར་བྱས། །དེ་ནས་བྱང་ཆུབ་སེམས་དཔའ་ཡིད་དགའ་བཞིན་དུ། བདག་དང་བུ་སྨད་ཤིང་རྟ་
[35a.6]ལས་བབས་ཏེ། ཤིང་རྟའི་མཆོག་བྲམ་ཟེ་ལ་བྱིན་ནས། གཞོན་ནུ་དྲ་བ་ཅན་པང་དུ་ཐོགས་ཏེ་རྐང་པས་ལམ་དུ་ཞུགས་སོ། །མ་དྲི་ཡང་ཡིད་ལ་མི་དགའ་བ་མེད་པར་གཞོན་ནུ་མ་ཀྲྀཥྞ་འཛིན་པང་དུ་ཐོགས་ཏེ་དེ་དང་འགྲོགས་ཏེ་སོང་ངོ་། །ལྗོན་པའི་ཤིང་རྣམས་འབྲས་བུ་བཟང་པོ་ཡི། །
[35a.7]རྩེ་མོ་བཏུད་ནས་མགྲོན་དུ་གཉེར་བ་བཞིན། །བསོད་ནམས་མཐུ་ཡིས་མངོན་དུ་ལྟ་བྱེད་ཅིང་། །སློབ་མ་དུལ་བ་ཕྱག་ཀྱང་འཚལ་བ་འདྲ། །གང་དུ་ཆུ་འདོད་གྱུར་པ་དེ་དག་ཏུ། །ངང་པའི་དཔུང་མགོས་པདྨ་བསྐྱོད་པ་ཡི། །ཟེ་བ་ལྷགས་པས་སེར་པོ་གསལ་གྱུར་པའི། །མཚོ་རྣམས་
[35b]
[35b.1]དེ་ལ་རབ་ཏུ་བྱུང་བར་གྱུར། །སྤྲིན་རྣམས་ཀྱིས་ཀྱང་བླ་རེ་བཟང་པོ་བྲེས། །སེར་བུ་བདེ་བའི་དྲི་ཞིམ་ངད་ཀྱང་ལྡང་། །ངལ་བའི་སྡུག་བསྔལ་མྱོང་བ་མི་བཟོད་པས། །གནོད་སྦྱིན་རྣམས་ཀྱིས་དེ་ཡི་ལམ་ཡང་བསྟུངས། །དེ་ལྟར་བྱང་ཆུབ་སེམས་དཔའ་སྐྱེད་མོས་ཚལ་གྱི་ནང་དུ་འགྲོ་བ་
[35b.2]བཞིན་དུ་ཆོས་ལ་དགའ་བའི་བདེ་བ་རྗེས་སུ་མྱོང་ཞིང་། །ལམ་གྱིས་དུབ་པའི་སྡུག་བསྔལ་མ་མྱོང་བར་བུ་སྨད་དང་བཅས་ཏེ་ཕྱིན་ནས། འབང་ཀའི་རི་མཐོང་བར་གྱུར་ཏེ། དེ་ན་ཡང་མེ་ཏོག་དང་། འབྲས་བུ་དང་། ལོ་མས་བརྒྱན་པའི་ཤིང་ལྗོན་པ་སྣུམ་སྣུམ་ལྟར་འདུག་པ་དུ་མས་
[35b.3]གང་བ། བྱ་མང་པོ་འདོད་པས་མྱོས་ཤིང་། དགའ་བའི་སྒྲ་འབྱིན་ཅིང་། རྨ་བྱ་མང་པོ་གར་བྱེད་པས་མཛེས་པར་གྱུར་པ། རི་དྭགས་ཀྱི་རིགས་དུ་མ་རྒྱུ་བ་མཚོ་ཆུ་སྔོན་པོ་གཙང་མས་ཆེད་དུ་བསྐོར་བ་ལྟར་འདུག་པ། མེ་ཏོག་གི་དྲིས་བསྒོས་པའི་སེར་བུའི་ངད་ལྡང་བའི་དཀའ་ཐུབ་ཀྱི་
[35b.4]ནགས་ཚལ་དུ། ནགས་ཚལ་ན་རྒྱུ་བ་རྣམས་ཀྱིས་ལམ་མཚོན་ཏེ་ཞུགས་པ་དང་། དེ་ཡང་བརྒྱ་བྱིན་གྱིས་བཀའ་སྩལ་ཏེ། ལས་སྣ་ཚོགས་བྱེད་པ་ཉིད་ཀྱིས་བྱས་པ། ཤིང་ལོའི་ཁང་པ་མཐོང་ན་ཡིད་དུ་འོང་བ། དུས་ཐམས་ཅད་དུ་བདེ་བ་དེ་ལྟ་བུ་ཞིག་ན་གནས་བཅས་ཏེ་འདུག་གོ། །ནགས་
[35b.5]ཚལ་དེ་ན་ཆུང་མ་འདུག་པས་བཀུར་སྟི་བྱས། །བདག་གིས་བྱིས་པའི་སྙན་ངག་མ་བསྒྲིབ་སྙན་པ་ཉན། །སྐྱེད་མོས་ཚལ་ན་འདུག་བཞིན་རྒྱལ་སྲིད་བསམ་པ་མེད། །ལོ་ཕྱེད་ལྷག་ཙམ་དེ་ནི་དཀའ་ཐུབ་སྤྱོད་པར་གྱུར། །དེ་ནས་རྒྱལ་པོའི་བཙུན་མོས་རྩ་བ་དང་། འབྲས་བུ་ཚོལ་དུ་སོང་བའི་
[35b.6]འོག་ཏུ་བྱིས་པ་གཉིས་སྐྱོང་བའི་ཕྱིར་རྒྱལ་པོ་བུ་དང་གནས་བསྲུང་ཞིང་འདུག་པ་ན། བྲམ་ཟེ་ལམ་གྱི་རྡུལ་གྱིས་རྐང་པ་དང་བྱིན་པ་རྩུབ་རྩུབ་ལྟར་འདུག་པ། ཤིན་ཏུ་ངལ་བ་བཞིན་མདོག་དང་མིག་རྩ་ཉམས་པ། རིལ་བ་སྤྱི་བླུགས་དབྱུག་པ་ལ་བཏགས་པ་ཕྲག་པར་ཐོགས་པ།
[35b.7]ཆུང་མས་གཡོག་ཁྲིད་ལ་ཤོག་ཅིག་པར་ཆེད་ཆེར་སྦྲན་པ་ཅིག་ཕྱོགས་དེར་འོངས་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཡུན་རིང་མོ་ཅིག་ནས་སློང་མོ་བ་འོངས་པ་མཐོང་ནས་ཡིད་རབ་ཏུ་དང་བས་མིག་དང་བཞིན་གྱི་མདངས་རབ་ཏུ་གསལ་བར་གྱུར་ནས་བསུས་ཏེ་འོངས་པ་
[36a]
[36a.1]ལེགས་སོ་ཞེས་བྱ་བ་ལ་སོགས་པ་ཚིག་སྙན་པ་བརྗོད་དེ། དཀའ་ཐུབ་ཀྱི་ནགས་ཀྱི་ནང་དུ་བཞག་ནས། གློ་བུར་དུ་འོངས་པ་ལ་བཀུར་སྟི་བྱས་ཏེ། ཅིའི་ཕྱིར་འོངས་པ་དྲིས་སོ། །དེ་ནས་བྲམ་ཟེ་དེ་ཆུང་མ་ལ་བྱམས་པས་བརྟེན་པ་དང་ངོ་ཚ་བ་བོར་ཞིང་སློང་བ་འབའ་
[36a.2]ཞིག་ཏུ་ཆས་པས་དོན་འདི་ལྟར་སྨྲས་སོ། །གང་ན་སྣང་ཞིང་མཉམ་པའི་ལམ་ཡོད་པས། །འཇིག་རྟེན་འདི་དག་དེར་དོང་ཉམ་ངར་མིན། །འགྲོ་བ་འདི་ནི་ཕལ་ཆེར་སེར་སྣས་བསྒྲིབས། །བདག་གིས་གཞན་དུ་སློང་བའི་ཚིག་མི་ཕྱིན། །སྦྱིན་ལ་དཔའ་བའི་གྲགས་དང་དཔལ་དག་
[36a.3]གིས། །མཐར་བྱུང་མ་ལུས་ཁྱོད་ཀྱིས་མཐར་ཕྱིན་པས། །དེ་ཕྱིར་བདག་ནི་སློང་མོ་བགྱིད་པར་གྱུར། །དེ་བས་སྲས་གཉིས་བདག་ལ་གཡོག་ཏུ་སྩོལ། །དེ་སྐད་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོས་སྦྱིན་པ་ལ་དགའ་བས་གོམས་པར་བྱས་ཤིང་། སླར་
[36a.4]བཟློག་པ་ནི་མ་བསླབས་པས། །རབ་ཏུ་སྡུག་པའི་བུ་གཉིས་ཀྱང་། །ཚམ་ཚོམ་མེད་པར་སྦྱིན་ཞེས་སྨྲས། །བདེ་ལེགས་སུ་གྱུར་ཅིག །ད་འདི་ན་མཆིས་ཏེ་ཅི་བགྱིས་ཞེས་བྲམ་ཟེས་སྨྲས་པ། བུ་གཉིས་ཀྱིས་སྦྱིན་པའི་གཏམ་ཐོས་ནས་སྐྲག་པས་མིག་རིག་རིག་པོར་གྱུར་པ་ལ །
[36a.5]བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པའི་ཤུགས་ཀྱིས་སྙིང་གདུངས་པར་གྱུར་ཏེ་སྨྲས་པ། །ཁྱོད་ལ་འདི་གཉིས་ངས་བྱིན་ན། །འདི་གཉིས་མ་ནི་ནགས་ཚལ་དུ། །རྩ་བ་འབྲས་བུ་ཚོལ་དུ་སོང་། །དེ་ཡང་དེ་རིང་འདིར་འོང་གིས། །འདིར་ཡང་ཞག་གཅིག་ངལ་སོས་
[36a.6]ལ། །དེ་དང་འཕྲད་ནས་གཏམ་བྱས་པ། །རྒྱན་གྱིས་བརྒྱན་ཅིང་ཕྲེང་བ་ཅན། །ང་ཡི་བུ་གཉིས་སང་ཁྲིད་ཅིག །བྲམ་ཟེས་སྨྲས་པ། ཁྱོད་འདི་ལ་དུས་ཀྱི་འཚུབ་འདི་ཐོང་ཅིག །བུད་མེད་རྣམས་ནི་མི་དྲང་བས། །མིང་ནི་གཡོ་ཅན་ཞེས་སུ་བཏགས། །ཁྱོད་ཀྱི་སྦྱིན་ལ་གེགས་
[36a.7]བྱེད་ཀྱིས། །དེ་བས་བདག་ནི་འདུག་མི་འདོད། །བྱང་ཆུབ་སེམས་དཔས་སྨྲས་པ། སྦྱིན་པའི་གེགས་སུ་འགྱུར་དུ་མ་དོགས་ཤིག །དེ་ནི་ང་ཡི་ཆོས་སྤྱོད་པའི་གྲོགས་ཡིན་མོད་ཀྱི། འོན་ཀྱང་འདི་ལ་ཁྱོད་ཅི་དགར་ཟད་མོད། གཞན་ཡང་བྲམ་ཟེ་ཆེན་པོ། རབ་ཏུ་གཞོན་ཞིང་
[36b]
[36b.1]བྱིས་པ་གཉིས། །གཡོག་གི་བྱ་བ་མི་མཁས་པས། །འདི་གཉིས་ཁྱོད་ཀྱི་བྲན་བྱེད་ཀྱང་། །ཇི་ལྟ་བུར་ན་མགུ་བར་འགྱུར། །ཤི་བིའི་རྒྱལ་པོ་ང་ཡི་ཡབ། །འདི་གཉིས་འདི་ལྟར་གྱུར་མཐོང་ནས། །འདི་གཉིས་བསླུ་བའི་ནོར་དག་ནི། །ཅི་འདོད་ཁྱོད་ལ་ངེས་པར་སྟེར། །དེ་བས་
[36b.2]དེ་ཡི་ཡུལ་དུ་ནི། །འདི་གཉིས་ཁྲིད་ན་ལེགས་པར་འགྱུར། །དེ་ལྟར་བྱས་ན་ནོར་ཆེན་དང་། །ཆོས་རྣམས་དང་ཡང་ལྡན་པར་འགྱུར། །བྲམ་ཟེས་སྨྲས་པ། བདག་ནི་རྒྱལ་པོ་སྦྲུལ་གདུག་པ་དང་འདྲ་བའི་དྲུང་དུ་མི་དགའ་བ་སྐྱེས་འཚལ་ཏེ་མཆི་བའི་རྔོ་མི་ཐོགས་སོ། །རྒྱལ་པོས་
[36b.3]བདག་གི་འདི་གཉིས་འཕྲོག །ཡང་ན་ཆད་པས་གཅོད་ཀྱང་སྲིད། །དེ་བས་འདི་གཉིས་བྲམ་ཟེ་ཆེན་མོ་ཡི། །གཡོག་ཏུ་བདག་གིས་ཁྲིད་དེ་མཆི། །དེ་ནས་བྱང་ཆུབ་སེམས་དཔས་དོན་ཡོངས་སུ་མ་རྫོགས་པར་འོ་ན་ཅི་དགར་ཟད་ཅེས་སྨྲས་ནས། བུ་གཉིས་ལ་ཆགས་པ་དང་བཅས་པར་
[36b.4]གཡོག་ལེགས་པར་བྱོས་ཤིག་ཅེས་གདམས་ནས་ལེན་དུ་གཞུག་པའི་ཕྱིར། བྲམ་ཟེའི་ལག་པ་བརྐྱང་པ་ལས། རིལ་བ་སྤྱི་བླུགས་གཏད་དོ། །དེ་ཡིས་བསྒྲིམས་པའི་མཐུ་དག་གིས། །རིལ་བ་ལས་ནི་ཆུ་བྱུང་ནས། །མིག་ནི་པདྨའི་འདབ་འདྲ་ལས། །མ་བསྒྲིམ་པར་ཡང་
[36b.5]མཆི་མ་བྱུང་། །དེ་ནས་བྲམ་ཟེ་དེ་བརྐམ་པས་ཧ་ཅང་ཡང་དགའ་ཆེས་ནས། རྟབས་པ་དང་བཅས་པའི་ཡིད་ཀྱིས། བྱང་ཆུབ་སེམས་དཔའི་བུ་འཕྲོག་པར་རིངས་ནས་ཤིས་པར་བརྗོད་པའི་ཚིག་མདོར་སྨྲས་པ། ཚིག་དྲག་པོ་རྩུབ་མོས་ཕྱིར་བྱུང་ཞེས་སྨྲས་ནས། གཞོན་ནུ་
[36b.6]གཉིས་དཀའ་ཐུབ་ཀྱི་ནགས་ནས་ཕྱིར་ཕྱུང་ངོ་། །དེ་ནས་གཞོན་ནུ་གཉིས་ཕ་མ་དང་བྲལ་བའི་སྡུག་བསྔལ་གྱིས་སྙིང་གདུངས་པས། ཕ་ལ་ཕྱག་འཚལ་ནས། མིག་མཆི་མས་གང་བཞིན་དུ་སྨྲས་པ། ཡབ་གཅིག་ཡུམ་ཡང་སླད་རོལ་བྱུང་། །ཁྱོད་ཀྱིས་བདག་ཅག་གཏོང་
[36b.7]བར་བཞེད། །མ་དང་མ་འཇལ་བར་དུ་གཞེས། །དེ་ནས་བདག་ཅག་ཁྱོད་ཀྱིས་སྩོལ། །དེ་ནས་བྲམ་ཟེ་དེས་བསམས་པ། འདི་གཉིས་ཀྱི་མ་ཡང་དེ་རིང་ཚུར་འོང་ལ། འདི་ཡང་བུ་ལ་བྱམས་པས། འགྱོད་པ་སྐྱེ་ཡང་སྲིད་དོ་སྙམ་ནས། པདྨའི་བམ་པོ་བཅིངས་པ་བཞིན་དུ་
[37a]
[37a.1]དེ་གཉིས་ཀྱི་ལག་པ་ལྕུག་མས་བཅིངས་པ་དང་། དེ་གཉིས་གཅིག་ལ་གཅིག་འཁྲི་ཞིང་། །ཕ་ལ་བཞིན་སླར་ཕྱོགས་ཏེ། ལྟ་བ་རབ་ཏུ་གཞོན་པའི་གཞོན་ནུ་གཞོན་ཤ་ཅན་གཉིས་བསྡིགས་ཤིང་ཁྲིད་དོ། །དེ་ནས་གཞོན་ནུ་མ་ཀྲྀཥྞ་འཛིན་སྡུག་བསྔལ་དང་པོ་
[37a.2]མྱོང་བ་དེས་སྐད་ཕྱུང་སྟེ་ངུ་ཞིང་ཕ་ལ་སྨྲས་པ། ཕ་གཅིག་བདག་ལ་བྲམ་ཟེ་འདིས། །བརྩེ་བ་མེད་པར་ལྕུག་མས་བཀྱིགས། །བྲམ་ཟེ་ཆོས་དང་ལྡན་ཞེས་གདའ། །འདི་ནི་བྲམ་ཟེ་མ་ལགས་ངེས། །གནོད་སྦྱིན་བྲམ་ཟེར་བསྒྱུར་ནས་ནི། །ངེས་པར་ཟ་བའི་ཕྱིར་ཁྲིད་དོ། །ཤ་
[37a.3]ཟས་བདག་ཅག་ཁྲིད་གྱུར་ན། །ཡབ་ཀྱིས་ཅི་ཕྱིར་ཡལ་བར་བོར། །དེ་ནས་གཞོན་ནུ་དྲ་བ་ཅན་གྱིས་སྨྲེ་སྔགས་འདོན་ཅིང་སྨྲས་པ། བྲམ་ཟེས་བདག་ལ་བརྡེག་པ་ཡི། །དེ་ཙམ་སྡུག་བསྔལ་མི་ཆེ་ཡི། །དེ་རིང་ཡུམ་དང་མ་འཇལ་བ། །དེ་ཡིས་བདག་སྙིང་གས་པ་
[37a.4]བཞིན། །དཀའ་ཐུབ་ནགས་ཚལ་སྟོང་པ་ན། །ཡུམ་ནི་ཡུན་རིང་ངེས་པར་བཤུམ། །ཉོན་མོངས་བུ་ཡི་སྡུག་བསྔལ་གྱིས། །བྱིའུ་ཕྲུག་བསད་པའི་མ་མ་བཞིན། །བདག་ཅག་ཕྱིར་ནི་ནགས་ཚལ་ནས། །རྩ་བ་ཤིང་ཐོག་མང་པོ་རྣམས། །བསྣམས་ཏེ་བྱོན་ནས་གནས་
[37a.5]སྟོང་འདིར། །གཟིགས་ནས་ཡུམ་ནི་ཇི་ལྟར་འགྱུར། །ཡབ་གཅིག་ཆིབས་རྟ་འདི་རྣམས་དང་། །གླང་ཆེན་ཤིང་རྟ་གང་མཆིས་ལས། །ཕྱེད་ཙམ་ཡུམ་ལ་ཕུལ་ན་ནི། །དེ་ཡི་ཐུགས་ངལ་ཆུང་ཡང་སྲིད། །འཕྲིན་གྱིས་ཡུམ་ལ་ཕྱག་འཚལ་ཞིང་། །ཐུགས་ངལ་མཛད་
[37a.6]ལས་བཟློག་ཏུ་གསོལ། །ཡབ་གཅིག་ཁྱོད་དང་ཡུམ་དེ་ཡི། །ཞལ་ནི་མཐོང་བ་རབ་ཏུ་དཀའ། །ཀྲྀཥྞ་ཚུར་ཤོག་བདག་ཅག་འདོང་། །བྲམ་ཟེའི་བྲན་གཡོག་འདོད་པ་ལ། །ཡབ་ཀྱིས་བདག་ཅག་བྱིན་ཟིན་གྱིས། །བདག་ཅག་གསོན་ཡང་ཅི་ཞིག་རུང་། །དེ་ནས་བྱང་
[37a.7]ཆུབ་སེམས་དཔས་བུས་སྨྲེ་སྔགས་བཏོན་པ་སྙིང་རྗེ་རྗེ་སྐད་ཟེར་བ་དེའི་བློ་རབ་ཏུ་བསྐྱེད་ཀྱང་བྱིན་ཟིན་པས་ད་འགྱོད་ཀྱང་ཅི་ཕན་སྙམ་ནས། མྱ་ངན་གྱི་མེ་བཟློག་དཀའ་བས། སྙིང་བརྩེ་སྟེ་དུག་ལངས་ནས་བརྒྱལ་བ་བཞིན་དུ་སེམས་བློང་བློང་པོར་གྱུར་ནས་དེ་ཉིད་དུ་འདུག་གོ། །
[37b]
[37b.1]སེར་བུ་བསིལ་བའི་རླུང་ཡབ་ཀྱིས་འདུ་ཤེས་སླར་རྙེད་པ་དང་། སྒྲ་ཅི་ཡང་མི་གྲག་ཅིང་བུ་མི་འཁོར་བའི་གནས་མཐོང་ནས། མགྲིན་པ་དབུགས་ཀྱིས་བརྣངས་བཞིན་དུ་རང་ལ་རང་གིས་སྨྲས་པ། ང་ཡི་སྙིང་བུ་གཅེས་པ་ལ། །འཛེམ་དོགས་མེད་པར་མངོན་སུམ་དུ། །མཚོན་
[37b.2]གྱིས་འདེབས་པ་ཅི་ལྟར་ན། །བྲམ་ཟེ་ངན་པ་ངོ་མི་ཚ། །ལྷམ་ཡང་མེད་པར་རྐང་གིས་དོང་། །རབ་ཏུ་གཞོན་པས་ངལ་མི་བཟོད། །ཇི་ལྟར་ལམ་དུ་ཞུགས་ཏེ་དོང་། །ཇི་ལྟར་དེ་ཡི་བྲན་གཡོག་བྱེད། །ལམ་དུ་ངལ་ཞིང་དུབ་པ་ལ། །སུ་ཞིག་དེ་རིང་ངལ་བསོར་འཇུག །
[37b.3]བཀྲེས་སྐོམ་སྡུག་བསྔལ་ཉེན་པ་གཉིས། །སློང་པའི་གནས་ཀྱང་སུ་ཞིག་ཡོད། །བདག་ནི་བརྟན་པར་བྱེད་འདོད་ཀྱང་། །འདི་ལྟ་བུ་ནི་སྡུག་བསྔལ་ན། །ངའི་བུ་བདེ་བར་སྐྱེས་པ་གཉིས། །གནས་སྐབས་ཇི་ལྟར་འགྱུར་ཞིང་འཁོང་། །ཀྱེ་མ་འོ་བུ་དང་བྲལ་བ་ཡི། །སྡུག་
[37b.4]བསྔལ་མེས་ནི་བདག་སེམས་བསྲེགས། །དམ་པ་རྣམས་ནི་ཆོས་དྲན་ནས། །སུ་ཞིག་རྗེས་སུ་འགྱོད་པ་བྱེད། །དེ་ནས་མ་དྲིས་མི་དགའ་བ་བྱུང་བའི་ལྟས་ངན་པ་རྣམས་ཀྱིས་ཡིད་མི་དགའ་བར་གྱུར་བཞིན་དུ་རྩ་བ་དང་འབྲས་བུ་ཁྱེར་ཏེ་རབ་ཏུ་མྱུར་བར་འོང་བར་འདོད་ཀྱང་གཅན་
[37b.5]གཟན་ཁྲོ་བོ་རྣམས་ཀྱིས་ལམ་ཆོད་པས་རིངས་ཤིག་ལོན་ནས་དཀའ་ཐུབ་ཀྱི་གནས་སུ་ཕྱིན་ནས་བསུར་འོང་རན་པའི་ས་དང་། རྩེད་མོ་རྩེ་བའི་ས་ན་ཡང་བུ་གཉིས་མི་སྣང་བ་དང་། རབ་ཏུ་མི་དགའ་བའི་དབང་དུ་གྱུར་ཏོ། །ལྟས་ངན་བྱུང་ནས་དོགས་པ་སྐྱེས་པར་གྱུར། །དེ་ནས་བུ་
[37b.6]བཙལ་ཕྱིར་ནི་མིག་ཀྱང་བལྟ། །ཡང་དང་ཡང་བོས་བུ་གཉིས་ལེན་མེད་པས། །མྱ་ངན་གདུང་ནས་སྨྲེ་སྔགས་འདོན་པར་གྱུར། །བྱིས་པ་སྨྲ་བའི་སྒྲ་གྲག་ནགས་ཚལ་འདི། །སྔོན་ནི་བདག་ལ་མང་པོ་ཚོགས་བཞིན་སྣང་། །དེ་གཉིས་མི་སྣང་དེ་གཉིས་དེ་རིང་ནི། །བདག་ལ་
[37b.7]འབྲོག་དགོན་བཞིན་དུ་སྐྱབས་མེད་སྣང་། །ཀྱེ་མ་གཞོན་ནུ་དེ་གཉིས་ཅི་ཉེས་ཀྱེ། །རྩེ་རྩེ་ངལ་ནས་གཉིད་ཀྱིས་ལོག་གྱུར་ཏམ། །ནགས་ཚལ་འཐུག་པོར་བརླག་གམ་འོན་ཏེ་ཉལ། །བདག་འོང་ཕྱིས་པས་མ་མགུ་མཆིས་གྱུར་ཏམ། །བྱིས་པར་གྱུར་པས་གང་ཞིག་གབ་
[38a]
[38a.1]ཅིང་འཁོད། །གལ་ཏེ་བསད་པ་མཐོང་ན་འཁྲུགས་ནས་ནི། །བྱ་འདི་ཀུན་ཀྱང་ཅི་སྟེ་སྒྲ་མི་འབྱིན། །འབབ་ཆུ་དྲག་པོ་རླབས་ཆེན་འཁྲུག་པ་ཡི། །ཆུ་ཡིས་གལ་ཏེ་དེ་གཉིས་ཁྱེར་གྱུར་ཏམ། །འོན་ཀྱང་ད་ནི་བདག་གིས་ལོག་པར་རྟོག་པ་འདི་ལྟར་མ་གྱུར་ཅིག་རྒྱལ་པོ་ཡབ་སྲས་བདེ་ལེགས་སུ་གྱུར་
[38a.2]ཅིག །ལྟས་ངན་མཚན་མ་ངན་པ་སྟོན་པ་ཡང་། བདག་གི་ལུས་ལ་སྨིན་པར་གྱུར་ཅིག །བདག་གི་སྙིང་འདི་ཡང་ལྟས་ངན། དགའ་བ་ནི་བཟློག །མི་དགའ་བའི་མུན་པས་ནི་ཁེབས་ནས་གས་པ་བཞིན་དུ་གྱུར་ཏམ་ཅི།
[38a.3]བདག་གི་ལུས་ཀྱང་ལྷུ་ཚིགས་བྲལ་སྙམ་བྱེད། ཕྱོགས་རྣམས་ཀྱང་འཁྲུག་པ་སྙམ་བྱེད། ནགས་ཚལ་འདི་ཡང་དཔལ་ཉམས་ཤིང་གཡོ་བ་སྙམ་བྱེད་པར་གྱུར་ཏོ། །དེ་ནས་དཀའ་ཐུབ་ཀྱི་ནགས་ཀྱི་ནང་ནས་འོངས་ནས་རྩ་བ་དང་འབྲས་བུ་རྣམས་ཕྱོགས་གཅིག་ཏུ་བཞག་སྟེ།
[38a.4]ཞེ་ས་དང་བཅས་པས་ཁྱིམ་ཐབ་ལ་བྱིས་པ་གཉིས་གར་སོང་དྲིས་སོ། །དེ་ནས་བྱང་ཆུབ་སེམས་དཔས། མ་ནི་བུ་ལ་བྱམས་པས་སྟོབས་ཆུང་བ་དང་། མི་དགའ་བའི་ཚིག་བརྗོད་པར་དཀའ་བར་ཤེས་ནས། དེ་ལ་ཅུང་ཟད་ཀྱང་སྨྲ་མ་ནུས་སོ། །དགའ་བར་བྱ་རིགས་སྐྱེ་བོ་
[38a.5]ལ། །མི་དགའ་སྨྲ་བའི་མི་དག་གིས། །ཆེད་ཀར་ཡིད་ནི་གདུངས་བྱ་བ། །སྙིང་རྗེ་ཅན་གྱིས་རབ་ཏུ་དཀའ། །དེ་ནས་མ་དྲིས་བསམས་པ། འདི་འདི་ལྟར་མྱ་ངན་གྱིས་གདུངས་ནས་ཅང་མི་སྨྲ་བ་དང་སྦྱར་ན་བདག་གི་བུ་གཉིས་གདོན་མི་ཟ་བར་མ་རུང་བར་གྱུར་ཏོ་སྙམ་
[38a.6]ནས། དཀའ་ཐུབ་ཀྱི་ནགས་ཀུན་ཏུ་སེམས་ཀྱིས་བརྟགས་ན་བུ་གཉིས་མི་སྣང་བས་མཆི་མས་བརྣངས་ནས་ཡང་སྨྲས་པ། བྱིས་པ་གཉིས་ཀྱང་ཡོང་མི་སྣང་། །ཁྱོད་ཀྱང་བདག་ལ་ཅང་མི་གསུང་། །མི་དགར་གྱུར་པ་མི་གསུངས་པས། །ཀྱི་ཧུད་བདག་ནི་བསད་
[38a.7]ཀྱིས་མེད། །དེ་སྐད་ཅེས་སྨྲས་ནས། མྱ་ངན་གྱི་མེས་སྙིང་བསྲེགས་པས་ལྕུག་མ་རྩ་བ་ནས་བཅད་པ་བཞིན་དུ་འགྱེལ་ཏོ། །དེ་འགྱེལ་མ་ཐག་ཏུ་བྱང་ཆུབ་སེམས་དཔས་བླངས་ནས་རྩྭའི་སྟན་ལ་བཞག་སྟེ། ཆུ་གྲང་མོ་བཏབ་ནས་སླར་སོས་པ་དང་། དབུགས་ཕྱུང་
[38b]
[38b.1]པའི་ཕྱིར་སྨྲས་པ། བྱམས་པའི་ཡིད་ཀྱིས་མི་བཟོད་ལ། །བརྟན་པོ་མེད་དུ་དོགས་པས་ན། །མ་དྲི་ཁྱོད་ལ་ང་ཡིས་ནི། །སྡུག་བསྔལ་མྱུར་དུ་མ་སྨྲས་སོ། །རྒས་ཤིང་དབུལ་བའི་སྡུག་བསྔལ་གྱིས། །ཉེན་པའི་བྲམ་ཟེ་ང་ཅན་བྱུང་། །དེ་ལ་ང་ཡིས་བུ་གཉིས་བྱིན། །
[38b.2]མྱ་ངན་མ་བྱེད་སྤྲོ་བསྲིངས་ལ། །བུ་ལ་མ་སེམས་ང་ལ་ལྟོས། །བུ་ཡི་མྱ་ངན་གདུངས་སྙིང་ལ། །མཚོན་གྱིས་འདེབས་པ་བཞིན་མ་བྱེད། །བསླངས་པར་གྱུར་ན་སྲོག་དག་ཀྱང་། །མི་སྦྱིན་པར་ནི་ཇི་ལྟར་ནུས། །དེ་བས་ང་ཡི་སྦྱིན་པ་ལ། །བཟང་མོས་རྗེས་སུ་
[38b.3]ཡི་རང་བྱོས། །མ་དྲིས་དེ་ཐོས་ནས་བུ་ཤོར་དོགས་ཏེ་སྙིང་བརྩེ་བ་ལ། བུ་གཉིས་གསོན་པའི་གཏམ་ཐོས་ནས་མྱ་ངན་ཆུང་ངུར་གྱུར་ནས། ཁྱིམ་ཐབ་མྱ་ངན་བསད་བའི་ཕྱིར། མཆི་མ་ཕྱིས་ཏེ། ཡ་མཚན་ཆེ་བར་བལྟས་ནས་ཁྱིམ་ཐབ་ལ་སྨྲས་པ། མང་དུ་གསོལ་
[38b.4]ཡང་ཅི་འཚལ་ཏེ་ངོ་མཚར་ཆེའོ། །འདི་ལྟར་ཁྱོད་ཀྱི་ཐུགས་ལ་ནི། །འཛུམ་པའི་སྐབས་ཀྱང་མ་རྙེད་པ། །ལྷ་ཡི་སེམས་ཀྱང་ངེས་པར་ནི། །ཡ་མཚན་ཆེ་བའི་དབང་དུ་གྱུར། །ཁྱོད་ཀྱི་གྲགས་པའི་ཚིག་བསྡེབ་སྒྲ་གྲག་པ། །ལྷ་ཡི་རྔ་ཆེན་བརྡུངས་པའི་སྒྲ་རྣམས་
[38b.5]ཀྱི། །བྲག་ཆའི་སྒྲ་ཡིས་ཕྱོགས་རྣམས་ཐམས་ཅད་དུ། །ཚིག་འབྲུ་གསལ་བས་ནམ་མཁའ་ཁྱབ་པར་གྱུར། །ས་གཞི་རི་ཡི་ནུ་མ་གཡོ་བ་ཅན། །འདོད་ཆགས་ལངས་པ་བཞིན་དུ་རབ་ཏུ་གཡོས། །གསེར་གྱི་མེ་ཏོག་རྣམས་ཀྱང་མཁའ་ལ་ལྷགས། །གློག་འགྱུའི་
[38b.6]འོད་ཀྱིས་ནམ་མཁའ་གསལ་གྱུར་བཞིན། །དེ་བས་ཐུགས་ངན་མ་མཛད་པར། །སྩལ་བས་ཐུགས་ནི་དགྱེས་པར་མཛོད། །འཇིག་རྟེན་རྣམས་ལ་བཏུང་ཆུ་བཞིན། །སླན་ཆད་ཀྱང་ནི་སྦྱིན་བདག་མཛོད། །དེ་ནས་ལྷའི་དབང་པོ་བརྒྱ་བྱིན་ས་གཞི་གཡོས་པས། རིའི་
[38b.7]རྒྱལ་པོ་རི་རབ་འགུལ་བ་དང་། འདི་ཅི་ཡིན་ཞེས་རྟོག་པ་སྐྱེས་པ། འཇིག་རྟེན་སྐྱོང་བ་ཡ་མཚན་སྐྱེས་པས་མིག་བགྲད་པ་རྣམས་ལ་ས་གཡོས་པའི་རྒྱུ་ཐམས་ཅད་སྒྲོལ་གྱི་སྦྱིན་པ་ཡིན་པར་རྟོགས་ནས་སེམས་རབ་ཏུ་དགའ་བར་གྱུར་ཏེ། དེའི་མཚན་མོ་ནམ་ལངས་པ་དང་།
[39a]
[39a.1]བརྒྱ་བྱིན་གྱིས་བྲམ་ཟེའི་གཟུགས་སུ་བསྒྱུར་ནས་སློང་མོ་སྤྱོད་པ་འདྲ་བ་བྱས་ཏེ། ཐམས་ཅད་སྒྲོལ་གྱི་དྲུང་དུ་འོངས་སོ། །བྱང་ཆུབ་སེམས་དཔས་གློ་བུར་དུ་བྱུང་བ་ལ་བཀུར་སྟི་བྱས་ནས། ཅི་འདོད་ཅེས་སྐབས་ཕྱེས་པ་དང་། དེ་ལ་ཆུང་མ་བསླངས་སོ། །
[39a.2]མཚོ་ཆེན་དག་ལ་ཆུ་ནི་མི་ཟད་བཞིན། །དམ་པ་རྣམས་ལ་སྦྱིན་པའི་ཆོས་མི་ཟད། །དེ་བས་ལྷ་འདྲ་ཁྱོད་ལ་འཕགས་མ་སློང་། །བཙུན་མོ་འདི་ནི་བདག་ལ་སྩལ་བར་རིགས། །བྱང་ཆུབ་སེམས་དཔའ་ཡིད་མི་དགའ་བ་མེད་པ་ཉིད་དུ་དེ་བཞིན་དུ་བྱའོ་ཞེས་སྦྱིན་པར་བྱས་སོ། །
[39a.3]དེ་ནས་ལག་པ་གཡོན་པས་མ་དྲི་བཟུང་། །ལག་པ་གཡས་པས་རིལ་བ་སྤྱི་བླུགས་བཟུང་ནས་ནི། །དེ་ཡི་ལག་གཡས་རྩེ་ལ་ཆུ་སྦྲེང་ནས། །འདོད་ལྷའི་སེམས་ནི་མྱ་ངན་མེ་ཡིས་ཚིག །དེ་ཡི་རང་བཞིན་ཕན་སེམས་ཤེས་ནས་ནི། །སེམས་ཀྱང་མ་འཁྲུག་ངུས་ཀྱང་མ་ངུས་ཏེ། །
[39a.4]སྔོན་མེད་སྡུག་བསྔལ་ཁུར་གྱིས་ནོན་གྱུར་ནས། །དེ་ལ་མིག་ཚུགས་ལྟ་ཞིང་བྲིས་བཞིན་འདུག །ལྷའི་དབང་པོ་བརྒྱ་བྱིན་གྱིས་དེ་མཐོང་ནས་སྙིང་ལ་ངོ་མཚར་རབ་དང་ལྡན་པར་གྱུར་ཏེ། སེམས་དཔའ་ཆེན་པོ་དེ་ལ་བསྟོད་ནས་སྨྲས་པ། ཡ་རབས་མ་རབས་ཆོས་གཉིས་ནི། །ཨེ་མ་
[39a.5]ཁྱད་པར་རེ་ཆེ་སྟེ། །བདག་ཉིད་མ་སྦྱངས་པ་རྣམས་ནི། །སུས་ཀྱང་ཡིད་ཆེས་མི་ནུས་སོ། །འདོད་ཆགས་བྲལ་བར་མ་གྱུར་པས། །བུད་མེད་རབ་ཏུ་སྡུག་པ་དག །དེ་ལྟར་མ་ཆགས་སྦྱིན་བྱེད་པ། །འདི་འདྲའི་རླབས་ཆེན་སུ་ལ་ཡོང་། །ཁྱོད་ཀྱི་ཡོན་ཏན་ཆགས་པའི་གཏམ་
[39a.6]དག་གིས། །ཁྱོད་ཀྱི་གྲགས་པ་ཕྱོགས་སུ་བསྒྲགས་པ་དེས། །ཉི་མའི་འོད་ཀྱིས་གཞན་འོད་ཟིལ་མནན་བཞིན། །གཞན་གྱི་དཔལ་གྲགས་ཟིལ་གྱིས་ནོན་པར་གྱུར། །ཁྱོད་ཀྱི་སྤྱོད་པ་མི་ལས་འདས། །འདི་ལ་གནོད་སྦྱིན་དྲི་ཟ་དང་། །ལྟོས་འགོ་སུམ་ཅུ་རྩ་གསུམ་པ། །བརྒྱ་
[39a.7]བྱིན་བཅས་པ་ཡི་རང་འགྱུར། །བརྒྱ་བྱིན་གྱིས་དེ་སྐད་སྨྲས་ཏེ། བདག་གི་ལུས་འོད་གསལ་བར་འདུག་པ་བསྟན་ནས། བདག་ནི་བརྒྱ་བྱིན་ལགས་སོ་ཞེས་སྦྲན་ཏེ། བྱང་ཆུབ་སེམས་དཔའ་ལ་སྨྲས་པ། ཟླ་བ་བཏང་སྟེ་ཟླ་འོད་རྣམས། །གཞན་དུ་འགྲོ་བར་མི་རིགས་ཀྱི། །ཁྱོད་
[39b]
[39b.1]ཀྱི་བཙུན་མོ་མ་དྲི་འདི། །ཁྱོད་བདག་ཉིད་ལ་བདག་འབུལ་ལོ། །བརྟན་པ་རྣམས་ནི་བསླངས་ན་སྟེར། །སེང་གེའི་ཆུང་མ་ཅེ་སྤྱང་ལ། །བྱིན་ཡང་དེ་ཡིས་ཅི་ཞིག་བྱ། །དེ་ནི་སེང་གེ་ཉིད་ལ་འོས། །མཐོན་པོ་རྣམས་དང་དམན་པ་ལ། །རྒྱལ་པོའི་མྱུ་གུ་འདྲ་བར་སེམས། །དེ་བས་
[39b.2]དེ་ཡི་སྤྱོད་པ་དེས། །འཇིག་རྟེན་རྣམས་ནི་དགའ་བར་འགྱུར། །དེ་བས་བུ་དང་བྲལ་བར་མ་སེམས་ཤིག །རྒྱལ་སྲིད་ཉམས་པའི་མྱ་ངན་མ་བྱེད་ཅིག །ཁྱོད་ཀྱི་ཡབ་ནི་ཚད་བྱུག་གཉིས་དང་འགྲོགས། །ཁྱོད་ཀྱི་མགོན་བྱས་ཡུལ་ན་རྒྱལ་སྲིད་བྱེད། །དེ་སྐད་ཅེས་སྨྲས་ནས།
[39b.3]བརྒྱ་བྱིན་དེ་ཉིད་དུ་མི་སྣང་བར་གྱུར་ཏོ། །བརྒྱ་བྱིན་གྱི་མཐུས་བྲམ་ཟེ་དེས་ཀྱང་། བྱང་ཆུབ་སེམས་དཔའི་བུ་གཉིས་ཡུལ་ཤི་བིར་ཁྲིད་དེ་སོང་ངོ་། །དེ་ནས་ཡུལ་ཤི་བི་པ་རྣམས་དང་། ཡུལ་ཤི་བི་པའི་རྒྱལ་པོ་ཀུན་ཏུ་རྒྱལ་བས། བྱང་ཆུབ་སེམས་དཔའི་སྤྱོད་པ་ནི་ཤིན་
[39b.4]ཏུ་བྱ་དཀའ་བ་ཐོས་ནས་སྙིང་བརླན་པར་གྱུར་ཏེ། བྲམ་ཟེ་ལས་བྱང་ཆུབ་སེམས་དཔའི་བུ་གཉིས་བསླུས་ནས། ཐམས་ཅད་སྒྲོལ་མགུ་བར་བྱས་ཏེ་བསུས་ནས་རྒྱལ་སྲིད་བྱེད་དུ་བཅུག་གོ། །དེ་ལྟར་བྱང་ཆུབ་སེམས་དཔའི་སྤྱོད་པ་ནི་ཤིན་ཏུ་རྨད་དུ་བྱུང་བ་ཡིན་ནོ། །དེ་ལ་
[39b.5]ཕྱོགས་པའི་སེམས་ཅན་ཁྱད་བར་ཅན་རྣམས་ལ་བརྙས་པའམ་གནོད་པར་མི་བྱའོ། །དེ་བཞིན་གཤེགས་པའི་ཡོན་ཏན་བསྔགས་པ་དང་། བཀུར་སྟི་བྱེད་དེ་དམ་པའི་ཆོས་ཉན་པ་ལ་ཡང་སྦྱར་བར་བྱའོ། །ཐམས་ཅད་སྒྲོལ་དུ་སྐྱེས་པའི་རབས་ཏེ་དགུ་པའོ།། །།
[39b.6]བམ་པོ་བཞི་པ། བསམ་པ་དགེ་བ་རྣམས་ནི་སྡིག་པ་བྱེད་དུ་གཞུག་པར་བསླུར་མི་ཚུགས་ཏེ། དེ་བས་ན་བསམ་པ་དགེ་བ་བྱ་བ་ལ་འབད་པར་བྱའོ། །དེ་ཡང་བྱང་ཆུབ་སེམས་དཔའ་འདི་ལྟར་རང་གི་བསོད་ནམས་ཀྱི་མཐུ་ཐོབ་པ། རྒྱལ་ཕྲན་ཐམས་ཅད་ཕྱག་འཚལ་བ། བདག་
[39b.7]དང་གཞན་གྱི་འཁོར་ལ་སོགས་པའི་གནོད་པ་རབ་ཏུ་ཞི་བས་འཚེ་བ་མེད་པ། གདུགས་ཟླ་མེད་པ། བགོ་སྐལ་གྱི་རིམ་པས་ཐོབ་པའི་ས་སྐྱོང་ཞིང་འདུག་གོ་ཞེས་གྲགས་སོ། །དབང་པོའི་དགྲ་ཐུལ་དེ་ནི་ས་ཡི་མགོན། །འབྲས་བུ་སྨིན་པ་སྤྱད་ལ་མ་ཆགས་ཤིང་། །དངོས་པོ་ཀུན་
[40a]
[40a.1]གྱིས་འགྲོ་ལ་ཕན་བྱེད་པ། །ཐུབ་པ་བཞིན་དུ་ཆོས་དོན་གཅིག་པུར་བྱེད། །སྐྱེ་དགུ་རྣམས་ནི་གཙོ་བོའི་རྗེས་སྤྱོད་པར། །འཇིག་རྟེན་རང་བཞིན་དེ་ཡིས་ཤེས་གྱུར་ནས། །སྐྱེ་དགུ་རྣམས་ནི་དགེ་ལ་གཟུད་པར་བྱེད། །ཁྱད་པར་དུ་ནི་ཆོས་ལ་སྤྱོད་པར་གྱུར། །ནོར་
[40a.2]ཡང་སྦྱིན་ཞིང་ཚུལ་ཁྲིམས་སྤྱོད་པ་མནོས། །བཟོད་པ་བརྟན་ཅིང་འགྲོ་བའི་དོན་ཡང་སྤྱོད། །འགྲོ་ལ་ཕན་སེམས་མཐོང་ན་ཞི་བ་སྣང་། །གཟུགས་ཅན་ཆོས་བཞིན་དེ་ནི་རྣམ་པར་མཛེས། །དེ་ནས་རེ་ཞིག་ཅིག་དེའི་མཐུས་དེའི་ཡུལ་བསྐྱབས་ཀྱང་མ་ཕན་ཏེ། སེམས་ཅན་རྣམས་ཀྱི་ལས་
[40a.3]ཀྱི་ཉེས་པ་དང་། ལྷའི་བུ་ཆར་འབེབས་པའི་ལས་སུ་བསྐོས་པ་རྣམས་བག་མེད་པར་གྱུར་པའི་དབང་གིས་ཁ་ཅིག་ཏུ་ཐན་པ་བྱུང་བས་འཁྲུག་ཅིང་གནོད་པར་གྱུར་ཏོ། །དེ་ནས་རྒྱལ་པོ་དེས་བསམས་པ་འདི་ནི་བདག་ཅག་སྐྱེ་དགུ་རྣམས་ཀྱིས་ཆོས་ལེགས་པར་མ་སྤྱད་པས་ལན་གྱིས་མ་རུང་
[40a.4]པར་གྱུར་ཏོ། །ཞེས་བློ་ངེས་པར་གྱུར་ཏོ། །སྐྱེ་དགུ་རྣམས་ལ་ཕན་པའི་བསམ་པ་ཆེ་བ་དང་། དེའི་སྡུག་བསྔལ་མི་བཟོད་པས་ཆོས་ཀྱི་དེ་ཁོ་ན་ཉིད་ལ་བསླབ་པར་གྱུར་པ་མདུན་ན་འདོན་པའི་གཙོ་བོ་བྲམ་ཟེ་རྒན་པོ་རྣམས་དང་བློན་པོ་རྣམས་ལ་དེ་ཅི་ལྟར་ཐར་པའི་ཐབས་དྲིས་སོ། །དེ་ནས་
[40a.5]དེ་དག་གིས་མཆོད་སྦྱིན་གྱི་ཆོ་ག་རིག་བྱེད་ལས་བྱུང་བ། སྲོག་ཆགས་དུ་མ་གསོད་པ་འཇིགས་འཇིགས་སྐད་ཟེར་བ་བྱས་ན། ཆར་ལེགས་པར་འབབ་པར་འགྱུར་བར་བསམས་ནས་ཆོ་ག་དེ་དེ་ལ་གསོལ་ཏོ། །རྒྱལ་པོ་དེས་མཆོད་སྦྱིན་ལས་བྱུང་བའི་ཆོ་ག་སྲོག་ཆགས་གསོད་པའི་རྒྱུས་
[40a.6]ཤེས་ནས། སྙིང་རྗེའི་བདག་ཉིད་ཡིན་པའི་ཕྱིར་དེ་དག་གི་ཚིག་ཡིད་ལ་འབབ་པར་མ་གྱུར་ཏེ། འདུལ་བའི་འཁོར་རྗེས་སུ་མཐུན་པར་དེ་དག་ལ་ངོ་བཟློག་ཕོད་པའི་ཚིག་རྩུབ་མོ་མ་སྨྲས་པར་སྐབས་གཞན་དག་གིས་དེ་དག་གི་གཏམ་དེ་ཁྱད་དུ་བསད་དོ། །དེ་ནས་ཡང་རྒྱལ་པོ་དེ་ལ་
[40a.7]ཆོས་ཀྱི་གཏམ་བྱ་བའི་སྐབས་རྙེད་ནས། དེའི་བསམ་པ་ཟབ་ཅིང་བརྟག་དཀའ་བ་མ་ཤེས་ནས་མཆོད་སྦྱིན་བྱ་བའི་གྲོས་འདེབས་སོ། །རྒྱལ་པོས་བགྱི་བར་ངེས་པ་གང་ལགས་པ། །ས་གཞི་ཐོབ་དང་ཡོངས་སུ་སྐྱོང་བ་སྟེ། །དེ་དག་ཁྱེད་ནི་དུས་ལས་འདའ་མི་མཛད། །དེ་དག་
[40b]
[40b.1]གོ་རིམས་ཆོས་དང་བདེ་བ་བཞིན། །འཁོར་གསུམ་བརྟེན་ལ་མཁས་པར་གྱུར་པ་དང་། །འབངས་ལ་ཕན་ཕྱིར་གནམ་རུ་བསྣམས་པ་སྟེ། །མཆོད་སྦྱིན་ཆོ་ག་མཐོ་རིས་ཐེམ་སྐས་ལ། །ཇི་ལྟར་ཁྱོད་ཐུགས་བག་མེད་དབང་དུ་གྱུར། །ཁྱོད་ཀྱི་བཀའ་ནི་རྒྱལ་པོ་གཞན་རྣམས་ཀྱིས། །
[40b.2]འདི་ནི་དངོས་གྲུབ་མངོན་དུ་གྲུབ་ཡིན་ཞེས། །འབངས་དང་འདྲ་བར་རབ་ཏུ་གུས་ནོད་ན། །མཆོད་སྦྱིན་དག་གིས་གྲགས་འབར་ལེགས་པ་དག །ད་ནི་ཁྱོད་ཀྱིས་མཛད་པའི་དུས་ལ་བབ། །སྦྱིན་པ་མཛད་ཅིང་སྡོམ་ལ་གནས་པ་ཡིས། །རྟག་པར་ཁྱོད་ནི་དབང་བསྐུར་ལགས་གྱུར་ཀྱང་། །
[40b.3]འོན་ཀྱང་རིག་བྱེད་གྲགས་པའི་མཆོད་སྦྱིན་གྱིས། །ལྷ་ཡི་བུ་ལོན་བྲལ་བར་མཛད་པར་རིགས། །མཆོད་སྦྱིན་ལེགས་པར་བགྱིས་པས་ལྷ་མཉེས་ན། །ཆར་པ་འབབ་པས་འབྱུང་པོ་མགུ་བར་བགྱིད། །དེ་བས་འབངས་དང་བདག་ལ་ཕན་པའི་ཕྱིར། །གྲགས་པར་གྱུར་པའི་མཆོད་
[40b.4]སྦྱིན་ཆོ་ག་མཛོད། །དེས་བསམས་པ། ཀྱེ་མའོ་གཞན་གྱི་དྲིང་ལ་འཇོག་ཅིང་། །བློ་ཆུང་ལ་དཔྱོད་པ་མི་ནུས་པའི་ཆོས་ཙམ་ལ་དགའ་ཞིང་། དད་པ་སྐྱེ་བའི་འགྲོ་བ་འདི་དག་ནི་ཤིན་ཏུ་མ་ལེགས་པར་བསྟན་ཏོ། །གང་ཡང་། འཇིག་རྟེན་དག་ན་གང་ལ་སྐྱབས་བཙལ་བ། །དེ་དག་བསད་
[40b.5]པས་ཆོས་སུ་འགྱུར་བ་ནི། །དེ་ཡིས་བསྟན་པའི་སྐྱེ་བོ་ལམ་ངན་སོང་། །ངན་སོང་མི་བདེ་དོགས་པའི་ནང་ན་འཁོད། །ཕྱུགས་རྣམས་བསད་པས་ཆོས་འགྱུར་ཞིང་། །ལྷ་ཡི་འཇིག་རྟེན་སྐྱེ་བ་དང་། །ལྷ་ཡང་མཉེས་པར་འགྱུར་བ་དག །ཅི་ལྟ་བུར་ན་འཐད་པར་འགྱུར། །ཕྱུགས་
[40b.6]རྣམས་བསད་པའི་སྔགས་ཀྱི་མཐུས། །མཐོ་རིས་འགྲོ་ཕྱིར་དེ་བས་དེ་བསད་ན། །ཆོས་སུ་འགྱུར་ཞེས་ཟེར་བ་དེ་ཡང་བརྫུན། །གཞན་གྱིས་བྱས་པ་ཕ་རོལ་སུ་ཞིག་ཐོབ། །ལེགས་པར་སྤྱོད་ལས་ཡིད་ནི་མ་བཟློག་ཅིག །དགེ་བའི་ལས་ལ་ངེས་པར་མ་བྱས་པའི། །ཕྱུགས་རྣམས་
[40b.7]མཆོད་སྦྱིན་དག་ལ་བསད་གྱུར་ཀྱང་། །བདག་བྱས་གཞི་མེད་ཇི་ལྟར་མཐོ་རིས་སྐྱེ། །མཆོད་སྦྱིན་ལ་བསད་མཐོ་རིས་འགྲོ་ན་ནི། །བྲམ་ཟེ་བདག་ཉིད་ཕྱུགས་སུ་བསྒྱུར་ལ་རག །གང་ཕྱིར་ཚུལ་འདི་གང་ནའང་མི་སྣང་བས། །དེ་ཕྱིར་དེ་དག་ཚིག་ནི་སུ་ཞིག་ཉན། །མཚུངས་མེད་
[41a]
[41a.1]མཐུ་བསུང་རོ་གང་གཟི་ལྡན་པའི། །བདུད་རྩིའི་ཟས་མཆོག་ལྷ་མོས་ཕུལ་བ་དག །བོར་ནས་ཕྱུགས་བསད་ཤ་ཁྲག་ལ་སོགས་པས། །ལྷ་རྣམས་མགུ་བར་གྱུར་པ་ག་ལ་སྲིད། །རྒྱལ་པོ་དེས་ད་ནི་འདི་འདི་ལྟར་བྱ་དགོས་སོ་སྙམ་དུ་བསམས་ནས། མཆོད་
[41a.2]སྦྱིན་བྱེད་པ་ལ་མོས་པར་འདྲ་བར་བྱས་ཏེ། དེ་དག་གི་ཚིག་མཉན་ནས། དེ་དག་ལ་སྨྲས་པ། ཁྱེད་ཅག་འདི་ལྟར་བདག་ལ་ཕན་པར་སེམས་པ་ནི། བདག་མགོན་དང་བཅས་ཤིང་ཕན་འདོགས་པ་དང་ལྡན་པར་གྱུར་ཏོ། །དེ་བས་ན་བདག་ནི་མི་སྟོང་གི་མཆོད་སྦྱིན་བྱེད་འདོད་ཀྱིས།
[41a.3]ཇི་སྐད་དུ་བསྐོས་པའི་བློན་པོ་རྣམས་དེའི་ཡོ་བྱད་སྦྱོར་དུ་ཆུག་ཤིག །བཀོད་ས་རྩིག་ཏུ་རུང་བའི་ས་ཕྱོགས་དང་། དེ་དང་མཐུན་པའི་ཚེས་གྲངས་དང་། བྱེད་པ་དང་ཡུད་ཙམ་དང་། རྒྱུ་སྐར་དང་སྦྱོར་བ་ཡང་རྟོགས་ཤིག །དེ་ནས་དེའི་མདུན་ན་འདོན་གྱིས་སྨྲས་པ། འདོད་པའི་དོན་གྲུབ་
[41a.4]པར་བགྱིད་པའི་སླད་དུ། རྒྱལ་པོ་ཆེན་པོ་རེ་ཞིག་ཁྲུས་མཛོད་ཅིག་དང་མཆོད་སྦྱིན་ཅིག་བགྱིས་ལགས་ན། བདག་ཅག་རྣམས་ཀྱིས་བཀོད་པ་བརྩམ་མོ། །ཅིག་ཆར་མི་སྟོང་བཟུང་ན་ཁྱོད་ཀྱི་འབངས་རྣམས་གདོན་མི་ཟ་བར་ཡིད་འབྱུང་བར་འགྱུར་རོ། །བྲམ་ཟེ་རྣམས་ཀྱིས་ཀྱང་དེ་
[41a.5]མད་དོ་ཞེས་སྨྲས་སོ། །རྒྱལ་པོ་དེས་དེ་དག་ལ་སྨྲས་པ། ཁྱེད་འབངས་འཁྲུག་པར་གྱུར་དུ་མ་དོགས་ཤིག་དང་། བདག་གིས་ཅི་ནས་ཀྱང་ཡིད་འབྱུང་བར་མི་འགྱུར་བ་དེ་ལྟར་བྱའོ། །དེ་ནས་རྒྱལ་པོ་དེས་གྲོང་ཁྱེར་གྱི་མི་རྣམས་བསྡུས་ནས་སྨྲས་པ། ངས་ནི་མི་སྟོང་གི་མཆོད་
[41a.6]སྦྱིན་བྱེད་འདོད་ན་ཉེས་པ་མེད་པར་མི་འདོད་བཞིན་དུ་སུ་ཡང་ཕྱུགས་སུ་བྱར་ངས་མི་ནུས་ཀྱི། དེ་བས་ན་དེ་རིང་ཕན་ཆད་ཁྱེད་ཅག་ལས་གང་དང་གང་ཚུལ་དང་བཀའ་ཁྲིམས་ལས་འགལ་བར་བྱེད་ཅིང་། ངའི་བཀའ་གཅོག་པ་དེ་དང་དེ་དག་ངའི་རྟོག་ཆེན་གྱི་མི་བག་མེད་པའི་གཉིད་ཀྱིས་མ་
[41a.7]ལོ་གཅིག །དྲི་མ་མེད་པར་བརྟག་པར་བྱའོ། །རང་གི་རིགས་ལ་གནོད་པ་དང་ཡུལ་ལ་གནོད་པར་བྱེད་པ་དག་ཡོད་ན། ངས་ཕྱུགས་ཀྱི་གོར་བཟུང་བར་ཁྱེད་ཀྱིས་ཤེས་པར་གྱིས་ཤིག །དེ་ནས་དེ་དག་གི་ནང་ནས་གཙོ་བོ་རྣམས་ཀྱིས་ཐལ་མོ་སྦྱར་ནས་དེ་ལ་སྨྲས་པ། ཁྱོད་ཀྱི་སྤྱོད་པ་
[41b]
[41b.1]ཐམས་ཅད་འབངས་ལ་ཕན་པར་གཞོལ། །མི་རྗེ་ལྷས་མཛད་དེ་ལ་བརྒལ་བ་ག་ལ་སྲིད། །ཁྱེད་ཀྱི་སྤྱོད་ལ་ཚངས་པ་རྗེས་སུ་ཡི་རང་ངོ་། །ཁྱོད་ནི་ལེགས་པར་ཚད་མའི་ནང་ནས་ཚད་མ་མཆོག །ལྷ་གཅིག་དགྱེས་པ་གང་ལགས་པ། །བདག་ཅག་ཀུན་ཀྱང་དེ་ལ་དགྱེས། །འོ་
[41b.2]སྐོལ་དགྱེས་ཤིང་སྨོན་པ་ལས། །དགྱེས་པར་གུད་ན་གཞན་མ་མཆིས། །དེ་ལྟར་གྲོང་ཁྱེར་གྱི་འབངས་རྣམས་ཀྱིས་བཀའ་སྩལ་པ་མཉན་པ་དང་། རྒྱལ་པོ་དེས་བློན་པོ་ཐུགས་ཆེས་པ་རྣམས་སྐྱེ་བོ་མང་བོས་མཐོང་བར་གྱུར་པའི་ཡོ་ལང་ཆེན་པོ་དང་བཅས་པར་ལྗོངས་དང་གྲོང་ཁྱེར་རྣམས་
[41b.3]སུ་སྡིག་པ་བྱེད་པའི་མི་རྣམས་འཛིན་དུ་བཀྱེའོ། །ཁོ་ར་ཁོར་ཡུག་ཏུ་ཡང་ཉིན་རེ་ཞིང་འདི་སྐད་བསྒོས་སོ། །བརྟན་ཞིང་གཙང་མའི་ཚུལ་ཁྲིམས་ནོར་ལྡན་མི་མཆོག་ལ། །རྒྱལ་པོ་མི་འཇིགས་སྦྱིན་པས་མི་འཇིགས་སྦྱིན་པར་མཛད། །འབངས་ལ་ཕན་ཕྱིར་ཚུལ་མིན་བྱེད་པའི་མི་རྣམས་ནི། །
[41b.4]ཕྱུགས་སུ་བསྒྱུར་བ་སྟོང་གིས་མཆོད་སྦྱིན་མཛད་པར་བཞེད། །དེ་བས་དེ་རིང་ཕྱིན་ཆད་གང་ཞིག་ཚུལ་མིན་རྗེས་སྤྱོད་ཅིང་། །རྒྱལ་པོའི་བཀའ་ལུང་ས་སྐྱོང་བློན་པོས་བཀུར་དང་འགལ་བྱེད་པ། །དེ་ནི་རང་གི་ལས་ཀྱི་མཆོད་སྦྱིན་ཕྱུགས་སུ་བྱས་གྱུར་ནས། །མཆོད་སྡོང་ལུས་བཏགས་
[41b.5]གྲིམ་ཤིང་སྐམས་པ་སྐྱེ་བོས་མཐོང་བར་འགྱུར། །དེ་ནས་ཡུལ་དེ་ན་གནས་པའི་མི་རྣམས་ཀྱིས་མཆོད་སྦྱིན་གྱི་ཕྱུགས་སུ་བྱ་བའི་ཕྱིར། རྒྱལ་པོས་ཚུལ་བཞིན་མི་བྱེད་པའི་མི་ཚོལ་དུ་འཇུག་པ་དང་། ཉིན་རེ་བཞིན་འཇིགས་འཇིགས་སྐད་བསྒོ་བ་དེ་ཐོས་པ་དང་། རྒྱལ་པོའི་མི་རྣམས་
[41b.6]ཀྱིས་སྡིག་བྱེད་པའི་མི་རྣམས་བཟུང་བའི་ཕྱིར། ཐམས་ཅད་དུ་ཚོལ་ཞིང་འོང་བར་མཐོང་ནས། ཚུལ་མ་ཡིན་པར་བྱེད་པ་ལ་དགའ་བ་ནི་བཏང་། ཚུལ་ཁྲིམས་དང་སྡོམ་པ་དང་ཡང་དག་པར་བླངས་པ་ལ་ནི་འབད། དགྲར་འཛིན་པ་ལས་ནི་ཕྱིར་ཕྱོགས། གཅིག་ལ་གཅིག་དགའ་
[41b.7]བ་དང་མགུ་བར་ནི་བྱེད། འཐབ་པ་དང་རྩོད་པ་ནི་རབ་ཏུ་ཞི། བླ་མའི་མན་ངག་ཉན་ཅིང་རྗེས་སུ་མཐུན་པར་ནི་བྱེད། བགོ་བཤའ་བྱེད་པ་ལ་བག་ཚ་བ་ནི་མེད། གློ་བུར་དུ་འོངས་པ་ལ་མགྲོན་བྱེད་པ་ལ་ནི་དགའ་ཞིང་དུལ་བ་དང་། གུས་པར་བྱ་བ་ལ་ནི་འབད་པར་གྱུར་ཏེ། རྫོགས་
[42a]
[42a.1]ལྡན་གྱི་དུས་བཞིན་དུ་གྱུར་ཏོ། །ཤི་བས་འཇིགས་ཤིང་འཇིག་རྟེན་ཕ་རོལ་སེམས། །རིགས་ཀྱི་ང་རྒྱལ་གྲགས་པ་བསྲུང་བ་དང་། །བསམ་པ་དག་ཅིང་ངོ་ཚ་ཤེས་པ་ཡིས། །སྐྱེ་བོ་རང་གི་ཚུལ་ཁྲིམས་དྲི་མེད་བརྒྱན། །ཇི་ལྟ་ཇི་ལྟར་སྐྱེ་བོ་ཆོས་འབད་པ། །དེ་ལྟ་
[42a.2]དེ་ལྟར་སྲུང་མ་ཁྱད་པར་དུ། །ཚུལ་བཞིན་མི་བྱེད་སྐྱེ་བོ་ཚོལ་བར་གྱུར། །དེས་ནི་ཆོས་ལས་སུ་ཡང་གཡོས་མ་གྱུར། །རང་གི་ཡུལ་ནི་དེ་ལྟར་ཐོས་གྱུར་ནས། །རྒྱལ་པོ་དགའ་བའི་ཁྱད་པར་བརྒྱན་པ་ནི། །དགའ་བའི་གཏམ་སྙན་རྒྱ་ཆེར་བསྒྲགས་པ་ཡིས། །བློན་པོ་མགུ་བར་བྱས་ནས་
[42a.3]བཀའ་སྩལ་པ། །ང་ནི་འབངས་རྣམས་བསྲུང་བར་རབ་ཏུ་སེམས། །དེ་རྣམས་ཀུན་ཀྱང་ད་ནི་སྦྱིན་གནས་གྱུར། །ང་ནི་མཆོད་སྦྱིན་བྱེད་འདོད་ཅེས་བསམས་ནས། །མཆོད་སྦྱིན་ཕྱིར་ནི་ནོར་རྫས་བསགས་པ་འདི། །གང་ཞིག་བདེ་བ་བསྐྱེད་པའི་ནོར་གང་འདོད། །ང་ཡི་དྲུང་ནས་འདི་
[42a.4]དག་ཅི་བདེར་ཁྱེར། །འདི་ལྟར་ང་ཡི་ཡུལ་ནི་དབེན་སྤྱོད་པའི། །དབུལ་བ་ཅི་ནས་ཡུལ་ན་མེད་པར་འགྱུར། །འབངས་རྣམས་བསྲུང་བར་སེམས་པར་ང་འདུག་ཅིང་། །གྲོགས་ལྡན་ཡོ་བྱད་ཕུན་སུམ་ཚོགས་བཞིན་དུ། །སྐྱེ་བོ་ཕོངས་བྱེད་ང་ནི་མི་བཟོད་པ། །ང་ཡི་སེམས་ནི་ཡང་ཡང་
[42a.5]བསྲེགས་པ་བཞིན། །དེ་ནས་རྒྱལ་པོ་དེའི་བློན་པོ་རྣམས་ལེགས་སོ་སྙམ་ནས་དེའི་ཚིག་མཉན་ཏེ། །གྲོང་དང་ལྗོངས་དང་གྲོང་ཁྱེར་ཐམས་ཅད་དང་ལམ་གྱི་ངལ་བསོ་བའི་ས་ཕྱོགས་ཐམས་ཅད་དུ་སྦྱིན་བཏང་གི་ཁང་པ་བརྩིགས་ནས། རྒྱལ་པོས་ཇི་སྐད་བཀའ་སྩལ་པ་བཞིན་དུ།
[42a.6]ཉིན་རེ་ཞིང་ཕོངས་པ་རྣམས་ཅི་འདོད་པའི་ནོར་གྱིས་མགུ་བར་བྱས་སོ། །དེ་ནས་སྐྱེ་བོ་དེ་དག་དབུལ་བོར་ཏེ། །ས་བདག་ལས་ནི་མཐུན་པར་ནོར་ཐོབ་ནས། །རྣམ་མང་གོས་དར་རིན་ཆེན་རྒྱན་གྱིས་བརྒྱན། །དགའ་སྟོན་བཞིན་དུ་བཟང་པོས་བརྒྱན་པར་གྱུར། །ཕོངས་པ་རབ་ཏུ་དགའ་
[42a.7]ནས་བསྟོད་པའི་ཚིག །རྒྱལ་པོའི་གྲགས་པ་ཕྱོགས་སུ་རྒྱས་གྱུར་པ། །མཚོ་ལས་པདྨའི་གེ་སར་ཕྱེ་མ་དང་། །རླབས་ཀྱིས་བསྐྱོད་དེ་ཀུན་ཏུ་ཁྱབ་པ་བཞིན། །དེ་ལྟར་རྒྱལ་པོའི་ཚུལ་བཟང་ཡོན་ཏན་གཞིས། །སྐྱེ་བོ་མ་ལུས་ལེགས་པར་སྤྱོད་གྱུར་པས། །དགེ་བ་ཆེན་
[42b]
[42b.1]པོས་གནོད་པ་རྣམས་ཀྱི་མཐུ། །ཟིལ་གྱིས་མནན་ནས་ཆགས་མེད་ཟད་པར་གྱུར། །དུས་ཚིགས་རྣམས་ཀྱང་དུས་ལ་མཐུན་པར་བདེ། །རྒྱལ་པོ་དེ་བཞིན་ཆོས་ལ་གཞོལ་བར་གྱུར། །ས་གཞི་འབྲུ་རྣམས་སྣ་ཚོགས་སྐྱེ་བར་གྱུར། །ཆུ་བཞི་ཆུ་གཙང་སྔོན་པོ་པདྨར་བཅས། །
[42b.2]འགྲོ་བ་ནད་ཆེན་དག་གིས་མི་འདེབས་གྱུར། །སྨན་རྣམས་ཡོན་ཏན་རབ་ཏུ་ཆེ་བར་གྱུར། །དུས་ཚིགས་དབང་གིས་སེར་བུའི་ངད་ཀྱང་ལྡང་། །གཟའ་རྣམས་ལམ་ནི་བཟང་པོར་རྒྱུ་བར་གྱུར། །གཞན་གྱི་དམག་གི་འཇིགས་པ་མེད་པར་གྱུར། །ཕན་ཚུན་གནོད་དང་དམག་གི་འཇིགས་
[42b.3]པ་མེད། །སྐྱེ་བོ་ངེས་པར་ཆོས་སྤྱོད་དུལ་གྱུར་པས། །རྫོགས་ལྡན་དུས་བཞིན་ཕུན་སུམ་ཚོགས་པར་གྱུར། །དེ་ནས་རྒྱལ་པོས་དེ་ལྟར་ཆོས་ཀྱི་མཆོད་སྦྱིན་བྱས་པ་དང་། །སྐྱེ་བོ་ཕོངས་པ་རྣམས་ཀྱི་སྡུག་བསྔལ་དང་། གནོད་པ་རྣམས་ནི་རབ་ཏུ་ཞི་བར་གྱུར། ས་གཞི་ནི་སྐྱེ་བོ་རབ་
[42b.4]ཏུ་དགའ་བ་མང་པོས་གང་ཞིང་མངོན་པར་མཐོ་བ་ཉམས་དགའ་བར་ནི་སྣང་། འཇིག་རྟེན་པ་རྣམས་ནི་རྒྱལ་པོའི་ཤིས་པ་བརྗོད་པ་འབའ་ཞིག་ཁ་ཏོན་དུ་བྱེད། རྒྱལ་པོའི་གྲགས་པས་ནི་ཐམས་ཅད་དུ་རྒྱས་པར་གྱུར་པ་དང་། བློན་པོའི་གཙོ་བོ་ཅིག་ཡིད་རབ་ཏུ་དགའ་བར་གྱུར་ནས་རྒྱལ་པོ་
[42b.5]ལ་འདི་སྐད་ཅེས་གསོལ་ཏོ། །མཆོག་དང་འབྲིང་དང་ཐ་མ་ཡི། །དགོས་པ་རྟག་ཏུ་གཟིགས་པས་ན། །དབང་ཕྱུག་རྣམས་ཀྱི་བློ་དག་ནི། །གོང་ནས་གོང་དུ་དཔྱོད་པར་འགྱུར། །ཞེས་བྱ་བ་འདི་ནི་ལེགས་པར་སྨྲས་པ་ལེགས་སོ། །འདི་ལྟར་ལྷའི་ཞལ་སྔ་ནས་ཕྱུགས་འགུམ་པའི་
[42b.6]སྐྱོན་མ་མཆིས་པར། ཆོས་ཀྱི་མཆོད་སྦྱིན་གྱིས་འབངས་རྣམས་འཇིག་རྟེན་དང་འཇིག་རྟེན་ལས་འདས་པ་གཉིས་ཀ་ལ་ཕན་པར་བགྱིས་སོ། གནོད་པ་དང་དབུལ་བའི་སྡུག་བསྔལ་ཡང་རབ་ཏུ་ཞི་བར་གྱུར་ཏེ། མང་དུ་གསོལ་ཡང་ཅི་འཚལ་ཏེ། འབངས་དེ་དག་ནི་སྐལ་བ་དང་ལྡན་པ་ལགས་
[42b.7]སོ། །ཟླ་བ་བཞིན་དུ་སྐུ་ལ་དྲི་མེད་འོད་གསལ་ཞིང་། །དབང་བསྐུར་སྡོམ་པས་རང་བཞིན་མཛེས་པའི་སྤྱོད་པ་ཡོངས་མ་ཞུམ། །སྤྱི་བོ་གདུགས་དང་འདྲ་བའི་དབུ་མཛེས་བསྐྱིལ་བ་དེ་བཞིན་གནས། །ཁྱོད་ཀྱི་གཏོང་བས་བརྒྱ་བྱིན་གྲགས་པ་རྨད་བྱུང་ཟིལ་གྱིས་ནོན། །འཇིག་རྟེན་མཆོད་སྦྱིན་
[43a]
[43a.1]ཕལ་ཆེར་གསོད་ཅིང་སྨད། །འབྲས་བུ་འཚལ་བས་མཆོད་སྦྱིན་མ་ལགས་ཀྱི། །ཁྱོད་ཀྱི་མཆོད་སྦྱིན་གྲགས་པའི་རྒྱན་གྱིས་བརྒྱན། །ཚུལ་ཁྲིམས་སྐྱོན་མེད་ཡིད་དུ་འོང་དང་མཐུན། །གང་རྣམས་སྐྱོབ་པ་ཁྱོད་བཞུགས་པའི། །སྐྱེ་དགུ་དེ་རྣམས་སྐལ་དང་ལྡན། །
[43a.2]བུ་རྣམས་ལ་ཡང་ཕ་དག་ནི། །ངེས་པར་དེ་ལྟར་སྐྱོབ་མི་འགྱུར། །གཞན་ཞིག་གིས་སྨྲས་པ། སྦྱིན་ཞེས་བྱ་བ་ནོར་ཡང་སྟེར་བའི་སྐྱེ་བོ་དེ་ཡི་དབང་དུ་གྱུར། །ཚུལ་ཁྲིམས་བསྲུང་བའང་འཇིག་རྟེན་བདེ་ལ་ཕྱོགས་ཤིང་མཐོ་རིས་འདོད་ལ་ཆགས། །གཞན་གྱི་དོན་བསྒྲུབ་ཕྱིར་ནི་དེ་གཉིས་
[43a.3]དེ་བཞིན་སྤྱོད་པ་གང་ལགས་པ། །མཁས་པ་མ་ལགས་སེམས་སྟོབས་མི་ལྡན་པ་ལ་དེ་དག་ཡོད་མ་མཆིས། །དེ་ལྟ་བས་ན་བསམ་པ་དགེ་བ་རྣམས་ནི། སྡིག་པ་བྱེད་དུ་གཞུག་པར་བསླུར་མི་ཚུགས་པས་བསམ་པ་དག་པར་བྱ་བ་ལ་འབད་པར་བྱའོ། །དེ་བས་འབངས་ལ་ཕན་བརྩོན་པ། །
[43a.4]ལེགས་དང་གྲགས་དང་བདེ་བ་ཐོབ། །དེ་བས་རྒྱལ་པོའི་ཚུལ་དེ་ལས། །འགལ་བར་བྱ་བ་ཡོངས་མི་རིགས། །དེ་བཞིན་དུ་རྒྱལ་པོའི་གདམས་ངག་ལ་ཡང་བརྗོད་པར་བྱའོ། །ཆོས་ལ་གོམས་པར་བྱས་པ་ནི། སྐྱེ་དགུ་རྣམས་ལོངས་སྤྱོད་ཆེ་བར་འགྱུར་བས་ན། ལོངས་སྤྱོད་ཆེ་བར་
[43a.5]འདོད་པས་ཆོས་ཀྱི་རྗེས་སུ་འབྲང་བར་བྱའོ་ཞེས་དེ་ལྟར་ཡང་སྦྱར་བར་བྱའོ། །མངོན་པར་མཐོ་བ་ནི་སྦྱིན་པ་དང་དུལ་བ་དང་སྡོམ་པ་ལ་གནས་པས་ཐོབ་པར་འགྱུར་གྱི། ཕྱུགས་བསད་པས་ནི་ནམ་ཡང་མངོན་པར་མཐོ་བར་མི་འགྱུར་རོ། །དེ་བས་ན་དེ་འདོད་པས་སྦྱིན་པ་ལ་སོགས་པ་
[43a.6]ལ་གུས་བར་འབད་པར་བྱའོ། །བཅོམ་ལྡན་འདས་དེ་ནི་སྐུ་ཚེ་སྔ་མ་ལ་ཡང་འཇིག་རྟེན་གྱི་དོན་སྤྱོད་པ་ལ་ཐུགས་གཞོལ་བ་ཡིན་ནོ། །ཞེས་དེ་བཞིན་གཤེགས་པའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །མཆོད་སྦྱིན་གྱི་སྐྱེས་པའི་རབས་ཏེ་བཅུ་པའོ། །སྡོམ་ལ།
[43a.7]སྟག་མོ་ཤི་བི་ཀོས་ལ་བདག །ཚོང་དཔོན་གཉིས་དང་རི་བོང་དང་། །ཨ་གསྟྱ་དང་ཤ་སྦྱིན་དང་། །ཐམས་ཅད་སྒྲོལ་དང་མཆོད་སྦྱིན་བྱེད། །བཅུ་ཚན་དང་པོའོ།། །།བདག་ཉིད་ཆེན་པོ་རྣམས་ནི་རྒུད་པར་གྱུར་ཏམ། དབང་ཕྱུག་ཕུན་སུམ་ཚོགས་པར་གྱུར་ཀྱང་རུང་
[43b]
[43b.1]སྟེ། སེམས་ཅན་རྣམས་ལ་སྙིང་བརྩེ་བ་ལྷོད་པར་མི་འགྱུར། དེ་ཡང་འདི་ལྟར་བྱང་ཆུབ་སེམས་དཔའ་ཡུན་རིང་པོ་ནས་བསོད་ནམས་སྤྱོད་པ་ལ་རབ་ཏུ་གོམས་ཤིང་སྦྱིན་པ་དང་། དུལ་བ་དང་། སྡོམ་པ་དང་། སྙིང་རྗེ་ལ་འདྲིས་པར་གྱུར་པ། གཞན་ལ་ཕན་པར་སྤྱོད་པ་ཁྱད་
[43b.2]པར་ཅན་ལ་ངེས་པར་བྱེད་པ་དེ་རེ་ཞིག་ལྷ་རྣམས་ཀྱི་དབང་པོ་བརྒྱ་བྱིན་དུ་གྱུར་ཏོ་ཞེས་གྲགས་སོ། །ལྷ་དབང་དཔལ་ནི་དེ་ལ་བརྟེན་བྱས་པས། །གཟི་བྱིན་ཆེན་པོས་ལྷག་པར་མཛེས་གྱུར་པ། །ཡང་ཐོག་རྡོ་ཐལ་གསར་དུ་བསྐུས་པ་ལ། །ཟླ་བའི་འོད་ཟེར་ཕོག་པས་གསལ་བ་བཞིན། །
[43b.3]གང་ཕྱིར་ལྷ་མ་ཡིན་རྣམས་ཚམ་ཚོམ་མེད་པར་ནི། །ཕྱོགས་ཀྱི་གླང་ཆེན་མཆེ་བ་ལྟོ་བས་ཟེད་འོང་བ། །སྐལ་བ་ཆེ་བས་བདེ་བ་ཐོབ་པའི་དཔལ་དེ་ནི། །དེ་སྙིང་དྲེགས་པའི་དྲི་མ་ཅན་དུ་བྱེད་པར་གྱུར། །དེ་ལྷའི་ཡུལ་དང་མིའི་ཡུལ་ལེགས་པར་བསྐྱངས་པ་ལས་གྱུར་པའི་གྲགས་པ་
[43b.4]ཕུན་སུམ་ཚོགས་པ་འཇིག་རྟེན་ཐམས་ཅད་ཀྱི་མཐས་ཀླས་པ་རྨད་དུ་བྱུང་བའི་དཔལ་དེ་ལྷ་མ་ཡིན་རྣམས་ཀྱིས་མ་བཟོད་ནས། གླང་པོ་ཆེ་དང་ཤིང་རྟ་དང་། རྟ་དང་རྐང་ཐང་གི་དམག་བཤམས་ཏེ་ཆེས་པ་རབ་ཏུ་འཇིགས་འཇིགས་ལྟར་སྣང་བ། སྒྲ་འཇིགས་འཇིགས་སྐད་སྒྲོགས་པས།
[43b.5]རྒྱ་མཚོ་འཁྲུག་པར་བྱེད་པ། མཚོན་ཆ་དང་གོ་ཆ་དྲི་མ་མེད་པ་བགོས་པས་འབར་འབར་ལྟར་འདུག་པ། མིག་གིས་མི་བཟོད་པའི་དཔུང་གི་ཚོགས་ཆེན་པོ་དང་བཅས་ཏེ། དེ་ལ་དམག་རྒོལ་དུ་ལྷགས་སོ། །ཆོས་ཀྱི་བདག་ཉིད་ཡིན་ཡང་དེ་ལ་གཞན་བསྔོ་བ། །རོལ་པའི་གེགས་གྱུར་
[43b.6]ཡིད་འབྱུང་འགྲོ་བ་འཇིགས་པར་གྱུར། །གཟི་བརྗིད་ཅན་གྱིས་ཚུལ་བཞིན་བྱ་བ་རིགས་པས་ན། །སྙིང་ནི་དམག་དྲངས་གཡེངས་ལ་མངོན་པར་ཕྱོགས་པར་གྱུར། །དེ་ནས་བྱང་ཆུབ་སེམས་དཔའ་ཆེན་པོ་དེས། གསེར་གྱི་ཤིང་རྟ་དམ་པ་རྟ་བཟང་
[43b.7]པོ་སྟོང་དང་སྦྱར་བ། གོས་བཟང་པོ་འོས་པས་བརྒྱན་པའི་བ་དན་མཛེས་པ་ཕྱར་བའི་རྒྱལ་མཚན་བསྒྲེང་བ། རིན་པོ་ཆེ་སྣ་ཚོགས་ཀྱི་འོད་གསལ་བར་སྣང་བ། ལུས་འབར་བ་རྒྱན་གདགས་པའི་གོ་རིམས་ངེས་པར་བྱས་པ། ངོས་གཉིས་མཚོན་ཆ་རྣམ་པ་སྣ་ཚོགས་འབར་བས་མཛེས་པར་བྱས་པ། ལྷའི་གོས་དཀར་པོ་
[44a]
[44a.1]ཅན་གྱི་སྟེང་ན་འདུག་ནས། རྟ་དང་གླང་པོ་ཆེ་དང་། ཤིང་རྟ་དང་རྐང་ཐང་རྣམ་པ་སྣ་ཚོགས་དང་ལྡན་པའི་ལྷའི་དམག་གི་དཔུང་ཆེན་པོས་ཡོངས་སུ་བསྐོར་ནས། ལྷ་མ་ཡིན་གྱི་དམག་གི་དཔུང་ཚོགས་དེ་རྒྱ་མཚོའི་འགྲམ་དུ་ཐུག་པར་བསུས་སོ། །དེ་ནས་དེར་ནི་གཡུལ་
[44a.2]བསྲེས་པས། །སྡར་མ་རྣམས་ནི་སྐྲག་པར་བྱེད། །ཕན་ཚུན་མཚོན་འདེབས་ཕྱེ་མར་ལྷགས། །གོ་ཆ་རྣམས་ནི་རལ་བར་གྱུར། །ང་ནི་འདི་ན་འདུག་བཞིན་དུ། །མཐོང་བཞིན་ཐར་པ་ག་ལ་འགྱུར། །ཐོབ་ཤིག་འདི་ནི་མེད་ཟིན་ཏོ། །དེ་ལྟར་ཕན་ཚུན་དམྱལ་འདྲར་གྱུར། །དེ་ནས་
[44a.3]མཚོན་ཆ་འཁྲུག་པ་ཡི། །སྒྲ་ཆེན་གཡུལ་ནི་བསྲེས་པ་དང་། །རྔ་བརྡུངས་སྒྲ་ནི་གྲག་པ་ཡིས། །ནམ་མཁའི་ངོས་ནི་རལ་བ་བཞིན། །བྲག་ལྟར་འཇིགས་པའི་གླང་ཆེན་དག །ཕན་ཚུན་འཐབ་མོ་འགྱེད་པ་ཡི། །རྡུལ་གྱི་དྲི་ནི་མི་བཟོད་པ། །དུས་མཐའི་རླུང་གིས་གཡོས་པ་
[44a.4]བཞིན། །གློག་ལྟར་འགྱུ་བའི་བ་དན་ཅན། །ཤིང་རྟའི་སྒྲ་ཆེན་གྲག་པ་ནི། །ཕྱོགས་རྣམས་ཀུན་ཏུ་ཁྱབ་གྱུར་པ། །སྤྲིན་ཆེན་གློ་བུར་ལངས་པ་བཞིན། །ཕན་ཚུན་མདའ་རྣམས་འཕངས་པ་ཡིས། །ལྷ་དང་ལྷ་མིན་དཔའ་བོ་ཡི། །གདུགས་དང་རྒྱལ་མཚན་གོ་ཆ་དང་། །ཅོད་པན་
[44a.5]དག་ནི་འགྱེལ་བར་གྱུར། །དེ་ནས་ལྷ་མིན་མདའ་འཕངས་བསྡད་པ་དང་། །ལྷ་དབང་དཔུང་ནི་འཇིགས་པས་བྱེར་བར་གྱུར། །དགྲ་ཡི་དཔུང་ནི་ཤིང་རྟས་རྣམ་བཅིལ་ནས། །ལྷ་དབང་གཅིག་པུ་གཡུལ་ངོར་འཐེན་པར་གྱུར། །དེ་ནས་ལྷ་མ་ཡིན་གྱི་དཔུང་རབ་ཏུ་དགའ་བས་ཤིན་
[44a.6]ཏུ་ང་རྒྱལ་བར་གྱུར་ཏེ། ཅ་ཅོའི་སྒྲ་ཆེན་པོ་སེང་གེའི་སྒྲ་བཞིན་སྒྲོགས་པ་མཐོང་བ་དང་། ལྷའི་དབང་པོའི་ཁ་ལོ་སྒྱུར་བ་མ་ཏ་ལིས་བདག་ཅག་གི་དཔུང་བྲོས་པར་གྱུར་པ་མཐོང་ནས། ད་ནི་སླར་ལོག་པའི་དུས་ལ་བབ་པོ་སྙམ་ནས་ལྷའི་དབང་པོའི་ཤིང་རྟ་སླར་བཟློག་གོ །དེ་ནས་
[44a.7]ལྷའི་དབང་པོ་བརྒྱ་བྱིན་གྱིས་ཤིང་ཤལ་མ་ལི་ལ་ནམ་མཁའ་ལྡིང་གི་ཚང་བཅས་པ་ཅིག་ཤིང་རྟ་དྲངས་པའི་གཉའ་ཤིང་གི་རྩེ་མོས་ཕོག་པར་གྱུར་པའི་སྟེང་དུ་བབ་པ་མཐོང་ངོ་། །མཐོང་མ་ཐག་ཏུ་སེམས་སྙིང་རྗེ་ལ་དམིགས་པས་ཁ་ལོ་སྒྱུར་བ་མ་ཏ་ལི་ལ་འདི་སྐད་ཅེས་སྨྲས་སོ། །
[44b]
[44b.1]ཤལ་མ་ལི་ཡི་ཤིང་ལ་བྱ་ཚང་དག །བཅས་པའི་ནང་ན་བྱིའུ་ཕྲུག་མ་ཚར་བ། །འཁོད་པ་འདི་ནི་ཤིང་རྟའི་གཉའ་ཤིང་གིས། །ཕོག་ནས་མི་ལྷུང་བར་ནི་ཤིང་རྟ་དྲངས། །མ་ཏ་ལིས་སྨྲས་པ། འཕགས་པ་ལྷ་མ་ཡིན་གྱི་དམག་འདི་དག་ད་རུང་སླར་མི་ལྡོག་གོ། །བརྒྱ་བྱིན་གྱིས་
[44b.2]སྨྲས་པ། འོ་ན་འདི་ཅི་ཉེས་ནམ་མཁའ་ལྡིང་གི་ཚང་འདི་དག་ལས་ལེགས་པར་ཟུངས་ཤིག །མ་ཏ་ལིས་སྨྲས་པ། ཤིང་རྟ་འདི་ནི་སླད་དུ་ལྡོག་ན་འདོད། །བྱ་རྣམས་ལ་ནི་རབ་ཏུ་ཕན་གྱུར་ན། །ལྷ་རྣམས་ལ་ནི་གནས་ནས་སྐབས་རྙེད་པའི། །དགྲ་ཡི་དམག་ཚོགས་འདི་དག་མངོན་
[44b.3]ཕྱོགས་མཆིས། །དེ་ནས་ལྷའི་དབང་པོ་བརྒྱ་བྱིན་སྙིང་རྗེའི་དབང་གིས་རང་གི་ལྷག་པའི་བསམ་པ་ཁྱད་པར་ཅན། སྙིང་སྟོབས་ཀྱི་ཁྱད་པར་བསྟན་པའི་ཕྱིར་སྨྲས་པ། སེམས་ཅན་འཇིགས་པས་ཉེན་པ་འདི་བསད་ཕྱིར། །སྨོད་པའི་གཏམ་ངན་ཕོག་ཅིང་གསོད་པ་བས། །ལྷ་
[44b.4]མིན་མཚོན་གྱིས་ཕོག་སྟེ་ཤི་ཡང་སླ། །དེ་བས་ཤིང་རྟ་སླད་དུ་བཟློག་པར་བྱོས། །དེ་ནས་མ་ཏ་ལིས་དེ་ལྟར་བགྱིའོ་ཞེས་མཉན་ནས། དེའི་ཤིང་རྟ་རྟ་སྟོང་དང་ལྡན་པ་སླར་ལྡོག་གོ། །དགྲ་རྣམས་ཀྱིས་ནི་དེ་ཡི་མཐུ་མཐོང་ཞིང་། །ཤིང་རྟ་གཡུལ་ངོར་སླར་ལོག་མཐོང་བ་དང་། །ཆར་
[44b.5]སྤྲིན་ནག་པོ་རླུང་གིས་གཏོར་བ་བཞིན། །སྐྲག་ནས་རྟབ་བཞིན་རབ་ཏུ་མགྱོགས་པར་བྱེད། །བདག་གི་དམག་ཚོགས་ཕམ་ཡང་སླར་ལོག་ཅིང་། །དགྲ་ཡི་དམག་ཚོགས་ལམ་ནི་བཀག་སྟེ་འཐེན། །གཅིག་པུར་གྱུར་ཀྱང་རབ་ཏུ་དཔའ་སྲིད་པས། །དགྲ་རྣམས་དྲེགས་པ་སྤ་
[44b.6]ནི་བཀོང་བར་གྱུར། །ལྷ་མིན་དཔུང་དེ་ཕམ་པར་གྱུར་མཐོང་ནས། །ལྷ་དབང་དཔུང་ཡང་དེ་ནས་སླར་ལོག་གྱུར། །ལྷ་ཡི་དགྲ་རྣམས་འཇིགས་ནས་བྱེར་གྱུར་པ། །དེ་ནས་སླར་ལོག་ཕོད་པ་ཡོངས་མ་གྱུར། །ལྷ་རྣམས་དགའ་ཞིང་ངོ་ཡང་མཚར་བཞིན་དུ། །ལྷ་ཡི་དབང་
[44b.7]པོ་ལ་ནི་ཕྱག་ཀྱང་བྱེད། །རྒྱལ་བའི་དཔལ་གྱིས་རབ་མཛེས་མདངས་གསལ་ཞིང་། །སྲས་རྣམས་དགའ་བའི་མཁར་གྱི་ནང་དུ་སོང་། །དེ་ལྟར་དེ་ཉིད་དེའི་གཡུལ་ལས་རྣམ་པར་རྒྱལ་བར་གྱུར་ཏོ། །དེ་བས་ན་གསུང་རབ་ལས་ཀྱང་། ངན་པ་རྣམས་ནི་སྙིང་རྗེ་མེད་པར་སྡིག་པ་
[45a]
[45a.1]སྤྱོད། །བློ་འབྲིང་རྣམས་ནི་ཕོངས་ན་སྙིང་རྗེར་བཅས་ཤིང་སྤྱོད། །སྐྱེ་བོ་དགེ་བ་རྣམས་ནི་སྲོག་དང་བྲལ་གྱུར་ཀྱང་། །རྒྱ་མཚོའི་དུས་བཞིན་རང་གི་ཚུལ་དང་འགལ་མི་བྱེད། །དེ་ལྟར་ལྷའི་རྒྱལ་སྲིད་དང་སྲོག་ཀྱང་བོར་ཏེ། བཅོམ་ལྡན་འདས་ཀྱིས་ཡུན་རིང་
[45a.2]པོ་ནས་སེམས་ཅན་རྣམས་ཡོངས་སུ་བསྐྱངས་པས་ན། །ཤེས་རབ་ཅན་གྱིས་དེ་དག་ལ། འདིར་ངན་སེམས་བསྐྱེད་པའང་མི་རིགས་ན། གནོད་པར་བྱེད་པ་ལྟ་སྨོས་ཀྱང་ཅི་དགོས། དེ་བས་ན་འཕགས་པ་རྣམས་ཀྱིས་ནི་སྲོག་ཆགས་རྣམས་ལ་སྙིང་རྗེ་དང་ལྡན་པར་བྱ་བ་རིགས་སོ། །
[45a.3]དེ་ལྟ་བས་ན་ཆོས་སྤྱོད་པ་རྣམས་ནི་ཆོས་ཉིད་སྲུང་བར་བྱེད་དོ་ཞེས་གསུངས་པ་དང་ཡང་སྦྱར་བར་བྱའོ། །དེ་བཞིན་གཤེགས་པའི་ཡོན་ཏན་བསྔགས་པ་དང་། རིམ་གྲོ་བསྐྱེད་དེ་ཆོས་མཉན་པ་ལ་ཡང་སྦྱར་བར་བྱའོ། །བརྒྱ་བྱིན་གྱི་སྐྱེས་པའི་རབས་ཏེ་བཅུ་གཅིག་པའོ།། །།
[45a.4]སྐྱེས་བུ་དམ་པ་རྣམས་ནི་བདག་ངོ་ཚ་བ་ཉིད་ཀྱིས་སྤྱོད་ཚུལ་གྱི་དུས་ལས་མི་འདའོ། །དེ་ཡང་འདི་ལྟར་བྱང་ཆུབ་སེམས་དཔའ་བྲམ་ཟེའི་རིགས་ཆེན་པོ་རུས་དང་སྤྱོད་པ་མ་སྨད་པ། རང་གི་ཆོས་ལ་སྤྱོད་པའི་སྒྲ་གྲག་པ་དང་འདུལ་བ་དང་སྤྱོད་ཚུལ་བཟང་པོ་ཅིག་ཏུ་སྐྱེ་བ་ཡོངས་སུ་བཟུང་བར་
[45a.5]གྱུར་ཏོ་ཞེས་གྲགས་སོ། །དེ་གོ་རིམས་བཞིན་དུ་སྐྱེས་ནས་ཁྲུས་བྱ་བ་དང་། སྐྲ་མཚམས་དབྱེ་བ་དང་། བཙས་པའི་ཆོ་ག་བྱ་བ་ལ་སོགས་པ་ཡོངས་སུ་སྦྱངས་ནས། རིག་བྱེད་བསླབ་པའི་ཕྱིར། བླ་མ་ཐོས་པ་དང་རིགས་བཙུན་པ་དང་། སྤྱོད་ཚུལ་ཕུན་སུམ་ཚོགས་པ་ཅིག་ལ་བཅར་
[45a.6]ཏེ་གནས་པར་གྱུར་ཏོ། །དེས་ནི་ཐོས་པ་སློབ་ཅིང་འཛིན་གསལ་དང་། །རང་རིགས་གྲགས་དང་གུས་དང་དུལ་བ་དང་། །ལང་ཚོས་ཆེ་ཡང་ཞི་ཞིང་ཆོས་བཟང་བས། །དེ་ལ་བླ་མ་བྱམས་ཤིང་དགའ་བར་གྱུར། །ཡོན་ཏན་དབང་དུ་བྱེད་པའི་སྔགས། །རྟག་ཏུ་མ་ཉམས་མཐུ་དང་
[45a.7]ལྡན། །ཞེ་སྡང་འཁྲུགས་པ་དབང་བྱེད་ན། །ཐ་མལ་སེམས་ལྟ་སྨོས་ཅི་དགོས། །དེ་ནས་དེའི་མཁན་པོ་དང་སློབ་མ་ཐམས་ཅད་ཀྱི་ངང་ཚུལ་བརྟག་པའི་ཕྱིར། བསང་བའི་དུས་དག་ཏུ་བདག་ཉིད་དབུལ་བའི་སྡུག་བསྔལ་རྟག་ཏུ་བསྒྲགས་སོ། །དབུལ་བ་འབྲས་བུ་རེ་བ་མེད། །
[45b]
[45b.1]བདག་གི་མི་ལ་སྨྲ་མེད་ཅིང་། །དགའ་སྟོན་ཚེ་ཡང་དགའ་མི་མྱོང་། །ཀྱི་ཧུད་སྦྱིན་པའི་གཏམ་ཡང་ཞན། །སྨ་དབབ་གནས་གྱུར་ཉོན་མོངས་ངལ་བའི་རྒྱུ། །བདེ་བ་ཡོངས་སྤངས་ཤིན་ཏུ་མི་བརྗིད་པ། །ཉམས་ཉེས་བཞིན་དུ་རྟག་ཏུ་མྱ་ངན་བྱེད། །ནོར་མེད་གྱུར་པ་ཤིན་ཏུ་འཇིགས་
[45b.2]སུ་རུང་། །དེ་ནས་ངའི་སློབ་མ་དེ་དག་རྟ་བཟང་པོ་ལ་ལྕག་གིས་བསྐུལ་བ་བཞིན་དུ། བླ་མ་ལ་བྱམས་པས་མི་དགའ་བར་གྱུར་ཏོ། །བསོད་སྙོམས་རབ་ཏུ་བཟང་ཞིང་ཤིན་ཏུ་མང་དུ་བྱུང་ངོ་། །དེས་དེ་དག་ལ་སྨྲས་པ། བསོད་སྙོམས་ཀྱི་ཟས་ཀྱིས་སུའི་དབུལ་ཕོངས་པ་ཡང་ཕྱེད་
[45b.3]པར་མི་འགྱུར་གྱི། ཁྱེད་ཅག་ཉོན་མོངས་པར་བྱེད་པ་འདི་ཐོང་ཤིག །ང་ཉོན་མོངས་པ་མི་བཟོད་ན། ཁྱོད་ཀྱིས་ནོར་བསྒྲུབ་པ་ལ་འབད་པར་བྱ་བ་འདི་ནི་རིགས་སོ། །དེ་ཅིའི་ཕྱིར་ཞེ་ན། བཀྲེས་སྐོམ་ཟན་དང་ཆུ་ཡི་ཕྱིར། །སྔགས་བཅས་སྨན་གྱིས་ནད་སོས་འགྱུར། །རྒྱུན་གནས་
[45b.4]ནོར་གྱིས་དབུལ་པོར་འགྱུར། །ཐབས་ཀྱིས་ནོར་བཙལ་དབུལ་བ་འདོར། །སློབ་མ་རྣམས་ཀྱིས་སྨྲས་པ། བདག་ཅག་སྐལ་བ་ཆུང་བས་འདི་ཙམ་ལས་ལྷག་པར་རྔོ་མི་ཐོགས་ན་ཅི་ལྟར་བགྱི། གཞན་ཡང་། མཁན་པོ་ནོར་ཡང་བསོད་སྙོམས་བཞིན། །གལ་ཏེ་རྙེད་པར་གྱུར་ན་ནི། །
[45b.5]ཁྱོད་ཀྱིས་དབུལ་བའི་སྡུག་བསྔལ་འདི། །དེ་ལྟར་བདག་ཅག་ག་ལ་བཟོད། །བྲམ་ཟེ་རྣམས་ཀྱིས་ནོར་བསྒྲུབ་ཏུ། །བླང་བའི་ཐབས་ནི་རབ་ཏུ་ཆུང་། །སྐྱེ་བོ་འདི་ཡང་སྦྱིན་མི་ཕོད། །དེ་བས་ཐབས་མེད་བདག་ཅག་ཕུང་། །མཁན་པོས་སྨྲས་པ། བྲམ་ཟེ་རྣམས་ལ་ནི་ནོར་
[45b.6]བསྒྲུབ་པའི་ཐབས་གཙུག་ལག་ལས་བྱུང་བ་གཞན་དག་ཀྱང་ཡོད་ན། བདག་ནི་རྒས་པས་མཐུ་མེད་པར་གྱུར་ཏེ་དེ་སྒྲུབ་མི་ནུས་སོ། །སློབ་མ་རྣམས་ཀྱིས་སྨྲས་པ། སློབ་དཔོན་བདག་ཅག་ནི་མ་རྒས་པས་མཐུ་ཉམས་པར་མ་གྱུར་ན། གལ་ཏེ་གཙུག་ལག་ལས་བྱུང་བའི་ཐབས་དེ་
[45b.7]དག་བདག་ཅག་གིས་བསྒྲུབ་ཏུ་རུང་བར་དགོངས་ན་གསུངས་ཤིག་དང་། བདག་ཅག་ལ་ཆོས་འཆད་པའི་དྲིན་ལན་བླན་པར་བགྱིའོ། །མཁན་པོས་སྨྲས་པ། གཞོན་ཡང་སྙིང་ལ་རྩོལ་མི་ཕོད་པ་རྣམས་ཀྱིས་ནི་འདི་ལྟ་བུའི་ནོར་བསྒྲུབ་པར་དཀའ་མོད་ཀྱི། འོན་ཀྱང་དེ་ལྟར་ཁྱེད་
[46a]
[46a.1]ཀྱིས་དུས་ཀྱིས་འཚུན་ན་ལེགས་ཀྱིས་ཉོན་ཅིག་ནོར་བསྒྲུབ་པའི་རིམ་པ་གཅིག་ཡོད་པ་དེ་ཡང་གང་ཞེ་ན། བྲམ་ཟེ་རྒུད་ཚེ་རྐུ་བ་ཆོས་སུ་འཆད། །འཇིག་རྟེན་ན་ཡང་ནོར་མེད་རྒུད་པའི་མཆོག །དེ་བས་གཞན་ནོར་མ་མཐོང་བླང་བར་གྱིས། །འདི་དག་ཀུན་ཀྱང་བྲམ་ཟེའི་ནོར་
[46a.2]ཡིན་ནོ། །མངོན་སུམ་དུ་ནི་ནོར་འཕྲོག་ནུས་གྱུར་ཀྱང་། །བདག་གི་གྲགས་པས་བསྲུང་བར་བྱ་དགོས་སོ། །ཁྱེད་ཅག་ལྟ་བུས་འདི་ལྟར་བྱར་མི་རུང་། །དེ་བས་དེ་ལྟར་མ་མཐོང་བསྒྲུབ་པར་བྱ། །དེ་ལྟར་དེས་བསྡམ་པ་གློད་པ་དང་། སློབ་མ་དེ་དག་གིས་དེའི་ཚིག་དེ་མི་རིགས་ཀྱང་།
[46a.3]རིགས་པ་བཞིན་དུ་དེ་ལྟར་བགྱིའོ་ཞེས་མཉན་ནས། བྱང་ཆུབ་སེམས་དཔའ་འབའ་ཞིག་ནི་མ་གཏོགས་སོ། །དེ་ལ་རང་བཞིན་དགེ་བས་ན། །དེ་ལ་རྗེས་སུ་ཡི་མི་རང་། །དེ་དག་གིས་ནི་མ་བརྟགས་པར། །བྱར་རུང་བཞིན་དུ་ཁས་བླངས་སོ། །བྱང་ཆུབ་སེམས་དཔའ་ནི་ངོ་ཚ་བས་
[46a.4]མགོ་སྨད་དེ་ཅུང་ཟད་ཅིག་ཤུགས་ནར་ཞེས་ཕྱུང་ནས་ཅང་མི་སྨྲ་བར་འདུག་གོ། །དེ་ནས་དེ་དག་གི་མཁན་པོ་དེས་བྱང་ཆུབ་སེམས་དཔའ་དེ་ཆོ་ག་བསྟན་པ་དེ་ལ་དགའ་བར་ཡང་མ་གྱུར། སླར་ལྡོག་པར་ཡང་མ་གྱུར་པ་མཐོང་ནས། སེམས་དཔའ་ཆེན་པོ་དེ་ལ་ཡོན་ཏན་ཞིག་ཡོད་པར་བསམས་ནས།
[46a.5]འདིས་ཅི་སྩོལ་མི་ཕོད་དམ། ང་ལ་མི་བྱམས་སམ། འོན་ཀྱང་ཆོས་ཀྱི་འདུ་ཤེས་ཀྱིས་རྐུན་པོ་བྱེད་དུ་མི་བཏུབ་བམ་སྙམ་ནས་དེའི་རང་བཞིན་བརྟག་པའི་ཕྱིར། བྱང་ཆུབ་སེམས་དཔའ་ལ་སྨྲས་པ། ཀྱེ་བྲམ་ཟེ་ཆེན་པོ། །བྲམ་ཟེ་འདི་རྣམས་ང་རྒུད་མི་བཟོད་པས། །མི་རྣམས་དཔའ་བོའི་
[46a.6]ལམ་ལ་བརྟེན་པར་གྱུར། །ཁྱོད་ནི་སྤྲོ་བ་མེད་ཅིང་བླུན་པར་མངོན། །ང་རྒུད་པས་ནི་ངེས་པར་མ་གདུངས་སོ། །ང་ཡི་སྡུག་བསྔལ་རྒྱ་ཆེར་རབ་བསྒྲགས་ཤིང་། །ཚིག་ཏུ་སྨྲས་པས་མ་བཅབས་བསྟན་གྱུར་ཀྱང་། །ཁྱོད་ནི་ཇི་ལྟར་མི་བསྒྲིམ་བརྟེན་གྱུར་ན། །དེ་ལྟར་ཐ་མལ་བཞིན་དུ་གནས་
[46a.7]པར་གྱུར། །དེ་ནས་བྱང་ཆུབ་སེམས་དཔས་གུས་པ་དང་བཅས་པས་ཕྱག་འཚལ་ཏེ། མཁན་པོ་ལ་སྨྲས་པ། སྡིག་པ་ཞི་བར་གྱུར་ཅིག །བདག་ནི་མི་བྱམས་ཤིང་སྙིང་སྲ་བའི་ཕྱིར་བླ་མའི་སྡུག་བསྔལ་གྱིས་མ་གདུངས་ཏེ། འདི་ལྟར་མ་མཆིས་པ་མ་ལགས་ཀྱིས། མཁན་པོས་བསྟན་པའི་
[46b]
[46b.1]རིམ་པ་འདི་མི་སྲིད་པའི་ཕྱིར་འདི་ལྟར་མཆིས་སོ། །སུས་ཀྱང་མ་མཐོང་བར་སྡིག་པ་སྤྱད་དུ་རུང་བ་ནི་གང་ཡང་མ་མཆིས་སོ། །དེ་ཅིའི་ཕྱིར་ཞེ་ན། དབེེན་པ་ནི་མི་སྲིད་པའི་སླད་དུའོ། །སྡིག་པའི་ལས་རྣམས་བྱེད་པ་ན། །འཇིག་རྟེན་ན་ནི་དབེན་པ་མེད། །མི་སྣང་བ་ཡི་འབྱུང་པོ་རྣམས། །མི་
[46b.2]རྣམས་ལ་ནི་ལྟ་བར་བྱེད། །ལྷ་ཡི་སྤྱན་ནི་ཕྱེ་བ་ཡིས། །ཐུབ་པ་བདག་ཉིད་སྦྱངས་པ་རྣམས། །དེ་ཡིས་མ་མཐོང་དབེན་སྙམ་ནས། །བྱིས་པ་སྡིག་པ་སྤྱོད་ལ་འཇུག །བདག་གིས་གང་ནའང་བསྟོད་པ་ནི། །ཅུང་ཟད་མཆིས་པར་མ་མཐོང་ངོ་། །གང་ན་གཞན་དག་མི་སྣང་བ། །དེ་ནི་
[46b.3]བདག་གིས་སྟོང་མ་ལགས། །ཉེས་བྱས་གཞན་གྱིས་མཐོང་བ་དང་། །གང་ཡང་བདག་གིས་མཐོང་བ་དག །བདག་གིས་མཐོང་བ་གང་ཡིན་པ། །དེ་ནི་ལེགས་པར་མཐོང་བ་ཡིན། །བདག་གི་དགོས་པས་ཡིད་ནི་གཡེངས་གྱུར་ཕྱིར། །ཕ་རོལ་སྤྱོད་པས་གཞན་གྱིས་མི་མཐོང་སྲིད། །
[46b.4]བདག་ནི་ཆགས་པས་རྩེ་གཅིག་ཡིད་གྱུར་ཕྱིར། །སྡིག་པ་བྱེད་པ་ངེས་པར་རིགས་པར་གྱུར། །དེ་ཡི་སླད་དུ་བདག་ནི་དེ་ལྟར་མཆིས་པར་མ་གྱུར་ཏོ། །དེ་ནས་བྱང་ཆུབ་སེམས་དཔས་མཁན་པོའི་ཡིད་དགའ་བར་རིག་ནས། ཡང་སྨྲས་པ། ཁྱོད་ནི་དེ་ལྟར་ནོར་གྱི་ཕྱིར་ཞུགས་པར། །བདག་
[46b.5]གི་ཚིག་ལ་ངེས་པར་མི་འཛིན་ཏོ། །སྐྱོན་དང་ཡོན་ཏན་བྱེ་བྲག་ཤེས་གྱུར་པ། །སུ་ཞིག་ནོར་ཕྱིར་ཡོན་ཏན་ཆུང་གསོན་བྱེད། །ལྷ་དབང་ཕྱིར་ཡང་ངོ་ཚ་བོར་ནས་ནི། །ཡིད་ལ་ཆོས་དང་འགལ་བར་བྱེད་པ་ལས། །གྱོ་མོའི་སྣོད་ཐོགས་གོས་ངན་གོན་ནས་ནི། །དགྲ་ཡི་ཁྱིམ་ན་འབྱོར་པ་བསློང་
[46b.6]ཡང་སླ། དེ་ནས་དེའི་མཁན་པོ་སྙིང་རབ་ཏུ་དགའ་ཞིང་ཡ་མཚན་དུ་གྱུར་ནས་སྟན་ལས་ལངས་ཏེ། དེ་ལ་ལག་པས་འཁྱུད་ནས་སྨྲས་པ། བུ་ལེགས་སོ་ལེགས་སོ་བྲམ་ཟེ་ཆེན་པོ་ལེགས་སོ། །ཁྱོད་ཀྱི་ཤེས་རབ་རབ་ཏུ་ཞི་བས་བརྒྱན་པ་འདི་ལ་དོན་དེ་རིགས་སོ། །བྱིས་པ་རྣམས་ནི་
[46b.7]མཚན་མ་ཅུང་ཟད་ལ། །བརྟེན་ནས་རང་གི་ཆོས་ལམ་འདོར་པར་བྱེད། །དཀའ་ཐུབ་ཐོབ་དང་ཤེས་པའི་ནོར་ལྡན་པ། །དགེ་བ་རྣམས་ནི་ཕོངས་ཀྱང་མི་འགྱུར་རོ། །ཁྱོད་ཀྱིས་རང་རིགས་དྲི་མེད་བརྒྱན་པ་འདི། །སྟོན་ཟླ་ཤར་བས་ནམ་མཁའ་བརྒྱན་པ་བཞིན། །ཁྱོད་ཀྱི་ཐོས་པ་རྣམས་
[47a]
[47a.1]ནི་དོན་དང་ལྡན། །ང་ཡིས་འབད་པའི་ནོར་ཡང་ལེགས་པར་འབྱུང་། །དེ་བས་ན་སྐྱེས་བུ་དམ་པ་རྣམས་ནི། །དེ་ལྟར་བདག་ངོ་ཚ་བ་ཉིད་ཀྱི་སྤྱོད་ཡུལ་གྱིས་དུས་ལས་འདའ་བར་མི་བྱེད་དོ། །དེ་བཞིན་དུ་འཕགས་པ་རྣམས་ཀྱིས་ཀྱང་ངོ་ཚ་ཤེས་པའི་སྟོབས་དང་
[47a.2]ལྡན་པར་བྱ་བའི་རིགས་སོ། །དེ་བཞིན་དུ་འཕགས་པ་ཉན་ཐོས་རྣམས་ནི་ངོ་ཚ་ཤེས་པའི་འོབས་ཀྱིས་བསྐོར་བས་མི་དགེ་བ་རབ་ཏུ་སྤོང་བར་འགྱུར་རོ། །ཞེས་བྱ་བ་ལ་སོགས་པ་ངོ་ཚེ་ཤེས་པའི་བསྔགས་པ་དང་ལྡན་པའི་མདོ་སྡེ་དང་འཇིག་རྟེན་ལ་དབང་བྱེད་པའི་མདོ་སྡེ་དག་ལ་ཡང་
[47a.3]སྦྱར་བར་བྱའོ། །བྲམ་ཟེར་སྐྱེས་པའི་རབས་ཏེ་བཅུ་གཉིས་པའོ།། །།སྐྱེས་བུ་དམ་པ་རྣམས་ནི་བདག་རང་སྲན་ཐུབ་པས་བརྟན་པའི་ཕྱིར་སྡུག་བསྔལ་མི་བཟད་པས་གདུངས་ཀྱང་ལམ་ངན་པར་འཇུག་པར་མི་འགྱུར་རོ། །དེ་ཡང་འདི་ལྟར་བྱང་ཆུབ་སེམས་དཔའ་བདེན་པ་དང་
[47a.4]གཏོང་བ་དང་། ཉེ་བར་ཞི་བ་དང་། ཤེས་རབ་ལ་སོགས་པའི་ཡོན་ཏན་ཁྱད་པར་ཅན་རྣམས་ཀྱིས་འཇིག་རྟེན་ལ་ཕན་པར་བརྩོན་པ་དེ། རེ་ཞིག་ཅིག་ཡུལ་ཤི་བི་པ་རྣམས་ཀྱི་རྒྱལ་པོར་གྱུར་ཏོ། །ཞེས་གྲགས་སོ། །ཆོས་དང་འདུལ་བ་ལས་མངོན་སུམ་དུ་གྱུར་པ་བཞིན་སྐྱེ་དགུ་རྣམས་ལ་
[47a.5]ཕ་དང་འདྲ་བར་ཕན་འདོགས་ནུས་པར་གྱུར་ཏོ། །ཉེས་པ་སྤྱོད་ལས་རྣམ་པར་བཟློག་པ་དང་། །ཡོན་ཏན་འཕེལ་བ་རབ་ཏུ་དགོངས་པའི་ཕྱིར། །རྒྱལ་པོ་དེས་ནི་ཕ་ཡིས་བུ་དག་བཞིན། །འཇིག་རྟེན་གཉིས་ཀར་མི་རྣམས་དགའ་བར་འགྱུར། །ནང་གི་མི་དང་ཕྱི་མི་འདྲ་བར་སྙོམས། །དེ་
[47a.6]ཡི་བཀའ་ཁྲིམས་ཆོས་དང་རྗེས་སུ་མཐུན། །སྐྱེ་བོའི་ཆོས་མིན་ལམ་ནི་བསྒྲིབས་ནས་སུ། །མཐོ་རིས་ལམ་ནི་ཐེམ་སྐས་རིམ་པ་བཞིན། །འཇིག་རྟེན་ཕན་པ་ཆོས་ལྡན་དེ་མཐོང་ནས། །མི་རྣམས་སྐྱོང་བ་ཆོས་རྣམས་འབའ་ཞིག་སྤྱོད། །རྣམ་པ་ཀུན་ཏུ་ཆོས་ཀྱི་ལམ་ལ་དགའ། །གཞན་
[47a.7]གྱི་ཆོས་ལ་གནོད་བྱས་ཡོངས་མི་བཟོད། །རྒྱལ་པོ་ཆེན་པོ་དེའི་བློན་པོ་ཆེན་པོའི་བུ་མོ་ཞིག་དཔལ་མོ་གཟུགས་དང་ལྡན་པ་བཞིན། དགའ་བ་མངོན་སུམ་གྱུར་པ་བཞིན། ལྷའི་བུ་མོ་བཞིན་གཟུགས་དང་གཟི་མདངས་མཆོག་དང་ལྡན་པ། བལྟ་ན་སྡུག་པ། བུད་མེད་རིན་པོ་ཆེ་རབ་ཏུ་བཀུར་
[47b]
[47b.1]བ་ཞིག་ཡོད་པར་གྱུར་ཏོ། །འདོད་ཆགས་མ་བྲལ་བས་ནི་དེ་ཡི་ལུས། །ཇི་སྲིད་མཐོང་བར་གྱུར་པ་དེ་སྲིད་དུ། །དེ་ཡི་གཟུགས་དང་ཡོན་ཏན་རྣམས་ལ་ཆགས། །དེ་ཡི་ལྟ་བ་བཟློག་པར་ཡོང་མི་ནུས། །དེ་བས་ན་གཉེན་རྣམས་ཀྱིས་ཀྱང་། དེའི་མིང་མྱོས་བྱེད་མ་ཞེས་བཏགས་སོ། །
[47b.2]དེ་ནས་དེའི་ཕས་རྒྱལ་པོ་ལ་གསོལ་པ། ལྷ་ཁྱེད་ཀྱི་ཡུལ་དུ་བུད་མེད་རིན་པོ་ཆེ་ཞིག་བྱུང་བར་གྱུར་ན། ཕྱག་ཏུ་བཞེས་སམ་མི་བཞེས་པ་ལྷ་ཉིད་མཁྱེན་ཏོ་ཞེས་གསོལ་ཏོ། །དེ་ནས་རྒྱལ་པོ་དེས་བུད་མེད་ཀྱི་མཚན་ཉིད་ལ་མཁས་པའི་བྲམ་ཟེ་རྣམས་ལ་འདི་ཅི་ལ་འོས་པ་ཡིན་
[47b.3]ནམ་མ་ཡིན་ཁྱེད་ཀྱིས་ལྟོས་ཤིག་ཅེས་བཀའ་སྩལ་ཏོ། །དེ་ནས་བུ་མོ་དེའི་ཕས་བྲམ་ཟེ་དེ་དག་རང་གི་ཁྱིམ་དུ་ཕྱིན་ནས་མྱོས་བྱེད་མ་ལ། བཟང་མོ་ཁྱོད་རང་གིས་བྲམ་ཟེ་རྣམས་ལ་ཁ་ཟས་དྲངས་ཤིག་ཅེས་སྨྲས་པ་དང་། བུ་མོ་དེས་དེ་བཞིན་དུ་བགྱིའོ་ཞེས་མཉན་ནས། བྲམ་ཟེ་རྣམས་ལ་གོ་རིམས་
[47b.4]བཞིན་དུ་ཁ་ཟས་དྲངས་སོ། །དེ་ནས་བྲམ་ཟེ་དེ་དག་དེའི་གདོང་དུ་མིག་མི་འཛུམས་པར་ལྟ། འདོད་ཆགས་ཀྱིས་ནི་བརྟེན་པ་ཉམས་པར་གྱུར། །མིག་དང་ཡིད་ལ་དབང་ཡང་མེད་པར་གྱུར། །འདོད་པས་མྱོས་ནས་འདུ་ཤེས་ཉམས་པར་གྱུར། །གང་གི་ཚེ་བརྟན་ཅིང་མི་གཡོ་བར་
[47b.5]འཁོད་པར་ཡང་གནས་མ་ནུས་པར་གྱུར་པ་དེའི་ཚེ། ཁ་ཟས་བཟའ་བ་ལྟ་ག་ལ་ནུས་ཏེ། དེ་ནས་ཁྱིམ་བདག་དེས་རང་གི་བུ་མོ་དེ་དག་གི་མིག་ལམ་དུ་མི་སྣང་བར་བྱས་ཏེ། བདག་ཉིད་ཀྱིས་བྲམ་ཟེ་རྣམས་ལ་ཁ་ཟས་བྱིན་ཏེ་སླར་གྱིས་སོ། །དེ་ནས་དེ་དག་གིས་བསམས་པ། འདི་ནི་
[47b.6]བཅོས་མའི་གཟུགས་ཡིན་ནོ། །བུ་མོ་འདིའི་གཟུགས་བྱད་ནི་ཡིད་འཕྲོག་པར་བྱེད་པ་ཞིག་གོ །འདི་ནི་རྒྱལ་པོས་གཟིགས་པར་བྱ་བ་ཡང་མི་རིགས་ན། བཙུན་མོ་འབུལ་དུ་ལྟ་ག་ལ་རུང་། འདི་བྱད་བཞིན་བཟང་ཆེས་པས་གདོན་མི་ཟ་བར་རྒྱལ་པོ་དེ་སེམས་མྱོས་ནས་ཆོས་དང་སྲིད་
[47b.7]ཀྱི་དོན་བསྒྲུབ་པ་ལ་གཡེལ་བར་འགྱུར་ཞིང་། རྒྱལ་པོའི་དོན་བསྒྲུབ་རྒྱུ་དུས་ལས་ཡོལ་བས་འབངས་རྣམས་ལ་ཕན་པ་དང་། བདེ་བའི་ལམ་ཆད་དེ་འདིས་ཕུང་བར་འགྱུར་རོ། །འདི་ནི་མཐོང་བར་གྱུར་པ་ཙམ་གྱིས་ཀྱང་། །དྲང་སོང་རྣམས་ལའང་དངོས་གྲུབ་གེགས་གྱུར་ན། །
[48a]
[48a.1]འདོད་ཆགས་ཅན་གྱི་མིག་ལ་ལང་ཚོར་ལྡན། །རྒྱལ་པོ་བདེ་བར་གནས་པ་སྨོས་ཅི་དགོས། །དེ་བས་ན་ད་ནི་དུས་ལ་བབ་པོ་སྙམ་ནས། སྐབས་ཅིག་ཏུ་རྒྱལ་པོའི་སྤྱན་སྔར་སོང་སྟེ། རྒྱལ་པོ་ཆེན་པོ་བུ་མོ་དེ་བདག་གིས་མཐོང་སྟེ། དེའི་བྱད་གཟུགས་ནི་རབ་ཏུ་བཟང་
[48a.2]ལ་མཚན་ངན་ཏེ། །དཔལ་དང་མི་ལྡན་པ་ཞིག་ལགས་པས། རྒྱལ་པོས་གཟིགས་སུ་མི་རུང་ན། །ཁབ་ཏུ་བགྱིད་ལྟ་ག་ལ་རུང་། །སྨད་པའི་བུད་མེད་ཁྱིམ་ནི་གཉིས་ཀར་ཡང་། །གྲགས་པ་དང་ནི་འབྱོར་པ་མེད་པར་བྱེད། །མཚན་མོའི་ཟླ་བ་སྤྲིན་རུམ་ནུབ་པ་ནི། །གནམ་སའི་བྱེ་
[48a.3]བྲག་མཛེས་པ་མེད་པ་བཞིན། །རྒྱལ་པོས་དེའི་དོན་ཐོས་ནས་བུ་མོ་དེ་མཚན་ངན་ཞེས་གྲགས་པས། ངའི་རིགས་དང་མཐུན་པ་མ་ཡིན་ནོ་སྙམ་ནས་དེ་ལ་ཆགས་པ་མེད་པར་གྱུར་ཏོ། །རྒྱལ་པོས་མི་བཞེད་པར་ཤེས་ནས། ཁྱིམ་བདག་དེའི་བུ་མོ་དེ་རྒྱལ་པོ་དེ་ཉིད་ཀྱི་བློན་པོ་ཅིག་ལ་
[48a.4]བྱིན་ནོ། །དེ་ནས་རེ་ཞིག་ཅིག་རྒྱལ་པོ་དེ་མཐར་གྱིས་རང་གི་གྲོང་ཁྱེར་ན་མེ་ཏོག་ཀུ་མུ་ཏའི་དགའ་སྟོན་བཟང་པོ་བྱུང་བ་ལ་ལྟ་བར་འདོད་ནས་ཤིང་རྟ་མཆོག་ལ་ཞོན་ཏེ་གྲོང་ཁྱེར་གྱི་ལམ་པོ་ཆེ་སྲང་དང་ཚོང་ཁང་ཐམས་ཅད་ཕྱག་དར་བྱས་ཤིང་ཆག་ཆག་གདབ་པ་དང་། གདུགས་དང་། རྒྱལ་
[48a.5]མཚན་དང་། བ་དན་བསྒྲེང་བ། སའི་སྟེང་ཐོག་དག་མེ་ཏོག་སིལ་མས་བཀྲམ་པ་གླུ་གར་དང་བཞད་གད་དང་། རྩེད་མོ་དང་སིལ་སྙན་སྒྲོགས་པ། མེ་ཏོག་དང་། གདུགས་དང་། རྒྱལ་མཚན་དང་། སྤོས་དང་། ཕྱེ་མ་དང་། གོས་དང་། ཕྲེང་བ་དང་། ཁྲུས་དང་། བྱུག་སྤོས་ཀྱི་
[48a.6]བསུང་ཞིམ་པོའི་ངད་ལྡང་བ། ཚོང་ཟོང་བཟང་བ་རྣམ་པ་མང་པོ་བཀྲམ་པ། གྲོང་ཁྱེར་གྱི་མི་དར་ཞིང་དགའ་ལ་ཆས་རབ་ཏུ་བཟང་བ་རྣམས་ཀྱིས་གང་བའི་གྲོང་ཁྱེར་མཆོག་གི་ནང་ནས་སོང་སོང་བ་ལས། བློན་པོ་དེའི་ཁྱིམ་དང་ཉེ་བ་ཅིག་ཏུ་ཕྱིན་པ་དང་། དེ་ནས་མྱོས་བྱེད་མས་བསམས་པ།
[48a.7]བདག་ནི་རྒྱལ་པོ་འདིས་མཚན་ངན་ཞེས་བཏགས་ནས་སྤོངས་སོ་སྙམ་སྟེ། སྙིང་ན་བཞིན་དུ་རྒྱལ་པོ་ལ་ལྟ་འདོད་པ་འདྲ་བར་བྱས་ནས་ལུས་བྱད་མཛེས་པར་བསྟན་ནས། སྤྲིན་གྱི་སྟེང་ན་གློག་འགྱུ་བ་བཞིན་དུ། ཡང་ཐོག་གི་སྟེང་ན་རབ་ཏུ་གསལ་བར་སྣང་བར་བྱས་ཏེ་འདུག་གོ །ད་
[48b]
[48b.1]བདག་ལྟ་བུ་མཚན་ངན་པ་མཐོང་ན། འདིའི་དྲན་པ་རྣམ་པར་གཡོ་བ། བདག་རང་གིས་འཛིན་ནུས་སམ་མི་ནུས་ལྟའོ་སྙམ་མོ། །དེ་ནས་རྒྱལ་པོ་དེས་གྲོང་ཁྱེར་མཆོག་བརྒྱན་པ་ལ་བལྟས་པ་ལས། བུ་མོ་དེ་མིག་སྔ་ན་འདུག་པ་མཐོང་བར་གྱུར་ཏོ། །དེ་ནས་རྒྱལ་པོ་དེས། ཕོ་བྲང་སྟེང་
[48b.2]དུ་ན་ཆུང་བཟང་མོ་ཡི། །ལུས་བཟང་ཆེས་པ་ཚིམ་པར་མཐོང་གྱུར་ཅིང་། །ཆོས་ལམ་རྗེས་སུ་དགའ་བས་མ་འཕྱར་ལ། །དབང་པོ་དུལ་བར་བྱེད་ལ་བརྩོན་གྱུར་ཅིང་། །བརྟེན་པའི་ཡོན་ཏན་ཆེ་ལ་ངོ་ཚ་ཤེས། །གཞན་གྱི་བུད་མེད་ལྟ་ལ་མ་སྨོས་ཀྱང་། །འདོད་ཆགས་ལངས་
[48b.3]ཤིང་ཡ་མཚན་ཆེར་གྱུར་ནས། །བུད་མེད་དེ་ལ་མིག་གིས་རིང་ཞིག་བལྟས། །འདི་ཅི་ཀུ་མུ་ཏ་ཡིན་ནམ། །འོན་ཏེ་ཁྱིམ་འདིའི་ལྷ་ཡིན་ནམ། །ལྷ་འམ་ལྷ་མིན་ཆུང་མ་ཡིན། །འདི་ནི་མི་ལུས་མ་ཡིན་ནོ། །སྙམ་ནས། །རྒྱལ་པོས་དེ་ལྟར་དཔྱོད་དཔྱོད་ནས་དེ་ལ་བལྟས་པས་ཚིམ་
[48b.4]པར་མ་གྱུར་བཞིན་དུ། ཤིང་རྟ་དེ་ཕྱོགས་དེ་ནས་ཐལ་བྱུང་དུ་བྱེད་པ་དང་ཡིད་ལ་མི་འབབ་པར་གྱུར་ཏེ། དེ་ནས་རྒྱལ་པོ་དེ་སྙིང་སྟོར་བ་བཞིན་དུ་དེ་ལ་སེམས་རྩེ་གཅིག་ཏུ་གྱུར་ཞིང་བདག་གི་གནས་སུ་ཕྱིན་པ་དང་། །འདོད་ཆགས་ཀྱིས་བརྟེན་པ་མེད་པར་གྱུར་པ་དང་། ཁ་ལོ་སྒྱུར་
[48b.5]བ་རབ་ཏུ་དགའ་བ་ཞེས་བྱ་བ་ལ་གསང་སྟེ་སྨྲས་པ། ཕྱི་ར་དཀར་པོས་བསྐོར་བ་ཡི། །ཁྱིམ་དེ་སུའི་ཡིན་ཁྱོད་ཤེས་སམ། །སྤྲིན་དཀར་སྟེང་ན་གློག་བཞིན་དུ། །དེ་ན་མཛེས་པ་སུ་ཞིག་ཡིན། ཁ་ལོ་སྒྱུར་བས་སྨྲས་པ། ལྷ་ཉིད་ཀྱི་བློན་པོ་ཨ་བྷི་པ་ར་ཀ་ཞེས་བགྱི་བ་ཞིག་
[48b.6]མཆིས་ཏེ། ཁྱིམ་དེ་ནི་དེའི་ལགས་སོ། །བུ་མོ་དེ་ཡང་དེ་ཉིད་ཀྱི་མཆིས་འབྲང་ལགས་ཏེ། ཀི་རཱི་ཏ་བཱཏྤ་ཞེས་བགྱི་བའི་བུ་མོ་མྱོས་བྱེད་མ་ཞེས་བགྱི་བ་ལགས་སོ། །རྒྱལ་པོ་དེས་དེ་སྐད་ཅེས་ཐོས་ནས། གཞན་གྱི་ཆུང་མ་ཡིན་ནོ་སྙམ་སྟེ་རེ་ཐག་ཆད་ནས་སེམས་ཁོང་དུ་ཆུད་ནས་
[48b.7]མིག་རྩ་དང་མདངས་ཉམས་ཤིང་ཤུགས་ནར་གྱིས་ཕྱུང་ནས། དེ་ལ་སེམས་ཆགས་པ་བཞིན་དུ་དལ་བུས་བདག་རང་ལ་སྨྲས་པ། ཨེ་མའོ་འདི་མིང་འདི་ལྟར་བཏགས་པ་ནི། །དོན་དང་རྗེས་སུ་མཐུན་ཞིང་ཚིག་ཀྱང་སྙན། །འཛུམ་པའི་མདངས་དཀར་མྱོས་བྱེད་མ་ཞེས་པ། །འདི་
[49a]
[49a.1]ལྟར་བདག་ནི་མྱོས་པ་བཞིན་དུ་བྱེད། །དེ་ནི་བཞེད་པར་བདག་འདོད་ན། །སེམས་ཀྱིས་མཐོང་བ་བཞིན་དུ་གྱུར། །བདག་གི་སེམས་ནི་དེ་ལ་གནས། །སེམས་ནི་དེ་ཡི་དབང་དུ་གྱུར། །གཞན་གྱི་ཆུང་མ་ཡིན་པ་ལ། །བདག་ཀྱང་དེ་ལྟར་མི་བརྟེན་པར། །དེ་ནི་མྱོས་
[49a.2]ཏེ་ངོ་ཚ་དང་། །བྲལ་བ་བཞིན་དུ་གཉིད་དང་བྲལ། །དེ་ཡི་ལུས་བཟང་ཆས་ཤིང་འགྲེང་དང་ལྡན་པ་ལ། །ཆགས་པས་རྩེ་གཅིག་ཡིད་དུ་གྱུར་ཞིང་འདུག་པའི་ཚེ། །དོན་སྒྲུབ་གོ་རིམས་སྤྲོན་པའི་ཆབ་ཚོད་སྒྲ་གྲགས་པའི། །ཆབ་ཚོད་དེ་ནི་ང་ཡི་སེམས་ལ་ཞེ་སྡང་ལྡང་། །དེ་ལྟར་རྒྱལ་པོ་དེ་
[49a.3]འདོད་པས་མྱོས་པའི་མཐུ་བརྟེན་པ་ནི་ཉམས། །བདག་རང་གིས་བརྣག་སྟེ་བོར་ཡང་མདངས་ནི་སེར་སྐྱར་གྱུར་ཅིང་ལུས་ཀྱང་ཤ་བྲི་སྲབ་མོར་གྱུར། སེམས་ཁོང་དུ་ཆུད་ཅིང་ཤུགས་ནར་གྱིས་ཕྱུང་བ་ལ། གླལ་བ་ཡང་དང་ཡང་དུ་ནི་བྱུང་། འདོད་ཆགས་ཀྱིས་མྱོས་པར་གྱུར་པའི་རྣམ་པ་ནི་
[49a.4]རབ་ཏུ་མངོན་པར་གྱུར་ཏོ། །བརྟན་པ་ཆེན་པོས་བརྣགས་ཤིང་བསྒྲིམས་བྱས་ཀྱང་། །རྒྱལ་པོ་དེ་ཡི་ཡིད་ནི་གྱུར་པ་དེ། །སེམས་ཁོང་ཆུད་པའི་མིག་དང་བཞིན་མདངས་དང་། །ཤ་བྲི་སྲབ་མོར་གྱུར་པས་རབ་ཏུ་མངོན་པར་གྱུར། །དེ་ནས་བློན་པོ་ཨ་བྷི་པ་ར་ཀ་བརྡ་དང་མཚན་མ་ལ་མཁས་
[49a.5]པ་དེས། རྒྱལ་པོ་དེ་དེ་ལྟར་གྱུར་པར་ཤེས་ནས་སྙིང་ཉེ་བས་རྒྱལ་པོ་མ་རུང་བར་གྱུར་དུ་དོགས་པ་དང་། འདོད་ཆགས་ཀྱང་མཐུ་ཆེ་བར་ཤེས་ནས་རྒྱལ་པོ་ལ་ཞུས་ཏེ། ནང་དུ་མཆིས་པར་གནང་བ་དང་། དབེན་པར་གསང་སྟེ་གསོལ་པ། ད་ནང་བདག་ནི་ལྷ་མཆོད་བགྱིས་པའི་ཚེ། །གནོད་
[49a.6]སྦྱིན་ཞིག་གིས་མངོན་སུམ་མཆིས་ནས་སུ། །མྱོས་བྱེད་མ་ལ་རྒྱལ་པོའི་ཐུགས་ཆགས་པ། །ཁྱོད་ཀྱིས་མི་ཤེས་སམ་ཞེས་བདག་ལ་མཆིས། །དེ་སྐད་སྨྲས་ནས་མོད་ལ་མི་སྣང་གྱུར། །བདག་ནི་རྟོག་པ་སྐྱེས་ནས་འདིར་མཆིས་ལགས། །དེ་ལྟར་མེད་ན་ལྷ་གཅིག་འདི་ལྟ་བུ། །ཅི་ཡི་
[49a.7]སླད་དུ་བདག་ལ་བཀའ་མི་སྩལ། །དེ་བས་ན་ལྷ་བདག་ལ་ཐུགས་བརྩེ་བའི་སླད་དུ། བུ་མོ་འདི་ཕྱག་ཏུ་བཞེས་པར་རིགས་སོ། །དེ་ནས་རྒྱལ་པོ་དེ་ལྟས་ཀྱིས་བསྐུལ་བས་ངོ་ཚ་སྟེ། མགོ་སྨད་ནས་འདོད་ཆགས་ཀྱི་དབང་དུ་གྱུར་ཀྱང་། ཆོས་ལ་སེམས་རབ་ཏུ་གོམས་པའི་ཕྱིར་བརྟེན་པ་
[49b]
[49b.1]ཉམས་པར་མི་འདོད་པའི་ཚིག་རབ་ཏུ་གསལ་བས་དེ་ལ་སྨྲས་པ། དེ་ནི་མི་རིགས་སོ། །དེ་ཅིའི་ཕྱིར་ཞེ་ན། བསོད་ནམས་ཉམས་གྱུར་བདག་ཀྱང་མི་འཆི་མིན། །བདག་གི་སྡིག་འདིའང་གཞན་གྱིས་ཤེས་པར་འགྱུར། །དེ་དང་བྲལ་བས་འགྱོད་པར་འགྱུར་བའི་མེས། །ཁྱོད་ཀྱི་
[49b.2]སེམས་ཀྱང་རྩྭ་བཞིན་བསྲེག་པར་འགྱུར། །འཇིག་རྟེན་འདི་དང་ཕ་རོལ་གཉིས་ཀ་ལ། །བདག་ཅག་གཉིས་ལ་དེ་ལྟར་གནོད་པའི་ལས། །གང་ཕྱིར་མི་མཁས་བསྟེན་པར་བྱེད་གྱུར་པ། །དེ་ཕྱིར་མཁས་པས་བསྟེན་པར་ཡོང་མི་བྱེད། །ཨ་བྷི་པ་ར་ཀས་སྨྲས་པ། ལྷ་ཆོས་དང་
[49b.3]འགལ་བར་དོགས་པ་མི་མཛད་དུ་གསོལ། །སྦྱིན་པ་བགྱིད་པའི་གྲོགས་བགྱིད་པས། །ཁྱོད་ལ་བསོད་ནམས་ཉིད་དུ་འགྱུར། །དེ་ནི་བདག་ལས་མ་བཞེས་ན། །སྦྱིན་ལ་གེགས་པས་ཆོས་མིན་འགྱུར། །ལྷ་ལས་བཀའ་མཆིད་ངན་པའི་སྐབས་ཀྱང་མ་མཐོང་ངོ་། །དེ་ཅིའི་
[49b.4]སླད་དུ་ཞེ་ན། འོ་སྐོལ་གཉིས་ལས་མ་གཏོགས་པ། །གཞན་ནི་སུ་ཞིག་འདི་ཤེས་འགྱུར། །དེ་བས་མི་ཡིས་ཁྲེལ་གྱུར་པའི། །ཐུགས་ལ་དགོངས་པ་མ་མཛད་ཅིག །དེ་ལྟར་བགྱིས་ན་བདག་ལ་ཕན་ཡོན་བཏགས་པར་འགྱུར་གྱི་གནོད་པར་ནི་མི་འགྱུར་རོ། །རྗེ་ཡི་དོན་དུ་སྤྱད་པས་
[49b.5]མགུ་བ་ཡིས། །སེམས་ལ་ཁྱབ་པར་གྱུར་ན་ག་ལ་གནོད། །དེ་བས་ཐུགས་ལ་བཞེས་པ་དོན་བཅས་མཛོད། །བདག་ལ་གནོད་པར་དོགས་པ་ཁྱོད་མ་མཛད། །རྒྱལ་པོས་སྨྲས་པ། སྡིག་པ་ཞི་བར་གྱུར་ཅིག །ང་ལ་རབ་ཏུ་བྱམས་པའི་ཕྱིར། །ཁྱོད་ཀྱིས་དེ་ནི་མ་བརྟགས་
[49b.6]སོ། །འདི་ལྟར་སྦྱིན་པ་ཐམས་ཅད་དུ། །ཆོས་བསྒྲུབ་པ་ཡི་གྲོགས་མ་ཡིན། །རབ་ཏུ་བྱམས་པས་ང་ཡི་ཕྱིར། །སྲོག་ཀྱང་ཕངས་པར་མི་ལྟ་བར། །གཉེན་པས་ལྷག་པ་དེ་ལྟ་བུའི། །གྲོགས་པོའི་ཆུང་མ་གྲོགས་མོ་ཡིན། །དེ་བས་ན་དེ་ལྟ་བུ་བྱེད་དུ་བཅུག་པ་མི་རིགས་སོ། །གང་
[49b.7]ཡང་འདི་གཞན་སུས་ཀྱང་ཤེས་པར་མི་འགྱུར་རོ། །ཞེས་ཟེར་བ་དེ་ཡང་། འདི་ཅི་སྡིག་ཏུ་མི་འགྱུར་རམ། མ་མཐོང་བར་ནི་སྡིག་པ་བྱས་པ་དག །དུག་ཟོས་བཞིན་དུ་བདེ་བར་ཅི་ལྟར་འགྱུར། །ལྷ་དང་རྣལ་འབྱོར་ཅན་གྱི་མིག་དག་ནི། །རྣམ་དག་མིག་གིས་མི་མཐོང་མི་སྲིད་དོ། །
[50a]
[50a.1]གཞན་ཡང་། དེ་ནི་ཁྱོད་ལ་མི་ཕངས་ཞེའམ། །དེ་ནི་བཏང་མ་ཐག་ཏུ་ཡང་། །སྡུག་བསྔལ་འབྱུང་བར་མི་འགྱུར་ཞེས། །སུ་ཞིག་དེ་ལ་ཡིད་ཆེས་འགྱུར། །ཨ་བྷི་པ་ར་ཀས་སྨྲས་པ། བདག་ནི་བུ་སྨད་བཅས་པ་འབངས། །ཁྱོད་ནི་བདག་གི་རྗེ་དང་ལྷ། །དེ་བས་བྲན་མོ་འདི་
[50a.2]ལྟ་ལ། །ཆོས་དང་འགལ་བ་ཅི་ཞིག་མཆིས། །འདི་བདག་ལ་ཕོངས་ཞེས་བགྱི་བ་དེ་ཡང་། ཕངས་ན་ཕངས་སུ་བས་མོད། །འདི་ནི་བདག་ལ་ཕངས་པ་ལགས་མོད་ཀྱི། །དེ་ཡི་སླད་དུ་འདི་ནི་ཁྱོད་ལ་འབུལ། །ཕངས་པ་བྱིན་ན་ཚེ་རབས་ཕྱི་མ་ལ། །རབ་ཏུ་དགའ་ཞིང་ཕངས་པ་ཐོབ་པར་
[50a.3]འགྱུར། །ལྷ་དེ་བས་ན་འདི་བཞེས་སུ་གསོལ། རྒྱལ་པོས་སྨྲས་པ། དེ་ལྟར་བྱར་མི་རུང་གིས། དེ་སྐད་མ་ཟེར་ཅིག །ཅིའི་ཕྱིར་ཞེ་ན། ཆོས་སྤྱོད་པ་ལས་དཔལ་ནི་ཐོབ་གྱུར་ན། །དེ་ཉིད་ལ་ཡང་གནོད་པར་བྱེད་པ་བས། །བདག་ནི་མཚོན་ཆ་རྣོན་པོས་བཏབ་པའམ། །མེ་སྟག་འཕྲོ་བའི་
[50a.4]མེ་ནང་ཞུགས་ཀྱང་སླ། །ཨ་བྷི་པ་ར་ཀས་སྨྲས་པ། གལ་ཏེ་འདི་གཞན་གྱི་ཕྱིར་འབྲང་ལགས་པའི་སླད་དུ། ལྷ་མི་བཞེས་ན་ཡང་འདི་སྐྱེ་བོ་ཐམས་ཅད་ཀྱི་བཏུད་དུ་རུང་བ་སྨད་འཚོང་མའི་ཚུལ་འཛིན་དུ་འཚལ་ལོ། །དེ་བས་ལྷ་འདི་བཞེས་སུ་གསོལ། རྒྱལ་པོས་སྨྲས་པ། ཁྱོད་མྱོས་སམ་
[50a.5]ཅི། སྐྱོན་མེད་ཆུང་མ་བོར་ན་ནི། །ང་ཡི་ཆད་པས་བཅད་ཏ་རེ། །སྨད་པའི་གནས་སུ་ཁྱོད་གྱུར་ན། །འདི་དང་ཕ་རོལ་བསྲེག་པར་འགྱུར། །དེ་བས་ན་བྱར་མི་རུང་བ་ལ། ཡུས་མ་ཆེ་བར་རིགས་པ་ལ་དགའ་བར་གྱིས་ཤིག །ཨ་བྷི་པ་ར་ཀས་སྨྲས་པ། ཁྱོད་ལ་བདེ་བས་བདག་ཡིད་བདེར་
[50a.6]གྱུར་ན། །གལ་ཏེ་ཆོས་དང་འགལ་བར་གྱུར་ཀྱང་རུང་། །སྐྱེ་བོས་སྨད་ཅིང་བདེ་བ་ཉམས་ཀྱང་རུང་། །དེ་དག་ཐམས་ཅད་ལྟོ་བས་བཟོད་པར་གྱིས། །ས་བདག་ཆེན་པོ་འཇིག་རྟེན་འདི་ན་ནི། །ཁྱོད་ལས་ལྷག་པའི་མགྲོན་མཆོག་གཞན་མ་མཐོང་། །བདག་གི་བསོད་ནམས་འཕེལ་ཕྱིར་མྱོས་
[50a.7]བྱེད་མ། །དུས་ཚིགས་མཆོད་པའི་ཡོན་བཞིན་བཞེས་སུ་གསོལ། །རྒྱལ་པོས་སྨྲས་པ། ང་ལ་རབ་ཏུ་བྱམས་པའི་ཕྱིར། །བདག་ལ་ཕན་པ་དང་གནོད་པར་གྱུར་པ་ལ་ཡང་མི་ལྟ་བར་ཁྱོད་འདི་ལྟར་འབད་པ་ནི་ངའི་དོན་དུ་སྤྱོད་པ་ཡིན་པས། །དེའི་ཕྱིར་ཡང་ཁྱོད་ལྷག་པར་ཡལ་བར་དོར་དུ་
[50b]
[50b.1]མི་རུང་ངོ་། །འཇིག་རྟེན་པས་སྨད་པ་ལ་ཡང་འཛེམ་པ་མེད་པར་བྱ་བའི་མི་རིགས་སོ། །ལྟོས་ཤིག །འཇིག་རྟེན་སྨོད་པས་འཛེམ་པ་མེད་པ་དང་། །ཆོས་དང་ཕྱི་མའི་འབྲས་བུ་མི་ལྟ་བར། །གང་ཡིན་དེ་ལ་སྐྱེ་བོ་ཡིད་མི་ཆེས། །ལྷ་དང་དཔལ་གྱིས་རབ་ཏུ་སྤང་བར་འགྱུར། །དེ་བས་ན་ངས་ཁྱོད་ལའང་
[50b.2]སྨྲའོ། །སྲོག་གི་ཕྱིར་ནི་ཆོས་དང་ནི། །འགལ་བར་གྱུར་ལ་དགའ་མི་བྱེད། །ཉེས་པ་ཆེར་འགྱུར་གདོན་མི་ཟ། །ལེགས་འབྱུང་ཆུང་ལ་དོགས་དང་བཅས། །གཞན་ཡང་། དམ་པ་རྣམས་ནི་ཕ་རོལ་སྨོད་ལ་སོགས། །སྡུག་བསྔལ་བྱས་ན་བདག་ཉིད་བདེ་མི་འགྲུབ། །དེ་བས་ང་ནི་ཅི་ལའང་
[50b.3]མི་གནོད་པར། །ཆོས་ལ་གནས་ནས་བདག་གི་དོན་གྲུབ་པོ། །ཨ་བྷི་པ་ར་ཀས་སྨྲས་པ། རྗེའི་དོན་དུ་གུས་པའི་འབངས་ཀྱིས་སྤྱད་པ་འདི་ལ་བདག་ཅག་ལ་ཆོས་མ་ལགས་པའི་སྐབས་ཅི་ཞིག་མཆིས། འདི་བདག་གིས་ཕུལ་བ་ལྷས་བ་ཞེས་པ་ལ་ཡང་ནོངས་པ་ཅི་མཆིས། དེའི་སླད་དུ་ཡུལ་
[50b.4]ཤི་བི་པའི་ལྗོངས་ཀྱི་མི་དང་བཅས་པས་ཀྱང་འདི་ལ་ཆོས་མ་ལགས་པའི་སྙད་གདགས་སུ་ཅི་ཞིག་མཆིས། དེ་ལྟ་བས་ན་ལྷ་འདི་བཞེས་སུ་གསོལ། །རྒྱལ་པོས་སྨྲས་པ། ཁྱོད་ནི་ངའི་དོན་སྤྱད་པ་ལ་རབ་ཏུ་གཞོལ་བར་ངེས་མོད་ཀྱི། འདི་ལ་འོ་ཅག་གཉིས་དང་། ཡུལ་ཤི་བི་པའི་ལྗོངས་
[50b.5]ཀྱི་མི་དང་བཅས་པའི་ནང་ན་སུ་ཆོས་ཤེས་པའི་མཆོག་ཡིན་པ་འདི་ནི་དཔྱད་དགོས་སོ། །དེ་ནས་ཨ་བྷི་པ་ར་ཀས་གུས་པ་དང་བཅས་པས་རྒྱལ་པོ་ལ་སྨྲས་པ། རྒན་པ་བསྙེན་བཀུར་བྱ་བ་བྱས་པ་དང་། །ཐོས་པ་མང་ཞིང་བློ་ཡང་རྣོ་བ་དང་། །འཁོར་གསུམ་དོན་གྱི་མཆོག་ཉིད་རིག་པ་ནི། །ལྷ་
[50b.6]གཅིག་ཁྱོད་དང་བདག་པོ་ཆེ་ལ་མཆིས། །རྒྱལ་པོས་སྨྲས་པ། དེ་བས་ན་འདི་ལ་ང་བསླུ་བར་མི་རིགས་སོ། །ཅིའི་ཕྱིར་ཞེ་ན། འཇིག་རྟེན་པ་ལ་ཕན་པ་དང་གནོད་པ་ནི་རྒྱལ་པོ་རྣམས་ཀྱི་སྤྱོད་པ་ལ་རག་ལུས་ཏེ། དེ་བས་འབངས་རྣམས་སྙིང་ཉེ་བསམས་ནས་སུ། །གཏམ་སྙན་འབྱུང་བའི་ལམ་གྱི་
[50b.7]མཆོག་དགའ། །ཁྱུ་མཆོག་འགྲོ་བ་དྲང་ངམ་གཡོ་བ་བཞིན། །རྗེས་སུ་འགྲོ་བ་རྣམས་ནི་དོགས་མེད་ཅིང་། །འཁྲུལ་པ་མེད་པར་རྗེས་སུ་འབྲང་བ་བཞིན། །འབངས་ཀྱང་དེ་བཞིན་རྒྱལ་པོའི་རྗེས་སུ་འབྲངས། །གཞན་ཡང་ཁྱོད་ལྟོས་ཤིག །ང་བདག་རང་ཡང་སྲུང་བ་ནི། །གང་ཚེ་ནུས་
[51a]
[51a.1]པར་མ་གྱུར་པ། །དེ་ཚེ་ང་ཡིས་བསྲུང་འདོད་པའི། །སྐྱེ་བོ་རྣམས་ནི་ཇི་ལྟར་འགྱུར། །དེ་ལྟར་འབངས་ལ་ཕན་པར་ལྟ་བ་དང་། །བདག་གི་ཆོས་དང་གྲགས་པ་དྲི་མེད་ལ། །བལྟས་ནས་སེམས་ཀྱི་དབང་དུ་ང་མི་འགྲོ། །ཁྱུ་མཆོག་བཞིན་དུ་ང་ནི་འབངས་ཀྱི་མགོན། །
[51a.2]དེ་ནས་བློན་པོ་ཨ་བྷི་པ་ར་ཀས། རྒྱལ་པོ་སྲན་ཚུགས་པར་དེ་མགུ་ནས། རྒྱལ་པོ་ལ་ཕྱག་འཚལ་ཏེ། ཐལ་མོ་སྦྱར་ཏེ་སྨྲས་པ། གང་རྣམས་བསྲུང་བའི་རྒྱལ་པོ་ཁྱོད་བཞུགས་པའི། །ཨེ་མ་ཧོ་འབངས་རྣམས་སྐལ་བ་ཕུན་སུམ་ཚོགས། །ཆོས་ལ་བགྱིས་ཤིང་བདེ་ལ་མ་ཆགས་པ། །དེ་
[51a.3]ལྟ་བུ་ནི་དཀའ་ཐུབ་ནགས་ནའང་དཀོན། །རྒྱལ་པོ་ཆེན་པོ་ཆེན་པོའི་སྒྲ། །འདི་ནི་རྒྱལ་པོ་ཁྱོད་ལ་མཛེས། །ཡོན་ཏན་མེད་ལ་ཡོན་ཏན་བརྗོད། །སྨད་ཅིང་རྩུབ་པའི་ཚིག་ཏུ་གྱུར། །རྒྱ་མཚོར་རིན་ཆེན་འབྱུང་གནས་བཞིན། །ཡོན་ཏན་འབྱུང་གནས་ཁྱེད་ལགས་པས། །ཁྱེད་ནི་དེ་ལྟར་ཞི་གྱུར་
[51a.4]པ། །དེ་ལ་ངོ་མཚར་ཆེར་མི་འཛིན། །དེ་ལྟར་སྐྱེས་བུ་དམ་པ་རྣམས་ནི་བདག་རང་སྲན་ཐུབ་པས་བསྟན་པ་དང་ཆོས་ཀྱི་འདུ་ཤེས་རབ་ཏུ་གོམས་པར་བྱས་པའི་ཕྱིར། སྡུག་བསྔལ་མི་བཟད་པས་གདུངས་ཀྱང་ལམ་ངན་པར་འཇུག་པར་མི་འགྱུར་རོ། །དེ་བས་ན་སྲན་ཐུབ་པར་བྱ་བ་དང་།
[51a.5]ཆོས་ལ་གོམས་པར་བྱ་བ་ལ་བརྩོན་པར་བྱའོ། །མྱོས་བྱེད་མའི་སྐྱེས་པའི་རབས་ཏེ་བཅུ་གསུམ་པའོ།། །།བམ་པོ་ལྔ་པ། ཆོས་ལ་གནས་ན་བདེན་པའི་ཚིག་ཙམ་གྱིས་ཀྱང་མ་རུངས་པར་གྱུར་པ་ལས་ཐར་བར་འགྱུར་ན། དེའི་འབྲས་བུ་ལྟ་སྨོས་ཀྱང་ཅི་དགོས། །དེ་བས་ན་
[51a.6]ཆོས་ཀྱི་རྗེས་སུ་འཇུག་པར་བྱའོ། །དེ་ཡང་འདི་ལྟར་བྱང་ཆུབ་སེམས་དཔའ་ཆེན་པོ་བློ་རབ་ཏུ་རྣོ་བ་གྲུའི་ཁ་ལོ་སྒྱུར་བ་ཅིག་ཏུ་གྱུར་ཏོ། །ཞེས་གྲགས་སོ། །འདི་ལྟར་བྱང་ཆུབ་སེམས་དཔའ་རྣམས་ནི་རང་བཞིན་གྱིས་ཤེས་རབ་རྣོ་བས་གཙུག་ལག་ཁྱད་པར་ཅན་གང་དང་གང་སློབ་པར་འདོད་པ་དང་།
[51a.7]སྒྱུ་རྩལ་ཁྱད་པར་ཅན་གང་དང་གང་སློབ་པར་འདོད་པ་དེ་དང་དེ་དག་ལ་ཤེས་རབ་རྣོ་ཞིང་སྐྱེ་བོ་གཞན་པས་ལྷག་པར་གྱུར་ཏོ། །བདག་ཉིད་ཆེན་པོ་དེ་ལྟར་སྐར་མ་རྒྱུ་བ་ལ་མཁས་པས། ཕྱོགས་ཀྱི་བྱེ་བྲག་ལ་བློ་མ་རྨོངས་ཤིང་ནར་མ་དང་། གློ་བུར་དུ་འབྱུང་བའི་ལྟས་ཤེས་ལ། མཚན་མ་ལ་
[51b]
[51b.1]མཁས་ཤིང་དུས་དང་དུས་མ་ཡིན་པའི་གོ་རིམས་ལ་མཁས་པས་ཉ་དང་ཆུའི་ཁ་དོག་དང་སའི་བྱེ་བྲག་དང་བྱ་དང་རི་དྭགས་ལ་སོགས་པའི་མཚན་མས་ཀྱང་རྒྱ་མཚོའི་ཕྱོགས་ནི་ལེགས་པར་རྟོགས། དྲན་པ་དང་ལྡན་ཞིང་ལེ་ལོ་དང་གཉིད་ནི་ཆུང་། གྲང་བ་དང་ཚ་བ་དང་ཆར་འབབ་པ་ལ་སོགས་པའི་སྡུག་
[51b.2]བསྔལ་ནི་ཅི་མི་སྙམ། བག་ཆེ་ལ་བརྟེན་པ་དང་ནི་ལྡན། དྲང་བ་དང་བཟློག་པ་ལ་སོགས་པ་ལ་མཁས་པའི་ཕྱིར། ཚོང་པ་རྣམས་འདོད་པའི་ཡུལ་དུ་ཕྱིན་པར་བྱེད་པ་ཅིག་ཏུ་གྱུར་ཏོ། །དེས་འགྲོ་བའི་དོན་རབ་ཏུ་འགྲུབ་པར་འགྱུར་བའི་ཕྱིར། མིང་ཡང་ལེགས་པའི་ཕ་རོལ་ཏུ་ཕྱིན་པར་བྱེད་
[51b.3]པ་ཞེས་བྱའོ། །དེ་གནས་པའི་མིང་ཡང་ལེགས་པར་ཕ་རོལ་ཕྱིན་པ་ཞེས་སྔོན་གྲགས་སོ། །དིང་སོང་ནི་སུ་པཱ་ར་ཀ་ར་ཞེས་བྱའོ། །དེ་རབ་ཏུ་བཀྲ་ཤིས་པ་ཕུན་སུམ་ཚོགས་པའི་ཕྱིར། རྒས་པ་རྣམས་ཀྱང་རྒྱ་མཚོར་འདོང་བའི་ཚོང་པ་དོན་འགྲུབ་པར་འདོད་པ་རྣམས་ཀྱིས་གསོལ་བ་བཏབ་པ་
[51b.4]དང་བཀུར་སྟི་ཆེར་བྱེད་དེ་གྲུ་བོ་ཆེའི་ནང་དུ་འཇུག་པར་བྱེད་དོ། །དེ་ནས་རེ་ཞིག་ཅིག་ཡུལ་བྷ་རུ་ཀ་ཙྪ་ནས་ཚོང་པ་གསེར་གླིང་དུ་འདོང་བ་དོན་གྲུབ་པར་འདོད་པ་ཅིག་ཡུལ་ལེགས་པར་ཕ་རོལ་ཏུ་ཕྱིན་པར་ལྷགས་ནས། སེམས་དཔའ་ཆེན་པོ་དེ་གྲུ་བོ་ཆེ་དེའི་ནང་དུ་གཞག་པའི་ཕྱིར་གསོལ་བ་བཏབ་
[51b.5]པོ། །དེས་དེ་དག་ལ་སྨྲས་པ། རྒས་པའི་དབང་གིས་ལྟ་བ་ཉམས་གྱུར་ཞིང་། །གཞོན་ཤ་ཆུང་བས་དྲན་པ་རབ་ཏུ་ཉམས། །བདག་གི་ལུས་ཀྱི་བྱ་བའང་ཉམ་ཆུང་ན། །བདག་ལ་གྲོགས་བྱར་རེ་བ་ག་ལ་སྲིད། །ཚོང་པ་རྣམས་ཀྱིས་སྨྲས་པ། ཁྱོད་ཀྱི་ལུས་ནི་གནས་སྐབས་ཅི་འདྲ་བ་
[51b.6]བདག་ཅག་གིས་འཚལ་ཏེ། ཁྱོད་ལ་དྲག་ཤུལ་སྤྱད་པའི་མཐུ་མ་མཆིས་ལགས་ཀྱིས་ཀྱང་། བདག་ཅག་ནི་ཁྱོད་ལ་ཕྲིན་ལས་བགྱི་བར་མི་གསོལ་གྱི། གཞན་དུ་ན། ཁྱེད་ཀྱི་ཞབས་ཀྱི་པདྨ་ལ་བརྟེན་པའི། །མཐུ་ཡིས་གྲུ་ནི་བཀྲ་ཤིས་ལྡན་གྱུར་ན། །མཚོ་ཡི་ནང་ནས་རབ་ཏུ་བགྲོད་
[51b.7]དཀའ་ཡང་། །བདེ་བར་ཐར་འགྱུར་སླད་དུ་བདག་ཅག་མཆིས། །དེ་ནས་བདག་ཉིད་ཆེན་པོ་དེས་དེ་དག་ལ་སྙིང་བརྩེ་བའི་ཕྱིར་རྒས་པས་ལུས་ཤིག་ཤིག་པོར་གྱུར་དུ་ཟིན་ཀྱང་གྲུ་བོ་ཆེའི་ནང་དུ་ཞུགས་སོ། །དེ་གྲུ་ནང་དུ་ཞུགས་པ་དང་། ཚོང་པ་དེ་དག་ཐམས་ཅད་ཀྱིས་བསམས་པ། །ད་ནི་
[52a]
[52a.1]གདོན་མི་ཟ་བར་བདག་ཅག་རྣམས་དོན་གྱི་མཆོག་གྲུབ་པར་འགྱུར་རོ་སྙམ་ནས་སེམས་རབ་ཏུ་དགའ་བར་གྱུར་ཏོ། །དེ་ནས་མཐར་གྱིས་རྒྱ་མཚོ་ཆེན་པོར་ཉའི་རིགས་རྣམ་པ་སྣ་ཚོགས་རྣམ་པར་རྒྱུ་བ། ཆུ་རླབས་ཀྱི་སྒྲ་ཆེན་པོ་གྲག་པ། རླུང་གིས་བསྐྱོད་པའི་ཆུ་རླབས་མང་པོ་
[52a.2]གཉེར་བ། རིན་པོ་ཆེ་རྣམ་པ་སྣ་ཚོགས་དང་སའི་ཁ་དོག་གི་ཁྱད་པར་མང་པོས་མདོག་བསྒྱུར་བ། ལྦུ་བ་སྦྲེང་བས་མེ་ཏོག་གི་ཕྲེང་བ་བཞིན་དུ་མཛེས་པར་བྱས་པ། ལྷ་མ་ཡིན་དང་ཀླུ་མཆོག་རྣམས་ཀྱི་གནས་སུ་གྱུར་པ། གཏིང་དཔག་དཀའ་བ་ཆུ་ཚད་མེད་པའི་ནང་དུ་ཞུགས་སོ། །དེ་ནས་
[52a.3]ཨནྡ་རྙིལ་གྱི་འོད་ལྟར་སྔོ། །ཉི་མའི་འོད་ཀྱིས་གནམ་སྔོན་བཞུ་བ་བཞིན། །ཁོ་ར་ཁོར་ཡུག་ཆུ་འགྲམ་བལྟར་མི་སྣང་། །གཏིང་དཔག་དཀའ་བའི་མཚོ་འཇིང་ནང་དུ་ཞུགས། །དེ་ནས་དེ་དག་དེར་ཕྱིན་པ་དང་ཕྱི་དྲོའི་དུས་སུ་ཉི་མའི་འོད་ཀྱི་དཀྱིལ་འཁོར་ནི་ཆུང་ངུར་གྱུར། གློ་བུར་དུ་ལྟས་ངན་ཆེན་པོ་
[52a.4]རབ་ཏུ་འཇིགས་སུ་རུང་བ་ཅིག་བྱུང་བ་དང་། །རླབས་ནི་རྣམ་པར་འཁྲུགས་ཤིང་ལྦུ་བ་འཐོར། །དྲག་པོའི་རླུང་གིས་བསྐྱོད་པས་འཇིགས་སྒྲ་འབྱིན། །ཆུ་ཀུན་ཐ་མལ་འདུག་ལས་རབ་ཏུ་གཡོས། །རྒྱ་མཚོ་དེ་མ་ཐག་ཏུ་འཁྲུགས་པར་གྱུར། །ལྟས་ངན་གློ་བུར་ལངས་པའི་རླུང་གིས་བསྐྱོད། །
[52a.5]རླབས་ཆེན་འཇིགས་སུ་རུང་བའི་ཤུགས་ཀྱིས་དཀྲུགས། །དུས་མཐའི་རླུང་གིས་རི་གཡོས་ས་གཞི་བཞིན། །རྒྱ་མཚོའི་འཇིང་ནི་རབ་ཏུ་འཁྲུགས་པར་གྱུར། །གློག་ཕྲེང་རྒྱུ་བའི་འོད་འབར་ལྕེ་གཡོ་བ། །སྦྲུལ་ནག་མགོ་མང་བཞིན་དུ་མདོག་སྔོ་བའི། །སྤྲིན་གྱིས་ཉི་མའི་ལམ་ཡང་
[52a.6]བསྒྲིབས་པར་གྱུར། །འབྲུག་སྒྲ་འཇིགས་སུ་རུང་བ་རྒྱུན་མར་གྲགས། །སྤྲིན་ཆེན་འཐུག་པོས་འོད་ཀྱི་དྲ་བ་སྒྲིབ། །ཉི་མ་མཐང་གྱིས་ནུབ་ཏུ་ཉེ་ལ་གྱུར། །ཉི་མ་ནུབ་པའི་སྐབས་ནི་རྙེད་པ་དང་། །མུན་པའང་རིམ་གྱིས་གནག་ཏུ་ཉེ་བར་གྱུར། །ཆར་རྒྱུན་མདའ་ཡིས་རླབས་ལ་ཕོག་
[52a.7]པ་དང་། །རྒྱ་མཚོའི་འཇིང་ནི་གནམ་དུ་བརྒལ་བ་འདྲ། །གྲུ་ཡང་འཇིག་པ་བཞིན་དུ་རབ་ཏུ་གཡོས། །དེ་དག་སྙིང་ལ་འཇིགས་པ་སྐྱེད་པར་བྱེད། །དེ་དག་སྐྲག་ཅིང་སྤ་བཀོང་མི་སྨྲ་ཞུམ། །བརྟེན་པོ་དག་ནི་ཐར་པའི་ཐབས་ལ་འབད། །ཁ་ཅིག་ཡི་དམ་ལྷ་ལ་གསོལ་བ་འདེབས། །
[52b]
[52b.1]སེམས་སྟོབས་ཡོན་ཏན་བསམ་བ་རྣམ་པར་སྟོན། །དེ་ནས་ཚོང་པ་དེ་དག་རླུང་དང་ཆུའི་ཤུགས་ཀྱིས་བརྡས་པའི་གྲུ་བོ་ཆེ་གཡེངས་ནས་ཉིན་ཞག་དུ་མར་ཆུའི་འགྲམ་མ་མཐོང་ཞིང་། རྒྱ་མཚོའི་མཚན་མ་ཇི་ལྟར་འདོད་པ་ཡང་མ་མཐོང་ལ། རྒྱ་མཚོའི་མཚན་མ་སྔར་མ་མཐོང་བ་ཤ་སྟག་མཐོང་བས།
[52b.2]ཅིའི་ཕྱིར་སེམས་མི་དགའ་ལ། འཇིགས་ཤིང་བག་ཚ་བས། ཅི་བྱ་གཏོལ་མེད་པར་གྱུར་ཏོ། །དེ་ནས་བྱང་ཆུབ་སེམས་དཔའ་ལེགས་པར་ཕ་རོལ་ཕྱིན་པས། དེ་དག་སྤྲོ་བསྲིང་བའི་ཕྱིར་སྨྲས་པ། རྒྱ་མཚོའི་ནང་ན་ཞུགས་པ་རྣམས་ལ་ལྟས་ངན་གློ་བུར་དུ་བྱུང་བས་འཁྲུགས་ཤིང་།
[52b.3]ཉོན་མོངས་པར་འགྱུར་བ་འདི་ལྟ་བུ་ངོ་མཚར་མི་ཆེ་ཁྱེད་ཅག་བག་ཚ་བར་མ་བྱེད་ཅིག །ཞུམ་པ་ཕངས་ལས་ཐར་ལ་མི་ཕན་གྱིས། །དེ་བས་མྱ་ངན་གདུང་བར་མ་བྱེད་ཅིག །དགོས་པའི་དོན་སྒྲུབ་མཁས་ལ་བརྟེན་བྱས་ནས། །རབ་ཏུ་དཀའ་བའང་སླ་བས་ཐར་པར་འགྱུར། །དེ་བས་
[52b.4]འཇིགས་ཤིང་མི་དགའ་མ་བྱེད་པར། །ཇི་ལྟར་བྱ་བའི་ཐབས་ཀྱིས་དགོས་པ་བསྒྲུབ། །མཁས་པས་གཟི་བརྗིད་བརྟན་པས་གཟེངས་བསྟོད་ནས། །དོན་རྣམས་ཐམས་ཅད་འགྲུབ་པ་ལག་ན་ཡོད། །དེ་ལྟར་བདག་ཉིད་ཆེན་པོ་དེས་ཚོང་པ་དེ་དག་སེམས་བརྟན་པར་བྱས་པ་དང་། རྒྱ་མཚོའི་
[52b.5]འགྲམ་མཐོང་དུ་རེ་ནས། རྒྱ་མཚོ་ལ་བལྟས་ནས་མིའི་གཟུགས་འདྲ་བ་དང་དངུལ་གྱི་ཡ་ལད་གྱོན་པ་ཅིག་ཆུའི་ནང་དུ་ཡང་བྱིང་སྟེང་དུ་ཡང་འབྱུང་བ་མཐོང་ངོ་། །དེ་དག་གི་བྱད་གཟུགས་དང་མཚན་མ་ལེགས་པར་བརྟགས་ནས་ཡ་མཚན་ཆེར་གྱུར་ཏེ། ལེགས་པར་ཕ་རོལ་ཕྱིན་པ་ལ་སྨྲས་པ།
[52b.6]རྒྱ་མཚོ་འདིའི་ནང་ན་སྔོན་མ་མཐོང་བའི་མཚན་མ་དག་ཅིག་སྣང་སྟེ། དེ་དག་ནི་ལྷ་མ་ཡིན་གྱི་དམག་མི་བཞིན་དུ་དངུལ་གྱི་གོ་ཆ་བགོས། མིག་མི་སྡུག་ལ་སྣ་ཡང་སྤུ་གྲི་འདྲ་བར་སྣང་། །སྟེང་དུ་བྱིང་ཞིང་རྒྱལ་བའི་ཞོར་ལ་ནི། །རྒྱ་མཚོའི་ཆུ་ལ་རྩེད་མོ་བྱེད་པ་སུ་ཞིག་ལགས། ལེགས་
[52b.7]པར་ཕ་རོལ་ཏུ་ཕྱིན་པས་སྨྲས་པ། འདི་དག་ནི་མི་མ་ཡིན་གྱི་ཉ་མི་འདྲ་བ་སྣང་བ་དག་ཡིན་གྱིས། འདི་དག་གིས་མ་འཇིགས་ཤིག །འོན་ཀྱང་། བདག་ཅག་ཡུལ་ནི་གཉིས་ཀ་ལས། །དེ་ལས་རབ་ཏུ་རིང་བར་གྱུར། །རྒྱ་མཚོ་དེ་ནི་སྤུ་གྲིའི་ཕྲེང་། །དེ་ལས་བཟློག་ལ་འབད་པར་བགྱིས། །
[53a]
[53a.1]ཆུ་ཡང་དྲག་ཏུ་འབབ་པ་དང་། །ནུབ་ཕྱོགས་ནས་ལངས་པའི་རླུང་དྲག་པོས་གྲུ་རབ་ཏུ་མགྱོགས་པར་སོང་བས་ཚོང་པ་དེ་དག་གིས་སླར་བཟློག་མ་ནུས་སོ། །དེ་ནས་ཆུས་ཁྱེར་བ་ལས་མཐར་གྱིས་དངུལ་གྱི་མདོག་འདྲ་བའི་ཆུ་དཀར་པོ་ལྦུ་བ་མང་པོ་འཁྲིགས་པའི་རྒྱ་མཚོ་
[53a.2]གཞན་ཅིག་མཐོང་ནས་ཡ་མཚན་ཆེར་གྱུར་ཏེ། ལེགས་པར་ཕ་རོལ་ཏུ་ཕྱིན་པ་ལ་སྨྲས་པ། ཆུ་རྣམས་རང་གི་ལྦུ་བས་གཡོགས་པ་བཞིན། །རྒྱ་མཚོ་ཆེན་པོས་གོས་དཀར་གྱོན་པ་བཞིན། །ཟླ་བའི་འོད་ཟེར་ཞུ་བ་འབབ་པ་བཞིན། །ངང་པ་བཞིན་དུ་བབ་པ་འདི་ཅི་ལགས། །ལེགས་
[53a.3]པར་ཕ་རོལ་ཏུ་ཕྱིན་པས་སྨྲས་པ། རབ་ཏུ་རིང་དུ་ཆུས་ཁྱེར་བས་ཤིན་ཏུ་དཀའོ། །འོ་མའི་རྒྱ་མཚོ་ཞེས་བྱ་སྟེ། །འདི་ནི་ཞོ་ཕྲེང་རྒྱ་མཚོ་ཡིན། །གལ་ཏེ་བཟློག་པར་ནུས་ན་ནི། །འདི་ལས་ཐར་ཏེ་འགྲོར་མི་རུང་། །ཚོང་པ་རྣམས་ཀྱིས་སྨྲས་པ། གྲུ་བོ་ཆེ་རབ་ཏུ་མགྱོགས་པ་དང་རླུང་ཡང་དྲག་
[53a.4]ཏུ་ལངས་པས་གྲུ་དལ་བུས་བཏང་བ་ཡང་མི་ནུས་ན། སླར་ལོག་པ་ག་ལ་ནུས། དེ་ནས་རྒྱ་མཚོ་དེ་ཡང་འདས་པ་དང་། ཡང་རྒྱ་མཚོ་གཞན་ཅིག་རླབས་ཀྱི་ཕྲེང་བ་རབ་ཏུ་འཁྲུགས་པ་གསེར་གྱི་མདོག་འདྲ་བ། ཆུའི་མདོག་མེ་འབར་བ་འདྲ་བ་མཐོང་ནས། ཚོང་པ་དེ་དག་ཡ་མཚན་དང་ངོ་
[53a.5]མཚར་ཆེར་གྱུར་ཏེ། ལེགས་པར་ཕ་རོལ་ཏུ་ཕྱིན་པ་ལ་དྲིས་པ། ཉི་མ་འཆར་ཀའི་ཁ་དོག་འདྲ་བ་ལ། །སྔོན་པོ་མ་ཡིན་ཆུ་རླབས་གནམ་དུ་རྒལ། །མེ་ཆེན་རབ་ཏུ་འབར་བ་འདྲ་བ་ཡི། །མཚོ་འདིའི་མིང་ནི་འདི་ལྟར་ཅི་ཕྱིར་གྱུར། །ལེགས་པར་ཕ་རོལ་ཏུ་ཕྱིན་པས་སྨྲས་པ། འདི་
[53a.6]ལྟར་སྣང་བའི་རྒྱ་མཚོ་འདི། །མེ་ཡི་ཕྲེང་བ་ཞེས་གྲགས་ཏེ། །དེ་བས་འདི་ལས་བཟློག་ནུས་ན། །ཁྱེད་ལ་རབ་ཏུ་ལེགས་པར་འོང་། །དེ་ལྟར་བདག་ཉིད་ཆེན་པོ་དེའི་མིང་ཙམ་ཞིག་བསྟན་ནས་རྒྱང་རིང་དུ་བལྟས་པས་ཆུའི་ཁ་དོག་གྱུར་པའི་གཏན་ཚིགས་ནི་མ་བསྟན་ཏོ། །དེ་ནས་ཚོང་པ་དེ་
[53a.7]དག་རྒྱ་མཚོ་དེ་ལས་ཀྱང་ཐལ་བ་དང་། ཡང་རྒྱ་མཚོ་གཞན་ཆུའི་ཁ་དོག་རིན་པོ་ཆེ་སྦུར་ལེན་དང་། ཨན་ད་རྙིལ་གྱི་མདོག་ཀྱང་འདྲ་ལ། རྩྭ་ཀུ་ཤ་སྨིན་པའི་ཁ་དོག་ཀྱང་འདྲ་བ་མཐོང་ནས་ངོ་མཚར་དུ་གྱུར་ཏེ། ལེགས་པར་ཕ་རོལ་ཏུ་ཕྱིན་པ་ལ་དྲིས་པ། ཀུ་ཤ་སྨིན་པའི་འདབ་
[53b]
[53b.1]མ་འདྲ་བའི་མདོག །དྲག་ཏུ་ལངས་པའི་རླུང་གིས་བསྐྱོད་པའི་རླབས། །ལྦུ་བ་བཀྲམ་པ་མེ་ཏོག་བཅས་པ་བཞིན། །འདི་ལྟར་གདའ་བ་རྒྱ་མཚོ་གང་ཞིག་ལགས། །ལེགས་པར་ཕ་རོལ་ཏུ་ཕྱིན་པས་སྨྲས་པ། ཀྱེ་དེད་དཔོན་དག་སླར་བཟློག་པའི་ཕྱིར་འབད་པ་གྱིས་ཤིག །འདི་ལས་
[53b.2]འདས་ན་མི་རུང་ངོ་། །ཀུ་ཤའི་ཕྲེང་ཅན་རྒྱ་མཚོ་འདི། །གླང་པོ་ལྕགས་ཀྱུ་མེད་པ་བཞིན། །བཟོད་པར་དཀའ་བའི་ཆུ་འབབ་པ། །བདག་ཅག་དགའ་བ་འཕྲོག་པར་བྱེད། །དེ་ནས་ཚོང་པ་དེ་དག་གིས་རབ་ཏུ་འབད་ཀྱང་གྲུ་བོ་ཆེ་དེ་བཟློག་པར་མ་ནུས་ནས། རྒྱ་མཚོ་དེ་ལས་ཀྱང་ཐལ་ཏེ།
[53b.3]ཆུའི་མདོག་སྔོན་པོ་སྨྱུག་མའི་མདོག་དང་། བཻ་ཌཱུརྱའི་མདོག་འདྲ་བའི་རྒྱ་མཚོ་གཞན་ཞིག་མཐོང་ནས། ལེགས་པར་ཕ་རོལ་ཏུ་ཕྱིན་པ་ལ་སྨྲས་པ། རིན་ཆེན་མར་གད་མདོག་ལྟར་སྔོ་བའི་ཆུ། །ནེའུ་གསིང་སྔོན་པོ་མཛེས་པ་བཞིན་དུ་འབབ། །ཀུ་མུ་ཏ་དང་འདྲ་བའི་ལྦུ་བས་བརྒྱན། །
[53b.4]དེ་ལྟར་གདའ་བའི་རྒྱ་མཚོ་འདི་གང་ལགས། །དེ་ནས་བདག་ཉིད་ཆེན་པོ་དེས་ཚོང་པ་དེ་དག་སྡུག་བསྔལ་བར་གྱུར་པ་དེས་སེམས་གདུངས་ནས་མི་དགའ་ཞིང་ཤུགས་རིང་དུ་ནར་གྱིས་ཕྱུང་སྟེ་དལ་བུས་སྨྲས་པ། ད་ནི་རབ་ཏུ་ཕ་རོལ་ཐལ། །འདི་ལས་བཟློག་པ་རབ་ཏུ་དཀའ། །འཇིག་རྟེན་ཐ་མར་
[53b.5]བྱེད་པ་བཞིན། །རྒྱ་མཚོ་འདི་ནི་འདམ་བུའི་ཕྲེང་། །ཚོང་པ་དེ་དག་གིས་དེ་སྐད་ཐོས་ནས་མི་དགའ་ཞིང་སེམས་ནི་ཞུམ་ལུས་ཀྱི་ཚིགས་ནི་ཤིག་ཤིག་པོར་གྱུར། ཤུགས་ནར་གྱིས་འབྱིན་པ་ཙམ་ལ་བརྟེན་ཅིང་དེ་ཉིད་དུ་མཆིས་སོ་ཞེས་འཁོད་དོ། །རྒྱ་མཚོ་དེ་ལས་ཀྱང་ཐལ་ནས་ཕྱི་དྲོའི་དུས་ལས་
[53b.6]བབ་ཅིང་ཉི་མའི་འོད་ཟེར་ཇེ་ཆུང་ཇེ་ཆུང་དུ་གྱུར་ཏེ། ཉི་མ་ཡང་མཚོའི་ནང་དུ་ནུབ་པར་གྱུར་བ་འདྲ་བ་ལ། རྒྱ་མཚོ་ཡང་བླ་འོག་བཟློག་པ་འདྲ་ཞིང་རྒྱ་མཚོའི་ཆུ་སྒྲ་ཡང་སེར་བ་དྲག་པོ་འབབ་པ་དང་། སྨྱུག་མའི་ཚལ་མེས་ཚིག་སྟེ་ཏོག་ཡར་གྱིས་འགེངས་པ་དང་འདྲ་བར་སྒྲ་ཆེ་ཞིང་རབ་ཏུ་འཇིགས་པར་བྱེད་
[53b.7]པ་ཐོས་པར་གྱུར་ཏོ། །དེ་ཐོས་ནས་ཀྱང་རབ་ཏུ་སྐྲག་ཅིང་སྙིང་འདར་བཞིན་དུ་ལ་འུར་དུ་ལངས་ནས་ཕྱོགས་ཀུན་དུ་བལྟས་ནས། ཆུའི་འཇིང་ཆེན་པོ་དེ་གཡང་ས་གཅོང་རང་གི་ནང་དུ་འབབ་པ་འདྲ་བ་མཐོང་ངོ་། །དེ་ལྟ་བུ་མཐོང་ནས་རབ་ཏུ་བློང་བློང་པོར་གྱུར་ཏེ། ལེགས་པར་ཕ་རོལ་ཏུ་ཕྱིན་པའི་
[54a]
[54a.1]དྲུང་དུ་ལྷགས་ནས་སྨྲས་པ། བདག་ཅག་རྣ་བ་གས་ཤིང་སྙིང་ཡང་འཇིགས་པས་དཀྲུགས་པ་བཞིན་དུ་གྱུར། །ཆུ་ཡི་བདག་པོ་ཁྲོས་པ་འདྲ་བའི་སྒྲ་འདི་རྒྱང་རིང་ནས་ཀྱང་གྲག །ཆུ་འདི་ཐམས་ཅད་གཅོང་རོང་འཇིགས་པའི་ནང་དུ་མདུན་ན་འབབ་པ་འདྲ། །རྒྱ་
[54a.2]མཚོ་འདི་འདྲ་ཅི་ལགས་ཁྱོད་ཀྱང་འདི་ལ་ཅི་ལྟར་བགྱི་བ་དགོངས། །དེ་ནས་བདག་ཉིད་ཆེན་པོ་དེ་རྟབ་རྟབ་པོར་གྱུར་ནས། ཨེ་མ་ཧོ་མཚར་བྱས་མཚར་བྱས་ཞེས་སྨྲས་ཏེ། རྒྱ་མཚོ་ལ་བལྟས་ནས་སྨྲས་པ། གང་དུ་ཕྱིན་ནས་སླར་མི་ལྡོག །འཆི་བདག་ཁར་ནི་སྔོན་སོང་བཞིན། །བདག་ཅག་མ་
[54a.3]རུངས་གྱུར་གྱིས་མེད། །རྒྱ་མཚོའི་གློང་དེ་འདི་ཡིན་ནོ། །ཚོད་པ་དེ་རྣམས་ཀྱིས་དེ་སྐད་ཐོས་ནས། བདག་ཅག་ནི་རྒྱ་མཚོའི་གློང་གི་ཁར་སོང་ངོ་སྙམ་ནས་གསོན་དུ་རེ་བ་མེད་ཅིང་ཤི་བས་འཇིགས་པས་སེམས་བློང་བློང་པོར་གྱུར་ཏེ། ཁ་ཅིག་སྐད་ཕྱུང་ངུས་པར་གྱུར་ཏོ། ཁ་ཅིག་སྨྲེ་སྔགས་འདོན་ཞིང་
[54a.4]འབོད། །ཁ་ཅིག་ཅི་ཡང་བྱེད་མ་ནུས། །ཁ་ཅིག་སྐྲག་ནས་སེམས་ཀྱང་སྟོར། །ཕངས་པར་གྱུར་པའི་ཡིད་ཀྱིས་རབ་བསྐུལ་ནས། །ཁ་ཅིག་ལྷ་དབང་གུས་པས་ཕྱག་ཀྱང་འཚལ། །ཁ་ཅིག་ཉི་མ་དྲག་པོ་ཐ་སྐར་དང་། །ནོར་ལྷ་རྒྱ་མཚོ་ཉིད་ལ་སྐྱབས་སུ་འདོང་། །ལ་ལ་གསང་སྔགས་བཟླས་བརྗོད་
[54a.5]བྱེད། །གཞན་དག་ལྷ་མོ་ཉིད་ལ་ཕྱག་འཚལ་གྱུར། །ལེགས་པར་ཕ་རོལ་ཕྱིན་ལ་ཁ་ཅིག་གིས། །དྲུང་དུ་འོངས་ནས་བསྐོར་ནས་སྨྲེ་སྔགས་འདོན། །ཕོངས་པར་གྱུར་ལ་འཇིགས་པ་མེད་བྱེད་པ། །གཞན་ལ་ཕན་འདོགས་ཡོན་ཏན་བསགས་པ་ཡི། །ཁྱོད་ཀྱི་མཐུ་ཆེན་ཁྱད་པར་ཅན་དེ་ནི། །
[54a.6]ད་ནི་སྦྱར་བའི་དུས་ལ་བབ་ཅིང་མཆིས། །བདག་ཅག་མགོན་མེད་ཕོངས་ནས་སྐྱབས་སུ་མཆི། །དེ་བས་བརྟན་པོས་བསྐྱབ་པར་ཐུགས་ལ་དགོངས། །རྒྱ་མཚོ་འདི་ནི་ཁྲོས་བཞིན་བདག་ཅག་རྣམས། །རྒྱ་མཚོའི་གློང་གིས་ཅིག་ཆར་རིལ་མིད་བགྱིད། །སྐྱེ་བོ་ཆབ་ཀྱི་ནང་དུ་འགུམ་པ་འདི། །
[54a.7]ཁྱོད་ཀྱིས་ཡལ་བར་དོར་བ་མི་སྲིད་དོ། །རྒྱ་མཚོ་འདིས་ཀྱང་ཁྱོད་ཀྱི་བཀའ་མི་གཅོག །དེ་བས་འཁྲུགས་པར་གྱུར་པ་འདི་ལས་བཟློག །དེ་ནས་བདག་ཉིད་ཆེན་པོ་དེ་སྙིང་རྗེ་ཆེན་པོས་སེམས་གདུངས་ནས། ཚོང་པ་དེ་དག་སྤྲོ་བསྲིང་བའི་ཕྱིར་སྨྲས་པ། འདི་ལ་ཡང་བདག་ལ་བཅོས་སུ་ཡོད་
[54b]
[54b.1]པའི་ཐབས་འགའ་ཞིག་ཡོད་པར་མཐོང་སྟེ། དེ་ལ་རེ་ཞིག་སྙིང་རྗེས་སྦྱར་བར་བྱ། །དེའི་ཕྱིར་ཁྱེད་ཅག་རེ་ཞིག་སྤྲོ་སྲིངས་ཤིག་ཅེས་སྨྲས་པ་དང་། དེ་ནས་ཚོང་པ་དེ་དག་གིས་འདི་ལའང་བཅོས་སུ་ཡོད་དོ་ཟེར་རོ་སྙམ་ནས་རེ་ཐག་མ་ཆད་དེ། བསམ་པ་བརྟན་པོ་བརྟས་པར་གྱུར་ནས།
[54b.2]དེ་ལ་ཡིད་རྟོན་ཅིང་ཁ་རོག་སྟེ་སྡོད་ཅིང་འཁོད་པར་གྱུར་ཏོ། །དེ་ནས་བྱང་ཆུབ་སེམས་དཔའ་ལེགས་པར་ཕ་རོལ་ཏུ་ཕྱིན་པས་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་གྲུ་བོ་ཆེ་ལ་བཙུགས་ཏེ། ལུས་ཐམས་ཅད་ཀྱིས་བཏུད་དེ། དེ་བཞིན་གཤེགས་པ་རྣམས་ལ་
[54b.3]ཕྱག་བྱས་ནས། ཚོང་པ་དེ་དག་ལ་སྨྲས་པ། ཚོང་པ་ཁྱེད་རྣམས་དང་། རྒྱ་མཚོ་དང་ནམ་མཁའ་ལ་གནས་པའི་ལྷ་ཁྱད་པར་ཅན་རྣམས་གསོན་ཅིག །བདག་ནི་ཤེད་བྱེ་ཚུན་ཆད་དུ། །ནམ་ཡང་ཆེད་དུ་བསམས་ནས་སུ། །སྲོག་ཆགས་རྣམས་ནི་ནམ་དུ་ཡང་། །བསད་པར་བདག་
[54b.4]ནི་ཡང་མི་དྲན། །བདེན་པའི་ཚིག་ནི་འདི་དག་དང་། །བདག་གི་བསོད་ནམས་མཐུ་དག་གིས། །རྒྱ་མཚོའི་གློང་དུ་མ་སོང་བར། །གྲུ་འདི་བདེ་བར་སླར་ལོག་ཅིག །དེ་ནས་བདག་ཉིད་ཆེན་པོ་དེས་བདེན་པའི་བྱིན་རླབས་ཀྱི་མཐུ་དང་། བསོད་ནམས་ཀྱི་མཐུས་རླུང་དེ་ཆུའི་ཤུགས་
[54b.5]དང་བཅས་པས་སླར་ལོག་པ་དང་། གྲུ་དེ་ཡང་སླར་ལོག་པར་གྱུར་ཏོ། །གྲུ་དེ་དེ་ལྟར་སླར་ལོག་པར་མཐོང་ནས། ཚོང་པ་དེ་དག་རབ་ཏུ་ཡ་མཚན་ཆེ་ཞིང་ཡིད་རབ་ཏུ་དགའ་བར་གྱུར་ནས། ལེགས་པར་ཕ་རོལ་ཏུ་ཕྱིན་པ་ལ་ཕྱག་འཚལ་ཞིང་ཞེ་ས་བསྐྱེད་དེ། གྲུ་སླར་ལོག་གོ་སླར་
[54b.6]ལོག་གོ་ཞེས་སྨྲས་སོ། །དེ་ནས་བདག་ཉིད་ཆེན་པོ་དེས་ཚོང་པ་རྣམས་ལ་སྨྲས་པ། བ་དན་མྱུར་དུ་ཚུག་ཅིག་ཅེས་བསྒོ་བ་དང་། དེའི་ལས་སུ་བསྐོས་པ་དེ་དག་རབ་ཏུ་དགའ་ཞིང་སྟོབས་དང་སྤྲོ་བ་བསྐྱེད་དེ་བསྒོ་བ་བཞིན་དུ་བྱས་སོ། །དེ་ནས་སྐྱེ་བོ་དགའ་བའི་སྒྲ་འབྱིན་པ། །བ་
[54b.7]དན་དཀར་པོ་ཕྱར་བའི་འདབ་མ་མཛེས། །རྒྱ་མཚོའི་ནང་ན་འཇུག་པ་གྲུ་མཛེས་པ། །སྤྲིན་མེད་མཁའ་ལ་ངང་མོ་མཛེས་པ་བཞིན། །གྲུ་དེ་དེ་ལྟར་སླར་ལོག་སྟེ། ཆུ་དང་རླུང་མཐུན་པར་བབ་ཅིང་ལངས་པས་གཞལ་མེད་ཁང་མཛེས་པའི་ཚུལ་དུ་རང་དགར་ནི་འགྲོ། ནམ་སྲོད་དུ་ཉེ་བའི་
[55a]
[55a.1]མཚམས་ཀྱི་དུས་ནི་ཁད་ཀྱིས་སྔོ་ཞིང་ཕྱོགས་རྣམས་མུན་ནག་གི་བླ་རེས་ཁེབས་ཤིང་སྐར་མའི་རྒྱན་གྱིས་བརྒྱན་པར་སྣང་། ནམ་སྲོད་ཀྱི་དུས་ལ་བབ་པ་དང་། ལེགས་པར་ཕ་རོལ་ཏུ་ཕྱིན་པས་ཚོང་པ་དེ་དག་ལ་སྨྲས་པ། ཀྱེ་དེད་དཔོན་དག་འདམ་བུའི་ཕྲེང་བ་ཚུན་ཆད་ཀྱི་
[55a.2]རྒྱ་མཚོ་ལས་བྱེ་མ་དང་། རྡོ་བ་ཅི་མཐོང་བ་རྣམས་ལོང་ལ་གྲུས་ཅི་ཐེག་པ་གྲུའི་ནང་དུ་རྫོངས་ཤིག །དེ་ལྟར་བྱས་ན་གྲུ་འདི་ལྗིད་ཀྱིས་ནོན་པས་ལྡོག་པར་མི་འགྱུར་རོ། །བྱེ་མ་དང་རྡོ་བ་འདི་དག་ཀྱང་བཀྲ་ཤིས་པར་བཀུར་བ་ཤ་སྟག་ཡིན་པས་ཁྱོད་གདོན་མི་ཟ་བར་རྙེད་པ་གྲུབ་པར་གྱུར་ཏོ། །ལེགས་
[55a.3]པར་ཕ་རོལ་ཏུ་ཕྱིན་པ་ལ་ཡིད་དགའ་ཞིང་གུས་པར་གྱུར་པའི་ལྷ་རྣམས་ཀྱིས་བསྟན་པའི་གླིང་རྣམས་ལས་དེ་དག་གིས་བྱེ་མ་དང་རྡོ་བ་ཡིན་སྙམ་པའི་བློས། བཻ་ཌཱུརྱ་ལ་སོགས་པའི་རིན་པོ་ཆེ་རྣམས་བླངས་ནས་གྲུ་བོ་ཆེའི་ནང་དུ་བརྫོངས་སོ། །དེ་ཉིད་ཀྱི་མཚན་མོ་ལ་གྲུ་དེ་ཡུལ་བྷ་རུ་ཀཙྪར་
[55a.4]ཕྱིན་ཏོ། །དེ་ནས་ནང་པར་དངུལ་དང་། ཨན་ད་རྙིལ་དང་། བེེ་ཌཱུརྱ་དང་། གསེར་གྱིས་གྲུ་བཀང་སྟེ། དེ་དག་བདག་ཡུལ་ཆུ་འགྲམ་ཕྱིན་གྱུར་ནས། །རབ་དགའ་བྱམས་པས་དེ་ལ་མཆོད་པ་བྱས། །དེ་བས་ན་དེ་ལྟར་ཆོས་ལ་གནས་པ་ལ་བདེན་པའི་ཚིག་ཙམ་གྱིས་ཀྱང་མ་རུངས་པར་
[55a.5]གྱུར་པ་ལས་ཐར་བར་གྱུར་ན། དེའི་འབྲས་བུ་ལྟ་སྨོས་ཀྱང་ཅི་དགོས། དེ་བས་ཆོས་ཀྱི་རྗེས་སུ་འཇུག་པར་བྱའོ། །དགེ་བའི་བཤེས་གཉེན་ལ་བརྟེན་ན་དེ་ལྟར་བདེ་བ་ཐོབ་པར་འགྱུར་བས་ན། དགེ་བའི་བཤེས་གཉེན་ལ་བརྟེན་པའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །
[55a.6]ལེགས་པར་ཕ་རོལ་ཏུ་ཕྱིན་པར་སྐྱེས་པའི་རབས་ཏེ་བཅུ་བཞི་པའོ།། །།ཚུལ་ཁྲིམས་དང་ལྡན་པ་རྣམས་ནི་ཚེ་འདི་ཉིད་ལ་ཡང་དགེ་བའི་བསམ་པ་འགྲུབ་པར་འགྱུར་ན། ཚེ་རབས་གཞན་ལ་ལྟ་སྨོས་ཀྱང་ཅི་དགོས། དེ་བས་ན་ཚུལ་ཁྲིམས་རྣམ་པར་དག་པ་ལ་འབད་པར་བྱའོ། །
[55a.7]དེ་ཡང་འདི་ལྟར་བྱང་ཆུབ་སེམས་དཔའ་རེ་ཞིག་ཅིག་མཚོ་མི་ཆེ་བ་མེ་ཏོག་ཀ་ལ་ཧ་ར་དང་། པདྨ་དམར་པོ་དང་། པདྨ་དཀར་པོ་དང་། ཨུཏྤལ་རྣམས་ཀྱིས་ཆུ་བཟང་པོ་བརྒྱན་པ་ངང་པ་དང་། བྱ་ཀ་རན་ད་ཀ་དང་། ངུར་པ་ཁྱོ་ཤུག་ཏུ་འགྲོགས་པ་རྣམས་ཀྱིས་མཛེས་པར་བྱས་པ། ཆུ་
[55b]
[55b.1]འགྲམ་ན་ཤིང་ལྗོན་པ་དང་མེ་ཏོག་མང་པོ་ཡོད་པ་ཅིག་ན་ཉའི་རྒྱལ་པོ་ཞིག་ཏུ་གྱུར་ཏོ་ཞེས་གྲགས་སོ། །ཚེ་རབས་མང་པོར་གཞན་གྱི་དོན་སྤྱད་པ་ལ་གོམས་པར་བྱས་པས། དེ་ན་གནས་པའི་ཚེ་ཡང་གཞན་ལ་ཕན་པ་དང་བདེ་བ་བྱེད་པ་འབའ་ཞིག་ཏུ་གྱུར་ཏོ། །དགེ་དང་མི་དགེའི་ལས་
[55b.2]རྣམས་གོམས་བྱས་ན། །མི་རྣམས་ལ་ནི་འདྲིས་པ་ཉིད་དུ་གྱུར། །དེ་ལྟ་བུ་དག་ཆེད་དུ་མ་བསྒྲིམས་ཀྱང་། །ཚེ་རབས་གཞན་ལ་རྨི་ལམ་བཞིན་དུ་སྤྱོད། །སེམས་དཔའ་ཆེན་པོ་དེས་ཉ་དེ་རྣམས་ལ་བདག་གི་བུ་སྡུག་པ་རྣམས་ལ་བྱམས་པ་བཞིན་དུ། སྦྱིན་པ་དང་ཚིག་འཇམ་པོ་དང་དོན་
[55b.3]སྤྱོད་པ་ལ་སོགས་པའི་རིམ་པས་རབ་ཏུ་ཕན་འདོགས་པར་གྱུར་ཏོ། །ཕན་ཚུན་གནོད་པར་བྱེད་ལས་རབ་ཏུ་བཟློག །གཅིག་ལ་གཅིག་ནི་བྱམས་པ་རབ་ཏུ་བསྐྱེད། །ཐབས་ལ་མཁས་ཤིང་རིགས་པས་དེ་དག་ལ། །ཉ་ཡི་ཆོས་ཚུལ་རབ་ཏུ་བརྗོད་པར་བྱ། །དེ་ཡིས་དེ་དག་ལེགས་པར་
[55b.4]བསྐྱངས་པས་ན། །ཉ་རིགས་དེ་དག་རབ་ཏུ་དར་བར་གྱུར། །མི་ཡི་བདག་པོ་ཚུལ་བཞིན་སྤྱོད་པ་ཡིས། །འབངས་རྣམས་བསྐྱངས་པས་གནོད་པ་མེད་པ་བཞིན། །དེ་ནས་རེ་ཞིག་ཅིག་སེམས་ཅན་རྣམས་སྐལ་བ་མེད་པར་གྱུར་པ་དང་། ཆར་འབེབས་པའི་ལྷའི་བུ་རྣམས་བག་མེད་
[55b.5]པར་གྱུར་པས་ཆར་ལེགས་པར་མ་བབ་པར་གྱུར་ཏོ། །དེ་ལྟར་ཆར་ལེགས་པར་མ་བབ་པ་དང་། མཚོ་མེ་ཏོག་རྒྱས་པ་པདྨ་དཀར་པོ་དང་ལྡན་པའི་ཆུ་གཙང་མས་སྔོན་བཞིན་དུ་གང་བར་མ་གྱུར་ཏོ། །དེ་ནས་རིམ་གྱིས་དཔྱིད་ཀྱི་དུས་ལ་བབ་པ་དང་། ངལ་ཞིང་ལེ་ལོའི་དབང་གིས་བུལ་
[55b.6]བར་གྱུར་པ་འདྲ་བའི་ཉི་མའི་འོད་ཟེར་རྣོ་ཞིང་ཚ་བས་ས་གཞི་མངོན་པར་གདུངས་ཤིང་འབར་བར་གྱུར་པའི་རྗེས་སུ་འབྲང་བའི་རླུང་སྐམ་པའི་དབང་གིས་བསིལ་བ་འདོད་པས་ཉིན་རེ་ཞིང་འཐུངས་པ་བཞིན་དུ་མཚོ་དེ་ལྟེང་ཀ་བཞིན་དུ་གྱུར་ཏོ། །དཔྱིད་ཀྱི་དུས་སུ་ཉི་མ་འབར་བ་དང་། །འབར་བའི་
[55b.7]རྗེས་འབྲང་རླུང་ནི་དྲག་པོ་དང་། །རིམས་ནད་གདུངས་འདྲའི་ས་གཞི་ཚ་བ་ཡིས། །ཁྲོས་པ་བཞིན་དུ་ཆུ་ནི་བསྐམས་པར་བྱས། །དེ་ནས་བྱང་ཆུབ་སེམས་དཔས་ཉ་མང་པོ་དེ་རྣམས་ལ་ཁྭ་ད་རྣམས་ཀྱིས་གླགས་ལྟ་བར་གྱུར་ན། ཆུ་འགྲམ་ན་རྒྱུ་བའི་བྱ་རྣམས་ཀྱིས་ལྟ་སྨོས་ཀྱང་ཅི་
[56a]
[56a.1]དགོས་ཏེ། དཔའ་བསྐུམ་ཞིང་མི་དགའ་བའི་དབང་དུ་ནི་གྱུར། ཅུང་ཟད་འགུལ་ནུས་པ་རྣམས་ལ་བལྟས་ནས། སྙིང་རྗེ་བཞིན་དུ་བསམས་པ། ཀྱི་ཧུད་ཀྱེ་མ་ཉ་འདི་རྣམས་ནི་མ་རུངས་པར་གྱུར་ན་མི་རུང་ངོ་སྙམ་ནས། ཆུ་ཡང་ཉིན་རེ་བྲི་བར་གྱུར། །ཚེ་ཟད་
[56a.2]པ་དང་འདྲེན་པ་བཞིན། །ཆར་བཞིན་འདུ་བར་འགྱུར་བ་ཡང་། །ད་རུང་རབ་ཏུ་དཀའ་བ་འདྲ། །བྲོས་ཏེ་འགྲོ་བའི་ལམ་ཡང་མེད། །གཞན་དུ་ཁྱེར་བའང་སུ་ཡང་མེད། །བདག་ཅག་བརླག་པར་དགའ་བ་ཡི། །དེད་ཀྱི་དགྲ་ཡང་དེ་རིང་བྱུང་། །ཆུ་ཡི་ལྷག་མ་འདི་བསྐམས་ན། །གདོན་
[56a.3]མི་ཟ་བར་གཡོ་བཞིན་ཡང་། །བདག་གིས་མངོན་སུམ་མཐོང་བཞིན་དུ། །དགྲ་རྣམས་ཀྱིས་ནི་ཟོས་ཡང་དག །དེ་ལ་འདི་ཅི་ལྟར་བྱས་ན་རུང་སྙམ་དུ་བདག་ཉིད་ཆེན་པོ་དེས་རྣམ་པར་བརྟགས་ནས། བདེན་པའི་བྱིན་རླབས་འབའ་ཞིག་གིས་ཕོངས་པ་རྣམས་ལ་ཕན་འདོགས་པར་
[56a.4]མཐོང་ངོ་། །སྙིང་རྗེས་ཀྱང་སེམས་གདུངས་པས་ཤུགས་ནར་གྱིས་ཕྱུང་སྟེ། གནམ་དུ་བལྟས་ནས་སྨྲས་པ། རབ་ཏུ་ཕོངས་པར་གྱུར་ནས་བདག་གིས་ནི། །བསམ་བཞིན་སྲོག་ཆགས་བསད་པ་མི་དྲན་ཏེ། །བདེན་པ་འདི་ཡིས་ལྷ་ཡི་རྒྱལ་པོ་རྣམས། །ཆར་པ་འབབ་ཅིང་མཚོ་ནི་
[56a.5]གང་བར་ཤོག །དེ་ནས་བདག་ཉིད་ཆེན་པོ་དེས་བསོད་ནམས་བསགས་པའི་ཡོན་ཏན་དང་། བདེན་པའི་བྱིན་རླབས་ཀྱི་མཐུ་དང་། དེ་ལ་དགའ་བར་གྱུར་པའི་ལྷ་དང་ཀླུ་དང་གནོད་སྦྱིན་རྣམས་ཀྱི་མཐུས་དུས་མ་ཡིན་པའི་སྤྲིན་ཆུས་གང་བའི་གཟུགས་ཅན་རྣམས་སྒྲ་སྙན་པ་ཟབ་མོ་ནི་སྒྲོགས།
[56a.6]གློག་འགྱུ་བས་ནི་བརྒྱན་སྤྲིན་མགོ་སྔོན་པོ་རྒྱ་ཆེ་བ་རབ་ཏུ་འཕྲོ་བ་ནི་ཁ་གླལ་བ་བཞིན་སྤྲིན་གྱི་རྩེ་མོ་ཕན་ཚུན་དུ་འདུས་པ་ནི་ལག་པས་འཁྱུད་པ་འདྲ་བར་སྤྲིན་ནག་པོ་རྣམས་བྱུང་བར་གྱུར་ཏོ། །ནག་པོའི་སྤྲིན་རྣམས་རི་བོའི་གྲིབ་མ་བཞིན། །ཕྱོགས་ཀྱི་ཐ་གྲུའི་ཚད་ནི་འཇལ་བ་བཞིན། །སྤྲིན་མགོ་ནག་པོས་
[56a.7]མུན་ནག་སྤེལ་བ་བཞིན། །མེ་ལོང་ནང་བཞིན་ནམ་མཁའི་དཀྱིལ་ན་མཛེས། །རྨ་བྱ་རབ་དགའ་ཟེ་བ་སྦྲེལ་བ་རྣམས། །གླུ་གར་མཛེས་པས་རབ་ཏུ་བསྟོད་པ་བཞིན། །སྤྲིན་ཚོགས་དེ་དག་དཔའ་བོ་དགོད་པ་བཞིན། །རྒྱུན་ཆགས་ཟབ་མོའི་སྒྲ་འཛིན་རྣམ་པར་མཛེས། །དེ་ཡིས་ཆར་པ་མུ་ཏིག་
[56b]
[56b.1]གཏོར་བ་བཞིན། །ཆུ་རྒྱུན་འབབ་པས་རྡུལ་རྣམས་རབ་ཞི་ཞིང་། །ཆར་སྤྲིན་ལངས་པའི་རླུང་གིས་རྣམ་བསྐྱོད་པས། །ས་གཞི་དྲི་ཞིམ་ངད་ཀྱིས་ཁྱབ་པར་གྱུར། །དཔྱིད་ཀྱི་དུས་ལ་བབ་པས་རྣམ་སྤེལ་ཀྱང་། །ཉི་མའི་འོད་ཟེར་སྣང་བ་མེད་པར་གྱུར། །ལྦུ་བའི་ཕྲེང་བ་འཁྲིགས་པས་བསྐོར་བ་ཡི། །
[56b.2]ཆུ་རྣམས་ཤོང་བུ་དམའ་བར་འབབ་པར་གྱུར། །འབྲུག་གི་རྔ་སྒྲས་རབ་ཏུ་དགའ་གྱུར་ནས། །གློག་ཕྲེང་འགྱུ་བ་བྲོ་གར་བྱེད་པ་བཞིན། །ཡང་དང་ཡང་དུ་གསེར་འོད་གསལ་བ་ཡི། །འོད་ཟེར་འཕྲོ་བས་ཕྱོགས་རྣམས་ཁྱབ་པར་གྱུར། །དེ་ནས་ཆར་པའི་རྒྱུན་མདོག་སྐྱ་བོ་ཀུན་ཏུ་ཁྱབ་པར་བབ་པར་
[56b.3]གྱུར་པས་མཚོ་གང་བར་གྱུར་ཏེ། ཆར་གྱི་རྒྱུན་བབ་མ་ཐག་ཏུ་ཁྭ་ད་ལ་སོགས་པ་བྱ་མང་པོ་རྣམས་ནི་བྱེར། ཉ་མང་པོ་རྣམས་གསོན་དུ་རེ་བའི་བསམ་པ་གྲུབ་ཅིང་རབ་ཏུ་དགའ་བར་གྱུར་པ་དང་། བྱང་ཆུབ་སེམས་དཔའ་སྙིང་རབ་ཏུ་དགའ་བར་གྱུར་ཀྱང་ཆར་ཆད་དུ་དོགས་ནས་ཆར་སྤྲིན་ལ་སྨྲས་
[56b.4]པ། ཆར་སྤྲིན་འབྲུག་སྒྲ་ཟབ་ཅིང་བརྟན་པར་སྒྲོགས། ཁྭ་ད་རབ་ཏུ་དགའ་བ་མེད་པར་མཛོད། །གློག་རྒྱུན་འབར་བ་འགྱུ་བའི་འོད་ཟེར་ཅན། །ཆར་པའི་རྒྱུན་རྣམས་རིན་ཆེན་འདྲ་བར་ཕོབ། །ལྷའི་དབང་པོ་བརྒྱ་བྱིན་གྱིས་ཚིག་དེ་ཐོས་ནས། ཡིད་ལ་ཡ་མཚན་རབ་ཏུ་ཆེ་བར་གྱུར་ཏེ། དེའི་
[56b.5]དྲུང་དུ་མངོན་སུམ་དུ་འོངས་ནས་མགུ་བར་གྱུར་ཏེ་སྨྲས་པ། ཆར་སྤྲིན་འབྲུག་སྒྲ་སྙན་པ་རབ་སྒྲོགས་ཤིང་། །བུམ་པ་བསྡུས་པ་བཞིན་དུ་གང་བབ་པ། །འདི་ནི་ཉ་དབང་མཐུ་ཆེན་ཁྱོད་ཉིད་ཀྱི། །བདེན་པ་ཁྱད་པར་ཅན་གྱི་མཐུ་ཡིན་ཏེ། །འཇིག་རྟེན་དོན་ལ་བརྩོན་པར་གྱུར་པ་ཡིས། །སྐྱེས་
[56b.6]བུ་ཁྱོད་ལྟ་བུ་ཡི་སྤྱོད་པ་ལ། །ངན་སྒྲོགས་བྱ་བ་བདག་གིས་གང་བྱས་པ། །བདག་གིས་བག་མེད་འཁྲུལ་པ་མཚར་ཅིག་བྱས། །སྐྱེས་བུ་དམ་པའི་གྲོགས་ནི་བདག་གིས་བགྱིས། །དེ་རིང་སླན་ཆད་དེ་ལྟར་ཁྱོད་མ་དགོངས། །ཡུལ་ཕྱོགས་འདི་ཡང་ཁྱོད་ཀྱི་ཡོན་ཏན་གཞི། །སླན་ཆད་
[56b.7]འདི་ལྟར་ཕོངས་པར་ཡང་མི་འགྱུར། །དེ་ལྟར་ཚིག་སྙན་པས་མགུ་བར་བྱས་ནས་དེ་ཉིད་དུ་མི་སྣང་བར་གྱུར་ཏོ། །མཚོ་དེ་ཡང་ཆུས་གང་ཞིང་རབ་ཏུ་འབྱོར་པར་གྱུར་ཏོ། །དེ་ལྟར་ན་ཚུལ་ཁྲིམས་དང་ལྡན་པ་རྣམས་ནི་ཚེ་འདི་ཉིད་ལ་ཡང་དགེ་བའི་བསམ་པ་འགྲུབ་པར་འགྱུར་ན། ཚེ་རབས་གཞན་
[57a]
[57a.1]ལྟ་སྨོས་ཀྱང་ཅི་དགོས། དེ་བས་ན་ཚུལ་ཁྲིམས་རྣམ་པར་དག་པ་ལ་འབད་པར་བྱའོ། །ཉ་རུ་སྐྱེས་པའི་རབས་ཏེ་བཅོ་ལྔ་པའོ།། །།བདེན་པའི་ཚིག་བསྒོམས་ན་མེས་ཀྱང་འདའ་བར་བྱེད་མི་ནུས་སོ། །དེ་བས་ན་བདེན་པའི་ཚིག་ལ་བརྩོན་པར་བྱའོ། །དེ་ཡང་འདི་
[57a.2]ལྟར་བྱང་ཆུབ་སེམས་དཔའ་དགོན་པའི་གནས་ཅིག་ན། བྱ་སྲེག་པའི་ཕྲུ་གུ་ཞིག་ཏུ་གྱུར་ཏོ་ཞེས་གྲགས་སོ། །དེ་ཡང་སྒོ་ངའི་སྦུབས་ནས་བྱུང་ནས་ཞག་གྲངས་མང་པོ་ནི་མ་ལོན། སྤུ་གསར་པ་ནི་མ་སྐྱེས། རབ་ཏུ་རིད་པས་ཡན་ལག་དང་ཉིང་ལག་གི་ཕྱོགས་རྣམས་ནི་གསལ་བར་མངོན།
[57a.3]ཕ་མ་གཉིས་ཀྱིས་རྩྭ་དང་ལྡུམ་བུ་སྟུག་པོའི་ནང་དུ་ཚང་བཅས་པའི་ནང་ན་ཕྲུ་གུ་མང་པོ་སྤུན་དང་ལྷན་ཅིག་ཏུ་འཁོད་དོ། །དེ་ལྟ་བུའི་གནས་སྐབས་ན་ཡང་ཆོས་ཀྱི་འདུ་ཤེས་མ་ཉམས་པའི་ཕྱིར། ཕ་མ་གཉིས་ཀྱིས་ཟས་རྙེད་པ་སྲོག་ཆགས་ཁྱེར་ཏེ་འོངས་པ་ནི་ཟར་མི་བཏུབ་ཅིང་རྩྭའི་ས་བོན་དང་ཤིང་ནྱ་གྲོ་
[57a.4]དྷའི་འབྲས་བུ་ཁྱེར་ཏེ་འོངས་པ་དེ་འབའ་ཞིག་ཟོས་ཏེ། ཕ་མ་གཉིས་ཀྱིས་ཀྱང་དེ་འབའ་ཞིག་གིས་གསོས་སོ། །དེ་ཁ་ཟས་རྩུབ་ཅིང་ཆུང་བ་དེས། ལུས་རྒྱས་པར་མ་གྱུར་འདབ་གཤོག་ཀྱང་མ་རྫོགས་སོ། །བྱ་སྲེག་པའི་ཕྲུ་གུ་གཞན་རྣམས་ཁ་ཟས་ཅི་འོངས་པ་ཟོས་པས་མཐུ་ཆེ་ཞིང་འདབ་གཤོག་
[57a.5]རྣམས་ཀྱང་རྒྱས་པར་གྱུར་ཏོ། །འདི་ནི་ཆོས་ཉིད་ཡིན་ཏེ། འདི་ལྟར། ཆོས་དང་ཆོས་མིན་མི་འཛེམ་ཞིང་། །ཐམས་ཅད་ཟ་བ་བདེ་བར་གནས། །ཆོས་དང་ལྡན་པའི་ཚུལ་འདོད་ན། །ཆོ་གའི་ཟས་ཟ་བཞིན་དུ་འདུག །བཅོམ་ལྡན་འདས་ཀྱིས་ཀྱང་ངོ་ཚ་མི་ཤེས་པ་ནི་བདེ་བར་འཚོའོ། །ཞེས་ཚིགས་
[57a.6]སུ་བཅད་པ་གཉིས་གསུངས་ཏེ། དེ་ཡང་འཕགས་པ་གནས་བརྟན་པའི་གཞུང་ལས་འབྱུང་བ། བརྐམ་ཞིང་བྱ་རོག་ལྟར་དཔའ་བ། །ངོ་ཚ་མེད་པ་ལེགས་པར་འཚོ། །བརྣབ་ཅིང་སྤྱི་རྟོལ་ཆེ་བ་ཡི། །འཚོ་བ་ཤིན་ཏུ་ཉོན་མོངས་ལྡན། །རྟག་ཏུ་སྐྱོན་མེད་ཚོལ་བ་དང་། །ཞུམ་ཞིང་བག་
[57a.7]དང་བཅས་པ་དང་། །འཚོ་བ་སྐྱོན་མེད་བལྟ་བ་དང་། །ངོ་ཚ་ཤེས་པས་འཚོ་མི་བདེ། །དེ་དག་གི་གནས་སྐབས་དང་མི་རིང་བ་ཅིག་ན་ནགས་ཚལ་ཆེན་པོ་མེས་ཚིག་སྟེ། འཇིགས་སུ་རུང་བའི་སྒྲ་ནི་འུར་འུར་ཟེར། དུད་པའི་ཚོགས་ནི་འཁྱིལ། མེ་ལྕེ་གཡོ་བ་འཁྲིགས་ཤིང་མེ་སྟག་ནི་རྣམ་
[57b]
[57b.1]བར་འཕྲོ། ནགས་ཚལ་ན་རྒྱུ་བར་བྱེད་པ་རྣམས་ནི་སྐྲག་པར་བྱེད་པ། ནགས་ཚལ་སྟུག་པོ་རྣམས་ནི་འཇིག་པར་བྱད་པ་ཅིག་བྱུང་བར་གྱུར་ཏོ། །དེ་ནི་རླུང་གིས་བསྐྱོད་པས་རྣམ་པར་འཕྲོ། །མེ་ལྕེ་འཁྲུག་པའི་ལག་པ་གར་མཛེས་བྱེད། །དུད་པས་འཁྲིགས་པའི་སྒྲ་ནི་བསྡིགས་པ་བཞིན། །
[57b.2]སྒྲ་དང་བཅས་པ་དེ་དག་འཇིགས་པ་བསྐྱེད། །དྲག་པོའི་རླུང་གིས་བསྐྱོད་པས་རབ་ཏུ་གཡོ། །ནགས་ཀྱི་རྩྭ་རྣམས་འཇིགས་པས་ཉེན་པ་འདྲ། །མེ་དེ་རྔམ་པ་བཞིན་དུ་མངོན་པར་འོངས། །མེ་སྟག་འཕྲོ་བ་མང་པོས་ཁྱབ་པར་བསྲེག །བྱ་ཚོགས་མང་པོ་སྐྲག་ནས་རབ་ཏུ་བྱེར། །རི་དྭགས་
[57b.3]འཇིགས་པས་རྒྱུ་ཞིང་ཀུན་ཏུ་བྲོས། །དུད་པའི་ནང་ནས་མེ་སྒྲ་དྲག་པོ་གྲག །དེ་ཡིས་སྐྲག་ནས་ནགས་ཚལ་དུ་བ་འདྲ། །མེ་དེ་རླུང་དྲག་པོས་བདས་པས་གནོད་པ་བཞིན་དུ་རྩྭ་མཐུག་པོ་ལ་མེ་མཆེད་པས་དེ་དག་གི་ཚང་དང་ཉེ་བར་འོངས་སོ། །དེ་ནས་སྲེག་པའི་ཕྲུ་གུ་དེ་རྣམས་འཇིགས་ཤིང་
[57b.4]སྐྲག་པས་འཁྲུག་པའི་སྒྲ་མི་སྙན་པ་འབྱིན་ཅིང་གཅིག་ལ་གཅིག་མི་ལྟ་བར་རྟབ་བཞིན་དུ་འཕུར་ཏེ་སོང་ངོ་། །བྱང་ཆུབ་སེམས་དཔའ་ནི་ཉམ་ཆུང་བས་འདབ་གཤོག་མ་རྫོགས་པར་འཕུར་བར་མ་སྩལ་ཏོ། །བྱང་ཆུབ་སེམས་དཔའ་ཆེན་པོ་དེ་བདག་གི་མཐུ་སྟོབས་ཤེས་པས་མ་འཁྲུགས་པ་ཉིད་དུ་
[57b.5]མེ་དེ་བཙན་ཐབས་སུ་འོངས་པ་འདྲ་བ་ལ་ཚིག་འཇམ་པོས་སྨྲས་པ། བདག་གི་རྐང་པའི་མིང་དོན་མེད་ཅིང་འདབ་མ་མེད། །བདག་གི་ཕ་མ་གཉིས་ཀྱང་ཁྱོད་ལ་སྐྲག་ནས་བྲོས། །ཁྱོད་ལ་མགྲོན་བྱར་རུང་བ་འདི་ན་ཅི་ཡང་མེད། །དེ་བས་མེ་ཁྱོད་འདི་ནས་སླར་ནི་ལྡོག་པར་རིགས། །སེམས་
[57b.6]དཔའ་ཆེན་པོ་དེས་བདེན་པ་ཡོངས་སུ་བསྒོམས་པའི་ཚིག་གིས་དེ་སྐད་སྨྲས་པ་དང་། རྩྭ་རྣམས་ཚང་ཚིང་སྐམ་པོ་འདབ་ཆགས་ལ། །མེ་དེ་རླུང་གིས་རབ་ཏུ་སྦར་གྱུར་ཀྱང་། །འབབ་ཆུ་ཀླུང་ཆེན་འབྲུབ་དང་འཕྲད་པ་བཞིན། །དེ་ཡི་ཚིག་ཐོས་དེ་མ་ཐག་ཏུ་ཞི། །དེང་སོང་དུས་ན་གངས་རིའི་
[57b.7]ཁྲོད་ནས་ས་ཕྱོགས་དེར། །དགོན་པའི་མེ་ལྕེ་རླུང་གིས་བསྐྱོད་དེ་རྒོད་པ་ཡང་། །མགོ་མང་སྦྲུལ་ནི་སྔགས་ཀྱིས་བཏབ་སྟེ་བཟློག་པ་བཞིན། །མེ་ལྕེ་གཡོ་བ་དལ་ཞིང་ཞི་བར་འགྱུར་ཞེས་གྲགས། །དེ་ཅིའི་ཕྱིར་བསྟན་ཞེ་ན། སྨྲས་པ། རྒྱ་མཚོའི་དུས་ཤུགས་རབ་ཏུ་གཡོ་བའི་གདེངས་
[58a]
[58a.1]ཅན་དང་། །བདག་ལ་ཕན་འདོད་ཐུབ་དབང་བསྟན་པའི་བསླབ་པ་བཞིན། །བདེན་པའི་བདག་ཉིད་ཅན་གྱིས་གང་དག་བསྒོ་བ་ནི། །མེས་ཀྱང་མི་འདའ་དེ་བས་བདེན་པ་མི་བཏང་ངོ་། །དེ་ལྟར་བདེན་པ་ཡོངས་སུ་བསྒོམས་པའི་ཚིག་ནི་མེས་ཀྱང་འདའ་བར་མི་ནུས་
[58a.2]ཏེ། དེ་བས་ན་བདེན་པའི་ཚིག་ལ་བརྩོན་པར་བྱའོ། །དེ་བཞིན་གཤེགས་པའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །བྱ་སྲེག་པའི་ཕྲུ་གུར་སྐྱེས་པའི་རབས་ཏེ་བཅུ་དྲུག་པའོ།། །།ཆང་འཐུང་བ་ནི་ཉེས་པ་དུ་མ་འབྱུང་ཞིང་། ཤིན་ཏུ་མ་རུངས་པར་འགྱུར་བའི་ཕྱིར།
[58a.3]དགེ་བ་རྣམས་ནི་གཞན་དག་ཀྱང་འདི་ལས་ཟློག་པར་བྱེད་ན་བདག་ཉིད་ལྟ་སྨོས་ཀྱང་ཅི་དགོས། དེ་ཡང་འདི་ལྟར་བྱང་ཆུབ་སེམས་དཔའ་སྙིང་རྗེ་ཆེན་པོས་ཡོངས་སུ་བསྒོས་པའི་བློ་ཅན། གཞན་ལ་ཕན་ཞིང་བདེ་བར་བྱེད་པ་ལ་དགའ་བ། སྦྱིན་པ་དང་དུལ་བ་དང་ཞི་བ་ལ་སོགས་པས་བསོད་
[58a.4]ནམས་འཕེལ་བ་ཉམས་སུ་ལེན་པ་སྟེ། དེ་རེ་ཞིག་ཅིག་ལྷ་རྣམས་ཀྱི་དབང་པོ་བརྒྱ་བྱིན་དུ་གྱུར་ཏོ་ཞེས་གྲགས་སོ། །དེ་ལྷའི་ལོངས་སྤྱོད་ཀྱི་བདེ་བ་རྣམས་ཕུན་སུམ་ཚོགས་ཀྱང་སྙིང་རྗེའི་དབང་དུ་གྱུར་པས་འཇིག་རྟེན་གྱི་དོན་བྱ་བ་ལ་བརྩོན་པ་ལྷོད་པར་མ་གྱུར་ཏོ། །འཇིག་རྟེན་ཡོངས་ཀྱི་ཕལ་ཆེར་
[58a.5]དཔལ་ལྡན་ན། །ཆང་གིས་མྱོས་བཞིན་བདག་གི་དོན་ཡང་འདོར། །བག་ཡོད་རྣམས་ནི་གཞན་གྱི་དོན་ལ་ཡང་། །ལྷ་དབང་དཔལ་དང་ལྡན་ཡང་དེས་མི་མྱོས། །སྡུག་བསྔལ་མང་པོས་གདུངས་པའི་སེམས་ཅན་ལ། །གཉེན་བཤེས་སྡུག་པ་རྣམས་ལ་བྱམས་པ་བཞིན། །བརྟན་
[58a.6]ཞིང་དཔལ་གྱི་རང་བཞིན་ཤེས་པས་ན། །དེ་ནི་གཞན་གྱི་དོན་སྤྱོད་ཡོད་མི་བརྗེད། །དེ་ནས་རེ་ཞིག་ཅིག་བདག་ཉིད་ཆེན་པོ་དེས་མིའི་འཇིག་རྟེན་ཉུལ་བའི་ཚེ། །སྙིང་བརྩེ་བ་དང་བྱམས་ཤིང་མཐུ་ཆེ་བའི་མིག་གིས་མཐོང་བ་ནི། ཐམས་ཅད་ཀྱི་མཛའ་བོ་ཞེས་བྱ་བའི་རྒྱལ་པོ་ཅིག་མི་དགེ་བའི་བཤེས་
[58a.7]གཉེན་ལ་བརྟེན་པའི་སྐྱོན་གྱིས་བློན་པོ་དང་འབངས་སུ་བཅས་པར་ཆང་འཐུང་བ་ལ་དགའ་བར་གྱུར་ཏེ། དེ་ལ་སྐྱོན་དུ་མི་ལྟ་བར་གྱུར་པ་ལ་ཆང་འཐུང་བ་ཡང་སྐྱོན་ཆེ་བར་མཐོང་ནས། བདག་ཉིད་ཆེན་པོ་དེ་སྙིང་རྗེ་ཆེན་པོས་མི་དགའ་བར་གྱུར་ཏེ་བསམས་པ། ཀྱེ་མ་ཧོ། འཇིག་རྟེན་འདི་དག་ནི་རབ་ཏུ་
[58b]
[58b.1]མ་རུངས་པར་གྱུར་ཅིང་འཁོད་དོ་སྙམ་ནས། འཐུང་ན་ཐོག་མར་རབ་ཏུ་ཞིམ། །སྐྱོན་དུ་ལྟ་བ་རྨོངས་པར་གྱུར། །ལེགས་པར་འགྱུར་བ་མེད་པར་བྱས། །ལོག་པའི་ལམ་ནི་བཟང་པོ་བཞིན། །དེ་ལ་འདིར་ནི་ཇི་ལྟར་བྱས་ན་རུང་སྙམ་པ་དང་། སླར་ཐབས་ཡོད་དོ་སྙམ་ནས། གཙོ་བོར་གྱུར་པ་རྣམ་
[58b.2]པ་གང་སྤྱོད་པར། །སྐྱེ་བོ་རྣམས་ཀྱང་དེ་ཡི་རྗེས་སུ་འཇུག །དེ་བས་འདིར་ནི་རྒྱལ་པོ་ཉིད་བཅས་ན། །འཇིག་རྟེན་དག་ན་དགེ་སྡིག་དེ་ལས་འབྱུང་། །དེ་ལྟར་རྣམ་པར་ངེས་པར་བྱས་ནས། སེམས་དཔའ་ཆེན་པོ་དེ་གསེར་བཙོ་མའི་མདོག་ལྟར་ཡིད་དུ་འོང་བ་སྐྲའི་ཐོར་ཚུགས་ཅུང་ཟད་རྩུབ་པ་འཁྱིལ་བ་
[58b.3]ཅན་ཤིང་གི་ཤུན་ལྤགས་དང་རི་དྭགས་ཨ་ཛི་ནའི་པགས་པ་གྱོན་པ་ཚངས་པའམ། ལུས་གཟི་བྱིན་ལྡན་པ་ཅིག་ཏུ་མངོན་པར་སྤྲུལ་ནས། ཆང་གིས་གང་བའི་བུམ་པ་ཧ་ཅང་མི་ཆེ་བ་ཞིག་ནི་ལག་པ་གཡོན་ན་ཐོགས་ཏེ་འོངས་པ། དེ་ནས་ཐམས་ཅད་ཀྱི་མཛའ་བོ་རྒྱལ་པོའི་འཁོར་གྱི་ནང་དུ་འདུས་ཏེ།
[58b.4]ཆང་དང་སྦྲང་ཆང་དང་བུ་རམ་ཤིང་གི་ཆང་དང་། ཆང་བཅོས་མ་དང་རྒུན་ཆང་གི་གཏམ་གྱི་གནས་སྐབས་གླེང་བའི་ཚེ། མདུན་གྱི་ནམ་མཁའ་ལ་བྱུང་སྟེ་འདུག་པར་གྱུར་ཏོ། །ད་ནས་སྐྱེ་བོ་དེ་དག་ངོ་མཚར་ཆེ་ཞིང་རབ་ཏུ་གུས་པས་ལངས་ཏེ་ཐལ་མོ་སྦྱར་ནས་རིམ་གྲོ་བསྐྱེད་པ་དང་། ཆར་སྤྲིན་
[58b.5]འབྲུག་སྒྲ་ཟབ་མོའི་སྒྲ་འབྱིན་པ་བཞིན་དུ་གསང་བསྟོད་དེ་སྨྲས་པ། མེ་ཏོག་ཕྲེང་བ་མགུལ་ན་བཀོད། །མགྲིན་པ་མན་ཆད་རབ་ཏུ་གང་། །བུམ་པ་རྒྱན་གྱིས་བརྒྱན་པ་ཡི། །བུམ་པ་འདི་ནི་སུ་ཉོ་འདོད། །མེ་ཏོག་ཕྲེང་བས་གདུ་བུར་བཏགས་པ་བཞིན། །བུམ་པའི་ཁ་རྒྱན་འདམ་
[58b.6]བུས་བརྒྱན་པ་དག །རླུང་གིས་བསྐྱོད་པས་རབ་ཏུ་གཡོ་བ་ཡི། །བུམ་པ་འདི་ནི་རིན་གྱིས་སུ་ཉོ་འདོད། །དེ་ནས་རྒྱལ་པོ་དེ་ཡ་མཚན་དང་ངོ་མཚར་ཆེ་བར་གྱུར་ཏེ། རབ་ཏུ་གུས་པས་ལྟ་ཞིང་ཐལ་མོ་སྦྱར་ནས་སྨྲས་པ། གཟི་ཆེན་ཉི་མ་འབར་འདྲ་མཛེས་པ་ཟླ་བ་བཞིན། །ཁྱོད་ཀྱི་སྐུ་མཛེས་
[58b.7]ཐུབ་པ་འགའ་ཞིག་ལགས་པར་གདའ། །དེ་བས་འཇིག་རྟེན་ཀུན་གྱིས་འཚལ་བར་གསུང་པའི་རིགས། །ཁྱོད་ཀྱི་ཡོན་ཏན་མཚར་ཅིག་མཆིས་པ་བདག་ཅག་རེ། །བརྒྱ་བྱིན་གྱིས་སྨྲས་པ། ང་ནི་སུ་ཡིན་ཕྱིས་ཀྱང་ཤེས་འགྱུར་གྱིས། །ཁྱེད་ཅག་འཇིག་རྟེན་གཞན་ལ་མི་འཇིགས་ཤིང་། །
[59a]
[59a.1]ཚེ་འདི་ལ་ཡང་བརླག་པར་མི་འཇིགས་ན། །བུམ་པ་འདི་ནི་ང་ལས་ཉོ་བར་གྱིས། །རྒྱལ་པོས་སྨྲས་པ། ཨེ་མ་ཧོ། །ཁྱོད་ཀྱིས་ཚོང་ཟོང་བཙོང་བ་འདི་ནི་སྔོན་མ་བྱུང་བ་ཞིག་གོ། །འཇིག་རྟེན་ན་ནི་ཚོང་ཟོང་རྣམས། །གང་ལ་ཡོད་ཀྱང་ཡོན་ཏན་བརྗོད། །ཉེས་པའི་
[59a.2]སྐྱོན་ནི་བཅས་པ་ཡིན། །ཚོང་ཟོང་བཙོང་བོ་དེ་ལྟར་གྲགས། །བརྫུན་དུ་སྨྲས་པས་འཇིགས་པ་རྣམས། །ཁྱོད་ལྟ་བུ་ཡི་ཚུལ་འཛིན་ཏེ། །དགེ་བ་རྣམས་ནི་བདེན་པ་དང་། །ཕོངས་པར་གྱུར་ཀྱང་མི་གཏོང་ན། །བུམ་པ་འདི་ནི་ཅི་ཡིས་བཀང་། །ཁེ་སྤོགས་ཆེན་པོ་ཅི་ཡོད་ན། །ཁྱོད་ལྟ་
[59a.3]བུས་ཡང་བདག་ལ་ཚོང་། །བདག་ཉིད་ཆེན་པོ་དེས་སྨྲོས་ཤིག །བརྒྱ་བྱིན་གྱིས་སྨྲས་པ། རྒྱལ་པོ་ཆེན་པོ་གསོན་ཅིག །འདི་ནི་ཆུ་དང་ཞོ་དང་དར་བའམ་མུ་ཏིག་ཆུ་ཡིས་གང་བ་མིན། །གེ་སར་དྲི་ཞིམ་ཁུ་བའི་ཆང་དང་མར་གྱིས་གང་བ་ཡང་མ་ཡིན་ལ། །ཀུ་མུ་ཏ་དང་སྤྲིན་མེད་ཟླ་
[59a.4]འོད་འདྲ་བའི་འོ་མས་གང་བ་མིན། །སྡིག་པའི་རང་བཞིན་ཅན་གྱིས་གང་བའི་བུམ་པ་དེ་ཡི་ཡོན་ཏན་ཉོན། །གང་ཞིག་འཐུངས་ན་ར་རོ་སོང་ནས་གོམ་པ་དབང་མེད་འདོར་ཞིང་འགྲོ། །ཡུལ་ཕྱོགས་མ་འདྲིས་པར་ཡང་འཁྱམས་ཤིང་རྡེག་འཆོས་དྲན་པ་ཉམས་པར་འགྱུར། །བཟའ་དང་མི་བཟའ་
[59a.5]དཔྱད་པ་མེད་པར་དེ་དག་བཟར་གྱུར་པ། །དེ་དང་དེ་ཡིས་གང་བའི་བུམ་པ་ཐ་ཤལ་འདི་ཉོས་ཤིག །གང་གིས་བདག་གི་སེམས་ལ་དབང་མེད་བློ་ཉམས་རྣམ་པར་འཁྱམས། །ཕྱུགས་དང་འདྲ་བར་བླུན་ཞིང་དགྲ་བོས་འཕྱས་ཀྱང་བྱེད་པར་འགྱུར། །གང་གིས་མདུན་སར་གར་བྱེད་འགྱུར་ཞིང་
[59a.6]བྲང་གིས་འཁར་རྔ་བརྡུངས། །དགེ་བ་མེད་པའི་བུམ་པའི་ཆང་འདི་ཁྱེད་ཀྱིས་ཉོ་བར་རིགས། །འཐུངས་ན་གང་གིས་བདག་གི་ངོ་ཚ་འོས་པ་འདོར། །གོས་དང་བྲལ་ཞིང་གཅེར་བུར་བྱུང་ཡང་ངོ་ཚ་མེད། །གྲོང་ཁྱེར་སྐྱེ་བོ་མང་པོའི་ལམ་དུ་ཡིད་རྟོན་འགྲོ། །བུམ་པ་འདི་ནི་བཙོང་བར་འོས་ཏེ་
[59a.7]དེ་བླུགས་སོ། །གང་འཐུངས་ན་ནི་སྐྱུགས་པའི་ཟས་ཀྱིས་གོས་འགྱུར་ཞིང་། །ཁྱི་ཡིས་ཁ་ཡང་དོགས་པ་མེད་པར་བལྡག་པར་འགྱུར། །དྲན་པ་མེད་པར་ལམ་པོ་ཆེ་ན་ཉལ་བར་འགྱུར། །བཙོང་ན་འགྲིམ་པ་དེ་ནི་བུམ་པ་འདིར་བླུགས་སོ། །གང་ཞིག་འཐུངས་ནས་མྱོས་ཏེ་དབང་མེད་པར། །
[59b]
[59b.1]ཕ་མ་དག་ཀྱང་ཤི་ལ་འཆིང་བར་བྱེད། །ནོར་གྱི་བདག་པོ་དག་ཀྱང་ཁྱད་དུ་གསོད། །ཕན་བརླགས་དེ་ནི་བུམ་པ་འདིར་བླུགས་སོ། །གང་ཞིག་འཐུངས་ན་མྱོས་པས་དྲན་བརླགས་ཏེ། །འབྲི་སྣ་ཨན་དྷ་དག་ཀྱང་དམེ་བྱུང་ནས། །དབྱུག་ཆེན་ཐོགས་ཏེ་ཕན་ཚུན་ཐ་མལ་ཕྱུང་། །མྱོས་འགྱུར་དེ་
[59b.2]ནི་བུམ་པ་འདིར་བླུགས་སོ། །གང་ལ་ཆགས་ན་དཔལ་གྱི་གཞིར་གྱུར་རིགས། །ཇེ་མཐོ་ཇེ་མཐོར་འགྱུར་བའང་བརླག་པར་འགྱུར། །ནོར་གྱི་དབྱིག་ལྡན་རིགས་ཀྱང་ཕུང་བར་འགྱུར། །བཙོང་རྒྱུ་དེ་ནི་བུམ་པ་འདི་ན་འདུག །གློ་བུར་ངུ་ཞིང་འདུག་ལ་དགོད་ཅིང་མ་ངེས་སྨྲ། །གདོན་གྱིས་
[59b.3]ཟིན་པ་བཞིན་དུ་མིག་ནི་མཆི་མས་གང་། །སྨད་ཅིང་བརྙས་པར་འགྱུར་བའི་གནས་སུ་ངེས་འགྱུར་བ། །བློ་ཉམས་འགྱུར་བ་འདི་ནི་བུམ་པ་འདི་ན་ཡོད། །རྒས་པར་གྱུར་ཀྱང་གང་གིས་སེམས་ཉམས་ཤིང་། །བདག་ལ་ཕན་པར་འདོད་པའི་ལམ་དུ་མི་འཇུག་ན། །མ་བརྟགས་མང་དུ་
[59b.4]སྨྲ་བར་ངེས་འགྱུར་ལ། །བཙོང་རྒྱུ་དེ་ནི་བུམ་པ་འདི་ན་ཡོད། །གང་གི་ཉེས་པས་སྔོན་གྱི་ལྷ་རྣམས་མྱོས། །ལྷ་ཡི་རྒྱལ་པོའི་དཔལ་ནི་ཉམས་བྱས་ནས། །སྐྱབས་འདོད་ཕྱིར་ནི་རྒྱ་མཚོའི་ནང་ན་གབ། །དེ་ཡིས་གང་བའི་བུམ་པ་འདི་ཉོས་ཤིག །མི་བདེན་པ་ཡང་བདེན་པ་བཞིན་དུ་
[59b.5]ངོ་མཐོན་སྨྲ། །མི་བྱ་བ་ཡང་བྱ་བ་བཞིན་དུ་དགའ་བཞིན་བྱེད། །གང་གི་ལན་གྱིས་ཡོད་མེད་ཕྱིན་ཅི་ལོག་ཏུ་ཤེས། །དེ་ནི་སྨད་པའི་ལུས་བཞིན་བུམ་པ་འདི་ན་འདུག །མྱོས་འགྱུར་རིག་སྔགས་སྡུག་བསྔལ་རྒྱུར་འགྱུར་བ། །སྡིག་པའི་མ་མོ་བྱུང་ངན་མངོན་སུམ་བཞིན། །རྩོད་
[59b.6]པའི་ལམ་དང་ཐ་དད་མ་ཡིན་པ། །སྙིང་གི་མུན་པ་མི་བཟད་དེ་མྱོས་ཤིག །གང་གིས་བློ་ནི་རབ་ཏུ་ཉམས་གྱུར་ནས། །ཕ་མ་ཉེས་པ་མེད་པའང་གསོད་འགྱུར་ཞིང་། །བདེ་ལ་མ་ཆགས་དཀའ་ཐུབ་ཅན་ཡང་གསོད། །བཙོང་བའི་མཆོག་འདི་རྒྱལ་ལ་ཕུལ་བས་བཞེས། །མི་ཡི་བདག་
[59b.7]པོ་ཆང་ནི་འདི་འདྲ་ཡང་། །འཇིག་རྟེན་ན་ནི་ལྷ་ཞེས་རབ་ཏུ་གྲགས། །ཡོན་ཏན་ལ་ནི་གང་དག་མི་དགའ་བ། །དེ་དག་ཆང་འདི་ཉོས་ལ་འབད་པར་གྱིས། །གང་ཞིག་བསྟེན་ན་ངན་པ་སྤྱོད་པར་འགྱུར། །རབ་ཏུ་འཇིགས་པས་སེམས་ཅན་དམྱལ་བར་ལྟུང་། །དུད་འགྲོའི་གནས་དང་
[60a]
[60a.1]ཡི་དྭགས་དབུལ་གྱུར་པ། །མཐོང་བར་འདོད་པ་དེ་ནི་སུ་ཞིག་ཡོད། །ཆང་དེ་ཉུང་ངུ་འཐུངས་ཀྱང་རྣམ་པར་སྨིན་པ་ནི། །མི་ཡི་གནས་སུ་སྐྱེས་ཀྱང་ཚུལ་ཁྲིམས་ལྟ་བ་ཉམས། །གང་གིས་ཕྱོགས་ཀྱང་མནར་མེ་འབར་བས་བསྲེག་པར་འགྲོ། །ཡི་དྭགས་ཡུལ་དང་དུད་
[60a.2]འགྲོ་དམན་པར་གནས་པར་འགྱུར། །ཚུལ་ཁྲིམས་ཉམས་པར་འགྱུར་ཞིང་གཏམ་ངན་མངོན་སུམ་འབྱུང་། །ངོ་ཚ་མེད་ཅིང་བློ་གྲོས་དྲི་མ་ཅན་དུ་འགྱུར། །གང་ཞིག་འཐུངས་ན་ཡོན་ཏན་དེ་དང་དེ་ཉམས་པ། །དེ་བས་རྒྱལ་པོ་ཁྱོད་ཀྱིས་ཆང་འཐུང་ག་ལ་རིགས། །དེ་ནས་རྒྱལ་པོ་དེས་སྙིང་ལ་
[60a.3]བབ་པའི་ཚིག་རྣམས་ཆང་འཐུང་བའི་ཉེས་པ་ཁོང་དུ་ཆུད་པར་བྱས་པ་དང་། ཆང་འཐུང་བ་ལ་མ་ཆགས་ཤིང་ཞེན་པ་མེད་པར་གྱུར་ནས། བརྒྱ་བྱིན་ལ་འདི་སྐད་ཅེས་སྨྲས་སོ། །བྱམས་པའི་ཕ་མའམ་འདུལ་བས་མཉེས་བྱས་བླ་མ་བཞིན། །ཚུལ་དང་ཚུལ་མིན་མཁས་པའི་ཐུབ་པས་སྨྲས་
[60a.4]པ་བཞིན། །ཁྱོད་ཀྱིས་བདག་ལ་ཕན་ཕྱིར་ལེགས་པར་གདམས་པ་དེ། །སྤྱོད་པས་ཉམས་སུ་བླང་སྟེ་ཚུལ་བཞིན་མཉེས་པར་བགྱིའོ། །ལེགས་པར་སྨྲས་པའི་ལན་དུ་མཆོད་པ་འདི་ཁྱོད་ཀྱིས་བདག་ལས་བཞེས་པར་རིགས་སོ། །ཡུལ་གྲུ་བཟང་པོ་ལྔ་ཡང་ཁྱོད་ལ་འབུལ། །བྲན་བརྒྱ་པོ་དང་བཞོན་པ་ལྔ་བརྒྱ་
[60a.5]འབུལ། །རྟ་མཆོག་སྦྱར་བའི་ཤིང་རྟ་འདི་བཅུ་བཞེས། །བདག་གི་བླ་མ་ཕན་པ་སྟོན་པར་འགྱུར། །གཞན་ཡང་བདག་གིས་གང་དང་གང་བགྱི་བ་འདིར་སྤྲིང་ཞིང་སླན་ཆད་ཀྱང་བདག་ལ་སྤྱན་རས་ཀྱིས་སྩལ་པར་གསོལ། བརྒྱ་བྱིན་གྱིས་སྨྲས་པ། ཡུལ་གྲུ་མཆོག་ལ་སོགས་པའང་ང་མི་འདོད། །ལྷ་
[60a.6]དབང་ང་ཡིན་རྒྱལ་པོས་ཤེས་པར་བྱོས། །ཕན་པར་སྨྲས་ལ་མཆོད་པར་བྱ་བ་ནི། །བསྒོ་བའི་ཚིག་བཞིན་ཉམས་སུ་ལེན་པ་ཡིན། །གྲགས་དང་དཔལ་གྱི་ལམ་ནི་འདི་ཡིན་ཏེ། །ཚེ་རབས་གཞན་ལ་བདེ་བ་དེ་ཡང་ཐོབ། །དེ་བས་ཆང་ལ་ཆགས་པ་རབ་སྤོངས་ལ། །ཆོས་ལ་གནས་པ་
[60a.7]ང་ཡི་ཡུལ་ལ་བརྟེན། །དེ་སྐད་སྨྲས་ནས་བརྒྱ་བྱིན་དེ་ཉིད་དུ་མི་སྣང་བར་གྱུར་ཏོ། །རྒྱལ་པོ་དེ་ཡང་བློན་པོ་དང་འབངས་སུ་བཅས་པ་ཆང་མི་འཐུང་བར་གྱུར་ཏོ། །དེ་ལྟར་ན་ཆང་འཐུང་བ་ནི་ཉེས་པ་དུ་མ་འབྱུང་ཞིང་ཤིན་ཏུ་མ་རུངས་པར་འགྱུར་བའི་ཕྱིར། དགེ་བ་རྣམས་ནི་གཞན་དག་ཀྱང་འདི་
[60b]
[60b.1]ལས་ཟློག་པར་བྱེད་ན། བདག་ཉིད་ལྟ་སྨོས་ཀྱང་ཅི་དགོས། བཅོམ་ལྡན་འདས་དེ་ཚེ་རབས་སྔ་མ་ལ་ཡང་འཇིག་རྟེན་ལ་ཕན་པ་འབའ་ཞིག་མཛད་པའོ་ཞེས། དེ་བཞིན་གཤེགས་པའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །བུམ་པའི་སྐྱེས་པའི་རབས་ཏེ་བཅུ་བདུན་པའོ།། །།
[60b.2]བམ་པོ་དྲུག་པ། ཁྱིམ་ན་གནས་པ་ནི་ཚུལ་ཁྲིམས་ཀྱི་གཉེན་པོར་འགྱུར་ཞིང་གནོད་པའི་ཕྱིར་བདག་ལ་ཕན་པར་འདོད་པ་རྣམས་ཁྱིམ་ན་གནས་པ་ཡོངས་སུ་གཏོང་ངོ་། །དེ་ཡང་འདི་ལྟར་བྱང་ཆུབ་སེམས་དཔའ་རེ་ཞིག་ཅིག་རྒྱལ་རིགས་ཕྱུག་པོའི་རིགས་འཚོ་བའི་ཚུལ་དང་སྤྱོད་པ་ཕུན་སུམ་ཚོགས་
[60b.3]པ། ཆོ་རིགས་མཐོན་པོ་ལ་དགའ་བ་རྣམས་ཀྱིས་གཉེན་བྱ་བར་གསོལ་བ་བཏབ་པ། དགེ་སྦྱོང་དང་བྲམ་ཟེ་རྣམས་ཀྱི་རེ་བའི་གནས་སུ་གྱུར་པ། བང་མཛོད་རྣམས་ན་གཉེན་བཤེས་དང་ཐུན་མོང་དུ་སྤྱོད་པ། ཕོངས་ཤིང་སློང་བ་རྣམས་ནི་མངོན་པར་འཁོར་བ། ལག་བཟོ་བ་རྣམས་ཀྱི་
[60b.4]འཚོ་བའི་གནས་སུ་གྱུར་པ། དཔལ་གྱི་གཞིར་གྱུར་པ་དང་། རྒྱལ་པོས་བཀུར་སྟི་བྱ་ཞིང་ཕན་བཏགས་པར་གྱུར་པ། འཇིག་རྟེན་པས་མངོན་པར་བཀུར་བའི་ཁྱིམ་ཅིག་ཏུ་སྐྱེས་པར་གྱུར་ཏོ་ཞེས་གྲགས་སོ། །དེ་རིམ་གྱིས་ནར་སོན་པར་གྱུར་པ་དང་། འཇིག་རྟེན་པས་བསྔགས་པའི་
[60b.5]རིག་པའི་གནས་རྣམས་ནི་བསླབ་པ་དང་སྒྱུ་རྩལ་གྱི་ཐབས་རྣམ་པ་སྣ་ཚོགས་ལ་ནི་བློ་གསལ་བར་གྱུར། ལུས་བྱད་བཟང་པོ་སྐྱེ་བོའི་མིག་ཏུ་སྡུག་པ་དང་། ཆོས་དང་མི་འགལ་བར་འཇིག་རྟེན་གྱི་ཚུལ་ལ་མཁས་པས་འཇིག་རྟེན་པ་རྣམས་ཀྱིས་ནང་མི་བཞིན་དུ་སྙིང་ལ་ཆགས་པར་གྱུར་ཏོ། །ནང་
[60b.6]མི་རྣམས་ནི་ནང་མི་ཞེས། །ལྷག་པར་དགའ་བར་འགྱུར་བ་མེད། །ཕྱི་མི་རྣམས་ཀྱང་ཕྱི་མི་ཞེས། །ནང་མི་དག་ལས་གཞན་དུ་མིན། །སྐྱོན་དང་ཡོན་ཏན་ལས་བརྟགས་ནས། །ནང་མིའམ་ཡང་ན་ཕྱི་མིའང་རུང་། །འཇིག་རྟེན་ན་ནི་བཀུར་སྟི་དང་། །སྨད་པར་བྱ་བའི་གནས་སུ་གྱུར། །
[60b.7]སེམས་དཔའ་ཆེན་པོ་དེ་སྔོན་རབ་ཏུ་བྱུང་བ་ལ་གོམས་པར་བྱས་པས། །ཁྱིམ་ན་གནས་པ་ཚོལ་བའི་སྡུག་བསྔལ་དང་། ཆོས་དང་འགལ་བར་རབ་ཏུ་ཤེས་གྱུར་ཅིང་། །དཀའ་ཐུབ་ནགས་ཚལ་བདེ་འབྱུང་གནས་རིག་ནས། །ཁྱིམ་གྱི་བདེ་ལ་ཡིད་ནི་ཆགས་མ་གྱུར། །དེ་ཕ་མ་གཉིས་
[61a]
[61a.1]ཚེ་འདས་པས་སྙིང་མི་དགའ་བར་གྱུར་ཏོ། །ཁྱིམ་གྱི་རྫས་དང་དབྱིག་བརྒྱ་སྟོང་དུ་མ་ཡོད་པ་དེ་ཡང་གཉེན་བཤེས་དང་དགེ་སྦྱོང་དང་བྲམ་ཟེ་དང་ཕོངས་པ་རྣམས་ལ་ཅི་ལྟར་རིགས་པར་བྱིན་ནས་རབ་ཏུ་བྱུང་བར་གྱུར་ཏོ། །དེ་རིམ་གྱིས་གྲོང་དང་ལྗོངས་དང་ཕོ་བྲང་འཁོར་དུ་རྒྱུ་ཞིང་སོང་སོང་
[61a.2]བ་ལས་གྲོང་ཁྱེར་ཅིག་ཏུ་བརྟེན་ཏེ། ནགས་ཚལ་གྱི་གནས་ཅིག་ཏུ་གནས་པར་གྱུར་ཏོ། །དེ་བསམ་གཏན་གྱི་ཡོན་ཏན་ལ་གོམས་པས་ཚུལ་བཅོས་པ་མ་ཡིན་པར་དབང་པོ་རང་བཞིན་གྱིས་དང་བ་དང་མ་ཁེངས་པ་དང་རྙེད་པ་ལ་རེ་བའི་བརྐམ་པ་དང་ཞུམ་པ་མེད་པ་དང་། དུལ་ཞིང་གཟི་བརྗིད་ཆེ་བ་
[61a.3]དང་། ཅི་ལྟར་རིགས་པར་འཇམ་པོར་སྨྲས་ཤིང་གསལ་བ་དང་ཆོས་དང་ཆོས་མ་ཡིན་པ་རབ་ཏུ་འབྱེད་པ་ལ་མཁས་པ་དང་། རྣ་བ་དང་སྙིང་ཚིམ་པར་བྱེད་པའི་ཚིག་ལ་མཁས་པ་ཡིན་པར་མངོན་པར་སྨྲ་བ་དང་། རབ་ཏུ་བྱུང་བའི་སྤྱོད་ཚུལ་བཟང་པོ་དང་ཡ་རབས་རྣམས་དགའ་བའི་སྤྱོད་པས་
[61a.4]དེ་ན་ཡང་རབ་ཏུ་གྲགས་པར་གྱུར་ཏོ། །སྐྱེ་བོ་རྟོག་དཔྱོད་ཅན་རྣམས་ཀྱིས་ཀྱང་། དེའི་ཆོ་རིགས་བཙུན་པ་ལས་རབ་ཏུ་བྱུང་བར་ཤེས་ནས། དེ་ནས་འཇིག་རྟེན་པ་རྣམས་ཀྱིས་བཀུར་སྟི་ཆེར་བྱས་པར་གྱུར་ཏོ། །རིགས་དང་གཟུགས་ཀྱི་ཡོན་ཏན་ལས། །ཡོན་ཏན་རབ་ཏུ་བརྗིད་པར་འགྱུར། །
[61a.5]ས་གཞི་རབ་ཏུ་བཟང་པོ་ལ། །ཟླ་བའི་འོད་ཟེར་ཤར་བ་བཞིན། །དེ་ནས་དེར་འོངས་པར་དེའི་ཕའི་མཛའ་བོས་ཤེས་ནས་དེའི་དྲུང་དུ་འོང་སྟེ། ཡོན་ཏན་བརྗོད་ཅིང་གུས་པར་ནད་དྲིས་ནས་དེ་ལ་བདག་ཕའི་མཛའ་བོ་ཡིན་པར་ཤེས་པར་བྱས་ཏེ། གཏམ་གྱི་གླེང་བསླང་ནས་འཇམ་པོས་སྨྲས་
[61a.6]པ། ན་ཚོད་འདི་ཙམ་ལས་ཆོ་རིགས་ལ་ཡང་མི་ལྟ་བར་འདི་ལྟར་རབ་ཏུ་བྱུང་བ་ནི། བཙུན་པ་ཁྱེད་ཀྱིས་མི་བརྟན་པ་བཞིན་དུ་བྱས་སོ། །ཁྱིམ་ན་འདུག་གམ་དགོན་པར་སོང་ཡང་རུང་། །ལེགས་པར་བསྒྲུབས་པས་ཆོས་ནི་བརྙེས་གྱུར་ན། །ཁྱིམ་བཟང་དཔལ་དང་ལྡན་པ་བོར་ནས་ནི། །ཅི་ཕྱིར་
[61a.7]ཁྱོད་བློ་དགོན་པར་དགའ་བར་གྱུར། །གཞན་གྱི་དྲིང་ལ་ལྟོས་ཤིང་སློང་མོ་སྤྱོད། །ངན་པ་བཞིན་དུ་སྐྱེ་བོ་རྣམས་ཀྱིས་སྨད། །ངན་པའི་གོས་གྱོན་གཉེན་བཤེས་རྣམས་དང་བྲལ། །བས་མཐའི་ས་ན་ལུས་ནི་བསྐྱུར་ཏེ་བོར། །དབུལ་པོའི་ལུས་ནི་ཉེ་བར་བླངས་པ་བཞིན། །ཁྱོད་ཀྱི་གནས་
[61b]
[61b.1]སྐབས་འདི་ལ་བལྟས་ན་ནི། །དགྲ་ཡི་མིག་ཀྱང་མཆི་མས་གང་འགྱུར་ན། །མྱ་ངན་དབང་དུ་ཇི་ལྟར་མ་གྱུར་ཀྱང་། །དེ་བས་ཁྱོད་ཀྱི་ཕ་ཡི་ཁྱིམ་དུ་འདོང་། །ཐོས་པའི་དོན་ནི་ཁྱོད་ཀྱིས་ཡོད་པར་བྱོས། །བུ་མཆོག་ཁྱོད་ཀྱིས་དེར་ནི་གནས་བཅས་ནས། །ཆོས་དང་ཡིད་ལ་བསམ་པ་
[61b.2]གྲུབ་པར་གྱིས། །འཇིག་རྟེན་ན་ཡང་འདི་སྐད་དུ་གྲགས་ཏེ། གཞན་གྱི་ལས་བྱེད་པ་དག་ཀྱང་། །བདག་གི་ཁྱིམ་ན་རེ་གནས་བདེ། །འབྱོར་པའི་དཔལ་ནི་འབྱོར་གྱུར་པ། །བདེ་བ་ཐོབ་པ་སྨོས་ཅི་དགོས། །དེ་ནས་བྱང་ཆུབ་སེམས་དཔའ་དབེན་པ་ལ་གནས་པའི་བདེ་བའི་བདུད་རྩི་
[61b.3]འདི་ལ་བློ་གོམས་པར་བྱས་པ་དང་། སྙིང་དེ་ལ་གཞོལ་བར་གྱུར་པ། ཁྱིམ་ན་གནས་པ་དང་ནགས་ཚལ་ན་གནས་པའི་བྱེ་བྲག་ཤེས་པར་གྱུར་པ། ལྟོས་འགྲངས་ཟིན་པ་ལ་ཁ་ཟས་ཀྱི་གཏམ་ཟེར་བ་ཡིད་དུ་མི་འོང་བ་བཞིན་དུ་འདོད་པ་ལ་བསྟབས་པ་ཡིད་དུ་མི་འོང་བར་གྱུར་ནས་སྨྲས་པ།
[61b.4]ཁྱོད་ཀྱིས་ཚིག་འདི་སྨྲས་པ་ཡི། །སྨྲས་པ་ཉེས་པ་ཆུང་མོད་ཀྱི། །བཙོན་ར་འདྲ་བའི་ཁྱིམ་ལ་ནི། །ནམ་ཡང་བདེ་བར་མ་སེམས་ཤིག །ཕྱུག་གམ་ཡང་ན་དབུལ་ཡང་རུང་། །ཁྱིམ་ན་གནས་པ་ནད་དུ་ཆེ། །གཅིག་ནི་བསྲུང་བས་ཉོན་མོངས་ལ། །གཉིས་པ་ཚོལ་བས་ཤ་ཐང་
[61b.5]ངོ་། །ཕྱུག་གམ་ཡང་ན་དབུལ་ཡང་རུང་། །གང་ན་བདེ་བ་མེད་གྱུར་པ། །དེ་ལ་དགའ་བ་རྨོངས་པ་ནི། །སྡིག་པའི་འབྲས་བུ་སྨིན་པ་ཉིད། །ཁྱིམ་ན་གནས་པས་ཀྱང་ཆོས་འདི་མཉེས་པར་བྱར་རུང་ངོ་། །ཞེས་ཟེར་བ་དེ་ཡང་ཁྱིམ་ཡང་ཆོས་ཀྱི་གཉེན་པོ་དང་འདོམ་པ་དང་། ལས་
[61b.6]སུ་བྱ་བ་མང་ཆེས་པས་རབ་ཏུ་དཀའོ། །ཁྱོད་ལྟོས་ཤིག །ཁྱིམ་གྱི་སོ་ནམ་བྱས་ན་ནི། །བརྫུན་དུ་མི་སྨྲ་མི་རུང་ཞིང་། །ཕ་རོལ་ཉེས་པ་བྱེད་པ་ལ། །ནན་ཏུར་མི་བྱར་མི་རུང་ངོ་། །དེ་ལྟ་བས་ན་སྐྱེ་བོ་འདི་དག་ཁྱིམ་གྱི་བདེ་བ་ལ་སྙིང་ཆགས་ནས། དེ་བསྒྲུབ་བ་ལ་འབད་པ་ནི། གལ་
[61b.7]ཏེ་ཆོས་སྤྱད་ཁྱིམ་གྱི་སོ་ནམ་འཆོར། །ཁྱིམ་ལ་ཆགས་ན་ཆོས་ཀྱང་ག་ལ་འགྲུབ། །ཆོས་ཀྱི་ལམ་ནི་རབ་ཏུ་ཞི་བ་ཡིན། །ཁྱིམ་གྱི་དོན་ནི་དྲག་ཤུལ་ཅན་གྱིས་འགྲུབ། །དེ་བས་ཆོས་དང་འགལ་བའི་སྐྱོན་ཡོད་ཕྱིར། །བདག་ལ་ཕན་འདོད་སུ་ཞིག་ཁྱིམ་ན་གནས། །ཆོས་ནི་བདེ་ལ་ཆགས་པ་
[62a]
[62a.1]སྤོང་བ་ཡིན། །བདེ་བ་བསྒྲུབ་པའང་ངེས་པ་ཡོད་མ་ཡིན། །གདོན་མི་ཟ་བར་གྲགས་པ་མེད་པར་འགྱུར། །ཡིད་ལ་གདུང་བ་སྐྱེ་ཞིང་ངན་འགྲོར་ལྟུང་། །དེ་བས་ཆོས་དང་འགལ་བ་བདེ་བའི་ཐབས། །ཚུལ་ལ་མཁས་པ་རྣམས་ནི་མི་བསྒྲུབ་པོ། །གཞན་ཡང་
[62a.2]ཁྱིམ་ན་གནས་པ་བདེའོ་ཞེས་བྱ་བ་འདི་ཡང་ཡིད་ཆེས་པར་བྱ་བ་ཡིན་པར་བདག་གིས་མ་མཐོང་ངོ་། །བསྒྲུབ་ཅིང་བསྲུང་ལ་སོགས་པའི་སྡུག་བསྔལ་དེས། །བཅིང་ཞིང་བསད་པའི་སྡུག་བསྔལ་གཞིར་གྱུར་པ། །རྒྱལ་པོ་དག་ཀྱང་འབྱོར་པས་ཆོག་མི་ཤེས། །ཆར་ཆུ་འབབ་པས་
[62a.3]རྒྱ་མཚོ་མི་གང་བཞིན། །ཡོངས་སུ་རྟོགས་པའི་དབང་དུ་མ་གྱུར་ན། །འདི་ལ་ཅི་ལྟར་ནམ་ཞིག་གང་ལ་བདེ། །རྨོངས་པས་འདོད་ཆགས་ཉེ་བར་སྤྱོད་པ་ཡང་། །རྨ་གཡའ་འཕྲུགས་པའི་བདེ་བ་བཞིན་དུ་ཟད། །གཞན་ཡང་ཕལ་ཆེར་ནི་འདི་ལྟ་བུ་ཡིན་ནོ། །ཁྱིམ་ནི་འབྱོར་ན་ཕལ་
[62a.4]ཆེར་རྒྱགས་པར་འགྱུར། །རིགས་བཙུན་ང་རྒྱལ་ཆེ་ཞིང་སྟོབས་ཀྱིས་བསྙེམས། །སྡུག་བསྔལ་ཁྲོ་ཞིང་རྒུད་ན་ཞུམ་པར་འགྱུར། །དེས་ན་ནམ་ཞིག་རབ་ཏུ་ཞི་བར་འགྱུར། །དེ་བས་ན་འདིར་བཙུན་པ་ཁྱོད་ལ་གདམས་ངག་ཏུ་བྱ་བ་ནི། དྲེགས་དང་ང་རྒྱལ་གཏི་མུག་སྦྲུལ་གྱི་ཚང་། །
[62a.5]རབ་ཏུ་ཞི་ལ་དགའ་བའི་བདེ་འཇིགས་པ། །སྡུག་བསྔལ་མི་བཟད་མང་པོའི་གནས་གྱུར་ཁྱིམ། །ཁུང་དང་འདྲ་བས་སུ་ཞིག་གནས་པར་བྱེད། །སྐྱེ་བོ་ཆོག་ཤེས་རྣམས་ཀྱི་ཁྱིམ། །རབ་ཏུ་བདེ་བ་དབེན་པའི་ཚལ། །ཇི་ལྟར་སེམས་ནི་དགའ་འགྱུར་བ། །དེ་འདྲ་ལྷ་ཡི་
[62a.6]ཡུལ་ནའང་མེད། །དེ་བས་ཚལ་ན་ངན་པའི་གོས་གྱོན་ཏེ། །གཞན་གྱི་དྲིང་ལ་འཇོག་ཅིང་འཚོ་ཡང་རུང་། །བདག་ལ་ཕན་འདོད་དུག་ཅན་མི་བཟའ་བཞིན། །ཆོས་མིན་འདྲེས་པའི་བདེ་བ་མི་འདོད་དོ། །དེ་ལྟར་དེས་ཡིད་དུ་འོང་བའི་ཚིག་གིས་ཕའི་མཛའ་བོ་དེ་ཡིད་ཆེས་པར་
[62a.7]བྱས་པ་དང་། སེམས་དཔའ་ཆེན་པོ་དེ་ལ་རབ་ཏུ་གུས་ཤིང་བཀུར་སྟིའི་བྱ་བ་ཁྱད་པར་ཅན་གྱིས་རབ་ཏུ་མགུ་བར་བྱས་སོ། །དེ་ལྟ་བས་ན་ཁྱིམ་ན་གནས་པའི་ཚུལ་ཁྲིམས་དང་རབ་ཏུ་ཞི་བའི་གཉེན་པོ་ལ་གནོད་པ་ཡིན་པས། བདག་ལ་ཕན་པར་འདོད་པ་རྣམས་ཡོངས་སུ་གཏོང་ངོ་། །
[62b]
[62b.1]རབ་ཏུ་དབེན་པའི་རོ་མྱོང་ན་འདོད་པ་ལས་སླར་ལོག་གོ་ཞེས་རབ་ཏུ་དབེན་པའི་གཏམ་བྱ་བ་ལ་ཡང་སྦྱར་བར་བྱའོ། །རྒྱལ་རིགས་ཕྱུག་པོར་སྐྱེས་པའི་རབས་ཏེ་བཅོ་བརྒྱད་པའོ།། །།རབ་ཏུ་དབེན་པ་བདེ་བའི་རོ་མྱང་བ་རྣམས་ནི། འདོད་པ་ལས་འཕྱས་ཀྱི་གནས་དང་། གནོད་
[62b.2]པ་ལྟ་བུར་མི་མཐུན་པར་སེམས་སོ། །དེ་ཡང་འདི་ལྟར་བྱང་ཆུབ་སེམས་དཔའ་རེ་ཞིག་ཅིག །བྲམ་ཟེའི་རིགས་ཆེན་པོ་ཡོན་ཏན་གྱི་གྲགས་པ་རྒྱས་པ་འཕྱས་སུ་བྱས་པའི་སྐྱོན་མེད་པ་ཞིག་ཏུ་སྐྱེས་པར་གྱུར་ཏོ་ཞེས་གྲགས་སོ། །དེ་ལ་ཡང་ནུ་བོ་དྲུག་ཡོད་པ་ཡང་། དེའི་གཟུགས་
[62b.3]དང་ཡོན་ཏན་མཐུན་པ། བྱམས་ཤིང་གུས་པའི་ཡོན་ཏན་དང་ལྡན་པ། རྟག་ཏུ་རྗེས་སུ་འབྲང་བ་དག་དང་སྲིང་མོ་གཅིག་དང་བདུན་འཁོད་པ་ལས། དེ་ནི་རིག་བྱེད་ཡན་ལག་དང་བཅས་པ། ཉེ་བའི་རིག་བྱེད་དང་བཅས་པ་ནི་ལོབས། མཁས་པའི་གྲགས་པ་ནི་ཐོབ། སྐྱེ་བོ་རྣམས་ཀྱིས་
[62b.4]ནི་བཀུར་སྟི་བྱས། ཕ་མ་གཉིས་ལ་ལྷ་བཞིན་དུ་རབ་ཏུ་གུས་པར་བསྙེན་བཀུར་བྱས། ནུ་བོ་དེ་རྣམས་ལ་སློབ་དཔོན་དང་ཕ་བཞིན་དུ་རིག་པ་སློབ་ཅིང་། ཚུལ་དང་འདུལ་བ་ལ་མཁས་པར་བྱས་ནས་ཁྱིམ་ན་གནས་སོ། །དེ་ཡུན་རིང་ཞིག་ན་ཕ་མ་གཉིས་དུས་བྱས་པའི་མྱ་ངན་
[62b.5]གྱིས་གདུངས་པ་ལས་ཕ་མ་གཉིས་ཀྱི་ཤིད་བྱས་ཟིན་ནས། མྱ་ངན་བྱེད་པའི་ཉིན་ཞག་འདས་པ་དང་། ནུ་བོ་རྣམས་ལ་སྨྲས་པ། ཡུན་རིང་ལྷན་ཅིག་འཁོད་འདོད་ཀྱང་། །འཆི་བས་སོ་སོར་བྲལ་གྱུར་ཞིང་། །མྱ་ངན་ཆེན་པོས་གདུངས་གྱུར་པ། །འདི་ནི་འཇིག་རྟེན་འདི་ན་ངེས། །
[62b.6]བདག་ནི་ཁྱིམ་ན་ཆགས་བཞིན་དུ། །འཆི་བའི་དགྲ་ཡིས་དེའུ་རེ་བསད། །དེ་བས་ཕན་པའི་ལམ་བཟང་པོའི། །བདག་ནི་རབ་ཏུ་བྱུང་བར་འདོད། །དེ་བས་ན་ཁྱེད་རྣམས་ཀྱིས་ཤེས་པར་གྱིས་ཤིག །བྲམ་ཟེའི་ཁྱིམ་ན་ཆོས་ཀྱི་ལམ་གྱིས་རྙེད་པའི་ལོངས་སྤྱོད་ཙམ་ཡོད་དེ། དེས་
[62b.7]འཚོ་བ་འབྱོར་གྱིས་དེ་བས་ན་ཁྱེད་རྣམས་ཕན་ཚུན་བྱམས་པ་དང་། བཀུར་སྟི་ནི་བྱེད། ཚུལ་ཁྲིམས་དང་གཙང་སྦྲ་སྤྱོད་པ་ལ་ནི་འབད། རིག་བྱེད་སློབ་པ་ལ་ནི་འགྲུས། གཉེན་བཤེས་དང་སློང་བ་རྣམས་ནི་རེ་ཐག་མི་གཅོད། ཆོས་ལ་ནི་གཞོལ་བར་བྱོས་ལ་ཁྱིམ་ན་ལེགས་པར་
[63a]
[63a.1]འཁོད་ཅིག །འདུལ་བ་ལ་ནི་རྟག་ཏུ་འབད། །ཁ་ཐོན་སློབ་པ་དག་ལ་འགྲུས། །སྦྱིན་པ་ལེགས་པར་རབ་སྦྱིན་ཞིང་། །ཁྱིམ་གྱི་དཀའ་ཐུབ་སྤྱད་པར་གྱིས། །དེ་ལྟར་བྱས་ན་ཁྱེད་ལ་གྲགས་པ་འཕེལ། །ཆོས་དང་སྲིད་དང་བདེ་བའང་འཕེལ། །འཇིག་
[63a.2]རྟེན་ཕྱི་མ་ལ་ཡང་བདེ་བར་འགྱུར། །དེ་བས་བག་ཡོད་ཁྱིམ་ན་གནས་པར་གྱིས། །དེ་ནས་དེའི་ནུ་བོ་རྣམས་ཀྱིས་དེ་རབ་ཏུ་བྱུང་ཞེས་ཟེར་བ་ཐོས་ནས་བྲལ་དུ་དོགས་པའི་མྱ་ངན་གྱིས་སེམས་གདུངས་ཏེ། མྱ་ངན་གྱི་མཆི་མས་གདོང་ཁེབས་བཞིན་དུ་ཕྱག་འཚལ་ཏེ། དེ་ལ་འདི་སྐད་
[63a.3]ཅེས་སྨྲས་སོ། །བདག་ཅག་ཕ་མ་དང་བྲལ་བའི་མྱ་ངན་གྱི་ཟུག་རྔུའི་རྨ་མ་སོས་པར་སྡུག་བསྔལ་གཞན་གྱིས་མནན་ཏེ། ཁྱོད་ཀྱིས་འདིར་རྨ་དཀྲུགས་པར་མི་རིགས་སོ། །ཕ་མའི་མྱ་ངན་ཟུག་རྔུ་ད་རུང་དུ། །བདག་ཅག་ཡིད་ལ་རྨ་ནི་མ་སོས་བཞིན། །དེ་བས་བརྟན་པའི་བློ་ཅན་
[63a.4]འདི་བཏང་ལེགས། །བདག་ཅག་རྨ་ནི་འཇིག་པར་མ་མཛད་ཅིག །འོན་ཏེ་ཁྱིམ་ན་གནས་པ་མི་བཞེད་ལ། །ནགས་ཚལ་གནས་པ་བདེ་བའི་ལམ་དག་ན། །བདག་ཅག་མགོན་མེད་ཁྱིམ་དུ་བོར་ནས་སུ། །ཅི་ཕྱིར་གཅིག་པུ་ནགས་སུ་བཞུགས་པར་དགྱེས། །དེ་བས་ན་ཁྱོད་གང་དུ་
[63a.5]བཞུད་པ་དེར་བདག་ཅག་ཀྱང་མཆིས་ཏེ། བདག་ཅག་ཀྱང་རབ་ཏུ་བྱུང་ངོ་ཞེས་སྨྲས་པ་དང་། བྱང་ཆུབ་སེམས་དཔས་སྨྲས་པ། དབེན་པར་གནས་ལ་མ་གོམས་ཤིང་། །འདོད་ལ་ཆགས་པའི་རྗེས་འབྲང་བའི། །སྐྱེ་བོ་ཕལ་ཆེར་རབ་བྱུང་ལ། །གཡང་སར་ལྷུང་བ་བཞིན་དུ་ལྟ། །
[63a.6]དེ་བས་ན་ཁྱིམ་དུ་གནས་པ་དང་། ནགས་ཚལ་ན་གནས་པའི་བྱེ་བྲག་ཤེས་བཞིན་དུ་རབ་ཏུ་བྱུང་བ་ལ་གནས་པར་བདག་ཅག་གི་ཆེད་དུ་མ་སྨྲས་སོ། །དེ་ལྟར་ཁྱོད་རབ་ཏུ་བྱུང་བར་འདོད་ན། ཡུ་བུ་ཅག་རབ་ཏུ་བྱུང་བར་འདོད་ཀྱིས་འདོད་དོ། །དེ་ནས་བུ་བདུན་པོ་དེ་དག་དང་། སྲིང་མོ་
[63a.7]དང་བརྒྱད་ཆར་གྱིས་ཁྱིམ་གྱི་ལོངས་སྤྱོད་ཆེན་པོ་བཟང་པོ་དང་། མཛའ་བོ་དང་། ནང་མི་དང་ཉེ་དུའི་འཁོར་གདོང་མཆི་མས་གང་བ་རྣམས་བོར་ཏེ་དཀའ་ཐུབ་ནགས་སུ་རབ་ཏུ་བྱུང་ངོ་། །དེ་དག་གི་གྲོགས་པོ་ཅིག་དང་། བྲན་ཕོ་དང་བྲན་མོ་སྙིང་ཉེ་བ་ཅིག་ཀྱང་དེའི་ཕྱི་བཞིན་དུ་རབ་ཏུ་བྱུང་ངོ་། །
[63b]
[63b.1]དེ་དག་དགོན་པའི་ནགས་ཚལ་ཆེན་པོ་ཅིག་ན་མཚོ་ཆེན་པོ་མེ་ཏོག་པདྨ་མང་པོ་ཁ་བྱེ་བས་མཛེས་པ་ནི་འབར་བ་བཞིན། མེ་ཏོག་ཀུ་མུ་ཏ་མང་པོ་ཁ་འབུས་པ་བཀོད་པ་བཞིན། བུང་བ་མང་པོ་ནི་ཏི་རི་རི་ཆུ་གཙང་སྔོན་པོས་ནི་གང་བ་ཅིག་གི་འགྲམ་དུ་བརྟེན་ནས། ཤིང་ལོའི་སྤྱིལ་པོ་རབ་ཏུ་གཙང་
[63b.2]ཞིང་ཡིད་དུ་འོང་བ་གྲིབ་ཤིང་གིས་བསྒྲིབས་པ། སོ་སོ་སོ་སོར་བར་མི་ཉེ་བར་བྱས་པ་རྣམས་སུ་བརྟུལ་ཞུགས་དང་སྡོམ་པ་ལ་རབ་ཏུ་འབད་ཅིང་ཡིད་བསམ་གཏན་ལ་སྦྱོར་བས་གནས་པར་གྱུར་ཏོ། །ཞག་ལྔ་ལྔ་ཞིང་བྱང་ཆུབ་སེམས་དཔའི་དྲུང་དུ་ཆོས་མཉན་པའི་ཕྱིར་འདུའོ། །བྱང་ཆུབ་
[63b.3]སེམས་དཔའ་དེ་ཡང་དེ་དག་ལ་བསམ་གཏན་གྱི་མན་ངག་ལ་འཇུག་པ་འདོད་པའི་ཉེས་དམིགས་སྟོན་པ། སྐྱོ་ཞིང་ཡིད་འབྱུང་བར་འགྱུར་བ། རབ་ཏུ་དབེན་པ་དང་ཆོག་ཤེས་པའི་བསྔགས་པ་མང་དུ་འབྱུང་ལ། ཚུལ་འཆོས་པ་དང་། གཅམ་སྐྱུ་དང་ལེ་ལོ་ལ་སོགས་པའི་སྐྱོན་
[63b.4]ལ་སྨོད་པ། ཉེ་བར་ཞི་བ་དང་རབ་ཏུ་དད་པའི་ལམ་དུ་གྱུར་པའི་ཆོས་ཀྱི་གཏམ་དེ་དང་དེ་དག་ཟེར་རོ། །དེ་དག་གི་བྲན་མོ་དེ་ཡང་རབ་ཏུ་གུས་ཤིང་སྙིང་ཉེ་བས་དེ་བཞིན་དུ་གཡོག་བྱེད་དོ། །དེས་མཚོ་དེའི་ནང་ནས་པདྨའི་རྩ་བ་བཏོན་ཏེ། པདྨའི་ལོ་མ་ཆེན་པོ་ལ་མཚོ་འགྲམ་དུ་གཙང་
[63b.5]བར་ཆ་མཉམ་པར་བཀོད་ནས། ཏོག་བརྡུང་བའི་སྒྲས་དུས་བསྟན་ཏེ་སླར་སོང་ངོ་། །དེ་ནས་དྲང་སྲོང་དེ་དག་བཟླས་བརྗོད་དང་སྦྱིན་སྲེག་གི་ཆོ་ག་བྱས་ཟིན་པ་དང་། རྒན་རིམས་ཀྱིས་རེ་རེ་ནས་སོང་སྟེ། པདྨའི་རྩ་བ་ཆར་བགོས་ཏེ་བཞག་པ་དེ་ལས་གོ་རིམས་བཞིན་དུ་རེ་རེ་ནས་བླངས་
[63b.6]ནས། རང་རང་གི་ཤིང་ལོའི་སྤྱིལ་པོར་ཆོ་ག་བཞིན་དུ་ཟོས་ཏེ། བསམ་གཏན་ལ་བརྩོན་པའི་བློས་གནས་སོ། །དེ་དག་དེ་ལྟར་འཁོད་པ་ན། ཆོས་ཉན་པའི་དུས་མ་གཏོགས་པར་གཅིག་ལ་གཅིག་ལྟར་མི་འདོད་དོ། །དེ་དག་དེ་ལྟར་ཚུལ་ཁྲིམས་དང་སྤྱོད་ཚུལ་དེ་ལྟ་བུ་དང་
[63b.7]རབ་ཏུ་དབེན་པ་ལ་དགའ་བ་དང་བསམ་གཏན་ལ་གཞོལ་བས་གྲགས་པ་ཆེར་གྱུར་ཏོ། །ལྷའི་དབང་པོ་བརྒྱ་བྱིན་གྱིས་དེ་ཐོས་ནས། དེ་བརྟག་པའི་ཕྱིར་དེར་སོང་ངོ་། །དེས་ཀྱང་དེ་དག་བསམ་གཏན་ལ་མངོན་པར་ཕྱོགས་པ་དང་། བྱ་བ་ངན་པ་དང་མ་འབྲེལ་ཞིང་གདུང་བ་མེད་
[64a]
[64a.1]ལ། རབ་ཏུ་ཞི་བ་ལ་མངོན་པར་དགའ་ཞིང་འཁོད་པར་མཐོང་ནས། ཡོན་ཏན་རབ་ཏུ་བརྟན་པ་ཡོད་པར་རེ་ཞིག་དེ་བརྟག་པ་ལ་ཡིད་གཞོལ་བར་གྱུར་ཏོ། །རྩོལ་བ་མེད་པར་བས་མཐའ་ནས། །ཞི་ལ་རབ་ཏུ་གཞོལ་ཞིང་འཁོད། །དགེ་བ་རྣམས་ནི་ཡོན་ཏན་
[64a.2]ལ། །རེ་བ་སྙིང་ལ་འཇོག་པར་བྱེད། །དེ་ནས་པདྨའི་རྩ་བ་གླང་པོ་ཆེའི་ཕྲུ་གུའི་མཆེ་བ་ལྟར་དཀར་ལ་འཇམ་པ་རྣམས་བཏོན་ཏེ་བཀྲུས་ནས་པདྨའི་ལོ་མ་སྔོན་པོ་རིན་པོ་ཆེ་མར་གད་འདྲ་བ་གཙང་མ། པདྨའི་མེ་ཏོག་གི་འདབ་མ་དང་ཟེ་བའི་རྒྱན་གྱིས་བརྒྱན་པ་ལ་ཆ་མཉམ་པར་བཀོད་ནས།
[64a.3]ཏོག་བརྡུངས་པའི་སྒྲས་དྲང་སྲོང་དེ་དག་ལ་དུས་བསྟན་ཏེ་བྲན་མོ་དེ་སླར་སོང་བ་དང་། བྱང་ཆུབ་སེམས་དཔའ་བརྟག་པའི་ཕྱིར་ལྷའི་དབང་པོ་བརྒྱ་བྱིན་གྱིས། པདྨའི་རྩ་བའི་ཆ་དང་པོ་དེ་མི་སྣང་བར་བྱས་སོ། །སྡུག་བསྔལ་འབྱུང་བར་གྱུར་པ་དང་། །བདེ་བ་མེད་པར་གྱུར་ཀྱང་རུང་། །དགའ་
[64a.4]བ་རྣམས་ཀྱི་བརྟན་པའི་རྒྱུ། །རྣམ་པར་འཕྲོ་བ་བཞིན་དུ་མཐོང་། །དེ་ནས་བྱང་ཆུབ་སེམས་དཔའ་སོང་སོང་ནས་ཆ་དང་པོའི་གནས་དེ་ན་པདྨའི་རྩ་བ་ནི་མེད། པདྨའི་ལོ་མ་ནི་རྒྱན་འཁྲུགས་ཤིང་འདུག་པ་མཐོང་ནས། བདག་གི་པདྨའི་རྩ་བའི་སྐལ་བ་ཅིག་གིས་ཁྱེར་རོ་སྙམ་སྟེ།
[64a.5]སེམས་འཁྲུག་པ་དང་ཁོང་ཁྲོ་བ་མེད་པར་དེ་ནས་སླར་ལོག་ནས་ཤིང་གི་སྤྱིལ་པོར་ཞུགས་ཏེ། བསམ་གཏན་གྱི་ཆོ་ག་ཚུལ་བཞིན་དུ་བརྩམ་མོ། །དྲང་སྲོང་གཞན་རྣམས་སྙིང་མི་དགའ་བར་མི་འགྱུར་བར་བྱ་བའི་ཕྱིར་དོན་མ་སྨྲས་སོ། །དེའི་ནུ་བོ་གཞན་གྱི་སྙིང་ལམ་ན། འདིས་རང་
[64a.6]གི་སྐལ་བ་ངེས་པར་བླངས་བ་འདྲ་སྙམ་ནས། རང་རང་གི་པདྨའི་རྩ་བའི་སྐལ་བ་བླངས་ནས། རང་རང་གི་ལོ་མའི་སྤྱིལ་པོར་ཆོ་ག་བཞིན་ཟོས་ཏེ་བསམ་གཏན་བྱེད་ཅིང་འཁོད་དོ། །དེ་བཞིན་དུ་ཞག་གཉིས་པ་དང་། གསུམ་པ་དང་བཞི་པ་དང་ཞག་ལྔ་པའི་བར་དུ་ཡང་དེའི་པདྨའི་རྩ་
[64a.7]བའི་སྐལ་བ་བརྒྱ་བྱིན་གྱིས་མི་སྣང་བར་བྱས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཡང་དེ་བཞིན་དུ་སེམས་འཁྲུགས་པ་མེད་ཅིང་རབ་ཏུ་ཞི་བར་གྱུར་ཏོ། །དམ་པ་རྣམས་ནི་སེམས་དཀྲུགས་པས། །ཚེ་ཟད་ནས་ནི་ཤི་ཡང་སླ། །དེ་བས་མཁས་པས་སྲོག་ཕྱིར་ཡང་། །
[64b]
[64b.1]ཡིད་ནི་འཁྲུག་པར་མི་འགྱུར་རོ། །དེ་ནས་ཕྱི་དྲོའི་དུས་ལ་བབ་སྟེ། དྲང་སྲོང་དེ་དག་ཆོས་མཉན་པའི་ཕྱིར། བྱང་ཆུབ་སེམས་དཔའི་ཤིང་ལོའི་སྤྱིལ་པོར་གོ་རིམས་བཞིན་དུ་ལྷགས་པ་དང་། དེའི་ལུས་ནི་རབ་ཏུ་རིང་འགྲམ་པ་དང་མིག་ནི་ཀོང་། བཞིན་གྱི་མདངས་རྣམས་ནི་ངན།
[64b.2]སྐད་ཀྱི་གདངས་ནི་ཆུང་། ཉམས་དམས་ཀྱང་བརྟན་པ་དང་རབ་ཏུ་ཞི་བའི་ཡོན་ཏན་ཟླ་བ་ཚེས་པ་མཐོང་ན་དགའ་བ་འདྲ་བ་མཐོང་བ་དང་། ཉེ་བར་བརྟེན་ནས་ཞེས་བསྐྱེད་དེ་རྟབས་པ་བཞིན་དུ་འདི་ཅི་ནོངས་ཞེས་རིད་པར་གྱུར་པའི་རྒྱུ་དེ་ལ་དྲིས་སོ། །དེ་ནས་བྱང་ཆུབ་སེམས་དཔས་དེ་དག་ལ་
[64b.3]དེའི་དོན་ཅི་ལྟར་འགྱུར་བ་སྨྲས་སོ། །དེ་ནས་དཀའ་ཐུབ་ཅན་དེ་དག་འདི་སྙམ་དུ་འདི་ལྟ་བུའི་ཆོས་མ་ཡིན་པ་མི་སྲིད་དོ་སྙམ་ནས། དེ་ཉམ་ཐག་པས་ཀྱང་མི་དགའ་བར་གྱུར་ཏེ། མཚར་བྱས་སོ་ཞེས་གཅིག་ལ་གཅིག་སྨྲས་ནས་ངོ་ཚ་ཞིང་མགོ་སྨད་དེ་འཁོད་དོ། །ཤེས་པ་
[64b.4]འཇུག་པའི་ཡུལ་ཡང་བརྒྱ་བྱིན་གྱི་མཐུས་བསྒྲིབས་པས། འདི་ཅི་ལས་གྱུར་པ་ཡང་ངེས་པར་མ་གྱུར་ཏོ། །དེ་ནས་བྱང་ཆུབ་སེམས་དཔའི་ནུ་བོ་འོག་མས་རང་གི་ཡིད་ལ་གཅགས་མེད་པ། བདག་ཉིད་གཙང་བར་བསྟན་པའི་ཕྱིར། མནའ་ཁྱད་པར་ཅན་བོར་བ། བྲམ་ཟེ་
[64b.5]ཁྱོད་ཀྱི་རྩ་བ་སུས་ཁྱེར་བ། །འབྱོར་པའི་མཚན་མས་བརྒྱན་པའི་ཁྱིམ་དག་དང་། །ཆུང་མ་ཡིད་དུ་འོང་བ་རྙེད་པ་དང་། །བུ་དང་ཚ་བོ་རྣམས་དང་ལྡན་པར་ཤོག །དེའི་འོག་མས་སྨྲས་པ། བྲམ་ཟེ་ཁྱོད་ཀྱི་རྩ་བ་སུས་ཁྱེར་བ། །ཕྲེང་བ་དོ་ཤལ་ཙནྡན་གོས་བཟང་དང་། །
[64b.6]བུ་ཡིས་རེག་པའི་རྒྱན་རྣམས་ཐོགས་པ་ཡི། །འདོད་པ་མི་ཟད་པ་ལ་སྤྱོད་པར་ཤོག །ཡང་གཅིག་གིས་སྨྲས་པ། ཁྱོད་ཀྱི་རྩ་བ་གང་གིས་ཁྱེར་བ་དེ། །ཞིང་རྨོས་པ་ལས་ནོར་དང་འབྲུ་རྙེད་ཅིང་། །བུ་དང་སྨྲ་བས་རབ་ཏུ་དགའ་བར་འགྱུར། །ཚེ་ལའང་མི་ལྟ་ཁྱིམ་ན་
[64b.7]དགའ་བར་འགྱུར། །ཡང་གཅིག་གིས་སྨྲས་པ། ཁྱོད་ཀྱི་རྩ་བ་བརྐམ་པས་གང་ཁྱེར་བ། །རྒྱལ་པོ་བྲན་བཞིན་དུལ་བར་སྤྱོད་པ་ཡི། །གཙུག་ཏོར་བཏུད་པས་རབ་ཏུ་ཕྱག་བྱས་ཤིང་། །རྒྱལ་པོའི་ཚུལ་གྱིས་མ་ལུས་ས་སྐྱོང་གྱུར། །ཡང་གཅིག་གིས་སྨྲས་པ།
[65a]
[65a.1]ཁྱོད་ལྟ་བུ་ཡི་རྩ་བ་གང་ཁྱེར་བ། །དེ་ནི་རྒྱལ་པོའི་མདུན་ན་འདོན་གྱུར་ཏེ། །སྔགས་ལ་སོགས་པས་བདེ་ལེགས་བྱེད་གྱུར་ཅིག །དེ་བཞིན་རྒྱལ་པོས་བཀུར་སྟི་བྱ་བར་ཤོག །ཡང་གཅིག་གིས་སྨྲས་པ། རྩ་བ་འདོད་ཅིང་ཡོན་ཏན་མི་འདོད་པ། །རིག་བྱེད་
[65a.2]ལེགས་པར་ལོབས་ནས་སྟོན་པར་བྱེད། །དཀའ་ཐུབ་ཅན་དུ་རེ་བ་ཆེན་པོ་ཡིས། །ཡུལ་མི་ཀུན་གྱིས་དེ་ལ་མཆོད་པར་ཤོག །གྲོགས་པོས་སྨྲས་པ། ཁྱོད་ལྟ་བུ་ཡི་རྩ་བ་ལ་ཆགས་གང་། །ཡུལ་གྲུ་དམ་པ་འབྱོར་པ་བཞི་བརྒྱ་ཙམ། །རྒྱལ་པོ་དག་ལས་ཐོབ་ནས་སྤྱོད་གྱུར་ཅིང་། །
[65a.3]འདོད་ཆགས་མ་བྲལ་བར་ནི་ཤི་བར་གྱུར། །བྲན་གྱིས་སྨྲས་པ། རྩ་བའི་ཕྱིར་ནི་བདག་དོན་ཆུད་གསོན་པ། །གྲོགས་པོའི་ནང་ན་དེ་ནི་གྲོང་དཔོན་གྱུར། །རྒྱལ་པོའི་ཆད་པ་དག་གིས་མི་གཅོད་པར། །བུད་མེད་གླུ་གར་དག་གིས་དགའ་བར་གྱུར། །སྲིང་མོས་སྨྲས་པ། ཁྱོད་ལྟ་
[65a.4]བུ་ཡི་རྩ་བ་གང་ཁྱེར་བ། །དེ་ནི་རྒྱལ་པོའི་བཙུན་མོར་གྱུར་ནས་སུ། །གཟུགས་དང་དཔལ་གྱི་གཟི་བྱིན་འབར་འགྱུར་ཞིང་། །བཙུན་མོ་དམ་པ་སྟོང་གི་མཆོག་ཏུ་གྱུར། །བྲན་མོས་སྨྲས་པ། གང་གིས་རྩ་བ་མཐོང་ལ་ཆོས་མ་མཐོང་། །དེ་ནི་གཅིག་པུ་དགེ་བ་རྣམས་དང་བྲལ། །
[65a.5]བཀུར་སྟི་བྱས་ནས་མྱོས་པར་གྱུར་ནས་སུ། །ཁ་ཟས་ཞིམ་པོ་དག་ལ་དགའ་བར་གྱུར། །དེ་ནས་ནགས་ཚལ་དེ་ན་འཁོད་པའི་གནོད་སྦྱིན་དང་། གླང་པོ་ཆེ་དང་། སྤྲེའུ་དག་ཅིག་དེར་ཆོས་ཉན་དུ་ལྷགས་པས་གཏམ་དེ་ཐོས་ནས། རབ་ཏུ་ངོ་ཚ་ཞིང་མི་དགའ་བར་གྱུར་ཏེ། །དེ་ནས་
[65a.6]གནོད་སྦྱིན་གྱིས་བདག་གཙང་མར་བསྟན་པའི་ཕྱིར། དེ་དག་གི་མདུན་དུ་མནའ་བོར་བ། ཁྱེད་ཀྱི་རྩ་བའི་ཕྱིར་ནི་གང་འཁྲུལ་བ། །གཙུག་ལག་ཁང་ཆེན་དག་ནི་བརྒྱན་པར་གྱུར། །བཀྲུ་བཤལ་སྟོར་ཁུང་དག་གི་ཞིག་རལ་འཆོས། །ཉི་མའི་འོད་ཀྱིས་སྣང་བར་བྱེད་པར་འགྱུར། །གླང་
[65a.7]པོ་ཆེས་སྨྲས་པ། ཐུབ་མཆོག་ཁྱོད་ཀྱི་རྩ་བ་གང་བརྐུས་པ། །དེ་ནི་ཞགས་པ་དམ་པ་དྲུག་བརྒྱས་འཆིངས། །ལྕགས་ཀྱུ་རྣོན་པོས་དཀྲུགས་པའི་རྨ་ནད་བཞིན། །ནགས་ཚལ་ཉམས་དགའ་བོར་ནས་གྲོང་འདབ་སོང་། །སྤྲེ་འུས་སྨྲས་པ། ཁྱོད་ཀྱི་རྩ་བ་བརྐམ་པས་གང་བརྐུས་
[65b]
[65b.1]པ། །དེ་ནི་མེ་ཏོག་ཕྲེང་ཅན་ཞ་ཉེ་ཐོགས། །དབྱུག་པས་བརྡེག་ཅིང་སྦྲུལ་གྱི་ཁར་གཏོང་ཞིང་། །སེ་རལ་ཁར་བཅིངས་ཁྱིམ་ན་གནས་པར་ཤོག །དེ་ནས་བྱང་ཆུབ་སེམས་དཔས་དེ་དག་ཐམས་ཅད་ལ། འཇམ་ཞིང་དུལ་བ་དང་བཟོད་པ་དང་ཟབ་པ་སྟོན་པའི་ཚིག་འདི་སྐད་
[65b.2]ཅེས་སྨྲས་སོ། །གང་ཞིག་མ་བརླག་པར་ནི་བརླག་ཅེའམ། །གང་ཞིག་འདི་འདྲར་ཁྱེད་ལ་དོགས་གྱུར་པ། །འདོད་པའི་ཡིད་འོང་ཅི་བདེར་སྤྱད་ནས་སུ། །ཁྱིམ་ན་གནས་བཞིན་འཆི་བའི་དུས་བྱེད་གྱུར། །དེ་ནས་ལྷའི་དབང་པོ་བརྒྱ་བྱིན་དེ་དག་འདོད་པ་ལ་ཉེ་བར་སྤྱོད་པ་དང་མི་མཐུན་པ་སྨོད་པ་
[65b.3]ཞི་ནས་ཁྱད་པར་ཅན་དུ་གྱུར་པར་སྨྲས་པ་དེས། གུས་པ་དང་ཡ་མཚན་སྐྱེས་པར་གྱུར་ཏེ། དེར་རང་གི་གཟུགས་འབར་བ་དྲང་སྲོང་དེ་རྣམས་ཀྱི་མདུན་དུ་བསྟན་ནས། མི་བཟོད་པ་བཞིན་དུ་སྨྲས་པ། ཁྱེད་རེ་ཞིག་སྡོད་ཅིག །གང་དག་ཐོབ་ཕྱིར་ཡིད་
[65b.4]ལ་རྩོལ་བྱེད་ཅིང་། །བདེ་བ་འདོད་ཕྱིར་ཡིད་ལ་གཉིད་ཀྱང་མེད། །དཀའ་ཐུབ་འབད་པས་གང་དག་ཐོབ་འདོད་པའི། །འདོད་པ་དེ་དག་ཅི་ཕྱིར་དམོད་པར་བྱེད། །བྱང་ཆུབ་སེམས་དཔས་སྨྲས་པ། གྲོགས་པོ་འདོད་པ་ནི་ཉེས་དམིགས་མཐའ་ཡས་ཏེ། གང་ལ་བརྟགས་ན་ཐུབ་པ་རྣམས་འདོད་པ་ལ་མི་སྤྱོད་པ་
[65b.5]དེ་མདོ་ཙམ་ཞིག་ཉོན་ཅིག །འདོད་པའི་ཕྱིར་ན་འཇིག་རྟེན་བཅིང་ཞིང་བསད་པར་འགྱུར། །མྱ་ངན་གདུངས་ཤིང་འཇིགས་པ་མང་པོའི་སྡུག་བསྔལ་མྱོང་། །རྒྱལ་པོ་རྣམས་ཀྱང་འདོད་པའི་ཕྱིར་ནི་བརླག་པར་འགྱུར། །ཕྱི་མ་ལ་
[65b.6]ཡང་ཆོས་ཉམས་སེམས་ཅན་དམྱལ་བར་ལྟུང་། །གང་གིས་མཛའ་བོ་རྣམས་དང་མྱུར་དུ་འཁོན་འབྱུང་འགྱུར། །གང་གིས་གཡོ་སྒྱུ་དྲི་མ་ཅན་གྱི་ལམ་དུ་འགྲོ། །གྲགས་པ་ཉམས་ཤིང་ཕྱི་མ་ལ་ཡང་སྡུག་བསྔལ་མྱོང་། །དེ་དག་ཐོབ་པར་འགྱུར་བའི་རྒྱུ་ནི་འདོད་པ་ཡིན། །
[65b.7]དེ་བས་རབ་དང་འབྲིང་དང་ཐ་མ་རྣམས། །འདི་དང་ཕ་རོལ་དུ་ཡང་འདོད་པས་གསོད་པར་བྱེད། །བདག་ལ་ཕན་འདོད་སྦྲུལ་གདུག་ཁྲོས་པ་བཞིན། །ཐུབ་པ་རྣམས་ནི་དེ་ལ་མི་བསྟེན་ནོ། །དེ་ནས་ལྷའི་དབང་པོ་བརྒྱ་བྱིན་གྱིས་ཚིག་དེ་བདེན་ནོ་སྙམ་ནས། མངོན་པར་
[66a]
[66a.1]བསྟོད་དེ། དྲང་སྲོང་དེ་དག་གི་མཐུ་དེས་ཡིད་དགའ་བར་གྱུར་ནས། དེ་དག་ལ་བདག་གི་ཉེས་པ་ཁས་བླངས་སོ། །གང་དག་བརྟགས་ན་ཡོན་ཏན་རྣམས། །རེ་བ་བཞིན་དུ་རྟོགས་པར་གྱུར། །བརྟག་པའི་ཕྱིར་ནི་བདག་གིས་འདིར། །པདྨའི་རྩ་བ་སྦས་པ་ཡིན། །པདྨའི་
[66a.2]རྩ་བ་འདི་དག་གིས། །ཁྱེད་ཅག་རྣམས་ཀྱིས་སྤྱོད་པ་བརྟན། །ཐུབ་པ་བདེན་པར་སྨྲ་བ་ཡི། །འགྲོ་བ་མགོན་དང་བཅས་པ་མཐོང་། །དེ་སྐད་ཅེས་སྨྲས་ནས། པདྨའི་རྩ་བ་དེ་དག་བྱང་ཆུབ་སེམས་དཔའ་ལ་ཕུལ་ལོ། །དེ་ནས་
[66a.3]བྱང་ཆུབ་སེམས་དཔའ་དེའི་སྤྱོད་པ་རླབས་པོ་ཆེ་དེ་ལ་གཟི་བརྗིད་ཟིལ་གྱིས་ནོན་པའི་ཚིག་དྲག་པོས་སྨྲས་པ། ངེད་ཅག་ཁྱོད་ཀྱི་གཉེན་དང་གྲོགས་མ་ཡིན། །གར་མཁན་ཁྱོད་མིན་ངེད་ཅག་འཕྱས་གདགས་མིན། །ལྷ་དབང་ཅི་ཕྱིར་ཁྱད་དུ་བསད་ནས་སུ། །དྲང་སྲོང་རྣམས་ལ་རྩེད་
[66a.4]མོའི་ལམ་བཞིན་བྱ། །དེ་སྐད་ཅེས་སྨྲས་པ་དང་། ལྷའི་དབང་པོ་བརྒྱ་བྱིན་རབ་ཏུ་གུས་པས་རྣ་ཆ་དང་ཅོད་པན་འགུལ་བའི་འོད་ཀྱིས་གདོང་གསལ་བར་གྱུར་ཏེ་རབ་ཏུ་གུས་པས་ཕྱག་འཚལ་ནས། དེ་ལ་བཟོད་པར་གསོལ་བ། བདག་གིས་འདི་ལྟར་མི་བརྟན་པ། །བགྱིས་པ་
[66a.5]དགོས་པ་སྔར་སྨྲས་ལགས། །ཕ་དང་སློབ་དཔོན་འདྲ་བ་རུ། །བདག་ལ་ཁྱེད་ཀྱིས་བཟོད་པར་མཛོད། །ཤེས་པའི་མིག་ནི་བཙུམས་པར་གྱུར་པ་རྣམས། །རང་བཞིན་གྱིས་ནི་མཉམ་པའང་འཁྲུལ་པར་འགྱུར། །བདག་ལ་ཕན་པས་དེ་ལ་བཟོད་པར་མཛོད། །དེ་བས་བདག་ལ་ཐུགས་ལ་མི་འཆང་གསོལ། །དེ་
[66a.6]ལྟར་བཟོད་པར་གསོལ་ནས་དེ་ཉིད་དུ་མི་སྣང་བར་འགྱུར་རོ། །དེ་ལྟ་བས་ན་རབ་ཏུ་དབེན་པའི་བདེ་བའི་རོ་མྱོང་བ་རྣམས་ནི། འདོད་པ་ལ་འཕྱས་ཀྱི་གནས་དང་གནོད་པ་ལྟ་བུར་མི་མཐུན་པར་སེམས་སོ། །དེ་ལ་སྐྱེས་པའི་རབས་འདི་
[66a.7]ཡང་བཅོམ་ལྡན་འདས་ཀྱིས་ལུང་བསྟན་ཏེ། ང་དང་ཤ་ར་དྭ་ཏིའི་བུ། །མཽད་གལ་བུ་དང་འོད་སྲུངས་དང་། །གང་པོ་མ་འགགས་ཀུན་དགའ་བོ། །དེ་ཡི་ཚེ་ན་སྤུན་དུ་གྱུར། །སྲིང་མོ་ཨུཏྤལ་མདོག་ཡིན་ནོ། །བྲན་མོ་ཀུབྫ་ཨུཏྟ་ར། །བྲན་ཕོ་ཁྱིམ་བདག་མཛེས་པ་ཡིན། །
[66b]
[66b.1]གནོད་སྦྱིན་རི་བོ་བདེ་བ་ཡིན། །གླང་པོ་པ་རི་ལོ་ཀ་ཡིན། །སྤྲེའུ་ནི་སྦྲང་རྩི་འབུལ་བ་ཡིན། །བརྒྱ་བྱིན་ནག་པོ་འཆར་ཀ་ཡིན། །སྐྱེས་པའི་རབས་ནི་དེ་ལྟར་བཟུང་། །དཀའ་ཐུབ་ཅན་དུ་སྐྱེས་པའི་རབས་ཏེ་བཅུ་དགུ་པའོ།། །།ཡོན་ཏན་མེད་པ་ལ་ཡོད་པར་གྲགས་པ་ནི་སྐྱེས་བུ་
[66b.2]དགེ་བ་རྣམས་ལ་བསྐུལ་མ་བཏབ་པ་དང་འདྲ་བར་འགྱུར་ཏེ། དེ་བས་ན་ཡོན་ཏན་བསྒྲུབ་པ་ལ་འབད་པར་བྱའོ། །དེ་ཡང་འདི་ལྟར་བྱང་ཆུབ་སེམས་དཔའ་ཐོས་པ་དང་དུལ་བ་དང་ཆོ་རིགས་བཙུན་པ་དང་། མ་འཇུངས་ཤིང་ཁོང་བཟོ་བ་དང་། འཇིག་རྟེན་གྱི་ཐ་སྙད་བྱ་བ་ལ་འགལ་བ་མེད་
[66b.3]པ། གཙུག་ལག་མང་པོ་ལ་གོམས་པས་ཚིག་ལ་མཁས་པར་གྲགས་པ། སྙིང་རྗེ་དང་ལྡན་ཞིང་སྦྱིན་གཏོང་ཆེ་བས་ནོར་གྱི་འབྱོར་པས་ཐམས་ཅད་ཁྱབ་པ། རབ་ཏུ་ཕྱུག་པས་ཁྱིམ་བདག་རིན་པོ་ཆེ་ལྟར་བཀུར་བའི་རྒྱལ་པོ་ཞིག་གི་ཚོང་དཔོན་དུ་སྐྱེས་པར་གྱུར་ཏོ་ཞེས་གྲགས་སོ། །དེ་
[66b.4]ནས་རང་གཞན་ཆོས་ཀྱི་བདག །ཐོས་ལ་སོགས་པའི་ཡོན་ཏན་བརྒྱན། །འཇིག་རྟེན་དག་གིས་ཕལ་ཆེར་ནི། །བཀུར་སྟི་བྱ་བའི་གནས་སུ་གྱུར། །དེ་ནས་རེ་ཞིག་ཅིག་སེམས་དཔའ་ཆེན་པོ་དེ་རྒྱལ་པོའི་ཕོ་བྲང་དུ་སོང་བའི་འོག་ཏུ་དེའི་སྒྱུག་མོ་གཅིག་དོན་ཞིག་གཉེར་ཞིང་བུ་
[66b.5]མོ་དང་འཕྲད་པའི་ཕྱིར་དེའི་ཁྱིམ་དུ་སོང་ངོ་། །མགྲོན་འོངས་པའི་བཀུར་སྟིའི་བྱ་བ་བྱས་ནས། གཏམ་གླེང་ལངས་པ་ལས་རང་གི་བུ་མོ་བྱང་ཆུབ་སེམས་དཔའི་ཆུང་མ་ལ་བདེ་འམ་མི་བདེ་དྲིས་པའི་སྐབས་སུ། བུ་མོ་ཁྱོད་ཀྱི་ཁྱིམ་ཐབ་ཀྱིས་ཁྱོད་ལ་བྱམས་སམ་མི་བྱམས།
[66b.6]ཁྱོད་ཀྱིས་བཀུར་སྟི་བྱས་པའི་ཡོན་ཏན་དྲིན་དུ་གཟོ་འམ་མི་གཟོ་མི་བདེ་བ་ལྟ་ཡོད་དམ་མེད་ཅེས་དྲིས་པ་དང་། དེ་ནི་ངོ་ཚ་བས་མགོ་སྨད་དེ་མི་སྤོབས་བཞིན་དུ་གཅོམ་བསྐྱུངས་ཏེ་སྨྲས་པ། དེ་ལྟ་བུའི་ཚུལ་ཁྲིམས་དང་། ཡོན་ཏན་དང་སྤྱོད་ཡུལ་ནི་རབ་ཏུ་བྱུང་བ་ལ་མ་མཆིས་སོ་
[66b.7]ཞེས་བྱས་པ་དང་། དེ་ནས་དེའི་མ་དེ་རྒས་ནས། རྣ་བ་མི་གསང་ཞིང་སེམས་མི་གསལ་བ་དང་། བུ་མོས་དེ་སྐད་དུ་སྨྲས་པའི་ཚིག་ཀྱང་ངོ་ཚ་ཞིང་གཅོམ་ཆུང་བས་ལེགས་པར་མ་ཐོས་ནས། རབ་ཏུ་བྱུང་བའི་སྒྲ་ཅིག་ཀྱང་ཐོས་པས། བདག་གི་དམག་པ་ངེས་པར་རབ་ཏུ་
[67a]
[67a.1]བྱུང་བ་ལྟ་ཅི་ཞིག་སྙམ་ནས། བུ་མོ་དེའི་མྱ་ངན་དང་དེའི་སྡུག་བསྔལ་གྱི་དབང་དུ་གྱུར་ནས་སྨྲེ་སྔགས་འདོན་ཅིང་དེས་ཀྱང་སྐད་ཕྱུང་སྟེ་ངུས་སོ། །འདི་ལྟར་སྙིང་ཉེ་བའི་བདག་གི་མི་ཡང་བོར་ཏེ། རབ་ཏུ་བྱུང་བས་དེའི་ཚུལ་ཁྲིམས་ཀྱི་ཡོན་ཏན་དང་སྤྱོད་
[67a.2]ཚུལ་ཡང་ཅི་འདྲ་བ་ཞིག་གོ། །བུ་དེའི་རབ་ཏུ་བྱུང་བ་ཡང་ཅི་ལྟ་བུ་ཞིག་གོ། །དར་ལ་བབ་ཅིང་བྱད་གཟུགས་བཟང་། །གཞོན་ཤ་ཅན་ལ་བདེ་བར་གསོས། །དེ་ནི་རྒྱལ་པོའི་གནད་ཆེན་ཡིན། །དགོན་པར་གནས་བློ་ཅི་ལྟར་སྐྱེས། །ནང་མི་དག་དང་འཁོན་མ་བྱུང་། །རྒས་
[67a.3]པས་མི་སྡུག་མ་གྱུར་ཞིང་། །ནད་མེད་ཅི་ལྟར་ཚིག་གཅིག་གིས། །ཁྱིམ་གྱི་ལོངས་སྤྱོད་དེ་ཡིས་བཏང་། །མཛངས་ཤིང་དུལ་བའི་རྒྱན་གྱིས་བརྒྱན། །གཞན་ལ་སྙིང་བརྩེ་མཉེས་ཀྱང་གཤིན། །མི་བརྟན་ནང་མི་སྙིང་རྗེ་མེད། །འདི་ལྟ་བུ་ནི་ཅི་ལྟར་ལོབས། །དགེ་
[67a.4]སྦྱོང་བྲམ་ཟེ་མཛའ་བོའི་རྟེན། །ནང་མི་དག་དང་ཕོངས་པ་གསོལ། །ནགས་ཚལ་དགོན་པར་གང་འཚལ་བ། །གཙང་སྦྲ་ཚུལ་ཁྲིམས་ནོར་ལྡན་པའི། །ཁྱིམ་ན་རྙེད་པར་མི་འགྱུར་རམ། །རྗེས་སུ་མཐུན་ཞིང་ཆོས་གྲོགས་བྱེད། །ཉེས་པ་མེད་པར་བོར་ནས་སུ། །ཧ་
[67a.5]ཅང་ཆོས་ལ་དད་ཆེས་ནས། །ཆོས་དང་འགལ་བར་འདི་མི་ལྟ། །འདི་ལྟར་གུས་པའི་སྐྱེ་བོ་སྤངས། །ཡིད་ལ་སྙིང་རྗེ་ཅུང་ཟད་མེད། །ཆོས་ནི་ཅུང་ཟད་འགྲུབ་རེ་སྐན། །ཀྱེ་མ་ཧོ་གནམ་གྱིས་མནར་བ་ལྟར། །དེ་ནས་བྱང་ཆུབ་སེམས་དཔའི་ཆུང་མས། བདག་གི་ཁྱིམ་ཐབ་
[67a.6]རབ་ཏུ་བྱུང་བའི་ཕྱིར། །བདག་གི་མ་སྙིང་ཉེ་ཞིང་སྙིང་ནས་སྨྲེ་སྔགས་འདོན་པ་དེས་བུད་མེད་ཀྱི་རང་བཞིན་མི་བརྟེན་པའི་ཕྱིར་སྙིང་མི་དགའ་བས་འཁོམ་ཞིང་བློང་བློང་པོར་ནི་གྱུར། མྱ་ངན་གྱི་སྡུག་བསྔལ་གྱིས་སེམས་དཀྲུགས་ནས་གཏམ་གླེང་སློང་བའི་འཕྲོ་ཡང་བརྗེད། བདག་གི་ཁྱིམ་ཐབ་
[67a.7]རབ་ཏུ་བྱུང་བའི་གཏམ་ངན་ཐོས་ནས། བདག་གི་མ་བདག་ལ་མྱ་ངན་བསང་བའི་ཕྱིར་འདིར་འོངས་སོ་སྙམ་ནས། བུ་མོས་སྨྲེ་སྔགས་འདོན་ཞིང་སྐད་ཕྱུང་སྟེ་ངུ་བ་ལས་བརྒྱལ་བར་གྱུར་ཏོ། །ཁྱིམ་གྱི་མི་དང་གཡོག་འཁོར་རྣམས་ཀྱིས་ཀྱང་དེ་ཐོས་ནས་མྱ་ངན་གྱི་སྡུག་བསྔལ་གྱི་ཤུགས་ཀྱིས་ཆོ་ངེས་
[67b]
[67b.1]བཏབ་པོ། །ཁྱིམ་ཚེས་དང་མཛའ་བོ་དང་གཉེན་བཤེས་དེ་ལ་བརྟེན་པའི་སྐྱེ་བོ་བྲམ་ཟེ་དང་ཁྱིམ་བདག་རྣམས་ཀྱིས་ཀྱང་དེ་ཐོས་ནས་ཁྱིམ་བདག་དེ་ལ་རྗེས་སུ་ཆགས་པའི་དབང་དུ་གྱུར་པ་རྣམས་ཕོ་བྲང་འཁོར་གྱི་མི་རྣམས་ཀྱང་ཕལ་ཆེར་ཁྱིམ་དེར་དོང་ངོ་། །གང་ཕྱིར་འཇིག་རྟེན་དག་ན་སྲིད་པ་ནི། །
[67b.2]བདེ་དང་སྡུག་བསྔལ་དག་ལ་མཚུངས་པར་སྤྱོད། །དེ་བས་འདི་ཡང་འཇིག་རྟེན་སློབ་མ་བཞིན། །བདེ་དང་སྡུག་བསྔལ་དག་ལ་མཚུངས་སྤྱོད་གྱུར། །དེ་ནས་བྱང་ཆུབ་སེམས་དཔའ་རྒྱལ་པོའི་ཕོ་བྲང་ནས་སླར་ལོག་སྟེ་ཁྱིམ་དང་ཉེ་བ་ཅིག་ཏུ་ཕྱིན་པ་དང་། བདག་གི་ཁྱིམ་ན་ཆོ་ངེས་འདེབས་པ་
[67b.3]དང་། མི་མང་པོ་འདུས་པ་མཐོང་ནས། བདག་གི་གཡོག་པོ་ལ་འདི་ལྟ་བུར་གྱུར་པ་ཅི་ཉེས་རྟོགས་ལ་ཤོག་ཅིག་ཅེས་བསྒོས་སོ། །དེས་དེ་ལྟར་བརྟགས་ནས་དེའི་དྲུང་དུ་ཕྱིན་ནས། དེས་དེ་ལ་སྨྲས་པ། ཇོ་བོས་འབྱོར་པའི་ཁབ་སྤངས་ནས། །རབ་ཏུ་བྱུང་ཞེས་ཐོས་ནས་སུ། །སྐྱེ་
[67b.4]བོ་འདི་དག་གང་ཞིག་ནས། །བྱམས་པའི་དབང་གིས་འདུས་པར་གྱུར། །དེ་ནས་བྱང་ཆུབ་སེམས་དཔའ་རང་བཞིན་གྱིས་བསམ་པ་དག་པས་ཚིག་དེས་བསྐུལ་མ་བཏབ་པ་བཞིན། ངོ་ཚ་ཞིང་མི་དགའ་བར་གྱུར་ནས་སྨྲས་པ། ཨེ་མ་ཧོ། །སྐྱེ་བོ་རྣམས་བདག་ལ་དེ་ལྟར་རེ་བ་ལེགས་སོ་
[67b.5]སྙམ་ནས། སྐྱེ་བོ་རྣམས་ཀྱི་ཡོན་ཏན་དུ། །བརྗོད་ཅིང་བསྔགས་པ་ཐོབ་གྱུར་ལ། །གལ་ཏེ་ཁྱིམ་ལ་ཕྱོགས་ན་ནི། །བདག་ལྟར་མིར་ཡང་ག་ལ་རུང་། །དེ་ལྟར་བདག་གི་སྐྱོན་ལ་དད་གྱུར་ཅིང་། །ཡོན་ཏན་ཁྱད་དུ་གསོད་ལ་ཚུལ་ངན་ན། །སྐྱེ་བོ་དགེ་བ་སྤངས་པ་ཉིད་དུ་འགྱུར། །
[67b.6]དེ་ལྟར་གྱུར་ན་གསོན་ཡང་ཅི་ཞིག་རུང་། །དེ་བས་སྐྱེ་བོ་རེ་བར་གྱུར་པ་འདི། །སྤྱོད་པ་ངན་པའི་ཉོན་མོངས་ཁྱིམ་སྤངས་ནས། །དཀའ་ཐུབ་ནགས་ན་དགའ་བའི་ཡོན་ཏན་གྱིས། །ཉམས་སུ་བླངས་ཏེ་རབ་ཏུ་བཀང་བར་བྱ། །བདག་ཉིད་ཆེན་པོ་དེས་དེ་ལྟར་ངེས་པར་བྱས་ཏེ། དེ་ནས་སླར་ལ་
[67b.7]ལོག་སྟེ། རྒྱལ་པོའི་གསོལ་ཁ་བ་ལ་ཚོང་དཔོན་སྤྱན་སྔར་མཆིས་འཚལ་ལོ་ཞེས་གསོལ་ཅིག་ཅེས་སྨྲས་སོ། །སྤྱན་སྔར་མཆི་བར་གནང་ནས་ཀྱང་ཚུལ་བཞིན་དུ་རྒྱལ་པོའི་སྤྱན་སྔར་འོངས་པ་དང་། རྒྱལ་པོས་ཅིའི་ཕྱིར་འོང་ཞེས་སྨྲས་པ་ལ། ལྷ་བདག་ནི་རབ་ཏུ་འབྱུང་བར་འཚལ་ན་
[68a]
[68a.1]གནང་བར་རིགས་སོ། །དེ་ནས་རྒྱལ་པོ་དེས་རིམ་གྲོ་བསྐྱེད་དེ་བྱམས་པའི་ཚིག་གིས་འདི་སྐད་ཅེས་སྨྲས་སོ། །ང་འདྲའི་གཉེན་དང་མཛའ་མཆོག་ཡོད་བཞིན་དུ། །ནོར་དང་ཐབས་དང་མཐུ་རྩལ་གང་དག་གིས། །ང་ཡིས་ཐུབ་པར་འགྱུར་བ་མ་ཡིན་པའི། །
[68a.2]སྡུག་བསྔལ་གང་གིས་ཁྱོད་ནི་བས་མཐར་འགྲོ། །གལ་ཏེ་ནོར་འདོད་ང་ལས་ནོར་ཁྱེར་ཅིག །གནོད་པ་ཡོད་ན་དེ་ལས་བཟློག་པར་བྱ། །ང་དང་གཉེན་བཤེས་གསོལ་བ་འདེབས་པ་རྣམས། །ཅི་ཞིག་མི་འདོད་ཕྱིར་ནི་བས་མཐར་འགྲོ། །དེ་ལྟར་བདག་ཉིད་ཆེན་པོ་དེ་ལ་རྒྱལ་པོས་བྱམས་
[68a.3]པ་དང་གུས་པས་བསྒོ་བ་དང་། དེ་ལ་ཚིག་འཇམ་པོས་སྨྲས་པ། ཁྱོད་ལ་བརྟེན་ནས་གནོད་པ་ག་ལ་མཆིས། །ནོར་གྱིས་ཕོངས་པའང་མཆིས་པར་ག་ལ་འགྱུར། །དེ་བས་ཕོངས་པས་བས་མཐར་བདག་མི་མཆི། །གང་གི་སླད་དུ་མཆི་བ་གསན་དུ་གསོལ། །སྐྱེ་བོ་མྱ་ངན་གདུངས་
[68a.4]པའི་མཆི་མ་ཅན་དག་གིས། །བདག་ནི་རབ་ཏུ་བྱུང་བར་གྱུར་ཅེས་རབ་ཏུ་བསྒྲགས། །བདག་ནི་ཡོན་ཏན་ལྡན་ཞེས་དད་པའི་སྐབས་སུ་གྱུར། །དེ་བས་བདག་ནི་བས་མཐའ་དབེན་པར་གནས་པར་འཚལ། །རྒྱལ་པོས་སྨྲས་པ། ཁྱོད་སྐྱེ་བོ་རྣམས་ཀྱི་ཚིག་ཙམ་གྱིས་ངེད་འདོར་བར་མི་
[68a.5]རིགས་སོ། །ཁྱོད་ལྟ་བུའི་ཡོན་ཏན་ཕུན་སུམ་ཚོགས་པ་ནི་སྐྱེ་བོའི་ཚིག་བསྲུང་བ་ཙམ་གྱིས་ཆོག་པ་ཡང་མ་ཡིན་ལ། དེ་མ་བྱས་ན་མི་རུང་བ་ཡང་མ་ཡིན་ནོ། །འཇིག་རྟེན་མུ་ཅོར་སྨྲ་བའི་གཏམ་རྣམས་ནི། །རང་གར་རྟོགས་པ་རྣམས་ལ་རྣམ་པར་འཕྲོ། །གང་ཞིག་དེ་དག་སྙིང་ལ་
[68a.6]སེམས་ན་ཡང་། །ཕྱས་སུ་འགྱུར་ན་བྱེད་པ་ཅི་ཞིག་སྨོས། །བྱང་ཆུབ་སེམས་དཔས་སྨྲས་པ། རྒྱལ་པོ་ཆེན་པོ་དེ་སྐད་བཀའ་མི་སྩལ་དུ་གསོལ། སྐྱེ་བོའི་བཀའ་མཆིད་དགེ་བ་གྲགས་པ་རྣམས་ལ་ལྟར་མི་བགྱིད་པ་ཡང་མ་ལགས་སོ། །ལྷ་གཟིགས་སུ་གསོལ། མི་
[68a.7]ཡི་བདག་པོ་གང་ཚེ་དགེ་བ་ཡི། །ཆོས་དང་ལྡན་ཞེས་གྲགས་པར་གྱུར་པ་ལས། །མི་ཡི་དེ་ལས་ཉམས་པར་མི་བགྱི་ཞིང་། །ངོ་ཚའི་ཕྱིར་ཡང་རབ་ཏུ་འབད་པར་རིགས། །ཡོན་ཏན་ཡོད་ཅེས་གྲགས་ཤིང་རེ་བ་དག །ཇི་ལྟར་གྱུར་ཀྱང་རུང་སྟེ་གནང་ན་ནི། །གྲགས་པ་དག་
[68b]
[68b.1]ལས་གཏམ་སྙན་འཕེལ་བར་འགྱུར། །གཞན་དུ་བགྱིས་ན་ཁྲོན་པ་སྐམ་པོ་བཞིན། །དོན་བཞིན་མ་ཡིན་ཡོན་ཏན་གྲགས་མི་འཕེལ། །རྣམ་པར་རྟོག་པའི་རླུང་གིས་བསྐྱོད་པ་ལས། །མི་རྣམས་གྲགས་པ་ཉམས་པར་གྱུར་པ་ནི། །སླར་ཡང་གྲགས་པར་འགྱུར་བ་རབ་ཏུ་དཀའ། །
[68b.2]སྦྲུལ་ནག་ཁྲོས་ནས་གདེང་ཀ་བཏེག་འདྲ་བའི། །ཡོངས་སུ་བཟུང་བ་རྩོད་པའི་རྒྱུར་གྱུར་ཅིང་། །སྤང་རིགས་དེ་ནི་སྤོང་བར་བགྱིད་པ་ལ། །ལྷ་གཅིག་བདག་ནི་བཟློག་པར་མི་རིགས་སོ། །གུས་པར་མཁྱེན་ནས་འབངས་ལ་བྱམས་པ་ཡི། །ཁྱོད་ཀྱིས་དེ་ལྟར་བགྱི་བ་
[68b.3]རིགས་མོད་ཀྱི། །བདག་གིས་སེམས་ཀྱི་རབ་ཏུ་བྱུང་ལགས་ན། །འདུ་འཛི་ཉོན་མོངས་ཅན་གྱིས་ཅི་ཞིག་བགྱི། །དེ་ལྟར་གསོལ་བ་བཏབ་ནས། བདག་ཉིད་ཆེན་པོ་དེ་རྒྱལ་པོས་གནང་སྟེ། དཀའ་ཐུབ་ཅན་གྱི་ནགས་ཚལ་དུ་འགྲོ་བར་ཆས་སོ། །དེ་ནས་དེའི་མཛའ་བོ་དང་། ཉེ་
[68b.4]དུ་དང་། དེ་ལ་བརྟེན་པ་རྣམས་ལྷགས་ནས། མྱ་ངན་གྱིས་མིག་མཆི་མས་གང་ཞིང་རྐང་པ་ལ་འཇུས་ཏེ་འགྲོ་བར་མི་སྟེར་བར་གྱུར་པ་ནི། ཁ་ཅིག་གིས་ཐལ་མོ་སྦྱར་ཏེ་གསོལ་བ་འདེབས་ཤིང་། དེའི་ལམ་བཀག་སྟེ་འཁོད་དོ། །ཁ་ཅིག་ནི་མགུལ་ནས་འཇུས་ཏེ་ཚིག་འཇམ་
[68b.5]པོས་བྲིད་ཅིང་ཁྱིམ་ལོགས་སུ་ཁྲིད་པར་བྱེད། ཁ་ཅིག་ནི་སྤོབས་པའི་ཚུལ་གྱིས་ཚིག་རྩུབ་མོས་གཏོལ་མེད་པ་ཤ་སྟག་བྱེད་ཟེར་ཞིང་གཤེ། ཁ་ཅིག་ནི་མཛའ་བོ་དང་ནང་མི་ལ་ནི་སྙིང་མི་རྗེའམ་ཞེས་ཟེར་ཞིང་འགྲོར་མི་སྟེར། ལ་ལ་ནི་ཁྱིམ་ན་གནས་པའི་དཀའ་ཐུབ་ཉིད་བསོད་ནམས་
[68b.6]ཆེ་མོད་ཞེས་ཟེར་ཞིང་། རྣར་འོང་བ་དང་རིགས་པའི་ཚིག་གིས་རྟོགས་པ་བསྐྱེད། གཞན་དག་ནི་དཀའ་ཐུབ་ཀྱི་ནགས་ཚལ་ན་གནས་པ་སྡུག་བསྔལ་ཆེ་བ་དང་། ད་དུང་བྱ་བ་ཁ་ཅིག་མ་ཟིན་པ་ཡོང་པ་སྐད་དུ་གསོལ་བ་འདེབས། ཁ་ཅིག་ནི་ཚེ་ཕྱི་མ་ལ་བསོད་ནམས་
[68b.7]ཀྱི་འབྲས་བུ་ཡོད་དམ་མེད་གཏོལ་མེད་ཅེས་ཐེ་ཚོམ་བསྐྱེད་དེ། གཞུང་ལུགས་ཀྱི་ཁྱད་པར་དེ་དང་དེ་དག་སྨོས་ཤིང་། དེ་སླར་ཅི་ལྡོག་ཏུ་འབད་པར་གྱུར་ཏོ། །དེ་དེ་ལྟར་རབ་ཏུ་བྱུང་དུ་མི་སྟེར་བ་ནགས་ཚལ་དུ་འགྲོ་བ་ལ་འགོག་ཅིང་འཐེན་པ། གདོང་མཆི་མས་གང་བའི་
[69a]
[69a.1]མཛའ་བོ་དེ་དག་ལ་བལྟས་ནས། འདི་ལྟར་སེམས་པར་མངོན་ནོ། །མཛའ་བོ་འཐམ་པས་མཛའ་བོ་བག་མེད་པ། །ཕན་པར་འགྱུར་ན་རྩུབ་མོའང་སྦྱར་བ་རིགས། །ཕན་ཞིང་འཇམ་ན་སྨོས་ཀྱང་ཅི་ཞིག་དགོས། །དམ་པ་རྣམས་ཀྱི་ཚུལ་ནི་དེ་ལྟར་
[69a.2]ཡིན། །ནགས་པས་ཁྱིམ་དགའ་སྙམ་དུ་འདི་ལྟར་སེམས། །ནགས་ན་གནས་པ་དོགས་ཤིང་འཇིགས་མེད་པར། །ཐ་མལ་གནས་པར་ཇི་ལྟར་མི་སེམས་ཀྱེ། །སྡིག་པས་གོས་པ་བཞིན་དུ་འགོག་པར་བྱེད། །མི་དག་ཤི་འམ་ཤི་བར་གྱུར་པ་ལ། །ཆོས་ལས་ཉམས་ན་
[69a.3]ངུ་བར་འགྱུར་བ་བཞིན། །ནགས་ཚལ་གནས་འདོད་ང་ནི་གསོན་བཞིན་དུ། །ཅི་ཞིག་སེམས་ཤིང་འདི་དག་ངུ་བར་གྱུར། །ང་དང་བྲལ་བས་དེ་ལྟར་མི་དགའ་ན། །ང་དང་ལྷན་ཅིག་ནགས་ན་ཅིར་མི་འཁོད། །གལ་ཏེ་ངུ་བས་ཁྱིམ་ན་འཁོད་དགའ་ན། །མཆི་མ་ཟད་པར་ངུ་བ་ཅི་ཆེད་
[69a.4]ཆེ། །དེ་སྟེ་བདག་གི་མི་ལ་ཆགས་པའི་ཕྱིར། །དཀའ་ཐུབ་བྱེད་དུ་འགྲོ་བར་མི་སྟེར་ན། །དགྲ་དང་དམག་འགྱེད་དེ་དང་དེ་དག་ཏུ། །འགྲོ་བ་ན་ཡང་དེ་ལྟར་ཅིས་མི་བྱེད། །ཕོངས་པར་གྱུར་པའི་ཚེ་ན་མཛའ་བོ་རྣམས། །མཆི་མས་འཇུ་ཞིང་འོང་བའི་མཐུ་ཡང་
[69a.5]མཐོང་། །མཛའ་བའི་རང་བཞིན་རབ་ཏུ་བརྟེན་གྱུར་ཀྱང་། །ཕྱི་བཞིན་མི་འབྲང་གཡོ་དང་ཐབས་བྱེད་བཞིན། །སླར་དུ་བཟློག་པའི་ཕྱིར་ནི་སྐད་འཛེར་ཞིང་། །མིག་ནི་མཆི་མས་གང་བཞིན་སྨྲས་པ་དང་། །མཚུངས་པ་ལ་ཡང་བླ་མ་འདྲ་བར་ནི། །མགོ་བོ་བཏུད་དེ་
[69a.6]བདག་ལ་ཕྱག་འཚལ་བ། །རབ་ཏུ་བྱུང་བའི་རྗེས་སུ་རབ་བྱུང་བ། །འདི་དག་བྱམས་ན་དེ་བཞིན་བྱ་བར་རིགས། །དམ་པའི་སེམས་ནི་ངོ་མཚར་གྱུར་པ་ཡི། །གར་མཁན་སྤྱོད་པ་བཞིན་དུ་མི་འགྱུར་རམ། །ཡོན་ཏན་མེད་ལ་ཕོངས་པར་གྱུར་པའི་ཚེ། །གྲོགས་
[69a.7]ལ་གཉིས་གསུམ་ཡོད་པར་ངེས་པར་འགྱུར། །ཡོན་ཏན་ཡོད་བཞིན་ནགས་སུ་འགྲོ་བ་ན། །གྲོགས་པོ་གཅིག་ཀྱང་མེད་པ་ངོ་མཚར་ཆེ། །གློང་ཆེན་སྨྱོན་པའི་གཡུལ་ངོ་དོགས་པ་ན། །ང་ཡི་སྔོན་དུ་འགྲོ་ཞིང་སྒྲིབ་པ་དག །ནགས་སུ་ང་འགྲོའི་ཕྱིར་ནི་མི་འབྲང་བ། །དེ་
[69b]
[69b.1]དག་ཡིན་ནམ་ང་ཡང་དེ་མ་ཡིན། །དེ་ལྟར་བྱམས་པ་མེད་པར་འགྱུར་བའི་རྒྱུ། །ཉེས་པ་བྱས་པར་བདག་ནི་མི་དྲན་ནམ། །བདག་ནི་མཛའ་བོ་འདི་ལྟར་འཁོན་བཞིན་དུ། །འདི་ལྟར་གྱུར་པ་རུང་བར་འོང་ངམ་ཀྱེ། །བདག་ནི་ནགས་སུ་འགྲོ་ཕྱིར་མི་འབྲང་བ། །
[69b.2]བདག་ལ་ཡོན་ཏན་མེད་པས་དེ་ལྟར་གྲང་། །ཡོན་ཏན་དག་ལ་རྗེས་སུ་ཆགས་པ་རྣམས། །དེ་ལྟར་འབྲལ་བར་ནུས་པ་སུ་ཞིག་ཡོད། །གང་དག་ཁྱིམ་གྱི་ཉེས་པ་གསལ་བར་མངོན། །དཀའ་ཐུབ་ནགས་ཚལ་ཡོན་ཏན་མི་མཐོང་བ། །ཤེས་པའི་མིག་ནི་བཙུམས་
[69b.3]གྱུར་དེ་དག་ལ། །བདག་གི་གཞན་དུ་བརྟག་ཏུ་ཅི་ཡང་མེད། །ཕྱི་མའི་ཚེ་དང་ཚེ་འདིའི་སྡུག་བསྔལ་རྒྱུ། །འདོད་པ་དག་ནི་སྤོང་བར་མི་འདོད་པ། །དཀའ་ཐུབ་ནགས་དང་འགལ་བར་བྱེད་པ་དེ། །དེ་རིང་བདག་འདོད་པ་ནི་གཏི་མུག་ཡིན། །བདག་གི་མཛའ་
[69b.4]བོ་འདི་རྣམས་གང་གིས་བསླུས། །འཇིག་རྟེན་མ་ལུས་ཞི་བར་མ་གྱུར་པ། །དཀའ་ཐུབ་ནགས་ཚལ་རྙེད་པའི་མཐུ་ཆེན་གྱིས། །ཉེས་པ་དེ་དག་མངོན་དུ་གཞོམ་པར་བྱེད། །དེ་ལྟར་ངེས་པའི་བདག་ཉིད་ཅན་གྱིས་ཡོངས་བརྟགས་ནས། །མཛའ་བཤེས་སྤོབས་པ་རྣམས་ཀྱི་རྣམ་
[69b.5]པར་སྤྱོད་པ་དག །འཇམ་ཞིང་རབ་ཏུ་མཉེན་པར་སྨྲ་བའི་ཚིག་རྣམས་ཀྱིས། །བགས་ཀྱིས་བྲིད་དེ་བོར་ནས་དཀའ་ཐུབ་ནགས་སུ་སོང་། །དེ་ལྟ་བས་ན་ཡོན་ཏན་མེད་པ་ལ་ཡོད་པར་གྲགས་པ་ནི་སྐྱེས་བུ་དགེ་བ་རྣམས་ལ་བསྐུལ་མ་འདེབས་པ་དང་འདྲ་བར་འགྱུར་ཏེ། །དེ་བས་
[69b.6]ན་ཡོན་ཏན་བསྒྲུབ་པ་ལ་འབད་པར་བྱའོ། །དེ་ལྟར་དགེ་སློང་ངོ་ཞེའམ་དགེ་བསྙེན་ནོ་ཞེས་ཡོན་ཏན་དུ་བརྗོད་པར་གྱུར་ན། དགེ་བ་རྣམས་ཀྱིས་ཡོན་ཏན་དེ་བསྒྲུབ་པའི་ཕྱིར་བདག་ཡོན་ཏན་གྱིས་བརྒྱན་པར་བྱའོ། །དེ་བཞིན་དུ་ཆོས་སྒྲུབ་པའི་གྲོགས་བྱེད་པ་རབ་ཏུ་དཀོན་ནོ་ཞེས་དེ་ལྟར་ཡང་
[69b.7]སྦྱར་བར་བྱའོ། །ཚོང་དཔོན་དུ་སྐྱེས་པའི་རབས་ཏེ་ཉི་ཤུ་པའོ། །སྡོམ་ལ། བརྒྱ་བྱིན་བྲམ་ཟེ་མྱོས་བྱེད་མ། །ལེགས་པར་ཕ་རོལ་ཕྱིན་དང་ཉ། །བྱ་དང་བུམ་པ་ཕྱུག་པོའི་བུ། །དཀའ་ཐུབ་ཅན་དང་ཚོང་དཔོན་ནོ། །བཅུ་ཚན་གཉིས་པའོ།། །།
[70a]
[70a.1]ཁྲོ་བ་ཐུལ་ན་དགྲ་ཞི་བར་འགྱུར་གྱི་གཞན་དུ་བྱས་ན་དགྲ་འཕེལ་ལོ། །དེ་ཡང་འདི་ལྟར་བྱང་ཆུབ་སེམས་དཔའ་ཆེན་པོ་བྲམ་ཟེའི་རིགས་ཆེན་པོ་ཡོན་ཏན་ལ་གོམས་པའི་མཐུས་གྲགས་པ་རྒྱས་པའི་འབྱོར་པའི་ཡོན་ཏན་ངེས་པ། རྒྱལ་པོས་བཀུར་སྟི་བྱས་
[70a.2]པས། འཇིག་རྟེན་པས་ལྷ་བཞིན་དུ་བཀུར་བ་ཅིག་ཏུ་སྐྱེས་པར་གྱུར་ཏོ་ཞེས་གྲགས་སོ། །དེ་ཡུན་རིང་དུ་གྱུར་ནས་ཆོ་གའི་ལས་སུ་བྱ་བ་རྣམས་ནི་བྱས་པ་དང་། མང་དུ་ཐོས་པའི་ཡོན་ཏན་ལ་གོམས་པར་བྱས་པས་མཁས་པ་རྣམས་ཀྱི་ནང་དུ་མིང་གྲགས་པར་གྱུར་ཏོ། །མཁས་པ་
[70a.3]རྣམས་ཀྱི་གྲགས་པ་ནི། །མཁས་པ་ཉིད་ཀྱི་ནང་དུ་འཕེལ། །རིན་ཆེན་ཤེལ་ལ་རིན་ཆེན་དང་། །གཡུལ་ངོ་དག་ཏུ་དཔའ་བོ་བཞིན། །དེ་ནས་བྱང་ཆུབ་སེམས་དཔའ་ཆེན་པོ་དེ་ཚེ་རབས་སྔ་མ་ལ་རབ་ཏུ་བྱུང་བ་ལ་གོམས་ཤིང་ཆོས་ལ་སེམས་གོམས་པར་བྱས་པ་དང་། བློ་དང་ཤེས་
[70a.4]རབ་རབ་ཏུ་གསལ་བའི་ཕྱིར་ཁྱིམ་ན་གནས་པ་དག་དྷིལ་དགའ་བར་མ་གྱུར་ཏོ། །དེ་འདོད་པ་རྣམས་འཐབ་མོ་དང་རྩོད་པ་དང་དྲེགས་པ་དང་། འཁོན་དང་མི་མཐུན་པ་མང་པོ་དང་། རྒྱལ་པོ་དང་། རྐུན་པོ་དང་། ཆུ་དང་། མེ་དང་། དགྲ་དང་། བགོ་སྐལ་ལ་དབང་བ་རྣམས་དང་། ཐུན་མོང་མ་
[70a.5]ཡིན་པ་དང་། ཆོག་མི་ཤེས་པར་གྱུར་པ་དང་། ཉེས་པ་མང་པོའི་གནས་སུ་གྱུར་པའི་ཕྱིར་བདག་ཅག་ལ་ཕན་པར་འདོད་པ་རྣམས། ཟས་དུག་ཅན་སྤོང་བ་བཞིན་དུ་ཡོངས་སུ་སྤངས་ནས་སྐྲ་དང་ཁ་སྤུ་བཟང་པོ་རྣམས་བྲེགས་ཏེ། གོས་ཁ་དོག་བསྒྱུར་བ་ངུར་སྨྲིག་ནི་གྱོན། ཁྱིམ་པའི་ཆ་
[70a.6]ལུགས་ནི་བོར། རབ་ཏུ་བྱུང་བའི་འདུལ་བ་དང་སྡོམ་པའི་དཔལ་ལ་གནས་པར་གྱུར་པ་དང་། དེའི་ཆུང་མ་དེ་ལ་སྙིང་ཉེ་བའི་དབང་དུ་གྱུར་པ་ཡང་སྐྲ་བྲེགས་ཏེ། ལུས་ལ་རྒྱན་དང་ལྷབ་ལྷུབ་ནི་མེད་པར་བྱས། རང་བཞིན་གྱི་ཡོན་ཏན་མང་པོས་ནི་བརྒྱན། གོས་ངུར་སྨྲིག་ནི་གྱོན་ནས་དེའི་ཕྱི་
[70a.7]བཞིན་དུ་རབ་ཏུ་བྱུང་བར་གྱུར་ཏོ། །དེ་ནས་བྱང་ཆུབ་སེམས་དཔའ་དེ་དཀའ་ཐུབ་ཀྱི་ནགས་ཚལ་དུ་འགྲོ་བའི་རྗེས་སུ་འབྲང་བར་ཤེས་ནས། བུད་མེད་སྡུག་མ་མྱོང་བ་དཀའ་ཐུབ་ཀྱི་ནགས་ཚལ་ལ་གནས་མི་ནུས་པའི་ཕྱིར་དེ་ལ་སྨྲས་པ། བཟང་མོ་ཁྱོད་ང་ལ་བྱམས་པའི་རང་བཞིན་
[70b]
[70b.1]བསྟན་ཟིན་གྱི། ཁྱོད་ངའི་ཕྱི་བཞིན་དུ་འགྲོ་བར་ཆས་པ་ཐོང་ཤིག །བུད་མེད་རབ་ཏུ་བྱུང་བ་གཞན་དག་གང་ན་འཁོད་པ་དེ་དག་དང་ལྷན་ཅིག་འདུག་པའི་རིགས་སོ། །དགོན་པའི་ནགས་ན་འདུག་པ་ནི་རབ་ཏུ་དཀའོ། །ལྟོས་ཤིག་དུར་ཁྲོད་དང་ནི་ཁང་སྟོང་རི་བོ་དང་། །ནགས་
[70b.2]ཚལ་གཅན་གཟན་ཁྲོ་བོས་གང་བ་ན། །ཉི་མ་གང་དུ་ནུབ་པར་གྱུར་པ་དེར། །དཀའ་ཐུབ་ཅན་རྣམས་གནས་བྱེད་འཁོད་པར་འགྱུར། །བསམ་གཏན་བྱེད་ཅིང་རྟག་པར་གཅིག་པུར་གནས། །བུད་མེད་དག་ནི་བལྟར་ཡང་མེད་པར་བྱེད། །ཁྱོད་ཀྱི་འབད་པ་འདི་ནི་ཅི་ཞིག་དགོས། །
[70b.3]དེ་བས་ཁྱེད་བློ་སླར་དུ་ལོག་པར་གྱིས། །དེ་ཡང་དེའི་ཕྱི་བཞིན་དུ་འགྲོ་བར་ཡིད་དམ་བཅས་པས་མིག་མཆི་མས་གང་བཞིན་དུ་ཅུང་ཟད་ཅིག་འདི་སྐད་སླར་སྨྲས་སོ། །ཁྱོད་ཀྱི་ཕྱི་བཞིན་འགྲོ་བ་ལ། །བདག་ནི་གལ་ཏེ་ཉོན་མོངས་ན། །བདག་སྡུག་ཁྱོད་ཀྱང་མི་དགྱེས་བཞིན། །ཅི་ཡི་
[70b.4]སླད་དུ་དེ་ལྟར་བགྱི། །བདག་ནི་ཁྱོད་དང་བྲལ་བཞིན་དུ། །མཆིས་པར་ནུས་པ་མ་ལགས་ཀྱིས། །དེ་ལྟར་བཀའ་དང་འགལ་བ་ནི། །བདག་ལ་བཟོད་པར་མཛད་དུ་གསོལ། །དེ་ལྟར་དེ་ལན་གཉིས་ལན་གསུམ་དུ་བསྒོ་ཡང་སླར་ལོག་ཏུ་མ་རུང་བ་དང་། དེ་ནས་བྱང་ཆུབ་སེམས་
[70b.5]དཔས་དེ་ལ་ཅང་མི་སྨྲས་པ་དང་། བྱ་ངུར་པའི་ཕྱི་བཞིན་དུ་ངུར་པ་མོ་འབྲང་བ་དང་འདྲ་བར་དེའི་ཕྱི་བཞིན་དུ་འབྲང་སྟེ། གྲོང་དང་ལྗོངས་སུ་རྒྱུ་ཞིང་སོང་སོང་བ་ལས། ཟས་ཀྱི་བྱ་བ་བྱས་ནས་རེ་ཞིག་ཅིག་ནགས་ཚལ་རབ་ཏུ་དབེན་པ་ཉམས་དགའ་བ་ཤིང་ལྗོན་པ་སྣ་ཚོགས་ཀྱིས་བརྒྱན་པ།
[70b.6]གྲིབ་མ་སྟུག་པ། ལ་ལ་དག་ན་ཉི་མའི་འོད་ཟེར་ཏིག་ཏིག་པོ་དག་གིས་མེ་ཏོག་སིལ་མ་བཀྲམ་པ་ལྟར་འདུག་པ། མེ་ཏོག་སྣ་ཚོགས་ཀྱི་ཕྱེ་མས་ཁེབས་པའི་ས་གཞི་གཙང་མ་ཅིག་ཏུ་བསམ་གཏན་གྱི་ཆོ་ག་བྱས་ནས་ཕྱི་དྲོའི་དུས་སུ་ཏིང་ངེ་འཛིན་ལས་ལངས་ཏེ། ཕྱག་དར་ཁྲོད་ཀྱི་
[70b.7]ཚེམ་བུ་དྲུབ་ཅིང་འདུག་གོ། །བུད་མེད་རབ་ཏུ་བྱུང་བ་དེ་ཡང་དེ་དང་མི་རིང་བ་ཅིག་ན་རང་གི་ལུས་ཀྱི་གཟི་མདངས་ལྷ་མོ་དང་འདྲ་བར་མཛེས་པས་ཤིན་ཏུ་བརྒྱན་པ་བཞིན་དུ་འདུག་ཅིང་། ཡིད་ལ་བྱ་བའི་མན་ངག་དེས་བསྟན་པའི་ཚུལ་བཞིན་དུ་བསམ་གཏན་བྱེད་ཅིང་འདུག་གོ། །དེ་ནས་
[71a]
[71a.1]ཡུལ་དེའི་རྒྱལ་པོས་ས་ཕྱོགས་དེ་དང་ཉེ་བའི་ནགས་ཚལ། དཔྱིད་ཀྱི་དུས་ལ་བབ་པའི་ཤིང་ལོ་ལྷག་པར་མཛེས་པ་དང་ནི་ལྡན། བུང་བ་ཆེ་ཕྲ་མང་པོའི་སྒྲ་ཏི་རི་རི་ཟེར། བྱ་ཀོ་ཀི་ལ་མང་པོ་ནི་སྒྲ་སྙན་པ་འབྱིན། མཚོའི་གནས་རབ་ཏུ་ཉམས་དགའ་བ་མེ་ཏོག་
[71a.2]པདྨ་དང་། ཨུཏྤ་ལ་ཁ་བྱེ་བ་ནི་རབ་ཏུ་དགོད་པ་བཞིན་དུ་འདུག་པ། མེ་ཏོག་དྲི་ཞིམ་པོ་སྣ་ཚོགས་ཀྱི་བསུང་གིས་བསྒོས་པའི་སེར་བུའི་ངད་ཉམས་སུ་བདེ་བ་དང་ལྡན་པ་ཡོད་པ་ནས་མཐར་གྱིས་རྒྱུ་ཞིང་སོང་སོང་བ་ལས་ཕྱོགས་དེར་ཕྱིན་ཏོ། །མེ་ཏོག་སྣ་ཚོགས་ཚོམ་བུ་རབ་ཏུ་མཛེས། །
[71a.3]དཔྱིད་ཀྱི་དཔལ་གྱི་ཆེད་དུ་བཤམས་པ་བཞིན། །ཀོ་ཀི་ལ་དང་རྨ་བྱའི་སྒྲ་ཡང་འབྱིན། །མཚོ་གནས་བཟང་པོ་ཆུ་སྐྱེས་མེ་ཏོག་ལྡན། །ནེའུ་གསིང་སྔོན་པོ་མཛེས་པའི་རྩྭ་འཇམ་ཡོད། །བུང་བ་མྱོས་པའི་ནགས་ཚལ་སྒྲ་འབྱིན་དག །འདོད་པའི་ལྷ་ཡི་རྩེད་མོའི་གནས་གྱུར་འདྲ། །
[71a.4]ཡིད་ལ་ལྟ་བ་རབ་ཏུ་འདོད་པར་གྱུར། །དེ་ནས་རྒྱལ་པོ་དེ་དུལ་ཞིང་ཞེ་ས་བསྐྱེད་དེ། བྱང་ཆུབ་སེམས་དཔའ་ལ་དགའ་བའི་གཏམ་བྱས་ནས། དེ་དང་ཉེ་བའི་ཕྱོགས་གཅིག་ཏུ་འདུག་གོ། །དེས་བུད་མེད་དེ་རབ་ཏུ་བྱུང་བ་མཐོང་ནས་ཡིད་རབ་ཏུ་འཕྲོག་པར་འགྱུར་བ་དེ་མཐོང་ནས།
[71a.5]དེའི་གཟུགས་བཟང་བ་དེ་ལ་སྙིང་ཆགས་པར་གྱུར་ཏེ། དེ་ནི་ཆུང་མ་ཡིན་ཡང་དག་གོ་སྙམ་ནས། འདོད་པའི་རང་བཞིན་ཅན་ཡིན་པའི་ཕྱིར་དེ་འཕྲོག་པའི་ཐབས་བསམ་མོ། །དཀའ་ཐུབ་ཅན་གྱི་དམོད་པ་མེ་འབར་བའི། །མཐུ་ནི་ཁྲོ་བོའི་མེ་འབར་དེ་ཤེས་ནས། །ཡིད་ལ་
[71a.6]འདོད་པ་བསྟན་པས་གཡེངས་གྱུར་ཀྱང་། །དེ་ལ་འཕྲལ་དུ་བརྙས་ཐབས་མ་བྱས་སོ། །དེས་བསམས་པ། དེའི་དཀའ་ཐུབ་ཀྱི་མཐུ་ཤེས་པར་བྱས་ལ་ནུས་ན་ནི་དེ་བྱ་བར་རིགས་ཀྱི། དེ་ལྟ་མ་ཡིན་ན་ནི་མི་རུང་ངོ་སྙམ་ནས། གལ་ཏེ་འདི་དེ་ལ་སེམས་ཆགས་པའི་དབང་དུ་གྱུར་
[71a.7]ན་ནི། དེ་ལ་དཀའ་ཐུབ་ཀྱི་མཐུ་མེད་གོར་མ་ཆགས་སོ། །དེ་སྟེ་འདོད་ཆགས་དང་བྲལ་བ་ཞིག་ཡིན་ན་ནི་དེ་ལ་མི་ལྟ་བར་རིགས་སོ། །དེ་བས་དེའི་དཀའ་ཐུབ་ཀྱི་མཐུ་ཆེའམ་ཆུང་བརྟག་གོ་སྙམ་ནས། རྒྱལ་པོ་དེས་དཀའ་ཐུབ་ཀྱི་མཐུ་བརྟག་པའི་ཕྱིར། བྱང་ཆུབ་སེམས་དཔའ་ལ་
[71b]
[71b.1]ཕན་པར་དགའ་བ་བཞིན་དུ་སྨྲས་པ། ཀྱེ་རབ་ཏུ་བྱུང་བ་ཁྱོད་འཇིག་རྟེན་འདི་ན་མི་གཡོན་ཅན་དང་ཐུབ་ཆོད་ཅན་རབ་ཏུ་མང་ན། ནགས་ཚལ་དབེེན་པ་རབ་མདའ་བཟློག་ཏུ་ཡང་མེད་པ་འདི་ལྟ་བུ་ན་ཆུང་མ་འདི་ལྟ་བུ་དང་ལྷན་ཅིག་འཁོད་དུ་རུང་ངམ། ཁྱོད་ཀྱི་ཆུང་མ་འདི་ལ་འགའ་
[71b.2]ཞིག་གིས་གཙེས་ན་ནི་ང་ལ་ཡང་གཤེ་བར་འགྱུར་རོ་ལྟོས་ཤིག །དབེན་པའི་གནས་ན་དཀའ་ཐུབ་ཆུང་མ་པ། །འགའ་ཞིག་ཆོས་དང་བཅས་ཏེ་བརྙས་བྱས་ནས། །ཆུང་མ་འདི་ནི་མངོན་སུམ་ཕྲོགས་གྱུར་ན། །མྱ་ངན་བྱེད་ལས་གཞན་ནི་ཅི་བྱར་ཡོད། །ཁྲོ་བ་བསྐྱེད་ནའང་
[71b.3]ཡིད་ནི་འཁྲུགས་འགྱུར་ཞིང་། །ཆོས་དང་འགལ་བ་གྲགས་པ་མེད་པར་འགྱུར། །དེ་བས་འདི་ནི་གྲོང་དུ་བཞག་པར་རིགས། །དཀའ་ཐུབ་ཅན་ལ་བུད་མེད་བསྙེན་ཅི་དགོས། །བྱང་ཆུབ་སེམས་དཔས་སྨྲས་པ། རྒྱལ་པོས་གསུངས་པའང་མད་ན་གལ་ཏེ་དེ་ལྟར་གྱུར་ན་
[71b.4]བདག་གིས་ཅི་ལྟར་བགྱི་བ་གསན་དུ་གསོལ། རྒྱགས་པས་སྙེམས་སམ་གལ་ཏེ་མ་བརྟགས་པར། །བདག་ལ་གནོད་པར་བྱེད་པ་འདིར་བྱུང་ན། །ས་རྡུལ་སྟུག་པོ་ཆར་པས་མནན་པ་བཞིན། །བདག་ཉིད་གསོན་བཞིན་དེ་ནི་ཡོང་མི་གཏང་། །དེ་ནས་རྒྱལ་པོ་དེས་བསམས་པ།
[71b.5]འདི་ནི་ཆུང་མ་འདི་ལ་རབ་ཏུ་ཆགས་པས་དཀའ་ཐུབ་ཀྱི་མཐུ་མེད་དོ་སྙམ་ནས། སེམས་དཔའ་ཆེན་པོ་ལ་བརྙས་པར་གྱུར་ཏོ། །དེས་གནོད་པ་བྱས་སུ་མི་དོགས་ལ་འདོད་པའི་འདོད་ཆགས་ཀྱི་དབང་དུ་ཡང་གྱུར་པས། བུད་མེད་དེ་མཐོང་བའི་མི་རྣམས་ལ་བསྒོས་པ། ཁྱེད་རྣམས་སོང་ལ་
[71b.6]བུད་མེད་རབ་ཏུ་བྱུང་བ་དེ་ཕོ་བྲང་གི་ནང་དུ་ཁྲིད་ཅིག་ཅེས་བསྒོས་སོ། །བུད་མེད་རབ་ཏུ་བྱུང་བ་དེས་དེ་སྐད་ཟེར་བ་ཐོས་ནས་ནགས་ཚལ་གྱི་རི་དྭགས་མོ་གཅན་གཟན་མ་རུངས་པས་གཙེས་པ་བཞིན་དུ་འཇིགས་ཤིང་བག་ཚ་བས་ངོ་འཛུམ་ནི་གྱུར་མིག་མཆི་མས་གང་སྐད་ནི་འཛེར་ཕོངས་ནས་
[71b.7]སྨྲེ་སྔགས་འདི་སྐད་བཏོན་ཏོ། །འཇིག་རྟེན་ཕོངས་ཤིང་དགྲ་ཡིས་གཙེས་གྱུར་ན། །རྒྱལ་པོ་དག་ལ་ཕ་བཞིན་སྐྱབས་ཚོལ་ན། །དེ་ཉིད་གང་ལ་མི་རིགས་བྱས་གྱུར་ན། །དེ་ཡིས་སུ་ལ་ཕ་སྐྱབས་བཙལ་བར་བྱ། །ཀྱེ་མ་ཧོ་འཇིག་རྟེན་སྐྱོང་བའི་ཚུལ་ལས་ཉམས། །གང་དག་ཕོངས་
[72a]
[72a.1]པ་ལེགས་པར་མི་སྐྱོང་བ། །འོན་ཏེ་མེད་དམ་ཤི་བར་གྱུར་ཏམ་ཅི། །ཆོས་ཀྱང་གྲགས་པ་ཙམ་དུ་ཟད་པར་ལྟ། །ཇོ་བོ་བཞུགས་བཞིན་ལྷ་ཡིས་ཅི་ཞིག་བྱ། །གཞན་ཞིག་ཡིན་ནའང་རྗེས་སུ་བསྲུང་རིགས་ན། །སྡིག་ཅན་རྣམས་ཀྱིས་བདག་
[72a.2]ནི་ཁྲིད་བཞིན་དུ། །བདག་ལ་སྐལ་བ་མེད་པས་ཅང་མི་གསུངས། །བདག་ལ་དམོད་པའི་སེར་བ་བབ་གྱུར་ན། །རི་ཡི་གཟུགས་ཀྱང་མི་སྣང་དྲན་གྱུར་པ། །བདག་ནི་འདི་ལྟར་གྱུར་ཀྱང་ཅང་མི་སྨྲ། །འོན་ཀྱང་བྱུར་ངན་མ་ནི་ཅུང་ཟད་གསོན། །བདག་ནི་འདི་ལྟར་རབ་ཏུ་
[72a.3]ཕོངས་གྱུར་ཀྱང་། །སྙིང་རྗེའི་སྣོད་དུ་མ་གྱུར་སྙིང་རེ་རྗེ། །ཕོངས་ལ་སྙིང་རྗེ་ཅན་གྱིས་བསྐྱབ་བྱ་བ། །འདི་ནི་དཀའ་ཐུབ་ཅན་གྱི་ཚུལ་མིན་ནམ། །བདག་ནི་སླད་དུ་བཟློག་ཀྱང་མ་ལོག་པར། །དེ་ཉིད་ད་རུང་ཐུགས་ལ་འཆང་བ་འདྲ། །ཁྱོད་ནི་མི་དགྱེས་བཞིན་དུ་བདག་མཆིས་
[72a.4]པ། །ཀྱེ་མ་བདག་དགར་བགྱིས་པ་ག་ལ་སྲིད། །དེ་ལྟར་བུད་མེད་རབ་ཏུ་བྱུང་བ་དེས་སྙིང་རྗེ་རྗེ་སྐད་དུ་སྨྲེ་སྔགས་འདོན་ལ་ངུ་བ་ཙམ་ལ་བརྟེན་པ་རྒྱལ་པོས་བསྒོས་པའི་མི་དེ་རྣམས་ཀྱིས། སེམས་དཔའ་ཆེན་པོས་དེ་མཐོང་བཞིན་ཤིང་རྟའི་སྟེང་དུ་བཞག་སྟེ། ཕོ་བྲང་གི་ནང་
[72a.5]དུ་ཁྲིད་པར་གྱུར་ཏོ། །བྱང་ཆུབ་སེམས་དཔས་ཀྱང་སོ་སོར་བརྟགས་པའི་མཐུས་ཁྲོ་བའི་སྟོབས་བཅིངས་ཏེ། དེ་བཞིན་དུ་སེམས་འཁྲུག་པ་མེད་ཅིང་རབ་ཏུ་ཞི་བར་ཕྱག་དར་ཁྲོད་པའི་ཚེམ་བུ་དྲུབ་ཅིང་འདུག་གོ། །དེ་ནས་དེ་ལ་རྒྱལ་པོས་སྨྲས་པ། མི་བཟོད་ཁྲོ་བའི་དབང་
[72a.6]དུ་གྱུར་པའི་ཚིག །ཁྱོད་ཀྱིས་བསྙེམས་ཤིང་གསང་བསྟོད་སྨྲས་ཟིན་ན། །ཉོན་མོངས་མ་དེ་མཐོང་ཞིང་ཕྲོགས་གྱུར་ཀྱང་། །མཐུ་མེད་ཞུམ་ནས་རབ་ཏུ་ཞི་བར་འདུག །དེ་བས་རང་གི་མཐུ་རྩལ་བསྟན་པར་གྱིས། །དཀའ་ཐུབ་གནས་པའི་གཟི་བརྗིད་བསྩགས་པའང་
[72a.7]སྟོན། །བདག་གི་ཚོད་ཀྱང་བཟུང་བ་མ་ཤེས་ནས། །ཁས་འཆེས་དོན་མེད་ལྷག་པ་མ་མཐོང་ངོ་། །བྱང་ཆུབ་སེམས་དཔས་སྨྲས་པ། རྒྱལ་པོ་བདག་གིས་ཡིད་དམ་བཅས་པའི་དོན་མ་མཆིས་པར་མ་ལགས་ཀྱིས། མཁྱེན་པར་མཛད་དུ་གསོལ། གང་ཞིག་བདག་ལ་གནོད་པར་
[72b]
[72b.1]བགྱིད་པ་དེ། །གཡོ་བཞིན་དུ་ཡང་བདག་གིས་ཡང་མ་བཏང་། །བདག་གིས་མངོན་སུམ་དུ་ཡང་ཞི་བར་བགྱིས། །དེ་བས་བདག་གིས་ཡིད་དམ་བཅས་བཞིན་གྱུར། །དེ་ནས་བྱང་ཆུབ་སེམས་དཔའི་ཚིག་རབ་ཏུ་བརྟན་པ་དང་རབ་ཏུ་ཞི་བའི་ཚུལ་སྟོན་པ་དེས། དཀའ་ཐུབ་
[72b.2]ཅན་གྱི་ཡོན་ཏན་ཡོད་པར་ཡིད་ཆེས་པར་གྱུར་ནས་བསམས་པ། བྲམ་ཟེ་འདིས་ནི་གཞན་ཞིག་ལ་བསམས་ནས་སྨྲས་པ་ལྟ་ཞིག་ན། བདག་གིས་དེ་མ་ཤེས་པར་འདི་ལྟ་བུ་མི་བརྟན་པར་བྱས་སོ་སྙམ་སྟེ་རྟོག་པ་སྐྱེས་ནས། བྱང་ཆུབ་སེམས་དཔའ་ལ་སྨྲས་པ། རྣམ་པར་གཡོ་
[72b.3]བཞིན་ཁྱོད་ཀྱིས་མ་བཏང་བ། །ཁྱོད་ལ་གནོད་བྱེད་དེ་ནི་སུ་ཞིག་ཡིན། །ཆར་པ་བབ་པས་རྡུལ་ཕྲན་བཀབ་པ་བཞིན། །ཁྱོད་ཀྱིས་གང་ཞིག་རབ་ཏུ་ཞི་བར་བྱས། །བྱང་ཆུབ་སེམས་དཔས་སྨྲས་པ། རྒྱལ་པོ་ཆེན་པོ་གསན་དུ་གསོལ། སྐྱེས་ནའང་གང་ཞིག་མི་མངོན་ལ། །
[72b.4]མ་སྐྱེས་པ་ནི་དགེ་བ་མངོན། །བདག་ལ་གནོད་པའི་ཁྲོ་བ་དེ། །བདག་གིས་ཤོར་བར་མ་གྱུར་ཏོ། །མི་ཕན་འདོད་པའི་མི་རྣམས་ནི། །ནམ་ཞིག་སྐྱེས་ན་དགའ་འགྱུར་བ། །དགྲ་རྣམས་དགའ་འགྱུར་ཁྲོ་བ་དེ། །བདག་གིས་ཁྲོ་བར་མ་གྱུར་ཏོ། །གང་ཞིག་སྐྱེས་པར་
[72b.5]གྱུར་ན་ནི། །དམ་པའི་དོན་ལ་སྤྱོད་མི་འགྱུར། །རྒྱལ་པོ་ལོག་པར་སྤྱོད་པ་ཡི། །ཁྲོ་བ་དེ་ལ་བདག་མི་གནས། །གང་གིས་ཟིལ་གནོན་དགེ་བ་གཏོང་འགྱུར་བ། །དོན་རྣམས་གྲུབ་ཀྱང་ཉམས་པར་འགྱུར་བ་ཡིན། །ཁྲོ་བ་མ་རུངས་གདོན་གྱིས་བསྒྱུར་བ་འདྲ། །ཚུལ་མིན་
[72b.6]བྱེད་པ་གདོན་གྱིས་ཟིན་པའོ། །གཙུབ་ཤིང་གཙུབས་པ་ལས་ནི་མེ་བྱུང་ན། །དེ་ཉིད་རབ་ཏུ་ཚིག་པར་འགྱུར་འདྲ་བ། །ལོག་པར་རྟོག་ལས་འབར་བར་འགྱུར་བ་ཡིན། །ཁྲོ་བས་དེ་བཞིན་བདག་ཉིད་ཕུང་བར་བྱེད། །རབ་ཏུ་འབར་ཞིང་ཚིག་པའི་མེ་འདྲ་བ། །སྙིང་ལ་གདུང་བའི་
[72b.7]ཁྲོ་བ་མ་མཆིས་ན། །སྤོང་བར་གྱུར་པས་དེ་ལ་གཏམ་ངན་འབྱུང་། །ནང་བར་ནམ་ལངས་ཟླ་བའི་འོད་ཉམས་བཞིན། །གཞན་ལ་གནོད་པར་བྱ་བར་མི་སེམས་པར། །ཁྲོ་བ་ལ་ནི་དགྲ་བཞིན་གང་ལྟ་བ། །དེ་ཡི་གྲགས་པ་ངེས་པར་རྒྱས་པར་འགྱུར། །ཟླ་བ་ཡར་གྱི་འོད་ཟེར་
[73a]
[73a.1]གསལ་བ་བཞིན། །ཁྲོ་བ་ལ་ནི་ཉེས་དམིགས་ཆེན་པོ་འདི། །འདི་ལྟ་བུ་ནི་གཞན་དག་ཀྱང་ཡོད་དེ། །ཁྲོ་བའི་མེ་ཡིས་བཞིན་མདངས་ཉམས་གྱུར་ན། །རྒྱན་གྱིས་བརྒྱན་ཡང་བཟང་པོར་ཡོང་མི་སྣང་། །མལ་སྟན་བཟང་པོ་དག་ལ་ཉལ་གྱུར་ཀྱང་། །
[73a.2]ཁྲོ་བའི་ཟུག་རྔུས་སེམས་ནི་སྡུག་བསྔལ་འགྱུར། །བདག་ལ་ཕན་པའི་དོན་གྲུབ་བྱེད་གྱུར་ཏེ། །ཁྲོ་བས་གདུངས་ནས་ལམ་ངན་འགྲོ་བར་བྱེད། །གྲགས་དང་དོན་གྲུབ་པ་ལས་ཉམས་གྱུར་ཏེ། །ཟླ་བ་མར་གྱི་ངོ་བཞིན་དཔལ་ལས་ཉམས། །མཛའ་བཤེས་དག་གིས་རབ་ཏུ་གཅུགས་
[73a.3]གྱུར་ཀྱང་། །ཁྲོ་བར་མི་རིགས་གཡང་སར་ལྷུང་བར་འགྱུར། །ཕན་དང་གནོད་པ་སེམས་ལས་བློ་ཉམས་ན། །ཕལ་ཆེར་འགལ་ཞིང་སེམས་ནི་རྨོངས་པར་འགྱུར། །ཁྲོ་བས་སྡིག་པའི་ལམ་ནི་གོམས་བྱས་པས། །ངན་སོང་དག་ཏུ་ལན་བརྒྱར་སྡུག་བསྔལ་འབྱུང་། །གནོད་
[73a.4]པ་ཆེན་པོར་བྱས་པས་ཤར་གཉེར་བའི། །དགྲས་ཀྱང་དེ་ལ་ལྷག་པར་ཅི་བྱར་ཡོད། །ཁྲོ་བ་འདི་ནི་ནང་གི་དགྲ། །བདག་གིས་དེ་ལྟར་ཤེས་ནས་སུ། །དེ་ཡི་མཐུ་ནི་ཁྲོ་བ་དག །སྐྱེས་བུ་སུ་ཞིག་བཟོད་པར་བྱེད། །དེ་བས་བདག་ནི་གསོན་བཞིན་དུ། །ཁྲོ་བ་གཡོས་ཀྱང་མ་ཤོར་རོ། །
[73a.5]ཕུང་པར་བྱེད་པའི་དགྲ་བོ་དེ། །སུ་ཞིག་ཡལ་བར་དོར་མི་བྱེད། །དེ་ནས་དེའི་རབ་ཏུ་ཞི་བའི་ཡོན་ཏན་རྨད་དུ་བྱུང་བ་དང་ཚིག་སྙིང་ལ་བབ་པ་དེས་རྒྱལ་པོ་དེའི་ཡིད་རབ་ཏུ་མགུ་བར་གྱུར་ནས་སྨྲས་པ། ཁྱོད་ཀྱིས་སྨྲ་བའི་རིམ་འདི་དང་། །ཞི་བའི་རྗེས་སུ་མཐུན་པ་འདི། །མང་དུ་སྨོས་ཀྱང་ཅི་
[73a.6]དགོས་ཏེ། །ཁྱོད་དང་མ་འཕྲད་བརླག་པར་འགྱུར། །དེ་སྐད་ཅེས་བསྟོད་ནས་དྲུང་དུ་བསྙེན་ཏེ། དེའི་རྐང་པ་གཉིས་ལ་ཕྱག་འཚལ་ནས། སྡིག་པ་བྱས་པ་ཡང་བཤགས་སོ། །བུད་མེད་རབ་ཏུ་བྱུང་བ་དེ་ལ་ཡང་བཟོད་པར་གསོལ་ནས་སླར་བཏང་ངོ་། །བདག་ཉིད་ཀྱང་བྱང་ཆུབ་སེམས་
[73a.7]དཔའི་གཡོག་ཏུ་ཁས་བླངས་སོ། །དེ་ལྟ་བས་ན་ཁྲོ་བ་ཐུལ་བར་གྱུར་ན་དགྲ་ཞི་བར་འགྱུར་གྱི། གཞན་དུ་བྱས་ན་དགྲ་འཕེལ་ལོ། །དེ་བས་ན་ཁྲོ་བ་ཐུལ་བར་བྱ་བ་ལ་འབད་པར་བྱའོ། །དེ་ལྟར་ན་ཁོན་དུ་འཛིན་པ་མེད་ན་དགྲ་ཞི་བར་འགྱུར་ལ་དུལ་བར་བྱས་ན་དགྲ་མི་འཕེལ་ལོ། །དེ་
[73b]
[73b.1]བཞིན་དུ་མི་ཁྲོ་བ་ནི་གཉིས་ཀའི་དོན་སྤྱོད་པར་འགྱུར་རོ། །ཞེས་བྱ་བ་ལ་སོགས་པ་བཟོད་པའི་ཕན་ཡོན་འབྱུང་བའི་མདོ་སྡེ་དག་ལ་སྦྱར་བར་བྱའོ། །ཁྲོ་བའི་ཉེས་དམིགས་ཀྱི་གཏམ་བྱ་བ་དང་། དེ་བཞིན་གཤེགས་པའི་ཆེ་བ་ཉིད་ལ་བརྗོད་པར་བྱའོ། །གཙུག་ཕུད་
[73b.2]བྱང་ཆུབ་ཏུ་སྐྱེས་པའི་རབས་ཏེ་ཉི་ཤུ་གཅིག་པའོ།། །།བམ་པོ་བདུན་པ། དམ་པ་རྣམས་དུད་འགྲོར་ལྷུང་བའི་སྤྱོད་པ་ལ་ཡང་། སྐྱེས་བུ་དམ་པ་མ་ཡིན་པ་རྣམས་ཀྱིས་རྗེས་སུ་མཐུན་པར་བྱ་བ་ཙམ་ཡང་མི་ནུས་སོ། །དེ་ཡང་འདི་ལྟར་བྱང་ཆུབ་སེམས་དཔའ་
[73b.3]ཡིད་བཞིན་གྱི་རྒྱ་མཚོ་ཆེན་པོའི་ནང་ན། ངང་པའི་ཁྱུ་ཆེན་པོ་བརྒྱ་སྟོང་ཕྲག་དུ་མ་གྲངས་མང་པོའི་བདག་པོ་ངང་པའི་རྒྱལ་པོ་ཡུལ་འཁོར་སྲུང་ཞེས་བྱ་བར་གྱུར་ཏོ། །ཞེས་གྲགས་སོ། །དེའི་བློན་པོ་ངང་པའི་རྒྱལ་པོ་རིགས་པ་དང་མི་རིགས་པ་ཡོངས་སུ་ཤེས་པར་བྱ་བ་ལ་མཁས་
[73b.4]པ་ཡུན་རིང་པོར་ཡང་དྲན་པའི་མཐུ་དང་ལྡན་པ། རིགས་མཐོན་པོའི་ནང་ནས་གཙོ་བོར་གྱུར་པ། མཁས་པ་དང་དེས་པ་དང་དུལ་བས་བརྒྱན་པ་བརྟན་པ་དང་གཙང་སྦྲ་དང་ཚུལ་ཁྲིམས་དང་སྤྱོད་ཚུལ་དང་སྤྱོད་ལམ་ཕུན་སུམ་ཚོགས་པ། དཔའ་ལ་སྡུག་བསྔལ་བཟོད་ཅིང་བག་ཡོད་པ།
[73b.5]གཡུལ་ངོར་འགྱེད་པའི་དགྲ་ཐབས་ལ་མཁས་ཤིང་མི་འཇིགས་པ་ཇོ་བོ་ལ་སྙིང་ཉེ་ཞིང་ལེགས་པར་ལྟ་བ་བཞིན་བཟང་ཞེས་བྱ་བ་ཞིག་ཀྱང་ཡོད་པར་གྱུར་ཏེ། དེའི་ཚེ་དེ་ལྟར་གྱུར་པ་དེ་ཡང་གནས་བརྟན་འཕགས་པ་ཀུན་དགའ་བོ་ཡིན་ནོ། །དེ་གཉིས་གཅིག་ལ་གཅིག་བྱམས་ཤིང་མཛའ་
[73b.6]བའི་ཡོན་ཏན་གྱི་གཞིས་ཡོན་ཏན་གྱི་མཐུ་རབ་ཏུ་ཆེ་བར་གྱུར་ཏེ། འཇིག་རྟེན་གཉིས་ཀ་ལ་ཕན་པར་འབྱུང་བར་བྱ་བའི་དོན་དུ་ལེགས་པར་འཇོག་པ་ནི། སློབ་དཔོན་དང་སློབ་མའི་གཙོ་བོ་གཞན་རྣམས་ནི་སློབ་མ་ཕལ་བ་བཞིན། རྣམ་པ་གཅིག་ཏུ་ན་ཕ་དང་བུ་རབ་ཐུ་བོ་བཞིན་གཞན་ནི་བུ་ཕལ་
[73b.7]བ་བཞིན་ནོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། གྲུལ་བུམ་དང་། རིག་སྔགས་འཆང་དང་། དཀའ་ཐུབ་ཅན་མངོན་སུམ་དུ་མཐོང་བ་རྣམས་རབ་ཏུ་ངོ་མཚར་ཆེ་བར་གྱུར་ཏོ། །དེ་གཉིས་ངང་པའི་ཚོགས་རྣམས་འཁོད་པ་དེའི། །བདེ་བའི་ལུས་འདེགས་སྤྱོད་པ་གཅིག་ཏུ་གྱུར། །
[74a]
[74a.1]མཁའ་ལ་རྒྱུ་བར་བྱེད་པའི་འདབ་མ་གཉིས། །ལུས་འདེགས་ཕྱིར་ནི་སྤྱོད་པ་གཅིག་པ་བཞིན། །དེ་ལྟར་དེ་གཉིས་ཀྱིས་ངང་པའི་ཚོགས་དེ་དག་རྗེས་སུ་སྐྱོང་བ་ནི་ཆོས་དང་སྲིད་དར་བ་གཉིས་ཀྱིས་མི་རྣམས་རྗེས་སུ་བསྐྱང་བ་བཞིན་དུ་རབ་ཏུ་དར་བར་གྱུར་
[74a.2]པ་དེས་མཚོ་དེ་ཡང་རབ་ཏུ་མཛེས་པར་གྱུར་ཏོ། །ངང་པ་མང་པོ་ཚོགས་པ་ཡི། །སྒྲ་སྙན་ཡིད་དུ་འོང་བ་དེ། །པདྨ་དཀར་པོ་འགྱུ་བ་བཞིན། །མཚོ་དེ་རབ་ཏུ་མཛེས་པར་བྱས། །ལ་ལ་ངང་པ་སོ་སོར་གྱེས། །ཁ་ཅིག་ཏུ་ནི་ཕང་ཕུང་ཆས། །མཁའ་ལ་སྤྲིན་རྣམས་གྱེས་
[74a.3]ཕུང་བའི། །མཛེས་པའི་དཔལ་ཡང་ཟིལ་གྱིས་ནོན། །དེ་ནས་ངང་པའི་རྒྱལ་པོ་སེམས་ཅན་ཐམས་ཅད་ལ་ཕན་པར་དགའ་བ་དེ་དང་། བློན་པོ་ངང་པའི་སྡེ་དཔོན་བཞིན་བཟང་བྱ་བ་དེའི་ཡོན་ཏན་ཁྱད་པར་ཅན་གྱི་མཐུ་ཆེན་པོས་ཡིད་ལ་ཡ་མཚན་ཆེར་གྱུར་པའི་གྲུབ་པ་དང་དྲང་སྲོང་
[74a.4]རིག་སྔགས་འཆང་བ་དང་ལྷ་མང་པོ་རྣམས་དེ་གཉིས་ཀྱི་གྲགས་པའི་གཞི་ལས་གྱུར་པའི་གཏམ་འབའ་ཞིག་འཛེར་ཞིང་དེ་དང་དེ་དག་ན་འཁོད་དོ། །གསེར་མཆོག་བཙོ་མའི་ཁ་དོག་འདྲ་བའི་མདོག །དཔལ་ལྡན་ལུས་ཅན་ཚིག་འབྲུ་གསལ་བར་སྨྲ། །དུལ་ཞིང་རིག་པ་ཆོས་ཀྱི་ཚུལ་ལས་
[74a.5]བྱུང་། །ངང་པའི་ལུས་ཅན་འདི་གཉིས་ངེས་པར་གཞན། །ཕྲག་དོག་མེད་པས་ཡོན་ཏན་བསྒྲགས་པ་དང་། །དེ་གཉིས་གྲགས་པ་ཕྱོགས་སུ་རྒྱས་པར་གྱུར། །རྒྱལ་པོ་རྣམས་ཀྱང་དེ་ལ་དད་པ་སྐྱེས། །དམ་པ་ཚོགས་སར་སྐྱེས་དང་འདྲ་བར་གྱུར། །དེའི་ཚེ་ཡུལ་བཱ་རཱ་ཎ་
[74a.6]སཱིར་རྒྱལ་པོ་ཚངས་བྱིན་བྱ་བ་ཞིག་ཡོད་དེ། དེས་ངང་པའི་རྒྱལ་པོ་དེ་དང་ངང་པའི་སྡེ་དཔོན་དེའི་ཡོན་ཏན་ཁྱད་པར་ཅན་གྱི་གཏམ། བློན་པོ་ཡིད་ཆེས་པ་དང་བྲམ་ཟེ་རྒན་པོ་རྣམས་ཀྱིས་ཚོགས་པའི་ནང་དུ་གླེང་བསླངས་པ་ལ་ལན་དུ་མ་ཞིག་ཐོས་ཏེ། དེ་གཉིས་ལྷག་པར་ལྟ་འདོད་ནས། །
[74a.7]བློན་པོ་བཀའ་ལ་གཏོགས་པའི་གཙུག་ལག་དུ་མ་ལ་གོམས་ཤིང་མཁས་པའི་བློ་དང་ལྡན་པ་རྣམས་ལ་སྨྲས་བ། ཀྱེ་ངང་པའི་མཆོག་དེ་གཉིས་ཅི་ནས་ཀྱང་ངའི་སྤྱན་སྔར་བྲིམ་དུ་རུང་བའི་ཐབས་བཟང་པོ་འགའ་ཞིག་ཚོལ་ཅིག །དེ་ནས་བློན་པོ་དེ་དག་གིས་རང་རང་གི་བློ་ལ་ཅི་དྲན་པ་དང་
[74b]
[74b.1]གཞུང་ལུགས་དག་དང་ཡང་སྦྱར་ཏེ་རྒྱལ་པོ་ལ་གསོལ་པ། སེམས་ཅན་རྣམས་ནི་བདེ་བ་འཆལ། །བདེ་བར་གྱུར་པའི་ཡོན་ཏན་མཆོག །དེ་དང་དེ་ནས་འགུགས་པར་བགྱིད། །དེ་བས་དེ་ཐོས་དེ་གཉིས་མཆིས། །དེ་བས་ན་མཚོ་གང་ན་དེ་གཉིས་མངོན་པར་དགའ་བར་གྱུར་
[74b.2]པའི་བཀའ་མཆིད་གདའ་བ་དེ་བས་ཀྱང་། ཡོན་ཏན་ཁྱད་དུ་འཕགས་པའི་མཚོ་ཞིག །ཡུལ་འདིར་ཡང་དགོན་པའི་ས་ཕྱོགས་གཅིག་ཏུ་བགྱིད་དུ་སྩལ་ལ། གདུགས་རེ་རེ་ཞིང་ཡང་བྱ་ཐམས་ཅད་ལ་མི་འཇིགས་པ་སྦྱིན་པའི་སྒྲ་བསྒྲགས་ཤིང་། ཅི་ནས་ཀྱང་ངོ་མཚར་ཆེར་
[74b.3]གྱུར་པའི་བདེ་བའི་ཡོ་བྱད་ཀྱི་ཡོན་ཏན་ཁྱད་པར་ཅན་ཐོས་ནས། དེ་གཉིས་འདིར་མཆི་བར་འགྱུར་བ་དེ་ལྟར་བགྱི་བར་རིགས་སོ། །ལྷ་གཟིགས་སུ་གསོལ། ལྷ་གཅིག་སེམས་ཅན་ཕལ་ཆེར་ནི། །བདེ་བ་རྙེད་པ་ཁྱད་དུ་གསོད། །ཐོས་ནས་བདེ་བའི་དགའ་བ་དག །
[74b.4]གུད་དུ་འདུག་ཀྱང་ཡིད་འཕྲོག་གྱུར། །དེ་ནས་རྒྱལ་པོ་དེས་བསམས་པ། དེ་བདེན་ནོ་སྙམ་ནས་རིང་པོར་མ་ལོན་པར་གོང་ཁྱེར་གྱི་སྐྱེད་མོས་ཚལ་དང་ཧ་ཅང་མི་རིང་བ་ཅིག་ཏུ་ཡིད་བཞིན་གྱི་མཚོའི་ལོངས་སྤྱོད་ཀྱི་ཡོན་ཏན་ལ་འགྲན་དུ་རུང་བ་མེ་ཏོག་པདྨ་དང་། ཨུཏྤ་ལ་དང་། ཀུ་མུ་
[74b.5]ཏ་དང་། པདྨ་དཀར་པོ་དང་། སཽ་གན་དྷི་ཀ་དང་། པདྨ་དམར་པོ་དང་། ཀུ་མུ་ཏ་དམར་པོས་ཁེབས་ཤིང་ཆུ་གཙང་མས་གང་བ། རབ་ཏུ་ཡིད་དུ་འོང་བའི་མཚོ་ཆེན་པོ་ཅིག་བྱེད་དུ་བཅུག་གོ། །ལྗོན་ཤིང་མེ་ཏོག་བཟང་ལྡན་ཞིང་། །ལོ་མ་བཟང་པོ་འོད་གསལ་རྣམས། །དེ་ལ་ལྟད་
[74b.6]མོ་ལྟར་ལྷགས་བཞིན། །མཚོ་ཡི་མཐའ་མ་ཡོངས་སུ་བསྐོར། །པདྨ་རྣམས་ནི་དགོད་པ་བཞིན། །ཆུ་རླབས་འཁྲུག་པས་གཡོ་བར་གྱུར། །དེ་ལ་ཆགས་པའི་བུང་བ་རྣམས། །གཡོ་ཞིང་འཕུར་བ་མང་པོས་གང་། །ཁ་ཅིག་ན་ནི་ཟླ་འོད་ཀྱིས། །ཁ་བྱེ་ཀུ་མུ་ཏ་དག་དང་། །
[74b.7]ཤིང་གི་གྲིབ་མས་བར་བཅད་པས། །ཁ་ཅིག་ཟླ་བའི་དུམ་བུ་འདྲ། །པདྨ་ཨུཏྤལ་ཕྱེ་བ་རྣམས། །རླབས་ཀྱིས་སོར་མོས་བྲིས་པ་བཞིན། །མཚོ་ཡི་འགྲམ་དག་རབ་ཏུ་བརྒྱན། །ཁ་ཅིག་གསེར་ཕྱེའི་རི་མོ་བཞིན། །པདྨ་ཨུཏྤལ་འདབ་མ་དག །གེ་སར་བཅས་པ་དེ་དང་དེར། །
[75a]
[75a.1]མེ་ཏོག་སིལ་མ་བཀྲམ་པ་བཞིན། །རབ་ཏུ་ཉམས་དགའ་རྣམ་པར་མཛེས། །ཆུ་ནི་རབ་གསལ་མི་གཡོ་བས། །ལུས་ཀྱི་ཡོན་ཏན་གསལ་མཛེས་པའི། །ཉ་ཡི་ཚོགས་ནི་མང་པོ་དག །མཁའ་ལ་རྒྱུ་བ་འདྲ་བས་བརྒྱན། །ལ་ལ་མུ་ཏིག་ཕྲེང་བཅད་བཞིན། །
[75a.2]གླང་ཆེན་སྣ་ནས་བུས་པ་དང་། །བྲག་ལ་ཕོག་པའི་ཆུ་འཕྲོས་པས། །རླབས་ཀྱི་ཕྱེ་མ་རབ་ཏུ་འཕྲོ། །རིག་འཛིན་ན་ཆུང་ཁྲུས་བྱ་ཞིང་། །གླང་ཆེན་རྒྱལ་བའི་བསུང་དག་དང་། །མེ་ཏོག་རྣམས་ཀྱི་ཕྱེ་མ་ཡིས། །ཁ་ཅིག་ཏུ་ནི་བསུང་བསྒོས་བཞིན། །
[75a.3]ཟླ་བའི་ཆུང་མ་སྐར་མ་རྣམས། །སྤྱི་ཡི་གདོང་ལྟ་མེ་ལོང་བཞིན། །བྱ་རྣམས་དགའ་བ་མང་པོས་གང་། །དེ་ཡི་སྒྲ་སྙན་རབ་ཏུ་གྲགས། །མཚོ་ཆེན་པོ་དེ་ལྟ་བུར་བྱ་མང་པོ་དག་ཐམས་ཅད་ཀྱི་བདེ་བའི་ཡོ་བྱད་དགག་པ་མེད་པ་དེ་ལྟ་བུ་བྱེད་དུ་བཅུག་ནས་དེ་དག་ལ་བྱིན་ཏེ་བྱ་རྣམས་
[75a.4]ཡིད་ཆེས་པར་བྱ་བའི་ཕྱིར། ཉིན་རེ་ཞིང་ཡང་མི་འཇིགས་པ་སྦྱིན་པའི་སྒྲ་སྒྲོག་ཏུ་བཅུག་གོ། །མཚོ་འདི་མེ་ཏོག་པདྨ་དང་། །ཨུཏྤལ་འདབ་མས་གང་བའི་ཆུ། །རྒྱལ་པོས་བྱ་རྣམས་ཀུན་ལ་སྦྱིན། །དགའ་ཞིང་མི་འཇིགས་ཡོན་ཏན་བཅས། །དེ་ནས་རེ་ཞིག་ཅིག་སྟོན་གྱི་
[75a.5]དུས་ལ་བབ་པའི་ཚེ། སྤྲིན་གྱི་མུན་པ་ཡོལ་བ་ལྟར་སྒྲིབ་པ་ནི་མེད། སྟོན་གྱི་དུས་སུ་ཡོན་ཏན་བཟང་པོ་ནི་བྱུང་། ཕྱོགས་རྣམས་ནི་གསལ་བ་ལྟར་སྣང་། མེ་ཏོག་པདྨ་མང་པོ་ཁ་ཕྱེ་བས་ནི་མཛེས་པར་གྱུར། མཚོའི་ཆུ་རྣམས་ནི་རབ་ཏུ་དྭངས་ཤིང་ཡིད་དུ་འོང་བར་གྱུར། ཟླ་བ་ནི་
[75a.6]གཟི་མདངས་ཀྱི་མཆོག་དང་ལྡན་ཞིང་འོད་ཟེར་རབ་ཏུ་འཕེལ་བ་བཞིན་དུ་གྱུར། ས་གཞི་ནི་མེ་ཏོག་རྣམ་པ་མང་པོ་ཕུན་སུམ་ཚོགས་པས་བརྒྱན་པར་གྱུར། བྱ་ངང་པ་གཞོན་ནུ་མང་པོ་ནི་རྒྱུ་བར་གྱུར་པའི་ཚེ། ཡིད་བཞིན་གྱི་མཚོའི་ནང་ནས་ངང་པ་མང་པོ་འཁོད་པ་དེའི་ནང་ནས་ངང་པ་
[75a.7]ཁྱོ་ཤུག་གཉིས། སྟོན་གྱི་དུས་ཉམས་དགའ་བའི་ཚེ་ཡུལ་ལྗོངས་སུ་རྒྱུ་ཞིང་མཐར་གྱིས་སོང་སོང་བ་ལས་རྒྱལ་པོ་དེའི་ཡུལ་དུ་ཕྱིན་ཏོ། །དེ་ན་ཡང་བྱ་མང་པོ་ནི་སྒྲ་འབྱིན། བུང་བ་མང་པོ་ནི་སྒྲ་ཏི་རི་རི་ཟེར། སེར་བུ་བསིལ་བ་ལངས་པས་རླབས་ཀྱི་ཕྲེང་བ་འཁྲིགས་པར་
[75b]
[75b.1]བྱས་ཤིང་ཁོ་ར་ཁོར་ཡུག་ཏུ་མེ་ཏོག་པདྨ་དང་། ཨུཏྤ་ལའི་དྲི་ཞིམ་པོའི་ངད་ནི་ལྡང་། པདྨ་ཁ་བྱེ་བ་རྣམས་ནི་འབར་བ་བཞིན། མེ་ཏོག་ཀུ་མུ་ཏ་དཀར་པོ་རྣམས་ནི་དགོད་པ་བཞིན་དུ་འདུག་པའི་མཚོ་དེ་མཐོང་བར་གྱུར་ཏོ། །ངང་པ་ཁྱོ་ཤུག་གཉིས་པོ་དེ་ཡིད་བཞིན་གྱི་མཚོ་ན་
[75b.2]འཁོད་ཀྱང་། མཚོ་དེའི་དཔལ་རབ་ཏུ་ཡིད་དུ་འོང་བ་མཐོང་ནས། རབ་ཏུ་ཡ་མཚན་ཆེ་ཞིང་རང་གི་ངང་པའི་ཚོགས་ཀྱང་རྗེས་སུ་དྲན་པར་གྱུར་ཏེ། ཨེ་མ་ཧོ། །ངང་པའི་ཚོགས་དེ་དག་ཀྱང་འདིར་ལྷགས་ཀྱང་ཅི་མ་རུང་སྙམ་ནས། འཇིག་རྟེན་པ་ནི་ཕལ་ཆེར་དུ། །སྤྱི་ཡི་བདེ་བ་
[75b.3]མྱོང་ནས་ནི། །བྱམས་ཤིང་རྗེས་སུ་ཆགས་པ་ཡིས། །མཛའ་བཤེས་ཐོག་མར་དྲན་པར་འགྱུར། །དེ་ནས་ངང་པ་ཁྱོ་ཤུག་གཉིས་པོ་དེ་ན་རེ། ཇི་སྲིད་འདོད་པ་འཁོད་འཁོད་ནས། དབྱར་གྱི་དུས་སུ་བབ་པ་དང་གློག་འགྱུ་བ་ནི་མཚོན་ཆ་འདེབས་པ་འདྲ། སྤྲིན་གྱིས་
[75b.4]ཁེབས་པའི་མུན་པ་ནི་ཧ་ཅང་མི་གནག །སྤྲིན་གྱི་ཚོགས་མང་པོ་འདུ་བ་ནི་ལྷ་མ་ཡིན་གྱི་དམག་ཚོགས་འདུ་བ་བཞིན། རྨ་བྱའི་མདོངས་ཡོངས་སུ་རྒྱས་པ་ནི་མཛེས་པར་གྱུར། རྨ་བྱའི་སྒྲ་ཅོང་ཅོང་བུ་འབྱིན་པ་ནི་དབྱར་སྤྲིན་རྣམས་རྒྱལ་བར་གྱུར་པ་བཞིན་དུ་མགུ་བར་བྱེད།
[75b.5]རྨ་བྱ་མང་པོ་ནི་གར་སྣ་ཚོགས་བྱེད། བྱ་བྲན་མང་པོ་ནི་སྒྲ་སྣ་ཚོགས་འབྱིན་ཅིང་རྣམ་པར་རྒྱུ། མེ་ཏོག་ཀ་དམ་པ་དང་། སརྫ་དང་། ཨརྫུ་ན་དང་། ཀེ་ཏ་ཀའི་དྲི་ཞིམ་པོས་བསྒོས་པའི་སེར་བུ་བསིལ་བའི་ངད་ལྡང་བ་ནི་ནགས་ཚལ་དབུགས་འབྱིན་པ་བཞིན། བྱ་མང་པོའི་ཕྲེང་བ་བརྒྱུས་
[75b.6]པ་ནི་སྤྲིན་གྱི་སོའི་ཕྲེང་བ་གཏམས་པ་བཞིན། ངང་པའི་ཚོགས་རྣམས་ནི་གུད་དུ་འདོང་འདོད་པས། སྒྲ་ཆེར་མི་འབྱིན་ཞིང་འགྲོ་ཆས་བྱེད་པ་དེ་བཞིན་དུ་ངང་པ་ཁྱོ་ཤུག་གཉིས་པོ་དེ་ཡང་ཡིད་བཞིན་གྱི་མཚོ་དེ་ཉིད་དུ་སླར་སོང་ངོ་། །ངང་པའི་བདག་པོའི་དྲུང་དུ་ལྷགས་ནས་ཀྱང་ཡུལ་དང་ཕྱོགས་
[75b.7]ཀྱི་གཏམ་གླེང་བསླང་བའི་ཚེ། མཚོ་དེའི་ཡོན་ཏན་ཁྱད་པར་ཅན་དེ་གླེང་ངོ་། །ལྷ་གངས་རིའི་ལྷོ་ཕྱོགས་ན་ཡུལ་བཱ་རཱ་ཎཱ་སཱི་ཞེས་བགྱི་བ་ན་རྒྱལ་པོ་ཚངས་བྱིན་ཞེས་བགྱི་བ་ཞིག་མཆིས་ཏེ། དེས་མཚོ་ཆེན་པོ་རྨད་དུ་བྱུང་བ། བཟང་བ། ཡོན་ཏན་ཆེ་བ་བརྗོད་ཀྱིས་མི་ལང་བ་ཅིག་བྱ་རྣམས་ལ་རང་དགར་
[76a]
[76a.1]སྤྱོད་ཅིང་། བདེ་བའི་ལོངས་སྤྱོད་དུ་སྩལ་ཏེ། ཉིན་རེ་ཞིང་ཡང་མི་འཇིགས་པ་སྦྱིན་པའི་སྒྲ་ཡང་སྒྲོགས། བྱ་རྣམས་ཀྱང་དེ་ན་རང་གི་ཁྱིམ་ན་མཆིས་པ་བཞིན་དུ་འཇིགས་ཤིང་བག་ཚ་བ་མ་མཆིས་པར་སྤྱོད་ཅིང་མཆིས་སོ། །དེ་བས་ན་ལྷ་ཡང་དགུང་
[76a.2]ལོ་སླད་མ་ལ་དེར་གཤེགས་པ་རིགས་སོ། །དེ་སྐད་ཅེས་ཟེར་བ་ཐོས་ནས་ངང་པའི་ཚོགས་དེ་དག་ཐམས་ཅད་ལྟ་བར་འདོད་པར་གྱུར་ཏོ། །དེ་ནས་བྱང་ཆུབ་སེམས་དཔས་ངང་པའི་སྡེ་དཔོན་བཞིན་བཟང་ལ་གྲོས་དྲིས་པའི་ཚིག་དང་ཡི་གེ་གསལ་བ་རྒྱ་ཆེར་བསྟན་ནས་ཇི་ལྟར་བྱ་བར་
[76a.3]རིགས་ཞེས་སྨྲས་སོ། །དེ་ནས་བཞིན་བཟང་གིས་ཕྱག་འཚལ་ནས་དེ་ལ་སྨྲས་པ། ལྷ་དེར་གཤེགས་པ་མི་རིགས་སོ། །དེ་ཅིའི་སླད་དུ་ཞེ་ན། འོ་སྐོལ་གྱི་ལུས་འདི་དག་ནི་ཤ་བཟར་རུང་སྟེ་ཆགས་པའི་གནས་ལགས་ཤིང་ཡིད་དུ་འོང་བ་ཤ་སྟག་ལགས་ལ། བདག་ཅག་འདི་ན་
[76a.4]ཅིས་ཀྱང་ཕོངས་པ་མ་མཆིས་སོ། །མི་རྣམས་ཀྱི་སྙིང་ཡང་ཚིག་འཇམ་པོ་བཅོས་མ་ཕྱི་བཞག་ཅན་དུ་སྨྲ་ལ། གནོད་པར་སེམས་པའི་རང་བཞིན་ངན་པ་ནི་མི་མངོན་པར་བགྱིད་ཅིང་ཕལ་ཆེར་སྙིང་རྗེ་ཆུང་བ་ངན་གཡོ་ཅན་ལགས་སོ། །རྗེ་གཅིག་གཟིགས་སུ་གསོལ། ཕལ་ཆེར་
[76a.5]བྱ་དང་རི་དྭགས་རྣམས། །སྨྲ་དང་སེམས་པ་མཐུན་པར་བགྱིད། །མི་ཡི་ནང་ན་ཁ་ཅིག་ནི། །དེ་ལས་བཟློག་པའི་ཚུལ་ལ་མཁས། །འཇམ་ཞིང་སྙན་པའི་ཚིག་སྨྲས་ཀྱང་། །དོན་དང་མཐུན་པར་མ་མཆིས་སོ། །ཚོང་པ་རྣམས་ཀྱིས་ཁེ་ཚོལ་ཕྱིར། །བདག་གི་ནོར་
[76a.6]ཡང་འགོད་པར་བགྱིད། །སྐྱོན་དང་བཅས་ཤིང་མི་རིགས་པ། །དགོས་པ་མཆིས་ཀྱང་མི་སྨན་ཏེ། །དེ་བས་ལྷ་གཅིག་དེ་ཙམ་གྱིས། །ཐུགས་ཆེས་མཛད་པར་མི་རིགས་སོ། །གལ་ཏེ་དེར་མི་གཤེགས་སུ་མི་རུང་ན་ཡང་། དེར་གཤེགས་ལ་མཚོ་དེའི་ལོངས་སྤྱོད་བཏང་
[76a.7]སྟེ། སླར་མྱུར་དུ་གཤེགས་པར་རིགས་ཀྱིས་དེ་ན་ཡུན་རིང་དུ་བཞུགས་པར་ཡང་མི་རིགས་ལ། གཏན་དུ་བཞུགས་དགོངས་པར་མི་རིགས་སོ། །དེ་ནས་བྱང་ཆུབ་སེམས་དཔའ་སྟོན་གྱི་དུས་ལ་བབ་ཅིང་ཟླ་བ་དང་སྐར་མ་དང་རྒྱུ་སྐར་དྲི་མ་མེད་པས་བརྒྱན་པའི་ཚེ། ངང་པའི་ཚོགས་
[76b]
[76b.1]མང་པོ་ཡུལ་བཱ་རཱ་ཎ་སཱིའི་མཚོ་ལྟ་བར་འདོད་པ་རྣམས་ཀྱིས་དེར་འདོད་བའི་ཕྱིར་ཡང་དང་ཡང་དུ་གསོལ་བ་གདབ་པ་དང་། ངང་པ་དེ་དག་གི་ངོ་བཟློག་མ་ཕོད་ནས། བཞིན་བཟང་ལ་སོགས་པ་ངང་པ་མང་པོས་ཡོངས་སུ་བསྐོར་ཏེ། ཟླ་བ་སྟོན་གྱི་སྤྲིན་གྱིས་བསྐོར་བ་བཞིན་དུ་དེར་
[76b.2]སོང་ངོ་། །མཚོ་ཆེན་དེ་ཡི་ཉམས་དགའ་དཔལ་མཐོང་ནས། །ཡིད་དུ་འོང་དགུ་བཀོད་པ་སྣ་ཚོགས་རྣམས། །རབ་ཏུ་དགའ་བས་སེམས་པ་དེ་རྣམས་ཀྱི། །གནས་སུ་རུང་པ་ཡོན་ཏན་མཚུངས་པར་གྱུར། །མཚོ་དེ་གནས་སྐབས་དེ་དང་དེ་དག་གིས། །ཡིད་བཞིན་མཚོ་བས་
[76b.3]གང་དག་ལྷག་གྱུར་པ། །དེ་ཡི་ཕྱིར་ན་རིང་དུ་གནས་པར་སེམས། །ཡིད་བཞིན་མཚོ་ལ་དེ་དག་མི་སེམས་སོ། །དེ་དག་གིས་མི་འཇིགས་པ་སྦྱིན་པའི་སྒྲ་དེ་ཡང་ཐོས་ལ། དེ་ན་བྱ་མང་པོ་རྣམས་ཀྱང་བདེ་བར་འཁོད། མཚོ་དེའི་ལོངས་སྤྱོད་ཀྱིས་སེམས་རབ་ཏུ་དགའ་ཞིང་དེ་ནས་
[76b.4]སྐྱེད་མོས་ཚལ་དུ་རྩེར་དོང་དོང་བ་བཞིན་དུ་ལོངས་སྤྱོད་རྗེས་སུ་མྱོང་ཞིང་དགའ་བར་གྱུར་ཏོ། །དེ་ནས་མཚོ་དེ་དག་བསྲུང་བར་བསྐོས་པའི་མི་རྣམས་ཀྱིས་ངང་པ་དེ་དག་དེར་ལྷགས་པར་རྒྱལ་པོ་ལ་བཟླས་པར་གསོལ་པ། ལྷ་སྔོན་ངང་པ་མཆོག་གཉིས་ཤིག་ཡོན་ཏན་དང་གཟུགས་དཀའ་
[76b.5]མཆིད་དུ་གདའ་བ། དེ་ཁོ་ན་དང་འདྲ་བའི་ངང་པ་མཆོག་གཉིས་ཤིག་འདབ་མ་ནི་གསེར་གྱི་འདབ་མ་ལྟར་མཛེས། གདོང་དང་རྐང་པ་གཉིས་ནི་གསེར་བཙོ་མ་བས་ཀྱང་ལྷག་པར་མདོག་འཇམ་ཞིང་མཛེས། ལུས་ཀྱི་ཚད་ནི་ལྷག་པར་ཆེ་ཞིང་ལེགས་པ་དག་ཅིག །ངང་པའི་གཡོག་
[76b.6]འཁོར་བརྒྱ་ཕྲག་དུ་མས་བསྐོར་ཏེ། ལྷའི་མཚོ་བརྒྱན་པའི་ཕྱིར་མཛེས་པ་བཞིན་དུ་འདིར་མཆིས་སོ་ཞེས་གསོལ་ཏོ། །དེ་ནས་རྒྱལ་པོ་དེས་བྱ་བ་ཤོར་བའི་མི་བྱ་བ་ཤོར་བའི་ལས་ལ་མཁས་པར་གྲགས་ཤིང་གྲུབ་པ་ཅིག་བཙལ་ནས། བྱ་དེ་གཟུང་བའི་ཕྱིར་རིམ་གྲོ་བསྐྱེད་དེ་བཀའ་
[76b.7]སྩལ་ཏོ། །དེས་ཀྱང་དེ་བཞིན་དུ་བགྱིའོ་ཞེས་རྒྱལ་པོའི་བཀའ་ཉན་ནས་ངང་པ་དེ་གཉིས་ཀྱི་གནས་དང་སྤྱོད་ཡུལ་ལེགས་པར་བརྟགས་ཏེ། དེ་དང་དེ་དག་ཏུ་རྙི་དམ་པོ་རྣམས་ནི་མི་མངོན་པར་བྱས་ཏེ་བཙུགས་སོ། །དེ་ནས་ངང་པ་དེ་དག་བརྟན་ཞིང་མི་རུང་དུ་དོགས་པ་མེད་པས་
[77a]
[77a.1]རབ་ཏུ་དགའ་ནས་ཡིད་གཡེངས་སུ་རྒྱུ་ཞིང་འཁོད་འཁོད་པ་ལས། ངང་པའི་བདག་པོའི་རྐང་པ་གཉིས་རྙིས་ཟིན་པར་གྱུར་ཏོ། །བྲིད་པའི་ཐབས་ནི་མཁས་པ་ཡིས། །ཉེས་སུ་དོགས་པ་མེད་པ་རྣམས། །བག་ཕབ་པ་ནི་ལོག་པར་འགྱུར། །
[77a.2]བག་མེད་བརླག་པའི་འབྱུང་ཁུངས་ཡིན། །དེ་ནས་བྱང་ཆུབ་སེམས་དཔས་བསམ་པ་གཞན་དག་ལས་ཀྱང་ཁ་ཅིག་འདི་ལྟ་བུའི་ཉམས་ཉེས་པར་གྱུར་ན་མི་རུང་ངོ་སྙམ་ནས་སྒྲ་འབྱིན་པའི་བྱེ་བྲག་གིས་མཚོ་འདི་འཇིགས་པ་དང་བཅས་པ་ཡིན་ནོ། །ཞེས་བསྒྲགས་སོ། །དེ་ནས་
[77a.3]ངང་པ་དེ་དག་ངང་པའི་བདག་པོ་རྙིས་ཟིན་པས་སྙིང་འདར་ནས་འཇིགས་ཤིང་སྐྲག་ལ་རྟབ་པའི་སྐད་མི་སྙན་པ་ཕྱུང་སྟེ་གཅིག་ལ་གཅིག་མི་ལྟ་བར་དམག་གི་དཔུང་གཡུལ་ངོར་ཕམ་པ་བཞིན་དུ་ཕྱོགས་ཕྱོགས་ནས་འཕུར་ཏེ་བྱེར་རོ། །[ངང་]པའི་སྡེ་དཔོན་བཞིན་བཟང་ནི་ངང་
[77a.4]པའི་བདག་པོའི་དྲུང་ནས་མ་གཡོས་སོ། །བྱམས་པའི་བཅིང་བས་ཡིད་ནི་བཅིངས་པ་རྣམས། །རང་གི་སྲོག་དང་བྲལ་བའང་མི་སེམས་སོ། །མཛའ་བཤེས་ཉམས་ཉེས་གྱུར་པའི་མྱ་ངན་ནི། །སྲོག་དང་བྲལ་བ་བས་ཀྱང་སྡུག་བསྔལ་ཆེ། །དེ་ནས་བྱང་ཆུབ་སེམས་དཔས་བཞིན་
[77a.5]བཟང་ལ་སྨྲས་པ། སོང་ཤིག་སོང་ཤིག་བཞིན་བཟང་ཁྱོད། །འདི་ན་འདུག་པ་མི་རིགས་སོ། །ང་ནི་འདི་ལྟར་གྱུར་པ་ལ། །ཁྱོད་ཀྱི་སྲོགས་བྱར་ག་ལ་ཡོད། །བཞིན་བཟང་གིས་སྨྲས་པ། འདི་ན་མཆིས་ནའང་འགུམ་པར་ངེས་མ་མཆིས། །གུད་དུ་མཆིས་ཀྱང་རྒ་ཤི་མེད་མི་
[77a.6]འགྱུར། །བདེ་བའི་ཚེ་ན་རྟག་ཏུ་ཁྱོད་བཀུར་ལ། །ཉམས་ཉེས་ཚེ་ན་དོར་དུ་ག་ལ་རུང་། །བདག་གི་སྲོག་བཟུང་ཙམ་གྱི་ཕྱིར། །བྱ་ཡི་རྒྱལ་པོ་ཁྱོད་བོར་ན། །གཏམ་ངན་ཆར་བཞིན་བབ་པ་ཡི། །སྐྱབས་ནི་བདག་ལ་ཅི་ཞིག་མཆིས། །རྒྱལ་པོ་ཆེན་པོ་ཉམས་ཉེས་པ། །བོར་
[77a.7]ཏེ་འགྲོ་བ་ཆ་མཆིས་སམ། །བྱ་རྒྱལ་ཁྱོད་ནི་ཅིར་གྱུར་པ། །དེ་ལྟར་བདག་ཉིད་གྱུར་ཀྱང་རུང་། །བྱང་ཆུབ་སེམས་དཔས་སྨྲས་པ། རྙིས་ནི་ཟིན་པར་གྱུར་པ་ལ། །ཚང་མང་མིན་པ་གང་དུ་འགྲོ། །ཁྱོད་ནི་མ་ཟིན་བདེ་བར་གནས། །ཅི་ཕྱིར་དེ་ལྟར་འགྱུར་བར་འདོད། །དེ་ལྟར་བྱས་ན་ཅིར་
[77b]
[77b.1]འགྱུར་ལྟོས། །གཉིས་ཀ་སྲོག་དང་བྲལ་གྱུར་ན། །གཉེན་བཤེས་ཕྱིར་ནི་འཁོད་པ་དང་། །ཁྱོད་དང་ང་ལ་ཅི་ཞིག་ཕན། །བདེ་དང་མི་བདེ་མུན་ཁུང་བཞིན། །ཕན་པའི་དོན་ནི་མི་མངོན་པས། །དེ་ལྟ་བུ་ལ་སྲོག་བོར་ན། །ཁྱོད་ཀྱིས་དོན་ནི་ཅི་ཞིག་བསྟན། །བཞིན་
[77b.2]བཟང་གིས་སྨྲས་པ། འདབ་ཆགས་རྣམས་ཀྱི་གཙོ་བོ་མཆོག །ཆོས་ཀྱི་དོན་ཀྱང་མ་གཟིགས་སམ། །ཆོས་དོན་ལེགས་པར་བགྱིད་ན་ནི། །སྲིད་པའི་དོན་མཆོག་ཐོབ་པར་འགྱུར། །བདག་ནི་ཆོས་ཀྱི་དོན་ལ་ལྟ། །ཆོས་ཀྱི་སྲིད་ཀྱང་ཐོབ་པར་འགྱུར། །ཁྱོད་ལ་གློ་བ་ཉེ་
[77b.3]བའི་ཕྱིར། །བདག་ནི་གསོན་པར་མི་འཚལ་ལོ། །བྱང་ཆུབ་སེམས་དཔས་སྨྲས་པ། །མཛའ་བོ་ཉམས་ཉེས་གྱུར་པ་ལ། །གྲོགས་པོ་གང་དག་ཆོས་དྲན་ཞིང་། །སྲོག་གི་ཕྱིར་ཡང་མི་གཏོང་བ། །དམ་པ་རྣམས་ཀྱི་ཆོས་ཡིན་བདེན། །དེ་བས་ཁྱོད་ཀྱིས་ཆོས་བཞིན་བྱས། །
[77b.4]ང་ལ་གུས་པ་བསྟན་ཟིན་གྱི། །ངས་ནི་གསོལ་བ་བཏབ་པ་བཞིན། །ང་བདག་འདོད་པ་བཞིན་དུ་སོང་། །དེ་ལྟར་བྱས་ན་རུང་བ་ནི། །མཛའ་བཤེས་ང་དང་བྲལ་བ་རྣམས། །བློ་གྲོས་ཕུན་སུམ་ཚོགས་པ་ཁྱོད། །སོང་ན་འབྱོར་པ་མཆོག་ཏུ་འགྱུར། །དེ་ལྟར་དེ་གཉིས་
[77b.5]གཅིག་ལ་གཅིག །བྱམས་པའི་ཡིད་ཀྱིས་སྨྲས་པ་ལ། །འཆི་བདག་མངོན་སུམ་འོངས་པ་བཞིན། །རྔོན་པ་དེ་ཡང་འོང་བ་མཐོང་། །དེ་ནས་ངང་པའི་མཆོག་དེ་གཉིས་ཀྱིས་རྔོན་པ་དེ་འོང་བ་མཐོང་བ་དང་ཅང་མི་སྨྲ་བར་འཁོད་དོ། །དེས་ཀྱང་ངང་པ་མང་པོ་དེ་དག་བྱེར་ཏེ་
[77b.6]མེད་པར་གྱུར་པ་མཐོང་ནས། འདིར་འགའ་ཞིག་ནི་རྙིས་ཟིན་ཡང་དག་གོ་སྙམ་ནས། བློ་ལ་ངེས་པ་སྐྱེས་ཏེ་རྙི་བཙུགས་པའི་ནགས་རྣམས་ཉུལ་དུ་སོང་སོང་བ་དང་། ངང་པའི་མཆོག་དེ་གཉིས་མཐོང་ངོ་། །དེའི་གཟུགས་བཟང་པོ་དེས་ཡིད་ལ་ངོ་མཚར་ཆེར་གྱུར་ཏེ། གཉིས་ཀ་
[77b.7]རྙིས་ཟིན་ཏོ་སྙམ་ནས། དེར་བཙུགས་པའི་རྙི་གཉིས་བསྒུལ་བ་དང་། དེ་ནས་གཅིག་ནི་རྙིས་ཟིན་གཅིག་ནི་མ་ཟིན་པར་བདེ་བར་འདུག་བཞིན་དུ། རིམ་གྲོ་བྱེད་ཅིང་འདུག་པ་མཐོང་ནས། སྙིང་ལ་ཡ་མཚན་ཆེར་གྱུར་ཏེ། །བཞིན་བཟང་ལ་ཆེད་དུ་སྨྲས་པ། །བྱ་འདི་རྙི་ཡིས་ཟིན་
[78a]
[78a.1]པས་ན། །འཕུར་ཏེ་འགྲོ་བའི་མཐུ་རྩལ་མེད། །ང་ཡང་དྲུང་དུ་འོངས་བཞིན་དུ། །མཁའ་ལ་འཕུར་ཏེ་མི་འགྲོ་འམ། །ཁྱོད་ནི་མ་ཟིན་བདེ་བར་འདུག །འདབ་གཤོག་རྫོགས་ཤིང་མཐུ་དང་ལྡན། །ང་ནི་འདི་ལྟར་འོང་གྱུར་ཀྱང་། །ཅི་ཕྱིར་མཁའ་ལ་མྱུར་
[78a.2]མི་འགྲོ། །བཞིན་བཟང་གིས་དེ་སྐད་ཟེར་བ་ཐོས་ནས། ཚིག་འབྲུ་རབ་ཏུ་གསལ་ཞིང་སྤེལ་ལེགས་ལ་རང་བཞིན་གྱིས་ཡིད་དུ་འོང་ཞིང་བརྟན་པའི་ཡོན་ཏན་གྱི་གཟི་བྱིན་དང་ལྡན་པའི་སྒྲ་ཕྱུང་སྟེ། མིའི་སྐད་དུ་སྨྲས་པ། ནུས་བཞིན་དུ་ནི་མི་འགྲོ་བ། །བྱ་འདི་རྙི་ཡིས་ཟིན་གྱུར་ཏེ། །སྡུག་
[78a.3]བསྔལ་ཆེན་པོ་མྱོང་བར་གྱུར། །དེ་ཕྱིར་ང་ནི་མི་འགྲོའོ། །ཁྱོད་ཀྱིས་འདི་ཡི་རྐང་པ་གཉིས། །རྙི་ཡི་ཞགས་པ་ཆེན་པོས་བཟུང་། །བདག་ཀྱང་འདི་ཡི་ཡོན་ཏན་གྱི། །རྙིས་ནི་དེ་བས་དམ་དུ་ཟིན། །དེ་ནས་རྔོན་པ་དེ་རབ་ཏུ་ཡ་མཚན་ཆེར་གྱུར་ཏེ། བ་སྤུ་ཟིང་ཞེས་བྱེད་པར་གྱུར་
[78a.4]ནས། བཞིན་བཟང་ལ་ཡང་སྨྲས་པ། ང་ཡིས་འཇིགས་ནས་ངང་པ་གཞན། །འདི་བོར་ནས་ནི་གུད་དུ་སོང་། །ཁྱོད་ནི་འདི་ལྟར་འདི་མི་གཏོང་། །བྱ་འདི་ཁྱོད་ཀྱི་ཅིར་འོང་གི། །བཞིན་བཟང་གིས་སྨྲས་པ། ངང་པའི་རྒྱལ་པོ་སྲོག་དང་འདྲ་བའི་གྲོགས། །བདེ་བ་སྦྱིན་པ་དེ་ནི་
[78a.5]ཉམས་ཉེས་གྱུར། །དེ་བས་བདག་གི་སྲོག་ནི་ཡལ་གྱུར་ཀྱང་། །འདི་ནི་བཏང་བར་བདག་གིས་མི་ནུས་སོ། །དེ་ནས་བཞིན་བཟང་གིས་རྔོན་པ་དེ་ཡིད་མགུ་ཞིང་ཡ་མཚན་ཆེར་བྱེད་པར་ཤེས་ནས་ཡང་སྨྲས་པ། བཟང་པོ་བདག་ཅག་སྨྲས་པ་འདིས། །གལ་ཏེ་བདེ་བ་འབྱུང་འགྱུར་ཞིང་།
[78a.6]དེ་རིང་བདག་ཅག་བཏང་ན་ནི། །ཆོས་དང་ལྡན་པའི་གྲགས་པ་ཐོབ། །རྔོན་པས་སྨྲས་པ། ངས་ནི་ཁྱེད་ལ་གནོད་མི་བྱེད། །ཁྱོད་ནི་ང་ཡིས་བཟུང་བའང་མེད། །དེ་བས་ཁྱོད་ནི་ཅི་བདེར་སོང་། །གཉེན་དང་འཕྲད་ཅིང་དགའ་བར་གྱིས། །བཞིན་བཟང་གིས་སྨྲས་པ། བདག་གི་
[78a.7]སྡུག་བསྔལ་མི་བཞེད་ན། །བདག་གིས་གསོལ་བ་བཞིན་དུ་མཛོད། །གལ་ཏེ་གཅིག་གིས་མཉེས་གྱུར་ན། །འདི་ནི་ཐོང་ལ་བདག་ཟུང་ཤིག །བདག་ཅག་ཆུ་དང་ཞེང་ཡང་མཉམ། །ན་ཚོད་ལ་ཡང་རྒན་གཞོན་མེད། །འདི་ལྟར་བསླུས་པར་གྱུར་པ་ལ། །ཁྱོད་དང་བདག་
[78b]
[78b.1]གཉིས་ཕམ་རྒྱལ་མེད། །བདག་ལ་ཐུགས་ཆེས་མི་འགྱུར་ན། །ཁྱོད་ཀྱིས་བདག་ཉིད་སྔར་ཟུང་ལ། །བྱ་ཡི་རྒྱལ་པོ་ཕྱི་ནས་ཐོང་། །ཁྱོད་ཀྱི་རྙེད་པའང་དེ་བཞིན་ལ། །བདག་གིས་གསོལ་བའང་གནང་བར་མཛོད། །ངང་པ་མང་པོའང་དགའ་བར་གྱིས། །དེ་བས་མཛའ་བའང་དེ་བཞིན་
[78b.2]འགྱུར། །ཁྱོད་ཀྱིས་བཏང་ནའང་ཇི་ལྟར་འགྱུར་བ་གཟིགས། །ངང་པ་མང་པོ་གྲགས་པའི་བདག་པོ་འདི། །ནམ་མཁའ་དངས་པའི་ནང་ན་རྣམ་མཛེས་པ། །ལྷ་མིན་རྒྱལ་པོ་ཟླ་བ་བཟང་པོ་བཞིན། །དེ་ནས་རྔོན་པ་དེ་སྙིང་སྲ་ཞིང་རྩུབ་པ་ལ་གོམས་ཀྱང་། དེ་རང་གི་སྲོག་ལ་ཡང་མི་བལྟ་
[78b.3]བར་ཇོ་བོ་ལ་སྙིང་ཉེ་ཞིང་བྱམས་པས་ཆུ་གང་ཁྲེལ་ལྟས་ཆེ་བའི་ཡོན་ཏན་གྱི་གཟི་བྱིན་དང་ལྡན་པ། བརྟན་ཞིང་འཇམ་པོར་སྨྲ་བའི་རྒྱན་གྱིས་བརྒྱན་པའི་ཚིག་དེས་སེམས་དུལ་བར་གྱུར་ནས་ངོ་མཚར་ཆེ་ཞིང་རབ་ཏུ་གུས་པའི་དབང་གིས་ཐལ་མོ་སྦྱར་ཏེ་བཞིན་བཟང་ལ་སྨྲས་པ། སྐལ་བ་ཆེན་
[78b.4]པོ་ལེགས་སོ་ལེགས་སོ། །ཇོ་བོའི་དོན་དུ་སྲོག་བཏང་བ། །ཁྱོད་ཀྱིས་འདིར་ནི་གང་བསྟན་པ། །དེ་ལྟ་བུ་ཡི་ཆོས་བཟང་བ། །མི་འམ་ལྷ་ཡི་ནང་ན་དཀོན། །དེ་བས་ཁྱོད་ཀྱི་རྒྱལ་པོ་དེ། །མགུ་བར་བྱས་ནས་གཏང་བར་བྱའོ། །ཁྱོད་ཀྱི་སྲོག་པས་ཕོངས་དེ་ལ། །གནོད་པ་བྱེད་པ་
[78b.5]སུ་ཞིག་ཡོད། །དེ་སྐད་ཅེས་སྨྲས་ནས། རྔོན་པ་དེས་རྒྱལ་པོ་དེའི་བཀའ་མཉན་པར་ངང་པའི་རྒྱལ་པོ་སྙིང་རྗེ་ཅན་དེ་ལ་རིམ་གྲོ་བྱས་ནས་རྙི་བཀྲོལ་ཏེ་བཏང་ངོ་། །དེ་ནས་ངང་པའི་སྡེ་དཔོན་བཞིན་བཟང་དེ། ངང་པའི་རྒྱལ་པོ་དེ་བཏང་བས་སྙིང་རབ་ཏུ་དགའ་བར་གྱུར་ཏེ། རྔོན་པ་ལ་དགའ་
[78b.6]ཞིང་བྱམས་པའི་ལྟ་བས་བལྟས་ནས་སྨྲས་པ། ངང་པའི་རྒྱལ་པོ་ཁྱོད་ཀྱིས་དེ་བཏང་བས། །བདག་ནི་མཛའ་བོས་ཇི་ལྟར་དགའ་གྱུར་པ། །མཛའ་བོ་ཁྱོད་ཀྱང་གཉེན་དང་ལྷན་ཅིག་ཏུ། །སྟོན་བརྒྱ་མང་པོ་རབ་ཏུ་དགའ་བར་ཤོག །ཁྱོད་ཀྱི་ལས་བྱས་དོན་མེད་མི་འགྱུར་ཕྱིར། །ང་དང་ངང་
[78b.7]པ་མང་པོའི་བདག་པོ་གཉིས། །བདེ་བར་ཟུང་ལ་ཁུར་གྱི་ངོར་བསྔོས་ཏེ། །ཕོ་བྲང་ནང་དུ་རྒྱལ་པོའི་སྤྱན་སྔར་བྲིམ། །ངང་པའི་རྒྱལ་པོ་གཡོག་དང་བཅས་གཟིགས་ནས། །རྒྱལ་པོ་དེ་ནི་ངེས་པར་དགྱེས་པར་འགྱུར། །ཁྱོད་ལ་མགུ་བར་གྱུར་པའི་ནོར་ཆེན་རྣམས། །དེ་ཡང་
[79a]
[79a.1]མི་རེ་བ་དག་སྩོལ་བར་འགྱུར། །དེ་ནས་དེས་དེ་ལྟར་གལ་གྱིས་གཅུས་པ་དང་། རྔོན་པ་དེས་བསམས་པ། འདི་ལྟ་བུའི་ངང་པ་ངོ་མཚར་རྨད་དུ་བྱུང་བ་འདི་གཉིས་རེ་ཞིག་རྒྱལ་པོའི་སྤྱན་སྔར་བྲིམ་མོ་སྙམ་ནས། ངང་(དད་)པའི་མཆོག་དེ་གཉིས་ཁུར་གྱི་ངོར་[དོར་]
[79a.2]བསྔོས་ཏེ། བདེ་ཞིང་མ་བཅིངས་པར་ཁྱེར་ཏེ་སོང་སོང་ནས་རྒྱལ་པོའི་སྤྱན་སྔར་བྲིམ་མོ། །བདག་གིས་ངང་པའི་རྒྱལ་པོ་འདི། །སྡེ་དཔོན་དང་བཅས་འཚལ་ཏེ་མཆིས། །རྨད་དུ་བྱུང་བའི་སྤྱན་གཟིགས་འདི། །རྒྱལ་པོའི་སྤྱན་སྔར་བྲིམ་དུ་གསོལ། །དེ་ནས་རྒྱལ་པོ་དེ་ཡ་མཚན་
[79a.3]ཆེ་ཞིང་སྙིང་རབ་ཏུ་དགའ་བར་གྱུར་ནས། ངང་པའི་མཆོག་གསེར་གྱི་ཕ་བོང་འདྲ་བ་གཟི་མདངས་དང་ལྡན་པའི་གཟུགས་ཡིད་དུ་འོང་བ་དེ་གཉིས་ལ་བལྟས་ནས། རྔོན་པ་དེ་ལ་སྨྲས་པ། བྱ་འདི་གཉིས་ནི་མ་བཅིངས་ལ། །སྣད་ཅིང་སྨས་པའང་ཡང་མེད་པར། །ཁྱོད་ནི་ས་ལ་
[79a.4]འགྲོ་བ་ཡིས། །ཇི་ལྟར་ཟིན་པ་ཞིབ་ཏུ་སྨྲོས། །དེ་སྐད་ཅེས་སྨྲས་པ་དང་། རྔོན་པ་དེས་རྒྱལ་པོ་ལ་ཕྱག་འཚལ་ནས་སྨྲས་པ། མཚོ་དང་ལུ་མའི་འགྲམ་དག་ན། །བྱ་རྣམས་རྒྱུ་བའི་ས་ཕྱོགས་སུ། །བྱ་རྙི་རབ་ཏུ་མི་བཟད་པ། །བདག་གིས་ཤིན་ཏུ་མང་པོ་བཙུགས། །དེ་ནས་[ངང་]
[79a.5]པའི་མཆོག་འདི་ནི། །བག་ཕབ་དོགས་པ་མེད་པར་རྒྱུ། །རྙི་རྣམས་བཙུགས་པ་དེ་དག་གིས། །རྐང་པ་གཉིས་ནས་ཟིན་པར་གྱུར། །གཅིག་ནི་མ་ཟིན་དེ་ལ་འཁོར། །བདག་ལ་དེ་ཡིས་གསོལ་བ་བཏབ། །ངང་པའི་རྒྱལ་པོའི་སྲོག་གླུད་དུ། །བདག་ཉིད་མཆིས་བགྱིས་ཟེར་བར་གྱུར། །
[79a.6]མི་ཡི་སྐད་དུ་ཚིག་སྨྲས་པ། །རྣམ་པར་གསལ་ལ་ཚིག་འབྲུ་འཇམ། །བདག་གིས་སྲོག་ཀྱང་ཡོངས་བཏང་ཞིང་། །གསོལ་བ་འདེབས་ཤིང་གཟི་བྱིན་ཆེ། །དེ་བས་འདི་ཚིག་རབ་ཏུ་འཇམ་པ་དང་། །རྗེ་ལ་སྙིང་ཉེ་སྤྱོད་ཚུལ་བརྟན་པ་དེས། །བདག་ནི་
[79a.7]མགུ་བར་གྱུར་ནས་འདི་ཡི་རྗེ། །བདག་གིས་ཁྲོ་བ་བཏང་ནས་འདི་ཡང་བཏང་། །དེ་ལྟར་བྱ་རྒྱལ་འདི་ནི་བཏང་བ་ཡིས། །དགའ་བར་གྱུར་ནས་སྙན་པ་མང་དུ་སྨྲས། །བདག་གི་སུག་ལས་དོན་མེད་མི་འགྱུར་ཕྱིར། །ཁྱོད་ཀྱི་སྤྱན་སྔར་བྲིམ་ཞེས་བདག་ལ་མཆིས། །དེ་བས་འདི་ནི་བྱའི་གཟུགས་ཅན་ཆོས་དང་མཐུན་པ་གཞན་ཞིག་
[79b]
[79b.1]ལགས། །གང་གིས་བདག་གི་སེམས་ཀྱང་དེ་མ་ཐག་ཏུ་འཇམ་ཞིང་མཉེན་པར་གྱུར། །དེ་བས་བདག་གིས་བྱ་ཡི་རྒྱལ་པོ་རྙི་ལས་བཀྲོལ་ཏེ་བཏང་བ་དང་། །བདག་ལ་དྲིན་གཟོ་ཕྱིར་ནི་རྗེ་ཁོལ་བཅས་ཏེ་ཁྱོད་ཀྱི་སྤྱན་སྔར་མཆིས། །རྒྱལ་པོ་དེས་དེ་སྐད་ཐོས་ནས་རབ་ཏུ་དགའ་ཞིང་ཡིད་ལ་
[79b.2]ངོ་མཚར་ཆེར་གྱུར་ཏེ། གསེར་གྱི་སྟན་ཁྲི་རྒྱལ་པོའི་གདན་དུ་འོས་པའི་ཁྲི་དེས་རྐང་པ་རིན་པོ་ཆེ་སྣ་ཚོགས་ཀྱིས་སྤྲས་པའི་འོད་ཟེར་འཕྲོ་ཞིང་སྡུག་པ། ལྷའི་གདན་རིམ་པ་དུ་མར་བཤམས་ཤིང་བཟང་བ་རྒྱབ་རྟེན་བདེ་ཞིང་ཉམས་དགའ་བས་བརྒྱན་པ། རྐང་རྟེན་བཙུགས་པ་གཅིག་དང་
[79b.3]པའི་རྒྱལ་པོ་དེའི་སྟན་དུ་ཐིངས་ཤིག་ཅེས་བཀའ་སྩལ་ཏོ། །བློན་པོ་ཆེན་པོའི་གདན་ཁྲི་གཅིག་ནི་བཞིན་བཟང་གི་སྟེན་དུ་ཐིངས་ཤིག་ཅེས་བསྒོས་སོ། །དེ་ནས་བྱང་ཆུབ་སེམས་དཔས་བསམས་པ། ད་ནི་དགའ་བར་གྱུར་པའི་གཏམ་བྱ་བའི་དུས་ལ་བབ་པོ་སྙམ་ནས། དྲིལ་བུ་ལྟར་
[79b.4]སྙན་པའི་སྐད་ཕྱུང་སྟེ། རྒྱལ་པོ་ལ་སྨྲས་པ། གཟི་བྱིན་ཆེ་ཞིང་མདངས་དང་ལྡན་པའི་སྐུ། །བདེ་བར་གནས་ཁྱོད་ད་ལྟ་ཐུགས་བདེ་འམ། །ཁྱོད་ཀྱི་ཆོས་ཀྱི་སྐུ་ལ་རྨ་མེད་དམ། །བཀའ་ལུང་སྙན་པས་རྒྱ་ཆེར་དབུགས་ཕྱུང་ངམ། །ཕན་བཏགས་ནན་ཏུར་བགྱི་བའི་བཀའ་ཁྲིམས་
[79b.5]ཀྱིས། །འབངས་ཀྱི་སྐྱེ་དགུ་བསྲུང་བའི་དབང་བསྐུར་ཏམ། །བདག་གི་གྲགས་པའི་གཏམ་སྙན་རྒྱས་གྱུར་ཏམ། །འབངས་རྣམས་གློ་བ་ཉེ་ཞིང་ཕན་བཏགས་སམ། །བློན་པོ་མཛངས་ཤིང་གློ་བ་ཉེ་རྣམས་ལ། །བརྟག་པའི་ཐབས་ཀྱིས་ལེགས་པར་བརྟགས་ལགས་སམ། །འབངས་
[79b.6]ལ་སྨན་པ་རྟག་ཏུ་དགོངས་ལགས་སམ། །དེ་དག་མི་མཁྱེན་པ་ནི་མི་བཞུགས་གྲང་། །དཔའ་ཞིང་ཐབས་ལ་མཁས་པའི་ཐུགས་རྗེ་ཅན། །རྒྱལ་ཕྲན་དེ་དག་བཀའ་ནི་ཉན་ལགས་སམ། །ཐུགས་རྗེ་ཆེན་པོའི་མཛད་པ་མ་ལགས་སམ། །ཐུགས་ཆེན་བག་མེད་པར་ནི་མི་མནལ་གྲང་། །
[79b.7]ཆོས་དང་བདེ་དང་སྲིད་རྣམས་མཐུན་ལགས་སམ། །ཁྱོད་ཀྱི་སྤྱོད་པ་དམ་པ་དགའ་བ་ཡི། །གྲགས་པ་ཕྱོགས་སུ་རྒྱས་པར་གྱུར་པ་ཡིས། །དགྲ་རྣམས་ཤུགས་འབྱིན་སྤྱོད་པར་གྱུར་ལགས་སམ། །དེ་ནས་རྒྱལ་པོ་དེ་སེམས་རབ་ཏུ་དང་ཞིང་དབང་པོ་རྣམས་ཀྱང་དང་ལ་གསལ་བར་གྱུར་
[80a]
[80a.1]ནས། དེ་ལ་སླར་སྨྲས་པ། ངང་པ་དེ་རིང་བདག་ཀྱང་བདེ། །ཐམས་ཅད་དུ་ཡང་བདེ་བར་འགྱུར། །དམ་པ་བདག་དང་འཕྲད་པས་འདིར། །ཡུན་རིང་བསམ་པ་འགྲུབ་པར་གྱུར། །ཁྱོད་ནི་རྙི་ཡིས་ཟིན་པ་ན། །དགའ་བས་སེམས་ནི་གཡེངས་
[80a.2]གྱུར་ནས། །ཁྱོད་ལ་དབྱུག་པས་བརྡེགས་ནས་ནི། །འདི་ཡིས་སྣད་པར་མ་བྱས་སམ། །དེ་ལྟར་རྔོན་པ་འདི་དག་ནི། །བྱ་རྣམས་ཟིན་ཅིང་སྣད་གྱུར་ཏེ། །དགའ་བས་སེམས་ནི་གཡེངས་གྱུར་ན། །ངན་པ་དག་ཀྱང་སྤྱོད་པར་འགྱུར། །བྱང་ཆུབ་སེམས་དཔས་སྨྲས་པ། འདི་ལྟ་
[80a.3]བུར་ནི་ཉམས་ཉེས་ཀྱང་། །རྒྱལ་པོ་ཆེན་པོ་བདེ་ཞིང་མཆིས། །འདིས་ཀྱང་བདག་ལ་དགྲ་བཞིན་དུ། །གནོད་པ་ཅི་ཡང་མ་བགྱིས་སོ། །བཞིན་བཟང་འདི་ཡང་མ་ཟིན་པར། །བདག་ལ་བྱམས་པས་ཟིན་བཞིན་འདུག །འཇམ་པོར་སྨྲས་པ་མཐོང་བ་དང་། །ངོ་མཚར་ཆེ་བར་གྱུར་པ་
[80a.4]ཡིས། །འདི་ཡི་ཚིག་ནི་འཇམ་པོ་ཡིས། །དེ་ནས་ཡིད་ནི་མགུ་གྱུར་ནས། །དུལ་ཞིང་རིམ་གྲོ་ཆེར་བསྐྱེད་དེ། །བདག་ནི་འདི་ཡིས་རྙི་ལས་བཀྲོལ། །དེ་བས་འདི་ལྟར་བཞིན་བཟང་གིས། །འདི་ལ་ཕན་ཡོན་གདགས་པ་དང་། །བདེ་བ་ཆེན་པོ་འབྱུང་བའི་ཕྱིར། །བདག་ཅག་
[80a.5]གཉིས་ནི་འདིར་མཆིས་སོ། །རྒྱལ་པོས་སྨྲས་པ། བསམ་པ་གཉིས་ནི་འདིར་བྱོན་ཏེ། །ཁྱེད་གཉིས་བྱོན་པ་རབ་ཏུ་ལེགས། །ཁྱེད་གཉིས་མཐོང་བར་གྱུར་པས་ན། །བདག་ནི་རབ་ཏུ་དགའ་བར་གྱུར། །རྔོན་པ་འདི་ཡང་དེ་རིང་ནས། །དོན་ཆེན་གྲུབ་པ་གཟིགས་སུ་གསོལ། །འོ་སྐོལ་
[80a.6]གཉིས་ཀ་དགའ་བགྱིས་པས། །འདི་ནི་མགུ་བར་འགྱུར་བར་རིགས། །དེ་སྐད་ཅེས་སྨྲས་ནས། རྒྱལ་པོ་དེས་རྔོན་པ་དེ་ལ་ནོར་རབ་ཏུ་མང་ཞིང་རྒྱ་ཆེ་བ་བྱིན་ཏེ་མགུ་བར་བྱས་ནས། ཡང་རྒྱལ་པོས་སྨྲས་པ། ཁྱེད་གཉིས་ཆེད་དུ་བདག་གི་ཁྱིམ་དུ་བྱོན། །དེ་བས་བདག་ལ་འཛེམ་དོགས་མ་
[80a.7]མཆིས་པར། །ཅི་དང་ཅི་བཞེས་དེ་དག་བདག་ལ་གསུངས། །བདག་གི་བདོག་པ་ཁྱེད་དང་ཐུན་མོང་ལགས། །མཛའ་བོས་སྤོབས་ཏེ་དོགས་མེད་ཚིག་གསལ་བ། །ལོངས་སྤྱོད་བདོག་ལ་བསླངས་ནས་མགུ་གྱུར་པ། །དེ་ལྟ་བུ་ནི་ནོར་གྱིས་མགུར་མི་འགྱུར། །དེ་བས་མཛའ་བོའི་སྤོབས་
[80b]
[80b.1]པ་ཕན་ཡོན་ཆེ། །དེ་ནས་རྒྱལ་པོ་དེས་བཞིན་བཟང་ལ་སྨྲར་གཞུག་པར་འདོད་ནས་འཛུམ་དམུལ་ཏེ་བཞིན་བཟང་ལ་བལྟས་ནས་སྨྲས་པ། སྐྱེ་བོ་གསར་བུ་བཤེས་ཤིང་མ་འདྲིས་པ། །རབ་ཏུ་སྤོབས་ཤིང་བག་ཕབ་མི་རུང་ཡང་། །དེས་ཤིང་མཉམ་པར་བཞག་པའི་ཚིག་དག་གིས། །
[80b.2]ཞེ་སར་བཅས་ཤིང་སྙན་པར་མི་སྨྲ་མིན། །དེ་བས་ཚིག་ཙམ་སྨྲ་བ་ཡིས། །བདག་ནི་སྤོབས་པར་རེ་བ་དང་། །ཕྱི་ཕྱིར་མཛའ་བར་འདོད་པ་དང་། །བསམ་པ་དོན་ཡོད་བགྱི་བར་རིགས། །དེ་སྐད་ཅེས་སྨྲས་པ་དང་། ངང་པའི་སྡེ་དཔོན་བཞིན་བཟང་གིས་དེ་ལ་ཚུལ་བཞིན་དུ་ཕྱག་
[80b.3]འཚལ་ཏེ་སྨྲས་པ། དབང་ཆེན་འདྲ་བ་ཁྱོད་དང་གཉིས། །དེ་ལྟར་བཀའ་མཆིད་གསུངས་པ་ནི། །རབ་ཏུ་དགྱེས་པའི་ཚུལ་བསྟན་ན། །སུ་ཞིག་ཡིད་ལ་བསམ་མི་རྫོགས། །མི་ཡི་བདག་པོ་བཀའ་མཆིད་གསུང་བཞིན་ལ། །བྱ་ཡི་བདག་པོ་རབ་ཏུ་དགའ་བཞིན་དུ། །བཀའ་
[80b.4]མཆིད་དེ་ལྟའི་ནང་དུ་འབངས་དག་གིས། །སྤྱི་བརྟོལ་བསྐྱེད་དེ་སྨྲ་བ་ག་ལ་རིགས། །ཡ་རབས་དུལ་བའི་ཚུལ་ནི་དེ་མ་ལགས། །དེ་ལྟར་འཚལ་བཞིན་རབ་ཏུ་ཇི་ལྟར་འཇུག །རྒྱལ་པོ་ཆེན་པོ་དེ་བས་བདག་མི་སྨྲ། །བཟོད་པར་མཛད་པའི་རིགས་ན་བཟོད་པར་གསོལ། །
[80b.5]དེ་སྐད་ཅེས་སྨྲས་པ་དང་། རྒྱལ་པོ་རབ་ཏུ་དགའ་ཞིང་བཞིན་གྱི་མདངས་ཕྱུང་ནས་བཞིན་བཟང་ལ་འདི་སྐད་ཅེས་སྨྲས་སོ། །ཁྱོད་ཀྱི་ཡོན་ཏན་གཏམ་སྙན་མི་རྣམས་ཟེར་བར་རིགས། །ངང་པའི་བདག་པོ་དང་ཡང་གྲོགས་པོ་འཐམས་པར་རིགས། །དུལ་བ་དང་ནི་ཚུལ་ལ་
[80b.6]མཁས་པ་འདི་ལྟ་བུ། །རང་གི་སེམས་ནི་མ་སྦྱངས་ག་ལ་ཡོད། །དེ་བས་བདག་ཅག་མཛའ་བ་འདི། །ཅི་ནས་རྒྱུན་མི་ཆད་པ་དང་། །དེ་བཞིན་བདག་ལ་སྤོབས་པར་གྱིས། །ཡ་རབས་འཕྲད་པ་ཉམས་མ་གྱུར། །དེ་ནས་བྱང་ཆུབ་སེམས་དཔས་རྒྱལ་པོ་དེ་རབ་ཏུ་མཛའ་བར་
[80b.7]འདོད་པ་དང་བྱམས་པར་ཤེས་ནས། དེ་ལ་མགུ་བར་བྱེད་ཅིང་འདི་སྐད་ཅེས་སྨྲས་སོ། །དང་པོ་བཤེས་པར་གྱུར་པ་ནའང་། །བདག་ཉིད་ཆེན་པོའི་ཚུལ་འཛིན་པས། །མཛའ་བོ་དམ་པས་བྱ་བ་གང་། །དེ་ནི་ཁྱོད་ཀྱིས་བདག་ལ་བྱས། །བཀུར་སྟི་བགྱི་བའི་ཆོ་ག་འདིས། །
[81a]
[81a.1]ཁྱོད་ཀྱིས་བདག་ལ་གང་བསྟན་པ། །རྒྱལ་པོ་ཆེན་པོ་སུ་ཡིས་སེམས། །དྲན་བཞིན་དམིགས་པར་མི་འགྱུར་མཆིས། །དགོས་པ་ལྟ་ཞིག་ཆེད་ཆེ་ཅི་ཞིག་མཆིས། །རྒྱལ་པོ་ཆེན་པོ་ཁྱོད་ལ་བརྟེན་ཞིང་ལྟ། །ཁྱོད་ནི་མགྲོན་ལ་དགའ་ཞིང་ཡོན་ཏན་འདོད། །
[81a.2]འདི་ལྟར་གྱུར་པ་ངེས་པར་གོམས་པ་ཡིས། །འབངས་ལ་ཕན་ཕྱིར་རྒྱལ་པོའི་ཚུལ་འཛིན་པ། །དྲང་སྲོང་མཉམ་གཞག་དཀའ་ཐུབ་འབད་པ་བཞིན། །ཁྱོད་ཀྱི་ཡོན་ཏན་རང་གི་ངང་གིས་གནས། །རང་བཞིན་དུལ་བ་ཁྱོད་ལྟ་ལགས་ཀྱང་མོད། །དེ་བས་བསྟོད་པར་འོས་པའི་ཡོན་ཏན་བདེ། །
[81a.3]འབྱུང་པོ་ངེས་པའི་གཅོང་རོང་མི་འདོད་དོ། །ཡོན་ཏན་སྐྱོན་གྱི་ཆོས་ཉིད་འདི་ཤེས་ནས། །སེམས་ཡོད་སུ་ཞིག་མི་ཕན་ལམ་ངན་འགྲོ། །དཔའ་བས་ཡུལ་འཁོར་ཐོབ་པར་མི་འགྱུར་ལ། །ནོར་དང་རྩོལ་ཕོད་ཐབས་ཀྱིས་དེ་མི་ཐོབ། །ཡོན་ཏན་མེད་ན་ནོར་གོས་འབད་མི་ཕན། །རྒྱལ་
[81a.4]པོ་ཡོན་ཏན་གྱིས་ནི་ཐོབ་པར་འགྱུར། །ལྷ་ཡི་དབང་པོའི་དཔལ་ཡང་ཡོན་ཏན་ལྟོས། །ཡོན་ཏན་ཡོད་ན་རྒྱུད་ཀྱང་རབ་ཏུ་འཕེལ། །གྲགས་པ་རྣམས་ཀྱང་ཡོན་ཏན་ཉིད་ལས་འཕྲོ། །བདག་ཉིད་ཆེ་བའི་མཐུ་ཡང་ཡོན་ཏན་གནས། །ཟླ་བའི་འོད་ལས་གསལ་བའི་ཡོན་ཏན་ནི། །
[81a.5]དགྲ་བོ་མི་བཟད་དྲེགས་པས་སྡང་བ་དང་། །འཁོན་སྙིང་ཡོད་ཅིང་ཕྲག་དོག་ཆེ་བ་དང་། །ཡིད་ནི་དང་ཞིང་རབ་ཏུ་མགུ་བར་བྱེད། །རྒྱལ་པོ་དེ་ལྟར་དུལ་ལ་སོགས་པ་ཡི། །ཡོན་ཏན་བཟང་ཞིང་ཆེ་བ་མ་ཉམས་པར། །རྒྱལ་ཕྲན་དྲེགས་པ་མཐུ་ཡིས་བཏུལ་ནས་ནི། །ས་འདི་སྐྱོང་ལ་
[81a.6]འབངས་ཀྱང་བསྐྱང་དུ་གསོལ། །འབངས་ལ་ཕན་གདགས་རྒྱལ་པོའི་དོན་གྱི་མཆོག །རྒྱལ་པོ་ཆོས་ལ་དགའ་བར་གྱུར་ན་ནི། །ཚེ་རབས་གཉིས་ཀ་བདེ་བའི་ལམ་འདི་ཡིན། །རྒྱལ་པོའི་སྤྱོད་པ་བཞིན་དུ་འབངས་ཀྱང་སྤྱོད། །དེ་བས་ཆོས་བཞིན་ས་ལ་གནས་པ་སློབས། །སུམ་ཅུ་རྩ་
[81a.7]གསུམ་རྗེ་ཡང་ཁྱོད་ལ་བསྲུང་། །ཁྱོད་ཀྱི་དྲུང་ན་བདེ་བར་གནས་གྱུར་ཀྱང་། །བདག་གི་གྲོགས་མང་སྡུག་བསྔལ་འབོད་པ་བཞིན། །དེ་ནས་རྒྱལ་པོ་འཁོར་དང་བཅས་པ་དེའི་ཚིག་དེ་ལ་མངོན་པར་དགའ་བར་གྱུར་ནས། བཀུར་སྟི་དང་ཚིག་སྙན་པར་སྨྲས་ཏེ། ངང་པའི་གཙོ་བོ་དེ་གཉིས་
[81b]
[81b.1]སླར་བཀྱེས་སོ། །དེ་ནས་བྱང་ཆུབ་སེམས་དཔའ་སྟོན་གྱི་ནམ་མཁའི་དཀྱིལ་རལ་གྲི་དྲི་མ་མེད་པ་ལྟར་སྔོ་ཞིང་དྭངས་ལ་མཛེས་པ་ལ་འཕུར་ནས། བཞིན་བཟང་དེའི་ཕྱི་བཞིན་དུ་འབྲང་བ་ནི། གཟུགས་བརྙན་དྲུང་ན་འདུག་པ་དང་འདྲ་བར་བྱས་ཏེ། ངང་པའི་ཚོགས་མང་པོའི་དྲུང་དུ་འོང་བ་
[81b.2]དང་། མཐོང་མ་ཐག་ཏུ་རབ་ཏུ་དགའ་བ་དང་ལྡན་པར་བྱས་སོ། །དུས་དུས་དག་ཏུ་ངང་པའི་རྒྱལ་པོ་དེ། །གཞན་ལ་སྙིང་བརྩེའི་ཕྱིར་ནི་རྒྱལ་པོ་ཡི། །ཆེད་དུ་སོང་ནས་ཆོས་ཀྱང་སྟོན་པར་བྱེད། །རྒྱལ་པོ་དེས་ནི་མཆོད་པ་གུས་པར་བྱས། །དེ་ལྟ་བས་ན་དམ་པ་རྣམས་དུད་འགྲོར་ལྷུང་
[81b.3]བའི་སྤྱོད་པ་ལ་ཡང་། སྐྱེས་བུ་དམ་པ་མ་ཡིན་པ་རྣམས་ཀྱིས་རྗེས་སུ་མཐུན་པར་བྱ་བ་ཙམ་ཡང་མི་ནུས་ན། བདེ་འགྲོ་ལ་གནས་པ་རྣམས་ལ་ལྟ་སྨོས་ཀྱང་ཅི་དགོས། དེ་ལྟར་ཚིག་སྙན་པ་ནི་གཉིས་ཀ་ལ་ཕན་པར་འགྱུར་བ་ཡིན་ནོ། །ཞེས་ཚིག་སྙན་པར་སྨྲ་བའི་ཡོན་ཏན་
[81b.4]བསྔགས་པ་ལ་ཡང་སྦྱར་བར་བྱའོ། །དེ་ལྟར་དགེ་བའི་བཤེས་གཉེན་དང་ལྡན་པས་དོན་བསྒྲུབ་དཀའ་བ་ཡང་གྲུབ་པར་གྱུར་ཏོ། །ཞེས་དགེ་བའི་བཤེས་གཉེན་གྱི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །གནས་བརྟན་ཀུན་དགའ་བོའི་སྔོན་གྱི་རིས་མཐུན་པ་ལ་ཡང་
[81b.5]བརྗོད་པར་བྱ་སྟེ། འདི་ལྟར་བྱང་ཆུབ་སེམས་དཔའ་དང་ལྷན་ཅིག་ཏུ་འགྲོགས་ཏེ། ཡུན་རིང་པོར་བྱམས་པ་དང་རབ་ཏུ་གུས་པ་འབའ་ཞིག་བྱེད་པ་ཡིན་ནོ། །ཞེས་བརྗོད་པར་བྱའོ། །ངང་པར་སྐྱེས་པའི་རབས་ཏེ་ཉི་ཤུ་གཉིས་པའོ།། །།བམ་པོ་བརྒྱད་པ། སྐྱེས་བུ་དམ་པ་
[81b.6]རྣམས་ནི་ཕན་བཏགས་པ་ལ་དྲིན་དུ་གཟོ་བ་དང་བཟོད་པ་ལ་གོམས་པས་རིམ་གྲོ་མ་བྱས་ཀྱང་སྔོན་ཕན་འདོགས་པ་ལ་སྙིང་བརྩེ་བ་ལྷོད་པར་མི་འགྱུར་རོ། །དེ་ཡང་འདི་ལྟར་བཅོམ་ལྡན་འདས་འདི་སྔོན་བྱང་ཆུབ་སེམས་དཔར་གྱུར་པའི་ཚེ། ཀུན་དུ་རྒྱུ་བྱང་ཆུབ་ཅེས་བྱ་བར་གྲགས་སོ། །དེ་ཁྱིམ་
[81b.7]ན་གནས་བཞིན་དུ་འཇིག་རྟེན་པས་བསྔགས་པའི་གནས་རྣམས་ཀྱི་གོ་རིམས་ནི་རྒྱ་ཆེར་ཤེས། སྒྱུ་རྩལ་རྣམ་པ་སྣ་ཚོགས་ལ་ནི་མཁས་པར་བྱས། རབ་ཏུ་བྱུང་ནས་ཀྱང་འཇིག་རྟེན་ལ་ཕན་འདོགས་པར་བརྩོན་པས་ཆོས་ཀྱི་གཙུག་ལག་རྣམས་ལ་ལྷག་པར་ཡང་བློ་ཞེན་པར་གྱུར་ཏེ། དེ་དག་
[82a]
[82a.1]ལ་སློབ་དཔོན་གྱི་གོ་འཕང་ཐོབ་པར་གྱུར་ཏོ། །དེ་བསོད་ནམས་དང་ལྡན་ཞིང་ཤེས་པ་རྒྱ་ཆེ་བ་དང་འཇིག་རྟེན་གྱི་སྤྱོད་ཚུལ་ལ་མཁས་པ་དང་ནན་ཏན་ཆེ་བའི་ཡོན་ཏན་དང་ལྡན་པས། གང་དང་གང་དུ་སོང་བ་དེ་དང་དེར་མཁས་པ་རྣམས་དང་མཁས་པ་ལ་དགའ་བ་
[82a.2]རྣམས་དང་། རྒྱལ་པོའི་བློན་པོ་རྣམས་དང་། བྲམ་ཟེ་དང་། ཁྱིམ་བདག་རྣམས་དང་། གཞན་མུ་སྟེགས་ཅན་རྣམས་དང་། རབ་ཏུ་བྱུང་བ་རྣམས་ཀྱིས་བཀུར་སྟི་བྱ་ཞིང་དྲན་པར་བྱ་བར་གྱུར་ཏོ། །བསོད་ནམས་གཞི་ལས་འབར་བའི་ཡོན་ཏན་རྣམས། །ནན་ཏན་བསྒྲུབ་པའི་བྱིན་
[82a.3]གྱིས་དགའ་བར་གྱུར། །དགྲ་ཡང་རང་གི་གྲགས་པ་བསྲུང་བའི་ཕྱིར། །ལྷག་པར་བཀུར་སྟི་བྱེད་པ་ཉིད་དུ་གྱུར། །དེ་ནས་བདག་ཉིད་ཆེན་པོ་དེ་འཇིག་རྟེན་ལ་ཕན་བཏགས་པའི་ཕྱིར། གྲོང་དང་གྲོང་ཁྱེར་དང་ལྗོངས་དང་། གྲོང་རྡལ་དང་ཡུལ་འཁོར་དང་རྒྱལ་པོའི་ཕོ་བྲང་འཁོར་དུ་
[82a.4]རྒྱུ་ཞིང་སོང་སོང་བ་ལས། རྒྱལ་པོ་ཞིག་གི་ཡུལ་གྱི་འདབ་ཏུ་ཕྱིན་པར་གྱུར་ཏོ། །དེའི་ཡོན་ཏན་གྱི་མཐུ་རྒྱ་ཆེན་པོ་དེས་ཐོས་ཤིང་དེ་རྒྱང་རིང་པོ་ནས་འོངས་པར་ཤེས་ནས་ཡིད་རབ་ཏུ་དགའ་སྟེ། རང་གི་སྐྱེད་མོས་ཚལ་ཉམས་དགའ་བའི་ས་ཕྱོགས་གཅིག་ཏུ་དེའི་གནས་བྱེད་དུ་བཅུག་གོ། །
[82a.5]བསུ་བ་ལ་སོགས་པ་བཀུར་སྟི་ཆེར་བྱས་ཏེ། དེ་རང་གི་ཡུལ་དུ་བཞག་ནས་སློབ་དཔོན་ལ་སློབ་མས་བྱ་བ་བཞིན་དུ་རིམ་གྲོ་དང་བཀུར་སྟི་ཚུལ་བཞིན་དུ་བྱས་ཏེ་མཆོད་ཅིང་བཀུར་རོ། །ལོངས་སྤྱོད་ཡོན་ཏན་ཕུན་སུམ་ཚོགས། །ཁྱིམ་དུ་རེ་བའི་མགྲོན་འོངས་ནས། །ཡོན་ཏན་ཅན་ལ་
[82a.6]དགའ་བ་རྣམས། །རབ་ཏུ་དགའ་ཞིང་སྤྲོ་བར་གྱུར། །བྱང་ཆུབ་སེམས་དཔས་ཀྱང་དེ་ལ་ཆོས་ཀྱི་གཏམ་ཡིད་དུ་འོང་ཞིང་རྣ་བར་སྙན་པ་རྣམས་ཀྱིས་ཕན་པར་འགྱུར་བའི་ལམ་བསྟན་པས་ཉི་མ་རེ་རེ་ཞིང་ཕན་འདོགས་པར་འགྱུར་རོ། །གུས་པ་མེད་ལའང་ཆོས་ལ་དགའ་བ་རྣམས། །
[82a.7]གཞན་ལ་སྙིང་བརྩེ་ཕན་པའི་ཚིག་སྨྲ་ན། །ཕན་པར་འདོད་ཅིང་ཡོན་ཏན་དགའ་བ་ཡི། །སྐྱེ་བོ་སྣོད་གཙང་འདྲ་ལ་སྨོས་ཅི་དགོས། །དེ་ནས་རྒྱལ་པོ་དེའི་བློན་པོ་རྣམས་དང་མཁས་པའི་ཐབས་ཐོབ་པ་རྣམས་འཁོར་ཚོགས་པའི་ནང་དུ། བྱང་ཆུབ་སེམས་དཔའ་སེམས་དཔའ་ཆེན་པོ་ལ་རིམ་
[82b]
[82b.1]གྲོ་ཆེར་བྱས་པ་དང་། ཡོན་ཏན་ཕུན་སུམ་ཚོགས་པ་ལ་ཕྲག་དོག་གི་སེམས་སྐྱེས་ནས་མི་བཟོད་པར་གྱུར་ཏོ། །རང་གི་ཡོན་ཏན་གྲགས་པ་ཁྱད་པར་ཅན། །འགྲོ་བ་མགུ་བར་ནུས་པའི་མཐུ་ཅན་ལ། །ཡོན་ཏན་བཅོས་མས་བཀུར་སྟི་ཐོབ་པ་རྣམས། །ཕྲག་དོག་མེ་ནི་གོར་མ་ཆགས་
[82b.2]པར་འབར། །དེ་ལ་གཙུག་ལག་གི་གཏམ་གྱིས་མངོན་སུམ་དུ་ཟིལ་གྱིས་མནན་མི་ནུས་ཤིང་། རྒྱལ་པོ་ཆོས་ལ་བརྟེན་པའང་མ་བཟོད་ནས། ཐབས་དེ་དག་གིས་རྒྱལ་པོ་བྱང་ཆུབ་སེམས་དཔའ་ལ་མི་དགའ་བར་གྱུར་པ་བྱས་སོ། །ལྷ་ཀུན་ཏུ་རྒྱུ་བྱང་ཆུབ་ལ་ཐུགས་ཆེས་པར་མཛད་
[82b.3]པར་མི་རིགས་སོ། །གདོན་མི་ཟ་བར་འདི་ནི་ལྷ་ཡོན་ཏན་ལ་དགྱེས་པ་དང་ཆོས་ལ་ཕྱོགས་པར་འཚལ་ནས། བརླག་པར་བགྱི་བའི་སླད་དུ་གཡོ་དང་བཅས་པའི་ཚིག་འཇམ་པོ་སྨྲ་ཞིང་སྤྱོད་པའི་ཉམས་དྲོད་འཛིན་པ་ལགས་ཏེ་ཉི་འོག་གི་རྒྱལ་པོ་འགའ་ཞིག་གིས་བྱ་མ་རྟ་བཏང་བར་ལགས་
[82b.4]པར་གོར་མ་ཆགས་སོ། །དེ་ལྟར་ཅི་མངོན་ཞེ་ན། འདི་ལྟར་ཆོས་ཀྱི་བདག་ཉིད་ཅན་དུ་བགྱིས་ནས། ལྷའི་ཞལ་སྔ་ནས་ཅིག་ཁོ་ན་ཐུགས་རྗེ་ཆེ་བ་དང་། ངོ་ཚ་མཁྱེན་ཞིང་འཇམ་དེས་ཅན་དུ་བསླབ་སྟེ་སྲིད་དང་འདོད་པ་དང་མི་མཐུན་པ་རྒྱལ་རིགས་ཀྱི་ཆོས་མ་ཡིན་པ་སྙན་དངགས་དང་
[82b.5]མི་མཐུན་པ། ཆོས་ལ་སྐུལ་མ་འདེབས་ཤིང་། སྙིང་རྗེ་དང་ལྡན་པ་བགྱི་བའི་དོན་དུ་བསྒྲུབ་ཅིང་ཆེད་ཆེར་བགྱིས་ནས་ཐབས་ཀྱིས་བག་འབེབས་སོ། །ཉི་འོག་གི་རྒྱལ་པོའི་ཕོ་ཉ་གཞན་དག་དང་བཤེས་ཤིང་འདྲུལ་ལ། འདི་ཉིད་ཀྱང་རྒྱལ་པོའི་གཙུག་ལག་གི་རྒྱུས་ལ་མི་མཁས་པ་ཡང་
[82b.6]མ་ལགས་ཏེ། དེ་བས་ན་བདག་ཅག་ནི་འདི་ལ་གློ་བ་མི་ཆེས་སོ། །དེ་ནས་རྒྱལ་པོ་དེ་ལ་དབྱེན་གྱི་ཐབས་ཡང་དང་ཡང་དུ་ལན་དུ་མར་ཕན་པར་འདོད་པ་བཞིན་དུ་མི་མང་པོས་སྨྲས་པ་དང་། བྱང་ཆུབ་སེམས་དཔའ་ལ་ཡིད་མི་ཆེས་པར་གྱུར་ཏེ་བྱམས་པ་དང་བཀུར་སྟི་ཆུང་ཞིང་སེམས་སྔོན་དང་མི་
[82b.7]འདྲ་བར་གྱུར་ཏོ། །འབྲུག་སྒྲ་དྲག་པོ་སེར་བ་འདྲ་བ་ཡི། །དབྱེན་གྱི་སེར་བ་རྡོ་རྗེ་འབབ་པ་ནི། །མིང་ཙམ་ཚོད་ཀྱིས་མཛའ་བ་བརྟན་པ་དག །ཉམས་ཤིང་ཞིག་པར་མི་འགྱུར་སུ་ཞིག་ཡོད། །དེ་ནས་རྒྱལ་པོ་དེ་བྱང་ཆུབ་སེམས་དཔའ་དེ་ལ་བག་མི་འབེབས་ཤིང་དགའ་དགའ་ལྟར་བྱེད་པ་བཏང་སྟེ་
[83a]
[83a.1]བཀུར་སྟི་ཆུང་བར་གྱུར་ནས། སྔོན་བཞིན་དུ་རིམ་གྲོ་མི་བྱེད་པར་གྱུར་ཏོ། །བྱང་ཆུབ་སེམས་དཔའ་ཡང་སེམས་གཙང་བས་རྒྱལ་པོ་རྣམས་འབངས་ཀྱི་བྱ་བ་མང་པོས་བློ་བྲེལ་ཏོ་སྙམ་ནས། དེ་ལྟར་གྱུར་པ་ཡིད་ལ་ཡང་མི་བྱེད་ན། དེའི་འཁོར་འཁོད་པ་རྣམས་གུས་པ་
[83a.2]དང་རིམ་གྲོ་བྱེད་པ་ལ་གཡེལ་བར་གྱུར་པ་མཐོང་བ་དང་། རྒྱལ་པོ་ཐུགས་མ་དགྱེས་པར་གྱུར་པ་ཤེས་ནས། ཀུན་ཏུ་རྒྱུའི་ཡོ་བྱད་དབྱུག་པ་གསུམ་དང་རིལ་བ་སྤྱི་བླུགས་ལ་སོགས་པ་ཁྱེར་ཏེ་འགྲོ་བར་ཆས་སོ། །དེ་ལྟར་གྱུར་པ་རྒྱལ་པོ་དེས་ཐོས་ནས་ད་དུང་འཁོན་བྱུང་བ་ཉིད་དུ་ཡང་མ་གྱུར་པས། དེས་
[83a.3]ཤིང་དུལ་བའི་ཚུལ་བསྟན་ཏེ། དེའི་དྲུང་དུ་སོང་ནས་རྟབ་རྟབ་པོར་གྱུར་པ་འདྲ་བར་བྱས་ཏེ་སླར་ལོག་པར་འདོད་བཞིན་དུ་སྨྲས་པ། ཅི་ཕྱིར་འདི་ལྟར་འཕྲལ་དུ་བདག་བོར་ཏེ། །ཁྱོད་ནི་འགྲོ་བར་ཆས་པ་བཞིན་དུ་སེམས། །ནོངས་པར་དོགས་པ་འགའ་ཞིག་འབྱུང་བའི་གཞི། །བདག་གི་ནོངས་
[83a.4]པ་ཁྱོད་ཀྱིས་མཐོང་ངམ་ཅི། །དེ་ནས་བྱང་ཆུབ་སེམས་དཔས་དེ་ལ་སྨྲས་པ། །བདག་ནི་འཕྲལ་ལ་འདི་ལྟར་མི་མཆི་ཞིང་། །བཀུར་སྟི་ཆུང་བ་ཙམ་གྱིས་ཁྲོས་མ་ལགས། །ཁྱོད་ནི་ཆོས་ཀྱི་སྣོད་དུ་མ་གྱུར་ཅིང་། །གཡོ་དང་བཅས་པས་འདི་ནས་བདག་ནི་ཆ། །དེ་ནས་རྒྱལ་པོ་དེས་ཁྱི་
[83a.5]གནང་ཆེན་ཅིག་ཁྲོས་ཞིང་ཟུག་སྟེ་སོ་གཙིགས་ནས་དེར་ཟར་འོངས་པ་བསྟན་ནས་ཡང་སྨྲས་པ། རྒྱལ་པོ་ཆེན་པོ་མི་མ་ལགས་པ་འདིས་མཆེ་བཞི་བགྱིས་པ་གཟིགས་སུ་གསོལ། ཁྱི་འདི་སྔོན་ནི་ཁྱོད་ཀྱི་རྗེས་འབྲང་ཞིང་། །བདག་ལ་རབ་ཏུ་འདྲིས་པར་བགྱིས་པ་ལས། །མཛད་སྟངས་གསང་
[83a.6]བར་ཤེས་པར་མ་གྱུར་ནས། །ཟུགས་ཤིང་ཟ་བས་ཁྱོད་ཀྱི་དགོངས་པ་བསྟན། །བདག་ལ་མ་གུས་རྩུབ་པ་ཅུང་ཟད་ཅིག །ཁྱོད་ལས་ངེས་པར་འདི་ཡིས་ཐོས་ལགས་གྲང་། །དེ་བས་འདིས་ཀྱང་རྗེས་སུ་འབྲང་བར་གྱུར། །འཁོར་རྣམས་སྤྱོད་པ་ཁྱོད་ནི་དགྱེས་པར་བགྱིད། །དེ་ནས་རྒྱལ་པོ་
[83a.7]དེ་བརྟགས་པ་ལ་བབ་པ་དང་ངོ་ཚ་བས་མགོ་སྨད་དེ་འདིའི་བློ་རྣོ་བ་དེས་སེམས་མི་དགའ་བར་གྱུར་ཏེ། ང་ནི་གཡོ་བྱ་བའི་དུས་ལ་མ་བབ་པོ་སྙམ་ནས། བྱང་ཆུབ་སེམས་དཔའ་ལ་ཕྱག་འཚལ་ཏེ་སྨྲས་པ། ཁྱོད་ལས་གླེང་ནས་བཀའ་མཆིད་འདི་ལྟ་བུ། །བདག་ཅག་ཚོགས་པའི་ནང་དུ་བགྱིས་ཀྱང་
[83b]
[83b.1]མད། །དགོས་པའི་དབང་གིས་བདག་གིས་ཡལ་བར་བོར། །དེ་བས་བཟོད་པར་མཛོད་ལ་མ་བཞུད་བཞུགས། །བྱང་ཆུབ་སེམས་དཔས་སྨྲས་པ། བདག་ནི་བཀུར་སྟི་ཆུང་བའི་ཕྱིར་མི་བཟོད་དེ་མཆི་བ་མ་ལགས་ཀྱི་རྒྱལ་པོ་ཆེན་པོ་ད་ནི་མཆི་བའི་དུས་ལགས་པའི་སླད་དུ་མཆིས་སོ། །ཁྱོད་ཀྱིས་
[83b.2]གཟིགས་སུ་གསོལ། བཀུར་སྟི་ཅུང་ཟད་བྲི་བར་གྱུར་པའི་ཚེ། །བདག་རང་ལངས་ཏེ་སོང་བར་མ་གྱུར་ན། །ཕོངས་ཤིག་འདུག་པ་ངན་ཞིང་བྱིས་པའི་ཆོས། །མ་བལྟས་ན་ནི་སླད་ཀྱིས་བསྐྲད་པར་འགྱུར། །དེ་བས་ན་ནི་མཆི་བའི་དུས་ལ་བབ། །མི་དགའ་བཞིན་དུ་མཆིས་སུ་ག་ལ་རུང་། །
[83b.3]ལན་ཅིག་ཙམ་གྱིས་སྨ་བབ་གྱུར་པ་ཡིས། །སྔོན་ཆད་ཕན་བཏགས་པ་ཡང་ག་ལ་སྙམ། །བྱམས་པའི་རླན་མེད་བརྟེན་དུ་མི་རུང་སྟེ། །ཁྲོན་པ་སྐམ་པོ་ཆུ་འདོད་མི་བསྟེན་བཞིན། །དེ་ལ་རབ་ཏུ་བསྒྲིམས་ཏེ་དོན་བསྒྲུབ་ཀྱང་། །དེ་དོན་ཆུང་ཞིང་རྙོག་པ་ཅན་དུ་གྱུར། །བདེ་བ་འདོད་ཅིང་ཉོན་
[83b.4]མོངས་མི་འདོད་པས། །མཚོ་ཆེན་སྟོན་ཀའི་ཆུ་གཙང་འདྲ་བ་ནི། །རབ་ཏུ་དྭངས་པ་ཉིད་ལ་བརྟེན་པར་རིགས། །ཚུལ་འདི་འཇིག་རྟེན་དག་ན་གསལ་བར་གྲགས། །གུས་པར་བྱེད་ཀྱང་གཞན་དུ་ཕྱོགས་པ་དང་། །གཞན་དུ་ཕྱོགས་ཀྱང་ཞུམ་པས་དེ་ལ་ལྟ། །སྔོན་ཆད་ཕན་
[83b.5]བཏགས་དྲིན་དུ་མི་གཟོ་པ། །མི་ཡི་གཟུགས་དེ་ཅི་ལགས་གཏོལ་མ་མཆིས། །མ་བརྟེན་པ་དང་རབ་ཏུ་བརྟེན་དྲགས་དང་། །བསླང་བ་དྲགས་ན་བྱམས་པ་མེད་པར་འགྱུར། །དེ་བས་གནས་པའི་སྐྱོན་ལ་མཛའ་བའི་མཇུག་འདི་ནི། །བསྲུང་བར་འཚལ་གྱིས་བདག་ནི་རེ་ཞིག་
[83b.6]མཆིས། །རྒྱལ་པོས་སྨྲས་པ། གལ་ཏེ་ཁྱོད་མི་འགྲོར་མི་བཏུབ་ཡང་། །ང་ལ་སེམས་ནས་ད་རུང་སླར་ཡང་འདིར་བྱོན་ཅིང་བདག་སྤྱན་རས་ཀྱིས་བཙལ་བར་རིགས་སོ། །ཧ་ཅང་མ་བརྟེན་པ་ལས་འཁོན་བྱུང་བ་མི་རིགས་སོ། །བྱང་ཆུབ་སེམས་དཔས་སྨྲས་པ། རྒྱལ་པོ་ཆེན་པོ་འཇིག་
[83b.7]རྟེན་གནས་པ་འདི་དག་ནི་བར་ཆད་མང་ལ་གནོད་པ་དང་དགྲ་མང་བས་གདོན་མི་འཚལ་བར་མཆིའོ་ཞེས་མཆིད་ཀྱིས་འཚལ་དུ་མི་རུང་ངོ་། །གལ་ཏེ་མཆི་བའི་སྐབས་དང་ལྡན་ན་ཁྱོད་ཀྱི་ཞལ་ལྟའོ་ཞེས་བདག་ཉིད་ཆེན་པོ་དེས། རྒྱལ་པོ་དེ་ལ་ཚིག་འཇམ་པོས་དགའ་བར་བྱས་ནས། རྒྱལ་པོ་
[84a]
[84a.1]དེས་བཀུར་སྟི་བྱས་ཏེ། དེའི་ཡུལ་ལས་བྱུང་སྟེ་སོང་ངོ་། །དེ་ཁྱིམ་པ་དང་བརྟེན་པ་དེས། སེམས་མི་བདེ་བར་གྱུར་ནས་དགོན་པའི་གནས་ཞིག་ཏུ་གནས་ཏེ་བློ་བསམ་གཏན་ལ་བརྩོན་པར་དེ་ན་གནས་པ་ལས། རིང་པོར་མ་ལོན་པར་བསམ་གཏན་བཞི་དང་།
[84a.2]མངོན་པར་ཤེས་པ་ལྔ་ཐོབ་པར་གྱུར་ཏོ། །རབ་ཏུ་ཞི་བའི་བདེ་བའི་རོ་མྱོང་བ་དེས་རྒྱལ་པོ་ལ་སྙིང་བརྩེ་བའི་དྲན་པ་བྱུང་བར་གྱུར་པ་ནི། རྒྱལ་པོ་དེ་ད་ལྟ་ཇི་ལྟར་འདུག་སྙམ་པ་དང་། དེ་ནས་དེས་འདི་ལྟར་བློན་པོ་དེ་དག་གིས་ལྟ་བ་གང་ལ་ཆགས་པ་དེ་དག་ལ་ལྟར་བཅུག་པ་མཐོང་ངོ་། །དེ་ལ་
[84a.3]བློན་པོ་ལ་ལས་ནི་རྒྱུ་བརྟགས་མི་བཟོད་པའི་དཔེ་རྣམས་ཀྱིས་རྒྱུ་མེད་པའི་ལྟ་བ་ལས་དྲངས་སོ། །པདྨའི་སྡོང་པོ་ལོ་མ་མེ་ཏོག་སྙིང་པོ་དང་། །ཁ་དོག་དབྱིབས་དང་འཇམ་ལ་སོགས་པའི་རྒྱུ་ནི་གང་། །བྱ་ཡི་འདབ་མ་སྣ་ཚོགས་རིས་སུ་བྲིས་པ་སུ། །འགྲོ་བ་འདི་དག་ངོ་བོ་ཉིད་ཀྱིས་དེ་
[84a.4]བཞིན་ངེས། །ཁ་ཅིག་ནི་དབང་ཕྱུག་གི་བློས་སྦྱར་བ་རྒྱུ་ཡིན་པར་སྟོན་ཏེ། འདི་དག་ཐམས་ཅད་རྒྱུ་མེད་བྱུང་བར་མི་རིགས་ཏེ། །འདི་ལ་ཀུན་ཏུ་བདག་པོ་མཐའ་ཡས་གཅིག་ཅིག་ཡོད། །སྣ་ཚོགས་འདི་དག་རང་དགར་བྱེད་པ་ངེས་པར་ཡོད། །འཇིག་རྟེན་བྱས་ན་ཕྱིས་ཀྱང་
[84a.5]མཉམ་དུ་མེད་པར་བྱེད། །ཡང་ལ་ལས་ནི་བདེ་དང་མི་བདེ་བ་འདི་དག་ཐམས་ཅད་སྔོན་གྱི་ལས་ཀྱིས་བྱས་ཀྱི་འབད་པའི་མཐུས་བྱས་པ་མ་ཡིན་ནོ་ཞེས་དེ་ལ་དེ་ལྟར་འཛིན་དུ་བཅུག་གོ། །དངོས་པོ་མཐའ་ཡས་སོ་སོར་གནས་པ་མང་པོ་རྣམས། །གཅིག་པུས་དུས་གཅིག་ཏུ་ནི་ཇི་
[84a.6]ལྟར་བྱ་བར་ནུས། །བདེ་བར་བྱེད་ལའང་མཁས་པ་སྡུག་བསྔལ་མྱོང་བར་འགྱུར། །དེ་བས་འདི་དག་ཐམས་ཅད་སྔོན་གྱི་ལས་ལས་གྱུར། །གཞན་དག་ནི་ཆད་པར་ལྟ་བའི་གཏམ་གྱིས་དེ་འདོད་པའི་ལོངས་སྤྱོད་བྱེད་དུ་གཞུག་པའི་ཕྱིར་སྨྲས་པ། རྣམ་པ་སྣ་ཚོགས་ཁ་དོག་ཡོན་ཏན་ལྡན་
[84a.7]པའི་ཤིང་། །ལས་ཀྱིས་བྱས་པ་མ་ཡིན་འོན་ཀྱང་འབྱུང་བར་འགྱུར། །ཆུ་དགས་ན་རྣམས་ཀྱང་སླར་ནི་དེ་བཞིན་སྐྱེ་མི་འགྱུར། །འཇིག་རྟེན་དེ་དང་འདྲ་བར་བདེ་ལ་གཞོལ་བར་མཛོད། །ཁ་ཅིག་ནི་དེ་ལ་རྒྱལ་རིགས་ཀྱི་གཙུག་ལག་ལས་འབྱུང་བ་གཡོ་དང་དགྲ་ཐབས་དང་འབྲེལ་པ། སྙིང་རྗེ་མེད་ཅིང་
[84b]
[84b.1]སྐྱོན་དང་བཅས་པ་ཆོས་དང་འགལ་བ་ལ། འདི་ནི་རྒྱལ་པོའི་ཆོས་ལགས་སོ་ཞེས་སྟོན་ཏོ། །བརྟེན་པའི་མི་རྣམས་ལ་ནི་གྲིབ་མའི་ལྗོན་ཤིང་བཞིན། །དེ་དག་ཇི་སྲིད་དགོས་པའི་དུས་ལ་མ་བབ་པ། །དེ་སྲིད་བྱས་པ་གཟོ་བས་རང་གི་གྲགས་པ་བསྲུང་། །དགོས་པ་བྱུང་ན་མཆོད་སྦྱིན་ཕྱུགས་
[84b.2]བཞིན་དེ་དག་སྤྱད། །དེ་ལྟར་བློན་པོ་དེ་དག་གིས་རྒྱལ་པོ་དེ་ལྟ་བ་ངན་པའི་ལམ་དེ་དང་དེ་དག་ཏུ་དྲངས་པར་གྱུར་ཏོ། །དེ་ནས་བྱང་ཆུབ་སེམས་དཔས་རྒྱལ་པོ་དེ་སྐྱེ་བོ་སྡིག་པ་ཅན་དག་བརྟེན་ཅིང་བློ་གཞན་གྱི་དྲིང་ལ་འཇོག་པས་ལྟ་བ་ངན་བའི་གཡང་སར་ལྷུང་དུ་ཉེ་བར་དོགས་ནས་དེ་ལ་སྙིང་བརྩེ་བར་
[84b.3]གྱུར་ནས་དེ་ལས་བཟློག་པའི་ཐབས་བསམས་པ། ཡོན་ཏན་གོམས་པས་དགེ་བ་རྣམས། །ལེགས་པར་བྱས་པ་སེམས་ལ་གནས། །པདྨའི་འདབ་ལས་ཆུ་བོ་བཞིན། །ཉེས་པར་བྱས་པ་མི་ཆགས་སོ། །དེ་ནས་བྱང་ཆུབ་སེམས་དཔས་བསམས་པ། ད་ནི་དེའི་དུས་ལ་བབ་པོ་
[84b.4]སྙམ་ནས། རང་གི་དཀའ་ཐུབ་ཀྱི་གནས་སུ་སྤྲེའུ་ཆེན་པོ་ཞིག་མངོན་པར་སྤྲུལ་ནས། རྫུ་འཕྲུལ་གྱི་མཐུས་དེའི་པགས་པ་བཤུས་ཏེ། གཞན་མི་སྣང་བར་བྱས་ནས། དེས་སྤྲེའུའི་པགས་པ་ཆེན་པོ་སྤྲུལ་པ་དེ་གྱོན་ནས་རྒྱལ་པོའི་ཕོ་བྲང་གི་སྒོར་ཕྱིན་པ་དང་། ཆབ་སྒོ་བས་ཀྱང་སྦྲན་ནས།
[84b.5]རྒྱལ་པོའི་འཁོར་ཚོགས་པ་གོ་རིམས་བཞིན་དུ་མི་འཁྲུག་པར་འཁོད་པའི་མཐའ་ནི་མཚོན་ཆ་ཐོགས་པ་རྣམས་ཀྱིས་བསྐོར། བློན་པོ་དང་། བྲམ་ཟེ་དང་། ཕོ་ཉ་དང་། ནང་མི་གཙོ་བོ་རྣམས་ཀྱིས་ནི་གང་། སྐྱེ་བོ་རྣམས་ཀྱི་ཆས་ནི་བརྟན་ཞིང་དུལ་ལ་རྒྱ་ཆེ། ཆབ་སྒོ་ཆེན་པོའི་སྒོ་བ་རལ་གྲི་དང་
[84b.6]དབྱུག་པ་ཐོགས་པ་རྣམས་ཀྱིས་ནི་བསྲུང་། མིའི་བདག་པོ་ནི་སེང་གེའི་ཁྲི་ལ་འདུག་པར་འོངས་སོ། །རྒྱལ་པོ་དེས་ཀྱང་བསུ་བ་ལ་སོགས་པ་མགྲོན་འོངས་པའི་བཀུར་སྟི་བྱ་བ་དང་སྙན་པར་སྨྲ་བ་གདན་བཏིང་བ་བྱས་ནས། སྤྲེའུའི་པགས་པ་གྱོན་པ་ངོ་མཚར་ཆེར་བཟུང་ནས་དྲིས་པ།
[84b.7]འཕགས་པ་ལ་སྤྲེའུའི་པགས་པ་འདི་ཕུལ་བས་བདག་ཉིད་ལ་ཕན་པ་ཆེན་པོ་བཏགས་པ་སུ་ཞིག་ལགས། བྱང་ཆུབ་སེམས་དཔས་སྨྲས་པ། རྒྱལ་པོ་ཆེན་པོ་འདི་ནི་བདག་ཉིད་ཀྱིས་རྙེད་ཀྱི་གཞན་སུས་ཀྱང་མ་འཚལ་ཏོ། །ས་གཞི་རང་བཞིན་གྱིས་མཁྲད་བ་ལ། རྩྭ་ཀུ་ཤ་དང་རྩྭ་ཙམ་
[85a]
[85a.1]བཏིང་བ་ལ་མཆིས་ཤིང་ཉལ་བས་གདུངས་ན། ཆོས་ཀྱི་ཆོ་ག་བདེ་བླག་ཏུ་བགྱི་བ་རྔོ་མི་ཐོགས་ལ། སྤྲེའུ་ཆེན་པོ་འདི་ཡང་དཀའ་ཐུབ་ཀྱི་ནགས་ན་མཆིས་པ་བདག་གིས་མཐོང་ནས། དེ་ལ་བདག་གིས་བསམས་པ། བདག་གིས་ཆོས་སྤྱོད་པའི་ཡོ་བྱད་སྤྲེའུ་
[85a.2]འདིའི་པགས་པ་རྙེད་དོ་སྙམ་མོ། །འདི་ལ་འདུག་གམ་ཉལ་ན་ཆོས་ཀྱང་འགྲུབ་ནུས་ལ། རྒྱལ་པོའི་མལ་སྟན་བཟང་པོ་ལ་མ་ཆགས་པར་ཡང་རང་གི་ཆོས་ཀྱི་ཆོ་ག་བསྒྲུབ་ཏུ་རུང་ངོ་སྙམ་ནས། བདག་གིས་དེའི་པགས་པ་བཅང་སྟེ་དེ་ཡང་མ་མཆིས་པར་བགྱིས་སོ། །དེ་སྐད་ཟེར་བ་
[85a.3]ཐོས་ནས། རྒྱལ་པོ་དེས་དུལ་ཞིང་དེས་པའི་ཚུལ་བཟུང་སྟེ། བྱང་ཆུབ་སེམས་དཔའ་ལ་ཅི་ཡང་སླར་མ་སྨྲས་སོ། །དེ་ངོ་ཚ་བར་གྱུར་ནས་ཅུང་ཞིག་མ་གོ་སྨད་དེ་འདུག་གོ། །དེ་ནས་བློན་པོ་དེ་དག་སྔོན་ཡང་སེམས་དཔའ་ཆེན་པོ་དེ་ལ་སེམས་མི་བཟོད་ཅིང་སྨྲ་བའི་སྐབས་རྙེད་པས་
[85a.4]འཛུམ་དམུལ་ཏེ་མདངས་ཕྱུང་ནས་རྒྱལ་པོ་ལ་བལྟས་ནས། བྱང་ཆུབ་སེམས་དཔའ་དེ་བསྟན་ཏེ་སྨྲས་པ། ཨེ་མ་ཧོ། །ཁྱོད་ཀྱི་ཆོས་ལ་རྗེས་སུ་དགའ་བས་བློ་ལ་ལྟོས། །ཨེ་མ་ཧོ། །རྩོལ་ཕོད་པའི་མཐུ་ཆེ་ཞིང་བརྟན་ཀྱང་བཀའ་ཐུབ་ཀྱི་ནགས་ན་འདུག་བཞིན་དུ། གཅིག་པུས་
[85a.5]དཀའ་ཐུབ་སྤྱོད་ཅིང་ལུས་ཉམ་ཆུང་ཡང་། སྤྲེའུ་ཆེན་པོ་འདི་ལྟ་བུ་སོད་པ་ངོ་མཚར་ཆེའོ། །དཀའ་ཐུབ་གྲུབ་པར་གྱུར་ཅིག །དེ་ནས་བྱང་ཆུབ་སེམས་དཔས་མ་ཁྲོས་པར་སྨྲས་པ། ཁྱོད་རང་གི་ལྟ་བ་བཟང་པོ་ལ་མི་ལྟ་བར་འདི་ལྟར་བདག་སྨད་པར་མི་རིགས་སོ། །འདིས་མཁས་པའི་གྲགས་པ་ཕྱིན་
[85a.6]པར་མི་འགྱུར་རོ། །ཚེ་དང་ལྡན་པ་དག་གཟིགས་སུ་གསོལ། བདག་གི་ལྟ་ལ་གནོད་པའི་ཚིག །གང་གིས་གཞན་ལ་གནོད་བྱེད་པ། །དེ་ནི་བདག་ལ་གནོད་པ་ཡིས། །གཞན་གྱིས་མི་སྙན་སྒྲོགས་པར་འདོད། །དེ་ལྟར་བདག་ཉིད་ཆེན་པོ་དེས་བློན་པོ་དེ་དག་ལ་སྤྱིར་སྨྲས་པ། སོ་སོར་སྨྲ་
[85a.7]བར་འདོད་ནས་བློན་པོ་རྒྱུ་མེད་པར་སྨྲ་བ་དེ་ལ་སྨྲས་པ། འགྲོ་བའི་ངོ་བོ་ཉིད་ཀྱིས་དེ་བཞིན་ཉིད་ཟེར་ན། །གལ་ཏེ་དེ་ལྟར་བདེན་ན་བདག་ལ་ཅི་ཞིག་སྨད། །སྤྲེའུ་ངོ་བོ་ཉིད་ཀྱིས་ཤི་བར་གྱུར་པ་ལ། །བདག་ལ་ཅི་ཕྱིར་སྡིག་འགྱུར་བསད་དུ་མ་ཟད་དམ། །དེ་སྟེ་དེ་བསད་བདག་ལ་སྡིག་ཏུ་གྱུར་ན་ནི། །
[85b]
[85b.1]འོ་ན་འདི་ནི་རྒྱུ་ལས་གྱུར་པར་གྲུབ་པར་འགྱུར། །དེ་བས་རྒྱུ་མེད་སྨྲ་བ་འདི་ནི་དོར་བར་རིགས། །འདིར་ནི་དེ་སྐད་སྨྲ་བ་ཁྱོད་ལ་མི་རིགས་འགྱུར། །གལ་ཏེ་པདྨའི་སྡོང་བུ་སྐྱེས་ལ་སོགས་འདྲ་ན། །འོ་ན་རྟག་ཏུ་རྒྱུ་མེད་པར་ཡང་ཅིར་མི་འབྱུང་། །ཆུ་ལ་སོགས་དང་ས་བོན་དག་གིས་དེ་བྱས་ངེས། །
[85b.2]དེ་དག་ཡོད་ན་སྐྱེ་ལ་མེད་ན་མི་སྐྱེའོ། །གཞན་ཡང་ཚེ་དང་ལྡན་པ་དག་རེ་ཞིག་ལེགས་པར་རྟོགས་ཤིག །གཏན་ཚིགས་བཅས་པ་རྒྱུ་མེད་ཟེར་བ་ནི། །བདག་ཉིད་ཀྱིས་ནི་ཁས་འཆེས་སུན་ཕྱུང་ངོ་། །དེ་སྟེ་གཏན་ཚིགས་བསྟན་པར་མི་འདོད་ན། །ཁས་འཆེས་ཙམ་གྱིས་འདི་ལ་ཅི་ཞིག་ཕན། །
[85b.3]གང་ཞིག་ཁ་ཅིག་ཏུ་ནི་རྒྱུ་རྐྱེན་མ་མཐོང་བས། །དེ་ཉིད་ཀྱིས་ནི་ཐམས་ཅད་རྒྱུ་མེད་སྨྲ་ན་ནི། །དེ་དག་རྒྱུ་དང་བཅས་པར་མངོན་སུམ་མཐོང་བཞིན་དུ། །དེ་ལ་སྡང་བས་འགལ་བའི་ཚིག་ངན་སྨྲ་བར་འགྱུར། །གལ་ཏེ་གང་ནའང་རྒྱུ་ནི་ཡོད་པར་མ་མཐོང་ན། །དེ་ནི་མེད་ཅེས་ངེས་པར་ཅི་ལྟར་
[85b.4]སྨྲ་བར་འགྱུར། །ཉི་མ་ནུབ་ཚེ་ཉི་མའི་དཀྱིལ་འཁོར་དྲི་མེད་བཞིན། །ཡོད་བཞིན་དུ་ཡང་རྒྱུ་རྐྱེན་གཞན་གྱིས་མི་སྣང་མོད། །གཞན་ཡང་ཁྱེད་ཅག་ཡིད་དུ་འོང་བའི་ཡུལ་ནི་བདེ་བར་འདོད་ཕྱིར་བརྟེན། །དེ་དང་འགལ་བ་དག་ནི་བརྟེན་པར་ཡོང་མི་འདོད། །དེ་ཡི་ཕྱིར་ཡང་རྒྱལ་པོ་
[85b.5]དག་ལ་བརྟེན་པར་བྱེད། །རྒྱུ་ཡང་ཡོད་པ་མ་ཡིན་ཞེས་ནི་རྟག་ཏུ་སྨྲ། །གལ་ཏེ་དངོས་རྣམས་དེ་ལྟར་ཡིན། །རྒྱུ་ཡང་ཡོད་པར་མ་མཐོང་ན། །རྒྱུ་མེད་མཐོང་ན་སྤྲེའུ་བསད་པ། །བདག་ལ་སྨད་དུ་ཅི་ཞིག་ཡོད། །དེ་ལྟར་བདག་ཉིད་ཆེན་པོ་དེས་རྒྱུ་མེད་པར་སྨྲ་བ་དེ་གསལ་བ་རྣམས་ཀྱིས་
[85b.6]སྤོབས་པ་མེད་པར་བྱས་ནས། དབང་ཕྱུག་རྒྱུར་སྨྲ་བ་དེ་ལ་བོས་ཏེ་སྨྲས་པ། ཆོས་དང་ལྡན་པ་དག་གིས་ཀྱང་། བདག་དེ་ལྟར་སྨད་པར་མི་རིགས་སོ། །ཐམས་ཅད་ཀྱི་རྒྱུ་དབང་ཕྱུག་གི་བྱེད་པར་ཁྱེད་འདོད་ན་ལྟོས་ཤིག །གལ་ཏེ་ཐམས་ཅད་དབང་ཕྱུག་བྱེད་ན་ནི། །འོ་ན་སྤྲེའུ་དེ་དེ་ཉིད་ཀྱིས་
[85b.7]བསད་པས། །ཁྱེད་ནི་བདག་ལ་ཅི་ཕྱིར་སེམས་མི་དགའ། །གཞན་གྱི་ཉེས་པ་བདག་ལ་ཅི་ཕྱིར་བསྒོ། །དེ་ན་སྤྲེའུ་ཆེན་པོ་དེ་ཤི་བ། །དེ་ཡི་སྙིང་རྗེ་བལྟས་ཏེ་མ་བསད་ན། །འགྲོ་བའི་རྒྱུ་ནི་དབང་ཕྱུག་ཡིན་ཞེས་སུ། །ཁྱེད་ཅག་ཅི་ཕྱིར་རྒྱ་ཆེར་སྒྲོགས་པར་བྱེད། །ཀྱེ་བཟང་པོ་གཞན་ཡང་
[86a]
[86a.1]ཐམས་ཅད་དབང་ཕྱུག་གིས་བྱས་པར་ལྟ་ན། དབང་ཕྱུག་ལ་ནི་རེ་བ་ཡིས། །ཅི་ཕྱིར་ཕྱག་ལ་སོགས་པ་འཚལ། །ཁྱོད་ཀྱི་དེ་ནི་རང་བྱུང་སྟེ། །གང་གིས་བྱས་པ་དེ་ལས་ཡིན། །མཆོད་སྦྱིན་ཁྱོད་ཀྱིས་གང་བྱས་པ། །དེ་ནི་མི་བྱེད་མ་ཡིན་ཏེ། །བདག་
[86a.2]ཉིད་འབྱོར་པ་ཐོབ་པའི་ཕྱིར། །གང་བྱེད་དེ་ཉིད་བྱེད་པ་པོ། །སྡིག་པ་ཆེན་པོ་མ་ལུས་པ། །གལ་ཏེ་དབང་ཕྱུག་བྱེད་ན་ནི། །དེ་ལ་གུས་པར་བྱེད་པ་དག །ཡོན་ཏན་ཅི་ཞིག་ནས་བྱེད། །སྡིག་པས་འཇིགས་ན་དེ་དག་ཀུན། །གལ་ཏེ་དེ་ནི་མི་བྱེད་ན། །ཐམས་ཅད་དབང་ཕྱུག་གིས་
[86a.3]བྱས་ཞེས། །དེ་བས་སྨྲ་བར་མི་རིགས་སོ། །དེ་ཡང་དབང་ཕྱུག་ཉིད་དུ་གྱུར་པ་ནི། །ཆོས་སམ་གཞན་ནས་འགྱུར་གྲང་ན། །གལ་ཏེ་ཆོས་ལས་གྱུར་ན་ནི། །དེ་ཡི་སྔོན་རོལ་དབང་ཕྱུག་མིན། །གང་དག་གཞན་གྱིས་བྱས་གྱུར་པ། །དེ་ནི་བྲན་དུ་གྱུར་པ་ཉིད། །དབང་ཕྱུག་དེ་ནི་ཅི་ཡི་
[86a.4]ཕྱིར། །རྒྱུ་ཡིས་བྱས་པར་མ་གྱུར་ཀྱེ། །དེ་ལྟར་གྱུར་ཀྱང་གུས་ཤིང་ཆགས། །རིགས་དང་མི་རིགས་པ་དོར་ནས། །གལ་ཏེ་འགྲོ་བ་མ་ལུས་པ་ཡི་རྒྱུར། །དབང་ཕྱུག་ཆེན་པོ་ཉིད་དུ་ཁྱོད་འདོད་ན། །དབང་པོས་སྤྲེའུའི་རྒྱལ་པོ་བསད་པའི་སྐྱོན། །བདག་ལ་སྐུར་པ་བཏབ་པ་མི་རིགས་སོ། །
[86a.5]དེ་ལྟར་བདག་ཉིད་ཆེན་པོ་དེས་དབང་ཕྱུག་རྒྱུར་སྨྲ་བ་དེ་ལ་གཏན་ཚིགས་བཟང་པོ་རྣམས་ཀྱིས་ཤགས་མེད་པར་བྱས་ནས། སྔོན་གྱི་ལས་ཀྱིས་བྱས་པ་སྨྲ་བ་དེ་ལ་བོས་ཏེ་སྔོན་དུ་ལྟར་བཅུག་ནས་སྨྲས་པ་ནི། ཁྱེད་རྣམས་ཀྱང་བདག་ལ་སྨོད་པ་ལེགས་པ་མ་ཡིན་ནོ། །འདི་དག་ཐམས་ཅད་སྔོན་གྱི་ལས་
[86a.6]ཀྱིས་བྱས་སོ་ཞེས་ང་རྒྱལ་སྐྱེ་བ་དེའི་ཕྱིར་ཁྱེད་ལ་སྨྲའོ། །གལ་ཏེ་ཐམས་ཅད་སྔོན་གྱི་ལས་ཀྱིས་བྱས་ན་ནི། དེ་བས་སྤྲེའུ་འདི་བདག་གིས་བསད་པ་ཉེས་པ་མེད། །སྔོན་གྱི་ལས་ཀྱིས་དགོན་པ་མེས་ཚིག་གྱུར་པ་ལས། །གང་ཕྱིར་བདག་ལ་སྨད་པའི་སྡིག་པ་ཅི་ཞིག་ཡོད། །དེ་སྟེ་བདག་གིས་སྤྲེའུ་
[86a.7]བསད་སྡིག་ཡོད་ན། །བདག་གིས་བསད་ཀྱི་སྔོན་གྱི་ལས་མ་ཡིན། །གལ་ཏེ་ལས་དང་ལས་ཀྱི་རྒྱུ་འདོད་ན། །དེ་ལྟར་ཡིན་ན་སུ་ཡང་གྲོལ་མི་འགྱུར། །སྡུག་བསྔལ་རྒྱུ་ལའང་གལ་ཏེ་བདེ་བར་འགྱུར། །བདེ་བ་བསྒྲུབ་ལའང་སྡུག་བསྔལ་གནས་པར་འགྱུར། །ད་ལྟར་གྱུར་ན་བདེ་དང་སྡུག་བསྔལ་
[86b]
[86b.1]དག །སྔོན་གྱི་ལས་ཀྱིས་བྱས་པ་ངེས་པར་མངོན། །བདེ་དང་སྡུག་བསྔལ་དེ་ལྟར་གྱུར་པའང་མེད། །དེ་བས་སྔོན་གྱི་ལས་ཀྱི་རྒྱུ་མ་ཡིན། །གསར་དུ་བྱས་པའི་ལས་ཀྱང་མེད་པར་འགྱུར། །དེ་མ་གྲུབ་ན་སྔ་མའང་ཇི་ལྟར་འགྲུབ། །སྔོན་གྱི་ལས་ཀྱིས་ཀུན་བྱས་ཞེས། །འོན་ཀྱང་དེ་
[86b.2]ལྟར་སེམས་ན་ནི། །ཅི་ཕྱིར་ལས་ནི་སྤྲེའུ་བསད་པ། །བདག་གིས་བྱས་པར་ཡོངས་སུ་བརྟག །དེ་ལྟར་བདག་ཉིད་ཆེན་པོ་དེས་སླར་བཟློག་ཏུ་མེད་པའི་གཏན་ཚིགས་རྣམས་ཀྱིས་དེ་ལྟར་མི་སྨྲ་བའི་དགའ་ཐུབ་བླངས་པ་བཞིན་དུ་བྱས། ཆད་པར་སྨྲ་བ་དེ་ལ་འཛུམ་དམུལ་ཏེ་སྨྲས་པ།
[86b.3]ཚེ་དང་ལྡན་པ་དག་ཅིའི་ཕྱིར་བདག་དམོད་པ་ལ་འདི་ལྟར་དགའ་བར་འགྱུར། གལ་ཏེ་ཆད་པར་ལྟ་བ་དེ་ཁོ་ན་ཉིད་ཡིན་པར་སེམས་ན། འཇིག་རྟེན་ཕ་རོལ་མེད་ན་སུས་ཀྱང་ཅི་ཞིག་ཡང་། །སྡིག་དང་དགེ་བ་དག་ལའང་སུ་ཞིག་འབད་དུ་ཡོད། །མཁས་པ་རྣམས་ཀྱང་རང་དགར་ཅི་བདེར་
[86b.4]སྤྱོད་པའི་རིགས། །དེ་ལྟར་གྱུར་ན་སྤྲེའུ་དེ་བསད་ཀྱང་ཉེས་པ་མེད། །འགྲོ་བས་འཕྱ་བ་དག་གིས་འཇིགས་ནས་སུ། །སྡིག་པ་སྤོང་ཞིང་དགེ་ལ་གནས་ནས་ནི། །བདག་གི་ཚིག་དང་མི་མཐུན་སྤྱོད་པ་ཡིས། །འགྲོ་བས་འཕྱ་བ་འདི་ཡང་ཤེས་མི་འགྱུར། །འཇིག་རྟེན་ཚུལ་ལ་གནས་
[86b.5]པར་འགྱུར་ན་ནི། །རང་གི་གཞུང་ལུགས་བདེ་བ་མི་ཐོབ་སྟེ། །དེ་བས་སྨྲ་བར་འཁྲུལ་པར་དོན་མེད་འགྱུར། །འདི་ནི་བྱིས་པའི་དུས་ན་ཐ་མ་ཡིན། །གང་ཡང་ཁྱེད་ཀྱིས་སྨྲས་པ་ལ། རྣམ་པ་སྣ་ཚོགས་ཁ་དོག་ཡོན་ཏན་ལྡན་པའི་ཤིང་། །ལས་ཀྱིས་བྱས་པ་མ་ཡིན་འོན་ཀྱང་འབྱུང་
[86b.6]བར་འགྱུར། །ཆུད་གཟན་རྣམས་ཀྱང་སླར་ནི་དེ་བཞིན་སྐྱེ་མི་འགྱུར། །འཇིག་རྟེན་དེ་དང་འདྲ་བ་རྒྱུ་ནི་གང་ཞིག་ཡིན། །དེ་ལྟར་གྱུར་ཀྱང་ཁྱེད་ཅག་ནི། །ཆད་པར་ལྟ་ལ་དགའ་གྱུར་ན། །སྤྲེའུ་འམ་ཡང་ན་མི་ཡང་རུང་། །གསོད་པ་སྨད་དུ་ཅི་ཞིག་ཡོད། །དེ་ལྟར་སེམས་དཔའ་ཆེན་པོ་དེས། །
[86b.7]ཆད་པར་ལྟ་བ་དེ་ལ་ལན་བཏབ་པའི་རིམ་པ་ལེགས་ཤིང་གསལ་བས་ཅང་མི་སྨྲ་བར་བྱས་ནས། རྒྱལ་རིགས་ཀྱི་གཞུང་ལུགས་ལ་མཁས་པ་དེ་ལ་བོས་ཏེ་སྨྲས་པ། ཁྱེད་ཅག་བདག་ལ་ཅི་ཕྱིར་སྨོད། གལ་ཏེ་སྲིད་གཟུགས་པའི་གཙུག་ལག་ལས་འབྱུང་བའི་ཆོ་ག་རིགས་པར་སེམས་ན། སྲིད་
[87a]
[87a.1]ཕྱིར་དགེ་འམ་མི་དགེའང་རུང་། །ཅི་ཡང་རུང་བ་བྱས་ནས་སུ། །དེ་ནས་བདག་ཉིད་ཐར་ནས་ནི། །ནོར་གྱིས་ཆོས་ནི་བསྒྲུབ་པར་བྱ། །ཞེས་ཟེར་བ་དེའི་ཕྱིར་ཁྱོད་ལ་སྨྲའོ། །དགོས་པ་དག་ནི་འབྱུང་བར་གྱུར་པའི་ཚེ། །མཛའ་དང་གཉེན་ལའང་དགེ་ཚུལ་མི་ལྟ་
[87a.2]ན། །སྤྲེའུ་འདི་པགས་པའི་ཕྱིར་ནི་ངས་བསད་ན། །གཙུག་ལག་གཞུང་ལུགས་ཀྱིས་ནི་སྨད་དུ་མེད། །འོན་ཏེ་སྙིང་རྗེ་མེད་ཕྱིར་སྨད་འགྱུར་རམ། །འདི་འདྲིའི་ལས་དག་འབྲས་བུ་སྡུག་བསྔལ་མཐོང་། །གཞུང་ལུགས་སྣང་བ་བཞིན་དུ་མི་བྱེད་པར། །གང་གི་སྒོ་ནས་ཁྱོད་ཀྱིས་འདི་ལྟར་བྱེད། །
[87a.3]གང་ན་རིགས་པའི་གཞུང་ལྡན་འདི་འདྲ་བ། །དེ་ནི་མ་རིག་འཁྲུལ་པ་ཅི་འདྲ་བ། །ཨེ་མ་ཧོ་སྤྱི་བརྟོལ་ཅན་གྱིས་ཟིལ་མནན་ནས། །གཙུག་ལག་ལམ་གྱིས་ཆོས་མིན་དར་བར་བྱས། །ཁྱེད་ཅག་དགའ་བ་དེ་ནི་ཡོང་མ་མཐོང་། །གཙུག་ལག་ལས་ནི་གསལ་བར་བསྟན་ཅེས་གྲགས། །གཞུང་
[87a.4]ལས་བྱུང་བའི་ཚུལ་གྱིས་འགྲོ་བ་ལ། །སྤྲེའུ་བསད་པས་ནི་སྨད་པ་མི་རིགས་སོ། །དེ་ལྟར་འཁོར་གྱི་ནང་ནས་རྒྱལ་བར་གྱུར་པ་སྤོབས་པ་ཆེ་བར་གོམས་པའི་བློན་པོ་རྣམས་ཀྱང་མངོན་སུམ་དུ་ཟིལ་གྱིས་མནན་ཏེ། རྒྱལ་པོ་འཁོར་དང་བཅས་པ་སེམས་རབ་ཏུ་མགུ་བར་གྱུར་པ་ཤེས་ནས།
[87a.5]དེ་དག་གིས་སྤྲེའུ་བསད་པ་སྙིང་ལ་གཅགས་པ་མེད་པར་བྱ་བའི་ཕྱིར་རྒྱལ་པོ་ལ་སྨྲས་པ། རྒྱལ་པོ་ཆེན་པོ་བདག་གིས་སྲོག་དང་བཅས་པའི་སྤྲེའུ་བཀུམ་པ་ནི་མ་ལགས་ཀྱི། འདི་ནི་སྤྲུལ་བ་ལགས་ཏེ། བཀའ་མཆིད་ཀྱི་གོ་རིམས་འདི་ལྟ་བུ་གླེང་བསླང་བའི་སླད་དུ་སྤྲེའུ་སྤྲུལ་པའི་པགས་
[87a.6]པ་འདི་བདག་གིས་འཚལ་ཏོ། །དེ་བས་ན་བདག་ལ་གཞན་དུ་མི་དགོངས་སུ་གསོལ། ཞེས་སྨྲས་ནས། རྫུ་འཕྲུལ་མངོན་པར་འདུ་བྱས་པ་དེ་བཏང་སྟེ། རྒྱལ་པོ་འཁོར་དང་བཅས་པ་སེམས་རབ་ཏུ་མགུ་བར་གྱུར་པ་ཤེས་ནས་སྨྲས་པ། རྒྱུ་ལས་གྲུབ་པ་མཐོང་བཞིན་ལ། །རང་དབང་
[87a.7]འཇིག་རྟེན་ཕ་རོལ་ཤེས། །དགེ་བར་ཁས་ལེན་སྙིང་རྗེ་ཅན། །སྲོག་ཆགས་གསོད་པ་སུ་ཞིག་བྱེད། །རྒྱལ་པོ་ཆེན་པོ་གཟིགས་སུ་གསོལ། །རྒྱུ་མེད་སྨྲ་དང་རང་དབང་ལྟ་བ་དང་། །ཡོད་པར་མི་ལྟ་རྒྱལ་རིགས་གཞུང་ལུགས་ཅན། །གྲགས་པ་ཅུང་ཟད་ཕྱིར་ནི་གཞུང་བྱེད་པ། །རིགས་
[87b]
[87b.1]པར་སྨྲ་དེ་ཅི་ལྟར་ཁས་བླང་བྱ། །མི་ཡི་བདག་པོ་ལྟ་བ་བཟང་ངམ་ངན། །རིས་མཐུན་ལས་ནི་བསྒྲུབ་པའི་རྒྱུ་དག་གིས། །དེ་དང་དེ་དག་ཁྱོད་ཀྱིས་བརྟགས་ན་ནི། །ཚིག་དང་སྤྱོད་པ་རྣམས་ཀྱིས་ངེས་པར་སྟོན། །དེ་བས་ལྟ་བ་བཟང་པོ་བརྟེན་པར་རིགས། །ལྟ་བ་ངན་པས་ཕུང་
[87b.2]བར་འགྱུར་བ་ཡང་། །སྐྱེ་བོ་ངན་པ་རིང་དུ་སྤངས་ནས་ནི། །དམ་པ་རྣམས་ལ་བརྟེན་ན་འདི་ཤེས་འགྱུར། །མི་སྡོམ་པ་ཡང་སྡོམ་པའི་ཚུལ་འཛིན་པ། །ས་ཡི་སྟེང་ན་དགེ་སློང་སྲིན་པོ་རྣམས། །ལྟ་བ་ངན་པས་སྐྱེ་བོ་བྱིས་པ་རྣམས། །གདུག་པ་སྦྲུལ་བཞིན་བརླག་པར་བྱེད་ཅིང་
[87b.3]རྒྱུ། །རྒྱུ་མེད་སྨྲ་བ་སོགས་པ་རྩུབ་པོས་བསྒོས། །དེས་ན་ཁྱད་པར་མངོན་པ་ཅེ་སྤྱང་བཞིན། །དེ་བས་མཁས་པས་དེ་དག་རྟེན་མི་རིགས། །དེ་དག་དོན་ནི་ནུས་པ་སྤྱད་པའི་རིགས། །སྐྱེ་བོ་མི་མཐུན་པ་དག་གྲགས་པ་ཆེར་གྱུར་ཀྱང་། །དགོས་པ་ཡོད་པར་གྱུར་ཀྱང་མཛའ་བར་
[87b.4]མི་བྱ་སྟེ། །དགུན་གྱི་དུས་ཀྱི་ཡུལ་ངན་འབྱུང་བས་བསྒྲིབས་ན་ནི། །མཚན་མོ་གསལ་བྱེད་ཟླ་བའི་འོད་ཀྱང་མི་གསལ་འགྱུར། །སྐྱེ་བོ་ཡོན་ཏན་སྤོང་བ་དེ་དག་སྤང་བ་དང་། །ཡོན་ཏན་སྟོན་ལ་མཁས་པ་རྣམས་དང་བསྟེན་པ་ཡིས། །འབངས་རྣམས་སྐྱོན་ལ་མི་དགའ་
[87b.5]ཡོན་ཏན་དགར་འཇུག་ཅིང་། །བདག་གི་གྲགས་པ་རབ་ཏུ་གསལ་ཞིང་རྒྱས་པར་མཛོད། །ཁྱེད་ཀྱི་ཆོས་སྤྱད་གྱུར་ན་མི་ཡི་འཇིག་རྟེན་ཕལ་ཆེར་ནི། །ལེགས་པར་སྤྱོད་ལ་ཕྱོགས་ཤིང་མཐོ་རིས་ལམ་ལ་གནས་པར་འགྱུར། །ཁྱོད་ཀྱིས་བརྩོན་འགྲུས་བསྐྱེད་དེ་འགྲོ་བ་འདི་དག་རྗེས་སུ་
[87b.6]སྐྱོངས། །དེ་བས་འདུལ་བ་བཟང་པོའི་ལམ་དང་ལྡན་པའི་ཆོས་ལ་བརྟེན། །ཚུལ་ཁྲིམས་རྣམ་པར་སྦྱོངས་ལ་སྦྱིན་པའི་གྲགས་པ་སྤེལ། །ནང་མི་བཞིན་དུ་ཕྱི་མི་ལ་ཡང་བྱམས་པར་གྱིས། །ས་ལ་འཁོད་པ་ཆོས་ཀྱིས་སྐྱོང་ལ་བག་མེད་སྤོངས། །དེ་ལྟར་བྱས་ན་གྲགས་པ་དང་ནི་མཐོ་
[87b.7]རིས་ཐོབ། །ཆུན་པ་རྣམས་དང་ཕྱུགས་ལུག་འཚོ་བ་རྣམས། །མེ་ཏོག་འབྲས་བུར་ལྡན་པའི་ལྗོན་ཤིང་བཞིན། །རྒྱུ་དཔྱ་འབུལ་བའི་འབངས་རྣམས་མ་སྐྱོང་ན། །སྨན་རྣམས་ཀུན་དང་རྒྱལ་པོ་འབྲལ་བར་འགྱུར། །ཚོང་ཟོང་སྣ་ཚོགས་ཉོ་ཚོང་བགྱིད་པ་ཡི། །ཚོང་པ་རྣམས་
[88a]
[88a.1]ཀྱང་ཕོ་བྲང་འཁོར་གྱི་མི། །དེ་བཞིན་ཤོ་གམ་གཅོད་ཅིང་དཔྱ་འབུལ་བ། །རྒྱལ་པོས་མི་སྐྱོང་དཀོར་གྱིས་བྲེལ་བར་འགྱུར། །སྐྱོན་མེད་གཡུལ་ངོར་རབ་ཏུ་དཔའ་བ་དང་། །མཚོན་ཆ་དགྲ་ཐབས་མཁས་པ་དེ་ལྟ་བུ། །རྒྱལ་པོས་ཡལ་བར་དོར་ཞིང་མ་བཀུར་ན། །
[88a.2]དགྲ་ལས་རྒྱལ་བའི་དབུ་རྨོག་བཙན་མི་འགྱུར། །དེ་བཞིན་ཚུལ་ལྡན་མཁས་པ་དགེ་བ་དང་། །ཡོན་ཏན་ཆེ་བར་གྲགས་པ་དགེ་བ་རྣམས། །རྒྱལ་པོས་སྨད་ཅིང་ཡལ་བར་བོར་ན་ནི། །མཐོ་རིས་འགྲོ་བའི་སྒོ་དང་འགལ་བར་འགྱུར། །འབྲས་བུ་མ་སྨིན་ཤིང་ལས་གང་འཐོག་པ། །ས་བོན་
[88a.3]ཆུད་གསན་རོ་ཡང་དེས་མི་མྱོང་། །དེ་བཞིན་རྒྱལ་པོ་ཆོས་མིན་སྤྱོད་པ་ན། །ཡུལ་ཡང་ཕུང་ལ་དེས་ཀྱང་ཕན་མི་ཐོགས། །དེ་ལྟར་ལྗོན་ཤིང་ཡོན་ཏན་ཕུན་སུམ་ཚོགས། །འབྲས་བུ་སྨིན་པ་ཤིང་ཐོག་ཆེར་འཕེལ་བ། །རྒྱལ་པོས་བསྲུངས་པའི་ཡུལ་ཡང་དེ་བཞིན་དུ། །ཆོས་དང་སྲིད་དང་
[88a.4]བདེ་བ་འབྱོར་པར་བྱེད། །བློན་པོ་མཛངས་ལ་གློ་བ་ཉེ་བ་དང་། །གྲོགས་པོ་སྐྱོན་མེད་བདག་གིས་ནང་མི་རྣམས། །རིམ་གྲོ་བྱས་པའི་བྱ་དགའ་སྩལ་བ་དང་། །དགའ་བར་སྨྲ་བས་ཀྱང་ནི་ཆགས་པར་མཛོད། །དེ་བས་ཁྱོད་ཀྱིས་ཆོས་ནི་ལྷུར་བླང་སྟེ། །བདེ་བ་ཐོབ་ཕྱིར་འབངས་རྣམས་སེམས་
[88a.5]པར་མཛོད། །ཆགས་དང་ཞེ་སྡང་མེད་པའི་ནན་ཏུར་གྱིས། །འབངས་རྣམས་སྐྱོངས་ལ་བདག་གིས་འཇིག་རྟེན་སྲུངས། །དེ་ནས་བདག་ཉིད་ཆེན་པོ་དེས་རྒྱལ་པོ་འཁོར་དང་བཅས་པ་དེ་ལྟ་བ་ལས་གྱུར་པའི་ལས་ངན་པ་དེ་དང་ཕྲལ་ནས་ཡང་དག་པའི་ལམ་ལ་བཙུད་དེ་དེ་ཉིད་ནས་ནམ་མཁའ་
[88a.6]ལ་ལྡིང་བ་དང་། སྐྱེ་བོ་དེ་དག་གིས་ཐལ་མོ་སྦྱར་ཏེ་གུས་པར་ཕྱག་འཚལ་ཞིང་མཆོད་པ་བྱས་ནས་དགོན་པའི་གནས་དེ་ཉིད་དུ་སླར་སོང་ངོ་། །དེ་ལྟ་བས་ན་སྐྱེས་བུ་དམ་པ་རྣམས་ནི་ཕན་བཏགས་པ་ལ་དྲིན་དུ་གཟོ་བ་དང་བཟོད་པ་ལ་གོམས་པས་རིམ་གྲོ་མ་བྱས་ཀྱང་། སྔོན་ཆད་ཕན་འདོགས་པ་
[88a.7]རྣམས་ལ་སྙིང་བརྩེ་བ་ལྷོད་པར་མི་འགྱུར་རོ། །དེ་བས་ན་རིམ་གྲོ་མ་བྱས་པ་ཙམ་གྱིས་སྔོན་ཕན་བཏགས་པ་བརྗེད་པར་བྱ་བ་མི་རིགས་སོ། །དེ་བཞིན་དུ་བཅོམ་ལྡན་འདས་དེ་མངོན་པར་རྫོགས་པར་སངས་མ་རྒྱས་པའི་ཚེ་ན་ཡང་ཕ་རོལ་གྱི་རྒོལ་བ་རྣམས་ཟིལ་གྱིས་མནན་ནས་སེམས་ཅན་འདུལ་
[88b]
[88b.1]བར་མཛད་དོ། །ཞེས་སངས་རྒྱས་ཀྱི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །དེ་བཞིན་དུ་ལྟ་བ་ལོག་པ་ལ་རྗེས་སུ་ཆགས་པར་བྱ་བར་མི་རུང་བ་དང་། སྡིག་པའི་གཞིར་གྱུར་པ་བརྟེན་དུ་མི་རུང་བའི་ཕྱིར། ལྟ་བ་ལོག་པ་སྨད་པ་ལ་ཡང་སྦྱར་བར་བྱའོ། །དེ་ལས་བཟློག་ནས་ཡང་
[88b.2]དག་པར་ལྟ་བའི་ཡོན་ཏན་བསྔགས་པ་ལ་ཡང་སྦྱར་བར་བྱའོ། །བྱང་ཆུབ་སེམས་དཔའི་སྐྱེས་པའི་རབས་ཏེ་ཉི་ཤུ་གསུམ་པའོ།། །།སྐྱེས་བུ་དམ་པ་རྣམས་ནི་གནོད་པ་བྱེད་པ་རྣམས་དགེ་བའི་ཕྱོགས་ལས་ཉམས་ན་ཇི་ལྟར་སེམས་གདུངས་པར་གྱུར་པ་དེ་ཙམ་དུ་བདག་གི་སྡུག་
[88b.3]བསྔལ་གྱིས་སེམས་གདུང་བར་མི་འགྱུར་རོ། །དེ་ཡང་འདི་ལྟར་བྱང་ཆུབ་སེམས་དཔའ་རེ་ཞིག་ཅིག །གངས་རི་དཔལ་དང་ལྡན་པའི་ངོས་འབྱུང་ཁུངས་ཀྱི་རྫས་རྣམ་པ་སྣ་ཚོགས་ཀྱིས་བརྒྱན་པ་ནགས་སྟུག་པོ་བཟང་པོས་ནི་ཀཽ་ཤཱམྦཱིའི་དར་སྔོན་པོའི་སྟོད་གཡོགས་བྱས་པ་བཞིན། ཐེལ་
[88b.4]ལྡིང་དང་། ཤང་ཤང་རྣམ་པ་མང་པོ་ཁ་དོག་དང་དབྱིབས་རྣམ་པ་དུ་མ་དག་ནི་ཆེད་དུ་བཤམས་པ་བཞིན། ཤིང་དྲུང་གི་གད་པ་བང་རིམ་རྣམ་པ་སྣ་ཚོགས་ཀྱིས་ནི་བརྒྱན། འབབ་ཆུ་རྣམ་པ་དུ་མ་དག་ནི་ཁ་དུ་མ་ནས་འབབ། གཅོང་རོང་དོག་མོ་གཡང་ཟ་བ་དག་ནི་མང་པོ་ཡོད། བུང་
[88b.5]བ་མང་པོ་ནི་སྒྲ་ཏི་རི་རི་ཟེར། ཤིང་ལྗོན་པ་མེ་ཏོག་འབྲས་བུ་སྣ་ཚོགས་དང་ལྡན་པ་དག་ནི་སེར་བུ་བསིལ་བ་ཡིད་དུ་འོང་བ་ལངས་པས་བསིལ་ཡབ་བྱེད་པ་བཞིན་རིག་སྔགས་འཆང་རྣམས་ཀྱི་རྩེད་མོའི་སར་རུང་བ་ཞིག་ན། སྤྲེའུ་ཆེན་པོ་གཅིག་པུར་རྒྱུ་བ་ཞིག་ཏུ་གྱུར་ཏོ་ཞེས་གྲགས་སོ། །དེ་དེ་ལྟ་བུའི་
[88b.6]གནས་སྐབས་སུ་གྱུར་པའི་ཚེ་ཡང་། ཆོས་ཀྱི་འདུ་ཤེས་ནི་མ་ཉམས་ལ་བྱས་པ་གཟོ་བ་ལ་འཛུམ་པའི་རང་བཞིན་ཅན་རབ་ཏུ་བརྟན་པ་དང་ལྡན་པ་དེ་ལ་རྗེས་སུ་ཆགས་པ་བཞིན་དུ་སྙིང་རྗེ་མ་བཏང་ངོ་། །ནགས་ཚལ་རི་མཆོག་རྒྱ་མཚོར་བཅས་པའི་ས། །དུས་མཐའི་མེ་དང་ཆུ་དང་རླུང་དག་གིས། །བརྒྱ་ཕྲག་
[88b.7]དུ་མར་རྣམ་པར་ཞིག་པར་གྱུར། །བྱང་ཆུབ་སེམས་དཔའི་སྙིང་རྗེ་ཡོངས་མ་ཉམས། །བདག་ཉིད་ཆེན་པོ་དཀའ་ཐུབ་ཅན་དུ་ནགས་ཀྱི་ཤིང་གི་ལོ་མ་དང་འབྲས་བུ་ཙམ་གྱིས་འཚོ་ཞིང་། ཚུལ་དེ་དང་དེ་དག་གིས་སྤྱོད་པའི་སྤྱོད་ཡུལ་དུ་བབ་པའི་སྲོག་ཆགས་རྣམས་ལ་སྙིང་བརྩེ་བར་བྱེད་ཅིང་། དགོན་པའི་ཕྱོགས་
[89a]
[89a.1]དེ་ན་གནས་པར་གྱུར་ཏོ། །དེ་ནས་མི་ཞིག་བ་སྟོར་བ་ཚོལ་བའི་ཕྱིར་ཀུན་ཏུ་རྒྱུ་ཞིང་སོང་སོང་བ་ལས། ལམ་སྟོར་ཞིང་ཕྱོགས་སླད་དེར་འཁྱམས་ཤིང་། ས་ཕྱོགས་དེར་འོངས་སོ། །དེ་བཀྲེས་པ་དང་སྐོམ་པ་དང་ཚ་བ་དང་ངལ་བས་ལུས་ནི་རྨྱ། ཡིད་མི་དགའ་བའི་སེམས་
[89a.2]ཀྱིས་ནི་ཁོང་པའི་ནང་གདུངས། མྱ་ངན་གྱི་ཁུར་ལྕི་བས་ནི་ནོན་པ་བཞིན་དུ་ཤིང་གི་དྲུང་དུ་འདུག་པ་དང་། ཤིང་ཏིན་དུའི་འབྲས་བུ་སྨིན་ནས་ལྷགས་པར་ཁ་དོག་སེར་པོར་གྱུར་པ་ཅུང་ཟད་ཅིག་མཐོང་ངོ་། །དེས་དེ་དག་མྱངས་ནས་བཀྲེས་པས་ཉེན་པས་རབ་ཏུ་ཞིམ་པར་རྟོགས་ཏེ། དེ་གང་ལས་
[89a.3]བྱུང་བའི་ཤིང་བཙལ་བའི་ཕྱིར་སྤྲོ་བ་སྐྱེས་ནས་ཀུན་ཏུ་བལྟས་པ་དང་། ཤིང་ཏིན་དུ་ཅིག་གད་པ་གཡང་ཟ་བའི་ཁ་ན་འདུག་པའི་ཡལ་ག་འབྲས་བུ་སྨིན་པའི་ལྕིད་ཀྱིས་དྲུད་ཅིང་སེར་པོར་གྱུར་པ་ཞིག་མཐོང་ངོ་། །དེའི་འབྲས་བུ་དེ་འདོད་པའི་ཕྱིར་རིའི་གད་པ་གཡང་ཟ་བ་དེ་ལ་འཛེག་སྟེ། ཤིང་
[89a.4]ཏིན་དུའི་ཡལ་ག་འབྲས་བུ་ཅན་གཡང་ས་ལོགས་སུ་དྲུད་པ་དེ་ལ་འཛེགས་པ་དང་། འབྲས་བུ་ལེན་པའི་ཕྱིར་ཤིང་དེའི་རྩེ་མོ་ལ་ཐུག་པར་ཕྱིན་ཏོ། །དེ་ནས་ལྗོན་པའི་ཤིང་གི་ཡལ་ག་དེ། །ལྕི་བའི་ལྗིད་ཀྱིས་ནོན་ཞིང་ཕྲ་བ་ཡིས། །སྟ་རེས་ཆེད་དུ་རྩད་ནས་བཅད་པ་བཞིན། །སྒྲ་དང་བཅས་
[89a.5]པར་ཆག་ནས་ལྷུང་བར་གྱུར། །དེ་ཡང་དེ་དང་བཅས་ཏེ་ལྷུང་བ་ལས་ནི་རིའི་གཅོང་རོང་ཁོ་ར་ཁོར་ཡུག་བྲག་གིས་བསྐོར་བ་ཁྲོན་པ་དང་འདྲ་བ་ཞིག་ཏུ་ལྷུང་བ་དང་། ཤིང་ལོ་སྟུག་པོ་དང་། ཆུ་གཏིང་ཟབ་མོ་ཞིག་ཀྱང་ཡོད་པས། ལུས་ཀྱི་ཡན་ལག་ལ་ནི་ཆག་གྲུགས་སུ་ནི་ཅུང་ཟད་ཀྱང་མ་གྱུར་ཏོ། །
[89a.6]དེ་ཆུའི་ནང་ནས་ལངས་ཏེ་ཁོ་ར་ཁོར་ཡུག་ཏུ་བསྐོར་ནས་ཀྱང་ཐར་བར་འགྱུར་བའི་ལམ་མ་མཐོང་བ་དང་དེས་བསམས་པ། ཐབས་ཅི་ཡང་མེད་པས་བདག་ནི་དེ་རིང་དུ་འཆིའོ་སྙམ་ནས། གསོན་དུ་རེ་བ་ནི་མེད་མྱ་ངན་གྱིས་གདུངས་པའི་མཆི་མས་ནི་གདོང་གཡོགས། ཡིད་རབ་ཏུ་མི་བདེ་བའི་ཟུང་རྔུས་ནི་
[89a.7]བཙུགས། སེམས་སྤ་གོང་ནས་སྨྲེ་སྔགས་དེ་དང་དེ་དག་འདོན་པར་གྱུར་ཏོ། །ནགས་ཁུང་དགོན་པ་བགྲོད་དཀའ་བ། །སྐྱེ་བོ་འདྲུལ་བ་ཡོང་མེད་པ། །འདི་ལྟ་བུར་ནི་བདག་ལྷུང་སྟེ། །གང་དུ་བརྟགས་ཀྱང་འཆི་ལས་མེད། །གཉེན་བཤེས་ཀུན་དང་བྲལ་ནས་གཅིག་པུར་གྱུར། །ཤ་
[89b]
[89b.1]སྦྲང་མང་པོ་སྦྲང་མ་འདུ་བའི་ས། །གཅོང་རོང་ཟབ་མོ་ཁ་ཡི་ནང་དུ་སོང་། །རི་དྭགས་འདྲ་བ་སུ་ཞིག་བདག་ལ་འབྱིན། །སྐྱེད་མོས་ཚལ་དང་ནགས་ཚལ་ལྡིང་ཁང་སྣ་ཚོགས་མཚོ། །ནོར་བུ་རིན་ཆེན་དཀར་བཀྲ་སྤྲིན་མཛེས་འགྲོ་བ་དག །ནག་པོའི་ཕྱོགས་ཀྱི་མུན་ནག་འདྲ་བའི་གཤིན་རྗེ་ཡིས། །
[89b.2]ཀྱི་ཧུད་བདག་ལ་དེ་དག་སྣང་བ་མེད་པར་བྱེད། །དེ་ལྟར་མི་དེས་སྨྲེ་སྔགས་དེ་དང་དེ་དག་འདོན་ཞིང་ཆུ་དེར་བདག་དང་ལྷན་ཅིག་ཏུ་ལྟུང་བའི་ཤིང་ཏིན་དུའི་འབྲས་བུ་དེས་འཚོ་ཞིང་རེ་ཞིག་དེ་ན་འདུག་འདུག་པ་ལས། དེ་ནས་སྤྲེའུ་བདག་ཉིད་ཆེན་པོ་དེ་ཟས་ཚོལ་ཞིང་ནགས་དེའི་ནང་ནས་སོང་སོང་བ་དང་། ཤིང་
[89b.3]ཏིན་དུའི་ཡལ་གའི་རྩེ་མོ་རླུང་གིས་བསྐྱོད་པས་གཡབས་ཏེ་བོས་པ་བཞིན་དུ་དེར་འོངས་ནས། དེ་གད་པ་དེའི་ཁར་འཛེགས་ཏེ་བལྟས་ནས་མི་དེ་ལྟོགས་པས་མིག་རྩ་ངན་ཞིང་བཞིན་མདངས་ནི་ཉམས། ལུས་ནི་རིད་ལ་སྐྱ་བོ་སིང་སིང་པོར་གྱུར་ཏེ། དེ་ནས་འགྲེ་ལྡོག་བྱེད་ཅིང་རྩོལ་བ་མཐོང་བས།
[89b.4]མི་དེ་ཕོངས་ཤིང་ཉམ་ཐག་པས་སྤྲེའུ་ཆེན་པོ་དེས་སྙིང་བརྩེ་བར་གྱུར་ཏེ། ཟས་བཙལ་བ་བཏང་ནས་མི་དེ་ལ་ཡུན་རིང་དུ་བརྟགས་ཏེ། མིའི་སྐད་དུ་སྨྲས་པ། མི་ཡིས་ཐར་ས་མ་ཡིན་པའི། །གཡང་ས་འདི་ན་འདུག་པ་ཁྱོད། །ཅི་ཕྱིར་འདིར་འོང་སུ་ཞིག་ཡིན། །དེ་ནི་ལེགས་པར་སྨྲ་
[89b.5]བར་རིགས། །དེ་ནས་སྤྲེའུ་ཆེན་པོ་དེ་ལ་མི་དེས་རབ་ཏུ་ཕྱོགས་ནས་ཕྱག་འཚལ་ཞིང་ཐལ་མོ་སྦྱར་ཏེ་ལྟ་ཞིང་འདི་སྐད་ཅེས་སྨྲས་སོ། །ལྷ་དཔལ་བདག་ནི་མི་ཞིག་ལགས། །འཁྱམས་ནས་ནགས་ན་རྒྱུ་བ་ལས། །ཤིང་འདིའི་འབྲས་བུ་ཚོལ་ཚོལ་ནས། །འདི་ལྟ་བུ་ཡི་ཉམས་ཉེས་
[89b.6]བྱུང་། །དེ་བས་གཉེན་བཤེས་དང་ཡང་བྲལ། །ཉམས་ཉེས་ཆེན་པོ་འབྱུང་བ་ལ། །སྤྲེའུ་ཚོགས་མང་པོའི་མགོན་པོ་ཁྱོད། །བདག་གི་སྐྱབས་ཀྱང་མཛད་དུ་གསོལ། །དེ་སྐད་ཅེས་ཟེར་བ་ཐོས་ནས་སེམས་དཔའ་ཆེན་པོ་དེ་སྙིང་རྗེ་ཆེན་པོ་སྐྱེས་པར་གྱུར་ཏོ། །ཉམས་ཉེས་གྱུར་ཞིང་
[89b.7]གཉེན་བཤེས་རྣམས་དང་བྲལ། །ཐལ་མོ་སྦྱར་ནས་དམན་པས་གསོལ་བ་ནི། །དགྲ་བོ་རྣམས་ཀྱང་སྙིང་རྗེ་སྐྱེ་བར་འགྱུར། །སྙིང་རྗེ་ཅན་རྣམས་བརྩེ་བ་གཡོ་བར་འགྱུར། །དེ་ནས་བྱང་ཆུབ་སེམས་དཔས་དེ་ལ་སྙིང་རྗེ་བལྟས་ཏེ། དེ་ལྟ་བུའི་དུས་ན་དཀོན་པའི་ཚིག་འཇམ་པོས་དབུགས་ཕྱུང་བ།
[90a]
[90a.1]གཡང་སར་ལྷུང་བས་བདག་ལ་སྐྱབས་མེད་ཅིང་། །གཉེན་བཤེས་མེད་སྙམ་མྱ་ངན་མ་བྱེད་ཅིག །ཁྱོད་ལ་གཉེན་གྱིས་བྱ་བ་ཅི་ཡོད་པ། །ཐམས་ཅད་ངས་བྱ་འཇིགས་པར་མ་གྱུར་ཅིག །དེ་ལྟར་སེམས་དཔའ་ཆེན་པོ་དེས་མི་དེ་དབུགས་ཕྱུང་ནས། དེའི་འོག་ཏུ་དེ་
[90a.2]ལ་ཤིང་ཏིན་དུའི་འབྲས་བུ་གཞན་དག་ཅིག་ཀྱང་བྱིན་ཏེ། དེ་དབྱུང་དུ་རུང་བའི་ཐབས་སུ་རྡོ་བ་ལྗིད་མིའི་ཁུར་ཚད་ཙམ་ཅིག་ལ་གོམས་པར་བྱས་སོ། །དེ་ནས་བདག་གི་མཐུ་སྟོབས་ཉམས་སད་པ་དང་། བདག་གིས་མི་འདི་དབྱུང་ནུས་སོ་སྙམ་དུ་ངེས་པར་བསམས་ནས་གཡང་ས་དེའི་ནང་དུ་
[90a.3]ཞུགས་ཏེ། སྙིང་རྗེས་བསྐུལ་ནས་མི་དེ་ལ་སྨྲས་པ། ཚུར་ཤོག་ང་ཡི་རྒྱབ་ཏུ་ཞོན། །ཁྱོད་ནི་སྟེང་དུ་ཕྱིན་པ་དང་། །རང་གི་ལུས་ལས་སྙིང་པོ་དག །ཕྱིན་གྱི་བར་དུ་ལེགས་པར་འཇུས། །མཁས་པས་གཞན་ལ་ཕན་པའི་ཕྱིར། །སྒྲུབ་པར་བྱེད་པ་གང་ཡིན་པ། །སྙིང་པོ་མེད་པའི་ལུས་ལ་ནི། །
[90a.4]དམ་པས་སྙིང་པོ་བླང་བར་འདོད། །དེས་དེ་ལྟར་བགྱིའོ་ཞེས་མཉན་ནས་ཕྱག་འཚལ་ཏེ་དེ་ལ་ཞོན་ནོ། །དེ་ནས་མི་དེས་མངོན་པར་ཞོན་པ་དེས། །རབ་ཏུ་ལྕི་བའི་ཁུར་གྱིས་ནོན་བཞིན་ཡང་། །སྙིང་སྟོབས་ཆེ་བས་བརྟན་པ་མ་ཉམས་པར། །སྡུག་བསྔལ་ཆེན་པོས་དེ་ནི་སྟེང་དུ་ཕྱིན། །དེ་ནི་ཕྱིན་ནས་
[90a.5]རབ་ཏུ་དགའ་བར་གྱུར། །ངལ་ཞིང་ཆད་པས་གོམ་པ་འཁྱོར་ཞིང་འདོར། །ཆར་སྤྲིན་སྔོན་པོ་འདྲ་བའི་རྡོ་ལེབ་ལ། །ངལ་ནི་སོས་པར་བྱ་ཕྱིར་ཉལ་བར་གྱུར། །དེ་ནས་བྱང་ཆུབ་སེམས་དཔའ་རང་བཞིན་ཡོངས་སུ་དག་པ་དང་། ཕན་བཏགས་པའི་ཕྱིར་མི་དེས་ཉེས་པ་བྱེད་དུ་དོགས་པ་མེད་དེ་བག་ཕབ་
[90a.6]ནས་དེ་ལ་སྨྲས་པ། ཀུན་ནས་ཐར་པ་མེད་པའི་ས་ཕྱོགས་འདིར། །གཅན་གཟན་ཁྲོ་བོ་ཐགས་ཐོགས་མེད་པར་འོང་། །ལ་ལ་ང་དང་རང་ལ་ཕན་པ་དང་། །ངལ་བ་གཉིད་ཀྱིས་ལོག་པ་གསོད་ཀྱང་སྲིད། །ང་ནི་ངལ་ཞིང་ལུས་ཀྱང་རབ་ཏུ་རྨྱ། །དེ་བས་ང་ནི་ཅུང་ཞིག་ཉལ་བར་འདོད། །དེ་ཕྱིར་ཁྱོད་
[90a.7]ཀྱིས་ཕྱོགས་སུ་མིག་ལྟོས་ལ། །ང་དང་ཁྱོད་བདག་གཉིས་ཀ་བསྲུང་བར་གྱིས། །དེ་ནས་དུལ་བ་ལྟར་ཚུལ་འཆོས་པ་ལ་མཁས་པ་དེས་ན་རེ་སླར་ཡང་བདེ་བར་སད་པར་གྱུར་པའི་བར་དུ་ཁྱོད་ཅི་བདེ་བར་མནོལ་ཅིག་དང་། ཁྱོད་བསྲུང་བའི་ཕྱིར་བདག་ཉིད་འདི་ལྟར་མཆིས་སོ་ཞེས་དེ་ལ་བསྒོས་སོ། །
[90b]
[90b.1]དེ་ནས་སེམས་དཔའ་ཆེན་པོ་དེ་ངལ་བར་གྱུར་པའི་མཐུས་གཉིད་ཀྱི་དབང་དུ་གྱུར་པ་དང་། མི་དེས་སེམས་ངན་པར་བསམས་པ། རབ་ཏུ་འབད་པས་རྙེད་པའི་རྩ་བ་དང་། །ནགས་ཀྱི་འབྲས་བུ་ཅི་དགར་རྙེད་པས་ཀྱང་། །འདི་ལྟར་ཡོངས་སུ་རྨྱ་བར་གྱུར་པའི་ལུས། །འཚོ་བ་ཙམ་ཡང་
[90b.2]དཀའ་ན་འདི་ལྟར་བལྟས། །དགོན་པ་འདི་ཡང་ཐར་བར་བྱ་བ་དཀའ། །མཐུ་སྟོབས་མེད་པར་ཇི་ལྟར་ཐར་བར་འགྱུར། །དགོན་པ་བགྲོད་དཀའ་འདི་ལས་ཐར་བྱས་ན། །འདི་ཡི་ཤ་འདིས་བདག་ནི་སོས་པར་འགྱུར། །ཕན་པ་བྱས་ཀྱང་བཟར་ནི་རུང་བ་ཉིད། །བཟའ་བ་འདི་ཡི་རང་བཞིན་
[90b.3]དེ་འདྲ་སྟེ། །ཕོངས་པར་གྱུར་ན་ཆོས་འདི་བསྒྲུབ་པ་ཡིན། །དེ་བས་འདི་ནི་ལམ་གྱི་བརྒྱགས་སུ་རུང་། །ཇི་སྲིད་བག་ཕབ་བདེ་བར་གཉིད་ལོག་པ། །དེ་ཡི་བར་དུ་བདག་གིས་བསད་པར་ནུས། །འདི་དང་འཐབ་མོ་སྔོན་དུ་སྤྲད་གྱུར་ན། །སེང་གེ་དག་ཀྱང་ཕམ་དུ་དོགས་པ་བསྐྱེད། །
[90b.4]དེ་བས་བདག་གིས་འདི་ནི་བཤོལ་བར་མི་རིགས་སོ། །སྙམ་ནས་ངེས་པར་བྱས་ཏེ། བདག་ཉིད་ངན་པ་དེ་ཆགས་པའི་སྐྱོན་གྱིས་བློ་ནི་རྨོངས། བྱས་པའི་དྲིན་ནི་མེད། ཆོས་ཀྱི་འདུ་ཤེས་ནི་ཉམས། སྙིང་རྗེ་དང་དེས་པའི་ངོ་བོ་ཉིད་ནི་རབ་ཏུ་སྤངས། ཉམ་ཆུང་ཡང་མི་དགོས་པ་བྱེད་པ་ལ་རབ་ཏུ་
[90b.5]ཆགས། རྡོ་བ་ཆེན་པོ་ཞིག་བཏེག་སྟེ། སྤྲེའུ་ཆེན་པོ་དེའི་མགོ་སྟེང་དུ་འཕང་ངོ་། །དེ་ནས་དེ་ནི་ཉམ་ཆུང་མི་བརྟན་ཞིང་། །དགོས་པ་རབ་ཏུ་ཆེ་བས་རིངས་པར་དེས། །རྡོ་དེས་གཉིད་ལས་སངས་པར་བྱ་བའི་ཕྱིར། །འཕངས་པ་བཞིན་དུ་སྤྲེའུ་དེ་གཉིད་སངས་གྱུར། །རྡོ་དེ་རིལ་གྱིས་ཕོག་
[90b.6]པར་མ་གྱུར་ནས། །དེ་ཡི་མགོ་བོ་ཕྱི་མར་མ་གྱུར་ནས། །མཐའ་མའི་ཟུར་གྱིས་དེ་ལ་རྨ་བྱུང་ནས། །རྡོ་ལེབ་སྟེང་དུ་སེར་བ་བཞིན་དུ་བབ། །རྡོ་འཕངས་པས་ནི་མགོ་བོ་མ་ཞོམ་སྟེ། །བྱང་ཆུབ་སེམས་དཔའ་མྱུར་དུ་མཆོངས་ནས་ནི། །བདག་ལ་སུ་ཞིག་གསོད་པ་ཡིན་སྙམ་བལྟས། །དེ་ཉིད་སྐྱེངས་
[90b.7]བཞིན་ཅན་དུ་འདུག་པ་མཐོང་། །སྐྱེངས་པས་གཟི་ཉམས་སྤོབས་པ་མེད་པར་གྱུར། །མི་དགའ་སྤ་གོང་མདོག་ཀྱང་ཉམས་པར་གྱུར། །སྐྲག་པར་གྱུར་པས་སྐད་འགག་ཁ་ཡང་སྐམ། །རྡུལ་གྱིས་གཤེར་ཞིང་ལྟ་ཡང་ཡོང་མ་ནུས། །དེ་ནས་སྤྲེའུ་ཆེན་པོ་དེས་བསམས་པ། འདི་ཉིད་ཀྱིས་འདི་
[91a]
[91a.1]ལྟར་བྱས་སོ་སྙམ་དུ་བློ་ལ་ངེས་པར་བྱས་ནས། བདག་སྣད་པའི་སྡུག་བསྔལ་ལ་མི་སེམས་པར། དེས་བདག་ལ་ཕན་པ་ལ་ཡང་མི་ལྟ་བར་མི་བཟོད་པའི་ལས་བྱེད་པ་དེས་ཡི་ཆད་ཅིང་སྙིང་རྗེ་སྐྱེས་ནས། ཁྲོ་བ་དང་འཁྲུག་པའི་སྐྱོན་མེད་པར་མིག་མཆི་མས་གང་བཞིན་དུ་མི་དེ་ལ།
[91a.2]བལྟས་ཏེ་མྱ་ངན་བྱེད་ཅིང་སྨྲས་པ། བཟང་པོ་ཁྱོད་ནི་མིར་གྱུར་ཀྱང་། །འདི་འདྲ་བདག་ལ་ཁྱོད་ཀྱིས་བྱས། །བྱ་བ་ཅི་ལྟར་བྱས་བསམས་ནས། །ཇི་ལྟ་བུར་ཡང་རྩོམ་པར་གྱུར། །ང་ལ་གནོད་པ་བྱེད་པ་ནི། །གཞན་དག་འོངས་ནའང་ཁྱོད་ཉིད་ཀྱིས། །བརྩོན་འགྲུས་རབ་ཏུ་བསྐྱེད་ནས་སུ། །མཐུ་རྩལ་
[91a.3]ཆེན་པོས་བཟློག་པར་རིགས། །བདག་གིས་དཀའ་བ་སྤྱད་དོ་སྙམ། །ང་རྒྱལ་སྐྱེས་པར་གྱུར་ནས་ཉལ། །ཧ་ཅང་དཀའ་བ་སྤྱད་ཁྱོད་ཀྱིས། །དེ་ཡང་རིང་དུ་སྤངས་པར་གྱུར། །འཆི་བདག་ཁ་ཡི་ནང་འདྲ་བ། །འཇིག་རྟེན་གཞན་ནས་བླངས་པ་བཞིན། །གཡང་ས་འདི་ནས་ངས་ཕྱུང་ནས། །
[91a.4]ཁྱོད་ནི་གཞན་དུ་ལྷུང་བར་འགྱུར། །སྤྱོད་པ་ངན་པ་ཁྱོད་ཅི་རུང་། །མི་ཤེས་ཤིན་ཏུ་མི་བཟད་པ། །འགྲོ་བ་བདེ་བར་འདོད་པ་རྣམས། །གང་གིས་སྡུག་བསྔལ་རྣམས་སུ་ལྷུང་། །བདག་ཉིད་ངན་འགྲོ་རྣམས་སུ་ལྷུང་། །ང་ལའང་མྱ་ངན་མེ་ཡིས་གཏོར། །གྲགས་པའི་དཔལ་ནི་མེད་པར་བྱས། །
[91a.5]ཡོན་ཏན་དགའ་བས་འགལ་བར་འགྱུར། །ངན་པར་སྨྲ་བའི་གཞིར་ཡང་གྱུར། །ཡིད་ཀྱང་བརྟན་དུ་མི་རུང་ངོ་། །ཁྱོད་ཀྱིས་དེ་ལྟར་བྱས་པ་ཡིས། །དོན་ནི་ཅི་ཞིག་གྲུབ་པར་འགྱུར། །ཇི་ལྟར་འདི་ཉིད་ང་ཡི་ཡིད་ལ་གནོད་གྱུར་པ། །དེ་ལྟར་ང་ལ་རྨ་འདིས་གནོད་པར་མི་འགྱུར་རོ། །ཁྱོད་ཀྱི་
[91a.6]ཕྱིར་ནི་ང་ཡང་སྡིག་པ་ཅན་དུ་གྱུར། །གང་ཕྱིར་འདི་ནི་ངས་ཀྱང་མེད་པར་བྱེད་མི་ནུས། །ནགས་ཁུང་སྟུག་པོ་འཇིགས་པ་མང་པོ་འདི་ནས་ཁྱོད། །གྲོང་འདབ་ལམ་དུ་བསྐྱལ་ཏེ་ཕྱིན་པར་མ་གྱུར་པ། །དེ་ཡི་བར་དུ་ང་ཡི་དྲུང་ནས་གནང་བཞིན་འདོང་། །གཏན་དུ་མ་རུངས་དོགས་པར་གྱུར་ཀྱང་ལེགས་པར་བ
[91a.7]སྐྱལ། །ཁྱོད་ནི་གཅིག་པུར་ལུས་ཀྱང་ཉམ་ཆུང་ལ། །ལམ་ཡང་མི་ཤེས་ནགས་ན་འཁྱམས་ན་ནི། །འགའ་ཞིག་འོངས་ནས་གནོད་པ་བྱེད་པར་འགྱུར། །ཁྱོད་ལ་གནོད་ན་ང་ཡང་དོན་མེད་འགྱུར། །སྤྲེའུ་ཆེན་པོ་དེས་མི་དེ་ལ་ཡང་དེ་ལྟར་བྱས་ཏེ་འཕྱས་ནས་གྲོང་འདབ་ཏུ་ཕྱིན་པར་བྱས་ཏེ་དེ་ལ་
[91b]
[91b.1]ལམ་ཡང་བསྟན་ནས་ཡང་སྨྲས་པ། ནགས་འདབ་ཉམས་དགའ་འདི་ནས་གྲོང་འདབ་ཁྱོད་ཕྱིན་གྱིས། །དགོན་པ་འགྲོ་དཀའ་འཇིགས་པ་བོར་ལ་བདེ་བར་སོང་། །སྡིག་པའི་ལས་ཀྱང་ཡོངས་སུ་སྤང་བར་འབད་པར་རིགས། །དེ་ཡི་རྣམ་པར་སྨིན་པ་ངེས་པར་སྡུག་བསྔལ་འགྱུར། །
[91b.2]དེར་སྤྲེའུ་ཆེན་པོ་དེས་མི་དེ་ལ་སྙིང་བརྩེ་བས་སློབ་མ་བཞིན་དུ་རྗེས་སུ་གདམས་ནས། སླར་ནགས་ཀྱི་ནང་དུ་སོང་ངོ་། །དེ་ནས་མི་དེས་དེ་ལྟ་བུའི་སྡིག་པའི་ལས་མི་བཟད་པ་བྱས་པས་འགྱོད་པའི་མེས་སེམས་གདུངས་ནས། དེ་མ་ཐག་ཏུ་མཛེའི་ནད་ཆེན་པོས་བཏབ། གཟུགས་ནི་གཞན་དུ་
[91b.3]གྱུར། ལུས་ཀྱི་པགས་པ་ནི་ཁྲ་བོར་སོང་། །རྨ་ཞིག་པའི་ཆུ་སེར་གྱིས་ནི་ལུས་གཤེར་བར་གྱུར། ལུས་ཀྱི་དྲི་ནི་རབ་ཏུ་མི་ཞིམ་པ་མནམ་པར་གྱུར་ཏོ། །དེ་གང་དང་གང་དུ་སོང་བ་དེ་དང་དེ་དག་ཏུ་རབ་ཏུ་འཇིགས་པར་སྣང་བས་མིའི་གཟུགས་ཡིན་པར་ཡིད་ཆེས་སུ་མི་རུང་བས། སྐད་འཛེར་
[91b.4]ཞིང་དམན་པར་སྨྲ་བ་མཐོང་ནས། མི་རྣམས་ཀྱིས་འདི་ནི་སྡིག་པ་མངོན་སུམ་དུ་འོངས་སོ་སྙམ་ནས། རྡོ་འཕན་ཞིང་དབྱུག་པས་གདེངས་ཏེ། སྐྲོད་པའི་ཚིག་རྩུབ་པོས་རབ་ཏུ་སྐྲོད་པར་གྱུར་ཏོ། །དེ་ནས་རྒྱལ་པོ་ཞིག་རི་དྭགས་བཤོར་དུ་སོང་སོང་བ་ལས་དགོན་པ་ཞིག་ན་རི་དྭགས་བཞིན་དུ་འཁྱམས་
[91b.5]པ་ཉམ་རབ་ཏུ་ཆུང་ཞིང་གོས་དྲི་མ་ཅན་གོན་པ། པ་ཆར་གྱིས་མདོམས་དཀྲིས་པ་དེ་ལྟ་ན་རབ་ཏུ་མི་སྡུག་པ་ཞིག་མཐོང་ནས། སྡངས་ཤིང་ངོ་མཚར་དུ་བཟུང་སྟེ་དྲིས་པ། མཛེ་ཡིས་ལུས་ནི་མི་སྡུག་གྱུར། །ཤུ་བས་ལུས་ཀྱི་པགས་པ་བཀྲ། །སྐྱ་བསེང་ལུས་རིད་རབ་ཏུ་དམན། །སྐྲ་
[91b.6]ནི་རྡུལ་གྱིས་གང་ཞིང་སྤགས། །ཁྱོད་ནི་སུ་ཞིག་ཡི་དྭགས་འདྲེའམ། །སྡིག་གི་གཟུགས་སམ་སྲུལ་པོའམ། །ནད་རྣམས་མང་པོའི་ཚོགས་པའམ། །ནད་ཀྱི་ནང་ན་གང་ཞིག་ཡིན། །དེས་དེ་ལ་ཕྱག་བྱས་ནས་སྐད་དམན་པས་སྨྲས་པ། རྒྱལ་པོ་ཆེན་པོ་བདག་ནི་མི་ལགས་ཏེ། མི་མ་
[91b.7]ལགས་པ་མ་ལགས་སོ། །རྒྱལ་པོས་འོ་ན་ཅིའི་ཕྱིར་འདི་ལྟར་གྱུར་ཅེས་དྲིས་པ་དང་། དེ་ལ་བདག་གིས་ཉེས་པར་སྤྱད་པ་རྣམས་སྨྲས་པ། བྱམས་ལ་སྙིང་རིང་བྱས་པ་ཡིས། །མེ་ཏོག་འདི་ནི་རེ་ཞིག་མྱོས། །དེ་བས་རབ་ཏུ་མི་བཟད་པའི། །འབྲས་བུ་གཞན་ནི་སླད་ཀྱིས་མཆིས། །
[92a]
[92a.1]དེ་བས་བྱམས་པ་སྙིང་རིང་བ། །དགྲ་བོ་བཞིན་དུ་ལྟ་བར་རིགས། །རང་བཞིན་བྱམས་པའི་མཛའ་བཤེས་ལ། །རང་བཞིན་བྱམས་པས་ལྟ་བར་མཛོད། །བྱམས་པ་རྣམས་ལ་སྡང་བར་སྤྱོད་པའི་ཚུལ་བཟུང་ནས། །ཚེ་འདི་ཉིད་ལ་འདི་འདྲའི་གནས་
[92a.2]སྐབས་མྱོང་བར་འགྱུར། །ཆགས་ལ་སོགས་པའི་སྐྱོན་གྱིས་ཡིད་ནི་རྙོག་པ་རྣམས། །བྱམས་ལ་སྙིང་རིང་འགྲོ་བ་གཞན་དུ་འདི་ལས་དཔག །མཛའ་བོ་རྣམས་ལ་སེམས་ཤིང་བྱམས་པས་གྲགས་པ་ཐོབ། །ཡིད་བརྟན་རིམ་གྲོ་བྱེད་པའི་བདེ་བའང་དེ་ལས་ཐོབ། །ངན་གྲོགས་བྱེད་
[92a.3]པའི་ཡོན་ཏན་ཐོབ་ཅིང་ཡིད་ཀྱང་དགའ། །དགྲ་རྣམས་ཀུན་གྱིས་མི་ཚུགས་མཐོ་རིས་ཐོབ་པར་འགྱུར། །བྱམས་པའི་ཕྱོགས་ལ་ལེགས་ནོངས་ཅི་མཆིས་པའི། །མཐུ་རྣམས་གྲུབ་པ་རྒྱལ་པོས་མཁྱེན་ནས་སུ། །སྐྱེ་བོ་དམ་པ་འདོད་པའི་ལམ་ལ་བརྟེན། །ལམ་དེར་སོང་ནས་འབྱོར་པ་
[92a.4]རྗེས་སུ་འབྲང་། །དེ་ལྟ་བས་ན་སྐྱེས་བུ་དམ་པ་རྣམས་ནི་གནོད་པ་བྱེད་པ་རྣམས་ལ་དགེ་བའི་ལམ་ལས་ཉམས་ན། ཇི་ལྟར་སེམས་གདུང་པར་གྱུར་པ་དེ་ཙམ་དུ་བདག་གི་སྡུག་བསྔལ་གྱིས་སེམས་གདུང་བར་མི་འགྱུར་རོ། །ཞེས་དེ་བཞིན་གཤེགས་པའི་བདག་ཉིད་ཆེ་བ་ལ་ཡང་བརྗོད་
[92a.5]པར་བྱའོ། །རིམ་གྲོ་བསྐྱེད་དེ་དམ་པའི་ཆོས་མཉན་པ་དང་། བཟོད་པའི་གཏམ་བྱ་བ་དང་། བྱམས་པ་ལ་སྙིང་ཉེ་བར་བྱ་བ་དང་། སྡིག་པའི་ལས་ཀྱི་ཉེས་དམིགས་བསྟན་པ་ལ་ཡང་བརྗོད་པར་བྱའོ། །སྤྲེའུ་ཆེན་པོར་སྐྱེས་པའི་རབས་ཏེ་ཉི་ཤུ་བཞི་པའོ།། །།བམ་པོ་དགུ་པ།
[92a.6]སྙིང་རྗེ་ཆེན་པོ་དང་ལྡན་པ་རྣམས་ནི་བདག་ལ་གསོད་པར་བྱེད་པ་རྣམས་ཀྱང་ཉམས་ཉེས་པར་གྱུར་ན་སྙིང་བརྩེ་བར་བྱེད་ཀྱི་ཡལ་བར་མི་དོར་རོ། །དེ་ཡང་འདི་ལྟར་བྱང་ཆུབ་སེམས་དཔའ་རེ་ཞིག་ཅིག་འབྲོག་དགོན་པ་མིའི་རྒྱུན་ལྷུང་མེད་ཅིང་སྒྲ་མི་གྲག་པ། རི་དྭགས་ཀྱི་རིགས་མང་པོ་གནས་པ་ཤིང་གི་རྩ་
[92a.7]བ་དང་ལྡུམ་བུ་མང་པོ་རྩྭ་སྟུག་པོའི་ནང་དུ་ནུབ་པ། མགྲོན་པོ་རྣམས་ཀྱི་ཤིང་རྟ་དང་བཞོན་པའི་རྐང་པས་ལམ་གྱི་སྲོལ་མ་བཏོད་པ། འབབ་ཆུ་འབབ་པ་དང་། གྲོག་མཁར་དང་། གད་པ་དག་གིས་ས་གཞིའི་ཕྱོགས་མི་བདེ་བ་ཞིག་ན་རི་དྭགས་ཤ་ར་བྷ་སྟོབས་རྩལ་དང་། མགྱོགས་པ་དང་། སེམས་
[92b]
[92b.1]སྟོབས་ཕུན་སུམ་ཚོགས་ཤིང་ལུས་སྲབ་པ་དང་ལྡན་པ་ཞིག་ཏུ་གྱུར་ཏོ་ཞེས་གྲགས་སོ། །དེ་སྙིང་རྗེ་ལ་གོམས་པ་དང་སེམས་ཅན་རྣམས་ལ་གནོད་པ་མི་བྱེད་ཅིང་རྩྭ་དང་ལོ་མ་དང་ཆུ་ཙམ་གྱིས་འཚོ་བ་ཆོག་ཤེས་པའི་ཡོན་ཏན་གྱིས་དགོན་པ་ན་གནས་པ་ལ་དགའ་བའི་བློ་དང་ལྡན་པའི་རྣལ་འབྱོར་པ་རབ་ཏུ་
[92b.2]དབེན་པ་ལ་དགའ་བ་བཞིན་དུ་འབྲོག་དགོན་པ་དེ་ན་བརྒྱན་ཏེ་གནས་པར་གྱུར་ཏེ། །རི་དྭགས་ལུས་ལ་མི་ལྟར་བརྟན་པའི་སེམས། །དཀའ་ཐུབ་ཅན་བཞིན་འགྲོ་བ་རྣམས་ལ་བརྩེ། །ནགས་ཚལ་དབེན་པ་དེར་ནི་དེར་གནས་པ། །རྣལ་འབྱོར་ཅན་བཞིན་རྩྭ་མཆོག་དག་གིས་མགུ། །དེ་ནས་
[92b.3]རེ་ཞིག་ཅིག་ཡུལ་དེ་ལ་དབང་བའི་རྒྱལ་པོ་ཤིང་རྟ་བཟང་པོ་ལ་ནི་ཞོན། ལག་ན་མདའ་གཞུ་ཐོགས་ཏེ། བདག་ཉིད་རི་དྭགས་ལ་འཕོང་སྐྱེན་ནམ་མི་སྐྱེན་ཚད་པའི་ཕྱིར་ཆགས་པའི་དབང་གིས་རི་དྭགས་བསྙེགས་པ་དང་། རྟ་རབ་ཏུ་མགྱོགས་པས་རྟ་དང་། གླང་པོ་ཆེ་དང་། ཤིང་རྟ་དང་། རྐང་ཐང་
[92b.4]གི་ཚོགས་རྣམས་རྒྱང་རིང་པོར་ལུས་བཞིན་དུ་ཕྱོགས་དེར་འོངས་པ་དང་། རྒྱང་རིང་པོ་ནས་སེམས་དཔའ་ཆེན་པོ་དེ་མཐོང་ནས་བསད་པར་བསམས་ཏེ། མདའ་མདེའུ་རྣོན་པོ་ཅན་ཕྱུང་ནས། བདག་ཉིད་ཆེན་པོ་གང་ན་འདུག་པ་དེའི་ཕྱོགས་སུ་རྟ་མགྱོགས་པ་དེ་བརྒྱུགས་པ་དང་། དེ་ནས་བྱང་
[92b.5]ཆུབ་སེམས་དཔས་རྒྱལ་པོ་དེ་རྟ་མགྱོགས་པ་ལ་ཞོན་ཏེ་མདའ་གཞུ་ཐོགས་ནས་བསྙེགས་པ་མཐོང་བ་དང་། སླར་རྒོལ་བར་ནུས་སུ་ཟིན་ཀྱང་གྱ་ཚོམ་དུ་རྒོལ་བ་སྤང་བའི་ཕྱིར། རབ་ཏུ་མགྱོགས་པའི་ཤུགས་ཀྱིས་བརྒྱུགས་ཏེ་སོང་ངོ་། །དེ་རྟ་བཟང་དེས་བསྙེགས་པ་དང་ལམ་ཀ་ན་གྲོག་རོང་ཆེན་
[92b.6]པོ་ཅིག་ཡོད་པ་ལ་བ་གླང་གི་རྗེས་ལ་བྱ་བ་བཞིན་དུ་མཆོངས་ནས་བྲོས་ཏེ་སོང་ངོ་། །དེ་ནས་རྟ་དེ་རི་དྭགས་ཤ་ར་བྷ་བྲོས་པའི་ལམ་དེ་ཉིད་དུ་མགྱོགས་པར་པ་དང་། གྲོག་རོང་དེ་ལ་ཐུག་ནས་མཆོངས་མ་ནུས་ནས་འཐེན་ནོ། །དེ་ནས་རྟ་ཡི་ཐོག་ནས་རྒྱལ་པོ་མཚོན་ཆར་བཅས་པ་སྟེ། །གྲོག་
[92b.7]རོང་ཆེན་པོའི་ནང་དུ་ལྷུང་། །ལྷ་མིན་དམག་མི་མཚོར་ལྷུང་བཞིན། །དེ་ཡི་མིག་ནི་རི་དྭགས་དེ་ལ་ཡེངས། །གྲོག་རོང་དེ་ཡང་མཐོང་བར་མ་གྱུར་ཞིང་། །མི་བརྟན་སྐྱོན་གྱིས་རྟ་ཡི་གོང་ནས་གཡོས། །རྟ་མགྱོགས་ཤུགས་ཀྱིས་རྒྱལ་པོ་ལྷུང་བར་གྱུར། །དེ་ནས་བྱང་ཆུབ་སེམས་དཔས་རྟའི་
[93a]
[93a.1]རྨིག་པའི་སྒྲ་མི་གྲགས་པ་དང་། ཅི་རྒྱལ་པོ་དེ་སླར་ལོག་གམ་སྙམ་དུ་རྟོག་པ་སྐྱེས་ཏེ་སླར་བལྟས་པ་དང་། རྟ་ཞོན་པ་མེད་པར་གྲོག་རོང་ཁ་ན་འདུག་པ་མཐོང་ངོ་། །དེས་བསམས་པ། རྒྱལ་པོ་དེ་གྲོག་རོང་གི་ནང་དུ་ལྷུང་གོར་མ་ཆག་གོ་སྙམ་མོ། །འདི་
[93a.2]ན་ངལ་བསོ་རུང་བའི་རྟེན་ནམ། ཤིང་དྲུང་གྲིབ་མ་སྟུག་པོ་ཅན་ནམ། ཨུཏྤ་ལའི་འདབ་མ་སྔོན་པོ་འདྲ་བའི་མཚོ་ཡང་མེད། འདི་ལྟ་བུའི་འབྲོག་དགོན་པ་གཅན་གཟན་ཁྲོ་བོ་རྣམས་རྒྱུ་བ་ན་རྟ་བཞག་སྟེ་ངལ་བསོ་ཞིང་འདུག་པའི་གནས་ཀྱང་མེད། རི་དྭགས་བཤོར་དུ་ཡང་མེད། གབ་ཏུ་
[93a.3]རུང་བའི་རྩྭ་མཐུག་པོ་ཡང་ཅུང་ཟད་ཀྱང་མེད་དེ། །དེ་བས་ན་རྒྱལ་པོ་དེ་ནི་གདོན་མི་ཟ་བར་གྲོག་རོང་འདིའི་ནང་དུ་ལྷུང་བར་གྱུར་ཏོ་སྙམ་མོ། །བདག་ཉིད་ཆེན་པོ་དེས་དེ་ལྟར་ངེས་པར་གྱུར་ནས། དེས་བདག་གསོད་པ་ལ་འོངས་པ་ཡིན་ཀྱང་། དེ་ལ་སྙིང་རྗེ་ཆེན་པོ་སྐྱེས་པར་གྱུར་ཏོ། །དེ་ཉིད་
[93a.4]རྒྱལ་མཚན་བཟང་པོའི་རྒྱན་རྣམས་དང་། །ཕུབ་དང་མཚོན་ཆ་མང་པོས་རྣམ་པར་མཛེས། །རྟ་དང་གླང་ཆེན་ཤིང་རྟ་རྐང་ཐང་དང་། །སིལ་སྙན་སྣ་ཚོགས་སྒྲ་སྒྲོགས་དཔུང་དག་གིས། །ཕྱི་བཞིན་བསྐྱལ་ཞིང་མཛེས་པའི་གདུགས་ཀྱིས་བསྐྱབས། །གཡག་རྔའི་བསིལ་གཡབ་གཡོབ་
[93a.5]པས་མཛེས་པར་བྱས། །སྐྱེ་བོ་མང་པོས་ལྷ་ཡི་དབང་པོ་བཞིན། །མཆོད་པའི་རྒྱལ་སྲིད་བདེ་བ་མྱོང་གྱུར་ནས། །དེ་རིང་ཁོ་ནར་གཡང་ས་ཆེན་པོར་ལྷུང་། །ལྷུང་བའི་ཤུགས་ཀྱིས་ཡན་ལག་གྲུགས་པར་གྱུར། །རྒྱལ་བར་གྱུར་ཏམ་ཡང་ན་མྱ་ངན་བྱེད། །ཀྱེ་མའོ་
[93a.6]མཚར་བྱས་ཉོན་མོངས་རང་བཞིན་གྱུར། །སྡུག་བསྔལ་མ་མྱོང་རབ་ཏུ་གཞོན་ཤ་ཅན། །ཡ་རབས་རྣམས་ལ་ཉམས་ཉེས་གནོད་པ་བཞིན། །མ་རབས་རྣམས་ལ་རྨ་རྙིང་སོས་འདྲ་བར། །སྡུག་བསྔལ་རྣམས་ཀྱིས་དེ་ལ་གནོད་མི་འགྱུར། །དེ་བས་ན་འདི་ནས་བདག་རང་ཐར་
[93a.7]བར་ནི་མི་ནུས་ཏེ། སྲོག་གི་ལྷག་མ་ཙམ་ཅིག་ལུས་སུ་ཟིན་ཀྱང་འདི་ཡལ་བར་འདོར་བར་མི་རིགས་སོ་སྙམ་ནས། བདག་ཉིད་ཆེན་པོ་དེ་སྙིང་རྗེས་སེམས་དྲངས་ནས་གཡང་སའི་འགྲམ་དུ་ཕྱིན་པ་དང་། དེ་དེ་ན་འཐབ་བེེར་ནི་རྡུལ་གྱིས་གཡོགས། ཐོད་བཅིངས་པ་ནི་ཞིག །གཡང་སར་
[93b]
[93b.1]ལྷུང་སྟེ་སྣད་པའི་ཚོར་བ་མྱོང་བས་ནི་སེམས་ལ་ཁྱབ་པར་གྱུར་ཏེ། འགྲེ་ཞིང་འདུག་པ་མཐོང་ངོ་། །གྲོག་རོང་དེ་ཡི་ནང་ན་འགྲེ་ཞིང་འདུག་པ་ཡི། །རྒྱལ་པོ་མཐོང་ནས་མིག་ནི་མཆི་མས་གང་། །སྙིང་རྗེའི་དབང་གིས་དགྲ་ཡི་འདུ་ཤེས་བརྗེད། །དེ་ཡི་སྡུག་བསྔལ་ཐུན་མོང་ཉིད་དུ་
[93b.2]གྱུར། །སྐྱེ་བོ་དགེ་བའི་རང་བཞིན་སྟོན་བྱེད་ཅིང་། དབུགས་འབྱིན་འགྱུར་བ་འཇམ་ཞིང་གསལ་བའི་ཚིག །ཞེ་སར་བཅས་ཤིང་ཡིད་དུ་འོང་བ་ཡིས། །ཡ་རབས་ཚུལ་བཞིན་དེ་ལ་འདི་སྐད་སྨྲས། །རྒྱལ་པོ་ཆེན་པོ་སྣད་པར་མ་གྱུར་ཏམ། །གཡང་ས་ཟབ་མོ་འདིར་ནི་ལྷུང་བ་
[93b.3]ཡིས། །ལུས་ལ་ཆག་གྲུགས་བྱུང་བར་མ་གྱུར་ཏམ། །ཁྱོད་ཀྱི་ནད་རྣམས་རྒྱས་པར་མ་གྱུར་ཏམ། །མི་ཡི་བདག་པོ་བདག་ནི་གཞན་མ་ལགས། །ཁྱོད་ཀྱི་ཡུལ་ན་གནས་པའི་རི་དྭགས་ལགས། །ཁྱོད་ཀྱི་རྩྭ་དང་ཆུ་ཡིས་བདག་སྐྱེད་བསྐྱེད། །དེ་བས་བདག་ལ་བག་ནི་ཕབ་པར་
[93b.4]རིགས། །གཡང་སར་ལྷུང་བས་མི་དགྱེས་མ་མཛད་ཅིག །ཁྱོད་ནི་འདི་ནས་བདག་གིས་དབྱུང་བར་ནུས། །བདག་ལ་ཐུགས་རྗེས་རུང་བར་དགོངས་ནས་སུ། །འོ་ན་བདག་མཆིས་མྱུར་དུ་བཀའ་སྩོལ་མཛོད། །དེ་ནས་རྒྱལ་པོ་དེས་དེ་སྐད་སྨྲ་བ་རབ་ཏུ་ངོ་མཚར་ཆེ་བར་གྱུར་པ་དེས་ཡ་
[93b.5]མཚན་དུ་གྱུར་ཞིང་སེམས་མགུ་ཡང་ངོ་ཚ་སྐྱེས་ཏེ་བདེན་ནམ་རྫུན་སྙམ་ནས་བསམས་པ། དགྲ་ལ་རྒོལ་བར་ནུས་བཞིན་དུ། །བདག་ལ་ཇི་ལྟར་སྙིང་རྗེ་སྐྱེས། །བདག་གིས་གནོད་པར་བྱས་པའང་ཤེས། །སྐྱོན་མེད་འདི་ནི་སུ་ཞིག་ཡིན། །ཨེ་མ་ཧོ་འཇམ་ཞིང་རྣོ་བ་ཡི། །ལས་ཀྱིས་
[93b.6]བདག་ནི་བསྐུལ་བར་གྱུར། །བདག་ཉིད་ཕྱུགས་སམ་རི་དྭགས་ཡིན། །རི་དྭགས་གཟུགས་ཅན་འདི་ནི་གཞན། །དེ་བས་ན་འདིས་བག་ཕབ་སྟེ་སྨྲས་པ་འདི་བཞིན་དུ་བྱ་བར་རིགས་སོ་སྙམ་ནས་དེ་ལ་སྨྲས་པ། འཐབ་བེར་མཐུག་པོ་བགོས་པས་ན། །བདག་གི་ལུས་འདི་ཆེར་མ་སྣད། །
[93b.7]གཡང་ས་ན་ནི་ལྷུང་བ་ཡིས། །ཅུང་ཟད་སྣད་པ་བདག་གིས་བཟོད། །ཁྱོད་ལྟར་དགེ་བར་སེམས་པ་ལ། །ནོངས་པ་བགྱིས་པའི་སྡུག་བསྔལ་ཙམ། །གཡང་ས་ན་ནི་ལྷུང་བ་ཡི། །སྡུག་བསྔལ་བདག་ལ་ག་ལ་མཆིས། །གཟུགས་ཀྱི་རྐྱེན་གྱིས་རི་དྭགས་ལྟར། །བདག་གིས་ཁྱོད་
[94a]
[94a.1]ནི་མཐོང་བར་གྱུར། །ཁྱོད་ཀྱི་རང་བཞིན་མ་འཚལ་བ། །དེ་ནི་ཐུགས་ལ་མ་བཅངས་ཤིག །དེ་ནས་རྒྱལ་པོ་དེ་ཡི་ཚིག །དགའ་བར་སྟོན་པ་སྨྲས་པ་དེས། །གྲོག་རོང་ནས་དབྱུང་བར་འདོད་པ་ཤ་ར་བྷས་རིག་ནས། རྡོ་བ་མིའི་ལྗིད་ཙམ་དུ་ལྗི་བ་གཅིག་ལ་ཚད་
[94a.2]དེ་དབྱུང་ནུས་པར་གོམས་པར་བྱས་ནས། བདག་གི་སྟོབས་ཀྱི་ཉམས་དྲོད་རིག་པ་དང་། རྒྱལ་པོ་དེ་དབྱུང་བར་ཆས་ཏེ། གྲོག་རོང་དེའི་ནང་དུ་ཞུགས་ནས་དེའི་དྲུང་དུ་འོངས་ནས་གུས་པར་སྨྲས་པ། བདག་ལ་ཕན་པར་གྱུར་པར་གཟིགས་ནས་སུ། །དགྱེས་ཤིང་དང་བའི་ཞལ་གྱིས་མངོན་ཕྱོགས་
[94a.3]པ། །དེ་ཡི་བར་དུ་བདག་དུལུས་རེག་པ་འདི། །དགོས་པའི་དབང་གིས་རེ་ཞིག་བཟོད་པར་མཛོད། །རྒྱལ་པོ་ཆེན་པོ་དེ་བས་ན་བདག་གི་རྒྱབ་ཏུ་བཅིབས་ལ་བདག་ལ་ལེགས་པར་འཇུས་ཤིག་ཅེས་སྨྲས་པ་དང་། དེས་ཀྱང་དེ་བཞིན་དུ་བགྱིའོ་ཞེས་མཉན་ནས་རྟ་ལ་ཞོན་པ་བཞིན་དུ་དེ་ལ་ཞོན་ནོ། །
[94a.4]དེ་ནས་རོ་སྟོད་གྱེན་དུ་མངོན་བསྟོད་ནས། །མི་ཡི་བདག་པོས་ལེགས་པར་ཞོན་པ་དང་། །སྙིང་སྟོབས་ཆེན་པོ་དྲག་པོའི་ཤུགས་ཀྱིས་མཆོངས། །རྟ་བབས་རྒྱན་བཞིན་སྟེང་དུ་བྱུང་བར་གྱུར། །དེ་ནས་རྒྱལ་པོ་གྲོག་རོང་ནས་ཕྱུང་བ་དང་། དགའ་བར་གྱུར་ནས་རྟ་ཡང་བླངས་ཏེ་བྱིན། །རང་གི་
[94a.5]ཁྱིམ་དུ་འགྲོ་བའི་ལམ་བསྟན་ནས། །ནགས་ཚལ་ནང་དུ་འགྲོ་བར་ཆས་པར་གྱུར། །དེ་ནས་རྒྱལ་པོ་དེ་བྱས་པ་དྲིན་དུ་གཟོ་བས། དེའི་ཕན་བཏགས་པའི་དུལ་ཞིང་འཇམ་པ་དེས་སེམས་རབ་ཏུ་དགའ་བར་གྱུར་ནས། ཤ་ར་བྷ་ལ་མགུལ་ནས་འཁྱུད་དེ་སྨྲས་པ། བདག་གི་སྲོག་ཀྱང་རི་དྭགས་
[94a.6]ཁྱོད་མངའ་ན། །བདག་ལ་བཟློག་པ་གཞན་ལྟ་ཅི་ཞིག་སྨོས། །དེས་ན་བདག་གི་ཁྱིམ་འདི་གཟིགས་པར་རིགས། །བཞུགས་སུ་གནང་ན་དེ་ན་བཞུགས་སུ་གསོལ། །ནགས་ཚལ་རྔོན་པ་གང་ཞིག་འཇིགས་དང་བཅས། །གྲང་དང་ཚ་དང་ཆར་འབབ་སྡུག་བསྔལ་ཅན། །འདི་ལྟ་བུར་
[94a.7]ནི་བདག་གིས་ཁྱོད་བོར་ནས། །བདག་ནི་གཅིག་པུར་ཁྱིམ་དུ་འགྲོ་མི་རིགས། །དེ་བས་ན་འོ་སྐོལ་འགྲོགས་ཏེ་བཞུད་ཀྱིས་ཚུར་སྤྱོན་ཞེས་སྨྲས་པ་དང་། དེ་ནས་བྱང་ཆུབ་སེམས་དཔའ་འདུལ་ཞིང་འཇམ་པའི་ཚིག་གིས་མགུ་བར་བྱས་ནས་དེ་ལ་སླར་སྨྲས་པ། མི་མཆོག་ཡོན་ཏན་
[94b]
[94b.1]དགའ་བ་ཁྱོད་ལྟ་བུ། །ཉིད་ལ་ཚུལ་འདི་རབ་ཏུ་རིགས་པ་ལགས། །གོམས་པར་བྱས་པས་སྐྱེ་བོ་དམ་པ་རྣམས། །ཡོན་ཏན་མང་པོ་རང་གི་ངང་དུ་གྱུར། །གལ་ཏེ་བདག་ལ་ཕན་བཏགས་བཞེད་ན་ནི། །བདག་ཅག་ཁྱིམ་ན་མི་གནས་ནགས་ན་གོམས། །དེ་བས་མི་རྣམས་བདེ་བའང་
[94b.2]གཞན་ཁྱིམ་ལགས། །རི་དྭགས་རིགས་དང་མཐུན་པའི་བདེ་བའང་གཞན། །གལ་ཏེ་བདག་ནི་དགའ་བར་ཁྱོད་བཞེད་ན། །དཔའ་བོ་ཁྱོད་ཀྱིས་རྔོན་པའི་ཕྲིན་ལས་སྤངས། །དུད་འགྲོའི་རང་བཞིན་སེམས་ནི་གླན་པ་ཅན། །རི་དྭགས་ཉོན་མོངས་རྣམས་ལ་སྙིང་རྗེ་མཛོད། །བདེ་ལ་
[94b.3]གནས་དང་སྡུག་བསྔལ་བྲལ་འདོད་པ། །སེམས་ཅན་ཐམས་ཅད་མཚུངས་པར་ཐུགས་ལ་དགོངས། །དེ་བས་བདག་ཉིད་མི་འདོད་གང་ཡིན་པ། །དེ་དག་གཞན་ལ་བགྱི་བར་མི་རིགས་སོ། །གྲགས་པ་མེད་ཅིང་དམ་པས་སྨད་པར་འགྱུར། །སྡུག་བསྔལ་སྡིག་ལས་བྱུང་བར་རིག་
[94b.4]ནས་ནི། །དགྲ་བོའི་ཕྱོགས་བཞིན་སྡིག་པ་སྤོང་བར་མཛོད། །དེ་ནི་རང་བཞིན་ཡལ་བར་དོར་མི་རིགས། །གང་ལ་བརྟེན་ནས་དཔལ་གྱི་གནས་གྱུར་པ། །འཇིག་རྟེན་བསྔགས་པའི་རྒྱལ་སྲིད་ཐོབ་འགྱུར་བའི། །བསོད་ནམས་དེ་ཉིད་རྣམ་པར་འཕེལ་བར་མཛོད། །ཕན་
[94b.5]འདོགས་ཕྱོགས་ནི་སྤོང་བར་ཡོང་མི་རིགས། །དུས་སུ་རིམ་གྲོ་བྱས་པའི་སྦྱིན་པ་རྒྱ་ཆེན་དང་། །སྐྱེ་བོ་དགེ་དང་མཐུན་པའི་ཚུལ་ཁྲིམས་བརྟན་པ་དང་། །བདག་དང་གཞན་ལ་ཕན་པ་བསྒྲུབ་པའི་བློས། །བདེ་བ་བསྒྲུབ་དང་གྲགས་དང་བསོད་ནམས་སོགས། །དེ་ལྟར་བདག་ཉིད་ཆེན་པོ་
[94b.6]དེས་རྒྱལ་པོ་དེ་ལ་ཚེ་འདི་དང་ཚེ་ཕྱི་མའི་དོན་དུ་བྱ་བ་ལ་ཕན་ནི་བཏགས། རྒྱལ་པོ་དེས་ཀྱང་དགོས་པའི་ཚིག་མཉན་ཏེ་རབ་ཏུ་གུས་པས་ལྟ་བཞིན་དུ་ནགས་ཚལ་དེ་ཉིད་ཀྱི་ནང་དུ་བཞུད་དེ་སོང་ངོ་། །དེ་ལྟ་བས་ན་སྙིང་རྗེ་ཆེན་པོ་རྣམས་ནི་བདག་ལ་གནོད་པར་བྱེད་པ་རྣམས་ཀྱང་ཉམས་ཉེས་པར་གྱུར་ན་
[94b.7]སྙིང་བརྩེ་བར་བྱེད་ཀྱི་ཡལ་བར་མི་དོར་རོ། །དེ་བཞིན་དུ་སྙིང་རྗེ་ཆེན་པོའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །དེ་བཞིན་གཤེགས་པའི་ཡོན་ཏན་བསྔགས་པ་དང་། རིམ་གྲོ་བསྐྱེད་དེ་དམ་པའི་ཆོས་མཉན་པ་དང་། འཁོན་མེད་པར་བྱས་ན་དགྲ་ཞི་བར་འགྱུར་བའི་དཔེ་དང་།
[95a]
[95a.1]བཟོད་པའི་གཏམ་བྱ་བ་ལ་ཡང་སྦྱར་བར་བྱ་སྟེ། དུད་འགྲོར་གྱུར་པ་རྣམས་ཀྱང་འདི་ལྟར་བདག་གསོད་པ་ལ་སྙིང་རྗེ་བྱེད་པ་ཡོད་ན། མིར་གྱུར་པའམ་རབ་ཏུ་བྱུང་བར་ཁས་འཆེས་པ་ལ་སེམས་ཅན་རྣམས་ལ་སྙིང་རྗེ་མེད་ན་ལྟ་ག་ལ་རུང་ཞེས་སྲོག་ཆགས་རྣམས་ལ་
[95a.2]སྙིང་རྗེ་དང་ལྡན་པར་བྱ་ཞེས་ཀྱང་བརྗོད་པར་བྱའོ། །རི་དྭགས་ཤ་ར་བྷར་སྐྱེས་པའི་རབས་ཏེ་ཉི་ཤུ་ལྔ་པའོ།། །།དགེ་བ་རྣམས་ནི་གཞན་སྡུག་བསྔལ་བ་ཉིད་ཀྱིས་བདག་སྡུག་བསྔལ་ཏེ་དེ་མི་བཟོད་ཀྱི་བདག་གི་སྡུག་བསྔལ་བཟོད་པ་ནི་མ་ཡིན་ནོ། །དེ་ཡང་འདི་ལྟར་བྱང་ཆུབ་
[95a.3]སེམས་དཔའ་རེ་ཞིག་ཅིག་དགོན་པའི་ནགས་ཚལ་ཆེན་པོའི་ཤིང་སཱ་ལ་དང་། བ་ཀུ་ལ་དང་། པི་ཡ་ལ་དང་། ཧི་ན་ཏ་ལ་དང་། མུ་ལེ་གྲུམ་ཤིང་དང་། ཏ་མ་ལ་དང་། ནག་ཏ་ལ་དང་། བི་དུ་ལ་དང་། ནི་ཙུ་ལ་མང་པོ་དང་། ཤིང་ཤ་པ་དང་། ཨ་ཏི་ནི་ཤ་དང་། ཤ་མི་དང་། པ་
[95a.4]ལ་ཤ་དང་། རྩྭ་ཀ་ཤ་དང་། ཀུ་ཤ་དང་། འོད་མ་དང་། སྨྱུག་མའི་ནགས་ཚལ་སྟུག་པོ་ཅན་དང་། ཤིང་ཀ་དམ་པ་དང་། སརྫ་དང་། ཨརྫུ་ན་དང་། དྷ་བ་དང་། སེང་ལྡེང་དང་། ཀུ་ཊ་ཛ་སྟུག་པོ་ཡོད་པ། ཤིང་ལྗོན་པ་ལྡུམ་བུ་མང་པོ་འཁྲི་ཤིང་སྣ་ཚོགས་ཀྱིས་དཀྲིས་པ། རི་དྭགས་
[95a.5]རུ་རུ་དང་། པྲྀ་ཥ་ཏ་དང་། སྲི་མ་ར་དང་། གཡག་རྒོད་དང་། གླང་པོ་ཆེ་དང་། བ་མན་དང་། མ་ཧེ་དང་། དགོ་བ་དང་། ནྱ་ཀུ་དང་། ཕག་རྒོད་དང་། སྟག་དང་། གཟིག་དང་། སེང་གེ་དང་། སྤྱང་ཀི་དང་། དོམ་དང་། དྲེད་ལ་སོགས་པ་མང་པོ་རྒྱུ་བ། མིའི་རྒྱུན་ལུགས་མེད་
[95a.6]པའི་ས་ཕྱོགས་ཅིག་ན། རི་དྭགས་རུ་རུ་གསེར་བཙོ་མའི་ཁ་དོག་གསལ་བ་འདྲ་བ། སྤུ་རབ་ཏུ་འཇམ་པ། ལུས་ཀྱི་མདོག་རིན་པོ་ཆེ་ཨན་ད་རྙིལ་དང་། མར་གད་དང་། བེེ་ཌཱུརྱའི་ཁ་དོག་འདྲ་བའི་ཚོན་སྣ་ཚོགས་ཀྱི་ཐིག་ལེས་བརྒྱན་པ། མིག་གི་དཀྱུས་ནི་རིང་ཞིང་བཀྲག་བཟང་བ།
[95a.7]རྭ་དང་རྨིག་པ་རིན་པོ་ཆེ་ལྟར་འཇམ་ཞིང་འོད་དང་ལྡན་པ། གཟུགས་བལྟ་ན་རབ་ཏུ་སྡུག་པ། རིན་པོ་ཆེའི་འབྱུང་གནས་འགྲོ་ཤེས་པ་འདྲ་བ་ཅིག་ཏུ་གྱུར་ཏོ་ཞེས་གྲགས་སོ། །དེ་ཡང་རང་གི་ལུས་ཆགས་སུ་རུང་བ་དང་སྐྱེ་བོ་རྣམས་སྙིང་རྗེ་ཆུང་བར་ཤེས་ནས། ནགས་ཚལ་
[95b]
[95b.1]སྟུག་པོ་སྐྱེ་བོ་མེད་པ་དག་ན་ཉམས་དགའ་བར་འདུག་གོ། །དེ་སེམས་རྣོ་བས་ཕྱོགས་གང་དང་གང་ན་རྔོན་པ་རྣམས་རྒྱུ་བ་དང་། འཁྲུལ་འཁོར་དང་། གཏོར་དང་། རྒྱ་མོ་དང་། རྙི་བཅུགས་པ་དང་། རྙོང་དང་། ཤིང་གི་ཝ་དང་འཛོལ་རྣམས་ལེགས་པར་སྤངས་ནས་རི་
[95b.2]དྭགས་མང་པོ་རྗེས་སུ་འབྲང་བ་རྣམས་ལ་ཡང་སློབ་དཔོན་དང་ཕ་མ་བཞིན་དུ་སློབ་པ་དང་། རི་དྭགས་རྣམས་ཀྱི་བདག་པོ་བྱེད་ཅིང་འདུག་གོ། །གཟུགས་དང་ཤེས་པ་ཕུན་སུམ་ཚོགས། །བྱ་བ་རྣམས་ལ་མཁས་པས་བརྒྱན། །བདག་ལ་ཕན་འདོད་སྐྱེ་བོ་ལ། །མཆོད་པ་མི་བྱེད་སུ་ཞིག་
[95b.3]ཡོད། །དེ་ནས་རེ་ཞིག་ཅིག་བདག་ཉིད་ཆེན་པོ་དེ་ནགས་ཚལ་སྟུག་པོ་དེ་ན་གནས་བཅས་ཤིང་འདུག་འདུག་པ་ལས། དེ་དང་ཉེ་བ་ཅིག་ན་འབབ་པའི་ཆུ་གསར་དུ་བབ་པས་གང་བ་རབ་ཏུ་ཤུགས་དྲག་པོས་མི་ཞིག་ཁྱེར་ནས་ངུ་ཞིང་འབོད་པའི་སྒྲ་ཐོས་པར་གྱུར་ཏོ། །ཆུ་ཆེན་འབྲུབ་པ་རབ་ཏུ་
[95b.4]དྲག་པོ་ཡིས། །ཁྱེར་ནས་མགོན་མེད་གཟིངས་ཀྱང་ཡོད་མ་ཡིན། །བདག་ལྟར་ཕོངས་ཤིང་ཉམ་ཐག་བསྒྲལ་བའི་ཕྱིར། །སྡུག་བསྔལ་བྱམས་པས་མྱུར་དུ་བརྒྱུགས་ཏེ་བཟུང་། །ད་ནི་ཤོལ་དུ་རུང་བ་མ་ཡིན་ཏེ། །ངལ་ཞིང་དུབ་པས་དཔུང་པའང་འགྱུར་མི་ནུས། །ཟུག་ཅིང་
[95b.5]འབོག་ཏུ་རུང་བའང་ཅུང་ཟད་མེད། །དེ་བས་བརྒྱུགས་ཏེ་འོང་བའི་དུས་ལ་བབ། །དེ་ནས་བྱང་ཆུབ་སེམས་དཔའ་དེས་སྙིང་རྗེ་རྗེ་སྐད་དུ་ངུ་ཞིང་འབོད་པའི་སྒྲ་དེས་སྙིང་ལ་བརྡེག་པ་བཞིན་དུ་གྱུར་ནས། མ་འཇིགས་མ་འཇིགས་ཞེས་ཟེར་བའི་ཚིག་འཇིགས་པ་དང་། མི་དགའ་བ་དང་།
[95b.6]ངལ་བ་དུབ་པ་མེད་པར་བྱེད་པ་ལོ་བརྒྱ་གོམས་པར་བྱས་པ་གསལ་བར་གསང་བསྟོད་དེ་སྙིང་རྗེས་གདུངས་ནས་མིའི་སྐད་དུ་ཕྱུང་སྟེ། །ནགས་ཚལ་སྟུག་པོ་དེ་ནས་བྱུང་བ་དང་ཐག་རིང་པོ་ནས་མི་དེ་ཆུས་ཁྱེར་བ་ཡིད་དུ་འོང་བའི་སྐྱེས་བསྐུར་ཏེ་བཏང་བ་བཞིན་དུ་འོང་བ་མཐོང་ངོ་། །དེ་ནས་དེ་
[95b.7]བསྒྲལ་ཕྱིར་ནི་ངས་བྱས་པས། །བདག་སྲོག་ཡལ་བར་བོར་ཡང་མི་སེམས་པར། །དེ་ནི་འབབ་ཆུ་དྲག་པོའི་འཇིང་དེར་ཞུགས། །དགྲ་ཡི་དཔུང་རྣམས་འཇོམས་པའི་དཔའ་བོ་བཞིན། །དེ་ནས་ལུས་ཀྱིས་དེ་ཡི་ལམ་བཀག་ནས། །ང་ལ་འཇུས་ཞེས་དེ་ལ་ཚིག་ཏུ་སྨྲས། །སྐྲག་
[96a]
[96a.1]པས་ཉན་ལ་ངལ་བས་ཡན་ལག་འཁུམས། །དེ་ནི་དེ་ཡི་རྒྱབ་ཏུ་ཞོན་པར་གྱུར། །མི་དེའི་ལྗིད་ཀྱིས་རབ་ཏུ་ནོན་གྱུར་ཞིང་། །འབབ་ཆུ་དྲག་པོའི་ཤུགས་ཀྱིས་བདས་གྱུར་ཀྱང་། །དཔའ་སྙིང་བརྟན་ལ་རྩོལ་བ་དྲག་པོ་ཡིས། །ཡིད་དུ་འོང་བའི་འགྲམ་དུ་
[96a.2]མ་ཉམས་ཕྱིན། །དེ་ནས་མི་དེ་འགྲམ་དུ་ཕྱིན་པར་བྱས་ནས་སུ། །རབ་ཏུ་དགའ་བས་ངལ་བའི་སྡུག་བསྔལ་མེད་པར་གྱུར། །བདག་གི་དྲོད་ཀྱིས་དེ་ཡི་གྲང་བ་མེད་པར་བྱས། །ལམ་ཡང་བསྟན་ནས་དེ་ལ་སོང་ཞེས་སྨྲས་པས་བཏང་། །དེ་ནས་མི་དེ་དེས་གྲོགས་བྱས་ཤིང་ཕན་
[96a.3]བཏགས་པ་དེ་ལྟ་བུ་ཉེ་དུ་དང་གྲོགས་པོ་མཛའ་བོ་སུ་ལ་ཡང་མེད་པར་རབ་ཏུ་ངོ་མཚར་ཆེ་བ་དེས་སེམས་ནི་རབ་ཏུ་མགུ་བར་གྱུར། དེའི་གཟུགས་བཟང་པོ་དེས་ཀྱང་ཡ་མཚན་དང་ཞེས་བསྐྱེད་ནས་ཕྱག་འཚལ་ཏེ། དེ་ལ་ཚིག་སྙན་པ་དེ་དང་དེ་དག་སྨྲས་པ། ཁྱོད་ཀྱིས་བདག་ལ་བགྱིས་
[96a.4]པ་ནི། །གཉེན་བཤེས་བྱིས་པ་ཚུན་ཆད་ནས། །བྱམས་པར་གྱུར་པ་བདག་གིས་ཀྱང་། །འདི་ལྟ་བུ་དག་བྱར་མི་ནུས། །བདག་གི་སྲོག་འདི་ཁྱོད་ཀྱི་ལགས། །ཁྱོད་ཀྱི་དོན་དུ་ཅུང་ཟད་ཙམ། །དགོས་པ་ཅིག་ཏུ་སྤྱད་ནས་སུ། །བདག་ལ་རབ་ཏུ་བཀའ་དྲིན་ཆེ། །དེ་བས་ཅི་བགྱི་
[96a.5]བཀའ་སྩལ་བས། །བདག་ལ་རྗེས་སུ་བཟུང་བར་རིགས། །ཁྱོད་ལ་གང་དུ་ཅི་འཚལ་བ། །དེ་ནི་བདག་ཉིད་བསྐྱེད་དུ་གསོལ། །དེ་ནས་བྱང་ཆུབ་སེམས་དཔས་དེ་ལ་གུས་པར་སྨྲས་པ། སྐྱེ་བོ་དམ་པ་དྲིན་གཟོ་རྨད་མི་ཆེ། །དེ་ཡི་ཆོས་ཉིད་རང་བཞིན་གྲུབ་པ་ཡིན། །འགྲོ་བ་རྣམས་
[96a.6]ནི་འགྱུར་བ་མང་དུ་མཐོང་། །བྱས་པ་དྲིན་དུ་གཟོ་བ་དེང་སོང་ཡོན་ཏན་ཆེ། །དེ་བས་ན་ཁྱོད་ལ་གདམས་པ་ནི་ཕན་བཏགས་པ་རྗེས་སུ་དྲན་པར་བྱ་བ་ན། སེམས་ཅན་འདི་ལྟ་བུ་ཞིག་གིས་བདག་ཆུའི་ནང་ནས་ཕྱུང་ངོ་ཞེས་ཁྱོད་སུ་ལ་ཡང་མ་ཟེར་ཅིག །ངའི་ལུས་འདི་ཡང་ཤ་བཟར་རུང་
[96a.7]བས་རབ་ཏུ་ཆགས་པར་གྱུར་པ་ཅིག་ཡིན་ལ། མི་རྣམས་ཀྱི་སྙིང་ཡང་འདོད་པ་ཆེ་ལ་བག་མེད་པ་མང་སྟེ། དེ་བས་ན་བདག་གི་ཡོན་ཏན་དང་། ང་ཡང་ལེགས་པར་བསྲུང་བར་རིགས། །མཛའ་བོ་དག་ལ་སྙིང་རིང་བ། །གང་ནའང་བདེ་བ་ཡོད་མ་ཡིན། །ངེད་ཅག་ནི་རི་དྭགས་
[96b]
[96b.1]ཡིན་ལ་མི་ནི་གཡོ་སྒྱུ་དང་ཕྱི་བཞག་ལ་གོམས་པའི་ཕྱིར། ངས་དེ་སྐད་སྨྲས་པ་ལ་འཁོན་དུ་འཛིན་པའམ། སྙིང་མི་དགའ་བར་མ་སེམས་ཤིག །གཞན་ཡང་། ལོག་པའི་ཆོས་ལ་མཁས་པ་ཡིས། །དེ་ལྟའི་གཡོ་དག་བྱས་པའི་ཕྱིར། །རང་བཞིན་གྱིས་ནི་དུལ་བ་ཡི། །
[96b.2]སྐྱེ་བོ་རྣམས་ཀྱང་དོགས་པ་སྐྱེ། །དེ་སྐད་ཅེས་སྨྲས་པ་དང་། ཁྱོད་ལ་ཕན་པར་འདོད་པའི་ཕྱིར་རོ། །དེས་ཀྱང་དེ་བཞིན་བགྱིའོ་ཞེས་མཉན་ནས་ཕྱག་འཚལ་ཏེ། སེམས་དཔའ་ཆེན་པོ་དེ་ལ་བསྐོར་བ་བྱས་ནས་རང་གི་ཁྱིམ་དུ་སོང་ངོ་། །དེའི་ཚེ་ཡུལ་དེའི་རྒྱལ་པོ་ཞིག་གི་བཙུན་མོ་
[96b.3]རྨི་ལམ་རྣོ་བ་ཞིག་ཡོད་དེ། དེ་ཡང་རྨི་ལམ་ངོ་མཚར་ཆེ་བ་གང་དང་གང་མཐོང་བ་དེ་དང་དེ་དག་དེ་བཞིན་དུ་འགྱུར་རོ། །དེ་རེ་ཞིག་ཅིག་གཉིད་ཀྱིས་ལོག་པ་ལས་ཐོ་རངས་ཀྱི་རྨི་ལམ་དུ། རི་དྭགས་རུ་རུ་ཞིག་རིན་པོ་ཆེ་ཐམས་ཅད་བརྩེགས་པའི་ཚོགས་བཞིན་དུ། དཔལ་རབ་
[96b.4]ཏུ་འབར་བ་སེང་གེའི་ཁྲི་སྟེང་ན་འདུག་ཅིང་། རྒྱལ་པོ་དང་བཅས་པའི་འཁོར་གྱིས་ཡོངས་སུ་བསྐོར་ཏེ་ཚིག་གསལ་ཞིང་སྡེབ་ལེགས་པས་ཆོས་འཆད་པ་མཐོང་ངོ་། །དེ་ནས་སེམས་དེ་ལས་ངོ་མཚར་ཆེར་བཟུང་བ་ལས། རྒྱལ་པོ་བཞེངས་སུ་གསོལ་བའི་རྔ་སྒྲ་ཐོས་ཏེ་སད་པ་དང་
[96b.5]སྤོབས་ཤིང་གནང་བའི་སྐབས་ཤིག་ཏུ་རྒྱལ་པོ་དེའི་སྤྱན་སྔར་སོང་ངོ་། །ངོ་མཚར་ཆེ་བས་མིག་བགྲད་དཔལ་ལྡན་དེའི། །དགའ་བས་མཁུར་ཚོས་མཛེས་པར་གཡོ་བཞིན་དུ། །རྨི་ལམ་ངོ་མཚར་མཐོང་བ་བཟླས་པ་དེས། །སྐྱེས་འབུལ་བཞིན་དུ་མི་ཡི་བདག་པོའི་ལྟས། །རྨི་
[96b.6]ལམ་བཟང་པོ་རྒྱལ་པོ་ལ་གསོལ་ནས། །ཞེས་བསྐྱེད་དེ་སླར་སྨྲས་པ། ལྷ་གཅིག་དེ་བས་རི་དྭགས་བཟང་པོ་དེ། །རྙེད་པའི་སླད་དུ་ནན་ཏན་བསྐྱེད་དུ་གསོལ། །རི་དྭགས་རིན་ཆེན་དེ་ཡིས་ཕོ་བྲང་ནང་། །མཁའ་ལ་སྐར་མ་བཞིན་དུ་མཛེས་པར་མཛོད། །དེ་ནས་རྒྱལ་པོ་དེས་
[96b.7]བཙུན་མོ་དེའི་རྨི་ལམ་རྣོ་བ་ཡིན་པས། དེའི་ཚིག་མཉན་ཏེ་དེ་དགའ་བར་བྱ་བ་དང་། རི་དྭགས་རིན་པོ་ཆེ་རྙེད་པར་འདོད་པས། རི་དྭགས་དེ་བཙལ་བའི་ཕྱིར་རྔོན་པ་ཐམས་ཅད་ལ་བསྒོས་ཏེ། ཉིན་རེ་ཞིང་ཡང་ཕོ་བྲང་དམ་པའི་འཁོར་དུ་འདི་སྐད་སྒྲོགས་སུ་བཅུག་གོ། །རི་དྭགས་
[97a]
[97a.1]གསེར་གྱི་མདོག་ཅན་རིན་ཆེན་སྣ་ཚོགས་ཀྱིས། །ལུས་བརྒྱན་གྲགས་པ་ཐོས་སམ་གང་གིས་མཐོང་ཡང་རུང་། །དེ་ནི་རབ་ཏུ་སྟོན་པ་རྒྱལ་པོས་ཡུལ་གྲུ་མཆོག །བཞི་བཅུ་ཙམ་དང་བུད་མེད་རབ་ཏུ་སྡུག་པ་སྦྱིན། །དེ་ནས་མི་དེས་སྐད་དུ་བསྒྲགས་
[97a.2]པ་ཡང་དང་ཡང་དུ་ཐོས་ནས། དབུལ་བའི་སྡུག་བསྔལ་བསམས་ནས་སེམས་ནི་ཡོངས་སུ་སྐྱོ། རི་དྭགས་རུ་རུས་ཕན་པ་ཆེར་བྱས་པ་ཡང་དྲན། བརྐམ་པ་དང་ནི་ཕན་བཏགས་དེ་ནི་དྲན་པས་ན། །སྙིང་ནི་བར་མ་དོར་གྱུར་དེ་དང་དེ་དག་སེམས། །ཇི་ལྟར་བྱ་ཀྱེ་ཡོན་ཏན་ལ་
[97a.3]ལྟའམ་ཡང་ན་ནོར་འབྱོར་པ་ལ་ལྟ། །ཕན་བཏགས་པ་དེ་རྗེས་སུ་བསྐྱང་ངམ་འོན་ཏེ་ཁྱིམ་གྱི་སོ་ནམ་བསྐྱང་། །འཇིག་རྟེན་ཕ་རོལ་གྱི་སྲིད་བྱའམ་འོན་ཏེ་འཇིག་རྟེན་འདིའི་སྲིད་བྱ། །དམ་པའི་ཚུལ་བཟུང་ངམ་འོན་ཏེ་འདོད་ཆེན་གྱི་ཚུལ་བཟུང་། །དཔལ་ཆེན་ཉམས་སུ་མྱོང་
[97a.4]བར་བྱའམ་འོན་ཏེ་དབེན་པ་རྣམས་ལ་དགའ་བའི་ངོ་ཚ་ལྟ། །ད་ལྟ་འཕྲལ་གྱི་དོན་ཆེད་ཆེར་ལྟའམ་འོན་ཏེ་ཡུན་རིངས་ཀྱི་དོན་ཆེད་ཆེར་ལྟ། །སྐྱེ་བོ་དམ་པའི་ཕྱོགས་སུ་བཟུང་ངམ་འོན་ཏེ་སྐྱེ་བོ་ངན་པའི་ཕྱོགས་སུ་བཟུང་སྙམ་པ་ལས། །དེ་ནས་འདོད་ཆེན་གྱི་གཡེན་སྤྱོ་བའི་བློ་ཅན་དེས་
[97a.5]འདི་སྙམ་དུ་བསམས་སོ། །ནོར་མང་པོ་རྙེད་དེ་ཕུན་སུམ་ཚོགས་པར་གྱུར་ན། མཛའ་བཤེས་དང་ནང་མི་དང་མགྲོན་དང་ཕོངས་པ་རྣམས་ཀྱང་མགུ་བར་བྱེད་ཅིང་། བདེ་བ་ཉམས་སུ་མྱོང་བར་བྱས་ནས། འཇིག་རྟེན་ཕ་རོལ་གྱི་དོན་བསྒྲུབ་ཀྱང་ནུས་སོ་སྙམ་དུ་ངེས་པར་བསམས་ནས། རི་
[97a.6]དྭགས་རུ་རུས་ཕན་པ་ཆེན་པོ་བྱས་པ་དེ་ནི་བརྗེད་དེ། རྒྱལ་པོའི་དྲུང་དུ་སོང་ནས་སྨྲས་པ། ལྷ་རི་དྭགས་ཀྱི་མཆོག་དེ་གང་ན་གནས་པ་བདག་གིས་འཚལ་ཏེ་སུ་ལ་སྟོན་པར་བགྱི་བཀའ་སྩལ་དུ་གསོལ། རྒྱལ་པོ་དེས་དེ་སྐད་ཟེར་བ་ཐོས་པ་དང་། ཡིད་རབ་ཏུ་དགའ་བར་གྱུར་ཏོ། །བཟང་པོ་ང་
[97a.7]ཉིད་ལ་དེ་སྟོན་ཅིག་ཅེས་སྨྲས་ནས། རི་དྭགས་བཤོར་དུ་འགྲོ་བའི་ཆ་ལུགས་སུ་ཆས་ཏེ། དམག་གི་ཚོགས་ཆེན་པོས་ཡོངས་སུ་བསྐོར་ནས་ཕོ་བྲང་དམ་པའི་ནང་ནས་བྱུང་སྟེ། མི་དེས་ལམ་དྲངས་ནས་འབབ་ཆུ་དེའི་དོགས་སུ་སོང་ངོ་། །ནགས་ཚལ་སྟུག་པོ་དེ་ཡང་དམག་གི་དཔུང་ཐམས་ཅད་ཀྱིས་
[97b]
[97b.1]ཡོངས་སུ་བསྐོར་ཏེ། ལག་ན་མདའ་གཞུ་ནི་ཐོགས་ཡིད་ཆེས་པའི་མི་རྣམས་ཀྱིས་བསྐོར་ནས། རྒྱལ་པོ་མི་དེ་ཉིད་ཀྱིས་ལམ་དྲངས་ནས་ནགས་ཚལ་སྟུག་པོ་དེ་ཉིད་དུ་ཞུགས་སོ། །དེ་ནས་མི་དེས་རི་དྭགས་རུ་རུ་དེ་བག་ཕབ་ཅིང་འདུག་པ་མཐོང་ནས། རྒྱལ་པོ་ལ་བསྟན་པ། ལྷ་རི་དྭགས་
[97b.2]ཀྱི་མཆོག་དེ་ནི་འདི་ལགས་ཏེ། དེ་བས་ན་ནན་ཏན་ཆེ་བར་མཛད་དུ་གསོལ་ཞེས་སྨྲས་སོ། །རི་དྭགས་ལེགས་པར་བསྟན་པའི་ཕྱིར། །དེ་ཡི་ལག་པ་བསྒྲེངས་པ་དང་། །རལ་གྲི་རྣོན་པོས་བཅད་པ་བཞིན། །ལག་པའི་མཁྲིག་མ་ཆད་དེ་ལྷུང་། །དངོས་པོ་དེ་ལྟ་བུ་ལ་བརྟེན་པ་དང་། །
[97b.3]བྱ་བའི་ཁྱད་པར་དག་གིས་བཏང་ནས་ནི། །གཉེན་པོ་ཆུང་ན་རབ་ཏུ་རྒྱས་གྱུར་ནས། །ལས་རྣམས་འབྲས་བུ་འཕྲལ་དུ་སྨིན་པར་འགྱུར། །དེ་ནས་རྒྱལ་པོ་དེ་མི་དེས་བསྟན་པའི་ལམ་ཕྱོགས་སུ་རི་དྭགས་ལྟ་འདོད་པའི་ཕྱིར་མིག་གིས་བལྟས་པ་དང་། ཆར་སྤྲིན་འདྲ་བའི་ནགས་ཚལ་
[97b.4]སྔོན་པོ་ན། །རིན་ཆེན་གཏེར་འདྲ་ལུས་ཀྱི་དཔལ་གྱིས་འབར། །རི་དྭགས་རུ་རུ་ཡོན་ཏན་མཆོག་དེ་མཐོང་། །སྤྲིན་གྱི་ནང་ན་གློག་འགྱུ་མེ་འབར་བཞིན། །དེ་ནས་དེའི་གཟུགས་བཟང་པོས་ཡིད་འཕྲོག་ནས། རྒྱལ་པོས་དེ་ནི་བཟུང་བར་འདོད་པ་ཡིས། །གཞུ་བདུངས་མདའ་
[97b.5]ནི་ལྟོང་དུ་བཅུག་ནས་སུ། །དེ་ལ་འཕེན་པའི་ཕྱིར་ནི་གཞུ་བཀང་ངོ་། །དེ་ནས་བྱང་ཆུབ་སེམས་དཔས་བསམས་པ། ཁོ་ར་ཁོར་ཡུག་ན་མི་མང་པོ་ཀུ་ཅོ་འདོན་པ་གྲགས་པ་དང་སྦྱར་ན། བདག་ནི་ཀུན་ནས་བསྐོར་ཟིན་གོར་མ་ཆག་གོ་སྙམ་ནས། རྒྱལ་པོས་བདག་ལ་མདའ་
[97b.6]འཕེན་པར་ཆས་བཤེས་ཏེ། ད་ནི་བྲོས་ཀྱང་མི་ཕན་ནོ་སྙམ་ནས། མིའི་སྐད་དུ་ཕྱུང་སྟེ་ཚིག་འབྲུ་གསལ་བས་རྒྱལ་པོ་ལ་སྨྲས་པ། རྒྱལ་པོ་ཆེན་པོ་རེ་ཞིག་དགོངས། །མི་མཆོག་བདག་ལ་མདའ་འཕེན་པར། །རེ་ཞིག་ངོ་མཚར་ཆེན་པོ་ཡི། །ཐེ་ཚོམ་འདི་ནི་བསལ་དུ་གསོལ། །ནགས་
[97b.7]ཚལ་སྟུག་པོ་འདི་ལྟ་བུ། །སྐྱེ་བོ་རྒྱུན་ལུགས་མེད་པ་ན། །རི་དྭགས་འདི་འདྲ་གནས་སོ་ཞེས། །ཁྱོད་ལ་སུ་ཡིས་བཀའ་མཆིད་གསོལ། །དེ་ནས་རྒྱལ་པོ་དེ་རི་དྭགས་མི་སྐད་དུ་སྨྲས་པ་རབ་ཏུ་ངོ་མཚར་ཆེ་བ་དེས་སེམས་རབ་ཏུ་དུལ་བར་གྱུར་ནས། དེ་ལ་འདི་ལྟ་བུའི་ངོ་མཚར་
[98a]
[98a.1]ཆེན་པོ་བདག་ལ་སྟོན་པ་ནི་འདི་ལགས་སོ། །ཞེས་མི་དེ་ལ་མདའི་རྩེ་མོས་བསྟན་ཏོ། །དེ་ནས་བྱང་ཆུབ་སེམས་དཔས་མི་དེ་ངོ་ཤེས་ནས་སྨད་པའི་ཕྱིར་སྨྲས་པ། ཀྱི་ཧུད་ད་ཀྱེ་ཁྱེད་ལྟ་བུའི་ངན་པ། །ཁྲོལ་མེད་མི་དག་ཕྱུང་བ་བས། །ཆུ་ཡི་ཤུགས་
[98a.2]ཀྱིས་ཁྱེར་བ་ཡི། །ཤིང་དག་ཕྱུང་ཡང་སླའོ་ཞེས། །གཏམ་དུ་གྲགས་པ་དེ་རེ་བདེན། །དེ་ལྟར་འབད་པ་དེ་ཡི་ལན། །འདི་ལྟ་བུ་ཡིས་ཕན་གདགས་སམ། །བདག་ལའང་ཕན་པ་མ་མཐོང་ན། །ཚུལ་མིན་མཐོང་བར་ག་ལ་འགྱུར། །དེ་ནས་རྒྱལ་པོ་དེས་འདི་ལྟར་སུ་
[98a.3]ལ་ཡོད་སྙམ་ནས་ངོ་མཚར་ཆེར་གྱུར་ཏེ། མི་དགའ་བཞིན་དུ་རི་དྭགས་རུ་རུ་དེ་ལ་སྨྲས་པ། མིང་གིས་མ་ཕྱེས་དོན་ཟབ་པ། །སྤྱི་ལ་རྣམ་པར་སྨད་པ་འདི། །བདག་གིས་ཐོས་པར་གྱུར་ནས་སུ། །བདག་གི་ཡིད་ཀྱང་འདར་བར་འདྲ། །དེ་བས་རི་དྭགས་དམ་པ་ཁྱོད། །
[98a.4]སུ་ལ་བརྩམས་ཏེ་བཀྱོན་པ་གསུངས། །མིའམ་འོན་ཏེ་མི་མ་ཡིན། །བྱ་འམ་འོན་ཏེ་རི་དྭགས་ལགས། །བྱང་ཆུབ་སེམས་དཔས་སྨྲས་པ། རྒྱལ་པོ་ཆེན་པོ་གཞན་ལ་འདི་ནི་སྨད་མ་ལགས། །ལས་འདི་སྨད་པར་འོས་པའི་ཕྱིར་སྨྲའོ། །འདི་འདྲ་ཕྱིན་ཆད་བྱ་བར་མི་རིགས་
[98a.5]སྙམ། །བདག་གིས་བསམས་ནས་དེ་ཕྱིར་དེ་སྐད་སྨྲས། །སྨད་པའི་རྨ་ལ་སུ་ཞིག་རྩུབ་པོར་སྨྲ། །སྡུག་པའི་བུ་ལ་ཕན་པར་འདོད་པའི་ཕྱིར། །ནད་ཀྱི་དབང་གིས་སྨན་དཔྱད་བྱེད་པའང་ཡོད། །འབབ་ཆུ་དྲག་པོས་ཁྱེར་ཏེ་སོང་བ་ལས། །སྙིང་རྗེའི་དབང་གིས་བདག་གིས་ཕྱུང་བ་
[98a.6]ལས། །དེ་བས་བདག་ལ་འཇིགས་པ་འདི་འདྲ་བྱུང་། །མ་རབས་བསྟེན་དུ་རུང་བར་ག་ལ་འགྱུར། །དེ་ནས་རྒྱལ་པོ་དེས་མི་དེ་ལ་སྡང་མིག་བལྟས་ཏེ་འཕྱ་བའི་ཚིག་སྨྲས་པ། ཀྭ་ཡེ་ཁྱོད་དེ་ལྟར་ཉམས་ཉེས་པ་ལས་རི་དྭགས་འདིས་ཕྱུང་བ་བདེན་ནམ། དེ་ནས་མི་དེ་འཇིགས་ཤིང་སྐྲག་ལ་
[98a.7]བཞིན་གྱི་མདོག་ཉམས་ཤིང་ངོ་ཚ་བས་གཅོམ་བསྐྱུངས་ཏེ་མད་དོ་ཞེས་སྨྲས་སོ། །དེ་ནས་རྒྱལ་པོ་དེས་ཁྱོད་ལྟ་བུའི་ངན་པ་མེད་དོ། །ཞེས་ཕྱས་ནས་མདའ་འདྲེན་དུ་བཅུག་སྟེ་སྨྲས་པ། ཀྭ་ཡེ་ཁྱོད་སྡོད་ཅིག །དེ་ལྟར་འབད་དེ་ཕན་པ་ཆེར་བྱས་ཀྱང་། །བདག་གི་སེམས་ནི་དུལ་བར་མ་གྱུར་
[98b]
[98b.1]ལ། །ཚོགས་པའི་ནང་ན་གཏམ་ངན་རྒྱལ་མཚན་ཐོགས། །མི་ངན་དེ་འདྲ་གསོན་ཏེ་ཅི་ཞིག་རུང་། །དེ་སྐད་ཅེས་སྨྲས་ནས། མདའ་ལྟོང་དུ་བཅུག་སྟེ་གསད་པའི་ཕྱིར་ནི་གཞུ་བཀང་ངོ་། །དེ་ནས་བྱང་ཆུབ་སེམས་དཔའ་སྙིང་རྗེ་ཆེན་པོས་སྙིང་གདུངས་ནས་དེ་གཉིས་ཀྱི་བར་དུ་འདུག་
[98b.2]གོ། །རྒྱལ་པོ་ལ་སྨྲས་པ། རྒྱལ་པོ་ཆེན་པོ་གུམས་ལགས་པ་བཀུམ་སྟེ་ཅི་རུང་མ་མཛད་མ་མཛད། གང་གི་ཚེ་ན་འདོད་ཆེན་དགྲས་བསྐུལ་ཏེ། །སྨད་པའི་གནས་སུ་ཉེ་བར་འདིར་སོང་བ། །གྲགས་པ་ངན་པས་དེ་ཚེ་བཀུམ་པར་འགྱུར། །བསོད་ནམས་མིན་པས་སླད་མའི་ཚེ་ལའང་
[98b.3]བཀུམ། །སྡུག་བསྔལ་བཟོད་པར་དཀའ་བས་ཡིད་གདུངས་ནས། །མི་རྣམས་འདི་ལྟ་བུར་ནི་བརླག་པར་གྱུར། །འབྲས་བུ་ཕུན་སུམ་ཚོགས་པ་འདོད་པས་བསླུས། །མར་མེའི་འོད་ཀྱིས་ཕྱེ་མ་ལེབ་བྲིད་བཞིན། །དེ་བས་སྙིང་རྗེ་མཛོད་ལ་མ་བཀྱོན་ཅིག །འདི་ཉིད་ཅུང་ཟད་ཅི་
[98b.4]དང་ཅི་འཚལ་བ། །དེ་དག་སྩོལ་ལ་ཐུབ་ཆོད་དོན་ཡོད་མཛོད། །བདག་ནི་ཁྱོད་ཀྱིས་བཀའ་སྩལ་སྤྱི་བོས་ནོད། །དེ་ནས་རྒྱལ་པོ་དེ་དེ་ལྟར་གནོད་པ་བྱེད་པ་པོ་ལ་ཡང་སྙིང་རྗེ་བ་དང་བཅས་ཤིང་གཡོ་བ་མེད་པར་དེ་ལ་ཕན་འདོགས་པར་བྱེད་པ་དེས་རབ་ཏུ་ངོ་མཚར་ཆེ་བར་གྱུར་ནས་དེ་ལ་
[98b.5]སེམས་དང་བ་སྐྱེས་ཏེ། གུས་པ་དང་བཅས་པས་བལྟས་ནས། རི་དྭགས་ཀྱི་མཆོག་དེ་ལ་སྨྲས་པ། སྐལ་བ་ཆེན་པོ་ལེགས་སོ་ལེགས་སོ། །འཕྲལ་དུ་མི་བཟད་གནོད་པ་ལའང་། །གང་གིས་སྙིང་རྗེ་འདི་འདྲ་བ། །ཁྱོད་ནི་ཡོན་ཏན་ཉིད་ཀྱི་མི། །བདག་ཅག་མི་ཡི་གཟུགས་
[98b.6]སུ་བས། །བླུན་པོ་འདི་ལ་ཁྱོད་ཀྱིས་བརྩེ་བར་མཛོད། །སྐྱེས་བུ་མཆོག་དང་བདག་མཇལ་རྒྱུ་ལགས་པས། །དེ་ཉིད་འཚལ་བའི་ནོར་རྣམས་སྩལ་བར་བགྱི། །རྒྱལ་སྲིད་འདི་ལའང་ཁྱོད་ནི་ཅི་བདེར་སྤྱོད། །རུ་རུས་སྨྲས་པ། རྒྱལ་པོ་ཆེན་པོ་ཁྱོད་ཀྱིས་གནང་བ་འདི་དོན་མཆིས་
[98b.7]བར་བགྱིས་ཏེ་བདག་གིས་བླངས་ཀྱི། དེ་བས་ན་ཁྱོད་འདིར་བྱོན་པའི་དགོས་པ་དེ་བདག་གིས་སྦྱར་བར་འཚལ་ན་བཀའ་སྩལ་དུ་གསོལ། དེ་ནས་རྒྱལ་པོ་ཆེན་པོ་དེས་རི་དྭགས་རུ་རུ་དེ་ཤིང་རྟ་མཆོག་གི་སྟེང་དུ་བཞག་ནས་བཀུར་སྟི་ཆེན་པོ་བྱས་ཏེ། །ཕོ་བྲང་དམ་པའི་ནང་དུ་བཅུག་
[99a]
[99a.1]ནས་མགྲོན་དུ་བྱ་བའི་བཀུར་སྟི་བྱས་ཏེ། སེང་གེའི་ཁྲི་ཆེན་པོ་ལ་བཞག་ནས་བཙུན་མོའི་འཁོར་དང་། བློན་པོ་མང་པོས་བསྐོར་ཏེ་དགའ་ཞིང་ཞེས་བསྐྱེད་ནས་ཞི་བར་ལྟ་ཞིང་ཆོས་དྲིས་པ། མི་རྣམས་ཆོས་ལ་ལྟ་བའི་ཕྱིར། །བློ་ནི་རྣམ་པ་མང་དུ་
[99a.2]གྱེས། །ཁྱོད་ནི་ཆོས་རྣམས་གཏན་ལ་འབེབས། །ཇི་ལྟར་ལགས་པར་བཤད་དུ་གསོལ། །དེ་ནས་བྱང་ཆུབ་སེམས་དཔས་རྒྱལ་པོ་འཁོར་དང་བཅས་པ་རྣམས་ལ་ཚིག་འབྲུ་གསལ་ཞིང་སྙན་པ་བཟང་པོས་ཆོས་བཤད་པ། རྒྱལ་པོ་ཆོས་ནི་མདོར་བཤད་ན། །སེམས་ཅན་
[99a.3]རྣམས་ལ་སྙིང་རྗེ་བསྐྱེད། །གསོད་དང་རྐུ་ལ་སོགས་པ་སྤོངས། །རྣམ་པ་གསུམ་དུ་དགྱེས་པར་བྱེད། །རྒྱལ་པོ་ཆེན་པོ་གཟིགས་སུ་གསོལ། །བདག་རང་ཉིད་དང་ནང་མི་ལའང་། །བརྩེ་བ་བཞིན་དུ་གཞན་ལའང་བརྩེ། །དེ་ཡིས་སེམས་ནི་ཆོས་མིན་ལ། །འཇུག་པའི་
[99a.4]མི་དགེ་ག་ལ་འབྱུང་། །སྐྱེ་བོ་སྙིང་རྗེ་མེད་པས་ན། །ལུས་ངག་ཡིད་ཀྱི་སྤྱོད་པ་རྣམས། །ནང་མི་ལ་ཡང་ཕྱི་མི་བཞིན། །མི་རིགས་སྤྱོད་པ་མཆོག་ཏུ་འགྱུར། །དེ་བས་ཆོས་ལ་དད་པ་ཡིས། །སྙིང་རྗེ་གཏང་བར་མི་བྱ་སྟེ། །ཆར་འབེེབས་ལོ་ཐོག་འཕེལ་བ་བཞིན། །དེ་
[99a.5]ལས་ཡོན་ཏན་འཕེལ་བར་འགྱུར། །སྙིང་རྗེས་ནོན་པའི་སེམས་ནི་གཞན་ལ་གནོད་པ་བྱེད་མི་འགྱུར། །གཙང་མ་དེ་ལ་ལུས་སམ་ངག་ཀྱང་གཞན་དུ་འགྱུར་བ་མེད། །དེ་ལྟར་བྱེད་པ་གཞན་ལ་ཕན་འདོད་དེ་ནི་དགའ་བས་དར། །སྦྱིན་དང་བཟོད་ལ་སོགས་པའི་ཡོན་ཏན་
[99a.6]གྲགས་དང་མཐུན་པར་འཕེལ། །སྙིང་རྗེ་ཅན་གཉིས་ཉེ་བར་ཞི་བས་གཞན་གྱི་ཡིད་མི་དབྱུང་། །སྙིང་རྗེ་ལྡན་པས་སྐྱེ་བོ་རྣམས་ཀྱི་གཉེན་བཞིན་ཡིད་བརྟན་འགྱུར། །སྙིང་རྗེའི་དབང་གྱུར་སྙིང་ལ་འཐབ་མོའི་འཁྲུགས་པ་ཡོང་མི་འབྱུང་། །སྙིང་རྗེའི་ཆུས་བརླན་སེམས་ལ་འཁྲུགས་
[99a.7]པ་མེ་འབར་ཡོང་མི་འབྱུང་། །དེ་བས་མདོར་ན་སྙིང་རྗེ་བརྟན་པའི་མཁས་པ་ཆོས་ལ་ལྟ། །དགེ་བ་དགའ་བའི་ཡོན་ཏན་བརྩེ་ལ་མི་བརྟེན་གང་ཞིག་ཡོད། །དེ་བས་བདག་དང་བུ་བཞིན་སྐྱེ་བོ་དག་ལ་སྙིང་རྗེ་བསྐྱེད། །དམ་པའི་ཚུལ་གྱིས་འགྲོ་བ་ཡིད་འོང་རྒྱལ་པོའི་ཚུལ་སྟོན་ཅིག །
[99b]
[99b.1]དེ་ནས་རྒྱལ་པོ་དེ་དེའི་ཚིག་དེ་ལ་མངོན་པར་དགའ་བར་གྱུར་ནས་ཕོ་བྲང་འཁོར་གྱི་མི་རྣམས་དང་བཅས་པས་ཆོས་ཉམས་སུ་ལེན་པར་གྱུར་ཏེ། རི་དྭགས་དང་བྱ་ཐམས་ཅད་ལའང་མི་འཇིགས་པ་བྱིན་ནོ། །དེ་ལྟ་བས་ན་དགེ་བ་ནི་གཞན་གྱི་སྡུག་བསྔལ་ཉིད་མ་བཟོད་པས།
[99b.2]རང་གི་སྡུག་བསྔལ་མི་བཟོད་པ་ནི་མ་ཡིན་ནོ། །ཞེས་སྙིང་རྗེ་ཅན་གྱི་ཡོན་ཏན་བསྔགས་པ་ལའང་བརྗོད་པར་བྱའོ། །སྐྱེས་བུ་དམ་པ་རྣམས་ནི་རང་ཉིད་ཡལ་བར་དོར་ནས་གཞན་ལ་ཕན་འདོགས་པར་མཛད་པའོ། །དེ་བཞིན་དུ་ཡོན་ཏན་རྣམས་ནི་རང་ཉིད་གསོད་པ་ལ་ཡང་བླང་དོར་གསལ་བར་སྟོན་ཅིང་འགྲོ་བ་
[99b.3]རྣམས་འདྲེན་པར་མཛད་དོ། །ཞེས་ཀྱང་བརྗོད་པར་བྱའོ། །བྱམས་པ་དང་ལྡན་པ་རྣམས་ལ་གནོད་པའི་འབྲས་བུ་མཐོང་བའི་ཆོས་ལ་མྱོང་བར་འགྱུར་ཞེས་གནོད་པ་བྱེད་པའི་ཉེས་དམིགས་ལའང་སྦྱར་བར་བྱའོ། །རི་དྭགས་རུ་རུར་སྐྱེས་པའི་རབས་ཏེ་ཉི་ཤུ་དྲུག་པའོ།། །།དམ་
[99b.4]པའི་ཚུལ་གྱི་རྗེས་སུ་འབྲང་བ་རྣམས་ནི་དགྲ་རྣམས་ཀྱི་ཡིད་ཀྱང་མགུ་བར་བྱེད་དོ། །དེ་ཡང་འདི་ལྟར་བྱང་ཆུབ་སེམས་དཔའ་རེ་ཞིག་ཅིག་གངས་རི་དཔལ་དང་ལྡན་པའི་ཁྲོད། སྨན་གྱི་ཁྱད་པར་རོ་དང་མཐུ་དང་རྣམ་པར་སྨིན་པའི་ཡོན་ཏན་རྣམ་པ་མང་པོ་དང་ལྡན་པ་ཡོད་པའི་ས་ཕྱོགས་མེ་ཏོག་དང་།
[99b.5]འབྲས་བུ་དང་། ལོ་མ་དང་། འདབ་མ་དང་། ལྡུམ་བུ་རྣམ་པ་སྣ་ཚོགས་ཀྱིས་བརྒྱན་པའི་ཤིང་ལྗོན་པ་བརྒྱ་ཕྲག་མང་པོས་གང་བ། འབབ་ཆུ་ཤེལ་སྒོང་ལྟར་དྭངས་ཤིང་གཙང་མ་འབབ་པ། བྱ་མང་པོའི་སྒྲ་སྙན་མང་པོ་གྲག་པ་ཞིག་ན་སྤྲེའུ་མང་པོའི་བདག་པོ་ཞིག་ཏུ་གྱུར་ཏོ་ཞེས་
[99b.6]གྲགས་སོ། །དེ་དེ་ལྟ་བུའི་གནས་སྐབས་སུ་གྱུར་ཀྱང་། གཏོང་བ་དང་སྙིང་རྗེ་ལ་གོམས་པའི་ཕྱིར། གཉེན་པོ་ལ་བརྟེན་པས་མི་དགའ་བར་གྱུར་པ་བཞིན་དུ་ཕྲག་དོག་དང་། འཇུངས་པ་དང་ཁྲོ་བ་རྣམས་ཉེ་བར་འོང་བར་མ་གྱུར་ཏོ། །དེ་དེ་ན་ཤིང་ནྱ་གྲོ་དྷ་ཆེན་པོ་ཅིག་ཡོད་པ་ལ། རིའི་རྩེ་མོ་
[99b.7]མཐོན་པོ་བཞིན་དུ་ནམ་མཁའ་ལ་རེག་ལ་ཐུག་པ་ནགས་ཚལ་དེའི་བདག་པོ་འདྲ་བ། ལོ་མ་དང་ལྡུམ་བུ་རྒྱས་པས་ཁེབས་པའི་གྲིབ་མ་ནི་སྤྲིན་སྟུག་པོས་གཡོགས་པ་བཞིན། དེའི་འབྲས་བུའི་ཁྱད་པར་རོ་མཆོག་ཏུ་མངར་བ་ཁ་དོག་དང་དྲི་ཞིམ་པ་ཡིད་དུ་འོང་བ། མུ་ལེ་གྲུམ་ཤིང་གི་
[100a]
[100a.1]འབྲས་བུ་བས་ཀྱང་ཆེ་བ་རྣམས་ཀྱི་ལྗིད་ཀྱིས་ཡལ་ག་ནོན་པ་ཅིག་གི་དྲུང་ན་གནས་ཤིང་འདུག་གོ། །དམ་པ་རྣམས་ནི་དུད་འགྲོར་སྐྱེས་གྱུར་ཀྱང་། །དབང་ཐང་ལྷག་མས་བདེ་བའི་གནས་སུ་འགྱུར། །ཕན་བཏགས་འབྲེལ་པའི་མཛའ་བཤེས་སྐྱེ་བོ་རྣམས། །
[100a.2]བྱེས་ཡུལ་དོང་བའི་ནོར་གྱི་ལྷག་མ་བཞིན། །ནགས་ཚལ་གྱི་བདག་པོ་འདྲ་བའི་ཤིང་དེའི་ཡལ་ག་གཅིག་དེའི་དྲུང་ནས་འབབ་པའི་ཆུ་ལ་གཞོལ་བར་གྱུར་ཏོ། །དེ་ནས་བྱང་ཆུབ་སེམས་དཔས་ཕྱི་རྗེས་སུ་རྒྱང་རིང་དུ་ལྟ་བས། སྤྲེའུ་མང་པོ་དེ་དག་ལ་རྗེས་སུ་གདམས་པ། ཤིང་ནྱ་གྲོ་
[100a.3]དྷའི་ཡལ་ག་འདིའི་འབྲས་བུ་རྣམས་ཟད་པར་མ་བྱས་ཀྱི་བར་དུ། ཁྱེད་ཅག་སུ་ཡང་ཡལ་ག་གཞན་ལས་འབྲས་བུ་བཏོགས་ཏེ་མ་ཟ་ཅིག་ཅེས་བསྒོ་བ་དང་། དེ་དག་ཀྱང་དེ་བཞིན་དུ་བྱེད་པར་གྱུར་ཏོ། །དེ་ནས་རེ་ཞིག་ཅིག་ཡལ་ག་དེའི་འབྲས་བུ་མ་སྨིན་པ་ཧ་ཅང་མི་ཆེ་བ་གཅིག་གྲོག་མ་
[100a.4]རྣམས་ཀྱིས་ཤིང་གི་ལོ་མ་བསྡུས་པས་གཡོགས་པ་སྤྲེའུ་རྣམས་ཀྱིས་མ་མཐོང་ངོ་། །དེ་མཐར་གྱིས་སྐྱེས་པ་དང་ཁ་དོག་དང་དྲི་དང་རོ་ཕུན་སུམ་ཚོགས་ཤིང་འཇམ་པོར་གྱུར་ནས་ཡོངས་སུ་སྨིན་པའི་དབང་གིས་རྩ་བ་སྙི་བར་གྱུར་ཏེ། འབབ་ཆུའི་ནང་དུ་ལྷུང་ནས་འབབ་ཆུའི་རྒྱུན་གྱིས་ཁྱེར་ཏེ་
[100a.5]སོང་བ་ལ། རྒྱལ་པོ་ཞིག་བཙུན་མོའི་འཁོར་དང་བཅས་ཏེ་ཆུ་དེའི་ནང་ན་རྩེ་བའི་མཐའ་རྒྱ་མོས་བསྐོར་བའི་ངོས་ཅིག་ན་ཆགས་པར་གྱུར་ཏོ། །ན་ཆུང་ཁྲུས་བྱེད་ཕྲེང་བ་དྲི་ཞིམ་དང་། །ཁྲུས་རྩིས་བསྒོས་པའི་བསུང་ཞིམ་སོགས་པའི་དྲི། །དེ་ཡི་དྲི་ཞིམ་ཡོན་ཏན་སྣར་སྣོམ་པ། །ཁྱབ་
[100a.6]པར་གྱུར་པས་དེ་དག་ཟིལ་གྱིས་མནན། །ན་ཆུང་དེ་དག་དེ་ཡི་དྲི་ཡིས་མྱོས། །སྣར་སྣོམ་དབུགས་ནི་བསྲིངས་པས་མིག་ཀྱང་བཙུམས། །ངོ་མཚར་ཆེ་ཞིང་དེ་ནས་གཡོ་བར་གྱུར། །ཕྱོགས་རྣམས་ཀུན་ཏུ་མིག་ཀྱང་རྣམ་པར་ལྟ། །བུད་མེད་དེ་དག་ངོ་མཚར་ཆེ་བའི་མིག་གཡོ་ཞིང་རིག་རིག་
[100a.7]པོར་ལྟ་བར་གྱུར་ནས། ཤིང་ནྱ་གྲོ་དྷའི་འབྲས་བུ་མུ་ལེ་གྲུམ་ཤིང་གི་འབྲས་བུ་སྨིན་པ་བས་ཀྱང་ཆེ་བ་དེ། རྒྱ་མོ་བྲེས་པའི་ངོས་ལ་ཆགས་ཤིང་འདུག་པ་མཐོང་བ་དང་། འདི་ཅི་ཞིག་ཡིན་སྙམ་ནས་དེ་ལ་མིག་ཆགས་པ་བཞིན་དུ་རྒྱལ་པོ་དང་བཅས་པ་དེར་འདུས་ནས་འདི་ཅི་ཡིན་ནོ་
[100b]
[100b.1]ཞེས་གླེངས་པར་གྱུར་ཏོ། །དེ་ནས་རྒྱལ་པོ་དེས་འབྲས་བུ་དེ་བླངས་ཏེ། སྨིན་པ་ཡིད་ཆེས་པ་རྣམས་ཀྱིས་བརྟགས་ཏེ། བདག་རང་གིས་རོ་མྱོང་ངོ་། །དེ་ནས་རྨད་དུ་བྱུང་བའི་རོས། །རྒྱལ་པོ་ཡ་མཚན་ཆེ་བར་གྱུར། །ཆེད་དུ་སྦྱར་བའི་ཡོན་ཏན་མཆོག །རྨད་དུ་བྱུང་བའི་རོ་མཆོག་
[100b.2]བཞིན། །སྔོན་མེད་ཁ་དོག་དྲི་དག་གིས། །དེ་ལ་ཡ་མཚན་ཆེ་བར་གྱུར། །དེ་ཡི་རོ་ལ་ཆགས་པ་ཡིས། །ཡ་མཚན་ཆེ་བའི་རྣམ་པར་གྱུར། །དེ་ནས་རྒྱལ་པོ་དེའི་ཁ་ཟས་རོ་ཞིམ་པོ་ཕུན་སུམ་ཚོགས་ཀྱང་དེའི་རོ་ལ་ཆགས་པའི་དབང་གིས་འདི་སྙམ་དུ་བསམས་སོ། །གང་ཞིག་
[100b.3]འབྲས་བུ་འདི་དག་མ་ཟོས་པར། །དེས་ནི་རྒྱལ་སྲིད་འབྲས་བུ་ཅི་ཞིག་ཟོས། །རྒྱལ་སྲིད་བསྒྲུབ་པའི་ཉོན་མོངས་མེད་པར་ཡང་། །འདི་འདྲ་ཟ་བ་དེ་ཉིད་རྒྱལ་པོ་ཡིན། །དེ་ནས་དེས་འབྲས་བུ་གང་ལས་བྱུང་བ་བཙལ་བར་བསམས་ཏེ། རང་གི་བློས་བརྟགས་པ། གང་ལས་འབྲས་བུ་
[100b.4]འདི་ལྟ་བུའི་ཤིང་ལྗོན་པ་བཟང་པོ་དེ་ནི་འདི་ནས་མི་རིང་བ་ཅིག་ན་ཡོད་ལ། འབབ་ཆུའི་འགྲམ་ཅིག་ནའང་འདུག་པ་གོར་མ་ཆག་གོ། །དེ་ལྟར་ཅི་མངོན་ཞེ་ན། འདི་ལྟར་ཁོ་དོག་དང་དྲི་དང་རོ་ཡང་མ་ཉམས་ལ་རྨ་མེད་ཅིང་མ་སྣད་པ་ལ་བལྟས་ཏེ། ཆུའི་ནང་དུ་ལྷུང་ནས་ཀྱང་རིང་པོར་མ་ལོན་པར་
[100b.5]འདྲ་སྟེ། དེ་བས་འདི་གང་ནས་བྱུང་བའི་གནས་ཤེས་པར་ནུས་ཡང་དག་གོ་སྙམ་ནས། དེའི་རོ་ལ་ཆགས་པའི་དབང་གིས་ཆུ་དེའི་ནང་དུ་རྩེ་བ་བཏང་སྟེ། བདག་རང་གི་ཕོ་བྲང་དམ་པ་བསྲུང་བའི་སྲུང་མ་ལེགས་པར་བསྐོས་ནས། དམག་དྲང་དུ་རུང་བའི་དཔུང་གི་ཚོགས་ཆེན་པོས་
[100b.6]ཡོངས་སུ་བསྐོར་ཏེ། འབབ་ཆུ་དེའི་འགྲམ་ཐོག་ཐག་མཐར་གྱིས་ནགས་ཚལ་སྟུག་པོ་གཅན་གཟན་དང་བཅས་པས་ནི་གང་ཞིང་། བདེ་བའི་རོ་རྣམ་པ་སྣ་ཚོགས་ནི་རྗེས་སུ་མྱོང་བར་བྱེད། ནགས་ཚལ་གྱི་ཁྱད་པར་མཛེས་ཤིང་ཉམས་དགའ་བ་ཆེད་དུ་མ་བྱས་པ་གཞན་དང་གཞན་དག་
[100b.7]ལ་ནི་ལྟ། རྔ་སྒྲ་དྲག་པོས་ནགས་ཚལ་གྱི་རི་དྭགས་རྣམས་ནི་སྐྲག་པར་བྱེད་ཅིང་ཤིང་ལྗོན་པ་ནགས་ཚལ་གྱི་བདག་པོ་མི་རྣམས་ཀྱིས་བགྲོད་དཀའ་བ་དེ་དང་ཉེ་བ་ཅིག་ཏུ་ཕྱིན་ཏོ། །ཆར་སྤྲིན་ཆུ་ཡི་ལྗིད་ཀྱིས་ནོན་པ་འདྲ་བ་དེ། །རི་དང་འདྲ་ཡང་རི་རྩེ་མཐོན་པོ་འདྲ་བར་སྣང་། །ལྗོན་ཤིང་
[101a]
[101a.1]གཞན་གྱི་རྒྱལ་པོ་བཞིན་དུ་ལྟ། །ནགས་ཚལ་དབང་པོ་དེ་ནི་རྒྱལ་པོས་རིང་ནས་མཐོང་། །ཤིང་ཨ་མྲའི་འབྲས་བུ་ས་ཧ་ཀ་ར་སྨིན་པའི་དྲི་བས་ཀྱང་ལྷག་པར་དྲི་ཞིམ་པ་ཡིད་དུ་འོང་བའི་ངད་ལྡང་བས་མདུན་ནས་བསུ་བ་བཞིན་དུ་བསུང་ཚོར་བ་དང་།
[101a.2]འབྲས་བུ་དེའི་ཤིང་ནི་འདི་ཡིན་གོར་མ་ཆག་གོ་སྙམ་ནས། དེའི་དྲུང་དུ་འོང་བ་དང་། སྤྲེའུ་བརྒྱ་ཕྲག་དུ་མ་ཤིང་དེའི་འབྲས་བུ་ཟ་བ་རྣམས་ཀྱིས་ཡལ་ག་ཁེབས་པར་མཐོང་ནས། རྒྱལ་པོ་དེས་བདག་འདོད་པའི་དོན་མེད་པར་བྱེད་པའི་སྤྲེའུ་དེ་རྣམས་ལ་སེམས་ཁྲོས་ནས། སྤྲེའུ་ངན་པ་འདི་དག་
[101a.3]ཐམས་ཅད་ལ་རྒྱོབ་རྒྱོབ་ཆོམ་ཁ་ཐོག་ཅེས་ཚིག་རྩུབ་པོས་སྨྲ་ཞིང་རང་གིས་མི་རྣམས་ལ་བསྒོས་སོ། །དེ་ནས་རྒྱལ་པོའི་མི་དེ་རྣམས་ཀྱིས་སྤྲེའུ་དེ་དག་བསྐྲད་པའི་སྒྲ་དྲག་པོ་ཕྱུང་སྟེ། ལག་ན་མདའ་གཞུ་ཐོགས་ནས་འཕེན་པར་གཟས། ཁ་ཅིག་ནི་རྡོ་བ་དང་། དབྱུག་པ་དང་། མཚོན་ཆ་
[101a.4]གཟས་ཏེ། དགྲའི་མཁར་སྒོ་ནོན་པ་བཞིན་དུ་ཤིང་དེའི་དྲུང་དུ་ལྷགས་པ་དང་། དེ་ནས་བྱང་ཆུབ་སེམས་དཔས་རྒྱལ་པོའི་དཔུང་གི་ཚོགས་མང་པོ་རྒྱ་མཚོའི་ཆུ་རླབས་རླུང་གི་ཤུགས་དྲག་པོས་ཕུལ་བ་འདྲ་བ། ཅ་ཅོའི་སྒྲ་ཆེན་པོ་འབྱིན་པ་མངོན་དུ་ཕྱོགས་ཏེ་ལྷགས་པ། ཤིང་ལྗོན་པ་
[101a.5]མཆོག་དེའི་ཁོ་ར་ཁོར་ཡུག་ནས། མདའ་དང་རྡོ་བ་དང་དབྱུག་པ་འཕེན་པ་ནི་སེར་བ་འབབ་པ་བཞིན་དུ་གྱུར་པ་ནི་མཐོང་། སྤྲེའུ་མང་པོ་རྣམས་ནི་འཇིགས་ཤིང་མི་དགའ་བའི་སྐད་ངན་འབྱིན་པ་ཙམ་ལ་བརྟེན་ཅིང་། ངོ་འཛུམ་གནག་པ་སྤ་གོང་སྟེ། མིག་གྱེན་དུ་ལྟ་ཞིང་འཁོད་པ་མཐོང་ནས།
[101a.6]སེམས་ནི་སྙིང་རྗེ་ཆེན་པོས་ནོན། འཇིགས་ཤིང་སྐྲག་ཅིང་སྐྲག་པ་དང་། མྱ་ངན་ནི་བཏང་ནས། སྤྲེའུ་མང་པོ་དེ་དག་དབུགས་ཕྱུང་ནས། དེ་དག་ཡོངས་སུ་སྐྱབས་པའི་བློ་བསྐྱེད་ནས། ཤིང་ཆེན་པོ་དེའི་རྩེ་མོར་འཛེག་སྟེ། དེ་དང་ཉེ་བ་ན་འདུག་པའི་རི་ཅིག་གི་ཁར་མཆོངས་པར་ཆས་སོ། །
[101a.7]རི་དེ་ཡང་མཆོངས་པ་གཅིག་གིས་མཆོངས་ཏེ་ཕྱིན་པའི་ས་མ་ཡིན་ཡང་སེམས་དཔའ་ཆེན་པོ་དེ་རང་གི་མཐུ་ཁྱད་པར་དུ་འཕགས་པས་བྱ་འཕུར་བ་བཞིན་དུ་དེར་མཆོངས་ཏེ་ཕྱིན་ཏོ། །སྤྲེའུ་གཞན་གྱིས་མཆོངས་པ་གཉིས་ཀྱིས་ཀྱང་། །མཆོངས་མི་ནུས་པའི་ས་ཁྱོན་ཆེན་པོ་དེ། །མཆོངས་པའི་
[101b]
[101b.1]མཐུ་རྩལ་ཅན་དེས་བྱ་འཕུར་བཞིན། །མཆོངས་པ་གཅིག་གིས་ལེགས་པར་མཆོངས་པར་གྱུར། །དེས་ནི་སྙིང་རྗེ་རྣམ་པར་བསྐྱེད་པ་དང་། །དཔའ་བའི་ཤུགས་ཀྱིས་རྩོལ་བ་དྲག་པོར་གྱུར། །དེ་ཡི་འབད་པ་ཁྱད་པར་དྲག་པོ་དེས། །ཡིད་ལ་བསམས་པ་བཞིན་དུ་ཕྱིན་པར་
[101b.2]གྱུར། །རི་དེའི་རྩེ་མོ་མཐོན་པོར་ཕྱིན་ནས་ཀྱང་། །སྦ་ཐག་ས་ཁྱོན་དེའི་བར་བས་ཀྱང་རིང་བར་སྐྱེས་ཤིང་རྩ་བ་བརྟན་པ་སྲ་བ་ཞིག་གིས་བདག་གི་རྐང་པ་གཉིས་བཅིངས་ནས་སླར་ཡང་ཤིང་ཆེན་པོ་དེའི་ཁར་མཆོངས་པ་དང་། དེ་གཉིས་ཀྱི་བར་ཐག་རིང་ཞིང་རྐང་པ་གཉིས་
[101b.3]བཅིངས་པས་ཟོ་མདོག་མི་བདེ་བའི་ཕྱིར། སེམས་དཔའ་ཆེན་པོ་དེས་ཤིང་དེའི་ཡལ་གའི་རྩེ་མོར་དེའུ་མ་སླེབས་ཏེ་སླེབས་སོ། །དེ་ནས་ཡལ་ག་དེ་ལ་དམ་དུ་འཇུས། །སྦ་ཐག་དེ་ཡང་རབ་ཏུ་བསྒྲིམས་ཏེ་བརྒྱངས། །ཤིང་འདིའི་ཁ་ནས་འདི་ལས་མྱུར་དུ་དེང་། །སྤྲེའུའི་ཚོགས་
[101b.4]རྣམས་བདག་གི་སྐད་ཀྱིས་སྦྲན། །དེ་ནས་སྤྲེའུ་དེ་དག་འཇིགས་པས་ཉེན་ཅིང་བྲོས་པའི་ལམ་རྙེད་ནས། རབ་ཏུ་རྟབ་པའི་འགྲོས་ཀྱིས་དེའི་ལུས་བརྫི་བ་ལ་ཚམ་ཚོམ་མེད་པར་སྦ་ཐག་དེ་ལས་བརྒྱུད་དེ་བདེ་བར་བྲོས་ཏེ་སོང་ངོ་། །སྤྲེའུའི་ཚོགས་དེ་དག་འཇིགས་པས་ཉེན་པ་ཡི། །
[101b.5]རྐང་ལག་རྣམས་ཀྱིས་དེ་ཡི་ལུས་བརྫིས་པས། །བདག་གི་ལུས་ཀྱི་ཤ་དང་བྲལ་གྱུར་ཀྱང་། །རབ་ཏུ་བརྟན་པས་སེམས་ནི་ཡོང་མ་བྲལ། །དེ་ལྟར་སྤྲེའུའི་རྒྱལ་པོ་དེ་རྒྱལ་པོ་དང་མི་དེ་དག་གིས་མཐོང་ནས་རབ་ཏུ་ཡ་མཚན་ཆེ་བར་གྱུར་ཏོ། །འདི་ནི་དཔའ་ཞིང་བློ་ཡང་ཕུན་སུམ་ཚོགས། །
[101b.6]བདག་ལའང་མི་ལྟ་གཞན་ལ་སྙིང་བརྩེ་བ། །ཐོས་པར་གྱུར་ན་ངོ་མཚར་ཆེ་གྱུར་པ། །མངོན་སུམ་མཐོང་བ་སྨོས་ཀྱང་ཅི་ཞིག་དགོས། །དེ་ནས་མི་དེ་དག་ལ་རྒྱལ་པོ་དེས་བསྒོས་པ། སྤྲེའུའི་བདག་པོ་འདི་སྤྲེའུ་མང་པོ་འཇིགས་ཏེ་བྲོས་པའི་རྐང་ལག་གིས་བརྫིས་པས། ལུས་
[101b.7]སྣད་ལ་ཡུན་རིང་དུ་ཟམ་པ་བྱེད་ཅིང་འདུག་འདུག་པས་དུབ་པའི་ཕྱིར་གདོན་མི་ཟ་བར་བདག་རང་ལྡང་མི་ནུས་ཀྱིས། དེ་བས་ན་འདིའི་འོག་ཏུ་རས་བརྒྱངས་པ་ཟེད་ལ། སྦ་ཐག་འདི་དང་ཤིང་ནྱ་གྲོ་དྷའི་ཡལ་ག་འདི་ཡང་མདའ་གཉིས་ཀྱིས་དུས་གཅིག་ཏུ་ཆོད་ཅིག་ཅེས་བསྒོས་སོ། །དེ་
[102a]
[102a.1]ནས་མི་དེ་དག་གིས་ཀྱང་དེ་བཞིན་དུ་བྱས་སོ། །དེ་ནས་རྒྱལ་པོ་དེས་རས་བརྒྱངས་ཏེ་ཟེད་པ་ལ་ཕབ་ནས། ལུས་རྨ་བྱུང་བའི་སྡུག་བསྔལ་གྱིས་བརྒྱལ་བར་གྱུར་ཏེ། སེམས་མི་དྲན་པ་དེ་མལ་སྟན་འཇམ་པོ་ཞིག་ལ་བཞག་ནས་རྨ་གསར་པ་གསོ་བའི་སྨན་
[102a.2]ལ་སོགས་པས་དེའི་ལུས་ཀྱི་རྨ་བཀྲུས་ཏེ་ཅུང་ཟད་ཅིག་ལོན་པར་གྱུར་ཅིང་དབུགས་ཕྱུང་བར་གྱུར་པ་དང་། རྒྱལ་པོ་དེ་ངོ་མཚར་དང་ཡ་མཚན་ཆེ་ཞིང་གུས་པར་གྱུར་ནས། ནད་དྲིས་ཕྱིར་སྨྲས་པ། སྙིང་རྗེ་བསྐྱེད་དེ་བདག་གི་སྲོག་བོར་ནས། །གང་རྣམས་ཕྱིར་ནི་བདག་གིས་ཟམ་པ་
[102a.3]བྱས། །ཁྱོད་ཀྱིས་བསྒྲལ་བའི་སྤྲེའུ་ཚོགས་མང་པོ་འདི། །ཁྱོད་ཀྱི་ཅིར་འོང་ཁྱོད་ཀྱང་ཁོང་གི་ཅི། །གལ་ཏེ་ངེད་ཀྱིས་འདི་ནི་མཉན་རུང་ན། །སྤྲེའུ་རྒྱལ་གཙོ་བོ་དེ་ནི་རྗེས་སྨྲོས་ཤིག །རབ་ཏུ་མཛའ་བའི་རྒྱུ་འབྲེལ་ཆུང་ངུ་དག །དེ་ལྟ་བུ་ནི་ཡིད་ལ་བྱེད་མི་འགྱུར། །དེ་ནས་བྱང་
[102a.4]ཆུབ་སེམས་དཔས་རྒྱལ་པོ་དེ་དེ་ལྟར་གུས་ཤིང་ལེགས་པར་སྨྲས་པ་ལ་ལན་ལེགས་པར་གླན་པའི་ཕྱིར། མི་ངོམས་པའི་ཚུལ་གྱིས་བདག་ཉིད་སུ་ཡིན་པར་བསྟན་པ། བདག་གི་ངག་མཉན་གུས་པ་འདི་དག་གིས། །བདག་ལ་རྒྱལ་པོའི་ཁུར་ནི་བསྐུར་བར་གྱུར། །དེ་བས་འདི་
[102a.5]དག་བུ་དང་འདྲ་བར་སྡུག །ཁུར་ཏེ་བསྐུར་བའི་ཕྱིར་ནི་འདི་ལྟར་བགྱི། །རྒྱལ་པོ་ཆེན་པོ་བདག་དང་འདི་རྣམས་ནི། །ཡུན་རིང་དུས་ནས་འདི་ལྟར་འབྲེལ་པར་གྱུར། །རིགས་གཅིག་སྐྱེས་པས་འདི་ལྟར་མཛའ་གྱུར་ཅིང་། །ལྷན་ཅིག་གནས་པས་གཉེན་དང་འདྲ་བར་གྱུར། །དེ་སྐད་
[102a.6]ཟེར་བ་རྒྱལ་པོ་དེས་ཐོས་ནས། །ཡ་མཚན་ཆེ་བར་གྱུར་ནས་ཡང་སྨྲས་པ། །བློན་པོ་ལ་སོགས་རྒྱལ་པོའི་ཕྱིར། །དེ་དག་ཕྱིར་ནི་རྒྱལ་པོ་མིན། །དེ་བས་བདག་གི་བྲན་གྱི་ཕྱིར། །ཅི་ཕྱིར་ཁྱོད་ཀྱིས་བདག་ལུས་བོར། །བྱང་ཆུབ་སེམས་དཔས་སྨྲས་པ། རྒྱལ་པོ་ཆེན་པོ་དེ་ལྟར་བགྱིད་
[102a.7]པ་ནི་མད་ན། རྒྱལ་པོའི་གཞུང་ལུགས་དེ་ལྟ་བུ། །བདག་གི་གཞུང་ལུགས་ངན་པར་མཐོང་། །མ་འདྲིས་པར་ཡང་སྡུག་བསྔལ་མི་བཟོད་པ། །ཡལ་བར་བོར་ན་སྡུག་བསྔལ་ཆེར་གྱུར་ན། །སེམས་ནི་རབ་ཏུ་གུས་པས་སྐྱེ་བོ་རྣམས། །གཉེན་དང་མཛའ་བོར་གྱུར་པ་སྨོས་ཅི་
[102b]
[102b.1]དགོས། །སྤྲེའུ་རྣམས་རབ་ཏུ་ཉམས་ཉེས་ཆེར་གྱུར་ཞིང་། །ཕོངས་ནས་མྱ་ངན་བྱེད་པ་འདི་མཐོང་ནས། །བདག་གི་དོན་བསྒྲུབ་སེམས་པར་མི་འགྱུར་བའི། །སྡུག་བསྔལ་ཆེན་པོ་བདག་ལ་བྱུང་བར་གྱུར། །དེ་བས་གཞུ་རྣམས་རབ་ཏུ་བཀང་ནས་སུ། །མདེའུ་རྩེ་རྣོན་པོ་རབ་ཏུ་
[102b.2]འཕེན་པ་ཡི། །གཞུ་རྒྱུད་སྒྲས་འཇིགས་སེམས་ལ་མ་བསམས་པར། །ཤིང་དེའི་ཁ་ནས་རི་ཁ་འདིར་མཆོངས་མོད། །བདག་གི་འཁོར་ནི་རབ་ཏུ་སྐྲག་པའི་སེམས། །ངུ་ཞིང་འབོད་པས་བདག་ནི་རབ་བསྐུལ་ནས། །ས་ཁྱོན་ཚད་ནི་ལེགས་པར་བརྟགས་ནས་སུ། །སྦ་ཐག་
[102b.3]བཅད་ནས་བདག་གི་རྐང་པ་བཅིངས། །རི་བོ་དེ་ལས་སླར་ཡང་འདིར་མཆོངས་ཏེ། །ལྗོན་ཤིང་འདི་ལས་བདག་གི་འཁོར་བསྒྲལ་ཕྱིར། །དེ་ཡི་ཡལ་ག་ལག་པ་བརྐྱང་འདྲ་བ། །བདག་གི་ལག་པ་གཉིས་ཀྱིས་ཟིན་པར་གྱུར། །སྦ་ཐག་དེ་ནི་རབ་ཏུ་བརྐྱངས་པ་དང་། །ལྗོན་ཤིང་
[102b.4]དེ་ཡི་ཡལ་གས་བཏུད་པ་ལས། །བདག་གི་ལུས་བརྫིས་ཚམ་ཚོམ་མ་མཆིས་པར། །བདག་ལ་བརྟེན་ནས་འཁོར་རྣམས་བདེ་བར་ཐར། །དེ་ནས་རྒྱལ་པོ་དེ། སེམས་དཔའ་ཆེན་པོ་དེ་དེ་ལྟ་བུའི་གནས་སྐབས་ན་ཡང་དེ་ལྟར་བྱེད་པ་མཐོང་ནས་རབ་ཏུ་དགའ་བར་གྱུར་ཏེ་རབ་ཏུ་
[102b.5]ཡ་མཚན་ཆེ་བར་གྱུར་ནས་ཡང་འདི་སྐད་ཅེས་སྨྲས་སོ། །བདག་གི་བདེ་བ་ཁྱད་དུ་བསད། །གཞན་ལ་ཉམས་ཉེས་བྱུང་བ་དང་། །དེ་ལྟར་བདག་གིས་ཉམས་སུ་བླངས། །ཁྱོད་ཀྱི་ཡོན་ཏན་ཅི་ཞིག་ཐོབ། །བྱང་ཆུབ་སེམས་དཔས་སྨྲས་པ། གང་རྣམས་རྒྱལ་པོ་བདག་གིས་ཡུན་རིང་བྱས། །
[102b.6]དེ་དག་སྡུག་བསྔལ་བདག་གིས་རྣམ་པར་བཟློག །དེ་བས་སེམས་ནི་རབ་ཏུ་དགའ་བར་གྱུར། །བདག་གི་ལུས་ལྟ་བཅད་པར་གྱུར་ཀྱང་རུང་། །དྲེགས་པའི་དགྲ་རྣམས་གཡུལ་ངོ་ཕམ་བྱས་ནས། །ལུས་ལ་རྨ་བྱུང་རྒྱན་གྱིས་བརྒྱན་པ་བཞིན། །དཔའ་བོ་རྣམས་ནི་དཔའ་བོའི་མཚོན་གྱིས་
[102b.7]བརྒྱན། །དེ་བཞིན་རྨ་འདི་བདག་གིས་དགའ་བཞིན་བཟོད། །རིགས་མཐུན་རྣམས་ནི་རབ་ཏུ་གུས་བྱས་ནས། །གུས་པས་ཕྱག་འཚལ་བཀུར་སྟི་ཆེར་བྱས་པའི། །དབང་ཕྱུག་བདེ་བ་ཐོབ་པར་གྱུར་པ་ཡི། །བུ་ལོན་བདག་གི་དེ་རིང་འཁོར་བར་གྱུར། །དེ་བས་བདག་ནི་མཛའ་དང་བྲལ་
[103a]
[103a.1]བའམ། །བདེ་བ་མེད་པར་སྡུག་བསྔལ་མ་མཆིས་ཀྱིས། །འདི་ལྟར་བགྱིས་པས་བདག་ནི་འགུམས་གྱུར་ཀྱང་། །འདི་ནི་དགའ་དང་འཕྲད་པར་གྱུར་པ་བཞིན། །སྔོན་དུ་ཕན་བཏགས་བུ་ལོན་འཁོར་བས་མགུ། །མྱ་ངན་གདུངས་ཤིང་གྲགས་པ་དྲི་མེད་ཐོབ། །རྒྱལ་པོའི་མཆོད་བྱས་འཆི་ལ་འཇིགས་པ་མེད། །
[103a.2]དམ་པས་ཕན་བཏགས་དྲིན་ཀྱང་དྲན་པར་གྱུར། །ཡོན་ཏན་མཆོག་གནས་ཡོན་ཏན་འདི་དག་ནི། །སྡུག་བསྔལ་འདི་མྱོང་བདག་གིས་ཐོབ་བར་འགྱུར། །བདག་པོ་སྙིང་རྗེ་མེད་ལ་རྟེན་བཅས་ན། །དེ་དང་མི་མཐུན་ཕྱོགས་
[103a.3]རྣམས་ཐོབ་པར་འགྱུར། །ཡོན་ཏན་མེད་ཅིང་གྲགས་པ་མེད་གྱུར་པ། །ཉེས་པ་འབྱུང་བའི་གནས་སུ་གྱུར་པ་རྣམས། །དམྱལ་བའི་མེ་འབར་རབ་ཏུ་འཁྲུག་པ་ལས། །གཞན་དུ་འགྲོ་བའི་གནས་ནི་ཅི་ཞིག་ཡོད། །དེ་བས་ཁྱོད་ལ་ཡོན་ཏན་སྐྱོན་གྱི་མཐུ། །བདག་གིས་ལེགས་པར་
[103a.4]བསྟན་པ་འདི་ལགས་ཀྱི། །ལྷ་དཔལ་འགྲོ་བའང་བུད་མེད་རང་བཞིན་ཅན། །དེ་བས་ཆོས་ཀྱིས་རྒྱལ་སྲིད་སྐྱོང་བར་མཛོད། །གཞོན་པའི་དཔུང་དང་ལྗོངས་དང་བློན་པོ་དང་། །མགོན་མེད་འབངས་དང་དགེ་སྦྱོང་བྲམ་ཟེ་དང་། །རྒྱལ་པོས་ཕ་བཞིན་ཕན་པའི་རྗེས་མཐུན་པར། །ཐམས་ཅད་
[103a.5]བདེ་དང་ལྡན་པར་མཛད་པར་རིགས། །དེ་ལྟར་བྱས་ན་ཆོས་སྲིད་གྲགས་པ་འཕེལ། །འདི་དང་གཞན་ལའང་ཁྱོད་ནི་བདེ་བར་འགྱུར། །དེ་བས་ཁྱོད་ནི་འབངས་ལ་ཐུགས་བརྩེ་བས། །རྒྱལ་པོ་དྲང་སྲོང་དཔལ་གྱིས་བརྗིད་པར་མཛོད། །དེ་ལྟར་རྒྱལ་པོ་སློབ་མ་བཞིན་དུ་བསྟན། །
[103a.6]རབ་ཏུ་བསྟོད་པའི་ཚིག་གིས་དེ་བསྟན་ནས། །སྣད་པའི་སྡུག་བསྔལ་རབ་ཏུ་ཟིལ་མནན་ཏེ། །ལུས་དེ་བོར་ནས་མཐོ་རིས་སོང་བར་གྱུར། །དེ་ལྟ་བས་ན་དམ་པའི་ཚུལ་གྱི་རྗེས་སུ་འབྲང་བ་རྣམས་ནི་ཡིད་ཀྱང་མགུ་བར་བྱེད་དོ། །ཞེས་འཇིག་རྟེན་པ་རྣམས་མགུ་བར་བྱེད་པར་འདོད་པས། དམ་
[103a.7]པ་རྣམས་ཀྱི་ཚུལ་གྱི་རྗེས་སུ་འབྲང་བར་བྱའོ། །བཅོམ་ལྡན་འདས་དེ་གཞན་གྱི་དོན་ཇི་ལྟར་བསྒྲུབ་པ་དེ་ལྟར་སེམས་ཅན་རྣམས་བདག་གིས་ཀྱང་བསྒྲུབ་མི་ནུས་སོ། །ཞེས་དེ་བཞིན་གཤེགས་པའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །རིམ་གྲོ་བསྐྱེད་དེ་དམ་པའི་ཆོས་མཉན་
[103b]
[103b.1]པ་དང་སྙིང་རྗེ་ཆེན་པོས་ཡོན་ཏན་བསྔགས་པ་དང་། རྒྱལ་པོའི་འབངས་རྣམས་ལ་དེ་ལྟར་སྙིང་རྗེ་དང་ལྡན་པར་བྱའོ། །ཞེས་རྒྱལ་པོ་ལ་གདམས་པ་དང་། སྐྱེས་བུ་དམ་པ་རྣམས་ནི་དེ་ལྟར་ཆུ་གང་ཆེའོ་ཞེས་ཆུ་གང་ཆེ་བའི་གཏམ་བྱ་བ་ལ་ཡང་བརྗོད་པར་བྱའོ། །སྤྲེའུའི་
[103b.2]རྒྱལ་པོར་སྐྱེས་པའི་རབས་ཏེ་ཉི་ཤུ་བདུན་པའོ།། །།བམ་པོ་བཅུ་པ། བཟོད་པ་ལ་གོམས་ཤིང་སོ་སོར་བརྟགས་ཏེ། བརྣགས་པའི་ཤས་ཆེ་བ་རྣམས་ནི་བརྣགས་མི་ཐུབ་ཅེས་བྱ་བ་མེད་དོ། །དེ་ཡང་འདི་ལྟར་བྱང་ཆུབ་སེམས་དཔའ་ཁྱིམ་ན་གནས་པ་ནི་ཉེས་པ་
[103b.3]མང་པོའི་སྡུག་བསྔལ་དང་ལྡན་པ། སྲིད་དང་འདོད་པ་ལྷུར་ལེན་པས་ཉེ་བར་མ་ཞི་ཞིང་འདོད་ཆགས་དང་། ཞེ་སྡང་དང་། མི་བཟོད་པ་དང་། འཐབ་པ་དང་། དྲེགས་པ་དང་། ང་རྒྱལ་དང་། སེར་སྣ་ལ་སོགས་པའི་སྐྱོན་རྣམས་ཀྱི་གནས་ངོ་ཚ་བའི་ཆོས་མེད་པར་བྱེད་པ་འདོད་ཞེན་
[103b.4]ཆེ་བའི་སྐྱེ་གནས་བྱ་བ་ངན་པའི་སྐལ་བས་ཆོས་སྤྱད་པའི་གོ་སྐབས་མེད་པར་ཤེས་ལ། རབ་ཏུ་བྱུང་བ་ནི་འདུ་འཛིའི་དུག་སྤོང་ཞིང་ཉེས་པ་དེ་ལྟ་བུ་མེད་པའི་བདེ་བ་ཅན་དུ་མཐོང་ནས། ཚུལ་ཁྲིམས་དང་། མང་དུ་ཐོས་པ་དང་། རབ་ཏུ་ཞི་བ་དང་། དུལ་བ་ལ་ཡིད་དེས་པར་བྱ་བའི་དཀའ་ཐུབ་
[103b.5]ཅན་ཞིག་ཏུ་གྱུར་ཏོ་ཞེས་གྲགས་སོ། །དེས་བཟོད་པ་བྱས་པའི་དམ་བཅས་པ་མ་ཉམས་ཤིང་བཟོད་པའི་བསྔགས་པ་རྗོད་པར་བྱེད་པ་དེ་དང་རྗེས་སུ་མཐུན་པའི་ཆོས་གོ་རིམས་བཞིན་དུ་འཆད་པས། བདག་རང་གི་མིང་རུས་ནས་སུ་ཡང་མི་འབོད་པར་བཟོད་པར་སྨྲ་བ་ཞེས་འཇིག་རྟེན་པ་
[103b.6]རྣམས་ཀྱིས་ཡང་དག་པར་བློ་བསྐྱེད་དེ་མིང་དུ་གྲགས་སོ། །དབང་ཕྱུག་རིགས་པ་དཀའ་ཐུབ་ཕུན་སུམ་ཚོགས། །སྒྱུ་རྩལ་རྣམས་ལ་གོམས་པ་རྒྱ་ཆེ་བ། །ལུས་དང་ངག་གི་སྤྱོད་པ་མཐུ་རྩལ་ཅན། །མི་རྣམས་མིང་ནི་གཞན་དུ་འདོགས་པར་བྱེད། །དེ་ནི་བཟོད་པའི་ཡོན་ཏན་མཐུ་ཤེས་ནས། །
[103b.7]དེ་ཡིས་བདག་གཞན་འཇིག་རྟེན་རབ་ཏུ་བརྒྱན། །བཟོད་པའི་གཏམ་ཡང་རྒྱུན་དུ་བྱེད་པར་གྱུར། །དེ་བས་དེ་ནི་བཟོད་པར་སྨྲ་ཞེས་གྲགས། །བཟོད་པ་ཆེན་པོ་རང་གི་ངང་དུ་གྱུར། །གཞན་ལ་གནོད་པ་མི་བྱེད་རབ་ཏུ་བརྟན། །དེ་ཡི་དོན་དང་མཐུན་པའི་གཏམ་དག་གིས། །ཐུབ་
[104a]
[104a.1]པ་དེ་ཡི་གྲགས་པ་རྒྱས་པར་གྱུར། །དེ་ནས་བདག་ཉིད་ཆེན་པོ་དེ་ནགས་ཚལ་གྱི་ཕྱོགས་རབ་ཏུ་དབེན་ཞིང་ཉམས་དགའ་བ། མེ་ཏོག་དང་འབྲས་བུ་དུས་ཐམས་ཅད་དུ་རྙེད་པར་སླ་བ། མཚོ་ཆུ་གཙང་མ་པདྨ་དང་ཨུཏྤ་ལས་བརྒྱན་པ། སྐྱེད་མོས་ཚལ་
[104a.2]ཉམས་དགའ་བ་བཞིན་དུ་མཛེས་པ་ཞིག་ཏུ་གནས་བཅས་པས་དཀའ་ཐུབ་ཀྱི་ནགས་ཚལ་ཤིན་ཏུ་བཀྲ་ཤིས་པར་བྱས་སོ། །དམ་པ་ཡོན་ཏན་མཆོག་ལྡན་པ། །གང་ན་གནས་པ་དེ་དག་ཉིད། །བཀྲ་ཤིས་ཡིད་དུ་འོང་བ་དང་། །རི་ཉིད་བརྟེན་དང་དཀའ་ཐུབ་ཚལ། །དེ་ན་གནས་
[104a.3]པའི་ལྷ་རྣམས་ནི། །དེ་ལ་ཤིན་ཏུ་དད་པ་སྐྱེས། །སྐྱེ་བོ་ཕན་པར་འདོད་ཅིང་ཡོན་ཏན་ལ་དགའ་བ་རྣམས་ནི་བཀུར་སྟི་བྱེད་ཅིང་འོང་བར་གྱུར་ཏེ། སྐྱེ་བོ་མང་པོ་དེ་རྣམས་ལ་ཆོས་ཀྱི་གཏམ་བཟོད་པ་དང་ལྡན་པ། རྣར་འོང་ཞིང་སེམས་ལ་འབབ་པ་རྣམས་ཀྱིས་ཕན་བཏགས་སོ། །དེ་
[104a.4]ནས་རེ་ཞིག་ཅིག་ཡུལ་དེའི་རྒྱལ་པོ་དཔྱིད་ཀྱི་དུས་ལ་བབ་པས། ཆུའི་ནང་དུ་རྩེར་འགྲོ་འདོད་པར་གྱུར་ཏེ། སྐྱེད་མོས་ཚལ་གྱི་ཡོན་ཏན་པས་ཀྱང་ལྷག་པའི་གནས་སུ་གྱུར་པའི་ནགས་ཚལ་གྱི་ཕྱོགས་དེར་བཙུན་མོའི་འཁོར་དང་བཅས་ཏེ་སོང་ངོ་། །དགའ་བའི་ཚལ་ལྟར་ཉམས་
[104a.5]དགའ་མཛེས་པའི་ཚལ། །དེ་ཡི་བཙུན་མོའི་འཁོར་གྱིས་གང་བར་གྱུར། །ལོངས་སྤྱོད་ཅན་གྱི་སྤྱོད་ཚུལ་མཛེས་པ་ཡི། །ན་ཆུང་ཆས་པ་རྣམས་ཀྱིས་བརྒྱན་པ་བཞིན། །འཁྲི་ཤིང་འཁྱིལ་པས་གཏིབས་པ་ལྡིང་ཁང་བཞིན། །མེ་ཏོག་རྒྱས་པའི་ལྗོན་ཤིང་བཀོད་པ་བཞིན། །
[104a.6]པདྨ་རབ་ཏུ་རྒྱས་པའི་མཚོ་འགྲམ་ན། །བཙུན་མོ་རྣམས་ནི་རབ་ཏུ་དགའ་ཞིང་རྩེ། །མེ་ཏོག་ཕྲེང་དང་ཁྲུས་ཀྱི་བྱུག་སྤོས་ཀྱི། །བསུང་ཞིམ་ངད་ཀྱིས་བུང་བ་འདུས་རྣམས་ལ། །བཙུན་མོ་ཁ་ཅིག་ལྟད་མོ་ཆེར་ལྟ་བ། །ཡ་མཚན་ཆེར་གྱུར་བསྔགས་ཤིང་འཛུམ་པས་མཛེས། །མེ་ཏོག་རྣ་
[104a.7]ཆ་གསར་པས་རབ་ཏུ་མཛེས་པ་དང་། །སྐྲ་ཡི་རྒྱན་དུ་བཏགས་པའི་ཕྲེང་བ་མཛེས་ཡོད་ཀྱང་། །དེ་དག་མེ་ཏོག་འདོད་པས་ཚིམ་པར་མ་གྱུར་ཏེ། །དེ་བཞིན་རྒྱལ་པོའི་བཙུན་མོ་རྩེ་བས་སྙིང་མ་ཚིམ། །མེ་ཏོག་ཤིང་ལ་བུད་མེད་མིག་ལྟ་ཞིང་། །གཞལ་མེད་ཁང་ལ་ལྟ་བས་ཆགས་
[104b]
[104b.1]གྱུར་པ། །པདྨའི་མཚོ་ན་བུང་བ་དངར་བ་བཞིན། །རབ་ཏུ་མཛེས་པ་རྒྱལ་པོས་མཐོང་བར་གྱུར། །ཀོ་ཀི་ལ་དག་མྱོས་པའི་སྒྲ་རྣམས་དང་། །རྨ་བྱ་གར་བྱེད་བུང་བ་གླུ་ལེན་དང་། །ན་ཆུང་ཚིག་སྨྲ་གླུ་ལེན་གར་བྱེད་པས། །དེ་དག་དེ་ན་རབ་ཏུ་མཛེས་པར་སྣང་། །འབྲུག་སྒྲ་
[104b.2]ཟབ་མོ་རྔ་སྒྲ་བརྡུངས་པ་བཞིན། །རྨ་བྱ་མང་པོ་ལྷང་ལྷང་སྒྲ་འབྱིན་ཞིང་། །རབ་ཏུ་སྒྱུ་རྩལ་ཐབས་ཀྱིས་གར་བྱེད་པ། །རྒྱལ་པོ་དེ་ལ་རྨ་བྱ་གར་བྱེད་འདྲ། །དེ་དེ་ན་བཙུན་མོའི་འཁོར་དང་བཅས་པ་ནགས་ཚལ་སྐྱེད་མོས་ཚལ་འདྲ་བ་ན་སྤྱོད་པའི་བདེ་བ་ཉམས་སུ་མྱོང་ནས་རྩེ་རྩེ་བས་
[104b.3]ཆད་ཅིང་འདོད་པ་ལ་ཆགས་པའི་དབང་གིས་ཤིང་གྲིབ་དཔལ་དང་ལྡན་པ་གཞལ་མེད་ཁང་པའི་དྲུང་དུ་མལ་ཆ་བཟང་པོ་བཏིང་བ་ལ་ཉལ་ཏེ་གཉིད་ཀྱིས་ལོག་པར་གྱུར་ཏོ། །དེ་ནས་བཙུན་མོ་དེ་དག་རྒྱལ་པོ་མནལ་བའི་སྐབས་སུ་བབ་པ་ཤེས་ནས། །ནགས་ཚལ་མཛེས་པ་ལ་སྙིང་ཆགས་
[104b.4]ཤིང་དེ་ལྟ་བས་མ་ངོམས་པས་དགའ་སྟེ་དགའ་བ་དེར་ཆས་སོ། །རྒྱན་རྣམས་སིལ་སིལ་ཟེར་བའི་སྒྲ་དང་མཛེས་པའི་སྐད་སྙན་པ་འབྱིན་ཅིང་ཀུན་ཏུ་འཁྱམས་སུ་སོང་ངོ་། །དེ་དག་གདུགས་དང་རྔ་ཡབ་སྟན་ལ་སོགས། །གསེར་གྱིས་བརྒྱན་པ་རྣམས་ནི་བྲན་མོས་ཐོགས། །དབང་ཕྱུག་
[104b.5]རྟགས་དང་བཅས་པ་རྗེས་སུ་འབྲང་། །བུད་མེད་རང་བཞིན་འཕྱར་བ་རྣམ་པར་རྒྱུ། །དེ་དག་ལྗོན་ཤིང་བཟང་པོའི་མེ་ཏོག་དང་། །ལོ་མ་སྡུག་གུ་བསྙབ་ཏུ་སླེབས་པ་རྣམས། །བྲན་མོས་བཏོགས་ཏེ་དབུལ་གྱིས་མི་སླེབས་པ། །ཆགས་པའི་དབང་གིས་བདག་ཅག་ཉིད་ཀྱིས་བཏོགས། །
[104b.6]ཤིང་ལོ་གཡོ་བའི་ཤིང་དང་གེལ་པ་རྣམས། །ལམ་དང་ཉེ་བ་མེ་ཏོག་རྒྱས་པ་ཀུན། །མེ་ཏོག་ཕྲེང་བའི་རྒྱན་གྱིས་བཀླུབས་ཟིན་ཀྱང་། །ཆགས་པའི་དབང་གིས་མ་བཏོགས་དེ་མ་དོང་། །དེ་ནས་རྒྱལ་པོའི་བཙུན་མོ་དེ་དག་ནགས་ཚལ་ཉམས་དགའ་བ་དེ་ལས་སེམས་གཡེང་བཞིན་དུ།
[104b.7]ནགས་ཚལ་དེའི་ནང་ནས་མཐར་གྱིས་སོང་སོང་བ་ལས། བཟོད་པར་སྨྲ་བའི་དཀའ་ཐུབ་ཀྱི་ནགས་སུ་ཕྱིན་ཏོ། །བུད་མེད་བསྲུང་བའི་ཉུག་རུམ་པ་རྣམས་ཀྱིས། ཐུབ་པ་དེའི་དཀའ་ཐུབ་ཀྱི་མཐུ་ཆེ་བར་ཤེས་ཤིང་། བཙུན་མོ་དེ་རྣམས་ཀྱང་རྒྱལ་པོའི་གནང་ཆེན་ཡིན་ལ་བཅོས་དཀའ་བའི་
[105a]
[105a.1]ཕྱིར་དེར་མི་འདོང་བར་བཟློག་མ་ནུས་སོ། །དཀའ་ཐུབ་ཀྱི་ནགས་དེ་བྱི་དོར་ལེགས་པར་བྱས་པས་ཉམས་དགའ་ཞིང་ཡིད་དུ་འོང་བས། བཙུན་མོ་དེ་དག་དྲངས་པ་བཞིན་དུ་དེར་ལྷགས་པ་དང་། དེ་ན་ཐུབ་པའི་མཆོག་དེ་རབ་ཏུ་ཞི་ཞིང་དུལ་བར་སྣང་ཡང་རབ་ཏུ་ཟབ་
[105a.2]པས་དཀའ་ཐུབ་ཀྱི་དཔལ་མེ་འབར་བ་བཞིན་དུ་བསྙེན་པར་ནི་དཀའ། བསམ་གཏན་ལ་གོམས་པར་བྱས་པས་འདོད་ཆགས་ཀྱི་ཡུལ་བཟང་པོ་ཉེ་བར་གྱུར་ཀྱང་དབང་པོ་དུལ་ཞིང་མ་འཁྲུགས་པས་ནི་མཛེས། ཆོས་མངོན་སུམ་དུ་མཐོང་བ་བཞིན་དུ་བཀྲ་ཤིས་ཤིང་བསོད་ནམས་དང་ནི་ལྡན་
[105a.3]པར་ཤིང་དྲུང་དུ་སྟན་བཏིང་བ་ལ་འདུག་པ་མཐོང་བར་གྱུར་ཏོ། །དེ་ནས་རྒྱལ་པོ་དེའི་བཙུན་མོ་དེ་དག་དེའི་དཀའ་ཐུབ་ཀྱི་གཟི་བྱིན་གྱིས་སེམས་ཟིལ་གྱིས་ནོན་པས། མཐོང་མ་ཐག་ཏུ་གཡེང་བ་དང་འཛུམ་འཕྱར་བ་དང་འདོད་པ་བཏང་སྟེ། དུལ་ཞིང་གུས་པར་བྱས་ཏེ། དེའི་དྲུང་དུ་
[105a.4]ལྷགས་ནས་བསྙེན་བཀུར་བྱས་སོ། །དེས་ཀྱང་དེ་དག་ལ་འདིར་འོངས་པ་ལེགས་སོ་ཞེས་བྱ་བ་ལ་སོགས་པའི་ཚིག་སྙན་པ་བརྗོད་ནས། མགྲོན་འོངས་པ་དགའ་བར་འགྱུར་བའི་རིམ་གྲོ་བྱས་ཏེ། དེ་དག་ལ་ནད་དྲི་བའི་སྐབས་ནས་གླེང་བསླངས་ཏེ། ཆོས་ཀྱི་གཏམ་བུད་མེད་ཀྱིས་གོ་
[105a.5]བར་སླ་བ་དཔེ་དང་བཅས་པ་རྣམས་ཀྱིས་དེ་རྣམས་ལ་མགྲོན་བྱས་སོ། །མི་ཡི་ལུས་སུ་གྱུར་པ་མ་སྨད་ཐོབ་པར་འགྱུར། །དེ་བཞིན་དབང་པོ་རྣམས་ཀྱང་མ་ཉམས་སྣོད་དང་ལྡན། །འོན་ཀྱང་འཆི་བདག་དེས་ནི་ལེགས་པར་མི་བྱེད་ངེས། །བག་མེད་གྱུར་པ་དེ་དག་ཉིན་རེ་བསླུས་པར་འགྱུར། །
[105a.6]རབ་ཏུ་སྦྱིན་དང་ཚུལ་ཁྲིམས་ལ་སོགས་མ་སྦྱངས་ན། །རིགས་དང་གཟུགས་དང་ལང་ཚོའི་ཡོན་ཏན་རྣམས་དང་ནི། །སྟོབས་ནི་རབ་ཏུ་ཆེ་ཞིང་ནོར་གྱིས་ཕྱུག་གྱུར་ཀྱང་། །ཕྱི་མའི་ཚེ་ལ་སུ་ཡང་བདེ་བ་ཐོབ་མི་འགྱུར། །རིགས་ལ་སོགས་པ་དམན་ཡང་སྡིག་ལ་མ་ཆགས་ཤིང་། །རབ་
[105a.7]ཏུ་སྦྱིན་དང་ཚུལ་ཁྲིམས་ལ་སོགས་ཡོན་ཏན་ལྡན། །དབྱར་གྱི་དུས་ན་འབབ་ཆུས་རྒྱ་མཚོ་གང་བ་བཞིན། །ཕྱི་མའི་ཚེ་ལ་ངེས་པར་བདེ་བ་རྒྱས་པར་འགྱུར། །རིགས་དང་གཟུགས་དང་ལུས་ཀྱི་ཡོན་ཏན་རྣམས་ཀྱང་རུང་། །སྟོབས་ནི་རབ་ཏུ་ཆེ་ཞིང་ནོར་གྱིས་ཕྱུག་ཀྱང་རུང་། །ཡོན་ཏན་
[105b]
[105b.1]ཡོད་ན་ཚེ་འདི་ལ་ཡང་རྒྱན་དུ་འགྱུར། །གསེར་གྱི་ཕྲེང་བས་ཕྱུག་པོའི་མཚན་མ་བསྟན་པ་བཞིན། །མེ་ཏོག་རྣམས་ནི་ལྗོན་པའི་ཤིང་གི་རྒྱན་དུ་འགྱུར། །གློག་ཕྲེང་འགྱུ་བ་ཆར་སྤྲིན་རྣམས་ཀྱི་རྒྱན་དུ་འགྱུར། །བུང་བ་མྱོས་པ་འདུ་བ་པདྨ་མཚོ་ཡི་རྒྱན། །ཡོན་ཏན་ཁྱད་པར་འཕགས་
[105b.2]པ་ལུས་ཅན་རྣམས་ཀྱི་རྒྱན། །ནད་མེད་ཚེ་རིང་ནོར་དང་གཟུགས་དང་རིགས་རྣམས་ནི། །རབ་དང་འབྲིང་དང་ཐ་མའི་བྱེ་བྲག་སྣ་ཚོགས་པའི། །སྐྱེ་བོ་འདི་དག་ངོ་བོ་ཉིད་ལས་གྱུར་མ་ཡིན། །གཞན་གྱི་སྐྱེད་མིན་ལས་ནི་རྣམ་པ་གསུམ་ལས་གྱུར། །འགྲོ་བའི་ཆོས་ཉིད་འདི་ལྟར་ངེས་པར་
[105b.3]གནས་པར་གྱུར། །སྲོག་ཀྱང་མི་བརྟན་ཤི་དང་ཉེ་བར་ཤེས་ནས་སུ། །དགེ་བའི་ཕྱོགས་ལ་བརྟེན་ནས་སྡིག་པ་སྤོང་བར་གྱིས། །གྲགས་དང་བདེ་བ་ཐོབ་པའི་ལམ་ནི་འདི་ཡིན་ནོ། །ཡིད་ལ་ཞེ་སྡང་ཡོད་ན་བདག་དང་གཞན་དག་ལ། །ཕན་པར་འགྱུར་བ་མེ་བཞིན་རབ་ཏུ་སྲེག་
[105b.4]པར་བྱེད། །དེ་བས་སྐྱེ་བོ་སྡིག་ལ་འཛེམ་པ་དེ་དག་གིས། །གཉེན་པོ་རྣམས་ལ་བརྟེན་ནས་སྡིག་པ་སྤང་བར་བྱ། །དགོན་པའི་མེ་ནི་རབ་ཏུ་འབར་བར་གྱུར་པ་ཡང་། །ཆུ་ཀླུང་ཆེན་པོ་མཐའ་ཀླས་འབབ་དང་འཕྲད་གྱུར་ན། །ཞི་ལྟར་རབ་ཏུ་ཞི་བར་གྱུར་པ་དེ་བཞིན་དུ། །ཡིད་ཀྱི་
[105b.5]གདུང་བའང་བཟོད་ལ་བརྟེན་ན་ཞི་བར་འགྱུར། །དེ་བས་དེའི་རྒྱུ་ཟིལ་གྱིས་མནན་པས་བཟོད་པ་སྡིག་པ་སྤོང་། །དེ་ཕྱིར་བྱམས་ལ་བརྟེན་པའི་སྟོབས་ཀྱིས་དགྲ་ཡང་འཕེལ་མི་འགྱུར། །དེ་ལ་དགའ་ཞིང་མཆོད་འོས་བདེ་བའི་སྐལ་དང་ལྡན་པར་འགྱུར། །བསོད་ནམས་བྱས་པའི་ཡོན་
[105b.6]གྱིས་ཐ་མར་མཐོ་རིས་འགྲོ་བར་འགྱུར། །གཞན་ཡང་ཀྱི་བཙུན་མོ་དག་བཟོད་པ་ཞེས་བྱ་བ་འདི་ནི། དགེ་བའི་རང་བཞིན་ཅན་དུ་རབ་ཏུ་གྲགས། །བསོད་ནམས་གྲགས་པ་དག་ཀྱང་རབ་ཏུ་འཕེལ། །ཆུ་ཡིས་མ་བཀྲུས་པར་ཡང་དག་པར་འགྱུར། །ཡོན་ཏན་དེ་དང་དེ་དག་ཕུན་སུམ་
[105b.7]ཚོགས། །གཞན་ལ་གནོད་པ་རྟག་ཏུ་ཡོང་མི་ཤེས། །སྙིང་སྟོབས་ཅན་གྱི་ཆོས་ཉིད་ཡིད་དུ་འོང་། །ཡོན་ཏན་མངོན་བསྒྲུབ་བཟོད་པ་མཛེས་པའི་མིང་། །སྙིང་རྗེས་བཀའ་སྩལ་འཇིག་རྟེན་དོན་བྱེད་པ། །མཐུ་དང་ལྡན་པ་རྣམས་ཀྱི་རྒྱན་ཀྱང་ཡིན། །དཀའ་ཐུབ་ཅན་གྱི་སྟོབས་
[106a]
[106a.1]མཆོག་ཕུན་སུམ་ཚོགས། །གནོད་སེམས་དགོན་པའི་མེ་ལ་ཆུ་རྒྱུན་འབེབས། །གཉིས་ཀའི་ཚེ་ལ་དོན་མེད་ཞི་བར་བྱེད། །དམ་པ་རྣམས་ཀྱི་གོ་ཆ་བཟོད་པ་ཡིན། །སྐྱེ་བོ་ངན་པའི་ཚིག་ངན་མདའ་ཡང་རྡུགས། །ཕལ་ཆེར་ཡོན་ཏན་བསྔགས་པ་མེ་ཏོག་
[106a.2]འགྱུར། །དེ་ནི་གྲགས་པའི་ཡན་ལག་ཅན་དུ་འགྱུར། །ཆོས་ཀྱི་མི་མཐུན་ཕྱོགས་རྣམས་བཟོད་པས་འཇོམས། །རྣམ་པར་ཐར་པའི་བདེ་བའང་བཟོད་པས་ཐོབ། །རབ་ཏུ་འབད་ན་བཟོད་པ་ཕན་པར་འགྱུར། །བཟོད་པ་དེ་ནི་མི་བྱེད་སུ་ཞིག་ཡོད། །དེ་ལྟར་བདག་ཉིད་ཆེན་པོ་དེས་བཙུན་མོ་
[106a.3]དེ་རྣམས་ལ་ཆོས་ཀྱི་མགྲོན་བྱས་སོ། །དེ་ནས་རྒྱལ་པོ་དེ་གཉིད་ཀྱིས་ལོག་པ་ལས་སད་པ་དང་། འདོད་ཆགས་ལྷག་མ་ལུས་པས། མིག་ལྕི་བར་གྱུར་ནས། ཆགས་པའི་དབང་གིས་བཙུན་མོ་རྣམས་གར་སོང་ཞེས་གཟིམས་མལ་བ་རྣམས་ལ་སྨིན་མ་བསྒྱུར་ཏེ་དྲིས་སོ། །ལྷ་བཙུན་མོ་
[106a.4]དེ་རྣམས་ནི་ནགས་ཀྱི་ལྟད་མོ་རྣམས་ལྟ་ཞིང་ལོངས་སྤྱོད་བགྱིད་དུ་མཆིས་སོ། །ཞེས་གཟིམས་མལ་བ་རྣམས་ཀྱིས་གསོལ་པ་ཐོས་པ་དང་། རྒྱལ་པོ་དེས་བཙུན་མོ་རྣམས་སྤོབས་པས་བག་ཡངས་སུ་དགོད་ཅིང་སྨྲ་བ་དང་རྩེ་བ་ལྟ་འདོད་པའི་ཕྱིར་མལ་ནས་ལངས་ཏེ། གདུགས་དང་རྔ་ཡབ་
[106a.5]དང་། བསིལ་ཡབ་དང་། བླ་གོས་དང་། རལ་གྲི་རྣམས་ནི་ན་ཆུང་རྣམས་ཀྱིས་བཟུང་། བཙུན་མོའི་འཁོར་ཉུག་རུམ་པ་ལག་ན་སྦ་གར་ཐོགས་པ་རྣམས་ཀྱིས་བསྐོར་ཏེ། ནགས་ཚལ་དེའི་ནང་ནས་མཐར་གྱིས་སོང་ངོ་། །དེས་དེ་ན་བུད་མེད་རྣམས་ཉམས་རངས་སུ་རྒྱུ་ཞིང་སོང་སོང་
[106a.6]བའི་ལམ་མེ་ཏོག་དང་ལོ་མ་སྣ་ཚོགས་ཀྱིས་གཏོར་བ། སོ་རྩིའི་ཁུ་བའི་ཚོན་གྱིས་ཁྲ་བོར་གྱུར་པའི་རྗེས་བཞིན་དུ་སོང་སོང་ནས་དཀའ་ཐུབ་ཀྱི་ནགས་དེར་ཕྱིན་ཏོ། །རྒྱལ་པོ་དེས་དྲང་སྲོང་གི་མཆོག་བཟོད་པར་སྨྲ་བ་དེ་བཙུན་མོའི་འཁོར་གྱིས་བསྐོར་ཞིང་འདུག་པ་མཐོང་ནས། སྔོན་གྱི་
[106a.7]འཁོན་སྙིང་ཡོད་པ་དང་། འདོད་ཆགས་ཀྱིས་དྲན་པ་ཉམས་པར་གྱུར་པ་དང་། ཕྲག་དོག་གིས་ཟིལ་གྱིས་ནོན་པའི་ཕྱིར་སེམས་རབ་ཏུ་འཁྲུགས་པར་གྱུར་ཏེ་སོ་སོར་བརྟགས་ཏེ་བརྣགས་པའི་མཐུ་ཆུང་བས་དུལ་བ་དང་ངེས་པའི་སྤྱོད་པ་ནི་ཉམས། འཐབ་མོ་རྒལ་འདོད་པའི་ཤུགས་ཀྱིས་
[106b]
[106b.1]རྔུལ་ནི་བྱུང་། ལུས་འདར་ཞིང་སྨིན་མ་བསྡུས་ཏེ། མིག་རྩ་དམར་པོ་ནི་བགྲད། གཟི་མདངས་བཟང་པོ་ནི་ཉམས། གསེར་གྱི་གདུ་བུ་དང་སོར་གདུབ་ཀྱིས་བརྒྱན་པའི་ལག་པ་གཉིས་ནི་མཉེས་ཏེ། །དྲང་སྲོང་གི་མཆོག་དེ་ལ་སྐུར་པ་འདེབས་པའི་ཚིག་དེ་དང་དེ་དག་སྨྲས་པ། ངན་པ་དེས།
[106b.2]ང་ཡི་གཟི་བྱིན་ཟིལ་མནན་ནས། །ཐུབ་པའི་ཆ་ལུགས་གོ་བགོས་ཏེ། །ང་ཡི་བཙུན་མོའི་འཁོར་ལྟ་བ། །ཚུལ་འཆོས་དེ་ནི་སུ་ཞིག་ཡིན། །དེ་སྐད་ཟེར་བ་ཉུག་རུམ་པ་རྣམས་ཀྱིས་ཐོས་ནས། རྟབ་ཅིང་སྐྲག་པའི་ཤུགས་ཀྱིས། རྒྱལ་པོ་ལ་སྨྲས་པ། ལྷ་དེ་ལྟར་མ་མཛད་ཅིག །ཐུབ་པ་
[106b.3]འདི་ནི་ཡུན་རིང་པོ་ནས་བརྟུལ་ཞུགས་དང་སྡོམ་པ་དང་དཀའ་ཐུབ་བསྒོམས་པའི་བདག་ཉིད་ཅན་ལགས་ཏེ། མིང་ཡང་དཀའ་ཐུབ་བཟོད་པ་སྨྲ་བ་ཞེས་བགྱིའོ། །རྒྱལ་པོ་དེ་ནི་ནང་གི་བསམ་པ་ངན་པས་དེ་དག་གི་ཚིག་མི་ཉན་པར་སྨྲས་པ། ཨེ་མའོ་ཁྱེད་ཅག་ཅི་ཟེར་ཞིག །འཇིག་རྟེན་འདི་
[106b.4]དག་ཡུན་རིང་ནས། །འདི་ཡིས་དེ་ལྟར་བསླུས་པར་གྱུར། །ཚུལ་འཆོས་གཡོ་སྒྱུའི་རང་བཞིན་ཅན། །དཀའ་ཐུབ་ཚུལ་སྟོན་འདི་ལྟར་བྱེད། །དེས་འདི་ལྟར་དཀའ་ཐུབ་ཅན་གྱི་ཚུལ་དུ་བསྒྱུར་ནས། གཡོ་དང་། སྒྱུ་བྱེད་པ་ལ་གོམས་པས་ཚུལ་འཆོས་པའི་རང་བཞིན་ཅན་ཡིན་ཏེ། ད་ངས་
[106b.5]བསྟན་པར་བྱའོ་ཞེས་སྨྲས་ནས། གསོལ་ཀ་བའི་ལག་ན་རལ་གྲི་འདུག་པ་བླངས་ཏེ། དྲང་སྲོང་གི་མཆོག་དེ་དགྲ་བཞིན་དུ་ངེས་པར་བསད་པར་བསམས་ནས་སོང་བ་དང་། དེ་ནས་བཙུན་མོ་དེ་དག་ལ་འཁོར་རྣམས་ཀྱིས་རྒྱལ་པོ་གར་གཤེགས་པར་སྦྲན་པ་དང་། རྒྱལ་པོ་ལ་བལྟས་ན་
[106b.6]ཁྲོས་ནས་ཞི་བའི་མདངས་མེད་པར་མཐོང་ནས། སྙིང་མི་དགའ་བར་རྟབ་རྟབ་པོར་གྱུར་པའི་ཤུགས་ཀྱིས་མིག་རིག་རིག་པོར་ལྟ་ཞིང་ལངས་ཏེ་དྲང་སྲོང་མཆོག་དེ་ལ་ཐལ་མོ་སྦྱར་ཏེ་ཕྱག་འཚལ་ནས། སྟོན་ཀའི་པདྨ་ཁ་འབུས་པ་འདྲ་བ་བཞིན་ཅུང་ཟད་འཛུམ་པར་བྱས་ཏེ། རྒྱལ་པོའི་དྲུང་དུ་
[106b.7]སོང་ངོ་། །དེའི་ཡིད་ལ་ཁྲོས་པའི་མེ་འབར་བས། བཙུན་མོ་དེ་དག་གི་སྤྱོད་ཚུལ་མཛེས་པ་དང་དུལ་ཞིང་གུས་པར་འོང་བར་མཁས་པ་དེས་ཀྱང་དེའི་ཡིད་ཞི་བར་མ་གྱུར་ཏོ། །བཙུན་མོ་དེ་དག་རབ་ཏུ་སྤོབས་ཤིང་བག་ཕེབས་པས། རྒྱལ་པོ་དེ་རབ་ཏུ་ཁྲོས་ཤིང་བཞིན་འགྱུར་ལ་སྤྱོད་པ་
[107a]
[107a.1]ཉམས་ཤིང་རྩུབ་པར་མངོན་པས་ལག་ན་མཚོན་ཆ་ཐོགས་ཏེ། དྲང་སྲོང་མཆོག་དེ་ལ་སྡང་མིག་ཏུ་ལྟ་བར་མཐོང་ནས་ཡིད་གཅུགས་པའི་ཕྱིར་སྨྲས་པ། འདི་ནི་བཅོམ་ལྡན་འདས་བཟོད་པར་སྨྲ་བ་ལགས་ཀྱི། ལྷ་དེ་ལྟ་བུའི་ཐུབ་ཆོད་མ་མཛད་ཅིག་ཅེས་
[107a.2]བྱས་པ་དང་། རྒྱལ་པོ་དེ་སེམས་རབ་ཏུ་གདུག་པས། འདི་དག་ནི་དེས་མགུ་བར་བྱས་ཟིན་ཏོ་སྙམ་ནས་རབ་ཏུ་ཁྲོས་པར་གྱུར་ཏེ་མི་བཟོད་པའི་ཤུགས་དྲག་པོས་སྨིན་མ་རབ་ཏུ་གཡོ་ཞིང་མིག་ཟུར་གྱིས་ལྟ་བས། བཙུན་མོ་དེ་དག་གིས་སྤོབས་པ་དང་འཇམ་པར་སྨྲ་བའི་ཚིག་མི་ཉན་པར་
[107a.3]བཙུན་མོའི་འཁོར་བསྲུང་བའི་ཉུག་རུམ་ལ་ཁྲོ་བ་དང་བཅས་པས་ལྟ་ཞིང་མགོ་བསྒྱུར་བས་རྣ་ཆ་དང་ཅོད་པན་ཟུར་ཕུད་གཡོ་བ་བཞིན་དུ་བཙུན་མོ་དེ་དག་ལ་བལྟས་ནས་སྨྲས་པ། འདི་ནི་བཟོད་པར་སྨྲ་ཞེས་ཟེར། །དེ་ཡང་ཉམས་སུ་ཡོང་མི་ལེན། །འདི་ལྟར་བུད་མེད་བསྟེན་པ་ཡི། །
[107a.4]སྲེད་པ་འདི་ནི་བཟོད་མ་གྱུར། །ཚིག་ཏུ་གཞན་སྨྲ་ལུས་ཀྱི་སྤྱོད་པ་གཞན། །བསམ་པ་གདུག་ཅིང་ཡིད་ལ་གཞན་དུ་སེམས། །དཀའ་ཐུབ་ནགས་ན་མ་ཞི་འདི་སུ་ཞིག །བྲིད་པའི་ཚུལ་ཅན་ཕྱི་ཚུལ་འཆོས་ཤིང་འདུག །དེ་ནས་བཙུན་མོ་དེ་དག་རྒྱལ་པོ་ཁྲོས་ཤིང་རྔམ་པས་སྙིང་རྩུབ་
[107a.5]པར་གྱུར་པ་ལས་ཡིད་གཅུགས་མ་ནུས་ཏེ། རྒྱལ་པོ་དེ་རབ་ཏུ་གཏུམ་ཞིང་བཅོས་དཀའ་བར་ཡང་ཤེས་ནས། ཡིད་མི་དགའ་ཞིང་མྱ་ངན་གྱིས་ནི་གདུངས། ཉུག་རུམ་པ་རྣམས་ཀྱང་འཇིགས་ཤིང་སྐྲག་པས་འཁྲུགས་པའི་ལག་བརྡས་ནི་བསྐྲད། ངོ་ཚ་བས་མགོ་ནི་སྨད།
[107a.6]དྲང་སྲོང་མཆོག་དེའི་མྱ་ངན་བྱེད་ཅིང་དེ་ནས་བྱེར་ཏེ་སོང་ངོ་། །དཀའ་ཐུབ་ཆེན་པོས་དུལ་ལ་ཡོན་ཏན་གྲགས་པ་འདི། །བདག་ཅག་རྣམས་ཀྱི་ཕྱིར་ནི་ཉེས་པ་ཡོང་མེད་པར། །རྒྱལ་པོ་ཁྲོ་བ་འདི་ནི་ཅི་ཞིག་གྱུར་ནས་སུ། །གང་ཞིག་ལམ་དུ་ཞུགས་ནས་ཅི་བྱེད་སུས་ཤེས་ཀྱི། །རྒྱལ་པོའི་རྒྱལ་སྲིད་
[107a.7]གྲགས་པ་ཐོབ་པ་དང་། །ཐུབ་པ་འདི་ལུས་དཀའ་ཐུབ་ལུས་འདི་དང་། །བདག་ཅག་ཉིད་ནི་ཉེས་པ་མེད་འདི་དག །རྒྱལ་པོས་ཅིག་ཅར་བསད་པར་མི་འགྱུར་རམ། །དེ་ལྟར་བཙུན་མོ་དེ་དག་མྱ་ངན་བྱེད་པའི་ཤུགས་རིང་པོ་འབྱིན་པ་རྣམས་བྱེར་ཏེ་སོང་བའི་འོག་ཏུ་རྒྱལ་པོ་དེས། དྲང་སྲོང་མཆོག་
[107b]
[107b.1]དེ་ལ་བསྡིགས་ཤིང་ཁྲོ་བའི་ཤུགས་ཀྱིས་རལ་གྲི་ཕྱུང་སྟེ་བདག་རང་འདེབས་སུ་སོང་ངོ་། །སེམས་དཔའ་ཆེན་པོ་དེ་ལྟར་སྨ་ཕབ་ཀྱང་མ་འགྱུར་ཞིང་བརྟན་པ་མ་ཉམས་ལ་རང་བཞིན་དུ་སྤྱོད་པ་དེ་མཐོང་ནས་རབ་ཏུ་རྔམ་ཞིང་དེ་ལ་སྨྲས་པ། ཨ་ཛི་ན་དང་དབྱུག་པ་ཐོགས། །གཡོ་སྒྱུའི་བརྗིད་
[107b.2]བག་འཆོས་པ་ནི། །བདེན་པ་བཞིན་དུ་མཐར་ཕྱིན་ཀྱང་། །ཐུབ་པ་བཞིན་དུ་ང་ལ་ལྟ། །དེ་ནས་བྱང་ཆུབ་སེམས་དཔའ་བཟོད་པ་ལ་གོམས་པས། སྨད་ཅིང་འཕྱས་པ་དེས་ཀྱང་བརྟན་པ་མ་ཉམས་པར། རྒྱལ་པོ་ཁྲོས་ཤིང་རྔམ་པས་སྤྱོད་པའི་ཚུལ་ནི་མི་སྡུག་པར་གྱུར། དུལ་བར་
[107b.3]སྤྱོད་པའི་དཔལ་ནི་ཉམས། བདག་ལ་ཕན་པ་དང་གནོད་པའི་ལམ་ནི་བརྗེད་པར་གྱུར་པ་ལ་ཡ་མཚན་ཆེར་གྱུར་ནས། ཅུང་ཟད་ཅིག་བལྟས་ཏེ་སྙིང་རྗེ་བཞིན་དུ་ཚིག་འཇམ་པོས་བཞམས་ཏེ་འདི་སྐད་ཅུང་ཟད་ཅིག་སྨྲས་པར་ངེས་སོ། །འདི་ལྟར་དམོད་ལ་སྐལ་བ་མེད་ལས་གྱུར་པ་ནི། །འགྲོ་
[107b.4]བ་དག་ལ་སྲིད་པས་དེ་ཕྱིར་བདག་མི་སེམས། །ཁྱོད་ལ་འོས་པའི་བཀུར་སྟི་བདག་གིས་བྱ་བ་ལས། །ཚིག་ཙམ་གྱིས་ཀྱང་མི་རིགས་མ་བྱས་སེམས་ལ་གཅགས། རྒྱལ་པོ་ཆེན་པོ་གཞན་ཡང་། འགྲོ་བའི་དོན་བྱེད་ཁྱེད་ལྟ་བུ་དག་ནི། །དམ་པ་མ་ཡིན་སྤྱོད་པའི་ལམ་འཇུག་པ། །ཐུབ་
[107b.5]ཆོད་བྱས་ཏེ་སྤྱད་པ་མི་རིགས་ཀྱི། །དེ་བས་རྣམ་པར་བརྟགས་པའི་ལམ་དུ་འཇུག་པར་རིགས། །ལེགས་པ་དག་ཀྱང་ཅུང་ཟད་མི་རིགས་མཐོང་། །ཁ་ཅིག་ཉེས་ཀྱང་ལེགས་པ་འདྲ་བར་སྣང་། །གཏན་ཚིགས་ཁྱད་པར་ཅན་དག་མ་བརྟགས་པར། །དགོས་པའི་དོན་ནི་ཆེད་དུ་མི་རྟོགས་སོ། །
[107b.6]དགོས་པའི་དོན་ནི་ལེགས་པར་བརྟགས་ནས་སུ། །རིགས་དང་མི་རིགས་བྱ་བ་ལེགས་རྟོགས་ནས། །བསྟན་དག་ལམ་དུ་ལེགས་པར་ཞུགས་ནས་ནི། །ཆོས་དང་སྲིད་དང་བདེ་བའི་དོན་བསྒྲུབས་ན། །དེ་དག་ཉིད་ཀྱིས་སྐྱེ་བོ་ཉམས་མི་འགྱུར། །དེ་བས་རབ་ཏུ་རྒོད་པའི་བློ་བཏུལ་ནས། །
[107b.7]གྲགས་པར་གྱུར་པའི་ལས་ཉིད་བརྩམ་པར་རིགས། །སྔོན་ཆད་མ་བྱུང་ཉེས་པ་སྤུངས་ནས་སུ། །མངོན་པའི་ང་རྒྱལ་ཅན་རྣམས་གཏམ་ངན་འཕེལ། །ཁྱོད་ཀྱི་མཐུ་ཡིས་བསྲུངས་བའི་ནགས་ཚལ་ན། །གཞན་གྱི་གནོད་པ་བྱས་ནའང་བསྐྱབ་པར་རིགས། །ཕན་པའི་ཚུལ་མེད་དམ་པས་
[108a]
[108a.1]སྨད་པ་དག །རྒྱལ་པོ་ཆེན་པོ་རང་གིས་ཇི་ལྟར་སྤྱད། །སྲུང་མ་ཉུག་རུམ་བཅས་པར་བུད་མེད་རྣམས། །བདག་གི་གནས་སུ་རང་དགར་ལྷགས་པ་ལ། །བདག་གིས་ནོངས་པ་ཅུང་ཟད་ཅི་ལྟར་བགྱི། །དེ་ལྟར་བཀྱོན་པར་གྱུར་པ་ག་ལ་སྲིད། །དེ་སྟེ་བདག་གིས་
[108a.2]ནོངས་པར་གྱུར་ན་ཡང་། །འོན་ཀྱང་རྒྱལ་པོས་བཟོད་ན་མཛེས་པར་འགྱུར། །ནུས་པ་དག་ལ་བཟོད་པ་རྒྱན་གྱི་མཆོག །ཡོན་ཏན་རྗེས་སུ་སྲུངས་ལ་མཁས་པར་སྟོན། །བཟོད་པས་བརྒྱན་ན་ཇི་ལྟར་མཛེས་པ་བཞིན། །གདོང་ལ་འོད་ཟེར་སྣང་བ་རྣ་ཆ་དང་། །རིན་ཆེན་སྣ་ཚོགས་འོད་འབར་
[108a.3]ཅོད་པན་རྣམས། །དེ་ལྟར་རྒྱན་དུ་མཛེས་པ་མ་ལགས་དགོངས། །རྟག་ཏུ་བསྟེན་དུ་མི་རུང་མི་བཟོད་ཐོང་། །ཕན་པར་གྱུར་པའི་བཟོད་པ་བསྲུང་བར་རིགས། །དཀའ་ཐུབ་ཚུལ་དུ་རྒྱལ་པོ་འོང་ན་ནི། །དེས་ཤིང་གུས་པའི་ཚུལ་དུ་སྤྱོད་པར་རིགས། །ཐུབ་པའི་མཆོག་དེས་དེ་ལྟ་བུའི་ཚིག་འཇམ་
[108a.4]པོས་གདམས་ཀྱང་། རྒྱལ་པོ་དེ་མི་བསྲུན་པས་བློ་ཉམས་པའི་ཕྱིར་དེ་ལ་རྣམ་པ་གཞན་དུ་དོགས་ནས། ཡང་སྨྲས་པ། དཀའ་ཐུབ་ཅན་ལྟར་ཁྱོད་ཀྱིས་མ་བཅོས་ལ། །རང་གི་སྡོམ་ལ་གལ་ཏེ་གནས་ན་ནི། །བཟོད་པའི་མན་ངག་བསྟན་པར་སྙད་བཏགས་ནས། །ཅི་ཕྱིར་ང་ལ་མི་འཇིགས་
[108a.5]སྦྱིན་པར་གསོལ། །བྱང་ཆུབ་སེམས་དཔས་སྨྲས་པ། རྒྱལ་པོ་ཆེན་པོ་ཅི་ཕྱིར་བདག་ཉིད་འདི་ལྟར་བགྱིས་པ་གསན་དུ་གསོལ། བྲམ་ཟེ་ལས་རབ་ཏུ་བྱུང་བ་ཉེས་པ་མེད་པར་རྒྱལ་པོས་བསད་དོ་ཞེས་བདག་གི་སླད་དུ་ཁྱོད་ཀྱི་གྲགས་པ་འཕྱས་བྱ་བར་འགྱུར་དུ་དོགས་སོ། །སེམས་ཅན་
[108a.6]རྣམས་ནི་འཆི་འགྱུར་བའི། །ཚུལ་འདི་ངེས་པ་ཉིད་དུ་གནས། །བདག་གི་ཚུལ་ལའང་རྗེས་བལྟས་ནས། །བདག་ནི་དེ་བས་ཤིས་མི་འཇིགས། །ཕྱི་ནས་ཆོས་ཀྱི་བདེན་པ་ལ། །དེ་ལྟར་བྱས་ན་གནོད་དུ་དོགས། །བདེ་བ་ཐོབ་ལ་ཕན་པ་ཡི། །བཟོད་པ་དེ་ཕྱིར་ཁྱོད་ལ་སྨྲས། །
[108a.7]བཟོད་པ་ཡོན་ཏན་འབྱུང་གནས་ཡིན། །ཉེས་པ་རྣམས་ཀྱང་ཟློག་པར་བྱེད། །རབ་ཏུ་བཟང་པོའི་སྐྱེས་བཞིན་དུ། །དགའ་བས་བདག་ནི་བཟོད་པར་སྨྲ། །དེ་ནས་རྒྱལ་པོ་དེས་ཚིག་རབ་ཏུ་བདེན་པར་སྨྲས་ཀྱང་མི་ཉན་པར། ཐུབ་པ་དེའི་ཚིག་མེ་ཏོག་དང་འདྲ་བ་ལ་ཁྲོས་བཞིན་དུ་
[108b]
[108b.1]དྲང་སྲོང་མཆོག་དེ་ལ་སྨྲས་པ། ཁྱོད་བཟོད་པ་ལ་དགའ་བ་དེ་རིང་ངས་ལྟའོ་ཞེས་སྨྲས་ནས། ཐུབ་པ་དེའི་ལག་པ་གཡས་པ་ཅུང་ཟད་བསྒྲེང་སྟེ། དགག་པའི་ཕྱིར་སོར་མོ་ནི་ཕྲ་ཞིང་རིང་བ་བཀྲམ་པ་དང་། རལ་གྲི་རྣོན་པོས་པདྨའི་རྩ་བ་བཞིན་དུ་མཁྲིག་མ་བཅད་དེ། དེའི་ལག་པའི་
[108b.2]མཁྲིག་མར་བཅད་པ་ན། གཅོད་པ་པོ་ནི་བདེ་བར་གནས་པ་ལས། །ཕྱིས་ནས་སྡུག་བསྔལ་མི་བཟོད་མྱོང་འགྱུར་བའི། །སྡུག་བསྔལ་ཅི་ལྟར་མི་བཟོད་སྡུག་བསྔལ་བ། །དེ་ལྟར་བདག་ནི་སྡུག་བསྔལ་མ་གྱུར་ཏོ། །དེ་ནས་བྱང་ཆུབ་སེམས་དཔས་བསམས་པ། ཨེ་མ་ཧོ་ངོ་མཚར་
[108b.3]བྱས་ཀྱིས་མེད། །མི་འདིས་བདག་ལ་ཕན་པའི་བསམ་པ་ལས་ནི་འདས། །རྗེས་སུ་གདམས་པའི་སྣོད་དུ་ཡང་མ་གྱུར་གྱི་དོན་མེད་དོ་སྙམ་ནས། ནད་པ་སྨན་པས་བོར་བ་བཞིན་དུ་དེ་ལ་མྱ་ངན་བྱས་ཏེ་ཅང་མི་ཟེར་བར་འདུག་གོ། །དེ་ནས་ཡང་རྒྱལ་པོས་དེ་ལ་བསྡིགས་ནས་སྨྲས་པ། དེ་
[108b.4]ལྟར་མཐར་གྱིས་བཅད་ན་ནི། །ཁྱོད་ཀྱི་ལུས་ནི་མེད་པར་འགྱུར། །མ་རུངས་པ་ཡི་བློ་རྙེད་པ། །ཚུལ་འཆོས་བརྟུལ་ཞུགས་འདི་ཐོང་ཤིག །དེ་ནས་བྱང་ཆུབ་སེམས་དཔས། དེ་རྗེས་སུ་གདམས་སུ་མི་རུང་ཞིང་འདི་ལྟར་ངན་དུ་བྱེད་པར་རིག་ནས། དེ་ལ་ཅི་ཡང་མ་སྨྲས་སོ། །དེ་
[108b.5]ནས་རྒྱལ་པོ་དེས་བདག་ཉིད་ཆེན་པོ་དེའི་ལག་པ་ཡ་གཅིག་དང་དཔུང་པ་གཉིས་དང་རྣ་བ་དང་སྣ་དང་རྐང་པ་གཉིས་ཀྱང་དེ་བཞིན་དུ་བཅད་དོ། །དེ་ཡི་ལུས་བཅད་འགྱེལ་བར་གྱུར་ན་ཡང་། །ལུས་ཀྱི་ཁོག་པ་གནས་པའི་མཐའ་ཤེས་ཤིང་། །སྐྱེ་བོ་རྣམས་ལ་བཟོད་པ་གོམས་གྱུར་པས། །
[108b.6]ཐུབ་པའི་མཆོག་དེ་མ་འཁྲུགས་མྱ་ངན་མེད། །ལུས་དེ་བཅད་པར་གྱུར་ཀྱང་དེ་ཡི་སེམས། །དགེ་བའི་ཚུལ་བལྟས་བཟོད་པ་གཏན་མ་ཉམས། །དགའ་བའི་ཚུལ་གྱིས་སྡུག་བསྔལ་ཡོང་མ་གྱུར། །རྒྱལ་པོ་ཆོས་ཉམས་མཐོང་ནས་མི་དགར་གྱུར། །སོ་སོར་བརྟགས་བཟོད་སྙིང་རྗེ་ཅན།
[108b.7]གཞན་གྱི་སྡུག་བསྔལ་མི་བཟོད་པ། །བདག་གི་སྡུག་བསྔལ་ཆེན་པོ་ཡང་། །དེ་ཙམ་དུ་ནི་གནོད་མི་འགྱུར། །རྒྱལ་པོ་དེ་ཡིས་མི་བཟད་ལས་བྱས་པས། །དེ་མ་ཐག་ཏུ་རིམས་ནད་མེ་བཞིན་འབར། །ནགས་ཚལ་ཉེ་བའི་ནང་ནས་ཐ་མར་བྱུང་། །ས་གས་ནང་དུ་དེ་མ་ཐག་ཏུ་སོང་། །རྒྱལ་པོ་དེ་
[109a]
[109a.1]ས་གས་པས་འཇིགས་པའི་སྒྲ་བྱུང་ལ། མེ་འབར་བ་འཁྲུག་པ་དེའི་ནང་དུ་སོང་ནས། ཁོ་ར་ཁོར་ཡུག་ཏུ་ཀུ་ཅོ་འདོན་པའི་སྒྲ་ཆེན་པོ་ནི་འབྱིན། རྒྱལ་པོའི་འཁོར་ནི་རབ་ཏུ་འཁྲུག་པར་གྱུར་པ་དང་། རྒྱལ་པོའི་བློན་པོ་རྣམས་ཀྱིས་ཐུབ་པ་དེའི་དཀའ་ཐུབ་ཀྱི་མཐུ་ཆེ་
[109a.2]བ་དང་། རྒྱལ་པོ་དེ་སའི་འོག་ཏུ་སོང་བ་ཡང་དེ་ལས་གྱུར་པར་ཤེས་ནས། རྒྱལ་པོ་དེ་ཉེས་པས་དྲང་སྲོང་འདིས་ནི་མཁར་དང་ཡུལ་འདི་ཐམས་ཅད་བསྲེག་གོ་སྙམ་ནས། འཇིགས་ཤིང་དོགས་པ་སྐྱེས་ནས། དྲང་སྲོང་དེའི་དྲུང་དུ་ལྷགས་ནས་ཕྱག་བྱས་ནས་བཟོད་པར་གསོལ་ཞིང་ཐལ་མོ་སྦྱར་
[109a.3]ནས་གསོལ་བ་གདབ་པ། རྒྱལ་པོ་བླུན་ཞིང་རབ་ཏུ་མི་བརྟན་པས། །ཁྱོད་ནི་འདི་ལྟར་མ་རུངས་བགྱིས་པར་གྱུར། །དེ་ནི་ཁྱོད་ཀྱི་དམོད་པས་མི་ཤིས་སོང་། །མཁར་འདི་ཞུགས་ཀྱིས་བསྲེག་པར་མི་མཛད་གསོལ། །བུད་མེད་བྱིས་པ་རྒན་པོ་ནད་པ་སྨན། །བྲམ་ཟེ་ཉེས་པ་མེད་
[109a.4]པ་བསྲེག་མི་རིགས། །དེ་བས་རྒྱལ་པོ་འདི་ཡི་ཡུལ་འདི་ཀུན། །ཡོན་ཏན་ཆོས་ཀྱིས་རང་གི་ཕྱོགས་བཞིན་བསྲུང་། །དེ་ནས་མི་དེ་རྣམས་ལ་བྱང་ཆུབ་སེམས་དཔས་དབུགས་ཕྱུང་སྟེ་སྨྲས་པ། ཚེ་དང་ལྡན་པ་དག་མ་འཇིགས་ཤིག །བདག་ནི་ནགས་ན་གནས་པ་ལ། །ཉེས་པ་
[109a.5]མེད་པར་རལ་གྲི་ཡིས། །ལག་པ་དང་ནི་རྐང་པ་དང་། །སྣ་དང་རྣ་བ་བཅད་གྱུར་ཀྱང་། །བདག་ལྟ་བུ་ཡིས་ཇི་ལྟར་ན། །དེ་ལ་གནོད་པར་བསམ་པར་བྱ། །རྒྱལ་པོ་དེ་ནི་ཚེ་རིང་གྱུར། །དེ་ལ་སྡིག་ཏུ་མ་གྱུར་ཅིག །འཆི་དང་ན་བའི་སྡུག་བསྔལ་ཅན། །འདོད་ཆགས་ཞེ་སྡང་དབང་དུ་
[109a.6]གྱུར། །ཉེས་པར་སྤྱད་པས་ཚིག་པ་ལ། །མྱ་ངན་བྱེད་མོད་ག་ལ་ཁྲོ། །གལ་ཏེ་བཅོས་སུ་རུང་ན་དེ་ཡི་སྡིག །བདག་ལ་རྣམ་པར་སྨིན་པར་གྱུར་ཀྱང་རུང་། །བདེ་བ་ཅན་ལ་སྡུག་བསྔལ་རྗེས་འབྲང་ཞིང་། །ཡུན་རིང་མིན་ཡང་མི་བཟད་བརྣག་མི་ནུས། །བདག་ལ་ཕན་པར་མི་ཤེས་
[109a.7]རྒྱལ་པོ་དེ། །དེ་ལྟར་ཚིག་ལ་བསྐྱབ་པར་མ་ནུས་པ། །བདག་གིས་མ་ནུས་ཉེས་པ་དེ་བོར་ཏེ། །རྒྱལ་པོ་ལ་ནི་ཅི་ལྟར་འཁོན་དུ་འཛིན། །རྒྱལ་པོ་གྲོང་ནའང་འཆི་ལ་སོགས་པ་ཡི། །སྡུག་བསྔལ་སྐྱེས་ན་ཀུན་གྱིས་མྱོང་བར་འགྱུར། །དེ་བས་སྐྱེ་ལ་འཁོན་དུ་བཟུང་མི་རིགས། །དེ་མེད་སྡུག་
[109b]
[109b.1]བསྔལ་ཅི་ཞིག་ཅི་ལས་གྱུར། །ནགས་ན་གནས་ཤིང་རབ་ཏུ་བྱུང་བར་ཤེས། །བཟོད་པ་སྨྲ་བ་རིང་པོ་མི་ཐོགས་འཆི། །ཅི་ཕྱིར་མི་བཟོད་སྐབས་ནི་འབྱེད་པར་བྱེད། །དེ་བས་མ་འཇིགས་ཁྱེད་ཅག་བདེ་བར་དོང་། །དེ་ལྟར་ཐུབ་པ་མཆོག་གིས་རྗེས་བསྟན་པ། །
[109b.2]སློབ་མ་ཉིད་དུ་ལེགས་པར་བཟུང་བར་བྱས། །བཟོད་ལ་གནས་པས་བསྟན་པ་མ་ཉམས་པར། །བཟོད་པའི་མཐུ་ཡིས་མཐོ་རིས་སོང་བར་གྱུར། །དེ་ལྟར་ཐུབ་པ་ལས་གླེངས་ནས་བཟོད་པའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །རྒྱལ་པོ་དེའི་དཔེས་མི་བརྟན་ཞིང་མི་བཟོད་པའི་སྐྱོན་བསྟན་
[109b.3]པ་ལ་ཡང་བརྗོད་པར་བྱའོ། །དེ་ལྟར་འདོད་པའི་ཉེས་དམིགས་ཀྱི་ཕྱིར་ཉེས་པར་སྤྱད་པས་ངན་སོང་དུ་ལྟུང་བར་གྱུར་ཏོ། །ཞེས་འདོད་པའི་ཉེས་དམིགས་ཀྱི་གཏམ་ལ་ཡང་བརྗོད་པར་བྱའོ། །འབྱོར་པ་མི་རྟག་པར་བསྟན་པ་ལ་ཡང་བརྗོད་པར་བྱའོ། །བཟོད་པར་སྐྱེས་པའི་
[109b.4]རབས་ཏེ་ཉི་ཤུ་བརྒྱད་པའོ།། །།ལོག་པར་ལྟ་བ་ནི་ཁ་ན་མ་ཐོ་བ་རབ་ཏུ་ཆེ་བའི་ཕྱིར། ལོག་པར་ལྟ་བ་ལ་ཞེན་པ་རྣམས་ལ། དམ་པ་རྣམས་ཀྱིས་ལྷག་པར་རྗེས་སུ་བརྩེ་བར་བྱ་བ་རིགས་སོ། །དེ་ཡང་འདི་ལྟར་བཅོམ་ལྡན་འདས་འདི་བྱང་ཆུབ་སེམས་དཔར་གྱུར་པའི་ཚེ།
[109b.5]བསམ་གཏན་ལ་གོམས་པར་བྱས་པའི་དགེ་བའི་ལས་ཀྱི་རྣམ་པར་སྨིན་པའི་མཐུས། ཚངས་པའི་འཇིག་རྟེན་དུ་སྐྱེས་སོ་ཞེས་གྲགས་སོ། །དེ་ཚངས་པའི་བདེ་བ་ཆེན་པོ་བསམ་གཏན་གྱི་ཁྱད་པར་ཐོབ་ཀྱང་ཚེ་རབས་སྔ་མ་ལ་སྙིང་རྗེ་བྱ་བ་ལ་གོམས་པར་བྱས་པས་གཞན་ལ་ཕན་པར་བྱེད་པའི་
[109b.6]ཡིད་ལ་བྱེད་པ་རྩོལ་བ་མེད་པར་མ་གྱུར་ཏོ། །ཡུལ་གྱི་བདེ་བ་ཙམ་གྱི་ཚོད་ཀྱིས་ཀྱང་། །འཇིག་རྟེན་རྣམས་ནི་བག་མེད་དབང་དུ་གྱུར། །དམ་པ་རྣམས་ནི་བསམ་གཏན་བདེ་བས་ཀྱང་། །གཞན་ལ་ཕན་པར་འདོད་པ་ཡོང་མི་ཉམས། །དེ་ནས་རེ་ཞིག་ཅིག་བདག་ཉིད་ཆེན་པོ་དེ་འདོད་
[109b.7]པའི་ཁམས་སྙིང་རྗེའི་གནས་སུ་གྱུར་པ། སྡུག་བསྔལ་དང་ཡིད་མི་བདེ་བ་རྣམ་པ་སྣ་ཚོགས་བརྒྱ་དང་ལྡན་པ། གནོད་སེམས་དང་འཚེ་བ་མང་པོ་ལ་བལྟས་ནས། ཡུལ་ལུས་འཕགས་པོའི་རྒྱལ་པོ་ཡན་ལག་སྦྱིན་ཞེས་བྱ་བ་བཤེས་གཉེན་ངན་པ་བརྟེན་པའི་སྐྱོན་དང་ཡང་དག་པ་མ་ཡིན་
[110a]
[110a.1]པ་ཡིད་ལ་བྱེད་པ་འདྲིས་པས་ལོག་པར་ལྟ་བ་སྟུག་པོའི་ནང་ན་འཁྱམས་ཤིང་། འཇིག་རྟེན་ཕ་རོལ་མེད་པས་དགེ་བ་དང་མི་དགེ་བའི་ལས་ཀྱི་རྣམ་པར་སྨིན་པ་ལྟ་ག་ལ་ཡོད་ཅེས་ཟེར་ཞིང་དེས་དེ་ལྟར་ངེས་པར་བྱས་ནས། ཆོས་སྤྱོད་པའི་སྤྲོ་བ་ནི་མེད། སྦྱིན་
[110a.2]པ་དང་ཚུལ་ཁྲིམས་ལ་སོགས་པ་ལེགས་པར་སྤྱད་པ་ལ་ནི་རྒྱབ་ཀྱིས་ཕྱོགས། ཆོས་སྤྱོད་པ་རྣམས་ལ་ནི་བརྙས་པར་སེམས། ཆོས་ཀྱི་གཙུག་ལག་རྣམས་ལ་ནི་དད་པ་མེད་ཅིང་བློ་རྩུབ། འཇིག་རྟེན་ཕ་རོལ་གྱི་གཏམ་ལ་ནི་འཕྱས་སུ་འཛིན། དགེ་སྦྱོང་དང་བྲམ་ཟེ་རྣམས་ལ་ནི་དུལ་
[110a.3]བ་དང་བཀུར་སྟི་དང་གུས་པར་བྱ་བ་ལ་ནི་ལྷོད་པར་གྱུར་ཏོ། །འདོད་པའི་བདེ་བ་ལ་གཞོལ་བར་གྱུར་པ་མཐོང་ངོ་། །དགེ་དང་མི་དགེའི་ལས་ལ་འཇིག་རྟེན་ཕ་རོལ་ཏུ། །བདེ་དང་སྡུག་བསྔལ་འབྱུང་བར་རབ་ཏུ་ངེས་བྱས་ནས། །སྡིག་པ་སྤངས་ཏེ་དགེ་བའི་ལས་ལ་རབ་ཏུ་འབད། །
[110a.4]དད་པ་མེད་པ་དག་ནི་ཇི་ལྟར་འདོད་པར་སྤྱོད། །དེ་ནས་བདག་ཉིད་ཆེན་པོ་ལྷའི་དྲང་སྲོང་དེས། རྒྱལ་པོ་དེ་ལྟ་བ་ངན་པ་ལ་ཞེན་པས། ངན་སོང་དུ་ལྷུང་བར་འགྱུར་བ། འཇིག་རྟེན་རྣམས་དོན་མེད་པར་གྱུར་པ་ལ་སྙིང་རྗེ་སྐྱེས་པར་གྱུར་ནས། ཡུལ་གྱི་བདེ་བ་ལ་སེམས་ཆགས་པར་གྱུར་པའི་
[110a.5]རྒྱལ་པོ་དེ། གཞལ་མེད་ཁང་གཙང་མ་བཟང་པོ་ཅིག་ན་འདུག་པ་དེའི་མདུན་དུ་ཚངས་པའི་འཇིག་རྟེན་ནས་འོད་འབར་ཞིང་བབ་སྟེ་འོང་བར་གྱུར་ཏོ། །དེ་ནས་རྒྱལ་པོ་དེས་མི་དེ་མིའི་ཕུང་པོ་བཞིན་དུ་འབར། གློག་མང་པོ་འགྱུ་བ་བཞིན་དུ་ནི་འོད་གསལ། ཉི་མའི་འོད་ཟེར་མང་པོ་ལྟར་གཟི་
[110a.6]བྱིན་ཆེ་ཞིང་མཛེས་པ་མཐོང་ནས། དེའི་གཟི་བྱིན་གྱིས་སེམས་ཟིལ་གྱིས་གནོན་ཏེ་རྟབ་རྟབ་པོར་གྱུར་ནས། དེ་ནས་ཐལ་མོ་སྦྱར་ཏེ་ལངས་ནས་གུས་པར་ལྟ་ཞིང་འདི་སྐད་ཅེས་སྨྲས་སོ། །ཁྱོད་ཀྱི་ཞབས་དང་ཕྱག་མཛེས་པདྨ་བཞིན། །ནམ་མཁའ་ལ་ཡང་ས་བཞིན་ཡོངས་སུ་འཛིན་
[110a.7]པར་བགྱིད། །འོད་ཟེར་འབར་བ་ཉི་མ་བཞིན་དུ་གསལ། །བལྟ་ན་མཛེས་པའི་གཟུགས་ཅན་ཁྱོད་སུ་ཞིག །བྱང་ཆུབ་སེམས་དཔས་སྨྲས་པ། མཉམ་པར་གཞག་པའི་སེམས་ཀྱིས་འདོད་ཆགས་ཞེ་སྡང་གཉིས། །དྲེགས་པའི་དགྲ་རྣམས་གཡུལ་ངོ་ཕམ་བྱས་བཞིན་དུ་བཅོམ། །
[110b]
[110b.1]གང་དག་ཚངས་པའི་འཇིག་རྟེན་སྐྱེས་པར་གྱུར་པ་ཡི། །ལྷ་ཡི་དྲང་སྲོང་ནང་ནས་གཅིག་ནི་བདག་ལགས་སོ། །དེ་སྐད་སྨྲས་པ་དང་། རྒྱལ་པོ་དེས་གཤེགས་པ་ལེགས་སོ། །ཞེས་བྱ་བ་ལ་སོགས་པ་སྨྲས་ཏེ། དེ་ལ་མཆོད་ཡོན་ཕུལ་བ་དང་རྐང་པ་བཀྲུས་པས་བཀུར་སྟི་བྱས་
[110b.2]ནས། དེ་ལ་ཡ་མཚན་ཅན་དུ་བལྟས་ཏེ་སྨྲས་པ། འཕགས་པ་ཁྱོད་ཀྱི་རྫུ་འཕྲུལ་གྱི་མཐུ་འདི་ལྟ་བུ་ནི་ངོ་མཚར་ཆེའོ། །ཁང་བཟང་རྩིག་པ་དག་ལ་ཐོགས་མེད་ལ། །ས་ལ་འགྲོ་བ་བཞིན་དུ་མཁའ་ལའང་འཆག །གློག་གི་འོད་བཞིན་གཟི་བརྗིད་ཕུན་སུམ་ཚོགས། །ཁྱོད་ཀྱི་
[110b.3]རྫུ་འཕྲུལ་འདི་ནི་ཅི་ཐོབ་སྨྲོས། །བྱང་ཆུབ་སེམས་དཔས་སྨྲས་པ། བསམ་གཏན་ཚུལ་ཁྲིམས་དྲི་མ་མེད་པ་དང་། །དབང་པོ་རྣམས་ནི་རབ་ཏུ་བསྡམས་པ་དང་། །སྲིད་པ་གཞན་ལའང་གོམས་པར་བྱས་པ་ཡི། །དེ་ཡི་འབྲས་བུ་གྲུབ་པ་ཡིན་པར་འདྲའོ། །རྒྱལ་པོས་སྨྲས་པ།
[110b.4]འཇིག་རྟེན་ཕ་རོལ་ཅེས་ཟེར་བ་འདི་བདེན་ནམ། ཚངས་པས་སྨྲས་པ། རྒྱལ་པོ་ཆེན་པོ་མེད་དེ་འཇིག་རྟེན་ཕ་རོལ་མཆིས་སོ། །རྒྱལ་པོས་སྨྲས་པ། འཕགས་པ་འདི་བདག་གིས་ཅི་ལྟར་ཡིད་ཆེས་པར་བགྱི། བྱང་ཆུབ་སེམས་དཔས་སྨྲས་པ། རྒྱལ་པོ་ཆེན་པོ་འདི་རབ་ཏུ་གསལ་ཏེ།
[110b.5]མངོན་སུམ་ལ་སོགས་པའི་རིག་པའི་ཚད་མས་གཟུང་དུ་རུང་ལ། ཡིད་གཅུགས་པའི་ཚིག་གིས་བསྟན་པ་དང་། བརྟག་པའི་རིམ་པས་ཀྱང་ཡིད་ཆེས་པར་བྱར་རུང་ངོ་། །ཁྱོད་གཟིགས་སུ་གསོལ། ཉི་ཟླ་སྐར་མས་བརྒྱན་པའི་ནམ་མཁའ་དང་། །དུད་འགྲོ་བརྟག་པའི་རྣམ་པ་མང་
[110b.6]པོ་འདི། །འཇིག་རྟེན་ཕ་རོལ་མངོན་སུམ་བཞིན་དུ་སྣང་། །འདི་ལ་ཐེ་ཚོམ་བློ་ངན་ཁྱོད་མ་བསྐྱེད། །བསམ་གཏན་གོམས་བྱས་དྲན་པ་གསལ་བ་ཡིས། །ཚེ་རབས་དྲན་པའང་དེ་དང་དེ་ན་ཡོད། །འཇིག་རྟེན་ཕ་རོལ་དེ་ལ་རྗེས་སུ་དཔོགས། །ང་བདག་ལས་ཀྱང་མངོན་པར་མི་འགྱུར་
[110b.7]རམ། །སྔ་མའི་བློ་ལ་ཕྱི་མའི་བློ་འགྲུབ་ན། །འཇིག་རྟེན་ཕ་རོལ་ཡོད་པར་དེ་ལས་མངོན། །མངལ་ན་འདུག་པའི་སྔོན་རོལ་བློ་དེ་ནི། །དེ་མ་ཐག་པའི་ཚེ་རབས་སྔ་མའི་བློ། །ཤེས་བྱ་རྟོགས་པར་བྱེད་པའི་བློ་ཡིན་ཟེར། །དེ་བས་སྐྱེ་སོགས་བློ་ནི་ཡུལ་ཡོད་གྱུར། །མིག་སོགས་མེད་
[111a]
[111a.1]པས་དེ་ནི་ཚེ་འདི་མིན། །དེ་ཡི་བློ་ནི་འཇིག་རྟེན་ཕ་རོལ་ཡིན། །སྐྱེ་དགུ་ཚུལ་ཁྲིམས་ལ་སོགས་བྱེ་བྲག་རྣམས། །ཕ་མའི་རང་བཞིན་དག་དང་མི་མཐུན་སྣང་། །གློ་བུར་གྱུར་པ་གང་ཡང་གྲུབ་པ་མེད། །དེ་བས་ཚེ་རབས་གཞན་ལ་གོམས་དེ་ཡིན། །བློ་ཡི་མཐུ་
[111a.2]སྟོབས་གསལ་བ་མེད་པ་དང་། །དབང་པོ་རྣམས་ཀྱང་བླུན་པའི་རང་བཞིན་ཅན། །བཙས་མ་ཐག་ཏུ་སུས་ཀྱང་མ་བསྟན་པར། །ནུ་ཞོ་འཐུང་བ་རྩོལ་བར་བྱེད་པ་དང་། །ཁ་ཟས་བཟའ་བར་རྩོལ་བར་བྱེད་པ་ཡང་། །སྲིད་པ་གཞན་ལ་གོམས་པར་བྱས་པ་མངོན། །དེ་དང་དེ་འདྲའི་
[111a.3]ལས་ལ་སློབ་ལོབས་པ། །གོམས་པར་བྱས་པས་མཁས་པར་གྱུར་པར་གྲུབ། །དེ་ལ་འཇིག་རྟེན་ཕ་རོལ་ཡོད་པར་ཡིད་ཆེས་པ་ལ་མ་འདྲིས་པས་ཁྱེད་ཅག་འདི་ལྟར་དོགས་པ་སྐྱེ་ཡང་སྲིད། པདྨ་རྣམས་ནི་འབྱེད་དང་འཛུམས་པ་དག །སྲིད་པ་གཞན་ལ་སྤྱོད་པ་གོམས་ལས་གྱུར། །དེ་ལྟར་
[111a.4]མི་འདོད་ནུ་ཞོ་འཐུང་བ་དག །ཚེ་རབས་སྔ་མའི་གོམས་ལས་ཅི་ཕྱིར་འདོད། །ཅེས་ཟེར་བའི་དོགས་པ་དེ་ཡང་སྐྱེས་པ་མི་རིགས་སོ། །དུས་ངེས་པ་དང་མ་ངེས་པ་ལས་འགྱུར་བ་སྣང་བ་དང་། འབད་པ་རིགས་པ་དང་མི་རིགས་པའི་ཕྱིར་ཏེ། པདྨ་ཁ་འབྱེད་འཛུམས་ལ་དུས་ངེས་
[111a.5]ཡོད། །ནུ་ཞོ་འཐུང་བར་རྩོལ་ལ་དུས་ངེས་མེད། །པདྨ་མི་རྩོལ་ནུ་ཞོ་འཐུང་བར་རྩོལ། །དེ་བས་པདྨ་ཁ་བྱེ་ཉི་མའི་མཐུ། །དེ་བས་ན་རྒྱལ་པོ་ལེགས་པར་བརྟགས་ན་འཇིག་རྟེན་ཕ་རོལ་ཡོད་ན་ཡིད་ཡོད་པར་རུང་ངོ་། །དེ་ནས་རྒྱལ་པོ་དེ་ལོག་པར་ལྟ་བ་ལ་བློ་ཞེན་ཅིང་སྡིག་ཆེ་བས།
[111a.6]འཇིག་རྟེན་ཕ་རོལ་ཡོད་པའི་གཏམ་དེས་ཉམས་མི་བདེ་ནས་སྨྲས་པ། ཀྱེ་དྲང་སྲོང་ཆེན་པོ། འཇིག་རྟེན་ཕ་རོལ་གལ་ཏེ་བྱིས་བ་བསྡིགས་ཚུལ་མ་ཡིན་ལ། །འདི་ནི་བདག་གི་ཡིད་ཆེས་བྱ་བར་གལ་ཏེ་ཁྱོད་སེམས་ན། །འོ་ན་དེ་རིང་འདིར་ནི་གསེར་སྲང་ལྔ་བརྒྱ་ང་ལ་བྱིན། །དེ་ཡི་སྐྱིན་པོ་སྲིད་
[111a.7]པ་གཞན་དུ་གསེར་སྲང་སྟོང་སྦྱིན་ནོ། །དེ་ནས་བྱང་ཆུབ་སེམས་དཔས། དེ་སྤྱི་བརྟོལ་ཆེ་བ་ལ་གོམས་ཤིང་འཛེམ་དོགས་མེད་ལ། ལོག་པར་ལྟ་བའི་དུག་གི་སྒྲེགས་པ་དང་འདྲ་བའི་མི་རིགས་པའི་ཚིག་དེའི་ལན་རིགས་པའི་ཚུལ་གྱིས་སྨྲས་པ། འདི་ལའང་རེ་ཞིག་ནོར་ནི་འབྱོར་པར་འདོད་པ་
[111b]
[111b.1]ཡིས། །བདག་ཉིད་ངན་པ་དག་ལ་ནོར་ནི་ཡོང་མི་གཏོང་། །བརྐམ་དང་མི་མཁས་ལེ་ལོ་ཅན་ལའང་ནོར་མི་གཏོང་། །དེ་དག་ལ་ནི་བཏང་ན་དེ་ཉིད་ཟད་པའི་མཐར། །གང་དག་ངོ་ཚ་ཤེས་པ་མངོན་པ་དང་། །ཆོ་རིགས་བཙུན་ཞིང་ནོར་སྤེལ་མཁས་པ་དང་། །རབ་ཏུ་དབུལ་ཡང་བུ་
[111b.2]ལོན་འཇལ་བྱེད་པ། །དེ་ལ་བྱིན་ན་ནོར་ནི་འཕེལ་བར་འགྱུར། །ནོར་གཏོང་ཚུལ་ནི་དེ་ལྟར་མཁྱེན་པར་མཛོད། །འཇིག་རྟེན་གཞན་ལ་བུ་ལོན་འཇལ་བྱ་བ། །ལྟ་བ་ངན་པ་སྤྱོད་པ་ཁྱོད་ལ་ནི། །ནོར་རྣམས་བྱིན་ཡང་དོན་ནི་མེད་པར་འགྱུར། །ལྟ་བ་ངན་པའི་སྐྱོན་གྱུར་མི་བཟད་པའི། །
[111b.3]བདག་གི་ལས་ཀྱིས་ཁྱོད་ནི་དམྱལ་བར་ལྟུང་། །སེམས་ཉམས་ནད་ཀྱིས་གདུངས་པར་གྱུར་པ་ལ། །གསེར་སྲང་སྟོང་གི་ཕྱིར་ནི་སུ་ཞིག་བསྐུལ། །དེ་ན་ཉི་ཟླའི་འོད་ཟེར་རྣམས་ཀྱིས་ཀྱང་། །ཕྱོགས་ཀྱི་ནང་དུ་མུན་གྱིས་གཡོགས་མི་སྣང་། །སྐར་མ་མང་པོས་བརྒྱན་པའི་ནམ་མཁའ་
[111b.4]ཡང་། །ཀུ་མུད་རྒྱས་པའི་མཚོ་འདྲ་ཡོང་མི་སྣང་། །མེད་པར་ལྟ་བ་ཚེ་རབས་ཕྱི་མ་ལ། །གནས་པ་དེ་ན་མུན་ནག་རླུང་གྲང་ལྡང་། །དེས་ནི་རུས་པའང་འཇིག་པའི་ནད་སློང་ན། །བདག་ལ་ཕན་འདོད་སུ་ཞིག་དེ་རུ་འཇུག །མུན་ནག་འཐིབས་པོ་དུ་བ་དཀུ་བ་ཡི། །དམྱལ་བའི་
[111b.5]ནང་ན་ཁ་ཅིག་ཡུན་རིང་གནས། །རང་གི་པགས་པའི་འབྲེང་བས་དྲངས་པར་སྣང་། །ཕན་ཚུན་བརྔོས་ཏེ་སྣད་པས་འོ་དོད་འབོད། །མེ་མུར་འབར་བའི་དམྱལ་བ་གཞན་དག་ནི། །ཡང་དང་ཡང་དུ་རྐང་ལག་ཚིག་བཞིན་དུ། །དེ་ལས་ཐར་བར་འདོད་ཕྱིར་ཕྱོགས་སུ་རྒྱུག །མི་དགེ་
[111b.6]མ་བྱང་བར་དུ་ཚེ་མི་འདའ། །ལ་ལ་གཤིན་རྗེའི་གཤེད་མ་མ་རུངས་པས། །ཤིང་མཁན་བཞིན་དུ་ཡན་ལག་གཤགས་པ་ནི། །ལྗོན་ཤིང་རློན་པ་དག་ལ་སྐབས་རྙེད་བཞིན། །མཚོན་ཆ་རྣོན་པོས་རབ་ཏུ་གཏུབས་ཤིང་གཤགས། །དེ་བཞིན་གཞན་དག་དུམ་བུར་རབ་ཏུ་གཏུབས། །
[111b.7]པགས་པ་བཤུས་པའི་སྡུག་བསྔལ་མི་བཟད་མྱོང་། །ཤ་རྣམས་བཏོགས་པས་ཁ་ཅིག་རུས་པ་ཙམ། །རང་གི་སྡིག་གིས་སྲོག་ནི་ཆད་མི་འགྱུར། །ཁ་ཅིག་འབར་བའི་སྲབ་ཀྱིས་ཁ་བསྲབས་ནས། །ལྕགས་ཀྱི་ས་གཞི་རབ་ཏུ་འབར་བ་ལ། །གླང་ལྕག་མེ་ལྟར་འབར་བས་
[112a]
[112a.1]དབང་མེད་བྱས། །རབ་ཏུ་འབར་བའི་ཤིང་རྟ་འདྲེན་ཅིང་འཁོད། །བསྡུས་འཇོམས་རི་ཡིས་ཁ་ཅིག་ལུས་ཀྱང་གཟིར། །དེ་ཡིས་བརྫིས་པས་ཕྱེ་མར་ལྷགས་གྱུར་ཀྱང་། །སྡིག་པའི་ལས་རྣམས་མ་ཟད་བར་དུ་ནི། །སྡུག་བསྔལ་རྒྱུན་ཆགས་ཆེ་
[112a.2]ཡང་ཡོང་མི་འཆི། །ལྕགས་གཏུན་རབ་ཏུ་འབར་བའི་ནང་དག་ཏུ། །ལྕགས་ཀྱི་བླ་གཏུན་རབ་ཏུ་འབར་བ་ཡིས། །ལོ་གྲངས་ལྔ་བརྒྱར་ཚང་གི་བར་དུ་ནི། །ཕྱེ་མར་བཏགས་ཀྱང་ད་རུང་སྲོག་མི་འདོར། །བྱི་རུ་བཞིན་དུ་རབ་འབར་ཤིང་དག་གི །ལྕགས་ཀྱི་ཚེར་མ་འབར་ཞིང་རྩུབ་པ་
[112a.3]ལ། །གཤིན་རྗེའི་གཤེད་པོ་ཁྲོ་བས་མགོན་མེད་པར། །སྟེང་དང་འོག་ཏུ་རབ་ཏུ་དྲངས་ཤིང་བསྡུས། །ལ་ལ་མེ་མདག་ཕུང་པོ་ཆེན་པོ་ནི། །བཙོ་མའི་གསེར་ལྟར་རབ་ཏུ་འབར་བ་ན། །བདག་གིས་ལས་ངན་སྤྱད་པའི་འབྲས་བུ་མྱོང་། །འགྲེ་ལྡོག་ངུ་འབོད་ཙམ་གྱི་མཐུ་ལ་བརྟེན། །
[112a.4]ཁ་ཅིག་ས་གཞི་རབ་ཏུ་འབར་བ་ལ། །ཕུར་པ་བརྒྱ་ཡིས་ལྕེ་ཡང་རབ་ཏུ་བརྒྱངས། །མི་བཟད་ནད་ཀྱིས་ལུས་གཟིར་སྒྲ་ཡང་འབྱིན། །དེ་དག་དེ་ཚེ་འཇིག་རྟེན་ཕ་རོལ་ཤེས། །ལྕགས་ཀྱི་ལེབ་མ་འབར་བས་ཁ་ཅིག་དཀྲིས། །གཞན་དག་ལྕགས་ཀྱི་རྫ་ཆེན་ནང་དུ་བསྐོལ། །ལ་ལ་
[112a.5]མཚོན་རྣོན་ཆར་འབབ་ལུས་ཀྱང་དམྱལ། །གཅན་གཟན་ཁྲོ་བོས་ཤ་ལྤགས་ཟད་པར་བཏོགས། །ཁ་ཅིག་མེ་འབར་ཚ་བས་གདུངས་གྱུར་ནས། །ཆུ་བོ་བརྒལ་དཀའ་རྩུབ་མོའི་ནང་དུ་འཇུག །དེ་ན་དེ་རྣམས་ཤ་ནི་མྱགས་པར་འགྱུར། །ངན་སྤྱོད་མཐུས་བཟུང་སྲོག་ནི་ཆད་མི་འགྱུར། །
[112a.6]གཞན་དག་ཚ་བས་རབ་ཏུ་གདུངས་གྱུར་ནས། །མི་གཙང་རོ་མྱགས་ཁྲོད་ལ་འཚོ་སྙམ་སྟེ། །ཞུགས་ནས་སྡུག་བསྔལ་མཚུངས་མེད་དེ་ན་མྱོང་། །སྲིན་བུ་མང་པོས་ལུས་དང་རུས་པ་བཤིག །ཁ་ཅིག་མེ་ཡི་ནང་དུ་ལུས་འབར་ཞིང་། །རབ་ཏུ་ཚ་བའི་སྡུག་བསྔལ་ཡུན་རིང་མྱོང་། །མེ་འབར་
[112a.7]ནང་ན་ལྕགས་བསྲེག་འདྲར་གྱུར་ཀྱང་། །རང་གི་ལས་ཀྱིས་ཐལ་བར་ལྷགས་མི་འགྱུར། །གཞན་དག་སོགས་ལེ་འབར་བས་དྲ་ཞིང་ཁ་ཅིག་སྤུ་གྲི་རྣོན་པོས་གཏུབ། །ལ་ལ་ལྕགས་ཀྱི་ཐོ་བས་མགོ་བཅོམ་མྱ་ངན་གདུངས་ཤིང་འོ་དོད་འབོད། །ཁ་ཅིག་གསལ་ཤིང་ཆེན་པོས་ལུས་བརྒྱངས་དུ་བ་
[112b]
[112b.1]མེད་པའི་མེ་ལ་རབ་ཏུ་བསྲེག །གཞན་ཡང་ལྕགས་ཀྱི་ཁུ་བ་མེ་ལྟར་འབར་བ་བླུད་ནས་མཁུན་སྒྲ་འབྱིན། །ལ་ལ་སྣ་ཚོགས་ཁྱི་རྣམས་སྟོབས་ཆེན་གྱིས། །མཆེ་བ་རྣོན་པོའི་སོ་ཡིས་རབ་ཏུ་འདྲད། །ལུས་ཀྱི་ཤ་རྣམས་བཏོགས་པས་སྲབ་མོར་གྱུར། །དམན་པའི་སྒྲ་འབྱིན་
[112b.2]གཅོམ་ཆུང་ངུ་ཞིང་འགྱེལ། །དམྱལ་བ་མི་བཟད་དེ་ལྟ་བུ་ནི་མི་བདེ་བ། །བདག་གི་ལས་ཀྱིས་འཕངས་ནས་མྱོང་བ་དེ་ཡི་ཚེ། །མྱ་ངན་སེམས་གདུངས་འཇིགས་ཤིང་ཉམ་ཐག་གྱུར་པ་ལ། །དེ་ཚེ་སུ་ཞིག་ཁྱོད་ལ་བུ་ལོན་དེད་དུ་འགྲོ། །ལྕགས་ཀྱི་རྫ་ཆེན་རབ་ཏུ་མེ་འབར་རྙེད་དཀའ་བ། །
[112b.3]མི་བཟད་ནང་ན་འགྲོ་ངན་ལུས་རྣམས་སློང་གྱུར་ཅིང་། །རབ་ཏུ་བསྐོལ་བའི་ཤུགས་ཀྱིས་དབང་མེད་རྣམ་པར་འགྱུར། །དེ་ཚེ་སུ་ཞིག་ཁྱོད་ལ་བུ་ལོན་དེད་དུ་འགྲོ། །ས་གཞི་མེ་འབར་ངུ་བ་མེད་པ་སེར་པོ་ལ། །ལྕགས་ཀྱི་ཕུར་པ་མེ་འབར་བརྒྱ་ཡིས་ལུས་བརྒྱངས་ནས། །རབ་ཏུ་
[112b.4]ལུས་བསྲེགས་སྙིང་རྗེར་རུང་བར་ངུ་བ་ན། །དེ་ཚེ་ཁྱོད་ལ་སུ་ཞིག་བུ་ལོན་དེད་དུ་འགྲོ། །རབ་ཏུ་མནར་བའི་གནས་ན་འདུག་པ་ན། །དེ་ཚེ་སྡུག་བསྔལ་ཆེན་པོ་མྱོང་འགྱུར་བས། །ཚིག་གི་ལན་ཀྱང་སྨྲ་བར་མི་ནུས་ན། །དེ་ཚེ་ཁྱོད་ལ་སུ་ཞིག་བུ་ལོན་དེད་དུ་འགྲོ། །ཁུ་ཡུག་རླུང་གིས་རབ་ཏུ་
[112b.5]བདས་གྱུར་ཞིང་། །མཁུན་པའི་སྒྲ་ཡང་འབྱིན་པར་མི་ནུས་པས། །རུས་པའི་རྒྱ་ཞིག་ཕོངས་པའི་སྒྲ་འབྱིན་པ། །ཕྱི་མའི་ཚེ་ལ་སུ་ཞིག་ནོར་དེད་ཡོང་། །གཤིན་རྗེའི་གཤེད་པོས་བསད་པར་གྱུར་པའམ། །རབ་ཏུ་འབར་བའི་མེ་ཡིས་ཚིག་པའམ། །ཤ་དང་ཁྲག་རྣམས་ཁྱེར་ཞིང་
[112b.6]ཟ་བས་ན། །སུ་ཞིག་ཁྱོད་ལ་ནོར་སློང་སྡུག་བསྔལ་མྱོང་། །བསད་དང་བཅད་དང་གཤགས་དང་བརྡེག་པ་དང་། །བསྲེག་དང་བཞོག་དང་བརྡུང་དང་གཞིག་པ་དང་། །གནོད་པ་མང་པོས་རྟག་ཏུ་སྡུག་བསྔལ་ན། །དེ་ཚེ་ཇི་ལྟར་ང་ལ་བུ་ལོན་བཙལ། །དེ་ནས་རྒྱལ་པོ་དེས་སེམས་ཅན་
[112b.7]དམྱལ་བའི་གཏམ་རབ་ཏུ་འཇིགས་སུ་རུང་བ་དེ་ཐོས་ནས་མི་དགའ་བར་གྱུར་ཏེ། ལོག་པར་ལྟ་བ་ལ་རྗེས་སུ་ཆགས་པ་ནི་བཏང་། འཇིག་རྟེན་ཕ་རོལ་ཡོད་པར་ཡིད་ཆེས་པར་གྱུར་ནས། དྲང་སྲོང་ཆེན་པོ་དེ་ལ་ཕྱག་འཚལ་ཏེ་སྨྲས་པ། །དམྱལ་བའི་སྡུག་བསྔལ་བདག་གིས་ཐོས་ནས་སུ། །
[113a]
[113a.1]བདག་གི་ཡིད་ནི་འཇིགས་པས་རྣམ་པར་སྐྲག །དེ་དག་བདག་གིས་ཇི་ལྟར་མྱོང་གྱུར་སྙམ། །རྣམ་རྟོག་མེ་ཡིས་བདག་ནི་བསྲེགས་པ་བཞིན། །བདག་གི་སེམས་ནི་ལྟ་ངན་ལྷུང་གྱུར་ཞིང་། །ཡུན་རིང་མ་མཐོང་ངན་པའི་ལམ་དུ་སོང་། །འདི་ལ་
[113a.2]དགེ་བའི་གནས་སུ་ཁྱོད་ཀྱིས་མཐོང་། །ཐུབ་པ་ཁྱོད་ནི་བདག་གི་མགོན་དང་སྐྱབས། །བདག་གི་ལྟ་ངན་མུན་པ་ཁྱོད་ཀྱིས་བསལ། །ཉི་མ་ཤར་བས་མུན་ནག་བསལ་བ་བཞིན། །གང་གིས་བདག་ནི་ངན་འགྲོར་མི་ལྟུང་བ། །དེ་འདྲའི་ལམ་ནི་བདག་ལ་བཤད་དུ་གསོལ། །དེ་ནས་
[113a.3]བྱང་ཆུབ་སེམས་དཔས་རྒྱལ་པོ་དེ་ཡིད་མི་དགའ་བར་གྱུར་ཏེ་ལྟ་བ་དྲང་པོར་གྱུར་ནས་ཆོས་བསྒྲུབ་ནུས་པའི་སྣོད་དུ་གྱུར་པ་མཐོང་ནས། ཕ་བུ་ལ་སྙིང་བརྩེ་བ་དང་། སློབ་དཔོན་སློབ་མ་ལ་སྙིང་བརྩེ་བ་བཞིན་དུ་འདི་ལྟར་རྗེས་སུ་བསྟན་ཏོ། །སྔོན་གྱི་རྒྱལ་པོ་ཡོན་ཏན་དགའ་བ་རྣམས། །
[113a.4]སློབ་མ་མཆོག་ཚུལ་དགེ་སྦྱོང་བྲམ་ཟེ་དང་། །འབངས་ལའང་ངང་ཚུལ་སྙིང་རྗེ་ལྡན་བསྟན་པ། །གྲགས་ལྡན་དེ་ནི་མཐོ་རིས་འགྲོ་བའི་ལམ། །དེ་བས་ཆོས་མིན་ཐུབ་དགའ་ཐུབ་བྱེད་ཅིང་། །སེར་སྣ་དོར་དཀའ་རིང་དུ་བོར་ནས་སུ། །ལྷ་དབང་ཕོ་བྲང་གསེར་གྱི་རྟ་བབས་ཅན། །རིན་ཆེན་མཆོག་
[113a.5]འབར་དེ་ནི་འབར་བཞིན་སོང་། །ཡང་དག་ལྟ་ལ་ཁྱོད་ཡིད་འདྲིས་པར་གྱིས། །སྐྱེ་བོ་མཆོག་རྣམས་ལྟ་བ་བློ་གནས་ཏེ། །བྱིས་པ་དགའ་བྱེད་སྐྱེ་བོའི་ལྟ་བ་སྤོངས། །ཆོས་ཉིད་ངེས་པ་གང་དག་བསྟན་ལ་རྟོགས། །ད་ནི་ཁྱོད་ཀྱིས་ཡང་དག་ལྟ་དགེ་ཞིང་། །རྒྱལ་པོའི་ཚུལ་གྱིས་འགྲོ་བར་འདོད་
[113a.6]པར་གྱིས། །ཡོན་ཏན་མི་དགའ་སེམས་དེ་མེད་པར་བྱོས། །དེ་ཉིད་སེམས་ཀྱི་གོ་འཕང་ལམ་དུ་གྱུར། །དེ་བས་ཡོན་ཏན་བསྒྲུབ་པའི་དབྱིག་ཏུ་བྱོས། །བདག་དང་གཞན་ལ་ཕན་འདོད་སྙིང་རྗེ་བསྐྱེད། །ཚུལ་ཁྲིམས་བརྟན་ཞིང་དབང་པོ་རབ་ཏུ་སྡོམས། །དེ་ཡིས་ཕྱི་མའི་ཚེ་ལ་ཁྱོད་མི་སྡུག །
[113a.7]རང་གི་བསོད་ནམས་རྒྱལ་པོའི་དཔལ་གྱི་གཟི། །མཛའ་བཤེས་རྣམས་ལ་རབ་གསལ་ཡིད་འོང་དཀའ། །གྲགས་པ་སྙན་པས་འགྲོ་བའི་སྡུག་བསྔལ་བསལ། །བདག་གི་དོན་དང་ལྡན་པའི་ཕན་པ་སྤྱོད། །ཁྱོད་འདིར་བཀུར་སྟི་སྦྱིན་པའི་ཤིང་རྟ་དག །རང་ལུས་ཡོན་ཏན་འབྱུང་བའི་ཤིང་རྟ་
[113b]
[113b.1]ཉིད། །མིག་རྩུབ་མིག་ལྡན་སྦྱིན་དུལ་འཁོར་ལོ་ཅན། །བསོད་ནམས་འདོད་པའི་ཤིང་རྟའི་མདའ་དང་ལྡན། །དབང་པོ་དུལ་རྟ་དྲན་པའི་སྲབ་སྐྱོགས་ཅན། །བློ་གྲོས་ལྕགས་ལྡན་ཐོས་པ་རྒྱ་ཆེན་བརྩོན། །ངོ་ཚ་ཡོ་བྱད་ངན་གྲོགས་མཛེས་པས་བཅིངས། །བཟོད་པའི་གཉའ་ཤིང་དེས་
[113b.2]འགྲོ་བརྟན་པས་བརྟན། །ཚིག་ངན་བསྡོམས་པས་མི་སྙན་སྒྲ་མི་འབྱིན། །ཡིད་འོང་ཚིག་ཙམ་སྨྲ་བས་ཟབ་པའི་སྒྲ། །གདམས་པ་མ་ཞིག་པས་ན་མཚམས་མ་བྱེད། །སྤྱོད་པ་ངན་པའི་གྱ་གྱུ་སྤངས་པས་དྲངས། །ཐེག་པ་འདི་དང་གྲགས་པའི་རུ་མཚོན་དང་། །སྙིང་རྗེ་བསྐྱལ་ཞིང་ཞི་
[113b.3]བའི་རྒྱལ་མཚན་མཐོ། །བདག་དང་གཞན་དོན་མ་རྨོངས་གསལ་སྤྱོད་པས། །རྒྱལ་པོ་ནམ་ཡང་དམྱལ་བར་ཡོང་མི་ལྟུང་། །དེ་ལྟར་བདག་ཉིད་ཆེན་པོ་དེས། །རྒྱལ་པོ་དེའི་ལྟ་བ་ལོག་པའི་མུན་ནག་དེ་ཚིག་གསལ་བའི་ཉི་མ་ཤར་བས་བསལ་ནས། དེ་ལ་བདེ་འགྲོའི་ལམ་ཡང་
[113b.4]བསྟན་ཏེ། དེ་ཉིད་དུ་མི་སྣང་བར་གྱུར་ཏོ། །དེ་ནས་རྒྱལ་པོ་འཇིག་རྟེན་ཕ་རོལ་ཡོད་པའི་དོན་ཡང་དག་པར་ནི་རྟོགས་ཡང་དག་པའི་ལྟ་བའི་སེམས་ནི་རྙེད་ནས། བློན་པོ་དང་ཕོ་བྲང་འཁོར་གྱི་མི་དང་བཅས་པ་དག་སྦྱིན་པ་དང་དུལ་བ་དང་སྡོམ་པ་ལ་གཞོལ་བར་གྱུར་ཏོ། །དེ་ལྟ་བས་ན་ལོག་པར་
[113b.5]ལྟ་བ་ནི་ཁ་ན་མ་ཐོ་བ་རབ་ཏུ་ཆེ་བའི་ཕྱིར། ལོག་པར་ལྟ་བ་ལ་ཞེན་པ་རྣམས་ལ་དམ་པ་རྣམས་ཀྱིས་ལྷག་པར་རྗེས་སུ་བརྩེ་བར་བྱ་བར་རིགས་སོ། །དེ་བཞིན་དུ་དམ་པའི་ཆོས་ཡོངས་སུ་རྫོགས་པར་མཉན་པ་ནི་དད་པ་ཡོངས་སུ་རྫོགས་པར་བྱེད་པར་འགྱུར་རོ། །ཞེས་ཀྱང་སྦྱར་བར་བྱའོ། །
[113b.6]དེ་བཞིན་དུ་གཞིན་ལས་ཆོས་མཉན་ན་ཡང་དག་པའི་ལྟ་བ་སྐྱེ་བའི་རྐྱེན་དུ་འགྱུར་རོ། །ཞེས་སྦྱར་བར་བྱའོ། །དེ་ལྟར་ན་སྐྱེས་བུ་དམ་པ་རྣམས་ནི་བརྙས་ཐབས་བྱས་ཀྱང་བཟོད་པ་ལ་གོམས་པར་བྱས་པས་དེ་ལ་ཕན་པའི་མན་ངག་སྟོན་པར་བྱེད་ཀྱི་ཚིག་རྩུབ་མོ་ནི་མི་སྨྲའོ། །ཞེས་དེ་བཞིན་
[113b.7]གཤེགས་པ་རྣམས་ཀྱི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །སྐྱོ་ཞིང་ཡིད་འབྱུང་བར་བྱས་ནས་མྱུར་དུ་ལེགས་པའི་ལམ་ལ་ཕྱོགས་པར་འགྱུར་བའི་ཕྱིར། སྐྱོ་ཞིང་ཡིད་འབྱུང་བར་བྱ་བའི་གཏམ་བྱ་བ་ལ་བརྗོད་པར་བྱའོ། །ཚངས་པར་སྐྱེས་པའི་རབས་ཏེ་ཉི་ཤུ་དགུ་
[114a]
[114a.1]པའོ།། །།བམ་པོ་བཅུ་གཅིག་པ། དགེ་བ་རྣམས་ནི་ཕྱིས་གཞན་ལ་ཕན་པར་འགྱུར་ན། སྡུག་བསྔལ་ཡང་ཁེ་རྙེད་པ་དང་འདྲ་བར་སེམས་སོ། །དེ་ཡང་འདི་ལྟར་བྱང་ཆུབ་སེམས་དཔའ་གླང་པོ་ཆེའི་ནགས་ཚལ་ཤིང་ལྗོན་པ་གཞོན་ནུ་བཟང་
[114a.2]པོའི་རྩེ་མོ་མེ་ཏོག་དང་འབྲས་བུ་དང་ཤིང་ལོར་ལྡན་པ་རྣམས་ཀྱིས་དེ་དང་དེ་དག་ཏུ་བརྒྱན་པ་བཞིན་དུ་འདུག་པ། ལྡུམ་བུ་དང་། ཤིང་གེལ་བ་དང་། རྩ་བ་རྣམ་པ་སྣ་ཚོགས་ཀྱིས་ཁེབས་པའི་ས་ཕྱོགས་ན། རིའི་ལྗོངས་རྣམས་ན་ནགས་ཚལ་ཉམས་དགའ་བ་ལ་སྙིང་ཆགས་ནས་གཞན་
[114a.3]དུ་གཡེང་བ་མེད་པར་གནས་བཅས་པ་བཞིན་དུ་ནི་འདུག །ནགས་ན་རྒྱུ་བ་རྣམས་ཀྱི་གནས་སུ་ནི་གྱུར། མཚོ་ཟབ་མོ་རྒྱ་ཆེན་པོས་ནི་དགོན་པ་དང་བཅས་པར་བྱས། ཤིང་དང་རྩྭ་དང་ཆུ་མེད་པའི་མྱ་ངམ་དགོན་པ་ཆེན་པོས་ཁོ་ར་ཁོར་ཡུག་ཏུ་བསྐོར་བས་ཡུལ་དང་ལྗོངས་ཐག་རིང་དུ་
[114a.4]གྱུར་པ་ཞིག་ན། གླང་པོ་ཆེ་ལུས་ཆེན་པོ་གཅིག་པུ་རྒྱུ་བ་ཞིག་ཏུ་གྱུར་ཏོ། །ཞེས་གྲགས་སོ། །དེ་དེ་ན་ཤིང་ལོ་དང་། པདྨའི་རྩ་བ་དང་། ཆུ་ཙམ་གྱིས་འཚོ་ཞིང་ཆོག་ཤེས་པ་དང་། ཞི་བས་དཀའ་ཐུབ་ཅན་བཞིན་དུ་དགའ་བར་གནས་སོ། །དེ་ནས་རེ་ཞིག་ཅིག་སེམས་
[114a.5]དཔའ་ཆེན་པོ་དེ་ནགས་ཚལ་དེའི་མཐའ་ནས་རྒྱུ་ཞིང་སོང་སོང་བ་ལས། མྱ་ངམ་དགོན་པ་ན་མིའི་སྒྲ་ཅིག་ཐོས་པ་དང་དེས་བསམས་པ། འདི་ཅི་ཞིག་ས་ཕྱོགས་འདི་ན་ཡུལ་དུ་རྒྱུ་བའི་ལམ་ནི་ཅི་ཡང་མེད། མྱ་ངམ་དགོན་པ་ཆེན་པོ་འདི་ལྟ་བུར་བརྒལ་ཏེ་རི་དྭགས་བཤོར་བ་ཡང་
[114a.6]མི་རིགས་ན་ཚེགས་ཆེན་པོ་བྱུང་སྟེ། ཤ་ཐང་ཤིང་བདག་ཅག་གླང་པོ་ཆེའི་ཁྱུ་ནས་འཛིན་པ་ལྟ་སྨོས་ཀྱང་ཅི་དགོས་ཏེ་འོང་བ་མི་རིགས་ན་གོར་མ་ཆག་པར་འདི་དག་ནི་ཕྱོགས་སླད་ནས་ལམ་ནོར་བ་ཅིག་ཡིན་ནམ། དེ་དག་གིས་མི་རིགས་པར་བྱས་ནས། རྒྱལ་པོ་ཁྲོས་ཏེ་སྤྱུགས་པ་
[114a.7]དག་ཅིག་ཡིན་པ་འདྲ་སྟེ། འདི་ལྟར་འདི་དག་གཅོམ་ཆུང་ཞིང་། །དགའ་བའི་སྐད་གསང་མཐོན་པོ་ཉམས། །རབ་ཏུ་ཉམ་ཐག་ཕོངས་པའི་སྒྲ། །འབའ་ཞིག་ངུ་བ་བཞིན་དུ་གྲག །དེ་བས་ན་འདི་ཅི་ཡིན་རེ་ཞིག་བརྟག་པར་བྱའོ་སྙམ་ནས། བདག་ཉིད་ཆེན་པོ་དེ་སྙིང་རྗེ་ཆེན་
[114b]
[114b.1]པོས་དྲངས་ནས། མིའི་སྒྲ་གང་ན་གྲག་པ་དེ་ལོགས་སུ་སོང་སྟེ། སྨྲེ་སྔགས་འདོན་པའི་ཚིག་དང་མི་འགལ་ཞིང་མྱ་ངན་བྱེད་པའི་ཚིག་གིས་ངུ་བའི་སྒྲ་ཉན་ཅིང་སྙིང་རྗེས་སེམས་བསྐུལ་ནས། སེམས་དཔའ་ཆེན་པོ་དེ་དེར་རིངས་པར་སོང་སྟེ་ནགས་ཚལ་སྟུག་པོ་དེ་ནས་བྱུང་
[114b.2]བ་དང་། ས་ཕྱོགས་དེ་ན་ཤིང་དང་ཚང་ཚིང་མེད་པས་རྒྱང་རིང་པོར་བལྟས་པ་ན། མི་བདུན་བརྒྱ་ཙམ་ཅིག་བཀྲེས་པ་དང་། སྐོམ་པ་དང་། ངལ་བས་ཉེན་པ་དག་ནགས་ཚལ་དེ་ལོགས་སུ་འོང་བ་མཐོང་ངོ་། །མི་དེ་དག་གིས་ཀྱང་སེམས་དཔའ་ཆེན་པོ་དེ་དག་གངས་རིའི་རྩེ་
[114b.3]མོ་འགྲོ་ཤེས་པའམ། སྟོན་ཀའི་སྤྲིན་ནམ། ན་བུན་གྱི་ཚོགས་རླུང་གིས་བསྐྱོད་པ་བཞིན་ཚུར་འོང་བ་མཐོང་ངོ་། །མཐོང་ནས་ཀྱང་སྐྲག་ཅིང་མི་དགའ་སྟེ། ད་ནི་བདག་ཅག་རྣམས་བསད་དོ་སྙམ་ནས་ཡིད་སྐྲག་པར་གྱུར་ཀྱང་བཀྲེས་པ་དང་། སྐོམ་པ་དང་། ངལ་བས་
[114b.4]སྒྱིད་ལུག་པས་ཕྱིར་འབྲོས་མ་ནུས་སོ། །དེ་དག་རབ་ཏུ་འཇིགས་གྱུར་ཀྱང་། །བཀྲེས་སྐོམ་ངལ་བས་ཉམས་སྨད་ཅིང་། །མི་དགའ་འཇིགས་པས་སྤ་གུམ་པས། །འབྲོས་པ་རྩོལ་ནི་མ་ནུས་སོ། །དེ་ནས་བྱང་ཆུབ་སེམས་དཔས་དེ་དག་སྐྲག་པར་རིག་ནས། ང་
[114b.5]ལས་ཁྱོད་རྣམས་ལ་འཇིགས་པ་མི་འབྱུང་གི། མ་འཇིགས་ཤིག་མ་འཇིགས་ཤིག་ཅེས་གླང་པོ་ཆེ་སྣ་མདོག་ཅུང་ཟད་དམར་ཞིང་སྣུམ་པ་བསྒྲེངས་པས་དབུགས་ཕྱུང་སྟེ། དྲུང་དུ་ཕྱིན་ནས་སྙིང་རྗེ་བ་བཞིན་དུ་དྲིས་པ། ཁྱེད་ཅག་སུ་ཡིན་ཅི་ཡི་ཕྱིར། །འདི་ལྟར་གྱུར་ཅིང་འདི་
[114b.6]ན་འཁོད། །རྡུལ་དང་ཉི་མའི་འོད་ཟེར་གྱིས། །ཁ་དོག་ཉམས་ཤིང་རིད་པར་གྱུར། །མྱ་ངན་གདུངས་ཕོངས་ཁྱོད་སུ་ཡིན། །ཁྱེད་ཅག་གང་ནས་འདིར་ལྷགས་གྱུར། །དེ་ནས་མི་དེ་དག་མིའི་སྐད་དུ་སྨྲ་ཞིང་མི་འཇིགས་པ་སྦྱིན་པར་ཁས་ལེན་པས་དགའ་བར་བྱེད་པ་དེས་
[114b.7]སེམས་བརྟས་པར་གྱུར་ཏེ་དེ་ལ་ཕྱག་འཚལ་ནས་སྨྲས་པ། གླང་ཆེན་རྒྱལ་པོ་བདག་ཅག་ནི། །རྒྱལ་པོ་ཁྲོས་པའི་རླུང་ལངས་པས། །གཉེན་བཤེས་མྱ་ངན་གདུངས་བཞིན་དུ། །འདིར་ནི་བསྐྲད་དེ་བཏང་བ་ལ། །གཉེན་བཤེས་པས་ཀྱང་ལྷག་གྱུར་པ། །ཁྱོད་ཀྱིས་བདག་
[115a]
[115a.1]ཅག་གཟིགས་པས་ན། །བདག་ཅག་སྐལ་བ་ལྷག་མ་མཆིས། །ལྷ་དཔལ་མངོན་དུ་གྱུར་པར་ངེས། །ཁྱེད་ཀྱི་སྤྱན་སྔར་བབ་པས་ན། །ཕོངས་པ་འདི་ལས་ཐར་བར་འགྱུར། །རྨི་ལམ་དུ་ཡང་ཁྱོད་མཐོང་ན། །ཕོངས་ལས་མི་ཐར་སུ་ཞིག་མཆིས། །
[115a.2]དེ་ནས་གླང་པོ་ཆེ་དེས་མི་དེ་རྣམས་ལ་འདི་ན་ཁྱེད་ཅག་དུ་ཙམ་ཡོད་ཅེས་དྲིས་པ་དང་། མི་དེ་རྣམས་ཀྱིས་སྨྲས་པ། ཡིད་འོང་སྐུ་ལྡན་བདག་ཅག་སྟོང་ཙམ་ཅིག །ས་ཡི་བདག་པོས་འདིར་ནི་སྤྱུགས་པ་ལ། །དེ་ལས་ཕལ་ཆེར་སྡུག་བསྔལ་མ་མྱོང་བས། །བཀྲེས་དང་སྐོམ་
[115a.3]པས་གདུངས་ནས་གུམ་པར་གྱུར། །གླང་ཆེན་གཙོ་བོ་བདག་ཅག་འདི་ན་ནི། །མི་ཡི་ལྷག་མ་བདུན་བརྒྱ་ཙམ་ཅིག་མཆིས། །འཆི་བདག་ཁ་ཡི་ནང་དུ་མཆིས་པ་ལས། །ཁྱོད་ནི་དབུགས་འབྱིན་ལུས་དང་འདྲ་བར་གཤེགས། །དེ་སྐད་ཐོས་ནས་སེམས་དཔའ་ཆེན་པོ་དེ་
[115a.4]སྙིང་རྗེ་ལ་གོམས་པས་མྱ་ངན་བྱེད་ཅིང་མཆི་མ་ཕྱུང་སྟེ། དེ་དག་ལ་འདི་སྐད་སྨྲས་སོ། །ཀྱེ་མ་ཧོ་ཁྱེད་ཅག་ཉོན་མོངས་ངོ་མཚར་བྱས་ཀྱིས་མེད། །སྙིང་རྗེ་མེད་ཅིང་ཀྱི་ཧུད་འཛེམ་པ་མེད། །རྒྱལ་པོའི་བློ་ནི་ཕྱི་ཚེ་མི་སེམས་ཤིང་། །རྒྱལ་པོའི་དཔལ་ཡང་གློག་ལྟར་མི་བརྟན་
[115a.5]ཞིང་། །བདག་ལ་ཕན་སེམས་མེད་པས་དབང་པོ་འཕྲོག །འཆི་བདག་དེའུ་རེ་འོང་བ་དེ་མི་སེམས། །སྡིག་པའི་མཐའ་ཡང་རིང་བར་མ་ཐོས་སམ། །རྣམ་རྟོག་ཞེན་པས་ཚིག་གིས་གདམས་སུ་མེད། །རྒྱལ་པོ་ཉོན་མོངས་རབ་ཏུ་མགོན་མེད་གྱུར། །ནད་ཀྱི་གཞིར་གྱུར་ཆུད་
[115a.6]ཟ་བའི། །འདི་ལྟར་ལུས་འདི་གཅིག་པུའི་ཕྱིར། །སེམས་ཅན་རྣམས་ལ་སྙིང་མི་བརྩེ། །ཀྱི་ཧུད་གཏི་མུག་འདི་ཅི་རུང་། །དེ་ནས་གླང་པོ་ཆེའི་བདག་པོ་དེས་མི་དེ་རྣམས་སྙིང་རྗེ་ཞིང་བྱམས་པའི་སེམས་ཀྱིས་བསམས་པ། འདི་རྣམས་འདི་ལྟར་བཀྲེས་པ་དང་སྐོམ་པ་དང་ངལ་བས་
[115a.7]ཉམ་ཐག་པར་ནི་གྱུར། ལུས་ནི་རིད་ཅིང་ཉམ་ཆུང་བས། །མྱ་ངམ་གྱི་དགོན་པ་དཔག་ཚད་དུ་མ་ཡོད་པ་ཆུ་མེད་ཅིང་གྲིབ་མ་མེད་པ་འདི་ལས་ལམ་བརྒྱགས་ཀྱང་མེད་པར་ཅི་ལྟར་ཐར་བར་འགྱུར། གླང་པོ་ཆེའི་ནགས་ཚལ་ན་ཡང་འདི་རྣམས་ཉིན་གཅིག་ཙམ་ཉོན་མ་མོངས་པར་གནས་
[115b]
[115b.1]སུ་རུང་བ་ཡང་ཅི་ཡང་མེད་ན་ཅི་ལྟར་བྱ། ངའི་ཤས་འདི་རྣམས་ཀྱི་ལམ་བརྒྱགས་བྱས་ཏེ། ངའི་རྒྱུ་མས་ཀྱང་རྐྱལ་པ་བཞིན་དུ་ཆུ་སྣོད་བྱས་ནས། གདོད་མྱ་ངམ་གྱི་དགོན་པ་འདི་ལས་ཐར་བར་འགྱུར་གྱིས། ཐབས་གཞན་ནི་མེད་དོ་སྙམ་ནས། དེ་བས་ནད་མང་བརྒྱ་ཡི་གནས། །
[115b.2]ལུས་འདི་སྡུག་བསྔལ་ཉམ་ཐག་པ། །འདི་རྣམས་ཕོངས་ལས་བསྒྲལ་བ་ཡི། །གཟིངས་སུ་གྱུར་པ་བདག་གིས་བྱ། །མི་ཡི་ལུས་སུ་སྐྱེས་པ་ཡིས། །མཐོ་རིས་ཐར་པའི་བདེ་བ་ཐོབ། །འདི་དག་དེ་ལྟར་གྱུར་པ་ལ། །ཕན་འདོགས་ནུས་པའང་ཤིན་ཏུ་དཀོན། །བདག་གི་སྤྱོད་
[115b.3]ཡུལ་གནས་སུ་ལྷགས་པར་གྱུར། །འདི་འདྲའི་མགྲོན་ཀྱང་བསོད་ནམས་བྱས་པས་ཐོབ། །གཉེན་དང་བྲལ་བས་ཕོངས་ཤིང་ཉམ་ཐག་གྱུར། །དེ་བས་བདག་གིས་ལྷག་པར་བསྐྱབ་པར་རིགས། །ལུས་ཞེས་བྱ་བ་འདི་ནི་དོན་མེད་མང་། །ཡུན་རིང་བར་དུ་སྡུག་བསྔལ་མང་བའི་
[115b.4]གནས། །རྟག་ཏུ་ན་བས་ཉོན་མོངས་མང་པོའི་གཞི། །གཞན་གྱི་དོན་དུ་ཕན་ན་སྤྱད་པར་རིགས། །དེ་ནས་དེ་དག་ལས་ཁ་ཅིག་ནི་བཀྲེས་པ་དང་སྐོམ་པ་དང་། ངལ་བ་དང་ཚ་བའི་སྡུག་བསྔལ་གྱིས་ལུས་ཉམ་ཐག་ནས་ཐལ་མོ་སྦྱར་ཏེ། མིག་མཆི་མས་གང་བཞིན་དུ་ཕྱག་
[115b.5]འཚལ་ཞིང་ཕོངས་ནས་ལག་བརྡས་ཆུ་བསླང་བ་ནི། བདག་ཅག་མགོན་མེད་ཁྱོད་མགོན་ལགས། །ཁྱོད་ནི་བདག་ཅག་སྐྱབས་དང་རྟེན། །སྐལ་བ་ཆེན་པོ་ཅི་རིགས་པར། །བདག་ཅག་རབ་ཏུ་བསྐྱབ་པར་རིགས། །ཞེས་ཁ་ཅིག་དེ་ལ་སྙིང་རྗེ་རྗེ་སྐད་དུ་སྨྲས་སོ། །གཞན་དག་ནི་
[115b.6]སེམས་རབ་ཏུ་བརྟན་པས་ཆུ་གང་ན་ཡོད་པའི་ས་ཕྱོགས་དང་། མྱ་ངམ་དགོན་པ་བགྲོད་དཀའ་བ་བརྒལ་བའི་ལམ་དྲིས་ཏེ། མཚོའི་གནས་སམ་ཆུ་བསིལ་ཀླུང་ཡང་རུང་། །གཡའ་ཆབ་བསིལ་མ་གང་ན་ཡོད་ཀྱང་རུང་། །གྲིབ་ཤིང་ཟླུམ་པོའམ་བསིལ་ལ་སྔོན་པོའང་རུང་། །གླང་
[115b.7]ཆེན་བདག་པོ་བདག་ལ་བསྟན་དུ་གསོལ། །དགོན་པ་འདི་ལས་གང་དག་ན། །ཐར་བར་ནུས་པར་འགྱུར་བ་དེ། །ཐུགས་ནི་བརྩེ་བར་མཛད་ནས་སུ། །ཕྱོགས་དེ་བསྟན་ན་རབ་ཏུ་ལེགས། །མྱ་ངམ་དགོན་ན་ཡུན་རིང་དུ། །བདག་ཅག་འཁྱམས་ཤིང་མཆིས་པ་ལ། །མཛའ་
[116a]
[116a.1]བོ་ཁྱོད་ཀྱིས་བསྒྲལ་བར་གསོལ། །ཞེས་སྨྲས་པ་དང་། དེ་ནས་བདག་ཉིད་ཆེན་པོ་དེས། དེ་དག་གིས་སྙིང་རྗེ་རྗེ་སྐད་དུ་གསོལ་བ་བཏབ་པ་དེ་དག་གིས་སེམས་རབ་ཏུ་བརླན་པར་གྱུར་ནས། མྱ་ངམ་དགོན་པ་དེ་ལས་ཐར་བར་འགྱུར་བའི་རི་ཞིག་ཡོད་པ་དེ།
[116a.2]དེ་དག་ལ་བསྟན་པའི་ཕྱིར། གླང་པོ་ཆེའི་སྣ་སྦྲུལ་ཆེན་པོའི་མགོ་བོའི་གདེངས་ཀ་འདྲ་བ་བརྐྱང་སྟེ་སྨྲས་པ། རི་འདིའི་དྲུང་ན་མཚོ་ཆེན་པོ་མེ་ཏོག་པདྨ་དང་ཨུཏྤ་ལས་བརྒྱན་པ། ཆུ་གཙང་མས་གང་བ་ཞིག་ཡོད་དེ། དེ་བས་ན་ལམ་འདི་ནས་སོང་ལ། དེར་ཡང་ཚ་བ་སྐོམ་པ་ངོམས་ཤིང་ངལ་སོས་
[116a.3]པར་གྱིས་ལ། དེ་དང་མི་རིང་བ་ཞིག་ན་རི་དེའི་ཁ་ནས་ལྷུང་བའི་གླང་པོ་ཆེའི་རོ་ཅིག་ཡོད་ཀྱིས། དེའི་ཤས་ལམ་བརྒྱགས་གྱིས་ལ། དེའི་རྒྱུ་མས་རྐྱལ་པ་བཞིན་དུ་ཆུ་སྣོད་བྱས་ཏེ་ཆུ་ལོང་ལ། ས་ཕྱོགས་འདི་ནས་དེངས་ཤིག་དང་། མྱ་ངམ་དགོན་པ་འདི་ལས་ཐར་བར་
[116a.4]འགྱུར་གྱིས་ཁྱེད་རྣམས་ལམ་འདི་ནས་ཕར་དེངས་ཤིག་ཅེས་སྨྲས་ནས། བདག་ཉིད་ཆེན་པོ་དེས་མི་དེ་རྣམས་དབུགས་ཕྱུང་སྟེ། དེ་ནས་གྱེས་ཏེ་ལམ་གཞན་ཅིག་ནས་སོང་སྟེ། རི་དེའི་ཁར་འཛེག་ནས། སྐྱེ་བོ་རྣམས་བསྒྲལ་བའི་ཕྱིར། དེ་ནས་རང་གི་ལུས་བོར་བ་ན། སྨོན་
[116a.5]ལམ་འདི་ལྟར་བཏབ་པར་ངེས་སོ། །བདག་གིས་འདི་བྱས་བདེ་འགྲོ་ཐོབ་ཕྱིར་མིན། །མི་དབང་རྒྱལ་སྲིད་གདུགས་གཅིག་དཔལ་ཕྱིར་མིན། །མཐོ་རིས་བདེ་མཆོག་མྱོང་བའི་ཕྱིར་མ་ཡིན། །ཚངས་པའི་དཔལ་དང་ཐར་པའི་བདེ་ཕྱིར་མིན། །མྱ་ངམ་དགོན་པར་འཁྱམས་པའི་སྐྱེ་བོ་
[116a.6]འདི། །བདག་གིས་བསྒྲལ་བའི་བསོད་ནམས་ཡོད་ན་ནི། །དེ་ཡིས་འཁོར་བའི་དགོན་པར་འཁྱམས་པ་ཡི། །འཇིག་རྟེན་རྣམས་ནི་སྒྲོལ་བར་ནུས་པར་ཤོག །བདག་ཉིད་ཆེན་པོ་དེས་དེ་ལྟར་ངེས་པར་བྱས་ནས་རབ་ཏུ་དགའ་བའི་ཤུགས་ཀྱིས་རང་གི་ལུས་གཡང་ས་ན་ལྷུང་སྟེ། ཞིག་
[116a.7]ནས་འཆི་བའི་སྡུག་བསྔལ་ལ་མི་ལྟ་བར་རི་དེའི་ཁ་ནས་རང་གི་ལུས་ས་ཕྱོགས་དེར་བོར་རོ། །དེ་ནས་དེ་ལྷུང་སྟོན་ཀའི་སྤྲིན་བཞིན་མཛེས་པར་གྱུར། །ཟླ་བའི་དཀྱིལ་འཁོར་ནུབ་ཀྱི་རི་ཁར་ནུབ་པ་བཞིན། །ཁྱུང་གི་འདབ་མ་བསྐྱོད་པའི་རླུང་གིས་བསྐྱོད་པ་ཡིས། །གངས་རི་རྩེ་མོས་
[116b]
[116b.1]སྟོད་གཡོགས་ལྷུང་བར་གྱུར་པ་བཞིན། །དེ་ནས་ས་དང་རི་རྣམས་གཡོས་པར་གྱུར། །བདག་པོར་བསྙེམས་པའི་བདུད་ཀྱི་སེམས་ཀྱང་འདར། །གནམ་གྲུམ་སྒྲ་བཞིན་ས་ལ་ལྷུང་བར་གྱུར། །ནགས་ཚལ་འཁྲི་ཤིང་ལྷ་རྣམས་འདུད་པར་གྱུར། །ནགས་ཚལ་དེ་ན་གནས་པའི་
[116b.2]ལྷ་རྣམས་ནི། །དེ་ཚེ་ངེས་པར་ཡ་མཚན་སྐྱེས་པར་གྱུར། །རབ་ཏུ་དགའ་ནས་སྤུ་ལངས་ནམ་མཁའ་ལ། །ལག་པ་བསྒྲེངས་ནས་མཛུབ་མོས་བསྟན་པར་གྱུར། །ཁ་ཅིག་ཙན་དན་ཕྱེ་མས་བསྒོས་པ་ཡི། །མེ་ཏོག་དྲི་ཞིམ་རྣམས་ཀྱིས་རྟག་ཏུ་འཐོར། །ལ་ལ་མ་བཏགས་
[116b.3]སྟོད་གཡོགས་གསེར་གྱིས་བརྒྱན། །རྒྱན་རྣམས་ཀྱིས་ནི་དེ་ལ་མཆོད་པར་བྱེད། །དེ་བཞིན་གཞན་དག་དད་པས་བསྟོད་པ་དང་། །ཐལ་མོ་སྦྱར་བ་པདྨ་ཁ་འབུས་འདྲ། །ཅོད་པན་མཛེས་ལྡན་སྤྱི་བོས་བཏུད་པ་ཡིས། །དེ་ལ་ཕྱག་འཚལ་མཆོད་པ་བྱེད་པར་གྱུར། །ཁ་ཅིག་མཚོ་རླབས་འཁྲུགས་པར་
[116b.4]བྱེད་པའི་རླུང་། །མེ་ཏོག་དྲི་ཞིམ་ངད་དང་ལྡན་པ་ཡིས། །དེ་ལ་བསིལ་གཡབ་བྱེད་ཅིང་གཞན་དག་ནི། །སྤྲིན་གྱི་བླ་རེ་སྟུག་པོ་འདྲ་བར་བྱེད། །ལ་ལ་དད་པས་དེ་ལ་མཆོད་པའི་ཕྱིར། །ལྷ་ཡི་རྔ་སྒྲས་ནམ་མཁའ་དགོད་པར་
[116b.5]བྱེད། །གཞན་དག་དེར་ནི་ལྗོན་ཤིང་མེ་ཏོག་དང་། །འབྲས་བུ་ལོ་མར་ལྡན་པས་བརྒྱན་པར་བྱེད། །ཕྱོགས་རྣམས་སྟོན་ཀའི་མདངས་བཟང་མཛེས་པར་གྱུར། །ཉི་མའི་ཟེར་ཡང་སྔོན་པོས་གསལ་བ་འདྲ། །རྒྱ་མཚོ་དེ་ཡང་དངས་ལ་རླབས་བསྐྱོད་ནས། །དགའ་བས་
[116b.6]དེ་ཡི་དྲུང་དུ་འོངས་པ་འདྲ། །དེ་ནས་མི་དེ་དག་མཐར་གྱིས་སོང་སོང་བ་ལས་མཚོ་དེའི་དྲུང་དུ་ཕྱིན་ནས་དེར་ཚ་བ་དང་། སྐོམ་པ་དང་། ངལ་བ་ཞི་བར་གྱུར་པ་དང་། བདག་ཉིད་ཆེན་པོ་དེས་ཇི་སྐད་བསྟན་པ་བཞིན་དུ། དེ་དང་མི་རིང་བ་ཅིག་ན་གླང་པོ་ཆེ་ཞིག་ཤི་ནས་རིང་པོར་མ་ལོན་པའི་རོ་
[116b.7]ཞིག་འདུག་པ་མཐོང་ངོ་། །དེ་དག་གིས་བསམས་པ། ཨེ་མ་ཧོ་གླང་པོ་ཆེ་འདི། གླང་པོ་ཆེའི་བདག་པོ་དེ་ཡང་རེ་འདྲ་བ་ཞིག་གོ། །འདི་ནི་གླང་ཆེན་མཆོག་དེའི་སྤུན་ཞིག་གམ། །གཉེན་ཞིག་ཡིན་ནམ་ཡང་ན་བུ་ཡིན་ནོ། །འདི་ལྟར། ཕྱེ་མར་ལྷགས་ཀྱང་འདི་ཡི་
[117a]
[117a.1]གཟུགས། །གངས་རི་དཀར་པོ་འདྲ་བར་སྣང་། །མེ་ཏོག་ཀུ་མུད་སྤུངས་ལྟར་མཛེས། །ཟླ་བའི་འོད་ཟེར་སྤུངས་པ་བཞིན། །འདི་ནི་དེ་ཡི་གཟུགས་བརྙན་ཞིག །མེ་ལོང་ནང་ན་འདུག་པ་འདྲ། །དེ་ནས་མི་དེ་དག་གི་ནང་ནས་རབ་ཏུ་མཛངས་པ་
[117a.2]ཁ་ཅིག་གིས་བརྟགས་ནས་བསམས་པ། འདི་ནི་ཕྱོགས་ཀྱི་གླང་པོའི་གཟུགས་མཆོག་དང་འདྲ་བའི་གླང་པོ་ཆེ་དེ་ཉིད་ཡིན་གོར་མ་ཆག་སྟེ། བདག་ཅག་གཉེན་བཤེས་མེད་པ་ཕོངས་ཤིང་ཉམ་ཐག་པ་རྣམས་བསྒྲལ་བའི་ཕྱིར་རི་འདིའི་ཁ་ནས་ལུས་བོར་བ་སྙམ། གནམ་གྲུམ་
[117a.3]སྒྲ་སྐད་གང་གྲག་དང་། །ས་ཡང་གཡོས་བཞིན་དུ་གྱུར་པ། །བདག་ཅག་རྣམས་ཀྱིས་ཐོས་པ་སྟེ། །ངེས་པར་འདི་ཉིད་ལྷུང་བ་ཡིན། །ལུས་འདི་པདྨའི་རྩ་བ་དཀར་པོ་དེ་ཉིད་འདྲ། །ཟླ་བའི་འོད་ལྟར་ལུས་ཀྱི་སྤུ་དཀར་ཐིག་ལེ་མཛེས། །སེན་མོ་རུས་སྦལ་དབྱིབས་འདྲ།
[117a.4]དཀར་ཞིང་རྐང་ལག་དཀར། །རྒྱབ་བཤུལ་གཞུ་ལྟར་སྒུ་ཞིང་མཛེས་པ་དེ་ཉིད་ཡིན། །མྱོས་པའི་དབྱེས་ཅན་གདོང་དེ་དེ་ཉིད་ཡིན། །ངོ་ཕེལ་ཆེན་པོ་དྲི་ཞིམ་རབ་ཏུ་མཛེས། །མགོ་གཙུག་མཐོ་མཛེས་ལྕགས་ཀྱུའི་རྨ་ཡང་མེད། །མཇིང་པ་སྟུག་པོ་དེ་ཡང་འདི་ཉིད་ཡིན། །
[117a.5]པ་སྙེམས་པས་གད་པ་བསྙོགས་པའི་མཚན་མ་ཅན། །མཆེ་བ་མདོག་དཀར་དེ་གཉིས་འདི་ཉིད་ཡིན། །གང་གིས་བདག་ཅག་ལམ་འདི་བསྟན་པ་ཡང་། །སོར་མོ་རིང་བའི་སྣ་ལག་འདི་ཉིད་ཡིན། །ཀྱེ་མའོ་འདི་ནི་ངོ་མཚར་རྨད་དུ་ཆེ། །བདག་ཅག་རྣམས་ཀྱི་ཆོ་རིགས་དང་།
[117a.6]ཚུལ་དང་། །དད་པ་ཅི་འདྲ་སྔོན་ཆད་མ་མཐོང་བར། །སྐལ་ཉམས་ངེད་ལའང་འདི་ལྟར་སེམས་བྱམས་ན། །གཉེན་བཤེས་རྣམས་ལ་འདི་ནི་ཅི་འདྲ་ཞིག །སྐལ་བ་ཆེན་པོ་དེ་ལ་རྣམ་པ་ཐམས་ཅད་དུ་ཕྱག་འཚལ་ལོ། །ཕོངས་ཤིང་ཉམ་ཐག་འཇིགས་ལ་མྱ་ངན་གདུངས། །
[117a.7]བདག་ཅག་རྣམས་ལ་འདི་ལྟར་ཕན་འདོགས་པ། །གླང་པོ་ལྟར་སྣང་འདི་ནི་སུ་ཞིག་ཡིན། །ཡ་རབས་སྤྱོད་ཚུལ་མ་ཉམས་གསལ་བར་བྱེད། །སྤྱོད་བཟང་འདི་འདྲ་གང་དུ་བསླབ་ཞིག་གུ། །བླ་མ་གང་ལ་གནས་ནས་བསྙེན་བཀུར་བྱས། །ཡོན་ཏན་མེད་པར་གཟུགས་
[117b]
[117b.1]བཟང་མི་འགྱུར་ཞིང་། །སྐྱེ་བོ་སྨྲ་བ་དེ་ནི་འདི་ལས་སྔོན། །ཨེ་མ་ཧོ་རང་བཞིན་འཕགས་པ་ཕུན་སུམ་ཚོགས། །དོན་བཞིན་བསྒྲུབ་པ་འདི་ཡིས་བསྟན་པར་གྱུར། །འདི་ནི་ཤི་བར་གྱུར་ཀྱང་བདག་མགུ་བས། །གངས་རི་འདྲ་བའི་ལུས་མཛེས་རྒོད་པ་བཞིན། །དེ་བས་ན་དེ་
[117b.2]ནི་འདི་ལྟར་སུ་ཞིག་གཉེན་བཤེས་བྱམས་པ་བས་ཀྱང་ལྷག་པར་བྱམས་པ་ཕན་འདོགས་པ་བདག་ཅག་ལ་ཕན་པའི་ཕྱིར། རང་གི་སྲོག་སྩལ་ཏེ། རབ་ཏུ་ལེགས་པར་བྱེད་བྱེད་པ་འདིའི་ཤ་ཟ་སུས་ཕོད། བདག་ཅག་གིས་འདི་ལ་མཆོད་པ་བྱེད་ཅིང་མེར་བསྲེག་པའི་ཞལ་ཏ་
[117b.3]བྱས་ལ་དྲིན་ལན་བླན་པ་རིགས་སོ་སྙམ་ནས། མི་དེ་རྣམས་ཉེ་དུ་ཤི་བ་བཞིན་དུ་སེམས་མྱ་ངན་གྱིས་གདུངས་ཏེ། མིག་ནི་མཆི་མས་གང་སྐད་ནི་འཛེར་བ་ལ་བལྟས་ནས། སེམས་བརྟན་པོ་ཁ་ཅིག་གིས་དོན་ལ་བརྟགས་ཏེ་སྨྲས་པ། དེ་ལྟར་བྱས་པས་གླང་པོ་ཆེ་
[117b.4]མཆོག་འདི་ལ་བདག་ཅག་གིས་མཆོད་ཅིང་བཀུར་སྟི་བྱས་པར་མི་འགྱུར་གྱི། འདིའི་བསམ་པ་རྫོགས་པར་བྱས་ནས། འདི་ལ་བདག་ཅག་གིས་མཆོད་པ་བྱས་པར་འགྱུར་རོ་སྙམ་མོ། །བདག་ཅག་རྣམས་ནི་བསྒྲལ་བའི་ཕྱིར། །སྔོན་ཆད་མ་འདྲིས་གཉེན་འདི་ཡིས། །
[117b.5]རབ་ཏུ་ཕངས་པའི་ལུས་བཏང་ནས། །རབ་ཏུ་གཅེས་པའི་མགྲོན་བྱས་པས། །དེ་བས་དེ་ཡི་བསམ་རྫོགས་པར། །བདག་ཅག་རྣམས་ཀྱིས་བྱ་བར་རིགས། །གཞན་དུ་བྱས་ན་འདི་ལྟ་བུ། །འདི་ཡིས་བྱས་པ་དོན་མེད་འགྱུར། །དེ་ཡིས་བྱམས་ཏེ་ཅི་བདོག་པ། །ཐམས་
[117b.6]ཅད་མགྲོན་དུ་བྱས་པ་འདི། །བདག་ཅག་རྣམས་ཀྱིས་མ་བླངས་ན། །དེ་ལ་ཅི་ཞིག་བཀུར་སྟི་བྱེད། །དེ་བས་དེ་ལ་བླ་མ་བཞིན། །ཚིག་ནི་མཉན་པར་བྱས་ནས་སུ། །བཀུར་སྟི་ཆེན་པོ་བྱ་བར་རིགས། །བདག་ཅག་རྣམས་ལའང་ཕན་པར་འགྱུར། །སྡུག་བསྔལ་འདི་ལས་ཐར་
[117b.7]ནས་ཚོགས་པའམ། །སོ་སོ་ནས་ནི་གླང་པོ་མཆོག་འདི་ལ། །བཤེས་གཉེན་འདས་པ་དག་ལ་མཆོད་པ་བཞིན། །བྱ་བ་ཐམས་ཅད་བདག་ཅག་རྣམས་ཀྱིས་བྱ། །དེ་ནས་མི་དེ་རྣམས་མྱ་ངམ་དགོན་པ་དེ་ནས་ཐར་པར་བྱ་བའི་ཕྱིར་གླང་པོ་ཆེའི་བདག་པོ་དེའི་བསམ་པ་ཡང་དྲན་
[118a]
[118a.1]པར་བྱས་ཏེ། དེའི་ཚིག་མཉན་ནས་སེམས་དཔའ་ཆེན་པོ་དེའི་ཤ་རྣམས་ཀྱང་བླང་། དེའི་རྒྱུ་མ་རྣམས་ཀྱིས་ཀྱང་རྐྱལ་པ་བཞིན་དུ་ཆུ་སྣོད་བྱས་ནས་ཆུ་ཡང་བླངས་ཏེ་དེས་བསྟན་པའི་ས་ཕྱོགས་དེ་ནས་སོང་སྟེ། མྱ་ངམ་དགོན་པ་དེ་ནས་ཐར་ཏེ་དོང་ངོ་། །དེ་ལྟ་
[118a.2]བས་ན་དགེ་བ་རྣམས་ནི་ཕྱིས་གཞན་ལ་ཕན་པར་འགྱུར་ན། སྡུག་བསྔལ་ཡང་ཁེ་རྙེད་པ་དང་འདྲ་བར་སེམས་སོ་ཞེས་སྐྱེ་བོ་དགེ་བ་རྣམས་ཀྱི་ཡོན་ཏན་བསྔགས་པ་ལའང་བརྗོད་པར་བྱའོ། །དེ་བཞིན་གཤེགས་པའི་ཡོན་ཏན་བསྔགས་པ་དང་རིམ་གྲོ་བསྐྱེད་དེ་དམ་པའི་ཆོས་མཉན་
[118a.3]པ་དང་། དེ་ལྟར་རང་བཞིན་བཟང་པོ་ལ་གོམས་པར་བྱས་ནས། ཚེ་རབས་གཞན་ལ་ཡང་རྗེས་སུ་འབྲང་བར་འགྱུར་རོ་ཞེས་རང་བཞིན་བཟང་པོ་བསྒྲུབ་པའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །ནོར་བཏོང་བ་ལ་གོམས་པར་བྱས་ན་བདག་གི་ལུས་ལ་ཕོངས་པ་མེད་པ་
[118a.4]ཡང་ཐགས་ཐོགས་མེད་པར་གཏོང་ངོ་ཞེས་གཏོང་བ་ལ་གོམས་པའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །བཅོམ་ལྡན་འདས་ཡོངས་སུ་མྱ་ངན་ལས་འདས་ནས་ལྷའི་མེ་ཏོག་དང་སིལ་སྙན་ལ་སོགས་པས་མཆོད་པའི་ཚེ། བཅོམ་ལྡན་འདས་ཀྱིས་གང་འདི་སྐད་དུ།
[118a.5]ཀུན་དགའ་བོ་དེ་ཙམ་གྱིས་ནི། དེ་བཞིན་གཤེགས་པ་ལ་བཀུར་སྟི་བྱས་པར་མི་ཆུད་དོ་ཞེས་གསུངས་པ་དེ་ཡང་འདི་ལྟར་བསྟན་པར་བྱ་སྟེ། དེ་ལྟར་བསམ་པ་རྫོགས་པར་བྱས་ན་མཆོད་པ་བྱས་པར་འགྱུར་གྱི། སྤོས་དང་ཕྲེང་བ་ལ་སོགས་པ་ཕུལ་བས་མཆོད་པ་བྱས་པར་མི་འགྱུར་
[118a.6]རོ་ཞེས་བསྟན་པར་བྱའོ། །གླང་པོ་ཆེར་སྐྱེས་པའི་རབས་ཏེ་སུམ་ཅུ་པའོ། །སྡོམ་ལ། །བྱང་ཆུབ་ངང་པ་བྱང་ཆུབ་ཆེ། །སྤྲེའུ་རི་དྭགས་ཤ་ར་བྷ། །རུ་རུ་སྤྲེའུ་རྒྱལ་བཟོད་པར་སྨྲ། །ཚངས་དང་གླང་ཆེན་དེ་དང་བཅུ། །བཅུ་ཚན་གསུམ་པའོ།། །།སྐྱེ་བོ་དམ་པ་རྣམས་
[118a.7]དང་འཕྲད་ན་ཇི་ལྟར་འཕྲད་ཀྱང་རུང་སྟེ། ལེགས་པར་འགྱུར་བའི་ཕྱིར། ལེགས་པར་འདོད་པ་རྣམས་ཀྱིས་སྐྱེ་བོ་དམ་པ་རྣམས་ལ་བརྟེན་པར་བྱའོ། །དེ་ཡང་འདི་ལྟར་བཅོམ་ལྡན་འདས་ནི་བྱང་ཆུབ་སེམས་དཔར་གྱུར་པའི་ཚེ། ཀུ་རུའི་རྒྱུད་རབ་ཏུ་གྲགས་པའི་རིགས་དང་ལྡན། ཡོན་
[118b]
[118b.1]ཏན་ཡོངས་སུ་འཛིན་པར་བྱེད་པས་འབངས་རྣམས་ནི་རང་བཞིན་གྱིས་གློ་བ་ཉེ་བ། གཟི་བྱིན་ཆེ་བས་རྒྱལ་ཕྲན་དྲེགས་པ་རྣམས་ནི་ཕྱག་འཚལ་བར་གྱུར་པ། རྒྱལ་པོའི་རིགས་དཔལ་དང་ལྡན་པ་ཅིག་ཏུ་སྐྱེས་པར་གྱུར་ཏོ་ཞེས་གྲགས་སོ། །ཟླ་བ་དང་འདྲ་བར་མཐོང་ནས་དགའ་བ་
[118b.2]ཡོན་ཏན་གྱི་འོད་ཟེར་བརྒྱ་དང་ལྡན་པའི་བུ་དེ་ཕ་མས་མིང་ཡང་ཟླ་བ་ཞེས་བཏགས་སོ། །དེ་ཟླ་བ་ཡར་གྱི་ངོ་བཞིན་དུ་ཉིན་རེ་ཞིང་གཟི་བྱིན་ཇེ་ཆེར་གྱུར་ཏེ། རིམ་གྱིས་རིག་བྱེད་ཡན་ལག་དང་བཅས་པ། ཉེ་བའི་རིག་བྱེད་དང་བཅས་པ་ལ་ནི་མཁས་པར་གྱུར་པ། སྒྱུ་རྩལ་མཆོག་དང་
[118b.3]བཅས་པའི་སྒྱུ་རྩལ་རྣམས་ཀྱི་གོ་རིམས་ནི་མཐོང་བར་གྱུར། འཇིག་རྟེན་པ་རྣམས་ནི་རབ་ཏུ་དགའ་ཞིང་གུས་པར་བྱེད་པའི་གནས་སུ་གྱུར། ལེགས་པར་ཕན་འདོགས་ཤིང་ཉེ་བར་བསྡུ་བ་ལ་མཁས་པ་དང་། གུས་པ་ཇེ་ཆེ་ཇེ་ཆེར་གྱུར་པ་དང་། ཡོངས་སུ་སྐྱོང་བ་ལ་ངེས་པར་
[118b.4]བྱེད་པའི་ཕྱིར། འགྲོ་བ་རྣམས་ཀྱི་གཉེན་དང་འདྲ་བར་གྱུར་ཏོ། །ཚུལ་ཁྲིམས་ཐོས་དང་གཏོང་དང་སྙིང་རྗེ་དུལ། །གཟི་བྱིན་བཟོད་དང་ཤེས་རབ་བརྟན་དང་བྱམས། །མ་དྲེགས་ངོ་ཚ་བྱིན་ཆེ་མདངས་ལྡན་གྲགས། །དེ་ལ་སྟོབས་ཆེན་སྟོབས་ཆེན་དག་པ་རྣམས། །ཡོན་ཏན་
[118b.5]དེ་དང་དེ་དག་ཡོད་པ་ནི། །ལང་ཚོར་གྱུར་པའི་རྒྱན་གྱིས་བརྒྱན་པ་བཞིན། །རྣམ་པར་དག་ཅིང་རྒྱ་ཆེར་ཡིད་འོང་བ། །ཟླ་བའི་འོད་ཟེར་འདྲ་བའི་གནས་སུ་གྱུར། །དེ་ནས་དེ་འབངས་རྣམས་སྐྱོང་ནུས་པ་དང་མ་འཇུངས་ཤིང་རང་བཞིན་བཟང་བའི་ཕྱིར་རྒྱལ་པོས་རྒྱལ་ཚབ་ཀྱི་ལོངས་
[118b.6]སྤྱོད་བྱེད་དུ་བཅུག་གོ། །རབ་ཏུ་མཁས་པས་ཆོས་ལྡན་ལེགས་སྨྲ་རྣམས། །དེ་ཡི་གནང་ཆེན་བཞིན་དུ་སྡུག་པར་གྱུར། །གང་དག་དེ་ལ་ལེགས་པར་སྨྲ་བ་དེ། །མཆོད་པ་ཁྱད་པར་ཅན་གྱིས་བཀུར་སྟི་བྱེད། །དེ་ནས་བདག་ཉིད་ཆེན་པོ་དེ་རེ་ཞིག་ཅིག་གྲོང་ཁྱེར་དང་ཉེ་བའི་སྐྱེད་མོས་
[118b.7]ཚལ་དཔྱིད་ཀྱི་ཟླ་བའི་དུས་ལ་བབ་པའི་མཐུས། ཤིང་གི་ལོ་མ་རྣམས་ནི་མཛེས་ཤིང་འཇམ་པར་གྱུར། མེ་ཏོག་སྡུག་གུ་ཁ་འབུས་པ་རྣམས་ནི་དགོད་པ་བཞིན། ས་གཞི་རྣམས་ནི་ནེའུ་གསིང་སྔོན་པོ་གསར་པ་རྣམས་ཀྱིས་རི་མོར་བཀྲམ་པ་བཞིན་དུ་མཛེས་པར་བྱས། ཆུ་གཙང་མ་
[119a]
[119a.1]རྣམས་ནི་མེ་ཏོག་པདྨ་དང་། ཨུཏྤ་ལའི་འདབ་མས་ཁེབས་བུང་བ་མང་པོ་རྣམས་ནི་དགའ་བའི་སྒྲ་འབྱིན། བྱ་ཀོ་ཀི་ལ་དང་། རྨ་བྱ་རྣམས་ནི་སྒྲ་ཆེར་འབྱིན། སེར་བུ་བསིལ་བའི་དྲི་ཞིམ་པོ་ཉམས་སུ་བདེ་བ་དག་ནི་དལ་བུས་ལྡང་ཡིད་རབ་ཏུ་དགའ་བར་
[119a.2]བྱེད་པ་ཞིག་ནས་དམག་གི་དཔུང་རབ་ཏུ་མི་མང་བ་ཞིག་གིས་ཡོངས་སུ་བསྐོར་ཏེ། རྩེ་བའི་ཕྱིར་རྒྱུ་ཞིང་སོང་སོང་བ་ལས་སྐྱེད་མོས་ཚལ་གཞན་ཅིག་ཏུ་ཕྱིན་ཏོ། །དེ་ནི་ནགས་ཚལ་ཀོ་ཀིའི་སྒྲ་འབྱིན་པ། ལྡིང་ཁོང་རྒྱན་ཅན་ཡིད་འོང་སྐྱེད་མོས་ཚལ། །ལྗོན་ཤིང་སྣ་ཚོགས་མེ་ཏོག་
[119a.3]གཡུར་གྱིས་དུད། །དགའ་བའི་ཚལ་ན་ལྟ་ཞིང་དགའ་དང་སྤྱོད། །བུད་མེད་རྣམས་ནི་གླུ་དང་རྔ་སྒྲ་སྙན་དང་འབྲེལ། །འཛིན་ལ་མཁས་པའི་ཡན་ལག་མཛེས་པར་བསྒྱུར་བའི་གར། །བུད་མེད་བཟང་མོ་མཛེས་པ་ཆས་པ་དེ་དག་དང་། །སྐྱེད་མོས་ཚལ་བཟང་དེ་ན་དེ་ནི་
[119a.4]དགའ་བར་གནས། །དེ་དེ་ན་འདུག་པའི་དྲུང་དུ་བྲམ་ཟེ་ལེགས་པར་སྨྲ་བ་ལ་མཁས་པ་ཞིག་འོངས་ཏེ། ཞེ་ས་དང་ཕྱག་བྱས་ནས་དེའི་གཟུགས་བཟང་པོ་ལ་སེམས་ཆགས་བཞིན་དུ་དེར་འདུག་གོ། །དེ་ནས་སེམས་དཔའ་ཆེན་པོ་དེ་དེ་ན་ལང་ཚོ་ལ་བབ་ཅིང་བསོད་ནམས་ཕུན་སུམ་
[119a.5]ཚོགས་པའི་མཐུ་ལས་བྱུང་བའི་རོལ་མོ་བྱེད་པ་རྣམས་ལ་ལྟ་ཞིང་འདུག་པ་ལས་བྲམ་ཟེ་འོངས་པས་རབ་ཏུ་དགའ་བར་ནི་གྱུར་ན། དེས་ལེགས་པར་སྨྲས་པ། ཐོས་པ་དང་དེར་འོངས་པའི་དོན་མ་གྲུབ་པར་གློ་བུར་དུ་ཅ་ཅོ་ཆེན་པོ་གླུ་དང་སིལ་སྙན་གྱི་སྒྲའི་བར་ཆད་དུ་འགྱུར་བ་
[119a.6]རོལ་མོའི་དགའ་བ་ལ་གནོད་པ། བུད་མེད་གཞོན་ནུ་རྣམས་འཇིགས་ཤིང་བག་འཁུམས་པར་བྱེད་པ་ཞིག་བྱུང་བ་ཐོས་ནས། ཉུག་རུམ་པ་རྣམས་ལ་འདི་ཅི་ཡིན་རྟོགས་ཤིག་ཅེས་ཆེད་ཆེར་བསྒོས་སོ། །དེ་ནས་དེའི་ཆབ་སྒོ་བ་རྣམས་རྟབ་རྟབ་པོར་གྱུར་ནས། འཇིགས་ཤིང་སྐྲག་པས་ངོ་འཛུམ་གནག་སྟེ།
[119a.7]མྱུར་དུ་ལྷགས་ནས་གསོལ་བ། ལྷ་སུ་དཱ་སའི་བུ་རྐང་བཀྲ་མི་ཟན་པོ་དེ་མི་མང་པོ་ཟ་བ་ལ་གོམས་པས་གཤིན་རྗེ་མངོན་སུམ་དུ་མཆིས་པ་བཞིན་དུ། སྲིན་པོ་བས་ཀྱང་སེམས་རྩུབ་པ། སྟོབས་དང་མཐུ་ལ་སོགས་པ་མི་ལས་ལྷག་པ། སྲིན་པོ་བས་ཀྱང་ལྷག་པར་མི་བཟད་པ་འཇིགས་
[119b]
[119b.1]པ། མི་རྣམས་འཇིགས་པར་བགྱིད་པ་གཟུགས་ཅན་བཞིན་དུ་འདིར་མཆིས་ཏེ། དེས་སྐྲག་ནས་ཤིང་རྟ་དང་གླང་པོ་ཆེ་དང་རྟ་དང་དམག་མི་མང་པོའི་དཔུང་ཡང་བརྟན་པ་ཉམས་ཏེ་བྱེར་བར་གྱུར་ཅིང་མཆིས་ན། ལྷ་དེ་ལས་ཅི་ལེགས་པར་མཛད་ཅིང་བཀའ་གྲོས་མཛད་པའི་དུས་
[119b.2]ལ་བབ་པོ་ཞེས་གསོལ་ཏོ། །དེ་ནས་བྱང་ཆུབ་སེམས་དཔས་སུ་དཱ་སའི་བུའི་ངང་ཚུལ་གྱི་སྐྱོན་དང་སྤྱོད་པ་སྔ་ནས་ཤེས་པས་སྙིང་རྗེས་དེ་གསོ་བར་བསམས་ཏེ། དེའི་ངང་ཚུལ་ངན་པ་ཞི་བར་བྱ་བའི་མཐུ་བདག་ལ་ཡོད་པར་ཤེས་པས། སུ་དཱ་སའི་བུ་འདིར་འོངས་སོ་ཞེས་ཟེར་
[119b.3]བ་གཏམ་སྙན་པ་ཐོས་པ་བཞིན་དུ་དགའ་བར་གྱུར་ནས་འདི་སྐད་སྨྲས་པར་ངེས་སོ། །མི་ཤ་འདོད་པས་རྒྱལ་སྲིད་ཉམས་པར་གྱུར། །སྨྱོན་པར་གྱུར་པ་བཞིན་དུ་རང་དབང་མེད། །རང་གི་ཆོས་བཏང་བསོད་ནམས་གྲགས་པ་ཉམས། །མྱ་ངན་བྱ་བའི་གནས་སྐབས་
[119b.4]གནས་པ་ལ། །བདག་གིས་བརྒལ་བའི་གོ་སྐབས་ག་ལ་ཡོད། །དེ་ལྟ་བུ་ལ་འཇིགས་སུའང་ག་ལ་རུང་། །འདི་ནི་འཐབ་མོ་བརྒལ་བ་མེད་པར་ཡང་། །དེ་ཡི་སྡིག་པ་སྔོན་དུ་གཞོམ་པར་བྱ། །བདག་གིས་སོང་སྟེ་རྗེས་སུ་བཟུང་དགོས་ལ། །བདག་གི་དྲུང་དུ་ཁོ་བདག་
[119b.5]འོངས་པ་ལ། །དེ་བས་དེ་ལ་བདག་གིས་མགྲོན་བྱར་དགོས། །དམ་པ་རྣམས་ནི་དེ་ལྟར་མགྲོན་ཡང་བྱེད། །དེ་ནས་དེས་ཕོ་བྲང་གི་ནང་གི་མི་རྣམས་ལ་ཁྱེད་རྣམས་ལ་ཇི་ལྟར་བསྒོས་པ་བཞིན་དུ་ལེགས་པར་གྱིས་ཤིག་ཅེས་བསྒོས་ནས་བཙུན་མོའི་འཁོར་མི་དགའ་ཞིང་ཡིད་བློང་པས་
[119b.6]མིག་མཆི་མས་གང་། སྐད་འཛེར་ཞིང་སྨྲ་བའི་ཚིག་ནི་འཁྲུལ་བཞིན་དུ་ལམ་འགོག་པ་རྣམས་དབུགས་ཕྱུང་སྟེ་སླར་བཟློག་ནས་ཅ་ཅོ་ཆེན་པོ་གང་ན་ཟེར་བ་དེ་ལོགས་སུ་སོང་བ་དང་། སུ་དཱ་སའི་བུས་གོས་དྲི་མ་ཅན་གྱིས་རྐེད་པ་བཅིངས་ཏེ་མགོ་བོའི་སྐྲ་གཡེངས་ཤིང་རིད་ལ་རྡུལ་གྱིས་
[119b.7]གོས་པ་ཤིང་ཤུན་གྱིས་ཐོད་ནི་བཅིངས། གདོང་ནི་ཁ་སྤུ་རིང་པོ་འཛིངས་པས་ངམ་གནག་པར་གྱུར་ལ། ཁྲོས་ཤིང་རྔམས་པས་མིག་ནི་བགྲད་ཅིང་འཇིགས་འཇིགས་ལྟར་འདུག །རལ་གྲི་དང་ཕུབ་ནི་ཕྱར་ནས་རྒྱལ་པོའི་དཔུང་བྱེར་བའི་ཕྱི་བཞིན་དུ་སྙེགས་པ་མཐོང་ནས།
[120a]
[120a.1]འཇིགས་པ་དང་ཚམ་ཚོམ་མེད་པར། ཀྭ་ཡེ་བུ་ཟླ་བ་ནི་ང་ཡིན་ཏེ་འདི་ན་འདུག་གིས། མི་ཤ་ཟ་བ་ལ་ཞུགས་པའི་བཀྲེན་ཆོས་ངན་པ་དེས་ཅི་ཞིག་བྱ། སླར་ལོག་ཚུར་ལ་ཤོག །སུ་དཱ་སའི་བུས་ཀྱང་དེ་སྐད་འབོད་པའི་སྒྲ་ཐོས་ནས། སེང་གེ་བཞིན་དུ་
[120a.2]བསྙེམས་པ་དང་བཅས་པས་དེ་ནས་སླར་ལོག་པ་དང་། བྱང་ཆུབ་སེམས་དཔའ་གཅིག་པུ་ཕུབ་དང་མཚོན་ཆ་ཡང་མེད་པར་རང་བཞིན་གྱིས་ཞི་བར་སྣང་བ་མཐོང་ནས། ང་ཡང་ཁྱོད་ཉིད་ཚོལ་ཞེས་སྨྲས་ཏེ། འཛེམ་དོགས་དང་ཚམ་ཚོམ་མེད་པར་རྔམ་བཞིན་དུ་དེའི་དྲུང་དུ་བརྒྱུགས་
[120a.3]ཏེ་འོངས་ནས་ཕྲག་པ་ལ་བསྐྱོན་ཏེ་བྲོས་ནས་སོང་ངོ་། །བྱང་ཆུབ་སེམས་དཔས་ཀྱང་དེའི་སེམས་རྔམ་ཞིང་དྲེགས་པས་གཡེངས་པ་ལ། བློ་རྟབ་རྟབ་པོར་གྱུར་ཅིང་། རྒྱལ་པོའི་དཔུང་བྱེད་བས་རབ་ཏུ་དགའ་བར་ཡང་གྱུར་ལ། དོགས་པ་དང་བཅས་པར་ཡང་ཤེས་ནས།
[120a.4]ད་ཅུང་ཞིག་འདི་བཅོས་པའི་དུས་ལ་མ་བབ་པོ་སྙམ་ནས་བཏང་སྙོམས་སུ་བཞག་གོ། །སུ་དཱ་སའི་བུ་ཡང་འདོད་པའི་དོན་གྲུབ་པས་རྙེད་པ་ཆེན་པོ་རྙེད་པ་བཞིན་དུ་ཡིད་རབ་ཏུ་དགའ་ནས་རང་གི་གནས་རྫོང་། མི་རྣམས་བསད་པའི་ཀེང་རུས་མང་པོས་གང་། །ས་གཞི་ཁྲག་
[120a.5]གིས་གཤེར་བས་རྩུབ་རྩུབ་ལྟར། །ཅེ་སྤྱང་ཁ་འབར་མི་སྙན་སྒྲ་སྒྲོགས་པ། །ཁྲོ་ཚིག་རྩུབ་མོས་རབ་ཏུ་སྐྲོང་པ་བཞིན། །བྱ་རྒོད་ཁ་ནས་ལོ་མ་དམར་བའི་ཤིང་། །རོ་མང་བསྲེགས་པའི་དུ་བས་མདོག་འགྱུར་ཞིང་། །སྲིན་པོ་ཡི་དྭགས་གར་བྱེད་ལྟས་ངན་འཇིགས། །མགྲོན་
[120a.6]པོས་རྒྱང་ནས་མཐོང་ན་མིག་བསྒྱུར་བ། །དེ་ལྟ་བུའི་ནང་དུ་སོང་ནས་དེར་བྱང་ཆུབ་སེམས་དཔའ་བཞག་སྟེ། དེའི་བྱད་གཟུགས་བཟང་པོ་ཕུན་སུམ་ཚོགས་པ་ལ་ཆགས་ནས། མིག་བགྲད་དེ་དེ་ལ་ལྟ་ཞིང་ངལ་བསོ་ཞིང་འདུག་གོ། །དེ་ནས་བྱང་ཆུབ་སེམས་དཔས་བྲམ་ཟེ་ལེགས་པར་སྨྲ་བའི་
[120a.7]སྐྱེས་ཁྱེར་ཏེ་འོང་བ། རིམ་གྲོ་མ་བྱས་པ་སྐྱེད་མོས་ཚལ་དེར་སླར་འོང་དུ་རེ་ཞིང་སྡོད་པ་དེ་རྗེས་སུ་དྲན་ནས་བསམས་པ། ཀྱེ་མའོ་མཚར་ཅིག་བྱས་ཀྱིས་མེད། །ལེགས་པར་སྨྲ་བའི་སྐྱེས་བུ་ལ། །རེ་བའི་སེམས་ཀྱིས་རིང་ནས་འོངས། །འདི་ལྟར་བདག་ཁྲིད་ཐོས་ནས་སུ། །
[120b]
[120b.1]བྲམ་ཟེ་དེས་ནི་ཅི་བྱེད་ཅིག །རེ་ཐག་ཆད་པའི་མེ་ཡིས་སེམས་བསྲེགས་ཏེ། །མྱ་ངན་མི་བཟད་ཆེན་པོས་གདུངས་གྱུར་ཏམ། །བདག་གི་མྱ་ངན་བྱེད་ཅིང་ཤུགས་འབྱིན་ཏམ། །རང་གི་སྐལ་བ་ཆུང་ཞེས་སྨོད་ཅིང་འདུག །བྱང་ཆུབ་སེམས་དཔའ་དེས་དེ་སྙམ་དུ་སེམས་ཤིང་
[120b.2]བྲམ་ཟེའི་སྡུག་བསྔལ་གྱིས་སེམས་གདུངས་ནས་སྙིང་རྗེའི་དབང་གིས་མཆི་མ་བྱུང་ངོ་། །དེ་ནས་སུ་དཱ་སའི་བུས་བྱང་ཆུབ་སེམས་དཔའ་མིག་མཆི་མས་གང་བ་ལ་བལྟས་ནས་དགོད་ཅིང་སྨྲས་པ། ཁྱོད་ཅུང་ཞིག་སྡོད་ཅིག །ཡོན་ཏན་མང་པོ་དེ་དག་གིས། །ཁྱོད་ནི་རབ་ཏུ་བརྟན་
[120b.3]ཞེས་གྲགས། །འོན་ཀྱང་ང་ཡི་དབང་གྱུར་ན། །འདི་ལྟར་མཆི་མ་བྱུང་ངམ་ཅི། །ཉམས་ཉེས་བརྟན་པ་དོན་མེད་འགྱུར། །མྱ་ངན་བྱུང་ན་ཐོས་མི་ཕན། །བརྡེག་ན་གཡོ་བར་མི་འགྱུར་བའི། །སེམས་ཅན་དེ་ནི་གང་ཡང་མེད། །ཅེས་ཟེར་བ་དེ་རེ་བདེན་གྱི། དེ་བས་ན་དྲང་པོར་ཁྱོད་སྨྲོས་ཤིག །སྲོག་གམ་
[120b.4]སྡུག་པའམ་འོན་ཏེ་བདེ་བ་བསྒྲུབ་པའི་ནོར། །གཉེན་ནམ་མི་ཡི་བདག་པོ་རྒྱལ་སྲིད་མྱ་ངན་བྱེད། །བུ་ལ་བྱམས་པའི་ཕ་ནི་ངུ་བའམ་བུ་ཡང་རུང་། །དྲན་ནས་ཁྱོད་ཀྱི་མིག་ནི་མཆི་མས་གང་བར་འགྱུར། །བྱང་ཆུབ་སེམས་དཔས་སྨྲས་པ། སྲོག་དང་
[120b.5]ཕ་མ་བུ་དང་གཉེན་དང་ཆུང་མའི་ཕྱིར་ཡང་མ་ཡིན་ལ། །བདག་ལ་མཆི་མ་བྱུང་བ་འདི་ནི་དབང་ཕྱུག་བདེ་བ་དྲན་པའང་མིན། །བྲམ་ཟེ་ལེགས་པར་སྨྲ་བ་རེ་བས་འོངས་པ་བདག་ཁྲིད་ཐོས་ནས་སུ། །རེ་ཐག་ཆད་པས་ངེས་པར་དེ་གདུངས་དྲན་ནས་བདག་ནི་མཆི་མ་བྱུང་། །དེ་བས་བྲམ་
[120b.6]ཟེ་རེ་ཐག་ཆད་པས་སེམས་དཀྲུགས་ཏེ། །བཀུར་སྟིའི་ཆུས་བཀྲུས་གསལ་བར་བྱས་ནས་དེ་ལས་ཀྱང་། །ལེགས་པར་སྨྲས་པའི་བདུད་རྩི་མྱོང་བར་བྱས་ནས་སུ། །སླད་དུ་འོང་བའི་བར་དུ་བདག་ནི་བཏང་དུ་གསོལ། །བདག་གིས་བྲམ་ཟེའི་དྲིན་ལ་ལན་བླན་ནས། །ཁྱོད་ཀྱི་
[120b.7]དྲིན་ཡང་དེ་ནས་ལེན་འདོན་དུ། །འདིར་ནི་འོངས་ནས་ཁྱོད་ཀྱི་མིག་གཉིས་ཀྱིས། །རབ་ཏུ་དགའ་བའི་སྐབས་ཕྱེ་ལྟར་ཡང་གཞུག །འདི་ནི་བྲོས་པའི་ཐབས་ཅིག་ཡིན་སྙམ་དུ། །སེམས་ཤིང་ཡིད་ལ་དོགས་པ་མ་བསྐྱེད་ཅིག །རྒྱལ་པོ་བདག་ལྟ་བུ་ཡི་ལམ་ཡང་གཞན། །སྐྱེ་
[121a]
[121a.1]བོ་གཞན་ཡང་དེ་ལྟར་མིན་པར་སྤྱོད། །སུ་དཱ་སའི་བུས་སྨྲས་པ། །དེ་སྐད་ཁྱོད་ཀྱིས་རབ་ཏུ་གུས་སྨྲས་ཀྱང་། །ཇི་ལྟར་བྱས་ཀྱང་ཡིད་ཆེས་མི་རུང་ངོ་། །འཆི་བདག་ཁ་ནས་ཐར་ཏེ་བདེར་གནས་པ། །སུ་ཞིག་དེ་ནི་སླད་དུ་འོང་བ་ཡོད། །འཆི་བདག་
[121a.2]འཇིགས་པ་ཐར་བར་དཀའ་ལས་ཐར། །རང་གི་ཁྱིམ་ན་བདེ་བར་གནས་གྱུར་པ། །གང་ཕྱིར་ཁྱོད་ནི་ང་ཡི་དྲུང་འོངས་པ། །དེ་ཡི་རྒྱུ་ནི་ཅི་ཞིག་ཡོད་པར་སྨྲོས། །བྱང་ཆུབ་སེམས་དཔས་སྨྲས་པ། །བདག་འདིར་སླར་འོང་བའི་རྒྱུ་ཆེན་པོ་ཅིག་ཡོད་པར་ཡང་ཁྱོད་ཀྱིས་ཡིད་
[121a.3]ཆེས་སུ་མི་རུང་བ་ཅི་ཡོད། ངས་སླར་འོང་ངོ་ཞེས་ཁས་མ་བླངས་སམ། དེ་ལྟར་མི་ངན་པ་དང་མགོ་བསྙམས་ཏེ་དོགས་པ་མ་བསྐྱེད་ཅིག །ང་ནི་བུ་ཟླ་བ་ཞེས་བྱ་བ་ཡིན་ནོ། །ཁ་ཅིག་འདོད་པའི་འཇིགས་པའམ། ཤིར་དོགས་པས་བདེན་པར་སྨྲ་བ་རྩྭ་དང་འདྲ་བར་དོར། ཡ་
[121a.4]རབས་རྣམས་ནི་བདེན་པ་སྲོག་དང་འདྲ། །དེ་བས་རབ་ཏུ་ཕངས་ཀྱང་དེ་ནི་འདོར། །བདེན་པ་མེད་ན་ཚེ་འདིའི་བདེ་བའམ། །སྲོག་ཀྱང་ངན་འགྲོ་དག་ལས་བསྲུང་མི་ནུས། །དགའ་བ་གྲགས་དང་བདེ་བའི་འབྱུང་གནས་གང་། །བདེ་བ་སུ་ཞིག་དེ་ཕྱིར་སྤོང་པར་བྱེད། །གྱ་གྱུའི་
[121a.5]ཚུལ་ཞིག་གལ་ཏེ་མཐོང་གྱུར་ཏམ། །ལེགས་པར་སྤྱོད་པ་གལ་ཏེ་མ་མཐོང་ངོ་། །དེ་ལྟར་བདེན་པ་ཡིད་ཆེས་མི་འགྱུར་བ། །ང་ལ་ཅི་ཞིག་ཁྱོད་མཐོང་དོགས་པ་སྐྱེ། །ཁྱོད་ཀྱིས་ང་ནི་གལ་ཏེ་འཇིགས་གྱུར་ཏམ། །བདེ་ལ་ཆགས་པས་སྙིང་རྗེ་མེད་གྱུར་ན། །དཔའ་བར་སེམས་
[121a.6]ཤིང་གཏུམ་པོར་སྤྱོད་གྲགས་པ། །ཕུབ་བཟུང་མཚོན་བཟུང་དྲུང་དུ་ང་འོང་ངམ། །ཁྱོད་དང་བཤེས་པ་རང་ཡང་འདོད་པ་ཉིད། །འདི་ནས་བྲམ་ཟེ་དེ་ཡི་དོན་བྱས་ནས། །སླར་ཡང་བདག་ནི་ཁྱོད་ཀྱི་གན་དུ་འོང་། །ངེད་ཅག་ལྟ་བུ་བརྫུན་གྱི་ཚིག་མི་སྨྲ། །དེ་ནས་སུ་དཱ་སའི་བུས་བྱང་
[121a.7]ཆུབ་སེམས་དཔའི་ཚིག་དེ་རང་ལ་བསྟོད་པ་འདྲ་བས་མ་བཟོད་ནས་བསམས་པ། །འདི་ནི་བདེན་པར་སྨྲས་པ་དང་ཆོས་དང་ལྡན་པར་ཡང་མངོན་ན། །དེ་བས་ན་རེ་ཞིག་འདི་བདེན་པ་ལ་དགའ་བ་དང་ཆོས་ལ་དགའ་བ་ལ་ལྟའོ། །གཞན་ཡང་འདི་མེད་དུ་ཟིན་ཡང་རྒྱལ་རིགས་ཀྱི་བུ་
[121b]
[121b.1]བརྒྱ་ཙམ་རང་གི་མཐུས་རྙེད་པ་བདག་ལ་ཡོད་ཀྱིས། ཇི་ལྟར་ཁས་བླང་བ་བཞིན་དུ་དེ་དག་གིས་འབྱུང་པོའི་མཆོད་སྦྱིན་བྱའོ་སྙམ་ནས། བྱང་ཆུབ་སེམས་དཔའ་ལ་སྨྲས་པ། འོ་ན་སོང་ཤིག་ཁྱོད་ཀྱིས་བདེན་པར་སྨྲ་བ་ཁས་འཆེས་པ་དང་། ཆོས་དང་ལྡན་པར་ཁས་འཆེས་
[121b.2]པར་ལྟའོ། །སོང་ལ་བྲམ་ཟེ་དེ་ཅི་དང་ཅི་འདོད་པ་བྱོས་ལ་སླར་མྱུར་དུ་ཤོག་ཅིག །ང་ཡང་ཁྱོད་བསྲེག་པའི་སྟ་གོན་བྱེད་ཅིང་སྡོད་དོ། །དེ་ནས་བྱང་ཆུབ་སེམས་དཔས་དེ་བཞིན་དུ་བྱའོ་ཞེས་དེའི་ཚིག་ཉན་ནས་རང་གི་ཁྱིམ་དུ་སོང་ངོ་། །རང་གི་མི་རྣམས་ཀྱང་རབ་ཏུ་དགའ་བར་
[121b.3]གྱུར་ཏོ། །བྲམ་ཟེ་དེ་ཡང་བཀུག་སྟེ་དེ་ལས་ཚིགས་སུ་བཅད་པ་བཞི་ཐོས་སོ། །དེས་དེ་ཐོས་ནས་ལེགས་པར་སྨྲས་པས་ཡིད་མགུ་ནས་སེམས་དཔའ་ཆེན་པོ་དེས། བྲམ་ཟེ་དེ་ལ་མགུ་བར་བྱས་པ་དང་། ཚིག་སྙན་པ་དང་། བཀུར་སྟི་བྱས་ནས་ཚིགས་སུ་བཅད་པ་གཅིག་
[121b.4]གསེར་སྲང་སྟོང་སྟོང་གི་ཐང་དུ་བརྩིས་ཏེ། ཅི་འདོད་པའི་ནོར་གྱིས་མཆོད་པར་བྱས་སོ། །དེ་ནས་དེའི་ཕས་དེ་ལ་གནས་མ་ཡིན་པར་གོད་ཚབས་ཆེ་བ་དགག་པའི་བསམ་པས་སྐབས་ཤིག་ཏུ་གླེང་བསླང་སྟེ་ཚིག་འཇམ་པོས་སྨྲས་པ། བུ་ལེགས་པར་སྨྲས་པ་ལ་མཆོད་པ་ཡང་རན་
[121b.5]པར་བྱས་ན། །ལེགས་པར་ཤེས་པར་བྱ་བར་རིགས་སོ། །ཁྱོད་ཀྱིས་འབངས་མང་པོ་གསོ་དགོས་ལ། རྒྱལ་པོའི་དཔལ་ཡང་ནོར་ཕུན་སུམ་ཚོགས་པ་ལ་ལྟོས་སོ། །དེ་བས་ན་ཁྱོད་ལ་སྨྲའོ། །ལེགས་པར་སྨྲས་པའི་མཆོད་པ་མང་ན་བརྒྱ། །དེ་བས་མང་ན་ནུས་པར་མི་འགྱུར་
[121b.6]ཏེ། །སྦྱིན་པ་དྲགས་ན་ནོར་གྱི་དབང་ཕྱུག་གི །ནོར་ཡང་ཇི་སྲིད་ཅིག་ཏུ་ཐུབ་པར་འགྱུར། །ནོར་དང་རབ་ཏུ་ལྡན་ན་བསྒྲུབ་པར་ནུས། །དེ་དང་མི་ལྡན་ན་ནི་བསྒྲུབ་མི་ནུས། །ནོར་མེད་ན་ནི་རྒྱལ་པོའི་དཔལ་དེ་ཡང་། །དགའ་བར་མི་འགྱུར་སྨད་འཚོང་བུད་མེད་བཞིན། །བྱང་ཆུབ་སེམས་
[121b.7]དཔས་སྨྲས་པ། ལེགས་པར་སྨྲས་པ་རྣམས་ཀྱི་རི་ཐང་ཅིག །གལ་ཏེ་ངེས་པར་བཅད་དུ་རུང་ན་ནི། །དེ་ཡི་རིན་དུ་རྒྱལ་སྲིད་ཉིད་ཀྱང་སྦྱིན། །ཁྱོད་ཀྱིས་འགྱོད་ཀྱང་སྨྲ་བར་ག་ལ་འགྱུར། །གང་ཞིག་ཐོས་ནས་ཡིད་ནི་དད་གྱུར་ནས། །ལེགས་པར་དགའ་ལ་བརྟན་པ་ཉིད་
[122a]
[122a.1]དུ་འགྱུར། །ཤེས་རབ་སྐྱེ་ཞིང་གཏི་མུག་མེད་པར་འགྱུར། །རང་གིས་ཤེས་ཀྱང་དེ་ཉིད་ཉོ་བར་རིགས། །ཐོས་པ་གཏི་མུག་མུན་སེལ་སྒྲོན་མེ་ཡིན། །རྐུན་པོ་ལ་སོགས་མི་ཁྱེར་ནོར་གྱི་མཆོག །ཀུན་ཏུ་རྨོངས་པའི་དགྲ་འཇོམས་མཚོན་ཆ་ཡིན། །ཐབས་
[122a.2]ཚུལ་མན་ངག་སྟོན་པའི་གྲོགས་ཀྱི་མཆོག །ཕོངས་པར་གྱུར་ཀྱང་མི་འགྱུར་མཛའ་བོ་ཡིན། །གནོད་པ་མེད་པའི་མྱ་ངན་ནད་ཀྱི་སྨན། །ཉེས་པ་ཆེན་པོ་ཡི་ནི་དཔུང་འཇོམས་པ། །གྲགས་དང་དཔལ་གྱི་གཏེར་གྱི་མཆོག་ཀྱང་ཡིན། །ཡ་རབས་རྣམས་དང་འཕྲད་ན་སྐྱེས་ཀྱི་མཆོག །
[122a.3]ཚོགས་ཀྱི་ནང་ན་མཁས་པ་དགའ་བར་འགྱུར། །ཕས་ཀྱི་རྒོལ་བ་ཉི་མའི་འོད་དང་འདྲ། །འདྲེན་པ་རྣམས་ཀྱང་གྲགས་དང་དྲེགས་པ་སེལ། །མི་ཤེས་རྣམས་ཀྱང་རབ་ཏུ་དགའ་གྱུར་ནས། །མིག་དང་བཞིན་མདངས་རབ་ཏུ་གསལ་གྱུར་ཅིང་། །ལག་པའི་སེ་གོལ་མགུ་
[122a.4]བྱེད་རྡེབ་པ་ཡིས། །ཁྱད་པར་རབ་ཏུ་ཆེ་བ་རྣམ་པར་སྒྲོགས། གཏན་ཚིགས་དོན་རྣམས་རབ་ཏུ་གསལ་བར་སྟོན། །གཙུག་ལག་ལུང་རྣམས་སྣ་ཚོགས་སྟོན་དང་མཚུངས། །བསྙེན་ཞིང་སྦྱངས་པས་ཡིད་དུ་འོང་བའི་ཕྱིར། །མེ་ཏོག་ཕྲེང་བ་མར་རྙིང་བཀྲམ་པ་བཞིན། །དུལ་
[122a.5]ཞིང་རབ་ཏུ་གསལ་བའི་སྤོབས་པ་བསྐྱེད། །གྲགས་པ་ཆེན་པོ་འཕྲལ་དུ་འབྱུང་བར་བྱེད། །སྨྲ་ལྕེ་བདེར་འགྱུར་ཁྱད་པར་ཅན་གྱི་རྒྱུ། །ཐོས་པའི་དཔལ་གོམས་དོན་གསལ་རྟོགས་པར་འགྱུར། །ཐོས་དང་ལྡན་ན་འགལ་བ་མེད་པ་ཡི། །འཁོར་གསུམ་ལམ་ལ་རབ་ཏུ་གནས་
[122a.6]པར་འགྱུར། །ཐོས་པའི་རྗེས་འཇུག་སྒྲུབ་པ་སྙིང་པོར་བྱེད། །སྐྱེ་བའི་རྫོང་ལས་ཚེགས་ཆུང་ཐར་བར་འགྱུར། །དེ་ལྟར་ཐོས་པ་ཡོན་ཏན་དུ་མ་ཅན། །ཐོས་པ་བདག་གིས་སྐྱེས་དང་འདྲ་རྙེད་ནས། །ནུས་བཞིན་དུ་ནི་ཇི་ལྟར་མཆོད་མི་བགྱི། །ཁྱོད་ཀྱི་བཀའ་ཡང་ཅི་ཕྱིར་བཅག་
[122a.7]མི་འགྱུར། །སྐྱོན་གྱི་ལམ་དུ་ཞུགས་ནས་དོན་མེད་པར། །ཡོན་ཏན་ཉམས་པར་འགྱུར་བ་ཐོབ་འགྱུར་བའི། །རྒྱལ་སྲིད་སྤྱོད་པ་བདག་ལ་དགོས་པ་མེད། །དེ་བས་སུ་དཱ་ས་ཡི་དྲུང་དུ་འགྲོ། །དེ་ནས་དེའི་ཕ་དེ་དེ་ལ་བྱམས་པས་རྟབ་རྟབ་པོར་གྱུར་ནས། ཞེ་ས་བསྐྱེད་ནས་དེ་ལ་
[122b]
[122b.1]སྨྲས་པ། བུ་ཁྱོད་ཉིད་ལ་ཕན་པའི་ཕྱིར་ངས་ཁྱོད་ལ་དེ་སྐད་སྨྲས་ཀྱིས། དེ་ལྟར་མི་དགའ་མ་བྱེད་ཅིག་ཁྱོད་ཀྱི་དགྲ་རྣམས་སུ་དཱ་སའི་བུའི་དབང་དུ་འགྲོའམ། འོན་ཏེ་དེའི་དྲུང་དུ་འགྲོ་བ་ཁྱོད་ཀྱིས་ཁས་བླངས་ཏེ། བདེན་པ་བསྲུང་བའི་ཕྱིར་ཁ་འོག་ཏུ་ལུས་འཁྲུད་པར་
[122b.2]བྱ་འདོད་ན་དེ་ཡང་ངས་མི་གནང་ངོ་། །དེ་ཅིའི་ཕྱིར་ཞེ་ན། རང་གི་སྲོག་བསྲུང་བ་དང་བླ་མའི་དོན་དུ་བརྫུན་བྱས་ཀྱང་སྡིག་ཏུ་མི་འགྱུར་བར་རིག་བྱེད་མཁས་པ་དག་གིས་བཤད་པའི་ཕྱིར། དེ་བས་ན་བརྫུན་སྤོང་བ་ལ་འབད་པས་ཁྱོད་ལ་ཅི་ཞིག་བྱ། སྲིད་དང་འདོད་པ་ཉིད་དང་འགལ་
[122b.3]བའི་ཆོས་ལ་བརྟེན་པ་ཡང་ཐབས་དང་ཚུལ་མ་ཡིན་ལ་སྡུག་བསྔལ་ཡིན་པར་རྒྱལ་པོ་ཐབས་དང་ཚུལ་མ་མཁས་པར་སྨྲའོ། །དེ་བས་ན་ངེད་ཀྱི་སེམས་གདུངས་པར་འགྱུར་བ་དང་། རང་གི་དོན་ལ་ཡང་མི་ལྟ་བར་ཁྱོད་ཀྱི་ངན་དུས་དེ་ཐོང་ཤིག །དེ་སྟེ་གཞུང་ལུགས་ཀྱི་ཆོས་དང་
[122b.4]འགལ་བས་གཏམ་ངན་པ་དང་ཡིད་དམ་བཅས་པ་དང་འགལ་བར་མི་རིགས་སོ་སྙམ་ནས་ཁྱོད་ཀྱི་ཡིད་ལ་མི་འཐད་ན་ཡང་ཁྱོད་ཐར་བར་བྱ་བའི་ཕྱིར་ངའི་དམག་གི་དཔུང་རྟ་དང་། གླང་པོ་ཆེ་དང་། ཤིང་རྟ་དང་། རྐང་ཐང་དུ་ལྡན་པའི་སྙིང་ཉེ་བ། དགྲ་ཐབས་ལ་མཁས་ཤིང་
[122b.5]དཔའ་བ་གཡུལ་ངོ་དུ་མ་ལས་རྒྱལ་བར་གྱུར་པའི་དཔུང་ཆེན་པོ་འཇིགས་འཇིགས་ལྟར་འདུག་པ་བཤམས་ཟིན་གྱིས། དེ་བས་ན་དེས་ཡོངས་སུ་བསྐོར་ཏེ་སོང་ལ། དེའི་དབང་དུ་གྱུར་པ་ལས་ཐར་པ་དང་། གཤིན་རྗེའི་དབང་དུ་གྱུར་པ་ལས་ཀྱང་ཐར་བར་བྱས་ནས།
[122b.6]ཁས་བླངས་པ་ཡང་ཁ་འོག་ཏུ་ལུས་འཁྲུད་པར་འགྱུར་ལ། བདག་ཀྱང་བསྲུང་བར་འགྱུར་རོ། །བྱང་ཆུབ་སེམས་དཔས་སྨྲས་པ། ལྷ་ཁས་བླངས་ལས་གཞན་དུ་བགྱིད་པའི་རྔོ་མི་ཐོགས་སོ། །རྣམ་པ་གཅིག་ཏུ་མྱ་ངན་བགྱིར་རུང་བ་སྡུག་བསྔལ་གྱི་འདམ་དུ་བྱིང་བ།
[122b.7]སེམས་ཅན་དམྱལ་བ་ལ་མངོན་དུ་ཕྱོགས་པ། མཛའ་བོ་དང་གཉེན་བཤེས་ཀྱིས་སྤངས་པ། མགོན་མ་མཆིས་པ་དེ་ལྟ་བུ་ལ་བརྒལ་བའི་གཏོལ་ཡང་མ་མཆིས་སོ། །གཞན་ཡང་མི་ཤ་འཚོལ་བས་བདག་ལ་ནི། །དེ་ལྟ་བུ་ཡིས་ཡང་བར་བགྱིས། །བདག་གི་ཚིག་
[123a]
[123a.1]གིས་ཡིད་ཆེས་ནས། །དབང་དུ་གྱུར་པ་བཏང་བར་དགའ། །དེ་ཡི་དྲིན་གྱིས་བདག་གིས་ནི། །ལེགས་པར་སྨྲས་པ་འདི་ཡང་ཐོས། །དེ་བས་ལྷག་པར་དྲིན་ཆེ་བས། །ད་ནི་བདག་གིས་རྗེས་སུ་བཟུང་། །ལྷ་འདི་ལ་བདག་བཀུམ་དུ་
[123a.2]དོགས་པ་ཡང་མི་མཛད་དུ་གསོལ། བདག་འདི་ལྟར་ཁོ་བོའི་དྲུང་དུ་མཆིས་པ་ལ་གུམ་པའི་རྔོ་ག་ལ་ཐོགས། དེ་ལྟར་བདག་ཉིད་ཆེན་པོ་དེས་ཕས་འགྲོར་མི་སྟེར་བ་ལ་ཚིག་འཇམ་པོས་གསོལ་བ་བཏབ་པ་སྤོབས་ཏེ་གསོལ་བ་འདེབས་པའི་མི་རྣམས་དང་། དམག་གི་དཔུང་ཉེ་བ་རྣམས་
[123a.3]ནི་སླར་བཟློག་སྟེ། གཅིག་པུ་འཇིགས་པ་དང་མི་དགའ་བ་མེད་པར་བདེན་པ་རྗེས་སུ་བསྲུང་ཞིང་འཇིག་རྟེན་ལ་ཕན་པའི་ཕྱིར། སུ་དཱ་སའི་བུ་སེམས་ཤིང་དེའི་གནས་སུ་སོང་ངོ་། །སུ་དཱ་སའི་བུས་བྱང་ཆུབ་སེམས་དཔའ་ཆེན་པོ་དེ་རྒྱང་རིང་པོ་ནས་མཐོང་ནས། ཡ་མཚན་
[123a.4]ཆེར་བཟུང་སྟེ། སེམས་རྩུབ་པ་ལ་ཡུན་རིང་དུ་གོམས་པའི་དྲི་མས་ཤས་ཆེར་གཡོགས་ཀྱང་རབ་ཏུ་གུས་ཤིང་དང་བར་གྱུར་ནས་འདི་ལྟར་སེམས་པར་མངོན་ནོ། །ཨེ་མ་འོ། །ཨ་ལ་ལ། ཨ་ལ་ལ། ཨེ་མ་འོ་ངོ་མཚར་ཆེ། དེ་བཞིན་རྨད་དུ་བྱུང་བས་རྨད། །རྒྱལ་པོ་
[123a.5]དེ་ཡི་སེམས་རླབས་ནས། །ལྷ་དང་མི་ལས་རབ་ཏུ་འཕགས། །འཆི་བདག་མི་བཟད་པ་ལ་ཡང་། །འཇིགས་སྐྲག་ཅུང་ཟད་ཙམ་ཡང་མེད། །འདི་ལྟར་བདག་རང་འདིར་འོངས་པ། །ཨེ་མ་འོ་བདེན་སྨྲ་བསྟན་ལ་དགེ །འདི་ལྟར་བདེན་པ་བསྲུང་བའི་ཕྱིར། །
[123a.6]སྲོག་དང་རྒྱལ་སྲིད་གང་གཏོང་བ། །བདེན་པར་སྨྲ་ཞེས་གྲགས་པ་དེ། །ཐོག་ཏུ་བབ་པས་རྣམ་པར་གྲགས། །དེ་ནས་བྱང་ཆུབ་སེམས་དཔའ་ལ་ཡ་མཚན་ཆེ་ཞིང་རབ་ཏུ་གུས་པར་གྱུར་ལ། སེམས་རབ་ཏུ་དང་བར་གྱུར་ནས་དེའི་དྲུང་དུ་འོངས་ཏེ་སྨྲས་པ། ལེགས་པར་སྨྲ་
[123a.7]བའི་ནོར་རྙེད་ཕོངས་པ་མཆོད་པར་བྱས། །ཁྱོད་ཀྱི་དྲིན་ལ་ཡིད་ཀྱང་རབ་ཏུ་དགའ་བར་གྱུར། །བདག་ཀྱང་ད་ནི་འདིར་འོང་ཇི་ལྟར་འདོད་པ་ཟོ། །ཡང་ན་མཆོད་སྦྱིན་ཕྱིར་ནི་ཕྱུགས་ཀྱི་བརྟུལ་ཞུགས་འབྱིན། །སུ་དཱ་སའི་བུས་སྨྲས་པ། ང་ཡིས་ཁྱོད་བཟའི་དུས་ནི་ད་ཅུང་
[123b]
[123b.1]ཡོད། །བསྲེག་པའི་གནས་ཀྱང་ད་ཅུང་དུད་པ་འཐུལ། །ཤ་ཡང་དུད་པ་མེད་པར་བསྲེག་ན་ཞིམ། །ལེགས་པར་སྨྲས་པ་དེ་དག་རེ་ཞིག་མཉན། །བྱང་ཆུབ་སེམས་དཔས་སྨྲས་པ། ཁྱོད་ད་འདི་ལྟར་མ་རུངས་གྱུར་པ་ལས། །ལེགས་པར་སྨྲས་པ་ཅི་ཞིག་མཉན་
[123b.2]པར་བྱ། །སྐྱེ་དགུ་རྣམས་ལ་སྙིང་རྗེ་མེད་གྱུར་པས། །ལྟོ་ཡི་ཕྱིར་ནི་གནས་སྐབས་ཅི་འདྲ་རྙེད། །ཚིགས་བཅད་འདི་རྣམས་ཆོས་ཉིད་འབའ་ཞིག་སྨྲ། །ཆོས་དང་ཆོས་མིན་དེ་བས་མི་མཐུན་ནོ། །སྲིན་པོ་བས་ཀྱང་སྤྱོད་ཚུལ་ངན། །འཕགས་པའི་ལམ་ནི་རབ་ཏུ་སྤངས། །
[123b.3]བདེན་པའང་མེད་ན་སྨོས་ཅི་དགོས། །ཐོས་པས་ཁྱོད་ལ་ཅི་ཞིག་བྱ། །དེ་ནས་སུ་དཱ་སའི་བུས་འཕྱས་པ་དེ་མ་བཟོད་ནས་སླར་སྨྲས་པ། ཁྱོད་ཅུང་ཞིག་སྡོད་ཅིག་རྒྱལ་པོ་གང་ཞིག་མཚོན་ཆ་གཟས་ནས་རྩེད་མོའི་ཕྱིར། ནགས་ཚལ་རི་དྭགས་སྡུག་གུ་མ་བསད་ཡོད་པ་
[123b.4]སྨྲོས། །དེ་བཞིན་འཚོ་བའི་ཕྱིར་ཡང་གལ་ཏེ་མི་བསད་ན། །དེ་ནི་ཆོས་འགལ་ཟེར་ལ་རི་དྭགས་གསོད་པ་མིན། །བྱང་ཆུབ་སེམས་དཔས་སྨྲས་པ། གང་དག་རི་དྭགས་བྲོས་པ་བསྙགས་ཤིང་གཞུ་བདུངས་པ། །དེ་དག་ཀུན་ཀྱང་ཆོས་ལ་གནས་པ་མ་ཡིན་ཏེ། །མི་ཤ་
[123b.5]ཟ་བ་དེ་དག་བས་ཀྱང་རབ་ཏུ་སྨད། །མི་རྣམས་རིགས་ཀྱིས་མཐོ་བ་ཡིན་པས་བཟར་མི་རུང་། །དེ་ནས་སུ་དཱ་སའི་བུ་ལ། བྱང་ཆུབ་སེམས་དཔས་ཚིག་རྩུབ་པོས་འཕྱས་ཀྱང་། དེའི་བྱམས་པའི་ཡོན་ཏན་གྱི་མཐུས། ཁྲོ་བའི་རང་བཞིན་ཟིལ་གྱིས་ནོན་ནས། དེའི་ཚིག་
[123b.6]རྣར་འོང་བ་བཞིན་དུ་འཛུམ་དམུལ་ཏེ་སྨྲས་པ། ང་ཡིས་ཁྱོད་བཏང་ཁྱིམ་དུ་ཕྱིན་ནས་སུ། །རྒྱལ་པོའི་ལོངས་སྤྱོད་དགའ་བ་ཐམས་ཅད་མྱོང་། །འོན་ཀྱང་ང་ཡི་དྲུང་དུ་ཁྱོད་འོངས་པ། །དེ་བས་ཁྱོད་ནི་གཞུང་ལུགས་ཚུལ་མི་མཁས། །བྱང་ཆུབ་སེམས་དཔས་སྨྲས་པ། དེ་
[123b.7]ལྟ་མ་ཡིན་ནོ། །ཚུལ་དེ་སྤྱོད་པར་མི་འདོད་པའི་ཕྱིར་ང་ཉིད་གཞུང་ལུགས་ཀྱི་ཚུལ་ལ་མཁས་སོ། །དེ་ལ་སྤྱོད་པར་གྱུར་པ་ནི། །ཆོས་ཀྱི་གཟི་བྱིན་རབ་ཏུ་ཆེ། །འཕྲལ་གྱི་བདེ་བ་རབ་བསྒྲུབ་པ། །དེ་ལས་མཁས་པ་སུ་ཞིག་ཡོད། །གཞན་ཡང་། གཞུང་ལུགས་ཚུལ་
[124a]
[124a.1]སྤྱོད་བརྟན་པ་གང་ཡིན་པ། །དེ་དག་ཕལ་ཆེར་ཤི་ནས་ངན་སོང་ལྷུང་། །དེ་བས་གཞུང་ལུགས་ཚུལ་ངན་ལམ་སྤོངས་ནས། །བདེན་པའི་ཚིག་བསྲུང་སླར་ཡང་འདིར་འོངས་སོ། །བརྫུན་སྨྲ་བཏང་ནས་བདེན་པར་ངས་སྨྲ་སྟེ། །དེ་བས་གཞུང་
[124a.2]ལུགས་མཁས་པ་ང་ཉིད་ཡིན། །གྲགས་དང་བདེ་བའི་དན་དང་འགལ་བ་གང་། །དེ་ནི་གཞུང་བཟང་མིན་ཞེས་དེ་མཁས་སྨྲ། །སུ་དཱ་སའི་བུས་སྨྲས་པ། ཕངས་པའི་སྲོག་དང་ནང་མིའི་མཆི་མས་འཇུ་བ་དང་། །རྒྱལ་སྲིད་བདེ་བ་ཡིད་དུ་འོང་བ་བོར་ནས་སུ། །བདེན་པའི་
[124a.3]ཚིག་ལ་དོན་དུ་འགྱུར་བ་ཅི་མཐོང་ནས། །དེ་བསྲུང་ཕྱིར་ནི་འདི་ལྟར་ང་ཡི་དྲུང་དུ་འོངས། །བྱང་ཆུབ་སེམས་དཔས་སྨྲས་པ། བདེན་པའི་ཡོན་ཏན་ལ་གནས་ན་ཡོན་ཏན་ཁྱད་པར་ཅན་མང་དུ་ཡོད་ཀྱིས། མདོ་ཙམ་ཞིག་ཉོན་ཅིག །ཕྲེང་བ་མཛེས་པའི་བརྒྱན་པས་ཁྱད་པར་འཕགས། །
[124a.4]རོ་རྣམས་ཀུན་ལས་ཞིམ་པས་ཁྱད་པར་འཕགས། །དཀའ་ཐུབ་སྤྱོད་དང་མུ་སྟེགས་འགྲོ་བ་ཡི། །ཉོན་མོངས་མེད་པར་བསོད་ནམས་ཡོན་ཏན་བསྒྲུབ། །འགྲོ་བ་མཐའ་དག་ཁྱབ་པའི་གྲགས་པ་འཕེལ། །བདེན་པ་འཇིག་རྟེན་གསུམ་ལས་འདས་པའི་ལམ། །ལྷ་ཡི་གནས་
[124a.5]སུ་འཇུག་པའི་སྒོ་ཡང་ཡིན། །འཁོར་བའི་རྫོང་ལས་ཐར་བའི་ཟམ་པ་ཡིན། །དེ་ནས་སུ་དཱ་སའི་བུས་དེ་ལ་ལེགས་སོ་ཞེས་བསྟོད་ནས། ཡ་མཚན་དང་བཅས་པས་ལྟ་ཞིང་ཡང་སྨྲས་པ། མི་རྣམས་གཞན་ནི་ང་ཡི་དབང་གྱུར་ན། །བརྟན་པ་ཉམས་ནས་སྐྲག་ཅིང་སྦ་ཡང་
[124a.6]གུམ། །ཁྱོད་ནི་དཔའ་བརྟན་དཔལ་གྱིས་མ་བཏང་བས། །མི་དབང་ཁྱོད་ནི་འཆི་བའི་འཇིགས་མེད་འདྲ། །བྱང་ཆུབ་སེམས་དཔས་སྨྲས་པ། རབ་ཏུ་བསྒྲིམས་ཀྱང་གནས་མི་ནུས། །གང་ལ་བཅོས་སུ་མི་རུང་བ། །འཇིགས་ཤིང་འདར་བར་བྱས་པ་ཡིས། །དེ་ལ་ཅི་ཞིག་
[124a.7]ཕན་པ་ཡོད། །དེ་ལྟར་འཇིག་རྟེན་ཆོས་ཉིད་ལ་བརྟགས་ནས། །མི་རྣམས་སྡིག་པ་བྱས་པས་རྗེས་སུ་འགྱོད་པར་འགྱུར། །དགེ་བའི་ལས་ཀྱང་ལེགས་པར་ཡོང་མ་བྱས། །ཕྱི་མའི་ཚེ་ལ་སྡུག་བསྔལ་འབྱུང་དུ་དོགས། །འཆི་བར་འགྱུར་བའི་འཇིགས་པས་རྨོངས་པར་འགྱུར། །
[124b]
[124b.1]གང་ལས་བདག་གི་ཡིད་ནི་འགྱོད་གྱུར་པ། །དེ་ཉིད་བདག་གིས་བྱས་པར་ཡོང་མི་དྲན། །དཀར་པོའི་ལས་ཀྱང་རབ་ཏུ་གོམས་པར་བྱས། །ཆོས་ལ་གནས་ན་འཆི་བས་སུ་ཞིག་འཇིགས། །ཕོངས་པ་རྣམས་ནི་སློང་དུ་འོང་བ་ལ། །མགུ་བར་མ་བྱས་བདག་ནི་ཡོང་མི་དྲན། །
[124b.2]དེ་ལྟར་སྦྱིན་པས་མགུ་བར་རྙེད་གྱུར་ལ། །ཆོས་ལ་གནས་ན་འཆི་བས་སུ་ཞིག་འཇིགས། །རིང་དུ་བརྟགས་ཏེ་བསམས་ཀྱང་སྡིག་བྱ་བར། །ཡིད་ལ་བསམས་པ་ཙམ་ཡང་ཡོང་མི་དྲན། །བདག་གིས་དེ་ལྟར་མཐོ་རིས་ལམ་སྦྱངས་ན། །འཆི་བས་བདག་ནི་ཇི་ལྟར་འཇིགས་པར་
[124b.3]འགྱུར། །བྲམ་ཟེ་རྣམས་དང་གཉེན་དང་མཛའ་བོ་བསྟེན་པ་དང་། །གནས་ཀྱི་རྒྱན་གྱུར་དཀའ་ཐུབ་ཅན་དང་ཕོངས་པ་ལ། །ཅི་རིགས་སྦྱིན་པས་བདག་གི་ནོར་ཡང་མང་དུ་བཞག །གང་གིས་བྱ་བ་ཅི་ཡོད་དེ་ཡང་བདག་གིས་བྱས། །གྲགས་པའི་གཞིར་གྱུར་དཔལ་དང་
[124b.4]ལྡན་པ་བརྒྱ་དག་བརྩིགས། །དཀའ་ཐུབ་གནས་དང་འདུན་ས་བཏུང་བའི་གནས་རྣམས་བྱས། །དེ་བྱས་དགའ་བར་གྱུར་པས་འཆི་བས་ང་མི་འཇིགས། །དེ་བས་ང་ནི་མཆོད་སྦྱིན་བྱ་འམ་ཡང་ན་ཟོ། །དེ་སྐད་སྨྲས་པ་དང་། སུ་དཱ་སའི་བུས་ཐོས་ནས་དད་པ་སྐྱེས་ཏེ་མིག་ནི་
[124b.5]མཆི་མས་གང་བ་དང་། ལུས་ཀྱི་བ་སྤུ་ནི་ལངས། སྡིག་པ་ཅན་གྱི་མུན་ནག་ནི་བརྗིད་པར་གྱུར་ནས། བྱང་ཆུབ་སེམས་དཔའ་ལ་གུས་པར་བལྟས་ཏེ་སྨྲས་པ། སྡིག་པ་ཞི་བར་གྱུར་ཅིག །རྒྱལ་མཆོག་ཁྱོད་ལྟ་བུ་ལ་སུ་ཞིག་ཤེས་བཞིན་དུ། །སྡིག་པ་བྱེད་པ་དེ་ནི་མི་
[124b.6]བཟད་དུག་འཐུང་བཞིན། །ཡང་ན་མྱུར་པར་དུག་འཐུང་ལྕགས་བསྲེག་འབར་བ་ཟོ། །སྙིང་དང་སྤྱི་བོ་ཚལ་པ་བརྒྱ་རུ་འགས་པར་འགྱུར། །ལེགས་པར་སྨྲས་པ་དེ་དག་ཀྱང་། །བདག་ལ་ཁྱོད་ཀྱིས་བཤད་དུ་གསོལ། །ཁྱོད་ཀྱི་ཚིག་སྙན་པའི་མེ་ཏོག་ཆར་བཞིན་དུ་བབ་པ་དེས།
[124b.7]བདག་གི་སེམས་རབ་ཏུ་དད་པར་གྱུར་པས་ལེགས་པར་སྨྲས་པ་དེ་དག་རབ་ཏུ་ཉན་འཚལ་བར་གྱུར་ཏོ། །ཀྱེ་གཞན་ཡང་བདག་གི་སྤྱོད་པ་ངན་པའི་གཟུགས། །ཆོས་ཀྱི་མེ་ལོང་གསལ་མཐོང་ནས། །ཡིད་ལ་གདུང་བ་རབ་སྐྱེས་ཏེ། །བདག་ནི་ཆོས་ལ་ཕྱོགས་པར་གྱུར། །
[125a]
[125a.1]དེ་ནས་བྱང་ཆུབ་སེམས་དཔས་དེའི་བསམ་པ་སྣོད་དུ་གྱུར་ཅིང་ཆོས་མཉན་པ་ལ་ཡིད་རབ་ཏུ་འདུན་པར་རིག་ནས་སྨྲས་པ། འོ་ན་ཆོས་འདོད་པ་དེ་རྗེས་སུ་མཐུན་པའི་སྤྱོད་པ་ལ་མཁས་པར་བྱས་ཏེ་ཆོས་མཉན་པར་རིགས་སོ། །རབ་ཏུ་དམའ་བའི་སྟན་ལ་
[125a.2]འདུག། དུལ་བའི་དཔལ་ནི་རྣམ་པར་བསྐྱེད། །དགའ་དང་ལྡན་པའི་མིག་གིས་ལྟ། །ཚིག་གི་བདུད་རྩི་འཐུང་བ་བཞིན། །གུས་པར་བསྐྱེད་ཅིང་རྩེ་གཅིག་བཏུད། །རབ་ཏུ་དད་ལ་དྲི་མེད་ཡིད། །ནད་པས་སྨན་པའི་ཚིག་ཉན་བཞིན། །རིམ་གྲོ་བསྐྱེད་དེ་ཆོས་ཉོན་
[125a.3]ཅིག །དེ་ནས་སུ་དཱ་སའི་བུས་རྡོ་ལེབ་མཐོན་པོ་གཅིག་གི་སྟེང་དུ་བདག་གི་སྟོད་གཡོགས་བཏིང་སྟེ་དེ་ལ་བྱང་ཆུབ་སེམས་དཔའ་བཞག་ནས་བདག་རང་ཡང་བར་གཞན་གྱིས་མཆོད་པའི་ས་ལ་བྱང་ཆུབ་སེམས་དཔའི་མདུན་དུ་འདུག་སྟེ། དེའི་གདོང་དུ་བལྟས་ནས། སེམས་
[125a.4]དཔའ་ཆེན་པོ་དེ་ལ་འཕགས་པ་ད་གསུངས་ཤིག་ཅེས་སྨྲས་སོ། །དེ་ནས་བྱང་ཆུབ་སེམས་དཔས་དབྱར་གྱི་འབྲུག་སྒྲ་སྙན་ཅིང་ཟབ་པ་དང་འདྲ་བའི་ཚིག་གིས་ནགས་ཚལ་དེ་གང་བར་གྱུར་པ་བཞིན་དུ་ཀུན་ཏུ་ཁྱབ་པར་སྨྲས་པ། དམ་པ་དག་ལ་ལན་ཅིག་ཙམ། །ཇི་ལྟར་འདོད་པར་འཕྲད་
[125a.5]ཀྱང་རུང་། །འདྲིས་པར་བྱ་བ་མི་དགོས་པར། །རབ་ཏུ་བརྟན་པ་ཉིད་དུ་གྱུར། །སུ་དཱ་སའི་བུས་དེ་སྐད་ཐོས་ནས་ལེགས་སོ་ལེགས་སོ་ཞེས་སྨྲས་ནས། མགོ་བསྒྱུར་སེ་གོལ་གཏོགས་ནས་མགུ་བར་བྱས་ཏེ། བྱང་ཆུབ་སེམས་དཔའ་ལ་དེ་ནས་ཡང་གསུངས་ཤིག་ཅེས་སྨྲས་སོ། །དེ་
[125a.6]ནས་བྱང་ཆུབ་སེམས་དཔས་ཚིགས་སུ་བཅད་པ་གཉིས་པ་སྨྲས་པ། དམ་པ་རྣམས་ནི་སུས་ཀྱང་མི་བསྲིང་ངོ་། །དུལ་བའི་ཚུལ་གྱིས་དགེ་བ་བསྟེན་པར་བྱ། །དེ་དང་ཉེ་ན་དེ་ཡི་ཡོན་ཏན་རྡུལ། །ཆེད་དུ་མ་བསྒོས་པར་ཡང་གོས་པར་འགྱུར། །སུ་དཱ་སའི་བུས་སྨྲས་པ། དགེ་བ་
[125a.7]རྣམས་ཀྱིས་ལེགས་སྨྲས་པ། །ཁྱོད་ཀྱིས་རྣམ་པ་ཀུན་མཆོད་པ། །ནོར་ཡང་གནས་སུ་ཕྱིན་པར་བཏང་། །འབད་དེ་དོན་གྲུབ་ཐོག་ཏུ་བབ། །དེ་ནས་ཡང་ཅུང་ཞིག་གསུངས་ཤིག །བྱང་ཆུབ་སེམས་དཔས་སྨྲས་པ། རྒྱལ་པོའི་ཤིང་རྟ་རིན་ཆེན་གསེར་གྱིས་བརྒྱན། །ལུས་
[125b]
[125b.1]ཀྱང་རྒས་པས་མི་སྡུག་པར་ཡང་འགྱུར། །དམ་པ་རྣམས་ཀྱི་ཆོས་ནི་རྒས་མི་འགྱུར། །དགེ་བ་རྣམས་ནི་ཡོན་ཏན་རྗེས་ཆགས་བརྟན། །སུ་དཱ་སའི་བུས་སྨྲས་པ། ཨེ་མའོ་བདག་ནི་བདུད་རྩིའི་ཆར་བབ་པས་ངོམས་པར་བགྱིས་སོ། །དེ་ནས་ཡང་ཅུང་ཞིག་གསུངས་ཤིག །
[125b.2]བྱང་ཆུབ་སེམས་དཔས་སྨྲས་པ། ནམ་མཁའ་དང་ནི་ས་གཞིའི་བར་ཡང་རིང་། །རྒྱ་མཚོའི་ཕ་རོལ་ཚུ་རོལ་འགྲམ་ཡང་རིང་། །ཤར་དང་ནུབ་ཀྱི་རི་ཡི་བར་ཡང་དེ་བས་རིང་། །ཕལ་པ་དག་དང་དམ་པའི་ཆོས་ཀྱང་དེ་བས་རིང་། །དེ་ནས་སུ་དཱ་སའི་བུ་ཡ་མཚན་ཆེ་ཞིང་དད་པས་
[125b.3]དགའ་ཞིང་གུས་པར་གྱུར་ནས། བྱང་ཆུབ་སེམས་དཔའ་ལ་སྨྲས་པ། ཁྱོད་ཀྱི་ཚིགས་སུ་བཅད་པ་སྙན་པ་དང་། །ཚིག་དང་དོན་ཀྱང་རབ་ཏུ་གསལ་ལ་འཕགས། །དེ་ཐོས་དགའ་གྱུར་དེ་ལ་མཆོད་པའི་ཕྱིར། །དམ་པ་བཞི་ཞིག་ཁྱོད་ལ་འབུལ་བར་འཚལ། །དེ་བས་ན་ཅི་
[125b.4]བཞེད་པ་བདག་ལ་བསླད་དུ་གསོལ། དེ་ནས་བྱང་ཆུབ་སེམས་དཔའ་ཡ་མཚན་དུ་གྱུར་ནས་སྨྲས་པ། བདག་ལའང་རང་བཞིན་མེད་པར་གྱུར་པ་ཁྱོད། །མི་རིགས་བྱེད་ལ་དགའ་བས་ཕམ་པར་གྱུར། །དགེ་བ་སྤྱོད་ལ་རང་བཞིན་ཕྱིན་ཅི་ལོག །ཁྱོད་ཀྱིས་ཇི་ལྟར་གཞན་ལ་དམ་
[125b.5]པ་སྦྱིན། །བདག་གིས་དམ་པ་སྦྱིན་ཞེས་གནང་གྱུར་ན། །ཁྱོད་ཀྱི་ཡིད་ཀྱང་སྦྱིན་པར་སྤྲོ་མི་འགྱུར། །སྐྱོན་དང་བཅས་པ་ཁྲེལ་ཡོད་སུ་ཞིག་སྨྲ། །དེ་སྐད་རེ་ཞིག་ང་ལ་མ་སྨྲ་ཅིག །དེ་ནས་སུ་དཱ་སའི་བུ་ཅུང་ཟད་ངོ་ཚ་བར་གྱུར་ཏེ་མགོ་སྨད་ནས། བྱང་ཆུབ་སེམས་དཔའ་ལ་སྨྲས་པ།
[125b.6]ཁྱོད་དེ་ལྟར་བདག་ལ་དོགས་པ་མ་སྐྱེད་ཅིག །བདག་གིས་སྲོག་ཀྱང་ཡོངས་བཏང་ནས། །དམ་པ་དེ་རྣམས་བདག་འབུལ་གྱིས། །རྒྱལ་བོ་ཅི་དང་ཅི་བཞེད་པ། །བག་ཕབ་ནས་ནི་དེ་སློང་ཤིག །བྱང་ཆུབ་སེམས་དཔས་སྨྲས་པ། འོ་ན། བདེན་པའི་བརྟུལ་ཞུགས་ལོང་ལ་
[125b.7]སེམས་ཅན་གསོད་པ་སྤོངས། །སྐྱེ་བོ་བཙོན་དུ་བཟུང་བ་འདི་རྣམས་མ་ལུས་ཐོང་། །དཔའ་བོ་ཁྱོད་ཀྱིས་མི་ཤ་ཟ་བ་རབ་ཏུ་སྤོངས། །དམ་པའི་ནང་ནས་མཆོག་གྱུར་འདི་བཞི་སྦྱིན་པར་གྱིས། །སུ་དཱ་སའི་བུས་སྨྲས་པ། དམ་པ་སྔ་མ་གསུམ་ནི་ཁྱོད་ལ་འབུལ། །དམ་པ་བཞི་
[126a]
[126a.1]པ་གཞན་ཞིག་བསླད་དུ་གསོལ། །བདག་ནི་མི་ཤ་མི་ཟ་མི་ནུས་པས། །སྔ་ནས་ཁྱོད་ཉིད་མཁྱེན་པར་མ་གྱུར་ཏམ། །བྱང་ཆུབ་སེམས་དཔས་སྨྲས་པ། ཁྱོད་ཀྱིས་དམ་པ་སྦྱིན་པ་ག་ལ་ནུས་ཞེས་ངས་མ་སྨྲས་སམ། ཨེ་མ་འོ་དེ་ལྟར་
[126a.2]ཟེར་བ་དེ་ཁོ་ན་བཞིན་དུ་གྱུར་ཏོ། །ཀྱེ་གཞན་ཡང་ཁྱོད་ཉོན་ཅིག །མི་ཤ་ཟ་བ་མ་སྤངས་ན། །ཇི་ལྟར་བདེན་པར་སྨྲ་བར་འགྱུར། །རྒྱལ་པོ་ཁྱོད་ཀྱིས་སྲོག་ཆགས་རྣམས། །མི་གསོད་པ་ཡང་ག་ལ་ནུས། །བདག་གི་སྲོག་ཀྱང་ཡོངས་སྤོངས་ནས། །དམ་པ་འདི་རྣམས་
[126a.3]སྦྱིན་ནོ་ཞེས། །ཐོག་མར་དེ་སྐད་མ་སྨྲས་སམ། །དེ་བས་འདི་ལྟར་གཞན་དུ་གྱུར། །ཤ་ཡི་ཕྱིར་ནི་མི་བསད་ན། །སྲོག་ཆགས་མི་གསོད་ག་ལ་ནུས། །དེ་ལྟར་གྱུར་ན་དམ་པ་གསུམ། །ཁྱོད་ཀྱིས་ཇི་ལྟར་སྦྱིན་པར་འགྱུར། །སུ་དཱ་སའི་བུས་སྨྲས་པ། གང་གི་ཕྱིར་ནི་རྒྱལ་
[126a.4]སྲིད་ཉམས། །ནགས་ཚལ་སྡུག་བསྔལ་བདག་གིས་མྱོང་། །ཆོས་ལས་ཉམས་ཤིང་གཏམ་ངན་ཐོབ། །བདག་གིས་དེ་ནི་ཇི་ལྟར་བཏང་། །བྱང་ཆུབ་སེམས་དཔས་སྨྲས་པ། དེ་བས་ན་ཁྱོད་ཀྱིས་དེ་བཏང་བའི་རིགས་མེད། གང་ཕྱིར་ཁྱོད་ནི་ཆོས་དང་སྲིད། །བདེ་དང་གྲགས་པ་
[126a.5]ཉམས་པར་གྱུར། །ཕུང་བར་གྱུར་པའི་འབྱུང་གནས་དེ། །ཇི་ལྟར་བཏང་བ་མི་རིགས་ཀྱེ། །བྱིན་ན་འགྱོད་པ་སྐྱེ་བ་འདི། །སྐྱེ་བོ་སེམས་རྒྱ་ཆུང་ངུ་ལ། །སྲིད་པར་འགྱུར་བའི་འོས་ཡིན་ཏེ། །དེ་བས་ཁྱོད་ཀྱང་ཟིལ་གནོན་ཏམ། །དེ་བས་ན་ཁྱོད་སྡིག་པའི་རྗེས་སུ་འབྲང་
[126a.6]བ་ཐོང་ལ། བདག་ཉིད་ཤེས་པར་བྱ་བར་རིགས་སོ། །ཁྱོད་སུ་དཱ་སའི་བུ་མ་ཡིན་ནམ། སྨན་པ་མཁས་པས་བརྟགས་ཏེ་ལེགས་པར་སྦྱར་བའི་ཤ །གྲོང་དང་དགོན་པ་སྐམ་གཤེར་ཆུ་དང་ཐད་ལས་སྐྱེས། །དེ་ལྟ་བུ་ཡི་ཤ་རྣམས་ཡོད་ཀྱི་དེ་ཡིས་སེམས་མགུ་བྱོས། །མི་ཤ་
[126a.7]སྨད་པར་འགྱུར་བ་བཏང་ན་རབ་ཏུ་ལེགས། །རྔ་སྒྲ་སྙན་པ་དབྱར་གྱི་འབྲུག་སྒྲ་བཞིན་དུ་སྒྲོགས། །གླུ་སྒྲ་སྙན་དང་རྒྱལ་སྲིད་དེ་དང་དེ། །གཉེན་དང་བུ་དང་ནང་མི་ཡིད་དུ་འོང་བ་རྣམས། །བོར་ནས་ནགས་ཚལ་དབེན་པ་འདི་ན་ཅི་ཞིག་དགའ། །རྒྱལ་པོས་སེམས་ཀྱི་དབང་དུ་འགྲོ་
[126b]
[126b.1]བར་མི་རིགས་ཀྱི། །ཆོས་དང་སྲིད་ལ་མི་གནོད་ལམ་དུ་འཇུག་པར་རིགས། །རྒྱལ་པོ་གཅིག་པུས་གཡུལ་ངོར་དམག་གི་དཔུང་ལས་རྒྱལ། །སེམས་ཙམ་ཚར་བཅད་ཕྱིར་ནི་སྡར་མ་མ་བྱེད་ཅིག །མི་ཡི་བདག་པོ་འཇིག་རྟེན་ཕྱི་མའང་ལྟ་བར་རིགས། །དེ་བས་དགའ་ཡང་
[126b.2]ཕན་པ་མ་ཡིན་བརྟེན་མི་རིགས། །ལམ་གང་ཡིད་དུ་འོང་བ་གྲགས་དང་མི་འགལ་བའི། །དེ་ནི་མི་དགའ་འང་སྨན་བཏུང་བཞིན་དུ་བརྟེན་པར་རིགས། །དེ་ནས་སུ་དཱ་སའི་བུ་རབ་ཏུ་དད་པར་གྱུར་ནས། མིག་ནི་མཆི་མས་གང་སྐད་ནི་འཛེར་བཞིན་དུ། བྱང་ཆུབ་སེམས་དཔའི་
[126b.3]དྲུང་དུ་འོངས་ནས། རྐང་པ་གཉིས་ལ་འཇུས་ནས་སྨྲས་པ། ཡོན་ཏན་མེ་ཏོག་ཕྱེ་མས་བསོད་ནམས་དྲི་ཞིམ་དང་། །ཁྱོད་ཀྱི་གྲགས་པའི་རྒྱུ་ཡིས་འགྲོ་བ་འདི་དག་ཁྱབ། །འདི་ལྟར་སྡིག་སྤྱོད་འཆི་བདག་ཕོ་ཉར་བདག་གྱུར་ལ། །ཁྱོད་ལྟར་ཐུགས་རྗེ་ཆེ་བ་གཞན་ནི་སུ་ཞིག་མཆིས། །
[126b.4]ཁྱོད་ནི་བདག་གི་སྟོན་པ་བླ་མ་ལྷ་ཉིད་ལགས། །ཁྱོད་ཀྱིས་བསྒོ་བ་འདི་རྣམས་བདག་གིས་སྦྱི་བོས་མཆོད། །ད་ཕྱིན་སླན་ཆད་བདག་ནི་མི་ཤ་ཡོང་མི་འཚལ། །བདག་ལ་ཅི་སྐད་བཀའ་སྩལ་དེ་དག་དེ་བཞིན་བགྱི། །མཆོད་སྦྱིན་ཕྱིར་ནི་རྒྱལ་པོའི་བུ་འཕྲོག་པ། །བདག་གིས་
[126b.5]བཙོན་རར་སྩལ་བས་མི་དགའ་ཞིང་། །བཞིན་མདངས་ཉམས་ལ་མྱ་ངན་གདུངས་པའི་ཡིད། །དེ་དག་ཀུན་ཀྱང་བཏང་གིས་ལྷན་ཅིག་བཞུད། །དེ་ནས་བྱང་ཆུབ་སེམས་དཔས་དེ་བཞིན་དུ་བྱའོ་ཞེས་དེས་སྨྲས་པ་བཞིན་དུ་མཉན་ནས། རྒྱལ་པོའི་བུ་བཙོན་དུ་བཟུང་བ་གང་ན་
[126b.6]འཁོད་པ་དེར་སོང་ངོ་། །རྒྱལ་པོའི་བུ་དེ་རྣམས་ཀྱིས་བུ་ཟླ་བ་མཐོང་ནས་བལྟས་སོ། །བདག་ཅག་ནི་ཐར་རོ་སྙམ་ནས་རབ་ཏུ་དགའ་བར་གྱུར་ཏེ། རྒྱལ་བུ་དེ་དག་ཟླ་བ་མཐོང་ནས་ནི། །རབ་ཏུ་འཛུམ་དམུལ་མདངས་གསལ་རྣམ་པར་མཛེས། །སྟོན་ཀའི་དུས་ཀྱི་ཟླ་བའི་འོད་ཟེར་
[126b.7]གྱིས། །མེ་ཏོག་ཀུ་མུད་ཁ་བྱེ་མཚོ་གསལ་བཞིན། །དེ་ནས་བྱང་ཆུབ་སེམས་དཔའ་དེ་དག་གི་དྲུང་དུ་འོངས་ནས་དབུགས་ཕྱུང་ཚིག་སྙན་པས་དགའ་བར་བྱས་ཏེ། དེ་བས་རྒྱལ་བུ་དེ་རྣམས་སུ་དཱ་སའི་བུ་ལ་གནོད་པ་མི་བྱེད་པར་མནའ་བསྒགས་བཙོན་ནས་ཕྱུང་སྟེ། སུ་དཱ་སའི་བུ་དང་རྒྱལ་
[127a]
[127a.1]བུ་དེ་དག་གིས་བསྐྱལ་ཏེ། རང་གི་རྒྱལ་སྲིད་ལ་གནས་ནས་རྒྱལ་བུ་དེ་དག་དང་སུ་དཱ་སའི་བུ་ལ་ཇི་ལྟར་རིགས་པར་རིམ་གྲོ་བྱས་ཏེ་སོ་སོའི་རྒྱལ་སྲིད་ལ་བཀོད་དོ། །དེ་ལྟ་བས་ན་སྐྱེ་བོ་དམ་པ་རྣམས་དང་འཕྲད་ན། ཇི་ལྟར་འཕྲད་ཀྱང་རུང་སྟེ་ལེགས་པར་འགྱུར་བའི་
[127a.2]ཕྱིར། ལེགས་པར་འདོད་པ་རྣམས་ཀྱིས་སྐྱེ་བོ་དམ་པ་ལ་བརྟེན་པར་བྱའོ། །སངས་རྒྱས་བཅོམ་ལྡན་འདས་རྣམས་ནི་ཚེ་རབས་སྔ་མ་ལ་ཡང་མ་འདྲིས་པ་ལ་བྱམས་ཤིང་ཕན་འདོགས་པ་ཡིན་ནོ། །དེ་བཞིན་གཤེགས་པའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །དེ་
[127a.3]བཞིན་དུ་དམ་པའི་ཆོས་མཉན་ན། སྐྱོན་མེད་ཅིང་ཡོན་ཏན་དང་ལྡན་པར་འགྱུར་བའི་ཕྱིར། དམ་པའི་ཆོས་མཉན་བའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །ཆོས་ཐོས་ན་དེ་ལྟར་ཕན་ཡོན་རྣམ་པ་དུ་མ་ཡོད་པའི་ཕྱིར། མང་དུ་ཐོས་པའི་ཡོན་ཏན་བསྔགས་པ་ལ་
[127a.4]ཡང་བརྗོད་པར་བྱའོ། །བདེན་པའི་ཚིག་བསྲུང་ན་དེ་ལྟར་སྐྱེ་བོ་དམ་པ་རྣམས་དགའ་ཞིང་བསོད་ནམས་དང་གྲགས་པའི་འབྱུང་གནས་སུ་གྱུར་པའི་ཕྱིར་བདེན་པའི་ཚིག་བསྲུང་བའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །སྐྱེས་བུ་དམ་པ་རྣམས་ནི་དེ་ལྟར་བདག་གི་སྲོག་
[127a.5]དང་བདེ་བ་དང་དབང་ཕྱུག་ལ་ཡང་མི་ལྟ་བར་བདེན་པའི་ཚིག་བསྲུང་ངོ་ཞེས་སྐྱེས་བུ་དམ་པའི་ཡོན་ཏན་བསྔགས་པ་ལ་ཡང་སྦྱར་བར་བྱའོ། །ཟླ་བར་སྐྱེས་པའི་རབས་ཏེ་སུམ་ཅུ་གཅིག་པའོ།། །།བམ་པོ་བཅུ་གཉིས་པ་སྟེ་ཐ་མའོ། །ཡིད་སྐྱོ་བར་གྱུར་པ་རྣམས་ལ་
[127a.6]ནི་རྒྱལ་སྲིད་ཀྱི་དཔལ་ཡང་ལེགས་པའི་ལམ་ལ་སྒྲིབ་པར་མི་འགྱུར་བའི་ཕྱིར་སྐྱོ་བ་ལ་གོམས་པར་བྱའོ། །དེ་ཡང་འདི་ལྟར་བཅོམ་ལྡན་འདས་འདི་བྱང་ཆུབ་སེམས་དཔར་གྱུར་པའི་ཚེ། འཇིག་རྟེན་ན་ན་བ་དང་། རྒས་པ་དང་། འཆི་བ་དང་། སྡུག་པ་དང་བྲལ་བ་ལ་སོགས་
[127a.7]པའི་སྡུག་བསྔལ་མང་པོ་བྱུང་བས་སྡུག་བསྔལ་བ་དང་། མགོན་མེད་པ་དང་། སྐྱབས་མེད་པ་དང་། དཔུང་གཉེན་མེད་པ་དག་མཐོང་ནས་སྙིང་རྗེས་བསྐུལ་ནས་དེ་དག་ལ་བསྐྱབ་པར་སེམས་པ་རབ་ཏུ་དགེ་བའི་རང་བཞིན་ཅན་ཏེ། འཇིག་རྟེན་མི་མཐུན་པ་དང་། མ་ཤེས་པ་
[127b]
[127b.1]ལ་ཡང་ཕན་པ་དང་། བདེ་བའི་ཁྱད་པར་དེ་དང་དེ་དག་བསྒྲུབ་ཅིང་། རེ་ཞིག་རྒྱལ་པོའི་རིགས། འབངས་གློ་བ་ཉེ་བའི་བདེ་བ་དང་། འཁྲུགས་པ་མེད་པའི་དལ་བ་ཕུན་སུམ་ཚོགས་པ་དང་། རྒྱལ་ཕྲན་དྲེགས་པ་རྣམས་ཕྱག་འཚལ་ནས་མངོན་པར་གྲགས་པར་གྱུར་ཅིང་།
[127b.2]དབང་ཐང་ཆེ་བ་དུལ་བ་ལ་དགའ་བའི་རིགས་ཞིག་ཏུ་སྐྱེས་པར་གྱུར་ཏོ་ཞེས་གྲགས་སོ། །དེ་དང་པོ་སྐྱེས་པའི་ཚེ་ནའང་རྒྱལ་པོའི་རིགས་དེ་དང་ཕོ་བྲང་འཁོར་གྱི་མི་རྣམས་ཀྱང་བདེ་བ་དང་ལྡན་ཞིང་སྡུག་བསྔལ་དང་བྲལ་བ་དེ་དང་མཚུངས་པར་གྱུར་པས་མངོན་པར་མཐོ་ཞིང་དལ་བའི་
[127b.3]དཔལ་ཆེན་པོ་དང་ལྡན་པར་གྱུར་ཏོ། །སྦྱིན་པ་ཐོབ་པས་བྲམ་ཟེ་མགུ་ཞིང་གཡེངས། །འབངས་རྣམས་དྲེགས་ཤིང་ཆ་ལུགས་བཟང་པོ་འཕྱར། །རྔ་སྒྲ་མང་པོའི་བྲག་ཆས་རི་ལུང་གང་། །ཀུན་དུ་དགའ་བའི་གར་ནི་རྒྱུན་མི་ཆད། །གླུ་སྒྲ་སྙན་དང་དགོད་སྒྲ་འབྲེལ་མར་འབྱུང་། །
[127b.4]གཅིག་ལ་གཅིག་འཇུས་དགའ་བ་རྣམ་པར་འཕེལ། །གཏམ་སྙན་བསྐྱལ་བའི་བྱ་དགས་མགུ་བའི་མིས། །རྒྱལ་པོའི་མངོན་པར་མཐོ་བའི་ཤིས་པ་བརྗོད། །སྒོ་རྣམས་ཕྱེ་ཞིང་བཙོན་དུ་བཟུང་བ་མེད། །སྲང་གི་བཞི་མདོར་རྒྱལ་མཚན་བཙུགས་པས་མཛེས། །མེ་ཏོག་ཕྱེ་མ་
[127b.5]ཁུ་བས་ས་གཞི་བརྒྱན། །དགའ་སྟོན་བཟང་པོས་གྲོང་ཁྱེར་ཉམས་དགར་གྱུར། །ཁང་པ་ཆེན་པོའི་སྟེང་ནས་གསེར་དང་གོས། །རྒྱན་ལ་སོགས་པ་ཆར་བཞིན་འབབ་པ་ཡིས། །འཇིག་རྟེན་འདི་དག་དཔལ་གྱིས་ཁྱབ་པར་སྩོལ། །གངྒཱ་སྨྱོན་པ་དྲག་ཏུ་འབབ་པ་འདྲ། །དེའི་
[127b.6]ཚེ་ཡང་རྒྱལ་པོ་དེའི་བུ་བཙས་སོ་ཅོག་ཤི་བར་གྱུར་ཏེ། དེ་ལྟར་གྱུར་པ་དེ་ཡང་མི་མ་ཡིན་པས་བྱས་པ་ཡིན་པར་སེམས་ནས། བུ་དེ་བསུང་བའི་ཕྱིར་བུ་བཙས་པའི་ཁང་པ་ལྕགས་འབའ་ཞིག་ལས་བྱས་པ་བཟང་པོ་ནོར་བུ་དང་གསེར་དངུལ་གྱི་རྒྱན་གྱིས་བརྒྱན་པ་ཞིག་ཏུ་བཞག་སྟེ། འབྱུང་
[127b.7]པོའི་རིག་སྔགས་ཀྱི་ཆོ་ག་དང་། རིག་བྱེད་ལས་བྱུང་བའི་རིམ་པས་བསྲུང་བའི་ཆོ་ག་དང་། བཀྲ་ཤིས་ཀྱི་དཔྱད་བཟང་པོས་བདེ་ལེགས་ནི་བྱས། བཙས་པའི་ཆོ་ག་ལ་སོགས་པ་སྦྱང་བའི་ཆོ་ག་ཡང་བྱས་སོ། །སེམས་དཔའ་ཆེན་པོ་དེ་ཉིད་ཀྱང་སྟོབས་དང་ལྡན་པ་དང་། བསོད་ནམས་བསགས་
[128a]
[128a.1]པའི་མཐུ་དང་། བསྲུང་བ་ལེགས་པར་བྱས་པས་གདོན་རྣམས་ཀྱིས་མ་ཚུགས་སོ། །དེ་རིམ་གྱིས་བསྐྱེད་པའི་ཆོ་ག་གོ་རིམས་བཞིན་དུ་བྱས་ནས། སློབ་དཔོན་བླ་མ་མང་དུ་ཐོས་པ་དང་། ཆོ་རིགས་བཙུན་པ་དང་། སྤྱོད་ཚུལ་བཟང་བ་དང་། མཁས་པར་གྲགས་པ་
[128a.2]དང་། བཀུར་སྟི་ཐོབ་བ་དང་། རབ་ཏུ་ཞི་བ་དང་། དུལ་བ་དང་། ཤེས་རབ་ཀྱི་ཡོན་ཏན་དང་ལྡན་པ་རྣམས་ལས་རིག་པའི་གནས་དུ་མ་ནི་ལོབས། ལང་ཚོའི་གཟི་མདངས་ནི་ཉིན་རེ་ཞིང་སྐྱེས་པས་ལུས་ནི་ཡོངས་སུ་རྫོགས་པར་གྱུར། རང་བཞིན་གྱིས་དུལ་བ་དང་དགའ་
[128a.3]བས་ནི་སྐྱེ་བོ་དང་། ཡོངས་ཀྱི་སྐྱེ་བོ་རྣམས་ནི་རབ་ཏུ་དགའ་བའི་གནས་སུ་གྱུར་ཏོ། །དམ་པ་རིང་ན་གནས་གྱུར་ཀྱང་། །མ་འདྲིས་གཉེན་དུ་མ་འབྲེལ་བའི། །སྐྱེ་བོ་དགའ་བས་རྗེས་འབྲང་བ། །དེ་ཡི་རྒྱུ་ནི་ཡོན་ཏན་དཔལ། །འོད་ཟེར་རབ་ཏུ་གསལ་བ་ཡིས། །གནམ་ནི་དགོད་པ་
[128a.4]ལྟར་བྱེད་པའི། །སྟོན་ཀའི་ཟླ་བ་དེ་དང་ནི། །འཇིག་རྟེན་རྣམས་དང་ཅི་ཞིག་འབྲེལ། །དེ་ནས་སེམས་དཔའ་ཆེན་པོ་དེ་བསོད་ནམས་ཀྱི་མཐུ་ལས་བྱུང་བའི་བདེ་བ་ཆེན་པོ་ལྷའི་ལོངས་སྤྱོད་དང་འདྲ་བའི་ལོངས་སྤྱོད་ལ་ཉེ་བར་སྤྱོད་ཅིང་། ཕས་ཀྱང་བྱམས་ཤིང་རབ་ཏུ་བཀུར་སྟི་བྱས་ཏེ་
[128a.5]ཡིད་བརྟན་ཞིང་བག་ཕབ་སྟེ། རིམ་གྲོ་ཆེར་བྱས་པ་ལས་རེ་ཞིག་ཅིག་རང་གི་ཕོ་བྲང་དམ་པ་ནས་མེ་ཏོག་ཀུ་མུ་ཏའི་ལོངས་སྤྱོད་ཀྱི་དུས་ལ་བབ་སྟེ། རྒྱན་བཟང་པོ་དགའ་དགའ་ལྟར་འདུག་པ་ལ་བལྟར་འགྲོ་བ་ལ་ཕས་ཀྱང་གནང་སྟེ། ཤིང་རྟ་བཟང་པོ་གསེར་དང་ནོར་བུ་དང་དངུལ་གྱི་
[128a.6]རྒྱན་བཟང་པོ་སྣ་ཚོགས་ཀྱིས་བརྒྱན། བ་དན་དང་རྒྱལ་མཚན་ཁ་དོག་སྣ་ཚོགས་ཅན་རབ་ཏུ་གཡོ་བ་རྣམས་བཙུགས། གསེར་གྱི་འཇིམ་བག་གིས་གཡོགས་པ། རྟ་དུལ་ཞིང་བདེ་བས་དྲངས་པ། ཁ་ལོ་བསྒྱུར་བ་བཟོ་ཞིང་དེས་ལ་མཁས་ཤིང་གཙང་ལ་དུལ་ཞིང་བརྟན་པ་དང་ལྡན་
[128a.7]པ། གཡོག་འཁོར་ཆ་ལུགས་བཟང་པོ་སྣ་ཚོགས་སུ་བྱས་པས་བསྐོར་བ། རྔ་སྒྲ་སྙན་པའི་རྔ་བརྡུང་བས་མདུན་དུ་དྲངས་པ་ལ་ཞོན་ཏེ། ཕོ་བྲང་མཆོག་དེ་ནས་རྒྱུ་ཞིང་སོང་སོང་བ་ལས། ཕོ་བྲང་འཁོར་གྱི་མིས་རྒྱལ་བུ་དེ་ལ་ལྟ་བས་སེམས་ནི་གཡེངས། ངོ་མཚར་ཆེ་བས་མིག་ནི་རིག་
[128b]
[128b.1]རིག་པོར་ནི་བལྟ། བསྟོད་པས་དགའ་བར་བྱེད་ཅིང་ཐལ་མོ་སྦྱར་ཏེ། ཤིས་པར་བརྗོད་པའི་ཚིག་ནི་འདོན། དགའ་སྟོན་གྱི་དགའ་བའི་ཆས་བཟང་པོར་ཞུགས་པ་རྣམས་ཀྱིས་མཛེས་པ་མང་པོ་རྣམས་ལ་བརྟགས་ན། སེམས་དགའ་བར་གྱུར་བའི་སྐབས་ལ་བབ་ཀྱང་། ཚེ་རབས་སྔ་མ་
[128b.2]ལ་སེམས་སྐྱོ་བ་ལ་གོམས་པར་བྱས་པའི་ཕྱིར་དྲན་པ་འདི་ལྟ་བུ་རྙེད་པར་གྱུར་ཏོ། །ཀྱེ་མ་འོ་འཇིག་རྟེན་ཉོན་མོངས་དག །གནས་པ་མི་བརྟན་མི་དགར་གྱུར། །ཀུ་མུ་ཏ་ཡི་དཔལ་འདི་ཡང་། །དྲན་པར་བྱ་བ་ཉིད་དུ་འགྱུར། །འགྲོ་བ་འདི་ལྟ་བུར་ནི་འཁོད་པ་ལ། །སྐྱེ་བོ་འཇིགས་པ་
[128b.3]མེད་པར་རེ་མཚར་ཀྱེ། །ལམ་རྣམས་ཐམས་ཅད་འཆི་བདག་ཉིད་ཀྱིས་བཀག །དོགས་པ་མེད་པར་རབ་ཏུ་དགའ་བཞིན་སྤྱོད། །ན་དང་རྒས་དང་འཆི་བས་གནོད་བྱེད་དགྲ། །མཐུ་ཆེན་དགག་ཏུ་མི་ནུས་ཡོད་བཞིན་ལ། །འཇིག་རྟེན་ཕ་རོལ་ཉམ་ངར་ངེས་འགྲོ་ན། །སེམས་ཤེས་སུ་ཞིག་
[128b.4]འདི་ལ་དགའ་བར་སེམས། །སྤྲིན་ཆེན་གློག་འགྱུ་གསེར་ཕྲེང་འདྲ་བ་དག །རྒྱ་མཚོ་ཆེན་པོ་རྣམས་ཀྱི་སྒྲ་ཡང་ཕྱུང་། །ཆར་ཆེན་འབབ་པའི་རྩོམ་པ་ཆེན་པོ་བྱས། །ཀུན་ཏུ་འདུས་ཀྱང་དེ་ནས་དེངས་པར་འགྱུར། །ཆུ་འབབ་དྲག་པའི་ཤུགས་ཀྱིས་ཤིང་རྣམས་ཀྱི། །རྩ་བ་འགྲམ་ན་ཟབ་
[128b.5]ཏུ་ཟུག་པ་ཡང་། །རྩད་ནས་བཏོན་ཏེ་སླར་ཡང་ཆུ་དེ་ཉིད། །འབྲེལ་ཞིང་བྲི་ནས་མྱ་ངན་གདུངས་པ་བཞིན། །རླུང་གི་མཐུས་ཀྱང་རི་ཡི་རྩེ་མོ་བསྙིལ། །སྤྲིན་གྱི་ཚོགས་ཀྱང་དྲག་པོའི་ཤུགས་ཀྱིས་གཏོར། །རྒྱ་མཚོའི་ཆུ་ཡང་རྣམ་པར་དཀྲུགས་ཤིང་ཀློང་། །དེ་ལྟའི་རླུང་ཡང་རབ་ཏུ་ཞི་
[128b.6]བར་འགྱུར། །མེ་ལྕེ་རབ་འབར་མེ་སྟག་འཕྲོ་བ་ཡིས། །ནགས་ཚལ་མཛེས་དང་རྩྭ་རྣམས་ཀུན་བསྲེགས་ནས། །དེ་འདྲའི་མེ་ཡང་རིམ་གྱིས་ཞི་བར་འགྱུར། །རབ་ཏུ་འབར་ཡང་དེ་ནས་མེད་པར་འགྱུར། །འདུས་པ་གང་ཞིག་འབྲལ་བ་མ་གྱུར་ཡོད། །དར་བ་གང་ཞིག་རྒུད་པར་མ་གྱུར་ཡོད། །
[128b.7]འགྲོ་བའི་རྒྱུད་ནི་རབ་ཏུ་གཡོ་བ་ལ། །མ་བརྟགས་པར་ནི་སྐྱེ་བོ་དགའ་བར་འགྱུར། །བདག་ཉིད་ཆེན་པོ་དེ་སེམས་སྐྱོ་བ་དེས་དེ་ལྟར་བརྟགས་ནས། རབ་ཏུ་དགའ་བས་སེམས་གཡེངས་པའི་ཡིད་ནི་སླར་བཟློག །ཕོ་བྲང་དམ་པ་རྒྱན་གྱིས་བརྒྱན་པ་དགའ་དགའ་ལྟར་འདུག་པ་དང་། མི་མང་པོ་སྣ་
[129a]
[129a.1]ཚོགས་ཆེར་འདུས་པ་རྣམས་ལ་ཡང་སེམས་མ་ཆགས་པར་སླར་ལོག་སྟེ་མཐར་གྱིས་རང་གནས་སུ་ཕྱིན་ནས། བདག་རང་ལ་འདི་ལྟར་རྟོག་གོ། །ལོངས་སྤྱོད་ཀྱི་བདེ་བ་ལ་སེམས་རབ་ཏུ་སྐྱོ་བར་གྱུར་ཏེ། མ་ཆགས་ནས་ཆོས་འབའ་ཞིག་སྐྱབས་སུ་རུང་ངོ་སྙམ་
[129a.2]ནས། དེ་བསྒྲུབ་པར་ངེས་པར་བསམས་ཏེ། སྐབས་ཅིག་ཏུ་རྒྱལ་པོའི་དྲུང་དུ་སོང་སྟེ་དཀའ་ཐུབ་ཀྱི་ནགས་ཚལ་དུ་འགྲོ་བར་ཐལ་མོ་སྦྱར་ཏེ་གསོལ་བ་གདབ་པ། རབ་ཏུ་བྱུང་ལ་བརྟེན་ནས་སུ། །བདག་ལ་ཕན་པར་བགྱི་བར་འཚལ། །ཁྱོད་ཀྱི་ཐུགས་དཔག་མཛད་ནས་སུ། །གསོལ་
[129a.3]བ་དེ་ཡང་གནང་བར་མཛོད། །རྒྱལ་པོ་དེ་བུ་ལ་བྱམས་པས་དེ་སྐད་ཟེར་བ་ཐོས་པ་ནས། གླང་པོ་ཆེ་མདའ་དུག་ཅན་གྱིས་ཚབས་ཆེར་ཕོག་པ་དང་། རྒྱ་མཚོ་རབ་ཏུ་ཟབ་པ་རླུང་གིས་བསྐྱོད་པ་བཞིན་དུ། དེའི་མྱ་ངན་གྱིས་སེམས་གདུངས་ནས་འཁུམས་ཏེ་འདར་བར་གྱུར་ཏོ། །དེ་ནས་
[129a.4]རྒྱལ་པོ་དེ་ཡིས་དེ་བཟློག་ཕྱིར། །བྱམས་པས་མཆི་མས་བརྣང་སྟེ་མགུལ་ནས་འཇུས། །བུ་གཅིག་ཅི་ཕྱིར་ཇི་ལྟར་གློ་བུར་དུ། །བདག་ཅག་དོར་བའི་བློ་འདི་སྐྱེས་པར་གྱུར། །བདག་ཉིད་ཕུང་བར་བྱེད་པ་སུ་ཞིག་གིས། །ཁྱོད་ནི་མི་དགར་བྱས་ནས་འཆིང་བར་འགྱུར། །སུ་ཡིས་རང་གི་མི་རྣམས་
[129a.5]མྱ་ངན་གྱིས། །གདུངས་ནས་མིག་ནི་མཆི་མས་གང་བར་བྱས། །འོན་ཏེ་ང་ལ་ཅུང་ཟད་དོགས་པ་འམ། །འཁྲུལ་པར་གྱུར་པ་ཅུང་ཟད་ཐོས་ཀྱང་རུང་། །དེ་དག་སྨྲ་ན་དེ་ལས་བཟློག་པར་བྱེད། །དེ་ལྟ་བུ་ནི་བདག་གིས་མ་མཐོང་ངོ་། །བྱང་ཆུབ་སེམས་དཔས་སྨྲས་པ། དེ་ལྟར་རབ་ཏུ་བྱམས་ཁྱོད་ལ། །
[129a.6]འཁྲུལ་པ་ལྟ་ཞིག་ག་ལ་འབྱུང་། །བདག་ལ་མི་དགར་བགྱིད་པ་ཡང་། །དེ་ལྟར་ནུས་པ་སུ་ཞིག་མཆིས། །འོ་ན་ཅི་ཕྱིར་ང་འབོར་བར་སེམས་ཞེས་མིག་མཆི་མས་གང་བཞིན་དུ། རྒྱལ་པོས་སྨྲས་པ་དང་། ཡང་དེས་སྨྲས་པ། ཤི་བས་འཇིགས་པའི་ཕྱིར་ལྷ་གཟིགས་སུ་གསོལ། དང་པོ་མངལ་དུ་
[129a.7]ཞུགས་པའི་ནུབ་མོ་ནས། །བརྩམས་ཏེ་འཇིག་རྟེན་འཇིག་རྟེན་འདི་རྣམས་ནི། །ལམ་དུ་ཞུགས་ནས་གཞན་དུ་མ་གོལ་བར། །འཆི་བདག་དྲུང་དུ་དེ་ནི་ཉེ་བར་འགྲོ། །ཐབས་དང་རབ་ཏུ་ལྡན་ཞིང་མཐུ་ཡོད་ཀྱང་། །འཆི་དང་རྒ་ལས་སུ་ཡང་ཐར་བ་མེད། །འདི་གཉིས་ཀྱིས་ནི་འདི་ཀུན་རབ་ཏུ་གཙེས། །དེ་
[129b]
[129b.1]བས་ཆོས་ཀྱི་དོན་དུ་དགོན་པར་མཆི། །མི་རྟ་གླང་ཆེན་ཤིང་རྟ་མང་པོའི་དམག་ཚོགས་རྣམས། །རྒྱལ་པོ་དཔུང་དང་ལྡན་བ་ཐགས་ཐོགས་མེད་པར་ཐུབ། །གཤིན་རྗེའི་དགྲ་ནི་གཅིག་པུར་འདུག་ཀྱང་མི་ཐུབ་ལ། །དེ་བས་བདག་གི་སེམས་ནི་ཆོས་དོན་བསྒྲུབ་པར་འཚལ། །རྟ་དང་གླང་
[129b.2]ཆེན་རྐང་ཐང་ཤིང་རྟས་ཡོངས་བསྲུངས་ན། །རྒྱལ་པོ་རྣམས་ནི་དགྲ་ལས་རྣམ་པར་ཐར་བར་འགྱུར། །ཤེད་ཅན་ལ་སོགས་དཔུང་དང་བཅས་པའང་དབང་མེད་པར། །རབ་ཏུ་མཐུ་ཆེན་འཆི་བདག་དགྲ་ཡི་དབང་དུ་གྱུར། །གླང་ཆེན་སྨྱོན་བའི་མཆེ་བ་མཁར་གྱི་རྟ་བབས་དང་། །གཡུལ་ངོར་མི་
[129b.3]དང་ཤིང་རྟ་གླང་པོ་རྣམས་ཀྱང་བཅོམ། །གད་པ་ཆེན་པོའི་ངོས་བྲལ་བརྒྱལ་བར་གྱུར་པ་ཡི། །མཆེ་བ་དེ་ཡིས་གཤིན་རྗེའི་ཁར་སོང་འབེབས་མ་ནུས། །གོ་མཚོན་བཟང་པོ་བགོས་ཤིང་ཕུབ་བཟུང་ནས། །གཡུལ་ངོར་རྒྱང་གིས་མདའ་ཡང་འཕེན་པར་ནུས། །དེ་ལྟར་འཕོང་སྐྱེན་
[129b.4]རྣམས་ཀྱང་འཁོན་སྙིང་ཅན། །དགྲ་བོ་གཤིན་རྗེ་ལ་ནི་འཕེན་མི་ནུས། །སེང་གེ་རྣམས་ཀྱང་སེན་མོ་རྣོན་པོས་གླང་ཆེན་གྱི། །གཟི་བརྗིད་ཟིལ་མནན་སྤྱི་བོར་སྡེར་མོས་འབྲད་ཅིང་འབད། སྒྲ་སྐད་དྲག་པོ་གྲག་པས་གཞན་གྱི་སེམས་སྐྲག་བྱས། །གཤིན་རྗེ་འོངས་ནས་མཐུ་དང་དྲེགས་པ་ཉམས་ནས་
[129b.5]ཉལ། །རྒྱལ་པོ་རྣམས་ཀྱང་གཞན་གྱིས་ཉེས་བྱས་ན། །ཉེས་དང་རྗེས་སུ་མཐུན་པར་ཆད་པས་གཅོད། །འཆི་བདག་དགྲ་བོས་ཉེས་པ་ཆེར་བྱས་ཀྱང་། །ཆད་པས་བཅད་པའི་ཐབས་ནི་ཡོང་མི་ཤམས། །རྒྱལ་པོ་རྣམས་ནི་མཇལ་དུམ་ལ་སོགས་པའི། །ཐབས་ཀྱིས་ཉེས་པ་བྱས་པ་ཞི་བར་བྱེད། །འཆི་
[129b.6]བདག་གཏུམ་པོ་དྲེགས་པ་གོམས་བྱས་པས། །མཇལ་དུམ་ལ་སོགས་པས་ནི་བསྡུམ་མི་ནུས། །སྦྲུལ་ཆེན་ཁྲོས་པའི་རླུང་གིས་མཆེ་བ་དུག་ཅན་གྱི། །རྩེ་མོ་འབར་བས་མི་རྣམས་མངོན་སུམ་དུ་འབིགས་ཤིང་། །ཤ་ཆགས་བསད་པའི་ཐབས་ལ་རབ་ཏུ་མཁས་གྱུར་ཀྱང་། །འཆི་བདག་འོངས་ན་ཟ་བར་
[129b.7]བརྩམས་པའང་ཉམས་པར་གྱུར། །སྦྲུལ་གདུག་ཁྲོས་ནས་རབ་ཏུ་འཁྲུགས་པས་ཟིན་པ་ཡང་། །སྨན་པ་རྣམས་ཀྱིས་སྔགས་དང་སྨན་གྱིས་དུག་ཞི་བྱེད། །གཤིན་རྗེ་འདི་ནི་མྱུར་བའི་དུག་ལས་རབ་གདུག་པ། །སྔགས་དང་སྨན་ལ་སོགས་པས་ཐུབ་པར་ཡོང་མི་ནུས། །འདབ་བཟང་ཁྱུང་ཡང་གཤོག་པའི་རླུང་གིས་རྒྱ་
[130a]
[130a.1]མཚོའི་ཆུ། །ཉ་མང་འཕྱོ་བ་འབྲུག་སྒྲ་དྲག་པོས་དཀྲུགས་པ་ཡང་། །རྣམ་པར་གཏོར་ནས་གདེངས་ཀ་ཕྱར་བའི་སྦྲུལ་རྣམས་འཛིན། །དེ་བཞིན་འཆི་བདག་རབ་ཏུ་གཞོམ་པར་ཡོང་མི་ནུས། །སྟག་ཀྱང་ནགས་ཚལ་དག་ན་རི་དྭགས་བྲོས་པ་རྣམས། །རབ་ཏུ་མགྱོགས་པས་བསྙགས་
[130a.2]ནས་སྡེར་མོ་རྡོ་རྗེ་ཡིས། །ཐང་ཅིག་བཏབ་པ་ཙམ་གྱིས་བཟུང་ནས་ཁྲག་འཐུང་ན། །འཆི་བདག་འོང་ན་དེ་ལྟར་རྟུལ་ཕོད་མེད་པར་འགྱུར། །སྟག་གིས་ཁ་གདངས་མཆེ་བ་རབ་ཏུ་གཙིགས་པ་ཡི། །ནང་དུ་སོང་བའི་རི་དྭགས་རྣམས་ཀྱང་ཐར་བ་སྲིད། །གཤིན་རྗེའི་ཁ་གདངས་ན་དང་རྒས་པའི་མཆེ་བ་
[130a.3]གཙིགས། །དེ་ཡི་ནང་དུ་སོང་བ་སུ་ཞིག་ཐར་བ་ཡོད། །མི་སྡུག་འཇིགས་ལ་དམ་དུ་འཛིན་པའི་གདོན། །གཟི་དང་བཅས་པས་མི་ཡི་སྲོག་ཀྱང་འཕྲོག །འཆི་བདག་དགྲ་དང་འཐབ་མོའི་དུས་རན་ན། །རབ་ཏུ་བསྙེམས་པའི་མཐུ་རྩལ་ཉམས་པར་འགྱུར། །མཆོད་འདོད་གནོད་
[130a.4]བྱེད་འོང་བའི་གདོན་རྣམས་ཀྱང་། །རིག་སྔགས་གྲུབ་པ་རྣམས་ཀྱི་མཐུ་དག་དང་། །དཀའ་ཐུབ་བདེ་ལེགས་སྨན་གྱིས་ཞི་བར་ནུས། །འཆི་བདག་གདོན་ནི་བཟློག་པར་ཡོད་མི་ནུས། །མང་པོ་འདུས་པའི་ནང་དུ་སྒྱུ་མ་མཁན། །སྐྱེ་བོ་རྣམས་ཀྱི་མིག་ཀྱང་བསླུ་བར་ནུས། །གཤིན་རྗེ་འདི་ལ་མཚར་གྱི་མཐུ་ཅི་ཡོད། །དེ་
[130a.5]དག་གིས་ཀྱང་བསླུ་བར་ཡོང་མི་ནུས། །གསང་སྔགས་གྲུབ་པའི་དཀའ་ཐུབ་མཐུ་ཡིས་དུག་ཞི་ནུས། །སྨན་པ་མཆོག་གིས་མི་ཡི་ནད་ཀྱང་ཞི་བར་ནུས། །དྷན་ནན་ཏ་རི་ལ་སོགས་པ་ཡང་མེད་པར་གྱུར། །དེ་བས་ཆོས་ཕྱིར་བདག་བློ་བས་མཐར་མཆི་བར་མོས། །རིག་སྔགས་འཆང་རྣམས་
[130a.6]གསང་སྔགས་མཐུ་སྟོབས་སྣ་ཚོགས་ཀྱིས། །མངོན་དུ་བྱུང་ནས་བར་བར་སླར་ཡང་མི་སྣང་གྱུར། །བར་བར་མཁའ་ལ་འགྲོ་ཞིང་བར་བར་ས་འོག་ནུབ། །འཆི་བདག་བྱུང་ན་མཐུ་སྟོབས་རབ་ཏུ་ཉམས་པར་གྱུར། །ལྷ་དབང་དྲེགས་པ་རྣམས་ཀྱང་ལྷ་མིན་དམག་གིས་བཟློག །ལྷ་མིན་དྲེགས་པ་རྣམས་
[130a.7]ཀྱང་ལྷ་ཡི་དཔུང་གིས་བཟློག །ང་རྒྱལ་བསྡོ་བའི་བློ་ཅན་དམག་ཚོགས་ཆེན་པོའི་དཔུང་། །དེ་དག་ཀུན་བསྡོངས་པས་ཀྱང་འཆི་བདག་ཡོང་མི་ཐུབ། །གཤིན་རྗེ་དགྲ་བོའི་གླང་པོ་མི་བཟློག་པ། །འདི་འདྲ་རིག་ནས་ཁྱིམ་ན་བདག་མི་དགའ། །ཁྲོས་པའམ་བྱམས་པ་མ་མཆིས་ཕྱིར་མ་ལགས། །ཆོས་
[130b]
[130b.1]ཀྱི་དོན་དུ་བདག་ནི་ངེས་པར་མཆི། །རྒྱལ་པོས་སྨྲས་པ། འོ་ན་དེ་ལྟར་འཆི་བདག་གིས་འཇིགས་པ་བཅོས་སུ་མི་རུང་ན་ཆོས་ཡོངས་སུ་བཟུང་སྟེ་ནགས་ཚལ་དུ་སོང་ཡང་ཅི་ལ་ཕན། ཁྱོད་ཀྱི་ནགས་སུ་འཆི་བདག་གི་དགྲ་དེ་མི་འོང་ངམ་ཅི། དྲང་སྲོང་ཆོས་ལ་གནས་པ་འང་ནགས་སུ་མ་
[130b.2]ཤིའམ། །དེ་ལྟར་ཐམས་ཅད་ནའང་ཆོས་ཀྱི་རང་བཞིན་ན། །ཁྱིམ་དག་བོར་ཏེ་ནགས་སུ་སོང་ཡང་ཅི་ལ་ཕན། །བྱང་ཆུབ་སེམས་དཔས་སྨྲས་པ། ནགས་དང་ཁྱིམ་ན་འདུག་ཀྱང་འཆི་བདག་འོང་འགྱུར་ལ། །ཆོས་ལ་གནས་དང་ལོག་པར་སྤྱོད་ལ་མཚུངས་སྤྱོད་ཀྱང་། །ཆོས་ཀྱི་
[130b.3]བདག་ཉིད་ཅན་རྣམས་མྱ་ངན་གདུང་མི་འགྱུར། །ཆོས་ཀྱང་ནགས་ཚལ་དག་ན་བདེ་བར་བསྒྲུབ་ཏུ་མཆིས། །ལྷ་གཟིགས་སུ་གསོལ། བག་མེད་དྲེགས་དང་འདོད་ཆགས་དང་། །བརྐམ་དང་ཞེ་སྡང་གཞིར་གྱུར་ཁྱིམ། །དེ་ཡི་གཉེན་པོར་གྱུར་པའི་ཆོས། །སྤྱད་པའི་སྐབས་
[130b.4]ལྟ་ག་ལ་མཆིས། །ལས་རྣམས་ངན་པ་མང་པོས་རྣམ་པར་གཡེངས། །ཡོངས་སུ་བཟུང་དང་བསྒྲུབ་དང་བསྲུང་བས་བྲེལ། །སེམས་ནི་མ་ཞི་སྡུག་བསྔལ་འབྱུང་བའི་གནས། །ཁྱིམ་པས་ནམ་ཡང་ཞི་བའི་ལམ་མི་འགྲུབ། །ནགས་ན་བྱ་བ་ངན་པ་མང་པོ་བཏང་། །ཡོངས་སུ་བཟུང་
[130b.5]པའི་སྡུག་བསྔལ་སྤངས་ལ་གཙང་། །ཞི་བ་འབའ་ཞིག་བྱེད་ཅིང་ཡིད་ཀྱང་མགུ། །བདེ་དང་བསོད་ནམས་གྲགས་པའང་ཐོབ་པར་གྱུར། །མི་རྣམས་ཆོས་ཀྱིས་བསྲུངས་ཀྱི་ནོར་དང་དཔུང་གིས་མིན། །ཆོས་ཀྱིས་བདེ་བ་ཆེན་པོ་འཐོབ་ཀྱི་འབྱོར་བས་མིན། །ཆོས་ཀྱི་བདག་ཉིད་ཅན་ནི་ཤི་ན་
[130b.6]དགའ་བར་འགྱུར། །ཆོས་ལ་འབད་པས་ངན་འགྲོའི་འཇིགས་པ་མེད་པར་འགྱུར། །ལས་ཀྱི་ཁྱད་པར་དག་ཀྱང་ཇི་བཞིན་གནས། །དགེ་དང་སྡིག་པའི་མཚན་ཉིད་ཐ་དད་ལ། །རྣམ་པར་སྨིན་པ་མི་དགེ་ངན་འགྲོར་ལྷུང་། །བསོད་ནམས་བསགས་པ་བདེ་བའི་གནས་སུ་འགྲོ། །དེ་ལྟར་
[130b.7]བདག་ཉིད་ཆེན་པོ་དེས་ཕ་ལ་གསོལ་བ་བཏབ་ནས། ཕས་ཀྱང་གནང་སྟེ། རྒྱལ་སྲིད་ཀྱི་དཔལ་རྩྭ་དང་འདྲ་བར་བོར་ནས་དཀའ་ཐུབ་ཀྱི་ནགས་ཚལ་དུ་གནས་པར་གྱུར་ཏེ། དེ་ཡང་བསམ་གཏན་རྣམས་དང་། ཚད་མེད་པ་རྣམས་བསྒྲུབས་ནས། འཇིག་རྟེན་པ་རྣམས་ཀྱང་དེ་དག་ལ་བཀོད་
[131a]
[131a.1]དེ། ཚངས་པའི་འཇིག་རྟེན་དུ་སྐྱེས་པར་གྱུར་ཏོ། །དེ་ལྟ་བས་ན་ཡིད་སྐྱོ་བར་གྱུར་པ་རྣམས་ནི་རྒྱལ་སྲིད་ཀྱི་དཔལ་ཡང་ལེགས་པའི་ལམ་ལ་སྒྲིབ་པར་མི་འགྱུར་བའི་ཕྱིར་སེམས་སྐྱོ་བ་ལ་གོམས་པར་བྱའོ། །འཆི་བའི་འདུ་ཤེས་བསྐྱེད་ན་མྱུར་དུ་སེམས་སྐྱོ་བར་འགྱུར་
[131a.2]བའི་ཕྱིར། འཆི་བའི་འདུ་ཤེས་བསྐྱེད་པའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །འདུ་བྱེད་རྣམས་ནི་འདི་ལྟར་མི་རྟག་གོ་ཞེས་དེ་བཞིན་དུ་འཆི་བ་རྗེས་སུ་དྲན་པའི་ཡོན་ཏན་བསྔགས་པ་དང་མི་རྟག་པའི་གཏམ་བྱ་བ་ལ་ཡང་བརྗོད་པར་བྱའོ། །འདུས་བྱས་རྣམས་ནི་འདི་ལྟར་
[131a.3]དབུགས་མ་ཕྱིན་པའོ་ཞེས་འཇིག་རྟེན་པ་ཐམས་ཅད་ལ་མངོན་པར་མ་ཆགས་པའི་འདུ་ཤེས་བསྐྱེད་པ་དང་། དེ་བཞིན་དུ་འཇིག་རྟེན་འདི་དག་དཔུང་གཉེན་མེད་ཅིང་གྲོགས་བྱེད་པ་མེད་དོ་ཞེས་ཀྱང་བརྗོད་པར་བྱའོ། །དེ་བཞིན་དུ་ནགས་ཚལ་དགོན་པ་ན་ཆོས་བདེ་བར་བསྒྲུབ་ནུས་ཀྱི་ཁྱིམ་ན་དེ་ལྟར་མི་
[131a.4]ནུས་སོ་ཞེས་ཀྱང་སྦྱར་བར་བྱའོ། །ལྕགས་ཀྱི་ཁྱིམ་ལ་སྐྱོ་བ་སྐྱེས་པའི་རབས་ཏེ་སུམ་ཅུ་གཉིས་པའོ།། །།བཟོད་པར་བྱ་བ་ཡོད་ན། བཟོད་པ་ཡོད་པར་འགྱུར་གྱི་མེད་ན་མ་ཡིན་ནོ། །དེ་བས་ན་དགེ་བ་རྣམས་ནི་གནོད་པར་བྱེད་པ་ལ་ཡང་ཁེ་རྙེད་པ་དང་འདྲ་བར་དགའ་བར་འགྱུར་
[131a.5]རོ། །དེ་ཡང་འདི་ལྟར་བྱང་ཆུབ་སེམས་དཔའ་ནགས་ཚལ་དགོན་པ་ཞིག་ན། མ་ཧེ་རྒོད་ཀྱི་ཁྱུ་མཆོག་ལུས་འདམ་རྫབ་ཀྱིས་བསྐུས་པས་རྩུབ་པར་གྱུར་པ། སྤྲིན་གྱི་ཕུང་པོ་ལོགས་ཤིག་ཏུ་ཆད་པ་རྐང་གིས་འགྲོ་ཤེས་པ་འདྲ་བ་ཞིག་ཏུ་གྱུར་ཏོ་ཞེས་གྲགས་སོ། །དེ་དུད་འགྲོའི་སྐྱེ་གནས་
[131a.6]ན་ཆོས་ཀྱི་འདུ་ཤེས་དཀོན་པས་གཏི་མུག་ཆེ་བའི་གནས་སུ་སྐྱེས་ཀྱང་། རྣམ་པར་ཤེས་པ་གསལ་བས་ཆོས་སྤྱོད་པ་ལ་སེམས་མི་བརྩོན་པར་མ་གྱུར་ཏོ། །དེ་ལ་སྙིང་རྗེ་ཡུན་རིང་འདྲིས་པ་བཞིན། །དེས་ནི་སྙིང་རྗེ་རྣམས་ཀྱང་ཡོངས་མ་བཏང་། །ལས་ཀྱི་དབང་གིས་དེ་ལྟར་དེ་གྱུར་
[131a.7]ཏམ། །དེ་ཉིད་མཐུ་ཡིས་དེ་ཉིད་དེ་ལྟར་གྱུར། །དེ་བས་ན་བཅོམ་ལྡན་འདས་ཀྱིས་འདི་སྐད་དུ། ལས་ཀྱི་རྣམ་པར་སྨིན་པ་བསམ་མི་ཁྱབ། །སྙིང་རྗེའི་བདག་ཉིད་ཅན་ཡང་དུད་འགྲོར་སྐྱེ། །དེ་ནའང་ཆོས་ཀྱི་འདུ་ཤེས་སྐྱེ་བར་འགྱུར། །ལས་མེད་ན་ནི་སྐྱེ་བའི་མཚམས་མི་
[131b]
[131b.1]སྦྱོར། །དགེ་བའི་རྣམ་པར་སྨིན་པ་མི་བདེན་མེད། །ཆོས་ཀྱི་འདུ་ཤེས་ཡོད་ཀྱང་ལས་ཀྱི་བག་ཆགས་ཀྱིས། །དེ་དང་དེ་བརྟེན་དེ་ལྟ་དེ་ལྟར་འགྱུར། །དེ་ནས་སྤྲེའུ་མི་སྲུན་པ་ཞིག་གིས། དེའི་རང་བཞིན་དེས་ཤིང་སྙིང་རྗེ་ཆེ་བས་ཁྲོ་ཤིང་འཁྲུགས་པ་མེད་པར་ཡུན་རིང་
[131b.2]པོ་ནས་མངོན་པར་གསལ་བར་ཤེས་ཏེ་དེ་ལ་འཇིགས་པ་མེད་དོ་སྙམ་ནས། སེམས་དཔའ་ཆེན་པོ་དེ་ལ་འཚེ་བའི་རྣམ་པ་དེ་དང་དེ་དག་གིས་རབ་ཏུ་གནོད་པ་བྱེད་པར་གྱུར་ཏོ། །སྙིང་རྗེ་ཆེ་ཞིང་འཇམ་པ་ལ། །སྐྱེ་བོ་མི་སྲུན་བསྙེམས་ཤིང་དྲེགས། །དེ་ལ་འཇིགས་པ་མེད་མཐོང་
[131b.3]ནས། །རབ་ཏུ་རྣམ་པར་འགྱུར་བར་བྱེད། །གང་ཞིག་ཅུང་ཟད་འཇིགས་གྱུར་ན། །རབ་ཏུ་དུལ་བ་ལྟར་བྱས་ཏེ། །བསྙེམས་པ་བོར་ནས་དེ་ལ་ནི། །དམན་པའི་ཚུལ་གྱིས་སྤྱོད་པར་འགྱུར། སེམས་དཔའ་ཆེན་པོ་དེ་རེ་ཞིག་ཅིག་གཉིད་ཀྱིས་ལོག་ནས་བག་ཕབ་སྟེ་ཉལ་ཞིང་འདུག་པ་
[131b.4]ལ། སྤྲེའུ་དེ་དྲག་ཏུ་མགུལ་ནས་གློ་བུར་དུ་སྟེང་དུ་མཆོངས་ཏེ་འོངས་སོ། །བར་བར་ནི་དེ་ལ་ཞོན་ནས་རབ་ཏུ་བརྒྱུག་གོ། །བར་བར་ནི་བཀྲེས་ཏེ་ཟས་བཙལ་དུ་འགྲོ་བའི་ལམ་བཀག་སྟེ་འདུག་གོ། །བར་བར་ནི་ཤིང་གིས་ཀྱང་དེའི་རྣ་བ་གཉིས་དཀྲུགས་སོ། །བར་བར་ནི་དེ་ཆུ་ནང་དུ་རྐྱལ་དུ་
[131b.5]འགྲོ་བ་ལ་མགོའི་སྟེང་དུ་ཞོན་ཏེ་ལག་པ་གཉིས་ཀྱིས་དེའི་མིག་གཉིས་བཀབ་པོ། །བར་བར་ནི་དེ་ལ་ཞོན་ཏེ་དབྱུག་པ་ཕྱར་ནས་བརྒྱུགས་པས་གཤིན་རྗེའི་ཚུལ་དུ་འཆོས་སོ། འོན་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་དེས་མ་རུངས་པའི་ཀྱལ་ཀ་བྱས་པ་དེ་དག་ཐམས་ཅད་ལ་
[131b.6]འཁྲུག་པ་དང་ཁྲོ་བ་དང་མི་དགའ་བ་མེད་པར་ཕན་བཏགས་པ་བཞིན་དུ་བཟོད་པར་གྱུར་ཏོ། །སྡིག་ཅན་རྣམས་ནི་རང་བཞིན་གྱིས། །འདུལ་དང་འགལ་བའི་ལམ་ལ་བརྟེན། །དམ་པ་རྣམས་ནི་གོམས་པའི་ཕྱིར། །དེ་ལའང་ཕན་བཏགས་བཞིན་དུ་བཟོད། །དེ་ནས་གནོད་སྦྱིན་ཞིག་
[131b.7]གིས་དེས་གཙེས་པ་དེ་མ་བཟོད་པ་དང་། སེམས་དཔའ་ཆེན་པོ་དེའི་བསམ་པ་བརྟག་པའི་ཕྱིར། མ་ཧེ་ཁྱུ་མཆོག་དེ་སྤྲེའུ་མི་སྲུན་པ་དེས་ཞོན་ཏེ་འོང་བའི་ལམ་དུ་བསྒུགས་ནས་སྨྲས་པ། ཀྱེ་ཁྱོད་ཅུང་ཞིག་ཅིག་སྡོད་ཅིག །ཁྱོད་སྤྲེའུ་མི་སྲུན་པ་འདིས་ཉོས་སམ་ཅི། །འོན་ཏེ་རྒྱན་
[132a]
[132a.1]པོས་ཕམ་མམ། འོན་ཏེ་འཇིགས་པ་ཅུང་ཟད་ཅིག་ཡོད་དམ། དེ་སྟེ་བདག་ལ་མཐུ་མེད་པར་ཤེས་སམ། ཅི་སྟེ་འདི་དེ་ལྟར་བརྙས་ཤིང་ཞོན། །ཀྱེ་མའོ། །ཁྱོད་ཀྱི་རྭ་ཡི་རྩེ་མོ་རྡོ་རྗེའི་ཤུགས་ཀྱིས་ཀྱང་། །རྡོ་རྗེ་འམ་རི་ཡང་རྡོ་རྗེ་བཞིན་དུ་འཇོམས། །
[132a.2]ཁྱོད་ཀྱི་རྐང་ལག་ཁྲོས་ཏེ་འཕྲད་ན་ནི། །བྲག་གི་རྩེ་མོ་འདམ་དུ་བྱིང་བ་བཞིན། །ཁྱོད་ཀྱི་ལུས་འདི་བྲག་བཞིན་མཁྲེགས་ལ་བརྟན། །མཐུ་སྟོབས་ཕུན་སུམ་ཚོགས་པས་ཀུན་ཏུ་མཛེས། །རང་བཞིན་གཟི་ཆེ་ལྟ་བས་བརྗིད་པ་ནི། །སེང་གེ་དག་ཀྱང་རབ་ཏུ་སྤ་བཀོང་འགྱུར། །དེ་བས་
[132a.3]འདི་ནི་རྨིག་པས་རྒྱོབ་ལ་ཆོམ། །ཡང་ན་རྭ་རྩིས་འདི་ཡི་དྲེགས་པ་སོལ། །མཐུ་མེད་འདྲ་བ་སྤྲེལ་ངན་སྡིག་ཅན་འདིས། །རབ་ཏུ་གཙེས་པའི་སྡུག་བསྔལ་བཟོད་པར་བྱེད། །ཡོན་ཏན་ཚུལ་སྤྱོད་བདེ་ཞིང་བསིལ་བ་ཡིས། །སྐྱེ་བོ་ངན་པ་བཅོས་སུ་ག་ལ་རུང་། །ཚ་ཞིང་དྲོད་ཆེ་
[132a.4]རྩུབ་པས་བསྒྲུབ་པ་ཡི། །བད་ཀན་ནད་བཞིན་རབ་ཏུ་འཕེལ་བར་འགྱུར། །དེ་ནས་བྱང་ཆུབ་སེམས་དཔས་གནོད་སྦྱིན་དེ་ལ་བལྟས་ཏེ། བཟོད་པའི་ཕྱོགས་བཟུང་ནས་ཚིག་འཇམ་པོས་སྨྲས་པ། འདི་ནི་མཐུ་སྟོབས་ཆུང་བ་དང་། །རྟག་ཏུ་མ་དྲང་སྤྱོད་པའང་ཤེས། །དེ་བས་འདི་
[132a.5]ལ་བདག་གིས་ནི། །བཟོད་པར་བྱ་བ་མི་རིགས་སམ། །མཐུ་ཆེན་བཅོས་སུ་མི་རུང་ལ། །བཟོད་པ་ཅི་ཞིག་བྱར་ཡང་ཡོད། །དགེ་བ་དུལ་བའི་ཚུལ་སྤྱོད་ལ། །བཟོད་པར་བྱ་བ་འང་ཅི་ཞིག་ཡོད། །མཐུ་ཆུང་འཁྲུལ་པ་དག་ལ་ནི། །མཐུ་ཡོད་བཞིན་དུ་བཟོད་ན་རུང་། །དེ་ཕྱིར་ཡོན་
[132a.6]ཏན་ཉམས་པ་བས། །རབ་ཏུ་བརྙས་པར་གྱུར་ཀྱང་རུང་། །མཐུ་སྟོབས་ཆུང་བས་བརྙས་ཐབས་བྱས་པ་ལ། །དང་དུ་ལེན་པ་ཡོན་ཏན་རྣམས་ཀྱི་མཆོག །ཡོན་ཏན་དགའ་བས་ཁྱད་དུ་དེ་བསད་ནས། །རང་གི་བསྟན་པ་ཉམས་ཕྱིར་ཅི་ཕྱིར་བརྒལ། །བཟོད་པ་རྟག་ཏུ་བདེ་བར་འགྱུར་བ་
[132a.7]ཡི། །དུས་ནི་རབ་ཏུ་རྙེད་པར་དཀའ་བ་ལ། །གཞན་གྱི་དེ་ལྟ་བུ་དག་བྱས་གྱུར་ན། །དེ་ལ་འཁྲུལ་པར་གྱུར་པ་སུ་ཞིག་ཡོད། །གང་ཞིག་རང་གི་ཆོས་ཉམས་མི་སེམས་པར། །བདག་གི་སྡིག་སྤྱད་ཕྱིར་ནི་ཞུགས་འདྲ་ལ། །འདི་ལའང་བདག་ནི་བཟོད་པར་མི་བྱེད་ན། །དེ་ལས་གཞན་པ་
[132b]
[132b.1]དྲིན་མེད་ཅི་འདྲ་ཞིག །གནོད་སྦྱིན་གྱིས་སྨྲས་པ། དེ་བས་ན་ཁྱོད་ནི་འདིས་གནོད་པར་བྱས་པ་ལས་ནམས་ཀྱང་ཐར་བར་མི་འགྱུར་རོ། །ཡོན་ཏན་རྣམས་ལ་མི་དགའ་ཞིང་། །མི་སྲུན་པ་ནི་མ་བཏུལ་བ། །བཟོད་པ་བསྒོམ་པ་མ་བཏང་ན། །སྤ་བཀོང་ནུས་པ་སུ་ཞིག་ཡོད། །བྱང་ཆུབ་
[132b.2]སེམས་དཔས་སྨྲས་པ། གཞན་ལ་གནོད་པ་བྱས་པའི་བདེ་བ་འམ། །སྡུག་བསྔལ་འབྱུང་བ་དགག་པར་འདོད་པ་དེས། །རྣམ་པར་སྨིན་པ་བདེ་བ་མི་འགྲུབ་པས། །བདེ་བ་འདོད་པས་དེ་ནི་བསྒྲུབ་མི་ནུས། །དེ་བས་བདག་གི་བཟོད་ལ་གནས་ན་ནི། །ཐབས་ཀྱིས་བསྒོ་ཡང་གལ་ཏེ་
[132b.3]མ་གོ་ན། །བཟོད་པ་ཆུང་བ་གཞན་དག་ཡོད་པས་ན། །དེ་དག་འདི་ནི་ལོག་པའི་ལམ་ལས་བཟློག །སྐྱེ་བོ་དེ་ལྟ་བུ་ཡིས་བརྙས་བྱས་ན། །བདག་ཏུ་ལྟ་བའང་དེ་ལྟར་དེ་མི་བྱེད། །ཉེས་དམིགས་མཐོང་ན་དེ་ལྟར་ཕྱིས་མ་བྱེད། །འོན་ཀྱང་བདག་ཉིད་དེ་ལས་ཐར་བར་འགྱུར། །
[132b.4]དེ་ནས་གནོད་སྦྱིན་དེ་སེམས་རབ་ཏུ་དགའ་ཞིང་ཡ་མཚན་ཆེ་བར་གྱུར་ཏེ། རབ་ཏུ་མགུ་ནས་སེམས་དཔའ་ཆེན་པོ་དེ་ལ་མགོ་བོས་བཏུད་དེ་སེ་གོལ་བརྡབ་ནས་ལེགས་སོ་ལེགས་སོ་ཞེས་སྨྲས་ཏེ། མགུ་བར་བྱས་ནས་ཚིག་སྙན་པ་དེ་དང་དེ་དག་སྨྲས་སོ། །དུད་འགྲོ་རྣམས་ལ་ཆོས་འདི་
[132b.5]ག་ལ་ཡོད། །ཡོན་ཏན་དགའ་བ་འདི་འདྲ་ག་ལ་ཡོད། །མཚར་གྱིས་བསམས་པ་འདི་འདྲའི་ལུས་སུ་གནས། །དཀའ་ཐུབ་ནགས་ན་ཁྱོད་ནི་དཀའ་བ་སྤྱོད། །ཅེས་དེ་ལྟར་དེ་ལ་མངོན་པར་བསྟོད་ནས། སྤྲེའུ་རྨི་སྲུན་པ་ཡང་དེའི་རྒྱབ་ནས་ཕབ་སྟེ། དེ་བསྲུང་བ་ཡང་
[132b.6]བསྐོས་ནས་དེ་ཉིད་དུ་མི་སྣང་བར་གྱུར་ཏོ། །དེ་ལྟ་བས་ན་བཟོད་པ་བྱ་བ་ཡོད་ན། བཟོད་པ་ཡོད་པར་འགྱུར་གྱི་མེད་ན་མ་ཡིན་པའི་ཕྱིར། དགེ་བ་རྣམས་ནི་གནོད་པ་བྱེད་པ་ལ་ཡང་ཁེ་རྙེད་པ་དང་འདྲ་བར་དགའ་བར་འགྱུར་རོ། །ཞེས་བཟོད་པའི་གཏམ་བྱ་བ་ལ་ཡང་བརྗོད་པར་བྱའོ། །
[132b.7]དུད་འགྲོར་གྱུར་པ་རྣམས་ལ་ཡང་དེ་ལྟར་སོ་སོར་བརྟགས་པའི་མཐུ་ཡོད་ན་མིར་གྱུར་པ་འམ། རབ་ཏུ་བྱུང་བ་ཁས་འཆེས་པ་ལ་བཟོད་པ་དེ་དག་དང་མི་ལྡན་ན་མཛེས་པར་ག་ལ་འགྱུར། །ཞེས་དེ་སྐད་ཀྱང་བརྗོད་པར་བྱའོ། །དེ་བཞིན་གཤེགས་པའི་ཡོན་ཏན་བསྔགས་པ་
[133a]
[133a.1]དང་། རིམ་གྲོ་བསྐྱེད་དེ་ཆོས་ཉན་པ་ལ་འང་བརྗོད་པར་བྱའོ། །མ་ཧེར་སྐྱེས་པའི་རབས་ཏེ་སུམ་ཅུ་གསུམ་པའོ།། །།རང་བཞིན་གྱིས་དགེ་བ་དག་ནི་བསྐུལ་མ་བཏབ་ཀྱང་མ་གོམས་པའི་ཕྱིར་སྡིག་པ་མི་སྤྱོད་དོ། །དེ་ཡང་འདི་
[133a.2]ལྟར་བྱང་ཆུབ་སེམས་དཔའ་ནགས་ཚལ་ཞིག་ན། བྱ་ཤིང་རྟ་མོ་འདབ་གཤོག་ཁ་དོག་སྡུག་གུ་རྣམ་པ་སྣ་ཚོགས་དང་ལྡན་པ་ཞིག་ཏུ་གྱུར་ཅིང་གནས་སོ། །ཞེས་གྲགས་སོ། །སྙིང་རྗེ་ལ་གོམས་པས་དེ་ལྟ་བུའི་གནས་དེ་ན་ཡང་བྱ་ཤིང་རྟ་མོའི་འཚོ་བ་སྲོག་ཆགས་གསོད་པའི་སྐྱོན་ཅན་
[133a.3]མི་བྱེད་དོ། །ལྗོན་ཤིང་ལྡུམ་བུས་མྱུ་གུ་རབ་ཏུ་གསལ། །མེ་ཏོག་བསུང་ཞིམ་ཁུ་བས་བསྒོས་པ་དང་། །རོ་དང་དྲི་བསུང་ཁ་དོག་སྣ་ཚོགས་པའི། །ཤིང་ཐོག་རྣམས་ཀྱིས་འཚོ་བ་ཆོག་པར་འཛིན། །ཇི་ལྟར་རིགས་པར་གཞན་ལ་ཆོས་ཀྱང་འཆད། །ཕོངས་པ་རྣམས་ལ་ཅི་ནུས་
[133a.4]ཕན་ཡང་འདོགས། །ངན་པ་རྣམས་ཀྱང་མི་རིགས་པ་ལས་བཟློག །གཞན་གྱི་དོན་སྤྱད་རབ་ཏུ་གསལ་བར་སྟོན། །སེམས་དཔའ་ཆེན་པོ་དེས་ནགས་ཚལ་དེ་ན་འཁོད་པའི་སེམས་ཅན་མང་པོ་རྣམས་ཡོངས་སུ་བསྐྱངས་པས། དེ་དག་སློབ་དཔོན་དང་བཅས་པ་
[133a.5]བཞིན། བཤེས་གཉེན་དང་བཅས་པ་བཞིན། སྨན་པ་དང་བཅས་པ་བཞིན། རྒྱལ་པོ་མཉེས་གཤིན་པས་བསྐྱང་བ་བཞིན་དུ་བདེ་བར་བྱའོ། །དེ་ནས་རེ་ཞིག་ཅིག་སེམས་དཔའ་ཆེན་པོ་དེ་སེམས་ཅན་ལ་སྙིང་བརྩེ་བའི་ཕྱིར་ནགས་ཚལ་གྱི་ནང་ནས་རྒྱུ་ཞིང་སོང་སོང་བ་
[133a.6]ལས། ནགས་ཚལ་གྱི་ཕྱོགས་ཤིག་ན་སེང་གེ་ཞིག་ནད་དྲག་པོས་བཏབ་སྟེ། མདའ་དུག་ཅན་གྱིས་ཕོག་པ་བཞིན་དུ། འགྲེ་ལྡོག་བྱེད་ཅིང་རོལ་པ་རྣམས་ནི་རྡུལ་གྱིས་གོས་དྲི་མ་ཅན་དུ་གྱུར་ལ་འཛིངས་པ་ཞིག་མཐོང་བ་དང་། སྙིང་རྗེས་བསྐུལ་ནས་དེའི་དྲུང་དུ་སོང་
[133a.7]སྟེ་དྲིས་པ། རི་དྭགས་ཀྱི་རྒྱལ་པོ་ཁྱོད་ཀྱི་ལུས་རབ་ཏུ་མི་བདེ་བ་འདྲ་ན་འདི་ཅི་ཉེས། གླང་པོ་དག་ལ་དྲེགས་པས་བརྒལ་དྲགས་སམ། །རབ་ཏུ་མགྱོགས་པས་རི་དྭགས་བསྙགས་དྲགས་སམ། །མཆོངས་པ་དྲགས་པས་འདི་ལྟར་ཁྱོད་སྨད་དམ། །རྔན་པ་དག་གིས་
[133b]
[133b.1]མདའ་འཕངས་སྣད་གྱུར་ཏམ། །བསྟན་དུ་རུང་ན་ཁྱོད་ཀྱིས་འདི་སྨྲོས་ཤིག །འདི་ལ་ཅི་ལྟར་བྱས་ན་རུང་བའང་སྨྲོས། །བདག་གིས་གྲོགས་བྱར་རུང་བའི་མཐུ་ཡོད་ན། །བདེ་བར་དེ་བསྒྲུབ་ཁྱོད་ཀྱང་སོས་པར་བྱ། །སེང་གེས་སྨྲས་པ། བྱའི་ནང་ནས་མཆོག་ཏུ་གྱུར་པ་ཁྱོད་ལེགས་
[133b.2]སོ་ལེགས་སོ། །བདག་འདི་ལྟར་མི་བདེ་བར་གྱུར་པ་འདི་ནི། རྩལ་དྲག་པོ་ལས་གྱུར་པའང་མ་ལགས། རྔོན་པའི་མདའ་ཕོག་སྟེ་སྣད་པ་ཡང་མ་ལགས་ཏེ། རུས་པའི་ཚལ་པ་འདི་འདྲ་བ་ཞིག་གྲེ་བར་ཟུག་སྟེ། ནང་དུ་མིད་དུ་ཡང་མ་རུང་། ཕྱིར་དབྱུང་དུ་ཡང་མ་རུང་སྟེ།
[133b.3]ཟུག་རྔུས་ཟུག་པ་བཞིན་དུ་བདག་རབ་ཏུ་སྡུག་བསྔལ་ཞིང་མཆིས་ན། དེ་བས་ནད་འདི་ཇི་ལྟར་བགྱི་བ་གྲོགས་པོ་དག་གིས་བགྱི་བའི་དུས་ལ་བབ་ཀྱིས་ཇི་ལྟར་མཁྱེན་པར་བདག་བདེ་བར་མཛད་དུ་གསོལ། དེ་ནས་བྱང་ཆུབ་སེམས་དཔའ་སེམས་རྣོ་བས་ཟུག་རྔུ་དབྱུང་བའི་ཐབས་བསམས་
[133b.4]ཏེ། དེའི་ཁ་གདངས་སུ་རུང་བའི་ཤིང་ཞིག་བླངས་ནས་སེང་གེ་དེ་ལ་ཁྱོད་ཀྱིས་ཅི་ནུས་སུ་ཁ་ལེགས་པར་གདངས་ཤིག་ཅེས་སྨྲས་པ་དང་། དེས་ཀྱང་དེ་བཞིན་དུ་བྱས་སོ། །དེ་ནས་བྱང་ཆུབ་སེམས་དཔས་ཤིང་དེ་དེའི་སོ་བར་དུ་ལེགས་པར་བཅུག་ནས། དེའི་གྲེ་བར་ཞུགས་ཏེ་
[133b.5]རུས་པའི་ཚལ་པ་བསེགས་ཁར་ཟུག་པ་དེའི་རྩེ་མོ་གཅིག་ནས་མཆུས་བསྒུལ་ཏེ་ལྷོད་པར་བྱས་ནས་རྩེ་མོ་གཅིག་ནས་བཟུང་སྟེ་ཕྱུང་ནས་ཕྱིར་དབྱུང་བའི་ཚེ་ཡང་དེའི་ཁ་བཀག་པའི་ཤིང་དེ་ཕྱུང་སྟེ་བོར་རོ། །ཤེས་རབ་རྣོན་པོ་ཚེ་རབས་བརྒྱར་གོམས་པས། །མ་བསྒོམས་པར་ཡང་ཇི་ལྟར་དེར་
[133b.6]ཕྱུང་བ། །རབ་ཏུ་གོམས་ཤིང་མཁས་པའི་སྨན་པས་ཀྱང་། །རབ་ཏུ་བསྒྲིམས་ཀྱང་ཟུག་རྔུ་དེ་མི་འབྱིན། །ཟུག་རྔུ་ཕྱུང་ནས་དེ་མ་ཐག་ཏུ་ནི། །དེ་ཡི་སྡུག་བསྔལ་མྱ་ངན་མེད་པར་བྱས། །ཟུག་རྔུ་ཕྱུང་ནས་ཇི་ལྟར་དེ་དགའ་བ། །ཟུག་རྔུ་ཕྱུང་བས་དེ་ལྟར་དེ་དགར་གྱུར། །སྐྱེ་
[133b.7]བོ་དམ་པ་རྣམས་ཀྱི་ཆོས་ཉིད་ནི་དེ་ལྟ་བུ་ཡིན་ཏེ། སྐྱེ་བོ་དམ་པ་གཞན་གྱིས་དེ་བསྒྲུབས་སམ། །སྡུག་བསྔལ་བཟློག་ནའང་དེ་དང་མཚུངས་པར་ནི། །བདེ་དང་སྡུག་བསྔལ་རབ་ཏུ་མྱོང་བར་འགྱུར། །རང་གི་བདེ་བ་འགྲུབ་ཀྱང་དེ་ལྟར་མིན། །སེམས་དཔའ་ཆེན་པོ་དེས་དེ་ལྟར་དེའི་སྡུག་བསྔལ་
[134a]
[134a.1]དེ་ཞི་བར་བྱས་ནས་སེམས་རབ་ཏུ་དགའ་བར་གྱུར་ཏེ། སེང་གེ་དེ་ལ་གར་འགྲོ་བར་བརྡ་སྤྲད་ནས། དེས་ཀྱང་དགའ་བར་བྱས་ཏེ་གར་དགའ་བར་སོང་ངོ་། །དེ་ནས་རེ་ཞིག་ཅིག་བྱ་ཤིང་རྟ་མོ་དེ་འདབ་གཤོག་སྡུག་གུ་རབ་ཏུ་ཕྱར་ནས་འཕུར་ཏེ་འཁྱམས་ཤིང་སོང་སོང་
[134a.2]བ་ལས། ཁ་ཟས་བཟར་རུང་བ་དེ་ལྟ་བུ་མ་རྙེད་དེ། །བྲུ་བ་ཚ་བས་གདུངས་པ་དང་། སེང་གེ་དེ་ཡང་རི་དྭགས་གཞོན་ནུ་སོང་མ་ཐག་པའི་ཤ་ནི་ཟ། ཁ་དང་སྡེར་མོ་དང་རལ་པའི་རྩེ་མོ་རྣམས་ནི་དེའི་ཁྲག་གིས་སྦགས་པ་སྟོན་ཀའི་སྤྲིན་གྱི་དུམ་བུ་མཚམས་ཀྱི་དུས་ལ་བབ་པའི་མདོག་འདྲ་བར་འདུག་པ་
[134a.3]མཐོང་ངོ་། །དེ་ཡིས་ཕན་པ་བྱས་ནས་དེ་ལ་ནི། །སློང་བའི་ཚིག་འབྲུ་ངན་པ་བརྗོད་མ་ནུས། །འཇིགས་མེད་ཡིན་ཡང་དེ་ཡི་ངོ་ཚ་ནི། །དེ་ཚེ་མི་སྨྲའི་བརྟུལ་ཞུགས་ལེན་དུ་འཇུག །འོན་ཀྱང་དགོས་པའི་དབང་གིས་ངོ་ཚ་བཏང་། །དེ་ཡི་མིག་སྔར་བབ་པར་ཉེ་བར་འོངས། །བདག་ཉིད་ངན་པ་
[134a.4]དེས་ནི་དེ་མཐོང་ཡང་། །མགྲོན་བྱའི་ཚིག་ཀྱང་དེ་ལ་ཡོང་མ་བརྗོད། །རྡོ་ལེབ་སྟེང་དུ་ས་བོན་བཏབ་པ་བཞིན། །མེ་མེད་ཐལ་བ་དག་ལ་བསྲེགས་པ་བཞིན། །འབྲས་བུ་སྨིན་པའི་དུས་ན་བྱེ་བྲག་མེད། །ཕན་བཏགས་དྲིན་མེད་བེནྡུའི་མེ་ཏོག་བཞིན། །དེ་ནས་བྱང་ཆུབ་སེམས་དཔས་བསམས་པ།
[134a.5]འདིས་ནི་བདག་གོར་མ་ཆག་པར་ངོ་མ་ཤེས་སོ་སྙམ་ནས། དོགས་ཤིང་འཛེམ་པ་མེད་པར་དེའི་དྲུང་དུ་མགྲོན་གསར་དུ་འོངས་པའི་ཚུལ་གྱིས་ཤིས་པ་བརྗོད་དེ་སློང་མོ་བཏབ་བོ། །རི་དྭགས་རྒྱལ་པོ་བདུད་རྩིར་གྱུར། །མཐུ་རྩལ་ཆེན་པོས་རྙེད་པ་ལས། །ཕོངས་པས་བཙལ་བ་ཅུང་ཟད་འཚལ། །
[134a.6]ཁྱོད་ཀྱི་བསོད་ནམས་གྲགས་པ་འགྲུབ། །དེ་ལྟར་ཤིས་པ་བརྗོད་པ་དང་ཚིག་འཇམ་པོས་བསླངས་ཀྱང་སེང་གེ་དེ་ཁྲོ་བ་དང་སེར་སྣ་ལ་གོམས་པས་ཡ་རབས་ཀྱི་ཚུལ་ནི་མེད། མིག་གཉིས་ཁྲོ་བའི་མེ་འབར་བས་སེར་པོར་གྱུར་པ་བཟློག་ནས་བསྲེགས་པ་བཞིན་དུ། བྱང་ཆུབ་སེམས་དཔའ་ལ་
[134a.7]བལྟས་ཏེ་སྨྲས་པ། ཀྭ་ཡེ་ཁྱོད་ཅུང་ཞིག་སྡོད་ཅིག །སྙིང་རྗེའི་བརླན་བག་གང་མེད་པ། །རི་དྭགས་རྣམ་པར་གཡོ་བ་ཟ། །ང་ཡི་ཁ་ནི་དེར་སོང་ནས། །གསོན་པ་དེ་ནི་གནད་ཆེ་མོད། །འོན་ཀྱང་ང་ལ་བརྙས་ཐབས་སུ། །དེ་ལྟར་སློང་མོ་འདེབས་པ་ནི། །སྲོག་གིས་སྐྱོ་བར་ཁྱོད་གྱུར་ཏམ། །
[134b]
[134b.1]འཇིག་རྟེན་ཕ་རོལ་ལྟ་བར་འདོད། །དེ་ནས་བྱང་ཆུབ་སེམས་དཔའ་དེ་དེའི་ཚིག་རྩུབ་མོས་སླར་བཟློག་པ་དེ་ངོ་ཚ་བར་གྱུར་ཏེ། དེ་ཉིད་ནས་ནམ་མཁའ་ལ་འཕུར་ཏེ་འདབ་མ་བརྡབས་པའི་གཤོག་སྒྲས་ངེད་ཅག་ནི་བྱ་ཡིན་པས་ཅི་བྱར་ཡང་མེད་དོ་ཞེས་ཚུལ་གྱིས་བསྟན་ནས་ལངས་ཏེ་སོང་ངོ་། །དེ་ནས་ནགས་
[134b.2]ཚལ་གྱི་ལྷ་ཞིག་དེས་དེ་ལ་བརྙས་ཐབས་བྱས་བ་དེ་མ་བཟོད་པ་དང་། ཅི་ཙམ་དུ་སྤྲོ་རིང་བ་བརྟག་པའི་ཕྱིར། སེམས་དཔའ་དེའི་དྲུང་དུ་འོངས་ཏེ་སྨྲས་པ། ཀྱེ་བྱ་རྣམས་ཀྱི་མཆོག་བདག་ཉིད་ངན་པ་འདི་ལ་ཕན་བཏགས་པའི་སྟེང་དུ། བདག་ལ་ཡང་མཐུ་ཡོད་བཞིན་དུ་འདི་ལྟར་བརྙས་ཐབས་བྱས་
[134b.3]པ་ཅིའི་ཕྱིར་བཟོད་པར་བྱེད། ཁྲེལ་མེད་དེ་ལ་དེ་ལྟར་བཟོད་པ་བྱས་ཀྱང་ཅི་ཕན། ཁྱོད་ཀྱི་མཆུ་ཡིས་འདི་ཡི་མིག་ཀྱང་དབྱུང་བར་ནུས། །རྣམ་པར་གཡོ་ཞིང་སྟོབས་དང་ལྡན་ཡང་གཞོམ་པར་ནུས། །མཆེ་བའི་བར་ན་འདུག་པའི་ཤ་ཡང་འཕྲོག་ནུས་ན། །ཅི་ཕྱིར་འདི་ཡི་སྟོབས་
[134b.4]བསྙེམས་དྲེགས་པ་བཟོད་པར་བྱེད། དེ་ནས་བྱང་ཆུབ་སེམས་དཔའ་དེ་ལྟར་བརྙས་པར་བྱས་པའི་ཕྱིར། ལྷ་དེས་གཅུགས་བྱས་ཏེ་རབ་ཏུ་བསྐུལ་ཡང་། བདག་ཉིད་ཀྱི་རང་བཞིན་བཟང་པོ་བསྟན་པའི་ཕྱིར་སྨྲས་པ། བདག་ཅག་ལྟ་བུའི་ཚུལ་དེ་ལྟ་བུ་མ་ཡིན་གྱིས། དེ་སྐད་ཅེས་
[134b.5]མ་ཟེར་ཅིག །ཕོངས་པ་དག་ལ་དགེ་བ་རྣམས། །སྙིང་རྗེས་སྤྱོད་ཀྱི་ཁེ་ཕྱིར་མིན། །གཞན་གྱིས་ཤེས་སམ་མ་ཤེས་ན། །དེ་ལས་འཁྲུལ་པ་སུ་ཞིག་བྱེད། །གཞན་གྱིས་ཕན་བཏགས་དྲིན་མེད་ན། །ཁོ་བདག་རབ་ཏུ་བསླུས་པར་ཟད། །ཕན་པ་བྱས་པའི་ལན་འདོད་ཕྱིར། །སུ་
[134b.6]ཞིག་དེ་ལ་ཕན་འདོགས་ཡོད། །ཕན་འདོགས་པ་ནི་བསོད་ནམས་ཐོབ། །ཕྱི་མའི་ཚེ་ནའང་འབྲས་བུ་ཡོད། །ཚེ་འདི་ལ་ཡང་གྲགས་དང་དཔལ། །གདོན་མི་ཟ་བ་ཐོབ་པར་འགྱུར། །དེ་ལྟར་བསོད་ནམས་བྱས་པ་ལ། །འཁོན་དུ་འཛིན་པ་སུ་ཞིག་ཡོད། །དེ་སྟེ་ཕན་བཏགས་ལན་འདོད་ནའང་། །བུ་ལོན་
[134b.7]ཆགས་བྱས་ཕན་མ་བཏགས། །བདག་གིས་ཕན་བཏགས་ཕ་རོལ་དྲིན་མེད་ཅེས། །གང་ཞིག་དེ་ལ་གནོད་པ་བྱེད་ན་ནི། །ཡོན་ཏན་གྲགས་དང་བཅས་པས་ལུས་བཀྲུས་ནས། །གླང་ཆེན་ཚུལ་དུ་སྤྱད་པར་མི་འགྱུར་རམ། །ཕ་རོལ་ཕོངས་ལ་ཕན་བཏགས་དྲིན་དུ་མི་གཟོ་བ། །ཡོན་ཏན་བྱིན་ཅན་དཔལ་དང་ལྡན་
[135a]
[135a.1]པར་མི་འགྱུར་མོད། །སེམས་དང་ལྡན་པ་སུ་ཞིག་ཕྱིན་ཆད་ཕན་འདོགས་བྱེད། །བདག་གི་གྲགས་པ་མེད་པར་ཕྱིན་ཆད་རྩོལ་དུ་ཟད། །འདི་ལ་བདག་གིས་འདི་ལྟར་བྱས་ན་རུང་བ་སྙམ། །གང་ལ་དགེ་བའི་ཚུལ་སྤྱད་ཀྱང་། །གྲོགས་པོའི་ཆོས་ཚུལ་མི་སྣང་ན། །མ་
[135a.2]ཁྲོས་རྔམ་པར་མ་གྱུར་པར། །དེ་ནས་བགས་ཀྱིས་གུད་དུ་འགྲོ། །དེ་ནས་ལྷ་དེ་ལེགས་པར་སྨྲས་པ་དེས་ཡིད་མགུ་ནས་ལེགས་སོ་ཞེས་ཡང་དང་ཡང་དུ་བསྔགས་ཏེ། ཚིག་སྙན་པ་དེ་དང་དེ་དག་སྨྲས་པ། ཐོར་གཙུག་ཤིང་ཤུན་གོས་ནི་མེད་པར་ཡང་། །ཁྱོད་ནི་དྲང་སྲོང་མི་མངོན་དཀའ་ཐུབ་ཅན། །ཆ་
[135a.3]ལུགས་ཙམ་གྱིས་ཐུབ་པར་འགྲུབ་མི་འགྱུར། །ཡོན་ཏན་ལྡན་ན་ཡང་དག་ཐུབ་པ་ཡིན། །དེ་སྐད་སྨྲས་ནས་མངོན་པར་དགའ་བར་གྱུར་ཏེ། དེ་ནས་མཆོད་པ་བྱས་ནས་དེ་ཉིད་དུ་མི་སྣང་བར་གྱུར་ཏོ། །དེ་ལྟ་བས་ན་དགེ་བ་དག་ནི་བསྐུལ་མ་བཏབ་ཀྱང་མ་གོམས་པའི་ཕྱིར་སྡིག་པ་མི་སྤྱོད་དོ། །ཞེས་སྐྱེས་
[135a.4]བུ་དམ་པ་རྣམས་ཀྱི་ཡོན་ཏན་བསྔགས་པ་ལ་འང་བརྗོད་པར་བྱའོ། །དེ་ལྟར་བཟོད་པ་གོམས་པར་གནས་ན་དགྲ་མང་བར་མི་འགྱུར་ཞིང་། ཁ་ན་མ་ཐོ་བ་ཡང་མང་བར་མི་འགྱུར་བ་དང་། སྐྱེ་བོ་མང་པོ་དགའ་ཞིང་ཡིད་དུ་འོང་བར་འགྱུར་བའི་ཕྱིར་བཟོད་པའི་གཏམ་བྱ་བ་ལ་ཡང་སྦྱར་བར་བྱའོ། །དེ་
[135a.5]ལྟར་སོ་སོར་བརྟགས་པ་མང་དུ་བྱས་ན། མཁས་པ་རྣམས་རང་གི་ཡོན་ཏན་བཟང་པོ་རྗེས་སུ་བསྲུང་བར་འགྱུར་བའི་ཕྱིར། སོ་སོར་བརྟགས་པའི་ཡོན་ཏན་བསྔགས་པ་ལ་འང་བརྗོད་པར་བྱའོ། །དེ་བཞིན་གཤེགས་པའི་བདག་ཉིད་ཆེ་བ་དང་། དེ་ལྟར་རང་བཞིན་བཟང་པོ་
[135a.6]ལ་གོམས་པར་བྱས་ན། དུད་འགྲོར་གྱུར་ཀྱང་མེད་པར་མི་འགྱུར་རོ། །ཞེས་རང་བཞིན་བཟང་པོ་ལ་གོམས་པར་བྱ་བའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། །བྱ་ཤིང་རྟ་མོར་སྐྱེས་པའི་རབས་ཏེ་སུམ་ཅུ་བཞི་པའོ། །སྐྱེས་པའི་རབས་ཀྱི་རྒྱུད་སློབ་དཔོན་དཔའ་བོས་སྦྱར་བ་
[135a.7]རྫོགས་སོ། །ཤློ་ཀ་སུམ་སྟོང་ཕྱེད་དང་བཞི་སྟེ་བམ་པོ་བཅུ་གཉིས་མ་ལངས་སོ།། །།རྒྱ་གར་གྱི་མཁན་པོ་བིདྱཱ་ཀ་ར་སི་ཧཾ་དང་། ཞུ་ཆེན་གྱི་ལོ་ཙཱ་བ་བནྡེ་མཉྫུ་ཤྲཱི་ཝརྨས་བསྒྱུར་ཅིང་ཞུས་ནས་གཏན་ལ་ཕབ་པའོ།། །།
[135b]
[135b.1]#{T4151}#༄༅༅། །རྒྱ་གར་སྐད་དུ། ཛཱ་#ཏ་ཀ་མཱ་ལཱ་#ཊཱི་ཀཱ། བོད་སྐད་དུ། སྐྱེས་པའི་རབས་ཀྱི་རྒྱ་ཆེར་བཤད་པ། བཅོམ་ལྡན་འདས་ངག་གི་དབང་པོ་ལ་ཕྱག་འཚལ་ལོ། །ཐུབ་པའི་ལེགས་སྤྱོད་རྨད་བྱུང་དཔག་མེད་པ། །སྙན་ངག་མཁན་པོ་འཕགས་པ་དཔའ་
[135b.2]བོས་བཀོད། །བདག་བློ་ཞན་ཀྱང་གུས་པས་བཤད་པ་ནི། །བློ་ཆུང་དག་ལ་པན་#ཕྱིར་རབ་ཏུ་བརྩམས། །དཔལ་ལྡན་ཞེས་བྱ་བ་ལ་སོགས་པའི་ཚིགས་#བཅད་འདི་ནི་འོག་ནས་འབྱུང་པའི་སྙན་ངག་མཐའ་དག་གི་#བསྡུས་པའི་དོན་ཡིན་ཏེ། བསོད་ནམས་དང་ཡེ་
[135b.3]ཤེས་ཀྱི་ཚོགས་ཀྱི་རང་བཞིན་བྱང་ཆུབ་སེམས་དཔའི་སྤྱོད་པའི་དབང་དུ་བྱས་ནས་བདག་གིས་སྙན་ངག་འདི་བྱའོ། །ཞེས་བྱ་བ་ནི་ཚིགས་སུ་བཅད་པ་འདིའི་བསྡུས་པའི་དོན་ནོ། །དེ་ལ་ཕ་རོལ་ཏུ་ཕྱིན་པ་དྲུག་སྟེ། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་
[135b.4]འགྲུས་དང་། བསམ་གཏན་དང་། ཤེས་རབ་ཀྱི་ཕ་རོལ་ཏུ་ཕྱིན་པའོ། །ཕ་རོལ་ཏུ་ཕྱིན་པ་དེ་དག་ལས་དང་པོའི་ཕ་རོལ་ཏུ་ཕྱིན་པ་གསུམ་པོ་སྦྱིན་པ་དང་། ཚུལ་ཁྲིམས་དང་། བཟོད་པའི་ཕ་རོལ་ཏུ་ཕྱིན་པ་ནི་བསོད་ནམས་ཀྱི་ཚོགས་ཏེ། འཁོར་བའི་འཁོར་དང་། ལོངས་སྤྱོད་ཕུན་
[135b.5]སུམ་ཚོགས་པའི་རྒྱུར་གྱུར་པས་སོ། །བསམ་གཏན་དང་། ཤེས་རབ་ཀྱི་ཕ་རོལ་ཏུ་ཕྱིན་པ་གཉིས་ནི་རྣམ་པར་གྲོལ་བའི་རྒྱུར་གྱུར་པ་ཡིན་པར་ངེས་པར་གཟུང་ངོ་། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ནི་གཉིས་ཀའི་ཕྱོགས་ལ་བརྟེན་པ་ཡིན་ནོ། །གང་དག་ལ་དཔལ་ཡོད་པ་དེ་ནི་དཔལ་
[135b.6]ལྡན་ཏེ། གཟི་མདངས་བཟང་པོ་དང་ལྡན་པ་ཡིན་ནོ#། །དཔལ་དང་། འོད་དང་། འབར་བ་ཞེས་བྱ་བ་ནི་རྣམ་གྲངས་སོ། །འདིར་དཔལ་ཞེས་བྱ་བ་སྨོས་པས་ནི། བསོད་ནམས་ཀྱི་ཚོགས་ཀྱི་འབྲས་བུ་སྟེ། འཁོར་བའི་ལོངས་སྤྱོད་དང་།
[135b.7]འཁོར་ཕུན་སུམ་ཚོགས་པ་བཟུང་སྟེ། སྦྱོར་བ་འདིས་ཞེས་བྱ་བར་སྦྱར་བར་བྱའོ། །ཡོན་ཏན་དམ་པས་ཡོངས་བཟུང་བཀྲ་ཤིས་པ། །ཞེས་བྱ་བ་ནི་ཡོན་ཏན་ཡང་ཡིན་ལ་དམ་པ་ཡང་ཡིན་པས་ཡོན་ཏན་དམ་པའོ། །ཡང་ན་ཡོན་ཏན་བཟང་པོ་ཡིན་པས་ཡོན་ཏན་
[136a]
[136a.1]དམ་པའོ། །ཡང་ན་སྐྱེས་བུ་དམ་པ་རྣམས་ཀྱི་ཡོན་ཏན་ཡིན་པས་སོ#། །ཡོངས་བཟུང་ཞེས་བྱ་བ་ནི་འདི་དག་གིས་ཡོངས་སུ་བཟུང་བས་ནའོ། །ཡོན་ཏན་དམ་པ་ཡང་ཡིན་ལ་ཡོངས་སུ་བཟུང་བ་ཡང་ཡིན་པས་ཡོན་ཏན་དམ་པས་ཡོངས་བཟུང་
[136a.2]ངོ་། །དེ་དག་གི་བཀྲ་ཤིས་ཡིན་པས་ཡོན་ཏན་དམ་པས་ཡོངས་#བཟུང་བཀྲ་ཤིས་སོ#། །དེ་ལ་ཡོན་ཏན་ནི་གཞན་ལ་ཕན་པ་ཁ་ན་མ་ཐོ་བ་མེད་པའི་བསོད་ནམས་ལ་འཇུག་པའོ། །གལ་ཏེ་དེ་ནི་དེ་ལྟ་ན་དམ་པ་ཞེས་སྨོས་པ་ཅི་ཞིག་དགོས་ཤེ་ན། བྱང་ཆུབ་སེམས་དཔའ་
[136a.3]མ་ཡིན་པ་ཡང་གཞན་ལ་ཕན་པ་ལ་འཇུག་པ་དེ་དག་ནི་བདག་ལ་ཕན་པ་དང་འབྲེལ་པའི་དངོས་པོ་སྟོན་ཅིང་ཡོན་ཏན་གྱི་འབྲས་བུ་ཡོད་པར་གྱུར་པ་སྟེ#། གང་ཞིག་ཅེ་ན། ཉན་ཐོས་དང་རང་སངས་རྒྱས་ལྟ་བུ་སྟེ། དེའི་ཡོན་ཏན་ནི་རང་གི་རྒྱུད་ལས་བྱུང་བའི་ཉོན་མོངས་པ་
[136a.4]འཇོམས་པའོ། །#ཡོངས་སུ་སྔོ་#བར་བྱེད་པ་སྟེ། སྔ་མ་ནི་དེ་ལྟ་བུ་མ་ཡིན་པའི་ཕྱིར་རོ། །ཡང་ན་ཡོངས་སུ་བཟུང་བ་ཡིན་པས་ན་ཡོངས་སུ་བཟུང་བ་སྟེ། ཡོན་ཏན་དམ་པ་རྣམས་ཀྱིས་ཡོངས་སུ་བཟུང་བས་ན། ཡོན་ཏན་དམ་པས་ཡོངས་བཟུང་ངོ་། །
[136a.5]ཡོན་ཏན་དམ་ཕས་ཡོངས་སུ་གཟུང་#བའི་བཀྲ་ཤིས་པ་ནི། ཡོན་ཏན་དམ་པས་ཡོངས་བཟུང་བཀྲ་ཤིས་པའོ། །བཀྲ་ཤིས་ཞེས་བྱ་བ་ནི། དགེ་ཤིས་དང་དག་བྱེད་དོ། །གྲགས་པའི་གཞིར་གྱུར་ཅེས་བྱ་བ་ནི་གྲགས་པའི་གཞིར་གྱུར་པས་
[136a.6]ན་གྲགས་པའི་གཞིར་གྱུར་ཏེ། གྲགས་པའི་གནས་སུ་གྱུར་པ་ཞེས་པའི་#དོན་ཏོ། །འདིས་ནི་མངོན་དུ་འགྲོ་བས་དེའི་སྤྱོད་པ་སྟོན་པ་ཡིན་ནོ། །གལ་ཏེ་དེ་ལྟ་ཡིན་ན་ནི། བྱང་ཆུབ་སེམས་དཔའ་མ་ཡིན་པ་གཞན་བརྒྱ་བྱིན་དང་། པ་བསངས་དང་། སྐེམ་བྱེད་དང་། ཉེ་
[136a.7]དབང་ལ་སོགས་པའི་སྤྱོད་པ་དག་ལ་ཡང་གྲགས་པའི་གཞིར་གྱུར་པ་ཡོད་ཅེ་ན། སྨྲས་པ། མ་སྨད་བཞིན་དུ་#ཤིན་ཏུ་ཡིད་དུ་འོང་། །ཞེས་སྨོས་#སོ། །གྲགས་པ་ནི་སྙན་པ་སྟེ་རྣམ་གྲངས་སོ། །མ་སྨད་ཅེས་བྱ་བ་ནི་སྨད་པ་མ་ཡིན་པས་ན་མ་སྨད་པ་སྟེ། དེས་རང་གི་རྒྱུད་བརྒྱན་
[136b]
[136b.1]ཅིང་འཇིག་རྟེན་ལས་འདས་པར་གྱུར་པས་སོ། །ཡང་ན་མ་སྨད་པ་#ནི་མཆོད་པར་འོས་པའི་གཞིར་གྱུར་པ་སྟེ་མ་སྨད་པའོ། །དེ་བས་ན་དེ་ཉིད་ཡིད་དུ་འོང་བ་སྟེ། མ་སྨད་ཤིན་ཏུ་ཡིད་འོང་ངོ་། །འདིས་ནི་སྤྱོད་པ་དེའི་ཡེ་ཤེས་ཀྱི་ཚོགས་གཞན་ལ་ཕན་པར་སྟོན་པ་
[136b.2]ཡིན་ནོ། །འཇིག་རྟེན་པ་རྣམས་ལ་ཡང་། ཤེས་པ་ནི་ཡོད་མོད་ཀྱི་ཚོགས་ནི་མ་ཡིན་ཏེ། འདིས་སངས་རྒྱས་པའི་རྒྱུར་གྱུར་པ་དང་། སངས་རྒྱས་སུ་འཇོག་པར་བྱེད་པས་ཚོགས་སོ། །ཡིད་འཕྲོག་པར་བྱེད་པས་ཡིད་དུ་འོང་བའོ། །སྐུ་ཚེ་སྔ་མ་རྣམས་
[136b.3]སུ་ཞེས་བྱ་བ་ནི་འདི་ལྟར་སྔོན་གྱི་མཐའི་སྐྱེ་བ་ནས་གང་དུ་མངོན་པར་རྫོགས་པར་བྱང་ཆུབ་པའི་བར་བརྙེས་པའི་སྐྱེ་བ་དེ་ནི་མཐའི་བར་རོ། །ཐུབ་པ་ཞེས་བྱ་བ་ནི་གསུམ་ཐུབ་བས་ན་ཐུབ་པ་སྟེ། བཅོམ་ལྡན་འདས་སོ། །ཡང་ན་#ཉོན་མོངས་པ་སྐྱེ་བ་འགོག་པས་ན་ཐུབ་
[136b.4]བའོ། །དེའི་སྤྱོད་པ་ནི་སྤྱོད་པ་སྟེ་ཚུལ་ལོ། །དེའི་སྤྱོད་པ་རྨད་དུ་བྱུང་བ་ཡིན་པས་#རྨད་དུ་བྱུང་བ་སྟེ་སྤྱོད་པ་ངོ་མཚར་བའོ། །ཡང་ན་དེའི་སྤྱོད་པ་འདས་པར་གྱུར་པས་ནི་#མཐོང་བ་སྟེ། བརྒྱ་ལ་ཞིག་ན་ཉེ་བར་དམིགས་པ་ཡིན་པས་རྨད་དུ་བྱུང་བ་རྣམས་སོ། །གུས་
[136b.5]པས་ཞེས་བྱ་བ་ནི་དགའ་ཞིང་ཞེས་པས་ཞེས་བྱའོ། །འདིས་ནི་བསམ་པ་ཕུན་སུམ་ཚོགས་པ་སྟོན་པ་ཡིན་ནོ། །རང་གི་སྙན་ངག་ཡིན་པས་བདག་གི་སྙན་ངག་གོ། །བདག་གི་སྙན་ངག་ཉིད་མེ་ཏོག་ཡིན་པས་བདག་གི་སྙན་ངག་མེ་ཏོག་གོ། །མེ་ཏོག་བཞིན་དུ་
[136b.6]མེ་ཏོག་གི་མཆོད་པའི་ཡོ་བྱད་#ཆོས་མཐུན་པ་ཡིན་པའི་ཕྱིར་ཇི་ལྟར་དེ་མེ་ཏོག་ལ་སོགས་པའི་སྙིམ་པ་སྟེ། བདག་གི་སྙན་ངག་མ་ཏོག་སྙིམ་པའོ། །སྙིམ་པ་ནི་ལག་པ་གཉིས་སྦྱར་#བའོ། །ཡང་ན་མེ་ཏོག་གི་སྙིམ་པ་ཡིན་པས་མེ་ཏོག་སྙིམ་པའོ། །རང་གི་སྙན་ངག་ཉིད་
[136b.7]མེ་ཏོག་སྙིམ་པ་ཡིན་པས་ན་བདག་གི་སྙན་ངག་མེ་ཏོག་སྙིམ་པའོ། །དེས་ན་བདག་གི་སྙན་ངག་གི་མེ་ཏོག་སྙིམ་པ་ཞེས་བྱ་བ་འདིས་ནི་མཆོད་པའི་ཡོ་བྱད་ཅུང་ཟད་ཙམ་དུ་བསྟན་ཏེ། མེ་ཏོག་གི་གནས་དག་ལ་སྙན་ངག་ཉེ་བར་བསྟན་པ་ཡིན་ནོ། །དེ་ལྟར་ན་#འདིས་ནི་སྦྱོར་བ་
[137a]
[137a.1]ཕུན་སུམ་ཚོགས་པ་བཤད་པ་ཡིན་ནོ། །གྲགས་པའི་མཚན་མར་གྱུར་པ་འདི་རྣམས་ཀྱིས་ཞེས་བྱ་བ་དང་། འཇིག་རྟེན་དོན་འགྱུར་ཞེས་བྱ་བ་ལ་སོགས་པའི་ཚིགས་སུ་བཅད་པ་གཉིས་ནི་སྙན་ངག་བརྩམས་པའི་དགོས་#པ་བསྟན་པ་ཡིན་ཏེ། དགོས་པ་དང་
[137a.2]དགོས་པ་བྱེད་པ་གཉིས་ཀྱིས་བསྡུས་པའི་དོན་ཏེ། ཚིགས་བཅད་#འདི་གཉིས་ནི་#བདག་དང་གཞན་གྱི་དོན་མཐའ་དག་འདི་ལས་འབྱུང་བར་བསྟན་ཏོ། །དེ་ལ་གཞན་གྱི་དོན་མཐའ་དག་ལས་བརྩམས་#ཏེ། གྲགས་པའི་མཚན་མར་གྱུར་པ་ཞེས་བྱ་བའི་ཚིགས་སུ་བཅད་པ་
[137a.3]བསྟན་#ཏེ། འདི་རྣམས་ཀྱི་#ཞེས་བྱ་བ་ནི་སྔར་བཤད་པའི་བསོད་ནམས་དང་ཡེ་ཤེས་ཀྱིས་ཡོངས་སུ་བཟུང་བ་དེས་ན་གྲགས་པ་#ཞེས་བྱ་བར་གྲགས་པར་བྱེད་པ་ཡིན་ཏེ་རབ་ཏུ་བསྔགས་པའོ། །ཇི་ལྟར་གྲགས་པ་ཡིན་ཞེ་ན་སྨྲས་པ། མངོན་སྣང་མཚན་མར་གྱུར་པ་ཞེས་
[137a.4]སྨོས་ཏེ། སེམས་ཅན་རྣམས་ཀྱི་མངོན་པར་སྣང་བའི་མཚན་མར་གྱུར་པ་སྟེ། འདིས་ནི་གནས་ཀྱི་ཁྱད་པར་གྱི་#སྤྱོད་པའི་ཁྱད་པར་བཤད་པ་ཡིན་ནོ། །ཡང་ན་མངོན་པར་སྣང་བ་ཡང་ཡིན་ལ། མཚན་མར་གྱུར་པ་#ཡིན་བས་མངོན་སྣང་མཚན་མར་གྱུར་པའོ། །
[137a.5]འདིས་ནི་དེའི་སྤྱོད་པ་དག་གིས་སྐྱེ་བོ་ཀུན་ལ་ཕན་པར་སྟོན་པར་བཤད་དེ་བསྡུས་པའི་དོན་ཏོ། །གྲགས་པ་ཞེས་བྱ་བ་ནི་དགེ་ཤིས་#སོ། །འདི་རྣམས་ཀྱིས་ཞེས་བྱ་བ་#ནི་སྤྱོད་པ་སྟེ་མངོན་སྣང་མཚན་མར་བྱས་པའོ། །དེ་གང་གི་ཞེ་ན། སངས་རྒྱས་ཉིད་ཀྱིའོ། །མཚན་
[137a.6]མར་གྱུར་པ་ནི་རྟགས་སུ་གྱུར་པ་དང་། མཚོན་པར་གྱུར་པའོ། །བདེ་བར་གཤེགས་འགྱུར་ལམ་ཞེས་བྱ་བ་ནི་བདེ་བར་གཤེགས་པར་འགྱུར་བ་ཡིན་པས་བདེ་བར་གཤེགས་འགྱུར་རོ། །མཛེས་པར་གཤེགས་པས་ན་#བདེ་བར་གཤེགས་པའོ། །དེ་ཁོ་ན་ཉིད་ནི་ཕྱིན་
[137a.7]ཅི་མ་ལོག་པའོ། །ལམ་རྣམས་ཞེས་བྱ་བ་ནི་འཕགས་པའི་ལམ་ཡན་ལག་བརྒྱད་པའོ། །གང་ཡིན་ཞེས་བྱ་བ་ནི་#གང་གི་ཕྱིར་རོ། །བསྟན་པ་ནི་བཤད་པ་སྟེ་རབ་ཏུ་སྟོན་པ་ཡིན་ནོ། །ཡིད་ལ་དད་པ་མེད་པ་རྣམས་ཀྱང་ཞེས་བྱ་བ་ལ། འདིར་ཡང་ཞེས་བྱ་བ་ནི་
[137b]
[137b.1]དེ་ཡང་དེ་ལྟར་འགྱུར་#ཞེས་པ་སྟེ། ཀྱང་གི་སྒྲ་ནི་སྲིད་པའི་ཚུལ་ལོ། །ཡང་ན་ཡིད་ལ་དད་པ་མེད་པ་རྣམས་ཀྱང་དེ་བཞིན་དུ་འགྱུར་བ་སྟེ་གཞན་དག་གི་ཡང་ངོ་། །འདིར་ཀྱང་གི་སྒྲ་ཡང་སྲིད་པའི་ཚུལ་ཉིད་དོ། །ཆོས་དང་ལྡན་པའི་གཏམ་གྱིས་རབ་ཏུ་དགའ་བ་ཞེས་བྱ་བ་ནི་
[137b.2]གྲགས་པའི་སྤྱོད་པ་འདི་རྣམས་ཀྱིས་རབ་ཏུ་དགའ་བར་གྱུར་པའི་#ཕྱིར་རོ། །ཇི་ལྟར་ཞེ་ན། འདིར་ཉན་པ་ཐ་མལ་པ་རྣམས་གང་གི་ཕྱིར་རབ་ཏུ་དགའ་བར་འགྱུར་བ་ཡིན་པས་སོ། །དེས་ན་ཡང་སྐྱེ་བོ་ཐ་མལ་པ་ལ་མངོན་པར་བརྟགས་ནས་འབད་དེ་#བརྩམ་མོ་ཞེས་བྱ་བར་
[137b.3]སྦྱར་རོ། །དེ་ལ་སྐྱེ་བོའི་བྱེ་བྲག་ཀྱང་རྣམ་པ་གསུམ་སྟེ། དད་པ་དང་ལྡན་པ་དང་། དད་པ་ཉམས་པ་དང་། ཐ་མལ་པའོ། །སྐྱེ་བོ་དེ་གསུམ་ཐ་མལ་པ་ལ་#མངོན་པར་བརྟགས་ཤིང་འབད་ནས་བྱའོ་ཞེས་པ་#ནི་ཚིགས་བཅད་འདིའི་བསྡུས་པའི་དོན་ཏོ། །དེ་#སྐྱེ་
[137b.4]བོ་དད་པ་དང་ལྡན་པའི་དབང་དུ་བྱས་ནས། བསྟན་པར་འགྱུར་བ་#ནི་བདེ་བར་གཤེགས་འགྱུར་ལམ་རྣམས་གང་ཡིན་ཞེས་བྱ་བས་བསྟན་ཏོ། །དད་པ་ཉམས་པའི་དབང་དུ་བྱས་པ་ནི་ཡིད་ལ་དད་པ་མེད་པ་རྣམས་ཀྱང་དད་པར་འགྱུར་ཞེས་བྱའོ། །ཐ་མལ་པའི་དབང་དུ་
[137b.5]བྱས་པ་ནི་ཆོས་དང་#ལྡན་པའི་གཏམ་གྱིས་རབ་ཏུ་#དགའ་བར་འགྱུར་ཞེས་བྱ་བ་ཡིན་ནོ། །དེ་ལ་ཆོས་ནི་ཡན་ལག་#བཅུ་གཉིས་བརྗོད་པའི་རྣམ་པའོ། །གཏམ་ཡིན་པས་ན་གཏམ་སྟེ་#རབ་ཏུ་དགའ་བའོ། །རབ་ཏུ་ཞེས་བྱ་བ་ནི་ལྷག་པར་ཞེས་བྱ་བ་དང་། རབ་ཏུ་ཞེས་
[137b.6]བྱ་བའི་དབྱེ་བས་སོ། །འགྱུར་ཞེས་བྱ་བ་ནི་འོང་བར་འགྱུར་བའོ། །འཇིག་རྟེན་གྱི་དོན་ནི་འཇིག་རྟེན་ལ་ཕན་པའི་ཕྱིར་རོ། །མངོན་པར་བརྟགས་ཞེས་བྱ་བ་ནི་བལྟས་ནས་བརྩམས་སོ། །ཞེས་བྱ་བའི་ཚིག་གི་#དོན་ནོ། །འབར་ཞེས་བྱ་བ་ནི་ཀུན་ལ་སྦྱར་བར་
[137b.7]བྱའོ། །ཐོས་པ་དང་གཙུག་ལག་དང་རིགས་པ་ནི་ཐོས་པ་དང་#གཙུག་ལག་རིགས་པ་དག་སྟེ། ཐོས་པ་ནི་ཉན་པའོ། །གཙུག་ལག་ནི་སངས་རྒྱས་ཀྱིས་གསུངས་པའོ། །རིགས་པ་ནི་རིགས་#པའི་བསྟན་བཅོས་སོ། །ཡང་ན་རིགས་#པ་ནི་ཚད་མའོ། མི་འགལ་
[138a]
[138a.1]བ་ནི་སྐྱོན་དང་བྲལ་བའི་ལམ་དག་གིས་སོ། །འབད་པ་ནི་མངོན་པར་སྤྲོ་བས་སོ#། །འཇིག་རྟེན་མཆོག་གི་སྤྱོད་པ་ཞེས་བྱ་བ་ནི་འཇིག་རྟེན་ནི་སྐྱེ་དགུའོ། །མཆོག་ནི་གཙོ་བོའོ། །སྤྱོད་པ་ནི་སྤྱོད་པའོ། །དམ་པ་ཞེས་བྱ་བ་ནི་ལྷག་པའོ། །
[138a.2]ཕྱོགས་ཙམ་ཞེས་བྱ་བ་ནི་ཕྱོགས་གཅིག་གོ། །མཉན་པར་རུང་བ་ནི་མཉན་དུ་རུང་བའོ། །ཤེས་པར་འགྱུར་བ་ཡིན་པས་ན་ཤེས་པར་རུང་བ་སྟེ། སྙན་ངག་གོ། །རྟོགས་པ་ནི་ཉེ་བར་འདུལ་བའི་དོན་དུའོ། །མཉན་པ་#ནི་རྣ་བའི་དབང་པོས་སོ། །རུང་བར་
[138a.3]བྱ་བ་ནི་དགའ་བར་བྱ་བའོ#། །རང་དོན་བརྩོན་པས་ཞེས་བྱ་བ་ལ་རང་གི་དོན་ནི་རང་ལ་ཕན་པའོ། །བརྩོན་པ་ནི་མངོན་པར་བརྩོན་པའོ། །ཡང་གི་སྒྲ་ནི་སྲིད་པའི་ཚུལ་ལོ། །གཞན་དོན་བརྩོན་ཞེས་བྱ་བ་ནི་གཞན་གྱི་དོན་ལ་སྤྱོད་པ་ཡིན་པས་གཞན་དོན་བརྩོན་པའོ། །
[138a.4]ཡོན་ཏན་སྒྲུབ་པ་བཟང་པོ་ཞེས་བྱ་བ་ལ་སྒྲུབ་པ་ནི་ཕུན་སུམ་ཚོགས་པའོ། །བཟང་པོ་ནི་བཟང་པོར་གྱུར་པས་སོ། །རྗེས་སུ་མཐུན་མ་གྱུར་ཞེས་བྱ་བ་ནི། དེའི་རྗེས་སུ་མ་གྱུར་ཅེས་བྱའོ#། །ཡང་ན་རང་དོན་བརྩོན་པ་ནི་ཉན་ཐོས་དང་རང་སངས་རྒྱས་ཏེ། དེས་ཀྱང་རྗེས་
[138a.5]སུ་མཐུན་པར་མ་གྱུར་པ་སྟེ། དེ་བཞིན་གཤེགས་པའི་ཡོན་ཏན་ལ་ཡོངས་སུ་སྤྱོད་#པའམ། །སྐྱེད་པར་མི་ནུས་ན་སྐྱེ་བོ་#གཞན་དག་གིས་ལྟ་སྨོས་ཀྱང་ཅི་དགོས་ཞེས་བྱ་བའོ། །ཐམས་ཅད་མཁྱེན་པ་ཞེས་བྱ་བ་ནི་ཐམས་ཅད་ཐུགས་སུ་ཆུད་པའི་ཕྱིར་ཐམས་ཅད་མཁྱེན་
[138a.6]པའོ། །འདི་ལྟར་མ་ནོར་བ་ནི་ཕྱིན་ཅི་མ་ལོག་པའོ། །གསལ་བ་ནི་སྣང་བར་གྱུར་པའོ། །གྲགས་པ་ནི་སྙན་པའོ། །ཆོས་དང་དགེ་འདུན་དང་བཅས་པ་ནི་ཆོས་དང་དགེ་འདུན་དང་ལྷན་ཅིག་པའོ། །སྤྱི་བོ་ནི་མགོ་བོའི་གཙུག་གིས་སོ། །འདུད་ཅེས་བྱ་བ་ནི་དེས་
[138a.7]ཕྱག་འཚལ་བར་བྱེད་པའོ། །བཅོམ་ལྡན་འདས་དེ་སེམས་ཅན་ཐམས་ཅད་ལ་རྒྱུ་མེད་པར་བྱམས་པའི་ངོ་བོ་ཉིད་ཡིན་ཞེས་བྱ་བ་ནི་ཕྱོགས་སོ། །འབྱུང་པོ་ཀུན་ལ་དགའ་བཞིན་དུ་གྱུར་པ་ཞེས་བྱ་བ་ནི་གཏན་ཚིགས་སོ། །འདི་སྐད་ཐོས་ཏེ། བྱང་ཆུབ་སེམས་དཔའ་ཞེས་
[138b]
[138b.1]བྱ་བ་ནི་དཔེའོ། །སེམས་ཅན་ཞེས་བྱ་བ་ནི་སྐྱེ་དགུའོ། །ཐམས་ཅད་ནི་ལུས་པ་མེད་པའོ། །རྒྱུ་མེད་པར་ཞེས་བྱ་བ་#ནི་དགོས་པ་མེད་པར་རོ། །རབ་ཏུ་ཞེས་བྱ་བ་ནི། ཡང་དག་པར་རབ་ཏུ་དང་བའོ། །བྱམས་པ་ནི་མཉེས་#གཤིན་པ་དང་ལྡན་པའོ། །ངོ་བོ་ཉིད་ཅེས་
[138b.2]བྱ་བ་ནི་རང་བཞིན་ནོ། །འབྱུང་པོ་ཀུན་ཞེས་བྱ་བ་ནི་སེམས་ཅན་ཐམས་ཅད་དོ། །བདག་བཞིན་དུ་གྱུར་པ་#ཞེས་བྱ་བ་ནི་བདག་དང་མཉམ་པས་སོ། །སྐུ་ཚེ་སྔ་#མ་ལ་ཡང་ཞེས་བྱ་བ་ནི་བྱང་ཆུབ་སེམས་དཔའི་དུས་ནའོ། །སངས་རྒྱས་བཅོམ་ལྡན་འདས་ཞེས་བྱ་བ་ནི་རང་བཞིན་
[138b.3]གྱིས་འཇིག་རྟེན་ལ་དེ་བཞིན་ཉིད་དུ་རབ་ཏུ་སྟོན་པ་ཡིན་པས་ན་སངས་རྒྱས་ཀྱི་ཡོན་ཏན་བཤད་པའོ། །བཅོམ་ལྡན་འདས་ཞེས་བྱ་བ་ནི་བདུད་བཞི་བཅོམ་བས་ན་བཅོམ་ལྡན་འདས་སོ#། །དེ་བས་ན་གཙོ་བོ་སྟེ་དམ་པ་དེ་ལ་སེམས་དང་བར་བྱ་བ་ནི་དད་པར་བྱ་བའོ། །དེ་ཡང་
[138b.4]ཞེས་བྱ་བ་ནི་དཀོན་མཆོག་གསུམ་མོ། །འདི་སྐད་ཐོས་ཞེས་བྱ་བ་ནི་བཤད་པའོ#། །བདག་ཅག་གི་བླ་མ་དཀོན་མཆོག་གསུམ་བླ་མར་བྱེད་པ་གང་ཡིན་པ་དེ་དག་ནི་བླ་མ་དཀོན་མཆོག་གསུམ་བླ་མར་བྱེད་པའོ། །བསྒྲུབ་#པའི་ཡོན་ཏན་ནི་ཚུལ་
[138b.5]ཁྲིམས་ཀྱིས་བསྒྲུབ་#པའི་ཡོན་ཏན་ཏེ#། སྐྱོན་མེད་ཅིང་འདྲེན་མར་མ་གྱུར་པས་བླ་མ་རྣམས་ཏེ། སློབ་དཔོན་དང་། མཁན་པོ་དང་། འཕགས་པ་དགའ་མགུ་བར་བྱའོ། །ཡོན་ཏན་གྱི་ཚོགས་ནི་ཡོན་ཏན་བསགས་པ་སྟེ་དེས་བདག་ཅག་#གི་བླ་མར་གྱུར་
[138b.6]པའོ། །མཁན་པོ་དག་གིས་ཡོངས་སུ་བསྒྲགས་པ་ནི་བསྔགས་པར་སྨྲ་བ་དག་བསྟན་པའོ། །འདི་ཞེས་བྱ་བ་ནི་སྟོན་པ་ཡིན་ཏེ། ཅི་ཞིག་སྟོན་པ་ཡིན་ཞེ་ན། བཅོམ་ལྡན་འདས་ཀྱི་སྐུ་ཚེ་སྔ་མ་ཞེས་བྱ་བ་ནི་བྱང་ཆུབ་སེམས་དཔར་གྱུར་པའིའོ། །རྟོགས་པ་
[138b.7]བརྗོད་པ་སྤྱོད་པའི་མཚན་མའོ། །བྱང་ཆུབ་སེམས་དཔའ་ནི་བྱང་ཆུབ་སེམས་དཔས་ན་བྱང་ཆུབ་སེམས་དཔའོ། །དམ་བཅས་པས་ཁྱད་པར་ཅན་ཞེས་བྱ་བ་དང་པོ་སེམས་བསྐྱེད་#པ་དེ་དང་རྗེས་སུ་མཐུན་པ་སྟེ། བཅོམ་ལྡན་འདས་ཤཱཀྱ་ཐུབ་པ་འདིས་སོ། །དམ་
[139a]
[139a.1]བཅས་པ་ཁྱད་པར་ཅན་ནི་དམ་བཅས་པ་དམ་པའོ། །དེ་གང་ཡིན་ཞེ་ན། སངས་རྒྱས་ཏེ་དེ་དང་མཐུན་པ་ནི་འདྲ་བའོ། །གང་བྱིན་པ་དེ་ནི་སྦྱིན་པའོ། །ཚིག་སྙན་པ་ནི་གཏམ་སྙན་པའོ། །དོན་སྤྱོད་པ་ནི་ཕན་པ་སྤྱོད་པའོ། །སོགས་ཞེས་
[139a.2]བྱ་བ་ལ་སོགས་པའི་སྒྲ་ནི་དོན་མཐུན་པ་དང་གཞན་ཡང་ཡོན་ཏན་དག་གོ། །དོན་མཐུན་པར་སྤྱོད་པ་ནི་དོན་མཐུན་པ་སྟེ་དགེ་བའི་ཆོས་སོ། །གཞན་ཡང་ཡོན་ཏན་གྱི་ཆོས་རྣམས་ཡོངས་སུ་གཟུང་#ངོ་། །ཤེས་རབ་ཀྱིས་ཡོངས་སུ་ཟིན་པས་#ཞེས་བྱ་བ་ནི་འདིས་ཡོངས་
[139a.3]སུ་བཟུང་#བས་ན་ཡོངས་སུ་ཟིན་པ་སྟེ། ཤེས་རབ་ཉིད་ཀྱིས་ཡོངས་སུ་གཟུང་བའི་ཕྱིར་ཤེས་རབ་ཀྱིས་ཡོངས་སུ་ཟིན་པའོ། །ཤེས་རབ་ཀྱིས་བཟུང་བས་ན་སྐྱོན་མེད་པ་སྟེ་མ་སྨད་པའོ་སྙིང་རྗེའི་རྒྱུ་མཐུན་པ་ཞེས་བྱ་བ་ནི་སྙིང་རྗེའི་རྒྱུས་སྙིང་རྗེ་དང་རྗེས་སུ་མཐུན་པ་སྟེ། རྒྱུ་
[139a.4]མཐུན་པ་ནི་རྒྱུ་དང་འདྲ་བའི་ཚིག་གོ། །ཡོངས་སུ་འཛིན་པ་ནི་མགུ་བར་བྱས་པའོ། །རང་གི་ཆོས་ཡིན་པས་ན་རང་གི་ཆོས་དེ་#ལས་རྣམ་པ་དྲུག་གོ། །དེ་ཡང་མཆོད་སྦྱིན་དང་། མཆོད་སྦྱིན་བྱེད་དུ་འཇུག་པ་དང་། འདོན་པ་དང་། འདོན་དུ་འཇུག་པ་དང་། སྦྱིན་པ་དང་། ལེན་པའོ། །ཆོས་དེ་རྣམས་
[139a.5]ལ་#མངོན་པར་དགའ་བ་ལས་གྱུར་པའི་རིགས་ཀྱི་གཙང་སྤྲ་སྤྱོད་པ་གང་ཡིན་པ་དེ་ནི་རང་གི་ཆོས་ལ་མངོན་པར་དགའ་བ་#ལས་གྱུར་པའི་གཙང་སྤྲའི་སྤྱོད་པ་སྟེ། དེ་ལ་གཙང་སྤྲ་ནི་དག་པའི་སྤྱོད་པ་སྟེ། དག་པར་སྤྱོད་པའི་ཚུལ་ཀུན་ཏུ་སྤྱོད་པའོ། །ཆེན་པོ་ཞེས་བྱ་བ་ནི་རིགས་
[139a.6]གཞན་ལ་ལྟོས་#པས་ཆེན་པོའོ། །ཇེ་མཐོ་ཇེ་མཐོར་ཞེས་བྱ་བ་ནི་སྐྱེས་ཤིང་སྐྱེས་པ་ནའོ། །ཡང་ན་མཐོ་བའི་རིགས་དེ་ལས་བྱང་ཆུབ་སེམས་དཔའ་མཐོ་བར་གྱུར་པའི་ཕྱིར་རོ། །སྐྱེ་བ་ཞེས་བྱ་བ་ནི་འབྱུང་བར་འགྱུར་བའོ། །ཡོངས་སུ་བཟུང་བ་ནི་ཐོབ་པར་བྱས་པའོ། །
[139a.7]གྲགས་སོ་#ཞེས་བྱ་བ་ནི་མངོན་སུམ་དུ་མ་གྱུར་བའི་ཚིག་གོ། །དེ་ཞེས་བྱ་བ་ནི་བྱང་ཆུབ་སེམས་དཔའོ། །སྐྱེས་པའི་ལས་ནི་རུམ་སྐྱེད་པ་དང་། མིང་གདགས་པ་དང་། །བཟས་སྦྱིན་པ་དང་། གཙུག་ཕུད་བྱ་བ་དང་། ཚངས་སྐུད་གདགས་#པ་དང་། གཙུག་ཕུད་
[139b]
[139b.1]བཅིང་བ་དང་། སྐ་རགས་བཅིང་བ་ལ་སོགས་པ་གཟུང་ངོ་། །སྦྱངས་པ་རིམ་པ་#བཞིན་དུ་བྱས་པ་ནི་གོ་རིམས་བཞིན་དུ་བྱས་པའོ། །མངོན་པར་སྐྱེས་པ་ཞེས་བྱ་བ་ནི་མངོན་པར་འཕེལ་བ་ནའོ། །རང་བཞིན་གྱིས་ཡིད་གཞུངས་པ་ནི་ངོ་བོ་ཉིད་ཀྱིས་ཡིད་གཞུངས་པའོ། །མགོན་སྐྱབས་ཀྱི་
[139b.2]ཁྱད་པར་ནི་མགོན་སྐྱབས་ཀྱི་སྦྱོར་བའོ། །ཆེད་ཆེར་འཛིན་པ་ཉིད་ལྟ་བ་ཡིན་ཏེ། ཤེས་པ་ལ་གཅིག་ཏུ་ལྟ་བ་ཞེས་བྱ་བའི་དོན་ཏོ། །ལེ་ལོ་ནི་སྙོམ་ལས་ཏེ། དེ་མེད་པ་ནི་ལེ་ལོ་མེད་པ་སྟེ། རིང་པོར་མ་ཐོགས་#པས་#ཞེས་བྱ་བའི་དོན་ཏོ། །རིག་#པའི་གནས་བཅོ་
[139b.3]བརྒྱད་ནི་འདི་ལྟ་སྟེ། རོལ་མོ་དང་། འཁྲིག་ཐབས་དང་། འཚོ་ཚིས་དང་། གྲངས་ཅན་དང་། སྒྲ་དང་། གསོ་བའི་དཔྱད་དང་། བཟོ་དང་། འཕོང་དཔྱད་#དང་། གཏན་ཚིགས་ཀྱི་སྦྱོར་བ་དང་། རྣལ་འབྱོར་དང་། ཐོས་ཤིང་དྲན་པ་དང་། སྐར་མའི་
[139b.4]དཔྱད་#དང་། རྩིས་དང་། མིག་འཕྲུལ་དང་། སྔོན་གྱི་རབས་དང་། དེ་བཞིན་དུ་བྱེ་བྲག་པ་དང་། དོན་གྱི་ཕྲེང་#བ་དང་། རིག་པའི་བསྟན་བཅོས་དང་། ཡོངས་སུ་བརྟགས་#པའོ། །དེ་བཞིན་དུ་ཡང་བདག་གི་རིགས་ཞེས་བྱ་བ་ནི་བྲམ་ཟེའི་རིགས་ལ་
[139b.5]གནས་པ་ལས་མ་འདས་པ་སྟེ། མི་འགལ་བ་ནི་བྲམ་ཟེའི་གནས་པ་ལས་མ་འཁྲུལ་པའོ། སྒྱུ་རྩལ་རྣམས་ཞེས་བྱ་བ་ནི་སྒྱུ་རྩལ་མཐའ་དག་སྟེ། སྙན་ངག་དང་། གླུ་དབྱངས་དང་། གླེགས་འདྲ་མཁན་དང་། འཐབ་མོ་དང་། རོལ་མོ་དང་། མཚན་
[139b.6]མ་དང་། མེ་ཏོག་གི་ལས་ཀྱི་སྦྱོར་བ་དང་། དམག་གི་#བཀོད་པ་དང་། རྩིས་དང་། གཡོས་ཀྱི་ལས་དང་། བུད་མེད་ཀྱི་མཚན་ཉིད་དང་། སྐྱེས་པའི་མཚན་ཉིད་དང་། གར་དང་། ཚོང་དང་། ཤིང་འཇོག་པ་དང་། འདྲི་བ་དང་། རྩིག་པའི་ལས་དང་། རི་
[139b.7]མོའི་ལས་དང་། སོག་ལེའི་ལས་དང་། ཁྱིམས་བརྟག་པའི་མཚན་ཉིད་དང་། མལ་སྟན་གྱི་མཚན་ཉིད་དང་།# རིན་པོ་ཆེ་བརྟག་པ་དང་། སྐུ་གཟུགས་ཀྱི་མཚན་ཉིད་དང་། གླང་པོ་ཆེ་བརྟག་པ་དང་། བཞད་གད་དང་། བྲོ་གར་དང་། ལུས་ཀྱི་བསྐུ་#
[140a]
[140a.1]མཉེ་དང་། ལྟས་ཤེས་པ་དང་། ཧོ་ར་ཛྙཱ་ན་ནོར་སྒྱུར་མཁན་དང་། གཏེར་ཤེས་པ་དང་། མཆོད་སྦྱིན་གྱི་ཆོ་ག་ཤེས་པ་དང་། མཚོན་ཆ་བརྟག་པ་དང་། ལུགས་ཀྱི་བསྟན་བཅོས་ཤེས་པ་དང་། མིག་འཕྲུལ་ཤེས་པ་དང་། བཞོན་པ་དང་ལྷན་ཅིག་
[140a.2]སྤྱོད་པ་དང་། དེ་ལ་སོགས་པའི་སྒྱུ་རྩལ་དྲུག་ཅུ་རྩ་བཞིའོ། །རང་གི་རིགས་ནི་བྲམ་ཟེའི་རིགས་སོ། །སློབ་དཔོན་དམ་པའི་གོ་འཕང་ནི་སློབ་དཔོན་དམ་པའི་གོ་འཕང་སྟེ། དམ་པའི་ཁྱད་པར་ཐོབ་པར་གྱུར་ཞེས་པའོ། །རིག་བྱེད་ཤེས་ལ་བྱ་བ་སྨོས་ཏེ། དེ་ཞེས་
[140a.3]བྱ་བ་ནི་བྱང་ཆུབ་སེམས་དཔའོ། །རིག་བྱེད་ཤེས་ལ་ཞེས་བྱ་བ་དེ་ཚངས་པ་ཤེས་པའོ། །ཚངས་པ་བཞིན་ཞེས་བྱ་བ་ནི་ཚངས་པ་བཞིན་གྱུར་པའོ། །རྒྱལ་པོ་ཞེས་བྱ་བ་ནི་ཇི་ལྟར་ཡུལ་ན་གནས་པའི་རྒྱལ་པོ་བཞིན་དུ་སྐྱེ་དགུ་རྣམས་ལ་མཛེས་པ་ཡིན་ཏེ། བཀུར་བ་ནི་
[140a.4]ཞེ་ས་དང་མཆོད་པ་མང་པོས་སོ། །གནས་ནི་སྣོད་དུ་གྱུར་པའོ། །སྐྱེ་#དགུ་རྣམས་ནི་དོན་སྤྱོད་པ་སྟེ། སྤྲིན་ལས་ཆར་བབ་པ་ལྟ་བུ་ཡིན་ཏེ། བརྒྱ་བྱིན་ནི་མིག་སྟོང་ལྡན་ནོ། །མངོན་སུམ་ནི་མངོན་སུམ་ཉིད་དོ། །ཤེས་འདོད་རྣམས་ནི་ཤེས་པར་འདོད་པའི་སློབ་མ་རྣམས་
[140a.5]སོ། །དོན་སྤྱོད་ནི་ཕན་པར་འདོད་པ་སྟེ། ཇི་ལྟར་བུའི་ཕ་ལྟ་བུར་རོ། །དེ་ཞེས་བྱ་བ་ནི་བྱང་ཆུབ་སེམས་དཔའོ། །སྐལ་བ་དང་ཡོན་ཏན་ཞེས་བྱ་བ་ནི་སྐལ་བ་དང་ཡོན་ཏན་ཏེ། སྐལ་བ་དང་ཡོན་ཏན་ཉིད་ཁྱད་པར་དུ་གྱུར་པ་ཡིན་པའི་ཕྱིར་སྐལ་བ་དང་ཡོན་ཏན་ཁྱད་པར་དུ་གྱུར་པའོ། །
[140a.6]དེ་ཡང་དག་པར་སོགས་པ་ཡིན་པས་སྐལ་བ་དང་ཡོན་ཏན་ཁྱད་པར་དུ་གྱུར་པ་དང་ལྡན་པའོ། །སྐལ་བ་ནི་བསོད་ནམས་སོ། །ཡོན་ཏན་ནི་ཕ་རོལ་ཏུ་ཕྱིན་པ་དྲུག་གོ། །ཁྱད་པར་ནི་ལྷག་པའོ། །ལྡན་པ་ནི་མངོན་དུ་བྱས་པའོ། །རྙེད་པ་ནི་དབྱིག་དང་གསེར་ལ་སོགས་པའོ། །
[140a.7]བཀུར་སྟི་ནི་མཆོད་པའོ། །ཆེན་པོ་ནི་མང་པོ་སྟེ་མང་པོའི་སྒྲ་ནི་རེ་རེ་ལ་སྦྱར་ན་རྙེད་པ་ཆེན་པོ་དང་བཀུར་སྟི་ཆེན་པོའོ། །གྲགས་པ་ནི་སྙན་པར་གྲགས་པའོ། །ཁྱད་པར་ནི་ཁྱད་པར་དུ་འཕགས་པ་སྟེ་བྱུང་བར་གྱུར་ཏེ་ཞེས་བྱ་བ་ནི་བྱུང་ངོ་#ཞེས་བྱ་བའི་ཐ་ཚིག་གོ། །བྱང་ཆུབ་སེམས་དཔའ་
[140b]
[140b.1]དེའི་བློ་ནི་སེམས་སོ། །ཆོས་ལ་གོམས་པ་ཞེས་བྱ་བ་ལ་ཆོས་ནི་རྣམ་པ་གཉིས་ཏེ། ཁྱིམ་ན་གནས་པའི་ཆོས་དང་། མངོན་པར་འབྱུང་བའི་ཆོས་སོ། །ཁྱིམ་ན་གནས་པའི་ཆོས་ལ་#གོམས་ཤིང་བསྒོམས་པར་གྱུར་ཀྱང་དེ་རྙེད་པ་ལ་སོགས་པ་དེ་ལ་
[140b.2]མངོན་པར་དགའ་བར་མ་གྱུར་ཏེ། རབ་ཏུ་བྱུང་བ་དང་འདྲིས་པར་བྱས་པ་ཞེས་བྱ་བ་རབ་ཏུ་བྱུང་བ་ལ་འདྲིས་པར་བྱས་པས་ནི། བྱང་ཆུབ་སེམས་དཔའ་དེ་རབ་ཏུ་བྱུང་བ་ལ་དགའ་ཞིང་། དེ་ལ་དགའ་བར་མ་གྱུར་པ་ནི། མངོན་པར་དགའ་བ་མེད་པ་ཡིན་
[140b.3]ནོ། །སྔོན་གྱི་སྤྱོད་པས་དེ་#བློ་ཡོངས་སུ་དག# །ཅེས་བྱ་བ་ནི་སྐྱེ་བ་གཞན་དག་#ལ་དེས་ཡོངས་སུ་དག་པར་བྱས་པ་སྟེ། གང་གིས་#བློ་ཡོངས་སུ་དག་པ་དེ་ནི་བློ་ཡོངས་སུ་དག་པའོ། །འདོད་པར་བྱ་བ་ཡིན་པས་འདོད་པ་རྣམས་སོ། །
[140b.4]མངོན་པ་ནི་རྟོགས་པའོ། །སྐྱོན་མང་ཞེས་བྱ་བ་ནི་བསགས་པ་དང་། བསྲུངས་པ་#དང་། ཉེ་བར་སྤྱོད་པའི་ཀུན་ནས་ཉོན་མོངས་པ་ལ་སོགས་པའི་མངོན་པའི་ཉེས་པས་སོ། །ཁྱིམ་ན་གནས་པ་ནད་བཞིན་ཡོངས་#སྤངས་ནས་ཞེས་བྱ་བ་ནི་ནད་ནི་མི་བདེ་བའོ། །
[140b.5]ཡོངས་སུ་སྤངས་པ་ནི་ཡོངས་སུ་དོར་བའོ། །ནགས་ཚལ་གནས་ཤིང་ཞེས་བྱ་བ་ནི་ནགས་ཀྱི་ཕྱོགས་གཅིག་གོ། །བརྒྱན་པར་གྱུར་ཞེས་བྱ་བ་ནི་སྡུད་པའོ། །དེ་#ནི་ཞེས་བྱ་བ་ནི་བྱང་ཆུབ་སེམས་དཔའོ། །དེར་ནི་ཞེས་བྱ་བ་ནི་ནགས་ཀྱི་གནས་དེར་རོ། །ཆགས་མེད་
[140b.6]ཅེས་བྱ་བ་ནི་ཞེན་པ་མེད་པ་སྟེ། ཆགས་པ་མེད་པར་གྱུར་པའི་ཕྱིར་ཆགས་པ་མེད་པའོ། །དེ་ཡིས་ཞེས་བྱ་བ་ནི་ཆགས་པ་མེད་པ་དེ་ཡིས་ཞེས་འདྲེན་པ་ཡིན་ནོ། །ཤེས་རབ་ཡོངས་སུ་སྦྱངས་པ་ནི་ཤེས་རབ་དག་པའོ། །ཞི་བ་ནི་ཉེ་བར་ཞི་བའོ། །མིའི་འཇིག་རྟེན་
[140b.7]ཞེས་བྱ་བ་ནི་མིའི་འཇིག་རྟེན་དུའོ། །དམ་པ་ནི་གཞུང་ལུགས་#སྟོན་པར་བྱེད་པའི་སྐྱེས་བུ་དམ་པ་དེ་དག་གི་རྗེས་སུ་སྤྱོད་པ་སྟེ། རྗེས་སུ་འཇུག་ཅིང་དབང་པོ་སྡོམ་པའོ། །བྲལ་བ་ནི་མེད་པར་གྱུར་པའོ། །ངན་པ་ནི་འཇིག་རྟེན་ངན་པ་བཞིན་དུ་སྤྱོད་པ་སྟེ། ངན་པ་བྱེད་པ་ཡིན་པས་
[141a]
[141a.1]ངན་པ་སྤྱོད་པའོ། །ཆགས་པ་ནི་ཞེན་པའོ། །བཟློག་པ་ནི་བསལ་#བའོ། །བྱམས་པའི་རང་བཞིན་ཞེས་བྱ་བ་ནི་བྱམས་པའི་ངོ་བོ་ཉིད་ཀྱིས་སོ། །རབ་ཞི་ཞེས་བྱ་བ་ནི་ཉེ་བར་ཞི་བ་ཉིད་དོ། །དེའི་ཞེས་བྱ་བ་ནི་བྱང་ཆུབ་སེམས་དཔའི་འོ། །
[141a.2]རྣམ་པར་བརླན་པ་ཞེས་བྱ་བ་ནི་རྣམ་པར་བརླན་ཅིང་འཇོག་#པའོ། །སེམས་མཐུན་ཞིང་ཞེས་བྱ་བ་ནི་མི་མཐུན་པ་མེད་པའོ། །ཕན་ཚུན་ནི་གཅིག་ལ་གཅིག་གོ། །གནོད་པ་#མེད་པ་ཞེས་བྱ་བ་ནི་ལྡོག་པ་སྟེ། དེ་གང་ལས་ལྡོག་པ་ཡིན་ཞེ་ན། གནོད་པའི་དངོས་
[141a.3]པོ་སྟེ་ཀུན་ནས་གནོད་པའི་སེམས་ལས་སོ། །དཀའ་ཐུབ་ཅན་#ཞེས་བྱ་བ་ནི་དྲང་སྲོང་བཞིན་ནོ#། །གཅན་གཟན་#ཁྲོ་བོ་ནི་སེང་གེ་དང་། སྟག་དང་། དོམ་ལ་སོགས་པའོ། །སྤྱོད་ཅེས་བྱ་བ་ནི་སྤྱོད་པ་དང་ལྡན་པའོ། །སྤྱོད་པ་དག་པ་ནི་གཞུང་ལུགས་དག་པའོ། །
[141a.4]ཡང་ན་སྤྱོད་པ་དག་པ་ནི་བདུན་ལས་ལྡོག་པའོ། །དབང་པོ་དུལ་བ་ཞེས་བྱ་བ་ནི་དབང་པོ་དམ་#པར་བསྡམས་པའོ། །ཆོ་ག་ཤེས་པ་ནི་ངན་དོན་ཙམ་གྱིས་#ཆོ་ག་ཤེས་པའོ། །བཟའ་བ་དང་བགོ་བ་ལ་སོགས་པའི་རྒྱུས་སོ། །སྙིང་རྗེའི་ཡོན་ཏན་ཞེས་བྱ་བ་ནི་གོམས་པས་
[141a.5]སོ། །འཇིག་རྟེན་ནི་སྣོད་ཀྱི་འཇིག་རྟེན་ནོ། །སྐྱེ་བོ་ནི་དེ་ན་གནས་པའི་སྐྱེ་བོ་ལ་བརྗོད་དོ། །མ་འདྲིས་པ་ནི་ཡོངས་སུ་འདྲིས་པར་མ་གྱུར་པའོ། །འང་གི་སྒྲ་ནི་སྲིད་པའི་དོན་ནོ། །ཇི་ལྟར་བྱང་ཆུབ་སེམས་དཔའ་སྐྱེ་བོ་ལ་བྱམས་པར་གྱུར་པ་དེ་བཞིན་དུ་མ་འདྲིས་པའི་སྐྱེ་
[141a.6]བོ་དང་#བྱང་ཆུབ་སེམས་དཔའ་དེ་ལ་བྱམས་པར་གྱུར་ཏོ། །འདོད་པ་ཆུང་བ་ནི་ཡོངས་སུ་བཟུང་བ་ལ་རྒྱབ་ཀྱིས་ཕྱོགས་པ་ཡིན་ཏེ། ཆོག་ཤེས་པའོ། །ངན་གཡོ་ཞེས་བྱ་བ་ནི་རྙེད་པ་དང་བཀུར་སྟིའི་ཆེད་དུ་སྤྱོད་ལམ་འཆོས་པའོ། །མི་ཤེས་པ་ནི་མངོན་པར་མི་ཤེས་པའོ། །
[141a.7]ཆགས་པ་ནི། རྙེད་པ་དང་། གྲགས་པ་དང་། བདེ་བ་དག་ལའོ། །འདིས་ནི་ཆགས་པ་མེད་པར་བསྟན་པ་ཡིན་ནོ། །དེ་ནི་ཞེས་བྱ་བ་ནི་བྱང་ཆུབ་སེམས་དཔའོ། །ལྷ་རྣམས་ཀྱི་ཡིད་ཀྱང་མགུ་བར་གྱུར་པས་དང་ཞིང་གུས་པ་ལ་རབ་ཏུ་གཞོལ་བ་ནི་རྗེས་སུ་མཐུན་པའོ། །
[141b]
[141b.1]བྱེད་པ་ནི་བྱེད་པ་དང་ལྡན་པའོ། །དེ་ནི་ཞེས་བྱ་བ་ནི་བྱང་ཆུབ་སེམས་དཔའོ། །རབ་ཏུ་བྱུང་བ་ནི་རྟགས་#དང་ལྡན་པར་བྱས་ཞེས་བྱ་བའི་དོན་ཏོ། །མིས་ཞེས་བྱ་བ་ནི་སྐྱེ་བོས་སོ། །ཐོས་ཏེ་#ཞེས་བྱ་བ་ནི་རྣ་བའི་དབང་པོ་གཏད་པ་ལས་སོ། །དེ་ནས་ཞེས་བྱ་བ་ནི་དེ་མ་
[141b.2]ཐག་ཏུའོ། །ཡོན་ཏན་ཞེས་བྱ་བ་ནི་སྦྱིན་པ་དང་། ཚུལ་ཁྲིམས་དང་། དེས་པ་ལ་སོགས་པའོ། །སེམས་དྲངས་ནས་ཞེས་བྱ་བ་ནི་ཡོན་ཏན་འཛིན་པར་བྱེད་པ་སེམས་ཡིན་པས་སོ། །རྣམ་སྤངས་ཏེ་ཞེས་བྱ་བ་ནི་ཡོངས་སུ་དོར་བའོ། །དེ་གང་ཡིན་ཞེ་ན། གཉེན་
[141b.3]དང་ཡོངས་སུ་བཟུང་བ་སྟེ། གཉེན་ནི་ཕ་དང་མ་དང་འབྲེལ་པའོ། །ཡོངས་སུ་བཟུང་བ་ནི། དབྱིག་དང་། གསེར་དང་། གླང་པོ་ཆེ་ལ་སོགས་པའོ། །དེའི་སློབ་མ་ཞེས་བྱ་བ་ནི། བྱང་ཆུབ་སེམས་དཔའ་དེའི་སློབ་མར་ཉེ་བར་ཁས་བླངས་པའོ། །ཇི་ལྟར་ཞེ་ན། འདི་ལྟར་དངོས་
[141b.4]གྲུབ་གྲུབ་#པ་ལྟ་བུར་རོ། །ཡང་ན་དེའི་སློབ་མ་ནི། དངོས་གྲུབ་བཞིན་དུ་སྟེ་བྱ་བ་རྣམས་གྲུབ་པ་བཞིན་དུའོ། །གྱུར་པ་ནི་ཐོབ་པའོ། །ཚུལ་ཁྲིམས་ནི་སོ་སོ་#ཐར་པའི་སྡོམ་པའོ། །གཙང་བ་བསླབ་པའི་གཞི་ཡང་དག་པར་བསྲུང་བ་#ལ་སོགས་པའོ། །དབང་པོ་དུལ་
[141b.5]བ་ནི་དང་པ་ལ་སོགས་པ་ཡོངས་སུ་གཟུང་ངོ་། །བསྒོམ་#པ་ནི་གོམས་པའི་སྦྱོར་བས་སོ། །དྲན་པ་ཞེས་སྨོས་པས་ནི་དྲན་པ་ཉེ་བར་གཞག་པ་གཟུང་ངོ་། །མ་ཉམས་པ་ནི་དྲན་པ་མངོན་#དུ་འགྲོ་བས་དྲན་པ་ཉེ་བར་གནས་པའོ། །རབ་ཏུ་དབེན་པ་ནི་རབ་ཏུ་དབེན་པར་བྱས་པ་སྟེ།
[141b.6]ལུས་ངག་ཡིད་གསུམ་རྣམས་དབེན་པར་གནས་པས་སོ། །བྱམས་པ་ཞེས་བྱ་བ་ལ་སོགས་པ་སྨོས་པས་ནི་སྙིང་རྗེ་དང་། དགའ་བ་དང་། བཏང་སྙོམས་གཟུང་#ངོ་། །ཡིད་ནི་སེམས་སོ། །ཏིང་ངེ་འཛིན་ནི་བསམ་གཏན་ནོ། །ཅི་ནུས་ཞེས་#བྱ་བ་ནི་གང་གང་ལ་ཅི་ནུས་པ་སྟེ་
[141b.7]ཇི་ལྟར་ནུས་པའོ། །དང་པོ་ཚུལ་ཁྲིམས་ལ་གཞག་པར་སྟོན་ཏོ། །ཚུལ་ཁྲིམས་ལ་གནས་ནས་དབང་པོའི་སྒོ་སྡོམ་པའོ། །དེ་ལ་སོགས་པའི་རིམ་པ་ཇི་ལྟར་འཚམ་བ་བཞིན་དུ་ཅི་ནུས་པ་སྟེ། སྟོབས་ཇི་ལྟ་བ་བཞིན་དུ་རྗེས་སུ་སྟོན་པ་ཞེས་བྱ་བའི་དོན་ཏོ། །སློབ་མ་
[142a]
[142a.1]དེ་གང་ཡིན་ཞེ་ན། དེ་ནས་ཞེས་བྱ་བ་ནི་དེ་མ་ཐག་པའོ། །བདག་ཉིད་ཆེན་པོ་ཞེས་བྱ་བ་ལ། བདག་ཉིད་ཆེན་པོ་གང་ལ་ཡོད་པ་དེ་ལ་བདག་ཉིད་ཆེན་པོ་སྟེ། ཚུལ་ཁྲིམས་ལ་སོགས་པ་ཡོད་པའོ། །དེ་ཞེས་བྱ་བ་ནི་བྱང་ཆུབ་སེམས་དཔའོ། །རེ་ཞིག་
[142a.2]ཅེས་བྱ་བ་ནི་དུས་གང་གི་ཚེ་ནའོ། །སློབ་མའི་ཚོགས་ཞེས་བྱ་བ་ནི་སློབ་མ་འདུས་པ་རྣམས་སོ། །ཕལ་ཆེར་ཞེས་བྱ་བ་ནི་མང་དུའོ། །ཡོངས་སུ་རྫོགས་པ་ནི་བྱ་བ་རྣམས་མཐར་ཕྱིན་པའོ། །རྒྱ་ཆེ་བ་ནི་ཡངས་པར་གྱུར་པ་ཞེས་བྱ་བའི་དོན་ཏོ། །དགེ་བ་ནི་དེས་#དག་པའོ། །
[142a.3]ལས་#ནི་ལམ་སྟེ། འཕགས་པའི་ལམ་ཡན་ལག་བརྒྱད་པའོ། །རབ་ཏུ་བཀོད་པ་ནི་རྣམ་པར་གཞག་#པའོ། །འཇིག་རྟེན་པ་རྣམས་ཞེས་བྱ་བ་ནི་སློབ་མའི་མཆོག་ཏུ་བཟུང་བ་ཡིན་ནོ། །ཡང་ན་འཇིག་རྟེན་པ་#ཐ་མལ་པའོ། །ངེས་པ་ནི་མྱ་ངན་ལས་འདས་པའོ། །ངེས་
[142a.4]བའི་ལམ་ནི་འཕགས་པའི་ལམ་ཡན་ལག་བརྒྱད་པ་དེ་ཉིད་སྦྱར་བར་བྱའོ། །བཙུད་པ་ནི་ཡང་དག་པར་ཞུགས་པར་བྱས་པས་སོ། །ངན་སོང་ནི་དམྱལ་བ་དང་། དུད་འགོ་དང་། ཡི་དགས་ལ་སོགས་པའོ། །སྒོ་ནི་འཇུག་པར་བྱེད་པ་སྟེ། བཅད་པ་ནི་བཀག་བའོ། །
[142a.5]བདེ་#འགྲོ་ཞེས་བྱ་བ་ནི་མཛེས་པར་འགྲོ་བས་བདེ་འགྲོའོ། །ཡང་ན་ལྷ་དང་མིའི་མྱ་ངན་ལས་འདས་པའོ། །ལམ་པོ་ཆེ་སྟེ་རྒྱལ་པོའི་ལམ་སྲང་བཞིན་དུ་ཞེས་བྱ་བ་ནི་དཔེས་ཉེ་བར་འཇལ་བ་སྟེ། ཇི་ལྟར་བྲམ་ཟེའི་ཁྱེའུ་སེང་གེ་ལྟ་བུའོ། །བྱས་ནས་ཞེས་བྱ་བ་ནི་བྱས་
[142a.6]པར་གྱུར་ནས་ཞེས་པ་ཡིན་ནོ། །ཚེ་འདི་ལ་ཞེས་བྱ་བ་ནི་མཐོང་བའི་ཆོས་ལའོ། །བདེ་བ་#སྤྱད་པའི་ཕྱིར་ཞེས་བྱ་བ་ནི་ཚངས་པའི་གནས་པ་#བཞི་སྟེ། དེ་ཡང་གཅིག་ཏུ་བདེ་བ་ཡིན་པས་དེས་གནས་པའི་ཕྱིར་སྤྱོད་པའོ། །དེའི་ཚེ་ཞེས་བྱ་བ་ནི་སེམས་ཅན་གདུལ་བྱ་#རྣམས་
[142a.7]འདུལ་བའི་ཚེའོ། །ཡང་ན་དེའི་ཚེ་ཞེས་པ་ནི་སློབ་མ་སྨིན་པའི་ཚེ་ནའོ། །སློབ་མའི་ངང་#ཚུལ་ཅན་ཡིན་པས་ན་སློབ་མའོ། །མ་ཕམ་#པ་ནི་བྱམས་པ་འདིའོ། །རྗེས་སུ་མཐུན་པ་ཞེས་བྱ་བ་ནི་#རྗེས་སུ་འགྲོ་བའོ། །རྣལ་འབྱོར་དང་མཐུན་པ་ནི་ཞིག་ནས་དང་ལྷག་མཐོང་དང་
[142b]
[142b.1]རྗེས་སུ་མཐུན་པའི་གནས་སོ། །རི་སུལ་ནི་རིའི་སྨན་ལྗོངས་དང་། ཕུག་དང་ཚང་ཚིང་དང་བཅས་པའོ#། །གནས་ཤིང་སྤྱོད་པ་ནི་སྤྱོད་ཅིང་འདུག་པའོ། །དེ་ནས་ཞེས་བྱ་བ་ནི་དེ་མ་ཐག་པའོ། །རིའི་ཁྲོད་ནི་རིའི་ཁྲོད་དེ་སུལ་དག་གོ། །དེ་ན་ནི་ཞེས་བྱ་བ་ནི་དེའི་ཚེ་ནའོ། །སྟག་མ་ནི་
[142b.2]སྟག་མོ་ཉིད་དོ། །ཕྲུ་#གུ་འབྲངས་བར་གྱུར་པ་ཞེས་བྱ་བ་ནི་བཙས་པར་གྱུར་པའོ། །བཙས་པའི་ནད་ཀྱིས་སྡུག་བསྔལ་བ་ཉིད་ནི་ཉོན་མོངས་པའོ། །སྐྱོན་ནི་དེའི་སྐྱོན་གྱིས་ལྟོགས་ཤིང་དེས་ཤིན་ཏུ་གཟིར་བའི་སྡུག་བསྔལ་གྱི་དབང་དུ་གྱུར་ཏེའོ། །སྤྱོད་པ་ཉམས་པར་གྱུར་ཞེས་བྱ་བ་ནི་འགྲོ་བ་
[142b.3]ཉམས་པ་སྟེ་མི་ནུས་པར་གྱུར་པའི་ཕྱིར་རོ། །མཐོང་བ་ནི་ཤེས་པའོ། །གང་ལ་མིག་ཟུང་ཡོང་པ་དེ་ནི་མིག་གཉིས་ལྟ་བའོ། །ལྟ་བ་ནི་མིག་གོ། །གཉིས་ནི་ཟུང་ངོ་། །ཞན་#པར་གྱུར་པ་ནི་མིག་ཕུགས་སུ་ཞུགས་པའོ། །བཀྲེས་པ་ནི་ཟ་བར་འདོད་པའོ། །ལྟོ་བ་ནི་གསུས་པ་སྟེ་
[142b.4]རབ་ཏུ་རྙོང་བ་ནི་རབ་ཏུ་ཞུམ་པར་གྱུར་པ་སྟེ། བཙས་པའི་ནད་ཀྱིས་ལྟོ་རབ་ཏུ་ཞུམ་པར་གྱུར་པའོ། །ཁ་ཟས་ཞེས་བྱ་བ་ནི་བཟའ་#བ་བཞིན་དུ་མཐོང་བར་གྱུར་པས་སོ། །དེ་གང་ཡིན་ཞེ་ན། ཕྲུ་གུ་དེ་#ཤིན་ཏུ་གཞོན་པའི་གཟུགས་ཅན་ནོ། །བདག་གི་ཞེས་བྱ་བ་ནི་རང་གིའོ། །བུ་ཞེས་བྱ་བ་
[142b.5]ནི་རང་ལས་སྐྱེས་པའོ། །མ་ཞེས་བྱ་བ་ནི་འཛིན་པའོ། །ཡིད་གཅུགས་འཇིགས་མེད་ཅེས་བྱ་བ་ནི་དོགས་པ་མེད་པར་རོ། །ནུ་ཞོ་ནི། ནུ་མ་ནས་འོང་བའོ། །འདོད་ཕྱིར་ཞེས་བྱ་བ་ནི་སྲེད་པ་སྟེ། འཐུང་བར་འདོད་པའོ། །ལྷགས་པ་ཞེས་བྱ་བ་ནི་ཉེ་བར་ཕྱིན་པའོ། །སྟག་སྐད་ཅེས་
[142b.6]བྱ་བ་ནི་སྐད་རྩུབ་པའོ། །ཉེར་ཉེར་སྐད་འབྱིན་ཅིང་ཞེས་བྱ་བ་ནི་སྒྲའི་ཁྱད་པར་ལས་བྱ་བ་ཡིན་ཏེ། འཇིགས་སུ་རུང་བས་བསྡིགས་པ་དང་སྐྲོད་པའོ། །གཞན་གྱི་#ཞེས་བྱ་བ་ནི། ཕ་རོལ་གྱིའོ། །བཞིན་ཞེས་བྱ་བ་ནི། དཔེས་ཉེ་བར་འཇལ་བའོ། །བྱང་ཆུབ་སེམས་
[142b.7]དཔས་སྟག་མོ་དེ་མཐོང་ནས། །བརྟན་ཡང་སྙིང་རྗེའི་དབང་གྱུར་བས། །ཞེས་བྱ་བ་ནི་བརྩེ་བའི་དབང་དུ་གྱུར་པས་འབར་བར་གྱུར་པའོ། །ཅིའི་ཕྱིར་འདར་ཞེ་ན། གཞན་གྱི་སྡུག་བསྔལ་གྱིས་སོ། །ཇི་ལྟར་འདར་ཞེ་ན། ས་གཡོས་པའི་ལྗོན་ཤིང་ལྟ་བུར་རོ། །ས་ནི་འབྱུང་བའི་
[143a]
[143a.1]རྟེན་ནོ། །ལྗོན་ཤིང་ནི་ཤིང་སྟེ། ཇི་ལྟར་ས་གཡོས་པ་#ན། ཤིང་འགུལ་བ་དེ་བཞིན་དུ་བྱང་ཆུབ་སེམས་དཔའ་གཞན་གྱི་སྡུག་བསྔལ་གྱིས་འདར་རོ་ཞེས་བྱ་བའི་དོན་ནོ། །བདག་གི་སྡུག་བསྔལ་#ཞེས་བྱ་བ་ནི་རང་གི་སྡུག་བསྔལ་ཆེན་པོ་ལ་ཡང་བརྟན་པས་ཡི་ཆད་
[143a.2]པ་དང་། སྒྱིད་ལུག་པ་སྤངས་པ་ཡིན་ནོ། །སྙིང་རྗེའི་བདག་ཉིད་ཅེས་བྱ་བ་ནི་སྙིང་རྗེའི་བདག་ཉིད་དུ་གྱུར་པའོ། །གཞན་གྱི་ཞེས་བྱ་བ་ནི་ཕ་རོལ་གྱིའོ། །ཆུང་དུ་ནི་ཅུང་ཟད་ཙམ་གྱིས་ཀྱང་ངོ་། །སྡུག་བསྔལ་ནི་ཕོངས་#པའོ། །འདར་བར་གྱུར་པ་ཞེས་བྱ་བ་ནི་གནོད་པར་གྱུར་
[143a.3]པའོ། །དེ་ཞེས་བྱ་བ་ནི་དེའི་ཕྱིར་རོ། །རྨད་དོ་ཞེས་བྱ་བ་ནི་ངོ་མཚར་རོ་ཞེས་བྱ་བའོ#། །དེ་ནས་ཞེས་བྱ་བ་ནི་དེ་མ་ཐག་པའོ། །བྱང་ཆུབ་སེམས་དཔའ་བརྟབས་ཤིང་རིངས་པའི་ཚིག་གང་ཡིན་པ་དེ་ནི་རིངས་རིངས་སྐད་དུ་སྨྲ་བའི་ཚིག་བཟླས་པ་སྟེ། ཇི་ལྟ་བུ་ཞེས་བྱ་བ་ལྟ་བུའོ། །
[143a.4]རང་བཞིན་ཁྱད་པར་ཅན་གསལ་བ་ཞེས་བྱ་བ་ལ་རང་བཞིན་ནི་ངོ་བོ་ཉིད་དོ། །ཁྱད་པར་ཅན་ནི་དམ་པའོ། །གསལ་བར་སྟོན་པ་ཞེས་བྱ་བ་ནི་རབ་ཏུ་སྟོན་པའོ། །སྙིང་རྗེ་ནི་བརྩེ་བའོ། །དབང་གིས་ཞེས་བྱ་བ་ནི་སྤྲོ་བས་སོ། །ཚིག་གི་#འབྲུ་ཞེས་བྱ་བ་ནི་ཡི་གེའོ། །གསལ་བ་ཞེས་
[143a.5]བྱ་བ་ནི་སེམས་མ་འཁྲུལ་པའོ། །སློབ་མ་ནི་མ་ཕམ་པའོ། །སྨྲས་པ་ནི་བསྟན་པའོ། །བུ་བུ་ཞེས་བྱ་བ་ནི་རྟག་པར་ཟློས་པའོ། །འཁོར་བ་ནི་འཁོར་བར་བྱེད་པས་ན་འཁོར་བའོ། །ཡོན་ཏན་མེད་པ་ཞེས་བྱ་བ་ནི་ཡོན་ཏན་ཕྱིར་རྒོལ་བར་གྱུར་པས་སོ། །ལྟོས་ཞེས་བྱ་བ་ནི་ལྟོས་ཤིག་
[143a.6]ཅེས་པའོ། །གཅན་གཟན་མོ་ཞེས་བྱ་བ་ནི་གཅན་གཟན་གྱི་རིགས་སོ། །བྱམས་པ་ནི་བརྩེ་ཞིང་དགའ་བ་དང་རྗེས་སུ་འབྲེལ་བའོ། །མཚམས་ནི་རྣམ་པར་གནས་པའོ། །འདས་པ་ནི་བརྒལ་བའོ། །བདག་གི་བུ་ཞེས་བྱ་བ་ནི་རང་གི་བུའོ། །འདི་སྐད་བསྟན་ཏེ། བྱམས་པའི་
[143a.7]མཚམས་སུ་བྱས་པ་སྟེ། སྟག་མོ་གང་ཡིན་པ་དེས་འདས་པར་བྱས་ཞེས་པའོ། །ཨེ་མ་ཞེས་པ་ནི་ངོ་མཚར་དུ་གྱུར་པའོ། །ཀྱི་ཧུད་ཅེས་བྱ་བ་ནི་སྐྱོ་བ་དང་རྗེས་སུ་བརྩེ་བས་སོ། །ཀྱི་ཧུད་ཅེས་བྱ་བ་#ནི། དཀའ་བས་སོ། །བདག་ལ་བྱམས་པ་ནི་བདག་ལ་དགའ་བའོ། །མི་བཅད་དོ་
[143b]
[143b.1]ཞེས་བྱ་བ་ནི་སྙིང་རྗེ་མེད་པའོ། །གང་གི་ཕྱིར་ཞེས་བྱ་བ་ནི་གང་གིས་སོ། །མ་ནི་སྐྱེད་པར་བྱེད་པའོ། །ཡང་གི་སྒྲ་ནི་སྲིད་པའི་ཚུལ་ལོ། །བུ་ནི་བུའོ། །བཟའ་བ་#ནི་ཟ་བའོ། །འདོད་པ་ནི་མངོན་པར་འདོད་པའོ། །གང་གི་ཕྱིར་ཞེས་བྱ་བ་ནི་གང་གི་རྒྱུས་སོ། །འདི་འདྲའི་ཞེས་བྱ་
[143b.2]བ་ནི་བུ་ཟ་བར་འདོད་པ་དེའི་ལས་སྟོན་པར་བྱེད་པ་ཡིན་ནོ། །ལས་ནི་བྱ་བའོ། །ཀྱང་གི་སྒྲ་ནི་སྲིད་པ་ཉིད་དོ། །བྱེད་པ་ནི་བྱེད་པར་གྱུར་པའོ། །རྩོལ་བ་དེ་ལྟ་བུ་ཞེས་བྱ་བ་ནི་རབ་ཏུ་གནས་པ་དང་། འབད་པ་དང་འཇུག་པའོ། །བདག་ལ་བྱམས་པ་ནི་བདག་ལ་དགའ་བའོ། །འདི་
[143b.3]ཞེས་བྱ་བ་ནི་ཉེ་བར་སྟོན་པ་ཡིན་ནོ། །དགྲ་ནི་ཤ་ཁོན་ཅན་ནོ། །སུ་ཞིག་ཅེས་བྱ་བ་ཇི་ལྟར་ཞེས་པའོ། །འཕེལ་བར་བྱེད་པ་ནི་སྐྱེད་པར་བྱེད་པའོ། །ཡོད་ཅེས་བྱ་བ་ནི་འོས་ཞེས་བྱ་བའི་དོན་ཏོ། །དེ་བས་ན་ཞེས་བྱ་བ་ནི་དེའི་ཕྱིར་ཞེས་བྱ་བ་སྟེ། བུ་ཟ་བར་འདོད་པ་དེ་བས་ན་ཚོལ་#
[143b.4]ཅིག་པའོ། །མྱུར་དུ་ཞེས་བྱ་བ་ནི་རིངས་པར་རོ། །ཚོལ་#ཅིག་པ་ནི་བཙལ་བ་སྟེ། དེས་བུ་ཟ་བར་མི་འགྱུར་བ་དེ་ལྟར་ཚོལ་#ཅིག་པའོ། །གང་ཞིག་ནས་ཞེས་བྱ་བ་ནི་ཇི་ལྟར་ཡོང་ངོ་། །འདི་ཞེས་བྱ་བ་ནི་སྟག་མོའོ། །བཀྲེན་#པའི་སྡུག་བསྔལ་ནི་ཞེས་བྱ་བ་ནི་#འདོད་པའི་ཚོལ་#
[143b.5]བའོ། །བསལ་#བ་ནི་གསོ་བའོ། །རྒྱུ་ནི་རྒྱུ་ཉིད་དོ། །ཇི་ལྟར་མོ་བདག་དང་ཕྲུ་#གུ་རྣམས་མ་རུང་བར་མི་འགྱུར་བར་ཞེས་བྱ་བ་ནི་སྟག་མོ་དང་ཕྲུ་#གུ་གཉིས་ཏེ། བུ་དང་བདག་ཉིད་མ་རུངས་པར་#མ་གྱུར་པ་ཞེས་བྱ་བ་ནི་འཆི་བར་མ་གྱུར་པའོ། །དགག་#པ་གཉིས་སྨོས་པ་ནི་དོན་གྱི་རང་
[143b.6]བཞིན་སྨོས་པར་བྱེད་པ་སྟེ། འཆི་བ་ཉིད་ཀྱིས་འཆི་བར་མི་#འགྱུར་བའོ། །མོ་བདག་ལ་གནོད་པ་ནི་བུ་བསད་པའི་སྡིག་པས་འཇིག་རྟེན་ཕ་རོལ་དུ་ངན་སོང་དུ་འགྲོ་བའོ། །བདག་ཀྱང་འདི་ཞེས་བྱ་བ་འདིས་ནི་བྱང་ཆུབ་སེམས་དཔའ་རང་གི་ལུས་ཀྱི་སྦྱིན་པ་ཡིན་པ་ལ་བསམས་ནས་སྨྲས་པའོ། །
[143b.7]དེས་ཞེས་བྱ་བ་ནི་སློབ་མའོ། །དེ་བཞིན་དུ་བགྱིའོ་ཞེས་ནས་སོ། །དེ་ཞེས་བྱ་བ་ནི་བྱང་ཆུབ་སེམས་དཔའ་ལས་དེའོ། །མཉན་ཏེ་ཞེས་བྱ་བ་ནི་མཉན་ནས་སོ། །དེའི་ཟས་ཞེས་བྱ་བ་ནི་སྟག་མོ་དང་སྦྱར་རོ། །ཚོལ་#བ་ནི་བཙལ་བའོ། །འབད་པ་ནི་ནན་ཏན་#ཏེ། དེ་བྱས་པར་གྱུར་ཏོ་ཞེས་བྱ་བའི་དོན་
[144a]
[144a.1]ཏོ། །དེ་ནས་ཞེས་བྱ་བ་ནི་དེ་མ་ཐག་པའོ། །བྱང་ཆུབ་སེམས་དཔའ་ཞེས་བྱ་བ་ནི་བྱང་ཆུབ་ཀྱི་ཕྱིར་སེམས་དཔས་#ན་བྱང་ཆུབ་སེམས་དཔའོ། །#སློབ་མ་དེ་ཞེས་བྱ་བ་ནི་མ་ཕམ་པའོ། །སྙད་#བཏགས་ཏེ་ཞེས་བྱ་བའི་དོན་དང་ལྡན་པར་བྱས་ཏེའོ། །བཏང་བ་ནི་གཞན་དུ་བཏང་
[144a.2]བའོ། །བསམས་པ་ནི་བསམས་པ་ལ་ཞུགས་པའོ། །ཡོད་བཞིན་དུ་ཞེས་བྱ་བ་ནི་ལྡན་བཞིན་དུའོ། །ཚང་བ་ཞེས་བྱ་བ་ནི་མ་ལུས་པའོ། །ཚང་བ་ཞེས་སྨོས་པ་ནི་གཞན་དག་འདི་ལྟར་མ་གྱུར་པའི་ཕྱིར་ཏེ། ལ་ལ་ཡན་ལག་མ་ཚང་བ་ལས་ནི་ཡོངས་སུ་གཏོང་བ་དང་ལྡན་པ་
[144a.3]ཡིན་ནོ་ཞེས་མི་འཛིན་པས་སོ། །ལུས་ནི་འཇིག་པའི་བདག་ཉིད་པས་ལུས་སོ། །ཅི་ཕྱིར་ཞེས་བྱ་བ་ནི་ཅིའི་རྒྱུས་སོ། །གཞན་ལ་ཞེས་བྱ་བ་ནི་གཞན་དག་གི་སྟེ་ཤའོ། །བཙལ་བ་ནི་བསླང་བར་བྱ་བའོ། །དེ་ཞེས་བྱ་བ་ནི་སློབ་མས་ཀྱང་ངོ་། །གཏོལ་མེད་ཅེས་བྱ་བ་ནི་
[144a.4]གློ་བུར་དུ་རྙེད་དམ་མི་རྙེད་མ་ངེས་ཞེས་བྱ་བའི་དོན་ཏོ། །གང་གི་ཕྱིར་བདག་གི་དགོས་པ་ཞེས་བྱ་བ་ནི་རྙེད་པ་ཕུན་སུམ་ཚོགས་པའོ། །དགོས་པ་མི་འགྲུབ་སྲིད་ཅེས་བྱ་བ་ནི་བྱ་བ་མི་འགྲུབ་ཅིང་འཇིག་པར་འགྱུར་ཞེས་བྱའོ། །གཉིས་སུ་ན་ཞེས་བྱ་བ་ནི་གཞན་ཡང་ངོ་། །བདག་
[144a.5]མེད་ཅེས་བྱ་བ་ནི་བདག་དང་བྲལ་བའོ། །འཇིག་ལ་ཞེས་བྱ་བ་ནི་འཇིག་པའི་ངོ་བོ་ཉིད་ཡིན་པས་སོ། །སྙིང་པོ་མེད་པ་ནི་སྙིང་པོ་མེད་པའི་བདག་ཉིད་དེ་ཆུ་ཤིང་གི་སྡོང་པོ་ལྟ་བུའོ། །སྡུག་བསྔལ་ཞེས་བྱ་བ་ནི་གནོད་པ་སྣ་ཚོགས་ཀྱི་གཞིར་གྱུར་པ་ཡིན་པས་སྡུག་བསྔལ་ལོ། །
[144a.6]དྲིན་མེད་ཅེས་བྱ་བ་ནི་གང་ཕན་པ་བྱས་པ་གང་ཡིན་པ་དེ་ཡང་འཇིག་པར་བྱེད་པའི་ཕྱིར་རོ། །རྟག་ཏུ་ཞེས་བྱ་བ་ནི་དུས་ཐམས་ཅད་དུའོ། །མི་གཙང་བ་ནི་ཕྱིས་དང་། གཅིན་དང་། མཆིལ་མ་ལ་སོགས་པ་འཛག་པའི་ཕྱིར་མི་གཙང་བའོ། །ལུས་ནི་ལུས་སོ། །གཞན་ལ་
[144a.7]ཞེས་བྱ་བ་ནི་གཞན་གྱི་དོན་དུའོ། །ཕན་ཐོགས་པར་གྱུར་པ་ནི་ཉེ་བར་སྦྱོར་བར་གྱུར་པའོ#། །དགའ་བར་མི་འགྱུར་བ་ནི་#དགའ་བར་གྱུར་པའོ། །མཁས་པ་ནི་རྟོགས་པའོ། །བདག་ནི་བདེ་བ་ལ་ཆགས་#ཞེས་བྱ་བ་ནི་རང་གི་བདེ་བ་ལ་ཞེན་པའོ། །གཞན་གྱི་སྡུག་བསྔལ་ཡལ་
[144b]
[144b.1]བར་འདོར་བ་ནི་ཐ་མལ་པར་#འདུག་པ་ཉིད་དོ། །མཐུ་མེད་དམ་ཞེས་བྱ་བ་ནི། སྦྲོ་བ་ཉམས་པའོ། །དམ་ཞེས་བྱ་བའི་སྒྲ་ནི་རྣམ་པ་གཉི་གར་བརྟག་པའོ། །གཞན་གྱི་སྡུག་བསྔལ་ཞེས་བྱ་བ་ནི་དེ་གཞན་ལ་སྡུག་བསྔལ་ཡོད་པ་སྟེ། འདི་ལྟར་གཞན་དག་སྡུག་བསྔལ་བས་སྡུག་
[144b.2]བསྔལ་བདག་ལ་བདེ་བ་མེད་དོ། །ནུས་པ་ཡོད་བཞིན་དུ་ཞེས་བྱ་བ་ནི་སྐྱེས་བུའི་བྱེད་པ་སྟེ། འདི་ལྟར་ལུས་ཡོངས་སུ་གཏོང་བའོ། ཅི་སྟེ་ཞེས་བྱ་བ་ནི་ཅིའི་ཕྱིར་ཡལ་བར་འདོར་བར་བྱེད་ཅེས་བྱ་བ་ཡིན་ནོ། །ནུས་པ་ཡོད་བཞིན་ཞེས་བྱ་བ་ནི་ལྡན་པ་སྟེ་སྐྱེས་བུའི་བྱེད་པའོ། །བདག་གིས་ཞེས་བྱ་བ་ནི་
[144b.3]བདག་ཉིད་ཀྱིས་སོ། །གལ་ཏེ་ཡལ་བོར་ཞེས་བྱ་བ་སྟེ། །གལ་ཏེ་ཐ་མལ་པར་བདག་འདུག་ནའོ། །གསོད་པའི་དགྲ་ནི་ཕས་ཀྱི་དགྲ་སྟེ་གསོད་པར་འདོད་པའོ། །སྡུག་བསྔལ་བྱིང་བ་ཞེས་བྱ་བ་ནི་ཕོངས་པར་བྱིང་བ་ཞེས་བྱ་བའི་དོན་ཏོ། །སྡིག་པ་#བྱས་པ་བཞིན་ཞེས་བྱ་བ་ནི་བདག་གིས་ཏེ་
[144b.4]ཕྱི་ནས་ཡིད་ལ་གཅགས་པའི་ཕྱིར་རོ། །བདག་གི་སེམས་ནི་རང་གི་སེམས་སོ། །དེ་འགྱོད་པའི་མི་དེས་སེམས་ཀུན་ཏུ་ཚིག་པ་ཡིན་ཏེ། ཇི་ལྟ་བུ་ཞེ་ན། འདི་ལྟར་མེ་ཆེན་པོས་འདམ་བུའམ་རྩྭ་དག་ཚིག་པ་ཡིན་ནོ། །དེ་བས་ཞེས་བྱ་བ་ནི་དེའི་ཕྱིར་རོ། །བསྲུང་བར་བྱ་བ་ནི་
[144b.5]བསྲུང་བའོ། །ལུས་ཞེས་བྱ་བ་ལ། ཀ་ཞེས་བྱ་བའི་སྒྲ་ངན་པར་བསྟན་ཏོ། །གཡང་སར་ལྷུང་བ་ལ་ཐུག་པ་ཡིན་པས་དེའི་ཕྱིར་གང་གི་སྲོག་ཐུག་པ་ཡོད་པ་སྟེ་ལུས་ཀྱིའོ། །ཐུག་པ་ཞེས་བྱ་བ་ནི་ཉེ་བར་འདོད་པའི་སྲོག་དང་ལྡན་པའི་ལུས་ཞེས་བྱ་བའི་དོན་ཏོ། །ཕྲུ་གུ་བསྲུང་
[144b.6]བ་ནི་ཕྲུ་གུ་གསོད་#པ་ལས་སོ། །གཅན་མོ་ནི་སྟག་མོའོ། །དེའི་ཕྲུ་#གུ་ནི་དེའི་བུའོ། །གཞན་ཡང་ཞེས་བྱ་བ་ནི་གཞན་ཡང་ཡོད་པར་བསྟན་པའོ། །ཡང་ན་གཞན་ཡང་ཞེས་བྱ་བ་ནི་འདི་ལྟར་ཡང་བསྟན་པ་ཡིན་ཏེ། འདི་ལྟར་མདོའི་ཚིག་བསྟན་པ་ནི་ཡང་དག་པར་འཛིན་དུ་འཇུག་པའོ། །
[144b.7]སྤྲོ་བ་བསྐྱེད་པ་ནི་ཡང་དག་པར་གཟེངས་#བསྟོད་པའོ། །དེ་ལ་བསྟན་པ་ནི་རབ་ཏུ་བཤད་པའོ། །གང་ལ་བཤད་པ་ཡིན་ཞེ་ན། གང་འཇིག་རྟེན་ལ་ཕན་པར་བརྩོན་པ་རྣམས་སོ། །འཇིག་རྟེན་ནི་#སེམས་ཅན་ནོ། །ཕན་བརྩོན་ནི་ཕན་འདོགས་པར་བྱེད་པའོ། །བརྩོན་འགྲུས་ཞན་པ་ནི་
[145a]
[145a.1]རྨོངས་#པ་སྟེ། ཕ་རོལ་གནོན་པ་ཞན་#པ་དང་། སྤྲོ་བ་ཆུང་བ་རྣམས་སོ། །དགའ་བ་བསྐྱེད་པ་ནི་ཚིམ་པར་བྱ་བའོ། །སུ་ཞེ་ན། གང་ཞིག་སྦྱིན་པ་གཏོང་ཕོད་པ་སྟེ། དེ་གང་ཡིན་ཞེ་ན། མགོན་མེད་ཟས་སྦྱིན་ལ་སོགས་པའོ། །གཏོང་བ་ནི་བཏང་བའོ། །ཕོད་
[145a.2]པ་ནི་རླབས་ཆེ་བ་ཉིད་དོ། །སྐྱེ་བོ་དམ་པ་ཞེས་བྱ་བ་ནི་བག་ཡོད་པ་ལ་གནས་པ་སྟེ#། བྱང་ཆུབ་སེམས་དཔའ་དང་སྐྱེས་བུ་དམ་པ་དག་གོ། །ཡིད་དྲང་#བ་ནི་འདྲེན་པའོ། །འདི་སྐད་སྟོན་པ་ཡིན་ཏེ། སྐྱེས་བུ་དམ་པ་རྣམས་ཀྱི་སེམས་འདྲེན་པར་བྱེད་པ་ཡིན་ནོ། །ཞེས་བྱ་བའི་དོན་ཏོ། །
[145a.3]ཡང་ན་བདག་ལས་སྐྱེས་པ་ནི་བུ་བུ་ལས་བསྟན་པ་ནི་རབ་ཏུ་སྟོན་པའོ། །བརྩོན་པ་ནི་འབད་པའོ། །སྤྲོ་བ་བསྐྱེད་པ་ནི་གཟེངས་#བསྟོད་པའོ། །ཡིད་དྲང་#བ་ནི་ཡིད་དྲང་#བར་བྱ་བའོ། །བདུད་ནི་འདོད་པའི་ལྷའོ། །ཆེན་པོ་ནི་མང་པོ་ཉིད་དོ། །སྡེ་ནི་ཚོགས་སོ། །སྤ་བཀོང་བ་ནི་སེམས་
[145a.4]ཞུམ་པར་བྱ་བའོ#། །ཡང་ན་སྤ་བཀོང་བ་ནི་ཡིད་སྐྱོ་བར་བྱ་བའོ། །སངས་རྒྱས་ཀྱི་ཡོན་ཏན་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དོ། །གཞན་ཡང་དྲན་པ་ཉེ་བར་གཞག་པ་ལ་སོགས་པ་མཐའ་དག་གོ། །དགའ་བ་ནི་ཡོན་ཏན་ལ་དགའ་བའོ། །དང་བ་ནི་སེམས་དང་བའོ། །
[145a.5]གང་དེ་དག་ལ་མངོན་པར་དད་པ་དང་མ་དད་པ་རྣམས་ཀྱང་དང་བར་འགྱུར་རོ། །བདག་གི་དོན་བརྩོན་ཞེས་བྱ་བ་ནི་བདག་གི་དོན་ལ་གཞོལ་བའོ། །ངོ་ཚ་ཞེས་བྱ་བ་ནི་ངོ་ཚའི་གནས་ཀྱིས་སོ། །འཇུངས་དང་འདོད་ཆེན་ཞེས་བྱ་བ་ལ། འཇུངས་པ་ནི་ཀུན་ཏུ་བཟུང་བའི་ཡོ་བྱད་ཀྱི་
[145a.6]ཚོགས་ཡོངས་སུ་མི་གཏོང་བའི་དང་ཚུལ་ལོ། །འདོད་ཆེན་ཞེས་བྱ་བ་ནི་ཞེན་པས་གཟུང་བ་སྟེ། བཟུང་#བ་དང་རྗེས་སུ་འབྲེལ་པའོ། །དེ་ལྟར་དེས་ནི་འཇུངས་#པ་དང་འདོད་ཆེན་པའི་སེམས་ཉེ་བར་བཅོམ་པ་ཡིན་ཏེ། ངོ་ཚ་བསྐྱེད་#པར་གྱུར་པ་ཡིན་ནོ། །དད་པ་#བསྐྱེད་པ་ནི་དང་བར་
[145a.7]བྱེད་པ་ཡིན་ཏེ། སུ་དག་ཅེ་ན། ཐེག་པ་མཆོག་ལ་བརྟེན་པ་རྣམས་སོ། །ཐེག་པ་ཞེས་བྱ་བ་ནི་ཉན་ཐོས་དང་རང་སངས་རྒྱས་ཀྱི་ཐེག་པའོ། །མཆོག་གི་སྒྲ་ནི་རང་སངས་རྒྱས་ཀྱི་ཐེག་པ་ཡོངས་སུ་བཟུང་ངོ་། །བརྟེན་པ་རྣམས་ཀྱང་ཐེག་པ་གསུམ་ལ་བརྟེན་པ་དད་པའོ། །ངོ་མཚར་
[145b]
[145b.1]མེད་པ་ཞེས་བྱ་བ་ནི་ཡ་མཚན་མེད་པ་སྟེ། སུ་ཞིག་ཅེ་ན། གཏོང་བ་བྱས་པ་རྣམས་ཀྱི་སྟེ། སྦྱིན་པ་ཆུང་དུས་སྙེམས་པ་དེ་རྣམས་ཀྱི་ངོ་མཚར་གཞིག་པའོ། །སྤྱང་ཕྱིར་ཞེས་བྱ་བ་ནི་དག་པར་བྱ་བའི་ཕྱིར་ཏེ། གང་གི་#ཞེ་ན། མཐོ་རིས་ལམ་ཆེན་ཞེས་བྱ་བ་ཡིན་ནོ། །གཏོད་ལ་དགའ་བ་ཞེས་
[145b.2]བྱ་བ་ནི་སྦྱིན་པར་འདོད་པ་རྣམས་ཏེ། སུ་དག་ཅེ་ན། བྱང་ཆུབ་སེམས་དཔའ་སྦྱིན་པ་རྟུལ་ཕོད་པ་རྣམས་སོ། །གཏོང་ལ་དགའ་བ་ཞེས་བྱ་བ་ལ་སོགས་པའི་ཚིགས་#བཅད་མཐའ་དག་ལ་དེ་བས་ལུས་ཀྱིས་#ཡོངས་སུ་བསྲུང་བར་བྱ་ཞེས་སྦྱར་རོ། །དེའི་འབྲས་བུ་#ཡོད་པར་བྱ་བ་ནི་དེ་འབྲས་བུ་#གང་
[145b.3]ཡིན་པ་དེ་འབྲས་བུ་དང་བཅས་པར་བྱ་བ་སྟེ། ཡིད་ལ་སེམས་པའི་སྨོན་ལམ་མོ། །བྱང་ཆུབ་#མཆོག་ཀྱང་བདག་གིས་ཉེ་བར་བྱ། །ཞེས་བྱ་བ་ནི་བདག་གིས་བྱའོ་ཞེས་སྦྱར་རོ། །དེ་བས་ལུས་ཀྱིས་#ཡོངས་སུ་བསྲུང་བར་བྱ་བའི་དང་པོའོ། །ཚིགས་སུ་བཅད་པ་ལྔས་ནི་རིམ་པ་བཞིན་དུ་དཔྱད་#པས་དུས་
[145b.4]གསུམ་གྱི་སེམས་ཅན་གྱི་དོན་སྒྲུབ་པའི་ཕྱིར་མངོན་པར་བརྟག་#ཅིང་ངེས་པར་བྱས་པ་སྟེ། རང་གི་ལུས་བཏང་བས་སྟག་མོ་དང་སྟག་ཕྲུག་གཉིས་ཡང་དག་པར་བསྲུངས་པ་ནི་ད་ལྟར་གྱི་#གཞན་གྱི་དོན་ནོ། །འཇིག་རྟེན་ཕན་བརྩོན་རྣམས་ལ་བསྟན་ཞེས་པའི་དང་པོའི་ཚིགས་#བཅད་གསུམ་
[145b.5]གྱིས་#མ་འོངས་པའི་སེམས་ཅན་ཐམས་ཅད་ཀྱི་དོན་བསྟན་ཏོ། །ཕུན་སུམ་ཚོགས་པ་བསྐྱེད་#པ་ལ་མངོན་པར་#བརྟགས་ནས་ལུས་ཙམ་གྱིས་ཀྱང་ནམ་ཞིག་ཕན་ཐོགས་པར་གྱུར་ཞེས་བྱ་བ་ལ་སོགས་པས་ནི་འདས་པའི་དུས་ཀྱི་ལུས་ཀྱིས་གཞན་ལ་ཕན་པར་བྱ་བ་ཡིན་ནོ། །སྨོན་ལམ་ནི་འདོད་པའི་
[145b.6]དོན་ནོ། །འབྲས་བུ་ཡོད་པར་བྱ་བའི་ཕྱིར་ཡང་བདག་གི་ལུས་གཏང་#བར་བྱ་སྟེ། དེ་ཡིས་བསམས་པའི་སྨོན་ལམ་འདས་པར་གྱུར་པ་ཡིན་པས་དེའི་སྨོན་ལམ་སྒྲུབ་པ་ནི་འདས་པའི་སེམས་ཅན་རྣམས་ཀྱི་དོན་ཞེས་བརྗོད་དོ། །བྱང་ཆུབ་མཆོག་ཀྱང་ཉེ་བར་བྱ་ཞེས་བྱ་བ་འདི་ལ་ཀྱང་གི་སྒྲ་ནི་གཞན་
[145b.7]གྱི་སྒྲ་མ་ཡིན་པར་སྟོན་ཏོ། །བྱང་ཆུབ་ཀྱི་མཆོག་ཐོབ་པ་ནི་གཞན་གྱི་དོན་བྱ་བས་སོ། །འགྲན་ཕྱིར་མ་ཡིན་ཞེས་བྱ་བ་ལ་སོགས་པའི་ཚིགས་#བཅད་འདིའི་བསྡུས་པའི་དོན་ནི་འདི་ཡིན་ཏེ། མཐོང་བའི་ཆོས་དང་། མངོན་པར་མཐོ་བ་དང་། ངེས་པར་ལེགས་པའི་འབྲས་བུར་བཅས་པ་
[146a]
[146a.1]དང་འབྲེལ་པའི་ཕྱིར་བདག་གིས་བྱས་པ་མ་ཡིན་པར་སྟོན་ཏོ། །མཐོ་རིས་འདོད་དང་རྒྱལ་སྲིད་བསྒྲུབ་#ཕྱིར་མིན། །ཞེས་བྱ་བ་སྟེ། འཇིག་རྟེན་རྣམས་ནི་གཞན་ཕལ་ཆེར་ཟིལ་གྱིས་གནོན་#པ་དང་། བདག་ཉིད་ཀྱི་ཡོན་ཏན་འབྱུང་བའི་ཕྱིར་དགེ་བ་རྣམས་ལ་བརྩོན་པར་
[146a.2]བྱེད་#དེ་གཉི་ག་མ་ཡིན་པའི་ཕྱིར་འགྲན་ཕྱིར་མ་ཡིན་གྲགས་པའི་དོན་ཕྱིར་མིན་ཞེས་བྱའོ། །འདི་གཉིས་ཀྱིས་ནི་མངོན་པར་མཐོ་བ་འདོད་པ་མ་ཡིན་པར་སྟོན་ཏོ། །མཐོ་རིས་འདོད་དང་རྒྱལ་སྲིད་བསྒྲུབ་ཕྱིར་མིན། །ཞེས་བྱ་བ་སྟེ། འདི་གཉིས་ཀྱིས་ནི་མངོན་པར་མཐོ་བའི་ལྷར་སྐྱེ་བ་དང་། མི་རིགས་
[146a.3]ཁྱད་པར་ཅན་དུ་སྐྱེ་བ་མི་འདོད་པར་བསྟན་ཏོ། །བདག་གིས་#བདེ་བ་མཆོག་ནི་ཐོབ་ཕྱིར་མིན། །ཞེས་བྱ་བ་འདིས་ནི་ངེས་པར་ལེགས་པ་དོན་དུ་མི་གཉེར་བ་ཡིན། བདག་གིས་#བདེ་བ་མཆོག་ཅེས་བྱ་བ་ནི་བདག་བདེ་བ་མྱ་ངན་ལས་འདས་པ་ཐོབ་པ་ཡིན་ཏེ། དེ་ལ་ཡང་བརྩོན་པར་མི་བྱེད་དོ་ཞེས་
[146a.4]པ་སྟེ། སྨྲས་པ། གཞན་དོན་སྒྲུབ་ཕྱིར་ཞེས་བྱ་བ་སྨོས་ཏེ། གཞན་དོན་བསྒྲུབ་#པ་ཞེས་བྱ་བ་བཤད་པའི་གཞན་དོན་སྒྲུབ་པ་དེ་གང་ཡིན་ཞེ་ན། གཞན་གྱི་དོན་སྒྲུབ་པ་སྟེ། གཞན་གྱི་དོན་སྒྲུབ་པའི་རྣམ་པ་དོན་དུ་གཉེར་བའོ། །དེ་བས་བདག་ནི་ཞེས་བྱ་བས་ན་#མཐོང་ཞིང་ཐོས་སམ་
[146a.5]ཞེས་བྱ་བའི་ཚིགས་བཅད་འདིས་ནི་མངོན་པར་མཐོ་བ་ལས་བརྩམས་ཏེ། འདིས་ཞེས་བྱ་བ་ནི་རང་གི་ལུས་སྦྱིན་པའི་དགེ་བས་སོ། །དུས་གཅིག་ཏུ་ཞེས་བྱ་བ་ནི་ཅིག་ཅར་སྡུག་བསྔལ་བསལ་#བ་དང་བདེ་བ་འབྱུང་བར་གྱུར་ཅིག་པའོ། །མངོན་པར་མཐོ་བ་ལས་བརྩམས་ཏེ། མཐོང་ཞིང་
[146a.6]ཐོས་སམ་ཞེས་བྱ་བའི་ཚིགས་སུ་བཅད་པ་ལ། རེག་གམ་ཞེས་བྱ་བ་ནི་ལུས་དང་ངོ་། །གཏམ་དུ་བརྗོད་པར་གྱུར་ཀྱང་ཞེས་བྱ་བ་ནི་ཆོས་བསྟན་པ་དང་མཉན་པས་སོ། །རྣམ་ཀུན་ཏུ་ཞེས་བྱ་བ་ནི་དགེ་བའི་རྩ་བ་བསྐྱེད་ཅིང་འཕེལ་བ་དང་། ནུས་པར་ལྡན་ཞིང་རྣམ་པར་གྲོལ་བའི་མཚན་ཉིད་ནི། རྣམ་
[146a.7]པ་ཀུན་ཏུ་ཕན་པའོ། །ཁྲོས་ཤིང་ངོ་མཚར་སྐྱེས་ནས་ཞེས་བྱ་བ་ལ། ཁྲོས་ཤིང་ངོ་མཚར་སྐྱེས་པ་ནི་#ཅི་ཞིག་ཅེས་ལངས་ནས་བྲོས་ཏེ་གཞན་དག་གི་ཕྲུ་#གུ་ཟོས་པར་དོགས་པ་དང་། ལྟོགས་པས་#ཟ་བར་འདོད་པ་ཡང་བཏང་སྟེའོ། །ཉེ་བར་འོངས་ཏེ་ཞེས་པ་ནི་དྲུང་དུ་ཕྱིན་པའོ། །བརྩམས་#པ་ནི་
[146b]
[146b.1]རྩོམ་པའོ། །དེ་སྤྱོད་པ་ཞེས་བྱ་བ་ནི་དེའི་ལས་ཁྱད་པར་ཅན་ནོ། །ལས་ཁྱད་པར་ཅན་དེས་ངོ་མཚར་བ་དེ་ནི་སྤྱོད་པ་ཁྱད་པར་ཅན་ངོ་མཚར་རོ། །དེ་བས་ན་མྱ་ངན་དང་སྡུག་བསྔལ་ནི་མྱ་ངན་དང་སྡུག་བསྔལ་ཏེ། མྱ་ངན་ནི་བླ་མ་སྡུག་པ་དང་བྲལ་བས་སོ། །སྡུག་བསྔལ་ནི་མྱ་ངན་གྱིས་#ཀུན་ནས་བསླང་བ་སྟེ། ལུས་དང་
[146b.2]སེམས་ཀྱི་སྡུག་བསྔལ་ལོ། །དེ་གཉིས་ཀྱི་ཤུགས་ཀྱིས་ཡང་དག་པར་བསྐྱེད་པའོ། །བཏང་བ་ནི་སྤངས་པ་སྟེ། གང་གི་མྱ་ངན་དང་སྡུག་བསྔལ་གྱི་ཤུགས་བཏང་བ་གང་ཡིན་པ་དེ་ནི་མྱ་ངན་དང་སྡུག་བསྔལ་གྱི་ཤུགས་བཏང་བའོ། །ཀྱེ་མའོ་སྡུག་བསྔལ་ཞེས་བྱ་བའི་ཚིགས་#བཅད་
[146b.3]ཕྱེད་ཀྱི་བྱེད་པས་ནི་ཤེས་རབ་ཀྱི་དབང་དུ་བྱས་ཏེ། སེམས་ཅན་ལ་བརྩེ་བའི་སྙིང་རྗེའི་བསམ་པ་དང་། དེ་ལ་ཆགས་པ་མེད་པའི་ཤེས་རབ་སྟེ། དེ་གཉི་ག་བྱང་ཆུབ་ཀྱི་རྩ་བ་སྟེ། དེ་བས་ནི་འདི་དང་པོར་སྨོས་པས་ནི་བྱང་ཆུབ་སེམས་དཔའོ། །གཞན་གྱི་ཞེས་བྱ་བ་འདི་ནི་གཉིས་
[146b.4]པོ་#འདི་ཡིན་ཏེ། དེའི་དབང་དུ་བྱས་ནས། གཉིས་པའི་ཚིགས་བཅད་ཕྱེད་ཀྱིས་དོན་དམ་པ་རྣམས་ཞེས་བྱ་བ་ལ་སོགས་པ་སྟེ། དམ་པ་རྣམས་ནི་བྱང་ཆུབ་སེམས་དཔའ་རྣམས་ཀྱི་སྙིང་རྗེ་དང་ལྡན་པ་ནི་ངོ་མཚར་གྱི་བྱ་བ་ཡིན་ཏེ། ངོ་མཚར་དུ་བྱས་པར་གྱུར་པས་སོ། །གཞན་
[146b.5]གྱི་ཞེས་བྱ་བ་ནི་བྱང་ཆུབ་སེམས་དཔའ་མ་ཡིན་པ་རྣམས་ཀྱིའོ། །ཨེ་མའོ་ཞེས་བྱ་བ་ལ་སོགས་པའི་ཚིགས་བཅད་འདིའི་ཕྱེད་ཀྱིས་ནི་བྱང་ཆུབ་སེམས་དཔའི་སྦྱོར་བ་དང་། བསམ་པ་ཕུན་སུམ་ཚོགས་པ་བསྟན་ཏོ། །འོག་མ་ཕྱེད་ཀྱིས་ནི་དེའི་འབྲས་བུ་སྨིན་པ་ཡིན་ནོ། །ཕྱག་གི་
[146b.6]གནས་ཞེས་བྱ་བ་ནི་རྟེན་དུ་གྱུར་པའོ། །དེ་ནས་རང་བཞིན་ཞི་བ་ཞེས་བྱ་བའི་ཚིགས་བཅད་འདིས་ནི་བྱང་ཆུབ་སེམས་དཔའ་བདག་གི་རྒྱུད་རབ་ཏུ་སྟོན་ཏོ། །རང་བཞིན་ཞི་བ་ཉིད་ནི་ས་བཞིན་དུ་བརྟན་#པ་ཡིན་ཏེ། མི་བཟོད་པ་མེད་པའི་རྒྱུས་སོ། །མི་བཟོད་པ་མེད་པ་འདིས་ནི་མྱུར་དུ་བྱེད་
[146b.7]པ་སྟོན་པ་ཡིན་ནོ། །སྐྱོན་དུ་གྱུར་པ་ཡིན་པས་དང་པོ་དེའི་སྡུག་བསྔལ་སྐྱེ་བ་ནི་མེད་དོ། །མགོན་པོ་འདིས་ནི་ཞེས་བྱ་བ་ལ་སོགས་པའི་ཚིགས་བཅད་འདིས་ནི་འགྲོ་བའི་དགྲ་དང་བདུད་འདི་གཉིས་#ཏེ། དེ་གཉིས་ཀྱི་བྱེ་བྲག་དང་ལྡན་པའོ། །གཞན་གྱིས་ཕམ་གྱིས་དོགས་པའི་བདུད་དག་
[147a]
[147a.1]ཀྱང་། །ཞེས་བྱ་བ་ཡིན་ཏེ། བདུད་ཀྱང་གཞན་གྱིས་ཕམ་དུ་དོགས་པ་སྐྱེ་བར་འགྱུར་བ་གང་ཡིན་པ་དེ་ནི་གཞན་གྱིས་ཕམ་དུ་དོགས་པའོ། །སེམས་ཅན་ཐམས་ཅད་ཀྱི་སྐྱབས་སུ་གྱུར་པ་ཞེས་བྱ་བ་འདི་ནི་བསྟན་#པའོ། །ཇི་ལྟར་སེམས་ཅན་ཐམས་ཅད་ཀྱི་སྐྱབས་ཡིན་
[147a.2]ཞེ་ན། ཐུགས་རྗེ་ཤིན་ཏུ་རླབས་ཆེ་བ་དང་། སྙིང་སྟོབས་དཔག་ཏུ་མེད་པས་སོ། །སྙིང་སྟོབས་དཔག་ཏུ་མེད་པ་ནི་ཤེས་རབ་དཔག་ཏུ་མེད་པའོ། །དེ་གཉི་གའི་སྦྱོར་བ་དོན་ཇི་ལྟ་བ་བཞིན་ཡོད་པས་བྱང་ཆུབ་སེམས་དཔའ་སྟེ། བྱང་ཆུབ་སེམས་དཔའ་དོན་ཇི་ལྟ་བ་ཉིད་དོ། །
[147a.3]སློབ་མ་ཞེས་སྨོས་པ་ནི་མི་དག་བཟུང་སྟེ། དེ་ན་གཞན་མི་དག་#མེད་པས་སོ། །དྲི་ཟ་དང་གནོད་སྦྱིན་ཞེས་བྱ་བ་ནི་གཤོལ་མདའ་འཛིན་པ་ལ་སོགས་པའི་རིའི་བར་དག་ལ་གནས་པས་སོ། །ཀླུ་ཞེས་སྨོས་པས་#ནི། འདི་ནས་འོག་ན་གནས་པའི་སྤྲུལ་གཟུང་#ངོ་། །སུམ་ཅུ་རྩ་གསུམ་
[147a.4]གྱི་བདག་པོ་ཞེས་སྨོས་པས་རི་རབ་ལ་གནས་པ་རྣམས་གཟུང་ངོ་། །དེ་དག་གིས་#སྐུ་གདུང་གི་སྟེང་དུ་ས་གཞི་ཐམས་ཅད་གཡོགས་པར་གྱུར་པ་སྟེ#། ཕྲེང་བ་ལ་སོགས་པ་སྨོས་པས་ནི་གོས་དང་ཡོ་བྱད་རྣམས་གཟུང་#ངོ་། །རྒྱན་ཞེས་སྨོས་པས་#ནི་ཡོ་བྱད་དེ། དྲི་ཞིམ་པོའི་ཡོ་བྱད་
[147a.5]དང་། གོས་ཀྱི་ཡོ་བྱད་དང་། ཕྲེང་བ་དང་། གོས་དང་། རྒྱན་དང་། རྒྱན་གྱི་ཡོ་བྱད་རྣམས་སོ། །ཙནྡན་གྱི་ཕྱེ་མ་ནི་དྲི་ཞིམ་པོའི་ཡོ་བྱད་དོ། །དེ་ལ་སོགས་པ་འཇིག་རྟེན་པ་རྣམས་ཀྱིས་མངོན་པར་མཆོད་དེ#། མཆོད་པའི་ཡོ་བྱད་རྣམས་ཀྱིས་དེ་ཉིད་དུ་སློབ་མ་ལ་སོགས་པས་
[147a.6]མཆོད་པ་བྱས་པའོ། །རབ་ཏུ་དད་པར་བྱའོ་ཞེས་བྱ་བ་ནི་མ་དད་པ་རྣམས་ཀྱི་དབང་དུ་བྱས་པའོ། །དད་པ་སྐྱེད་པ་རྣམས་ཀྱིས་ནི་#དགའ་བ་སྐྱེད་པ་ཞེས་པ་ནི། དད་པ་རྣམས་ཕྱིར་ཞིང་ཉེ་བར་འགྲོ་བར་བྱ་བའི་ཕྱིར་བསྟན་པར་བྱའོ། །གནས་ནི་གནས་སུ་གྱུར་པ་སྟེ། དད་པ་དང་#དགེ་
[147a.7]བའི་ཚས་སྐྱེ་བའི་གནས་ཡིན་པས་སངས་རྒྱས་བཅོམ་ལྡན་འདས་གནས་#ཏེ། གནས་དེ་དག་ལ་དད་པར་བྱའོ། །དེ་ལྟར་གནས་དེ་ལ་དད་པར་བྱས་ནས་ཆོས་ལ་རིམ་གྲོ་བསྐྱེད་ཅིང་ཆོས་མཉན་པར་བྱས་ཏེ་རབ་ཏུ་བྱེད་པ་སྒྲུབ་པ་དང་། ངོ་བོ་ཉིད་ཁྱད་པར་ཅན་སྒྲུབ་པ་ལ་འབད་དེ་གནས་པར་བྱའོ་ཞེས་པ་
[147b]
[147b.1]ཡིན་ནོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་ཀྱི་མདོ་དང་མཐུན་པའི་རྒྱ་ཆེར་བཤད་པ་ལས་སྟག་མོའི་སྐྱེས་པའི་རབས་ཏེ་དང་པོའོ།། །།དཔག་ཏུ་མེད་པའི་དུས་ནས་གོམས་པ་ནི་བསྐལ་པ་གྲངས་མེད་པ་གསུམ་དུ་གོམས་པར་བྱས་པའོ། །བསོད་ནམས་ཀྱི་ལས་བྱས་#
[147b.2]ཤིང་འདྲིས་པ་ཞེས་བྱ་བ་ནི་སྦྱིན་པའི་རྒྱུ་མཐུན་པ་དང་རྣམ་པར་སྨིན་པའི་ནུས་པའི་འབྲས་བུ་#ཡིན་ཏེ། བསོད་ནམས་ཀྱི་ལས་བརྟག་#པ་དང་གུས་པར་བྱེད་པའི་སྦྱོར་པ་གཉིས་ཀྱིས་ནི་དོན་གཉིས་འགྲུབ་པ་ཡིན་ནོ། །རྟག་ཏུ་སྦྱོར་པས་ནི་བསོད་ནམས་ཀྱི་ལས་རྒྱུ་མཐུན་པའི་འབྲས་བུ་སྦྱོར་བ་ཡིན་
[147b.3]ཏེ། རྟག་པར་བྱེད་པའི་བག་ཆགས་ཀྱིས་ཕྱིས་ཀྱང་བསོད་ནམས་ཀྱི་བྱ་བ་མངོན་པར་བསྒྲུབ་#པ་ཡིན་པའི་ཕྱིར་རོ། །གུས་པར་བྱ་བའི་སྦྱོར་བས་ནི་བསོད་ནམས་ཀྱི་ལས་རྒྱ་ཆེར་སོགས་ཤིང་རྣམ་པར་སྨིན་པའི་འབྲས་བུ་སྦྱིན་པའི་ངེས་པར་འབྱུང་བར་འགྱུར་རོ། །དེ་ཡང་བསོད་ནམས་ཀྱི་ལས་
[147b.4]གོམས་ཤིང་འདྲིས་པར་བྱས་པ་སྟེ། དཔག་ཏུ་མེད་པའི་དུས་ནས་གོམས་པར་བྱས་པས་#སོ། །བསོད་ནམས་ཞེས་སྨོས་པས་#ནི་སྦྱིན་པ་དང་། ཚུལ་ཁྲིམས་དང་། བཟོད་པའི་ཕ་རོལ་ཏུ་ཕྱིན་པ་གཟུང་ངོ་། །དེ་བས་ན་དེ་ཉིད་ཀྱིས་#རྒྱལ་པོ་ཉིད་དུ་གྱུར་པ་ཡིན་ཏེ། བསོད་ནམས་ཀྱི་
[147b.5]འབྲས་བུའི་སྟོབས་ཀྱིས་སོ། །རྒྱལ་པོ་དག་#གི་བུ་བཞིན་དུ་ཞེས་བྱ་བ་ནི་རང་གི་སྐྱེ་བོ་བཞིན་དུ་སྐྱེ་དགུ་སྐྱོང་བར་གྱུར་པའོ། །ཡོན་ཏན་ཅི་དང་ལྡན་པས་ཡོངས་སུ་སྐྱོང་ཞེ་ན། དེ་ཉིད་སྨྲས་པ། བྱིས་པ་ནས་རྒན་པོ་ལ་བསྙེན་བཀུར་བྱེད་པ་ཞེས་བྱ་བའི་ཡོན་ཏན་དང་ལྡན་པ་ཉིད་ཀྱིས་སོ། །
[147b.6]གང་དག་སྐྱོང་བར་གྱུར་ཞེ་ན། རང་གི་ཚོགས་དང་གཞན་གྱི་ཚོགས་གཉིས་ཏེ། རང་གི་ཚོགས་ཀྱི་སྐྱེ་བོ་སྐྱོང་བར་བྱེད་པ་ནི་རྒན་པ་ལ་སོགས་པ་ལ་བསྙེན་བཀུར་བྱ་བ་ལ་དགའ་བ་དང་། རྗེ་བློན་བྱམས་པ་དང་། ཡིད་གཞུངས་པ་སྟེ། འདིས་ནི་རིགས་#པ་རྟོགས་ཤིང་བློ་དྲི་མ་མེད་པར་
[147b.7]གྱུར་པའོ། །གཞན་གྱི་ཚོགས་ཀྱི་སྐྱེ་བོ་སྐྱོང་#བར་བྱེད་པ་ནི་ནུས་པ་གསུམ་དང་ལྡན་པ་དང་། སྐལ་བ་ཕུན་སུམ་ཚོགས་པ་དང་།# དེས་ན་དེ་ཉིད་ཀྱི་ཚིག་གིས་ནི་ལུགས་ཀྱི་བསྟན་བཅོས་#དང་གཉིས་སུ་དབྱེར་#མེད་པ་ཡིན་ནོ། །ཡང་ན་འཁོར་གསུམ་དང་རྗེས་སུ་མཐུན་པའི་ཡོན་ཏན་གྱི་ཚོགས་
[148a]
[148a.1]ཞེས་བྱ་བ་དེ་བསྟན་པའི་ཕྱིར་རྒན་པ་ལ་བསྙེན་བཀུར་བྱེད་པ་ལ་སོགས་པའི་ཡོན་ཏན་འདི་དག་བསྟན་ཏེ། ཆོས་ཀྱི་ཡོན་ཏན་དང་ནུས་པ་གསུམ་གྱི་ཡོན་ཏན་དང་། དོན་གྱི་ཡོན་ཏན་དང་། སྐལ་བ་ཕུན་སུམ་ཚོགས་པའི་ཡོན་ཏན་དང་། དད་པའི་ཡོན་ཏན་ནོ། །
[148a.2]ཕན་ཚུན་#འགྲན་པ་བཞིན་དུ་གནས་པར་གྱུར་ཅེས་བྱ་བ་འདིས་ནི་ཇི་ལྟར་ཡོད་པའི་ཡོན་ཏན་དང་ལྡན་པ་དེ་དག་ཀྱང་ལྷན་ཅིག་ཏུ་གནས་པར་གྱུར་པ་ཡིན་པར་བསྟན་ཏོ། །དངོས་པོ་ཐམས་ཅད་ནི་དངོས་པོ་ཇི་སྲིད་པས་མ་#ལུས་པའི་ཡོན་ཏན་ཡོད་པར་གྱུར་པ་སྟེ། ཆོས་དང་དོན་དང་འདོད་པ་ཕན་
[148a.3]ཚུན་འགལ་བ་ཡིན་ཡང་དེའི་ཡོན་ཏན་འགལ་ཞིང་འཁྲུག་པས་གཙེས་པ་མེད་པར་#གྱུར། ཞེས་པའི་དོན་ཏོ། །མ་དུལ་འཕྱར་བ་ཞེས་བྱ་བའི་ཚིགས་#བཅད་འདིས་ནི་ཞེ་སྡང་དང་། གཏི་མུག་དང་། འདོད་ཆགས་ཀྱི་ཉེས་པས་མ་རུངས་པར་བྱས་པས་མ་དུལ་བ་ལ་སོགས་པའོ། །
[148a.4]གསུམ་དུ་གྱུར་པའི་ཉེས་པས་གསུམ་པ་#མེད་པ་སྟེ་ཉེས་པ་དེ་གསུམ་གྱི་གཉེན་པོར་གྱུར་པ་བྱམས་པ་དང་། རྟེན་ཅིང་འབྲེལ་བར་འབྱུང་བ་དང་། མི་སྡུག་པ་བསྒོམ་#པ་དང་ལྡན་པ་སྟེ། དཔལ་དེ་དེ་ལ་མིང་ནི་དོན་བཞིན་དུ་གྱུར་ཅེས་བྱ་བ་ལ་སོགས་པ་ནི་མཚན་ཉིད་དང་མཚན་དུ་གྱུར་པའོ། །
[148a.5]རང་བཞིན་རྒྱ་ཆེ་ཞེས་བྱ་བ་འདིའི་ལུས་ནི་བསམ་པ་དང་། སྦྱིན་པའི་དངོས་པོ་དང་། སློང་བའི་སྒྲུབ་པ་ཕུན་སུམ་ཚོགས་པ་ཡིན་ནོ། །རང་བཞིན་རྒྱ་ཆེ་བ་དང་། སྙིང་རྗེའི་ཡོན་ཏན་ཞེས་བྱ་བ་འདིས་ནི་བསམ་པ་ཕུན་སུམ་ཚོགས་པ་བསྟན་ཏོ། །རྒྱ་ཆེ་བས་ནི་རང་གི་བདེ་བ་ལ་མི་ཆགས་
[148a.6]པར་འགྱུར་བ་ཡིན་ནོ། །སྙིང་རྗེའི་ཡོན་ཏན་གྱིས་ནི་གཞན་གྱི་སྡུག་བསྔལ་སེལ་བར་མངོན་པར་འདོད་པ་ཡིན་ནོ། །ཡང་ན་བདག་གི་ལོངས་སྤྱོད་ལ་མི་ལྟོས་#པ་དང་། སེམས་ཅན་ལ་ལྟོས་#པ་དང་གཉིས་སྟོན་#པ་ཡིན་ནོ། །ཡང་ན་འབྲས་བུ་ལ་མི་ལྟོས་#པ་དང་། སེམས་ཅན་ལ་ལྟོས་#
[148a.7]པ་ཡིན་པར་བསྟན་ཏོ། །སྦྱིན་པའི་དངོས་པོ་ནི་ནོར་གྱི་རྒྱལ་པོས་མི་ལེན་ཅིང་། སེམས་ཅན་གྱི་སྡུག་བསྔལ་སེལ་བར་འདོད་པ་ཡིན་པས། ལོངས་སྤྱོད་སེམས་ཅན་རྣམས་ལ་སྦྱིན་པའི་དངོས་པོ་སྒྲུབ་པ་ཡིན་ནོ། །ནོར་ལ་དབང་ཡོད་ཕྱིར་ཞེས་བྱ་བ་འདིས་ནི་སྦྱིན་པའི་དངོས་པོ་ཕུན་སུམ་
[148b]
[148b.1]ཚོགས་པ་བསྟན་ཏོ། །འདོད་པའི་དོན་གྲུབ་ཅེས་བྱ་བ་སྨོས་#པ་ནི་སྦྱིན་པའི་དངོས་པོ་སྒྲུབ་པ་ཕུན་སུམ་ཚོགས་པ་ཡིན་ཏེ། ཇི་ལྟ་བུ་འདོད་པ་དང་། ཇི་སྙེད་འདོད་པ་དང་། གང་འདོད་པ་དེ་དག་ཡང་དག་པར་སྒྲུབ་པའོ། །འདོད་པའི་དོན་གྲུབ་པས་ཕོངས་པ་དག་ངོ་ཟུམ་མི་གནག་བཞིན་བཟངས་
[148b.2]མཐོང་བས་དགའ་བ་སྟེ། དེ་ལྟར་སློང་མོ་བ་རྣམས་#ཕུན་སུམ་ཚོགས་པའོ། །དེའི་ཕུན་སུམ་ཚོགས་པ་གང་ཞེ་ན། སྦྱིན་པའི་དངོས་པོ་རྣམ་པ་ཐམས་ཅད་བསླངས་པ་སྟེ། འདོད་པ་ཞེས་སྨོས་པས་ཐོབ་པ་ཡིན་ཏེ། དེས་དུས་ཕྱི་ཞིག་ན་མིང་དང་གཟུགས་ཀྱི་ལུས་དགའ་བ་དང་མཛེས་པར་
[148b.3]བྱེད་དོ། །སྦྱིན་པ་ལ་དགའ་བས་ཞེས་བྱ་བས་#ནི་སྔར་སྨོས་པ་བཞིན་དུ་རྒྱུ་མཐུན་པའི་འབྲས་བུ་སྟོན་པ་ཡིན་ཏེ། རྒྱུ་མཐུན་པ་ནི་#རྒྱུ་དང་འདྲ་བ་སྟེ་དེའི་ཚིག་གིས་སྔོན་གྱི་སྦྱིན་པ་བྱས་པས་སྦྱིན་པ་ལ་མངོན་པར་དགའ་བ་སྐྱེ་བར་འགྱུར་#ཏེ། རྒྱུ་མཐུན་པའི་འབྲས་བུ་སྦྱིན་པ་ལ་དགའ་བ་ཉིད་དོ། །ཡོ་
[148b.4]བྱད་ཕུན་སུམ་ཚོགས་པ་ཞེས་བྱ་བ་ལ་སོགས་པ་སྨོས་པ་ལ། ཡོ་བྱད་ནི་ནོར་དང་འབྲུ་ཞེས་སྨོས་པ་སྟེ། ཉེ་བར་སྤྱད་པ་དང་། ལོངས་སྤྱད་པའི་བྱེ་བྲག་གིས་གསུམ་གྱི་ནང་དུ་འདུས་པ་ཡིན་ནོ། །གང་དག་མ་སྨོས་པའི་སྦྱིན་པའི་དངོས་པོ་དེ་ཡང་འདིའི་ནང་དུ་ཆུད་པ་ཡིན་ཏེ། དེ་དག་ཀྱང་
[148b.5]དེའི་རང་བཞིན་ཡིན་པའི་ཕྱིར་རོ། །བདག་གི་བདག་ཉིད་ཆེ་བ་དང་རྗེས་སུ་མཐུན་པས་ཞེས་བྱ་བས་ནི་སྦྱིན་པའི་དངོས་པོ་མང་དུ་ཡོད་པ་བསྟན་ཏོ། །རེ་བ་ཇི་ལྟ་བ་བཞིན་ཞེས་བྱ་བས་ནི་གང་དང་གང་འདོད་པ་དེ་དེ་རེ་བ་ཇི་ལྟ་བ་བཞིན་དུའོ། །འདིས་ནི་དངོས་པོ་སྣ་ཚོགས་སྦྱིན་པར་བསྟན་པའོ། །གུས་
[148b.6]པ་དང་བཅས་པར་ཞེས་བྱ་བ་ནི་བསྒྲུབ་པ་ཕུན་སུམ་ཚོགས་པར་བསྟན་ཏོ། །དུས་བཞིན་དུ་འབྱོར་པས་ཡིད་དུ་འོང་བ་ནི་#དུས་གང་གི་ཚེ་གང་འདོད་པ་བཞིན་དུ་སྟེ། རྫོགས་ལྡན་གྱི་སྤྲིན་དང་འདྲ་བར་བདག་གི་བདག་ཉིད་ཆེ་བ་དང་རྗེས་སུ་མཐུན་པར་རེ་བ་ཇི་ལྟ་བར་དུས་བཞིན་དུ་འབྱོར་པ་སྒྲུབ་པའི་ཆོས་དང་
[148b.7]མཐུན་པ་ཡིན་ནོ། །འདིས་ནི་རེ་བ་ཇི་ལྟ་བ་བཞིན་དུ་ཞེས་བྱ་བ་འདིའི་ཁྱད་པར་བསྟན་པ་སྟེ། ཟས་འདོད་པ་ལ་སོགས་པ་སྨོས་པས་ནི་གང་དང་གང་འདོད་པར་གྱུར་པ་#དེ་དང་དེ་སྒྲུབ་པ་ཡིན་ནོ། །ཡང་ན་ཡོ་བྱད་ཐམས་ཅད་དེ#། ནོར་དང་འབྲུ་ལ་སོགས་པ་གང་གོང་དུ་བསྟན་པ་དེས་ཟས་འདོད་པ་རྣམས་ལ་ནི་
[149a]
[149a.1]ཟས། བཏུང་བ་འདོད་པ་རྣམས་ལ་ནི་བཏུང་བ་སྟེ། གང་གོང་དུ་བཤད་པ་དེ་སྦྱིན་པའོ། །མལ་ཆ་དང་། སྟན་དང་། གོས་དང་། བཟའ་བ་དང་། བྱུག་སྤོས་དང་། ཕྲེང་བ་དང་། དངུལ་ལ་སོགས་པའི་ནོར་སྒྲུབ་པས་སྙིང་དགའ་བར་བྱེད་དེ། བདག་གི་
[149a.2]བདག་ཉིད་ཆེན་པོ་དང་རྗེས་སུ་མཐུན་པས་སོ། །སྦྱིན་པ་དེས་དགའ་བར་འགྱུར་#ཏེ་ཞེས་བྱ་བ་ནི་རེ་བ་ཇི་ལྟ་བ་བཞིན་དུ་བསྒྲུབ་#པ་ལ་སོགས་པ་གསུམ་གྱིས་སོ། །ཕྱོགས་ཐ་དད་པའི་ཡུལ་ན་གནས་པ་དེ་ནི་ཕྱོགས་ཐ་དད་པའི་ཡུལ་ན་#གནས་པའོ། །ཡང་ན་ཕྱོགས་ཐ་དད་པའི་གནས་པས་མཚོན་
[149a.3]པའི་ཚུལ་གང་ལ་ཡོད་པ་དེ་དག་གོ། །ཕྱོགས་ཐ་དད་པ་ཞེས་སྨོས་པས་ནི་ཐག་རིང་པོ་ནས་འོང་བར་སྟོན་པ་མངོན་པར་མཚོན་པའོ། །ཡུལ་ན་གནས་པ་ཞེས་སྨོས་པས་ནི་ཡུལ་ན་གནས་པ་ཕུན་སུམ་ཚོགས་པ་སྟོན་ཏོ། །གཞན་དག་ན་རེ་རེ་བ་ཡོངས་སུ་རྫོགས་པར་བྱེད་པ་མེད་
[149a.4]དམ། ཅིའི་ཕྱིར་ཐག་རིང་པོ་ནས་ལྷགས་ཤིང་འོངས་ཤེ་ན། དེའི་རྒྱུ་བསྟན་པའི་ཕྱིར། མི་ཡུལ་ཀུན་ཏུ་ཡིད་ཀྱིས་#བརྟགས་ན་ཡང་། །ཞེས་བྱ་བའི་ཚིགས་#བཅད་འདི་སྨོས་སོ། །གཞན་དུ་བསླང་བའི་སྐབས་ནི་མ་རྙེད་པ་ཞེས་བྱ་བ་ནི་སེར་སྣ་ཆེ་བར་གྱུར་པ་སྟེ། སྐྱེ་བོ་རྣམས་
[149a.5]སྦྱིན་པ་ལ་འཇུག་པ་མེད་པར་སྟོན་ཏོ། །དེ་བས་ན་རིང་པོ་ནས་ལྷགས་#པར་གྱུར་པ་ཡིན་ནོ། །ནགས་ཚལ་གླང་པོ་མཚོ་ཆེན་དོགས་ལྷགས་བཞིན། །ཞེས་བྱ་བ་འདིས་ནི་ཡུལ་ན་གནས་པའི་སྐྱེ་བོ་དག་སྦྱིན་པ་ལ་འཇུག་ཅིང་རེ་བ་ཡོངས་སུ་རྫོགས་པར་བྱེད་པ་ཡོད་ཀྱང་དེ་དག་སྤངས་ཏེ་
[149a.6]ལྷགས་པ་ཡིན་ནོ། །སྐྱེ་བོ་མཛའ་བ་ཤེས་བྱེས་#ནས་འོངས་པ་དག །ཅེས་བྱ་བའི་ཚིགས་བཅད་འདིའི་ལུས་ནི་སྦྱོར་བ་དང་། དངོས་དང་། མཇུག་སངས་རྒྱས་ཀྱི་བཀའ་དང་#མཐུན་པར་སྟོན་པ་ཡིན་ཏེ། དེ་ཡང་མདོའི་དོན་དང་མཐུན་པར་འགྱུར་བ་སྟེ།# སྦྱིན་པའི་སྔ་རོལ་ཏུ་ཡིད་དགའ་
[149a.7]བར་འགྱུར་བ་དང་། སྦྱིན་པའི་ཚེ་ན་སེམས་དང་བར་འགྱུར་བ་དང་། བྱིན་ནས་མཐར་ཡང་རྗེས་སུ་དགའ་བར་གྱུར་པ་ཡིན་ཏེ། སྦྱོར་བ་དང་། དངོས་དང་། མཇུག་ཉིད་ཀྱིས་ལུས་དང་ངག་དང་ཡིད་ཀྱི་ལས་བསྟན་ཏེ། གོ་རིམས་ཇི་ལྟ་བ་བཞིན་དུ་སྐྱེ་བོ་མཛའ་བཤེས་ཞེས་བྱ་བ་ལ་
[149b]
[149b.1]སོགས་པ་དང་སྦྱར་རོ། །སྦྱིན་པ་ལས་བྱུང་བ་ཞེས་བྱ་བ་#དང་། ཚིགས་བཅད་འདི་གཉིས་ཀྱིས་ནི་མཐོང་བའི་ཆོས་ཀྱིས་རྟོགས་པ་གཉིས་བསྟན་ཏེ། བདག་ཉིད་ལ་ལྟ་བ་དང་། གཞན་དག་ལ་ཡང་གྲགས་པར་བྱེད་པའོ། །སྦྱིན་པའི་བསོད་ནམས་མི་འཕེལ་བར་གྱུར་པས་ཞེས་བྱ་བའི་
[149b.2]བློས་ཀུན་ཏུ་བརྟགས་པ་བཞིན་དུ་གཞན་ལ་ནོར་བགེགས་སུ་གྱུར་ཅིང་འཕེལ་བར་གྱུར་པས་སོ། །སྦྱིན་པའི་བསོད་ནམས་མི་འཕེལ་བ་དེ་ཉིད་སྨྲས་པ། སློང་བའི་སྐྱེ་བོ་འདུ་བ་ཉུང་བ་ཞེས་བྱ་བ་ཡིན་ཏེ། འདི་ཉིད་བསྒྲུབ་པའི་ཕྱིར། དེ་ལ་བརྟེན་ནས་ཕོངས་#པ་ཚིམ་པར་གྱུར#། །ཞེས་བྱ་བ་
[149b.3]འདི་ཡིན་#ཏེ། རྒྱལ་པོ་ནི་སྦྱིན་པའི་བསོད་ནམས་མི་འཕེལ་བར་གྱུར་པས་མགུ་བར་མ་གྱུར་ཏེ། སྦྱིན་ལ་དཔའ་བ་དེ་ནི་སྙིང་མ་ཚིམ། །ཞེས་བྱ་བ་འདི་ཡིན་ནོ། །ཕོངས་#པ་རྣམས་ཚིམ་པར་གྱུར་ན་དེ་ཅིའི་ཕྱིར་ཚིམ་པར་མ་གྱུར་ཞེ་ན། སྨྲས་པ། ཕོངས་པ་རྣམས་ཀྱིས་སློང་བའི་ཚད་
[149b.4]དག་གིས། །ཞེས་བྱ་བ་ལ་སོགས་པ་སྨོས་སོ། །བདག་གི་ལུས་ནི་ངེས་པར་སྦྱིན་བྱས་ནས་སམ། འདི་ནི་#རྒྱལ་པོས་གྱི་ན་ད་རྣམས་བརྟགས་པ་སྟེ། དེ་བརྟག་#པའི་ཕྱིར་བྲམ་ཟེ་རྒན་པོ་ལོང་བ་ཞིག་གི་གཟུགས་སུ་བསྒྱུར་ནས་ཞེས་བྱ་བ་ལ། གསུམ་སྨོས་པའི་ལོང་བ་སྨོས་པ་ནི་ལམ་
[149b.5]དུ་འགྲོ་བར་མི་ནུས་པའོ། །རྒན་པོ་སྨོས་པ་ནི་དཀའ་བར་གྱུར་པ་ཡིན་ནོ། །བྲམ་ཟེ་སྨོས་པ་ནི་འདི་#དག་གིས་སྦྱིན་པའི་གནས་སུ་བསྟན་པའོ། །སྙིང་རྗེ་དང་བྱམས་པ་བསྒོམ་#པ་ཞེས་བྱ་བ་འདིར་རིམ་པ་སྨོས་པ་ནི་སྡུག་བསྔལ་བསལ་བར་བྱས་ལ། ཕྱི་ནས་བདེ་བ་ལ་གཞག་#པར་བྱ་སྟེ། སྡུག་
[149b.6]བསྔལ་ལས་ཐར་བར་མ་བྱས་པར་ནི་བདེ་བ་ལ་གཞག་#པར་མི་ནུས་སོ། །ལྟ་བ་བརྟན་#ཞིང་གསལ་ལ་ཞི་བ་ཞེས་བྱ་བ་ནི་འདོད་ཆགས་དང་། གཏི་མུག་དང་། ཞེ་སྡང་གི་ཉོན་མོངས་པ་ལ་མི་གནས་པར་སྟོན་པ་ཡིན་ནོ། །གཏི་མུག་བར་དུ་སྨོས་པ་ནི་དེ་གཉི་གའི་ཡང་རྒྱུར་གྱུར་བའི་ཕྱིར་
[149b.7]རོ། །གཏི་མུག་ཆེ་བར་གྱུར་ན་ལྟ་བ་གསལ་བ་མེད་པར་འགྱུར་རོ། །བསུ་བ་བཞིན་ཞེས་བྱ་བ་ནི་ཐག་རིང་བ་ན་གནས་པའོ། །འཁྱུད་#པ་བཞིན་ཞེས་བྱ་བ་#དེ་དང་ཉེ་ན་གནས་པར་གྱུར་པ་སྟེ། ཡང་ན་བསུ་བ་ནི་སྙིང་རྗེ་བསྒོམས་པས་སོ། །འཁྱུད་#པ་བཞིན་དུ་ལྟ་བ་ནི་བྱམས་པ་ཡོངས་སུ་
[150a]
[150a.1]བསྒོམས་པ་སྟེ། སྡུག་བསྔལ་བསལ་བ་དང་བདེ་བ་ལ་ཉེ་བར་སྦྱར་བ་གཉིས་ཀྱིས་བྱ་བ་ཕུན་སུམ་ཚོགས་པའི་བསམ་པ་གསལ་བར་བྱེད་པ་ཡིན་ནོ། །ས་བདག་དམ་པ་ཁྱོད་ཀྱི་ཞེས་བྱ་བ་ལ་སོགས་པ་འདིའི་ལུས་ནི་གང་སློང་བ་དང་། ཇི་ལྟ་བུ་སློང་བ་དང་། གོང་#ནས་འོངས་
[150a.2]ཏེ་སློང་བའོ། །གནས་སྐབས་ཇི་ལྟ་བུས་ཤེ་ན། གནས་སྐབས་གཉིས་པོའི་ཡོན་ཏན་མེད་པས་ནི་ལམ་དུ་འགྲོ་བའི་ཕུན་སུམ་ཚོགས་པ་མེད་པ་ཡིན་ཏེ། མིག་གི་ཡོན་ཏན་མེད་པ་ནི་མི་མཐོང་བཞིན་ཞེས་བྱ་བའི་ཚིག་གིས་སོ། །ནུས་པའི་ཡོན་ཏན་ཡང་མེད་དེ་རྒན་པོ་ཞེས་བྱ་བའི་ཚིག་གིས་སོ། །
[150a.3]གང་སློང་བ་དེ་ནི་མིག་གང་ལ་གང་ཡོད་པ་དེ་སྟེ། སྤྱན་འཚལ་ཕྱིར་ཞེས་བྱ་བ་ཡིན་ཏེ། དེའི་མིག་གཅིག་#སློང་བ་སྟེ། འཇིག་རྟེན་གྱི་བྱ་བ་སྒྲུབ་པའི་ཕྱིར་རོ། །དེ་ལྟར་གང་དང་གང་གི་དོན་དུ་སློང་བ་དེ་ཚིག་བཅད་འདིས་བསྟན་པ་ཡིན་ནོ། །གང་སློང་བ་ནི་འདོད་པའི་ནོར་སློང་བ་སྟེ། སློང་
[150a.4]བའི་དངོས་པོས་དེ་དགའ་བ་#ཐོབ་པར་གྱུར་པ་ཡིན་ཏེ། སྤྱན་ནི་གཅིག་པུས་#ཀྱང་འཇིག་རྟེན་བགྱི་བ་འགྲུབ་ཅེས་བྱ་བ་སྨོས་པ་ཡིན་ནོ། །སུ་ཡིས་བསྟན་ཞེས་བྱ་བ་ནི་ལྷས་ཡིན་ནམ་ཞེས་རྟོགས་#པ་སྐྱེས་ཏེ་དྲིས་པའོ། །གཞན་གྱི་སྤྱོད་ལམ་ནི་མ་ཡིན་པའི་ཕྱིར་བདག་ཉིད་ལ་རྣམ་པར་རྟོག་
[150a.5]པ་སྟེ། དེ་བས་ན་སློབ་དཔོན་གྱིས་འདི་སྨྲས་པ་ཡིན་ནོ། །རྒྱལ་པོ་དེའི་བསམ་པ་རིག་ནས་ཞེས་བྱ་བ་ནི་དེ་ཉིད་ཀྱིས་བསམས་#པའོ། །ལྷའི་མཐུས་ཞེས་པ་ནི་གལ་ཏེ་ལྷའི་མཐུ་ཡིན་ན་འདིའི་མིག་གི་དབང་པོ་ཡང་ཅིའི་ཕྱིར་ལྷའི་མཐུས་དེ་ལྟར་མི་འགྱུར་ཏེ་འགྱུར་རོ་ཞེས་བྱ་བའི་གནས་སྐབས་
[150a.6]སོ། །དེས་ན་དེ་ཉིད་སྨྲས་པ། ཆོ་ག་འདིས་མིག་དང་ལྡན་པར་འགྱུར་རོ་ཞེས་བྱ་བ་ནི་བདག་གིས་མིག་བྱིན་པ་དང་། ལྷའི་མཐུ་དང་ལྡན་པའི་བྲམ་ཟེའི་མིག་གི་ཕུན་སུམ་ཚོགས་པའི་རྒྱུའོ་ཞེས་སོ། །ཡིད་ལ་རེ་བ་གང་གིས་འདིར་འོངས་པ། །ཞེས་བྱ་བ་ནི་མིག་གཅིག་ཐོབ་པར་འདོད་པ་#གང་
[150a.7]ཡིན་པ་དེ་ཉིད་བྲམ་ཟེ་ཁྱོད་ཀྱི་#རེ་བ་བསྐང་བར་བྱ་ཞེས་བྱ་བ་ཡིན་ཏེ། མིག་གཅིག་སྦྱིན་ནོ་ཞེས་བྱ་བའི་དོན་ཏོ། །རེ་བ་བསྐང་བ་ཉི་ཚེར་མ་ཟད་དེ། གཞན་ཡང་མིག་གཉི་ག་ཡང་ངས་སྦྱིན་གྱིས་ཞེས་#བྱ་བ་ཡིན་ནོ། །ཡང་ན་འདིའི་དོན་ནི་མིག་གཅིག་སྦྱིན་པ་ཉིད་ཇི་ལྟར་རེ་བ་བསྐང་བ་ཡིན་ཏེ། རེ་
[150b]
[150b.1]བ་སྐོང་#བ་ནི་རེ་ཞིག་ཇི་ལྟར་ཡང་མིག་གཉིས་ཐོབ་པར་བྱ་བ་ཡིན་ནོ། །འོན་ཀྱང་འདིས་ཡིད་ལ་རེ་བ་བཞིན་དུ་སློང་བར་མི་ནུས་ཏེ། ཅིའི་ཕྱིར་ཞེ་ན། མི་སྦྱིན་སྙམ་པ་དང་། མིག་གཉིས་བསླངས་ན་རྒྱལ་པོ་ལ་གནོད་པར་འགྱུར་བ་དང་། གཞན་གྱི་སེམས་སྲུང་བར་སྟོན་པ་ཡིན་ཏེ། ཡིད་
[150b.2]ལ་རེ་བ་ནི་རེ་ཞིག་མིག་གཉི་ག་ཐོབ་པ་ཉིད་དེ#། དེས་ན་དེ་ཉིད་སྨྲས་པ། ཡིད་ལ་རེ་བ་ཡོངས་སུ་བསྐང་བ་ཞེས་སྨོས་པ་དེ་ཉིད་ནི་མིག་གཉིས་ཀྱང་ནི་ངས་སྦྱིན་གྱིས་ཞེས་བྱ་བའི་ཚིག་གིས་སོ། །གཞན་དུ་ཇི་ལྟར་རེ་བ་ཡོངས་སུ་སྐོངས་བར་འགྱུར་#ཏེ། ངའི་མིག་ནི་ཡ་གཅིག་འདོད་པ་
[150b.3]ལ་ཞེས་བྱ་བ་སྟེ། སློང་བ་ལ་གཉིས་སྦྱིན་པའི་དོན་ནི་འདི་ཡིན་ནོ། །ཤུགས་ཀྱིས་སྐྲག་པ་ནི་ཤུགས་ཀྱིས་སྐྲག་པ་སྟེ། རྟབས་#པ་དང་བཅས་པའི་ཤུགས་ཀྱིས་སྐྲག་པའོ། །རྟབས་པ་དང་བཅས་པ་དང་ཤུགས་ཀྱིས་སྐྲག་པ་དེ་གཉིས་ཀྱིས་གདུངས་པའི་ཡིད་གང་ཡིན་པ་དེ་ནི་#རྟབས་#པ་དང་བཅས་
[150b.4]པའི་#ཤུགས་ཀྱིས་སྐྲག་པ་དང་བཅས་པ་ཡིན་ནོ། །རྟབས་#པ་ནི་ལུགས་ཀྱི་འགྱུར་བའོ། །ཤུགས་ནི་སྐྱོ་#བའོ། །སྐྲག་པ་ནི་སེམས་སོ། །མི་རིགས་པ་དང་གནོད་པར་འགྱུར་ཞེས་པ་ནི་གནོད་པ་དང་རྗེས་སུ་འབྲེལ་པའོ། །ཡང་ན་དོན་མེད་པ་དང་མི་རིགས་པ་དང་རྗེས་སུ་འབྲེལ་པའོ། །སྦྱིན་པ་ལ་དགྱེས་ཆེས་བྱ་#
[150b.5]བ་འདིས་ནི་མིག་སྦྱིན་པ་ལས་ཟློག་པར་བྱེད་པ་སྟེ། མིག་སྦྱིན་པ་མི་རིགས་པ་དང་། གནོད་པར་འདོད་པ་དེ་བསྒྲུབ་#པར་འདོད་ནས། བྲམ་ཟེ་འདི་ནི་གཅིག་པུའི་ཕྱིར་ཞེས་བྱ་བ་ལ་སོགས་པའི་ཚིགས་སུ་བཅད་པ་སྨོས་པ་ཡིན་ནོ། །གཅེས་པ་དང་། མི་གཅེས་#པ་བློས་བརྟགས་ཤིང་སྦྱིན་པ་དང་མི་#སྦྱིན་པར་བྱ་བ་སྟེ། གཅིག་པུ་དང་
[150b.6]མང་པོ་ལ་གཅེས་པ་དང་མིག་གཅེས་པ་བརྟགས་#པའི་རིགས་ཏེ། བདག་ཅག་ཐམས་ཅད་ཅེས་བྱ་བ་འདི་ནི་མང་པོ་ཉིད་དེ། བྱིས་པ་དང་། བར་མ་དང་། རྒན་པོ་དང་བཅས་པའི་བྲམ་ཟེ་དང་། རྒྱལ་རིགས་དང་རྗེའུ་རིགས་ལ་སོགས་པ་ཅིའི་ཕྱིར་དོར་ཞེས་པའོ། །ཐམས་ཅད་ལ་གནོད་པར་འགྱུར་བའི་ཕྱིར་འདི་ཉིད་ཀྱིས་ནི་རེ་ཞིག་མིག་
[150b.7]བཏང་བ་རིགས་པ་མ་ཡིན་པར་བསྟན་ཏོ། །གནོད་པར་འགྱུར་བ་ནི། སྐྱེ་དགུ་བདེ་བར་བསྐྱེད་པ་རྣམས། །མྱ་ངན་ཞུགས་ཀྱིས་མི་བསྲེགས་#གསོལ། །ཞེས་བྱ་བ་ཡིན་ཏེ། སྐྱེ་དགུ་བདེ་བས་རྒྱལ་པོ་བདེ་ཞེས་བྱ་བའི་ཚིག་གིས་སོ། །ད་ནི་སྤྱན་སྩལ་#མི་རིགས་སོ། །ཞེས་བྱ་བ་དེ་མི་རིགས་པར་སྒྲུབ་པ་སྟེ། སྤྱན་
[151a]
[151a.1]སྩལ་བར་མི་རུང་བའི་དམིགས་ཀྱིས་དབྱེ་བ་ནི་གཞན་ནི་སྩལ་བར་རིགས་ཏེ་#ཞེས་སྟོན་པ་ཡིན་ཏེ། གཞན་ཡང་གང་དག་ཡིན་ཞེ་ན། དེ་བསྟན་པའི་ཕྱིར། དཔལ་ཆེན་སྐྱེད་པར་འགྱུར་བའི་ཞེས་བྱ་བ་ལ་སོགས་#པའི་ཚིགས་བཅད་གཉིས་སྨོས་པ་ཡིན་ནོ། །དཔལ་ཆེན་
[151a.2]བསྐྱེད་པའི་ནོར་ཞེས་བྱ་བ་ཉིད་ཀྱིས་ནི་འདིའི་#ནང་དུ་སྦྱིན་པའི་དངོས་པོ་ཐམས་ཅད་འདུས་པ་ཡིན་ཏེ། སྤྱད་པར་བྱ་བ་དང་། ཡིད་དགའ་བར་བྱེད་པ་དང་། བཀྲེས་པ་དང་། སྐོམ་པའི་སྡུག་བསྔལ་ཟློག་པར་བྱེད་པ་དང་། འཁྲིག་པའི་འདོད་པ་ཉེ་བར་སྤྱོད་པའི་བདེ་བ་དང་། ཡོ་བྱད་ནི་
[151a.3]ནོར་ལ་སོགས་པ་ཡིན་པས་དེ་ལྟར་སྨོས་པ་ཡིན་ནོ། །རྩོད་པ་ཟློག་#པར་བྱེད་པ་ཡིན་པས་ནོར་ལ་སོགས་པ་འདིའི་ཐ་སྙད་དོ། །རིན་ཆེན་ཞེས་བྱ་བ་ནི་ཡིད་དགའ་བར་བྱེད་པས་སོ། །ཤིང་རྟ་དང་གླང་པོ་སྨོས་པས་ནི་ངལ་བ་ལས་གྱུར་པའི་སྡུག་བསྔལ་སེལ་བར་བྱེད་པའོ། །རྐང་གདུབ་འཁྲོལ་
[151a.4]བའི་སྒྲ་རྣམས་#གྲག་པ་ཡི། །ཞེས་བྱ་བ་ནི་འཁྲིག་པའི་འདོད་པ་ཉེ་བར་སྤྱོད་པའི་ཡོ་བྱད་དོ། །ཁང་པ་དུས་རྣམས་ཀུན་ཏུ་བདེ་ལྡན་པ། །ཞེས་བྱ་བ་འདིས་ནི་རྩོད་པ་མེད་པར་འགྱུར་བ་ཡིན་ནོ། །སྤྱན་རྩལ་#བ་མི་རིགས་པ་དེ་དམིགས་ཀྱིས་#དབྱེ་བ་ནི་གཞན་གྱི་མིག་གིས་གཞན་ལ་ཇི་ལྟར་
[151a.5]སྦྱར་དུ་རུང་ཞེས་བྱ་བ་ལ་སོགས་པའི་ཚིགས་བཅད་གཉིས་ཏེ། རྒྱུ་དེ་གཉིས་ཀས་སྤྱན་སྩལ་བ་དེ་མི་རིགས་ཏེ། ཉིད་ཀྱི་སྤྱན་སྩལ་ཀྱང་དེའི་མིག་སྐྱེ་བར་མི་འགྱུར་བའི་ཕྱིར་དང་། གལ་ཏེ་འབྱུང་བར་གྱུར་ན་ནི་ཁྱོད་ཀྱི་སྤྱན་མ་བྱིན་པར་ཡང་ཡོད་པར་འགྱུར་བའི་ཕྱིར་རོ། །གཞན་དག་
[151a.6]གི་མིག་གིས་ཞེས་བྱ་བ་#འདིས་ནི་མིག་འབྱིན་པར་མི་རིགས་པའོ། །མིག་ཡོད་ཀྱང་ནོར་གྱི་ཕུན་སུམ་ཚོགས་པ་མེད་པ་དང་། གོང་དུ་བཤད་པའི་#ནོར་དང་ལྡན་པ་གང་གཅེས་#པ་ཡིན་ཏེ། མིག་གཅེས་#པ་ཡིན་ནམ། འོན་ཏེ་ནོར་དང་ལྡན་པས་གཅེས་པ་ཡིན་ཅེས་བསམས་ན་ནོར་ཉིད་
[151a.7]གཙོ་བོ་ཡིན་ཏེ། མིག་དང་ལྡན་པ་ནོར་མེད་པར་ནི་ཉམས་པ་ཉིད་དུ་འགྱུར་ཏེ། མིག་ཡོད་ཀྱང་ནོར་གྱི་ཕུན་སུམ་ཚོགས་པ་མེད་པ་དང་། ནོར་དང་ལྡན་ཞིང་མིག་མེད་དེ་ལོང་བ་ནི་བླའི། ཕོངས་པ་ནི་མ་ཡིན་ཏེ། ཕོངས་ཤིང་མིག་དང་ལྡན་པར་གྱུར་ན་གཞན་གྱི་འབྱོར་པ་མཐོང་ན་ཡིད་གདུངས་
[151b]
[151b.1]པར་འགྱུར་རོ། །འབྱོར་པ་ཕུན་སུམ་ཚོགས་པ་ནི་ལོང་ན་ཡང་དབང་པོ་གཞན་གྱིས་ཉེ་བར་ལོངས་སྤྱོད་པའི་ཕྱིར་རོ། །དེ་བས་དཀོར་ལས་སྩལ་དུ་གསོལ། །ཞེས་བྱ་བ་ཡིན་ཏེ། ནོར་ཉིད་སྦྱིན་པར་བྱའི་སྤྱན་ནི་བར་བྱ་བ་མ་ཡིན་ཞེས་པའོ། །འདིར་ཡང་སྤྱན་སྩལ་བར་མི་རིགས་
[151b.2]པ་དམིགས་ཀྱིས་འབྱེད་པས་གཞན་ཉིད་སྔར་བཤད་པ་སྟེ། ནོར་གཞན་དག་ནི་སྩལ་བར་རིགས་སོ། །གཅིག་གི་ཕྱིར་ནི་ཞེས་བྱ་བའི་དབང་དུ་བྱས་ནས་དཔལ་བསྐྱེད་པའི་ནོར་ཞེས་བྱ་བ་ལ་སོགས་པའི་ཚིགས་བཅད་གཉིས་ཀྱིས་བསྟན་པ་ཡིན་ནོ། །གཞན་ལ་ཇི་ལྟར་སྦྱར་དུ་རུང་། །
[151b.3]ཞེས་བ་ནི་དབྱེ་བའོ། །ལྷ་གཞན་ཡང་ཞེས་བྱ་བས་ཅི་ཞིག་སྟོན་པར་འགྱུར་ཞེ་ན་ནོར་དང་མིག་གཉིས་འདོད་པ་དེ་ལ་ནོར་ཉིད་ཆེས་ཕན་པ་ཡིན་གྱི། མིག་སྦྱིན་བ་ནི་མ་ཡིན་ནོ་ཞེས་སྟོན་པ་ཡིན་ནོ། །གང་ཞིག་སྦྱིན་ཞེས་སྨྲས་ནས་ནི་ཞེས་བྱ་བ་ལ་སོགས་པའི་ཚིགས་བཅད་གསུམ་
[151b.4]གྱིས་ནི་མིག་#སྦྱིན་པ་ཉིད་རིགས་པར་#ཕྱོགས་བླངས་ནས་སྨས་པ་སྟེ། བསམ་པ་ཉམས་པ་དང་། སྦྱོར་བ་ཉམས་པ་ལས་བརྩམས་ཏེ། གཉིས་ཀྱིས་ནི་བསམ་པ་ཉམས་པའོ། །གཅིག་གིས་ནི་སྦྱོར་བ་ཉམས་པ་སྟེ། རྒྱུ་གསུམ་གྱིས་སོ། །སྦྱིན་པའི་དངོས་པོ་ལ་ཆགས་
[151b.5]པའམ། བདག་ཉིད་ལ་ཆགས་ཤིང་ཉམས་པས་འཇིགས་པའམ། ཕོངས་པ་རྣམས་ཀྱི་སྡུག་བསྔལ་ཡལ་བར་འདོར་པས་ནི་ཁས་བླངས་པའི་དངོས་པོ་སྦྱོར་བར་མི་འདོད་པ་ཡིན་ཏེ། སྦྱིན་པའི་དངོས་པོ་ལ་ཆགས་པ་དེ་ཉིད་མི་རིགས་པའི་དབང་དུ་བྱས་ནས། གང་གིས་
[151b.6]སྦྱིན་ཞེས་སྨྲས་ན་ནི། ཞེས་བྱ་བ་ལ་སོགས་པའི་ཚིགས་བཅད་ཡིན་ཏེ། སྐྱེ་བོ་རྣམས་ནི་སྦྱིན་པའི་དངོས་པོ་ལ་#ཆགས་ཤིང་འདོད་པ་ཡིན་པས་སོ། །འདོད་པ་གང་ཞེ་ན་སྦྱིན་པ་དང་འགལ་བའི་སེམས་ཀྱིས་ཀུན་ཏུ་འཛིན་པ་ཞེས་བྱ་བའི་ཚིག་གིས་སོ། །བདག་ལ་ཆགས་ཤིང་ཉམས་
[151b.7]པས་འཇིགས་པའི་དབང་དུ་བྱས་ནས་སྦྱིན་ནོ་ཞེས་ནི་ཁས་བླངས་ནས་ཞེས་བྱ་བ་ལ་སོགས་པའི་ཚིགས་སུ་བཅད་པ་ཡིན་ཏེ། གང་ཞིག་ཡིད་ལ་གཞན་སེམས་པ། །ཞེས་བྱ་བ་ནི་མི་སྦྱིན་པར་ཡིད་ལ་སེམས་པའོ། །སེར་སྣས་མ་ངེས་བློ་ཅན་ཏེ། །ཞེས་བྱ་བ་ནི་སེར་སྣས་བདག་ཉིད་ལ་
[152a]
[152a.1]ཆགས་ཤིང་སྦྱིན་པ་དང་མི་མཐུན་པ་ཡོད་པས་སོ#། །སེར་སྣས་མ་ངེས་པའི་བློ་གང་ཡིན་པ་དེ་ནི། སེར་སྣས་མ་ངེས་པའི་བློ་ཅན་ཏེའོ། །མ་ངེས་པར་གྱུར་པ་དེ་ནི་ཕྱིས་མི་སྦྱིན་པའི་སེམས་ཡིན་ནོ་ཞེས་རྗེས་སུ་ཤེས་པའོ#། །ཕོངས་པའི་སྐྱེ་བོ་ཡལ་བར་དོར་བའི་དབང་དུ་བྱས་
[152a.2]ནས་སྦྱོར་བ། སྦྱིན་ནོ་ཞེས་ནི་ཁས་བླངས་ནས། །ཞེས་བྱ་བ་ལ་སོགས་པ་ཡིན་ནོ། །བརྟན་པར་བྱས་ནས་ཞེས་བྱ་བ་ནི་ཅི་ནས་ཀྱང་སྦྱིན་པར་#བྱའོ་ཞེས་ཁས་བླངས་ནས་སོ། །སླུ་བའི་ཚིག་ནི་རྩུབ་པོ་ཡིས། །ཞེས་བྱ་བའི་ཚིག་གིས་ཕོངས་པ་རྣམས་ཀྱི་སྡུག་བསྔལ་ཡལ་བར་དོར་
[152a.3]བའམ་གཞག་པ་དེའི་ཚིག་སྨྲ་བར་མི་ནུས་པ་ཡང་ཡིན་ཏེ། ཚིག་ནི་ངག་གི་སྦྱོར་བའོ། །སྐྱིན་བསབ་པ་ནི་ཅི་ཡང་མེད། །ཅེས་བྱ་བ་ནི་ཤིན་ཏུ་སྡིག་ཆེའོ་ཞེས་བྱ་བའི་དོན་ཏོ། །དེ་ལ་དེ་ཉིད་ངེས་པར་གཟུང་བས་བསྟན་པ་ནི་གཞན་གྱི་མིག་གིས་#གཞན་ལ་ཇི་ལྟར་སྦྱར་དུ་རུང་ཞེས་བྱ་བ་དེའི་ལན་འདིས་
[152a.4]བསྟན་པ་ཡིན་ཏེ། རྒྱུ་གཅིག་གིས་ནི་གྲུབ་པ་ཡི། །ཞེས་བྱ་བ་སྨོས་པ་ཡིན་ཏེ། རྐྱེན་གཅིག་གིས་བསྐྱེད་པ་ནི་ཅི་ཡང་མེད་པའི་ཕྱིར་རྒྱུ་རྐྱེན་གཞན་ལ་མ་ལྟོས་#པའི་མིག་ནི་མེད་དོ། །རྒྱུ་རྐྱེན་གཞན་ལ་ལྟོས་#པ་ནི་ལྷ་རྣམས་ཀྱིས་བྱས་པའི་མིག་ཉིད་ཀྱང་སྦྱིན་པར་བྱ་བ་དང་། རྒྱུ་རྐྱེན་
[152a.5]གཞན་ལ་ལྟོས་#པར་འགྱུར་བ་ཡིན་ནོ། །སྦྱིན་པ་ཆེན་པོ་ལ་བགེགས་བྱ་བ་ཞེས་བྱ་བ་ནི་ནང་གི་སྦྱིན་པ་ནི་སྦྱིན་པ་ཆེན་པོ་སྟེ། ཕྱི་རོལ་ལས་ཁྱད་པར་དུ་གྱུར་པ་ཡིན་ནོ། །གང་གི་ཕྱིར་ནང་གི་སྦྱིན་པ་ནི་ཤིན་ཏུ་དཀའ་བ་ཡིན་པས་དེ་དག་དང་མ་འདྲེས་པའོ། །སྦྱིན་པའི་བགེགས་བྱེད་པས་མི་
[152a.6]ཚུགས་པ་བསྟན་པ་ཡིན་ནོ། །དོགས་བ་སྐྱེད་པའི་མཚན་ཉིད་ཐ་མི་དད་ཅིང་སྦྱིན་པའི་བྱེ་བྲག་མིག་སྦྱིན་པ་དགག་པའི་ཕྱིར་ཡང་སྨྲས་པ། ལྷ་ནོར་དང་འབྲུ་དང་རིན་པོ་ཆེ་དང་ཞེས་བྱ་བ་ལ་སོགས་པ་སྨོས་ཏེ། འདི་དག་སྦྱིན་པ་བགེགས་བྱས་པར་གྱུར་ན་དེའི་ཚེ་བགེགས་བྱེད་པ་ཡིན་ན། དེ་ལྟ་
[152a.7]ནི་མ་ཡིན་གྱི་བདག་ཉིད་སྦྱིན་པ་ཉེས་པར་#འགྱུར་ཞེས་བསྟན་པ་ཡིན་ནོ། །གང་ཞིག་སློང་བ་དེ་ནི་སྦྱིན་པར་བྱ། །ཞེས་པའི་ཚིགས་བཅད་འདི་ལྟ་སྟེ། གཞན་ཡང་དེ་རྣམས་ཀྱི་སྦྱིན་པའི་བགེགས་ཀྱི་ཉེས་པར་བསྒྲུབས་པའི་ཕྱིར། གང་ཞིག་སློང་བ་དེ་ནི་སྦྱིན་པར་བྱ་ཞེས་བྱ་བ་འདིས་ཏེ། གང་
[152b]
[152b.1]ལས་ཤེ་ན། སློང་བ་དེ་ཉིད་ཐོབ་ཅིང་སློངས་#ནས་ནི་དགའ་བར་གྱུར་པ་#ཡིན་ཏེ། སྦྱིན་པ་ལེན་པ་པོ་#དགའ་བར་འགྱུར་བའི་དོན་ཡིན་ནོ། །དེ་ལྟར་རང་གི་མིག་སྦྱིན་པ་རིགས་པར་བསྟན་ནས་ནོར་དང་འབྲུ་ལ་སོགས་པ་གཞན་ནི་དེ་ལ་བྱིན་ཡང་སྦྱིན་པ་མ་ཡིན་པར་བསྟན་པའི་ཕྱིར། མི་འདོད་པ་
[152b.2]ནི་བྱིན་ཡང་དགར་མི་འགྱུར། །ཞེས་བྱ་བ་སྟེ། འདི་ནི་མི་མཐུན་པའི་སྦྱིན་པས་དགའ་བར་མི་འགྱུར་བ་བསྟན་པའི་ཕྱིར་བཤད་དེ། འདིས་ནི་དགེ་བ་སྐྱེ་བའི་མཐུས་མི་མཐུན་པ་དང་ལྡོག་པ་བསྟན་པ་ཡིན་ནོ། །མི་སློང་བ་དང་མི་འདོད་པ་སྦྱིན་པ་ནི་#མི་མཐུན་ཅིང་དགོས་པ་མེད་པའི་
[152b.3]ཕྱོགས་ཡིན་ཏེ། ཇི་ལྟ་བུ་ཞེ་ན། དཔེས་བསྟན་པའི་ཕྱིར། ཆུས་#ཁྱེར་བ་ལ་ཆུས་ཡིས་ཅི་ཞིག་བྱ། །ཞེས་པ་ཡིན་ཏེ། ཆོས་མཐུན་པའི་དཔེའོ། །སྐོམ་པ་ལ་ཆུའི་སྦྱིན་པ་#དང་འདྲ་བར་བསླངས་པའི་དོན་ནི་འདི་ལ་སྦྱིན་ཞེས་བྱ་བ་སྨོས་ཏེ། བླངས་#པ་དེ་ཉིད་སྦྱིན་ན་སྐྱེ་བོ་དགའ་བ་
[152b.4]ཀུན་ཏུ་འཛིན་ཅིང་དགའ་བ་སྐྱེ་བར་འགྱུར་རོ། །དེ་ནས་རྒྱལ་པོ་དེ་ཞེས་བྱ་བ་ལ་སོགས་པའི་འདིའི་བསྡུས་པའི་དོན་ནི་གང་སྨྲ་བ་དང་གང་གི་ཕྱིར་སྨྲ་བ་དང་། ཇི་ལྟར་སྨྲ་བ་དང་། གང་ལ་སྨྲ་བ་ཞེས་བྱ་བ་ལ་སོགས་པ་འདི་དག་སྟེ། ཅི་རིགས་པར་སྦྱར་བར་བྱའོ། །ལ་ལས་#དཀའ་
[152b.5]ཐུབ་ཏིང་འཛིན་ཞེས་བྱ་བ་ལ་སོགས་པའི་ཚིགས་བཅད་འདིའི་བསྡུས་པའི་དོན་ནི་རྒྱལ་སྲིད་ཐོབ་པའི་རྒྱུ་དང་། འབྲས་བུ་དང་ངོ་བོ་ཉིད་ཀྱི་ཁྱད་པར་ཡིན་ཏེ། རྟག་ཏུ་བྱེད་པ་དང་ཡུན་མི་ཐུང་བས་དེའི་དཀའ་ཐུབ་ཆེན་པོའོ། །དཀའ་ཐུབ་ཏིང་འཛིན་#ཆེན་པོ་ཞེས་བྱ་བ་ནི་དཀའ་ཐུབ་ཉིད་
[152b.6]ཏིང་#འཛིན་ཡིན་པས་དཀའ་ཐུབ་ཏིང་ངེ་འཛིན་ནོ། །གང་དུ་རྒྱུ་སྦྱིན་པ་དང་། ཡང་དག་པར་སྡོམ་པ་ལ་སོགས་པའི་མཚན་ཉིད་ཡོད་པ་དེ་ནི་དཀའ་ཐུབ་ཏིང་#འཛིན་ཆོ་ག་ཞེས་བྱའོ། །གུས་པར་བྱེད་པའི་རྒྱུས་ཆོ་ག་ཞེས་#བྱ་སྟེ། ཆོག་ཉམས་ན་ནི་གང་གིས་ཀྱང་ངམ། ཐམས་ཅད་ཀྱིས་ལུས་ཉོན་
[152b.7]མོངས་པར་བྱས་ཏེ་རྟག་ཏུ་དཀའ་ཐུབ་དང་ཐོས་#པ་ལ་བརྟེན་ཀྱང་། གུས་པར་སྦྱོར་བའི་ཆོ་ག་ཉམས་ན་མི་ཐོབ་པོ། །འདིས་ནི་རྒྱལ་སྲིད་ཐོབ་པའི་རྒྱུ་བསྟན་ཏོ། །མང་པོ་ཇི་ལྟར་བསྟན་#པའི་མཆོད་སྦྱིན་བརྒྱ་ཕྲག་ཡིན་ཏེ། འདིས་ནི་ཇི་སྲིད་དུ་བསྟེན་པར་བྱས་པའོ། །གྲགས་པ་ནི་མཐོང་བའི་
[153a]
[153a.1]ཆོས་ཀྱི་འབྲས་བུ་སྟེ། མཐོ་རིས་ཞེས་བྱ་བ་ནི་འཇིག་རྟེན་ཕ་རོལ་ལོ། །དེ་ལྟར་ཇི་ལྟར་བསྟེན་པ་སྟེ་རྟག་ཏུ་བསྟེན་པ་དང་གུས་པར་བྱ་བའི་སྦྱོར་བའི་མཆོད་སྦྱིན་ཆེན་པོ་མང་པོས་འབྲས་བུ་ཅི་ཞིག་ཐོབ་ཅེ་ན། སྨྲས་པ། མཐོང་བའི་ཆོས་ལ་ནི་གྲགས་པའོ། །
[153a.2]འཇིག་རྟེན་ཕ་རོལ་གྱི་འབྲས་བུ་ནི་མཐོ་རིས་སོ། །འདིས་ནི་འབྲས་བུ་ཕུན་སུམ་ཚོགས་པ་བསྟན་ཏོ། །བརྒྱ་བྱིན་དང་འགྲན་པའི་ལོངས་སྤྱོད་ཅེས་བྱ་བས་ནི་རང་བཞིན་ཕུན་སུམ་ཚོགས་པ་བསྟན་ཏོ། །ཅི་ཞིག་མཐོང་ན་ཞེས་བྱ་བ་ནི་འབྲས་བུ་ཞེས་བྱ་བའི་དོན་ཏོ། །ཅི་ཞིག་མཐོང་ནས་མིག་སྦྱིན་
[153a.3]ཞེས་བྱ་བའི་དོན་ཏེ། གང་སྦྱིན་པ་དེ་ཐམས་ཅད་འབད་པ་མེད་པར་ཡོད་དོ། །ཞེས་པའོ། །ཆོ་ག་འདི་ནི་སུ་ལས་ལོབས་ཞེས་བྱ་བ་ནི་ཆོ་ག་འདི་ཞེས་བྱ་བ་ནི་འབྲས་བུ་ཡང་དག་པར་འཐོབ་ཅེས་བྱ་བའི་ལུང་ངོ་། །སུ་ལས་ལོབས་ཞེས་བྱ་བ་ནི་གང་གིས་བསྟན་ཅེས་བྱ་བའི་ཚིག་སྟེ། ཅི་
[153a.4]ཞིག་མཐོང་ནས་ཁྱོད་ཀྱིས་#མིག་སྦྱིན་ཞེས་བསྟན་པ་ཡིན་ནོ། །གང་གི་#དོན་དུ་སྦྱིན་པ་དེ་ཐམས་ཅད་ཀྱང་ཕུན་སུམ་ཚོགས་པ་བསྟན་པའི་ཕྱིར་སྨྲས་པ། མཆོད་སྦྱིན་བྱས་པས་སུམ་ཅུ་རྩ་གསུམ་ཉེ། །ཞེས་བྱ་བའི་ཚིགས་བཅད་འདི་ཡིན་ནོ། །དེའི་ཕྱིར་རྒྱུ་ནི་སྔར་བྱས་ཟིན་པས་སོ། །ཇི་
[153a.5]ལྟ་བུ་ཞེ་ན། མཆོད་སྦྱིན་བྱས་པས་ཞེས་བྱ་བ་ལ་སོགས་པས་སོ། །གལ་ཏེ་འཇིག་རྟེན་འདིའི་འབྲས་བུ་གྲགས་པ་དང་། ཚིག་བཙུན་པོ་འདོད་ན་ནི་དེ་གཉི་ག་ཡང་ཕུན་སུམ་ཚོགས་པ་བསྟན་པའི་ཕྱིར། གྲགས་པས་ཀུན་ཏུ་རབ་ཏུ་གསལ་གྱུར་རིང་། །མི་དབང་གཙུག་གི་#འོད་ཀྱིས་
[153a.6]རྐང་བརྒྱན་པ། །ཞེས་བྱ་བ་སྟེ་གོ་རིམས་བཞིན་དུ་སྦྱར་རོ། །ཅི་ཞིག་འདོད་ཕྱིར་མིག་ནི་སྦྱིན་པར་བྱེད། །ཅེས་བྱ་བ་ནི་གང་གི་#དོན་དུ་བསྟན་པ་དེ་ཅི་ཞིག་མཐོང་ན། ཁྱོད་ཀྱིས་མིག་སྦྱིན་ཞེས་བྱ་བ་སྟེ། དེ་ཉིད་འདིར་ཡང་བསྟན་པ་ཡིན་ནོ། །ས་ཀུན་འཐོབ་ཕྱིར་དང་མཐོ་རིས་དང་ཐར་པ་
[153a.7]སྟེ་འཇིག་རྟེན་ཕ་རོལ་#གྱི་འབྲས་བུའོ། །ས་ཀུན་ཐོབ་#པ་དང་མཐོ་རིས་འཐོབ་པ་ཞེས་བྱ་བ་འདི་གཉིས་ནི་མངོན་པར་མཐོ་བའི་དབང་དུ་བྱས་པའོ། །ཐར་པ་ནི་ཉན་ཐོས་དང་རང་སངས་རྒྱས་ཀྱི་འབྲས་བུ་སྟེ། འདིས་ནི་ངེས་པར་ལེགས་པ་འཐོབ་པའི་དབང་དུ་བྱས་པས་སོ། །གྲགས་
[153b]
[153b.1]པ་ནི་མཐོང་བའི་ཆོས་ཀྱི་འབྲས་བུའོ། །སློང་བ་རྣམས་མཐོང་བའི་ཆོས་ལ་འབྲས་བུའམ་དོན་མེད་པར་རོ#། །འཇིག་རྟེན་བསྐྱབ་ཕྱིར་ཞེས་བྱ་བ་ནི་སངས་རྒྱས་ཀྱི་གོ་འཕང་ཐོབ་པར་བྱ་བའི་གནས་སྐབས་ཀྱི་དོན་ནོ། །སྨན་དཔྱད་ལས་བྱུང་#བ་ཞེས་བྱ་བའི་སྨན་དཔྱད་ལས་བྱུང་#བ་
[153b.2]ཇི་ལྟ་བུ་ཞེ་ན། སྨྲས་པ་དལ་བུས་དང་མ་སྣད་པར་རོ། །ཡང་ན་སྨན་དཔྱད་ལས་བྱུང་བ་བཞིན་དུ་ཞེས་བྱ་བའི་སྨན་ཡིག་ལས་བྱུང་བ་བཞིན་དུ་སྟེ། ཕྱོགས་གང་དུ་མཚོན་གཏང་བར་བྱ་བ་དང་། ཇི་ལྟར་དབྱུང་བ་སྟོན་པ་ཡིན་ཏེ། དལ་བུས་བྱ་བ་དང་མ་#སྣད་པར་རོ། །དེ་ལྟར་
[153b.3]ཕྱུང་བ་ལ་རབ་ཏུ་དགའ་བ་བཞིན་དུ་ཞེས་འབྱིན་པ་དངོས་ཏེ། ལས་ཀྱི་དུས་ན་སེམས་དང་བ་གང་བཅོམ་ལྡན་འདས་ཀྱིས་གསུངས་པ་དེ་སྟོན་པ་ཡིན་ཏེ། སྦྱོར་བའི་ཚེ་ན་མཆོག་ཏུ་དགའ་བ་དང་། བྱིན་ནས་ཀྱང་ཡིད་དགའ་བར་བྱེད་པ་སྟེ། གང་བཅོམ་ལྡན་འདས་ཀྱིས་#གསུངས་བ་དེ་
[153b.4]སྟོན་ཏོ། །སློང་བ་ནི་དོན་བསྒྲུབ་པའི་ཕྱིར་སློང་མོ་པའི་མིག་ཏུ་གནས་པར་གྱུར་པ་ནི་མིག་གིས་མཐོང་བར་བྱ་བའོ#། །པདྨ་དང་བྲལ་བའི་པདྨའི་མཚོ་གང་ཡིན་པ་དེ་ནི་#པདྨའི་མཚོའོ། །དེ་ལྟ་བུའི་བཞིན་གང་ལ་ཡོད་པ་དེ་ནི་པདྨ་མེད་པའི་པདྨའི་མཚོ་འདྲ་བའི་གདོང་ངོ་། །གཞན་ལ་མེད་པའི་
[153b.5]རབ་ཏུ་དགའ་བར་གྱུར། །ཞེས་བྱ་བ་ནི་སྐྱེ་བོ་དང་ཐུན་མོང་མ་ཡིན་པའི་དགའ་བ་ཡིན་ཏེ། དེ་ལྟར་ན་སྐྱེ་དགུ་དང་རྒྱལ་པོ་ནི་དེ་ལྟར་སྐྱེ་དགུ་བདེ་ལ་རྒྱལ་པོ་ཡང་བདེ། མི་བདེ་ན་ཡང་དེ་བཞིན་ནོ་ཞེས་པའི་ཚིག་གིས་རྒྱལ་པོ་ཉིད་མྱ་ངན་སྐྱེས་པ་ཡིན་མོད་ཀྱི། འོན་ཀྱང་དགའ་བ་སྐྱེ་བ་ཡིན་ཏེ།
[153b.6]འདི་ནི་སྐྱེ་བོ་གཞན་ལ་མེད་པའི་དགའ་བའོ། །བྲམ་ཟེའང་མིག་དང་ལྡན་པར་མཐོང་། །ཞེས་བྱ་བ་ནི་འཁོར་གྱིས་ཞེས་བྱ་བར་སྦྱར་རོ། །འཁོར་གཞན་རྣམས་ལ་མེད་པའི་རབ་ཏུ་དགའ་བ་དེ་ཉིད་མེད་པར་བསྟན་པའི་ཕྱིར། རྒྱལ་པོའི་བཙུན་མོའི་འཁོར་ཞེས་བྱ་བ་ལ་སོགས་པ་འདིའི་དོན་
[153b.7]ཡིན་ནོ། །ཨེ་མའོ་བརྟན་ཞིང་ཞེས་བྱ་བ་ནི་རང་གི་བདེ་བ་ལ་འདོད་པ་མེད་པའི་བརྟན་#པའོ། །ཨེ་མའོ་སྙིང་སྟོབས་ཆེ་ཞེས་བྱ་བ་ནི་རང་གི་མི་བདེ་བ་ལ་འཇིགས་པ་མེད་པའོ། །དེ་གཉི་གས་ཀྱང་ཤེས་རབ་ཀྱི་ཡོན་ཏན་བསྟན་ཏོ། །ཨེ་མའོ་སེམས་ཅན་ཕན་འདོགས་པ། །ཞེས་བྱ་བ་འདིས་
[154a]
[154a.1]ནི་སྙིང་རྗེའི་ཡོན་ཏན་སྟོན་ཏོ། །ཤེས་རབ་དང་སྙིང་རྗེ་དེ་གཉིས་ཀ་སྨོས་པ་#དེ་གཉིས་བསྒོམས་པས་བྱང་ཆུབ་པ་སྟེ། དེ་གཉིས་ཀ་ཡང་རྒྱུར་གྱུར་པའི་ཕྱིར་བྱང་ཆུབ་སེམས་དཔའི་སྒྲུབ་པའོ། །མི་གནས་པའི་མྱ་ངན་ལས་འདས་པ་དང་། རབ་ཏུ་གནས་པའི་མྱ་ངན་
[154a.2]ལས་འདས་པའི་རྒྱུར་གྱུར་ཅིང་། དེ་གཉི་ག་ཡང་ཀུན་ནས་ཉོན་མོངས་པ་ཡང་མཐར་བྱེད་ཅིང་སྤོང་བས་ན་སེམས་དཔའ་ཆེན་པོའི་རབ་ཏུ་སྒྲུབ་པའོ། །དེ་བས་ན་ཞེས་བྱ་བ་ཉིད་སེམས་ཅན་ལ་#ཕན་འདོགས་པས་ནའོ། །ཡང་ན་ཤེས་རབ་དང་སྙིང་རྗེའི་ཡོན་ཏན་གཉིས་དང་ལྡན་པས་སོ། །ངོ་
[154a.3]མཚར་ཆེ་བའི་སེམས་ཅན་ཞེས་བྱ་བ་ནི་གང་གི་ཕྱིར་བརྟན་པ་དང་། སྙིང་སྟོབས་ཆེ་བ་དང་། སེམས་ཅན་ལ་ཕན་འདོགས་པར་བྱེད་པ་སྟེ། སེམས་ཅན་ཞེས་བྱ་བ་ཉིད་སྨོས་པ་ཡིན་ནོ། །ཡུན་རིང་པོར་འདི་ལྟར་ཉོན་མོངས་སུ་གཞུག་པའི་མི་རིགས་ཞེས་བྱ་བ་འདི་ལྟར་བརྗོད་པར་འདོད་དེ།
[154a.4]ཡོངས་སུ་ཉོན་མོངས་པ་ལ་འཇིགས་པ་མེད་པའི་རྒྱུར་གྱུར་པ། དེ་ཉིད་སེམས་ཅན་གྱི་ཡོན་ཏན་ཉིད་ཡིན་ཏེ། སེམས་ཅན་གྱི་ཡོན་ཏན་དུ་གཟུང་ངོ་། །མིག་གི་རྨ་ནི་སོས་ཞེས་བྱ་བ་ནི་མིག་གི་གནས་ཀྱི་རྨ་ཞེས་#བརྗོད་པ་ཡིན་ནོ། །མིག་གི་རྨ་ནི་སོས་ཞེས་བྱ་བའི་ཚིག་གིས་ནི་གནས་ཀྱིས་#
[154a.5]གནས་པ་སྟོན་ཏེ། ཇི་ལྟར་རྒྱལ་པོ་མདུན་ས་ནི་མི་སྣང་ཡང་#། རྒྱལ་པོའི་གནས་སུ་སྟོན་པ་དང་འདྲའོ། །བསྲབས་#ཤིང་སངས་པ་ཞེས་བྱ་བ་ལ་བསྲབས་#པ་ཡིན། སངས་པ་ཡིན་པས་བསྲབས་ཤིང་སངས་པའོ། །བཙུན་མོའི་འཁོར་དང་ཕོ་བྲང་འཁོར་གྱི་མི་རྣམས་ནི་བཙུན་མོའི་འཁོར་
[154a.6]དང་#ཕོ་བྲང་འཁོར་གྱི་#མི་རྣམས་སོ། །བཙུན་མོའི་འཁོར་ཞེས་སྨོས་པས་ནི་བཙུན་མོའི་འཁོར་ན་སྤྱོད་པའི་སྐྱེ་བོ་ཡིན་པས་དེ་སྐད་ཅེས་བྱའོ། །ཡང་ན་བཙུན་མོའི་འཁོར་གྱི་སྒྲ་ཉིད་འཁོར་གྱི་མི་རྣམས་ལ་འཇུག་གོ། །བཙུན་མོའི་འཁོར་དང་ཕོ་བྲང་འཁོར་གྱི་མི་རྣམས་ཀྱི་མྱ་ངན་ནི་#བཙུན་མོའི་
[154a.7]འཁོར་དང་ཕོ་བྲང་འཁོར་གྱི་མྱ་ངན་ནོ། །བསྲབས་ཤིང་སངས་པ་#ནི་བཙུན་མོའི་འཁོར་དང་ཕོ་བྲང་འཁོར་གྱི་མི་རྣམས་ཀྱི་མྱ་ངན་གང་ཡིན་པ་སྟེ། བཙུན་མོའི་འཁོར་དང་ཕོ་བྲང་འཁོར་གྱི་མི་རྣམས་ཀྱི་ཞེས་དེ་ལྟར་བསྡུ་བར་བྱའོ། །འདིར་རྒྱལ་པོ་ལ་ནི་མྱ་ངན་མེད་པ་ཡིན་ཏེ། འོན་ཀྱང་
[154b]
[154b.1]བཙུན་མོའི་འཁོར་དང་ཕོ་བྲང་འཁོར་གྱིས་ནི་རྒྱལ་པོ་དེ་མྱ་ངན་ཡོད་དེ། བཙུན་མོའི་འཁོར་ལ་སོགས་པའི་ཚིག་གི་འབྲེལ་པ་ཅུང་ཟད་ཡོད་དེ། སྐྱེ་དགུ་བདེ་ན་ནི་རྒྱལ་པོ་བདེ་ཞེས་བྱ་བའི་ཚིག་གིས་སོ། །དེ་བསྟན་པའི་ཕྱིར། རྒྱལ་པོ་དེ་ཉིད་ཀྱི་#མྱ་ངན་དང་བཅས་པ་ནི་གང་བཙུན་མོའི་འཁོར་
[154b.2]ལ་སོགས་པ་ཡིན་ནོ་ཞེས་བསྟན་པ་ཡིན་ནོ། །རབ་ཏུ་དབེན་པ་འདོད་པའི་ཕྱིར་ཞེས་བྱ་བ་ནི་སྐྱེ་བ་གཞན་དུ་དཔེན་པ་ལ་གོམས་པ་སྟོན་པའོ། །རྫིང་བུའི་#འགྲམ་ན་ཞེས་བྱ་བ་ནས་སྐྱིལ་མོ་ཀྲུང་བཅས་ཏེ་ཞེས་བྱ་བའི་བར་གྱི་ཚིག་གི་བསྡུས་པའི་དོན་ནི་མིག་གཉིས་མེད་པས་མིག་གི་ཡུལ་མ་བསྟན་
[154b.3]ཏེ། རེག་བྱ་དང་། དྲི་དང་། སྒྲའི་ཡུལ་དང་ལྡན་པ་ཡིན་ནོ། །དེས་ཀྱང་ཡིད་དུ་འོང་བར་བསྟན་པ་ཡིན་ཏེ། ཇི་ལྟར་རིགས་པར་སྦྱར་བར་བྱའོ། །བརྒྱ་བྱིན་མདུན་དུ་འོངས་ནས་འདི་སུ་ཞེས་དྲིས་པ་སྟེ། མི་ལས་ཁྱད་པར་དུ་གྱུར་པ་ཞིག་ཡིན་པར་རྟོགས་སོ། །ཡང་ན་ལྷའི་དབང་པོ་ཉིད་
[154b.4]ཀྱིས་རང་འོངས་པར་བརྡ་ཕྲད་པའི་ཕྱིར་རྐང་པའི་སྒྲ་བྱས་པར་གྱུར་ཏོ། །གཞན་དུ་ན་དྲི་བའི་སྐབས་མེད་པར་འགྱུར་རོ། །འདི་སུ་ཞེས་དྲིས་པ་དང་། འདི་ལྟར་དེ་ཉིད་སྨྲས་པ། ཁྱོད་ཀྱི་དྲུང་དུ་འོངས་སོ་ཞེས་པ་སྟེ་སྐབས་དབྱེ་བའི་ཕྱིར་རོ། །བཀའ་སྩལ་དུ་གསོལ་ཞེས་བྱ་བའི་ཚིག་ནི་ཞེ་
[154b.5]ས་#དང་བཅས་པ་དང་ཞེས་བྱ་བ་ཡིན་ཏེ། མདུན་བསུ་བ་ལ་སོགས་པ་སྔོན་དུ་འགྲོ་བ་ཞེས་བྱ་བའི་དོན་ཏོ། །མཆོག་སློངས་ཤིག་ཞེས་བཤད་པ་ནི་ཅི་འདོད་པ་སྨོས་ཤིག་ཅེས་བྱ་བའི་ཐ་ཚིག་གོ། །མཆོག་འདི་ཉིད་དུ་ངེས་པར་གཟུང་#བའི་དངོས་པོ་བསྟན་པའི་ཕྱིར། བརྒྱ་བྱིན་བདག་ལ་ནོར་མང་
[154b.6]ཞིང་#། །ཞེས་བྱ་བའི་ཚིགས་བཅད་འདིས་བསྟན་པ་ཡིན་ཏེ། འདི་ལུས་སུ་གཞག་#པ་ནི་མཆོག་སློང་བའི་འབྱོར་པའི་མཚན་ཉིད་རྣམ་པ་གཉིས་ཏེ། ཕྱི་རོལ་གྱི་དངོས་པོ་དང་འབྲེལ་པ་དང་། ནང་གི་དངོས་པོ་དང་འབྲེལ་པ་དང་། དེ་གཉི་གའི་དོན་བསྟན་པའི་ཕྱིར་ཕྱི་རོལ་ཡང་རྣམ་པ་གཉིས་
[154b.7]ཏེ། སེམས་ཅན་དང་སེམས་ཅན་མ་ཡིན་པའོ། །སེམས་ཅན་མ་ཡིན་པ་ནི་ནོར་དང་འབྲུ་ལ་སོགས་པ་ཡིན་ཏེ། ནོར་མང་ཞེས་བྱ་བ་སྨོས་པའོ། །མང་པོ་ཞེས་བྱ་བ་སྨོས་པས་ནི་དེ་ལས་གཞན་པའི་སེམས་ཅན་མ་ཡིན་པ་གཟུང་#ངོ་། །སེམས་ཅན་ནི་མཐུ་དང་གུས་པ་དང་ལྡན་པར་བསྟན་པ་སྟེ།
[155a]
[155a.1]དམག་ཚོགས་ཆེ་ལ་ཞེས་སྨོས་པས་སོ། །ཕྱི་རོལ་དང་སེམས་ཅན་མཐའ་དག་ཕུན་སུམ་ཚོགས་པ་བཟུང་བས་ནི་ནང་གི་དངོས་པོ་ཡང་#ཕུན་སུམ་ཚོགས་པར་བསྟན་ཏོ། །འོན་ཀྱང་སྔར་དེ་ལྟ་བུའི་རྣམ་པ་ཡིན་ན་ཡང་ལོང་བ་དག་ལ་#མིག་བྱིན་པས་དེས་ན་མཆོག་འདི་སློང་ངོ་
[155a.2]ཞེས་བྱ་བ་ཡིན་ཏེ། ལོང་བར་གྱུར་པས་ཞེས་བྱ་བ་སྨོས་པ་ཡིན་ནོ། །གང་གོང་དུ་བསྟན་པ་དེ་བསྟན་པས་ངོ་མཚར་མི་ཆེ་ཞིང་རླབས་ཅན་དུ་ཞེས་བྱ་བ་ཡིན་ཏེ། འདི་ནི་ངོ་མཚར་མི་ཆེ་ཞིང་བརྟན་བས་རླབས་ཅན་དུ་སྨྲས་པ་སྟེ། ངོ་མཚར་མེད་པས་གང་གི་ཕྱིར་མཆོག་དང་མཆོག་མ་ཡིན་པ་ཚོལ་#
[155a.3]བ་ལའོ། །བདག་ཉིད་ཀྱི་ཡོན་ཏན་དང་ལྡན་པས་སྔོན་མ་བྱུང་བའི་ངོ་མཚར་མེད་པའི་ཕྱིར་རོ། །ནོར་མང་པོ་ཡོད་ཅིང་དམག་ཚོགས་ཆེ་ལ་མཐུ་དང་ཡང་ལྡན་པ་ཡིན་ནོ། །གལ་ཏེ་དེ་ལྟར་གཉི་ག་དང་ལྡན་པ་ཡིན་ན་ཅིའི་ཕྱིར་མཆོག་ཚོལ་#བར་བྱེད་ཅེ་ན། དེ་བསྟན་པ་ཡིན་ན#། ལོང་བར་གྱུར་
[155a.4]པས་འདི་ལྟ་བུའི་གནས་སྐབས་འདི་ལས་ནི་འཆི་བ་ཉིད་འདོད་དོ་ཞེས་མཆོག་སློང་བའི་ཚིག་གི་རྣམ་པ་ཡིན་ནོ། །ངོ་མཚར་མི་ཆེ་བ་དང་རླབས་ཅན་དུ་སྨྲ་བ་ནི་གང་གིས་#མཆོག་ཀྱང་མི་ལེན་པ་སྟེ། དེ་བས་ན་དེ་སྨོས་སོ། །བདག་ལ་ནོར་མང་ཞེས་བྱ་བའི་ཚིགས་བཅད་འདིའི་དོན་གཞན་
[155a.5]དུ་ནི་བསོད་ནམས་ཀྱི་ཚོགས་ཀྱི་འབྲས་བུའི་མཚན་ཉིད་ནི་རྣམ་པ་གསུམ་སྟེ་མཆོག་སྦྱིན་པར་བྱ་བ་དང་། ཁྱོད་ཀྱིས་སྦྱིན་པར་བྱ་བ་དང་། བདག་ལ་སྦྱིན་པའོ་སྦྱིན་པར་བྱ་བ་དེ་ལས་ནི་གཉིས་ཡོད་དེ། བཟོད་པའི་བསོད་ནམས་ཀྱི་ཚོགས་ཀྱི་འབྲས་བུའི་མཐུ་དང་ལྡན་པ་དང་། དམག་
[155a.6]ཚོགས་ཡོད་པའོ། །ད་ནི་ཞེས་བྱ་བས་ནི་ཚུལ་ཁྲིམས་ཀྱི་བསོད་ནམས་ཀྱི་ཚོགས་ཀྱི་འབྲས་བུ་ནང་གི་ཕུན་སུམ་ཚོགས་པ་ཡིན་ཏེ། དེ་ཡང་ཡོད་པ་ལས་མེད་པ་སྟེ། གང་ཡིན་ཞེ་ན། མིག་མེད་པའོ། །དེ་མཆོག་འདི་སློང་ངོ་ཞེས་བྱ་བ་ནི་འདི་ལྟར་ལོང་#བའི་གནས་སྐབས་སུ་གྱུར་པས་
[155a.7]འཆི་བ་འབའ་ཞིག་མངོན་པར་འདོད་ཅེས་བྱ་བ་ཡིན་ནོ། །སྔར་བཤད་པ་སྟེ། ངོ་མཚར་མི་ཆེ་བའི་རླབས་ཅན་དུ་འདིས་བསྟན་པ་ཡིན་ཏེ། ཚིགས་བཅད་འདིའི་#དོན་གྱིས་སོ། །ཚིགས་བཅད་ཀྱི་དོན་གཉིས་སུ་ཡང་འགྱུར་བ་སྟེ། ལོང་བར་གྱུར་པས་#ཞེས་བྱ་བ་ནི་ལྔ་པ་རྒྱུའི་མཚན་
[155b]
[155b.1]ཉིད་དེ། ལོང་བ་ཉིད་ཀྱི་རྒྱུས་འཆི་བ་འབའ་ཞིག་མངོན་པར་འདོད་ཅེས་སྦྱར་ཏེ། འདི་ལྟར་འདིའི་དོན་དུ་ཡང་འགྱུར་རོ། །འདི་ལྟའི་གནས་སྐབས་གྱུར་བྱས་ནས#། །ཞེས་བྱ་བ་ནི་མིག་མེད་པའི་གནས་སྐབས་སོ། །ད་ནི་དེ་ལ་ཁྱོད་ཀྱི་ཡིད་ནི་ཅི་སྙམ་སེམས། །ཞེས་བྱ་བ་ནི་འདི་དང་
[155b.2]རྗེས་སུ་མཐུན་པའི་ཚིག་བཤད་པ་སྟེ། ཚིག་རྐང་གསུམ་གྱིས་སོ། །ཅི་ནས་ཡིད་ནི་རབ་ཏུ་ཆེས་པར་འགྱུར་#བ་རུ། །ཞེས་བྱ་བ་ནི་དེ་དང་རྗེས་སུ་མཐུན་པར་བཤད། །བདག་གི་མིག་ནི་ཡ་གཅིག་མཐོང་བར་ཤོག །ཅེས་བྱ་བའི་བདེན་པའི་བྱིན་རླབས་ཀྱི་མཐུ་#ཞེས་བྱ་བ་ནི་ད་ལྟར་བྱུང་བའི་
[155b.3]དགེ་བའི་སེམས་ཀྱི་སྟོབས་སོ། །བསོད་ནམས་སྤེལ་#བའི་ཁྱད་པར་གྱིས། །ཞེས་བྱ་བ་ནི་རྒྱའི་སྟོབས་སོ། །ཇི་ལྟ་བུའི་བསོད་ནམས་བསགས་པའི་ཁྱད་པར་གྱིས་ཤེ་ན་སྨྲས་པ། མིག་གི་སྦྱིན་པ་ལ་བྱུང་བའི་ལས་བྱས་པ་ལས་ཉེ་བར་བསགས་པས་སོ། །དེ་སྐད་སྨྲས་མ་ཐག་ཏུ་ཞེས་བྱ་བ་ནི་བདེན་
[155b.4]པའི་བྱིན་གྱི་#རླབས་ཀྱི་མཐུས་སྐྱེས་མ་ཐག་ཉིད་དོ། །ཨ་རྙིལ་གྱིས་སྤྲས་པ་ཞེས་བྱ་བ་#ལ་སོགས་པས་ནི་#བདེན་པའི་བྱིན་གྱི་རླབས་ཀྱི་སྟོབས་ཀྱིས་མིག་#ཁྱད་པར་ཅན་སྐྱེས་པར་སྟོན་པ་ཡིན་ནོ། །མིག་སྔ་མ་ལ་འགྲན་པ་བཞིན་ཞེས་བྱ་བ་ནི་སྔར་སྐྱེས་པའི་མིག་གི་ཡོན་ཏན་དང་ལྡན་པ་བཞིན་ཞེས་བྱ་
[155b.5]བའི་དོན་ཏོ། །ལྷ་རྣམས་ཀྱིས་ནི་#རྔ་བོ་ཆེ་དག་ཀྱང་། །ཞེས་བྱ་བ་ལ་སོགས་པས་ནི་རེག་པར་བྱ་བ་དང་བལྟ་བར་བྱ་བ་དང་#། བསྣམ་#པར་བྱ་བ་སྟེ་དོན་གསུམ་སྟོན་ཏོ། །ཡིད་དུ་འོང་བ་ཞེས་བྱ་བས་ནི། རེག་#པར་བྱ་བའོ། །རྒྱལ་པོའི་སྤྱོད་མཆོག་བསྟོད་པའི་གཞི་ཞེས་བྱ་བ་ནི་དོན་ཕུན་སུམ་ཚོགས་
[155b.6]པའོ། །སྙན་པའི་ཚིག་རྣམས་ཀུན་ཏུ་ཞེས་བྱ་བས་ནི་སྒྲ་ཕུན་སུམ་ཚོགས་པ་བསྟན་ཏོ། །སྤྱོད་མཆོག་བསྟོད་པའི་གཞི་ཞེས་བསྟན་པའི་སྤྱོད་པའི་#མཆོག་གི་གཞི་དེ་ཉིད་ཀྱི་དབང་དུ་བྱས་ནས་སྨྲས་པ། ཀྱེ་མའོ་རླབས་ཆེན་ཞེས་བྱ་བ་ནས། །ཁྱོད་ཀྱིས་འགྲོ་བ་མགོན་བཅས་བགྱིས་པ་ལེགས། །
[155b.7]ཞེས་བྱ་བ་ལ་སོགས་པ་སྟེ། ཀྱེ་མའོ་རླབས་ཆེན་ཞེས་བྱ་བའི་བསྡུས་པའི་དོན་ནི་འདི་ཡིན་ཏེ། སྦྱོར་བ་ཕུན་སུམ་ཚོགས་པས་#བསམ་པ་ཕུན་སུམ་ཚོགས་པ་བསྟན་ཏོ། དང་པོའི་གཉིས་པོ་སྟེ། ཀྱེ་མའོ་རླབས་ཆེན་ཞེས་བྱ་བ་འདིས་ནི་སྦྱིན་པའི་དབང་#པོ་ལ་ཆགས་པ་མེད་པར་བསྟན་ཏོ། །
[156a]
[156a.1]ཨེ་མའོ་སྙིང་རྗེ་ཅན་ཞེས་བྱ་བ་འདིས་ནི་རབ་ཏུ་འཛིན་པར་བྱེད་པའི་སྙིང་རྗེ་དང་ལྡན་པ་སྟེ། འདི་གཉིས་ཀྱི་ཕྱིར་སྦྱོར་བ་ཕུན་སུམ་ཚོགས་པའོ། །འདི་ཡི་སེམས་ནི་ཇི་ལྟར་རྣམ་དག་ལྟོས། །ཞེས་བྱ་བ་འདིས་ནི་འབྲས་བུ་ཡོངས་སུ་འགྱུར་བའོ། །
[156a.2]ཨེ་མའོ་བདག་གི་བདེ་ལ་སེམས་མ་ཆགས། །ཞེས་བྱ་བ་འདིས་ནི་བདག་ལ་ཆགས་པ་མེད་པ་ཡིན་ཏེ། གཉིས་ཀས་ཀྱང་བསམ་པ་ཕུན་སུམ་ཚོགས་པ་བསྟན་པའོ། །དེས་ན་དེ་ཉིད་བརྟན་ཞིང་དཔའ་#མཆོག་ཅེས་བྱ་བ་ཡིན་ཏེ། བརྟན་པ་ནི་བརྟན་པའི་བསམ་པ་སྟེ་སེམས་རྣམ་
[156a.3]པར་དག་པ་དང་། བདག་ཉིད་གྱི་བདེ་བ་ལ་མ་ཆགས་པར་དེས་བསྟན་ཏེ#། །དང་པོའི་གཉིས་པོ་འདིས་ནི་དཔའ་བ་སྟེ། སྦྱོར་བ་ཕུན་སུམ་ཚོགས་པ་དེས་སོ། །དེ་ལྟར་དང་པོའི་ཚིགས་བཅད་ཀྱིས་མིག་སྦྱིན་པའི་སྤྱོད་པ་གཞི་ལས་བསྟོད་པའི་དབང་དུ་བྱས་པའོ། །པདྨའི་སྤྱན་རྒྱས་ཞེས་
[156a.4]བྱ་བ་ལ་སོགས་པ་འདིས་ནི་མིག་རྙེད་པའི་སྒོ་ནས་བསྟོད་པ་ཡིན་ཏེ། མགོན་དང་བཅས་པས་སོ། །བསོད་ནམས་ཚོགས་ནི་དོན་ཡོད་པ། །ཞེས་བྱ་བ་འདིས་ནི་དོན་གྱིས་ཏེ། བརྒྱ་བྱིན་གྱི་མཆོག་ལ་ལྟོས་#པ་མེད་པར་བདེན་པའི་བྱིན་གྱིས་#རླབས་ཀྱིས་རང་གི་མིག་སླར་རྙེད་པའོ། །
[156a.5]བྱིན་གྱིས་ཞེས་བྱ་བ་ནི་བདེན་པའི་བྱིན་གྱིས་རླབས་ཀྱིས་སོ། །རྒྱལ་བ་ནི་བརྒྱ་བྱིན་མཆོག་ལ་མ་ལྟོས་#པར་རང་གི་མིག་སླར་རྙེད་པའོ། །བསམ་པ་དག་པ་ནི་དེ་ཚེ་དང་ནི་ད་ལྟར་སློང་རྣམས་ཀྱི་ཞེས་བྱ་བ་དང་། གང་ཡང་བདག་ལ་ཡ་གཅིག་མིག་#བསླངས་ན། །ཞེས་བྱ་བའི་ཚིགས་
[156a.6]བཅད་གཉིས་བསྟན་པ་དེའི་དབང་དུ་བྱས་པའོ། །དེ་ལྟར་ཞེས་བྱ་བ་ནི་སློང་བ་རྣམས་ཀྱིས་འདི་ལྟའི་གནས་སྐབས་ཞེས་#གང་བཤད་པའི་ཚིགས་བཅད་དེས་བསྟན་ཏོ། །དཔག་ཚད་བརྒྱ་ནི་ཁོར་#ཡུག་ཏུ། །ཞེས་བྱ་བ་ནི་རིང་དུ་བསྟན་པའོ། །བྲག་རི་རྣམས་ཀྱིས་#བར་བཅད་
[156a.7]ཀྱང་། །ཞེས་བྱ་བ་ནི་སྒྲིབ་གཡོགས་བསྟན་ཏོ། །དེ་གཉི་ག་མཐོང་བ་ནི་ལྷའི་མིག་གི་མཚན་ཉིད་ཡིན་ནོ། །བྲག་རི་རྣམས་ཀྱིས་བར་བཅད་ཀྱང་། །ཞེས་བྱ་བས་ནི་བར་དུ་གཅོད་པ་གཞན་བསྟན་པ་ཡང་རབ་ཏུ་འགྲུབ་#བོ། །ཡ་མཚན་ཆེ་ཞིང་སེམས་རབ་ཏུ་དགའ་བར་འགྱུར་
[156b]
[156b.1]བའི་མིག་གིས་ཞེས་བྱ་བ་ལ། ཡ་མཚན་ཆེ་བ་ནི་མིག་ཉམས་པ་ལས་ཡང་བསྐྱེད་པའོ། །སེམས་རབ་ཏུ་དགའ་བར་གྱུར་པས་ནི་དེས་ན་མགོན་དང་བཅས་པར་བྱས་པས་སོ། །རབ་ཏུ་སྦྱིན་པའི་བསོད་ནམས་ལས་གྱུར་པའི། །ཞེས་བྱ་བ་ལ་སོགས་པའི་ཚིགས་བཅད་གསུམ་ནི་
[156b.2]སྦྱིན་པ་རབ་ཏུ་བསྒྲུབས་པར་བསྟན་པའི་ཕྱིར་རོ། །ཤི་བི་པ་རྣམས་དེ་ལྟར་རིག་བྱས་#ཞེས་བྱ་བའི་ཚིགས་སུ་བཅད་པ་འདིས་ནི་ཡང་དག་པར་འཛིན་དུ་གཞུག་པའོ། །འཇིག་རྟེན་ཕན་ཕྱིར་སྦྱིན་པ་གང་བྱིན་པ། །#ཞེས་བྱ་བའི་ཚིགས་བཅད་དེ་#འདིས་ནི་ཤི་བི་པ་རྣམས་དེ་ལྟར་རིག་བྱས་
[156b.3]ནས་ཞེས་བྱ་བའི་ཚིག་#དེ་ཉིད་སྒྲུབ་པ་སྟེ། ཕྱི་རོལ་གྱི་ནོར་གྱི་སྦྱིན་པ་གྱིས་ཤིག་ཅེས་བྱ་བར་བཤད་པར་བྱའོ#། །ལྷའི་མཐུ་ལྡན་ཞེས་བྱ་བ་ནི་ལྷའི་མཐུ་བཞིན་དུ་གང་གིས་ནུས་པས་མིག་གཉིས་ཀྱིས་མཐོང་བ་དེ་ནི་མིག་གིས་མཐོང་བས་དེ་#ལྷའི་མཐུའོ། །རབ་ཏུ་སྦྱིན་པའི་བསོད་ནམས་ལས་གྱུར་
[156b.4]པ། །ཞེས་བྱ་བ་ནི་མིག་རབ་ཏུ་སྦྱིན་པའི་བསོད་ནམས་ལས་གྱུར་པ་སྟེ། ལྷའི་མཐུ་ལྡན་ཞེས་བསྟན་པ་དེའོ། །ལྷའི་མཐུ་ལྡན་ཞེས་བྱ་བ་དེ་ཉིད་བསྟན་པའི་ཕྱིར། །དཔག་ཚད་བརྒྱ་ནི་ཚུན་ཆད་དུ། །ཞེས་བྱ་བའི་ཚིགས་སུ་བཅད་པ་ཡིན་ནོ། །ཤིན་ཏུ་རིང་ན་གནས་པ་ཡང་། །བལྟ་བར་བྱ་བ་གསལ་བར་
[156b.5]མཐོང་། །ཞེས་བྱ་བ་ནི་ཉེ་བར་གནས་པ་བཞིན་དུ་རྣམ་པར་གསལ་བ་ཡིན་པའི་ཕྱིར་ཉེ་བར་གནས་པ་བཞིན་དུ་གསལ་བར་མཐོང་བའོ། །བལྟ་བར་བྱ་བ་ཞེས་བྱ་བ་ནི་ཕྱོགས་ཀུན་ཏུ་སྟེ། འོག་དང་སྟེང་དུ་ཡང་མངོན་སུམ་དུ་དམིགས་སོ། །སྦྱིན་པའི་མཐོང་བའི་ཆོས་ཀྱི་འབྲས་བུ་
[156b.6]བསྟན་པ་དང་། ཕ་རོལ་ཏུ་མངོན་པར་མཐོ་བ་རབ་ཏུ་བསྒྲུབ་པའི་ཕྱིར། གང་ཕྱིར་མི་ཡི་མིག་ནི་ཞེས་བྱ་བའི་ཚིགས་བཅད་བསྟན་ཏེ#། གཞན་དག་ལ་བརྩེ་བ་ནི་གཞན་དག་ལ་སྙིང་བརྩེ་བ་སྟེ་སྙིང་རྗེ་ཞེས་བྱ་བའི་དོན་ཏོ། །འདིས་ནི་བཟོད་པ་བསྟན་ཏོ། །གཞན་ལ་བརྩེ་བ་དང་དུལ་
[156b.7]བའི་ཚུལ་ནི་གཞན་ལ་བརྩེ་ཞིང་དུལ་བའོ། །དེ་ལས་སྐྱེས་པ་ནི་གཞན་ལ་བརྩེ་ཞིང་དུལ་བ་ལས་བྱུང་བའོ། །དེ་བས་ན་མངོན་པར་མཐོ་བ་སྦྱིན་པའི་འབྲས་བུ་སྟེ་ལོངས་སྤྱོད་ཕུན་སུམ་ཚོགས་པའོ། །ཚུལ་ཁྲིམས་ཀྱི་འབྲས་བུ་ནི་གོམས་པའི་དངོས་པོ་ཕུན་སུམ་ཚོགས་པའོ། །བཟོད་
[157a]
[157a.1]པའི་འབྲས་བུ་ནི་འཁོར་ཕུན་སུམ་ཚོགས་པའོ། །མངོན་པར་མཐོ་བའི་ཐབས་ཀྱང་རྣམ་པ་གསུམ་སྟེ། གང་ཕྱིར་མི་ཡི་མིག་ནི་ཞེས་བྱ་བའི་ཚིགས་བཅད་ཕྱེད་པ་བསྒྲུབ་#པའི་ཕྱིར། སྦྱིན་དང་སྤྱད་པས་ནོར་རྣམས་དོན་ཡོད་བྱོས། །ཞེས་བྱ་བ་གཉིས་ཀ་
[157a.2]བཟུང་བ་ཡིན་ནོ། །གསུམ་པ་ནི་མ་བྱིན་ཞིང་གཞག་#པ་དེ་བཟློག་པ་ཡིན་ཏེ། འཇིག་རྟེན་འདི་དང་གཞན་ལ་བདེ་བ་འབྱུང་བའི་ལམ་ཞེས་བྱ་བ་འཇིག་རྟེན་འདིར་ནི་གྲགས་པ་གཙོ་བོ་ཡིན་པས་འཇིག་རྟེན་འདིར་#བདེ་བ་འབྱུང་བའོ། །ལམ་ནི་གང་གི་ཕྱིར་ལོངས་སྤྱོད་དོ། །དེ་བས་
[157a.3]ན་དོན་ཡོད་བྱོས་ཞེས་བྱ་བ་ཡིན་ཏེ། སྦྱིན་#དང་སྤྱད་པས་ནོར་རྣམས་དོན་ཡོད་ཞེས་བྱ་བའོ། །འདིར་དོན་གཉིས་པོ་དེ་རབ་ཏུ་བསྒྲུབ་པ་དང་སྐྱོན་བསྟན་པའི་ཕྱིར་བཤད་པ་སྟེ། མངོན་པར་#འདོད་པ་ནི་ཁྱད་པར་དུ་འཕགས་པའི་གཏེར་བསྟན་པའི་ཕྱིར་དང་། ངེས་པར་ལེགས་པའི་
[157a.4]ལམ་ཉེ་བར་བསྟན་པའི་ཕྱིར། འཇིག་རྟེན་ཕན་ཕྱིར་ཞེས་བྱ་བའི་ཚིགས་བཅད་བརྩམས་པ་ཡིན་ནོ། །སྙིང་པོ་མེད་པའི་ཞེས་བྱ་བ་ནི་སྙིང་པོ་མེད་པས་མི་གཅེས་པ་ནི་སྙིང་པོ་མེད་པའོ། །དེའི་སྙིང་པོ་ནི་གང་བྱིན་པའི་སྙིང་པོ་ཡོད་པ་སྟེ། བྱིན་པ་གང་ཡིན་པ་སྟེ་གང་བཏང་བ་དང་#
[157a.5]སྙིང་པོའོ། །འཇིག་རྟེན་ཕན་ཕྱིར་ཞེས་བྱ་བ་ནི་སངས་རྒྱས་ཉིད་དུ་མངོན་པར་འདོད་པ་སྟེ། འདིས་ནི་ཁྱད་པར་དུ་ངེས་པར་ལེགས་པའི་ལམ་བསྟན་ཏོ། །ཇི་ལྟར་སྦྱིན་པ་སྦྱིན་པར་བྱ་བ་ཡིན་ཞེ་ན། སྨྲས་པ། སྦྱིན་པ་བྱིན་ན་གཏེར་དང་འདྲ་བར་འགྱུར#། །ཞེས་བྱ་བ་སྟེ། མངོན་པར་
[157a.6]འདོད་པ་གང་ཡིན་པ་དེ་ཁྱད་པར་དུ་གྱུར་པའི་གཏེར་ཡིན་པས་བཏང་བ་བྱས་ན་ནི་འཁོར་བའི་སྐྱེ་བ་གཞན་དག་ཏུ་ཉེ་བར་ལོངས་སྤྱོད་པར་འགྱུར་#ཏེ། དེ་ལ་སྦྱིན་པ་བྱིན་ན་ཞེས་བྱ་བའི་དོན་ཏོ། །ཤིན་ཏུ་ཆུད་ཟོས་འགྱུར་#ཞེས་བྱ་བ་ནི་གཏེར་རྣམ་པར་ཉམས་པ་སྟེ། གཅིག་ཏུ་ཆུད་
[157a.7]ཟོས་པ་གང་ཡིན་པ་དེ་ནི་ཤིན་ཏུ་ཆུད་ཟོས་འགྱུར་ཞེས་བྱའོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་ཡུལ་ཤི་བི་པའི་སྐྱེས་པའི་རབས་སོ།། །།སེམས་རབ་ཏུ་དང་བ་ལས་བྱུང་#བ་ཞེས་བྱ་བ་ནི་སེམས་དམ་པ་དང་ཁྱད་པར་དུ་གྱུར་པ་
[157b]
[157b.1]ལས་བྱུང་#བའོ། །ཆུང་ཞེས་བྱ་བ་ནི་སྦྱིན་པའི་དངོས་པོ་ཆུང་ཞེས་བྱ་བ་མེད་ཅེས་བྱ་བའི་དོན་ཏོ། །རབ་ཏུ་བྱེད་པ་ནི་ཇི་ལྟ་བ་བཞིན་དུ་ཡོད་པའི་རྒྱལ་པོའི་ཡོན་ཏན་ནོ། །གྱུར་ཞེས་བྱ་བ་ནི་བདག་ཉིད་ཕུན་སུམ་ཚོགས་པ་ཡིན་ཏེ། འདིས་ནི་ཡོན་ཏན་དང་ལྡན་པར་བསྟན་ཏོ། །སྐལ་
[157b.2]བ་ཕུན་སུམ་ཚོགས་པ་ཉིད་ཡོན་ཏན་ཡིན་པས་སྐལ་བ་ཕུན་སུམ་ཚོགས་པའི་ཡོན་ཏན་ནོ། །དེ་ཉིད་བཟང་པོ་སྟེ་བལྟ་ན་སྡུག་པར་གྱུར་པས་སོ། །ཟླ་བ་ལྟ་བུ་ནི་རྒྱལ་པོ་ཡིན་ལ། འོད་ལྟ་བུ་ནི་དེའི་ཡོན་ཏན་ནོ། །སྟོན་ཀ་ལྟ་བུ་ནི་སྐལ་བ་ཕུན་སུམ་ཚོགས་པའོ། །ཁྲོས་པའི་རྗེས་
[157b.3]སུ་འབྲངས་པའི་དཔལ་དེ་ལ་གནས་ཏེ། གང་ལས་ཤེ་ན། འདི་ལྟར་དེའི་དགྲ་དྲེགས་པ་རྣམས་ཀྱང་བཏང་ཞེས་པས་སོ། །བྱམས་པའི་རྗེས་སུ་འབྲང་བའི་དཔལ་དུ་ཡང་འགྱུར་ཏེ། གང་ལས་ཤེ་ན། དེ་ལ་བརྟེན་པ་རྣམས་ལ་ཆགས་ཞེས་བྱ་བ་ཡིན་ཏེ། སྤྲོ་བ་ཕུན་
[157b.4]སུམ་ཚོགས་པ་དང་ལྡན་ཞེས་བྱ་བའི་དོན་ཏོ། །དེའི་དགྲ་དྲེགས་པ་རྣམས་ཀྱང་བཏང་བས་དཔལ་ཞེས་བཤད་པ་དེ་ནི་བྱང་ཆུབ་སེམས་དཔའ་ལ་ཉེས་པ་དང་#བཅས་ཏེ་མི་མཐུན་པ་ཡིན་པས་སྙིང་#རྗེའི་ཡོན་ཏན་དང་འགལ་བར་སྣང་ངོ་ཞེ་ན། དེའི་ལན་བསྟན་པའི་ཕྱིར། དེ་ནི་
[157b.5]ཆོས་ཀྱི་བདག་ཉིད་གྱུར་པས་ན་ཞེས་བྱ་བའི་ཚིགས་བཅད་བརྩམས་པ་ཡིན་ཏེ། གཞན་གྱི་གནོད་པ་ནི་གཞན་ལ་གནོད་པའོ། །དེས་གདུག་པ་ནི་#གཞན་ལ་གནོད་པའི་#གདུག་པའི་སེམས་སུ་མ་གྱུར་པའོ། །གལ་ཏེ་གཞན་ལ་གནོད་ཅིང་གདུག་པའི་སེམས་སུ་གྱུར་ན་ནི་
[157b.6]སྙིང་རྗེའི་ཡོན་ཏན་དང་འགལ་བའི་སྐྱོན་དུ་འགྱུར་གྱི་དེ་མེད་པས་སོ། །ཅིའི་ཕྱིར་ཞེ་ན། དེ་སྨྲས་པ། ཆོས་ཀྱི་བདག་ཉིད་དུ་གྱུར་པ་ཞེས་པས་སོ། །དེ་ལྟ་ན་ནི་ཇི་ལྟར་#དེའི་དགྲ་མཚོན་ཆ་བཏང་ཞེ་ན་དེ་བསྒྲུབ་#པའི་ཕྱིར། འབངས་ཀྱང་དེ་ལ་གློ་བ་ཉེ་བར་གྱུར། །ཞེས་བྱ་བ་ཡིན་ཏེ།
[157b.7]གློ་བ་ཉེ་བ་ནི་དེའི་འབངས་རྗེ་ལ་སྙིང་ཉེ་བ་དེས་དཔལ་མངོན་པར་སྦྱོར་བར་བྱེད་དེ། བྱང་ཆུབ་སེམས་དཔའ་མ་ཡིན་པའོ། །དེ་བདག་གི་ཚེ་སྔ་མ་འདས་པ་ཞེས་བྱ་བ་ལ། འདས་པ་ཞེས་སྨོས་པས་ནི། སྔ་མའི་ཁྱད་པར་བསྟན་པའི་ཕྱིར་རོ། །བདག་གི་
[158a]
[158a.1]ཞེས་སྨོས་པས་ནི། ཚེ་རྗེས་སུ་དྲན་པའི་ཁྱད་པར་བསྟན་པའི་ཕྱིར་ཏེ། གཞན་གྱི་སྐྱེ་བ་དྲན་པ་དགག་པའོ། །རབ་ཏུ་སྐྱོ་#བར་གྱུར་ནས། ཞེས་བྱ་བ་ནི། འཁོར་བའི་གནས་སྐབས་རྟོགས་ཤིང་ཚེ་སྔ་མ་ལ་དབུལ་བ་དེ་
[158a.2]རྗེས་སུ་#དྲན་པའི་རྒྱུས་ས། །སྦྱིན་པ་ཁྱད་པར་ཅན་ཞེས་བྱ་བ་ལ་ཅིའི་ཕྱིར་ཁྱད་པར་ཅན་ཡིན་ཞེ་ན། ཚེ་རབས་སྔ་མ་ལ་སྦྱིན་པ་དང་། ཚུལ་ཁྲིམས་ལ་སོགས་པ་ཡང་དག་པར་བླང་བ་#དང་། བདག་གི་སྐྱེ་བ་རྗེས་སུ་དྲན་པའི་རྒྱུས་སྦྱིན་པ་ལ་སོགས་པའི་ཡོན་ཏན་དང་ལྡན་པ་
[158a.3]སྟེ། ཅིའི་ཕྱིར་འབྲས་བུ་དང་འབྲེལ་ཅེ་ན་མངོན་སུམ་#དུ་གྱུར་པས་སོ། །དེ་ལ་དགེ་སྦྱོང་དང་། བྲམ་ཟེ་དང་། ཕོངས་པ་དང་། སློང་བ་ཉིད་སྨོས་པ་ནི་ཡོན་ཏན་འབྱུང་བའི་ཞིང་གི་དབྱེ་བ་བསྟན་པའི་ཕྱིར་ཏེ། དགེ་སྦྱོང་#དང་བྲམ་ཟེ་ནི་འཇིག་རྟེན་པ་རྣམས་#ཀྱི་ཡོན་ཏན་གྱི་ཞིང་དུ་
[158a.4]ཡང་དག་པར་#འདོད་པའི་ཕྱིར་རོ། །དོན་དམ་པ་དང་ཀུན་རྫོབ་གཉིས་སོ། །ཕོངས་པ་དང་སློང་བ་སྨོས་པས་ནི་རང་གི་འཚོ་བས་འཇིགས་པ་དང་། སློང་བ་དེ་ཉིད་ཀྱི་འཚོ་བའི་དབྱེ་བས་སྙིང་རྗེའི་ཞིང་གི་དབྱེ་བ་བསྟན་པའོ། །བདེ་བའི་རྒྱུ་དང་གཞིར་གྱུར་པ་ཞེས་བྱ་བ་ནི་སྦྱིན་པ་པོ་དང་བྱང་
[158a.5]ཆུབ་སེམས་དཔའོ། །བདེ་བའི་རྒྱུ་ཞེས་བྱ་བ་ལ་བདེ་བ་ནི་ལུས་དང་སེམས་ཀྱིས་#མྱོང་བ་གང་ཡིན་པའོ། །དེའི་རྒྱུ་ནི་ལོངས་སྤྱོད་དོ། །དེའི་གཞིར་གྱུར་པ་ནི་སྦྱིན་པར་བྱ་བ་ཡིན་ཏེ། སྦྱིན་པའི་དངོས་པོ་དམ་པའོ། །འདིས་ནི་སྦྱིན་པའི་དངོས་པོ་ཕུན་སུམ་ཚོགས་པ་བསྟན་ཏེ། སྦྱིན་
[158a.6]པ་ཐམས་ཅད་བྱིན་པར་སྟོན་ཏོ། །དེ་དག་གིས་ནི་གང་དག་ལ་སྦྱིན་པ་དང་གང་གི་ཕྱིར་སྦྱིན་པ་དེ་བསྟན་པ་ཡིན་ནོ། །བདེ་བའི་རྒྱུ་དང་གཞིར་གྱུར་པ་ཞེས་བྱ་བ་ལ། ཚུལ་ཁྲིམས་དང་གསོ་སྦྱོང་ནི་བདེ་བའི་རྒྱུ་སྟེ། ཚུལ་ཁྲིམས་ཀྱི་འབྲས་བུ་མངོན་པར་མཐོ་བ་ཕུན་སུམ་ཚོགས་པའོ། །
[158a.7]དེའི་གཞིར་གྱུར་པ་ནི་ཚུལ་ཁྲིམས་ངན་པ་མ་ཡིན་པ་དེ་དག་གོ། །ཡང་གང་སྲོག་གཅོད་པ་ལ་སོགས་པ་ལས་ལྡོག་པའི་མཚན་ཉིད་དོ། །མུ་སྟེགས་ལ་སོགས་པ་གཞན་དག་ནི་རང་གི་བཏགས་པའི་ཚུལ་ཁྲིམས་ཞེས་བྱ་བའི་#དོན་ཏོ། །འདིས་ནི་བསླབ་པའི་གཞི་ལྡ་འཛིན་པར་བསྟན་
[158b]
[158b.1]ཏོ། །གསོ་སྦྱོང་དང་ངེས་པར་གནས་པ་དག་ཀྱང་ཡང་དག་པར་ལེན་ཏེ། གསོ་སྦྱོང་ངན་པ་མ་ཡིན་པ་ནི་ཡན་ལག་བརྒྱད་པ་སྟེ། བདེ་བའི་རྒྱུ་དང་གཞིར་གྱུར་པ་ཞེས་བྱ་བ་དང་སྦྱར་རོ#། །བསོད་ནམས་ཀྱི་མཐུ་བསྒྲགས་པ་ཞེས་བྱ་བ་ལ། བསོད་ནམས་ནི་དགེ་བ་དང་ཆོས་སོ། །
[158b.2]དེའི་མཐུ་ནི་འབྲས་བུ་ཆེན་པོར་གྱུར་པ་ཡིན་པས་དེ་བསྒྲགས་པས་ཏེ#། བསོད་ནམས་ཀྱི་མཐུ་བསྒྲགས་པའི་རྒྱུས་སོ། །ལེགས་པར་དགོད་པར་འདོད་པས་དང་བའི་སེམས་ཀྱིས་ཞེས་བྱ་བ་ནི་བསོད་ནམས་ཀྱི་འབྲས་བུ་མངོན་སུམ་དུ་བསྟན་པས་སོ། །དོན་ངེས་པ་ཞེས་བྱ་བ་ནི་མི་
[158b.3]འགྱུར་བ་ཉིད་ཀྱི་དོན་ཏོ། །བདེ་བར་གཤེགས་ལ་#བཀུར་སྟི་ཞེས་བྱ་བ་ལ། མཛེས་པར་གཤེགས་པས་ན་བདེ་བར་གཤེགས་པ་སྟེ། འདིའི་ལམ་དུ་ཞུགས་པ་ཞེས་བྱ་བའི་དོན་ཏོ། །དེ་ལ་བཀུར་སྟི་ནི་སྦྱིན་པ་#དང་། ཉེ་བར་འགྲོ་བ་དང་རིམ་གྲོ་ལ་སོགས་པའི་མཚན་
[158b.4]ཉིད་དོ། །མེད་ཅེས་ཐོས་ཞེས་བྱ་བའི་སྒྲ་ནི་མཐོང་བར་འགྱུར་བ་མེད་བ་སྟེ། གང་ཐོས་པ་ཞེས་བྱ་བའི་དོན་ཏོ། །སྔོན་ཞེས་བྱ་བ་ནི་སྐྱེ་བ་གཞན་དག་ཏུའོ། །ཟན་དྲོན་ཁེངས་པ་ཞེས་བྱ་བ་ལ་སོགས་པའི་བསྡུས་པའི་དོན་ནི་དངོས་པོ་དང་། ཚད་དང་། ལེགས་པར་མ་སྦྱར་
[158b.5]བ་སྟེ། སྦྱིན་པའི་དངོས་པོ་ཤིན་ཏུ་ཞན་པ་ཡིན་པས་དེ་སྐད་བསྟན་ཏོ། །ལན་ཚྭ་མེད་པ་ཞེས་བྱ་བ་འདིས་ནི་རོ་དམན་པའོ། །ཁེངས་པ་ཞེས་བྱ་བ་ནི་ཚོད་#མ་མེད་པ་སྟེ། འདིས་#ནི་རེག་བྱ་ཞེན་#པའོ། །རྩུབ་པ་ཞེས་བྱ་བ་#ནི་སྣུམ་མེད་པའོ། །འདིས་ནི་དྲི་#དམན་པའོ། །འདི་
[158b.6]དག་གིས་ནི་ལེགས་པར་མ་སྦྱར་བ་བསྟན་བ་ཡིན་ནོ། །དེ་དག་ཉེ་བར་བླངས་པའི་ཚུལ་ཡིན་ཏེ། དེས་ན་དེའི་ཕུན་སུམ་ཚོགས་པ་མེད་པར་གྱུར་པའོ། །ཟན་དྲོན་ཞེས་སྨོས་པས་ནི་དངོས་པོ་སྟེ་ངན་པའོ། །ཆང་གཅིག་ཞེས་པས་ནི་ཆུང་བ་སྟེ་ཚད་དོ། །དེ་གཉིས་ཀྱིས་ནི་#ཕུན་སུམ་
[158b.7]ཚོགས་པ་དང་བྲལ་བར་ཡང་སྟོན་ཏོ། །འབྲས་བུ་འབྱོར་པ་ཆེན་པོ་ཞེས་བྱ་བ་ནི་ཁ་དོག་ལ་སོགས་པ་ཕུན་སུམ་ཚོགས་པའི་དངོས་པོ་སྟེ། གཟུགས་བཟང་བར་གྱུར་པ་དང་། གྲགས་པ་དང་ལྡན་པ་དང་། དགའ་བར་གྱུར་པ་དང་། གཞོན་ཤ་ཆགས་པ་དང་། བདེ་བའི་རེག་པ་དང་
[159a]
[159a.1]ལྡན་པའོ། །དེ་ལྟར་སྦྱིན་པའི་དངོས་པོ་ནི་ཁ་དོག་ལ་སོགས་པ་མེད་ཀྱང་བདེ་བར་གཤེགས་པ་ལ་བཀུར་སྟི་བྱས་པས་ནི་འབྲས་བུ་ཕུན་སུམ་ཚོགས་པ་བཤད་པ་ཡིན་ནོ། །ཡང་ན་མཐོ་རིས་ཀྱི་འབྲས་བུ་ཕུན་སུམ་ཚོགས་པའོ། །ཕྱི་རོལ་གྱི་དངོས་པོའི་འབྲས་བུ་
[159a.2]ཕུན་སུམ་ཚོགས་པ་དང་། ནང་གི་འབྲས་བུ་ཕུན་སུམ་ཚོགས་པ་སྟེ། དེ་ལས་ནང་གི་ཕུན་སུམ་ཚོགས་པའི་དངོས་པོའི་དབང་དུ་བྱས་ནས་སྦྱིན་པའི་དངོས་པོ་ཁ་དོག་ལ་སོགས་པ་མེད་ཀྱང་གཟུགས་མཛེས་པར་འགྱུར་#བ་དང་། དྲི་དང་བྲལ་བ་ཡིན་ཡང་གྲགས་པ་ཆེ་བ་དང་། རེག་
[159a.3]བྱ་ཕུན་སུམ་ཚོགས་པ་མེད་ཀྱང་བདེ་བའི་རེག་པ་དང་ལྡན་པ་སྟེ། འདི་ནི་ནང་#གི་ཕུན་སུམ་ཚོགས་པའོ། །ཡང་ན་ནང་གི་ནི་ཟླ་མེད་པ་ཡིན་པས་དེ་ནི་ཐམས་ཅད་ཀྱི་#མངོན་སུམ་དུ་གྱུར་པས་བརྗོད་པར་བྱ་བ་མ་ཡིན་ནོ། །ད་ནི་ཕྱི་རོལ་གྱི་དངོས་པོ་ཕུན་སུམ་ཚོགས་པའི་དབང་དུ་བྱས་
[159a.4]ནས། ཤིང་རྟ་སྣ་ཚོགས་རྟ་དང་ཞེས་བྱ་བ་ལ་སོགས་པ་སྨོས་ཏེ། ཤིང་རྟ་དང་། རྟ་དང་གླང་པོ་ཆེ་སྨོས་པས་ནི་ནུས་པ་ཕུན་སུམ་ཚོགས་པ་བསྟན་ཏོ། །ས་ཆེན་འདི་ནི་ཞེས་བྱ་བ་འདིས་ཡུལ་མི་དང་། མཁར་དང་། གྲོགས་པོ་དང་། མཛའ་བཤེས་ལ་སོགས་པ་གཟུང་
[159a.5]ངོ་། །ནོར་མང་ཞེས་བྱ་བ་འདིས་ནི་མཛོད་ཕུན་སུམ་ཚོགས་པའོ། །དཔལ་ཡང་རྗེས་ཆགས་བཙུན་མོ་རྒྱ་ཆེན་ལྡན་ཞེས་བྱ་བ་འདིས་ནི་ལོངས་སྤྱོད་ཕུན་སུམ་ཚོགས་པའོ། །ལོང་སྤྱོད་པའི་དངོས་པོ་ཡང་རྣམ་པ་གཉིས་ཏེ། རྫས་ལ་ཉེ་བར་ལོངས་སྤྱོད་པའི་དངོས་པོ་དང་། འཁྲིག་
[159a.6]པ་ལ་ཉེ་བར་ལོངས་སྤྱོད་པའི་དངོས་པོར་བཤད་དེ། དེ་གཉིས་ཀྱང་གོ་རིམས་ཇི་ལྟ་བ་བཞིན་དུ་རང་བཞིན་གྱིས་#ཕུན་སུམ་ཚོགས་པ་དང་། ཉེ་བར་ལོངས་སྤྱོད་པའི་ཕུན་སུམ་ཚོགས་པའོ། །འབྲས་བུ་གྲུབ་པ་བཟང་པོ་ཞེས་བྱ་བ་ནི་འབྲས་བུ་ཕུན་སུམ་ཚོགས་པ་སྟེ། བཟང་པོ་ནི་མཛེས་
[159a.7]པའོ། །ཟན་དྲོན་ཆང་གཅིག་ཅེས་བྱ་བ་ནི་སྔར་བཤད་པས་མཚོན་པར་བྱའོ། །བློན་པོ་ཆེན་པོ་ཞེས་བྱ་བ་ལ་སོགས་པ་ཉིད་སྨོས་པ་ནི་ཐག་ཉེ་བ་ན་སྤྱོད་པ་དང་། རིགས་མཐོ་བ་ཕུན་སུམ་ཚོགས་པ་དང་། གློ་བ་ཉེ་ཞིང་ཞུ་བར་ནུས་པའོ། །སྨྲ་བའི་སྤོབས་པ་ནི་སྨྲ་བར་ནུས་པའོ། །
[159b]
[159b.1]ཐོགས་པ་མེད་པ་ནི་སྨྲ་བ་ཐོགས་པ་གང་ཡང་མེད་པ་གང་ལ་ཡོད་པའོ། །དེ་སྨྲ་བ་ནི་ཐོགས་པ་མེད་པས། གཏམ་གླེང་བའི་སྐབས་ནི་གཏམ་གླེང་བའི་དུས་སྐབས་ཏེ། དེ་བབ་པ་ནི་དེ་ཉིད་ལ་བབ་པའོ། །ངེས་པར་ནི་དུས་རྟག་ཏུའོ། །གསུང་བ་ནི་ཞེས་བྱ་བའི་དོན་ནི་གང་བཤད་པའི་
[159b.2]ཚིགས་བཅད་དོ། །དེ་སྐད་ཅེས་བྱ་བ་འདི་ཚིགས་བཅད་གཉིས་སོ། །ངོ་མཚར་ཆེ་བ་དང་། རབ་ཏུ་གཡེང་བ་ནི་ངོ་མཚར་ཆེ་བས་རབ་ཏུ་གཡེངས་པའོ། །དེའི་དོན་ཐོས་པ་མངོན་པར་འདོད་པས་རབ་ཏུ་གཡེངས་པའམ། དེའི་དོན་ཡོངས་སུ་ཤེས་པར་འདོད་པས་སོ། །སྐྱེ་བོ་ནི་བློན་པོ་
[159b.3]ལ་སོགས་པའི་མཚོན་པའོ། །ཡང་ན་བདག་ཉིད་ལ་སྟོན་ཅིག་པ་སྟེ། གཞན་ལ་བསྟན་དུ་མི་རུང་བར་#མངོན་པར་འདོད་པའི་དོན་འདྲི་བ་སྟེ། དེ་བས་ན་གསལ་བར་དྲིས་པའོ། །མི་བསྒྲག་ཅེས་བྱ་བ་ནི་#དོགས་པ་བསུ་ནས་སྨྲས་པ་སྟེ། གསང་ན་ཞེས་བྱ་བ་འདིའི་དོན་ཡིན་ནོ། །
[159b.4]གསང་བ་ནི་གསལ་#བར་མི་བསྒྲག་#པའོ། །གྲགས་པ་ཞེས་བྱ་བ་ནི་གསལ་བར་བདག་གིས་དྲིས་པའོ། །དེ་དགའ་ཞིང་རབ་ཏུ་བྱམས་པས་ཞེས་བྱ་བ་ནི་ལྷག་པར་དགའ་ཞིང་བྱམས་པ་ཉིད་དེ། སྔ་མ་བས་ཀྱང་ད་ལྟར་རབ་ཏུ་བྱམས་པ་སྟེ། བྱམས་པ་ནི་མངོན་པར་འདོད་པ་ཡང་དག་
[159b.5]པར་བསྒྲུབས་པས་སོ། །བྱམས་པའི་ལྟབས་བཞིན་གསལ་ཞིང་དགའ་བའི་མཚན་མས་ཕྱོགས་གཅིག་ཏུ་ཟུང་གྱིས་ལྟ་ཞིང་དང་བའི་ལྟ་བས་ཏེ་དགའ་བའི་མཚན་མ་དག་གིས་སོ། །དོན་དང་རྒྱུ་མཚན་མ་ཕྱེ་བར་ཞེས་བྱ་བ་ལ་རྒྱུ་མཚན་དང་དོན་ནི་དོན་དང་རྒྱུ་མཚན་ནོ། །གང་གི་དོན་དང་རྒྱུ་མཚན་མ་ཕྱེ་བར་སྨྲས་པ་དེ་ནི་
[159b.6]དོན་དང་རྒྱུ་མཚན་མ་ཕྱེ་བར་རོ། །རྒྱུ་མཚན་#ཅི་ཞིག་བསྟན་པ་དང་། འདིའི་དོན་ཅི་སྟོན་པ་སྟེ། དེ་ལྟར་མ་ཕྱེ་བར་སྨྲས་པའོ། །ངོ་མཚར་ཆེ་བ་དང་ཡིད་གཡོས་པ་ནི་སྔར་བསྟན་པ་གང་ཡིན་པ་སྟེ། ངོ་མཚར་ཆེ་བས་རབ་ཏུ་གཡེངས་བར་གྱུར་ཞེས་བྱ་བར་བསྟན་པ་ཡིན་ནོ། །ངོ་མཚར་ཆེན་པོས་རབ་ཏུ་གཡོས་པར་གྱུར་པ་ནི་
[159b.7]བསྐྱོད་པ་སྟེ། ངོ་མཚར་ཆེན་པོས་རབ་ཏུ་གཡོས་པར་གྱུར་པ་ཉིད་རབ་ཏུ་གཡེངས་པ་ཡིན་ནོ། །ཡིད་ནི་སེམས་ཏེ་ངོ་མཚར་ཆེན་པོས་རབ་ཏུ་གཡོས་པའི་ཡིད་དོ། །གང་གི་ཕྱིར་ཞེས་བྱ་བ་ནི་གང་གི་རྒྱུའམ་#གང་གི་མཚན་མའོ། །ཞིག་ཏུ་ཞེས་བྱ་བ་ནི་སྐྱེས་པའོ། །འདིར་ཞེས་བྱ་བ་ནི་འདི་ཉིད་དུའོ། །
[160a]
[160a.1]ནོར་ཙམ་གྱིས་ནི་མཐོ་བ་ལ། །ཞེས་བྱ་བ་ནི་ཚུལ་ཁྲིམས་ལ་སོགས་པའི་ཡོན་ཏན་ནི་མ་ཚང་བ་ཞེས་བྱ་བའི་དོན་ཏེ#། ལས་དག་གིས་#མགུ་བ་ནི་ལས་ཀྱིས་མགུ་བ་སྟེ། དེས་སྒྲུབ་པ་ནི་བྱས་པའོ། །དམན་ཚིས་#ཀྱིས་འཚོ་བ་གང་ཡིན་བདེ་ནི་ལས་ཀྱིས་#མགུ་བར་བྱས་ནས་དམན་
[160a.2]ཚིས་ཀྱིས་འཚོ་བ་སྟེ། ལུས་ངག་གི་འཚོ་ཞིང་སྤྱད་པར་#བྱེད་པ་ནི་འཚོ་བའོ། །དེའི་འབྱོར་པ་དམན་ཞིང་། ཞུས་པ་སྐྱེད་པར་བྱད་པ་ཡིན་པས་དམན་ཚིས་སོ། །གླ་འདིས་སྲོག་བཟུང་བ་ཡིན་པས་གླ་མི་སྟེ། གཞན་དག་གིས་#ལས་བྱེད་པས་ན་སེམས་ཀྱིས་བསམས་ཤིང་དེ་ལ་ཞུགས་
[160a.3]ཏེ་ཞེས་བྱ་བ་ནི་ཞུགས་པར་གྱུར་པའོ། །མཚན་ཉིད་ཇི་ལྟ་བུ་ཞེ་ན། བརྙས་ཤིང་ཞེས་བྱ་བ་ཡིན་ཏེ། གཞན་གྱིས་ཁྱད་#དུ་གསད་པའི་གཞིར་གྱུར་པའོ། །ངལ་བ་ནི་རང་གི་ལུས་ཡོངས་སུ་དུབ་པར་གྱུར་པའོ། །དམན་པ་ནི་སེམས་ཞུམ་པའོ། །དེས་བརྙས་ཤིང་ངལ་བ་དམན་
[160a.4]པའི་གནས་ནི་བརྙས་ཤིང་ངལ་བ་དམན་པའི་གནས་ཏེ། གནས་དེས་ཡོང་སུ་བརྙས་ཤིང་ངལ་བ་ཡིན་པས་སོ། །ཅིའི་ཕྱིར་དེ་ལྟར་ཉེས་པས་མ་རུང་བ་དེ་ལ་འཇུག་ཅེ་ན། སྨྲས་པ། མི་འཚོར་དོགས་ནས་ཞེས་བྱ་བ་ཡིན་ཏེ། འཚོ་བ་མེད་པས་འཇིགས་པས་སོ། །དབང་པོ་དུལ་
[160a.5]ཞིང་ཞེས་བྱ་བ་ནི་དབང་པོ་བསྲུང་ཞིང་བསྡམས་པ་#ཡིན་པར་སྟོན་ཏོ། །དགེ་སློང་དཔལ་གྱི་རྗེས་འབྲང་བཞིན། །ཞེས་བྱ་བ་ནི་ཀུན་ཏུ་ལྟ་བ་དང་། རྣམ་པར་ལྟ་བ་དང་། སྣམ་སྦྱར་དང་། ལྷུང་བཟེད་དང་། ཆོས་གོས་འཆང་བ་ལ་སོགས་པ་ཇི་ལྟར་མདོ་སྡེ་#ལས་གསུངས་པ་བཞིན་
[160a.6]དུ་རིག་པར་བྱའོ། །བཞི་ཞེས་སྨོས་པས་ནི་དགེ་འདུན་གྱི་ཚོགས་དང་རྗེས་སུ་མཐུན་པར་བསྟན་པའི་ཕྱིར་རོ། །འདིས་ནི་སྣོད་ཕུན་སུམ་ཚོགས་པ་བསྟན་ཏོ། །དང་ཞིང་འཇམ་པ་ཞེས་བྱ་བ་ལ་དན་བ་ནི་དད་པའི་གཞི་སྟེ་འཇམ་པ་ཞེས་བསྟན་པ་ཡིན་ནོ། །སྦྱིན་པ་པོའི་ཕུན་སུམ་ཚོགས་པ་
[160a.7]ནི་དང་བ་ཞེས་བྱ་བ་ལ་སོགས་པའི་#ཚིག་གིས་སོ། །ཚུལ་ཁྲིམས་ནི་སྔར་བཤད་པ་ཡིན་པས་ཡང་བཤད་པར་བྱ་བ་མ་ཡིན་ཏེ། ཚུལ་དང་ལྡན་ཡང་ནོར་ཙམ་གྱིས་ནི་ཞེས་བྱ་བའི་ཚིག་གིས་སོ། །ཕྱག་བྱས་ནས་ཞེས་བྱ་བ་ནི་བཀུར་སྟི་དང་གུས་པ་དང་བཅས་པའི་སྦྱིན་པའོ། །བསྙེན་
[160b]
[160b.1]བཀུར་དང་བཅས་པས་བྱིན་པ་ནི་དེ་ཐོབ་པའོ། །ཟན་དྲོན་ཙམ་ཞིག་གུས་པར་བྱིན། །ཞེས་བྱ་བ་འདིས་ནི་སྦྱིན་པ་ཆུང་ཞེས་བྱ་བ་གང་ཡང་མེད་དོ། །ཞེས་གོང་དུ་བསྟན་པ་དེ་སྒྲུབ་པ་ཡིན་ནོ། །བདག་གི་ཁྱིམ་དུ་གུས་པར་#ཞེས་བྱ་བ་འདིས་ནི་སྦྱིན་པའི་དངོས་པོ་དག་པར་སྟོན་ཏོ། །དེ་ཡི་
[160b.2]མྱུ་གུ་ཙམ་ཞིག་བྱུང་། །ཞེས་བྱ་བ་དག་གིས་ནི་གུས་པར་བྱས་ཏེ། བསོད་ནམས་བྱས་པས་བསྙེན་བཀུར་ཐོབ་པར་སྟོན་པ་ཡིན་ནོ། །ང་ཡིས་དེ་ལས་བསམས་ནས་ནི། །ཞེས་བྱ་བ་གོང་དུ་བཤད་པ་སྟེ། གང་ཡིན་ཞེ་ན། །རྒྱལ་པོ་ཆེན་པོ་ཅི་ལས་དགོངས། །ཞེས་བྱ་
[160b.3]བ་ལ་སོགས་པ་དེ་ཉིད་བཤད་པའོ། །བསོད་ནམས་ཀྱིས་ནི་ངོམས་མི་མྱོང་། །ཞེས་བྱ་བའི་ཚིགས་བཅད་ཕྱེད་པོ་འདིས་ནི་ལས་ཀྱི་འབྲས་བུ་མངོན་སུམ་དུ་གྱུར་པའི་ཕྱིར་སྦྱིན་པའི་ཞིང་ལ་སྦྱིན་པའི་དངོས་པོ་བྱིན་པས་མི་ངོམས་པར་བསྟན་ཏོ། །དགའ་བ་ནི་ཡིད་ཚིམ་པ་སྟེ། བདག་ཉིད་
[160b.4]ཀྱིས་ཀྱང་ལས་ཀྱི་འབྲས་བུ་དེ་དང་མཉམ་པར་མངོན་སུམ་དུ་གྱུར་པའི་ཕྱིར་རོ། །ངོ་མཚར་ཆེ་བ་ནི་སྦྱིན་པའི་དངོས་པོ་ཆུང་བ་ལས་འབྲས་བུ་ཆེན་པོ་སྟོན་པས་སོ། །རབ་ཏུ་གུས་པ་ནི་སླར་#ཡང་བསོད་ནམས་ལ་བརྩོན་པས་འཇུག་པར་སྟོན་ཏོ། །བསོད་ནམས་ཀྱིས་ཞེས་བྱ་བ་ནི་དང་ཞིང་འཇམ་
[160b.5]པའི་ཡིད་ཀྱིས་ཞེས་བྱ་བ་ལ་སོགས་པ་གང་གོང་དུ་བསྟན་པ་དེའམ། ཡང་ན། །བདེ་བར་གཤེགས་ལ་#བཀུར་སྟི་བྱས་པ་ཆུང་དུ་ཡང་། །ཞེས་བྱ་བའི་ཚིགས་སུ་བཅད་པ་གང་བསྟན་པ་འདི་རུ་བཤད་དོ། །མངོན་པར་མཐོ་བའི་ཁྱད་པར་འདི་ལྟ་བུའི་རྣམ་པར་སྨིན་པ་ཞེས་བྱ་བ་ནི།
[160b.6]ཤིང་རྟ་སྣ་ཚོགས་རྟ་དང་གླང་པོ་འགྱིང་བ་དང་། །ཞེས་བྱ་བའི་ཚིགས་བཅད་གང་བསྟན་པ་དེས་བསྟན་པ་ཡིན་ཏེ། རྣམ་པར་སྨིན་པ་ཉིད་མངོན་པར་མཐོ་བ་ཡིན་པས་རྣམ་པར་སྨིན་པ་མངོན་པར་མཐོ་བའོ། །མངོན་པར་མཐོ་བ་ཉིད་བྱེ་བྲག་ཡིན་པས་ན་མངོན་པར་མཐོ་བའི་ཁྱད་པར་རོ། །བསོད་ནམས་
[160b.7]ཀྱི་འབྲས་བུ་མངོན་སུམ་དུ་གྱུར་པས་ཞེས་བྱ་བ་ལ་སོགས་པ་ནི་གང་གོང་དུ་བསྟན་པའི། །བསོད་ནམས་ཀྱིས་ནི་ངོམས་མི་མྱོང་། །ཞེས་བྱ་བའི་དཔང་དུ་བྱས་པ་ཡིན་ནོ། །དངོས་སྡིག་མི་མཛད་པ་ཞེས་བྱ་བའི་ལྡོག་པའི་ཚུལ་འདིས་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བསྟན་ཏོ། །སྐྱེ་
[161a]
[161a.1]དགུ་རྣམས་ལ་ཕ་བཞིན་དུ། །ཞེས་བྱ་བས་ནི་བཟོད་པའི་ཕ་རོལ་ཏུ་ཕྱིན་པ་བསྟན་ཏེ། ཁོ་ན་མེད་པའི་ཕྱིར་རོ། །བསོད་ནམས་ཀྱི་ཡོན་ཏན་སྒྲུབ་པ་ལ་མངོན་པར་ཕྱོགས་པ་ཞེས་བྱ་བ་འདིས་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་བསྟན་ཏོ། །བསོད་ནམས་ཀྱི་ཡིད་
[161a.2]ཡོན་ཏན་ཡིན་པས་གཙོ་བོར་ཡང་དག་པར་བཟུང་བས་སོ། །བརྩོན་འགྲུས་ཞེས་བྱ་བ་འདིས་ཀྱང་དགེ་བའི་ཆོས་མ་སྐྱེས་པ་རྣམས་#བསྐྱེད་པ་དང་། སྐྱེས་པ་རྣམས་ཕྱིར་ཞིང་འཕེལ་བར་བྱེད་པའོ། །སྦྱིན་པ་ཕུན་སུམ་ཚོགས་པ་ཞེས་བྱ་བས་#ནི་སྦྱིན་པའི་ཕ་རོལ་ཏུ་ཕྱིན་པ་བསྟན་ཏོ། །
[161a.3]གྲགས་པ་ཉིད་དཔལ་ཡིན་པས་གྲགས་དང་དཔལ་ལོ། །དེས་ན་གྲགས་པ་དང་དཔལ་ནི། སྦྱིན་པའི་ཕ་རོལ་ཏུ་ཕྱིན་པའི་མཐོང་བའི་ཆོས་ཀྱི་འབྲས་བུའོ། །དེ་བཞིན་དུ་ཆོས་ཀྱིས་#ཚུལ་བཞིན་དུ་ཡུན་རིང་ས་ཆེན་སྐྱོང་བར་གྱུར། ཞེས་བྱ་བ་ནི་ཇི་ལྟ་བདེ་བཞིན་དུ་ཡུན་རིང་དུ་
[161a.4]སྐྱོང་བར་གྱུར་ཅིག་པའོ། །ལྷ་མོ་དེ་དེ་ལྟར་གལ་ཞིག་མ་ཡིན་ཞེས་བྱ་བ་ནི་གོང་དུ་བསྟན་མ་ཐག་པ་སྟེ། དེ་བས་ན་འདི་ལྟར་ཞེས་བྱ་བ་ལ་སོགས་པའོ། །དེ་ཉིད་ལ་ནི་ཞེས་བྱ་བ་ནི་ལེགས་པའི་ལམ་ལ་སྟེ། ད་དུང་བརྩོན་པས་བསྟན་#པར་བྱའོ། །#ཅིའི་ཕྱིར་ཞེ་ན། དེའི་
[161a.5]འབྲས་བུ་ཉམས་སུ་མྱོང་བ་སྟེ། མངོན་སུམ་དུ་མཐོང་བས་སོ། །དཔལ་ཕུན་སུམ་ཚོགས་པའི་རྒྱུ་ཡིན་པས་དཔལ་ཕུན་སུམ་ཚོགས་པའི་རྒྱུ་དེ་ལ་#སེམས་ཞེན་པ་གང་ཡིན་པ་དེ་ནི་དཔལ་ཕུན་སུམ་ཚོགས་པ་ལ་ཞེན་པ་#ཞེས་བྱའོ། །ཅིའི་ཕྱིར་རྒྱལ་པོ་ལ་དཔལ་ཕུན་སུམ་ཚོགས་པའི་
[161a.6]རྒྱུ་འདི་འདྲ་བར་འགྱུར། ཅི་ཐམས་ཅད་ཉིད་སྐྱེ་བ་དྲན་པར་འགྱུར་རོ་ཞེ་ན། དེ་ནི་མ་ཡིན་པར་བསྟན་པའི་ཕྱིར་དེ་ལྟ་བས་ན་འདྲི་བ་སྟེ། དེ་ནས་ལྷ་མོ་ཞེས་བྱ་བའི་ཚིག་གིས་སོ། །བསོད་ནམས་ཀྱི་ཡོན་ཏན་ཞེས་བྱ་བ་ལ་སོགས་པས་ཀྱང་བསྐྱེད་པའི་གནས་ཡིན་པའི་ཕྱིར་དྲི་བ་ཡིན་ནོ། །
[161a.7]གང་གིས་ཐོབ་པའི་མཚན་མ་དེས་ན་ཟན་ཆང་གཅིག་ཅེས་བྱ་བའི་སྐལ་པ་སྒོམ་པའོ། །ཐུབ་པ་ནི་རབ་ཏུ་བྱུང་བ་ལའོ། །གུས་པར་ཕུལ་བ་ཞེས་བྱ་བ་ནི་སྲི་ཞུས་བྱིན་པའོ། །དེ་ཚེ་གཉིད་ཀྱིས་ལོག་ལས་ཞེས་བྱ་བས་ནི་སྔ་མའི་ལུས་ཡང་དག་པར་རྟོགས་པའོ། །འཆི་བའི་སེམས་ལས་
[161b]
[161b.1]སད་པ་བཞིན། །ཞེས་བྱ་བ་ཡིན་ཏེ། ཉིང་མཚམས་སྦྱོར་བར་གྱུར་པས་སོ#། །མགོན་ཁྱོད་ཅེས་བྱ་བ་ནི་གང་གི་མགོན་གང་ཡིན་པ་དེ་ནི་མགོན་པོ་སྟེ། དེར་གྱུར་པ་དེ་ནི་མགོན་ཁྱོད་གྱུར་པའོ། །ས་དང་བཅས་པ་ཞེས་བྱ་བ་ནི་ཇི་ལྟར་སའི་མགོན་དུ་#གྱུར་པ་ཞེས་བྱ་བ་#ཡིན་ཏེ།
[161b.2]དེས་ན་བདག་ཀྱང་ཁྱོད་དང་འདྲ་བར་གྱུར་ཞེས་བྱ་བ་བསྟན་པའི་དོན་ཏོ། །ཇི་ལྟར་ཐུབ་པས་ཞེས་བྱ་བ་ནི་སངས་རྒྱས་བཅོམ་ལྡན་འདས་ཀྱིས་ཏེ། ཇི་ལྟར་བསོད་ནམས་ཀྱི་འབྲས་བུ་བསྟན་པ་བཞིན་དུ་རྒྱལ་པོས་ཀྱང་བསོད་ནམས་ཀྱི་འབྲས་བུ་བསྟན་#པ་སྟེ། དེ་བས་ན་བསོད་
[161b.3]ནམས་ལ་གུས་པ་བསྐྱེད་པ་ཞེས་བྱ་བ་ནི་བསོད་ནམས་དེ་ཉིད་ཆུང་ངུ་ཡིན་ཡང་རྣམ་པར་སྨིན་པ་ཆེ་བ་ཡིན་པས་བསོད་ནམས་ལ་སེམས་མངོན་པར་དང་བ་སྟེ། བསོད་ནམས་ཀྱི་བྱ་བ་བསྐྱེད་པ་དག་པ་#དང་། སེམས་མངོན་པར་དང་བར་འགྱུར་#ཞིང་ལས་ཀྱི་འབྲས་བུ་ལ་ཡིད་ཆེས་པས་
[161b.4]སེམས་རྙོག་པ་དང་བྲལ་བ་ཡིན་ཏེ། ཆུ་དྭངས་#པ་བཞིན་ནོ། །ཡ་མཚན་ལ་རྩེ་གཅིག་ཏུ་གྱུར་ཞེས་བྱ་བ་ནི་གོང་དུ་བཤད་པ་དག་གིས་ཡ་མཚན་དུ་གྱུར་པ་དེ་ལ་#ཡང་དག་པར་བསྟན་པའོ། །ད་ནི་དགེ་བ་མི་ཆེ་བས་ཀྱང་ཞེས་བྱ་བ་ལ་སོགས་པའི་ཚིགས་བཅད་ལྔས་ནི་ཡང་དག་
[161b.5]པར་ལེན་#པའི་དབང་དུ་བྱས་པ་སྟེ། དེ་ལ་དགེ་བ་མི་ཆེ་བས་ཀྱང་ཞེས་བྱ་བའི་ཚིགས་བཅད་འདིའི་དོན་ནི་འདི་ཡིན་ཏེ། དགེ་བ་ཞེས་བྱ་བ་ནི་#ཚུལ་ཁྲིམས་དང་སྦྱིན་པ་ལ་སོགས་པའོ། །རྒྱ་ཆེན་ཞེས་བྱ་བས་#ནི་བདག་ཉིད་ཕུན་སུམ་ཚོགས་པ་སྟོན་ཏོ། །སྦྱིན་པ་དང་ཚུལ་ཁྲིམས་ཀྱི་བྱ་བས་རྣམ་
[161b.6]པ་ཐམས་ཅད་ཀྱིས་#མངོན་པར་མཐོ་བ་ལ་འཇུག་པ་དང་ལྡན་པར་བསྟན་པས་#རྣམ་པ་ཐམས་ཅད་ཀྱིས་#དགེ་བ་བྱ་བ་དང་ལྡན་པར་བསྟན་པའོ། །དེ་རྣམ་པ་ཐམས་ཅད་ཀྱིས་ནུས་པ་ཡིན་ན་ཡང་བྱ་བ་གཞན་བསྟན་#པ་ཡིན་ནོ། །དེ་ལྟར་མི་རུང་ཞེས་བྱ་བའི་དོན་བསྟན་པ་ནི་དེ་ལྟར་ཡང་མི་བཟོད་
[161b.7]དོ་ཞེས་བྱ་བ་སྟེ། འདི་ནི་དེ་བས་ན་སྐྱེ་བ་གཞན་དག་ཏུ་མེད་པར་བསྟན་པ་ཡིན་ཏེ། ཇི་ལྟར་ཞེ་ན། ནོར་གྱིས་ཆོག་པར་ཡོད་ཀྱང་ཞེས་བྱ་བ་སྨོས་པ་སྟེ། སྦྱིན་པའི་དངོས་པོ་ལ་ཡང་ངན་ཅིང་ཞེན་པའི་ཕྱིར་སྦྱིན་པ་ཆུང་བ་སྟེ། བདག་ཉིད་ལ་ཆགས་པ་དང་ལྡན་པས་དེ་ཕུན་སུམ་
[162a]
[162a.1]ཚོགས་པ་ཡིན་ཡང་སྦྱིན་པ་མི་ནུས་པར་སྟོན་ཏོ། །དེ་ལྟར་མི་རུང་ཞེས་བྱ་བ་ལ་རུང་བ་ནི་བཟོད་པར་ཞེས་བསྟན་པ་ཡིན་ནོ། །ད་ནི་དེའི་རྒྱུ་བསྟན་པའི་ཕྱིར་བློ་བསྒྲིབས་ནས་ཞེས་སྨོས་ཏེ། མུན་པ་བཞིན་དུ་བློ་བསྒྲིབས་པ་ཡིན་པའི་ཕྱིར་རོ། །གྲགས་པ་ཞེས་
[162a.2]སྨོས་པ་ནི་འཇིག་རྟེན་ཕ་རོལ་གྱི་འབྲས་བུ་ནི་རེ་ཞིག་གཞག་#གི། འཇིག་རྟེན་འདིའི་འབྲས་བུ་མངོན་སུམ་དུ་འདོད་པའི་ཕྱིར་ཡང་སྦྱིན་པ་སྦྱིན་པར་བྱ་བ་སྟེ། གྲགས་པའི་དོན་དུ་ཡང་ངོ་། །སེར་སྣའི་མུན་པས་ཞེས་བྱ་བ་ནི་སེར་སྣའི་མུན་པས་བློ་#རབ་ཏུ་གཡོགས་པའི་ཕྱིར་རོ་ཞེས་
[162a.3]བསྟན་པ་ཡིན་ནོ། །དེ་ཉིད་བསྒྲུབ་#པའི་ཕྱིར། དབང་མེད་པར་ནི་གང་ཞིག་ཅེས་བྱ་བ་ལ་སོགས་པའི་ཚིགས་#བཅད་བརྩམས་པ་ཡིན་ཏེ། དབང་མེད་པར་ནི་གང་ཞིག་བཏང་དགོས་ཞེས་བྱ་བ་ནི་རྐུན་པོ་དང་། ཆུ་ལ་སོགས་པ་རྣམས་ཀྱིས་ཀྱང་ནོར་འཇིག་པར་འགྱུར་ལ། ཐ་
[162a.4]མར་ཡང་བདག་ཉིད་འཆི་བས་མི་རྟག་པ་སྟེ། དེས་ན་#ནོར་ནི་#བཏང་དགོས་པ་ཡིན་ནོ། །དེ་བཞིན་སུ་ལའང་ཕན་མི་ཐོགས། །ཞེས་བྱ་བ་ནི་དབང་མེད་པར་ཡོངས་སུ་བཏང་བས་བདག་ཉིད་ཀྱི་#ཡིན་ཞིང་གཞན་རྣམས་ཀྱི་ནོར་#ཡིན་པའི་ཕྱིར་རོ། །ནོར་དེ་རིགས་པར་ཞེས་
[162a.5]བྱ་བའི་ཡོན་ཏན་དེ་ཕན་པ་ཡིན་ཞིང་། གལ་ཏེ་སྦྱིན་པའི་ཞིང་ལ་བྱིན་ན་ནི་ཡོན་ཏན་འགའ་ཞིག་ཐོབ་པར་འགྱུར་ཞེས་བྱ་བ་ཡིན་ཏེ། ཐ་ན་གྲགས་པ་ཡང་ངོ་། །དེ་ལ་ཞེས་བྱ་བ་ནི་ངེས་པར་ཡོངས་སུ་བཏང་བ་ལའོ། །སེར་སྣའི་ལམ་ལ་བརྟེན་ཞེས་བྱ་བ་#ནི་མི་སྟེར་བ་ཞེས་
[162a.6]བྱ་བའི་དོན་ཏོ། །སྔར་ཤེས་བཞིན་དུ་སྟེ་ཡོན་ཏན་གྱི་ཉམས་སམ། ཡོན་ཏན་གྱི་རོ་ཚོར་བཞིན་དུ་སུ་ཞིག་དེ་ལྟར་མི་སྦྱིན་ཞེས་པའོ། །ཡོན་ཏན་དེ་དག་གང་ཡིན་ཞེ་ན། སྨྲས་པ། སྦྱིན་པ་ལས་བྱུང་ཡོན་ཏན་དགའ་ལ་སོགས་པ་ཞེས་སྨོས་ཏེ། ཇི་ལྟར་དགའ་བ་ལ་སོགས་པའི་
[162a.7]ཡོན་ཏན་ཡིན་ཞེ་ན། ལྷག་པར་#རྗེས་སུ་འབྲང་བའི་ཡིད་ཚིམ་པའི་དགའ་བ་སྐྱེས་པས་ལུས་སྦྱངས་པར་འགྱུར་རོ། །ལུས་སྦྱངས་པ་ལས་ནི་བདེ་བ་སོ་སོར་མྱོང་བར་འགྱུར་རོ། །སེམས་བདེ་བས་ནི་ཏིང་ངེ་འཛིན་ལ་མཉམ་པར་འཇོག་པར་འགྱུར་རོ། །སེམས་མཉམ་པར་
[162b]
[162b.1]གཞག་#པ་ལས་ནི་ཡང་དག་པ་ཇི་ལྟ་བ་བཞིན་ཤེས་པར་འགྱུར་ཏེ། དེ་ལྟར་དགའ་བ་ལ་སོགས་པའི་ཡོན་ཏན་སྦྱིན་པ་ལས་བྱུང་བའི་གྲགས་པ་དང་ཡང་ལྡན་པར་འགྱུར་རོ། །ད་#ནི་སྦྱིན་པའི་ཆོས་དང་། དོན་དང་། འདོད་པའི་འཁོར་གསུམ་གྱི་རྒྱུ་ཉིད་དུ་བསྟན་པའི་ཕྱིར་འདི་བརྩམས་
[162b.2]པ་ཡིན་ཏེ། སྦྱིན་པ་ཞེས་བྱ་གཏེར་ཆེན་ཞེས་བྱ་བའི་ཚིགས་བཅད་སྨོས་ཏེ། གཏེར་ཆེན་ཞེས་བྱ་བ་གཏེར་གཞན་ནི། གོད་པ་དང་ཡོངས་སུ་ཟད་པའོ། །རྗེས་སུ་འགྲོ་ཞེས་བྱ་བ་ནི་གཏེར་གཞན་ནི་འཇིག་རྟེན་ཕ་རོལ་དུ་མི་འགྲོ་བ་ཡིན་ཏེ། འདི་ནི་འཇིག་རྟེན་ཕ་རོལ་ཏུ་རྗེས་སུ་
[162b.3]འབྲང་བ་ཡིན་ནོ། །གཏེར་གཞན་ནི་རྐུན་པོ་ལ་སོགས་པ་དང་ཐུན་མོང་ཡིན་གྱི#། འདི་ནི་ཐུན་མོང་མ་ཡིན་ཏེ། སྦྱིན་པའི་བདག་ཉིད་ཁྱད་པར་འཕགས་པའི་དོན་གྱི་རྒྱུར་གྱུར་པ་ཡིན་ནོ། །ཇི་ལྟར་ཆོས་ཀྱི་རྒྱུར་འགྱུར་#ཞེ་ན། ཆོས་ཀྱི་རྒྱུ་དེ་བསྟན་པའི་ཕྱིར་སྨྲས་པ། སྦྱིན་པ་འདོད་
[162b.4]དང་སེར་སྣ་ཞེས་བྱ་བ་སྨོས་ཏེ། སྦྱིན་པ་དང་འགལ་བའི་སེམས་ཀྱིས་ཀུན་ཏུ་འཛིན་པ་ནི་སེར་སྣའོ། །གཞན་གྱི་ཕུན་སུམ་ཚོགས་པ་ལ་མི་བཟོད་པ་ནི་འདོད་པའོ། །སྐྱོན་ནི་དེ་ལས་གཞན་པ་སྟེ། སྲེད་པ་དང་། ཞེ་སྡང་དང་། ང་རྒྱལ་དང་། མ་རིག་པ་ལ་སོགས་པའོ། །
[162b.5]དེ་ཉིད་རྡུལ་ཡིན་པས་དེའི་རྡུལ་ཏེ། རྡུལ་ནི་སྒྲིབ་པའི་དོན་ཏོ། །དེ་བས་ན་སྐྱོན་དེ་རྣམས་སྦྱོང་བར་བྱེད་པས་ཆོས་ཀྱི་རྒྱུར་གྱུར་པའོ། །སྦྱིན་པ་འཁོར་བའི་ཞེས་པ་འདིའི་དོན་གྱིས་ནི་འདོད་པའི་རྒྱུར་གྱུར་པ་ཡིན་ཏེ། འཁོར་བ་ཉིད་ལམ་ཡིན་པས་ན་འཁོར་བའི་ལམ་སྟེ། བགྲོད་#
[162b.6]པར་བྱ་བ་ཡིན་པས་འཁོར་བའི་ལམ་ཞེས་བརྗོད་དོ། །འཁོར་བའི་ལམ་དུ་བགྲོད་པས་ངལ་བ་ནི་འཁོར་བའི་ལམ་བགྲོད་པས་ངལ་བ་སྟེ། བཀྲེས་པ་དང་། སྐོམ་པ་ལ་སོགས་པའི་སྡུག་བསྔལ་གྱིས་ངལ་བའོ། །སེལ་བ་ཡིན་པས་མེད་པ་སྟེ། དེ་ལ་མེད་པ་ནི་འཁོར་བའི་
[162b.7]ལམ་བགྲོད་ངལ་བ་མེད་པའོ། །འདིས་ནི་སྡུག་བསྔལ་ལས་ལྡོག་པར་བསྟན་ཏོ། །སྡུག་བསྔལ་བསལ་#ནས་བདེ་བ་བསྒྲུབ་#པའི་དབང་དུ་བྱས་ནས། སྦྱིན་པ་བདེ་བ་མང་པོ་ཞེས་བྱ་བ་ལ་སོགས་པའི་ཚིག་རྐང་ཡིན་ཏེ། གཅིག་མ་ཡིན་པའི་བདེ་བ་ཡིན་ཏེ། བདེ་བ་མང་པོའོ། །
[163a]
[163a.1]དེ་དག་སྒྲུབ་པ་ནི་བདེ་བ་མང་པོ་འགྲུབ་པའོ། །གྲོགས་པོ་བཟང་པོ་ཞེས་བྱ་བ་ནི་གྲོགས་པོ་ཡང་ཡིན་ལ་བཟང་པོ་ཡང་ཡིན་པས་#གྲོགས་པོ་བཟང་པོའོ། །ཇི་ལྟར་གྲོགས་པོ་བཟང་པོ་ཡིན་ཞེ་ན། སྔར་བཤད་པའི་ཚུལ་གྱིས་ཏེ། བདེ་བ་མང་པོ་སྒྲུབ་
[163a.2]པར་བྱེད་པས་སོ། །མཆོག་ཡིན་ནོ་ཞེས་བྱ་བ་ནི་རྟག་ཏུ་ཉེ་བར་འཁོར་བའི་ཕྱིར་རོ། །དེ་ལྟར་སྦྱིན་པས་ཆོས་དང་། དོན་དང་། འདོད་པ་རྣམས་འགྲུབ་པར་བསྟན་ནས། སྦྱིན་པ་ནི་དང་པོ་ཡིན་ཏེ། དེས་ན་དེས་ཡོངས་སུ་བཟུང་བ་སྟེ། དེའི་དབང་དུ་བྱས་པ་ཡིན་པས་
[163a.3]གཞན་ལས་གཙོར་#བྱས་པ་ཡིན་ནོ། །#སྦྱིན་པ་ཉིད་ཀྱིས་བསོད་ནམས་ཀྱི་ཚོགས་ཀྱི་འབྲས་བུ་མཐའ་དག་ཐོབ་པར་འགྱུར་རོ་ཞེས་བསྟན་པའི་དོན་ཡིན་ཏེ། བསོད་ནམས་ཀྱི་ཚོགས་ཀྱང་རྣམ་པ་གསུམ་སྟེ། སྦྱིན་པ་དང་། ཚུལ་ཁྲིམས་དང་། བཟོད་པ་སྟེ་རྣམ་པ་
[163a.4]གསུམ་མོ། །བསོད་ནམས་ཀྱི་ཚོགས་རྣམ་པ་གསུམ་ལས་འབྲས་བུ་ཡང་རྣམ་པ་གསུམ་སྟེ། སྦྱིན་པས་ནི་ལོངས་སྤྱོད་ཆེན་པོར་འགྱུར་རོ། །བཟོད་པས་ནི་འཁོར་མང་བ་ཉིད་དུ་འགྱུར་རོ། །ཚུལ་ཁྲིམས་ཀྱིས་ནི་བདེ་འགྲོར་སྐྱེ་བ་སྟེ་བདག་གི་ཕུན་སུམ་ཚོགས་པའོ། །
[163a.5]སྦྱིན་པའི་འབྲས་བུས་#ནི་འབྱོར་པ་ཕུན་སུམ་ཚོགས་པའོ། །བཟོད་པས་ནི་བཀའ་ལུང་ཕུན་སུམ་ཚོགས་པའོ། །དེ་ཡང་སྦྱིན་པ་ཉིད་ཀྱིས་འགྲུབ་པ་སྟེ། སྔོན་སྦྱིན་པའི་དུས་སུ་སློང་མོ་བ་རྣམས་ཀྱི་ངག་བཞིན་དུ་བྱས་ཏེ། འདོད་པའི་དོན་རབ་ཏུ་བསྒྲུབས་#པ་ཡིན་པའི་ཕྱིར་
[163a.6]བཀའ་ལུང་མཉན་པའི་ཡོན་ཏན་ཐོབ་པའོ། །སུམ་ཅུ་རྩ་གསུམ་ཕོ་བྲང་གནས་སམ་ཞེས་བྱ་བ་ནི་ཚུལ་ཁྲིམས་ཀྱི་འབྲས་བུ་སྟེ། སྦྱིན་པའི་དུས་སུ་སློང་མོ་བ་རྣམས་ཀྱི་ངག་བཞིན་དུ་བྱས་ཏེ། འདོད་པའི་དོན་རབ་ཏུ་བསྒྲུབས་པ་ཡིན་པའི་ཕྱིར་བདེ་བ་བསྐྱེད་པ་ཡིན་ཏེ། དེ་བས་ན་
[163a.7]སུམ་ཅུ་རྩ་གསུམ་གྱི་ཕོ་བྲང་དུ་གནས་པའི་རྒྱུར་གྱུར་པ་ཉིད་དོ། །གཟུགས་བཟང་ཡོན་ཏན་ཞེས་བྱ་བ་ཡང་ཚུལ་ཁྲིམས་ཀྱི་འབྲས་བུ་ཉིད་དོ། །དེའི་ཕྱིར་ཇི་ལྟར་འདིས་ཐོབ་པ་ཡིན་ཏེ། མདོག་ཕུན་སུམ་ཚོགས་པ་སྦྱིན་པའི་དངོས་པོ་མ་ཡིན་པ་ལས་སོ། །གང་ཞིག་འདོད་པ་
[163b]
[163b.1]དེ་དག་ཐམས་ཅད་སྦྱིན་པས་#ཐོབ་པར་འགྱུར་ཞེས་བྱ་བ་ནི་རེ་ཞིག་འདོད་པའི་ཁམས་ཀྱི་བསོད་ནམས་ཀྱི་འབྲས་བུ་ཐམས་ཅད་འདིས་འཐོབ་ཅེས་བྱ་བའི་དོན་ཏོ། །དེ་ལྟར་ངེས་དོན་གཏན་ལ་ཕབ་ན་ཞེས་བྱ་བ་ནི་འདི་ལྟར་བསྟན་ཅིང་#དེ་ལྟར་ངེས་པའི་དོན་དུ་གྱུར་པ་ཡིན་པའི་ཕྱིར་རོ། །
[163b.2]ཡང་དག་པར་བསྟན་པའི་ཕྱིར། སྦྱིན་པ་ནོར་གྱི་སྙིང་པོ་ཞེས་བྱ་བའི་ཚིགས་བཅད་བསྟན་པ་ཡིན་ཏེ། འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པའི་རྒྱུ་ནི་སྦྱིན་པ་ཡིན་ཏེ། དེ་ལྟར་ངེས་དོན་གཏན་ལ་ཕབ་ན་སྦྱིན་པ་ནོར་གྱི་སྙིང་པོ་ཞེས་བྱ་བ་སྟེ། མཐོང་བའི་
[163b.3]ཆོས་ཀྱི་ཐུན་མོང་དུ་གྱུར་པའི་ནོར་ལས་ཐུན་མོང་མ་ཡིན་པའི་#རྒྱུར་གྱུར་པ་ཡིན་པས་སྦྱིན་པ་ནི་སྙིང་པོ་ལེན་པའོ། །སྦྱིན་པ་དབང་ཕྱུག་རྣམས་ཀྱི་རྒྱུ། །ཞེས་བྱ་བ་ནི་མ་འོངས་པའི་མངོན་པར་མཐོ་བའི་རྒྱུར་བྱས་པའོ། །སྐྱེ་བོ་མཆོག་གི་ཚུལ་ཞེས་བྱ་བ་ནི་འཇིག་རྟེན་ལས་འདས་
[163b.4]པའི་བྱང་ཆུབ་སེམས་དཔའ་རྣམས་ཀྱི་ཚུལ་ལོ། །རྡུལ་ཙམ་#སྦྱིན་པ་ཞེས་བྱ་བ་ལ། སྦྱིན་པ་རྡུལ་ཙམ་ཡང་སྦྱིན་པར་མི་བྱེད་པ་ནི་ཤེས་རབ་ཆུང་ངུ་དག་སྟེ། ངེས་དོན་གཏན་ལ་མ་ཕབ་པ་ཞེས་བྱ་བའི་དོན་ཏོ། །སྦྱིན་པ་ལ་སོགས་པ་ཞེས་བྱ་བ་ལ་སོགས་པ་སྨོས་པས་ཚུལ་
[163b.5]ཁྲིམས་ལ་སོགས་པ་གཟུང་#ངོ་། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་ཟན་དྲོན་ཆང་པ་བྱིན་པའི་སྐྱེས་པའི་རབས་སོ།། །།བརླག་པར་འགྱུར་བ་ནི་ངན་སོང་གསུམ་དུ་འགྲོ་བས་ན་#བརླག་པའོ། །ངན་སོང་གསུམ་དུ་འགྲོ་བ་བརྗོད་པས་ནི་
[163b.6]གཞན་མ་བརྗོད་པ་#ཡང་གྲུབ་པོ། སྐལ་བ་ཁྱད་པར་ཅན་དང་ལྡན་པ། ཡོན་ཏན་དང་སྤྲོ་བ་ཕུན་སུམ་ཚོགས་པ་ཞེས་བྱ་བས་ནི་སྐལ་བ་དང་སྐྱེས་བུ་བྱེད་པ་ཕུན་སུམ་ཚོགས་པ་གཉིས་ཡིན་ནོ། །སྤྲོ་བ་ཕུན་སུམ་ཚོགས་པས་ཞེས་བཤད་པའི་སྤྲོ་བ་ཕུན་སུམ་ཚོགས་པ་གང་ཡིན་ཞེ་ན།
[163b.7]དེ་ཉིད་སྨྲས་པ། སྤྱོད་ཚུལ་མི་མཐུན་པ་མེད་པའི་ངང་ཚུལ་ཅན་ཞེས་བྱ་བའོ། །ཆོ་རིགས་བཙུན་པ་དང་ལྡན་ཞེས་བྱ་བ་ལ་སོགས་པ་ལ། རིགས་བཙུན་པ་དང་། རིགས་#པ་དང་གཞུང་ལེན་པར་བསྟན་པ་ཡིན་ནོ། །ཕོངས་པ་རྣམས་ནི་དགར་གྱུར་པས། །ཞེས་བྱ་བ་འདིས་
[164a]
[164a.1]ནི་མཐོང་བའི་ཆོས་ཀྱི་འབྲས་བུ་གྲགས་པ་བསྟན་པའོ། །རྣམ་པར་རྟོག་པ་ཉིད་གཡོ་བ་ཡིན་པའི་ཕྱིར་རྣམ་པར་རྟོག་པ་གཡོ་བ་སྟེ། སྦྱིན་ནམ་མི་སྦྱིན་སྙམ་པའོ། །ཕྱོགས་གཉི་གར་རྒྱུ་བ་དང་། ཆོས་མཐུན་པ་རྣམ་པར་རྟོག་པའི་གཡོ་བས་བསྐྱོད་
[164a.2]པའི་ཡིད་དང་ལྡན་པའི་ཕོངས་པ་གང་ཡིན་པ་དེ་ནི་རྣམ་པར་རྟོག་པའི་གཡོ་བས་བསྐྱོད་པ་ཡིན་ལ། སེམས་ཅན་ཕོངས་པ་རྣམས་ལའོ། །ཡིད་ཆེས་པས་སྤོབས་པའི་ཕོངས་པའི་སྦྱོར་བ་གང་ཡིན་པ་དེ་ནི་ཡིད་ཆེས་སྤོབས་ཤིང་སློང་བའོ། །དེ་ནི་བདག་གི་བདེ་ཕྱིར་ནོར་
[164a.3]མི་སྦེད། །ཅེས་བྱ་བ་འདི་དག་གིས་བསྡུས་པའི་དོན་ཡོངས་སུ་བཟུང་བ་ཡིན་པས་ནོར་ཡོངས་སུ་བཟུང་བའི་བྱ་བ་ཡིན་པ་སྟེ། འཇིག་རྟེན་པ་རྣམས་ནི་བདག་གི་བདེ་བའི་དོན་དང་། མངོན་པར་ཆགས་པའི་དོན་དུ་བྱེད་པའོ། །གསུམ་པོ་དེ་མེད་པའི་ཕྱིར་རོ། །
[164a.4]གཞན་གྱི་དོན་དུ་མེད་ཅེས་བྱ་བ་དང་། བཟློག་པ་དེ་#མི་ནུས་པའི་ཕྱིར་སྤངས་པར་གྱུར་པ་ཡིན་ཏེ། འདིས་ནི་འཇིག་རྟེན་ལས་འདས་པའི་ནོར་ཡོངས་སུ་བཟུང་བ་བསྟན་ཏོ། །མདོག་དང་བསུང་དང་འཇམ་པ་ལ་སོགས་པའི་ཞེས་པ་#སོགས་པའི་སྒྲས་#ནི་སྨིན་པའི་ནུས་པ་
[164a.5]དང་བཟའ་བའི་#ཡོན་ཏན་ལ་སོགས་པ་དང་ལྡན་པའོ། །རྣམ་པ་སྣ་ཚོགས་ཞེས་བྱ་བ་ནི་དངོས་པོའི་རྣམ་པའོ། །ཡང་ན་བཅའ་བ་ལ་སོགས་པ་རེ་རེའི་རྣམ་པ་ཡང་སྣ་ཚོགས་པར་གྱུར་པ་ཡིན་པས་སྣ་ཚོགས་པར་བཤམས་པའོ། །བཟའ་བ་དང་བཅའ་བ་ལ་སོགས་པའི་སྒྲས་གཞིབ་#པ་དང་བལྡག་པ་
[164a.6]ལ་སོགས་པ་ཡང་གཟུང་#ངོ་། །དེའི་བསོད་ནམས་ཀྱི་ཚོགས་རྣམ་པར་འཕེལ་བར་འདོད་པ་ཞེས་བྱ་བ་ལ། དེའི་ཞེས་བྱ་བ་ནི་བྱང་ཆུབ་སེམས་དཔའི་འོ། །འདིས་སྩོགས་པ་ཡིན་པས་ཚོགས་ཏེ་བསོད་ནམས་ཉིད་ཚོགས་སོ། །འདིར་སྦྱིན་པའི་ཉི་ཚེ་ལ་བསམས་པ་ཡིན་གྱི། ཚུལ་ཁྲིམས་དང་བཟོད་པ་
[164a.7]རྣམ་པར་འཕེལ་བར་འདོད་པ་ནི་མ་ཡིན་ནོ། །ཉོན་མོངས་པ་ཐམས་ཅད་ནི་ཁམས་གསུམ་གྱི་མཐོང་བས་སྤང་བར་བྱ་བ་དང་། བསྒོམ་#པས་སྤང་བར་བྱ་བའོ། །ཉོན་མོངས་པ་ཉིད་བུད་ཤིང་ཡིན་པས་ཉོན་མོངས་པའི་བུད་ཤིང་ངོ་། །དེ་ཡང་མི་མཐུན་པའི་ཆོས་སུ་བསྟན་ཏེ། ཇི་ལྟར་མེས་
[164b]
[164b.1]བུད་ཤིང་བསྲེགས་པ་དེ་བཞིན་དུ་ཡེ་ཤེས་ཀྱི་མེས་ཉོན་མོངས་པ་ཐམས་ཅད་ངེས་པར་བསྲེག་པ་#ཡིན་ནོ། །ཉོན་མོངས་པའི་བུད་ཤིང་ཐམས་ཅད་བསྲེགས་#པ་གང་ཡིན་པ་དེ་ནི་ཉོན་མོངས་པའི་བུད་ཤིང་ཐམས་ཅད་བསྲེག་#པ་ཡིན་ནོ། །དོགས་མེད་མི་གཡོ་ཞེས་བྱ་བ་འདིའི་བསྡུས་པའི་
[164b.2]དོན་ནི་གང་འདུག་པ་དང་། ཇི་ལྟར་འདུག་པ་དང་། ཅིའི་ཕྱིར་འདུག་པ་སྟེ། ཚིག་རྐྱང་པ་འདིའི་དོན་འདི་དག་ནི་ཚིགས་བཅད་ཀྱིས་སྒྲུབ་པའོ། །གང་འདུག་པ་ནི་ཉོན་མོངས་པའི་བུད་ཤིང་ཐམས་ཅད་བསྲེགས་པའོ། །ཇི་ལྟར་འདུག་པ་ནི་ཉོན་མོངས་པའི་བུད་ཤིང་ཐམས་ཅད་
[164b.3]བསྲེགས་#པར་གྱུར་པ་ལས་ཤེས་པ་ཡིན་ཏེ། དེས་#སྨྲས་པ། དོགས་མེད་མི་གཡོ་བརྟན་ཞིང་ཞི་བའི་ཞེས་བྱ་བ་དེས་བསྟན་པ་སྟེ། དོགས་མེད་ཅེས་སྨོས་པས་ནི་མཐོང་བས་སྤང་བར་བྱ་བའི་ཉོན་མོངས་པའི་བུད་ཤིང་ཐམས་ཅད་བསྲེགས་པར་བསྟན་ཏོ། །གང་གི་ཕྱིར་དོགས་པ་དང་མ་
[164b.4]བྲལ་བ་ནི་བདག་ཏུ་ལྟ་བ་ཡིན་ཞིང་བདག་ཏུ་ལྟ་བ་ལ་འཇུག་པ་སྐྱེས་པ་#ཡིན་ཏེ། དེ་མེད་བས་ན་དེ་མེད་པར་རྗེས་སུ་དཔག་པ་ཡིན་ནོ། །མི་གཡོ་བ་#བརྟན་ཞིང་ཞི་བ་ཞེས་པ་དག་གིས་བསྒོམ་#པས་སྤང་བར་བྱ་བའི་ཉོན་མོངས་པ་སྤངས་པར་#བསྟན་པ་ཡིན་ཏེ། གཏི་མུག་དང་། ཆགས་པ་དང་། ཞེ་སྡང་
[164b.5]གོ་རིམས་ཇི་ལྟ་བ་བཞིན་དུ་སྦྱར་ཏེ། ཀུན་ཏུ་རྨོངས་པས་ནི་ལྟ་བར་གཡོ་བར་འགྱུར་རོ། །ཆགས་པས་ནི་མི་བརྟན་པར་འགྱུར་རོ། །ཞེ་སྡང་གིས་ནི་མ་ཞི་བར་འགྱུར་ཏེ#། ཉོན་མོངས་པ་དེ་དག་སྤངས་ཤིང་མེད་པའི་ཕྱིར་རོ། །མིག་གིས་ས་ལ་གཉའ་ཤིང་གང་དུ་ལྟ། །ཞེས་བྱ་བ་
[164b.6]ནི་ཁྱིམ་དུ་འགྲོར་རུང་བའི་ལྟ་བ་དེས་དབང་པོའི་སྒོ་བསྡམས་པའོ། །རབ་ཏུ་ཞི་བར་གྱུར་ཅིང་ཞེས་བྱ་བ་འདིས་ནི་ཀུན་ཏུ་ལྟ་བ་ལ་སོགས་པ་ལ་ཤེས་བཞིན་དུ་ལྡན་པར་བསྟན་ཏོ། །དེ་ན་སྡོད་ཅེས་བྱ་བ་ནི་སྒོ་གང་ན་སློང་བའི་དོན་དུའོ། །ཅིའི་ཕྱིར་ཞེ་ན། སྨྲས་པ། དེའི་ལག་པདྨའི་མཆོག་
[164b.7]ནི་ལྷུང་བཟེད་ཐོགས། །ཞེས་བྱ་བ་ནི་འདི་ཡིན་ཏེ། གང་གི་ཕྱིར་ལྷུང་བཟེད་ལག་ན་ཡོད་པ་ནི་སློང་བར་ཤེས་པ་ཡིན་ནོ། །སྦྱིན་པ་ཕུན་སུམ་ཚོགས་པ་དེ་ཞེས་བྱ་བ་ནི་ལེན་པ་དང་གཏོང་པ་པོ་ཕུན་སུམ་ཚོགས་པར་གྱུར་པས་སྦྱིན་པ་ཕུན་སུམ་ཚོགས་པ་སྟེ། འདིར་སྦྱིན་པའི་སྒྲ་ནི་རྒྱུད་ལ་
[165a]
[165a.1]སོགས་པ་ལ་ཡང་དག་པར་འཇུག་སྟེ། གང་གིས་སྦྱིན་#པ་དེ་ནི་སྦྱིན་པ་སྟེ། མཆོད་པ་དང་རྗེས་སུ་བཟུང་བའི་འདོད་པས་ལུས་དང་ངག་གིས་ལས་སྤྲོ་བ་དང་བཅས་པའི་ཞེས་བྱ་བའི་ཐ་ཚིག་གོ། །དེ་ལ་བགེགས་བྱ་བའི་ཕྱིར་ཞེས་བྱ་བ་ནི་སྦྱིན་པའི་བར་དུ་གཅོད་
[165a.2]པར་བྱ་བའི་ཕྱིར་རོ། །བཟའ་བ་དང་བཅའ་བ་ཉིད་སྨོས་པ་ནི་དེ་ན་#བཏུང་བ་དང་བལྡག་#པ་ལས་དགར་བའོ། །དེ་ལ་ཞེས་བྱ་བ་ནི་དམྱལ་བའི་གནས་སྐབས་ཀྱིས་སོ། །དེས་སྨྲས་པ་ནི་དམྱལ་བ་ཞེས་བྱ་བའི་མིང་ཡང་མ་བརྗོད་ཅིང་དངོས་པོ་མ་སྨྲས་པ་ནི་དེས་སྨྲས་པའོ། །
[165a.3]ཁང་བའི་ངོས་ཀྱི་རྩིག་པ་ནས་བྱུང་སྟེ་བདག་གི་#ལུས་ཡ་མཚན་ཆེ་བ་བསྟན་པས་བར་སྣང་ལ་གནས་ཏེ། དེ་ལ་ཚིག་འདི་བསྟན་པའི་ཕྱིར་རོ། །ཕོངས་པས་བསྔགས་པའི་ཚིག་གིས་བསླུས་ནས་ནི། །ཞེས་བྱ་བ་ནི་མཐོང་བའི་ཆོས་ཀྱི་གྲགས་པའི་ཕན་ཡོན་གྱིས་སོ། །
[165a.4]ནོར་ཉམས་པའི་རྒྱུས་ནི་#ཉེས་པ་བསྒྲགས་པའི་ཕྱིར་བཤད་པ་ཡིན་ཏེ། ཇི་ལྟར་ནོར་ཆུད་ཟོས་ཤེ་ན། དེ་དག་ནི་ལོ་#སྟོང་ཕྲག་དུ་མར་ཡང་། དམྱལ་བ་འདི་ན་གནས་འགྱུར་ཞེས་བྱ་བ་ཡིན་ནོ། །དེ་བསྒྲུབ་#པའི་ཕྱིར། ནོར་ནི་འཁོར་གསུམ་ཁྱད་པར་རྒྱུ་ཡིན་ཏེ། །ཞེས་བྱ་
[165a.5]བའི་ཚིགས་#བཅད་ཡིན་ཏེ། ཇི་ལྟར་ནོར་#འཁོར་གསུམ་གྱི་ཁྱད་པར་གྱི་རྒྱུ་ཡིན་ཞེ་ན། འདི་ལྟར་ནོར་ནི་ཆོས་དང་དོན་དང་འདོད་པ་རྣམས་ཀྱི་མངོན་སུམ་དང་། བརྒྱུད་པའི་ཚུལ་གྱིས་ཏེ། ཇི་ལྟར་མངོན་སུམ་གྱི་རྒྱུ་ཡིན་ཞེ་ན། མཐོང་བ་ཉིད་ཀྱི་ཆོས་ལ་ཞིང་ལ་ནོར་སྐྱེད་པས་
[165a.6]ཆོས་ཀྱི་རྒྱུ་ཡང་ནོར་ཡིན་ནོ། །ནོར་ཡང་ནོར་ཉིད་ཀྱི་#རྒྱུ་ཡིན་ཏེ། ནོར་དང་ནོར་ནི་འབྲེལ་པ་སྟེ། །གླང་པོ་ནགས་ཀྱི་གླང་པོ་བཞིན། །ཞེས་བྱ་བའི་#ཚིག་གིས་སོ། །འདོད་པའི་ཡང་རྒྱུར་གྱུར་པ་ཉིད་དེ་བརྒྱུད་པའི་ཚུལ་གྱིས་ཀྱང་ནོར་དང་ཆོས་ཀྱི་བྱ་བ་ཡིན་ཏེ། དེ་ཡང་རང་གི་
[165a.7]ཆོས་ཀྱིའོ། །རྟག་ཏུ་ཡང་ཆོས་དང་། ནོར་དང་། འདོད་པ་རྣམས་ཀྱི་རྒྱུར་གྱུར་པ་ཉིད་དོ། །ཆོས་ཀྱང་འཁོར་གསུམ་གྱི་རྒྱུ་ཡིན་ཏེ། རྒྱུན་དུ་འཁོར་གསུམ་གྱི་རྒྱུར་གྱུར་པས་སོ། །མཐོང་བའི་ཆོས་ལ་ཡང་རེས་འགའ་དོན་དང་། འདོད་པའི་རྒྱུར་གྱུར་པ་ཡིན་ནོ། །དེའི་
[165b]
[165b.1]ཕྱིར་ན་ཁྱད་པར་གྱི་རྒྱུ་ཞེས་སྨོས་སོ། །དེ་མེད་བྱས་ན་ཞེས་བྱ་བ་ནི་འཁོར་གསུམ་གྱི་ཁྱད་པར་གྱི་རྒྱུ་ནོར་དང་ཆོས་མེད་པར་བྱས་ན་ཉམས་པར་བྱས་པའོ། །ཇི་ལྟར་ཞེ་ན། སྨྲས་པ། ནོར་ཆུད་གསན་པས་ཞེས་བྱ་བ་ཡིན་ཏེ། དེ་ལྟར་ནོར་ཉམས་པར་བྱས་ན་དམྱལ་བར་
[165b.2]གནས་པར་འགྱུར་བའི་ཕྱིར་རོ། །དམྱལ་བར་གནས་པར་འགྱུར་བ་དེ་ལྟར་རབ་ཏུ་བསྒྲུབ་#པའི་ཕྱིར། སྦྱིན་པའི་ཕྱིར་ནི་ཆོས་ཀྱི་རྩར་གྱུར་པའི། །ཞེས་བྱ་བའི་ཚིགས་བཅད་ཡིན་ནོ། །ཆུད་གཟན་སྡིག་བྱས་པས་ཞེས་བྱ་བ་ནི་ཆོས་ཉམས་པར་བྱས་པའོ། །དེའི་ཕྱིར་
[165b.3]ཞེས་བྱ་བ་ནི་རྒྱུ་འདིས་སོ། །དམྱལ་བའི་གཤེད་པོ་ཞེས་བྱ་བ་ནི་མཐར་བྱེད་པའི་ཁ་ཡིན་པས་གཤེད་པོའོ། །དེ་ལྟར་ཚིགས་སུ་བཅད་པ་དེ་དག་གིས་ཡང་དག་པར་བསྟན་པར་བྱས་ནས། ཡང་དག་པར་ལེན་དུ་གཞུག་པའི་ཕྱིར་རོ#། །དེ་བས་བློ་ནི་སྦྱིན་ལས་བཟློག་ན་
[165b.4]ལེགས། །ཞེས་བྱ་བའི་ཚིགས་སུ་བཅད་པ་བརྩམས་པ་ཡིན་ནོ། །འོན་ཀྱང་འཕྲལ་དུ་ལྟུང་བར་ཁྱོད་མི་འགྱུར། །ཞེས་བྱ་བས་ནི་དུས་ཕྱི་ནས་ཀྱང་ལྟུང་བར་མི་འགྱུར་བ་སྟེ། ཆོས་ཀྱི་རྩ་བ་ནོར་ཡིན་པས་སོ། །དེ་དང་འགལ་བས་ན་དང་པོའི་ཚིགས་བཅད་ཕྱེད་ཀྱིས་ནི་
[165b.5]སྦྱིན་པ་ལས་ལྡོག་པའི་ཡོན་ཏན་བསྟན་ནས། སྦྱིན་པ་ལ་ས་མི་ལྡོག་པའི་སྐྱོན་བསྟན་པའི་དབང་དུ་བྱས་ནས་སྨྲས་པ། སྙིང་རྗེ་#དུ་ཞིང་ཞེས་བྱ་བ་ལ་སོགས་པ་འདིའི་དོན་ཡིན་ནོ། །སྦྱིན་པ་ལས་ལྡོག་ན་ནི་འཕྲལ་དུ་དམྱལ་བར་མི་ལྟུང་བ་ཉིད་ཀྱི་ཡོན་ཏན་ཡོད་དེ། དེའི་གཉེན་
[165b.6]པོར་གྱུར་པས་སོ། །ད་ནི་ལན#པ་པོའི་ཕན་ཡོན་བསྟན་པའི་ཕྱིར་སྦྱིན་པ་ཚུལ་མིན་ཞེས་བྱ་བ་ལ་སོགས་པའི་ཚིགས་བཅད་ཡིན་ཏེ། ཚུལ་བཞིན་བྱེད་པ་དང་ལེན་པ་པོ་#ནི་མཐོ་རིས་འགྲོ་བ་ཡིན་ཏེ། ཅིའི་ཕྱིར་ཞེ་ན། སྦྱིན་པ་ཚུལ་མིན་མི་བྱེད་པར་གྱུར་པས་སོ། །ཆོས་ཀྱི་རྒྱུ་
[165b.7]ནི་ནོར་རྣམ་པར་སྤེལ་བ་ན་ཆོས་རྣམ་པར་འཕེལ་བར་འགྱུར་རོ། །འདིས་སྒྲིབ་པར་བྱེད་པ་ཡིན་པས་སྒྲིབ་པའོ། །མཐོ་རིས་ཀྱི་ལ་མ་སྒྲིབ་པ་སྟེ། དེ་བས་ན་#མཐོ་རིས་ཀྱི་ལམ་སྒྲིབ་པའོ#། །#ལྡོག་པ་ཞེས་བྱ་བ་ནི་སྦྱིན་པ་ལས་ལྡོག་པའོ། །འདི་ནི་ཞེས་བྱ་བ་ནི་བདུད་དོ། །བདག་ཉིད་ཀྱི་སྙིང་
[166a]
[166a.1]སྟོབས་ནི་བདག་གི་སྙིང་སྟོབས་སོ། །བདག་གི་སྙིང་སྟོབས་ཉིད་ཀྱི་ཁར་བོར་བ་ཡིན་པས་བདག་གི་སྙིང་སྟོབས་ཀྱི་ཁར་པོར་བའོ། །བརྟན་#པ་ནི་བདག་གི་སྙིང་སྟོབས་ཀྱི་ཁར་བོར་བ་དེ་བརྟན་#པར་བྱས་པའོ། །ཚིག་འཇམ་པོ་རྒྱུན་མི་འཆད་པ་གང་ཡིན་
[166a.2]པ་དེ་ནི་ཚིག་འཇམ་པ་#རྒྱུན་མི་འཆད་པའོ། །འདིས་གནས་ནི་#བདག་ཅག་ལ་ཕན་པ་ཡིན་པའི་ཕྱིར་བདག་ཅག་འདྲ་ལ་ཕན་པའོ། །བདག་ཅག་འདྲ་ལ་དགོངས་པ་ནི་བདག་ཅག་འདྲ་ལ་ཕན་པར་དགོངས་པ་སྟེ། དམྱལ་བར་ལྟུང་བ་ལས་བཟློག་པའོ། །དེ་ལ་མཐུན་པ་ནི་ལེ་
[166a.3]ལོ་མེད་པའོ། །ཡང་ན་དགེ་བ་སྟེ་བདག་ཅག་འདྲ་ལ་ཕན་པར་དགོངས་པའོ། །འཕགས་པའི་ལམ་ནི་ལམ་གཞན་ལ་#འཇུག་པའི་#ལམ་མོ། །དེ་ལྟར་ཞེས་བྱ་བ་ནི་ཁྱད་པར་དུ་སྟེ། ལས་ཀྱི་འབྲས་བུ་མངོན་སུམ་དུ་མཐོང་བའི་ལྷ་རྣམས་ཀྱིས་སོ། །གཞན་ལ་ཕན་འདོགས་
[166a.4]མཁས་པའི་སྤྱོད་པ་ཡིན། །ཞེས་བྱ་བ་ལ། ཕན་འདོགས་པའི་མཁས་པ་ནི་སྦྱིན་པ་ལས་ལྡོག་པའི་རྒྱུ་དམྱལ་བ་མངོན་སུམ་དུ་བསྟན་པས་སོ། །ཉེས་པ་བྱུང་བ་ཞེས་བྱ་བ་ནི་རླུང་དང་མཁྲིས་པ་དང་བད་ཀན་བྱུང་བའོ། །འདིས་#ནི་རང་གི་འཚོ་བ་བསྟན་པ་ཡིན་ནོ། །
[166a.5]ཉེས་པ་བྱུང་བའི་འོག་ཏུ་ཡང་ཞེས་བྱ་བ་ནི་ཉེས་པ་བྱུང་མ་ཐག་ཅེས་བྱ་བའི་དོན་ཏོ། །ཞི་བའི་ལམ་དེར་ཞེས་བྱ་བ་ནི་ཉེས་པ་མི་འབྱུང་བའི་ལམ་དུ་སྟེ། ཉེས་པ་མི་སྐྱེ་བ་ནི་ཐ་མལ་པར་གནས་པའོ། །ཉེས་པ་བྱུང་བའི་འོག་ཏུ་ཡང་ཉེས་པ་དེ་ཞི་བའི་ལམ་དུ་འགྲོ་བར་བྱ་བ་སྟེ། ནང་
[166a.6]བྱུང་བ་དེ་མ་ཐག་པར་ཉེས་པ་དེ་དག་ཉིད་ལ་ཞི་བའི་ལམ་དུ་འགྲོ་བས་སོ། །ཞི་བའི་ལམ་དུ་འགྲོ་བས་ཀྱང་མ་རུང་བ་ནི་ཚབས་ཆེར་གྱུར་ལ་ཞེས་བྱ་བ་ཡིན་ཏེ། གསོར་མི་རུང་བར་གྱུར་པའོ། །ཆོ་ག་སྤྱད་པ་ནོངས་པ་ཡིས། །ཞེས་བྱ་བ་ནི་མཐུན་པའི་ཟས་ཀྱིས་མ་བཟློག་#པ་དང་། མི་
[166a.7]མཐུན་པའི་ཟས་བསྟན་#པས་ནི་སྨན་མི་ཐོགས་པ་#ཞེས་བྱ་བ་ཡིན་ཏེ། ངལ་བའི་འབྲས་བུ་ཉི་ཚེར་ཟད་དེ། དེ་ལྟར་ནད་ཉེ་བར་ཞི་བར་མི་འགྱུར་རོ། །དེ་ལྟར་དཔེ་བསྟན་ནས་དཔེ་བསྒྲུབ་པར་བྱ་བ་དེ་བསྟན་པའི་ཕྱིར། སྦྱིན་ལ་ཞུགས་པ་བདག་གི་#སྡུག་བསྔལ་འདི། །ཞེས་བྱ་བའི་ཚིགས་
[166b]
[166b.1]བཅད་ཡིན་ཏེ། །དཔྱད་ཀྱིས་སློན་#པར་རབ་ཏུ་མི་འགྱུར་དོགས། །ཞེས་བྱ་བ་ནི་ཕན་པར་བསྟན་པའི་དཔྱད་ཀྱིས་གསོ་བའི་ཡུལ་དུ་མི་འགྱུར་བའོ། །དེ་བསྒྲུབ་#པའི་ཕྱིར་ཁྱོད་ཀྱིས་#ཕན་པ་བསྟན་པའང་ཞེས་བྱ་བའི་ཚིགས་བཅད་ཕྱེད་བསྟན་པ་ཡིན་ཏེ། ཕན་པ་བསྟན་པ་ཡང་མི་ཉན་པར་
[166b.2]ཞེས་བྱ་བ་ནི་ཕན་འདོགས་པའི་གདམས་#ངག་མི་སྒྲུབ་པའོ། །སེམས་ཞེས་བྱ་བ་ནི་སྦྱིན་པར་འདོད་པའི་ཡིད་དོ། །ནད་དང་འདྲ་བ་ནི་དེའི་སྦྱིན་པའི་སེམས་ཏེ། སེམས་ལ་གནས་པར་གྱུར་པས་དེའི་སྒྲར་བརྗོད་དེ། ཇི་ལྟར་སྒྲ་འབྱིན་ཞེས་བྱ་བ་དེ་བཞིན་ནོ། །ནོར་ནི་འཁོར་
[166b.3]གསུམ་ཁྱད་པར་རྒྱུ་ཡིན་ཏེ། །ཞེས་བྱ་བའི་ཚིག་གང་སྔར་བསྟན་པ་དེ་ལས་འདི་བརྩམས་པ་ཡིན་ཏེ། །སྦྱིན་པ་སྡིག་པར་འགྱུར་ཞེས་གང་སྨྲས་ཤིང་། །ཞེས་བྱ་བའི་ཚིགས་བཅད་དེ་སྦྱིན་པ་སྡིག་པར་འགྱུར་ཞེས་གང་སྨྲས་པ་ཞེས་བྱ་བ་ལ། ཇི་ལྟར་སྨྲས་པ་ཡིན་ཞེ་ན། ནོར་
[166b.4]ནི་འཁོར་གསུམ་གྱི་རྒྱུ་ཡིན་ཏེ། སྦྱིན་པས་ཆུད་ཟོས་པར་འགྱུར་ཞིང་དེའི་རྒྱུས་ཆོས་ཀྱང་ཉམས་པར་འགྱུར་ལ། ནོར་ཡང་ཆོས་ཀྱི་ཁྱད་པར་རྒྱུ་ཡིན་ཞེས་བྱ་བ་ཡིན་ཏེ། ནོར་ནི་འཁོར་གསུམ་གྱི་རྒྱུ་ཡིན་ནོ་ཞེས་བཤད་པར་གྱུར་པའོ། །གལ་ཏེ་སྦྱིན་པ་སྡིག་ཡིན་ན་ནི་གཞན་
[166b.5]དུ་ན་ནོར་ཇི་ལྟར་སྡིག་པར་འགྱུར་བ་མ་ཡིན་ཏེ། སྦྱིན་པ་ནི་ཆོས་མ་ཡིན་པར་བཤད་པས་སོ། །གཏེར་དུ་སྦས་པའམ། འཇིག་པར་འགྱུར་བ་དེ་ཆོས་སུ་འགྱུར་རོ་ཞེ་ན། དེ་བསྟན་པའི་ཕྱིར། དེ་ནི་གཏེར་སྦས་ཞེས་བྱ་བ་ལ་སོགས་པའི་ཚིགས་བཅད་སྨོས་པ་ཡིན་ནོ། །དེ་
[166b.6]བས་ན་ཉེ་བར་ལོངས་སྤྱོད་པས་ན་ཆོས་ཀྱི་རྒྱུར་གྱུར་པ་ཡིན་ཏེ། ཀུན་ཏུ་འཛིན་པ་ནི་མ་ཡིན་ནོ། །ཉེ་བར་ལོངས་སྤྱོད་པར་འདོད་པའི་ཚུལ་དང་། འདོད་པའི་རྒྱུར་ནོར་གྱི་དབང་དུ་བྱས་པ་མ་ཡིན་ཞིང་ཆོས་ཀྱི་རྒྱུ་ཡང་མ་ཡིན་ཏེ། བར་དུ་གཅོད་པར་བྱེད་པས་སོ། །གཏེར་སྦས་
[166b.7]ཞེས་བྱ་བ་ནི་ནོར་གཏེར་དུ་སྦས་ན་ཅི་ཞིག་ཆོས་ཀྱི་རྒྱུར་གྱུར་ཞེས་པའོ། །འོན་ཏེ་འཇིག་པ་སྟེ་འཇིག་པ་ནི་རྐུན་པོ་ལ་སོགས་པ་རྣམས་པ་ལྔས་སོ། །མངོན་སྟོན་ཕྲོགས་པར་གྱུར་པ་ནི་མངོན་སུམ་དུའོ། །རྐུན་མ་སྨོས་པས་རྒྱལ་པོ་ལ་སོགས་པ་བཟུང་#སྟེ། ལྔ་པོ་དེ་དག་ཀྱང་མ་བྱིན་པར་
[167a]
[167a.1]ལེན་པར་ཆོས་མཐུན་པས་སོ། །དེ་ལྟར་ལྔ་དང་ཐུན་མོང་དུ་གྱུར་པ་ཡིན་པས་འཇིག་པར་བསྟན་ཏོ། །གང་གོང་དུ་བསྟན་པའི། སྦྱིན་པ་ཚུལ་མིན་མི་བྱེད་ལེན་པ་པོ། །ཞེས་བྱ་བ་དག་གི་ལན་#བསྟན་པའི་ཕྱིར། ནོར་སྦྱིན་པ་ནི་དམྱལ་བར་འགྲོ་བ་དང་། །ཞེས་
[167a.2]བྱ་བའི་ཚིགས་བཅད་འདི་བསྟན་པ་ཡིན་ནོ། །དེ་བསྒྲུབ་#པའི་ཕྱིར། །ཁྱོད་ཀྱི་ཚིག་དེ་གཞན་དུ་མ་གྱུར་ཅིག །ཅེས་བྱ་བའི་ཚིགས་བཅད་བསྟན་པའོ། །ཕན་པར་འདོད་པ་བཞིན་བརྟན་#པར་བྱ་བའི་ལག་པ་བརྐྱང་སྟེ་ཞེས་བྱ་བ་ནི་#ཕན་ཞིང་བརྟན་པའི་ལག་པས་སོ། །
[167a.3]ཕན་པར་སྨྲས་ན་ཡང་ལེགས་པར་རྟོགས་ལ་གང་དུ་དགའ་བར་སོང་ཤིག་པ་སྟེ། སྦྱིན་པ་ལས་ལོག་པར་གྱིས་ཤིག་པའོ། །བརྫུན་དུ་སྨྲས་ན་ཡང་ལེགས་པར་རྟོགས་ལ་གང་དུ་དགའ་བ་དེར་སོང་ཤིག་པ་སྟེ། སྦྱིན་པ་ལ་འཇུག་པར་གྱིས་ཤིག་པའོ། །དེ་གཉིས་
[167a.4]ཀྱིས་ཅིར་འགྱུར་ཞེ་ན། དེ་སྨྲས་པ། ཕན་པར་སྨྲས་པ་འདི་ལེགས་པར་རྟོགས་ལ་གལ་ཏེ་སྦྱིན་པ་ལས་ལྡོག་ན་ནི་བདེ་བ་དང་ལྡན་པ་ཡིན་ཏེ། གུས་བཅས་དྲན་པར་གྱིས་ཞེས་པའོ། །གལ་ཏེ་བརྫུན་དུ་སྨྲས་ན་ཡང་ལེགས་པར་རྟོགས་ལ་སྦྱིན་པ་ལས་མ་
[167a.5]ལོག་ན་ནི་འགྱོད་བཞིན་ང་ནི་དྲན་པར་བྱས་སོ་#ཞེས་བྱ་བ་ཡིན་ནོ། །གང་སྔར་བསྟན་པའི་བརྫུན་དུ་སྨྲས་པ་ལ་ལེགས་པར་རྟོགས་ལ་སྦྱིན་པ་ལས་མ་ལོག་པ་ནི། འགྱོད་བཞིན་ང་ནི་དྲན་པར་བྱོས། །ཞེས་བྱ་བ་དེའི་ལན་བརྩམ་#པའི་ཕྱིར། ཕོངས་པ་རྣམས་ཀྱིས་བག་#སྤོབས་ཏེ་
[167a.6]བསླངས་པ་ལ། ཞེས་བྱ་བའི་ཚིགས་སུ་བཅད་པ་འདི་ཡིན་ནོ། །དེས་#ན་ཕོངས་པ་རྣམས་ཀྱིས་བག་ཕབ་སྟེ་བསླངས་པ་གང་ཡིན་པ་དེ་ནི་ཕོངས་པ་རྣམས་ཀྱིས་བག་ཕབ་སྤོབས་ཏེ་བསླངས་པའོ#། །མི་བཟད་པ་ཡང་ཡིན་ལ་མེ་ལྕེ་ཡང་ཡིན་པས་མི་བཟད་མེ་ལྕེ་འབར་བའོ། །མི་བཟད་མེ་ལྕེ་
[167a.7]འབར་བ་དེས་ཕོག་ནས་སྤྱིའུ་ཚུགས་སུ་ལྷུང་ཡང་ངོ་། །དེའི་བསོད་ནམས་ཀྱི་མཐུ་ཡིས་ཞེས་བྱ་པ་ནི་#གང་གི་བསོད་ནམས་ཀྱི་མཐུས་#ཞེ་ན། སྔོན་བྱས་པའི་སྟེ་#གང་གོང་དུ་བསྟན་པའི་བདག་གི་སྐལ་བའི་མཐུ་ལ་བརྟེན་པ་དང་། སྦྱིན་པ་ལ་ཡང་#ཉེས་དམིགས་མེད་པར་ཡང་ཤེས་པ་དང་།
[167b]
[167b.1]འཇིག་རྟེན་པའི་ཡང་དག་པའི་ལྟ་བ་ལས་ཀྱི་འབྲས་བུ་ལ་ཡིད་ཆེས་པའི་མཚན་ཉིད་ཀྱི་བསོད་ནམས་ད་ལྟར་བྱུང་བ་དང་། དེ་གཉི་གའི་བསོད་ནམས་ཀྱི་མཐུས་#སོ། །བསོད་ནམས་ཁྱད་པར་ཅན་ལས་བྱུང་བའི་ཞེས་བྱ་བ་འདིས་ནི་གཉི་ག་བསྟན་ཏེ། དེས་ན་ཁྱད་པར་ཅན་
[167b.2]ཞེས་སྨོས་སོ། །ད་#ནི་ཆར་འབེབས་འབར་བར་བྱེད། །ཅེས་བྱ་བ་ནི་འཕགས་པ་དེའི་རྫུ་འཕྲུལ་སྟོན་པ་ཡིན་ནོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་ཚོང་དཔོན་གྱི་སྐྱེས་པའི་རབས་སོ།། །།ཚུལ་ཁྲིམས་དང་གཏོང་བ་ལ་སོགས་
[167b.3]པའི་ཚིག་འདི་དག་གིས་ནི་བསོད་ནམས་དང་ཡེ་ཤེས་ཀྱི་ཚོགས་དང་མ་འོངས་པ་དང་། ད་ལྟར་གྱི་བསོད་ནམས་དང་ཡེ་ཤེས་ཀྱི་ཚོགས་ཀྱི་འབྲས་བུ་བསྟན་ཏོ། །གཏོང་བ་དང་ཚུལ་ཁྲིམས་རྣམ་པ་གཉིས་ནི་ད་ལྟར་བྱུང་བའི་བསོད་ནམས་ཀྱི་ཚོགས་ཏེ། སྦྱིན་པ་དང་ཚུལ་ཁྲིམས་
[167b.4]ཀྱི་མཚན་ཉིད་དུ་བསྟན་ཏོ། །#མང་དུ་ཐོས་པ་ཞེས་སྨོས་པ་ནི་ད་ལྟར་བྱུང་བའི་ཡེ་ཤེས་ཀྱི་ཚོགས་སོ། །ཆོ་རིགས་དང་དུལ་བ་ཞེས་སྨོས་པ་ནི་འདས་པའི་ཚུལ་ཁྲིམས་དང་དུལ་བ་ལས་བྱུང་བའི་བསོད་ནམས་ཀྱི་ཚོགས་ཀྱི་འབྲས་བུའོ། །འདས་པའི་སྦྱིན་པ་ལས་བྱུང་བའི་བསོད་
[167b.5]ནམས་ཀྱི་ཚོགས་ཀྱི་འབྲས་བུ་ནི་སྦྱོར་བ་#ཕུན་སུམ་ཚོགས་པ་ཉིད་དོ། །ཤེས་པ་ཞེས་བྱ་བ་ས་ནི་འདས་པའི་ཚེའི་ཡེ་ཤེས་ཀྱི་ཚོགས་ཀྱི་འབྲས་བུའོ། །འདི་དག་གིས་དྲེགས་པ་མེད་དེ་ཞེས་པ་#སྒྱུ་རྩལ་དུ་མ་དང་སྐད་ཀྱི་རྣམ་པ་#ཤེས་ཀྱང་ངོ་། འདི་དག་ནི་གོང་དུ་བཤད་པའི་སྦྱིན་
[167b.6]པའི་ཁྱད་པར་གྱི་དོན་ནོ། །གློ་བུར་བ་ཐམས་ཅད་ལ་ཞེས་བརྩམས་ཏེ། སྦྱིན་པ་པོའི་གཙོ་བོར་གྱུར་པ་དེ་རྒྱུ་དེས་ན་འཇིག་རྟེན་ལ་ཕན་པའི་ཕྱིར་ཞུགས་པའོ། །སེར་སྣ་ལ་སོགས་པའི་ཉེས་པས་ཟིལ་གྱིས་མ་ནོན་པ་ཞེས་བྱ་བ་ལ། འདིར་སོགས་པའི་སྒྲ་ནི་ཆགས་པ་དང་། ཕྲག་དོག་
[167b.7]དང་། །ཞེ་སྡང་ལ་སོགས་པ་སྟེ། སྦྱིན་པའི་བགེགས་ཀྱི་རྒྱུར་གྱུར་པས་ཉེས་པ་ཞེས་སྨོས་སོ། །འདོད་པའི་དོན་འབྱོར་ཐེ་ཚོམ་མེད་གྱུར་པས། །ཞེས་བྱ་བ་ལ། བྱིན་པ་དེ་ནི་འདོད་པའི་དོན་ནོ། །མ་བྱིན་པ་དེ་ནི་ཐེ་ཚོམ་སྟེ། དེ་མེད་པ་ཡིན་པའི་ཕྱིར་འདོད་པའི་དོན་འབྱོར་ཐེ་ཚོམ་
[168a]
[168a.1]མེད་པའོ། །དེ་བས་སློང་ཞེས་ངེས་པར་ཞེས་བྱ་བ་ལ། ནོར་གང་སློང་བ་དེ་ནི་སློང་ཞེས་ངེས་པར་སྨྲས་སོ། །གང་གི་ཕྱིར་ཞེ་ན། སྨྲས་པ། དེའི་སེམས་ནི་ཞེས་བྱ་བ་ལ་སོགས་པ་སྨོས་ཏེ། ཆགས་པའི་སྐབས་མེད་པར་བྱས་པ་སྟེ། སེམས་ཅན་གྱི་དོན་ལ་
[168a.2]ཆགས་པས་སོ། །ཤིན་ཏུ་མི་བཟད་ནོར་མིན་ཞེས་བྱ་བ་ལ། མི་བཟད་པ་ནི་དྲག་པའོ། །དེ་རབ་ཏུ་མང་པོར་གྱུར་པའི་ཕྱིར་ཤིན་ཏུའོ། །གཞན་མང་པོ་གཞན་དག་སྟེ། ནོར་མ་ཡིན་པ་དག་ལས་ཀྱང་ནོར་མ་ཡིན་པ་འདི་ཤིན་ཏུ་མི་བཟད་ནོར་མིན་པའོ། །དེ་ལྟར་བསགས་
[168a.3]པ་དང་། བསྲུང་བ་གཉིས་ཀྱི་དུས་ན་ཡང་ཉེས་པ་ཆེན་པོར་གྱུར་པས་ན་ཕུང་ཁྲོལ་ལམ་ནོར་བ་ཡིན་པར་བཤད་དོ། །རྒྱུ་རྐྱེན་མེད་པར་མྱུར་དུ་ཆུད་ཟ་བའི། །ཞེས་བྱ་བ་ལ་བར་དུ་གཅོད་པའི་ཉེས་པ་ཡིན་པས་ནའོ། །མྱུར་དུ་ཞེས་བྱ་བ་ནི་ཡུན་མི་རུང་བར་རོ། །དེ་ལ་མི་ཐོགས་
[168a.4]པའི་ཚུལ་གང་ཡང་#ཡོད་པ་དེ་ནི་རྒྱུ་རྐྱེན་མེད་པར་མྱུར་དུ་ཆུད་ཟ་#བ་ཞེས་བྱ་བ་ཡིན་ཏེ། འདིས་ནི་ལེགས་པར་བསྲུངས་#བཞིན་དུ་ཡང་འཇིག་པ་དང་། མྱུར་དུ་འཇིག་#པར་བཤད་དོ། །ཆགས་པའི་གཞི་ཡིན་པའི་ཕྱིར། དེས་ན་ངན་འགྲོའི་གྲོགས་སུ་གྱུར་པ་ཡིན་ཏེ། ངན་
[168a.5]འགྲོའི་ལམ་གྱི་དེད་དཔོན་ཞེས་བྱ་བའི་དོན་ཏེ#། ཇི་ལྟར་དེད་དཔོན་གྱིས་#ལམ་དུ་འཇུག་པ་རྣམས་ཀྱི་#གྲོགས་བྱེད་པར་གྱུར་པ་དེ་བཞིན་དུའོ། །བདག་དང་གཞན་གྱི་འབྱོར་པ་ཐོབ་ཅེས་བྱ་བ་ལ། གཞན་གྱི་འབྱོར་པ་ཐོབ་པ་ནི་མཐོང་བའི་ཆོས་ལ་སློང་བ་རྣམས་ཀྱི་དབུལ་བ་འཇིག་
[168a.6]པའི་ཕྱིར་རོ། །བདག་གི་འབྱོར་པ་ཐོབ་པ་ནི་ཕུན་སུམ་ཚོགས་པ་ཐམས་ཅད་ཀྱི་ཕ་རོལ་ཏུ་ཕྱིན་པའི་རྒྱུར་གྱུར་པས་སོ། །དོན་དང་མཐུན་པར་འགྱུར་བ་ཞེས་བྱ་བ་ནི་འདོད་པའི་དོན་ཞེས་བྱ་བའི་ཐ་ཚིག་སྟེ། འདོད་པའི་དོན་ཕུན་སུམ་ཚོགས་པའོ། །སློང་བས་བསླང་ཞེས་
[168a.7]ངེས་པར་སྨྲས་པ་ལ་སོགས་པ་འདིས་ནི་སྦྱོར་བ་ཕུན་སུམ་ཚོགས་པ་བསྟན་ཏོ། །ཕོངས་པ་རྣམས་ཀྱི་ཞེས་བྱ་བ་ལ་སོགས་པ་འདིས་ནི་དངོས་གཞི་ཕུན་སུམ་ཚོགས་པ་བསྟན་ཏོ། །འཇིག་རྟེན་དག་ན་ནོར་ནི་ཕལ་ཆེར་ཡང་། །ཞེས་བྱ་བའི་ཚིགས་སུ་བཅད་པ་འདིས་ནི་མཇུག་ཕུན་
[168b]
[168b.1]སུམ་ཚོགས་པ་བསྟན་ཏེ#། དེས་ན་སྦྱིན་པའི་སྔ་རོལ་ན་ཡིད་བདེ་བར་འགྱུར་བ་དང་། སྦྱིན་པའི་ཚེ་ན་དང་བ་དང་། ཐ་མར་བྱིན་ནས་ཀྱང་རྗེས་སུ་དགའ་བར་བྱའོ་ཞེས་བཅོམ་ལྡན་འདས་ཀྱིས་གང་བསྟན་པ་དེ་དང་ཡང་འཐད་པ་ཉིད་དོ། །ཇི་ལྟར་འདོད་པ་བཞིན་ཞེས་བྱ་བ་ལ་
[168b.2]གང་གི་ཚེ་གང་སློང་བ་དེའི་ཚེ་དེ་བྱིན་པ་ཡིན་ཏེ། དེ་བས་ན་ཇི་ལྟར་འདོད་པ་བཞིན་ཞེས་བྱ་བ་འདིས་ནི་དུས་དང་མཐུན་པའི་སྦྱིན་པ་བསྟན་ཏོ། །ཉོན་མ་#མོངས་པར་ཞེས་བྱ་བ་ལ་ངོར་ལྟ་བ་དང་སྦྱིན་པ་དམན་པ་དང་ལྡན་པ་མི་སྦྱིན་པ་སྟེ། དེས་ན་བུ་ལྟ་བུ་ལ་ཕན་པའི་ཆེད་དུ་
[168b.3]དགག་པ་ཡིན་ཏེ། འདིས་ནི་ཡུན་རིང་བའི་བདེ་བའི་རྒྱུར་གྱུར་པ་བཤད་དོ། །གུས་པ་ཁྱད་པར་ཅན་གྱིས་བརྒྱན། །ཞེས་བྱ་བ་ནི་བཀུར་སྟིའི་སྦྱིན་པའོ། །རླབས་ཆེ་བས་ཞེས་བྱ་བ་ནི་རྒྱ་ཆེ་བའོ། །ཀུན་ཏུ་ཞེས་བྱ་བ་ནི་ཕྱོགས་སུ་མ་ལྷུང་བར་བསྟན་པའོ། །ཡོན་ཏན་
[168b.4]འདི་དག་དང་ལྡན་པས་ན་དེ་ཉིད་སྦྱིན་པ་རླབས་པོ་ཆེའོ། །ནོར་དང་འབྲུ་དང་རིན་པོ་ཆེ་དང་ཡོ་བྱད་ཀྱི་རྣམ་པ་བཞི་སྨྲོས་པ་ནི་ཡང་དག་པར་ཐ་སྙད་དང་། བསགས་པར་བྱ་བ་དང་ཡོངས་སུ་ལོངས་སྤྱད་པ་འདི་དག་འཇིག་རྟེན་ན་ཡོངས་སུ་གཟུང་#བའི་དངོས་པོ་སྟེ། དེ་བས་ན་
[168b.5]བཞི་པོ་ཉིད་སྨོས་སོ། །སྦྱིན་པ་ཆེན་པོ་ཞེས་བྱ་བ་ནི་སྔོན་གྱི་དུས་ནས་བྱེད་པས་ཀྱང་ངོ་། །སློང་བའི་ཚིག་སྨྲ་མ་ཕོད་དེ། བདག་གི་ཞོ་ཤས་འཚོ་བ་ཞེས་བྱ་བ་ནི་རྐུན་པོ་ཞེས་བྱ་བའི་དོན་ཏོ། །དེ་སྟེ་བདག་སྐལ་བ་ཆུང་བའི་སྐྱོན་གྱིས་མཐོ་བར་གྱུར་པ་ཞེས་བྱ་བ་ལ། བདག་སྐལ་
[168b.6]བ་ཆུང་བའི་སྐྱོན་གྱིས་ཞེས་བྱ་བ་བདག་གི་སྐལ་བ་ཆུང་བའི་སྐྱོན་ནི་དབུལ་བ་འབྱུང་བའི་ལས་དང་། ལོངས་སྤྱོད་པའི་#བར་དུ་གཅོད་པར་གྱུར་པ་ཞེས་པ་སྟེ། མཐོང་བར་གྱུར་པ་དེའི་དབང་དུ་བྱས་ནས་སོ། །ནོར་རྣམས་ངོ་ནི་མི་རྟག་པར། །ཞེས་བྱ་བའི་ཚིགས་སུ་བཅད་པ་དང་པོའི་ཕྱེད་
[168b.7]འདིས་ནི་མི་རྟག་པར་བརྟགས་ཏེ། སེམས་མི་གདུང་བར་བསྟན་ཏོ། ཚིག་རྐང་འོག་མ་གཉིས་ཀྱིས་ནི་སློང་བ་རྣམས་ལ་ལྟོས་ཏེ་ཡིད་གདུངས་པར་བསྟན་ཏོ། །དེ་བསྒྲུབ་#པའི་ཕྱིར། སྦྱིན་པ་དང་བཀུར་སྟི་ཞེས་བྱ་བ་ལ་སོགས་པའི་ཚིགས་སུ་བཅད་པ་སྟེ། སྦྱིན་པ་#དང་བཀུར་སྟིས་
[169a]
[169a.1]ཡུན་རིངས་#བདེ་བྱས་པ་ཞེས་བྱ་བ་ལ། སྦྱིན་པ་#དང་བཀུར་སྟི་ནི་སྦྱིན་པ་དང་བཀུར་སྟིའོ། །དེ་གཉིས་ལས་གང་བྱུང་བའི་བདེ་བ་ནི་སྦྱིན་པ་དང་བཀུར་སྟིའི་བདེ་བའོ། །དེས་བྱས་པ་ནི་སྦྱིན་པ་དང་བཀུར་སྟིས་བདེ་བ་བྱས་པའོ། །བསླང་བ་ནི་དེ་ལྟར་དཀའ་བ་ལྟ་ཞིག་ཅེས་བྱ་བ་ལ། །
[169a.2]བདག་ནི་རེ་ཞིག་འདྲིས་པ་ལ་#སློང་བར་མི་སྤྲོ་ན། མ་འདྲིས་པ་ལའང་སློང་བར་བྱེད་པ་དེ་དག་ནི་རེ་ལྟ་ཞིག་དཀའ་སྙམ་པ་སྟེ། དེ་བས་ན་དཀའ་བ་ལྟ་ཞིག་བྱའོ། །སྦྱིན་པ་དྲགས་པ་ཞེས་བྱ་བ་ལ། སྦྱིན་པ་དྲགས་པ་ཉིད་ཀྱི་ཉེས་དམིགས་ཀྱིས་ཉམས་པར་སྟོན་པ་ཡིན་ཏེ།རྐུན་པོས་མ་ཁྱེར་ཞེས་བྱ་བ་ལ་སོགས་
[169a.3]པའི་ཚིགས་བཅད་ཕྱེད་ཀྱིས་སོ། །ཞུགས་པ་ནི་ཞུགས་པ་ཉིད་ཡིན་ཏེ། སྦྱིན་པ་དེ་ལ་རྗེས་སུ་ཆགས་པ་སྟེ་སྦྱིན་པ་ལ་ཞུགས་པའི་ཆགས་པ་སྟེ། བྱམས་པས་བསྐྱོད་པའོ། །དེ་བས་ཁྱོད་ལ་ཕན་ཕྱིར་ཞེས་བྱ་བའི་ཚིགས་བཅད་གཉིས་ཀྱིས་སྦྱིན་པ་དྲགས་པའི་རྒྱུས་ནོར་ཟད་པ་དང་། མ་བྱིན་པ་
[169a.4]ལས་ནི་འབྲེལ་པར་བཤད་དེ། དེ་གཉི་གའི་དཔེ་བསྟན་པའི་ཕྱིར་སྨྲས་པ། ཆུང་དུ་གོད་ཀྱང་ཞེས་བྱ་བ་ལ་སོགས་པའི་ཚིགས་བཅད་འདི་སྨོས་པ་ཡིན་ཏེ། རྟག་ཏུ་ཞེས་བྱ་བ་ནི་རྒྱུན་ཏུའོ། །ཆུང་ངུ་གོད་ཀྱང་ཞེས་བྱ་བ་ལ། ཀྱང་གི་སྒྲས་ནི་མང་པོ་སྤྱད་#པ་ལྟ་སྨོས་ཀྱང་ཅི་དགོས་ཞེས་
[169a.5]བྱ་བའི་དོན་ཏོ། །གང་གིས་#དུས་རྟག་ཏུ་བྱས་པ་ཡང་གྲོག་#མཁར་ལྟར་མཐོན་པོར་བྱས་པའོ། །དར་བར་འདོད་པས་བསམ་པ་བྱས་ན་ལེགས། །ཞེས་བྱ་བ་འདིས་ནི་ཟད་ཅིང་གོད་པའི་ལམ་ཞེས་བྱ་བ་བསྟན་པ་ཡིན་ནོ། །མ་རབས་ཞེས་བྱ་བ་ནི་སྦྱིན་པ་མི་བྱེད་པའོ། །སྦྱིན་པར་
[169a.6]བྱེད་པ་ནི་འཕགས་པ་ཉིད་དེ། ཚིགས་བཅད་འོག་ནས་སྨོས་པས་གང་ཐོབ་པའི་རྒྱུ་འདི་ལས་གང་ཐོབ་པར་འདོད་པ་ནི་མ་རབས་ཞེས་བྱ་བའི་དོན་ཏོ། །འདི་ལྟར་གྱུར་ཀྱང་གལ་ཏེ་མ་བྱིན་ན། །ཞེས་བྱ་བའི་ལན་ནི། བདག་ལ་མེད་ཀྱང་རུང་ཞེས་བྱ་བ་འདིའི་དོན་ཏེ། གང་ཡང་སྔོན་གྱི་འབྱོར་པ་བཟང་
[169a.7]པོ་ཐོབ་པར་འགྱུར། །ཞེས་བྱ་བ་འདི་ཇི་ལྟར་སྦྱིན་པ་#བྱིན་པ་འཕགས་པ་ཉིད་དེ#། དེས་ན་དེ་མ་རབས་སུ་བསྒྲུབ་པའི་ཕྱིར། སློང་པའི་སྡུག་བསྔལ་ཞེས་བྱ་བའི་ཚིགས་བཅད་དོ། །སློང་བ་ཉིད་ཤི་བ་ཡིན་པས་སློང་བ་ཤི་བ་དང་འདྲའོ། །དེའི་གཉེན་པོའི་ལམ་ནི་ནོར་ཐོབ་པ་དང་
[169b]
[169b.1]ནོར་རྙེད་པའོ། །དེས་དེའི་སྡུག་བསྔལ་གསོ་བར་བྱེད་དེ་སྡུག་བསྔལ་ནི་དབུལ་བའི་སྡུག་བསྔལ་ལོ། །དེ་ཡིས་ཕོངས་པ་ནི་སློང་བ་ཤི་བ་དང་འདྲ་བ་ཉིད་ཀྱིས་སོ། །སེར་བས་བསྣུན་པར་བྱེད་པ་ནི་མ་རབས་ཏེ། སློང་བ་ཤི་བ་དང་འདྲ་བ་འཛིན་པ་ལ་ཡང་མེད་ཅེས་བྱ་བའི་སེར་བས་རྡེག་
[169b.2]པར་བྱེད་#པས་སོ། །གང་རྡེག་པར་བྱེད་པ་དེ་ནི་མ་རབས་ཏེ། ཁྱད་པར་དུ་ཡང་ཡ་རབས་གཟི་བྱིན་ཅན་གྱིས་དེ་རྡེག་པར་བྱེད་པ་ནི་མ་ལགས་#སོ། །དེ་ལྟར་རེ་ཞིག་འདིའི་མ་རབས་བསྒྲུབས་#ནས། གང་ཞིག་ཐོབ་ཕྱིར་སེར་སྣ་ཞེས་བྱ་བ་ལ་སོགས་པའི་ཚིགས་བཅད་ཕྱེད་པོ་དེའི་དོན་བསྒྲུབ་#
[169b.3]པའི་ཕྱིར#། སློང་བས་བརྡུངས་#ནས་ཞེས་བྱ་བ་ལ་སོགས་པ་སྨོས་སོ། །གཞན་ལ་ཕན་པ་ལ་ཞུགས་པ་ལ་ཅི་སོགས་པར་བྱེད་དམ་ཞེས་པ་སྟེ། སྔ་ན་མེད་པའི་རིན་པོ་ཆེ་ལ་སོགས་པ་བདག་ལ་མེད་ཀྱང་རུང་བ་#སྟེ། དེ་བདག་གི་སེམས་འདི་ལྟར་འདིས་བསྒྲུབ་པའོ། །གང་ཞིག་
[169b.4]ཐོབ་ཕྱིར་སེར་སྣའི་སེམས་བྱུང་བ། །ཞེས་བྱ་བ་འདིས་བསྒྲུབ་#པའི་ཕྱིར། སློང་བས་གདུངས་ཤིང་ཞེས་བྱ་བའི་དོན་དེ་སེར་སྣའི་སེམས་ཀྱིས་སློང་བའི་བདེ་བ་མི་བསྒྲུབ་#ཅིང་སྔ་ན་མེད་པ་སོགས་པ་ནི་མི་རིགས་པ་ཉིད་དུ་བསྟན་ཏོ། །གང་ཞིག་ཐོབ་པའི་ཕྱིར་སེར་སྣའི་སེམས་བྱུང་བ་ན#།
[169b.5]ད་ནི་སྐྱེས་པ་ལ་ཡང་མི་རིགས་པའི་དབང་དུ་བྱས་ནས་གང་གིས་སེར་སྣའི་སྐྱོན་ཞེས་བྱ་བའི་ཚིགས་བཅད་བཤད་དོ། །གང་གིས་སེར་སྣའི་སྐྱོན་ནི་འཕེལ་འགྱུར་ཞིང་། །ཞེས་བྱ་བ་ལ། སེར་སྣ་ནི་གཞན་གྱི་ཕུན་སུམ་ཚོགས་པ་ལ་མི་བཟོད་པ་སྟེ། དེས་ནི་སྙིང་རྗེ་མེད་པར་བསྟན་ཏེ། །
[169b.6]གཏོང་བའི་སེམས་ཀྱང་སྐྱེ་བར་མི་འགྱུར་བ། །ཞེས་བྱ་བ་ལ་ཆགས་པའི་གཉེན་པ་ནི་གཏང་#བའི་སེམས་ཏེ། ཡོངས་སུ་སྐྱེ་བ་ཞེས་བྱ་བ་འདིས་ནི་ཤེས་རབ་རྣམ་པར་འཕེལ་བར་བྱེད་པ་སྟེ། ཤེས་རབ་ཀྱིས་ནི་ཕན་པ་#མེད་པ་ངོ་བོ་ཉིད་ཀྱིས་ཡོངས་སུ་སྤྱོད་པའི་ཕྱིར་རོ། །གཏང་#
[169b.7]པའི་སེམས་སྐྱེ་བ་དེ་དང་སྦྱིན་པ་སྟེ། སྐྱེས་ན་ཡང་#ཞེས་བྱ་བའི་དོན་ཏེ་མ་#སྐྱེས་པ་ལ་ལྟ་སྨོས་ཀྱང་ཅི་དགོས། དེ་ཡོངས་སུ་གཟུང་#བར་སྙད་བཏགས་ཞེས་བྱ་བ་ནི་ཡོངས་སུ་གཟུང་#བ་ཉིད་སྙད་བཏགས་པ་#སྟེ་སྙད་བཏགས་པ་ནི་སྒྲིབ་པའི་ཆོས་སོ། །ཡང་ན་གྱ་གྱུའོ། །ཡོངས་སུ་གཟུང་#
[170a]
[170a.1]བར་སྙད་བཏགས་པ་#མི་ལྟོགས་པར་ནི་ཡོངས་སུ་གཟུང་བར་སྙད་བཏགས་པའི་རང་བཞིན་ནོ། །དེ་གང་ཞེ་ན། ཕོངས་པ་སྟེ། འདིས་རྣམ་པར་བཅོམ་པ་ཡིན་པས་ཕོངས་པ་ཉིད་ལས་ཡོངས་སུ་གཟུང་བར་སྙད་བཏགས་པ་ཉིད་#དོ། །ཡོངས་སུ་གཟུང་#
[170a.2]བའི་ཚུལ་ཉིད་དུ་གནས་པས་བཅོམ་ཞེས་བྱ་བའི་དོན་ཏེ། ཕོངས་པའི་རྒྱུ་ཡིན་པས་རྒྱུ་ལ་འབྲས་བུ་བཏགས་པའོ། །ཕོངས་པ་དེ་ཉིད་བསྒྲུབ་#པར་འདོད་པས། གློན་ནི་འགྱུ་བ་བཞིན་དུ་ཞེས་བྱ་བའི་ཚིགས་བཅད་བརྩམས་སོ། །གློག་ནི་འགྱུ་བ་བཞིན་དུ་ཞེས་བྱ་བ་ལ་སོགས་
[170a.3]པས་ནི་སྐད་ཅིག་གིས་འཇིག་ཅིང་མི་རྟག་པར་བསྟན་ཏེ། རང་ཉིད་རྣམ་པར་འཇིག་པའི་ཕྱིར་རོ། །ཐུན་མོང་ཞེས་བྱ་བ་འདིས་ནི་ལྔའི་ཐུན་མོང་དུ་གྱུར་པ་སྟེ། འདིས་ནི་རྣམ་པར་འཇིག་པའི་རྒྱུས་འཇིག་པའི་#ཕྱིར་ཏེ་འབྲལ་བའི་མི་རྟག་པ་བསྟན་ཏོ། །ཕོངས་པ་དུ་མའི་རྒྱུ་
[170a.4]ཞེས་བྱ་བ་ནི་#སྔར་བསྟན་པའི་ཕོངས་པ་ཞེས་བྱ་བ་ད་ཉིད་བསྟན་ཏེ། ཕོངས་པའི་རྒྱུ་ཞེས་བྱ་བ་ནི་བསགས་པ་དང་འཇིག་#པའི་དུས་སུ་བསྲུང་བ་དང་། གྲང་བ་དང་། ཚ་བ་དང་། གསད་#པ་དང་། བཅིང་བ་དང་། བརྡེག་པ་ལ་སོགས་པ་ཕོངས་#པའི་རྒྱུའོ། །འདིས་ནི་ཡོངས་
[170a.5]སུ་བཅོམ་པས་ཕོངས་#པ་ཉིད་དུ་བསྟན་ཏོ། །དེ་ལྟར་ཕོངས་པ་ལ་ནོར་གྱི་སེར་སྣའི་ཡ་རབས་སུ་ཞིག་བསྟན་#པར་བྱེད་དེ་ནོར་སྦྱིན་པ་ཉིད་ལ་སུ་ཞིག་འདི་ལྟར་སེར་སྣ་བྱེད་པའོ། །ད་ནི་དེའི་རྒྱུ་བསྟན་པའི་ལམ་ལས་བརྩམས་ཏེ། བརྒྱ་བྱིན་ཁྱོད་ཀྱིས་ཞེས་བྱ་བའི་ཚིགས་སུ་བཅད་པ་
[170a.6]འདིའོ། །གཉེན་པ་ནི་བདག་ཉིད་ཀྱི་ཉེ་དུ་ལྟ་བུ་སྟེ། ཅིའི་ཕྱིར་ན་ཕན་པ་སྨྲས་པས་སོ། །དེ་བས་ལམ་མིན་ཞེས་བྱ་བ་ལ། སྦྱིན་པའི་ལམ་མ་ཡིན་པ་ནི་སྦྱིན་པ་མ་ཡིན་པ་སྟེ། སྨྲས་པ་ཕན་པ་མ་ཡིན་པ་བསྟན་ཅིང་སྒྲུབས་པས་ནི་ཁྲོ་བ་ཡོངས་སུ་འཛིན་པའི་ཕྱིར། ཁྱོད་ཀྱི་
[170a.7]ཐུགས་ནི་ཞེས་བྱ་བའི་ཚིགས་བཅད་སྨོས་སོ། །མཐུན་པའི་ཕྱོགས་ཉིད་བགྲོད་པར་དཀའ་བའོ། །ངོ་བོ་ཉིད་ཀྱི་#སྦྱིན་པ་ནི་ངོ་བོ་ཉིད་ཀྱིས་སྦྱིན་པའོ། །ངོ་བོ་ཉིད་ཀྱི་#སྦྱིན་པའི་མི་མཐུན་པའི་ཕྱོགས་ནི་སྦྱིན་པ་མ་ཡིན་པ་ངོ་བོ་ཉིད་ཀྱིས་མི་མཐུན་པའོ། །བགྲོད་དཀའ་བ་ནི་སྡུག་བསྔལ་གྱིས་#
[170b]
[170b.1]བགྲོད་དཀའ་བའི་ཕྱིར་རོ། །གཞུག་པ་ནི་འགྲོ་བའོ། །སླ་བ་ཞེས་བྱ་བ་ནི་འབད་པ་ཆུང་དུས་སོ། །འབྱོར་པ་ཕུན་སུམ་ཚོགས་པ་ཞེས་བྱ་བ་ནི་#གོས་དང་། རྒྱན་དང་། ཡོ་བྱད་དང་། མལ་ཆ་ལ་སོགས་པ་གཟུང་#ངོ་། ཁང་མཛོད་ཡོངས་སུ་གང་བ་དང་ཞེས་བྱ་བ་འདི་གཉིས་
[170b.2]ཀྱིས་ནི་གང་སོགས་ཤིང་འདུ་#བ་དེ་བསྟན་ཏོ། །གང་སོགས་པ་དེའི་དབང་དུ་བྱས་ནས། ལེགས་པར་བྱེད་ཅིང་ཞེས་བྱ་བ་ལ་སོགས་པ་སྟེ། ལེགས་པར་བྱེད་པ་ནི་ཇི་ལྟར་བྱ་བ་དེ་བཞིན་དུ་བྱེད་པའི་ཕྱིར་རོ། །རླབས་ཆེ་བཾ་ནི་རེ་རེ་ལ་ཡང་ལས་ཀྱི་མཐའ་མང་པོ་ཡོད་པའི་ཕྱིར་རོ། །
[170b.3]རྣམ་པ་སྣ་ཚོགས་པ་ནི་ཞིང་རྨེད་པ་དང་ཆོང་ལ་སོགས་པ་སྟེ། ཞིང་གི་རྣམས་ནི་སྣ་ཚོགས་པས་སོ། །དར་བར་གྱུར་པ་ཞེས་བྱ་བ་ནི་བརྟན་པ་དང་གནས་པར་གྱུར་པ་སྟེ། གནས་པར་གྱུར་པ་གང་ཡིན་པ་དེ་ནི་འཇིག་རྟེན་ན་དར་#བར་གྱུར་པ་ཞེས་བྱ་བའི་དོན་ཡིན་ཏེ། འཇིག་རྟེན་
[170b.4]དབང་ཕྱུག་དབང་དུ་གྱུར་པ་ཞེས་བྱ་བ་ནི་གང་གིས་འཇིག་རྟེན་གྱི་དབང་ཕྱུག་གི་#དབང་དུ་གྱུར་པ་སྟེ། སེམས་ཅན་འཇིག་རྟེན་པ་རྣམས་བཀའ་བཞིན་དུ་བྱེད་པར་བསྟན་ཏོ། །བདག་གི་བློ་ཡིས་ཞེས་བྱ་བ་ལ་སོགས་པ་སྨོས་པ་ལ། རང་གི་བློས་#ལྕོགས་པ་ནི་བདག་གི་བློས་#
[170b.5]ལྕོགས་པའོ། །དེས་མཉམ་པར་གཞག་#པ་ནི་མ་ཡེངས་#པའམ། ཡང་དག་པར་ཁྱབ་པར་བྱས་པའོ། །ལས་དང་ཡོན་ཏན་གྱི་དབང་དུ་བྱས་པ་སྟེ། དེ་ཡང་གྲགས་པའི་རྗེས་སུ་མཐུན་པར་འགྱུར་བའི་འཇིག་རྟེན་པས་རབ་ཏུ་བསྔགས་པ་ནི་རིགས་མཐོ་བའམ་གྲགས་བ་དང་
[170b.6]རྗེས་སུ་མཐུན་པའོ། །དེ་ཡང་རྣམ་པ་གཉིས་ཏེ། ལས་དང་རིགས་དང་རྗེས་སུ་མཐུན་པའོ། །འགྲན་ཟླ་ཟིལ་མནན་ཏེ་ཞེས་བྱ་བ་ནི་དགྲའི་ཕྱོགས་ལས་བརྩམས་པའོ། །སྐྱེ་བོ་རྣམས་ནི་ཞར་ལ་གྲོགས་བཙལ་ནས། །ཞེས་བྱ་བ་ནི་ཐ་མལ་པ་རྣམས་ལས་བརྩམས་པའོ། །
[170b.7]ཞར་ལ་ཞེས་བྱ་བ་ནི་ཕན་ཚུན་འདུད་ཅིང་ཕྱག་འཚལ་བའོ། །མཛའ་བོར་བཅས་ལ་ཞེས་བྱ་བ་ལ་སོགས་པ་#ནི་གྲོགས་པོའི་ཕྱོགས་ལས་བརྩམས་པའོ། །རྒྱལ་པོ་ལས་ཀྱང་ཞེས་བྱ་བ་ནི་ཕུན་སུམ་ཚོགས་པ་བསྟན་པའི་རྒྱུ་ཉིད་དུ་བསྟན་ཏེ། དེས་ཡོངས་སུ་བསྲུང་བའི་ཕྱིར་
[171a]
[171a.1]རོ། །དཔལ་གྱིས་འཁྱུད་གྱུར་ན་ཞེས་བྱ་བ་ཡིན་ཏེ། འདི་ལྟར་ཡོངས་སུ་གཏོང་བ་ཅན་ནི་འབྱོར་པ་དང་བདེ་བ་ཡིན་ཏེ། འདི་ནི་ཉེ་བར་ལོངས་སྤྱོད་པའོ། །སྡོམ་ཞིང་མི་གཡེང་གནས་པ་ཞེས་བྱ་བ་ལ་སྡོམ་པ་ནི་སྦྱིན་པ་ལས་ལྡོག་པའོ། །མི་གཡེང་བ་ནི་ཉེ་བར་
[171a.2]ལོངས་སྤྱོད་པ་ལས་ལྡོག་པའོ། །ཡང་ན་མི་གཡེང་བ་ནི་རྒྱལ་པོ་ལ་སོགས་པའི་ཆད་པའི་ལས་ཀྱིས་སོ། །དེ་ལ་མ་རབས་འགྱུར་བ་ཞེས་བྱ་བ་ནི་གང་དེ་ལྟར་བསྟན་པ་སྟེ། འཕགས་པས་མ་རབས་ཆོས་བྱ་ཞེས་བྱ་བ་ལ་སོགས་པ་དེའི་ལན་གྱིས་བསྟན་པ་ཡིན་ནོ། །འབྱོར་པ་མེད་
[171a.3]པར་ཞེས་བྱ་བ་ལ། འབྱོར་པ་མེད་བཞིན་དུ་སྟེ། བདག་གི་#དོན་ཞེས་བྱ་བ་ལས་བརྩམས་པའོ། །གང་ཞིག་ཅེས་བྱ་བ་ལ་སོགས་པའི་ཚིགས་སུ་བཅད་པ་གཉིས་བསྟན་པ་ལས་འཇིག་རྟེན་པ་དང་། ཉན་ཐོས་དང་རང་སངས་རྒྱས་ཀྱི་དབང་དུ་བྱས་པའོ། །གཞན་གྱི་
[171a.4]དོན་ལས་ཞེས་བྱ་བའི་ཚིགས་སུ་བཅད་པ་འདི་ནི་འཇིག་རྟེན་པའི་དབང་དུ་བྱས་པ་སྟེ། བདག་གི་དོན་ཆེད་ཆེར་འཛིན་པའོ། །གཞན་གྱི་དོན་ཆེད་ཆེར་མི་འཛིན་པ་དེས་ཀྱང་སྦྱིན་དགོས་པ་ཡིན་ཏེ། དེ་ཅིའི་ཕྱིར་ཞེ་ན། འདིས་ནི་ལོངས་སྤྱོད་ཆོག་པ་མེད་པས་སོ། །དེས་
[171a.5]ནི་མཐོང་བའི་ཆོས་ཀྱིས་བདེ་བ་བསྟན་ནས་མཐོ་རིས་ཐོབ་མི་འགྱུར་ཞེས་བྱ་བ་ནི་#འཇིག་རྟེན་ཕ་རོལ་གྱི་བདེ་བའོ། །ཅིའི་ཕྱིར་མཐོང་#བའི་ཆོས་ཉིད་ལ་བསོད་ནམས་སུ་མི་འགྱུར་ཞེ་ན། སྦྱིན་པའི་འབྲས་བུ་ནི་འབྱོར་པ་ཡིན་པས་སོ་ཞེས་བྱ་བའི་དོན་ཏོ། །སེར་སྣ་ལ་སོགས་ཞེས་བྱ་བ་
[171a.6]འདིའི་དོན་ནི་ཉན་ཐོས་དང་རང་སངས་རྒྱས་ཀྱི་དབང་དུ་བྱས་པ་སྟེ། གང་གི་ཕྱིར་དེ་ནི་ཉོན་མོངས་པ་སྤོང་བ་ལ་#འབད་པས་སོ། །འབྱོར་པ་དེའི་ཕྱིར་ཞེས་བྱ་བ་ནི་ཕུན་སུམ་ཚོགས་པའི་རྒྱུའི་ཕྱིར་རོ། །གང་ཞིག་སྐྱེ་ཤིས་ཉེན་པའི་ཞེས་བྱ་བའི་ཚིགས་སུ་བཅད་པ་འདིས་ནི་བྱང་ཆུབ་
[171a.7]སེམས་དཔའི་དབང་དུ་བྱས་པ་སྟེ་རྒ་བ་དང་ཤི་བ་ཞེས་བྱ་བ་ལ། གཉིས་ཁོ་ན་སྨོས་པས་ནི་ནད་ནི་ངེས་པར་འབྱུང་བའི་ཕྱིར་ལ། སྐྱེ་བ་ནི་མ་བཤད་ཀྱང་གྲུབ་པའི་ཕྱིར་འདི་ལྟར་བསྟན་ཏོ། །བདག་ཀྱང་གཏོང་བྱེད་ཅིང་ཞེས་བྱ་བ་འདིས་ནི་སེམས་ཅན་གྱི་དོན་བྱེད་པའི་ཚུལ་ཁྲིམས་ལ་འཇུག་
[171b]
[171b.1]པའི་མཚན་ཉིད་བསྟན་ཏོ། །གཞན་སྡུག་བསྔལ་བས་བདག་གི་བདེ་བ་མི་མྱོང་བ་ཞེས་བྱ་བ་འདིས་ནི་སྡོམ་པའི་ཚུལ་ཁྲིམས་བསྟན་ཏོ། །ཁྱིམ་བདག་འབྱོར་པ་ཕུན་སུམ་ཚོགས་པ་ཞེས་བྱ་བ་ལ་སོགས་པ་གང་བསྟན་པ་དེའི་ལན་ནི་ནོར་རྣམ་པ་ཕུན་སུམ་ཚོགས་པ་ཞེས་བྱ་བའི་ཚིགས་བཅད་
[171b.2]དོ། །བདག་གི་བསྒྲུབ་#པ་ཕུན་སུམ་ཚོགས་པ་དང་། གཞན་གྱི་བསྒྲུབ་#པ་ཕུན་སུམ་ཚོགས་པའི་རྒྱུ་ནི་བདག་གི་སྒྲུབ་པས་གཞན་གྱི་དོན་ལས་བརྩམས་ཏེ། ཤིང་རྟ་གཅིག་གིས་ཞེས་བྱ་བ་ལ་སོགས་པའི་ཚིགས་སུ་བཅད་པའོ། །གང་དུ་ལམ་དྲངས་པ་#ཞེས་བྱ་བ་ནི་དང་པོའི་
[171b.3]ལམ་བྱེད་པའོ། །གཞན་ཞེས་བྱ་བ་ནི་གཉིས་པའོ། །དེ་བཞིན་གཞན་ཞེས་བྱ་བ་ནི་གསུམ་པའོ། །བདེ་བ་ནི་ཞེས་བྱ་བ་ནི་གཙོ་བོར་གྱུར་པ་སྟེ། དང་པོ་གང་གི་རྗེས་སུ་འགྲོ་བ་ལ་སོགས་པའི་བློས་འཁོར་བར་བྱང་ཆུབ་སེམས་དཔའི་ལམ་དམ་པ་མ་ཡིན་པ་སྟེ། བདག་གི་
[171b.4]དོན་མཆོག་ཏུ་བྱེད་པ་ནི་ལམ་མོ། །འདི་ལྟར་གྱུར་ཀྱང་ཞེས་བྱ་བ་ནི་འབྱོར་པ་མ་ཟད་པར་གྱུར་ཀྱང་ངོ་། །མི་བཟད་ངན་པ་ཞེས་བྱ་བ་ལ་ངན་པ་ནི་ཤིན་ཏུ་སྨད་པའོ། །མི་བཟད་པ་ནི་སྡིག་པ་མཆོག་ཏུ་བྱེད་པའོ། །ཉེས་དམིགས་མ་མཐོང་ནས་ཞེས་བྱ་བ་ནི་འཇིག་རྟེན་འདིའི་བསད་
[171b.5]པ་དང་བཅིང་བ་ལ་སོགས་པ་གྲགས་པ་མ་ཡིན་པའི་ཉེས་དམིགས་དང་། འཇིག་རྟེན་ཕ་རོལ་དུ་ངན་འགྲོ་ལ་སོགས་པའི་ཉེས་དམིགས་སོ། །རབ་ཏུ་འཇུག་པ་ནི་རབ་ཏུ་འགྲོ་བའོ། །གང་གིས་ཤེ་#ན། ཤིན་ཏུ་གཡེངས་པའི་སེམས་ཀྱིས་སོ། །ཁྱོད་ཀྱིས་ནོར་ནི་ཟད་པར་
[171b.6]འགྱུར་བའང་མ་བསམས་ཤིང་#ཞེས་བྱ་བ་འདིའི་བསྡུས་པའི་དོན་ནི་སློང་བའི་སྐྱེ་བོའི་#སྡུག་བསྔལ་བསལ་བའོ། །མི་བྱེད་པའི་རྒྱུ་དེ་ཡང་གསུམ་སྟེ། ནོར་ལ་ཆགས་པ་དང་། བདག་གི་བདེ་བ་ལ་ཆགས་པ་དང་། མི་དགེ་བའི་བཤེས་གཉེན་ལ་བརྟེན་#པའོ། །རྒྱུ་གསུམ་པོ་དེ་དག་
[171b.7]ཟིལ་གྱིས་མནན་ནས་གཞན་གྱི་དོན་སྒྲུབ་པ་ལ་སེམས་བརྟན་པར་འགྱུར་བའི་ཕྱིར་རོ། །རབ་ཏུ་ཆེ་བ་བརྟན་#ཞེས་བྱ་བ་ནི་ཚིགས་བཅད་སྔ་མ་འདིར་བཟློག་པ་བསྟན་པས་འཇིག་རྟེན་གྱི་ངོ་བོ་ཉིད་བསྟན་ཏེ#། ནོར་ནི་ཟད་པར་གྱུར་པ་ཞེས་བྱ་བ་བཟློག་#པས་སོ། །གྲགས་པ་དང་འགལ་
[172a]
[172a.1]བར་གྱུར་པས་ཞེས་བྱ་བའི་ཕྱེད་ཀྱིས་ནི་བདག་གི་བདེ་ཉམས་ཞེས་བྱ་བ་འདིའི་མི་མཐུན་པའོ། །བདག་གི་བདེ་ལ་ཆགས་པས་ཞེས་བྱ་བ་ནི་ང་ཡིས་བསླུས་པ་ཞེས་བྱ་བའི་མི་མཐུན་པའི་ཕྱོགས་བསྟན་ཏོ། །ཤིན་ཏུ་གཡེངས་པའི་སེམས་ཀྱིས་རབ་ཏུ་འཇུག །ཅེས་
[172a.2]བྱ་བ་ནི་བདག་ཉིད་ཆེན་པོ་ཕུན་སུམ་ཚོགས་པའི་ཞེས་བྱ་བ་འདིའི་བཟློག་པའི་ཕྱོགས་སོ། །སྐྱེ་བོ་ནི་སྐྱེ་བ་#ཐ་མལ་པའོ། །དེ་ལྟར་མི་མཐུན་པའི་ཕྱོགས་དང་གཉེན་པོ་བསྟེན་ཏེ། བྱམས་ཀྱིས་བསྐྱོད་པ་ཞེས་བྱ་བ་བརྒྱ་བྱིན་གྱིས་དང་པོ་སྨྲས་པ་དེའི་དབང་དུ་བྱས་པའོ། །ད་ནི་ཨེ་མའོ་
[172a.3]རླབས་ཆེན་ཞེས་བྱ་བ་ལ་སོགས་པ་ཚིགས་སུ་བཅད་པ་གཉིས་ནི་ཁྱིམ་བདག་འབྱོར་པ་ཕུན་སུམ་ཚོགས་པ་ཞེས་བྱ་བ་ལ་སོགས་པ་ལྷའི་དབང་པོ་བརྒྱ་བྱིན་གྱིས་སྨྲས་པ་དེའི་དབང་དུ་བྱས་པ་སྟེ། རླབས་ཆེན་ཁྱད་པར་གསལ་བ་ཞེས་བྱ་བ་ལ། རླབས་ཆེ་བ་ཉིད་ཀྱི་ཁྱད་པར་
[172a.4]དེས་རང་བཞིན་གྱིས་རླབས་ཆེ་བ་སྟེ། བདག་ཉིད་ལ་ཆགས་པ་མེད་པར་གཞན་ལ་ཕན་པ་དང་བདེ་བ་ལ་འཇུག་པའོ། །སེར་སྣ་ཉིད་ཀྱི་མུན་པ་ནི་སེར་སྣའི་མུན་པའོ། །སྙིང་གི་སེར་སྣའི་མུན་པ་རབ་ཏུ་བསལ་#བ་དེ་ཉིད་ནི་སྙིང་གི་སེར་སྣའི་མུན་པ་རབ་ཏུ་བསལ་བའོ#། །སེར་སྣ་ནི་
[172a.5]མུན་པ་དང་ཆོས་མཐུན་པ་ཡིན་ཏེ། །ནོར་ནི་སྙིང་པོ་མེད་ཅིང་སེམས་ཅན་དག་སྡུག་བསྔལ་བར་བྱེད་#ལ་ཕན་པར་ལྟ་བའི་གནས་སུ་གྱུར་པའི་ཕྱིར་རོ། །དེ་བསྒྲུབ་#པར་འདོད་ནས་སྨྲས་པ། རབ་ཏུ་སྦྱིན་ལ་ཞུམ་པའི་སེམས་སུ་ཡོངས་མ་གྱུར། །ཞེས་བྱ་བ་གང་ཡིན་པ་དེ་ཉིད་རྣམ་པ་#
[172a.6]སྙིང་ལ་ཡོད་པ་སྟེ། དེ་བས་ན་སྙིང་གི་སེར་སྣའི་མུན་པ་རབ་ཏུ་བསལ་བའོ། །རབ་ཏུ་སྦྱིན་པས་ཞུམ་པ་#ནི་རབ་ཏུ་སྦྱིན་པ་ལ་ཞུམ་པ་སྟེ། རབ་ཏུ་སྦྱིན་པ་ལ་ཞུམ་པའི་སེམས་སུ་ཡོངས་མ་གྱུར། །ཞེས་བསྟན་པ་ནོར་མེད་པར་གྱུར་ཀྱང་ངོ་། །དེ་བས་སྡོམ་ཞིང་མི་གཡེང་གནས་བྱས་
[172a.7]ལ། །ཞེས་བྱ་བ་འདིའི་ཐབས་ཀྱིས་ཏེ་སྟོན་པའོ། །གང་ཞིག་སྐྱེ་ཤིས་ཉེན་པའི་འཇིག་རྟེན་སྐྱོང་འདོད་པ། །ཞེས་བྱ་བ་བྱང་ཆུབ་སེམས་དཔས་#སྨྲས་པ་དེའི་དབང་དུ་བྱས་པ་ནི། གཞན་སྡུག་པའི་སྡུག་ལ་ངོ་མཚར་མི་ཆེ་སྟེ་ཞེས་བྱ་བའི་ཚིགས་བཅད་དོ། །འདིར་གཞན་གྱི་
[172b]
[172b.1]སྡུག་བསྔལ་གྱིས་སྡུག་བསྔལ་བ་ནི་ངོ་མཚར་མ་ཡིན་ནོ་ཞེས་བྱ་བ་ནི་གང་སྔར་བསྟན་པའི་གཞན་སྡུག་བསྔལ་བས་བདག་གི་བདེ་བ་མི་མྱོང་བ་#ཞེས་བྱ་བ་དེའི་དབང་དུ་བྱས་ཏེ་བཤད་པའོ། །སྙིང་རྗེའི་དབང་གིས་ཁྱོད་ནི་འཇིག་རྟེན་ཕན་པར་འདོད། །ཅེས་བྱ་བ་ནི་གང་སྔར་བྱང་ཆུབ་
[172b.2]སེམས་དཔས་བསྟན་པའི་གང་ཞིག་སྐྱེ་ཤིས་ཉེན་པའི་ཞེས་བྱ་བ་ལ་སོགས་པ་བསྟན་པ་ཡིན་ནོ། །གངས་ཀྱི་རི་བོ་རླུང་གིས་ཞེས་བྱ་བའི་ཕྱེད་འདིས་ནི་གང་སྔར་བསྟན་པའི་དེ་ལ། །ཁྱོད་ཀྱི་དཔལ་ལྡན་ནོར་ཡང་ཅི་ཞིག་བྱ། །ཞེས་པ་དེ་བསྟན་པ་ཡིན་ནོ། །ད་ནི་དེའི་འབྱོར་པ་
[172b.3]མི་སྣང་བར་བྱས་པའི་རྒྱུ་ལས་བསམས་ཏེ། གྲགས་པ་ཀུན་ཏུ་ཞེས་བྱ་བའི་ཚིགས་བཅད་སྨྲོས་སོ། །ཀུན་ཏུ་གྲགས་པའི་ཕྱིར་ཞེས་བྱ་བ་ནི་ཀུན་ཏུ་བསྟན་པའོ། །ཡོངས་སུ་བརྟག་པ་ནི་ཡོངས་སུ་བརྟགས་#པའི་ཕྱིར་ཏེ། མ་#བརྟགས་པར་ནི་གྲགས་པ་ཀུན་ཏུ་བསྒྲག་ཅིང་
[172b.4]བསྒྲུབ་པར་མི་ནུས་སོ། །དེ་ལྟར་མ་བྱས་ན་ནི་ཞེས་བྱ་བའི་ཚིགས་བཅད་ཕྱེད་པ་#འདི་ལ་མཛེས་པའི་རྗེས་སུ་འགྲོ་བ་ནི་ནོར་བུ་བཟང་པོ་སྟེ། འདིས་ནི་མཐོང་བའི་ཡུལ་དུ་བསྟན་ཏོ། །དེ་བཞིན་དུ་ཡོན་ཏན་ཐོས་པའི་ཡུལ་དུ་བསྟན་པ་ནི་གྲགས་པ་སྟེ། ནོར་བུ་བཟང་པོ་
[172b.5]ལྟ་བུ་ནི་གྲགས་པའོ། །དེ་ལྟར་མ་བྱས་ན་ནི་ཞེས་བྱ་བ་ནི་ཡོངས་སུ་བརྟག་པ་མ་བྱས་པར་རོ། །ནོར་བུ་དག་ནི་གྲགས་པ་ཡིན་པས་ནོར་བུའི་གྲགས་པའོ། །རིན་ཆེ་བ་ཉིད་པས་ནི་རིན་ཆེན་ནོ། །བདག་གི་གྲགས་པ་ཡང་མི་ལྟོས་#ལ་རིན་ཆེ་བ་ཉིད་དུ་ཡང་མི་ལྟོས་#པ་སྟེ། ནོར་བུ་བཟང་
[172b.6]པོ་ཡིན་ཡང་ཡོངས་སུ་བརྟག་པ་མེད་པར་རོ། །དེ་བཞིན་དུ་གྲགས་པ་ཡང་ཡོངས་སུ་བརྟག་པ་མེད་པར་ནི་ཀུན་ཏུ་གྲགས་པར་མི་འགྱུར་ཏེ། བརྟག་པའི་རྒྱུ་དེས་ན། །ཁྱོད་ཀྱི་ནོར་འདི་རྣམས་ནི་བདག་གིས་སྦས་པར་གྱུར། །ཞེས་བྱ་བ་ཡིན་ནོ། །དེ་བས་ཞེས་བྱ་བ་ནི་གང་གི་ཕྱིར་བརྟགས་
[172b.7]པའི་རྒྱུ་#དེས་ཁྱོད་ཀྱི་ནོར་སྦས་པར་གྱུར་པའོ། །དེས་ན་སྦྱིན་པ་ཆར་བཞིན་ཕོབས་ཞེས་#བྱ་བ་ནི་གང་ནོར་སྦས་པ་དེ་ཉིད་ཀྱིས་བསྒྲུབ་པར་བསྟན་ཏོ། །ངས་ནི་རྗེས་སུ་བཟུང་བས་ནོར་#ཡང་ཟད་མི་འགྱུར། །ཞེས་བྱ་བ་འདིས་ནི་མཆོག་སྦྱིན་པར་#བསྟན་ཏོ། །ཁྱོད་ཀྱིས་བཟོད་པར་#བྱོས་
[173a]
[173a.1]ཞེས་བྱ་བ་འདིས་ནི། ནོར་སྦས་པ་དེ་དང་དེ་འདིས་ནི་བཟོད་པར་མཛོད་ཅིག་པའོ། །མགུ་བར་བྱས་པ་ཞེས་བྱ་བ་ནི་གྲགས་པ་ཀུན་ཏུ་བསྒྲགས་པ་ཞེས་བྱ་བ་ལ་སོགས་པའི་#ཚིགས་བཅད་ལྔས་སོ། །དེ་ཡི་ནོར་གྱི་#རྣམ་པ་སླར་བྱིན་ཏེ། དེ་བས་སྦྱིན་པ་ཞེས་བྱ་བའི་ཚིགས་#
[173a.2]བཅད་སྔར་བསྟན་པ་དེས་བསྟན་ཏོ། །བཟོད་པར་བྱས་ནས་ཞེས་བྱ་བ་ནི་#བདག་གིས་གཙེས་པ་འདི་ཡང་ཁྱོད་ཀྱིས་བཟོད་པ་མཛོད་ཅེས་བྱ་བ་འདིས་བསྟན་ཏོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་ཚོང་དཔོན་ཟིལ་གྱིས་མ་ནོན་པའི་སྐྱེས་པའི་
[173a.3]རབས་སོ།། །།ལྡུམ་བུ་དང་། རྩྭ་དང་ཤིང་ལྗོན་པ་ཡིད་དུ་འོང་བ་ཞེས་བྱ་བ་འདིས་ནི་གྲིབ་མ་ཕུན་སུམ་ཚོགས་པ་བསྟན་ཏོ། །མེ་ཏོག་དང་འབྲས་བུར་ལྡན་པ་ཞེས་བྱ་བ་འདིས་ནི་ཟས་ཕུན་སུམ་ཚོགས་པའོ། །ཆུ་གཙང་མ་བཻ་ཌཱུཪྻ་ལྟ་བུ་ཞེས་བྱ་བ་ལ་སོགས་པ་བཞིས་ནི་
[173a.4]མིང་གི་ཚོགས་བཏུང་བ་ཕུན་སུམ་ཚོགས་པའོ། །ས་གཞི་ནེའུ་གསིང་#འཇམ་པ་དང་ལྡན་པ་དང་། སྐྱེ་བོ་དཀའ་ཐུབ་ཅན་གནས་པ་དང་ལྡན་པས་ནི་འཇིགས་པ་མེད་པ་ཉིད་དུ་བསྟན་ཏེ། སྔར་བསྟན་པ་ཉིད་ཀྱིས་སྐྱེ་བོ་དཀའ་ཐུབ་ཅན་གནས་པའི་རྒྱུ་བསྟན་ཏོ། །དེ་ནི་ལུས་
[173a.5]བཟང་ཞེས་བྱ་བ་ལ་སོགས་པ་བཞིས་ནི་མིང་གི་ཚོགས་དང་། གཟུགས་ཀྱི་ལུས་ཕུན་སུམ་ཚོགས་པ་བསྟན་ཏོ། །#ཡོན་ཏན་དེ་དག་ཉིད་དང་ལྡན་པའི་ཕྱིར། གཅན་གཟན་ངན་པས་གླགས་ལྟར་བག་མི་ཚ་བར་གནས་ཏེ། ཇི་ལྟར་གླགས་མི་ལྟ་བར་འདུག་ཅེ་ན། སྨྲས་པ།
[173a.6]རི་དགས་རྒྱལ་པོའི་ཚུལ་གྱིས་ཞེས་བྱ་བའོ། །ཆ་བྱད་དང་། ཆོག་ཤེས་པ་གཉིས་ཀྱིས་ནི་ཐུབ་པ་བཞིན་མཛེས་པ་ཡིན་ཏེ། གང་གི་ཕྱིར་ཐུབ་པ་རྣམས་ནི་ཆ་#བྱད་དང་། ཆོག་ཤེས་པས་རབ་ཏུ་རྣམ་པར་འབྱེད་པ་ཡིན་ཏེ། དེ་བས་ན་འདི་བསྟན་ཏོ། །བདག་གིས་ལགས་#
[173a.7]པ་ཨ་ཛི་ན་གོན་ཞེས་བྱ་བའི་ཚིགས་བཅད་འདིས་ནི་བདག་ཉིད་ངན་པ་སྟེ། གནོད་པར་བྱེད་པ་སྤངས་བ་ཞེས་བྱ་བའི་དོན་ཏོ། །སློབ་མ་བདེར་#གནས་ཤིང་ཞེས་བྱ་བ་ནི་སློབ་མ་བཞིན་དུ་བདེ་བས་སློབ་མ་བདེར་གནས་ཏེ། བདེ་བ་བྱེད་པའི་ཕྱིར་བདེ་བ་ལྟ་བུའོ། །འདུལ་བ་སྦྱིན་
[173b]
[173b.1]པར་ནུས་པའི་དབང་དུ་བྱས་ནས་སློབ་མ་ཉིད་དང་ཆོས་མཐུན་པས་བདེ་བ་ཡང་ཡིན་ཏེ#། འདི་ལྟར་བདེ་བས་འདུལ་བར་བྱེད་པའོ། །ཡོན་ཏན་ཁྱད་པར་ཅན་གྱིས་སྐྱེས་པ་ཞེས་བྱ་བ་ནི་ཡོན་ཏན་ཁྱད་པར་ཅན་གྱིས་ཡང་དག་པར་བསྐྱེད་པའོ། །བྱང་ཆུབ་སེམས་དཔའ་དེ་ལ་བྱམས་པ་
[173b.2]དང་གུས་པ་ཁྱད་པར་ཅན་ཏེ་དེ་ལ་བྱམས་དང་གུས་པའོ། །ཕན་ཚུན་གཉེན་དུ་འབྲེལ་པ་ནི་སྐྱེ་གནས་ཀྱི་འབྲེལ་བ་སྟེ། དེས་འབྲེལ་པའི་བྱམས་ཤིང་ཆགས་པར་གྱུར་པ་གང་ཡིན་པ་ནི་ཕན་ཚུན་གཉེན་དུ་འབྲེལ་བཞིན་དུ་གཅིག་ལ་གཅིག་ཆགས་ཤིང་བྱམས་པར་གྱུར་པའོ། །
[173b.3]གཅིག་ལ་གཅིག་ནི་ཕན་ཚུན་འབྲེལ་བས་སོ། །སྤོབས་པ་དང་བཀུར་སྟི་ནི་སྤོབས་པ་དང་བཀུར་སྟིའོ། །དེ་དག་གཅིག་ལ་གཅིག་སྤོབས་ཤིང་བཀུར་སྟིས་རབ་ཏུ་མཛའ་བར་གྱུར་པ་གང་ཡིན་#པ་དེ་ནི་གཅིག་ལ་གཅིག་སྤོབས་ཤིང་བཀུར་སྟི་བྱེད་པས་རབ་ཏུ་མཛའ་བར་གྱུར་པ་སྟེ། དེ་
[173b.4]བས་ན་འདི་ལྟར་རོ་ཞེས་བརྗོད་དོ། །དུད་འགྲོའི་རང་བཞིན་ལ་ནི་མི་ཕྱོགས་ཞེས་བྱ་བ་ནི་སྲོག་གཅོད་པ་ལས་ལྡོག་པའོ། །བདེ་བ་དང་མཐུན་ཞིང་ཞེས་བྱ་བ་ལ་སོགས་པ་འདིའི་ལུས་ནི་ཕན་པ་ཡིན་བདེ་བ་མ་ཡིན་པ་དང་། བདེ་བ་ཡང་མ་ཡིན་ཕན་པ་ཡང་མ་ཡིན་ཞེས་བྱ་བ་ལ་
[173b.5]སོགས་པ་རྣམ་པ་བཞི་ལས་དེ་ལ་ཕན་པ་མེད་པ་ནི་གཅིག་ཏུ་མི་བྱ་བ་ཡིན་ནོ། །གང་དུ་ཕན་པ་ཡོད་པ་དེ་ནི་གཅིག་ཏུ་བྱ་བ་སྟེ། དེ་ལ་ཕན་ལ་བདེ་བ་མ་ཡིན་པ་དང་། ཕན་ལ་བདེ་བ་དེ་ནི་བྱ་བ་ཡིན་ནོ་ཞེས་བསྟན་ཏོ། །བདེ་དང་མཐུན་ཞིང་ཡོན་ཏན་མི་མཐུན་ཚུལ། །ཞེས་བྱ་བ་
[173b.6]ནི་གང་དུ་ཕན་པ་དང་བདེ་བ་ཡོད་པ་དེ་བསྟན་ཏོ། །ཡོན་ཏན་མཐུན་ཞིང་བདེ་དང་མི་མཐུན་ཚུལ། །ཞེས་བྱ་བ་ནི་ཕན་པ་དེ་ཉིད་བདེ་བ་ཉིད་དུ་བསྟན་ཏོ། །ཡོན་ཏན་ཕྱོགས་ལ་བརྟེན་ན་ནི་ཞེས་བྱ་བ་ནི་གང་ལ་ཕན་པ་ཡོད་པ་དེ་ལ་བརྟེན་པ་ཞེས་བྱ་བའི་དོན་ཏོ། །གཞན་ལ་སྙིང་རྗེ་
[173b.7]དང་སྒྲུབ་པ་ནི་སྙིང་རྗེ་དང་སྒྲུབ་པའོ། །དེ་གཉིས་ཀྱིས་བླ་མར་གྱུར་པ་ནི་གཞན་ལ་སྙིང་རྗེ་སྒྲུབ་པའི་བླ་མ་སྟེ། བསམ་པ་དང་སྦྱོར་བ་གཉིས་ཆེ་བའོ། །ཡང་ན་བདག་དང་གཞན་ལ་ཕན་པ་#སྒྲུབ་པའོ། །ཡང་ན་གཞན་ལ་སྙིང་རྗེ་བ་ཉིད་སྒྲུབ་པ་ཡིན་པས་གཞན་ལ་སྙིང་རྗེ་ཆེ་བའི་བླ་མར་གྱུར་
[174a]
[174a.1]པ་སྟེ། གཞན་ལ་ཕན་པར་སྒྲུབ་པ་ཡིན་པས་བླ་མ་ཞེས་བརྗོད་པ་ཡིན་ནོ། །ཡོན་ཏན་རྗེས་#འགྲོ་རང་བཞིན་ཕུན་སུམ་ཚོགས། །ཞེས་བྱ་བ་ལ་སློབ་མ་རྣམས་ཀྱི་རང་བཞིན་ཕུན་སུམ་ཚོགས་པ་བསྟན་ཏོ། །སློབ་མ་དང་བླ་མའི་ཕུན་སུམ་ཚོགས་
[174a.2]པ་གཉིས་ཀྱི་གྲགས་པ་ལྷ་ཡུལ་དུ་ཡང་གྲགས་པར་གྱུར་པའོ། །དཀྱིལ་འཁོར་ཡོངས་སུ་རྫོགས་པ་ཉེ་བ་ཅུང་ཟད་མ་རྫོགས་པ་བཟང་པོ་ནི་ཡོངས་སུ་མ་གང་བའི་མཛེས་པའོ། །འདུ་བ་གང་ཡོད་མཐའ་ནི་ཞེས་བྱ་བ་ལ་སོགས་པའི་ཚིགས་བཅད་དྲུག་སྨོས་
[174a.3]པ་ལ། དེ་ལ་འདུ་བ་གང་ཡོད་དོ། །ཞེས་#བྱ་བའི་ཚིགས་བཅད་འདིས་ནི་བསོད་ནམས་ཀྱི་ཚོགས་ཀྱི་འབྲས་བུ་གཡོག་འཁོར་དང་ལོངས་སྤྱོད་ཆེན་པོའི་བདག་ཉིད་སྲིད་པའི་ཕུན་སུམ་ཚོགས་པ་མཐར་#རྒུད་པ་ཉིད་དུ་བསྟན་ཏེ། འདུ་བ་གང་ཡོད་མཐའ་ནི་འབྲལ་
[174a.4]བར་འགྱུར། །ཞེས་བྱ་བ་ནི་མཐར་འབྱེ་བ་#ཡིན་ཏེ། འདིས་ནི་བསོད་ནམས་ཀྱི་#ཚོགས་ཀྱི་འབྲས་བུ་གཡོག་འཁོར་ཆེན་པོ་དང་བྲལ་ཞིང་མཐར་རྒུད་པ་ཉིད་དུ་བསྟན་ཏོ། །དར་བ་ཡོད་ན་ངན་པ་རྒུད་པའི་མཐའ། །ཞེས་བྱ་བ་འདིས་ནི་སྦྱིན་པ་ལས་བྱུང་བའི་བསོད་ནམས་
[174a.5]ཀྱི་ཚོགས་ཀྱི་འབྲས་བུ་ལོངས་སྤྱོད་ཆེན་པོ་ལས་མཐར་#རྒུད་པ་ཉིད་དུ་བསྟན་ཏོ། །ཚེ་ཡང་གློག་བཞིན་འགྱུ་ཞིང་མི་བརྟན་#ནོ། །ཞེས་བྱ་བ་འདིས་ནི་ཚུལ་ཁྲིམས་ལས་བྱུང་བའི་བསོད་ནམས་ཀྱི་ཚོགས་ཀྱི་འབྲས་བུ་བདག་གི་#ཕུན་སུམ་ཚོགས་པ་འཆི་བ་ཉིད་ཀྱིས་རྒུད་
[174a.6]པར་བསྟན་ཏོ། །དེ་#ཕྱིར་ཞེས་བྱ་བ་ནི་བསོད་ནམས་ཀྱི་ཚོགས་གསུམ་པོ་དེ་ཉིད་ཀྱི་ཕྱིར་བག་ཡོད་པར་བྱ་བ་སྟེ། ཕྱིས་ཀྱང་དེའི་རྒྱུ་འཕེལ་བ་ལ་བག་ཡོད་པར་བྱའོ། །ཡང་ན་འདིའི་བསྡུས་པའི་དོན་གཞན་ནི་དགེ་བའི་བཤེས་གཉེན་དང་། ལུས་དང་སྲོག་དང་བྲལ་བ་དང་། རྒུད་
[174a.7]པ་དང་། འཇིག་#པ་ཞེས་བྱ་བ་སྟེ། དེ་བས་ན་#མཐར་རྒུད་པས་འཇིགས་པ་མེད་བ་ལས་རྒྱུ་གསུམ་གྱིས་#བག་ཡོད་པར་འགྱུར་ཏེ། ཚིགས་བཅད་འདིས་གོ་རིམས་བཞིན་དུ་སྦྱར་རོ། །བག་ཡོད་པར་བྱའོ་ཞེས་བསྟན་པ་ལ། ཇི་ལྟར་བག་ཡོད་པར་བྱ་བ་དང་། དེའི་ཕན་
[174b]
[174b.1]ཡོན་བསྟན་པའི་ཕྱིར། དེ་བས་སྦྱིན་པ་ཚུལ་ཁྲིམས་ཞེས་བྱ་བའི་ཚིགས་བཅད་སྨོས་སོ། །སྦྱིན་པ་ཞེས་བྱ་བས་#ནི་སྦྱིན་པའི་བསོད་ནམས་ཀྱི་ཚོགས་བསྟན་ཏོ། །ཚུལ་ཁྲིམས་བརྒྱན་པ་ཞེས་བྱ་བས་ནི་ཚུལ་ཁྲིམས་དང་། བཟོད་པའི་བསོད་ནམས་ཀྱི་ཚོགས་བསྟན་ཏོ། །
[174b.2]ཚུལ་ཁྲིམས་ལས་ཐ་དད་པ་དེ་ཡང་གང་ཞེ་ན། གནོད་པར་བྱེད་པ་ལ་ལན་དུ་གནོད་པ་བྱེད་པའི་མཚན་ཉིད་ཀྱི་བཟོད་པ་མེད་པའོ། །ཚུལ་ཁྲིམས་མེད་ན་ནི་གནོད་པ་མི་བྱེད་པ་ལ་ཡང་གནོད་པ་བྱེད་པ་སྟེ། དེས་ན་#གནོད་པ་བྱེད་པ་ལས་ལྡོག་པའོ། །དེ་བས་ན་སྤྱིར་གཉི་ག་ལ་སྦྱར་
[174b.3]བ་ཡིན་ཏེ། ཚུལ་ཁྲིམས་སྨོས་པས་བཟོད་པ་མ་སྨོས་ཀྱང་གྲུབ་པ་ཡིན་ནོ། །སྐྱེ་བའི་ངན་འགྲོའི་ནང་ན་ཞེས་བྱ་བའི་ཚིགས་བཅད་ཀྱི་ཕྱེད་འོག་མས་ནི་བསོད་ནམས་ཀྱི་ཚོགས་དང་འབྲེལ་#པའི་ཕན་ཡོན་ནོ། །རྟེན་ནི་གནས་ཞེས་བྱ་བའི་དོན་ཏོ། །སྐར་མ་རྣམས་ཀྱི་#དཔལ་ནི་
[174b.4]ཞེས་བྱ་བ་ལ་སོགས་པའི་ཚིགས་བཅད་གསུམ་སྨོས་པ་ནི་བསོད་ནམས་ཀྱི་གནས་སུ་#སྨོས་པའི་ཕྱིར་རོ། །དེ་ལ་སྐར་མ་རྣམས་ཀྱི་དཔལ་ནི་ཞེས་བྱ་བའི་ཚིགས་བཅད་ནི་ཚུལ་ཁྲིམས་ལས་བྱུང་བའི་བསོད་ནམས་ཀྱི་ཚོགས་ཀྱི་འབྲས་བུ་བསྒྲུབ་#པའི་ཕྱིར་ཏེ། ཚུལ་ཁྲིམས་ནི་བདག་
[174b.5]གི་ཕུན་སུམ་ཚོགས་པའི་འབྲས་བུ་སྟེ། དེ་ཡང་རིས་འདྲ་བ་ལས་#ཚུལ་ཁྲིམས་དེ་ཁྱད་པར་དུ་གྱུར་པའི་འབྲས་བུ་ཉིད་དུ་བསྟན་ཏོ། །སྐར་མ་རྣམས་དང་བསིལ་བར་རིགས་འདྲ་ཞིང་ཆོས་མཐུན་པ་དེ་ལས་ཁྱད་པར་དུ་གྱུར་པའི་ཡོན་ཏན་གྱིས་ཟླ་བ་མཛེས་པ་ཡིན་ཏེ། མཛེས་
[174b.6]ཤིང་ཁྱད་པར་དུ་གྱུར་པ་ཡིན་ནོ། །འོད་ཟེར་ཅན་ནི་འོད་དང་ལྡན་པ་སྟེ། ཆོས་མཐུན་པའི་འོད་དང་ལྡན་པ་#གཞན་པ་བ་སངས་ལ་སོགས་པའི་འོད་ཟེར་ཅན་འོད་དང་ལྡན་པའོ། །ཉི་མས་ཞེས་བྱ་བ་ནི་ཚུལ་ཁྲིམས་ཀྱི་རང་བཞིན་གྱི་བསོད་ནམས་ཀྱི་ཡོན་ཏན་ལ་སོགས་པའོ། །སའི་
[174b.7]དབང་ཕྱུག་ཅེས་བྱ་བ་ལ་སོགས་#པའི་ཚིགས་བཅད་ནི་བཟོད་པའི་རང་བཞིན་གྱི་བསོད་ནམས་ཀྱི་ཚོགས་ཀྱི་འབྲས་བུ་སྟེ། ངེས་པར་འབྱུང་བ་སྟེ་ད་ལྟར་བྱུང་བའི་སྐྱེས་བུའི་བྱེད་པ་དགོན་པའི་རི་དགས་ཀྱང་ཅི་ཡང་མི་བྱེད་དོ་ཞེས་སྟོན་ཏོ། །དེ་ལྟར་བསོད་ནམས་མ་ཡིན་པ་རྗེས་སུ་འབྲང་
[175a]
[175a.1]བ་ཞེས་བྱ་བ་ལ། ཇི་ལྟར་རྗེས་སུ་འབྲང་བ་ཡིན་ཞེ་ན། དེ་བསྟན་པའི་ཕྱིར། བསོད་ནམས་ཆེ་བས་ཞེས་བྱ་བ་འདིའི་དོན་ཡིན་ཏེ། བསྐྲད་པ་ཉིད་ཡིན་པས་བསྐྲད་པ་སྟེ། ཇི་ལྟར་གང་སུ་དག་གིས་བསྐྲད་ཅིང་དེ་#རྗེས་སུ་འགྲོ་བ་བཟློག་སྟེ་དེ་དང་མི་མཐུན་པའི་
[175a.2]ཕྱོགས་ལ་བརྟེན་པ་དེ་བཞིན་དུ། བསོད་ནམས་ཆེ་བས་སྐྲག་བ་བཞིན་དུ་དེ་ཉེ་བར་འགྲོ་བའི་གླགས་སྐབས་ཐོབ་པས་དེའི་མི་མཐུན་པའི་ཕྱོགས་ཀྱི་བསོད་ནམས་རབ་ཏུ་ཉམས་པས་དེའི་མི་མཐུན་པའི་ཕྱོགས་སོ། །ཁྲོས་བཞིན་ཞེས་བྱ་བ་#གང་ལ་ཁྲོས་བཞིན་ཞེ་ན། བསོད་ནམས་
[175a.3]ཆེ་བ་ལ་ཁྲོས་པ་བཞིན་དུ་དྲུང་དུ་འགྲོའོ། །སྔར་བསྟན་པའི་དེ་ལས་སྦྱིན་པ་ཚུལ་ཁྲིམས་ཞེས་བྱ་བའི་ཚིགས་བཅད་དེས་ནི་བསོད་ནམས་ཉི་ཚེ་སྤལ་བ་ལ་གྲོགས་པོ་བཙུད་པ་ཡིན་ནོ། །སྡུག་བསྔལ་གཞིར་གྱུར་#ཞེས་བྱ་བའི་ཚིགས་བཅད་འདིས་ནི་མི་མཐུན་པའི་ཕྱོགས་སྤང་
[175a.4]བ་དང་། གཉེན་པོའི་ཕྱོགས་བསྟེན་པ་ལ་གྲོགས་པོ་དག་ཡང་དག་པར་འཛུད་པ་ཡིན་ནོ། །སྡུག་བསྔལ་གྱི་གཞིར་གྱུར་ཞེས་བྱ་བ་ནི་#འདི་ལ་སྡུག་བསྔལ་གྱི་གནས་ཡིན་པས་སྡུག་བསྔལ་གནས་གཞི་སྟེ། གང་ལ་སྡུག་བསྔལ་གྱི་གནས་ཀྱི་བསོད་ནམས་མ་ཡིན་པའི་ལས་
[175a.5]ཡོད་པ་དེ་ནི་སྡུག་བསྔལ་གྱི་གཞིའོ། །དེ་བས་ན་འདིས་ནི་སྡིག་པའི་ལས་ཏེ་ངན་སོང་གི་རྒྱུ་ཉིད་དུ་བསྟན་ཏོ། །གང་ལ་གཏམ་ངན་དང་རྗེས་སུ་འབྲེལ་པའི་སྡིག་པའི་ལམ་དེ་ནི་གཏམ་ངན་རྗེས་སུ་འབྲང་བའོ། །དེ་བས་སླར་ལོག་ལ་ཞེས་བྱ་བ་ནི་བསོད་ནམས་མ་ཡིན་པའི་ལམ་#
[175a.6]ལས་ལྡོག་པ་སྟེ། སེར་སྣ་དང་ཚུལ་ཁྲིམས་འཆལ་ཅིང་མི་བཟོད་པ་དེ་ལས་སླར་ལྡོག་པའོ། །དཔལ་ལྡན་པ་ཞེས་བྱ་བ་ནི་མཐོང་བའི་ཆོས་ཀྱི་གྲགས་པ་ལ་སོགས་པའོ། །བདེ་བ་རབ་ཏུ་#འབྱུང་སྒྲུབ་ལ། ཞེས་བྱ་བ་ནི་བདེ་བ་རབ་ཏུ་འབྱུང་བའོ། །དེའི་སྒྲུབ་པ་ནི། བདེ་བ་རབ་
[175a.7]ཏུ་འབྱུང་བ་སྒྲུབ་པས་ཏེ། འདིས་སྒྲུབ་པ་ཡིན་པས་སྒྲུབ་པའོ། །བསོད་ནམས་སྤྱད་པ་ལས་#ཞེས་བྱ་བ་ནི་བསོད་ནམས་དང་འབྲེལ་པ་ལ་སྟེ། འདིས་ནི་རྟག་ཏུ་བྱེད་པ་ལ་སྦྱོར་བ་ཡིན་ནོ། །དེ་ལྟར་རེ་ཞིག་སྙན་པར་སྨྲ་བའི་མཚན་ཉིད་ཀྱི་བསྡུ་བའི་དངོས་པོས་བསྡུས་ནས་དོན་མཐུན་པའི་བསྡུ་
[175b]
[175b.1]བའི་དངོས་པོས་བསྡུ་བའི་ཕྱིར། བདག་ཉིད་ཆེན་པོ་དེས་བསམས་པ་ཞེས་བྱ་བ་སྨོས་ཏེ། གཞན་དུ་ན་ཇི་སྐད་དུ་སྨྲས་པ་དེ་བཞིན་བྱེད་པ་ཉིད་དུ་སྟོན་པར་མི་འགྱུར་རོ། །འདིར་ཅིའི་ཕྱིར་སྦྱིན་པ་དང་དོན་སྤྱོད་པའི་བསྡུ་བའི་དངོས་པོ་མ་བཤད་ཅེ་ན། དེ་ནི་བཤད་པ་ཉིད་དེ། སྔར་
[175b.2]སྦྱིན་པའི་རང་བཞིན་གྱི་བསྡུ་བའི་དངོས་པོ་བསྟན་པ་ནི་ཕན་ཚུན་གཉེན་དུ་འབྲེལ་པ་བཞིན་དུ་གཅིག་ལ་གཅིག་བྱམས་པར་ནི་གྱུར་ཞེས་བྱ་བའི་ཚིག་རྐང་གིས་བསྡུས་པ་ཡིན་ཏེ། ཐབས་#སྦྱིན་པ་ཡང་བསྡུ་བའི་དངོས་པོར་གྲགས་པ་ཉིད་དེ་ཡང་བརྗོད་པར་མི་བྱའོ། །དོན་སྤྱོད་པའི་
[175b.3]བསྡུ་བའི་དངོས་པོ་ཡང་བཤད་པ་དེ་#ཉིད་དེ། གཅིག་ལ་གཅིག་སྤོབས་ཤིང་བཀུར་སྟི་ཞེས་བྱ་བ་ལ་སོགས་པའི་ཚིག་རྐང་གིས་བསྟན་ཏེ། གང་གི་#ཕྱིར་སྤོབས་ཤིང་བཀུར་སྟི་ནི་དོན་སྤྱོད་པའི་#བསྡུ་བའི་དངོས་པོ་སྟེ། དེ་བས་ན་བསྡུ་བའི་དངོས་པོ་བཞི་ཡང་བསྟན་པའི་ཚུལ་ཉིད་ཡིན་ཏེ།
[175b.4]ཡང་ཚིག་བསྟན་པ་ནི་བརྗོད་པར་མི་ནུས་པའི་ཕྱིར་རོ། །མགྲོན་ལ་བསྙེན་བཀུར་བྱེད་པ་#ཅིའི་ཕྱིར་ནུས་པ་མེད་ཅེ་ན། རྩྭ་ནི་སོས་བཅད་པར་ནུས་པ་ཡིན་ཏེ། དེ་བས་ན་བདག་གི་སོ་རྩེས་ཞེས་བྱ་བའི་ཚིགས་སུ་བཅད་པ་འདི་#སྟེ། སྔར་མ་བྱུང་བ་ཉིད་བསྟན་ཅིང་མགྲོན་ལ་བསྙེན་
[175b.5]བཀུར་མི་ནུས་པ་ཉིད་དེ། དེ་ལྟར་གསལ་བ་ཉིད་དུ་བསྟན་པའི་ཕྱིར་ཚིགས་བཅད་བརྩམས་པ་ཡིན་ཏེ། རྩྭའི་མྱུ་གུ་ཁ་བོ་ནི་ཞེས་བྱ་བ་ནི་རྫས་དང་རོས་མགྲོན་ལ་སྦྱིན་དུ་མི་རུང་བ་ཉིད་དུ་བསྟན་ཏོ། །ཡོང་ཡེ་ཞེས་བྱ་བ་ནི་མདོར་བ་སྤུ་ན་ནུས་པ་མེད་པ་དང་མཉམ་པའི་སྨད་པ་ནི་ཅུང་
[175b.6]ཟད་ཀྱང་མེད་པའི་ཕྱིར་རོ། །དེ་བས་སྦྱིན་པ་མི་ནུས་པ་ཞེས་བྱ་བ་ནི་གཞན་ལ་ཕན་འདོགས་པའི་ནུས་པ་ཉིད་ལ་ཞན་པའོ། །ཡང་ན་ནུས་པ་མེད་པ་དང་ཞན་པ་ནི་ནུས་མེད་ཞན་པ་སྟེ། སློང་བ་རྣམས་ལ་ཕན་འདོགས་པར་མི་ནུས་པའོ། །གསོན་ཡང་ཅི་ལ་ཕན་ཞེས་བྱ་བ་ནི་
[175b.7]གསོན་པ་ཞེས་བྱ་བ་འདིས་གཞན་ལ་ཕན་འདོགས་པ་གང་ཡིན་པ་དེ་ནི་ནུས་པ་མེད་པས་དོན་ཅི་ཞིག་ཡོད་ཅེས་སོ། །དགའ་བ་ཞེས་བྱ་བ་ནི་དགའ་བའི་རྒྱུ་སྟེ། རྒྱུ་ལ་འབྲས་བུ་བཏགས་པའི་ཕྱིར་རོ། །མྱ་ངན་ཡང་མྱ་ངན་གྱི་རྒྱུ་སྟེ། བདག་ནི་མགྲོན་བཞིན་འོངས་གྱུར་ན། །
[176a]
[176a.1]ཞེས་བྱ་བ་ནི་སྔར་བསྟན་པའི་ནུས་པ་མེད་པ་དང་ལྡན་པའོ། །འདི་ལྟར་ཞེས་བྱ་བ་ནི་བདག་གི་སོ་རྩེས་ཞེས་བྱ་བའི་ཚིགས་བཅད་དུ་བསྟན་པ་དེའི་རྣམ་པས་མགྲོན་ལ་བསྙེན་བཀུར་བྱ་བར་མི་ནུས་པས་སོ། །མགྲོན་རྣམས་ཀྱི་བསྙེན་བཀུར་ནི་མགྲོན་གྱི་བསྙེན་
[176a.2]བཀུར་རོ། །དེ་ལ་མི་རུང་བ་ནི་མགྲོན་གྱི་བསྙེན་བཀུར་བྱ་བར་མི་རུང་བའོ། །དེས་སྙིང་པོ་མེད་པ་ནི་མགྲོན་ལ་བསྙེན་བཀུར་བྱར་མི་རུང་བས་སྙིང་པོ་མེད་པའོ། །ལུས་ཉིད་ནོར་ཡིན་ཏེ། ནོར་ནི་འདོད་པའི་དོན་སྒྲུབ་པ་ཉིད་ཀྱིས་ཏེ། སེམས་#ནི་ཁྱོད་དེ་བས་ན་རྟོགས་པ་དེ་ལས་མི་
[176a.3]དགའ་བ་མ་བྱེད་ཅིག་པའོ། །ཡོངས་སུ་རྫོགས་པར་ཡོད་པ་འདི་ས་མགྲོན་གྱི་སྐྱེ་བོ་སྤོབས་པར་སློང་བ་ལ་མགྲོན་བྱའོ་ཞེས་སོ། །མཐུ་དང་རབ་ཏུ་དང་བ་དག་རབ་ཏུ་བསྟན་པ་སྟེ། ལྷ་རྣམས་བྱང་ཆུབ་སེམས་དཔའི་མཐུ་སྟོན་པར་བྱེད་ཅིང་། བྱང་ཆུབ་སེམས་དཔའི་གཏམ་ལྷ་
[176a.4]རྣམས་སྒྲོགས་#པར་བྱེད་དོ། །མཐུ་དང་དང་བ་ལྷ་རྣམས་ལ་ནི་བསྟན་པར་གྱུར། །ཞེས་བྱ་བ་དེའི་རྒྱུ་བསྟན་པའི་ཕྱིར། དེ་ནས་ས་གཞི་ཞེས་བྱ་བ་ལ་སོགས་པའི་ཚིགས་བཅད་གསུམ་སྟེ། ཚིགས་བཅད་འདི་གསུམ་གྱི་བསྡུས་#པའི་དོན་ནི་ས་འགུལ་བའི་མཚན་མ་དང་། མཆོད་
[176a.5]པའི་དབང་དུ་བྱས་པ་སྟེ། མཁའ་ལས་ལྷའི་རྔ་སྒྲ་ཞེས་བྱ་བ་ལ་སོགས་པ་ནི་མཆོད་པའི་དོན་ཏོ། །ཕན་ཚུན་བསྔོས་#པས་མེ་ཏོག་གི་རྡུལ་རྣམས་ལྷགས་#པར་གྱུར་པ་གང་ཡིན་པ་དེ་ནི་ཕན་ཚུན་བསྔོས་#པའི་རྡུལ་རྣམས་ལྷགས་པའི་མེ་ཏོག་གོ། །རབ་ཏུ་འཁྲིགས་པ་སྲབ་མོའི་ཞེས་
[176a.6]བྱ་བ་ནི་རབ་ཏུ་འཁྲིགས་པ་གང་ཡིན་པའི་སྲབ་མོའི་གོས་ཡིན་གྱི། གཞན་རབ་ཏུ་འཁྲིགས་པ་ནི་མ་ཡིན་ནོ། །དེ་ལས་ཐོས་པ་ནི་ས་འགུལ་བ་ལ་སོགས་པའོ། །རབ་ཏུ་དགའ་ཞིང་ངོ་མཚར་སྐྱེས་པ་ནི་སྔར་དང་བ་ཐོབ་པའོ། །ཡིད་ལ་ཡ་མཚན་དང་ངོ་མཚར་ཆེ་བ་ཞེས་བྱ་བ་ནི་ངོ་
[176a.7]མཚར་#ཡ་མཚན་ཆེ་བ་གཉིས་ཀྱིས་དྲངས་པ་སྟེ། དེས་ངོ་མཚར་དུ་གྱུར་ནས་རྣམ་པར་རྟོག་པ་རྨད་དུ་བྱུང་བར་གྱུར་པའི་ཕྱིར་རོ། །ངོ་མཚར་ཆེ་བ་དེས་ན་དེ་ཉིད་ཉམས་སད་པས་འདོད་པ་སྟེ་དེས་སོ། །ཉི་མའི་འོད་རབ་ཏུ་གསལ་བ་གང་ཡིན་བ་དེ་ནི་ཉི་མའི་འོད་ཟེར་རབ་ཏུ་གསལ་བར་
[176b]
[176b.1]གྱུར་པའོ། །འདིར་ཚ་བས་བྱས་པའི་ངལ་བ་དེས་གདུངས་པ་གང་ཡིན་པ་དེ་ནི་ཚ་བས་གདུངས་ཤིང་ངལ་བར་གྱུར་པའོ། །དེ་དག་གིས་ནི་བཀྲེས་པ་དང་སྐོམ་པ་དང་། ངལ་བས་གདུངས་ཤིང་མགྲིན་པ་འགགས་པའོ། །ཡང་ན་བཀྲེས་པ་དང་། སྐོམ་པ་དང་། ངལ་བས་བྱས་པའི་
[176b.2]གདུང་བ་དེས་མགྲིན་པ་འགགས་པ་གང་ཡིན་པའོ། །གྲོགས་དང་བྲལ་བས་གཅིག་པུར་གྱུར། །ཞེས་#བྱ་བའི་ཚིགས་སུ་བཅད་པ་འདིའི་བསྡུས་པའི་དོན་ནི་ལུས་དང་སེམས་སྡུག་བསྔལ་གྱིས་ཉམ་ཐག་པ་བདག་ལ་བསྐྱབ་པའི་རིགས་སོ། །ཞེས་བསྟན་ཏོ། །དེ་ལ་སེམས་
[176b.3]ཀྱི་སྡུག་བསྔལ་ནི་འཇིགས་པ་སྟེ། གྲོགས་མེད་པའི་ཕྱིར་རོ། །ནགས་ཚལ་སྟུག་པོའི་ནང་དུ་འདུག་པ་ནི་ལུས་ཀྱི་སྡུག་བསྔལ་ཡིན་ཏེ། དེ་ཡང་རྣམ་པ་གཉིས་སོ། །ལྷན་ཅིག་སྐྱེས་པའི་སྡུག་བསྔལ་དང་། ལམ་དུ་ཞུགས་པས་དུབ་པའི་སྡུག་བསྔལ་ཏེ། བཀྲེས་པ་
[176b.4]དང་ངལ་བ་དེ་གཉིས་ཀྱིས་དུབ་པའི་ལུས་ཞེས་སྨོས་པའི་ཕྱིར་རོ། །སྐོམ་པ་ཡང་ལྷན་ཅིག་སྐྱེས་པའི་སྡུག་བསྔལ་གྱི་རང་བཞིན་ཡིན་པས་མ་སྨོས་སོ། །ཚིགས་བཅད་སྔ་མའི་དོན་ཉིད་བསྟན་པའི་ཕྱིར་ཚིགས་བཅད་གཉིས་པ་ཡང་བརྩམས་ཏེ། བདག་ནི་ལམ་དང་ལམ་
[176b.5]མིན་ཞེས་བྱ་བའོ། །ཡང་ན་ཁྱད་པར་དམིགས་པ་ཡིན་ཏེ། ཚིགས་བཅད་དེ་ལས་ནི་སྔ་མར་ནགས་ཚལ་སྟུག་པོའི་ནང་དུ་འདུག་ཅེས་བཤད་པ་ལ། ནགས་ཚལ་གྱི་རྒྱུ་མ་བསྟན་པས་དེའི་རྒྱུ་ལམ་དང་ལམ་མིན་ཞེས་བྱ་བ་འདིས་བསྟན་ཏོ། །ཇི་ལྟར་བསྟན་པའི་དོན་ཉིད་
[176b.6]ཚ་བ་དང་། སྐོམ་པ་དང་། ངལ་བའོ་ཞེས་སྔར་བསྟན་པའི་ཁྱད་པར་ཏེ། སྔར་བཤད་པའི་ཚིགས་བཅད་ཀྱི་དོན་ཡང་ལྷན་ཅིག་སྐྱེས་པའི་སྡུག་བསྔལ་སྐོམ་པ་བསྐང་བ་སྟེ། དེའི་རང་བཞིན་བཀྲེས་པའི་སྡུག་བསྔལ་སྨོས་པ་ཡང་རབ་ཏུ་གྲུབ་བོ། །རིངས་རིངས་ལྟར་མགྱོགས་
[176b.7]སུ་དོང་སྟེ་ཞེས་བྱ་བ་ནི་རྟབས་#ཤིང་རིངས་པས་མགྱོགས་པར་འགྲོ་བ་གང་ཡིན་བ་དེ་ནི་རིངས་རིངས་ལྟར་མགྱོགས་སུ་དོང་བའོ། །དགའ་བ་དང་རྟབ་རྟབ་པོ་#ནི་དགའ་བས་རྟབ་རྟབ་པའོ། །དེ་གཉིས་ཀྱིས་མགྱོགས་པར་འགྲོ་བ་གང་ཡིན་པ་དེ་ནི་དགའ་བས་རྟབ་རྟབ་པོར་གྱུར་ཅིང་#
[177a]
[177a.1]མགྱོགས་པོར་སོང་བའོ། །ཉ་བ་རྣམས་ཀྱིས་#བརྗེད་ནས་བོར་བའམ། ཞེས་བྱ་བ་འདིས་ནི་གཞན་གྱིས་བསད་པ་ཉིད་དུ་བསྟན་ཏོ། །སྔངས་#ཏེ་བརྒལ་བས་ཐང་ལ་འགྲེས་པ་དག །ཅེས་བྱ་བ་འདིས་ནི་རང་ཉིད་ཤི་བ་ཉིད་དུ་བསྟན་ཏེ། གཉི་གས་ཀྱང་
[177a.2]བདག་གིས་མ་བསད་པ་ཉིད་དུ་བསྟན་ཏོ། །དེ་བས་ན་སྦྱིན་པའི་དངོས་པོ་ཉོན་མོངས་པ་མེད་པ་ཉིད་དུ་བསྟན་ཏོ། །ལ་ལ་ཞིག་གིས་ཞེས་བྱ་བ་འདིས་ནི་རྐུ་བ་དང་རྔོན་པ་མ་ཡིན་པ་ཉིད་དུ་བསྟན་ཏེ། དེས་ན་ཡང་ཉོན་མོངས་པ་མེད་པ་སྟེ། ལྷག་མ་རྣམས་ནི་སྔ་མ་བཞིན་ནོ། །ཆུང་
[177a.3]དུ་ན་འབྲས་བུ་འདི་སྨོས་པ་ཡིན་ནོ། །རི་བོང་གྲོང་ན་ཉེ་བར་གནས་པ་གཞན་དག་ལ་ནི་ཡོད་དེ། བདག་ནི་ནགས་སུ་སྐྱེས་ནས་མེད་དོ་ཞེས་བསྟན་ཏོ། །#དེས་ན་ཡང་མུད་ག་ལ་སོགས་པ་བཙོས་པའི་ཁྱད་པར་ལས་མ་གཏོགས་པར་ཡང་བཟའ་བར་ནུས་ཏེ། དེས་ན་དེ་དག་ཉིད་
[177a.4]སྨོས་སོ། །གང་གི་དོན་སྒྲུབ་ནོར་ཅི་ཡོད་པ་ཞེས་བྱ་བ་འདིས་ནི་རང་དགར་ཡོད་པས་ཉོན་མོངས་པ་མེད་པའི་སྦྱིན་པ་བསྟན་ཏོ། །ལྷག་པའི་ཞེས་བྱ་བ་ནི་ཁྱད་པར་དུ་གྱུར་པའོ། །ནོར་དབྱིག་ཅེས་བྱ་བ་ནི་ནོར་ཐམས་ཅད་དེ་རེ་ཞིག་བདག་ཉིད་ཅེས་བྱ་བ་ལ། བདག་ཡོངས་སུ་
[177a.5]གཏོང་#བ་ལ་དགོངས་པའོ། །ཁྱོད་ལ་བརྟེན་#ནས་བདག་ནི་དོན་ཡོད་གྱུར། །ཞེས་བྱ་བ་ནི་འདི་ལྟར་སྦྱིན་པས་སོ། །གུས་ཤིང་རིམ་གྲོ་སྐྱེད་དེ་ཞེས་བྱ་བ་ལ། གུས་པ་དང་རིམ་གྲོ་མེད་པར་གཞན་དུ་ན་དེ་ཇི་ལྟར་ནུས་པར་གྱུར་པའོ། །དེ་ལ་དེ་སྐད་ཅེས་སྨྲས་ཏེ་ཞེས་བྱ་བ་ནི་སློང་
[177a.6]བའི་མགྲོན་#ལ་དགའ་ཞིང་ཡོན་ཏན་ཆེ་བར་རྟོགས་ནས་ཞེས་བྱ་བའི་དོན་ཏོ། །ཇི་ལྟར་མཆོག་ཏུ་དགའ་བ་ཡིན་ཞེ་ན། ནོར་འདོད་པ་དག་གཏེར་ནི་མཐོང་བ་བཞིན། །ཞེས་བྱ་བ་ཡིན་ནོ། །ཇི་ལྟ་བུའི་མེའི་ནང་དུ་ཞུགས་ཤེ་ན། མེ་འབར་དེའི་ནང་དུ་ཞེས་བྱ་བ་དང་། པདྨ་རྒྱས་པའི་
[177a.7]ཆུ་ནང་ངང་པ་བཞིན། །ཞེས་བྱ་བའོ། །ཇི་ལྟར་གསེར་མཐོང་བས་ནི་མཆོག་ཏུ་དགའ་བ་དེ་ལྟ་བུ་མ་ཡིན་ཏེ། དེ་བས་ན་འཕྲལ་ལ་ཞེས་སྨོས་སོ། །ཅི་ཞིག་བཏང་ཞེ་ན། ལུས་སོ། །ཇི་ལྟར་བཏང་ཞེ་ན། ཆགས་པ་མེད་པ་མགྲོན་#ལ་བྱམས་པའི་ཕྱིར་རོ། །འདི་ལྟར་
[177b]
[177b.1]ཡང་ཆགས་པ་མེད་པ་ནི་མེ་ཏོག་དམན་མ་བཞིན་ནོ། །གཏོང་བ་རྒྱ་ཆེན་ཞེས་བྱ་བ་སྟེ། དེ་བས་ན་ལུས་ལ་ཆགས་པ་མེད་པར་ཡོངས་སུ་གཏོང་བས་སོ། །སེམས་ཀྱང་གསལ་བ་ནི་ཞེས་བྱ་བ་ནི་མགྲོན་#ལ་བྱམས་པས་གཏོང་#བའོ། །གཏོང་བ་རྒྱ་ཆེ་བ་དང་སེམས་ཀྱང་གསལ་བའི་
[177b.2]རྒྱུ་བསྒྲུབ་པའི་ཕྱིར། །ཨེ་མའོ་ཡོན་ཏན་གོམས་བྱས་པ། །ཞེས་བྱ་བའི་ཚིགས་བཅད་སྨོས་ཏེ། དེ་བས་#ལུས་ལ་ཆགས་པ་མེད་པར་དུད་འགྲོའི་སྐྱེ་གནས་སུ་གྱུར་པ་ཡང་སེམས་གསལ་བར་བྱེད་པ་དང་། ཡོན་ཏན་ལ་གོམས་པའི་ཕྱིར་རོ། །རྒྱུ་དང་སྐྱེ་བ་སྣ་ཚོགས་པ་དག་ལ་
[177b.3]ཡང་གཏོང་བ་རྒྱ་ཆེ་བར་བྱེད་པའོ། །དམ་པའི་སྤྱོད་གཞོལ་བ་ཞེས་བྱ་བ་ནི་སྙིང་སྟོབས་རྒྱ་ཆེ་བའོ། །གང་དུ་རྣམ་པར་མཛེས་པ་ནི་ཟླ་བ་སྟེ། གནས་སྐབས་ཇི་ལྟ་བ་བཞིན་དུ་ཡོངས་སུ་རྫོགས་པ་#སྟེ། ད་ལྟའི་དུས་སུ་ཡང་གཉི་ག་ལ་སྦྱར་བར་བྱའོ། །ཇི་ལྟ་བུ་ཞེ་ན། དངུལ་གྱི་མེ་
[177b.4]ལོང་#བཞིན་དུའོ། །ཇི་ལྟར་མཛེས་པར་སྣང་ཞེ་ན། ཟླ་བའི་གཟུགས་བརྙན་བཞིན་དུ་མདངས་དང་ལྡན་པ་ལྟ་བུར་རོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་རི་བོང་གི་སྐྱེས་པའི་རབས་སོ།། །།དཀའ་ཐུབ་ཀྱི་ནགས་ཚལ་ན་གནས་
[177b.5]པ་རྣམས་ལ་ཡང་ཞེས་བྱ་བ་ནི་གཞན་ཡོངས་སུ་བཟུང་བ་སྤངས་པའི་ཕྱིར་དཀའ་ཐུབ་ཀྱི་ནགས་ན་ནི་གཏོང་བ་མེད་དེ། གཏོང་བའི་ནུས་པ་མེད་པ་ཡིན་པའི་ཕྱིར་དེ་བས་ན་ཡང་གི་སྒྲ་སྨོས་སོ། །ཁྱིམ་ན་གནས་པ་རྣམས་ལྟ་སྨོས་ཀྱང་ཅི་དགོས་ཞེས་བྱ་བ་ནི་དེ་ལས་བཟློག་#པའི་
[177b.6]ཕྱིར་རོ། །འཇིག་རྟེན་ལ་ཕན་པའི་ཕྱིར་འཁོར་བ་ན་གནས་པའི་ཚེ་ཞེས་བྱ་བ་ནི་གལ་ཏེ་འཇིག་རྟེན་ལ་ཕན་པ་ལ་ལྟོས་#པ་མེད་པར་མཛད་ན་ནི་སྐད་ཅིག་གཅིག་གིས་འཁོར་བའི་ལམ་གྱི་མཐར་གཤེགས་པར་འགྱུར་རོ་ཞེས་བྱ་བའི་དོན་ཏོ། །སྤྱོད་པ་#དང་ཡོན་ཏན་རྣམ་པར་དག་པས་#
[177b.7]མངོན་པར་མཚོན་པ་ཞེས་བྱ་བ་ལ། སྤྱོད་པ་ནི་ལུས་དང་ངག་གི་མཚན་ཉིད་དོ། །ཡོན་ཏན་ཡང་སྤྱོད་པའི་མཚན་ཉིད་དོ། །ཡང་ན་སྤྱོད་པ་ནི་སྦྱོར་པའོ། །ཡོན་ཏན་ནི་བསམས་#པའོ། །སྤྱོད་པ་དང་ཡོན་ཏན་དག་ནི་རྣམ་པར་དག་པའི་སྤྱོད་པ་དང་ཡོན་ཏན་རྣམ་པར་དག་པའོ། །
[178a]
[178a.1]དེས་མངོན་པར་མཚོན་པ་ནི་སྤྱོད་པ་དང་ཡོན་ཏན་རྣམ་པར་དག་པས་མཚོན་པའོ། །སའི་སྟེང་ན་རྒྱན་དུ་གྱུར་པ་ཞེས་བྱ་བ་ནི་རིགས་མཐོ་ཞིང་མཐོ་བའི་རྒྱུད་དུ་གྱུར་པ་སྟེ། ཤས་ཆེར་ལྷག་པར་མཛེས་པ་དེས་རྒྱན་དུ་གྱུར#། །སྐྱེས་པའི་ལས་ལ་སོགས་
[178a.2]པ་བྱ་བ་རྣམས་ནི་བྱས་ཞེས་བྱ་བ་འདིས་ནི་མཆོད་སྦྱིན་བསྟན་ཏོ། །རིག་#བྱེད་ཡན་ལག་དང་བཅས་པ་ནི་བསླབས་ཞེས་བྱ་བ་འདིས་ནི་འདོན་པ་བསླབས་པའོ། །མཁས་པའི་གྲགས་པ་ས་མིའི་འཇིག་རྟེན་ཁྱབ་པར་བྱས། །ཞེས་བྱ་བ་འདིས་ནི་འདོན་དུ་འཇུག་པ་བསྟན་ཏོ། །
[178a.3]ཕུལ་བ་རྣམས་བླངས་པ་ཞེས་བྱ་བ་འདིས་ནི་ལེན་པ་བསྟན་ཏོ། །གཉེན་དང་མཛའ་བཤེས་རྟེན་དང་ཞེས་བྱ་བ་ལ་སོགས་པས་ནི་སྦྱིན་པ་བསྟན་ཏོ། །བྲམ་ཟེ་ལས་#སུ་བསྟན་པ་ལས་ལྷག་མ་ཅི་ཞིག་ལུས་ཤེ་ན། མཆོད་སྦྱིན་བྱེད་དུ་འཇུག་པ་སྟེ། དེ་ནི་བྱང་ཆུབ་སེམས་དཔའ་
[178a.4]མི་མཛད་དེ། འགྲོ་བ་ཐམས་ཅད་ལ་འཚེ་བ་མེད་པ་དང་ལྡན་པའི་ཕྱིར་ཏེ། འཚེ་བ་སྤོང་བར་འདོད་པས་སོ། །མཉེན་#དང་མཛའ་བཤེས་རྟེན་དང་ཞེས་བྱ་བ་ནི་ལས་དང་#གསོ་དགོས་པའི་དབང་དུ་བྱས་པའོ། །ཕོངས་པ་རྣམས་ཞེས་བྱ་བ་ནི་སྙིང་རྗེའི་ཞིང་གི་དབང་དུ་བྱས་
[178a.5]པའོ། །མགྲོན་དང་བཀུར་སྟི་བྱ་བ་རྣམས། །ཞེས་བྱ་བ་ནི་ཡོན་ཏན་གྱི་ཞིང་སྟེ་མགྲོན་ཡང་ཡོན་ཏན་གྱི་ཞིང་དུ་གཟུང་#བར་བྱ་སྟེ། གང་གི་ཕྱིར་སློང་བ་དག་ནི་བྱང་ཆུབ་སེམས་དཔའི་དགེ་བའི་བཤེས་གཉེན་དུ་གཟུང་བར་བྱའོ་ཞེས་བྱ་བའི་ཚིག་གིས་སོ། །བླ་མ་ཞེས་བྱ་བ་
[178a.6]ནི་ཕན་འདོགས་པའི་ཞིང་རོ། །ཟླ་བ་ལྟ་བུ་ནི་མཁས་པར་གྲགས་པའོ། །སྟོན་ཀ་ལྟ་བུ་ནི་གཏོང་བ་དང་དཔའ་བའོ། །བྱ་བ་ངན་པས་བྲེལ་#པའི་ཉེས་པས་གླགས་པ་ཞེས་བྱ་བས་#ནི་མངོན་པར་མཐོ་བའི་ཕྱོགས་དང་འགལ་བར་བསྟན་ཏོ། །བག་མེད་པའི་གནས་སུ་གྱུར་པ་
[178a.7]ཞེས་བྱ་བ་འདིས་ནི་ངེས་པར་ལེགས་པ་དང་འགལ་བར་བསྟན་ཏོ། །བག་མེད་པ་གང་ཞེ་ན། དགེ་བའི་ཆོས་རྣམས་མི་སྒོམ་པ་སྟེ། འདིས་ནི་ཉོན་མོངས་པའི་ཀུན་ནས་ཉོན་མོངས་པས་ཉོན་མོངས་བ་ཉིད་དུ་བསྟན་ཏོ། །སྔ་མས་ནི་ལས་ཀྱི་ཀུན་ནས་ཉོན་མོངས་པས་ཉོན་མོངས་པ་ཉིད་དུ་བསྟན་ཏོ། །
[178b]
[178b.1]ད་ནི་སྐྱེ་བའི་ཀུན་ནས་ཉོན་མོངས་པས་#ཉོན་མོངས་པ་ཉིད་བསྟན་ཏེ། ཚོལ་བ་ལ་སོགས་པའི་སྐྱོན་ཡིན་པའི་ཕྱིར་རོ། །ཉེ་བར་ཞི་བ་དང་འགལ་བ་ཞེས་བྱ་བ་ནི་ཉེ་བར་ལོངས་སྤྱོད་པའོ། །དབེན་#དུ་གྱུར་པ་ཞེས་བྱ་བ་ནི་འཇིག་པའི་དུས་སུ་མྱ་ངན་དང་། སྨྲེ་སྔགས་འདོན་པ་དང་།
[178b.2]སྡུག་བསྔལ་བ་དང་། ཡིད་མི་བདེ་བ་དང་། འཁྲུགས་#པ་ལ་སོགས་པའི་ཕོངས་པ་བརྒྱའི་དབེན་#དུ་གྱུར་པའི་ཕྱིར་རོ། །སོ་ཚིས་ཀྱི་ལས་བསྒྲུབ་#པ་མཐའ་ཡས་པས་#ཞེས་བྱ་བ་ནི་ནོར་སྒྲུབ་པ་ལ་སོགས་པའི་ཡོངས་སུ་མ་གྲུབ་#པ་དང་མཐར་མ་ཕྱིན་པས་སོ། །ཆོག་མི་ཤེས་
[178b.3]པ་ཞེས་#བྱ་བ་ནི་ཉེ་བར་ལོངས་སྤྱོད་པས་ངོམས་པ་མེད་པའོ། །དེའི་ཉེས་པ་མེད་ཅིང་བདེ་ལ་ཞེས་བྱ་བ་ནི་ངན་པས་བྲེལ་#པའི་ཉེས་པས་གླགས་པ་མེད་པའི་བདེ་བའོ། །ཆོས་སྒྲུབ་པ་དང་རྗེས་སུ་མཐུན་པ་ཞེས་བྱ་བ་ལ་ཆོས་ནི་འདིར་མངོན་པར་མཐོ་#བ་ལ་དགོངས་སོ། །དེ་
[178b.4]སྒྲུབ་པ་ནི་ཆོས་སྒྲུབ་པའོ། །འདིའི་རྗེས་སུ་མཐུན་པ་ནི་རྗེས་སུ་འགྲོ་བ་དང་ལུགས་སུ་འབྱུང་བ་སྟེ། བྱ་བ་ངན་པས་བྲེལ་པའི་གཉེན་པོས་བྱ་བ་བཟང་པོ་སྒྲུབ་པ་དང་རྗེས་སུ་མཐུན་པ་ཉིད་དུ་བསྟན་ཏོ། །ཐར་པའི་ཆོས་བརྩམས་པའི་གནས་སུ་གྱུར་པ་ཞེས་བྱ་བ་ལ། འདིར་
[178b.5]ཆོས་ནི་ཐར་པ་སྒྲུབ་པའི་ཆོས་ལ་དགོངས་སོ། །ཐར་པའི་ཆོས་བརྩམས་པ་དེའི་རྩོམ་པའི་ལྷག་པའི་ཚུལ་ཁྲིམས་དང་སེམས་དང་། ཤེས་རབ་ཀྱི་མཚན་ཉིད་དེའི་གནས་སུ་གྱུར་པའོ། །ཉོན་མ་མོངས་པར་རྙེད་པ་ཞེས་བྱ་བ་ནི་བསགས་པའི་སྡུག་བསྔལ་མ་ཡིན་པས་
[178b.6]རྙེད་པ་སྟེ། སྔ་མ་ཉིད་དུ་ཡན་ཏན་ལ་དགའ་བའི་སྦྱིན་པ་པོ་དག་གིས་མཆོད་ཅིང་ཕུལ་བ་བསླངས་པ་ཞེས་བསྟན་པའི་ཕྱིར་ཏེ། འདིས་ནི་སྦྱིན་པའི་ཕ་རོལ་ཏུ་ཕྱིན་པའི་འབྲས་བུ་བསྟན་ཏོ། །འཇིག་རྟེན་གྱི་བཀུར་སྟི་བྱས་པ་ཡིད་དུ་འོང་བ་དག་ཀྱང་ཞེས་བྱ་བ་འདིས་ནི་བཟོད་
[178b.7]པའི་ཕ་རོལ་ཏུ་ཕྱིན་པའི་འབྲས་བུ་བསྟན་ཏེ། བདག་ཉིད་ཀྱི་ཕུན་སུམ་ཚོགས་པ་སྔར་བསྟན་པའི་ཕྱིར་ཚུལ་ཁྲིམས་ཀྱི་འབྲས་བུ་ཡང་བསྟན་ཏོ་ཞེས་བྱ་བའི་ཚིག་གིས་སོ། །རབ་ཏུ་བྱུང་བ་དཀའ་ཐུབ་ཅན་གྱི་དུལ་བ་དང་བསྡམས་#པ་ལ་རབ་ཏུ་འབད་པ་ཞེས་བྱ་བ་ལ་
[179a]
[179a.1]རབ་ཏུ་བྱུང་བའི་#དཀའ་ཐུབ་ཀྱིས་དུལ་བ་དང་བསྡམས་པ་ནི་#དཀའ་ཐུབ་ཅན་གྱི་རབ་ཏུ་བྱུང་བ་དུལ་བ་དང་བསྡམས་པའོ། །དེ་རབ་ཏུ་བྱུང་བའི་དུལ་བ་དང་#བསྡམས་པ་མཆོག་ཏུ་བྱེད་པ་ནི་གཙོ་བོར་བྱེད་པ་སྟེ། དུལ་བ་དང་བསྡམས་པ་ཞེས་བྱ་བའི་དོན་ཏོ། །
[179a.2]གྲགས་པ་ཆེ་བ་དང་ཞེས་བྱ་བ་ནི་གྲགས་པ་གསལ་བར་གྱུར་པས་སོ། །སྔོན་ཤེས་#པ་རྗེས་སུ་དྲན་པ་དང་ཞེས་བྱ་བ་ནི་ཡོངས་སུ་འདྲིས་པའི་ཕྱིར་རོ། །སྲིད་པའི་ཡོན་ཏན་དང་། རབ་ཏུ་ཞི་བས་མཚོན་པའི་ཕྱིར་ཞེས་བྱ་བ་ནི་སྲིད་པའི་ཡོན་ཏན་ཉེ་བར་ཞི་བ་གང་ཡིན་པ་
[179a.3]དེ་ནི་རབ་ཏུ་ཞི་བའོ། །སྲིད་པའི་ཡོན་ཏན་ཉིད་རབ་ཏུ་ཞི་བ་དེས་མངོན་པར་མཚོན་ནས་སྲིད་པའི་ཡོན་ཏན་རབ་ཏུ་ཞི་བས་མངོན་པར་མཚོན་པའོ། །འདིས་ནི་ཐོས་པ་སྟེ། འགྲོགས་པས་ནི་མ་ཡིན་ནོ། །དེ་ལྟར་ན་མཐོང་བ་ཙམ་གྱིས་དེ་བཞིན་དུ་འོང་བར་འགྱུར་རོ་ཞེས་
[179a.4]སྨོས་ཏེ། སྔོན་ཁྱིམ་པའི་གནས་སྐབས་བཞིན་རབ་ཏུ་བྱུང་ནས་ཀྱང་རབ་ཏུ་དབེན་པའི་བདེ་བ་མེད་པར་བྱེད་པ་འཁྲུག་པ་དང་ཞེས་བྱ་བ་ནི་བསམ་གཏན་གྱི་བདེ་བ་བཅོམ་པའོ། །ཡང་ན་རབ་ཏུ་བྱུང་བའི་བདེ་བ་བཅོམ་པའོ། །ཅི་ལྟ་ཞེ་ན། གཡེང་བ་དང་བར་ཆད་དུ་གྱུར་
[179a.5]པ་དེ་ལ་ཞེས་བྱ་བ་ནི་གཡེང་བ་དང་བར་ཆད་དུ་གྱུར་པའི་ཁྱིམ་པའི་འདུ་འཛི་སྟེ། དབེན་པའི་འདུ་འཛིས་བར་དུ་གཅོད་པར་བྱེད་པས་འདྲེས་པའོ། །དེ་ལ་མི་དགའ་ནས་ཞེས་བྱ་བ་ནི་གཞན་གྱིས་ནི་དབེན་པའི་རོ་མི་ཤེས་ཤིང་འདུ་འཛི་ལ་དགའ་བ་སྟེ། དེ་བས་ན་མངོན་
[179a.6]པར་འཇུག་པ་ལ་དགའ་བ་ཞེས་བསྟན་ཏོ། །རབ་ཏུ་དབེན་པ་ལ་དགའ་བའི་ཕྱིར་ཞེས་བྱ་བ་ལ་དགའ་བའི་ཕྱིར་ཞེས་བྱ་བ་ནི་ལུས་དང་སེམས་དབེན་པ་ལ་དགའ་བའི་ཕྱིར་ཏེ། ལུས་དབེན་པ་ནི་གཉིས་སུ་མེད་པར་གནས་པའོ། །སེམས་དབེན་པ་ནི་ཉོན་མོངས་པས་ཀུན་
[179a.7]ཏུ་བཅོམ་པའི་སེམས་སྤངས་ཤིང་སེམས་ཀྱི་རྒྱུད་གཅིག་ཏུ་གྱུར་པའོ། །ཨནྡ་རྙིལ་གྱི་བཅག་འཕྲོ་ལྟར་མངོན་པར་སྔོ་བའི་ཆོས་གསལ་བ་གང་ཡིན་པའི་རླབས་ཀྱི་#ཕྲེང་བ་འདི་ནི་ཨནད་རྙིལ་ལྟར་མདོག་སྔོ་བའོ། །དེ་འཐོར་བས་མཐའ་མར་གཏོར་བ་དེ་ནི་འཐོར་བས་མཐའ་
[179b]
[179b.1]གཏོར་བའོ། །འདི་དག་གིས་ནི་སྐྱེ་བོ་གཞན་གྱིས་བགྲོད་པར་མི་ནུས་པར་བསྟན་ཏོ། །ས་གཞི་བྱེ་མ་སྐྱ་བོས་ཁེབས་པ་#ཞེས་བྱ་བ་ནི་ཉམས་དགའ་བ་དང་། རྐང་པ་དོར་བ་ན་རེག་ན་བདེ་བ་ཉིད་དུ་བསྟན་ཏོ། །མེ་ཏོག་དང་འབྲས་བུ་དང་འདབ་#མས་བརྒྱན་པ་ཞེས་
[179b.2]བྱ་བ་ནི་ཉམས་དགའ་བ་དང་། འཚོ་བ་སྒྲུབ་ཏུ་རུང་བ་ཉིད་དུ་བསྟན་ཏོ། །ཤིང་རྣམ་པ་སྣ་ཚོགས་ཀྱིས་མཛེས་པར་བྱས་པ་ཞེས་བྱ་བ་ནི་འཚོ་བ་ཡོད་པ་སྒྲུབ་པ་དང་རྟག་ཏུ་མི་འབྲལ་བ་ཉིད་དུ་བསྟན་ཏོ། །ཆུ་གཙང་མ་བཏུང་དུ་རུང་བ་ཡོད་པ་ཞེས་བྱ་བ་ནི་བཏུང་བ་
[179b.3]དང་། ཁྲུས་དང་། གཙང་སྦྲའི་ཡོ་བྱད་ཉིད་བསྟན་ཏོ། །དཀའ་ཐུབ་ཀྱི་གནས་དཔལ་དང་ལྡན་པར་བྱས་སོ་ཞེས་བྱ་བ་ནི་དཀའ་ཐུབ་ལ་དཀའ་ཐུབ་ཅན་དག་གིས་ལྷག་པར་བསྟེན་པའི་ཕྱོགས་ནི་དཀའ་ཐུབ་ཀྱི་གནས་ཞེས་བརྗོད་དོ། །ལུས་བཟང་ཞེས་བྱ་བ་ནི་
[179b.4]ཁྱད་པར་དུ་གྱུར་པའི་ལུས་ཤིན་ཏུ་བཟང་བའོ། །རིང་པར་གྱུར་པ་ནི་ལུས་ཤིན་ཏུ་བཟང་པོ་དེ་ལོ་མ་དང་། འབྲས་བུ་དང་། རྩ་བ་ལ་སོགས་པ་ཟ་བའི་ཕྱིར་རོ། །དེ་ན་ཞེས་བྱ་བ་ནི་ཀ་རའི་གླིང་ནའོ། །དཀའ་ཐུབ་ཅན་ཞེས་བྱ་བ་ནི་དུལ་བ་དང་སྡོམ་པ་ལ་སོགས་པའི་
[179b.5]མཚན་ཉིད་ཀྱི་དཀའ་ཐུབ་ཅན་གྱིས་མཛེས་པ་ལྟ་བུ་གན་གྱིན་པ་ནི་དཀའ་ཐུབ་པའོ#། །ཟླ་བ་ཆོས་པ་ལྟ་བུ་ནི་བྱང་ཆུབ་སེམས་དཔའོ། །སྤྱོད་པ་དང་དབང་པོ་རབ་ཏུ་ཞི་ཞིང་དུལ་བ་གང་ཡིན་པ་དེ་ནི་སྤྱོད་པ་དང་དབང་པོ་རབ་ཏུ་ཞི་ཞིང་དུལ་བའོ། །རབ་ཏུ་ཞི་བ་དང་། དུལ་
[179b.6]བ་དང་སྤྱོད་པ་ལ་#ལྟ་ཞིང་རྣམ་པར་ལྟ་བ་ཞེས་བྱ་བ་ལ་སོགས་པ་ལ། རབ་ཏུ་ཞི་ཞིང་དུལ་བའི་དབང་པོ་ནི་དབང་པོའི་སྒོ་བསྲུངས་པ་ཉིད་དོ། །བརྟུལ་ཞུགས་བསྡམས་ལ་ངེས་བྱས་ཞེས་བྱ་བ་ལ་བརྟུལ་ཞུགས་དང་བསྡམས་པ་ནི་བརྟུལ་ཞུགས་དང་བསྡམས་པའོ། །དེ་གཉིས་ལ་རྩེ་གཅིག་
[179b.7]པ་གང་ཡིན་པ་དེ་ནི་བརྟུལ་ཞུགས་བསྡམས་ལ་ངེས་བྱས་སོ། །བརྟུལ་ཞུགས་ཀྱིས་ནི་#བསྡམས་པ་ཡང་སྨོས་པ་ཡིན་ནོ། །མི་འཚེ་བ་དང་། བདེན་པའི་ཚིག་དང་། མི་རྐུ་བ་དང་། རྟོག་པ་མེད་པ་ཉིད་དང་ཚངས་པར་སྤྱོད་པ་སྟེ། ལྔ་པོ་འདི་དག་ནི་བརྟུལ་
[180a]
[180a.1]ཞུགས་སོ། །བསྡམས་པ་ནི་མི་ཁྲོ་བ་དང་། བླ་མ་ལ་སྲི་ཞུ་ཆེ་བ་དང་། གཙང་སྦྲ་དང་། སྤྱོད་པ་ཡང་བ་དང་། བག་ཡོད་པ་སྟེ་ལྔ་པོ་འདི་དག་ནི་བསྡམས་བ་ཞེས་བསྒྲགས་སོ། །བྱ་དང་རི་དྭགས་རྣམས་ཀྱང་དེ་ལ་འཁོར་ཏེ། དེ་བས་ན་ཐུབ་
[180a.2]པ་ཞེས་བྱ་བ་#སྟེ། རྒྱུ་འདིའི་ཕྱིར་རོ། །འདིས་ནི་དེ་ལ་ཕན་པ་དེས་དཀའ་ཐུབ་ཅན་ཁྱད་པར་དུ་#གྱུར་པ་བསྟན་ཏོ། །སྐྱེ་བོ་དཀའ་ཐུབ་ཅན་ལ་འོས་པ་ཞེས་བྱ་བ་ནི་རྒྱུ་ཕབ་པ་བསྟན་པ་དང་ལྡན་པའོ། །འཚོ་བའི་ཕྱིར་ཞེས་བྱ་བ་ནི་སྤ་བ་དང་། དྲེགས་པའི་ཕྱིར་མ་ཡིན་ནོ། །
[180a.3]ཇི་སྲིད་དེ་ལྟར་འདོད་པ་ལ་གནས་པ་ཞེས་བསྟན་པའི་རིམ་པས་སོ། །ལྷའི་དབང་པོ་བརྒྱ་བྱིན་ཞེས་བྱ་བ་ནི་རང་གི་ངོ་བོ་དང་ཁྱད་པར་#ལས་བསྟན་ཏོ། །ནུས་པ་ཡིན་པས་བརྒྱ་བྱིན་ཏེ། སྤྲོ་བ་དང་། གསང་ཚིག་དང་། གཙོ་བོའི་ནུས་པ་དང་ལྡན་པའི་ཕྱིར་རོ། །བརྒྱ་
[180a.4]བྱིན་ཞེས་བྱ་བ་འདིས་ནི་རང་གི་ངོ་བོའི་ཁྱད་པར་བསྟན་ཏོ། །ལྷ་རྣམས་ཀྱི་དབང་པོ་ཞེས་བྱ་བས་ནི་ལས་ཀྱི་ཁྱད་པར་བསྟན་ཏོ། །ཡིད་བསམ་གཏན་ལ་ཞུགས་པ་ཞེས་བྱ་བ་ལ་སོགས་པ་ནི་དུས་གསུམ་དུ་#མི་སྣང་བའི་རྒྱུ་ཡིད་ལ་མི་བྱེད་པས་སོ། །འདི་ལ་འཚོལ་#
[180a.5]བའི་དུས་སུ་དེར་མི་སྣང་བའི་རྒྱུ་ཡིད་ལ་མི་བྱེད་པ་ཅིའི་ཕྱིར་ཞེ་ན། ཡིད་བསམ་གཏན་ལ་ཞུགས་པས་ཚོལ་བའི་དུས་སུ་ཡང་དེ་མི་སྣང་བའི་རྒྱུ་ཡིད་ལ་མི་བྱེད་དོ། །ཅིའི་ཕྱིར་ཞེ་ན། ཆོ་ག་ཤེས་པ་ལ་གོམས་པ་དང་། ཞེས་བྱ་བ་ནི་གང་ཡོངས་སུ་ལོངས་སྤྱོད་པའི་དུས་ན་
[180a.6]མི་སྣང་བའི་རྒྱུ་དེ་ཡིད་ལ་མི་བྱེད་པ་སྟེ། ཅིའི་ཕྱིར་ཞེ་ན། ཁ་ཟས་ལ་རྨོངས་པ་མེད་པས་སོ། །ཞེན་པ་མེད་པ་ཞེས་བྱ་བ་ནི་བསམ་པས་དོན་དུ་མི་གཉེར་བའོ། །ཟས་ཁྱད་པར་ཅན་མི་འཚོལ་བ་ནི་སྦྱོར་བས་སོ། །བློ་བདེ་བར་བྱས་ཏེ་གནས་སོ་ཞེས་བྱ་བ་ནི་རྒྱུ་
[180a.7]གཉིས་པོ་དེས་སོ། །དེ་བཞིན་དུ་ཞེས་བྱ་བ་ནི་ཇི་ལྟར་སྔ་མ་དེ་བཞིན་ནོ། །ཤིང་དང་ཤིང་གི་ལོ་མའི་ཁ་ཟས་ཀྱིས་#བློ་བདེ་བར་གནས་པ་ཉིད་ཀྱི་རྒྱུ་བསྟན་པའི་ཕྱིར། ཆོག་ཤེས་ངེས་པ་ཞེས་བྱ་བའི་ཚིགས་བཅད་སྨོས་སོ། །རྩྭ་དང་ལོ་མ་ཆུ་ཡི་གནས། །
[180b]
[180b.1]ཞེས་སྨོས་པས་#ནི་གསུམ་པོ་འདི་དག་ནི་འབད་པས་བསྐྱེད་མི་དགོས་པར་ཐམས་ཅད་ན་ཡང་ཡོད་པའི་ཕྱིར་ཐོབ་པ་ཉིད་ཀྱི་འཇུག་པ་བསྟན་པ་ཡིན་ནོ། །ལོ་མ་ལྷགས་ཤིང་རྙིངས་བ་ནི་ཅུང་ཟད་རློན་པ་ཞེས་བྱ་བའི་དོན་ཏོ། །ཤིང་གི་ལོ་མའི་ཁ་ཟས་ཀྱི་ས་མི་དགའ་བ་མེད་
[180b.2]པ་ནི་བློ་མི་དགའ་བ་མེད་པའོ། །#ངོམས་པའི་རྒྱུ་བསྟན་པའི་ཕྱིར་མང་དུ་ཐོས་པས་ཞེས་བྱ་བ་ལ་སོགས་པའི་ཚིགས་བཅད་སྨོས་སོ། །ཚིགས་སུ་བཅད་པ་འདིའི་བསྡུས་པའི་དོན་ནི་ཁྱིམ་ན་གནས་པ་ཡང་རང་གི་བསོད་ནམས་དང་། ཡེ་ཤེས་ཀྱི་ཚོགས་ཀྱི་འབྲས་བུ་
[180b.3]ལ་འཇུག་པ་སྟེ། མངོན་པར་མཐོ་བ་དོན་དུ་གཉེར་བའོ། །རབ་ཏུ་བྱུང་བ་ཡང་ངེས་པར་ལེགས་པ་དོན་དུ་གཉེར་བའོ། །གང་དེ་དག་གི་དོན་རྩོམ་པ་དེའི་གཉེན་པོ་དང་རྗེས་སུ་མཐུན་པའི་ཡོན་ཏན་ཉེ་བའི་ཉོན་མོངས་པ་མེད་པ་ཉིད་དུ་བསྟན་ཏོ། །སྙེམས་པ་#ནི་བདག་གིར་
[180b.4]བྱེད་པ་སྟེ་བདག་གོ་ཞེ་ནའོ། །དེས་ན་སྙེམས་པས་ནི་བདག་ལ་བསྟོད་པ་དང་གཞན་ལ་སྨོད་པར་#བྱེད་དེ། དེས་ན་#ཤེས་རབ་ཡོངས་སུ་ཉམས་པ་ཐོབ་པར་འགྱུར་རོ། །འབྱོར་པ་རྣམས་ལ་སེར་སྣས་ནི་ལོངས་སྤྱོད་བསགས་པ་དང་། ཕུན་སུམ་ཚོགས་པ་ཟད་#པའི་རྒྱུ་
[180b.5]ཡིན་ནོ། །ནགས་ཚལ་དུ་གནས་པ་ལ་ཆོག་མི་ཤེས་པས་ནི་ངེས་པར་ལེགས་པ་མི་འཐོབ་བོ། །ཐམས་ཅད་ལ་ཆགས་པ་མེད་པ་ལ་གོམས་པས་ནི་མྱ་ངན་ལས་འདའ་སྟེ། མྱ་ངན་ལས་འདས་པ་གསུམ་ཐོབ་པ་མངོན་པར་འདོད་པས་སོ། །དྲོ་ལ་བབ་པའི་ཚེ་ཞེས་
[180b.6]བྱ་བ་ནི་བཟའ་བའི་དུས་ཏེ། དུས་འདི་ལ་བཟའ་བ་#བྱའོ་ཞེས་པའོ། །བརྟུལ་ཞུགས་ཀྱི་དུས་དེ་ནི་བརྟུལ་ཞུགས་ཀྱི་དུས་ཞེས་བྱའོ། །ཟས་ཀྱི་དུས་ལ་བབ་པ་བསྟན་པ་#འཞེས་བྱ་བ་ནི་འདི་ནི་བདག་ཅག་གི་ཁ་ཟས་ཀྱི་དུས་སོ་ཞེས་སོ། །མགྲོན་དུ་བོས་སོ་ཞེས་བྱ་བ་ནི་
[180b.7]ཁྱེད་དང་འུ་བུ་ཅག་ལྷན་ཅིག་བཟའ་བར་བྱའོ་ཞེས་སོ། །མིག་བགྲད་འ#བཞིན་ནི་འཛུམ་པ་#མཛེས་ཞེས་བྱ་བ་འདིས་ནི་ལུས་ཀྱི་ཁྲོ་གཉེར་དེའི་གཉེན་པོ་དགའ་བའི་མཚན་མ་ཉིད་བསྟན་ཏོ། །ཡིད་འོང་རྣར་སྙན་ཚིག་གིས་དགའ་བར་བྱས་ནས་ནི། །ཞེས་བྱ་བ་ནི་ཚིག་རྩུབ་
[181a]
[181a.1]ཅིང་ཁྲོ་བའི་དངོས་པོ་དེའི་གཉེན་པོའི་ཚིག་ཕུན་སུམ་ཚོགས་པ་ཡང་བསྟན་ཏོ། །དགའ་བས་ཚིམ་པར་གྱུར་ཞེས་བྱ་བ་འདིས་ནི་ཡིད་ཀྱི་རྣམ་པར་གྱུར་པའི་དངོས་པོ་དེའི་གཉེན་པོ་ཡིད་རབ་ཏུ་དགའ་བ་ཡང་བསྟན་ཏོ། །ཡིད་རབ་ཏུ་དགའ་ནས་དེ་བཞིན་དུ་ཞེས་བྱ་
[181a.2]བས་#ནི་ཇི་ལྟར་སྔ་མ་དེ་བཞིན་དུ་དེ་བྱེད་པར་བསྟན་ཏོ། །སྦྱིན་པར་#འདོད་པའི་ཞེས་བྱ་བའི་ཚིགས་བཅད་འདིས་ནི་སྦྱོར་བ་འདོད་པ་ལ་ཞུམ་པ་མེད་པ་དང་ལྡན་པ་དེ་ཅིའི་ཕྱིར་ཞེ་ན། སྙིང་རྗེ་གོམས་པ་ལས་སྐྱེས་པས་སོ། །འདོད་པ་ཙམ་གྱིས་འགྲུབ་པར་རིག་ནས་ཞེས་བྱ་བ་ལ། འདོད་པ་ཙམ་གྱིས་#
[181a.3]དོན་གྲུབ་པར་རིག་པ་གང་ཡིན་པ་དེ་ནི་འདོད་པ་ཙམ་གྱིས་འགྲུབ་པར་རིག་པའོ། །དོགས་པ་དང་འཇིགས་པ་སྐྱེས་ཏེ་ཞེས་བྱ་བ་འདིས་ནི་སྐྱེས་པའི་དོགས་པ་དང་#འཇིགས་པ་གང་ཡིན་པ་དེ་ནི་དོགས་པ་དང་འཇིགས་པ་སྐྱེས་པའོ། །འཇིགས་པ་ནི་བདག་གི་དཔལ་
[181a.4]འཕྲོག་པར་བྱེད་པས་སོ། །དོགས་པ་ནི་ཅི་ཞིག་བསྟན་ནས་དཀའ་ཐུབ་སྤྱོད་པར་བྱད་#པ་ཞེས་པའོ། །དེ་གཉིག་འི་རྒྱུ་དེ་དྲི་བར་གཉེན་དང་མཛའ་བཤེས་ཞེས་བྱ་བའི་ཚིགས་བཅད་འདི་སྨོས་ཏེ། འདིའི་དོན་ནི་སེམས་ཅན་དང་སེམས་ཅན་མ་ཡིན་པའི་བཟོད་པ་དང་།
[181a.5]སྦྱིན་པའི་བསོད་ནམས་ཀྱི་ཚོགས་ཀྱི་འབྲས་བུ་ཕུན་སུམ་ཚོགས་པ་མངོན་པར་སྤངས་ནས་ཅི་ཞིག་འདོད་པའི་ཕྱིར་དཀའ་ཐུབ་སྤྱོད་པར་བྱེད་ཅེས་བྱ་བའི་དྲི་བའི་སྐབས་འདི་ཡིན་ནོ། །གཞན་བསླུ་བའི་དོགས་པ་ཤེས་ན་དྲི་བའི་ཚིག་གི་རྒྱུ་བསྟན་པའི་ཕྱིར། བདེ་བར་སྦྱོར་བའི་
[181a.6]ལོངས་སྤྱོད་ཅེས་བྱ་བའི་ཚིགས་བཅད་འདི་ལྟ་#སྟེ། ཕྱེད་ཀྱིས་ནི་ཚིགས་བཅད་སྔ་མའི་ཕྱེད་ཉིད་ཀྱི་དོན་རྟོགས་པར་བྱའོ། །ཚིགས་བཅད་འོག་མའི་ཕྱེད་ཀྱིས་ཀྱང་གོང་མའི་ཕྱེད་ཉིད་ཀྱི་དོན་བསྟན་ཏོ། །གང་གི་ཡོན་ཏན་ཐོས་ནས་ཞེས་བྱ་བ་ནི་གང་ཐོས་ནས་དེ་སྤངས་པ་སྟེ། ཕུན་
[181a.7]སུམ་ཚོགས་པ་དང་འདྲ་བའི་ཕུན་སུམ་ཚོགས་པ་ཚོགས་ཀྱི་ནང་དུ་ཞེས་བྱ་བའི་དོན་ཏོ། །རྒུད་པ་ཞེས་བྱ་བ་#ལ་ལོངས་སྤྱོད་དང་ཤེས་པ་ལ་སོགས་པ་རྒུད་པའོ། །སྐྱེ་བོ་དཀའ་ཐུབ་ཅན་དང་མཐུན་པ་ཞེས་བྱ་བ་ནི་རབ་ཏུ་བྱུང་བའི་སྐྱེ་བོ་དང་མཐུན་པ་སྟེ། འདིས་ནི་རབ་ཏུ་བྱུང་བ་
[181b]
[181b.1]རྣམས་ཀྱིས་#ངེས་པར་ལེགས་པར་སྒྲུབ་པ་དང་རྗེས་སུ་མཐུན་པར་བསྟན་ཏོ། །སྲིད་པའི་བདེ་བ་ལ་མ་ཆགས་པ་དང་ཞེས་བྱ་བ་ནི་འོག་ནས་བསྟན་པའི་ཚིགས་བཅད་གང་གིས་སྦྱིན་པ་ལ་སོགས་པ་དེ་དག་ལ་ཆགས་པ་མེད་པའི་ཕྱིར་རོ། །སློང་བཉིད་སྡུག་བསྔལ་དུ་རིག་ཅིང་
[181b.2]ཞེས་བྱ་བ་ནི་གང་གི་ཕྱིར་ཆགས་པས་ནི་སློང་བར་གྱུར་ལ། སློང་བས་#ནི་ཆགས་པར་འགྱུར་རོ། །དེ་བས་ན་སློང་བ་སྤངས་པ་ནི་མཆོག་ཡིན་ནོ། །ཆོག་ཤེས་པ་ལ་གོམས་པ་ཞེས་བྱ་བ་ནི་དཀའ་བས་རྙེད་པས་འཚོ་བ་གནས་པའི་#སྒྲུབ་པས་ཆོ་ག་ཤེས་པའི་ཕྱིར་རོ། །ཆུང་
[181b.3]མ་ཡིད་དུ་འོང་དང་བུ་དང་དབང་བྱེད་དང་། །ཞེས་བྱ་བ་ནི་སེམས་ཅན་དུ་བསྟན་པའི་བསོད་ནམས་ཀྱི་ཚོགས་ཀྱི་འབྲས་བུ་བསྟན་པའོ། །ནོར་ནི་སྦྱིན་པ་ལས་བྱུང་བའི་#བསོད་ནམས་ཀྱི་ཚོགས་ཀྱི་འབྲས་བུའོ། །ཉོན་མོངས་པ་དང་བྲལ་བ་ཐོབ་དཀའ་བ་ཉིད་ཅེས་བྱ་བ་ལ་
[181b.4]ཉོན་མོངས་པའི་སྒྲ་ནི་ཞེ་སྡང་ཉིད་དེ། ཅིའི་ཕྱིར་དེ་བཟུང་#ཞེ་ན། ཆགས་པ་ལ་སོགས་པ་སྤྱིར་བསྟན་པ་ཡིན་ཡང་འདི་ནི་ཉོན་མོངས་པ་ཐམས་ཅད་ཀྱི་ནང་ན་ཐ་ཆད་ཡིན་ཏེ། བདག་དང་གཞན་གདུང་བར་བྱེད་པས་སོ། །ནོར་ཡང་ཉམས་ཤིང་ཞེས་བྱ་བ་ནི་ཕྱི་
[181b.5]རོལ་གྱི་སེམས་ཅན་མ་ཡིན་པ་ལས་སོ། །མདོག་བཟང་ཞེས་བྱ་བ་ནི་ནང་གི་མདོག་རྒུད་པའོ། །གྲགས་པ་#ནི་སེམས་ཅན་གཞན་གྱི་དད་པ་རྒུད་པའོ། །བདེ་བ་ལས་ཀྱང་ཞེས་བྱ་བ་ནི་བསམ་པ་དང་ཕན་འདོགས་པ་ཉམས་པའོ། །ཕོངས་པར་གྱུར་ལ་ཞེས་བྱ་
[181b.6]བྱ་བ་བསྟན་པ་ལ་ཕོངས་པ་དེ་བསྒྲུབ་#པའི་ཕྱིར་ཕོངས་པའི་གནས་སུ་གྱུར་པའི་ཕྱིར་ཞེས་བྱ་བ་འདིའི་དོན་ནོ། །བྱིས་པ་ཐ་མ་ཡིན་པར་འདོད་ཅེས་བྱ་བ་ནི་ཕོངས་པ་ཐམས་ཅད་ཀྱི་ནང་ན་ཁྱད་པར་དུ་སྙིང་རྗེའི་གནས་སུ་གྱུར་པ་ཞེས་བྱ་བ་ཡིན་ཏེ། བྱིས་པ་ནི་ཕོངས་པ་
[181b.7]ཐམས་ཅད་ཀྱི་གནས་སུ་གྱུར་པའི་ཕྱིར་ཁྱད་པར་དུ་སྙིང་རྗེའི་གནས་སུ་གྱུར་པ་ཡིན་ནོ། །མཐོང་བ་ཙམ་#དུའང་མི་འདོད་པ་ཉིད་ནི་ལྷན་ཅིག་གནས་པ་དང་ཕེབས་པར་སྨྲ་བ་ལྟ་ཅི་སྨོས་ཞེས་པའོ། །འདི་དག་ཚུལ་མིན་པ་ཡང་ཞེས་བྱ་བའི་ཚིགས་བཅད་འདིའི་བསྡུས་#པའི་དན་ནི་
[182a]
[182a.1]བདག་ལ་ཕན་པའི་ཁྱད་པར་མི་བྱེད་ཅིང་གཞན་གྱི་ཁ་ན་མ་ཐོ་བ་དང་སླུ་བར་བྱེད་པ་ཡང་བསྟན་ཏོ། །བདག་ཉིད་ཀྱང་ཕན་པ་མ་ཡིན་པ་དང་། ལུགས་མ་ཡིན་པ་སྒྲུབ་པར་བྱེད་ལ། དེ་ལ་སྨས་པའི་ཕྱིར་གཞན་ཡང་རབ་ཏུ་སྦྱོར་བར་འདོད་དེ། ཁྱད་པར་སྒྲུབ་
[182a.2]པར་མི་བྱེད་པ་དང་ཕན་བསྒྲུབ་པར་མི་བྱེད་པ་ཉིད་དོ། །མཁས་པའི་ང་རྒྱལ་ཞེས་བྱ་བའི་ཚིགས་བཅད་འདིས་ནི་འདི་དག་ཚུལ་མིན་ཞེས་བྱ་བའི་ཚིགས་བཅད་སྒྲུབ་པ་ཡིན་ཏེ། མཁས་པའི་ང་རྒྱལ་དང་གཏི་མུག་ནི་མཁས་པའི་ང་རྒྱལ་གཏི་མུག་དག་གོ། །ཡང་ན་མཁས་
[182a.3]པའི་ང་རྒྱལ་ཉིད་གཏི་མུག་སྟེ་མཁས་པའི་ང་རྒྱལ་གཏི་མུག་གོ། །བདག་གི་རང་བཞིན་ང་རྒྱལ་གྱི་གཏི་མུག་གིས་བསྒྲིབས་པ་ཡིན་ཏེ། དེས་ཚུལ་མ་ཡིན་པ་ལ་ཚུལ་བཞིན་དུ་སྒྲུབ་པར་བྱེད་ལ། གཞན་ཡང་འདི་ལ་རབ་ཏུ་སྦྱོར་བར་འདོད་དོ། །འདིར་#ཕན་པར་སྨྲ་ལའང་
[182a.4]ཁྲོ་བས་རྩུབ་པ་ཞེས་བྱ་བ་ནི་སེམས་ཅན་དག་ནི་ཕན་པ་ཡིན་ན་ཡང་ཕན་པ་མ་ཡིན་#བཞིན་དུ་རབ་ཏུ་ཁྲོ་བར་བྱེད་དོ། །དྲང་པོའི་རིམ་པ་#མི་མཐུན་བ་ཞེས་བྱ་བ་ཅིའི་ཕྱིར་ཞེ་ན། གཟུ་ལུམས་ཅན་ཡིན་པའི་ཕྱིར་རོ། །འདུལ་བ་དང་མི་མཐུན་པ་#ཅིའི་ཕྱིར་ཞེ་ན། འདུལ་བ་ལ་
[182a.5]བརྩོན་འགྲུས་ཆུང་ཞེས་པའི་ཕྱིར་རོ། །མཁས་པའི་ང་རྒྱལ་གཏི་མུག་མེས་བསྲེགས་ཤིང་། །ཞེས་བྱ་བ་ནི་བདག་ཉིད་གཞན་#གྱི་ཐད་དུ་སོང་ནས་ཕན་པའི་དྲི་བའི་ཚིག་སྒྲུབ་པ་མེད་པའི་ཕྱིར་ཏེ། དེས་ན་དེ་ཉིད་ཀྱིས་བདག་ཀྱང་ལོག་པར་སྒྲུབ་པར་བྱེད་ལ།
[182a.6]གཞན་ཡང་དེ་ལ་སྦྱོར་བར་བྱེད་པ་ཡིན་ནོ། །བརྟན་པ་ནི་བྱང་ཆུབ་སེམས་དཔའོ། །གཡོ་སྒྱུ་མེད་པ་ནི་འདུལ་བས་རྟག་ཏུ་བརྒྱན་ཞེས་བྱ་བ་ནི་སྔར་བསྟན་པའི་འདུལ་བ་དང་། དྲང་#པོའི་རིམ་པ་མི་མཐུན་པ་ཞེས་བྱ་བ་དེའི་གཉེན་པོའོ། །
[182a.7]ཕན་པའི་བསམ་བ་དང་ཞེས་བྱ་བ་ནི་ཅི་ནས་ཕན་འདོགས་པར་བྱེད་པའོ། །ཕན་འདོགས་པར་བྱེད་པ་དེ་ཡང་གལ་ཏེ་ཟང་ཟིང་དང་བཅས་པའི་སེམས་ཀྱིས་ཡིན་ནམ་ཞེ་ན། སྨྲས་པ། གུས་དང་ཞེས་སྨོས་#པས་སོ། །མཐུ་ཡང་ཅི་ཡོད་ཅེས་བྱ་བ་ནི་ནུས་པས་ཕན་འདོགས་པ་སྟེ། རྒྱུ་
[182b]
[182b.1]འདི་གསུམ་གྱིས་ནི་ཕན་འདོགས་པར་འདོད་པ་ཟང་ཟིང་མེད་པའི་སེམས་ཀྱིས་#ནུས་པ་ཉིད་དུ་བསྟན་ཏོ། །སྦྱིན་ལ་དགའ་བ་དེས་ངེས་པར་གྱུར་པ་ནི་སྦྱིན་པ་ལ་དགའ་བ་#དང་མཐུན་པར་གྱུར་པའོ། །སྦྱིན་པ་དང་མི་མཐུན་པ་ནི་བསྙེན་བཀུར་མ་ཡིན་པ་འདོད་པས་སོ། །བཟླས་
[182b.2]བརྗོད་བརྟུལ་ཞུགས་དཀའ་ཐུབ་ཅེས་བྱ་བའི་ཚིགས་བཅད་འདིའི་བསྡུས་པའི་དོན་ནི་འཇིག་རྟེན་ན་བསྙེན་བཀུར་དུ་མས་ང་ལ་མཆོག་སློང་བའི་ཕྱིར་འོང་ཞིང་མཐོང་བར་འདོད་དོ་ཞེས་བསྟན་པའི་ཚིག་རྐང་དེ་ཉིད་ཀྱིས་བསྟན་ཏོ། །མཆོག་སྦྱིན་པར་འོས་པ་ལ་ཞེས་བྱ་བ་འདིའི་ལན་
[182b.3]ནི་འདི་ནི་མི་སུན་པའི་ཚུལ་མ་ལགས་ཞེས་པའོ། །བཟླས་བརྗོད་བརྟུལ་ཞུགས་མཆོད་སྦྱིན་དཀའ་ཐུབ་སྤྱད་པ་ཡིས། །ཞེས་བྱ་བ་འདིའི་ལན་ནི། མགུ་བར་མ་བགྱིས་པ་ཡང་མ་ལགས་ཞེས་བྱ་བ་ཡིན་ནོ། །ཁྱོད་ནི་མཐོང་བར་མི་འདོད་ཅི་ཡི་ཕྱིར། །ཞེས་བྱ་བ་
[182b.4]འདིའི་ལན་ནི། ཁྱོད་དང་ཕྲད་པར་མི་འཚལ་བ་ཡང་མ་ལགས་སོ། །#ཞེས་བྱ་བ་ཡིན་ནོ། །རྗེས་སུ་མཐུན་པའི་དངོས་པོའི་རྒྱུ་ནི་བསྟན་པར་མི་བྱ་སྟེ། རང་བཞིན་གྱིས་གྲུབ་པའི་ཕྱིར་རོ། །ད་ནི་ཕྲད་པར་མི་འདོད་པ་མ་ཡིན་ན་ཇི་ལྟར་མཐོང་བར་མི་འདོད་བ་ཡིན་ཞེ་ན།
[182b.5]ཕྲད་པར་འདོད་པའི་རྒྱུ་ཡོད་ན་ཡང་མི་མཐོང་བའི་མཆོག་སློང་བའི་རྒྱུ་བསྟན་པའི་ཕྱིར། ལྷའི་གཟུགས་མཆོག་རྨད་དུ་བྱུང་བའི་ཞེས་བྱ་བའི་ཚིགས་བཅད་སྨོས་ཏེ། གང་མཐོང་བར་མི་འདོད་པའི་རྒྱུ་དེ་ཉིད་ཡིན་ནོ་ཞེས་བསྟན་ཏེ། ལྷའི་གཟུགས་མཆོག་རྨད་དུ་བྱུང་བ་
[182b.6]ཞེས་བྱ་བ་#འདིས་ནི་དབྱིབས་ཕུན་སུམ་ཚོགས་པ་བསྟན་ཏོ། །གསལ་བ་གང་ཡིན་པ་དེ་ནི་གསལ་བའོ། །གཟི་བརྗིད་དང་མདངས་ཀྱིས་ནི་ཁ་དོག་ཕུན་སུམ་ཚོགས་པ་བསྟན་ཏོ། །འདི་གཉིས་མཐོང་བར་མི་འདོད་པའི་རྒྱུ་བསྟན་པའི་ཕྱིར་སྨྲས་པ། བདག་གི་དཀའ་
[182b.7]ཐུབ་ཉམས་པར་གྱུར་དུ་དོགས་ལགས་མོད། །ཅེས་བྱ་བ་འདིས་སོ། །རབ་ཏུ་དང་ཞིང་ཞི་བར་གྱུར་པ་ཡང་། །ཞེས་བྱ་བ་ནི་སྔར་བསྟན་པ་ཉིད་ཀྱི་གསལ་བའོ། །དེ་ཉིད་བསྟན་པ་སྐྱེ་བོ་དཀའ་ཐུབ་ཅན་དང་མཐུན་པའི་ཚུལ་དག་དང་། ཞེས་བྱ་བ་ནི་སྡོང་བུ་དང་། རྩ་བ་དང་།
[183a]
[183a.1]འབྲས་བུ་ལ་སོགས་པ་འདི་དག་གིས་འཕགས་པའི་རིགས་གསུམ་བསྟན་ཏེ། ཁ་ཟས་ངན་ངོན་ཙམ་གྱིས་ཆོག་ཤེས་པ་དང་། གནས་མལ་ངན་ངོན་ཙམ་གྱིས་ཆོག་ཤེས་པ་དང་། ཆོས་གོས་ངན་ངོན་ཙམ་གྱིས་ཆོག་ཤེས་པའོ། །བསམ་གཏན་དང་། ཚད་མེད་པ་དང་། སྡོམ་པ་ཞེས་
[183a.2]བྱ་བས་ནི་སྤོང་བ་ལ་དགའ་བའི་འཕགས་པའི་རིགས་བསྟན་ཏོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་ཨ་ཀ་ཏའི་སྐྱེས་པའི་རབས་སོ།། །།བདག་གི་ཆེ་བ་ཉིད་ཀྱིས་སྙིང་རྗེ་དང་ལྡན་ཞིང་། ཞེས་བྱ་བ་ལ། བདག་ཉིད་ཀྱི་ཆེ་བ་
[183a.3]ནི་བདག་གི་ཆེ་བའོ། །དེ་གང་ཡིན་ཞེ་ན། རིགས་ཀྱི་#ཤེས་རབ་ཆེ་བའོ། །རིགས་དེ་གང་ཡིན་ཞེ་ན། མིང་དང་། རྒྱུ་དང་། ས་བོན་དང་། བྱེད་པ་དང་། ཁམས་ཞེས་བྱ་བ་ནི་དོན་གཞན་མ་ཡིན་ནོ། །གང་རྒྱུ་ཡོད་པ་ལས་ནི་ཐེག་པ་གསུམ་གྱིས་མྱ་ངན་ལས་
[183a.4]འདའ་བར་འགྱུར། བདག་ཉིད་ཀྱི་ཆེ་བ་དང་སྙིང་རྗེ་རྣམ་པ་གཉིས་ཡོད་པ་ནི་ལྡན་པ་སྟེ། མངོན་པར་གྲུབ་པ་དང་། རབ་ཏུ་ཐོབ་པ་ཞེས་བྱ་བ་ནི་དོན་གཞན་མ་ཡིན་ནོ། །འགྲོ་བ་ཡོངས་སུ་སྐྱོབ་པར་བྱེད་པས་འགྲོ་བ་ཡོངས་སུ་སྐྱོབ་པའོ། །ཤས་ཆེ་བའི་བསམ་པ་སྟེ།
[183a.5]ས་ལ་འཇུག་པའི་དུས་སུ་བསམ་པ་དེས་འགྲོ་བ་ཡོངས་སུ་བསྐྱབ་པའི་ལྷག་པའི་#བསམ་བ་ཅན་ཏེ། མངོན་པར་འཕེལ་བར་བྱེད་པ་ལྟ་བུའོ། །སྦྱིན་པ་དང་། དུལ་བ་དང་། དེས་པ་ལ་སོགས་པ་གང་ཡིན་པའི་ཡོན་ཏན་ནི་སྦྱིན་པ་དང་། དུལ་བ་དང་། དེས་པ་དང་། ཡང་དག་
[183a.6]བར་སྡོམ་པ་ལ་སོགས་པའོ། །དུལ་བ་དང་སྡོམ་པ་གཉིས་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྟེ། དུལ་བ་ནི་དབང་པོའི་སྒོ་བསྡམས་པ་ཡིན་ཏེ། ཚུལ་ཁྲིམས་ཀྱི་འཁོར་ཞེས་བྱ་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་ནང་དུ་འདུས་པ་ཉིད་དོ། །སྔོམ་པ་ཡང་ཚུལ་ཁྲིམས་
[183a.7]ཉིད་དེ། ལུས་དང་ངག་གི་ཡང་དག་པར་སྡོམ་པའི་མཚན་ཉིད་ཡིན་པའི་ཕྱིར་རོ། །དེས་པ་ནི་#བཟོད་པའི་ཕ་རོལ་ཏུ་ཕྱིན་པ་སྟེ། འགྲོགས་ན་བདེ་བའི་དངོས་པོ་ནི་དེས་པ་སྟེ། བཟོད་པ་དང་ལྡན་པ་ནི་དེས་པར་འགྱུར་རོ། །སོགས་པ་སྨོས་པས་ནི་བརྩོན་འགྲུས་ཀྱི་ཕ་རོལ་ཏུ་
[183b]
[183b.1]ཕྱིན་བ་དང་། བསྡུ་བའི་དངོས་པོ་ལ་སོགས་པ་གཟུང་ངོ་། །འཇིག་རྟེན་ལ་ཕན་འདོགས་པ་དང་མཐུན་པ་ཞེས་བྱ་བ་ནི་གཞན་ལ་ཕན་ཞིང་བདེ་བ་དང་རྗེས་སུ་མཐུན་པའོ། །ཡོན་ཏན་ཁྱད་པར་ཅན་ཞེས་བྱ་བ་ནི་ཐེག་པ་ཆེན་པོའི་མདོ་སྡེ་ས་བཅུ་པ་ལ་སོགས་བདག་ཏུ་
[183b.2]གསུངས་པའོ། །དེ་བྱམས་པའི་སྟོབས་ཞེས་བྱ་བའི་མིང་ནི་ས་བཅུ་བ་ཉིད་དུ་བསྟན་པའི་ཕྱིར། སེམས་ཅན་ཐམས་ཅད་ལ་བྱམས་པའི་ཡིད་དུ་གྱུར་པ་ཞེས་སྨོས་སོ། །དེ་བཞིན་དུ་གྱུར་#ཞེས་བྱ་བ་ནི་བདེ་བའམ་སྡུག་བསྔལ་དེ་བཞིན་དུ་གྱུར་པ་སྟེ། ཇི་ལྟར་སྐྱེ་དགུ་
[183b.3]རྣམས་ལ་གནོད་པ་དང་ཕན་འདོགས་པར་བྱེད་པ་དེ་བཞིན་དུ་དེ་ཡང་གནོད་པ་དང་ཕན་འདོགས་པར་བྱེད་དོ། །མཚོན་ཆ་དང་ནི་གཙུག་ལག་རྣམས་ལ་གོམས། །ཞེས་བསྟན་པ་#ལ། ཇི་ལྟར་གོམས་པ་ཡིན་ཞེ་ན། དེ་བསྒྲུབ་#པའི་ཕྱིར། མིའི་དབང་པོ་ཞེས་བྱ་
[183b.4]བའི་ཚིགས་བཅད་སྨོས་སོ། །དེ་ཡི་མཚོན་ཆ་རྒྱན་དང་འདྲ་བར་གྱུར། །ཞེས་བྱ་བ་ནི་ཆད་པར་སྒྲུབ་པ་ཡིན་པ་ཉིད་དུ་བསྟན་ཏོ། །ཅིའི་ཕྱིར་ཞེ་ན། མིའི་དབང་པོས་བཀའ་ཁྲིམས་སྤྱི་བོས་མནོས་པའི་ཕྱིར་སྐལ་བ་ཁྱད་པར་ཅན་ཉིད་ཀྱིས་རྒྱལ་ཕྲན་རྣམས་རང་ཉིད་འདུ་བར་
[183b.5]འགྱུར་རོ་ཞེས་བྱ་བའི་དོན་ཏོ། །དེ་#ཅིའི་ཕྱིར་ཞེ་ན། འཇིག་རྟེན་ཕན་འབྱུང་བསྟན་ངག་ཚུལ་རྣམས་ཀྱི། །གཙུག་ལག་རྣམས་ཀྱང་རྣམ་པར་གསལ་བར་སྣང་། །ཞེས་སྨོས་ཏེ། འཇིག་རྟེན་ལ་གནོད་པར་མི་འཇུག་པའོ། །བསྟན་ངག་ཚུལ་རྣམས་ཀྱི་ཞེས་བྱ་བ་ལ་
[183b.6]འཇིག་རྟེན་ལ་གནོད་པར་མི་འཇུག་པའི་ཚུལ་ནི་བསྟན་ངག་ཚུལ་ལོ། །ཕན་པར་སེམས་པའི་ཕྱིར་ཞེས་བྱ་བ་ནི་སྙིང་རྗེའི་བསམ་པ་དང་ལྡན་པའི་ཕྱིར་ཏེ། འདིས་ནི་ཚུལ་ཁྲིམས་#ཕུན་སུམ་ཚོགས་པ་བསྟན་ཏོ། །ཚུལ་མཁས་ཞེས་བྱ་བ་འདིས་ནི་ཤེས་རབ་ཕུན་སུམ་ཚོགས་
[183b.7]པ་དང་། སྦྱོར་བ་ཕུན་སུམ་ཚོགས་པ་བསྟན་ཏོ། །རྟོགས་#མཁས་ཞེས་བྱ་བས་#ནི་སྦྱོར་བ་ཕུན་སུམ་ཚོགས་པ་དང་། ཤེས་རབ་ཕུན་སུམ་ཚོགས་པ་བསྟན་ཏོ། །ཕ་དང་འདྲ་ཞེས་བྱ་བ་འདིས་ནི་བསམ་པ་ཕུན་སུམ་ཚོགས་པ་དང་། བྱེད་པ་ཕུན་སུམ་ཚོགས་པར་#
[184a]
[184a.1]བསྟན་ཏེ། དཔེར་ན་བུ་དག་ལ་ཚར་གཅོད་པ་དང་། ཕན་འདོགས་པར་བྱེད་པ་དང་། ཆོས་དང་འགལ་བར་མི་བྱེད་པའི་ཕ་བཞིན་དུ་སྐྱེ་དགུ་རྣམས་ལ་ཡང་དེ་ལྟར་སྦྱར་བར་བྱའོ། །བདེན་པ་དང་། གཏོང་བ་དང་། ཉེ་བར་ཞི་བ་དང་། ཤེས་
[184a.2]རབ་ལ་སོགས་པ་བྱིན་གྱི་རླབས་#འདི་བཞིས་ནི་བསོད་ནམས་དང་ཡེ་ཤེས་ཀྱི་ཚོགས་བསྟན་ཏེ། དེ་ལས་དང་པོ་གསུམ་གྱིས་ནི་བསོད་ནམས་ཀྱི་ཆོགས་བསྟན་ཏོ། །ཤེས་རབ་ཀྱིས་ནི་ཡེ་ཤེས་ཀྱི་ཚོགས་བསྟན་ཏོ། །གཞན་ལ་ཕན་པར་ཡོངས་སུ་བསྔོ་པའི་ཕྱིར་
[184a.3]ཞེས་བྱ་བ་ཡིན་ཏེ། གཞན་དུ་ན་བྱིན་གྱི་རླབས་རྣམ་#པ་བཞི་ནི་རང་གི་དོན་དུ་ཡོངས་སུ་བསྔོས་པར་འགྱུར་ཞིང་། ཉན་ཐོས་དང་རང་སངས་རྒྱས་ཀྱི་རྒྱུར་འགྱུར་བས་བསྔོ་བ་བྱེ་བྲག་མེད་པར་འགྱུར་རོ། །ཁྱད་པར་ཅན་དུ་གྱུར་ལ་རླབས་ཆེ་བའི་རིམ་པས་#ཞེས་བྱ་
[184a.4]བ་ནི་ཁྱད་པར་དང་བཅས་པ་ཡིན་པར་ཁྱད་པར་དུ་གྱུར་པ་སྟེ། སྲ་ཆུང་བའི་ཕྱིར་རོ། །སྔ་མ་མོས་པས་#སྤྱོད་པའི་ས་ལས་ཁྱད་པར་དུ་གྱུར་པས་ཁྱད་པར་དུ་གྱུར་པའོ། །རླབས་ཆེ་བ་ནི་ཁྱད་པར་དུ་གཞན་ལ་ཕན་པ་སྒྲུབ་པར་བྱེད་པའོ། །རིམ་པ་ཞེས་བྱ་བ་#སྨོས་པ་ནི་ས་དང་ས་དག་ཏུ་ཁྱད་པར་
[184a.5]དུ་བྱེད་པའི་ཕྱིར་དང་། རླབས་ཆེ་བའི་ཕྱིར་རོ། །བྱང་ཆུབ་ཀྱི་ཚོགས་བསགས་ཤིང་ཞེས་བྱ་བ་ལ། བྱང་ཆུབ་དག་གིས་#ཚོགས་ཀྱི་བྱ་བ་ཡིན་བས་བྱང་ཆུབ་ཀྱི་ཚོགས་ཏེ། ཕ་རོལ་ཏུ་ཕྱིན་པ་དང་། ཡོན་ཏན་གཞན་ཡང་ས་བཅུ་པའི་མདོ་ལས་གསུངས་པའོ། །གནོད་
[184a.6]པ་མེད་པ་ཞེས་བྱ་བ་ནི་མེ་དང་། ཆུ་དང་། ནད་དང་། མུ་གེ་དང་། བྱི་བ་དང་། སྲོག་ཆགས་གདུག་པ་སྦྲུལ་དང་། བདག་གི་དམག་ཚོགས་དང་། གཞན་གྱི་དམག་ཚོགས་དང་། རྐུན་མ་ལ་སོགས་པ་དང་བྲལ་བའི་ཕྱིར་གནོད་པ་ཐམས་ཅད་མེད་པའོ། །ཕུན་སུམ་ཚོགས་ཕ་
[184a.7]མཆོག་དང་ལྡན་པས་ཞེས་བྱ་བ་ནི་ལོ་ལེགས་པ་ལ་སོགས་པའི་ཕུན་སུམ་ཚོགས་པ་དང་ལྡན་པའོ། །མགུ་ཞིང་དར་བ་ཞེས་བྱ་བ་ལ། མགུ་བ་ནི་ཡིད་བདེ་ཞིང་ཚིམ་པ་#ཕུན་སུམ་ཚོགས་པ་སྟེ། འདོད་པ་ཤས་ཆེ་བ་ཡོད་པའོ། །དར་བ་ནི་ལུས་འཕེལ་བའོ། །དེའི་
[184b]
[184b.1]ཡུལ་ན་ནི་ཞེས་བྱ་བའི་ཡུལ་ཏེ་དེ་དག་ན་གནས་པ་གང་ཡིན་པ་དེ་ནི་དེ་ན་གནས་པའོ། །མཐུ་ཁྱད་ཆེ་བས་ན་ཞེས་བྱ་བ་ནི་ཁྱད་པར་ཡིན་ཏེ། ཁྱད་པར་ནི་ཐུན་མོང་མ་ཡིན་པའི་ཕྱིར་ཏེ། དཔག་ཏུ་མེད་པའི་བསོད་ནམས་དང་ཡེ་ཤེས་ཀྱི་ཚོགས་ཉེ་བར་བསགས་པའི་ཕྱིར་རོ། །
[184b.2]གང་གི་ཞེས་བྱ་བ་ནི་མདངས་འཕྲོགས་#པའི་གནས་སུ་ཕྱིན་པར་གྱུར་ཀྱང་ངོ་། །རིག་#སྔགས་དང་དཀའ་ཐུབ་ནི་རིག་#སྔགས་དང་དཀའ་ཐུབ་བོ། །དེ་གཉིས་གྲུབ་པ་ནི་རིག་#སྔགས་དང་དཀའ་ཐུབ་གྲུབ་པའི་རང་བཞིན་ཏེ། རིག་#སྔགས་དཀའ་ཐུབ་གྲུབ་པའི་ངོ་བོ་ཉིད། །
[184b.3]ཅེས་བྱ་བའི་དོན་ཏོ། །མིང་ནི་དོན་#དང་མཐུན་པར་མ་གྱུར་ཞེས་བྱ་བ་ལ། དོན་མེད་པའི་མིང་གང་ཡིན་པ་དེ་ནི་དོན་#མི་མཐུན་པའི་མིང་སྟེ། གང་གི་ཕྱིར་མདངས་འཕྲོགས་#པ་ཞེས་བྱ་བ་དེའི་མིང་དོན་མེད་པར་འགྱུར་བ་སྟེ། འདི་ལྟར་མདངས་འཕྲོགས་པར་མི་ནུས་
[184b.4]པའི་ཕྱིར་རོ། །ནགས་ན་རབ་ཏུ་རྒྱུ་བ་ཞེས་བྱ་བ་ལ། འདིར་རབ་ཏུ་#ཞེས་བྱ་བའི་སྒྲ་ནི་དེ་དང་ལྡན་པ་སྟེ། ནགས་དང་ལྡན་པ་ན་རྒྱུ་བ་ཞེས་བྱ་བའི་དོན་ཏོ། །གྲིབ་མ་དང་ལྡན་པའི་ཤིང་ནི་གྲིབ་ཤིང་སྟེ་དེའི་རྩ་བ་དེ་ནི་གྲིབ་ཤིང་གི་དྲུང་ནའོ། །སྲད་བུ་འཁལ་ཞེས་
[184b.5]བྱ་བ་ལ་སྲད་བུ་འཁལ་བ་ལ་ཞུགས་པ་ནི་སྲད་བུ་འཁལ་བ་སྟེ་དེ་བྱེད་པའོ། །འདི་ལྟ་བུའི་དགོན་པ་ཞེས་བྱ་བ་ནི་དེ་ན་སྐྱེ་བོ་གནས་པ་དང་བྲལ་བའི་ཕྱིར་རོ། །འགྲོ་བ་མེད་པ་ན་#ཞེས་བྱ་བ་ནི་སྐྱེ་བོ་ལམ་དུ་འགྲོ་བ་དང་བྲལ་བའི་ཕྱིར་རོ། །གཅིག་པུ་ནི་གྲོགས་པོ་མེད་པའོ། །
[184b.6]བལྟས་པས་ནི་གྱེན་ཀུན་དུ་བལྟས་པར་བྱས་པ་#སྟེ། སྲིན་པོ་དང་ཤ་ཟ་དེ་དག་ལའོ། །དེ་བས་ནགས་ནའང་ཁྱིམ་བཞིན་དུ། །ཞེས་བྱ་བ་ནི་གང་སྔར་བསྟན་པ་འདི་ལྟ་བུ་དགོན་པ་དབེན་པ་འགྲོ་བ་མེད་པ་ན་ཞེས་བྱ་བ་དེའི་གཉེན་པོར་བསྟན་ཏོ། །མཚན་མོ་དག་ཀྱང་ཉིན་པར་བཞིན། །
[184b.7]ཞེས་བྱ་བ་ནི་གང་གི་ཚེ་སྲིན་པོ་དང་ཤ་ཟ་#རྣམས་ཀྱིས་གཞན་ཟིལ་གྱིས་གནོན་པའི་ནུས་པ་མེད་པ་དེའི་ཚེ་ཞེས་བྱ་བའི་དོན་ཏོ། །གང་གི་ཕྱིར་སྲིན་པོ་དང་ཤ་ཟ་དེ་དག་ནི་རང་བཞིན་གྱིས་#གཏུམ་ཞིང་མ་རུངས་#པ་ཡིན་ནོ་ཞེས་བསྟན་པ་དེའི་གཉེན་པོར་བསྟན་ཏོ། །གཅིག་པུར་གྲོགས་ཀྱི་
[185a]
[185a.1]ནང་འདུག་#འདྲ། །ཞེས་བྱ་བ་ནི་གང་སྔར་བསྟན་པའི་གཅིག་པུ་ཇི་ལྟར་མི་འཇིགས་ཞེས་བྱ་བ་དེའི་གཉེན་པོར་བསྟན་ཏོ། །ཁྱེད་ཅག་གང་ནས་ལྷགས་པའི་ཡུལ་དེའི་ཞེས་བྱ་བའི་ཚིགས་བཅད་འདིའི་བསྡུས་པའི་དོན་ནི་རྒྱུ་གསུམ་གྱིས་ཡུལ་ཇི་ལྟ་བ་བཞིན་དུ་
[185a.2]ཡོངས་སུ་ཤེས་པའི་ཕྱིར་ཏེ། ཉམས་སད་པའི་དངོས་པོ་ཡོད་པའི་ཕྱིར་དང་། ཡུལ་གསལ་བའི་རྣམ་པ་ཡིན་པའི་ཕྱིར་དང་། ཡོན་ཏན་ཚོལ་#བ་ཡོངས་སུ་ཤེས་པས་མཁས་པའང་ཡིན་ནོ་ཞེས་བསྟན་པ་ཡིན་ཏེ། ཡོན་ཏན་འཚོལ་བ་ཆེད་ཆེར་མི་འཛིན་པ་ཞེས་བྱ་བ་འདིས་
[185a.3]ནི་ཉམས་སད་པའི་དངོས་པོ་བསྟན་ཏོ། །ཐོས་པར་མི་འདོད་པ་དེས། མི་དབང་གྲགས་པ་རྣམ་པར་སྤངས་པའམ། སྐལ་བ་ཅུང་ཟད་ཅིག་ཡོད་དོ་ཞེས་བྱ་བ་འདིས་ཡུལ་གསལ་བའི་རྣམ་པའོ། །དེ་བས་ན་ཞེས་བྱ་བ་ནི་གང་ཡུལ་དེ་ལས་འདིར་ལྷགས་པའོ། །མཐའ་
[185a.4]འཁོབ་#ཅེས་བྱ་བའི་#ཡུལ་གྱི་ཡང་དགོན་པ་ཉིད་དེ#། ཡོན་ཏན་ཤེས་པའི་སྐྱེས་བུ་མེད་པའི་ཕྱིར་ཏོ#། །གང་གི་དབུང་བྱམས་པ་སྟེ། འདིའི་དོན་ནི་མཐུན་པ་ལ་སོགས་པའི་ཐབས་ཀྱིས་ས་སྲུང་བར་བྱེད་པའོ། །དེ་ལྟ་མོད་ཀྱི་བྱམས་པ་ལ་སོགས་པས་བསྲུང་བ#་ནི་ཆད་པ་བྱམས་
[185a.5]པ་གང་ཡིན་པའི་དཔུང་གིས་སོ་ཞེས་བྱ་བའི་ཚིག་སྟེ། གང་དེ་ཐ་མལ་པའི་#དཔུང་ནི་ཆོ་ག་ཙམ་མོ། །ཆོ་ག་ཙམ་ཞེས་བྱ་བ་ནི་རྒྱལ་པོ་ལ་སོགས་པའི་སྤྱོད་པའོ། །འདི་ནི་རུ་མཚོན་ཁྲ་བོའི་དཔུང་ཡོངས་སུ་བཟུང་སྟེ། གཞན་ལ་གནོད་པའི་ཕྱིར་ནི་མ་ཡིན་ནོ། །མི་རིགས་
[185a.6]ཞེས་བྱ་བ་#ནི་དབྱེ་བ་ལས་བརྩམས་པའོ། །ཁྲོ་བ་ནི་ཞེ་སྡང་བ་སྟེ་དེའི་ཚིག་གིས་སྨྲ་བའོ། །རྩུབ་པ་ནི་སྤྱོ་བའོ#། །འདི་གཉིས་ཀྱི་དབྱེ་བས་ནི་བསམ་པ་དང་སྦྱོར་བ་མེད་པར་བསྟན་ཏོ། །བཀའ་ཁྲིམས་ཆོས་ཡིན་སྒྱུ་མེད་ནོར་ཡང་ཞེས་བྱ་བ་ནི་མཐུན་པ་ལས་བརྩམས་པའོ། །
[185a.7]ཆོས་ནི་བདེན་པའོ། །བཀའ་ཁྲིམས་ནི་གཞུང་ལུགས་སོ། །སྒྱུ་མེད་ཅེས་བྱ་བ་ནི་བྱ་བ་བསྒྲུབ་#པའི་ཕྱིར་བདེན་པ་དང་ཚིག་བསྟན་པའོ། །ནོར་ཡང་དམ་པ་མཆོད་ཅེས་བྱ་བ་ནི་སྦྱིན་པ་ལས་བརྩམས་པ་སྟེ། དམ་པ་མཆོད་པའི་ཕྱིར་ཡིན་གྱི། རང་གི་དོན་བསྒྲུབ་#པའི་ཕྱིར་
[185b]
[185b.1]ནི་མ་ཡིན་ཏེ། དཔེར་ན་ལུགས་ཀྱི་བསྟན་བཅོས་ཀྱི་དོན་ལ་མཁས་པ་ནི་རང་གི་དོན་བསྒྲུབ་#པའི་ཕྱིར་ནོར་ཉེ་བར་སྒྲུབ་པར་བྱེད་དོ། །དེ་ལྟར་ཡང་རྨད་དུ་བྱུང་ཡང་ཞེས་བྱ་བ་ནི་འདི་ལྟར་ངོ་མཚར་གྱི་ཡོན་ཏན་གྱི་#མཆོག་ཏུ་གྱུར་པ་གང་ཡིན་པ་དེ་ནི་དེ་ལྟར་རྨད་དུ་བྱུང་བའོ། །དྲེགས་
[185b.2]པ་ནི་མཐོ་བར་སེམས་པའོ། །ཡ་རབས་ཀྱི་ཚུལ་ལ་གནས་པ་གང་ཡིན་པའི་སྐྱེ་བོ་དེ་ནི་ཡ་རབས་ཀྱི་གཞུང་ལུགས་ལ་རྣམ་པར་གནས་པའི་སྐྱེ་བོའོ། །ཡང་ན་འཕགས་པའི་གཞུང་ལུགས་ལ་གནས་པའི་སྐྱེ་བོ་#གང་ཡིན་པ་དེའོ། །རྟག་ཏུ་བདེ་ཞིང་ལོ་ལེགས་པས་རབ་ཏུ་
[185b.3]དགའ་བ་ཕུན་སུམ་ཚོགས་ཞེས་བྱ་བ་ནི་རྟག་ཏུ་བདེ་ཞིང་དགའ་བ་དང་#། རྟག་ཏུ་ལོ་ལེགས་པའི་ཕྱིར་ཕུན་སུམ་ཚོགས་པའོ། །ཡོན་ཏན་མང་པོ་བརྗོད་པས་དེ་ལའོ། །སྙིང་ནས་བརྗོད་ཅིང་ཞེས་བྱ་བ་ནི་བརྩེ་བ་དང་ལྡན་པ་སྟེ། རིགས་པ་དང་མི་རིགས་པའོ། །བདེན་
[185b.4]པ་ཞེས་བྱ་བ་ནི་སྙན་པ་དང་ཕན་པ་ནི་བདེན་པའོ་ཞེས་བསྟན་པའོ། །གསུམ་པོ་འདིས་ནི་གོ་རིམས་བཞིན་དུ་སེམས་ཅན་གཏི་མུག་གི་རང་བཞིན་དངོས་པོ་གང་ལ་མི་བཟོད་པའོ། །དེ་གྲགས་པ་ཞེས་བྱ་བ་ནི་དེའི་གྲགས་པ་ཡིན་པས་དེ་གྲགས་པའོ། །དེ་ཡིས་དེ་ལྷག་
[185b.5]པར་གདུང་བར་འགྱུར་ཞེས་བྱ་བ་ལ། དེ་ཡིས་ཞེས་བྱ་བ་ནི་མི་བཟོད་པས་ཡིད་གདུངས་པས་ལྷག་པར་གདུང་ཞིང་ཚིག་པར་འགྱུར་རོ། །མཐོང་བ་ཉིད་ཀྱི་དུས་ནི་མཐོང་བའི་ཚེ་ཉེ་བར་གནས་པ་དེའི་དབང་དུ་བྱས་པའོ། །བཟའ་བ་བསླངས་པ་ནི་ཟས་བླངས་པ་བྱས་པའོ། །
[185b.6]ཞིམ་པོ་ནི་ཤིན་ཏུ་གཡོས་ལེགས་པ་དང་ཞིམ་པ་ཞེས་བྱ་བའི་དོན་ཏོ། །ཁྱེར་#ཏེ་འོངས་ན་ཡང་ཞེས་བྱ་བ་ནི་གུས་པ་དང་བཅས་པས་མདུན་དུ་འོངས་པའོ། །སྟག་གཟིག་#རྩྭ་སྔོན་མི་འདོད་པ་བཞིན་དུ་ཞེས་བྱ་བ་ནི་དཔེར་ན་རི་དགས་རྣམས་ལ་རྩྭ་སྔོན་པོ་ཤིན་ཏུ་ཞིམ་པ་#ཡིན་ཡང་སྟག་
[185b.7]ལ་སོགས་པ་མངོན་པར་མི་འདོད་པ་ཡིན་ཏེ། རྒྱལ་པོ་ལ་འོས་པའི་རྩྭ་སྔོན་པོ་ལྟ་བུར་དེ་གནོད་སྦྱིན་རྣམས་ལ་མངོན་པར་མི་འདོད་བའི་ཕྱིར་རོ། །འོ་ན་ཇི་ལྟ་བུ་ཞེས་བྱ་བ་ནི་རྗེས་སུ་མཐུན་པ་སྒྲོགས་ཤིག་པའོ། །བཙལ་ལོ་ཞེས་བྱ་བ་ནི་བཙལ་བར་བྱའོ་ཞེས་སོ། །མི་ཤི་བའི་
[186a]
[186a.1]ཤ་དང་ཁྲག་ཡོངས་སུ་#གཟུང་བའི་ཕྱིར་ཏེ། གཞན་དུ་ན་ཁ་ཟས་དང་ཁྲག་བཏུང་བ་མེད་དོ། །བརྟུལ་ཞུགས་ཉམས་པ་ཞེས་བྱ་བ་ནི་དམ་བཅའ་བའི་རྗེས་སུ་འགྲོ་བ་སྟེ། ངེས་པར་ཡང་དག་པར་སྦྱིན་དུ་གཞུག་#པའི་ཕྱིར་རོ། །མཆེ་བ་ཡོངས་སུ་གཙིགས་ཤིང་
[186a.2]ཁ་མཆུ་ཡོངས་སུ་བསྐྱོད་པ་གང་ཡིན་པ་དེ་དག་ནི་ཁ་ནས་མཆེ་བ་གཙིགས་པའོ། །མི་སྡུག་ལ་འཇིགས་པ་ཞེས་བྱ་བ་ལ། མི་སྡུག་པ་ནི་མི་རྣམས་ལའོ། །འཇིགས་པ་ནི་འཇིགས་པ་བསྐྱེད་#པའོ། །ཇི་ལྟར་ཞེ་ན། དེའི་རྣམ་པ་བསྟན་ཏེ། མཆེ་བ་གཙིགས་པ་ཞེས་བྱ་
[186a.3]བ་ལ་སོགས་པའི་རྟགས་ཀྱིས་སོ། །འབར་ཞིང་སེར་བ་ཞེས་བྱ་བ་ནི་མདོག་རྣམ་པར་བསྒྱུར་ཞིང་འཇིགས་སུ་རུང་བ་ཉིད་དུ་བསྟན་ཏོ། །སྔོ་#ཞིང་ཞེས་བྱ་བ་ནི་དབྱིབས་#རྣམ་པར་གྱུར་པའོ། །སྣ་ལེབ་ཅིང་མི་སྡུག་པ་དང་ཞེས་བྱ་བ་ནི་གང་མཐོང་ན་བལྟ་བར་མི་སྡུག་པ་ལ་#བ་ལང་
[186a.4]གི་སྣ་ལྟ་བུ་གང་ཡིན་པའོ། །སྣ་ལེབ་ཅེས་སྨོས་པས་ནི་#རྣམ་པར་འགྱུར་བའོ། །#མི་སྡུག་པ་ནི་འཇིགས་སུ་རུང་བའོ། །མེ་འབར་བ་ལྟ་བུའི་སེར་བའི་སྐྲ་དང་ཁ་སྤུ་གང་ཡིན་པ་ནི་དེའོ། །མདོག་མུན་པ་ལྟར་གནག་པ་དེ་ནི་ཆར་སྤྲིན་ལྟར་གནག་#པའོ། །འབའ་ཞིག་སེམས་
[186a.5]ཞེས་བྱ་བ་ནི་དེ་དག་འཆི་བར་འགྱུར་རོ་སྙམ་དུ་སེམས་པས་སློང་བ་ལས་གཞན་ཡིད་ལ་མི་བྱེད་བར་དེ་འབའ་ཞིག་སེམས་པའི་ཕྱིར་རོ། །སྙིང་རྗེ་ཅན་ལ་འདི་ལྟ་བུ། །ཞེས་བྱ་བ་ལ་སོགས་པའི་ཚིགས་བཅད་གསུམ་སྟེ། གསུམ་པོ་འདིའི་#བསྡུས་པའི་དོན་ནི་བཀྲེས་པའི་སྡུག་
[186a.6]བསྔལ་གསོ་བའི་ཁ་ཟས་རྙེད་དཀའ་བ་དེས་གནོད་པའི་སྡུག་བསྔལ་དང་། ཡང་ན་བཀྲེས་པའི་སྡུག་བསྔལ་བཟློག་པའི་ཁ་ཟས་རྙེད་ཀྱང་མི་དགེ་བ་བསགས་པའི་རྒྱུས་#སྡུག་བསྔལ་བ་སྟེ། རྣམ་པ་ཐམས་ཅད་དུ་སྡུག་བསྔལ་ཞིང་དེའི་འབྲས་བུ་ཡང་སྡུག་བསྔལ་བའི་དབང་
[186a.7]དུ་བྱས་ནས་བསམ་པ་དག་པས་དེ་དག་ལ་སྙིང་རྗེ་དེ་བས་ཆེར་ཡང་གྱུར་ཞེས་བྱ་བ་བསྟན་ཏོ། །འོན་ཏེ་སྙིང་རྗེ་དང་ལྡན་ཞིང་ནུས་པ་དང་ལྡན་པ་དེ་མེད་པའམ་ནུས་པ་མེད་པ་འདི་གཉིས་ཀྱིས་ནི་རེ་ཞིག་རྣམ་པ་ཐམས་ཅད་དུ་རྙེད་དཀའོ། །ཉིན་རེ་བཞིན་ཡང་དེ་བཙལ་བས། །ཞེས་བྱ་བ་ནི་དུས་
[186b]
[186b.1]གཅིག་གི་ཚེ་རྙེད་ནས་བྱ་བ་བྱས་པར་གྱུར་པ་དེ་ལྟ་བུ་མ་ཡིན་ནོ་ཞེས་བྱ་བའི་དོན་ཏོ། །འདོད་པའི་དོན་ནི་མེད་པར་འགྱུར། །ཞེས་བྱ་བ་ནི་བཀྲེས་པའི་སྡུག་བསྔལ་གསོ་བའི་ཁ་ཟས་རྙེད་པའོ། །དེ་ལྟ་བུའི་ཁ་ཟས་ཟ་བ་རྣམས་ཞེས་བྱ་བ་ནི་སྙིང་རྗེ་ཅན་ལ་#དེ་ལྟ་བུའི་ཁ་ཟས་ཟ་བ་
[186b.2]རྣམས་ཀྱི་ཟས་ནི་རྙེད་པར་དཀའ་བའོ། །སྙིང་རྗེ་མེད་ཅིང་ཡིད་ནི་མ་ཞི་བ། །ཞེས་བྱ་བ་ནི་སྙིང་རྗེས་སྟོང་པའི་ཕྱིར་མ་ཞི་ཞིང་མི་དགེ་བའི་ཡིད་གང་ཡིན་པ་དེ་དག་སྟེ། འདིས་ནི་མི་ནུས་ཀྱང་རྟག་ཏུ་དེའི་ཁ་ཟས་ཀྱི་རྣམ་པ་ལ་གནས་པའོ། །ཚེ་འདི་དང་ནི་#ཕ་རོལ་རང་#དོན་
[186b.3]སྲེག། །ཅེས་བྱ་བ་ནི་སྙིང་རྗེའི་སྡུག་བསྔལ་བ་སྟེ། མཐོང་བའི་ཆོས་དང་འཇིག་རྟེན་ཕ་རོལ་གྱི་སྡུག་བསྔལ་ལོ། །ཡང་ན་ཚིགས་བཅད་གསུམ་པས་ནི་སྔར་བཤད་པའི་རྣམ་པ་བཞིའི་དབང་དུ་བྱས་པ་སྟེ། སྙིང་རྗེ་དང་ལྡན་ཞིང་ནུས་པ་དང་། མི་ནུས་པའི་སྙིང་རྗེ་དང་ལྡན་པ་དང་། མི་ནུས་ཤིང་སྙིང་རྗེ་དང་
[186b.4]བྲལ་བ་དང་། སྙིང་རྗེ་དང་མི་ལྡན་ཞིང་ནུས་པ་སྟེ་བཞི་པོ་དེ་དག་གི་དབང་དུ་བྱས་པའོ། །དེ་ལྟ་བུའི་ཁ་ཟས་ཟ་བ་རྣམས་ཞེས་བྱ་བ་ནི་སྙིང་རྗེ་དང་ལྡན་ཞིང་མི་ནུས་པ་དང་#ནུས་པའི་དབང་དུ་བྱས་པའོ། །སྙིང་རྗེ་མེད་ཅིང་ཡིད་ནི་མ་ཞི་བ། །ཞེས་
[186b.5]བྱ་བ་ནི་སྙིང་རྗེ་མེད་ཅིང་ནུས་པའི་དབང་དུ་བྱས་པའོ། །ཚེ་འདི་དང་ནི་ཕ་རོལ་རང་དོན་སྲེག །ཅེས་བྱ་བ་ནི་སྙིང་རྗེ་དང་བྲལ་ཞིང་མི་ནུས་པའི་དབང་དུ་བྱས་པའོ། །འདི་དག་སྡུག་བསྔལ་ནམ་ཞིག་མེད་པར་#འགྱུར། །ཞེས་བྱ་བ་ནི་མཐོང་བའི་ཆོས་སམ་ཕྱི་མ་ལའོ། །གཞན་གསོད་པ་ལ་
[186b.6]ཞུགས་པ་འདི་ལས་ཇི་ལྟར་བཟློག་པར་བྱ་ཞེས་བྱ་བ་ནི་གཞན་གྱི་སྲོག་གཅོད་པར་བྱེད་པ་ལས་བཟློག་པའོ། །རེ་བ་#བཟློག་པ་ངོ་འཛུམ་གནག་གྱུར་པ། །ཞེས་བྱ་བ་ནི་རེ་བ་ཕྱིན་ཅི་ལོག་ཏུ་གྱུར་ཅིང་གཞན་དུ་#སྟེ། འདོད་པའི་གགས་#སུ་གྱུར་པ་ཞེས་བྱ་བའི་དོན་ཏོ། །རེ་བ་ཕྱིན་ཅི་ལོག་ཏུ་
[186b.7]གྱུར་པས་བཞིན་གྱི་མདོག་ཉམས་པར་བྱས་པ་གང་ཡིན་པ་དེ་ནི་རེ་བ་བཟློག་#པས་ངོ་འཛུམ་གནག་པར་གྱུར་པའོ། །བུ་ཡུག་གིས་ཀུན་ཏུ་འདྲེས་པའི་རླུང་ནི་བུ་ཡུག་རླུང་ངོ་། །བུ་ཡུག་རླུང་གིས་རྙིས་པར་བྱས་པ་ནི་བུ་ཡུག་རླུང་གིས་རྙིས་#པ་སྟེ། དེ་ལྟ་བུའི་པདྨ་ནི་བུ་ཡུག་རླུང་གིས་རྙིས་#
[187a]
[187a.1]པའི་པདྨའོ། །བརྟན་ཞིང་རྒྱས་པ་ཞེས་བྱ་བ་ལ་བརྟན་པ་དང་རྒྱས་པ་ནི་བརྟན་ཞིང་རྒྱས་པའོ། །བརྟན་པའི་ཁྱད་པར་ནི་རྒྱས་པ་སྟེ་རྣམ་པ་གཉིས་སོ། །ནད་ལ་སོགས་པས་རྒྱས་པར་གྱུར་པ་ནི་དེ་ལྟ་བུ་མ་ཡིན་ནོ། །བདག་རང་ཤི་བ་
[187a.2]ཞེས་བྱ་བ་ནི་མངོན་པར་འདོད་པའི་སྦྱིན་པ་མ་ཡིན་པའོ། །གསོན་པའི་#ཤ་ཡང་ཞེས་བྱ་བ་ལ་སོགས་པས་ནི་མངོན་པར་འདོད་པའི་སྦྱིན་པའི་དངོས་པོ་གཞན་ལ་མེད་པའོ། །འདི་དག་བདག་གི་ཐ་དད་དུ། །ཞེས་བྱ་བ་ལ་སོགས་པས་ནི་མི་སྦྱིན་པ་ནི་རྗེས་སུ་མཐུན་པ་མ་#
[187a.3]ཡིན་པ་སྟེ། སྐྱོན་གསུམ་པོ་འདི་སྤངས་པའི་#ཐབས་བསྟན་པར་འདོད་པས་སོ། །དེ་བས་ན་འདི་ནི་ཞེས་བྱ་བ་ལ་སོགས་པ་བརྩམས་སོ། །གདུངས་པའི་རྨ་འདྲ་བ་ཞེས་བྱ་བ་ནི་འདི་ལྟ་བུའི་མཚན་ཉིད་དེ་རྟག་ཏུ་ན་བ་འདི་ལྟ་བུའི་ལུས་ཏེ། རྟག་ཏུ་ན་བ་ནི་ལུས་ནད་དང་བྲལ་
[187a.4]བ་མེད་པའི་ཕྱིར་རོ། །རྟག་ཏུ་ན་བའོ་ཞེས་བསྟན་པ་ལ། ཇི་ལྟར་རྟག་ཏུ་ན་བ་ཉིད་ཡིན་ཞེ་ན་ནད་ཀྱི་འབྱུང་ཁུང་ཞེས་སྨོས་ཏེ། ནད་ནི་གནོད་པ་བྱེད་པ་སྟེ། དེ་ནི་ཚོར་བར་བྱེད་པའི་ཕྱིར་གདུངས་པའི་རྨ་ལ་སོགས་པའི་ནད་ཀྱི་ཡང་འབྱུང་གནས་ཡིན་པའི་ཕྱིར་རོ། །
[187a.5]ཡང་ན་ནད་ཀྱི་འབྱུང་ཁུང་ཞེས་བྱ་བ་ནི་ནད་ཀྱི་ཚོར་བ་སྟེ། དེའི་འབྱུང་#གནས་ཡིན་པའི་ཕྱིར་ཏེ། གང་ཅུང་ཟད་ཚོར་བ་དེ་ནི་སྡུག་བསྔལ་བ་ཡིན་ནོ་ཞེས་བྱ་བའི་ཚིག་གིས་སོ། །དགོས་པ་#ཁྱད་པར་ཅན་དུ་སྤྱད་པ་ཡིས། །ཞེས་བྱ་བ་ནི་འབྲས་བུ་དང་བྲལ་བ་ནི་#སྡུག་
[187a.6]བསྔལ་ཉེ་བར་ཞི་བ་སྟེ། དེ་ཉིད་ཀྱི་ཁྱད་པར་ནི་སྔར་བསྟན་པའི་རྣམ་པ་སྟེ། སྡུག་བསྔལ་གྱི་སྡུག་བསྔལ་ལ་སྡུག་བསྔལ་གྱིས་ཉེ་བར་སྤྱད་པ་ནི་དགོས་པ་ཁྱད་པར་ཅན་དུ་སྤྱོད་པའོ། །ཤིན་ཏུ་བཟང་པོར་བྱ་བ་ཞེས་བྱ་བ་ནི་གཅིག་ཏུ་ནད་གཏན་དུ་ཉེ་བར་ཞི་བར་བྱེད་པའི་
[187a.7]རྒྱུ་ཡིན་པའི་ཕྱིར་དང་#། ཤིན་ཏུ་བཟང་པོ་ནི་གཞན་ལ་ཕན་འདོགས་པ་མཆོག་ཏུ་བྱེད་པའི་ཕྱིར་ཏེ། ཉན་ཐོས་ལ་སོགས་པ་ཡང་རྩ་འབིགས་ཤིང་གསོ་བ་སྟོན་པར་བྱེད་དེ#། འདིར་བཅོས་པ་གཉིས་ཀྱི་ཁྱད་པར་ནི་གདུངས་པའི་རྨའི་རྩ་བཀྲོལ་#ཏེ། འདི་དག་ལ་ནི་དགོས་པ་
[187b]
[187b.1]ཁྱད་པར་ཅན་དུ་སྤྱད་པ་མེད་དེ། དེ་བས་ན་འདི་ནི་ཤིན་ཏུ་བཟང་པོ་མ་ཡིན་ནོ། །དེ་རབ་ཏུ་དགའ་བར་#གྱུར་པས་མིག་རྩ་དང་། གདོང་གི་མདངས་བཟང་པོ་གང་ཡིན་པ་དེ་ནི་རབ་ཏུ་དགའ་བར་གྱུར་པས་མིག་རྩ་དང་གདོང་གི་མདངས་བཟང་པོའོ། །བདག་གི་ཤ་
[187b.2]ནི་ཁྲག་དང་བཅས་པ་འདི། །ཞེས་བྱ་བ་འདིས་ནི་སྦྱིན་པའི་དངོས་པོ་དོན་དུ་གཉེར་བའི་མཚན་ཉིད་དང་ལྡན་པ་ཉིད་དུ་#བསྟན་ཏོ། །འཇིག་རྟེན་རྣམས་ལ་ཕན་པའི་ཕྱིར། །ཞེས་བྱ་བ་འདིས་ནི་ཁྱེད་ཅག་གི་དོན་དུ་འདི་བཟུང་#བ་ཡིན་ནོ་ཞེས་བྱ་བའི་ཚིག་གིས་ཡོངས་སུ་གཏོང་བ་དེ་#ཡོངས་
[187b.3]སུ་གཏོང་བ་ནི་སྔར་ཡོངས་སུ་བཏང་བའོ་ཞེས་གཞན་གྱི་ངོར་བྱེད་པ་བཞིན་ཏེ། ལེན་པར་མི་འགྱུར་བའི་རྒྱུ་མེད་པར་བསྟན་པ་ཡིན་ནོ། །མགྲོན་དུ་བྱར་རུང་ན་#ཞེས་བྱ་བ་ནི་མགྲོན་ཉིད་དུ་རུང་བ་ནི་མགྲོན་བྱར་རུང་བའོ། །ཆེན་པོ་འབྱུང་བར་འགྱུར་བ་ནི་འབྲས་བུ་ཆེན་པོ་སྟེ། འཇིག་རྟེན་
[187b.4]ཐམས་ཅད་ལ་ཕན་པའི་ཕྱིར་རོ། །མངོན་པར་མཐོ་བ་འབྱུང་བ་ནི་འཇིག་རྟེན་ཕ་རོལ་གྱི་འབྲས་བུ་ཡིན་པའི་ཕྱིར་ཏེ། ཁྱད་པར་ཅན་གྱི་མངོན་པར་མཐོ་བ་སངས་རྒྱས་ཉིད་ལ་མངོན་པར་མཐོ་བ་ཞེས་བརྗོད་དོ། །ཡིད་མ་ཆེས་ནས་ཞེས་བྱ་བ་ནི་གལ་ཏེ་ཡིད་ཆེས་ན་ནི་བརྟན་པ་
[187b.5]ཡིན་ཏེ། ཅུང་ཟད་དེ་ལ་མི་བརྟན་པ་ཡོད་པས་གང་གི་ཕྱིར་བྱིན་ཅིག་ཅེས་བྱ་བ་ལ་སོགས་པ་སྨྲ་བས་མི་བརྗོད་དེ། དེ་བས་ན་ཡིད་མི་ཆེས་པའོ་ཞེས་རྟོགས་པ་ཡིན་ནོ། །བདག་གི་སྡུག་བསྔལ་དག་ཅེས་བྱ་བ་ནི་བཀྲེས་པའི་སྡུག་བསྔལ་ལོ། །སློང་བ་ཉིད་དམན་པ་ཡིན་
[187b.6]པས་སློང་ཞིང་དམན་པའོ། །དེ་ལས་དུས་ལ་བབ་པ་ཞེས་བྱ་བ་ནི་སྦྱིན་པར་བྱ་བ་བཏུང་བར་བྱ་བ་སྟེ། རང་གི་ཁྲག་དང་ཤའོ། །སྦྱིན་པ་ལ་རྩོལ་བ་ནི་སྦྱིན་བར་སྩོལ་#བ་སྟེ། རང་གི་ཤ་ཁྲག་སྟེ་སྦྱིན་པར་སྩོལ་#བའོ། །རྟབ་རྟབ་པོར་གྱུར་ཏེ་#མི་བཟོད་ཅིང་སེམས་འཁྲུགས་
[187b.7]ནས་ཞེས་བྱ་བ་ལ། རྟབ་རྟབ་པོར་གྱུར་པ་ནི་རང་གི་ཤ་དང་ཁྲག་སྦྱིན་པར་བྱེད་པས་སོ། །དེའི་སྡུག་བསྔལ་དེས་མི་བཟོད་ཅིང་སྦྱིན་པར་བྱ་བ་མ་ཡིན་པ་སྦྱིན་པ་སྟེ། དེ་གཉིས་ཀྱིས་སེམས་འཁྲུགས་པར་གྱུར་པའོ། །སྦྱིན་པ་ལ་ཧ་ཅང་དགྱེས་#ཆེས་པས་ཞེས་བྱ་བ་ནི་
[188a]
[188a.1]སྦྱིན་པ་བྱས་པའི་དགྱེས་པ་ནི་སྦྱིན་པ་ལ་དགྱེས་པའོ། །དེ་ལ་ཧ་ཅང་ཞེས་བྱ་བ་ནི་ཤིན་ཏུ་རོ་ཚོར་བ་སྟེ། སྦྱིན་བ་ལ་ཁ་ཅང་དགྱེས་པའོ། །དེ་བས་ན་ཕན་པ་དང་གནོད་པ་ཞེས་བྱ་བ་ལ། ཕན་པ་དང་གནོད་པའི་རིམ་པ་ནི་ཕན་པ་དང་གནོད་པར་གྱུར་
[188a.2]པ་སྟེ། རིམ་པ་དང་གང་གིས་ཕན་པ་དང་གནོད་པའོ། །དེ་ཉིད་ནི་འོག་ནས་འབྱུང་བ་བཞིན་དུ་རྟོགས་པར་བྱའོ། །མི་མཁྱེན་པ་ཡང་མ་ལགས་ཏེ། ཞེས་བྱ་བ་ནི་མཁྱེན་པ་ཉིད་དེ། སྐྱེས་བུ་#རྣམས་ལ་གནོད་པར་འབྱུང་བ་ནི་སྐྱེ་དགུ་རྣམས་ལ་གནོད་པ་སྟེ། ཕན་
[188a.3]པ་མ་ཡིན་པ་བསྐྱེད་#པའོ། །དེ་ལ་ཕན་པ་མ་ཡིན་པ་འབྱུང་བ་ལ་ཅིའི་ཕྱིར་དེ་དགའ་བ་ཡིན་ཞེ་ན། གཞན་ལ་གནོད་པས་འཚོ་ཞིང་དགའ་བ་སྐྱེ་བའི་ཕྱིར་རོ། །གཞན་ལ་གནོད་པར་བྱེད་པ་ནི་གཞན་ལ་གནོད་པ་སྟེ། དེས་འཚོ་ཞིང་དགའ་བ་གང་ཡིན་པ་དེ་དག་ནི་
[188a.4]གཞན་ལ་གནོད་པས་འཚོ་ཞིང་དགའ་བ་སྐྱེ་བའོ། །དེ་བས་ན་དེ་དག་ནི་དེས་དགའ་བ་ཡིན་ནོ་ཞེས་བསྟན་པའི་ཕྱིར་རང་བཞིན་དེ་ལྟར་ལགས་ཞེས་བྱ་བ་སྨོས་ཏེ། འདིས་ནི་ཆོས་ཉིད་ཀྱི་རིགས་པས་རིགས་པ་ཉིད་དུ་བསྟན་ཏོ། །ད་ནི་ཕན་པའི་རིམ་བ་ལ་མི་
[188a.5]གཟིགས་པའི་དབང་དུ་བྱས་ཏེ། འདི་སྐད་སྟོན་ཏེ། སྦྱིན་པ་ལ་ནི་རྣམ་པ་འདི་གསུམ་བསམ་པར་#བྱ་སྟེ། ལེན་པ་པོ་དང་། སྦྱིན་པ་པོ་དང་། སྦྱིན་པར་བྱ་བ་སྟེ། གསུམ་པ་ནི་#ཕུན་སུམ་ཚོགས་པ་ཡིན་ན་ནི་སྦྱིན་པ་ཕུན་སུམ་ཚོགས་པར་འགྱུར་#ཏེ། དེ་ལ་
[188a.6]ལེན་པ་པོ་ཡོན་ཏན་མེད་པའི་དབང་དུ་བྱས་ནས། སྐྱེ་དགུ་རྣམས་ལ་གནོད་པ་གང་དང་གང་ཞེས་བྱ་བའི་ཚིགས་བཅད་སྨོས་སོ། །སྦྱིན་པ་པོ་དང་སྦྱིན་པའི་དབང་དུ་བྱས་ནས། རྒྱལ་སྲིད་དཔལ་འདི་ཞེས་བྱ་བའི་ཚིགས་བཅད་ཡིན་ནོ། །དེ་ལས་སྐྱེ་དགུ་ལ་ཕན་པའི་
[188a.7]དབང་དུ་བྱས་ནས། རྒྱལ་སྲིད་དཔལ་འདི་ཞེས་བྱ་བའི་ཚིགས་བཅད་ཕྱེད་དང་པོའོ། །དེ་བས་བདག་གི་ཤ་སྦྱིན་སྩོལ་བའི་ཞེས་བྱ་བ་ནི་སྦྱིན་བའི་#དངོས་པོའི་དབང་དུ་བྱས་པ་སྟེ། བདག་གི་ཤ་སྦྱིན་པར་སྩོལ་བ་ཐོང་ཤིག་ཅེས་བྱ་བ་ནི་རང་གི་
[188b]
[188b.1]ཤ་སྦྱིན་པ་ལ་སྩོལ་བའོ#། །བདག་གི་#ཤ་སྦྱིན་པར་སྩོལ་བ་ཉིད་ནི་བདག་གི་ཤ་སྦྱིན་པར་སྩོལ་བ་སྟེ། ངེས་པར་བཟུང་#བ་ནི་སྩོལ་བ་དང་གཏོང་བ་དང་#སྦྱིན་པ་རབ་ཏུ་དགག་པ་སྟེ། རང་གི་ཤ་སྦྱིན་པ་ནི་ངེས་པར་བཟུང་#བའོ། །གཞན་གྱི་ཤ་སྦྱིན་པ་ནི་དགག་པ་མ་
[188b.2]ཡིན་ནོ། །འདིས་ནི་འདི་ལྟར་སྟོན་པ་ཡིན་ཏེ། གལ་ཏེ་འདི་ལྟར་སྦྱིན་པར་བྱ་བ་ཡིན་ན་ནི་དགྲ་ལ་སོགས་པ་སྦྱིན་པར་བྱ་བ་སྟེ། གལ་ཏེ་ངེས་པར་ཤ་ཉིད་སྦྱིན་པར་བྱའོ་ཞེ་ན། གཞན་དག་གི་ཤ་ཉིད་སྦྱིན་པར་བྱ་སྟེ། འདི་ཉིད་ངེས་པར་བཟུང་#བའོ། །སྨྲས་པ།
[188b.3]ལོག་པའི་ལམ་དུ་ཡིད་#དམ་བཅས་པ་ཞེས་སྨོས་ཏེ། ལམ་མ་ཡིན་པ་ལ་ངེས་པར་བྱས་པ་ཞེས་བྱ་བའི་དོན་ཏོ། །#དུ་ཞེས་བྱ་བ་ནི་རྒྱུའི་དོན་ཏོ། །ལོག་པའི་ལམ་དུ་ཡིད་དམ་བཅས་པ་ཉིད་བསྒྲུབ་#པའི་ཕྱིར་སྐྱེས་བུ་དཔའ་བོ་ཁྱོད་ཀྱི་ཞེས་བྱ་བའི་ཚིགས་བཅད་སྨོས་སོ། །མི་
[188b.4]བཟོད་པ་ནི་དང་དུ་ལེན་པར་མི་ནུས་པ་སྟེ། ཅིའི་ཕྱིར་ཞེ་ན། ཁྱོད་ཀྱི་མཐུས་བསྐྱབས་#ཞེས་བྱ་བ་ནི#། ཁྱོད་ཀྱི་མཐུས་བསྐྱབ་པའི་ཕྱིར་མི་བཟོད་དོ། །འཇིག་རྟེན་ཞེས་བྱ་བ་ནི་ག་ལས་ཤེ་ན། དེ་བསྒྲུབ་#པའི་ཕྱིར་གཉིས་པའི་དོན་ཏོ། །ཕུང་བར་བྱེད་པ་ལ་མཁས་པ་ནི་མཁས་པ་སྟེ། འཇིག་རྟེན་ཕུང་ཞིང་
[188b.5]གནོད་པར་བྱེད་པ་ལའོ། །དེ་ཡང་གནོད་པ་#ནི་སྐྱེ་བ་གཞན་དུ་དུས་མཐའ་མེད་པར་ངན་སོང་གནོད་པའོ། །ཕུང་བར་བྱེད་པ་ལ་མཁས་པ་དེས་ཚུལ་གྱིས་ཞེས་སྨྲས་#སོ། །ཁྱོད་ཀྱི་ཤ་དང་ཁྲག་སློང་བའི་ཚུལ་གྱིས་སོ། །ཚུལ་མིན་སྐྱེ་དགུ་ཞེས་བྱ་བ་ནི་དེས་ཕུང་བ་ནི་
[188b.6]གང་གི་ཕྱིར་སྐྱེ་དགུ་རྣམས་རྒུད་པར་འགྱུར་བའོ། །ཡང་ན་ཚུལ་མིན་སྐྱེ་དགུ་ནི་ཁྱོད་ཀྱི་མཐུས་བསྐྱབས་པའི་འཇིག་རྟེན་མི་བཟོད་ཅིང་ཁྱོད་དང་བྲལ་བར་མི་བཟོད་པའོ། །དེ་ལྟར་ཐབས་འདིས་སྐྱེ་དགུ་ཚུལ་མ་ཡིན་པར་ཕུང་བར་འདོད་པའོ། །ད་ནི་རང་ཉིད་ཀྱི་ཤ་ཉིད་གཏང་
[188b.7]བར་བྱའོ་ཞེས་འདིས་ངེས་པར་གཟུང་བ་སྐབས་དང་བཅས་པས་ཤ་ནི་གཞན་གྱི་སྦྱིན་པར་བྱའོ་ཞེས་འདིས་འདོད་པ་ཡིན་ཏེ། དེས་ན་བློན་པོ་ལ་སོགས་པས་ངེས་པར་བཟུང་#བ་དོན་མེད་པར་མཐོང་བ་སྟེ། མཆོད་སྦྱིན་ཚེན་ཞེས་བྱ་བ་ལ་སོགས་པའི་ཚིགས་བཅད་གསུམ་སྨོས་
[189a]
[189a.1]སོ། །ཚིལ་དང་ཞག་ལ་སོགས་པའི་བཟའ་བ་གང་ཡིན་པ་དེ་ནི་ཚིལ་དང་ཞག་ལ་སོགས་པའོ། །འདིས་ནི་སྦྱིན་པའི་དངོས་པོའི་#གྱ་ནོམ་པ་བསྟན་ཏོ། །སུམ་ཅུ་རྩ་གསུམ་ཞེས་བྱ་བ་འདིས་ན་#ལེན་པ་པོ་བསྟན་ཏོ། །བསྲེགས་#པ་ཞེས་བྱ་བ་ནི་མེ་ལ་བསྲེགས་
[189a.2]པའི་ཕྱིར་ཏེ་གུས་པ་མེད་པར་བསྟན་ཏོ། །མགུ་ཞེས་བྱ་བ་འདིས་ནི་ལེན་པ་རྗེས་སུ་འཛིན་པ་ཉིད་དུ་བསྟན་#ཏོ། །གུས་པར་བྱིན་ཡང་ཞེས་བྱ་བ་ནི་མེ་ལ་མངོན་པར་བསྲེགས་པ་གུས་པ་མེད་པ་དེའི་གཉེན་པོ་ཡིན་ནོ། །ཁྱོད་ཀྱིས་#ཞེས་བྱ་བ་འདིས་ནི་སྦྱིན་པ་པོའི་ཕུན་
[189a.3]སུམ་ཚོགས་པ་བསྟན་ཏོ། །ཕུན་སུམ་ཚོགས་པ་ཞེས་བྱ་བ་འདིས་ནི་ཚིལ་དང་ཞག་ལ་སོགས་པ་ཞེས་བྱ་བ་བསྟན་པ་དེའི་གཉེན་པོ་སྦྱིན་པའི་དངོས་པོ་ཕུན་སུམ་ཚོགས་པ་བསྟན་ཏོ། །འདོད་མི་འགྱུར་ཞེས་བྱ་བ་འདིས་ནི་མགུ་བའི་མི་མཐུན་པའི་ཕྱོགས་བསྟན་ཏོ། །
[189a.4]མོད་ཀྱི་ཞེས་བྱ་བ་ནི་འོན་ཀྱང་ཞེས་བྱ་བའི་དོན་ཏོ། །ལྷའི་ཐུགས་ནི་བདག་ཅག་ལྟ་བུའི་སྐྱེ་བོས་#བཅོམ་པ་མ་ལགས་ཞེས་བྱ་བ་ནི་འདི་སྦྱིན་པར་བྱ།# འདི་ནི་སྦྱིན་པར་མི་བྱ་ཞེས་སོ། །གལ་ཏེ་དེ་ལྟ་ན་ཅིའི་ཕྱིར་བདག་གི་ཤ་སྦྱིན་སྩོལ་བ་ཐོང་ཞེས་སྟོན་ཅེ་ན། དེའི་ལན་
[189a.5]བསྟན་པའི་ཕྱིར། བདག་གི་དོན་དུ་གཅེས་པའི་སླད་དུ་ཞེས་བྱ་བ་ལ་སོགས་པ་ཡིན་ནོ། །རྐོ་ལོང་གསོལ་བར་གྱུར་ཏོ་#ཞེས་བྱ་བ་ནི་འདི་ལ་སྦྱིན་པར་མི་བྱའོ་ཞེས་བྱ་བའི་རྐོ་ལོང་གསོལ་བར་#གྱུར་པའོ། །དེ་ལྟར་འདས་པའི་ཚིག་དེས་ནི་དོན་མེད་པ་ཉིད་དུ་བསྟན་པ་
[189a.6]སྟེ། རང་གི་ཤ་སྦྱིན་པའི་དབྱེ་བ་དང་ལྡན་པའོ། །ད་ནི་རང་གི་ཤ་སྦྱིན་པ་མ་ཡིན་པ་ཉིད་ལས་བརྩམས་ཏེ། གནོད་སྦྱིན་ལྔ་པོ་ཞེས་བྱ་བ་ལ་སོགས་པ་སྨོས་སོ། །ལྔ་པོ་ཞེས་བྱ་བ་ནི་ཉུང་བ་ཉིད་དོ། །ཐམས་ཅད་ཅེས་བྱ་བ་ནི་དེའི་གཉེན་པོ་སྟེ་#མང་པོའོ། །འདི་རྣམས་
[189a.7]ཀྱི་ཞེས་བྱ་བ་ནི་སྔར་བསྟན་པའི་མཚན་ཉིད་ཀྱི་སྐྱེ་དགུ་ལ་ཕན་པར་འཇུག་པའི་མཚན་ཉིད་དེ། དེའི་གཉེན་པོའི་#འབངས་ཞེས་སྨོས་ཏེ། ཁྱད་པར་མེད་པས་བཟང་པོ་དང་། བར་མ་དང་། ཐ་མའི་འགྲོ་བ་དག་གོ། །འདི་ལྟ་བུ་ཆོས་གང་གི་ལམ་ལགས་#ཞེས་བྱ་བ་ནི་སྔོན་མ་
[189b]
[189b.1]ཐོས་པའི་ཆོས་ཀྱི་ལམ་མོ། །བདག་ཅག་ལ་ཞེས་བྱ་བ་ནི་བདག་གི་དོན་ནི་#དྲུག་པའོ། །དེ་ལ་ཤ་དང་ཁྲག་ཅེས་བྱ་བ་དེ་ལ་ནི་འདི་དག་ལ་ཤ་དང་ཁྲག་ཡོད་བཞིན་དུ་ཞེས་བྱ་བའི་ཚིགས་བཅད་བརྩམས་སོ། །བདག་གི་ཤ་སྦྱིན་པར་སྩོལ་བ་འདི་ཐོང་ཞེས་བསྟན་པ་ལ་ཇི་
[189b.2]ལྟར་མི་གཏང་#བ་ཡིན་ཞེ་ན། ངེད་ཅག་ལྟ་བུ་ཞེས་བྱ་བ་སྨོས་ཏེ། འཕགས་པ་རྣམས་ལ་ནི་མེད་ཅེས་བྱ་བ་ཡིན་ཏེ། བརྫུན་གྱི་ཚིག་མེད་པའི་ཕྱིར་དང་། ཚོགས་པར་མི་འབྱུང་#བ་དང་། རྩུབ་པའི་ཚིག་མེད་པའི་ཕྱིར་རོ། །གསལ་བར་བསླངས་པ་ལ་ཞེས་བྱ་བ་
[189b.3]ནི་ངེད་ཅག་ལྟ་བུས་ནི་མ་བསླངས་ཀྱང་ཡོད་པར་གྱུར་ན་མཚན་མ་ལས་ཤེས་པར་བྱ་སྟེ། སྦྱིན་པར་བྱའོ་ཞེས་བྱ་བའི་དོན་ཏོ། །ད་ནི་ལྔ་པོ་འདི་དག་ཅེས་བྱ་བ་ལ་སོགས་པའི་ཚིག་རྐང་གི་ལན་ཆོས་ཀྱི་#ལམ་ཉིད་དུ་བསྟན་པའི་ཕྱིར། ཆོས་ཀྱི་བཀའ་ཁྲིམས་ཞེས་བྱ་བ་ལ་སོགས་
[189b.4]པའོ། །མདུན་དུ་འགྲོ་བ་ཡིན་པས་ཐོག་མར་འགྲོ་བའོ། །ངན་པའི་ལམ་དུ་ཞེས་བྱ་བ་ནི་བརྫུན་#དུ་སྨྲ་བ་དང་། ཚིག་རྩུབ་པོའི་མཚན་ཉིད་ཀྱིས་སོ། །ངའི་ཡང་ཡིན་ལ་སྤྱོད་པའི་ལམ་ཡིན་བས་ངའི་སྤྱོད་པའི་#ལམ་མོ། །དེའི་རྗེས་སུ་འགྲོ་བ་ནི་ངའི་སྤྱོད་པའི་ལམ་
[189b.5]གྱི་རྗེས་སུ་འཇུག་པ་དེ་དག་གོ། །ང་ཡི་འབངས་རྣམས་གནས་སབས་ཇི་ལྟར་གྱུར། །ཞེས་བྱ་བ་ནི་ཤིན་ཏུ་ཉམས་པར་འགྱུར་རོ་ཞེས་བྱ་བའི་དོན་ཏོ། །དེ་ལྟར་འདིར་སྦྱིན་པས་ནི་ཆོས་ཀྱི་ལམ་ཉིད་དུ་བསྟན་ལ། སྦྱིན་པ་མ་ཡིན་པས་ནི་ཆོས་མ་ཡིན་པའི་ལམ་ཉིད་#དུ་
[189b.6]བསྟན་ནས། ང་ནི་གང་སྔར་བསྟན་པའི་འབངས་ཐམས་ཅད་མགོན་མ་མཆིས་པར་བགྱིས་པའམ་ཞེས་བྱ་བ་དེའི་དབང་དུ་བྱས་པ་སྟེ། འདི་ཡང་སྐྱེ་དགུ་རྣམས་ཀྱི་དོན་གྱི་ཕྱིར། །ཞེས་སྨོས་ཏེ། འབངས་ཐམས་ཅད་མགོན་མ་མཆིས་པར་བགྱིས་པ་ཉིད་འགྲོ་བའི་དོན་
[189b.7]བཟང་པོ་སྟེ། འགྲོ་བའི་དོན་ནུས་པ་ཞེས་བྱ་བའི་དོན་ཏོ། །སེར་སྣས་ཕྲོགས་པ་ཉིད་ནི་སེར་སྣས་ཕྲོགས་པར་གྱུར་པ་སྟེ། སེར་སྣས་ཕྲོགས་པའི་སྙིང་གང་ཡིན་པ་དེ་ནི་སེམས་སེར་སྣས་ཕྲོགས་པར་གྱུར་པའོ། །དགའ་བ་དང་གུས་པ་ནི་དགའ་བ་དང་གུས་པ་སྟེ། ང་ལ་དགའ་བ་དང་
[190a]
[190a.1]གུས་པ་ནི་ང་ལ་དགའ་བ་དང་གུས་བ་དང་བཅས་པའོ། །བྱམས་པ་དང་། བག་ཕབ་པ་ནི་བྱམས་པས་བག་ཕབ་པ་སྟེ། དེ་གཉིས་ཀྱི་#སྙིང་པོ་གང་ཡིན་པ་དེ་ནི་བྱམས་པ་དང་། བག་ཕབ་པའི་སྙིང་པོ་ཉིད་དོ། །འདི་ལྟར་བདག་ཅག་ལ་#མི་བྱམས་བ་
[190a.2]ཅི་ལས་གྱུར་ཞེས་བྱ་བ་འདིས་ནི་བག་ཕབ་པའི་སྙིང་པོ་བསྟན་ཏོ། །རྗེའི་ཆེད་དུ་འཚལ་བ་#ལ་ཞེས་བྱ་བ་ལ་སོགས་པ་དང་། འདི་ལྟར་བདག་ཅག་ལ་མི་བྱམས་པ་ཅི་ལས་གྱུར་ཞེས་བྱ་བའི་ལན་ནི། ང་ཁྱེད་ལ་མི་འཇར་ཞིང་མི་བྱམས་པ་ཡང་མ་ཡིན་ལ་ཞེས་བྱ་བ་
[190a.3]ཡིན་ཏེ། འཇར་བ་ནི་བག་འབེབས་པར་བྱེད་པའི་དོན་ཏོ། །འཇར་བ་མེད་པ་ནི་མི་འཇར་བའོ། །མི་འཇར་བ་ཡང་ཡིན་ལ་མི་བྱམས་པ་ཡང་ཡིན་པས་ན་མི་འཇར་#ཞིང་མི་བྱམས་པའོ། །ཤ་དང་ཁྲག་བདག་ཅག་ལ་མཆིས་བཞིན་དུ་ཞེས་བྱ་བ་ལ་སོགས་
[190a.4]པའི་ལན་ནི། མ་བྱིན་དུ་དོགས་པ་ཡང་མེད་མོད་ཀྱི་ཞེས་བྱ་བ་ལ་སོགས་པའོ། །ཡོངས་སུ་དོགས་ཤིང་རྒལ་#དཀའ་བ་གང་ཡིན་པ་དེ་ནི་དོགས་ཤིང་རྒལ་#དཀའ་བ་སྟེ། དཀའ་བས་རྟོགས་པ་གང་ཡིན་པའི་བྱམས་པའི་ལམ་གང་ཡིན་པ་དེ་ནི་རྟོགས་པར་དཀའ་
[190a.5]པའི་དོགས་པའོ། །རྟོགས་པར་དཀའ་བ་ཡང་ཡིན་ལ་རྒལ་བར་#དཀའ་བ་ཡང་ཡིན་པས་དོགས་པ་དང་རྒལ་དཀའ་ཞིང་རྟོགས་པར་དཀའ་བ་སྟེ། སྐལ་#བའི་ཚུལ་འདི་ཆུང་བ་#དང་ཟད་པར་གྱུར་པ་དང་ཞེས་བྱ་བར་སྦྱར་རོ། །སློང་བ་རྣམ་པར་མཛེས་པ་གང་ཡིན་པ་
[190a.6]དེ་ནི་སློང་བ་མཛེས་པ་སྟེ། སློང་བ་འཕེལ་བ་ཞེས་བྱ་བའི་དོན་ཏོ། །དབུལ་བ་ཞེས་བྱ་བའི་ཚིག་གིས་ནི་འབྱོར་པ་དང་ལྡན་པ་ནོར་གྱིས་རྒུད་པར་གྱུར་པ་ལ་སྟེ། དབུལ་ཞིང་ཕོངས་པར་གྱུར་པ་ལའོ། །ཡང་ན་དབུལ་བ་ཉིད་སློང་བ་འཕེལ་བ་ཡིན་ནོ། །ཡང་ན་ནོར་རིམ་གྱིས་
[190a.7]ཉུང་ངུར་གྱུར་པ་ནི་མཛའ་བོ་ནོར་དང་ལྡན་པ་རྣམས་ལ་སློང་བ་འཕེལ་བ་མཛེས་པ་ཡིན་ཏེ། དེ་ཟད་ཅིང་དབུལ་པོར་གྱུར་པ་མཛའ་བོ་དག་ལ་སློང་བ་འཕེལ་བ་མཛེས་པ་ཡིན་ནོ། །འདི་ཇི་ལྟར་ཤེས་པར་བྱ་སྟེ། ནོར་དང་ལྡན་པ་ནི་དབུལ་པོ་ལ་མི་མཛེས་ཏེ། དེ་བས་ན་ང་ལ་ནི་ནོར་ཟད་
[190b]
[190b.1]པ་ཡང་མེད་ལ། གང་ལྟར་བུས་བསྟན་པ་དེ་ཇི་ལྟར་ནོར་དང་ལྡན་པ་ལ་སྦྱར་ཏེ། འབྱོར་པ་ཉུང་ངུར་#གྱུར་པ་ལ་ཡང་མི་རིགས་ན། འབྱོར་པ་ཆུང་བའི་མཛའ་བོ་ལ་ནོར་དང་ལྡན་པས་བསླང་བ་ལྟ་ཅི་སྨོས་ཏེ། དེ་བས་ན་ཁྱད་པར་བསྟན་པར་འགྱུར་ཏེ། ཤིན་ཏུ་སྐལ་བས་
[190b.2]འགྱུར་བའི་#ཕྱིར་རོ། །སྐྱེ་བོ་ཕོངས་པ་རྣམས་ཀྱིས་#ཕྱིར་བསྐྱེད་པའི། །ལུས་ནི་ང་བདག་ཉིད་ལ་ཡོད་བཞིན་དུ། །ཞེས་བྱ་བ་འདིས་ནི་སྦྱིན་པའི་དངོས་པོ་ཐ་དད་པ་མེད་པར་བསྟན་ཏོ། །ལུས་ནི་ཆེན་པོ་ཤ་རྒྱས་ཞེས་བྱ་བ་འདིས་ནི་ཉུང་ངུར་#གྱུར་པ་མེད་པར་བསྟན་ཏོ། །ཁྱེད་
[190b.3]ལ་ཞེས་བྱ་བ་འདིས་ནི་མི་འཇར་ཞིང་མི་བྱམས་པའི་སྐྱོན་མེད་ཅིང་ལུས་རིང་བདག་ལ་སློང་བ་ནི་རིགས་པ་མ་ཡིན་ནོ་ཞེས་སྨོས་ཏེ། བརྒྱ་ལ་འབྱོར་པ་ཟད་པར་མ་གྱུར་ན་ཡང་བྱམས་ཤིང་ཡིད་གཅུགས་#པར་བསྟན་པའི་ཕྱིར་དབུལ་བ་ལ་ཡང་སློང་བར་མི་རིགས་སོ། །ནམ་ཡང་
[190b.4]ནང་གི་དངོས་པོ་ནི་སློང་བར་རིགས་པ་མེད་དེ། གཞན་ལ་གནོད་པ་དང་འབྲེལ་པའི་ཕྱིར་རོ་ཞེས་བསྟན་པའི་ཕྱིར། མི་ཤེས་གཞན་གྱི་གནོད་པ་འང་མི་བཟོད་ན། །ཞེས་བྱ་བའི་ཚིགས་བཅད་བརྩམས་སོ། །མི་ཤེས་པ་ཞེས་བྱ་བ་ནི་སྔོན་མ་མཐོང་ཞིང་མ་འདྲིས་པའོ། །
[190b.5]ཁྱེད་ཀྱི་གནོད་པ་བདག་གིས་ག་ལ་བཟོད། །#ཅེས་བྱ་བ་ནི་འདི་ལྟར་བྱམས་ཤིང་ཡིད་གཅུགས་#པའི་དངོས་པོ་དག་ལ་སྟེ། །དེས་ན་ཁྱེད་ལ་ཡང་གནོད་པ་བཏང་སྙོམས་སུ་བྱ་ཞིང་། གང་འདི་དག་ཁྱེད་ལ་སློང་ན་དེ་ལ་སྦྱིན་པའི་རྗེས་སུ་ཡི་#རང་བར་བྱས་ཏེ། འདི་ལྟར་ངའི་སྦྱིན་
[190b.6]པ་ལ་ཁྱེད་ཅག་གིས་རྗེས་སུ་ཡི་རང་བ་དེ་ལྟར་བྱའོ#། །ཇི་ལྟར་འོག་ནས་བརྗོད་པ་ཞེས་བྱ་བ་ནི་མདུན་ནས་སོ། །དེ་ལྟར་རེ་ཞིག་སྦྱིན་པའི་བྱ་བ་རིགས་པ་ཉིད་དུ་བསྟན་ནས། སྔར་བཤད་པའི་དབྱེ་བས་དབྱེ་བ་བསྟན་པའི་ཕྱིར། དེ་བས་ན་ང་ལ་#རབ་ཏུ་བྱམས་པའི་#ཞེས་བྱ་
[190b.7]བ་ལ་སོགས་པ་སྨོས་སོ། །ཆོས་ཀྱི་བགེགས་ལ་འཛེམ་པ་མེད་པ་ཞེས་བྱ་བས་ནི་དེ་#དག་ཆོས་མ་ཡིན་པ་ཉིད་དུ་བསྟན་པས་འཛེམ་པ་བསྐྱེད་#པའི་མཚན་ཉིད་ཀྱི་དབྱེ་བ་བསྟན་ཏོ། །ཇི་ལྟར་དབྱེ་བ་དེ་ཡང་ཆོས་མ་ཡིན་པ་ཉིད་དུ་བསྟན་ཏོ། །ད་ནི་ལོག་པ་ཉིད་དུ་བསྟན་པར་འདོད་
[191a]
[191a.1]པས། ངའི་དོན་དུ་ཁྱོད་ཅི་སྤྱོད་པ་འདི་ལྟ་བུ་བྱ་བ་མི་རིགས་ཏེ་ཞེས་བྱ་བ་འདི་བརྩམས་སོ། །ངེད་ཅག་གི་དོན་ནི་ངའི་དོན་ཏེ་ངེད་ཅག་གི་དོན་དུའོ། །ཁྱེད་ཅག་གིས་#ནམ་ཡང་ངའི་དོན་དུ་སྦྱིན་པའི་བགེགས་ནི་བྱ་བ་མ་ཡིན་ནོ་ཞེས་བྱ་བའི་དོན་ཏོ། །
[191a.2]བདག་གི་དོན་དུ་བཟའ་བ་ལ་སོགས་པ་ཞེས་བྱ་བ་ལ་#བདག་ཉིད་ཀྱི་ཡིན་པས་བདག་སྟེ། མངོན་པར་མཐོ་བ་དང་ངེས་པར་ལེགས་པ་འཐོབ་པའི་ཕྱིར་རོ། །ཕྱི་རོལ་གྱི་དངོས་པོ་ནི་བཟའ་བ་དང་བཏུང་བ་ལ་སོགས་པའོ། །སོགས་པ་སྨོས་པས་ནི་སེམས་ཅན་
[191a.3]དང་སེམས་ཅན་མ་ཡིན་པ་ཉིད་དོ། །དེ་ལྟར་བྱེད་པ་ཅི་འདྲར་འགྱུར། །ཞེས་བྱ་བ་ནི་སེམས་ཅན་ཐམས་ཅད་ཀྱི་དོན་དུ་ནང་གི་སྦྱིན་པ་ནི་སྔོན་གང་གིས་མ་སྦྱིན་#ཏེ་བྱང་ཆུབ་སེམས་དཔའ་#དག་གིས་སོ། །ལེགས་སམ་ག་ལ་ཏེ་མ་
[191a.4]ལེགས་ཀྱང་། །ཞེས་བྱ་བ་ནི། ཇི་ལྟར་ལེགས་པ་ཉིད་མ་ཡིན་ནོ། །ཞེས་བརྗོད་པར་བྱ་སྟེ། འདིས་ཀྱང་ཆོས་མ་ཡིན་པ་དང་བདེན་པ་མ་ཡིན་པ་ཉིད་བསྟན་ཏེ་སྦྱིན་པའི་གེགས་#སོ། །དེ་ཞེས་བྱ་བ་ནི་ནང་གི་དངོས་པོ་གཏོང་བ་འགོག་པར་བྱེད་
[191a.5]པ་སྟེ། འདི་ལྟར་ལེགས་པ་མ་ཡིན་པར་འགྱུར་ཞིང་ཆོས་མ་ཡིན་པ་དང་ལྡན་པ་སྟེ། ཁྱེད་ཅག་ནམ་ཡང་དེ་ལྟ་བུ་མ་བྱེད་ཅིག་པའོ། །ནང་གི་དངོས་པོ་གཏོང་བའི་དགག་པ་གང་ཡིན་པ་དེ་ནི་ལེགས་པ་མ་ཡིན་ལ། དགག་པ་མ་ཡིན་པ་དེ་ནི་ལེགས་པ་ཉིད་དོ། །ཁྱེད་ཀྱི་ནི་སྲོག་
[191a.6]གཅོད་པ་ལ་རྗེས་སུ་ཡི་རང་བར་བྱའོ་ཞེས་བྱ་བ་ལྟ་བུ་ཡིན་ཏེ། དེས་ན་ངའི་རྗེས་སུ་འགྲོ་བར་བྱ་བ་ནི་#རིགས་པས་དཔྱད་པར་བྱའོ་ཞེས་བྱ་བ་འདི་བརྩམས་སོ། །ངའི་གྲོགས་རྗེས་སུ་མཐུན་པ་ཞེས་བྱ་བ་བསྟན་པ་ལ། གྲོགས་ཀྱི་ངོ་བོ་ནི་གོགས་#ཏེ་བཀའ་ལ་གཏོགས་ཏེ་ཞེས་བྱ་
[191a.7]བའི་དོན་ཏོ། །ངེད་ཅག་བྱང་ཆུབ་སེམས་དཔའི་གྲོགས་དེ་དང་མཐུན་པ་ནི་ངའི་གྲོགས་མཐུན་པ་སྟེ། འདི་#ནི་གཞན་མི་མཐུན་པའི་ཞེས་བསྟན་པའི་ཚུལ་དུ་འགྱུར་ཏེ། དེ་གང་ཡིན་ཞེ་ན། ལམ་ལོག་པར་འགྲོ་བ་ལས་བཟློག་པའི་སྟེ། ལམ་ལོག་པ་ལས་བཟློག་པ་
[191b]
[191b.1]ཡིན་པས་ལོག་པར་འགྲོ་བ་དེ་ལས་བཟློག་པའོ། །དེ་གང་ཞེ་ན་ཡིད་དོ། །རིགས་པས་དཔྱད་པར་བྱའོ་ཞེས་བྱ་བ་ནི་གང་ལ་ལ་སེམས་ཅན་རྣམས་ཀྱི་དོན་དུ་བདག་ཉིད་ཡོངས་སུ་གཏོང་བར་བྱེད་པ་སྟེ། གཞན་གང་ཞིག་རྗེས་སུ་ཡི་རང་བར་མི་བྱེད་པ་དེ་ནི་རྗེས་སུ་ཡི་རང་བ་
[191b.2]སྲོག་གཅོད་པའི་ཁ་ན་མ་ཐོ་བ་དང་ལྡན་པར་འགྱུར་རོ་ཞེས་འདིར་ཡང་ཁ་ཅིག་ཞུགས་པར་འགྱུར་ཞེས་འདིར་ཡང་ཁ་ཅིག་ཞུགས་པའོ། །ཅི་སྟེ་རིགས་སམ་མི་རིགས་ཤེ་ན། སྐྱེས་པའི་རབས་ཐོས་པས་ཀྱང་བསོད་ནམས་མེད་པར་འགྱུར་ཏེ། དེ་ན་ནི་བྱང་ཆུབ་སེམས་
[191b.3]དཔའ་#ནང་གི་དངོས་པོ་ཡོངས་སུ་གཏོང་བ་ཡོད་པའི་ཕྱིར་རོ། །དེ་ལ་རྗེས་སུ་ཡི་རང་བར་བྱེད་པ་དང་། རྗེས་སུ་ཡི་རང་བ་ཡང་བསོད་ནམས་མ་ཡིན་པར་འགྱུར་ཏེ། གལ་ཏེ་འདས་མ་ཐག་པ་དེ་ལྟར་རིགས་པས་དཔྱད་པར་བྱས་པ་དེ་བས་ན་བསོད་ནམས་མ་ཡིན་པ་གང་ཡིན་
[191b.4]བ་དེ་ཉིད་ལོག་པའི་ལམ་དེ་ལས་བཟློག་པར་བྱས་པ་དེ་ལ་རྗེས་སུ་ཡི་རང་བ་དང་མཐུན་པའི་ཚིག་གང་ཡིན་པ་དེ་ནི་རྗེས་སུ་ཡི་རང་བ་དང་མཐུན་པའི་ཚིག་གོ། །བཟང་ངོ་ཞེས་བྱ་བ་ཉིད་#ནི་བཟང་བ་ཉིད་དོ། །#དེ་ལྟར་བྱེད་པ་ཅི་#འདྲ་བར་འགྱུར་བ་ལྟ་ཅི་སྨོས། དེ་ལྟར་བྱ་བའི་ཁྱད་
[191b.5]པར་བསྟན་པའི་ཕྱིར། ནོར་ནི་གཅིག་པུས་སྤྱད་པ་ཞེས་བྱ་བའི་ཚིགས་བཅད་གཉིས་སྨོས་སོ། །བྱ་བ་དེའི་ཁྱད་པར་རྣམ་པ་གཉིས་སུ་བསྟན་པ་སྟེ#། སློང་བ་ཉིད་དུ་རྙེད་དཀའ་བའི་ཕྱིར་དང་། སྦྱིན་པའི་དངོས་པོ་ཤེས་པས་མ་རུང་བ་ཡོངས་སུ་གཏོང་#བ་ལེགས་པའི་ཕྱིར་རོ། །
[191b.6]དེ་ལས་ནང་གི་དངོས་པོ་གཏོང་བ་རྙེད་དཀའ་བའི་དབང་དུ་བྱས་ནས། ནོར་ནི་གཅིག་པུས་སྤྱད་པ་མ་ཡིན་ལ། །ཞེས་བྱ་བའི་ཚིགས་བཅད་སྨོས་སོ། །གཅིག་པུས་མ་ཡིན་ལ་ཞེས་བྱ་བ་ནི་ནོར་འདི་དག་གཅིག་པུས་སྤྱད་པ་གང་ཡིན་པ་དེ་ནི་དེ་སྟེ། ནོར་གཅིག་པུས་སྤྱད་པར་བྱ་བ་ཞེས་
[191b.7]བྱ་བའི་དོན་ཏོ། །ནོར་ཞེས་སྨོས་པས་ནི་བཟའ་བ་དང་། བཏུང་བ་དང་། གོས་ལ་སོགས་པ་བྱེ་བྲག་མེད་པར་གཟུང་ངོ་། །ཉིན་རེ་མ་ཡིན་ལ་ཞེས་བྱ་བ་ནི། ཉི་མ་རེ་རེ་ཞིང་མ་ཡིན་པ་སྟེ། དུས་མ་ཡིན་པ་ཞེས་བྱ་བའི་དོན་ཏོ། །མི་འགྱུར་རོ་ཞེས་བྱ་བ་ནི་རྙེད་དཀའ་བ་ཉིད་དུ་
[192a]
[192a.1]བསྟན་ཏོ། །སློང་བ་འདི་ལྟ་བུ་དང་ཞེས་བྱ་བ་ནི་ནང་གི་དངོས་པོ་ལོངས་སྤྱོད་ཅིང་སློང་བའི་སྐྱེ་བོ་ནི་ཉུང་བས་སོ། །ལྷ་དག་མཉེས་པར་བྱས་ཀྱང་མི་འགྲུབ་ན། །ཞེས་བྱ་བ་འདིས་ནི་ཤིན་ཏུ་རྙེད་དཀའ་བ་ཉིད་དུ་བསྟན་ཏོ། །སློང་བ་འདི་ལྟ་བུས་#ཡང་ཞེས་
[192a.2]བྱ་བའི་ཚིགས་བཅད་ཀྱིས་ནི་སྦྱིན་པའི་དངོས་པོ་ཉེས་པས་#མ་རུང་བར་གྱུར་པའི་སྦྱིན་པ་དང་། སྦྱིན་པ་གཏོང་#བ་སླ་བ་ཉིད་དུ་སྟོན་པར་འདོད་པས་བརྩམས་པ་ཡིན་ནོ། །ཅུང་ཟད་ཅེས་བྱ་བ་ནི་འཆི་བའི་ཆོས་ཅན་ཡིན་ལ། ཇི་སྲིད་དུ་འདུག་#པ་དེ་སྲིད་དུ་ཡང་མི་བདེ་བའི་
[192a.3]གནས་སུ་གྱུར་ཅིང་མི་བདེ་བའི་གཞིར་གྱུར་པ་སྟེ། རྒ་བ་དང་ནད་ལ་སོགས་པའི་སྡུག་བསྔལ་གྱི་གཞིར་གྱུར་པའི་ཕྱིར་རོ། །ཐེ་ཚོམ་ཟ་བའང་ཞེས་བྱ་བ་ནི་སྦྱིན་པར་བྱ་བའམ། སྦྱིན་པར་མི་བྱ་ཞེས་སོ། །རྒྱ་ཆེར་མི་འགྱུར་ན་ཞེས་བྱ་བ་ནི་སློང་བའི་སྐྱེ་བོ་ཉིད་དོ། །
[192a.4]འཇུངས་ཤིང་ཞུམ་པ་ཞེས་བྱ་བ་ནི་སྦྱིན་པར་མི་འདོད་པ་ཉིད་དོ། །མུན་པའི་མཆོག་ཡིན་ནོ་ཞེས་བྱ་བ་ནི་གཏི་མུག་གི་རབ་མཆོག་སྟེ། དེ་བས་ན་#ཐེ་ཚོམ་ཟ་བ་ཡང་མི་རིགས་པ་ཉིད་ན། མི་སྦྱིན་པ་ལྟ་སྨོས་ཀྱང་ཅི་དགོས། རང་གི་ལུས་ལ་རྩ་བཀྲོས་ཏེ། གནོད་
[192a.5]སྦྱིན་དེ་རྣམས་ལ་ཞེས་བྱ་བ་ནི། དང་པོ་ཉིད་དུ་རྗེས་སུ་འདོད་པ་ནི་འདི་ཉིད་དུ་#ཡིན་པས་སོ། །ཆོས་ཀྱི་གྲོགས་ཀྱང་#བྱ་བ་དང་། །ཞེས་བྱ་བ་ནི། སློང་བ་རྣམས་ཀྱི་#བྱང་ཆུབ་སེམས་དཔའ་དགེ་#བའི་བཤེས་གཉེན་ཡིན་ནོ་ཞེས་བྱ་བའི་ཚིག་གིས་
[192a.6]སོ། །འདི་ནི་རེ་ཞིག་འཇིག་རྟེན་ཕ་རོལ་གྱི་ཕན་ཡོན་ནོ། །ང་ཡང་རབ་ཏུ་དགའ་བར་འགྱུར་བ་ཞེས་བྱ་བ་ནི་མཐོང་བའི་ཆོས་ཀྱི་ཕན་ཡོན་ནོ། །ཆོས་དགའ་བ་དེ་གཉིས་ཀྱི་དངོས་པོས་ནི་འཛིན་པའི་འཇིག་#པ་ལས་ལྡོག་པ་སྟེ། དེའི་ཕན་ཡོན་རྣམ་པ་གཉིས་བསྟན་ཏོ། །
[192a.7]སྙིམ་#པ་བཟེད་དེ་ཞེས་བྱ་བ་སྨོས་པས་ནི་སྣོད་དང་འབྲིམ་#པས་དུས་ལས་འདས་ཀྱིས་དོགས་པའོ། །འདིར་ཁྱད་པར་བསྟན་པའི་ཕྱིར། ཙནྡན་དམར་པོའི་ཁུ་བ་འདྲ་བ་ཞེས་སྨོས་ཏེ། དམར་བའི་ཁྱད་པར་ནི་རྒྱལ་པོ་དེའི་#མཚན་ཉིད་དང་#ལྡན་པའོ། །ཁྲག་གི་མཚན་ཉིད་ཀྱི་ཁྱད་
[192b]
[192b.1]པར་བསྟན་པའི་ཕྱིར་རོ། །མཚམས་དུས་ཀྱི་ཆར་སྤྲིན་ལྟ་བུ་ནི་ཁྲག་གོ། །ཁྲག་དང་འབྲེལ་པ་དེ་ནི་གནོད་སྦྱིན་ནོ། །དགའ་བ་མཆོག་དང་ལྡན་པས་ལུས་ཀྱང་མ་ཉམས་པ་ནི་བརྟན་#པ་དང་ལྡན་པའོ། །སེམས་ཀྱང་བརྒྱལ་བ་མེད་པ་ནི་ལུས་ཀྱི་ཡོན་ཏན་དང་
[192b.2]ལྡན་པ་སྟེ། ཁྲག་གི་རྒྱུན་ཀྱང་ཟད་པར་ཡོང་#མ་གྱུར་ཏོ། །ད་ནི་འདིས་འཚལ་ཏེ་ཞེས་བྱ་བ་ནི་ཁྲག་དེ་དགག་པ་སྟེ། གང་གཞན་སྔར་བསླངས་པར་གྱུར་པ་དེ་ནི་བྱིན་པར་གྱུར་ཏོ་ཞེས་བསྟན་པ་ཡིན་ནོ། །སྡུག་བསྔལ་མང་པོ་འབྱུང་བའི་གནས། །
[192b.3]ཞེས་བྱ་བ་འདིས་ནི་སྡུག་བསྔལ་བ་ཉིད་དུ་བསྟན་ཏོ། །བྱས་པ་མི་གཟོ་ཞེས་བྱ་བ་འདིས་ནི་མི་གཙང་བ་ཉིད་དེ། གཙང་བའི་རྫས་ཀྱིས་བསྐྱེད་ཀྱང་ཡང་མི་གཙང་བ་ཉིད་ཡོངས་སུ་མི་འདོར་བས་སོ། །ཡང་ན་སྡུག་བསྔལ་མང་པོ་འབྱུང་བའི་གནས་དེ་ཉིད་ཀྱི་
[192b.4]ཁྱད་པར་གྱི་དོན་ཏོ། །སྡུག་བསྔལ་གསོ་བའི་གཞིའི་དོན་ཏོ། །སློང་བ་རྣམས་ཀྱི་བསྙེན་བཀུར་ནི་སློང་བ་རྣམས་ལ་སྦྱིན་པའོ། །དེའི་གྲུབ་#པ་ནི་སློང་བ་དག་ལ་སྦྱིན་པ་དེའི་#དོན་གྲུབ་སྟེ། སློང་བ་དག་ལ་སྦྱིན་པའི་དོན་གྲུབ་པའོ། །རབ་ཏུ་དགའ་དང་
[192b.5]རྗེས་སུ་མཐུན། །ཞེས་བྱ་བ་ནི་སྡུག་བསྔལ་མང་པོའི་འབྱུང་གནས་ཡིན་ཡང་བཟུང་བར་གྱུར་པ་བདེ་བའི་རྒྱུར་གྱུར་པ་སྟེ། སྦྱིན་པ་པོ་རང་གི་བདེ་བའི་རྒྱུར་གྱུར་པས་སོ། །བདེ་བ་ཞེས་སྨོས་པ་ནི། བྱས་པ་མི་གཟོ་བ་ཉིད་ཡིན་ནོ་ཞེས་གཞན་དག་ཏུ་བསྟན་པ་
[192b.6]ནི་ལན་དུ་ཕན་འདོགས་པར་བཟུང་#བའི་ཕྱིར་རོ། །རབ་ཏུ་དགའ་བ་དང་། རབ་ཏུ་ཚིམ་པ་ཞེས་བྱ་བ་ནི་རབ་ཏུ་དགའ་བ་དང་རྗེས་སུ་མཐུན་པར་གྱུར་པ་ཞེས་བྱ་བ་བསྟན་མ་ཐག་པ་འདིའི་རྒྱུས་སོ། །ཨུཏྤ་ལའི་འདབ་མ་ལྟར་མདོག་སྔོ་ཞིང་མཐིང་ག་གང་ཡིན་པ་དེ་ནི་
[192b.7]ཨུཏྤ་ལ་མཐིང་ག་ལྟར་མདོག་སྔོ་བའོ། །རྡོ་རྗེ་རིན་པོ་ཆེས་སྤྲས་པའི་རལ་གྲི་#སྔོན་པོའི་འོད་ཀྱིས་#མཛེས་པ་གང་ཡིན་པ་དེ་ནི་རལ་གྲི་#རྣོན་པོ་རྡོ་རྗེ་རིན་པོ་ཆེས་སྤྲས་པའི་འོད་ཀྱིས་མཛེས་པའོ། །སྐབས་ནི་མེད་པར་བྱས་པས་#ན། །ཞེས་བྱ་བ་ནི་སྲན་ཐུབ་པ་མེད་པའི་སྐབས་
[193a]
[193a.1]མེད་པར་བྱས་པའོ། །ཅིའི་ཕྱིར་ཞེ་ན། སྦྱིན་པ་ལ་དགའ་བས་སོ། །དྲངས་པས་ན་ཞེས་བྱ་བ་ནི་འདྲེན་པར་བྱེད་པ་སྟེ། ཅི་ལྟར་འདི་བསྟན་མ་ཐག་པས་དྲངས་པ་སྟེ། དེ་བས་ན་དེ་ནི་ཚིགས་#བཅད་ཀྱིས་སོ། །དེ་ལྟར་བྱས་པས་ཞེས་བྱ་བ་ནི་
[193a.2]གྲགས་པའི་སེམས་ཀྱི་#ཚིག་གིས་སོ། །ཆོས་ལ་དགའ་ཞིང་ཞེས་བྱ་བ་ནི་མངོན་པར་མཐོ་བ་འདོད་པའི་ཕྱིར་རམ། བདག་ཐར་པ་འདོད་པའི་ཕྱིར་རོ། །སྙིང་རྗེའི་དབང་དུ་གྱུར་ཏེ་ཞེས་བྱ་བ་ནི་སེམས་ཅན་གཞན་ལ་ཕན་པའི་དོན་ཏོ། །མདོག་གསལ་བར་བྱས་པ་
[193a.3]ནི་མདོག་གསལ་བར་བྱས་པའོ། །བཞིན་མདངས་མ་གྱུར་#ཅིང་རབ་ཏུ་དང་བ་ཞེས་བྱ་བ་ནི་བཞིན་མདངས་གསལ་བ་གཟུང་#སྟེ། དགའ་བ་ཡིན་པས་རྗེས་སུ་དཔག་གོ། །མི་གཡོ་བར་དེ་བཞིན་འདུག་པ་ཞེས་བྱ་བ་ནི་ལུས་ཀྱི་ཚོར་བ་ལ་སོགས་པས་སོ། །
[193a.4]རབ་ཏུ་དང་བ་ཆེར་གྱུར་ཏོ། །ཞེས་བྱ་བ་ནི། བཞིན་མདངས་མ་གྱུར་#ཅིང་གསལ་བའི་ཕྱིར་རོ། །ངོ་མཚར་ཆེར་གྱུར་ཏོ་ཞེས་བྱ་བ་ནི་མི་གཡོ་ཞིང་དེ་བཞིན་དུ་འདུག་པའི་ཕྱིར་ཏེ། ཤ་གཅོད་པ་དང་བཅས་པའི་སྡུག་བསྔལ་གྱིས་སོ། །ངོ་མཚར་ནི་སྙིང་རྗེས་
[193a.5]གཞན་ལ་བདེ་བ་#འདོད་པ་སྟེ། སེམས་ཅན་ལ་དགའ་བ་ཤས་ཆེ་བའི་ཕྱིར་རོ། །རྨད་དུ་བྱུང་བ་ནི་མི་གཡོ་བར་དེ་བཞིན་འདུག་པ་སྟེ། ཤ་ཆོད་པ་དང་བཅད་པའི་ཚོར་བའི་སྡུག་བསྔལ་ཟིལ་གྱིས་ནོན་#པའི་ཕྱིར་རོ། །བདེན་ནམ་བརྫུན་ཞེས་དཔྱོད་ཅིང་ངོ་མཚར་#
[193a.6]སྐྱེས་ཞེས་བྱ་བ་ནི་ངོ་མཚར་རྨད་དུ་བྱུང་བ་སྐྱེས་པས་#སོ། །དེ་ལ་བསྟོད་ཅིང་ཕྱག་ཀྱང་འཚལ་བར་གྱུར། །ཞེས་བྱ་བ་ནི་དེ་ལ་བསྟོད་པ་དང་ཕྱག་འཚལ་བར་གྱུར་པ་སྟེ། དེ་ལ་བསྟོད་པ་དང་འདུད་པ་ན།# ཁྲག་དང་ཤ་སྦྱིན་པས་ཕྱག་འཚལ་བའོ། །གུས་པའི་དབང་
[193a.7]གིས་ཞེས་བྱ་བའི་ཚིགས་བཅད་འདིའི་བསྡུས་པའི་དོན་ནི་གསང་ཚིག་དང་། གཙོ་བོ་དང་། སྤྲོ་བའི་ནུས་པ་བསྟན་ཏོ། །དང་པོའི་རྐང་པས་ནི་གསང་ཚིག་གི་ནུས་པ་བསྟན་ཏེ#། གུས་པ་དང་གྲགས་པས་ནི་གསང་ཚིག་གི་ནུས་པ་བསྐྱེད་པས་སོ། །ཚིག་རྐང་གཉིས་
[193b]
[193b.1]པས་ནི་བདག་བོའི་ནུས་པ་བསྟན་ཏེ། དཔལ་ཞེས་སྨོས་པའི་ཕྱིར་རོ། །ཁྱེད་ཀྱི་མཐུས་བསྐྱབས་#ཞེས་བྱ་བ་འདིས་ནི་སྤྲོ་བའི་ནུས་པ་བསྟན་ཏོ། །བརྒྱ་བྱིན་མགོན་དུ་གྱུར་ལ་ཞེས་བྱ་བ་ལ། ནུས་པ་ཡིན་པས་བརྒྱ་བྱིན་ཏེ། སྤྲོ་བའི་ཡོན་ཏན་སྟན་པར་བྱེད་པའི་
[193b.2]མིང་སྨོས་པས། སྤྲོ་བའི་ནུས་པའི་རྗེས་སུ་བསྟན་པའི་དོན་ཏོ། །དེ་ལས་བྱང་ཆུབ་སེམས་དཔའི་སྤྲོ་བ་འདི་ཁྱད་པར་དུ་བསྟན་པའི་ཕྱིར། ཁྱོད་ལྟ་བུའོ་བརྒྱལ་#བར་བགྱིས་ཕ་#དེ་བས་ནའོ། །ཐམས་ཅད་སའི་བདག་པོ་འམ་ཞེས་བྱ་བའི་ཚིགས་བཅད་འདིའི་བསྡུས་
[193b.3]པའི་དོན་ནི། གཅིག་ཏུ་མངོན་པར་མཐོ་བའི་སྤྱོད་པ་ལས་ཀྱང་བརྩམས་པ་མ་ཡིན་ལ། ངེས་པར་ལེགས་པ་ལས་ཀྱང་བརྩམས་པ་མ་ཡིན་ནོ། །རྣམ་པར་གྲོལ་བའམ་ཞེས་སྨོས་པ་ལ། རྣམ་པར་གྲོལ་བ་ནི་འདིར་ཉན་ཐོས་དང་རང་སངས་རྒྱས་ཏེ་རྣམ་
[193b.4]པ་གཉིས་སོ། །མངོན་པར་མཐོ་བ་ནི་འདོད་ཆགས་དང་བྲལ་བ་དང་འདོད་ཆགས་དང་མ་བྲལ་བའི་དབྱེ་བས་སོ། །འདོད་ཆགས་དང་བྲལ་བའི་དབང་དུ་བྱས་ནས། ཚངས་པའམ་ཞེས་སྨོས་སོ། །འདོད་པ་སྤྱོད་པའི་མངོན་པར་མཐོ་བ་ཡང་རྣམ་པ་གཉིས་ཏེ།
[193b.5]ལྷ་དང་མིའི་དབང་དུ་བྱས་པའོ། །ནོར་གྱིས་ཕྱུག་པའམ་དབང་པོའམ་#ཞེས་བྱ་བ་ལ། ལྷའི་མངོན་པར་མཐོ་བ་ཡང་རྣམ་པ་གཉིས་ཏེ། རྒྱལ་ཆེན་རིགས་#བཞི་དང་སུམ་ཅུ་རྩ་གསུམ་པའི་དབྱེ་བས་སོ། །དེ་ལ་རྒྱལ་ཆེན་རིགས་#བཞི་དང་མངོན་པར་མཐོ་བའི་
[193b.6]དབང་དུ་བྱས་ནས། ནོར་གྱིས་ཕྱུག་པའམ་ཞེས་བྱ་བ་ཡིན་ནོ། །སུམ་ཅུ་རྩ་གསུམ་པའི་དབང་དུ་བྱས་ནས་དབང་པོའམ་ཞེས་བསྟན་ཏོ། །མིའི་མངོན་པར་མཐོ་བའི་ཁྱད་པར་གྱི་དབང་དུ་བྱས་ནས། ཐམས་ཅད་སའི་བདག་པོའམ་ཞེས་བྱ་བ་ཡིན་ཏེ། འཁོར་ལོས་
[193b.7]སྒྱུར་བའི་རྒྱལ་སྲིད་ཅེས་བྱ་བའི་དོན་ཏོ། །བཞེད་པའི་དོན་ནི་མི་རིང་སྟེ། རྩོལ་ཕོད་པ་#གང་ཡིན་པས་ཐམས་ཅད་འཐོབ་པར་ནུས་པའོ། །རྙེད་པར་བྱ་དཀའ་བ་ཞེས་བྱ་བའི་ཚིགས་བཅད་འདིའི་བསྡུས་པའི་དོན་ནི་སྲིད་པའི་ལོངས་སྤྱོད་ལ་མི་གནས་པ་སྟེ། ཉེས་པ་གསུམ་གྱིས་མ་
[194a]
[194a.1]རུངས་པར་#བྱས་པར་སྟོན་ཏེ། དེ་ལ་ཉེས་པ་གསུམ་ནི་རྒྱུ་དང་། ངོ་བོ་དང་། འབྲས་བུའི་ཉེས་པས་སོ། །རྒྱུའི་ཉེས་པའི་དབང་དུ་བྱས་ནས་རྙེད་པར་དཀའ་ལ་ཞེས་བྱ་བ་སྟེ། གལ་ཏེ་འབད་པ་ཕུན་སུམ་ཚོགས་པས་ཐོབ་པར་འགྱུར་བ་ཡིན་
[194a.2]ཡང་རྟག་པ་#མེད་པས་སོ། །འདི་ལ་གང་གི་ཕྱིར་མི་རྟག་པ་ཡིན་ཞེ་ན། རང་བཞིན་གྱི་སྐྱོན་གྱི་དབང་དུ་བྱས་ནས། འཇིག་པར་སླ་བ་དང་ཞེས་བྱ་བ་ཡིན་ཏེ། རང་གི་ངང་གིས་འཇིག་#པའོ། །འཇིག་པར་སླ་བ་ཡིན་ཡང་། རང་གི་བྱ་བ་བྱེད་པར་ནུས་
[194a.3]པར་གྱུར་ན། དེ་ལྟ་ན་ཡང་འདོད་པར་བྱ་བ་ཡིན་ན། དེ་མད་པར་བསྟན་པའི་ཕྱིར། ཆོག་པའི་བདེ་མེད་ཅེས་སྨོས་ཏེ། དེ་ལ་དེ་ཉེ་བར་ལོངས་སྤྱོད་པས་ཕྱིས་ཀྱང་སྤྱད་མི་དགོས་པར་མི་འགྱུར་བས་སོ། །ཅིའི་ཕྱིར་ཞེ་ན། རབ་ཏུ་ཞི་མེད་པ་ཞེས་སྨོས་
[194a.4]ཏེ། གང་ཕུན་སུམ་ཚོགས་པ་དོན་དུ་གཉེར་བ་དེ་དག་ལ་ཆགས་པ་ལས་ཞི་བར་མི་ནུས་སོ། །ཅིའི་ཕྱིར་ཞེ་ན། སྲིད་པའི་ལོངས་སྤྱོད་བདེ་བ་ཞེས་བྱ་བ་ཡིན་ཏེ། འདིས་ནི་འདོད་པའི་ཁམས་ཀྱི་འདོད་པར་རྟོགས་#པར་བྱའོ། །ཅི་ལྟར་འདི་རྟོགས་པར་བྱ་ཞེ་ན།
[194a.5]ལྷ་དབང་དཔལ་ཞེས་སྨོས་སོ། །དེ་ལས་གཞན་པ་ཞེས་བྱ་བ་འདིས་ནི་ཐམས་ཅད་སའི་བདག་པོ་དང་། ནོར་གྱིས་ཕྱུག་པ་གཉིས་ནི་ཐ་མལ་པ་ཉིད་དུ་བསྟན་ཏོ། །བདག་གི་སྡུག་བསྔལ་ཟད་པ་ཙམ་གྱི་ཕྱིར། །ཞེས་བྱ་བའི་ཚིགས་བཅད་འདིས་ནི། མྱ་ངན་
[194a.6]ལས་འདས་པ་དོན་དུ་མི་གཉེར་བ་ཉིད་ཀྱི་དབང་དུ་བྱས་པ་སྟེ#། དེ་མི་བཞེད་པའི་ཕྱིར་དང་། ཚངས་པ་ཡང་ཡོངས་སུ་དགག་པར་#བྱས་པ་ཡིན་ནོ། །བདག་གི་སྡུག་བསྔལ་ཟད་པ་ཙམ་གྱི་ཕྱིར། །ཞེས་བྱ་བ་ནི། ཉན་ཐོས་དང་རང་སངས་རྒྱས་ཀྱི་མྱ་ངན་ལས་འདས་པ་
[194a.7]ཐོབ་པའོ། །སྡུག་བསྔལ་མི་བཟད་ནད་ཀྱིས་ཉེན་པའི་ཞེས་བྱ་བ་འདི་ལ། རབ་ཏུ་ཉེན་པ་ནི་རྟག་ཏུའོ། །མི་བཟད་པ་ནི་ཤས་ཆེ་བའོ། །སྡུག་བསྔལ་མི་བཟད་པ་དེས་བྱས་པའི་ངལ་བ་ནི་སྡུག་བསྔལ་མི་བཟད་པའི་ངལ་བ་སྟེ། དེའི་ནད་ཀྱིས་ཉེན་པའོ། །གལ་ཏེ་འདི་
[194b]
[194b.1]ཐམས་ཅད་དོན་དུ་མི་གཉེར་ན་གཞན་གང་དོན་དུ་གཉེར་བ་ཡིན་ཞེ་ན། བསོད་ནམས་འདི་ཡིས་ཐམས་ཅད་ཅེས་བྱ་བའི་ཚིགས་བཅད་སྨོས་སོ། །ཐམས་ཅད་གཟིགས་པའི་གོ་འཕང་ཐོབ་ཅིང་། ཞེས་བྱ་བ་འདིས་ནི་ཤེས་བྱ་#སྒྲིབ་པ་སྤངས་པ་བསྟན་ཏོ། །སྐྱོན་གྱི་
[194b.2]དགྲ་བཏུལ་ནས་ཞེས་བྱ་བ་འདིས་ནི་ཉོན་མོངས་པའི་སྒྲིབ་པ་ཐམས་ཅད་སྤངས་སོ། །བསོད་ནམས་འདི་ཡིས་ཞེས་བྱ་བ་འདིས་ནི་ཚོགས་ཕུན་སུམ་ཚོགས་པ་བསྟན་ཏོ། །ཐམས་ཅད་གཟིགས་པའི་གོ་འཕང་ཐོབ་ཅིང་སྐྱོན་གྱི་དགྲ་བཏུལ་ནས། ཞེས་པ་#འདིས་ནི་འབྲས་
[194b.3]བུ་ཕུན་སུམ་ཚོགས་པ་བསྟན་ཏོ། །རྒ་བ་དང་ན་བ་ཞེས་བྱ་བའི་ཚིགས་སུ་བཅད་པ་འོག་མ་ཕྱེད་ཀྱིས་ནི་དོན་ཐམས་ཅད་ཀྱི་བྱ་བ་ཕུན་སུམ་ཚོགས་པ་བསྟན་ཏེ། རྒ་ནད་འཆི་#བའི་རླབས་ཆེན་པོ་དང་ཆོས་མཐུན་པ་སྟེ། ཆེན་པོ་ཡིན་པའི་ཕྱིར་དང་། ཡང་དང་ཡང་དུ་རྒྱུན་
[194b.4]མི་འཆད་པར་འཇུག་པའོ། །འདི་ལྟ་བུའི་བརྩལ་#བ་ཞེས་བྱ་བ་ནི། སངས་རྒྱས་ཉིད་དོན་དུ་གཉེར་བའི་བརྩལ་#བ་གང་ཡིན་པ་སྟེ། བྱང་ཆུབ་ཀྱི་སེམས་ཞེས་བྱ་བའི་དོན་ཏོ། །ལས་འདི་ཞེས་བྱ་བ་ནི། རང་གི་ཤ་དང་ཁྲག་སྦྱིན་པའི་ལས་སོ། །ཁྱོད་ལྟ་བུ་
[194b.5]ཞེས་བྱ་བ་བྱང་ཆུབ་སེམས་དཔའ་རྣམས་སོ། །འཇིག་རྟེན་ཕན་པའི་ཕྱིར་ལགས་ཀྱང་། །ཞེས་བྱ་བ་ནི་འགྲོ་བ་མཐའ་དག་ཡོངས་སུ་བསྐྱབ་པའི་ཕྱིར་ཏེ། ཐམས་ཅད་ཀྱི་ནོར་བུར་ཁྱོད་གྱུར་པས་བདག་ཀྱང་འགྲོ་བའི་ཁོངས་སུ་གཏོགས་པར་གྱུར་པ་སྟེ། དེ་བས་
[194b.6]ན་ཇི་ལྟར་ཡང་དོན་དུ་གཉེར་པར་བྱའོ། །བདག་ཅག་རང་ལ་ཕན་འཚལ་བ། །ཞེས་སྨོས་ཏེ། ཡང་འབྱོར་པ་དོན་དུ་གཉེར་བའོ་ཞེས་བྱ་བ་སངས་རྒྱས་ཉིད་ཐོབ་པའོ། །མ་འཚལ་བ་ནི་ཞེས་བྱ་བ་ནི། འདིའི་དོན་དམ་པ་ལ་འཇུག་པའོ། །བདག་གི་དོན་ཡང་
[194b.7]ཞེས་བྱ་བ་ནི། མ་འོངས་པའི་མཐའི་དུས་ཀྱི་ངན་སོང་གི་སྡུག་བསྔལ་གྱི་རྒྱུར་གྱུར་པའི་ལས་#ཀྱང་ངོ་། །རྗེས་སུ་གཟུང་བའི་རྒྱུར་གྱུར་བ། །ཞེས་བྱ་བ་ནི་རྗེས་སུ་བཟུང་#བར་བྱེད་པའི་ལམ་དུ་གྱུར་པ་སྟེ། མི་ཤེས་པ་དེའི་རྗེས་སུ་བཟུང་#བར་འགྲོ་བ་སྟེ། དེ་བས་ན་རྗེས་
[195a]
[195a.1]སུ་བཟུང་#བའི་རྒྱུར་གྱུར་པ་ཞེས་བརྗོད་དོ། །#མི་ཤེས་པས་བདག་རྗེས་སུ་གཟུང་བར་འགྱུར་བའོ་ཞེས་བྱ་བའི་དོན་ཏོ། །རྣམ་པར་ཐར་པའི་ཆོས་ཀྱི་བདུད་རྩི་ལས། ཐོག་མར་བགོ་བར་བྱ་ཞེས་བྱ་བ་ལ། རྣམ་པར་གྲོལ་བ་ནི་རྣམ་པར་ཐར་
[195a.2]པ་སྟེ། ཉོན་མོངས་པ་སྤངས་པའོ། །རྣམ་པར་ཐར་པ་ཉིད་ཆོས་ཡིན་པས་རྣམ་པར་ཐར་པའི་ཆོས་སོ། །འདིས་ནི་ཉན་ཐོས་ཀྱི་ཐེག་པས་མྱ་ངན་ལས་འདས་པའི་རྣམ་པར་གྲོལ་བའོ། །རྣམ་པར་ཐར་པའི་ཆོས་ཉིད་བདུད་རྩི་ཡིན་པས་རྣམ་པར་ཐར་པའི་
[195a.3]ཆོས་ཀྱི་བདུད་རྩིའོ། །དེ་ཡང་དག་པར་འགྱེད་#པ་ནི་རྣམ་པར་ཐར་པའི་ཆོས་ཀྱི་བདུད་རྩི་བགོ་བར་བྱ་བའོ། །ཀུན་ཏུ་ཤེས་པ་སྦྱིན་པའི་དབང་དུ་བྱས་ནས། ང་ནི་དེ་ལ་དགའ་བ་ལ་#ཞེས་བྱ་བ་ལ་སོགས་པའི་ཚིགས་བཅད་སྨོས་ཏེ། །གཞན་ནོར་ཆུང་མ་དག་ལ་
[195a.4]ཆགས་པ་དང་། །ཞེས་བྱ་བ་ལ། གཞན་ནོར་ཞེས་བྱ་བ་སྨོས་པས་ནི་མ་བྱིན་པར་ལེན་པ་ལས་ལྡོག་པ་དང་། ཆུང་མ་དག་ཅེས་བྱ་བས་ནི་གཞན་གྱིས་#ཡོངས་སུ་བཟུང་#བའི་ཆུང་མ་ནི#། འདོད་པས་ལོག་པར་གཡེམ་པ་ལས་ལྡོག་པའོ། །བརྫུན་དུ་སྨྲ་བ་ཞེས་
[195a.5]བྱ་བས་#ནི་སྨད་པའི་ངག་ལས་ལྡོག་པ་སྟེ། དེ་ལྟར་ཡང་བསླབ་པའི་གཞི་ལྔ་དག་འཛིན་དུ་བཅུག་པའོ། །དེ་དག་ཅེས་བྱ་བ་ནི་མེ་ཏོག་གོ། །རྫིས་བསྐྱོད་ཅེས་བྱ་བའི་སྒྲས་ནི་འདིར་ཤིང་དང་མེ་ཏོག་དང་སྦྱར་བར་བྱའོ། །འགུལ་བར་གྱུར་ཅེས་བྱ་བ་ནི་ས་འགུལ་བའོ། །
[195a.6]རྒྱ་མཚོ་ཆེན་པོ་ཤིན་ཏུ་བདོ་བ་ཞེས་བྱ་བའི་ཚིགས་སུ་བཅད་པ་ཡང་ས་འགུལ་བས་ཞེས་བྱ་བའི་དབང་དུ་བྱ་བ་རྗེས་སུ་འབྲང་ངོ་། །ཡང་ན་རྒྱ་མཚོ་ཆེན་པོ་ཤིན་ཏུ་བདོ་བ་ཞེས་བྱ་བ་འདིས་#ནི་དོན་བྱས་པ་ཉིད་དུ་བལྟ་བར་བྱའོ། །རང་བཞིན་ལས་ནི་ལྷག་པའི་ཤུགས་དང་
[195a.7]སྒྲས། །ཞེས་བྱ་བའི་རང་བཞིན་དེ་ལས་ལྷག་པའི་ཤུགས་དང་ལྡན་པའི་སྒྲ་དང་སྐད་གང་ལ་ཡོད་པའི་ཆུ་དེ་ནི་རང་བཞིན་ལས་ལྷག་པའི་ཤུགས་དང་སྒྲའོ། །སྲ་ཡམ་ཀྲ་མ་ཞེས་བྱ་བའི་ཚིགས་བཅད་འདི་ནི་རྒྱུ་ཕུན་སུམ་ཚོགས་པ་དང་། འབྲས་བུ་ཕུན་སུམ་ཚོགས་པ་དང་།
[195b]
[195b.1]སེམས་ཅན་གྱི་དོན་བྱ་བའི་ཕུན་སུམ་ཚོགས་པའི་དབང་དུ་བྱས་པའོ། །རྒྱུ་ཕུན་སུམ་ཚོགས་པའི་དབང་དུ་བྱས་པ་ནི། སྐྱེ་བོ་དམ་པའི་ཆོས་རེ་བཟང་ཞེས་བྱ་བ་སྟེ། སྐྱེ་བོ་བཟང་པོ་ནི་བྱང་ཆུབ་སེམས་དཔའ་སྟེ། རང་གི་སྲོག་ལ་ཆགས་པ་མེད་པས་སོ། །ཆོས་ནི་གནས་པའོ། །ཡང་ན་འདུག་པ་ཡིན་པས་གནས་པ་
[195b.2]སྟེ། རང་གི་སྲོག་ལ་ལྟོས་#པ་མེད་པ་ནི། བྱང་ཆུབ་སེམས་དཔའི་སྤྱོད་པ་ལ་གནས་པའོ། །ཡང་ན་ཆོས་ནི་སེམས་བསྐྱེད་པའོ། །དེས་ཁྱད་པར་དུ་གྱུར་པ་ནི་སའི་ཕྱོགས་ལ་སོགས་པ་སྟེ། ལྷག་པའི་བསམ་པའི་ས་ལ་གནས་པའི་བྱང་ཆུབ་སེམས་དཔའ་རྣམས་སོ། །རང་གི་སྦྱིན་པ་ནི་མོས་པས་#སྤྱོད་པའི་ས་ལ་#
[195b.3]གནས་པ་མེད་དོ། །འདིས་ནི་རྒྱུ་ཕུན་སུམ་ཚོགས་པ་བསྟན་ཏོ། །ཡོན་ཏན་བསྒོམས་པ་ཞེས་བྱ་བ་ནི་ཡོན་ཏན་#དག་ལ་གོམས་པ་ཡིན་པས་ཡོན་ཏན་གནས་#པའོ། །ཡོན་ཏན་གོམས་པ་ཉིད་དེའི་བྱ་བ་ཡིན་པས་#དེའི་ཡོན་ཏན་གོམས་པར་བྱ་བའོ#། །དེ་ལ་འདིས་ནི་སྦྱིན་པའི་
[195b.4]ཕ་རོལ་ཏུ་ཕྱིན་པའི་ཡོན་ཏན་བྱས་པ་སྟེ། གང་གི་ཕྱིར་སྔོན་གྱི་ཕྱི་རོལ་གྱི་དངོས་པོ་ཡོངས་སུ་གཏོང་བ་ལ་གོམས་པ་དེའི་དབང་གིས་ནང་གི་དངོས་པོ་ཡོངས་སུ་གཏོང་བ་ཡིན་ནོ་ཞེས་བསྟན་པ་སྟེ#། ཅི་རིགས་པར་སྔོན་གྱི་དུས་སུ་གོས་དང་། བཟའ་བ་དང་། བཏུང་#བ་
[195b.5]དང་མལ་སྟན་སྦྱིན་པ་སྟེ། །ཕོངས་པའི་ལུས་དང་མཐུན་བཞིན་དུ། །བྱང་ཆུབ་སེམས་དཔའ་གང་དུ་ཡོན་ཏན་ལ་གོམས་པས་གཏོང་བ་ཉིད་དོ། །འདིས་ནི་སྦྱོར་བ་ཁྱད་པར་ཅན་ཐོབ་པ་སྟེ། སྦྱོར་བ་ལ་སོགས་#པས་འབྲས་བུ་ཕུན་སུམ་ཚོགས་པ་ཉིད་དེ། སྦྱོར་བ་#
[195b.6]ཁྱད་པར་ཅན་གྱིས་ཏེ། སངས་རྒྱས་ཉིད་དུ་འདིར་དགོངས་སོ། །གཞན་ལ་#ཕན་པའི་བློ་རེ་དེས། །ཞེས་བྱ་བ་འདིས་ནི་སེམས་ཅན་གྱི་དོན་བྱ་བ་ཕུན་སུམ་ཚོགས་པའོ། །མཐུན་པ་དང་གུས་པ་དང་ཡོ་བྱད་ཀྱིས་ཞེས་བྱ་བ་ལ། མཐུན་པ་ཞེས་བྱ་བ་ནི་དེས་པའོ། །ཡང་ན་
[195b.7]དམན་པའི་ཚུལ་ཉིད་དོ། །ཡང་ན་བྱས་པ་གཟོ་བ་ཉིད་དོ། །གུས་པ་ནི་དུལ་པའོ། །མཐུན་པ་དང་གུས་པའི་ཡོ་བྱད་ནི་མཐུན་ཞིང་གུས་པའི་ཡོ་བྱད་དོ། །དེ་མཉེན་པར་གྱུར་པ་ནི་མཐུན་པ་དང་གུས་པའི་ཡོ་བྱད་ཀྱིས་མཉེན་#པར་གྱུར་པའོ། །གཟེངས་བསྟོད་པ་
[196a]
[196a.1]ལས་བརྩམས་ནས་མངོན་པར་འཕེལ་བའོ། །སྙིང་རྗེའི་སྡུག་བསྔལ་བ་ལ་#ཡང་བརྗོད་པར་བྱ་སྟེ། འདི་ལྟར་སྙིང་རྗེའི་དབང་གིས་རང་གི་ཤ་དང་ཁྲག་ཀྱང་ཡོངས་སུ་གཏོང་བར་བྱེད་པས་སོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་
[196a.2]རྒྱ་ཆེར་བཤད་པ་ལས་བྱམས་པའི་སྟོབས་ཀྱི་སྐྱེས་པའི་རབས་སོ།། །།དབང་པོ་ཐུལ་བ་གོམས་པར་གྱུར་པ་ཞེས་བྱ་བ་ནི་#སོ་སོར་བརྟགས་པས་#བྱས་པ་མ་#ཡིན་པའི་ཕྱིར་དབང་པོ་སྦས་པ་ལ#། དབང་པོ་ཐུལ་བ་ལ་གོམས་པར་གྱུར་པ་ཉིད་དོ། །ཅིའི་ཕྱིར་
[196a.3]དབང་པོ་ཐུལ་བ་ལ་གོམས་པར་གྱུར་པ་འདིར་ལུགས་ཀྱི་བསྟན་བཅོས་ཀྱི་རིམ་པ་དང་འགལ་བར་དང་པོར་བརྗོད་ཅེ་ན། ལུགས་ཀྱི་བསྟན་བཅོས་དེ་ནི་གཞོན་ནུའི་རིམ་པ་བསྟན་པ་དང་། རིགས་#པ་དང་། རྒན་པ་ལ་བརྟེན་#པའི་རིམ་པ་ཡིན་ལ། འདིར་ནི་རྒྱལ་པོ་དང་།
[196a.4]རྒྱལ་བུ་རྣམས་ཀྱི་གཙོ་བོར་གྱུར་པའི་ཡོན་ཏན་དབང་པོ་ཐུལ་བ་ཉིད་ཡིན་ཏེ། རིགས་#པ་དང་རྒན་པ་ལ་བརྟེན་པ་ལ་སོགས་པའི་འབྲས་བུར་གྱུར་པ་ནི་དབང་པོ་ཐུལ་བ་ཡིན་ཏེ། དེ་བས་ན་འདི་བསྟན་ཏོ། །དཔའ་བ་དང་ཚུལ་ཕུན་སུམ་ཚོགས་པ་ནི་སྤྲོ་བ་དང་གསང་ཚིག་
[196a.5]གི་ནུས་པ་བསྟན་ཏོ། །རྣམ་པར་རྒྱལ་བའི་དབང་ཐོབ་པ། །ཞེས་བྱ་བས་#ནི། གཙོ་བོའི་ནུས་པ་བསྟན་ཏོ། །རྣམ་པར་རྒྱལ་བ་ཉིད་ནི་#དཔལ་ཡིན་པས་རྣམ་པར་རྒྱལ་བའི་དཔལ་ལོ། །རྣམ་པར་རྒྱལ་བའི་དཔལ་ཐོབ་པ་གང་ཡིན་པ་དེ་ནི། རྣམ་པར་རྒྱལ་བའི་
[196a.6]དཔལ་ཐོབ་པའོ། །ཡང་ན་ཕ་རོལ་གནོན་པ་བསྟན་ཏོ། །གང་གི་ཚུལ་དང་དུལ་བ་ཕུན་སུམ་ཚོགས་པས་བསྟན་པ་ནི་#རྒྱལ་སྲས་སོ། །རྒན་པ་ལ་བསྙེན་བཀུར་ངེས་པར་བྱས་པས། ཞེས་བྱ་བ་ནི། #རིགས་པས་རྒན་པ་ལ་བརྟན་པའི་#ཕྱིར་རོ། །
[196a.7]རྒན་པ་ལ་བསྙེན་བཀུར་ཉིད་ངེས་པ་ཡིན་ཏེ། དེ་བས་ན་རྒན་པ་ལ་བསྙེན་བཀུར་པར་#བྱེད་པ་ངེས་པའོ། །རིག་བྱེད་གསུམ་པ་ཞེས་བྱ་བ#། གསུམ་པ་ནི་ངེས་བརྗོད་དང་། སྙན་ཚིག་དང་། མཆོད་སྦྱིན་གྱི་རིག་བྱེད་དོ། །#ཡང་ན་སྲིད་སྲུང་གི་རིག་བྱེད་དང་། ཡང་ན་#དེ་
[196b]
[196b.1]ལྟ་བུ་འབྱུང་བ་ཡང་རིག་བྱེད་དོ། །བསྟན་#པ་ནི་གྲངས་ཅན་དང་། རྣལ་འབྱོར་པ་དང་། འཇིག་རྟེན་རྒྱང་འཕེན་#པ་བརྟག་པའོ། །དོན་གྱི་དེ་ཁོ་ན་ཉིད་ཁོང་དུ་ཆུད་པས་#ཞེས་བྱ་བ་ནི་དེའི་གྲུབ་པའི་མཐའ་མངོན་པར་རྟོགས་པའོ། །འདི་ནི་མཆོད་སྦྱིན་ལ་སོགས་
[196b.2]པའི་བྱ་བ་མི་བྱེད་པར་བསྟན་ཏོ། །རང་གི་ཆོས་དང་ལས་ལ་འབད་པ་ཞེས་བྱ་བ་ནི་གནས་དང་། ལས་དང་། རིགས་ཀྱིའོ། །ཡང་ན་ཐམས་ཅད་ཀྱི་ལས་ཀྱི་འཚོ་བའོ། །ཆོས་ནི་འཇིག་རྟེན་ཕ་རོལ་ཏུ་ཕྱིན་པའི་བྱ་པའོ། །ཡིད་མ་བྱུང་ཞིང་བདེ་བར་འཚོ་བ་ཞེས་བྱ་
[196b.3]བ་ནི་སྡུག་བསྔལ་མེད་པས་ཡིད་སྐྱོ་བ་མེད་པའོ། །ཡང་ན་#སྐྱོ་བ་མེད་པ་ནི་འཚེ་བ་མེད་པའི་ཕྱིར་རོ། །བདེ་བར་#འཚོ་བ་ནི་ལོ་ལེགས་པ་ལ་སོགས་#པའི་ཡོན་ཏན་དང་ལྡན་པས་སོ། །སྙིང་ཉེ་བ་ནི་#རྒྱལ་པོའི་ཡོན་ཏན་ཕུན་སུམ་ཚོགས་པས་སོ། །བཀའ་ཁྲིམས་ནི་
[196b.4]དོན་གྱི་བསྟན་བཅོས་#སོ། །འཚོ་ཚིས་ཀྱི་བྱ་བ་ལེགས་པར་འབྱོར་པ་ནི་ཞིང་ལས་དང་། བསྲུང་བ་དང་། ཚོང་ལ་སོགས་པ་འཚོ་ཚིས་ཞེས་བརྗོད་དོ། །དཔའ་བ་ཕུན་སུམ་ཚོགས་པའི་རྣམ་པར་རྒྱལ་བའི་དཔལ་ཐོབ་པ་དང་ཞེས་བྱ་བ་འདིས་ནི་#མ་ཐོབ་པ་འཐོབ་#
[196b.5]པར་བསྟན་ཏོ། །རང་གི་ཆོས་དང་ལས་དང་འབད་པ་དང་ཡིད་མ་བྱུང་ཞིང་བདེ་བར་འཚོ་བ་དང་། འཚོ་ཚིས་བྱས་པ་ལེགས་པར་འབྱོར་པ་ཞེས་བྱ་བ་དག་གིས་ནི་རྣམ་པར་འཕེལ་བ་བསྟན་ཏོ། །ཡོན་ཏན་ལྡན་པས་ཞེས་བྱ་བས་ནི་ཐོབ་པ་རྣམ་པར་སྤེལ་བ་དང་། ཡོངས་
[196b.6]སུ་བསྲུང་བ་#དབང་དུ་བྱས་པའོ། །ཡོན་ཏན་དང་ལྡན་པས་#ཞེས་བྱ་བའི་ཕྱེད་ཀྱིས་ནི་#ཡོན་ཏན་དང་ལྡན་པ་དེས་རང་བཞིན་གྱིས་ཉམས་པ་མེད་པ་བསྟན་ཏེ། དེས་ན་ཡང་དེ་#བསྲུང་བར་འགྱུར་བ་ཡིན་ཏེ། འདིས་#ནི་གསང་ཚིག་གི་ནུས་པ་བསྟན་ཏོ། །རང་གི་ཡུལ་འཁོར་ལ་ནི་
[196b.7]རི་ཕུག་སེང་གེས་#བསྲུངས་པ་ཞེས་བྱ་བའི་འོག་མ་འདིས་སྟོབས་དང་ལྡན་པས་རྒྱལ་ཕྲན་རྣམས་ཟིལ་གྱིས་གནོན་པ་ཉིད་དུ་བསྟན་ཏེ། འདིས་ནི་སྤྲོ་བའི་ནུས་པ་བསྟན་ཏོ། །མིའི་བདག་པོའི་#དཔལ་ཞེས་བྱ་བ་ནི་#གཙོ་བོའི་ནུས་པ་སྟེ། མིའི་བདག་པོ་ནི་དཔལ་གྱི་སྒྲས་བརྗོད་དོ། །
[197a]
[197a.1]ཅིའི་ཕྱིར་རིམ་པས་ཡོངས་སུ་བསྲུང་བ་#འདི་ལྟར་སྨོས་ཤེ་ན#། གང་གི་ཕྱིར་འདི་ཉིད་ཀྱི་རིམ་པ་ནི་ཡོངས་སུ་སྤེལ་བ་དང་། བསྲུང་བ་ཡིན་པའི་ཕྱིར་རིགས་པའི་ཚུལ་ཡིན་ནོ། །གཞན་དུ་ལུགས་ཀྱི་བསྟན་བཅོས་ལྟར་ན་ནི་རྣམ་པར་སྤེལ་བ་དང་ཡོངས་
[197a.2]སུ་བསྲུང་བ་བཤད་པ་མེད་པར་འགྱུར་རོ། །དཀའ་ཐུབ་རྣམས་དང་#རིགས་དང་སྒྱུ་རྩལ་ཞེས་བྱ་བའི་ཚིགས་#བཅད་འདིས་ནི་མུ་སྟེགས་ཀྱིས་#རབ་ཏུ་བསྒྲུབས་པའི་དབང་དུ་བྱས་ན་དཀའ་ཐུབ་ལ་སོགས་པ་འདི་#གསུམ་སྨོས་པ་ནི་ལུས་དང་། ངག་དང་། ཡིད་ཀྱི་ལས་
[197a.3]ཁྱད་པར་ཅན་བཟུང་#བའི་ཕྱིར་རོ། །འོངས་ན་རིམ་གྲོ་ལྷག་པ་#ཆེ་བ་ཞེས་བྱ་བ་ནི་དཀའ་ཐུབ་ལ་སོགས་པ་གསུམ་ཆེ་བར་གྱུར་པས་རིམ་གྲོ་ལྷག་པ་སྟེ། ཁྱད་པར་དུ་#ཇི་ལྟར་འོས་པ་བཞིན་དུ་བྱེད་པར་འགྱུར་བའོ#། །བཀུར་སྟི་བྱས་ནས་ཞེས་བྱ་བས་ནི་སྦྱིན་པ་ལ་སོགས་
[197a.4]པས་སོ། །གཙོ་བོར་སྣང་ངོ་ཞེས་བྱ་བ་ལ་མཆོད་པས་ཕན་པ་ཁྱད་པར་#དུ་གྱུར་པ་སྟེ། དཀའ་ཐུབ་ལ་སོགས་པའི་ཕན་པ་ཁྱད་པར་#དུ་གྱུར་པའི་སྣང་བ་ཡིན་ནོ། །རིམ་གྲོ་དང་བཀུར་སྟི་ཞེས་བྱ་བ་གཉིས་ཀྱིས་ནི་རྙེད་པ་དང་བཀུར་སྟི་གོ་རིམས་བཞིན་དུ་བསྟན་
[197a.5]ཏོ། །རྒྱལ་སྲིད་ཐོབ་མ་ཐག་ཏུ་ཞེས་བྱ་བས་#ནི་རྒྱལ་པོའི་སྲིད་དེ། དེ་མ་ཐག་#ཏུ་ནི་རྒྱལ་པོའི་སྲིད་ཐོབ་པ་ཡིན་ཏེ། རྒྱལ་པོ་དང་མཉམ་ཞིང་རྒྱལ་པོའི་སྲིད་བྱེད་པར་འོས་པའི་ཕྱིར་རོ། །ཡོན་ཏན་མང་པོ་རྟག་ཏུ་གྲགས་པ་ཞེས་བྱ་བ་ནི་#ཡོན་ཏན་གྱི་གྲགས་པ་#
[197a.6]ཐམས་ཅད་དུ་ཁྱབ་པ་ཞེས་བྱ་བའི་དོན་ཏོ། །གཞོན་ཡང་རྒན་པའི་ཞེས་བྱ་བའི་ཚིགས་བཅད་འདིའི་བསྡུས་བའི་དོན་ནི་བསོད་ནམས་དང་ཡེ་ཤེས་ཀྱི་ཚོགས་ཀྱི་འབྲས་བུ་ལ་གནས་ཀྱང་བསོད་ནམས་དང་ཡེ་ཤེས་ཀྱི་ཚོགས་ལ་བག་ཡོད་པ་ཡིན་ནོ་ཞེས་བྱ་བའི་
[197a.7]དོན་ཏོ#། །གཞོན་ཡང་ཞེས་བྱ་བ་འདིས་ནི་ཚུལ་ཁྲིམས་ཀྱི་#བསོད་ནམས་ཀྱི་ཚོགས་ཀྱི་འབྲས་བུ་ལ་གནས་པ་བསྟན་ཏོ། །གཞོན་པ་ཞེས་བྱ་བ་འདིས་ནི་བདག་གི་ཕུན་སུམ་ཚོགས་པའི་ཚིག་གིས་ཚུལ་ཁྲིམས་ཀྱི་འབྲས་བུ་བསྟན་པ་ཡིན་ནོ་ཞེས་རྟོགས་ཏེ།
[197b]
[197b.1]བདག་གི་ཕུན་སུམ་ཚོགས་པ་ནི་ཚུལ་ཁྲིམས་ཡིན་པའི་ཕྱིར་རོ། །རྒན་པ་རྣམས་ཀྱི་ཉེ་བར་ཞི་བ་ཡིན་པས་རྒན་པའི་ཉེ་བར་ཞི་བའོ། །ཡང་ན་རྒན་པ་བཞིན་དུ་ཉེ་བར་ཞེ་བས་རྒན་པའི་ཉེ་བར་ཞི་བའོ། །དེ་ལ་མངོན་པར་དགའ་བ་ནི་རྒན་པའི་ཉེ་བར་ཞི་བ་ལ་མངོན་པར་
[197b.2]དགའ་བ་སྟེ། འདིས་ནི་ཚུལ་ཁྲིམས་ལས་བྱུང་བའི་བསོད་ནམས་ཀྱི་ཚོགས་བསགས་པ་ལ་བག་ཡོད་པ་ཉིད་དུ་བསྟན་ཏོ། །གཟི་བརྗིད་ཆེ་ཡང་ཞེས་བྱ་བ་འདིས་ནི་བཟོད་པའི་ཕ་རོལ་ཏུ་ཕྱིན་པའི་བསོད་ནམས་ཀྱི་ཚོགས་ཀྱི་#འབྲས་བུ་ལ་གནས་པ་སྟེ། བཟོད་པའི་
[197b.3]ཕ་རོལ་ཏུ་ཕྱིན་པས་ནི་སྐྱེ་བོ་མང་པོའི་གཡོག་འཁོར་གྱི་འབྲས་བུ་ཡིན་ཏེ། དེ་ལ་གནས་པའི་གཟི་བརྗིད་ཆེ་བ་སྟེ། གང་གི་མཐུ་ཆེ་བའི་གཟི་བརྗིད་ཆེ་བ་ཡིན་ནོ། །བཟོད་ཅིང་བདེ་བའི་དང་ཞེས་བྱ་བ་འདིས་ནི་བཟོད་པའི་བསོད་ནམས་ཀྱི་ཚོ་གསལ་བག་ཡོད་པ་ཉིད་དུ་
[197b.4]བསྟན་ཏོ། །ཤེས་པར་གྱུར་ཀྱང་ཞེས་བྱ་བས་ནི་ཡེ་ཤེས་ཀྱི་ཚོགས་ཀྱི་འབྲས་བུ་ལ་གནས་པ་བསྟན་ཏོ། །ཤེས་པའི་ང་རྒྱལ་མེད་ཅེས་བྱ་བ་འདིས་ནི་ཡེ་ཤེས་ཀྱི་ཚོགས་བསགས་པ་ལ་བག་ཡོད་པ་ཉིད་བསྟན་ཏོ། །གང་གི་ཕྱིར་ཤེས་པས་ང་རྒྱལ་སྐྱེ་བར་གྱུར་ན་
[197b.5]ནི་བདག་ཉིད་ལ་བསྟོད་ཅིང་གཞན་ལ་སྨོད་པར་བྱེད་དེ། བདག་ལ་བསྟོད་ཅིང་གཞན་ལ་སྨོད་པས་ནི་བཅོམ་ལྡན་འདས་ཀྱིས་ཐེག་པ་ཆེན་པོ་དག་ཏུ་ཤེས་རབ་ཉམས་པར་གསུངས་ཏེ། ཡེ་ཤེས་ཀྱི་ཚོགས་ལ་བག་ཡོད་པར་བསྟན་ཏོ། །ཡང་ན་མཁས་པར་
[197b.6]གྱུར་ཀྱང་ཤེས་པའི་ང་རྒྱལ་མེད་ཅེས་བྱ་བས་ནི་ཤེས་པས་ངོམས་པ་མེད་པ་བསྟན་ཏོ། །ཡེ་ཤེས་ཀྱི་ཚོགས་ལ་ཡང་དང་ཡང་དུ་སྦྱོར་བར་བྱེད་པ་ཡིན་ནོ། །དཔལ་དང་ལྡན་ཞིང་འབྱོར་ཡང་ཞེས་བྱ་བས་#ནི་སྦྱིན་པའི་བསོད་ནམས་ཀྱི་ཚོགས་ཀྱི་འབྲས་བུ་ལ་གནས་པ་ཉིད་དོ། །
[197b.7]དྲེགས་པ་མེད་ཅེས་བྱ་བ་ལ་དྲེགས་པ་ནི་དཔལ་གྱི་དྲེགས་པས་དྲེགས་པ་ཉིད་དེ། དེ་བས་ན་དྲགས་པ་དེས་འཇུག་ན་ནི་སྦྱིན་པའི་བསོད་ནམས་ཀྱི་ཚོགས་སོགས་པ་ལ་འཇུག་པར་མི་འགྱུར་རོ། །དྲེགས་པ་མེད་པ་ལ་ཡང་འཇུག་པ་ཡིན་ཏེ། རྒྱ་ཆེ་མཐོང་གྱུར་ཞེས་བྱ་བ་
[198a]
[198a.1]འདི་དང་སྦྱར་བར་བྱའོ། །གཞོན་ཡང་ཞེས་བྱ་བའི་ཚིགས་སུ་བཅད་པ་འདི་ལ་ནི་ཕ་རོལ་ཏུ་ཕྱིན་པ་དྲུག་དང་། འཇིག་རྟེན་གསུམ་དུ་#རབ་ཏུ་ལྡན་བ་རྒྱུ་དང་འབྲས་བུའི་གནས་སྐབས་སུ་བསྟན་པ་དེ་གཉི་གའི་ཡོན་ཏན་ལྡན་པ་དེས་གྲགས་པའི་ཁྱད་པར་
[198a.2]གྱིས་ཁྱབ་པ་ཡིན་ནོ། །མཐོང་བར་འགྱུར་པ་ནི་རིགས་#པའོ། །རྒྱ་ཆེ་བ་ནི་ཡངས་#པའི་ཕྱོགས་གང་ཡིན་པ་མཐོང་བ་སྟེ་རྒྱ་ཆེན་མཐོང་གྱུར་པའོ། །ཁྱབ་པ་ནི་མཐའ་ཡས་པར་གྲགས་པས་ཁྱབ་པར་བསྟན་ཏོ། །འཇིག་རྟེན་གསུམ་ནི་སའི་སྟེང་དང་། ནམ་
[198a.3]མཁའ་དང་། མཐོ་རིས་ཏེ། སྟེང་དུ་གྲགས་པ་འཇུག་པར་བསྟན་ཏོ། །དེ་ཡི་གྲགས་པས་འཇིག་རྟེན་གསུམ་ཁྱབ་པས། །ཞེས་བྱ་བ་འདིས་ནི་གྲགས་པ་ཅུང་ཟད་ཡོད་པ་ཞེས་སྨོས་ཏེ། ཤིན་ཏུ་ཆུང་བ་མངོན་པར་བཟུང་#བའི་ཕྱིར་ཏེ། དེ་ལས་གཞན་པའི་
[198a.4]ཡོན་ཏན་ནི་ཅུང་ཟད་ཉིད་དེ། སྦྱིན་པའི་མདའ་རྣམས་ཆར་བཞིན་འབེབས་པ་ཞེས་བྱ་བས་#ནི་སྦྱིན་པའི་མདའ་ཉིད་དེ། དབུལ་བའི་སྡུག་བསྔལ་འབྱུང་བ་རྣམ་པར་འཇིག་པའོ། །སྙིང་རྗེའི་གཞུ་དྲག་#པ་ཉིད་ཀྱིས་ནི་སྦྱིན་པ་འཕེན་པར་བྱེད་པའི་ཕྱིར་རོ། །དེ་དང་#
[198a.5]ཞེས་བྱ་བ་ནི་འགྲོ་བ་རྣམས་ཀྱི་དབུལ་བའི་སྡུག་བསྔལ་འབྱུང་བ་དང་ངོ་། །བསླང་ས་པ་བས་ལྷག་པ་ནི་འདོད་པས་#ལྷག་པ་སྟེ་འདིས་ནི་སྦྱིན་པའི་དངོས་པོ་མང་དུ་གཏོང་བར་བསྟན་ཏོ། །ཉོན་མ་#མོངས་པར་ཞེས་བྱ་བ་འདིས་ནི་བསམ་པ་ཕུན་སུམ་ཚོགས་པར་བསྟན་
[198a.6]ཏེ། བདག་ནི་#འཁོར་བའི་ཕུན་སུམ་ཚོགས་པའི་བདག་ཉིད་མྱ་ངན་ལས་འདས་པར་ཡོངས་སུ་བསྔོ་བས་སོ། །ཚིག་འཇམ་པོ་དང་། གུས་པ་དང་ཡིད་དུ་འོང་བ་ཞེས་བྱ་བས་#ནི་སྦྱོར་བ་ཕུན་སུམ་ཚོགས་པ་བསྟན་ཏེ། ལུས་དང་ངག་གི་ལས་ཀྱིས་སློང་བ་རྣམས་ཀྱི་ཡིད་
[198a.7]དུ་འོང་བའི་ཕྱིར་རོ། །འདིས་ནི་འདས་པའི་དུས་སུ་སྦྱིན་པའི་ཕ་རོལ་ཏུ་ཕྱིན་པ་བསགས་པ་བསྟན་ཏོ། །ད་ནི་དུས་མཚམས་ཀྱི་ཉི་མ་དག་ནས་ཞེས་བྱ་བ་ནས་བརྩམས་པ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་ལྡན་པར་བསྟན་ཏོ། །གངས་རི་འདྲ་བ་ཞེས་སྨོས་པས་ནི་མདོག་
[198b]
[198b.1]དང་ཚད་ཀྱི་ཡོན་ཏན་བསྟན་ཏོ། །དྲེགས་པའི་རྡུལ་གྱིས་ཞེས་བྱ་བ་འདིས་ནི་དྲེགས་པའི་གནས་སྐབས་སོ། །དུལ་བ་ཞེས་སྨོས་པས་ནི་ལེགས་པར་བསླབ་#པ་གཟུང་ངོ་། །ཅིའི་ཕྱིར་འབྲས་བུ་མ་སྨོས་ཤེ་ན། ཚད་དང་མཚན་ཉིད་སྨོས་པ་ཉིད་ཀྱིས་མ་བསྟན་ཀྱང་གྲུབ་
[198b.2]པའི་ཕྱིར་རོ། །སྦྱིན་གཏོང་གི་ཁོང་པ་ཞེས་བྱ་བ་ནི་སྦྱིན་པ་གཏོང་བའི་#གནས་སོ། །དེས་ཉུལ་དུ་སོང་སྟེ་དགའ་#བའི་ཁྱད་པར་ཞེས་བྱ་བ་སྦྱིན་གཏོང་གི་ཁྱད་པར་མ་མཐོང་བ་ཡིན་ཡང་སྔོན་བཅས་པའི་ཕྱིར་དགའ་བ་ཡོད་པ་ཡིན་ལ། མཐོང་བས་ཀྱང་ཁྱད་པར་དུ་དགའ་
[198b.3]བར་གྱུར་པའོ། །དེ་ཙམ་དུ་ཞེས་བྱ་བ་ནི་འབྱོར་པའོ། །བསླུ་#བར་ནུས་སོ་ཞེས་བྱ་བ་ནི་སྟེར་བར་བྱེད་ནུས་པའོ། །བཏང་ངོ་ཞེས་བྱ་བ་ནི་བརྫངས་པའོ། །ཁྱོད་ནི་སྦྱིན་ལ་དཔའ་བ་དང་ཞེས་བྱ་བའི་ཚིགས་#བཅད་འདིའི་བསྡུས་པའི་དོན་ནི་རྣམ་པ་གཉིས་ཀྱིས་སླབ་#པའི་
[198b.4]འདོད་པ་འགྲུབ་པར་གྱུར་པ་#སྟེ། བསླངས་པའི་#དངོས་པོ་དང་སྦྱིན་པ་པོ་ཕུན་སུམ་ཚོགས་པ་སྟེ། དེ་གཉིས་གང་ཡང་རུང་བས་མ་ཚང་བ་ནི་སློང་བའི་དོན་གྲུབ་པར་མི་འགྱུར་རོ། །རླབས་ཆེ་བའི་སློང་བ་དེས་ཕོད་པ་ནི་རླབས་ཆེར་སློང་ཕོད་པའོ། །ཡང་ན་རླབས་ཆེ་
[198b.5]བ་ཡང་ཡིན་#པས་རླབས་ཆེར་སློང་བ་དེ་#དེས་ཕོད་པའོ། །བརྐམ་པ་དང་ཕྲག་དོག་གི་སྐྱོན་གྱིས་ཡིད་དཀྲུགས་པ་ཞེས་བྱ་བ་ལ། བརྐམ་པ་ནི་གླང་པོ་ཆེ་ལའོ། །ཕྲག་དོག་ནི་བྱང་ཆུབ་སེམས་དཔའི་ཕུན་སུམ་ཚོགས་པ་མི་བཟོད་ཅིང་ཞེ་སྡང་བ་སྟེ། རང་བཞིན་གྱིས་
[198b.6]ས་གཞན་དུ་གྱུར་པས་དགྲ་བོར་གྱུར་པའི་ཕྱིར་རོ། །འདོད་ཆེན་གྱིས་སྦྱར་ཏེ་ཞེས་བྱ་བ་ནི་ངན་པའི་སྦྱོར་བས་གྲགས་པ་མ་ཡིན་པ་དང་། འདོད་ཆེན་གྱི་སྦྱོར་བར་འགྱུར་ཞིང་ལེགས་པའི་སྤྱོད་པ་ཉིད་ཀྱིས་ནི་གྲགས་པར་འགྱུར་རོ། །ཆོས་མ་ཡིན་པ་ནི་བརྐམ་པ་དང་། ཕྲག་
[198b.7]དོག་དང་། ཞེ་སྡང་གིས་ཡིད་དཀྲུགས་པ་ཉིད་ཀྱིས་གྲུབ་པ་ཉིད་དེ། དེ་བས་ན་གྲགས་པའི་རྒྱུར་གྱུར་པ་དང་། བྱང་ཆུབ་སེམས་དཔའ་དང་ལྡན་པས་འགའ་ཞིག་འདོད་ཆེན་གྱིས་སྦྱར་བ་ཡིན་ནོ་ཞེས་སེམས་པའོ། །ཅིའི་ཕྱིར་དང་པོའི་#ཞེ་ན། ནོར་གྲུབ་ནོར་ནི་ཞེས་བྱ་བའི་
[199a]
[199a.1]ཚིགས་བཅད་བརྩམས་ཏེ། རྒྱལ་པོའི་གཙུག་ལག་དག་ལ་མཁས་གྱུར་དང་#། །ཆོས་ལ་དགའ་བས་དེ་ནས་གླང་ཆེན་བྱིན། །#ཚུལ་དང་འགལ་བས་དེ་ནི་གཡོས་མ་གྱུར། །ཞེས་བྱ་བ་ཡིན་ནོ། །ཅིའི་ཕྱིར་ཞེ་ན། ནོར་གྲུབ་ནོར་ནི་ཆོས་
[199a.2]ལམ་མི་མཐུན་པའི་ཕྱིར་དང་། གླང་པོ་ཆེ་བྱིན་པ་ནི་ཆོས་ཀྱི་ལམ་ཡིན་པའི་ཕྱིར་རོ་ཞེས་བྱ་བ་འདི་ཉིད་བསྟན་པ་ནི་ཆོས་ལ་དགའ་བ་ཞེས་སྨོས་སོ། །གཡོས་མ་གྱུར་ཞེས་བྱ་བ་ནི་སྦྱིན་པ་ལས་ཞེས་བྱ་བའི་དོན་ཏོ། །དེ་གཉི་ག་#སྦྱིན་པ་ཞེས་ངེས་པར་བཟུང་བས་བསྙད་#
[199a.3]པ་ཡིན་ཏེ། ངེས་པར་བཟུང་#བ་ཐ་མལ་པའི་དོན་བསྒྲུབ་#པའི་ཕྱིར། གཡོས་མ་གྱུར་ཞེས་བསྟན་པ་ཡིན་ནོ། །གཞན་དུ་ན་ཁྱོད་ཅེས་བྱ་བའི་སྒྲ་བསྟན་ཏོ། །ཀུན་ཏུ་འཁྲུགས་ཤིང་ཁྲོ་བ་དང་རྟབ་རྟབ་པོ་གང་ཡིན་པ་དེ་ནི་ཀུན་ཏུ་འཁྲུགས་ཤིང་#ཁྲོ་བའི་རྟབ་རྟབ་པོའོ། །
[199a.4]ཁྲོ་བ་ནི་ད་ལྟར་བྱུང་བའི་གནོད་པ་ལ་རྟོག་པའི་སེམས་ཀྱིས་ཁོང་ནས་འཁྲུགས་#པའོ། །རྟབ་རྟབ་པོར་གྱུར་པ་ནི་སྐྱོབ་པ་སྟེ། གནོད་པར་བྱེད་པ་དེ་ལ་མི་སྡུག་པར་འདོད་པས་སོ། །རྟབ་རྟབ་པོར་གྱུར་པ་དང་། མི་བཟོད་པ་ནི་རྟབ་རྟབ་པོར་གྱུར་ཅིང་མི་བཟོད་པ་དང་རྔམ་
[199a.5]པའོ། །རྟབ་རྟབ་པོར་གྱུར་པ་ནི་ལུས་ཀྱི་འགྱུར་བའི་རྣམ་པར་གཡོ་བའོ། །མི་བཟོད་པ་ནི་གནོད་པ་བྱེད་པ་ལ་མི་བཟོད་པ་སྟེ། དེ་ཉིད་ཀྱི་#རྔམ་པ་གང་ཡིན་པ་དེ་ནི་རྟབ་རྟབ་པོར་གྱུར་ནས་རྔམ་པས་དེ་བས་ནའོ། །ཞེ་སའི་ཚུལ་ནི་ཞེས་བྱ་བའི་རིམ་པས་སོ། །ཞེས་
[199a.6]བཏང་ནས་རྐོ་ལོང་དུ་#གྱུར་པ་གང་ཡིན་པ་དེ་ནི་ཞེས་བཏང་ནས་རྐོ་ལོང་དུ་སྨྲས་པའོ། །ཟ་བ་དག་ཅེས་བྱ་བ་ནི་དེ་ལྟ་བུའི་རྣམ་པ་གཞན་ཡང་དེའི་རང་བཞིན་ནོ། །ཚུལ་དང་འགལ་བའི་ལམ་ཞེས་བྱ་བ་ལ། ཚུལ་ནི་སྙན་ངག་གི་བསྟན་བཅོས་ཏེ། དེ་ལས་འདས་པའི་ལན་#
[199a.7]ནི་ཚུལ་དང་འགལ་བའི་ལམ་མོ། །ཇི་ལྟར་འགོ་བར་འགྱུར་ཞེས་བྱ་བ་ནི་ཡུན་རིང་པོ་#དེ་ན་གནས་པ་མ་ཡིན་ནོ་ཞེས་བྱ་བའི་དོན་ཏོ། །ཁྱོད་ཀྱི་དགྲ་ནི་མདུན་ནས་དགའ་བར་བྱེད། །ཅེས་བྱ་བ་ནི་#འདིས་ནི་#ལྷ་རིང་པོ་མི་ཐོགས་པར་ཕྱིར་རྒོལ་བར་བྱེད་དོ་ཞེས་བྱ་བའི་དོན་ཏོ། །#
[199b]
[199b.1]དགོས་པའི་དབང་གིས་ཞེས་བྱ་བ་ནི་#དགོས་པ་ལ་རྗེས་སུ་དགའ་བའོ། །སྦྱིན་པ་ལ་ཆགས་ཤིང་#ཞུགས་པ་ཞེས་བྱ་བ་ནི་སྦྱིན་པ་ལ་དགའ་བ་ཉིད་དུ་ཞུགས་པ་#ཡིན་ཏེ། ཞེན་པ་ཉིད་དུ་#ཞུགས་པ་སྟེ། གཏོང་#བར་དཀའ་བ་དེས་སེམས་ཟིལ་གྱིས་གནོན་པ་ལ་
[199b.2]གནས་པས། སྦྱིན་པ་ལ་ཆགས་ཤིང་ཞུགས་པ་འདི་ལྟར་ཤེས་པའོ། །གང་གི་འགྲམ་པ་བུང་བ་ཞེས་བྱ་བ་ལ་སོགས་པའི་ཚིགས་བཅད་གསུམ་གྱི་ལན་ནི་ཚུལ་གྱི་རིམ་པ་ལ་མི་ལྟ་བ་ཞེས་བྱ་བ་འདི་ཡིན་ནོ། །ཚུལ་དང་འགལ་བའི་ལམ་དུ་སོང་བ་འདིས་ཞེས་བྱ་བའི་ལན་
[199b.3]ནི། རྒྱལ་སྲིད་ལ་དབང་བྱེད་དུ་བཅུག་པ་ནི་#དེ་ལྟར་བྱ་བ་ཡང་མི་རིགས་སོ་ཞེས་བྱ་བ་ཡིན་ནོ། །རྒྱལ་པོའི་#དཔལ་ནི་ཇི་ལྟར་འགོ་བར་འགྱུར། །ཞེས་བྱ་བའི་ལན་ནི། འདིས་ཀྱང་རང་གི་གླང་པོ་ཆེ་བྱིན་ཟིན་པས་སྒྱུགས་#པ་འདྲ་བ་ལྟ་སུ་ཞིག་འཕྲོག་པར་བྱེད་ཅེས་བྱ་བ་
[199b.4]ཡིན་ནོ། །འདི་ནི་ཡལ་བར་བོར་ན་ཁྱོད་ལ་གནོད། །ཅེས་བྱ་བའི་ལན་ནི་སུ་ཞིག་སླར་འཕྲོག་ཅེས་བྱ་བ་སྟེ། འདི་ལ་རང་གི་གླང་པོ་ཆེ་བྱིན་པ་ནི་སྐྱུགས་པ་དང་འདྲ་བར་ལྟོས་#པ་མེད་པར་བཏང་བ་དེ་ལ་གཞན་སུ་ཞིག་འཕྲོག་པར་བྱེད་ཅེས་བྱ་བའི་དོན་ཏོ། །འོན་ཀྱང་ཞེས་
[199b.5]བྱ་བ་ལ་སོགས་པ་ནི་བཅོར་མེད་པ་ཉིད་དུ་བརྟགས་ཤིང་བཟུང་ནས་བྱ་བ་གཞན་གྱིས་བསྟན་པའི་ཕྱིར་བརྩམས་སོ། །རྒྱལ་པོ་ཆེན་པོ་ཐམས་ཅད་སྒྲོལ་འདི་ནི་དོན་འདི་ལྟ་བུ་དག་ལ་གཏམས་པ་ཙམ་གྱིས་མཆིས་སུ་འཚལ་བ་མ་ལགས་སོ་#ཞེས་བྱ་བ་འདིས་ནི་གླང་པོ་ཆེ་
[199b.6]སླར་ཕྲོགས་ན་དེ་རིགས་པ་ཉིད་དུ་མངོན་པར་ཁས་ལེན་པ་ཡིན་ནོ། །སྐྱོན་མ་ཡིན་པ་སྐྱོན་དུ་བཟུང་#བའི་སྐྱོན་གང་ཡིན་པ་དེ་ཉིད་ནི་ཡོན་ཏན་ལ་སྨོད་པའོ། །ཡང་ན་ཁྱེད་ཅག་གི་ས་སྐྱོན་དུ་བཟུང་#བ་བྱས་པའོ། །བདག་གི་བུ་ཞེས་བྱ་བ་ནི་གཞན་དག་ལ་ཡང་འདི་ལྟ་བུའི་བྱ་བ་སྟེ།
[199b.7]གསད་#པ་དང་། བཅིང་བ་དང་། རྡེག་པ་མི་བྱེད་པ་ཡིན་ན། ཇི་ལྟར་བདག་གི་བུ་ལ་བྱེད་ཅེས་བྱ་བའི་དོན་ཏོ། །བཅིང་ངམ་རྡེག་པར་ཞེས་བྱ་བ་ནི་རྡེག་པ་མ་བསྟན་པའི་ཚིག་གིས་འཁྲུག་པ་བསྐུལ་བ་དེའི་ཚིག་བསྟན་ཏོ། །ཁྱོད་ཀྱི་སྲས་ཞེས་བྱ་བ་ནི་འཁྲུག་པའི་ཚིག་#ཉིད་དོ། །
[200a]
[200a.1]གཟི་ཆེ་ཞེས་བྱ་བས་ནི་སྤྲོ་བ་ཕུན་སུམ་ཚོགས་པ་བསྟན་པ་ཞེས་བྱ་བའི་དོན་ཏོ། །འཁོར་གསུམ་བསྟན་#ལ་མཁས་ཤིང་ཞེས་བྱ་བ་འདིས་ནི་གསང་ཚིག་གི་ནུས་པ་བསྟན་པ་སྟེ། ཆོས་དང་། དོན་དང་། འདོད་པ་ནི་གཅིག་ལ་གཅིག་འགལ་བ་
[200a.2]བསྟན་#པར་འཁོར་གསུམ་བསྟན་#པ་ལ་མཁས་པར་གྱུར་ཏོ#། །ཆོས་ལ་རབ་ཏུ་དགའ་བས་ཞེས་བྱ་བ་ནི་སྤྲོ་བའི་ནུས་པ་མེད་པ་ཉིད་དུ་བསྟན་ཏོ། །ཚུལ་ལ་མི་ལྟ་ཞེས་བྱ་བས་ནི་གསང་ཚིག་གི་ནུས་པ་ཉམས་པར་བསྟན་ཏོ། །གང་གི་ཕྱིར་ཆོས་དང་དོན་དང་འདོད་པ་ལྷག་པར་
[200a.3]བསྟན་#པས་ནི་རང་བཞིན་གྱིས་གཞན་འགོག་པར་བྱེད་དོ་ཞེས་བྱ་བའི་བསྟན་བཅོས་ཀྱི་ཚིག་གིས་དེའི་ཚིག་དང་འགལ་ལོ། །ཚུལ་ལ་ལྟོས་#པ་མེད་པ་དེས། །འདི་ནི་དཀའ་ཐུབ་ནག་ས་ན་གནས་པར་འོས། །ཞེས་བྱ་བ་འདིས་ནི་གཙོ་བོའི་ནུས་པ་མེད་པར་
[200a.4]བསྟན་ཏེ། ཚུལ་ལ་ལྟོས་#པ་མེད་པའི་ཕྱིར་རོ། །འདི་ལ་ཅིའི་ཕྱིར་སྤྱུགས་#པའི་རྒྱུ་བསྟན་པ་འདིའི་དབང་དུ་བྱས་པ་ནི། ས་ཡི་བདག་པོ་རྣམས་ཀྱི་ཚུལ་ཉེས་སྐྱོན། །ཞེས་བྱ་བའོ། །མོད་ཀྱི་ཞེས་བྱ་བ་ནི་དེ་ལྟ་ཡང་ཞེས་བྱ་བའི་དོན་ཏོ། །ཚུལ་ཉེས་སྐྱོན་ཞེས་བྱ་བ་ལ། ཚུལ་
[200a.5]ངན་པའི་སྐྱོན་གང་ཡིན་པ་དེ་ནི་ཚུལ་ཉེས་སྐྱོན་ནོ། །དེ་ལ་བརྟེན་པ་རྣམས་ལ་ཞེས་བྱ་བ་ནི་རང་བཞིན་གྱིས་སོ། །བཅོས་སུ་རུང་བ་མཆིས་པ་ནི་བཅོས་སུ་བཟོད་པ་ཞེས་བྱ་བའི་དོན་ཏོ། །བཟོད་པ་གང་དག་གི་#ཡིན་ཞེ་ན། དེ་དག་དེ་ལ་བརྟེན་པ་རྣམས་ཞེས་#བྱ་བ་སྟེ་ཚུལ་
[200a.6]ཉེས་པའི་སྐྱོན་དེ་དག་གོ། །དེ་ལ་བརྟེན་#པ་ལ་ལྟ་བ་གང་དག་ཡིན་ཞེ་ནས་བདག་རྣམས་སོ། །ཅིའི་ཕྱིར་ཞེ་ན། གཙོ་བོ་ཉམས་ན་ཉམས་པའི་ཕྱིར་རོ། །གང་གི་ཕྱིར་རྩ་བར་གྱུར་པའི་རྒྱལ་པོ་དེ་ཉམས་ནའོ། །འདི་སྐད་སྟོན་པ་ཡིན་ཏེ། རྒྱལ་པོའི་ཚུལ་ཉེས་པའི་སྐྱོན་
[200a.7]ནི་དེ་ལ་བརྟེན་པ་རྣམས་ལ་འབྱུང་མོད་ཀྱི། འོན་ཀྱང་བཅོས་སུ་རུང་བར་སྣང་ངོ་། །གང་གི་ཕྱིར་གཙོ་བོ་ཉམས་ན་ནི་དེའི་ཚུལ་ཉེས་པ་དེའི་སྐྱོན་བཅོས་པར་མི་ནུས་ཞེས་སྟོན་ཏེ། གཙོ་བོ་ཉམས་ན་དེ་ལ་བརྟེན་པ་རྣམས་ཀྱང་ཉམས་པར་འགྱུར་རོ། །དེས་ན་འདི་ཉིད་ཚུལ་ཉེས་པའི་སྐྱོན་
[200b]
[200b.1]རྒྱལ་པོ་ལ་བྱུང་ན་དེ་ལ་བརྟེན་པ་རྣམས་ཀྱིས་བཅོས་པར་#མི་ནུས་པར་སྣང་སྟེ། ཅིའི་ཕྱིར་ཞེ་ན། འདི་ལྟར་རྩ་བར་གྱུར་པའི་གཙོ་བོ་ཉམས་#པའི་ཕྱིར་རོ། །དེའི་ཕྱིར་དེ་དག་གི་ནི་གསོ་བ་ཉིད་དུ་འགྱུར་གྱི་གང་གི་ཕྱིར་དེ་ཉམས་ན་ནི་གང་གིས་གསོ་བར་འགྱུར་ཞེས་བྱའོ། །སྲིད་ཉམས་
[200b.2]མི་བཟོད་ཅེས་བྱ་བ་ནི་ཁྱོད་ཀྱི་#སྲིད་ཉམས་པ་འམ་འཇིག་པར་མི་བཟོད་པ་གང་ཡིན་པ་དེ་ནི་མི་བཟོད་པའོ། །ཡང་ན་མི་བཟོད་པ་གང་ལ་ཡོད་པ་དེ་མི་བཟོད་པ་སྟེ། ཁྱོད་ཀྱི་སྲིད་ཉམས་མི་བཟོད་པའོ། །ཅིའི་ཕྱིར་གཏང་#བ་ཡིན་ཞེ་ན། སྨྲས་པ་དཀའ་ཐུབ་
[200b.3]འཕེལ་བ་ཞེས་སྨོས་སོ། །ཅིའི་ཕྱིར་དེ་ཉིད་དུ་དཀའ་ཐུབ་འཕེལ་བར་འགྱུར་ན་གྲུབ་པས་བསྟན་#པའི་ཕྱིར་རོ། །བྱམས་ཤིང་སྤོབས་པ་དང་ཡིད་གཅུགས་#པའི་དབང་གིས་ཞེས་བྱ་བ་ལ། བྱམས་པ་ནི་དགའ་བ་དང་བདག་པོ་དང་འབྲེལ་པ་མེད་པས་བྱམས་པའི་བདག་
[200b.4]གིར་བྱེད་བའོ། །ཡིད་གཅུགས་#པ་ནི་ཉེས་པར་དོགས་པ་མེད་#པས་སོ། །ཚུལ་མ་ཡིན་པས་ཞེས་བྱ་བ་ནི། བསྟན་#ངག་གི་བསྟན་བཅོས་ལམ་ལོག་པ་ཡིན་པའི་ཕྱིར་ཚུལ་མ་ཡིན་པས་སོ། །དེའི་རྒྱུ་ཅན་གྱི་ཕན་པ་མ་ཡིན་པར་འགྱུར་བ་ནི་ཉམས་པར་
[200b.5]དོགས་པ་ཞེས་སྨོས་པ་སྟེ། ཕན་པ་མཆོག་ཏུ་བྱེད་པ་དེ་ལའོ། །ལྷ་རྒྱལ་སྲིད་ཀྱི་དཔལ་འདི་ལྟར་ཚབ་བཙལ་ཀྱང་ཞེས་བྱ་བ་ལ་སོགས་པས་ནི་བྱམས་པའི་དབང་གིས་བསྟན་ཏོ། །ལྷ་ཅི་མི་མཁྱེན་ནམ་#ཞེས་བྱ་བ་ལ་སོགས་པས་ནི་སྤོབས་པའི་དབང་དུ་བྱས་པའོ། །
[200b.6]ཚུལ་དང་འགལ་བའི་ལམ་ཞེས་བྱ་བ་འདི་དང་། རྒྱལ་པོ་ཆེན་པོ་ཐམས་ཅད་སྒྲོལ་འདི་ནི་དོན་འདི་ལྟ་བུ་དག་ལ་ཞེས་བྱ་བ་འདི་ནི་ཡིད་གཅུགས་#པའི་དབང་ཉིད་དུ་བསྟན་ཏོ། །གྲགས་པ་ཐོབ་པ་སེང་གེའི་ཁྲི་ལ་འོས། །ཞེས་བྱ་བའི་ཚིགས་བཅད་འདི་ནི་འདིར་མཐོང་བའི་
[200b.7]འབྲས་བུ་བསྐྱེད་#པའོ། །ས་ཡི་བདག་པོ་རྣམས་ཀྱི་ཚུལ་ཉེས་སྐྱོན། །ཞེས་བྱ་བ་འདིས་ནི་ཚུལ་མ་ཡིན་པ་བསྟན་ཏོ། །འདི་ལ་མང་དུ་གསོལ་ཀྱང་ཅི་འཚལ་ཏེ། །ཞེས་བྱ་བ་འདིས་ནི་ཉམས་པར་དོགས་པ་བསྟན་ཏོ། །ངོ་བཟློག་#ཕོད་པ་ནི་དེ་ཐམས་ཅད་ལ་སྩལ་བ་#མེད་པ་ཉིད་དུ་རྒྱལ་
[201a]
[201a.1]པོ་དེ་མི་འདོད་པ་ཡིན་པའི་ཕྱིར་རོ། །རང་བཞིན་གྱིས་#ཁོང་ངས་ཤིང་ངོ་ཚ་བཞིན་དུ་མགོ་སྨད་དེ་ཞེས་བྱ་བ་ལ། རང་བཞིན་གྱིས་#ཁོང་ངས་པ་རྒྱུ་དང་བཅས་པར་མངོན་པར་གྱུར་པའི་ཕྱིར་དེ་ལ་སྤྱུགས་པ་ལ་ཁོང་ངས་#པ་སྟེ། དེ་སྐྱོན་གྱིས་སྤྱུགས་
[201a.2]པར་གྱུར་ཀྱང་བུ་དང་བྲལ་བས་སེམས་ཡོངས་སུ་གདུངས་པར་གྱུར་པའོ། །ཁྱེད་དེ་ལྟར་གལ་གྱིས་འཆུ་#ན་ཞེས་བྱ་བ་འདིས་ནི་བུ་དང་བྲལ་བའི་སྡུག་བསྔལ་གྱིས་ཀྱང་ཁོང་ངས་པའི་སྡུག་བསྔལ་དུ་བསྟན་ཏོ། །དེ་ལ་རེ་ཞིག་ཉིན་ཞག་གཅིག་ཙམ་ཞིག་ཅེས་བྱ་བ་འདིས་
[201a.3]ནི་བུ་ལ་བྱམས་པར་དམིགས་པ་དང་བཅས་#ཏེ། དེ་ལ་རྗེས་སུ་དཔག་པའི་རྒྱུ་ནི་བབ་ཅོལ་དུ་བསྟན་པར་མི་ནུས་པའི་ཕྱིར་རོ། །དེ་ལྟར་བགྱིའོ་ཞེས་བྱ་བ་ནི་དེ་ལྟར་བྱེད་པ་དང་རྗེས་སུ་མཐུན་པ་དེའོ། །མྱ་ངན་གྱི་སྡུག་བསྔལ་གྱི་ཤུགས་ཀྱིས་ཞེས་བྱ་བ་ལ། མྱ་ངན་
[201a.4]གྱི་སྡུག་བསྔལ་དང་བྲལ་བས་སྨྲེ་བའི་རྒྱུའི་རྣམ་པར་རྟོག་པ་མྱ་ངན་ནོ། །སྡུག་བསྔལ་ནི་སྡུག་པ་དང་བྲལ་བ་སྟེ། ལུས་ཀྱིས་མི་འདོད་པར་རིག་པར་བྱའོ། །དེ་ཉིད་ཀྱི་ཤུགས་ནི་མྱ་ངན་གྱི་སྡུག་བསྔལ་གྱི་ཤུགས་སོ། །དེ་བས་ན་ཤིན་ཏུ་ཡང་སྐྱོ་བས་མི་དགའ་བར་གྱུར་པའོ། །
[201a.5]མི་དཀའ་བ་#དང་ཚིག་མི་གསལ་བ་གང་ཡིན་པ་དེ་ནི་ཚིག་མི་གསལ་བ་སྟེ། མི་དགའ་བ་དང་ཚིག་མི་གསལ་བ་ནི་མི་དགའ་བས་ཚིག་མི་གསལ་བའོ། །མཆི་མས་བརྣངས་ཤིང་#སྐད་འཛེར་བ་གང་ཡིན་པ་དེ་ནི་དེ་སྟེ། མཆི་མས་བརྣངས་ཤིང་སྐད་འཛེར་བའོ་ཞེས་
[201a.6]བསྟན་པ་ཡིན་ནོ། །དབུགས་ཀྱིས་#བརྣངས་པ་ནི་གནས་ལས་#ཉམས་པའོ། །མི་གསལ་བ་ནི་ཚིག་ནི་#འཁྲུགས་པའི་ཚིག་སྟེ། ཚིག་འབྲུ་མི་གསལ་བའི་ཚིག་གང་ཡིན་པ་དེ་ནི་ཚིག་མི་གསལ་བའོ། །འཇམ་པོར་སྩལ་བ་ཞེས་བྱ་བ་ནི་དེ་ལྟར་བྱའོ་ཞེས་བྱ་བ་ལ་སོགས་པས་
[201a.7]བསྟན་ཏོ། །ཉེས་པ་སྤྱོད་པ་མ་མཐོང་ན། །ཞེས་བྱ་བ་ལ་སོགས་པས་ནི་རྒྱལ་པོའི་བཀའ་ཞེས་བྱ་བ་ལ་སོགས་པ་#བསྟན་ཏོ། །ཡུལ་ནས་འབྱིན་ཞེས་བྱ་བ་ལ་སོགས་པ་#འདི་ལ་མང་དུ་གསོལ་ཏེ་ཞེས་བྱ་བ་ལ་སོགས་པས་བསྟན་ཏོ། །འདུལ་#དང་འགལ་བའི་ལམ་མི་འགྲོ། །
[201b]
[201b.1]ཞེས་བྱ་བ་འདིས་ནི་མི་དགེ་བ་ལས་ལྡོག་པ་བསྟན་ཏོ། །བག་མེད་པ་ལའང་ང་#མི་དགའ། །ཞེས་བྱ་བ་འདིས་ནི་དགེ་བ་ལ་འཇུག་པ་བསྟན་ཏེ། བག་ཡོད་པ་གང་ཞེ་ན། དགེ་བའི་ཆོས་རྣམས་བསྒོམ་#པའོ་ཞེས་བྱ་བའི་ཚིག་གིས་སོ། །ཉེས་པར་བྱས་པ་མ་
[201b.2]མཐོང་ན། །ཞེས་བྱ་བ་ནི་དེ་ལ་#འཁྲུགས་པ་ཞེས་བྱ་བའི་དོན་ཏོ། །ཁྱོད་ནི་ཆགས་པ་མེད་#ལ་དགའ་བར་གྱུར། །ཞེས་བྱ་བ་ལ་ཆགས་པ་མེད་པའི་སེམས་དང་ལྷན་ཅིག་སྐྱེས་པས་སོ། །ཆགས་པ་ལ་དགའ་བ་ཞེས་བྱ་བ་ནི་ལྷག་པར་ཆགས་པའི་སེམས་དང་
[201b.3]ལྷན་ཅིག་སྐྱེས་པས་སོ#། །རང་གི་ཆོས་ཞེས་བྱ་བ་ནི་རང་གི་གཞུང་ལུགས་ཏེ། མི་འདའ་བ་དང་ཡོངས་སུ་མི་གཏོང་བ་ནི་རང་གི་གཞུང་ལུགས་ལས་མི་འདའ་བ་ཞེས་གཉིས་པའི་ཕྱེད་ཀྱིས་བསྟན་ཏོ། །བྱང་ཆུབ་སེམས་དཔས་#སྙིང་བརྩེ་བ་ལ་སོགས་པའི་#ཤས་ཆེ་བ་
[201b.4]དང་། སྐྱེ་བོ་སློང་བ་ལ་བྱམས་པ་དང་། རང་གི་བསྟན་པ་ཕུན་སུམ་ཚོགས་པ་བསྟན་པའི་ཕྱིར་དང་། ཡུལ་ཤི་བི་པ་རྣམས་ནི་ཞེས་བྱ་བའི་ཚིག་ཀྱང་ནི། འཇིག་རྟེན་དོན་དུ་ངའི་ལུས་འཛིན་ཞེས་བྱ་བ་ལ་སོགས་པའི་ཚིགས་བཅད་གཉིས་ཀྱིས་བསྟན་ཏོ། །རང་གི་
[201b.5]མིག་དང་མགོ་ཡང་ངས་སྦྱིན་ན། །ཞེས་བྱ་བ་འདིའི་#སྒྲུབ་པ་ནི། །འཇིག་རྟེན་དོན་དུ་ངའི་ལུས་འཛིན་ན། །ཞེས་བྱ་བའི་ཚིགས་བཅད་འདིས་བསྟན་པ་ཡིན་ནོ། །མིག་དང་མགོ་སྨོས་པ་ནི་གཙོ་བོ་ཡིན་པའི་ཕྱིར་རོ། །གཉིས་པོ་དེ་ནི་ཡུལ་གྱི་བྱེད་དམ། ཡང་ན་གདོང་ནི་#ཐམས་ཅད་
[201b.6]ཡིན་ནོ་ཞེས་བརྗོད་དེ། དེ་ཡང་སྣ་ནི་མཆོག་ཏུ་གྱུར་པ་ཡིན་ལ། དེ་བས་ཀྱང་མཆོག་ཏུ་གྱུར་པ་ནི་མིག་གོ་ཞེས་བྱ་བའི་ཚིག་གིས་སོ། །ཡང་ན་མགོ་སྨོས་པས་#ནི་རང་གི་སྲོག་གཏོང་བ་བསྟན་ཏོ། །མིག་ཅེས་བྱ་བ་འདིས་ནི་ལུས་ཀྱི་སྦྱིན་པའོ། །ཕྱི་རོལ་ནོར་ལྟ་སྨོས་ཀྱང་
[201b.7]ཅི་ཞིག་དགོས། །ཞེས་བྱ་བ་འདི་#སྒྲུབ་པ་ནི། ཕྱི་རོལ་ནོར་#སྦྱིན་སྨོས་ཀྱང་ཅི་ཞིག་དགོས། །ཞེས་བྱ་བ་འདིས་བསྟན་ཏོ། །རང་གི་ལུས་ཀྱང་ཞེས་བྱ་བ་ནི་བསྟན་མ་ཐག་པར་བཤད་པ་སྟོན་ཏོ། །རང་གི་མིག་དང་མགོ་ཡང་ངས་སྦྱིན་ན། །ཞེས་བྱ་བ་འདིས་ནི། སྐྲག་པར་
[202a]
[202a.1]བྱས་ན་#མི་སྦྱིན་ཞེས་སྨོས་ཏེ། ཕྱི་རོལ་གྱི་དངོས་པོ་ཞེས་བྱ་བའི་དོན་ཏོ། །གང་སྔར་བསྟན་པའི་རང་གི་བསྟན་པ་ཕུན་སུམ་ཚོགས་པ་བསྟན་པའི་ཕྱིར་ཞེས་བྱ་བ་དེའི་དབང་དུ་བྱས་པ་ནི། ཤི་བི་པ་རྣམས་ཐམས་ཅད་ཀྱིས་#ཞེས་བྱ་བ་#སྨོས་སོ། །ངེས་པ་ནི་བསྐྲད་
[202a.2]པར་འདོད་པ་#ངེས་པར་བྱས་པའོ། །ཅི་ཐོབ་དང་ཞེས་བྱ་བ་ནི་དེ་ཉིད་ངེས་པར་བྱས་པའི་ཕྱིར་ང་ལས་ཐོབ་པའི་ནོར་ཅི་ཡོད་པའོ། །ཕའི་ནོར་རྣམས་ཞེས་བྱ་བ་ནི་གཉི་ག་བཟུང་#སྟེ། གྱོས་པོའི་ནོར་བཟུང་#ཚུལ་ཁྲིམས་ལྡན་པ་ཞེས་བྱ་བ་ནི་ལེན་པ་པོ་ཕུན་སུམ་ཚོགས་པའོ། །
[202a.3]རྟག་པར་བྱིན་#པ་ཞེས་བྱ་བ་ནི་རྟག་ཏུ་སྦྱིན་པར་བྱེད་པའོ། །བཀུར་སྟིས་བརྒྱན་པ་སྦྱིན་ཞེས་བྱ་བ་ནི་གུས་པར་བྱིན་#པའོ། །སྦྱིན་པར་བྱེད་པ་ཡིན་པས་སྦྱིན་པ་སྟེ། སྦྱིན་པའི་དངོས་པོའོ། །དབྲོག་ཏུ་མེད་ཅེས་བྱ་བ་ནི་སྔ་མ་#དང་ཐུན་མོང་དུ་གྱུར་པའི་ནོར་ལས་ཁྱད་པར་དུ་
[202a.4]གྱུར་པ་བསྟན་ཏོ། །རྗེས་སུ་འགྲོ་ཞེས་བྱ་བ་ནི་གཞན་གྱི་རྣམ་པ་ནི་བོར་ནས་འགྲོ་བ་ཡིན་པས་དེའི་མི་མཐུན་པའི་ཕྱོགས་བསྟན་ཏོ། །གྱོས་སྒྱུག་གཉིས་ཞེས་བྱ་བ་ནི་གྱོས་པོ་དང་སྒྱུག་མོ་ནི་གྱོས་སྒྱུག་གཉིས་སོ། །བུ་དང་བུ་མོ་ནི་#བུས་པ་གཉིས་སོ། །གྱོས་སྒྱུག་
[202a.5]གཉིས་ཞེས་བྱ་བའི་ཚིགས་བཅད་འདིའི་བསྡུས་པའི་དོན་ནི་#ནོར་གྱི་སྒྲུབ་པ་དང་། ཆོས་ཀྱི་སྒྲུབ་པ་བསྟན་ཏེ#། དང་པོའི་ཕྱེད་ཀྱིས་ནི་ནོར་གྱི་སྒྲུབ་པ་སྟེ། དེ་ཉིད་ནི་འཇིག་རྟེན་འདི་སྒྲུབ་#པའོ། །ཆོས་ལ་གཅིག་ཏུ་བག་ཡོད་བྱོས། །ཞེས་བྱ་བ་ནི་ཆོས་ཀྱི་སྒྲུབ་པ་སྟེ། དེ་
[202a.6]ཉིད་ནི་འཇིག་རྟེན་ཕ་རོལ་གྱི་སྒྲུབ་#པའོ། །འདི་ནི་འབྲལ་བ་དང་འདུ་བ་ལས་བརྩམས་ཏེ། ང་མེད་མྱ་ངན་མ་བྱེད་ཅིག# །ཅེས་སྨོས་སོ། །དེ་ཐོས་ནས་ཞེས་བྱ་བ་ནི་འབྲལ་བར་བྱ་བ་བསྟན་པའོ། །སྙིང་#རབ་ཏུ་གདུངས་ཀྱང་ཞེས་བྱ་བ་ནི་ཐོས་པས་ཡིད་རབ་ཏུ་གདུངས་པར་གྱུར་ཀྱང་ངོ་། །
[202a.7]ཆོས་མ་མཆིས་ཞེས་བྱ་བ་ནི་ཆུང་མ་བོར་ནས་དཀའ་ཐུབ་ཀྱི་ནགས་སུ་གཤེགས་པའོ། །དེ་བས་ཞེས་བྱ་བ་ནི་གཅིག་པུ་གཤེགས་པའི་ཆོས་མེད་པས་སོ། །ངེས་པར་ནགས་སུ་གནས་པ་ཉིད་ནི་སྡུག་བསྔལ་བ་ཡིན་ནོ་ཞེས་ཤེས་ཤིང་ཆོས་མ་ཡིན་པ་ཉིད་དེ། གཅིག་
[202b]
[202b.1]པུ་ནགས་སུ་འགྲོ་ཞིང་བདག་སྤངས་ནས་གང་དུ་འགྲོ་བར་བྱེད་པའོ་ཞེས་རྟོགས་#པའོ། །མི་སྲུན་མི་བྱེད་ཤིང་དང་ཞེས་བྱ་བ་འདིའི་བསྡུས་པའི་དོན་ནི་སྐྱེད་མོས་ཚལ་བས་ཀྱང་ལྷག་པར་དཀའ་ཐུབ་ཀྱི་ནགས་བདེ་བ་སྟེ། ཡོན་ཏན་གང་གིས་སྐྱེད་མོས་ཚལ་བས་དཀའ་ཐུབ་ཀྱི་
[202b.2]ནགས་ལྷག་པ་ཡིན་ཞེ་ན། སྐྱེད་མོས་ཚལ་ནི་མི་སྲུན་པའི་སྐྱེ་བོའི་གནོད་པ་ཡོད་ལ་དཀའ་ཐུབ་ཀྱི་ནགས་ན་#ནི་དེ་མེད་དེ་ཤིང་དང་ཆུ་ལ་སྤྱོད་པའི་ཕྱིར་རོ། །སྐྱེད་མོས་ཚལ་ནི་མི་གཙང་བ་ཡིན་ལ་དེ་མེད་པས་ན་གཙང་བའོ། །སྐྱེད་མོས་ཚལ་ནི་སྐྱེ་བོའི་སྒྲ་དང་ལྡན་ལ། དཀའ་
[202b.3]ཐུབ་ཀྱི་ནགས་ན་ནི་བྱ་རྣམས་སྐད་སྣ་ཚོགས་འབྱིན་པ་ཡིན་ནོ། །སྐྱེད་མོས་ཚལ་ན་#ནི་མི་ལ་སོགས་པའི་གནོད་པ་ཡོད་པ་ཡིན་ལ། དཀའ་ཐུབ་ཀྱི་ནགས་ན་ནི་རི་དགས་མང་བ་ཡིན་ནོ། །སྐྱེ་བོ་རྒྱུ་བས་བརྫིས་#པའི་ནེའུ་གསིང་#ནི་རེག་ན་སྡུག་བསྔལ་བ་ཡིན་ལ། དཀའ་ཐུབ་
[202b.4]ཀྱི་ནགས་ན་ནི་ས་གཞི་བཻཌཱུཪྻ་ལྟ་བུའི་རང་བཞིན་ནེའུ་གསིང་#སྔོན་པོ་ཡིད་དུ་འོང་བ་དང་སྐྱེ་བོ་རྒྱུ་བ་མེད་པའི་ཕྱིར་རོ། །འདིས་ནི་བདག་ཉིད་ཀྱི་#སྡུག་བསྔལ་མེད་པ་བསྟན་ནས། ད་#ནི་བྱང་ཆུབ་སེམས་དཔའ་ནགས་ན་གནས་པ་ལ་སྡུག་བསྔལ་མེད་པ་ཉིད་དུ་བསྟན་པའི་ཚིགས་
[202b.5]བཅད་དྲུག་གིས་སྤྲོ་བ་བསྐྱེད་པ་ཡིན་ནོ། །ནགས་ཚལ་ལྕུག་མའི་#ཁྲོད་དག་ན། །ཞེས་བྱ་བ་འདིས་ནི་གཡོག་འཁོར་ཕུན་སུམ་ཚོགས་པ་ལས་བརྩམས་ཏེ། རྒྱལ་སྲིད་ཡོངས་སུ་སྤངས་ཀྱང་སྡུག་བསྔལ་མེད་ཅིང་རྒྱལ་སྲིད་དྲན་པར་མི་འགྱུར་བ་ཡིན་ཏེ། རྒྱལ་
[202b.6]སྲིད་ནི་གཡོག་འཁོར་གྱི་རྣམ་པའི་ཕྱིར་ཏེ། གཡོག་འཁོར་ཕུན་སུམ་ཚོགས་པ་དེས་དྲན་པར་མི་འགྱུར་བའོ། །གཞོན་ནུ་མ་དང་གཞོན་ནུ་ནི་#གཞོན་ནུ་གཉིས་སོ། །ནགས་ལ་སྡུག་བསྔལ་མེད་པའི་དབང་དུ་བྱས་ནས། དུས་ཀྱི་དབང་གིས་ཞེས་བྱ་བའི་ཚིགས་བཅད་
[202b.7]སྨོས་སོ། །གླུ་དང་གར་དང་རོལ་མོའི་དབང་དུ་བྱས་ཏེ་གསུམ་ཡོངས་སུ་སྤངས་ཀྱང་ཁྱད་པར་དུ་གྱུར་པ་གསུམ་ཡོད་དོ་ཞེས་བསྟན་པའི་ཕྱིར། དགའ་བ་འཚལ་#བའི་བྱ་རྣམས་ཞེས་བྱ་བ་སྨོས་སོ། །གང་གི་#གནས་མལ་ཡོངས་སུ་སྤངས་ཀྱང་ཁྱད་པར་དུ་གྱུར་པའི་
[203a]
[203a.1]གནས་མལ་ཡོད་དོ་ཞེས་བསྟན་པའི་དབང་དུ་བྱས་ནས། ནགས་ཚལ་དག་ན་མཚན་མོའི་ཟླ་འོད་ནི། །ཞེས་བྱ་བ་ལ་སོགས་པ་སྨོས་ཏེ། རེག་#པ་དང་དྲི་ཞིམ་པ་ཕུན་སུམ་ཚོགས་པའི་གནས་སུ་ཚིགས་བཅད་འདི་གཉིས་ཀྱིས་གོ་རིམས་བཞིན་
[203a.2]དུ་བསྟན་ཏོ། །མྱ་ངན་གྱིས་གདུངས་པའི་ཤུགས་ཞེས་བྱ་བ་ལ། མྱ་ངན་དང་གདུངས་པ་གཉིས་ནི་གོང་དུ་བཤད་པའི་དོན་གྱི་རྗེས་སུ་རྟོགས་#པར་བྱའོ། །བརྒྱལ་བ་བཞིན་དུ་གྱུར་ཞེས་བྱ་བ་ནི་བརྒྱལ་བར་གྱུར་པ་དང་འདྲ་བ་སྟེ། དྲན་པ་མེད་པར་གྱུར་པ་ལས་
[203a.3]ཕྱིས་ཡང་དྲན་པ་དང་ལྡན་པའོ། །སྨྱོ་བླ་#ཅན་དུ་གྱུར་པ་ཡིན། །#ཞེས་བྱ་བ་ནི་སེམས་རྣམ་པར་འཁྲུགས་#པ་ཐོབ་པའོ། །གྲིབ་ཤིང་ལྟ་བུ་ནི་བྱང་ཆུབ་སེམས་དཔའ་སྟེ། ཕོངས་པའི་ཚ་བས་མངོན་པར་གདུངས་ཤིང་འཁོར་བའི་འབྲོག་དགོན་པར་ཡུན་རིང་པོར་#
[203a.4]ཡོངས་སུ་དུབ་པའི་སེམས་ཅན་རྣམས་ཀྱི་སྡུག་བསྔལ་སེལ་བའི་ཕྱིར་ཏེ། བཞིན་ཁྲོ་གཉེར་མེད་པ་དང་ཚིག་གི་#ལན་ལ་སོགས་པས་སོ། །འབྲས་བུ་ཞིམ་པོ་ཡོད་པ་ཞེས་བྱ་བ་ནི་གུས་པར་བྱེད་པས་ཇི་ལྟར་བསམས་པའི་འདོད་པའི་དོན་སྟེར་བར་བྱེད་པའི་ཕྱིར་རོ། །ཤིང་ལྟ་
[203a.5]བུ་ནི་གཞན་གྱི་དོན་བྱེད་པ་དང་། དེའི་འབྲས་བུ་ལ་འཇུག་པའོ། །སྟ་རིས་གཟས་#པ་རྣམས་འཛིན་པ་ནི་ཞེས་བྱ་བ་ནི་འཛིན་པར་བྱེད་པའི་འབྲས་བུ་སེམས་པའོ། །ཆུ་གཙང་ཞིམ་པོ་བསིལ་བའི་རྫིང་བུ་ཞེས་བྱ་བ་ནི་མཚོ་ལ་སོགས་པ་གང་འཐུངས་ན་བསིལ་བ་དང་། དྲི་མ་#མེད་པ་དང་། ཆུ་
[203a.6]ཞིམ་པའི་ཆུས་གང་བ་ཡིན་པ་དང་#། བསིལ་བ་ནི་དབུལ་བའི་སྡུག་བསྔལ་སེལ་བའི་ཕྱིར་རོ། །དྲི་མ་མེད་པ་ནི་ཉོན་མོངས་པ་མེད་པའི་ཕྱིར་རོ། །ཞི་བ་ནི་གུས་པར་བྱེད་པའི་སྦྱོར་བ་ལ་སོགས་པའི་#ཁྱད་པར་ཅན་གྱིས་ཡིད་དུ་འོང་བའི་ཕྱིར་རོ། །འདྲལ་#བ་དག་ཅེས་བྱ་བ་ནི་འཇིག་
[203a.7]པ་འདོད་ཅིང་དབུལ་བ་བཟློག་#པའོ། །མིང་ལ་ནི་དོན་མེད་#ཅེས་བྱ་བ་ནི་འདི་དག་དོན་དང་ལྡན་པ་མ་ཡིན་ཏེ་འདོད་དགའི་མིང་ངོ་། །ཡང་ན་དོན་དང་ལྡན་པ་ཡིན་དུ་#ཟིན་ཀྱང་འོན་ཀྱང་གུད་དུ་སོང་བ་ཞེས་སྨོས་ཏེ། ཡུལ་ཕྱོགས་གཞན་དུ་སོང་ཞིང་ཉེ་བ་དག་ན་#མི་གནས་པའོ། །
[203b]
[203b.1]ཡང་ན་གྲགས་པ་ཟད་ཅེས་བྱ་བ་སྨས་#ཏེ་མེད་ཅེས་བྱ་བའི་དོན་ཏོ། །གྲིབ་ཤིང་འབྲས་བུ་ཞིམ་པོ་ཡོད་པ་དག་དང་དྲི་མ་མེད་པ་དང་། གཙང་ཞིང་ཞིམ་པའི་ཆུས་གང་བའི་རྫིང་བུ་ཞེས་སྨོས་པས་ནི་ངལ་བསོ་བའི་#གནས་དང་། བཟའ་བ་དང་བཏུང་བའི་སྡུག་བསྔལ་གསོ་བའི་
[203b.2]ཐུན་མོང་གི་རྒྱུར་གྱུར་པ་དེ་བཞིན་དུ་བྱང་ཆུབ་སེམས་དཔའ་ཡང་སེམས་ཅན་ཐམས་ཅད་ཀྱི་ཐུན་མོང་གི་#དགོས་པ་ཡིན་ཏེ། གྲིབ་ཤིང་དང་རྫིང་བུ་ལྟ་བུ་ཡིན་པའི་ཕྱིར་རོ། །དེ་ལྟར་རེ་ཞིག་འབྲས་བུ་ཞིམ་པོ་ཡོད་པ་ཞེས་བྱ་བ་དང་། ཆུ་གཙང་ཞིམ་པོ་ཞེས་བྱ་བའི་ཚིགས་བཅད་
[203b.3]འདི་གཉིས་ཀྱིས་ནི་བྱང་ཆུབ་སེམས་དཔའི་བསྐྲད་པའི་སྒོ་ནས་བདག་གི་#སྡུག་བསྔལ་ལས་བརྩམས་ཏེ་སྨྲེ་སྔགས་འདོན་པ་བསྟན་ཏོ། །གང་ན་རྒྱལ་པོ་ཐམས་ཅད་སྒྲོལ་ཞེས་བྱ་བ་འདིས་ནི་བྱང་ཆུབ་སེམས་དཔའ་སྤྱུགས་པའི་དབང་དུ་བྱས་ནས་སྨྲེ་སྔགས་འདོན་པ་བསྟན་ཏོ། །
[203b.4]བདག་ཅག་ཕོངས་པ་ཞེས་བྱ་བའི་ཚིགས་བཅད་འདིས་ནི་བདག་ཉིད་སྡུག་བསྔལ་ལས་བརྩམས་སོ། །ནོར་བུ་རིན་པོ་ཆེ་དང་ཞེས་བྱ་བ་ལ་སོགས་པས་ནི་ཐ་སྙད་ཀྱི་དངོས་པོའི་དབང་དུ་བྱས་པའོ། །ནོར་དང་འབྲུ་མང་པོ་ཞེས་བྱ་བ་ལ་སོགས་པས་ནི་ཉེ་བར་དོགས་པའི་
[203b.5]དངོས་པོ་བཟུང་བའོ། །ཉེ་འཁོར་སྐྱེད་མོས་ཚལ་བཟང་པོ་ཡིད་དུ་འོང་བ་གང་ཡིན་པ་དེ་ནི་ཉེ་འཁོར་སྐྱེད་མོས་ཚལ་བཟང་པོ་ཡིད་དུ་འོང་བའོ། །མཐར་གྱིས་ཞེས་བྱ་བ་ནི་གྲོང་ཁྱེར་གྱི་#མཆོག་ལས་སོ། །འདས་པ་འདི་#རིམ་གྱིས་ཞེས་བྱ་བའི་དོན་ཏེ། གྲོང་དང་
[203b.6]གྲོང་ཁྱེར་ལས་འདས་པའོ། །གྲིབ་ཤིང་བར་མཚམས་མེད་པའི་དགོན་པ་གང་ཡིན་པ་དེ་ནི་གྲིབ་ཤིང་བར་མཚམས་མེད་པའོ། །རབ་ཏུ་རྒྱུ་བ་ཕྱོགས་གསལ་བ་གང་ཡིན་པ་དེ་ནི་རབ་ཏུ་རྒྱུ་བས་ཕྱོགས་གསལ་བར་སྣང་བའོ། །ཤིང་རྟ་འདྲེན་པའི་རྟ་ནི་གཞན་མ་ཡིན་
[203b.7]བ་ཞེས་བྱ་བའི་དོན་ཏོ། །དཔག་ཚད་དུ་མའི་ལམ་དུ་ཞེས་བྱ་བའི་ཚིགས་བཅད་འདིའི་དོན་རྟ་བྱིན་པ་སྟེ། ཅིའི་ཕྱིར་ཞེ་ན། སྦྱིན་པ་ལ་དགའ་བ་སྟེ། དེ་བས་ན་སྒྲུབ་པའི་ཁྱད་པར་མཐའ་དག་འདིར་དཔག་ཚད་དུ་མ་ཞེས་བྱ་བ་ལ་སོགས་པའི་ཚིགས་བཅད་སྨོས་སོ། །
[204a]
[204a.1]འདི་དག་ལས་གཞན་མེད་པས་དེ་སྒྲུབ་#པར་མི་འགྱུར་རོ། །ལམ་དུ་དེ་ལུས་ལ་ཞེས་བྱ་བ་ནི་རྟ་དེ་བྱིན་པའི་སློང་བས་དེ་ཉིད་དུ་བསྟན་ཏོ། །དཔག་ཚད་དུ་མ་ནི་དུས་མང་པོའི་དབང་དུ་བསྟན་ཏོ། །གྲོགས་ནི་མེད་གྱུར་ཀྱང་ཞེས་བྱ་བ་ནི་གཞན་དེ་ན་བྱེད་པ་མེད་
[204a.2]པའོ#། །བུ་སྨད་བཅས་ཤིང་ཞེས་བྱ་བ་#ནི་དོན་གཉེར་བའི་གཞན་གྱི་དོན་ཉིད་དེ། དེ་ཡང་རང་གི་སྐྱོ་བ་བཟོད་པའོ། །ཕྱི་རྗེས་མི་ལྟ་བར་ཞེས་བྱ་བ་ནི་#སྡུག་བསྔལ་དེ་བཅོས་པའི་རྒྱུ་ཐོབ་པ་དག་གསལ་བའོ། །རྟ་བཞིན་ནི་ཐམས་ཅད་ལུས་པ་མེད་པར་བྱིན་པའོ། །
[204a.3]ཚིག་རྐང་དེ་དག་གིས་#ནི་སྦྱིན་པ་ལ་དགའ་བའི་རྒྱུ་ཉིད་དུ་བསྟན་པ་ཡིན་ནོ། །ནགས་ཞེས་བྱ་བ་ནི་དཀའ་ཐུབ་ཀྱི་ནགས་#སོ། །གོམས་ཀྱང་ཞེས་བྱ་བ་ནི་ཡུན་རིང་པོར་ཤིན་ཏུ་གོམས་པ་སྟེ་ཡུན་རིང་དུ་རྟག་ཏུ་བྱེད་པ་དང་། གུས་པར་སྦྱོར་བ་དང་ལྡན་པ་དེས་སོ། །དམ་པ་
[204a.4]ནི་བྱང་ཆུབ་སེམས་དཔའ་རྣམས་ཏེ། ཡོན་ཏན་ལ་གོམས་པ་ནི་གཞན་ལ་ཕན་པ་དང་བདེ་བ་བྱེད་པ་ལ་གོམས་པ་སྟེ། གང་ལ་གང་ཞིག་བྱེད་པ་དེ་ཉིད་དེའི་བསོད་ནམས་ཀྱི་སྟོབས་ཡིན་གྱི་བྱེད་པ་པོའི་ཡོན་ཏན་ནི་མ་ཡིན་ནོ། །དེ་#ཅིའི་ཕྱིར་ཞེ་ན། སེམས་ཅན་ཐམས་
[204a.5]ཅད་ལ་ཕན་ཞིང་བདེ་བ་ལ་འཇུག་པ་#ནི་མི་འགྲུབ་པར་སྣང་བས་སོ། །དཔེར་ན་བྱང་ཆུབ་སེམས་དཔའ་ནི་གཞན་ལ་ཕན་ཞིང་བདེ་བར་འཇུག་པར་གྱུར་#ན་ཡང་། ཡི་དགས་དང་དམྱལ་བ་ལ་སོགས་པར་སྐྱེས་པའི་སེམས་ཅན་བདེ་བར་འཇུག་པ་གྲུབ་#པ་མེད་པས་སོ། །ཀུ་མུ་
[204a.6]ཏའི་#ཁ་འབྱེད་པའི་ཟླ་བ་ཡང་གལ་ཏེ་ཟླ་བ་ཁ་འབྱེད་པ་ཡིན་ན་ནི། ཅིའི་ཕྱིར་པདྨ་ཁ་འབྱེད་པར་མི་བྱེད་དེ། ཁྱད་པར་མེད་པར་ལྟོས་#ཤིང་ཁ་འབྱེད་རྒྱུར་གྱུར་པས་སོ། །རང་གི་ནུས་པའི་ཁྱད་པར་ཉིད་མ་ཡིན་ནོ་ཞེས་བསྟན་པའི་ཕྱིར་མཚོའི་ནང་
[204a.7]ན་ཞེས་བྱ་བའི་ཚིགས་བཅད་ཡིན་ནོ། །སྐར་མ་རྣམས་ཀྱི་གཟུགས་བརྙན་ནི་སྐར་མ་རྣམས་ཀྱི་#གཟུགས་བརྙན་ནོ། །དེས་མཛེས་པའི་སྐར་མའི་གཟུགས་བརྙན་རྣམས་ལྷག་པར་མཛེས་པ་སྟེ། ཀུ་མུ་ཏ་རྒྱས་པ་དང་འདྲ་བའི་མཚོའི་ནང་ནས་#སྐར་མའི་
[204b]
[204b.1]གཟུགས་བརྙན་དེ་དག་ལའོ། །ཀུ་མུ་ཏ་རྣམ་པར་དག་པས་ནི་ལྷག་པར་སྐར་མའི་གཟུགས་བརྙན་མཛེས་པ་ཡིན་གྱི་གཞན་དུ་ནི་མ་ཡིན་ཏེ། འདིས་ནི་ཀུ་མུ་ཏ་ཁ་འབྱེད་པ་དག་ཙམ་འདིར་ནི་#བརྗོད་ལ་གཞན་གྱི་#རྒྱན་གྱི་དོན་དུ་བསྟན་ཏོ། །ཟླ་བའི་འོད་ཟེར་ལྟད་མོ་ལྟ་བ་བཞིན་
[204b.2]ཞེས་བྱ་བ་འདིས་ནི་མཚོའི་ནང་ན་སྐར་མའི་གཟུགས་བརྙན་རྣམས་ཀུ་མུ་ཏ་རྒྱས་པ་མཐོང་ན་ལྷག་པར་ལྟད་མོ་ལྟ་བར་བྱེད་པ་ཡིན་ནོ། །རྒྱུར་གྱུར་པ་#ཞེས་བྱ་བ་ནི་མཚན་མ་ཙམ་དུ་གྱུར་པ་སྟེ། ཟླ་བས་ཁ་འབྱེད་པར་བྱས་#པ་ནི་ཟླ་བ་འཆར་བའི་དུས་སུ་དེ་ཁ་འབྱེད་པར་
[204b.3]སྣང་བའི་ཕྱིར་ཏེ། གལ་ཏེ་ཁ་འབྱེད་པའི་ནུས་པ་ཡོད་པར་གྱུར་ན་ནི་པདྨ་ལ་སོགས་པ་ཅིའི་ཕྱིར་ཁ་འབྱེད་པར་མི་བྱེད། དེ་བཞིན་དུ་བདག་གིས་བསམས་ན་རྒྱལ་པོ་ཁྱོད་ཀྱི་མཐུ་སྟོབས་ཡིན་སྙམ་ན#། རི་དྭགས་ཀྱི་མཆོག་དག་#ནི་ཐམས་ཅད་དུ་མཉམ་#པར་རབ་ཏུ་གནས་པ་
[204b.4]དང་བཅས་པ་ཡིན་བའི་ཕྱིར་ཁྱེད་ཉིད་ཀྱིའོ། །གཅིག་ལ་གཅིག་སྙན་པར་སྨྲ་ཞིང་ཞེས་བྱ་བ་ལ། རེ་ཞིག་རིགས་#པ་ནི་མད་དྲིས་བྱང་ཆུབ་སེམས་དཔའ་ལ་རིགས་ཀྱི་བྱང་ཆུབ་སེམས་དཔའ་ནི་དེ་ལ་སྙན་པར་སྨྲ་བ་མ་ཡིན་ནོ། །གློ་བུར་དུ་#འོངས་པ་ལ་བྱམས་པ་ཞེས་བྱ་བ་
[204b.5]འདིས་ནི་གློ་བུར་དུ་འོངས་པ་ཡིད་ལ་བྱེད་པ་བསྟན་ཏེ། གཅིག་ལ་གཅིག་སྙན་པར་སྨྲ་བའོ། །བུ་སྨད་ཅེས་བྱ་བ་ནི་མད་དྲི་དང་གཞོན་ནུ་གཉིས་སོ། །ཕབ་ནས་ནི་#བབས་སུ་བཅུག་པའོ། །རྒྱབ་ཏུ་ཞེས་བྱ་བ་འདིས་ནི་འགྲོ་བ་ལ་སྐྱོབ་པ་ཉིད་དུ་བསྟན་ཏོ། །ཅིའི་ཕྱིར་ཞེ་ན།
[204b.6]འདི་ནི་འདི་ལྟར་ཁ་ཟས་ཀྱི་དབང་དུ་བྱས་པའོ། །མངོན་དུ་ལྟ་བྱེད་ཅིང་ཞེས་བྱ་བ་ནི་དོན་དུ་གཉེར་བ་ཉིད་ཅེས་བྱ་བའི་དོན་ཏོ། །ཟེ་བ་རྣམས་ཀྱི་རྡུལ་#དེ་སྟེ་དེ་ལྷགས་པས་#ཁྱབ་ཅིང་གསལ་བར་གྱུར་པའི་སེར་པོ་གང་ཡིན་པ་དེ་ནི་ཟེ་བ་ལྷགས་པས་སེར་པོར་གསལ་བར་གྱུར་པའོ། །ཉི་མའི་
[204b.7]འོད་ཟེར་གྱིས་གདུངས་པའི་སྡུག་བསྔལ་གྱིས་འཇིགས་པ་མེད་པའི་དབང་དུ་བྱས་ནས། སྤྲིན་རྣམས་ཀྱིས་ཀྱང་ཞེས་བྱ་བའི་ཚིགས་བཅད་སྨོས་ཏེ། དེའི་ཕྱེད་ཀྱིས་ནི་ལམ་གྱིས་ཡོངས་སུ་དུབ་པའི་སྡུག་བསྔལ་མེད་པའི་དབང་དུ་བྱས་པས་སོ#། །ངལ་བའི་སྡུག་བསྔལ་ཞེས་བྱ་
[205a]
[205a.1]བའི་ཚིགས་བཅད་ཕྱེད་ཀྱིས་མི་#འཆག་པའི་འཇིག་པ་མེད་ཅིང་བདེ་བའོ། །འཆག་པ་ཉིད་རྣམ་པར་འཇིག་པ་ཡིན་པས་འཆག་པ་རྣམ་པར་འཇིག་པའོ། །དེ་ཉིད་བདེ་བ་ཡིན་པས་འཆག་པ་རྣམ་པར་འཇིག་པའི་བདེ་བའོ། །ལམ་གྱིས་དུབ་པ་དེའི་སྡུག་
[205a.2]བསྔལ་གྱི་ཚོར་བ་ནི་ལམ་དུ་འགྲོ་བའི་སྡུག་བསྔལ་གྱི་ཚོར་བ་སྟེ་དེས་སོ། །མེ་ཏོག་དང་། འབྲས་བུ་དང་། ལོ་མས་བརྒྱན་པའི་ཤིང་ལྗོན་པ་ནི་ཤིང་ལྗོན་པའོ། །སྣུམ་པ་ཡང་ཡིན་ལ་རྣམ་པ་སྣ་ཚོགས་པ་ཡིན་པས་སྣུམ་སྣུམ་ལྟར་འདུག་པ་རྣམ་པ་དུ་མའི་ཤིང་ལྗོན་པ་སྟེ།
[205a.3]མེ་ཏོག་དང་། འབྲས་བུ་དང་། ལོ་མ་རྣམས་ཀྱིས་བརྒྱན་པའི་ཤིང་ལྗོན་པ་སྣུམ་སྣུམ་ལྟར་འདུག་པ་རྣམ་པ་དུ་མའོ། །གང་བ་ནི་མེ་ཏོག་དང་། འབྲས་བུ་དང་། ལོ་མ་རྣམས་ཀྱིས་བརྒྱན་པའི་ཤིང་ལྗོན་པ་སྣུམ་སྣུམ་ལྟར་འདུག་པ་དུ་མས་གང་བ་སྟེ་སེམས་མེད་པའི་དགའ་པའོ། །
[205a.4]འདོད་པས་མྱོང་བའི་#དགའ་བ་ཡང་ཡིན་ལ་བྱ་ཡང་ཡིན་པས་འདོད་པས་དགའ་བའི་བྱའོ། །དུ་མའི་སྒྲ་ནི་#མང་པོའི་སྒྲའོ། །དེ་དག་གི་སྒྲོགས་པ་ནི་མང་པོའི་སྒྲ་འབྱིན་པར་རོ། །འདོད་པས་མྱོས་ཤིང་རབ་ཏུ་དགའ་བ་མང་པོ་སྒྲ་འབྱིན་པའི་དཀའ་ཐུབ་ཀྱི་ནགས་ཚལ་གང་ལ་#ཡོད་པ་དེ་ནི་བྱ་མང་པོ་འདོད་
[205a.5]པས་མྱོས་ཤིང་དགའ་བས་སྒྲ་འབྱིན་པའི་དཀའ་ཐུབ་ཀྱི་ནགས་ཚལ་ལོ། །གང་དུ་རི་དགས་ཀྱི་རྣམ་པ་དུ་མ་རྒྱུ་བ་དེ་ནི་རི་དགས་ཀྱི་རིགས་རྣམ་པ་དུ་མ་རྒྱུ་བའོ། །གར་བྱེད་པ་གང་ཡིན་པ་དེ་ནི་གར་བྱེད་པ་ཉིད་དོ། །གར་བྱེད་པ་ཉིད་རྨ་བྱ་ཡིན་པས་རྨ་བྱ་མང་པོ་གར་བྱེད་པ་སྟེ་དེས་མཛེས་པའོ། །
[205a.6]མེ་ཏོག་གི་དྲིས་བསྒོས་པ་#ནི་མེ་ཏོག་གི་དྲིས་བསྒོས་པའོ། །དཀའ་ཐུབ་ཀྱི་ནགས་ཚལ་གང་དུ་མེ་ཏོག་གི་དྲིས་བསྒོས་པའི་སེར་བུ་ལྡང་བ་དང་ལྡན་པ་དེ་ནི་ལམ་གྱི་རྡུལ་གྱིས་རྐང་པ་དང་བྱིན་པ་རྩུབ་རྩུབ་ལྟར་འདུག་པའོ། །ངལ་བས་ཉམས་པའི་མདོག་དང་མིག་རྩ་གང་ཡིན་པ་དེ་ནི་ངལ་བས་བཞིན་མདོག་དང་མིག་རྩ་
[205a.7]ཉམས་པའོ། །དབྱིག་#པ་ལ་བཏགས་#ཤིང་ཕྲག་པ་ལ་ཐོགས་པའི་སྤྱི་བླུགས་གང་ཡིན་པ་དེ་ནི་སྤྱི་བླུགས་དབྱིག་#པ་ལ་བཏགས་པ་ཕྲག་པ་ལ་ཐོགས་པའོ། །གློ་#བུར་དུ་འོངས་པ་ལ་བཀུར་སྟིའི་བྱ་བ་བྱས་པ་གང་ཡིན་པ་དེ་ནི་གློ་#བུར་#དུ་འོངས་པ་ལ་བཀུར་སྟིའི་བྱ་བ་བྱས་སོ། །འགྲོ་བ་འདི་དག་ནི་ཞེས་བྱ་བ་
[205b]
[205b.1]ནི་མི་བཟད་པ་སྟེ། མི་བཟད་པའི་སེམས་ཡོད་པའི་ཕྱིར་རོ། །སེར་སྣའི་མོས་#པ་ཡིན་པས་སེར་སྣས་བསྒྲིབས་པའི་འགྲོ་བའོ། །འདི་གཉིས་ནི་སེམས་མི་བཟད་པའི་ཕྱིར་འཇིག་རྟེན་སྣང་བ་མེད་པ་ཉིད་དུ་བསྟན་ཏོ། །གཞན་དུ་ཞེས་བྱ་བ་ནི་ཁྱེད་ལས་གཞན་དུ་ཞེས་བྱ་
[205b.2]བའི་དོན་ཏོ། །སློང་བ་ཉིད་ནི་སློང་བའོ། །སློང་བ་ཉིད་ཀྱི་ཚིག་ཡིན་པས་སློང་བའི་ཚིག་སྟེ། དོན་དུ་གཉེར་བའི་ཚིག་ཅེས་བྱ་བའི་དོན་ཏོ། །མ་ཕྱིན་པ་ནི་མི་ནུས་པ་ཞེས་བྱ་བའི་དོན་ཏེ། སྣང་བ་མེད་པ་དང་། མི་མཉམ་པའི་འཇིག་རྟེན་པའོ། །གང་ལས་ཤེ་ན།
[205b.3]མི་མཉམ་པའི་ལམ་ལས་འཇིག་རྟེན་འགྲོ་བ་ཉིད་དུ་སྣང་བའི་ཕྱིར་ཏེ། གཞན་ནི་མི་འགྲོ་བ་ཡིན་ནོ་ཞེས་དོན་གྱིས་རྟོགས་པའོ#། །དེ་བས་ན་བསྟན་པའི་སྐྱོན་གཉིས་མེད་དེ། མཐོང་བཞིན་དུ་ལམ་མཉམ་པ་ནས་འགྲོ་བར་སྣང་བའི་ཕྱིར་ཁྱོད་ཉིད་ལ་ཕྱིན་པ་ཡིན་ལ།
[205b.4]གཞན་པ་མི་སློང་#བའི་ཚིག་ཕྱིན་པ་མ་ཡིན་ནོ་ཞེས་སྦྱར་#རོ། །དེའི་རྒྱུ་སྐྱོན་གཉིས་དང་བྲལ་བ་མེད་ན་ནི་དེ་ཇི་ལྟར་སློང་བའི་དབང་དུ་བྱས་ནས། སྦྱིན་པ་ལ་དཔའ་བའི་ཞེས་བྱ་བའི་ཚིགས་བཅད་ཡིན་ནོ། །དེའི་ཕྱིར་ཞེས་བྱ་བ་ནི་གྲགས་པ་ཐོས་པའི་ཕྱིར་རོ། །སྩོལ་
[205b.5]ཞེས་བྱ་བ་ནི་སློང་#མོ་པ་ཉིད་དུ་ཁས་ལེན་པའི་ཕྱིར་རོ། །ཅིའི་ཕྱིར་ཁྱོད་ལ་སློང་ཞེས་དེ་ལྟར་རྟོག་པ་ལ་གཡོག་ཏུ་ཞེས་པས་བསྟན་ཏོ། །ཚམ་#ཚོམ་མེད་པར་སྦྱིན་ཞེས་བྱ་བ་ནི་དཔྱད་པ་མེད་པའི་ཕྱིར་རོ་ཞེས་བྱ་བ་སྟེ། དེས་ན་སྨྲས་པ། སྦྱིན་པ་ལ་དགའ་བ་གོམས་པར་
[205b.6]བྱས་པའི་#རབ་ཏུ་སྡུག་པའི་བུ་བས་ཀྱང་སྦྱིན་པ་ལ་དགའ་བ་སྟེ། ཆེས་གཅེས་པའི་ཕྱིར་ཇི་ལྟར་སྦྱིན་པ་ལ་དགའ་བ་གོམས་པར་བྱས་པ་དེ་ལྟ་བུ་ལ་དགའ་བ་ནི་མ་ཡིན་ཏེ། བུ་ལ་དགའ་བ་ནི་རེས་འགའ་བྱས་པའི་ཕྱིར་དང་། སྦྱིན་པ་ལ་དགའ་བ་ནི་རྒྱུན་དུ་གོམས་པའི་ཕྱིར་རོ། །
[205b.7]དེ་ཡང་བུ་ནི་མི་རྟག་པ་ལ་གོམས་#པར་སོ་སོར་བརྟགས་པ་དེས་ལྷག་པར་དགའ་བ་མེད་ལ། སྦྱིན་པ་ནི་ཡོན་ཏན་ཐམས་ཅད་དང་ལྡན་པར་སྣང་བས་སོ། །ཡང་ན་ཐམས་ཅད་པས་སྦྱིན་པ་ནི་ཆེ་བ་ཉིད་དོ། །སྦྱིན་པ་ལས་#དགའ་བས་བུ་གཉིས་ཀྱང་ཚམ་ཚོམ་མེད་པར་སྦྱིན་པ་ཞེས་བྱ་བ་
[206a]
[206a.1]མ་བྱིན་#པའི་དངོས་པོ་ཉིད་དུ་བསྟན་ཏོ། །བུ་གཉིས་ཀྱང་ཞེས་བྱ་བའི་སྒྲས་གཅིག་ཏུ་དེ་ལྟར་ཅིའི་ཕྱིར་སྨྲས་ཤེ་ན། སླར་བཟློག་#པ་ནི་མ་བསླབས་པས་ཞེས་བྱ་བ་སྨོས་ཏེ། སྦྱིན་པའི་བྱ་བ་མ་ཡིན་པས་ཀྱང་བྱ་བ་མ་ཡིན་པ་མཆོག་ཏུ་གྱུར་པའི་ཕྱིར་རོ། །སླར་
[206a.2]བཟློག་#པ་ཞེས་བྱ་བ་འདིས་ནི་དཀའ་བའི་སྦྱིན་པ་ཉིད་དུ་བསྟན་ཏེ#། སྦྱིན་པ་ཡོན་ཏན་གཉིས་དང་ལྡན་པའོ། །ད་འདི་ན་མཆིས་ཏེ་ཅི་ཞིག་བགྱི་ཞེས་བྱ་བ་ནི་གལ་ཏེ་བྱིན་ན་#ཞེས་བྱ་བའི་དོན་ཏོ། །བྱིན་པའི་གཏམ་ཐོས་ནས་མི་དགའ་བ་སྐྱེས་པའི་མིག་རིག་རིག་པོ་གང་ཡིན་པ་དེ་ནི་སྦྱིན་པའི་གཏམ་ཐོས་
[206a.3]ནས་སྐྲག་པའི་མིག་རིག་རིག་པོར་གྱུར་པ་དེའོ། །དེ་གཉིས་ཀྱི་#སྙིང་གདུངས་པར་གྱུར་པ་གང་ཡིན་པ་དེ་ནི་སྙིང་གདུངས་པར་གྱུར་པའོ། །འདི་ནི་ཞེས་བྱ་བ་དེས་སྨྲས་པ་དེའི་ལན་ནི། ཁྱོད་#འདི་གཉིས་ངས་བྱིན་ན་ཞེས་བྱ་བ་ཡིན་ནོ། །ད་ནི་མཆིས་ཏེ་ཅི་བགྱི་ཞེས་བྱ་བ་འདིའི་ལན་ནི། འདི་གཉིས་མ་ནི་སོང་
[206a.4]ཞེས་བྱ་བའོ། །གང་དུ་ཅིའི་ཕྱིར་སོང་ཞེས་བྱ་བ་འབྲི་#བའི་ཚིག་གི་སྐབས་རྟོགས་#པ་ལ་ནགས་ཚལ་དུ་རྩ་བ་འབྲས་བུ་ཚོལ་#དུ་སོང་ཞེས་བྱ་བ་ཡིན་ནོ། །དེ་ཡང་དེ་རིང་འདིར་འོང་གིས། །ཞེས་བྱ་བ་འདིས་ནི་རིང་པོ་མི་ཐོགས་པར་འོང་བར་བསྟན་ཏོ། །དེ་འོངས་ནས་ཅི་ཞིག་བྱེད་པ་ཡིན་
[206a.5]ཞེས་རྟོགས་#པ་ལ་དེ་དང་ཕྲད་ནས་འོ་བྱས་ཞེས་བྱ་བ་སྟེ། འདིས་ནི་མེད་དྲི་ལ་ཕན་འདོགས་པ་ཉིད་དུ་བསྟན་ཏོ། །རྒྱན་གྱིས་བརྒྱན་ཅིང་ཕྲེང་བ་ཅན། །ཞེས་བྱ་བ་ནི་གཞོན་ནུ་གཉིས་སོ། །འདིར་ནི་ཞག་གཅིག་ངལ་སོ་ལ། །ཞེས་བྱ་བ་འདི་ནི་བྲམ་ཟེ་དེ་ལ་ཕན་འདོགས་པ་བསྟན་ཏེ།
[206a.6]ལམ་གྱིས་#རྔུབ་པ་སེལ་བར་སྣང་བའི་ཕྱིར་རོ། །བུད་མེད་རྣམས་ནི་མི་དྲང་བས་ཞེས་བྱ་བ་འདིས་ནི་མ་ནི་བུ་སྦྱིན་པ་དེ་ལ་འགྱོད་པར་འགྱུར་བ་རྗེས་སུ་ཤེས་ཏེ། དེ་བས་ན་ཁྱོད་ཀྱི་སྦྱིན་པ་ལ་གེགས་བྱས་པར་འགྱུར་བས་ཆོས་མ་ཡིན་པ་དང་ལྡན་པར་འགྱུར་བ་ཡིན་པས་ཞག་གཅིག་
[206a.7]འདུག་པའི་སྐྱོན་བསྟན་པའོ། །ཁྱོད་ཀྱི་སྦྱིན་པ་#ལ་གེགས་བྱེད་ཀྱིས་ཞེས་བྱ་བ་འདིས་ཀྱང་བྱང་ཆུབ་སེམས་དཔའི་སྐྱོན་བསྟན་ཏོ། །བདག་ཉིད་ཀྱིས་#ནི་མ་བསྟན་ཀྱང་གྲུབ་པའི་ཕྱིར་ཏེ། སྦྱིན་པ་མ་བྱིན་པའི་ཉེས་དམིགས་བསྟན་པས་གང་རྙེད་པའི་བར་ཆད་ཀྱི་མཚན་ཉིད་དོ། །
[206b]
[206b.1]སྦྱིན་པའི་གེགས་སུ་འགྱུར་དུ་མ་དོགས་ཤིག་ཅེས་བྱ་བ་ནི་བདག་ཉིད་ཀྱི་སྦྱིན་པའི་གེགས་#མེད་པའོ། །ཅིའི་ཕྱིར་ཞེ་ན། དེ་#ངའི་ཆོས་སྤྱོད་པའི་གྲོགས་ཡིན་མོད་ཀྱི་ཞེས་པ་#སྨོས་ཏེ། གང་སྔར་བསྟན་པའི་མིང་ནི་གཡོན་ཅན་ཞེས་སུ་བཏགས་ཞེས་བྱ་བ་དེའི་ལན་བཏབ་པ་ཡིན་ནོ། །
[206b.2]ད་#ནི་ངའི་ཆོས་སྤྱོད་པའི་#གྲོགས་ཡིན་མོད་ཅེས་བྱ་བ་ནི་ཇི་ལྟར་ང་སྦྱིན་པ་ལ་དགའ་བ་དེ་ལྟར་དེ་ཡང་དགའ་བ་ཡིན་ཏེ། ཆོས་སྤྱོད་པའི་གྲོགས་ཡིན་པའི་ཕྱིར་རོ། །འོན་ཀྱང་འདི་ལ་ཁྱོད་ཅི་དགར་ཟད་མོད། །ཅེས་#བྱ་བ་ནི་གལ་ཏེ་ཁྱོད་ཁྱེར་#བར་འདོད་ན་དེ་རིང་ཁྱོད་ཁྱེར་ཅིག་ཅེས་བྱ་བའི་
[206b.3]དོན་ཏོ། །རབ་ཏུ་གཞོན་ཞིང་ཞེས་བྱ་བའི་ཚིགས་བཅད་འདིའི་དོན་གྱི་ཡོན་ཏན་རྣམ་པ་གསུམ་དང་ལྡན་ན་ནི་བྲན་གྱི་ལས་སུ་འོས་པ་ཡིན་ཏེ། ལས་ཅི་འདོད་པ་བསྒྲུབས་པས་བདག་པོ་དགའ་བ་སྐྱེད་པ་དང་། སྡུག་བསྔལ་བཟོད་ཅིང་ལས་བྱེད་པར་#ནུས་པ་དང་མཁས་པའོ། །
[206b.4]གསུམ་པོ་དེ་དག་ལས་གང་ཞིག་དང་ཡང་མི་ལྡན་པ་མེད་ན་ནི་ཇོ་བོ་ལས་#བྱེད་པས་དགའ་བ་བསྐྱེད་#པ་ཡིན་ལ#། ཚིགས་སུ་བཅད་པ་འདིས་ནི་ཡོན་ཏན་དེ་དག་དང་མི་ལྡན་པར་བསྟན་ཏོ། །དེ་ལ་ཉེས་པ་བསྟན་པ་དང་། བཏང་བའི་ཡོན་ཏན་བསྟན་པའི་ཕྱིར་ཤི་བི་པའི་རྒྱལ་པོ་ངའི་
[206b.5]ཡབ་ཅེས་བྱ་བ་ལ་སོགས་པ་ཚིགས་སུ་བཅད་པ་གཉིས་སོ། །འདི་ལྟར་གྱུར་པ་ནི་བྲན་ཉིད་ཀྱི་དངོས་པོར་གྱུར་པའོ། །ངེས་པར་#ནི་གདོན་མི་ཟ་བར་རོ#། །དེའི་ཡུལ་ནི་ཞེས་བྱ་བ་ནི་ཤི་བི་པའི་རྒྱལ་པོའི་ཡུལ་ལོ། །དེ་ལྟར་བྱས་ན་ནོར་ཆེན་དང་། །ཞེས་བྱ་བ་ནི་བུའི་གླུད་#ཀྱི་ཕྱིར་ཐོབ་པར་
[206b.6]འགྱུར་བའོ། །ཆོས་རྣམས་དང་ཡང་ལྡན་པར་འགྱུར། །ཞེས་བྱ་བ་ནི་ནོར་ཆེན་པོ་དེ་ཉིད་ཀྱིས་ཆོས་བྱེད་ནུས་པའི་ཕྱིར་དང་། བྱིས་པའི་ཉོན་མོངས་པ་མེད་པའི་ཡང་ཕྱིར་རོ། །སྦྲུལ་གདུག་པ་དང་འདྲ་བའི་དྲུང་དུ་ཞེས་བྱ་བ་ནི་སྦྲུལ་གདུག་པ་ལྟ་བུར་བསྙེན་པར་དཀའ་བས་སོ། །མི་
[206b.7]དགའ་བ་ཉིད་ཀྱི་སྐྱེས་པ་ཡིན་པས་མི་དགའ་བའི་སྐྱེས་སོ། །དེ་ལྟ་བུའི་མཚན་ཉིད་དང་ལྡན་པའི་རྒྱལ་པོའི་དྲུང་དུ་འགྲོ་བའི་ཉེས་དམིགས་བསྟན་པའི་ཕྱིར་རྒྱལ་པོས་བདག་ལ་འདི་གཉིས་ཞེས་བྱ་བའི་ཚིགས་བཅད་སྨོས་སོ། །བྲམ་ཟེ་མོའི་གཡོག་ཏུ་བདག་ནི་ཁྲིད་དེ་མཆི་
[207a]
[207a.1]ཞེས་བྱ་བ་ནི་རྒྱལ་པོའི་གམ་#དུ་མི་འགྲོ་བ་ཞེས་བྱ་བའི་དོན་ཏོ། །དོན་ཡོངས་སུ་མ་རྫོགས་པར་ཞེས་བྱ་བ་ནི་ད་ཁྱོད་ཀྱིས་ཇི་ལྟར་དགའ་བ་དེ་དེ་#བཞིན་དུ་གྱིས་ཤིག་པ་སྟེ། དེ་ལྟར་དོན་ཡོངས་སུ་མ་རྫོགས་པའོ། །གཡོག་ལེགས་པར་བྱོས་ཞེས་བྱ་
[207a.2]བ་ནི་བག་ཡོད་པར་ཡོངས་སུ་སྤྱད་པར་བྱའོ་ཞེས་བྱ་བ་ལ་སོགས་པའོ། །དེའི་བསྒྲིམས་པའི་མཐུ་ཞེས་བྱ་བས་ནི་འབད་པས་#རྗེས་སུ་འཇུག་པ་སྟེ། དེས་ན་འབད་པ་ཞེས་བྱ་བའི་དོན་ཏོ། །མདོར་སྨྲས་ནས་ཞེས་བྱ་བ་ནི་རྒྱལ་བར་གྱུར་ཅིག་ཅེས་སོ། །བྲལ་བའི་སྡུག་
[207a.3]བསྔལ་ཉིད་ཁུར་ཆེན་པོ་ཡིན་པས་བྲལ་བའི་སྡུག་བསྔལ་གྱི་ཁུར་རོ། །དེས་གདུངས་པའི་སྙིང་གང་ཡིན་པ་དེ་ནི་བྲལ་བའི་སྡུག་བསྔལ་གྱིས་གདུངས་པའོ། །ཡབ་གཅིག་ཡུམ་ཡང་སླད་རོལ་འབྱུང་། །ཁྱོད་ཀྱང་བདག་ཅག་གཏོང་བར་བཞེད། །ཅེས་བྱ་བ་ནི་གང་
[207a.4]གི་ཚེ་མ་སླད་རོལ་དུ་འབྱུང་བ་དེའི་ཚེ་སྦྱིན་པར་བཞེད་ཅེས་བྱ་བའི་དོན་ཏོ། །སྡུག་བསྔལ་གྱི་མྱོང་བ་ནི་སྡུག་བསྔལ་མྱོང་བའོ། །དེ་ཉིད་དང་པོར་སྡུག་བསྔལ་མྱོང་བ་གང་ཡིན་པ་དེ་ནི་སྡུག་བསྔལ་དང་པོ་མྱོང་བ་དེའོ#། །དེ་བས་ན་སྐད་ཕྱུང་སྟེ་ཞེས་བྱ་བ་ནི་སྒྲ་དང་བཅས་པའོ། །
[207a.5]བྲམ་ཟེ་ཞེས་བསྟན་པ་ལ། གལ་ཏེ་བྲམ་ཟེ་ཡིན་ན་ནི་གང་གི་ཕྱིར་འདི་ནི་བརྩེ་བ་མེད་པ་སྟེ། དེ་བས་ན་འདི་ནི་བྲམ་ཟེ་མ་ཡིན་ཏེ། བྲམ་ཟེའི་མཚན་ཉིད་ནི་ཆོས་དང་ལྡན་པ་ཉིད་དེ་དེ་མེད་པས་སོ། །དེ་ལྟ་ན་འདི་གང་ཞིག་ཡིན་ཞེ་ན་གནོད་སྦྱིན་ཞེས་སྨོས་སོ། །ཅིའི་ཕྱིར་ཞེ་ན། བརྩེ་
[207a.6]བ་མེད་པའི་ཕྱིར་རོ། །བྲམ་ཟེར་བསྒྱུར་ནས་ནི་ཞེས་བྱ་བ་ནི་ཆ་བྱད་དོ། །གནོད་སྦྱིན་གྱིས་ཅིའི་ཕྱིར་ཁྲིད་པ་བཞིན་#ཞེ་ན་བཟའ་བའི་ཕྱིར་རོ། །བྲམ་ཟེ་བདག་ལ་བརྡེག་པ་འདི། །ཞེས་བྱ་བའི་ཚིགས་བཅད་ཀྱིས་#ནི་བདག་ཉིད་དེ་དང་བྲལ་བའི་སྡུག་བསྔལ་གྱི་#དབང་དུ་བྱས་པའོ། །
[207a.7]དཀའ་ཐུབ་ནགས་ཚལ་སྟོང་པ་ན། །ཞེས་བྱ་བ་ལ་སོགས་པའི་ཚིགས་བཅད་གཉིས་ཀྱིས་བདག་ཉིད་དང་བྲལ་བའི་སྡུག་བསྔལ་གྱིས་མའི་དབང་དུ་བྱས་པའོ། །གླང་པོ་ཆེ་ལྟ་བུ་ཡིན་པས་གླང་ཆེན་ཏེ། གླང་པོ་ཆེ་བྱས་པ་ཞེས་བྱ་བའི་དོན་ཏོ། །དེ་བཞིན་དུ་ཤིང་རྟ་དང་། རྟ་པ་དང་།
[207b]
[207b.1]རྐང་ཐང་ཡང་ངོ་། །ཕྱེད་ཙམ་ཡུམ་ལ་ཕུལ་ན་ནི། །ཞེས་བྱ་བས་#ནི་ཕྱེད་ནི་ཁྱོད་ཉིད་ལ་ཞེས་བྱ་བ་ཡིན་ནོ། །ཅིའི་ཕྱིར་འདི་སྦྱིན་ཞེ་ན། མྱ་ངན་བསལ་#བའི་ཕྱིར་རོ། །འཕྲིན་གྱིས་ཡུམ་#ལ་ཕྱག་འཚལ་ཞིང་། །ཞེས་བྱ་བ་ཅི་ཞེ་ན། ཞལ་ནི་མཐོང་བ་རབ་ཏུ་དཀའ་བ་ཉིད་
[207b.2]དེ། ཐུགས་ངན་མཛད་ལས་བཟློག་ཏུ་གསོལ། །ད་ཡང་ཞལ་མཐོང་དཀའ་བའི་ཕྱིར་ཏེ། ཞལ་མཐོང་བ་མི་སྲིད་པ་ལ་མྱ་ངན་དོན་མེད་པའི་ཕྱིར་རོ། །བྲམ་ཟེ་ངན་པ་#ངོ་མི་ཚ། །ཞེས་བྱ་བ་ནི་མ་བསྟན་པ་རྗེས་སུ་བསྟན་པ་སྟེ། གཞན་དུ་ན་བྲམ་ཟེ་ཁོ་ན་ཞེས་མི་བརྗོད་
[207b.3]ཅིང་ཚིག་དེ་ཡང་སྩལ་#བ་མེད་པས་སོ། །ལྷམ་ཡང་མེད་པར་རྐང་གིས་འདོང་། །ཞེས་བྱ་བ་འདི་ནི་ལམ་གྱི་སྡུག་བསྔལ་གྱི་དབང་དུ་བྱས་པའོ། །ལམ་དེའི་སྡུག་བསྔལ་ཡང་རྒྱུ་གསུམ་གྱིས་འབྱུང་བ་ཡིན་ཏེ། ལམ་གྱིས་དུབ་པ་སོ་བ་མེད་པ་དང་། གནས་ཀྱི་ཁྱད་པར་
[207b.4]དང་གཞན་གྱི་དབང་དུ་བྱས་#པས་སོ། །ལྷམ་ཡང་མེད་པར་རྐང་གིས་འདོང་། །ཞེས་བྱ་བ་འདིས་ནི་ལམ་གྱི་ངལ་སོ་བ་མེད་པ་ཉིད་དུ་བསྟན་ཏོ། །རབ་ཏུ་གཞོན་པས་ངལ་མི་བཟོད། །ཅེས་བྱ་བ་འདིས་ནི་གནས་ཀྱི་ཁྱད་པར་བསྟན་ཏོ། །དེའི་བྲན་གཡོག་བྱེད་པ་ཞེས་
[207b.5]བྱ་བ་འདིས་ནི་རང་བཞིན་#མེད་པ་ཉིད་དུ་བསྟན་ཏེ། དེ་ལྟར་ཡོངས་སུ་ངལ་སོར་མེད་པའི་དབང་དུ་བྱས་ནས། ལམ་གྱིས་ངལ་ཞིང་དུབ་པ་ལ། །ཞེས་བྱ་བའི་ཚིགས་བཅད་སྨོས་སོ། །དང་པོའི་ཕྱེད་ཀྱིས་ནི་ལམ་གྱིས་དུབ་པའི་ངལ་སོ་བ་མེད་པ་ལས་བརྩམས་སོ། །
[207b.6]ཕྱེད་གཉིས་པས་ནི་ལྷན་ཅིག་སྐྱེས་པའི་བཀྲེས་པ་དང་སྐོམ་པའི་སྡུག་བསྔལ་གསོ་#བ་མེད་པ་ཉིད་དུ་བསྟན་ཏོ། །བདག་ནི་བརྟན་པར་བྱེད་འདོད་ཀྱང་། །ཞེས་བྱ་བའི་ཚིགས་བཅད་འདིའི་དོན་ནི་སོ་སོར་རྟོག་པའི་སྟོབས་ཡོད་ཀྱང་ངོ་། །བུ་ནི་བྱིས་པ་སྟེ་སོ་སོར་རྟོག་པ་མེད་པས་སོ། །
[207b.7]རེ་ཞིག་བདག་འདི་ལྟ་བུར་ནི་སྡུག་བསྔལ་ན་#ཞེས་བྱ་བ་བསྟན་པ་ལ་དེའི་སྡུག་བསྔལ་བསྟན་པའི་ཕྱིར། ཀྱེ་མའོ་ཞེས་བྱ་བའི་ཚིགས་བཅད་ཕྱེད་འདི་#སྨོས་སོ། །བསྟན་#པར་བྱེད་འདོད་ཀྱང་ཞེས་བྱ་བ་བསྟན་པ་ལ། །ཇི་ལྟར་བསྟན་#པར་བྱེད་པར་#འདོད་པ་ཡིན། །ཞེས་པ་དེ་ལས་བརྩམས་ཏེ།
[208a]
[208a.1]དམ་པ་རྣམས་ཀྱི་#ཆོས་ཞེས་བྱ་བའི་ཚིགས་བཅད་ཀྱི་ཕྱེད་འོག་མའོ། །མི་དགའ་#འབྱུང་བ་ནི་མི་དགའ་བ་དག་འབྱུང་བའོ། །དེ་བརྟན་པའི་ངང་ཚུལ་གང་ཡིན་པ་དེ་ནི་མི་དགའ་བ་འབྱུང་བའི་ཚུལ་ལོ། །ཡང་དང་ཡང་བོས་ཏེ་དེ་གཉིས་ལན་མེད་པས་ཞེས་བྱ་བ་ནི་#
[208a.2]མ་ཐོས་པ་སྟེ་བོད་པས་དེ་གཉིས་གཅིག་གིས་ཀྱང་མ་ཐོས་པའོ། །དེ་གཉིས་ནི་དེ་དག་ཅེས་བྱ་བའི་དོན་ཏོ། །རྩེ་རྩེ་ངལ་ནས་ཞེས་བྱ་བའི་ཚིགས་བཅད་འདི་#ནི་འཚོ་བའི་གནས་སྐབས་ན་ཡང་མ་མཐོང་བས་བྲལ་བའི་སྡུག་བསྔལ་གྱི་དབང་དུ་བྱས་པའོ། །རྩེ་རྩེ་བ་ལས་བྱུང་
[208a.3]བའི་ངལ་བ་ནི་རྩེ་རྩེ་ངལ་བའོ། །དེ་ལས་སྐྱེས་པའི་གཉིད་གང་ཡིན་པ་#དེ་ནི་རྩེ་རྩེ་ངལ་ནས་སྐྱེས་པའི་གཉིད་དོ། །བདག་འོངས་མཆིས་#པས་ཞེས་བྱ་བའི་ཚིགས་བཅད་འདི་ནི་འཆི་བའི་གནས་#སྐབས་ལ་རྣམ་པར་རྟོག་པའི་དབང་དུ་བྱས་པའོ། །གང་གི་ཕྱིར་དེ་གཉིས་
[208a.4]ཤི་བ་ནི་མ་ཡིན་ཏེ། དེ་བསད་མཐོང་ན་འདི་ལྟར་སྒྲ་མི་འབྱིན་པའོ། །བྱའི་སྒྲ་མེད་པར་ཡང་འཆི་བ་སྲིད་དོ་ཞེས་རྣམ་པར་རྟོག་པ་ལས་བརྩམས་ནས། འབབ་ཆུ་དྲག་པོ་ཞེས་བྱ་བའི་ཚིགས་བཅད་ཕྱེད་འོག་མའོ། །འདི་ལ་ལྟས་བཟང་པོ་ཡོད་པ་མ་ཡིན་པ་ནི་ལྟས་
[208a.5]ངན་པའོ། །ལྟས་ངན་པས་བཟློག་པའི་དགའ་བའི་སེམས་གང་ཡིན་པ་དེ་ནི་སྙིང་འདི་ཡང་ལྟས་ངན་པས་དགའ་བ་ནི་བཟློག་པའོ། །གས་པ་ནི་ཟག་པ་ཞེས་བྱ་བའི་དོན་ཏོ། །དགའ་བར་བྱ་རིགས་ཞེས་བྱ་བ་ནི་དགའ་བར་#ཐོས་པར་རིགས་པའོ། །ཆེད་ཀར་#ཞེས་བྱ་བ་ནི་
[208a.6]མངོན་པར་གནོད་པའི་ཕྱིར་རོ། །ཀྱི་ཧུད་བདག་ནི་བསད་ཀྱིས་མེད། །ཅེས་བྱ་བ་ནི་ཤི་བའི་དོན་ཏོ། །#ཟད་པའམ་ཤི་བས་བདག་ཉིད་ཀྱང་ངེས་པར་འཆི་བའི་ཕྱིར་བསད་ཅེས་བསྟན་ཏོ། །བརྟན་#པ་མེད་དུ་དོགས་པས་ན། །ཞེས་བྱ་བ་ནི་གལ་ཏེ་བརྟན་#པ་མེད་དུ་དོགས་པས་འཆི་
[208a.7]པར་འགྱུར་རོ་ཞེས་དོགས་པའི་དོན་ཏོ། །རྒས་པ་དང་དབུལ་བ་ནི་རྒས་ཤིང་དབུལ་བའོ། །དེ་ཉིད་ཀྱི་སྡུག་བསྔལ་ནི་རྒས་ཤིང་དབུལ་བའི་སྡུག་བསྔལ་ཏེ། དེས་སྡུག་བསྔལ་བ་ཞེས་བྱ་བའི་དོན་ཏོ། །འདིས་ནི་སྙིང་རྗེའི་དོན་#བསྟན་ཏོ། །བྲམ་ཟེ་ཞེས་བྱ་བ་འདིས་ནི་
[208b]
[208b.1]ཡོན་ཏན་གྱི་ཞིང་དུ་བསྟན་ཏོ། །ཡང་ན་རྒས་ཤིང་དབུལ་བའི་སྡུག་བསྔལ་གྱིས་ཉེན་པ་ཞེས་བྱ་བ་ནི་སྡུག་བསྔལ་བ་ཉིད་དོ། །བྲམ་ཟེ་ཞེས་བྱ་བ་ནི་སློང་བ་ཉིད་དུ་བསྟན་ཏེ#། སློང་བས་འཚོ་བ་དེ་བས་ན་#བྲམ་ཟེ་ཞེས་བརྗོད་དོ། །ང་གན་འོངས་ཞེས་བྱ་བ་ནི་རྟེན་མེད་པ་ཉིད་
[208b.2]དེ། གང་གཞན་དུ་མི་རྙེད་པར་བྱེད་པའི་གནས་འདི་ན་འོངས་ཤིང་སྤྱོད་པ་སྟེ། གང་གི་ཕྱིར་བདག་ལ་སློང་བ་དེ་བས་ན་དེ་རྟེན་མེད་པས་དེས་རྟོགས་པར་བྱའོ། །བུ་ལ་མ་བལྟས་ན་ཇི་ལྟར་ཁྱོད་ལ་བལྟ་བར་བྱ་ཞེ་ན། སྨྲས་པ། མྱ་ངན་གདུང་བར་མ་བྱེད་ལ། །ཞེས་
[208b.3]བྱ་བ་སྨོས་སོ། །དེ་ལྟ་ན་ཅི་ཞིག་བྱ་བ་ཡིན་ཞེ་ན། བུ་ཡི་#མྱ་ངན་གདུང་སྙིང་ལ། །མཚོན་གྱིས་འདེབས་པ་ཞེས་སྨོས་ཏེ་མཚོན་དང་འདྲ་བའི་ཕྱིར་རོ། །དེ་ལ་མྱ་ངན་གྱིས་ཡོངས་སུ་གདུངས་ན་ཅིའི་ཕྱིར་བུ་བྱིན་ཞེས་བྱ་བ་ཡིན་ཞེ་ན། ཚིག་གི་སྐབས་ཤེས་པར་བྱས་ནས།
[208b.4]བསླངས་པར་གྱུར་ན་ཞེས་བྱ་བའི་ཚིགས་བཅད་སྨོས་སོ། །བུ་ཤིར་དོགས་དེ་སྙིང་བཙོས་པ་ལས་ཞེས་བྱ་བ་ནི་བུ་ཤིར་དོགས་པའི་སྙིང་གི་གདུང་བ་ཞེས་བྱ་བའི་དོན་ཏོ། །འདི་ལྟར་ཞེས་བྱ་བ་ནི་གང་གི་ཕྱིར་ཏེ། གང་གིས་སྐབས་མ་རྙེད་པ་དེ་ནི་སྐབས་མ་རྙེད་པའོ། །
[208b.5]དེ་གང་ཞེ་ན་འཇུངས་པའོ། །བྲག་ཅའི་སྒྲའི་ཁྱབ་པའི་སྒྲ་གང་ཡིན་པའི་རྔ་སྒྲ་ཆེན་པོའི་སྒྲ་དེ་ནི་ཁྱབ་པའི་བྲག་ཅ་དང་སྒྲ་བརྙན་ཞེས་བྱ་བའི་དོན་ཏོ། །གསལ་བའི་ཚིག་དང་འབྲུ་གང་ཡིན་པའི་ནམ་མཁའ་དེ་ནི་ཚིག་འབྲུ་གས་ལ་བའི་ནམ་མཁའ་ལའོ། །གཡོ་བ་གང་ལ་
[208b.6]ཡོད་པ་དེ་ནི་གཡོ་བ་ཅན་ཏེ་རབ་ཏུ་གཡོ་བ་ཅན་ནོ། །རིའི་ནུ་མ་གཡོ་བ་ཅན་གང་ཡིན་པ་དེ་ནི་རིའི་ནུ་མ་གཡོ་བ་ཅན་ནོ། །ནམ་མཁའ་ནི་མཐོ་རིས་སོ། །གློག་གིས་#གསལ་བ་དང་བཅས་པའི་#གློག་འགྱུ་བ་ནི་#འོད་ཀྱིས་གསལ་བའོ། །དེས་གསལ་#བ་དང་བཅས་པ་དེ་ལ་ནི་གློག་
[208b.7]འགྱུ་བའི་འོད་ཀྱིས་གསལ་ཞིང་མཐོང་བའོ། །ཡང་ན་བརྩམས་པའོ། །ཡང་ན་འོད་དང་ལྡན་པ་སྟེ། དེས་གསལ་བར་གྱུར་པའོ། །སྩལ་#བའི་ཐུགས་ནི་དགྱེས་པར་མཛོད། །ཅེས་བྱ་བ་ནི་འདི་ལྟར་མཇུག་#གི་ལས་སྒྲུབ་པ་ཡིན་ནོ། །དེ་ལྟར་སེམས་དད་པའི་ཕན་
[209a]
[209a.1]ཡོན་གང་ཡིན་ཞེ་ན། འཇིག་རྟེན་རྣམས་ལ་བཏུང་ཆུ་བཞིན། །ཞེས་སྨོས་སོ། །ཇི་ལྟར་བཏུང་ཆུ་བཞིན་དུ་གྱུར་པ་ཡིན་ཞེ་ན། སླན་ཆད་ཀྱང་ནི་སྦྱིན་བདག་མཛོད། །ཅེས་སྨོས་ཏེ། ཅི་ནས་ཀྱང་སྦྱིན་པ་ལས་བཏུང་ཆུ་བཞིན་དུ་གྱུར་པ་ཞེས་བྱ་བའི་དོན་ཏོ། །
[209a.2]སྦྱིན་པ་ཉིད་ཆོས་ཡིན་པས་སྦྱིན་པའི་ཆོས་སོ། །ཟད་པ་སྐམས་པའོ#། །འདོད་ལྷའི་སེམས་ནི་མྱ་ངན་མེ་ཡིས་ཚིག །ཅེས་བྱ་བ་ནི་སྦྱིན་པའི་ཕ་རོལ་ཏུ་ཕྱིན་པ་རྫོགས་པའི་ཕྱིར་ཏེ། དེ་བས་ན་ཡང་སངས་རྒྱས་ཉིད་ཐོབ་པ་ལ་ནི་ཐམས་ཅད་ཀྱི་ཐམས་ཅད་དུ་སྦྱིན་པ་ལས་སྙིང་
[209a.3]རྗེ་ཁྱད་པར་དུ་གྱུར་པ་ཡིན་ནོ་ཞེས་བྱ་བའི་ཚིག་གིས་སོ། །འོ་ན་མ་#དྲི་སྐྱེས་བུ་གཞན་ལ་བྱིན་པས་འཁྲུགས་པར་མ་གྱུར་ཏམ་ཞེ་ན་མ་ཡིན་ཏེ། ཁྱིམ་ཐབ་དང་བྲལ་བའི་མྱ་ངན་གྱི་ཁུར་གྱིས་ནོན་པར་གྱུར་པའི་ཕྱིར་ཏེ། སློང་བ་ལ་མི་བཟློག་པའི་#རང་བཞིན་ཡིན་པས་སོ། །དེ་ལ་
[209a.4]མིག་ཚུགས་ལྟ་ཞིང་བྲིས་#བཞིན་འདུག། །ཅེས་བྱ་བ་ཅིའི་ཕྱིར་ཞེ་ན། སྔོན་མེད་པའི་སྡུག་བསྔལ་གྱི་ཁུར་གྱིས་ནོན་པའི་ཕྱིར་རོ། །བྲིས་#བཞིན་ཞེས་བྱ་བ་ནི་གཡོ་བ་མེད་པ་དང་། མིག་འབྱེད་པ་དང་འཛུམས་#པ་མེད་པའི་ཕྱིར་རོ། །ཡ་རབས་མ་རབས་ཆོས་གཉིས་#ནི། །
[209a.5]ཞེས་བྱ་བ་ལ། དམ་པ་དང་དམ་པ་མ་ཡིན་པ་ནི་ཡ་རབས་དང་མ་རབས་སོ། །དེ་གཉིས་ཀྱི་ཆོས་ནི་ཡ་རབས་མ་རབས་ཀྱི་ཆོས་གཉིས་སོ། །མ་རབས་ཀྱི་ཆོས་ནི་གཞན་གྱི་བུད་མེད་ལ་འགྲོ་བའོ། །འདི་ནི་ཡ་རབས་ཀྱི་ཆོས་ཏེ། རང་གི་ཆུང་མ་གཞན་#ལ་སྦྱིན་པའོ། །དམ་
[209a.6]པ་དང་དམ་པ་མ་ཡིན་པ་ནི་ཡ་རབས་མ་རབས་ཏེ། །ཇི་ལྟར་ཁྱད་པར་རེ་ཆེ་སྙམ་ན། བདག་ཉིད་མ་སྦྱངས་པ་རྣམས་ནི། །སུས་ཀྱང་ཡིད་ཆེས་མི་ནུས་སོ། །ཞེས་སྨོས་ཏེ། འདི་ལྟར་དམ་པ་ཡིན་པས་དེ་#ནི་ངེས་པ་ཡིན་པའི་ཕྱིར་རོ། །དེ་ལྟར་མ་#རབས་ཀྱི་ཆོས་ཀྱི་རང་གི་ངོ་བོ་བསྟན་
[209a.7]ནས། ཡ་རབས་ཀྱི་ཆོས་ཀྱི་སྨྲ་བ་ལས་བརྩམས་པ། འདོད་ཆགས་བྲལ་བར་མ་གྱུར་པས། །ཞེས་བྱ་བའི་ཚིགས་བཅད་སྨོས་ཏེ། རྒྱུ་གསུམ་གྱིས་ནི་ཉོན་མོངས་པ་སྐྱེ་བར་འགྱུར་ཏེ། །ཕྲ་རྒྱས་སྤངས་པར་མ་གྱུར་དང་། །ཡུལ་ནི་ཉེ་བར་གནས་པ་དང་། །ཚུལ་བཞིན་
[209b]
[209b.1]མ་ཡིན་ཡིད་བྱེད་ལས། །ཉོན་མོངས་རྒྱུ་ནི་ཚང་བ་ཡིན། །ཞེས་བྱ་བའི་ཚིག་གིས་སོ། །དམ་པ་རྣམས་ནི་སེམས་རྒྱ་ཆེ་བ་ཡིན་པས་#ཡུལ་མངོན་དུ་གྱུར་ཀྱང་ཉོན་མོངས་པ་འགོག་ཅིང་ཉོན་མོངས་པ་ཀུན་ཏུ་མི་སྤྱོད་པ་ཡིན་ཏེ། དེ་བས་ན་རྒྱུ་མ་ཚང་བས་ཉོན་མོངས་པ་
[209b.2]མི་སྤྱོད་པ་ཡིན་ནོ་ཞེས་བསྟན་ཏོ། །འདོད་ཆགས་དང་མ་བྲལ་བ་ནི་འཇིག་རྟེན་པའི་ལམ་གྱིས་ཉོན་མོངས་པ་འགོག་པའོ། །ཅིག་ཤོས་ནི་འདོད་ཆགས་ཀྱི་ཕྲ་རྒྱས་སྤངས་པ་ཡིན་ཏེ། ད་#བུ་དང་ཆུང་མ་ལ་དགའ་བ་ཉིད་ཀྱང་མེད་དེ། དེ་བས་ན་ཉོན་མོངས་པ་འགོག་
[209b.3]པ་མེད་པའང་#བསྟན་ཏོ། །འདོད་ཆགས་དང་བྲལ་བར་མ་གྱུར་པ་ཞེས་སྨོས་པ་འདིས་ནི་འདོད་ཆགས་སྐྱེ་བའི་རྒྱུ་བསྟན་ཏོ#། །བུ་སྨད་རབ་ཏུ་སྡུག་པ་དང་། །ཅེས་བྱ་བ་འདིས་ནི་རྒྱ་ཆེ་བའི་ཡུལ་དང་ཉེ་བ་ཉིད་དུ་བསྟན་ཏོ། །དེ་ལྟར་མ་ཆགས་སྦྱིན་བྱེད་པ། །ཞེས་བྱ་བ་ལ།
[209b.4]འདིར་#འདོད་ཆགས་པ་ནི་སྲེད་པའི་འདོད་ཆགས་སམ་ཆགས་པའོ། །ཆགས་པ་དང་བྲལ་བ་ནི་གང་གི་#ཕྱིར་མ་ཆགས་པའོ། །དེ་ལྟར་ཞེས་བྱ་བ་ནི་འདི་ལྟར་མངོན་སུམ་ཉིད་དུ་བསྒོམ་#པ་བསྟན་ཏེ། འདིས་ནི་ཚུལ་བཞིན་མ་ཡིན་པ་ཡིད་ལ་བྱེད་པ་མེད་པ་ཉིད་དེ། དེ་ལྟར་ཡ་
[209b.5]རབས་དང་མ་རབས་#ཀྱི་ཆོས་གཉིས་ཤིན་ཏུ་ཁྱད་པར་ཆེ་བ་ཉིད་དུ་བསྟན་ཏོ། །ཉི་མའི་འོད་ཀྱིས་ཞེས་བྱ་བ་ལ་ཉི་མའི་འོད་ནི་ཉི་མའི་#གཟི་བརྗིད་དོ། །གཞན་གྱི་འོད་ནི་ཟླ་བ་སོགས་པའི་འོད་དོ། །ཉི་མའི་འོད་ཀྱིས་ཞེས་བྱ་བ་དང་། བསྒྲགས་པ་ཞེས་བྱ་བར་སྦྱར་རོ། །ཁྱོད་ཀྱི་ཡོན་
[209b.6]ཏན་ཆགས་པའི་གཏམ་དག་གིས། །ཞེས་བྱ་བ་ལ་ཆགས་པའི་གཏམ་གང་ཡིན་ཞེ་ན། དེ་བསྟན་པའི་ཕྱིར། ཁྱོད་ཀྱི་སྤྱོད་པ་ཞེས་ཚིགས་བཅད་བརྩམས་སོ། །ཇི་ལྟར་ཆགས་པའི་གཏམ་ཡིན་ཞེ་ན། ཆགས་པའི་གཏམ་ཉིད་དུ་ཚིགས་བཅད་ཕྱེད་འོག་མས་བསྟན་ཏོ། །
[209b.7]ཁྱོད་ཀྱི་སྤྱོད་པ་མི་ལས་#འདས། །ཞེས་བྱ་བ་གང་ཡིན་ཞེ་ན། ཚིགས་བཅད་ཕྱེད་འོག་མས་བསྟན་ཏོ། །གནོད་སྦྱིན་དྲི་ཟ་ཞེས་བྱ་བ་ལ་སོགས་པས་#གཤོལ་མདའ་འཛིན་ལ་སོགས་པའི་རི་དག་གི་བར་ན་གནས་པའོ། །ལྟོས་འགྲོ་ཞེས་བྱ་བ་སྨོས་པས་ནི་སའི་འོག་ན་གནས་པ་
[210a]
[210a.1]པ་དང་། རྒྱ་མཚོན་གནས་པ་གཟུང་ངོ་། །སུམ་ཅུ་རྩ་#གསུམ་པ་བརྒྱ་བྱིན་ཞེས་བྱ་བ་འདི་#ནི་རི་རབ་ལ་གནས་པ་སྟེ། འདི་ལྟར་ལྷོ་ཕྱོགས་སུ་ཞེས་བྱ་བ་གང་སྔར་བསྟན་པ་སྟོན་པ་ཡིན་ནོ། །བུ་དང་བྲལ་བར་མ་སེམས་ཤིག །ཅེས་བྱ་བ་ཅིའི་ཕྱིར་
[210a.2]ཞེ་ན། ཕ་ནི་བུ་དང་ལྡན་པའི་ཕྱིར་རོ། །རྒྱལ་སྲིད་ཉམས་པའི་མྱ་ངན་མ་བྱེད་ཅིག །ཅེས་བྱ་བ་ནི་གང་གི་ཕྱིར། ཁྱོད་ཀྱིས་མགོན་བྱས་དགོས་བཅས་རྒྱལ་སྲིད་ཅེས་བྱའོ། །འདིར་ཁ་ཅིག་རྒོལ་ཏེ། བྲམ་ཟེ་ལ་ནི་བྱང་ཆུབ་སེམས་དཔའ་སྙིང་བརྩེ་བར་བྱེད་ལ། དམན་
[210a.3]པས་དུ་ཞིང་སྡུག་པའི་བུ་གཉིས་ཅིའི་ཕྱིར་གཏོང་ཞེས་གྲུབ་པའི་མཐའ་ཡོངས་སུ་མ་ཤེས་པ་ཉིད་རྒོལ་ལོ། །དེས་མཆོད་པ་ནི་བདག་ཉིད་སྔོན་བྱང་ཆུབ་སེམས་དཔའི་དུས་སུ་བྱང་ཆུབ་སེམས་དཔས་དུས་གཅིག་ཏུ་ཚོགས་བསགས་པར་བྱའོ་ཞེས་#འདི་ལྟར་དགོངས་པ་ཡིན་ཏེ།
[210a.4]བདག་ཉིད་བཏང་བ་མ་ཡིན་པར་ཇི་ལྟར་ཚོགས་ཡོངས་སུ་རྫོགས་པར་འགྱུར། དེ་ལྟར་བྱང་ཆུབ་སེམས་དཔའ་#ནི་ཚོགས་ཆེན་པོ་དེ་དག་ལས་སྐྱེས་པའོ། །དེ་ལྟར་ན་ཅིའི་ཕྱིར་དུ་བར་བྱེད་ཅེ་ན་ཆོས་ནི་གཉིས་ཏེ། དོན་དམ་པར་བསྟན་པ་དང་། ཀུན་རྫོབ་ཏུ་བསྟན་པའོ། །འདི་ནི་ཀུན་རྫོབ་ཏུ་
[210a.5]བསྟན་པ་སྟེ། ཉམ་ང་བ་དག་ཡིད་དང་བ་བསྐྱེད་#པར་བྱ་བའི་ཕྱིར་རོ། །སྐྱེས་པའི་རབས་འདི་ཉིད་དུ་ཡང་སློབ་དཔོན་གྱིས་བཤད་པ་སྦྱིན་པའི་གེགས་#སུ་འགྱུར་དུ་མ་དོགས་ཤིག། །འདི་ནི་ང་ཡི་ཆོས་སྤྱོད་གྲོགས་ཡིན་ནོ། །ཞེས་བྱ་བ་དང་། སྦྱིན་ལ་དགའ་བ་གོམས་བྱས་ཤིང་། །ཞེས་བྱ་བའི་
[210a.6]ཚིགས་བཅད་འདིས་མི་སྦྱིན་པར་མི་བྱ་བ་ཉིད་དུ་བསྟན་པའི་ཕྱིར་རྩོད་པ་མེད་པ་ཉིད་དོ། །སྤྱོད་པ་དེ་ལ་ཕྱོགས་པ་ཞེས་བྱ་བ་ནི་བྱང་ཆུབ་སེམས་དཔའི་སྤྱོད་པ་དེ་ལ་སོགས་པའི་སེམས་ཅན་ལ་སྟེ། སྨོན་ལམ་#བཏབ་པ་ཞེས་བྱ་བའི་དོན་ཏོ། །བརྙས་པ་མི་བྱ་ཞེས་བྱ་བ་ནི་ཟིལ་
[210a.7]གྱིས་གནོན་པར་མི་བྱ་བ་སྟེ། མོས་པ་སྤྱོད་པ་ལ་གནས་པ་ལའོ#། །གནོད་པ་མི་བྱ་བ་ནི་སར་ཆུད་པའི་སེམས་ཅན་གྱི་ཁྱད་པར་གྱི་ཡོན་ཏན་དང་ལྡན་པར་ཐོས་པས་དེ་ལ་#མི་མོས་པར་མི་བྱའོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་ཐམས་ཅད་
[210b]
[210b.1]སྒྲོལ་གྱི་སྐྱེས་པའི་རབས་སོ།། །།རང་གི་བསོད་ནམས་ཀྱི་མཐུ་ཐོབ་པ་ཞེས་བྱ་བ་འདིས་ནི་སྐལ་བ་ཕུན་སུམ་ཚོགས་པའོ། །རྒྱལ་ཕྲན་ཐམས་ཅད་ཕྱག་འཚལ་བ། །ཞེས་བྱ་བ་འདིས་ནི་སྤྲོ་བ་ཕུན་སུམ་ཚོགས་པ་བསྟན་ཏོ། །བདག་དང་གཞན་གྱི་འཁོར་ལ་
[210b.2]སོགས་པའི་གནོད་པ་རབ་ཏུ་ཞི་བས་འཚེ་#བ་མེད་པ་ཞེས་བྱ་བ་འདིས་ནི་གསང་ཚིག་གི་ནུས་པ་བསྟན་ཏོ། །གདུགས་ཟླ་མེད་པ་བགོ་སྐལ་གྱི་རིམ་པས་ཐོབ་པ་ཞེས་བྱ་བ་འདིས་ནི་གཙོ་བོའི་ནུས་པ་བསྟན་ཏོ། །ཆོས་ཀྱི་དོན་གཅིག་ཏུ་སྦྱངས་པར་གྱུར་ཏེ། ཇི་ལྟ་བུ་#ཞེ་ན། ཐུབ་
[210b.3]པ་བཞིན་དུ་ཞེས་སྨོས་སོ། །ཇི་ལྟར་ཆོས་དོན་གཅིག་ཏུ་སྤྱོད་པ་ཡིན་ཞེ་ན། དངོས་པོ་ཀུན་གྱིས་འགྲོ་ལ་ཕན་བྱེད་པ། །ཞེས་སྨོས་ཏེ། དངོས་པོ་ཐམས་ཅད་ཀྱིས་#ཕན་པའི་ཕྱིར་རོ། །ཅིའི་ཕྱིར་དེ་ལྟར་གྱུར་པ་ཡིན་ཞེ་ན། དབང་པོ་ཐུལ་བའི་ཕྱིར་དང་། འབྲས་བུ་
[210b.4]སྨད་པ་སྤྱད་པ་ལ་མ་ཆགས་པའི་ཕྱིར་རོ། །ཡང་ན་དངོས་པོ་ཀུན་གྱིས་ཕན་པ་#བྱེད་པར་འགྱུར་ཏེ། ཅིའི་ཕྱིར་ཞེ་ན། དབང་པོ་ཐུལ་བའི་ཕྱིར་དང་། ཆོས་དོན་གཅིག་ཏུ་#བྱེད་པས་འབྲས་བུ་སྨད་པ་སྤྱད་པ་ལ་མ་ཆགས་པའི་ཕྱིར་ཏེ། འདིས་ནི་ནོར་#གྱི་འདོད་པ་ལ་ཆགས་པ་
[210b.5]མེད་པར་#བསྟན་ཏེ། འབྲས་བུ་ཞེས་སྨོས་པས་སོ། །ཇི་ལྟ་བུ་ཞེ་ན། ཐུབ་པ་བཞིན་ནོ། །ཆོས་དོན་གཅིག་ཏུ་བྱེད་ཅེས་བྱ་བ་དེའི་རྒྱུ་ཡང་བསྟན་པ་ཡིན་ཏེ། རང་གི་དོན་ལས་བརྩམས་པའོ། །ད་ནི་གཞན་#གྱི་རྒྱུ་ལས་ཀྱང་སྨྲས་པ་ཡིན་ཏེ། གཞན་གྱི་མཚན་ཉིད་ལས་
[210b.6]བརྩམས་ནས། སྐྱེ་དགུ་རྣམས་ཞེས་བྱ་བའི་ཚིགས་བཅད་སྨོས་སོ། །གཙོ་བོ་རྣམས་ཀྱི་སྤྱོད་པ་ནི་གཙོ་བོའི་སྤྱོད་པའོ། །དེའི་རྗེས་ནི་གཙོ་བོའི་སྤྱོད་པའི་རྗེས་ཏེ། སྒྲུབ་པ་གང་ལ་ཡོད་པའི་རང་བཞིན་ནི་གཙོ་བོའི་རྗེས་སྤྱོད་རང་བཞིན་ནོ། །གཙོ་བོ་ནི་ཁྱད་པར་དུ་གྱུར་པའོ། །
[210b.7]སྔར་བསྟན་པའི་ཆོས་དོན་གཅིག་ཏུ་སྤྱོད་པ་དང་། དངོས་པོ་ཀུན་གྱིས་#འགྲོ་ལ་ཕན་བྱེད་པ། །ཞེས་པ་#དེ་གཉི་ག་བསྟན་པའི་ཕྱིར། ནོར་ཡང་བྱིན་ཞེས་བྱ་བའི་ཚིགས་བཅད་སྨོས་སོ། །ཚིགས་བཅད་འདིས་ནི་བདག་དང་གཞན་གྱི་#དོན་ལས་བརྩམས་ཏེ་ཕ་རོལ་ཏུ་ཕྱིན་པ་དྲུག་
[211a]
[211a.1]བསྟན་ཏོ། །སྦྱིན་པ་དང་། ཚུལ་ཁྲིམས་དང་། བཟོད་པས་ནི་བདག་གི་དོན་ཕུན་སུམ་ཚོགས་པ་སྟེ། སྦྱིན་པ་ལ་སོགས་པ་ཕ་རོལ་ཏུ་ཕྱིན་པ་གསུམ་ནི་ལོངས་སྤྱོད་ཀྱི་བདག་ཉིད་སྲིད་པའི་གཡོག་འཁོར་ཕུན་སུམ་ཚོགས་པའི་རྒྱུར་གྱུར་པའི་ཕྱིར་རོ། །འགྲོ་
[211a.2]བའི་དོན་ཡང་སྤྱོད་ཅེས་བྱ་བ་འདིས་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་བསྟན་ཏོ། །འགྲོ་ལ་ཕན་སེམས་མཐོང་ན་ཞི་བར་སྣང་། །ཞེས་བྱ་བ་ནི་སྐྱེ་དགུ་རྣམས་ལ་ཕན་པས་ན་འགྲོ་ལ་ཕན་པའོ། །འགྲོ་བའི་དོན་ལ་ཕན་པའི་ལྷག་པའི་བསམ་པ་ཡོད་པ་ནི་འགྲོ་ལ་
[211a.3]ཕན་པའི་སེམས་སོ། །དེ་མཐོང་ན་ཞི་བར་སྣང་བ་གང་ཡིན་པ་དེ་ནི་འགྲོ་ལ་ཕན་སེམས་མཐོང་ན་ཞི་བར་སྣང་བ་སྟེ། འདིས་ནི་བསམ་གཏན་དང་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་ཏོ། །སེམས་ཞེས་བྱ་བ་སྨོས་པས་ནི་ཐབས་ལ་#མཁས་པའི་རྣམ་པ་སྟེ། མཁས་
[211a.4]པའི་རྣམ་པ་ནི་ཤེས་རབ་སྟེ། དེ་ཡང་སེམས་རྩེ་གཅིག་པས་བྱས་པར་བསྟན་པའི་ཕྱིར་གཉི་ག་སྨོས་སོ། །དོན་ཡང་སྦྱོད་ཅེས་བྱ་བ་འདིས་ནི་སྦྱོར་བ་ཕུན་སུམ་ཚོགས་པ་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །འགྲོ་ལ་ཕན་སེམས་ཞེས་བྱ་བ་འདིས་#ནི་བསམ་པ་ཕུན་
[211a.5]སུམ་ཚོགས་པ་བསྟན་ཏེ། བསམ་གཏན་དང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་གཉིས་ཀྱིས་སོ། །བག་མེད་པའི་དབང་གིས་ཁ་ཅིག་ཏུ་ཐན་པ་འབྱུང་བས་འཁྲུག་ཅིང་གནོད་པར་གྱུར་ཏོ་ཞེས་བྱ་བ་ལ། ཆར་འབབ་མི་མཁས་པས་ཁ་ཅིག་ཏུ་ཐན་པ་འབྱུང་བ་དེས་
[211a.6]འཁྲུགས་#པའོ། །གང་དག་ཅེ་ན། སེམས་ཅན་རྣམས་སོ། །ཆོས་ལེགས་པར་མ་སྤྱད་#པ་ཞེས་བྱ་བ་ལ། ངན་པར་སྤྱད་པ་ནི་ལེགས་པར་མ་སྤྱད་པ་སྟེ། དེ་བས་ན་མ་རུངས་པར་གྱུར་པ་ནི་གོམས་པར་གྱུར་པའོ། །དེའི་སྡུག་བསྔལ་ནི་འགྲོ་བའི་སྡུག་བསྔལ་ལོ། །
[211a.7]དེ་ལས་ཐར་པར་བྱ་བའི་ཐབས་ནི་སྐྱེ་དགུ་རྣམས་སྡུག་བསྔལ་ལས་འདོན་པའི་ཐབས་སོ། །རྣམ་པ་དུ་མའི་སྲོག་ཆགས་དག་ནི་སྲོག་ཆགས་དུ་མའོ། །དེ་དག་གསོད་ཅིང་འཇིགས་འཇིགས་སྐད་ཟེར་བའི་སྲོག་ཆགས་དུ་མ་གསོད་པར་རྩོམ་པ་དེ་གང་དུ་གནོད་སྦྱིན་ནོ། །ཡིད་ལ་འབབ་པ་
[211b]
[211b.1]ཞེས་བྱ་བ་ནི་བསམ་པའོ། །ངོ་ཟློགས་#ཕོད་པ་ཉིད་ཚིག་རྩུབ་པ་ཡིན་པས་ངོ་ཟློགས་#ཕོད་པའི་ཚིག་རྩུབ་པོ། །ཡང་ན་དོ་ཟློགས་#ཕོད་པའམ་ཚིག་རྩུབ་པོ་ནི་ངོ་ཟློགས་#ཕོད་པའི་ཚིག་རྩུབ་པའོ། །སེལ་བར་བྱེད་པ་ནི་གཅོད་པར་བྱེད་པའོ། །ཆོས་ཀྱི་གཏམ་ཉིད་ནི་ཆོས་ཀྱི་#གཏམ་
[211b.2]མོ། །ཆོས་ཀྱི་གཏམ་གྱི་སྐབས་ནི་ཆོས་ཀྱི་གཏམ་བྱ་བའི་སྐབས་ཏེ། དེའི་སྐབས་ཀྱི་གོ་སྐབས་རྙེད་པ་གང་ཡིན་པ་དེ་ནི་ཆོས་ཀྱི་གཏམ་བྱ་བའི་སྐབས་རྙེད་པའོ། །བསམ་པ་ནི་མངོན་པར་སེམས་པའོ། །གང་དུ་དུས་ལས་མི་འདའ་བ་ནི་#གང་གི་ཚེ་དམིགས་པ་ཡོངས་
[211b.3]སུ་སྲུང་བར་བྱེད་པ་དེའི་ཚེ་སྙིང་རྗེ་བས་སོ། །དེ་དག་ས་གཞི་ལེགས་པར་ཡོངས་སུ་སྐྱོང་བའི་བྱ་བ་གང་ཡིན་པ་དེ་དག་ནི་བགྱི་བ་སྟེ། བགྱི་བ་ལས་མི་འདའ་བའོ། །རིམ་པ་གང་གིས་བྱ་བ་དེ་ནི་དུས་ལས་མི་འདའ་བའོ། །ཆོས་དང་བདེ་བ་བཞིན་ཞེས་བྱ་བ་ནི་དུས་ལས་
[211b.4]ཀྱང་མི་འདའ་བ་སྟེ། དེ་དག་གི་ཆོས་དང་བདེ་བ་རྣམས་ལས་མི་འདའ་བ་དེ་བཞིན་ནོ། །འཁོར་གསུམ་བསྟན་#ལ་མཁས་པར་གྱུར་པ་དང་། །ཞེས་བྱ་བ་བསྟན་མ་ཐག་པའི་ཚིགས་བཅད་དུ་ཇི་སྐད་#བཤད་པའོ། །དེ་བཞིན་དུ། །འབངས་ལ་ཕན་ཕྱིར་གནམ་རུ་#བསྣམས་པ་དེ། །ཞེས་
[211b.5]བྱ་བ་ནི། ལྟ་བ་ངན་པས་ཉམས་པའི་སྐྱེ་དགུ་དག །ཅིའི་ཕྱིར་ཡལ་བར་དོར་ཞེས་བྱ་བ་དང་སྦྱར་བར་བྱའོ། །མཐོ་རིས་འདོད་པས་འདི་སྐད་སྟོན་ཏེ། མཐོ་རིས་ཐེམ་སྐས་ཞེས་བྱ་བ་ནི་མཐོ་རིས་ཀྱི་ལམ་མོ། །བག་མེད་པ་ཉིད་ལམ་ཡིན་པས་བག་མེད་པའི་དབང་ངོ་། །མཐོ་རིས་
[211b.6]ཀྱི་ཐེམ་སྐས་དེ་ལ་བག་མེད་པའི་དབང་གིས་#ཡུན་རིང་པོར་ལྷན་ཅིག་ཏུ་བག་མེད་པའི་དབང་དུ་#གྱུར་པའོ། །བག་མེད་པའི་དབང་གིས་ནི་མཆོད་སྦྱིན་བྱ་བའི་དུས་ལས་འདས་པ་ཉིད་དུ་སྟོན་ཏོ། །ཁྱོད་ཀྱི་བཀའ་ནི་#ཞེས་བྱ་བའི་ཚིགས་བཅད་འདི་བརྩམས་པ་ནི་གལ་ཏེ་འདི་ལྟར་
[211b.7]ཡང་འགྱུར་ཏེ། མ་ཐོབ་པ་ཐོབ་པར་འདོད་པ་དང་ལྷག་མ་ཡོད་དོ་ཞེས་པ་མེད་པ་དེ་མེད་པར་#བསྟན་པའི་ཕྱིར་རོ། །ཡང་ན་སྟོབས་དང་ལྡན་པས་#ཀུན་ནས་རྣམ་པར་འགལ་བ་དེ་མེད་པ་སྟེ#། མཆོད་སྦྱིན་དང་འགལ་བར་བརྩམས་པར་མི་འགྱུར་རོ་ཞེས་བསྟན་ཏོ། །ཡང་ན་
[212a]
[212a.1]ཡོངས་སུ་སྲུང་བ་རྣམ་པར་སྤེལ་#བའི་སྐབས་ཐོབ་པའི་ངོ་བོ་བསྟན་ཏེ། གང་གི་ཕྱིར་རྒྱལ་ཕྲན་དག་བཀའ་བཞིན་དུ་བྱེད་པ་དེ་དང་ལས་གང་ཐོབ་པ་ལ་སོགས་#རྙེད་པའོ། །ཡོངས་སུ་སྲུང་བ་ལས་བྱུང་བ་ཡང་བསྟན་ཏོ། །ད་ནི་སྟེགས་མང་པོ་ལ་སྒྲུབ་པ་ཙམ་
[212a.2]གྱིས་#ལྷག་མ་དེའི་སྐབས་འདི་ཞེས་བསྟན་ཏོ། །ལེགས་པ་དག་ཅེས་བྱ་བ་ནི་བསོད་ནམས་ཏེ། མངོན་པར་མཐོ་བའི་རྒྱུར་གྱུར་པས་སྟེགས་ལ་རབ་ཏུ་སྒྲུབ་པ་ནི་ལེགས་པ་ཞེས་བརྗོད་དེ། འདིས་ནི་འཇིག་རྟེན་ཕ་རོལ་གྱི་འབྲས་བུ་ཆེན་པོ་ཉིད་དོ། །གྲགས་འབར་ཞེས་
[212a.3]བྱ་བ་ནི་མཐོང་བའི་ཆོས་ཀྱི་འབྲས་བུ་ཉིད་དོ། །དུས་ལ་བབ་ཅེས་བྱ་བ་ནི་གང་སྔར་བསྟན་པའི་བག་མེད་དབང་གྱུར་ཞེས་བྱ་བ་དེའི་གཉེན་པོས་དུས་དེ་ལས་མི་འདའ་བས་ལས་ལ་གཟུང་བ་ཡིན་ནོ། །སྦྱིན་པ་མཛད་ཅིང་ཞེས་བྱ་བའི་ཚིགས་བཅད་འདི་ནི་འདི་ལྟར་འགྱུར་ཏེ། རྟག་ཏུ་
[212a.4]དབང་བསྐུར་ཞིང་རྒྱུན་དུ་དབང་བསྐུར་བ་ཉིད་དེ། སྦྱིན་པ་དང་ཚུལ་ཁྲིམས་དང་ལྡན་པའི་ཕྱིར་རོ། །འོན་ཀྱང་ཞེས་བྱ་བ་ནི་བྱ་བ་གཞན་དག་བསྟན་པའི་ཕྱིར་རོ། །དབང་བསྐུར་ཀྱང་ཞེས་བྱ་བ་ནི་ཇི་ལྟར་དབང་བསྐུར་བར་#གྱུར་ཀྱང་ངོ་། །ལྷ་ཡི་བུ་ལོན་བྲལ་བར་མཛད་པའི་རིགས#། །
[212a.5]ཞེས་བྱ་བ་འདིས་ནི་རང་གི་དོན་ཕུན་སུམ་ཚོགས་པ་འགྲུབ་པའི་དབང་དུ་བྱས་ནས་བརྩམས་པའི་ཁྱད་པར་བསྟན་ཏོ། །ད་#ནི་སྐྱེ་དགུ་རྣམས་ཀྱི་ཕུན་སུམ་ཚོགས་པ་འགྲུབ་པའི་དབང་དུ་བྱས་ནས་མཆོད་སྦྱིན་ལེགས་པར་བགྱིས་པས་ཞེས་བྱ་བའི་#ཚིགས་བཅད་དོ། །དེ་བས་
[212a.6]འབངས་ལ་ཕན་པའི་ཕྱིར་ཞེས་བྱ་བ་ནི་མཆོད་སྦྱིན་ལེགས་པར་བྱས་པས་ལྷ་#མཉེས་པར་གྱུར་ཏེ་ཆར་གྲུབ་པའི་ཕྱིར་རོ། །བདག་ལ་ཕན་པའི་ཕྱིར་ཞེས་བྱ་བ་ནི་དགྲ་ལས་རྣམ་པར་གྲོལ་བའོ། །གྲགས་པར་འགྱུར་བའི་ཞེས་བྱ་བ་ནི་གཉིས་ཀར་གྲགས་པར་འགྱུར་བ་ཉིད་ཀྱི་མཆོད་
[212a.7]སྦྱིན་གྱི་ཆོ་གའོ། །གཞན་གྱི་དྲིང་ལ་འཇོག་པ་ནི་གཞན་གྱི་དྲིང་འཇོག་པའོ། །ཡང་ན་གཞན་གྱིས་#བཀྲིར་རུང་བ་ནི་གཞན་གྱི་དྲིང་ལ་འཇོག་པ་སྟེ། དད་པ་སྐྱེ་བ་ལ་རག་ལུས་པའོ། །བློ་#ཆུང་བའི་འགྲོ་བ་གང་ཡིན་པ་དེ་ནི་གཞན་གྱི་དྲིང་ལ་འཇོག་ཅིང་བློ་ཆུང་བའི་འགྲོ་
[212b]
[212b.1]བའོ། །སྤྱོད་མི་ནུས་པ་ནི་རིག་#པ་ལ་ཉེ་བར་གནས་པའི་སེམས་#མེད་པས་སོ། །ཆོས་ཙམ་ལ་དགའ་བ་ཞེས་བྱ་བ་ནི་བསོད་ནམས་འདོད་པའོ། །ཆོས་ནི་འདིར་ཆོས་ཀྱི་འབྲས་བུ་ལ་རིག་#པར་བྱའོ། །འཇིག་རྟེན་དག་ན་ཞེས་བྱ་བའི་ཚིགས་བཅད་འདིས་ནི་ཚད་མར་བྱས་
[212b.2]ན་སྐྱེ་བོ་མང་པོ་ལ་ཕན་པ་དང་མི་མཐུན་པ་ཡིན་ཏེ། ལོང་བས་བསྟན་པའི་ལོང་བའི་སྐྱེ་བོ་བཞིན་ནོ། །ངན་སོང་མི་བདེ་དོགས་པའི་ནང་ན་འཁོད། །ཅེས་བྱ་བ་ནི་བསོད་#པ་ནི་ཆོས་སུ་སྦྱོར་བའི་བྱེད་པ་པོ་དེ་ཉིད་ཀྱང་ངན་སོང་མི་བདེ་བ་དོགས་པའི་ནང་ན་འཁོད་པར་བསྟན་ཏོ། །
[212b.3]ད་ནི་དེ་ཉིད་སྒྲུབ་པའི་ཕྱིར། ཕྱུགས་རྣམས་བསད་པས་ཞེས་བྱ་བ་ལ་སོགས་པའི་ཚིགས་སུ་བཅད་པ་ལྔ་སྨོས་ཏེ། དེ་ལས་ཕྱུགས་རྣམས་བསད་པས་ཞེས་བྱ་བའི་ཚིགས་བཅད་འདི་ནི་དམ་བཅས་པའི་ཚིགས་བཅད་དེ་སྒྲུབ་པའི་རྗེས་སུ་བསྟན་པས་སོ། །འདིའི་བསྡུས་
[212b.4]པའི་རྒྱུ་དང་འབྲས་བུའི་མཚན་མའི་རྟགས་ཀྱི་དབང་དུ་བྱས་པ་སྟེ། ཆོས་ཀྱི་རྒྱུ་ནི་ཕྱུགས་རྣམས་གསོད་#པའོ། །དེ་ནི་མི་རིགས་པ་ཁས་ལེན་པ་སྟེ་འདིས་ནི་ལྷའི་འཇིག་རྟེན་དུ་སྐྱེ་བ་ཞེས་བྱ་བ་ནི་སྐྱེ་བའི་འབྲས་བུ་དེ་ཡང་མི་རིགས་པ་ཉིད་དུ་དམ་བཅས་པ་ཡིན་ནོ། །ལྷ་མཉེས་
[212b.5]པའི་ཆེད་དུ་ཞེས་བྱ་བ་དེ་ཡང་མི་རིགས་པ་ཉིད་དུ་དམ་བཅའ་བ་#ཡིན་ཏེ། ཕྱུགས་རྣམས་བསད་པ་#ཞེས་བྱ་བའི་ཚིགས་བཅད་འདི་ནི་ཇི་ལྟར་མཆོད་སྦྱིན་#པ་དེ་དག་ཕྱུགས་རྣམས་བསད་པ་ཆོས་ཉིད་དུ་རིགས་པར་སྟོན་པར་བྱེད་དེ། དེ་མི་རིགས་པའི་དབང་དུ་བྱས་ནས་ཕྱུགས་
[212b.6]རྣམས་བསད་པས་ཞེས་བྱ་བའི་ཚིགས་བཅད་སྨྲས་སོ། །སྔགས་ཀྱི་མཐུས་ཞེས་བྱ་བ་ནི་གང་གི་ཕྱིར་མཆོད་སྦྱིན་པ་དེ་དག་ཕྱུགས་བསད་པ་ཉི་ཚེས་ནི་ཆོས་ཉིད་དུ་མི་སྟོན་ཏེ་འོན་ཀྱང་སྔགས་ཀྱི་མཐུ་དང་ལྡན་པས་བསད་ན་ནི་མཐོ་རིས་སུ་འགྲོ་བ་ཡིན་ཏེ། ཅིའི་ཕྱིར་ཞེན། སྔགས་
[212b.7]ཀྱི་མཐུས་བསད་ན་དེ་ཡང་རྒྱུ་སྦྱོར་བ་དང་མངོན་པར་མཐོ་བ་ལ་སྦྱོར་བའི་བྱེད་པ་པོ་དང་། གསད་#པར་བྱ་བ་ཉིད་ཀྱིས་#མཐོ་རིས་ཀྱི་རྒྱུ་ཡིན་པས་གཞན་གྱི་ཁ་ན་མ་ཐོ་བ་མེད་ཅིང་བདེ་བ་དང་ཕན་པ་ལ་འཇུག་པའི་ཆོས་ཏེ། ཆོས་དེ་ནི་ལྷའི་འཇིག་རྟེན་དུ་སྐྱེ་བའི་རྒྱུའོ། །སྔགས་ཀྱི་མཐུས་
[213a]
[213a.1]བསད་པའི་ཕྱུགས་མཐོ་རིས་སུ་འགྲོ་བ་#ག་ལས་ཤེ་ན། གཞན་གྱིས་བྱས་པའི་ལས་ཀྱིས་གཞན་གྱི་འབྲས་བུར་སྨིན་ཅིང་སྟེར་བ་མི་རིགས་པ་ཡིན་ཏེ། གཞན་གྱི་རྒྱུད་ཀྱི་སེམས་ཀྱིས་བྱས་པ་ནི་བྱེད་པ་པོ་དེ་ཉིད་ལ་དགེ་བ་དང་མི་དགེ་བར་འགྱུར་བ་ཡིན་གྱི། གཞན་ལ་ནི་མ་
[213a.2]ཡིན་ཏེ། ཅིའི་ཕྱིར་ཞེན། བསད་པ་དང་དེ་ཉིད་དུ་འབྲེལ་པ་མེད་པའི་ཕྱིར་རོ། །བསད་པ་དང་#དེ་ཆོས་དང་མཐུན་པ་ཡིན་པ་ལ། བསད་པ་འབྲས་བུ་དང་ལྡན་པར་གྱུར་ན་ཡང་བདག་ཉིད་ཀྱི་ལྷའི་འཇིག་རྟེན་དུ་སྐྱེ་བ་དེ་མེད་པས་དེ་#ཡང་མེད་དོ། །དོན་འདི་ཉིད་སྒྲུབ་པའི་ཕྱིར་ལོག་
[213a.3]པར་སྤྱོད་པས་ཞེས་བྱ་བའི་ཚིགས་བཅད་སྨོས་སོ། །གཞན་གྱིས་བསད་#པའི་ཕྱུགས་མཐོ་རིས་སུ་མི་འགྲོ་སྟེ། བསམ་པ་དང་སྦྱོར་བ་གཉིས་ཀྱིས་དགེ་བ་དང་མི་དགེ་བའི་རྟགས་མེད་པའི་ཕྱིར་རོ། །ལོག་པར་སྤྱོད་པས་ཡིད་ནི་མ་བཟློག་#ཅིང་། །ཞེས་བྱ་བ་འདིས་ནི་སྡིག་པ་#ལས་
[213a.4]ལྡོག་པ་མེད་པ་བསྟན་#པ་སྟེ་བསམ་པས་སོ། །དགེ་བའི་ལས་ལ་ངེས་པར་མ་བྱས་པ། །ཞེས་བྱ་བ་འདིས་ནི་བསམ་པ་དང་སྦྱོར་བ་གཉིས་ཀྱིས་#དགེ་བ་ལ་འཇུག་པ་མེད་པར་བསྟན་ཏོ། །སེམས་པ་ནི་རྣམ་པ་གསུམ་སྟེ། ཀུན་ཏུ་སྦྱོར་བ་དང་། ངེས་པར་སེམས་པ་དང་ཚོལ་
[213a.5]བའོ། །ཀུན་ཏུ་སྦྱོར་བ་དང་། ངེས་པར་སེམས་པས་བསྐྱོད་པའི་སེམས་ཀྱིས་ལས་ངེས་པར་བྱེད་པ་ཉིད་ན། འདིས་ནི་དེ་དག་མེད་པས་སྦྱོར་བ་མེད་པར་བསྟན་ཏེ། དགེ་བའི་མཚམས་སྦྱོར་བ་མེད་པར་བསྟན་པའི་ཚུལ་ལོ། །ཡང་ན་ཕྱུགས་ནི་མཐོ་རིས་སུ་མི་འགྲོ་
[213a.6]སྟེ། རང་གིས་#བྱས་པའི་དགེ་བ་མེད་པའི་ཕྱིར་རོ། །དགེ་བ་ལ་ཡང་རྣམ་པ་གཉིས་ཏེ། ལྡོག་པ་དང་། འཇུག་པའི་མཚན་ཉིད་དོ། །མི་དགེ་བ་དག་#ལས་ལྡོག་པ་ནི་བསམ་པ་དང་སྦྱོར་བ་གཉིས་ཀྱིས་སོ། །དགེ་བ་དག་ལ་འཇུག་པ་ལ་ཡང་བསམ་པ་དང་སྦྱོར་བ་གཉིས་
[213a.7]ཀྱིས་སོ། །ཡིད་ངེས་པ་#ཞེས་བྱ་བས་ནི་མི་དགེ་བ་ལས་བསམ་པས་#ལོག་པ་མེད་པ་དང་། དགེ་བ་ལ་འཇུག་པའི་བསམ་པ་མེད་པར་བསྟན་ཏོ། །དེ་མེད་བ་ལས་#དགེ་བ་ལས་ལྡོག་པའི་སྦྱོར་བ་མེད་པ་དང་། དགེ་བ་ལ་འཇུག་པའི་སྦྱོར་བ་མེད་པར་བསྟན་ཏོ། །བསམ་པ་སྔོན་
[213b]
[213b.1]དུ་འགྲོ་བས་དགེ་བ་དང་མི་དགེ་བ་ལ་འཇུག་པ་དང་ལྡོག་པ་ཡིན་ནོ། །ཕྱུགས་མཐོ་རིས་སུ་འགྲོ་བ་དེ་མི་རིགས་པ་ཉིད་དུ་སྒྲུབ་པའི་ཕྱིར། མཆོད་སྦྱིན་ལ་བསད་ཅེས་བྱ་བའི་ཚིགས་བཅད་སྨོས་སོ། །ཕྱུགས་སུ་ཞེས་བྱ་བ་ནི་ཇི་ལྟར་ཕྱུགས་དག་#མཆོད་སྦྱིན་དུ་བསད་པ་དེ་བཞིན་དུ་ཁྱེད་བདག་
[213b.2]ཉིད་གསོད་པར་བྱེད་པའོ། །མཆོད་སྦྱིན་ལ་ནི་ཚུལ་འདི་ཡིན་ཏེ། བདག་ཉིད་གསོད་པའི་ཚུལ་ལོ། །དེ་#ཕྱིར་དེ་དག་ཚིག་ནི་སུ་ཞིག་ཉན། །ཞེས་བྱ་བ་ནི་ཇི་སྐད་སྨྲས་པ་#དེ་བཞིན་དུ་ནི་#མི་བྱེད་ན་#ནི་ཚིག་བཙུན་པར་མི་འགྱུར་རོ་ཞེས་བྱ་བའི་དོན་ཏོ། །དེ་ལྟར་ལྷའི་འཇིག་རྟེན་དུ་སྐྱེ་བ་མི་རིགས་པར་
[213b.3]བསྟན་ནས། བསྟན་མ་ཐག་པའི་ཚིགས་བཅད་གཉིས་ཀྱིས་ལྷ་མཉེས་པར་འགྱུར་བ་ཉིད་དུ་མི་རིགས་པར་བསྟན་པའི་ཕྱིར། མཚུངས་མེད་མཐུ་བསུང་#ཞེས་བྱ་བའི་ཚིགས་བཅད་སྨོས་སོ། །བསུང་#ཉིད་མཐུ་ཡིན་པས་མཐུ་བསུང་#ངོ་། །མཐུ་བསུང་#དང་། རོ་དང་། གཟི་ནི་#མཚུངས་
[213b.4]མེད་མཐུ་བསུང་#ལྡན་པའོ། །མཚུངས་པ་མེད་#པའི་མཐུ་བསུང་#དང་། རོ་དང་། གཟི་ལྡན་པའི་བདུད་རྩི་གང་ཡིན་པ་དེ་ནི་མཚུངས་པ་མེད་པའི་མཐུ་བསུང་#དང་། རོ་དང་། གཟི་ལྡན་པའི་བདུད་རྩིའོ། །ཟས་མཆོག་ནི་གཙང་བའོ། །ལྷ་མོས་ཕུལ་བ་ཞེས་བྱ་བ་ནི་ལྷ་མོ་མཆོག་
[213b.5]གིས་ཕུལ་བའི་ཡིད་དུ་འོང་བ་ཉིད་དུ་བསྟན་ཏོ། །#དེ་ལྟར་གསུམ་གྱི་#མི་མཐུན་པའི་ཕྱོགས་གསུམ་གྱིས་བསྟན་ཏོ། །མཚུངས་མེད་མཐུ་བསུང་#རོ་དང་གཟི་ལྡན་པ། །ཞེས་བྱ་བ་ནི་ཁྱད་པར་མེད་པའོ། །ཕྱུགས་བསད་ཤ་ཁྲག་ཅེས་བྱ་བ་བསྟན་པ་ལ་མཆོད་སྦྱིན་ལ་ཕྱུགས་ཀྱི་ཤས་རུང་
[213b.6]བ་མ་ཡིན་ནོ། །སྩོགས་པ་སྨོས་པ་ནི་གང་དེར་སྦྱིན་པ་གཞན་དག་ཀྱང་གཟུང་ངོ་། །དེ་ལྟ་བུའི་རྣམ་པའི་ཟས་འདིའི་གཉེན་པོས་#ཕྱུགས་བསད་ཤ་ཁྲག་ཅེས་བྱ་བ་བསྟན་པ་དང་། ལྷ་རྣམས་མགུ་བར་འགྱུར་བ་ཞེས་བྱ་བས་ནི་གང་སྔར་བསྟན་པའི་མཆོད་སྦྱིན་ལེགས་པར་བགྱིས་པས་ལྷ་
[213b.7]མཉེས་ན་ཞེས་བྱ་བ་དེ་མི་རིགས་པར་བསྟན་ཏོ། །ཕན་འདོགས་པ་དང་ལྡན་པར་འགྱུར་རོ་ཞེས་བྱ་བ་གང་གི་ཕྱིར། ཁྱེད་ཅག་གིས་#ང་ལ་རྗེས་སུ་བཟུང་#བ་དང་ལྡན་པ་སྟེ། དེས་ན་#རྗེས་སུ་བཟུང་#བ་ཡིན་པས་ཕན་འདོགས་པ་དང་ལྡན་པར་འགྱུར་བའོ། །
[214a]
[214a.1]བག་མེད་པའི་གཉིད་ཀྱིས་ལོག་པ་གང་ཡིན་པ་དེ་ནི་བག་མེད་པའི་གཉིད་ཀྱིས་མ་ལོག་པ་སྟེ། བག་མེད་པའི་གཉིད་ཀྱིས་མ་ལོག་ཅིང་དྲི་མ་མེད་པ་དེས་སོ། །རྟོག་ཆེན་ཉིད་མིག་ཡིན་པས་རྟོག་ཆེན་མིག་གོ། །རང་གི་ཡུལ་ཁོ་ན་ལ་མཐུན་
[214a.2]པའི་ཆོས་ཀྱིས་ཐོབ་པའི་རྗེས་སུ་དཔག་པའི་ཚུལ་ལོ། །ག་ལ་བགྱིད་ཅེས་བྱ་བ་ནི་རྗེས་སུ་དཔག་པའི་ཚུལ་འདིའི་དོན་ནི་བདག་གིས་མི་ཤེས་སོ་ཞེས་བྱ་བའི་དོན་ཏོ། །དམ་པ་རྣམས་ཀྱི་ཚད་མའི་མཆོག་ནི་ལེགས་པའི་ཚད་མའི་ནང་ན་ཚད་མའི་མཆོག་གོ། །སྐྱེ་བོ་མང་པོས་
[214a.3]མཐོང་བར་གྱུར་པ་ཞེས་བྱ་བ་ནི་སྐྱེ་བོ་ལ་བསྟན་པར་གྱུར་པའོ། །སྡིག་པ་བྱེད་པའི་མི་རྣམས་འཛིན་པའི་ཕྱིར་ཞེས་བྱ་བ་ནི་སྡིག་པ་བྱེད་པའི་སྐྱེ་པོ་གཟུང་བའི་ཕྱིར་རོ། །བརྟན་#ཞིང་གཙང་མ་ཚུལ་ཁྲིམས་ནོར་ལྡན་ཞེས་བྱ་བ་ལ། བརྟན་པའི་ཚུལ་ཁྲིམས་ནི་རྒྱུན་དུ་བསྲུང་#བའི་
[214a.4]ཕྱིར་རོ། །གཙང་མ་ནི་གུས་པར་བྱེད་པའི་ཕྱིར་རོ། །དེ་ཉིད་ནོར་ཡིན་ཏེ། འདོད་པའི་དོན་སྒྲུབ་པའི་ཕྱིར་རོ། །གང་དེ་ལྟ་བུ་དེ་ཉིད་ནི་མི་མཆོག་ཅེས་བརྗོད་དོ། །སྟོང་གིས་ཞེས་བྱ་བ་ནི་སྟོང་ཕྲག་དུ་མའོ། །ཚུལ་མ་ཡིན་པའི་རྗེས་སུ་སྤྱོད་པ་དེ་#བརྙེས་པ་ནི་ཚུལ་མིན་
[214a.5]རྗེས་སྤྱོད་#བརྙེས་པའོ། །དེ་བས་ན་སྡིག་པ་བྱེད་པའི་མི་བཟུང་#བའི་ཕྱིར་རོ་ཞེས་བྱ་བ་ནི་བཟུང་བ་#མཆོག་ཏུ་བྱེད་པའོ། །ཚུལ་ཁྲིམས་དང་སྡོམ་པ་ཡང་དག་པར་བླང་བ་ལ་ནི་འབད་ཅེས་བྱ་བ་ནི་ཚུལ་ཁྲིམས་ཉིད་སྡོམ་པ་ཡིན་པས་ཚུལ་ཁྲིམས་ཀྱི་སྡོམ་པའོ། །ཚུལ་ཁྲིམས་
[214a.6]ཡོད་པའི་ཕྱིར་ཚུལ་ཁྲིམས་ལྡན་པ་སྟེ། འགྱོད་པ་ལ་སོགས་པ་སེམས་ཀྱི་གདུང་བ་མེད་པའི་ཕྱིར་རོ། །ཚུལ་ཁྲིམས་ཁོ་ན་སྡོམ་པ་སྟེ། མི་དགེ་བའི་ལས་སྤངས་པའི་མཚན་ཉིད་ཡིན་པས་སོ། །ཚུལ་ཁྲིམས་ཀྱི་སྡོམ་པ་ཡང་དག་པར་བླང་བ་ནི་ཚུལ་ཁྲིམས་དང་
[214a.7]སྡོམ་པ་ཡང་དག་པར་བླང་བའོ། །དེ་ལ་འབད་ཅིང་མཆོག་ཏུ་བྱེད་པ་དེ་དག་ནི་ཚུལ་ཁྲིམས་ཀྱི་སྡོམ་པ་ཡང་དག་པར་བླང་བ་ལ་འབད་པ་སྟེ། དེ་ལྟར་ཚུལ་ཁྲིམས་ཀྱི་སྡོམ་པ་ལ་ཡང་དག་པར་འབད་པའི་ཕྱིར་རོ། །ཚུལ་མ་ཡིན་པ་ལ་བྱེད་པར་དགའ་བ་ནི་བཏང་ཞེས་
[214b]
[214b.1]བསྟན་པ་ཡིན་ཏེ། འདིས་ནི་དགེ་བའི་ལས་ཀྱི་ལམ་བདུན་པོ་ལུས་དང་ངག་གི་མཚན་ཉིད་ཀྱི་ལྡོག་པ་བསྟན་ཏོ། །དགྲར་འཛིན་པ་ལས་ནི་ཕྱིར་ཕྱོགས་#ཞེས་བྱ་བ་ནི་ཡིད་ཀྱིས་ཞེ་འགྲས་#པ་ལས་ལྡོག་པ་བསྟན་ཏོ། །གཅིག་ལ་གཅིག་དགའ་བ་དང་གུས་པར་
[214b.2]ནི་#བྱེད་ཅེས་བྱ་བ་འདིས་ནི་ཞེ་སྡང་གི་མི་མཐུན་པའི་ཕྱོགས་ཡོན་ཏན་ཡང་དག་པར་བསྟེན་པ་བསྟན་ཏོ། །འཐབ་པ་དང་རྩོད་པ་ཞེས་བྱ་བ་འདིས་ནི་མི་དགེ་བའི་ལམ་དག་གིས་བསྡུས་པ་ལས་ལྡོག་པ་བསྟན་ཏོ། །བླ་མའི་ངག་ཉན་ཞིང་རྗེས་སུ་མཐུན་པར་ནི་བྱེད་
[214b.3]ཅེས་བྱ་བ་འདིས་ནི་གང་ཚུལ་ཁྲིམས་ཀྱི་སྡོམ་པ་བླངས་ཤིང་སྤོང་བ་ལས་སྐྱེས་པའི་དབང་དུ་བྱས་པ་སྟེ། བླ་མས་ནི་མི་དགེ་བ་ལས་ལྡོག་པ་དང་། དགེ་#བ་ལ་འཇུག་པ་བསྟན་ཏོ། །བགོ་བཤའ་བྱེད་པ་ལ་ནི། བག་ཚ་བ་མེད་ཅེས་བྱ་བ་ནི་ནང་གི་#ཕ་མ་ལ་སོགས་
[214b.4]བའོ། །གློ་བུར་དུ་འོངས་པ་ལ་ནི་དགའ་ཞེས་བྱ་བ་ནི་མགྲོན་ལ་མཉེས་#གཤིན་པའོ། །དུལ་བ་དང་གུས་པར་བྱ་བ་ལ་ནི་འབད་པར་གྱུར་ཞེས་བྱ་བ་ལ། དུལ་བ་ནི་ཉོན་མོངས་པ་ཉེ་བར་ཞི་བའོ། །གུས་པར་བྱ་བ་ནི་ལུས་ངག་གི་ཡང་དག་པར་འཇུག་པའོ། །ཚུལ་
[214b.5]ཞེས་བྱ་བའི་ཚིགས་བཅད་འདིའི་བསྡུས་པའི་དོན་ནི་ཐ་མ་དང་། བར་མ་དང་། དམ་པའི་ཚུལ་ཁྲིམས་ལ་འཇུག་པའི་རྒྱུ་བསྟན་ཏེ། ཤི་བས་འཇིགས་ཤིང་ཞེས་བྱ་བ་ལ། གང་ཐ་མ་ནི་ཕྱུགས་ལྟར་བསད་པས་འཇིགས་པ་སྟེ། གང་ཐ་མ་ནི་དེས་ཚུལ་ཁྲིམས་སྲུང་བར་
[214b.6]བྱེད་དོ། །འཇིག་རྟེན་ཕ་རོལ་སེམས་ཞེས་བྱ་བ་ནི་ངན་འགྲོས་འཇིགས་པ་དང་། བདེ་འགྲོར་འགྲོ་བ་ལ་སྲེད་པས་སོ། །རིགས་ཀྱིས་ང་རྒྱལ་ཞེས་བྱ་བ་ནི་བདག་གི་རིགས་མཐོ་བས་བསྙེམས་#པའི་ཚུལ་ལོ། །གྲགས་པ་བསྲུང་#བ་དང་ཞེས་བྱ་བ་ནི་ཁྲེལ་ཡོད་པས་སྐྱོད་#
[214b.7]པ་སྟེ། གསུམ་ལས་བར་མའི་ཚུལ་ཁྲིམས་ལ་འཇུག་པའི་རྒྱུ་བསྟན་པའོ། །བསམ་པ་དག་ཅིང་ཞེས་བྱ་བ་ནི་སྔོན་དགེ་བ་རྒྱུད་ལ་བསྟན་#པ་དེས་སོ། །ངོ་མཚར་#ཤེས་པ་ཡིས་ཞེས་བྱ་བ་ནི་བདག་གི་དབང་དུ་བྱས་ནས་ཁ་ན་མ་ཐོ་བ་ལ་འཇིགས་པར་ལྟ་བའོ། །དེ་གཉིས་ཀྱིས་
[215a]
[215a.1]ནི་དམ་པ་དག་ཚུལ་ཁྲིམས་ཀྱི་རྗེས་སུ་འཇུག་པ་བསྟན་ཏོ། །ཚུལ་ཁྲིམས་དེའི་སེམས་ཀྱི་རྗེས་སུ་འཇུག་པའི་རྒྱུ་བསྟན་པའི་ཕྱིར། ཇི་ལྟ་ཇི་ལྟར་སྐྱེ་བོ་ཆོས་འབད་པ་ཞེས་བྱ་བའི་ཚིགས་བཅད་ཡིན་ནོ། །ཇི་ལྟར་ཆོས་ལ་འབད་པ་ནི་བསྟན་མ་ཐག་
[215a.2]པ་ཉིད་ཀྱི་རྒྱུས་སོ། །གཡོས་པར་#མ་གྱུར་ཞེས་བྱ་བ་ནི་ཚུལ་ཁྲིམས་ལ་བརྟན་པར་གྱུར་པ་བསྟན་ཏོ། །གྲོགས་དང་ལྡན་ཞིང་ཕུན་སུམ་ཚོགས་པའི་ཡོ་བྱད་གང་ལ་ཡོད་པ་དེ་ནི་གྲོགས་ལྡན་ཡོ་བྱད་ཕུན་སུམ་ཚོགས་པ་སྟེ་དེ་ལའོ། །ཕོངས་པ་ཡང་ཡིན་ལ་རབ་ཏུ་མགུ་བ་ཡང་
[215a.3]ཡིན་པས་ཕོངས་པ་རབ་ཏུ་མགུ་བའོ། །དེའི་བསྟོད་པ་དེས་#རབ་ཏུ་འཕེལ་བའི་ཚིག་ནི་ཕོངས་པས་རབ་ཏུ་དགའ་བས་བསྟོད་པའི་ཚིག་གོ། །སྣ་ཚོགས་པ་ནི་རྣམ་པ་དུ་མའོ། །གོས་དང་རྒྱན་#རྣམས་ནི་གོས་དང་རྒྱན་ནོ། །གོས་རྣམ་པ་སྣ་ཚོགས་པ་མང་པོ་དང་། རྒྱན་རྣམ་
[215a.4]པ་སྣ་ཚོགས་བ་སྟེ། གོས་དང་རྒྱན་རྣམ་པ་སྣ་ཚོགས་པས་བརྒྱན་པ་གང་ཡིན་པ་དེ་ནི་རྣམ་མང་གོས་དང་སྣ་ཚོགས་རྒྱན་གྱིས་བརྒྱན་པའོ། །སྐྱེ་བོ་ངེས་པར་ཆོས་སྤྱོད་#ཅེས་བྱ་བ་ནི་ལྡོག་པའི་ཚུལ་དང་འཇུག་པའི་ཚུལ་གྱིས་ཚུལ་ཁྲིམས་ལ་འབད་པའོ། །སྐྱེ་བོ་རབ་ཏུ་དགའ་
[215a.5]བ་མང་པོས་གང་ཞིང་ཞེས་བྱ་བ་འདིས་ནི་སེམས་ཅན་གྱི་གྲངས་ཕུན་སུམ་ཚོགས་པ་བསྟན་ཏོ། །མངོན་པར་མཐོ་བ་ཉམས་དགའ་བར་སྣང་བ་ཞེས་བྱ་བ་འདིས་ནི་སྐྱེ་བོ་མང་པོའི་འབྱོར་པ་ཕུན་སུམ་ཚོགས་པ་བསྟན་ཏོ། །བརྒྱ་བྱིན་ནི་མཆོད་སྦྱིན་བརྒྱ་བའོ། །གསོད་#ཅིང་
[215a.6]ཅེས་བྱ་བ་ནི་དེ་ལ་ཕྱུགས་དུ་མ་གསོད་པའི་ཕྱིར་ཏེ། དམན་པ་འབྲས་བུ་འདོད་པ་དེས་འཚེ་བ་ལ་ཞེན་པའོ། །དམན་པ་དེའི་མི་མཐུན་པའི་ཕྱོགས་ཚུལ་ཁྲིམས་ཡིན་ཏེ། དམན་པའི་མི་མཐུན་པའི་ཕྱོགས་གྲགས་པའི་རྒྱན་གྱིས་བརྒྱན་པ་ནི་འབྲས་བུ་ལ་འདོད་པ་མེད་
[215a.7]པས་གྲགས་པ་མངོན་པར་འཕེལ་བའོ། །སྐྱེ་དགུ་བུ་བཞིན་དུ་སྐྱོབ་པ་ནི་#སྲུང་བའོ། །དེའི་དབང་དུ་གྱུར་པ་ཞེས་བྱ་བ་ནི་འཇིག་རྟེན་འདིར་དབང་དུ་གྱུར་པ་དང་། འཇིག་རྟེན་ཕ་རོལ་གྱི་ལོངས་སྤྱོད་ཀྱི་དབང་དུ་གྱུར་པའོ། །འཇིག་རྟེན་བདེ་ལ་ཕྱོགས་ཤིང་ཞེས་བྱ་བ་ནི་
[215b]
[215b.1]འཇིག་རྟེན་གྱི་བདེ་བ་ལ་མངོན་དུ་ཕྱོགས་པ་ནི་ཇི་ལྟར་ཡང་བདག་ལ་དད་པའི་འཇིག་རྟེན་ཚུལ་ཁྲིམས་དང་ལྡན་པར་བྱས་པའོ། །དེ་གཉིས་ཞེས་བྱ་བ་ནི་སྦྱིན་པ་དང་ཚུལ་ཁྲིམས་ཏེ། མཁས་པ་མ་ལགས་པ་ནི་སྦྱིན་པ་དང་ཚུལ་ཁྲིམས་ལ་འཇུག་པ་ཡོངས་#
[215b.2]མ་མཆིས་པའོ། །གཞན་ལ་ཕན་ཞིང་བདེ་བ་ལ་འཇུག་པ་ཡོན་ཏན་ཡོངས་སུ་ཤེས་པས་ནི་གཞན་གྱི་དོན་དུ་དེ་གཉིས་ལ་འཇུག་པ་ཡིན་ཏེ། མཁས་ཤིང་ཡོངས་སུ་ཤེས་པས་སྙིང་སྟོབས་དང་ལྡན་ན་ནི་བདག་ལ་ཆགས་པ་མེད་པར་སྦྱིན་པ་དང་ཚུལ་ཁྲིམས་
[215b.3]དེ་གཉིས་ལ་འཇུག་སྟེ། སྙིང་སྟོབས་མ་ཚང་བ་མེད་པའི་ཕྱིར་རོ། །ལེགས་པར་ཐོབ་པ་ནི་ཚེ་འདིར་ཡང་འཕེལ་བར་འགྱུར་ལ། འཇིག་རྟེན་ཕ་རོལ་དུ་ཡང་བདེ་འགྲོ་ཐོབ་པའོ། །གྲགས་པ་དང་བདེ་བ་ཐོབ་བ་ནི་ཚེ་འདིར་ཡང་བདེ་བ་ཐོབ་ཅིང་འཇིག་རྟེན་ཕ་རོལ་
[215b.4]དུ་ཡང་བདེ་བ་འཐོབ་པའོ། །#སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་མཆོད་སྦྱིན་གྱི་སྐྱེས་པའི་རབས་ཏེ་བཅུ་པའོ།། །།བདག་གིས་ནི་འདི་ཙམ་ཞིག་གོ་བར་ཟད་དེ། ལྷག་མ་ནི་གཞན་དག་ཏུ་བལྟ་བར་བྱའོ། །སྡོམ་ལ།
[215b.5]སྟག་མོ་ཤི་པི་ཀོ་སལ་བདག །ཚོང་དཔོན་གཉིས་དང་རི་བོང་དང་། །ཨ་གསྟ་#དང་ཤ་བྱིན་དང་། །ཐམས་ཅད་སྒྲོལ་དང་མཆོད་སྦྱིན་བྱེད། །སྐྱེས་པའི་རབས་ཀྱི་རྒྱུད་ཀྱི་གོ་རིམས་རྣམ་པར་གཞག་#པའི་རྒྱུ་ནི་རིམ་པ་གང་གིས་བཀོད་པའི་སྐྱེས་པའི་རབས་བཅུ་པོ་འདི་དག་གི་
[215b.6]གོ་རིམས་ལྟར་ནི་བདག་གིས་མ་#མཐོང་གི། །འདི་ནི་སློབ་དཔོན་དཔའ་བོས་བཀོད་པའི་རིམ་པ་ཡིན་ཏེ། ཅིའི་ཕྱིར་ཞེ་ན། དེའི་གོ་རིམས་ཀྱི་བྱེད་པའི་སྦྱོར་བས་སོ། །བདག་གིས་ནི་#གོ་རིམས་ཀྱི་ཚུལ་འདི་ལྟར་རིགས་པར་མཐོང་སྟེ། སྟག་མོ་རི་བོང་ཤི་པི་དང་། །ཤ་#སྦྱིན་
[215b.7]ཚོང་དཔོན་ཀོ་ས་ལ་བདག །ཐམས་ཅད་སྒྲོལ་དང་ཟིལ་མི་ནོན། །ཨ་གསྟ་#དང་མཆོད་སྦྱིན་བྱེད། །སྦྱིན་པའི་ཕ་རོལ་ཏུ་ཕྱིན་པའི་དབང་དུ་བྱས་ནས་བཅུ་ཚན་དང་པོ་འདི་ཡིན་ཏེ། སྦྱིན་པ་རྣམ་པ་གསུམ་ལ། བྱང་ཆུབ་སེམས་དཔའ་རྣམས་ཀྱི་སྦྱིན་པའི་ཕ་རོལ་ཏུ་
[216a]
[216a.1]ཕྱིན་པས་#བརྗོད་དེ། ཟང་ཟིང་གི་སྦྱིན་པ་དང་། ཆོས་ཀྱི་སྦྱིན་པ་དང་། མི་འཇིགས་པའི་སྦྱིན་པའོ། །དེ་ལ་ཟང་ཟིང་གི་སྦྱིན་པའི་དབང་དུ་བྱས་ནས་སྐྱེས་པའི་རབས་བརྒྱད་ཡིན་ནོ། །གཞན་གཉིས་ཀྱིས་ནི་ཆོས་ཀྱི་སྦྱིན་པ་དང་། མི་འཇིགས་
[216a.2]པའི་སྦྱིན་པ་#བསྟན་ཏོ། །ཟང་ཟིང་གི་སྦྱིན་པ་ལ་ཡང་རྣམ་པ་གཉིས་ཏེ། ནང་གི་སྦྱིན་པ་དང་ཕྱིའི་སྦྱིན་པའོ། །ནང་གི་སྦྱིན་པ་ལས་བརྩམས་ནས་དང་པོ་བཞིའོ། །ཕྱི་རོལ་གྱི་སྦྱིན་པ་ལས་བརྩམས་ནས་འོག་མ་བཞིའོ། །དེ་ལ་ནང་གི་སྦྱིན་པའི་དངོས་པོ་ཡང་གཉིས་ཏེ། ལུས་
[216a.3]དང་སྲོག་གོ། །སྦྱིན་པ་དེ་ཡང་གཉིས་ཀྱི་དོན་དུ་ཡིན་ཏེ། ཡོངས་སུ་ལོངས་སྤྱོད་པ་དང་ཡོངས་སུ་བསྐྱབ་#པའི་ཕྱིར་རོ། །དང་པོ་སྟག་མོའི་སྐྱེས་པའི་རབས་ལ་ནི་བཞི་པོ་འདི་དག་དང་ལྡན་པ་ཡིན་ཏེ། དེ་བས་ན་སྐྱེས་པའི་རབས་དེ་ཐོག་མར་བསྟན་ཏོ། །སྲོག་སྦྱིན་པ་
[216a.4]ཡང་བདག་ཉིད་འཆི་བ་མ་གཏོགས་པར་དེའི་ལོངས་སྤྱོད་པ་དང་ལུས་ཀྱི་སྦྱིན་པ་མི་ནུས་པའི་ཕྱིར་རོ། །ལུས་ཀྱི་སྦྱིན་པ་ཡོད་པ་ཉིད་ཀྱིས་རང་གི་ལུས་སྦྱིན་པ་དེས་སྟག་མོ་ལོངས་སྤྱོད་པ་ཡོད་པར་རབ་ཏུ་རིག་#པས་སོ། །ཡོངས་སུ་སྐྱོབ་#པ་ཡང་ཡོད་དེ་དེ་བས་ན་སྐྱེས་པའི་
[216a.5]རབས་དེ་ཉིད་དུ་བཤད་པ་སྟེ། དེ་བས་ལུས་ཀྱིས་བསྲུང་བར་#བྱ་བ་ནི། གཡང་སར་ལྟུང་ལ་ཐུག་པའི་སྲོག་ཡོད་པས། །ཕྲུ་གུ་གསད་#ལས་གཅན་མོ་བསྲུང་བ་དང་། །གཅན་མོ་ལས་ཀྱང་དེ་ཡི་ཕྲུ་གུ་བསྲུང་། །ཞེས་པ་#ཡིན་ཏེ། དེ་བས་ལུས་ཀྱིས་བསྲུང་བར་བྱ་བ་ནི་ཞེས་བྱ་
[216a.6]བ་འདིས་ནི་ལུས་ཀྱི་སྦྱིན་པ་ཡིན་ནོ། །གཡང་སར་ལྷུང་ལ་ཐུག་པའི་སྲོག་ཡོད་པས། །ཞེས་བྱ་བ་འདིས་ནི་སྲོག་གི་སྦྱིན་པ་ཡིན་ནོ། །ཕྲུ་གུ་གསད་ལས་གཅན་མོ་བསྲུང་བ་དང་། །ཞེས་བྱ་བ་འདིས་ནི་ཡོངས་སུ་ལོངས་སྤྱོད་པའི་སྦྱིན་པ་ཡིན་ནོ། །གཅན་མོ་ལས་ཀྱང་དེ་ཡི་
[216a.7]ཕྲུ་གུ་བསྲུང་། །ཞེས་བྱ་བ་འདིས་ནི་ཡོངས་སུ་བསྐྱབ་པའི་སྦྱིན་པ་ཡིན་ཏེ། ནང་གི་རྣམ་པ་འདི་བཞི་ཡོད་པས་སྐྱེས་པའི་རབས་འདི་དང་པོར་སྨོས་པ་ཡིན་ནོ། །གཉིས་པ་རི་བོང་གི་སྐྱེས་པའི་རབས་ཀྱིས་ནི་ནང་གི་ལུས་དང་སྲོག་གཉིས་ཀྱི་སྦྱིན་པས་ཡོངས་སུ་ལོངས་སྤྱོད་
[216b]
[216b.1]པ་ཡིན་ཏེ་ཡོངས་སུ་སྐྱོབ་པ་ནི་མ་ཡིན་ནོ། །གང་། བདག་གི་ལུས་ནི་མེ་ལ་བསྲེགས་པ་འདི། །སྣོམ་#ལ་དེ་རིང་དཀའ་ཐུབ་ནགས་ན་བཞུགས། །ཞེས་བྱ་བའི་ཚིག་#གིས་ནང་གི་ལུས་ཀྱི་སྦྱིན་པའོ། །བདག་ལ་ལུས་ལས་ལྷག་པའི་ནོར་ཡང་མེད། །ཅེས་བྱ་བའི་ཚིག་གིས་ནི་
[216b.2]སྲོག་གི་#སྦྱིན་པའོ། །བདག་ཅག་ལྟ་བུས་གཞན་དག་གི ། སྲོག་ཀྱང་གཅོད་པར་མི་བྱེད་ན། །དེ་ལྟར་རབ་ཏུ་བྱམས་བརྟན་པ། །ཁྱོད་ལྟ་བུ་ལ་སྨོས་ཅི་དགོས། །ཞེས་བྱ་བའི་ཚིག་དེ་ཐོས་ནས་མེའི་ནང་དུ་བདག་ཉིད་ཞུགས་སོ། །དེས་ན་སྲོག་གི་སྦྱིན་པ་དེས་ཡོངས་སུ་
[216b.3]ལོངས་སྤྱོད་པའི་སྦྱིན་པ་དེ་ཉིད་དུ་བཤད་པ་ཡིན་ནོ། །བདག་གི་ལུས་ནི་མེ་ལ་བསྲེགས་པ་འདི། །སྣོམས་ལ་དེ་རིང་དཀའ་ཐུབ་ནགས་སུ་བཞུགས#། །ཞེས་བྱ་བའི་#ཚིག་གིས་ནི་དེར་ཡོངས་སུ་བསྐྱབ་པ་ནི་མེད་དེ། བདག་ཉིད་འཆི་བ་དེ་ལས་གཞན་མ་རྙེད་པས་སོ། །
[216b.4]སྲམ་དང་ཅེ་#སྤྱང་དང་། སྤྲེའུ་རྣམས་ཀྱིས་ནི་ཟས་རྙེད་པ་ཡིན་ཏེ། དེ་བས་ན་དེ་དག་གིས་དང་པོར་ཟས་བྱིན་པ་ཡིན་ནོ། །#ད་ནི་ཤི་པི་པ་དང་། བྱམས་པའི་སྟོབས་བསྐྱེད་པའི་སྐྱེས་པའི་རབས་གཉིས་ཀྱིས་ནི་ལུས་ཀྱི་སྦྱིན་པ་ཉིད་བསྟན་པ་ཡིན་ཏེ་སྲོག་ནི་མ་ཡིན་ནོ། །
[216b.5]ཡོངས་སུ་ལོངས་སྤྱོད་པའི་སྦྱིན་པ་ཉིད་དེ། ཡོངས་སུ་བསྐྱབ་པའི་སྦྱིན་པ་ནི་མ་ཡིན་ནོ། །ལུས་ཀྱི་སྦྱིན་པ་ལ་ཡང་རྣམ་པ་གཉིས་ཏེ། དབང་པོའི་དབྱེ་བས་སྦྱིན་པ་དང་། དབང་པོའི་དབྱེ་བ་མེད་པས་སྦྱིན་པའོ། །དེ་ལ་དབང་པོའི་དབྱེ་བས་སྦྱིན་པའི་དབང་དུ་
[216b.6]བྱས་ནས་ཤི་བི་#པའི་སྐྱེས་པའི་རབས་ལས་#མིག་གི་སྦྱིན་པ་ཡིན་ནོ། །ཇི་ལྟར་དེ་ཡོངས་སུ་ལོངས་སྤྱོད་པར་འགྱུར་ཞེ་ན། དེའི་མིག་ཡོངས་སུ་ལོངས་སྤྱོད་པ་ནི་ཡུལ་ལ་དམིགས་པ་དེས་ཡུལ་ལ་དམིགས་ཤིང་ཡོངས་སུ་ལོངས་སྤྱོད་པ་ཡིན་ཏེ། དེ་དེ་ཉིད་དུ་བསྟན་པ།
[216b.7]པདྨའི་སྤྱན་མངའ་སྤྱན་ནི་གཅིག་པུས་ཀྱང་། །འཇིག་རྟེན་བདག་པོ་འཇིག་རྟེན་བགྱི་བ་འགྲུབ། །ཅེས་བྱ་བ་དང་། ཅི་ནས་ཀྱང་མིག་དེ་#དེའི་མིག་ཏུ་གནས་པར་གྱུར་པ་དང་། དེ་ནས་མིག་ཡ་གཅིག་ཕྱེ་སྟེ་ཞེས་བྱ་བའི་ཚིག་གིས་སོ། །དབང་པོས་ནི་ལོངས་སྤྱོད་ཅིང་ཟ་བར་བྱེད་
[217a]
[217a.1]པ་མ་ཡིན་གྱི། དབང་པོ་དེ་ལ་བརྟེན་ནས་ཡོངས་སུ་ལོངས་སྤྱོད་པ་ཡིན་ཏེ། གཞན་དུ་ན་ལོངས་སྤྱོད་པར་མི་ནུས་ཏེ་དེས་ན་ཡུལ་དམིགས་པ་དེ་ཉིད་ཀྱིས་ལོངས་སྤྱོད་པའོ། །བྱམས་པའི་སྟོབས་བསྐྱེད་པ་ལ་ཡང་ནང་གི་སྦྱིན་པ་དབང་པོའི་དབྱེ་བ་ཤ་
[217a.2]དང་ཁྲག་གི་སྦྱིན་པ་ཡིན་ཏེ། སྲོག་གི་སྦྱིན་པ་ནི་མ་ཡིན་པར་དེ་ཉིད་ལས་བསྟན་པ་སྟེ#། ལྷ་དང་མིའི་སྨན་གྱི་ཁྱད་པར་རྨ་སར་པ་སོས་#པར་བྱེད་ནུས་པ་རྣམས་ཀྱིས་དེའི་ལུས་སྔོན་བཞིན་དུ་སྡུག་བསྔལ་མེད་པར་བྱས་ཞེས་པའི་ཚིག་གིས་སོ། །ཡོངས་སུ་ལོངས་སྤྱོད་པ་
[217a.3]ཉིད་དུ་བཤད་པའི་ཕྱིར། ལྷ་ཉིད་ཀྱི་སྐུ་འོ་བརྒྱལ་#བར་མཛད་པ་བཏང་དུ་གསོལ། བདག་ཅག་ཀྱང་ཚིམ་པར་བགྱིས་ལགས་ཀྱིས་ཞེས་བྱ་བས་སོ། །སྐྱོབ་#པ་མ་ཡིན་ཏེ། གང་དེ་ལས་གཞན་ཡོངས་སུ་བསྐྱབ་#པར་བྱ་བ་མེད་པའི་ཕྱིར་རོ། །དེ་ལྟར་རེ་ཞིག་ནང་གི་
[217a.4]སྦྱིན་པ་རྣམ་པ་བཞིའི་དབྱེ་བ་ཡིན་ཏེ། དེ་བས་ན་དེ་ལྟར་སྐྱེས་པའི་རབས་རྒྱུ་#རྣམ་པ་བཞི་བཀོད་པ་ཡིན་ནོ། །བཞི་པོ་དེའི་ནང་དུ་དེའི་རང་བཞིན་གཞན་ཡང་ཆུད་པ་ཡིན་ཏེ། དེའི་རིགས་དེས་སྐྱེས་པའི་རབས་གཞན་ཡང་རབ་ཏུ་འགྲུབ་བོ། །དེ་གོ་བར་འདོད་པ་རྣམས་ལ་
[217a.5]མཐའ་དག་གི་ཐབས་བསྟན་པ་ཡིན་ནོ། །ད་ནི་ཕྱི་རོལ་གྱི་དངོས་པོའི་སྦྱིན་པའི་དབང་དུ་བྱས་ནས་སྐྱེས་པའི་རབས་ཅིག་ཤོས་བཞི་བསྟན་པ་ཡིན་ཏེ། ཇི་ལྟར་ཕྱི་རོལ་གྱི་སྦྱིན་པ་ཡིན་ཞེ་ན། རྣམ་པ་གསུམ་དུ་བརྩམས་པ་ཡིན་ཏེ། སྦྱིན་པ་པོ་ཕུན་སུམ་ཚོགས་པ་དང་། ལེན་
[217a.6]པ་པོ་ཕུན་སུམ་ཚོགས་པ་དང་། སྦྱིན་པའི་དངོས་པོ་ཕུན་སུམ་ཚོགས་པའོ། །ཕུན་སུམ་ཚོགས་པ་འདི་གསུམ་གྱི་དབང་དུ་བྱས་ན་ཚོང་དཔོན་གྱི་སྐྱེས་པའི་རབས་སུ་ལེན་པ་པོ་ཕུན་སུམ་ཚོགས་པ་ནི་དེ་ཉིད་དུ་རང་སངས་རྒྱས་ཉོན་མོངས་པའི་བུད་ཤིང་ཐམས་ཅད་བསྲེགས་པ་དེའི་
[217a.7]བསོད་ནམས་ཀྱི་ཚོགས་རྣམ་པར་འཕེལ་བར་འདོད་པ་ཞིག་དེའི་ཁྱིམ་དུ་བསོད་སྙོམས་ཀྱི་ཕྱིར་འོངས་སོ་ཞེས་པས་སོ། །སྦྱིན་པའི་དངོས་པོ་ཕུན་སུམ་ཚོགས་པ་ཡང་དེ་ཉིད་དུ་བསྟན་ཏེ། དེས་དེའི་#ལྟར་མཉན་ཏེ་དེ་བཞིན་དུ་བགྱིའོ་ཞེས་སྨྲས་ནས་བཟའ་བ་དང་བཅའ་བ་བཟང་པོ་ཁྱེར་ཏེ་
[217b]
[217b.1]ཞེས་བྱ་བའི་ཚིག་གིས་སོ། །སྦྱིན་པ་པོ་ཕུན་སུམ་ཚོགས་པ་ཡང་དེ་ཉིད་དུ་བསྟན་ཏེ། བྱང་ཆུབ་སེམས་དཔའ་དག་གི་#སྐལ་པ་དང་བསོད་ནམས་ཀྱི་མཐུ་ལ་བརྟེན་ནས་སྦྱིན་པ་ལ་ཉེས་དམིགས་མེད་པར་ཡང་ཤེས་ཏེ། བུ་སྨད་དང་གཡོག་འཁོར་འགྲོར་མི་སྟེར་བར་འཐེན་པ་
[217b.2]རྣམས་བོར་ནས་བློ་ལ་ཚམ་ཚོམ་མེད་ཅིང་སྦྱིན་པ་བྱེད་པར་འདོད་པ་སྐྱེས་ཏེ་དམྱལ་བའི་ནང་ནས་#སོང་ངོ་ཞེས་བྱ་བའི་ཚིག་གིས་སོ། །ད་ནི་ཀོ་ས་ལའི་བདག་པོའི་སྐྱེས་པའི་རབས་ལ་ནི་ཕུན་སུམ་ཚོགས་པ་གཉིས་ཡོད་དེ་སྦྱིན་པ་པོ་ཕུན་སུམ་ཚོགས་པ་དང་། ལེན་པ་པོ་
[217b.3]ཕུན་སུམ་ཚོགས་པ་དང་#ཀོ་ས་ལའི་བདག་པོ་ལ་ནི་སྦྱིན་པའི་དངོས་པོ་ཕུན་སུམ་ཚོགས་པ་མེད་དོ། །དེ་ལ་སྦྱིན་པ་པོའི་ཕུན་སུམ་ཚོགས་པ་ཡང་དེ་ཉིད་དུ་བསྟན་ཏེ། ཚུལ་དང་ལྡན་ཡང་ནོར་ཙམ་གྱིས་ནི་མཐོ་བ་ལ། །ལས་ཀྱིས་#མགུ་བར་བྱས་ནས་སྨན་#ཚིས་འཚོ་བའི་
[217b.4]ཞེས་བྱ་བ་དང་། གཞན་ཡང་#དང་ཞིང་འཇམ་པའི་ཡིད་ཀྱིས་དེ་ལ་ཕྱག་འཚལ་ནས། །ཞེས་པའི་ཚིག་གིས་སོ། །ལེན་པ་པོ་ཕུན་སུམ་ཚོགས་པ་ཡང་དེ་ཉིད་དུ་བཤད་དེ། དགེ་སྦྱོང་བཞི་ཞིག་བསོད་སྙོམས་ཕྱིར་ནི་ལྷགས་པ་མཐོང་། །དབང་པོ་དུལ་ཞིང་དགེ་སྦྱོང་དཔལ་
[217b.5]གྱི་རྗེས་#འབྲང་བ། །ཞེས་བྱ་བ་ཡིན་ཏེ། བཞི་སྨྲོས་པ་ནི་སྦྱིན་པའི་གནས་དགེ་འདུན་དུ་བསྟན་པའི་ཕྱིར་ཏེ། དེ་བས་ན་ལེན་པ་པོ་ཕུན་སུམ་ཚོགས་པར་བསྟན་ཏོ། །སྦྱིན་པའི་དངོས་པོ་ཕུན་སུམ་ཚོགས་པ་ནི་མེད་དེ། དེ་ཡང་དེ་ཉིད་དུ་བསྟན་པ། ཟན་དྲོན་ཁེངས་པ་རྩུབ་པོ་
[217b.6]ལེན་ཚ་#མེད་པའི་འབྲས་བུ་འབྱོར་པ་ཆེན་པོ་འདི་ལྟར་འགྱུར་ལ་ལྟོས#། །ཞེས་བྱ་བ་དང་། སྐྱེས་པའི་རབས་དེ་ཉིད་དུ་གཅིག་གི་བར་དུ་བྱས་པ་སྟེ། གང་གི་ཚེ་ལེན་པ་པོ་ཕུན་སུམ་ཚོགས་པ་ཉི་ཚེ་#བསྟན་པ་ཡིན་ཏེ། ཐུབ་པ་ཟག་པ་ཟད་ལ་གུས་པར་ཕུལ་བ་ཡིས། །ཞེས་བྱ་བའི་ཚིག་
[217b.7]གིས་སོ། །སྦྱིན་པར་བྱ་བའི་དངོས་པོ་ཕུན་སུམ་ཚོགས་པ་ནི་མེད་དེ། ཟས་ལས་བགོ་སྐལ་བགོས་པའོ། །སྦྱིན་པ་པོ་ཕུན་སུམ་ཚོགས་པ་ཡང་མེད་དེ། བྲན་མོ་བགྱིད་པའི་ཚེ་ན་ཞེས་པའི་ཚིག་གིས་སོ། །གུས་པར་ཕུལ་བ་ནི་དུས་ཚོད་དེ་ཙམ་ན་གུས་པ་ཡོད་པའོ། །དེའི་ཕྱིར་འབྲས་བུ་
[218a]
[218a.1]ཆུང་བ་སྟེ་བུད་མེད་དུ་གྱུར་པའོ། །ད་ནི་སྦྱིན་པའི་དངོས་པོ་ཕུན་སུམ་ཚོགས་པ་དང་། སྦྱིན་པ་པོ་ཕུན་སུམ་ཚོགས་པ་ནི་ཐམས་ཅད་སྒྲོལ་གྱི་སྐྱེས་པའི་རབས་ཡིན་ཏེ། སྦྱིན་པའི་དངོས་པོ་ཕུན་སུམ་ཚོགས་པ་ནི་ཕྱི་རོལ་གྱི་དངོས་པོ་སེམས་
[218a.2]ཅན་དང་སེམས་ཅན་མ་ཡིན་པའི་གྲངས་སུ་འགྲོ་བའི་རྣམ་པ་ཐམས་ཅད་དེ། ཕྱི་རོལ་གྱི་སྦྱིན་པའི་དངོས་པོའོ། །སེམས་ཅན་གྱི་གྲངས་སུ་འགྲོ་བའི་ཕྱི་རོལ་གྱི་སྦྱིན་པ་ནི་གླང་པོ་རིན་པོ་ཆེ་དང་། རྟ་ཆས་དང་བཅས་པ་ལ་སོགས་པ་མཐའ་དག་སྦྱིན་པའོ། །སེམས་
[218a.3]ཅན་མ་ཡིན་པ་ནི་བུ་#སྨད་དང་བཅས་པ་ཡིན་ཡང་དེ་ལ་མ་ལྟོས་#པར་ཤིང་རྟ་སྦྱིན་པའོ། །བུ་སྦྱིན་པ་དང་། ཆུང་མ་སྦྱིན་པ་ནི་བདག་ཉིད་གྱི་ཕྱི་རོལ་གྱི་སྦྱིན་པའི་དངོས་པོ་ཁྱད་པར་དུ་གྱུར་པའོ། །སྦྱིན་པ་པོ་ཕུན་སུམ་ཚོགས་པའི་ཁྱད་པར་དུ་གྱུར་པ་དེ་ཉིད་དུ་བསྟན་ཏེ། འཇིག་
[218a.4]རྟེན་དོན་དུ་ང་ཡི་ལུས་འཛིན་ན། །ཕྱི་རོལ་ནོར་ལྟ་སྨོས་ཀྱང་ཅི་ཞིག་དགོས། །ཤི་བི་པ་རྣམས་ཐམས་ཅད་ཀྱིས། །ང་ནི་བསད་དམ་སྤྱུགས་#ཀྱང་རུང་། །མི་སྦྱིན་པར་ནི་ང་མི་བྱེད། །དཀའ་ཐུབ་ཚལ་དུ་འགྲོར་ཟད་མོད། །ཅེས་བྱ་བའི་ཚིག་གིས་སོ། །གཞན་ཡང་། སྦྱིན་
[218a.5]ལ་དགའ་བ་གོམས་བྱས་ཤིང་། །སླར་བཟློག་#པ་ནི་མ་བསླབས་པས། །རབ་ཏུ་སྡུག་པའི་བུ་#གཉིས་ཀྱང་། །ཚམ་ཚོམ་མེད་པར་སྦྱིན་ཞེས་སྨྲས#། །ཞེས་བྱ་བ་དང་། གཞན་ཡང་ཕྱི་རོལ་གྱི་དངོས་པོ་སྦྱིན་པ་པོ་ཕུན་སུམ་ཚོགས་པའི་དབང་དུ་བྱས་ནས་བཤད་པ་དེ་ཐམས་
[218a.6]ཅད་ཀྱང་སྦྱར་བར་བྱའོ། །ད་ནི་ཚོང་དཔོན་ཟིལ་གྱིས་(མནོན་,གནོན་)པའི་སྐྱེས་པའི་རབས་ཀྱིས་སྦྱིན་པ་པོ་ཕུན་སུམ་ཚོགས་པ་དེའི་དབང་དུ་བྱས་ནས་བསྟན་པ་ཡིན་ནོ། །ཕུན་སུམ་ཚོགས་པ་དེ་ཡང་དེ་ཉིད་དུ་བསྟན་ཏེ། འབྱོར་པ་ཟད་པར་གྱུར་ཀྱང་སྦྱིན་པ་ལས་མི་ལྡོག་པ་ཡིན་ཏེ། བརྒྱ་
[218a.7]བྱིན་གྱིས་ནོར་རྣམས་མི་སྡང་བར་བྱས་ཀྱང་ལྟོས་#པ་མེད་པས་སོ། །དེ་ལྟར་རེ་ཞིག་གསུམ་གྱིས་#ཕུན་སུམ་ཚོགས་པ་ཡིན་ཏེ། སྦྱིན་པ་པོ་དང་། སྦྱིན་པའི་དངོས་པོ་དང་། ལེན་པ་པོའོ། །སྦྱིན་པ་པོ་དང་ལེན་པ་པོ་གཉིས་ཀྱིས་#ཕུན་སུམ་ཚོགས་པ་ཡང་ལེན་པ་པོའི་ཡིན་གྱི། སྦྱིན་
[218b]
[218b.1]པ་པོའི་མ་ཡིན་ནོ། །སྦྱིན་པའི་དངོས་པོས་ནི་སྦྱིན་པ་པོ་#ཁྱད་པར་དུ་མི་བྱེད་དོ། །སྦྱིན་པ་ནི་#སྦྱིན་པ་པོའི་ཡིན་གྱི། ལེན་པ་པོའི་#མ་ཡིན་ནོ། །རྣམ་པ་འདིའི་ནང་དུ་ཐམས་ཅད་འདུས་པའི་ཕྱིར་གཞན་གྱི་ཕྱི་རོལ་གྱི་ཟང་ཟིང་སྦྱིན་པར་གཟུང་བ་ཡང་གྲུབ་པར་འགྱུར་རོ། །སྦྱིན་
[218b.2]པ་པོའི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བསྟན་པའི་ཕྱིར་དེ་ལྟར་བསྟན་ཏོ། །ད་ནི་ཆོས་ཀྱི་སྦྱིན་པའི་དབང་དུ་བྱས་ནས་ཨ་ག་སྟེའི་#སྐྱེས་པའི་རབས་སུ་བརྒྱ་བྱིན་གྱིས་མཆོག་སྦྱིན་པར་བྱས་པ་ལས་ཕྱིར་ལེགས་པར་གསུངས་པ་བསྟན་པ་ཡིན་ཏེ། དེ་ཡང་
[218b.3]དེ་ཉིད་དུ་བཤད་པ་སྟེ། ལེགས་པར་སྨྲས་པ་རིན་ཆེན་ལ། །རིན་ནི་ཅི་ཡང་ཡོད་མ་ཡིན། །ཞེས་བྱ་བ་ལ་སོགས་པ་དེས་#བརྗོད་པ་ཐམས་ཅད་ཀྱིས་སོ། །མི་འཇིགས་པའི་སྦྱིན་པ་ནི་མིའི་མཆོག་ཡིན་ཏེ། བརྟན་ཞིང་གཙང་ལ་ཚུལ་ཁྲིམས་ནོར་ལྡན་མི་མཆོག་ལ། །
[218b.4]ཞེས་བྱ་བ་ལ་སོགས་པ་ཚིགས་བཅད་གཉིས་ཀྱིས་དེར་བསྟན་ཏེ་དེ་ནི་མི་འཇིགས་པའི་སྦྱིན་པའོ། །དེ་བས་སྐྱེས་པའི་རབས་འདི་དག་ནི་གོ་རིམས་སུ་རིགས་པ་ཡིན་ཏེ། གོ་རིམས་འདིའི་རིམ་པས་#ནི་གསུམ་པོ་#བསྟན་པར་འགྱུར་རོ། །སློབ་དཔོན་དཔའ་བོས་ནི་སྐྱེས་
[218b.5]པའི་རབས་གོ་རིམས་ཚུལ་བཞིན་མ་བཀོད་པར་ཡི་གེར་བྲིས་ཤིང་བཞག་བ་ཡིན་ཏེ། དེ་ཡང་ཇི་ལྟར་ཞེན་འཇིག་རྟེན་ལས་གྲགས་པའི་གོ་རིམས་ཀྱིས་ཏེ། འཇིག་རྟེན་བརྗོད་པ་བཞིན་དུའོ། །འདི་ནི་ཟང་ཟིང་གི་སྦྱིན་པ་ལ་སོགས་པའི་གོ་རིམས་ཡིན་ཏེ། ཟང་ཟིང་
[218b.6]གི་སྦྱིན་པས་ནི་གཟུགས་དང་ལུས་#རྗེས་སུ་བཟུང་#བ་ཡིན་ནོ། །ཆོས་དང་མི་འཇིགས་པའི་སྦྱིན་པ་གཉིས་ནི་མིང་དང་ལུས་ཀྱི་གོ་རིམས་སོ། །ཡང་ན་ཟང་ཟིང་གི་སྦྱིན་པ་དང་པོར་གཟུང་ངོ་། །དེའི་འོག་ཏུ་ཆོས་དང་མི་འཇིགས་པའི་སྦྱིན་པ་རྣམ་པ་གཉིས་སོ། །ཆོས་
[218b.7]ཀྱི་སྦྱིན་པ་དང་པོར་སྨོས་པ་ནི་མི་འཇིགས་པའི་སྦྱིན་པ་ལས་གཙོ་བོ་ཡིན་པའི་ཕྱིར་རོ། །ཡང་ན་འདི་ལྟར་གོ་རིམས་ཡིན་ཏེ། དང་པོ་ནི་མི་འཇིགས་པའི་སྦྱིན་པ་ལ། དེའི་འོག་ཏུ་ཆོས་ཀྱི་སྦྱིན་པ་ཡིན་ཏེ། ཐོག་མར་འཇིགས་པ་བསལ་ནས་དེའི་འོག་ཏུ་སེམས་བདེ་བ་
[219a]
[219a.1]དང་། ཆོས་ཀྱི་སྦྱིན་པས་འདོད་པའི་དོན་འགྲུབ་པར་བསྟན་པ་ཡིན་ནོ། །#བཅུ་ཚན་དང་པོའོ།། །།#དབང་ཕྱུག་ཕུན་སུམ་ཚོགས་པ་ཞེས་བྱ་བ་ནི་མཐུ་དང་ནུས་པ་ཕུན་སུམ་ཚོགས་པ་ཞེས་བྱ་བ་ཡིན་ཏེ། མཐོ་བར་གྱུར་པ་དེས་གཞན་དག་ལ་
[219a.2]སྙིང་བརྩེ་བ་ལྷོད་པར་མི་འགྱུར་བ་#སྟེ་བདག་ཉིད་ཆེན་པོ་དེའོ། །ཡུན་རིང་མོ་ནས་བསོད་ནམས་སྤྱོད་པ་ལ་རབ་ཏུ་གོམས་ཞིང་#ཞེས་བྱ་བ་ནི་ཡུན་རིང་མོ་ནས་བསོད་ནམས་ལ་རབ་ཏུ་གོམས་པ་སྟེ། བདག་དང་གཞན་ལ་ཕན་པ་སྒྲུབ་པའི་མཚན་ཉིད་ཀྱི་ལས་གང་ཡིན་པ་དེ་ནི་
[219a.3]བསོད་ནམས་ཏེ། ཡུན་རིང་མོ་ནས་བསོད་ནམས་སྤྱོད་པ་ལ་རབ་ཏུ་གོམས་པའོ། །འདིས་ནི་འདས་པའི་དུས་ཀྱི་བསོད་ནམས་ཀྱི་ཚོགས་བསྟན་ཏོ། །སྦྱིན་པ་དང་། དུལ་བ་དང་། སྡོམ་པ་དང་། སྙིང་རྗེ་ལ་འདྲིས་པ་གང་ཡིན་པ་དེ་ནི་སྦྱིན་པ་དང་། དུལ་བ་དང་། སྡོམ་
[219a.4]པ་དང་སྙིང་རྗེ་ལ་འདྲིས་པར་གྱུར་པ་སྟེ། འདིས་ནི་ད་ལྟར་བྱུང་བའི་དུས་སུ་བདག་དང་གཞན་ལ་ཕན་པ་སྒྲུབ་པའི་མཚན་ཉིད་བསྟན་ཏོ། །གཞན་ལ་ཕན་པར་སྤྱོད་པ་ཁྱད་པར་ཅན་ལ་ངེས་པར་བྱེད་པ་གང་ཡིན་པ་དེ་ནི་གཞན་ལ་ཕན་པར་སྤྱོད་པ་ཁྱད་པར་ཅན་ལ་ངེས་
[219a.5]པར་སྤྱོད་པའོ། །འདིས་ནི་རྟག་ཏུ་གུས་པ་དང་སྦྱོར་བ་གཉིས་ཀྱིས་གཞན་ལ་ཕན་པ་སྒྲུབ་པ་བསྟན་ཏོ། །དེ་ལ་རྟེན་#བཅས་པ་ཞེས་བྱ་བ་ནི་མཚོན་པ་སྟེ། བདག་དང་གཞན་གྱི་སྒྲུབ་པ་ཁྱད་པར་ཅན་ཡང་དག་པར་བརྟེན་པའོ། །ཡང་ཏོག་རྡོ་ཐལ་གསར་དུ་བསྐུས་པ་ཞེས་བྱ་
[219a.6]བ་ལྟ་བུ་ནི་སྔར་བཤད་པའི་བྱང་ཆུབ་སེམས་དཔའོ། །ཟླ་བའི་འོད་ཟེར་ལྟ་བུ་ནི་ལྷའི་དབང་པོའི་དཔལ་ལོ། །དེ་གཉིས་དང་འདྲ་བར་གྱུར་པ་ཡིན་ནོ། །རྟེན་དང་བརྟེན་པར་གྱུར་པ་ཉིད་དོ། །ཚིག་རྐྱང་དང་#ཚིགས་བཅད་དེ་དག་གིས་ནི་བྱང་ཆུབ་སེམས་དཔའ་བདག་ཉིད་ཀྱི་རྒྱུ་
[219a.7]བསྟན་པའོ། །ད་ནི་གང་གོང་དུ་བསྟན་པའི་དབང་ཕྱུག་ཕུན་སུམ་ཚོགས་པ་དང་རྗེས་སུ་མཐུན་པ་ཡིན་ཡང་སྙིང་རྗེ་ལྷོད་པར་མི་འགྱུར་རོ་ཞེས་བྱ་བ་དེ་ཉིད་སྒྲུབ་པའི་ཕྱིར། གང་གི་#ཕྱིར་ལྷ་མ་ཡིན་རྣམས་ཞེས་བྱ་བ་ལ་སོགས་པའི་ཚིགས་བཅད་བརྩམས་པ་ཡིན་ནོ། །སྐལ་བ་
[219b]
[219b.1]ཆེ་བ་ནི་#བསོད་ནམས་ཀྱི་ཚོགས་ཀྱི་ཁྱད་པར་རོ། །དེས་བདེ་བ་#ཐོབ་པ་ནི་འབད་པ་མེད་པར་རྙེད་པ་སྟེ། སྐལ་བ་ཆེ་བས་བདེ་བ་ཐོབ་པའོ། །གང་གི་ཕྱིར་གང་ལས་དེའི་སྙིང་དྲེགས་པའི་དྲི་མ་ཅན་བྱེད་པར་གྱུར་པ་ནི་དེའི་ཕྱིར་དབང་ཕྱུག་ཕུན་སུམ་ཚོགས་པར་གྱུར་ཀྱང་
[219b.2]སྙིང་བརྩེ་བ་ལྷོད་པར་མི་འགྱུར་རོ། །བཤམས་པ་ཉིད་ཆས་པ་ཡིན་པའི་ཕྱིར་བཤམས་པ་ཆས་པའོ། །དེ་རབ་ཏུ་ཆས་#པ་ཡིན་པས་འཇིགས་འཇིགས་ལྟར་སྣང་བ་སྟེ། གླང་བོ་ཆེ་དང་། ཤིང་རྟ་དང་། རྟ་དང་། རྐང་ཐང་ལ་སོགས་པ་གང་གི་དཔུང་
[219b.3]གི་ཚོགས་གང་ཡིན་པ་དེ་ནི། གླང་པོ་ཆེ་དང་། ཤིང་རྟ་དང་། རྟ་དང་། རྐང་ཐང་གི་དམག་བཤམས་པ་རབ་ཏུ་འཇིགས་འཇིགས་ལྟར་སྣང་བའོ། །ཆོས་ཀྱི་བདག་ཉིད་ཡིན་ཡང་ཞེས་བྱ་བ་ལ་སོགས་པའི་དོན་ནི་#འདི་ཡིན་ཏེ། ཆོས་ལ་བདག་
[219b.4]ཉིད་སེམས་པ་གང་ཡིན་པ་དེ་ནི་ཆོས་ཀྱི་བདག་ཉིད་དོ། །དེ་ལྟ་ཡིན་ཡང་གཞན་སྔོ་བ་ནི་གཞན་དག་ལ་མངོན་པར་མ་ངེས་པའོ། །རོལ་#པའི་བགེགས་སུ་གྱུར་པ་ནི་རོལ་པ་ལ་གནོད་པར་གྱུར་པ་སྟེ། རོལ་པའི་བགེགས་སུ་གྱུར་པ་ལས་ཡིད་བྱུང་བའོ། །རོལ་
[219b.5]པའི་བགེགས་གྱུར་ཡིད་འབྱུང་འགྲོ་བ་འཇིགས་པར་འགྱུར། །ཞེས་བྱ་བ་ལ་འགྲོ་བ་ནི་རང་ལ་བརྟེན་པའི་སྐྱེ་བོའོ། །ཚུལ་བཞིན་བྱ་བའི་རིགས་ཞེས་བྱ་བ་ལ་ཚུལ་ནི་ལུགས་ཏེ། ལུགས་ཉིད་རིགས་པ་ཡིན་པས་འདོད་པའི་དོན་ཐོབ་པར་བྱེད་པ་ནི་འདི་#ཚུལ་བཞིན་བྱ་བའི་
[219b.6]རིགས་པའོ། །འདོད་པའི་དོན་ཐོབ་པར་བྱེད་པའི་རིམ་པ་ནི་འདུམ་པར་བྱ་བ་དང་། དབྱེ་བ་དང་། ཆད་པས་སྒྲུབ་པའོ། །ལྷ་མ་ཡིན་དེ་དག་ནི་དེ་དག་ལས་ཆད་པས་བསྒྲུབ་པར་བྱ་བ་ཡིན་པར་མཐོང་#སྟེ། ཐབས་གཞན་གྱིས་ནི་དེ་དག་བསྒྲུབ་པར་མ་མཐོང་བར་ཞེས་
[219b.7]བྱ་བའི་དོན་ཏོ། །དམག་དྲང་བ་ལ་གཡེངས་པ་ནི་#དམག་དྲང་གཡེངས་པའོ། །ཡང་ན་དམག་དྲང་བ་ཉིད་གཡེངས་པ་ཡིན་པས་དམག་དྲང་གཡེངས་པའོ། །དེ་ལ་མངོན་པར་ཕྱོགས་པ་ནི་དམག་དང་#གཡེངས་ལ་མངོན་པར་ཕྱོགས་པ་སྟེ། དེ་ལ་མངོན་པར་ཕྱོགས་
[220a]
[220a.1]པར་གྱུར་པའོ། །དེའི་དོན་ནི་འདི་ཡིན་ཏེ། ཅིའི་ཕྱིར་བྱང་ཆུབ་སེམས་དཔའ་ཆོས་མ་ཡིན་པ་དམག་དྲང་བ་ལ་མངོན་པར་ཕྱོགས་པར་གྱུར་ཞེ་ན། དེ་ལྟར་གྱུར་པ་དེའི་རྒྱུ་བསྟན་པ། དམག་དྲང་བ་ལ་མངོན་པར་ཕྱོགས་པའི་རྒྱུ་ནི་གསུམ་སྟེ། གཞན་གྱི་ཚུལ་མ་
[220a.2]ཡིན་པ་ཞི་བར་བྱ་བའི་ཕྱིར་དང་བདག་ཉིད་ལ་བརྟེན་པ་རྣམས་ཀྱི་ཚུལ་མ་ཡིན་པ་ཞི་བར་བྱ་བའི་ཕྱིར་དང་། བདག་གིས་ཀྱང་#དེ་གཉི་གའི་ཞི་བར་བྱེད་ནུས་པར་བདག་ཉིད་ལ་ཤེས་པའོ། །ནུས་པ་དེ་ཡང་རྣམ་པ་གཉིས་ཏེ། གཙོ་བོའི་ནུས་པ་དང་། སྤྲོ་བའི་ནུས་པ་དང་
[220a.3]ལྡན་པའོ། །འོས་པ་ཡང་ཡིན་ལ་བསྒྲེང་བ་ཡང་ཡིན་པས་འོས་པ་བསྒྲེང་བའོ། །ཡང་ན་ཟླ་མེད་པའི་གོས་བཟང་པོ་གང་ལ་ཡོད་པ་དེ་ནི་གོས་བཟང་པོ་འོས་པའོ། །བསྒྲེང་བ་ཡང་ཡིན་ལ་གོས་བཟང་པོ་ཕྱར་བ་ཡང་ཡིན་པས་བསྒྲེང་བའི་གོས་བཟང་པོ་འོས་པར་#
[220a.4]ཕྱར་བའོ། །བ་དན་ཡང་ཡིན་ལ་མཛེས་པ་ཡང་ཡིན་པས་བ་དན་མཛེས་པའོ། །གོས་བཟང་པོ་འོས་པས་བ་དན་མཛེས་པར་ཕྱར་བའི་ཕྱིར་#རྒྱལ་མཚན་བསྒྲེང་བ་གང་ཡིན་པ་དེ་ནི་གོས་བཟང་པོ་འོས་པས་བ་དན་མཛེས་པར་ཕྱར་བའི་རྒྱལ་མཚན་བསྒྲེང་བའོ། །རིན་པོ་ཆེ་
[220a.5]སྣ་ཚོགས་པ་ཉིད་ནི་རིན་པོ་ཆེའི་རྣམ་པ་སྣ་ཚོགས་པའོ། །ཡང་ན་ནོར་བུ་དང་འདྲ་བའི་རིན་པོ་ཆེ་ནི་ནོར་བུ་རིན་པོ་ཆེའོ། །རིན་པོ་ཆེ་སྣ་ཚོགས་པ་ནི་རིན་པོ་ཆེ་སྣ་ཚོགས་པ་སྟེ། དེ་རྣམས་ཀྱི་འོད་ནི་ནོར་བུ་རིན་པོ་ཆེ་སྣ་ཚོགས་ཀྱི་འོད་དོ། །དེས་གསལ་#བར་གྱུར་པ་ནི་གསལ་བར་
[220a.6]སྣང་བའོ། །རྒྱན་གདགས་པའི་གོ་རིམས་སུ་གྱུར་པ་ནི་རྒྱན་གདགས་པའི་གོ་རིམས་སོ། །རྒྱན་གདགས་པའི་གོ་རིམས་དང་། ངེས་པར་བྱས་པ་དང་། ངོས་གཉིས་མཚོན་ཆ་རྣོན་པོ་རྣམ་པ་སྣ་ཚོགས་འབར་བས་མཛེས་པ་གང་ཡིན་པ་དེ་ནི་ལྷའི་གོས་དཀར་པོ་ཅན་
[220a.7]ནོ། །ཡོངས་སུ་བསྐོར་བ་ནི་ཤིང་རྟ་གོས་དཀར་པོ་ཅན་ཏེ། རྒྱ་མཚོའི་འགྲམ་དུ་ཐུག་པར་ཞེས་བྱ་བ་དེ་ནི་གང་གི་ཕྱིར་དེ་རྣམས་ཀྱི་རྒྱ་མཚོའི་འགྲམ་ན་གནས་ཏེ། དེས་ན་འགྲམ་དུ་ཡོད་པ་ཡིན་ནོ། །ལྷ་མ་ཡིན་རྣམས་ཀྱི་སྔ་མ་ལྟར་འོང་བ་དེ་ཤེས་པ་སྟེ། རོལ་པའི་བགེགས་གྱུར་འགྲོ་བ་
[220b]
[220b.1]འཇིགས་པར་འགྱུར་བ་སྟེ། ལྷའི་འགྲོ་བའོ། །དེས་ན་རྒྱ་མཚོའི་འགྲམ་ལ་ཐུག་པར་སྔོན་སུ་བར་བྱེད་པ་ཡིན་ནོ། །འདུག་བཞིན་དུ་ཞེས་བྱ་བ་སྟེ་མཚོན་རྡེག་པར་བྱེད་དོ། །ང་ནི་འདི་ན་ཞེས་སྨྲས་ནས་ཀྱང་རབ་ཏུ་རྡེག་པར་བྱེད་དོ། །མཐོང་བཞིན་ཞེས་བྱས་#ནས་ཀྱང་གཞན་
[220b.2]དག་ལ་རྡེག་པར་བྱེད་དོ། །ད་ནི་ཐར་པར་གལ་འགྱུར་ཞེས་བྱས་ཤིང་ཡང་གཞན་དག་#ལ་རབ་ཏུ་སྣུན་#པར་བྱེད་དོ། །དེ་ལྟར་སྨྲས་ནས་གཞན་དག་ལ་ཐོབ་ཅིག་ཅེས་སྨྲས་ཏེ་ཕྱིར་ལོག་པ་དང་། དེ་དག་#ལས་གཞན་དག་གིས་ཀྱང་མཚོན་འདེབས་པར་བྱེད་ཅིང་། ད་ནི་
[220b.3]མེད་ཟིན་གྱིས་ཞེས་སྨྲས་ཏེ་མཚོན་འདེབས་པར་བྱེད་དོ། །མཚོན་ཆ་འཁྲུགས་#པ་ནི་གཡུལ་དུའོ། །གློག་བཞིན་དུ་འགྱུ་#བའི་བ་དན་ཅན་གང་དག་ནི་ཤིང་རྟ་སྟེ། དེ་ནི་གློག་ལྟར་འགྱུ་བའི་བ་དན་ཅན་ནོ། །གདུགས་དང་། རྒྱལ་མཚན་དང་། གོ་ཆ་དང་། མཚོན་ཆ་དང་།
[220b.4]ཅོད་པན་རྣམས་ཏེ།# དེ་དག་ལྷུང་བར་གྱུར་པ་ནི་འགྱེལ་བར་གྱུར་པའོ། །ཕོག་པར་གྱུར་པ་ནི་ལམ་དུ་སྟེ་ཕོག་པར་གྱུར་པའི་སྟེང་དུའོ། །དེར་བབ་པ་ནི་ཕོག་པར་གྱུར་པའི་སྟེང་དུ་བབ་པའོ། །ཁ་ལོ་པ་ནི་ཁ་ལོ་སྒྱུར་བའོ། །ཕྲུ་གུ་མ་ཚར་བ་ཞེས་བྱ་བ་ནི་གཤོག་པ་མ་སྐྱེས་པའོ། །
[220b.5]མ་ཚར་བ་ཉིད་བྱ་#ཡིན་པས་བྱའི་ཕྲུ་གུ་སྟེ། བྱ་ཕྲུག་མ་ཚར་བ་དེའི་ཚང་#བཅས་པའོ། །ལྷ་མ་ཡིན་འདི་དག་བཅུང་སླར་མི་ལྡོག་གོ་ཞེས་བྱ་བ་དང་། ཅི་ཞེས་བྱ་བ་ནི་སྐྱོན་ཅི་ཡོད་ཅེས་བྱ་བའི་དོན་ཏོ། །ཤིང་རྟ་མོ་བཟློག་པར་ནམ་མཁའ་ལྡིང་གི་ཚང་ལས་བཟུར་བར་མི་ནུས་པའི་
[220b.6]ཕྱིར་རོ། །ཤིང་རྟ་བཟློག་པ་དེ་ལས་ཉེས་པ་མེད། །ཅེས་#པ་དེའི་དབང་དུ་བྱས་ནས་ཤིང་རྟ་འདི་ནི་སླད་དུ་བཟློག་#ན་གདོད་ཅེས་བྱ་བའི་ཚིགས་བཅད་བརྩམས་པ་ཡིན་ཏེ། ནམ་མཁའ་ལྡིང་གི་ཚང་འདི་ལས་ཟུར་ཅིག་ཅེས་བྱ་བའི་ལས་#ནི། ཤིང་རྟ་འདི་ནི་སླད་དུ་བཟློག་ན་གདོད་
[220b.7]ཅེས་བྱ་བའི་ཚིགས་བཅད་ཕྱེད་ཡིན་ནོ། །འོ་ན་ཅི་ཞེས་བྱ་བའི་ལན་ནི་ལྷ་རྣམས་ལ་ནི་ཞེས་བྱ་བ་སྟེ། ཚིགས་བཅད་ཀྱི་ཕྱེད་འོག་མའོ། །དེ་བས་ན་#ཞེས་བྱ་བ་ནི་ཤིང་རྟ་བཟློག་པ་ལ་ནི་ཉེས་པ་ཡོད་དོ་ཞེས་གོང་དུ་མ་ཏ་ལིས་སྨྲས་པའི་ཚིག་གོ། །ལྷ་རྣམས་ལ་ནི་གནས་ནས་
[221a]
[221a.1]སྐབས་རྙེད་པ་ཞེས་བྱ་བ་འདིའི་ལན་ནི་མཚོན་གྱིས་ཕོག་སྟེ་ཤི་བ་བླས་#ཞེས་བྱ་བ་ཡིན་ཏེ། རང་གི་ལྷག་པའི་བསམ་པ་ཁྱད་པར་ཅན་བསྟན་པའི་ཕྱིར་སྨྲས་པའོ། །ཤི་ཡང་བླས་#ཞེས་བྱ་བ་ལ་སོགས་པ་ནི་སྙིང་རྗེའི་དབང་གིས་སྨྲས་པ་སྟེ#། དེ་ལྟར་
[221a.2]སྤྱོད་པའི་སེམས་ཅན་འཇིགས་པས་ཉེན་པ་འདིའི་ཆེད་དུའོ། །འཇིགས་པས་བརྟབས་ཤིང་རབ་ཏུ་མགྱོགས་པར་གྱུར་པ་གང་ཡིན་པ་དེ་ནི་སྐྲག་ནས་བརྟབས་ཤིང་རབ་ཏུ་མགྱོགས་པར་བྱེད་པའོ། །ཇི་ལྟ་བུར་#ཞེ་ན། ཆར་སྤྲིན་ནག་པོ་རླུང་གིས་#གཏོར་བ་བཞིན།། །།
[221a.3]བདག་གི་དམག་ཚོགས་ཕམ་ཡང་ཞེས་བྱ་བའི་ཚིགས་བཅད་ཡིན་ནོ། །དགའ་བ་དང་ངོ་ཚ་བ་ནི་དགའ་ཞིང་ངོ་ཚ་བའོ། །དགའ་བ་དང་ངོ་ཚ་བ་དང་བཅས་པ་ནི་དགའ་ཞིང་ངོ་ཚ་བཞིན་དུའོ། །ཕོངས་ན་ཞེས་བྱ་བའི་སྒྲ་ནི་ངན་པ་དང་བློ་འབྲིང་པོ་གཉི་ག་ལ་སྦྱར་བར་བྱའོ། །ངན་
[221a.4]པ་དང་བློ་འབྲིང་པོ་ནི་སྡིག་པ་སྤྱོད་པའི་ཚེ་ན་མི་མཉམ་པ་སྟེ། སྙིང་རྗེ་དང་བཅས་པས་སོ། །སྐྱེ་བོ་དམ་པ་རྣམས་ཀྱི་ཁྱད་པར་ནི་འདི་ཡིན་ཏེ། རྣམ་པ་ཐམས་ཅད་དུ་སྡིག་པ་མི་བྱེད་དེ། སྙིང་རྗེ་དང་བཅས་པར་གྲུབ་པ་ཡིན་པས་ཡང་མི་བརྗོད་དོ། །#སློབ་དཔོན་དཔའ་བོས་
[221a.5]མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་བརྒྱ་བྱིན་གྱི་སྐྱེས་པའི་རབས་སོ།། །།བདག་ངོ་ཚ་བ་ཉིད་ཀྱིས་ཞེས་བྱ་བ་ནི་ངོ་ཚ་བ་ཉིད་ཁྲེལ་ཡོད་པ་ཞེས་བྱ་བའི་དོན་ཏོ། །བདག་དང་ཆོས་ཀྱི་དབང་དུ་བྱས་ཏེ་ཁ་ན་མ་ཐོ་བ་ཞེས་བྱ་བའི་ཚིག་གིས་སོ། །སྤྱོད་ཡུལ་
[221a.6]གྱི་དུས་ཞེས་བྱ་བ་ནི་ཚུལ་དང་སྤྱོད་པ་སྟེ་གང་བྱ་བའོ། །རང་གི་ཆོས་ཞེས་བྱ་བ་ནི་འདོན་པ་དང་། འདོན་དུ་འཇུག་པ་དང་། མཆོད་སྦྱིན་བྱེད་པ་དང་། བྱེད་དུ་འཇུག་པ་དང་། སྦྱིན་པ་དང་། ལེན་པ་སྟེ། དེ་དག་ནི་#རང་གི་ཆོས་སོ། །རང་གི་ཆོས་དེ་དག་གི་རྗེས་སུ་སྤྱོད་པའི་
[221a.7]གྲགས་པ་གང་ཡིན་པ་དེ་ནི་རང་གི་ཆོས་ལ་སྤྱོད་པའི་གྲགས་པའོ#། །འདུལ་བ་ནི་བྱ་བ་མ་ཡིན་པའི་ལས་ལ་སོགས་པ་#ལས་ལྡོག་པ་སྟེ། ཇི་ལྟར་རིགས་པའི་སྒྲུབ་པའོ། །བཙས་པའི་ཆོ་ག་བྱ་བ་ལ་སོགས་པས་ཞེས་སྨོས་པས་ནི་ལྷག་མཆོག་བཅུ་གཉིས་ཀྱང་གཟུང་ངོ་། །
[221b]
[221b.1]ལྡོག་#པ་དང་། འཛིན་པ་ནི་ལྡོག་#པ་དང་འཛིན་པ་དག་སྟེ། ཐོབ་#པ་ལྡོབ་ཅིང་འཛིན་པ་དེ་གཉིས་ལ་གང་#གསལ་བར་གྱུར་པ་ནི་ཐོབ་#པ་ལྡོབ་ཅིང་འཛིན་པ་གསལ་བའོ། །འདི་དག་ནི་བྱ་བ་ཤེས་པ་དང་། སློབ་པའི་ཡན་ལག་ཡིན་ནོ། །རྒྱུད་ཉིད་གུས་པ་ཡིན་པས་རྒྱུད་གུས་
[221b.2]ཏེ། གུས་པའི་རྒྱུད་ཅེས་བྱ་བའི་དོན་ཏོ། །དུལ་བ་ནི་བྱ་བ་རྣམས་ལ་བླ་མའི་རྗེས་སུ་འཇུག་པ་ཡིན་ཏེ། འདིས་ནི་བསླབ་པའི་ཡན་ལག་དང་ལྡན་པ་བསྟན་ཏོ། །ཞི་ཞིང་ཆོས་བཟང་པོ་གང་ལ་ཡོད་པ་དེ་ནི་ཞི་ཞིང་ཆོས་བཟང་པོའོ#། །འདིས་ཀྱང་ཚུལ་ཁྲིམས་ཀྱི་ཡན་ལག་
[221b.3]བསྟན་ཏོ། །བྱམས་པ་ནི་ཆགས་པའོ། །དགའ་བ་ནི་དད་པ་འམ་དང་བའོ། །བྱམས་ཤིང་#དགའ་བ་གཉིས་སུ་གྱུར་པ་ནི་དེ་གཉིས་ཀྱིས་ཡིན་ཏེ། བྱམས་པར་གྱུར་པ་ནི་ཞི་བས་སོ། །ཆོས་བཟང་བར་གྱུར་པ་#ནི་བླ་མ་དགའ་བར་གྱུར་པའོ། །དབང་དུ་བྱེད་པ་ནི་སྔགས་ཀྱི་དོན་
[221b.4]གྱིས་སོ། །ཡོན་ཏན་དབང་དུ་བྱེད་པའི་སྔགས་རྟག་ཏུ་ཞེས་བྱ་བ་ལ། སྔགས་ཡོན་ཏན་དབང་དུ་བྱེད་པ་ལས་གཞན་དག་ལས་ཡོན་ཏན་གྱི་མཚན་ཉིད་ཀྱིས་དབང་དུ་བྱེད་པའི་སྔགས་འདི་ནི་ཁྱད་པར་དུ་བསྟན་པ་ཡིན་ཏེ། ཡོན་ཏན་ནི་རྟག་ཏུ་ཡོད་པ་ཡིན་པས་སྔགས་གཞན་ལྟར་མི་རྟག་
[221b.5]ཅིང་ཉམས་པ་ནི་མ་ཡིན་ཏེ། ཡོན་ཏན་དབང་དུ་བྱེད་པའི་སྔགས་འདི་ལས་གཞན་པའི་དབང་དུ་བྱེད་པའི་སྔགས་ནི། ཞེ་སྡང་གིས་འཁྲུགས་པ་སྟེ། དབང་དུ་བྱེད་པའི་ནུས་པ་མེད་དོ། །སྔགས་འདིས་ནི་དེ་ལྟ་བུའང་དབང་དུ་བྱེད་པ་ཡིན་ནོ། །སྔགས་ཐ་མལ་པས་ནི་#བདག་
[221b.6]ཉིད་ཀྱི་སེམས་དབང་དུ་བྱེད་པ་ཡིན་ནོ། །གཞན་དག་ནི་མ་ཡིན་ནོ། །གསང་དུས་དག་ཏུ་ཞེས་བྱ་བ་ནི་མི་འདོད་པའི་དུས་རྟག་#ཏུའོ། །དབུལ་བ་འབྲས་བུ་རེ་བ་མེད། །ཅེས་བྱ་བའི་ཚིགས་བཅད་ཀྱི་དོན་ནི་འདི་ཡིན་ཏེ། བདག་དང་གཞན་གྱི་ཕན་པ་དང་། འཛིན་རྟེན་འདི་དང་#ཕ་རོལ་ཏུ་
[221b.7]ཕན་པ་མེད་པ་སྟེ། བདག་གིས་#མི་ལའང་སྨྲར་མེད་ཅིང་། །ཅེས་བྱ་བ་འདིས་ནི་གཞན་ལ་ཕན་པ་མི་ནུས་པ་ཉིད་དོ། །དགའ་སྟོན་ཚེ་ན་འད་དགའ་མི་མྱོང་། །ཞེས་བྱ་བ་འདིས་ནི་བདག་གི་དོན་མི་ནུས་པ་ཉིད་དོ། །ཀྱི་ཧུད་སྦྱིན་པའི་གཏམ་ཡང་གཞན། །ཞེས་བྱ་བ་འདིས་ནི་འཇིག་རྟེན་ཕ་
[222a]
[222a.1]རོལ་གྱི་ཕན་པ་མི་ནུས་པ་ཉིད་དེ། གང་གི་ཕྱིར་སྦྱིན་པ་ཡོད་ན་ནི་འཇིག་རྟེན་ཕ་རོལ་ཏུ་མངོན་པར་མཐོ་བ་ཐོབ་པར་འགྱུར་རོ། །དབུལ་བ་འབྲས་བུ་རེ་བ་མེད། །ཅེས་བྱ་བ་འདིས་ནི་འཇིག་རྟེན་འདི་ལ་ཕན་པའི་བྱ་བ་མི་ནུས་པ་ཉིད་དོ། །རེ་བ་ནི་མངོན་པར་འདོད་
[222a.2]པ་སྟེ། འདི་དང་འདི་བྱའོ་ཞེས་བྱ་བ་དེ་དང་དེའི་འབྲས་བུ་མེད་པ་ཡིན་ཏེ། འབྱོར་པ་མ་ཡིན་པར་ནི་བསམ་པ་འབྲས་བུ་དང་བཅས་པར་མི་འགྱུར་རོ། །སྨ་འབབ་གནས་གྱུར་ཞེས་བྱ་བའི་ཚིགས་བཅད་ཀྱི་དོན་ནི་འདི་ཡིན་ཏེ། བདག་དང་གཞན་གྱི་སྒྲུབ་པའི་རྒྱུ་མེད་པ་དང་། བདག་
[222a.3]ཉིད་ཀྱི་སྡུག་བསྔལ་གྱི་རྒྱུ་དང་། བདེ་བ་མི་ཐོབ་པའི་རྒྱུ་དང་། གཞན་ལ་ཡང་དག་པར་སྒྲུབ་པ་མི་འཐོབ་#པའི་རྒྱུ་དང་བཞི་པོ་འདི་དག་#གོ་རིམས་བཞིན་དུ་#སྦྱར་བར་བྱའོ། །ཉམས་#ཉེས་བཞིན་དུ་རྟག་ཏུ་མྱ་ངན་བྱེད། །ཅེས་བྱ་བ་ནི་བཞི་པོ་དེ་དག་གི་རྒྱུས་སོ། །བཀྲེས་སྐོམ་
[222a.4]ཟན་དང་ཞེས་བྱ་བ་འདིའི་ལུས་ནི་རྣམ་པ་གསུམ་སྟེ། སྡུག་བསྔལ་རྣམ་པ་གསུམ་གྱི་#གསོ་བར་བསྟན་པ་ཡིན་ཏེ། བཀྲེས་པ་ལ་ནི་ཟན་ནོ། །སྐོམ་པ་ལ་ནི་ཆུའོ། །འདི་གཉིས་ནི་ལྷན་ཅིག་སྐྱེས་པའི་སྡུག་བསྔལ་གྱི་གསོ་བར་བསྟན་ཏོ། །སྨན་བཅས་སྔགས་ཀྱིས་ནད་
[222a.5]སོས་འགྱུར། །ཞེས་བྱ་བ་འདིས་ནི་གློ་བུར་གྱི་སྡུག་བསྔལ་གསོ་བར་བསྟན་ཏོ། །རྒྱུན་གནས་ནོར་གྱིས་#དབུལ་པོར་འགྱུར། །ཞེས་བྱ་བ་འདིས་ནི་སྔོན་བྱས་པའི་རྒྱུའི་དབུལ་བའི་སྡུག་བསྔལ་ལས་གསོ་བར་བསྟན་ཏེ། གང་གི་ཕྱིར་དབུལ་པོ་ནི་སྐྱེ་བ་སྔ་མ་ལ་རང་གི་སེར་སྣ་བྱས་པའི་རྒྱུ་#ཡིན་
[222a.6]ཏེ། ད་#གསོ་བ་ནི་ནོར་རོ། །བླང་བའི་ཐབས་རབ་ཏུ་ཆུང་བ་གང་ཡིན་པ་དེ་ནི་བླང་བའི་ཐབས་རབ་ཏུ་ཆུང་བའོ། །བྲམ་ཟེ་རྒུད་ཚེ་རྐུ་བ་ཆོས་སུ་བཤད། །ཅེས་བྱ་བའི་ཚིགས་སུ་བཅད་པ་འདིས་ནི་བྲམ་ཟེ་རྒུད་པར་གྱུར་པའི་ཚེ་ན་ནི་བྲམ་ཟེ་རྒུད་པ་ཉིད་ལ་ཉེས་པ་མེད་པ་ཉིད་དུ་བསྟན་ཏོ། །གལ་ཏེ་
[222a.7]བྲམ་ཟེ་རྣམས་ཀྱི་རང་ཉིད་ཀྱི་ནོར་ཡིན་ན་ཅིའི་ཕྱིར་མ་མཐོང་བར་བླང་ཞེ་ན། དེའི་ལན་བསྟན་པའི་ཕྱིར། ངོ་མཐོན་དུ་ནི་ནོར་འཕྲོག་#ནུས་གྱུར་ཀྱང་། །ཞེས་བྱ་བའི་ཚིགས་བཅད་བརྩམས་བ་ཡིན་ནོ། །ཡང་ན་འདིའི་བསྡུས་པའི་དོན་ནི་མངོན་སུམ་དུ་ཡང་བླང་བར་བྱ་བ་ཡིན་ན། ཅིའི་ཕྱིར་
[222b]
[222b.1]མ་མཐོང་བར་བླང་ཞེ་ན། རྐུ་བ་ལ་ཉེས་པ་#ཡིན་ཏེ། དེས་ན། ངོ་མཐོན་#དུ་ནི་ནོར་འཕྲོག་ནུས་གྱུར་ཀྱང་། །ཞེས་བྱ་བ་ལ་སོགས་པའི་ཚིགས་བཅད་བརྩམས་པ་ཡིན་ནོ། །རྗེས་སུ་ཡི་རང་བ་ཡང་མི་བྱེད་དེ། རང་བཞིན་གྱི་དགེ་བ་ཡིན་པས་སོ། །ཆོ་ག་བསྟན་པ་ནི་རྐུ་བའོ། །དགའ་བར་མ་
[222b.2]གྱུར་ཞེས་བྱ་བ་ནི་རབ་ཏུ་མི་སྒྲུབ་པ་དང་། བདག་གིར་མི་བྱེད་པའོ། །སླར་བཟློག་#པར་མ་གྱུར་པ་ནི་སླར་མི་སྨྲ་བའོ། །ཡོན་ཏན་ཞིག་ཡོད་པར་བསམས་ནས་ཞེས་བྱ་བ་ནི་སྲིད་པ་གང་ཡིན་པ་དེ་ནི་ཡོན་ཏན་ཞིག་ཡོད་པར་བསམས་པའོ། །རྩོལ་མི་ཕོད་དམ་ཞེས་བྱ་བ་ནི་བདག་ཉིད་ཀྱི་རྩོལ་
[222b.3]བ་དང་བྲལ་བ་སྟེ། སྙིང་སྟོབས་མེད་པ་ཞེས་བྱ་བའི་དོན་ཏོ། །ང་རྒུད་པ་ཞེས་བྱ་བ་དེ་ལ་མི་བཟོད་པར་གྱུར་པ་དེ་ནི་ང་རྒུད་མི་བཟོད་པས་སོ། །མི་རྣམས་དཔའ་བོའི་ལམ་ཞེས་བྱ་བ་ནི་དཔའ་བོའི་འདྲོན་པོའོ#། །སྤྲོ་བ་དང་བྲལ་བ་ནི་སྤྲོ་བ་མེད་ཅིང་ལེ་ལོ་སྟེ་དེས་བླུན་པའོ། །ཡང་
[222b.4]ན་འདི་ལ་སྤྲོ་བ་མེད་པའོ། །སྤྲོ་བ་མེད་པ་གང་ཡིན་པ་དེ་ནི་བླུན་པ་ཡིན་པས་སྤྲོ་བ་མེད་ཅིང་བླུན་པའོ། །རབ་བསྒྲགས་ཤིང་ཞེས་བྱ་བ་ནི་སྐྱེ་བོ་མང་པོ་ལའོ། །མ་བཅབས་རྒྱ་ཆེར་ཞེས་བྱ་བ་ནི་འདི་མི་མངོན་པ་མ་#ཡིན་ཞིང་རྒྱ་ཆེར་རོ། །བསྟན་པ་ནི་ཐམས་ཅད་ལ་ཞེས་བྱ་བའི་
[222b.5]དོན་ཏོ། །ཚིག་དང་ཟུར་ལ་སོགས་ཀྱང་སྟེ། རྒྱུ་འདི་གསུམ་གྱི་སྡུག་བསྔལ་རབ་ཏུ་བསྒྲགས་པ་སྟེ། ཤིན་ཏུ་དཀའ་བར་བསྟན་པ་དེས་ན་ཡང་ཤིན་ཏུ་སྡུག་བསྔལ་ཆེན་པོ་ཉིད་དོ། །བསྒྲིམས་པ་དང་བྲལ་བ་གང་ཡིན་པ་དེ་ནི་མི་སྒྲིམ་པའོ། །མི་སྒྲིམ་པ་གང་ཡིན་པ་#བརྟན་པ་
[222b.6]ཡང་ཡིན་པས་མི་སྒྲིམ་བརྟན་གྱུར་པའོ། །མི་སྒྲིམ་བརྟན་པར་གྱུར་པའི་ཡིད་གང་ཡིན་པ་དེ་ནི་མི་སྒྲིམ་བརྟན་པར་གྱུར་པའོ། །དེ་ལྟར་ཐ་མལ་བཞིན་དུ་ཞེས་བྱ་བ་ནི་ཅི་ལྟར་སྡུག་བསྔལ་ཐོས་པའི་དུས་དེ་བཞིན་དུ་གདུག་ཅེས་བྱ་བའི་དོན་ཏོ། །བྱམས་པ་དང་བྲལ་བ་ནི་འདི་ལྟར་མི་བྱམས་པའོ། །
[222b.7]མི་བྱམས་པ་ཡང་ཡིན་ལ་སྲ་བ་ཡང་ཡིན་པས་མི་བྱམས་ཤིང་སྲ་བའོ། །མི་བྱམས་ཤིང་སྲ་བ་གང་ཡིན་#པ་དེ་ནི་མི་བྱམས་ཤིང་སྲ་བ་ཉིད་དེ། དེ་ཡོད་པ་དེའི་ཕྱིར་རོ། །དེ་ལྟར་གང་གོང་དུ་བསྟན་པ་དེ་མི་སྒྲིམ་བརྟན་པར་གྱུར་པའི་ཡིད་དང་ཐ་མལ་བཞིན་དུ་གནས་གྱུར་པ། །ཞེས་བྱ་
[223a]
[223a.1]བ་དག་དེ་ལྟ་བུའི་དོན་ཏོ། །མཁན་པོས་བསྟན་པའི་རིམ་ལ་#ཞེས་བྱ་བ་ནི། །གཞན་ནོར་#མ་མཐོང་བླང་བར་གྱིས། །ཞེས་བྱ་བ་ཡིན་ཏེ་དེའི་རིམ་པའོ། །སྡིག་པའི་ལས་རྣམས་བྱེད་པ་ན། །ཞེས་བྱ་བའི་ཚིགས་བཅད་འདིས་བདག་གིས་མི་རིག་#པ་ལྷའི་མིག་གི་སྤྱོད་
[223a.2]ཡུལ་དུ་བསྟན་ཏོ། །བདག་ཉིད་སྦྱངས་པ་ལྷ་ཡི་སྤྱན། །ཞེས་བྱ་བ་འདིས་ནི་མངོན་པར་ཤེས་པའི་རང་བཞིན་གྱི་ལྷའི་མིག་གི་རང་བཞིན་དུ་བསྟན་ཏོ། །ཉེས་བྱས་གཞན་གྱིས་མཐོང་བ་དང་། །གང་ཡང་བདག་གིས་མཐོང་བ་ཞེས་བྱ་བ་ནི་གཉི་གས་མཐོང་བ་ལས་སོ། །
[223a.3]ལེགས་པར་མཐོང་བ་ཞེས་བྱ་བ་ནི་དེ་ལྟར་དཔྱད་ན་གང་དེ་བདག་གིས་མཐོང་བ་དེ་ནི་ལེགས་པར་མཐོང་བ་ཡིན་ཏེ། བདག་གིས་མཐོང་བའི་ཕྱིར་རོ། །ལེགས་པར་མཐོང་བ་དེ་ཉིད་བསྒྲུབ་པའི་ཕྱིར། །བདག་གི་དགོས་པས་ཞེས་བྱ་བའི་ཚིགས་བཅད་སྨོས་པ་ཡིན་ཏེ། ལེགས་
[223a.4]པར་མཐོང་བ་དེ་ནི་མཐོང་བ་ངེས་པར་བསྟན་པས་སོ། །ཆགས་པ་ལ་ཞེན་པ་ནི་ཆགས་པ་ལ་ཞེན་པའོ། །རྩེ་གཅིག་ཏུ་དམིགས་པ་ནི་རྩེ་གཅིག་པའོ། །ཆགས་པས་#ཞེན་པ་ཡང་ཡིན་ལ་རྩེ་གཅིག་པ་ཡང་ཡིན་པས་ཆགས་པས་རྩེ་གཅིག་པའོ། །ཆགས་པས་རྩེ་
[223a.5]གཅིག་པའི་ཡིད་གང་ལ་ཡོད་པ་དེ་ནི་ཆགས་པས་རྩེ་གཅིག་ཡིད་གྱུར་པ་སྟེ། བདག་གི་དགོས་པ་ལ་ཆགས་པས་རྩེ་གཅིག་པའི་ཡིད་དུ་གྱུར་པ་ཞེས་བྱ་བའི་དོན་ཏོ། །དེ་ལྟར་ནོར་གྱི་ཕྱིར་ཞུགས་ཞེས་བྱ་བ་ནི་རྐུ་བ་ལ་ཞུགས་པའོ། །སྐྱོན་དང་ཡོན་ཏན་ནི་ཡོན་ཏན་དང་ཡོན་ཏན་
[223a.6]མ་ཡིན་པའི་ཁྱད་པར་རོ། །ནོར་ཕྱིར་ཡོན་ཏན་ཞེས་བྱ་བ་ནི་ནོར་ལ་བཙོང་བ་ཞེས་བྱ་བའི་དོན་ཏོ། །ལྷའི་དབང་པོར་གྱུར་པའི་ཕྱིར་ནི་ལྷའི་དབང་ཕྱིར་ཏེ། ལྷའི་རྒྱལ་པོར་སྐྱེ་བའི་ཕྱིར་ཞེས་བྱ་བའི་དོན་ཏོ། ཆོས་དང་འགལ་བ་ཞེས་བྱ་བ་ནི་ཆོས་ཉམས་པའོ། །གོས་ངན་པ་གྱོན་པ་ནི་
[223a.7]གོས་ངན་པ་འཆང་བའོ། །དགྲ་བོའི་ཁྱིམ་ན་འབྱོར་པ་མཐོང་བ་ཞེས་བྱ་བ་ནི་དེའི་གན་དུ་བསླང་བའི་དོན་དུ་འགྲོ་བ་ཞེས་བྱ་བའི་དོན་ཏོ། །བུ་ལེགས་སོ་ལེགས་སོ་བྲམ་ཟེ་ཆེན་པོ་ལེགས་སོ་ཞེས་བྱ་བ་ནི་གང་གོང་དུ་བསྟན་པའི་རྒྱུ་དགུས་དུལ་བ་ཞེས་བྱ་བ་དང་། རང་གི་ཆོས་ཉིད་#
[223b]
[223b.1]གྲགས་པ་ཞེས་བྱ་བ་སྟེ། དེ་དང་རྗེས་སུ་མཐུན་པའི་ཕྱིར་རོ། །རབ་ཏུ་ཞི་བས་བརྒྱན་པ་ཞེས་བྱ་བ་ནི་གང་གོང་དུ་བསྟན་པའི་ལང་ཚོའི་ཚེ་ཡང་ཞི་ཞིང་ཆོས་བཟང་བས་ཞེས་བྱ་བ་དེ་དང་རྗེས་སུ་མཐུན་པའི་ཚིག་གོ། །ཁྱོད་ཀྱི་ཤེས་རབ་ཅེས་བྱ་བ་ནི་གང་གོང་དུ་བསྟན་པའི།
[223b.2]ཐོས་པ་ལྡོབ་ཅིང་འཛིན་གསལ་དང་། །ཞེས་བྱ་བ་ཡིན་ཏེ། དེ་དང་རྗེས་སུ་མཐུན་པའི་ཚིག་གོ། །རང་གི་ཆོས་ཉིད་ལམ་ཡིན་པས་རང་གི་ཆོས་ལམ་སྟེ། རང་གི་ཆོས་ཀྱི་#བདེ་འགྲོ་ཐོབ་པར་བྱེད་པ་ནི་ཆོས་ཡིན་ནོ། །དཀའ་ཐུབ་ཅེས་སྨོས་པས་ནི་ངོ་ཚ་ཤེས་པ་དང་ཁྲེལ་ཡོད་པ་
[223b.3]གཉིས་གཟུང་ངོ་། །ཐོས་པ་དང་ཤེས་པ་སྨོས་པས་ནི་སེམས་ལས་བྱུང་བ་ལྷན་ཅིག་སྐྱེས་པའི་ཤེས་རབ་གཟུང་སྟེ། འདི་དག་གིས་ནི་བདག་ལ་#ཕན་པའི་ཐབས་བསྟན་ཏོ། །དགེ་བ་རྣམས་ཞེས་བྱ་བ་འདིས་ནི་གཞན་ལ་ཕན་པ་སྒྲུབ་#པ་རྣམས་ནི་ཕོངས་པར་གྱུར་ཀྱང་འགྱུར་བ་
[223b.4]མེད་པར་བསྟན་ཏོ། །ཡང་ན་ཁྲེལ་ཡོད་པ་ཞེས་བྱ་བ་བསྟན་པ་ལས་ངོ་ཚ་ཤེས་པ་དང་ཁྲེལ་ཡོད་པའི་དབང་དུ་བྱས་པ་ཡིན་#པས། དེས་ན་#ཁྲེལ་ཡོད་པ་ཡང་མི་བརྗོད་དེ་གྲུབ་ཟིན་པའི་ཕྱིར་རོ། །རྣམ་པར་གྲགས་པ་ནི་མཛེས་པར་སྤྱོད་པ་དང་། ལེགས་པར་སྦྱོར་བ་སྟེ། ཐོས་
[223b.5]པ་དོན་དང་ལྡན་པའོ། །ལེགས་པར་སྤྱོད་པ་སྤྱད་པའི་ཕྱིར་ཐོས་པ་གཟུང་སྟེ། དེ་ལ་ལེགས་པར་སྤྱོད་པ་ཡིན་པས་ཐོས་པ་དོན་དང་ལྡན་པ་སྟེ། དེ་འབྲས་བུ་དང་བཅས་པའོ། །ཐོས་པ་དེ་ཡང་ང་ཡི་འབད་པས་ལེགས་པར་འབྱུང་བ་སྟེ། དེ་ག་ལས་ཤེ་#ན། དོན་ཡོད་པ་
[223b.6]ལས་ཏེ། དེས་ན་འདི་ལས་འབྱུང་བའོ། །བདེ་བ་འབྱུང་བ་ནི་ལེགས་པར་འབྱུང་བའོ། །དེའི་ཕྱིར་འབད་པའི་དོན་ཡོད་པ་ཡིན་ཏེ། འབྲས་བུ་དང་བཅས་པ་ཉིད་པས་ངལ་བ་དོན་ཡོད་པ་ཉིད་དོ། །བདག་ཉིད་ངོ་ཚ་བ་ཉིད་ཀྱིས་ཞེས་བྱ་བ་གང་གི་ཕྱིར་འཛེམ་#པ་ཞེས་བྱ་བའི་དོན་
[223b.7]དེ་ཉིད་འཇིག་རྟེན་གྱི་དབང་དུ་བྱས་པ་ཉིད་ཀྱིས་ཁྲེལ་ཡོད་པ་ཡང་དེ་#ཉིད་ཡིན་ཏེ། ཁྲེལ་ཡོད་པ་བསྟན་པ་ནི་འདི་ལྟར། སྡིག་པའི་ལས་རྣམས་བྱེད་པ་ལ#། །ཞེས་བྱ་བ་ལ་སོགས་པའི་ཚིགས་བཅད་གཉིས་ཀྱིས་བསྟན་ཏོ། །བདག་ཉིད་ཀྱི་ངོ་ཚ་ཤེས་པ་ཉིད་སྨས་པ། བདག་གིས་གང་
[224a]
[224a.1]ན་སྟོང་པ་ནི། །ཞེས་བྱ་བ་ལ་སོགས་པ་ཚིགས་བཅད་གསུམ་གྱིས་ཀྱང་དེ་བསྟན་པ་ཡིན་ནོ། །སློབ་དཔོན་དཔའ་བོས་མཛད་པའི་སྐྱེས་རབས་རྒྱ་ཆེར་བཤད་པ་ལས་བྲམ་ཟེའི་སྐྱེས་པའི་རབས་སོ།། །།སྡུག་བསྔལ་མི་བཟོད་#པས་གདུངས་པས#། །
[224a.2]ཞེས་བྱ་བ་ལ། འདིར་སྡུག་བསྔལ་ནི་རྣམ་པར་འགྱུར་བའི་སྡུག་བསྔལ་ལ་གསུངས་པར་དགོངས་པ་ཡིན་ཏེ། རྣམ་པར་འགྱུར་བའི་སྡུག་བསྔལ་ཡང་འདོད་ཆགས་ལས་སྐྱེས་པ་སྟེ། འདོད་པའི་འདོད་ཆགས་ཀྱིས་རྣམ་པར་འགྱུར་བའི་སེམས་སོ་ཞེས་བྱ་བའི་ཚིག་གིས་སོ། །
[224a.3]ངན་པ་རྣམས་ཀྱི་ལམ་ཡིན་པས་ངན་པའི་ལམ་སྟེ། དེར་#འཇུག་པར་མི་འགྱུར་བའོ། །བདེན་པ་དང་། གཏོང་པ་དང་། ཉེ་བར་ཞི་བ་དང་། ཤེས་རབ་ཅེས་སྨོས་པ་ནི་བྱིན་རླབས་#བཞི་གཟུང་ངོ་། དེ་དག་སྨོས་པས་ནི་ཕ་རོལ་ཏུ་ཕྱིན་པ་དྲུག་གཟུང་སྟེ། ཅི་ལྟར་#ཞེ་ན། བདེན་
[224a.4]པ་སྨོས་པས་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གཟུང་སྟེ། བདེན་པ་གཙོ་བོའི་ཕྱིར་རོ། །ཚུལ་ཁྲིམས་གཟུང་ཡང་ཚུལ་ཁྲིམས་ལ་དྲན་པ་ཉམས་པར་གྱུར་ན་དེའི་ཉེས་པས་ལྟུང་བར་འགྱུར་ཏེ། །བདེན་པ་མེད་པས་ཆོས་བཞིན་དུ་གསོ་བར་མི་ནུས་ཏེ། ཚུལ་ཁྲིམས་
[224a.5]ཀྱིས་ཕོངས་པར་འགྱུར་རོ། །དེས་ན་དེ་གཙོ་བོ་ཡིན་ནོ། །གཏོང་པ་སྨོས་པས་ནི་སྦྱིན་པའི་ཕ་རོལ་ཏུ་ཕྱིན་པ་གཟུང་ངོ་། །ཉེས་པར་ཞི་བ་སྨོས་པས་ནི་བཟོད་པ་དང་བསམ་གཏན་གྱི་ཕ་རོལ་ཏུ་ཕྱིན་པ་གཟུང་#ངོ་། །ཤེས་རབ་སྨོས་པས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་གཟུང་ངོ་། །
[224a.6]བརྩོན་འགྲུས་ཀྱི་ཕ་རོལ་ཏུ་ཕྱིན་པ་ནི་ཐམས་ཅད་ཀྱི་རྗེས་སུ་འབྲང་པའི་ཕྱིར་མ་སྨོས་ཀྱང་གཟུང་བར་བྱའོ། །#སོགས་པའི་སྒྲས་ནི་བསྡུ་བའི་དངོས་པོ་ལ་སོགས་པ་ཐེག་པ་ཆེན་པོ་ལས་བཤད་པ་གཞན་དག་ཀྱང་མ་ལུས་པར་གཟུང་#ངོ་། །ཡོན་ཏན་ཁྱད་པར་ཅན་ཞེས་བྱང་ཆུབ་སེམས་
[224a.7]དཔའི་ཡོན་ཏན་ཁྱད་པར་ཅན་#དག་ཀྱང་བསྟན་ཏོ། །མངོན་སུམ་གྱི་སྒྲ་ནི་ཆོས་དང་འདུལ་བ་གཉིས་དང་སྦྱར་རོ། །སྐྱེ་དགུ་རྣམས་ལ་ཕ་དང་འདྲ་བར་ཕན་འདོགས་པར་བྱེད་དོ་ཞེས་བྱ་བ་དེ་ཡང་ཇི་ལྟར་སྐྱེ་དགུ་རྣམས་ལ་ཕ་དང་འདྲ་བར་#ཕན་འདོགས་པར་གྱུར་ཅེ་ན། དེ་ཉིད་བསྟན་
[224b]
[224b.1]པའི་ཕྱིར། ཉེས་པར་སྤྱོད་ལས་རྣམ་པར་བཟློག་པ་དང་། །ཞེས་བྱ་བའི་ཚིགས་བཅད་བརྩམས་པ་ཡིན་ནོ། །རྣམ་པར་བཟློག་པ་ནི་རྣམ་པར་འདུལ་བའོ། །འཇིག་རྟེན་གར་ཞེས་བྱ་བ་ནི་འཇིག་རྟེན་འདི་དང་འཇིག་རྟེན་ཕ་རོལ་ཏུ་ཡོན་ཏན་དང་སྐྱོན་ལ་འཇུག་པ་དང་ལྡོག་པའི་
[224b.2]རྒྱུར་གྱུར་པ་སྟེ། གཅིག་#ན་ཡང་ཕ་དང་འདྲ་པ་སྟེ། ཆོས་མངོན་སུམ་དུ་གྱུར་པ་བཞིན་དུའོ། །སྐྱེ་དགུ་རྣམས་ལ་ཕ་དང་འདྲ་བར་ཕན་འདོགས་པར་གྱུར་ཏེ་ཞེས་བྱ་བའི་དབང་དུ་བྱས་ནས། ནང་གི་མི་དང་འདྲ་བར་སྙོམས་ཞེས་བྱ་བའི་ཚིགས་བཅད་ཡིན་ཏེ། ནང་
[224b.3]གི་མི་དང་ཕྱིའི་མི་ལ་ཆོས་དང་རྗེས་སུ་མཐུན་པའི་ཕྱིར་རོ། །བཀའ་ཁྲིམས་ན་ཆོས་མ་ཡིན་པའི་ལམ་གཅོད་པར་བྱེད་པ་ཡང་#ཡིན་ཏེ། མངོན་སུམ་དུ་ཆོས་བཞིན་དུ་གྱུར་པ་ཡིན་ནོ། །ཐེམ་སྐས་རིམ་པ་བཞིན་ཞེས་བྱ་བ་ནི། མངོན་པར་མཐོ་བ་ཡང་དག་པར་ཐོབ་པ་ཡིན་
[224b.4]ནོ། །ཚིག་སྔ་མ་ནི་མཐོང་བའི་ཆོས་ཀྱི་ཡོན་ཏན་དང་ཉེས་པ་ལས་#འཇུག་པ་དང་། ལྡོག་པའི་རྒྱུས་ཕ་དང་འདྲ་བར་སྟོན་པ་ཡིན་ནོ། །འདིས་ནི་འཇིག་རྟེན་ཕ་རོལ་གྱི་ཆོས་དང་ཆོས་མ་ཡིན་པ་ལ་འཇུག་པ་དང་། ལྡོག་པའི་རྒྱུས་མངོན་སུམ་ཆོས་དང་འདྲ་བར་བསྟན་པ་
[224b.5]ཡིན་ནོ། །མངོན་སུམ་འདུལ་བ་བཞིན་དུ་སྐྱེ་དགུ་རྣམས་ལ་ཕན་འདོགས་པར་གྱུར་ཏོ་ཞེས་བསྟན་པ་དེའི་དབང་དུ་བྱས་ནས། །འཇིག་རྟེན་ཕན་པ་ཆོས་ལྡན་དེ་མཐོང་ནས། །ཞེས་བྱ་བའི་ཚིགས་བཅད་ཡིན་ཏེ། ལྡན་པ་ནི་དེ་དང་ལྡན་བས་ན་ལྡན་པའོ། །ཆོས་དང་
[224b.6]ལྡན་པའི་ཕན་པ་གང་ཡིན་པ་དེ་ནི་འཇིག་རྟེན་པའོ། །ཆོས་དང་ལྡན་པ་ནི་རྩེ་གཅིག་ཏུ་སྤྱོད་པ་སྟེ། ཆོས་ཉིད་འབའ་ཞིག་སྤྱོད་ཅེས་པའོ། །ཆོས་ཀྱི་ལམ་ནི་ཆོས་ཀྱི་ལམ་ཉིད་དོ། །#ཆོས་ཀྱི་ལམ་འདུལ་བ་སྟེ། དེས་བསྐྱེད་#པའི་ཆོས་ཀྱི་ལམ་གང་ཐོབ་པའོ། །ཆོས་དེ་ལ་
[224b.7]གནོད་པ་བྱས་པ་ནི་འདུལ་བ་ལ་གནོད་པ་བྱས་པས་ན་ཆོས་ལ་གནོད་པ་བྱས་པའོ། །ཇི་ལྟར་བསྟན་པའི་རིམ་པ་བཞིན་དུ་ངེས་པར་བསྟན་པ་སྟེ། གསུམ་པོ་འདི་དག་གིས་ནི་འཇིག་རྟེན་འདི་དང་ཕ་རོལ་གཉི་ག་ལ་ཕན་པར་འཇུག་པའི་དབང་དུ་བྱས་པ་སྟེ། སྔར་བསྟན་པ་
[225a]
[225a.1]བཞིན་དུ་རིམ་པས་དགོད་དོ། །དཔལ་མོ་གཟུགས་དང་ལྡན་པ་བཞིན། །ཞེས་བྱ་བ་ནི་གཟུགས་གཟི་མདངས་མཆོག་དང་ལྡན་པས་སོ། །དགའ་བ་མངོན་སུམ་དུ་གྱུར་པ་བཞིན་ཞེས་བྱ་བ་ནི་བལྟ་ན་རབ་ཏུ་སྡུག་པས་སོ། །ལྷ་མོ་བཞིན་དུ་ཞེས་བྱ་བ་ནི་
[225a.2]བུད་མེད་རིན་#པོ་ཆེར་གྱུར་པས་སོ། །རྒྱུ་འདི་གསུམ་གྱིས་ནི་གཟུགས་མཛེས་ཤིང་བཟང་བར་བལྟའོ། །མཐོང་ན་ཡིད་ནི་འཕྲོག་པ་མིའི་རིགས་ལས་ཡང་དག་པར་འདས་པ་སྟེ། བུད་མེད་རིན་པོ་ཆེར་བཀུར་བ་བཞིན་དུ་གྱུར་པར་བཤད་དོ། །ཇི་སྲིད་ཅེས་བྱ་བ་འདིས་དུས་
[225a.3]དང་ཡུལ་གཟུང་སྟེ། ཁྱད་པར་#སེམས་དང་འབྲེལ་པར་སྟོན་པ་ཉིད་དེ། དེའི་ལུས་དུས་དང་ཡུལ་གང་ལ་མཐོང་བར་གྱུར་པ་དེ་སྲིད་ཀྱི་དུས་དང་། དེ་སྲིད་ཀྱི་ཡུལ་ལྟ་བ་ཟློག་པར་ནུས་པ་མེད་པའོ། །དེ་བས་ན་ཞེས་བྱ་བ་ནི་གང་མཐོང་བ་རྣམས་ཀྱི་ལྟ་བ་ཟློག་#པར་མི་ནུས་
[225a.4]པའི་རྒྱུར་གྱུར་པས་སོ། །མྱོས་པར་བྱེད་པས་ན་མྱོས་བྱེད་མ་ཞེས་བྱ་བར་བཏགས་ཏེ་མིང་གི་ཡོན་ཏན་བསྟན་པའོ། །འདས་#པ་ནི་རིགས་པར་གསོལ་བའོ། །ཇི་ལྟར་གསོལ་ཞེ་ན། དེ་ཉིད་བསྟན་#པའི་ཕྱིར་ལྷ་ཁྱོད་ཀྱི་ཡུལ་ཞེས་བྱ་བ་ལ་སོགས་པ་ཡིན་ནོ། །ན་ཞེས་
[225a.5]བྱ་བ་ནི་བུད་མེད་རིན་པོ་ཆེ་ཡིན་པའི་ཕྱིར་རོ། །མིག་དང་ཡིད་ལ་དབང་ཡང་མེད་པར་གྱུར། །ཞེས་བྱ་བ་ནི་དེའི་གདོང་དུ་མིག་མི་འཛུམས་#པར་ལྟ་བས་མིག་ལ་དབང་མེད་པའོ། །ཡིད་ལ་དབང་ཡང་མེད་པར་གྱུར་པ་ནི་ཆོས་ཀྱི་རྗེས་སུ་འབྲང་བའི་བག་ཆགས་ཕྲོགས་#པ་ཡིན་
[225a.6]ཏེ། མི་བརྟན་པར་གྱུར་པ་ཡིན་པའི་ཕྱིར་རོ། །ཇི་ལྟ་བུ་ཞེ་ན། མིག་ལ་དབང་བྱེད་པས་ལུས་མཐོང་བར་གྱུར་པ་དེ་སྲིད་ཀྱི་དུས་དང་ཡུལ་ཡིད་ལ་དབང་བྱེད་པར་གྱུར་པ་སྟེ། འདོད་པས་མྱོས་ནས་འདུ་ཤེས་ཉམས་པར་གྱུར་པའོ། །མིག་ལམ་དུ་མི་སྣང་བར་གྱུར་པ་
[225a.7]ཞེས་བྱ་བ་ནི་སྔར་བཤད་པ་དང་རྗེས་སུ་མཐུན་#པ་ཡིན་ཏེ། འདོད་ཆགས་མ་བྲལ་བ་ཡིས་ཞེས་བྱ་བ་དེའི་ཚིགས་བཅད་ཀྱིས་སོ། །ཆོས་དང་སྲིད་ནི་ཆོས་དང་སྲིད་དོ། །སྲིད་ཀྱི་དོན་ཡང་ཡིན་ལ་སྒྲུབ་པ་ཡང་ཡིན་པས་སྲིད་ཀྱི་དོན་སྒྲུབ་པའོ། །ཆོས་དང་སྲིད་དེ་གཉིས་ཀྱི་
[225b]
[225b.1]དོན་སྒྲུབ་པ་ཞེས་བྱ་བ་ལ། སྲིད་ཀྱི་དོན་སྒྲུབ་པ་ནི་ནོར་བསྒྲུབ་པ་ཞེས་བྱ་བའི་དོན་ཏེ། ནོར་སྒྲུབ་པ་ནི་མ་ཐོབ་པ་ཐོབ་པར་བྱ་བ་དང་། ཐོབ་པ་ཡོངས་སུ་བསྲུང་བ་དང་། བསྲུངས་པ་རབ་ཏུ་འཕེལ་བར་བྱའོ། །ཆོས་ཀྱི་དོན་སྒྲུབ་པ་ནི་སྟེགས་ལམ་རབ་ཏུ་བསྒྲུབ་པའོ། །
[225b.2]རྒྱལ་པོའི་དོན་སྒྲུབ་པ་རྣམས་ཞེས་བྱ་བ་ནི་རྒྱལ་པོས་སྒྲུབ་པའི་དོན་ཏེ། བཞི་པོ་དེ་དག་ནི་རྒྱལ་པོའི་དོན་#སྒྲུབ་པའོ། །སྒྲུབ་པ་དེའི་དུས་ལས་ཡོལ་བ་ནི་འདས་པའོ། །ཕན་པ་དང་བདེ་བ་ནི་ཕན་པ་དང་བདེ་བའོ། །འབྱུང་བ་ནི་སྐྱེ་བ་སྟེ#། དེ་ནི་ལམ་ནི་སྐྱེ་བའི་ལམ་ཡིན་པས་
[225b.3]ཕན་པ་དང་བདེ་བ་འབྱུང་བའི་ལམ་མོ། །རྒྱལ་པོའི་དོན་སྒྲུབ་པ་ལས་ཡོལ་བ་དེ་ནི་འབངས་རྣམས་ལ་ཕན་པ་དང་བདེ་བའི་ལམ་ཆད་དེ་ཕུང་བར་འགྱུར་ཞེས་བསམས་པའོ། །འདི་ནི་མཐོང་བ་ཙམ་གྱིས་ནི། །ཞེས་བྱ་བ་ནི་གང་ཡུལ་མངོན་སུམ་དུ་གྱུར་པས་ཀྱང་སྟེ། འདིས་ནི་
[225b.4]དབང་པོའི་སྒོ་བསྡམས་པ་བསྟན་ཏོ། །དྲང་སྲོང་རྣམས་ཀྱང་ཞེས་བྱ་བ་ནི་ཉོན་མོངས་པ་ཐུབ་པའོ། །ཉོན་མོངས་པའི་བག་#ཆགས་མ་སྤངས་པ་དང་། ཚུལ་བཞིན་མ་ཡིན་པ་ཡིད་ལ་བྱེད་པ་ལ་སོགས་པ་རྒྱུ་གསུམ་པོ་ཚང་བས་ནི་ཉོན་མོངས་པ་རྣམས་དུས་རེས་འགའ་
[225b.5]སྐྱེ་བར་འགྱུར་ཏེ། ཡུལ་རྒྱ་ཆེར་མངོན་སུམ་དུ་གྱུར་པ་དང་། ཚུལ་བཞིན་མ་ཡིན་པ་ཡིད་ལ་བྱེད་པ་དང་། བག་ཆགས་མ་#སྤངས་པ་སྟེ། དེའི་ཕྱིར་བཤད་པ། ཕྲ་རྒྱས་སྤངས་པ་མ་ཡིན་དང་། །ཡུལ་འདི་#ཉེ་བར་གནས་པ་དང་། །ཚུལ་བཞིན་མ་ཡིན་ཡིད་བྱེད་པས། །
[225b.6]ཉོན་མོངས་རྒྱུ་ནི་ཚང་བ་ཡིན། །ཞེས་གསུངས་སོ། །འདོད་ཆགས་ཅན་གྱི་མིག་ལྟ་ཞེས་བྱ་བའི་ཚིགས་བཅད་ཕྱེད་ཀྱིས་#གོང་མ་ལས་བཟློག་པ་བསྟན་ཏོ། །#འདོད་ཆགས་ཅན་གྱི་མིག་ཅེས་པས་#ནི་དབང་པོའི་སྒོ་མ་བསྡམས་པ་དང་། བག་#ཆགས་ཡང་དག་པར་མ་སྤངས་པ་
[225b.7]ཉིད་དོ། །རྒྱལ་པོ་ཞེས་བྱ་བ་འདིས་ཚུལ་བཞིན་#ཡིད་ལ་བྱད་པ་ཡིན་ཏེ། རང་དབང་དུ་གྱུར་པས་ཚུལ་བཞིན་ཡིད་ལ་མི་བྱེད་པ་མི་ལྡོག་པའོ། །བདེ་བར་གནས་པ་ཞེས་བྱ་བ་འདིས་ནི་ཡུལ་ཉེ་བར་གནས་པ་ཡིན་ཏེ། དེ་ལྟར་ཉོན་མོངས་པའི་རྒྱུ་ཚང་བར་གྱུར་པས་སོ། །ཉོན་མོངས་
[226a]
[226a.1]པ་རྣམས་ནི་སེམས་#རང་དབང་དུ་གྱུར་པ་ལས་ཀྱང་འབྱུང་སྟེ། སྔར་བསྟན་པ་ཐམས་ཅད་འདི་ལས་འབྱུང་བར་བསྟན་ཏོ། །ཡང་ན་དོན་གཞན་དུ་ན་ཉོན་མོངས་པ་རྣམས་ནི་རྒྱུ་བཞིས་སྐྱེ་བར་འགྱུར་ཏེ། དབང་པོའི་སྒོ་མ་བསྡམས་པ་དང་། དེ་ནི་#ཡུལ་མངོན་དུ་གྱུར་
[226a.2]པ་དང་། ཡིད་ལ་བྱེད་པས་དེ་ལ་ལྟ་བ་དང་། རྒས་པས་ནི་#མི་ནུས་པ་སྟེ། དེ་ལ་ནུས་པ་མ་ཚང་བས་སོ། །ནང་ཡང་གཟུང་#སྟེ། དེའི་རང་བཞིན་ཉིད་དོ། །གཞན་དབང་ཡང་རང་ལ་ནུས་པ་མེད་པའི་ཕྱིར་རོ། །དེ་ལ་འདོད་ཆགས་ཅན་གྱི་མིག་གིས་ལྟ་ཞེས་བྱ་བའི་
[226a.3]སྐབས་ཀྱིས་ནི་དེ་ལས་བཟློག་པ་ལ་ཡང་མི་འབྱུང་བའི་ཕྱིར་རོ། །སྐབས་ཞིག་ཏུ་ཞེས་བྱ་བ་ནི་གནས་སྐབས་ཀྱི་དབང་དུ་བྱས་པའོ། །གྲགས་པ་མེད་པ་#བྱེད་པ་དང་། རང་གི་དགེ་བ་#ལོག་པར་སྤྱོད་པའི་སྐྱོན་གྱིས་འབྱོར་པ་མེད་པར་བྱེད་པ་སྟེ། ཁྱིམ་ཐབ་#ཀྱི་དགེ་མཚན་
[226a.4]ངན་པས་ཕུན་སུམ་ཚོགས་པའི་བགེགས་སུ་གྱུར་པས་སོ། །སྨད་པ་ནི་མཚན་དང་བྲལ་བའོ། །མཛེས་པ་#མེད་པར་བྱེད་པ་ནི་ཟླ་བ་སྤྲིན་རུམ་དུ་ནུབ་པས་གནམ་སའི་བྱེ་བྲག་མི་#མཛེས་པར་བྱེད་པ་ཡིན་ཏེ། གནམ་དང་ས་གཉིས་ཀྱི་བྱེ་བྲག་མེད་པར་བྱེད་པའོ། །ངའི་རིགས་
[226a.5]དང་མཐུ་མ་ཡིན་ནོ་ཞེས་བྱ་བ་ནི་དེའི་#མཚན་ངན་པའི་ཕྱིར་རོ། །རེ་ཞིག་རིགས་དང་མཐུན་པར་འགྱུར་རོ་ཞེས་བསམས་ཏེ་དེ་ཉིད་ཀྱི་ཁྱད་པར་བསྟན་པའི་ཕྱིར་རིམ་གྱིས་ཞེས་བྱ་བ་ནི་དུས་ཕྱི་#ཞིག་ན་ཞེས་བྱ་བའི་#དོན་ཏེ། བློན་བོ་དེ་ལ་ཕྱིན་མ་ཐག་པ་ནི་མ་ཡིན་ཏེ། དེ་བས་
[226a.6]ན་འདི་ལྟར་སྟོན་པ་སྟེ། དེའི་ཆེ་ནི་རྒྱལ་པོས་མཐོང་བའི་ལམ་གྱི་གནས་སྐབས་ཀྱང་མེད་དེ། བག་མ་སར་པར་#གྱུར་པའི་ཕྱིར་རོ། །བདག་རང་གི་གྲོང་ཁྱེར་མཆོག་ཅེས་བྱ་བ་ནི་རྒྱལ་པོ་དེའི་ཀུ་མུ་ཏའི་དགའ་སྟོན་ལྟ་བ་#ནི་སྐྱོན་མེད་པ་ཡིན་ཏེ། དེ་ལྟ་བའི་#ཕྱིར་རོ། །ཀུ་མུ་ཏའི་
[226a.7]དགའ་སྟོན་མ་ཡིན་པ་གཞན་དུ་ན་བརྐམ་ཆགས་ཅན་དུ་འགྱུར་ཏེ། དེ་#ཡོངས་སུ་བཅད་#པའི་ཕྱིར་མཆོག་ཅེས་སྨོས་སོ། །བལྟས་རུང་བའི་ཕྱིར་ནི་ཀུ་མུ་ཏའི་དགའ་སྟོན་བསྟན་ཏོ། །ཕྱག་དར་བྱས་ཤིང་ཆག་ཆག་བཏབ་པ་ཞེས་བྱ་བ་ལ་སོགས་པའི་ཚིག་རྐྱང་པས་ནི་མིག་དང་། རྣ་བ་
[226b]
[226b.1]དང་། སྣའི་དབང་པོའི་ཡུལ་ཕུན་སུམ་ཚོགས་པ་སྟོན་ཏེ#། གྲོང་ཁྱེར་གྱི་མཆོག་དེའི་མེ་ཏོག་ཀུ་མུ་ཏ་དགའ་སྟོན་བྱེད་པ་ལས་ཏེ། ཇི་ལྟར་རིགས་པ་བཞིན་དུ་སྦྱར་བར་བྱའོ། །མཚན་ངན་པ་མཐོང་བ་ནི་མཚན་ངན་པ་མཐོང་བའོ། །དེས་ན་དྲན་པ་རྣམ་པར་གཡོ་བ་#གང་ཡིན་
[226b.2]པ་དེ་ནི་མཚན་ངན་པ་མཐོང་ན་#འདིས་དྲན་པ་རྣམ་པར་གཡོ་བའོ། །ཕོ་བྲང་སླས་#གྱི་ནང་ན་ན་ཆུང་བཟང་མོ་ཞེས་བྱ་བ་དང་། བརྟན་པའི་ཡོན་ཏན་ཆེ་ལ་ངོ་ཚ་ཤེས། །ཞེས་བྱ་བའི་#ཚིགས་བཅད་འདི་གཉིས་ཀྱི་བསྡུས་པའི་དོན་ནི་བྱང་ཆུབ་སེམས་དཔའ་དེ་བདག་གི་ཕུན་སུམ་ཚོགས་པ་
[226b.3]དང་ལྡན་པ་ཡིན་ཡང་ཕུན་སུམ་ཚོགས་པ་དེ་དག་འཇིག་པའི་རྒྱུ་ཉིད་དུ་དེའི་#གཟུགས་ཕུན་སུམ་ཚོགས་པ་བསྟན་ཏོ། །ཚིམ་པར་#ཞེས་བྱ་བ་ནི་ཇི་ལྟར་འདོད་པའོ། །ཕོ་བྲང་སླས་#ཀྱི་ནང་ནན་ཆུང་བཟང་མོའི་ཞེས་བྱ་བ་འདིས་ནི་འཇིག་རྟེན་པ་རྣམས་ལས་བུད་མེད་དེ་ཁྱད་པར་དུ་
[226b.4]བསྟན་ཏོ། །ལུས་བཟང་བ་དང་ཆས་པ་#ནི་ལུས་བཟང་ཆས་སོ། །ལུས་བཟང་ཞེས་སྨོས་པས་ནི་མདོག་དང་དབྱིབས་ཕུན་སུམ་ཚོགས་པ་གཟུང་ངོ་། །ཆས་པ་ཞེས་སྨོས་པས་ནི་#སྤྱོད་པ་དང་ཉེ་བར་སྤྱོད་པ་གཟུང་ངོ་། །ཆགས་པ་ནི་རྣམ་པ་བཞི་སྟེ་ཁ་དོག་གི་ཆགས་པ་
[226b.5]དང་དབྱིབས་ཀྱི་ཆགས་པ་དང་ཉེ་བར་སྤྱོད་པའི་ཆགས་པ་དང་། རག་པའི་ཆགས་པ་སྟེ། འདིར་རེག་པའི་འདོད་ཆགས་མ་སྨོས་པ་ནི་དེར་ཡུལ་དུ་མ་གྱུར་པས་སོ། །ཁ་དོག་དང་དབྱིབས་དང་། སྤྱོད་ཡུལ་དུ་གྱུར་པའི་ཕྱིར་མཐོང་གྱུར་ཅིང་ཞེས་བྱ་བ་ཡིན་ཏེ། མཐོང་བར་གྱུར་
[226b.6]ཀྱང་ཞེས་བྱ་བའི་ཚིགས་བཅད་ཕྱེད་པོ་དེས་ནི་བུད་མེད་ཀྱི་ལོངས་སྤྱོད་འཇིག་རྟེན་པ་ལས་ཁྱད་པར་#དུ་གྱུར་པ་དང་ལྡན་པ་ཡིན་ཡང་བརྟན་པ་ཉམས་པར་#ནུས་པ་སྟེ། དེ་དང་རྗེས་སུ་མཐུན་པར་བསྟན་པ་ཡིན་ནོ། །མ་འཕྱར་བ་ནི་མི་གཡོ་བ་སྟེ། མ་འཕྱར་བའི་སེམས་ཀྱི་#ཡུལ་དུ་
[226b.7]གྱུར་པའི་ཕྱིར་མ་འཕྱར་བ་སྟེ། འཕྱར་བ་མེད་པ་ནི་མ་འཕྱར་བའོ། །ཆོས་ཀྱི་ལམ་ནི་ཆོས་ལམ་མོ། །འདིར་ཆོས་ནི་མངོན་པར་མཐོ་བ་སྟེ་དེའི་ལམ་མོ། དབང་པོ་ཐུལ་བ་ནི་འཇིག་རྟེན་པ་སྟེ། འདི་#ནི་ཆོས་གཙོ་བོར་བསྟན་ཏོ། །བརྩོན་གྱུར་ཅིང་ཞེས་བྱ་བ་ནི་འབད་བ་དང་ལྡན་པ་
[227a]
[227a.1]སྟེ། བག་ཡོད་པ་ཞེས་བྱ་བའི་དོན་ཏོ། །དབང་པོ་ཐུལ་བར་གྱུར་པ་ཞེས་བྱ་བ་འདིས་ནི་ལུགས་ཀྱི་བསྟན་བཅོས་ཀྱི་རྗེས་སུ་འཇུག་པའི་ཚུལ་གཙོར་#བསྟན་པ་ཡིན་ཏེ། གང་གི་ཕྱིར་བསྟན་བཅོས་ཐམས་ཅད་ཀྱི་ནང་ན་དབང་པོ་ཐུལ་བར་བྱེད་པ་ཞེས་
[227a.2]བྱ་བའི་ཚིག་འདིས་སོ། །བསྟན་པའི་ཡོན་ཏན་ཆེ་ལ་ངོ་ཚ་ཤེས། །ཞེས་བྱ་བ་འདིས་ནི་བདག་གི་དབང་དུ་བྱས་ཏེ། ངོ་ཚ་ཤེས་པ་དང་ལྡན་པ་དང་། གཞན་གྱི་དབང་དུ་བྱས་ནས་ཁྲེལ་ཡོད་པ་སྟེ། དེ་གཉིས་ཀྱིས་ནི་འཇིག་རྟེན་སྐྱོང་བའི་ཆོས་དང་ལྡན་པ་ཡིན་ཏེ།
[227a.3]སྔར་བསྟན་པའི་འཁོར་གསུམ་ལས་མི་འདའ་བ་དང་། ཐེམ་སྐས་སུ་གྱུར་པ་ནི་ཆོས་འདི་གཉིས་སོ། །གཞན་གྱི་བུད་མེད་ལྟ་བ་#མ་སྨོས་ཀྱང་། །ཞེས་བྱ་བ་ནི་སྐྱེ་བ་སྔ་མ་ལ་ཚུལ་ཁྲིམས་ལ་གོམས་པར་བསྟན་ཏེ། འདིས་ནི་རྒྱུ་ཕུན་སུམ་ཚོགས་བར་བསྟན་ཏོ། །
[227a.4]འདོད་ཆགས་ལངས་ཤིང་ཡ་མཚན་ཆེ་བར་གྱུར་པ་གང་ཡིན་པ་དེ་ནི་འདོད་ཆགས་ལངས་ཤིང་ཡ་མཚན་ཆེ་བ་སྟེ། འདིས་ནི་ངོ་ཚ་ཉམས་པར་བསྟན་ཏོ། །བུད་མེད་དེ་ལ་ཞེས་བྱ་བ་ནི་ཕོ་བྲང་སླས་#ཀྱི་ན་ཆུང་ཞེས་བྱ་བ་དག་ཀྱང་ཡོད་ཅིང་གཞན་གྱི་བུད་མེད་ལྟ་ལ་མ་སྨོས་#ཀྱང་
[227a.5]ཞེས་བྱ་བ་ལ་སོགས་པ་ཡིན་ཡང་མིག་གིས་རིང་དུ་བལྟས་པ་སྟེ། འདིས་ནི་ཁྲེལ་ཡོད་པ་ཉམས་པར་བསྟན་ཏོ། །འདི་ཅི་ཀུ་མུ་ཏ་ཡིན་ནམ་ཞེས་བྱ་བའི་ཚིགས་བཅད་འདིས་བསྟན་པ་ནི་འདོད་ཆགས་ཀྱི་གནས་སྐབས་བཅུ་ལས་འདོད་ཆགས་ཀྱི་གནས་སྐབས་དང་པོ་
[227a.6]བསྟན་པ་ཡིན་ཏེ། མི་ལུས་ལས་འདས་པའི་གཟུགས་ཡོད་པའི་ཕྱིར་རོ། །དེ་ལ་གནས་པའི་རྣམ་པ་དེ་ནི་དེ་ལྟར་གྱུར་པའོ། །སེམས་རྩེ་གཅིག་ཏུ་དམིགས་པ་ནི་རྩེ་གཅིག་པའོ། །དེ་ལ་རྩེ་གཅིག་ཏུ་གྱུར་པའི་སེམས་གང་ཡིན་པ་དེ་ནི་ད་#ལ་སེམས་རྩེ་གཅིག་
[227a.7]པའོ། །རེ་ཐག་ཆད་པའི་ཡིད་གང་ཡིན་པ་དེ་ནི་རེ་ཐག་བཅད་པའི་སེམས་སོ། །དེ་ལ་སེམས་ཆགས་པ་#བཞིན་དུ་ཞེས་བྱ་བ་ནི་རྣམ་པར་ཆགས་པ་ལྡོག་བར་མ་གྱུར་ཏེ། འདོད་བཞིན་དུ་གཞན་གྱི་ཆུང་མ་ཡིན་ནོ་ཞེས་པས་སོ། །དོན་གྱི་རྗེས་སུ་འགྲོ་བ་ནི་དོན་དང་རྗེས་སུ་
[227b]
[227b.1]མཐུན་པའོ། །སྙན་པ་དེ་དག་ནི་ཚིག་སྟེ་ཚིག་ཀྱང་སྙན་#པའོ། །དོན་དང་རྗེས་སུ་མཐུན་པ་#ཡིན་ལ་ཚིག་སྙན་པ་ཡང་ཡིན་པས་དོན་དང་རྗེས་སུ་མཐུན་ཞིང་ཚིག་སྙན་པའོ། །དོན་དང་རྗེས་སུ་མཐུན་པའི་ཚིག་གིས་འདི་ལྟར་བཏགས་པའི་མིང་གང་ཡིན་པ་དེ་ནི་དོན་དང་#རྗེས་སུ་མཐུན་
[227b.2]པའི་ཚིག་སྙན་མིང་དུ་བཏགས་པའོ། །མིང་དེ་གང་ཡིན་ཞེ་ན། མྱོས་བྱེད་མ་ཞེས་པའོ། །དོན་དང་རྗེས་སུ་མཐུན་པའི་ཚིག་ཉིད་བསྟན་པའི་ཕྱིར་སྨྲས་པ། བདག་ནི་མྱོས་པ་བཞིན་དུ་བྱེད། །ཅེས་བྱ་བ་ཡིན་ནོ། །དེ་ནི་བརྗེད་པར་བདག་འདོད་ན། །ཞེས་བྱ་བ་ནི་གཞན་གྱི་ཆུང་མ་
[227b.3]ཡིན་པའི་ཕྱིར་རོ། །སེམས་ཀྱིས་མཐོང་བ་བཞིན་དུ་གྱུར། །ཞེས་བྱ་བ་ནི་དེའི་གཟུགས་ཕུན་སུམ་ཚོགས་པ་དང་འདོད་པས་དེ་#ནི་བརྗེད་པར་བདག་འདོད་ན་མ་བརྗེད་པས་སོ། །བདག་གི་སེམས་ནི་དེ་ལ་གནས། །ཞེས་བྱ་བ་ནི་སེམས་ཀྱིས་མཐོང་བ་བཞིན་དུ་གྱུར་ཞེས་བྱ་བ་ཡིན་ཏེ།
[227b.4]གང་གི་ཕྱིར་ཞེ་ན། སེམས་དེ་དེའི་དབང་དུ་གྱུར་པས་སོ། །དེའི་དབང་དུ་གྱུར་ཞེས་བྱ་བ་ནི་སེམས་དེའི་དབང་དུ་གྱུར་པ་སྟེ། དེ་ལྟར་བརྗེད་པར་འདོད་ཀྱང་མི་བརྗེད་པའི་རྒྱུ་དང་། མི་མཐོང་བར་འདོད་ཀྱང་མཐོང་བའི་རྒྱུས་ཞེས་ཚིགས་བཅད་འོག་མ་ཕྱེད་ཉིད་བསྟན་ཏོ། །
[227b.5]ཆུང་མ་ཡིན་བ་ལ་ཞེས་བྱ་བ་ནི་ཆུང་མའི་ཕྱིར་རོ། །བདག་ཀྱང་ཞེས་བྱ་བ་ནི་སྔར་བཤད་པའི་ཡོན་ཏན་གྱི་མཚན་ཉིད་དང་ལྡན་པར་བསྟན་པའོ། །དེ་ལྟར་མི་བརྟན་པ་ཞེས་བྱ་བ་ནི། །དེ་ནི་བརྗེད་པར་འདོད་པ་ལ། །སེམས་ཀྱིས་མཐོང་བ་བཞིན་དུ་གྱུར། །ཞེས་བྱ་བ་དེ་ཉིད་སྙེན་པར་བྱེད་པ་ཡིན་
[227b.6]ནོ། །དེ་བས་ན་གོང་དུ་བཤད་པའི་རྒྱུ་དེ་དག་གིས་ངོ་ཚ་བ་དང་བྲལ་བཞིན་དུ་ཞེས་བྱ་བ་ནི་དེ་མི་བརྟན་པ་ཉིད་ཡིན་ཏེ། བག་ཆག་ས་ཞེན་པ་ཉིད་དུ་སྟོན་ཏོ། །གཉིད་དང་བྲལ་བ་ཞེས་བྱ་བ་ནི་དེའི་མི་བརྟན་པ་ཡིན་ཏེ། ཤས་ཆེར་སྟོན་པའོ། །སེམས་ཀྱིས་མཐོང་བ་བཞིན་དུ་ཞེས་བྱ་བ་ནི་
[227b.7]གང་གོང་དུ་བསྟན་པ་ཡིན་ཏེ། ཇི་ལྟར་མཐོང་བ་ཡིན་ཞེ་ན། དེ་ཉིད་བསྟན་པའི་ཕྱིར། དེའི་ལུས་བཟང་ཆས་ཤིང་ཞེས་བྱ་བའི་ཚིགས་བཅད་ཡིན་ན#། །ལུས་བཟང་ཞེས་བྱ་བ་སྨོས་པས་ནི་སྔ་མ་བཞིན་དུ་མདོག་དང་དབྱིབས་གཉིས་གཟུང་#ངོ་། །ཆས་ཤིང་འགྲེང་དང་ལྟ་བ་ལ། །ཞེས་བྱ་བ་
[228a]
[228a.1]ནི་སྔར་བཤད་པའི་ཉེ་བར་སྤྱོད་པའི་དབྱེ་བ་བསྟན་པའི་ཕྱིར་རོ། །ཆགས་པས་མ་གཡོས་པའི་ཡིད་གང་ཡིན་པ་དེ་ནི་ཆགས་པས་རྩེ་གཅིག་པའི་ཡིད་དུ་གྱུར་པའོ། །དེ་བས་ན་གཞན་དོན་སྒྲུབ་#པ་དེའི་གོ་རིམས་ནི་རིམ་གྱིས་ཡིན་ཏེ། དེའི་སྦྲོན་པ་ནི་དོན་སྒྲུབ་གོ་
[228a.2]རིམས་སྦྲོན་པ་སྟེ། དེ་ལ་སྒྲ་གྲག་#པ་གང་ཡིན་པ་དེའོ། །ཞེ་སྡང་ནི་ཁྲོ་བའོ། །སེམས་ལ་སྡང་#ཞེས་བྱ་བ་ནི་རབ་ཏུ་སད་#པར་བྱེད་པ་སྟེ། རབ་ཏུ་ཉལ་ཏེ་ཞེན་#པ་ལས་སད་པར་བྱེད་པའོ། །བརྣགས་#ཏེ་བོར་ཡང་ཞེས་བྱ་བ་ནི་འདོད་པས་མྱོས་པའི་མཐུ་ཡིན་པའི་ཕྱིར་རོ། །བརྣགས་#ཀྱང་
[228a.3]བརྟན་པ་ཉམས་པར་གྱུར་ཏོ། །མདངས་ནི་སེར་སྐྱར་གྱུར་ཅིང་ལུས་ཀྱང་ཤ་བྲི་སྟེ་སྲབ་མོར་གྱུར་ཞེས་བྱ་བ་ནི་འདོད་ཆགས་ཀྱིས་མྱོས་པར་གྱུར་པའི་རྣམ་པ་རབ་ཏུ་མངོན་པར་གྱུར་པའོ། །སེམས་ཁོང་དུ་ཆུད་ཅིང་ཤུགས་#ནར་ཞེས་འབྱུང་ལ། གླལ་ཡང་དང་ཡང་དུ་འབྱུང་བ་
[228a.4]ཞེས་བྱ་བ་ནི་བྱ་བའི་ཚུལ་ལས་འདོད་ཆགས་ཀྱིས་མྱོས་པར་གྱུར་པ་རབ་ཏུ་མངོན་པའོ། །སྤྱོད་ཡུལ་གྱི་མཚན་ཉིད་ཡིན་པའི་ཕྱིར་ཤིན་ཏུ་གསལ་བའི་དོན་ཏེ། སྤྱོད་#ཚུལ་འདིའི་རྣམ་པ་ཡིན་པ་སྟེ། འདོད་པས་མྱོས་པར་#གྱུར་པའི་རྣམ་པའོ། །འདོད་ཆགས་ཀྱིས་
[228a.5]མྱོས་པར་གྱུར་པའི་རྣམ་པ་རབ་ཏུ་མངོན་པར་གྱུར་པ་གང་ཡིན་པ་དེ་ནི་འདོད་པས་མྱོས་པར་གྱུར་པའི་རྣམ་པ་རབ་ཏུ་མངོན་པ་སྟེ། རྣམ་པའམ་#སྤྱོད་ཚུལ་རབ་ཏུ་གསལ་ཞིང་མངོན་པར་གྱུར་པ་ཞེས་བྱ་བའི་དོན་ཏོ། །འདོད་ཆགས་ཀྱིས་མྱོས་པར་གྱུར་པའི་རྣམ་པ་རབ་ཏུ་མངོན་#ཞེས་
[228a.6]བྱ་བ་འདིའི་དོན་ནི་བསྟན་#པ་ཆེན་པོས་ཞེས་བྱ་བའི་ཚིགས་བཅད་འདི་ས་སྟོན་པ་ཡིན་ཏེ། འདིའི་དོན་ནི་བརྣགས་#ཤིང་བསྒྲིམས་པ་ནི་རབ་ཏུ་བཀག་པ་བཞིན་དུའོ། །ཡིད་གྱུར་པ་ནི་ལུས་ཀྱི་བྱ་བ་དང་སྤྱོད་པ་གྱུར་པའི་རྣམ་པ་སྣང་བ་ལས་མངོན་པར་གྱུར་པ་ཡིན་ཏེ། ཚིགས་
[228a.7]བཅད་འདིས་ནི་བཤད་པའི་དོན་དེ་ཉིད་བསྟན་ཏོ། །ཡིད་གྱུར་པ་ནི་འདོད་ཆགས་ཀྱིས་མྱོས་པར་གྱུར་པའོ། །སེམས་ཁོང་དུ་ཆུད་པའི་མིག་དང་། བཞིན་དང་མདངས་ཞེས་བྱ་བ་ནི་གང་གོང་དུ་བསྟན་པའི་སེམས་ཁོང་དུ་ཆུད་ཅིང་ཤུགས་ནར་ཞེས་འབྱུང་ལ་གླལ་ཡང་དང་ཡང་དུ་འབྱུང་
[228b]
[228b.1]ཞེས་བྱ་བ་དེ་ཉིད་སྟོན་ཏོ། །ཤ་བྲི་སྲབ་མོར་གྱུར་ཞེས་བྱ་བ་འདིས་ནི་སེར་སྐྱར་གྱུར་ཅིང་ཤ་བྲི་སྟེ་སྲབ་མོར་གྱུར་ཞེས་བྱ་བ་དེ་ཉིད་བསྟན་པ་ཡིན་ནོ། །དེས་བརྡ་དང་མཚན་མ་ལ་མཁས་པ་ཞེས་བྱ་བ་ལ་བརྡ་ནི་གང་གོང་དུ་བསྟན་པའི་#སེམས་ཁོང་དུ་ཆུད་ཅིང་ཤུགས་ནར་ཞེས་འབྱུང་
[228b.2]ལ། གླལ་ཡང་དང་ཡང་དུ་འབྱུང་ཞེས་བྱ་བ་དེ་ཉིད་ཀྱིས་བསྟན་པ་ཡིན་ནོ། །མཚན་མ་ནི་གང་གོང་དུ་བསྟན་པའི་སེར་སྐྱར་གྱུར་ཅིང་ལུས་ཀྱང་ཤ་བྲི་སྟེ་སྲབ་མོར་གྱུར་ཞེས་པ་དང་། འདོད་ཆགས་ཀྱིས་མྱོས་པར་གྱུར་པའི་རྣམ་པ་མངོན་པར་གྱུར་བ་ཞེས་གང་བསྟན་པའོ། །
[228b.3]བརྡ་དང་མཚན་མ་ཞེས་བྱ་བ་བསྡུས་པ་ནི་རྣམ་པ་#ཞེས་སྨོས་པ་སྟེ་དེ་ཉིད་ཡིན་ཏེ། སྤྱོད་ཚུལ་དུ་#རྣམ་པ་དེའི་#མཚན་ཉིད་དུ་བྱས་ནས་བརྡ་དང་མཚན་མ་ལ་མཁས་པའི་བློའོ། །#གང་ལ་ཡོད་པ་དེ་#ནི་བརྡ་དང་མཚན་མ་ལ་མཁས་པའི་བློའོ། །རྒྱལ་པོ་དེ་དེ་ལྟར་གྱུར་ཞེས་བྱ་བ་ནི་སེར་སྐྱར་གྱུར་ཅིང་ལུས་ཀྱང་ཤ་བྲི་
[228b.4]སྲབ་མོར་གྱུར་པ་དང་། སེམས་#ཁོང་དུ་ཆུད་ཅིང་ཤུགས་#ནར་ཞེས་འབྱུང་ལ་གླལ་ཡང་དང་ཡང་དུ་འབྱུང་བ་སྟེ། དེའི་རྒྱུ་ནི་མྱོས་བྱེད་མ་མཐོང་བའི་རྒྱུས་དེ་རྒྱུ་དང་བཅས་པར་རོ། །དེ་མ་རུང་དུ་གྱུར་པ་ནི་མ་རུང་བར་#གྱུར་པ་སྟེ་ཤི་བར་རོ། །དེ་ལ་དོགས་ལ་#ཡོད་པ་གང་ཡིན་པ་དེ་ནི་མ་རུང་དུ་དོགས་
[228b.5]པའི་རྒྱུ་བསྟན་པའི་ཕྱིར་སྨྲས་པ། འདོད་ཆགས་ཀྱང་མཐུ་ཆེ་བར་ཞེས་བྱ་བ་ཡིན་ནོ། །ནང་དུ་མཆི་བར་གནང་བ་ནི་ཞུ་བའི་དོན་ཡོད་དོ་ཞེས་སྨྲས་ནས་གནང་བའོ། །རྟོག་པ་སྐྱེ་བ་#ནི་ཅི་བདེན་པ་ཉིད་དམ་བརྫུན་པ་ཞེས་སོ། །དེ་ལྟར་མད་#ན་ཞེས་བྱ་བ་ནི་དེ་ཇི་ལྟར་སྨྲ་བ་བཞིན་དུ་སྟེ། མྱོས་
[228b.6]བྱེད་མ་དེ་ལ་རྒྱལ་པོའི་ཐུགས་ཆགས་པའོ། །བཀའ་སྩལ་པར་བྱ་བ་དེ་མི་བསྲུང་བ་ནི་བཀའ་མ་#སྩལ་པའོ། །བུ་མོ་འདི་ཕྱག་ཏུ་བཞེས་ཞེས་བྱ་བ་ནི་ཅི་ནས་ཀྱང་བསྣམས་པའི་རིགས་སོ་ཞེས་པའོ#། །ཡང་ན་བཀའ་སྩལ་པའི་ཕྱིར་རོ། །ལྟས་ཀྱིས་བསྐུལ་བས་ཞེས་བྱ་བ་ནི་གབ་པ་
[228b.7]ཡིན་ནའང་འདིའི་དོན་གསལ་བར་བསྟན་པས་སོ། །མི་འདོད་པའི་ཚིག་འབྲུ་གསལ་བ་སྟེ། གང་གི་ཚིག་དེའོ། །དེ་ནི་མི་རིགས་སོ་ཞེས་བྱ་བ་ནི་བུ་མོ་དེ་ཕྱག་ཏུ་བཞེས་ཤིག་ཅེས་གང་སྨྲས་པའི་ཚིག་དེ་མི་རིགས་པར་བཤད་པའོ། །མི་འདོད་པའི་རྒྱུ་བསྟན་པའི་ཕྱིར། བསོད་ནམས་
[229a]
[229a.1]ཉམས་གྱུར་ཞེས་བྱ་བ་#ལ་སོགས་པའི་དང་#པོའི་ཚིགས་བཅད་གཉིས་ཡིན་ཏེ། བསོད་ནམས་ཉམས་གྱུར་#ཞེས་བྱ་བ་ནི་བགྲོད་པ་མ་ཡིན་པར་བགྲོད་པས་སོ། །དེས་ཅིར་འགྱུར་ཞེ་ན། དེས་སྨྲས་པ། བདག་ཀྱང་མི་འཆི་#མིན་ཞེས་བྱ་བ་སྟེ། འདིས་ནི་ཤི་བར་
[229a.2]གྱུར་#ན་བསོད་ནམས་ཉམས་པར་འགྱུར་བས་བདག་གི་#བགྲོད་པའི་ཉེས་དམིགས་བསྟན་པའོ། །བདག་གི་སྡིག་པ་འདི་ཡང་གཞན་གྱིས་ཤེས་པར་འགྱུར། ཞེས་བྱ་བ་ནི་གྲགས་པ་མ་ཡིན་པ་ཐོབ་#པའི་ཉེས་དམིགས་ཡིན་ནོ། །དེ་དང་བྲལ་བར་གྱུར་བས་ཞེས་བྱ་བ་འདིས་#ནི་
[229a.3]འཇིག་རྟེན་འདི་དང་ཕ་རོལ་གཉིག་ལ་གནོད་པ་ཡིན་ཏེ། འཇིག་རྟེན་འདིར་ནི་ཤི་བར་གྱུར་པས་གནོད་པའོ། །ཡིད་འགྱོད་ཅིང་ཤི་བས་#འཇིག་རྟེན་ཕ་རོལ་ཏུ་ངན་འགྲོར་འགྲོ་བ་ཡིན་ནོ། །འཇིག་རྟེན་འདི་དང་ཞེས་བྱ་བའི་ཚིགས་བཅད་འདི་ནི་བསོད་ནམས་ཉམས་པ་#ཞེས་བྱ་བ་དེའི་
[229a.4]རྗེས་སུ་འགྲོ་བའི་ཚིག་ཡིན་ཏེ། གཉི་ག་ལ་གནོད་པར་འགྱུར་བ་ནི་བདག་དང་ཕ་རོལ་གཉིག་ལ་སྟེ། འཇིག་རྟེན་འདིར་བདག་ནི་འགྲོ་བ་མ་ཡིན་པར་འཇུག་པའི་རྒྱུས་ངན་འགྲོར་འགྲོ་བར་འགྱུར་ཞེས་བྱ་བ་ཡིན་ལ། ཕ་རོལ་ནི་འགྱོད་ཅིང་འཆི་བར་གྱུར་པས་ངན་འགྲོར་འགྲོ་བའོ#། །
[229a.5]དེ་གཅིག་བུར་ཡང་#མ་ཟད་དེ། བདག་ཉིད་ལ་ནི་མི་སྙན་པ་ཡང་ཡིན་ལ། ཕ་རོལ་ནི་#འཆི་བར་འགྱུར་བ་སྟེ། དེ་ལྟར་བཞི་པོ་དེས་གནོད་པ་ཡིན་ནོ། །དེ་མི་འདོད་པ་ནི་ཚེ་འདི་དང་ཕ་རོལ་གཉི་ག་ལ་གནོད་པའི་ལས་སོ། །གང་ཕྱིར་ཞེས་བྱ་བ་ནི་བདག་གི་རྒྱུ་དེ་ཉིད་དེའི་རྒྱུ་ཞེས་བྱ་བ་ཡིན་
[229a.6]ཏེ། བདག་གི་རྒྱུ་ཉིད་ལ་མཁས་པ་སྟེ། དེ་ལྟར་གནོད་པར་གྱུར་པའི་ལས་དེ་ལ་རྟོགས་#པར་བྱེད་པ་ལ་མཁས་པའོ། །བསོད་ནམས་ཉམས་ཞེས་བྱ་བའི་ཚིག་གི་ལན་ནི། སྦྱིན་པ་བགྱིད་པའི་གྲོགས་བགྱིས་པས། །ཞེས་བྱ་བའི་ཚིགས་བཅད་འདི་ཡིན་ཏེ། སྦྱིན་པ་བཀག་པས་
[229a.7]ཆོས་ཀྱི་#བགེགས་སུ་ཇི་ལྟར་#འགྱུར་ཞེ་ན། དེ་ཉིད་སྨྲས་པ། དེ་མ་བཞེས་པ་སྟེ། བདག་ལས་སྦྱིན་པ་མ་བཞེས་པས་#དེས་ན་དེ་ལྟར་སྦྱིན་པའི་བགེགས་སུ་འགྱུར་བ་ཡིན་ནོ། །བདག་གི་སྡིག་པ་འདི་ཡང་གཞན་གྱིས་ཤེས་པར་འགྱུར། །ཞེས་བྱ་བ་འདིའི་ལན་ནི། འོ་སྐོལ་གཉིས་ལས་མ་
[229b]
[229b.1]གཏོགས་བ། །ཞེས་བྱ་བའི་ཚིགས་བཅད་ཡིན་ནོ། །དེ་དང་བྲལ་བར་གྱུར་པས་འགྱོད་པའི་མེ། །ཞེས་བྱ་བ་དེའི་ལན་ནི། དེ་ལྟར་བགྱིས་ན་བདག་ལ་སྨན་ཡོན་བཏགས་པར་འགྱུར#། །ཞེས་བྱ་བས་དྭངས་#པའི་ཚིགས་བཅད་ཀྱིས་བསྟན་ཏེ། བདག་ལ་སྨན་ཡོན་བཏགས་པར་འགྱུར་
[229b.2]གྱི#། དེ་དང་བྲལ་བས་འགྱོད་པ་ནི་མེད་དོ་ཞེས་པའོ། །དེ་མེད་པས་འཆི་བ་ཡང་མེད་དེ་དེའི་རྒྱུར་གྱུར་པའི་འཆི་བ་དེ་མེད་པས་ངན་སོང་དུ་འགྲོ་བ་མེད་པའོ། །ཚིགས་བཅད་འདི་གསུམ་གྱིས་ནི་སྔར་བསྟན་པའི་ཉེས་པ་བཞིན་པོའི་ལན་བསྟན་པ་ཡིན་ནོ། །སྦྱིན་པ་བགྱིད་
[229b.3]པའི་གྲོགས་བགྱིས་པས། །ཞེས་བྱ་བའི་ཚིགས་བཅད་གང་བསྟན་པ་དེའི་ལན་ནི། ང་ལ་རབ་ཏུ་བྱམས་པའི་ཕྱིར། །ཞེས་བྱ་བའི་ཚིགས་བཅད་ཡིན་ཏེ། སྔར་གྱི་སྦྱིན་པ་ཞེས་བྱ་བ་ནི་སེམས་ཅན་གྱི་སྦྱིན་པ་ནི་རྣམ་པ་བཞི་སྟེ། ཕན་པ་ཡིན་ལ་བདེ་བ་མ་ཡིན་བ་དང་། བདེ་བ་ཡིན་ལ་ཕན་པ་མ་ཡིན་པ་དང་། བདེ་བ་
[229b.4]ཡང་#ཡིན་ལ་ཕན་པ་ཡང་ཡིན་པ་དང་། བདེ་བ་ཡང་མ་ཡིན་ལ་ཕན་པ་ཡང་#མ་ཡིན་པའོ། །བཞི་པོ་དེ་ལས་ཕན་པ་མེད་པར་འགྱུར་བ་ནི་རྣམ་པ་ཐམས་ཅད་དུ་སྦྱིན་པར་མི་#བྱ་བ་ཡིན་པས་གང་ཕན་པ་མ་ཡིན་ལ་བདེ་བ་ཡིན་པ་དེ་ཡང་སྦྱིན་པར་བྱ་བ་ཡིན་ནོ། །ཕན་པ་ཡང་མ་ཡིན་
[229b.5]ལ་བདེ་བ་ཡང་མ་ཡིན་པ་དེ་ཡང་#སྦྱིན་པར་བྱ་བ་མ་ཡིན་ནོ། །གང་ཕན་པ་དང་བདེ་བ་དེ་ནི་སྦྱིན་པ་ཡིན་ནོ། །གང་མི་བདེ་ན་ཡང་ཕན་པ་དེ་ནི་སྦྱིན་པ་ཡིན་ནོ། །དེ་བས་ན་འདི་ནི་བདེ་བ་ཉིད་ཡིན་གྱི་#ཕན་པ་ནི་མ་ཡིན་ཏེ། འདི་ལྟ་བུའི་མཚན་ཉིད་ཀྱི་སྦྱིན་པ་ནི་རྣམ་པ་ཐམས་ཅད་
[229b.6]དུ་ཆོས་སྒྲུབ་པའི་གྲོགས་མ་ཡིན་ནོ། །བདག་ལ་སྨན་བཏགས་པར་འགྱུར་ཞེས་བྱ་བ་ལ་སོགས་པའི་ཚིགས་བཅད་གང་གོང་དུ་བསྟན་པ་དེའི་ལན་ནི། རབ་ཏུ་བྱམས་པས་ང་ཡི་ཕྱིར། །ཞེས་བྱ་བའི་ཚིགས་བཅད་ཡིན་ཏེ། གྲོགས་པོ་ལས་ཁྱད་པར་དུ་གྱུར་པ་ནི་གཉེན་པས་ལྷག་བ་
[229b.7]སྟེ། རྒྱུ་དེས་ན་རབ་ཏུ་བྱམས་པས་ངའི་ཕྱིར། རང་གི་སྲོག་ཀྱང་ཕོངས་#པར་མི་ལྟ་བས་སོ། །འོ་སྐོལ་གཉིས་ལས་མ་གཏོགས་པར། །ཞེས་བྱ་བ་གང་གོང་དུ་བསྟན་བའི་ཚིགས་བཅད་དེའི་ལན་ནི། མ་མཐོང་བར་ནི་སྡིག་པ་བྱས་པ་ཞེས་བྱ་བ་ཡིན་ཏེ། ལྐོག་ཏུ་སྡིག་པ་བྱས་པ་
[230a]
[230a.1]ལ་ཡང་བདེ་བ་མེད་དེ། ལྐོག་ཏུ་སྡིག་པ་སྤྱོད་པ་དེའི་དབང་དུ་བྱས་ནས། རྣམ་དག་མིག་གིས་མི་མཐོང་མི་སྲིད་དོ། །ཞེས་བྱ་བ་ལ་སོགས་པ་ཡིན་ཏེ། ལྷ་ཞེས་སྨོས་པས་ནི་ལས་ལས་གྱུར་པའི་ལྷའི་མིག་གཟུང་ངོ་། །རྣལ་འབྱོར་ཅན་ཞེས་སྨོས་པས་
[230a.2]ནི་མངོན་པར་ཤེས་པ་ལས་བྱུང་བའི་ལྷའི་མིག་གཟུང་ངོ་། །བདག་ལ་སྨན་ཡོན་བཏགས་པར་འགྱུར། །ཞེས་བྱ་བ་ལ་སོགས་པའི་#ལན་ནི། །ད་#ནི་ཁྱོད་ལ་མི་ཕངས་སམ#། །ཞེས་བྱ་བའི་ཚིགས་བཅད་ཡིན་ཏེ། དེ་ནི་བདག་ཉིད་ཀྱིས་དེའི་ལུས་ལ་སོགས་པའི་ཡོན་ཏན་དང་ལྡན་པར་མཐོང་བ་#
[230a.3]སྟོན་པ་ཡིན་ནོ། །དེ་ནི་བཏང་བ་ཞེས་བྱ་བ་དེ་དེ་ལྟ་བུའི་མཚན་ཉིད་དང་ལྡན་པ་འོ། །སྡུག་བསྔལ་ཞེས་བྱ་བ་ནི་འགྱོད་པའོ། །ང་ལ་རབ་ཏུ་བྱམས་པའི་ཕྱིར། །ཞེས་བྱ་བ་ལ་སོགས་པའི་ཚིགས་བཅད་གསུམ་གྱི་ལན་ནི། བདག་ནི་#བུ་སྨད་ཅེས་བྱ་བའི་ཚིགས་བཅད་འདི་སྨྲས་པ་
[230a.4]ཡིན་ཏེ། བྲན་མོ་འདི་སྦྱིན་པ་ནི་ཆོས་སྦྱིན་པའི་གྲོགས་ཉིད་ཡིན་གྱི། གྲོགས་པོ་ཉིད་དུ་ནི་མ་ཡིན་ཏེ། རྗེར་#གྱུར་པ་དང་ལྷན་ཅིག་ཡིན་པའི་ཕྱིར་རོ། །མ་མཐོང་བར་ནི་སྡིག་པ་བྱས་པ་ཞེས་བསྟན་པ་དེ་ཡང་སྡིག་པ་མིན་ཏེ་རྒྱུ་དེ་གཉིས་ཀྱི་#ཕྱིར་རོ། །དེ་ལྟར་ཚིགས་བཅད་གསུམ་
[230a.5]བརྗོད་པ་ལས་གཅིག་གི་ལན་ནི་མ་བསྟན་ཏོ། །དེ་ནི་ཁྱོད་ལ་མི་ཕངས་ཞེའམ་ཞེས་བྱ་བའི་ཚིགས་བཅད་དེའི་ལན་ནི་འདི་བརྩམས་བ་ཡིན་ཏེ། དེ་ནི་བདག་ལ་ཕངས་པ་ལགས་མོད་ཀྱི#། །ཞེས་བྱ་བ་ལ་སོགས་པའི་ཚིགས་བཅད་འདི་ཡིན་ནོ། །ཆོས་སྤྱོད་པ་ལས་དཔལ་ནི་ཞེས་
[230a.6]བྱ་བའི་ཚིགས་བཅད་འདི་ནི་རང་གི་ངེས་པ་ངེས་པར་གཟུང་བ་དང་། བདག་ཉིད་ཀྱི་ངོ་ཚ་ཉིད་གཟུང་བའི་ཕྱིར་སྨྲས་པ་སྟེ། ངོ་ཚ་ཡང་གང་ཞེ་ན་བདག་དང་ཆོས་ཀྱི་དབང་དུ་བྱས་ནས་ཁན་མ་ཐོ་བ་ལ་འཛེམ་པའོ་ཞེས་བྱ་བའི་#ཚིག་གིས་སོ། །མཚོན་གྱིས་ཏབ་པའམ། མེའི་ནང་དུ་
[230a.7]ཞུགས་པ་ཞེས་བྱ་བ་འདི་གཉིས་སྨོས་པས་ནི་ལུས་ཀྱི་དབང་པོ་བདེ་བའི་#མཐུན་པ་ཉིད་ཡིན་ཏེ། ཚིག་པ་དང་བཅས་པའི་རྒྱུ་གཉིས་ཀྱིས་སོ། །མེ་དང་མཚོན་གྱིས་ཚིག་པ་དང་ཆད་པས་ནི་འཇིག་རྟེན་ཕ་རོལ་ཏུ་ངན་འགྲོར་འགྲོ་བ་མེད་དེ། དེ་ཉིད་ཀྱིས་བཏབ་པ་དང་ཞུགས་པས་ནི་ཁས་ལེན་
[230b]
[230b.1]པའོ། །ཆོས་མ་ཡིན་པ་སྤྱོད་པས་ནི་འཇིག་རྟེན་ཕ་རོལ་ཏུ་ངེས་པར་ངན་སོང་དུ་འགྲོ་བའི་ཕྱིར་རོ། །སྐྱོན་མེད་ཆུང་མ་བོར་ན་ནི། །ཞེས་བྱ་བ་ནི་ཆོས་དང་འགལ་བར་བསྟན་ཏེ། དེས་ན་ཆོས་དང་འགལ་བ་ཡིན་བས། ང་ཡིས་ཆད་པས་བཅད་ཏ་#རེ། །ཞེས་པའོ། །སྨད་པའི་
[230b.2]གནས་སུ་ཁྱོད་གྱུར་ན། །ཞེས་བྱ་བ་ནི་གྲགས་པ་མ་ཡིན་པ་ཐོབ་པར་བསྟན་ཏོ། །ཕ་རོལ་བསྲེག་#པར་འགྱུར་ཞེས་བྱ་བ་ནི་སྐྱོན་མེད་ཆུང་མ་བོར་བའི་ཕྱིར་རོ། །ང་ཡིས་ཆད་པས་བཅད་པ་དང་སྨད་པའི་གནས་སུ་གྱུར་པ་ཞེས་བྱ་བ་ནི་འདིར་བསྲེགས་པའོ། །ཆོས་དང་འགལ་བར་
[230b.3]གྱུར་པ་ཞེས་བྱ་བ་ནི་སྐྱོན་མེད་ཆུང་མ་བོར་བས་སོ། །སྐྱེ་བོས་སྨད་པ་ནི། སྨད་པའི་གནས་སུ་ཁྱོད་གྱུར་ན། །ཞེས་བྱ་བས་སོ། །བདེ་བ་ཉམས་ཀྱང་རུང་ཞེས་བྱ་བ་ནི་རྒྱལ་པོས་#ཆད་པས་བཅད་ཀྱང་རུང་བའོ། །བཟོད་པར་བགྱི་ཞེས་བྱ་བ་ནི་རབ་ཏུ་འདོད་པའོ། །རྣམ་པ་འདི་
[230b.4]གསུམ་བཟོད་པར་བྱ་བའི་རྒྱུ་སྨྲས་པ། ཁྱོད་ལ་བདེ་བས་བདག་ཉིད་བདེར་གྱུར་ན། །#ཞེས་བྱ་བ་ཡིན་ཏེ། སྔར་བཤད་པའི་ཉེས་པ་རྣམ་པ་གསུམ་གྱི་#ཉེས་པ་མེད་པ་དེ་རབ་ཏུ་བསྒྲུབ་པའི་ཕྱིར། ས་བདག་ཆེན་པོ་འཇིག་རྟེན་འདི་ན་ནི། །ཞེས་བྱ་བའི་ཚིགས་བཅད་བརྩམས་པ་
[230b.5]ཡིན་ཏེ། ཇི་ལྟར་མཆོད་སྦྱིན་ལ་སྦྱིན་པར་བྱ་བའི་གནས་ཀྱི་སྦྱིན་གནས་དམ་པ་ལ་བྱིན་པས་ནི་ཆོས་མ་ཡིན་པ་མེད་པ་ལྟར་འདིས་ན་ཡང་ཁྱོད་ཀྱིས་ཆད་པས་བཅད་པར་ཡང་མི་འགྱུར་ལ་དེ་ཉིད་ཀྱི་ཕྱིར་གྲགས་པ་མ་ཡིན་པར་#ཡང་འབྱུང་བར་མི་འགྱུར་བས་དེ་བས་ན་ཉེས་པ་
[230b.6]གསུམ་ཡང་མེད་དེ། བདག་ལ་བརྩེ་བའི་ཕྱིར་ཡང་དེ་བཞེས་སུ་གསོལ་ཞེས་བསྟན་པ་ཡིན་ནོ། །གལ་ཏེ་ཆོས་དང་འགལ་བར་གྱུར་ཀྱང་དེ་ལྟོ་བ་བཟེད་#པར་བགྱི་ཞེས་བྱ་བའི་ལན་ནི་ང་ལ་རབ་ཏུ་བྱམས་པའི་ཕྱིར་#ཕན་པ་དང་ཞེས་བྱ་བ་ལ་སོགས་པ་ཡིན་ནོ། །#སྐྱེ་བོས་སྨད་
[230b.7]ཅིང་ཞེས་བྱ་བ་དེའི་ལན་ནི་འཇིག་རྟེན་པས་སྨད་པ་ལ་འཛེམ་པ་མེད་པར་བྱ་བ་མི་རིགས་སོ་ཞེས་བྱ་བ་ཡིན་ནོ། །དེ་བས་ན་འཇིག་རྟེན་པས་སྨད་པར་བྱ་བ་ལ་ཡང་མི་འཛེམ་པར་བྱ་བ་མི་རིགས་ཏེ། དེ་ཡང་། འཇིག་རྟེན་སྨོད་པས་འཛེམ་པ་མེད་པ་དང་། །ཞེས་བྱ་བའི་ཚིགས་བཅད་འདིས་
[231a]
[231a.1]འདིས་སྒྲུབ་པ་སྟེ། སྨོད་པས་འཛེམ་པ་མེད་པ་ནི་ཆོས་ལ་མི་ལྟ་བའི་ཕྱིར་རོ། །ཕྱི་མ་ནི་འཇིག་རྟེན་ཕ་རོལ་གྱི་ཆོས་ཀྱི་འབྲས་བུ་ལ་མི་འཛེམ་པ་སྟེ། ཆོས་ལ་མི་ལྟ་བའི་ཕྱིར་རོ། །དེ་བཞིན་དུ་ལྷག་མ་འཇིག་རྟེན་འདིའི་མཆོག་ཏུ་འཛིན་
[231a.2]པ་ཡིན་ནོ་ཞེ་ན། ཡང་འདིའི་དོན་མི་འགྲུབ་པར་བསྟན་པའི་ཕྱིར་སྨྲས་པ། གང་ཡིན་སྐྱེ་བོ་དེ་ལ་ཡིད་མི་ཆེས། །ཞེས་སྨོས་ཏེ། དེ་ལ་ཞེས་བྱ་བ་ནི་སྨད་ཅིང་ཆོས་དང་ཕྱི་མའི་འབྲས་བུ་ལ་མི་ལྟ་བ་སྟེ། ཅི་ནས་ཀྱང་བསམ་པ་ཆོས་དང་འཇིག་རྟེན་ཕ་རོལ་གྱི་འབྲས་བུ་
[231a.3]རྣམ་པར་སྤངས་པའོ། །དེ་བཞིན་དུ་མཐོང་བའི་ཆོས་ལ་ཡང་དཔལ་གྱི་འབྲས་བུ་སྤངས་པར་འགྱུར་ཏེ། དཔལ་ནི་སྐྱེ་བོ་ཡིད་ཆེས་པ་རྩ་བར་གྱུར་པ་ཉིད་ལས་སོ། །བདེ་བ་ཉམས་ཀྱང་རུང་ཞེས་བྱ་བ་སྔར་བསྟན་པ་དེའི་ལན་ནི་འདིས་བསྟན་ཏེ། བདེ་བ་མ་ཡིན་
[231a.4]པ་ནི་ཆོས་མ་ཡིན་པར་སྤྱོད་པ་གཙོ་བོར་བསྟན་པའི་ཕྱིར་ཁྱོད་ལ་ང་སྨྲའོ་ཞེས་བྱ་བ་ཡིན་ཏེ། སྲོག་གི་ཕྱིར་ཡང་ཞེས་བྱ་བའི་ཚིགས་བཅད་ཡིན་ནོ། །ཆོས་དང་འགལ་བ་ལ་ནི་འགལ་#བར་མ་བྱེད་ཅིག་པ་སྟེ། ཅིའི་ཕྱིར་ཞེ་ན། ཉེས་པ་ཆེ་བར་འགྱུར་བར་
[231a.5]གདོན་མི་ཟ་བའི་ཕྱིར་རོ། །ངན་སོང་དུ་འགྲོ་བའི་རྒྱུ་ཡིན་པས་སྲོག་གི་ཕྱིར་ཡང་ཞེས་བྱ་བ་ཡིན་ནོ། །ཅིའི་ཕྱིར་ཞེ་ན། ལེགས་འབྱུང་ཆུང་ལ་དོགས་པ་དང་བཅས་པའི་ཕྱིར་རོ། །དོགས་པ་#དང་བཅས་པས་#དེའི་སྲོག་ཀྱང་ཡིད་བརྟན་དུ་མི་རུང་བས་སོ། །
[231a.6]ལེགས་འབྱུང་ཆུང་ཡང་ཞེས་བྱ་བ་ནི་ཡུན་རིང་དུ་འཚོ་བར་#གྱུར་ཀྱང་མཐོང་བའི་ཆོས་ལ་བདེ་བ་ཤིན་ཏུ་ཆུང་བའི་ཕྱིར་རོ། །དེ་ལྟར་དེ་ལ་རང་གི་ཆུང་མ་ཡོངས་སུ་གཏོང་བ་མི་རིགས་པར་བསྟན་ནས། དེ་#ནི་བདག་ཉིད་ཀྱིས་#བླང་བ་ཉིད་དུ་མི་རིགས་པར་བསྟན་པའི་ཕྱིར་སྨྲས་པ།
[231a.7]དམ་པ་རྣམས་ནི་ཕ་རོལ་སྨད་ལ་སོགས། །ཞེས་བྱ་བའི་ཚིགས་བཅད་སྨོས་སོ། །སྨད་པ་ལ་སོགས་པའི་སྡུག་བསྔལ་གང་ཡིན་པ་དེ་ནི་སྨད་པ་ལ་སོགས་པའི་སྡུག་བསྔལ་བྱས་པ་སྟེ། གང་སྔར་བསྟན་པའི་ཆོས་དང་འགལ་བ་དང་། སྐྱེ་བོས་སྨད་པ་དང་། བདེ་བ་
[231b]
[231b.1]ཉམས་པའི་མཚན་ཉིད་ནི་སྨད་པ་ལ་སོགས་པའི་སྡུག་བསྔལ་སྨོས་པ་འདིས་གཟུང་ངོ་། །མི་གནོད་པར་ཞེས་བྱ་བ་ནི་སྨད་པ་ལ་སོགས་པའི་སྡུག་བསྔལ་བླངས་ནས་སོ། །བདག་གི་དོན་སྒྲུབ་ཅེས་བྱ་བ་ནི་བྱང་ཆུབ་སེམས་དཔའི་སྒྲུབ་པ་སྟེ། བདག་དང་གཞན་གྱི་ཆོས་སུ་
[231b.2]བཤད་པའོ། །གཉི་གའི་ཆོས་མ་ཡིན་པ་མེད་པར་བསྟན་པའི་ཕྱིར་རྗེའི་དོན་དུ་ཞེས་བྱ་བ་ལ་སོགས་པའི་ཚིགས་བཅད་འདི་ཡིན་ཏེ། དེའི་སླད་དུ་ལྗོངས་ཀྱི་#མི་དང་བཅས་པས་ཞེས་བྱ་བ་འདིས་ནི་གཉི་ག་ལ་ཡང་ཆོས་མ་ཡིན་པ་དང་གྲགས་པ་མ་ཡིན་པ་མེད་པར་བསྟན་
[231b.3]ཏོ། །རྒན་པ་བསྙེན་བཀུར་བྱ་བ་བྱས་པ་དང་། ཞེས་བྱ་བའི་ཚིགས་བཅད་འདིའི་བསྡུས་པའི་དོན་ནི་དགེ་བའི་བཤེས་གཉེན་#བསྟན་པ་དང་། ཆོས་ཉན་པ་དང་ཚུལ་བཞིན་ཡིད་ལ་བྱེད་པ་བསྟན་ཏོ། །ཡང་ན་བླ་མ་དང་དམ་པའི་ཚོགས་ལ་#བསྙེན་བཀུར་བྱས་པ་
[231b.4]དང་ཤེས་རབ་ཕུན་སུམ་ཚོགས་པར་#བསྟན་ཏོ། །འཁོར་གསུམ་གྱི་རིག་པ་ནི་འཁོར་གསུམ་རིག་པའོ། །དོན་གྱི་དེ་ཁོ་ན་ཉིད་ནི་དོན་གྱི་དེ་ཉིད་དོ། །ལྷག་པའི་དོན་གྱི་དེ་ཁོ་ན་ཉིད་ནི་ལྷག་པའི་དེ་ཁོ་ན་ཉིད་དེ། འཁོར་གསུམ་རིག་པའི་ལྷག་པའི་དོན་གྱི་དེ་ཁོན་ཉིད་དོ། །
[231b.5]འཇིག་རྟེན་པ་ལ་ཕན་དང་གནོད་པ་ནི། །ཞེས་བྱ་བ་ལ་སོགས་པའི་ཚིགས་བཅད་གཉིས་ནི་སྐྱེ་དགུ་རྣམས་ཆོས་དང་འགལ་བར་འགྱུར་བའི་དབང་དུ་བྱས་པའོ། །གལ་ཏེ་རྒྱལ་པོ་རྣམས་ལེགས་པར་སྤྱོད་ན་ནི་འབངས་རྣམས་ལ་ཕན་པ་ཡིན་ལ། ཅི་སྟེ་ལེགས་
[231b.6]པ་མ་ཡིན་པ་སྤྱོད་ན་ནི་གནོད་པ་ཡིན་ནོ། །འབངས་རྣམས་སྙིང་ཉེ་བསམས་ནས་ནི། །ཞེས་བྱ་བ་ནི་གཞན་གྱི་སྐྱེ་བོ་བས་ལྷག་པར་བདག་ལ་སྙིང་ཉེ་བ་ཡིན་ཏེ། ཁྱད་པར་དེས་ན་བདག་གིས་ལེགས་པ་དང་ལེགས་པ་མ་ཡིན་པ་སྤྱད་པ་དེ་གཉིས་ཀྱིས་འཇིག་རྟེན་པའི་ཕན་པ་དང་། གནོད་
[231b.7]པའི་རྒྱུར་གྱུར་པ་ཡིན་པར་བསྟན་ཏོ། །གཏམ་སྙན་པ་ནི་གྲགས་པའོ། །ལམ་གྱི་མཆོག་ཉིད་ནི་ཆོས་ཀྱི་ལམ་མོ། །རྒྱལ་པོ་རྣམས་ཀྱི་སྤྱོད་པ་ལ་འབངས་རྣམས་ར་ག་ལུས་པ་ཡིན་ཏེ། ཕན་པ་དང་གནོད་པར་འགྱུར་བ་དེ་ཉིད་བསྒྲུབ་པའི་ཕྱིར་དཔེས་བསྟན་པ་སྟེ། ཁྱུ་
[232a]
[232a.1]མཆོག་འགྲོ་བ་དྲང་ངམ་ཡོ་བ་བཞིན། །ཞེས་བྱ་བའི་ཚིགས་བཅད་ཡིན་ནོ། །རྒྱལ་པོའི་ལེགས་པ་དང་ལེགས་པ་མ་ཡིན་པའི་སྤྱོད་པ་ལ་སྐྱེ་དགུའི་ཕན་པ་དང་གནོད་པ་རག་ལུས་པ་བདག་ཉིད་ཀྱང་མི་རིགས་པ་ལས་ལྡོག་པར་མི་ནུས་ན་གཞན་དག་ཇི་
[232a.2]ལྟར་བཟློག་པར་མི་#ནུས་ཞེས་པ་སྟེ། ཇི་ལྟར་#འཁྲུལ་པ་མེད་པར་རྗེས་སུ་འབྲང་བའི་སྐྱེ་དགུའོ། །དེ་ལྟར་འབངས་ལ་ཕན་པའི་ཞེས་བྱ་བའི་ཚིགས་བཅད་ནི་འབངས་ལ་ཕན་པར་ལྟ་བའི་ཚིགས་བཅད་ཡིན་ཏེ། འབངས་ལ་ཕན་པ་འོག་ཏུ་བཤད་པ་ནི་མི་རིགས་ཏེ།
[232a.3]སྔར་སྨོས་པ་ནི་སྐྱེ་དགུ་ལ་ཕན་པ་གཙོ་བོ་ཡིན་པའི་ཕྱིར་དེ་ལྟར་གོང་དུ་བསྟན་ཏོ། །དེའི་འོག་ཏུ་སྨོས་པའི་ཆོས་དང་གྲགས་པ་ལས་ནི་འགལ་བར་གྱུར་ཀྱང་ཕན་པ་ལས་མི་འདའ་བར་བསྟན་པའི་ཕྱིར་གཙོ་བོ་ཡིན་ཏེ། འབངས་ལ་ཕན་པར་ལྟ་བ་ནི་གཅེས་པའི་ཕྱིར་རོ། །
[232a.4]དེ་ལྟར་ཕན་པ་དེ་ལ་ཞུགས་པ་དང་། དེའི་འོག་ཏུ་ཆོས་དང་། དེའི་འོག་ཏུ་གྲགས་པའོ། །དེ་བས་ན་རིམ་པ་འདི་ནི་བདག་གིས་དེ་ལྟར་བསྟན་ཏོ། །ཨེ་མའོ་འབངས་རྣམས་སྐལ་བ་ཕུན་སུམ་ཚོགས། །ཞེས་བྱ་བ་ནི་ཅིའི་ཕྱིར་ཞེ་ན། དཔེ་མེད་པའི་ཆོས་ལ་རྗེས་
[232a.5]སུ་དགའ་བ་དང་། བདེ་བ་ལ་མ་ཆགས་པ་དེ་ལྟ་བུས་བསྲུངས་པ་ཐོབ་པས་སོ། །དཔེ་མེད་པ་ནི་དཀའ་ཐུབ་ཀྱི་ནགས་ན་གནས་པ་ལ་ཡང་ཆོས་ལ་དགའ་ཞིང་བདེ་བ་ལ་མ་ཆགས་པ་དེ་ལྟ་བུ་དཀོན་ཏེ། དཀའ་ཐུབ་ནགས་ན་གནས་པའི་ཡོན་ཏན་དག་ལས་ཤིན་ཏུ་
[232a.6]ལྷག་པའི་ཕྱིར་རོ། །རྒྱལ་པོ་ཆེན་པོ་ཞེས་བྱ་བ་ནི་ཐ་མལ་པ་མ་ཡིན་པ་སྟེ#། དོན་ཇི་ལྟ་བ་བཞིན་གྱི་མིང་བསྟན་པའོ། །ཆེན་པོའི་སྒྲ་ནི་སྔར་སྨོས་པ་དེ་ཉིད་བསྒྲུབ་པའི་ཕྱིར་སྨོས་པ་ཡིན་ཏེ། གང་རྣམས་བསྲུང་བའི་རྒྱལ་པོ་ཁྱོད། །ཅེས་བྱ་བའི་ལས་ཀྱིས་སོ། །དེ་ལ་ངོ་མཚར་
[232a.7]ཆེ་བ་ཉིད་མེད་པར་བསྟན་པའི་ཕྱིར། རྒྱ་མཚོ་རིན་ཆེན་འབྱུང་གནས་བཞིན། །ཞེས་བྱ་བའི་ཚིགས་བཅད་ཡིན་ཏེ། འདིས་ནི་#གཞན་ལ་མེད་པའི་ཡོན་ཏན་སྟོན་ཏོ། །#སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་
[232b]
[232b.1]མྱོས་བྱེད་མའི་སྐྱེས་པའི་རབས་སོ།། །།ཆོས་ལ་གནས་ན་ཞེས་བྱ་བ་ནི་བདེན་པའི་ཚིག་གང་གི་གནས་ཆོས་ཡིན་པ་དེ་ནི། བདེན་པའི་ཚིག་#ཆོས་ལ་གནས་པའོ། །འདིར་ཆོས་ཞེས་སྨོས་པས་ནི་སྲོག་གཅོད་པ་ལས་ལྡོག་པ་ཡིན་ཏེ། དེ་ལ་
[232b.2]གནས་པའི་གང་བདེན་པའི་ཚིག་དེ་ནི་ཆོས་ལ་གནས་པའི་བདེན་པའི་ཚིག་ཡིན་ནོ། །འབྲས་བུ་ནི་དེའི་འབྲས་བུ་ལྟ་སྨོས་ཀྱང་ཅི་དགོས་ཞེས་བྱ་བ་ཡིན་ཏེ། དེ་ཞེས་བྱ་བ་ནི་གང་བདེན་པའི་ཚིག་གི་གནས་སྲོག་ཆགས་ལ་ཕན་འདོགས་པར་འཇུག་པ་དང་། སྲོག་གཅོད་
[232b.3]པ་ལས་ལྡོག་པའོ། །ཡང་ན་བདེན་པའི་ཚིག་དེའི་འབྲས་བུ་དེ་ནི་དེའི་འབྲས་བུ་སྟེ། སྲོག་ཆགས་ལ་ཕན་གདགས་པ་དང་། རྣམ་པར་འཚེ་བ་ལས་བཟློག་པའོ། །ཆོས་ཀྱི་རྗེས་སུ་འཇུག་པ་ཞེས་བྱ་བ་ནི་བདེན་པའི་ཚིག་གི་འབྲས་#བུར་གྱུར་པའི་ཆོས་ཀྱི་རྗེས་སུ་འཇུག་
[232b.4]པའོ། །ཡང་ན་ཆོས་ནི་#སྲོག་གཅོད་པ་ལས་སླར་ལྡོག་པའོ། །དེ་ལ་གནས་པའི་བདེན་པའི་ཚིག་གང་ཡིན་པ་དེ་ནི་ཆོས་ལ་གནས་པའི་བདེན་པའི་ཚིག་སྟེ། དེའི་འབྲས་བུ་གང་སྲོག་གཅོད་པ་ལས་ལྡོག་པ་ཉིད་དོ། །དེ་བས་ན་ཆོས་ཀྱི་རྗེས་སུ་འཇུག་པར་བྱའོ་
[232b.5]ཞེས་བྱ་བ་ཡིན་ཏེ། སྲོག་གཅོད་པ་ལས་ལྡོག་པའི་མཚན་ཉིད་ཀྱི་ཆོས་ཀྱི་རྗེས་སུ་འཇུག་པར་བྱའོ་ཞེས་པའོ། །རང་བཞིན་གྱིས་ཤེས་རབ་རྣོ་བས་ཞེས་བྱ་བ་ནི་ཤེས་རབ་དང་སྙིང་རྗེ་རབ་ཏུ་བསྒོམས་པའི་ཕྱིར་བྱང་ཆུབ་སེམས་དཔའ་ནི་རིགས་ཀྱིས་ཤེས་
[232b.6]རབ་ཤས་ཆེ་བ་ཡིན་པས་ཤེས་རབ་རྣོ་བ་ཞེས་སྨོས་སོ། །རང་བཞིན་དང་རིགས་དང་། རྒྱུ་དང་ས་བོན་ཞེས་བྱ་བ་རྣམ་གྲངས་སོ། །རང་བཞིན་གྱིས་ཤེས་རབ་རྣོ་བ་ནི་རིགས་ཀྱིས་གྲུབ་པའི་ཤེས་རབ་རྣོ་བའོ། །གཙུག་ལག་ཁྱད་པར་ཅན་གང་དང་གང་། སྒྱུ་རྩལ་ཁྱད་
[232b.7]པར་ཅན་གང་དང་གང་ཞེས་བྱ་བ་ལ། ཁྱད་པར་ཅན་སྨོས་པ་ནི་གཙུག་ལག་དང་སྒྱུ་རྩལ་གྱིས་སེམས་ཅན་རྗེས་སུ་བཟུང་#བར་བྱེད་པ་ཡིན་ཏེ། སློབ་པར་འདོད་པ་དེ་ཡང་དག་པར་བསྟན་པའི་ཕྱིར་དེ་དང་དེ་དག་ལ་ཞེས་བྱ་བ་ཡིན་ཏེ། སྐྱེ་བོ་གཞན་པས་ལྷག་པར་འགྱུར། །
[233a]
[233a.1]ཞེས་བྱ་བ་ནི་སྐྱེ་བོ་དྲི་#མའི་ཤེས་རབ་ལས་ཀྱང་ལྷག་པར་འགྱུར་རོ་ཞེས་བྱ་བའི་དོན་ཏེ། ཤེས་རབ་རྣོ་ཞིང་སྐྱེ་བོ་#གཞན་པས་ཞེས་བྱ་བས་ནི་ལྷན་ཅིག་སྐྱེས་པའི་ཤེས་རབ་ཀྱིས་ཀྱང་ལྷག་པར་འགྱུར་བ་ཡིན་ཏེ། གཞན་དག་གི་ཤེས་རབ་ནི་འབད་པ་ལས་བྱུང་
[233a.2]བའི་ཞེས་བྱ་བའི་དོན་ཏོ། །ནར་མ་དང་གློ་བུར་ནི་ནར་མ་དང་གློ་བུར་རོ། །འབྱུང་བར་འགྱུར་བའི་ལྟས་ནི་འབྱུང་བར་འགྱུར་བའི་ལྟས་སོ། །འབྱུང་བའི་ལྟས་དང་མཚན་མ་ནི་འབྱུང་བའི་ལྟས་དང་མཚན་མ་སྟེ། ནར་མ་དང་གློ་བུར་དུ་འབྱུང་བའི་ལྟས་དང་མཚན་མ་གང་གིས་
[233a.3]ཤེས་པ་ནི་ནར་མ་དང་གློ་བུར་དུ་འབྱུང་བའི་ལྟས་དད་མཚན་མ་ཤེས་པའོ། །བདག་ཉིད་ཆེན་པོ་དེ་སྐར་མ་རྒྱུ་བ་ལ་མཁས་ཞེས་བྱ་བ་ནས་བརྩམས་ཏེ། ཇི་སྲིད་དུ་རྒྱ་མཚོའི་ཕྱོགས་ནི་ལེགས་པར་རྟོགས་ཞེས་བྱ་བས་ནི་ཤེས་རབ་ཀྱི་ཁྱད་པར་བསྟན་ཏོ། །དྲན་པ་དང་ལྡན་ཞིང་ལེ་ལོ་དང་
[233a.4]གཉིད་ནི་ཆུང་ཞེས་བྱ་བས་ནི་བསམ་གཏན་གྱི་ཕ་རོལ་ཏུ་ཕྱིན་པའི་རྟགས་བསྟན་ཏོ། །གྲང་བ་དང་ཚ་བ་དང་ཆར་ལ་སོགས་པ་ལ་ཇི་མི་སྙམ་ཞེས་བྱ་བ་འདིས་ནི་བཟོད་པའི་ཕ་རོལ་ཏུ་ཕྱིན་པའི་རྟགས་བསྟན་ཏོ། །སོགས་པའི་ཞེས་སྨོས་པས་ནི་བཀྲེས་པ་དང་སྐོམ་པ་ལ་སོགས་
[233a.5]པ་ལ་ཇི་མི་སྙམ་པར་གཟུང་ངོ་། །བག་ཆེ་ལ་ཞེས་བྱ་བས་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་རྟགས་བསྟན་ཏོ། །བརྟན་པ་དང་སྡན་#པའི་ཞེས་བྱ་བས་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་རྟགས་བསྟན་ཏོ། །སྦྱིན་པའི་ཕ་རོལ་ཏུ་ཕྱིན་པ་ནི་ཅི་ཡང་མི་བྱེད་པའི་ཕྱིར་རྟགས་
[233a.6]སུ་མ་སྨོས་སོ། །དྲང་བ་ལ་མཁས་པ་ནི་སྔོན་དུ་འགྲོ་བ་ལ་མཁས་པའོ། །ལྡོག་པ་ལ་མཁས་པ་ནི་ཕྱིར་ནུར་བ་ལ་མཁས་པའོ། །སོགས་པ་སྨོས་པས་ནི་ཐད་ཀར་འགྲོ་བ་ལ་སོགས་པ་ལ་མཁས་པའོ། །ཡང་དག་པར་ཕ་རོལ་ཏུ་ཕྱིན་པ་ཡིན་པས་ལེགས་པར་ཕ་རོལ་ཏུ་ཕྱིན་
[233a.7]པར་བྱེད་པ་སྟེ། འདོད་པའི་ཡུལ་དུ་ཕྱིན་པར་བྱེད་པ་ཞེས་བྱ་བའི་དོན་ཏོ། །ཡང་ན་དོན་རབ་ཏུ་འགྲུབ་པར་བྱེད་པའོ། །འདོད་པ་ཞེས་བྱ་བ་ནི་གང་ཆས་#པར་བརྩམས་པའོ། །རྒས་པའི་དབང་གིས་ལྟ་བ་ཉམས་གྱུར་ཅིང་། །ཞེས་བྱ་བ་འདིས་ནི་གང་གོང་དུ་བསྟན་པའི་བདག་ཉིད་
[233b]
[233b.1]ཆེན་པོ་དེ་སྐར་མ་དང་རྒྱུ་སྐར་ལ་མཁས་པ་ཞེས་བྱ་བ་ནས། རྒྱ་མཚོའི་ཕྱོགས་ནི་ལེགས་པར་རྟོགས། །ཞེས་བྱ་བ་དེའི་ནུས་པ་མེད་པར་བསྟན་ཏོ། །དྲན་པ་རབ་ཏུ་ཉམས་ཞེས་བྱ་བ་འདིས་ནི་གང་བསྟན་པའི་དྲན་པ་དང་ལྡན་ཞེས་བྱ་བ་དེ་མེད་པར་བསྟན་པའོ། །བདག་གི་
[233b.2]ལུས་ཀྱི་བྱ་བའང་ཉམ་ཆུང་ན། །ཞེས་བྱ་བ་འདིས་ནི་སྔར་བསྟན་པའི་ལེ་ལོ་དང་གཉིད་ནི་ཆུང་ཞེས་བྱ་བ་ལ་སོགས་པ་དེ་མེད་པར་བསྟན་ཏོ། །ཁྱོད་ཀྱི་ལུས་ཀྱི་གནས་སྐབས་དེ་ལྟ་བུའོ། །འཚལ་ཏེ་ཞེས་བྱ་བའི་ཚིག་གིས་ནི་དྲན་པ་དང་བློ་དེའི་གནས་སྐབས་ཉིད་བསྟན་པའི་ཕྱིར་རོ། །
[233b.3]བགྲོད་དཀར་#ཞེས་བྱ་བ་ནི་ཇི་ལྟ་བུའི་མཚན་ཉིད་ཅན་གྱི་རྒྱ་མཚོ་སྟེ། རབ་ཏུ་ཞེས་བྱ་བ་ནི་ཇི་སྙེད་ཀྱི་མཚན་ཉིད་ཅན་སྟོན་ཏོ། །མཚོ་འཇིང་#ནང་དུ་ཞུགས་ཞེས་བྱ་བ་ལ་ཇི་ལྟ་བུར་ཞེ་ན། རྣམ་པ་གསུམ་པའི་མཚན་ཉིད་ཅན་ཏེ། མདོག་དང་། འགྲམ་བལྟར་མི་སྣང་བ་
[233b.4]དང་། གཏིང་དཔག་དཀའ་བ་སྟེ། དེ་གསུམ་ཡང་ཨནྡ་རྙིལ་ཞེས་བྱ་བའི་ཚིགས་བཅད་འདིས་བསྟན་པ་ཡིན་ནོ། །ཉི་མའི་དཀྱིལ་འཁོར་ནི་ཉི་མའི་དཀྱིལ་འཁོར་རོ། །དེའི་འོད་ནི་ཉི་མའི་དཀྱིལ་འཁོར་གྱི་འོད་དོ། །ཆུང་དུ་གྱུར་པ་ནི་ཉི་མའི་དཀྱིལ་འཁོར་གྱི་
[233b.5]འོད་དེ། གང་དེ་ཆུང་དུ་གྱུར་པ་དེ་ནི་ཉི་མའི་དཀྱིལ་འཁོར་གྱི་འོད་ཆུང་དུ་གྱུར་པའོ། །དེ་ལ་ལྟས་ངན་ཆེན་པོ་ཞེས་བྱ་བ་ནི་ལྟས་འབྱུང་བ་སྟེ། ཤིན་ཏུ་ཆེ་བ་ཉིད་དུ་བསྟན་པའི་ཕྱིར། རླབས་ནི་རྣམ་པར་འཁྲུག་ཅིང་ཞེས་བྱ་བའི་ཚིགས་བཅད་སྨོས་ཏེ། རྒྱུ་གསུམ་
[233b.6]གྱི་ལྟས་ངན་ཆེན་པོ་ཉིད་དུ་སྟོན་ཏོ། །མདོག་དང་། སྒྲ་དང་། དབྱིབས་སོ། །དེ་ཡང་དབྱིབས་ནི། ཆུ་ཀུན་ཐ་མལ་འདུག་ལས་རབ་ཏུ་གཡོས། །ཞེས་བྱ་བའི་ཚིགས་བཅད་ཕྱེད་ཀྱིས་བསྟན་ཏོ། །ཆུ་ཀུན་ཐ་མལ་འདུག་ལས་རབ་ཏུ་གཡོས། །ཞེས་བྱ་བ་ཉིད་བསྟན་པའི་ཕྱིར། ལྟས་
[233b.7]ངན་གློ་བུར་ལངས་པའི་རླུང་གིས་ཞེས་བྱ་བའི་ཚིགས་བཅད་#སྨོས་ཏེ། ཆུ་ཐ་མལ་པར་འདུག་པ་ལས་རབ་ཏུ་བསྐྱེད་#པ་ཉིད་ནི་སྒྲ་སྒྲོགས་པ་དང་། ཚད་དང་། ཤུགས་དང་། འགྲོས་ཀྱིས་བསྟན་པ་ཡིན་ཏེ། དཀྲུགས་པ་#ནི་འགྲོས་ཏེ། སྣ་ཚོགས་སུ་འགྲོ་བའི་ཕྱིར་རོ། །
[234a]
[234a.1]འཇིང་#ནི་རབ་ཏུ་འཇིགས་སུ་རུང་བ་སྟེ། དེའི་རབ་ཏུ་འཇིགས་སུ་རུང་བ་ནི། གློག་ཕྲན་འགྱུ་བའི་འོད་འབར་ལྕེ་གཡོ་བ། །ཞེས་བྱ་བའི་ཚིགས་#བཅད་གསུམ་གྱིས་བསྟན་ཏེ། དེའི་རབ་ཏུ་འཇིགས་སུ་རུང་བ་ནི་སྤྲིན་དང་བ་དང་། སྣང་བ་ནུབ་པ་དང་།
[234a.2]དེའི་མི་མཐུན་པའི་ཕྱོགས་ཀྱི་ལྟས་ངན་འབྱུང་བ་སྟོན་པས་སོ། །གློག་ཕྲན་འགྱུ་བ་ཞེས་བྱ་བ་འདིའི་བསྡུས་པའི་དོན་ནི་མདོག་དང་ཚད་དང་། སྒྲ་#དང་། སྤྲིན་གྱི་ཁྱད་པར་ཏེ། གློག་ཕྲན་འགྱུ་བ་འོད་འབར་ལྕེ་གཡོ་བ། །ཞེས་བྱ་བ་དང་། སྔོ་བ་ཞེས་བྱ་བས་ནི་མདོག་
[234a.3]བསྟན་ཏོ། །སྤྲིན་གྱིས་ཉི་མའི་ལམ་ཡང་བསྒྲིབས་པར་འགྱུར། །ཞེས་བྱ་བ་འདིས་ནི་ཚང་བསྟན་ཏོ། །སེམས་སྟོབས་ཡོན་ཏན་བསམ་པ་སྟོན་#ཞེས་བྱ་བ་ནི་སྙིང་སྟོབས་ཉིད་ཀྱི་ཡོན་ཏན་གང་ཡིན་པ་དེ་ནི་སེམས་སྟོབས་ཡོན་ཏན་ཏེ། སེམས་སྟོབས་ཀྱི་ཡོན་ཏན་ཇི་ལྟ་བ་
[234a.4]བཞིན་དུ་བསམ་པ་ནི་འདོད་པ་སྟེ་སྟོན་ཅིང་སྨྲ་བའོ། །དེ་དག་སྐྲག་ཅིང་སྤ་#གོང་མི་སྨྲ་ཞུམ། །ཞེས་བྱ་བ་ནི་སེམས་ཅན་དམན་#པའི་དབང་དུ་བྱས་པའོ། །བརྟན་པོ་དག་ནི་ཐར་པའི་ཐབས་ལ་འབད། །ཅེས་བྱ་བ་ནི་སེམས་ཅན་དམན་པའི་དབང་དུ་བྱས་པའོ། །ཁ་ཅིག་རང་གི་
[234a.5]ལྷ་ལ་གསོལ་བ་འདེབས། །ཞེས་བྱ་བ་ནི་བར་མའི་དབང་དུ་བྱས་པའོ། །འཇིགས་པ་དང་བག་ཚ་བ་ནི་འཇིགས་ཤིང་བག་ཚ་བ་སྟེ། སེམས་དང་ལུས་ལ་གོ་རིམས་བཞིན་དུའོ། །དེ་གཉིས་ཀྱིས་ཅི་བྱ་#གཏོལ་མེད་པ་ནི་འཇིགས་ཤིང་བག་ཚབས་ཅི་བྱ་གཏོལ་མེད་པའོ། །
[234a.6]ལྟས་ངན་གློ་བུར་དུ་བྱུང་བ་ནི་#ལྟས་ངན་གློ་བུར་དུ་བྱུང་བར་གྱུར་པའོ#། །ལྟས་ངན་གློ་བུར་དུ་བྱུང་བ་ཡིན་ལ་འཁྲུགས་པ་ཡང་ཡིན་པས་ལྟས་ངན་གློ་བུར་བྱུང་བས་འཁྲུགས་པའོ། །དེ་ནི་རྒྱུས་ཉོན་མོངས་པར་གྱུར་པ་ནི་ལྟས་ངན་གློ་བུར་དུ་བྱུང་བས་འཁྲུགས་ཤིང་ཉོན་མོངས་པར་
[234a.7]གྱུར་པའོ། །འདི་ལྟ་བུས་ཞེས་བྱ་བ་ནི་ངོ་མཚར་མི་ཆེ་བའི་ཕྱིར་རོ། །ཞུམ་པས་ཕོངས་ལས་ཐར་ལ་མི་ཕན་གྱིས། །ཞེས་བྱ་བ་ནི་གང་སྔར་བསྟན་པ་དེ་དག་སྐྲག་ཅིང་མི་སྨྲ་བས་སྤ་#གོང་ཞུམ་ཞེས་བྱ་བ་དེའི་དབང་དུ་བྱས་པའོ། །མྱ་ངན་གདུང་བར་མ་བྱེད་པར། །ཞེས་བྱ་བ་ནི་གང་
[234b]
[234b.1]སྔར་བསྟན་པའི་རང་གི་ལྷ་ལ་གསོལ་བ་འདེབས་ཞེས་བྱ་བ་དེའི་དབང་དུ་བྱས་པ་སྟེ། གང་གི་ཕྱིར་མྱ་ངན་དང་གདུང་བས་ནི་རང་གི་སྐྱེས་བུ་བྱེད་པ་ཉམས་པར་འགྱུར་ཞིང་ལྷ་ལ་གསོལ་བ་མཆོག་ཏུ་འཛིན་པས་ཀྱང་ངོ་། །བརྟན་བྱས་ནས་#ཞེས་བྱ་བ་ནི་གང་སྔར་བསྟན་པའི་
[234b.2]བརྟན་པོ་དག་ནི་ཐར་པའི་ཐབས་ལ་འབད། །ཅེས་བྱ་བ་དེའི་དབང་དུ་བྱས་པའོ། །འཇིགས་པ་དང་མི་དགའ་བ་ནི་འཇིགས་ཤིང་མི་དགའ་བའོ། །མཁས་པ་ནི་ཐབས་ཤེས་པའོ། །གཟི་བརྗིད་བརྟན་པས་ཞེས་བྱ་བ་ནི་སྐྱེས་བུ་བྱེད་པའི་གཟི་བརྗིད་ཀྱིས་ཏེ་གཟེངས་བསྟོད་
[234b.3]པའོ། །དོན་ཐམས་ཅད་གྲུབ་པ་ལག་པའི་རྩེ་ལ་ཡོད་པ་དེ་ནི་དོན་རྣམས་ཐམས་ཅད་#གྲུབ་པ་ལག་ན་ཡོད་པའོ། །སྟེང་དུ་འབྱུང་བ་ནི་གྱེན་དུ་འབྱུང་བའོ། །འཇུག་པ་ནི་ནང་དུ་འཇུག་པའོ། །གཡོ་བ་ནི་ཐད་ཀར་འགྲོ་བ་སྟེ། དེ་དག་གི་ཞར་ནི་ཞར་ཡིན་ཏེ། སྟེང་
[234b.4]དུ་འབྱུང་ཞིང་ནང་དུ་འཇུག་པའི་ཞར་པའོ། །དེ་བས་ན་བདག་ཅག་ཡུལ་ནི་གཉིས་#ལས་ཞེས་བྱ་བ་ནི་འདི་ལྟར་བདག་ཅག་ཡུལ་གང་ལས་བྱུང་བ་དང་། གང་དུ་འགྲོ་བར་འདོད་པའི་ཡུལ་ལོ། །འབབ་པ་ནི་ཆུའི་#རྒྱུན་ནོ། །ནུབ་ཕྱོགས་ནས་ཞེས་བྱ་བ་ནི་ནུབ་ཕྱོགས་#ཀྱི་
[234b.5]ཕྱོགས་ནས་སོ། །དངུལ་གྱི་མདོག་ནི་དངུལ་གྱི་ཁ་དོག་སྟེ། དེ་དང་འདྲ་བའི་ཆུ་དཀར་པོ་གང་ཡིན་པ་དེ་ནི་དངུལ་གྱི་མདོག་འདྲ་བའི་ཆུ་དཀར་པོའོ། །དབུ་བ་མང་པོ་འཁྲིགས་ཤིང་སྐྱ་བ་དེ་ནི་དབུ་བ་མང་པོ་འཁྲིགས་ཤིང་སྐྱ་བའོ། །འོ་མའི་རྒྱ་མཚོ་ཞེས་བྱ་བ་དེ་ནི་འཇིག་རྟེན་
[234b.6]པ་རྣམས་ཀྱིས་དེ་ལྟར་མིང་དུ་བརྗོད་པ་སྟེ། ཞོའི་ཕྲེང་བ་ཞེས་བརྗོད་དོ། །མི་མཐུན་པའི་རླུང་གིས་ཞེས་བྱ་བ་ནི་འདོད་པའི་ཡུལ་དང་མི་མཐུན་པར་གྱུར་པ་ཞེས་བྱ་བའི་དོན་ཏོ། །གསེར་གྱི་མདོག་འདྲ་བའི་#རླབས་ཀྱི་ཕྲེང་བ་རབ་ཏུ་འཁྲུགས་པ་གང་ཡིན་པ་དེ་ནི་རླབས་ཀྱི་
[234b.7]ཕྲེང་བ་རབ་ཏུ་འཁྲུགས་#པའི་གསེར་གྱི་མདོག་འདྲ་བའོ། །མེ་འབར་བ་ཉིད་སེར་སྐྱ་ཡིན་པས་ཆུའི་མདོག་མེ་འབར་བ་སེར་སྐྱ་སྟེ་ཆུ་དེའོ། །སྔོ་བ་མ་ཡིན་ཏེ་ཞེས་བྱ་བ་ནི་རང་བཞིན་གྱིས་དམར་བ་ཡིན་པས་སྔོན་པོ་དགག་པ་སྟེ། གནས་སྐབས་ཀྱི་དབང་གིས་#དེ་དམར་བར་རྟོགས་
[235a]
[235a.1]པར་བྱའོ། །སྦུར་ལོང་#དང་ཨནད་རྙིལ་ནི་སྦུར་ལོང་#དང་ཨནད་རྙིལ་ལོ། །དེ་གཉིས་ཀྱི་མདོག་གང་ལ་ཡོད་པ་དེ་ནི་སྦུར་ལོང་#དང་ཨནད་རྙིལ་གྱི་མདོག་གོ། །དེ་གཉིས་དང་འདྲ་བའི་ཆུ་གང་ཡིན་པ་དེ་ནི་སྦུར་ལོང་#དང་ཨནད་རྙིལ་གྱི་མདོག་འདྲ་བའོ། །ཆུ་དེ་
[235a.2]ཡོངས་སུ་སྨིན་པའི་ཀུ་ཤ་#དང་འདྲ་བའི་ཁ་དོག་ཀྱང་ཡོད་པས་སོ། །སྨྱིག་མའི་མདོག་དང་། བཻ་ཌཱུཪྻའི་འོད་ནི་སྨྱིག་མའི་མདོག་དང་བཻ་ཌཱུཪྻའི་འོད་དོ། །དེ་དང་འདྲ་བར་#ནི་མཐུན་པར་སྣང་བ་སྟེ། སྔོ་བའི་ཆུ་གང་ཡིན་པའོ། །རྒྱ་མཚོ་ཡང་བླ་འོག་བཟློག་པ་འདྲའོ། །ཞིང་
[235a.3]ཞེས་བྱ་བ་ནི་ཁས་བུབ་ཏུའོ། །སེར་བ་དྲག་པོ་འབབ་པ་འདྲ་ཞིང་ཞེས་བྱ་བ་ནི་ཤིན་ཏུ་འཇིགས་སུ་རུང་བའོ། །སྨྱིག་མའི་ཚལ་མེས་ཚིག་སྟེ་ཏོག་ཡར་གྱིས་#འགེངས་པ་དང་འདྲ་བར་ཐོས་ནས་ཀྱང་རབ་ཏུ་སྐྲག་ཅིང་འདར་བའོ། །གཡངས་བཞིན་དུ་ཞེས་བྱ་བ་ནི་མྱུར་དུ་
[235a.4]ལྟུང་བའི་ཕྱིར་རོ། །གཅོད་རོང་བཞིན་དུ་ཞེས་བྱ་བ་ནི་བསྡུས་ནས་ལྟུང་བའི་ཕྱིར་རོ། །བདག་ཅག་རྣ་བ་གས་ཤིང་ཞེས་བྱ་བའི་ཚིག་རྐང་འདིས་ནི་གང་གོང་དུ་བསྟན་པའི་འཇིགས་པ་བྱེད་པ་ཐོས་པར་གྱུར་ཞེས་བྱ་བ་དེ་ཉིད་བསྟན་པ་ཡིན་ནོ། །ཆུའི་བདག་པོ་ཁྲོས་པ་འདྲ་བའི་ཞེས་བྱ་བའི་ཚིག་#རྐང་འདིས་
[235a.5]ན་གང་དེ་སྔར་བསྟན་པའི་མེའི་#ཏོག་ཡར་གྱིས་འགེངས་པ་འདྲ་བའི་སྒྲ་ཆེ་ཞིང་ཞེས་བྱ་བ་ཡིན་ནོ། །འཇིགས་སུ་རུང་བ་ནི་དེའི་སྒྲ་ཤིན་ཏུ་ཆེ་བས་འཇིགས་སུ་རུང་བ་ཉིད་དུ་བསྟན་པ་སྟེ། དེ་ཉིད་འདིས་བསྟན་པའི་ཕྱིར། ཆུ་འདི་ཐམས་ཅད་གཅོང་རོང་འཇིགས་པའི་ཞེས་བྱ་བ་ཡིན་ཏེ། འདི་ནི་
[235a.6]གང་དེ་སྔར་བསྟན་པའི་ཆུའི་འཇིང་#ཆེན་པོ་སྟེ་#གཡང་ས་དང་གཅོང་རོང་གི་ནད་དུ་བབ་པ་ཞེས་བྱ་བ་དེ་ཉིད་སྟོན་ཏོ། །མངོན་སོང་ཞེས་བྱ་བ་དེ་#ནི་ཉེ་བར་གྱུར་པ་ཡིན་ཏེ། ཉེ་བར་ཕྱོགས་ཤིང་མངོན་དུ་བལྟས་པའམ་མངོན་དུ་ཕྱོགས་པ་ནི་མངོན་སོང་ངོ་། །ལྷ་དང་ང་གུས་
[235a.7]པས་ཕྱག་འཚལ་ཞེས་བྱ་བ་ལ་ཉི་མ་ཞེས་སྨོས་པས་ལྷ་ཐམས་ཅད་གྲུབ་མོད་ཀྱི། སོ་སོར་སྨོས་པ་ནི་ལྷའི་བདག་པོ་ཡིན་པའི་ཕྱིར་རོ། །ཕོངས་པར་གྱུར་ལ་འཇིགས་པ་མེད་པ་ཞེས་བྱ་བ་ནི་སྦྱོར་བ་ཕུན་སུམ་ཚོགས་པའོ། །གཞན་ལ་ཕན་འདོགས་ཡོན་ཏན་བསགས་#
[235b]
[235b.1]པའི་ཞེས་བྱ་བ་ནི་བསམ་པ་ཕུན་སུམ་ཚོགས་པའོ། །ཡང་ན་ཚིག་རྐང་དང་པོས་ནི་ཡོངས་སུ་སྐྱོབ་པའི་ནུས་པ་བསྟན་ཏོ། །གཉིས་པས་ནི་བྱེད་པར་འདོད་པ་ཉིད་བསྟན་ཏོ། །ཁྱོད་ཀྱི་མཐུ་ཆེན་#ཁྱད་པར་ཅན། །ཞེས་བྱ་བ་དེས་ནི་རྣམ་པ་གཉིས་ཏེ། སྦྱོར་བའི་#མཚན་
[235b.2]ཉིད་ཀྱིས་#ནུས་པའམ། བྱེད་པར་འདོད་པའི་མཚན་ཉིད་དོ། །ཉམ་ཐག་པ་ནི་#སྡུག་བསྔལ་བ་#ཉིད་དོ། །མགོན་མེད་པ་ནི་#སྐྱབས་མེད་པར་གྱུར་པའོ། །སྐྱབས་སུ་མཆིས་ཞེས་བྱ་བ་ནི་ཡོངས་སུ་སྐྱབས་པའི་དོན་དུ་སྟེ། རྒྱུ་འདི་གསུམ་གྱིས་ནི་བདག་ཉིད་སྙིང་
[235b.3]རྗེའི་གནས་སུ་སྟོན་པ་ཡིན་ནོ། །ད་ནི་བཅོས་པའི་ཆེད་ཉིད་ལས་བརྩམས་ནས། སྐྱེ་བོ་ཆབ་ཀྱི་ནང་དུ་འགུམ་པ་འདི། །ཞེས་བྱ་བའི་ཚིགས་བཅད་ཡིན་ཏེ། དེ་བས་ཞེས་བྱ་བ་ནི་ཁྱོད་ཀྱི་བཀའ་ལས་མི་འདའ་བས་ནའོ། །བསད་པར་བདག་ནི་ཡོངས་#མི་དྲན། །ཞེས་
[235b.4]བྱ་བ་ནི་དུས་དེ་ཡན་ཆད་དུའོ། །བདག་ནི་ཤེད་བྱེ་ཚུན་ཆད་དུ། །ཞེས་བྱ་བ་ནི་ཤེད་བྱེ་ཞིང་གོ་བ་ནས་བརྩམས་པའོ། །བདག་གི་བསོད་ནམས་མཐུ་དག་གིས། །ཞེས་བྱ་བ་ནི་སྲོག་གཅོད་པ་ལས་ལྡོག་པའི་རྒྱུ་དེའི་བསོད་ནམས་ཀྱི་སྟོབས་སོ། །ཡང་ན་སྐྱེ་བ་དུ་མ་
[235b.5]ནས་བསགས་པའི་བསོད་ནམས་དེའི་མཐུས་སོ། །གང་སྔར་བསྟན་པའི་ཆོས་ལ་གནས་ན་བདེན་པའི་ཚིག་ཙམ་གྱིས་ཀྱང་མ་རུང་བར་འགྱུར་བ་ལས་ཐལ་#བར་འགྱུར་ན་དེའི་#འབྲས་བུ་ལྟ་ཅི་སྨོས་ཞེས་བྱ་བ་དེ་ཡང་གསལ་བར་བྱེད་པ་ཡིན་ནོ། །གཞལ་མེད་ཁང་མཛེས་
[235b.6]པའི་ཚུལ་དུ་ཞེས་བྱ་བ་ནི་མཐུན་པའི་རླུང་གིས་འགྲོ་བ་དང་ཆོས་མཐུན་པས་སོ། །ཡང་ན་རང་དགར་ཞེས་བྱ་བ་ནི་རླུང་གི་དབང་མ་ཡིན་པར་ཡང་#དེའི་བདེན་པའི་བྱིན་གྱི་བསོད་ནམས་ཀྱིས་ཡོངས་སུ་གཟུང་#བས་སོ། །ཉི་མ་ནུབ་བའི་ལམ་ཞེས་བྱ་བ་ནི་ནམ་མཁའོ། །སློབ་
[235b.7]དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་ལེགས་པར་ཕ་རོལ་ཏུ་ཕྱིན་པའི་སྐྱེས་པའི་རབས་སོ།། །།ཚུལ་ཁྲིམས་དང་ལྡན་པ་ཞེས་བྱ་བ་ནི་ཉར་སྐྱེས་པ་འདི་ཉིད་དུ་དེའི་ཚུལ་ཁྲིམས་གཟུང་#བ་ཡིན་ཏེ། ཟས་སུ་གྱུར་པའི་ནི་ནང་གི་ཉ་དག་ལས་
[236a]
[236a.1]སོ། །མིར་གྱུར་པ་གཞན་དག་ལ་ནི་དགེ་བ་#དང་མི་དགེ་བའི་ལས་ལ་གོམས་པ་འདི་ལྟ་བུ་མེད་པ་ཡིན་ཏེ། ཚེ་རབས་གཞན་དང་གཞན་དུ་གོམས་པར་བྱས་པའི་ཕྱིར་རོ། །དེ་ལྟ་བུ་དག་ཅེས་བྱ་བ་ནི་དགེ་བ་དང་མི་དགེ་བའི་ལས་རྣམས་སོ། །མ་བསྒྲིབས་
[236a.2]ཀྱང་ཞེས་བྱ་བ་ནི་གོམས་པར་བྱས་པའི་ཕྱིར་ཏེ། རྨི་ལམ་གྱི་ནང་བཞིན་དུ་སྟོན་པའི་ཕྱིར་རོ། །བྱམས་པ་ཞེས་བྱ་བ་འདིས་ནི་བསམ་པ་ཕུན་སུམ་ཚོགས་པ་བསྟན་ཏོ། །སྦྱིན་པ་དང་། ཚིག་འཇམ་པོ་དང་། དོན་སྤྱོད་པ་ལ་སོགས་པའི་རིམ་པས་རབ་ཏུ་ཕན་འདོགས་པར་
[236a.3]འགྱུར་རོ་ཞེས་བྱ་བ་འདིས་ནི་སྦྱོར་བ་ཕུན་སུམ་ཚོགས་པ་བསྟན་ཏོ། །འདིར་ཇི་ལྟར་བསྡུ་#བའི་དངོས་པོ་བཞིས་ཕན་འདོགས་པའི་དོན་ཡིན་ཞེ་ན། མཐུན་པར་བདག་དང་གཞན་ལ་ཕན་འདོགས་པར་འཇུག་པ་ནི་འདི་དག་གི་བསྡུས་པའི་དོན་ཏེ། འདིར་ནི་གཞན་ལ་ཕན་
[236a.4]འདོགས་པ་#རང་འཇུག་པ་འབའ་ཞིག་གི་དབང་དུ་བྱས་པའོ། །རིམ་པ་ཞེས་སྨོས་པ་ནི་འདུལ་བའི་སྐྱེ་བོ་ལ་སྔོན་དུ་སྦྱིན་པར་བྱ་བ་ཡིན་ནོ། །དེ་ནས་ཚིག་འཇམ་པོས་ཡང་དག་པར་བསྟན་ཅིང་ཡང་དག་པར་#གཟེངས་བསྟོད་པར་བྱའོ། །དེའི་འོག་ཏུ་རབ་ཏུ་ཞུགས་པར་
[236a.5]གྱུར་པ་རྣམས་ལ་དོན་སྤྱོད་པས་གང་དུ་དེ་འཛིན་དུ་བཅུག་ཅིང་དེའི་གྲོགས་བྱེད་པ་ཡིན་ཏེ། བསྡུ་བའི་དངོས་པོ་དེའི་རིམ་པ་ནི་འདི་ཡིན་ནོ། །དེས་ན་#བྱང་ཆུབ་སེམས་དཔའི་ཕན་འདོགས་པ་ཁྱད་པར་དུ་གྱུར་པའོ། །ཐབས་ལ་མཁས་པ་ནི་ཤེས་རབ་ཀྱིས་སོ། །རིགས་
[236a.6]པས་ཞེས་བྱ་བ་ནི་བརྩོན་འགྲུས་ཀྱིས་སོ། །དེ་གཉིས་ཀྱིས་ནི་རྟག་ཏུ་བྱེད་པ་དང་གུས་པར་བྱེད་པ་བསྟན་ཏོ། །ཉ་རྣམས་ཀྱི་ཆོས་ཀྱི་ཚུལ་ནི་ཉ་ཟ་བར་བྱེད་པའོ། །ཉའི་རིགས་དེས་#ལེགས་པར་བསྐྱངས་བས་རབ་ཏུ་དར་ཞིང་རྒྱས་པ་ཡིན་ཏེ། ཅིའི་ཕྱིར་ཞེ་ན། གནོད་པ་
[236a.7]མེད་པའི་ཕྱིར་རོ། །ཇི་ལྟ་བུར་ཞེ་ན། མིའི་བདག་པོས་ཚུལ་བཞིན་སྤྱོད་པས་ཡོངས་སུ་བསྐྱངས་པ་ནི་#འབངས་རྣམས་གནོད་པ་མེད་པ་#བཞིན་ནོ། །སྐལ་བ་མེད་པར་གྱུར་པ་ཞེས་བྱ་བས་ནི་རྒྱུ་མ་ཚང་བར་སྟོན་ཏོ། །ཆར་འབེབས་པའི་ལྷའི་བུ་བག་མེད་པ་ཞེས་བྱ་བས་ནི་
[236b]
[236b.1]རྐྱེན་མ་ཚང་བར་སྟོན་ཏེ་#རྒྱུ་དང་རྐྱེན་རྣམ་པ་གཉིས་#ནི་དངོས་པོ་ཐམས་ཅད་འབྱུང་བ་ཡིན་ཏེ་གཞན་དུ་ནི་མ་ཡིན་ནོ། །ངལ་ཞིང་ལེ་ལོའི་དབང་གིས་བུལ་བར་གྱུར་པ་འདྲ་བའི་ཞེས་བྱ་བ་ནི་#ཉི་མ་རིང་ཞིང་སོ་གའི་དུས་སུ་འགྲོས་བུལ་བའི་ཕྱིར་རོ། །ཇི་ལྟར་འཇིག་རྟེན་པ་
[236b.2]རྣམས་ངལ་བ་དང་ལེ་ལོའི་དབང་དུ་གྱུར་ན་མྱུར་དུ་འདའ་བར་བྱེད་མི་ནུས་སོ། །དེ་བཞིན་དུ་ཉི་མའི་དཀྱིལ་འཁོར་ཡང་དེ་ལྟ་བུས་འཇུག་པའི་ཕྱིར་རོ། །དེས་ན་ཡང་སྐོམ་པའི་དབང་གིས་ཉིན་རེ་བཞིན་འཐུང་བ་#བཞིན་དུ་ཞེས་བྱ་བ་ནི་ས་དང་ཀླུང་གཉིས་ལ་ཉི་མའི་
[236b.3]འོད་ཀྱིས་གདུངས་པའི་དྲོད་ཀྱིས་སོ། །ཚ་བ་དང་སྐོམ་པའི་དབང་གིས་བསིལ་#བ་འདོད་པས་ཉིན་རེ་ཞིང་འཐུངས་པ་བཞིན་དུ་#ཞེས་བྱ་བ་དེ་ཉིད་བསྒྲུབ་#པའི་ཕྱིར། དཔྱིད་ཀྱི་དུས་ཀྱི་ཉི་མ་འབར་བ་དང་། །ཞེས་བྱ་བའི་ཚིགས་བཅད་དེ་སྔར་སྨོས་པའི་ཚིག་རྐང་གི་
[236b.4]དོན་འདིས་སྟོན་#ཏེ། རྒྱུ་འདི་གསུམ་གྱིས་ཆུ་སྐམ་པར་འགྱུར་གྱི་གཞན་དུ་ནི་མ་ཡིན་ནོ། །ཁྭ་#རྣམས་ཀྱང་ཞེས་བྱ་བ་ནི་ཆུ་ལས་རིང་དུ་སྤྱོད་པའོ། །ཆུ་ཡང་ཉིན་རེ་ཞིང་ཞེས་བྱ་བ་དང་། བྲོས་ཏེ་འགྲོ་བའི་ལམ་ཡང་མེད། །ཅེས་བྱ་བའི་ཚིགས་བཅད་ཀྱིས་ནི་
[236b.5]ཉ་རྣམས་རྣམ་པར་འཇིགས་#པའི་རྒྱུ་མ་ལུས་པར་བསྟན་ཏེ། རྒྱུ་གསུམ་གྱིས་དགྲ་ལས་ཐར་པར་མི་འགྱུར་བ་ཡིན་ཏེ། དགྲ་རྣམས་སྟོབས་ཆེ་ཞིང་དེའི་གནས་ན་འདུག་པ་དང་། དེ་མེད་ཀྱང་ཡུལ་གཞན་དུ་འགྲོ་བར་མི་ནུས་པ་དང་། དེ་མེད་ཀྱང་དགྲ་དང་ཉེ་བར་གནས་པ་སྟེ།
[236b.6]རྒྱུ་འདི་གསུམ་ཡོད་པས་གདོན་མི་ཟ་བར་ཉ་རྣམས་འཇིགས་པའི་རྒྱུར་སྟོན་ཏོ། །#དགྲ་རྣམས་སྟོབས་ཆེ་ཞིང་། གནས་ན་འདུག་པས་སྐྱབས་མེད་པའི་དབང་དུ་བྱས་ནས། ཆུ་ཡང་ཉིན་རེ་བྲི་བར་གྱུར། །ཞེས་བྱ་བའི་ཚིགས་བཅད་ཡིན་ཏེ། སྔར་གནས་པའི་ཆུ་ཟད་པ་
[236b.7]དང་། ཆུ་ཕྱི་མ་མ་བྱུང་བས་སོ། །ཚིགས་བཅད་གཉིས་པས་ནི་དེ་ཡུལ་གཞན་དུ་འགྲོ་མི་ནུས་པ་དང་། དགྲ་དང་ཉེ་བར་གནས་པར་བསྟན་ཏོ། །ཡུལ་གཞན་དུ་འགྲོ་བར་མི་ནུས་པའི་རྒྱུ་ནི་གཉིས་ཏེ། རང་གི་སྐྱེས་བུའི་བྱེད་པའམ། གཞན་གྱི་དཔུང་སྟ་གཉི་ག་#
[237a]
[237a.1]མེད་པའོ། །བདག་ཅག་བརླག་པར་དགའ་བའི་ཞེས་བྱ་བའི་ཚིགས་བཅད་ཕྱེད་ཀྱིས་ནི་#དགྲ་དང་ཉེ་བར་གནས་པ་སྟོན་ཏོ། །ནག་པོའི་སྤྲིན་རྣམས་རི་བོའི་གྲིབ་མ་བཞིན། །ཞེས་བྱ་བ་ལ་སོགས་པའི་ཚིགས་བཅད་ལྔ་ནི་ཆར་འབབ་པའི་རྟགས་ཀྱི་དབང་
[237a.2]དུ་བྱས་པ་དང་། ཆར་འབབ་#པའི་དབང་དུ་བྱས་པ་སྟེ། ཆར་འབབ་པའི་རྟགས་ཀྱི་དབང་དུ་བྱས་ནས། ནག་པོའི་སྤྲིན་རྣམས་རི་བོའི་གྲིབ་མ་བཞིན། །ཞེས་བྱ་བའི་ཚིགས་བཅད་དང་། འབྲུག་གི་#རྔ་སྒྲས་རབ་ཏུ་དགའ་གྱུར་#ནས། །ཞེས་བྱ་བ་དང་། དེ་ཡིས་ཆར་ཕབ་
[237a.3]མུ་ཏིག་གཏོར་བ་ཞེས་བྱ་བ་འདི་དག་ནི་ཆར་ཕབ་པའི་རྟགས་བསྟན་ཏོ། །འབྲུག་གི་རྔ་སྒྲ་བཞིན་དུ་ཞེས་བྱ་བའི་ཚིགས་བཅད་འདི་དག་#གོ་རིམས་བཞིན་དུ་གནས་པ་ཡིན་ཏེ། དེའི་གོ་རིམས་ནི་རྨ་བྱ་རབ་དགའ་ཟེ་བ་འབྲེལ་པ་ཞེས་བྱ་བའི་འོག་ཏུ་འདི་བྲི་བར་བྱའོ། །
[237a.4]དེའི་#ཆར་འབབ་པའི་དུས་ཀྱི་རྟགས་ནི་རྣམ་པ་ལྔ་སྟེ། སྤྲིན་ལངས་པ་དང་། འབྲུག་ཟེར་བ་དང་། གློག་དང་། ཆར་དང་། རླུང་སྟེ། གོ་རིམས་ཇི་ལྟ་བ་བཞིན་སྦྱར་བར་བྱའོ། །བབ་#པའི་དབང་དུ་བྱས་ན་ནི་དཔྱིད་ཀྱི་དུས་ལ་བབ་པར་རྣམ་པར་སྤེལ་ཀྱང་།
[237a.5]དཔྱིད་ཀྱི་དུས་ཀྱི་ཚ་བ་ཉེ་བར་ཞི་བ་སྟེ། ཆར་བབ་པས་སོ། །དཔྱིད་ཀྱི་དུས་ལ་བབ་པས་ཞེས་བྱ་བ་འདིས་ནི་ཆར་བབ་པར་བྱེད་པ་བསྟན་ཏོ། །འདི་ཉིད་སྔར་བསྟན་པའི་རྟགས་ཉིད་ལ་འཇུག་པར་འདོད་པ་ཡིན་ཏེ་དེ་བསྟན་པའི་ཕྱིར། ཆར་སྤྲིན་འབྲུག་སྒྲ་ཟབ་ཅིང་བརྟན#། །
[237a.6]ཞེས་སྨོས་ཏེ། ཆར་སྤྲིན་འབྲུག་སྒྲ་ཞེས་བྱ་བ་འདིས་ནི་སྤྲིན་དང་འབྲུག་སྒྲ་ཉིད་བསྟན་ཏོ། །ཆར་པའི་རྒྱུན་#རྣམས་ཞེས་བྱ་བ་འདིས་ནི་ཆར་བསྟན་ཏོ། །གློག་འགྱུ་#འབར་བ་ཞེས་བྱ་བ་འདིས་ནི་གློག་བསྟན་ཏོ། །ཅིའི་ཕྱིར་རླུང་འདིར་མ་སྨོས་ཤེ་ན། རླུང་མེད་པར་ཡང་
[237a.7]འབབ་པའི་ཕྱིར་ཏེ། དེ་ནི་དེ་ལ་འཇིགས་པ་མེད་པའི་ཕྱིར་རོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་ཉའི་སྐྱེས་པའི་རབས་སོ།། །།བརྩོན་པར་བྱ་བ་ནི་གོམས་པར་བྱའོ#། །མི་ནུས་པ་ནི་སྤྲོ་བ་མེད་པའོ། །སྒོ་ངའི་སྦུབས་ནས་
[237b]
[237b.1]བྱུང་ནས་ཞག་གྲངས་མང་པོ་མ་ལོན་པ་གང་ཡིན་པ་སྟེ། འདིས་ན་ཚོད་བསྟན་ཏོ། །སྤུ་སར་པ་གདོད་སྐྱེ་བ་གང་ཡིན་པ་དེས་ནི་འགྲོ་བའི་བྱ་བ་མི་ནུས་པ་བསྟན་ཏོ། །རབ་ཏུ་རིད་པས་ཞེས་བྱ་བ་ཡང་འགྲོ་མི་ནུས་པའི་རྒྱུ་ཉིད་དེ། འདབ་གཤོག་རྣམས་ཀྱང་རྒྱས་ཞེས་བྱ་བ་ནི་
[237b.2]འཕུར་དུ་རུང་བའི་གཤོག་པ་ཡོད་པས་སོ། །ཐམས་ཅད་ཟ་ཞིང་ཞེས་བྱ་བ་ནི་ཁ་ཟས་ཅི་ཡང་རུང་བ་ཟ་བ་སྟེ། དེས་ན་མི་འཆི་ཞིང་བརྟས་པར་འགྱུར་ཏེ། བཅོམ་ལྡན་འདས་ཀྱིས་ཀྱང་གསུངས་པ། བརྐམ་ཞིང་བྱ་རོག་ལྟར་དཔའ་བ། །ངོ་ཚ་མེད་པ་ལེགས་པར་
[237b.3]འཚོ། །བརྣབ་ཅིང་སྤྱི་བརྟོལ་ཆེ་བ་ཡི། །འཚོ་བ་ཤིན་ཏུ་ཉོན་མོངས་ལྡན། །ཞེས་བྱ་བ་ནི་ཆོས་མ་ཡིན་པ་བྱེད་པའོ། །རྟག་ཏུ་སྐྱོན་མེད་འཚོལ་#བ་དང་། །ཞུམ་ཞིང་བག་དང་ཆས་པ་དང་། །འཚོ་བ་སྐྱོན་མེད་ལྟ་བ་དང་། །ངོ་ཚ་ཤེས་པའི་འཚོ་མི་བདེ། །ཆོས་
[237b.4]དང་ལྡན་པས་ཆོས་ཤེས་པའི་ཕྱིར་རོ། །གར་གྱི་ཁྱད་པར་མཛེས་པ་ཡིན་པས་གར་མཛེས་པའོ། །མིང་དོན་མེད་པ་གང་ཡིན་པ་དེ་ནི་མིང་དོན་མེད་པའོ། །མིང་དོན་མེད་པའི་རྐང་པ་གང་ཡིན་པ་དེ་ནི་རྐང་པ་མིང་དོན་མེད་པའོ། །རྐང་པ་ནི་འགྲོ་བར་བྱེད་པས་ན་རྐང་པ་སྟེ། དེའི་ནུས་པ་མེད་པའི་ཕྱིར་མིང་དོན་མེད་
[237b.5]པ་ཉིད་དེ། འདིས་ནི་འགྲོ་བར་མི་ནུས་པའོ། །བདག་གི་རྐང་པ་མིང་དོན་མེད་པ་དང་། འདབ་མ་མེད་པ་འདི་གཉིས་ཀྱིས་འགྲོ་བར་མི་ནུས་པར་བསྟན་ཏོ། །ཕ་མ་གཉིས་ཀྱང་ཞེས་བྱ་བ་ནི། ཕ་དང་མ་གཉིས་སོ། །བྱེར་ཞེས་བྱ་བ་ནི་ཡུལ་གཞན་དུ་སོང་བ་སྟེ། འདིས་ནི་
[237b.6]བྲལ་བར་སྟོན་ཏོ། །བདག་ཀྱང་རེ་ཞིག་འདི་ལྟ་བུའི་གནས་སུ་གྱུར་པ་སྟེ། ཁྱོད་ལ་མགྲོན་#བྱར་རུང་བ་ཅི་ཡང་མེད། །ཅེས་བྱ་བ་འདིས་ནི་ཁྱོད་ཀྱི་#འོང་བ་ཡང་རྒྱུ་མེད་པ་ཡིན་ནོ་ཞེས་བསྟན་ཏོ། །#དེ་བས་ན་ཞེས་བྱ་བ་ནི་#རྒྱུ་དེ་གཉིས་ནའོ། །རྒྱ་མཚོ་ཞེས་བྱ་བ་དང་། བདག་ལ་ཕན་
[237b.7]པར་འདོད་པ་ཞེས་བྱ་བ་གཉིས་ཀྱིས་ནི་དཔེ་སྨོས་པ་ཡིན་ཏེ། སེམས་ཅན་དང་སེམས་ཅན་མ་ཡིན་པའི་དཔེ་རྣམ་པ་གཉིས་བསྟན་ཏེ། དེ་དང་རིགས་མི་མཐུན་པ་དཔེར་རབ་ཏུ་གྲགས་པས་ཆོས་མཐུན་པའི་དཔེ་བསྟན་པའི་ཕྱིར་རོ། །སློབ་དཔོན་དཔའ་བོས་མཛད་པའི་སྐྱེས་པའི་
[238a]
[238a.1]རབས་རྒྱ་ཆེར་བཤད་པ་ལས་བྱ་སྲེག་པའི་ཕྲུ་གུའི་སྐྱེས་པའི་རབས་སོ།། །།ཉེས་པ་དུ་མ་འབྱུང་བ་ཞེས་བྱ་བ་ནི་ཉེས་པ་དུ་མ་བསྐྱེད་པའི་ཕྱིར་ཞེས་བྱ་བའི་དོན་ཏོ། །ཤིན་ཏུ་མ་རུང་བར་གྱུར་པའི་#ཕྱིར་ཞེས་བྱ་བ་ནི་གནོད་པ་སྟེ། གཞན་
[238a.2]དག་པས་ཤིན་ཏུ་སྡིག་པར་འབྱུང་བའི་ཕྱིར་རོ། །དགེ་བ་རྣམས་ཞེས་བྱ་བ་ནི་བྱང་ཆུབ་སེམས་དཔའོ། །སྙིང་རྗེ་ཆེན་པོས་ཡོངས་སུ་བསྒོས་པའི་བློ་ཞེས་བྱ་བ་ནི་སྙིང་རྗེ་ཆེན་པོས་སྤགས་པ་སྟེ། འདིས་ནི་བསམ་པ་ཕུན་སུམ་ཚོགས་པ་བསྟན་ཏོ། །གཞན་ལ་
[238a.3]ཕན་ཞིང་བདེ་བ་བྱེད་པ་ལ་དགའ་བ་ཞེས་བྱ་བ་འདིས་ནི་སྦྱོར་བ་ཕུན་སུམ་ཚོགས་པ་བསྟན་ཏོ། །བསོད་ནམས་སྤེལ་བ་ཉམས་སུ་ལེན་པ་ཞེས་བྱ་བ་ནི་བསོད་ནམས་ཀྱི་ཚོགས་སྤེལ་ཞིང་སྒྲོགས་པའོ། །སྦྱིན་པ་དང་དུལ་བ་དང་ཞི་བ་ཞེས་བྱ་བས་ནི་ཕ་རོལ་ཏུ་ཕྱིན་
[238a.4]པ་གསུམ་བསྟན་ཏེ#། སྦྱིན་པས་ནི་སྦྱིན་པའི་ཕ་རོལ་ཏུ་ཕྱིན་པ་བསྟན་ཏོ། །དུལ་བས་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བསྟན་ཏོ། །ཞི་བ་ནི་ཁྲོ་བ་ཉེ་བར་ཞི་བའི་མཚན་ཉིད་དེ། བཟོད་པའི་ཕ་རོལ་ཏུ་ཕྱིན་པ་བསྟན་ཏོ། །སོགས་པ་སྨོས་པས་ནི་བརྩོན་འགྲུས་
[238a.5]ཀྱི་ཕ་རོལ་ཏུ་ཕྱིན་པ་བསྟན་ཏེ#། བསོད་ནམས་དང་ཡེ་ཤེས་ཀྱི་ཚོགས་གཉི་ག་ལ་འཇུག་པའི་ཕྱིར་རོ། །ཕུན་སུམ་ཚོགས་ཀྱང་ཞེས་བྱ་བ་ནི་ལྷའི་དབང་པོའི་གོ་འཕང་ཐོབ་སྟེ་ལོངས་སྤྱོད་ཅི་འདོད་པ་དང་ལྡན་པར་གྱུར་ཀྱང་ངོ་། །སྙིང་རྗེའི་དབང་དུ་གྱུར་པས་ཞེས་བྱ་
[238a.6]བ་ནི་སྔར་བསྟན་པའི་བསམ་པ་ཕུན་སུམ་ཚོགས་པ་བསྟན་ཏོ། །འཇིག་རྟེན་གྱི་དོན་ལ་བརྩོན་པ་ལྷོད་པར་མ་གྱུར་#ཏོ་ཞེས་བྱ་བ་#ནི་སྔར་བསྟན་པའི་སྦྱོར་#བ་ཕུན་སུམ་ཚོགས་པ་བསྟན་ཏོ། །དཔལ་དང་ལྡན་པ་ཉིད་ཆང་ཡིན་པས་དཔལ་ལྡན་ཆང་གི་#ཞེས་པའོ། །
[238a.7]དེས་མྱོས་པ་ནི་དཔལ་ལྡན་ཆང་གིས་མྱོས་བཞིན་ནའོ། །དཔལ་དང་ལྡན་པ་ཆང་གིས་སེམས་#ཡོངས་སུ་དཀྲུགས་ཏེ་བདག་གི་དོན་ཡང་འདོར་བ་ནི་བག་མེད་པའོ། །བག་ཡོད་རྣམས་ནི་ཞེས་བྱ་བ་ནི་བག་དང་ལྡན་པ་ཡིན་ཏེ། ཚུལ་ཁྲིམས་དང་གཞན་གྱི་དོན་
[238b]
[238b.1]དུའོ། །བག་ཡོད་པ་ཉིད་དུ་བསྟན་པའི་ཕྱིར། སྡུག་བསྔལ་མང་པོས་གདུངས་པའི་སེམས་ཅན་ལ། །ཞེས་སྨོས་ཏེ། འདིའི་བསྡུས་པའི་དོན་ནི་སྙིང་རྗེ་དང་། བརྟན་པ་དང་ཤེས་རབ་ཀྱི་ཡོན་ཏན་དང་ལྡན་པའི་ཕྱིར་གཞན་གྱི་དོན་སྤྱོད་པ་ཡོངས་སུ་མི་བརྗེད་#པའོ། །
[238b.2]སེམས་ཅན་ལ་བརྩེ་ཞིང་རང་གི་བདེ་བ་ལ་མ་ཆགས་པ་དང་། བརྟན་པ་ལ་གནས་པའི་སྤྱོད་པ་དང་། ཤེས་རབ་ཀྱི་རང་བཞིན་ཤེས་པས་སོ། །སྙིང་རྗེ་བ་ནི་མི་དགེ་བའི་ལམ་ལས་བཟློག་པ་དོན་དུ་གཉེར་བའོ། །བྱམས་པ་ནི་ཕན་པ་དང་བདེ་བ་ལ་སོགས་#པའོ། །
[238b.3]མཐུ་ཆེ་བའི་མིག་གིས་ཞེས་བྱ་བ་ནི་ལྷའི་མིག་གིས་སོ། །མི་དགེ་བའི་བཤེས་གཉེན་ལ་བརྟེན་པའི་སྐྱོན་གྱིས་ཞེས་བྱ་བ་ནི་རྐྱེན་གྱིས་#འབྱུང་བའི་ཕྱིར་རང་ཉིད་ཀྱིས་ནི་ལྡོག་པར་མི་ནུས་པ་ཉིད་དེ། དེ་བས་ན་སྐྱོན་ཞེས་བསྟན་ཏོ། །བློན་པོ་དང་འབངས་སུ་བཅས་པར་ཞེས་
[238b.4]བྱ་བ་ནི་སྐྱེ་བོ་མང་པོ་ལ་གནོད་པ་ཡིན་ཏེ། དེའི་རྐྱེན་གྱིས་སོ། །དེ་ལ་ཞེས་བྱ་བ་ནི་ཆང་འཐུང་བ་ལའོ། །སྐྱོན་དུ་ཡང་མི་ལྟ་བར་གྱུར་པ་ཞེས་བྱ་བ་ནི། སྐྱོན་དུ་ལྟ་བའི་ནུས་པ་ལས་ཉམས་པར་སྟོན་ཏོ། །སྐྱོན་ཆེ་བ་ཞེས་བྱ་བ་འདིས་ནི་དེ་ཉིད་སྟོན་པར་བྱེད་པ་ཡིན་ནོ། །
[238b.5]འདི་དག་ཐམས་ཅད་ནི་བསམ་པའི་དོན་གྱི་རྒྱུ་ཡིན་ཏེ། འཐུངས་ན་ཐོག་མར་རབ་ཏུ་ཞིམ་ཞེས་བྱ་བ་འདི་དག་#སྨྲས་སོ། །ཐོག་མར་ཞིམ་པ་ནི་སྐྱོན་དུ་ལྟ་བ་ལ་རྨོངས་པ་ཡིན་ཏེ#། ཕྱི་ནས་རྗེས་སུ་འབྲེལ་པའི་ཉེས་པ་ལ་ནི་རྨོངས་པར་གྱུར་པས་སོ། །ལེགས་པར་འགྱུར་
[238b.6]བ་ཞེས་བྱ་བ་ནི་མངོན་པར་མཐོ་བ་དང་། ངེས་པར་ལེགས་པ་གཉིས་ལ་གཟུང་ངོ་། །ཡང་ན་ལོག་པའི་ལམ་བཞིན་ཞེས་བྱ་བ་ནི་ལམ་ངན་པ་བཞིན་དུའོ། །ཅུང་ཟད་རྩུབ་པ་ཞེས་བྱ་བ་ནི་ཅུང་ཟད་རྩུབ་པའོ། །རལ་པའི་ཐོར་ཚུགས་ཡིན་པས་ན་སྐྲའི་ཐོར་ཚུགས་སོ། །གྱེན་དུ་མདུད་#
[238b.7]པའི་ཕྱིར་འཁྱིལ་བའོ། །ཅུང་ཟད་རྩུབ་པ་ཡང་ཡིན་ལ་འཁྱིལ་པ་ཡིན་པས་ཅུང་ཟད་རྩུབ་ལ་འཁྱིལ་བའོ། །སྐྲའི་ཐོར་ཚུགས་ཅུང་ཟད་རྩུབ་ལ་འཁྱིལ་བ་ག་ལ་ཡོད་པ་དེ་ནི་སྐྲའི་ཐོར་ཚུགས་ཅུང་ཟད་རྩུབ་པ་འཁྱིལ་བ་ཅན་ནོ། །ཤིང་གི་ཤུན་ལྤགས་དང་། རི་དགས་ཨ་ཛི་ནའི་པགས་པ་
[239a]
[239a.1]གཉིས་གྱོན་པའོ། །ཆང་གིས་གང་བ་ནི་ཆང་གིས་གང་བ་སྟེ། བུམ་པ་ཡང་མངོན་པར་སྤྲུལ་ལོ། །རིམ་གྲོ་བསྐྱེད་པ་ཞེས་བྱ་བ་ནི་འདྲ་བའི་རིམ་གྲོ་བསྐྱེད་པ་སྟེ། རྗེས་སུ་མཐུན་པའི་རིམ་གྲོ་ཞེས་བྱ་བའི་དོན་ཏོ། །མེ་ཏོག་གི་ཕྲེང་བ་མགུལ་ན་བཀོད་
[239a.2]པ་གང་ཡིན་པ་དེ་ནི་མེ་ཏོག་གི་ཕྲེང་བ་མགུལ་#ན་བཀོད་པའོ། །རྒྱན་གྱིས་བརྒྱན་པ་ཡིན་ཏེ། གང་གིས་ཤེ་#ན། བུམ་པའི་རྒྱན་གྱིས་ཏེ། བུམ་པའི་རྒྱན་ནི་རྣ་བ་ལ་བརྒྱན་པའོ། །ཁྱོད་ཀྱི་སྐུ་ཞེས་བྱ་བ་ནི་ཆ་བྱད་དོ། །དེ་བས་ན་ཞེས་བྱ་བ་ནི་འོག་ནས་བསྟན་པའི་
[239a.3]རྒྱུས་སོ། །ཁྱེད་ཅག་འཇིག་རྟེན་གཞན་ལ་མི་འཇིགས་ཤིང་ཞེས་བྱ་བ་ལ་སོགས་པ་ཡིན་པའི་ཕྱིར་རོ། །ངེད་ལ་ཞེས་བྱ་བ་ནི་མི་རྣམས་ལའོ། །ཁྱོད་ལྟ་བུ་ཞེས་བྱ་བ་ནི་ལྷའོ#། །འདི་ནི་ཆུ་དང་ཞེས་བྱ་བ་ལ་སོགས་པའི་ཚིགས་བཅད་དེ་ནི་#ཆང་འཐུང་བའི་
[239a.4]ཕྱིར་གཞན་ལྟུང་#བར་བྱ་བ་ལ་ཞོ་ལ་སོགས་པ་མི་འདོད་པ་ཡིན་པས་དེ་དག་གིས་དགའ་བ་མ་ཡིན་པ་བསྟན་པའི་ཕྱིར་དང་། ཆུ་ལ་སོགས་པ་#འཇིག་རྟེན་པ་དག་ལ་རབ་ཏུ་བསྔགས་པ་ཡིན་ཏེ། དེས་ན་#འདི་དག་སྨོས་སོ། །གང་གོང་དུ་བསྟན་པ་དེ་ལ་སྐྱོན་
[239a.5]དུ་ཡང་མི་ལྟ་བར་འགྱུར་ལ། ཆང་འཐུང་བ་ཡང་སྐྱོན་ཆེ་བར་མཐོང་ནས་ཞེས་བྱ་བ་ནི་ཆང་གི་སྐྱོན་ཆེ་བར་#ཡང་དག་པར་བསྟན་པའི་ཕྱིར་ཚིགས་བཅད་བཅུ་བདུན་གྱིས་བསྟན་པ་སྟེ། དེ་ལ་ཆང་གི་སྐྱོན་ཡང་རྣམ་པ་གཉིས་ཏེ། མཐོང་བའི་ཆོས་ཀྱི་དང་། དེ་
[239a.6]ལས་སྐྱེ་པ་གཞན་པའོ། །དེ་ལ་#མཐོང་བའི་ཆོས་ཀྱི་ཉེས་དམིགས་ཀྱི་དབང་དུ་བྱས་ནས་ཚིགས་བཅད་བཅུ་གསུམ་ཡིན་ཏེ། མཐོང་བའི་ཆོས་ཀྱི་སྐྱོན་ལ་ཡང་རྣམ་པ་གཉིས་ཏེ། བྱ་བ་མི་འཕེལ་བའི་སྐྱོན་ཤི་བ་ལྟར་གྱུར་པ་དང་། བྱ་བ་མ་ཡིན་པ་ལ་འཇུག་པ་
[239a.7]མྱོས་པ་ལྟར་གྱུར་པའོ། །དེ་ལ་བྱ་བ་མི་འཕེལ་བའི་སྐྱོན་གྱི་དབང་དུ་བྱས་པའི་གོ་རིམས་མདོར་བསྟན་པ་ནི་ཚིགས་བཅད་གཅིག་གོ། །འཇིག་རྟེན་ཕ་རོལ་གྱི་ཉེས་དམིགས་ཀྱི་དབང་དུ་བྱས་པའི་གོ་རིམས་མདོར་བསྟན་པ་ཡང་ཚིགས་བཅད་གཅིག་གོ། །དེ་ལ་བྱ་བ་མི་
[239b]
[239b.1]འཕེལ་བའི་དབང་དུ་བྱས་པའི་ཚིགས་བཅད་བདུན་པོ་རྣམས་བསྡུས་པའི་དོན་ནི་འདི་ཡིན་ཏེ། སློབ་དཔོན་བཙུན་པ་གཞན་ལ་ཕན་པའི་#དབྱངས་ཀྱིས་མདོ་སྡེ་རྒྱན་གྱི་ནང་དུ་ཆང་འཐུང་བའི་ཉེས་པའི་དབང་དུ་བྱས་ནས་གསུངས་ཏེ། དེ་ནི་ཚིགས་བཅད་འདི་དག་བསྡུས་
[239b.2]པའི་དོན་ཡིན་ཏེ། ཇི་སྐད་དུ། གང་ཞིག་#འཐུངས་པས་ལུས་རྙོག་དྲན་འཕྲོག་#ཚུལ་ལས་འདའ་བ་དང་། །བློ་རྨོངས་ངོ་ཚའི་ཆོས་གཅོད་འདུ་ཤེས་ཉམས་ཤིང་རིགས་བསླད་འགྱུར། །དགའ་མཆོག་ཉམས་ཤིང་#ཞེ་སྡང་སྐྱེད་པར་བྱེད་པ་གང་ཞིག་གིས། །འཐུངས་
[239b.3]ན་མྱོས་པར་འགྱུར་ཞིང་དྲན་ཉམས་དེ་ནི་འཆི་བཞིན་གནས། །ཞེས་བཤད་དོ། །དེ་བས་ན་ཚིགས་བཅད་འདིའི་གོ་རིམས་ཀྱིས་མཚོན་པ་འདིས་ནི། གང་ཞིག་འཐུངས་ན་ར་རོ་བློང་ནས་ཞེས་བྱ་བ་ལ་སོགས་པའི་ཚིགས་བཅད་དག་གི་དོན་བསྟན་པ་ཡིན་ནོ། །
[239b.4]ལུས་རྙོག་ཅེས་བྱ་བ་དང་། དྲན་པ་འཕྲོག་པ་དང་། ཚུལ་ལས་འདའ་བ་ཞེས་བྱ་བ་ནི་གང་གི་ཕྱིར་འཆི་བར་གྱུར་#ན་ཡོན་ཏན་འདི་དག་ཉམས་པ་ཡིན་ཏེ། དེ་བཞིན་དུ་ཆང་འདི་འཐུངས་#ན་ཡང་ར་རོ་བློང་ནས་གོམ་པ་དབང་མེད་འདོར་ཞིང་འགྲོ་བ་དང་། ཡུལ་
[239b.5]ཕྱོགས་མ་འདྲིས་པར་ཡང་འཁྱམ་ཞིང་རྡེག་འཆོས་ཞེས་བྱ་བ་ཡིན་ཏེ། འདིར་ནི་སྔར་བསྟན་པའི་ལུས་རྙོག་ཅེས་#བྱ་བ་དེ་བསྟན་པ་ཡིན་ནོ། །དྲན་པ་ཉམས་པ་ཞེས་བྱ་བ་འདིས་ནི་གོང་དུ་བསྟན་པའི་དྲན་པ་འཕྲོག་ཅིང་ཞེས་བྱ་བ་དེ་ཉིད་སྟོན་ཏོ། །བཟའ་དང་མི་བཟའི་#
[239b.6]དཔྱད་པ་མེད་པར་དེ་དང་དེ་དག་ཟར་འགྱུར་བ། །ཞེས་བྱ་བ་འདིས་ནི་གང་གོང་དུ་བསྟན་པའི་ཚུལ་ལས་འདའ་བ་ཞེས་བྱ་བ་དེ་སྟོན་ཏོ། །ཚིགས་བཅད་ཀྱི་དོན་གང་སྔར་བསྟན་པའི་ངོ་ཚའི་ཆོས་གཅོད་ཅེས་བྱ་བ་དེའི་དབང་དུ་བྱས་ནས་ཚིགས་བཅད་གཉིས་ཡིན་ཏེ། གང་
[239b.7]གིས་བདག་གི་སེམས་ལ་དབང་མེད་ཅེས་བྱ་བ་དང་། འཐུངས་ན་གང་གིས་བདག་གི་#ངོ་ཚ་འོས་པ་འདའ་དོར། །ཞེས་བྱ་བའི་ཚིགས་བཅད་གཉིས་ཏེ། ངོ་ཚའི་ཆོས་ཞེས་བྱ་བ་ནི་ཁྲེལ་ཡོད་པ་ཡང་འདི་ཡིན་ནོ། །སྔར་བསྟན་པའི་བློ་རྨོངས་པར་བྱེད་ཅེས་བྱ་བ་འདི་ནི་ཁྲེལ་
[240a]
[240a.1]མེད་པའི་དབང་དུ་བྱས་ནས་གསུངས་པ་སྟེ། གང་གིས་བདག་གི་སེམས་ལ་དབང་མེད་བློ་ཉམས་རྣམ་པར་འཁྱམ། །ཞེས་བྱ་བའི་ཚིགས་བཅད་ཡིན་ནོ། །གང་གི་ཕྱིར་ཤི་ན་ནི་བློ་ལ་ཁྲེལ་ཡོད་པ་མེད་དེ། དེས་ན་བདག་གི་སེམས་ལ་དབང་
[240a.2]མེད་བློ་ཉམས་རྣམ་པར་འཁྱམ། །ཞེས་ཏེ། འདི་#ནི་གང་སྔར་བསྟན་པའི་བློ་རྨོངས་པར་བྱེད་ཅེས་བྱ་བ་དེ་ཉིད་བསྟན་ཏོ། །ཕྱུགས་དང་འདྲ་བར་བླུན་ཞིང་དགྲ་བོས་འཕྱས་ཀྱང་བྱེད་#པར་འགྱུར། །གང་གིས་འདུན་སར་གར་བྱེད་འགྱུར་ཞིང་རང་གི་ཁར་རྔ་བརྡུང་། །ཞེས་
[240a.3]བྱ་བའི་ཚིག་འདི་གཉིས་ཀྱིས་ནི་ཁྲེལ་ཡོད་པ་གཅོད་པར་བསྟན་ཏོ། །ངོ་ཚའི་ཆོས་གཅོད་པའི་དབང་དུ་བྱས་ནས་འཐུངས་ན་གང་གིས་བདག་གི་ངོ་ཚ་འདོར་ཞེས་#བྱ་བའི་ཚིགས་བཅད་ཡིན་ཏེ། བདག་གི་ངོ་ཚ་བ་ནི་མཛེས་#པ་ཡིན་ཏེ། བདག་ཉིད་ལ་ལྟོས་#ནས་འཛེམ་པ་
[240a.4]ལ་བདག་གི་ངོ་ཚ་བ་ཞེས་བརྗོད་དེ་བདག་གི་དབང་དུ་བྱས་ནས། ཁ་ན་མ་ཐོ་བ་ལ་འཛེམ་#པ་ཞེས་བྱ་བའི་ཚིག་གིས་སོ། །གང་འཐུངས་ན་ནི་ཞེས་བྱ་བའི་ཚིགས་བཅད་འདི་ནི་གང་གོང་དུ་བསྟན་པའི་འདུ་ཤེས་ཉམས་པར་འགྱུར་ཞེས་བྱ་བ་དེའི་དབང་
[240a.5]དུ་བྱས་པ་སྟེ། འདུ་ཤེས་ཉམས་པར་གྱུར་པ་ནི། །དྲན་པ་མེད་པར་ཞེས་བྱ་བའི་ཚིག་གིས་སོ། །གང་ཞིག་#འཐུངས་ན་མྱོས་ཏེ་ཞེས་བྱ་བའི་ཚིགས་བཅད་ཀྱིས་ནི་གང་གོང་དུ་བཤད་པའི་རིགས་བསླད་ཅེས་བྱ་བ་དེའི་དབང་དུ་བྱས་པ་སྟེ། འདི་
[240a.6]ལྟར་བུད་མེད་ལ་འཕྱོས་པར་གྱུར་པས་རིགས་བསླད་པར་འགྱུར་རོ། །གང་ཞིག་འཐུངས་ན་མྱོས་པས་དྲན་བརླག་སྟེ། །ཞེས་བྱ་བའི་ཚིགས་བཅད་འདིས་ནི་དགའ་མཆོག་ཉམས་ཞེས་བྱ་བ་དེའི་དབང་དུ་བྱས་པ་སྟེ། མེ་#བྱུང་ནས་ཞེས་བྱ་བའི་ཚིག་གིས་སོ། །གང་
[240a.7]ལ་ཆགས་ན་དཔལ་གྱི་གཞིར་གྱུར་རིགས། །ཞེས་བྱ་བའི་ཚིགས་བཅད་འདིས་ནི་ཞེ་སྡང་སྐྱེད་པར་བྱེད་པ་དེའི་དབང་དུ་བྱས་པ་སྟེ། གང་གི་ཕྱིར་ཞེ་སྡང་ལས་ནི་#རིགས་གཅོད་པར་བྱེད་པས་སོ། །གློ་བུར་དུ་དུ་ཞིང་ཞེས་#བྱ་བ་ལ་སོགས་པའི་ཚིགས་བཅད་དྲུག་གིས་ནི། གང་
[240b]
[240b.1]ཞིག་འཐུངས་ན་བྱ་བ་ཉམས་ཤིང་#བག་ཚ་བ་མེད་ཆོས་མི་སྤྱོད། །དོན་མེད་ཕུང་ཁྲོལ་ཤེས་ཤིང་འདུལ་དང་མི་ལྡན་བརྙས་ལ་གནས་མིན་རྡེག །ངུ་ལ་རྨོངས་ཤིང་སྨྲ་དང་འདོན་ཟློས་དགོད་#བྱེད་སྨྱོ་འགྱུར་ཡོན་ཏན་དག །མ་ལུས་འཕྲོག་བྱེད་ཡ་རབས་ངོ་ཚ་ཅན་དག་སུ་
[240b.2]ཞིག་འཐུང་བར་#བྱེད། །ཅེས་བྱ་བའི་ཚིགས་བཅད་འདི་ནི་བསྡུས་པའི་དོན་ཡིན་ཏེ། དེ་ལས་གློ་བུར་དུ་ངུ#་ཞིང་འདུག་ལ་ཞེས་བྱ་བའི་ཚིགས་བཅད་འདི་ནི་བརྙས་པ་ལ་སོགས་པ་#དེའི་དབང་དུ་བྱས་པ་ཡིན་ནོ། །རྒས་པར་གྱུར་ཀྱང་གང་གི་#སེམས་ཉམས་ཤིང་། །ཞེས་བྱ་
[240b.3]བའི་ཚིགས་བཅད་འདི་ནི་འདུལ་དང་མི་ལྡན་ཞེས་བྱ་བ་དེའི་དབང་དུ་བྱས་པའོ། །གང་གི་ཉེས་པས་སྔོན་གྱི་ལྷ་རྣམས་ཞེས་བྱ་བའི་ཚིགས་བཅད་འདི་ནི་བྱ་བ་ཉམས་ཞེས་བྱ་བ་དེའི་དབང་དུ་བྱས་པ་ཡིན་ནོ#། །མི་བདེན་པ་ཡང་བདེན་པ་བཞིན་དུ་ངོ་མཐོན་སྨྲ#། །ཞེས་བྱ་བའི་
[240b.4]ཚིགས་བཅད་འདིས་ནི་ཆོས་མི་སྤྱོད་ཅེས་བྱ་བ་དང་། ཕུང་ཁྲོལ་དོན་མེད་ཤེས་ཤིང་ཞེས་བྱ་བ་དེའི་དབང་དུ་བྱས་པའོ། །དེ་ལ་མི་བདེན་པ་ཡང་བདེན་པ་བཞིན་དུ་ངོ་མཐོན་#སྨྲ། །ཞེས་བྱ་བ་དང་། མི་བྱ་བ་ཡང་བྱ་བ་བཞིན་དུ་#དགའ་བཞིན་བྱེད། །ཅེས་བྱ་བའི་
[240b.5]ཚིགས་བཅད་ཕྱེད་པོ་#འདིས་ནི་ཆོས་མི་སྤྱོད་ཅེས་གང་བསྟན་པ་དེ་ཉིད་བསྟན་པ་ཡིན་ནོ། །གང་གི་ལན་གྱིས་ཡོད་མེད་ཕྱིན་ཅི་ལོག་ཏུ་ཤེས། །ཞེས་བྱ་བ་འདིས་ནི་ཕུང་ཁྲོལ་དོན་མེད་ཅེས་བྱ་བ་སྔར་བསྟན་པ་དེ་ཉིད་བསྟན་ཏོ། །མྱོས་གྱུར་#རིག་སྔགས་ཞེས་བྱ་བའི་ཚིགས་བཅད་
[240b.6]འདིས་ནི་གང་སྔར་བསྟན་པའི་གནས་མིན་རྡེག་ཅིང་མྱོས་འགྱུར་ཡོན་ཏན་འཕྲོག་བྱེད་ཡ་རབས་སུ་ཞིག་འཐུང་བར་བྱེད། །ཅེས་བྱ་བ་#དེ་དག་གི་དབང་དུ་བྱས་པའོ། །གང་གིས་བློ་ནི་རབ་ཏུ་ཉམས་གྱུར་ནས། །ཞེས་བྱ་བའི་ཚིགས་བཅད་འདི་ནི་བག་ཚ་བ་མེད་ཅེས་
[240b.7]བྱ་བ་གང་#བསྟན་པ་དེའི་དབང་དུ་བྱས་པའོ། །འདིར་བག་ཚ་བ་མེད་པ་ནི་མི་འཇིགས་པ་སྟེ། མཚམས་མེད་པ་ལྔའི་ལས་ཀྱིས་ངན་འགྲོར་འགྲོ་བས་ཞེས་བྱ་བའི་དོན་ཏེ། ཚིགས་བཅད་འདི་གཉིས་ཀྱི་དོན་མདོ་སྡེ་རྒྱན་ལས་བླངས་པ་ཡིན་ཏེ། གཞུང་རབ་ཏུ་མངས་
[241a]
[241a.1]ཀྱིས་དོགས་པས་སྐབས་#མ་ཡིན་པ་མང་པོ་ནི་འདིར་མ་བྲིས་#སོ། །འདི་དག་གི་གོ་རིམས་ཀྱི་རྒྱུ་ནི་དང་པོར་ལུས་དང་ཟུངས་ནི་གཞི་ཡིན་པའི་ཕྱིར་ལུས་དྲི་མ་ཅན་དུ་བྱེད་པ་ཞེས་བསྟན་པ་དེ་ཉིད་དོ། །དེའི་འོག་ཏུ་ནི་དྲན་པ་གཙོ་བོ་ཡིན་པའི་ཕྱིར་རོ། །ལུས་
[241a.2]དང་དྲན་པ་ཉམས་པའི་འོག་ཏུ་ནི་ཚུལ་ཁྲིམས་དང་མཐུན་པའི་རིགས་#ཞེས་བྱ་བའི་དབང་དུ་བྱས་ནས་སྨྲས་པའོ། །དེའི་འོག་ཏུ་ཁྲེལ་ཡོད་པ་དང་ངོ་ཚ་ཤེས་པ་ནི་འཇིག་རྟེན་བསྲུངས་པའི་#ཕྱིར་རོ། །གཉིས་པོ་དེའི་འོག་ཏུ་ནི་འདུ་ཤེས་ཉམས་པའོ། །དེ་ནས་རིགས་བསླད་
[241a.3]པར་གྱུར་པ་ནི་སེམས་ཅན་ཐམས་ཅད་ཀྱི་ཉེས་པའི་རྒྱུ་ཡིན་པའི་ཕྱིར་རོ། །ད་ནི་དགའ་མཆོག་ཉམས་ཞེས་བྱ་བ་དང་། ཞེ་སྡང་སྐྱེད་པ་ཞེས་བྱ་བ་དེ་གཉིས་སྨོས་པ་ཡིན་ཏེ། སྐྱེ་བོ་ཉེ་དུ་དང་ཉེ་དུ་མ་ཡིན་པ་རྣམས་ཀྱང་གཅིག་ལ་གཅིག་#རྣམ་པར་འཇིག་པའི་རྒྱུ་ཡིན་
[241a.4]པའི་ཕྱིར་རོ། །དེ་ལྟར་རེ་ཞིག་ཚིགས་བཅད་བདུན་གྱི་གོ་རིམས་ཀྱི་རྒྱུ་བསྟན་ནས། ད་ནི་ཚིགས་བཅད་དྲུག་གི་གོ་རིམས་ཀྱི་རྒྱུ་བསྟན་པར་བྱ་སྟེ། གཞན་དག་ལ་བརྙས་པ་ཡིན་པས་ཡོངས་སུ་བརྙས་པ་སྟེ། དེ་བརྙས་པ་བྱུང་#བའི་རྒྱུའོ། །དེའི་འོག་ཏུ་འདུལ་
[241a.5]དང་མི་ལྡན་པ་ཡིན་ནོ། །དེའི་འོག་ཏུ་ནི་བྱ་བ་ཉམས་པའོ། །དེའི་འོག་ཏུ་ནི་ཆོས་མི་སྤྱོད་པར་རོ། །དེའི་འོག་ཏུ་ནི་ཚུལ་ཁྲིམས་མི་ཤེས་པ་སྟེ། མིའི་འཇིག་རྟེན་དུ་སྐལ་བ་ཉམས་པ་ཡིན་ན་ཡང་ངན་པར་གྱུར་པ་དང་། འཇིག་རྟེན་ཕ་རོལ་ཏུ་ཡང་མཚམས་མེད་
[241a.6]པའི་ལས་ཀྱི་རྒྱུ་འདི་འབྱུང་བའོ། །དེ་ལྟར་ཚིགས་བཅད་དྲུག་གི་གོ་རིམས་ཀྱི་རྒྱུ་འདི་དག་གོ། །དེ་ལྟར་ཚིགས་བཅད་བཅུ་གསུམ་པོ་འདི་རྣམས་ཀྱི་#དོན་བསྡུས་པའི་ཚིགས་བཅད་གཅིག་སྟེ། མི་ཡི་བདག་པོ་ཆང་འདི་དེ་འདྲ་ཡང་། །ཞེས་བྱ་བ་ཡིན་ནོ། །ད་ནི་འཇིག་
[241a.7]རྟེན་ཕ་རོལ་གྱི་ཉེས་དམིགས་ཀྱི་དབང་དུ་བྱས་ནས། །གང་ཞིག་བསྟེན་#ན་ངན་པ་སྤྱོད་པར་འགྱུར། །ཞེས་བྱ་བ་དང་། ཆང་དེ་ཉུང་ངུ་འཐུངས་ཀྱང་ཞེས་བྱ་བའི་ཚིགས་བཅད་གཉིས་ཏེ། གང་ཞིག་བསྟེན་ན་རབ་ཏུ་འཇིགས་པར་ལྟུང་། །ཞེས་བྱ་བ་ནི་གང་#སྔར་བསྟན་མ་
[241b]
[241b.1]ཐག་པའི་གང་ཞིག་བློ་ནི་རབ་ཏུ་ཉམས་#གྱུར་ནས། ཞེས་བྱ་བའི་ཚིགས་བཅད་དེའི་མཚམས་མེད་པའི་ལས་ཀྱིས་ངན་སོང་གི་འགྲོ་བར་འཇུག་པ་ཡིན་ཏེ། ལས་དེ་བྱས་ནས་དམྱལ་བ་ལ་སོགས་པའི་ངན་སོང་རྣམ་པ་གསུམ་དུ་འགྲོ་བར་#འགྱུར་ཏེ། དེ་ལྟར་འགྲོ་བའི་
[241b.2]ལས་ཀྱང་ཆུང་ངུ་དང་འབྲིང་དང་ཆེན་པོའི་དབྱེ་བས་སོ། །བསྟེན་པ་ཞེས་བྱ་བ་ནི་ཆང་བསྟེན་པའོ། །ངན་པ་སྤྱོད་པར་འགྱུར་ཞེས་བྱ་བ་ནི་ལུས་ཀྱི་ལས་ལ་སོགས་པ་རྣམ་པ་གསུམ་ངན་པར་སྤྱོད་པར་འགྱུར་བའོ། །ཡང་ན། གང་ཞིག་བསྟེན་ན་ངན་པར་#སྤྱོད་པར་
[241b.3]འགྱུར། །ཞེས་བྱ་བ་ནི་ཆང་འཐུང་བ་ཉིད་#ངན་པ་སྤྱོད་པར་འགྱུར་བ་ཉིད་དེ། དེ་ཉིད་ཤས་ཆེ་བ་ལ་སོགས་པ་བསྟན་པ་འདིས་ན་ཆང་འཐུང་བ་ཉིད་ཀྱིས་ངན་སོང་གསུམ་དུ་འགྲོ་བ་ཡིན་ནོ། །ཡི་དྭགས་དབུལ་བར་འགྱུར་ཞེས་བྱ་བ་ལ། དབུལ་བ་ཞེས་སྨོས་
[241b.4]པ་ནི་ཡི་དགས་རྫུ་འཕྲུལ་ཆེ་བ་དག་མ་ཡིན་པའི་དོན་ཏེ། གང་གི་ཕྱིར་དེ་ནི་ལྷའི་འབྱོར་པ་ལྟ་བུར་#རྗེས་སུ་མྱོང་བ་ཡིན་ཏེ། ཆང་འཐུང་བ་ནི་ཉེས་པ་ཆེ་བ་ཡིན་པས་གཅིག་ཏུ་མི་འདོད་པའི་འབྲས་བུ་བསྐྱེད་པ་ཡིན་པའི་ཕྱིར་ཡི་དགས་རྫུ་འཕྲུལ་ཆེ་བ་དག་ཏུ་
[241b.5]སྐྱེ་བ་ནི་མི་རིགས་སོ། །ཇི་ལྟར་ཆང་འཐུང་བ་ངན་པ་ལ་སྤྱོད་པ་ཡིན་ཞེ་ན། དེའི་ཕྱིར་སློབ་དཔོན་བཙུན་པ་གཞན་ལ་ཕན་པའི་དབྱངས་ཀྱིས་བཤད་པ། མི་འཚེ་མི་རྐུ་འཁྲིག་པ་མི་སྤྱོད་པ། །ལུས་ཀྱི་དགེ་བ་བྱས་པ་#གསུམ་ཡིན་ནོ། །འབྲེལ་མེད་ཕྲ་མ་
[241b.6]བརྫུན་#དང་ཚིག་རྩུབ་སྤོང་། །ངག་གི་དགེ་བ་རྣམ་པ་བཞིན་ཡིན་ནོ། །ཆང་འཐུང་སྤོང་བ་འདི་ནི་སྡོམ་པ་བརྒྱད་པ་སྟེ། །གང་ཚེ་ཀུན་དུ་འཚོ་བ་དགེ་བ་ལྡན་གྱུར་པ། །དེ་ཚེ་ཚུལ་ཁྲིམས་ཆོ་ག་གནས་པར་གྱུར་པ་ཡིན། །དེ་ལས་#ཚུལ་ཁྲིམས་འཆལ་པར་མཁས་
[241b.7]པས་བཤད། །དེ་བས་ན་ཆང་འཐུང་བ་#ནི་ངན་པར་སྤྱོད་པ་ཉིད་དོ། །དེ་ལྟར་རེ་ཞིག་འཐུང་བས་#ནི་ངན་སོང་གསུམ་དུ་འགྲོ་བའི་རྣམ་པར་སྨིན་པའི་འབྲས་བུ་བཤད་ནས། ད་ནི་རྒྱུ་མཐུན་#པའི་འབྲས་བུའི་དབང་དུ་བྱས་ནས། ཆང་དེ་ཉུང་ངུ་འཐུངས་ཀྱང་ཞེས་བྱ་
[242a]
[242a.1]བའི་ཚིགས་བཅད་ཡིན་ཏེ། ཉུང་ངུ་ཞེས་བྱ་བ་ནི་ཆུང་ངུ་དང་འབྲིང་དང་ཤས་ཆེ་བས་ཆང་འཐུང་བ་གསུམ་གྱི་ལས་ཀྱི་རྣམ་པར་སྨིན་པ་སྟེ། ཤས་ཆེར་#འཐུངས་པའི་རྣམ་པར་སྨིན་པས་ནི་སེམས་ཅན་དམྱལ་བར་སྐྱེ་བར་འགྱུར་རོ། །འབྲིང་
[242a.2]དུ་འཐུངས་པས་ནི་དུད་འགྲོའོ། །ཆུང་ངུ་འཐུངས་པས་ནི་ཡི་དྭགས་སུ་སྐྱེ་བར་འགྱུར་རོ། །དེ་ཉུང་ངུ་འཐུངས་པའི་རྣམ་པར་སྨིན་པས་མིའི་ནང་དུ་སྐྱེས་ཀྱང་ཞེས་བྱ་བས་ནི་ཆུང་ངུ་འཐུངས་པའི་རྣམ་པར་སྨིན་པས་ཡི་དགས་ཀྱི་འབྲས་བུ་རྗེས་སུ་མྱོང་ནས་#གལ་ཏེ་མི་
[242a.3]རྣམས་ཀྱི་ནང་དུ་སྐལ་བ་མཉམ་#པར་སྐྱེས་ན་ཡང་ཚུལ་ཁྲིམས་ལྟ་བ་ཉམས་ཞེས་སྨོས་པ་ཡིན་ཏེ། ཚུལ་ཁྲིམས་ཀྱིས་ཕོངས་པ་དང་། ལྟ་བས་ཕོངས་པར་འགྱུར་བ་ཡིན་ནོ། །རྒྱུ་མཐུན་རྒྱུ་དང་འདྲ་བའོ་ཞེས་བྱ་བའི་ཚིག་གིས་ཆང་འཐུངས་པ་ནའོ། །ཚུལ་
[242a.4]ཁྲིམས་ཉམས་པར་འགྱུར་བ་དང་། བློ་ཡང་རྣམ་པར་རྨོངས་པ་ཡིན་ཏེ། དེ་བས་ན་མིར་སྐྱེས་ན་ཡང་ཚུལ་ཁྲིམས་དང་ལྟ་བ་གཉིས་ཀྱིས་ཕོངས་པ་ཡིན་ཏེ། རྒྱུ་དང་འདྲ་བ་ཡིན་པའི་#ཕྱིར་འབྲས་བུ་ཡང་ཚུལ་ཁྲིམས་དང་ལྟ་བ་ཉམས་པར་འགྱུར་བ་ཡིན་ཏེ།
[242a.5]ཕྱིས་ཀྱང་གསུམ་པོ་གང་ཡང་རུང་བ་དག་ཏུ་སྐྱེ་བར་འགྱུར་རོ། །ད་ནི་ཐམས་ཅད་ཀྱིས་བསྡུས་པའི་དོན་གྱི་ཚིགས་བཅད་ཚུལ་ཁྲིམས་ཉམས་པར་འགྱུར་ཞིང་ཞེས་བྱ་བའི་ཚིགས་བཅད་བསྟན་པ་ཡིན་ཏེ། ཚུལ་ཁྲིམས་ཉམས་པས་ནི་ངན་འགྲོ་དག་ཏུ་ཤིན་ཏུ་
[242a.6]ཡུན་རིང་པོར་སྡུག་བསྔལ་བར་འགྱུར་བ་ཡིན་ཏེ། འདིས་ནི་འཇིག་རྟེན་ཕ་རོལ་གྱི་ཉེས་དམིགས་བསྟན་ཏོ། །གཏམ་ངན་ཞེས་བྱ་བ་འདིས་ནི་#མཐོང་བའི་ཆོས་ཀྱི་ཉེས་དམིགས་ཡིན་ཏེ། གང་གི་ཕྱིར་གྲགས་པ་ནི་མཐོང་བའི་ཆོས་ཀྱི་ཕུན་སུམ་ཚོགས་པ་ཡིན་ཏེ། གཞན་
[242a.7]དང་འབྲེལ་པའི་ཕྱིར་རོ། །འཇིག་རྟེན་འདིའི་ཕུན་སུམ་ཚོགས་པ་ཐམས་ཅད་ཀྱི་རྒྱུ་ནི་གྲགས་པ་ཡིན་ཏེ། མེད་ན་ནི་རྒྱུ་མེད་པའི་ཕྱིར་རོ། །ངོ་ཚ་མེད་ཅིང་བློ་གྲོས་དྲི་མ་ཅན་དུ་འགྱུར། །ཞེས་བྱ་བ་ལ། ངོ་ཚ་ཞེས་སྨོས་པས་ནི་ངོ་ཚ་ཤེས་པ་དང་ཁྲེལ་ཡོད་པ་གཉིས་གཟུང་
[242b]
[242b.1]ངོ་། །བློ་གྲོས་དྲི་མ་ཅན་དུ་འགྱུར། །ཞེས་བྱ་བ་ནི་ལྟ་བས་#ཕོངས་པར་འགྱུར་བའི་ཕྱིར་རོ། །འདི་གཉིས་ཀྱིས་ཀྱང་ཚུལ་ཁྲིམས་གྲགས་པ་ཉམས་པར་བྱེད་པ་ཡིན་ནོ། །རྒྱུ་བཞི་པོ་འདི་དག་གིས་ནི་འཇིག་རྟེན་ཕ་རོལ་གྱི་ཕུན་སུམ་ཚོགས་པའི་རྒྱུ་ཉམས་པར་བསྟན་ཏེ། བཞི་
[242b.2]པོ་འདིའི་ནང་དུ་ཉེས་པ་ཐམས་ཅད་འདུས་པའི་ཕྱིར་ཡོན་ཏན་ཐམས་ཅད་ཉམས་པར་བསྟན་ཏེ། དེ་ཉིད་ཀྱི་ཕྱིར་སྨྲས་པ། །ཡོན་ཏན་དེ་དང་དེ་དག་ཉམས། །ཞེས་སྨོས་སོ། །དེ་བས་ན་#ཞེས་བྱ་བ་ནི་ཆང་འཐུང་བ་ཉིད་སྐྱོན་ཆེན་པོ་ཡིན་པའི་ཕྱིར་རོ། །ཆང་འཐུངས་པའི་#ཉེས་པ་ཁོང་
[242b.3]དུ་ཆུད་པར་བྱས་པ་ཞེས་བྱ་བ་ནི་གང་སྔར་བསྟན་པའི་དེ་ལ་སྐྱོན་དུ་ཡང་#མི་ལྟ་བར་གྱུར་ལ་ཞེས་བྱ་བ་དེ་ཉིད་བསྟན་པ་ཡིན་ཏེ། སྐྱོན་དུ་མི་ལྟ་བ་ཞེས་བྱ་བ་ནི་ཆང་འཐུང་བ་ལ་ཆགས་པའི་སྐྱོན་ཡོངས་སུ་མ་ཤེས་པའི་ཕྱིར་རོ། །ཞེན་པ་མེད་པར་འགྱུར་ཞེས་#བྱ་བ་ནི་དེ་ལ་ཞེན་
[242b.4]པ་མེད་པའི་རྒྱུ་ཡིན་པ་བྱས་ནས་དེའི་ཉེས་པ་བསྟན་པའི་ཕྱིར་བརྩམས་པ་ནི་ཉེས་པ་དེ་བསྒྲུབས་#པ་ཡིན་ནོ། །བྱམས་པའི་ཕ་མ་ཞེས་བྱ་བ་འདིའི་བསྡུས་པའི་དོན་ནི་མིའི་འཇིག་རྟེན་གཉེན་བཤེས་ཕན་པར་སྟོན་པ་ནི་གསུམ་ཞིག་ཡོད་དེ#། བདེ་བར་འདོད་པ་དང་། ཕན་པར་འདོད་པ་
[242b.5]དང་། ཐབས་སྟོན་པའོ། །གང་དེ་གསུམ་གྱི་ཡོན་ཏན་དང་ལྡན་པར་སྟོན་པ་ཡིན་ཏེ། བདེ་བར་འདོད་པ་ནི་ཕ་མའོ། །ཕན་པར་འདོད་པ་ནི་བླ་མའོ། །ཐབས་སྟོན་པ་ནི་ཐབས་དང་བསམ་པ་དང་བག་ལ་ཉལ་ཤེས་པ་སྟེ་ཐུབ་པའོ། །གསུམ་པོ་དེ་དང་འདྲ་བར་སྟོན་པའི་ཕྱིར་
[242b.6]གསུམ་པོ་དེ་དང་མཉམ་པའོ། །ཡུལ་གྲུ་མཆོག་ལ་སོགས་པའི་ནོར་ནི་ང་མི་འདོད་དེ། དེ་ཅིའི་ཕྱིར་ཞེ་ན། ལྷའི་དབང་པོ་ཡིན་པའི་ཕྱིར་རོ། །རྒྱུ་གོང་མ་གཉིས་ཀྱི་ལན་ནི་འདི་ཡིན་ཏེ། ཕན་པར་སྨྲ་ལ་མཆོད་པར་#བྱེད། །ཅེས་བྱ་བ་ནི་#ཚིགས་བཅད་ཕྱེད་དེས་གྲགས་དང་
[242b.7]དཔལ་ཞེས་བྱ་བའི་ཚིག་བཅད་འདི་གཉིས་ཀྱིས་ནི་མཐོང་བའི་ཆོས་ཀྱི་ཕན་ཡོན་བསྟན་ཏོ། །དཔལ་ཞེས་བྱ་བ་ནི་རྙེད་པ་ཡིན་ཏེ་དེའི་བདེ་བའོ། །དེ་ཡང་ཞེས་བྱ་བ་ནི་མཐོང་བའི་ཆོས་དང་། འཇིག་རྟེན་ཕ་རོལ་གྱི་བདེ་བ་ཡིན་ནོ། །དེ་ཉིད་སྨྲས་པ། ངའི་ལུང་#ལ་ཞེས་བྱ་བ་#ནི་
[243a]
[243a.1]མཐོ་རིས་སུ་འགྲོ་བར་བྱེད་པ་སྟེ། འཇིག་རྟེན་ཕ་རོལ་གྱི་བདེ་བ་ཐོབ་པར་བྱེད་པའོ། །ཡང་ན་བདེ་བ་དེ་ཡང་འཐོབ། །ཅེས་བྱ་བ་ནི་མཐོང་བའི་ཆོས་ཉིད་ཀྱི་ཡིན་ནོ། །ང་ཡི་ལུང་ལ་བརྟེན་ཞེས་བྱ་བ་འདི་ནི་འཇིག་རྟེན་ཕ་རོལ་ལ་བདེ་བ་འཐོབ་
[243a.2]པའི་ཚིག་གོ །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་བུམ་པའི་སྐྱེས་པའི་རབས་སོ།། །།ཚུལ་ཁྲིམས་ཀྱི་གཉེན་པོར་འགྱུར་ཞིང་གནོད་པ་ཞེས་བྱ་བ་ལ་འདིར་གཉེན་པོར་ཞེས་#སྨོས་པ་ནི་ཚུལ་ཁྲིམས་ཀྱི་མི་མཐུན་པའི་
[243a.3]ཕྱོགས་སུ་གཟུང་སྟེ། ཚུལ་ཁྲིམས་ཀྱི་མི་མཐུན་པ་ཡིན་པས་དེས་ན་གནོད་པ་ཡང་ཡིན་ནོ། །ཕྱུག་པོའི་རིགས་འཚོ་བའི་ཚུལ་དང་སྤྱོད་པ་ཕུན་སུམ་ཚོགས་པ་ཞེས་བྱ་བ་འདིས་ནི་བདག་གི་སྐྱེ་བ་ཆོ་རིགས་ཕུན་སུམ་ཚོགས་པར་བསྟན་ཏོ། །ཆོ་རིགས་མཐོན་
[243a.4]པོ་ལ་དགའ་བ་རྣམས་ཀྱིས་གཉེན་བྱ་བར་གསོལ་བ་བཏབ་པ་#ཞེས་བྱ་བ་འདི་ནི་#འདས་པའི་དུས་ཀྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་འབྲས་བུའོ། །དགེ་སྦྱོང་དང་བྲམ་ཟེ་རྣམས་ཀྱི་རེ་བའི་གནས་སུ་གྱུར་པ་ཞེས་བྱ་བ་ལ་སོགས་པ་བཞིས་ནི་མ་འོངས་པའི་ལོངས་
[243a.5]སྤྱོད་ཆེན་པོའི་འབྲས་བུའི་རྒྱུར་གྱུར་པ་སྟེ། སྦྱིན་པའི་ཕ་རོལ་ཏུ་ཕྱིན་པ་བསྟན་ཏོ། །མ་འོངས་པའི་སྐྱེ་བར་གཡོག་འཁོར་མང་བའི་འབྲས་བུར་གྱུར་པ་སྟེ། སློང་བ་རྣམས་ཀྱིས་བཟོད་པའི་ཕ་རོལ་ཏུ་ཕྱིན་པ་བསྟན་ཏོ། །དཔལ་གྱི་གཞིར་གྱུར་པ་ཞེས་བྱ་བས་
[243a.6]ནི་འདས་པའི་ཚེ་རབས་ཀྱི་སྦྱིན་པའི་ཕ་རོལ་ཏུ་ཕྱིན་པའོ། །རྒྱལ་པོས་བསྐུར་སྟི་བྱ་ཞིང་ཕན་འདོགས་པའི་འོས་སུ་གྱུར་པ་ཞེས་བྱ་བ་ལ། ཕན་བཏགས་པ་ཞེས་བྱ་བ་ནི་གཡོག་འཁོར་གྱི་སྦྱིན་པ་ལ་སོགས་པའོ། །བཀུར་སྟི་ནི་གདུགས་ལ་སོགས་པ་སྦྱིན་
[243a.7]པའོ། །འཇིག་རྟེན་པས་མངོན་པར་བཀུར་བ་ཞེས་བྱ་བ་དང་དེ་གཉིས་ཀྱིས་ནི་འདས་པའི་སྐྱེ་བའི་བཟོད་པའི་ཕ་རོལ་ཏུ་ཕྱིན་པའི་འབྲས་བུ་བསྟན་ཏོ། །དེ་བཞིན་དུ་སྦྱིན་པ་དང་། ཚུལ་ཁྲིམས་དང་། བཟོད་པའི་མཚན་ཉིད་དོ། །བསོད་ནམས་ཀྱི་ཚོགས་ཀྱི་འབྲས་
[243b]
[243b.1]བུ་ཡང་རྣམ་པ་གསུམ་ལས་ལོངས་སྤྱོད་ཆེན་པོའི་བདག་ཉིད་དང་། འཁོར་བར་གཡོག་འཁོར་ཕུན་སུམ་ཚོགས་པའི་མཚན་ཉིད་ནི་རྒྱལ་པོའི་རིགས་དང་། ཕྱུག་པོའི་རིགས་ཞེས་བྱ་བས་བསྟན་ཏོ། །འཇིག་རྟེན་པས་#བསྔགས་པའི་རིག་པའི་གནས་རྣམས་ལ་ནི་བསླབས།
[243b.2]སྒྱུ་རྩལ་གྱི་ཐབས་རྣམ་པ་སྣ་ཚོགས་ལ་ནི་བློ་གསལ་བར་གྱུར་ཞེས་བྱ་བ་འདིས་ནི་ཡེ་ཤེས་ཀྱི་ཚོགས་ཀྱི་འབྲས་བུ་བསྟན་ཏོ། །ལུས་བྱད་བཟང་པོ་སྐྱེ་བོའི་མིག་ཏུ་སྡུག །ཅེས་བྱ་བ་འདིས་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་འབྲས་བུ་བསྟན་ཏོ། །ཆོས་དང་མི་འགལ་
[243b.3]བར་འཇིག་རྟེན་གྱི་ཚུལ་ལ་མཁས་པས་#ཞེས་བྱ་བ་འདིས་ནི་སྦྱིན་པ་དང་། བཟོད་པའི་ཕ་རོལ་ཏུ་ཕྱིན་པ་ལ་འཇུག་པའོ། །འཇིག་རྟེན་པ་རྣམས་ཀྱི་ནང་མི་བཞིན་དུ་#སྙིང་ལ་ཆགས་པར་གྱུར་ཏོ་ཞེས་བྱ་བ་འདིས་ནི་བཟོད་པའི་ཕ་རོལ་ཏུ་ཕྱིན་པའི་འབྲས་བུའོ། །གཞན་
[243b.4]བསོད་ནམས་ཀྱི་ཚོགས་ཐམས་ཅད་ནི་ཆོ་རིགས་མཐོ་བའི་ཁྱད་པར་ཉིད་ཀྱིས་བསྟན་ཏེ་ཡང་མི་བརྗོད་དོ། །#སྐྱོན་དང་ཡོན་ཏན་གཉིས་བརྟག་པ་ནི་སྐྱོན་དང་ཡོན་ཏན་ལ་བརྟགས་པ་སྟེ། སྐྱོན་དང་ཡོན་ཏན་ལ་བརྟན་པ་དང་། སྐྱོན་དང་ཡོན་ཏན་ལ་སྨྲ་བའོ། །སྐྱོན་དང་ཡོན་ཏན་
[243b.5]ལ་བརྟགས་ནས་ནང་མིའམ་ཕྱི་མི་རྣམས་ཀྱིས་བཀུར་སྟིའམ་སྨད་པར་བྱ་བ་ཡིན་ཏེ། སྐྱོན་ལ་བརྟགས་ནས་ནི་ནང་མི་འམ་ཕྱི་མི་གང་ཡང་རུང་བས་བཀུར་བ་མ་ཡིན་པའི་གནས་སུ་འགྱུར་རོ། །དེ་སྔོན་རབ་ཏུ་བྱུང་བ་ལ་གོམས་པར་བྱས་པས་ཞེས་བྱ་བ་ནི་ཚེ་རབས་སྔ་མ་ལ་
[243b.6]འདྲིས་པར་བྱས་པའི་#ཕྱིར་རོ། །རབ་ཏུ་བྱུང་བ་ལ་གོམས་པར་བྱས་པས་ཞེས་བྱ་བ་འདིས་ནི་རྒྱུའི་#འབྲས་བུ་སྟོན་ཏོ། །ཚོལ་བ་ཞེས་བྱ་བ་འདིས་ནི་རྐྱེན་གྱི་འབྲས་བུ་ལས་བརྩམས་པ་ཡིན་ཏེ། ཚུལ་བཞིན་ཡིད་ལ་བྱེད་པའི་རྐྱེན་གྱིས་ཏེ། གཙོ་གཞན་གྱི་སྒྲའི་རྐྱེན་
[243b.7]གྱིས་བདག་ཉིད་ཚུལ་བཞིན་ཡིད་ལ་བྱེད་པ་ཞེས་བྱ་བའི་ཚིག་གིས་སོ། །ཚོལ་བའི་སྡུག་བསྔལ་ཞེས་བྱ་བ་འདིས་ནི་མཐོང་བའི་ཆོས་ཀྱི་ཉེས་དམིགས་ཀྱི་དབང་དུ་བྱས་པའོ། །ཆོས་དང་འགལ་བ་ནི་འཇིག་རྟེན་ཕ་རོལ་གྱི་ཡིན་ཏེ། ལོག་པའི་འཚོ་བ་སྟེ། ཁྱིམ་ན་གནས་ཤིང་མི་དགེ་བའི་ལས་ཀྱིས་
[244a]
[244a.1]བསྐྱེད་པའི་ཕྱིར་རོ། །བདེ་འབྱུང་གནས་ཞེས་བྱ་བ་ནི། འཇིག་རྟེན་གཉི་གར་བདེ་བ་འབྱུང་བ་ཉིད་ཡིན་ཏེ། དཀའ་ཐུབ་ཀྱི་ནགས་ཚལ་ན་ནི་ཚོལ་བ་དང་ཆོས་དང་#འགལ་བའི་སྒྲུབ་པ་མེད་པའི་ཕྱིར་རོ། །ཁྱིམ་རྫས་དང་དབྱིག་བརྒྱ་སྟོང་དུ་མ་ཡོད་པ་དེ་ཡང་
[244a.2]བཤེས་གཉེན་དང་། དགེ་སྦྱོང་དང་། བྲམ་ཟེ་དང་། ཕོངས་པ་དང་། སློང་བ་རྣམས་ལ་ཇི་ལྟར་རིགས་པ་ཞེས་བྱ་བ་ནི་ཇི་ལྟར་འོས་པར་བཏང་ཞིང་རབ་ཏུ་བྱུང་བ་སྟེ། ཚིག་འདིས་ནི་ཅི་ཞིག་སྟོན་པ་ཡིན་ཞེ་ན། ཐེག་པ་ཆེན་པོའི་ཡན་ལག་ཉིད་དུ་བསྟན་པ་སྟེ།
[244a.3]གང་གི་ཕྱིར་བྱང་ཆུབ་སེམས་དཔའ་ལོག་པར་སྤྱོད་པ་རྣམས་ལ་ཆགས་པ་མེད་པའི་ཕྱིར་ཏེ། དེ་བས་ན་སྦྱིན་པ་ནི་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ཉིད་དོ། །ཕ་རོལ་ཏུ་ཕྱིན་པ་རྣམས་ཀྱང་ཅི་རིགས་པར་ཐེག་པ་ཆེན་པོར་བརྗོད་དོ། །དོན་རྣམ་པ་
[244a.4]གཞན་དུ་ན་ཡུལ་རྣམས་ལ་ཆགས་པ་མེད་པའི་ལམ་ནི་སྦྱིན་པ་སྟེ། གཏོང་བ་ལ་གོམས་#པས་ཆགས་པ་དང་བྲལ་བའི་ཕྱིར་རོ། །དེ་ལྟར་སྦྱིན་པ་ནི་བྱང་ཆུབ་སེམས་དཔའ་རྣམས་ཀྱི་ལམ་མོ། །དེ་བཞིན་དུ་ཕ་རོལ་ཏུ་ཕྱིན་པ་གཞན་དག་ཀྱང་#ཅི་རིགས་པར་
[244a.5]བརྗོད་པར་བྱའོ། །བསམ་གཏན་གྱི་ཡོན་ཏན་ལ་གོམས་པས་#ཞེས་བྱ་བ་ནི་བསམ་གཏན་ཉིད་ཡོན་ཏན་ཡིན་ཏེ། ཡོན་ཏན་གཞན་ཐམས་ཅད་ཀྱི་རྒྱུར་གྱུར་པའི་ཕྱིར་རོ། །དེ་བས་ན་དེ་ལ་གོམས་པའོ། །རྣ་བ་དང་སྙིང་ཚིམ་པར་བྱེད་པའི་ཚིག་ཡིན་ཏེ། ཚིག་
[244a.6]དིའི་དོན་ནི་ཆོས་སྟོན་པ་ན་གྲོང་ཁྱེར་པའི་སྐད་དང་། སྙན་ཅིང་འཇེབས་པ་དང་། རྣམ་པར་གསལ་བ་དང་། རྣམ་པར་རིག་པར་བྱ་བ་དང་། མཉན་པར་འོས་པ་དང་། མི་གནས་པ་དང་། མི་མཐུན་པ་མེད་པ་དང་། མི་གསལ་བ་མེད་པ་སྟེ། གང་མདོའི་དོན་#དེ་ཉིད་འདིར་
[244a.7]ཡང་རྣ་བ་དང་སྙིང་ཚིམ་པར་བྱེད་པ་ཡིན་ཏེ། དེ་ཡང་གསུང་རྒྱ་ཆེ་བས་རྣར་སྙན་པས་#ཡོངས་སུ་ཚིམ་པར་བྱེད་པ་ཡིན་ནོ། །རྣ་བ་དང་སྙིང་ཚིམ་པར་བྱེད་པ་ཞེས་བྱ་བ་འདིས་ནི་སྙན་པར་སྟོན་པ་ཡིན་ཏེ། སྐད་སྙན་ཅིང་འཁོར་ཡོངས་སུ་ཚིམ་པར་བྱེད་པས་གྲོང་ཁྱེར་པའི་སྙན་པའི་
[244b]
[244b.1]ཚིག་གིས་བརྗོད་དོ། །དེ་བས་ན་རྣ་བ་དང་སྙིང་ཚིམ་པར་བྱེད་པས་ཞེས་བྱ་བ་འདིས་ནི་འཇེབས་པར་སྟོན་ཏེ། སྙན་ཅིང་འཇེབས་པའོ། །དེས་ན་སྙིང་ཚིམ་པར་བྱེད་པའི་ཚིག་ལ་མཁས་པ་མངོན་པར་སྨྲ་བ་ཡིན་ཏེ། དེས་རྣམ་པར་རིག་པར་བྱ་བ་ཡིན་པར་དེ་བསྟན་ཏེ། #གང་
[244b.2]གི་ཕྱིར་རྣམ་པར་རིག་པར་བྱ་བ་ནི་བཤད་པའི་དོན་རྣམ་པར་ཤེས་པའི་བྱ་བ་ཡིན་པས་མཁས་པ་ཡིན་པར་མངོན་ནོ། །མ་ཁེངས་པ་ཞེས་བྱ་བས་ནི་མཉན་པར་འོས་པ་བསྟན་ཏེ། མཉན་པའི་དོན་ཉིད་ཡིན་པའི་ཕྱིར་རོ། །མ་ཁེངས་པ་དང་། རྙེད་པ་ལ་རེ་བའི་བཀྲམ་པ་དང་ཞུམ་པ་
[244b.3]མེད་པ་ཞེས་བྱ་བ་འདིས་ནི་མི་གནས་པ་བསྟན་ཏེ། རྙེད་པ་ལ་སོགས་པའི་འདོད་པ་དང་བྲལ་བས་དེ་མི་གནས་པའོ། །དེས་དེ་ཉིད་རྙེད་པ་ལ་སོགས་པ་མེད་པའོ། །དུལ་ཞིང་གཟི་བྱིན་ཆེ་བ་དང་། །ཇི་ལྟར་རིགས་པར་འཇམ་པོར་སྨྲ་ཞིང་གསལ་བ་ཞེས་བྱ་བ་
[244b.4]འདི་གཉིས་ཀྱིས་ནི་མི་#མཐུན་པ་མེད་པར་བསྟན་ཏེ། ཇི་ལྟར་གཡོག་འཁོར་འཇུག་པ་དེས་དུལ་ཞིང་གཟི་བྱིན་ཆེ་བ་ཡང་དེས་འཇུག་སྟེ། ཇི་ལྟར་རིགས་པར་འཇམ་པོར་སྨྲ་ཞིང་གསལ་བའི་ཕྱིར་སྙན་པའི་སྐྱེ་བོ་རྣམས་ལ་མི་མཐུན་པ་མེད་པ་ཡིན་ནོ། །དེ་བས་
[244b.5]ན་ཇི་ལྟར་གཡོག་འཁོར་གྱི་འཇུག་པ་དེས་ཆོས་དང་ཆོས་མ་ཡིན་པ་རབ་ཏུ་འབྱེད་པ་མཁས་པ་ཞེས་བྱ་བ་ཡིན་ཏེ། འདིས་ནི་མི་གསལ་བ་མེད་པ་#བསྟན་ཏེ། དཔག་ཏུ་མེད་པའི་སྤོབས་པ་དང་ལྡན་པའི་ཕྱིར་མི་གསལ་བ་#མེད་པ་ཡིན་ཏེ། དེས་ན་ཡང་ཆོས་
[244b.6]དང་ཆོས་མ་ཡིན་པ་རབ་ཏུ་འབྱེད་པ་ལ་མཁས་པ་ཉིད་དོ། །དེ་ལྟར་མདོའི་ཚིག་གི་རྗེས་སུ་འབྲང་བ་ཡིན་ཏེ། ཚིག་བརྒྱད་པོ་འདིའི་གོ་རིམས་ཀྱིས་ཡང་དག་པར་བསྟན་ཏེ། འདིས་ནི་ངག་གི་ལས་ཕུན་སུམ་ཚོགས་པ་བསྟན་ཏོ། །རབ་ཏུ་བྱུང་བའི་སྤྱོད་
[244b.7]ཚུལ་བཟང་པོ་དང་། ཡ་རབས་རྣམས་དགའ་བའི་སྤྱོད་པས་#ཞེས་བྱ་བ་འདིས་#ལུས་ཀྱི་ལས་ཕུན་སུམ་ཚོགས་པ་བསྟན་ཏོ། །ཆོ་རིགས་བཙུན་པ་ལས་རབ་ཏུ་བྱུང་བར་ཤེས་ནས་ཞེས་བྱ་བའི་ཇི་ལྟར་སྔར་བསྟན་པའི་རྒྱལ་རིགས་ཕྱུག་#པོའི་རིགས་ཞེས་བྱ་བ་ལ་སོགས་པའི་རིགས་
[245a]
[245a.1]ཀྱི་ཁྱད་པར་གྱིས་སོ། །རབ་ཏུ་བྱུང་བར་ཤེས་ནས་ཞེས་བྱ་བ་དེ་ཡང་སྔར་བསྟན་པ་ཡིན་ཏེ། དེའི་ཕ་མ་གཉིས་ཚེ་འདས་པས་#ཞེས་བྱ་བ་ལ་སོགས་པའི་རིམ་པས་རབ་ཏུ་བྱུང་བར་ཤེས་པར་བྱའོ། །རིགས་དང་གཟུགས་ཀྱི་ཡོན་ཏན་ལས། །ཞེས་#
[245a.2]བྱ་བ་ལ། རིགས་ཀྱི་ཡོན་ཏན་རྣམས་ནི་སྔར་བཤད་པ་དག་གོ །གཟུགས་ཀྱི་ཡོན་ཏན་ཡང་སྔར་བཞིན་བཤད་པ་ཡིན་ཏེ། ལུས་བྱད་བཟང་པོ་སྐྱེ་བོའི་མིག་ཏུ་སྡུག །ཅེས་བྱབ་ཨཱི་ཚིག་གིས་སོ། །ས་གཞི་བཟང་པོ་ཞེས་བྱ་བ་ནི་ཡང་ཐོག་གི་རྩིག་པ་དཀར་གྱིས་
[245a.3]བསྐུས་པ་ལ་ཟླ་བའི་འོད་ཟེར་བབ་པ་བཞིན་ནོ། །ན་ཚོད་འདི་ཙམ་ལ་ཆོ་རིགས་ལ་ཡང་མི་ལྟ་བར་འདི་ལྟར་རབ་ཏུ་བྱུང་ཞེས་བྱ་བ་ནི་བུ་སྐྱེད་#ནས་ན་ཚོད་རྒུད་པ་ལ་རབ་ཏུ་འབྱུང་བར་བྱ་བ་ཡིན་ནོ་ཞེས་བྱ་བའི་དོན་ཏོ། །སོང་ཞེས་བྱ་བ་ནི་འགྲོ་བས་འགྱུར་བ་སྟེ།
[245a.4]དེས་ན་འདི་ཉིད་ལས་ཆོས་བརྙེས་#པར་འགྱུར་བའི་ཕྱིར་རོ། །ཅིའི་ཕྱིར་ཞེས་བྱ་བ་ནི་རྒྱུ་གཞན་གྱི་ཕྱིར་རོ། །གཞན་གྱི་དྲིང་ལ་ལྟོས་ཤིང་སློང་#མོ་སྤྱོད། །ཅེས་བྱ་བ་དང་། གོས་ངན་པ་གྱོན་པ་དང་། བས་མཐའི་ས་ན་ལུས་ནི་བསྒྱུར་ཏེ་བོར། །ཞེས་བྱ་བ་འདི་དག་
[245a.5]གིས་ཟས་བསོད་སྙོམས་དང་གནས་མལ་དང་བྲལ་བར་སྟོན་ཏེ། འདིས་ནི་སྦྱིན་པའི་ཕ་རོལ་ཏུ་ཕྱིན་པའི་འབྲས་བུ་མེད་པར་བྱས་པའི་ཕྱིར་རོ། །དབུལ་པོའི་ལུས་ཞེས་བྱ་བ་དང་། ངན་པ་བཞིན་དུ་སྐྱེ་བོ་ཀུན་གྱིས་#སྨད། །ཅེས་བྱ་བ་འདིས་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་
[245a.6]པའི་འབྲས་བུ་#རིགས་ལ་སོགས་པ་ཕུན་སུམ་ཚོགས་པར་འབྱོར་ཀྱང་སྨད་པ་ཉིད་དུ་གྱུར་པ་སྟེ། གསུམ་པོ་འདི་དང་བྲལ་བའི་ཕྱིར་རོ། །གཉེན་གྱི་སྐྱེ་བོ་དང་#བྲལ་བ་དང་། གཉེན་བཤེས་རྣམས་དང་བྲལ་བ་ཞེས་བྱ་བ་འདིས་ནི་བཟོད་པའི་ཕ་རོལ་ཏུ་ཕྱིན་པའི་འབྲས་
[245a.7]བུ་གཡོག་འཁོར་དང་བྲལ་བའི་ཕྱིར་རོ། །བུ་མཆོག་ཡིད་ལ་བསམ་#པ་གྲུབ་པར་གྱིས། །ཞེས་བྱ་བ་ནི་དེ་#སུའི་ཡིད་ལ་བསམ་པ་འགྲུབ་#པ་ཡིན་ཞེ་ན། དབུལ་པོའི་ལུས་སུ་གྱུར་པ་ཉིད་ཀྱིས་ཏེ། རེ་གནས་བཞིན་དུ་བདག་ཉིད་དེ། རེ་གནས་ནི་སྟེགས་སོ། །དབེན་
[245b]
[245b.1]པས་བྱས་པ་ནི་དབེན་པའི་བདེ་བའོ། །དབེན་པ་ནི་རྣམ་པ་གཉིས་ཏེ། ལུས་དབེན་པ་དང་། སེམས་དཔོན་པའོ། །དེ་ལ་ལུས་དབེན་པ་ནི་གཉིས་སུ་མེད་པར་གནས་པའོ། །སེམས་དབེན་པ་#ནི་སེམས་ཀྱི་གཡེང་བ་སྤངས་པའོ། །དབེན་པ་ན་#གནས་པའི་བདེ་
[245b.2]བ་ཉིད་བདུད་རྩིའི་རོ་ཡིན་ཏེ། དེས་ཡོངས་སུ་བསྒོས་པའི་བྱ་བ་#གང་ལ་ཡིད་ལ་དེ་ནི་དབན་པ་ན་གནས་པའི་བདེ་བའི་བདུད་རྩིའི་རོས་བློ་གོམས་པར་བྱས་པ་སྟེ། དེའི་བདེ་#བས་ལུས་དང་སེམས་ཚིམ་པར་བྱེད་པའི་ཕྱིར་རོ། །སྙིང་དེ་ལ་གཞོལ་བར་གྱུར་པ་ནི་
[245b.3]དབེན་པ་ན་གནས་པའི་བདེ་བ་ལ་གཞོལ་བར་གྱུར་པའོ། །ཁྱིམ་ན་གནས་པ་དང་། ནགས་ན་གནས་པའི་བྱེ་བྲག་ཤེས་པར་གྱུར་པ་ཞེས་བྱ་བས་ནི་ཁྱིམ་ན་གནས་པའི་བདག་ཉིད་ཀྱིས་མངོན་སུམ་དུ་སྐྱོན་མཐོང་བའི་ཕྱིར་རོ། །ནགས་ན་གནས་པ་ཡང་བདག་
[245b.4]ཉིད་ཀྱིས་མངོན་སུམ་དུ་ཡོན་ཏན་མཐོང་བའི་ཕྱིར་རོ། །དེ་བས་ན་ནགས་དང་ཁྱིམ་གྱི་ཁྱད་པར་#མི་ཤེས་པ་དག་#ནི་སྨྲ་བར་མི་རིགས་ཀྱི། དེ་ནི་འདིར་མཉན་པར་ཡང་རིགས་པ་མ་ཡིན་ཏེ། གཉི་ག་ཡང་ངོ་ཤེས་པར་ཕྱིར་རོ། །བཙོན་ར་འདྲ་བའི་ཁྱིམ་ཞེས་བྱ་
[245b.5]བ་ནི་ཁྱིམ་ནི་#བཙོན་རར་གྱུར་པ་ཡིན་ཏེ། ངན་སོང་དུ་འགྲོ་བར་བྱེད་པའི་ཕྱིར་རོ། །ཕྱུག་པོ་ནི་ཕལ་ཆེར་གཅིག་ཏུ་སྡུག་བསྔལ་བ་ཡིན་ནོ། །ཅིག་ཤོས་དབུལ་བ་ཡང་ངོ་། །དགའ་བ་ཉིད་དུ་ཀུན་དུ་རྨོངས་པ་ནི་དགའ་བས་རྨོངས་པ་སྟེ། སྡུག་བསྔལ་ལ་བདེ་བར་#
[245b.6]ཕྱིན་ཅི་ལོག་པ་ཞེས་བྱ་བའི་དོན་ཏོ། །སྡིག་པའི་འབྲས་བུ་སྨིན་པ་ཉིད། །ཅེས་བྱ་བ་ནི་སྐྱེ་བ་སྔ་མ་དག་ལ་རང་གི་གོམས་པས་སྡུག་བསྔལ་ལ་བདེ་བར་ཕྱིན་ཅི་ལོག་པའི་འབྲས་བུ་སྨིན་པའོ། །འདིར་བྱར་རུང་བོ་ཞེས་བྱ་བ་གལ་ཏེ་དེ་ལྟར་ཆོས་བརྙེས་པར་རུང་བ་
[245b.7]ཞེས་བྱ་བ་ནི་མ་ཡིན་ནོ། །ཆོས་ཀྱི་གཉེན་པོ་དང་འདོམ་པའི་ཕྱིར་ཏེ་ཆོས་དང་འགལ་བ་དང་། ཕྱོགས་རྣམ་པར་འཇིག་པའི་ཕྱིར་རོ། །ལས་སུ་བྱ་བ་མང་ཆེས་པས། །ཞེས་བྱ་བ་ནི་ཁྱིམ་གྱི་བདེ་བ་ཡིན་ནོ་སྙམ་ནས་ཁྱིམ་མ་བཏང་#བས་ནི་ཆོས་བྱ་བར་འདོད་
[246a]
[246a.1]ཀྱང་ཁྱིམ་མ་བཏང་བར་ནི་གཞན་དུ་འགྱུར་བས་ཇི་ལྟར་ཆོས་བྱ་བར་མི་རུང་སྟེ། འདི་ནི་ཁྱིམ་གྱི་བདེ་བ་དེ་དང་དེ་ལ་མངོན་པར་ཞེན་པ་དེ་ལ་སྡུག་བསྔལ་ཡིན་པར་བསྟན་པར་བྱ་བའི་ཕྱིར། ལས་སུ་བྱ་བ་མང་ཆེས་པས། །ཞེས་བྱ་བ་འདི་བསྟན་པ་
[246a.2]ཡིན་ནོ། །ཆོས་ཀྱི་གཉེན་པོ་དང་འདོམ་པ་ཞེས་བྱ་བའི་དབང་དུ་མཛད་ནས། ཁྱིམ་གྱི་སོ་ནམ་བྱ་ན་ནི། །ཞེས་བྱ་བ་ལ་སོགས་པའི་ཚིགས་བཅད་བཞི་ཡིན་ཏེ། ཆོས་ཀྱི་གཉེན་པོའི་ཆོས་གང་ཡིན་ཞེ་ན། དེ་དང་མི་མཐུན་པར་གྲགས་པ། །ཞེས་བྱ་བའི་དོན་
[246a.3]ཏེ#། ཁྱིམ་གྱི་སོ་ནམ་བྱ་ན་ནི། །ཞེས་བྱ་བའི་ཚིགས་བཅད་ཡིན་ནོ། །ཁྱིམ་ན་ནོར་མེད་ན་ནི་སོ་ནམ་བྱ་བ་ཡིན་ནོ། །སོ་ནམ་གྱི་བྱ་བ་བྱས་པར་གྱུར་#ན་ནི་ཆོས་ཀྱི་དོན་ཉམས་པ་ཡིན་ནོ། །དེ་ལྟར་ལུང་དུ་མ་བསྟན་པའི་ལས་ཀྱང་ཆོས་ཀྱི་གཉེན་པོ་ཡིན་པར་བསྟན་ཏོ། །
[246a.4]བརྫུན་དུ་མི་སྨྲ་#མི་རུང་ཞིང་། །ཞེས་བྱ་བ་ནི་མི་དགེ་བ་དེ་ལ་འཇུག་པའི་དབང་དུ་བྱས་ནས་བརྫུན་དུ་སྨྲ་བཞེས་བྱ་བ་སྨོས་ཏེ། ངག་གི་ལས་ཀྱི་ལམ་གྱི་མི་དགེ་བ་བཞི་བཟུང་#སྟེ། སྨྲ་བ་ཞེས་སྨོས་པས་དེ་ལ་གཞན་དག་ཀྱང་འགྲུབ་པོ། །ཉེས་པ་བྱེད་པ་ལ་ནན་ཏུར་ནི་
[246a.5]ཞེས་བྱ་བ་ནི། སྲོག་གཅོད་པར་#ནན་ཏུར་བྱ་བ་ཡིན་ཏེ། མི་དགེ་བའི་ལས་ཀྱི་ལམ་དག་#ལས་སྲོག་གཅོད་པ་ཐོག་མར་སྨོས་པ་ཡིན་ཏེ། དེ་དང་པོར་སྨོས་པས་ལུས་ཀྱི་མི་དགེ་བའི་ལས་དག་ཀྱང་འགྲུབ་པོ#། །དེ་བས་ན་གཞན་ལ་ནན་ཏུར་ཞེས་བྱ་བས་མི་དགེ་བའི་
[246a.6]ལམ་ལས་བཟློག་#སྟེ། རལ་གྲི་དང་ཐལ་ལྕག་ལ་སོགས་པའི་མཚན་ཉིད་ཀྱིས་བཅད་ཅིང་ནན་ཏུར་བྱ་བ་ཡིན་ཏེ། གཞན་སླུ་བས་#སྒྲུབ་པ་ལ་སོགས་པ་དེས་གཞན་དག་ལ་གནོད་པར་འགྱུར་བ་ཡིན་ཏེ་དེ་ལ་ནན་ཏན་དུ་བྱ་བའོ#། །འདི་དག་གིས་ནི་འདི་ལྟར་སྟོན་ཏེ། ལུང་དུ་
[246a.7]མ་བསྟན་པའི་ལས་ཀྱི་སོ་ནམ་གྱིས་ཀྱང་མི་དགེ་བའི་ལས་ཀྱི་ལམ་ཡང་དག་པར་འཛིན་པ་སྟེ། ལུས་དང་ངག་གི་ལས་ཀྱི་ནན་ཏུར་བྱ་བ་སྟེ། ལས་ཀྱི་ལམ་རྣམ་པར་སྤངས་པའི་མི་དགེ་བའི་#ལས་བྱེད་པ་ལ་ནན་ཏུར་བྱའོ། །ཡིད་ཀྱི་#མི་དགེ་བ་གནོད་སེམས་ལ་
[246b]
[246b.1]སོགས་པ་ཡང་ཁྱིམ་ན་མེད་པ་མ་ཡིན་ནོ། །སོ་ནམ་བྱ་བ་ལ་སོགས་པ་ལ་འཇུག་པའི་རྒྱུའི་དབང་དུ་བྱས་ནས། དེ་ལྟ་བས་ན་སྐྱེ་བོ་འདི་དག་ཅེས་བྱ་བ་#ལ་སོགས་པའི་ཚིག་གོ། །དེ་ལྟ་བས་ན་ཞེས་བྱ་བ་ནི་གང་གི་ཕྱིར་ཁྱིམ་གྱི་སོ་ནམ་མ་བྱས་པར་ཁྱིམ་མེད་དོ། །ཁྱིམ་མེད་ན་བདེ་
[246b.2]བ་མེད་དོ། །དེ་སྒྲུབ་#པ་ལ་འབད་པ་ཞེས་བྱ་བ་ནི་ཁྱིམ་གྱི་བདེ་བ་སྒྲུབ་#པ་ལ་འབད་པ་སྟེ། ཁྱིམ་གྱི་བདེ་བ་སྒྲུབ་པའི་སོ་ནམ་ལ་སོགས་པའོ། །ད་ནི་ཁྱིམ་ན་གནས་པས་ནི་ཆོས་དང་ཆོས་མ་ཡིན་པ་ཕན་ཚུན་འགལ་བས་རབ་ཏུ་དཀའ་བ་ཡིན་པའི་ཕྱིར་དེ་སྒྲུབ་པའི་
[246b.3]དབང་དུ་བྱས་ནས། གལ་ཏེ་ཆོས་སྤྱོད་ཁྱིམ་གྱི་སོ་ནམ་འཆོར། །ཞེས་བྱ་བ་འདི་ཡིན་ནོ། །གལ་ཏེ་ཆོས་སྤྱོད་པར་གྱུར་ཏེ་སོ་ནམ་ལ་སོགས་པ་མི་བྱེད་ན་ནི་ཁྱིམ་མེད་དེ། #སོ་ནམ་འཆོར་བའི་ཕྱིར་ཇི་ལྟར་བསྟན་མ་ཐག་པའི་ཚིགས་སུ་བཅད་པ་བསྟན་པའོ། །གལ་ཏེ་ཁྱིམ་ལ་
[246b.4]མངོན་པར་ཕྱོགས་ན་ནི། །ཞེས་བྱ་བ་ནི་སོ་ནམ་ལ་སོགས་པ་བྱས་ནའོ། །དེ་སྒྲུབ་པའི་ཕྱིར་སྨྲས་པ། ཆོས་ཀྱི་ལམ་ནི་རབ་ཏུ་ཞི་བ་ཞེས་བྱ་བའི་ཚིགས་བཅད་ཕྱེད་ཀྱིས་བསྟན་ཏེ། རབ་ཏུ་ཞི་བ་ནི་ཉོན་མོངས་པ་ཉེ་བར་ཞི་པའོ། །ཡང་ན་རབ་ཏུ་ཞི་བ་ནི་སེམས་ཅན་
[246b.5]གྱི་རྩོམ་པ་ལས་ལྡོག་པ་སྟེ། ཐར་པ་ནི་དོན་ཐམས་ཅད་ལས་ལྡོག་པ་ཡིན་ནོ་ཞེས་བྱ་བའི་#ཚིག་གིས་སོ། །དྲག་ཤུལ་ཅན་ཞེས་བྱ་བ་ནི་སྔར་བཤད་པའི་སོ་ནམ་ལ་སོགས་པའི་རིམ་པའོ། །དེ་བས་ཆོས་དང་འགལ་བའི་སྐྱོན་ཡོད་ཕྱིར། །ཞེས་བྱ་བའི་ཚིགས་
[246b.6]བཅད་ཀྱི་དོན་རྣམ་པར་གཞག་#པ་ནི་སྔར་བཤད་པའི་དོན་ཁྱིམ་ན་གནས་པའི་བདེ་བ་དང་གཅིག་པ་མ་ཡིན་ནོ་ཞེས་པའོ། །གཉིས་སུ་ན་ཁྱིམ་ནི་བདེ་བ་ཕྱོགས་གཅིག་ཏུ་མ་ངེས་པར་བསྟན་པའི་ཕྱིར་ངེས་པ་ཡོད་པ་མ་ཡིན་ཞེས་སྨོས་ཏེ། གཅིག་ཏུ་བདེ་བ་ཉིད་མ་ངེས་སོ། །དེ་སྒྲུབ་
[246b.7]པའི་ཕྱིར། གདོན་མི་ཟ་བར་གྲགས་པ་མེད་པར་འགྱུར། །ཞེས་བྱ་བའི་ཚིགས་བཅད་ཡིན་ཏེ། གྲགས་པ་མེད་པར་འགྱུར་ཞེས་བྱ་བ་ནི་བདེ་བའི་རྒྱུ་འཇིག་རྟེན་པ་རྣམས་དགའ་བ་ལ་སོགས་པ་མེད་པར་བདེ་བ་འགྲུབ་པ་མེད་དོ། །གདུང་པ་སྐྱེ་བ་ཞེས་བྱ་བ་ནི་འཆི་
[247a]
[247a.1]བའི་དུས་སུ་ཡིད་ལ་གཅགས་#བཞིན་དུ་འཆི་བའི་ཕྱིར་རོ། །ཡིད་ལ་གདུང་བ་སྐྱེ་བ་#ལས་ནི་ངན་འགྲོ་#སྐྱེ་བར་འགྱུར་ཏེ། འཇིག་རྟེན་ཕ་རོལ་དུ་ངན་སོང་གི་སྡུག་བསྔལ་འབྱུང་བའི་ཕྱིར་བདེ་བ་འགྲུབ་པ་མེད་དོ། །བདེ་བའི་ཐབས་ཞེས་བྱ་བ་ནི།
[247a.2]གང་གི་ཕྱིར་ཁྱིམ་དང་ཁྱིམ་ལ་གནས་པ་བདེ་བའི་རྒྱུའོ་ཞེས་མངོན་པར་ཞེན་པའི་དབང་དུ་བྱས་པ་ནི་ཁྱིམ་ལ་བདེ་བའི་ཐབས་ཞེས་བརྗོད་དོ། །ངན་འགྲོ་བཞིན་དུ་ཞེས་བྱ་བ་ནི་ངན་འགྲོ་བཞིན་དུའོ། །ཁྱིམ་ན་གནས་པ་བདེ་བར་ནི་ག་ལ་#བཤད་དེ། དེ་བས་ན་དད་
[247a.3]པས་ཡིད་ཆེས་པར་བྱ་བ་ཡིན་པར་བདག་གིས་མ་མཐོང་ངོ་ཞེས་བཤད་པ་ནི་གཞན་གྱི་ལས་བྱེད་པ་དག་ཀྱང་ཞེས་བྱ་བའི་ཚིགས་བཅད་ཀྱིས་སོ། །བཅིང་བ་དང་གསད་#པ་དང་སྡུག་བསྔལ་ནི་#བཅིང་ཞིང་གསད་པའི་སྡུག་བསྔལ་ལོ། །དེ་དག་ཉིད་ཀྱི་གཞིར་གྱུར་
[247a.4]པ་ཡིན་ཏེ། ཡོད་པར་གྱུར་ན་བཅིང་བ་དང་། གསད་#པའི་སྡུག་བསྔལ་གྱི་གཞིར་གྱུར་བའོ། །འདོད་པ་དེ་དག་གལ་ཏེ་ངོམས་པར་གྱུར་ན་མི་རུང་ན་དེ་ཡང་མེད་དེ། དེ་བསྟན་པའི་ཕྱིར་རྒྱལ་པོ་དག་ཀྱང་ཞེས་བྱ་བའི་ཚིགས་བཅད་ཕྱེད་ཡིན་ནོ། །ཡངས་
[247a.5]སུ་རྟོགས་པའི་དབང་དུ་བྱས་པའི་ཚིགས་བཅད་ནི། བསྒྲུབ་ཅིང་བསྲུང་བ་ལ་སོགས་པ་ཞེས་བྱ་བའི་ཚིགས་བཅད་དེའི་དོན་རྣམ་པར་འགྲེལ་ཏེ། འདི་ག་ལ་བདེ་ཞེས་བྱ་བ་ནི་བཅིངས་#པ་དང་གསད་#པའི་སྡུག་བསྔལ་གྱི་གཞིར་གྱུར་པས་ག་ལ་བདེ་སྟེ། དེ་བས་ན་ག་ལ་
[247a.6]བདེའོ། །ཇི་ལྟར་བདེ་ཞེས་བྱ་བ་ནི་རྒྱལ་པོ་དག་ཀྱང་འབྱོར་པས་ཆོག་པ་མེད་དེ། དེས་ན་ཇི་ལྟར་བདེ་བའོ། །ནམ་ཞིག་བདེ་ཞེས་བྱ་བ་ནི་བསྒྲུབ་#ཅིང་བསྲུང་ལ་སོགས་#པའི་ཚེ་ན་སྡུག་བསྔལ་བའི་ཕྱིར་ནམ་ཞིག་བདེ་བ་ཡིན་ཏེ། དེས་ན་ཡང་རྣམ་པ་གསུམ་གྱིས་བདེ་
[247a.7]བ་མེད་དོ། །ཇི་ལྟར་དེ་ལ་འཇིག་རྟེན་པ་རྣམས་བདེ་བའི་བློ་འབྱུང་ཞེ་ན། སྨྲས་པ། ཡོངས་སུ་རྟོགས་#པའི་དབང་གིས་བདེ་བ་འབྱུང་བ་ཡིན་གྱི། ངོ་བོ་ཉིད་ཀྱིས་ནི་མ་ཡིན་ནོ། །དེ་ལྟར་རེ་ཞིག་བདེ་བ་ཡིད་ཀྱིས་#ཡོངས་སུ་རྟོགས་#པའི་མཐུ་ཡིན་པར་བསྟན་ནས། །ཡུལ་
[247b]
[247b.1]རྣམས་ལ་རྨོངས་པས་ཉེ་བར་སྤྱོད་པ་ཞེས་བྱ་བ་ཡིན་ཏེ། དབང་པོ་ལྔའི་ཡུལ་གྱི་ཉེ་བར་སྤྱོད་པའི་བདེ་བ་ནི་དེ་ལ་རྣམ་པར་རྟོག་པ་མེད་པས་#ཇི་ལྟར་བདེ་བར་འགྱུར་ཏེ་དེ་ལ་བདེ་བའི་རྣམ་པར་རྟོག་པ་མེད་པས་སོ། །རྣམ་པར་རྟོག་པ་ཙམ་ཡང་མངོན་#པར་ཤེས་
[247b.2]པ་ལྔ་དང་ལྡན་པས་ན་དེ་ཉིད་སྨྲས་པ། རྨ་གཡའ་ཕྲུགས་པའི་བདེ་བ་བཞིན་དུ་ཟད། ཅེས་བྱ་བ་ཡིན་ཏེ། རྨ་གཡའ་བ་ལ་ཕྲུགས་པའི་བདེ་བ་འབྱུང་བ་དེ་བཞིན་དུ་ཡུལ་རྣམས་ལ་ཡང་བརྟེན་པས་ཀྱང་#བདེ་བ་བཞིན་ནོ། །ཆོས་ཀྱི་ལམ་ནི་རབ་ཏུ་ཞི་བ་
[247b.3]ཡིན། །ཞེས་བྱ་བ་གང་སྔར་བཤད་པའི་རབ་ཏུ་ཞི་བ་ཡང་གཉིས་པ་བཤད་པ་ལས#། འདིར་ཁྱིམ་ན་གནས་ན་ཉོན་མོངས་པ་རབ་ཏུ་ཞི་བར་མི་འགྱུར་ཞིང་མི་བཟློག་པར་བརྟན་#པའི་ཕྱིར། གཞན་ཡང་ཕལ་ཆེར་ཞེས་བྱ་བའི་ཚིགས་བཅད་འདི་
[247b.4]བརྩམས་པ་ཡིན་ནོ། །འདིའི་བསྡུས་པའི་དོན་ནི་ཕུན་སུམ་ཚོགས་པའི་གནས་སྐབས་དང་། རྒུད་པའི་གནས་སྐབས་གཉི་ག་ན་ཡང་ཉོན་མོངས་པ་ཉེ་བར་ཞི་བ་མེད་པར་བསྟན་ཏོ། །ཚིགས་བཅད་ཕྱེད་དང་པོས་ནི་ཕུན་སུམ་
[247b.5]ཚོགས་པའི་གནས་སྐབས་སུ་ཉོན་མོངས་པ་ཉེ་བར་མ་ཞི་བར་བསྟན་ཏོ། །གཉིས་པའི་ཕྱེད་ཀྱི་ཚིག་རྐང་དང་པོས་ནི་རྒུད་པའི་གནས་སྐབས་བསྟན་ཏོ། །དེ་ན་ཞེས་བྱ་བ་ནི་ཁྱིམ་དེ་ན་སྟེ་ཕུན་སུམ་ཚོགས་པ་དང་། རྒུད་#པའི་གནས་སྐབས་གཉི་ག་ན་
[247b.6]ཡང་ཉེ་བར་ཞི་བ་མེད་དེ། དེ་གཉིས་མ་གཏོགས་པའི་གནས་སྐབས་གསུམ་པ་ནི་མེད་པའི་ཕྱིར། ནམ་ཞིག་རབ་ཏུ་ཞི་བར་འགྱུར། །ཞེས་བསྟན་ཏོ། །དྲེགས་དང་ང་རྒྱལ་ཞེས་བྱ་བའི་ཚིགས་བཅད་འདིས་ནི་སྔར་བཤད་པ་ཐམས་ཅད་ཀྱི་དོན་མཇུག་#
[247b.7]བསྡུ་བ་ཡིན་ཏེ། དྲེགས་དང་ང་རྒྱལ་གཏི་མུག་སྦྲུལ་གྱི་ཚང་། །ཞེས་བྱ་བ་ནི་ཕལ་ཆེར་ཁྱིམ་ན་#འབྱོར་ན་ཞེས་བྱ་བའི་ཚིགས་བཅད་བསྟན་པ་དེའི་ནམ་ཞིག་རབ་ཏུ་ཞི་བར་འགྱུར་ཞེས་པའི་#མཇུག་བསྡུ་བ་ཡིན་ནོ། །དྲེགས་དང་ང་རྒྱལ་གཏི་མུག་སྦྲུལ་གྱི་ཚང་བཞིན་དུ་
[248a]
[248a.1]གནས་དང་གཞིར་གྱུར་པ་སྟེ། དེ་བས་#ན། རབ་ཏུ་ཞི་ལ་དགའ་བའི་བདེ་འཇིག་#པ། །ཞེས་བྱ་བ་ཡིན་ཏེ། དགའ་བའི་བདེ་བ་འཇིག་པ་སྟེ། ཚང་དང་གནས་བཞིན་དུ་སྡུག་བསྔལ་དྲག་པོའི་གཞིར་གྱུར་པའི་ཕྱིར་རོ། །འདིས་ནི་གང་སྔར་བསྟན་
[248a.2]པའི་བསྒྲུབ་ཅིང་བསྲུང་ལ་སོགས་པའི་སྡུག་བསྔལ་ཞེས་བྱ་བ་དེའི་མཇུག་བསྡུ་བ་ཡིན་ནོ། །རབ་ཏུ་ཞི་ལ་དགའ་བའི་བདེ་འཇིག་པ། །ཞེས་བྱ་བ་ནི་ཇི་ལྟར་རབ་ཏུ་ཞི་བ་བདེ་བ་ཡིན་ཞེ་ན། བདེ་བ་བསྟན་པའི་ཕྱིར་སྐྱེ་བོ་ཆོག་ཤེས་བྱ་བའི་ཚིགས་
[248a.3]བཅད་ཡིན་ཏེ། བདེ་བ་ཡང་རྣམ་པ་གཉིས་ཏེ། ལུས་དང་སེམས་ཀྱི་དབང་དུ་བྱས་པའོ#། །སེམས་ཀྱི་བདེ་བའི་དབང་དུ་བྱས་ནས། སྐྱེ་བོ་ཆོག་ཤེས་ཞེས་བྱ་བའི་ཚིགས་བཅད་ཡིན་ནོ། །ཡོ་བྱད་རྣམས་ཀྱིས་#ཆོ་ག་ཤེས་པའི་འཚོ་བ་ནི་ཆོས་གོས་
[248a.4]ལ་སོགས་པ་ངན་#ངོན་ཙམ་གྱིས་ཆོག་ཤེས་པའི་ཕྱིར་རོ། །ཆོག་ཤེས་པའི་སྐྱེ་བོ་ནི་དཀའ་ཐུབ་#ཅན་གྱི་སྐྱེ་བོའོ#། །ཆོག་ཤེས་པའི་སྐྱེ་བོ་རྣམས་ནི་ཁྱིམ་བཞིན་དུ་ནགས་ན་དེ་བཞིན་ནོ། །རབ་ཏུ་དབེན་པའི་བདེ་བ་ནི་ལུས་དང་། སེམས་ཀྱི་རབ་ཏུ་
[248a.5]དབེན་པའི་བདེ་བ་ཡིན་ཏེ། སེམས་དབེན་པའི་བདེ་བས་སེམས་དགའ་བར་གྱུར་པ་ཡིན་ཏེ། འདིས་ནི་#ཡིད་དགའ་བར་#བསྟན་ཏོ། །དེ་ཉིད་ཀྱི་ཕྱིར་ཡིད་བདེ་བའི་དབང་དུ་བྱས་ཏེ། དེ་འདྲ་ལྷ་ཡི་ཡུལ་ནའང་མེད། །ཅེས་བྱ་བ་ནི་མིའི་འཇིག་རྟེན་ན་
[248a.6]ལྷ་གལ་ཡོད་ཅེས་བྱ་བ་ཡིན་ནོ། །ལུས་ཀྱི་བདེ་བའི་དབང་དུ་བྱས་ནས། དེ་བས་ཚལ་ན་ཞེས་བྱ་བའི་ཚིགས་བཅད་ཡིན་ནོ། །#ཚིགས་བཅད་འདིའི་དང་པོའི་ཕྱེད་ཀྱིས་ནི་ཟས་དང་། གནས་མལ་དང་། ཆོས་གོས་དམན་པར་བསྟན་པ་ཡིན་ནོ། །
[248a.7]འཚོ་བ་སྒྲུབ་པ་ཉིད་ཀྱང་འདི་ལྟར་མི་སྒྲུབ་སྟེ། ཆོས་མིན་འདྲེས་པ་ཞེས་བྱ་བ་སྟེ་སྔར་བསྟན་པའི་བྱ་བས་སོ#། །བདེ་བ་ནི་ཁྱིམ་གྱི་བདེ་བའོ། །མི་འདོད་པ་ནི་དུག་དང་འདྲེས་པའི་བཟའ་བ་འདྲ་བ་སྟེ། ཟས་དང་བཏུང་བ་དང་ཁྱིམ་གྱི་འཚོ་བས་བསྒྲུབས་ཤིང་
[248b]
[248b.1]བསྐྱེད་པའི་ཁྱིམ་གྱི་བདེ་བ་དུག་ཆེན་བོ་དང་འདྲེས་པའི་ཟས་དང་འདྲ་བ་དེ་ནི་#ཆོས་མ་ཡིན་པ་དང་འདྲེས་པའི་ཕྱིར་རོ། །བདག་ལ་ཕན་པར་འདོད་པ་ནི་བློ་དང་ལྡན་པའོ། །བཀུར་སྟིའི་བྱ་བ་ཁྱད་པར་ཅན་གྱིས་ཞེས་བྱ་བ་ནི་མངོན་དུ་སྨྲ་བ་དང་། ཕྱག་ལ་
[248b.2]སོགས་པའོ། །འདོད་པ་ལས་སླར་ལྡོག་གོ་ཞེས་བྱ་བ་ནི་ཕྱིས་ཡང་འདོད་པ་ལ་འཇུག་པར་མི་བྱེད་པའོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་རྒྱལ་རིགས་ཕྱུག་པོའི་སྐྱེས་པའི་རབས་སོ།། །།
[248b.3]འཕྱས་ཀྱི་གནས་ཞེས་བྱ་བ་ནི་རྗེས་སུ་བྱེད་པ་ལྟ་བུའོ། །གནོད་པ་ལྟ་བུར་ཞེས་བྱ་བ་ནི་ཉེ་བར་མཚོན་པ་#ལྟ་བུའོ། །དེའི་གཟུགས་དང་ཡོན་ཏན་དང་མཐུན་པ་ཞེས་བྱ་བ་ནི་དེ་དང་མཉམ་པ་སྟེ། རྟག་ཏུ་རྗེས་སུ་འབྲང་བ་ཞེས་བྱ་བའི་དོན་ཏོ། །རིག་བྱེད་ཀྱི་ཡན་
[248b.4]ལག་ཅེས་བྱ་བ་ནི་སོ་མ་ནི་བཤད་ཅེས་བྱ་བའི་རིག་བྱེད་དོ། །བདག་ནི་རབ་ཏུ་འབྱུང་བར་འདོད། །ཅེས་བྱ་བ་འགྲོ་བར་འགྱུར་རོ། །ལམ་གང་གིས་ཤེ་ན། དེ་ཉིད་སྨྲས་པ། དེ་བས་ན་#ཕན་པའི་ལམ་བཟང་པོས་ཞེས་བྱ་བ་ཡིན་ཏེ། དགེ་བ་དང་ལེགས་
[248b.5]པའི་ལམ་ཡིན་པས་ལམ་#བཟང་པོ་སྟེ། ལམ་འདིས་ཐམས་ཅད་དུ་འབྱུང་ངོ་ཞེས་བྱ་བའོ། །རིག་བྱེད་སློབ་བ་ལ་ནི་འགྲུས། །ཞེས་བྱ་བ་ནི་རིག་བྱེད་སློབ་པ་ནི་བྲམ་ཟེའི་ལུས་#སུ་བཤད་དོ། །མཛའ་བོ་དང་མགྲོན་#དང་གཉེན་བཤེས་དང་། སློང་བ་
[248b.6]རྣམས་ནི་རེ་ཐག་མི་གཅོད་ཅེས་བྱ་བ་ནི་སྦྱིན་པའི་ལས་ཀྱིས་སོ། །ཆོས་ལ་གཞོལ་བ་ཞེས་བྱ་བ་ནི་འཚེ་བ་སྤངས་པའི་མཆོད་སྦྱིན་གྱི་ལས་སོ། །འདུལ་བ་ལ་ནི་རྟག་ཏུ་འབད། །ཅེས་བྱ་བ་འདིས་ནི་ཆོས་ལ་གཞོལ་བར་བྱ་བ་ཉིད་བསྟན་ཏེ། འདི་དག་ནི་སླའོ། །
[248b.7]དེ་#ལྟར་ཞེས་བྱ་བ་ནི། འདུལ་བ་ལ་ནི་རྟག་ཏུ་འབད། །ཅེས་བྱ་བ་ལ་སོགས་པ་གསུམ་ལ་ལེགས་པར་འཇུག་པས་སོ། །རང་གི་ཆོས་ལ་འབད་པས་ནི་གྲགས་པ་དང་། སྲིད་དང་བདེ་བ་འགྲུབ་སྟེ། གསུམ་གྱི་དོན་ལ་ལེགས་པར་ཞུགས་ན་ནི་དགའ་
[249a]
[249a.1]བར་བྱེད་པའི་རྒྱུ་ཡིན་པའི་ཕྱིར་རོ། །དེ་ལྟར་རེ་ཞིག་ཚེ་འདིའི་ཕན་ཡོན་བསྟན་ནས། ད་ནི་འཇིག་རྟེན་ཕ་རོལ་གྱི་ཕན་ཡོན་བསྟན་ཏེ། འཇིག་རྟེན་ཕྱི་མ་ལ་ཡང་བདེ་བར་འགྱུར། །ཞེས་བྱ་བ་འདིས་སོ། །ཕ་མ་གཉིས་དང་བྲལ་བ་ནི་ཕ་མ་དང་
[249a.2]བྲལ་བའོ། །ཕ་མ་དང་བྲལ་བས་བྱས་པའི་མྱ་ངན་ནི། ཕ་མ་དང་བྲལ་བའི་མྱ་ངན་ནོ། །ཕ་མ་དང་བྲལ་བའི་མྱ་ངན་ཉིད་ཟུག་རྡུའི་རྨ་ཡིན་ཏེ། ཟུག་རྡུ་དེའི་རྨ་གང་ཡིན་པ་དེ་ལ། སྡུག་བསྔལ་གཞན་གྱིས་བསྣན་#ཏེ་ཞེས་བྱ་བ་ནི་ཕ་མ་དང་བྲལ་བའི་སྡུག་བསྔལ་གྱི་
[249a.3]སྟེང་དུ་བསྣན་པའོ། །ཡང་ན་ཕ་དང་མ་དང་བྲལ་བའི་མྱ་ངན་ཉིད་ཟུག་རྡུ་ཡིན་བས་ཕ་མ་དང་བྲལ་བའི་མྱ་ངན་གྱི་ཟུག་རྡུའོ། །དེས་བྱས་པའི་ཡིད་ཀྱི་#རྨ་གང་ཡིན་པ་དེ་ནི་ཕ་མ་དང་བྲལ་བའི་མྱ་ངན་གྱི་ཟུག་རྡུའི་རྨ་སྟེ། དེ་ལ་ཡིད་ཅེས་བྱ་བ་ནི་ཚིག་གི་#ལྷག་མའོ། །
[249a.4]དེ་བས་བརྟན་#པའི་བློ་ཅན་འདི་བཏང་ལེགས། །ཞེས་བྱ་བ་ནི་རབ་ཏུ་བྱུང་བའི་བློའོ། །འདིར་རྨ་ཞེས་བྱ་བ་ལ་ཡིད་ཅེས་བྱ་བ་ཡང་ཚིག་གི་ལམ་བསྟན་ཏོ#། །དེ་ལྟར་ཁྱོད་#འདོད་ན་ཞེས་བྱ་བ་ནི་རབ་ཏུ་འབྱུང་བར་རོ། །ཀུ་མུ་ཏ་མང་པོ་ཁ་འབུས་པ་ཡོད་པའི་མཚོ་
[249a.5]གང་ཡིན་པ་དེ་ནི་ཀུ་མུ་ཏ་མང་པོ་ཁ་འབུས་པའི་མཚོའོ། །བརྟུལ་ཞུགས་དང་སྡོམ་པ་ལ་འབད་ཅེས་བྱ་བས་ནི་ལུས་དང་ངག་གི་ལམ་བསྟན་ཏོ། །ཡིད་བསམ་གཏན་ལ་སྦྱོར་ཞེས་བྱ་བས་ནི་ཡིད་ཀྱི་ལམ་བསྟན་ཏོ། །བསམ་གཏན་གྱི་མན་ངག་ནི་བསམ་
[249a.6]གཏན་མན་ངག་གོ། །དེའི་ཕྱིར་འཇུག་པ་ནི་བསམ་གཏན་གྱི་མན་ངག་ལ་འཇུག་པའོ། །དེ་#ཇི་ལྟར་བསམ་གཏན་གྱི་མན་ངག་ལ་འཇུག་པའི་རྣམ་པས་བསམ་གཏན་#བསྟན་པ་ཉིན་ཞེ་ན། འདོད་པའི་ཉེས་དམིགས་ཞེས་བྱ་བ་ལ་སོགས་པ་བརྩམས་པ་#
[249a.7]ཡིན་ཏེ། དབེན་པ་རྣམ་པར་བསྒོམ་པའི་ཕྱིར་#བསམ་གཏན་དང་པོའི་ཉེས་དམིགས་བསྟན་པ་སྟེ། ཇི་ལྟར་མདོ་སྡེ་ཉིད་ལས་རིག་པར་བྱ་སྟེ། གསོག་དང་། བརྫུན་དང་། སླུ་#བའི་ཆོས་ཅན་དང་། བྱིས་པ་འདྲིད་པར་བྱེད་པ་ཞེས་བྱ་བ་དང་། ཤིང་གི་
[249b]
[249b.1]འབྲས་བུ་ཞེས་བྱ་བ་ལ་སོགས་པའོ། །ཅིའི་ཕྱིར་འདོད་པའི་ཉེས་དམིགས་སྟོན་ཅེ་ན་#སྨྲས་པ། འདོད་ཁམས་ལས་#སྐྱོ་ཞིང་ཡིད་འབྱུང་བར་འགྱུར་བ་དང་། རབ་ཏུ་དབེན་པ་དང་། ཆོག་ཤེས་པའི་བསྔགས་པ་མང་དུ་འབྱུང་ཞེས་བྱ་བ་ཡིན་ཏེ། འདོད་པ་
[249b.2]ལས་དབེན་པ་དང་། ཆོག་ཤེས་པའི་བསྔགས་པའི་ཡོན་ཏན་མང་པོ་བརྗོད་པའོ། །དེའི་གཏམ་མང་པོ་གང་ཡིན་པ་དེ་ནི་རབ་ཏུ་དཔེན་པ་དང་ཆོག་ཤེས་པའི་གཏམ་མང་པོ་འབྱུང་བའོ། །དེ་ལྟར་འདོད་པ་ལས་རབ་ཏུ་དབེན་པའི་ཕན་ཡོན་བསྟན་ནས་
[249b.3]ཚུལ་འཆོས་པ་དང་གཅམ་སྒྱུ་#ལ་སོགས་པས་ནི་སྡིག་པ་མི་དགེ་བའི་ཆོས་རྣམས་ལས་དབེན་པའི་ཐབས་བསྟན་པ་ཡིན་ཏེ། ཚུལ་འཆོས་པ་ལ་སོགས་པའི་ཉེས་པ་བསྟན་པ་དེ་དག་ལས་རབ་ཏུ་དབེན་པར་གྱུར་པའོ། །དེ་ལྟར་རེ་ཞིག་བསམ་གཏན་
[249b.4]དང་པོའི་མན་ངག་ལ་འཇུག་པའི་གཏམ་བསྟན་ཏོ། །ཉེ་བར་ཞི་བ་དང་རབ་ཏུ་ཞི་བ་ནི་ཉེ་བར་ཞི་བ་དང་རབ་ཏུ་ཞི་བའོ། །དེ་གཉིས་ལམ་དུ་གྱུར་པ་ནི་ཉེ་བར་ཞི་བ་དང་རབ་ཏུ་དང་བའི་ལམ་དུ་གྱུར་པའོ། །དེ་ལ་ཉེ་བར་ཞི་བ་ནི་ཉོན་མོངས་པ་ཉེ་བར་ཞི་བའོ། །རབ་ཏུ་དང་བ་#ནི་
[249b.5]སེམས་ཀྱི་དད་པའོ། །ཉོན་མོངས་པ་དང་ཉེ་པར་ཞི་བ་མངོན་སུམ་དུ་བསྟན་པ་དེས་ནི་བསམ་གཏན་གཉིས་པ་ལ་སོགས་པའི་མན་ངག་ལ་འཇུག་པའི་གཏམ་བསྟན་པ་ཡིན་ནོ། །ཆོས་ཀྱི་གཏམ་དེ་དང་དེ་ཞེས་བྱ་བ་ནི་འདིར་མ་བསྟན་པའི་ལྷག་མའི་ཆོས་ཀྱི་
[249b.6]གཏམ་མ་ལུས་པར་བསྟན་ཏོ། །དེ་བཞིན་དུ་གཡོག་བྱེད་ཅེས་བྱ་བ་ནི་ཇི་ལྟར་ཁྱིམ་ན་གནས་པའི་དུས་ལྟ་བུར་རོ། །པདྨའི་ལོ་མ་ཆེན་པོ་ལ། །ཞེས་བྱ་བ་སྨོས་པ་ནི་བསམ་གཏན་གྱི་སྦྱོར་བ་དང་མཐུན་པའི་ཟས་ཙམ་བསྟན་པའི་ཕྱིར་རོ། །སླར་སོང་ངོ་ཞེས་བྱ་
[249b.7]བྱ་བའི་ཚིག་གིས་ནི་སྔར་བསྟན་པའི་ཞག་ལྔ་ཞིང་#བྱང་ཆུབ་སེམས་དབའི་དྲུང་དུ་ཆོས་མཉན་པའི་ཕྱིར་འདུའོ་ཞེས་བྱ་བ་འདིའི་གནས་སྐབས་ཡོངས་སུ་མི་ཉམས་པར་བྱ་བའི་ཕྱིར་རོ། །དེ་ཉིད་ཀྱི་ཕྱིར་ཡང་རིང་པར་ཡང་ཡོངས་སུ་ཤེས་ནས་ཞེས་བྱ་བ་སྟེ། ཉི་མ་ལྔས་
[250a]
[250a.1]བར་དུ་ཆོད་#པའི་ཕྱིར་རོ། །ཚུལ་ཁྲིམས་དང་སྤྱོད་ཚུལ་དེ་ལྟར་ཞེས་བྱ་བ་ནི་གང་སྔར་བསྟན་པའི་དཀའ་ཐུབ་དང་། བཟླས་བརྗོད་དང་། སྦྱིན་སྲེག་གི་ཆོ་ག་དེ་ཉིད་བསྟན་པ་ཡིན་ཏེ། འདིར་ཡང་ཚུལ་ཁྲིམས་དང་བརྟུལ་ཞུགས་ནི་དོན་གཞན་
[250a.2]མ་ཡིན་ཏེ། བཟླས་བརྗོད་དང་། སྦྱིན་སྲེག་ལ་སོགས་པ་བྱས་ནས་དུས་བསྟན་ཏེ། སླར་དོང་བ་#ལ་སོགས་པའོ། །རབ་ཏུ་དབེན་པ་ལ་དགའ་བ་ཞེས་བྱ་བ་ནི་ཞག་ལྔ་ཞིང་ལྔ་ཞིང་བྱང་ཆུབ་སེམས་དཔའི་གན་དུ་འོང་བའི་ཕྱིར་རོ། །བསམ་གཏན་ལ་གཞོལ་བས་ཞེས་
[250a.3]བྱ་བ་ནི་གང་སྔར་བསྟན་པའི་ཡིད་བསམ་གཏན་ལ་སྦྱོར་བས་གནས་ཞེས་བྱ་བ་དེ་ཉིད་བསྟན་པའོ། །བྱ་བ་ངན་པ་དང་མ་འབྲེལ་ཞིང་ཞེས་བྱ་བ་ནི་གང་སྔར་བསྟན་པའི་བརྟུལ་ཞུགས་དང་། བཟླས་བརྗོད་དང་སྦྱིན་སྲེག་གི་#ཆོ་ག་བྱེད་ཀྱི་ལས་གཞན་མི་བྱེད་པས་
[250a.4]སོ། །གདུང་བ་མེད་ལ་ཞེས་བྱ་བ་ནི་བསྟན་པའི་ལམ་ལ་དགའ་བར་སྟོན་ཏོ། །རབ་ཏུ་ཞི་བ་ལ་མངོན་པར་དགའ་ཞིང་འཁོད་པར་#ཞེས་བྱ་བ་ནི་སྤྱོད་ཡུལ་ལ་སོགས་པའི་གནས་པའོ། །རྩོལ་བ་མེད་པར་ཞེས་བྱ་བ་འདིས་ནི་བྱ་བ་ངན་པ་#མ་འབྲེལ་ཞིང་གདུང་
[250a.5]བ་མེད་པ་རབ་ཏུ་ཞི་བ་ཉིད་དུ་བསྟན་ཏོ། །ཡོན་ཏན་རེ་བ་སྙིང་ལ་ཞེས་བྱ་བ་ནི་ཕྱི་རོལ་གྱི་འཇུག་པ་སྟོན་པའི་ཕྱིར་ཏེ། སྙིང་གི་ཡོན་ཏན་ལ་རེ་བ་ཞེས་བྱ་བའི་དོན་ཏོ། །པདྨའི་རྩ་བའི་ཆ་དང་པོ་མི་སྣང་བར་བྱས་སོ་ཞེས་བྱ་བ་ལ། ཅིའི་ཕྱིར་ཞེ་ན། དེ་མི་སྣང་བར་
[250a.6]བྱས་པ་བསྟན་པའི་ཕྱིར། །སྡུག་བསྔལ་བྱུང་བར་གྱུར་པ་ལ། །ཞེས་བྱ་བའི་ཚིགས་བཅད་སྨོས་པ་ཡིན་ཏེ། བདེ་བ་སྡུག་བསྔལ་གཉིས་ཡོད་པ་དང་མེད་པར་གྱུར་ཀྱང་བྱང་ཆུབ་སེམས་དཔའ་ལ་ནི་བློ་དང་ལྡན་པའི་ཕྱིར་མི་སྣང་བར་བྱས་ཀྱང་མི་གཡོ་ཞིང་དེ་ལྟར་
[250a.7]ཤེས་པར་འགྱུར་བས་སོ། །དེ་ལྟར་མི་སྣང་བར་བྱས་པས་དེ་ལ་སེམས་འཁྲུགས་པས་ཤི་ཡང་སླ་#ཞེས་བྱ་བ་ནི་སྐྱེ་བ་དུ་མར་མི་སྡུག་པའི་རྣམ་པར་སྨིན་པའི་རྒྱུར་འགྱུར་བའི་#ཕྱིར་རོ། །སེམས་འཁྲུགས་པ་ནི་ཚེ་ཟད་པ་ཡིན་ཏེ། ཚེ་ཟད་པ་དེའི་རྒྱུ་ཡིན་པའི་
[250b]
[250b.1]ཕྱིར་རོ། །སྲོག་གི་ཕྱིར་ཡང་ཞེས་བྱ་བ་ནི་སྲོག་གི་ཆེད་དུ་ཡང་ངོ་། །གལ་ཏེ་འཁྲུགས་ཤིང་གསོན་པར་#རུང་ངོ་ཞེས་འགའ་ཞིག་སྨྲ་ན་ནི། དེའི་ཚེ་འཁྲུགས་པར་གྱུར་ན་དེ་མ་ཐག་འཆི་བ་ལྟ་བུ་སྟེ། འཆི་བར་ཉེ་བར་འགྲོ་བ་ཡིན་ཏེ། དེས་སེམས་
[250b.2]འཁྲུགས་པ་ཡིན་པའི་ཕྱིར་རོ། །དེས་ན་སེམས་འཁྲུགས་#བཞིན་དུ་འཚོ་བ་ནི་མ་ཡིན་ནོ་ཞེས་བྱ་བའི་དོན་ཏོ། །འགྲམ་པ་དང་མིག་ནི་ཀོང་ཞེས་བྱ་བས་དབྱིབས་འགྱུར་བ་ཉིད་དོ། །བཞིན་གྱི་མདངས་ནི་ངན་ཞེས་བྱ་བ་ནི་མདོག་འགྱུར་བའོ། །སྐད་ཀྱི་
[250b.3]གདངས་ཟབ་མོ་ནི་ཆུང་ཞེས་བྱ་བས་ནི་སྒྲ་འགྱུར་བའོ། །ཉམ་དམས་ཀྱང་བརྟན་#པ་དང་རབ་ཏུ་ཞི་བའི་ཡོན་ཏན་ཞེས་བྱ་བ་འདིས་ནི་རྣམ་པར་རིག་བྱེད་མ་འགྱུར་བར་བསྟན་ཏོ། །དེ་ལྟར་ཕྱི་རོལ་གྱི་ཡུལ་གྱིས་#མཐོང་བ་སྟེ། མིག་དང་རྣ་བའི་དབང་པོ་
[250b.4]གཉིས་#ཀྱིས་མདོག་དང་དབྱིབས་རྣམ་པར་རིག་པ་ཡིན་ནོ། །རིད་#པར་གྱུར་པའི་རྒྱུ་དེ་ལ་དྲིས་སོ་ཞེས་བྱ་བ་ནི་ཅིའི་ཕྱིར་རིད་པའི་རྒྱུ་དེ་ལ་དྲིས་ཤེ་ན། རིད་པ་དང་འབྲེལ་པར་གྱུར་པའི་ཕྱིར་རོ། །འགྱུར་བ་གཞན་དག་ནི་མི་རིགས་པའི་ཕྱིར་ཏེ། དྲི་བ་གཞན་དག་
[250b.5]ནི་མ་བརྗོད་ཀྱང་གྲུབ་པ་ཉིད་དེ། དེ་ལས་གཞན་དུ་འགྱུར་བའི་རྒྱུའོ། །ཇི་ལྟར་གྱུར་པ་ཞེས་བྱ་བ་ནི་དང་པོའི་གནས་ན་པདྨའི་རྩ་བ་ནི་མེད་དེ#། པདྨའི་ལོ་མ་ནི་རྒྱན་འཁྲུགས་ཤིང་འདུག་པར་མཐོང་ཞེས་བྱ་བ་དེ་དག་བསྟན་པར་གྱུར་པའོ། །ཆོས་མ་ཡིན་
[250b.6]པ་ཞེས་བྱ་བ་ནི་པདྨའི་#རྩ་བ་ཁྱེར་བའོ། །ཤེས་པ་འཇུག་པའི་ཡུལ་ཡང་བསྒྲིབས་ཞེས་བྱ་བ་ནི་ཤེས་པ་འཇུག་པ་ཡིན་པས་ཤེས་པ་འཇུག་པའོ། །ཤེས་པ་འཇུག་པར་བྱེད་པའི་ཡུལ་ནི་ཤེས་པ་འཇུག་པའི་ཡུལ་ལོ། །ཤེས་པ་འཇུག་པའི་ཡུལ་
[250b.7]བསྒྲིབས་པ་གང་ཡིན་པ་དེ་ནི་ཤེས་པ་འཇུག་པའི་ཡུལ་བསྒྲིབས་པ་སྟེ། མངོན་པར་ཤེས་པ་ལས་#བྱུང་བའི་ལྷའི་མིག་གིས་མཐོང་བའི་ཡུལ་དེ་བསྒྲིབས་པའི་ཕྱིར་རོ། །ཅིའི་ཕྱིར་ཞེ་ན། བརྒྱ་བྱིན་གྱི་མཐུ་ལས་བྱུང་བའི་རྫུ་འཕྲུལ་གྱི་#ཁྱད་པར་གྱིས་མངོན་པར་ཤེས་
[251a]
[251a.1]བ་ལས་བྱུང་བའི་མིག་གི་ཡུལ་ཡང་མི་སྣང་བར་བྱེད་ནུས་པས་སོ། །ཅི་ལས་གྱུར་ཞེས་བྱ་བ་ནི་གང་གིས་འདི་ལྟར་བྱས་ཞེས་པའོ། །འདི་ཞེས་བྱ་བ་ནི་པདྨའི་རྩ་བ་མེད་པའོ། །རང་གི་ཡིད་ལ་གཅགས་པ་ཞེས་བྱ་བ་ནི་བྱང་ཆུབ་སེམས་དཔའ་
[251a.2]དེ་ཉམ་ཐག་པའི་རྒྱུས་སོ། །བདག་ཉིད་གཙང་བ་ཞེས་བྱ་བ་ནི་བདག་ཉིད་པདྨའི་རྩ་བ་མ་#ཁྱེར་བའོ། །འདིར་ཚིགས་བཅད་བཅུ་གཅིག་གིས་མནའ་ཁྱད་པར་ཅན་བོར་བ་སྟེ། རབ་དང་། འབྲིང་དང་། ཐ་མ་རྣམས་ཀྱི་འདོད་པའི་ཉེས་དམིགས་བསྟན་པའི་ཕྱིར་ཇི་ལྟར་རིགས་
[251a.3]པར་སྦྱར་ཏེ། དང་པོ་གསུམ་གྱིས་#མནའ་ཁྱད་པར་ཅན་བོར་བ་ནི་ཐ་མའི་དབང་དུ་བྱས་པའོ། །ཁྱོད་ཀྱི་རྩ་བ་བརྐམ་པས་གང་ཁྱེར་བ། །ཞེས་བྱ་བའི་ཚིགས་བཅད་ནི་རབ་ཀྱི་#དབང་དུ་བྱས་པའོ། །ཁྱོད་ལྟའི་#རྩ་བ་གང་ཁྱེར་བ། །ཞེས་བྱ་བ་ནས། ཁྱོད་ལྟ་བུ་ཡི་རྩ་བ་ལ་
[251a.4]ཆགས་གང་། །ཞེས་བྱ་བའི་ཚིགས་བཅད་གསུམ་ནི་འབྲིང་གི་དབང་དུ་བྱས་པའོ། །རྩ་བའི་ཕྱིར་ནི་བདག་ཉིད་ཆུད་གསོན་པ། ཞེས་བྱ་བ་དང་། གང་གིས་རྩ་བ་མཐོང་ལ་ཆོས་མ་མཐོང་། །ཞེས་བྱ་བའི་ཚིགས་བཅད་གཉིས་ནི་ཐ་མའི་དབང་དུ་བྱས་པའོ། །
[251a.5]དམ་པའི་མཆོག་ཏུ་གྱུར་ཞེས་བྱ་བའི་ཚིགས་བཅད་ནི་རབ་ཀྱི་གནས་སྐབས་ཀྱི་དབང་དུ་བྱས་པའོ། །གནོད་སྦྱིན་དང་། གླང་པོ་ཆེ་དང་། སྤྲེའུ་རྣམས་ཀྱིས་ཀྱང་འདོད་པའི་ཉེས་དམིགས་བསྟན་པའི་ཕྱིར་ཏེ། དེ་དག་ནི་འདོད་ཆགས་དང་མ་བྲལ་བའི་ཕྱིར་གནས་སྐབས་དང་རྗེས་སུ་
[251a.6]མཐུན་པའི་མནའ་གསུམ་བོར་བ་ཡིན་ནོ། །གང་ཞིག་མ་བརླག་པར་ནི་བརླག་#ཅེའམ། །ཞེས་བྱ་བའི་ཚིགས་བཅད་འདི་ནི་བར་མའི་དབང་དུ་བྱས་པའོ། །གང་དག་ཐོབ་ཕྱིར་ཡིད་ལ་རྩོལ་བྱེད་ཅིང་། །ཞེས་བྱ་བའི་ཚིགས་བཅད་ཕྱེད་ནི་མཐོང་བའི་ཆོས་ཀྱི་བདེ་བ་འདོད་པའི་དབང་དུ་
[251a.7]བྱས་པའོ། །དཀའ་ཐུབ་འབད་པས་གང་དག་ཐོབ་འདོད་པའོ། །ཞེས་བྱ་བའི་ཕྱེད་འོག་མས་ནི་#འཇིག་རྟེན་ཕ་རོལ་གྱི་བདེ་བ་འདོད་པའི་དབང་དུ་བྱ་བའོ#། །འདོད་པའི་ཕྱིར་ནི་འཇིག་རྟེན་བཅིངས་ཤིང་གསོད་#པར་འགྱུར། །ཞེས་བྱ་བ་དང་། གང་གིས་མཛའ་བོ་
[251b]
[251b.1]རྣམས་དང་མྱུར་དུ་འཁོན་#འབྱུང་འགྱུར། །ཞེས་བྱ་བའི་ཚིགས་བཅད་འདི་གཉིས་དང་། དེ་བས་རབ་དང་འབྲིང་དང་ཐ་མ་རྣམས། །ཞེས་བྱ་བའི་ཚིགས་བཅད་ཕྱེད་ཀྱིས་ནི་རྣམ་པ་གསུམ་གྱི་འདོད་པའི་ཉེས་དམིགས་མདོར་བསྡུས་ནས་བསྟན་པ་སྟེ། ཐ་མའི་འདོད་པའི་ཉེས་དམིགས་ཀྱི་དབང་དུ་
[251b.2]བྱས་པ་ནི། འདོད་པའི་ཕྱིར་ནི་འཇིག་རྟེན་བཅིངས་ཤིང་གསོད་པར་འགྱུར། །ཞེས་བྱ་བ་ཕྱེད་དོ། །རབ་ཀྱི་དབང་དུ་བྱས་པ་ནི། རྒྱལ་པོ་རྣམས་ཀྱང་འདོད་པའི་ཕྱིར། །ཞེས་བྱ་བ་ཕྱེད་འོག་མའོ། །འབྲིང་གི་དབང་དུ་བྱས་པ་ནི། གང་གིས་མཛའ་བོ་རྣམས་དང་མྱུར་དུ་འཁོན་#འབྱུང་འགྱུར། །
[251b.3]ཞེས་བྱ་བའི་ཚིགས་བཅད་ཕྱེད་འོག་མ་ཡིན་ནོ། །འདི་དང་ཕ་རོལ་དུ་ཡང་འདོད་པས་གསོད་#པར་བྱེད། །ཅེས་བྱ་བ་ནི། གྲགས་པ་ཉམས་ཤིང་ཕྱི་མ་ལ་ཡང་སྡུག་བསྔལ་མྱོང་། །ཞེས་བྱ་བ་ཚིགས་བཅད་དེའི་དབང་དུ་བྱས་པ་སྟེ། གྲགས་པ་ཉམས་པ་ཞེས་བྱ་བ་ནི་མཐོང་བའི་ཆོས་
[251b.4]ཀྱི་ཉེས་དམིགས་སོ། །སྡུག་བསྔལ་མྱོང་ཞེས་བྱ་བ་ནི་འཇིག་རྟེན་ཕ་རོལ་གྱི་ཉེས་དམིགས་སོ། །བདག་ལ་ཕན་འདོད་སྦྲུལ་གདུག་ཁྲོས་པ་བཞིན། །ཞེས་བྱ་བ་ནི་དུས་རྟག་ཏུ་ཕུང་ཁྲོལ་གྱི་རྒྱུར་གྱུར་པའི་ཕྱིར་རོ། །བདག་གིས་འདིར་པདྨའི་རྩ་བ་སྦས་པ་ཞེས་བྱ་བ་ཅིའི་ཕྱིར་
[251b.5]ཞེ་ན་#སྨྲས་པ་བརྟག་#པའི་ཕྱིར་རོ། །ཅིའི་ཕྱིར་བརྟག་ཅེ་ན། སྨྲས་པ། ཡོན་ཏན་རྣམས་རེ་བ་བཞིན་པ་རྟོགས་#པར་འགྱུར་བའོ། །སྤྱོད་པ་རྣམ་པར་དག་པ་ནི་གང་གི་ཡིད་འཁྲུགས་#པ་མ་ཡིན་ཞིང་དོན་གཞན་དུ་མ་གྱུར་པའི་ཕྱིར་རོ། །བརྟན་པའི་སྤྱོད་པ་ནི་བདེ་བ་དང་སྡུག་བསྔལ་
[251b.6]ལྡོག་པ་དང་འཇུག་པ་གཉིས་ལ་ཡང་བརྟན་པའི་ཁྱད་པར་གྱིས་གཞན་དུ་མི་འགྱུར་བའི་ཕྱིར་རོ། །ངེད་ཅག་ཁྱོད་ཀྱི་གཉེན་དང་གྲོགས་མ་ཡིན། །ཞེས་བྱ་བའི་ཚིགས་བཅད་འདིའི་བསྡུས་པའི་དོན་ནི་རྩེད་མོའི་ལམ་འབྱུང་བའི་རྒྱུ་ནི་རྣམ་པ་བཞི་སྟེ། དེའི་དབང་དུ་བྱས་ནས། ངེད་ཅག་ཁྱེད་ཀྱི་གཉེན་
[251b.7]དང་ཞེས་བྱ་བ་ནི་གང་གིས་ལྷན་ཅིག་སྐྱེས་པའི་སྤུན་ཟླའོ། །གྲོགས་ནེའུ་ལྡངས་ཏེ། འདི་གཉིས་ཀྱིས་ནི་རང་གི་སྐྱེ་བོ་ཡིན་པའི་ཕྱིར་དང་། ན་ཚོད་མཉམ་པའི་ཕྱིར་རྩེད་མོའི་ལམ་བཞིན་དུ་བྱ་བར་རིགས་པ་ཡིན་ནོ། །གར་མཁན་ནི་འདྲ་བར་བྱེད་པ་ཡིན་ཏེ། གར་མཁན་དང་འཕྱས་གདགས་པ་ནི་གཅིག་ལ་
[252a]
[252a.1]གཅིག་རྩེད་མོའི་ལམ་རིགས་པ་ཡིན་ཏེ། དེས་ཀུན་དུ་འཚོ་བའི་ཕྱིར་རོ། །ཅིའི་ཕྱིར་ཁྱད་དུ་བསད་ནས་ཞེས་བྱ་བ་ནི་གཟི་བྱིན་གྱིས་ནོན་པའི་ཚིག་སྟེ། རྩེད་མོའི་#ལས་ཞེས་བྱ་བའི་ཚིག་གིས་ནི་སྤྱོད་པ་གླང་པོས་སྤྱོས་སོ་ཞེས་བྱ་བའོ#། །སློབ་དཔོན་དཔའ་བོས་མཛད་པའི་སྐྱེས་
[252a.2]པའི་རབས་རྒྱ་ཆེར་བཤད་པ་ལས་པདྨའི་རྩ་བའི་སྐྱེས་པའི་རབས་སོ།། །།#ཐོས་པ་དང་། དུལ་བ་དང་། ཆོ་རིགས་བཙུན་པ་ཞེས་བྱ་བ་ལ་ཐོས་པ་ནི་ད་ལྟར་བྱུང་བའི་ཤེས་རབ་ཀྱི་ཚོགས་སོ། །དུལ་བ་དང་། ཆོ་རིགས་བཙུན་པ་ནི་འདས་པའི་སྐྱེ་བའི་ཚུལ་ཁྲིམས་ཀྱི་
[252a.3]ཕ་རོལ་ཏུ་ཕྱིན་པའི་འབྲས་བུ་སྟེ། རྣམ་པར་སྨིན་པ་དང་། རྒྱུ་མཐུན་པའི་འབྲས་བུ་འོ། །མ་འཇུངས་ཤིང་ཁོང་བཟོ་བཞིས་བྱ་བ་ནི་འདས་པའི་སྐྱེ་བའི་ཤེས་རབ་ཀྱི་ཚོགས་དེའི་འབྲས་བུའོ། །འཇིག་རྟེན་གྱི་ཐ་སྙད་དུ་བྱ་བ་ལ་འགལ་བ་མེད་པ་ཞེས་བྱ་བ་ནི་ད་ལྟར་བྱུང་བའི་
[252a.4]དུས་ཀྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །གཙུག་ལག་མང་པོ་ལ་གོམས་པས་ཚིག་ལ་མཁས་པར་གྲགས་པ་ཞེས་བྱ་བ་ནི་སྔར་བསྟན་པའི་ཐོས་པ་གསལ་བར་བྱེད་པ་ཡིན་ནོ། །སྙིང་རྗེ་དང་ལྡན་ཞེས་བྱ་བ་ལ་སོགས་པའི་#ཚིག་གིས་ནི་ད་ལྟར་བྱུང་བའི་སྐྱེ་བའི་སྦྱིན་པའི་ཕ་རོལ་ཏུ་
[252a.5]ཕྱིན་པའོ། །རབ་ཏུ་ཕྱུག་པས་#ཞེས་བྱ་བ་ནི་ཚེ་སྔ་མའི་སྦྱིན་པའི་ཕ་རོལ་ཏུ་ཕྱིན་བའི་འབྲས་བུའོ། །དེ་ལྟར་འདི་དག་ཐམས་ཅད་ཀྱི་#བསོད་ནམས་དང་ཡེ་ཤེས་ཀྱི་ཚོགས་ཀྱི་རྒྱུ་དང་འབྲས་བུ་ལ་འཇུག་པ་བསྟན་པའོ། །དེ་ནི་རང་བཞིན་ཆོས་ཀྱི་བདག། །ཅེས་བྱ་བ་འདིས་#ནི་སྦྱིན་པ་དང་།
[252a.6]ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་པ་ཉིད་དུ་བསྟན་ཏོ། །ཐོས་ལ་སོགས་པའི་ཡོན་ཏན་བརྒྱན། །ཅེས་བྱ་བ་འདིས་ནི་ཡེ་ཤེས་ཀྱི་ཚོགས་ཀྱི་ཕ་རོལ་ཏུ་ཕྱིན་པ་ལ་གནས་པ་ཉིད་དུ་བསྟན་ཏོ། །ཚོགས་གཉིས་ཀྱི་གནས་ཉིད་དུ་གྱུར་པས་བཀུར་སྟི་བྱ་བའི་གཞིར་གྱུར་པ་ཡིན་ནོ། །
[252a.7]ཕྲད་པའི་ཕྱིར་ཞེས་བྱ་བ་ནི་བལྟ་པའི་ཕྱིར་རོ། །དེའི་ཁྱིམ་དུ་ཞེས་བྱ་བ་ནི་སེམས་དཔའ་ཆེན་པོའོ། །མགྲོན་འོངས་པའི་བཀུར་སྟིའི་བྱ་བ་བྱས་པ་གང་ཡིན་པ་དེ་ནི་མགྲོན་འོངས་པའི་བཀུར་སྟིའི་བྱ་བ་བྱས་པའོ། །གཏམ་སྨྲ་བའི་སྐབས་ལ་བབ་པ་ནི་སྐབས་ལ་བབ་#པའི་གཏམ་གླེང་བའོ། །
[252b]
[252b.1]དེ་ལས་འཕྲོས་པའི་གླེང་ལངས་པའོ། །ཁྱོད་ལ་བྱམས་སམ་ཞེས་བྱ་བ་ནི་རྗེས་སུ་བརྩེ་འམ་ཞེས་དྲི་བ་ཡིན་ཏེ། བུད་མེད་གཞན་ལ་ཆགས་པ་མེད་དམ་ཞེས་དྲི་བ་འོ། །ཁྱོད་ཀྱིས་ནི་#བཀུར་སྟི་བྱས་པའི་ཡོན་ཏན་དྲིན་དུ་གཟོ་འམ་མི་གཟོ་ཞེས་བྱ་བ་ནི་གསོ་#ཞིང་བསྐྱེད་པ་ལ་སོགས་པ་སྟེ། གནོད་
[252b.2]པ་མ་བྱས་པ་ཉིད་དང་། བཀུར་སྟི་བྱས་པའི་ཡོན་ཏན་ཡོངས་སུ་ཤེས་པར་གྱུར་པའོ། །མི་བདེ་བ་ལྟ་ཡོད་དམ་མེད་ཅེས་བྱ་བའི་ཚིགས་བཅད་ལ་སོགས་པ་རྣམ་པ་གཉིས་ཏེ། འདི་གསུམ་གྱིས་ནི་བདག་ཉིད་དང་མཉམ་པར་ལོངས་སྤྱོད་དང་ཉེ་བར་སྤྱོད་པས་རྗེས་སུ་འཛིན་པ་ཡིན་ཏེ། མི་བདེ་
[252b.3]བ་མེད་པ་ནི་ཉེ་བར་འཚེ་བ་མེད་པར་བསྟན་ཏོ། །དེ་ལྟར་རེ་ཞིག་བུད་མེད་རྣམས་གཞན་ལ་རག་ལུས་པའི་ཚུལ་ཡིན་པས་འདྲི་བར་བྱེད་པའོ། །དེ་ངོ་ཚ་བས་མགོ་སྨད་དེ་མི་སྤོབས་བཞིན་དུ་ཞེས་བྱ་བས་ནི་གནས་མ་ཡིན་པར་དྲིས་པས་དེ་ངོ་ཚ་སྟེ་མགོ་སྨད་པའོ། །སྤོབས་པ་ནི་དེའི་ལན་དེ་མི་སྤོབས་#
[252b.4]བཞིན་དུའོ། །དར་ལ་བབ་ཅིང་བྱད་གཟུགས་བཟང་། །ཞེས་བྱ་བའི་དོན་ནི་བདག་གི་དབང་ངམ་གཞན་གྱི་དབང་གིས་རབ་ཏུ་བྱུང་བར་བྱེད་པའི་རྒྱུ་ཡིན་ན་རབ་ཏུ་བྱུང་བའི་རྒྱུ་དེ་གཉི་ག་མེད་པར་སྟོན་ཏོ། །#བདག་གི་དབང་ཡང་རྣམ་པ་གཉིས་ཀྱིས་རབ་ཏུ་བྱུང་བ་ཡིན་ཏེ། ལོངས་སྤྱོད་
[252b.5]སྤྱོད་པར་མི་ནུས་པ་དང་། དཀའ་ཐུབ་ཀྱི་ནགས་སུ་གནས་པར་འོས་པ་སྟེ་གཉིས་སོ། །དེ་གཉི་ག་ཡང་མེད་པར་བསྟན་པའི་ཕྱིར་དང་པོའི་ཕྱེད་ཀྱིས་བསྟན་པ་ཡིན་ཏེ། དར་ལ་བབ་ཅིང་བྱད་གཟུགས་བཟང་། །ཞེས་བྱ་བ་འདི་གཉིས་ཀྱིས་ནི་ཉེ་བར་ལོངས་སྤྱོད་པར་རིགས་པར་བསྟན་ཏེ།
[252b.6]དར་ལ་བབ་པས་ནི་རང་ཉིད་ཀྱིས་ལོངས་སྤྱོད་པར་ནུས་པ་དེས་སོ། །བྱད་གཟུགས་བཟང་ཞེས་བྱ་བས་ནི་#བུད་མེད་རྣམས་ཀྱིས་ཀྱང་འདོད་པར་བྱ་བ་དེས་སོ། །གཞོན་ཤ་ཅན་དང་བདེ་བར་གསོས། །ཞེས་བྱ་བ་འདི་#གཉིས་ནི་ནགས་སུ་གནས་པ་མི་རིགས་པར་བཤད་དེ། ལུས་གཞོན་ཤ་ཅན་
[252b.7]ཡིན་པའི་ཕྱིར་དང་། བདེ་བ་དང་རྗེས་སུ་མཐུན་པའི་རྐྱེན་ཐོབ་པའི་ཕྱིར་རོ། །དེ་ལྟར་བཞི་པོ་འདིས་བདག་གི་དབང་གིས་རབ་ཏུ་བྱུང་བ་མི་རིགས་པར་སྟོན་ཏོ། །གཞན་གྱི་དབང་གིས་ཀྱང་རབ་ཏུ་འབྱུང་#བ་མི་རིགས་པར་སྟོན་ཏོ། །#དེ་ནི་རྒྱལ་པོའི་གནང་ཆེན་ཡིན། །ཞེས་པ་སྟེ།
[253a]
[253a.1]གལ་ཏེ་རྒྱལ་པོས་གཞན་དུ་སྤྱུགས་ན་ནི་རབ་ཏུ་འབྱུང་གི། དེ་ནི་གནང་ཆེན་ཡིན་ཞེས་བྱ་བའི་ཚིག་གིས་དེ་མེད་པར་སྟོན་ཏོ། །དེ་ལྟར་ནགས་གནས་#སུ་རིག་ནས་ཁྱིམ་ཡོངས་སུ་གཏོང་བའི་རྒྱུ་མེད་དོ། །དེས་ན་ཁྱིམ་ཡོངས་སུ་གཏང་#བའི་རྒྱུ་མེད་པར་བསྟན་
[253a.2]བའི་ཕྱིར། ནང་མི་དག་དང་ཞེས་བྱ་བའི་ཚིགས་བཅད་བརྩམས་པ་ཡིན་ཏེ། རྒྱུ་གསུམ་གྱིས་ནི་ཁྱིམ་ཡོངས་སུ་གཏང་#བར་བྱ་བ་ཡིན་ཏེ། རྣམ་པ་གསུམ་པོ་#ཡང་བསོད་ནམས་ཀྱི་འབྲས་བུས་ཕོངས་པར་བསྟན་པའོ། །དེ་མེད་ན་ཇི་ལྟར་བབ་ཅོལ་དུ་ཁྱིམ་#ཡོངས་སུ་གཏད་#
[253a.3]ཞེས་བྱ་བ་ནི་ཚིགས་བཅད་འདིའི་བསྡུས་པའི་དོན་ཏོ། །ནང་མི་དག་དང་འ་ཁོ་ན་མ་བྱུང་། །ཞེས་བྱ་བ་འདིས་ནི་བཟོད་པའི་ཕ་རོལ་ཏུ་ཕྱིན་པས་ཕོངས་པ་མེད་པར་བསྟན་ཏོ། །རྒས་པས་མི་སྡུག་མ་གྱུར་ཅིང་། །ཞེས་བྱ་བ་དང་། ནད་མེད་ཅེས་བྱ་བ་འདི་གཉིས་ཀྱིས་ནི་
[253a.4]བདག་ཉིད་ཚུལ་ཁྲིམས་ཀྱི་བསོད་ནམས་ཀྱི་ཚོགས་ཀྱི་འབྲས་བུ་ཡོད་པར་བསྟན་ཏོ། །ཁྱིམ་གྱི་ལོངས་སྤྱོད་སྤྱོད་པ་ཞེས་བྱ་བ་འདིས་#ནི་སྦྱིན་པ་ལས་བྱུང་བའི་བསོད་ནམས་ཀྱི་ཚོགས་ཀྱི་འབྲས་བུ་ཕོངས་པ་མེད་པར་བསྟན་ཏོ། །ཚིག་གཅིག་ཅེས་བྱ་བ་ནི་གསུམ་པོ་དེ་དག་མ་ཚང་
[253a.5]བ་མེད་ཀྱང་བབ་ཅོལ་དུ་གཏོང་བར་ནུས་ཞེས་པའོ། །དེ་མཆོག་ཏུ་གསལ་བའི་ཕྱིར། མཛངས་#ཤིང་དུལ་བའི་རྒྱན་གྱིས་བརྒྱན། །ཞེས་བྱ་བའི་ཚིགས་བཅད་ཡིན་ཏེ། རང་གི་ཆུང་མ་བོར་བ་མི་རིགས་པ་ལས་#བརྩམས་པའོ། །འདི་ལྟ་བུ་ཞེས་བྱ་བ་ནི་འདོད་པའི་དོན་དང་ལྡན་
[253a.6]པའོ། །ནང་མི་ནི་རང་གི་ཆུང་མའོ། །མི་བརྟན་ནང་མི་སྙིང་རྗེ་མེད་པ་ནི་མི་བརྟེན་སྙིང་རྗེ་མེད་པས་སོ། །ཇི་ལྟར་འདོད་པ་དང་འགལ་བ་ཡིན་ཞེ་ན། སྨྲས་པ། དུལ་བའི་རྒྱན་གྱིས་བརྒྱན་ཞེས་བྱ་བ་སྨོས་ཏེ། བརྒྱལ་འདོད་པའི་དོན་དུ་རང་གི་ཆུང་མ་ཡོངས་སུ་བཏང་སྟེ། བུད་མེད་
[253a.7]གཞན་དག་ལ་ཆགས་ན་དེས་ནི་དེ་ལ་སྙིང་ཉེ་བ་མེད་ན་འདི་ནི་དེ་ལྟ་མ་ཡིན་ཏེ། ཅིའི་ཕྱིར་ཞེ་ན། དུལ་བའི་རྒྱན་གྱིས་བརྒྱན་པའི་ཕྱིར་ཏེ། གང་གི་ཕྱིར་མ་དུལ་བ་ནི་བུད་མེད་གཞན་ལ་ཡང་ཆགས་པར་འགྱུར་ན། དེ་མེད་པས་རང་གི་ཆུང་མ་ཡང་ཡོངས་སུ་གཏོང་བ་འདི་ནི་འདོད་བའི་དོན་དང་འགལ་
[253b]
[253b.1]བའོ། །མཛངས་#ཤིང་ཞེས་བྱ་བ་འདིས་ནི་ནོར་དང་འགལ་བར་བསྟན་ཏེ#། གང་གི་ཕྱིར་མཛངས་#ན་ནི་རིགས་ལ་སོགས་པའི་ཡོན་ཏན་དང་། ཡོན་ཏན་མ་ཡིན་པའི་བྱ་བྲག་མཐོང་བ་ཡིན་ཏེ། དེའི་ནུས་པ་དང་ལྡན་པའི་ཕྱིར་རོ། །རིགས་ལ་སོགས་པའི་ཡོན་ཏན་གྱིས་#ཁྱད་པར་དུ་འཕགས་པ་
[253b.2]དང་ལྡན་བ་གཞན་ནི་མ་མཐོང་ལ། དེ་དག་མ་མཐོང་ཡང་རང་གི་ཆུང་མ་ཡོངས་སུ་གཏོང་བས་ནི་ནོར་དང་འགལ་བར་གྱུར་པའོ#། །མཉེས་ཀྱང་གཤིན་ཞེས་བྱ་བ་འདིས་ནི་ཆོས་དེ་ལྟ་བུ་དང་ལྡན་ཡང་རང་གི་ཆུང་མ་ཡོངས་སུ་གཏོང་བ་ཉིད་དེ། དེ་ལྟར་རེ་ཞིག་བདག་ལ་ལྟོས་#པ་ནང་
[253b.3]མི་ཡོངས་སུ་གཏོང་བར་མི་རིགས་པར་བསྟན་ཏེ#། ད་ནི་ནང་མི་ལ་ལྟོས་#ནས་ནང་མི་ཡོངས་སུ་གཏོང་#བར་མི་རིགས་པར་སྟོན་ཏེ། གཞན་ལ་སྙིང་བརྩེ་བ་ཞེས་པས་སོ། །གཞན་གྱི་སྡུག་བསྔལ་ལ་ལྟོས་པས་ཀྱང་གཞན་ལ་སྙིང་བརྩེ་བའི་ཕྱིར་ནང་མི་ཡོངས་སུ་གཏོང་#བར་མི་རིགས་
[253b.4]པ་ཉིད་དུ་བསྟན་ཏོ། །མཉེས་ཀྱང་གཤིན་ཞེས་བྱ་བ་#བཤད་པས་མཉེས་གཤིན་པས་ནི་མཆོག་ཏུ་ནང་མི་ཡོངས་སུ་གཏང་བར་རིགས་ཏེ། ཅིའི་ཕྱིར་ཞེ་ན། རབ་ཏུ་བྱུང་བའི་ཆོས་དང་མཐུན་པར་འདོད་པས་སོ་ཞེས་གང་དག་ཡོངས་སུ་རྟོག་པ་ལ། དེའི་ལན་བརྩམས་#པའི་
[253b.5]ཕྱིར། དགེ་སྦྱོང་བྲམ་ཟེ་མཛའ་བོའི་རྟེན། །ཞེས་བྱ་བ་དང་། རྗེས་སུ་མཐུན་ཞིང་ཆོས་གྲོགས་བྱེད། །ཅེས་བྱ་བའི་ཚིག་གཉིས་ཡིན་ཏེ། དགེ་སྦྱོང་བྲམ་ཟེ་ཞེས་བྱ་བའི་ཚིགས་བཅད་ཀྱི་དོན་ནི་རབ་ཏུ་བྱུང་ནས་ནགས་སུ་གང་རྙེད་པའི་ཆོས་དེ་ནི་ཁྱིམ་དུ་ཡང་རྙེད་པ་དང་། ཁྱད་
[253b.6]པར་གྱི་ཆོས་ཀྱང་རྙེད་པ་ཉིད་དུ་བསྟན་པའི་ཕྱིར་སྨྲས་པའོ། །#དགེ་སྦྱོང་དང་བྲམ་ཟེ་ཞེས་བྱ་བའི་ཚིགས་བཅད་ཕྱེད་ཀྱིས་ནི་སྦྱིན་པའི་ཞིང་རྙེད་པར་དཀའ་བ་བསྟན་ཏེ། དགེ་སྦྱོང་བྲམ་ཟེ་ཞེས་བྱ་བ་སྨོས་པས་ནི་ཡོན་ཏན་གྱི་ཞིང་ངོ་། །མཛའ་བོའི་རྟེན་དང་ནང་མི་ཞེས་སྨོས་པས་ནི་ཕན་འདོགས་པའི་
[253b.7]ཞིང་ཉིད་དོ། །ཕོངས་པ་ཞེས་སྨོས་པས་ནི་སྙིང་རྗེའི་ཞིང་ཉིད་དོ། །འདི་ནི་རེ་ཞིག་ནགས་ན་གནས་པ་ལས་ཁྱད་པར་དུ་བྱ་བའི་ཆོས་སོ། །གཙང་སྤྲ་ཚུལ་ཁྲིམས་ནོར་ཞེས་བྱ་བ་འདིས་ནི་ནགས་དང་ཁྱིམ་གཉིས་ཀྱི་ཐུན་མོང་གི་ཐོབ་པའི་ཆོས་བསྟན་ཏོ། །ནགས་ཚལ་དགོན་པར་གང་བཙལ་
[254a]
[254a.1]བ། ཞེས་བྱ་བ་ནི་གང་ནགས་ཀྱི་ཕྱོགས་སུ་འདོད་ཅིང་བཙལ་བ་དེ་ཅི་ཁྱིམ་འདིར་མི་རྙེད་དམ་ཞེས་པའོ། །དེ་ལྟར་ཡང་ནགས་སུ་འཇུག་པ་ལ་ནི་སྐྱོན་དང་འབྲེལ་པའོ་ཞེས་བསྟན་པའི་ཕྱིར། རྗེས་སུ་མཐུན་ཞིང་ཆོས་གྲོགས་བྱེད། །ཅེས་#བྱ་བའི་
[254a.2]ཚིགས་བཅད་བརྩམས་སོ། །རྒྱུ་གསུམ་གྱིས་བུད་མེད་ཡོངས་སུ་སྤང་བར་བྱ་བ་ཡིན་ཏེ། རྒྱུ་གསུམ་མ་གཏོགས་པར་རང་གི་ཆུང་མ་ཡོངས་སུ་གཏོང་བ་ལས་ནི་ཆོས་མ་ཡིན་པར་འགྱུར་ཏེ། ཅི་ཆོས་མ་ཡིན་པ་ལ་མི་ལྟ། ཞེས་བྱ་བ་ནི་བསྡུས་པའི་དོན་ཏོ། །ཉེས་པ་
[254a.3]བའམ། རྗེས་ས་མི་མཐུན་པའམ། རང་དགར་བྱེད་པའི་གཡོག་འཁོར་ནི་ཡོངས་སུ་སྤངས་ཀྱང་ཆོས་མ་ཡིན་པ་ཐོབ་པར་མི་འགྱུར་རོ། །ཡོན་ཏན་གསུམ་དང་ལྡན་ན་ནི་ཆོས་མ་ཡིན་པ་ཐོབ་#པར་འགྱུར་རོ། །ཉེས་པ་མ་བྱས་པ་ནི་གུས་#པའི་སྐྱེ་བོ་སྤངས་པ་ཉིད་ཡིན་ཏེ། འཁྲུལ་
[254a.4]པའི་སྐྱོན་མེད་པས་སོ། །རྗེས་སུ་མཐུན་ཞེས་བྱ་བ་ནི་ཁྱིམ་ཐབ་ལས་མི་འཕྱོ་བའོ། །ཆོས་གྲོགས་བྱེད་ཅེས་བྱ་བ་ནི་བདེན་པའི་ཆུང་མའོ། །བུད་མེད་སྤངས་པའི་རྒྱུ་གཞན་ཡང་ཡོད་དེ་སྔོན་ལས་ངན་བ་བྱས་པའི་རྒྱུ་དང་ལྡན་པ་ཡིན་ཏེ། དེས་ན་ཡིད་ལ་སྙིང་རྗེ་ཅུང་ཟད་མེད། །ཅེས་
[254a.5]བྱ་བའི་ཚིགས་བཅད་བརྩམས་སོ། །དེ་ཡོངས་སུ་བཏང་བ་དང་མཐུན་པ་ཉིད་ནི་བཏང་ཞིང་སྙང་རྗེ་སྤངས་པའི་ཕྱིར་ཏེ། འདིས་#ནི་ཆོས་དང་མི་ལྡན་པར་སྟོན་ཏེ། སྙིང་རྗེ་ཅུང་ཟད་མེད་ཅེས་བྱ་བས་སོ། །ཀྱེ་མའོ་ཆོས་ནི་ཅུང་ཟད་#འགྲུབ་རེ་སྐན། །ཞེས་བྱ་བ་ནི་སྐྱེ་བོ་སྙིང་ཉེ་བ་སྤངས་པའི་
[254a.6]ཕྱིར་རོ། །ཁྱིམ་ཐབ་རབ་ཏུ་བྱུང་བའི་སྨྲེ་སྔགས་འདོན་པ་གང་ཡིན་པ་དེ་ནི་དེས་སྨྲེ་སྔགས་འདོན་པའོ། །བདེ་བ་དང་སྡུག་བསྔལ་མཚུངས་ཞེས་བྱ་བའི་ཚིགས་བཅད་ཀྱི་བདེ་བ་སྤྱོད་པ་ནི་བདེ་བའི་རིམ་པའོ། །སྡུག་བསྔལ་སྤྱོད་པ་ནི་སྡུག་བསྔལ་ཀྱི་རིམ་པའོ། །ཐོས་ནས་ནི་སྐྱེ་བོ་འདི་
[254a.7]དག་གང་ཞིག་ནས་ཞེས་བྱ་བ་ནི་གང་ལས་རབ་ཏུ་འབྱུང་ངོ་ཞེས་དེ་ཐོས་པའོ། དེ་ཐོས་ནས་བྱམས་པའི་དབང་གིས་དེར་ལྷགས་ཏེ། ཞེས་བྱ་བ་ནི་ཆོ་ངེས་འདེབས་པར་གྱུར་པའོ། །ངོ་ཚ་ཞིང་མི་དགའ་བར་གྱུར་པ་གང་ཡིན་པ་དེ་ནི་པོ་ཚ་ཞིང་མི་དགའ་བར་གྱུར་པའོ། །ངོ་ཚ་ན་#ནི་ཡོན་ཏན་དམ་
[254b]
[254b.1]པ་སྟེ། དམ་པ་དེ་ཡོད་པ་དང་། མི་དགའ་བ་ནི་རང་གི་ཁྱིམ་ཡོངས་སུ་སྤང་བར་འདོད་པ་སྟེ། དེ་གཉིས་ཀ་བསྒྲུབ་པའི་ཕྱིར། སྐྱེ་བོ་རྣམས་ཀྱི་ཡོན་ཏན་དུ་ཞེས་བྱ་བ་དང་། དེ་ལྟར་བདག་ནི་སྐྱོན་ལ་དད་གྱུར་ཅིང་། །ཞེས་བྱ་བའི་ཚིགས་བཅད་གཉིས་ཀྱིས་བསྟན་ཏོ། །
[254b.2]དེ་ལ་སྐྱེ་བོ་རྣམས་ཀྱི་#ཡོན་ཏན་དུ་ཞེས་བྱ་བའི་ཚིགས་བཅད་ཀྱིས་ནི་ངོ་ཚ་ཞིང་ཞེས་བྱ་བ་དེ་ཉིད་བསྒྲུབ་པ་ཡིན་ཏེ། བདག་ལྟ་མིར་ཡང་གལ་རུང་། །ཞེས་བྱ་བའི་ཚིག་གིས་སོ། །དེ་ལྟར་བདག་ནི་སྐྱོན་ལ་དད་གྱུར་ཅིང་། །ཞེས་བྱ་བའི་ཚིགས་བཅད་ཀྱིས་ནི་མི་དགའ་བར་གྱུར་པ་དེ་ཉིད་
[254b.3]བསྒྲུབ་པ་ཡིན་ཏེ། དེ་ལྟར་བདག་ནི་ཞེས་བྱ་བ་ནི་ཁྱིམ་ལ་མངོན་པར་ཕྱོགས་པ་ཉིད་དུ་སྟེ། ཡོན་ཏན་ཁྱད་དུ་གསོད་ལ་ཚུལ་ངན་པས་ཡོན་ཏན་གྱི་བསྔགས་པ་བརྗོད་པ་ལས་འཇུག་པའི་བྱ་བས་ལེགས་པར་མ་བསྐྱེད་པའི་ཕྱིར། བརྩི་བར་འགྱུར་ཞེས་བྱ་བ་ཡིན་ཏེ། སྐྱོན་ལ་དད་པར་
[254b.4]གྱུར་ཅིང་ཡོན་ཏན་ལ་ནི་ཁྱད་དུ་གསོད་ལ་ཚུལ་ངན་པར་གྱུར་པ་འདི་གཉིས་ཀྱིས་སོ། །དེ་ལྟར་གྱུར་ན་ཞེས་བྱ་བ་ནི་སྐྱེ་བོ་དགེ་བ་ཡང་བརྩི་བར་གྱུར་ན་གསོན་ཡང་ཅི་ཞིག་རུང་ཞེས་བྱ་བ་འདིས་ནི་མི་དགའ་བ་ཉིད་#བསྟན་ཏོ། །དེ་བས་སྐྱེ་བོ་རེ་བར་གྱུར་པ་ཞེས་བྱ་བའི་ཚིགས་བཅད་ནི་ཁྱིམ་
[254b.5]ལ་མངོན་པར་ཕྱོགས་པའི་ཉེས་དམིགས་བསྟན་པ་དང་། དེ་དང་མི་མཐུན་ནགས་ན་གནས་པའི་དབང་དུ་བྱས་པ་སྟེ། རེ་བ་ནི་ཡོན་ཏན་ལ་རེ་བར་གྱུར་པའོ། །དེ་བས་ན་ཞེས་བྱ་བ་ནི་ཁྱིམ་ལ་མངོན་པར་ཕྱོགས་ན་ནི་མིར་མི་རུང་བའི་ཕྱིར་རོ། །སྐྱེ་བོ་དགེ་བས་ཡང་དག་པར་བརྩི་བར་འགྱུར་ཏེ།
[254b.6]དེའི་འཚོ་བ་ནི་དགོས་པ་ཅི་ཡང་མེད་པའི་ཕྱིར་རོ། །ཡོན་ཏན་ཉམས་སུ་བླངས་ཏེ་བསྐང་། །ཞེས་བྱ་བ་ནི་བསྒྲུབ་ཅིང་འབད་པས་རེ་བ་ཡོངས་སུ་བསྐང་བར་བྱ་སྟེ་ཉམས་སུ་བླངས་པས་སོ། །ཕན་ཡོན་གྱི་དབང་དུ་བྱས་ནས། སྤྱོད་པ་ངན་པའི་ཉོན་མོངས་ཁྱིམ་སྤངས་ནས། །དཀའ་ཐུབ་
[254b.7]ནགས་ན་དགའ་བའི་ཡོན་ཏན་གྱིས། །ཞེས་བྱ་བ་ཡིན་ནོ། །ནོར་དང་ཐབས་ཞེས་བྱ་བ་འདིས་ནི་གཞུང་ལུགས་བསྟན་ཏེ། ནོར་གྱི་#བསྡུ་བའམ་དབྱེ་བ་གཉིས་ཀྱིས་སོ། །མཐུ་རྩལ་གང་དག་གིས་ཞེས་བྱ་བ་ནི་བཀའ་ཁྲིམས་ཀྱི་ཚུལ་གྱིས་སོ། །རེ་ཞིག་ཚིགས་བཅད་དེས་ནི་རྒྱལ་
[255a]
[255a.1]པོ་གཞན་ལས་སྐྱེ་བའི་སྡུག་བསྔལ་གྱི་དབང་དུ་བྱས་པའོ། །ད་ནི་རང་གི་ཡུལ་འཁོར་གྱི་དབང་དུ་བྱས་ནས། གལ་ཏེ་ནོར་འདོད་#ཅེས་བྱ་བའི་ཚིགས་བཅད་ཡིན་ཏེ། ནོར་མ་ཚང་བའམ། གནོད་པ་ཐོབ་#པས་རང་གི་ཡུལ་ལས་པས་མཐར་འགྲོ་ཞེས་བྱ་བ་དེའི་དབང་
[255a.2]དུ་བྱས་ནས། ཅི་ཞིག་འདོད་ཕྱིར་ཞེས་བྱ་བ་ཡིན་ཏེ་རྒྱུ་གཞན་གང་གིས་སོ། །གལ་ཏེ་ནོར་འདོད་ཅེས་བྱ་བ་དེས་ནི་སྡུག་བསྔལ་ལམ་གནོད་པ་སྟེ། སྔར་བསྟན་པའི་སྡུག་བསྔལ་གང་གིས་ཁྱོད་ནི་བས་མཐར་འགྲོ་ཞེས་བྱ་བ་དེ་གསལ་བ་ཡིན་ནོ། །#སྐྱེ་བོའི་ཚིག་བསྲུངས་པ་ཙམ་གྱིས་
[255a.3]ཞེས་བྱ་བ་ནི་གང་དེ་འཇིག་རྟེན་གྱི་ཚིག་ནི་འཇིག་རྟེན་གྱི་#གཏམ་ལ་ཞེན་པའོ། །དེ་ལས་ཞེས་བྱ་བ་ནི་དགེ་བའི་ཆོས་ལས་ཉམས་པར་མི་བགྱི་བ་སྟེ། ཆོས་ཞེས་བྱ་བ་ནི་བདག་ལ་ཕན་པར་འདོད་པ་སྟེ། དེ་ལྟར་བདག་ཉིད་ཀྱི་ཆོས་ལ་ལྟོས་#པར་བསྟན་པའོ། །ངོ་ཚའི་ཕྱིར་ཡང་ཞེས་བྱ་བ་ནི་བལྟས་#
[255a.4]པས་ཀྱང་སྟེ། ངོ་ཚའི་ཕྱིར་ཡང་#རབ་ཏུ་འབད་པའི་རིགས། །ཞེས་བྱ་བ་ཡིན་ཏེ། ངོ་ཚའི་ཕྱིར་ཡང་ཆོས་དང་ལྡན་པ་ལ་འབད་པར་བྱ་བའོ#། །དེའི་ཕན་ཡོན་བསྟན་པའི་ཕྱིར། ཡོན་ཏན་ཡོད་ཅེས་གྲགས་ཤིང་རེ་བ་དག །ཅེས་བྱ་བའི་ཚིགས་བཅད་ཡིན་ཏེ། ཡོན་ཏན་འབྱུང་བ་ཡིན་པས་ཡོན་
[255a.5]ཏན་ཡོད་ཅེས་པའོ། །ཇི་ལྟར་གྱུར་ཀྱང་རུང་སྟེ་ཞེས་བྱ་བ་ནི་ངོ་ཚ་བའི་ཕྱིར་ཡང་གཏམ་སྙན་འཕེལ་བར་འགྱུར་ཏེ། ཅིའི་ཕྱིར་ཞེ་ན། གྲགས་པ་རབ་ཏུ་འགྲུབ་པས་ངོ་ཚའི་ཕྱིར་ཡང་དེ་རབ་ཏུ་འབད་པའི་རིགས་ཏེ། འདི་ལྟར་གྲགས་པས་རབ་ཏུ་འགྱུར་བས་སོ། །གཞན་དུ་བགྱིས་ན་ཞེས་བྱ་བ་ནི་
[255a.6]བདག་ཉིད་ཀྱི་ཕུན་སུམ་ཚོགས་པའི་ཡོན་ཏན་ཐམས་ཅད་མེད་བར་བྱས་པ་སྟེ། རེ་བའི་ཚུལ་གྱིས་ལྟ་བ་ན་ཆུ་མིག་སྐམ་པོའི་གནས་དང་འདྲ་བར་འགྱུར་ཏེ། དེ་ལྟར་ཆུ་མིག་#སྐམ་པོ་ལ་སྐོམ་ཞིང་ཆུ་འདོད་པ་རྣམས་ཀྱིས་ཆུ་དོན་དུ་གཉེར་ཞིང་རེ་བ་དང་བཅས་པ་ལས་སྐམས་#པར་གྱུར་ན་དེ་དག་གི་རེ་
[255a.7]བ་ཉམས་པར་འགྱུར་ཏེ། དེ་བཞིན་དུ་འདིར་ཡང་ཡོན་ཏན་ཡོད་པར་རེ་བ་དང་བཅས་པ་རྣམས་ཏེ། ཡོན་ཏན་ལ་སྐོམ་པའི་སྐྱེ་བོ་དགའ་བ་རྣམས་ཀྱིས་#རེ་བ་དང་བཅས་པ་ལས་མ་མཐོང་ན་ནི་འཇིག་པ་ཡིན་ཏེ། ཡོན་ཏན་གཉེར་བ་རྣམས་ཀྱིས་#ཁྲོན་པ་སྐམ་པོ་བཞིན་དུ་མཐོང་བར་
[255b]
[255b.1]འགྱུར་རོ། །གཞན་དུ་བགྱིས་ན་#ཞེས་བྱ་བས་ཡོན་ཏན་ཡེད་ཅེས་གྲགས་ཤིང་རེ་བ་དག་ལས་མཐོང་ན་མི་མཛེས་པར་འགྱུར་རོ། །ཇི་ལྟར་མི་མཛེས་པར་འགྱུར་ཞེ་ན། དེ་ཉིད་བསྒྲུབ་པའི་ཕྱིར་དོན་བཞིན་མ་ཡིན་ཞེས་བྱ་བའི་ཚིགས་བཅད་སྨོས་སོ། །དོན་བཞིན་མ་ཡིན་ཡོན་ཏན་གྲགས་
[255b.2]པ་འཕེལ། །ཞེས་བྱ་བ་ནི་ཡོན་ཏན་གྱི་གནས་སྐབས་མ་ཡིན་པའི་#ཡོན་ཏན་གྱི་འཕེལ་བ་སྟེ། གང་མི་རྣམས་ཀྱི་གྲགས་པ་མདུན་ན་བརྗོད་པ་མ་ཡིན་ཏེ། དོན་བཞིན་མ་ཡིན་པ་ཡུན་རིང་དུ་འཕེལ་བའོ། །རྣམ་པར་རྟོག་པའི་རླུང་གིས་བསྐྱོད་པ་ནི་རྟོག་པའི་རླུང་གིས་ཉམས་པར་
[255b.3]བྱས་པའོ། །མི་རྣམས་ཀྱི་#གྲགས་པ་དེ་ཉམས་པར་གྱུར་ན་ནི་དེ་ཕྱིས་ཡང་གྲགས་པར་འགྱུར་བ་ཞེས་བྱ་བ་ནི་འཕེལ་བར་འགྱུར་བའོ། །སྦྲུལ་ནག་ཅེས་བྱ་བ་འདི་ནི་མཇུག་བསྡུ་བའི་ཚིགས་བཅད་ཡིན་ཏེ། ལྷ་གཅིག་བདག་ནི་བཟློག་པར་མི་རིགས་སོ། །ཞེས་བྱ་བ་ནི་བཟློག་པ་#རིགས་
[255b.4]པ་ཡང་ཡིན་མོད་ཀྱི་འོན་ཀྱང་བདག་ནི་བཟློག་པར་མ་མཛད་ཅིག་ཅེས་པ་སྟེ། ངེས་པར་གཟུང་བ་#མ་ཡིན་བ་དང་ངེས་པར་གཟུང་བའི་རྒྱུ་སྟེ། གུས་པར་མཁྱེན་ནས་#ཞེས་བྱ་བའི་ཚིགས་བཅད་སྨོས་ཏེ། གུས་པར་མཁྱེན་ནས་ཞེས་བྱ་བ་ཚིགས་བཅད་ཕྱད་ཀྱིས་ནི་ངེས་པར་གཟུང་བ་མ་ཡིན་པའི་རྒྱུ་བསྟན་ཏེ།
[255b.5]ངེས་པར་གཟུང་#བ་ནི། བདག་ནི་སེམས་ཀྱིས་རབ་ཏུ་བྱུང་། །ཞེས་བྱ་བ་ཕྱེད་འོག་མས་བསྟན་ཏོ། །བྱམས་པ་ཡིས་ཞེས་བྱ་བ་ནི་རྗེ་བོའི་ཡོན་ཏན་ནོ། །གུས་པར་མཁྱེན་ནས་ཞེས་བྱ་བ་ནི་འབངས་ཀྱང་ཡོན་ཏན་གུས་པ་དང་ལྡན་པར་ཁྱོད་ཀྱིས་དེ་མི་ཤེས་པ་ཡང་མ་ཡིན་ཏེ། ཁྱོད་ཀྱིས་#འབངས་ཀྱི་སྐྱེ་བོ་ལ་དེ་ལྟར་བགྱི་བ་རིགས་ཏེ།
[255b.6]དེ་བས་ན་ཁྱོད་ཀྱིས་བཟློག་པའི་རིགས་སོ། །བདག་ནི་རེ་ཞིག་བཟློག་པར་བྱ་བ་མ་ཡིན་ཏེ། ཅིའི་ཕྱིར་ཞེ་ན། སེམས་ཀྱིས་རབ་#བྱུང་ཟིན་པའི་ཕྱིར་རོ། །དེས་ན་རབ་ཏུ་བྱུང་བ་ནི་འདུ་འཛིའི་ཉོན་མོངས་#ཅན་འཛིན་པ་མི་རིགས་པའི་ཕྱིར་རོ། དེ་ནས་#དེ་ཡི་མཛའ་བོ་དང་། ཞེས་བྱ་བ་ལ་སོགས་
[255b.7]པའི་ཚིག་གིས་ནི་མཛའ་བོ་ལ་སོགས་པ་དམན་པ་དང་། བར་མ་དང་། གོང་མ་དག་གིས་བཟློག་པའི་ལུས་དང་ངག་གི་ལས་ཀྱི་བྱ་བ་རྣམས་བསྟན་ཏོ། །དེ་ལ་རྐང་པ་ལ་འཇུས་ཏེ་ཞེས་བྱ་བས་ནི་དམན་པ་རྣམས་ཀྱི་ལུས་ཀྱི་ལས་ཀྱི་བྱ་བ་བསྟན་ཏོ། །ཁ་ཅིག་ཐལ་མོ་སྦྱར་ཏེ་ཞེས་བྱ་བས་
[256a]
[256a.1]ནི་རབ་དང་མཉམ་པ་བར་མའི་བསྟན་ཏོ། །མགུལ་ནས་འཇུས་ཏེ་ཞེས་བྱ་བས་ནི་གོང་མ་རྣམས་ཀྱི་#དབང་དུ་བྱས་པའོ། །འདི་གསུམ་ནི་ལུས་ཀྱི་ལས་ལས་བརྩམས་པའོ། །བཟློག་པར་རྩོམ་པ་བཤད་པའོ། །ཁ་ཅིག་ནི་སྤོབས་པའི་ཚུལ་གྱིས་ཞེས་བྱ་བ་ལ་
[256a.2]སོགས་པའི་ངག་གི་ལས་ལས་བརྩམས་ཏེ་བཟློག་པའི་དབང་དུ་བྱས་པ་སྟེ། ཁ་ཅིག་ནི་སྤོབས་པའི་ཚུལ་གྱིས་ཞེས་བྱ་བ་ནི་བར་མའི་དབང་དུ་བྱས་པའོ། །ཁ་ཅིག་ནི་མཛའ་བོ་དང་ནང་མི་ཞེས་བྱ་བ་ནི་དམན་པའི་དབང་དུ་བྱས་པའོ། །ལ་ལ་ནི་ཁྱིམ་ན་གནས་པའི་ཚུལ་གྱིས་ཞེས་བྱ་བ་ལ་
[256a.3]སོགས་པས་ནི་གོང་མའི་དབང་དུ་བྱས་པའོ། །མཛའ་བོར་འཐམས་པར་ཞེས་བྱ་བལ་སོགས་པའི་ཚིགས་བཅད་གཉིས་ཀྱིས་ནི་#བྱང་ཆུབ་སེམས་དཔའ་ལ་#ཕན་པར་འདོད་པ་དེས་ནགས་སུ་འགྲོ་བ་མི་རིགས་སོ་ཞེས་འགོག་པའི་དབང་དུ་བྱས་པའོ། །མཛའ་བོར་འཐམས་པ་ཞེས་བྱ་
[256a.4]བའི་ཚིགས་བཅད་འདིའི་དོན་ནི་མཛའ་བོ་#བག་མེད་པ་ལས་མཛའ་བོ་རྣམས་ཀྱིས་ཕན་པའི་ཚིག་སྨྲས་པ་སྟེ། ཡུན་རིང་པོར་འཇུག་པའི་ཕྱིར་རོ། །ཕན་པའི་ལམ་འདི་ལ་ནི་ལེགས་པ་དང་ཕན་པ་གཉིས་ལྷན་ཅིག་མི་འཐོབ་སྟེ། རྩུབ་པ་ཡིན་ན་ཡང་ཕན་པར་འགྱུར་བ་སྦྱར་བའི་
[256a.5]རིགས་ཏེ། དེ་ལ་མ་སྦྱར་བར་གྱུར་ན་མི་དགེ་བར་འགྱུར་ཏེ། དགེ་བ་དང་མི་དགེ་བ་རྣམས་ལས་དགེ་བའི་ཆོས་མི་སྒོམ་ཞིང་། མི་དགེ་བའི་ཆོས་ལ་འཇུག་པར་འགྱུར་ཏེ། མི་ཕན་པར་སྒྲུབ་པའི་ཕྱིར་རོ། །ནགས་པས་ཁྱིམ་དགའ་ཞེས་བྱ་བའི་ཚིགས་བཅད་འདིའི་དོན་ནི་
[256a.6]ནགས་ན་གནས་པ་ལས་#བདག་ལ་ཟློག་པར་བྱེད་དེ། ཇི་ལྟར་ལྡོག་པར་བྱེད་ཅེ་ན། སྡིག་པས་གོས་པ་བཞིན་དུ་སྟེ། དོགས་ཤིང་འཇིགས་པ་མེད་པར་རོ། །ཇི་ལྟར་སྡིག་པས་གོས་པ་ནི་དོགས་ཤིང་འཇིགས་པ་མེད་པར་#རྩུབ་པ་ཡིན་ན་ཡང་ཟློག་ཅིང་འགོག་པར་བྱེད་པ་དེ་བཞིན་དུ་
[256a.7]འདི་དག་སེམས་ཞེས་བྱ་བ་ཡིན་ཏེ་མཛའ་བོ་ལ་སོགས་པ་རྣམས་སོ། །ཐ་མལ་གནས་པའི་སེམས་ཞེས་བྱ་བ་ནི་ནད་མེད་པ་སྟེ། ནགས་པས་ཁྱིམ་དགའ་སྙམ་དུ་ཇི་ལྟར་སེམས་པའོ། །ཇི་ལྟར་སེམས་པ་#དེ་ཉིད་སྒྲུབ་པའི་ཕྱིར་སྨྲས་པ#། ནགས་ན་གནས་པ་དོགས་ཤིང་ཞེས་བྱ་བ་དང་།
[256b]
[256b.1]སྡིག་པས་གོས་བཞིན་དུ་ཞེས་བྱ་བ་གཉིས་ཀྱིས་བསྟན་ཏོ། །ད་ནི་བྱང་ཆུབ་སེམས་དཔའ་ལ་ཕན་པར་འདོད་པའི་དབང་དུ་བྱས་ནས་དུ་བ་ལ་ནགས་ཚལ་གནས་པ་ལ་ཞེས་བྱ་བ་ནི་ཆོས་བསྒྲུབ་པར་འདོད་པའོ། །གསོན་བཞིན་དུ་ཞེས་བྱ་བ་ནི་ཤི་བ་ཡང་མ་ཡིན། ཤི་བར་འགྱུར་བ་
[256b.2]ཡང་མ་ཡིན་པའི་དོན་ཏོ། །ད་ནི་#བདག་ཉིད་དང་བྲལ་བའི་མྱ་ངན་གྱི་རྒྱུ་ལ་ཡང་། ང་དང་བྲལ་བས་དེ་ལྟར་མི་དགའ་ན། །ཞེས་བྱ་བའི་ཚིགས་བཅད་ཡིན་ཏེ། རབ་ཏུ་མི་འབྱུང་བའི་རྒྱུ་ནི་ཁྱིམ་ཡོངས་སུ་གཏང་བར་དཀའ་#བའི་ཕྱིར་ང་དང་མི་འབྲལ་ན་ནི་ཞེས་བྱ་བའི་དབང་
[256b.3]དུ་བྱས་ནས་ཚིགས་བཅད་ཀྱི་#ཕྱེད་འོག་མས་བསྟན་ཏོ། །ནང་མི་#ཡོངས་སུ་གཏོང་བ་ཤིན་ཏུ་དཀའ་བ་ཡིན་ཡང་རབ་ཏུ་མི་འབྱུང་བ་ནི་མི་རིགས་སོ། །ཞེས་བསྟན་པའི་ཕྱིར། དེ་སྟེ་བདག་གི་མི་ལ་ཆགས་པའི་ཕྱིར། །ཞེས་བྱ་བའི་ཚིགས་བཅད་སྨོས་སོ། །དེ་ལྟར་ཅིས་མི་བྱེད་ཅེས་བྱ་
[256b.4]བ་ནི་ཇི་ལྟར་ངའི་རྗེས་སུ་རབ་ཏུ་འབྱུང་བའི་རང་མི་ལ་ཆགས་པས་བགེགས་#སུ་བྱེད་པ་ཡིན་ན་དེ་ལྟར་དགྲ་དང་དམག་འགྱེད་#ཅིང་འཇུག་པ་ན་ཡང་རང་མེའི་སྐྱེ་བོ་མང་པོ་ལ་ཆགས་པས་བགེགས་#ཅིའི་ཕྱིར་མི་བྱེད་ཅེས་པའོ#། །ཕོངས་པར་གྱུར་པའི་ཚེ་ན་མཐོང་བར་གྱུར་པའི་མཛའ་བོའི་རང་བཞིན་གང་
[256b.5]ཡིན་པ་དེ་ནི་ཕོངས་པར་གྱུར་པའི་ཚེ་མཐོང་བའོ། །མཛའ་བོའི་རང་བཞིན་ནི་ཕོངས་པའི་ཚེ་རྗེས་སུ་འབྲང་བ་དང་དུ་བའོ། །དེ་ལ་ཕོངས་པའི་ཚེ་མཐོང་བ་ནི་སྔར་དུས་གཞན་གྱི་ཚེ་ན་ཡིན་ཏེ། སྔར་མཐོང་བའི་ཕྱིར་ཕོངས་#པའི་རྗེས་སུ་འབྲང་བའོ། །མཛའ་བོ་བརྟེན་པར་གྱུར་#ཀྱང་ཞེས་བྱ་བ་ནི་
[256b.6]ཡུན་རིང་པོ་ནས་འདྲིས་པར་གྱུར་ཀྱང་ངོ་། །གཡོ་ཉིད་གཡོ་ཡིན་པས་གཡོ་ཕྱི་བཞིན་མི་འབྲང་བ་ཞེས་བྱ་བ་ནི་རྗེས་སུ་འགྲོ་བ་མེད་པ་སྟེ། མཆི་མས་འཇུ་ཞིང་འོང་བ་ཉི་ཚེར་ཟད་པའོ། །མཛའ་བོའི་རང་བཞིན་ནི་དུ་བ་དང་ཕོངས་པ་རྗེས་སུ་འབྲང་བ་ཡིན་ཏེ། དེ་ལ་དེ་གཉིས་ལས་ཕོངས་
[256b.7]པའི་རྗེས་སུ་འབྲང་བ་མེད་དོ། །རབ་ཏུ་འབྱུང་བའི་མཚན་ཉིད་ནི་རབ་དུ་བྱུང་བ་དེ་ཕོངས་པ་ཉིད་ཡིན་ཏེ། དུ་བར་འོས་པའི་ཕྱིར་རོ། །གལ་ཏེ་ཕོངས་པ་མ་ཡིན་ན་ནི་རབ་དུ་བྱུང་བ་ལ་མི་དུ་བ་ཡིན་ཏེ། དེས་ན་དེ་ཕོངས་པ་ཡིན་པས་ཕོངས་པ་དེའི་རྗེས་སུ་འབྲང་བར་བྱ་སྟེ་རྗེས་སུ་རབ་དུ་
[257a]
[257a.1]འབྱུང་བར་བྱའོ། །ཇི་ལྟར་མཛའ་བོ་མྱ་ངན་གྱིས་གདུངས་ཤིང་དུ་བ་ལ། མཛའ་བོས་མྱ་ངན་བྱ་བ་དང་དུ་བ་ཡིན་ཏེ། དེ་བཞིན་དུ་འདིར་ཡང་འཇིགས་པ་མེད་པར་བྱ་བ་ཡིན་ཏེ། རྒྱུ་གཅིག་ལས་ནི་མཛའ་བོའི་རང་བཞིན་གཡོ་ཉིད་དུ་འགྲོ་བ་སྟེ། ཇི་ལྟར་ཤེས་ཤེ་ན།
[257a.2]རྗེས་སུ་འགྲོ་བ་ནི་མེད་དེ། མཆི་མས་འཇུ་བ་ཉི་ཚེའོ། །དེ་ཉིད་བསྟན་པའི་ཕྱིར། སླར་#དུ་བཟློག་པའི་ཕྱིར་ནི་སྐད་འཛེར་ཞིང་#། །ཞེས་བྱ་བའི་ཚིགས་བཅད་སྨོས་སོ། །ཇི་ལྟར་སྐད་འཛེར་#བ་དང་བཅས་པ་དང་། མཆི་མ་དང་བཅས་པའི་མིག་དང་། མགོ་བོ་བཏུད་དེ་མཚུངས་པ་
[257a.3]ལ་ཡང་བླ་མ་འདྲ་བ་#ཕྱག་འཚལ་ཞིང་ཞེས་བྱ་བ་ཡིན་ཏེ། ཅིའི་ཕྱིར་བྱེད་ཅེ་ན། བཟློག་པ་དེའི་ཕྱིར་ཏེ། དེ་ལྟར་དེ་#དག་ཐམས་ཅད་ནི་བཟློག་པའི་ཕྱིར་བྱེད་པ་ཡིན་གྱི། རྗེས་སུ་འགྲོ་བའི་ཕྱིར་ནི་མ་ཡིན་ནོ། །གལ་ཏེ་རྗེས་སུ་འགྲོ་བ་ཡིན་ན་ནི་ཅིའི་ཕྱིར་དེ་དག་ཉི་ཚེ་བྱེད་པ་ཡིན་ཏེ། རྗེས་
[257a.4]སུ་འགྲོ་བར་#མི་བྱེད་པའོ། །གང་གི་ཕྱིར་རྗེས་སུ་འགྲོ་བར་མི་བྱེད་ཀྱི། བཟློག་པའི་ཕྱིར་བྱེད་པ་ཡིན་པས། དེ་བས་ན་མཛའ་བོའི་རང་བཞིན་ཏེ། གཡོ་དང་ཐབས་སུ་འགྱུར་བའོ། །དེ་ལྟར་རེ་ཞིག་ཚིགས་བཅད་འདིས་ནི་གང་སྔར་བཤད་པའི་མཆི་མས་འཇུ་ཞིང་དུ་བ་ཞེས་བྱ་བ་དེ་
[257a.5]ཉིད་བསྒྲུབ་པ་ཡིན་ནོ། །ཕྱི་བཞིན་མི་འབྲང་བ་དེ་བསན་པར་བྱ་བའི་ཕྱིར། རབ་ཏུ་བྱུང་བའི་རྗེས་སུ་ཞེས་བྱ་བའི་ཚིགས་བཅད་ཡིན་ཏེ། འདི་དག་ཅེས་བྱ་བ་ནི་མཆི་མས་འཇུ་བའོ། །ཇི་ལྟར་བྱམས་པས་མཆི་མ་འབྱུང་བར་བྱེད་པ་དེ་བཞིན་དུ་རབ་ཏུ་འབྱུང་བ་ལ་ཡང་བྱ་བའི་རིགས་སོ། །
[257a.6]ཅིའི་ཕྱིར་དེ་ལྟར་བྱ་བའི་རིགས་#ཤེ་ན། སྨྲས་པ། ངོ་མཚར་བར་འགྱུར་པ་འདི་བཞིན་དུ་མི་འགྱུར་རམ་ཞེས་པ་སྟེ། དམ་པའི་སེམས་ལ་སྤྱོད་པ་དེའོ། །ནགས་སུ་བདག་ཉིད་གཅིག་པུ་འགྲོ་ཡང་གྲོགས་ཤིན་ཏུ་རྙེད་པར་དཀའ་ལ། གཞན་དག་གིས་ནི་རྙེད་པར་སླའོ་ཞེས་བྱ་བ་དེའི་དབང་དུ་བྱས་
[257a.7]ནས། ཡོན་ཏན་མེད་པ་ཞེས་བྱ་བ་དེའི་ཚིགས་བཅད་སྨོས་སོ། །ཕོངས་པར་གྱུར་པའི་ཚེ་ཞེས་བྱ་བ་ནི་བསད་#པ་དང་། བཅིང་བ་དང་བརྡེག་པའི་ཕོངས་པར་གྱུར་པའོ། །ཡོན་ཏན་ཡོད་བཞིན་ཞེས་བྱ་བ་ཕོངས་པ་ཉིད་བསྟན་པའི་ཕྱིར། ཡོན་ཏན་ཡོད་བཞིན་དུ་#ཞེས་བྱ་བ་ཡིན་ཏེ། ནགས་སུ་འགྲོ་
[257b]
[257b.1]ཞིང་རབ་ཏུ་བྱུང་བ་དེ་ནི་ཕོངས་པ་བཞིན་དུ་ཕོངས་པར་གྱུར་པ་ཡིན་ནོ། །ཐམས་ཅད་དུ་གྲོགས་ཡོད་ཀྱང་དེ་དག་ཉིད་ནགས་སུ་འགྲོ་ཞིང་རྗེས་སུ་འགྲོ་#བ་མེད་པ་ཉིད་ཀྱི་དབང་དུ་བྱས་ནས། གླང་ཆེན་སྨྱོན་པ་ཞེས་བྱ་བའི་ཚིགས་བཅད་ཡིན་ཏེ། གང་ལ་རྗེས་སུ་མི་འགྲོ་བ་དང་། གང་གི་ཕྱིར་རྗེས་སུ་
[257b.2]མི་འགྲོ་བ་ཞེས་བྱ་བའི་དོན་ཏོ། །དེ་དག་མིན་ནམ་ང་ཡང་དེ་མ་ཡིན། །ཞེས་བྱ་བ་ནི་ཐེ་ཚོམ་གྱི་ཚིག་གོ། །དེ་ལྟ་མོད་ཀྱི་བདག་གི་བྱམས་པ་མེད་པར་འགྱུར་བའི་རྒྱུ་ཅུང་ཟད་ཅིག་བྱས་ན་ནི། དེ་ལས་རྗེས་སུ་མི་འབྲང་བ་ཡིན་ཏེ། དེ་མེད་པར་བསྟན་པའི་ཕྱིར། དེ་ལྟར་བྱམས་པ་ཉམས་པར་
[257b.3]འགྱུར་བའི་རྒྱུ། །ཞེས་བྱ་བའི་ཚིགས་བཅད་སྨོས་སོ། །འདི་ལྟར་འཁོད་བཞིན་དུ་ཞེས་བྱ་བ་ནི་རྒྱབ་ཀྱིས་བལྟས་པར་གནས་པའོ། །འདི་ལྟར་གྱུར་པ་ཞེས་བྱ་བ་ནི་གླང་ཆེན་སྨྱོན་པ་ཞེས་བྱ་བའི་#ཚིགས་བཅད་སྔར་བསྟན་པ་དེ་ཉིད་བདག་གི་ཡོན་ཏན་གང་གིས་སྔོན་དུ་འགྲོ་བར་བསྟོད་པ་དག་རུང་བར་འོང་ངམ་
[257b.4]ཀྱེ་ཞེས་བྱའོ། །བདག་ནི་ནགས་སུ་འགྲོ་ཕྱིར་ཞེས་བྱ་བ་ནི་བདག་ཉིད་ཀྱི་ཉེས་པ་སྟོན་པ་ཡིན་ནོ། །ཅིའི་ཕྱིར་དེ་ལྟར་རྟོག་ཅེ་ན་དེའི་རྒྱུ་བསྟན་#པའི་ཕྱིར། གང་དག་ཁྱིམ་གྱི་ཉེས་པ་ཞེས་བྱ་བའི་ཚིགས་བཅད་སྨོས་སོ། །དེ་གང་ཡིན་ཞེ་ན། ཁྱིམ་གྱི་ཉེས་པ་གསལ་བར་མངོན་པ་དང་། དཀའ་
[257b.5]ཐུབ་ཀྱི་ནགས་ཀྱི་ཡོན་ཏན་གསལ་བར་མངོན་པའོ། །དེ་གསལ་བར་བསྟན་པའི་ཕྱིར། ཕྱི་མའི་ཚེ་དང་ཚེ་འདིའི་སྡུག་བསྔལ་རྒྱུ། །ཞེས་བྱ་བ་སྨོས་སོ། །ཕྱི་མའི་སྡུག་བསྔལ་གྱི་རྒྱུ་ནི་འདོད་པ་དེའི་ཆེད་དུ་ཉེས་པར་སྤྱོད་པ་དེ་ཉེས་པར་སྤྱད་པ་དེའི་རྒྱུ་#ངན་འགྲོར་འགྲོ་བའི་ཕྱིར་རོ། །ཚེ་འདིའི་སྡུག་བསྔལ་
[257b.6]གྱི་རྒྱུ་ནི། གསད་#པ་དང་། བཅིང་བ་དང་། བརྡེག་པ་ལ་སོགས་པ་སྡུག་བསྔལ་དུ་མའི་རྒྱུར་གྱུར་པའི་ཕྱིར་རོ། །དཀའ་ཐུབ་ཀྱི་ནགས་ནི་དེ་ལྟར་བཟློག་པ་སྟེ། འཇིག་རྟེན་འདི་དང་ཕ་རོལ་གྱི་བདེ་བའི་རྒྱུར་གྱུར་པའི་ཕྱིར་རོ། །འཇིག་རྟེན་འདིར་བདེ་བའི་རྒྱུ་ནི་འདོད་པ་རྣམས་ལ་ཆེད་ཆེར་མི་
[257b.7]འཛིན་པ་སྟེ། རང་གི་དོན་མཐོང་བའི་ཕྱིར་རོ། །འཇིག་རྟེན་ཕ་རོལ་དུ་ནི་བདེ་འགྲོ་དང་མྱ་ངན་ལས་འདས་པ་ཐོབ་པའི་ཕྱིར་རོ། །རང་#གི་རྒྱུ་འདོད་པ་སྤོང་བར་མི་འདོད་པ་དེ་ནི་སྡུག་བསྔལ་གྱི་རྒྱུ་ཡིན་ནོ། །དཀའ་ཐུབ་ཀྱི་ནགས་ན་ནི་དེ་རྣམས་ཀྱིས་བཟློག་པ་ཡིན་ཏེ། འདི་དག་སྤོང་བ་ཡིན་ནོ། །དེའི་
[258a]
[258a.1]རྒྱུ་ཉེས་པ་དག་ལ་བདག་ཉིད་ཀྱི་བསྒྲུབ་པ་བསྟན་པའི་ཕྱིར། བདག་གི་མཛའ་བོ་འདི་རྣམས་ཞེས་བྱ་བའི་ཚིགས་བཅད་སྨྲོས་སོ། །བསླུས་ཞེས་#བྱ་བ་ནི་ཕྱིན་ཅི་ལོག་ལ་ཞེན་པའོ། །ཞི་བར་#མ་གྱུར་པ་ནི་མྱ་ངན་ལས་འདས་པར་མ་གྱུར་པའོ། །ཉེས་པ་དེ་དག་ཅེས་བྱ་བ་
[258a.2]ནི་ཁམས་གསུམ་གྱི་ཉོན་མོངས་པ་ཐམས་ཅད་དོ། །མངོན་དུ་གཞོམ་པར་བྱ་ཞེས་བྱ་བ་ནི་བག་ཆགས་དང་བཅས་པ་གཞོམ་པར་བྱའོ་ཞེས་པའོ། །དེ་ལྟར་གྱུར་པ་ནི་དམ་པ་རྣམས་སུ་དེ་དགེ་སློང་དང་དགེ་བསྙེན་རྣམས་སུ་གྱུར་པས་སོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་
[258a.3]རྒྱ་ཆེར་བཤད་པ་ལས་ཚོང་དཔོན་གྱི་སྐྱེས་པའི་རབས་སོ།། །།སྡོམ་ལ། བརྒྱ་བྱིན་བྲམ་ཟེ་མྱོས་བྱེད་མ། །ལེགས་པར་ཕ་རོལ་ཕྱིན་དང་ཉ། །བྱ་དང་བུམ་པ་ཕྱུག་པོའི་བུ། །དཀའ་ཐུབ་ཅན་དང་ཚོང་དཔོན་ནོ། །ཞེས་པ་ལ། འདིར་ཡང་སྐྱེས་པའི་རབས་བཅུ་པོ་འདི་དག་གི་གོ་རིམས་
[258a.4]བདག་གིས་འདི་ལྟར་མཐོང་སྟེ། བརྒྱ་བྱིན་བྲམ་ཟེ་མྱོས་བྱེད་མ། །ལེགས་པར་ཕ་རོལ་ཕྱིན་དང་ཉ། །བྱ་དང་བུམ་པ་ཚོང་དཔོན་དང་། །ཕྱུག་པོའི་བུ་དང་དཀའ་ཐུབ་ཆེན། །སྐྱེས་པའི་རབས་བཅུ་པོ་འདི་དག་གིས་#བསྡུས་པའི་དོན་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་དབང་དུ་བྱས་པའོ། །
[258a.5]ཚུལ་ཁྲིམས་ཀྱང་རྣམ་པ་གཉིས་ཏེ། ཁྱིམ་པའི་ཕྱོགས་ལ་བརྟེན་པ་དང་། རབ་ཏུ་བྱུང་བའི་ཕྱོགས་ལ་བརྟེན་པ་དང་#། དེ་ལ་ཁྱིམ་པའི་ཕྱོགས་ལ་བརྟེན་པའི་ཚུལ་ཁྲིམས་ཀྱི་དབང་དུ་བྱས་པ་ནི་བདུན་ནོ། །རབ་ཏུ་བྱུང་བའི་ཕྱོགས་ལ་བརྟེན་པ་ནི་གསུམ་མོ། །དེ་ལ་ཁྱིམ་པའི་ཕྱོགས་ལ་
[258a.6]བརྟེན་པའི་ཚུལ་ཁྲིམས་ནི། སྲོག་གཅོད་པ་དང་། མ་བྱིན་པ་#ལེན་པ་དང་། འདོད་པས་ལོག་པར་གཡེམ་པ་དང་། བརྫུན་དུ་སྨྲ་བ་དང་། འབྲུའི་ཆང་དང་། བཅོས་པའི་ཆང་མྱོས་པར་འགྱུར་བ་འཐུང་#བ་ལས་ལྡོག་པ་སྟེ། འདི་དག་ནི་བསླབ་པའི་གཞི་ལྔའོ། །དེ་ལ་#བརྒྱ་བྱིན་གྱི་སྐྱེས་པའི་
[258a.7]རབས་སུ་ནི་སྲོག་གཅོད་པ་ལས་ལྡོག་པའི་དབང་དུ་བྱས་ནས། ལྷའི་དབང་པོ་དེ་རང་གི་སྲོག་ལ་མི་ལྟ་བས་དུད་འགྲོའི་སྐྱེ་གནས་སུ་གྱུར་པའི་སྲོག་གཅོད་པར་འཇུག་པ་ལས་ལྡོག་པ་སྟེ། དེ་ནི་སྲོག་གཅོད་པ་སྤངས་པ་ཡིན་ནོ། །བྲམ་ཟེའི་སྐྱེས་པའི་རབས་སུ་རང་གི་བླ་མ་ལ་སོགས་པས་སྦྱོར་བ་
[258b]
[258b.1]བྱས་ཤིང་ཐོས་པའི་རྗེས་སུ་དཔག་པས་ཡང་དག་པར་བསྟན་ཀྱང་སྐྱེ་བོས་#གཞན་དག་ལས་ཉེ་བར་རྟོག་#པ་དང་། བདག་གི་དབང་དུ་བྱས་ནས། ངོ་ཚ་བ་ཉིད་ཀྱིས་མ་བྱིན་པར་ལེན་པ་ལས་ལོག་བ་དེ་ནི་མ་བྱིན་པར་ལེན་པ་#སྤངས་པའོ། །བདག་ཉིད་ལ་རང་དབང་དུ་བྱིན་པར་འགྱུར་#ཏེ། སྨད་
[258b.2]འཚོང་མའི་གནས་སྐབས་སུ་བྱའོ་ཞེས་པས་བྱིན་ན་ཡང་བགྲོད་པ་མ་ཡིན་པར་འཇུག་པ་སྟེ། འདོད་པ་ལས་ལོག་པར་གཡེམ་པ་སྤོང་བ་ནི་མྱོས་བྱེད་མའི་སྐྱེས་པའི་རབས་སུ་བསྟན་ཏོ། །བརྫུན་རྣམ་པ་གསུམ་གྱི་དབང་དུ་བྱས་ནས་སྐྱེས་པའི་རབས་གསུམ་ཡིན་ཏེ། གནོད་པ་བཟློག་པའི་
[258b.3]ཕྱིར་དང་། གནོད་པ་བདག་གིས་ཐོབ་པ་ལ་འདོད་པའི་དོན་རྙེད་པའི་ཕྱིར་དང་། བརྫུན་སྨྲ་བ་ལ་གོམས་པར་མ་#བྱས་པའོ། །གནོད་པ་བཟློག་པ་ནི་བདེན་པའི་ཚིག་ཉིད་ཀྱིས་འགྱུར་བར་བསྟན་པའི་ཕྱིར། ལེགས་པར་ཕ་རོལ་ཏུ་ཕྱིན་པའི་སྐྱེས་པའི་རབས་སོ། །བདག་ཉིད་ཀྱིས་ཕོངས་
[258b.4]པའི་གནས་སྐབས་དང་ཕྲད་པར་གྱུར་ཀྱང་། བདེན་པའི་ཚིག་ཉིད་ཐར་པར་གྱུར་པ་བསྟན་པ་ནི་ཉའི་སྐྱེས་པའི་རབས་#སོ། །བདེན་པའི་ཚིག་ལ་གོམས་པས་ནི་མེའི་འཇིགས་པ་ལས་ཀྱང་ཐར་བར་བྱེད་ནུས་ན། གཞན་ལྟ་སྨོས་ཀྱང་ཅི་དགོས་ཞེས་#བསྟན་པའི་ཕྱིར། སྲེག་པའི་ཕྲུ་#གུའི་
[258b.5]སྐྱེས་པའི་རབས་བསྟན་ཏོ། །བུམ་པའི་སྐྱེས་པའི་རབས་སུ་ནི་ཆང་ལས་ལྡོག་བ་སྟེ། གཞན་ཡང་ལྡོག་པར་བྱེད་ན་བདག་ཉིད་ལྟ་སྨོས་ཀྱང་ཅི་དགོས་ཞེས་བྱ་བའི་ཚིག་གིས་སོ། །ད་ནི་རབ་ཏུ་བྱུང་བའི་ཕྱོགས་ལ་བརྟེན་པ་ལས་བརྩམས་ཏེ་སྐྱེས་པའི་རབས་གསུམ་མོ། །དེ་ལ་དང་པོར་རེ་ཞིག་
[258b.6]ཚོང་དཔོན་གྱི་སྐྱེས་པའི་རབས་སུ་རྒྱ་ཆུང་དུས་ཀྱང་སྙིང་སྟོབས་དང་ལྡན་པ་དག་ཁྱིམ་ཡོངས་སུ་གཏང་#བ་ཡིན་ཏེ། ཕུན་སུམ་ཚོགས་པ་ཐམས་ཅད་བོར་ཞིང་ནགས་སུ་གནས་པ་སྟེ། ངེས་པར་འབྱུང་བར་འདོད་པས་ནང་མི་དང་། ཉེ་དུའི་སྐྱེ་བོ་དང་། མཛའ་བཤེས་ལ་སོགས་པའི་ཚོགས་ཀྱིས་#
[258b.7]བཟློག་པར་གྱུར་ཀྱང་མི་འདོད་ན། གཞན་དག་གིས་ལྟ་སྨོས་ཀྱང་ཅི་དགོས་ཞེས་བསྟན་པས་སོ། །རྒྱལ་རིགས་ཕྱུག་པོའི་བུ་#སྐྱེས་པའི་རབས་སུ་ནི་མཛའ་བཤེས་ཀྱིས་#ལོངས་སྤྱོད་ལ་སོགས་པ་བསྟབས་ཀྱང་། དེ་ལ་ཆགས་པ་མེད་པ་དེས་རབ་ཏུ་བྱུང་བ་ལ་མངོན་པར་དགའ་བར་གྱུར་
[259a]
[259a.1]པ་བསྟན་#པའི་ཕྱིར་རོ། །དཀའ་ཐུབ་ཅན་གྱི་སྐྱེས་པའི་རབས་སུ་ནི། སྨོན་ལམ་དང་། ཚངས་པར་སྤྱོད་པ་ལ་དགའ་ཞིང་ཆོག་ཤེས་པ་དང་། སེམས་འཁྲུགས་པ་མེད་པ་ལ་མངོན་དུ་ཕྱོགས་པའི་དབང་དུ་བྱས་ནས་བརྩམས་པའི་ཕྱིར་རོ། །དེ་ལྟར་སྐྱེས་པའི་རབས་
[259a.2]འདི་དག་གི་གོ་རིམས་ཀྱི་རྒྱུ་ནི་རིགས་པར་འགྱུར་ཏེ#། གཞན་ལ་ཡང་ཕན་པའི་ཕྱིར་བསྟན་པའོ། །སྡེ་ཚན་གཉིས་པ་སྟེ། བཅུ་ཚན་གཉིས་བ་རྫོགས་སོ།། །།བྲམ་ཟེའི་རིགས་ཆེན་པོ་ཡོན་ཏན་ལ་གོམས་པའི་མཐུས་གྲགས་པ་རྒྱས་པ་ཞེས་བྱ་བ་འདིས་#ནི་ཚུལ་
[259a.3]ཁྲིམས་ཀྱི་ཕ་རོལ་ཏུ་ཕྱིན་པའི་འབྲས་བུ་དང་། རྒྱུ་ལ་གོམས་པ་ཡང་བསྟན་ཏོ། །འབྱོར་པའི་ཡོན་ཏན་ངེས་པ་ཞེས་བྱ་བ་འདིས་ནི་སྔ་མའི་སྦྱིན་པའི་ཕ་རོལ་ཏུ་ཕྱིན་པའི་འབྲས་བུ་བསྟན་ཏོ། །རྒྱལ་པོས་བཀུར་སྟི་བྱས་པ་དང་། འཇིག་རྟེན་པས་ལྷ་བཞིན་དུ་བཀུར་བ་ཞེས་བྱ་བ་འདིས་ནི་
[259a.4]བཟོད་པའི་ཕ་རོལ་ཏུ་ཕྱིན་པའི་འབྲས་བུ་བསྟན་ཏོ། །དེ་ལྟར་འདི་དག་གིས་ནི་#བསོད་ནམས་ཀྱི་ཚོགས་བསགས་པ་ཉིད་དུ་བསྟན་པ་ཡིན་ཏེ། འདི་ལྟར་ངེར་སྐྱེས་པ་ཡིན་པས། དེ་བས་ན་#དེ་ཡང་དེའི་བསོད་ནམས་ཀྱི་ཚོགས་ཉིད་དུ་བསྟན་ཏོ། །དེ་ལྟར་མང་དུ་ཐོས་པའི་ཡོན་ཏན་ལ་གོམས་
[259a.5]པ་ཞེས་བྱ་བ་ལ་སོགས་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྦྱོར་བ་བསྟན་ཏོ། །མཁས་པ་རྣམས་ཀྱི་གྲགས་པ་ནི། །མཁས་པ་ཉིད་ཀྱི་ནང་དུ་འཕེལ། །ཞེས་བྱ་བ་ལ། དེའི་ནང་དུ་གྲགས་པ་ཅིའི་ཕྱིར་འཕེལ་ཞེ་ན། མཁས་པ་ནི་ཡོན་ཏན་རྟོག་པ་ལ་མཁས་པའི་ཕྱིར་ཏེ། རིན་ཆེན་
[259a.6]ཤེས་ལ་རིན་ཆེན་དང་#། ཞེས་བྱ་བ་ཡིན་ཏེ། མཁས་པ་ཉིད་མཁས་པའི་ནང་དུ་གྲགས་པ་འཕེལ་བའོ། །ཅིའི་ཕྱིར་ཞེ་ན། དེ་ནི་རང་གི་ཡོན་ཏན་སྟོན་པར་ནུས་པའི་ཕྱིར་རོ། །ཅི་ལྟ་བུ་དག་ཅེ་ན། གཡུལ་ངོ་དག་ཏུ་དབའ་བོ་བཞིན། །ཞེས་བྱ་བ་ཡིན་ནོ། །ཚེ་རབས་སྔ་མ་ལ་རབ་
[259a.7]དུ་བྱུང་བ་ལ་གོམས་ཤིང་#ཞེས་བྱ་བ་#འདིས་ནི་རྒྱུ་མཐུན་པ་བསྟན་ཏོ། །#ཆོས་ལ་སེམས་པ་ཞེས་བྱ་བ་ནི་ཆོས་དང་ལྷན་ཅིག་པའི་དྲན་པ་ཡོད་པའི་ཕྱིར་རོ། །ཆོས་དང་བཅས་པའི་སེམས་སོ། །དེར་གྱུར་པའི་ཆོས་ལ་སེམས་པ་ཉིད་དེ། དེ་བས་ན་ཆོས་དང་འགལ་བའི་ཕྱིར། ཁྱིམ་སྤངས་
[259b]
[259b.1]ཞེས་བྱ་བའི་དོན་ཏོ། །བློ་དང་ཤེས་རབ་རབ་ཏུ་གསལ་བའི་ཕྱིར། །ཞེས་བྱ་བ་འདིས་#ནི་ཁྱིམ་གྱི་ཉེས་དམིགས་ཡོངས་སུ་ཤེས་པའི་ཕྱིར་རོ། །རྒྱུ་འདི་གསུམ་གྱིས་ཁྱིམ་ལ་དགའ་བ་མེད་པར་འགྱུར་ཞིང་། དེ་དང་མི་མཐུན་པའི་ཕྱོགས་ནགས་ལ་ནི་མངོན་བར་དགའ་བ་ཡིན་ཏེ། ཁྱིམ་ན་
[259b.2]གནས་པ་ཞེས་བྱ་བ་ལ་སོགས་པའོ། །གང་སྔར་བསྟན་པའི་ཆས་པ་#སེམས་པ་ཞེས་བྱ་བ་དེ་བསྟན་པའི་ཕྱིར། ཁྱིམ་ཡོངས་སུ་མ་བཏང་ཞིང་། འདོད་པ་རྣམས་ལ་ཉེ་བར་ལོངས་སྤྱོད་པ་ལས་ནི་ཆོས་དང་འགལ་བ་ཡིན་ཏེ། འཐབ་#མོ་ལ་སོགས་པ་མང་བའི་ཕྱིར་རོ། །དེ་ལྟར་ཆོས་ལ་
[259b.3]སེམས་པ་ནི་ཁྱིམ་ན་གནས་པ་ན་དགའ་བར་མ་གྱུར་པའོ། །ཤེས་རབ་དང་ལྡན་པའི་ཕྱིར་ཁྱིམ་ན་གནས་པ་ལ་དགའ་བར་མ་གྱུར་པ་དེ་བསྟན་པའི་ཕྱིར། རྒྱལ་པོ་དང་། རྐུན་པོ་ལ་སོགས་པ་ལྔ་དང་ཐུན་མོང་དུ་གྱུར་པར་ཤེས་པའི་ཕྱིར་#དང་། ཆོག་མི་ཤེས་པར་ཡོངས་སུ་ཤེས་པའི་ཕྱིར་དང་།
[259b.4]ཉེས་པ་དུ་མ་འི་གནས་སུ་གྱུར་པར་ཤེས་པའི་ཕྱིར་ཏེ། བློ་དང་ཤེས་རབ་རབ་ཏུ་གསལ་བའི་ཕྱིར། ཁྱིམ་ན་གནས་པ་ལ་དགའ་བར་མ་གྱུར་ཏོ། །ཁྱིམ་པའི་ཆ་ལུགས་བོར་ནས་ཞེས་བྱ་བ་ལ། ཇི་ལྟར་ཁྱིམ་པའི་ཆ་ལུགས་བོར་ཞེ་ན། སྐྲ་དང་ཁ་སྤུ་བཟང་པོ་བྲེགས་#པའི་ཕྱིར་དང་#། གོས་
[259b.5]ཁ་དོག་བསྒྱུར་བ་དུར་སྨིག་#བགོས་པའི་ཕྱིར་རོ། །ཇི་ལྟར་རབ་ཏུ་བྱུང་བའི་ཆ་ལུགས་བླངས་ཤེ་ན། རབ་ཏུ་བྱུང་བའི་སྡོམ་པའི་དཔལ་ལ་གནས་པར་གྱུར་པའི་ཕྱིར་རོ། །དེ་ཡང་དཀའ་ཐུབ་ཀྱི་ནགས་ཚལ་ན་གནས་མི་#ནུས་པར་ཤེས་ནས་སོ། །རབ་ཏུ་དཀའོ་ཞེས་བྱ་བ་ནི་བགྲོད་པར་
[259b.6]དཀའ་བ་ཡིན་པའི་ཕྱིར་རོ། །དུར་ཁྲོད་དང་། ཁོང་#སྟོང་སྨོས་པས་ནི། གནས་མལ་གྲོང་དང་ཉེ་བར་སྟོན་པ་ཡིན་ནོ། །དེ་ཡང་གཉིས་ཏེ། བྱམས་པ་དང་། མི་བྱམས་པའི་བྱེ་བྲག་གིས་སོ། །རི་བོ་དག་ནི་གཅན་གཟན་ཁྲོ་བོས་གང་བའོ། །དེ་གཉིས་སྨོས་#པ་ནི་
[259b.7]གྲོང་ལས་ཐག་རིང་བར་སྟོན་ཏོ། །དེ་ལྟ་བུའི་གནས་མ་ལ་གྱི་བྱེ་བྲག་མཐུན་པ་དང་། མི་མཐུན་བ་དག་ཏུ་བསམ་གཏན་བྱེད་ཅིང་ཞེས་བྱ་བའི་ཚིགས་བཅད་སྨོས་སོ། །གྲོགས་མེད་པར་#དེས་རབ་ཏུ་དཀའ་བས་བསམ་གཏན་བྱེད་པར་བསྟན་པའི་ཕྱིར#། འདིས་ནི་སྐྱེས་བུ་གཅིག་པུ་#གཉིས་
[260a]
[260a.1]སུ་མེད་པར་གནས་པ་#བསྟན་ཏོ། །བུད་མེད་དག་ནི་ལྟར་ཡང་མེད་པར་བྱེད། །ཅེས་བྱ་བ་#འདིས་ནི། བསམ་གཏན་མི་བྱེད་ཀྱང་བུད་མེད་དང་རེག་པར་གནས་པ་དང་ལྷན་ཅིག་ཏུ་འགྲོགས་#པར་མི་རུང་བ་ཉིད་དུ་བསྟན་ཏོ། །འཆི་བ་ལ་ཕྱོགས་པའི་གནས་དེ་ལྟ་བུ་གཉི་ག་
[260a.2]འགྲོ་བའི་འཇིགས་སུ་རུང་བ་དང་། གྲོགས་བྱེད་པ་བསྟན་པའི་སྡུག་བསྔལ་དེས་ནི་བདག་སྡུག་ཅིང་དེས་ཁྱོད་ཀྱང་མི་དགྱེས་པ་ཞེས་བྱ་བའི་དོན་ཏོ། །མཆིས་པར་ནུས་པ་ཞེས་བྱ་བ་ནི་འཚོ་བར་རོ། །དཔྱིད་#ཀྱི་དུས་ལ་བབ་པའི་ཞེས་བྱ་བ་ལ་སོགས་པས་#ནི། མིག་དང་། རྣ་བ་དང་། སྣ་
[260a.3]དང་། ལྕེ་དང་། ལུས་ཀྱི་#དབང་པོས་ཉེ་བར་#སྤྱོད་པ་སྤྱད་དུ་རུང་བའི་ནགས་ཚལ་བསྟན་ཏོ། །ཤིང་ལོ་ལྷག་པར་མཛེས་པ་དང་ནི་ལྡན། །ཞེས་བྱ་བ་འདིས་ནི་མིག་གི་དབང་པོས་ཉེ་བར་ལོངས་སྤྱོད་དུ་རུང་བའོ། །བུང་བ་མང་པོ་སྒྲ་དི་རི་རི་ཟེར་ཞེས་པ་ལ་སོགས་པས་ནི་རྣ་བའི་དབང་པོས་ལོངས་
[260a.4]སྤྱད་དུ་རུང་བ་བསྟན་ཏོ། །པདྨ་དང་། ཨུཏྤ་ལ་ཁ་བྱེ་བ་ཞེས་བྱ་བ་འདིས་ནི་ལྕེ་དང་། ལུས་ཀྱི་དབང་པོས་ལོངས་#སྤྱད་དུ་རུང་བ་#བསྟན་ཏོ། །མེ་ཏོག་དྲི་ཞིམ་པོ་སྣ་ཚོགས་ཀྱི་བསུང་གིས་ཞེས་བྱ་བ་ལ་སོགས་པ་ནི་སྣའི་དབང་པོ་དང་། ལུས་ཀྱི་དབང་པོས་ལོངས་སྤྱད་དུ་རུང་བ་བསྟན་ཏོ། །མེ་
[260a.5]ཏོག་སྣ་ཚོགས་ཚོམ་བུ་རབ་ཏུ་མཛེས། །ཞེས་བྱ་བ་ལ་སོགས་པའི་ཚིགས་བཅད་གཉིས་ཀྱིས་ནི་ཚིག་རྐང་གོང་མ་དག་ནི་#དོན་ཉིད་བསྟན་ཏོ། །གཡོན་ཅན་དང་ཐུབ་ཆོད་ཅན་རབ་ཏུ་མང་ན་ཞེས་བྱ་བ་ལ། གཡོན་ཅན་ནི་མ་དུལ་བས་བུད་མེད་ལ་སོགས་པ་ཡང་དུལ་བ་མེད་དོ། །ཐུབ་ཆོད་ནི་འཕྲོག་པར་འདོད་
[260a.6]པའོ། །དབེན་པ་འདི་ན་ཞེས་བྱ་བ་ནི་རབ་#མདའ་བཟློག་ཏུ་མེད་པར་བསྟན་ཏོ། །དཀའ་ཐུབ་ཆུང་བ་ཞེས་བྱ་བ་འདིས་ནི་རང་ཉིད་ནུས་པ་མེད་པར་སྟོན་#ཏོ། །ཆོས་དང་བཅས་ཏེ་ཞེས་བྱ་བ་ནི་ཁྱོད་དང་ཁྱོད་ཀྱི་ཆོས་ལ་བརྙས་#པ་སྟེ། འདི་དག་གིས་#ནི་འཇིག་རྟེན་འདི་དང་#། འཇིག་རྟེན་ཕ་རོལ་ལ་འཇིགས་པ་མེད་པའི་རྒྱུ་ཉིད་
[260a.7]དུ་བསྟན་ཏོ། དབེན་པ་འདི་ནི་#དཀའ་ཐུབ་ཅེས་བྱ་བའི་ཚིགས་བཅད་འདིས་ནི་ནགས་ན་གནས་པས་བུད་མེད་དེ་ལ་སྟོན་ཏོ། །ཁྲོ་བ་སྐྱེད་ན་ཞེས་བྱ་བའི་ཚིགས་བཅད་འདིས་ནི་#ཁྱོད་ཉིད་ལ་ཡང་ཕན་པ་མེད་པར་བསྟན་པའི་ཕྱིར་ཏེ། འཇིག་རྟེན་གཉི་ག་#ལ་ཡང་ཕན་པ་མེད་པར་ཁྲོ་བ་སྐྱེད་པ་མི་རིགས་
[260b]
[260b.1]སོ། །དེ་#ཅིའི་ཕྱིར་ཞེ་ན། ཡིད་འཁྲུགས་#པ་ཉིད་ཀྱི་ཕྱིར་འདིས་ནི་ཆོས་དང་འགལ་བར་བསྟན་ཏེ། ཆོས་དང་འགལ་བར་གྱུར་པས་ནི་འཇིག་རྟེན་ཕ་རོལ་ཏུ་ཕན་པ་མེད་པ་ཉིད་དོ། །ཆོས་དང་འགལ་བ་ལས་ནི་གྲགས་པའང་མེད་པར་འགྱུར་ཏེ། འདིས་ནི་འཇིག་རྟེན་འདི་ཉིད་ལ་ཕན་
[260b.2]པ་མེད་པ་ཉིད་དོ། །དེས་ན་དེ་དང་ཁྱོད་གཉི་ག་ལ་ཕན་པ་མེད་པའི་ཕྱིར། གྲོང་དུ་ཞེས་བྱ་བ་ནི་སྐྱེ་བོའི་ནང་ཉིད་དུ་ཞེས་བྱ་བའི་དོན་ཏོ། །ཅི་སྟེ་སྐྱོན་དེ་གཉི་ག་མེད་ཀྱང་དཀའ་ཐུབ་ཅན་ལ་བུད་མེད་བསྙེན་#ཅི་དགོས་ཞེས་བྱ་བ་སྨོས་ཏེ། འདི་ནི་བདག་ཉིད་དང་རྗེས་སུ་མཐུན་པར་སྟོན་ཏོ#། རྒྱགས་
[260b.3]པར་#བསྙེམས་སམ། གལ་ཏེ་མ་བརྟགས་པར་ཞེས་བྱ་བ་འདི་གཉིས་ཀྱིས་ནི། ཞེ་སྡང་གི་ཤས་ཆེ་བ་དང་དམན་པར་སྟོན་ཏོ། །རྒྱགས་པས་བསྙེམས་#པས་ཞེས་བྱ་བ་ནི་བརྟགས་པར་བྱས་ཀྱང་སྤྱོད་པ་ཟིལ་གྱིས་(མནོན་,གནོན་)པའོ། །མ་བརྟགས་པར་ཞེས་བྱ་བ་ནི་དྲན་པ་ཉམས་པ་ལ་སོགས་པས་
[260b.4]སོ། །མི་མཐུན་པའི་ཕྱོགས་མི་བསྟན་#པའི་ཕྱིར་དགྲ་ཞེ་སྡང་ལ་ཡང་རྒྱགས་པས་བསྙེམས་#པ་དང་། མ་བརྟགས་#པ་ཅི་རིགས་པར་བརྗོད་པར་བྱའོ། །དེས་གནོད་པ་བྱས་སུ་ཡང་མི་དོགས་ལ་ཞེས་བྱ་བ་ནི་དེའི་རྒྱུས་གནོད་པས་ན་དེས་གནོད་པ་ནི་དེས་གནོད་པའོ། །དེ་ལ་དོགས་པ་དང་
[260b.5]བྲལ་བ་གང་ཡིན་པ་དེ་ནི་དེས་གནོད་པ་བྱས་སུ་མི་དོགས་པའོ། །འདིས་ནི་འཇིག་རྟེན་འདིའི་འཇིགས་#པ་མེད་པར་བསྟན་ཏོ། །འདོད་པའི་འདོད་ཆགས་ཀྱི་དབང་དུ་ཡང་གྱུར་པས་ཞེས་བྱ་བ་ནི་འཇིག་རྟེན་ཕ་རོལ་གྱི་འཇིགས་པ་མེད་པར་སྟོན་ཏོ། །འདོད་པའི་འདོད་ཆགས་ཀྱིས་ཟིལ་གྱིས་མནན་པ་དེས་ཆོས་ལ་
[260b.6]མི་ལྟ་བས་སོ། །འཇིགས་པ་དང་། བག་ཚ་བ་ནི་འཇིགས་པ་དང་བག་ཚ་བ་སྟེ། དེ་གཉིས་ཀྱིས་བཞིན་གྱུར་པ་གང་ཡིན་པ་དེ་ནི་འཇིགས་ཤིང་བག་ཚ་བས་ངོ་འཛུམ་འགྱུར་བའོ། །རྒྱལ་པོའི་མཐུས་ཕོ་བྲང་གི་ནང་དུ་ཁྲིད་ཅེས་ཐོས་པས་ནི། གཅན་གཟན་མ་རུངས་པས་དགོ་བ་མོ་གཅེས་
[260b.7]པ་བཞིན་#དུ་འཇིགས་ཤིང་བག་ཚ་བས་ངོ་འཛུམ་འགྱུར་བའོ། །འདིར་སྐྱོབ་པ་ནི་གཞན་མེད་པའི་ཕྱིར། སྐྱེ་དགུ་སྐྱོང་བའི་རྒྱལ་པོས་ཁྱེར་བར་གྱུར་ན། གཞན་སུ་ཞིག་སྐྱོབ་པར་འགྱུར་ཏེ། ནགས་ཀྱི་དགོ་བ་མོ་བཞིན་ནོ། །དེ་བས་ན་དེ་ཉིད་ཀྱི་ཕྱིར། ནགས་ཞེས་སྨོ#ས་པ་ཡིན་ཏེ།
[261a]
[261a.1]གང་གི་ཕྱིར་གཞན་དུ་ན་ནི་དགོ་བ་མོ་ཞེས་བྱ་བ་ཉིད་སྟོན་པར་འགྱུར་རོ། །དེ་ཉིད་ཀྱི་ཕྱིར་འཇིགས་ཤིང་བག་ཚ་བས་ངོ་འཛུམ་གྱུར་བ་ཉིད་ཀྱི་རྒྱུ་བསྟན་པའི་ཕྱིར། འཇིག་རྟེན་ཕོངས་ཤིང་ཞེས་བྱ་བའི་ཚིགས་བཅད་བརྩམས་པ་ཡིན་ནོ། །དེ་ཉིད་གང་ལ་མི་རིགས་བྱེད་གྱུར་ན། །
[261a.2]ཞེས་བྱ་བ་འདིས་ན་#འཇིགས་པ་དང་། བག་ཚ་བའི་རྒྱུ་བསྟན་ཏོ། །ཡང་ན་དེ་ཉིད་གང་ལ་མི་རིགས་བྱེད་གྱུར་ན། །ཞེས་བྱ་བ་འདིས་ནི་འཇིགས་པའི་རྒྱུ་བསྟན་ཏེ། དེ་ཡིས་སུ་ལ་ཕ་སྐྱབས་བཙལ་བར་བྱ། །ཞེས་བྱ་བ་འདིས་ནི་བག་ཚ་བའི་རྒྱུ་#བསྟན་ཏེ། ཕ་སྐྱབས་དེ་མེད་ཀྱང་གང་དག་འཇིག་
[261a.3]རྟེན་སྐྱོང་བ་དང་། གཞན་ཡང་སྐྱེ་བོས་བྱེད་པ་དག །སྐྱབས་བྱེད་པ་མེད་ཅེས་བསྟན་པའི་ཕྱིར། ཀྱེ་མ་འཇིག་རྟེན་སྐྱོང་བའང་། །#ཞེས་བྱ་བའི་ཚིགས་བཅད་བརྩམས་པ་ཡིན་ཏེ། ཚུལ་ལས་ཉམས་ཞེས་བྱ་བ་ནི་འཇིག་རྟེན་སྐྱོང་བ་ཉིད་ཉམས་པའམ། འཇིག་རྟེན་སྐྱོང་བའི་མིང་ཉིད་
[261a.4]ཉམས་ནས་མེད་པ་སྟེ། གཞན་གྱི་དོན་མི་བྱེད་པའི་ཕྱིར#། དེ་འཇིག་རྟེན་སྐྱོང་བ་དེ་ལས་ཉམས་པའམ་མེད་པའོ། །དེ་ཅིའི་ཕྱིར་ཞེ་ན། ལེགས་པར་མི་སྐྱོང་བས་སོ། །ཤི་བར་གྱུར་ཏམ་ཅི་ཞེས་བྱ་བས་ནི་ལྷའི་འགྲོ་བ་དེ་ལས་ཉམས་པའོ། །དེ་ནས་གལ་ཏེ་ཡོད་ཀྱང་ཚུལ་ལས་
[261a.5]ཉམས་པ་དེས་མི་ནུས་པའམ། ཤི་བས་གང་དག་ཕོངས་པ་ལེགས་པར་སྐྱོབ་པར་མི་བྱེད་པའོ། །རང་བཞིན་གྱིས་ཀྱང་ཡོངས་སུ་བསྲུང་བར་#ནུས་མོད་ཀྱི། བདག་ལ་མི་བསྲུང་#བ་ཡིན་ནོ་ཞེས་བསྟན་པའི་ཕྱིར། ཇོ་བོ་བཞུགས་བཞིན་ལྷ་ཡིས་ཅི་ཞིག་བགྱི། །ཞེས་བྱ་བའི་ཚིགས་བཅད་
[261a.6]སྨོས་སོ། །གཞན་ཞིག་ཡིན་ནའང་རྗེས་སུ་བསྲུང་བར་རིགས་ན་བདག་ནི་ཆོས་སྤྱོད་པའི་གྲོགས་ཡིན་པའི་ཕྱིར་རོ། སྙིང་རྗེའི་སྣོད་དུ་མ་གྱུར་#ཅེས་བྱ་བ་ནི་སྙིང་རྗེའི་དངོས་པོ་དང་བདག་ཉིད་སྐལ་བར་#འགྱུར་བའི་ཕྱིར་གསོ་བའི་དངོས་པོར་མ་གྱུར་པ་སྟོན་ཏོ། །བྱང་ཆུབ་སེམས་དཔའ་དེ་ནི་ཕོངས་
[261a.7]པ་རྣམས་ལ་བསྒྲུབ་པ་དང་། རྗེས་སུ་མཐུན་པར་བསྟན་པའི་ཕྱིར། ཕོངས་ལ་སྙིང་རྗེ་ཅན་གྱིས་ཞེས་བྱ་བའི་ཚིགས་བཅད་འོག་མ་ཡིན་ཏེ། བདག་ནི་སྙིང་རྗེའི་དོན་#མ་གྱུར་པ་ཉིད་དོ། །རབ་ཏུ་བྱུང་བ་རྣམས་ནི་ཕོངས་པ་རྣམས་སྒྲུབ་པ་དང་མི་འགལ་བར་བྱེད་མོད་ཀྱི། འོན་ཀྱང་མི་
[261b]
[261b.1]སྒྲུབ་པའི་རྒྱུ་གཞན་བསྟན་པའི་ཕྱིར། བདག་ནི་སླད་དུ་བཟློག་ཀྱང་མ་ལོག་པར་#ཞེས་བྱ་བའི་ཚིགས་བཅད་སྨོས་སོ། །སོ་སོར་བརྟགས་པའི་སྟོབས་ཀྱིས་ཁྲོ་བའི་སྟོབས་བཅིལ་ཞེས་བྱ་བ་ནི་གང་སྔར་བསྟན་པའི་རྒྱགས་པས་བསྙེམས་སམ། གལ་ཏེ་མ་བརྟགས་པར་ཞེས་བྱ་བ་དེ་འདིས་བསྟན་པ་ཡིན་
[261b.2]ནོ། །དེ་འཁྲུགས་པ་དང་བྲལ་བ་གང་ཡིན་པ་དེ་ནི་འཁྲུགས་པ་མེད་པའོ། །སེམས་རབ་ཏུ་ཞི་བ་གང་ཡིན་པ་དེ་ནི་སེམས་རབ་ཏུ་ཞི་བའོ། །འཁྲུགས་#པ་མེད་པ་དང་། སེམས་རབ་ཏུ་ཞི་བ་ནི་སེམས་འཁྲུགས་#པ་མེད་ཅིང་རབ་ཏུ་ཞི་བའོ། །འཁྲུགས་#པ་མེད་བ་ནི་ཁྲོ་བོའི་#སྟོབས་ཀྱིས་
[261b.3]ཟིལ་གྱིས་མི་ནོན་#པའི་ཕྱིར་རོ། །སེམས་རབ་ཏུ་ཞི་བ་ནི་སོ་སོར་བརྟགས་པའི་སྟོབས་ཀྱིས་སོ། །བསྙེངས་#ཤིང་གསང་བསྟོད་#ཅེས་བྱ་བ་ནི་གང་སྔར་བསྟན་པའི་རྒྱགས་པས་བསྙེམས་པས་ཞེས་བྱ་བའི་ཚིགས་བཅད་དོ། །མཐུ་མེད་པས་ཞུམ་ཞིང་ཞི་བར་གྱུར་པ་གང་ཡིན་པ་དེ་ནི་མཐུ་མེད་པས་
[261b.4]ཞུམ་ནས་རབ་ཏུ་ཞི་བ་#སྟེ། གང་སྔར་བསྟན་པའི་སེམས་འཁྲུགས་པ་མེད་ཅིང་རབ་ཏུ་ཞི་བ་ཞེས་བྱ་བ་དེ་བསྟན་པའོ། །མཐུ་རྩལ་ཞེས་བྱ་བ་དེ་ལུས་ཀྱི་སྟོབས་སོ། །དཀའ་ཐུབ་གནས་པའི་གཟི་བརྗིད་བསགས་པའང་སྟོན#། །ཞེས་བྱ་བ་ནི་དཀའ་ཐུབ་བསྟན་#པའི་སྟོབས་ཞེས་བྱ་བའི་དོན་ཏོ། །
[261b.5]བདག་གི་ཚོད་#དེ་བཟུང་བ་ནི་བདག་གི་ཚོད་བཟུང་བའོ། །དེ་མི་རིགས་#པ་ནི་བདག་གི་ཚོད་ཀྱང་བཟུང་བར་མ་#ཤེས་པ་སྟེ། བདག་ཉིད་མི་ཤེས་པ་ཞེས་བྱ་བའི་དོན་ཏོ། །གཡོ་བ་བཞིན་དུ་ཡང་བདག་གིས་ཡོངས་སུ་མ་བཏང་བ་ཞེས་བྱ་བ་ནི་གང་སྔར་བསྟན་པའི་རྒྱགས་བས་བསྙེམས་སམ་
[261b.6]ཞེས་བྱ་བ་སྟེ་ཁྲོ་བའི་དབང་དུ་བྱས་པའོ། །མངོན་སུམ་དུ་ཡང་ཞི་བར་བགྱིས་ཞེས་བྱ་བ་ནི་གང་སྔར་བསྟན་པའི་མ་བརྟགས་པ་ཞེས་བྱ་བ་ཡིན་ཏེ། ཁྲོ་བའི་སྟོབས་མ་བརྟགས་པ་དེ་ཉིད་བསྟན་པ་ཡིན་ནོ། །རྟོག་པ་སྐྱེས་ནས་ཞེས་བྱ་བ་ནི་#དཔྱོད་པ་སྐྱེས་པའོ། །སྐྱེས་#ནའང་གང་ཞིག་
[261b.7]མི་མངོན་ལ། །ཞེས་བྱ་བའི་ཚིགས་བཅད་ཀྱི་བསྡུས་པའི་དོན་ནི་ཁྲོ་བའི་མཚན་ཉིད་ཀྱི་ངོ་བོ་ཉིད་དང་། ལས་བསྟན་ཏེ་སྐྱེས་ན་གང་ཞིག་ཅེས་བྱ་བ་ནི་ཁྲོ་བ་སྐྱེས་པ་དེས་སོ། །ཁྲོ་བ་གང་ཞིག་སྐྱེས་ན་མི་མངོན་པ་ནི་ཁྲོ་བའི་ལམ་#ཡིན་ཞིང་བཟང་བ་སྟེ་དགེ་བ་ཉིད་དོ། །ཡང་ན་སྐྱེས་
[262a]
[262a.1]པར་སྣང་བ་དེ་གང་ཡིན་ཞེ་ན། དགེ་བ་སྟེ་མཁས་པའོ། །དེས་ན་སྐྱེས་བུ་ཡང་མི་མངོན་པ་དེ་ནི་དགེ་བ་ཡིན་ཏེ། མཁས་པ་འང་བདག་ཉིད་ལ་ཕན་པའོ། །འདི་ནི་ཁྲོ་བའི་རང་གི་ངོ་བོའོ། །མ་གྱུར་ཏོ་ཞེས་བྱ་བ་ནི་ཤོར་བར་མ་གྱུར་པའོ། །ཇི་ལྟ་རྨ་ཤོར་བ་
[262a.2]ཡིན་ཞེ་ན། འདོད་པ་ནི་#སྤྱོད་པའི་ཉོན་མོངས་པ་སྤངས་པའི་ཕྱིར། ནན་གྱིས་མ་བཏང་བ་སྟེ་ནང་ཉིད་དུ་དེ་འགག་པའོ། །བདག་ལ་གནོད་པ་ཞེས་བྱ་བ་ནི་ལུས་ལ་གནས་ཤིང་བདག་ལ་གནོད་པ་སྟེ། ཁྲོ་བའི་རང་བཞིན་དང་ལས་ལ་ཚིགས་བཅད་བདུན་གྱིས་བསྟན་པ་ལ། སྐྱེས་
[262a.3]ན་གང་ཞིག་མི་མངོན་ལ། །ཞེས་བྱ་བའི་ཕྱེད་འོག་མས་ནི་བདག་ལ་གནོད་པའི་ལས་བསྟན་ཏོ། །ཚིགས་བཅད་གཉིས་པས་ནི་དགྲ་དགའ་བར་འགྱུར་བའི་#ལས་བསྟན་ཏོ། །གང་ཞིག་སྐྱེས་པར་གྱུར་ན་ནི། །ཞེས་བྱ་བའི་ཚིགས་བཅད་འདིས་ནི་དགེ་བ་སྔ་ན་མེད་པ་མི་བསྒྲུབ་པར་
[262a.4]བསྟན་ཏོ། །གང་གི་#ཟིལ་ནོན་དགེ་བ་གཏོང་#འགྱུར་བ། །ཞེས་བྱ་བའི་ཚིགས་བཅད་འདིས་སྔར་བསྐྱེད་པའི་དགེ་བ་རྣམས་ཁྲོ་བས་འཇིགས་པར་བསྟན་ཏོ། །གཙུབ་ཤིང་གཙུབས་པས་ཞེས་བྱ་བའི་ཚིགས་བཅད་འདིས་ན་གཙུབ་ཤིང་གཙུབས་པ་བཞིན་དུ་ལོག་པར་རྟོགས་པས་
[262a.5]བདག་ཉིད་བཅོམ་པར་གྱུར་པ་ཡིན་ནོ། །གལ་ཏེ་གཞན་དག་ལ་གནོད་པ་བྱེད་པར་ནུས་པ་ཡིན་ན་ཡང་དེའི་གྲགས་པ་ཉམས་པར་འགྱུར་རོ་ཞེས་བསྟན་པ་ནི། བདག་ཉིད་འབར་ཞིང་ཚིག་པའི་མེ་འདྲ་བ། །ཞེས་བྱ་བའི་ཚིགས་བཅད་གཉིས་ཀྱིས་སོ། །ཁྲོ་བའི་ལས་ནི་འདི་དག་ཏུ་
[262a.6]བསྟན་ཏེ། བདག་ལ་གནོད་པ་དང་། སྐྱེས་པར་གྱུར་ན་དགྲ་རྣམས་དགའ་བར་འགྱུར་བ་དང་། སྐྱེས་པ་ཉིད་ཀྱིས་#དགེ་བ་མ་སྐྱེས་པ་རྣམས་ཀྱི་བར་དུ་གཅོད་པར་བྱེད་པ་དང་། དེ་རབ་ཏུ་འཕེལ་བས་དགེ་བ་བསྒྲུབ་#པ་རྣམས་ཡོངས་སུ་ཉམས་པར་བྱེད་པ་དང་། དེའི་འོག་ཏུ་ལོག་པར་
[262a.7]རྟོགས་པ་ལས་འབར་བར་གྱུར་པས་བདག་ཉིད་ཕུང་བར་འགྱུར་བ་དང་། གཞན་དག་ལ་གནོད་པར་བྱེད་པར་ནུས་ཀྱང་རེ་ཞིག་གྲགས་པ་ཉམས་པའི་རྒྱུར་འགྱུར་བ་ཡང་ཡིན་ཏེ། འདི་དག་གིས་ནི་#མཐོང་བའི་ཆོས་ཀྱི་ཉེས་དམིགས་བསྟན་ནོ། །ཁྲོ་བ་ལ་ཉེས་དམིགས་ཆེན་པོ་འདི་
[262b]
[262b.1]ལྟ་བུ་གཞན་དག་ཀྱང་ཡོད་དོ་#ཞེས་བྱ་བ་ལས་བརྩམས་ནས་མཐོང་བའི་ཆོས་དང་། འཇིག་རྟེན་ཕ་རོལ་གྱི་ཉེས་དམིགས་བསྟན་པའི་ཕྱིར་ཚིགས་བཅད་བཞི་སྨོས་ཏེ། ཁྲོ་བའི་མེ་ཡིས་བཞིན་མདོག་ཅེས་བྱ་བའི་ཚིགས་བཅད་འདིའི་མིང་དང་། གཟུགས་གཉིས་འགྱུར་བའི་སྡུག་
[262b.2]བསྔལ་བ་སྐྱེད་པ་ཡིན་ཏེ། གཉིས་ཀའི་རྒུད་པའི་སྡུག་བསྔལ་བསྟན་པའི་དབང་དུ་བྱས་པའོ། །མཛེས་པར་བྱེད་པའི་རྒྱུ་རྒྱན་གྱིས་བརྒྱན་པར་བྱས་ཀྱང་ལུས་ཀྱི་གཟུགས་མི་མཛེས་པའི་རྒྱུར་གྱུར་པའི་ཕྱིར་དང་། བདེ་བའི་རྒྱུ་མལ་སྟན་བཟང་པོ་ལ་ཉལ་ཡང་སྡུག་བསྔལ་གྱི་རྒྱུར་
[262b.3]གྱུར་པའི་ཕྱིར་རོ། །བདག་ལ་ཕན་པའི་དོན་བསྒྲུབ་#ཅེས་བྱ་བའི་ཚིགས་བཅད་འདི་ནི་བདག་ཉིད་ཀྱི་དགེ་བ་སྤངས་ཤིང་མི་དགེ་བའི་རྒྱུ་རྩོམ་པ་ལས་བརྩམས་པ་སྟེ། བདག་གི་ཕན་པ་ནི་བདག་ལ་ཕན་པའོ། །བདག་ལ་ཕན་པ་སྒྲུབ་པ་ནི་བདག་ལ་ཕན་པའི་སྒྲུབ་པའོ། །འདིའི་དོན་ནི་བདག་
[262b.4]ལ་ཕན་པ་བསྒྲུབ་#པའི་དོན་ནོ། །མི་དགེ་བའི་ལས་ནི་ལམ་ངན་པ་སྟེ། བདག་ལ་ཕན་བསྒྲུབ་པའི་དོན་བརྗེད་#པ་ལས་ལམ་ངན་པར་འགྲོ་བའོ། །བདག་ལ་ཕན་སྒྲུབ་པའི་དོན་བརྗེད་#ཅིང་ལམ་ངན་པར་འགྲོ་བས་ནི་#ཉམས་པར་འགྱུར་ཏེ་ལོག་པའི་ལམ་གྱིས་སོ། །སྒྲུབ་#གྲགས་པ་ཉིད་
[262b.5]དོན་གྲུབ་པ་ཡིན་པས་གྲགས་པ་དོན་གྲུབ་པའོ#། །ཡང་ན་གྲགས་པ་#གྲུབ་པ་དང་#དོན་གྲུབ་པ་དེ་གཉིས་ནི་གྲགས་པ་དོན་གྲུབ་པའོ། །གྲགས་པ་དང་དོན་གྲུབ་པ་ལས་ཉམས་པ་དེས་ན་མི་དགེ་བའི་ལས་ཀྱི་ལམ་རབ་ཏུ་འཇུག་པ་ཉིད་དོ། །གཞན་གྱིས་བཟློག་བཞིན་དུ་ཡང་དེ་ལ་བརྟེན་
[262b.6]ཅིང་གྲོགས་བཤེས་དང་། འཁོན་#དང་བཅས་པར་འགྱུར་བ་ལས་བརྩམས་ནས། མཛའ་བ་ཤེས་དག་གིས་རབ་ཏུ་གཅུགས་#ཀྱང་ཞེས་བྱ་བ་ཡིན་ཏེ། འདིས་ནི་རེ་ཞིག་མཐོང་བའི་ཆོས་ཀྱི་ཉེས་དམིགས་བསྟན་ཏོ། །ད་ནི་འཇིག་རྟེན་ཕ་རོལ་གྱི་ཉེས་དམིགས་ཀྱི་དབང་དུ་བྱས་ནས། ཁྲོ་
[262b.7]བས་སྡིག་པའི་ལས་ནི་གོམས་བྱས་པས། །ཞེས་བྱ་བའི་ཚིགས་བཅད་སྨོས་ཏེ། སྡིག་པའི་ལས་ནི་གོམས་བྱས་པས། །ཞེས་བྱ་བ་འདིས་ནི་སྡིག་པའི་ལས་བྱས་ཤིང་བསགས་པར་བསྟན་ཏོ། །གནོད་པ་དྲག་པོས་ཤར་གཉེར་གང་ཡིན་པ་དེ་ནི། གནོད་པ་ཆེན་པོ་བྱས་པས་ཤར་གཉེར་
[263a]
[263a.1]བའོ། །འདིས་ནི་གང་སྔར་བསྟན་པའི་དགྲ་རྣམས་དགའ་བར་འགྱུར་ཞེས་བྱ་བ་དེ་སྒྲུབ་པ་ཡིན་ནོ། །ཁྲོ་བ་འདི་ནི་ནང་གི་དགྲ། །ཞེས་བྱ་བའི་ཚིགས་བཅད་འདིས་ནི་གང་སྔར་བསྟན་པའི་གང་ཞིག་སྐྱེས་ན་མི་མངོན་པ། ཞེས་བྱ་བ་ལ་སོགས་པའི་ཚིགས་བཅད་གཉིས་ཀྱི་
[263a.2]བསྡུས་པའི་དོན་ཡིན་ཏེ། ནང་གི་དགྲར་གྱུར་པ་ནི་སྔར་བཤད་པའི་བདག་ལ་གནོད་པ་ཞེས་བྱ་བའི་རྒྱུར་གྱུར་པས་སོ། །དེ་ཡི་མཐུ་ནི་འཕྲོ་བ་དག །ཅེས་བྱ་བ་ནི་ཕྱི་རོལ་དུ་མི་འཕྲོ་བར་བྱས་པ་སྟེ། དེས་ན་མ་བཏང་བ་ཞེས་བྱ་བའི་ཚིགས་བཅད་དོ། །ཁྲོ་བའི་མེ་ཡིས་བཞིན་མདོག་ཉམས་གྱུར་
[263a.3]ན། །ཞེས་བྱ་བའི་ཚིགས་བཅད་བཞིའི་བསྡུས་པའི་དོན་ནི། ཕུང་བར་བྱེད་པའི་དགྲ་བོ་དེ། །ཞེས་བྱ་བའོ། །འདི་ནི་འདིའི་ཚིག་གིས་ནི་ཉེས་དམིགས་ཆེན་པོའི་ཕྱིར་ཚིགས་བཅད་ལྔ་ཡང་ཡིན་ནོ། །ཡང་ན་ཚིགས་བཅད་བཅུ་གཅིག་པོ་ཐམས་ཅད་ལ་བསྡུས་པའི་དོན་གྱི་ཚིགས་བཅད་
[263a.4]གཉིས་ཏེ། དང་པོའི་ཚིགས་བཅད་ཀྱི། ཁྲོ་བ་འདི་ནི་ནང་གི་དགྲ། །ཞེས་བྱ་བ་ནི་དེ་ལྟར་ཤེས་ནས་བསྟན་པའོ། །ཁྲོ་བ་དེའི་མཐུ་ནི་འཕྲོ་བ་ཞེས་བྱ་བ་ནི་འཕེལ་བར་མི་གཞུག་ཅིང་ནང་ཉིད་དུ་གནས་པར་བྱ་བ་སྟེ། དེ་བས་ན། ཁྲོ་བ་གཡོས་ཀྱང་མ་ཤོར་ཏོ། །ཞེས་བྱ་བ་ནི་ཕྱི་རོལ་
[263a.5]ཏུ་མ་ཤོར་ཏོ། །དེ་བས་ན་ནང་གི་དགྲར་ཤེས་པའི་ཕྱིར། ཕུང་བར་བྱེད་པའི་དགྲ་བོ་དེ། །ཞེས་བྱ་བ་སྨོས་ཏེ། མཐོང་བའི་ཕྱིར་#ཆོས་དང་འཇིག་རྟེན་ཕ་རོལ་གྱི་ཕུང་བར་བྱེད་པའི་རྒྱུ་ཡིན་པའི་ཕྱིར་ཏེ། གང་སྔར་བཤད་པ་དག་གོ། །ཡལ་བར་འདོར་#ཞེས་བྱ་བས་ནི་དེའི་རང་བཞིན་གྱི་
[263a.6]རྒྱུ་བསྟན་པ་ཡིན་ནོ། །མ་ཕྲད་པས་ནི་ཁྱོད་ཀྱི་ཡོན་ཏན་མི་ཤེས་བའི་ཕྱིར་རོ། །སློབ་དབོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་གཙུག་ཕུད་བྱང་ཆུབ་ཀྱི་སྐྱེས་པའི་རབས་སོ།། །།བརྒྱ་སྟོང་ཕྲག་དུ་མ་གྲངས་མང་པོའི་ཞེས་བྱ་བ་ནི། སྟོང་ཕྲག་དུ་མས་
[263a.7]རྒྱ་ཆེ་བའི་གྲངས་གང་ཡིན་པ་དེ་ནི་དེའི་བརྒྱ་ཕྲག་དུ་མས་གྲངས་མང་པོའོ། །དེ་བས་ན་ངང་པའི་ཁྱུ་ཆེན་པོ་ཡིན་ནོ། །རིགས་པ་དང་མི་རིགས་པ་ཞེས་བྱ་བ་ལ་སོགས་པའི་ཚིག་རྐང་གིས་ནི་སྙན་ངག་གི་གཙུག་ལག་ཏུ་བསྟན་པའི་བློན་པོའི་རང་བཞིན་གྱི་ཡོན་ཏན་ཉི་ཤུ་རྩ་ལྔ་དང་ལྡན་པ་སྟེ།
[263b]
[263b.1]བདག་ཉིད་ཀྱི་ཕུན་སུམ་ཚོགས་པ་ཡིན་པར་ཅི་རིགས་པར་གཟུང་ངོ་། །དེ་དག་ལས་ཀྱང་ཁྱད་པར་དུ་གྱུར་པ་སྟེ། དེ་རྣམས་ཀྱི་#དཔོན་པོར་གྱུར་པའི་ཕྱིར་རོ། །རིགས་པ་དང་མི་རིགས་པ་ཡོངས་སུ་ཤེས་པར་བྱ་བ་ལ་མཁས་པ་ཞེས་བྱ་བ་འདིས་ནི་ཤེས་རབ་ཅན་དུ་བསྟན་ཏོ། །ཡུན་
[263b.2]རིང་པོར་#ཡང་དྲན་པའི་མཐུ་དང་ལྡན་པ་ཞེས་བྱ་བ་ནི་ཡུན་རིང་པོར་བྱས་པ་དང་། ཡུན་རིང་པོར་སྨྲས་པ་དང་། ཡུན་རིང་དུ་བསམས་པ་དང་། ཡུན་རིང་དུ་ཐོབ་པ་རྣམས་དྲན་པའོ། །གཞན་དག་ཡུན་རིང་དུ་དྲན་པའི་མཐུ་ཞེས་སྨོས་པས་#དྲན་པ་ཀུན་ཏུ་དག་པ་ཉིད་དོ། །རིགས་
[263b.3]མཐོན་པོའི་ནང་ན་གཙོ་བོར་གྱུར་པ་ཞེས་བྱ་བ་འདིས་ནི་རིགས་མཐོ་བ་སྔ་ན་མེད་པ་ཁྱད་པར་ཅན་ཉིད་དུ་བསྟན་ཏོ#། །མཁས་པ་ནི་ལེ་ལོ་མེད་པའོ། །དེས་པ་ནི་ལེགས་པར་བྱེད་པ་ཉིད་དོ། །དུལ་བ་ནི་ལུས་དང་ངག་གི་ལས་དག་པའོ། །མཁས་པ་དང་། དེས་པ་དང་། དུལ་བ་ཉིད་ཀྱི་རྒྱན་
[263b.4]གང་ལ་ཡོད་པ་དེ་ནི་#མཁས་པ་དང་། དེས་པ་དང་། དུལ་བས་བརྒྱན་པའོ། །བརྟན་པ་ནི་རྟག་ཏུ་མི་འགྱུར་བའི་ཕྱིར་ཏེ། བདག་དང་གཞན་གྱི་ཕྱོགས་ལ་ཁྲོ་བ་སྤངས་པར་གྱུར་པའོ། །ཚུལ་ཁྲིམས་ལ་བརྟེན་ནས་སྤྱོད་པ་དང་། མི་སྤྱོད་པའི་ཚུལ་གང་དང་གང་དག་ལ་ཇི་ལྟ་བ་བཞིན་
[263b.5]དུ་འཇུག་པར་བྱ་བ་དེ་དང་དེ་དག་ལ་དེ་བཞིན་དུ་འཇུག་པའོ#། །སྤྱོད་ལམ་ཕུན་སུམ་ཚོགས་པ་ཞེས་བྱ་བ་ནི་རིགས་བྱས་པའི་རྒྱུའོ། །ཚུལ་ཁྲིམས་དང་། སྤྱོད་ཚུལ་དང་། སྤྱོད་ལམ་ཕུན་སུམ་ཚོགས་པ་ནི་ཚུལ་ཁྲིམས་དང་། སྤྱོད་ལམ་ཕུན་སུམ་ཚོགས་པའོ། །བརྟན་པ་དང་། གཙང་བ་དང་།
[263b.6]ཚུལ་ཁྲིམས་དང་། སྤྱོད་ཚུལ་དང་། སྤྱོད་ལམ་ཕུན་སུམ་ཚོགས་པ་གང་ལ་#ཡོད་པ་དེ་ནི་བརྟན་#པ་དང་། གཙང་བ་དང་། ཚུལ་ཁྲིམས་དང་། སྤྱོད་ཚུལ་དང་། སྤྱོད་ལམ་ཕུན་སུམ་ཚོགས་པའོ། །སྡུག་བསྔལ་བཟོད་#ཅིང་ཞེས་བྱ་བ་ནི་ལུས་ཀྱི་ཕུན་སུམ་ཚོགས་པའོ། །བག་
[263b.7]ཡོད་པ་ཞེས་བྱ་བ་ནི་བྱ་བ་དང་བྱ་བ་མ་ཡིན་པ་#རྗེས་སུ་འབད་པའོ། །གཡུལ་ངོར་འགྱེད་པའི་དགྲ་ཐབས་ལ་མཁས་པ་ཞེས་བྱ་བ་ནི་དམག་གི་དགོད་པའི་རིགས་པ་དང་། ཡུལ་དང་དུས་དང་། མདུན་དུ་བསྣུར་བ་དང་། ཕྱིར་འགྱེད་པ་ལ་སོགས་པ་ལ་མཁས་པའོ། །རྗེ་བོ་ལ་སྙིང་ཉེ་ཞིང་ལེགས་
[264a]
[264a.1]པར་ལྟ་བ་ཞེས་བྱ་བ་ནི་རྗེ་བོ་ལ་རྗེས་སུ་ཆགས་ཤིང་བརྟེན་#པའི་གུས་པ་ཉིད་དོ། །#དེ་ཉིད་ཀྱི་ཕྱིར། བཞིན་བཟངས་ཞེས་བྱ་བའི་མིང་དུ་བྱས་པའོ། །སློབ་དཔོན་སློབ་མའི་གཙོ་བོ་བཞིན། །ཞེས་བྱ་བ་ནི་#འཇིག་རྟེན་ཕ་རོལ་ལ་ཕན་
[264a.2]པའོ། །ཕ་དང་བུ་རབ་#ཐུ་བོ་བཞིན། །ཞེས་བྱ་བས་ནི་འཇིག་རྟེན་འདི་ལ་ཕན་པ་ཉིད་དོ། དེ་ལྟར་འཇིག་རྟེན་གཉི་ག་ལ་ཕན་པའོ། །ལྷ་ཞེས་བྱ་བ་ལ་སོགས་པ་སྨོས་པས་ནི་ཡིད་བཞིན་གྱི་མཚོ་སྟེ། བརྟན་#པའི་ཡུལ་དུ་བྱས་པའི་ཕྱིར་རོ། །དཀའ་
[264a.3]ཐུབ་ཅན་ཞེས་སྨོས་པས་ནི་མངོན་པར་ཤེས་པའི་མཐུ་ཁྱད་པར་ཅན་གཟུང་#བའི་ཕྱིར་རོ། །བདེ་བ་ཉིད་ལུས་ཡིན་པས་བདེ་བའི་ལུས་སོ། །དེའི་འདེགས་པ་ནི་བདེ་བའི་ལུས་#འདེགས་པ་ཉིད་དོ། །དེ་གཉིས་སྤྱོད་པ་གཅིག་ཏུ་གྱུར་པ་གང་ཡིན་པ་དེ་ནི། བདེ་བའི་ལུས་
[264a.4]འདེགས་སྤྱོད་པ་གཅིག་ཏུ་གྱུར་པའོ། །གྲུབ་པ་གང་ཡིན་པ་དེ་དྲང་སྲོང་ཡིན་པས་གྲུབ་པ་དྲང་སྲོང་དག་སྟེ། གང་གི་རྫུ་འཕྲུལ་གྱིས་མི་སྣང་བ་དག་གོ། །གྲུབ་པའི་དྲང་སྲོང་དང་། རིག་འཛིན་དང་། ལྷ་རྣམས་ནི་གྲུབ་པའི་དྲང་སྲོང་དང་། རིག་སྔགས་འཆང་
[264a.5]དང་། ལྷའོ། །དེ་རྣམས་ཀྱི་ཚོགས་ནི་གྲུབ་པ་དང་། དྲང་སྲོང་དང་། རིག་སྔགས་འཆང་དང་། ལྷ་མང་པོའོ། །འདིར་ཅིའི་ཕྱིར་སྔར་བཤད་པའི་ཀླུ་མ་སྨོས་ཤེ་ན། དེ་ནི་དེས་པར་གནས་པ་ཡིན་པ་འཕྱིར་རོ། །གསེར་མཆོག་བཙོ་#མའི་ཁ་དོག་
[264a.6]འདྲ་བའི་མདོག །ཅེས་བྱ་བའི་ཚིགས་བཅད་འདིའི་བསྡུས་པའི་དོན་ནི་ལུས་དང་། ངག་དང་། ཡིད་ལ་བརྟེན་ནས་དེའི་གྲགས་པ་ཁྱད་པར་དུ་སྟོན་པ་ཡིན་ཏེ། གསེར་མཆོག་གཙོ་མའི་ཁ་དོག་འདྲ་བའི་མདོག །དཔལ་ལྡན་ལུས་ཞེས་བྱ་བས་ནི་
[264a.7]ལུས་ཁྱད་པར་དུ་བསྟན་ཏོ། །དུལ་ཞིང་རིགས་པ་ཆོས་ཀྱི་ཚུལ་ལས་བྱུང་། །ཞེས་བྱ་བས་ནི་ཡིད་ཀྱི་ལས་ཁྱད་པར་དུ་བསྟན་ཏོ། །ངེས་པར་གཞན་ཞེས་བྱ་བ་ནི་ལྷ་ལ་སོགས་པར་#ཁྱད་པར་ཅན་ཞིག་སྟེ། ངང་པའི་ཚུལ་ཞེས་བྱ་བ་ནི་ནང་པའི་ཆ་ལུགས་ཅན་ནོ། །དེས་ན་ངང་
[264b]
[264b.1]པའི་ཚུལ་ཅན་འདི་གཉིས་ངེས་པར་གཞན་ཞེས་བྱ་བར་སྟོན་#ཏོ། །ཡོན་ཏན་བསྒྲགས་པ་ཞེས་བྱ་བ་ནི་ཡོན་ཏན་ཅན་བསྟན་པ་དང་། ཡོན་ཏན་གསལ་བར་བྱེད་པ་ཞེས་བྱ་བའི་དོན་ཏེ། དེ་དང་བྲལ་བ་ད་#ནི་ཕྲག་དོག་སྟེ། ཕྲག་དོག་མེད་པས་སོ། །རྒྱས་བར་གྱུར་ཞེས་བྱ་བས་#ནི་གཞན་དང་
[264b.2]གཞན་#དེ་དག་གིས་གྲགས་པ་རྒྱ་ཆེར་བྱས་ཤིང་ཡོན་ཏན་བསྟན་པ་སྟེ། གང་གི་ཕྱིར་གྲགས་པ་རྒྱས་པར་གྱུར་པ་#དེ་བས་ན་དད་པ་སྐྱེས་པར་གྱུར་བ་སྟེ། ཡོན་ཏན་དང་ལྡན་པའི་ཚིག་ནི་གཟུང་བར་འོས་པའི་ཕྱིར་རོ། །འདི་དག་ནི་སྔར་བསྟན་པ་རྣམས་ཏེ། གྲུབ་པ་དྲང་སྲོང་ལ་སོགས་པ་
[264b.3]དང་། གང་ཡང་གཞན་དག་ལས་དེའི་གྲགས་པ་ཐོབ་པར་གྱུར་པ་དེས་གཅིག་ལ་གཅིག་བརྒྱུད་དེ་རྒྱས་པར་འགྱུར་ཞེས་བྱ་བའི་དོན་ཏོ། །སྐྱེས་དང་འདྲ་བར་གྱུར་ཞེས་བྱ་བ་ནི་གང་ལས་ཐོས་པའི་གྲགས་པ་དེ་ཡང་གཞན་དག་ལ་སྟོན་ཏེ། དེས་ཀྱང་གཞན་དག་ལ་བརྟེན་#པ་ཡིན་པས་ཉེ་བར་
[264b.4]བརྒྱུད་པ་དེས་ན་སྐྱེས་དང་མཉམ་པར་གྱུར་པའོ། །བློན་པོ་དང་བྲམ་ཟེ་རྒན་པོ་#སྨོས་པ་ནི་ཚོགས་པའི་ནང་དུ་སྨྲ་བར་འོས་པ་དང་། ཡོན་ཏན་སྒྲོགས་#པའི་ཕྱིར་དང་། ཤེས་རབ་བཀུར་བའི་ཕྱིར་རོ། །གཙུག་ལག་དུ་མ་ལ་གོམས་ཤིང་མཁས་པའི་བློ་གང་ལ་ཡོད་པ་དེ་ནི་གཙུག་ལག་དུ་
[264b.5]མ་ལ་གོམས་ཤིང་བློ་དང་ལྡན་པ་རྣམས་སོ། །དེ་ལ་འདིས་ནི་ལྷན་ཅིག་སྐྱེས་པའི་དུལ་བ་དང་ཤེས་རབ་དང་ལྡན་པ་ཡིན་ནོ་ཞེས་བཤད་དོ། །བློན་པོ་བཀའ་ལ་གཏོགས་པ་ཞེས་བྱ་བ་ནི་བློ་ལ་གྲོགས་བྱེད་པའོ། །སྤྱན་སྔར་བྲིམ་དུ་རུང་བ་ཞེས་བྱ་བ་ནི་ལྷན་ཅིག་སྨྲ་བ་དང་། རབ་ཏུ་དགའ་བར་#
[264b.6]བྱ་བའི་གཏམ་བྱར་རུང་བའོ། །བདེ་བའི་རྒྱུ་ནི་བདེ་བར་འགྱུར་བའོ། །བདེ་བའི་རྒྱུ་ཉིད་ཡོན་ཏན་ཡིན་པས་བདེ་བར་འགྱུར་བའི་ཡོན་ཏན་ཏོ། །བདེ་བའི་རྒྱུའམ་ཁྱད་པར་དུ་གྱུར་པའི་བདེ་བ་སྐྱེད་པའི་རྐྱེན་ནི་མཆོག་གོ། །དེ་བས་ན་སྔར་གྱི་བདེ་བར་འགྱུར་བའི་ཡོན་ཏན་ཉིད་ཁྱད་པར་དུ་གྱུར་པ་དེ་
[264b.7]ཐོས་ན་བདེ་བར་འགྱུར་བའི་ཡོན་ཏན་མཆོག་ཐོས་པ་ཡིན་ཏེ། དེ་བས་ན་དེ་གཉིས་མཆི་བ་ལགས་ཏེ། བདེ་བའི་#གཞིར་གྱུར་པས་འགུགས་པར་བྱེད་པའི་ཕྱིར་རོ། །བདེ་བ་ལ་གནས་པར་འདོད་པའི་དབང་གིས་ནི་གང་གི་ཕྱིར། ཚངས་བའི་འཇིག་རྟེན་དུ་སྐྱེས་བ་ལས་ཀྱང་རིགས་པར་མཐོང་
[265a]
[265a.1]བའོ། །བཀའ་མཆིད་གདའ་བ་ཞེས་བྱ་བ་ནི་བདེ་བར་འགྱུར་བའི་ཡོན་ཏན་སྟོན་པ་ཡིན་ནོ། །ཡོན་ཏན་ཁྱད་པར་ཅན་#དུ་འཕགས་ཤིང་བཟང་བའི་ཞེས་བྱ་བ་ནི་དེ་ལས་མཆོག་ཏུ་གྱུར་པའོ། །མི་འཇིགས་པ་#སྦྱིན་པའི་སྒྲ་བསྒྲགས་#པ་ཞེས་བྱ་བ་ཡང་ཅི་ནས་
[265a.2]ཀྱང་བྱ་བའི་རིགས་པ་ཡིན་ནོ། །བདེ་བའི་ཡོ་བྱད་ཀྱི་ཡོན་ཏན་ཁྱད་པར་ཅན་ཐོས་ནས་ཞེས་བྱ་བ་ནི་སྔར་བསྟན་པ་བཞིན་དུ་ཤེས་པར་བྱའོ། །ལྷ་གཅིག་#སེམས་ཅན་ཕལ་ཆེར་ནི། །ཞེས་བྱ་བ་ནི་ཚིགས་བཅད་འདི་ནི་བདེ་བར་འགྱུར་བའི་ཡོན་ཏན་གྱི་མཆོག་ལ་གཅིག་ཏུ་ཆགས་པ་ཡིན་ཡང་བདེ་བའི་རྒྱུས་
[265a.3]འགུགས་པ་ཡིན་པར་བསྟན་ཏེ། དེ་ལ་#འདྲེན་པའི་ཕྱིར་རོ། །བདག་ཉིད་ཀྱི་བདེ་བའི་རྒྱུར་གྱུར་པའི་ཡིད་བཞིན་གྱི་མཚོ་དེ་ཡོངས་སུ་སྤངས་ནས། ཇི་ལྟར་མཚོ་དེར་འོང་ཞེས་བྱ་བའི་ཚིག་གི་སྐབས་དེའི་ལན་བསྟན་པའི་ཕྱིར། ཡིད་བཞིན་མཚོའི་ཡོན་ཏན་ལ་འགྲན་དུ་རུང་བ་ཞེས་བྱ་བ་ཡིན་ཏེ། ཡོན་
[265a.4]ཏན་རྒྱ་ཆེ་བ་ཞེས་བྱ་བའི་དོན་ཏོ། །ཡོན་ཏན་རྒྱ་ཆེ་བ་དེ་ཡང་མེ་ཏོག་པདྨ་ཞེས་བྱ་བ་ལ་སོགས་པའི་ཚིག་གིས་བསྟན་པ་ཡིན་ནོ། །ལྗོན་ཤིང་མེ་ཏོག་བཟང་ལྡན་ཞེས་བྱ་བ་ལ་སོགས་པའི་ཚིགས་བཅད་དགུས་ནི་མཚོ་དེ་ཀུན་ནས་དགའ་བ་ཉིད་དུ་བསྟན་པའི་ཕྱིར་རོ། །ལྗོན་ཤིང་མེ་
[265a.5]ཏོག་བཟང་ལྡན་ཞེས་བྱ་བའི་ཚིགས་བཅད་འདིས་ནི་མཚོའི་མཐའ་མ་མཛེས་པའི་དབང་དུ་བྱས་པ་སྟེ། མཐའ་མ་ཡོངས་སུ་བསྐོར་བ་གང་#ཡིན་པ་དེ་མཐའ་མ་ཡོངས་སུ་བསྐོར་བའོ། །ཆུའི་རླབས་རྣམས་འཁྲུགས་པ་ནི་ཆུའི་རླབས་འཁྲུགས་#པའོ། །དེས་གཡོ་པར་གྱུར་
[265a.6]པ་#གང་ཡིན་པ་དེ་ནི་ཆུའི་རླབས་འཁྲུགས་པས་གཡོ་བར་འགྱུར་བའོ། །ཟླ་བའི་འོད་ཀྱིས་ཁ་ཕྱེ་བ། །ཞེས་བྱ་བ་ནི་ཟླ་འོད་ཀྱིས་ཁ་ཕྱེ་#བའོ། །ཁ་བྱེ་བ་ནི་བསྐུལ་བ་ལྟ་བུ་ཡིན་ཏེ། ཇི་ལྟར་གང་གིས་གཉིད་ཀྱིས་ལོག་པ་ལ། །བསྐུལ་བར་འགྱུར་བ་དེ་བཞིན་དུ་ཀུ་མུ་ཏ་དག་ཀྱང་ཁ་འབྱེད་
[265a.7]པའི་རྒྱུར་གྱུར་པའི་ཕྱིར། ཁ་འབྱེད་པ་ཞེས་བརྗོད་དེ། ཟླ་བའི་འོད་ཀྱིས་ཁ་ཕྱེ་བ་ནི་ཇི་ལྟར་གཉིད་ལོག་པ་ལས་བསླང་བ་ལྟ་བུ་ཡིན་ཏེ། རབ་ཏུ་སད་པར་བྱེད་པ་ཞེས་བྱ་བའི་དོན་ཏོ། །པདྨ་རྣམས་ནི་དགོད་པ་བཞིན། །ཞེས་བྱ་བ་དང་། ཁ་ཅིག་ན་ནི་ཟླ་འོད་ཀྱིས། །ཞེས་བྱ་
[265b]
[265b.1]བའི་ཚིགས་བཅད་གཉིས་ཀྱིས་ནི་ཆུའི་ནང་དུ་མེ་ཏོག་ལ་སོགས་པས་མཚོ་མཛེས་པར་བསྟན་པའོ#། །པདྨ་ཨུཏྤལ་ཕྱེ་བ་རྣམས། །ཞེས་བྱ་བའི་ཚིགས་བཅད་འདིས་ནི་མཚོའི་མཐའ་མར་གྱུར་པ་མཛེས་པར་ལྡན་པའི་ཕྱིར་རོ། །རླབས་ཉིད་སོར་མོ་ཡིན་པ་སྟེ། དེས་བྲིས་པ་ནི་བཀོད་
[265b.2]པའི་ཞེས་བྱ་བའི་དོན་ཏེ། རླབས་ཀྱི་སོར་མོས་བྲིས་པའོ། །ཐམས་ཅད་དུ་ཁྱད་པར་མཛེས་པའི་དབང་དུ་བྱས་ནས། པདྨ་ཨུཏྤ་ལ་འདབ་མ་དག །ཅེས་བྱ་བའི་ཚིགས་བཅད་སྨོས་སོ། །ཆུའི་ནང་ཉིད་#དུ་མཛེས་པའི་དབང་དུ་བྱས་ནས། ཆུ་ནི་རབ་གསལ་མི་གཡོ་བས། །ཞེས་
[265b.3]བྱ་བའི་ཚིགས་བཅད་ཡིན་ནོ། །མཆོའི་ལྷན་ཅིག་སྐྱེས་པའི་མི་ཟད་པས་མཛེས་པའི་དབང་དུ་བྱས་ནས། ལ་ལར་མུ་ཏིག་ཕྲེང་ཆད་བཞིན། །ཞེས་བྱ་བ་དང་། རིག་འཛིན་ན་ཆུང་ཞེས་བྱ་བ་དང་། ཟླ་བའི་ཆུང་མ་སྐར་མ་#རྣམས། །ཞེས་བྱ་བའི་ཚིགས་བཅད་གསུམ་ཡིན་ཏེ། དེས་
[265b.4]ན་གནས་སུ་རུང་ཞིང་མཛེས་པར་བྱས་པའི་དབང་དུ་བྱས་པའོ། །ཟླ་བའི་ཆུང་མ་#སྐར་མ་རྣམས། །ཞེས་བྱ་བའི་ཚིགས་བཅད་ཀྱི་ཕྱེད་ཀྱིས་ནི་མཐོ་རིས་སུ་སྐྱེས་པའི་སེམས་ཅན་གྱི་ཡང་ཉེ་བར་ལོངས་སྤྱོད་དུ་རུང་བ་ལྟ་བུར་ཡོངས་སུ་བརྟགས་ཤིང་རྗེས་སུ་མཐུན་པའོ། །བདེ་བའི་ཡོ་བྱད་དགག་
[265b.5]པ་མེད་པ་ཞེས་བྱ་བ་ལ། དགག་པ་མེད་པ་ནི་བྱ་བ་ཐམས་ཅད་ཀྱི་ཐུན་མོང་དུ་གྱུར་པའི་ཕྱིར་ཏེ#། བདེ་བའི་ཡོ་བྱད་དང་། མི་འཇིགས་པ་བྱིན་པས་སོ། །རྒྱལ་པོས་བྱ་རྣམས་ཀུན་ལ་བྱིན། །ཞེས་བྱ་བ་འདིས་ནི་དགག་པ་མེད་པ་ཉིད་བསྟན་ཏོ། །མི་འཇིགས་ཡོན་དང་བཅས་པའི་ཡིད་
[265b.6]བཞིན་གྱི་མཚོ་གང་ཡིན་པ་དེ་ནི་མི་འཇིགས་ཡོན་དང་བཅས་པ་སྟེ། འདིས་ནི་བདེ་བའི་ཡོ་བྱད་ཉིད་བསྟན་ཏོ། །སྤྲིན་གྱིས་བྱས་པའི་མུན་པ་ནི་སྤྲིན་གྱི་མུན་པའོ། །སྤྲིན་གྱིས་བསྒྲིབས་པ་ཉིད་ཡོལ་བ་ཡིན་པས་#སྤྲིན་གྱི་མུན་པ་ཡོལ་བདག་གོ། །སྤྲིན་གྱི་མུན་པ་ཡོལ་བ་ལྟ་བུས་བསྒྲིབས་པ་
[265b.7]གང་ཡིན་པ་དེས་ན་#ཕྱོགས་རྣམས་ཏེ། མུན་པ་ཡོལ་བ་ལྟར་བསྒྲིབས་པ་མེད་པའི་ཕྱོགས་རྣམས་སོ། །ཁ་བྱེ་བར་གྱུར་པའི་མེ་ཏོག་པདྨ་ནི་མེ་ཏོག་པདྨ་མང་པོ་ཁ་བྱེ་བའོ། །དེས་མཛེས་པར་བྱས་པ་གང་ཡིན་པའི་མཚོ་དེ་ནི་མེ་ཏོག་པདྨ་མང་པོ་ཁ་བྱེ་བས་མཛེས་པར་གྱུར་པའོ། །ཆུ་
[266a]
[266a.1]རྣམས་རབ་ཏུ་དང་ཞིང་ཡིད་དུ་འོང་བར་གྱུར་པ་ནི་ཆུ་རྣམས་རབ་ཏུ་དང་ཞིང་ཡིད་དུ་འོང་བའོ། །རབ་ཏུ་འཕེལ་བར་ནུས་པ་དང་། རབ་ཏུ་ཚོགས་པ་དང་། རྒྱས་པར་གྱུར་པའི་འོད་ཟེར་རབ་ཏུ་འཕེལ་བའོ། །རྣམ་པ་སྣ་ཚོགས་པའི་མེ་ཏོག་ནི་མེ་ཏོག་རྣམ་པ་མང་པོའོ། །
[266a.2]མེ་ཏོག་དང་རྣམ་པ་སྣ་ཚོགས་གཉིས་ཀྱི་ཕུན་སུམ་ཚོགས་པ་ནི་མེ་ཏོག་རྣམ་པ་མང་པོ་ཕུན་སུམ་ཚོགས་པའོ། །མེ་ཏོག་རྣམ་པ་མང་པོ་ཕུན་སུམ་ཚོགས་པ་ཉིད་རྒྱན་ཡིན་པས་མེ་ཏོག་རྣམ་པ་མང་པོ་ཕུན་སུམ་ཚོགས་པས་བརྒྱན་པ་དང་ལྡན་པའོ། །བྱའི་ཚོགས་ཀྱི་ཅ་ཅོ་ནི་#མང་
[266a.3]པོའི་སྒྲའོ། །བྱ་མང་པོའི་སྒྲ་སྒྲོགས་པ་ནི་སྒྲ་འབྱིན་པའོ། །རླབས་རྣམས་ཀྱི་ཕྲེང་བ་བཀོད་པ་ནི་རླབས་ཀྱི་ཕྲེང་བ་འཁྲིགས་པའོ། །དེས་བྱས་བ་གང་ཡིན་པ་དེ་ནི་རླབས་ཀྱི་ཕྲེང་བས་བསིལ་བར་བྱས་པ་སྟེ། སེར་བུ་བསིལ་#ཞིང་གྲང་བ་ལྡན་པ་གང་ཡིན་པ་དེས་སོ། །དྲི་ཞིམ་པོ་
[266a.4]དང་ངད་ལྡན་པ་གང་ཡིན་པ་དེ་ནི་དྲི་ཞིམ་པོའི་ངང་ལྡན་བའོ། །མེ་ཏོག་པདྨ་དང་ཨུཏྤ་ལ་རྣམས་ཀྱི་དྲི་ཞིམ་པོའི་ངད་ལྡང་བ་ནི་མེ་ཏོག་པདྨ་དང་། ཨུཏྤ་ལའི་དྲི་ཞིམ་པོའི་ངད་ལྡང་བའོ། །ཁོ་ར་ཁོར་ཡུག་ཏུ་འཕྲོ་བའི་མེ་ཏོག་པདྨ་དང་། ཨུཏྤ་ལའི་དྲི་ཞིམ་པོའི་ངད་ལྡང་བ་དེ་ནི་ཁོ་ར་ཁོར་
[266a.5]ཡུག་ཏུ་མེ་ཏོག་པདྨ་དང་། ཨུཏྤ་ལའི་དྲི་ཞིམ་པོའི་དང་ལྡང་བའོ། །རང་གི་ངང་པའི་ཚོགས་རྣམས་ཀྱི་རྗེས་སུ་དྲན་པའམ། རང་གི་ངང་པའི་ཚོགས་ལ་རྗེས་སུ་དྲན་པ་ནི་རང་གི་དང་བའི་ཚོགས་རྣམས་རྗེས་སུ་དྲན་པའོ། །ཇི་ལྟར་ན་རང་གི་ངང་བའི་ཚོགས་རྣམས་རྗེས་སུ་དྲན་
[266a.6]པར་གྱུར་ཅེ་ན། སྨྲས་པ། ཨེ་མའོ་ཞེས་བྱ་བ་ལ་སོགས་པ་དང་། འཇིག་རྟེན་པ་ནི་ཕལ་ཆེར་ཞེས་བྱ་བ་ཡིན་ནོ། །ནམ་ཡང་ཕྱིའི་བདེ་བར་ནི་མི་འགྱུར་མོད་ཀྱི། རྒྱུའི་མིང་འབྲས་བུ་ལ་བཏགས་#ནས་བདེ་བའི་རྒྱུ་ནི་ཐུན་མོང་ཡིན་ཏེ། གང་སྐྱེ་པོ་ཐམས་ཅད་ཀྱི་
[266a.7]ཐུན་མོང་དུ་ལོངས་སྤྱོད་པའོ། །གལ་ཏེ་སྐྱེ་བོ་ཀུན་གྱི་ཐུན་མོང་གི་བདེ་བའི་རྒྱུ་#ཡིན་ན་ནི་སེར་སྣ་འབྱུང་བར་འགྱུར་ཏེ། དངོས་པོ་འདི་ཀུན་དུ་འཛིན་པ་ཡིན་ནོ། །དེ་བས་ན་ཐོག་མར་མཛའ་བཤེས་དྲན་པར་#འགྱུར་བ་ཡིན་ཏེ། དེའི་རྒྱུ་བསྟན་པའི་ཕྱིར་སྨྲས་པའོ། །#
[266b]
[266b.1]བྱམས་ཤིང་རྗེས་སུ་ཆགས་པའི་ཕྱིར་ཏེ། བྱམས་ཤིང་རྗེས་སུ་ཆགས་པའི་རྒྱུ་དེས་སོ། །སྤྱི་ཡི་བདེ་བ་མྱོང་ནས་ནི། །ཞེས་བྱ་བ་ནི་རྐྱེན་ལས་སྐྱེས་བར་གྱུར་པའི་བད་བ་ནི་སྤྱིའི་ཞེས་བརྗོད་དོ། །ཡང་ན་བདེ་བའི་རྒྱུ་ལ་འབྲས་བུ་བཏགས་བ་སྟེ། རྒྱུ་ལ་འབྲས་བུ་བདེ་བ་བཏགས་
[266b.2]ནས་སྤྱི་ཞེས་སྨོས་པས་ནི་བྱེ་བྲག་མེད་པ་སྟེ། ཐམས་ཅད་ཀྱི་ཐུན་མོང་དུ་ལོངས་སྤྱོད་#པའི་ཕྱིར་གང་གཅིག་ཉིད་ཀྱི་བདེ་བའི་རྒྱུར་གྱུར་པ་བཞིན་དུ་དེ་ལས་#གཞན་དག་གི་ཡང་ངོ་། །བྱམས་པའི་རྗེས་སུ་འགྲོ་བ་ནི་བྱམས་ཤིང་རྗེས་སུ་#ཆགས་པའོ། །དེས་ན་བྱམས་པ་སྟེ། གང་ལ་
[266b.3]རྗེས་སུ་ཆགས་པ་དེས་བྱམས་ཤིང་རྗེས་སུ་ཆགས་པའི་རྒྱུས་སོ། །དེ་ན་ཞེས་བྱ་བ་ནི་ཡིད་བཞིན་གྱི་མཚོ་ནའོ། །ཇི་སྲིད་འདོད་པ་ཞེས་བྱ་བ་ནི་ཇི་ཙམ་འདོད་པའོ། །འཁོད་ནས་ཞེས་བྱ་བ་ནི་ལོངས་སྤྱད་ནས་སོ། །དབྱར་གྱི་དུས་ལ་བབས་ཞེས་བྱ་བ་ལས་བརྩམས་ཏེ། གློག་རྣམས་
[266b.4]གཡོ་བ་ནི་གློག་འགྱུ་བ་དང་#། གློག་འགྱུ་བའི་མཚོན་ཆ་འདེབས་པ་འདྲ་བ་གང་ཡིན་པ་དེ་ནི་གློག་འགྱུ་བ་མཚོན་ཆ་འདེབས་པ་འདྲ་བའོ། །དེ་ལ་ཡོངས་སུ་རྫོགས་པ་རྨ་བྱའི་མདོངས་ནི་རྨ་བྱའི་མདོངས་#རྒྱས་པའོ། །དེས་མཛེས་པ་གང་ཡིན་པ་དེ་ནི་རྨ་བྱའི་མདོངས་མཛེས་པར་གྱུར་པའོ། །
[266b.5]དེ་དག་གི་ཅོང་ཅོང་གི་སྒྲ་འབྱིན་པ་ནི་རྨ་བྱའི་སྒྲ་ཅོང་ཅོང་དུ་འབྱིན་པའོ། །དེས་མགུ་བར་བྱེད་པ་ནི་སྒྲ་བསྒྲགས་པས་ཞེས་བྱ་བའི་དོན་ཏོ། །གར་གྱི་བྱེད་པ་ནི་གར་བྱེད་པ་སྟེ། དེ་དག་བྱེད་པའོ། །ཕྲ་མོ་ཉིད་བྱ་ཡིན་པས་བྲན་ནོ། །ཡང་ན་བྱ་དང་བྲན་མང་པོ་ནི་བྱ་བྲན་མང་པོའོ། །མེ་ཏོག་ཀ་དམ་པ་
[266b.6]དང་། སརྫ་དང་། ཨརྫུ་ན་དང་། ཀེ་ཏ་ཀའི་དྲི་ཞིམ་པོས་བསྒོས་པ་གང་ཡིན་པ་དེ་ནི་མེ་ཏོག་ཀ་དམ་པ་དང་། སརྫ་དང་། ཨརྫུ་ན་དང་། ཀེ་ཏ་ཀའི་དྲི་ཞིམ་པོས་བསྒོས་པའོ། །གླེང་ལངས་པ་ནི་བརྩམས་པའོ། །ཡུལ་དང་ཕྱོགས་ནི་ཡུལ་དང་ཕྱོགས་སོ། །དེ་རྣམས་ཀྱི་#གཏམ་
[266b.7]ནི་ཡུལ་དང་ཡུལ་#ཕྱོགས་རྣམས་ཀྱི་གཏམ་མོ། །དེས་ཞེས་བྱ་བ་ནི་ངང་པ་ཁྱོ་#ཤུག་གཉིས་ཀྱིས་སོ། །བསྔགས་པ་རྨད་དུ་བྱུང་བར་བཟང་པོའི་མཚོ་གང་ཡིན་པ་དེ་ནི་རྨད་དུ་བྱུང་བར་བཟང་བའི་ཡོན་ཏན་རྣམས་སོ། །ཡོན་ཏན་ཆེ་བ་བརྗོད་བར་མི་ནུས་པ་སྟེ། བརྗོད་ཀྱིས་#མི་ལང་བའི་ཡོན་
[267a]
[267a.1]ཏན་གང་ལ་ཡད་པ་དེ་ནི་ཡོན་ཏན་བརྗོད་ཀྱིས་#མི་ལང་བའོ། །འཇིགས་པ་དང་བག་ཚ་བ་ནི་འཇིགས་ཤིང་བག་ཚ་བའོ། །འཇིགས་པ་དང་བག་ཚ་བ་མ་མཆིས་པ་གང་ཡིན་པ་དེ་ནི་#འཇིགས་པ་དང་། བག་ཚ་བ་མ་མཆིས་པའོ། །གྲོས་འདྲི་བའི་ཚིག་དང་
[267a.2]ཡི་གེ་གསལ་བ་གང་ཡིན་པ་དེ་ནི་གྲོས་འདྲི་བའི་ཚིག་དང་ཡི་གེ་གསལ་བའོ། །ཇི་ལྟར་ཆགས་པའི་གནས་ཡིན་ཞེ་ན་སྨྲས་པ། ཤ་བཟར་རུང་བ་དང་། བལྟ་ན་སྡུག་པའི་ཕྱིར་ཏེ། བལྟ་ན་སྡུག་#པ་ནི་ཡིད་དུ་འོང་བའོ། །ཤ་བཟར་རུང་བ་ནི་བཟའ་བར་བྱ་བ་ཡིན་པའི་ཕྱིར་རོ། །འདི་
[267a.3]གཉིས་ཀྱི་རྒྱུས་བདག་ཅག་གཟུང་#བ་དང་གསད་#པར་འོས་པ་ཉིད་ཡིན་ཏེ། འདིས་ནི་བདག་ཅག་ཉིད་ཀྱི་རང་བཞིན་བསྟན་ཏོ། །འདིས་ནི་ཅིས་ཀྱང་ཕོངས་པ་མ་མཆིས་སོ་ཞེས་བྱ་བ་ནི་ཅི་སྟེ་བདག་ཉིད་ཀྱི་གནས་ཆགས་པར་བྱ་བ་མེད་ན་ནི་གནས་ངན་པའི་ཕྱིར་དེ་ཡོངས་སུ་གཏང་བར་
[267a.4]བྱ་བ་ཡིན་ན་དེ་ཡང་མ་ཡིན་ནོ། །གནས་དེར་འགྲོ་བའི་ཉེས་དམིགས་བསྟན་པའི་ཕྱིར། །ཚིག་འཇམ་པོ་བཅོས་མ་ཞེས་བྱ་བ་ལ་སོགས་པ་ཡིན་ཏེ། ཕྱི་བཞག་ཅན་དུ་སྨྲ་བ་ནི་ཕྱི་བཞག་ཅན་དུ་#སྨྲ་བའོ། །ཚིག་འཇམ་པོ་#བཅོས་མ་ཉིད་ཕྱི་བཞག་ཅན་དུ་སྨྲ་བ་ནི་ཚིག་འཇམ་པོ་བཅོས་མ་
[267a.5]ཕྱི་བཞག་ཅན་དུ་སྨྲ་བའོ། །རང་བཞིན་ངན་པའི་དངོས་པོ་ཉིད་གནོད་པར་སེམས་པ་ཉིད་ཡིན་པས་གནོད་པར་སེམས་པའི་རང་བཞིན་ངན་པའོ། །ཚིག་འཇམ་པོ་#བཅོས་མ་དང་#ཕྱི་བཞག་ཅན་དུ་སྨྲ་བ་གཉིས་ཀྱིས་མི་མངོན་པར་བྱས་པའི་གནོད་པར་སེམས་པའི་རང་བཞིན་གང་ཡིན་པ་
[267a.6]པ་དེ་ནི་ཚིག་འཇམ་པོ་#བཅོས་མ་ཕྱི་བཞག་ཏུ་སྨྲ་ལ་#གནོད་པར་སེམས་པའི་རང་བཞིན་མི་མངོན་པར་བྱེད་པའོ། །ཆུང་བ་དང་#དམན་པའི་སྙིང་རྗེ་གང་ལ་ཡོད་པ་དེ་ནི་སྙིང་རྗེ་ཆུང་བའོ། །དོན་གྱི་རྗེས་སུ་འགྲོ་བ་ནི་དོན་མཐུན་པར་བྱེད་པའོ། །སྨྲ་བ་དང་སེམས་པ་#མཐུན་པར་བྱེད་པ་གང་ཡིན་པ་
[267a.7]དེ་ནི་སྨྲ་བ་དང་སེམས་པ་མཐུན་པའོ། །ཕལ་ཆེར་ཞེས་བྱ་བ་ནི་བྱ་དང་རི་དགས་ཐམས་ཅད་ནི་མ་ཡིན་པ་སྟེ། དེ་ཡང་དེ་དག་ལས་མི་རྣམས་ཀྱིས་བསླབས་པ་ཁ་ཅིག་ནི་སྨྲ་བ་དང་། སེམས་པ་མཐུན་པར་བྱེད་པ་མ་ཡིན་པས་སོ། །མིའི་ནང་ན་ཁ་ཅིག་ཅེས་བྱ་བ་ནི་དམ་པ་རྣམས་མ་གཏོགས་པར་
[267b]
[267b.1]ཏེ#། དེ་ནི་སྨྲ་བ་དང་། སེམས་པ་མཐུན་པར་བྱེད་པ་ཉིད་དོ། །དེ་དག་ལས་བཟློག་པ་ནི་དེ་ལས་བཟློག་པའི་ཚུལ་ཏེ། དེ་ལས་མཁས་པ་དེ་ནི་དེ་ལས་བཟློག་པའི་ཚུལ་ལ་མཁས་པ་སྟེ། སྨྲ་བ་དང་སེམས་པ་མཐུན་པར་བྱེད་པའམ། སྨྲ་བ་དང་སེམས་པ་མི་#མཐུན་པ་མེད་པ་ལས་སོ། །དེ་
[267b.2]ལས་བཟློག་པ་མཁས་པ་ཉིད་བསྟན་པའི་ཕྱིར། འཇམ་ཞིང་སྙན་པའི་ཚིག་སྨྲ་ཡང་། །ཞེས་བྱ་བའི་ཚིགས་བཅད་ཡིན་ནོ། །ད་ལྟར་ནི་སྙན་ལ་མ་འོངས་པ་ན་ནི་དོན་དང་མཐུན་པ་མེད་ཅིང་སྐྱོན་དང་བཅས་པས་གནོད་པ་ཡིན་ཏེ། འདིར་སྙན་པ་སྨྲ་བ་ཡིན་ན་ཡང་སྐྱོན་དང་བཅས་སོ་ཞེས་
[267b.3]བྱ་བར་བསྟན་ཏེ#། །ཅིའི་ཕྱིར་དེ་ལྟར་སྨྲ་ཞེ་ན། དེ་ཉིད་སྨྲས་པ། ཁེ་འཚལ་ཕྱིར་ཞེས་བྱ་བ་ཡིན་ཏེ། སྤོགས་#འགྲུབ་པ་དེ་ནི་ཁེ་འདོད་པ་སྟེ། དེ་ནི་ཚོང་པ་རྣམས་ཀྱང་རང་གི་ནོར་འགེད་པར་བྱེད་དེ། ཁེ་འདོད་པའི་ཕྱིར་རོ། །དེ་བས་ལྷན་ཅིག་དེ་ཙམ་ཞེས་བྱ་བ་ནི་ཕྱི་བཞག་ཅན་དུ་སྨྲ་བ་ཙམ་
[267b.4]གྱིས་སོ། །ཡང་ན་ཚིག་འཇམ་པོ་ལ་སོགས་པའོ། །དགོས་པ་མཆིས་ཀྱང་ཞེས་བྱ་བ་ནི་དེར་སོང་ཞིང་གནས་པས་ཅི་ཞིག་འགྲུབ་པར་གྱུར་ཀྱང་མི་སྨྲ་ན་ནི#། དེ་མེད་པ་ལྟ་སྨོས་ཀྱང་ཅི་དགོས་ཏེ། སྐྱོན་དང་བཅས་ཤིང་མི་རིགས་པ་ཉིད་ཀྱི་ཕྱིར་རོ། །སྐྱོན་དང་བཅས་ཤིང་ཚུལ་མ་
[267b.5]ཡིན་པ་གང་ཡིན་པ་དེ་ནི་སྐྱོན་དང་བཅས་ཤིང་མི་རིགས་པའོ། །ཟླ་བ་དང་རྒྱུ་སྐར་དང་སྐར་མ་ནི་ཟླ་བ་དང་རྒྱུ་སྐར་དང་སྐར་མ་སྟེ། སྟོན་གྱི་དུས་ལ་བབ་ཅིང་དྲི་མ་མེད་པའི་སྐར་མ་དང་རྒྱུ་སྐར་གྱི་རྒྱན་གང་ལ་ཡོད་པ་ཉིད་དེ་དེ་བས་ནའོ། །ངང་པའི་ཚོགས་མང་པོ་ཞེས་བྱ་བ་ནི་ངང་པའི་ཁྱུ་
[267b.6]མང་པོས་#མཚོ་དེར་འདོད་པར་བྱ་བའི་གཏམ་བརྗོད་དེ། འདོང་བ་ནི་མཚོ་དེར་འགྲོ་བའི་ཕྱིར་རོ། །ཡིད་དུ་འོང་བའི་བཀོད་པ་ཡིན་བས་ཡིད་དུ་འོང་བའི་#བཀོད་པའོ། །ཡོན་ཏན་མཉམ་པ་མེད་པ་ནི་ཡོན་ཏན་མཚུངས་པ་མེད་པར་གྱུར་པའོ། །གསེར་གྱི་འདབ་མ་ལྟར་མཛེས་པའི་འདབ་མ་
[267b.7]གང་ལ་ཡོད་པ་དེ་ནི་གསེར་གྱི་འདབ་མ་ལྟར་མཛེས་པའི་འདབ་མའོ། །གདོང་དང་རྐང་པ་གཉིས་མཛེས་པ་ནི་གདོང་དང་རྐང་པ་གཉིས་མཛེས་པ་སྟེ། གསེར་བཙོམ་བས་ཀྱང་ལྷག་པར་མཛེས་སོ། །དེ་ཡང་ཚད་ལྷག་པ་དང་ལེགས་པའི་ལུས་ཅན་གང་ཡིན་པ་དེ་གཉིས་སོ། །
[268a]
[268a.1]མཁས་པར་གྲགས་པ་གང་ཡིན་པ་དེ་ནི་དེ་གཉིས་གཟུང་བའི་ཕྱིར་རོ། །ངང་པའི་མཆོག་དེ་གནས་དང་སྤྱོད་ཡུལ་ཞེས་བྱ་བ་ནི་གནས་པའི་ཕྱོགས་ས། །ཉེས་སུ་དོགས་པ་མེད་པ་ཡིན་ཏེ། ཅིའི་ཕྱིར་ཞེ་ན། བྲིད་པའི་ཐབས་མཁས་པའི་ཕྱིར་རོ། །བག་མེད་པ་ཉིད་
[268a.2]བརླག་པ་ཡིན་པས་བག་མེད་བརླག་པའོ། །དེ་བག་མེད་#བརླག་པའི་འབྱུང་གནས་ཡིན་པས་ན་འབྱུང་ཁུང་ངོ་། །དེ་ལྟ་བུར་ཞེས་བྱ་བ་ནི་བཅིང་བའི་རྣམ་པར་རོ། །འཇིགས་པ་དང་བཅས་པ་ཡིན་ནོ། །ཞེས་བྱ་བ་ནི་བདག་ཉིད་བཅིངས་སོ་ཞེས་བརྗོད་པའི་ཚིག་དེས་གཞན་
[268a.3]མི་བདེ་བར་འགྱུར་བས་དེ་ལྟར་སྨྲས་པའོ། །ཡང་ན་ཉམས་#ཉེས་པར་གྱུར་པའི་ཚུལ་ཏེ། བདག་ཉིད་བཅིངས་སོ་ཞེས་བསྒྲགས་ན་ཡང་འདིར་ཉེས་པ་མེད་དོ། །འཇིགས་པས་སྐྲག་ལ་བརྟབས་#པ་གང་ཡིན་པ་དེ་ནི་འཇིགས་ཤིང་སྐྲག་ལ་བརྟབས་#པའོ། །བྱམས་པས་
[268a.4]བཅིངས་པའི་ཡིད་ནི་རང་གི་སྲོག་དང་བྲལ་བ་ཡང་མི་སེམས་སོ། །གང་གི་ཕྱིར་ཞེ་ན། རང་གི་སྲོག་དང་བྲལ་བའི་སྡུག་བསྔལ་ནི་ཤིན་ཏུ་ཆེ་བ་ཡིན་མོད་ཀྱང་#། དེ་བས་ཀྱང་ཤིན་ཏུ་ཤས་ཆེ་བའི་སྡུག་བསྔལ་གྱིས་ཞེས་སྦྱར་ཏེ། མྱ་ངན་དང་སྡུག་བསྔལ་ནི་མྱ་ངན་དང་སྡུག་བསྔལ་
[268a.5]ལོ། །སྡུག་བསྔལ་ནི་ལུས་ཀྱིའོ། །མྱ་ངན་སེམས་ཀྱི་སྟེ། དེ་དག་ནི་གང་གི་ཕྱིར་ཉམས་#ཉེས་པས་བྱས་པའོ། །སོང་ཤིག་སོང་ཤིག་ཅེས་བྱ་བའི་ཚིགས་བཅད་ཀྱི་བསྡུས་པའི་དོན་ནི་དེ་ལ་གནོད་པར་འགྱུར་བའི་ཕྱིར་དང་། བདག་གི་ཉམས་#ཉེས་པའི་གྲོགས་མི་#ནུས་པའི་ཕྱིར་རོ། །ཇི་
[268a.6]ལྟར་བཤད་པའི་རྒྱུ་དེ་གཉི་གའི་གནས་སྐབས་ཀྱང་མི་རིགས་པར་བསྟན་པའི་ཕྱིར། འདི་ན་#མཆིས་ཀྱང་འགུམ་བར་ངེས་མ་མཆིས། །ཞེས་བྱ་བའི་ཚིགས་བཅད་སྨོས་སོ། །སོང་ཤིག་སོང་ཤིག་ཅེས་བྱ་བའི་ཚིགས་བཅད་དེར་གང་བསྟན་པ། དེ་གཉིས་ཀྱི་ལན་བསྟན་པའི་ཕྱིར། འདི་
[268a.7]ན་མཆིས་ཀྱང་ཞེས་བྱ་བའི་ཚིགས་བཅད་ཕྱེད་ཀྱིས་བསྟན་ཏེ། འདི་ན་འདུག་པའི་མི་རིགས་སོ་ཞེས་བྱ་བའི་ལན་ནི་འདི་ན་མཆིས་པ་ལས། གལ་ཏེ་གུད་དུ་མཆིས་ཀྱང་རྒ་ཤི་མེད་པར་འགྱུར་ན་འདི་ན་#འདུག་པའི་མི་རིགས་ན་དེ་མེད་པས་སོ། །སོང་ཅིག་ཅེས་བྱ་བའི་ལན་ནི་ངེས་མ་མཆིས་ཞེས་
[268b]
[268b.1]བྱ་བ་ཡིན་ཏེ། གལ་ཏེ་འགྲོ་བར་མི་འགྱུར་ན་གདོན་མི་ཟ་བར་གསོད་པ་ཡིན་ནོ་ཞེ་ན། དེ་ལྟ་ན་ནི་སོང་ཤིག་ཅེས་སྨྲ་བའི་རིགས་ན་དེ་ཡང་མེད་དོ། །གྲོགས་བྱར་ག་ལ་ཡོད་ཅེས་བྱ་བ་དེའི་ལན་ནི་བདེ་བའི་ཚེ་ན་རྟག་ཏུ་ཁྱོད་བཀུར་བ་ཞེས་བྱ་བའི་ཚིག་གིས་སོ། །ང་ནི་འདི་ལྟར་གྱུར་པ་ལ་
[268b.2]ཞེས་བྱ་བ་དེའི་ལན་ནི། ཉམས་#ཉེས་ཚེ་ན་དོར་དུ་ག་ལ་རུང་། །ཞེས་བྱ་བའི་ཚིག་གིས་ཏེ། ཐ་མལ་པའི་ཚེ་ཡང་མ་བཏང་ན་འདི་ལྟར་གྱུར་པ་ནི་#ལྟ་ཅིའི་ཕྱིར་དོར་ཞེས་པའོ། །གལ་ཏེ་འདི་ན་མ་མཆིས་ཀྱང་འགུམ་པར་ངེས་པ་མ་མཆིས་པ་དང་། དེ་ལྟར་ཡོངས་སུ་བོར་ཞིང་བཏང་ན་ཡང་
[268b.3]གཅིག་ཏུ་འཆི་བ་དང་། རྒ་བ་མེད་པ་ནི་མ་ཡིན་པར་#འགྲོ་བར་ནི་མི་རིགས་པས་འདུག་པ་ནི་རིགས་པ་ཉིད་དེ་དེའི་ཕྱིར་སྨྲས་པ། བདག་གི་སྲོག་བཟུང་ཙམ་གྱི་ཕྱིར། །ཞེས་བྱ་བའི་ཚིགས་བཅད་སྨོས་སོ། །བདག་ཉིད་ཀྱི་སྲོག་ཡིན་པས་བདག་གི་སྲོག་གོ། །བདག་གི་སྲོག་ཉིད་གཟུང་#
[268b.4]བ་ཡིན་པས་བདག་གི་སྲོག་གཟུང་བའོ། །དེ་ཙམ་ཉིད་ཡིན་པས་ན་བདག་གི་སྲོག་གཟུང་བ་ཙམ་མོ། །དེས་ན་བདག་གི་སྲོག་གཟུང་#བ་ཙམ་གྱི་ཕྱིར་ཏེ། རང་གི་སྲོག་ཉིད་ཀྱི་ཕྱིར་ཞེས་བྱ་བའི་དོན་ཏོ། །གཏམ་ངན་པ་ཡིན་པའི་ཕྱིར་གཏམ་ངན་ནོ། །གཏམ་ངན་པ་ཉིད་ཆར་ཡིན་པས་གཏམ་
[268b.5]ངན་པ་ཆར་བཞིན་དུ་འབབ་པའོ། །དེའི་སྐྱབས་ནི་གཏམ་ངན་ཆར་བཞིན་འབབ་པའི་སྐྱབས་སོ། །འདིར་སྒྲིབ་པར་བྱེད་པ་ཡིན་པས་སྐྱབས་ཏེ། འདིས་ནི་བདག་ཉིད་ཁྲེལ་ཡོད་པར་བསྟན་ཏོ། །རྒྱལ་པོ་ཆེན་པོ་ཉམས་#ཉེས་པ། །བོར་ཏེ་མཆི་#བའི་ཆོས་མ་མཆིས། །ཞེས་བྱ་བ་ནི་ངོ་ཚ་
[268b.6]ཤེས་པའི་དབང་དུ་བྱས་པ་སྟེ། བདག་དང་ཆོས་ཀྱི་དབང་དུ་བྱས་ནས་ཁ་ན་མ་ཐོ་བ་ལ་འཛེམ་#ཞེས་བྱ་བའི་ཚིག་གིས་སོ། །བདེ་བའི་ཚེ་ན་རྟག་ཏུ་ཁྱོད་བཀུར་ལ། །ཉམས་#ཉེས་ཚེ་ན་ཞེས་བྱ་བ་སྟེ། ཕོངས་པར་གྱུར་བ་ནི་#བདག་གིས་བོར་ནག་ལ་ཞིག་རུང་སྟེ། སྨྲས་པ། ཁྱོད་ནི་
[268b.7]ཅིར་གྱུར་པ་ཞེས་བྱ་བ་ཡིན་ཏེ། དང་པོ་ཁྱོད་ཇི་ལྟར་གྱུར་པ་དེ་ལྟར་བདག་ཉིད་ཀྱང་འགྱུར་བར་འཚལ་ལོ་ཞེས་བྱ་བའོ། །དེའི་ལན་བྱང་ཆུབ་སེམས་དཔས་སྨྲས་པ། ཚང་མང་ཞེས་བྱ་བས་ནི་ངེས་པར་གསོད་པར་འགྱུར་བའི་དོན་ཏོ། །བདེ་བར་གནས་ཞེས་བྱ་བས་ནི་སེམས་བདེ་བར་གནས་པའོ། །གལ་
[269a]
[269a.1]ཏེ་སེམས་བདེ་བར་མི་གནས་ཀྱང་གཟུང་བ་ཡིན་ན་ནི། དེར་འགྲོ་བའི་རིགས་ན་གཟུང་བ་མ་ཡིན་པའི་ཕྱིར་རོ། །དེ་ལྟ་མོད་ཀྱི་གལ་ཏེ་མ་བཟུང་ཞིང་བདེ་བར་གནས་ཀྱང་བདག་གི་འགྲོ་བའི་རྗེས་སུ་འགྲོ་བ་ནི་དོན་གཞན་དག་ལས་ལྟོས་#པ་ཡིན་ན་གང་ན་#ཡང་མེད་དོ་ཞེས་
[269a.2]བསྟན་པའི་ཕྱིར། དེ་ལྟར་བྱས་ན་ཅིར་འགྱུར་ལྟོས། །ཞེས་བྱ་བའི་ཚིགས་བཅད་སྨོས་སོ། །འདིའི་འགྲོ་བ་ནི་བདག་དང་། ཁྱོད་འཆི་བ་དང་། གཉེན་བཤེས་རྣམས་དང་འདི་གསུམ་གྱི་དོན་མེད་པར་ཚིགས་བཅད་འདིས་བསྟན་པ་ཡིན་ནོ། །གསུམ་པོ་འདི་མེད་པས་འཆི་བ་དམིགས་
[269a.3]པ་ཉིད་དུ་བསྟན་པའི་ཕྱིར། བདེ་དང་#མི་བདེ་མུན་ཁུང་བཞིན། །ཞེས་བྱ་བའི་ཚིགས་བཅད་སྨོས་སོ། །ཕན་པའི་དོན་ཞེས་བྱ་བ་ནི་སྔར་བཤད་པ་གསུམ་པོའི་འོ། །ཆོས་དོན་ལེགས་པར་བགྱིས་ན་ནི། །ཞེས་བྱ་བའི་ཕྱེད་འོག་མས་ནི་ཆོས་དང་། དོན་གཉིས་བདག་གི་འདོད་
[269a.4]པས་ངེས་པར་བསྒྲུབས་པ་སྟེ། བདག་ཉིད་ཀྱི་དོན་ཉིད་དུ་ཞེས་#བསྟན་ཏོ། །རྗེ་བོ་ཡོངས་སུ་མ་བཏང་བར་སྤྱོད་ཅིང་། ཁྱོད་ལ་གློ་བ་ཉེ་བའི་ཕྱིར། །ཞེས་བྱ་བ་འདིས་ནི། རྗེ་བོའི་དོན་དུ་བདག་ཉིད་སྙིང་ཉེ་བར་སྟོན་ཏེ། དེས་ནི་གཉི་ག་ཡང་བསྟན་པ་ཡིན་ནོ། །དེ་ལྟར་བྱས་ན་
[269a.5]ཞེས་བྱ་བའི་ཚིགས་#བཅད་འདི་སྨོས་པ་ལ་འཚོ་བར་གྱུར་ན་ནི་དོན་གཞན་འདི་དག་ཡོད་དོ་#ཞེས་བསྟན་པ་སྟེ། དོན་གཞན་དེ་ཡོངས་སུ་བསྟན་པའི་ཕྱིར། མཛའ་བཤེས་ང་དང་ཕྲལ་བ་རྣམས། །ཞེས་བྱ་བ་སྨོས་ཏེ། བདག་གིས་བསྲུང་ཞིང་སྦ་བར་བྱ་བ་དེ་བྲལ་བར་གྱུར་ཀྱང་
[269a.6]ཁྱོད་ཀྱིས་མཆོག་ཏུ་འབྱོར་པར་བྱེད་པར་འགྱུར་ཏེ། ཇི་ལྟ་བ་བཞིན་དུ་གསོལ་བ་གདབ་ཀྱང་མི་དགོས་པར་བློ་གྲོས་ཕུན་སུམ་ཚོགས་པའི་ཕྱིར་རོ། །དེ་གཉིས་གཅིག་ལ་གཅིག་བྱམས་པ་ཉིད་ཡོན་ཏན་ཡིན་པས་དེ་བས་ན་གཅིག་ལ་གཅིག་བྱམས་པའི་ཡོན་ཏན་ནོ། །དེ་གཟུགས་བཟང་
[269a.7]བ་ཡིན་པས། དེའི་གཟུགས་བཟང་བ་སྟེ། དེའི་གཟུགས་བཟང་བ་དེས་སོ། །བདེ་བར་འདུག་བཞིན་དུ་ཞེས་བྱ་བ་ནི་བག་ཚ་བ་མེད་པར་རོ། །ཁྱོད་ནི་མ་ཟིན་བདེ་བར་འདུག །ཅེས་བྱ་བའི་ཚིགས་བཅད་ཀྱི་བསྡུས་པའི་དོན་ནི་རྒྱུ་རྣམ་པ་ལྔས་བྱ་#རྣམས་ནམ་མཁའ་ལ་འགྲོ་བར་མི་
[269b]
[269b.1]ནུས་པ་ཡིན་ཏེ། དེ་མེད་ཀྱང་ཅིའི་ཕྱིར་ནམ་མཁའ་ལ་མི་འགྲོ་ཞེས་བྱ་བར་སྟོན་པ་ཡིན་ནོ། །དེ་དག་ཀྱང་གང་ཞེ་ན། རྙིས་ཟིན་པ་དང་། རང་གི་དབང་མེད་པས་མི་བདེ་བར་འདུག་པ་དང་། སྤུ་མ་སྐྱེས་ཤིང་གཤོག་པ་མེད་པ་དང་། རྩོལ་བ་ཡོད་ཀྱང་སྟོབས་ཆུང་བ་དང་། འཇིགས་པའི་རྒྱུ་
[269b.2]མ་མཐོང་བས་འགྲོ་བར་མི་འགྱུར་བ་སྟེ། ཉེས་པ་འདི་དག་མེད་ཀྱང་འཕུར་བར་མ་གྱུར་པའི་རྒྱུ་འདྲི་བ་ཡིན་ནོ། །ཚིག་དང་། འབྲུ་དང་། སྦྲེལ་ལེགས་པ་ནི་ཚིག་འབྲུ་སྦྲེལ་ལེགས་པའོ། །ཚིག་འབྲུ་སྦྲེལ་ལེགས་པའི་སྒྲ་གང་ཡིན་པ་དེ་ནི་ཚིག་འབྲུ་རབ་ཏུ་གསལ་ཞིང་སྦྲེལ་ལེགས་པའོ། །དེ་ལ་
[269b.3]འབྲུ་སྨོས་པས་ནི་ཨ་ལ་སོགས་པའི་ཡི་གེ་གཟུང་ངོ་། །ཚིག་སྨོས་པས་ནི་ངོ་བོ་ཉིད་ཀྱི་ཚིག་བླ་དགས་སུ་གཟུང་ངོ་། །ཚིག་སྤྲེལ་ལེགས་པ་ཞེས་བྱ་བ་སྨོས་པས་ནི་ཁྱད་པར་གྱི་ཚིགས་#བླ་དགས་སུ་གཟུང་ངོ་། །ཡིད་དུ་འོང་བ་ཞེས་བྱ་བ་ནི་མཉན་པར་འོས་པའོ། །གང་གི་#གཟི་བྱིན་གང་ལ་ཡོད་པ་ནི་
[269b.4]གཟི་བྱིན་དང་ལྡན་པའོ། །བརྟན་པའི་ཡོན་ཏན་གྱིས་གཟི་བྱིན་དང་ལྡན་པ་ནི་བརྟན་པའི་ཡོན་ཏན་གྱིས་གཟི་བྱིན་དང་ལྡན་པ་སྟེ། དེས་སྒྲ་སྒྲོགས་ཤིང་སྐད་ཆེར་ཕྱུང་བ་ཡིན་ནོ། །དམ་དུ་ཟིན་ཞེས་བྱ་བ་ནི་ཕྱི་རོལ་གྱི་རྙི་ནི་མཚོན་ལ་སོགས་པས་གཅད་#པར་ནུས་ལ། བརྩེ་བའི་ཞགས་པ་ནི་གཅད་པར་མི་
[269b.5]ནུས་པའི་ཕྱིར་ཏེ། ཇི་ལྟ་བུ་ཞེ་ན། སྨྲས་པ། རྙིས་ནི་དེ་བས་ཞེས་བྱ་བ་ཡིན་ཏེ། ལུས་ཀྱི་འཆིང་བ་དང་། རྗེས་སུ་མཐུན་པའི་བརྩེ་#བའི་ཞགས་པ་གང་ཡིན་པ་དེས་བཅིངས་པ་སྟེ#། འདོད་ཆགས་དང་བྲལ་བ་མ་གཏོགས་པས་གཅོད་པར་མི་ནུས་པའི་ཕྱིར་རོ། །ང་ཡི་རྒྱལ་པོ་སྲོག་དང་འདྲ་བའི་
[269b.6]གྲོགས། །ཞེས་བྱ་བའི་ཚིགས་བཅད་ཀྱི་བསྡུས་པའི་དོན་ནི་གང་ཡོངས་སུ་མི་འདོར་བ་དང་། ཅིའི་ཕྱིར་ཡོངས་སུ་མི་འདོར་བ་སྟེ། དེ་གཉིས་ཚིགས་བཅད་འདིས་སྟོན་པ་ཡིན་ནོ། །གང་ཡོངས་སུ་མི་འདོར་ཞེ་ན། རྗེ་བོའོ། །ཅིའི་ཕྱིར་ཡོངས་སུ་མི་འདོར་ཞེ་ན། བདེ་བར་སྦྱིན་པར་བྱེད་པའི་ཕྱིར་རོ། །གྲོགས་
[269b.7]པོ་ཅིའི་ཕྱིར་ཡོངས་སུ་མི་འདོར་ཞེ་ན། ཉམས་#ཉེས་པར་གྱུར་པའི་ཕྱིར་རོ། །འདི་གཉིས་ཀྱིས་ནི་ཕན་འདོགས་པ་དང་། སྙིང་རྗེའི་ཞིང་ཉིད་དུ་སྟོན་ཏེ། ཡོན་ཏན་རེ་རེ་ལས་རེ་རེ་#ཙམ་ཡོད་ཀྱང་#ཡོངས་སུ་གཏང་བར་བྱ་བ་མ་ཡིན་ན། ཡོན་ཏན་བཞི་དང་ལྡན་པ་ལྟ་སྨོས་ཀྱང་ཅི་དགོས་ཞེས་སྟོན་ཏོ། །
[270a]
[270a.1]བཟང་པོ་བདག་ཅག་སྨྲས་པ་འདིས་ཞེས་བྱ་བ་ལ། གལ་ཏེ་བདེ་བ་ཞེས་བྱ་བའི་སྒྲ་ནི་དག་#ཤིས་སོ། །བདག་ཅག་བཏང་ན་ནི་ཞེས་བྱ་བ་ཡང་འདིར་དགེ་ཤིས་སོ། །སྔར་བཤད་པའི་སྨྲས་པ་འདིས། གལ་ཏེ་བདེ་བ་འབྱུང་འགྱུར་#ཞིང་། །ཞེས་བྱ་བའི་ལན་ནི། ང་ནི་ཁྱོད་ལ་གནོད་
[270a.2]མི་བྱེད། །ཅེས་བྱ་བ་ཡིན་ནོ། །བཏང་ན་ནི་ཞེས་བྱ་བ་དེའི་ལན་ནི། ཁྱོད་ནི་ང་ཡིས་གཟུང་བ་མེད། །ཅེས་བྱ་བ་ཡིན་ནོ། །ཆོས་དང་ལྡན་པའི་གྲགས་པ་འཐོབ། །ཅེས་བྱ་བའི་ལན་ནི། དེ་བས་ཁྱོད་ནི་ཅི་བདེར་སོང་། །ཞེས་བྱ་བའི་ཚིགས་བཅད་ཕྱེད་འོག་མ་ཡིན་ནོ། །ང་ནི་ཁྱོད་ལ་གནོད་མི་བྱེད། །
[270a.3]ཅེས་བྱ་བ་དེའི་ལན་ནོ། །#བདག་ནི་སྡུག་བསྔལ་མི་བཞེད་#ན། །ཞེས་བྱ་བའི་ཚིགས་བཅད་ཀྱི་ཕྱེད་དོ། །དེ་བས་ཁྱོད་ནི་ཅི་བདེར་སོང་། །ཞེས་བྱ་བའི་ལན་ནི། གལ་ཏེ་གཅིག་གིས་མཉེས་གྱུར་ན། །ཞེས་བྱ་བ་ཕྱེད་འོག་མ་ཡིན་ནོ། །གལ་ཏེ་གཅིག་གིས་མཉེས་གྱུར་ན། །ཞེས་བྱ་བ་ལ། འདི་
[270a.4]བློ་དང་ན་ཚོད་ལ་སོགས་པ་མི་མཉམ་པ་དེ་ཁྱད་པར་ཡོད་དོ་ཞེས་རྟོག་པ་ལ། དེ་ཁྱད་པར་མེད་པར་བསྟན་པའི་ཕྱིར། བདག་ཅག་ཆུ་དང་ཞེང་ཡང་མཉམ། །ཞེས་བྱ་བ་སྨོས་སོ། །ཆུ་དང་ཞེང་རྣམ་པ་གཉིས་ཀྱིས་ནི་བྱེ་བྲག་མེད་པ་སྟོན་ཏེ#། དེ་ཁྱད་པར་མེད་པས་སེམས་ཀྱང་ཁྱད་པར་མེད་དོ། །
[270a.5]གལ་ཏེ་ཚོད་ལ་ཁྱད་པར་ཡོད་ན་ནི་ཤ་ལ་ཁྱད་པར་ཡོད་པར་འགྱུར་ཏེ། དེ་ཁྱད་པར་མེད་པར་བསྟན་པའི་ཕྱིར། ན་ཚོད་ལ་ཡང་རྒན་གཞོན་མེད། །ཅེས་བྱ་བ་འདིས་སོ། །བདག་ལ་ཐུགས་ཆེས་མི་འགྱུར་ན། །#ཞེས་བྱ་བར་བཤད་པ་ནི་ཅི་ཞིག་ལྟར་དོགས་ན་དེ་ཡང་ཉེས་པ་མེད་དེ། གལ་ཏེ་སྔར་
[270a.6]བྱའི་རྒྱལ་པོ་བཏང་སྟེ། བདག་ཀྱང་མ་བཟུང་བར་བཏང་ན་ནི་གཉི་ག་ལས་ཉམས་པར་འགྱུར་ན། དེའི་ཉེས་པ་མེད་པར་བྱ་བའི་ཕྱིར། ཁྱོད་ཀྱིས་བདག་ནི་སྔར་ཟུང་ལ། །ཞེས་བྱ་བའི་ཚིགས་བཅད་ཕྱེད་འོག་མའོ། །བདག་བཟུང་ཞིང་བྱའི་རྒྱལ་པོ་བཏང་ན་ནི་ཕན་ཡོན་འདི་དག་ཡིན་ཏེ། དེ་
[270a.7]བསྟན་པའི་ཕྱིར། ཁྱོད་ཀྱི་#རྙེད་པའང་དེ་བཞིན་ལ། །ཞེས་བྱ་བའི་ཚིགས་བཅད་སྨོས་ཏེ། ཁྱོད་ཀྱི་#རྙེད་པའང་དེ་བཞིན་ནོ། །དེ་#བས་མཛའ་བོའང་#དེ་བཞིན་འགྱུར། །ཞེས་བྱ་བ་འདི་གཉིས་ཀྱིས་རྔོན་པའི་ཕན་ཡོན་བསྟན་ཏོ། །བདག་གིས་གསོལ་བ་ཞེས་བྱ་བ་དག་དང་། ཁྱོད་ཀྱིས་བཏང་ནའང་#
[270b]
[270b.1]ཇི་ལྟར་འགྱུར་བ་གཟིགས། །ཞེས་བྱ་བ་འདིས་ངང་པའི་རྒྱལ་པོའི་ཕན་ཡོན་བསྟན་པའོ། །དེ་རང་གི་སྲོག་ལ་ཡང་མི་ལྟ་བར་ཞེས་བྱ་བས་ནི་གང་སྔར་བཤད་པའི། དེ་བས་བདག་གི་སྲོག་ནི་ཡལ་གྱུར་ཀྱང་། །འདི་ནི་གཏོང་བར་བདག་གིས་མི་ནུས་སོ། །ཞེས་བྱ་བ་དེ་བསྟན་པ་ཡིན་ནོ། །ཇོ་བོ་ལ་སྙིང་
[270b.2]ཉེ་ཞིང་བྱམས་པ་ཞེས་བྱ་བ་འདིས་ནི་གང་སྔར་བསྟན་པའི། ང་ཡི་རྒྱལ་པོ་སྲོག་དང་འདྲ་བའི་གྲོགས། །འདི་ནི་ཉམས་#ཉེས་གྱུར་ཅེས་བྱ་བ་དེ་སྟོན་པ་ཡིན་ནོ། །གང་#ཆུ་གང་དང་ཁྲེལ་ལྟས་ཆེ་བའི་ཡོན་ཏན་གྱི་གཟི་#བྱིན་དང་#ཞེས་བྱ་བ་འདིས་ནི་བདེ་བ་སྦྱིན་པ་འདི་ནི་#ཉམས་ཉེས་གྱུར་ཞེས་བྱ་བ་དེ་སྟོན་ཏོ། །
[270b.3]བརྟན་པའི་རྒྱན་གྱིས་#བརྒྱན་ཅེས་བྱ་བ་འདིས་ནི་གང་སྔར་བཤད་པའི། བདག་ནི་སྡུག་བསྔལ་མི་བཞེད་ན། །ཞེས་བྱ་བ་ལ་སོགས་པ་དེ་དག་སྟོན་པ་ཡིན་ནོ། །འཇམ་པའི་རྒྱན་གྱིས་བརྒྱན་ཅེས་བྱ་བ་འདིས་ནི། བཟང་པོ་བདག་ཅག་སྨྲས་པ་འདིས། །ཞེས་བྱ་བའི་ཚིགས་བཅད་ཀྱི་དོན་དེ་སྟོན་ཏོ། །
[270b.4]ངོ་མཚར་ཆེ་ཞིང་རབ་ཏུ་གུས་པའི་དབང་གིས་ཞེས་བྱ་བ་ནི་དུད་འགྲོའི་སྐྱེ་གནས་སུ་གྱུར་པ་ཡིན་དུ་ཟིན་ཀྱང་། དེའི་ཡོན་ཏན་ལ་ངོ་མཚར་ཆེ་བས་གུས་པ་ཡིན་ཏེ། ཡོན་ཏན་ཁྱད་པར་དུ་གྱུར་པ་དང་ལྡན་པའི་ཕྱིར་རོ། །ངོ་མཚར་དང་གུས་པ་གཉིས་བསྟན་པའི་ཕྱིར། ཇོ་བོའི་དོན་དུ་སྲོག་བཏང་བ། །
[270b.5]ཞེས་བྱ་བའི་ཚིགས་བཅད་འདི་སྨོས་སོ། །སྙིང་རྗེ་ཅན་ཞེས་བྱ་བ་སྙིང་རྗེ་དང་ལྡན་པ་ཡིན་པས་སྙིང་རྗེ་ཅན་ཏེ། སྡུག་བསྔལ་དང་བྲལ་བ་དེ་དེས་དོན་དུ་གཉེར་བའི་སྙིང་རྗེའི་ཡོན་ཏན་སྟོན་པའོ། །ཁྱོད་ཀྱིས་ལས་བྱས་དོན་མེད་མི་འགྱུར་ཕྱིར། །ཞེས་བྱ་བས་ནི། ཇི་ལྟར་བདག་དགའ་བར་འགྱུར་
[270b.6]བར་ལས་བྱས་པ་ནི་ངང་པའི་རྒྱལ་པོ་ཁྱོད་ཀྱིས་བཏང་བ་སྟེ། དེའི་འབྲས་བུ་མེད་པར་མི་འགྱུར་བའོ། །བདེ་བར་ཞེས་བྱ་བ་ནི་བག་ཚ་བ་མེད་པར་རོ། །ཕོ་བྲང་ནང་དུ་རྒྱལ་པོའི་སྤྱན་སྔར་བྲིམས། །ཞེས་བྱ་བ་ནི་དབེན་པར་བསྟན་པ་མི་འདོད་ཅིང་ཕོ་བྲང་གི་#ནང་དུ་འོས་#པ་སྟེ། བདག་ཉིད་སྐྱེ་བོ་མང་པོའི་
[270b.7]མངོན་དུ་བསྟན་པ་ནི་རང་གི་རིགས་པ་དང་མཐུན་པའི་ཕྱིར་རོ། །མིའི་#གཡོག་བཞིན་དུ་གཡོག་དང་བཅས་པའི་མཚན་ཉིད་དོ། །མི་རེ་བ་དག་གང་ཡིན་པ་དེ་ནི། རེ་ཡང་མི་རེ་བ་དག་སྟེ་ཆེ་ཞིང་རྒྱ་ཅེ་བ་དག་གོ། །མགུ་བར་འགྱུར་བ་ཞེས་བྱ་བ་འདིས་ནི་ཡིད་ལ་ཅི་འདོད་པ་ཉིད་སྟོན་ཏོ། །བདེ་ཞིང་ཞེས་བྱ་བ་འདིས་ནི་
[271a]
[271a.1]འཇིགས་པ་མེད་པར་རོ། །བྱ་འདི་གཉིས་ནི་ཞེས་བྱ་བས་ནི་ས་ལ་འགྲོ་བའི་སྤྱོད་ཡུལ་མ་ཡིན་པ་ཉིད་དུ་བསྟན་ཏོ། །རབ་ཏུ་དགའ་ཞིང་ངོ་མཚར་ཆེ་བ་ཞེས་བྱ་བ་ནི་དགའ་བ་དང་། ངོ་མཚར་དུ་གྱུར་པ་གཉིས་ནི་དགའ་བ་དང་། ངོ་མཚར་རོ། །དེ་ལ་རབ་ཏུ་དགའ་བ་ནི་འདོད་པའི་དོན་འགྲུབ་#པས་སོ། །
[271a.2]ངོ་མཚར་ཆེར་གྱུར་པ་གཉིས་ནི་ཤིན་ཏུ་རྙེད་པར་དཀའ་བ་རྙེད་པའི་ཕྱིར་རོ། །སྣ་ཚོགས་པའི་རིན་པོ་ཆེ་ནི་རིན་པོ་ཆེ་སྣ་ཚོགས་པའོ#། །རིན་པོ་ཆེ་སྣ་ཚོགས་པའི་འོད་ནི་འོད་ཟེར་ཏེ#། འོད་ཟེར་འཕྲོ་ཞིང་སྡུག་པའི་རྐང་པ་གང་ཡིན་པའི་སྟན་ནི་སྟན་དེའོ། །སྤྲས་#པ་ནི་གསལ་བར་བྱེད་#པའོ། །འོད་ཟེར་འཕྲོ་ཞིང་སྡུག་པ་ཞེས་
[271a.3]བྱ་བ་ནི་དབྱིབས་སོ། །ལྷའི་གདན་ཡང་ཡིན་པས་ལྷའི་གདན་རིམ་པ་དུ་མའོ། །དེ་བཤམས་པ་ནི་ལྷའི་གདན་རིམ་པ་དུ་མར་བཤམས་པ་སྟེ། དེས་མངོན་པར་དགའ་བར་བྱ་བ་གང་ཡིན་པ་དེ་ནི་ལྷའི་གདན་རིམ་པ་དུ་མར་བཤམས་ཤིང་བཟང་བའོ། །རྒྱབ་རྟེན་དང་བདེ་ཞིང་ཉམས་དགའ་བ་ནི་རྒྱབ་རྟེན་བདེ་
[271a.4]ཞིང་ཉམས་དགའ་བའོ། །བརྒྱན་པ་དང་བཅས་པ་ནི་རྒྱབ་རྟེན་བདེ་ཞིང་ཉམས་དགའ་བས་བརྒྱན་པའོ། །བཙུགས་པའི་རྐང་རྟེན་གང་ཡིན་པ་འདི་#ནི་རྐང་རྟེན་བཙུགས་པའོ། །དྲིལ་བུ་བཞིན་དུ་སྙན་པ་ནི་དྲིལ་བུ་ལྟར་སྙན་པ་སྟེ་དེས་སོ། །གཟི་བྱིན་ཆེ་ཞིང་མདངས་དང་ལྡན་པའི་སྐུ། །ཞེས་བྱ་བ་ལ་སོགས་
[271a.5]པའི་ཚིགས་བཅད་དང་པོ་ལྔས་ནི་དགའ་བར་འགྱུར་བའི་གཏམ་ལས་བརྩམས་པ་སྟེ། འདིའི་བསྡུས་པའི་དོན་ནི་ལུས་ལ་རྣམ་པ་གཉིས་ཀྱིས་བདེའམ་མི་བདེ་ཞེས་དྲི་བ་བསྟན་ཏེ། གཟུགས་ཀྱི་ལུས་ལ་སྙུན་#གསོལ་པ་ལས་བརྩམས་ཏེ། གཟི་བྱིན་ཆེ་ཞིང་ཞེས་བྱ་བའི་ཚིགས་བཅད་ཕྱེད་ཀྱིས་བསྟན་ཏོ། །
[271a.6]གཟི་བྱིན་དང་མདངས་ནི། གཟི་བྱིན་དང་མདངས་སོ། །གཟི་བྱིན་དང་མདངས་ཀྱི་གནས་སུ་གྱུར་པ་ནི་གཟི་བྱིན་དང་མདངས་ཀྱི་#གནས་སོ། །མདངས་སྨོས་པས་ནི་ཁ་དོག་གཟུང་ངོ་། །གཟི་བྱིན་སྨོས་པས་ནི་དབྱིབས་གཟུང་ངོ་། །གཉིས་པ་ནི་གང་གི་ཕྱིར། མིག་གི་ཡུལ་གྱིས་བདེའམ་ཞེས་དྲིས་པ་ཡིན་ཏེ།
[271a.7]ནད་མེད་པ་ནི་བདེ་བའི་གནས་ཡིན་#ཏེ། སྔོན་དགེ་བ་བསགས་པའི་ཕྱིར་བདེ་བའི་གནས་སོ། །ཆོས་ཀྱི་སྐུ་ལ་ཞེས་བྱ་བ་ལ། ཆོས་ཀྱི་སྐུ་ནི་བསོད་ནམས་ཀྱི་ཚོགས་བསགས་པ་སྟེ། ཕ་རོལ་ཏུ་ཕྱིན་པ་བཞི་ནི་ཆོས་ཀྱི་སྐུའོ། །འདིས་ནི་རྒྱལ་པོའི་ཆོས་ཀྱི་ལུས་སྐྱེ་དགུ་སྲུང་ཞིང་སྐྱོབ་པར་བསྟན་ཏོ། །
[271b]
[271b.1]རྨ་མེད་ཞེས་བྱ་བ་ནི་ཚུལ་ལས་མ་ཉམས་སོ་#ཞེས་བྱ་བའི་དོན་ཏོ། །བཀའ་ལུང་སྙན་པས་རྒྱ་ཆེར་དབུགས་ཕྱུང་ངམ་ཞེས་བྱ་བས་ནི་སྦྱིན་པའི་ཕ་རོལ་ཏུ་ཕྱིན་པ་བསྟན་ཏོ། །ད་ནི་རྒྱལ་པོའི་ཆོས་ཀྱི་དབང་དུ་བྱས་པ་སྟེ། ཕན་གདགས་ནན་ཏུར་ཞེས་བྱ་བ་ལ་སོགས་པའི་ཚིགས་སུ་བཅད་པ་གསུམ་མོ། །
[271b.2]དེ་ལ་ཕན་གདགས་ནན་ཏུར་ཞེས་བྱ་བ་དང་། བློན་པོ་མཛངས་#ཤིང་གློ་བ་ཉེ་བ་ཞེས་བྱ་བའི་ཚིགས་བཅད་གཉིས་ནི་རང་གི་ཡུལ་འཁོར་གྱི་དབང་དུ་བྱས་པའི་རྒྱལ་པོའི་ཆོས་སོ། །སྐྱེ་དགུ་བསྲུང་#བ་དེ་ཡང་ཚུལ་ཡིན་ཏེ། ཕན་གདགས་ནན་ཏུར་བགྱི་བའི་བཀའ་ཁྲིམས་ཀྱིས། །ཞེས་བྱ་བ་ནི་མངོན་
[271b.3]སུམ་དུ་བཏགས་ནས་བསྟན་པ་དང་། དང་བས་ཇི་ལྟར་རིགས་པར་ཆད་པས་བཅད་པ་དང་། གློ་བ་ཉེ་བ་ལ་ཕན་གདགས་པར་བྱ་བ་ཉིད་དོ། །ནན་ཏུར་གྱིས་ནི་ཕན་པ་འབྱུང་བ་ཡིན་ཏེ། བསྲུང་བའི་དབང་བསྐུར་#བའི་ཕྱིར་རོ། །བདག་གི་གྲགས་པའི་གཏམ་སྙན་རྒྱས་གྱུར་ཏམ། །ཞེས་བྱ་བ་འདི་དག་
[271b.4]གིས་ནི་མངོན་སུམ་ཉིད་དུ་རྒྱལ་པོའི་ཆོས་བསྟན་#ཏེ། །རྒྱལ་པོའི་#ཚུལ་ནི་མངོན་སུམ་དང་། །ལྐོག་ཏུ་གྱུར་པ་རྗེས་སུ་དཔག་པ་ཡིན་པའི་ཕྱིར་རོ། །དེ་ལ་བདག་གིས་#མཐོང་བ་ནི་མངོན་སུམ་མོ། །བློན་པོ་མཛངས་#ཤིང་གློ་བ་ཉེ་བ་རྣམས། །བརྟག་པའི་ཐབས་ཀྱིས་ཞེས་བྱ་བ་ནི་ལྐོག་ཏུ་གྱུར་པ་རྗེས་སུ་
[271b.5]དཔག་པའི་ཚུལ་ལོ། །ལེགས་པར་ཞེས་བྱ་བ་ནི་རང་བཞིན་མི་དགའ་བའི་ཕྱིར་བརྟག་པའི་ཐབས་ནི་རྣམ་པ་ལྔའོ། །ཉེ་བར་སྩོགས་#པ་དང་ཐབས་མཐར་མ་ཕྱིན་པ་ནི་བརྟག་པའི་ཐབས་ཞེས་བརྗོད་དོ། །གློ་བ་ཉེ་བ་ཞེས་བྱ་བ་ནི་བསམ་པ་ཕུན་སུམ་ཚོགས་པའོ། །མཛངས་#པ་ནི་སྦྱོར་བ་ཕུན་
[271b.6]སུམ་ཚོགས་པའོ། །འབངས་ལ་སྨན་པ་རྟག་ཏུ་དགོངས་ལགས་སམ། །ཞེས་བྱ་བ་ནི་གསུམ་པོ་དེ་ལྐོག་ཏུ་གྱུར་པའི་རྒྱལ་པོའི་ཚུལ་སྟོན་པ་ཡིན་ནོ། །དེ་དག་མི་མཁྱེན་པར་ནི་མི་ཞུགས་གྲང་། །ཞེས་བྱ་བས་ནི་རྗེས་སུ་དཔག་པ་ཉིད་སྟོན་ཏོ། །དེ་ལྟར་རེ་ཞིག་བྱ་བ་མ་ཡིན་པ་བྱེད་པ་ལས་
[271b.7]ལྡོག་པའི་ཚུལ་བསྟན་ཏེ། ཆོས་ཀྱི་སྐུ་ལ་ཞེས་བྱ་བ་ནི་བྱ་བ་མ་ཡིན་པ་ལས་ལྡོག་པའི་ཚུལ་ལོ། །ཕན་གདགས་ནན་ཏུར་ཞེས་བྱ་བ་དང་། བློན་པོ་མཛངས་#ཤིང་ཞེས་བྱ་བ་གཉིས་ཀྱིས་#ནི་སྐྱེ་དགུ་སྐྱོང་བ་ལ་#འཇུག་པའི་ཚུལ་ལོ། །དཔའ་ཞིང་ཐབས་མཁས་ཞེས་བྱ་བའི་ཚིགས་སུ་བཅད་པ་ནི་
[272a]
[272a.1]རྒྱལ་པོའི་ཆོས་ཀྱི་དབང་དུ་བྱས་པ་སྟེ། ཡུལ་ཕྱོགས་གཞན་གྱི་དབང་དུ་བྱས་ནས་ཐབས་མཁས་པ་ཞེས་སྨོས་ཏེ། བསྡུམ་#པ་དང་དབྱེ་བའི་ཐབས་ཀྱིས་བྱ་བ་ཡིན་པས་ཐབས་མཁས་པ་#ཞེས་བརྗོད་དོ། །དཔའ་བས་ཞེས་བྱ་བ་ནི་བཀའི་བཀའ་ཁྲིམས་བསྟན་ཏོ། །ཐུགས་རྗེ་ཆེན་
[272a.2]པོའི་མཛད་#པ་མ་ཆིས་ལགས་སམ། །ཞེས་བྱ་བ་ནི་བཟོད་#པའི་ཕ་རོལ་ཏུ་ཕྱིན་པའོ། །ཐུགས་རྗེ་#བག་མེད་པར་ནི་མི་མནལ་གྲང་། །ཞེས་བྱ་བ་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟེ། ཆགས་པའི་དབང་དུ་མི་གཏང་བར་སྟོན་པ་ཡིན་ནོ། །ཆོས་དང་བདེ་དང་སྲིད་རྣམས་མཐུན་ལགས་སམ། །
[272a.3]ཞེས་བྱ་བ་འདི་ཡང་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་དབང་དུ་བྱས་པ་སྟེ། ཆོས་དང་བདེ་དང་སྲིད་རྣམས་མཐུན་ལགས་སམ། །ཞེས་བྱ་བ་ནི་རྒྱལ་པོའི་འཁོར་གསུམ་གཙོ་བོ་ཡིན་པའི་ཕྱིར། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་མཐུན་པར་གྱུར་པའི་སྤྱོད་པ་སྟོན་པ་ཡིན་ནོ། །ཤུགས་
[272a.4]འབྱིན་སྨོད་པར་འགྱུར་ལགས་སམ། །ཞེས་བྱ་བ་ནི་#དེའི་ཡོན་ཏན་ཐོས་ན་མཁས་པའི་ཕྱིར་རོ། །#མི་བཟོད་པ་ཡིན་པས། ཤུགས་འབྱིན་པ་ཡིན་ཏེ་#སྨོད་པར་འགྱུར་རོ། །ཞེས་སྟོན་ཏོ། །དེ་རིང་བདག་ཀྱང་བདེ་ཞེས་བྱ་བ་ནི་ཅིའི་ཕྱིར་ཞེ་ན། ཕྲད་པས་ཡུན་རིང་པོར་བསམས་པ་འབྱོར་ཅིང་ཐོབ་པའི་
[272a.5]ཕྱིར་རོ། །ཐམས་ཅད་དུ་ཡང་བདེ་ཞེས་བྱ་བ་ཡང་དེ་དང་ཕྲད་པས་གྲུབ་པའི་ཕྱིར་རོ། །དང་པ་དེ་རིང་བདག་ཀྱང་བདེ། །ཞེས་བྱ་བའི་ཚིགས་བཅད་འདི་ནི་སྔར་བཤད་པའི་དྲི་བ་མཐའ་དག་གི་ལན་ཡིན་ནོ། །ཁྱོད་ནི་རྙི་ཡིས་ཟིན་པ་ན། །ཞེས་བྱ་བ་དང་། དེ་ལྟར་རྔོན་པ་འདི་དག་ནི། །ཞེས་
[272a.6]བྱ་བའི་ཚིགས་བཅད་གཉིས་ནི་དགའ་བར་གྱུར་པའི་གཏམ་ལས་བརྩམས་པའོ། །འདི་ཡིས་སྣད་པར་མ་བྱས་སམ། །ཞེས་བྱ་བ་སྨོས་པ་ལ། སྣད་པར་བྱེད་པའི་རྒྱུ་དེ་ཉིད་ཀྱིས་#སྒྲུབ་པའི་ཕྱིར་སྨྲས་པ། ཁྱོད་ནི་རྙི་ཡིས་ཟིན་པ་ཡི། །#ཞེས་བྱ་བའི་ཚིགས་བཅད་ཀྱིས་ཕྱེ་སྟེ། དགའ་བས་སེམས་
[272a.7]གཡེངས་པར་གྱུར་པའི་ཕྱིར་རོ། །དགའ་བས་སེམས་གཡེངས་པ་ཉིད་ཀྱི་རྒྱུ་ཡང་བསྟན་པའི་ཕྱིར། དེ་ལྟར་རྔོན་པ་འདི་དག་གིས། །ཞེས་བྱ་བའི་ཚིགས་བཅད་ཀྱི་ཕྱེད་དོ། །བྱ་རྣམས་ཟིན་ཅིང་སྣང་གྱུར་ན། །ཞེས་བྱ་བ་ནི་བྱ་རྣམས་དབང་དུ་གྱུར་ཅིང་ཐོབ་ན་གནོད་པ་ཉིད་དུ་དགའ་བ་ཡིན་ནོ། །དགའ་
[272b]
[272b.1]བས་སེམས་ནི་གཡེངས་གྱུར་ནས། །ཞེས་བྱ་བ་ནི་དགའ་བསྙེམས་#པས་དེ་ལ་ངན་པ་དག་ཀྱང་སྤྱོད་པར་འགྱུར་ཏེ། བསྙེམས་#པའི་དབང་གིས་སོ། །འདི་ལྟ་བུར་ནི་ཉམས་#ཉེས་ཀྱང་། །ཞེས་བྱ་བ་ནི་རྙིའི་དབང་དུ་གྱུར་ཀྱང་ངོ་། །དགྲ་བཞིན་དུ་ནི་གནོད་པ་མ་བགྱིས་སོ། །ཞེས་བྱ་བ་ནི་དབྱིག་
[272b.2]པ་ལ་སོགས་པས་མ་བརྡེགས་པས་སོ། །འོ་སྐོལ་གཉིས་ཀ་དགྱེས་བགྱིས་པས། །ཞེས་བྱ་བ་ནི་སྔར་ངང་པའི་རྒྱལ་པོ་བཏང་བས་བཞིན་བཟངས་ངང་པའི་རྒྱལ་པོ་ཁྱེད་#ཀྱང་དགའ་བར་བྱས་ལ། འདིར་ཁྱེར་ཏེ་འོངས་པས་བདག་ཅག་ཀྱང་དགའ་བར་བྱས་ཏེ། དེས་ན་བདག་ངང་པའི་རྒྱལ་
[272b.3]པོ་བཞིན་བཟངས་ཀྱང་དགའ་བར་བྱས་པ་སྟེ། དེ་ལྟར་གཉི་ག་དགའ་བར་བྱས་པ་གང་ཡིན་པའོ། །མང་བ་ནི་སྤངས་#པའོ། །ནོར་རྒྱ་ཆེར་བྱིན་ཏེ་ཞེས་བྱ་བ་ནི་རེ་རེའི་རྣམ་པ་ཡང་མང་པོ་ཡིན་པར་སྟོན་ཏོ། །ཅི་བཞེད་དེ་དག་ཅེས་བྱ་བ་ནི་དངོས་སུ་སྨོས་པ་བཟུང་སྟེ། ནོར་དེའི་དམིགས་ཀྱིས་
[272b.4]དབྱེ་བའི་ཚུལ་མེད་པར་རོ། །ཅི་དང་ཞེས་བྱ་བ་ནི་དེ་དང་འཚམ་#པའི་ཐབས་སྟོན་པ་ཡིན་ནོ། །དེ་ཞེས་བྱ་བ་ནི་ལོངས་སྤྱོད་བདོག་པའོ། །དེ་བས་ན་མཛའ་བོའི་ཕན་ཡོན་ཆེ་བའི་སྤོབས་པ་གང་ཡིན་པ་དེ་ནི་སྤོབས་པ་ཕན་ཡོན་ཆེ་བའོ། །བཞིན་བཟངས་སྨྲར་གཞུག་པར་འདོད་པ་གང་ཡིན་པ་
[272b.5]དེ་ནི་བཞིན་བཟངས་སྨྲར་གཞུག་པར་འདོད་པའོ། །གསར་དུ་བཤེས་པ་གང་ཡིན་པ་དེ་ནི་གསར་དུ་བཤེས་པའོ། །སུ་དང་གསར་དུ་བཤེས་ཤེ་ན། སྐྱེ་བོ་མ་འདྲིས་པས་ཞེས་བྱ་བ་ཡིན་ཏེ། མ་འདྲིས་པ་དེ་ལ་རབ་ཏུ་སྤོབས་ཤིང་སྨྲ་བ་དང་བག་དབབ་པ་ནི་མི་རུང་བ་ཡིན་པས་སོ། །བཀའ་
[272b.6]མཆིད་ཉིད་གསུང་ཡིན་པས་བཀའ་མཆིད་གསུང་བའོ། །ཚུལ་#ནི་དེ་མ་ལགས་ཞེས་བྱ་བ་ནི་བཀའ་མཆིད་དེ་ལྟ་བུའི་ནང་དུ་འཇུག་ཅིང་སྤྱི་བརྟོལ་#བསྐྱེད་པའི་ཚུལ་དང་། ལམ་མ་ཡིན་ཏེ། ཚུལ་མ་ཡིན་པའི་ལམ་དེས་སོ། །བཟོད་པར་གསོལ་བ་ནི་མི་སྨྲ་བར་འདུག་པ་དེ་ལའོ། །ཁྱོད་ཀྱི་ཡོན་ཏན་
[272b.7]གཏམ་སྙན་མི་རྣམས་ཟེར་བའི་རིགས། །ཞེས་བྱ་བ་ལ། ཅིའི་ཕྱིར་རིགས་ཤེ་ན། སྨྲས་པ། འདི་ལྟ་བུར་ཁྱོད་དུལ་བའི་ཕྱིར་རོ། །ངང་པའི་བདག་པོ་དང་ཡང་གྲོགས་པོར་འཐམས་པའི་རིགས་ཏེ། གྲོགས་པོར་འཐམས་པ་ཅིའི་ཕྱིར་རིགས་ཤེ་ན། འདི་ལྟ་བུར་ཁྱོད་དུལ་བ་དང་ཚུལ་མཁས་པས་སོ། །
[273a]
[273a.1]རབ་ཏུ་མཛའ་བར་འདོད་པ་ཞེས་བྱ་བ་ནི་རབ་ཏུ་གཅུགས་#པར་འདོད་པ་ཞེས་བྱ་བའི་དོན་ཏེ། །ཇི་ལྟར་དེ་བས་བདག་ཅག་མཛའ་བ་འདི། །ཞེས་བྱ་བའི་ཚིགས་བཅད་འདིས་བསྟན་པ་དེ་བཞིན་དུ་གཟུང་ངོ་། །བྱམས་པའི་འཇུག་པ་ནི་བྱམས་པར་འགྱུར་བའོ#། །ཇི་ལྟར་བྱམས་པར་
[273a.2]གྱུར་པ་ཡིན་ཞེ་ན། ཇི་སྐད་དུ་སྔར་བཤད་པའི། ཁྱེད་#གཉིས་ཁྱེད་དུ་བདག་གི་ཁྱིམ་དུ་བྱོན། །ཞེས་བྱ་བའི་ཚིགས་བཅད་ཀྱིས་བསྟན་ཏོ། །དང་པོ་བཤེས་པར་གྱུར་པ་ནའང་། །ཞེས་བྱ་བའི་ཚིགས་བཅད་ཀྱིས་ནི་བྱམས་པར་གྱུར་བར་#ཤེས་ནས་དེ་ལ་མགུ་བར་བྱེད་པ་དེ་བསྟན་ཏོ། །རབ་ཏུ་མཛའ་
[273a.3]བར་འདོད་པ་ཞེས་བྱ་བ་དེ་སྒྲུབ་པའི་ཕྱིར། བཀུར་སྟི་བྱ་བའི་ཆོ་ག་འདིས། །ཞེས་བྱ་བས་བསྟན་ཏོ། །ཅི་དང་ཅི་བཞེད་དེ་དག་བདག་ལ་གསུངས། །ཞེས་བྱ་བ་དེའི་ལན་ནི། བདག་ཉིད་དོན་དུ་མི་གཉེར་བར་བསྟན་པའི་ཕྱིར། དགོས་པ་ལྟ་ཞིག་ཆེད་ཆེ་ཅི་ཞིག་མཆིས། །ཞེས་བྱ་བའི་ཚིགས་
[273a.4]བཅད་ཡིན་ནོ། །ཆེད་ཆེ་མཆིས་ཞེས་བྱ་བ་ནི་བདག་ཉིད་ཀྱི་སྲོག་ཅུང་ཟད་ཙམ་གྱི་ཕྱིར་རོ། །ཅི་ཞིག་མཆིས་ཞེས་བྱ་བ་ནི་གཞན་གང་དོན་དུ་མི་གཉེར་བར་འདོད་པའོ། །ཁྱོད་ལ་བདག་བརྟེན་པ་གང་ཡིན་པ་དེ་ལྟ་ཡིན་པས་སོ། །ཅི་དང་ཅི་བཞེད་དེ་དག་བདག་ལ་གསུངས། །ཞེས་བྱ་
[273a.5]བ་ཡང་གོམས་པའི་ཡོན་ཏན་ཡིན་ཏེ། གཞན་དག་ཏུ་མགྲོན་དག་ལ་སྤྱོད་པ་ཉིད་ཡིན་པའི་ཕྱིར།མགྲོན་ལ་དགའ་བའི་ཕྱིར་ཞེས་བྱ་བ་བདག་ལ་འདི་ལྟར་གྱུར་པའོ། །ཡོན་ཏན་ལ་དགའ་བ་ནི་ཡོན་ཏན་འདོད་པ་སྟེ་དེ་ཡོན་ཏན་འདོད་པ་གཉིས་ཀྱི་#ཡོན་ཏན་ལ་དགའ་བ་ཞེས་བྱ་བའི་དོན་ཏོ། །གང་གི་
[273a.6]ཕྱིར་ཡོན་ཏན་འདོད་པ་དེ་བས་ན་མགྲོན་ལ་དགའ་བ་ཡིན་ཏེ། ཡོན་ཏན་དང་མགྲོན་ལ་དགའ་བའོ། །ཡོན་ཏན་ལ་དགའ་བ་ཉིད་བསྟན་པའི་ཕྱིར། འབངས་ལ་ཕན་ཕྱིར་ཞེས་བྱ་བའི་#ཚིགས་བཅད་ཡིན་ཏེ། ཁྱོད་ལྟ་ལགས་ཀྱང་མོད་ཅེས་བྱ་བ་ནི་མགྲོན་ལ་དགའ་བའི་ཕྱིར་རོ། །རང་བཞིན་
[273a.7]དུལ་བ་ཞེས་བྱ་བ་ནི་ངང་གིས་སེམས་སྦྱངས་པ་གང་ཡིན་པ་དེ་ནི་རང་བཞིན་དུལ་བ་སྟེ། མི་བཟོད་པ་སྤངས་པས་རང་བཞིན་དུལ་བར་གྱུར་པའོ། །གལ་ཏེ་མི་བཟོད་པ་སྤངས་སོ་ཞེས་བསྟན་ན་ཅིའི་ཕྱིར་སའི་བདག་པོ་བྱེད་པར་འགྱུར་ཞེ་ན། སྨྲས་པ། འབངས་ལ་ཕན་ཕྱིར་རྒྱལ་པོའི་
[273b]
[273b.1]ཚུལ་འཛིན་པ། །ཞེས་བྱ་བ་#སྨོས་ཏེ། འདིས་ནི་བདག་ཉིད་ཀྱི་ཉེ་བར་ལོངས་སྤྱོད་པའི་ཕྱིར་མ་ཡིན་པར་སྟོན་ཏོ། །རང་གི་ངང་གིས་ཞེས་བྱ་བ་ནི་འབད་པ་མེད་པར་གོམས་པ་སྟེ། དེ་ལ་ཡོན་ཏན་རྣམས་གནས་པར་སྟོན་ཏོ། །དེ་བས་ཞེས་བྱ་བ་ནི་རྒྱུན་མི་འཆད་པའི་ཚུལ་གྱིས་ཡིན་ཏེ་དེས་ནི་
[273b.2]བདག་ཉིད་ཀྱི་ཚུལ་བསྟན་ཏོ། །ཡོན་ཏན་བསྟོད་པར་འོས་པ་ཞེས་བྱ་བ་ལ། འོས་པ་ནི་རིགས་པ་ཞེས་བྱ་བའི་དོན་ཏོ། །#བདེ་བའི་རྒྱུ་ཡོན་ཏན་དང་ཕན་ཡོན་རྣམ་པ་གཉིས་བསྟན་ཏེ། །འཇིག་རྟེན་འདིར་བསྟོད་#པའི་འོས་སུ་གྱུར་པ་དང་། འཇིག་རྟེན་ཕ་རོལ་ཏུ་བདེ་བའི་རྒྱུར་གྱུར་པའི་
[273b.3]ཕྱིར་རོ། །བསྟོད་པར་འོས་པ་ཞེས་བྱ་བ་དང་། འབྱུང་པོ་ཉེས་པའི་གཅོང་རོང་མི་འདོང་ངོ་། །ཞེས་བྱ་བས་ནི་འདི་གཉིས་མེད་པར་སྟོན་ཏོ། །#འཇིག་རྟེན་འདིར་གྲགས་པ་མ་ཡིན་པ་དང་། ཕ་རོལ་ཏུ་ཡང་ངན་སོང་དུ་འགྲོ་བའི་སྡུག་བསྔལ་མེད་པ་ཡིན་ཏེ། ཡོན་ཏན་གྱི་ཆོས་ཀྱི་
[273b.4]ཕན་ཡོན་རྣམ་པ་གཉིས་བསྟན་ནས་སྐྱོན་གྱི་ཆོས་ཉིད་ནི་དེའི་མི་མཐུན་ཕྱོགས་ཉེས་དམིགས་ཉིད་དུ་བསྟན་ཏེ། དེ་ཡང་། སེམས་ཡོད་#སུ་ཞིག་མི་ཕན་ལམ་ངན་འགྲོ། །ཞེས་བྱ་བ་ནི་ཉེས་པའི་ལམ་ཡིན་ཏེ། འབྱུང་པོ་#ཉེས་པའི་གཅོང་རོང་མི་འདོང་ངོ་། །ཞེས་བྱ་བ་དེ་ཉིད་སྟོན་པ་
[273b.5]ཡིན་ནོ། །ཅིའི་ཕྱིར་འབྱུང་པོའི་#གཅོང་རོང་དུ་མི་འདོང་ཞེ་ན། དེའི་རྒྱུ་བསྟན་པའི་ཕྱིར། དཔའ་བས་ཡུལ་འཁོར་ཞེས་བྱ་བ་ལ་སོགས་པའི་ཚིགས་བཅད་གསུམ་ཡིན་ནོ། །ཡུལ་ཞེས་བྱ་བ་ནི་གནས་ཞེས་བྱ་བའི་དོན་ཏེ་ཡུལ་དེར་དཔའ་བས་སོ། །ནོར་གྱི་རྩོལ་ཕོད་པ་ཡིན་པས་
[273b.6]ནོར་གྱི་རྩོལ་ཕོད་པ་སྟེ། ནོར་གྱི་མཐུ་ཞེས་བྱ་བའི་དོན་ཏོ། །འདིས་ནི་བདག་པོའི་ནུས་པ་བསྟན་ཏེ། ནོར་དང་། བཀའ་ཁྲིམས་དང་། སྟོབས་ནི་བདག་པོའི་ནུས་པ་ཞེས་བྱ་བའི་ཚིག་གིས་སོ། །ཡང་ན་ནོར་དང་། རྩོལ་ཕོད་པ་ནི་ནོར་རྩོལ་ཕོད་པའོ#། །རྩོལ་
[273b.7]ཕོད་པ་སྨོས་པས་ནི་བཀའ་ཁྲིམས་གཟུང་ངོ་། །ཐབས་#ཀྱིས་དེ་མི་འཐོབ་ཅེས་བྱ་བ་ནི་ངེས་པ་མེད་པའོ། །ནོར་བཀོད་པ་དང་འབད་པ་ཞེས་བྱ་བ་ནི་ལུས་ཀྱི་ཡོངས་སུ་ངལ་བ་དང་། ནོར་ཟད་པ་གཉིས་ཏེ། འདིས་ནི་མཐོང་བའི་ཆོས་ཀྱི་ཕན་ཡོན་བསྟན་ཏེ#། །རྒྱལ་པོའི་སྲིད་ཐོབ་ཅེས་བྱ་བ་ནི་སྦྱིན་པའི་
[274a]
[274a.1]ཕ་རོལ་ཏུ་ཕྱིན་པའི་འབྲས་བུ་ཡོན་ཏན་ཉིད་ཀྱིས་#ཐོབ་པ་ཡིན་ནོ་ཞེས་བསྟན་ཏོ། །ལྷའི་རྒྱལ་པོའི་#དཔལ་ཡང་ཞེས་བྱ་བ་ནི་མི་ལས་ཁྱད་པར་དུ་གྱུར་པའི་རྒྱལ་སྲིད་འཐོབ་པའི་དབང་དུ་བྱས་པ་སྟེ། འདི་ཡང་ཕན་ཡོན་ཉིད་དེ་སྦྱིན་པའི་ཕ་རོལ་ཏུ་ཕྱིན་པའི་འབྲས་
[274a.2]བུའོ། །ཡོན་ཏན་ཡོད་ན་རྒྱུད་ཀྱང་རབ་ཏུ་འཕེལ། །ཞེས་བྱ་བ་ཡིན་ཏེ། གཞན་རག་ལུས་པ་ནི་ཕན་ཡོན་ཏེ་ལུས་ཀྱི་#འདུད་པའོ། །གྲགས་པ་རྣམས་ཀྱང་ཡོན་ཏན་ཉིད་ལས་འཕྲོ་བ་#ཞེས་བྱ་བ་འདིས་ནི་གྲགས་པ་འཕེལ་བ་སྟེ། གཞན་རག་ལུས་པའི་ཕན་ཡོན་ཡིན་ནོ། །
[274a.3]ཟླ་བའི་འོད་ལས་གསལ་བའི་ཡོན་ཏན་ནི། །ཞེས་བྱ་བའི་ཚིགས་བཅད་འདི་ནི་གཞན་ཕ་དང་མ་དང་འབྲེལ་བ་ཉིད་དང་བར་བྱེད་པའི་རྒྱུ་ཡིན་ཏེ#། ཡིད་ཀྱི་ལས་ཀྱི་དབང་དུ་བྱས་ནས་མི་བཟོད་པ་ཞེས་བྱ་བ་ནི་གཞན་གྱི་ཕུན་སུམ་ཚོགས་པ་ལ་མི་བཟོད་པའོ། །དྲེགས་པ་ཞེས་བྱ་བ་ནི་སྐྱེས་བུའི་
[274a.4]སྟོབས་ལ་སོགས་པས་བསྙེམས་#པའོ། །མི་བཟོད་པ་དང་དྲེགས་པ་ནི་མི་བཟོད་དྲེགས་པའོ། །དེ་གཉིས་ཀྱི་སྡང་བ་ནི་རྩུབ་པ་སྟེ་མི་བཟོད་དྲེགས་པས་སྡང་བའོ། །འདི་དག་གིས་ནི་སེམས་ལ་ཁྲོ་བའི་ཀུན་ནས་དཀྲིས་པ་ཉིད་དུ་བསྟན་ཏོ། །ཁྲོ་བའི་མཚན་ཉིད་ནི་གནོད་པར་བྱས་
[274a.5]པ་དང་། བརྙས་པ་ལས་#སེམས་ཀུན་ནས་མནར་སེམས་པ་ཡིན་ནོ། །འཁོན་རྙིང་#གང་ཡིན་པ་དེ་ནི་འཁོན་རྙིང་#ཡོད་པ་སྟེ། འཁོན་རྙིང་#ཡོད་པ་དེ་གང་ཡིན་པ་དེས་ཕྲག་དོག་ཆེ་བའོ། །འཁོན་རྙིང་#ཡོད་པ་དང་ཕྲག་དོག་ཆེ་བ་ནི་འཁོན་རྙིང་#ཡོད་ཅིང་ཕྲག་དོག་ཆེ་བའོ། །འདིས་ནི་
[274a.6]འཁོན་#དུ་འཛིན་པ་བསྟན་ཏེ་འཁོན་#དང་རྗེས་སུ་འབྲེལ་པ་ཞེས་བྱ་བའི་དོན་ཏོ། །དགྲ་ནི་རྣམ་པ་གཉིས་ཏེ། ལྷན་ཅིག་སྐྱེས་པ་དང་། ཀུན་དུ་བརྟགས་པའོ། །དགྲ་བོ་མི་བཟད་ཅེས་བྱ་བ་འདི་ནི་ཀུན་ཏུ་བརྟགས་#པའི་དབང་དུ་བྱས་པའོ། །འཁོན་རྙིང་#ཡོད་ཅེས་བྱ་བ་འདི་ནི་ལྷན་ཅིག་
[274a.7]སྐྱེས་པའི་དབང་དུ་བྱས་པའོ། །དེ་ལྟར་ཞེས་བྱ་བ་ནི་དེ་བས་ན་#འཇིག་རྟེན་གཉི་ག་ལ་ཕན་པའི་ཕྱིར་རམ། ཡང་ན་བསྟོད་པར་འོས་པའི་ཕྱིར་དང་། བདེ་བར་འགྱུར་བའི་ཕྱིར་རོ། །ཡོན་ཏན་གྱིས་རྒྱལ་ཕྲན་གྱི་#དྲེགས་པ་བཏུལ་བའི་ཕྱིར་ཕ་རོལ་གྱི་ཚོགས་སྦྱོང་བ་ཡིན་ཏེ། དུལ་བ་ལ་
[274b]
[274b.1]སོགས་པའི་ཡོན་ཏན་གྱི་ཚོགས་ཡོངས་སུ་སྦྱོང་པའོ། །དུལ་བ་ལ་སོགས་པ་ཞེས་བྱ་བ་ལ། སོགས་པ་སྨོས་པས་ནི་ཚུལ་ཁྲིམས་དང་། སྦྱིན་པ་དང་། བཟོད་པ་དང་། བརྩོན་འགྲུས་ཏེ་བསོད་ནམས་ཀྱི་ཚོགས་ཡོངས་སུ་གཟུང་#ངོ་། །ཡོན་ཏན་བཟང་ཞིང་ཞེས་བྱ་བ་ནི་ཡོན་ཏན་གྱི་
[274b.2]ལམ་ལ་རྗེས་སུ་དགའ་བ་སྟེ། དེའི་ཡོན་ཏན་ལ་རྗེས་སུ་དགའ་བར་འབངས་ཀྱང་བསླབས་#པའོ། །དེས་ན་རྒྱལ་པོ་ཅི་ཞིག་ཏུ་འགྱུར་ཞེ་ན། དེའི་ཕན་ཡོན་འབངས་ལ་ཕན་གདགས་ཞེས་བྱ་བའི་ཚིགས་བཅད་སྨོས་སོ། །འབངས་ལ་ཕན་གདགས་པ་ནི་རྒྱལ་པོའི་དོན་གྱི་མཆོག་ཡིན་ཏེ།
[274b.3]ཅིའི་ཕྱིར་ཞེ་ན། ཚེ་རབས་གཉི་གའི་བདེ་བའི་ཕྱིར་རོ། །འཇིག་རྟེན་འདིར་ནི་གྲགས་པ་ལ་སོགས་པ་འཐོབ་པར་འགྱུར་རོ། །འཇིག་རྟེན་ཕ་རོལ་དུ་ནི་བདེ་འགྲོར་#འགྲོ་བས་ཕན་པའོ། །འདི་ཡིན་ཞེས་བྱ་བ་ནི་ཆོས་ལ་དགའ་བ་སྟེ། རྒྱལ་པོའི་ཆོས་ལ་དགའ་བ་དེས་སྐྱེ་དགུ་ལ་ཕན་པར་
[274b.4]འགྱུར་ཏེ། ཅིའི་ཕྱིར་ཞེ་ན། རྒྱལ་པོའི་རྗེས་སུ་འབངས་ཀྱང་སྤྱོད་པའི་ཕྱིར་རོ། །དེ་བས་ཆོས་བཞིན་ས་ལ་ཞེས་བྱ་བ་ནི་སྐྱེ་དགུ་ལ་ཕན་པ་དེས་ནི་འཇིག་རྟེན་གཉི་ག་ལ་ཕན་པའི་ཕྱིར་རོ། །གནས་པར་བྱེད་པ་ཡིན་པས་གནས་པར་གྱུར་པ་སྟེ། དེ་བས་ན་འདི་དག་གིས་ནི་དེའི་དྲུང་ན་
[274b.5]གནས་པའི་ཕན་ཡོན་བསྟན་ཏོ། །བཀུར་སྟི་དང་ཚིག་སྙན་པ་ནི་བཀུར་སྟི་དང་ཚིག་སྙན་པ་དག་གོ། །དེའི་སྦྱོར་བ་ནི་བཀུར་སྟི་དང་ཚིག་སྙན་པའི་སྦྱོར་བའོ། །རལ་གྲི་དང་དྲི་མ་མེད་པ་ནི་རལ་གྲི་དྲི་མ་མེད་པའོ། །དེ་ལྟར་སྔོ་བ་ནི་རལ་གྲི་དྲི་མ་མེད་པ་ལྟར་སྔོ་བའོ། །ཡང་ན་རལ་གྲི་དྲི་མ་མེད་པས་སྔོ་
[274b.6]བ་ནི་རལ་གྲི་དྲི་མ་མེད་པ་ལྟར་སྔོ་བའོ། །སྟོན་ཀ་མཛེས་པ་ནི་སྟོན་གྱི་མཛེས་པའོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་ངང་པའི་སྐྱེས་པའི་རབས་སོ།། །།སྐྱེས་བུ་དམ་པ་རྣམས་ནི་རིམ་གྲོ་མ་བྱས་ཀྱང་སྙིང་བརྩེ་བ་ལྷོད་པར་མི་འགྱུར་ཏེ། ཅིའི་ཕྱིར་
[274b.7]ཞེ་ན། བཟོད་པ་ལ་གོམས་པའི་ཕྱིར་རོ། །ཕན་བཏགས་པ་ལ་ཡང་སྙིང་བརྩེ་བ་ལྷོད་པར་མི་འགྱུར་ཏེ། དྲིན་ཏུ་གཟོ་བའི་ཕྱིར་རོ། །འདིར་དེ་གཉིས་ཀྱང་ཇི་ལྟར་རིགས་པ་བཞིན་དུ་སྦྱར་རོ། །རིག་པའི་གནས་རྣམས་ཀྱི་གོ་རིམས་གང་ཡིན་པ་དེ་ནི་རིག་པའི་གནས་རྣམས་ཀྱི་གོ་རིམས་ཏེ། རྒྱུན་
[275a]
[275a.1]མི་འཆད་པར་ཕ་རོལ་ཏུ་འགྲོ་བ་ཡིན་པའི་ཕྱིར་རིག་#པའི་གནས་ཀྱི་རིམ་པའོ། །མཁས་པར་བྱ་བ་རྣམས་ལ་དེ་མཁས་པར་#བྱས་པ་སྟེ། སྒྱུ་རྩལ་རྣམས་ལ་ནི་#མཁས་པར་བྱ་བ་ཉི་ཚེར་ཟད་ཀྱི། ལས་ཀྱིས་#སྒྲུབ་པ་ནི་མ་ཡིན་ནོ། །རབ་ཏུ་བྱུང་ནས་ཀྱང་ཞེས་བྱ་བ་ནི་
[275a.2]རབ་ཏུ་བྱུང་བ་ལ་བརྟེན་པ་ཡིན་པས་རབ་ཏུ་བྱུང་བའོ། །རབ་ཏུ་བྱུང་བ་དང་འཇིག་རྟེན་ལ་ཕན་འདོགས་པ་གཉིས་ཀྱིས་ནི་བདག་དང་གཞན་ལ་ཕན་པ་སྒྲུབ་པའི་ཡོན་ཏན་དང་མཐུན་པ་ཉིད་དེ། དེས་ཆོས་ཀྱི་གཙུག་ལག་ལྷག་མ་རྣམས་འཛིན་པའོ། །སློབ་དཔོན་གྱི་གོ་འཕང་ནི་གཞན་
[275a.3]གྱིས་ཉེ་བར་འཚོ་བ་ཉིད་དུ་བསྟན་ཏོ། །དེ་བསོད་ནམས་དང་ལྡན་ཞིང་ཞེས་བྱ་བ་འདིས་ནི་སྦྱིན་པ་དང་། ཚུལ་ཁྲིམས་དང་། བཟོད་པའི་ཕ་རོལ་ཏུ་ཕྱིན་པ་རབ་ཏུ་བསྒོམ་པ་ཉིད་དུ་སྟོན་ཏེ། འདི་ལྟར་སྦྱིན་པས་ནི་གཟུགས་བཟང་བ་ལ་སོགས་པའི་ཡོན་ཏན་དུ་འགྱུར་རོ། །ཚུལ་ཁྲིམས་
[275a.4]ཀྱིས་ནི་མངོན་དུ་བསྡུ་བ་ལ་སོགས་པའི་བཀུར་སྟིའི་བདེ་བ་འབྱུང་ངོ་། །བཟོད་པས་ནི་སྐྱེ་བོ་མང་པོའི་འཁོར་སྙིང་ཉེ་བ་ཉིད་དུ་འགྱུར་རོ། །ཤེས་རྒྱ་ཆེ་བས་ཞེས་བྱ་བ་ནི་ཡེ་ཤེས་ཀྱི་ཚོགས་ཡོངས་སུ་བསགས་པའི་ཕྱིར་རོ། །འདི་གཉིས་ཀྱིས་ནི་རྒྱུ་དང་འབྲས་བུ་བསྟན་ཏོ། །འཇིག་རྟེན་གྱི་སྤྱོད་ཚུལ་
[275a.5]ལ་མཁས་པ་དང་ཡོན་ཏན་དང་ལྡན་པས་#ཞེས་བྱ་བ་#ནི་བདག་དང་གཞན་ལ་ཕན་པའི་ཡོན་ཏན་ཕུན་སུམ་ཚོགས་པ་དང་ལྡན་པར་བསྟན་ཏོ། །ཡང་ན་#གང་གིས་སྣ་ཚོགས་པ་ཉིད་ཀྱི་རྣམ་པའི་རྒྱུ་བསྟན་ཏེ། བསོད་ནམས་དང་ལྡན་པའི་ཕྱིར་རོ། །བསོད་ནམས་ཆེན་པོ་དང་ལྡན་པ་ལ་ནི་རྒྱལ་པོ་
[275a.6]དང་རྒྱལ་པོའི་བློན་པོ་རྣམས་བཀུར་སྟི་བྱེད་པ་ཡིན་ནོ། །ཤེས་པ་རྒྱ་ཆེ་བའི་ཕྱིར་ནི་མཁས་པ་རྣམས་ཀྱིས་བཀུར་སྟི་བྱ་བ་ཡིན་ནོ། །འཇིག་རྟེན་གྱི་སྤྱོད་ཚུལ་ལ་མཁས་པས་ནི་བྲམ་ཟེ་དང་། ཁྱིམ་པ་རྣམས་ཀྱིས་བཀུར་སྟི་བྱ་བ་ཡིན་ནོ། །ནན་ཏན་ཆེ་བའི་ཡོན་ཏན་དང་ལྡན་པས་ནི་གཞན་མུ་
[275a.7]སྟེགས་ཅན་རྣམས་དང་རབ་ཏུ་བྱུང་བ་རྣམས་ཀྱིས་བཀུར་སྟི་བྱ་བ་ཡིན་ནོ། །ལས་སུ་དྲན་པར་བྱེད་པ་ཡིན་ཏེ། ཡིད་ཀྱི་ལས་ཀྱིས་སོ། །ཡོན་ཏན་ཞེས་བྱ་བ་ནི་བློ་ཁྱད་པར་དུ་འཕགས་པ་ལས་གྱུར་པའི་ཡོན་ཏན་ནོ། །བསོད་ནམས་ཉིད་གཞི་ཡིན་པས་བསོད་ནམས་གཞིའོ། །བསོད་ནམས་ཀྱི་གཞི་ལས་ཐོབ་
[275b]
[275b.1]ཅིང་འབར་བ་གང་ཡིན་པ་དེ་ནི་བསོད་ནམས་ཀྱི་གཞི་ལས་འབར་བའོ། །བསོད་ནམས་ཞེས་སྨོས་པས་ནི་གང་སྔར་བསྟན་པའི་བསོད་ནམས་དང་ལྡན་པའི་ཞེས་བྱ་བ་དེ་ཉིད་བསྟན་ཏོ། །ནན་ཏན་སྒྲུབ་པའི་བྱིན་གྱིས་ཞེས་བྱ་བ་ནི་གང་སྔར་བསྟན་པའི་བདག་གི་སྒྲུབ་པ་སྟེ། ནན་ཏན་ཆེ་བའི་ཡོན་ཏན་
[275b.2]ཞེས་བྱ་བ་དང་། གཞན་གྱི་སྒྲུབ་པ་སྟེ་འཇིག་རྟེན་གྱི་ཚུལ་ལ་མཁས་པ་ཞེས་བྱ་བ་དེ་གཉི་ག་ནི་ནན་#ཏན་སྒྲུབ་པའི་བྱིན་གྱིས་ཞེས་བྱ་བ་ཡིན་ནོ། །ཡང་ན་ཡོན་ཏན་ཞེས་སྨོས་པས་ནི་འཇིག་རྟེན་གྱི་སྤྱོད་ཡུལ་ལ་མཁས་པ་ཞེས་བྱ་བ་དེ་གཟུང་#ངོ་། །ཡོན་ཏན་སྒྲུབ་པའི་བྱིན་གྱིས་ཞེས་བྱ་བ་#
[275b.3]ནི་སྔར་བསྟན་པའི་ནན་ཏན་ཆེ་བ་ཡིན་པར་བསྟན་#ཏོ། །དགྲ་ཡང་རང་གི་གྲགས་པ་བསྲུང་#བའི་ཕྱིར། །ཞེས་བྱ་བ་ནི་ཡོན་ཏན་དང་ལྡན་པ་ལ་བསྙེན་བཀུར་བྱེད་པས་སོ། །ཡོན་ཏན་ཅན་ལ་སྡང་བ་དེ། །ཞེས་པ་ནི་རང་གི་གྲགས་པ་འཇིག་པར་བྱེད་པའི་ཕྱིར། ཡོན་ཏན་ཅན་ལ་བསྙེན་
[275b.4]བཀུར་བྱེད། །ཅེས་བྱ་བའི་དོན་ཏོ། །རྒྱ་ཆེ་བ་དང་མཐུ་ནི་རྒྱ་ཆེ་བ་དང་#མཐུའོ། །ཡོན་ཏན་རྣམས་ཀྱི་མཐུ་ཆེ་བ་ཐོས་#པ་ནི་ཡོན་ཏན་གྱི་མཐུ་ཆེ་བ་དེས་ཐོས་པའོ། །ཡོན་ཏན་འདི་རྣམས་ཇི་སྲིད་དུ་ལྡན་པ་དང་། ཇི་ལྟར་ལྡན་པ་བསྟན་ཏེ། བསུ་བ་ལ་སོགས་པའི་བཀུར་སྟི་ཆེར་བྱས་ཏེ།
[275b.5]ཞེས་བྱ་བ་ལ་སོགས་པ་སྨོས་པས་ནི་མངོན་པར་སྨྲ་བ་ལ་སོགས་པ་གཟུང་ངོ་། །རིམ་གྲོ་ནི་མཉེས་པའི་#ལས་ལ་སོགས་པའོ། །བཀུར་སྟི་ནི་ཉེ་བར་འགྲོ་བ་ལ་སོགས་པའོ། །ཉེ་བར་ལོངས་སྤྱོད་པར་བྱ་བ་ཡིན་པས་ན་ལོངས་སྤྱོད་དོ། །ལོངས་སྤྱོད་ཉིད་ཡོན་ཏན་ཡིན་པས་ན་ལོངས་
[275b.6]སྤྱོད་ཡོན་ཏན་ནོ། །ཡོན་ཏན་ཅན་ལ་དགའ་བ་ཉིད་ཀྱིས་ཕན་འདོགས་པར་བྱེད་པའི་རྒྱུ་རབ་ཏུ་ནུས་པ་སྟེ་བསམ་པའི་ཆོ་ག་བསྟན་ཏོ། །གུས་པ་མེད་པ་གང་ཡིན་པ་དེ་དག་ནི་གུས་པ་མེད་པ་རྣམས་སོ། །གང་ལ་ཞེ་ན། ཆོས་དང་ཆོས་སྨྲ་བ་རྣམས་ལའོ། །ཆོས་ལ་གུས་པ་མེད་པ་ལ་#
[275b.7]ཅིའི་ཕྱིར་ཆོས་སྟོན་པར་བྱེད་ཅེ་ན། ཆོས་ལ་དགའ་བའི་ཕྱིར་རོ། །ཆོས་སྟོན་པ་ལ་མི་གུས་པ་ལ་ཡང་ཅིའི་ཕྱིར་བསྟན་པར་འདོད་ཅེ་ན། གཞན་ལ་སྙིང་བརྩེ་བའི་ཕྱིར་རོ། །ཕན་པར་འདོད་ཅིང་ཡོན་ཏན་དགའ་བ་ཡིན། །སྐྱེ་བོ་གནོད་#གཙང་འདྲ་ལ་སྨོས་ཅི་དགོས། །ཞེས་བྱ་བ་#སྨོས་ཏེ།
[276a]
[276a.1]འདི་གསུམ་གྱིས་ནི་ཕྱི་རོལ་གྱི་སྣོད་དང་འདྲ་བར་ཆོས་ཉན་པ་རྣམས་ཀྱི་ཉེས་པ་གསུམ་མེད་པར་སྟོན་ཏེ། གང་གི་ཕྱིར་སྣོད་འདི་གསུམ་ལ་ཆར་བབ་ཀྱང་དོན་མེད་པ་ཉིད་དེ། བསིལ་#བ་དང་ཕན་པ་ཡིན་ཡང་ཆུ་མི་འཇུག་པ་དང་། གང་དུ་ཆུ་#འཇུག་ཀྱང་མི་གཙང་བས་
[276a.2]མ་རུང་བར་འགྱུར་བ་དང་། གང་དུ་ཆུ་ཞུགས་ཀྱང་སྣོད་རྡོལ་བས་#མི་གནས་པ་སྟེ། དེ་ལྟར་ཉན་པའི་#སྐྱེ་བོ་རྣམ་པ་གསུམ་པ་#ལ་ནི་ཆོས་བསྟན་ཀྱང་དོན་མེད་ཅིང་ཆུད་ཟོས་པ་ཉིད་ཡིན་ཏེ། གང་དུ་ཐོས་པ་བྱ་བ་གཡེང་བ་དང་། རྨུགས་པ་རྣམ་པ་གཉིས་ཀྱིས་མི་འཇུག་པ་དང་། གང་
[276a.3]དུ་འཇུག་ཏུ་ཟིན་ཀྱང་ཚུལ་བཞིན་དུ་ཡིད་ལ་མི་བྱེད་པས་མ་རུང་བར་འགྱུར་བ་དང་། གང་དུ་ཡང་དྲན་པ་མེད་པས་མི་གནས་པའོ། །གང་ཡོན་ཏན་འདོད་པའི་སྐྱེ་བོ་ཞེས་སྨོས་ཏེ། འདིས་ནི་གང་དུ་ཐོས་པ་མི་འཇུག་སྟེ། གཡེང་བ་དང་། རྨུགས་པ་རྣམ་པ་གཉིས་ཀྱིས་སྐྱོན་མེད་པར་
[276a.4]སྟོན་ཏོ། །ཡོན་ཏན་དགའ་བ་ཞེས་བྱ་བ་ལ། ཡོན་ཏན་ལ་དགའ་ཞིང་གཟེངས་བསྟོད་པ་དེ་ནི་ཡོན་ཏན་ལ་#དགའ་ཞིང་གཟེངས་བསྟོད་པའོ། །གང་ཟག་གང་གིས་ཡོན་ཏན་ལ་དགའ་བ་དེ་ནི་གཡེང་བ་མེད་པ་ཡིན་ནོ། །ཆོས་ཀྱི་ཡོན་ཏན་ལ་དགའ་བ་དེ་ནི་གཉིད་དང་རྨུགས་པ་
[276a.5]མེད་པ་ཡིན་ནོ། །མཁས་པ་རྣམས་ཀྱི་གོ་འཕང་ཡིན་པས་ན་མཁས་པའི་ཐབས་ཏེ། མཁས་པའི་ཐབས་ཐོབ་པ་དེ་དག་དེས་སོ། །ཕྲག་དོག་གི་སེམས་བསྐྱེད་པ་ཞེས་བྱ་བ་ནི་གཞན་གྱི་ཕུན་སུམ་ཚོགས་པ་ལ་ཕྲག་དོག་གི་#སེམས་བསྐྱེད་པའི་ཕྱིར་རོ། །ཡོན་ཏན་གྱི་ཁྱད་
[276a.6]པར་ཡིན་པས་ན་ཡོན་ཏན་ཁྱད་པར་རོ། །ཡང་ན་ཡོན་ཏན་ཉིད་ཁྱད་པར་ཡིན་པས་ཡོན་ཏན་ཁྱད་པར་རོ། །བདག་ཉིད་ཀྱི་ཡོན་ཏན་གྱི་ཁྱད་པར་ཡིན་པས་རང་གི་ཡོན་ཏན་ཁྱད་པར་རོ། །ཡང་ན་བདག་གི་ཡོན་ཏན་ཉིད་ཁྱད་པར་ཡིན་པས་རང་གི་ཡོན་ཏན་ཁྱད་པར་རོ། །དེ་དང་ལྡན་པ་ཡིན་པས་རང་གི་ཡོན་
[276a.7]ཏན་ཁྱད་པར་ཅན་ནོ། །དེས་འགྲོ་བ་མགུ་བར་ནུས་པའི་མཐུ་སྦྱོར་བ་གང་ཡིན་པ་དེ་ནི་འགྲོ་བ་མགུ་བར་ནུས་པའི་མཐུ་ཅན་ནོ། །ཡོན་ཏན་བཅོས་མས་ཞེས་བྱ་བ་ནི་ཡོན་ཏན་བཅོས་མ་ཉིད་ཀྱིས་ཏེ། དེས་བཀུར་སྟི་ཐོབ་པའོ། །དེ་ལ་ཤིན་ཏུ་འབར་བ་ཉིད་ཡིན་ཏེ་འཕེལ་བ་ཉིད་དོ། །ཕྲག་
[276b]
[276b.1]དོག་གི་མེ་ཞེས་བྱ་བ་ལ། ཕྲག་དོག་ཉིད་མེ་ཡིན་པས་ཕྲག་དོག་གི་#མེའོ། །ཕྲག་དོག་གི་མེ་དེས་ནི་མེ་#བཞིན་དུ་རང་གི་གནས་སྲེག་པའི་ཕྱིར་རོ། །རྒྱལ་པོ་ཆོས་ལ་བརྟེན་པ་ཞེས་བྱ་བ་ནི་རྒྱལ་པོའི་ཆོས་དང་མི་མཐུན་པའི་ཕྱིར་ཆོས་ལ་བརྟེན་པ་དེའོ། །ཡོན་ཏན་ལ་དགྱེས་པ་ཞེས་བྱ་བ་ནི་ཆོས་ཀྱི་གཏམ་
[276b.2]གྱིས་སོ། །ཆོས་ལ་མངོན་འཚལ་ནས་ཞེས་བྱ་བ་ནི་ཆོས་ལ་མངོན་པར་ཕྱོགས་པ་#སྟེ་རྗེས་སུ་དགའ་ཞིང་འདོད་པ་ཞེས་བྱ་བའི་དོན་ཏོ། །བརླག་པར་བགྱི་བའི་སླད་དུ་གཡོ་དང་བཅས་པའི་ཚིག་འཇམ་པོར་སྨྲ་ཞིང་སྤྱོད་པ་གང་ཡིན་པ་དེ་ནི་བརླག་པར་བགྱི་བའི་སླད་དུ་གཡོ་དང་བཅས་པའི་ཚིག་
[276b.3]འཇམ་པོར་སྨྲ་ཞིང་སྤྱོད་པའོ། །བརླག་པ་ཞེས་བྱ་བ་ནི་དཔལ་གང་ཡིན་པ་དེ་ཉམས་པར་བྱེད་པ་སྟེ། ཆོས་ནན་ཏན་དུ་བྱེད་ཀྱང་རྒྱལ་པོ་ནི་རླག་#པར་བྱེད་པ་ཉིད་ཡིན་ཏེ། རྒྱལ་པོའི་ཆོས་དང་འགལ་བའི་ཕྱིར་བརླག་པ་ཞེས་བརྗོད་དོ། །ཉམས་#དྲོད་ནི་སྤྱོད་པ་ལ་འཇུག་པ་ཞེས་བྱ་བའི་དོན་ཏོ། །
[276b.4]དེའི་རྟེན་དུ་གྱུར་པས་ན་ཉམས་#དྲོད་འཛིན་པ་ལགས་ཏེ། ཞེས་བྱ་བའོ། །བྱ་མ་རྟ་ཞེས་བྱ་བ་ནི་ཉན་རྣ་བའོ། །བྱ་མ་རྟ་ཉིད་བཏང་བ་ཡིན་པས་བྱ་མ་རྟ་བཏང་བའོ། །ཐུགས་རྗེ་ཆེ་བ་ཞེས་བྱ་བ་ལ་ཐུགས་རྗེ་ནི་གཞན་སྡུག་བསྔལ་དང་བྲལ་བའི་དོན་དུ་གཉེར་བའོ། །ངོ་ཚ་མཁྱེན་པ་ཉིད་ཀྱི་#
[276b.5]འཇམ་དེས་ཅན་དུ་གྱུར་ཏེ། དེས་ལས་ལ་སོགས་པ་སྤངས་པའི་ཕྱིར་རོ། །སྲིད་དང་འདོད་པ་དང་མི་མཐུན་པའི་ཚུལ་གང་ལ་ཡོད་པ་དེ་ནི་སྲིད་པ་དང་འདོད་པ་དང་མི་མཐུན་པའོ། །དེ་ཡང་སྙིང་རྗེ་དང་ལྡན་པར་བགྱི་བའི་ཆེད་དུ་བགྱིད་པ་#སྟེ། དེ་གཞན་གྱི་བྲན་བཞིན་དུ་བྱེད་པས་དོན་དུ་
[276b.6]སྒྲུབ་ཅིང་གང་གཞན་གྱིས་བརྙས་པར་འོས་པ་དེ་བྱེད་པ་ནི་དོན་སྒྲུབ་པ་ཉིད་དུ་#ཡིན་ནོ། །ཆེད་ཆེར་བགྱིས་ནས་ཐབས་ཀྱིས་བག་འབེབས་སོ། །ཞེས་བྱ་བ་ནི་སྡུག་བསྔལ་བ་དང་། ཡིད་མི་བདེ་བ་མེད་པའི་ཐབས་ཀྱིས་སོ། །བཤེས་ཤིང་འདྲུལ་ལ་ཞེས་བྱ་བ་ནི་མཛའ་བར་འབྲེལ་
[276b.7]པའོ། །ཡིད་མི་ཆེས་པ་དང་། བརྩེ་བ་ཆུང་བ་གཉིས་ཀྱིས་#སེམས་སྔོན་དང་མི་འདྲ་བར་#གྱུར་པ་གང་ཡིན་པ་དེ་ནི་ཡིད་མི་ཆེས་པར་གྱུར་ཏེ། བྱམས་པ་དང་བཀུར་སྟི་ཆུང་ཞེས་#སེམས་སྔོན་དང་མི་འདྲ་བར་གྱུར་པའོ། །དབྱེན་གྱི་རྡོ་རྗེ་ཉིད་སེར་བ་ཡིན་ཏེ། དེ་ལྟུང་བ་ནི་དབྱེན་གྱི་
[277a]
[277a.1]སེར་བ་རྡོ་རྗེ་འབབ་པའོ། །མཛའ་བ་བརྟན་#པ་ཞེས་བྱ་བ་ནི་བརྟན་པར་གྱུར་པའི་མཛའ་བ་དེ་ལ་ཕན་པ་མི་འདོད་པས་སྨྲས་པའི་དབྱེན་གྱི་ཚིག་ཡིན་ཏེ། སེམས་ཀྱི་ལོངས་སྤྱོད་མེད་པའི་ཕྱིར་རོ། །ཉམས་ཤིང་ཞིག་པར་མི་འགྱུར་སུ་ཞིག་ཡོད། །ཅེས་
[277a.2]བྱ་བ་ནི་གཅིག་ཀྱང་མེད་པས་ཐམས་ཅད་ཀྱང་ཉམས་ཤིང་ཞིག་པར་འགྱུར་བ་ཉིད་དོ། །ཡང་ན་མཛའ་བ་བརྟན་པ་ནི་ཡིད་ཆེས་པའོ། །ཉམས་ཤིང་ཞིག་པ་ནི་སྔོན་ཇི་ལྟ་བ་བཞིན་དུ་མཛའ་བ་བརྟན་པའམ་#ཡིད་ཆེས་པ་མེད་པར་འགྱུར་བའི་ཕྱིར་རོ། །བཀུར་སྟི་ཆུང་བར་འགྱུར་
[277a.3]བ་#ཞེས་བྱ་བ་ནི་བརྩེ་བ་དང་གུས་པ་ཆུང་བའི་ཕྱིར་རོ། །བྱ་བ་མང་པོ་ལ་བྲེལ་བ་གང་ཡིན་པ་དེ་ནི་བྱ་བ་མང་པོས་བྲེལ་བའོ། །དེ་ལྟར་གྱུར་པ་ཡིད་ལའང་མི་བྱེད་ན། །ཞེས་བྱ་བ་ནི་རིམ་གྲོ་མི་བྱེད་པར་གྱུར་པའོ། །དེའི་དྲུང་ན་གནས་པ་ནི་དྲུང་ན་འཁོད་པའོ། །དེའི་དྲུང་ན་འཁོད་
[277a.4]ཅིང་འཁོར་བའི་ཚུལ་གང་ལ་ཡོད་པ་དེ་ནི་དེའི་འཁོར་ན་འཁོད་པ་རྣམས་སོ། །གུས་པ་དང་རིམ་གྲོ་ནི་གུས་པ་དང་རིམ་གྲོའོ། །དེ་གཉིས་ཀྱི་#ལྷོད་པར་གྱུར་པ་ནི་གཡེལ་#བའོ། །དེའི་ཕྱིར་བཤད་པ། སྟོན་པ་དང་བྱེད་པ་གཉིས་ཐ་དད་དོ་ཞེས་བྱ་བ་ཉིད་ཡིན་པའི་ཕྱིར་རོ། །དོགས་
[277a.5]པ་འབྱུང་བའི་གནས་ཡིན་པས་དོགས་པ་འབྱུང་བའི་གཞིའོ། །ནོངས་པར་དོགས་པ་འབྱུང་བའི་གཞི་ཞེས་བྱ་བ་ནི་ཉེས་པ་འབྱུང་བའི་གཞི་ཞེས་#བྱ་བའི་དོན་ཏོ། །བག་མེད་པ་ཉིད་ཉེས་པ་ཡིན་པས་བག་མེད་ནོངས་པའོ། །ཡང་ན་བག་མེད་པས་ནོངས་པའོ། །འཕྲལ་ལ་འདི་ལྟར་མི་
[277a.6]མཆི་བ་ཞེས་བྱ་བ་ནི་#རྒྱུ་དང་བཅས་པ་ཉིད་དོ། །བཀུར་སྟི་ཆུང་ཞིང་ཁྲོས་པའི་ཡིད་གང་ཡིན་པ་དེ་ནི་བཀུར་སྟི་ཆུང་བའི་#སེམས་ཏེ་དེ་མེད་པའོ། །འོ་ན་རྒྱུ་དེ་གང་ཡིན་ཞེ་ན། སྨྲས་པ། ཁྱོད་ནི་ཆོས་ཀྱི་སྣོད་དུ་ཞེས་བྱ་བ་ལ་སོགས་པ་ཡིན་ནོ། །དེ་ནས་རྒྱལ་པོ་དེའི་ཁྱི་གནང་ཆེན་ཞེས་བྱ་
[277a.7]བ་ལ་སོགས་པའི་ཚིག་གིས་ནི་མི་མ་ཡིན་པ་ཁྱི་ཡང་ཟུག་#པའི་ཚུལ་གྱིས་རྒྱུ་ཡོད་པ་ཡིན་ཏེ། དབྱེན་གྱི་ཚུལ་ངེས་བསྟན་པའི་ཕྱིར་རོ། །བྲི་བར་གྱུར་པ་ནི་ཡལ་བར་བོར་བའོ། །གསུམ་པོ་འདི་ནི་བདག་གི་འགྲོ་བའི་རྒྱུ་ཡིན་ཏེ། གནས་ལ་ལྷག་པར་ཞེན་པ་དང་། གཞན་དུ་འགྲོ་བའི་གནས་
[277b]
[277b.1]མ་མཐོང་བ་དང་། བསྙེན་བཀུར་ཆུང་བར་ཡོངས་སུ་ཤེས་པའོ། །ཕྱིས་#བསྐྲད་པར་འགྱུར་བ་གང་ཡིན་པ་དེ་ནི་སླད་ཀྱིས་བསྐྲད་པར་འགྱུར་བ་སྟེ། རྗེས་སུ་རྒྱལ་པོས་བསྐྲད་པ་དང་། སྤྱུགས་པར་འགྱུར་ཞེས་པའོ། །མི་དགའ་བ་ནི་བརྩེ་བ་གཅོད་པའོ། །མི་དགའ་བས་གདུངས་པའི་
[277b.2]སེམས་གང་ཡིན་པ་དེ་#ནི་མི་དགའ་བ་བཞིན་དུའོ། །ལན་ཅིག་ཙམ་ཞིག་སྨ་བབ་གྱུར་པ་ཡིས། །ཞེས་བྱ་བ་ནི་བརྙས་པར་འགྱུར་བའོ#། །སྔོན་ཆད་ཕན་བཏགས་ཞེས་བྱ་བ་ནི་ཕན་བཏགས་པ་མང་དུ་བྱས་པ་སྟེ། ག་ལ་མཉམ་ཞེས་བྱ་བ་ནི་མཉམ་#པར་མི་བྱའོ་ཞེས་བྱ་བའི་དོན་ཏོ། །
[277b.3]དེས་ནི་དེའི་ཕྱིར། མི་དགའ་བཞིན་དུ་མ་ཆིས་སུ་ག་ལ་རུང་། །ཞེས་བྱ་བ་ཡིན་ནོ། །དེ་ལྟ་བས་ན་འགྲོ་བར་བྱའོ་ཞེས་བྱ་བའི་ཚིག་གི་སྐབས་ཤེས་པར་བྱས་ནས་དེའི་ལན་བསྟན་#པའི་ཕྱིར། བྱམས་པའི་རླ་ན་མེད་ཅེས་བྱ་བའི་ཚིགས་བཅད་སྨོས་ཏེ། བྱམས་པའི་རླན་མེད་པ་གང་ཡིན་པ་
[277b.4]དེ་ནི་བྱམས་པའི་རླན་མེད་པའོ། །བསྟན་དུ་མི་རུང་བ་ནི་གནས་པར་བྱ་བ་མ་ཡིན་པའོ། །ཅིའི་ཕྱིར་ཞེ་ན། རབ་ཏུ་བསྒྲིམས་ཏེ་དེའི་དོན་བསྒྲུབས་ཀྱང་རྙོག་པ་ཅན་དུ་གྱུར་པའི་ཕྱིར་རོ། །རྙོག་པ་ཅན་དུ་གྱུར་པས་ན་དོན་ཆུང་བ་ཉིད་དེ། བྱམས་པའི་རླན་མེད་པ་དེས་ནའོ། །ཇི་ལྟ་བུ་ཞེ་ན། ཁྲོན་
[277b.5]པ་སྐམ་པོ་བཞིན་དུ་བསྟེན་པར་མི་བྱའོ། །ཇི་ལྟར་ཁྲོན་པ་སྐམ་པོ་ལ་ནི་ཆུ་འདོད་པ་དེས་རབ་ཏུ་བསྒྲིབས་ཏེ་བསྒྲུབས་ཀྱང་ཆུང་ཞིང་རྙོག་པ་ཅན་དེ་དང་དེར་འགྱུར་རོ། །རབ་ཏུ་དང་བ་ཉིད་ལ་བསྟེན་པའི་རིགས་ཏེ། ཅིའི་ཕྱིར་ཞེ་ན། དེ་ལས་ནི་དོན་གྲུབ་པ་ཉིད་དེ། འབད་པར་བསྒྲུབས་#མི་དགོས་
[277b.6]པ་དང་། དང་བ་ཉིད་ཡིན་ཏེ། ཇི་ལྟ་བུ་ཞེ་ན། སྟོན་ཀའི་མཚོ་ཆེན་པོའི་ཚུ་གཙང་བ་ལྟ་བུ་སྟེ། དེ་ནི་བསྟེན་པའི་རིགས་སོ། །བདེ་བ་འདོད་ཅིང་ཉོན་མོངས་མི་འདོད་པས། །ཞེས་བྱ་བ་ནི་སེམས་ཀྱིས་སྔར་མྱོང་བ་ཞེས་བྱ་བའི་དོན་ཏོ། །འདིས་ཀྱང་བློ་ཕྱིན་ཅི་ལོག་པར་བསྟན་ཏེ། གང་སྔར་བསྟན་
[277b.7]པའི་ངན་ཅིང་བྱིས་པའི་ཆོས་ཞེས་བྱ་བའི་ཚིགས་བཅད་དེའི་གཉེན་པོ་འདིས་བསྟན་ཏོ། །གུས་པར་བྱེད་ཀྱང་གཞན་དུ་ཕྱོགས་པ་དང་། །#ཞེས་བྱ་བའི་ཚིགས་བཅད་འདིས་ནི་སྔར་བསྟན་མ་ཐག་པའི་ཚིགས་བཅད་གསུམ་གྱི་གཉེན་པོ་བསྟན་པའི་ཕྱིར་རོ། །གུས་པར་བྱེད་
[278a]
[278a.1]པ་གང་ཡིན་པ་དེ་ནི་གུས་པར་བྱེད་པའོ། །དེ་བས་ན་གཞན་དུ་ཕྱོགས་པ་ནི་རྒྱབ་ཀྱིས་བལྟས་པའོ། །འདི་ནི་རབ་ཏུ་བདེ་བ་འདོད་ཅིང་ཉོན་མོངས་མི་འདོད་པས་ཞེས་བྱ་བའི་ཚིགས་བཅད་དེའི་གཉེན་པོ་#བསྟན་ཏོ། །གཞན་དུ་ཕྱོགས་ཀྱང་ཞུམ་པས་དེ་ལ་#ལྟ།
[278a.2]ཞེས་བྱ་བ་འདིས་ནི། བྱམས་པའི་རླན་མེད་ཅེས་བྱ་བའི་ཚིགས་བཅད་དེའི་གཉེན་པོ་བསྟན་ཏོ། །སྔོན་ཆད་ཕན་བཏགས་དྲིན་དུ་མི་གཟོ་#བ། །ཞེས་བྱ་བ་འདིས་ནི། ལན་ཅིག་ཙམ་ཞིག་སྨ་བབ་གྱུར་པ་ཡིས། །#ཞེས་བྱ་བའི་ཚིགས་བཅད་ཕྱེད་ཀྱི་གཉེན་པོ་#བསྟན་ཏོ།
[278a.3]བསླང་#བ་དྲེགས་ན་ཞེས་བྱ་བ་ནི་བསླང་#བ་ཉིད་དྲེགས་པ་ནི་བསླང་དྲེགས་པ་སྟེ། དེས་ནི་བྱམས་པ་མེད་པར་བྱེད་དོ་ཞེས་གཟུང་བར་བྱའོ། །གནས་པའི་སྐྱོན་ཞེས་བྱ་བ་ནི་ལྷན་ཅིག་ཏུ་འདུག་པ་ལ་སོགས་པའི་སྐྱོན་ཡིན་ཏེ། དེས་ན་དེའི་#ཉེས་པ་ཡིན་པའི་ཕྱིར་ད་ནི་རེ་ཞིག་འགྲོའོ་
[278a.4]ཞེས་བྱ་བའི་དོན་ཏོ། །བར་ཆད་མང་ལ་གནོད་པ་དང་དགྲ་མང་བས་ཞེས་#བྱ་བ་ནི་སེམས་ཅན་དང་སེམས་ཅན་མ་ཡིན་པའི་བར་ཆད་གང་ཡིན་པའི་རྒྱུ་བསྟན་ཏོ། །མཆི་བའི་སྐབས་དང་ལྡན་ན་ཞེས་བྱ་བ་ནི་རྐྱེན་ཚོགས་ནའོ། །གལ་ཏེ་ཞེས་བྱ་བ་ནི་དགེ་ཤིས་པའོ#། །མངོན་པར་ཤེས་
[278a.5]པ་ལྔ་ནི་མངོན་པར་ཤེས་པ་དྲུག་ལས་ཟག་པ་ཟད་པའི་མངོན་པར་ཤེས་པ་མ་གཏོགས་#པའོ། །སྙིང་བརྩེ་བས་རྗེས་སུ་འབྲང་བའི་ཚུལ་གང་ལ་ཡོད་པ་དེ་ནི་སྙིང་བརྩེ་བའི་དྲན་པ་བྱུང་བར་གྱུར་པ་སྟེ། སྙིང་བརྩེ་བ་ནི་སྙིང་རྗེ་སྟེ། མི་དགེ་བའི་རྒྱུ་ལས་བཟློག་པར་འདོད་པ་ཉིད་ནི་སྙིང་རྗེའོ། །
[278a.6]རྒྱུ་བརྟག་མི་བཟོད་པ་ཞེས་བྱ་བ་ལས་རྒྱུ་བསྟན་པར་མི་ནུས་པའི་ལྟ་བ་གང་ཡིན་པ་དེ་ནི་རྒྱུ་བརྟག་པ་མི་བཟོད་པའི་ལྟ་བའོ། །འདིར་རྒྱུ་ནི་གང་ཡང་མེད་པར་འདོད་པ་སྟེ། མེད་པར་འདོད་པ་#ཉི་ཚེ་ཙམ་དུ་ཟད་པར་ལྟ་བའོ། །པདྨའི་སྡོང་བུ་ནི་འཇམ་པའོ། །ལོ་མ་ནི་འཇམ་པའོ། །ཁ་དོག་ནི་
[278a.7]སྔོན་པོ་ལ་སོགས་པའོ། །ཟེ་བ་ནི་འཇམ་པའོ། །སྙིང་པོ་ནི་དབྱིབས་སོ། །དེ་བཞིན་དུ་སེམས་ཅན་ལ་རྒྱུ་མེད་པར་ལྟ་བ་ནི་བྱའི་འདབ་མ་ཞེས་བྱ་བས་བསྟན་པ་ཡིན་ནོ། །འགྲོ་བ་འདི་དག་#ངོ་བོ་ཉིད་ཀྱིས་ངེས་ཏེ། ཅིའི་ཕྱིར་ཞེ་ན། ཕྱི་དང་ནང་གི་དངོས་པོ་རྣམས་ལ་བྱེད་པ་པོ་མེད་པར་
[278b]
[278b.1]ཡང་སྣ་ཚོགས་པར་སྣང་བའི་ཕྱིར་རོ། །རྒྱུ་མེད་པར་འབྱུང་བར་#མི་རིགས་ཞེས་བྱ་བ་ནི་ངོ་བོ་ཉིད་ཀྱིས་མེད་པར་ཞེས་བྱ་བའི་དོན་ཏོ། །གཅིག་གཅིག་#ཡོད་ཅེས་བྱ་བ་ནི་རང་དགས་སྤྲུལ་#པར་བྱེད་པ་སྟེ། འཇིག་རྟེན་སྣ་ཚོགས་སོ། །ཕྱིས་ཀྱང་མཉམ་དུ་མེད་པར་བྱེད། །ཅེས་བྱ་བ་ནི། ཅིའི་
[278b.2]ཕྱིར་ཞེ་ན། བྱེད་པ་པོ་རང་དགའི་ཁྱད་པར་གྱིས་ཤིང་རྟ་ལ་སོགས་པ་རྣམ་པ་སྣ་ཚོགས་པའི་དངོས་པོ་འབྱིན་པར་སྣང་བའི་ཕྱིར་རོ། །#དེའི་ཡང་རང་དགའི་དབང་གིས་མི་སྣང་བར་བྱེད་པ་ལྟ་བུའོ། །འདི་དག་ཐམས་ཅད་ཅེས་བྱ་བ་ནི་སེམས་ཅན་དང་སེམས་ཅན་མ་ཡིན་པ་དག་གོ། །
[278b.3]སྔོན་གྱི་ལས་ཀྱིས་བྱས་ཞེས་བྱ་བ་ལ། སྔོན་གྱི་ལས་ཀྱིས་བྱས་པ་ཡིན་པས་ནི་སྔོན་གྱི་ལས་ཀྱིས་བྱས་པ་སྟེ། སྔོན་གྱི་ལས་ལས་བྱས་པའི་རྒྱུས་ཞེས་བྱ་བའི་དོན་ཏོ། །བདེ་བ་དང་མི་བདེ་བ་ཞེས་བྱ་བ་ནི་བདེ་བ་དང་#སྡུག་བསྔལ་ཡིན་ཏེ། སྔོན་གྱི་ལས་ཀྱིས་#བྱས་པས་ཞེས་
[278b.4]བསྟན་ནས་དེའི་འོག་ཏུ་བདེ་བ་དང་མི་བདེ་བ་གཟུང་ངོ་། །སྐྱེ་བ་སྔ་མར་བྱས་པའི་ལས་ཉིད་ཀྱིས་ནི་སངས་རྒྱས་པ་དང་ཡང་འདྲ་བ་ཉིད་དུ་སྟོན་ཀྱང་གང་བྱས་པ་དེ་ངེས་པར་སྔ་མའི་ལས་ཀྱིས་#བྱས་པ་ཉིད་དུ་སྟོན་པ་ཡིན་པས་དེ་བསྟན་པའི་ཕྱིར། འབད་པའི་མཐུས་བྱས་པ་ནི་མ་ཡིན་
[278b.5]ནོ་ཞེས་བྱ་བ་སྨོས་པ་ཡིན་ཏེ། འདིས་ནི་དེ་#ལྟར་བྱུང་བའི་སྐྱེས་བུ་བྱེད་པའི་རྐྱེན་འགོག་པ་ཡིན་ནོ། །བདེ་བ་དང་སྡུག་བསྔལ་གྱི་བྱེད་པའི་འགྲོ་བ་རྣམས་ཀྱི་བྱེད་པ་པོ་གཅིག་ཏུ་མི་རིགས་པ་ཉིད་དེ། ཅིའི་ཕྱིར་ཞེ་ན། དུས་གཅིག་ཏུ་གནས་པ་མང་པོ་དུ་མ་སྟེ། མཐའ་ཡས་པའི་
[278b.6]དངོས་པོ་བྱེད་པར་མི་རིགས་པའི་ཕྱིར་རོ། །བདེ་བར་བྱེད་པ་ལ་མཁས་པ་ནི་བདེ་བར་བྱེད་པ་ལ་མཁས་པ་སྟེ། དེ་ཡང་སྡུག་བསྔལ་བར་མཐོང་བའི་ཕྱིར་ཏེ། དེ་བས་ཐམས་ཅད་སྔོན་གྱི་ལས་ལས་གྱུར་པ་ཉིད་དུ་གཟུང་ངོ་། །སྔར་བསྟན་པའི་སྐྱོན་དང་། དབང་ཕྱུག་རྒྱུར་བྱེད་པའི་སྐྱོན་བསྟན་
[278b.7]པ་ཡིན་ཏེ། སྣ་ཚོགས་པའི་ཕྱིར་ལས་ཀྱི་བྱེད་པ་པོ་ལས་དངོས་པོ་སྐྱེ་བའི་རྒྱུ་ཉིད་དུ་ནི་རུང་སྟེ། དུས་གཅིག་ཏུ་སོ་སོར་གནས་པ་མང་པོ་དཔག་ཏུ་མེད་པའི་དངོས་པོ་སྐྱེ་བ་ནི་རིགས་པ་ཉིད་དོ། །ཁ་དོག་ནི་སྔོན་པོ་ལ་སོགས་པའོ། །ཡོན་ཏན་ནི་དྲི་དང་། རོ་དང་། རེག་བྱ་ལ་སོགས་པའི་མཚན་
[279a]
[279a.1]ཉིད་དོ། །ལྡན་པ་ནི་དབྱིབས་ཀྱི་ཁྱད་པར་དང་། ཁ་དོག་དག་#དང་། ཡོན་ཏན་དང་ལྡན་པའོ། །རྣམ་པ་སྣ་ཚོགས་པའི་ཁ་དོག་དང་། ཡོན་ཏན་དང་ལྡན་པ་གང་ཡིན་པ་དེ་ནི་རྣམ་པ་སྣ་ཚོགས་ཁ་དོག་ཡོན་ཏན་དང་ལྡན་པའོ། །འགྲོ་བ་རྣམས་ཀྱི་ལས་ཀྱི་རྒྱུ་མེད་པར་
[279a.2]བསྟན་ཏེ། དུས་གཅིག་ཏུ་འབྱུང་ཞེས་བྱ་བས་#བསྟན་པ་ནི་དུས་གཅིག་ཏུ་སོ་སོར་གནས་པ་མཐའ་ཡས་པ་མང་པོ་རྣམས་དཔག་ཏུ་མེད་པའི་དངོས་པོར་སྐྱེ་བར་མཐོང་བའི་ཕྱིར་ལས་གང་ཡིན་པ་དེ་ནི་མེད་དེ། དེ་ལ་དུས་གཅིག་ཏུ་དངོས་པོ་མཐའ་ཡས་པ་དཔག་ཏུ་མེད་པའི་དངོས་
[279a.3]པོ་སྐྱེ་བ་མེད་པར་འགྱུར་ན་ནི་ཤིང་རྣམ་པ་སྣ་ཚོགས་པའི་ཁ་དོག་དང་ལྡན་པ་སྣང་བས་དེ་རྣམས་ཀྱི་ལས་ནི་མེད་དོ། །དེ་བས་ན་རྒྱུ་མེད་པ་#ཉིད་དེ་རང་གི་ས་བོན་གྱི་རྒྱུས་སོ། །རྐྱེན་ཡང་མེད་དེ་དབང་ཕྱུག་བྱེད་པ་པོས་འདོད་པ་དེའི་ཉེས་པར་ཐལ་བའི་ཕྱིར་རོ། །སྔོན་གྱི་ལས་གྱུར་#འདོད་
[279a.4]པ་ཡང་མ་ཡིན་ཏེ། ལས་མེད་པར་ཁ་དོག་དང་ཡོན་ཏན་ལ་སོགས་པ་རྣམ་པ་སྣ་ཚོགས་པའི་དངོས་པོ་སྐྱེ་བར་སྣང་#བའི་ཕྱིར་རོ། །འཇིག་རྟེན་ཕ་རོལ་ཡང་མེད་དེ། ཤིང་དེ་དག་ཉིད་ཞིག་པར་གྱུར་ན་ཕྱིས་ཡང་སྐྱེ་བར་མ་མཐོང་བའི་ཕྱིར་ཏེ། དེ་བས་ན་དེ་བཞིན་དུ་འགྲོ་བ་འདི་དག་
[279a.5]ཐམས་ཅད་གནས་པར་འདོད་དོ། །རྒྱལ་རིགས་ཀྱི་གཙུག་ལག་ལས་འབྱུང་བ་ཞེས་བྱ་བ་ནི། ལུགས་ཀྱི་བསྟན་བཅོས་ལས་འབྱུང་བའོ། །ལུགས་ཀྱི་བསྟན་བཅོས་ཉིད་གཡོ་བ་དང་དགྲ་ཐབས་ཡིན་པས། ལུགས་ཀྱི་བསྟན་བཅོས་ཀྱི་གཡོ་བ་དང་དགྲ་ཐབས་ཡིན་ནོ། །གཡོ་བ་དང་
[279a.6]དགྲ་ཐབས་བསྟེན་པ་ནི་གཡོ་བ་དང་དགྲ་ཐབས་འབྲེལ་པའོ། །སྙིང་རྗེ་མེད་ཅིང་སྐྱོན་དང་བཅས་པ། ཆོས་དང་འགལ་བ་ལ་ཞེས་བྱ་བ་ནི་སྲོག་གཅོད་པ་ལ་སོགས་པ་དང་བཅས་པའོ། །གྲིབ་མ་རྣམས་ཀྱི་ཤིང་ཡིན་པས་གྲིབ་མའི་ལྗོན་ཤིང་ངོ་། །གྲིབ་མའི་ལྗོན་ཤིང་དག་ལ་བརྟེན་པ་གང་ཡིན་པ་
[279a.7]དེ་ནི་གྲིབ་མའི་ལྗོན་ཤིང་ལ་བརྟེན་པའོ། །བྱས་པ་གཟོ་བའི་སྤྱོད་#པ་གང་ཡིན་པ་དེ་བྱས་པ་གཟོ་བའོ། །དེས་བསྲུང་བ་ནི་འཐོབ་པར་འདོད་པའོ། །བསྲུང་བ་དེ་ཉིད་སྨས་པ། དེ་དག་ཇི་སྲིད་དགོས་པའི་དུས་ལ་མ་བབ་པ་དེ་སྲིད་དུ་རང་གི་གྲགས་པ་བསྲུང་བའོ། །དགོས་པ་བྱུང་ན་ཞེས་བྱ་བ་ནི་
[279b]
[279b.1]དགོས་པའི་དུས་ལ་བབ་ན་ཞེས་བྱ་བའི་དོན་ཏོ། །དེ་ལྟ་བ་#ལྔ་པོ་འདི་དག་བྱས་པ་འདིའི་བསྡུས་པའི་དོན་ནི་རང་བཞིན་གྱི་དབང་དུ་བྱས་ནས་ལྟ་བ་རྣམ་པ་གཉིས་ཏེ། རྒྱུ་མེད་པར་སྨྲ་བ་དང་། མི་མཐུན་པའི་རྒྱུར་སྨྲ་བའོ། །རྒྱུ་མེད་པར་སྨྲ་བའི་དབང་དུ་བྱས་པ་ནི་ལྟ་བའི་རྣམ་པ་དང་པོའོ། །
[279b.2]དབང་ཕྱུག་རྒྱུར་སྨྲ་བ་ནི་མི་མཐུན་པ་རྒྱུར་སྨྲ་བའོ། །ཐམས་ཅད་སྔོན་གྱི་ལས་ཀྱིས་བྱས་སོ་ཞེས་བྱ་བ་ནི་ད་ལྟར་བྱུང་བའི་ལས་རྣམ་པར་གཅོད་པའོ། །དེ་བཞིན་དུ་མཐོང་བའི་ཆོས་ལ་མྱ་ངན་ལས་འདས་པར་འདོད་པ་ཆད་པར་ལྟ་བ་སྟེ། འཇིག་རྟེན་ཕ་རོལ་རྣམ་པར་གཅོད་པའོ།
[279b.3]རྒྱལ་རིགས་ཀྱི་ཆོས་ཀྱི་#གཙུག་ལག་ལས་འབྱུང་བར་སྨྲ་བ་ནི་མངོན་པར་མཐོ་བའི་རྒྱུ་མི་མཐུན་པར་སྨྲ་བའོ། །ལྟ་བའི་རྣམ་པ་འདི་དག་ལས་དང་པོ་ལས་#བརྩམས་པ་ནི་གཉིས་སོ། །བར་མ་ལས་བརྩམས་#པ་ནི་གཅིག་པའོ། །དེ་ལས་གཞན་པ་ལས་བརྩམས་པ་ནི་གཉིས་ཏེ།
[279b.4]དེ་ལྟ་བས་ན་ལྟ་བ་འདི་དག་གི་གོ་རིམས་ནི་འདི་ཡིན་ནོ། །སྐྱེ་བོ་སྡིག་པ་ཅན་རྣམས་དང་བསྟེན་#པ་ཞེས་བྱ་བ་འདིས་ནི་རྐྱེན་བསྟན་ཏོ། །བློ་གཞན་གྱི་དྲིང་ལ་འཇོག་པས་ཞེས་བྱ་བ་འདིས་ནི་རྒྱུ་བསྟན་ཏོ། །ལྟ་བས་བྱས་པ་ཉིད་གཡང་སར་ལྷུང་བ་ཉིད་ཡིན་པས་ལྟ་བ་ངན་པའི་
[279b.5]གཡང་སར་ལྟུང་བ་ཞེས་བརྗོད་དོ། །#ངན་སོང་གི་རྒྱུར་གྱུར་པའི་ཕྱིར་རོ། །དེ་ལ་བརྩེ་བར་གྱུར་ཏེ་ཞེས་བྱ་བའི་རྒྱུའི་དབང་དུ་བྱས་ནས། ཡོན་ཏན་གོམས་པས་ཞེས་བྱ་བའི་ཚིགས་བཅད་སྨོས་སོ། །དེ་ལས་བཟློག་པའི་ཐབས་ཞེས་བྱ་བ་ནི་བཟློག་པའི་ཆེད་དུའོ། །དུལ་ཞིང་
[279b.6]བརྟན་པ་དང་རྒྱ་ཆེ་བའི་ཆ་བྱད་ཡོད་པའི་སྐྱེ་བོ་གང་ཡིན་པ་དེ་ནི་དུལ་ཞིང་བརྟན་ལ་རྒྱ་ཆེ་བའི་ཆ་བྱད་ཀྱི་སྐྱེ་བོ་སྟེ་#ཕྱོགས་ན་འཁོད་པའོ། །སྙན་པར་སྨྲ་བ་དང་། བསྙེན་བཀུར་བ་དང་། སྟན་གདིང་བ་བྱས་པ་ནི་སྙན་པར་སྨྲ་བ་དང་། བསྙེན་བཀུར་བ་དང་། སྟན་གདིང་བ་བྱས་པའོ། །
[279b.7]སྙན་པར་སྨྲ་བ་དང་། བསྙེན་བཀུར་#དང་། སྟན་གདིང་བ་གང་ཡིན་པ་དེ་ཉིད་ནི། སྙན་པར་སྨྲ་བ་དང་། བསྙེན་བཀུར་#དང་། སྟན་གདིང་བ་བྱས་པའོ། །ཨེ་མ་འོ་ཁྱོད་ཀྱི་ཆོས་ལ་དགའ་བ་ལ་ལྟོས་#ཞེས་བྱ་བ་ཡིན་ཏེ། དགའ་བ་ནི་ཅིའི་ཕྱིར་ཞེ་ན། དཀའ་ཐུབ་ཀྱི་ནགས་ན་འདུག་
[280a]
[280a.1]བཞིན་དུ་སྤྲེའུ་ཆེན་པོ་མེད་པར་བྱས་པའོ། །ཨེ་མའོ་རྩོལ་ཕོད་ཅེས་བྱ་བ་ནི་སྤྲེའུ་ཆེན་པོ་བསད་པས་སོ། །མཐུ་ཆེ་བ་ཞེས་བྱ་བ་ནི་ནུས་པ་སྟེ། གཅིག་ཏུ་དཀའ་ཐུབ་སྤྱད་པས་ལུས་ཉམ་ཆུང་ཡང་སོང་བའི་ཕྱིར་རོ། །འགྲོ་བའི་ངོ་བོ་ཉིད་ཀྱིས་#དེ་བཞིན་ཁྱེད་ཟེར་ན། །
[280a.2]ཞེས་བྱ་བའི་ཚིགས་བཅད་ནི་འགྲོ་བ་འདི་དག་ངོ་བོ་ཉིད་ཀྱིས་ཡིན་ན། སྤྲེའུ་བསད་པ་ཡང་ངོ་བོ་ཉིད་ཀྱིས་ཡིན་ནོ། །ཞེས་བྱ་བའི་དབང་དུ་བྱས་ནས། དེ་སྟེ་#སྡིག་པ་ཡོད་ན་ནི། །#ཞེས་བྱ་བའི་ཚིགས་བཅད་སྨོས་ཏེ། གལ་ཏེ་སྡིག་པ་ཡོད་ན་ནི་འགྲོ་བ་འདི་ཉིད་#ལ་རྒྱུ་ཡོད་པ་ཉིད་དུ་བསྟན་
[280a.3]ཏེ། གྲུབ་པ་ཉིད་ཀྱི་དབང་དུ་བྱས་ནའོ། །དེ་ལ་རེ་ཞིག་དམ་བཅས་པ་དང་། སྡིག་པ་ཡོད་དོ་ཞེས་ཟེར་བ་ནི་ཕན་ཚུན་འགལ་བ་ཉིད་དུ་བསྟན་ནས། ད་ནི་དཔེ་མ་གྲུབ་པ་ཉིད་དུ་བསྟན་པའི་ཕྱིར། གལ་ཏེ་པདྨའི་སྡོང་བུ་སྐྱེ་ལ་སོགས་ཞེས་བྱ་བའི་ཚིགས་བཅད་སྨོས་སོ། །པདྨའི་སྡོང་
[280a.4]བུ་སྐྱེ་བ་ལ་སོགས་པ་དེ་རྒྱུ་མེད་པ་ཉིད་ཡིན་ན། ཅིའི་ཕྱིར་རྟག་ཏུ་མི་འབྱུང་། པདྨའི་ལོ་མ་སྐྱེ་བ་ལ་སོགས་པའི་རྒྱུ་ནི་ཅི་ཞིག་ཡིན་ཞེ་ན། ཆུ་ལ་སོགས་པའི་རྐྱེན་ཡོད་པ་དང་། ས་བོན་གྱི་རྒྱུས་བྱས་པ་ཡིན་ཏེ། ཇི་ལྟར་ཤེས་ཤེ་ན། མེད་པ་ལས་བྱུང་#བའི་ཕྱིར་ཏེ། ཆུ་ལ་སོགས་
[280a.5]པ་ཡོད་པ་དང་། པདྨའི་སྡོང་བུ་#ལ་སོགས་པ་ཡོད་པར་འགྱུར་ལ། ཆུ་དང་། ས་བོན་ལ་སོགས་པ་མེད་ན་ནི་མི་འབྱུང་བ་ཡིན་ཏེ། དེ་ནི་གང་གི་ཕྱིར། རྒྱུ་དང་རྒྱུ་ཅན་གྱི་མཚན་ཉིད་གཏན་ཚིགས་ཀྱིས་མཁས་པ་དག་དེ་ལྟར་འདོད་དོ། །གང་ལ་རྒྱུ་མེད་པར་འབྱུང་བ་དང་། གང་
[280a.6]འབྱུང་བ་དང་། གང་དུ་མི་འབྱུང་བ་དེ་ནི་རྒྱུ་དང་བཅས་པ་དང་། རྒྱུ་མེད་པ་ཡིན་ཏེ། གང་ཞིག་ཁ་ཅིག་ཏུ་ནི་ཞེས་བྱ་བ་ལ་སོགས་པའི་ཚིགས་བཅད་གསུམ་ཡིན་ཏེ། དེ་ལ་རེ་ཞིག་གང་ཞིག་#ཁ་ཅིག་ཏུ་ནི་ཞེས་བྱ་བ་ནི་#ཚིགས་བཅད་འདིས་ནི། ཕྱོགས་སྔ་མ་དང་འགལ་བར་བསྟན་ཏོ། །ཚིགས་
[280a.7]བཅད་གཉིས་པས་ནི་གྲུབ་པའི་མཐའ་དང་འགལ་བར་བསྟན་ཏོ། །གསུམ་པས་ནི་དཔེ་མ་གྲུབ་པ་བསྟན་ཏེ། རྒྱུ་ཡང་ཡོད་པ་མ་ཡིན་ཞེས་ནི་རྟག་ཏུ་སྨྲ། #ཞེས་བྱ་བའི་ཚིགས་བཅད་གསུམ་གྱིས་ནི། རང་གི་གནས་སྐབས་ཀྱི་དབང་དུ་བྱས་པ་སྟེ། མ་མཐོང་བས་ཞེས་བྱ་བ་ནི་མ་ཤེས་
[280b]
[280b.1]པས་སོ། །དེ་ཉིད་ཀྱིས་ཞེས་བྱ་བ་ནི་རྒྱུ་མ་མཐོང་བ་ཉིད་ཀྱིས་སོ། །ཐམས་ཅད་རྒྱུ་མེད་སྨྲ་ན་ནི། །ཞེས་བྱ་བ་ནི་གང་དག་རྒྱུ་མཐོང་བ་དེ་དག་ལ་ཡང་རྒྱུ་མེད་པར་སྟོན་པ་སྟེ། རྒྱུ་དང་བཅས་པར་མངོན་དུ་མཐོང་བཞིན་དུ། །ཞེས་བྱ་བ་ཡིན་ཏེ། གང་དག་རྒྱུ་ཡོད་པ་དེ་དག་ནི་རྒྱུ་ཡོད་པ་
[280b.2]ཉིད་དུ་མངོན་སུམ་དུ་དམིགས་པ་ཡིན་ནོ། །དེ་ལ་སྡང་#བས་འགལ་བའི་ཚིག་ངན་སྨྲས་པར་འགྱུར། །ཞེས་བྱ་བ་ནི་འགལ་བས་ཚིག་ངན་སྨྲ་བར་འགྱུར་བ་གང་ཡིན་པ་དེ་ནི་འགལ་བའི་ཚིག་ངན་སྨྲ་བར་འགྱུར་བའོ། །ཚིག་ངན་པ་ནི་འདིར་བདག་གི་དམ་བཅས་པ་ལ་གཟུང་སྟེ། བདག་ཉིད་
[280b.3]ཀྱི་དམ་བཅས་པའི་ཚིག་དང་འགལ་ཞེས་བྱ་བའི་དོན་ཏེ། མངོན་སུམ་དང་འགལ་བའོ། །དམ་བཅས་པ་ངན་པ་སྔ་མའི་དོན་རྣམ་པར་བཅད་པའི་ཕྱིར། འགལ་ཞིང་ངན་པ་ཉིད་དུ་བསྟན་ཏོ། །ད་ནི་མངོན་སུམ་དང་འགལ་བ་དམ་བཅས་པ་ངན་པར་བསྟན་ཏོ། །གང་ཞིག་ཁ་ཅིག་
[280b.4]ཏུ་ནི་རྒྱུ་རྐྱེན་མ་མཐོང་བས། །ཞེས་བྱ་བ་#བསྟན་པ་ལ། ཇི་ལྟར་རྒྱུ་ཡོད་བཞིན་དུ་མ་རྟོགས་པ། །ཞེས་བྱ་བ་ཡིན་ཏེ། རྒྱུ་ཡོད་བཞིན་དུ་མ་རྟོགས་པ་བསྟན་པའི་ཕྱིར། །གལ་ཏེ་གང་ནའང་རྒྱུ་ནི་ཡོད་པར་མ་མཐོང་ན། །ཞེས་བྱ་བའི་ཚིགས་བཅད་སྨོས་ཏེ། གང་གི་རྒྱུ་མ་མཐོང་
[280b.5]བ་དེ་ལ་འདིར་རྒྱུ་མེད་ཅེས་སྨྲ་བར་མི་རིགས་ཏེ། ཅིའི་ཕྱིར་ཞེ་ན། ཡོད་བཞིན་དུ་ཡང་རྐྱེན་གཞན་གྱིས་མི་#མཐོང་བར་སྣང་སྟེ། ཇི་ལྟར་མཚན་མོ་ཉི་མའི་དཀྱིལ་འཁོར་ཡོད་ཀྱང་ཤིན་ཏུ་སྐལ་བར་#གནས་པའི་ཕྱིར། རྐྱེན་གཞན་གྱིས་མ་མཐོང་བ་ཡིན་ཏེ། མི་དམིགས་པའི་རྒྱུ་ཡིན་
[280b.6]ནོ། །དེ་དག་རྒྱུ་དང་བཅས་པར་མངོན་དུ་མཐོང་བཞིན་དུ། །ཞེས་བྱ་བ་བསྟན་པ་ལ། ཇི་ལྟར་མངོན་སུམ་དུ་རྒྱུ་དང་བཅས་པ་མཐོང་ཞེས་པ་དེ་བསྟན་པའི་ཕྱིར། ཡིད་དུ་འོང་བའི་ཡུལ་ནི་བདེ་བ་འདོད་པའི་ཕྱིར་ཏེ། རྟེན་ཞེས་བྱ་བའི་ཚིགས་བཅད་སྨོས་སོ། །དེ་དང་འགལ་བ་ལ་ནི་#བདེ་བ་
[280b.7]དང་འགལ་བ་སྟེ། ཡིད་དུ་མི་འོང་བའི་ཡུལ་ཞེས་བྱ་བའི་དོན་ཏོ། །དེའི་ཕྱིར་ཡང་། རྒྱལ་པོ་དག་ལ་རྟེན་པར་བྱེད། ཅེས་བྱ་བ་ནི་ཡིད་དུ་འོང་བའི་ཡུལ་ལ་བརྟེན་པའོ། །ཡང་ན་བདེ་བ་འདོད་པའི་ཕྱིར་རོ། །དེའི་ཕྱིར་དེ་ལ་སྡང་བས་འགལ་བའི་ཚིག་ངན་སྨྲས་པར་གྱུར་པའོ། །དེ་བསྟན་
[281a]
[281a.1]པའི་ཕྱིར#། གལ་ཏེ་དངོས་པོ་རྣམས་དེ་ལྟ་ཡིན་#ཞེས་བྱ་བའི་ཚིགས་བཅད་སྨོས་ཏེ། དེ་ལྟ་ཡིན་ན་#ཞེས་བྱ་བ་ནི་རྒྱུ་དང་ལྡན་པ་ཡིན་ན་ཕྱོགས་མ་གྲུབ་པ་ཡང་ཡིན་པས། དངོས་པོ་རྣམས་ཀྱི་རྒྱུ་ཁས་མི་ལེན་པ་སྟེ། སྤྲེའུ་བསད་པ་ལ་ཉེས་པ་མེད་པའི་མཇུག་#
[281a.2]བསྡུ་བའི་ཕྱིར། གལ་ཏེ་ཞེས་བྱ་བ་ནི་སྔར་བསྟན་པའི་རྒྱུ་སྟེན་#པ་ཡིན་ནོ། །གལ་ཏེ་ཞེས་བྱ་བ་ནི་དངོས་པོ་རྣམས་རྒྱུ་དང་ལྡན་པ་ཉིད་དུ་གྲུབ་ཀྱང་། ཇི་ལྟར་དངོས་པོ་གཞན་རྒྱུ་མེད་པ་དེ་བཞིན་དུ་སྤྲེའུ་བསད་པ་ལ་ཡང་རྒྱུ་མེད་པ་ཡིན་ཏེ། དེ་ལྟ་ཡིན་ན་ནི་#ཅིའི་ཕྱིར་བདག་ལ་སྨོད་པར་#བྱེད་
[281a.3]ཅེས་པའོ། །ཁྱོད་ནི་ཇི་ལྟར་བདག་ལ་སེམས་མི་དགའ། །ཞེས་#བྱ་བ་ལ། སེམས་མི་དགའ་བ་དེ་ཉིད་བསྟན་པའི་ཕྱིར། གཞན་གྱི་ཉེས་པ་#བདག་ལ་ཅི་ཕྱིར་བསྒོ#། །ཅེས་བྱ་བ་ཡིན་ཏེ། གཞན་གྱི་ཉེས་པ་ནི་དབང་ཕྱུག་གི་ཉེས་པས་སོ། །སྡིག་པ་ཆེན་པོ་མ་ལུས་པ། །ཞེས་
[281a.4]བྱ་བའི་ཚིགས་བཅད་འདིས་ནི། སྤྲེའུ་བསད་པས་ནི་སྡིག་པ་ཉིད་དུ་ཁས་ལེན་པའི་ཕྱོགས་སྔ་མ་དང་འགལ་བའི་ཉེས་བ་ཉིད་#བསྟན་ཏོ། །དེ་སྟེ་སྤྲ་#ཆེན་དཔའ་བོ་དེ་ཤི་བ། །ཞེས་བྱ་བ་འདིས་ནི་གྲུབ་པའི་མཐའི་སྐྱོན་བསྟན་ཏོ། །ཡང་ན་དེ་#གཉིས་གཅིག་ལ་གཅིག་འགལ་བའི་
[281a.5]སྐྱོན་བསྟན་ཏོ། །དབང་ཕྱུག་འགྲོ་བ་ཐམས་ཅད་ཀྱི་བྱེད་པ་པོ་ཉིད་ཡིན་ན་ནི་#སྐྱེས་བུ་བྱེད་པའི་རྩོལ་བ་ཐམས་ཅད་དོན་མེད་པ་ཡིན་ནོ་ཞེས་བྱ་བ་ལས་བརྩམས་ཏེ། དབང་ཕྱུག་ལ་ནི་རེ་བ་ཡིས། །ཞེས་བྱ་བའི་ཚིགས་བཅད་སྨོས་སོ། །ཐམས་ཅད་ཀྱི་བྱེད་པ་པོ་དབང་ཕྱུག་ནི་བྱེད་པའི་
[281a.6]རྒྱུ་མ་ཡིན་ཏེ། དབང་ཕྱུག་གིས་བྱེད་པའི་སྐྱོན་བསྟན་པའི་ཕྱིར་རོ། །སྡིག་པ་ཆེན་པོ་མ་ལུས་པ། །ཞེས་བྱ་བའི་ཚིགས་བཅད་སྨོས་སོ། །སྐྱོན་དེ་ཉིད་ཀྱིས་དབང་ཕྱུག་ཉིད་མེད་པར་ཚིགས་བཅད་འདིས་སྟོན་ཏོ། །ཡང་ན་དེས་ལྟུང་བས་མི་བྱེད་ན་ནི་གྲུབ་པའི་#མཐའ་དང་འགལ་བར་
[281a.7]བསྟན་པའི་ཕྱིར། སྡིག་པས་འཇིགས་ནས་དེ་དག་ཀུན། །ཞེས་བྱ་བའི་ཚིགས་བཅད་སྨོས་སོ། །དབང་ཕྱུག་ཆེན་པོ་ཉིད་དུ་འདོད་པ་དེ་ལ། དབང་ཕྱུག་ཆེན་པོ་མེད་པར་བསྟན་པའི་ཕྱིར། དེ་ཡང་དབང་ཕྱུག་འགྱུར་བ་ནི། །ཞེས་བྱ་བའི་ཚིགས་བཅད་སྨོས་སོ། །དབང་ཕྱུག་ཉིད་
[281b]
[281b.1]དུ་ནི་རྒྱུ་དང་བཅས་པའམ། རྒྱུ་མེད་པ་#ཡིན་གྲང་ན་རྒྱུ་དང་བཅས་པ་ནི་ཆོས་ཀྱི་རྒྱུ་ཉིད་དུ་འགྱུར་བའམ་དེ་ལས་རྒྱུ་གཞན་པའི་རྒྱུ་ཉིད་ཡིན་པ་#ཞིག་གོ། །དེ་ལ་ཆོས་ཀྱི་རྒྱུ་ཉིད་ཡིན་ན་ནི་ཆོས་ལས་སྔ་རོལ་དུ་དབང་ཕྱུག་མེད་དོ། །དེ་སྟེ་དབང་ཕྱུག་གིས་དབང་ཕྱུག་གཞན་ཉིད་ཕྱུང་ན་ནི་དབང་ཕྱུག་
[281b.2]ཀྱང་ཉམས་པ་ཡིན་ཏེ། དེས་ན་དབང་ཕྱུག་མ་ཡིན་པའི་ཕྱིར་རོ། །གཞན་དུ་ན་དབང་ཕྱུག་ཉིད་ཀྱི་རྒྱུ་ཉིད་#ཡིན་ན་ནི། བདག་གིས་སྤྲེའུའི་རྒྱལ་པོ་བསད་པ་ལ་སྡིག་པ་ཡིན་ནོ་ཞེས་ཁས་བླངས་པའི་ཕྱོགས་སྔ་མ་དང་འགལ་བའི་ཉེས་པ་མེད་དོ། །གལ་ཏེ་ཐམས་ཅད་སྔོན་གྱི་ལས་ཀྱིས་
[281b.3]ཞེས་བྱ་བའི་ཚིགས་བཅད་ནི་#སྤྲེའུ་བསད་པ་ལས་སྡིག་པ་ཉིད་དུ་ཁས་ལེན་པའི་ཕྱོགས་སྔ་མ་དང་འགལ་བ་བསྟན་པའི་ཕྱིར། གལ་ཏེ་ཐམས་ཅད་སྔོན་གྱི་ལས་ཀྱིས་བྱས་ན་ནི། །ཞེས་བྱ་བའི་ཚིགས་བཅད་སྨོས་ཏེ། གང་གི་ཕྱིར་བདག་ལ་སྨད་ཅེས་བྱ་བ་ནི་བདག་གི་ཕྱིར་སྡིག་པས་
[281b.4]སོ། །དེ་སྟེ་#བདག་གིས་སྤྲེའུ་བསད་པའི་#སྡིག་ཡོད་ན། །ཞེས་བྱ་བའི་ཚིགས་བཅད་ཕྱེད་ཀྱིས་ནི་གྲུབ་པའི་མཐའ་ཉམས་པ་སྟོན་པའི་ཕྱིར་རོ། །ཅི་སྟེ་ལས་དང་ལས་ཀྱི་རྒྱུ་ཉིད་ཡོད་པར་སྟོན་ཏེ། སྔར་བཤད་པའི་ལས་ཀྱིས་བྱས་པ་སྟེ། ལས་གང་གིས་སྤྲེའུ་དེ་བསད་པའི་ལས་
[281b.5]བྱས་པ་ཡིན་ནོ་ཞེས་དེ་ལྟར་འདོད་ན་ནི་ཐར་པ་མེད་པའི་སྐྱོན་དུ་ཐལ་བར་འགྱུར་རོ་ཞེས་བསྟན་པའི་ཕྱིར། གལ་ཏེ་ལས་དང་ལས་ཀྱི་རྒྱུ་ཡོད་ན། །ཞེས་བྱ་བའི་ཚིགས་བཅད་ཕྱེད་ཡིན་ནོ། །སྤྲེའུ་བསད་པའི་ལས་བྱས་པ་དེ་ཡང་སྤྲེའུ་བསད་པའི་ལས་གཞན་གྱི་རྒྱུས་ཡིན་ནོ། །དེ་ཡང་གཞན་
[281b.6]དང་གཞན་གྱི་ཡིན་པས་ཐར་པ་མེད་པར་ཐལ་བར་འགྱུར་ཏེ། ལས་རྗེས་སུ་མ་སྤྱད་པའི་ཕྱིར་རོ། །སྔོན་གྱི་ལས་ཀྱིས་བྱས་པ་#ངེས་པར་མངོན། །ཞེས་བྱ་བ་ཡིན་ན་ནི། རྒྱུ་དང་རྐྱེན་གཞན་བདེ་བ་དང་སྡུག་བསྔལ་གཉིས་འགག་པར་འགྱུར་ཏེ། དེ་རྒྱུ་དང་རྐྱེན་གཞན་གྱིས་ཀྱང་། སྡུག་
[281b.7]བསྔལ་རྒྱུ་ཡང་གལ་ཏེ་བདེ་བར་འགྱུར། །ཞེས་#དང་། བདེ་#དང་སྡུག་བསྔལ་དེ་ལྟར་གྱུར་པའང་མེད། །ཅེས་བྱ་བའི་ཚིགས་བཅད་ཡིན་ཏེ། འདིས་ཀྱང་འགོག་པ་ཡིན་ཏེ། ཉེ་བར་འགྱུར་བའི་རྐྱེན་དང་ད་ལྟར་བྱུང་བའི་སྐྱེས་བུའི་བྱེད་པ་སྟེ། ཡུལ་ཉེ་བར་གྱུར་པའི་ཡུལ་གྱི་རྐྱེན་
[282a]
[282a.1]དང་། ད་ལྟར་བྱུང་བའི་སྐྱེས་བུའི་བྱེད་པའོ། །དེ་ལ་ཡུལ་ཉེ་བར་གྱུར་པ་ཉིད་ཀྱི་བདེ་བ་དང་། སྡུག་བསྔལ་གཉིས་བསྟན་པའི་ཕྱིར། སྡུག་བསྔལ་རྒྱུ་ཡང་གལ་ཏེ་བདེ་བར་འགྱུར། །ཞེས་བྱ་བའི་ཚིགས་བཅད་སྨོས་སོ། །སྡུག་བསྔལ་གྱི་རྒྱུ་ནི་ཡིད་དུ་མི་འོང་
[282a.2]བ་སྟེ། དེས་ན་བདེ་བ་དང་སྡུག་བསྔལ་གཉིས་ནི་ཡིད་དུ་འོང་བ་དང་ཡིད་དུ་མི་འོང་བ་ལས་སྐྱེས་པའི་ཕྱིར་རོ། །ངེས་པ་ཞེས་བྱ་བ་ནི་གདོན་མི་ཟ་བར་ཞེས་པའི་དོན་ཏོ། །སྔོན་གྱི་ལས་ཀྱིས་བྱས་པ་ཞེས་#བྱ་བ་ནི། སྔོན་གྱི་ལས་ཉིད་ཀྱིས་བྱས་པ་གང་ཡིན་པ་སྟེ། རྒྱུ་གཞན་མ་ཡིན་
[282a.3]པ་ཞེས་བྱ་བའི་དོན་ཏོ། །བདེ་#དང་སྡུག་བསྔལ་དེ་ལྟར་གྱུར་པའང་མེད། །ཅེས་བྱ་བ་དང་པོའི་ཕྱེད་ཀྱིས་ནི་བསྟན་མ་ཐག་པའི་དོན་མཇུག་#བསྡུ་བའི་ཕྱིར་རོ། །ཚིགས་བཅད་ཕྱེད་འོག་མས་ནི་ད་ལྟར་བྱུང་བའི་སྐྱེས་བུ་བྱེད་པའི་རྐྱེན་གྱིས་དངོས་པོའི་སྐྱོན་བསྟན་པའི་ཕྱིར་ཏེ། དེ་ལྟར་
[282a.4]ཞེས་བྱ་བ་ནི་བདེ་བ་དང་སྡུག་བསྔལ་པ་དག་ལ་ཡིད་དུ་འོང་བ་དང་ཡིད་དུ་མི་འོང་བའི་ཡུལ་མངོན་སུམ་དུ་གྱུར་པས་ཡིན་གྱི། སྔོན་གྱི་ལས་ཀྱིས་བདེ་བ་དང་སྡུག་བསྔལ་བྱས་པ་མ་ཡིན་ནོ་ཞེས་བརྒྱ་ལ་དེ་སྨྲ་ན། དེ་ལྟ་མོད་ཀྱི། བདེ་བ་དང་སྡུག་བསྔལ་ཡུལ་གྱི་རྐྱེན་ལས་བྱུང་བ་ཡིན་
[282a.5]ནོ་ཞེས་དེ་ལྟར་སྨྲས་པས་ད་ལྟར་#བྱུང་བའི་སྐྱེས་བུ་བྱེད་པའི་ལས་བསལ་བ་ཡིན་ཏེ། དེ་མེད་པའི་སྐྱོན་བསྟན་པའི་ཕྱིར་སྨྲས་པ། གསར་དུ་བྱས་པའི་ལས་ཀྱང་ཇི་ལྟར་འགྱུར། །ཞེས་བྱ་བའི་དོན་ཏོ། །#གསར་དུ་བྱས་པའི་ལས་མ་གྲུབ་ན་སྐྱོན་#ཡོད་ཅེ་ན། དེའི་སྐྱོན་བསྟན་པའི་ཕྱིར་སྨྲས་པ།
[282a.6]དེ་མ་གྲུབ་ན་སྔ་མའང་ཇི་ལྟར་འགྲུབ། །ཅེས་བྱ་བ་ཡིན་ཏེ། དེ་མ་གྲུབ་ན་ཞེས་བྱ་བ་ནི་གསར་དུ་བྱས་པའི་ལས་མ་གྲུབ་ནའོ། །ཀུན་ཞེས་བྱ་བ་ནི་སྤྲེའུ་བསད་པ་ལ་སོགས་པའོ། །བདག་གིས་བྱས་པར་ཞེས་བྱ་བ་ནི་སྔོན་གྱི་ལས་ཀྱིས་བྱས་པ་འདི་དག་ལ་བདག་གིས་བྱས་པར་ཡོངས་སུ་
[282a.7]བརྟག་པ་ནི་མི་རིགས་ཞེས་བྱ་བའི་དོན་ཏོ། །ཕྱོགས་སྔ་མ་སྤྲེའུ་བསད་པ་ལ་སྡིག་པ་ཡོད་དོ་ཞེས་སྨྲས་པ་#དང་འགལ་བར་བསྟན་པའི་ཕྱིར་སྨྲས་པ། གལ་ཏེ་ཆད་པར་ལྟ་བ་དེ་ཁོ་ན་ཉིད་ཡིན་པར་སེམས་ན་ཞེས་བྱ་བའི་ཚིགས་བཅད་སྨོས་སོ། །ཅི་ཞིག་སྤང་ཞེས་བྱ་བ་ནི་ཅིའི་ཕྱིར་
[282b]
[282b.1]སྤང་བའོ། །ཅི་ཞིག་འབད་དུ་ཡོད་ཅེས་བྱ་བ་ནི་ཅིའི་ཕྱིར་འབད་དུ་ཡོད་པའོ། །ཡང་ན་ཅི་ཞིག་ཅེས་བྱ་བའི་སྒྲ་ནི་དྲི་བའི་ཚིག་གོ། །རང་དགར་ཅི་བདེར་སྤྱོད་པར་རིགས་#པ་གང་ཡིན་པ་དེ་ནི་རང་དགར་ཅི་བདེར་སྤྱད་པར་རིགས་ཏེ། སྡིག་པ་དང་དགེ་བ་དག་ལ་སྤང་བ་དང་། བསྟེན་པའི་
[282b.2]ཉེས་པ་དང་ཡོན་ཏན་མེད་པས་སོ། །དེ་ལྟ་མོད་ཀྱི་འཇིག་རྟེན་པ་རྣམས་ཀྱི་ཁ་ན་མ་ཐོ་བས་འཇིགས་པར་#བྱེད་དོ་ཞེས་དེ་ལྟར་རྟོག་ན་ཡང་སྨྲས་པ། འགྲོ་བས་#འཕྱ་བ་དག་གིས་འཇིགས་ནས་སུ། །ཞེས་བྱ་བ་སྨོས་ཏེ། འཇིག་རྟེན་གྱིས་མི་སྨན་#པར་སྨྲ་བས་འཇིགས་པའོ#། །བདག་གི་ཚིག་དང་མི་མཐུན་སྤྱོད་པ་ཡིན། །
[282b.3]ཞེས་བྱ་བ་ནི་སྡིག་པ་བསྟེན་པ་དང་། དགེ་བ་སྒྲུབ་པ་ལ་སྐྱོན་དང་ཡོན་ཏན་མེད་དོ་ཞེས་སྨྲ་ན་སྡིག་པ་བསྟེན་པ་དང་། དགེ་བ་བསྟེན་པར་བྱེད་པ་ཡིན་པས་ན་བདག་གི་ཚིག་དང་མི་མཐུན་པར་སྤྱོད་པ་ཡིན་ཏེ། འགྲོ་བས་#འཕྱ་བའི་ཉེས་པས་འཇིགས་པས་ནི་#རང་གི་ཚིག་དང་མི་འགལ་བར་སྤྱོད་པའོ། །དེ་ཡོད་
[282b.4]ན་ནི་དེ་དག་ཀྱང་ཡོད་ཀྱི་ཆད་པར་སྨྲ་བ་འདི་ལ་ནི་འགྲོ་བས་#འཕྱ་བའི་ཉེས་པ་མེད་དོ། །འགྲོ་བས་#འཕྱ་བའི་སྐྱོན་གཅིག་པུར་#མ་ཟད་དེ། འདི་ལྟར་རང་གི་གྲུབ་པའི་མཐའི་#ལས་བསྟན་པའི་བདེ་བའང་མི་འཐོབ་པ་ཡིན་ནོ་ཞེས་བསྟན་པའི་ཕྱིར། འཇིག་རྟེན་ཚུལ་ལ་གནས་པར་གྱུར་
[282b.5]ན་ནི། །ཞེས་བྱ་བའི་ཚིགས་བཅད་སྨོས་ཏེ། རང་གི་གཞུང་ལུགས་ཞེས་བྱ་བ་ནི་རང་གི་གྲུབ་པའི་མཐའོ། །རང་གི་གྲུབ་པའི་མཐའ་སྨྲ་བ་འཁྲུལ་པས་དོན་མེད་པར་འགྱུར་བ་ནི་བདེ་བ་འཐོབ་པ་སྟེ། དེ་བས་ན་འགྲོ་བས་འཕྱ་བར་#འཇིགས་ན་རང་གི་གྲུབ་པའི་མཐའི་འབྲས་བུ་མི་
[282b.6]ཐོབ་པས་སྨྲ་བ་དོན་མེད་པ་ནི་འཁྲུལ་པ་ཡིན་པས་སྨྲ་བ་འཁྲུལ་པའོ། །སྨྲ་བའི་འཁྲུལ་པ་ཉིད་ནི་ཕྱིན་ཅི་ལོག་པ་ཡིན་ཏེ། དེའི་སྨྲ་བ་འཁྲུལ་པས་དོན་མེད་པ་གང་ཡིན་པ་དེ་ནི་སྨྲ་བ་འཁྲུལ་པས་དོན་མེད་པ་སྟེ། མཆོག་ཏུ་འབྲས་བུ་མེད་པའི་ཕྱིར་རོ། །དེའི་ཚིག་ནི་བྱིས་པའི་ནང་ན་ཐ་མ་ཉིད་
[282b.7]ཡིན་ཏེ། ལྟ་བ་ཐམས་ཅད་ཀྱི་ནང་ན་ཐ་ཆད་བཟུང་ཞིང་འཇུག་པའི་ཕྱིར་རོ། །རྣམ་པ་སྣ་ཚོགས་ཡོན་ཏན་དང་ལྡན་པའི་ཤིང་ཞེས་བྱ་བ་ལ། བདག་གི་ལས་ཀྱིས་བྱ་བ་མ་ཡིན་པར་འབྱུང་བ་དག# །འཇིགས་པ་རྣམས་ཀྱང་ཕྱིས་ཡང་མི་སྐྱེའོ་#ཞེས་ཁས་ལེན་ཅིང་ཇི་ལྟར་ཡང་ཤིང་གི་
[283a]
[283a.1]མཚན་ཉིད་འདི་ལྟ་བུར་འཇིག་རྟེན་ཡང་རྒྱུ་གང་ཞིག་ཡོད། དེ་ལྟ་ན་ཡང་འཇིག་རྟེན་ན་ནི་ཤིང་#དང་འདྲ་བ་ཡིན་པས་དངོས་པོ་རྣམས་ཀྱི་རྒྱུ་འགྲུབ་པའི་དངོས་པོ་ཡིན་ཡང་དངོས་པོ་མེད་པའོ་ཞེས་སྨྲ་བ་སྟེ། ཆད་པར་སྨྲ་བ་ལ་ནི་འཇིག་རྟེན་ཕ་རོལ་མེད་པས་འབྲས་བུ་ཡིད་དུ་
[283a.2]འོང་བ་མེད་དོ། །དེས་ན་སྡིག་པ་ཐམས་ཅད་ཀྱི་ནང་ན་ཁྱད་པར་དུ་གྱུར་པ་ཡིན་ནོ། །བྱས་ནས་སུ་ཞེས་#བྱ་བ་ནི་གཞུང་ལུགས་ཀྱི་བསྟན་བཅོས་པའོ#། །དེ་གང་ཡིན་ཞེ་ན། དགེ་བའམ་མི་དགེ་བའོ། །ཅིའི་ཕྱིར་ཞེ་ན། སྲིད་ཀྱི་ཕྱིར་རོ། །རྗེས་སུ་འགྲོ་བ་ནི་དུས་ཕྱི་མ་སྟེ། ཕྱི་ནས་གང་
[283a.3]ཞིག་ཅེས་བྱ་བ་ལ། དགོས་པ་དག་ནི་བྱུང་བར་གྱུར་པའི་ཚེ། །ཞེས་བྱ་བའི་ཚིགས་བཅད་ཡིན་ཏེ། ཕྱོགས་ཀྱི་ཆོས་དང་འགལ་བར་བསྟན་པའི་དོན་ཏོ། །འོན་ཏེ་སྙིང་རྗེ་མེད་ཕྱིར་སྨད་འགྱུར་རམ། །ཞེས་བྱ་བའི་ཚིགས་བཅད་བསྟན་པ་ལ། གྲུབ་པའི་མཐའི་སྐྱོན་བསྟན་པའི་ཕྱིར། སྨད་
[283a.4]འགྱུར་ཞེས་བྱ་བ་སྨོས་པ་ཡིན་ཏེ། མཐོང་བའི་ཆོས་ལ་བདེ་བའི་#ལས་མི་སྙན་པར་བསྟན་པ་ཡིན་ནོ། །འབྲས་བུ་སྡུག་བསྔལ་ཞེས་བྱ་བ་ནི་ཕ་རོལ་ཏུ་ངན་སོང་དུ་འགྲོ་བའི་རྒྱུར་གྱུར་པའི་ཕྱིར་རོ། །གཞུང་ལུགས་ཞེས་བྱ་བ་ནི་གཞུང་ལུགས་ཀྱི་བསྟན་བཅོས་སོ། །གང་ན་རིགས་
[283a.5]པའི་གཞུང་ལྡན་འདི་#འདྲ་བ། །ཞེས་བྱ་བ་ནི་ཚེ་འདིར་སྨད་པར་བྱས་པ་དང་། འཇིག་རྟེན་ཕ་རོལ་ཏུ་ཡང་སྡུག་བསྔལ་གྱི་འབྲས་བུ་ཡིན་ཏེ། གང་ན་ལས་འདི་ཡོད་པ་དེར་གནོད་བཞིན་དུ་བྱེད་ཅིང་རིགས་པའི་གཞུང་ལུགས་འདིའོ། །འདི་ལྟ་བུར་#འཁྲུལ་པ་གང་ཡིན་པ་#དེ་ནི་
[283a.6]འཁྲུལ་པ་ཅི་འདྲ་བའོ། །འཁྲུལ་པ་ནི་ཕོངས་པའོ། །གཙུག་ལག་གི་ལམ་གྱི་ཞེས་བྱ་བ་ནི་གཙུག་ལག་གི་ཚུལ་གྱིས་ཏེ། གཙུག་ལག་ཅེས་བྱ་བ་ནི་བརྡ་ཙམ་དུ་སྦྱར་བ་ཡིན་ཏེ། གཙུག་ལག་ཉིད་ནི་མ་ཡིན་བསྟན་བཅོས་ཀྱི་ཚུལ་ཙམ་ཉིད་དོ། །གཙུག་ལག་ཉིད་ལམ་ཡིན་པས་
[283a.7]ན་གཙུག་ལག་ལམ་སྟེ། ཆོས་མ་ཡིན་པ་སྒྲུབ་པ་ལ་བརྟེན་པའི་ཕྱིར་རོ། །ལམ་ཡང་ཡིན་ལ་གསལ་བ་ཡང་ཡིན་པས་ལམ་ནི་གསལ་བའོ། །དེས་བསྟན་པ་ནི་ལམ་གསལ་བར་བསྟན་པའོ། །དེ་འཁོར་གྱི་ནང་ན་རྒྱལ་བར་གྱུར་པ་གང་ཡིན་པ་དེ་དག་ནི་འཁོར་གྱི་ནང་ན་རྒྱལ་བར་གྱུར་
[283b]
[283b.1]པའོ། །སྤོབས་པ་ཆེ་བར་གོམས་པ་གང་ཡིན་པ་དེ་དག་ནི་སྤོབས་པ་ཆེ་བར་#གོམས་པའོ། །སྲོག་དང་བཅས་པའི་སྤྲེའུ་བཀུམ་པ་ནི་མ་ལགས་ཀྱི་ཞེས་བྱ་བ་འདིས་ནི། སྤྲེའུའི་པགས་པ་ཡོད་པ་ནི་སྤྲེའུ་སྤྲུལ་པ་ཡིན་གྱི་སྲོག་དང་བཅས་པ་ནི་མ་ཡིན་ནོ། །དེ་སྲོག་མེད་པ་ཉིད་ཀྱིས་བསད་
[283b.2]པ་ཡང་མེད་དོ། །#དེ་བས་ན་བཀུམ་པའང་མ་ལགས་ཞེས་བྱ་བའི་དོན་ཏོ། །རྒྱུ་ལས་གྲུབ་པར་མཐོང་བཞིན་#ལ། །ཞེས་བྱ་བ་འདིས་ནི་རྒྱུ་མེད་པར་སྨྲ་བ་དགག་པ་ཡིན་ནོ། །རང་དབང་ཞེས་བྱ་བ་འདིས་ནི། དབང་ཕྱུག་#རྒྱུར་སྨྲ་བ་འགོག་པ་ཡིན་ཏེ་གང་གི་ཕྱིར་དབང་ཕྱུག་རྒྱུར་སྨྲ་བ་
[283b.3]གཞན་དབང་ཡིན་ཏེ། དབང་ཕྱུག་ལ་རག་ལས་པའི་ཚུལ་ཡིན་པའི་ཕྱིར་རོ། །འཇིག་རྟེན་ཕ་རོལ་ཞེས་བྱ་བ་འདིས་ནི་ཆད་པར་སྨྲ་བ་དགག་པ་ཡིན་ཏེ། གང་གི་ཕྱིར་ཆད་པར་སྨྲ་བ་ནི་འཇིག་རྟེན་ཕ་རོལ་ཤེས་པ་མ་ཡིན་ཏེ། འཇིག་རྟེན་ཕ་རོལ་ཁས་མི་ལེན་པའི་ཕྱིར་རོ། །དགེ་བར་
[283b.4]ཁས་ལེན་སྙིང་རྗེ་ཅན། །ཞེས་བྱ་བ་འདིས་ནི་ལུས་ཀྱི་བསྟན་བཅོས་#རྗེས་སུ་འཇུག་པ་འགོག་པར་བྱེད་པ་ཡིན་ཏེ། གང་གི་ཕྱིར་དེ་ནི་དགེ་བར་དམ་བཅའ་བ་མ་ཡིན་ཏེ། གཞན་ལ་ཁྲོ་བ་དང་བཅས་པའི་ཕྱིར་རོ། །དེ་སྙིང་རྗེ་ཅན་ཡང་མ་ཡིན་ནོ། །བཞི་པོ་འདི་དག་ནི་སྲོག་གཅོད་པའི་ཉེས་པ་
[283b.5]མེད་པར་བསྟན་པའི་ཕྱིར་རོ། །ཐམས་ཅད་སྔོན་གྱི་ལས་ཀྱིས་བྱས་པར་ལྟ་བ་དེ་ཅིའི་ཕྱིར་མ་བསྟན་ཅེ་ན། གང་གི་ཕྱིར་དེ་ནི་ལས་ཀྱི་རྒྱུ་དེ་ཉིད་དུ་སྒྲུབ་པ་ཡིན་ཏེ། འགྲོ་བ་རྣམས་དེ་ལྟར་སྒྲུབ་པ་ནི་སྲོག་ཆགས་གསོད་པར་བྱེད་དེ། དེ་ནི་ད་ལྟར་བྱུང་བའི་སྐྱེས་བུ་བྱེད་པའི་རྐྱེན་ཉི་ཚེར་འགྱུར་རོ། །
[283b.6]གཞུང་བྱེད་པ་ཞེས་བྱ་བ་ནི་མ་ཡིན་པའི་སྡིག་པའོ། །ཅིའི་ཕྱིར་ཞེ་ན། གྲགས་པ་ཅུང་ཟད་ཙམ་གྱི་ཕྱིར་རོ། །གཞན་དུ་ན་གཞུང་མི་བྱེད་དེ། སྡིག་པ་ཉིད་ཡིན་པས་སོ། །ཇི་ལྟར་ཁས་བླང་བར་བྱ་#ཞེས་བྱ་བ་ནི་ཁས་ལེན་པར་བྱེད་པའོ། །སྡིག་པ་ལ་སྡིག་པ་མ་ཡིན་པའི་ལྟ་བས་གང་
[283b.7]དེ་གྲགས་པ་ཅུང་ཟད་ཙམ་གྱི་ཕྱིར་སྡིག་པ་མི་བྱེད་དེ། ཇི་ལྟར་རིགས་པས་སྨྲ་བ་ཁས་ལེན་པར་བྱེད་ཅེས་པ་སྟེ། གྲགས་པ་ཅུང་ཟད་ཙམ་གྱི་ཕྱིར། གཞུང་མི་བྱེད་ཅེས་བྱ་བའི་ཚིག་གིས་སོ། །གཞན་དུ་ན་#བྱེད་པ་དེ་ནི་དོན་གྱིས་མི་འགྲུབ་པའོ། །དེས་ན་དེའི་རྒྱུ་བསྟན་པའི་ཕྱིར། མི་ཡི་
[284a]
[284a.1]བདག་པོ་ལྟ་བ་བཟང་ངམ་ངན#། །ཞེས་བྱ་བའི་ཚིགས་བཅད་སྨོས་སོ། །སྐལ་བ་མཉམ་པ་ནི་རིགས་མཐུན་#པའོ། །ལས་ཉིད་སྒྲུབ་པ་ཡིན་པས་ལས་ནི་སྒྲུབ་པའོ། །རིགས་མཐུན་པའི་ལས་ཀྱིས་#སྒྲུབ་པ་ནི་རིགས་མཐུན་ལས་ནི་སྒྲུབ་པའོ། །དེ་དག་
[284a.2]གི་རྒྱུ་ནི་རིགས་མཐུན་པའི་ལས་སྒྲུབ་པའི་རྒྱུའོ། །གལ་ཏེ་ལྟ་བ་བཟང་ན་ནི་དགེ་བའི་ལས་སྒྲུབ་པའི་རྒྱུ་ཡིན་ལ། གལ་ཏེ་ལྟ་བ་ངན་ན་ནི་མི་དགེ་བའི་ལས་སྒྲུབ་པའི་རྒྱུ་ཡིན་ནོ། །ཅིའི་ཕྱིར་ཞེ་ན། བརྟགས་ན་དགེ་བ་དང་། མི་དགེ་བའི་འཇུག་པའི་ཚིག་དང་སྤྱོད་པ་རྣམས་#སྟོན་
[284a.3]པའི་ཕྱིར་རོ། །ལྟ་བ་དེ་ཡང་གང་ལས་ཐོབ་པ་ཡིན་ཞེ་ན། དེའི་ཕྱིར་སྨྲས་པ། དམ་པ་རྣམས་ལ་བརྟེན་ན་འདི་ཤེས་འགྱུར། །ཞེས་སྨོས་པ་ཡིན་ཏེ། འདི་ནི་ལྟ་བ་བཟང་པོའི་ཚུལ་ལོ། །འདི་སྐྱེ་བོ་ངན་པ་རྣམས་རིང་དུ་སྤང་བ་ནི་ཐག་རིང་དུ་བྱ་བའོ། །དམ་པ་མ་ཡིན་པ་ལ་བརྟེན་པས་ནི་ཚུལ་
[284a.4]འདི་ལྟར་ཐོབ་པ་ཡིན་ཏེ། དེས་ན་དེ་ཉིད་སྨྲས་པ། མི་སྡོམ་པར་ཡང་སྡོམ་པའི་ཚུལ་འཛིན་པ། །ཞེས་བྱ་བའི་ཚིགས་བཅད་སྨོས་ཏེ། མི་སྡོམ་པར་ཡང་ཞེས་བྱ་བ་ནི་སྡོམ་པའི་རྒྱུ་མེད་ཀྱང་མཐོང་བའི་ཡུལ་དུ་བྱེད་པའི་ཕྱིར། མི་སྡོམ་པར་ཡང་སྡོམ་པའི་ཚུལ་འཛིན་པ། །ཞེས་བྱའོ།
[284a.5]སྡོམ་བརྩོན་དག་གི་ཆ་བྱད་ཡིན་པས་སྡོམ་པའི་ཚུལ་ལོ། །དེ་འཆང་བའི་ཚུལ་གང་ལ་ཡོད་པ་དེ་ནི་སྡོམ་པའི་ཚུལ་འཛིན་པའོ། །དགེ་སློང་སྲིན་པོ་དེ་རྣམས་ཀྱི་མཚན་ཉིད་ནི་ཅི་#ཇི་ལྟར་ནི་དེ་དག་ཤེས་པར་བྱ་ཞེ་ན། དེ་སྨྲས་པ། རྒྱུ་མེད་སྨྲ་#ལ་སོགས་པ་ཞེས་བྱ་བའི་ཚིགས་བཅད་འདི་
[284a.6]སྨོས་ཏེ། སོགས་པའི་སྒྲས་ནི་དབང་ཕྱུག་རྒྱུར་སྨྲ་བ་དང་། ཐམས་ཅད་སྔོན་གྱི་ལས་ཀྱིས་བྱས་པར་སྨྲ་བ་དང་། ཆད་པར་སྨྲ་བ་དང་། རྒྱལ་པོའི་གཙུག་ལག་#གི་གཞུང་སྨྲ་བ་རྣམས་ཀྱང་གཟུང་ངོ་། །དེ་དག་གི་ཁྱད་པར་གྱི་མཚན་ཉིད་ནི་ཇི་ལྟར་རྩུབ་པོས་བསྒོས་པ་ཞེས་བྱ་བ་ཅེ་#སྤྱང་
[284a.7]བཞིན་དུ་ཅེ་#སྤྱང་གི་ཁྱད་པར་གྱི་མཚན་ཉིད་ཅན་དེས་ན་རླག་པར་བྱེད་པ་ཡིན་ཏེ། གང་གི་ཕྱིར། སྐྱེ་བོ་བྱིས་པ་དེ་རྣམས་དགེ་སློང་སྲིན་བོ་སའི་སྟེང་ན་རྒྱུ་བར་#བྱེད་པས་སོ། །དེའི་ཕྱིར་དོན་ནུས་པ་སྤྱད་ཅེས་བྱ་བ་ནི་དགོས་པའི་དོན་ཏོ། །#དེའི་ལྟ་བ་ལས་བཟློག་པ་དེ་ནི་དོན་དུ་ནུས་པར་གྱུར་ནའོ། །
[284b]
[284b.1]དེ་བས་མཁས་པས་དེ་དག་བསྟེན་མི་རིགས། །ཞེས་བྱ་བས་བསྟན་ཏོ། །དེ་ལྟར་ཡང་ཁྱད་པར་དུ་སྐྱེ་བོ་མི་མཐུན་པ་དག་གྲགས་པ་ཆེ་བར་གྱུར་ན་ཡང་མཛའ་བར་ནི་མི་བྱ་བ་ཉིད་དེ། ཁྱད་པར་ཀྱི་བྱ་བ་བསྟན་པའི་ཕྱིར#། སྐྱེ་བོ་མི་མཐུན་པ་དག་གྲགས་པ་ཆེར་གྱུར་ཀྱང་#། །ཞེས་བྱ་བའི་ཚིགས་
[284b.2]བཅད་སྨོས་སོ། །དགོས་པ་ཡོད་པར་གྱུར་ཀྱང་ཞེས་བྱ་བ་ནི་དགོས་པའི་དབང་གིས་ཞེས་བྱ་བའི་དོན་ཏོ། །རྒྱུ་ལས་གྲུབ་པར་མཐོང་#བཞིན་ལ། །ཞེས་བྱ་བ་ལ་སོགས་པའི་ཚིགས་བཅད་བདུན་གྱིས་ནི་ལྟ་བ་བཟང་ངན་བསྟན་པའི་ཕྱིར་ཏེ། དེ་ལས་གྲུབ་པར་མཐོང་བཞིན་ལ། །ཞེས་བྱ་བའི་
[284b.3]ཚིགས་བཅད་འདིས་ནི་ལྟ་བ་བཟང་པོའི་#ཕན་ཡོན་གྱི་དབང་དུ་བྱས་པ་སྟེ། སྔར་བཤད་པའི་ལྟ་བ་ངན་པ་རྣམ་པ་ལྔའི་མི་མཐུན་པའི་ཕྱོགས་བསྟན་པས་སྲོག་གཅོད་པ་ལ་སོགས་པ་བྱ་བ་མ་ཡིན་པ་མི་བྱེད་པའི་ཕན་ཡོན་ནོ། །རྒྱུ་མེད་སྨྲ་#དང་ཞེས་བྱ་བའི་ཚིགས་བཅད་འདིས་ནི། ལྟ་བ་
[284b.4]ངན་པའི་#བྱ་བ་མ་ཡིན་པ་བྱེད་པའི་རྒྱུའི་ཉེས་དམིགས་བསྟན་པའི་དབང་དུ་བྱས་པ་སྟེ། གལ་ཏེ་བྱ་བ་མ་ཡིན་པ་མི་བྱེད་ཀྱང་གྲགས་པ་ཅུང་ཟད་ཀྱི་ཕྱིར་བྱེད་དོ། །གཞན་དུ་ན་བྱ་བ་བྱེད་པ་ཉིད་སྣང་བའི་ཕྱིར་རོ། །མི་ཡི་བདག་པོ་ལྟ་བ་བཟང་ངམ་ངན#། །ཞེས་བྱ་བའི་ཚིགས་བཅད་འདི་
[284b.5]ནི་ལྟ་བ་བཟང་པོའམ་ངན་པ་ཡིན་ཏེ། དགེ་བ་དང་མི་དགེ་བའི་ལས་ཀྱི་རྒྱུ་ཉིད་རབ་ཏུ་སྒྲུབ་པའི་ཕྱིར་རོ། །དེ་བས་ན་ལྟ་བ་བཟང་པོ་བསྟན་#པའི་རིགས་ཞེས་བྱ་བའི་ཕྱེད་དང་པོས་ནི་སྔར་བསྟན་པའི་དོན་མཇུག་#བསྡུ་བ་ཡིན་ནོ། །ལྟ་བ་བཟང་པོ་དང་ངན་པ་གཉིས་སྤོང་#བ་དང་བསྟེན་པར་བྱ་བ་
[284b.6]བསྟན་པའི་ཕྱིར། སྐྱེ་བོ་ངན་པ་རིང་དུ་སྤོང་#། །ཞེས་བྱ་བ་ཕྱེད་འོག་མ་ཡིན་ཏེ། ལྟ་བ་བཟང་པོ་སྟེ་དམ་པ་ལ་བརྟེན་པས་ནི་དམ་པ་ཡོངས་སུ་ཤེས་པར་འགྱུར་བ་དེ་བསྟན་པ་ནི་དགེ་བའི་བཤེས་གཉེན་གང་ལ་བརྟེན་པའོ། །གང་ཡོངས་སུ་སྤང་བ་ནི་མི་#དགེ་བའི་བཤེས་གཉེན་ནི། མི་སྡོམ་
[284b.7]པར་ཡང་སྡོམ་པའི་ཚུལ་འཛིན་པ། །ཞེས་བྱ་བའི་ཚིགས་བཅད་འདི་ཡིན་ཏེ། མི་དགེ་བའི་བཤེས་གཉེན་གང་ཡིན་པ་དེ་ཉིད་བསྟན་པའི་ཕྱིར། ས་ཡི་སྟེང་ན་དགེ་སློང་སྲིན་པོ་རྣམས། །ཞེས་བྱ་བ་ཡིན་ནོ། །རྒྱུ་མེད་སྨྲ་ལ་སོགས་པའི་ཚིགས་བཅད་ཕྱེད་ཀྱིས་ནི་མི་དགེ་བའི་བཤེས་
[285a]
[285a.1]གཉེན་དེའི་མཚན་ཉིད་བསྟན་པའི་དོན་ནོ། །དེ་བས་མཁས་པས་ཞེས་བྱ་བ་འོག་མ་ཕྱེད་ཀྱིས་ནི་དེ་ལ་མི་དགེ་བ་མི་སྒྲུབ་པའི་ཁྱད་པར་བསྟན་པའི་ཕྱིར་རོ། །མི་སྒྲུབ་པ་ཡང་རྣམ་པ་གཉིས་ཏེ། ཡོངས་སུ་སྤང་བ་དང་། ལྟ་བ་ངན་པ་ལས་བཟློག་པའོ། །སྐྱེ་བོ་མི་#མཐུན་
[285a.2]པ་དག་གྲགས་པ་ཆེར་གྱུར་ཀྱང་། །#ཞེས་བྱ་བ་སྨོས་པ་ལ། རྣམ་པ་ཐམས་ཅད་དུ་ཡང་བསྟེན་པར་བྱ་བ་མ་ཡིན་པའོ། །དཔེ་བསྟན་པར་བྱ་བའི་ཕྱིར། དགུན་གྱི་དུས་ཀྱི་ཞེས་བྱ་བ་ལ་སོགས་པ་སྟེ། རྣམ་པ་ཐམས་ཅད་དུ་སྐྱེ་བོ་མི་མཐུན་པ་དག་གྲགས་པ་ཐོབ་པར་གྱུར་ཀྱང་དེ་དང་མཛའ་
[285a.3]བར་མི་བྱ་བ་ཡིན་ན་ནི་#གཞན་དག་དེ་བཞིན་དུ་དགོས་པ་མེད་པར་གྱུར་པ་ལྟ་སྨོས་ཀྱང་ཅི་དགོས་པའོ། །དེ་དཔེ་དང་བཅས་པའི་ཉེས་དམིགས་བསྟན་ནས། སྐྱེ་བོ་ཡོན་ཏན་སྤོང་བ་དེ་དག་སྤང་བ་དང་། ཞེས་བྱ་བ་ལ་སོགས་པའི་ཚིགས་བཅད་བཅུས་ནི་ཡང་དག་པར་འཛིན་དུ་གཞུག་པའི་
[285a.4]དབང་དུ་བྱས་པ་སྟེ། གང་ལ་འཛིན་དུ་འཇུག་པར་བྱེད་ཅེ་ན། བདག་ཉིད་ཀྱི་ཕུན་སུམ་ཚོགས་པའི་རང་བཞིན་སྒྲུབ་#པ་འཛིན་དུ་འཇུག་པར་བྱེད་དེ། དེ་ལ་བདག་གི་རང་བཞིན་ནི་#སྐྱེ་བོ་ཡོན་ཏན་སྤོང་བ་ཞེས་བྱ་བ་ལ་སོགས་པའི་ཚིགས་སུ་བཅད་པ་གསུམ་གྱིས་བསྟན་ཏེ། དེ་དག་
[285a.5]ཅེས་བྱ་བ་ནི་ལྟ་བ་བཟང་པོ་ནི་དམ་པ་ལ་བརྟེན་པ་དང་། དམ་པ་མ་ཡིན་པ་ཡུན་རིང་དུ་སྤངས་པ་ལས། འཐོབ་པའི་ཕྱིར་དམ་པ་དང་དམ་པ་མ་ཡིན་#པ་བསྟེན་པ་དང་། སྤང་བ་གཉིས་ཀྱིས་ལྟ་བ་བཟང་ངན་ཡོངས་སུ་མ་བསྐྱངས་པའི་ཕྱིར། སྨན་རྣམས་ཀུན་དང་འབྲལ་བར་འགྱུར་རོ། །
[285a.6]ཞིང་རྨེད་པ་ནི་དཔྱ་དབུལ་བའི་རྩ་བའི་རྒྱུ་ཡིན་པའི་ཕྱིར་རོ། །དེ་དག་ལ་ཚོང་ཟོང་སྣ་ཚོགས་ཞེས་བྱ་བ་འདི་སྨོས་ཏེ། མཁར་དང་། ནོར་གྱི་རང་བཞིན་ལས་བརྩམས་པ་སྟེ། སྣ་ཚོགས་པའི་ཚོང་ཟོང་གང་ཡིན་པ་དེ་དག་གོ། །དེ་དག་གི་ཉོ་བ་དང་། འཚོང་བ་ནི་ཉོ་ཚོང་ངོ་། །རྣམ་པ་སྣ་ཚོགས་པའི་
[285a.7]ཉོ་ཚོང་བྱེད་པ་ནི་ཚོང་ཟོང་སྣ་ཚོགས་ཉོ་ཚོང་#བྱེད་པ་སྟེ། །དེ་ནི་ཚོང་པ་རྣམས་ཡིན་ཏེ། ཡུལ་གཞན་དང་། ཆུ་དང་། ཐང་དང་། ལེན་དུ་འགྲོ་བའི་དབང་དུ་བྱས་པའོ། །ཕོ་བྲང་འཁོར་གྱི་མི་ཞེས་བྱ་བ་ནི། གྲོང་ན་གནས་པའི་དབང་དུ་བྱས་པའོ། །ཤོ་གམ་གཅོད་ཅིང་དཔྱ་དབུལ་བ་ཞེས་བྱ་བ་ནིས་སྐྱེ་བོ་
[285b]
[285b.1]ཡང་རྣམ་པ་གཉིས་ཏེ། ཤོ་གམ་གཅོད་ཅིང་དཔྱ་དབུལ་བའི་ཐ་མལ་པའི་གྲོང་གི་མི་སྟེ། འདིས་ནི་རྫོང་གི་རང་བཞིན་བསྟན་ཏོ། །ཚོང་པ་རྣམས་ཤོ་གམ་གཅོད་ཅིང་དཔྱ་དབུལ་བ་ཞེས་བྱ་བ་འདིས་ནོར་གྱི་རང་བཞིན་བསྟན་ཏེ། ཚོང་པའི་སྐྱེ་བོ་ཡིན་པའི་ཕྱིར་དེ་བསྲུངས་#ན་ནོར་ཡང་
[285b.2]བསྲུངས་པར་#འགྱུར་ཏེ། ནོར་གྱི་ཚོང་པ་རྣམས་#ལ་རག་ལུས་པའི་ཕྱིར་རོ། །དེ་གཉིས་ཀའི་ཕྱོགས་གཅིག་ཏུ་བྱས་ཏེ་ནོར་གྱི་ཕུན་སུམ་ཚོགས་པར་བསྟན་ཏོ། །སྐྱོན་མེད་ཅེས་བྱ་བ་ལ་སོགས་པ་ནི་བཀའ་ཁྲིམས་ཀྱི་རང་བཞིན་གྱི་དབང་དུ་བྱས་པའོ། །མ་བཀུར་ན་ཞེས་བྱ་བ་ནི་བཀའ་
[285b.3]ཁྲིམས་ཀྱིས་#མ་བཀུར་བ་སྟེ། མ་བསྟན་#པའི་སྐྱོན་བསྟན་ཏོ། །ཡོངས་སུ་མ་བསྐྱངས་པ་དག་དེས་ཡོངས་སུ་མ་བསྐྱངས་པའི་ཕྱིར། གཞན་གྱི་རང་བཞིན་ཡུལ་མི་སྔར་བསྐྱངས་པའི་སྒྲུབ་པ་ཉིད་དུ་བསྟན་ཏོ། །ད་ནི་རྗེས་སུ་གཟུང་#བ་དང་། དཔྱ་དབབ་པའི་བསྒྲུབ་པའི་དབང་
[285b.4]དུ་བྱས་ནས། དེ་བཞིན་ཚུལ་ལྡན་མཁས་པ་དགེ་བ་དང་། །ཞེས་བྱ་བའི་ཚིགས་བཅད་གསུམ་སྨོས་སོ། །དེ་ལ་ཕན་གདགས་པ་བསྒྲུབ་པའི་དབང་དུ་བྱས་ནས། དེ་བཞིན་ཚུལ་ལྡན་མཁས་པ་དགེ་བ་དང་། །ཞེས་བྱ་བའི་ཚིགས་བཅད་ཡིན་ཏེ། རང་གི་སྐྱེ་བོ་
[285b.5]གནས་པ་ཡང་རྣམ་པ་གཉིས་ཏེ། གནས་པ་དང་། རིགས་སོ། །དེ་ལ་གནས་པའི་དབང་དུ་བྱས་པ་ནི་ཚིགས་བཅད་དང་པོ་འདི་ཡིན་ནོ། །ཚུལ་ཁྲིམས་དང་། ཐོས་པ་དང་། རྣལ་འབྱོར་དང་#ཚུལ་ཁྲིམས་དང་། ཐོས་པ་དང་། རྣལ་འབྱོར་ཏེ་དེས་དགེ་བ་རྣམས་སོ། །རྣལ་འབྱོར་
[285b.6]ཞེས་སྨོས་པས་ནི་ཞི་གནས་དང་། ལྷག་མཐོང་གཟུང་#ངོ་། །ཚུལ་ཁྲིམས་ཀྱི་ཞི་གནས་ཀྱི་སྟེང་དུ་#བཤད་ཅེས་བྱ་བ་##ཞི་གནས་དང་ལྷག་མཐོང་ཉིད་དུ་བསྟན་ཏེ་དེས་དགེ་བ་རྣམས་སོ། །དགེ་བ་དེ་དག་རབ་ཏུ་མཐོང་བ་འདིས་ནི་རང་གི་དོན་སྒྲུབ་#པ་ཕུན་སུམ་ཚོགས་པ་#བསྟན་ཏོ། །ཡོན་ཏན་ཆེ་བར་གྲགས་
[285b.7]པས་དགེ་བ་རྣམས། །ཞེས་བྱ་བ་འདིས་#ནི་གཞན་གྱི་དོན་སྒྲུབ་པ་ཕུན་སུམ་ཚོགས་པ་བསྟན་ཏོ། །ཆེ་བར་གྲགས་པ་ཉིད་ནི་ཆེ་བར་གྲགས་པའོ། །ཆེ་བར་གྲགས་པ་དེ་ཉིད་ཡོན་ཏན་ཡིན་པས་དེ་ཉིད་ཀྱི་ཡོན་ཏན་སྒྲོགས་པ་གང་ཡིན་པ་དེ་དག་ནི་ཡོན་ཏན་ཆེ་བར་གྲགས་པའོ། །སྨད་ཅིང་ཡལ་
[286a]
[286a.1]བར་བོར་ན་ཞེས་བྱ་བ་འདིས་ནི་མངོན་དུ་ལྡང་བ་དང་། ཕྱག་འཚལ་བ་དང་། བསྙེན་བཀུར་བ་དང་། རྗེས་སུ་བསྟན་པ་དང་། མཉན་པ་ལ་སོགས་པ་སྤང་#ཞེས་བྱ་བའི་དོན་ཏོ། །མཐོ་རིས་འགྲོ་བའི་སྒོ་དང་འགྲོལ་#བར་འགྱུར། །ཞེས་བྱ་བ་འདིས་ནི་མངོན་པར་མཐོ་བ་
[286a.2]དང་ངེས་པར་ལེགས་བའི་རྒྱུ་དེ་སྐྱེས་བུ་དམ་པ་ལ་བརྙས་ཤིང་སྨད་པ་དང་། མ་བསྐྱངས་པ་དེས་མཐོ་རིས་ཀྱི་སྒོའི་མཚན་ཉིད་དུ་#མངོན་པར་མཐོ་བ་དང་འགལ་བ་ཉིད་དོ། །དཔྱད་དབབ་པ་ཞེས་བྱ་བ་དེ་བསྒྲུབ་#པའི་དབང་ཏུ་བྱས་ནས། འབྲས་བུ་མ་སྨིན་ཤིང་ལས་གང་འཐོག་པ། །ཞེས་བྱ་བའི་
[286a.3]ཚིགས་བཅད་གཉིས་སྨོས་ཏེ་དུས་ལ་མ་བབ་པར་དཔྱ་ཕབ་ཅིང་བླངས་པའི་སྐྱོན་བསྟན་པའི་ཕྱིར། འབྲས་བུ་མ་སྨིན་#ཤིང་ལས་གང་འཐོག་པ། །ཞེས་བྱ་བ་ལྟ་བུ་ནི་ཆོས་མ་ཡིན་པས་དཔྱ་ཕབ་པའོ། །ས་བོན་ཆུད་གསོན་ཅེས་བྱ་བ་ལྟ་བུ་ནི་ཡུལ་ཡང་ཕུང་ལ་ཞེས་བྱ་བ་ཡིན་ནོ། །རོ་ཡང་
[286a.4]ངེས་མ་མྱོང་ཞེས་བྱ་བ་ལྟ་བུ་ནི་དེས་ཆོས་མ་ཡིན་པས་དཔྱ་ཕབ་པས་ཕན་མི་ཐོགས་པ་ཉིད་དོ། །སྔར་བསྟན་པའི་སྐྱོན་གྱི་#མི་མཐུན་པའི་ཕྱོགས་ཆོས་ཀྱིས་བསྲུངས་པའི་ཡོན་ཏན་བསྟན་པའི་ཕྱིར། དེ་ལྟར་ལྗོན་ཤིང་ཡོན་ཏན་ཕུན་སུམ་ཚོགས། །ཞེས་བྱ་བའི་ཚིགས་བཅད་སྨོས་སོ།
[286a.5]སྨིན་པའི་བར་དུ་ཡོངས་སུ་བསྐྱངས་ན་སྟེ། ཤིང་ལྟ་བུ་ནི་རྒྱལ་པོས་བསྲུངས་པའི་ཡུལ་ལོ། །ཡོན་ཏན་ཕུན་སུམ་ཚོགས་པའི་འབྲས་བུ་སྟེར་བ་ལྟ་བུ་ནི་ཆོས་དང་། སྲིད་དང་། བདེ་བ་འབྱོར་པར་བྱེད་པ་ལྟ་བུར་སྦྱར་རོ། །བློན་པོ་མཛངས་#པ་གློ་བ་ཉེ་བ་ཞེས་བྱ་བའི་ཚིགས་བཅད་འདི་ནི་བློན་པོ་
[286a.6]དང་། མཛའ་བོའི་སྐྱེ་བོའི་དབང་དུ་བྱས་པ་སྟེ། གློ་བ་ཉེ་བ་ཞེས་བྱ་བ་ནི་དེའི་བློ་དང་མཐུན་པར་འདོད་པའོ། །མཛངས་#པ་ཞེས་བྱ་བ་ནི་ལྷན་ཅིག་སྐྱེས་པ་དང་། སྦྱོར་བ་ལས་བྱུང་བའི་ཤེས་རབ་དང་ལྡན་པའོ། །གློ་བ་ཉེ་བ་ཞེས་བྱ་བ་འདིས་ནི་ནུས་པ་བསྟན་ཏོ། །གྲོགས་པོ་སྐྱོན་མེད་
[286a.7]ཅེས་བྱ་བ་ནི་འཁྲུལ་པ་མེད་པར་སྤྱོད་པའོ། །བདག་གི་ནང་མི་རྣམས་ཞེས་བྱ་བ་ནི་#སྐྱོན་མེད་པ་སྟེ་འཁྲུལ་#པ་མེད་པར་སྤྱོད་པའོ། །དགའ་བར་སྨྲ་བས་ཞེས་བྱ་བ་#ནི་ཚིག་སྙན་པ་བསྟན་ཏོ། །#རིམ་གྲོར་བཅས་པའི་བྱ་དགའ་སྩལ་བ་དང་། །#ཞེས་བྱ་བ་འདིས་ནི་རིམ་གྲོ་དང་བྱ་དགའ་
[286b]
[286b.1]གཉིས་ཏེ#། དེས་ནི་རིམ་གྲོ་དང་འདི་གསུམ་གྱིས་ནི་བསྡུ་#བའི་དངོས་པོ་བསྟན་ཏེ། སྦྱིན་པ་དང་། སྙན་པར་སྨྲ་བ་དང་། དོན་མཐུན་པ་དང་། དོན་སྤྱོད་པ་ལས་དོན་སྤྱོད་པ་ནི་རྒྱལ་པོ་ལ་མེད་པའི་ཕྱིར་མ་སྨོས་ཏེ། བསྡུ་#བའི་དངོས་པོ་བཞི་པ་མེད་དོ། །དེ་བས་ཞེས་བྱ་བ་ནི། གང་སྔར་
[286b.2]བསྟན་པའི། ས་ལ་འཁོད་པ་ཆོས་ཀྱིས་སྐྱོང་ལ་བག་མེད་།དེ་ལྟར་བྱས་ན་གྲགས་པ་དང་ནི་མཐོ་རིས་འཐོབ། །ཅེས་བྱ་བ་སྟེ། དེ་ལྟར་བསྟན་པ་དང་། སྤང་བའི་ཕན་ཡོན་#ནི་གང་ཡིན་ཞེ་ན། དེའི་ཕན་ཡོན་བསྟན་པའི་ཕྱིར། འབངས་རྣམས་སྐྱོན་ལ་#མི་དགའ་ཞེས་བྱ་བ་
[286b.3]ཕྱེད་འོག་མའོ། །ཕན་ཡོན་རྣམ་པ་སྣ་ཚོགས་པ་ནི་བདག་ཉིད་ཀྱི་གྲགས་པ་འཐོབ་པ་དང་། འབངས་རྣམས་ཀྱི་ཡོན་ཏན་དང་། སྐྱོན་གཉིས་ལ་དགའ་བ་དང་། མི་འགལ་བར་འགྱུར་བ་སྟེ། དང་པོ་བདག་ཉིད་ཀྱི་ཕུན་སུམ་ཚོགས་པས་ནི་བདག་གི་གྲགས་པ་འཐོབ་པའོ། །ཇི་ལྟར་
[286b.4]འབངས་རྣམས་ཀྱི་ཡོན་ཏན་དང་། སྐྱོན་ལ་ཐོབ་པ་དང་མི་འགལ་བ་ཡིན་ཞེ་ན། དེ་སྒྲུབ་པའི་ཕྱིར། ཁྱོད་ཀྱིས་ཆོས་སྤྱོད་#གྱུར་ན་མི་ཡི་འཇིག་རྟེན་ཕལ་ཆེར་ནི། །ཞེས་བྱ་བ་སྨོས་ཏེ། ཕལ་ཆེར་ཞེས་བྱ་བ་ནི་མང་པོར་སྟོན་པ་ཡིན་ཏེ། འདིས་ནི་གཏན་དུ་སྤྱོད་པ་དེ་མ་གཏོགས་
[286b.5]པའོ། །ལེགས་པར་སྤྱོད་ལ་#ཕྱོགས་ཤིང་ཞེས་བྱ་བ་ནི་མཐོང་བའི་ཆོས་ཀྱི་སྒྲུབ་པའི་ཕན་ཡོན་ནོ། །སྐྱེ་དགུ་རྣམས་ནི་#མཐོ་རིས་ལམ་ལ་གནས་པར་འགྱུར། །ཞེས་བྱ་བ་ནི་འཇིག་རྟེན་ཕ་རོལ་གྱི་ཕན་ཡོན་ནོ། །དེ་ལྟར་འབངས་རྣམས་བསྐྱངས་བའི་ཕན་ཡོན་བསྟན་པའི་ཕྱིར#། ཁྱོད་
[286b.6]ཀྱིས་བརྩོན་འགྲུས་བསྐྱེད་དེ་འགྲོ་བ་འདི་དག་ཅེས་བྱ་བའི་ཕྱེད་འོག་མའོ། །#འགྲོ་བ་འདི་དག་ཡོངས་སུ་སྐྱོང་བ་ནི་མཐོང་བའི་ཆོས་ཀྱི་ཕན་ཡོན་ནོ། །དེ་ཡོངས་སུ་བསྐྱང་བར་དམ་བཅས་པའི་ཕྱིར། དམ་བཅས་པས་ཆོས་ལ་བརྟེན་ཞེས་བྱ་བ་ནི་འཇིག་རྟེན་ཕ་རོལ་གྱི་ཕན་ཡོན་ནོ། །ཆོས་
[286b.7]ཞེས་སྨོས་པས་ནི་ལེགས་པར་སྤྱད་པའི་འབྲས་བུ་གཟུང་ངོ་#། །ཡང་ན་ལེགས་པར་སྤྱོད་པ་འདི་ཉིད་ཆོས་ཡིན་པས་དེ་ལ་བརྟེན་ཅིག་ཅེས་བསྟན་པ་ཡིན་ནོ། །ཆོས་དེ་གང་ཡིན་ཞེ་ན། དེ་བསྟན་པའི་ཕྱིར་ཚུལ་ཁྲིམས་རྣམ་པར་སྦྱོང་ལ་ཞེས་བྱ་བའི་ཚིགས་བཅད་འདིའི་བསྡུས་པའི་དོན་ནོ། །
[287a]
[287a.1]བསོད་ནམས་ཀྱི་ཚོགས་ཡོངས་སུ་འབྱུང་སྟེ། ཕ་རོལ་ཏུ་ཕྱིན་པ་དྲུག་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་བར་དུ་བསྟན་ཏོ། །ཚུལ་ཁྲིམས་རྣམ་པར་སྦྱོང་ལ་ཞེས་བྱ་བས་#ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བསྟན་ཏེ། ཚུལ་ཁྲིམས་རྣམ་པར་སྦྱོང་ལ་#ཞེས་བྱ་
[287a.2]བས་ནི་#སྐྱོན་མེད་པ་དང་མ་ཉམས་#པ་ཞེས་བྱ་བ་ལ་སོགས་པ་གང་བཅོམ་ལྡན་འདས་ཀྱིས་གསུངས་པའི་རིམ་པས་སྦྱོང་བའོ། །སྦྱིན་པའི་གྲགས་པ་སྤེལ་ཞེས་བྱ་བ་ནི་འདྲ་བ་མེད་པའི་སྦྱིན་པས་གྲགས་པར་འགྱུར་བ་ཞེས་བྱ་བའི་དོན་ཏོ། །བྱམས་པར་གྱིས་ཞེས་བྱ་བ་ནི་སྐྱེ་བོ་གཞན་དག་གནོད་
[287a.3]པ་མེད་པ་ལ་ཡང་ནང་མི་ཇི་ལྟ་བ་བཞིན་དུ་ཞེས་བྱ་བ་ཡིན་ཏེ། ཇི་ལྟར་ཉེ་དུའི་སྐྱེ་བོ་བཞིན་དུའོ། །ས་ལ་འཁོད་པ་ཆོས་ཀྱིས་སྐྱོང་ལ་བག་མེད་སྤོངས། །ཞེས་བྱ་བས་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་བསྟན་ཏེ། བརྩོན་འགྲུས་ལ་ཡང་རྣམ་པ་བཞི་སྟེ། དགེ་བའི་ཆོས་མ་སྐྱེས་
[287a.4]པ་སྐྱེས་#པ་དང་། དགེ་བའི་ཆོས་སྐྱེས་ཟིན་པ་རྣམ་པར་སྤེལ་བར་བྱ་བའི་ཕྱིར་ཏེ#། དེ་གཉིས་#ནི་ས་ལ་འཁོད་པ་ཆོས་ཀྱིས་སྐྱོང་ཞེས་བྱ་བ་འདི་བསྟན་པ་ཡིན་ནོ། །སྡིག་པ་མི་དགེ་བའི་ཆོས་མ་སྐྱེས་པ་རྣམས་མི་སྐྱེད་པ་དང་། སྐྱེས་ཟིན་པ་རྣམས་སྤང་བའི་ཕྱིར་ཏེ། དེ་གཉི་ག་ནི་བག་
[287a.5]མེད་སྤོངས་ཞེས་བྱ་བ་འདིས་བསྟན་པ་ཡིན་ནོ། །འདི་ནི་བསོད་ནམས་ཀྱི་ཚོགས་ཀྱི་ཆོས་དང་། རྗེས་སུ་མཐུན་པའི་ཕན་ཡོན་གྱི་དབང་དུ་བྱས་པ་སྟེ། དེ་ལྟར་བྱས་ན་ཞེས་བྱ་བའི་ཚིག་རྐང་གཅིག་གོ། །གྲགས་པ་འཐོབ་ཅེས་བྱ་བ་ནི་མཐོང་བའི་ཆོས་ཀྱི་ཕན་ཡོན་ནོ། །མཐོ་རིས་
[287a.6]འཐོབ་ཅེས་བྱ་བ་ནི་འཇིག་རྟེན་ཕ་རོལ་གྱི་ཕན་ཡོན་ནོ། །དེ་ལྟར་རེ་ཞིག་རྒྱལ་པོས་སྤང་བ་དང་། །བླང་བ་ལ་སོགས་པའི་སྒྲུབ་པས་འཛིན་དུ་བཅུག་ནས་ཡུལ་གྱི་མིའི་རང་བཞིན་བསྒྲུབ་པའི་དབང་དུ་བྱས་ནས། ཆུན་པ་རྣམས་དང་ཕྱུགས་ལུག་འཚོ་བ་རྣམས། །ཞེས་བྱ་བའི་ཚིགས་
[287a.7]བཅད་སྨོས་སོ། །ཅིའི་ཕྱིར་ལུགས་ཀྱི་བསྟན་བཅོས་ལས་#བཤད་པའི་རིམ་པ་ལས་འདའ་བར་བྱ་སྟེ། དང་པོ་#ཡུལ་གྱི་མིའི་ཆོས་སྨོས་ཤིང་བློན་པོའི་རང་བཞིན་མ་བསྟན། རྗེ་བོ་དང་། བློན་པོ་དང་། ཡུལ་མི་དང་། མཁར་དང་། དཀོར་དང་། བཀའ་ཁྲིམས་དང་། གྲོགས་
[287b]
[287b.1]པོ་རྣམས་ཀྱི་རང་བཞིན་རྣམས་ཏེ། འདི་ལྟར་བསྟན་བཅོས་ལས་བརྗོད་པའི་རིམ་པ་འདི་ཉིད་ནི་རིགས་པའི་ཚུལ་ཉིད་དུ་འགྱུར་ཏེ། ལུགས་ཀྱི་བསྟན་བཅོས་ལས་བཤད་པའི་རིམ་པའོ། །འདིར་ཅི་ཞིག་བྱས་ཤེ་ན། བདག་པོས་གང་བསྲུང་བ་དང་། གང་དང་ལྷན་ཅིག་བསྲུང་
[287b.2]བ་ཞེས་བྱ་བ་ཡིན་ཏེ། གང་བསྲུང་བ་ནི་ཡུལ་མི་དང་། རྫོང་དང་། ནོར་རོ། གང་དང་ལྷན་ཅིག་བསྲུང་ཞེ་ན། བཀའ་ཁྲིམས་དང་། བློན་པོ་དང་། གྲོགས་པོ་རྣམས་ཡིན་ཏེ། དེ་བས་ན་རིམ་པ་འདི་ནི་རིགས་པ་ཉིད་དོ། །དེ་ལ་ཡུལ་མིའི་རང་བཞིན་གྱི་སྒྲུབ་པ་ཡང་#རྣམ་པ་
[287b.3]གཉིས་ཏེ། སྲུང་བའི་སྒྲུབ་#པ་དང་། རྗེས་སུ་ཕན་གདགས་པ་དང་། དཔྱ་དབུལ་བའི་སྒྲུབ་པའོ། །དེ་ལས་སྲུང་#བའི་སྒྲུབ་པའི་དབང་དུ་བྱས་ནས། ཆུན་པ་རྣམས་#ཞེས་བྱ་བའི་ཚིགས་བཅད་འདིའོ། །ཆུན་པ་ཞེས་བྱ་བ་ནི་ཞིང་ལས་གཙོར་#བྱེད་པ་ཡིན་ནོ། །ཕྱུགས་ལུག་འཚོ་
[287b.4]བ་རྣམས་ཞེས་བྱ་བ་ནི་བ་ལང་ལ་སོགས་པ་བསྐྱང་བ་ལ་འབད་པ་སྟེ། འཚོ་ཚིས་ལ་འཇུག་པའོ། །ཡུལ་མི་ཡོངས་སུ་བསྐྱང་བ་ལ་ཅིའི་ཕྱིར་ཚོང་ལ་འཇུག་པ་སྨོས་ཤེ་ན། འོག་ཏུ་ནོར་གྱི་སྒོ་ནས་རྗོད་པར་བྱེད་པས་སོ། །དང་པོ་གཉིས་ཀྱི་གོ་རིམས་ནི་ཆུན་པ་ནི་མེ་ཏོག་དང་ལྡན་
[287b.5]པའི་ལྗོན་ཤིང་ལྟ་བུ་སྟེ། རིམ་གྱིས་འབྲས་བུ་སྟེར་བའི་ཕྱིར་རོ། །ཕྱུགས་ལུག་འཚོ་བ་རྣམས་ཞེས་བྱ་བ་ནི་འབྲས་བུ་ལྡན་པའི་ལྗོན་ཤིང་ལྟ་བུ་སྟེ། དེ་མ་ཐག་ཏུ་འབྲས་བུ་སྟེར་བའི་ཕྱིར་རོ། །སྨན་རྣམས་ཀུན་དང་ཞེས་བྱ་བ་ནི་འབྲས་སཱ་#ལུ་ལ་སོགས་པ་དང་ཕྱུགས་ལུག་ལ་སོགས་པ་
[287b.6]ཆོས་ཀྱི་འབྲས་བུ་ཆེན་པོ་ཡིན་ཞེས་བྱ་བ་འདིའི་དོན་ཏོ། །བདེ་བ་འདོད་ཕྱིར་འབངས་རྣམས་སེམས་པར་མཛོད། །ཅེས་བྱ་བས་ནི་གང་སྔར་བསྟན་པའི། ཁྱོད་ཀྱིས་#ཆོས་སྤྱད་གྱུར་ན་མི་ཡི་འཇིག་རྟེན་ཕལ་ཆེར་#ནི། །ཞེས་བྱ་བའི་ཚིགས་བཅད་འདིར་ཡང་སྦྱར་བར་བྱའོ། །ཆགས་
[287b.7]དང་ཞེ་སྡང་མེད་པའི་ནན་ཐུར་གྱིས། །ཞེས་བྱ་བ་ནི་གང་སྔར་བསྟན་པའི་རང་བཞིན་དག་ལ་ཇི་ལྟར་སྦྱར་བ་བཞིན་དུ་ཐམས་ཅད་ལ་ཡང་བརྗོད་དོ། །འཇིག་རྟེན་བསྲུངས་ཞེས་བྱ་བ་ནི་བདག་གི་རང་བཞིན་བསྲུང་བ་དང་། འཇིག་རྟེན་གྱི་མཐོ་རིས་ཀྱི་འདོད་པ་ཐོབ་པའི་ཆེད་དུ་སྤྱད་དོ། །
[288a]
[288a.1]སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་བྱང་ཆུབ་ཆེན་པོའི་སྐྱེས་པའི་རབས་སོ།། །།རྣམ་པ་སྣ་ཚོགས་པའི་འབྱུང་ཁུང་#ནི། རྣམ་པ་སྣ་ཚོགས་པའི་འབྱུང་ཁུང་ངོ་། །རྣམ་པ་སྣ་ཚོགས་པའི་འབྱུང་ཁུང་གི་རྫས་གང་ཡིན་
[288a.2]པའི་རིའི་ངོས་དེ་ནི་འབྱུང་ཁུང་གི་རྫས་རྣམ་པ་སྣ་ཚོགས་པའི་གངས་རིའི་ངོས་ཏེ་དེ་ནའོ། །ཀཽ་ཤཱམྦཱིའི་#དར་སྔོན་པོས་སྟོད་གཡོགས་སུ་གང་གིས་བྱས་པ་དེ་ནི་ཀཽ་ཤཱམྦཱིའི་#དར་སྔོན་པོས་སྟོད་གཡོགས་གང་གིས་#བྱས་པ་དེའོ། །རྣམ་པ་དུ་མ་དག་གི་དབྱིབས་ཀྱི་རྣམ་པ་ནི་#
[288a.3]དབྱིབས་མང་པོའོ། །ཁ་དོག་རྣམ་པ་དུ་མ་དང་། དབྱིབས་རྣམ་པ་མང་པོ་གང་ཡིན་པའི་ཐེལ་སྡིངས་དང་ཤང་ཤོང་དེ་ནི་#རྣམ་པ་དུ་མའི་ཁ་དོག་དང་། དབྱིབས་རྣམ་པ་མང་པོ་དེའོ། །བང་རིམ་རྣམ་པ་དུ་མ་ནི་བང་རི་མ་རྣམ་པ་སྣ་ཚོགས་པ་སྟེ། ཐེལ་སྡིངས་དང་། ཤང་
[288a.4]ཤོང་གི་བང་རིམ་རྣམ་པ་སྣ་ཚོགས་པ་དེའོ། །གཅོང་རོང་གི་ནང་ནི་གཅོང་རོང་ངོ་། །གཅོང་རོང་ཡང་ཡིན་ལ་ཟབ་མོ་ཡང་ཡིན་པས་ན་གཅོང་རོང་ཟ་བ་མོའོ། །གཅོང་རོང་ཟབ་མོ་གཡང་ཟབ་ནི་གཅོང་རོང་ཟབ་མོ་གཡང་ཟབ་སྟེ། དེ་མང་པོ་ཡོད་པ་ནི་གཅོང་རོང་ཟབ་མོ་དག་དེར་#ཡོད་
[288a.5]པའོ། །ཆོས་ཀྱི་འདུ་ཤེས་ནི་མ་ཉམས། བྱས་པ་གཟོ་བ་མ་འཇུངས་པའི་རང་བཞིན་ཅན་བཞིན་དུ་རབ་ཏུ་བརྟན་#པ་དང་ལྡན་པ་ཞེས་བྱ་བ་འདི་བཞི་སྨོས་པ་ནི། རྒྱུ་འདི་བཞིས་ནི་སྙིང་རྗེ་གཏོང་བ་ཡིན་ཏེ#། འདི་ལྟར་ཆོས་ཀྱི་འདུ་ཤེས་ཉམས་ན་སྟེ། ཆོས་ནི་མི་འཚེ་བའི་མཚན་
[288a.6]ཉིད་དེ། དེའི་འདུ་ཤེས་མ་ཉམས་པར་གྱུར་པའོ། །ཆོས་དེ་བསྟན་ན་ནི་ཡུན་རིང་པོར་འདོད་པའི་འབྲས་བུ་འཐོབ་པར་འགྱུར་རོ། །མི་བསྟེན་པ་དེས་ནི་མི་འདོད་པའི་འབྲས་བུ་འཐོབ་པར་འགྱུར་ཏེ། གང་འདིའི་འདུ་ཤེས་ཡོངས་སུ་ཉམས་པར་གྱུར་པའི་ཚེ་ནི་སྙིང་རྗེ་མེད་པ་ཡིན་ནོ། །
[288a.7]བདག་ལ་ཆགས་པ་དང་བཅས་པས་བྱས་པ་ནི་#ཚོར་བའམ། འཁོར་བའི་ལམ་དག་ཏུ་ད་ལྟར་བྱུང་བ་དང་། འདས་པའི་དུས་སུ་སེམས་ཅན་རེ་རེ་ལ་ཡང་མཐའ་ཡས་པའི་མི་འདོད་པར་སྦྱར་བར་བྱས་པ་དང་། མཐའ་ཡས་པའི་མི་འདོད་པ་ལ་ཉེ་བར་སྦྱོར་བ་བྱས་པ་ཡིན་ཏེ། དེ་
[288b]
[288b.1]བས་ན་དེ་བྱས་པས་བདག་ཉིད་ཀྱིས་ཀྱང་སྙིང་རྗེ་གཏོང་བར་འགྱུར་རོ། །མཐོང་བའི་ཆོས་ལ་འཇུངས་པའི་རང་བཞིན་ཅན་ཡིན་པའི་ཕྱིར། བདེ་བ་ཅུང་ཟད་ཙམ་འཐོབ་པའི་ཆེད་དུ་འཇུངས་པའི་ཕྱིར་སྙིང་རྗེ་གཏོང་བ་ཡིན་ནོ། །མཐོང་བའི་ཆོས་ཉིད་ལ་སེམས་ཅན་རྣམས་དང་བདག་ཉིད་
[288b.2]ཀྱི་མི་འདོད་པའི་རྒྱུས་མི་བརྟན་#པའི་ཕྱིར། སྙིང་རྗེ་ཡོངས་སུ་གཏོང་བ་ཡིན་ནོ། །བཞི་པོ་དེ་དག་མེད་པར་བསྟན་པའི་ཕྱིར། དེ་ལ་ཞེས་བྱ་བ་ཡིན་ཏེ། ཡོན་ཏན་བཞི་པོ་འདི་དང་ལྡན་པས་#སྙིང་རྗེས་མ་བཏང་ངོ་ཞེས་བསྟན་པར་གྱུར་པ་ཡིན་ནོ། །ནགས་ཚལ་ཞེས་བྱ་བས་ནི་ས་#ཕྱོགས་
[288b.3]ཉེ་བ་དང་མི་ཉེ་བར་གཟུང་ངོ་། །རི་#མཆོག་ཅེས་བྱ་བས་ནི་ཕྱོགས་མཐོན་པོ་གཟུང་ངོ་། །རྒྱ་མཚོར་བཅས་པའི་ཞེས་བྱ་བ་ནི་བགས་ཀྱིས་གཞོལ་བའི་ཕྱོགས་གཟུང་ངོ་། །མེས་ནི་བསམ་གཏན་དང་པོའི་བར་དུ་འཇིག་པར་འགྱུར་རོ། །ཆུས་ནི་#བསམ་གཏན་གཉིས་པའི་བར་དུའོ། །
[288b.4]རླུང་གིས་ནི་#བསམ་གཏན་གསུམ་པའི་བར་དུའོ། །ནགས་ཀྱི་ཤིང་གི་ལོ་མ་དང་འབྲས་བུ་ཞེས་སྨོས་པས་ནི་གཞན་གྱིས་མ་གཟུང་བ་དང་། སྲོག་ཆགས་ལ་གནོད་པ་སྤངས་པའི་ཚུལ་ཉིད་དུ་བསྟན་པའི་ཕྱིར་ཏེ། འདི་ནི་སྲོག་གཅོད་པ་དང་། མ་བྱིན་པར་ལེན་པ་ལས་ལྡོག་
[288b.5]པ་བསྟན་ཏོ། །ས་ཕྱོགས་དེར་འོངས་སོ་#ཞེས་བྱ་བ་ནི་གང་བྱང་ཆུབ་སེམས་དཔའ་གནས་པ་དེར་རོ། །བཀྲེས་པ་དང་། སྐོམ་པ་དང་། ཚབ་དང་། ངལ་བས་ལུས་ནི་རྨྱ་ཞེས་བྱ་བ་ལ་བཀྲེས་པ་དང་། སྐོམ་པ་གཉིས་སྨོས་པས་ནི། ལྷན་ཅིག་སྐྱེས་པའི་སྡུག་བསྔལ་བསྟན་#པའི་ཕྱིར།
[288b.6]ཚ་བ་སྨོས་པ་ཡང་དེ་བཞིན་དུ་སྡུག་བསྔལ་བའོ། །ངལ་བ་ནི་སྤྱོད་ཡུལ་ལས་གྱུར་པའི་ལུས་ཀྱི་སྡུག་བསྔལ་བའོ། །ཡིད་མི་#དགའ་བའི་མེ་ཞེས་བྱ་བ་ནི་སེམས་ཀྱི་སྡུག་བསྔལ་ལོ། །བཀྲེས་པས་ཉེན་པ་དེས་རབ་ཏུ་ཞིམ་པར་རྟོགས་#ཏེ། ཞེས་བྱ་བ་ནི་གང་གི་ཕྱིར་ལྟོགས་
[288b.7]པས་#ཞིམ་པར་བྱེད་པ་ཡིན་གྱི། འབྲས་བུ་དེ་ནི་ཞིམ་པོ་མ་ཡིན་ནོ། ཞེས་པའི་དོན་ཏོ། །འདི་ལས་འབྱུང་#བ་ཡིན་པས་དེ་ལས་བྱུང་བ་སྟེ། དེ་ལས་བྱུང་བ་དེ་ཚོལ་བའོ། །དེ་འདོད་པའི་ཕྱིར་#ཞེས་བྱ་བ་ནི་ཏིན་དུའི་འབྲས་བུ་འདོད་པའོ། །དེའི་ཞེས་བྱ་བ་ནི་དེའི་ཡལ་གའོ། །ལྗོན་
[289a]
[289a.1]པའི་ཤིང་ཞེས་བྱ་བ་ནི་ཏིན་དུ་ཀ་ཞེས་བྱ་བ་དེའི་མིང་ཅན་ཏེ། རང་བཞིན་ཉིད་ཀྱིས་ཤིང་ཏིན་དུ་ཀ་ནི་རབ་ཏུ་ཕྲ་བའི་ངོ་བོ་ཉིད་དང་། ཤུན་ཕྲགས་#མེད་པའི་ཕྱིར་ཏེ། དེ་བས་ན་སྨྲས་པ། ལྕི་བའི་ལྕིད་ཀྱིས་ནོན་པ་དང་། དེ་འཛེགས་པའི་ཕྱིར་དང་། ཕྲ་བའི་ཕྱིར་
[289a.2]དང་། ཐོར་ཏོ་ལ་སོང་པའི་ཕྱིར#། སྟ་རེས་ཆེད་དུ་རྩ་བ་ནས་བཅད་པ་བཞིན་ཞེས་བྱ་བ་ཡིན་ཏེ། མ་ལུས་པར་ཆད་པ་ཉིད་དུ་སྟོན་ཏོ། །སྒྲ་དང་བཅས་པར་ཆག་#ནས་ཞེས་བྱ་བ་ནི་ཤིང་ཏིན་དུ་ཀ་སྲབ་ཉིད་དུ་སྟོན་ཏོ། །དེ་ནས་ལྷན་ཅིག་ཏུ་ལྟུང་བར་གྱུར་ཏོ་ཞེས་བྱ་བ་འདིས་ནི་#བར་དུ་
[289a.3]འཆི་བ་མེད་པའི་རྒྱུ་བསྟན་ཏོ། །འཆིའོ་སྙམ་སྟེ་གསོན་དུ་རེ་བ་ནི་མེད་ཅེས་བྱ་བ་ནི་འཚོ་བའི་རེ་བ་བཏང་བར་གྱུར་པའོ། །ནགས་ཁུང་བགྲོད་#དཀའ་ཞེས་བྱ་བའི་ཚིགས་བཅད་འདིས་ནི་སྐྱེ་བོ་དང་འབྲེལ་པ་མེད་པ་སྟེ། ཡོངས་སུ་སྐྱོབ་པ་མེད་པར་བསྟན་ཏོ། །གཉེན་བཤེས་ཀུན་
[289a.4]དང་བྲལ་ནས་ཞེས་བྱ་བ་འདིས་ནི་སྐྱེ་བོ་འདྲིས་པ་དང་བྲལ་བ་ཉིད་ཀྱི་ཕྱིར་ཏེ་དེས་ན་#ཡོངས་སུ་སྐྱོབ་པ་མེད་པའོ། །གཅིག་པུར་གྱུར་པ་དང་། །ཤ་སྦྲང་མང་པོ་འདུན་#མ་འདུ་བའི་ས། །ཞེས་བྱ་བ་འདིས་ནི། འཆི་བ་དང་ཉེ་བ་ཉིད་དུ་སྟོན་པའོ། །རི་དགས་འདྲ་བ་ཞེས་བྱ་བ་ནི་སྐྱེ་བོ་
[289a.5]མེད་པའི་ཕྱིར་རོ། །བཀྲ་བ་ནོར་བུ་ནི་ནོར་བུ་བཀྲ་བའོ། །བཀྲ་བ་ནི་ནོར་བུ་ཉིད་སྐར་མ་ཡིན་པས། བཀྲ་བའི་ནོར་བུ་རིན་ཆེན་སྐར་མའོ། །དེས་མཛེས་པའི་སྤྲིན་གང་ཡིན་པ་དེ་ནི་ནོར་བུ་རིན་ཆེན་སྐར་མ་བཀྲ་བས་#མཛེས་པའོ། །འདིར་འོངས་ཞེས་བྱ་བ་གློ་བུར་དུའོ། །ཅིའི་ཕྱིར་ཞེས་
[289a.6]བྱ་བ་ནི་གང་གི་རྒྱུས་སོ། །ལྟ་ཞིང་ཞེས་བྱ་བ་ནི་གྱེན་དུ་ལྟ་བའོ། །སུ་ཞིག་ཡིན་ཞེས་བྱ་བའི་ལན་ནི་བདག་ནི་མི་ཞིག་ལགས་ཞེས་བྱ་བ་ཡིན་ནོ། །འདིར་འོངས་ཞེས་བྱ་བའི་ལན་ནི་ཤིང་འདིའི་འབྲས་བུ་ཚོལ་ཞེས་བྱ་བ་ཡིན་ནོ། །ཅིའི་ཕྱིར་ཞེས་བྱ་བའི་ལེན་ནི་འདི་ལྟ་བུར་ནི་ཉམས་
[289a.7]ཉེས་བྱུང་#ཞེས་པའོ། །དེ་བས་གཉེན་བཤེས་དང་ཡང་བྲལ། །ཞེས་བྱ་བ་འདིས་ནི་རྗེས་སུ་འབྲང་བ་མེད་པས་སྙིང་རྗེའི་གནས་སུ་སྟོན་ཏོ། །ཉམས་#ཉེས་ཆེན་པོ། ཞེས་བྱ་བ་འདིས་ནི་སྡུག་བསྔལ་ཉིད་དུ་སྟོན་ཏོ། །སྤྲེའུ་ཚོགས་མང་པོའི་མགོན་པོ་ཁྱོད། །བདག་གི་སྐྱབས་#ཀྱང་མཛད་
[289b]
[289b.1]དུ་གསོལ། །ཞེས་བྱ་བ་འདིས་ནི་སྐྱབས་སུ་འགྲོ་བར་གསོལ་བ་འདེབས་པའོ། །རྒྱུ་གསུམ་པོ་འདི་ཐམས་ཅད་ཀྱིས་ཀྱང་སྙིང་རྗེའི་གནས་ཉིད་དུ་སྟོན་ཏེ། ཕོངས་པ་དང་། སྡུག་བསྔལ་བ་དང་། རྗེས་སུ་འབྲང་བ་མེད་པས་སོ། །སྙིང་རྗེ་ཆེན་པོ་ཞེས་བྱ་བ་ནི་སྔར་བསྟན་པའི་སྙིང་
[289b.2]རྗེའི་གནས་ཐམས་ཅད་ཀྱིས་སོ། །ཉམས་#ཉེས་གྱུར་ཅིང་ཞེས་བྱ་བའི་ཚིགས་བཅད་འདིས་ཀྱང་སྔར་བསྟན་པའི་སྙིང་རྗེའི་གནས་ཀྱི་རྒྱུ་གསུམ་བསྟན་པ་ཡིན་ནོ། །ཉམས་#ཉེས་གྱུར་ཞེས་བྱ་བ་ནི་སྡུག་བསྔལ་དང་ལྡན་པ་ཉིད་དུ་གྱུར་པའོ། །གཉེན་བཤེས་རྣམས་དང་བྲལ་ཞེས་བྱ་བ་འདིས་ནི་རྗེས་སུ་
[289b.3]འབྲང་བ་མེད་པ་ཉིད་དོ། །ཐལ་མོ་སྦྱར་ནས་དམན་པས་གསོལ་བ་#ནི། ཞེས་བྱ་བས་ནི་སྐྱབས་སུ་འགྲོ་བར་གསོལ་བ་དོན་དུ་གཉེར་བའོ#། །བརྩེ་བ་གཡེལ་བར་གྱུར་ཅེས་བྱ་བ་ནི་བརྟན་པ་#ཉམས་པར་གྱུར་ཅེས་བྱ་བའི་དོན་ཏོ། །དེ་ལྟ་བུའི་དུས་ན་དཀོན་པ་ཞེས་བྱ་བ་ནི་རྗེས་སུ་
[289b.4]འབྲེང་#བར་ཐམས་ཅད་ཀྱང་འཆི་བའི་དུས་ན་གན་དུ་འོང་བ་ནི་དཀོན་པའོ། །ཚིག་འཇམ་པོས་ཞེས་བྱ་བ་ནི་བདག་ཉིད་ཀྱིས་ཡོངས་སུ་བསྐྱབ་པའི་ཡོན་ཏན་ཞེས་བྱ་བའི་དོན་ཏོ། །གཡང་སར་ལྷུང་བས་ཞེས་བྱ་བའི་ཚིགས་བཅད་འདིས་ཀྱང་སྔར་བསྟན་པའི་སྙིང་རྗེའི་རྒྱུ་གསུམ་སྟོན་ཏེ།
[289b.5]དེ་ཡོངས་སུ་བསྐྱབ་ཅིང་བདེ་བར་འགྱུར་རོ་ཞེས་ཤེས་པར་བྱ་བའི་ཕྱིར་རོ། །གཡང་སར་ལྷུང་བས་བདག་ནི་མཐུ་མེད་ཅིང་། །#ཞེས་བྱ་བ་འདིས་ནི་སྡུག་བསྔལ་ཅན་དུ་བསྟན་ཏོ། །གཉེན་བཤེས་མེད་ཅེས་བྱ་བ་འདིས་ནི་རྗེས་སུ་འབྲང་བ་མེད་པ་ཉིད་དོ། །མ་འཇིགས་ཤིག་ཅེས་བྱ་
[289b.6]བ་ནི་སྐྱབས་འདོད་པ་སྟེ་སྐྱབས་སྒྲུབ་པར་བསྟན་ཏོ། །རང་གི་ལུས་ལས་སྙིང་པོ་དག །ཅེས་བྱ་བ་ནི་སྙིང་པོ་མེད་པའི་ལུས་ལས་གཞན་གྱི་དོན་སྒྲུབ་པའི་སྙིང་པོའོ། །དེ་བསྟན་པའི་ཕྱིར། སྒྲུབ་པར་བྱེད་པའི་སྙིང་པོ་དག །ཅེས་བྱ་བ་སྨོས་སོ། །སྙིང་པོ་མེད་པ་ཞེས་བྱ་བ་ནི་
[289b.7]ཆུ་ཤིང་གི་ཕུང་པོ་བཞིན་དུའོ། །ཡང་ན་རྟག་པ་དང་། བདེ་བ་དང་། བདག་དང་། གཙང་བ་མེད་པའོ། །རབ་ཏུ་ལྕི་བའི་ཁུར་གྱིས་ནོན་བཞིན་ཡང་། །ཞེས་བྱ་བ་ནི་སྡུག་བསྔལ་བར་གྱུར་ཀྱང་སྙིང་སྟོབས་ཆེ་བས་བརྟན་པ་མ་#ཉམས་པའི་ཕྱིར་སྟེང་དུ་ཕྱིན་ཏོ། །རབ་ཏུ་དགའ་བར་གྱུར་ཅེས་བྱ་བ་
[290a]
[290a.1]ནི་སེམས་ཀྱི་མི་དགའ་བ་མེད་པར་སྟོན་ཏོ། །འདི་ལྟར་སྙིང་སྟོབས་ཆེ་བས་བརྟན་པ་མ་ཉམས་པར་ཞེས་བྱ་བ་ཡིན་ཏེ། དེ་བས་ན་དེའོ། །ངལ་ཞིང་ཆད་པས་གོམས་#པ་འཁྱོར་ཞིང་འདོར། །ཞེས་བྱ་བ་ནི་ལུས་ཀྱི་ཡོངས་སུ་ངལ་བ་ཡོད་པ་ཡིན་ཏེ། གང་གི་ཕྱིར་
[290a.2]ཡང་རབ་ཏུ་ལྕི་བའི་ཁུར་གྱིས་ནོན་བཞིན་ཞེས་བྱ་བ་སྟེ་ལྕི་བའི་རྒྱུ་དེས་སོ། །ངལ་བ་སོས་པར་བྱ་ཕྱིར་ཞེས་བྱ་བ་ནི་ལུས་ཀྱི་ངལ་བ་#མེད་པར་བྱ་བའི་ཕྱིར་རོ#། །རང་བཞིན་ཡོངས་སུ་དག་པ་ཞེས་བྱ་བ་ནི་བདག་གི་རང་བཞིན་ཡོངས་སུ་དག་པས། གཞན་གྱི་བསམ་པ་ཡོངས་སུ་དག་
[290a.3]པར་འཛིན་པའི་ཕྱིར་རོ། །དེས་ཞེས་བྱ་བ་ནི་ཕན་གདགས་པའི་ཕྱིར། དོགས་པ་མེད་པའི་རྒྱུ་བསྟན་ཏོ། །མི་ཞེས་བྱ་བ་འདིས་ནི་སྐལ་བ་མི་མཉམ་པ་ཡིན་པས། དོགས་པའི་གནས་ཉིད་དུ་བསྟན་ཏོ། །ཡང་ན་རང་བཞིན་ཡོངས་སུ་དག་པ་དེས། ཉེས་པ་བྱས་པ་#དོགས་པ་མེད་
[290a.4]པ་སྟེ། ཕན་གདགས་པའི་ཕྱིར་ཡང་བག་ཕབ་པའོ། །གཅན་གཟན་ཁྲོ་བོ་ཐགས་ཐོགས་མེད་པར་འོང་། །ཞེས་བྱ་བ་ལ། གཅན་གཟན་ཁྲོ་བོ་འོང་བ་ནི་འབྱུང་བ་སྟེ། ནགས་ཀྱི་ཕྱོགས་སུ་འཇུག་པའི་ཕྱིར་རོ། །ཐགས་ཐོགས་མེད་པ་ནི་ཀུན་ནས་ཐར་བའི་ཕྱིར་རོ། །ངལ་བས་#
[290a.5]གཉིད་ཀྱིས་ལོག་པ་ཞེས་བྱ་བ་ནི་བདག་ཉིད་ངལ་བ་དང་གཉིད་ཀྱིས་ལོག་པ་གཉིས་ཀྱིས་གཅན་གཟན་ཁྲོ་བོ་བཟློག་པར་མི་ནུས་པ་བསྟན་པ་ཡིན་ནོ། །ངལ་ཕན་པ་འབྱུང་བ་ཡིན་པས་ངལ་ཕན་པའོ། །མི་དེ་ལམ་མཚོན་པ་གཞན་མེད་པས། ང་ཤི་བར་གྱུར་ན་ནི་གྲོགས་
[290a.6]མེད་པའི་ཕྱིར། འགྲོ་བ་ལ་ཉམས་#ཉེས་པར་འགྱུར་ཏེ། དེ་བས་ན་མི་དེ་རང་ལ་ཕན་པར་འགྱུར་བ་ཡིན་ནོ། །དེའི་ཕྱིར་ཞེས་བྱ་བ་ནི་ཀུན་ནས་ཐར་པའི་ནགས་ཀྱི་ས་ཕྱོགས་དེར། གཅན་གཟན་ཁྲོ་བོ་ཐགས་ཐོགས་མེད་པར་འོང་། །ཞེས་བྱ་བ་ཡིན་ཏེ། ཐགས་ཐོགས་
[290a.7]མེད་པར་འོང་བའི་ཕྱིར་རོ། །#མིག་ལྟོས་ལ་བསྲུང་#བར་གྱིས་ཞེས་བྱ་བ་ནི་གཅན་གཟན་ཁྲོ་བོ་དག་ལས་སོ། །ང་དང་ཁྱོད་བདག་གཉིས་#ཞེས་བྱ་བ་ནི་བདག་ལ་ཕན་པ་དང་། ཁྱོད་བདག་ཉིད་ལ་ཕན་པའི་ཕྱིར་རོ། །ང་ནི་ངལ་ཞིང་ལུས་ཀྱང་རབ་ཏུ་རྨྱ། །ཞེས་བྱ་བ་#ནི་སྔར་བསྟན་
[290b]
[290b.1]པའི་ངལ་བ་ཉིད་དོ། །ང་ནི་ཉལ་བར་འདོད་ཅེས་བྱ་བ་ནི་སྔར་བསྟན་པའི་གཉིད་ལོག་པར་རོ། །དུལ་བ་ལྟར་ཚུལ་འཆོས་པ་ལ་མཁས་པ་དེ་ན་#རེ་ཞེས་བྱ་བ་ལ་སོགས་པའི་ཚིག་རྐྱང་པས་ནི་དེའི་ཕྱིན་ཅི་ལོག་པ་ཉིད་བསྟན་ཏེ། རབ་ཏུ་འབད་པས་རྙེད་པའི་རྩ་བ་དང་། ཞེས་བྱ་
[290b.2]བའི་ཚིགས་བཅད་བཞིས་བསྟན་པའོ། །རབ་ཏུ་འབད་པས་རྙེད་པ་ཞེས་བྱ་བ་ནི་བརྐོ་བ་ལ་སོགས་པའི་རབ་ཏུ་འབད་པས་སོ། །ཅི་དགར་རྙེད་པས་ཞེས་བྱ་བ་ནི་འབྲས་བུ་རྙེད་པ་དེ་གཅིག་མ་ཡིན་པ་ཉིད་དུ་བསྟན་ཏེ། རྩ་བ་དང་། འབྲས་བུ་གཉིས་ཀྱིས་ནི་འཚོ་བ་ཙམ་ཡང་
[290b.3]མི་ནུས་པར་བསྟན་ཏོ། །ཕན་པར་བྱས་ཀྱང་བཟའ་བ་ཉིད་དུ་བསྟན་#ཏེ། འདིའི་རང་བཞིན་ནི་དེ་འདྲ་བའི་ཕྱིར་རོ། །ཕོངས་པར་གྱུར་ན་ཆོས་ནི་གྲུབ་པ་ཡིན། །ཞེས་བྱ་བ་ནི། དེའི་ཕྱིར་འཇིག་རྟེན་པ་རྣམས་ཀྱི་#ཆོས་སྨྲ་བ། དྲག་པོ་དང་ནི་#འཇམ་པ་སྟེ། །གང་ཡང་རུང་བའི་ལས་
[290b.4]ཀྱིས་ནི། །བདག་ཉིད་ཕོངས་#པའི་ཚེ་ན་སྤྱད། །དེ་འོག་ཆོས་ནི་སྤྱད་པར་བྱ། །ཞེས་བྱ་བ་ཡིན་ཏེ། རྒྱུ་དེའི་ཕྱིར་རོ། །ཆགས་པ་ཉིད་སྐྱོན་ཡིན་པས་ཆགས་པའི་#སྐྱོན་ནོ། །དེས་རྨོངས་པའི་བློ་གང་ཡིན་པ་དེ་ནི་ཆགས་པའི་སྐྱོན་གྱིས་བློ་རྨོངས་པའོ། །བདག་ཉིད་ངན་པ་ཞེས་
[290b.5]བྱ་བ་ནི་གང་སྔར་བསྟན་པའི་སྙིང་རྗེ་མི་གཏོང་བའི་རྒྱུ་བཞི་མེད་པར་བསྟན་ཏེ། བདག་ཉིད་ངན་པ་ཞེས་བྱ་བ་སྨོས་ཏེ། འཇུངས་པ་མེད་པའི་རང་བཞིན་མེད་པར་བསྟན་པ་ནི། ཆགས་པའི་སྐྱོན་གྱིས་བློ་རྨོངས་པ། །ཞེས་བྱ་བ་འདིས་སོ། །རབ་ཏུ་བརྟན་པ་དང་ལྡན་པ་ཞེས་བྱ་
[290b.6]བ་ནི་གང་སྔར་བསྟན་པ་སྟེ། སྙིང་རྗེ་མི་གཏོང་བའི་རྒྱུ་དེའི་མི་མཐུན་པའི་ཕྱོགས་སྙིང་རྗེ་དང་། དེས་པའི་ངོ་བོ་སྤངས་ཞེས་བྱ་བས་བརྟན་པ་མེད་པར་སྟོན་ཏོ། །བྱས་པའི་དྲིན་ནི་བརྗེད་ཅེས་བྱ་བ་འདིར། སྔར་བསྟན་པའི་བྱས་པ་#གཟོ་བ་དེའི་མི་མཐུན་པའི་ཕྱོགས་བསྟན་ཏོ། །ཆོས་
[290b.7]ཀྱི་འདུ་ཤེས་ནི་ཉམས་ཞེས་བྱ་བ་ནི། སྔར་བསྟན་པའི་ཆོས་ཀྱི་འདུ་ཤེས་ནི་མ་ཉམས་ཞེས་#བྱ་བ་དེའི་མི་མཐུན་པའི་ཕྱོགས་བསྟན་ཏོ། །བཞི་པོ་འདི་དག་སྔར་བསྟན་པ་ལྟར་མ་ཡིན་པ་#ཅིའི་ཕྱིར་གོ་རིམས་འདི་ལྟར་བཀོད་ཅེ་ན། ད་ལྟར་འདི་ནི་རྐྱེན་#གྱི་རྒྱུ་ལས་སྐྱེས་པའི་ཕྱིར།
[291a]
[291a.1]བྱས་པ་མི་གཟོ་བ་དང་། ཆོས་ཀྱི་འདུ་ཤེས་ལས་#ཉམས་པ་གཉིས་ཀྱི་དང་པོར། བདག་ཉིད་ངན་པ་ཆགས་པའི་སྐྱོན་གྱིས་ནི་#བློ་རྨོངས། །ཞེས་བྱ་བ་སྨོས་སོ། །གཞན་ནི་སྔམ་བཞིན་ནོ། །རྒྱུ་བཞི་པོ་འདིས་ཀྱང་། སྙིང་རྗེ་དང་། དེས་པའི་ངོ་བོ་ཉིད་རབ་ཏུ་#སྤངས་
[291a.2]པ་ཡིན་ནོ། །ཉམ་ཆུང་བ་ཡང་ཡིན་ལ་མི་བརྟན་པ་ཡང་ཡིན་པས་ཉམ་ཆུང་#མི་བརྟན་ནོ། །ཡང་ན་ཉམ་ཆུང་བས་མི་བརྟན་ཞེས་བྱ་བའི་དོན་ཏོ། །གཉིད་ལས་སངས་པར་བྱ་བའི་ཕྱིར། ཞེས་བྱ་བ་ནི་#ཆེད་དུ་སྟེ། དེ་སངས་པར་བྱ་བའི་ཆེད་ལྟ་བུར་རོ། །གཉིད་
[291a.3]སངས་པར་བྱ་བ་ནི། སད་པར་གྱུར་པའོ། །མགོ་ལ་རིལ་གྱིས་ཕོག་#པར་མ་གྱུར་ཏེ། །ཞེས་བྱ་བ་ནི། དེ་བས་ན་མགོ་བོ་ཕྱེ་མར་མ་གྱུར་ཏོ། །གཞན་དུ་བརྗོད་པ་ནི་མགོ་དེ་ལ་ཕོག་#པ་སྟེ། དེ་བས་ན་ཕྱེ་མར་ནི་མ་གྱུར་ཏེ་རྨ་ཕྱུང་#བའོ། །མགོ་བོ་མ་ཞོམ་སྟེ་ཞེས་བྱ་བ་ནི། མགོ་ཅུང་
[291a.4]ཟད་ཞོམ་པའོ། །སྐྱེངས་བཞིན་ཅན་དུ་ཞེས་བྱ་བ་ནི་#བྱ་བ་མ་ཡིན་པ་བྱས་པས་སོ། །སྐྱེངས་པར་གྱུར་པ་ནི་སྐྱེངས་པ་སྟེ། བརྩམས་པའི་ཁ་ན་མ་ཐོ་བའི་བྱ་བ་མ་ཡིན་པ་མ་གྲུབ་པས་སོ། །དེས་གཟི་ཉམས་པ་གང་ཡིན་པ་དེ་ནི་སྐྱེངས་པས་གཟི་ཉམས་སོ། །སྤོབས་པ་མེད་པ་
[291a.5]ཞེས་བྱ་བ་ནི། འཇིགས་པ་མེད་པ་མ་ཡིན་པའོ། །དེ་བས་ན་མི་དགའ་བས་ཞུམ་པར་གྱུར་པ་ནི་མི་དགའ་སྤ་གོང་ངོ་། །མི་དགའ་བ་ནི་གཞན་སྐྱོབ་#པ་མེད་པའི་ཕྱིར་ཏེ། དེས་#སྤ་གོང་བའོ། །སྐྲག་པ་ནི་བྱང་ཆུབ་སེམས་དཔས་སྐད་ཆེར་ཕྱུང་ཞིང་མཆོངས་པས་སོ#། །རྒྱུ་དེས་འཇིགས་
[291a.6]པ་དང་། སྐྲག་པ་སྐྱེས་པ་སྟེ། དེ་བས་ན་སྐྲག་པའོ། །དུག་འབྱིན་པའི་མཚན་མ་གང་ཡིན་པ་ལུགས་ཀྱི་བསྟན་བཅོས་ལས་བརྗོད་པ་འདིར་ཡང་ངེས་པར་འབྱུང་བར་བཤད་དེ། དུག་འབྱིན་པས་ཁ་སྐམ་པ་དང་། སྐད་འགགས་པ་དང་། རྡུལ་འབྱུང་བ་སྟེ། མཚན་མ་འདི་དག་གཟུང་
[291a.7]བ་ཡིན་ནོ། །སྐྱེངས་པས་གཟི་ཉམས་སྤོབས་པ་མེད་པར་གྱུར། །ཅེས་བྱ་བ་འདིས་ནི། ཁ་སྐམ་པ་བསྟན་ཏོ། །མདོག་ཀྱང་ཉམས་ཞེས་བྱ་བ་འདིས་ནི། བཞིན་མདོག་སྔོ་བར་བསྟན་ཏོ། །སྐད་འགགས་པ་ཞེས་བྱ་བ་འདིས་ནི་སྐད་འགགས་པ་ཉིད་བསྟན་ཏེ། གང་གི་ཕྱིར་གྲེ་བ་འགགས་
[291b]
[291b.1]ན་ནི་སྐད་འགགས་པར་འགྱུར་རོ། །རྡུལ་གྱིས་གཤེར་ཞིང་ཞེས་བྱ་བ་འདིས་ནི། རྔུལ་ཉིད་བསྟན་ཏོ། །དེ་གང་གིས་#ལྟ་ཡང་ཡོང་མ་ནུས། །ཞེས་བྱ་བ་འདིས་ནི་རང་གི་ལས་ཐལ་བར་བསྟན་ཏེ། གང་གི་ཕྱིར་དེའི་ཚེ་ནི་ལྟ་བ་ལ་གནས་པར་ཡང་མི་ནུས་པ་སྟེ། འདིར་ནི་
[291b.2]འདིའི་ཁྱད་པར་རོ། །དེ་དག་གི་#ནི་ལུགས་ཀྱི་བསྟན་བཅོས་ལས་བཤད་པའི་རྟགས་དག་གི་མཚན་མ་དང་བཅས་པ་ཡིན་ཏེ། འདི་དག་དང་#མཚན་མ་དང་བཅས་པ་ནི་སྔར་བསྟན་པའི་རྒྱུ་དག་གོ། །བློ་ལ་ངེས་པར་བྱས་ནས་#ནི་འཁྲུལ་པ་མེད་པའི་རྟགས་མཐོང་བས་སོ། །བདག་
[291b.3]ལ་ཕན་པ་ལ་ཡང་མི་ལྟ་བ་ནི། ངན་པ་དེ་ཡིན་པས་ན། བདག་ལ་ཕན་པ་ལ་མི་ལྟ་བ་ངན་པའོ། །དེ་བས་ན་བདག་ལ་ཕན་པ་ལ་མི་ལྟ་བ་དེས། ཡིད་#ཆད་པ་ནི་ངན་པ་ཡིན་པའི་ཕྱིར་དང་། ངན་འགྲོར་#འགྲོ་བའི་ཕྱིར་སྙིང་རྗེ་སྐྱེས་པའོ། །འཁྲུག་པ་ནི་སེམས་ཀྱི་རྣམ་པར་འཁྲུག་པའོ། །ཁྲོ་བ་
[291b.4]ནི་ལུས་དང་། ངག་གི་འགྱུར་བའོ། །ཁྲོ་བ་དང་། འཁྲུག་པ་ལས་བྱུང་བའི་སྐྱོན་ནི། །ཁྲོ་བ་འཁྲུག་པའི་སྐྱོན་ནོ། །མེད་པ་ནི་ཁྲོ་བ་དང་། འཁྲུག་པའི་སྐྱོན་གང་གིས་མེད་པ་དེ་ནི་ཁྲོ་བ་དང་། འཁྲུག་པའི་སྐྱོན་མེད་པ་སྟེ། ཡིད་#ཆད་པའི་ཕྱིར་ཁྲོ་བ་དང་། འཁྲུག་པའི་སྐྱོན་ཡོངས་སུ་སྤངས་
[291b.5]པའོ། །སྙིང་རྗེ་སྐྱེས་པའི་ཕྱིར་མིག་མཆི་མས་གང་བའོ། །འདི་འདྲ་བ་དག་ཅེས་བྱ་བ་ནི་ལས་འདི་འདྲ་བར་བྱས་པའོ། །ཇི་ལྟར་ཞེས་བྱ་བ་ནི་སེམས་ཀྱིས་#བསྐུལ་བར་སྟོན་པ་ཡིན་ནོ། །བྱ་བ་ཇི་ལྟར་ཞེས་བྱ་བ་འདིས་ནི་སེམས་ཀྱིས་#ངེས་པར་བྱས་པའོ། །ཇི་ལྟ་བུར་ཡང་བརྩམས་པར་གྱུར། །ཅེས་
[291b.6]བྱ་བ་ནི་ཡང་དག་པར་དཔྱད་#པའོ། །དེ་ལ་རེ་ཞིག་དང་པོ་ནི་སེམས་སྤྱོད་པ་ལ་འཇུག་པར་བྱ་བ་ཡིན་ཏེ། བྱའམ་མི་བྱ་ཞེས་བྱ་བ་དང་། འདི་ནི་དེ་བཞིན་དུ་བྱའོ་ཞེས་པ་དང་། དེའི་འོག་ཏུ་འདི་ནི་ངེས་པར་#འདི་ལྟར་བྱའོ་ཞེས་སེམས་པ་ལ་འཇུག་པ་ཡིན་ནོ། །དེའི་འོག་ཏུ་སེམས་པས་
[291b.7]ལུས་དང་། ངག་གི་ལས་ལ་འཇུག་པར་བྱེད་དོ། །འདི་ནི་རིམ་པ་མ་#ཡིན་པའི་ཚུལ་དུ་བསྟན་ཏེ། །ཇི་ལྟར་ཞེ་ན། འདི་འདྲ་བདག་ལ་ཁྱོད་ཀྱིས་བྱས། །ཞེས་བྱ་བ་དེའི་ལས་མཐོང་བས་ངོ་མཚར་རྟོགས་ནས་དྲིས་པ་ཡིན་ཏེ། རྒྱུ་ནི་རེ་ཞིག་གཞག་གི་བསམ་པ་ཉིད་ཀྱང་དཀའ་#ན་དེ་བྱེད་
[292a]
[292a.1]པ་ལྟ་སྨོས་ཀྱང་ཅི་དགོས། བསམ་པ་ལྟར་#རེ་ཞིག་བཞག་ན་དཔྱད་ཅིང་བྱའོ་ཞེས་བྱ་བ་དེ་ཉིད་ཀྱང་ཤིན་ཏུ་དཀའ་བ་ཡིན་པས་ངོ་མཚར་དུ་རྟོགས་ནས་དྲིས་པ་ཡིན་ཏེ། དེ་བས་ན་འདི་དག་གི་རིམ་པ་ནི་གོ་རིམས་བཞིན་དུ་བསྟན་པའོ། །ཇི་ལྟ་བུར་ཡང་བརྩམས་པར་གྱུར། །ཅེས་བྱ་བ་དེའི་
[292a.2]དཀའ་བའི་རྒྱུ་བསྟན་པའི་ཕྱིར། ང་ལ་གནོད་པ་#བྱེད་པ་ནི། །ཞེས་བྱ་བ་སྨོས་ཏེ། ང་ལ་གནོད་པ་བྱེད་པ་དེ་དང་འབྲེལ་#པ་གཞན་དག་གོ། །བརྩོན་འགྲུས་རབ་ཏུ་བསྐྱེད་#ནས་ཀྱང་། །དེའི་#མཐུ་རྩལ་གང་ཡིན་བ་དེ་ནི། བརྩོན་འགྲུས་རབ་ཏུ་བསྐྱེད་པའི་མཐུ་རྩལ་ཆེན་པོའོ། །བཟློག་པ་ནི་དགག་བར་རིགས་པའོ། །
[292a.3]དེ་བས་ན་ཁྱོད་ཀྱིས་ཁྱད་པར་དུ་ཆེ་བའི་དཀའ་བ་བྱས་སོ་ཞེས་བྱ་བ་སྟོན་པ་ཡིན་ནོ། །བདག་གིས་དཀའ་བ་སྤྱད་དོ་#སྙམ། །ཞེས་བྱ་བའི་ཚིགས་བཅད་དོ། །བཟང་པོ་ཁྱོད་ནི་མིར་གྱུར་ཀྱང་། །ཞེས་བྱ་བའི་ཚིགས་བཅད་གཉིས་ཀྱི་དོན་ཡང་ངོ་མཚར་ཆེ་བར་རྟོགས་པ་དེ་བསྟན་པ་དང་། དེ་
[292a.4]བསྒྲུབ་པའི་ཕྱིར་རོ། །བདག་གིས་དཀའ་བ་སྤྱད་དོ་སྙམ། །ཞེས་བྱ་བའི་ཚིགས་བཅད་དེ་བསྒྲུབ་#པའི་ཕྱིར་རོ#། །འཆི་བདག་ཁ་ཡི་ནང་འདྲ་བའི། །ཞེས་བྱ་བའི་ཚིགས་བཅད་སྨོས་སོ། །བདག་གིས་#དཀའ་བ་སྤྱད་དོ་སྙམ། །ང་ནི་ང་རྒྱལ་སྐྱེས་པར་གྱུར། །ཅེས་བྱ་བ་ཅིའི་ཕྱིར་ཞེ་ན།
[292a.5]འདི་ལྟར། འཆི་བདག་ཁ་ཡིན་ང་འདྲ་བ། །འཇིག་རྟེན་གཞན་ནས་བླངས་པ་བཞིན། །ཞེས་བྱ་བ་སྟེ། དེ་བས་ན་ང་རྒྱལ་སྐྱེས་པར་གྱུར་པའོ། །ཧ་ཅང་དཀའ་བ་ཁྱོད་སྤྱོད་ཀྱིས། །དེ་ཡང་རིང་དུ་སྤངས་པར་གྱུར#། །ཅེས་བྱ་བ་ནི། ཅིའི་ཕྱིར་ཞེ་ན། འདི་ལྟར། གཡང་ས་འདི་ནས་ངས་
[292a.6]ཕྱུང་ན། །ཁྱོད་ནི་གཞན་དུ་ལྷུང་བར་གྱུར། །ཅེས་བྱ་བ་སྨོས་པའོ། །གཡངས་འདི་ནས་ཕྱུང་#བ་ནི། །འདིའི་རྩ་བའི་གཡང་ས་ནས་ཕྱུང་བའོ། །གཞན་དུ་#ལྷུང་བ་ནི་ངན་སོང་གི་སྐྱེ་བའི་ངོགས་ཀྱི་གཡང་སར་རོ། །དེ་ལྟ་བུའི་དཀའ་བ་སྤྱད་པ་འདིའི་རྒྱུ་གང་ཡིན་ཞེ་ན། དེའི་རྒྱུ་བསྟན་
[292a.7]པའི་ཕྱིར། སྤྱོད་པ་ངན་བ་ཁྱོད་ཅི་རུང་། །ཞེས་བྱ་བའི་ཚིགས་བཅད་སྨོས་སོ། །སྤྱོད་པ་ངན་པ་ནི། འཇུག་པ་ངན་པའི་རྒྱུར་གྱུར་པའི་ཕྱིར་རོ། །སྤྱོད་བ་ངན་པའི་མཚན་ཉིད་ཇི་ལྟ་བུ་ཞེ་ན། དེ་སྨྲས་པ། ཤིན་ཏུ་མི་བཟད་#པའི་སྤྱོད་པ་ངན་པའོ། །ཇི་ལྟ་བུ་ཞེ་ན། དེ་བསྒྲུབ་#པའི་ཕྱིར། གང་གིས་
[292b]
[292b.1]སྡུག་བསྔལ་རྣམས་སུ་ལྷུང་། །ཞེས་བྱ་བ་ཡིན་ནོ། །འགྲོ་བ་གང་ལྷུང་ཞེ་ན། སྨྲས་པ། བདེ་བ་འདོད་པ་#རྣམས་ཡིན་ཏེ། མཐོང་བའི་ཆོས་ལ་བདེ་བ་འདོད་པས། །སྡིག་པ་རྣམས་བྱེད་དེ། དེ་ནི་མི་ཤེས་པ་ཞེས་བྱ་བས་བསྟན་ཏོ། །གང་གིས་སྡུག་བསྔལ་རྣམས་སུ་ལྷུང་། །
[292b.2]ཞེས་བསྟན་པ་དེའི་སྡུག་བསྔལ་གྱི་རྣམ་པ་དུ་ཞེ་ན། དེའི་སྡུག་བསྔལ་གྱི་རྣམ་པ་བསྟན་པའི་ཕྱིར། བདག་ཉིད་ངན་འགྲོ་རྣམས་སུ་ལྷུང་། །ཞེས་བྱ་བའི་ཚིགས་བཅད་སྨོས་སོ། །སྡུག་བསྔལ་ཡང་རྣམ་པ་གཉིས་ཏེ། འཇིག་རྟེན་ཕ་རོལ་གྱི་འགྲོའི་སྡུག་བསྔལ་དང་། མཐོང་བའི་ཆོས་
[292b.3]ལ་བྱས་པའི་#སྡུག་བསྔལ་ལོ། །ངན་འགྲོ་རྣམས་སུ་ལྷུང་ཞེས་བྱ་བ་ནི། བདག་ཉིད་ཀྱི་འཇིག་རྟེན་ཕ་རོལ་གྱི་སྡུག་བསྔལ་ལོ། །ད་ནི་མཐོང་བའི་ཆོས་ཀྱི་བདག་གིས་ཉེས་པར་བྱས་པའི་སྡུག་བསྔལ་ཡིན་ཏེ། ང་ལའང་མྱ་ངན་མེ་ཡིས་གཏོར། །ཞེས་བྱ་བ་སྟེ། མཐོང་བའི་
[292b.4]ཆོས་ལ་བྱས་པའི་སྡུག་བསྔལ་ལོ། །བདག་ཉིད་ཀྱི་མཐོང་བའི་ཆོས་ཀྱི་སྡུག་བསྔལ་ཡང་རྣམ་པ་གཉིས་ཏེ། གྲགས་པའི་དཔལ་ནི་མེད་པར་བྱས། །ཞེས་བྱ་བ་འདིས་ནི། སྔར་བཤད་པའི་གྲགས་པ་ཉམས་པའི་སྡུག་བསྔལ་བསྟན་ཏོ། །ཡོན་ཏན་ལ་#དགའ་བ་ནི་ཡོན་
[292b.5]ཏན་ལ་དགའ་བའོ། །འགལ་བར་གྱུར་པ་ནི་#ཉམས་པར་བྱས་པའོ། །ཇི་ལྟར་གྲགས་པའི་དཔལ་ཉམས་པར་བྱས་ཤེ་ན། དེ་སྨྲས་པ། ངན་པར་སྨྲ་བའི་གཞིར་ཡང་གྱུར། །ཅེས་བྱ་བ་ཡིན་ཏེ། ངན་པར་སྨྲ་བའི་གཞིར་འགྲོ་བའི་རྒྱུའོ། །ཇི་ལྟར་ཡོན་ཏན་ལ་དགའ་བ་འགལ་
[292b.6]བར་གྱུར་ཅེ་ན། སྨྲས་པ། ཡིད་ཀྱང་བརྟན་དུ་མ་རུང་ངོ་། །ཞེས་བྱ་བ་ཡིན་ཏེ། ཡིད་བརྟན་པ་ཉམས་པའི་རྒྱུས་སོ། །དོན་ནི་ཅི་ཞིག་འགྲུབ་པར་འགྱུར། །ཞེས་བྱ་བ་ནི། དེ་ལྟར་འཇིག་རྟེན་གཉིག་ལ་མི་ཕན་པའི་ལས་བྱས་པས་དོན་ཅེ་ཞིག་འགྲུབ་པར་འགྱུར་བའོ། །ཇི་ལྟར་འདི་ཉིད་
[292b.7]ང་ཡི་ཡིད་ལ་གནོད་#གྱུར་པ། ཞེས་བྱ་བ་དེ་ཉིད་བསྟན་པའི་ཕྱིར། སྨྲས་པ། སྡིག་པ་ཅན་དུ་གྱུར་པ་ཞེས་བྱ་བ་ཡིན་ཏེ། འདིར་ངན་པར་སྤྱོད་#པའོ། །ངན་པར་སྤྱོད་པ་འདི་ནི་ངས་མེད་པར་བྱ་བར་མི་ནུས་ཏེ། འདི་མེད་པར་ཞེས་སྨོས་སོ། །ངན་པར་སྤྱོད་པ་འདི་ཇི་ལྟར་མེད་པར་གྱུར་
[293a]
[293a.1]ཏེ། དེའི་འབྲས་བུ་རྗེས་སུ་#མྱོང་བས་དེའི་འབྲས་བུ་མྱོང་བ་བསལ་བར་མི་ནུས་སོ། །བརྟེན་#དུ་མི་རུང་དོགས་པར་གྱུར་ཀྱང་ཞེས་བྱ་བ་དེ་བཤད་པའི་ཕྱིར། ཁྱོད་ནི་གཅིག་པུ་ལུས་ཀྱང་ཉམ་ཆུང་ལ། །ཞེས་བྱ་བའི་ཚིགས་བཅད་འདིའི་ཕྱེད་དང་པོས་བསྟན་ཏོ། །རྒྱུ་བཞིས་དོགས་
[293a.2]པར་གྱུར་པ་#ཡིན་ཏེ། གྲོགས་མེད་པའི་ཕྱིར་དང་། བདག་ཉིད་ཉམ་ཆུང་བའི་ཕྱིར་དང་། ལམ་མི་ཤེས་པའི་ཕྱིར་དང་། འཇིགས་པ་དང་བཅས་པའི་གནས་སུ་འཁྱམ་པའོ། །གང་དང་ལྷན་ཅིག་འགྲོ་བ་དང་། གང་འགྲོ་ཞིང་སྟོབས་དང་ལྡན་པ་དང་། གང་ནས་#འགྲོ་བ་ཤེས་པ་དང་།
[293a.3]གང་གནས་སུ་འགྲོ་བ་སྟེ། སྐྱོན་བཞི་པོ་འདི་དག་དང་ལྡན་པའི་ཕྱིར་དོགས་པར་འགྱུར་བ་ཡིན་ཏེ། གང་དོགས་པ་དེ་ལ་བརྟེན་#ཏོ། །གང་ལས་དོགས་པ་དེ་ལས་བརྩམས་ཏེ། འགའ་ཞིག་འོངས་ནས་ཞེས་བྱ་བ་སྨོས་ཏེ#། འགའ་ཞིག་ཅེས་བྱ་བ་གཅན་གཟན་#ཁྲོ་བོ་རྣམས་ལའོ། །དགོན་པ་
[293a.4]བགྲོད་#དཀའ་འཇིགས་པ་འོང་#ལ་ཞེས་བྱ་བ་#གྲོང་གི་གན་དུ་ཕྱིན་པའོ། །ཇི་ལྟར་གྲོང་གི་གན་དུ་ཕྱིན་པར་ཤེས་པར་བྱ་ཞེ་ན། དགོན་པ་དང་ནགས་ཀྱི་མཐའ་ཡིན་པའི་ཕྱིར་རོ། །བདེ་བར་སོང་ཞེས་བྱ་བ་འཇིགས་པ་མེད་པར་ཅི་བདེར་དེངས་ཤིག་པའོ། །སྡིག་པའི་ལས་ཀྱང་ཡོངས་སུ་
[293a.5]སྤང་བར་འབད་པར་གྱིས། །ཞེས་བྱ་བ་ནི། ཅིའི་ཕྱིར་ཞེ་ན། སྡུག་བསྔལ་གྱི་རྣམ་པར་སྨིན་པ་ནི་ངེས་པའི་ཕྱིར་རོ། །འགྱོད་པའི་མེ་ཞེས་བྱ་བ་དང་། མཛེའི་ནད་ཅེས་བྱ་བ་འདི་གཉིས་ཀྱིས་ནི་མིང་དང་། གཟུགས་ལུས་ཀྱི་སྡུག་བསྔལ་བསྟན་ཏེ། དེའི་ལས་དང་། སྡིག་པ་མཐོང་བའི་
[293a.6]ཆོས་ཉིད་ལ་དེ་ལྟར་སྡུག་བསྔལ་བར་འགྱུར་བ་ལས་བརྩམས་#ཏེ། དེའི་ལས་ལུས་འཇིག་#པ་ལ་ནི་མི་སྤྱོད་པས་སོ། །རྨའི་ཞིགས་བ་ནི་རྨ་ཞིགས་པའོ། །རྨའི་ཆུ་འཛག་པ་ནི་རྨ་ཞིགས་པའི་ཆུ་སེར་རོ། །དེས་གཤེར་བའི་ལུས་གང་ཡིན་པ་དེ་ནི་རྨ་ཞིགས་པའི་ཆུ་སེར་གྱིས་#ལུས་གཤེར་
[293a.7]བར་གྱུར་པའོ། །སྔངས་ཤིང་ངོ་མཚར་དུ་གྱུར་ཏེ་ཞེས་བྱ་བ་ནི་དེའི་འཇིགས་སུ་རུང་བས་སོ། །ངོ་མཚར་ཆེར་བཟུང་སྟེ་ཞེས་བྱ་བ་ནི་མི་མ་ཡིན་པར་ཡིད་ཆེས་སུ་མི་རུང་བའི་གཟུགས་ཡོད་པས་སོ། །སྐྱ་བསེང་ནི་ཕྱོགས་གང་ན་མཛེ་དང་། ཤ་བཀྲའི་ནད་མེད་པའི་ཕྱོགས་དེ་ནའོ། །སྐྲ་ནི་རྡུལ་
[293b]
[293b.1]གྱིས་གང་ཞིང་གཡེངས། །ཞེས་བྱ་བ་ནི་གློ་བུར་གྱི་དྲི་མས་གོས་པ་ཉིད་དུ་བསྟན་ཏོ། །ཅིག་ཤོས་ནི་ལྷན་ཅིག་སྐྱེས་པ་ལས་གྱུར་པའོ། །ཡང་ན་སྔངས་#ཤིང་ངོ་མཚར་དུ་བཟུང་སྟེ། དྲིས་པ་ཞེས་བྱ་བ་ནི་སྔངས་པས་ཚུལ་དང་བྲལ་བའི་ཕྱིར། མི་ཡིན་པར་ཡིད་མ་ཆེས་པས་
[293b.2]ངོ་མཚར་ཆེར་གཟུང་#སྟེ། གནས་སྐབས་འདི་ལྟ་བུ་རྟོགས་པར་བྱ་བའི་ཕྱིར་རོ། །#དྲི་བའི་སྦྱོར་བའོ། །འབྲས་བུ་གཞན་ནི་སླད་ཀྱིས་མཆི། །ཞེས་བྱ་བ་ནི་ངན་འགྲོར་འགྲོ་བའི་འབྲས་བུ་སྟེ། བྱམས་ལ་སྙིང་རིང་བྱས་པ་ཞེས་བྱ་བའི་ཚིགས་བཅད་ཡིན་ནོ། །བྱམས་ལ་སྙིང་རིང་བས་ནི་
[293b.3]འཇིག་རྟེན་གཉི་གར་མི་བཟད་པའི་འབྲས་བུ་བསྟན་པའི་ཕྱིར། དེ་བས་བྱམས་ལ་ཞེས་བྱ་བའི་ཚིགས་བཅད་སྨོས་སོ། །ཡང་དག་པར་འཛིན་དུ་གཞུག་པའི་ཕྱིར། གྲོགས་པོ་གསུམ་དུ་སྒྲུབ་པའི་བྱེ་བྲག་གིས་#འཛིན་དུ་གཞུག་པ་ཡིན་ནོ། །མཛའ་བོ་དག་ལ་ལོག་པར་སྒྲུབ་པའི་
[293b.4]ཉེས་དམིགས་བསྟན་པའི་ཕྱིར། བྱམས་ཕ་རྣམས་ལ་སྡང་བར་སྤྱོད་པའི་ཚུལ་བཟུང་#ན། ཞེས་བྱ་བའི་ཚིགས་བཅད་སྨོས་སོ། །འཇིག་རྟེན་གཉི་ག་ལ་ཕན་པ་ཉིད་དུ་བསྟན་པའི་ཕྱིར། མཛའ་བོ་རྣམས་ལ་སེམས་ཤིང་བྱམས་པས་#གྲགས་བ་འཐོབ། །ཅེས་བྱ་བའི་ཚིགས་
[293b.5]བཅད་སྨོས་ཏེ། མཛའ་བོ་རྣམས་ལ་ལེགས་པ་སྒྲུབ་པའི་ཕན་ཡོན་བསྟན་པའི་ཕྱིར་ཏེ། ཕན་ཡོན་ཡང་རྣམ་པ་གཉིས་ཏེ#། ཚེ་འདིའི་ངང་། ཚེ་ཕྱི་མའི་འོ། །ཚེ་ཕྱི་མའི་མཐོ་རིས་འཐོབ་པར་འགྱུར་ཞེས་བྱ་བ་ཡིན་ཏེ། འདི་ན་#ཕྱི་མའི་ཕན་ཡོན་ནོ། །དང་པོ་ཚེ་འདིའི་#ཕན་ཡོན་པ་ནི་
[293b.6]བདག་དང་། གཞན་གྱི་རྣམ་པ་གཉིས་ཏེ། མཐོང་བའི་ཆོས་ལ་ཡིད་དགའ་བ་ནི་བདག་གི་ཕན་ཡོན་ཏེ། འཆི་བའི་དུས་སུ་ཡིད་ལ་གཅགས་པ་མེད་པས། བདག་ཉིད་ཡིད་དགའ་བར་འགྱུར་རོ། །གཞན་དང་འབྲེལ་པའི་ཕན་ཡོན་ནི་རྣམ་པ་གསུམ་སྟེ། ཐ་མལ་པ་དང་།
[293b.7]མཛའ་བཤེས་དང་། དགྲའོ། །དེ་ལ་ཐ་མལ་པའི་ཕན་ཡོན་གྱི་དབང་དུ་བྱས་ནས་གྲགས་པ་འཐོབ་པ་དང་། ཡིད་བརྟན་པ་སྟེ། ཐ་མལ་པ་དག་ལས་མ་བཏང་བ་ནི། །ཡིད་ཀྱི་ལས་ཀྱི་ཕན་ཡོན་ནོ། །རིམ་གྲོ་བྱེད་པའི་བདེ་བ་དང་། ངན་གྲོགས་བྱེད་པའི་ཡོན་ཏན་ནི་མཛའ་ཤེས་#ལས་
[294a]
[294a.1]འཐོབ་པ་སྟེ། ལུས་ཀྱི་ལས་ཀྱི་ཕན་ཡོན་ནོ། །རིམ་གྲོ་བྱེད་ཅིང་བདེ་བ་འདོད་པ་བསྟན་པ་ལ་སོགས་པས་དན་གྲོགས་བྱེད་པའི་ཡོན་ཏན་ནི་གྲོགས་པོ་དམན་པ་དག་ལས། རིམ་གྲོ་ཤས་ཆེར་འཐོབ་པའི་ཕན་ཡོན་ནོ། །དགྲ་རྣམས་ཀུན་གྱིས་མི་ཚུགས་པ་ནི་དགྲའི་ཕན་
[294a.2]ཡོན་ནོ#། །བྱམས་པའི་ཕྱོགས་ལ་ལེགས་ནོངས་ཅི་བགྱིས་པའི། །ཞེས་བྱ་བའི་ཚིགས་བཅད་འདི་ནི་སྔར་བཤད་པའི་དོན་གྱི་མཇུག་སྡུད་#པ་ཡིན་ཏེ། བྱམས་པའི་ཕྱོགས་ཞེས་བྱ་བའི་ཚིགས་བཅད་ཀྱི་དང་པོ་ཕྱེད་ཀྱིས་ནི། ཡིད་ཀྱིས་མཁྱེན་ཅིང་རིག་#པར་བྱ་བ་སྟེ། ཡིད་ཀྱི་ལས་
[294a.3]ཀྱིས་བསྟེན་#ཅིག་པའོ། །སྐྱེ་བོ་དམ་པ་འདོད་པའི་ལམ་ལ་ཞེས་བྱ་བ་ནི། ལུས་དང་། ངག་གི་སྒྲུབ་པ་ཡིན་ནོ། །ལམ་དེར་སོང་ན་འབྱོར་པ་རྗེས་སུ་འབྲང་། ཞེས་བྱ་བ་ནི་ལུས་དང་། ངག་དང་། ཡིད་ཀྱི་ཕན་ཡོན་#ནོ། །ལེགས་ནོངས་ཅི་བགྱིས་པའི་མཐུ་རྣམས་གྲུབ་པ་ཞེས་བྱ་བ་ལ།
[294a.4]ནོངས་པ་བགྱིས་པའི་མཐུ་རྣམས་གྲུབ་པ་ཞེས་བྱ་བ་ནི་བྱམས་པ་རྣམས་ལ་སྡང་བར་སྤྱོད་པའི་ཚུལ་བཟུང་ན་ཞེས་བྱ་བའི་ཚིགས་བཅད་དེར་ཉེས་དམིགས་བསྟན་པའོ། །ལེགས་པ་བགྱིས་པའི་མཐུ་རྣམས་གྲུབ་པ་ནི། །མཛའ་བོ་རྣམས་ལ་སེམས་ཤིང་བྱམས་པས་#གྲགས་པ་འཐོབ། །
[294a.5]ཅེས་བྱ་བ་དེས་ཕན་ཡོན་བསྟན་ཏོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་སྤྲེའུ་ཆེན་པོའི་སྐྱེས་པའི་རབས་སོ།། །།གང་ན་མི་དང་བྲལ་ཞིང་རྒྱུན་ལུགས་མེད་པའི་འབྲོག་དགོན་པའི་ཕྱོགས་ནི་མིའི་རྒྱུན་ལུགས་མེད་པའོ། །གང་གི་ཕྱིར་
[294a.6]སྒྲ་མེད་པ་དེ་ནི་སྒྲ་མི་གྲག་པ་སྟེ། མིའི་རྒྱུན་ལུགས་མེད་པའང་ཡིན་པས་མིའི་རྒྱུན་ལུགས་མེད་ཅིང་སྒྲ་མི་གྲག་#པའོ། །རྩྭ་སྟུག་པོའི་ནང་དུ་ཤིང་གི་རྩ་བ་ལྡམ་ལྡུམ་ནུབ་པ་གང་ཡིན་པ་དེ་དག་ནི་ཤིང་གི་རྩ་བ་དང་། ལྡུམ་བུ་མང་པོ་#རྩ་སྟུག་པོའི་ནང་དུ་ནུབ་པའོ། །གང་དུ་དེ་མེད་པ་#ནི་ཤིང་གི་རྩ་བ་དང་། ལྡུམ་
[294a.7]བུ་ནུབ་པ་དེ་ནའོ། །འགྲོན་པོ་རྣམས་དང་། ཤིང་རྟ་དང་། བཞོན་པ་ནི་འགྲོན་པོ་རྣམས་ཀྱི་ཤིང་རྟ་དང་བཞོན་པའོ། །དེ་རྣམས་ཀྱི་རྐང་པ་ནི་འགྲོན་པོ་རྣམས་ཀྱི་ཤིང་རྟ་དང་བཞོན་པའི་རྐང་པ་སྟེ་དེས་སོ། །སྲོལ་གྱི་མཚམས་བཏོད་པ་ནི་སྲོལ་བཏོད་པ་སྟེ། ལམ་སྲོལ་བཏོད་པ་ནི་
[294b]
[294b.1]ལམ་གྱི་སྲོལ་བཏོད་པའོ། །མ་བཏོད་པའི་ལམ་གྱི་སྲོལ་གང་ཡིན་པའི་#ས་ཕྱོགས་ནི་ས་ཕྱོགས་དེ་སྟེ། ས་གཞིའི་ཕྱོགས་དེ་ལམ་གྱི་སྲོལ་མ་བཏོད་པ་#དེ་ནའོ། །འབབ་ཆུ་འབབ་པ་དང་། གྲོག་མཁར་དང་། གད་ས་#རྣམས་ནི་འབབ་ཆུ་དང་། གྲོག་མཁར་དང་། གད་པ་དག་གོ། །དེ་དག་
[294b.2]གི་ས་ཕྱོགས་ནི་#མི་བདེ་བ་གང་ཡིན་པའི་དགོན་པའི་ཕྱོགས་དེ་ནི་འབབ་ཆུ་འབབ་པ་དང་། གྲོག་མཁར་དང་། གད་པ་དག་གིས་ས་ཕྱོགས་མི་བདེ་བ་ཡོད་པ་དེ་ནའོ། །ལུས་དང་ལྡན་པ་ཞིག་ཏུ་གྱུར་ཏོ་ཞེས་བྱ་བ་ནི་ལུས་དང་བཅས་པར་སྐྱེས་སོ་ཞེས་བྱ་བའི་དོན་ཏོ། །རི་དགས་གཟུགས་
[294b.3]ཅན་ཞེས་བྱ་བ་ནི་སྔར་བསྟན་པའི་རི་དགས་ཤར་བྷར་གྱུར་ཏོ་ཞེས་བྱ་བ་ཡིན་ནོ། །རི་དགས་གཅིག་པུར་གྱུར་པ་མ་ཟད་དེ། དེ་གསལ་བར་བྱ་བའི་ཕྱིར་སྔར་བསྟན་པའི་སེམས་ཅན་རྣམས་ལ་གནོད་པ་མི་བྱེད་ཅེས་བྱ་བ་སྟེ། ཇི་ལྟར་མི་བྱེད་ཅེ་ན། དཀའ་ཐུབ་ཅན་བཞིན་སྲོག་ཆགས་#
[294b.4]རྣམས་ལ་བརྩེ། །ཞེས་བྱ་བ་ཡིན་ཏེ། གཞན་ནི་སྔ་མ་བཞིན་ནོ། །ཡུལ་དེ་ལ་དབང་བའི་རྒྱལ་པོ་ཞེས་བྱ་བ་ནི། དགོན་པའི་ཕྱོགས་གང་ན་བྱང་ཆུབ་སེམས་དཔའ་#གནས་པའི་འོ#། །རྟ་དང་། གླང་པོ་ཆེ་དང་། ཤིང་རྟ་དང་། རྐང་ཐང་གི་ཚོགས་རྒྱང་རིང་པོར་ལུས་བཞིན་དུ་ཞེས་བྱ་བ་
[294b.5]ནི་གླང་པོ་ཆེ་ལ་སོགས་པ་ཐག་རིང་དུ་བོར་ཞེས་བྱ་བའི་དོན་ཏོ། །ཕྱུང་ནས་ཞེས་བྱ་བ་ནི་རལ་ནས་བླངས་པའོ#། །གང་གིས་མདའ་མདེའུ་རྣོན་པོ་ཅན་དེ་ཕྱུང་བ་ནི་མདའ་མདེའུ་རྣོན་པོ་ཅན་ཕྱུང་བའོ། །གྱ་ཚོམ་དུ་རྒོལ་བ་སྤང་#བ་གང་ཡིན་པ་དེ་ནི་གྱ་ཚོམ་དུ་རྒོལ་བ་སྤངས་པ་སྟེ། རྒོལ་
[294b.6]བ་སྤངས་པ་ནི་བདག་ལ་ལྟོས་པ་མེད་པའི་ཕྱིར། རྒོལ་བ་སྤངས་པའོ། །ལམ་ཀ་ན་ཞེས་བྱ་བ་ནི་ཉེ་བ་ན་ཡོད་པའོ། །ཐོག་ནས་ལྷུང་བ་ནི་བསྐྱུར་བའོ། །ཅིའི་ཕྱིར་རྟ་ལས་ལྷུང་ཞེ་ན། དེ་མ་མཐོང་བ་ཡིན་ཏེ#། མ་མཐོང་བ་ཡིན་པ་དེའི་རྒྱུ་བསྟན་པའི་ཕྱིར། མིག་ནི་རི་དགས་དེ་ལ་
[294b.7]ཡེངས། །ཞེས་བྱ་བའི་ཚིགས་བཅད་ཀྱི་ཕྱེད་དང་པོས་བསྟན་ཏོ། །ཤིན་ཏུ་བརྟན་#པར་རྟ་ལ་ཆགས་ཀྱང་ཅིའི་ཕྱིར་ལྷུང་ཞེ་ན། དེའི་རྒྱུ་བསྟན་པའི་ཕྱིར། ཚིགས་བཅད་ཕྱེད་འོག་མའོ། །སླར་བལྟས་པ་དང་ཞེས་བྱ་བ་ནི། གདོང་ཕྱིར་བསྒྱུར་ཏེ་བལྟས་ན་ཞེས་བྱ་བའི་དོན་ཏོ། །ངལ་
[295a]
[295a.1]བསོ་བའི་ཆེད་#དུ་རྟ་ལས་བབས་ཞེས་བརྟགས་པ་སྟེ། འདིར་ཡང་བབས་པ་བརྟགས་པའི་ཕྱིར། འདི་ན་གབ་ཏུ་རུང་བའི་ཞེས་བྱ་བ་ལ་སོགས་པའི་ཚིག་རྐང་སྨོས་ཏེ#། འདི་ན་རྩ་སྟུག་པོ་ཞེས་བྱ་བ་ལ་སོགས་པ་འདིས་ནི་གཞན་གྱི་དགོས་པས་བབས་
[295a.2]སོ། །ཞེས་བྱ་བ་དེའི་དགོས་པ་ཡང་མེད་དེ། མ་མཐོང་བས་སོ། །དེ་ལྟར་ངེས་པར་བྱས་ནས་སྙིང་རྗེ་སྐྱེས་པར་གྱུར་ཏོ། །དེ་ཉིད་རྒྱལ་མཚན་བཟང་པོའི་ཞེས་བྱ་བ་ལ་སོགས་པའི་ཚིགས་བཅད་བཞིས་ནི་ཕུན་སུམ་ཚོགས་པ་དང་བྲལ་བ་དང་། སྡུག་བསྔལ་དང་ཕྲད་པའི་དབང་དུ་
[295a.3]བྱས་པ་སྟེ། དེ་ནས་#ཚིགས་བཅད་གཉིས་ཀྱིས་ནི་ཕུན་སུམ་ཚོགས་པ་དང་བྲལ་བའི་དབང་དུ་བྱས་པའོ། །ཕུན་སུམ་ཚོགས་པ་ཡང་བསོད་ནམས་ཀྱི་འབྲས་བུས་#དབྱེ་བས་གསུམ་དུ་སྦྱར་ཏེ། བཟོད་པ་ལས་བྱུང་བའི་བསོད་ནམས་ཀྱི་ཚོགས་ཀྱི་འབྲས་བུ་དང་བྲལ་བའི་དབང་དུ་བྱས་
[295a.4]ནས། དེ་ཉིད་རྒྱལ་མཚན་བཟང་པོའི་#ཞེས་བྱ་བའི་ཚིགས་བཅད་འདི་ཡིན་ཏེ། ཕྱི་བཞིན་བསྐྱལ་ཞིང་ཞེས་བྱ་བ་འདིས་ནི། གཡོག་འཁོར་ཕུན་སུམ་ཚོགས་པར་གཟུང་ངོ་། །མཛེས་པའི་གདུགས་ཀྱིས་བསྐྱབས་#ཞེས་བྱ་བ་དང་། གཡག་རྔའི་#བསིལ་ཡབ་གཡོབ་
[295a.5]པས་མཛེས་པར་བྱས། ཞེས་བྱ་བས་ནི། སྦྱིན་པ་ལས་བྱུང་བའི་བསོད་ནམས་ཚོགས་ཀྱི་འབྲས་བུ་དང་བྲལ་བའི་དབང་དུ་བྱས་པའོ། །སྐྱེ་བོ་མང་པོས་བཀུར་བའི་ལྷ་ཡི་དབང་པོ་བཞིན། །ཞེས་བྱ་བའི་ཚིགས་བཅད་ཕྱེད་ཀྱིས་ནི། ཚུལ་ཁྲིམས་ལས་བྱུང་བའི་བསོད་
[295a.6]ནམས་ཀྱི་ཚོགས་ཀྱི་#འབྲས་བུ་དང་བྲལ་བའི་དབང་དུ་བྱས་པའོ། །དེ་རིང་ཁོ་ནར་#གཡང་ས་ཆེན་པོར་ལྷུང་། །ཞེས་བྱ་བ་ནི་སྡུག་བསྔལ་དང་ཕྲད་པའི་དབང་དུ་བྱས་པའོ། །ཡན་ལག་གྲུགས་པར་གྱུར་ཅེས་བྱ་བ་ནི། ཡན་ལག་གྲུགས་པ་དེ་མེད་ཀྱང་བརྒྱལ་བར་གྱུར་པའམ། དེ་མེད་ཀྱང་
[295a.7]མྱ་ངན་བྱེད་པ་སྟེ། དེ་བས་ན་གཡང་ས་འདི་ལས་བདག་ཉིད་ཀྱིས་ཐར་བར་མི་ནུས་པའི་ཕྱིར་རོ། །མྱ་ངན་བྱེད་དོ་ཞེས་བསྟན་པ་ལ། ཇི་ལྟར་དེ་མྱ་ངན་བྱེད་པར་འགྱུར་ཞེན། དེ་བསྟན་པའི་ཕྱིར། སྡུག་བསྔལ་མ་མྱོང་རབ་ཏུ་གཞོན་ཤ་ཅན། །ཞེས་བྱ་བའི་ཚིགས་བཅད་སྨོས་སོ། །
[295b]
[295b.1]མ་རབས་རྣམས་ལ་རྨ་རྙིང་སོས་འདྲ་བར། །ཞེས་བྱ་བས་ནི་སྡུག་བསྔལ་སྐྱེས་#པ་ཡིན་ནོ། །སྲོག་གི་ལྷག་མ་ཙམ་ཞིག་ལུས་སུ་ཟིན་ཀྱང་ཞེས་བྱ་བ་ནི་ངེས་པར་འཆི་བ་ཉིད་དེ། གཡང་ས་ཟབ་པའི་ཕྱིར་རོ། །སྙིང་རྗེས་སེམས་དྲངས་ནས་ཞེས་བྱ་བ་ནི་ཕུན་སུམ་ཚོགས་བ་དང་བྲལ་བ་
[295b.2]དང་། སྡུག་བསྔལ་གྱི་རྒྱུས་#སྙིང་རྗེ་བའོ། །དེ་ནི་འཐབ་བེར་ནི་རྡུལ་གྱིས་གཡོགས་#ཐོད་བཅིངས་པ་ནི་ཞིག་ཅེས་བྱ་བ་འདིས་ནི། ལུས་ལ་གྱོན་པའི་གོས་དག་འགྱུར་བར་སྟོན་#ཏོ། །གཡངས་ནས་ལྷུང་སྟེ་སྣད་པའི་ཚོར་བ་མྱོང་བ་ནི་སེམས་ལ་#ཁྱབ་པར་གྱུར་ཅེས་བྱ་བ་འདིས་ནི་ལུས་ཀྱི་སྡུག་
[295b.3]བསྔལ་དེས་བྱས་པའི་སེམས་ཀྱི་སྡུག་བསྔལ་ལོ། །འདུག་པ་ཞེས་བྱ་བ་ནི་དེ་ལྟར་གྱུར་པས་འགྲོ་བའི་སྐབས་མེད་དོ། །ཞེས་བྱ་བའི་དོན་ཏོ། །འགྲོ་བ་ནི་འགྱུར་ལྡོག་ཉེ་བར་བྱེད་པའོ། །དེའི་སྡུག་བསྔལ་ཡིན་པས་དེའི་སྡུག་བསྔལ་ཏེ། རྒྱལ་པོ་དེའི་སྡུག་བསྔལ་ཞེས་བྱ་བའི་དོན་ཏོ། །དེའི་སྡུག་
[295b.4]བསྔལ་ཐུན་མོང་ཉིད་དུ་གྱུར་པ་ནི། དེའི་སྡུག་བསྔལ་གྱི་རྒྱུས་ཐུན་མོང་དུ་གྱུར་པའོ། །ཡ་རབས་ཀྱི་ཚུལ་བཞིན་དུ་སྐྱེ་བོ་དགེ་བའི་རང་བཞིན་སྟོན་པར་བྱེད་པའི་ཚིག་དེ་བསྒྲུབ་#པའི་ཕྱིར། རྒྱལ་པོ་ཆེན་པོ་སྣད་པར་མ་#གྱུར་ཏམ། །ཞེས་ཚིགས་བཅད་སྨོས་སོ། །དེ་ལ་ཡ་རབས་ཚུལ་བཞིན་ཞེས་བྱ་བ་ཉིད་ནི་རྒྱལ་པོ་ཆེན་པོ་ཞེས་
[295b.5]བྱ་བའི་ཚིག་གིས་སོ། །སྐྱེ་བོ་དགེ་བའི་རང་བཞིན་སྟོན་བྱེད་ཅིང་། །ཞེས་བྱ་བའི་ཚིག་གིས་ནི་སྣད་པར་མ་གྱུར་ཏམ་ཞེས་བྱ་བ་ལ་སོགས་པའི་ཚིག་གིས་སོ། །འདི་ནི་སྐྱེ་བོ་དགེ་བའི་རང་བཞིན་ཏེ། གཞན་སྡུག་བསྔལ་བ་ལ་རང་བཞིན་གྱིས་བརྩེ་བ་ཡིན་ཏེ། སྣད་པར་མ་གྱུར་ཏམ་ཞེས་
[295b.6]བྱ་བ་ནི། ལུས་སྣད་པར་མ་གྱུར་ཏམ་ཞེས་བྱ་བའི་དབང་དུ་བྱས་པའོ། །ལུས་ལ་ཆག་གྲུགས་#བྱུང་བར་མ་གྱུར་ཏམ། །ཞེས་བྱ་བ་ནི་ཡན་ལག་རྣམས་ཆག་པར་མ་གྱུར་ཏམ་ཞེས་བྱ་བའི་དབང་དུ་བྱས་པའོ། །ཁྱོད་ཀྱི་ནད་རྣམས་རྒྱས་པར་མ་གྱུར་ཏམ། །ཞེས་བྱ་བ་ནི། དེ་གཉི་
[295b.7]ག་ལ་གནོང་པར་མ་གྱུར་ཏམ་ཞེས་བྱ་བའི་དབང་དུ་བྱས་པའོ། །དབུགས་འབྱིན་འགྱུར་བ་འཇམ་པ་ཞེས་བྱ་བའི་དབང་དུ་བྱས་ནས། །མིའི་རྒྱལ་པོ་བདག་ནི་གཞན་མ་ལགས། །ཞེས་བྱ་བའི་ཚིགས་བཅད་སྨོས་སོ། །ཡིད་ཆེས་པར་མི་འགྱུར་བ་ནི་རྣམ་པ་གཉིས་ཏེ། རི་དགས་
[296a]
[296a.1]མིའི་ཚིག་ཏུ་སྨྲ་བ་ཐོས་ཤིང་མི་མ་ཡིན་པར་ཤེས་པ་དང་། བདག་ཉིད་ཀྱིས་གནོད་པ་བྱས་པས་སོ། །དེས་ནི་ཡིད་མི་ཆེས་པར་འགྱུར་བའི་རྒྱུ་གཉིས་པ་དེ་མེད་པར་སྟོན་ཏོ། །ཚིགས་བཅད་གཉིས་ཀྱི་ཕྱེད་ཕྱེད་ཀྱིས་#གོ་རིམས་བཞིན་དུ་གཅིག་ལ་གཅིག་ཕན་པ་#བྱེད་
[296a.2]པར་སྟོན་པའི་མཚན་ཉིད་འཇམ་པ་ནི་གཉེན་དུ་འབྲེལ་པ་ལྟ་བུའི་ཚིག་གི་མཚན་ཉིད་ཡིན་པའོ། །ཡང་ན། ཞེ་#སར་བཅས་ཤིང་ཡིད་དུ་འོང་བ་ཡིས། །#ཞེས་བྱ་བ་འཇམ་པའི་དབང་དུ་བྱས་པ་སྟེ། གཡང་སར་ལྷུང་བས་མི་དགེས་མ་མཛད་ཅིག །ཅེས་བྱ་བའི་ཚིགས་བཅད་སྨོས་ཏེ། ཕན་
[296a.3]པ་བྱེད་པའི་མཚན་ཉིད་ནི་འཇམ་པར་སྟོན་པ་ཡིན་ནོ། །བདག་ལ་ཐུགས་ཆེས་རུང་བར་དགོངས་ནས་ནི། །ཞེས་བྱ་བ་ནི་ཞེ་སར་བཅས་པ་ཉིད་དོ། །བདག་ནི་མཆི་#ཡིས་མྱུར་དུ་བཀའ་སྩོལ་ཅིག །ཅེས་བྱ་བ་ནི་ཡིད་དུ་འོང་བ་སྟེ་འཇམ་པའོ། །ངོ་མཚར་ཆེ་བ་དེས་ཞེས་བྱ་བ་ནི། སྨྲས་པའི་
[296a.4]མཚན་ཉིད་དག་གིས་སོ། །ཡ་མཚན་དུ་གྱུར་ཅིང་སེམས་མགུ་ཞེས་བྱ་པ་ལ། དེའི་རྒྱུ་བསྟན་པའི་ཕྱིར། དགྲ་ལ་བརྒལ་བར་ནུས་བཞིན་དུ། །ཞེས་བྱ་བའི་ཚིགས་བཅད་ཀྱི་ཕྱེད་ཀྱིས་བསྟན་ཏོ། །བདག་ལ་ཇི་ལྟར་སྙིང་རྗེ་སྐྱེས། །ཞེས་བྱ་བ་དེ་བསྒྲུབ་པའི་ཕྱིར། བདག་གིས་གནོད་པ་བྱས་
[296a.5]པའང་ཤེས། །ཞེས་བྱ་བ་ཕྱེད་འོག་མ་ཡིན་ནོ། །ཚིགས་བཅད་འདི་བསྒྲུབ་པའི་ཕྱིར། ཨེ་མའོ་འཇམ་ཞིང་རྣོ་བ་#ཞེས་བྱ་བའི་ཚིགས་བཅད་འདི་སྨོས་ཏེ། སྔར་བཤད་པ་ནི་བསྒྲུབ་པར་བྱ་བ་ཡིན་ཏེ། སྔར་བཤད་པའི་ཚིགས་བཅད་ཀྱི་ཕྱེད་དང་པོ་ནི་འདིའི་དང་པོ་ཕྱེད་ཀྱིས་#སྒྲུབ་པ་ཡིན་ནོ། །
[296a.6]དེའི་གཉིས་པ་ནི་གཉིས་པའི་འོ། །འཇམ་ཞིང་རྣོ་བ་ཞེས་བྱ་བ་ནི་འཇམ་པའི་ལས་ནི་སྙིང་རྗེས་སྒྲུབ་པའོ། །རྣོ་བའི་ལས་ནི། དགྲ་ལ་བརྒལ་བར་ནུས་བཞིན་དུ། །ཞེས་བྱ་བ་སྟེ། བདག་ལ་ཡང་དག་པར་ལྡན་པའི་ཕྱིར་རམ། བདག་གི་སྙིང་ལ་ཕྱི་ནས་འགྱོད་པའི་ཕྱིར་རོ། །བདག་ཉིད་ནི་
[296a.7]ཕྱུགས་སམ་རི་དགས་ཡིན་ཏེ། ཅིའི་ཕྱིར་ཞེ་ན། སྐྱོན་མེད་པ་ལ་གནོད་པ་བྱས་པས་སོ། །རི་དགས་གཟུགས་ཅན་འདི་ནི་གཞན། །ཞེས་བྱ་བ་ནི་དགྲ་ལ་བརྒལ་བར་ནུས་བཞིན་དུ་སྙིང་རྗེས་སྒྲུབ་པ་སྟེ། དེ་ནི་དགྲ་ལ་བརྒལ་བར་ནུས་བཞིན་དུ་བདག་ལ་སྙིང་རྗེ་སྒྲུབ་པས་སོ། །འཐབ་བེར་#སྟུག་པོ་བགེས#་
[296b]
[296b.1]པས་ན། །ཞེས་བྱ་བའི་ཚིགས་བཅད་འདི་ནི་རྒྱལ་པོ་ཆེན་པོ་#སྣད་པར་མ་གྱུར་ཏམ། །ཞེས་བྱ་བ་དེའི་ལན་ཡིན་ནོ། །གཡང་ས་ནས་ནི་#ལྷུང་བ་ཡིས། །ཞེས་བྱ་བ་ནི་འདི་ལྷག་པར་མི་ཆེའོ་ཞེས་བྱ་བའི་དོན་ཏོ། །སྡུག་བསྔལ་གཞན་དག་ནི་བཟོད་པ་ཉིད་དུ་བསྟན་པའི་ཕྱིར། གཡང་ས་
[296b.2]ནས་ནི་#ལྷུང་བ་ཡིས། །ཞེས་བྱ་བའི་ཚིགས་བཅད་སྨོས་སོ། །ཁྱོད་དེ་ལྟར་དགེ་བར་སེམས་པ་ཞེས་བྱ་བ་ནི་བརྒལ་བར་ནུས་ཀྱང་། སྙིང་རྗེ་དང་ལྡན་པའི་ཕྱིར་དགེ་བར་སེམས་པའོ། །ཉེས་པའི་རྒྱུ་བསྟན་པའི་ཕྱིར། གཟུགས་ཀྱི་རྐྱེན་གྱིས་རི་དགས་ལྟར། །ཞེས་བྱ་བའི་
[296b.3]ཚིགས་བཅད་སྨོས་སོ། །གཟུགས་ཀྱི་རྐྱེན་གྱིས་ཞེས་བྱ་བ་ནི་གཟུགས་ཉིད་ཀྱི་རྐྱེན་ནོ། །དེའི་དྲུང་དུ་འོངས་ཏེ་བྱ་བ་ནི་ཐད་དུ་ལྷགས་པའོ། །དེ་བས་ན་རང་བཞིན་གྱིས་དེ་ལྟར་དགེ་བའི་བློ་དང་། བསམ་པ་ཁྱད་པར་ཅན་ཉིད་ཡིན་ནོ། །དགྱེས་པ་ཞེས་བྱ་བ་ནི་མངོན་པར་འདོད་པའི་དོན་
[296b.4]གྲུབ་#པའོ། །དང་བ་ནི་དེའི་ཚེ་བདག་གིས་ཕྱུང་བར་རོ། །དགྱེས་#པ་དང་། དང་བ་དག་ནི། དགྱེས་#པ་དང་དང་བ་དག་གོ། །དེ་གཉིས་ཀྱིས་ཞལ་མངོན་དུ་ཕྱོགས་པ་ནི། དགྱེས་བཞིན་#དང་བའི་ཞལ་གྱིས་མངོན་དུ་ཕྱོགས་པའོ། །ཡང་ན་དགྱེས་ཤིང་དགའ་བས་ཞལ་མངོན་
[296b.5]དུ་ཕྱོགས་པ་ནི། དགྱེས་ཤིང་དགའ་བས་ཞལ་མངོན་དུ་ཕྱོགས་པའོ། །བདག་གི་སྲོག་ཀྱང་རི་དགས་ཁྱོད་དབང་ན། །ཞེས་བྱ་བའི་ཚིགས་བཅད་ནི་གང་དུ་འགྲོ་བར་བྱ་བ་#དེའི་ཕན་ཡོན་བསྟན་པའི་ཕྱིར་རོ། །ནགས་ཚལ་རྔོན་པས་གང་ཞིང་ཞེས་བྱ་བ་ནི་འདི་དག་ཏུ་གནས་པ་དེའི་ཉེས་
[296b.6]དམིགས་བསྟན་པའི་ཕྱིར་རོ། །ཉེས་དམིགས་ཀྱང་རྣམ་པ་གཉིས་ཏེ། ལུས་དང་སེམས་ཀྱིའོ། །དེ་ལ་སེམས་ཀྱི་ཉེས་དམིགས་ནི་འཇིགས་པ་དང་བཅས་པ་སྟེ། ཅིའི་ཕྱིར་འཇིགས་པ་དང་བཅས་པ་ཡིན་#ཞེ་ན། ནགས་ཚལ་དེ་དག་རྔོན་པས་གང་བའི་ཕྱིར་རོ། །ལུས་ཀྱི་ཉེས་
[296b.7]དམིགས་ནི་གྲང་བ་དང་། ཚ་བ་དང་། ཆར་འབབ་པའི་སྡུག་བསྔལ་དང་ལྡན་པའི་ཕྱིར་ཏེ། གྲང་བ་དང་། ཚ་བ་དང་། ཆར་སྨོས་པས་ནི་དུས་ལས་བྱུང་བའི་ཉེས་དམིགས་སོ། །སྩོགས་པ་སྨོས་པས་#ནི་བཀྲེས་པ་དང་། སྐོམ་པ་ཡིན་ཏེ། ལྷན་ཅིག་སྐྱེས་པའི་སྡུག་བསྔལ་གཟུང་#
[297a]
[297a.1]ངོ་། །བདག་གིས་ཁྱོད་བོར་ནས་ཞེས་བྱ་བ་ནི་ཕན་གདགས་པར་བྱས་པས་སོ། །#ཁྱིམ་གྱི་གནས་ཡིན་པས་ཁྱིམ་ན་གནས་པ་སྟེ#། ཁྱིམ་དེས་མི་གནས་པའོ། །ཅིའི་ཕྱིར་མི་གནས་ཤེ་ན། དེ་བསྟན་པའི་ཕྱིར། དེ་བས་མི་རྣམས་བདེ་བའང་གཞན་ལ་གསལ། །
[297a.2]ཞེས་བྱ་བ་སྨོས་ཏེ། གཞན་ནི་རིགས་#མི་མཐུན་པ་སྟེ། །རི་དྭགས་རིགས་#དང་མཐུན་པའི་བདེ་བའང་གཞན། །ཞེས་བྱ་བའོ། །དུད་འགྲོ་ལ་སྙིང་རྗེ་བྱ་བ་བསྟན་པ་སྟེ། དུད་འགྲོའི་རང་བཞིན་ཞེས་བྱ་བ་འདིས་ནི་དུད་འགྲོའི་ཉི་ཚེ་ལ་སྙིང་རྗེ་བྱ་བར་བསྟན་ཏོ། །ཐམས་ཅད་ལ་སྙིང་རྗེ་བྱ་བར་
[297a.3]བསྟན་པའི་ཕྱིར། བདེ་#ལ་གནས་དང་སྡུག་བསྔལ་འབྲལ་འདོད་པ། །ཞེས་བྱ་བའི་ཚིགས་བཅད་བཞི་སྨོས་སོ། །བདེ་བའི་གནས་ཡིན་པས་བདེ་#ལ་གནས་པ་སྟེ། དེ་ལ་སྡུག་བསྔལ་དང་མི་ལྡན་པ་ནི་བདེ་བ་ལ་གནས་པའོ། །མེད་པར་བྱ་བའི་བློ་ནི་འབྲལ་བར་འདོད་པ་སྟེ། སྡུག་བསྔལ་
[297a.4]དང་འབྲལ་བར་འདོད་པ་ཉིད་སྡུག་བསྔལ་བསལ་བར་འདོད་པ་ཞེས་བྱ་བའི་དོན་ཏོ། །དེས་ན་དེའི་ཕྱིར་གང་ལ་བདག་ཉིད་གནས་པ་དང་། སྡུག་བསྔལ་དང་འབྲལ་བར་འདོད་པ་དེ་ལ་བློ་མཚུངས་པའི་ཕྱིར་རོ། །ཅིའི་ཕྱིར་སྡུག་བསྔལ་དང་འབྲལ་བར་འདོད་པ་ཕྱིས་བཤད་ཅིང་སྔར་མ་བསྟན།
[297a.5]སྡུག་བསྔལ་བསལ་བར་#ཡང་དག་པར་འཛིན་དུ་འཇུག་པ་སྔར་བསྟན་ནས་ཕྱིས་བདེ་བ་ལ་གནས་པ་ལ་ཡང་དག་པར་འཛིན་དུ་འཇུག་པར་རིགས་སོ་ཞེ་ན། ཚུལ་ངེས་རྗེས་སུ་བསྟན་པ་ནི་མ་ཡིན་ཏེ། འདི་ལྟར་བསྟན་པ་ནི་དང་བོ་དོན་དུ་གཉེར་བའི་དུས་སུ་ནི་བདེ་བ་ཐོག་མར་དོན་དུ་གཉེར་བ་ཡིན་ཏེ། དེའི་
[297a.6]འོག་ཏུ་སྡུག་བསྔལ་མེད་པ་ཡིན་པས་བདེ་བ་ལ་གནས་པ་ཞེས་བྱ་བ་སྔར་བསྟན་ཏེ། སྡུག་བསྔལ་དང་བྲལ་བ་ཞེས་བྱ་བ་འོག་ཏུ་བསྟན་ཏོ། །ཚིགས་བཅད་འདིའི་དང་པོ་ཕྱེད་ཀྱིས་ནི་ཡང་དག་པར་བསྟན་པའི་ཕྱིར་རོ། །ཕྱེད་འོག་མས་ནི་ཡང་དག་པར་འཛིན་དུ་གཞུག་པའི་ཕྱིར་རོ། །བདེ་བ་ལ་གནས་
[297a.7]པ་ཞེས་བྱ་བ་འདི་བསྟན་པའི་ཕྱིར། གྲགས་པ་མེད་ཅིང་ཞེས་བྱ་བའི་ཚིགས་བཅད་སྨོས་སོ། །གཞན་ངག་མི་འདོད་པར་བྱེད་པའི་ཉེས་དམིགས་དང་། དེ་སྤང་བར་བསྒྲུབ་པའི་དབང་དུ་བྱས་ནས་ཚིགས་བཅད་འདི་གཉིས་ཀྱིས་#གོ་རིམས་བཞིན་དུ་སྦྱར་རོ། །ཉེས་དམིགས་ཀྱང་རྣམ་པ་གཉིས་ཏེ། གྲགས་
[297b]
[297b.1]པ་མེད་པ་དང་། སྐྱེ་བོ་དམ་པས་སྨད་པ་སྟེ། འདི་ནི་མཐོང་བའི་ཆོས་ཀྱི་ཉེས་དམིགས་སོ། །སྡུག་བསྔལ་སྡིག་ལས་འབྱུང་བར་ཞེས་བྱ་བས་འཇིག་རྟེན་ཕ་རོལ་གྱི་ཉེས་དམིགས་བསྟན་ཏེ། སྡིག་པ་དེའི་རྒྱུས་ངན་སོང་གི་སྡུག་བསྔལ་འབྱུང་བའི་ཕྱིར་རོ#། །དགྲ་བོའི་ཕྱོགས་བཞིན་སྡིག་པ་སྤང་བར་མཛོད་།།
[297b.2]ཅེས་བྱ་བ་ནི་དེ་སྤང་བར་བསྒྲུབ་པའི་དབང་དུ་བྱས་པ་སྟེ། དེ་ཡང་དགྲ་དང་འགྲོགས་པའོ། །དགྲ་དག་ལས་གྲུབ་#པ་ཡང་རྣམ་པ་གཉིས་ཏེ། གསད་#པ་དང་། གཞོམ་པར་བྱ་བའོ། །གཞོམ་པ་ནི་གནོད་པའི་ནང་དུ་འདུས་པ་ཡིན་ནོ། །གྲོགས་པོ་ལ་ཡང་རྣམ་པ་གཉིས་ཏེ། སྒྲུབ་པ་དང་#།
[297b.3]གཞག་བའོ། །དེ་ལས་སྡིག་པ་ལ་ཇི་ལྟར་བསྒྲུབ་བར་བྱ་ཞེ་ན། སྨྲས་པ། ཇི་ལྟར་དགྲ་ཆེན་པོ་ལས་ཐར་ཅིང་དེ་སྤང་བར་བྱ་ཞེས་བྱ་བའི་དོན་ཏོ། །དེ་ནི་ནད་བཞིན་ཡལ་བར་དོར་མི་རིགས། །ཞེས་བྱ་བ་ནི་གྲོགས་པོ་ངན་པ་ལ་སྒྲུབ་པ་ཡིན་ཏེ། དེ་ཡང་སྡིག་པ་བྱེད་དུ་མི་གཞུག་སྟེ། དེ་གང་
[297b.4]ཡིན་ཞེ་ན། གཞག་པར་བྱའོ། །ཡལ་བར་མི་དོར་བ་ནི་དེའི་#གནས་ལ་གཞག་པའི་དོན་ཏོ། །འདི་སྐད་སྟོན་པ་ཡིན་ཏེ། གསད་པར་མ་ནུས་ཀྱང་གཞོམ་པར་བྱ་བ་དང་། ཇི་ལྟར་འཕགས་པ་རྣམས་ཀྱིས་གྲོགས་པོ་ལ་གཞག་པར་བྱ་བ་བཞིན་ཞེས་བྱ་བའི་དོན་ཏོ། །གང་སྔར་བསྟན་པའི་བདེ་
[297b.5]བ་ལ་གནས་པ་#དང་སྡུག་བསྔལ་འབྲལ་བར་#འདོད་པ། སེམས་ཅན་ཐམས་ཅད་མཚུངས་པ་མེད་པར་འདོད། །ཅེས་བྱ་བ་དེ་ལ་བསྒྲུབ་པར་བྱ་བ། དེ་བས་བདག་ཉིད་མི་འདོད་#གང་ཡིན་པ། །དེ་དག་གཞན་ལའང་བགྱི་བར་མི་རིགས་སོ། །ཞེས་བྱ་བ་ཡིན་ཏེ། དེ་བས་#ན་དོན་ལ་འཇུག་པར་
[297b.6]འགྱུར་བ་ཡིན་ནོ། །དེ་བས་བདག་ཉིད་མི་འདོད་གང་ཡིན་པ། །དེ་དག་གཞན་ལའང་བགྱི་བར་མི་རིགས་སོ། །ཞེས་བྱ་བ་དེ་ལ། དེ་མི་འདོད་པ་ནི་ཅི། ཇི་ལྟར་#བསྒྲུབ་པར་བྱ་ཞེ་ན། དེ་བསྟན་པའི་ཕྱིར། གང་ལ་བརྟེན་ནས་དཔལ་གྱི་གནས་གྱུར་པ། །ཞེས་བྱ་བའི་ཚིགས་བཅད་སྨོས་ཏེ།
[297b.7]དཔལ་གྱི་གནས་སུ་གྱུར་ཅེས་བྱ་བ་འདིས་ནི་སྦྱིན་པའི་འབྲས་བུ་བསྟན་ཏེ། གང་གི་ཕྱིར་སྦྱིན་པས་ནི་འབྲས་བུ་ལོངས་སྤྱོད་ཆེན་པོ་འཐོབ་པར་འགྱུར་ཏེ། གཞན་དག་གི་དབུལ་བ་བསལ་བས་བདག་ལ་ཡང་དབུལ་བའི་གཉེན་པོ་ལོངས་སྤྱོད་འབྱུང་བ་ཡིན་ཏེ། དེ་བས་ན་བདག་ཉིད་འདོད་པ་གཞན་
[298a]
[298a.1]ལ་སྤྱད་པ་ཡིན་ནོ། །གང་ལ་བརྟེན་ནས་#ཞེས་བྱ་བ་ནི་སྦྱིན་པ་གང་ལ་བརྟེན་ནས་སོ། །འཇིག་རྟེན་བསྔགས་པ་ཞེས་བྱ་བ་འདིས་ནི་བཟོད་པའི་ཕ་རོལ་ཏུ་ཕྱིན་པའི་འབྲས་བུ་བསྟན་པ་ཡིན་ཏེ། གང་གི་ཕྱིར་འཇིག་རྟེན་པ་རྣམས་ལ་བཟོད་པ་བྱས་ནས་ནི་སྐྱེ་བོ་མང་པོ་དག་དགའ་
[298a.2]བར་འགྱུར་ཏེ། གཡོག་འཁོར་མང་བར་ཡང་འགྱུར་རོ། །གང་ལ་བརྟེན་ནས་ཞེས་བྱ་བ་ནི་བཟོད་པ་གང་ལ་བརྟེན་ནས་སོ། །རྒྱལ་སྲིད་འཐོབ་འགྱུར་ཞེས་བྱ་བས་ནི་ཚུལ་ཁྲིམས་ཀྱི་འབྲས་བུ་བསྟན་ཏེ། གང་གི་ཕྱིར་རིགས་ལ་སོགས་པ་ཕུན་སུམ་ཚོགས་པ་#ཁྱད་པར་དུ་གྱུར་བ་ལ་ནི་རྒྱལ་#སྲིད་
[298a.3]ཅེས་བརྗོད་དེ། རྒྱལ་སྲིད་ཐོབ་པ་དེ་ཡང་ཚུལ་ཁྲིམས་ཀྱི་འབྲས་བུའོ། །གང་ལ་བརྟེན་#ནས་ཞེས་བྱ་བ་ནི་ཚུལ་ཁྲིམས་གང་ལ་བརྟེན་ནས་སོ། །བསོད་ནམས་ཉིད་ཅེས་བྱ་བ་ནི་སྦྱིན་པ་དང་། བཟོད་པ་དང་། ཚུལ་ཁྲིམས་རྣམས་ནི་བསོད་ནམས་ཏེ། བསོད་ནམས་ཀྱི་ཚོགས་ཡོངས་སུ་བཟུང་
[298a.4]བའི་ཕྱིར། གསུམ་པོ་འདི་ཐོབ་བ་ཡིན་ནོ། །དེ་བས་ན་མང་པོའི་ཚིག་ཏུ་བསྟན་ཏེ། རྒྱལ་སྲིད་ཐོབ་#པར་འགྱུར་བའི་བསོད་ནམས་ཀྱི་ཚོགས་#དེ་འཕེལ་བར་མཛོད་ཅིག་པའོ། །གྲོགས་པོ་རབ་ལ་གང་བྱས་པ་ནི། དེས་སྦྱར་བ་ཡིན་ཏེ། སྤང་བའི་ཡང་མི་རིགས་པའོ། །གནོད་པ་ཆུང་དུ་བྱེད་པ་
[298a.5]ཡིན་ན་ཡང་གྲོགས་པོ་ལ་ཇི་ལྟར་བྱ་བ་དེ་ལྟར་ནི་བསྒྲུབ་པར་བྱའི་གཞོམ་པར་ནི་མི་བྱ་ཞེས་བྱ་བའི་དོན་ཏོ། །འདིར་ཡང་ཕན་འདོགས་ཕྱོགས་ནི་ཞེས་བྱ་བ་ལ། ཕན་འདོགས་པའི་ཚུལ་གང་ལ་ཡོད་པ་དེ་ནི་ཕན་འདོགས་ཕྱོགས་སོ། །གྲོགས་པོའི་ཕྱོགས་ནི་ཕན་འདོགས་པའི་ཕྱོགས་ཏེ། གྲོགས་
[298a.6]པོའི་དོན་ཉིད་དུ་བསྟན་པར་འགྱུར་རོ། །དོན་མ་ནུས་ཀྱང་གཞག་པར་བྱ་བ་ནི་ཡིན་ཏེ། ཇི་ལྟར་གྲོགས་པོ་དམན་པ་ལ་བསྒྲུབ་པར་བྱ་བ་དེ་ལྟར་རོ། །བསོད་ནམས་ཀྱི་ཚོགས་རྣམ་པ་གསུམ་བྱ་བ་དེའི་དབང་དུ་བྱས་ནས། དུས་སུ་རིམ་གྲོ་བྱས་པའི་སྦྱིན་པ་རྒྱ་ཆེན་དང་། །ཞེས་བྱ་བའི་ཚིགས་བཅད་
[298a.7]སྨོས་སོ། །དུས་སུ་རིམ་གྲོ་བྱས་པའི་སྦྱིན་པ་རྒྱ་ཆེན་དང་། །ཞེས་བྱ་བ་ལ་གང་རབ་ཏུ་སྦྱིན་པ་དེ་ནི་སྦྱིན་པའོ། །རྒྱུ་འདི་གསུམ་གྱིས་ཏེ། དུས་སུ་སྦྱིན་པ་དང་། རིམ་གྲོ་བྱས་ཏེ། སྦྱིན་པ་དང་། རྒྱ་ཆེན་པོའི་སྦྱིན་པ་བསྟན་ཏོ། །དུས་སུ་སྦྱིན་པས་ནི་ལོངས་སྤྱོད་དུས་སུ་འཐོབ་པར་འགྱུར་རོ། །
[298b]
[298b.1]རིམ་གྲོ་བྱས་བ་#སྦྱིན་པས་ནི་གུས་བའི་སྦྱིན་པ་འཐོབ་བོ། །རྒྱ་ཆེན་པོ་བྱིན་པས་ནི་ལོངས་སྤྱོད་རྒྱ་ཆེན་པོ་འཐོབ་པ་ཡིན་ནོ། །སྐྱེ་བོ་དམ་པ་དང་འབྲེལ་བ་ནི་སྐྱེ་བོ་དགེ་བ་དང་མཐུན་#པའོ། །སྐྱེ་བོ་དགེ་བ་དང་མཐུན་པའི་བརྟན་པ་ནི་དུས་རྟག་ཏུ་ཉམས་པར་མི་འགྱུར་ཞེས་བྱ་བའི་དོན་ཏེ#། སྐྱོན་མེད་པ་
[298b.2]ལ་སོགས་པའི་ཡོན་ཏན་དང་ལྡན་པའི་ཕྱིར་རོ། །བདག་དང་འདྲ་བར་གཞན་ལ་ཕན་པ་སྒྲུབ་#པའི་བློས། །ཞེས་བྱ་བ་ལ་ཕན་པའི་བློ་ནི་ཕན་པ་བསྒྲུབ་པ་དེས་སོ། །འདིས་ནི་བསམ་པ་དང་སྦྱོར་བ་ཕུན་སུམ་ཚོགས་པ་བསྟན་ཏེ། བློ་ཞེས་སྨོས་བས་ནི་བསམ་པ་ཕུན་སུམ་ཚོགས་པའོ། །སྒྲུབ་པ་སྨོས་
[298b.3]བས་ནི་སྦྱོར་བ་ཕུན་སུམ་ཚོགས་པའོ། །སྩོགས་ཞེས་སྨོས་པས་ནི་བསོད་ནམས་ཀྱི་ཚོགས་འདི་གསུམ་གཟུང་#བར་བྱའོ་ཞེས་བྱ་#བའི་དོན་ཏོ། །གྲོགས་#དང་བདེ་བ་བསྒྲུབ་པ་ཞེས་བྱ་བ་ནི་མཐོང་བའི་ཆོས་དང་། འཇིག་རྟེན་ཕ་རོལ་གྱི་ཕན་ཡོན་བསྟན་ཏེ། མཐོང་བའི་ཆོས་དང་འཇིག་རྟེན་ཕ་རོལ་ལ་ཇི་
[298b.4]ལྟར་སྔར་བཤད་པ་བཞིན་དུ་སྦྱར་རོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་རི་དགས་ཤ་ར་བྷའི་སྐྱེས་པའི་རབས་སོ།། །།དེ་མི་བཟོད་ཀྱི་ཞེས་བྱ་བ་ནི་གཞན་གྱི་སྡུག་བསྔལ་ཡིན་གྱི། བདག་གི་སྡུག་བསྔལ་མི་བཟོད་པ་ནི་མ་ཡིན་ཏེ། དེ་བས་
[298b.5]ན་མི་བཟོད་ཅེས་བྱ་བའི་དོན་ཏོ། །གང་ན་ཤིང་སཱ་ལ་#ལ་སོགས་བ་མང་པོ་ཡོད་པའི་དགོན་པའི་ཕྱོགས་དེ་ནི་ཤིང་སཱ་#ལ་ལ་སོགས་པ་ཡོད་པའི་དགོན་པའི་ཕྱོགས་ཏེ་#དེ་ནའོ། །རྣམ་པ་སྣ་ཚོགས་པའི་ཤིང་ལྗོན་པའི་ལྡུམ་བུའི་འཁྲི་#ཤིང་གིས་དཀྲིས་པ་གང་ན་ཡོད་པ་དེ་ནི་ཤིང་ལྗོན་པའི་ལྡུམ་བུ་མང་པོའི་
[298b.6]འཁྲི་#ཤིང་སྣ་ཚོགས་ཀྱིས་དཀྲིས་པའོ། །གསེར་བཙོ་མའི་ཁ་དོག་གསལ་བ་འདྲ་བའི་སྤུ་རབ་ཏུ་འཇམ་པ་གང་ཡིན་པ་ནི། གསེར་བཙོ་མའི་ཁ་དོག་གསལ་བ་འདྲ་བ་སྤུ་རབ་ཏུ་འཇམ་པའོ། །ལུས་ཀྱི་མདོག་རིན་པོ་ཆེ་ཨནྡ་རྙིལ་དང་། མརྒད་དང་། བཻ་ཌཱུརྱའི་ཁ་དོག་འདྲ་བའི་ཚོན་སྣ་ཚོགས་ཀྱི་ཐིག་ལེས་བརྒྱན་པ་གང་ཡིན་པ་དེ་
[298b.7]ནི་ལུས་ཀྱི་མདོག་རིན་པོ་ཆེ་ཨནད་རྙིལ་དང་། མརྒད་དང་། བཻ་ཌཱུཪྱའི་ཁ་དོག་འདྲ་བའི་ཚོན་སྣ་ཚོགས་ཀྱི་ཐིག་ལེས་བརྒྱན་པའོ། །སློབ་པ་ཞེས་བྱ་བ་ནི་འཁྲུལ་འཁོར་ལ་སོགས་པའོ། །རི་དགས་རྣམས་ཀྱི་བདག་པོ་བྱེད་ཅིང་ཞེས་བྱ་བ་ཅིའི་ཕྱིར་བདག་བོ་བྱེད་ཅེ་ན། སྔར་བསྟན་པའི་དོན་མདོར་
[299a]
[299a.1]བསྡུས་ཏེ་བསྟན་པའི་ཕྱིར། གཟུགས་དང་ཤེས་པ་ཕུན་སུམ་ཚོགས། །ཞེས་བྱ་བའི་ཚིགས་བཅད་སྨོས་ཏེ། ཚིགས་བཅད་འདིའི་བསྡུས་པའི་དོན་ནི་བདག་ཉིད་ཕུན་སུམ་ཚོགས་པ་དང་། གཞན་ལ་ཕན་པ་སྒྲུབ་པའི་ཕུན་སུམ་ཚོགས་པ་བསྟན་ཏེ། ཚིགས་བཅད་
[299a.2]དང་པོ་ཕྱེད་ཀྱིས་ནི་བདག་ཉིད་#ཕན་པ་ཕུན་སུམ་ཚོགས་པའོ། །བདག་ལ་ཕན་འདོགས་ཞེས་བྱ་བ་ནི་གཞན་ལ་ཕན་པ་སྒྲུབ་པ་ཕུན་སུམ་ཚོགས་པའོ། །བདག་གི་ཕུན་སུམ་ཚོགས་པ་ཡང་རྣམ་པ་གསུམ་སྟེ། གཟུགས་ཀྱི་ལུས་ཕུན་སུམ་ཚོགས་པ་དང་། མིང་གི་ལུས་#ཕུན་སུམ་ཚོགས་པ་དང་།
[299a.3]བྱ་བ་ཕུན་སུམ་ཚོགས་པའོ། །གསེར་བཙོ་མའི་ཁ་དོག་གསལ་བ་འདྲ་བ་ཞེས་བྱ་བ་ལ་སོགས་པས་ནི་གཟུགས་ཕུན་སུམ་ཚོགས་པ་བསྟན་ཏོ། །དེ་སེམས་རྣོ་བ་ཞེས་བྱ་བས་#ནི་ཤེས་པ་ཕུན་སུམ་ཚོགས་པ་བསྟན་ཏོ། །འཁྲུལ་འཁོར་དང་གཏོར་ཞེས་བྱ་བ་དག་གིས་ནི་བྱ་བ་ཕུན་སུམ་ཚོགས་པ་
[299a.4]བསྟན་ཏོ། །རི་དགས་མང་པོ་རྗེས་སུ་འབྲང་བ་རྣམས་ལ་ཡང་སློབ་ཅེས་བྱ་བ་ལ་སོགས་པས་ནི་བདག་ལ་ཕན་འདོགས་ཞེས་བྱ་བ་བསྟན་ཏོ། །རི་དགས་ཀྱི་བདག་པོ་ཞེས་བྱ་བས་ནི་མཆོད་པ་ཞེས་བྱ་བ་བསྟན་ཏོ། །ཆུ་ཆེན་འབྲུབ་#པ་རབ་ཏུ་དྲག་པོ་ཡིས། །ཞེས་བྱ་བ་འདིའི་བསྡུས་པའི་དོན་ནི། བདག་
[299a.5]ཉིད་ཀྱི་སྙིང་རྗེའི་གནས་སུ་གྱུར་པ་ཐམས་ཅད་བསྒྲགས་པ་ཡིན་ཏེ#། སྙིང་རྗེའི་ཞིང་ནི་གསུམ་སྟེ། ཕོངས་པ་དང་། སྡུག་བསྔལ་བ་ཉིད་དང་། རྗེས་སུ་འབྲང་བ་མེད་པའོ། །ཆུ་ཆེན་འབྲུབ་#པ་རབ་ཏུ་དྲག་པོ་ཡིས། །ཁྱེར་ནས་ཞེས་བྱ་བ་འདིས་ནི་སྡུག་བསྔལ་བ་ཉིད་བསྟན་ཏོ། །མགོན་མེད་
[299a.6]གཟིངས་ཀྱང་ཡོད་མ་ཡིན། །ཞེས་བྱ་བས་ནི་སེམས་ཅན་དང་། སེམས་ཅན་མ་ཡིན་པའི་བར་དུ་བགྲང་བ་མེད་པའོ#། །ཕོངས་ཤིང་ཉམ་ཐག་ཅེས་བྱ་བ་དང་། མྱུར་དུ་བརྒྱུགས་ཏེ་#ཟུང་ཞེས་བྱ་བས་ནི་བདག་ཉིད་ཕོངས་པ་ཉིད་དོ། །སྡུག་བསྔལ་བྱམས་པས་#ཞེས་བྱ་བ་ནི་ཐུགས་རྗེ་ཅན་ནོ། །མྱུར་
[299a.7]བ་ནི་མགྱོགས་པའོ། །མྱུར་དུ་རྒྱུག་#པའི་རྒྱུ་བསྟན་པའི་ཕྱིར། ད་ནི་བཤོལ་དུ་རུང་བ་མ་ཡིན་ཏེ། །ཞེས་བྱ་བའི་ཚིགས་བཅད་སྨོས་སོ། །མྱུར་བས་རྒྱུག་#པ་ཅིའི་ཕྱིར་ཞེ་ན། སྡོད་#པར་མི་ཚུགས་པའི་ཕྱིར་རོ། །ཅིའི་ཕྱིར་བཤོལ་དུ་མི་རུང་ཞེ་ན། དཔུང་པ་དང་རྐང་པ་དག་གིས་བཤོལ་དུ་མི་རུང་
[299b]
[299b.1]བའི་ཕྱིར་ཏེ། དེ་གཉི་གས་སྡོད་པར་མི་ནུས་པའི་ཕྱིར་རོ། །ཅིའི་ཕྱིར་དཔུང་པས་བཤོལ་དུ་མི་རུང་བར་འགྱུར་ཞེ་ན། ངལ་ཞིང་དུབ་པས་དཔུང་པ་ཡང་འགྱུར་བར་མི་ནུས་ཞེས་པས་སོ། །ཅིའི་ཕྱིར་རྐང་པས་བཤོལ་དུ་མི་རུང་བར་འགྱུར་ཞེ་ན། ཟུག་ཅིང་འབོག་ཏུ་རུང་བའང་ཅུང་ཟད་མེད། །
[299b.2]ཅེས་པས་སོ། །དུས་ལ་བབ་ཅེས་བྱ་བས་ནི་དུས་ལས་འདས་ན་རྒལ་བར་མི་ནུས་པར་བསྟན་ཏོ། །འཇིགས་པ་དང་། མི་དགའ་བ་དང་། ངལ་བ་དང་། དུབ་པ་མེད་པར་བྱེད་པ་ཞེས་བྱ་བ་ལ། འཇིགས་པ་ནི་#འཆི་བས་སོ། །མི་དགའ་པ་ནི་རྗེས་སུ་འབྲང་བ་མེད་པས་སོ། །ངལ་བ་ནི་ངལ་
[299b.3]ཞིང་དུབ་པས་དཔུང་པ་འགྱུར་མི་ནུས་པ་དང་། ཟུག་ཅིང་འབོག་ཏུ་རུང་བ་ཅུང་ཟད་མེད་པས་སོ། །སྙིང་རྗེ་ཞེས་བྱ་བ་ནི་ལྷག་པར་སྙིང་རྗེ་བར་གྱུར་པའོ། །དེས་གདུངས་པའི་གསལ་བའི་ཚིག་གང་ཡིན་པ་དེ་ནི་གསལ་བའི་ཚིག་སྙིང་རྗེས་གདུངས་པའོ། །འབབ་ཆུ་དྲག་པོའི་འཇིང་#དེར་
[299b.4]ཞུགས། །ཞེས་བྱ་བ་ཅིའི་ཕྱིར་ཞེ་ན། བསྒྲལ་བར་ངེས་པར་བྱས་པའི་ཕྱིར་ཏེ། འདིས་ནི་གཞན་ལ་སྙིང་རྗེ་ཆེ་བར་བསྟན་ཏོ། །བདག་#སྲོག་ཡལ་བར་བོར་#ཡང་མི་སེམས་པར། །ཞེས་བྱ་བ་འདིས་ནི་བདག་ལ་ཆགས་པ་མེད་པར་བསྟན་ཏོ། །གཞན་མ་ཚང་པས་ནི་ཆུ་དྲག་པོ་དེར་ཞུགས་
[299b.5]པར་མི་ནུས་པའི་ཕྱིར་རོ། །ཇི་ལྟར་བུར་ཞུགས་ཤེ་ན། དགྲ་#དཔུང་ལྟ་བུར་རོ། །ཇི་ལྟར་ཞེ་ན། དགྲའི་དཔུང་རྣམ་པར་འཇོམས་པའི་དཔའ་བོ་བཞིན་ནོ། །དེའི་རྒྱབ་ཏུ་ཞོན་པར་གྱུར་ཅེས་བྱ་བ་ནི་ཅིའི་ཕྱིར་ཞེ་ན། སྐྲག་པས་ཉེན་པ་ཡིན་ཏེ། འཆི་བས་སྐྲག་པའི་ཕྱིར་དང་། ཡན་ལག་འཁུམས་
[299b.6]པའི་ཕྱིར་རོ། །ཡིད་ཏུ་#འོང་བའི་འགྲམ་དུ་མ་ཉམས་ཕྱིན་པ་ནི་ལྗིད་ཀྱིས་རབ་ཏུ་ནོན་པ་དང་། འབབ་ཆུ་དྲག་པོའི་ཤུགས་ཀྱིས་བདས་པར་གྱུར་ཀྱང་དཔའ་སྙིང་བརྟན་#ལ་རྩོལ་བ་དྲག་པོའི་ཕྱིར་རོ། །ཉེ་དུ་དང་གྲོགས་པོ་དག་ནི་ཉེ་དུ་དང་གྲོགས་པོའོ#། །དེ་དག་ཉིད་མཛའ་བོ་ཡིན་པས་#ཉེ་དུ་དང་གྲོགས་བོ་མཛའ་
[299b.7]བོའོ། །གྲོགས་བྱ་ཞིང་ཕན་འདོགས་པ་ཡང་ཡིན་ལ། ཉེ་དུ་དང་། གྲོགས་པོ་དང་། མཛའ་བོ་ཡང་ཡིན་པས་གྲོགས་བྱས་ཤིང་ཕན་བཏགས་པའི་ཉེ་དུ་དང་གྲོགས་པོ་དང་#མཛའ་བོའོ། །དེ་དག་ལ་འང་རྙེད་པར་དཀའ་བ་ཡིན་པས། གྲོགས་བྱས་ཤིང་#ཕན་བཏགས་པ་དེ་ལྟ་བུ་ཉེ་དུ་དང་གྲོགས་
[300a]
[300a.1]པོ་དང་མཛའ་བོ་སུ་ལའང་མེད་པ་ཉིད་དེ#། །ངོ་མཚར་ཆེ་བ་དེས་#མགུ་བར་གྱུར་པ་ནི་ངོ་མཚར་ཆེ་བ་དེས་སེམས་མགུ་བར་གྱུར་པའོ། །དེས་ཕྱག་འཚལ་ཏེ་ཞེས་བྱ་བ་ལ། ཕྱག་འཚལ་བའི་རྒྱུ་བསྟན་པའི་ཕྱིར་ངོ་མཚར་ཆེ་བར་གྱུར་པ་དེས་སེམས་རབ་ཏུ་མགུ་བར་གྱུར་པ་དང་།
[300a.2]དེའི་གཟུགས་བཟང་པོ་དེས་ཀྱང་ཡ་མཚན་དང་ཞེས་སྐྱེས་པར་གྱུར་པས་དེ་ལ་ཕྱག་འཚལ་བའོ། །འདི་ལྟ་བུ་དག་བྱར་#མི་ནུས། །ཞེས་བྱ་བ་ནི་གཉེན་བཤེས་དང་། བྱམས་པར་གྱུར་པ་དག་གིས་ཀྱང་བདག་ལ་སྐྱོབ་པར་མི་ནུས་པའི་ཕྱིར་རོ། །དེ་བས་ཅི་བགྱིའི་བཀའ་སྩལ་པས། །ཞེས་
[300a.3]བྱ་བས་ནི་ཤིན་ཏུ་རྗེས་སུ་གཟུང་#བའི་ཕྱིར་རོ། །གང་དུ་ཞེས་བྱ་བ་ནི་ལས་སོ། །རང་བཞིན་གྲུབ་པ་ཞེས་བྱ་བ་ནི་དེའི་ཆོས་ཉིད་རང་བཞིན་གྱིས་གྲུབ་པའི་ཕྱིར་རོ། །འགྱུར་བ་ཞེས་བྱ་བ་ནི་དྲིན་གཟོ་བ་ཞེས་བྱ་བའི་དོན་ཏོ། །དེའི་#ཞེས་བྱ་བ་ནི་སྐྱེ་བོ་དམ་པ་འདིའི་དོན་ཏེ། དོན་འདི་གང་ཡིན་ཞེ་ན།
[300a.4]སེམས་ཅན་འདི་ལྟ་བུ་ཞིག་གིས་ཞེས་བྱ་བ་ལ་སོགས་པ་གང་བསྟན་པའོ། །ཤ་བཟའ་བར་རུང་བས་ནི་བཟར་རུང་བའོ། །རབ་ཏུ་ཆགས་པར་འགྱུར་བ་ཞེས་བྱ་བ་ནི་སྔར་བསྟན་པའི་གཟུགས་ཀྱི་ཡོན་ཏན་དང་ལྡན་པའི་ཕྱིར་རོ། །དེ་གཉི་གས་ཉམས་པར་འགྱུར་བ་ནི། སྙིང་རྗེ་ཆུང་བ་ཡིན་ཏེ། ངའི་ལུས་
[300a.5]ནི་ཤ་བཟར་རུང་བ་དང་རབ་ཏུ་ཆགས་པར་འགྱུར་བ་ཡིན་ལ། མི་རྣམས་ཀྱི་སྙིང་ནི་རབ་ཏུ་ཆགས་པར་བྱེད་པའི་གཟུགས་ཡོད་པས་སོ། །དེ་བས་ཞེས་བྱ་བ་ནི་ལུས་དང་། མི་རྣམས་ཀྱི་སྙིང་ཤེས་པར་བྱས་ནས་སོ། །བདག་གི་ཡོན་ཏན་ཞེས་བྱ་བ་ནི་དྲིན་གཟོ་བ་ལ་སོགས་པའོ། །འདིར་དེ་ལྟར་
[300a.6]གནོད་པ་བྱེད་ན་དེའི་ཉེས་དམིགས་བསྟན་པའི་དབང་དུ་བྱས་ནས། མཛའ་བོ་དག་ལ་སྙིང་རིང་བ། །ཞེས་བྱ་བའི་#ཚིགས་བཅད་ཀྱི་ཕྱེད་དེ། དེ་ལྟར་བྱས་ན་ཁྱོད་ཀྱི་ཡོན་ཏན་དང་། ང་ཡང་མ་བསྲུངས་པ་དེའི་ཉེས་དམིགས་སོ། །ཁྱོད་ཀྱིས་#བདག་མ་བསྲུངས་སོ་ཞེས་བརྗོད་པ་ན་འཁོན་དུ་གཟུང་#བས་ནི་
[300a.7]མི་དགའ་བར་སེམས་པའི་སྙིང་གང་ཡིན་པ་དེ་ནི་འཁོན་#དུ་འཛིན་པའམ་སྙིང་མི་དགའ་བར་སེམས་པའོ། །གཡོ་སྒྱུ་ཉིད་ཀྱི་ཕྱི་བཞག་ཡིན་པས། གཡོ་སྒྱུ་དང་ཕྱི་བཞག་སྟེ། མི་རྣམས་ཅི་#ལ་གོམས་པ་མེད་པས་སོ། །མི་རྣམས་ཀྱི་གཡོ་སྒྱུའི་ཕྱི་བཞག་ལ་མ་གོམས་པ་གང་ཡིན་པ་དེ་ནི་མིའི་
[300b]
[300b.1]གཡོ་སྒྱུ་དང་ཕྱི་བཞག་ལ་མ་གོམས་པའོ། །གང་ན་གཡོ་སྒྱུ་དང་། ཕྱི་བཞག་ནི་གཡོ་སྒྱུ་དང་ཕྱི་བཞག་གོ། །ཕྱི་བཞག་ནི་ལུས་དང་། ངག་གི་ལས་ཀྱི་མཚན་ཉིད་དོ། །གཡོ་སྒྱུ་ནི་སེམས་གྱ་#གྱུ་བའོ། །ཚུལ་འཆོས་མཁས་པ་ཞེས་བྱ་བ་དང་། དེ་ལྟའི་གཡོ་དག་བྱས་པའི་ཕྱིར། །
[300b.2]ཞེས་བྱ་བ་ནི་ཕྱི་བཞག་བཅོས་མ་ལ་མཁས་པ་སྟེ། གང་གིས་#བསམ་པ་མ་དག་པའོ། །རང་བཞིན་གྱིས་ནི་དུལ་བའི་སྐྱེ་བོ་རྣམས། །ཞེས་བྱ་བ་ནི་བསམ་པ་དག་#སྤྱོད་པ་དང་ལྡན་པ་ཡིན་ཡང་ཞེས་བྱ་བའི་དོན་ཏོ། །རང་བཞིན་ནི་བསམ་པའོ། །དུལ་བ་ནི་ལུས་དང་ངག་གི་ལས་དུལ་བའི་སྤྱོད་
[300b.3]པ་ཉིད་དེ། བསམ་པ་དུལ་བར་གྱུར་པ་ནི་བསམ་པ་དུལ་བའོ། །དོགས་པ་སྐྱེ་ཞེས་བྱ་བ་ནི་ཚུལ་འཆོས་དང་། ཕྱི་བཞག་སྤྱོད་པ་དེས་དོགས་པ་སྐྱེ་བའོ། །ཡང་ན་གཡོ་སྒྱུ་དང་ཕྱི་བཞག་སྤྱོད་པ་དེས་སོ། །ཐོ་རངས་ཀྱི་རྨི་ལམ་ཞེས་བྱ་བ་སྨོས་པས་ནི་དེའི་ཚེ་རྨི་ལམ་ངེས་པར་མཐོང་བའི་ཕྱིར་
[300b.4]རོ། །ཚིག་གསལཞིང་སྡེབ་#ལེགས་པ་གང་ཡིན་པ་དེ་ནི། །ཚིག་གསལ་ཞིང་སྡེབ་ལེགས་#པའོ། །མིག་ཉིད་དཔལ་དང་ལྡན་པ་ཡིན་པས་མིག་དཔལ་ལྡན་ནོ། །ངོ་མཚར་ཆེ་བས་བགྲད་པའི་མིག་གི་དཔལ་དང་ལྡན་པ་གང་ཡིན་པ་དེ་ནི་ངོ་མཚར་ཆེ་བས་མིག་བགྲད་#དཔལ་ལྡན་ནོ། །མཁུར་#
[300b.5]ཚོས་མཛེས་པའི་གཡོ་བ་གང་ཡིན་པ་དེ་ནི་མཁུར་#ཚོས་མཛེས་པ་གཡོ་བཞིན་པའོ། །དེས་ཞེས་བྱ་བ་ནི་རྨི་ལམ་མཐོང་བའི་ཕྱིར་རོ། །དེའི་ཞེས་བྱ་བ་ནི་དེའི་སྙིང་དགའ་བར་བྱ་བ་དང་། བདག་ཀྱང་རི་དགས་རིན་པོ་ཆེ་རྙེད་པར་འདོད་པའོ། །མཐོང་ཞེས་བྱ་བ་ནི་སྔོན་#མཐོང་བའོ། །བརྐམ་པ་
[300b.6]དང་ནི་དེ་ཡིས་ཕན་བཏགས་པ། །ཞེས་བྱ་བ་ནི་དབུལ་བའི་སྡུག་བསྔལ་གྱིས་ཡོངས་སུ་སྐྱོ་བ་དང་། བརྐམ་པ་དེ་ཡིས་དྲངས་པས་སོ། །ཡོན་ཏན་ལ་ལྟ་ཞེས་བྱ་བ་ནི་བྱས་པ་གཟོ་བ་ལ་སོགས་པ་སྟེ་རི་དགས་མི་བསྟན་པའོ། །འོན་ཏེ་འབྱོར་པ་ལ་#ལྟ་ཞེས་བྱ་བ་ནི་རི་དགས་བསྟན་པས་སོ། །དཔུང་
[300b.7]ཐམས་ཅད་ཀྱིས་ཞེས་བྱ་བ་ནི་དམག་གི་ཚོགས་པ་ཐམས་ཅད་ཀྱིས་སོ། །ནགས་ཚལ་སྟུག་པོ་དེའི་ནང་དུ་ཞུགས་སོ་ཞེས་བྱ་བ་ནི་གནོད་པ་དང་བཅས་པའི་ཆེད་དུའོ། །དེའི་གནོད་པ་དེ་མེད་པའི་དབང་དུ་བྱས་ནས། ནགས་ཚལ་སྟུག་པོ་དེ་ཡང་དམག་གི་དཔུང་ཐམས་ཅད་ཀྱིས་ཞེས་བྱ་བ་ལ་སོགས་
[301a]
[301a.1]པ་སྨོས་པ་ཡིན་ནོ། །དངོས་པོ་དེ་ལྟ་བུ་ལ་བརྟེན་པ་ཞེས་བྱ་བ་ནི་དེ་འདྲ་བ་ལ་སྟེ། འདིས་ནི་ཡོན་ཏན་གྱི་ཞིང་དུ་བསྟན་ཏོ། །བྱ་བའི་ཁྱད་པར་དག་གིས་བཏང་#ན་ནི། །ཞེས་བྱ་བ་ནི་ཕན་འདོགས་པ་ཉིད་དུ་བསྟན་ཏོ། །གཉེན་པོ་ཆུང་ན་ཞེས་བྱ་བ་ནི་གལ་ཏེ་དགེ་བའི་ལས་ཡིན་ན་
[301a.2]དེའི་གཉེན་པོ་ནི་ཉོན་མོངས་པ་ཡིན་ཏེ་དེ་ཚུང་བའོ། །གལ་ཏེ་མི་དགེ་བའི་ལས་ཡིན་ན་ནི་དེའི་གཉེན་པོ་དགེ་བ་ཡིན་ནོ། །འདིར་གཉེན་པོ་ཞེས་དགོངས་པ་ནི་དགེ་བའི་ལས་ཉམ་ཆུང་བ་ལ་བྱའོ། །དགེ་བ་དང་མི་དགེ་བ་འཕྲལ་དུ་འབྲས་བུ་སྨིན་པ་ཞེས་བྱ་བ་ནི། དེ་ཉིད་དུ་སྨིན་པར་འགྱུར་ཞིང་ལུས་
[301a.3]འཇིག་#པ་ལ་མི་སྡོད་དེ། དེ་རབ་ཏུ་རྒྱས་པར་གྱུར་པའི་ཕྱིར་རོ། །གཉེན་པོ་ཆུང་བས་ན་འབྲས་བུ་དེ་ཅམ་དུ་མྱང་བར་མ་#ཟད་དེ། དེ་ནི་མེ་ཏོག་ཙམ་དུ་ཟད་དེ། འབྲས་བུ་གཞན་ཡང་འབྱུང་བར་འགྱུར་རོ། །ཆར་སྤྲིན་འདྲ་བའི་སྔོན་པོ་ནི་ཆར་སྤྲིན་སྔོན་པོ་འདྲ་བའོ། །ལྟོང་#དུ་བཅུག་ཅིང་གཞུ་བཀང་བ་ནི་
[301a.4]འཕེན་པར་འདོད་པ་སྟེ། ད་ཅུང་འཕངས་པ་ཉིད་ནི་མ་ཡིན་ནོ། །དེ་བཟུང་#འདོད་པ་ཡིས་ཞེས་བྱ་བ་ནི་རི་དགས་རུ་རུ་དང་ཉེ་བར་གནས་པ་ཞེས་བྱ་བའི་དོན་ཏོ། །རེ་ཞིག་གཞེས་ཞེས་བྱ་བ་ནི་ཉེ་བར་བསྙན་#ནས་སྨྲས་པ་ཡིན་ཏེ། འདི་གཉི་གཅིའི་ཕྱིར་ཐོབ་པར་འགྱུར་ཅེས་པ་སྟེ། དེ་ཉིད་སྨྲས་པ། ངོ་མཚར་
[301a.5]ཆེན་པོ་བསལ་བའི་ཕྱིར་ཏེ། ཕྱེ་#ནས་སྨྲའོ་ཞེས་བྱ་བའི་དོན་ཏོ། །སྐྱེ་བོ་རྒྱུན་ལུགས་མེད་པ་ན། །ཞེས་བྱ་བ་ནི་འདིར་གང་ཡང་འོང་བ་མ་མཐོང་ངོ་ཞེས་བྱ་བའི་དོན་ཏོ། །ནགས་ཚལ་སྟུག་པོ་འདི་ལྟ་བུ། །ཞེས་བྱ་བ་ནི་བདག་ཀྱང་གཞན་དུ་མ་སོང་སྟེ། དེས་ན་ཡང་བདག་མཐོང་བ་མེད་དོ་ཞེས་བྱ་
[301a.6]བ་ཡིན་ནོ། །དེ་ལྟར་རྣམ་པ་གཉི་#གས་ཀྱང་མཐོང་བ་མེད་ན་སུ་ཡིས་བདག་མཆིས་པར་གསོལ་བ་ཞེས་བྱ་བ་ཡིན་ཏེ། འདི་ལྟར་སྔར་ཆུའི་རྒྱུན་ལས་བསྒྲལ་བའི་མི་དེས་གསོལ་བ་ཡིན་ནོ་ཞེས་དོགས་པ་སྐྱེས་པ་སྟེ། ཅིའི་ཕྱིར་ཞེ་ན་བྱས་པ་གཟོ་བ་མི་སྲིད་པའི་ཚུལ་ཡིན་ཏེ། དེ་བས་ན་སྨྲས་པ། སུ་ཡིས་
[301a.7]བདག་མཆིས་གསོལ་ཞེས་བྱ་བ་ཡིན་ནོ། །སྔར་རྨི་ལམ་དུ་ཐོས་པ་བས་ཀྱང་ལྷག་པར་དུལ་བར་གྱུར་པ་དེ་བས་ན་རབ་ཏུ་ཞེས་བྱའོ། །ངན་པ་ཞེས་བྱ་བ་ནི་འཇིག་རྟེན་གྱིས་སྨད་པའོ། །བདག་ལ་ཕན་གདགས་པ་དང་། ཁྱོད་ལ་ཕན་པ་དེ་གཉི་ག་ལ་སྟོས་#པ་མེད་པའི་དབང་དུ་བྱས་ནས། དེ་ལྟར་འབད་པ་
[301b]
[301b.1]དེ་ཡི་ལན། །ཞེས་བྱ་བའི་ཚིགས་བཅད་སྨོས་སོ། །དེ་གཉི་ག་ལ་ལྟོས་#པ་མེད་པ་ཉིད་ནི་ཁྲེལ་མེད་མི་དག་ཅེས་བྱ་བ་བསྒྲུབས་པ་ཡིན་ནོ། །དམིགས་ཀྱིས་མ་ཕྱེ་བའི་དོན་གང་ཡིན་པ་དེ་ནི་དམིགས་ཀྱིས་མ་ཕྱེ་བའི་དོན་ནོ། །དམིགས་ཀྱིས་མ་ཕྱེ་བའི་དོན་ཡང་ཡིན་ལ་ཟབ་པ་ཡང་ཡིན་པས་
[301b.2]དམིགས་ཀྱེས་མ་ཕྱེ་བའི་དོན་ཟབ་བའོ། །སྨད་པ་ཞེས་བྱ་བ་ནི་བཤུད་པའོ། །མི་མ་ཡིན་ཞེས་བྱ་བ་ནི་ཤ་ཟ་ཞེས་བྱ་བའི་དོན་ཏོ། །མི་འམ་འོན་ཏེ་མི་མ་ཡིན། །ཞེས་བྱ་བ་ལ་སོགས་པ་སྨོས་པས་ནི་དེ་དག་དེ་ན་ཡོད་པའི་ཕྱིར་རོ། །འདི་ནི་གཞན་ལ་སྨད་པ་ལགས#། །ཞེས་བྱ་བ་ནི་དགོས་པ་
[301b.3]མེད་པར་སྨད་པ་མ་ཡིན་ཏེ། འོན་ཀྱང་དོགས་པ་དང་བཅས་པ་མ་ཡིན་ནོ། །དགོས་པ་དེ་གང་ཡིན་ཞེ་ན། སྨྲས་པ། ལས་འདི་སྨད་པར་འོས་པའི་#ཞེས་བྱ་བ་ལ་སོགས་པ་སྟེ། ལས་འདི་སྨད་པར་འོས་པའི་རྒྱུ་ཉིད་དོ། །འཁྱམས་པ་ལ་ཚིག་རྩུབ་པོ་ཞེས་བྱ་བ་དེའི་དཔེའི་དབང་དུ་བྱས་ནས། སྨད་
[301b.4]པའི་རྨ་ལ་སུ་ཞིག་ཞིགས་པར་བགྱིས། །ཞེས་#བྱ་བའི་ཚིགས་བཅད་སྨོས་སོ། །འདིའི་ཚིགས་བཅད་ཕྱེད་ཀྱིས་གོ་རིམས་བཞིན་དུ་འདི་#ནི་གཞན་ལ་སྨད་པ་མ་ལགས་ཞེས་བྱ་བ་དང་སྦྱར་རོ། །ཅིའི་ཕྱིར་ཞེ་ན། འཁྱམས་པ་དག་ལ་ཚིག་རྩུབ་པོས་#བྱ་བ་མི་རིགས་པའི་ཕྱིར་རོ། །ཚིག་དེའི་དགོས་
[301b.5]བ་ཡོད་པའི་ཕྱིར་དཔེའི་དབང་དུ་བྱས་ནས། སྡུག་པའི་བུ་ལ་སྨན་དཔྱད་ལ་འཇུག་པ་བཞིན་དུའོ། །འབབ་ཆུ་དྲག་པོས་ཁྱེར་ཏེ་སོང་བ་ཞེས་བྱ་བ་ནི། སྙིང་རྗེའི་གནས་ཀྱི་#དབང་དུ་བྱས་པའོ། །སྙིང་རྗེའི་དབང་གིས་ཞེས་བྱ་བ་ནི་བསམ་པ་དག་པའི་དབང་དུ་བྱས་པའོ། །དབང་གིས་ཕྱུང་བ་ཞེས་བྱ་བ་ནི་སྦྱོར་
[301b.6]བ་ཕུན་སུམ་ཚོགས་པ་ལ་འཇུག་པའི་རྒྱུ་ཡིན་གྱི། གཞན་གྱི་རྒྱུ་མ་ཡིན་པར་ཤེས་པར་བྱའོ། །མི་དེ་འཇིགས་ཤིང་སྐྲག་ལ་རྡུལ་གྱིས་མདོག་ཉམས་ཤིང་གཅོམ་བསྐྱུངས་#ཏེ་ཞེས་བྱ་བ་ནི། དེ་ལྟར་བྱ་བ་མ་ཡིན་པ་བྱས་པའི་མཚན་མའོ། །མཚུངས་པའི་ནང་ཞེས་བྱ་བ་ནི། དམ་པ་མི་#རྣམས་དང་འདྲ་བའི་
[301b.7]དོན་ཏོ། །དེ་གཉིས་ཀྱི་བར་ཞེས་བྱ་བ་ནི་མི་དང་མཚམས་སུའོ། །མཐོང་བའི་ཆོས་ལ་ཇི་ལྟར་བསོད་ནམས་ཟད་པ་ཡིན་ཞེ་ན། བསོད་ནམས་ཟད་པའི་ཉེས་པ་བསྟན་པའི་ཕྱིར། །སྡུག་བསྔལ་བཟོད་པར་དཀའ་བས་ཞེས་བྱ་བའི་ཚིགས་བཅད་སྨོས་སོ། །འདི་ལྟ་བུར་ནི་བརླག་པར་འགྱུར། །ཞེས་
[302a]
[302a.1]བྱ་བ་ནི་བྱ་བ་མ་ཡིན་པ་བྱེད་པས་ལྟུང་བ་སྟེ། བྱ་བ་མ་ཡིན་པ་བྱས་པས་བརླག་པ་ནི་ངན་སོང་གི་སྡུག་བསྔལ་ཡིན་ཏེ། བརླག་པའི་རྒྱུར་གྱུར་པའི་ཕྱིར་རོ། །འབྲས་བུ་ཕུན་སུམ་ཚོགས་པ་འདོད་པས་བསླུས། །ཞེས་བྱ་བ་ནི། ངན་འགྲོར་འགྲོ་བའི་ལས་དེ་#འབྲས་བུ་ཕུན་སུམ་
[302a.2]ཚོགས་པ་འདོད་པ་ལ་བསླུས་པའི་ཕྱིར་རོ། །ཕྱེ་མ་ལེབ་བྲིད་པ་དང་འདྲ་བ་ནི་#ངན་འགྲོར་འགྲོ་ཞིང་བརླག་པའི་རྒྱུར་གྱུར་པའི་ལས་ཀྱི་ལྟུང་བའོ། །དེ་བས་སྙིང་རྗེ་ཞེས་བྱ་བ་ལ་འདིར་དེ་བས་ཞེས་བྱ་བ་ནི། འཇིག་རྟེན་གཉིག་ལ་ཕན་པའི་ཕྱིར་རོ། །འདིར་གྲགས་པ་དང་། ཕ་རོལ་དུ་ཡང་སྙིང་རྗེ་ནི་ཕན་
[302a.3]པ་ཡིན་ཏེ། བཀྱོན་པར་མ་མཛད་ཅིག་པའོ། །འདི་ནི་ཅུང་ཟད་ཅེ་#དང་ཅི་འཚལ་བ། །ཞེས་བྱ་བ་ནི་རྙེད་བ་ལ་སོགས་པའོ། །དེ་དག་ཅེས་བྱ་བ་ནི་བྱ་བ་མ་ཡིན་པ་བྱས་པ་དེའི་ཅི་འཚལ་བ་དེ་དང་། དེ་རྙེད་པ་ལ་སོགས་པས་སོ། །ཐུབ་ཆོད་དོན་ཡོད་ཅེས་བྱ་བ་ནི་འབྲས་བུ་ཡོད་བར་རོ། །ད་ནི་ཁྱོད་
[302a.4]ཀྱིས་བཀའ་སྩོལ་སྤྱི་བོས་ནོད། །ཅེས་བྱ་བ་འདིས་ནི་གང་སྔར་བསྟན་པའི་རྒྱལ་པོ་ཆེན་པོ་རེ་ཞིག་གཞེས་ཤིག །བདག་ལ་མ་འཕེན་བར་ཞེས་བྱ་བ་དེའི་མི་མཐུན་པའི་ཕྱོགས་བདག་གི་ཤུགས་ཁས་ལེན་པར་སྟོན་པ་ཡིན་ནོ། །སྙིང་རྗེ་དང་བཅས་པར་སྟོན་པ་#ཞེས་བྱ་བ་ནི། གང་སྔར་བསྟན་པའི་
[302a.5]རྒྱལ་པོ་ཆེན་པོ་གུམ་ལགས་པ་བཀུམ་སྟེ་ཅི་བགྱི་ཞེས་པ་དང་། དེ་བས་སྙིང་རྗེ་མཛོད་ལ་མ་བཀྱོན་པར་ཞེས་བྱ་བ་དེ་དག་གིས་བསྟན་པ་ཡིན་ནོ། །གཡོ་མེད་པར་དེ་ལ་ཕན་འདོགས་པར་བྱེད་པ་དེ་ཞེས་བྱ་བ་ནི། གང་སྔར་བསྟན་པ་འདི་ནི་ཅུང་ཟད་ཅི་འཚལ་བ། །ཞེས་བྱ་བ་ལ་སོགས་པ་བསྟན་ཏོ། །
[302a.6]གསོད་དང་རྐུན་#ལ་སོགས་པ་སྤོངས། །ཞེས་བྱ་བ་ལ་སོགས་པ་སྨོས་པས་ནི་ལོག་པར་གཡེམ་པ་དང་། བརྫུན་དུ་སྨྲ་བ་དང་། ཕྲ་མ་དང་། ཚིག་རྩུབ་པོ་དང་། དག་འཁྱལ་བ་དང་། བརྣབ་སེམས་དང་། གནོད་སེམས་དང་། ལོག་པར་ལྟ་བ་ལས་ལྡོག་པའོ། །རྣམ་པ་གསུམ་དུ་དབྱེ་བ་
[302a.7]གང་ཡིན་པ་དེ་ནི། རྣམ་པ་གསུམ་དུ་གྱེས་པའི་བྱེད་པའོ། །རྣམ་པ་གསུམ་དུ་བྱེད་པ་ནི། ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་དང་རྣམ་པ་གསུམ་མོ། །གསུམ་དང་། བཞི་དང་། གསུམ་ནི་ལས་ཀྱི་ལམ་མོ། །ཇི་ལྟར་སྙིང་རྗེ་བསྐྱེད་པ་ཡིན་ཞེ་ན། གང་གི་ཕྱིར་
[302b]
[302b.1]སྙིང་རྗེ་ཡོད་ན་ནི། གསོད་པ་ལ་སོགས་པ་ལས་སྡིག་པའི་མཚན་ཉིད་ཀྱི་ཆོས་སུ་འགྱུར་བའི་ཕྱིར་རོ། །རྣམ་པ་གསུམ་དུ་གྱེས་པ་བྱེད་པ་དེ་བསྟན་པའི་ཕྱིར། བདག་རང་ཉིད་དམ། ནད་མི་ལ་ཞེས་བྱ་བའི་ཚིགས་བཅད་སྨོས་ཏེ། ཇི་ལྟར་བདག་དང་ནད་མི་དག་ལ་#བརྩེ་བ་དེ་བཞིན་དུ་གཞན་ལ་
[302b.2]ཡང་ངོ་། །དེ་ཡིས་#སེམས་ནི་ཆོས་མིན་ལ། །འཇུག་པའི་མི་དགེ་ག་ལ་འབྱུང་། །ཞེས་བྱ་བ་སྟེ། འདིས་ནི་མི་དགེ་པ་བཅུའི་ལས་ཀྱི་ལམ་ལས་ལོག་པར་བསྟན་ཏོ། །སྐྱེ་བོ་སྙིང་རྗེ་མེད་པར་གྱུར་ན་ནི། །མི་དགེ་བ་བཅུའི་ལམ་ལ་འཇུག་པར་འགྱུར་བ་དེའི་དབང་དུ་བྱས་ནས། སྐྱེ་བོ་སྙིང་རྗེ་
[302b.3]མེད་པས་ན། །ཞེས་བྱ་བའི་ཚིགས་བཅད་སྨོས་སོ། །དེ་བས་ཆོས་ལ་ངང་པ་ཡིས། །ཞེས་བྱ་པའི་ཚིགས་བཅད་ནི་བསྡུས་པ་ཡིན་ཏེ། དེ་ལས་ཡོན་ཏན་འཕེལ་བར་འགྱུར། །ཞེས་བྱ་བ་ལ། ཡོན་ཏན་གང་ཡིན་པ་དེ་དག་བསྟན་པའི་ཕྱིར། སྙིང་རྗེས་ནོན་པའི་སེམས་ནི་གཞན་ལ་ཞེས་བྱ་
[302b.4]བའི་ཚིགས་བཅད་སྨོས་སོ། །གནོད་པ་#བྱེད་མི་འགྱུར་ཞེས་བྱ་བ་ནི་ཡིད་ཀྱི་མི་དགེ་བའི་ལས་ཀྱི་ལམ་མེད་པར་བསྟན་ཏོ། །ངག་ཀྱང་གཞན་དུ་འགྱུར་བ་མེད། །ཅེས་བྱ་བ་ནི་ངག་གི་མི་དགེ་བའི་ལས་ཀྱི་ལམ་མེད་པར་བསྟན་ཏོ། །ལུས་ཀྱང་གཞན་དུ་འགྱུར་བ་མེད། །ཅེས་བྱ་བ་འདིས་ནི་
[302b.5]ལུས་ཀྱི་མི་དགེ་བའི་ལམ་གྱི་ལམ་མེད་པར་བསྟན་ཏོ། །དེ་ལྟར་མི་དགེ་བ་ལས་ལྡོག་པའི་ཚུལ་བསྟན་ནས། ད་ནི་དགེ་བ་ལ་#འཇུག་པའི་ཚུལ་གྱི་དབང་དུ་བྱས་ནས། སྦྱིན་དང་བཟོད་ལ་སོགས་ཞེས་བྱ་བ་སྨོས་ཏེ། སོགས་པའི་སྒྲས་ནི་བརྩོན་འགྲུས་དང་། བསམ་གཏན་དང་། ཤེས་རབ་
[302b.6]དང་། བསྡུ་#བའི་དངོས་པོ་རྣམས་གཟུང་#ངོ་། །ཚུལ་ཁྲིམས་མ་སྨོས་པ་ནི། སྡོམ་པའི་ཚུལ་ཁྲིམས་ནི་སྡར་བཤད་པའི་ཕྱིར་རོ། །དགེ་བའི་ཆོས་སྡུད་པ་དང་། སེམས་ཅན་གྱི་དོན་བྱེད་པ་ནི་སྩོགས་པའི་སྒྲས་སྒྲུབ་#པའོ། །གཞན་དག་ཀྱང་སྩོགས་པའི་སྒྲས་གཟུང་#བར་བྱ་སྟེ། ཡོན་ཏན་
[302b.7]རྣམས་བསྟན་པའི་ཕྱིར། སྙིང་རྗེ་ཅན་ནི་ཉེ་བར་ཞི་བས་ཞེས་བྱ་བའི་ཚིག་རྐང་འདི་བསྟན་པ་ཡིན་ཏེ། འདིས་ནི་བདག་དང་གཞན་ལ་ཡིད་འབྱུང་བར་མི་བྱེད་པས་ཡོན་ཏན་ནོ། །ཡིད་འབྱུང་བ་མེད་པ་ནི་ཉི་ཚེར་མ་ཟད་དེ། དེ་བཞིན་དུ་ཡིད་བརྟན་པར་ཡང་བྱེད་པ་ཡིན་ནོ། །ཡོན་ཏན་འདི་གཉིས་ནི་
[303a]
[303a.1]གཞན་དང་འབྲེལ་པའོ། །འཐབ་མོའི་འཁྲུག་པ་ཡོང་#མི་འབྱུང་། །ཞེས་བྱ་བ་འདིས་ནི། ལུས་དང་། དག་གི་ལས་ཀྱི་སྤྱོར་པས་བདག་དང་གཞན་ལ་གནོད་པ་མེད་པར་སྟོན་ཏོ། །འཁྲུག་པའི་མེ་འབར་ཡོང་མི་འགྱུར། །ཞེས་བྱ་བ་འདིས་ནི། བདག་གི་བསམ་པ་ལ་
[303a.2]གནོད་པ་མེད་པར་བསྟན་ཏོ། །མདོར་ན་ཞེས་བྱ་བ་ནི། སྔར་བསྟན་པའི་དོན་བསྡུ་བའི་ཚིགས་སུ་བཅད་པ་ཡིན་ཏེ། མཁས་པའི་ཆོས་ལ་ལྟ་ཞེས་བྱ་བ་འདིས་ནི། སེམས་ཅན་རྣམས་ལ་སྙིང་རྗེ་སྐྱེད། །ཅེས་བྱ་བའི་ཚིགས་བཅད་སྔར་བསྟན་པ་དེ་སྟོན་པ་ཡིན་ནོ། །དགའ་བའི་ཡོན་ཏན་བརྩེ་ལ་#མི་
[303a.3]བརྟེན་གང་ཞིག་ཡོད། །ཅེས་བྱ་བ་འདིས་ནི། གསོད་དང་རྐུ་ལ་སོགས་པ་སྤོངས། །ཞེས་གང་བསྟན་པ་དེ་དག་ཉིད་བསྟན་ཏོ། །དེ་བས་བདག་དང་བུ་བཞིན་ཞེས་བྱ་བའི་ཚིགས་བཅད་འདིས་ནི། བདག་རང་ཉིད་དམ་ནང་མི་#ལ་ཞེས་བྱ་བའི་ཚིགས་བཅད་དུ་གང་བསྟན་པ་ད་ཉིད་བསྟན་ཏོ། །དམ་པའི་
[303a.4]ཚུལ་ཞེས་བྱ་བ་འཇུག་པ་དང་། ལྡོག་པའི་ཚུལ་གྱིས་སོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་རི་དགས་རུ་#རུའི་སྐྱེས་པའི་རབས་སོ།། །།དམ་པ་རྣམས་ཀྱི་ཚུལ་ནི་དམ་པའི་ཚུལ་ལོ། །ཡང་ན་དམ་པ་ཉིད་ཚུལ་ཡིན་པས་དམ་པའི་ཚུལ་ལོ། །དམ་པའི་རྗེས་
[303a.5]སུ་འབྲང་བའི་ཚུལ་#གང་ལ་ཡོད་པ་དེ་དག་ནི་དམ་པའི་ཚུལ་གྱི་#རྗེས་སུ་འབྲང་པ་རྣམས་སོ། །རོ་དང་། མཐུ་དང་། རྣམ་པར་སྨིན་པའི་ཡོན་ཏན་ནི་རོ་དང་། མཐུ་དང་། རྣམ་པར་སྨིན་པའི་ཡོན་ཏན་རྣམས་ཏེ། ཡོན་ཏན་རྣམ་པ་མང་བོ་གང་ཡིན་པ་དེ་དག་གི་#ནི། རོ་དང་། མཐུ་དང་། རྣམ་པར་སྨིན་པའི་
[303a.6]ཡོན་ཏན་རྣམ་པ་མང་པོ་དང་ལྡན་པའོ། །རོ་ནི་མངར་བ་ལ་སོགས་པ་དྲུག་གོ། །མཐུ་ནི་རྣམ་པ་གཉིས་ཏེ། དྲོ་བའི་ནུས་པ་དང་། བསིལ་བའི་ནུས་པའོ། །རྣམ་པར་སྨིན་པ་ཡང་རྣམ་པ་གཉིས་སོ། །གཞན་ཡང་རྣམ་པ་སྣ་ཚོགས་པའི་མེ་ཏོག་དང་། འབྲས་བུ་དང་། ལོ་མ་དང་། འདབ་མ་
[303a.7]དང་། ལྡུམ་བུ་དེ་དག་གིས་བརྒྱན་པའོ། །གཞན་ནི་སྔ་མ་བཞིན་ནོ། །གང་དུ་འབབ་ཆུ་ཤེལ་སྒོང་#ལྟར་དང་ཞིང་གསལ་བ་འབབ་པ་གང་ཡིན་བ་དེ་ནི་འབབ་ཆུ་ཤེལ་སྒོང་#ལྟར་དང་ཞིང་གསལ་བ་འབབ་པའོ། །གཏོང་བ་དང་། སྙིང་རྗེ་ནི། གཏོང་བ་དང་། སྙིང་རྗེའོ། །དེ་གཉིས་ལ་གོམས་
[303b]
[303b.1]པ་#སྟེ་དེ་བས་ནའོ། །གཏོང་བས་ནི་སྦྱིན་པའི་ཕ་རོལ་ཏུ་ཕྱིན་པ་གཟུང་ངོ་། །སྙིང་རྗེས་ནི་ཚུལ་ཁྲིམས་དང་། བཟོད་པའི་ཕ་རོལ་ཏུ་ཕྱིན་པ་གཉིས་གཟུང་ངོ་། །གཏོང་བ་ལ་གོམས་པ་ནི། ཕྲག་དོག་དང་། འཇུངས་པ་ཉེ་བར་འོང་བར་མ་གྱུར་ཏེ། གཞན་གྱི་ཕུན་སུམ་ཚོགས་པ་ལ་སེམས་འཁྲུག་པའི་
[303b.2]མཚན་ཉིད་ནི་ཕྲག་དོག་གོ། །སེར་སྣ་ནི་སྦྱིན་པ་དང་མི་མཐུན་པའི་ཡིད་ཀྱིས་ཀུན་དུ་འཛིན་པ་སྟེ། དེ་གཉི་གའི་མི་མཐུན་པའི་ཕྱོགས་ནི་གཏོང་བ་ལ་གོམས་པའོ། །གང་གི་ཕྱིར་སྙིང་རྗེ་བསྒོམས་པས་ནི། ཁྲོ་བ་ཉེ་བར་མ་གྱུར་ཏེ། ཁྲོ་བ་བཟློག་པས་ནི་ཚུལ་ཁྲིམས་དང་། བཟོད་པའི་ཕ་རོལ་ཏུ་ཕྱིན་པ་སྐྱེ་བར་འགྱུར་
[303b.3]བའི་ཕྱིར་དེ་ལྟར་བསོད་ནམས་ཀྱི་ཚོགས་རྣམ་པ་གསུམ་བསྟན་ཏོ། །དུད་འགྲོར་སྐྱེས་གྱུར་ཀྱང་ཞེས་བྱ་བ་ནི་བསམས་བཞིན་དུ་དུད་འགྲོའི་སྐྱེ་གནས་ཡོངས་སུ་བཟུང་བ་ཡིན་ནོ། །དབང་ཐང་ལྷག་མས་ཞེས་བྱ་བ་ནི་གང་བདེ་འགྲོ་དག་ཏུ་སྤྱོད་པའི་ལྷག་མ་སྟེ། ལས་ལ་དབང་པ་དེས་དྲངས་
[303b.4]པའོ། །དམ་པ་རྣམས་ཞེས་བྱ་བ་ནི་དབང་ཐོབ་པའི་བྱང་ཆུབ་སེམས་དཔའ་རྣམས་སོ། །ཕན་གདགས་འབྲེལ་པའི་མཛའ་བཤེས་ཀྱི་སྐྱེ་བོ་གང་ཡིན་པ་དེ་དག་ནི་ཕན་གདགས་འབྲེལ་པའི་མཛའ་བཤེས་ཀྱི་སྐྱེ་པོ་རྣམས་སོ། །འདིས་ནི་འདི་སྐད་སྟོན་པ་ཡིན་ཏེ། འབྲེལ་པའི་མཛའ་བཤེས་སྐྱེ་བོ་
[303b.5]དེ་དང་བྲལ་བ་རྣམས། །ཞེས་སྦྱར་རོ། །བྱེས་ཡུལ་དུ་དོང་བ་ལྟ་བུ་ནི་དུད་འགྲོའི་སྐྱེ་#གནས་སུ་བྱང་ཆུབ་སེམས་དཔའ་སྐྱེས་པའོ། །ཕན་གདགས་འབྲེལ་བའི་མཛའ་བཤེས་ཀྱི་སྐྱེ་བོ་དང་བྲལ་བ་ལྟ་བུ་ནི་བདེ་འགྲོ་ལས་ཉམས་ཏེ། དུད་འགྲོའི་སྐྱེ་གནས་སུ་སྐྱེས་པའོ། །ནོར་གྱི་ལྷག་མ་ལྟ་བུ་ནི་
[303b.6]དབང་ཐོང་གི་ལྷག་མའོ། །དེའི་དྲུང་ནས་ཞེས་བྱ་བ་ནི་ནགས་ཚལ་གྱི་བདག་པོ་དེའི་དྲུང་ནས་སོ། །ཆུའི་ནང་ན་རྩེ་བའི་མཐའ་རྒྱ་མོས་བསྐོར་བའི་ངོས་ཤིག་ལ་ཆགས་སོ་ཞེས་བྱ་བའི་ཚིག་གིས་ནི་ཆུ་བོ་རྒལ་#བ་ཉིད་དེ། ལུགས་ཀྱི་བསྟན་བཅོས་ལས་འབྱུང་བའི་ཚུལ་དུ་བདག་ཉིད་བསྲུང་བ་བསྟན་
[303b.7]པའི་ཕྱིར་རོ། །ཁྲུས་རྩིས་བསྒོས་པ་ཡིན་ཏེ། དེ་གང་ཡིན་ཞེན། ན་ཆུང་ངོ་། །རྨད་དུ་བྱུང་བ་ཞེས་བྱ་བ་ནི་འབྲས་བུ་དེ་སྔར་མ་སྤྱད་པའི་ཕྱིར་རོ། །དེ་ག་ལས་བྱུང་བ་ནི་#དེ་ག་ལས་བྱུང་བ་སྟེ། གང་ལས་བྱུང་བའོ། །དེ་བཙལ་བར་བསམས་པ་གང་ཡིན་པ་དེ་ནི། དེ་གང་ལས་བྱུང་བ་བསམས་#
[304a]
[304a.1]པའོ། །རང་གི་བློས་བརྟགས་ཏེ་ཞེས་བྱ་བ་ནི། བཀའ་ལ་#གཏོགས་པ་དང་བཅས་པས་ཞེས་བྱ་བའི་དོན་ཏོ། །ཅིའི་ཕྱིར་ཞེ་ན། གལ་ཏེ་དེ་ལ་གནོད་པ་མཐོང་བར་གྱུར་ནི། རོ་ལ་སྲེད་པ་དང་། སྟོབས་དང་ལྡན་པ་ཉིད་དུ་གྱུར་ཀྱང་ངོ་། །མི་རིང་བ་ནི་ཉེ་བའོ། །ཅིའི་ཕྱིར་ཞེ་ན། ཁ་
[304a.2]དོག་དང་། དྲི་མ་ཉམས་པའི་ཕྱིར་ཏེ། དེ་ཡང་འབབ་ཆུའི་འགྲམ་མི་རིང་བ་ཞིག་ན་ཡོད་པ་ཉིད་དུ་ངེས་ཏེ། ཅིའི་ཕྱིར་ཞེ་ན། རྨ་མེད་ཅིང་མ་སྣད་པའི་ཕྱིར་རོ། །གལ་ཏེ་ཡུན་རིང་བོར་ཆུའི་ནང་དུ་ལྷུང་ན་ནི། འདི་ག་ལས་འབྱུང་#བའི་གནས་ཤེས་པར་མི་ནུས་པ་སྟེ། འདི་ལྟར་འབབ་ཆུའི་འགྲམ་མི་
[304a.3]རིང་བ་ཞིག་ན་ཞེས་སྨོས་པས་ཉེ་བར་གྱུར་པའི་ཕྱིར་དང་མི་རིང་བའི་ཕྱིར་ཤེས་པར་ནུས་ཏེ། འབབ་ཆུའི་འགྲམ་ན་འདུག་པར་ངེས་པའི་ཕྱིར། འབབ་ཆུ་དེའི་#འགྲམ་ཐོག་ཐག་ཏུ་སོང་ན་དེ་ག་ལས་བྱུང་བ་ཤེས་པར་ནུས་པ་ཉིད་དོ། །རིང་ནས་མཐོང་བ་ཡིན་ཏེ། ཇི་ལྟར་མཐོང་བ་ཡིན་ཞེ་ན། ཆུའི་
[304a.4]ལྗིད་ཀྱིས་ནོན་པ་འདྲ་བ་#ཞེས་བྱ་བ་དང་། རི་དང་ཉེ་ཡང་ཞེས་བྱ་བ་སྟེ། སྤྲིན་གྱི་མདོག་འདྲ་བའི་ཕྱིར་དང་། རི་ལྟར་མཐོ་#བའི་ཕྱིར་རོ། །ཤིང་ཨམྲའི་འབྲས་བུ་ས་ཧ་ཀ་ར་སྨིན་པའི་དེ་#བས་ཀྱང་ལྷག་པ་དེ་ནི་ཨ་མྲའི་འབྲས་བུ་ས་ཧ་ཀ་ར་སྨིན་པའི་དྲི་བས་ཀྱང་ལྷག་པའོ། །གང་གིས་#འཇིགས་ཤིང་སྐྲག་
[304a.5]པ་དང་། མྱ་ངན་ཡོངས་སུ་སྤངས་པ་དེ་ནི་འཇིགས་ཤིང་སྐྲག་པ་དང་། །མྱ་ངན་ཡོངས་སུ་བཏང་བའོ། །འཇིགས་པ་སྤངས་པ་ནི་བཟློག་པའི་ཐབས་སྒུབ་པས་སོ། །མྱ་ངན་སྤངས་པ་དེ་ནི། དེའི་#སྐྱབས་སུ་འགྲོ་བར་མི་བྱེད་པའི་ཕྱིར་རོ། །སྐྲག་པ་སྤངས་པ་#ནི་མི་འབྲོས་པའམ། མི་བྱེད་པས་སོ། །ཡང་ན་
[304a.6]སྤྲེའུ་འཁོར་དེ་དག་དབུགས་དབྱུང་བའི་ཕྱིར་འཇིགས་པ་མེད་པའོ། །ཡོངས་སུ་སྐྱབས་པའི་བློ་བསྐྱེད་པའི་ཕྱིར། སྐྲག་པ་དང་། མྱ་ངན་སྤངས་པའོ། །བྱ་འཕུར་བ་བཞིན་དུ་མཆོངས་པ་གཅིག་གིས་ལེགས་པར་མཆོངས་པར་གྱུར་ཏེ། ཅིའི་ཕྱིར་ཞེ་ན། མཆོངས་པའི་མཐུ་རྩ་ལ་ཆེ་བའི་ཕྱིར་རོ། །དེས་#ནི་
[304a.7]སྙིང་རྗེ་རྣམ་པར་བསྐྱེད་པ་དང་། །ཞེས་བྱ་བའི་ཚིགས་བཅད་འདི་ནི་མཆོངས་པའི་མཐུ་རྩལ་ཅན་ནོ་ཞེས་བསྟན་པ་དེ་ནི་མཐུ་རྩལ་གྱི་རྒྱུ་བསྟན་པའི་ཕྱིར་ཏེ། སྙིང་རྗེ་དང་། དཔའ་བའི་ཤུགས་ཀྱི་རྩོལ་བ་གང་ཡིན་པའི་རྒྱུས་སོ། །རྩོལ་བ་དྲག་པ་#ནི་འབད་པའི་ཁྱད་པར་དེས་ཏེ། དེའི་ཕྱིར་ཡིད་ལ་བསམས་པ་
[304b]
[304b.1]བཞིན་དུ་ཕྱིན་པར་གྱུར་ཏོ། །དེ་གཉིས་ཀྱི་པར་ནི་དེའི་བར་དེ་ཤིང་དང་རི་གཉིས་ཀྱིའོ། །མཐོ་བའི་འགྲམ་ནི་དེའོ། །ས་ཁྱོན་དེའི་བར་བས་ཀྱང་དཀྱུས་རིང་བ་གང་ཡིན་པའི་སྤ་ཐག་དེ་ནི་ས་ཁྱོན་དེ་བས་རིང་བ་སྟེ། དེ་སྨིན་པར་སྐྱེས་ལ་རྩ་བ་བརྟན་ཞིང་ཕྲ་བ་གང་ཡིན་པ་དེའོ། །དེ་གཉིས་ཀྱི་#བར་ཐག་རིང་ཞིང་
[304b.2]ཞེས་བྱ་བ་ནི་ཤིང་ཆེན་པོ་དེ་དང་། རིའི་རྩེ་མོ་མཐོན་པོ་དེའི་འགྲམ་མོ། །རྐང་པ་གཉིས་བཅིངས་པ་ནི། རྐང་པ་གཉིས་#བཅིངས་པ་སྟེ། དེས་ཟོ་མདོག་མི་བདེ་པའི་ཕྱིར་རོ། །བརྒྱངས་#ཞེས་བྱ་བ་ནི་དྲངས་པའོ། །བདག་གི་ལུས་ཀྱི་ཤ་དང་བྲལ་བ་ཅིའི་ཕྱིར་ཞེ་ན། སྤྲེའུའི་ཚོགས་དེ་དག་འཇིགས་པས་
[304b.3]ལུས་བརྫིས་པའི་ཕྱིར་རོ། །དེ་ལྟར་#ན་ཡང་བརྟན་པ་ཉིད་ནི་མ་ཉམས་པར་སྟོན་ཏོ། །འདི་ལྟར་དཔའ་བ་ཕུན་སུམ་ཚོགས་པས་ནི་སྔར་བསྟན་པའི་འབད་བའི་ཁྱད་པར་བསྟན་ཏོ། །བློ་ཕུན་སུམ་ཚོགས་བ་ནི་རྐང་པ་གཉིས་སྤ་ཐག་གིས་#བཅིངས་པའི་ཕྱིར་རོ། །བདག་ལའང་མི་ལྟ་ཞེས་བྱ་བ་ནི་སྤྲེའུའི་ཚོགས་
[304b.4]རྣམས་འདི་ལས་མྱུར་དུ་དེང་ཞེས་བྱ་བའི་ཚིག་གིས་སོ། །གཞན་ལ་སྙིང་བརྩེ་ཞེས་བྱ་བ་ནི་བདག་གིས་#སྐད་ཀྱིས་སྤྲན་ཞེས་བྱ་བའི་ཚིག་གིས་སོ། །སྤྲེའུའི་བདག་པོ་འདི་སྤྲེའུ་མང་པོ་འཇིགས་ཏེ་བྲོས་པའི་རྐང་ལག་གིས་སྣད་པའི་ལུས་གང་ཡིན་པ་དེ་ནི་སྤྲེའུའི་བདག་པོ་འདི་སྤྲེའུ་མང་པོ་འཇིགས་ཏེ་བྲོས་
[304b.5]པའི་རྐང་ལག་གིས་སྣད་པའི་ལུས་སོ། །རྨས་བྱས་པའི་སྡུག་བསྔལ་དང་། སེམས་མི་དྲན་པ་ནི་ལུས་ཀྱི་རྨའི་སྡུག་བསྔལ་གྱིས་བརྒྱལ་བར་གྱུར་ཏེ་སེམས་མི་དྲན་བའོ། །དེ་གཉིས་ལས་བྱུང་བ་ནི་རྨ་བྱུང་བའི་སྡུག་བསྔལ་གྱིས་བརྒྱལ་བར་གྱུར་ཏེ་སེམས་མི་དྲན་པ་ཉིད་དོ། །རྨའི་སྡུག་བསྔལ་
[304b.6]དེ་ཡང་སྤྲེའུ་མང་པོ་འཇིགས་ཏེ་བྲོས་པའི་རྐང་ལག་གིས་བརྫིས་པས་ལུས་སྣད་པའི་ཕྱིར་རོ། །དུབ་པ་ཡང་སྤྲེའུའི་ཚོགས་ཀྱིས་རྐང་པས་བརྫིས་པའི་ཕྱིར་ཏེ། གནས་སྐབས་དེ་ལྟ་བུར་ཡུན་རིང་དུ་དུབ་པས་སོ། །ཡ་མཚན་ཆེ་བ་ཞེས་བྱ་བ་ནི་ལྟད་མོར་ཆེ་བའི་ཕྱིར་རོ། །ཁྱོད་ཀྱི་ཅི་འོང་ཁྱོད་ཀྱང་ཁོང་
[304b.7]གི་ཅི། །ཞེས་དྲིས་པ་ཡིན་ཏེ། ངོ་མཚར་ཆེ་བ་ནི་རང་གི་སྲོག་གཏོང་བ་དང་། སྙིང་རྗེ་དང་། གུས་པས་སྤྲེའུའི་ཚོགས་བསྒྲལ་བའི་ཕྱིར་ཏེ། དེ་ཉིད་ཀྱི་ཕྱིར། དེ་གཙོ་བོ་ཡིན་པས་ཡ་མཚན་ཆེ་བ་དང་པོར་བརྗོད་པ་ཡིན་ནོ། །ཚིགས་བཅད་འོག་མ་སྨོས་པ་ཡང་དེའི་ཁྱད་པར་དེ་འདིས་འབྲེལ་པ་ཡིན་
[305a]
[305a.1]པས་རྒྱུ་འབྲེལ་ལོ། །རབ་ཏུ་འབྲེལ་པའི་རྒྱུ་འབྲེལ་ཆུང་གང་ཡིན་པ་དེ་ནི་རབ་ཏུ་མཛའ་བའི་རྒྱུ་འབྲེལ་ཆུང་དུའོ། །ཁུར་དེ་བསྐུར་#བ་ཞེས་བྱ་བ་ནི་བདག་པོ་ཉིད་ཀྱི་དངོས་པོའོ། །ཉེ་དུ་ཡིན་པས་གཉེན་ནོ། །དེ་དང་འདྲ་བ་ཡིན་པས། གཉེན་དང་འདྲ་བར་གྱུར་པའོ#། །བློན་པོ་
[305a.2]ལ་སོགས་པ་གང་ཡིན་པ་དེ་དག་ནི་བློན་པོ་ལ་སོགས་པའོ། །གཉེན་དང་མཛའ་བོ་ཞེས་བྱ་བ་འདིས་ནི་བྱམས་པ་བསྟན་ཏོ། །ཉམས་#ཉེས་རབ་ཏུ་ཆེ་བ་དང་། །ཕོངས་ནས་མྱ་ངན་བྱེད་པ་ཞེས་བྱ་བ་ལ་ཉམས་ཉེས་པ་#རབ་ཏུ་ཆེ་བ་ནི་རྒྱལ་པོའི་དཔུང་གི་ཚོགས་ཀྱིས་ཟིལ་གྱིས་མནན་པས་སོ། །དེས་བྱས་
[305a.3]པའི་ཕོངས་པ་ནི་ཉམས་ཉེས་#རབ་ཏུ་ཆེར་བྱུང་བས་ཕོངས་པའོ། །ཉམས་#ཉེས་རབ་ཏུ་ཆེར་བྱུང་ཞིང་ཕོངས་པས་བྱས་པའི་མྱ་ངན་ནི་ཉམས་#ཉེས་རབ་ཏུ་ཆེར་བྱུང་ཞིང་། ཕོངས་ནས་མྱ་ངན་བྱེད་པའོ། །ཉམས་#ཉེས་རབ་ཏུ་ཆེར་བྱུང་ཞིང་ཕོངས་#ནས་མྱ་ངན་བྱེད་པ་དེ་ཉིད་ཀྱི་རྒྱུ་བསྟན་པའི་ཕྱིར། དེ་བས་གཞུ་
[305a.4]རྣམས་བཀང་ནས་ཞེས་བྱ་བའི་ཚིགས་བཅད་སྨོས་ཏེ། དེ་བས་ཞེས་བྱ་བ་ནི་གང་གི་ཕྱིར། སྡུག་བསྔལ་རབ་ཏུ་བྱུང་བ་ཉིད་དེ། དེའི་ཕྱིར། མདེའུ་རྩེ་མོ་རྣོན་པོ་དག་འཕེན་པ་རྣམས་ཀྱིས་འཇིགས་པ་གང་ཡིན་པ་དེ་དག་ལས་འཇིགས་པའི་སྒྲ་གང་ཡིན་པ་དེ་ནི་སྒྲ་འཇིགས་པའོ། །སྒྲ་#འཇིགས་པའི་
[305a.5]གཞུ་རྒྱུད་གང་ཡིན་པ་དེ་ནི། གཞུ་རྒྱུད་སྒྲ་འཇིགས་སོ། །ཕོངས་པ་དང་། མྱ་ངན་བྱེད་པ་དེ་བསྟན་པའི་ཕྱིར། བདག་གི་འཁོར་ནི་ཞེས་བྱ་བ་ལ་སོགས་པའི་ཚིགས་བཅད་སྨོས་སོ། །རབ་ཏུ་སྐྲག་པའི་སེམས་ཡིན་པས་ཕོངས་པའོ། །དུ་ཞིང་འབོད་པས་ཞེས་བྱ་བ་འདིས་ནི་མྱ་ངན་བྱེད་པའོ། །ས་
[305a.6]ཁྱོན་#ལེགས་པར་བརྟགས་པ་གང་ཡིན་པ་དེ་ནི་ས་ཁྱོན་#ཚད་ནི་ལེགས་པར་བརྟགས་པའོ། །རྩ་བཅས་ཞེས་བྱ་བས་ནི་སྔར་བཤད་པའི་རྩ་བ་དང་ལྡན་པའོ། །བདག་གི་བདེ་བ་ཁྱད་དུ་བསད་པ་དེ་ལ་ཁྱོད་ཀྱིས་#ཡོན་ཏན་ཅི་ཞིག་འཐོབ་ཅེས་བཤད་པ་ལ། དེའི་ཡོན་ཏན་བསྟན་པའི་ཕྱིར། གང་རྣམས་རྒྱལ་པོ་
[305a.7]བདག་གིས་ཡུན་རིང་བྱས། །ཞེས་བྱ་བའི་ཚིགས་བཅད་སྨོས་སོ། །བདག་གི་ལུས་ལྟ་སྣད་པར་གྱུར་ཀྱང་རུང་། །ཞེས་བྱ་བ་ནི་བདག་གི་ལུས་འདི་ལ་རྨ་ཡོད་པར་གྱུར་ཀྱང་རུང་ཞེས་བྱ་བ་ཡིན་ཏེ། འདིས་ནི་བདེ་བ་ཁྱད་དུ་གསོད་པར་སྟོན་#ཏོ། །དེ་བས་སེམས་ནི་རབ་ཏུ་དགའ་བར་གྱུར། །ཅེས་བྱ་བ་ནི། ཡིད་
[305b]
[305b.1]གྱི་བདེ་བ་འཐོབ་པ་སྟེ། །ཡོན་ཏན་འདི་ཐོབ་པ་ཡིན་ནོ། །དེ་བས་ན་ཡིད་#དགའ་བ་ཐོབ་བ་དེའི་རྒྱུ་བསྟན་#པའི་ཕྱིར་སྨྲས་པ། བདག་གིས་དེ་དག་སྡུག་བསྔལ་རྣམ་པར་བཟློག །ཅེས་བྱ་བ་ཉིད་ཀྱིས་སོ། །དེ་བས་ན་དེའི་ཕྱིར་དྲེགས་པའི་དགྲ་རྣམས་གཡུལ་ངོར་ཞེས་བྱ་བའི་ཚིགས་བཅད་སྨོས་པ་ཡིན་ཏེ། འདིས་ནི་
[305b.2]ལུས་ཀྱི་སྡུག་བསྔལ་བ་ཡང་མེད་པར་བསྟན་ཏོ། །རྨ་ཙམ་ཉི་ཚེ་འམ། རྨ་ལས་བྱུང་#བའི་སྡུག་བསྔལ་ཙམ་ཡིན་ཏེ། ཅིའི་ཕྱིར་ཞེ་ན། ཇི་ལྟར་དཔའ་བོ་རྣམས་ཀྱིས་རྨ་བྱུང་བ་ཡང་། དགྲ་ཕམ་བར་བྱས་པའི་ཕྱིར་བཟོད་པ་ཡིན་ཏེ། མངོན་པར་འདོད་པའི་དོན་བསྒྲུབ་པའི་ཕྱིར། དགའ་བཞིན་དུ་རྨ་ལ་བཟོད་
[305b.3]པའི་ཕྱིར་རོ། །དེ་བས་ན་རྨ་ལས་བྱུང་བའི་སྡུག་བསྔལ་བ་ཡང་མེད་དེ། བདེ་བ་འབའ་ཞིག་ཡིན་ནོ། །ལུས་སྣད་པ་དེའི་སྡུག་བསྔལ་མེད་དེ། བདེ་བ་ཉིད་དུ་བསྟན་ན། དཔའ་བོ་རྣམས་རྨའི་སྡུག་བསྔལ་དགའ་#བཞིན་དུ་བཟོད་པ་ལྟར་བདག་ཉིད་རྨ་དེ་ལ་དེ་#ཇི་ལྟར་དགའ་བཞིན་དུ་བཟོད་ཅེ་ན། དེའི་རྒྱུ་
[305b.4]བསྟན་པའི་ཕྱིར། རིགས་#མཐུན་རྣམས་ཀྱིས་རབ་ཏུ་གུས་བྱས་ནས#། །ཞེས་བྱ་བའི་ཚིགས་བཅད་སྨོས་སོ། །#དབང་ཕྱུག་བདེ་བ་ཐོབ་པར་གྱུར་པའི་#བུ་ལོན་འཁོར་#བར་གྱུར་པའི་ཕྱིར་ཏེ། དེས་ན་དེའི་ཕྱིར་དགའ་བཞིན་བཟོད་བར་བྱ་བའོ། །དེ་བས་ན་བདག་ཉིད་མཛའ་བ་དང་བྲལ་བའམ་ཞེས་བྱ་བའི་ཚིགས་
[305b.5]བཅད་འདི་ནི་སྔར་བཤད་བའི་དོན་གྱི་མཇུག་སྡུད་#པ་ཡིན་ཏེ། དེ་བས་ན་ཞེས་བྱ་བ་ནི་བུ་ལོན་འཁོར་#བའི་ཕྱིར་རོ། །དེ་ཙམ་ཉི་ཚེར་ཡང་མ་ཟད་དེ། འདི་ལྟར་ཡོན་ཏན་ཁྱད་པར་ཅན་འཐོབ་པའི་ཕྱིར་རོ། །དེ་ཡོན་ཏན་དེ་གང་ཡིན་ཞེ་ན། དེ་ཉིད་སྨྲས་པ། སྔོན་དུ་ཕན་བཏགས་བུ་ལོན་འཁོར་#བས་མགུ། ཞེས་
[305b.6]བྱ་བའི་ཚིགས་བཅད་སྨོས་ཏེ། འཁོར་གྱི་#སྔོན་དུ་ཕན་བཏགས་པ་ལ་ཡང་དག་སྒྲུབ་པའི་ཕན་ཡོན་ཏེ། བདག་ཉིད་མགུ་བ་དང་། མྱ་ངན་ཞི་བ་ནི་བདག་དང་འབྲེལ་པའི་ཕན་ཡོན། །ད་ལྟར་བྱུང་བའི་གྲགས་པ་དྲི་མ་མེད་པ་འཐོབ་པ་དང་། རྒྱལ་པོས་མཆོད་པ་བྱས་ཞེས་བྱ་བ་འདིས་#གཉིས་ནི། གཞན་དང་འབྲེལ་
[305b.7]བའི་ལུས་དང་། ངག་གི་ཕན་ཡོན་ནོ། །འཆི་ལ་འཇིགས་པ་མེད་ཅེས་བྱ་བ་ནི། དུས་གཞན་གྱི་ཕན་ཡོན་ནོ། །དེ་དང་མི་མཐུན་པའི་ཕྱོགས་ཞེས་བྱ་བ་ནི། བུ་ལོན་འཁོར་#བ་ལ་སོགས་པ་མེད་པ། དམ་པས་ཕན་བཏགས་དྲིན་ཡང་དྲན་པར་གྱུར། །ཞེས་བྱ་བ་ནི། དེ་དག་གཞན་དང་འབྲེལ་བའི་ཡིད་ཀྱི་ཕན་
[306a]
[306a.1]ཡོན་ནོ། །དེ་དང་མི་མཐུན་པའི་ཕྱོགས་ཞེས་བྱ་བ་ནི་བུ་ལོན་འཁོར་#བ་ལ་སོགས་པ་མེད་པ་ཉིད་ནི་དེ་དང་མི་མཐུན་པའི་ཕྱོགས་ཏེ་སྐྱོན་ནོ། །ཡོན་ཏན་མེད་པ་ནི་བུ་ལོན་འཁོར་བ་ལ་སོགས་པའི་ཡོན་ཏན་མེད་པའོ། །གྲགས་པ་མེད་པར་གྱུར་པ་ནི། །སྔར་ཐོབ་པའི་གྲགས་པ་རྣམས་
[306a.2]ཉམས་བའོ། །ཉེས་པ་འབྱུང་བའི་གནས་སུ་གྱུར་པ་རྣམས། །ཞེས་བྱ་བ་ནི་ཡོན་ཏན་གྱི་མི་མཐུན་པའི་ཕྱོགས་སྔར་བཤད་པ་དག་སྟེ། ཡོན་ཏན་མེད་པའོ། །བརྟན་པ་ཞེས་བྱ་བ་ནི་སྔོན་དུ་ཕན་བཏགས་བུ་ལོན་ཞེས་བྱ་བའི་ཚིགས་བཅད་ཀྱིས་སོ། །སྐྱོན་#གྱི་མཐུ་ཞེས་བྱ་བ་ནི། བདག་པོ་སྙིང་རྗེ་མེད་
[306a.3]ལ་རྟེན་#བཅས་ནས། །ཞེས་བྱ་བའི་ཚིགས་བཅད་ཕྱེད་འོག་མ་དང་། ཡོན་ཏན་མེད་ཅིང་ཞེས་བྱ་བའི་ཚིགས་བཅད་འདིས་སོ། །གཞོན་#པའི་དཔུང་དང་། ལྗོངས་དང་། བློན་པོ་དང་ཞེས་བྱ་བ་ཡིན་ཏེ། བདེ་བ་དང་ལྡན་པར་དོན་སྒྲུབས་ཤིག་བའོ། །མགོན་མེད་འབངས་དང་། དགེ་སྦྱོང་བྲམ་
[306a.4]ཟེ་རྣམས་ཀྱང་བདེ་བ་དང་ལྡན་པར་མཛོད་ཅིག་པའོ། །ཆོས་འཕེལ་བར་བྱས་ན་ནི། བདེ་བ་གཉིས་དང་ལྡན་པར་འགྱུར་ཏེ། གྲགས་པ་འཕེལ་བ་དང་། སྲིད་འཕེལ་བའོ། །འདི་ནི་འདིར་བདེ་བའོ། །ཡང་ན་གཉི་ག་ལ་ཡང་བདེ་བར་འགྱུར་བའོ། །སློབ་དཔོན་དཔའ་བོ་#མཛད་པའི་སྐྱེས་པའི་
[306a.5]རབས་རྒྱ་ཆེར་བཤད་པ་ལས་སྤྲེའུའི་རྒྱལ་པོའི་སྐྱེས་པའི་རབས་སོ།། །།བཟོད་པ་ལ་གོམས་པ་ཞེས་བྱ་བ་ནི། སྐུ་ཚེ་སྔ་མ་དག་ཏུ་བཟོད་པའི་རྒྱུ་བསྒོམས་པར་བསྟན་ཏོ། །སྨྲས་པ། སོ་སོར་བརྟགས་ཏེ་ཞེས་བྱ་བ་སྨོས་ཏེ། སོ་སོར་བརྟགས་པའི་རྐྱེན་གྱིས་སོ། །ཡང་ན་བཟོད་པ་ལ་གོམས་#
[306a.6]པ་ཞེས་བྱ་བ་ན#། བསྒོམས་པ་ལས་བྱུང་བའི་བཟོད་པ་ཉིད་དུ་བསྟན་པའི་ཕྱིར་སྨྲས་པའོ། །ཁྱིམ་ན་གནས་པ་ནི་ཉེས་པ་མང་པོ་ཞེས་བྱ་བ་ལ་སོགས་པའི་ཚིག་རྐང་གིས་བསྟན་ཏོ། །ཁྱིམ་ན་གནས་པ་ནི་སྐྱེ་བའི་ཀུན་ནས་ཉོན་མོངས་པ་#དང་། ལས་ཀྱི་ཀུན་ནས་ཉོན་མོངས་པ་དང་། ཉོན་མོངས་པའི་
[306a.7]ཀུན་ནས་ཉོན་མོངས་པ་ཉིད་དང་ལྡན་པར་བསྟན་པ་སྟེ། དེ་ལས་ཉེས་པ་མང་པོའི་སྡུག་བསྔལ་དང་ལྡན་ཞེས་བྱ་བ་འདིས་ནི། མཐོང་བའི་ཆོས་ལ་སྐྱེ་བའི་ཀུན་ནས་ཉོན་མོངས་པས་ཉོན་མོངས་པ་ཉིད་དུ་བསྟན་ཏོ། །སྲིད་དང་འདོད་བ་ལྷུར་ལེན་པས་ཉེ་བར་མ་ཞི་བ་ཞེས་བྱ་བ་འདིས་ནི། ཡུན་རིང་བོར་ཡང་སྐྱེ་
[306b]
[306b.1]བའི་ཀུན་ནས་ཉོན་མོངས་པས་ཉོན་མོངས་བ་ཉིད་དུ་བསྟན་ཏོ། །འདོད་ཆགས་དང་། ཞེ་སྡང་ལ་སོགས་པས་ནི་ཉོན་མོངས་པའི་ཀུན་ནས་ཉོན་མོངས་པས་ཉོན་མོངས་པ་ཉིད་དུ་བསྟན་ཏོ། །ཉོན་མོངས་པ་ཡང་རྣམ་པ་གཉིས་ཏེ། མཐོང་བས་སྤང་བར་བྱ་བ་དང་བསྒོམ་#པས་སྤང་པར་བྱ་བ་སྟེ། དེས་
[306b.2]ཀུན་ནས་ཉོན་མོངས་པ་ཉིད་དུ་ཅི་རིགས་པར་སྦྱར་རོ། །བྱ་བ་ངན་པའི་སྐལ་བས་ཆོས་བྱ་བའི་གོ་སྐབས་མེད་པར་ཤེས་པ་ཞེས་བྱ་བ་འདིས་ནི་ལས་ཀྱི་ཀུན་ནས་ཉོན་མོངས་པ་ཉིད་དུ་#བསྟན་ཏོ། །ཉེས་པ་དེ་ལྟ་བུ་མེད་པའི་བདེ་བ་ཅན་དུ་ཞེས་བྱ་བ་ནི་ཀུན་ནས་ཉོན་མོངས་པ་དེ་ལྟ་བུ་མེད་པའི་བར་རོ། །ཚུལ་
[306b.3]ཁྲིམས་ཞེས་སྨོས་པས་ནི། ལྷག་པའི་ཚུལ་ཁྲིམས་ཀྱི་བསླབ་པ་བསྟན་ཏོ། །མང་དུ་ཐོས་པ་ཞེས་སྨོས་པས་ནི་ལྷག་པའི་ཤེས་རབ་བསྟན་ཏོ། །རབ་ཏུ་ཞི་བ་སྨོས་པས་ལྷག་པའི་སེམས་སོ། །རྒྱུ་གསུམ་གྱིས་བཟོད་པ་སྨྲ་བ་ཞེས་བྱ་བར་མིང་དུ་བཏགས་ཏེ། དེ་བཟོད་པར་བྱ་བའི་ཡིད་དམ་མ་
[306b.4]ཉམས་ཤིང་ཞེས་བྱ་བ་ལ་སོགས་པ་སྨོས་ཏེ། ཡིད་དམ་བཅས་པ་ཡང་ཚིག་གིས་བཅད་པ་#ཡིན་པའི་ཕྱིར་དེ་བས་ན་བཟོད་པ་སྨྲ་བ་ཞེས་བྱའོ། །དེའི་བསྔགས་པ་བརྗོད་པ་དང་། གཞན་དག་ལ་དེ་དང་མཐུན་བའི་ཆོས་འཆད་པ་ཡང་དེ་ཉིད་དེ། བཟོད་པ་སྨྲ་བར་བདག་ཉིད་ཀྱིས་ཁས་བླངས་པ་
[306b.5]དང་། བཟོད་པའི་ཡོན་ཏན་བརྗོད་པ་དང་། གཞན་ལ་བཟོད་པ་སྨྲ་བ་ཞེས་བྱ་བའི་དོན་ཏོ། །དེ་ལ་དཀའ་ཐུབ་ཕུན་སུམ་ཚོགས། །ཞེས་བྱ་བའི་མིང་ནི་བཟོད་བ་བྱ་བར་ཡིད་དམ་བཅས་པ་མ་ཉམས་པའི་ཕྱིར་རོ། །མཐུ་རྩལ་ཅན་ཞེས་བྱ་བ་ནི་བཟོད་པའི་བསྔགས་པ་བརྗོད་པ་དང་། གཞན་དག་ལ་དེ་
[306b.6]དང་མཐུན་བའི་ཆོས་འཆད་པའི་ཕྱིར་རོ། །དེ་ལ་རེ་ཞིག་བདག་ནི་བཟོད་པའི་ཡིད་#དམ་བཅས་བ་མ་ཉམས་པས་བཟོད་པ་སྨྲ་བ་ཞེས་བྱ་བ་ནི་རིགས་ན། ཅིའི་ཕྱིར་བཟོད་པའི་བསྔགས་བརྗོད་#པར་བྱེད་པ་དང་། དེ་དང་རྗེས་སུ་མཐུན་པའི་ཆོས་འཆད་པ་ཡིན་ཞེ་ན། དེའི་ཕྱིར་སྨྲས་པ། དེ་ནི་བཟོད་བའི་ཡོན་ཏན་
[306b.7]མཐུ་ཤེས་ནས། །ཞེས་བྱ་བའི་ཚིགས་བཅད་སྨོས་ཏེ། དེ་ནི་བཟོད་པའི་ཡོན་ཏན་མཐུ་ཤེས་ནས། །ཞེས་བྱ་བ་ནི་བཟོད་པའི་བསྔགས་པ་བརྗོད་པའི་རྒྱུས་སོ། །དེ་ཡིས་བདག་བཞིན་འཇིག་རྟེན་རབ་ཏུ་བརྒྱན#། །ཞེས་བྱ་བ་ནི། དེ་དང་རྗེས་སུ་མཐུན་པའི་ཆོས་གོ་རིམས་བཞིན་དུ་འཆད། །ཞེས་བྱ་བའི་རྒྱུས་
[307a]
[307a.1]སོ། །བཟོད་པའི་གཏམ་ཡང་རྒྱུན་དུ་བྱེད་པར་གྱུར། །ཅེས་བྱ་བ་ལ་གཏམ་རྒྱུན་དུ་བྱེད་པ་ནི་རྣམས་#པ་གཉིས་སོ། །བཟོད་པ་ཆེན་པོ་རང་གི་ངང་དུ་གྱུར། །ཅེས་བྱ་བའི་ཚིགས་བཅད་སྨོས་ཏེ། སྔར་བསྟན་པའི་དོན་འདིས་བསྡུ་ཞིང་རིག་པར་བསྟན་པའི་ཕྱིར་ཏེ། བཟོད་བ་ཆེན་པོ་#རང་གི་
[307a.2]ངང་དུ་གྱུར། །ཅེས་བྱ་བ་འདིས་ནི། གང་སྔར་བསྟན་པའི་བཟོད་པར་བྱ་བའི་ཡིད་དམ་མ་ཉམས་པ་ཞེས་བྱ་བ་དེ་ཉིད་བསྟན་ཏོ། །དེ་ཡི་དོན་དང་མཐུན་པའི་གཏམ་དག་གིས། །ཞེས་བྱ་བ་ནི་སྔར་བསྟན་པའི་བཟོད་པའི་བསྔགས་པ་རྗོད་#པར་བྱེད་ལ། དེ་ལ་མཐུན་པའི་ཆོས་ཀྱང་རྒྱུན་དུ་འཆད། །ཅེས་བྱ་བ་དེ་སྟོན་
[307a.3]ཏོ། །རབ་ཏུ་དབེན་པ་དང་། ཉམས་དགའ་བ་ནི་རབ་ཏུ་དབེན་ཞིང་ཉམས་དགའ་བའོ། །དུས་ཐམས་ཅད་དུ་རྙེད་པར་སླ་བའི་མེ་ཏོག་དང་། འབྲས་བུ་གང་ན་ཡོད་པ་དེ་ནི། མེ་ཏོག་དང་། འབྲས་བུ་དུས་ཐམས་ཅད་དུ་རྙེད་སླ་#བའོ། །སྐྱེད་མོས་ཚལ་ཉིད་དགའ་ཞིང་མཛེས་པ་གང་ཡིན་པ་དེ་ནི་སྐྱེད་མོས་ཚལ་
[307a.4]ཉམས་དགའ་བ་ཤིན་ཏུ་མཛེས་པ་དེའོ། །བཀྲ་ཤིས་པ་ནི་ཐོས་པའི་ཆོས་ལ་འདོད་པའི་འབྲས་བུ་སྟེར་བའི་ཕྱིར་རོ། །ཡིད་དུ་འོང་བ་ནི་མཐོང་བའི་ཆོས་ཀྱི་ཡིད་ཀྱི་དྲི་མ་སེལ་བའི་ཕྱིར་རོ། །རྟེན་ནི་འཇིག་རྟེན་ཕ་རོལ་གྱི་མི་འདོད་པའི་འབྲས་བུ་སྨིན་པར་བྱེད་པའི་སྡིག་པ་འཁྲུ་བའི་ཕྱིར་རོ། །དཀའ་ཐུབ་ཀྱི་
[307a.5]ཚལ་ནི་འཇིག་རྟེན་ཕ་རོལ་གྱི་ཡིད་དུ་འོང་བའི་འབྲས་བུའི་རྒྱུ་དགེ་བ་སྐྱེ་བའི་#གཞི་ཡིན་པའི་ཕྱིར་རོ། །སྐྱེད་མོས་ཚལ་གྱི་#ཡོན་ཏན་པས་ཁྱད་པར་དུ་གྱུར་པ་ནི། སྐྱེད་མོས་ཚལ་གྱི་ཡོན་ཏན་བས་ལྷག་བའོ། །དེའི་གནས་སུ་གྱུར་པ་ནི་སྐྱེད་མོས་ཚལ་#གྱི་ཡོན་ཏན་བས་ཀྱང་ལྷག་པའི་གནས་སུ་གྱུར་
[307a.6]པའོ། །འཁྲིད་ཤིང་འཁྱིལ་#པས་གཏིབས་པ་ཞེས་བྱ་བ་ནི། གྲང་ཕ་སེལ་བར་བྱེད་པ་སྟེ། ལྡིང་ཁང་ནི་བསིལ་བའོ། །མེ་ཏོག་རྒྱས་པའི་ལྗོན་ཤིང་དགོད་པ་བཞིན། །པདྨ་རབ་ཏུ་རྒྱས་པའི་མཚོ་འགྲམ་ན། །ཞེས་བྱ་བས་ནི་ཚ་བ་བཙལ་#བས་སོ། །གཞལ་མེད་ཁང་ལ་ལྟ་བས་ཆགས་གྱུར་བ། །
[307a.7]ཞེས་བྱ་བ་ནི་དུས་དྲོ་བའི་ཕྱིར་དང་། གཞལ་མེད་ཁང་རབ་ཏུ་མཛེས་པའི་ཕྱིར་རོ། །པདྨའི་མཚོ་ཞེས་བྱ་བ་ལ་པདྨའི་མཚོ་ནི་གྲང་པའི་ཕྱིར་ཏེ། དུས་ནི་དྲོ་བ་ཉིད་ཀྱིས་བུང་བ་དང་རད་པ་བཞིན་དུ་མེ་ཏོག་ཤིང་ལ་ཞེས་པ་#ནི་མེ་ཏོག་ལ་ལྷག་པར་ཆགས་པའི་ཕྱིར་རོ། །སྐབས་ནི་མཚམས་ཏེ། དུས་ལ་པས་པར་
[307b]
[307b.1]ཤེས་པ་སྟེ། གཉིད་ཀྱི་དབང་དུ་གྱུར་པའི་ཕྱིར་རོ། །ཇི་ལྟར་དགའ་བའི་ཚན་ཚན་དུ་ཆད་པ་དེ་ནི་དགའ་སྟེ། དགའ་སྡེར་ཆད་པའོ། །དེས་ན་དཀའ་ཐུབ་ཀྱི་གནས་སུ་ཕྱིན་པར་གྱུར་ཏོ། །བསྙེན་དཀའ་བའི་རྒྱུས་རབ་ཏུ་ཟབ་པའོ། །དཀའ་ཐུབ་ཀྱི་དཔལ་འབར་བ་དང་། བསམ་གཏན་ལ་གོམས་
[307b.2]པར་བྱས་ཞེས་བྱ་བ་ནི་ཉོན་མོངས་པ་བཀག་པའི་ཕྱིར་རོ། །གཡེང་བ་དང་། འཛེམ་པ་དང་། འཕྱར་བ་གང་གིས་བཏང་བ་དེ་ནི། གཡེང་བ་དང་། འཛེམ་པ་དང་། འཕྱར་བ་བཏང་བའོ། །དྲི་བ་ནི་དེ་དག་ལ་ནང་དྲི་བའོ། །དེ་དག་ལ་ནད་དྲི་བའི་སྐབས་ནས་གླེང་བསླང་བ་གང་ཡིན་པའི་གཏམ་དེ་ན་#
[307b.3]དེ་དག་ལ་ནང་དྲི་པའི་སྐབས་ནས་གླེང་བསླང་བའོ། །གོ་བར་སླ་#བའི་དོན་གང་ཡིན་པ་དེ་ནི་གོ་བར་#སླ་བའོ། །བུད་མེད་ཀྱི་སྐྱེ་བོ་དག་གིས་གོ་བར་སླ་#བའི་དོན་གང་ཡིན་པ་དེ་ནི། བུད་མེད་ཀྱིས་གོ་བར་སླ་#བའོ། །ཡང་ན་གཟུང་བར་བྱ་བ་ཡིན་པས་གཟུང་བའོ། །བདེ་བར་གཟུང་བའི་དོན་གང་ཡིན་པ་དེ་ནི་བདེ་
[307b.4]བར་ཟིན་པའོ། །ལྷག་མ་ནི་སྔ་མ་བཞིན་ནོ། །ནད་དྲི་བའི་སྐབས་ནས་གླེང་བསླང་བ་ཞེས་བྱ་བ་ལ་སོགས་པ་གསུམ་གྱི་#དམ་བཅའ་བ་#དང་། གཏན་ཚིགས་དང་། དཔེ་སྟེ། གོ་རིམས་བཞིན་དུ་སྦྱར་རོ། །མ་སྨད་ཅེས་བྱ་བ་ནི་ཡ་རབས་ཉིད་དུ་སྐྱེས་པ་ཞེས་བྱ་བའི་དོན་ཏོ། །མིའི་ལུས་སུ་སྐྱེས་པ་ཞེས་#བྱ་བ་ནི་མི་
[307b.5]ཉིད་དུ་ཞེས་བྱ་བ་ཡིན་ནོ། །དེ་བཞིན་དབང་པོ་རྣམས་ཀྱང་མ་ཉམས་རྣོ་དང་ལྡན། །ཞེས་བྱ་བ་ལ་དབང་པོ་ཐམས་ཅད་མ་ཉམས་པ་ནི། མ་ཚང་བ་མེད་པ་དང་། རྣོ་བ་དང་ལྡན་པའོ། །དེས་པར་འཆི་བདག་ཅེས་བྱ་བ་ནི་འཆི་བའི་ཆོས་སོ། །བག་མེད་པར་གྱུར་བ་ཞེས་བྱ་བ་ནི་དགེ་བའི་ཆོས་རྣམས་མི་
[307b.6]བསྟེན་པའོ། །དགེ་བའི་ཆོས་དེ་ཡང་སྦྱིན་པ་དང་། ཚུལ་ཁྲིམས་ལ་སོགས་པ་སྟེ#། དེ་དག་ལ་མ་བརྟེན་ཅིང་། མ་བསྒོམས་པས་ནི་བསླུས་པར་གྱུར་པ་ཡིན་ཏེ། དགེ་བའི་ཆོས་མ་བསྒོམས་ན་ནི་ཡང་དེའི་འབྲས་བུ་འཐོབ་པར་མི་#འགྱུར་རོ། །དེ་ཡང་ཚེ་སྐད་ཅིག་མ་གཅིག་གིས་ཟད་པ་དང་། ཚེ་
[307b.7]ཐུང་བའི་ཕྱིར་དང་། འདས་ནས་ཀྱང་ལྡོག་པ་མེད་པའི་ཕྱིར་རོ། །འདི་ནི་རེ་ཞིག་དམ་བཅའ་བའོ། །ཅིའི་ཕྱིར་སླུ་བ་ཡིན་ཞེ་ན། དགེ་བ་མི་བྱེད་བས་སོ། །འདི་ནི་གཏན་ཚིགས་སོ། །དེའི་རྒྱུ་རབ་ཏུ་མི་འབྱུང་ཞིང་ཟད་པ་#དང་། དེའི་རྒྱུ་འབྱུང་བར་བསྟན་པའི་ཕྱིར་ཚིགས་བཅད་གཉིས་སྨོས་ཏེ། རབ་ཏུ་
[308a]
[308a.1]སྦྱིན་དང་ཞེས་བྱ་བ་དང་། རིགས་ལ་སོགས་པ་དམན་ཡང་ཞེས་བྱ་བའི་ཚིགས་བཅད་དོ། །རིགས་ནི་ཚུལ་ཁྲིམས་ཀྱི་འབྲས་བུའོ། །གཟུགས་དང་། ལང་ཚོའི་ཡོན་ཏན་དང་། སྟོབས་རབ་ཏུ་ཆེ་བ་དང་། ནོར་ལ་སོགས་པ་ནི་སྦྱིན་བའི་འབྲས་བུའོ། །དེ་ཡང་ཁ་
[308a.2]དོག་ཕུན་སུམ་ཚོགས་བར་བྱིན་པས་ནི། གཟུགས་བཟང་བའོ། །ཡང་ན་གོས་བྱིན་པས་སོ། །ལང་ཚོའི་ཡོན་ཏན་རྣམས་དང་། སྟོབས་རབ་ཏུ་ཆེ་བ་ནི། ཉམས་#བརྟས་པའི་བཟའ་#བ་དང་། བཏུང་བ་བྱིན་པའི་འབྲས་བུའོ། །ནོར་གྱིས་ཕྱུག་པར་གྱུར་པ་ནི་ནོར་བྱིན་པའི་འབྲས་བུའོ། །ཕྱི་མ་ལ་ཡང་
[308a.3]བདེ་བ་འཐོབ་མི་འགྱུར། །ཞེས་བྱ་བ་ནི་འཇིག་རྟེན་ཕ་རོལ་དུ་སྟེ། འཇིག་རྟེན་འདིའི་བདེ་བའི་རྒྱུས་ཏེ། བདེ་བ་ནི་དགེ་བ་ལ་སོགས་པ་ཡིན་པས་སོ། །རབ་ཏུ་སྦྱིན་དང་ཚུལ་ཁྲིམས་ལ་སོགས་པ་ཞེས་བྱ་བ་ལ་སོགས་པ་སྨོས་པས་ནི་བཟོད་པ་དང་། བརྩོན་འགྲུས་ཀྱང་གཟུང་#ངོ་། །དགེ་བ་དེ་ནི་ཐམས་ཅད་ཀྱི་རྒྱུ་
[308a.4]ཡིན་པའི་ཕྱིར། འདི་ལས་བྱུང་ཞེས་བྱ་བས་བསྟན་བ་ཡིན་ནོ། །ད་ནི་འབྲས་བུ་དེ་མེད་པར་ཡང་སྦྱིན་པ་ལ་སོགས་པ་དང་ལྡན་ན་འབྲས་བུ་སྐྱེ་བའི་དབང་དུ་བྱས་ནས། དེ་མེད་ཀྱང་དེའི་དངོས་པོའི་རྒྱུ་མཚན་ཉིད་བསྟན་པའི་ཕྱིར་སྨྲས་པ། རིགས་ལ་སོགས་པ་དམན་ཡང་ཞེས་བྱ་བའི་ཚིགས་བཅད་སྨོས་སོ། །
[308a.5]སྡིག་པ་ལ་མ་ཆགས་ཤིང་ཞེས་བྱ་བས་ནི། སྡིག་པ་ལས་ལྡོག་པར་སྟེན་ཏེ། མི་དགེ་བའི་ལས་ཀྱི་ལམ་ལས་ལྡོག་པ་ཞེས་བྱ་བའི་དོན་ཏོ། །རབ་ཏུ་སྦྱིན་དང་ཚུལ་ཁྲིམས་ལ་སོགས་ཡོན་ཏན་ལྡན། །ཞེས་#བྱ་བ་ནི། སྦྱིན་པ་#དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་
[308a.6]པ་དང་ལྡན་པའོ། །ཕྱི་མའི་ཚེ་ལའང་བདེ་བ་ཞེས་བྱ་བ་ནི། འཇིག་རྟེན་ཕ་རོལ་དུ་ཡང་བདེ་བའི་རྒྱུ་དགེ་བ་ལ་སོགས་པའོ། །ཚུལ་ཁྲིམས་ལ་སོགས་པའི་འབྲས་བུ་ཇི་ལྟ་བུ་ཞེ་ན། དབྱར་གྱི་དུས་ན་འབབ་ཆུས་རྒྱ་མཚོ་གང་བ་བཞིན། །ཞེས་བྱ་བ་ཡིན་ནོ། །#འཇིག་རྟེན་#དུ་བདེ་བ་རྒྱས་པར་འགྱུར་
[308a.7]བར་མ་ཟད་དེ། མཐོང་བའི་ཆོས་འདི་ལ་ཡང་ཚུལ་ཁྲིམས་ཀྱི་ཕན་ཡོན་རིགས་ལ་སོགས་པའི་རྒྱན་དུ་ཡང་འགྱུར་ཏེ། ཚུལ་ཁྲིམས་ལ་སོགས་པ་དང་ལྡན་པ་དེ་བསྟན་པའི་ཕྱིར། རིགས་དང་གཟུགས་དང་ལུས་ཀྱི་ཡོན་ཏན་རྣམས་ཀྱང་རུང་། །ཞེས་བྱ་བའི་ཚིགས་བཅད་སྨོས་སོ། །འདིའི་བསྡུས་
[308b]
[308b.1]པའི་དོན་ནི་ཚུལ་ཁྲིམས་དང་། བཟོད་པ་དང་། སྦྱིན་པའི་འབྲས་བུ་བདག་ཉིད་ཆེ་བ་དང་། འབྱོར་པ་དང་། གཡོག་འཁོར་ཕུན་སུམ་ཚོགས་པ་ལ་གནས་པའོ། །དེ་ལྟར་བྱུང་བའི་བདག་ཉིད་ཆེ་བ་དང་། གཡོག་འཁོར་འབྱོར་པའི་རྒྱུ་དེ་བས་ཁྱད་པར་དུ་གྱུར་ཅིང་། དེ་དག་གི་རྒྱན་དུ་གྱུར་པ་ཡིན་ཏེ། ཇི་
[308b.2]ལྟར་ཤིང་དང་། ཆར་སྤྲིན་དང་། མཚོ་དག་ལ་མེ་ཏོག་དང་། གློག་ཕྲན་འགྱུ་བ་དང་། བུང་བ་མྱོས་པ་འདུ་བའི་པདྨ་ལྟ་བུ་སྟེ། དེ་ལ་ཤིང་ལྟ་བུ་ནི་ཚུལ་ཁྲིམས་ཀྱི་འབྲས་བུ་སྟེ། ད་ལྟར་#བྱུང་བའི་བདག་ཉིད་ཆེན་པོའི་མཐོ་བ་ཉིད་དེ་ལ་རྒྱན་དུ་གྱུར་བར་བྱེད་དེ། #དེ་ལས་ཀྱང་ཁྱད་པར་དུ་གྱུར་པའི་མཐོ་བ་
[308b.3]ཕུན་སུམ་ཚོགས་པའི་རྒྱུ་ད་ལྟར་བྱུང་བའི་ཚུལ་ཁྲིམས་ཏེ། ཇི་ལྟར་ཤིང་རྣམས་མཐོ་བ་ཉིད་ལ་གཞན་མེ་ཏོག་གིས་བརྒྱན་#པའི་རྒྱུས་སོ། །ཆར་སྤྲིན་ལྟ་བུ་ནི་ད་ལྟར་བྱུང་བའི་སྦྱིན་པའི་འབྲས་བུ་ལོངས་སྤྱོད་ཕུན་སུམ་ཚོགས་པའོ། །ཆང་གྱི་རྟགས་གློག་ཕྲན་འགྱུ་བ་ལྟ་བུ་ནི་སྦྱིན་པ་པོའི་རྟགས་མ་འོངས་
[308b.4]པ་ན་ཁྱད་པར་དུ་གྱུར་པའི་བདག་ཉིད་ཀྱི་ཕུན་སུམ་ཚོགས་པ་མཐོང་བ། སྦྱིན་པའི་འབྲས་བུ་ད་ལྟར་བྱུང་བ་ལ་བྱས་པ་ནི་ཆར་གྱི་རྟགས་གློག་ཕྲན་འགྱུ་བ་དང་འདྲ་བར་སྦྱིན་པ་པོའི་རྟགས་མ་འོངས་པ་ན#། དེ་ལས་ཁྱད་པར་དུ་གྱུར་པའི་ལོངས་སྤྱོད་ཀྱི་རྒྱུ་དག་#གིས་བརྒྱན་པར་གྱུར་པ་ཡིན་ནོ། །མཚོ་ལྟ་བུ་ནི་ད་ལྟར་
[308b.5]བྱུང་བའི་བཟོད་པའི་འབྲས་བུ་བཀུར་སྟི་དང་། གཡོག་འཁོར་ཕུན་སུམ་ཚོགས་པའོ། །བུང་བ་མྱོས་པའི་པདྨ་ལྟ་བུ་ནི་གཞན་དེ་ལས་ཁྱད་#དུ་གྱུར་པའི་གཡོག་འཁོར་ཕུན་སུམ་ཚོགས་པའི་རྒྱུ་བཟོད་པ་ད་ལྟར་བྱུང་བའི་རྒྱན་དུ་གྱུར་བ་ཡིན་ནོ། །ཡོན་ཏན་ཁྱད་པར་#འཕགས་པ་ལུས་ཅན་དག་གི་རྒྱན། །ཞེས་བྱ་བ་ལ།
[308b.6]ཚུལ་ཁྲིམས་དང་། སྦྱིན་པ་དང་། བཟོད་པ་རྣམས་ཀྱི་ཁྱད་བར་དུ་གྱུར་པའི་དབང་དུ་བྱས་པ་ནི་དེ་ལས་ཁྱད་པར་དུ་གྱུར་པ་རྣམས་ཀྱིས་སོ། །ཚུལ་ཁྲིམས་ལ་སོགས་པས་རིགས་ལ་སོགས་པ་འཐོབ་པར་འགྱུར་ཞིང་། གཞན་དུ་མི་འགྱུར་བར་ཇི་ལྟར་ཤེས་པར་བྱ་ཞེ་ན། དེ་བསྒྲུབ་པའི་ཕྱིར། ནད་མེད་ཚེ་
[308b.7]རིང་ནོར་དར་ཞེས་བྱ་བའི་ཚིགས་བཅད་སྨོས་སོ། །ནད་མེད་པ་དང་། ཚེ་རིང་བ་དང་། རིགས་ནི་ཚུལ་ཁྲིམས་ཀྱིའོ། །ནོར་ནི་སྦྱིན་པའི་འོ། །གཟུགས་ནི་བཟོད་པའོ#། །རབ་དང་། འབྲིང་དང་། ཐ་མ་ནི་རབ་འབྲིང་ཐ་མའོ། །དེ་ཉིད་ཀྱི་བྱེ་བྲག་དག་ནི་རབ་འབྲིང་ཐ་མའི་བྱེ་བྲག་གོ། །དེ་དག་སྣ་
[309a]
[309a.1]ཚོགས་པ་#ནི་རབ་འབྲིང་ཐ་མའི་བྱེ་བྲག་སྣ་ཚོགས་པའོ། །ཡང་ན་རབ་འབྲིང་ཐ་མ་དག་ནི་བྱེ་བྲག་སྟེ།ལྷག་མ་ནི་སྔ་མ་བཞིན་ནོ། །ངོ་བོ་ཉིད་ལས་གྱུར་པ་ནི་མ་ཡིན་ཏེ། ཅིའི་ཕྱིར་ཞེ་ན། རྒྱུ་མེད་པ་ཉིད་ཀྱི་བྱེ་བྲག་ལས་བྱུང་བའི་དངོས་པོ་མེད་དེ། འདིས་ནི་རྒྱུ་མེད་པར་སྣ་བ་
[309a.2]བསལ་ཏོ། །སེམས་ཅན་སྣ་ཚོགས་པ་ནི་གཞན་གྱིས་#བསྐྱེད་པ་མ་ཡིན་ཏེ། དབང་ཕྱུག་ལ་སོགས་པས་སོ། །གལ་ཏེ་རྒྱུ་གཅིག་གིས་བསྐྱེད་པ་ཡིན་ན། འགྲོ་བ་རྣམས་བྱེ་བྲག་མེད་པར་འགྱུར་ཏེ། འདིས་ནི་#མི་མཐུན་པ་རྒྱུར་སྨྲ་བ་བསལ་ཏེ#། དེ་ལྟ་མོད་ཀྱི་རབ་ལ་སོགས་པའི་བྱེ་བྲག་ནི་སེམས་
[309a.3]ལས་བྱུང་བ་ཡིན་ཏེ། དེའི་ཕྱིར་སྨྲས་པ། ལས་ནི་རྣམ་པ་གསུམ་ལས་གྱུར། །ཅེས་བྱ་བ་སྟེ། རྣམ་བ་གསུམ་ནི་ལུས་དང་། ངག་དང་། ཡིད་རྣམ་བ་གསུམ་གྱི་དབྱེ་བའོ། །དེ་ནི་སོ་སོའི་དབང་གིས་མཐའ་ཡས་པ་སྟེ་#འགྲོ་བ་སྣ་ཚོགས་ཀྱི་དབྱེ་བ་མཐའ་ཡས་པར་རིགས་བ་ཉིད་དོ། །འདི་དག་
[309a.4]ལས་རྣམ་པ་གསུམ་ལས་གྱུར་པར་ཤེས་པ་ཡིན་པའི་ཕྱིར། འདི་ལྟར་འཇུག་པར་བྱ་སྟེ། མི་བརྟན་པ་ཞེས་བྱ་བ་ནི་སྐད་ཅིག་གིས་འཇིག་#པ་སྟེ། མི་རྟག་པ་ཉིད་དུ་སྟོན་ཏོ། །འཆི་བ་དང་ཉེ་བ་ཞེས་བྱ་བ་སྐལ་བ་མཐུན་པའི་རིས་ལས་མི་རྟག་པ་ཉིད་དུ་སྟོན་ཏོ། །སྡིག་པ་སྤང་བར་གྱིས་ཞེས་བྱ་བ་ནི་མི་དགེ་བའི་
[309a.5]ལས་ཀྱི་ལམ་མོ། །དགེ་བའི་ཕྱོགས་ལ་བརྟེན་པ་ནི། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་བརྟེན་པའོ། །ཅིའི་ཕྱིར་ག་ལས་ཤེ་ན། ལམ་ནི་འདི་ཡིན་ནོ་ཞེས་བྱ་བ་སྟེ། དགེ་བའི་ཕྱོགས་ལ་བརྟེན་པ་དང་། སྡིག་པ་སྤང་བའོ། །གྲགས་པ་ནི་ཚེ་
[309a.6]འདིའི་ཕན་ཡོན་བསྟན་པ་ཡིན་ནོ། །བདེ་བ་འཐོབ་པ་ནི་འཇིག་རྟེན་ཕ་རོལ་གྱི་ཡིན་ཏེ། བདེ་བ་འདོད་པ་དག་ཏུ་བདེ་བ་འཐོབ་པའོ། །འགྲོ་བ་དག་ལ་འདས་པའི་དུས་ཀྱི་བཟོད་པ་ནི་མ་བསྟན་ཏེ། བསོད་ནམས་ཀྱི་ཚོགས་ཀྱི་མཚན་ཉིད་དང་། བསོད་ནམས་ཀྱི་ཚོགས་ཀྱི་འབྲས་བུའི་དབང་དུ་བྱས་ནས་ཐ་
[309a.7]དད་པར་རྗེས་སུ་བསྟན་པའོ། །དེས་ན་ད་ནི་བཟོད་པ་ལས་བརྩམས་ནས། ཡིད་ལ་ཞེ་སྡང་ཡོད་ན་ཡང་། །ཞེས་བྱ་བ་ལ་སོགས་པའི་ཚིགས་བཅད་བརྒྱད་ཀྱིས་བསྟན་ཏེ། ཡིད་ལ་ཞེ་སྡང་ཡོད་ན་ཡང་། །ཞེས་བྱ་བ་ནི། བཟོད་པ་མེད་ན་ཞེས་བྱ་བའི་དོན་ཏོ། །#གཞན་ལ་ཕན་པ་མ་ཡིན་པས་མི་བཟོད་པར་
[309b]
[309b.1]བྱེད་པ་སྟེ། གཞན་མི་འདོད་པར་བྱེད་པའི་ཕྱིར་རོ། །བདག་ལ་ཡང་སྐྱེ་བ་གཞན་ལ་ཕན་པར་འགྱུར་བ་མེད་ཅིང་། རབ་ཏུ་སྡིག་པར་བྱེད་དེ། བདག་དང་གཞན་གྱི་ངན་སོང་གི་རྒྱུར་གྱུར་པའི་ཕྱིར་རོ། །དེ་དག་གིས་ཞེས་བྱ་བ་ནི་ཡིད་ལ་#ཞེ་སྡང་ཡོད་པའོ། །སྡིག་ལ་འཛེམ་པ་ནི་མི་འདོད་པའི་འབྲས་བུ་
[309b.2]ལ་འཇིགས་པས་སོ། །གཉེན་པོ་རྣམས་ལ་#བརྟེན་ནས་ཞེས་བྱ་བ་ནི། བཟོད་པ་ལ་བརྟེན་པའོ། །ཡིད་ལ་ཞེ་སྡང་ཡོད་པའི་གཉེན་པོ་ཉིད་དུ་བསྟན་པའི་ཕྱིར། དགོན་པའི་མེ་ནི་ཞེས་བྱ་བའི་ཚིགས་བཅད་སྨོས་སོ། །མ་དང་འདྲ་བ་ནི་ཡིད་ལ་ཞེ་སྡང་ཡོད་པ་སྟེ། བདག་དང་གཞན་ལ་གནོད་ཅིང་
[309b.3]སྲེག་པའི་ཕྱིར་རོ། །ཆུ་ཀླུང་ཆེན་པོ་དང་འདྲ་བ་ནི་བཟོད་པ་སྟེ། ཡིད་ལ་ཡོད་པའི་ཞེ་སྡང་གི་མེ་རབ་ཏུ་ཞི་བར་བྱེད་པའི་ཕྱིར་རོ། །བཟོད་པ་བསྟེན་ན་ཞི་བར་འགྱུར། །ཞེས་བྱ་བ་ལ། ཇི་ལྟར་བཟོད་པ་བསྟེན་ན་ཞི་བར་འགྱུར་བ་ཉིད་བསྟན་པའི་ཕྱིར། དེ་བས་དེའི་རྒྱུ་ཟིལ་གྱིས་མནན་པས་བཟོད་པ་སྡིག་
[309b.4]པ་སྤོང་། །ཞེས་བྱ་བའི་ཚིགས་བཅད་ཡིན་ཏེ། སྡིག་པ་ཞེས་བྱ་བ་ནི་མི་དགེ་བའི་ལས་སོ། །དེའི་རྒྱུ་ཟིལ་གྱིས་མནན་པས་ཞེས་བྱ་བ་ནི་སྡིག་པ་དེའི་རྒྱུ་སྟེ། དེའི་རྒྱུ་ནི་ཡིད་ལ་ཞེ་སྡང་ཡོད་པའོ། །དེ་ཟིལ་གྱིས་མནན་#པ་ནི་དེའི་གཉེན་པོ་བཟོད་བ་ལ་བརྟེན་#པས་སོ། །དེའི་ཕྱིར་ཞེས་བྱ་བས་ནི་
[309b.5]སྡིག་པ་ཡོངས་སུ་སྤངས་པས་སོ། །དགྲ་ཡང་འཕེལ་མི་འགྱུར་ཞེས་#བྱ་བ་ནི་སྔར་སྐྱེས་པ་ཞི་བར་བྱེད་པ་དང་། སྔར་མ་སྐྱེས་པ་ཡིད་ལ་གནས་པའི་མི་དགེ་བ་ལ་འཇུག་པ་མེད་པ་སྟེ། མི་དགེ་བའི་བདག་ཉིད་གནོད་བ་ཉིད་དོ། །འགའ་ཞིག་ཅེས་བྱ་བ་ནི་དགྲ་སྟེ། མི་མཐུན་པའི་ཕྱོགས་མགུ་བ་#བསྐྱེད་པ་
[309b.6]སྟེ། བདག་ཉིད་ལ་ཡིད་ཀྱིས་སོ། །མཆོད་པར་འོས་པ་ནི་ལུས་དང་། ངག་གི་ལས་ཀྱིས་མཆོད་པ་ཐོབ་པར་བསྟན་ཏོ། །བདེ་བའི་སྐལ་བ་དང་ལྡན་པར་འགྱུར་ཞེས་བྱ་བ་ནི། མཐོང་བའི་ཆོས་ཀྱི་གཞན་དང་#འབྲེལ་པའི་བདེ་བ་སྟེ། མཆོད་པ་དང་། དགའ་བ་གཉིས་ཀྱིས་བདེ་བའི་སྐལ་བ་དང་ལྡན་
[309b.7]པར་འགྱུར་བའོ། །མཐོ་རིས་#འགྲོ་བར་འགྱུར་ཞེས་བྱ་བ་ནི། འཇིག་རྟེན་ཕ་རོལ་དུ་བདེ་བ་འཐོབ་པ་ཡིན་ཏེ། དེ་བས་ན་སྐྱོན་འདི་མེད་པ་ཡིན་པས། བཟོད་པ་བསྟེན་ན་དེ་དག་གི་#མཐུ་ཉིད་དུ་འགྱུར་རོ། །གཞན་ཡང་ཀྱེ་བཙུན་མོ་ཞེས་བྱ་བ་ནི་བཟོད་པའི་རྣམ་པ་གཞན་བསྟན་པའི་ཕྱིར། དགེ་བའི་རང་
[310a]
[310a.1]བཞིན་ཅན་དུ་#རབ་ཏུ་གྲགས། །ཞེས་བྱ་བའི་ཚིགས་བཅད་ལྔ་སྨོས་ཏེ། དེ་ལ་དགེ་བའི་རང་བཞིན་ཞེས་བྱ་བའི་ཚིགས་བཅད་ནི་བཟོད་པའི་འབྲས་བུའི་རང་བཞིན་གྱི་གཉེན་པོ་དང་རྗེས་སུ་མཐུན་པའི་ཡོན་ཏན་གྱི་#དབང་དུ་བྱས་པ་སྟེ། དགེ་བ་ཞེས་བྱ་བ་ལ་དགེ་བའི་རང་བཞིན་ནི་#
[310a.2]ཇི་ལྟ་བུ་ཡིན། ཇི་ལྟར་མ་ཆགས་པ་དང་། ཞེ་སྡང་མེད་པ་དང་། གཏི་མུག་མེད་པ་ཡིན་ནམ། #འོན་ཏེ་མཚུངས་པར་ལྡན་པ་སྟེ། ཇི་ལྟར་ཚོར་བ་ལ་སོགས་པ་ཐམས་ཅད་དུ་འགྲོ་བ་རྣམས་དང་བཅས་པ་ཡིན་ནམ། འོན་ཏེ་ཀུན་ནས་བསླང་བ་སྟེ། ཇི་ལྟར་ལས་རྣམས་དང་བཅས་པ་ཡིན་ནམ།
[310a.3]འོན་ཏེ་དོན་དམ་པའི་ཆོས་ཏེ། ཇི་ལྟར་མྱ་ངན་ལས་འདས་པ་ཡིན་ནམ་སྙམ་ན། ཇི་ལྟར་རང་བཞིན་གྱི་དགེ་བ་སྟེ། ཞེ་སྡང་མེད་པའི་མཚན་ཉིད་ཀྱི་ཕྱིར་རོ། །རང་བཞིན་ཡང་ཡིན་ལ་ཁྱད་པར་ཡང་ཡིན་པས་རང་བཞིན་ཁྱད་པར་ཅན་ནོ། །དེའི་རབ་ཏུ་གྲགས་པ་ནི་རབ་ཏུ་གྲགས་བ་ཁྱད་པར་ཅན་ནོ། །
[310a.4]འདིས་ནི་རང་བཞིན་གྱི་དགེ་བ་ཉིད་དུ་བསྟན་ཏེ། འདི་ནི་རེ་ཞིག་རང་བཞིན་གྱི་བཟོད་པ་ཡིན་ནོ། །བསོད་ནམས་གྲགས་པ་དག་ཀྱང་རབ་ཏུ་འཕེལ། །ཞེས་བྱ་བ་བསོད་ནམས་རབ་ཏུ་འཕེལ་བ་ནི། འཇིག་རྟེན་ཕ་རོལ་དུ་འབྲས་བུ་བདེ་འགྲོར་འགྲོ་བའོ། །གྲགས་པ་རབ་ཏུ་འཕེལ་བ་ནི། །མཐོང་བའི་
[310a.5]ཆོས་ཀྱི་འབྲས་བུའོ། །ཆུ་ཡིས་མ་བཀྲུས་པར་ཡང་དག་པར་འགྱུར། །ཞེས་བྱ་བ་འདིས་ནི། མི་དགེ་བ་ཐམས་ཅད་ཀྱི་གཉེན་པོ་ཉིད་དོ། །ཡོན་ཏན་དེ་དང་དེ་དག་ཕུན་སུམ་ཚོགས། །ཞེས་བྱ་བ་འདིས་ནི་ཡོན་ཏན་ཐམས་ཅད་དང་རྗེས་སུ་མཐུན་པ་ཉིད་དོ#། །དགེ་བའི་རང་བཞིན་ཅན་#དུ་རབ་ཏུ་གྲགས། །
[310a.6]ཞེས་བྱ་བ་བསྟན་པ་ལ་དགེ་བའི་རང་བཞིན་ཉིད་དུ་བསྟན་པར་འདོད་པའི་ཕྱིར། གཞན་ལ་གནོད་པ་རྟག་ཏུ་ཡོང་མི་ཤེས། །ཞེས་བྱ་བའི་ཚིགས་བཅད་སྨོས་སོ། །ཆོས་ཉིད་ཅེས་བྱ་བ་ནི་རྟག་པའོ། །ཡང་ན་ཆོས་ཉིད་ཀྱི་མཚན་ཉིད་ཇི་ལྟ་བུ་ཉིད་ཡིན་པ་དེ་ཉིད་བསྟན་པའི་ཕྱིར་སྨྲས་པ། གཞན་དག་ལ་
[310a.7]ཉེ་བར་གནོད་པ་ནི་#གནོད་བ་སྟེ། སྲོག་གཅོད་པ་ལ་སོགས་པ་མི་དགེ་བ་བཅུའི་ལས་ལ་མི་འཇུག་པའི་མཚན་ཉིད་ཅེས་བྱ་བའི་དོན་ཏོ། །གང་དག་གི་ཆོས་ཉིད་ཡིན་ཞེ་ན། སྙིང་སྟོབས་ཅན་ཏེ་བྱང་ཆུབ་སེམས་དཔའ་རྣམས་ཀྱིའོ། །ཆོས་ཉིད་ཇི་ལྟ་བུ་ཡིན་ཞེ་ན། ཡིད་དུ་འོང་ཞེས་བྱ་བ་སྨོས་སོ། །
[310b]
[310b.1]དེའི་མིང་ཇི་སྐད་དུ་བཏགས་ཤེ་ན། བཟོད་པ་ཞེས་བྱ་བའི་མིང་ཡིན་ཏེ། དེའི་མིང་ཡོན་ཏན་དང་ལྡན་པ་ཉིད་དུ་བསྟན་པའི་ཕྱིར་སྨྲས་པ། ཡོན་ཏན་གྱིས་མངོན་པར་བསྒྲུབས་#པ་ཉིད་དུ་མཛེས་པའི་མིང་གང་ཡིན་པ་དེ་ནི་ཡོན་ཏན་མངོན་བསྒྲུབས་#བཟོད་པ་སྟེ། མཛེས་པའི་མིང་བདག་དང་། གཞན་གཉི་
[310b.2]གལ་མཛེས་པའི་ཕྱིར་བཟོད་པའོ། །འཇིག་རྟེན་གྱི་དོན་བྱེད་པ་ནི། འཇིག་རྟེན་ལ་ཕན་པར་བྱེད་པ་སྟེ། འདིས་ནི་གཞན་ལ་ཕན་པའི་རྒྱུ་ཉིད་དུ་བསྟན་ཏོ། །སྙིང་རྗེས་བཀའ་སྩལ་ཅེས་བྱ་བ་ནི། སྙིང་རྗེ་ཅན་གྱི་བཀའ་ཡིན་པས་སྙིང་རྗེས་བཀའ་སྩལ་པའོ། །འདོད་ཆགས་མེད་པའི་རང་
[310b.3]བཞིན་དང་། འདོད་ཆགས་མེད་པའི་མཚན་ཉིད་བཟོད་པ་གཞན་གྱི་དོན་བྱེད་པར་འཇུག་པ་ཡིན་ཏེ། ཇི་ལྟར་བཟོད་པའི་རྒྱུ་བསྟན་ཏོ། །བསོད་ནམས་གྲགས་པ་དག་ཀྱང་རབ་ཏུ་འཕེལ། །ཞེས་བྱ་བ་དེའི་དོན་རྗེས་སུ་བསྟན་པ་ནི་མ་བཤད་དེ། དེ་བས་དེའི་རྒྱུ་ཟིལ་གྱིས་མནན་པས་བཟོད་པས་སྡིག་
[310b.4]པ་སྤོང་#བ་ཞེས་བྱ་བའི་ཚིགས་བཅད་དེར་བསྟན་ཟིན་པའི་ཕྱིར་རོ། །ཆུ་ཡིས་མ་བཀྲུས་པར་ཡང་དག་པར་འགྱུར། །ཞེས་བྱ་བ་འདིའི་#རྗེས་སུ་བསྟན་པ་ནི། མཐུ་དང་ལྡན་པ་རྣམས་ཀྱི་རྒྱན་ཡང་ཡིན། །ཞེས་བྱ་བའི་ཚིགས་བཅད་འདིས་#བསྟན་ཏེ། #གང་དག་འདི་རྣམ་པར་དག་པར་བྱེད་པ་ཡིན་
[310b.5]ཞེ་ན། དེ་བསྟན་པའི་ཕྱིར་ཚིགས་བཅད་འདི་སྨོས་ཏེ། ཁྱིམ་པ་དང་། རབ་ཏུ་བྱུང་བ་རྣམས་ཀྱིའོ། །ཁྱིམ་པ་རྣམས་ཀྱི་ནི#། མཐུ་དང་ལྡན་པ་རྣམས་ཀྱི་རྒྱན་ཡང་ཡིན། །ཞེས་བྱ་བ་ཡིན་ཏེ། གནོད་སེམས་ཀྱིས་#དགོན་པའི་མེ་ལ་ཆུ་རྒྱུན་འབེབས་པའོ། །དཀའ་ཐུབ་ཅན་གྱི་སྟོབས་
[310b.6]མཆོག་ཕུན་སུམ་ཚོགས་པ་ཡོད་ན་ནི། གནོད་སེམས་དགོན་པའི་མེ་ལ་ཆུའི་རྒྱུན་འབེབས་པ་ཡིན་ཏེ། གནོད་སེམས་ཀྱི་དགོན་པའི་མེ་ལ་ཆུའི་#རྒྱུན་འབེབས་ཞེས་བྱ་བ་ཡིན་ཏེ། གནོད་སེམས་ཀྱི་དགོན་པའི་མེ་ལ་ཆུའི་རྒྱུན་དང་འདྲ་བར་དེ་ཉེ་བར་ཞི་བ་སྟེ། དེ་བས་ན་གནོད་སེམས་དགོན་པའི་མེ་
[310b.7]ལ་ཆུ་རྒྱུན་འབེབས་ཞེས་བྱ་བ་ཡིན་ནོ། །དེའི་ཕྱིར། གཉི་གའི་ཚེ་ལ་དོན་མེད་ཞི་བར་བྱེད། །ཅེས་བྱ་བ་སྨོས་ཏེ། དེ་བས་ན་ཆུ་ཡིས་མ་བཀྲུས་པར་ཡང་དག་པར་བྱེད་དེ། དོན་མེད་པར་ཉེ་བར་ཞི་བར་བྱེད་པའི་ཕྱིར་རོ། །ཡོན་ཏན་དེ་དང་དེ་དག་ཕུན་སུམ་ཚོགས། །ཞེས་བྱ་བ་#དེའི་རྗེས་སུ་བསྟན་པ་ནི།
[311a]
[311a.1]དམ་པ་རྣམས་ཀྱི་#གོ་ཆ་བཟོད་པ་ཡིན། །ཞེས་བྱ་བའི་ཚིགས་བཅད་དེ་བསྔགས་པའི་#མེ་ཏོག་གི་རྒྱུར་གྱུར་པའི་ཕྱིར། བཟོད་པའི་ཡོན་ཏན་གྱི་ཚོགས་རྗེས་སུ་འཕེལ་བར་འགྱུར་རོ། །དེ་ལྟ་བུ་ལ་སྦྱར་བའི་ཕྱིར། ཆོས་ཀྱི་མི་མཐུན་པའི་ཕྱོགས་རྣམས་ཞེས་བྱ་བའི་ཚིགས་
[311a.2]བཅད་འདི་སྨོས་པ་ཡིན་ནོ། །ཆོས་ཀྱི་བགེགས་མི་མཐུན་པའི་ཕྱོགས་ནི་མི་མཐུན་པའི་ཕྱོགས་སོ། །ཆོས་ཀྱི་མི་མཐུན་པའི་ཕྱོགས་ཀྱང་ཡིན་ལ། བཟོད་པ་ཡང་ཡིན་པས་ཆོས་ཀྱི་མི་མཐུན་པའི་ཕྱོགས་རྣམས་བཟོད་པའོ། །དེས་འཇོམས་པ་ཡིན་པས་གང་དེས་སྨྲས་པའོ། །བཟོད་
[311a.3]པ་ཕན་པར་འགྱུར་ཞེས་བྱ་བ་ལ་བཟོད་པའི་ཕན་པ་ནི། བཟོད་པ་ཕན་པར་འགྱུར་བ་སྟེ། ཕན་པ་དང་མཐུན་པ་ཞེས་བྱ་བའི་དོན་ཏོ། །འདོད་ཆགས་ཀྱང་ཡིན་ལ། ལྷག་མ་ལུས་པ་#ཡང་ཡིན་པས། འདོད་ཆགས་ཀྱི་ལྷག་མ་ལུས་པའོ། །དེས་ལྕི་བར་གྱུར་བའི་མིག་གང་ཡིན་པ་དེ་ནི། འདོད་
[311a.4]ཆགས་ཀྱི་ལྷག་མ་ལུས་པས་མིག་ལྕི་བར་གྱུར་པའོ། །བཙུན་མོ་རྣམས་ཀྱི་#སྦོབས་པས་བསྲུང་བ་དང་བྲལ་བའི་བག་ཡངས་སུ་#དགོད་ཅིང་། རྩེ་བ་དང་། ལྟ་འདོད་པ་གང་ཡིན་པ་དེ་ནི་བཙུན་མོ་རྣམས་ཀྱི་སྦོབས་པས་བསྲུང་བ་དང་བྲལ་བའི་བག་ཡངས་སུ་དགོད་ཅིང་། ཅེ་བ་དང་། ལྟ་འདོད་
[311a.5]པའོ། །མེ་ཏོག་དང་། ལོ་མ་སྣ་ཚོགས་ཀྱིས་གཏོར་བ་གང་ཡིན་པ་དེ་ནི། མེ་ཏོག་དང་། ལོ་མ་རྣམས་ཀྱིས་གཏོར་བའོ། །མེ་ཏོག་དང་ལོ་མ་སྣ་ཚོགས་#ཀྱིས་གཏོར་བའི་ནགས་ཀྱི་ལམ་ནི་ལམ་སྟེ། མེ་ཏོག་དང་ལོ་མ་སྣ་ཚོགས་ཀྱིས་གཏོར་བའོ། །ཡང་ན་ལམ་མེ་ཏོག་དང་། ལོ་མ་སྣ་
[311a.6]ཚོགས་ཀྱིས་གཏོར་བ་དང་ལྡན་པའོ། །འཁོན་སྙིང་#ཡོད་པ་ཞེས་བྱ་བ་ནི། དེའི་ཁྲོ་བའི་རྒྱུས་བྱས་བ་ཉིད་དུ་སྟོན་ཏོ། །འདོད་ཆགས་ཀྱིས་དྲན་པ་ཉམས་ཞེས་བྱ་བ་ནི་ད་ལྟར་བྱུང་བའི་དྲན་པ་འཇིག་#པའི་རྒྱུ་ཡིན་ཏེ། འདིས་ནི་ཁྲོ་བའི་གཉེན་པོ་མེད་པར་བསྟན་ཏོ། །ཕྲག་དོག་གིས་ཟིལ་གྱིས་
[311a.7]ནོན་པའི་ཕྱིར་ཞེས་བྱ་བ་ནི་ཉོན་མོངས་བ་ཀུན་དུ་སྤྱོད་པས་ད་ལྟར་བྱུང་བའི་རྐྱེན་དུ་བསྟན་ཏོ། །དུལ་བ་དང་། དེས་པ་ནི་དུལ་བ་དང་དེས་པའོ། །དེ་གཉིས་ཀྱི་སྤྱོད་པ་ནི་དུལ་བ་དང་། ངེས་པར་སྤྱོད་པའོ། །ཉམས་པའི་དུལ་བ་དང་། དེས་པ་#སྤྱོད་པ་གང་ཡིན་པ་དེ་ནི། དུལ་བ་དང་། ངེས་པར་
[311b]
[311b.1]སྤྱོད་པ་#ཉམས་པའོ། །འཐབ་#མོ་དང་། རྒོལ་བར་འདོད་པ་དེའི་ཤུགས་ནི་འཐབ་#མོ་རྒོལ་བར་འདོད་པའི་ཤུགས་ཏེ་དེ་ལས་སོ། །རྡུལ་དང་། མདོག་འགྱུར་བ་དང་། འདར་བ་ནི་#རྡུལ་དང་། མདོག་འགྱུར་བ་དང་། འདར་བ་དག་གོ། །རྡུལ་དང་། མདོག་འགྱུར་བ་དང་། ལུས་འདར་བ་འབྱུང་།
[311b.2]བ་གང་ཡིན་པ་དེ་ནི། རྡུལ་དང་། མདོག་འགྱུར་པ་དང་། ལུས་འདར་བར་གྱུར་པའོ། །སྨིན་མ་བཙུམས་པས་མིག་རྩ་དམར་པོ་བགྲད་#པ་གང་ཡིན་པ་དེ་ནི། ཚུལ་འཆོས་ཞེས་བྱ་བའི་བྱ་བ་པའོ། །ཚུལ་འཆོས་ཀྱི་གཡོ་སྒྱུའི་རང་བཞིན་གང་ཡིན་པ་དེ་ནི་དེའོ#། །དེ་དག་གི་སྤྱོད་ཚུལ་དང་། མཛེས་
[311b.3]པ་དང་། དུལ་བ་ནི་#སྤྱོད་ཚུལ་མཛེས་པ་དུལ་བའོ། །དེ་དག་གི་གུས་པ་དང་། མཁས་པའི་སྤྱོད་ཚུལ་མཛེས་པ་དང་། དུལ་བ་ནི་གུས་ཤིང་འོས་པ་མཁས་པའོ། །རབ་ཏུ་ཁྲོས་ཤིང་བཞིན་#གྱུར་ལ། །ཞེས་བྱ་བ་འདི་#ནི། སོ་སོར་བརྟགས་ཏེ་བརྣག་#པའི་མཐུ་ཆུང་བས། །#ཞེས་བྱ་བ་ལ་སོགས་པ་
[311b.4]སྟོན་པ་ཡིན་ནོ། །ཡང་ན་འཐབ་#མོ་རྒོལ་འདོད་པའི་ཤུགས་ལས་རྡུལ་ནི་བྱུང་ལུས་འདར་བ་ཞེས་བྱ་བ་དེ་ཉིད་སྟོན་ཏོ། །སྤྱོད་པ་ཉམས་ཤིང་རྩུབ་པར་མངོན་ལ་ཞེས་བྱ་བ་ནི་གང་སྔར་བསྟན་པའི། ང་ཡི་གཟི་བརྗིད་ཟིལ་མནན་ནས། །ཞེས་བྱ་བ་དེ་སྟོན་པ་ཡིན་ནོ། །མཚོན་ཆ་ཐོགས་ཏེ་ཞེས་བྱ་བ་ནི་
[311b.5]གང་སྔར་བསྟན་པའི་གསོལ་ཀ་བའི་ལག་ན་རལ་གྲི་འདུག་པ་བླངས་ཏེ་ཞེས་བྱ་བ་དེ་ཉིད་སྟོན་ཏོ། །དེས་མགུ་པར་བྱས་ཟིན་ཏོ་ཞེས་བྱ་བ་ནི་སེམས་དབང་དུ་བྱས་པའོ། །དེ་ཡང་ཉམས་སུ་མི་ལེན་ཏེ། དེ་ཅིའི་#ཕྱིར་ཞེ་ན། བུད་མེད་བསྟན་#པར་སྣང་བ་ལས་བཟོད་པ་མེད་དོ། །འཆོས་པའི་ཚུལ་
[311b.6]ཡིན་པས་འཆོས་པའི་ཚུལ་ལོ། །འཆོས་པའི་ཚུལ་ཉིད་འདྲིད་པ་ཡིན་པས་ཚུལ་འཆོས་འདྲིད་པའོ། །དེས་བརྟན་པ་འདུག་པའི་ཚུལ་ནི་བཟོད་པ་སྨྲ་བ་ཡིན་ནོ། །ཞེས་བྱ་བའི་སྒྲ་སྨྲ་ཞིང་འདུག་པའོ། །ཡིད་མི་དགའ་བ་ཞེས་བྱ་བ་ནི་བྱང་ཆུབ་སེམས་དཔའ་ནོངས་ཀྱིས་དོགས་པའོ། །མྱ་ངན་
[311b.7]ནི་བཤུགས་#པར་མ་ནུས་པའོ། །དེ་གཉིས་ཀྱིས་གདུངས་བའི་ཡིད་གང་ཡིན་པ་དེ་ནི་ཡིད་མི་དགའ་ཞིང་མྱ་ངན་གྱིས་གདུངས་པའོ། །འཇིགས་པ་ནི་རྒྱལ་པོའི་ཆད་པས་སོ། །སྐྲག་པ་ནི་དེ་བཅོས་བའི་ཐབས་ལ་མ་ཤེས་པས་སོ། །དེ་གཉིས་ཀྱིས་གཡེན་སྦྱོ་བ་ནི། འཇིགས་ཤིང་སྐྲག་པས་འཁྲུགས་
[312a]
[312a.1]པའོ། །དྲང་སྲོང་མཆོག་དེའི་མྱ་ངན་བྱེད་ཅིང་ཞེས་བྱ་བ་ལ། ཅིའི་རྒྱུས་མྱ་ངན་བྱེད་བ་ཡིན་ཞེ་ན། དེའི་ཕྱིར་སྨྲས་པ། བདག་ཅག་རྣམས་ཀྱི་དོན་ནི་བདག་ཅག་རྣམས་ཀྱི་#ཕྱིར་རོ། །ཉེས་པ་ཡོད་མེད་པར་#ཞེས་བྱ་བ་ནི་གང་ལ་རྒྱལ་པོ་ཉེས་པར་བྱས་པས་#དོགས་པའི་ཉེས་
[312a.2]པ་དེ་#མེད་ཅིང་མ་ཡིན་པས་སོ། །དུལ་བ་ཞེས་བྱ་བ་ནི་ལུས་དང་ངག་གི་དུལ་བ་དག་གོ། །དཀའ་ཐུབ་ཆེན་པོ་ཞེས་བྱ་བ་ནི་རབ་ཏུ་བྱུང་བའོ། །ཡོན་ཏན་གྲགས་པ་ཞེས་བྱ་བ་ནི། ཡོན་ཏན་འཇིག་རྟེན་གྱིས་བརྗོད་པའོ། །ལམ་དུ་ཞུགས་ཞེས་བྱ་བ་ནི་མངོན་པར་འགྲོ་བ་ཞེས་བྱ་བའི་དོན་ཏོ། །བྱེད་
[312a.3]པ་ནི་ལུས་དང་། ངག་གི་འགྱུར་བའོ། །ཅི་ཞིག་གྱུར་ནས་སུ་ཞེས་བྱ་བ་ནི་བརྡེག་པ་དང་། བཅིངས་པ་ལ་སོགས་#པའི་ལས་ཀྱི་ལམ་གྱིས་#ཞེས་བྱ་བའི་དོན་ཏོ། །གྲགས་པ་ཐོབ་པ་ཞེས་བྱ་བ་ནི་ཐུབ་པའི་ལུས་བཅད་པས། རང་གི་ཆོས་ཀྱི་ལུས་བཅད་ཅིང་འཆི་བ་ལ་སོགས་པས་སོ། །ཨ་
[312a.4]ཛིན་དང་དབྱིག་པ་གང་ཡིན་པ་དེ་ནི་ཨ་ཛིན་དང་དབྱིག་པའོ། །དེ་ཡོད་པ་ནི་ཨ་ཛི་ན་དང་དབྱིག་པ་ཐོགས་པའོ། །གཡོ་སྒྱུ་ནི་སླུ་#བའོ། །གཡོ་སྒྱུ་ཉིད་བརྗིད་བག་ཏུ་འཆོས་པ་ཡིན་པས་གཡོ་སྒྱུ་བརྗིད་བག་འཆོས་པའོ། །ཁྲོས་པ་དང་། རྔམ་པ་ཞེས་བྱ་བ་ལ། ཁྲོས་པ་ནི་ཞེ་སྡང་ངོ་། །རྔམ་
[312a.5]པ་ནི་དེ་ལ་མངོན་པར་འཇུག་པའོ། །དེ་གཉིས་ཀྱི་སྤྱོད་པའི་ཚུལ་མི་སྡུག་བར་གྱུར་པ་དེ་ནི་དེའོ། །འདིས་ནི་མཐོང་བའི་ཆོས་བདག་ཉིད་བླ་མེད་པ་ཉིད་དུ་བསྟན་ཏོ། །དུལ་#བར་སྦོད་པའི་དཔལ་ནི་ཉམས། །ཞེས་བྱ་བ་འདིས་ནི། བྱང་ཆུབ་སེམས་དཔའ་ལ་ཟླ་མེད་པའི་འཇུག་པ་བསྟན་ཏོ། །དེ་
[312a.6]ལྟར་དེ་གཉིས་ནི་མཐོང་བའི་ཆོས་ལ་བདག་དང་། བྱང་ཆུབ་སེམས་དཔའ་ལ་སྒྲུབ་པ་བསྟན་ཏོ། །བདག་ལ་ཕན་པ་དང་། གནོད་པའི་ལམ་ནི་བརྗེད་པར་གྱུར། །ཅེས་བྱ་བ་འདིས་ནི་སྐྱེ་བ་གཞན་གྱི་མི་འདོད་པའི་འབྲས་བུ་བསྟན་ཏོ། །སྐལ་བ་མེད་ལས་གྱུར་པ་ཞེས་བྱ་བ་འདིས་ནི། སྔར་བྱས་
[312a.7]བའི་ལས་ངན་པ་ལས་གྱུར་བའོ། །སེམས་ལ་#གཅགས་པ་ནི་ཚིག་#ཙམ་གྱིས་ཀྱང་མ་བྱས་ན་གཞན་ལྟ་ཅི་སྨོས་ཞེས་བྱ་བ་ཡིན་ཏེ། འདིས་ནི་སྔར་དྲིས་བའི་རྒྱུའོ། །དམ་པ་མ་ཡིན་པའི་སྤྱོད་པ་ནི་ཉེས་པའི་ལམ་སྟེ། རང་གི་ཆོས་ཀྱི་ལམ་མ་ཡིན་བའོ། །འགྲོ་བའི་དོན་བྱེད་ཅེས་བྱ་བ་ནི་ཉེས་པ་#མི་བྱེད་
[312b]
[312b.1]པ་དག་ལ་ཕན་འདོགས་པར་འཇུག་པའོ། །རྣམ་པར་བརྟག་པའི་ལམ་ཞེས་བྱ་བ་ནི་ཡང་དག་པའི་ལམ་མོ། །ཅིའི་ཕྱིར་ལམ་རྣམ་པར་བརྟག་ཅེ་ན། དེའི་ཕྱིར་སྨྲས་པ། ལེགས་པ་དག་ཀྱང་ཅུང་ཟད་མི་རིགས་མཐོང་། །ཞེས་བྱ་བའི་ཚིགས་བཅད་སྨོས་ཏེ། མི་རིགས་པ་ཞེས་བྱ་བ་ནི་ཉེས་#
[312b.2]པ་ཞེས་བྱ་བའི་དོན་ཏོ། །ལེགས་པ་དག་ཀྱང་ཞེས་བྱ་བ་ནི་ཉེས་པ་མེད་པའོ། །ཁ་ཅིག་ནི་ཉེས་ཀྱང་ལེགས་པར་མཐོང་ཞེས་བྱ་བ་#སྟེ། དེས་ན་དེའི་ཕྱིར་མ་བརྟགས་ཞེས་བྱ་བ་ཡིན་ནོ། །ཡུལ་ཅི་ཞིག་ལ་མ་བརྟགས་པ་ཡིན་ཞེ་ན། དེའི་ཕྱིར་སྨྲས་པ། གཏན་ཚིགས་ཁྱད་པར་ཅན་ལ་སྟེ།
[312b.3]ཁྱད་པར་གྱི་གཏན་ཚིགས་དག་ནི་གཏན་ཚིགས་ཁྱད་པར་ཅན་དག་སྟེ་དེ་ལའོ། །དགོས་པའི་དོན་ཉིད་ཅེས་བྱ་བ་ནི། དེའི་དངོས་པོ་ཉིད་ཡིན་པས་དགོས་པའི་དོན་ཉིད་དོ། །དགོས་པའི་དོན་ཡོད་པར་བརྟགས་པ་ཉིད། གཏན་ཚིགས་ཁྱད་པར་གྱིས་ཏེ། དེ་ལྟར་བརྟག་པ་བྱས་ན་ནི། དགོས་
[312b.4]པའི་དོན་རྟོགས་པ་ཉིད་དུ་འགྱུར་ཞིང་ཉེས་པ་ཡང་ཉེས་པ་ཉིད་དུ་རྟོགས་སོ། །ལེགས་པར་ཞུགས་ནས་ནི་ཞེས་བྱ་བ་ནི་ཆོས་ཁྲིམས་ལས་བཤད་པ་བཞིན་དུའོ། །བསྟན་#ངག་ལམ་དུ་ཞེས་བྱ་བ་ནི་ལུགས་ཀྱི་བསྟན་བཅོས་ཀྱི་ཚུལ་ཀྱིས་སོ། །ཆོས་ཁྲིམས་དང་ལུགས་ཀྱི་བསྟན་བཅོས་ཀྱི་ཚུལ་
[312b.5]གྱིས་#བཀའ་ཁྲིམས་ཀྱི་བྱ་བས་ནན་ཏུར་བྱ་བ་དང་། ཕན་གདགས་པར་བྱ་བ་ལ་རྗེས་སུ་གཟུང་བར་བྱས་ན་དེ་དག་ཉིད་ཀྱི་ཆོས་དང་། སྲིད་དང་། བདེ་བར་འགྱུར་ར། བཏུལ་ནས་ཞེས་བྱ་བ་ནི་གང་གི་ཕྱིར། དེ་ལྟར་བྱ་བ་དག་ལེགས་བར་བརྟགས་པའི་རྒྱུས་ཆོས་དང་། སྲིད་དང་། བདེ་བའི་དོན་
[312b.6]ཉམས་པར་མི་འགྱུར་བས་དེའི་ཕྱིར་རོ། །གྲགས་བར་གྱུར་པ་ཞེས་བྱ་བ་ནི། ཉེས་བ་མེད་པའི་རིགས་པ་སྟེ། གྲགས་པ་མ་ཡིན་པའི་རྒྱུས་སོ། །ཉེས་པ་ཅིར་འགྱུར་ཞེ་ན། དེའི་ཕྱིར་སྨྲས་པ། ནགས་ཚལ་ན་གཏམ་ངན་པ་འཕེལ་ཞེས་བསྟན་པ་ཡིན་ཏེ། རང་གི་སྐྱེས་བུ་བྱེད་པའི་བསྲུང་བ་
[312b.7]ཉམས་པར་སྟོན་ཏོ། །ཁྱོད་ཀྱི་མཐུ་ཡིས་བསྲུང་བ་#ཞེས་བྱ་བ་ནི། བདག་པོ་གཞན་མ་ཡིན་པ་ཉིད་དུ་སྟོན་ཏོ། །ཕན་པའི་ཚུལ་མེད་ཅེས་བྱ་བ་ནི། འཇིག་རྟེན་ཕ་རོལ་པ་#ལ་ཕན་པའོ། །དམ་པས་སྨད་པ་ནི་འཇིག་རྟེན་འདིའི་གྲགས་པ་མ་ཡིན་པའོ། །དེ་བས་རྣམ་པར་བརྟགས་པའི་ལམ་དུ་འཇུག་
[313a]
[313a.1]པའི་རིགས། །ཞེས་གང་བཤད་པ་ལ། ཇི་ལྟར་རྣམ་པར་བརྟགས་པའི་ལམ་དུ་འཇུག་པར་བྱ་ཞེ་ན། སྨྲས་པ། སྲུང་མ་ཉུག་#རུམ་བཅས་པ་ཞེས་བྱ་བའི་ཚིགས་བཅད་ཡིན་ཏེ། ལྷགས་པ་ལ་ཞེས་བྱ་བ་འདིས་ནི། བདག་ཉིད་#བུད་མེད་ལ་འགྲོ་བ་བསལ་ཏོ། །བདག་
[313a.2]གི་ཞེས་བྱ་བ་ནི་རབ་ཏུ་བྱུང་པའོ། །གནས་ཞེས་བྱ་བ་ནི་སེམས་ཅན་ཐམས་ཅད་ཀྱི་ཐུན་མོང་དུ་སྟོན་ཏེ#། སྔོན་མ་མཐོང་བར་ཡང་འོང་བས་སོ། །སྲུང་མ་ཉུག་#རུམ་ཞེས་བྱ་བ་ནི་དབེན་པ་མ་ཡིན་པ་ཉིད་དུ་བསྟན་ཏོ། །བདག་གིས་ནོངས་པ་ཅུང་ཟད་ཅེས་བྱ་བ་འདིས་ནི། བུད་མེད་ལ་འགལ་བར་གྱུར་
[313a.3]པའོ། །དེ་ནི་བདག་ལ་མེད་པ་ཉིད་མོད་ཀྱི། །དེ་སྟེ་བུད་མེད་རྣམས་བདག་གི་གནས་སུ་འོངས་པ་ཙམ་གྱིས། གལ་ཏེ་ནོངས་པར་གྱུར་ཀྱང་རྒྱན་གྱི་མཆོག། །ཅེས་བསྟན་པ་ཡིན་ནོ། །རྒྱན་གྱི་མཆོག་གི་བཟོད་པ་དེ་ཉིད་བསྟན་པའི་ཕྱིར། སྨྲས་པ། བཟོད་པས་བརྒྱན་ན་ཇི་ལྟར་མཛེས་པ་
[313a.4]བཞིན། །ཞེས་བྱ་བའི་ཚིགས་བཅད་སྨོས་ཏེ། བཟོད་པ་ལ་བརྟེན་ཅིག་པའོ། །བཟོད་པའི་མན་ངག་བསྟན་པ་ཡིན་པས་བཟོད་པའི་མན་ངག་གོ། །བཟོད་པའི་མན་ངག་བསྟན་པ་ཉིད་སྙད་བཏགས་པ་ཡིན་པས། བཟོད་པའི་མན་ངག་བསྟན་པར་སྙད་བཏགས་པའོ། །ཉེས་པ་མེད་
[313a.5]པ་ནི་སྐྱོན་མེད་པའོ། །བྲམ་ཟེ་ལས་རབ་ཏུ་བྱུང་བ་ནི་ཡོན་ཏན་གྱི་ཞིང་ཉིད་དུ་སྟོན་ཏོ། །བསོད་#པར་བྱེད་པ་རྣམས་ཡོངས་སུ་སྲུང་བ་པོ་ནི། རྒྱལ་པོ་ཡིན་ན་འདི་ལྟར་ཅིའི་ཕྱིར་འཇུག་ཅེས་བྱ་བའོ། །བཟོད་པའི་མན་ངག་བསྟན་པའི་རྩོལ་བ་དེ་ཉིད། བདག་འཇིགས་ནས་གསོལ་བ་ནི་མ་ཡིན་ཏེ།
[313a.6]ཅིའི་ཕྱིར་འཇིགས་ནས་མི་གསོལ་ཞེ་ན། མི་འཇིགས་པའི་རྒྱུ་བསྟན་པའི་ཕྱིར། སེམས་ཅན་རྣམས་ནི་འཆི་#འགྱུར་བའི། །ཞེས་བྱ་བ་སྨོས་ཏེ། འདི་གཉིས་ཀྱི་རྒྱུས་འཆི་བས་འཇིགས་པ་ཡིན་ཏེ། དེ་གཉི་ག་ཡང་མེད་པ་ཉིད་དུ་བསྟན་པའི་ཕྱིར་སྨྲས་པ། འཇིག་རྟེན་གྱི་རང་བཞིན་ཡོངས་སུ་
[313a.7]མ་ཤེས་ནས་བསོད་ནམས་མ་བྱས་པ་དང་། ངན་འགྲོར་འགྲོ་བའི་དགོས་པ་ཡོད་པའོ། །དེ་གཉི་ག་ཡང་མེད་པ་སྟེ། སེམས་ཅན་རྣམས་ནི་འཆི་བར་འགྱུར་བའི་#ཚུལ་འདིས་ངེས་པ་ཉིད་དུ་གནས། །ཞེས་བྱ་བ་ཡོངས་སུ་ཤེས་པའི་ཕྱིར། རྒྱུ་དང་པོ་མེད་དོ། །བདག་གི་ཚུལ་ལའང་རྗེས་བལྟས་#
[313b]
[313b.1]ན། །ཞེས་བྱ་བ་འདིས་ནི། བསོད་ནམས་བྱས་པའི་ཕྱིར། གཉིས་པ་ཡང་མེད་པས་སོ། །ཅི་སྡེ་དེ་གཉི་ག་མེད་ན་ཅིའི་ཕྱིར། དེ་ལྟར་བཟོད་པའི་མན་ངག་བསྟན་པར་ཐ་སྙད་བཏགས་ཤེ་ན། ཕྱི་ནས་ཆོས་ཀྱི་བདེ་བ་ལ། །ཞེས་བྱ་བའི་ཚིགས་བཅད་བརྩམས་སོ། །ཕྱི་ནས་ཆོས་ཀྱི་བདེ་བ་ལ་
[313b.2]གནོད་པ་ཞེས་བྱ་བ་ལ། གནོད་དུ་དོགས་པ་ནི་ཆོས་མ་ཡིན་པར་མ་གྱུར་ཅིག་པའི་དོན་ཏོ། །བདེ་བ་འཐོབ་ལ་ཕན་པའི་ཞེས་བྱ་བ་ནི། བདེ་བ་འཐོབ་པ་གཅིག་པུར་མ་ཟད་དེ། ཆོས་མ་ཡིན་པ་འཐོབ་#ཅིང་གནོད་པའོ། །དེ་ལྟ་མོད་ཀྱི་ཡོན་ཏན་རྣམས་ཀྱི་འབྱུང་གནས་སུ་གྱུར་པ་དང་། ཉེས་པ་
[313b.3]རྣམས་ཀྱང་ཟློག་པར་བྱེད་པའི་ཕྱིར། རབ་ཏུ་བཟང་པོའི་སྐྱེས་བཞིན་དུ། །དགའ་བས་བདག་#ནི་བཟོད་པ་སྨྲ། །ཞེས་བྱ་བ་སྟེ། དེ་ཉིད་བསྟན་པ་ནི་བཟོད་པ་ཡོན་ཏན་འབྱུང་གནས་ཞེས་བྱ་བའི་ཚིག་གོ། །ཚུལ་འཆོས་ཀྱི་#བརྟུལ་ཞུགས་ནི་གཡོའི་བརྟུལ་ཞུགས་སོ། །མྱ་ངན་མི་བྱེད་དེ་བདག་ཉིད་ཆེན་པོའི་
[313b.4]ཉམས་པའི་རྒྱུ་ཡིན་པའི་ཕྱིར་རོ། །བདག་ལ་གནོད་པ་བྱེད་པའི་རྒྱལ་པོ་ལ་ཡང་འཁྲུགས་པར་མི་བྱེད་དོ། །ཅིའི་ཕྱིར་མྱ་ངན་མི་བྱེད་ཅེ་ན། ལུས་ཀྱི་ཕུང་པོ་གནས་པའི་མཐའ་ཤེས་པའི་ཕྱིར་རོ། །ཅིའི་ཕྱིར་འཁྲུགས་པར་མི་བྱེད་ཅེ་ན། སྐྱེ་བོ་རྣམས་ལ་བཟོད་པ་གོམས་ཤིང་འདྲིས་པའི་ཕྱིར་
[313b.5]རོ། །དེའི་སེམས་ཞེས་བྱ་བ་ནི་རང་གི་སེམས་སོ། །དེའི་ཕྱིར། དགའ་#བའི་ཚུལ་གྱིས་ཡོངས་སུ་ཉམས་བར་མ་གྱུར་ཏོ། །སོ་སོར་བརྟགས་བ་ནི། བདག་གི་སྡུག་བསྔལ་ཆེན་པོ་པའོ། །སྙིང་རྗེ་ཅན་ནི་གནོད་པ་བྱེད་པ་ལའོ། །དཀའ་ཐུབ་ཀྱི་ནགས་སུ་བདག་ཉིད་ལ་སྡུག་བསྔལ་ཆེན་པོ་
[313b.6]འབྱུང་བ་ནི་བཟོད་པ་#ཆེན་པོ་དང་ལྡན་པའི་ཕྱིར་རོ། །དེ་ཉིད་ཀྱི་སྡུག་བསྔལ་གྱིས་གནོད་པར་གྱུར་པ་ནི། སྙིང་རྗེའི་བདག་ཉིད་ཡིན་པའི་ཕྱིར་རོ། །དེ་མ་ཐག་ཏུ་རིམས་ནད་ཅེས་བྱ་བ་ནི། བྱང་ཆུབ་སེམས་དཔའ་ཡན་ལག་བཅད་མ་ཐག་ཉིད་དུའོ། །ནགས་ཚལ་ཉེ་བའི་ནང་ནས་ཐ་མར་བྱུང་། །
[313b.7]ཞེས་བྱ་བ་ནི་བྱང་ཆུབ་སེམས་དཔའ་བདག་ཉིད་ཆེན་པོ་དེའི་མངོན་སུམ་ནས་ཏེ། དེ་མ་ཐག་ཏུ་སོང་ཞེས་བྱ་བའི་དོན་ཏོ། །བླུན་ཞིང་ཞེས་བྱ་བ་ནི་གཏི་མུག་གི་རྒྱུས་སོ། །ལྷག་པར་མི་བརྟན་པ་གང་ཡིན་པ་དེ་ནི། རབ་ཏུ་མི་བརྟན་པ་སྟེ་དེས་ན་མི་བརྟན་པ་དེས་སོ། །བུད་མེད་དང་བྱིས་པ་ཞེས་
[314a]
[314a.1]བྱ་བ་ལ་སོགས་པ་སྨོས་པས་ནི་སྙིང་རྗེའི་གནས་སོ། །བྲམ་ཟེ་ཡོན་ཏན་གྱི་ཞིང་ཡིན་པའི་ཕྱིར་རོ། །འཆི་བ་དང་། ན་བའི་སྡུག་བསྔལ་ཅན་ཞེས་བྱ་བ་འདིའི་བསྡུས་པའི་དོན་ནི་སྐྱེ་བའི་ཀུན་ནས་ཉོན་མོངས་པ་དང་། ལས་ཀྱི་ཀུན་ནས་ཉོན་མོངས་པ་དང་། ཉོན་མོངས་
[314a.2]པའི་ཀུན་ནས་ཉོན་མོངས་པ་ལ་མྱ་ངན་བྱེད་མོད། ག་ལ་ཁྲོ་ཞེས་བྱ་བ་ཡིན་ཏེ། འཆི་བ་དང་། ན་བའི་སྡུག་བསྔལ་ཞེས་བྱ་བས་ནི། སྐྱེ་བའི་ཀུན་ནས་ཉོན་མོངས་པས་ཉོན་མོངས་པ་ཉིད་དུ་བསྟན་ཏོ། །འདོད་ཆགས་ཞེ་སྡང་དབང་དུ་གྱུར། །ཞེས་བྱ་བས་ནི་ཉོན་མོངས་པའི་ཀུན་ནས་ཉོན་མོངས་
[314a.3]པས་ཉོན་མོངས་པ་ཉིད་དུ་བསྟན་ཏོ། །ཉེས་པར་སྤྱོད་པས་ཚིག་པ་ལ། །ཞེས་བྱ་བ་འདིས་ནི་ལས་ཀྱི་ཀུན་ནས་ཉོན་མོངས་པས་ཉོན་མོངས་པ་ཉིད་དུ་བསྟན་ཏོ། །བདག་ལ་རྣམ་པར་སྨིན་པར་གྱུར་ཀྱང་རུང་སྟེ། དེ་ལ་ནི་མ་ཡིན་ནོ། །ཅིའི་ཕྱིར་ཞེ་ན། དེ་བསྒྲུབ་པའི་ཕྱིར། བདེ་བ་ཅན་ལ་
[314a.4]སྡུག་བསྔལ་རྗེས་འབྲང་བ། །ཞེས་བྱ་བའི་ཚིགས་བཅད་འོག་མ་སྨོས་སོ། །སྐྱོབ་#པར་མ་ནུས་པ་ཞེས་བྱ་བ་ནི་ལས་བདག་གིར་བྱ་བའི་#ཕྱིར་རོ། །རྒྱལ་པོ་གྲོངས་ནའང་ཞེས་བྱ་བ་ནི་རྒྱལ་པོ་ཉི་ཚེར་མ་ཟད་དེ་ཞེས་བྱ་བའི་དོན་ཏོ། །སྐྱེས་ན་ཞེས་བྱ་བ་ནི་སྐྱེ་བ་ཡོད་ན་ཞེས་བྱ་བའོ། །དེ་བས་ཞེས་བྱ་བ་ནི་སྐྱེ་
[314a.5]བ་ཡོད་ན་སྡུག་བསྔལ་ཡོད་བའི་ཕྱིར་ཏེ། སྐྱེ་བ་ནི་སྡུག་བསྔལ་གྱི་རྩ་བ་ཡིན་པའི་ཕྱིར། སྐྱེ་བ་ཉིད་ལ་འཁོན་དུ་གཟུང་བའི་རིགས་ཏེ། སྐྱེ་བ་མེད་ན་སྡུག་བསྔལ་མེད་པའི་ཕྱིར་རོ། །སྐྱེ་བ་ཡོད་ན་ནི་སྡུག་བསྔལ་མྱོང་བ་ཡིན་ཏེ། བཟོད་པ་མི་བྱེད་པ་མ་ཡིན་པའི་རྒྱུའི་དབང་དུ་བྱས་ནས། ནགས་ན་གནས་
[314a.6]ཤིང་ཞེས་བྱ་བའི་ཚིགས་བཅད་སྨོས་ཏེ། ནགས་ན་གནས་ཞེས་བྱ་བས་ནི་ཡོངས་སུ་བཟུང་བ་ཐམས་ཅད་སྤངས་པར་སྟོན་ཏོ། །རབ་ཏུ་འབྱུང་#བར་ཤེས་ཞེས་བྱ་བ་འདིས་ནི་བཟོད་པ་ལ་དམ་བཅས་པ་ཉིད་དུ་སྟོན་ཏོ། །རབ་ཏུ་བྱུང་བ་རྣམས་ནི་བཟོད་པའི་སྟོབས་ཡོད་པའི་ཕྱིར་དང་། བཟོད་པ་སྨྲ་ལ་#
[314a.7]ཞེས་གཞན་དག་ལ་བཟོད་པའི་མན་ངག་སྟོན་པ་ཉིད་དེ། འདི་གཉིས་ཀྱིས་རབ་ཏུ་བྱུང་བ་རྣམས་ནི་བཟོད་པའོ། །ངོ་ཚ་ཤེས་པ་དང་། ཁྲེལ་ཡོད་པས་ཀྱང་མི་བཟོད་པའི་རྣམ་པ་མེད་པར་སྟོན་ཏོ། །རིང་པོར་མི་ཐོགས་འཆི་ཞེས་བྱ་བ་འདིས་ནི། འཇིག་རྟེན་ཕ་རོལ་དང་ཉེ་བ་ཉིད་པས་མི་བཟོད་པའི་
[314b]
[314b.1]འབྲས་བུའི་རྐྱེན་བྱུང་བར་ཉེ་བའི་ཕྱིར་རོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་#བཟོད་པར་#སྨྲ་བའི་སྐྱེས་པའི་རབས་སོ།། །།ཁ་ན་མ་ཐོ་བ་ནི་རབ་ཏུ་སྨད་#པར་བྱ་བའོ། །ཡུལ་གྱི་བདེ་བ་ཙམ་གྱི་ཚོད་ཀྱིས་#ཀྱང་། །ཞེས་བྱ་བས་ནི་ངན་དོན་ཙམ་ཡིན་
[314b.2]པའི་ཕྱིར་རོ། །ཡུལ་གྱི་བདེ་བ་ནི་བསགས་#པ་དང་། བསྲུང་བ་ལ་སོགས་པའི་སྡུག་བསྔལ་མོང་བོའི་དབེན་#དུ་གྱུར་པའི་ཕྱིར། ཡུལ་གྱི་བདེ་བ་ཙམ་ཞེས་བྱའོ#། །འཇིག་རྟེན་རྣམས་ནི་བག་མེད་དབང་དུ་གྱུར། །ཅེས་བྱ་བ་ནི་རང་གི་བདེ་བ་ཡང་མི་སྒྲུབ་པས་སོ། །བསམ་གཏན་བདེ་པས་ཀྱང་ཞེས་
[314b.3]བྱ་བས་ཀྱང་བསམ་གཏན་གྱི་བདེ་བ་ཁྱད་པར་དུ་འཕགས་པ་དེས་ཀྱང་ངོ་། །དེའི་ཁྱད་པར་དུ་འཕགས་པ་དེས་ནི་ཅིག་ཤོས་རྣམ་པར་བཅད་པ་ཡིན་ཏེ། བསགས་པ་ལ་སོགས་པའི་ཉེས་པ་དང་བྲལ་བའི་ཕྱིར་དང་། མཐར་ཡང་བདེ་འགྲོར་འགྲོ་བའི་རྒྱུར་གྱུར་པའི་ཕྱིར་རོ། །གང་ན་གནོད་སེམས་
[314b.4]མང་བའི་ཁམས་དང་། རྣམ་པར་འཚེ་བ་མང་བའི་ཁམས་དང་། འདོད་པ་མང་པའི་ཁམས་དེ་ནི། གནོད་སེམས་དང་། འཚེ་བ་མང་བ་འདོད་པའི་ཁམས་ཏེ། དེ་ལ་བལྟས་ནའོ#། །བཤེས་གཉེན་ངན་པ་ལ་བརྟེན་#པའི་སྐྱོན་གྱིས་ཞེས་བྱ་བས་ནི། གཞན་གྱི་སྒྲའི་དྲིང་ལ་འཇོག་པར་བསྟན་
[314b.5]ཏོ། །ཡང་དག་པ་མ་ཡིན་པ་ཡིད་ལ་བྱེད་པ་ལ་འདྲིས་པས་ཞེས་བྱ་བས་ནི་སྐྱོན་ཚུལ་བཞིན་མ་ཡིན་པ་ཡིད་ལ་བྱེད་པ་ཉིད་སྟོན་ཏོ། །ལོག་པར་ལྟ་བ་སྟུག་པོའི་ཞེས་བྱ་བ་ནི་ལོག་པར་ལྟ་བ་ཡོངས་སུ་མ་བརྟགས་#པའི་ཕྱིར། གཉི་གའི་རྐྱེན་ཅན་ཉིད་དུ་བསྟན་ཏོ། །དགེ་བ་དང་མི་དགེ་#བའི་ལས་
[314b.6]ཀྱི་རྣམ་པར་སྨིན་པ་ནི། འཇིག་རྟེན་ཕ་རོལ་གྱི་བླ་ན་མེད་པའི་ཕྱིར། དགེ་བ་དང་། མི་དགེ་བའི་འབྲས་བུ་རྣམ་པར་སྨིན་པ་ག་ལ་ཡོད་དེ#། འཇིག་རྟེན་ཕ་རོལ་ཡང་མེད་པའི་ཕྱིར་རོ། །ཆོས་ལ་སྤྱོད་པའི་སྤྲོ་བ་མེད་པ་གང་ཡིན་པ་དེ་ནི་དེའོ། །འདི་ནི་ལྷ་ཁང་དང་། གཙུག་ལག་ཁང་དང་། ཀུན་དགའ་ར་
[314b.7]བ་དང་། རྫིང་བུ་ལ་སོགས་པ་བྱེད་པའི་སྤྲོ་བ་མེད་པའོ། །ཡང་ན་སྦྱིན་པ་ལ་སོགས་པ་ཉིད་ཆོས་ཡིན་ཏེ། དེ་དག་གིས་བསམ་པ་ལས་ལྡོག་པ་ཉིད་དུ་སྟོན་ཏོ། །སྦྱིན་པ་དང་། ཚུལ་ཁྲིམས་ལ་སོ གས་པའི་ལེགས་པར་#སྤྱད་པ་གང་ཡིན་པ་དེ་ནི། སྦྱིན་པ་དང་། ཚུལ་ཁྲིམས་ལ་སོགས་པའི་
[315a]
[315a.1]ལེགས་པར་སྤྱད་པ་སྟེ། དེ་སྒྲུབ་པ་ལ་རྒྱབ་ཀྱིས་ཕྱོགས་པའོ། །འདིས་ནི་སྦྱིན་པ་ལ་སོགས་པར་སྦྱོར་བའི་བྱེད་པ་དང་བྲལ་བ་ཉིད་དུ་བསྟན་ཏོ། །ཅིའི་ཕྱིར་དེ་དེ་ལྟར་གནས་ཤེ་ན། དེའི་རྒྱུ་བསྟན་པའི་ཕྱིར། དགེ་#དང་མི་དགེའི་ལས་ལས་#ཞེས་བྱ་བའི་ཚིགས་བཅད་སྨོས་
[315a.2]སོ། །དགེ་བའི་ལས་ལས་ནི་བདེ་བ་བཅུ་འབྱུང་ངོ་། །མི་དགེ་བའི་ལས་ལས་ནི་སྡུག་བསྔལ་འབྱུང་བ་ཡིན་ནོ། །ཕ་རོལ་#ཞེས་བྱ་བ་འདིས་ནི་འཇིག་རྟེན་ཕ་རོལ་ཉིད་དུ་བསྟན་ཏོ། །སྡིག་པ་སྤངས་ཏེ་ཞེས་བྱ་བ་སྡིག་པས་ནི་སྡུག་བསྔལ་འབྱུང་བའི་ཕྱིར་ཏེ། སྡུག་བསྔལ་འབྱུང་བ་ནི་མི་འདོད་པ་
[315a.3]ཉིད་ཀྱི་ཕྱིར་རོ། །དགེ་བའི་གནས་ལ་རབ་ཏུ་འབད་པ་ནི་བདེ་བ་འབྱུང་བའི་ཕྱིར་ཏེ། བདེ་བ་ནི་འདོད་པ་ཉིད་འབྱུང་བའི་ཕྱིར་རོ། །དད་པ་མེད་པ་དག་ནི་ཞེས་བྱ་བ་ནི་དགེ་བ་ལ་སོགས་པ་ལའོ། །ངན་སོང་དུ་#ལྟུང་བར་འགྱུར་བ་ནི་བདག་ཉིད་དོ། །བདག་ཉིད་གཅིག་པུར་མ་ཟད་དེ། དེ་བཞིན་དུ་
[315a.4]འདི་ལྟར་འཇིག་རྟེན་རྣམས་དོན་མེད་པར་བྱེད་པ་སྟེ། སྦྱིན་པ་དང་། ཚུལ་ཁྲིམས་ལ་སོགས་པ་ལས་བཟློག་པའི་ཕྱིར་རོ། །བཟང་པོ་ཞེས་བྱ་བ་ནི་ཡིད་དུ་འོང་བའོ། །རབ་ཏུ་དབེན་པ་ཞེས་སྨོས་པས་ནི་བག་ཡངས་སུ་དེ་སྟོན་པའི་ཕྱིར་རོ། །གཞལ་མེད་ཁང་ཞེས་སྨོས་པས་ནི་བདག་ཉིད་ཕྱོགས་
[315a.5]དེ་ན་འདུག་པའོ། །གཞལ་མེད་ཁང་ལ་ཡང་ཐོགས་པ་མེད་པར་འགྲོ་བས། རྫུ་འཕྲུལ་དང་ལྡན་པ་ཉིད་དུ་བསྟན་པའི་ཕྱིར། ཁྱོད་ཀྱི་ཞབས་དང་ཕྱག་མཛེས་ཞེས་བྱ་བ་ལ་སོགས་པའི་ཚིགས་བཅད་སྨོས་ཏེ། འདིའི་བསྡུས་པའི་དོན་ནི་རྫུ་འཕྲུལ་གྱི་མཐུས། བདག་ཉིད་ཀྱི་གཟུགས་ཀྱང་ཐུན་མོང་མ་
[315a.6]ཡིན་པ་ཉིད་དུ་སྟོན་ཏོ། །འདོད་ཆགས་དང་། ཞེ་སྡང་གཉིས་སྨོས་པས་ནི། འདོད་ཆགས་དང་། ཞེ་སྡང་གཉིས་པོ་འདོད་པ་ན་སྤྱོད་པའི་བསྒོམ་པས་སྤང་བར་བྱ་བ་གཉིས་གཟུང་སྟེ། ཚངས་པའི་འཇིག་རྟེན་དུ་སྐྱེ་བས་སོ། །ཁང་བཟངས་རྩིག་པ་དག་ལ་འང་ཐོགས་པ་མེད། །ཅེས་བྱ་བ་ནི། རྫུ་
[315a.7]འཕྲུལ་གྱིས་ཐོགས་པ་དང་བཅས་པ་ལ་ཡང་ཐོགས་པ་མེད་པར་འགྲོ་བའོ། །ས་ལ་འགྲོ་བ་བཞིན་དུ་མཁའ་ལ་འཆག །ཅེས་བྱ་བ་ནི་སའི་འོག་དང་། ནམ་མཁའ་ལ་འཕུར་བ་སྟེ། འདི་གཉིས་ཀྱིས་ནི་འགྲོ་བའི་རྫུ་འཕྲུལ་བསྟན་ཏོ། །གློག་གི་འོད་བཞིན་གཟི་བརྗིད་ཕུན་སུམ་ཚོགས། །
[315b]
[315b.1]ཞེས་བྱ་བ་འདིས་ནི། རྫུ་འཕྲུལ་གྱི་ཆོ་འཕྲུལ་གྱི་སྤྲུལ་པའོ། །བསམ་གཏན་ཞེས་བྱ་བ་ནི་ལྷག་པའི་སེམས་སོ། །ཚུལ་ཁྲིམས་ནི་སྡོམ་པའི་ཚུལ་ཁྲིམས་སོ། །དབང་པོ་རྣམས་ནི་རབ་ཏུ་བསྡམས། །ཞེས་བྱ་བ་ནི། དབང་པོའི་སྒོ་བསྡམས་པའོ། །གོམས་པར་བྱས་པ་ནི་བསྒོམས་པའོ། །
[315b.2]འབྲས་བུ་གྲུབ་པ་འདི་འདྲའོ། །ཞེས་བྱ་བ་ནི་གྲུབ་པ་ཕུན་སུམ་ཚོགས་པའོ། །འདི་ཇི་ལྟར་ཞེས་བྱ་བ་ནི་འཇིག་རྟེན་ཕ་རོལ་ཡོད་པ་ཉིད་དུའོ། །འདི་ནི་རབ་ཏུ་གསལ་ཏེ་ཞེས་བྱ་བ་ནི་འཇིག་རྟེན་ཕ་རོལ་ཡོད་པ་ཉིད་དོ། །མངོན་སུམ་ལ་སོགས་པའི་ཚད་མ་གང་ཡིན་པ་དང་། གང་གི་མངོན་སུམ་
[315b.3]ལ་སོགས་པའི་ཚད་མའོ། །དེ་ཉིད་རིགས་པ་ཡིན་པས་མངོན་སུམ་ལ་སོགས་པ་རིགས་པའི་ཚད་མའོ། །དེས་གཟུང་དུ་འོས་པའི་ཕྱིར་མངོན་སུམ་ལ་སོགས་པ་རིགས་པའི་ཚད་མས་གཟུང་དུ་རུང་བ་སྟེ། འཇིག་རྟེན་ཕ་རོལ་ལོ། །འཇིག་རྟེན་ཕ་རོལ་ཡང་རྣམ་པ་གཉིས་ཏེ། མིའི་འཇིག་
[315b.4]རྟེན་འདི་ལས་གཞན་པའི་#འཇིག་རྟེན་ཕ་རོལ་ལོ། །དེ་རབ་ཏུ་གྲུབ་པ་ནི་མངོན་སུམ་ལ་སོགས་པའི་རིགས་པའི་ཚད་མ་དག་གིས་སོ། །སྐྱེ་བ་འདི་ལས་གཞན་པའི་སྐྱེ་བ་དེ་ཡང་འཇིག་རྟེན་ཕ་རོལ་ཞེས་བརྗོད་དོ། །དེ་ཡོད་པར་ནི་ལུང་གི་ཚིག་གིས་བསྟན་པ་དང་། བརྟག་པའི་རིམ་པ་སྟེ#། བརྟག་
[315b.5]པའི་རིམ་པ་ནི། རིགས་པས་ཡིད་ཆེས་པར་བྱའོ་ཞེས་བྱ་བའི་དོན་ཏོ། །དེ་ལས་མིའི་འཇིག་རྟེན་ལས་གཞན་པའི་འཇིག་རྟེན་ཡོད་པར་བསྟན་པའི་ཕྱིར་ཏེ#། ཉི་ཟླ་སྐར་མས་བརྒྱན་པའི་ནམ་མཁའ་དང་། །ཞེས་བྱ་བའི་ཚིགས་བཅད་སྨོས་སོ། །ཉི་ཟླ་སྐར་མས་བརྒྱན་པའི་ནམ་མཁའ་དང་། །ཞེས་
[315b.6]བྱ་བ་འདིས་ནི་མིའི་འཇིག་རྟེན་འདི་ལས་གཞན་པའི་འཇིག་རྟེན་ཉིད་མངོན་སུམ་གྱི་རིགས་པའི་ཚད་མས་གཟུང་དུ་རུང་བ་ཉིད་དུ་བསྟན་ཏོ། །དུད་འགྲོ་#བརྟག་པ་ནི། དུད་འགྲོ་བརྟག་པ་སྟེ། གླང་པོ་ཆེ་དང་། རྟ་དང་བོང་བུ་རྔ་མོ་དང་། །བྱ་ལ་སོགས་པའི་མཚན་ཉིད་དོ། །རྣམ་པ་མང་པོ་ཞེས་བྱ་བ་ནི།
[315b.7]རིགས་གཅིག་ལ་རྣམ་པ་མང་པོ་མཐའ་ཡས་སོ#། །འདི་ལྟར་འབུ་སྲིན་ལ་སོགས་པ་གཞན་དག་ཀྱང་། དེ་བཞིན་ཉིད་#དུ་སྦྱར་ཏེ། འདིས་ནི་མིའི་འཇིག་རྟེན་ལས་གཞན་#དུ་དུད་འགྲོ་མངོན་སུམ་གྱིས་ཡོད་པ་ཉིད་དུ་སྟོན་ཏོ། །མངོན་སུམ་དུ་གསལ་བར་སྣང་བ་ནི་མངོན་སུམ་བཞིན་དུའོ། །འདི་ལ་ཞེས་
[316a]
[316a.1]བྱ་བ་ནི་འཇིག་རྟེན་ཕ་རོལ་ལོ། །སྩོགས་པ་སྨོས་པས་གཟུང་བའི་ལུང་དང་། རྗེས་སུ་དཔག་པ་ནི་འདིར་མི་གཟུང་ངོ་། །འདིར་ད་ལྟར་བྱུང་བ་སྐྱེ་བ་ལ། འདས་པའི་སྐྱེ་བ་ཡོད་པ་ཉིད་དུ་རིགས་པས་བསྟན་པ་ཉིད་དོ། །མིའི་སྐྱེ་བ་ཡོད་པར་སྒྲུབ་#པ་ཡིན་ནོ། །ལུང་གི་ཚིག་ནི་
[316a.2]ཕྱོགས་གཉི་ག་ལ་ཡང་གྲུབ་པའི་ཕྱིར། ལུང་གི་ཚིག་གཉི་གར་ཡང་ངོ་། །བསམ་གཏན་གོམས་བྱས་ཞེས་བྱ་བ་ལ་སོགས་པའི་ཚིགས་བཅད་དྲུག་སྨོས་ཏེ། སྐྱེ་བ་འདི་ལས་འདས་པའི་སྐྱེ་བ་རྗེས་སུ་དཔག་པས་ཡོད་པ་ཉིད་དུ་སྒྲུབ་#པའི་ཕྱིར། བསམ་གཏན་གོམས་བྱས་ཞེས་བྱ་བའི་#ཚིགས་
[316a.3]བཅད་འདི་སྨོས་ཏེ། ད་ལྟར་བྱུང་བའི་སྐྱེ་བ་ལས་#འདས་པའི་སྐྱེ་བ་དམིགས་ཏེ་དྲན་པར་སྣང་བའི་ཕྱིར་རོ། །འཇིག་རྟེན་ཕ་རོལ་ཡོད་དོ་ཞེས་བྱ་བ་ལ། འཇིག་རྟེན་ཕ་རོལ་ཡོད་པ་ཉིད་དུ་སྒྲུབ་པའི་ཕྱིར། འཇིག་རྟེན་ཕ་རོལ་ཡོད་པ་ནི་འདས་པའི་སྐྱེ་བ་ཡོད་དོ་ཞེས་བྱ་བའི་དོན་ཏོ། །བསམ་གཏན་
[316a.4]ལ་གོམས་པ་དང་། དྲན་པ་གསལ་བ་ཉིད་ཀྱིས་ནི་སྐྱེ་བར་སྣང་བའི་ཕྱིར་རོ། །ང་#བདག་ལས་ཀྱང་མངོན་པར་མི་འགྱུར་རམ། །ཞེས་བྱ་བ་ནི། བདག་ཉིད་དཔེ་ཉིད་དུ་བྱའོ་ཞེས་བྱ་བའི་དོན་ཏོ། །བསམ་གཏན་གོམས་བྱས་ཞེས་བྱ་བ་ནི་བསམ་གཏན་ལ་བརྟེན་ནས། སྔོན་གྱི་གནས་རྗེས་སུ་དྲན་
[316a.5]པའི་ཤེས་པའི་མངོན་པར་ཤེས་པ་སྟོན་ཏོ། །དྲན་པ་གསལ་བ་ཞེས་བྱ་བ་ནི་བསམ་གཏན་ཐོབ་ན། ཚེ་རབས་དྲན་པའི་རྒྱུ་ཉིད་དུ་སྟོན་ཏོ། །དེ་ལས་ཞེས་བྱ་བ་ནི་ཚེ་རབས་དྲན་པར་སྣང་བ་དང་། ཚེ་རབས་དྲན་པའི་ཕྱིར་རོ། །ལྷག་མ་ཐམས་ཅད་ཀྱང་འཇིག་རྟེན་ཕ་རོལ་ཡོད་པ་ཉིད་དུ་བསྟན་པའི་
[316a.6]ཕྱིར་ཚིགས་བཅད་ལྔ་སྨོས་སོ། །བློ་གཞན་སོང་བ་ལས་བློ་གཞན་སྐྱེ་བ་ཡིན་ཏེ། དེ་བས་ན་འཇིག་རྟེན་ཕ་རོལ་ཡོད་དོ་ཞེས་སྒྲུབ་པའི་ཕྱིར། སྔ་མའི་བློ་ལས་ཕྱི་མའི་བློ་འགྲུབ་ན། །ཞེས་བྱ་བའི་ཚིགས་བཅད་སྨོས་ཏེ། མངལ་ན་འདུག་པའི་སྔོན་རོལ་བློ། །ཞེས་བྱ་བ་ནི་བློ་སྔོན་དུ་བྱས་པ་ལས་#
[316a.7]ཐམས་ཅད་འགྱུར་ཏེ། བློ་སྔོན་དུ་འགྲོ་བར་སྣང་བས། དཔེར་ན་ད་ལྟར་བྱུང་བའི་མངལ་གྱི་སྔ་རོལ་དུ་བློ་འབྱུང་བ་ནི་སྔ་མའི་བློ་ཡིན་ཏེ། དེ་ནི་འཇིག་རྟེན་ཕ་རོལ་ལོ། །དེ་བས་ན་#འཇིག་རྟེན་ཕ་རོལ་ཡོད་པ་ཉིད་དོ། །དང་པོའི་བློ་ནི་ཡུལ་ཡོད་པར་གྱུར་པའི་ཕྱིར། འཇིག་རྟེན་ཕ་རོལ་ཡོད་པ་ཡིན་ནོ་
[316b]
[316b.1]ཞེས་སྒྲུབ་པའི་ཕྱིར། ཤེས་བྱ་རྟོགས་པར་བྱེད་པ་བློ་ཡིན་ཟེར། །ཞེས་བྱ་བའི་ཚིགས་བཅད་སྨོས་སོ། །དང་པོའི་སྐྱེ་བའི་བློ་ནི་ཡུལ་ཡོད་པ་ཉིད་དོ། །#ཡུལ་མེད་པར་ནི་བདག་ཉིད་ཀྱིས་རྟོགས་པར་མི་སྣང་བའི་ཕྱིར་ཏེ། ད་ལྟར་བྱུང་བའི་བློ་ལྟ་བུར་རོ། །དང་པོའི་#བློའི་ཡུལ་དུ་གྱུར་པ་དེ་ནི་
[316b.2]འཇིག་རྟེན་ཕ་རོལ་ཏེ། དེ་བས་ན་འཇིག་རྟེན་ཕ་རོལ་ཡོད་དོ། །དང་པོའི་བློ་ནི་འདས་པའི་ཡུལ་གྱི་ཡིན་ཏེ། ཅིའི་ཕྱིར་ཞེ་ན། མིག་#ལ་སོགས་པའི་དབང་པོ་ལྔ་དག་མེད་ཅིང་ཡིད་ཀྱི་རྣམ་པར་ཤེས་པ་ཡང་མིག་ལ་སོགས་པའི་དབང་པོ་གང་ལ་བརྟེན་ནས་སྐྱེ་བ་ཡང་མེད་པའི་ཕྱིར་རོ། །ཁ་ཅིག་
[316b.3]འདི་སྐད་བརྗོད་དེ། ཇི་ལྟར་ཤིང་ལ་སོགས་པ་སེམས་ཅན་མ་ཡིན་པ་སྟོན་པ་རྣམས་རང་གི་ས་བོན་གྱི་བྱེ་བྲག་གིས་སྣ་ཚོགས་པའི་ངོ་བོ་ཡང་ཡོད་དེ། དེ་དག་ལ་འཇིག་རྟེན་ཕ་རོལ་མེད་པ་དེ་བཞིན་དུ་སེམས་ཅན་དུ་བསྟན་པའི་དངོས་པོ་རྣམས་ཀྱང་ཕ་མའི་ཁུ་ཁྲག་གི་ས་བོན་གྱི་བྱེ་བྲག་གིས་དེ་དེ་དང་
[316b.4]མཐུན་པར་སྣ་ཚོགས་པའི་ངོ་བོ་ཉིད་ཡོད་དེ། འཇིག་རྟེན་ཕ་རོལ་ན་ནི་མེད་དོ་ཞེས་དེ་ལྟར་སྨྲས་པ་དེའི་དབང་དུ་བྱས་ནས། སྐྱེ་དགུའི་ཚུལ་ཁྲིམས་ལ་སོགས་ཞེས་བྱ་བའི་ཚིགས་བཅད་སྨོས་སོ། །ཕ་མ་གཉིས་ཀྱི་ཡིན་པས་ཕ་མ་གཉིས་ཀྱིའོ། །དེའི་རང་བཞིན་དག་དང་མི་མཐུན་པ་ནི་འདས་པའམ་
[316b.5]ཐ་དད་པའོ། །ཚུལ་ཁྲིམས་ལ་སོགས་ཞེས་བྱ་བ་ལ་སོགས་པ་སྨོས་པས་ནི་གཟུགས་བཟང་བ་དང་། གཟུགས་ངན་པ་དང་། ཕྱུག་བོ་དང་། དབུལ་པོ་ལ་སོགས་པའི་མཚན་ཉིད་ཀྱི་དབྱེ་བའོ། །གློ་#བུར་དུ་གྱུར་པ་མེད་དེ་ཞེས་བྱ་བས་ནི། རྒྱུ་མེད་པའི་#སྨྲ་བའི་རྒྱུ་མེད་པའི་དབྱེ་བའི་སྦྱོར་བས་སོ། །
[316b.6]ཡང་ན་རྒྱུ་མེད་པའི་གང་ཡང་འབྱུང་བ་མེད་པའི་ཕྱིར་རོ། །གལ་ཏེ་དེ་ལྟ་ཡིན་ན་ནི་ཕ་མ་ལ་སོགས་པའི་ས་བོན་གྱི་བྱེ་བྲག་ལས་སེམས་ཅན་རྣམས་ཀྱི་ཁྱད་པར་དེ་ལྟར་འཇུག་པ་མེད་དམ་ཞེ་ན། མེད་དེ་ཅིའི་ཕྱིར་ཞེ་ན། ཚུལ་ཁྲིམས་ལ་སོགས་པའི་བྱེ་བྲག་ཕ་མའི་རང་བཞིན་དག་དང་མི་མཐུན་པར་
[316b.7]སྣང་བའི་ཕྱིར་རོ། །འཇིག་རྟེན་རྒྱང་ཕན་#པ་ལ་སོགས་པ་ཁ་ཅིག་འདི་སྐད་དུ་གློ་#བུར་དུ་སྒྲུབ་པ་ཡིན་ནོ་ཞེས་སྨྲས་ཏེ། གློ་#བུར་འབྱུང་བ་ནི་ཞེས་#མི་སྣང་བའི་ཕྱིར། འཇིག་རྟེན་ཕ་རོལ་ནི་ཡོད་དེ། ཐམས་ཅད་ཀྱང་རྒྱུ་དང་བཅས་པས་སྣང་བའི་ཕྱིར་རོ། །འདི་ལྟར་བུམ་པ་ལ་སོགས་པ་ལ་གློ་#བུར་གྱི་དབྱེ་
[317a]
[317a.1]བ་མ་མཐོང་བའི་ཕྱིར། ཇི་ལྟར་ནམ་མཁའ་ལྟ་བུའོ། །འོན་ཀྱང་ལྷག་མ་ནི་སྐྱེ་བ་གཞན་ལ་གོམས་པའི་ཁྱད་པར་ཡིན་ཏེ། དེ་བས་ན་འཇིག་རྟེན་ཕ་རོལ་ཡོད་དོ། །སྐྱེས་མ་ཐག་ཏུ་སེམས་ཅན་གྱི་སྐྱེ་བའི་རྒྱུ་སྲེད་པས་བྱས་པའི་བྱ་བ་ལ་འཇུག་པར་སྣང་བ་ལས་བརྩམས་ཏེ། བློའི་
[317a.2]མཐུ་སྟོབས་ཞེས་#བྱ་བའི་ཚིགས་བཅད་སྨོས་སོ། །བློའི་མཐུ་སྟོབས་ཞེས་བྱ་བ་ནི། ཡིད་ཀྱི་རྣམ་པར་ཤེས་པའི་དབང་དུ་བྱས་པའོ། །བླུན་པའི་དབང་པོ་རྣམས་ཀྱང་ཞེས་བྱ་བ་ནི་དབང་པོ་ལྔའི་རྣམ་པར་ཤེས་པའོ། །མ་བསྟན་པར་ཞེས་བྱ་བ་ནི་གཞན་གྱིས་བསྟན་པ་མེད་པར་རོ། །བཙས་མ་
[317a.3]ཐག་ཏུ་ཞེས་བྱ་བ་ནི་སྐྱེས་མ་ཐག་ཏུའོ། །བློའི་མཐུ་སྟོབས་གསལ་#བ་མེད་ཅེས་བྱ་བ་དེ་བསྒྲུབ་པའི་ཕྱིར། ཁ་ཟས་ཟ་བར་རྩོལ་བར་ཞེས་བྱ་བའི་ཚིགས་བཅད་ཡིན་ཏེ། དང་པོའི་ཆོས་བསྒྲུབ་པར་བྱའོ། །སྲིད་པ་གཞན་ལ་ཁ་ཟས་ཟ་བར་རྩོལ་བར་བྱས་པ་ཡིན་ཏེ། ཅིའི་ཕྱིར་ཞེ་ན། གཞན་
[317a.4]གྱིས་#བསྟན་པ་མེད་པར་སྐྱེས་མ་ཐག་ཏུ་ནུ་ཞོ་འཐུང་བར་རྩོལ་བར་སྣང་བའི་ཕྱིར་ཏེ། གོམས་པའི་ཆོས་རྣམས་ལ་འབད་པ་མེད་པར་འཇུག་པ་བཞིན་ནོ། །གལ་ཏེ་རྩོལ་བ་མེད་པར་བྱ་བ་ལ་འཇུག་པ་མེད་དེ། སྲིད་པ་གཞན་ལ་གོམས་པའི་བྱ་བ་མེད་པར་མི་འབྱུང་བ་ཡིན་ནོ་ཞེ་ན་ནི་པདྨ་རྣམས་ཀྱང་ཁ་བྱེ་བ་
[317a.5]དང་། ཟུམས་པ་དག་སྲིད་པ་གཞན་ལ་གོམས་པའི་རྒྱུ་དང་བཅས་པར་ཁྱེད་ཀྱི་གཞུང་ལ་གྲུབ་པར་འགྱུར་རོ། །འོན་ཏེ་དེ་ལྟར་མི་འདོད་ན་ནི་ཞེས་བྱ་བ་ནི་དེ་དག་དེ་ལྟ་མ་ཡིན་པ་ལྟ་ན་ནི་སྲིད་པ་གཞན་ལ་གོམས་པར་བྱས་པའི་རྟགས་ཀྱིས་སྐྱེས་མ་ཐག་ཏུ་ཡང་ནུ་ཞོ་འཐུང་བ་རྩོལ་བ་མི་འགྲུབ་པའོ#། །ལན་དུ་
[317a.6]དུས་ངེས་པ་དང་། མ་ངེས་པ་ལས་འགྱུར་བར་སྣང་སྟེ། ནུབ་མོ་ཁ་འབྱེ་བ་མ་ཡིན་ཏེ། ནུབ་མོ་ཁ་ཟུམས་ཤིང་ཉིན་པར་ནི་སྦ་བ་ཡིན་ཏེ། དེ་བས་ན་པདྨ་ཁ་བྱེ་བ་དང་། ཟུམས་པ་ནི་དུས་ངེས་པར་སྣང་ལ། དེ་ལྟར་བྱིས་པའི་རྩོལ་བ་ནི་མི་སྣང་ངོ་། །པདྨ་ལ་ནི་ཉི་མའི་འོད་ཟེར་འབབ་པའི་རྒྱུས་པདྨ་
[317a.7]ཁ་འབྱེ་བ་ཡིན་གྱི། བྱིས་པ་ནུ་ཞོ་འཐུང་#བའི་རྩོལ་བ་ནི། རང་གིས་བྱས་པར་སྣང་བ་ཡིན་ཏེ། དེ་བས་ན་མི་འདྲ་བ་ཉིད་དོ། །ལོག་པར་ལྟ་བ་ལ་བློ་ཞེན་ཅིང་ཞེས་བྱ་བ་འདིས་ནི། བསམ་པ་ཉམས་པ་ཉིད་དུ་སྟོན་ཏོ། །སྡིག་ཆེ་བས་ཞེས་བྱ་བ་ནི་སྦྱོར་བ་ཉམས་པ་ཉིད་དུ་སྟོན་ཏོ། །སྤྱི་བརྟོལ་ཆེ་བ་
[317b]
[317b.1]ལ་གོམས་ཤིང་འཛེམ་དོགས་#མེད་ལ་ཞེས་བྱ་བ་ནི་སྦྱོར་བ་ཉམས་པ་དེ་ཉིད་སྟོན་པ་#ཡིན་ནོ། །ལོག་པར་ལྟ་བའི་དུག་གི་སྒྲེགས་པ་དང་འདྲ་བར། །ཞེས་བྱ་བ་ནི་བསམ་པ་ཉམས་པའི་རྒྱུ་ཉིད་དོ་ཞེས་བསྟན་པ་དེ་ཉིད་དོ། །བཞི་པོ་འདི་དག་དང་ལྡན་པའི་བསམ་པ་ཉམས་པ་ལ་ནི་སྦྱིན་པའི་དངོས་པོ་
[317b.2]མ་ཚང་བ་ཉིད་དེ། བདག་ཉིད་ངན་#པ་ཞེས་བྱ་བ་འདིས་ནི་བསམ་པ་ཉམས་བ་ཉིད་དུ་སྟོན་ཏོ། །གང་གི་ཕྱིར་བསམ་པ་ཉམས་ན་ནི། སྦྱིན་པའི་དངོས་པོ་ཡོད་ཀྱང་བུ་ལོན་སྦྱིན་པར་མི་བྱེད་པའོ། །རྒྱུ་གསུམ་གྱིས་ཀྱང་སྦྱིན་པ་སྦྱིན་པར་མི་བྱེད་དེ། སྐྱེས་ཤིང་སྐྱེས་ཤིང་#ནོར་ཟ་བ་དང་། ནོར་བསྐྱེད་#
[317b.3]པ་ལ་མཁས་པ་དང་། མཁས་པ་ཡིན་ཡང་ལེ་ལོ་དང་ལྡན་པའོ། །དེ་ཉིད་ཟད་པའི་མཐའ་ཞེས་བྱ་བ་ནི་ཕྱིས་མི་འཐོབ་ཅེས་བྱ་བའི་དོན་ཏོ། །ངོ་ཚ་ཤེས་པ་ཞེས་བྱ་བ་ནི་ཁྲེལ་ཡོད་པ་སྟེ། འཇིག་རྟེན་གྱི་ཁ་ན་མ་ཐོ་བས་འཇིགས་པས་བུ་ལོན་འཇལ་བར་བྱེད་པའོ། །རིགས་བཙུན་ཞིང་ཡོན་ཏན་
[317b.4]དང་ལྡན་པ་གང་ཡིན་པ་དེ་ནི་རིགས་#བཙུན་ཞིང་ཡོན་ཏན་#དང་ལྡན་པའོ། །རིགས་བཙུན་ཞེས་སྨོས་པས་ནི་བརྐམ་པའི་ཉེས་པ་མེད་པར་སྟོན་#ཏེ། ཆེ་བ་ཉིད་དང་མཐུན་པར་སྤྱོད་པའི་ཕྱིར་རོ། །ཡོན་ཏན་དང་ལྡན་པ་ཞེས་བྱ་བ་ནི་ལེ་ལོའི་གཉེན་པོ་སྟེ། ལེ་ལོ་མེད་པའོ། །མཁས་པ་ལ་ནི་མི་མཁས་
[317b.5]པའི་གཉེན་པོའོ། །དབེན་ཡང་ཞེས་བྱ་བ་ནི་མངོན་སུམ་མ་ཡིན་པར་ཡང་དེ་ལ་འཇལ་བར་བྱེད་དེ། དེ་ལ་དབུལ་བ་ཡིན་པས་འཇལ་བ་སྟེ། གང་གི་ནོར་གང་ཡིན་པ་དེའི་ནོར་འཇལ་བ་དེ་ནི་#དབུལ་པོའོ། །ལྟ་བ་ངན་པ་#སྤྱོད་པ་ཞེས་བྱ་བ་འདིས་ནི་བསམ་པ་དང་། སྦྱོར་བ་རྒུད་པ་ཉིད་དུ་སྟོན་ཏེ#། འདིས་
[317b.6]ནི་རང་བཞིན་ངན་པ་ཞེས་བྱ་བ་དེ་བསྟན་ཏོ། །མི་བཟད་པའི་བདག་གི་ལས་ཞེས་བྱ་བ་ནི་མི་དགེ་བའི་ལས་ཀྱི་ལམ་མོ། །སེམས་ཉམས་ཞེས་བྱ་བ་ནི་ཡིད་སྡུག་བསྔལ་གྱིས་ཉེན་པའོ། །ནད་ཀྱིས་གདུངས་པ་ཞེས་བྱ་བ་ནི་ལུས་ཀྱི་སྡུག་བསྔལ་ཀྱིས་གདུངས་པའོ། །དེ་ལ་ཉི་ཟླའི་འོད་ཟེར་ཞེས་བྱ་
[317b.7]བ་དང་། མེད་པར་ལྟ་བ་ཚེ་རབས་#ཕྱི་མ་ལ། །ཞེས་བྱ་བའི་ཚིགས་བཅད་གཉིས་ནི་གྲང་བའི་དམྱལ་བའི་དབང་དུ་བྱས་པའོ། །མུན་ནག་ཅེས་བྱ་བ་ནི་མུན་ནག་འཁྲིགས་པ་ཉིད་ཀྱིས་གཡོགས་པས་སོ། །དེ་ངེས་པར་གཟུང་བའི་ཕྱིར་མུན་ནག་ཐིབས་པོ་དུ་བ་དགུ་བའི་ཞེས་བྱ་བའི་ཚིགས་བཅད་
[318a]
[318a.1]སྨོས་སོ#། །ཡང་སོས་ཞེས་བྱ་བ་ཚ་བའི་དམྱལ་བའི་དབང་དུ་བྱས་པའོ། །མེ་མུར་འབར་བ་དམྱལ་བའི་ནང་ན་གཞན་དག་ནི། །ཞེས་བྱ་བའི་ཚིགས་བཅད་སྨོས་ཏེ། མེ་མར་མུར་ཞེས་བྱ་བ་ནི་ཉེ་འཁོར་བ་ཡིན་ཏེ། སྔར་གཙོ་བོའི་དམྱལ་བ་བཤད་ནས། ཕྱིས་ཕྱི་
[318a.2]རོལ་གྱི་ཉེ་འཁོར་གྱི་དམྱལ་བ་བསྟན་པའོ། །ཉེ་འཁོར་བ་དེ་ཡང་རྣམ་པ་བཞི་སྟེ། །མེ་མར་མུར་དང་། རོ་མྱགས་ཀྱི་འདམ་དང་། སྤུ་གྲིའི་ལམ་དང་། ཆུ་བོ་རབ་མེད་དེ་བཞི་པོ་དེ་ལས་ཉེ་འཁོར་བའི་དམྱལ་བ་མེ་མར་མུར་ཞེས་བྱ་བ་ཡིན་ནོ། །དེ་ལས་ཐར་པར་འདོད་པ་ནི་དེ་འདོད་པའོ། །དེས་ན་
[318a.3]ཐིག་ནག་ཅེས་བྱ་བའི་དམྱལ་བ་དེའི་དབང་དུ་བྱས་ནས། ལ་ལ་གཤིན་རྗེའི་གཤེད་མ་མ་རུངས་པས། །#ཞེས་བྱ་བ་ལ་སོགས་པའི་ཚིགས་བཅད་གསུམ་སྨོས་སོ། །འབར་བའི་མེ་འདྲ་བའི་གླང་དང་། ལྕགས་དེ་གཉིས་ཀྱིས་དབང་མེད་པར་བྱས་པ་ནི། གླང་ལྕགས་མེ་ལྟར་འབར་བས་དབང་
[318a.4]མེད་#བྱས་པའོ། །བསྡུས་འཇོམས་རི་ཡིས་ཞེས་བྱ་བའི་ཚིགས་བཅད་འདིས་ནི་དམྱལ་བ་བསྡུས་འཇོམས་ཞེས་བྱ་བའི་དབང་དུ་བྱས་པ་སྟེ། བསྡུས་འཇོམས་ཞེས་བྱ་བ་རི་གཉིས་ཕྲད་པ་ནི་བསྡུས་འཇོམས་རིའོ། །དེར་ལུས་གཟིར་བ་གང་ཡིན་པ་དེ་ནི་བསྡུས་འཇོམས་རི་ཡིས་ཁ་ཅིག་ལུས་ཀྱང་གཟིར་
[318a.5]པའོ། །དེ་ཡིས་བརྫིས་པ་སྟེ། བསྡུས་འཇོམས་#རི་བོས་བརྫིས་པའོ། །དེས་ལུས་ཕྱེ་མར་བྱས་པ་གང་ཡིན་པ་དེ་ནི་དེ་ཡིས་བརྫིས་པས་ཕྱེ་མར་ལུས་གྱུར་པའོ། །ལྕགས་གཏུན་རབ་ཏུ་འབར་བའི་ནང་དག་ཏུ། །ཞེས་བྱ་བའི་ཚིགས་བཅད་གཉིས་ནི་སེམས་ཅན་དམྱལ་བ་དུ་འབོད་དག་གི་
[318a.6]དབང་དུ་བྱས་པའོ། །རྣོ་བ་ཡང་ཡིན་ལ་ལྕགས་ཀྱང་ཡིན་པས་ལྕགས་རྣོ་བའོ། །ལྕགས་རྣོ་ཞིང་འབར་བའི་ཚེར་མ་#ནི་ལྕགས་ཀྱི་ཚེར་མ་རྣོ་ཞིང་འབར་བའོ། །དེ་རྩུབ་#པ་ནི་ལྕགས་ཀྱི་ཚེར་མ་རྣོ་ཞིང་རྩུབ་པའོ། །ལ་ལ་མེ་མདག་ཕུང་པོ་ཞེས་བྱ་བའི་ཚིགས་བཅད་འདི་ནི་སེམས་ཅན་དམྱལ་བ་
[318a.7]ཚ་བ་ཞེས་བྱ་བའི་དབང་དུ་བྱས་པའོ། །འགྲོ་#ལྡོག་པའི་དུ་འབོད་ནི་འགྲོ་#ལྡོག་དུ་འབོད་དོ། །འགྲོ་#ལྡོག་དུ་འབོད་ཉིད་ཙམ་ནི་འགྲོ་ལྡོག་#ངུ་འབོད་ཙམ་མོ། །དེ་ཉིད་ཀྱི་མཐུ་ལ་བརྟེན་པ་གང་ཡིན་པ་དེ་ནི་འགྲོ་ལྡོག་#དུ་འབོད་ཙམ་གྱི་མཐུ་ལ་བརྟེན་པའོ། །ཁ་ཅིག་ས་གཞི་རབ་ཏུ་འབར་བ་ལ། །
[318b]
[318b.1]ཞེས་བྱ་བ་དང་། ལྕགས་ཀྱི་ལེབ་མ་དག་གིས་ཁ་ཅིག་དཀྲིས། །ཞེས་བྱ་བའི་ཚིགས་བཅད་གཉིས་ནི། རབ་ཏུ་ཚ་བའི་དབང་དུ་བྱས་པའོ། །བརྒྱངས་ཤིང་བརྐྱང་བའི་ལྕེ་གང་ཡིན་པ་དེ་ནི་ལྕེ་ཡང་རབ་ཏུ་བརྒྱངས་པའོ། །གཅན་གཟན་ཁྲོ་བོ་ཞེས་བྱ་བ་ནི་གཅན་གཟན་གདུག་པ་དག་གི་ཚོགས་
[318b.2]སོ། །ཁ་ཅིག་མེ་འབར་ཚ་#བས་གདུངས་གྱུར་ནས། །ཞེས་བྱ་བའི་ཚིགས་བཅད་འདིས་ནི། ཉེ་འཁོར་བ་ཆུ་བོ་རབ་མེད་ཅེས་བྱ་བའི་དབང་དུ་བྱས་པའོ། །མི་གཙང་རོ་མྱགས་ཁུང་ལ་མཚོ་#སྙམ་སྟེ། །ཞེས་བྱ་བའི་ཚིགས་བཅད་འདིས་ནི། ཉེ་འཁོར་པ་རོ་མྱགས་#ཞེས་བྱ་བའི་དབང་དུ་བྱས་
[318b.3]པའོ། །ཁ་ཅིག་མེ་ཡི་ནང་ན་ལུས་འབར་ཞིང་། །ཞེས་བྱ་བ་ལ་#སོགས་པའི་ཚིགས་བཅད་གསུམ་ནི་སེམས་ཅན་དམྱལ་བ་མནར་མེད་པ་ཞེས་བྱ་བའི་དབང་དུ་བྱས་པའོ། །ལྕགས་ཀྱི་རྣམ་པར་གྱུར་ཏེ། ཀུན་དུ་འབར་ཞིང་ཚ་བར་གྱུར་པ་དེ་ནི་མེ་འབར་ལྕགས་བསྲེགས་སོ། །དེ་དང་
[318b.4]མཉམ་པ་ནི་མེ་འབར་ནང་ན་ལྕགས་བསྲེགས་#འདྲར་གྱུར་པའོ། །རང་གི་ལས་ཀྱིས་བཟུང་#ཞེས་བྱ་བ་ནི་མི་དགེ་བའི་ལས་ཀྱིས་བཟུང་པའོ། །སྒྲ་འབྱིན་ཞེས་བྱ་བ་ནི་སྒྲ་སྣ་ཚོགས་འབྱིན་པའོ། །བུ་ལོན་དེ་ད་དུ་མི་རུང་བ་ཉིད་ཀྱི་དབང་དུ་བྱས་ནས་དམྱལ་བ་མི་བཟད་ཅེས་བྱ་བ་ལ་སོགས་
[318b.5]པའི་ཚིགས་བཅད་ལྔ་སྨོས་སོ། །དེ་ལ་ལྕགས་#ཀྱི་རྫ་ཆེན་ཞེས་བྱ་བའི་ཚིགས་བཅད་འདིས་ནི་རྫ་མ་ཆེན་པོར་ཆུད་པའི་ཕྱིར་རང་དབང་མེད་པ་ཉིད་དུ་བསྟན་ཏེ། དེ་ཇི་ལྟར་ཁྱོད་ལ་བུ་ལོན་དེད་དུ་འགྲོ་བའོ། །ས་གཞིར་མེ་འབར་དུ་བ་མེད་པ་ཞེས་བྱ་བའི་ཚིགས་བཅད་འདི་ནི་ལྕགས་ཀྱི་ཕུར་པ་མེ་
[318b.6]འབར་བ་ལྔ་བརྒྱས་ལུས་བརྒྱངས་པ་དེས་རང་དབང་མེད་པ་ཉིད་དུ་སྟོན་ཏོ། །#དེར་ཇི་ལྟར་བུ་ལོན་དེད་དུ་འགྲོ་ཞེས་པའོ། །རབ་ཏུ་མནར་བ་ནི་ཡོངས་སུ་གདུངས་པའོ། །སྡུག་བསྔལ་ཆེན་པོ་མྱོང་པ་ནི་སྡུག་བསྔལ་གྱི་ཚོར་བ་ཉམས་སུ་མྱོང་བ་སྟེ། འདིར་#ཁྱོད་རང་དབང་མེད་པའོ། །གྲང་བའི་
[318b.7]དམྱལ་བ་ལས་བརྩམས་ཏེ། བུ་ཡུག་རླུང་གིས་ཞེས་བྱ་བའི་ཚིགས་བཅད་སྨོས་ཏེ། རུས་པ་དུམ་བུ་#བརྒྱར་ཞིགས་པ་དེས་ཕོངས་ཤིང་སྒྲ་འབྱིན་པ་ག་ལ་ཡོད་པ་དེ་ནི་རུས་པ་བརྒྱར་ཞིགས་ཕོངས་པའི་སྒྲ་འབྱིན་པའོ། །གཤིན་རྗེའི་#གཤེད་པོས་བསད་པར་གྱུར་པ་ཞེས་བྱ་བའི་ཚིགས་བཅད་
[319a]
[319a.1]འདི་ནི་དམྱལ་བ་ཐམས་ཅད་ཀྱི་སྡུག་བསྔལ་བསྡུ་ན་རྣམ་པ་བདུན་དུ་འགྱུར་ཏེ། དེ་བསྟན་པའི་ཕྱིར་གཤིན་རྗེའི་གཤེད་པ་པོས་གསད་#པར་གྱུར་པ་ཞེས་བྱ་བའི་ཚིགས་བཅད་ཡིན་ཏེ། ཇི་ལྟར་བསད་པ་ཞེ་ན། དེ་བསད་པའི་རྣམ་པ་བསྟན་པའི་ཕྱིར། གསད་#དང་བཅད་
[319a.2]དང་གཤགས་དང་བརྡེག་#པ་དང་། །ཞེས་བྱ་བའི་ཚིགས་བཅད་སྨོས་སོ། །བསད་པ་ནི་རྡོ་ལ་སོགས་པས་སོ། །བཅད་#པ་ནི་རལ་གྲི་ལ་སོགས་པས་སོ། །གཤགས་པ་ནི་སོག་#ལེ་ལ་སོགས་པས་སོ། །བསྲེགས་པ་ནི་མེ་འམ། རྫ་མ་ཆེན་པོའི་ནང་དུ་བཅུག་སྟེ། བཙོ་#བ་ལ་སོགས་པས་
[319a.3]སོ། །གཞོག་པ་ནི་སྟེའུ་ལ་སོགས་པས་སོ། །བརྡུང་བ་ནི་བན་གླང་ལ་སོགས་པ་དང་། བསྡུས་འཇོམས་ཀྱི་#རི་བོ་ལ་སོགས་པས་སོ། །གཞིག་པ་ནི་#མདུང་ཐུང་ལ་སོགས་པས་སོ། །གནོད་པ་མང་པོས་སྡུག་བསྔལ་བ་སྟེ། དེ་ལྟར་བཤད་པ་དག་ལས་མ་གྲོལ་བ་ཡིན་ན། ཇི་ལྟར་ངལ་བུ་
[319a.4]ལོན་གཞལ་བའོ། །དེ་དག་བདག་གིས་ཞེས་བྱ་བས་ནི་བསད་པ་ལ་སོགས་པས་སོ། །དགེ་བ་དག་གི་གནས་ནི་དགེ་བའི་གནས་སོ། །ཡང་ན་དགེ་བའི་གནས་གང་ཡིན་པ་དེ་ནི་དགེ་བའི་གནས་སོ། །གནོད་པ་མང་པོས་#ཡིད་མི་དགའ་བར་འགྱུར་ཏེ་ཞེས་བྱ་བ་ནི་#དམྱལ་བའི་གཏམ་ཐོས་
[319a.5]པས་སོ། །ལྟ་བ་དྲང་པོར་གྱུར་ནས་ཞེས་བྱ་བ་ནི་དེ་སྨད་པར་བྱ་བའི་ལོག་པའི་ལྟ་བ་ཡོངས་སུ་བཏང་བས་སོ། །ཆོས་སྒྲུབ་#པའི་སྣོད་ཅེས་བྱ་བ་ནི་མྱ་ངན་ལས་འདས་པའི་ལམ་སྒྲུབ་#པའི་སྣོད་དོ། །ཡང་ན་ཆོས་ནི་བསོད་ནམས་ཀྱི་ཆོགས་ཏེ། དེ་སྒྲུབ་པའི་སྣོད་དོ། །སྔོན་གྱི་རྒྱལ་པོ་ཡོན་ཏན་
[319a.6]དགའ་བ་རྣམས། །ཞེས་བྱ་བ་ཕྱེད་དང་པོ་འདིས་#ནི་ཡོན་ཏན་གྱི་ཞིང་སྒྲུབ་#པ་ཉིད་བསྟན་ཏོ། །འབངས་ལ་ངང་ཚུལ་སྙིང་རྗེ་ལྡན་བརྟན་པ། །ཞེས་བྱ་བ་འདིས་ནི་སྙིང་རྗེའི་ཞིང་སྒྲུབ་#པ་ཉིད་བསྟན་ཏོ། །གྲགས་ལྡན་ཞེས་བྱ་བས་ནི་མཐོང་བའི་ཆོས་ཀྱི་ཕན་ཡོན་ཡིན་ནོ། །མཐོ་རིས་འགྲོ་ཞེས་བྱ་
[319a.7]བ་འདི་ནི། འཇིག་རྟེན་ཕ་རོལ་གྱི་ཡོན་ཏན་ནོ། །དེ་བས་ན་ཆོས་མིན་ཐུབ་དཀའ་ཐུབ་བྱེད་ཅིང་ཞེས་བྱ་བ་འདིས་ནི་#ཚུལ་ཁྲིམས་ཀྱི་བསོད་ནམས་ཀྱི་ཚོགས་བསྟན་ཏེ། ཆོས་མ་ཡིན་པའི་མི་མཐུན་པའི་ཕྱོགས་ལས་ཆོས་ཀྱིས་#རྒྱལ་བར་བྱེད་དོ་ཞེས་བྱ་བའི་ཚིག་གིས་སོ། །སེར་སྣ་ནི་ཆགས་
[319b]
[319b.1]པ་སྟེ། དེ་མེད་པ་ནི་སྦྱིན་པ་ལས་བྱུང་བའི་བསོད་ནམས་ཀྱི་ཚོགས་ཏེ་གཉེན་པོ་ཡིན་ནོ། །དེ་རིང་དུ་སྤངས་པ་ནི་གཉེན་པོ་ཡིན་པའི་ཕྱིར། སྦྱིན་པ་ལས་བྱུང་བའི་བསོད་ནམས་ཀྱི་ཚོགས་ཉིད་དུ་བསྟན་ཏོ། །རིན་ཆེན་མཆོག་འབར་ཞེས་བྱ་བ་དེས་འགྲོ་བས་སོ། །ཡང་དག་པའི་ལྟ་བ་ལ་
[319b.2]འདྲིས་པ་ནི་#གོམས་པའོ། །གནས་པ་ནི་བརྟེན་#པའོ། །བློ་ནི་འདོད་པའོ། །བྱིས་པ་དག་ཆགས་པར་བྱེད་པས་#ནི་བྱིས་པ་དགའ་བར་བྱེད་པ་སྟེ། བྱིས་པ་དགའ་བར་བྱེད་པ་ངེས་སོ། །ཆོས་ཉིད་ངེས་པ་ཞེས་བྱ་བ་ནི་#ཆོས་ལ་ངེས་པའོ། །#ཡང་དག་པའི་ལྟ་བ་#ཡང་ཡིན་ལ། དགེ་པ་ཡང་
[319b.3]ཡིན་བས་ཡང་དག་ལྟ་བ་#དགེ་བའོ། །ཡང་དག་པའི་ལྟ་བ་དགེ་བ་དེས། ད་ནི་ཞེས་བྱ་བ་ནི་ཕྱིན་ཆད་དོ། །འགྲོ་བར་སྤྲོ་བ་ནི་འགྲོ་བར་འདོད་པའོ། །ཡོན་ཏན་དག་ལ་རྩུབ་པ་ནི། ཡོན་ཏན་དག་ལ་མི་དགའ་བ་སྟེ། མི་དགའ་བ་ནི་སྐྱོ་#བའོ། །ལམ་དུ་གྱུར་པའི་གོ་འཕང་དེས། ལམ་དུ་བྱས་
[319b.4]པ་ཡིན་པས་ལམ་དུ་གྱུར་པའོ། །གོ་འཕང་ནི་ལམ་དུ་གྱུར་པའི་རབ་ཏུ་གནས་པའོ། །ཡོན་ཏན་སྒྲུབ་#པ་དབྱིག་ཏུ་བྱོས། །ཞེས་བྱ་བ་འདིས་ནི། སྦྱིན་པའི་ཕ་རོལ་ཏུ་ཕྱིན་པ་བསྟན་ཏོ། །བདག་དང་གཞན་ལ་ཕན་འདོགས་ཞེས་བྱ་བ་འདིས་ནི། བཟོད་པའི་ཕ་རོལ་ཏུ་ཕྱིན་པ་བསྟན་ཏོ། །
[319b.5]ཚུལ་ཁྲིམས་བརྟན་ཞིང་དབང་པོ་རབ་ཏུ་སྡོམས། །ཞེས་བྱ་བ་འདིས་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བསྟན་ཏོ། །རབ་གསལ་ཞེས་བྱ་བ་ནི་ནུས་པ་ཆེ་བས་སོ། །ཡིད་དུ་འོང་བས་ནི་ཡིད་ཀྱི་ནུས་པ་ཉིད་དོ། །གྲགས་པ་ནི་སྙན་པའི་ཕན་པ་དང་ལྡན་པའི་འགྲོ་བའི་སྡུག་བསྔལ་བསལ་#བའོ། །དེ་
[319b.6]ཡང་ཤིང་རྟ་ཡོད་པ་དེ་ནི་ཤིང་རྟ་དག་གོ། །བཀུར་སྟི་ཉིད་སྦྱིན་པའི་ཤིང་རྟ་གང་ཡིན་པ་དེ་ནི་བཀུར་སྟི་སྦྱིན་པའི་ཤིང་རྟ་སྟེ། ཚུལ་བཞིན་ཡིད་ལ་བྱེད་པའི་ཤིང་རྟ་དག་གོ། །ཡོན་ཏན་འབྱུང་བ་ཞེས་བྱ་བ་ནི་ཡོན་ཏན་སྐྱེ་བ་ཡིན་པས་ཡོན་ཏན་འབྱུང་བ་སྟེ། དེ་ནི་ཤིང་རྟ་ཉིད་དེ་རང་གི་ལུས་སོ། །
[319b.7]མི་རྩུབ་པའི་མིག་དང་ལྡན་པ་གང་#ཡིན་པ་དེ་ནི་མི་རྩུབ་མིག་ལྡན་ཏེ། མི་རྩུབ་པའི་བྱམས་པའོ། །སྦྱིན་པ་དང་དུལ་བ་ནི་སྦྱིན་དུལ་ལོ། །དེ་གཉིས་ཀྱི་འཁོར་ལོ་གང་ལ་ཡོད་པ་དེ་ནི་སྦྱིན་དུལ་འཁོར་ལོ་#ཅན་ནོ། །སྦྱིན་པ་དང་། ཚུལ་ཁྲིམས་དང་#བསོད་ནམས་ཉིད་འདོད་པའི་བསོད་ནམས་#པ་ཞེས་བྱ་
[320a]
[320a.1]བའི་དོན་ཏོ། །དབང་པོ་དུལ་བ་ནི་དབང་པོ་བསྡམས་པའོ། །དྲན་པ་ཉིད་སྲབ་སྐྱོགས་ཡིན་པས་དྲན་པའི་སྲབ་སྐྱོགས་ཅན་ནོ། །བློ་གྲོས་དང་ལྡན་པ་ཉིད་ལྕག་ཡིན་པས་ཤེས་རབ་ཀྱི་སྐུལ་མའོ། །ཐོས་པ་རྒྱ་ཆེ་བ་ཉིད་ཀྱི་མཚོན་གང་ལ་ཡོད་པ་དེ་ནི། ཐོས་པ་རྒྱ་ཆེན་
[320a.2]མཚོན་ནོ། །ངོ་ཚ་ཉིད་ཡོ་བྱད་ཡིན་པས་ངོ་ཚ་ཡོ་བྱད་དོ། །བཅིངས་པ་མཛེས་པའི་གྲོགས་གང་ཡིན་པ་དེ་ནི་གྲོགས་མཛེས་པས་བཅིངས་པའོ། །བཟོད་པ་ཉིད་ཀྱི་གཉའ་ཤིང་གང་ལ་ཡོད་པ་དེ་ནི་བཟོད་པའི་#གཉའ་ཤིང་ངོ་། །འགྲོ་བ་བརྟན་#པ་གང་ཡིན་པ་དེ་ནི་འགྲོ་བ་བརྟན་#
[320a.3]པའོ། །ཚིག་ཉིད་ངན་པ་ཡིན་པས་ཚིག་ངན་ནོ། །དེ་བསྡམས་པ་ནི་ཚིག་ངན་བསྡམས་པའོ། །ཚིག་ངན་པ་ནི་བརྫུན་དུ་སྨྲ་བ་ལ་སོགས་པ་ངག་གི་#སྐྱོན་རྣམ་པ་བཞིའོ། །ཡིད་འོང་ཚིག་ཙམ་སྨྲ་བས་ཟབ་པའི་སྒྲ། །#ཞེས་བྱ་བ་ནི་ཚིག་ངན་པའི་མི་མཐུན་པའི་ཕྱོགས་དགེ་བའི་ལས་ཀྱི་
[320a.4]ལམ་གཟུང་#ངོ་། །བསྡམས་པ་མ་#ཞིག་པས་ན་མཚམས་མ་བྱེ་ཞེས་བྱ་བ་འདིས་ནི་ཡང་དག་པའི་འཚོ་བ་བསྟན་ཏོ། །སྤྱོད་པ་ངན་པའི་གྱ་གྱུ་སྤངས་པས་དྲང་། །ཞེས་བྱ་བ་འདིས་ནི་ཡང་དག་པའི་ལས་ཀྱི་མཐའ་བསྟན་ཏོ། །རྒྱལ་མཚན་མཐོ་ཞེས་བྱ་བ་ནི་ཉོན་མོངས་པ་ཉེ་བར་ཞི་བ་མཐོ་
[320a.5]པའོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་ཚངས་པའི་སྐྱེས་པའི་རབས་སོ།། །།གཞན་དག་ལ་ཕན་པ་ཡིན་པའི་ཕྱིར་གཞན་ལ་ཕན་པའོ། །དེ་ཉིད་ཤས་ཆེ་བའི་སྡུག་བསྔལ་གང་ཡིན་པ་དེ་ནི་གཞན་ལ་ཕན་པར་བྱེད་པའི་སྡུག་བསྔལ་ལོ། །
[320a.6]ཡུལ་ལྗོངས་ཐག་རིང་དུ་གྱུར་པ་ཞེས་བྱ་བ་ནི། གྲོང་གི་སྐྱེ་བོ་དང་ཐག་བསྲིངས་པའོ། །ཞི་བ་ཞེས་བྱ་བ་ནི་ཚུལ་ཁྲིམས་ཡིན་ཏེ། ལུས་ཀྱི་ལས་ཀྱི་མཚན་ཉིད་དོ། །སྤྱུགས་པ་ཞེས་བྱ་བ་ནི་ཡུལ་གྱི་སྐྱེ་བོ་དང་བྲལ་བར་བྱས་པའོ། །ཁྲོས་པ་ཞེས་བྱ་བ་ནི་ཉེས་པ་ཡོད་པས་ཞེས་བྱ་བའི་#དོན་ཏོ། །དེ་
[320a.7]དག་གིས་མི་རིགས་པ་བྱས་པ་ནི་ཉེས་པ་ཡོད་པས་རྒྱལ་པོས་སྤྱུགས་པའོ། །གཅོམ་ཆུང་བ་ནི་གཟི་བརྗིད་ཆུང་བའོ། །ཉམ་ཐག་ཅིང་ཕོངས་པའི་སྒྲ་འབའ་ཞིག་གང་ཡིན་པ་དེ་#ནི་ཉམ་ཐག་ཕོངས་#པའི་སྒྲ་འབའ་ཞིག་གོ། །ནགས་ཚལ་དེ་ལོགས་སུ་འོང་བ་ནི་ནགས་ཚལ་དེ་ལ་#མངོན་དུ་
[320b]
[320b.1]ཕྱོགས་ཏེ་འོང་བའོ། །གངས་རིའི་རྩེ་མོ་འགྲོ་ཤེས་པ་འདྲ་བཞེས་བྱ་བས་#ནི་མདོག་དང་མཚན་ཉིད་བསྟན་ཏོ། །སྟོན་ཀའི་སྤྲིན་ནམ། ན་བུན་གྱི་ཚོགས་རླུང་གིས་བསྐྱོད་པ་བཞིན་ཞེས་བྱ་བ་ནི། འགྲོས་དང་། མདོག་དང་། ཚང་མཐུན་པ་བསྟན་ཏོ། །མདོག་ཅུང་ཟད་དམར་ཞིང་སྣུམ་པ་གང་
[320b.2]ཡིན་པ་དེ་ནི། སྣ་མདོག་ཅུང་ཟད་དམར་ཞིང་སྣུམ་པའོ། །རྡུལ་དང་ཉི་མའི་འོད་ཟེར་ནི། །རྡུལ་དང་ཉི་མའི་འོད་ཟེར་རོ། །དེས་རེག་པ་#ནི་རྡུལ་དང་ཉི་མའི་འོད་ཟེར་གྱིས་རེག་པ་སྟེ་དེ་བས་ནའོ། །ཁ་དོག་མ་རུད་པ་གང་ཡིན་པ་དེ་ནི་ཁ་དོག་ཉམས་པའོ། །རིད་པ་སྟེ། ཅིའི་ཕྱིར་རིད་པ་ཡིན་ཞེ་
[320b.3]ན། དེ་ཉིད་སྨྲས་པ། མྱ་ངན་གདུངས་ཕོངས་ཞེས་བྱ་བ་ལ་མྱ་ངན་#ནི་སེམས་ཀྱི་སྡུག་བསྔལ་ལོ། །གདུངས་ཕོངས་#ཞེས་བྱ་བ་ནི་ལུས་ཀྱི་སྡུག་བསྔལ་ཏེ། དེ་གཉིས་ཀྱིས་རིད་པར་གྱུར་པའོ། །མིའི་སྐད་དུ་སྨྲ་ཞིང་ཞེས་བྱ་བ་ནི། ཨ་ལ་སོགས་པའི་ཡི་གེའི་#ཁྱད་པར་གྱིས་སོ། །མི་འཇིགས་
[320b.4]པའི་སྦྱིན་པར་ཁས་ལེན་པ་ཞེས་བྱ་བ་ནི་ང་ལས་ཁྱེད་འཇིགས་#པ་མི་འབྱུང་གི་#མ་འཇིགས་ཤིག་མ་འཇིགས་ཤིག་#ཅེས་བྱ་བའི་ཚིག་གོ#། །དགའ་བར་བྱེད་པ་ཞེས་བྱ་བ་ནི་ཁྱེད་ཅག་སུ་ཞིག །ཅིའི་ཕྱིར་འདི་ལྟར་གྱུར་ཅིང་འདི་ན་འཁོད། །ཅེས་བྱ་བ་ལ་སོགས་པ་གང་ཡིན་#པ་དེ་ཉིད་དེ། ཚིག་འདི་
[320b.5]གཉིས་ཀྱིས་དོན་བསྟན་པའོ། །ཁྲོས་པའི་རླུང་ཡངས་ཞེས་བྱ་བ་ནི་#བདག་ཉིད་ལ་སྐྱོན་མེད་པར་རྒྱལ་པོས་སྤྱུགས་པ་ཉིད་དུ་བསྟན་ཏོ། །སྐལ་པ་ལྷག་མ་ཞེས་བྱ་བ་འདིས་ནི་བདག་ཉིད་འཚོ་བ་ཉིད་དུ་རེ་བའོ། །ལྷ་དཔལ་མངོན་དུ་ཞེས་བྱ་བ་ནི་དེ་མཐོང་བས་བདག་ཉིད་དགའ་བ་ཉིད་དུ་སྟོན་ཏོ། །#
[320b.6]བཤེས་པས་ཀྱང་ལྷག་པ་མཐོང་བའི་ཕྱིར། སྐལ་བ་ལྷག་མ་ཡོད་པའོ། །གཉེན་པས་ཀྱང་ལྷག་པ་#མཐོང་བའི་ཕྱིར་ནི། ལྷ་དཔལ་མངོན་དུ་གྱུར་པའོ། །ཕོངས་པ་འདི་ལས་ཞེས་བྱ་བ་ནི་འབྲོག་དགོན་པ་ན་སྡུག་བསྔལ་ཞིང་ཕོངས་#པའོ། །སྙིང་རྗེ་མེད་ཅིང་ཞེས་བྱ་བ་ནི་སྙིང་རྗེ་#དང་མི་ལྡན་
[320b.7]པའོ། །འཛེམ་པ་མེད་པ་#ནི་ཁྲེལ་མེད་པ་སྟེ། འཇིག་རྟེན་གྱི་བརྗོད་པ་ལ་མི་ལྟ་བའོ། །ཕྱི་ཚེ་མི་སེམས་ཤིང་ཞེས་བྱ་བ་འདིས་ནི་བདག་ཉིད་ལ་ལྟོས་#པ་ཉིད་དུ་སྟོན་པའོ#། །ངན་སོང་དུ་འགྲོ་བར་མི་སེམས་པའི་ཕྱིར། རང་ལ་ཕན་པ་ལ་མི་ལྟ་བ་སྟེ། འདིས་ནི་མངོན་པར་མཐོ་བ་དང་། ངེས་པར་
[321a]
[321a.1]ལེགས་པ་ཡོད་པའི་མཚན་ཉིད་དག་ལ་ཕན་པ་ལ་མི་སེམས་པ་ཉིད་དུ་སྟོན་ཏོ། །བདག་ལ་ཕན་པ་ལ་མི་ལྟ་ཞིང་། ཚེ་ཕྱི་མ་ལ་མི་སེམས་པའི་རྒྱུའི་དབང་དུ་བྱས་ནས། སྨྲས་པ། རྒྱལ་པོའི་དཔལ་གློག་ལྟར་མི་བརྟན་པ་དང་དབང་པོ་ཕྲོགས་པའི་ཕྱིར་རོ། །ཡང་ན་སྙིང་རྗེ་མེད་
[321a.2]ཅིང་ཞེས་བྱ་བ་ལ་སོགས་པ་#བཞིའི་རྒྱུ་བསྟན་པ་ཡིན་ཏེ། རྒྱལ་བའི་#དཔལ་མི་བརྟན་པ་དང་། དབང་པོ་ཕྲོགས་པའི་ཕྱིར་རོ། །ཡང་ན་རང་ལ་ཕན་པ་ལ་ལྟོས་#པ་མེད་ཀྱི་#རྒྱུ་ནི་རྒྱལ་པོའི་དཔལ་མི་བརྟན་པས་དབང་པོ་ཕྲོགས་པའི་ཕྱིར་རོ། །གཞན་གསུམ་ནི་སྙིང་རྗེ་མེད་ཅིང་མི་འཛེམ་པ་དང་། ཚེ་
[321a.3]ཕྱི་མ་མི་སེམས་པ་ལ་སོགས་པའོ། །འཆི་བདག་དེའུ་རེ་འོང་བར་དེ་མི་སེམས་ཞེས་བྱ་བ་ལ་སོགས་པའི་ཚིགས་#བཅད་གཉིས་ཀྱིས་བསྟན་ཏེ། འཆི་བདག་དེའུ་རེ་འོང་བར་དེ་མི་སེམས་ཞེས་བྱ་བ་འདི་ཚིགས་བཅད་ཀྱི་དང་པོ་ཕྱེད་ཀྱིས་ནི། ཚེ་ཕྱི་མ་ལ་མི་སེམས་པའི་རྒྱུ་གཉིས་ཡིན་ཏེ། ཚེ་ཕྱི་མ་མི་
[321a.4]སེམས་པའི་བློ་ཡོད་པར་མི་འགྱུར་བ་ནི། འཆི་བ་ཉེ་བར་གནས་པ་#མཐོང་བའི་ཕྱིར་དང་། འཆི་བ་ཡོད་ཀྱང་སྡིག་པ་ཡོད་པར་མི་ཤེས་པའམ། མ་#ཐོས་པའོ། །འཛེམ་པ་མེད་པའི་རྒྱུ་བསྟན་པ་ནི་ཚིགས་བཅད་ཕྱེད་འོག་མ་#ཡིན་ཏེ། གཉི་གའི་རྒྱུས་ཀྱང་འཛེམ་པ་མེད་པ་སྟེ། ཕན་པར་སྟོན་པའི་དགེ་
[321a.5]བའི་བཤེས་གཉེན་མེད་པའི་ཕྱིར། རྣམ་རྟོག་ཞེན་བས་གདམས་སུ་མེད་པའམ། མགོན་མེད་པར་གྱུར་པས་#སོ། །སྙིང་རྗེ་མེད་པའི་རྒྱུ་བསྟན་པའི་ཕྱིར། ནད་ཀྱི་གཞིར་#གྱུར་ཅེས་བྱ་བ་སྨོས་ཏེ། ལུས་ཞེས་བྱ་བ་འདིས་ནི་མི་#གཙང་བ་ཉིད་དུ་བསྟན་ཏོ། །གཅིག་པུ་ཞེས་བྱ་བ་འདིས་ནི་བདག་པོ་དང་
[321a.6]བྲལ་བའི་ཕྱིར་བདག་མེད་པ་ཉིད་དུ་བསྟན་ཏོ། །ནད་ཅེས་བྱ་བ་ནི་སྡུག་བསྔལ་ཉིད་དུ་བསྟན་ཏོ། །ཆུད་ཟ་བའི་ཞེས་བྱ་བ་འདིས་ནི་མི་རྟག་པ་ཉིད་དུ་བསྟན་ཏོ། །ཀྱི་ཧུད་གཏི་མུག་ཅེས་བྱ་བ་འདིས་ནི་མ་རིག་#པས་ཉེ་བར་བཅོམ་པ་སྟེ། ཟིལ་གྱིས་མནན་#པ་ཉིད་དུ་སྟོན་ཏེ། སེམས་ཅན་རྣམས་ནི་ཕྱིན་ཅི་
[321a.7]ལོག་རྣམ་པ་བཞིས་ཕྱིན་ཅི་ལོག་པ་ཉིད་དུ་བསྟན་ཏོ། །ནད་མང་བརྒྱའི་གནས་ཞེས་བྱ་བས་#ནི་གང་གི་སྡུག་བསྔལ་དང་ལྡན་པ་བསྟན་ཏོ། །ལུས་འདི་སྡུག་བསྔལ་ཉམ་ཐག་པ། །ཞེས་བྱ་བ་ནི་སྡུག་བསྔལ་གྱིས་ཉམ་ཐག་པ་གཞན་དག་གོ། །འདི་རྣམས་ཕོངས་#ལས་བསྒྲལ་བའི་གཟེངས་གྱུར་པ། །
[321b]
[321b.1]ཞེས་བྱ་བ་ནི་སྡུག་བསྔལ་ལས་བསྒྲལ་པའི་གཟིངས་ཏེ། སྡུག་བསྔལ་གྱི་ལུས་ཀྱི་རྒྱུས་གཞན་སྡུག་བསྔལ་ལས་བསྒྲལ་བས་འབྲས་བུ་དང་བཅས་པ་ཉིད་དུ་བྱའོ་ཞེས་བྱ་སྟེ། དེས་ན་བྱང་ཆུབ་སེམས་དཔའི་ལུས་སྡུག་བསྔལ་མང་པོའི་གནས་ཡིན་པ་དེ་བཞིན་དུ་འདི་དག་གི་#ལུས་ཀྱང་ཡིན་ནོ། །ཅིའི་ཕྱིར་
[321b.2]ལུས་འདི་བསྒྲལ་བའི་གཟིངས་སུ་གྱུར་པ་ཞེས་བྱ་བའི་རྒོལ་བའི་སྐབས་ཤེས་པར་བྱས་ནས། རང་དང་གཞན་གྱི་ལུས་ཀྱི་ཁྱད་པར་བརྫུན་#པའི་ཕྱིར། མི་ཡི་ལུས་སུ་སྐྱེས་པ་ཡིས། །ཞེས་#བྱ་བའི་ཚིགས་བཅད་སྨོས་སོ། །མཐོ་རིས་ཐར་པའི་བདེ་བ་ཐོབ་པར་ནུས་པ་ཞེས་བྱ་བ་འདིས་ནི་མིའི་ལུས་
[321b.3]ཀྱིས་མངོན་པར་མཐོ་བ་དང་། ངེས་པར་ལེགས་པ་#ཐོབ་པར་ནུས་པ་ཉིད་དུ་སྟོན་ཏོ། །བདག་གི་མཐོང་བའི་ཆོས་ཀྱི་ལུས་ཀྱིས་ནི་མི་ནུས་པ་ཉིད་དུ་སྟོན་ཏོ། །འདི་ལྟར་གྱུར་པ་ལ་ཕན་འདོགས་པ་ཡང་ཤིན་ཏུ་དཀོན་ཞེས་བྱ་བ་ལ་འདི་དག་ཅེས་བྱ་བ་ནི་མི་སྐྱེ་བའོ། །འདི་ལྟར་ཞེས་བྱ་བ་ནི་ད་ལྟར་བྱུང་
[321b.4]བའི་དགེ་བ་དེས་མེད་པ་ཉིད་དུ་སྟོན་ཏོ། །བདག་ནི་རྙེད་པར་བླ་#བ་སྟེ། མིའི་སྐྱེ་བ་ལ་བསོད་ནམས་ཀྱི་ཚོགས་ལ་#གོམས་པར་བྱས་པས་སྐྱེ་བ་གཞན་གྱི་རྒྱུ་བསྟན་པའི་ཕྱིར། བདག་གི་སྤྱོད་ཡུལ་གནས་སུ་ལྷགས་པར་གྱུར། །ཅེས་བྱ་བའི་ཚིགས་བཅད་སྨོས་སོ། །འདི་འདྲའི་མགྲོན་ཀྱང་#བསོད་
[321b.5]ནམས་བྱས་པས་འཐོབ། །ཅེས་བྱའོ#། །གལ་ཏེ་བདག་གིས་བོས་ཏེ། འདིར་འོངས་པ་མ་ཡིན་ན་ཡང་བསོད་ནམས་བྱས་པས་འཐོབ་ཅེས་བྱ་བ་ཡིན་ཏེ། ཅིའི་ཕྱིར་ཞེ་ན། སྤྱོད་ཡུལ་གནས་སུ་ལྷག་པར་གྱུར་པའི་ཕྱིར་ཏེ། རང་གིས་དོན་དུ་གཉེར་བ་ཉིད་#བསྟན་ཏོ། །ཕོངས་ཤིང་ཉམ་ཐག་
[321b.6]གྱུར་ཞེས་བྱ་བ་ནི་སྡུག་བསྔལ་བ་ཉིད་དོ། །གཉེན་དང་བྲལ་བ་ཞེས་བྱ་བ་ནི་རྗེས་སུ་འབྲང་བ་མེད་པ་བསྟན་ཏོ། །རྒྱུ་འདི་གསུམ་གྱིས་ནི་དེ་སྙིང་རྗེའི་གནས་སུ་བསྟན་ཏེ། དོན་དུ་གཉེར་བ་དང་། སྡུག་བསྔལ་བ་དང་། རྗེས་སུ་འབྲང་བ་མེད་པ་སྟེ། དེ་བས་ན་བསྐྱབ་པའི་རིགས་ཞེས་བྱ་བའི་དོན་ཏོ། །སྡུག་བསྔལ་མང་པོའི་
[321b.7]གནས་ཞེས་བྱ་བ་ལ་ཅིའི་ཕྱིར་ཞེ་ན། རྟག་ཏུ་ན་བའི་ཕྱིར་ཏེ། ལྷན་ཅིག་སྐྱེས་པའི་སྡུག་བསྔལ་གྱིས་སོ། །ཉོན་མོངས་པ་མང་པོའི་གཞི་ཞེས་བྱ་བ་ནི། གནོད་པ་སྣ་ཚོགས་སྐྱེ་བའི་ཉོན་མོངས་པའི་གཞི་ཡིན་པའི་ཕྱིར་རོ། །དེ་ནས་དེ་དག་ལ་ཁ་ཅིག་ནི་ཞེས་བྱ་བའི་ཚིག་གིས་ནི། སེམས་མི་བརྟན་པའི་
[322a]
[322a.1]དབང་དུ་བྱས་པའོ། །བདག་ཅག་མགོན་མེད་རྣམས་ཀྱི་#མགོན། །ཞེས་བྱ་བའི་ཚིགས་བཅད་ནི། སེམས་སྟོབས་བར་མའི་དབང་དུ་བྱས་པའོ། །གཞན་ནི་སེམས་རབ་ཏུ་བརྟན་པས་ཞེས་བྱ་བ་ལ་སོགས་པ་ནི་སེམས་བརྟན་པའི་དབང་དུ་བྱས་པའོ། །བདེ་འགྲོ་ཐོབ་ཕྱིར་ཞེས་བྱ་བ་ནི་
[322a.2]མི་ཉིད་དུ་སྐྱེ་བའི་ཕྱིར་རོ། །མི་དབང་རྒྱལ་སྲིད་གདུགས་གཅིག་དཔའ་#ཕྱིར་ཞེས་བྱ་བ་ནི། རྒྱལ་སྲིད་ཀྱི་ཕྱིར་ཡང་མ་ཡིན་ཞེས་བྱ་བའི་དོན་ཏོ། །མཐོ་རིས་བདེ་མཆོག་མྱོང་བའི་ཕྱིར་མ་ཡིན། །ཞེས་བྱ་བ་ནི་འདོད་པ་ན་སྤྱོད་པའི་མངོན་པར་མཐོ་བ་ཐོབ་པའི་ཕྱིར་ཡང་མ་ཡིན་ནོ། །ཚངས་པའི་གནས་ཕྱིར་
[322a.3]མ་ཡིན་ཞེས་བྱ་བ་ནི། གཟུགས་དང་། གཟུགས་མེད་པ་ནི་གཡང་སར་#མངོན་པར་མཐོ་བ་ཐོབ་པའི་ཕྱིར་ཡང་མ་ཡིན་པའོ། །ཐར་པའི་བདེ་ཕྱིར་མིན་ཞེས་བྱ་བ་ནི། ཉན་ཐོས་དང་། རང་སངས་རྒྱས་ཀྱི་ཕྱིར་ཡང་མ་ཡིན་པའོ། །གཡང་སར་ལྟུང་སྟེ་ཞིག་ན་ནི་འཆི་བའོ། །དེ་གཉིས་ཀྱིས་བྱས་པའི་སྡུག་བསྔལ་
[322a.4]ནི་གཡང་སར་ལྟུང་སྟེ་ཞིག་ནས་འཆི་བའི་སྡུག་བསྔལ་ལོ། །དེ་ལ་མི་ལྟ་བ་གང་ཡིན་པ་དེ་ནི་གཡང་སར་ལྟུང་སྟེ་ཞིག་ནས་འཆི་བའི་སྡུག་བསྔལ་ལ་མི་#ལྟ་བའོ། །ས་ཕྱོགས་དེ་ཞེས་བྱ་བ་ནི་དེ་དག་ལ་སྔར་ཕྱོགས་གང་བསྟན་པའི་ཕྱོགས་དེར་ཞེས་བྱ་བའི་དོན་ཏོ། །གངས་རིའི་རྩེ་མོ་ཞེས་བྱ་བ་ནི་གངས་རི་ནས་ལྷུང་
[322a.5]བ་དེའི་གངས་རི་དེའི་#རྩེ་མོ་ཉིད་དོ། །གནམ་གྲུམ་པའི་སྒྲ་གང་ལ་ཡོད་པ་དེ་ནི། གནམ་གྲུམ་སྒྲ་བཞིན་ནོ། །མ་བཏགས་ཞེས་བྱ་བ་ནི་དཔག་བསམ་གྱི་ཤིང་ལས་བྱུང་བ་ཞེས་བྱ་བའི་དོན་ཏོ། །མེ་ཏོག་ཀུ་མུད་སྤུངས་ལྟར་མཛེས། །ཟླ་བའི་འོད་ཟེར་སྤུངས་པ་བཞིན། །ཞེས་བྱ་བ་དེ་དེ་གཉིས་ཀྱིས་མདོག་བསྟན་ཏོ། །འདི་
[322a.6]ནི་དེ་ཡི་གཟུགས་བརྙན་ཞིག། །ཅེས་བྱ་བ་འདིས་ནི་ཁ་དོག་དང་། དབྱིབས་གཉིས་མཉམ་#པར་བསྟན་ཏོ། །བདག་ཅག་རྣམས་ཀྱི་ཆོ་རིགས་དང་། ཚུལ་དང་། དད་པ་ཅི་འདྲ་ཞེས་བྱ་བ་འདིས་ནི་ཡོན་ཏན་དང་། ཕན་གདགས་པའི་ཞིང་ཉིད་མ་ཡིན་པ་#ཞེས་བྱ་བའི་དོན་ཏོ། །ཡང་ན་ཡོན་
[322a.7]ཏན་གྱི་ཞིང་ཉིད་མ་ཡིན་པའོ། །ཆོ་རིགས་ཞེས་#སྨོས་པས་ནི་བྲམ་ཟེའི་རིགས་ནི་འཇིག་རྟེན་པ་རྣམས་ཀྱིས་བཀུར་བའི་གནས་ཡིན་པའི་ཕྱིར་དེ་ཡང་མ་མཐོང་བའོ། །ངང་ཚུལ་གྱི་#ཞེས་བྱ་བ་ནི་ཡོན་ཏན་གྱི་ཞིང་ཉིད་དུ་བསྟན་ཏོ། །དད་པ་ཞེས་བྱ་བ་ནི་ཕན་འདོགས་པའི་ཞིང་ཉིད་དུ་བསྟན་ཏོ། །སྐལ་མཉམ་ཞེས་
[322b]
[322b.1]བྱ་བ་ནི་སྙིང་རྗེའི་ཞིང་ཉིད་དུ་བསྟན་ཏོ། །མ་ཐོས་པར་ཞེས་བྱ་བ་ནི་མ་འདྲིས་པར་ཞེས་བྱ་བའི་དོན་ཏོ། །ཕོངས་ཤིང་ཉམ་ཐག་ཅེས་བྱ་བ་ནི་སྡུག་བསྔལ་བ་ཉིད་དོ། །#འཇིགས་ལ་#མྱ་ངན་གདུངས་ཞེས་བྱ་བ་ནི་རྗེས་སུ་འབྲང་#བ་མེད་པའོ། །སྤྱོད་བཟང་འདི་འདྲ་གང་དུ་བསླབས་ཞིག་གུ། །ཞེས་བྱ་བ་ནི་
[322b.2]མཁན་པོ་གང་ཡིན་པའི་དོན་ཏོ། །བླ་མ་གང་ལ་གནས་ནས་བསྙེན་བཀུར་བྱས། །ཞེས་བྱ་བ་ནི་དཔོན་གང་ལ་བསྙེན་བཀུར་#བྱས་པའོ། །དེ་ནི་འདི་ལས་མངོན་ཞེས་བྱ་བ་ནི་གཟུགས་དང་རྗེས་སུ་མཐུན་པ་ཉིད་ཀྱིས་ཡོན་ཏན་མངོན་པའི་དོན་ཏོ། །གཟུགས་དང་རྗེས་སུ་མཐུན་པའི་ཡོན་ཏན་གང་ཡིན་པ་
[322b.3]སྨྲས་པ། དེ་འདིར་དེ་ཉིད་མངོན་སུམ་དུ་མཐོང་བ་ཡིན་ཏེ། ཡོན་ཏན་དང་ལྡན་པ་དེ་ནི་གང་དུ་བསླབས་ཞེས་བྱ་བ་དང་སྦྱར་རོ། །རང་བཞིན་ཡང་ཡིན་ལ་འཕགས་པ་ཡང་ཡིན་པས་རང་བཞིན་འཕགས་པའོ། །དེའི་ཕུན་སུམ་ཚོགས་པ་དེ་ནི་རང་བཞིན་དུ་འཕགས་པ་ཕུན་སུམ་ཚོགས་པའོ། །ཡང་ན་རང་
[322b.4]བཞིན་འཕགས་པ་ཉིད་ཕུན་སུམ་ཚོགས་པ་ཡིན་པས་རང་བཞིན་འཕགས་པ་ཕུན་སུམ་ཚོགས་པའོ། །རང་བཞིན་ཕུན་སུམ་ཚོགས་པ་དེས་དོན་བཞིན་བསྒྲུབ་པའི་དོན་དང་#མཐུན་པ་ཡིན་པས་དོན་བཞིན་ནོ། །དེ་བསྒྲུབས་པ་ཞེས་བྱ་བ་ནི་བཟང་པོ་ཞེས་བྱ་བ་གླང་པོ་ཆེ་བདག་ཉིད་གང་ཡིན་པ་དེ་ནི་དོན་བཞིན་བསྒྲུབས་
[322b.5]ཞེས་བྱ་བ་འདིས་ནི་#བསྟན་ཏོ། །གང་གི་རང་བཞིན་ཕུན་སུམ་ཚོགས་པ་ཡིན་པ་དང་། ཇི་ལྟར་རང་བཞིན་ཕུན་སུམ་ཚོགས་པ་ཡིན་པར་ཤེས་པར་བྱ་ཞེ་ན། དེ་ཉིད་ཀྱི་ཕྱིར་སྨྲས་པ། འདི་ལྟར་ཤི་བར་འགྱུར་#ན་ནི་དགོན་པ་བཞིན་དུ་ཤེས་པའོ། །སྤྱོད་བཟང་འདི་འདྲ་གང་དུ་བསླབས་ཞིག་གུ། །ཞེས་བྱ་བ་འདི་
[322b.6]#བསྟན་པ་དེ་ལ་དེའི་སྤྱོད་པ་བཟང་པོ་བསྒྲུབ་པའི་ཕྱིར། ཀྱེ་མའོ་རང་བཞིན་འཕགས་པ་ཕུན་སུམ་ཚོགས། །ཞེས་བྱ་བའི་ཚིགས་བཅད་སྨོས་པ་ཡིན་ནོ། །གཉེན་དང་བཤེས་ནི་གཉེན་བཤེས་སོ། །དེ་ཉིད་བྱམས་པ་ཡིན་པས་གཉེན་བཤེས་བྱམས་པའོ། །དེ་དག་ལས་ཁྱད་པར་དུ་གཉེན་བཤེས་#གང་
[322b.7]མིན་པ་དེ་ནི་གཉེན་བཤེས་བྱམས་པ་བས་ཀྱང་ལྷག་པ་སྟེ། འདིས་ནི་བསམ་པ་ཕུན་སུམ་ཚོགས་པ་བསྟན་ཏོ། །ཕན་འདོགས་པ་བདག་ཅག་ལ་ཕན་པའི་ཕྱིར་ཞེས་བྱ་བ་ནི་སྔར་བསྟན་པའི་དབུགས་ཕྱུང་ཞེས་བྱ་བ་དེ་ཉིད་བསྟན་ཏོ། །རང་གི་སྲོག་གི་གསལ་#ཏེ་རབ་ཏུ་ལེགས་པར་#བྱེད་བྱེད་པ་ཞེས་བྱ་བ་ནི་
[323a]
[323a.1]གང་དེ་བདག་ཉིད་ཡོངས་སུ་བཏང་བ་དེ་ཉིད་བསྟན་ཏོ། །དེ་ལྟར་མཆོད་པར་མི་འགྱུར་རོ་ཞེས་བྱ་བ་ནི་གང་#སྔར་བསྟན་པ་འདི་ལ་མཆོད་པར་བྱ་སྟེ་ཞེས་བྱ་བ་དེ་ཉིད་ཡིན་ནོ། །བཀུར་སྟི་བྱས་པར་#མི་འགྱུར་གྱི། །ཞེས་བྱ་བ་ནི་གང་སྔར་བསྟན་པའི་མེར་སྲེག་#པའི་ཞལ་ཏ་
[323a.2]བྱོས་ཞེས་བྱ་བ་དེ་ཉིད་བསྟན་པ་ཡིན་ནོ། །འདི་ཡི་བསམ་པ་རྫོགས་པར་བྱ། །#ཞེས་བྱ་བ་ནི་གང་གི་བསམ་པ་ཡིན་ཞེ་ན། བདག་ཡོངས་སུ་བཏང་བའི་བསམ་པ་རྫོགས་པར་བྱའོ#། །མཆོད་པར་#བྱས་པར་འགྱུར་རོ་#ཞེས་བྱ་བ་ནི་མཆོད་པ་བསྒྲུབས་པར་འགྱུར་རོ་ཞེས་བྱ་བའི་དོན་ཏོ། །འདི་#བསམ་
[323a.3]པ་རྫོགས་པར་བྱའོ་ཞེས་བསྟན་པ་ལ། བསམ་པ་གང་ཡིན་པ་དེ་བསྟན་པའི་ཕྱིར། བདག་ཅག་རྣམས་ནི་བསྒྲལ་བའི་ཕྱིར། །ཞེས་བྱ་བའི་ཚིགས་བཅད་སྨོས་སོ། །བདག་ཅག་རྣམས་ཀྱི་བསྒྲལ་བ་ནི་བདག་ཅག་རྣམས་བསྒྲལ་བའོ། །དེའི་ཆེད་དུ་གཏོང་བའི་ཚུལ་གང་ལ་ཡོད་པ་དེ་#ནི་བདག་
[323a.4]ཅག་བསྒྲལ་བའི་ཕྱིར་རོ། །རབ་ཏུ་ཕོངས་#པའི་ལུས་བཏང་བ། །ཞེས་བྱ་བ་ཡིན་ཏེ། ཅིའི་ཕྱིར་ཞེ་ན། རབ་ཏུ་གཅེས་པའི་མགྲོན་བྱ་བའི་ཕྱིར་རོ། །དེ་བས་དེ་ཡི་བསམ་པ་རྫོགས་པར་བྱ། །ཞེས་བྱ་#བ་ནི་བདག་བསྒྲལ་བའི་བསམ་པ་སྟེ། དགོན་པ་ལས་བསྒྲལ་བའི་ཕྱིར་རོ། །བདག་ཅག་རྣམས་ཀྱིས་#
[323a.5]བྱ་བའི་རིགས་སོ། །#ཞེས་བྱ་བ་ནི་རིགས་པ་ཡིན་པའི་ཕྱིར། དེ་བས་ན་བསམ་པ་ཉིད་བདག་ཅག་རྣམས་ཀྱིས་#བྱ་བའི་རིགས་ཏེ་དགོན་པ་འདི་ལས་བརྒལ་བར་བྱའོ་ཞེས་བྱ་བའི་དོན་ཏོ། །གཞན་དུ་བྱས་ནས་#ཞེས་བྱ་བ་ནི་གང་སྔར་བསྟན་པའི་མཆོད་པ་བྱས་ཏེ། མེར་སྲེག་པའི་ཞལ་ཏ་བྱས་ལ་ཞེས་བྱ་བ་དེ་ཡིན་ཏེ། འདི་
[323a.6]ནས་བསྒྲལ་བའི་ཕྱིར་ལུས་བཏང་བ་ཡིན་ནོ། །ཅིའི་ཕྱིར་ཞེ་ན། མ་འདྲིས་པའི་ཕྱིར་རོ། །འདྲིས་པ་དག་ལ་ནི་འདྲིས་པ་ལ་ལྟོས་#པས་ཕན་འདོགས་པར་བྱེད་པ་ཡིན་ཏེ། དེ་བས་ན་འདྲིས་པའང་མེད་དོ། །བདག་ཅག་རྣམས་བསྒྲལ་བ་འདི་ལ་ཡོན་ཏན་ཅི་ཡོད་ཅེ་ན། སྨྲས་པ། དེས་ན་ལུས་ཤིན་ཏུ་
[323a.7]གཅེས་པ་ཡིན་ཡང་བཏང་བ་ནི་རབ་ཏུ་གཅེས་པའི་མགྲོན་ཡིན་པའི་ཕྱིར་ཏེ། ལུས་པས་ཀྱང་རབ་ཏུ་གཅེས་པ་ནི་གང་གི་ཕྱིར་#མགྲོན་ཡིན་པའི་ཕྱིར་ཏེ་#ལུས་བཏང་བའོ། །བསམ་པ་ནི་བདག་ཅག་བསྒྲལ་བའི་བསམ་པ་སྟེ། རབ་ཏུ་གཅེས་པའི་མགྲོན་ཡིན་པའི་ཕྱིར་ལུས་བཏང་བ་ཡིན་ནོ། །དེ་བས་ན་གཞན་དུ་ན་
[323b]
[323b.1]ཞེས་བྱ་བ་སྟེ། དེའི་བསམ་པ་མ་བྱས་པར་གྱུར་ན་ནི་བྱས་པ་དོན་མེད་པར་འགྱུར་རོ། །རབ་ཏུ་གཅེས་པའི་མགྲོན་ལ་རབ་ཏུ་ཕངས་#པའི་ལུས་བཏང་བ་བྱས་པའི་འབད་པའོ། །དེ་ལྟར་རེ་ཞིག་བྱང་ཆུབ་སེམས་དཔའ་ལས་རྗེས་སུ་མ་བླངས་ན་རིགས་པ་མ་ཡིན་པ་ཉིད་དུ་བསྟན་ནས། ད་ནི་བདག་ཅག་ཉིད་
[323b.2]ཀྱིས་མ་བླངས་པ་མི་མཐུན་པ་ཉིད་དུ་བསྟན་པའི་ཕྱིར། འདི་ཡིས་བྱས་ཏེ་ཅི་བདོག་པ། །ཞེས་བྱ་བའི་ཚིགས་ཅད་སྨོས་ཏེ། གཞན་དུ་བྱས་ན་དོན་མེད་འགྱུར། །ཞེས་བྱ་བ་འདི་དོན་#མེད་པ་ཉིད་དུ་བསྒྲུབ་#པའི་ཕྱིར#། བྱམས་པ་ཞེས་བྱ་བ་ནི་བསམ་པ་ཕུན་སུམ་ཚོགས་པའོ། །ཅི་བདོག་པ་ཞེས་བྱ་བ་ནི་
[323b.3]སྦྱོར་བ་ཕུན་སུམ་ཚོགས་པའོ། །བདོག་པ་ཐམས་ཅད་ཅེས་བྱ་བ་ནི་སྦྱིན་པར་བྱ་བའི་དངོས་པོ་ཕུན་སུམ་ཚོགས་པའོ། །བདག་ཅག་རྣམས་ཀྱིས་མ་བླངས་ན་དོན་མེད་པར་འགྱུར་བའི་ཕྱིར། བདག་ཅག་རྣམས་ཀྱིས་མ་བླངས་ནའོ། །དེ་གང་ཡིན་ཞེ་ན། དེ་ནི་མགྲོན་ནོ། །དེ་ལས་ཅི་ཞིག་བཀུར་སྟི་བྱ། །ཞེས་
[323b.4]བྱ་བ་ནི་སྔར་བསྟན་པའི་མེ་ལ་སྦྱང་བ་དེས་བུ་ལོན་མེད་པ་སྟེ། དེས་མེས་མ་བསྲེགས་པ་ཉིད་དུ་སྟོན་ཏོ། །གལ་ཏེ་མ་བླངས་པ་དང་། མེ་ལ་སྦྱངས་པས་མ་བསྲེགས་ན། །དེ་ལྟར་#ན་བཀུར་སྟི་ཅི་ཞིག་བྱས་པ་ཡིན་ཞེ་ན། དེ་བསྟན་པའི་ཕྱིར། དེ་བས་དེ་ལ་བླ་མ་བཞིན། །ཞེས་བྱ་བའི་ཚིགས་བཅད་སྨོས་སོ། །
[323b.5]དེ་བས་ན་ཞེས་བྱ་བ་ནི་མ་བླངས་ཤིང་དོན་མེད་པ་དེས་མགྲོན་གྱི་བསྙེན་བཀུར་མེད་པའི་ཕྱིར། དེ་ལས་གཞན་པ་དེའི་ཚིག་ཉན་པར་བྱས་ན་བཀུར་སྟི་ཉིད་དུ་བསྟན་པར་འགྱུར་རོ། །བཀུར་སྟི་ཆེན་པོ་བྱ་བ་ཙམ་དུ་མ་ཟད་དེ། དེ་བདག་ལ་ཕན་པར་འགྱུར་བའི་ཕྱིར་ཡང་བཀུར་སྟི་ཆེན་པོ་བྱ་བའི་རིགས་ཏེ། དེའི་ཚིག་
[323b.6]མཉན་པར་བྱ་བས་སོ། །གལ་ཏེ་ཁྱེད་ཅག་གིས་དེ་ལ་བྱས་པ་གཟོ་བའི་ཕྱིར། དེ་ལ་མཆོད་པ་བྱས་ན་ཡང་དེ་བཞིན་དུ་བྱ་ཞིང་མངོན་པར་མཆོད་པའི་ཆོ་གའི་ཐབས་བསྟན་པའི་ཕྱིར། སྡུག་བསྔལ་འདི་ལས་ཐར་ནས་ཞེས་བྱ་བའི་ཚིགས་བཅད་སྨོས་ཏེ། སྡུག་བསྔལ་འདི་ལས་ཐར་པ་ཞེས་བྱ་བ་
[323b.7]ནི་འབྲོག་དགོན་པ་འདིའི་སྡུག་བསྔལ་ལས་#ཐར་པའོ། །ཚོགས་པ་ནི་འདུས་པར་གྱུར་པའོ#། །དེ་དག་གི་ཚིག་ནི་དེ་དག་གི་ཚིག་གོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་གླང་པོ་ཆེའི་སྐྱེས་པའི་རབས་སོ།། །།སྡོམ་ལ། བྱང་ཆུབ་ངང་པ་བྱང་ཆུབ་
[324a]
[324a.1]ཆེ། །སྤྲེའུ་དང་#རི་དྭགས་ཤ་ར་བྷ། །རུ་རུ་སྤྲེའུ་རྒྱལ་བཟོད་པ་སྨྲ། །ཚངས་དང་གླང་ཆེན་དེ་དག་བཅུ། །སྡོམ་འདི་ནི་འཇིག་རྟེན་དུ་གྲགས་པ་ཡིན་ཏེ། སྐྱེས་པའི་རབས་བཅུ་པོ་འདི་དག་གི་གོ་རིམས་བདག་གིས་ནི་འདི་ལྟར་མཐོང་ངོ་། །བྱང་ཆུབ་ངང་པ་བྱང་ཆུབ་ཆེ། །ཤ་ར་
[324a.2]རུ་རུ་སྤྲེའུ་དང་། །བཟོད་པ་སྨྲ་དང་སྤྲེའུ་རྒྱལ་དང་། །གླང་ཆེན་ཚངས་པ་དེ་དག་བཅུ། །འདིར་སྐྱེས་པའི་རབས་བཅུ་པོ་འདི་དག་གི་གོ་རིམས་ཀྱི་རྒྱུ་ཡང་བཟོད་པའི་ཕ་རོལ་ཏུ་ཕྱིན་པའི་དབང་དུ་བྱས་པ་སྟེ། གཞན་གྱིས་#གནོད་པ་བྱས་པ་ལ་མི་མཇེད་#པའི་བཟོད་པ་དང་། སྡུག་བསྔལ་ལ་ཇི་མི་སྙམ་པའི་
[324a.3]བཟོད་པ་དང་། ཆོས་ལ་ངེས་པར་སེམས་པའི་བཟོད་པའོ། །དེ་ལ་ཆོས་ལ་ངེས་པར་སེམས་པའི་བཟོད་པའི་དབང་དུ་བྱས་ནས། ཚངས་པའི་སྐྱེས་པའི་རབས་ཡིན་ཏེ། ཆོས་ལ་ངེས་པར་སེམས་པའི་བཟོད་པ་ནི་ཟབ་ཅིང་རྒྱ་ཆེ་བའི་ཆོས་དག་ལ་འདོད་ཅིང་མི་སྐྲག་པའོ། །བཟོད་པ་དེ་ཡང་བྱང་ཆུབ་
[324a.4]སེམས་དཔའ་ལ་ཡོད་པ་ཡིན་ནོ་ཞེས་ཇི་ལྟར་ཤེས་པར་བྱ་ཞེ་ན། བདག་ཉིད་མངོན་པར་འདོད་པའི་ལྟ་བ་དེ་ལ་གཞན་ཡང་རབ་ཏུ་འགོད་པ་ཡིན་པའི་ཕྱིར། ཆོས་ལ་ངེས་པར་སེམས་པའི་བཟོད་པ་དེ་ནི་ཚངས་པའི་སྐྱེས་པའི་རབས་ཀྱིས་བརྗོད་པ་ཡིན་ནོ། །གཞན་དུ་ན་ཇི་ལྟར་སྐྱེས་པའི་རབས་འདི་བཟོད་པའི་ཕ་
[324a.5]རོལ་ཏུ་ཕྱིན་པའི་སྐྱེས་པའི་རབས་སུ་བཤད། གལ་ཏེ་འདི་ལྟར་བློ་སྐྱེ་བར་འགྱུར་ཏེ། སྐྱེས་པའི་རབས་དེ་ཉིད་དུ་བསྟན་པའི་བཟོད་པའི་ཕ་རོལ་ཏུ་ཕྱིན་པ་སྟེ། མཚན་ཉིད་དུ་བཤད་པའི་སྐྱེས་པའི་རབས་འདི་ནི་རིགས་པ་ཡིན་ནོ་ཞེ་ན། དེ་ཡང་མི་རིགས་པ་ཉིད་དེ། ཅིའི་ཕྱིར་ཞེ་ན། བཟོད་པ་གོང་ནས་གོང་དུ་ཁྱད་པར་
[324a.6]དུ་བསྟན་པའི་སྐྱེས་པའི་རབས་ཀྱི་གོ་རིམས་རྣམ་པར་གཞག་པའི་ཕྱིར་ཏེ། བཟོད་པའི་ཚིག་དེ་ནི་ཞར་ལས་#བྱུང་བའི་ཕྱིར་རོ། །གཙོར་#ནི་རང་བཞིན་གྱིས་ལྟ་བ་ངན་པ་ལ་ཞེན་པར་གྱུར་པ་#ལ་ལྷག་པར་སྙིང་བརྩེ་#བ་ཡིན་ཏེ། དེ་བས་ན་ཚངས་པའི་སྐྱེས་པའི་རབས་ནི་ཆོས་ལ་ངེས་པར་སེམས་པའི་དབང་དུ་བྱས་པ་ཉིད་
[324a.7]དོ། །སྤྲེའུའི་རྒྱལ་པོ་དང་། གླང་པོ་ཆེའི་སྐྱེས་པའི་རབས་སུ་ནི་སྡུག་བསྔལ་ལ་ཇི་མི་སྙམ་པའི་བཟོད་པའི་དབང་དུ་བྱས་པའོ། །གཉིས་པོ་དེ་དག་ལས་ཀྱང་གནོད་པར་གྱུར་པའི་སྡུག་བསྔལ་ལ་ཇི་མི་སྙམ་པའི་བཟོད་པའི་ཕ་རོལ་ཏུ་ཕྱིན་པའི་དབང་དུ་བྱས་པ་ནི་སྤྲེའུ་#རྒྱལ་པོའི་སྐྱེས་པའི་རབས་སུ་བསྟན་ཏེ་
[324b]
[324b.1]མི་བཟོད་པ་མེད་པའི་ཕྱིར་བཟོད་པའི་དབང་དུ་བྱས་པ་སྟེ། གནོད་པར་བྱེད་པའི་རྒྱལ་པོ་ལ་བཟོད་པར་བྱ་བ་ནི། འབྲེལ་པ་མེད་པའི་ཕྱིར་དང་། རྒྱལ་པོ་ཉིད་ཀྱང་ཕན་པ་བྱེད་པར་འཇུག་པའི་ཕྱིར་རོ། །གླང་པོ་ཆེའི་སྐྱེས་པའི་རབས་སུ་ནི་གཡང་ས་ནས་ལྟུང་བའི་སྡུག་བསྔལ་དང་། འཆི་བའི་སྡུག་བསྔལ་ལ་ཇི་
[324b.2]མི་སྙམ་པའི་དབང་དུ་བྱས་པ་སྟེ། མ་འདྲིས་པའི་སྐྱེ་བོ་ལ་རྗེས་སུ་བརྩེ་བའི་ཕྱིར་རོ། །དེ་ལས་གཞན་པ་སྐྱེས་པའི་རབས་བདུན་གྱིས་ནི་གནོད་པ་བྱས་པ་ལ་མི་མཇེད་པའི་བཟོད་#པའི་དབང་དུ་བྱས་པའོ། །གནོད་པ་བྱེད་པ་ལ་ཡང་རྣམ་པ་གཉིས་ཏེ། བདག་དང་འབྲེལ་པ་དང་། བདག་ལ་གནོད་པ་
[324b.3]བྱས་པའོ། །བདག་དང་འབྲེལ་པ་ལ་གནོད་པ་བྱེད་པའི་དབང་དུ་བྱས་ནས། གཙུག་ཕུད་བྱང་ཆུབ་ཀྱི་སྐྱེས་པའི་རབས་སུ་རྒྱལ་པོ་དེས་རང་གི་ཆུང་མ་འཕྲོག་པར་བྱེད་པའི་གནོད་པས་འཇུག་པའི་ཕྱིར་རོ། །བདག་ལ་གནོད་པ་བྱེད་པ་ལ་ཡང་རྣམ་པ་གཉིས་ཏེ། རྣམ་པར་འཚོ་བའི་གནོད་པ་དང་། གསོད་
[324b.4]པའི་གནོད་པ་བྱེད་པའོ། །དེ་ལས་རྣམ་པར་འཚེ་བའི་གནོད་པའི་དབང་དུ་བྱས་ནས། ངང་པ་དང་། བྱང་ཆུབ་ཆེན་པོའི་སྐྱེས་པའི་རབས་སུ་བསྟན་ཏེ། ལུས་དང་། སེམས་ལ་ཉེ་བར་གནོད་པའི་རང་བཞིན་ཡིན་པའི་ཕྱིར་རོ། །ངང་པའི་སྐྱེས་#པའི་རབས་སུ་ནི་རྙིས་བཟུང་#བས་ལུས་ཀྱི་འཚེ་བ་ལ་འཇུག་
[324b.5]པའི་གནོད་པ་ལས་བཟོད་པའོ། །བྱང་ཆུབ་ཆེན་པོའི་སྐྱེས་པའི་རབས་སུ་ནི་སེམས་ལ་གནོད་པ་ཡིན་ཏེ། བརྙས་པས་ཉེ་བར་གཙེས་པས་འཇུག་པའི་གནོད་པ་ལ་བཟོད་པའོ། །གསོད་པའི་གནོད་པར་བྱེད་པའི་དབང་དུ་བྱས་ནས་སྐྱེས་པའི་རབས་ལྷག་མ་བཞི་ཡིན་ཏེ། གསོད་པའི་གནོད་
[324b.6]པ་བྱེད་པ་#ལ་ཡང་རྣམ་པ་གཉིས་ཏེ། གསོད་པའི་གནོད་#པ་བྱེད་པར་སྦྱོར་བ་དང་། གསོད་པའི་གནོད་པར་སྦྱོར་བའོ། །དེ་ལས་གསོད་#པར་སྦྱོར་བའི་གནོད་པ་བྱེད་པའི་དབང་དུ་བྱས་ནས། ཤ་ར་བྷ་དང་། རུ་རུ་དང་། སྤྲེའུའི་སྐྱེས་པའི་རབས་སོ། །དེ་ལ་ཤ་ར་བྷའི་སྐྱེས་པའི་རབས་སུ་ནི་བདག་
[324b.7]ཉིད་ཀྱིས་མདའ་འཕེན་པ་དང་། གནོད་པ་མ་བྱས་ཏེ། ཕན་བཏགས་ཤིང་རྒྱལ་པོ་ལ་བཟོད་པ་སྟེ། སྦྱོར་བ་བྱེད་པ་ལ་བཟོད་པ་པ་བྱེད་པའི་དབང་དུ་བྱས་པའོ། །རུ་རུ་དང་། སྤྲེའུའི་སྐྱེས་པའི་རབས་སུ་ནི་བྱང་ཆུབ་སེམས་དཔས་#དེ་གཉིས་ལ་ཕན་བཏགས་པ་ཡིན་དུ་ཟིན་ཀྱང་གནོད་པ་བྱེད་པར་འཇུག་པ་དེ་
[325a]
[325a.1]གཉིས་ལ་བཟོད་པའི་ཕྱིར་རོ། །འདི་གཉིས་ལ་ཁྱད་པར་ནི་འདི་ཡོད་དེ། རུ་རུའི་སྐྱེས་པའི་རབས་སུ་ནི་རྒྱལ་པོ་བྱང་ཆུབ་སེམས་དཔའ་ལ་གསོད་#པར་སྦྱོར་བས་སྦྱོར་དུ་བཅུག་པར་བསྟན་ཏེ། བདག་ཉིད་ཀྱིས་ནི་གསོད་#པར་སྦྱོར་བ་མ་བརྩམས་སོ། །སྤྲེའུའི་སྐྱེས་པའི་རབས་སུ་ནི་བྱང་
[325a.2]ཆུབ་སེམས་དཔས་ཕན་བཏགས་པ་བྱས་པ་གང་ཡིན་པ་དེ་ལ་བདག་ཉིད་ཀྱིས་གསོད་པར་སྦྱོར་བ་རྩོམ་པའོ། །དེ་ཉིད་ཀྱི་ཕྱིར་རུ་རུའི་སྐྱེས་པའི་རབས་སུ་མཐོང་བའི་ཆོས་ཉིད་ལ་ལག་པ་ཆད་པར་སྟོན་པ་ཡིན་ནོ། །དེ་བཞིན་དུ་སྤྲེའུའི་སྐྱེས་པའི་རབས་སུ་ཡང་བདག་ཉིད་གསོད་པར་རྩོམ་#པ་ཡིན་པས་མཛེའི་
[325a.3]ནད་ཀྱིས་དེ་མ་ཐག་ཏུ་ཟིལ་གྱིས་མནན་ཏོ། །ད་ནི་བཟོད་པ་སྨྲ་བའི་སྐྱེས་པའི་རབས་སུ་ནི་བདག་ཉིད་གསོད་པར་རྩོམ་པ་ཡིན་པའི་ཕྱིར། དེ་མ་ཐག་ཏུ་རིམས་ནད་མེ་བཞིན་འབར་ཞེས་བྱ་བ་དང་། ས་གས་ནང་དུ་ཞུགས་ཞེས་བྱ་བའོ། །གཙུག་ཕུད་བྱང་ཆུབ་ཀྱི་སྐྱེས་པའི་རབས་སུ་ནི་བྱང་ཆུབ་སེམས་དཔའ་ལ་
[325a.4]གནོད་པ་བྱེད་པའི་རྒྱལ་པོ་མཐོང་བའི་ཆོས་ཉིད་ལ་མི་སྡུག་པའི་རྣམ་པར་སྨིན་པ་མ་ཐོབ་པ་སྟེ། བྱང་ཆུབ་སེམས་དཔའ་ལ་ཞེ་སྡང་བ་#མེད་པའི་ཕྱིར་དང་། ཁྱིམ་ཐབ་#དང་ཆུང་མ་ཕལ་#པ་མེད་པའི་ཕྱིར་རོ། །ངང་པའི་སྐྱེས་པའི་རབས་སུ་ཡང་སྡིག་པའི་བསམ་པ་མེད་པའི་ཕྱིར་དང་། བྱང་ཆུབ་སེམས་
[325a.5]དཔའི་ཡོན་ཏན་བརྗོད་པས་ཕྲད་པར་འདོད་པ་དེས་བྱང་ཆུབ་སེམས་དཔའ་ལ་གནོད་པ་བྱས་ཀྱང་མི་འདོད་པའི་འབྲས་བུམ་ཐོབ་པའོ། །བྱང་ཆུབ་ཆེན་པོའི་སྐྱེས་པའི་རབས་སུ་ནི་རྒྱལ་པོ་ལ་སྡིག་པའི་བསམ་པ་མེད་པའི་ཕྱིར་#དང་། མ་གུས་པ་#ཉི་ཚེ་ཙམ་དུ་ཟད་པའི་ཕྱིར་དང་#། མི་འདོད་པའི་འབྲས་བུ་མེད་
[325a.6]དོ། །ཤ་ར་བྷའི་སྐྱེས་པའི་རབས་སུ་ཡང་རྒྱལ་པོ་ལ་སྡིག་པའི་བསམ་པ་མེད་པ་དང་། གནོད་པའི་སྦྱོར་བ་ཉི་ཚེ་ཙམ་ཡོད་པའི་ཕྱིར་དང་། བྱང་ཆུབ་སེམས་དཔའ་ལ་གནོད་པ་བྱེད་པར་སྦྱོར་བ་ཡང་བྱང་ཆུབ་སེམས་དཔའ་ཡིན་པར་སྔར་མ་ཤེས་པ་དང་། རྒྱལ་པོས་གནོད་པ་མ་བྱས་པའི་ཕྱིར་མི་འདོད་
[325a.7]པའི་འབྲས་བུ་མེད་དོ། །དེ་ཉིད་ཀྱིས་འདི་དག་ནི་བཟོད་པ་ཆུང་བ་ཡིན་པའི་ཕྱིར་དང་པོར་སྨོས་པ་ཡིན་ནོ། །སྐྱེས་པའི་རབས་འདི་དག་ལས་གཞན་དུ་རུ་རུ་དང་། སྤྲེའུ་དང་། བཟོད་པ་སྨྲ་བ་#སྐྱེས་པའི་རབས་ཕྱིས་བཀོད་པ་ནི་གོ་རིམས་བཞིན་དུ་ཁྱད་པར་དུ་གྱུར་བའི་ཕྱིར་ཏེ། བྱང་ཆུབ་སེམས་དཔའ་#ཕན་
[325b]
[325b.1]བཏགས་པ་ལ་གནོད་པ་#བྱེད་པ་ལ་ཕྱི་མ་གསུམ་ཡིན་ཏེ། མི་འདོད་པའི་འབྲས་བུ་རྣམ་པར་#སྨིན་པ་ཡིན་ཏེ། སེམས་ཀྱི་#གོ་སྐབས་མེད་པ་ཉིད་དོ། །བྱང་ཆུབ་སེམས་དཔའ་ལ་ནི་གནོད་པ་མེད་པའི་ཕྱིར་དང་། བསམ་པ་ངན་པ་མེད་པས་#སྤྲེའུའི་ཚོགས་དེ་དག་གིས་བྱང་ཆུབ་སེམས་དཔའ་ལ་བརྫིས་པ་
[325b.2]ཡིན་ན་ཡང་བྱང་ཆུབ་སེམས་དཔས་གནང་བ་ཉིད་ཡིན་གྱི། གཞན་དུ་མ་ཡིན་པས་མི་འདོད་པའི་འབྲས་བུ་མེད་པ་ཉིད་དོ། །སྐྱེས་པའི་རབས་གཞན་དག་ཀྱང་སེམས་ཀྱི་གོ་སྐབས་མེད་པ་ཉིད་དོ། །གོ་རིམས་དེ་ལྟར་བཀོད་པར་གྱུར་ན་ནི་བཟོད་པ་བསྒོམས་#པ་ལ་འཇུག་པ་#རྣམས་ཀྱི་བཟོད་པའི་རྣམ་པ་གོ་
[325b.3]རིམས་བཞིན་དུ་བསྟན་པར་འགྱུར་ཏེ། དེ་སྒྲུབ་#པའི་ཐབས་བསྟན་པར་རིགས་པ་ཡིན་ནོ། །སྐྱེས་པའི་རབས་འདི་དག་གི་གོ་རིམས་འདི་བཞིན་དུ་རིག་#པར་བྱ་སྟེ། གལ་ཏེ་ཕྱོགས་སུ་མི་འཛིན་པ་དག་ཡོད་ན་ཡང་འདི་བཞིན་དུ་གླེགས་བམ་དག་ཏུ་བྲི་བར་བྱའོ། །བཟོད་པའི་ཚོམས་#ཏེ་སྡེ་ཚན་གསུམ་པ་
[325b.4]རྫོགས་སོ།། །།ཇི་ལྟར་ཕྲད་ཀྱང་རུང་སྟེ་ཞེས་བྱ་བ་ནི་མི་དགེ་བ་མངོན་པར་འདོད་པའམ། དགེ་བ་མངོན་པར་འདོད་པ་ཞེས་བྱ་བའི་དོན་ཏོ། །རབ་ཏུ་གྲགས་པའི་རིགས་དང་། དཔལ་དང་ལྡན་པ་ཞེས་བྱ་བ་འདི་#གཉིས་ཀྱིས་ནི་གཙོ་བོའི་ནུས་པ་བསྟན་ཏོ། །ཡོན་ཏན་ཡོངས་སུ་འཛིན་པར་བྱེད་པས་
[325b.5]འབངས་རྣམས་ནི་གློ་བ་ཉེ་བ་ཞེས་བྱ་བ་འདིས་ནི་གསང་ཚིག་གི་ནུས་པ་བསྟན་ཏོ། །གཟི་བྱིན་ཆེ་བས་རྒྱལ་ཕྲན་དྲེགས་པ་རྣམས་ཕྱག་འཚལ་བར་གྱུར་པ་ཞེས་བྱ་བས་ནི་སྤྲོ་བའི་ནུས་པ་བསྟན་ཏོ། །ཡོན་ཏན་བརྒྱའི་འོད་ཟེར་གྱི་ཕྲེང་པ་ནི་ཡོན་ཏན་བརྒྱའི་འོད་ཟེར་གྱི་ཕྲེང་བའོ། །འོད་ཟེར་བརྒྱ་དང་ལྡན་པ་
[325b.6]གང་ལ་ཡོད་པ་དེ་ནི་ཡོན་ཏན་གྱི་འོད་ཟེར་བརྒྱ་དང་ལྡན་པའོ། །ཟླ་བ་བཞིན་དུ་མཐོང་ན་དགའ་བ་གང་ཡིན་པ་དེ་ནི། ཟླ་བ་དང་འདྲ་བར་མཐོང་ན་དགའ་བའོ། །དེ་ཉིད་ཀྱི་ཕྱིར། བུ་ཟླ་བ་ཞེས་བྱ་བ་ཡིན་ཏེ། ཟླ་བ་དང་འདྲ་བའི་ཕྱིར་བུ་ཟླ་བ་ཞེས་བཏགས་ཏེ། དེའི་མིང་ཡོན་ཏན་དང་ལྡན་པ་ཉིད་དུ་སྟོན་
[325b.7]ཏོ། །ལེགས་པར་ཕན་འདོགས་པ་ཞེས་བྱ་བས་ནི་མི་དགེ་བའི་ཆོས་མ་སྐྱེས་པ་རྣམས་མི་སྐྱེད་པ་དང་། མི་དགེ་བའི་ཆོས་སྐྱེས་པ་#རྣམས་སྡང་བ་ཉིད་དུ་སྟོན་ཏོ། །སྡུད་པ་ལ་མཁས་པ་དང་། གུས་པ་ཇེ་ཆེ་ཇེ་ཆེར་གྱུར་པ་དང་། །ཞེས་བྱ་བས་ནི་དགེ་བའི་ཆོས་སྐྱེད་#པ་དང་། སྐྱེས་ཟིན་པ་རྣམས་ཕྱིར་ཞིང་
[326a]
[326a.1]བསྒོམས་#པ་ཉིད་དུ་བསྟན་པ་ཡིན་ནོ། །ཡོངས་སུ་བསྐྱངས་པ་ལ་ངེས་པར་བྱེད་པའི་ཕྱིར་ཞེས་བྱ་བ་ནི་#དགེ་བའི་ཆོས་རྣམས་བསྒོམ་པར་བྱའོ་ཞེས་བསྟན་ཏོ། །དེ་ཉིད་ཀྱི་ཕྱིར་སྐྱེས་པའི་རབས་འདི་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་བསྟན་པའི་ཕྱིར་ཡིན་ཏེ། མི་དགེ་བའི་ཆོས་མ་
[326a.2]སྐྱེས་པ་རྣམས་མི་སྐྱེད་པ་དང་། སྐྱེས་ཟིན་པ་རྣམས་སྤངས་པ་ཉིད་དུ་སྟོན་ཏོ། །#མི་དགེ་བའི་ཆོས་སྤངས་པ་མེད་པར་ནི་དགེ་བའི་ཆོས་སྐྱེད་#པ་དང་། འཕེལ་བ་དང་། གནས་པ་མེད་པའི་ཕྱིར་རོ། །ཡོན་ཏན་གཉེན་དང་འདྲ་བར་གྱུར་ཏོ་ཞེས་བྱ་བ་བསྟན་པ་ལ། འགྲོ་བ་རྣམས་ཀྱི་#གཉེན་དེ་གང་ཡིན་ཞེ་
[326a.3]ན། གཉེན་དང་འདྲ་བ་དེ་ཉིད་བསྟན་པའི་ཕྱིར། ཚུལ་ཁྲིམས་ཐོས་དང་ཞེས་བྱ་བའི་ཚིགས་བཅད་སྨོས་སོ། །ཡང་ན་གཞན་དང་མངོན་པར་འབྲེལ་པས་ཡོན་ཏན་གྱི་འོད་ཟེར་བརྒྱ་དང་ལྡན་པ་ཞེས་བཤད་པའི་ཡོན་ཏན་གང་དག་ཡིན་ཞེ་ན། ཚུལ་ཁྲིམས་ཐོས་དང་གཏོང་དང་སྙིང་རྗེ་དུལ། །ཞེས་བྱ་
[326a.4]བའི་ཚིགས་བཅད་སྨོས་སོ། །དེ་དང་དེ་དག་ཅེས་བྱ་བ་ནི་ཡོན་ཏན་གཞན་#དག་ཡང་ལྡན་པ་ཉིད་དུ་སྟོན་ཏོ། །ཡོན་ཏན་ཡོད་པ་ནི་ཞེས་བྱ་བ་ནི་ཡོན་ཏན་ཉིད་ཡོད་པ་ཡིན་ཏེ། དེའི་ཡོན་ཏན་མང་པོ་ཞེས་བྱ་བའི་དོན་ཏོ། །ལང་ཚོར་གྱུར་པའི་རྒྱན་གྱིས་བརྒྱན་པ་བཞིན། །ཞེས་བྱ་བ་ནི། བྱང་ཆུབ་
[326a.5]སེམས་དཔའི་རྒྱན་གྱིས་བརྒྱན་པའི་ལང་ཚོ་བཞིན་དུ་ཞེས་བྱ་བའི་དོན་ཏེ#། ལང་ཚོ་ནི་ད་ལྟར་བྱུང་བའི་ཡོན་ཏན་གྱིས་མཛེས་པ་ཡིན་ཏེ། དེ་བས་ན་ཡོན་ཏན་ལང་ཚོའི་རྒྱན་གྱིས་བརྒྱན་པ་ཉིད་དོ། །ཡང་ན་ལང་ཚོར་གྱུར་པའི་རྒྱན་གྱིས་བརྒྱན་པ་བཞིན་དུ་ཡོན་ཏན་གསར་པ་དག་གིས་རབ་ཏུ་བརྒྱན་
[326a.6]པ་སྟེ། དེ་བས་ན་ལང་ཚོར་གྱུར་པའི་རྒྱན་གྱིས་བརྒྱན་པ་ཞེས་བརྗོད་དོ། །རྣམ་པར་དག་པ་#ཡང་ཡིན་ལ་རྒྱ་ཆེ་བ་ཡང་ཡིན་པས་རྣམ་པར་དག་ཅིང་རྒྱ་ཆེ་བའོ། །རྣམ་པར་དག་པ་དང་། རྒྱ་ཆེ་བ་གཉིས་ཀྱིས་#ཡིད་དུ་འོང་བ་དེ་ནི་རྣམ་པར་དག་ཅིང་རྒྱ་ཆེ་#ཡིད་དུ་འོང་བ་སྟེ། དེ་བཞིན་དུ་དེའི་ཡོན་ཏན་
[326a.7]རྣམས་སོ། །གནས་སུ་གྱུར་ཅེས་བྱ་བ་འདིས་#ནི་ཡོན་ཏན་གྱི་འོད་ཟེར་བརྒྱ་དང་ལྡན་པའི་གནས་སུ་གྱུར་པའི་ཕྱིར་ཏེ། འདིས་ནི་གསང་ཚིག་གི་ནུས་པ་བསྟན་ཏོ། །འབངས་རྣམས་སྐྱོང་ནུས་པ་དང་ཞེས་བྱ་བ་འདིས་ནི་སྤྲོ་བའི་ནུས་པ་བསྟན་ཏོ། །མ་འཇུངས་ཤིང་རང་བཞིན་བཟང་བའི་ཕྱིར་ཞེས་བྱ་བ་
[326b]
[326b.1]འདིས་ནི་རྒྱུ་ཕུན་སུམ་ཚོགས་པ་བསྟན་ཏོ། །རང་བཞིན་དང་རྒྱུ་དང་ས་བོན་ཞེས་བྱ་བ་ནི་དོན་གཞན་མ་ཡིན་ཏེ། འདིས་ནི་དེ་ཉིད་ཀྱི་ཕུན་སུམ་ཚོགས་པ་བསྟན་ཏོ། །དང་པོ་འདི་གཉིས་ཀྱིས་ནི་སྐྱེས་བུའི་བྱེད་པ་ཕུན་སུམ་ཚོགས་པའོ། །རྒྱལ་ཚབ་ཀྱི་ལོངས་སྤྱོད་ཅེས་བྱ་བ་ནི་བདག་པོའི་ནུས་པ་བྱེད་དུ་
[326b.2]བཅུག་ཅེས་བྱ་བའི་དོན་ཏོ། །རབ་ཏུ་མཁས་པས་ཞེས་བྱ་བ་ནི་སྔར་བསྟན་པའི་ཐོས་པ་དང་། ཤེས་རབ་དང་། ཡིད་གཞུངས་ཤིང་མངོན་པར་བརྩོན་པའི་སྦྱོར་བས་སོ། །མཁས་པས་ཆོས་ལྡན་ཞེས་བྱ་བ་ནི་དོན་དང་འདོད་པ་དང་ཡང་ལྡན་པ་ཡིན་ནོ། །ལེགས་པར་སྨྲ་བ་ལ་ཇི་ལྟར་བྱེད་ཅེ་ན། མཆོད་
[326b.3]པ་ཁྱད་པར་ཅན་གྱིས་ཞེས་བྱ་བ་ཡིན་ཏེ། དེས་ན་དེ་ཉིད་ཀྱི་ཕྱིར་ཏེ། ལེགས་པར་བཤད་པ་ལ་དགའ་བའི་ཕྱིར་རོ། །དཔྱིད་ཟླའི་དུས་ལ་བབ་པ་ཞེས་བྱ་བ་ནི་མེ་ཏོག་འབྱུང་བའི་དུས་ཀྱི་ཟླ་བ་ལ་བབ་པའོ། །ཤིང་ལོ་རྣམས་མཛེས་ཤིང་འཇམ་པོར་གྱུར་པ་གང་ཡིན་པ་དེ་དག་ནི་དཔྱིད་ཟླའི་དུས་ལ་
[326b.4]བབ་པའི་མཐུས་ཤིང་ལོ་རྣམས་མཛེས་ཤིང་འཇམ་པོར་གྱུར་པའོ། །མེ་ཏོག་ཉིད་ཁ་འབུས་པས་སྡུག་ཅིང་། དགོད་པ་ལྟར་གྱུར་པ་གང་ཡིན་པ་དེ་ནི་མེ་ཏོག་སྡུག་གུ་ཁ་འབུས་པ་རྣམས་#ནི་དགོད་པ་བཞིན་ནོ། །ནེའུ་གསིང་#སྔོན་པོ་ནི་ནེའུ་གསིང་#སྔོན་པོའོ། །དེ་ཉིད་ཀྱི་#རི་མོ་བཀྲམ་པ་ལྟ་བུ་ཡིན་པས་ནེའུ་
[326b.5]གསིང་#སྔོན་པོ་གསར་པ་རྣམས་ཀྱིས་རི་མོ་བཀྲམ་པའོ། །དེས་ས་གཞི་མཛེས་པར་བྱས་པ་གང་ཡིན་པ་དེ་ནི། ས་གཞི་ནེའུ་གསིང་#སྔོན་པོ་གསར་བུ་#རྣམས་ཀྱིས་རི་མོ་བཀྲམ་པ་བཞིན་དུ་མཛེས་པར་བྱས་པའོ། །ཡིད་དགའ་བ་འབྱུང་བ་ཡིན་པས་ཡིད་དགའ་བ་སྐྱེས་པའོ#། །སྐྱེད་མོས་ཚལ་ན་ལྡིང་ཁང་ཡོད་
[326b.6]པ་དེ་ནི་ལྡིང་ཁང་སྐྱེད་མོས་ཚལ་ལོ། །ཡིད་དུ་འོང་བའི་ལྡིང་ཁང་གི་རྒྱན་སྐྱེད་མོས་ཚལ་གང་ལ་ཡོད་པ་དེ་ནི་ལྡིང་ཁང་རྒྱན་ཅན་སྐྱེད་མོས་ཚལ་ལོ། །བུད་མེད་རྣམས་ཀྱི་གླུ་སྒྲ་སྙན་དང་འབྲེལ། །ཞེས་བྱ་བ་ནི་རྣ་བའི་ཡུལ་གྱི་ལོངས་སྤྱོད་ཀྱི་དབང་དུ་བྱས་པའོ། །འཛུམ་ལ་མཁས་པ་ཞེས་བྱ་བ་ནི་མིག་
[326b.7]གི་ཡུལ་གྱི་ལོངས་སྤྱོད་ཀྱི་དབང་དུ་བྱས་པའོ། །ཡན་ལག་མཛེས་པར་#བསྒྱུར་བའི་ཞེས་བྱ་བ་ནི་རེག་བྱའི་ལོངས་སྤྱོད་ཀྱི་དབང་དུ་བྱས་པའོ། །བཟང་མོ་མཛེས་པར་ཞེས་བྱ་བ་ནི་#ལོངས་སྤྱོད་ཀྱི་དབང་དུ་བྱས་པ་སྟེ། དེ་ལྟར་འདི་དག་གིས་ནི་སེམས་ཅན་གྱི་ལོངས་སྤྱོད་ཀྱི་རྐྱེན་#བསྟན་པའོ། །ད་ནི་སེམས་
[327a]
[327a.1]ཅན་མ་ཡིན་པའི་ལོངས་སྤྱོད་ཀྱི་དབང་དུ་བྱས་ནས། སྐྱེད་མོས་ཚལ་བཟང་དེ་ན་དེ་ནི་དགའ་བར་གནས། །ཞེས་བྱ་བ་སྨོས་ཏེ། མིག་དང་། རྣ་བ་དང་། སྣའི་ལོངས་སྤྱོད་ཀྱི་དབང་དུ་བྱས་པའོ། །ལང་ཚོ་ལ་བབ་པ་ནི་ཞེས་བྱ་བ་ནི་འདིའི་འདོད་པའི་ཡུལ་ལ་ཆགས་པ་ཉིད་དུ་སྟོན་
[327a.2]ཏོ། །བསོད་ནམས་ཕུན་སུམ་ཚོགས་པའི་མཐུ་ལས་བྱུང་བ་ཞེས་བྱ་བ་ནི་སྦྱིན་པ་དང་། ཚུལ་ཁྲིམས་ལ་སོགས་པའི་བསོད་ནམས་ཕུན་སུམ་ཚོགས་པའི་ཁྱད་པར་དུ་གྱུར་པ་སྟེ། དེའི་མཐུ་ནི་བསོད་ནམས་ཕུན་སུམ་ཚོགས་པའི་མཐུའོ། །དེ་ལས་བྱུང་བ་ནི་བསོད་ནམས་ཕུན་སུམ་ཚོགས་པའི་མཐུ་
[327a.3]ལས་བྱུང་བ་སྟེ། འདིས་ནི་འབད་པ་མེད་པར་བྱུང་བ་ཉིད་དེ་རྒྱུའི་སྟོབས་ལས་བྱུང་བ་ཉིད་དུ་སྟོན་ཏོ། །རོལ་མོའི་དགའ་བ་ལ་གནོད་པ་ཞེས་བྱ་བ་ནི་སྔར་སྐྱེས་པའི་དགའ་བ་ཉམས་པ་ཡིན་ཏེ། བུད་མེད་དང་སྐྱེས་པ་རྣམས་ཀྱི་#བསྟན་ནས། ད་ནི་བུད་མེད་ཀྱི་དབང་དུ་བྱས་ནས། བུད་མེད་གཞོན་ནུ་རྣམས་
[327a.4]འཇིགས་ཤིང་བག་འཁུམས་པར་བྱེད་པ་ཞེས་བྱ་བས་བསྟན་ཏོ། །མིའི་སྟོབས་དང་། མཐུ་རྩལ་ལ་སོགས་པ་ལས་འདས་པ་གང་ལ་ཡོད་པ་དེ་ནི་སྟོབས་དང་། མཐུ་རྩལ་ལ་སོགས་པ་མི་པས་ལྷག་པའོ། །སྲིན་པོ་དག་པས་ཀྱང་ལྷག་པར་མི་བཟད་པའི་གཟུགས་གང་ལ་ཡོད་པ་དེ་ནི། སྲིན་པོ་བས་ཀྱང་ལྷག་
[327a.5]པར་མི་བཟད་པའི་གཟུགས་ཅན་ནོ། ཤིང་རྟ་དང་། རྟ་དང་། གླང་པོ་ཆེ་དང་། དམག་མི་བརྟན་པ་ཉམས་པར་གྱུར་པ་གང་ཡིན་པ་དེ་ནི། ཤིང་རྟ་དང་། རྟ་དང་། གླང་པོ་ཆེ་དང་། དམག་མི་བརྟན་པ་ཉམས་པར་གྱུར་པའོ། །ཅི་ལེགས་མཛད་པ་ནི་གོ་ཆ་བགོ་བ་ལ་སོགས་པའོ། །ངང་ཚུལ་གྱི་སྐྱོན་ཤེས་
[327a.6]པ་གང་ཡིན་པ་དེ་ནི་དེ་སྟེ། ངང་ཚུལ་གྱི་སྐྱོན་ནི་མ་བསྔགས་པའི་དངོས་པོ་ཡིན་ནོ། །སྔར་ཆབ་སྒོ་པས་བསྟེན་#པའི་སྟེ། ལྷ་དེ་ལས་ཅི་ལེགས་པར་མཛད་ཅིང་བཀའ་གྲོས་མཛད་པའི་དུས་ལ་བབ་པོ་ཞེས་གསོལ་ཏོ་ཞེས་བྱ་བ་དེ་གཉི་ག་དུས་ལ་བབ་པ་ཉིད་དུ་བསྟན་པ་དེའི་དེ་ལྟར་མི་བྱ་བའི་རྒྱུ་ཉིད་དུ་
[327a.7]བསྟན་པའི་ཕྱིར། མི་ཤ་འདོད་པ་ཞེས་བྱ་བ་དང་། བདག་གིས་བརྒལ་བའི་གོ་སྐབས་ཞེས་བྱ་བའི་ཚིགས་བཅད་གཉིས་སྨོས་སོ། །མི་ཤ་འདོད་པས་རྒྱལ་སྲིད་ཉམས་པར་གྱུར། །ཞེས་བྱ་བས་ནི་འདོད་པ་ཉམས་པ་ཉིད་དུ་སྟོན་ཏོ། །སྨྱོས་པ་ལྟ་བུར་གྱུར་པ་ནི་སྨྱོས་པ་བཞིན་དུ་གྱུར་པ་སྟེ། སྨྱོས་པ་
[327b]
[327b.1]ཞེས་བྱ་བ་#འདིས་ནི་དོན་ཉམས་པ་ཉིད་དུ་སྟོན་ཏོ། །རང་གི་ཆོས་བཏང་ཞེས་བྱ་བས་ནི་ཆོས་ཡོངས་སུ་སྤངས་པ་ཉིད་དུ་སྟོན་ཏོ། །རང་གི་ཆོས་བཏང་བ་ཉིད་ཀྱིས་བསོད་ནམས་དང་གྲགས་པ་ཡང་ཉམས་པ་ཉིད་དོ། །འདིར་བསོད་ནམས་ཞེས་སྨོས་པ་ནི་བསོད་ནམས་ཀྱི་ཚོགས་ཀྱི་འབྲས་བུ་ལ་དགོངས་ཏེ།
[327b.2]འདིས་ནི་འཇིག་རྟེན་ཕ་རོལ་གྱི་མངོན་པར་མཐོ་བའི་འབྲས་བུ་ཉམས་པ་ཉིད་དུ་སྟོན་#ཏོ། །གྲགས་པ་ཞེས་སྨོས་པས་ནི་མཐོང་བའི་ཆོས་ཀྱི་འབྲས་བུ་ཉམས་པ་ཉིད་དུ་སྟོན་#ཏོ། །མྱ་ངན་བྱ་བའི་གནས་སྐབས་གནས་པ་ལ། །ཞེས་བྱ་བའི་རྒྱུ་བཞི་པོ་དེ་དག་ཉིད་ཀྱིས་སོ། །བདག་གིས་#བརྒལ་བའི་#སྒོ་
[327b.3]སྐབས་ག་ལ་ཡོད། །ཅེས་བྱ་བས་ནི་ལྷ་དེ་ལ་ཅི་#ལེགས་པར་མཛད་པར་གསོལ་ཞེས་བྱ་བ་དེའི་ལན་ནོ། །དེ་ལྟ་བུ་ལ་འཇིགས་སུ་ག་ལ་རུང་། །ཞེས་བྱ་བ་ནི་གང་སྔར་བསྟན་པའི་#བཀའ་གྲོས་མཛད་པའི་དུས་ལ་བབ་པོ་ཞེས་བྱ་བ་དེའི་ལན་བསྟན་པ་ཡིན་ནོ། །འཐབ་#མོ་མེད་པས་ན་འཐབ་#མོ་མེད་པའོ། །
[327b.4]འཐབ་#མོ་ཡང་ཡིན་ལ་བརྒལ་བ་ཡང་ཡིན་པས་འཐབ་#མོ་བརྒལ་བ་སྟེ་དེས་སོ། །མངོན་དུ་ཞེས་བྱ་བ་ནི་རྩ་བ་ལས་སོ། །རྗེས་སུ་གཟུང་#བ་ཞེས་བྱ་བ་ནི་སྡིག་པ་གཞོམ་པ་ལའོ། །དེ་ལས་#ཞེས་བྱ་བ་ནི་བདག་གི་དྲུང་དུ་ཁོ་དག་འོངས་པའི་ཕྱིར་རོ། །དམ་པ་རྣམས་ནི་དེ་ལྟར་མགྲོན་ཡང་བྱེད། །ཅེས་བྱ་
[327b.5]བ་སྙིང་རྗེ་དང་ལྡན་པ་རྣམས་མགྲོན་བྱེད་པའི་ངང་ཚུལ་ཅན་ཡིན་ནོ། །མི་དགའ་ཞིང་ཡིད་#བློང་བས་མིག་མཆི་མས་གང་བ་དེ་ནི་མི་དགའ་ཞིང་ཡིད་བློང་བས་མིག་མཆི་མས་གང་བའོ། །དྲི་མ་ཅན་གྱི་གོས་བསྲིངས་ཏེ། རྐེད་པ་བཅིངས་པ་གང་ཡིན་པ་དེ་ནི་གོས་དྲི་མ་ཅན་བསྲིངས་ཏེ་རྐེད་པ་བཅིངས་པའོ། །
[327b.6]རྔུལ་གྱིས་#གོས་ཤིང་རིང་ལ་ཡེགས་པ་དེ་ལ་ཤིང་ཤུན་གྱི་#ཐོད་ཀྱིས་བཅིངས་པ་སྟེ། རྡུལ་གྱིས་གོས་ཤིང་རྩུབ་པས་རིང་ཞིང་ཡེགས་#པའི་སྐྲ་གང་ཡིན་པ་དེ་ཤིང་ཤུན་གྱི་ཐོད་ཀྱིས་བཅིངས་པའོ། །ཁ་སྤུ་རིང་པོ་འཛིངས་པ་#དེས་གདོང་ངམས་#གང་པར་གྱུར་པ་གང་ཡིན་པ་དེ་ནི་གདོང་གི་ཁ་སྤུ་རིང་
[327b.7]པོས་ངམས་#གནག་པར་གྱུར་པའོ། །ཁྲོས་པ་དང་རྔམ་པ་ནི་ཁྲོས་ཤིང་རྔམ་པའོ། །བགྲད་#པ་དང་འཇིགས་འཇིགས་ལྟར་འདུག་པ་ནི་བགྲད་#པ་དང་འཇིགས་འཇིགས་ལྟར་འདུག་པ་སྟེ། ཁྲོས་ཤིང་རྔམ་པ་གཉིས་ཀྱིས་བགྲད་#པའི་མིག་གང་ལ་ཡོད་པ་དེ་ནི་ཁྲོས་ཤིང་རྔམ་པས་མིག་བགྲད་#པའོ། །
[328a]
[328a.1]གཅིག་པུ་ཕུབ་དང་མཚོན་མེད་ཅེས་བྱ་བས་ནི་སུ་དཱ་#སའི་བུ་ལ་སྔར་བསྟན་པའི་བརྒལ་#བ་མེད་པ་ཉིད་དུ་བསྟན་པའོ#། །རང་བཞིན་གྱིས་ཞི་བར་སྣང་བ་ཞེས་བྱ་བས་ནི་སྔར་བསྟན་པ་འདི་ལྟ་བུ་ལ་འཇིགས་སུ་ག་ལ་རུང་ཞེས་བྱ་བ་དེ་སྟོན་པ་སྟེ། འཇིགས་པ་མེད་པའི་ཕྱིར་རོ། །རྔམ་པ་
[328a.2]དང་དྲེགས་པ་གཉིས་ཀྱིས་གཡེངས་པའི་སེམས་གང་ཡིན་པ་དེ་ནི་སེམས་རྔམ་ཞིང་དྲེགས་པས་གཡེངས་པའོ། །སྲིན་པོ་དང་ཡི་དགས་གར་བྱེད་པ་བཞིན་དུ་འཇིགས་པ་ནི། སྲིན་པོ་དང་ཡི་དགས་གར་བྱེད་པ་བཞིན་དུ་འཇིགས་པའོ། །འདོད་པ་ནི་ནོར་ལ་སོགས་པ་ལ་ཆགས་པའོ། །ཤིར་དོགས་
[328a.3]པ་ནི་སྲོག་གི་འཇིགས་#པའོ། །ཡ་རབས་ནི་བདེན་པ་ལ་སོགས་#དང་འདྲ་བ་ཞེས་བྱ་བ་ནི་དེ་བས་ན་འདོད་པ་ལ་སོགས་པའི་ཕྱིར་ཡོངས་སུ་མི་གཏོང་བས་སོ། །དམ་པ་རྣམས་ནི་བདེན་པ་སྲོག་གི་ཕྱིར་ཡང་མི་གཏོང་སྟེ། ཇི་ལྟར་མི་གཏོང་ཞེ་ན། དེའི་ཕྱིར་བདེན་པ་དང་འབྱོར་པའི་དོན་དེ་བདེ་བའོ། །བདེན་
[328a.4]པ་ཉམས་ན་ནི་ངན་འགྲོ་དག་ལས་སྲུན་མི་ནུས་པ་ཡིན་ཏེ། ཇི་ལྟར་དམ་པ་རྣམས་ཀྱི་བདེན་པ་སྲོག་དང་འདྲ་བ་ཡིན་ཞེ་ན། སྨྲས་པ། གསོན་ཞིང་བདེན་པ་ཉམས་པ་ནི་ངན་འགྲོ་ལས་སྲུན་མི་ནུས་པའི་ཕྱིར་ཏེ། དེའི་ཕྱིར་ནོར་དང་སྲོག་དག་ལས་མི་ནུས་ཤིང་། འཆི་བའི་དུས་སུ་ཡིད་ལ་གཅགས་ཏེ་འཆི་
[328a.5]བའི་ཕྱིར་རོ། །གྲགས་པ་ནི་མཐོང་བའི་ཆོས་ཀྱི་བདེན་པའོ། །བདེ་བ་#ནི་མཐོ་རིས་སུ་འགྲོ་བའོ། །གྱ་གྱུ་ཚུལ་ཞིག་པ་མཐོང་བ་གང་ཡིན་པ་དེ་ནི་གྱ་གྱུ་ཚུལ་ཞིག་གལ་ཏེ་མཐོང་གྱུར་པའོ། །སྔ་མ་དང་ཕྱི་མ་གཉིས་འགལ་བ་ཡིན་པས་སྔ་མ་དང་ཕྱི་མ་གཉིས་འཁྲུལ་པར་སྣང་བའི་ཕྱིར་རོ། །གང་དུ་
[328a.6]ལེགས་པར་སྤྱོད་པ་མ་མཐོང་བ་དེ་ནི་ལེགས་པར་སྤྱོད་པ་གལ་ཏེ་མ་མཐོང་བ་སྟེ། དགེ་བའི་ཆོས་མ་མཐོང་བ་ཞེས་བྱ་བའི་དོན་ཏོ། །རྒྱུ་གསུམ་གྱིས་ནི་སླར་བཟློག་#པར་མི་འགྱུར་ཏེ། ཁྱོད་ལ་འཇིགས་པར་འགྱུར་བའམ། བདེ་བ་ལ་ཆགས་པའམ་ཁྱོད་ལ་སྙིང་རྗེ་མེད་པར་གྱུར་པ་སྟེ། རྒྱུ་གསུམ་པོ་འདི་
[328a.7]དག་ནི་ཡོད་པར་གྱུར་#ན་ནི་ཕུབ་དང་། མཚོན་ཆ་མེད་པར་ཁྱོད་ཀྱི་གན་དུ་འོངས་པ་ཡང་མ་ཡིན་ཏེ། དེ་བས་ན་གང་གི་ཕྱིར་སྔར་ཉིད་མི་འོང་བ་ཉིད་དོ་དེ་བས་ན་དེ་ཉིད་དུ་འོང་བའི་རྒྱུ་ཉིད་དུ་རྟོགས་པར་བྱའོ། །བྲམ་ཟེ་དེའི་དོན་བྱས་ནས་སླར་ཡང་ང་བདག་ཁྱོད་ཀྱི་དྲུང་དུ་འོང་ངོ་། །ཅིའི་ཕྱིར་ཞེ་ན། ཁྱོད་དང་ལྷན་ཅིག་
[328b]
[328b.1]བཤེས་ཤིང་འདྲིས་པའི་ཕྱིར་དང་། གང་གི་ཕྱིར་བདག་ཅག་ལྟ་བུ་ནི་དེ་ལྟ་བུའི་བརྫུན་གྱི་ཚིག་མི་སྨྲ་བ་དེའི་ཕྱིར་རོ། །དེ་ལ་མགུ་བར་བྱ་བ་ནི་ལེགས་པར་སྨྲ་བ་དེ་ལ་ལེགས་པར་སྦྱིན་པའོ། །ཚིག་སྙན་པ་ནི་ལེགས་#པར་གསུངས་པའི་སྦྱིན་པ་ལ་གང་གིས་མཆོད་པའོ། །བཀུར་སྟི་ནི་ལེགས་པར་བཤད་པ་སྟོན་པ་ལ་ལུས་
[328b.2]ཀྱིས་མཆོད་པའོ། །ཚིགས་བཅད་གཅིག་ལ་སྲང་སྟོང་དུ་བྱས་པར་སྟོན་ཏེ#། དེའི་ཐད་དུ་བརྩིས་#པ་ཞེས་སྨོས་པ་ནི་དེ་དང་ཚད་མཉམ་པའི་ནོར་བཞག་སྟེ། གསེར་ལ་སོགས་པ་གལ་ཏེ་འདོད་པས་དེ་ལ་མཆོད་པར་བྱས་སོ། །དེ་ཉིད་བསྟན་པའི་ཕྱིར། གནས་མ་ཡིན་པ་ལ་ལྷག་པར་གོད་པ་ནི་གནས་མ་ཡིན་པ་གོང་
[328b.3]ཚབས་ཆེ་བའོ། །དེ་ལས་བཟློག་#པ་ནི་གནས་མ་ཡིན་པར་གོང་ཚངས་ཆེ་བ་དེ་ལ་དགག་པར་རྩོལ་བའི་སེམས་ཏེ། གནས་མ་ཡིན་པར་གོད་ཚབས་ཆེ་བ་དགག་པའི་བསམ་པའོ། །ལེགས་པར་ཤེས་པར་བྱ་བའི་རིགས་ཏེ། ཅིའི་ཕྱིར་ཞེ་ན། འབངས་མང་པོ་གསོ་དགོས་པའི་ཕྱིར་རོ། །རྒྱལ་པོའི་དཔལ་
[328b.4]ཡང་ནོར་ཕུན་སུམ་ཚོགས་པ་ལ་ལྟོས་པའི་ཕྱིར་གོད་པ་ཚད་དང་ལྡན་པར་བྱ་བ་ཡིན་ཏེ། འདི་ལྟར་ཚིགས་བཅད་གཅིག་ལ་སྲང་སྟོང་དུ་བྱས་ཏེ་བྱིན་པས་ནོར་གྱི་དབང་ཕྱུག་གི་ནོར་ཡང་ཟད་པར་འགྱུར་རོ། །འབངས་མང་པོ་གསོ་དགོས་སོ་ཞེས་བསྟན་པ་ལ། དེ་ནི་མི་ནུས་པ་ཉིད་དུ་བསྟན་པའི་ཕྱིར།
[328b.5]སྦྱིན་པ་དྲགས་#ན་ཞེས་བྱ་བའི་ཕྱེད་དང་པོ་སྨོས་ཏེ། ནོར་གྱི་དབང་ཕྱུག་གི་ནོར་ཡོད་པ་ཡང་ཇི་སྲིད་ཅིག་ཏུ་ཐུག་#པར་འགྱུར་ཞེས་བྱ་བ་བསྟན་པ་འདིས་ནི་ནོར་མེད་པ་ཉིད་དུ་བསྟན་ཏོ། ནོར་མེད་ན་ནི་འབངས་མང་པོ་གསོ་བར་བྱ་བ་དེ་#མི་ནུས་པ་ཉིད་དུ་སྟོན་ཏོ། །རྒྱལ་པོའི་དཔལ་ཡང་ནོར་ཕུན་སུམ་ཚོགས་པ་ལ་
[328b.6]ལྟོས་སོ་ཞེས་བྱ་བ་དེ་བསྒྲུབ་པའི་ཕྱིར། ནོར་དང་རབ་ཏུ་ལྡན་ན་བསྒྲུབ་པར་ནུས། །ཞེས་བྱ་བའི་ཚིགས་བཅད་སྨོས་སོ། །རྒྱལ་པོའི་དཔལ་ནོར་ཕུན་སུམ་ཚོགས་པ་ལ་ལྟོས་པ་ཅིའི་ཕྱིར་ཞེ་ན། ནོར་དང་རབ་ཏུ་ལྡན་ན་བསྒྲུབ་པར་ནུས་པའི་ཕྱིར་ཏེ། གང་ལ་ནོར་ཡོད་པ་དེ་ལ་རྒྱལ་པོའི་དཔལ་ཡོད་དེ། དེ་
[328b.7]ལྟར་ན་ནོར་ཡོད་པ་ཉིད་ཀྱིས་རྒྱལ་པོའི་དཔལ་ཡོད་པ་ཉིད་དུ་བསྟན་ཏོ། །ནོར་མེད་ན་ནི་རྒྱལ་པོའི་དཔལ་མེད་པའི་དབང་དུ་བྱས་ནས། ནོར་མེད་ན་ནི་#རྒྱལ་པོའི་དཔལ་དེ་ཡང་ཞེས་བྱ་བའི་ཚིགས་བཅད་ཕྱེད་འོག་མའོ། །དེ་ལྟར་འདི་གཉིས་ཀྱིས་དེ་ཡོད་ན་ནི་ཡོད་ལ་མེད་ན་ནི་#མེད་པའི་ཕྱིར་རྒྱུ་དང་རྒྱུན་ཅན་གྱི་མཚན་
[329a]
[329a.1]ཉིད་དུ་བསྟན་ཏོ། །ལེགས་པར་སྨྲས་པའི་མཆོད་པ་མང་ན་བརྒྱ། །དེ་ལས་མང་#ན་ནུས་པར་མི་འགྱུར་ཏེ། །ཞེས་བྱ་བ་རྒྱལ་པོས་སྨྲས་པ་དེའི་ལན་ལས་བརྩམས་ཏེ། ལེགས་པར་སྨྲས་པ་རྣམས་ཀྱི་རིན་ཐང་ཞིག །ཅེས་བྱ་བའི་ཚིགས་བཅད་སྨོས་སོ། །རིན་ཐང་གི་ཚད་ནི་རིན་
[329a.2]ཐང་ངེས་པ་སྟེ། རིན་ཐང་གི་ཚད་ཅེས་བྱ་བའི་དོན་ཏོ། །ཁྱོད་ཀྱང་དམའ་བར་ག་ལ་འགྱུར། །ཞེས་བྱ་བ་ཡིན་ཏེ། ཅིའི་ཕྱིར་ཞེ་ན། ལེགས་པར་བཤད་པ་ལ་མཆོད་པ་སྦྱིན་པར་བྱ་བའི་དོན་དུ་ནི་རྒྱལ་སྲིད་ཀྱང་རིང་དུ་མཆོད་པ་མ་ཡིན་པའི་ཕྱིར་རོ། །རིན་ཐང་བཅད་པར་མི་ནུས་པའི་གཏན་ཚིགས་
[329a.3]བསྟན་པའི་ཕྱིར། གང་ཞིག་ཐོས་ནས་ཡིད་ནི་ཞེས་བྱ་བའི་ཚིགས་བཅད་སྨོས་སོ། །འདིའི་བསྡུས་པའི་དོན་ནི་ཐོག་མ་དང་། བར་མ་#དང་། ཐ་མ་དགེ་བའི་ཕྱིར། ལེགས་པར་བཤད་པའི་རིན་ངེས་པར་བཅད་དུ་མི་རུང་ངོ་ཞེས་སྟོན་ཏོ། །ཐོག་མར་དགེ་བ་གང་ཞེ་ན། ཐོས་ཤིང་ཉན་པའི་ཚེ་ན་
[329a.4]ཡིད་དགའ་བར་འགྱུར་བ་ཡིན་ཏེ། དེ་ཡང་། གང་ཞིག་ཐོས་ནས་ཡིད་ནི་དད་འགྱུར་བ། །ཞེས་བྱ་བ་འདིས་བསྟན་ཏོ། །བར་དུ་དགེ་བ་གང་ཞེ་ན། བསམ་པ་དང་ལྡན་ཞིང་ཉེ་བར་གནས་པ་སྟེ། བསམ་པས་བསམས་#པ་དེ་ནི་ལེགས་པར་དགའ་ལ་བརྟེན་པར་འགྱུར་བའོ། །ཐ་མར་དགེ་བ་གང་ཞེ་
[329a.5]ན། བསྒོམས་#པ་དེས་ཤེས་རབ་སྐྱེ་ཞིང་གཏི་མུག་མེད་པར་འགྱུར་བ་སྟེ། གཏི་མུག་ནི་མ་རིག་པ་སྤངས་པ་སྟེ། དེ་སྤངས་པའི་ཕྱིར་ཡང་བྱ་བ་བྱས་པའི་ཕྱིར་རོ། །རང་གི་ཤས་ཀྱང་དེ་ནི་ཉོ་བའི་རིགས། །ཞེས་བྱ་བ་ནི་ནང་གི་ལུས་ཀྱིས་ཀྱང་ཉོ་བར་བྱ་བ་ཡིན་ན། ཕྱི་རོལ་གྱི་དངོས་པོ་ལྟ་སྨོས་ཀྱང་ཅི་
[329a.6]དགོས་ཞེས་བྱ་བའི་དོན་ཏོ། །ཐོས་པ་གཏི་མུག་ཅེས་བྱ་བའི་ཚིགས་བཅད་འདི་ནི་འཇིག་རྟེན་ལས་འདས་པའི་ཡོན་ཏན་དང་རྗེས་སུ་མཐུན་པའི་དབང་དུ་བྱས་པ་སྟེ། གཏི་མུག་མུན་སེལ་ཞེས་བྱ་བས་ནི་མཐོང་བའི་ལམ་གྱི་རྒྱུས་མཐོང་བའི་ལམ་གྱི་མི་མཐུན་པ་མ་རིག་#པ་སྤོང་བའི་གཉེན་པོ་ཐོས་པ་མ་#ཡིན་
[329a.7]པའི་ཕྱིར་རོ། །ཐོས་པ་ནི་སྒྲོན་མའོ། །ཐོས་པ་ནི་ནོར་གྱི་མཆོག་སྟེ། འཇིག་རྟེན་ལས་འདས་པའི་འཕགས་པའི་#ནོར་གྱི་རྒྱུས་དེའི་ཚེ་དང་བཤེས་པའོ། །ཐོས་པ་ནི་ཀུན་དུ་རྨོངས་པའི་སྒྲ་འཇོམས་པའི་མཚོན་ཆ་ཡིན་ཏེ། བསྒོམ་པའི་ལམ་གང་གི་བག་ཆགས་དང་བཅས་པ་སྤོང་བར་བྱེད་པའི་ཕྱིར་
[329b]
[329b.1]རོ། །ཐོས་པ་ནི། ཐབས་ཚུལ་མན་ངག་སྟོན་པའི་གྲོགས་ཀྱི་མཆོག། །ཅེས་བྱ་བ་ཡིན་ཏེ། དེ་ལ་ལྷག་པར་བསྒོམ་པས་#སྤང་བར་བྱ་བའི་ཉོན་མོངས་པ་སྤོང་བར་སྒྲུབ་པ་ནི་གཞན་གྱིས་བསྟན་པ་མེད་པར་ཐོས་པའི་འབྲས་བུ་ཉིད་ཀྱིས་བསྒོམ་པའི་ལམ་བསྒྲུབ་པའི་ཐབས་སྟོན་པའི་ཕྱིར་རོ། །ད་ནི་
[329b.2]མཐོང་བའི་ཆོས་ཉིད་ལ་ཕན་འདོགས་པའི་དབང་དུ་བྱས་ནས་ཕོངས་པར་གྱུར་ཀྱང་ཞེས་བྱ་བའི་ཚིགས་བཅད་སྨོས་སོ། །མཐོང་བའི་ཆོས་ལ་ཕན་འདོགས་པ་ཡང་རྣམ་པ་གཉིས་ཏེ། ཕོངས་པ་ལས་བཟློག་#པའི་ཕན་འདོགས་པ་དང་། ཕན་ཡོན་སྐྱེད་པར་བྱེད་པའི་ཕན་འདོགས་པའོ། །ཕོངས་པར་
[329b.3]གྱུར་ཀྱང་མི་འགྱུར་མཛའ་བོ་ཡིན། །ཞེས་བྱ་བ་ནི། བཅིང་བ་ལ་སོགས་པའི་ཕོངས་པ་སེལ་པའི་ཕྱིར་རོ། །སེམས་ཀྱི་ནད་མྱ་ངན་གྱི་མཚན་ཉིད་ལ་ཐོས་པ་ནི་སྨན་ཡིན་ཏེ། མྱ་ངན་སེལ་བར་བྱེད་པའི་ཕྱིར་རོ། །ཐོས་པ་ནི་དཔུང་ཡིན་ཏེ་སོ་སོར་བརྟགས་ཏེ་ཡང་དག་པར་བླངས་ནས་འདོད་ཆགས་ལ་
[329b.4]སོགས་པ་ཉེས་པ་རྣམས་ཀྱི་དཔུང་འཇིག་པར་བྱེད་པའི་རྒྱུར་གྱུར་པ་སྟེ། དེ་ཡང་འདོད་ཆགས་ལ་སོགས་པའི་ཉེས་པ་སོ་སོར་བརྟགས་#པའི་སྟོབས་ཀྱི་#ཟིལ་གྱིས་མནན་པ་ཡིན་པའི་ཕྱིར་ཉེས་པ་འཇོམས་པས་དཔུང་གི་མཆོག་གོ། །ཐོས་པ་ནི་གྲགས་པ་དང་དཔལ་གྱི་གཏེར་གྱི་མཆོག་ཀྱང་ཡིན་ཏེ། ཐོས་
[329b.5]པ་ལ་ཉེ་བར་གནས་པས་ན་མི་བཟད་པའི་གྲགས་པ་དང་དཔལ་ཐོབ་པ་ཡིན་ནོ། །ད་ནི་ཐོས་པ་སྨྲ་བར་བྱེད་པ་རྣམས་ཀྱི་ཕན་གདགས་པ་ཆེན་པོ་ཉིད་དུ་བསྟན་པའི་ཕྱིར། ཡ་རབས་རྣམས་དང་ཕྲད་ན་#སྐྱེས་ཀྱི་མཆོག །ཅེས་བྱ་བ་ལ་སོགས་པའི་ཚིགས་བཅད་སྨོས་སོ། །དེ་ལ་སྨྲ་བ་རྣམས་ལ་ཐོས་པ་#ཕན་
[329b.6]འདོགས་པ་ཉིད་དུ་བསྟན་པའི་ཕྱིར། ཡ་རབས་རྣམས་དང་ཕྲད་ན་ཞེས་བྱ་བ་ལ་སོགས་པའི་ཚིགས་བཅད་བཞི་སྨོས་སོ། །དེ་ལ་ཚིག་བཟང་པོར་གྱུར་པ་ནི་རྣམ་པ་བཞི་སྟེ། རང་གི་ཕྱོགས་གནས་པར་བྱེད་པ་ཉིད་དུ་སྨྲ་བའི་ཚིག་ལ་མཁས་པར་འགྱུར་བ་དང་། ལེགས་པར་བཤད་པའི་སྙན་དངགས་#བྱེད་
[329b.7]པའི་ཚིག་ལ་མཁས་པར་འགྱུར་བ་དང་། ཆོས་སྟོན་པའི་ཚིག་ལ་མཁས་པར་འགྱུར་བ་དང་། བསྟན་བཅོས་ཀྱི་རིམ་པ་བཞིན་དུ་ཤེས་པ་སྟེ། ཚིགས་བཅད་བཞི་དང་གོ་རིམས་བཞིན་དུ་སྦྱར་རོ། །ཡ་རབས་རྣམས་དང་ཕྲད་ན་#ཞེས་བྱ་བའི་ཚིགས་བཅད་འདི་ནི་རང་གི་ཕྱོགས་གནས་པར་བྱེད་པ་སྨྲ་བའི་
[330a]
[330a.1]ཚིག་ལ་མཁས་པར་གྱུར་པའི་དབང་དུ་བྱས་པ་སྟེ། གང་གི་ཕྱིར་དེའི་ཚིག་ནི་ཡ་རབས་རྣམས་དང་ཕྲད་ན་སྐྱེས་བཞིན་དུ་འགྱུར་ཏེ། ཡན་ལག་སྐྱོན་མེད་པ་དེས་འདོད་པའི་དོན་སྒྲུབ་ནུས་པའི་ཕྱིར་རོ། །ཚོགས་ཀྱི་ནང་ན་མཁས་པ་དགའ་བར་འགྱུར། །ཞེས་བྱ་བ་ནི་བརྗོད་པ་དང་བརྗོད་
[330a.2]པར་བྱ་བའི་དོན་རིགས་པར་ལྡན་པ་དེས་སོ། །ཕས་ཀྱི་རྒོལ་བ་ཉིད་འོད་ཡིན་པས་ཕས་ཀྱི་རྒོལ་བ་འོད་དོ། །དེ་རྣམས་ཀྱི་ཇི་ལྟར་ཉི་མ་ལྟ་བུ་ཡིན་ཏེ། ཉི་མས་ནི་ཟླ་བ་ལ་སོགས་པའི་འོད་ཟེར་ཟིལ་གྱིས་གནོན་པ་བཞིན་དུ་རང་གི་ཕྱོགས་གནས་པར་བྱེད་པའི་ཚིག་ལ་མཁས་པ་ཡིན་ཏེ། རང་གི་ཕྱོགས་གནས་
[330a.3]#པ་ཉིད་ཀྱིས་ཕས་ཀྱི་#རྒོལ་བའི་འོད་ཟིལ་གྱིས་མནན་#པར་འགྱུར་རོ། །འགྲན་པ་རྣམས་ཀྱི་ཞེས་བྱ་བ་ནི་གང་དག་དེ་ལ་འགྲན་ཞིང་རྒོལ་བར་འདོད་པའོ། །དེ་རྣམས་ཀྱི་གྲགས་པ་དང་། དྲགས་#པ་སེལ་བ་ཡིན་ཏེ། འགྲན་པ་རྣམས་ཀྱིས་འདོད་པའི་དོན་སྒྲུབ་པར་མི་ནུས་པའི་ཕྱིར་རོ། །མིག་དང་བཞིན་
[330a.4]མདངས་རབ་ཏུ་གསལ་གྱུར་ཅིང་། །ཞེས་བྱ་བའི་ཚིགས་བཅད་ནི་ལེགས་པར་བཤད་པའི་ཚིག་#ལ་མཁས་པར་འགྱུར་བའི་དབང་དུ་བྱས་པ་སྟེ། མིག་དང་བཞིན་ནི་མིག་དང་བཞིན་ནོ། །མདངས་དང་རབ་ཏུ་གསལ་བ་ནི་མདངས་དང་རབ་ཏུ་གསལ་བར་གྱུར་པའོ། །མིག་དང་བཞིན་མདངས་རབ་ཏུ་གསལ་
[330a.5]བར་གྱུར་པ་གང་ཡིན་པ་དེ་ནི་མིག་དང་བཞིན་མདངས་རབ་ཏུ་གསལ་བར་གྱུར་པའོ། །མིག་དང་བཞིན་མདངས་རབ་ཏུ་གསལ་བ་དང་། མདངས་རབ་ཏུ་གསལ་བར་གྱུར་པ་དེས་རབ་ཏུ་དགའ་བ་ནི་#རབ་ཏུ་དགའ་བར་གྱུར་ནས་སོ། །ཡང་ན་མིག་དང་བཞིན་ནི་མིག་དང་བཞིན་ནོ། །མདངས་ཉིད་རབ་ཏུ་གསལ་བ་ཡིན་པས་མདངས་
[330a.6]རབ་ཏུ་གསལ་བ་སྟེ། #མིག་དང་བཞིན་མདངས་ཀྱང་ཡིན་ལ་རབ་ཏུ་གསལ་བ་ཡང་ཡིན་པས་རབ་ཏུ་གསལ་བར་གྱུར་པའོ། །ལྷག་པར་ཚིམ་པ་ཡིན་པས་ལྷག་པར་དགའ་བ་སྟེ། རབ་ཏུ་དགའ་བར་གྱུར་པའོ། །རབ་ཏུ་དགའ་བར་གྱུར་པ་དེ་གང་ཡིན་ཞེ་ན། མིག་དང་བཞིན་མདངས་རབ་ཏུ་གསལ་བར་གྱུར་པའོ། །མི་བཤེས་པ་ནི་མ་འདྲིས་
[330a.7]པ་སྟེ་སྔར་མ་མཐོང་བའོ། །ལག་པའི་སེ་གོལ་རྔོབ་པས་མགུ་བར་བྱེད་པ་གང་ཡིན་པ་དེ་ནི་ལག་པའི་སེ་གོལ་མགུ་བྱེད་རྔོབ་པའོ། །ཆོས་བསྟན་པའི་ཚིག་ལ་མཁས་པར་འགྱུར་བའི་དབང་དུ་བྱས་ནས། གཏན་ཚིགས་དོན་རྣམས་རབ་ཏུ་གསལ་བར་སྟོན། །ཞེས་བྱ་བའི་ཚིགས་བཅད་སྨོས་སོ། །གཏན་
[330b]
[330b.1]ཚིགས་ཀྱང་ཡིན་ལ་གསལ་བ་ཡང་ཡིན་པས་གཏན་ཚིགས་གསལ་བའོ། །དེས་དོན་སྟོན་པ་ཞེས་བྱ་བ་ནི་གཏན་ཚིགས་རབ་ཏུ་གསལ་བས་དོན་རབ་ཏུ་སྟོན་པའོ། །གཙུག་ལག་དང་ལུང་རྣམ་པ་སྣ་ཚོགས་པ་ནི་གཙུག་ལག་ལུང་རྣམས་སྣ་ཚོགས་སོ། །ལུང་ནི་མན་ངག་སྟེ། གཙུག་ལག་དང་། ལུང་
[330b.2]སྣ་ཚོགས་སྟོན་པ་དང་མཐུན་པའོ། །#དེ་ལྟར་རེ་ཞིག་ཆོས་སྟོན་པས་དོན་ཕུན་སུམ་ཚོགས་པ་བསྟན་#ཏོ། །མཉེན་ཞིང་སྦྱངས་པས་ཡིད་དུ་འོང་བའི་ཕྱིར། །ཞེས་བྱ་བ་ལ། མཉེན་པ་ནི་སྒྲ་སྙན་པའོ། །སྦྱངས་པ་ནི་སྒྲའི་མཚན་ཉིད་དང་ལྡན་པ་སྟེ། སྒྲ་སྙན་པ་དང་། #ལེགས་པར་སྦྱར་བ་གཉིས་ཀྱིས་ཡིད་
[330b.3]དུ་འོང་བ་ནི་མཉེན་ཞིང་སྦྱངས་པ་ཡིད་དུ་འོང་བ་ཉིད་དོ། །དེ་བས་ན་འདིས་ནི་བརྗོད་པ་ཕུན་སུམ་ཚོགས་པ་བསྟན་ཏོ། །མེ་ཏོག་ཕྲེང་བ་མ་རྙེས་བཀྲམ་པ་བཞིན། །ཞེས་བྱ་བ་ནི་མེ་ཏོག་མ་རྙིས་ཕུང་པོ་བཞིན་ནོ། །བསྟན་བཅོས་ཀྱི་རིམ་པ་བཞིན་དུ་ཚིག་ལ་མཁས་པར་གྱུར་པའི་དབང་དུ་བྱས་ནས། དུལ་ཞིང་
[330b.4]རབ་ཏུ་གསལ་བའི་ཞེས་བྱ་བའི་ཚིགས་བཅད་སྨོས་སོ། །དུལ་བ་དང་རབ་ཏུ་གསལ་བ་ནི་དུལ་ཞིང་རབ་ཏུ་གསལ་བའོ། །དུལ་ཞིང་རབ་ཏུ་གསལ་བ་དེས་སྤོབས་པ་ནི་དུལ་ཞིང་རབ་ཏུ་གསལ་བའི་སྤོབས་པའོ། །དེ་གཉིས་འབར་བ་དེ་ནི་དུལ་ཞིང་རབ་ཏུ་གསལ་བའི་སྤོབས་པ་སྐྱེ་བའོ། །དུལ་བ་ནི་
[330b.5]ཉོན་མོངས་པ་མེད་པའི་ཕྱིར་རོ། །རབ་ཏུ་གསལ་བ་ནི་གནོད་པ་མེད་པའི་ཕྱིར་རོ། །འཕྲལ་དུ་ཞེས་བྱ་བ་ནི་ཟིལ་གྱིས་གནོན་པའོ། །སྨྲ་བ་ལེགས་པ་ནི་ལྕེ་བདེ་བར་གྱུར་པ་སྟེ་གང་བཟང་པོའོ། །ང་ལ་གོམས་པ་ནི་ལྡན་པའོ། །ཐོས་པ་ཉིད་དཔལ་ཡིན་པས་ཐོས་པའི་དཔལ་ལོ། །དོན་གསལ་བར་
[330b.6]རྟོགས་པར་གྱུར་པ་གང་ལ་ཡོད་པ་དེ་ནི་དོན་གསལ་བར་#རྟོགས་པར་འགྱུར་བའོ། །དེ་ཉིད་ཐོས་པའི་དཔལ་ཡིན་པས་དོན་གསལ་རྟོགས་འགྱུར་ཐོས་པའི་དཔལ་ལོ། །བསྒྲུབ་#པའི་རྒྱུའི་དབང་དུ་བྱས་ནས། ཐོས་དང་ལྡན་ན་འགལ་བ་མེད་པའི་ཞེས་བྱ་བའི་ཚིགས་བཅད་སྨོས་སོ། །#འགལ་བའི་
[330b.7]དངོས་པོ་ཡིན་པས་འགལ་ལོ། །འགལ་བ་ཡིན་ལ་ཉེས་པ་ཡང་ཡིན་པས་འགལ་བའི་ཉེས་པའོ། །ད་#སྤངས་པ་ནི་འགལ་བའི་ཉེས་པ་མེད་པའོ། །འཁོར་གསུམ་ལམ་ལ་ཞེས་བྱ་བ་ནི་མངོན་པར་མཐོ་བདེ་འགྲོའོ། །སྒྲུབ་པའི་རྒྱུ་ལ་རབ་ཏུ་གནས་པ་ཞེས་བྱ་བའི་དོན་ཏོ། །ཇི་ལྟར་རབ་ཏུ་གནས་པ་ཡིན་
[331a]
[331a.1]ཞེ་ན། ཐོས་པའི་རྗེས་སུ་འཇུག་པས་བསྒྲུབ་པ་ཡིན་པས་ཐོས་པའི་རྗེས་སྒྲུབ་པའོ། །དེ་སྙིང་པོར་བྱེད་པ་གང་ཡིན་པ་དེ་ནི་ཐོས་པའི་རྗེས་འཇུག་སྒྲུབ་པ་སྙིང་པོར་བྱེད་པའོ། །སྐྱེ་བའི་རྫོང་ལས་ཚེགས་ཆུང་ཐར་བར་འགྱུར། །ཞེས་བྱ་བ་ནི་ངེས་པར་ལེགས་པའི་དབང་དུ་བྱས་པ་སྟེ།
[331a.2]ཐོས་པའི་རྗེས་འཇུག་སྒྲུབ་པ་#སྙིང་པོར་བྱེད་པ་དེ་ཉིད་ཀྱིས་ཐར་བའོ། །ཡོན་ཏན་དུ་མ་ཅན་ཞེས་བྱ་བ་ནི་གོང་དུ་བསྟན་པའི་ཡོན་ཏན་ལས་གཞན་དག་ཀྱང་གཟུང་སྟེ་བདག་གིས་ནུས་བཞིན་དུ་ཇི་ལྟར་ཐོས་#པ་དེ་ལ་མཆོད་པ་མི་བྱ་བའོ། །ཁྱོད་ཀྱི་བཀའ་ཡང་ཅི་ཕྱིར་བཅག་#པར་འགྱུར། །ཞེས་བྱ་བ་འདི་ཡིན་ཏེ།
[331a.3]ལེགས་པར་སྨྲ་བ་སྟོན་པ་ལ་ཡང་མཆོད་པ་བྱ་བ་མཆོག་ཏུ་ཚད་མ་ཡིན་ཏེ། དེ་ལས་མཆོག་ཏུ་གྱུར་པ་མེད་པའི་ཕྱིར་དོགས་པ་མེད་པའི་#ཡོན་ཏན་ཉམས་པར་འགྱུར། སྐྱོན་གྱི་ལམ་དུ་ཞུགས་པས་འཐོབ་འགྱུར་བའི། རྒྱལ་སྲིད་སྤྱོད་པ་ཡིན་ཏེ། དེ་བས་ན་རྒྱལ་སྲིད་སྤྱོད་པ་བདག་ལ་དགོས་པ་མེད་པའོ། །
[331a.4]སུ་དཱ་སའི་བུའི་དྲུང་དུ་འགྲོ་ཞེས་བསྟན་པ་དེ་རྒྱུ་གཉིས་ཀྱིས་བསྟན་པ་ཡིན་ནོ། །#ལེགས་པར་བཤད་པ་ལ་མཆོད་པའི་ཚད་ཀྱི་ཚིག་དང་། བདག་ཉིད་འབྱོར་བའི་དོན་ལས་ལྡོག་པའོ། །མི་དགའ་བ་ལས་བརྩལ་བའི་ཕྱིར། ཅི་སྟེ་བདེན་པ་བསྲུང་བའི་ཕྱིར། བདག་ཉིད་ལ་མི་དགའ་བ་མི་བྱ་བའི་དབང་དུ་བྱས་
[331a.5]ནས་བུ་ཁྱོད་ཉིད་ལ་ཕན་པའི་ཕྱིར་ཞས་བྱ་བ་ལ་སོགས་པ་སྨོས་སོ། །བདེན་པ་བསྲུང་#བའི་དབང་དུ་བྱས་ནས། འོན་ཏེ་དེའི་#དྲུང་དུ་འགྲོ་བར་ཁྱོད་ཀྱིས་ཁས་བླངས་ཏེ། །ཞེས་བྱ་བ་ལ་སོགས་པའོ། །གཞུང་ལུགས་ཀྱི་ཆོས་དང་འགལ་བ་ཞེས་བྱ་བ་ནི་#དྲང་སྲོང་གི་ཆོས་ཡིན་པས་གཞུང་ལུགས་ཀྱི་ཆོས་སོ། །
[331a.6]དེ་དང་འགལ་བའི་ཆོས་གང་ལ་ཡོད་པ་དེ་ནི་གཞུང་ལུགས་ཀྱི་ཆོས་དང་འགལ་བའོ། །སྡུག་བསྔལ་གྱི་འདམ་དུ་བྱིང་བཞེས་བྱ་བ་ནི། མིའི་ཤ་ཟ་བའི་སྡུག་བསྔལ་བ་#ཉིད་དུ་བྱིང་བའོ། །སེམས་ཅན་དམྱལ་བ་ལ་མངོན་དུ་ཕྱོགས་པ་ཞེས་བྱ་བ་ནི། དམྱལ་བར་སྐྱེ་བ་ལ་མངོན་དུ་ཕྱོགས་པ་སྟེ། དེ་བས་ན།
[331a.7]དེ་ཉིད་ཀྱིས་#སྡུག་བསྔལ་གྱི་འདམ་དུ་བྱིང་བའི་ཕྱིར་ཏེ། དེ་ལྟར་འདི་གཉིས་#ཀྱིས་སྡུག་བསྔལ་བ་ཉིད་དུ་བསྟན་ཏོ། མཛའ་བོ་དང་གཉེན་བཤེས་ཀྱིས་ཡོངས་སུ་སྤངས་པ་ཞེས་བྱ་བ་ནི། བཟོད་པའི་འབྲས་བུ་གཡོག་འཁོར་གྱིས་#ཡོངས་སུ་སྤངས་པའོ། །མགོན་མ་མཆིས་པ་ཞེས་བྱ་བ་ནི་གཞན་ཡང་སྔར་#མ་མཐོང་
[331b]
[331b.1]བའི་སྐྱེ་བོ་རྣམས་ཀྱིས་ཡོངས་སུ་སྤངས་པ་སྟེ་དོན་མེད་པའི་ཕྱིར་རོ། །དེའི་དྲིན་གྱིས་ཞེས་བྱ་བ་ནི་བཏང་བའི་རྒྱུས་སོ། །ཡུན་རིང་#དུ་གོམས་པ་དེས་སེམས་ཤིན་ཏུ་རྩུབ་ཅིང་དྲི་མ་ཤས་ཆེར་ཡོག་པ་གང་ལ་ཡོད་པ་དེ་ནི་སེམས་རྩུབ་པ་ཡུན་རིང་དུ་གོམས་པའི་དྲི་མས་ཤས་ཆེར་ཡོག་པའོ། །འཇིགས་པ་དང་སྐྲག་
[331b.2]པ་ཅུང་ཟད་ཀྱང་མེད་པའི་ཕྱིར་བརྟན་པས་བདག་རང་འདིར་འོངས་པ་ཡིན་ཏེ། དེ་བས་ན་བདེན་པ་སྨྲ་ཞིང་དགེ་བའོ། །བདེན་པ་སྨྲ་ཞེས་གྲགས་པ་དེ་#ཇི་ལྟ་བུའི་བདེན་པ་ལ་གནས་པ་ཡིན་ཞེ་ན། དེའི་ཕྱིར་སྨྲས་པ། འདི་ལྟར་བདེན་པ་བསྲུང་བའི་ཕྱིར། །སྲོག་དང་རྒྱལ་སྲིད་གང་གཏོང་བ། །ཞེས་བྱ་བ་
[331b.3]སྨོས་ཏེ། གཟི་བྱིན་རབ་ཏུ་ཉམས་ཞེས་བྱ་བ་འདིས་ནི་འཇིག་རྟེན་ཕ་རོལ་གྱི་སྡུག་བསྔལ་གྱི་འབྲས་བུ་ཉིད་དུ་བསྟན་ཏོ། །འཕྲལ་གྱི་བདེན་པ་མི་འགྲུབ་པ། །ཞེས་བྱ་བ་ནི་མཐོང་བའི་ཆོས་ཀྱི་བདེན་པ་ཡང་མི་འགྲུབ་པ་ཉིད་དུ་བསྟན་ཏོ། །འོན་ཀྱང་ཁྱོད་ནི་འཇིག་རྟེན་གཉི་ག་ལ་ཕན་བ་སྒྲུབ་པ་མ་ཡིན་ཏེ། གཞུང་ལུགས་
[331b.4]ཀྱི་ཚུལ་ལ་ནི་ང་ཉིད་མཁས་སོ། །ཆོས་ཀྱི་གཟི་ཕྱིན་#རབ་ཏུ་ཉམས་སོ་ཞེས་བྱ་བ་དེས་ནི་ཅི་ཞིག་ཏུ་འགྱུར་ཞེ་ན། དེའི་ཕྱིར་སྨྲས་པ། #གཞུང་ལུགས་ཚུལ་སྤྱོད་ཅེས་བྱ་བའི་#ཚིགས་བཅད་བརྩམས་སོ། །ཤི་ནས་ནི་ངན་སོང་དུ་ལྟུང་བ་ཡིན་ཏེ། ཅིའི་ཕྱིར་ཞེ་ན། ཆོས་ཀྱི་གཟི་བྱིན་ཉམས་པའི་ཕྱིར་རོ། །བརྫུན་
[331b.5]སྨྲ་བཏང་ནས་བདེན་པ་ང་སྨྲ་སྟེ། །ཞེས་བྱ་བའི་ཚིགས་བཅད་ནི་སྔར་བསྟན་པའི་དོན་སྡུད་པ་ཡིན་ཏེ། དེ་བས་ཤེས་ཞེས་བྱ་བ་སྤྱོད་པར་གྱུར་#ན་ནི། ཆོས་ཀྱི་གཟི་བྱིན་ཉམས་པ་དང་། འཕྲལ་གྱི་བདེ་བ་མི་འགྲུབ་པ་དང་། ཤི་ནས་ངན་སོང་དུ་འགྲོ་བ་སྟེ། དེ་བས་ན་ཉེས་བ་དག་གིས་མི་རུང་བའི་ཚུལ་ཡིན་
[331b.6]པའི་ཕྱིར། ཡོངས་སུ་དོར་བར་བྱའོ། །མཁས་སྨྲ་བ་#ཞེས་བྱ་བ་ནི་ལུགས་ཀྱི་བསྟན་བཅོས་ལ་མཁས་པའོ། །གྲགས་དང་#བདེ་བའི་དོན་དང་འགལ་བ་གང་། །ཞེས་བྱ་བ་ལ་གྲགས་པ་སྨོས་པས་ནི་མཁས་པ་ནི་མཆོད་པར་འོས་པའི་ཕྱིར་རོ#། །བདེ་བ་སྨོས་པས་ནི་འདོད་པ་རྣམས་གཟུང་#ངོ་། །རེ་ཞིག་
[331b.7]འདིས་ཅི་དང་འགལ་བ་ཡིན་ཞེ་ན། མཐུན་པ་དྲུག་གང་བསྟན་པ་དེ་སྟོན་པ་ཡིན་ཏེ། འགལ་བའི་དོན་དང་། གནོད་པ་དང་། མཐུན་པའི་དོན་དང་། འགལ་བའི་གནོད་པ་དང་། དོན་དང་མཐུན་པའི་གནོད་པ་དང་། འདི་བཞི་ནི་གཞུང་བཟང་པོ་ཞེས་མཁས་པ་མི་སྨྲ་སྟེ། དེ་ལྟར་དོན་དང་རྗེས་སུ་མཐུན་པ་དང་།
[332a]
[332a.1]གནོད་པ་དོན་དང་#རྗེས་སུ་མཐུན་པར་བྱའོ་ཞེས་བྱ་བ་དང་། དང་དུ་ལེན་པར་གྱུར་པ་ཡིན་ཏེ། དེས་ན་ཕངས་པའི་སྲོག་དང་ཞེས་བྱ་བ་ལ་སོགས་པ་བརྩམས་པ་ཡིན་ཏེ། ཕངས་པའི་སྲོག་ཅེས་བྱ་བ་འདིས་ནི་ཚུལ་ཁྲིམས་ཀྱི་འབྲས་བུ་ཡོངས་སུ་སྤངས་པ་ཉིད་དུ་བསྟན་ཏོ། །ནང་མི་མཆི་མས་འཇུ་བ་
[332a.2]ཞེས་བྱ་བས་ནི་བཟོད་པའི་འབྲས་བུ་སྤངས་པ་ཉིད་དུ་བསྟན་ཏོ། །རྒྱལ་སྲིད་བདེ་བ་ཡིད་དུ་འོང་བ་ཞེས་བྱ་བ་འདིས་ནི་སྦྱིན་པའི་འབྲས་བུ་སྤངས་པ་ཉིད་དུ་བསྟན་ཏོ། །#དེ་ལྟར་བསོད་ནམས་ཀྱི་ཚོགས་ཀྱི་#འབྲས་བུ་གསུམ་པོ་ཡོངས་སུ་སྤངས་པ་ཡིན་ཏེ་#ཞེས་བསྟན་ཏོ། །དོན་འདི་ཇི་ལྟར་དོན་དང་མཐུན་པར་འགྱུར། །ཞེས་འདྲི་
[332a.3]བ་ཡིན་ཏེ། དོན་དུ་འགྱུར་བ་ཅི་མཐོང་ན། །ཞེས་བྱ་བ་འདིས་ནི་ཇི་ལྟར་མཁས་པས་སྲོག་ཡོངས་སུ་གཏོང་བའོ། །བདེན་པའི་ཚིག་ཅེས་བྱ་བ་དེ་ཉིད་བསྒྲུབ་པའི་ཕྱིར། དེ་བསྲུང་ཕྱིར་ནི་ཞེས་བྱ་བ་ལ་སོགས་པ་སྨོས་ཏེ། དེ་བསྲུང་ཕྱིར་ནི་ཞེས་བྱ་བ་ནི་བདེན་པ་བསྲུང་བའི་ཕྱིར་རོ། །དྲུང་དུ་འོངས་ཞེས་བྱ་བ་ནི། དེ་ལྟར་
[332a.4]གཅིག་པུ་ཕུབ་དང་མཚོན་ཆ་མེད་པར་རོ། །ངའི་ཞེས་བྱ་བ་ནི་གསད་#པར་བྱ་བ་བཏང་བ་ལ་སོགས་#པའོ། །ཕྲེང་བ་མཛེས་པ་ཞེས་བྱ་བའི་ཚིགས་བཅད་ཀྱི་ཕྱེད་ནི་ལོངས་སྤྱོད་པ་རྣམས་ཀྱི་ཡིད་དུ་འོང་བའི་དབང་དུ་བྱས་པའོ། །བསོད་ནམས་ཀྱི་#ཡོན་ཏན་ཡིན་པས་བསོད་ནམས་ཡོན་ཏན་ནོ། །དེ་འགྲུབ་པ་ནི་བསོད་
[332a.5]ནམས་ཡོན་ཏན་འགྲུབ་པ་སྟེ། བསོད་ནམས་ཡོན་ཏན་འགྲུབ་པ་དེས་ཁྱད་པར་དུ་འཕགས་པའོ། །ཉོན་མོངས་པ་མེད་པར་ཞེས་བྱ་བ་ནི་ལུས་ཀྱི་ངལ་བ་མེད་པར་ཞེས་བྱ་བའི་དོན་ཏོ། །དཀའ་ཐུབ་ནི་གང་གི་ཕྱིར་ཡོན་ཏན་འཕེལ་བའི་མཚན་ཉིད་དོ། །མུ་སྟེགས་འགྲོ་བ་ཞེས་བྱ་བ་ནི་སྟེགས་ལ་བརྟེན་ནས་བསོད་
[332a.6]ནམས་རབ་ཏུ་འགྲུབ་ཅིང་། ངན་པར་སྤྱོད་པ་དག་ལ་ཡིན་ཏེ། སྟེགས་དག་ཏུ་འགྲོ་བའི་ཉོན་མོངས་མེད་པར་བསོད་ནམས་ཐོབ་པ་ཡིན་པའི་ཕྱིར། འདིས་ནི་སྔར་བསགས་པའི་སྡིག་པ་བདེན་པ་ཉིད་ཀྱིས་དག་པར་བསྟན་ཏེ། དཀའ་ཐུབ་སྤྱོད་པ་དང་། མུ་སྟེགས་སུ་སྤྱོད་པ་འདི་#གཉིས་ཀྱིས་བསོད་ནམས་དང་ཡོན་ཏན་
[332a.7]འགྲུབ་པ་ཉིད་དུ་བསྟན་པ་ཡིན་ནོ། །འགྲོ་བ་མཐའ་དག་ཁྱབ་པའི་ཞེས་བྱ་བའི་ཚིགས་བཅད་འདི་ནི་མཐོང་བའི་ཆོས་ཀྱི་འབྲས་བུ་དང་། མངོན་པར་མཐོ་བ་དང་། ངེས་པར་ལེགས་པའི་དབང་དུ་བྱས་པའོ། །འགྲོ་བ་མཐའ་དག་ཁྱད་པར་འཕེལ་བ་ནི་འགྲོ་བ་མཐའ་དག་ཁྱད་པར་འཕེལ་བའོ། །འཇིག་རྟེན་གསུམ་ལས་
[332b]
[332b.1]འདའ་བའི་ཞེས་བྱ་བ་ནི་སའི་སྟེང་དང་། ནམ་མཁའ་དང་། མཐོ་རིས་ཏེ། དེ་ལྟ་བུའི་མཚན་ཉིད་ཀྱི་འཇིག་རྟེན་གསུམ་ལས་འདའ་བའི་ལམ་ནི་བདེ་བ་སྟེ། འདིས་ནི་མཐོང་བའི་ཆོས་ཀྱི་འབྲས་བུ་བསྟན་ཏོ། །ལྷའི་གནས་སུ་འཛུག་པའི་སྒོ་ཡང་ཡིན། །ཞེས་བྱ་བ་འདིས་ནི་བདེན་པ་མངོན་པར་མཐོ་བའི་ལམ་
[332b.2]ཉིད་དུ་བསྟན་ཏོ། །འཁོར་བའི་རྫོང་ལས་ཐར་བའི་ཟམ་#པ་ཡིན། །ཞེས་བྱ་བ་འདིས་ནི་ངེས་པར་ལེགས་པའི་ལམ་ཉིད་དུ་བསྟན་ཏོ། །ལྷ་ཡིས་#རབ་ཏུ་བསྒྲིབས་#ཀྱང་གནས་མི་ནུས། །ཞེས་བྱ་བའི་ཚིགས་བཅད་ནི་བཅོས་སུ་མི་ནུས་པའི་ཕྱིར།# འཆི་བས་འཇིགས་པ་མེད་དོ་ཞེས་བྱ་བ་དེ་ཉིད་ཀྱི་དབང་དུ་བྱས་
[332b.3]པའོ། །དེ་ལྟར་ཞེས་བྱ་བ་ནི་འཆི་བ་བཅོས་སུ་མེད་པ་ཉིད་ཀྱིས་སོ། །འཇིག་རྟེན་གྱི་ཆོས་ཀྱི་ཆོས་ཉིད་ལ་བརྟགས་ན་ཞེས་བྱ་བ་ཡིན་ཏེ། སྡིག་པ་བྱས་པས་#རྗེས་སུ་འགྱོད་པར་འགྱུར། །ཞེས་བྱ་བའི་ཚིགས་བཅད་འདིས་ནི་ལྡོག་པ་མེད་པ་དང་འཇུག་པའི་ཚུལ་གྱི་དབང་དུ་བྱས་པའོ། །སྡིག་པ་བྱས་ན་
[332b.4]རྗེས་སུ་འགྱོད་པར་འགྱུར། །ཞེས་བྱ་བ་འདིས་ནི་ལྡོག་པའི་ཚུལ་མེད་པ་ཉིད་དུ་བསྟན་ཏོ། །དགེ་བའི་ལས་ཀྱང་ལེགས་པར་ཡོངས་#མ་བྱས། །ཞེས་བྱ་བ་འདིས་ནི་འཇུག་པའི་ཚུལ་མེད་པ་ཉིད་དུ་བསྟན་ཏོ། །ཕྱི་མའི་ཚེ་ལ་སྡུག་བསྔལ་འབྱུང་དུ་དོགས། །ཞེས་བྱ་བ་ནི་དེ་གཉིས་ཀའི་ཚུལ་མེད་པའི་ཕྱིར་རོ། །
[332b.5]གང་ལས་#བདག་གི་ཡིད་ནི་འགྱོད་འགྱུར་བ། །ཞེས་བྱ་བའི་ཚིགས་བཅད་ཀྱིས་བདག་ནི་དེ་གཉི་གའི་དོན་གྱི་ཚུལ་མེད་པ་ཡིན་ཏེ། དེས་ན་འཆི་བའི་འཇིགས་པ་མེད་དོ་ཞེས་པའོ། །ཕོངས་པ་རྣམས་ནི་སློང་དུ་འོངས་པ་ལ། །ཞེས་བྱ་བའི་ཚིགས་བཅད་འདིས་ནི་བསྟན་མ་ཐག་པ། དཀར་པོའི་ལས་ཀྱང་རབ་ཏུ་
[332b.6]གོམས་བྱས་པ། །ཞེས་བྱ་བ་སྟེ། དཀར་པོའི་ཆོས་བྱས་པའི་ཕྱིར་རོ། །ཆོས་ལ་གནས་པ་ཞེས་བྱ་བ་དེ་བསྟན་པའི་ཕྱིར། མགུ་བ་རྙེད་པར་འགྱུར་ཞེས་བྱ་བ་སྟེ། སློང་དུ་འོངས་པ་ལ་ནོར་ཐོབ་པས་མགུ་བ་ཡིན་ཏེ། ཕོངས་པ་རྣམས་མི་མགུ་བར་བྱས་པ་ནི་མེད་དེ་མ་དྲན་པའོ། །བདག་གིས་བྱས་པར་ཡང་མི་དྲན་ཞེས་
[332b.7]བྱ་བ་དེ་གང་ཡིན་ཞེ་ན་དེ་ཉིད་བསྟན་པའི་ཕྱིར། རིང་དུ་བརྟགས་ཏེ་བསམས་ཀྱང་ཞེས་བྱ་བའི་ཚིགས་བཅད་སྨོས་སོ། །སྡིག་པ་བྱས་པར་ཡོངས་མི་དྲན། །ཞེས་བྱ་བ་ནི་སྲོག་གཅོད་པ་ལ་སོགས་པའོ། །ཡིད་ལ་བསམས་བ་ཙམ་ཡང་ཞེས་བྱ་བ་ནི་ཡོད་པར་བཀོད་པ་ཡིན་པས་ཡིད་ལ་བསམས་པའོ། །ཡང་ན་ཡིད་ཉིད་
[333a]
[333a.1]བསམས་པ་ཡིན་པས་ཡིད་ལ་བསམས་པ་སྟེ། སེམས་#བསྐྱེད་པ་ཙམ་ཡང་མ་དྲན་ནོ་ཞེས་བྱ་བའི་དོན་ཏེ#། དེ་ལྟར་རྣམ་པ་གཉིས་ཀྱིས་མཐོ་རིས་ཀྱི་ལམ་སྦྱངས་པ་གང་ཡིན་པ་དེ་ནི་མཐོ་རིས་ལམ་སྦྱངས་སོ། །དེ་ལྟར་དེ་གཉིས་ཀྱིས་#ཆོས་ལ་འཇུག་པ་དང་། སྡིག་པ་ལས་ལྡོག་པའི་ཚུལ་ལོ། །ཕོངས་
[333a.2]པ་རྣམས་ནི་སློང་དུ་འོངས་པ་ལ། མགུ་བར་མ་བྱས་པ་ནི་ཡོངས་#མི་དྲན། །ཞེས་བསྟན་པ་ལ། ཕོངས་པ་དེ་དག་གང་ཡིན་ཞེ་ན། དེའི་ཕྱིར་སྨྲས་པ། བྲམ་ཟེ་རྣམས་དང་གཉེན་དང་ཞེས་བྱ་བའི་ཚིགས་བཅད་སྨོས་སོ། །དེ་ལ་བྲམ་ཟེ་ཞེས་བྱ་བ་ནི་ཡོན་ཏན་གྱི་ཞིང་ངོ་། །གཉེན་དང་མཛའ་བོ་ཞེས་བྱ་བ་ནི་ཕན་འདོགས་པའི་ཞིང་ངོ་། །
[333a.3]བརྟེན་པ་དང་ཕོངས་#པ་ཞེས་བྱ་བ་ནི་སྙིང་རྗེའི་#ཞིང་ངོ་། །ཇི་ལྟར་བྱང་ཆུབ་སེམས་དཔའ་ཕན་འདོགས་#མགུ་བར་བྱེད་པ་ཡིན་ཞེ་ན། དེའི་ཕྱིར་སྨྲས་པ། དེ་དག་ལ་ནོར་མང་པོ་བཞག་ཅིང་ཇི་ལྟར་འོས་པའི་སྦྱིན་པས་ཕོངས་པ་རྣམས་མགུ་བའི་ཕྱིར་རོ། །ཡང་ན་ནོར་ཤིན་ཏུ་མང་པོ་ཅི་རིགས་#པར་སྦྱིན་པ་ཡིན་ཏེ། བྱང་ཆུབ་སེམས་དཔའ་དང་
[333a.4]གཉི་ག་ཡང་དགའ་བའི་#ཕྱིར་རོ། །གང་གི་བྱ་བ་ཅི་ཡོད་དེ་ཡང་བདག་གིས་བྱས་པ་ཞེས་བྱ་བ་ནི་གཞན་དག་ཀྱང་རྗེས་སུ་བསྟན་པའོ། །ང་མི་འཇིགས་ཞེས་བྱ་བ་ནི་ཆོས་ལ་གནས་པའི་ཕྱིར་དང་། མཐོ་རིས་ཀྱི་ལམ་སྦྱངས་པའི་ཕྱིར་རོ། །དེ་བྱས་དགའ་བར་གྱུར་པས་ཞེས་བྱ་བ་ནི་ཆོས་ལ་གནས་པ་དགའ་བ་ཐོབ་པའི་ཕྱིར་དང་།
[333a.5]མཐོ་རིས་ཀྱི་ལམ་སྦྱངས་པའི་ཕྱིར་རོ། །ཡང་ན་བྲམ་ཟེ་ལ་སོགས་པ་ནོར་མང་པོ་བཞག་པའི་ཕྱིར་དགའ་བར་འགྱུར་བ་སྟེ། རྒྱུ་རྣམ་པ་གཉིས་ཀྱིས་དགའ་བ་ཡིན་ནོ། །བདག་གི་སྤྱོད་པ་ནི་བདག་གི་#སྤྱོད་པའོ། །བདག་གི་སྤྱོད་པ་ཉིད་གཟུགས་ཡིན་པས་བདག་གི་སྤྱོད་པའི་གཟུགས་ཏེ་ངན་པའོ། །དེ་ནི་དེ་ལྟ་བུའི་ཆོས་ཀྱི་མེ་ལོང་#ལའོ། །
[333a.6]དགའ་#དང་ལྡན་པའི་མིག་གིས་ལྟ། །#ཞེས་བྱ་བ་འདིས་#ནི་ཆོས་འཆད་པ་ལ་གུས་པ་དང་ལྡན་པ་ཉིད་དུ་བསྟན་ཏོ། །ཚིག་གི་བདུད་རྩི་འཐུང་བ་བཞིན། །ཞེས་བྱ་བ་འདིས་#ནི་ཚིག་ལ་རྣ་གཏོད་པ་ཉིད་དོ། །གུས་པ་བསྐྱེད་ཅིང་རྩེ་གཅིག་བཏུད། །རབ་ཏུ་དང་ལ་དྲི་མེད་ཡིད། །ཅེས་བྱ་བ་འདིས་ནི་དོན་ལ་རྣ་གཏོད་པ་ཉིད་ཀྱིས་དམ་པའི་ཆོས་
[333a.7]མཉན་པར་བྱའོ་ཞེས་བྱ་བ་ཡིན་ཏེ། འདི་དག་གིས་ནི་དམ་པའི་ཆོས་མཉན་པར་བྱའོ་ཞེས་བྱ་བའི་དོན་ཏོ། །ཇི་ལྟར་འདོད་པར་ཕྲད་ཀྱང་རུང་། །ཞེས་བྱ་བ་ནི་དམ་པ་དག་དང་འགྲོགས་པ་ལ་དགོངས་པ་ཡིན་ཏེ། བསྙེན་བཀུར་མ་#བྱས་པ་ཉིད་དུ་སྟོན་ཏོ། །ལན་ཅིག་ཙམ་ཞེས་བྱ་བ་འདིས་ནི་རྟག་ཏུ་བྱེད་པ་མེད་པ་#ཉིད་དོ། །བསྙེན་བཀུར་བྱས་པ་
[333b]
[333b.1]མེད་ཀྱང་སྐྱེ་བོ་དམ་པ་དང་འགྲོགས་པ་བརྟེན་#པ་ཉིད་དུ་བསྟན་ཏོ། །རབ་ཏུ་བརྟན་པ་ཉིད་དུ་འགྱུར། །ཞེས་བྱ་བ་འདིས་ནི་དེ་ལ་རྟག་ཏུ་བྱས་པ་མེད་ཀྱང་དུས་ཡུན་རིང་དུ་གནས་པ་ཐོབ་པ་ཉིད་དུ་སྟོན་ཏོ། །འདྲིས་པ་དང་བྱ་བ་ནི་འདྲིས་པར་བྱ་བའོ#། །འདྲེས་པར་བྱ་བ་དེ་ལ་མི་ལྟོས་པ་ནི་འདྲིས་པར་བྱ་བ་ནི་མི་དགོས་པར་རོ། །བསྙེན་བཀུར་བྱས་པའི་
[333b.2]བྱ་བ་ཡང་མི་དགོས་ཏེ། ཇི་ལྟར་ཕྲད་ཀྱང་རུང་བའི་ཕྱིར་རོ། །ཇི་ལྟར་ཕྲད་ཀྱང་རུང་སྟེ། དམ་པ་དག་དང་འགྲོགས་པ་ནི་བརྟན་པར་འགྱུར་ཏེ། དེ་#ཅིའི་ཕྱིར་ཞེ་ན། བྱ་བ་མི་དགོས་པ་སྟེ། སྐྱེ་བོ་དམ་པ་དག་དང་འགྲོགས་པ་ལ་#བྱ་བ་མི་དགོས་པའི་ཕྱིར་རོ། །འདི་ལྟར་འདྲིས་པ་ལ་ལྟོས་པ་ཡིན་ན་ནི་#ལན་ཅིག་ཕྲད་པས་གཏན་དུ་མི་འགྱུར་ཏེ་
[333b.3]ཅིའི་ཕྱིར་ཞེ་ན། འདྲིས་པ་ལ་ལྟོས་པའི་ཕྱིར་རོ། །མགོ་བསྒྱུར་བ་དང་། སེ་གོལ་གཏོགས་#པ་གཉིས་ནི་མགོ་བསྒྱུར་སེ་གོལ་གཏོགས་#པའོ། །དམ་པ་རྣམས་ནི་སུས་ཀྱང་མི་བསྲིང་#ངོ་། །ཞེས་བྱ་བ་ལ་སོགས་པའི་ཚིགས་བཅད་གསུམ་ནི། དམ་པ་དག་དང་ལྷན་#ཅིག་ཙམ། །ཞེས་བྱ་བའི་ཚིགས་བཅད་དེའི་རྗེས་སུ་བསྟན་
[333b.4]པའོ། །སྔར་བསྟན་པའི་ཇི་ལྟར་འདོད་པར་ཕྲད་པར་#རུང་སྟེ་ཞེས་བྱ་བའམ#། གུས་པར་བྱེད་པ་དང་། རྟག་ཏུ་སྦྱོར་བ་གཉིས་དང་བྲལ་བ་ལ་ཡང་དམ་པ་དག་དང་འགྲོགས་པ་དང་བརྟན་པ་དང་། གཏན་དུ་བ་ཉིད་བསྟན་ཏོ། །ད་ནི་གུས་པ་དང་རྟག་ཏུ་བྱ་བའི་སྦྱོར་བས་དམ་པ་དག་དང་འགྲོགས་པར་འདོད་པ་དང་སྒྱར་བའི་ཕན་ཡོན་བསྟན་པར་
[333b.5]འདོད་པས#། དམ་པ་རྣམས་ནི་སུས་ཀྱང་ཞེས་བྱ་བའི་ཚིགས་བཅད་འདི་བརྩམས་སོ། །དམ་པ་རྣམས་ནི་སུས་ཀྱང་མི་བསྲིང་#ངོ་། །ཞེས་བྱ་བ་ནི་སྔར་བསྟན་པའི་དམ་པ་དག་དང་འགྲོགས་ན་གཏན་དུ་བ་#ཡིན་པའི་ཕྱིར་རོ། །དུལ་བའི་ཚུལ་གྱིས་#དགེ་ལ་བསྟན་#པར་བྱ། །ཞེས་བྱ་བ་ནི་སྔར་བསྟན་པའི་ཇི་ལྟར་འདོད་ཀྱང་རུང་སྟེ་ཞེས་བྱ་བ་ཡིན་ཏེ།
[333b.6]དམ་པ་དག་དང་འགྲོགས་པ་ནི་བརྟན་#པའི་ཕྱིར་རོ། །དགེ་བདག་ལ་བསྟེན་#པ་ཇི་ལྟར་བྱ་ཞེ་ན། སྨྲས་པ། དུལ་བའི་ཚུལ་དུ་བྱ་ཞེས་བྱ་བ་ཡིན་ཏེ། འདིས་ནི་གུས་པར་བྱེད་པའི་སྦྱོར་བ་ཉིད་དུ་སྦྱོར་བ་ཡིན་ནོ། །དམ་པ་དག་དང་འགྲོགས་པ་ལ་དེ་གཉི་གའི་ཕན་ཡོན་བསྟན་པའི་ཕྱིར་སྨྲས་པ། དེ་དང་ཉེ་ན་ཞེས་བྱ་བའི་ཚིགས་བཅད་ཕྱེད་འོག་མ་ཡིན་
[333b.7]ནོ། །ཆེད་དུ་མ་བསྒྲུབས་པར་ཡང་ཞེས་བྱ་བ་ནི་བསྟན་བཅོས་ཉན་པ་ལ་སོགས་པའི་བྱ་བ་མ་བྱས་པར་ཡང་སྟེ། མ་བསྲིངས་པ་དེ་ཙམ་སྟེ། མ་བསྲིངས་པ་དང་དུལ་བའི་ཚུལ་ཙམ་གྱིས་སོ། །དེ་དང་ཉེན་ཞེས་བྱ་བ་ནི་དགེ་བ་དེ་དང་ཉེ་ནའོ། །སྐྱེ་བོ་དམ་པ་དེའི་ཡོན་ཏན་ནི་དེའི་ཡོན་ཏན་ནོ། །དེའི་ཡོན་ཏན་ཉིད་མེ་ཏོག་ཡིན་པས་ཡོན་ཏན་མེ་
[334a]
[334a.1]ཏོག་གོ། །དེའི་རྡུལ་ནི་ཡོན་ཏན་གྱི་རྡུལ་ཏེ། འདི་ནི་དམ་པ་དང་འཕྲོགས་#པའི་ཕན་ཡོན་ནོ། །#དེ་ལྟར་རེ་ཞིག་ཇི་ལྟར་འདོད་པར་ཕྲད་ཀྱང་རུང་སྟེ། དམ་པ་དག་དང་ལན་ཅིག་ཙམ། །ཞེས་བྱ་བ་འདི་ནི་རྗེས་སུ་བསྟན་པ་སྟེ། དམ་པ་རྣམས་ཀྱི་ཕན་ཡོན་ནོ། །ཡང་ན་སྐྱེ་བོ་དམ་པ་ནི་བདག་ཉིད་ལ་ཕན་པར་ཞུགས་པ་
[334a.2]ཡིན་ཏེ། དེ་བས་ན་སུས་ཀྱང་མི་བསྲིང་#ངོ་། །དགེ་བ་ལ་བསྟེན་#པར་བྱ་ཞེས་བྱ་བ་ནི་གཞན་ལ་ཕན་པར་འཇུག་པའོ། །དེ་ནི་རབ་ཏུ་བརྟན་#པ་ཉིད་དུ་འགྱུར། །ཞེས་བྱ་བ་དེ་རྗེས་སུ་བསྟན་པ་ལས་བརྩམས་ཏེ། རྒྱལ་པོའི་ཤིང་རྟ་རིན་ཆེན་གསེར་གྱིས་བརྒྱན། །ཞེས་བྱ་བའི་ཚིགས་བཅད་ཡིན་ཏེ། ལུས་ཀྱང་རྒས་པས་མི་སྡུག་
[334a.3]པར་ཡང་འགྱུར། །ཞེས་བྱ་བ་འདིས་ནི་ཕྱི་རོལ་གྱི་དངོས་པོར་འགྱུར་བ་ཉིད་དུ་བསྟན་ཏོ། །ནོར་བུ་གསེར་གྱིས་བརྒྱན་#ཞེས་སྨོས་པ་ནི་གཟུགས་གནས་པ་ཉིད་དུ་རིགས་པ་ཡིན་ན་ཡང་ཕྱིས་རྒས་པས་མི་སྡུག་པར་འགྱུར་བ་ཡིན་ན་གཞན་དག་ལྟ་སྨོས་ཀྱང་ཅི་དགོས་པའོ། །རྒྱལ་པོ་ཞེས་སྨོས་པས་ནི་མངོན་པར་སྦྱར་བའི་ཁྱད་པར་
[334a.4]དང་ལྡན་པའི་ཤེས་པ་ཡིན་ཏེ། དེའི་ཤིང་རྟ་བསྟན་#པའི་ཕྱིར་རོ། །རྒྱལ་པོའི་ལུས་རིན་པོ་ཆེ་གསེར་གྱིས་བརྒྱན་པ་ཡང་རྒས་པས་མི་སྡུག་པར་འགྱུར་རོ་ཞེས་བྱ་བ་ནི་ནང་གི་དངོས་པོ་ཡང་རྣམ་པར་འགྱུར་བ་ཉིད་དུ་སྟོན་ཏོ། །དམ་པ་རྣམས་ཀྱི་ཆོས་ནི་རྒས་མི་འགྱུར། །ཞེས་བྱ་བ་འདིས་ནི་གང་སྔར་བསྟན་པའི་རབ་ཏུ་བསྟན་པ་#
[334a.5]ཉིད་དུ་འགྱུར་ཞེས་བྱ་བ་དེའི་རྒྱུ་ཉིད་#བསྟན་ཏོ། །ཅིའི་ཕྱིར་དམ་པ་རྣམས་ཀྱི་ཆོས་རྒས་པར་མི་འགྱུར་ཞེ་ན། དེའི་ཕྱིར་སྨྲས་པ། དགེ་བ་རྣམས་ནི་གང་གི་ཕྱིར་ཡོན་ཏན་ལ་རྗེས་སུ་ཆགས་པ་#བརྟན་པར་འགྱུར་བས་དམ་པ་རྣམས་ཀྱི་ཆོས་ནི་རྒས་པར་མི་འགྱུར་བ་སྟེ། ཡོན་ཏན་ལ་གོམས་པར་བྱ་བའི་#ཕྱིར། སྐྱེ་བོ་འགྲོགས་པ་
[334a.6]དེ་དག་ལ་ཡོན་ཏན་གཞན་དུ་མི་འགྱུར་ཏེ། དེ་གོམས་པར་བྱས་པས་ཇི་ལྟར་གཞན་དུ་འགྱུར་ཞེས་བྱ་བའི་དོན་ཏོ། །འདྲིས་པར་བྱ་བ་མི་#དགོས་པར། །ཞེས་བྱ་བ་#དེ་རྗེས་སུ་བསྟན་པ་ལས་བརྩམས་ཏེ། ནམ་མཁའ་དང་ནི་ས་གཞིའི་བར་ཡང་རིང་། །ཞེས་བྱ་བའི་ཚིགས་བཅད་འདི་ཡིན་ཏེ། ནམ་མཁའ་པར་རབ་ཏུ་#རིང་བ་
[334a.7]ཡིན་ཏེ། གང་ལས་ཤེ་#ན་ས་ལས་སོ། །ས་ཡང་རབ་ཏུ་རིང་བ་ཡིན་ཏེ། གང་ལས་ཤེ་#ན་ནམ་མཁའ་དང་ངོ་། །ཕ་རོལ་ཚུ་རོལ་འགྲམ་ཡང་རིང་བ་ཡིན་ཏེ། ཕ་རོལ་དང་ཕ་རོལ་མ་ཡིན་པའོ། །ཡང་ན་ས་དང་ནམ་མཁའ་གཅིག་རིང་བ་ཡིན་ནོ། །དེ་བཞིན་དུ་ཕ་རོལ་དང་ཚུ་རོལ་གྱི་འགྲམ་ཡང་ཕ་རོལ་དང་ཚུ་རོལ་#གྱི་འགྲམ་
[334b]
[334b.1]ཉིད་དོ། །ཤར་ནུབ་གཉིས་ཀྱི་རི་བར་དེ་བས་#རིང་། །ཕལ་དང་དམ་པའི་ཆོས་ཀྱང་དེ་བས་རིང་། །ཞེས་བྱ་བ་ནི་ཕན་ཚུན་དེ་བས་རིང་བའོ། །ཅིའི་ཕྱིར་ནམ་མཁའ་དང་སའི་བར་རབ་ཏུ་རིང་བ་དང་། རྒྱ་མཚོའི་ཕ་རོལ་དང་ཚུ་རོལ་རབ་ཏུ་རིང་བ་དང་། ཤར་ནུབ་གཉིས་ཀྱི་རི་རབ་ཏུ་རིང་བ་སྟེ། ཅིའི་ཕྱིར་དཔེ་གསུམ་པོ་འདི་
[334b.2]དག་ཉིད་གཟུང་གི། གཞན་མ་ཡིན་ཞེ་ན། ཆོས་འདི་ནི་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་ཀྱི་མཚན་ཉིད་ཡིན་ཏེ། ནམ་མཁའ་དང་རིང་བ་ཉིད་ཀྱིས་ནི་ཚུལ་ཁྲིམས་ལས་བརྩམས་#པ་ཡིན་ཏེ། ནམ་མཁའ་ལྟ་བུ་ནི་དམ་པ་རྣམས་ཀྱི་ཆོས་ཏེ། ཚུལ་ཁྲིམས་ཀྱི་མཚན་ཉིད་དོ། །མི་དགེ་བ་
[334b.3]ཐམས་ཅད་ཀྱིས་གོས་པའམ། སྦགས་པ་དེས་ན་ས་ལྟ་བུ་ནི་དམ་པ་མ་ཡིན་པའི་ཆོས་ཏེ། མི་གཙང་བ་ཐམས་ཅད་ཀྱིས་གོས་པ་དེས་སོ། །ཏིང་ངེ་འཛིན་ནི་རྒྱ་མཚོའི་ཕ་རོལ་དང་ཚུ་རོལ་ལྟ་བུ་ཡིན་ཏེ། རྒྱ་མཚོའི་ཕ་རོལ་ལྟ་བུ་ནི་དམ་པ་རྣམས་ཀྱི་ཏིང་ངེ་འཛིན་གྱི་མཚན་ཉིད་ཀྱི་ཆོས་ཏེ། བསྟེན་པ་དག་ལ་རྗེས་སུ་
[334b.4]འཛིན་པ་དང་སྦྱོར་བ་ནི་ཆུ་དང་འདྲ་བ་ཉིད་ཀྱི་ཕྱིར་དང་། སྤྱོད་པའི་ཚད་ཏིང་ངེ་འཛིན་ནི་སྤྱོད་པའི་མཐར་ཐུག་པ་ཡིན་པའི་ཕྱིར་རོ། །ཚུ་རོལ་གྱི་འགྲམ་ལྟ་བུ་ནི་དམ་པ་མ་ཡིན་པའི་ཆོས་ཏེ། དེ་གཉི་གའི་#མེད་པའི་ཕྱིར་རོ། །ཤེས་རབ་ལས་བརྩམས་ཏེ། ཤར་ནུབ་གཉིས་ཀྱི་རི་བར་དེ་བས་རིང་། །ཞེས་བྱ་བ་ཡིན་ཏེ།
[334b.5]ཤར་གྱི་རི་ལྟ་བུ་ནི་དམ་པ་རྣམས་ཀྱི་མཚན་ཉིད་ཀྱི་ཆོས་ཏེ། ཇི་ལྟར་ཉི་མ་ཤར་བ་ལ་བརྟེན་པ་དེ་བཞིན་དུ་དམ་པ་རྣམས་ཀྱི་ཆོས་ཤེས་རབ་ཀྱི་ཉི་མ་འཆར་བའི་གནས་ཡིན་ནོ། །ནུབ་པའི་རི་ལྟ་བུ་ནི་དམ་པ་མ་ཡིན་པ་རྣམས་ཀྱི་ཆོས་ཏེ། ཤེས་རབ་ཀྱི་ཉི་མ་ནུབ་པ་ལ་བརྟེན་པའོ། །ཚིགས་བཅད་འདི་བཞི་ཐོས་པས།
[334b.6]སུ་དཱ་#སའི་བུ་དུལ་བར་གྱུར་ཏེ། བདག་ཉིད་ཀྱི་གནས་སྐབས་དང་། རྗེས་སུ་མཐུན་པའི་ཚིགས་བཅད་ཡིན་ཏེ། དེ་དག་གིས་སོ། །ཇི་ལྟར་ཕྲད་ཀྱང་རུང་སྟེ། དགེ་བའི་བཤེས་གཉེན་དང་ཕྲད་ཅིང་བསྙེན་བཀུར་བྱས་ན་སྡུག་བསྔལ་ལས་ཐར་པ་དང་། དམ་པ་དག་དང་འགྲོགས་པའི་སྟོབས་ཡིན་པའི་ཕྱིར་ཡང་ངོ་། །དམ་
[334b.7]པ་དང་དམ་པ་མ་ཡིན་པའི་ཆོས་འདི་གཉིས་ནི་རབ་ཏུ་བསྐལ་པ་#ཡང་ཡིན་ཏེ། ནམ་མཁའ་དང་ནི་ས་གཞིའི་བར་ཡང་རིང་། །ཞེས་བྱ་བའི་ཚིགས་བཅད་འདི་དང་སྦྱར་རོ། །འདྲིས་པར་བྱ་བ་མི་དགོས་པར། །ཞེས་གོང་དུ་བསྟན་པ་ལ་འདི་སྐད་སྨྲས་ཏེ#། དམ་པ་མ་ཡིན་པ་དང་འགྲོགས་པ་ལ་ཡང་འདྲིས་པར་བྱ་བ་
[335a]
[335a.1]མི་དགོས་པ་ཉིད་དུ་སྟོན་ཏེ། ཅིའི་ཕྱིར་དམ་པ་མ་#ཡིན་པ་དང་འདྲིས་པར་བྱ་བ་མི་དགོས་པས་དམ་པ་མ་ཡིན་པ་དང་མི་འགྲོགས་པ་ཡིན་ཞེ་ན། དེས་ན་དམ་པ་དང་དམ་པ་མ་ཡིན་པའི་ཆོས་ནི་རབ་ཏུ་རིང་བ་ཡིན་ནོ་ཞེས་བྱ་བ་བརྩམས་ཏེ། དམ་པ་དང་དམ་པ་མ་ཡིན་པའི་ཆོས་ཐག་རིང་བ་ནི། དམ་
[335a.2]པ་དང་འགྲོགས་པ་ཡིན་ཡང་བསྐལ་པ་ཡིན་ནོ་ཞེས་བསྟན་པའི་ཕྱིར་ཁྱོད་ཀྱི་#ཚིགས་སུ་བཅད་པ་སྙན་པ་དང་ཞེས་བྱ་བའི་ཚིགས་བཅད་སྨོས་སོ། །རབ་ཏུ་གསལ་བར་འཕགས་པའི་དོན་གྱི་ཚིག་གང་ཡིན་པ་དེ་ནི་ཚིག་དོན་ཀྱང་རབ་ཏུ་གསལ་བར་འཕགས་པའོ། །ཚིག་ཅེས་བྱ་བ་ནི་ལུས་སོ། །དོན་རབ་ཏུ་
[335a.3]གསལ་བར་#འཕགས་པ་ནི་སྲོག་གོ། །ཚིགས་སུ་བཅད་པ་ནི་ང་རྒྱལ་ལོ། །སྙན་པ་ནི་རྒྱན་ཏེ། དེ་དེ་ལྟར་རྣམ་པ་བཞི་དང་ལྡན་པའི་སྙན་དངགས་#བསྟན་པ་ཡིན་ནོ། །གང་ལ་#མཉན་པ་དང་། གང་མཉན་པ་དང་། མཉན་པ་དེའི་འབྲས་བུ་དང་བཅས་པ་དེའི་དབང་དུ་བྱས་ནས། ཁྱོད་ཀྱི་ཚིགས་སུ་བཅད་པ་
[335a.4]སྙན་པ་ཞེས་བྱ་བའི་ཚིགས་བཅད་སྨོས་སོ། །གང་ལས་མཉན་པ་ནི་བྱང་ཆུབ་སེམས་དཔའ་ལས་སོ། །གང་མཉན་པ་ཡིན་ཞེ་ན། ཡོན་ཏན་བཞི་དང་ལྡན་པའི་སྙན་དངགས་སོ#། །གང་ཉན་#པ་ཡིན་ཞེ་ན། སུ་དཱ་#སའི་བུའོ། །མཉན་པ་དེའི་འབྲས་བུ་གང་ཡིན་ཞེ་ན། དེ་ཐོས་དགའ་བར་གྱུར་པའོ། །དེའི་འབྲས་
[335a.5]བུ་དང་བཅས་པ་ནི་མཆོག་སྦྱིན་པ་སྟེ། མཆོག་སློངས་ཤིག་པའོ། །གང་གི་ཕྱིར་བདག་ལ་དགའ་བར་གྱུར་པ་དེ་ཙམ་གྱིས་མཆོག་སྦྱིན་པར་མི་ནུས་ཏེ། དེ་#ཅིའི་ཕྱིར་ཞེ་ན། བདག་ལ་ཡང་རང་དབང་མེད་པར་གྱུར་པའི་ཕྱིར་རོ། །ཇི་ལྟར་རང་དབང་མེད་པ་ཡིན་ཞེ་ན། མི་རིགས་པ་བྱེད་པ་ལས་དགའ་བས་ཕམ་
[335a.6]པའི་ཕྱིར་དང་། མི་དགེ་བ་སྤྱོད་པ་ལ་འཇུག་པའི་ཕྱིར་རོ། །སྐྱོན་ནི་ཉེས་པའོ། །དེ་སྐད་རེ་ཞི་གང་ང་ལ་མ་སྨྲ་ཞིག །ཅེས་བྱ་བ་གང་བསྟན་པ་ནི། སྦྱིན་པར་བྱ་བ་ཉིད་རེ་ཞིག་ཐོང་ཤིག་པ་སྟེ། ང་ནི་བདག་ལའོ། །#གང་གི་ཕྱིར་སྐྱོན་དང་བཅས་པའི་ཕྱིར་དང་། བདེན་པ་དང་ལྡན་པའི་བརྟུལ་ཞུགས་ཀྱི་མཆོག་
[335a.7]སློང་བ་སྟེ། བདེན་པ་སྔོན་#དུ་འགྲོ་བ་ཡིན་ན་ནི། མཆོག་གཞན་ཡང་སྦྱིན་པར་ནུས་པ་ཡིན་ཏེ། མཆོག་གཞན་ཡང་སྦྱིན་པར་ངེས་པར་གཟུང་བའི་ཕྱིར་རོ། །སེམས་ཅན་རྣམས་ལ་གསོད་པར་#སྤོངས། །ཞེས་བྱ་བ་ནི་སྲོག་གཅོད་པ་ལས་སླར་ཟློག་པའོ། །བཙོན་དུ་གཟུང་#བ་འདི་རྣམས་མ་ལུས་ཐོང་། །ཞེས་བྱ་
[335b]
[335b.1]བ་འདིས་ནི་མ་བྱིན་#པར་ལེན་པ་ལས་སླར་ཟློག་པ་སྟེ། གང་གི་ཕྱིར། དེ་དག་མ་བྱིན་པར་ལེན་པ་ནི་ནན་གྱིས་ཁྱེར་བ་སྟེ། དེ་རྣམས་ཐོང་ཤིག་པའོ། །གཞན་ཡང་སྦྱིན་པར་ནུས་པའི་མཆོག་སྦྱིན་པར་བྱ་སྟེ། མཆོག་སྦྱིན་#གཞན་གསུམ་པོ་ཡང་ངེས་པར་སྦྱིན་པར་བྱས་པའི་ཕྱིར་རོ། །བཙོན་དུ་གཟུང་བ་འདི་ཐོང་
[335b.2]ཤིག་ཅེས་བྱ་བ་ནི་དགག་པ་དེར་ཟད་ཀྱི#། དམ་པ་སྔ་མ་གསུམ་ནི་ཁྱོད་ལ་འབུལ། །ཞེས་སྔར་སུ་དཱ་#སའི་བུས་སྨྲས་པ་དེ་དག་ལས་མཆོག་གསུམ་ཡང་མེད་པ་ཉིད་དུ་བསྟན་པའི་ཕྱིར་སྨྲས་པ། མི་ཤ་ཟ་བ་མ་བཏང་ན། །ཞེས་བྱ་བའི་ཚིགས་བཅད་སྨོས་སོ། །བདེན་པ་སྨྲ་བ་ཇི་ལྟར་མི་འགྱུར་ཞེ་ན། མིའི་ཤ་ཟ་
[335b.3]བ་ཡོངས་སུ་མ་བཏང་ན་འདི་ལྟར་ཡང་མཆོག་གསུམ་སྦྱིན་པར་བྱའོ་ཞེས་དམ་བཅས་པ་སྟེ། དེ་ལྟར་མཆོག་#སྦྱིན་པ་ཉིད་དུ་ཁས་བླངས་པ་ཇི་ལྟར་བདེན་པ་སྨྲ་བར་འགྱུར་ཞེས་བྱ་བ་ཡིན་ནོ། །བདེན་པའི་བརྟུལ་ཞུགས་ཞེས་སྨོས་པས་ནི་སྔ་མ་ཉིད་དུ་བསྟན་པས་ངེ་བས་ན་ཉེས་པ་མེད་དེ#། ཡང་ན་དམ་པ་སྔ་མ་གསུམ་
[335b.4]ནི་ཁྱོད་ལ་སྦྱིན་ཞེས་བྱ་བ་ཡིན་ཏེ། མཆོག་གསུམ་ཉིད་ཀྱི་དོན་ཡིན་གྱི། འདིའི་དོན་ནི་མ་ཡིན་ཏེ། དེ་ལྟར་ཉེས་པ་མེད་དོ་ཞེ་ན། དེའི་ཚིག་གིས་ཇི་ལྟར་སྲོག་གཅོད་པ་སྤོང་བར་འགྱུར་ཏེ། སྲོག་གཅོད་པ་མ་ཡིན་པར་ནི་མིའི་ཤ་མེད་པའི་ཕྱིར་རོ། །བདག་གི་སྲོག་ཀྱང་ཡོངས་#སྤངས་ནས། །ཞེས་བྱ་བའི་
[335b.5]ཚིགས་བཅད་འདིས་ཀྱང་གང་སྔར་ལྟར་#བསྟན་པའི་མཆོག་སྦྱིན་པར་བྱའོ་ཞེས་བྱ་བ་དེའི་ཚིག་ལོག་པ་ཉིད་དུ་སྒྲུབ་པ་ཡིན་ཏེ། བདེན་པའི་བརྟུལ་ཞུགས་སུ་ཇི་ལྟར་འགྱུར་ཞེས་བྱ་བ་དེའི་རྗེས་སུ་བསྟན་པ་སྟེ། གལ་ཏེ་དེ་ལྟར་སྔར་གྱི་ཉེས་པ་དེ་ཡོངས་སུ་སྤོང་བར་ཇི་ལྟར་འགྱུར་ཞེས་པའོ། །རྒྱལ་པོ་ཁྱེད་
[335b.6]ཀྱིས་སྲོག་ཆགས་རྣམས། །མི་གསོད་#པར་ཡང་ག་ལ་ནུས། །ཞེས་བྱ་བ་དེའི་རྗེས་སུ་བསྟན་པ་#ནི་འདི་ཡིན་ཏེ། ཤ་ཡི་ཕྱིར་ནི་མི་བསད་ན། །ཞེས་བྱ་བའི་ཚིགས་བཅད་དོ། །དེ་ལྟར་གྱུར་ན་ཞེས་བྱ་བ་ནི་བརྫུན་སྨྲ་བ་ལས་ལྡོག་པ་དང་། སྲོག་གཅོད་པ་ལས་ལྡོག་པ་སྟེ། དེ་བས་ན་དེ་གཉིས་ཀྱང་མ་བྱིན་
[335b.7]པར་ཇི་ལྟར་མཆོག་གསུམ་པོ་དེ་དག་བྱིན་པ་ཡིན། མཆོག་གཅིག་པོ་སྐྱེ་བོ་བཙོན་དུ་བཟུང་བ་བཏང་བ་དེ་ཉིད་བྱིན་པ་ཡིན་ཏེ། མཆོག་གཞན་ནི་མ་ཡིན་ནོ་ཞེས་བྱ་བའི་དོན་ཏོ། །རྒྱལ་སྲིད་ཉམས་ཞེས་བྱ་བ་འདིས་#ནི་དོན་ལས་ཉམས་པ་ཉིད་དུ་བསྟན་ཏོ། །ནགས་ཚལ་ཞེས་བྱ་བ་འདིས་ནི་འདོད་པ་ཡོངས་སུ་ཉམས་པ་
[336a]
[336a.1]བསྟན་ཏོ། །ཆོས་ལས་ཉམས་ཞེས་བྱ་བ་འདིས་ནི་ཆོས་#ཡོངས་སུ་སྤངས་པའོ། །མི་བསད་པ་དང་། བཟའ་བ་མ་ཟོས་པའི་ཕྱིར་གཏམ་ངན་ཐོབ་པའོ། །དེ་ཉིད་ཀྱིས་ཆོས་ཉམས་པ་ཡིན་ཏེ། འདིས་ནི་འཇིག་རྟེན་ཕ་རོལ་ལ་གནོད་པ་ཐོབ་པ་ཉིད་དུ་སྟོན་ཏོ། །གཏམ་ངན་ཐོབ་ཅེས་བྱ་བ་
[336a.2]འདིས་ནི་མཐོང་བའི་ཆོས་ཀྱི་གནོད་པ་ཐོབ་པ་ཉིད་དུ་བསྟན་ཏོ། །གང་གི་ཕྱིར་ནི་རྒྱལ་སྲིད་ཉམས། །ཞེས་བྱ་བའི་ཚིགས་བཅད་སུ་དཱ་སའི་བུས་སྨྲས་པ། དེའི་རྗེས་སུ་བསྟན་པ་ནི་#ཚིགས་བཅད་འདི་ཡིན་ཏེ#། ཆོས་ལས་ཉམས་པར་འགྱུར་བ་ཞེས་བྱ་བ་ནི་གང་སྔར་བསྟན་པའི་ཆོས་ལས་ཉམས་ཞེས་བྱ་བ་དེ་ཉིད་
[336a.3]བསྟན་ཏོ། །སྲིད་ལས་ཉམས་ཞེས་བྱ་བ་ནི་གང་སྔར་བསྟན་པའི་རྒྱལ་སྲིད་ལས་ཉམས་ཞེས་བྱ་བ་དེ་ཉིད་བསྟན་ཏོ། །བདེ་བ་#ལས་ཉམས་པར་འགྱུར་བ་#ཞེས་བྱ་བ་ནི་གང་སྔར་བསྟན་པའི། ནགས་ཚལ་སྡུག་བསྔལ་བདག་གིས་མྱོང་། །ཞེས་བྱ་བ་དེ་ཉིད་བསྟན་ཏོ། །གྲགས་པ་ཉམས་པར་འགྱུར་བ་ཞེས་བྱ་བ་ནི་
[336a.4]གང་སྔར་བསྟན་པའི་གཏམ་ངན་པ་ཐོབ་པ་ཞེས་བྱ་བ་དེ་བསྟན་ཏོ། །ཕུང་བར་གྱུར་པའི་#འབྱུང་གནས་དེ། །ཞེས་བྱ་བའི་རྒྱུ་བཞི་པོ་དེ་དག་ཉིད་#ཕུང་བའི་འབྱུང་གནས་སོ། །བྱིན་ནས་འགྱོད་པ་སྐྱེ་བ་ཞེས་བྱ་བ་ནི། འགྱོད་པ་ཡོད་ན་ནི་འགྱོད་པ་སྐྱེ་བའོ། །གལ་ཏེ་ཤ་མེད་ན་འཚོ་བར་མི་ནུས་ན་ནི་ཤའི་ཚུལ་བསྟན་པའི་
[336a.5]ཕྱིར། སྨན་པ་#མཁས་པས་བརྟགས་ཏེ་ཞེས་བྱ་བའི་ཚིགས་བཅད་སྨོས་སོ། །སྨན་པས་བརྟགས་#པ་ནི་ཕན་པའོ། །ལེགས་པར་སྦྱར་བའི་ཤ་ཞེས་བྱ་བ་ནི་སྨན་པས་ལེགས་པར་བརྟགས་#པ་སྟེ། འདིས་ནི་གཡོས་ཀྱི་ཁྱད་པར་བསྟན་ཏོ། །གནས་རྣམས་#བཞི་ལས་སྐྱེས་པའི་ཤ་བསྟན་པ་ཡིན་ཏེ། དུས་ཇི་ལྟ་བ་དང་། ནད་
[336a.6]གཞི་#ཇི་ལྟ་བ་བཞིན་དུ་སྨན་#པས་ན་བ་ཉིད་དུ་སྦྱར་རོ། །དེ་ལྟར་རེ་ཞིག་ཡིད་དུ་འོང་ཞིང་འདོད་པའི་ཤ་རྙེད་ཅིང་འགྲུབ་པ་ཉིད་དུ་བསྟན་ནས། གཞན་ཡང་བདེ་བ་ཐོབ་པ་ཡིན་ནོ་ཞེས་བསྟན་པའི་ཕྱིར། རྔ་སྒྲ་སྙན་པ་དབྱར་གྱི་འབྲུག་སྒྲ་བཞིན་དུ་སྒྲོགས། །ཞེས་བྱ་བའི་ཚིགས་བཅད་སྨོས་སོ། །རྔ་སྒྲ་སྙན་པ་ཞེས་བྱ་བའི་
[336a.7]ཚིགས་བཅད་ཕྱེད་དང་པོས་ནི། སྦྱིན་པའི་འབྲས་བུ་ལོངས་སྤྱོད་ཆེན་པོའི་ཕན་ཡོན་ཡོངས་སུ་བཏང་བ་ཉིད་དུ་བསྟན་ཏོ། །གཉེན་དང་། བུ་དང་། ནང་མི་ཞེས་བྱེ་བ་ཕྱེད་འོག་མས་ནི། བཟོད་པའི་འབྲས་བུ་གཡོག་འཁོར་མང་པོས་ཕན་ཡོན་ཡོངས་སུ་བཏང་བ་བསྟན་ཏོ། །དགག་པར་བྱ་བ་དང་། དགག་པ་ལ་སྦྱར་
[336b]
[336b.1]ཞིང་དབང་བྱ་བ་དེ་གཉིས་ཀྱི་རྒྱུའི་དབང་དུ་བྱས་ནས། རྒྱལ་པོའི་སེམས་ཀྱི་དབང་དུ་བྱས་པ་སྟེ། རྒྱལ་པོའི་སེམས་ཀྱི་དབང་དུ་འགྲོ་བ་ནི་མི་རིགས་ཏེ། ཅིའི་ཕྱིར་ཞེ་ན། ཕྱི་རོལ་གྱི་སྟོབས་དང་ལྡན་པ་ལས་ཀྱང་རྒྱལ་བར་ནུས་པ་ཡིན་པའི་ཕྱིར། ནང་གི་བདེ་བ་ནི་ཚར་བཅད་ཅིང་རྒྱལ་བར་བྱ་བ་དེ་ལ་སྡང་བར་
[336b.2]བྱ་བ་#མི་རིགས་སོ། །ཆོས་དང་། སྲིད་ལ་མི་གནོད་པའི་ལམ་དུ་འཇུག་པར་རིགས་ཏེ། ཅིའི་ཕྱིར་ཞེ་ན། དེའི་རྒྱུ་བསྟན་པའི་ཕྱིར། མི་ཡི་བདག་པོ་འཇིག་རྟེན་ཕྱི་མའང་། །ཞེས་བྱ་བའི་ཚིགས་བཅད་སྨོས་སོ། །ཆོས་དང་སྲིད་ལ་མི་གནོད་ལམ་ལ་འཇུག་པ་ཞེས་བྱ་བ་ཅིའི་ཕྱིར་ཞེ་ན། འཇིག་རྟེན་ཕ་
[336b.3]རོལ་ལ་ལྟོས་པའི་ཕྱིར་རོ། །ཆོས་དང་། སྲིད་ལ་མི་གནོད་པ་དེ་གང་ཡིན་ཞེ་ན། དེའི་ཕྱིར་སྨྲས་པ། ཆོས་དང་#སྲིད་ལ་གནོད་པའི་དབང་དུ་བྱས་ནས། དེ་བས་འགའ་ཡང་ཕན་བ་མ་ཡིན་བསྟན་#མི་རིགས། །ཞེས་བྱ་བ་ཡིན་ནོ། །གང་ཆོས་དང་། སྲིད་ལ་གནོད་པ་མ་ཡིན་པའི་ལམ་དེ་ཉིད་སྨྲས་པ། ལམ་
[336b.4]གང་ཡིད་དུ་འོང་ལ་ཞེས་བྱ་བའི་ཚིགས་བཅད་བྱེད་འོག་མའོ། །གྲགས་དང་མི་འགལ་བ་ཞེས་བྱ་བའི་གྲགས་པ་དང་མི་འགལ་བའི་མཚན་ཉིད་ཇི་ལྟ་བུ་ཡིན་ཞེ་ན། དེ་ཉིད་སྨྲས་པ། ལམ་གང་ཡིད་དུ་འོང་ལ་ཞེས་བྱ་བ་སྟེ། དམ་པ་རྣམས་བཞེད་པ་ཞེས་བྱ་བའི་དོན་ཏོ། །ཇི་ལྟར་མི་དགའ་བ་ཡིན་ན་ཡང་
[336b.5]ཕན་པའི་སྨན་ནི་ནད་པས་བཏུང་བར་བྱ་བ་དེ་བཞིན་དུ་བསྟེན་པའི་རིགས་སོ། །རྒྱུའི་སྐབས་སུ་#གནས་པ་སྟེ། ཇི་ལྟར་ཞེ་ན། གྲགས་པའི་རྒྱུ་ཡིས་འགྲོ་བ་འདི་དག་ཁྱབ། །ཅེས་བྱ་བ་ཡིན་ཏེ། དེ་ཉིད་བསྟན་པའོ། །འདི་ལྟར་གང་གིས་སྡིག་པ་སྤྱོད་པ་དེ་ནི་འདི་ལྟར་སྡིག་པ་སྤྱོད་པ་དེའོ། །སྡིག་པ་སྤྱོད་
[336b.6]པའི་འཆི་བདག་གི་ཕོ་ཉ་གང་ཡིན་པ་དེ་ནི་འཆི་བདག་ཕོ་ཉར་གྱུར་པ་སྟེ། སྡིག་པ་སྤྱོད་པའི་ཁྱད་པར་འདིས་སོ། །བདག་ལ་ཇི་ལྟར་བཀའ་སྩལ་#དེ་བཞིན་བགྱི། །ཞེས་བྱ་བ་ནི་བཀའ་སྩལ་པ་གཞན་ཡང་དེ་བཞིན་དུ་བགྱིའོ་ཞེས་པའོ། །བཙོན་རར་སྩལ་བས་མི་དགའ་ཞིང་། །ཞེས་བྱ་བ་ནི་སྡུག་བསྔལ་བ་ཉིད་དོ། །
[336b.7]བཞིན་མདངས་ཉམས་ལ་ཞེས་བྱ་བ་ནི་གཟུགས་ཀྱི་ལུས་ཀྱི་གཟི་མདངས་ཉམས་པར་བསྟན་ཏོ། །མྱ་ངན་གདུངས་པའི་ཡིད་ཅེས་བྱ་བ་ནི། མིག་གི་#སྡུག་བསྔལ་བ་ཉིད་དུ་བསྟན་ཏོ། །སློབ་དཔོན་དཔའ་བོས་མཛད་པའི་སྐྱེས་པའི་རབས་རྒྱ་ཆེར་བཤད་པ་ལས་བུ་ཟླ་བའི་སྐྱེས་པའི་རབས་སོ།། །།
[337a]
[337a.1]ལེགས་པའི་ལམ་ནི་ཐར་པའི་ལམ་མོ། །རྒ་བ་དང་། ན་བ་དང་། འཆི་བ་དང་། སྡུག་པ་དང་བྲལ་བ་ཞེས་བྱ་བ་ལ་འདིར་སྩོགས་#པ་སྨོས་པས་ནི། མི་སྡུག་པ་དང་ཕྲད་པ་གང་འདོད་པ་བཙལ་ཏེ་མ་རྙེད་པ་དེ་ཡང་སྡུག་བསྔལ་ལོ་ཞེས་བྱ་བ་ལ་སོགས་པ་གཟུང་ངོ་། །མགོན་
[337a.2]མེད་པ་རྣམས་ཞེས་བྱ་བ་ནི་བདག་ཉིད་སྡུག་བསྔལ་ཞིང་འདོད་པས་འཇུག་པ་སྟེ། དེ་མེད་པའོ། །སྐྱབས་མེད་པ་ཞེས་བྱ་བ་ནི་སྐྱོབ་པར་བྱེད་པ་བདག་ཉིད་ལ་#མེད་པ་སྟེ། འདི་ནི་སྐྱབས་མེད་པའོ། །དཔུང་གཉེན་མེད་པ་ཞེས་བྱ་བ་ནི་བདེ་ལེགས་སུ་ཡུལ་དག་ཏུ་ཕྱིན་པར་བྱེད་པ། བྱང་ཆུབ་སེམས་ལས་གཞན་
[337a.3]མེད་པ་སྟེ། རྒྱུ་དེ་གསུམ་མེད་པར་བསྟན་ཏོ། །སྙིང་རྗེས་བསྐུལ་ཏེ་ཞེས་བྱ་བ་ནི་དེ་ལྟར་མགོན་མེད་པ་ལ་བདག་ཉིད་མགོན་དུ་ཁས་ལེན་པ་བསྟན་ཏོ། །དེ་དག་བསྐྱབ་པར་སེམས་བ་ཞེས་བྱ་བ་ནི། དེ་ལྟར་སྐྱབས་མེད་པ་དག་ལ་བདག་ཉིད་བསྐྱབ་པར་སེམས་པ་ཉིད་དུ་སྟོན་ཏོ། །རབ་ཏུ་དགེ་བའི་རང་བཞིན་
[337a.4]ཅན་དེ་བསྒྲུབ་#པར་འདོད་པའི་ཡིད་ཅེས་བྱ་བ་ནི་དཔུང་གཉེན་མེད་པའི་འཇིག་རྟེན་ལ་བདག་ཉིད་དཔུང་གཉེན་བྱེད་པ་ཉིད་དུ་སྟོན་ཏོ། །འདིས་ནི་གསུམ་པོ་དེ་དག་གི་ཁྱད་པར་བསྟན་པ་ཡིན་ཏེ། མགོན་མེད་པ་དང་། སྐྱབས་མེད་པ་དང་། དཔུང་གཉེན་མེད་པ་དག་གི་ཁྱད་པར་དུ་གཏོགས་པར་བྱ་སྟེ། སྙིང་
[337a.5]རྗེས་བསྐུལ་བའི་ཕྱིར་མགོན་ནོ། །དེ་དག་བསྐྱབ་པར་སེམས་པའི་ཕྱིར་སྐྱབས་སོ། །རབ་ཏུ་དགེ་པའི་རང་བཞིན་ཅན་དེ་ཕན་པ་དང་། བདེ་བའི་ཁྱད་པར་ཅན་ཞེས་བྱ་བ་འདིས་ནི་དཔུང་གཉེན་ནོ། །རྒྱུ་འདི་གསུམ་དང་ལྡན་པའི་ཕྱིར། སྡུག་བསྔལ་ལས་སྐྱོབ་པ་ཉིད་ཀྱིས་#ཕན་པ་དང་བདེ་བ་བསྒྲུབ་
[337a.6]པ་ཉིད་དུ་སྟོན་ཏོ། །དེ་བཞིན་དུ་གཞན་འདས་པ་གང་དང་གང་དག་ཏུ་ཚིག་གསུམ་པོ་འདི་བསྟན་པ་#དེ་དང་དེ་དག་ཏུ་ཡང་འདི་བཞིན་དུ་རྟོགས་པར་བྱའོ། །འབངས་རྣམས་གློ་བ་ཉེ་པའི་བདེ་བ་དང་འཁྲུག་པ་མེད་པའི་དར་བ་ཕུན་སུམ་ཚོགས་པ་ཞེས་བྱ་བ་འདིས་ནི་རང་གི་ཡུལ་གྱི་ཕུན་སུམ་ཚོགས་པ་
[337a.7]བསྟན་ཏོ། །རྒྱལ་ཕྲན་ཐམས་ཅད་ཀྱི་དྲེགས་པ་གང་ཡིན་པ་དེ་ནི་རྒྱལ་ཕྲན་ཐམས་ཅད་ཀྱི་དྲེགས་པའོ། །དེ་རྣམས་ཕྱག་འཚལ་བ་ནི་རྒྱལ་ཕྲན་དྲེགས་པ་རྣམས་ཕྱག་འཚལ་བའོ། །འདིས་ནི་ཡུལ་གཞན་དུ་གྱུར་བའི་ཕུན་སུམ་ཚོགས་པ་བསྟན་ཏོ། །དུལ་བ་ལ་དགའ་བས་ཞེས་བྱ་བས་#མ་འོངས་
[337b]
[337b.1]པའི་འབྲས་བུ་#རྒྱུ་ཕུན་སུམ་ཚོགས་པ་བསྟན་ཏོ། །རྒྱལ་པོའི་རིགས་དེ་དང་དེ་དག་བདེ་བ་དང་སྡུག་བསྔལ་#འདྲ་བར་འགྱུར་བ་#སྟེ། དེའི་བདེ་བ་སྡུག་བསྔལ་མཉམ་པའོ། །སྦྱིན་#པ་ཐོབ་པས་བྲམ་ཟེ་མགུ་ཞིང་གཡེངས། །#ཞེས་བྱ་བ་ནི་ཕོངས་#པའི་སྐྱེ་བོ་མགུ་བ་ཕུན་སུམ་ཚོགས་པའི་དབང་དུ་བྱས་པའོ།
[337b.2]འབངས་རྣམས་དྲེགས་པས་ཞེས་བྱ་བ་ནས་བརྩམས་ཏེ། གླུ་སྒྲ་སྙན་པ་དགོད་པས་ཞེས་བྱ་བའི་བར་གྱིས་ནི་ཉེ་བར་ལོངས་སྤྱོད་པ་ཕུན་སུམ་ཚོགས་པ་བསྟན་ཏོ། །གཅིག་ལ་གཅིག་འཇུས་དགའ་བ་རྣམས་#པར་འཕེལ། །ཞེས་བྱ་བ་ནི་སྡུག་པ་དང་ཕྲད་པའི་བདེ་བ་ཕུན་སུམ་ཚོགས་པའོ། །གཏམ་
[337b.3]སྙན་སྐྱེལ་བ་ཞེས་བྱ་བའི་ཚིགས་བཅད་འོག་མ་ཕྱེད་འདིས་ནི་གང་འདོད་པ་བཙལ་ཏེ་མ་རྙེད་པ་དེ་ཡང་སྡུག་བསྔལ་བའོ་ཞེས་བྱ་བ་དེའི་གཉེན་པོ་བདེ་བའི་ཕྱོགས་ཀྱི་དབང་དུ་བྱས་པའོ། །སྒོ་རྣམས་ཕྱེ་ཞིང་བཙོན་དུ་བཟུང་བ་མེད། །ཅེས་བྱ་བས་ནི་བདེ་བ་ཉིད་དུ་བསྟན་ཏོ། །སྲང་གི་བཞི་མདོ་རྒྱལ་
[337b.4]མཚན་ཞེས་བྱ་བ་ལ་སོགས་པ་སྨོས་པ་ནི་གྲོང་ཁྱེར་གྱི་རྒྱན་ཕུན་སུམ་ཚོགས་པའོ། །ཁང་པ་ཆེན་པོའི་སྟེང་#ནས་ཞེས་བྱ་བའི་ཚིགས་བཅད་འདི་ནི་སྐྱེ་བོ་སྦྱིན་པ་པོའི་སྒྲུབ་པ་ཕུན་སུམ་ཚོགས་པའི་དབང་དུ་བྱས་པའོ། །སྙིང་སྟོབས་དང་ལྡན་པ་དང་། བསོད་ནམས་བསགས་པའི་ཁྱད་པར་འདི་གཉིས་
[337b.5]ཀྱིས་ནི་རྒྱུ་ཕུན་སུམ་ཚོགས་པ་བསྟན་ཏེ། ཡེ་ཤེས་དང་། བསོད་ནམས་ཀྱི་ཚོགས་ཀྱི་རྒྱུ་ཡོངས་སུ་གཟུང་#བའི་ཕྱིར། བསྲུང་བ་ལེགས་པར་བྱས་པས་ཞེས་བྱ་བ་#ཡིན་ཏེ། ཡོངས་སུ་གཟུང་#བའི་ཕྱིར་རེ། །རབ་ཏུ་ཞི་བ་ཞེས་བྱ་བ་ནི་ལུས་དང་ངག་གི་རབ་ཏུ་ཞི་བའོ། །དུལ་བ་ནི་བྱ་བ་མ་ཡིན་པ་
[337b.6]ལས་ལྡོག་པའོ། །ཡིད་གཞུངས་པའི་#ཡོན་ཏན་ནི་ཤེས་རབ་ཀྱི་ཡོན་ཏན་ཏེ། སྲི་ཞུ་ཆེ་བ་དང་། མཉན་པ་ཟིན་པ་དང་། འཛིན་པ་དང་། རྣམ་པར་ཤེས་པ་དང་། རྟོག་པ་དང་། སེལ་ནུས་པས་མངོན་པར་འཇུག་པའི་མཚན་ཉིད་དོ། །རབ་ཏུ་ཞི་བ་དང་། དུལ་བ་དང་། ཤེས་རབ་ཀྱི་ཡོན་ཏན་
[337b.7]དེ་དག་དང་ལྡན་པ་ནི་རབ་ཏུ་ཞི་བ་དང་། དུལ་བ་དང་། ཤེས་རབ་ཀྱི་ཡོན་ཏན་དང་ལྡན་པའོ། །མ་དྲིས་པ་ནི་མ་ཤེས་པའོ། །གཉེན་དུ་མ་འབྲེལ་པའི་ཞེས་བྱ་བ་ནི་གང་དེ་ལ་རིགས་ལ་སོགས་པའི་མཚན་ཉིད་ཀྱིས་ན་#གཉེན་དུ་འབྲེལ་བ་སྟེ། གཉེན་དུ་འབྲེལ་པ་དེ་མེད་པའི་ཕྱིར་རོ། །དམ་པའི་#རིང་
[338a]
[338a.1]དུ་གནས་གྱུར་ཀྱང་། །ཞེས་བྱ་བ་ནི་རབ་ཏུ་བསྐལ་པའོ། །རྒྱུ་གསུམ་གྱིས་ནི་བྱམས་པར་འགྱུར་ཏེ། ཡོངས་སུ་འདྲིས་པ་དང་། གཉེན་དུ་འབྲེལ་བ་དང་། ཉེ་བ་ན་#གནས་པ་སྟེ། གསུམ་པོ་འདིའི་དབང་དུ་བྱས་པའོ། །སྡུག་པ་དང་བྲལ་བས་སྡུག་བསྔལ་ཉིད་ཀྱི་
[338a.2]ཕྱིར་ཏེ། དར་བ་ཞེས་བྱ་བ་ནི་བདག་གི་ཡོ་བྱད་ཕུན་སུམ་ཚོགས་པའོ། །རྒུད་པ་ཞེས་བྱ་བ་ནི་འཇིག་ཅིང་གཞན་དུ་འགྱུར་བས་དེ་མི་རྟག་པའོ། །བདག་ལ་ཕན་པ་བགྱི་བར་འཚལ། །ཞེས་བྱ་བ་ནི་དེར་གནས་ནའོ། །ཐུགས་དཔག་མཛད་དུ་གསོལ་ཞེས་བྱ་བ་ནི་རྗེས་སུ་གཟུང་བར་གསོལ་བའོ། །གླང་
[338a.3]པོ་ཆེ་མདའ་དུག་ཅན་གྱིས་ཚབས་ཆེར་ཕོག་པ་བཞིན་དུ་དེའི་མྱ་ངན་གྱིས་#སེམས་གདུངས་པ་དང་། རྒྱ་མཚོ་རབ་ཏུ་ཟབ་པ་རླུང་གིས་སློངས་#པ་བཞིན་དུ་འཁམས་ཏེ་འདར་བར་གྱུར་པ་ཞེས་དེ་ལྟར་སྦྱར་རོ། །བདག་ཉིད་བུང་བར་#བྱེད་པ་ཞེས་བྱ་བའི་ཚིགས་བཅད་ཕྱེད་#པོ་འདིས་ནི་སུས་དེ་ལྟར་གནོད་པ་བྱས་
[338a.4]ཞེས་པའོ། །སུ་ཡིས་ང་ཡི་#མི་ཞེས་བྱ་བ་ཕྱེད་འོག་མས་ནི། སུ་ཞིག་གསད་པར་བྱ་ཞེས་བསྟན་པའོ། །དང་པོ་མངལ་དུ་ཞུགས་པའི་ནུབ་མོ་ནས། །ཞེས་བྱ་བའི་ཚིགས་བཅད་འདིས་ནི། སྐད་ཅིག་མས་འཇིག་ཅིང་མི་རྟག་པ་ཉིད་དུ་བསྟན་ཏོ། །ཡང་ན་སྐྱེ་བ་དང་གནས་པ་བསྟན་ཏོ། །དང་པོ་
[338a.5]མངལ་དུ་ཞུགས་པའི་ནུབ་མོ་ཞེས་བྱ་བ་འདིས་ནི་སྐྱེ་བའོ། །དེ་ནས་བརྩམས་ཏེ་གཞན་དུ་མ་གོལ་བར། །ཞེས་བྱ་བ་འདིས་ནི་གནས་པ་བསྟན་ཏོ། །གནས་པ་ཞེས་བྱ་བ་ནི་སྐྱེ་བའི་གནས་ཏེ། སྐད་ཅིག་མའི་#རེ་རེས་འཆི་བདག་གི་དྲུང་དུ་ཉེ་བར་འགྲོ་བའོ། །ཐབས་དང་རབ་ཏུ་ལྡན་པ་ཞེས་བྱ་བའི་
[338a.6]ཚིགས་བཅད་འདིས་ནི། རྒ་བ་དང་། མི་རྟག་པ་ཉིད་བསྟན་ཏེ། ཐབས་དང་ལྡན་ཡང་སུ་ཡང་ཐང་པ་མེད། །ཅེས་བྱ་བས་ནི་མཛངས་#པས་ཀྱང་དགའ་#བ་དང་། འཆི་བ་བཟློག་པར་མི་ནུས་པ་ཉིད་དུ་བསྟན་ཏོ། །མཐུ་ཡོད་ཀྱང་ཞེས་བྱ་བ་འདིས་ནི་གཟུགས་ཀྱི་ལུས་ཀྱི་སྟོབས་ཀྱིས་བཟློག་པར་
[338a.7]མི་ནུས་པ་ཉིད་དུ་བསྟན་ཏོ། །དེ་ལྟར་ཚིགས་བཅད་དེ་གཉིས་ཀྱིས་ནི་འདུས་བྱས་ཀྱི་མཚན་ཉིད་བཞི་དང་ལྡན་པའི་ཕྱིར། འདུས་བྱས་རྣམས་ཡོངས་སུ་དོར་བ་ཉིད་དུ་སྟོན་#ཏོ། །འདུས་བྱས་ཀྱི་མཚན་ཉིད་བཞི་ནི་སྐྱེ་བ་དང་། གནས་པ་དང་། རྒ་བ་དང་མི་རྟག་པའོ། །མི་རྟ་གླང་ཆེན་ཤིང་རྟ་
[338b]
[338b.1]མང་པོ་ཞེས་བྱ་བ་ནས་བརྩམས་པའི་ཚིགས་བཅད་ཐམས་ཅད་ཀྱིས་ནི་འཆི་བ་མི་ཟློགས་པ་ཉིད་ལས་བརྩམས་ནས་སོ། །ཚིགས་བཅད་འདི་དག་གི་དོན་ནི་འདི་ཡིན་ཏེ། མི་དང་། དུད་འགྲོ་དང་། ལྷ་དང་། ལྷ་མ་ཡིན་གྱི་འགྲོ་བ་ལ་གནས་པས་ཀྱང་འཆི་བ་ལས་མི་ཟློགས་#པ་ཉིད་
[338b.2]དུ་བསྟན་ཏོ། །དམྱལ་བ་རྣམས་སུ་ནི་དེའི་བས་མ་པའི་སྐབས་མེད་པའི་ཕྱིར། དམྱལ་བ་འདིར་མ་སྨོས་སོ། །དེ་ལྟར་རེ་ཞིག་ཚིགས་བཅད་འདི་དག་གི་ཁྱད་པར་ནི་འདི་ལྟར་སྣང་སྟེ། ཁྱད་པར་གཞན་ནི་གང་ཡང་མེད་དོ། །མི་རྟ་གླང་ཆེན་ཤིང་རྟ་ཞེས་བྱ་བའི་ཚིགས་བཅད་ཀྱིས་ནི་དགྲ་གཞན་
[338b.3]དག་ནི་ཐུབ་པར་ནུས་ཀྱི། འཆི་བདག་གི་དགྲ་ལས་ནི་རྒྱལ་བར་མི་ནུས་སོ་ཞེས་པའི་དོན་ཏོ#། །རྟ་དང་གླང་ཆེན་རྐང་ཐང་ཞེས་བྱ་བའི་ཚིགས་བཅད་ཀྱིས་ནི་དམག་གིས་ཡོངས་སུ་བསྲུངས་ན། དགྲ་དག་ལས་ནི་ཐར་པར་འགྱུར་གྱི། འཆི་བདག་གི་དགྲ་ལས་ནི་དམག་གིས་ཐར་བར་མི་
[338b.4]འགྱུར་ར་ཞེས་པའི་དོན་ཏེ། དེ་བཞིན་དུ་ཚིགས་བཅད་གཞན་དག་ལ་ཡང་བྱེ་བྲག་དེ་ལྟར་བརྗོད་པར་བྱའོ། །གད་པ་ཆེན་པོའི་ངོས་དྲལ་རྒྱལ་བར་གྱུར་པ་ཡི། །ཞེས་བྱ་བ་ནི་ཆུ་བོའི་དོགས་ཀྱི་གད་པ་ལས་རྒྱལ་བའོ། །རྩེ་མེ་ཉིད་འབར་བ་ཡིན་པས་རྩེ་མེ་འབར་བའོ། །ཁྲོས་པའི་རླུང་
[338b.5]གིས་རྩེ་མེ་འབར་བ་དེ་ནི་ཁྲོས་པའི་རླུང་གིས་རྩེ་མེ་འབར་བའོ། །འབྲུག་སྒྲ་དྲག་པོས་དཀྲུགས་པ་#གང་ཡིན་པ་དེ་ནི་འབྲུག་སྒྲ་དྲག་པོས་དཀྲུགས་པའོ། །ནད་དང་དགའ་#བའི་མཆེ་བ་གཙིགས་པའི་ཁ་གདངས་པ་གང་ཡིན་པ་དེ་ནི་ཁ་གདངས་ནད་དང་རྒ་བའི་མཆེ་བ་གཙིགས་པ་ཉིད་དོ། །མི་
[338b.6]སྡུག་པ་དང་། འཇིགས་པའི་གདོན་གང་ཡིན་པ་དེ་ནི་མི་སྡུག་པ་དང་འཇིགས་པའི་གདོན་ནོ། །དམ་དུ་འཛིན་པ་གང་ཡིན་པ་དེ་ནི་དམ་དུ་འཛིན་པའོ། །སྙེམས་པའི་མཐུ་རྩལ་#ནི་རབ་ཏུ་སྙེམས་པའི་མཐུ་རྩལ་ཏེ། རབ་ཏུ་སྙེམས་པའི་མཐུ་རྩལ་རྒུད་པ་#གང་ཡིན་པ་དེ་དག་ནི་རབ་ཏུ་སྙེམས་
[338b.7]པའི་#མཐུ་རྩལ་ཉམས་པར་འགྱུར་བའོ། །མཆོད་པར་འདོད་པ་དང་། གནོད་པ་ནི་མཆོད་འདོད་གནོད་པའོ། །དེ་དག་མཆོད་འདོད་གནོད་བྱེད་ནི། མཆོད་པར་བྱ་བ་དང་། གནོད་པ་བྱེད་པའི་ཆེད་དུ་འོངས་ཤིང་ལྷགས་པ་ཞེས་བྱ་བའི་དོན་ཏོ། །ཞི་བར་ནུས་པ་ནི་དེ་སེལ་བར་བྱེད་པའོ། །དཀའ་
[339a]
[339a.1]ཐུབ་བདེ་ལེགས་ཞེས་བྱ་བ་ལ། དང་#གི་སྒྲ་ནི་རིགས་པ་ཡང་བསྡུ་བའོ། །སྒྱུ་མ་མཁན་ཞེས་བྱ་བ་ནི་མིག་འཕྲུལ་#ལ་མཁས་པའོ། །མང་པོ་འདུས་པ་ནི་སྐྱེ་བོ་མང་པོའི་ཚོགས་སོ། །སླུ་#བར་ནུས་ཞེས་བྱ་བ་ནི་གང་གིས་རྨོངས་པར་བྱེད་པ་ཡིན་པས་སླུ་#བར་ནུས་པ་སྟེ།
[339a.2]རྟ་དང་གླང་པོ་ཆེ་ལ་སོགས་པ་སྐྱེ་བོ་རྣམས་ཀྱིས་མཐོང་བའི་སྒྱུ་མ་#བྱས་པའོ། །དཀའ་ཐུབ་ཉིད་མཐུ་ཡིན་པས་དཀའ་ཐུབ་#མཐུའོ། །གྲུབ་པ་རྣམས་ཀྱི་གསང་སྔགས་ནི་གསང་སྔགས་གྲུབ་པའོ། །དཀའ་ཐུབ་ཀྱི་མཐུ་དང་གསང་སྔགས་གྲུབ་པ་ནི་དཀའ་ཐུབ་ཀྱི་#མཐུའོ། །ཁ་ཅིག་ཏུ་ནི་གསང་
[339a.3]སྔགས་གྲུབ་པས་ཞེས་ཀྱང་བརྗོད་དེ། དཀའ་ཐུབ་ཀྱི་མཐུ་གྲུབ་པ་ནི། དཀའ་ཐུབ་ཀྱི་མཐུ་གྲུབ་པ་རྟེ། དཀའ་ཐུབ་ཀྱི་མཐུས་གསང་སྔགས་གྲུབ་པ་ནི་དཀའ་ཐུབ་ཀྱི་#མཐུའོ། །ཆོས་ཕྱིར་བདག་བློ་བསམ་#མཐར་ཞེས་བྱ་བ་ནི་ཆོས་ཀྱི་བློས་སོ། །མངོན་དུ་བྱུང་ནས་ཞེས་བྱ་བ་ནི་གསལ་བར་སྟོན་
[339a.4]པའོ། །སླར་ཡང་མི་སྣང་འགྱུར་ཞེས་བྱ་བ་ནི་མིག་ལམ་དུ་མི་སྣང་བར་གྱུར་པའོ། །བར་བར་མཁའ་ལ་འགྲོ་ཞིང་#ཞེས་བྱ་བ་ནི། མི་སྣང་བར་འགྲོ་བ་ལས་ཀྱང་ནམ་མཁའ་ལ་འགྲོ་བའོ། །ས་འོག་ནུབ་པ་ཞེས་བྱ་བ་ནི། ཐོགས་པ་དང་བཅས་པ་ལ་ཐོགས་བ་མེད་པར་འགྲོ་བའོ། །མངོན་དུ་བྱུང་ནས་
[339a.5]སླར་ཡང་མི་སྣང་འགྱུར། །ཞེས་བྱ་བ་འདིས་ནི་སྤྲུལ་པའི་རྫུ་འཕྲུལ་བསྟན་ཏོ། །བར་བར་མཁའ་ལ་འགྲོ་ཞིང་བར་བར་ས་འོག་ནུབ། །ཅེས་བྱ་བ་འདིས་ནི་འགྲོ་བའི་རྫུ་འཕྲུལ་བསྟན་ཏོ། །གསང་སྔགས་རྣམས་ཀྱི་མཐུ་ནི་གསང་སྔགས་ཀྱི་མཐུའོ། །#གསང་སྔགས་ཀྱི་མཐུས་བྱས་པའི་སྟོབས་ནི་གསང་
[339a.6]སྔགས་ཀྱི་མཐུ་སྟོབས་སོ། །རྣམ་པ་སྣ་ཚོགས་པའི་གསང་སྔགས་ཀྱི་མཐུ་སྟོབས་གང་ཡིན་པ་དེ་དག་ནི་གསང་སྔགས་ཀྱི་མཐུ་སྟོབས་རྣམས་སོ། །ང་རྒྱལ་བདོ་བའི་བློ་ཅན་ཞེས་བྱ་བ་ནི་ལྷ་དང་ལྷ་མ་ཡིན་གྱི་དམག་ཚོགས་སོ། །ཁྲོས་པ་མ་མཆིས་ཞེས་བྱ་བ་འདིས་ནི་གང་སྔར་བསྟན་པའི་བདག་
[339a.7]ཉིད་ཕུང་བྱེད་པ་སུ་ཞིག་གིས་ཞེས་བྱ་བའི་ཚིགས་བཅད་དེའི་དོན་མ་ཡིན་པ་ཉིད་དུ་བསྟན་ཏོ། །བྱམས་པ་མ་མཆིས་ཞེས་བྱ་བ་འདིས་ནི་གང་སྔར་བསྟན་པའི་ད་ལ་ཅུང་ཟད་དོགས་པའམ་ཞེས་བྱ་བའི་ཚིགས་བཅད་དོན་དེ་མེད་པ་ཉིད་དུ་སྟོན་ཏེ། དེ་ལྟར་#ན་ཅིའི་ཕྱིར་འགྲོ་#ཞེ་ན། སྨྲས་པ། ཆོས་ཀྱི་དོན་དུ་
[339b]
[339b.1]འགྲོ་ཞེས་བྱ་བ་ཡིན་ཏེ། གང་དུ་འགྲོ་ཞེ་ན། ནགས་སུའོ། ཇི་ལྟར་འགྲོ་ཞེ་ན། ངེས་པར་རོ། །གལ་ཏེ་འཆི་བདག་འོང་བར་གྱུར་ན་ཡང་། ཇི་ལྟར་ལོག་པར་སྤྱོད་པ་#ནི་ཆོས་མ་ཡིན་པའི་བདག་ཉིད་དེ། རྗེས་སུ་གདུངས་པའི་རྒྱུ་ཡིན་པའི་ཕྱིར་རོ། །དེ་ལྟ་མོད་ཀྱི། ཅིའི་ཕྱིར། ཆོས་
[339b.2]ཀྱི་དོན་རྟོགས་པར་བྱ་བའི་ཕྱིར་རྒྱུར་#འགྱུར་ཞེ་ན། སྨྲས་པ། ཆོས་ཀྱི་ནགས་ཚལ་དག་ན་བདེ་བར་སྒྲུབ་#དུ་མཆིས། །ཞེས་བྱ་བ་སྨོས་སོ། །བག་མེད་དྲེགས་དང་འདོད་ཆགས་ཞེས་བྱ་བའི་#ཚིགས་བཅད་འདིས་ནི། ཁྱིམ་ནི་ཉོན་མོངས་པའི་ཀུན་ནས་ཉོན་མོངས་པས་ཉོན་མོངས་#པའི་
[339b.3]ཕྱིར། ཉོན་མོངས་པའི་ཀུན་ནས་ཉོན་མོངས་པ་ནི། ཆོས་ཀྱི་དགྲ་ཡིན་པའི་ཕྱིར་དེ་དང་མི་མཐུན་པ་ཉིད་དུ་བསྟན་#ཏོ། །ལས་རྣམས་མང་པོ་ཞེས་བྱ་བའི་ཚིགས་བཅད་ནི། ལས་དང་སྐྱེ་བའི་ཀུན་ནས་ཉོན་མོངས་པས་ཉོན་མོངས་པ་ཉིད་དུ་བསྟན་ཏེ། སྡུག་བསྔལ་འབྱུང་བའི་གནས་
[339b.4]ཞེས་བྱ་བ་འདིས་ནི་སྐྱེ་བའི་ཀུན་ནས་ཉོན་མོངས་པ་ཉོན་མོངས་#པ་ཉིད་དུ་བསྟན་ཏོ། །ཞི་བའི་ལམ་ནི་ཐར་པའི་ལམ་མོ། །དེ་ལྟར་ཀུན་ནས་ཉོན་མོངས་#པ་གསུམ་གྱིས་ཉོན་མོངས་#པའི་ཕྱིར་ཆོས་དང་འགལ་བ་ཉིད་དོ། །ནགས་ན་ནི་ཀུན་ནས་ཉོན་མོངས་པ་གསུམ་པོ་དེ་དག་མེད་པའི་
[339b.5]ཕྱིར། ནགས་ན་བྱ་བ་ངན་པ་ཞེས་བྱ་བའི་ཚིགས་བཅད་སྨོས་སོ། །ནགས་ན་བྱ་བ་ངན་པ་མང་པོ་བཏང་། །ཞེས་བྱ་བ་འདིས་ནི་ལས་ཀྱི་ཀུན་ནས་ཉོན་མོངས་པ་ནགས་ན་མེད་པ་ཉིད་དུ་བསྟན་ཏོ། །བསོད་ནམས་འཐོབ་ཅིང་ཡོངས་སུ་བཟུང་བའི་སྡུག་བསྔལ་སྤངས་ལ་གཙང་ཞེས་བྱ་བ་འདིས་
[339b.6]ནི་སྐྱེ་བའི་ཀུན་ནས་ཉོན་མོངས་པ་མེད་པར་བསྟན་ཏོ། །དེ་མེད་པ་ཉིད་ཀྱིས། གཙང་ལ་ཞི་བ་འབའ་ཞིག་བྱེད#། །ཅེས་བྱ་བ་འདིས་ནི་བྱ་བ་ངན་པ་མང་པོ་བཏང་བ་དེའི་གཉེན་པོ་ཉོན་མོངས་པ་ཉེ་བར་ཞི་བ་འབའ་ཞིག་བྱེད་པའི་ཕྱིར་ཡང་ཆོས་ཡོངས་སུ་བཟུང་བ་ནི་ཉོན་མོངས་པའི་ཕྱོགས་
[339b.7]ཡོངས་སུ་སྤངས་པའོ། །མགུ་བ་དང་། གྲགས་པ་དེ་གཉིས་ནི་མཐོང་བའི་ཆོས་ཉིད་ཀྱིའོ། །མི་རྣམས་ཆོས་ཀྱིས་བསྲུངས་ཀྱིས་#ནོར་དང་དཔུང་གིས་མིན། །ཞེས་བྱ་བ་འདིས་ནི་དོན་བཟློག་པའི་རྒྱུ་ཉིད་དུ་ཆོས་སྟོན་ཏེ། ནོར་དང་དཔུང་ནི་མ་ཡིན་ནོ། །ཞེས་བྱ་བ་སྟེ། སེམས་
[340a]
[340a.1]ཅན་དང་། སེམས་ཅན་མ་ཡིན་པས་མི་བསྲུང་ངོ་ཞེས་པའོ། །ཆོས་ཀྱི་བདེ་བ་ཞེས་བྱ་བ་ནི། ཆོས་ཉིད་ཀྱིས་འདོད་པའི་དོན་སྒྲུབ་པ་ཉིད་དུ་སྟོན་ཏོ། །འཐོབ་ཅེས་བྱ་བ་ནི་སེམས་ཅན་དང་སེམས་ཅན་མ་ཡིན་པའི་དབང་ཕྱུག་གོ། །ཆོས་ཀྱི་བདག་
[340a.2]ཉིད་ཅན་ནི་ཤི་ནའང་དགའ་བར་འགྱུར། །ཞེས་བྱ་བ་འདིས་ནི་འཆི་བའི་འཇིགས་པ་མེད་པ་ཉིད་དུ་སྟོན་ཏོ། །ངན་འགྲོའི་འཇིགས་པ་མེད་པར་འགྱུར། །ཞེས་བྱ་བ་འདིས་ནི་ངན་སོང་དུ་འགྲོ་བའི་འཇིགས་པ་མེད་པར་སྟོན་ཏོ། །འཆི་བའི་དུས་སུ་ངན་སོང་གི་འཇིགས་པ་
[340a.3]མེད་པ་ནི་ཆོས་ལ་གནས་པའི་ཕྱིར་རོ། །ད་ནི་དེའི་རྒྱུ་བསྟན་པའི་ཕྱིར། ལས་ཀྱི་ཁྱད་པར་དག་ཀྱང་ཞེས་བྱ་བའི་ཚིགས་བཅད་སྨོས་སོ། །དགེ་བའི་མཚན་ཉིད་ཐ་དད་པ་ནི། སྲོག་གཅོད་པ་ལ་སོགས་པ་ལས་ལྡོག་པའི་མཚན་ཉིད་ཀྱི་ལས་ཀྱི་ཁྱད་པར་རོ། །སྡིག་པའི་ལས་
[340a.4]ཀྱི་མཚན་ཉིད་ནི། སྲོག་གཅོད་པ་ལ་སོགས་པའི་མཚན་ཉིད་དང་། སྦྱིན་པ་ལ་སོགས་པ་མེད་པའི་མཚན་ཉིད་དོ། །ཇི་ལྟར་དགེ་བ་དང་མི་དགེ་བའི་ལས་ཀྱི་ཁྱད་པར་ཐ་དད་པ་དེ་བཞིན་དུ། རྣམ་པར་སྨིན་པ་ཡང་ཐ་དད་པ་ཡིན་ཏེ། ཇི་ལྟར་ཞེ་ན་སྨྲས་པ། མི་དགེ་བས་ནི་ངན་སོང་
[340a.5]དུ་ལྟུང་བ་ཡིན་ལ། བསོད་ནམས་བསགས་པས་#ནི་བདེ་བའི་གནས་སུ་འགྱུར་ཏེ། བདེ་བའི་གནས་སུ་འགྲོ་བ་གང་ཡིན་བ་དེ་ནི་བདེ་བའི་གནས་སུ་འགྲོ་བའོ། །རྒྱལ་སྲིད་#དཔལ་ཡང་རྩྭ་དང་འདྲ་བར་བོར། །ཞེས་བྱ་བ་ནི་ཕུན་སུམ་ཚོགས་པ་ཆེན་པོ་ལ་ཡང་མ་ཆགས་པ་སྟེ། དེས་ནི་བསམ་
[340a.6]པ་ཕུན་སུམ་ཚོགས་པ་བསྟན་ཏོ། །དཀའ་ཐུབ་ཀྱི་ནགས་ཚལ་དུ་གནས་པར་གྱུར་ཏོ་ཞེས་བྱ་བས་ནི་སྦྱོར་པ་ཕུན་སུམ་ཚོགས་པ་བསྟན་ཏོ། །བསམ་གཏན་ནི་བསམ་གཏན་བཞིའོ། །ཚད་མེད་པ་ནི་བྱམས་པ་ལ་སོགས་པ་བཞིའོ། །སློབ་དཔོན་དཔའ་བོས་མཛད་པའི་སྐྱས་པའི་རབས་རྒྱ་ཆེར་
[340a.7]བཤད་པ་ལས། ལྕགས་ཀྱི་ཁྱིམ་ནས་བསྐྱེད་པའི་སྐྱེས་པའི་#རབས་སོ། །སྐྱེས་པའི་རབས་ཀྱི་#རྒྱ་ཆེར་བཤད་པ་#སློབ་དཔོན་དྷརྨ་ཀླི་རྟིས་མཛད་པ་རྫོགས་སོ།། །།རྒྱ་གར་གྱི་མཁན་པོ་པཎྜི་ཏཛ་ནཱར་དྷ་ན་དང་། ཞུ་ཆེན་གྱི་ལོ་ཙཱ་#བ་ཨི་བུ་དགེ་སློང་ཤཱཀྱ་བློ་གྲོས་ཀྱིས་བསྒྱུར་བའོ།། །།