[1a]
[1b]
[1b.1]{T1454}༄༅༅། །རྒྱ་གར་སྐད་དུ། ཤྲཱི་བཛྲ་སཏྭ་ནཱ་མ་སཱ་དྷ་ནཾ། བོད་སྐད་དུ། དཔལ་རྡོ་རྗེ་སེམས་དཔའི་སྒྲུབ་ཐབས་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །རྣལ་འབྱོར་
[1b.2]པ་དབང་རྣམ་པ་བཞི་ཚུལ་བཞིན་དུ་ཐོབ་ཅིང་། དམ་ཚིག་རྣམས་སྲོག་གི་ཕྱིར་ཡང་མི་གཏོང་བས། རི་སུལ་དང་། བྲག་ཕུག་དང་། ཆུ་ཀླུང་དང་། དུར་ཁྲོད་ལ་སོགས་པར་གནས་ལ། ནང་པར་
[1b.3]དང་པོར་ཌ་མ་རུའི་སྒྲས་ལྡང་བར་བྱའོ། །དེ་ནས་ལག་པ་གཡས་པ་ཁྲོ་བོའི་སྡིགས་མཛུབ་སྙིང་གར་བསྟན་ལ། ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྣ་གྲྀཧྣ་ཧཱུཾ་ཧཱུཾ་ཕཊ། ཨོཾ་གྲྀཧྞཱཀྲྀ་པ་ཡ་གྲྀཧྞཱ་པ་ཡ་
[1b.4]ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོཿབྷ་ག་བཱན་བཛྲ་བིདྱཱ་རཱ་ཛ་ཧཱུཾ་ཧཱུཾ་ཕཊ། དེ་ནས་གདོང་བཀྲུ་བ་ལ་སོགས་པས་ཁྲུས་བྱས་ནས་སྟན་འཇམ་པ་ལ་འདུག་ལ། ཚད་མེད་པ་བཞི་བསྒོམ་པར་བྱ་སྟེ། བདེ་བ་མ་ཐོབ་
[1b.5]པའི་སེམས་ཅན་རྣམས་བདེ་བ་དཔག་ཏུ་མེད་པ་ལ་དགོད་པར་བྱའོ། །དེ་ལྟར་གཞན་གྱི་སེམས་ཅན་ཐམས་ཅད་གསལ་བའི་སེམས་ཀྱིས་སྙིང་རྗེ་བསྐྱེད་པར་བྱའོ། །དེ་ལྟར་གཞན་གྱི་དོན་བྱ་བའི་སྡུག་
[2a]
[2a.1]བསྔལ་ལ་ཇི་མི་སྙམ་པའི་དགའ་བ་བསྒོམ་པར་བྱའོ། །ཕན་པ་དང་བདེ་བ་བསྐྱེད་པ་ལ་བཏང་སྙོམས་བསྒོམ་པར་བྱའོ། །དེ་ནས་རང་གི་བདག་པོའི་ས་བོན་ལས་འོད་བྱུང་ནས་ནམ་མཁར་འཁོར་
[2a.2]དང་བཅས་པ་བསམས་ལ་མཆོད་པ་དང་། སྡིག་པ་བཤགས་པ་ལ་སོགས་པ་བྱའོ། །སྨོན་པའི་སེམས་ཀྱིས་བདག་ཧེ་རུ་ཀར་བསྒྱུར་ལ། སེམས་ཅན་ཐམས་ཅད་ཧེ་རུ་ཀར་གྱུར་ཅིག་ཅེས་པས་སྨོན་ལམ་བྱའོ། །སྨོན་པའི་
[2a.3]སེམས་ཀྱིས་དེ་ནས་གཡོ་བ་དང་མི་གཡོ་བའི་ཆོས་ཐམས་ཅད་གཅིག་དང་དུ་མ་དང་བྲལ་བའི་ངོ་བོར་རང་བཞིན་གྱིས་འོད་གསལ་བར་བསྒོམ་མོ། །སེམས་བརྟན་པར་བྱ་བའི་ཕྱིར་སྔགས་འདི་བརྗོད་པར་བྱའོ། །ཨོཾ་ཤཱུ་ནྱ་ཏཱ་ཛྙཱ་ན་
[2a.4]བཛྲ་སྭ་བྷཱ་བ་ཨཱཏྨ་ཀོ྅ཧཾ་ཞེས་བརྗོད་དོ། །དེ་ནས་བདག་གི་སྡོམ་པ་དང་། བསོད་ནམས་དང་ཡེ་ཤེས་ཀྱི་སྟོབས་ཀྱིས་བགེགས་བསྐྲད་པར་བྱ་སྟེ། མདུན་གྱི་ནམ་མཁའ་ལ་ཉི་མའི་དཀྱིལ་འཁོར་བསམས་ལ། དེའི་སྟེང་དུ་
[2a.5]ཧཱུཾ་བསམས་ཏེ། དེ་ལས་འོད་འཕྲོས་པས་བགེགས་བསྐྲད་པར་བྱའོ། །དེ་ནས་རྡོ་རྗེའི་རབ་དང་བླ་རེ་དང་ཕུར་བུ་རྣམས་ཀྱིས་ཕྱོགས་བཅིང་ངོ་། །དེ་ནས་འཇུག་པའི་སེམས་ཀྱིས་ཤིན་ཏུ་ཡང་ཆ་ཕྲ་བའི་རང་བཞིན་གྱིས་ངོ་བོ་
[2b]
[2b.1]མི་དམིགས་སོ། །ཨ་ཨཱ་ཨ་ཨཱི་ཨུ་ཨཱུ་ཨེ་ཨཻ་ཨོ་ཨཽ་ཨཾ་ཨཿཨ་ཀ་ཙ་ཊ་ཏ་པ་ཡ་ཧ་ཧཱུཾ། དེ་དག་གྱུར་པ་ལས་ཧཱུཾ། དེ་ཆོས་འབྱུང་བའི་ཕྱག་རྒྱ་གྲུ་གསུམ་བརྩེགས་མར་བསམས་ལ། དེའི་དབུས་སུ་ཤྲཱི་ཧེ་རུ་ཀ། བཱ་རཱ་ཧཱི་དང་གཉིས་སུ་མེད་པར་བསྒོམ་པར་བྱ་སྟེ། དཔལ་ཧེ་རུ་
[2b.2]ཀ་ཕྱག་བཞི་པ་ཞབས་གཉིས་པ་འཇིགས་བྱེད་དང་དུས་མཚན་མནན་པ། ཞལ་གཡས་དཀར་གཡོན་ལྗང་དབུས་མཐིང་ནག །རྒྱབ་སེར་ལྗང་། ཞལ་བཞི་པ་སྤྱན་གསུམ་དང་ལྡན་པ། ཕྱག་དང་པོ་གཉིས་རྡོ་རྗེ་དང་དྲིལ་བུ་བཟུང་བས་འཁྱུད་པ། གཡས་ཀྱི་ཕྱག་གཉིས་པ་ན་ཁ་ཊཱི་ག །གཡོན་
[2b.3]གྱི་གཉིས་པ་ན་ཀ་པཱ་ལ་བསྣམས་པ། ཐོད་པའི་ཕྲེང་བས་དབུ་བརྒྱན་པ། སྣ་ཚོགས་རྡོ་རྗེས་སྤྱི་བོར་མཚན་པ། ཟླ་བ་ཕྱེད་པའི་གཟུགས་ཅན། སྤྱི་བོར་མི་བསྐྱོད་པ་བཞུགས་པ། ཐོད་པའི་ཕྲེང་བ་སེ་རལ་ཁར་ཐོགས་པ། སྟག་གི་པགས་པའི་ཤམ་ཐབས་ཅན། སྐ་རགས་སིལ་སིལ་འཁྲོལ་བ།
[2b.4]སྤྱི་བོར་ནོར་བུ་དང་། རྣ་ཆ་དང་།མགུལ་རྒྱན་དང་། གདུ་བུ་དང་། ཚངས་པའི་སྐུད་པ་དང་། ཐལ་བ་སྟེ། ཕ་རོལ་ཏུ་ཕྱིན་པ་དྲུག་དག་པའི་རྒྱན་དང་ལྡན་པ། ཤིན་ཏུ་འཇིགས་སུ་རུང་བའི་གཟུགས་ཅན། ཡུམ་བཱ་རཱ་ཧཱི་མདོག་མཐིང་ནག་ཞལ་གཅིག་ཕྱག་གཉིས་པ། སྤྱན་གསུམ་པ། གཅེར་བུ་སྐྲ་གྲོལ་
[2b.5]བ་འཇིགས་པའི་གཟུགས་ཅན། ཕྱག་གཉིས་ན་གྲི་གུག་དང་ཀ་པཱ་ལ་ཐོགས་ཏེ། གཙོ་བོ་ལ་འཁྱུད་པ། ཞབས་གཡོན་གྱིས་འཁྱུད་པ་གཡས་བརྐྱང་བའོ། །བརྒྱ་བྱིན་གྱིས་ཕྱོགས་ཀྱི་འདབ་མར་མཁའ་འགྲོ་མ། ནོར་བདག་ཕྱོགས་སུ་ལཱ་མ། ཆུ་བདག་ཕྱོགས་སུ་དུམ་སྐྱེས་མ། གཤིན་
[2b.6]རྗེའི་ཕྱོགས་སུ་གཟུགས་ཅན་མ། ལྷ་མོ་དེ་རྣམས་ཀྱང་ཁ་དོག་ནག་མོ་དང་། སེར་མོ་དང་། དམར་མོ་དང་། ལྗང་གུའོ། །སྤྱན་གསུམ་པ་ཕྱག་བཞི་པ། ཕྱག་དང་པོ་ན་གྲི་གུག །གཉིས་པ་ན་ཐོད་པ། གཡོན་པ་ན་ཀ་པཱ་ལ། གཉིས་པ་ན་ཁ་ཊྭཱཾ་ག །གཅེར་བུ་སྐྲ་བཤིག་པ།
[2b.7]འཇིགས་པའི་གཟུགས་ཅན་མ། ཚངས་པ་དང་། བིཥྞུ་དང་། བརྒྱ་བྱིན་དང་། སྲིན་མོ་གདན་དུ་བཏིང་བས་གཡོན་བརྐྱང་བ་གཡས་བསྐུམ་པས་བཞུགས་པ། ཕྱག་རྒྱ་ལྔས་བརྒྱན་པ། ཐོད་པ་སེ་རལ་ཁར་འཕྱང་བའོ། །དེ་རྣམས་ཀྱི་རྣམ་པར་དག་པ་ནི། ཧེ་རུ་ཀའི་ཞལ་བཞི་ནི། བདེ་བ་
[3a]
[3a.1]དང་། ཤིན་ཏུ་བདེ་བ་དང་། རྣམ་པར་བདེ་བ་དང་། བདེ་བ་ཆེན་པོའོ། །ཡང་རྣམ་པར་ཐར་པ་བཞི་སྟེ། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། རང་བཞིན་གྱིས་འོད་གསལ་བའོ། །ཕྱག་རྒྱ་བཞི་སྟེ། ཕྱག་རྒྱ་ཆེན་པོ་དང་། དམ་ཚིག་གི་ཕྱག་རྒྱ་དང་།
[3a.2]ཆོས་ཀྱི་ཕྱག་རྒྱ་དང་། ལས་ཀྱི་ཕྱག་རྒྱའོ། །མཁའ་འགྲོ་མ་རྣམས་ནི། ལ་ལ་ནཱ་དང་། ར་ས་ནཱ་དང་། ཨ་བ་དྷཱུ་ཏཱི་དང་། དམ་རྒྱ་ནའོ། ཕྱག་རྒྱ་བཞི་དང་སྦྱར་བའོ། །དཔལ་ཧེ་རུ་ཀའི་བཞུགས་གནས་དབུས་ཀྱི་ལྟེ་བ་ནི་ཡིད་བཞིན་གྱི་ནོར་བུའོ། །གྲུ་གསུམ་གྱི་འདབ་མ་བཞི་ལ་ནི་མཁའ་འགྲོ་མ་
[3a.3]བཞིའོ། བདེ་བ་ཆེན་པོའི་འཁོར་ལོ་རྩིབས་སྟོང་པ་གཉིས་སེམས་དང་། མཱཾ་ས་དང་། མེ་ཏོག་གིས་བཀང་བའི་དུང་ཆེན་པོ་གཉིས་གཞག་གོ། །བདག་ཉིད་ནི་མགོན་པོ་ཧེ་རུ་ཀ་སྟེ་བྱང་ཆུབ་སེམས་ཀྱི་གཟུགས་ཅན་ནོ། །དེ་ནས་བདག་གིས་ཡེ་ཤེས་སེམས་དཔའ་བསྒོམ་མོ། །དེ་ནས་ཌཱ་ཀི་ལ་
[3a.4]སོགས་པའི་རིགས་ལྔ་ལ་སོགས་པ་ནམ་མཁའ་ལ་བཞུགས་པའི་ཡེ་ཤེས་སེམས་དཔའ་སྤྱན་དྲངས་ནས་བདག་གི་ཁར་ཞུགས་ཏེ། སྙིང་གའི་ཡེ་ཤེས་སེམས་དཔའ་ལ་ཐིམ་སྟེ། གཉིས་སུ་མེད་པར་བསམ་མོ། །དེ་ཉིད་ལས་ཧེ་རུ་ཀའི་སྐུ་ཕྲ་མོ་འཕྲོས་པས། དེ་རྣམས་ཀྱི་དཔལ་གྱིས་རེག་པའི་
[3a.5]སེམས་ཅན་ཐམས་ཅད་ཤྲཱི་ཧེ་རུ་ཀའི་བདག་ཉིད་དུ་བཞུགས་པར་བསམས་ལ། དེ་ནས་གོ་ཆ་དྲུག་གིས་ལུས་བསྲུང་། ཨོཾ་ཧ་བཛྲ་སཏྭ། ན་མ་ཧི་བཻ་རོ་ཙ་ནཱི་སྭཱ་ཧཱ། སྭཱ་ཧཱ་ཧཱུ་པདྨ་ན་རྟེ་ཤྭ་ར། བཽ་ཥ་ཊ་ཧེ་ཧེ་རུ་ཀ །ཧཱུཾ་ཧཱུཾ་ཧོ་བཛྲ་སཱུ་རྱ།ཕཊ་ཧཾ་ཨ་མོ་གྷ། ཨོཾ་བཾ་བཛྲ་བཱ་རཱ་ཧཱི། ཧཾ་ཡོཾ་ཡ་མ་ནི། ཧྲཱིཾ་
[3a.6]མོཾ་མོ་ཧ་ནི། ཧྲེཾ་ཧྲི་སནྟྲཱ་ས་ནི་ཧཱུཾ་ཧཱུཾ་སཉྩ་ལི་ནི། ཕཊ་ཕཊ་ཙཎྜི་ཀ །ཨོཾ་ཧྲཱིཿ་ཧ་ཧ་ཧཱུཾ་ཧཱུཾ་ཕཊ། ཨོཾ་བཛྲ་བཻ་རོ་ཙ་ན་ཡེ་ཧཱུཾ་ཧཱུཾ་ཕཊ། ཨོཾ་བཛྲ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་ལཱ་མ་ཡེ་ཧཱུཾ་ཧཱུཾ་ཕཊ། ཨོཾ་བཛྲ་ཁཎྜ་རོ་ཧེ་ཧཱུཾ་ཧཱུཾ་ཕཊ། ཨོཾ་བཛྲ་རཱུ་པི་ཎཱི་ཧཱུཾ་ཧཱུཾ་ཕཊ། འདི་ནི་བཟླས་པའོ། །བདེ་བ་ཆེན་པོའི་གནས་འདི་ལ་
[3a.7]ཞལ་གཅིག་ལ་ཉི་མ་ཕྱེད་མ། སྔ་དྲོའམ་དེའི་ཕྱེད་ལ་སོགས་པར་བསྒོམ་པར་བྱའོ། །དེ་ནས་ལྡང་བར་འདོད་ན་གཏོར་མ་གཏང་བར་བྱའོ། །ཨོཾ་ཨ་རལླི་ཧོ། །བཛྲ་ཌཱ་ཀི་ནཱི་ས་མ་ཡ་སྟཾ་དྲྀ་ཤྱ་ཧོཿ། རྡོ་རྗེ་སྙིམ་པ་ཁ་ཕྱེ་སྟེ། མཚན་ཕྱེད་ན་གཏོར་མི་སྦྱིན་ནོ། །ཨོཾ་ཁ་ཁ་ཁཱ་ཧི་ཁཱ་ཧི། སརྦཱ་ཡཀྵ་
[3b]
[3b.1]རཱཀྵ་ས་བྷཱུ་ཏ་པྲེ་ཏ་པི་ཤཱ་ཙ། ཨུཾ་མཱ་ད། ཨ་པ་སྨ་ར། བཛྲ་ཌཱ་ཀ་ཌཱ་ཀི་ནྱ་ད་ཡ། ཨི་དཾ་བ་ལིཾ་གྲྀ་ཧྞཾ་ཏུ་ས་མ་ཡ་རཀྵ་ནྟུ། མ་མ་སརྦ་སིདྡྷི་མྨེ་པྲ་ཡཙྪ་ནྟུ། ཡ་ཐཻ་བཾ་ཡ་ཐེཥྚཾ། བྷུཉྫ་ཐ། པི་པ་ཐ། ཛི་གྷྲ་ཐ། མ་ཏི་ཀྲ་མ་ཐ། མ་མ་སརྦ་ཀཱ་རྟ་ཡ། ས་ཏ་སུ་ཁཾ་བི་ཤུདྡྷ་ཡེ། ས་ཧ་ཡི་ཀ་བྷ་བ་ནྟུ་ཧཱུཾ་ཧཱུཾ་ཕཊ། ཅེས་བརྗོད་
[3b.2]ལ་གཏང་ངོ་། །འདི་ནི་གསང་བའི་མཆོག་ཉིད་ཀྱིས། །རྣལ་འབྱོར་མ་ཡི་མཁའ་ལ་འབྱུང་། །རྟག་ཏུ་སེམས་ནི་བཟང་པོ་ཡིས། །སྦྱོར་བའི་མཆོག་ནི་བསྒོམ་པར་བྱའོ། །འདི་ནི་རབ་ཏུ་གསང་བ་ཆེ། །གཞན་དུ་བསྟན་པར་མི་བྱ་སྟེ། །དབང་པོ་གཉིས་ནི་སྦྱོར་བ་དང་། །མཆོག་གི་བསྒོམ་
[3b.3]པ་སྦྱར་བར་བྱ། །རྟག་ཏུ་དམ་ཚིག་བསྲུང་བར་བྱ། །བཟའ་དང་བཟའ་མིན་གཉིས་མི་བྱ། །བགྲོད་དང་བགྲོད་མིན་མི་བྱ་སྟེ། །འཐུང་དང་འཐུང་མིན་སྦྱོར་བའི་ལས། །འདི་ལྟར་ཡེ་ཤེས་གོམས་པ་ལས། །སྔགས་བ་དངོས་གྲུབ་མྱུར་དུ་འགྲུབ། །བླ་མའི་ཞལ་ནས་རྙེད་པ་ནི། །རབ་ཏུ་གསང་
[3b.4]བའི་དངོས་གྲུབ་ནི། །གཞན་གྱིས་གསོལ་བཏབ་གསལ་བར་བྱས། །ཐམས་ཅད་མ་ལུས་འགྲུབ་པར་འགྱུར། །འདི་བྱས་བསོད་ནམས་གང་ཐོབ་པ། །དེས་ནི་སེམས་ཅན་མ་ལུས་པ། །དོན་རྟོགས་སྟོབས་དང་ཡེ་ཤེས་ནི། །བསམ་གྱིས་མི་ཁྱབ་ཐོབ་པར་ཤོག །བདེ་མཆོག་གི་སྒྲུབ་ཐབས་
[3b.5]སློབ་དཔོན་ཆེན་པོ་ལཱུ་ཡི་བས་མཛད་པ་རྫོགས་སོ། །༅། །འཁོར་ལོ་བདེ་མཆོག་གི་རྒྱུན་བཤགས་བཞུགས། {T1455}༄༅༅། །བཅོམ་ལྡན་ཕྱོགས་ཀྱི་ཞལ་བཞི་ཕྱག་བཅུ་གཉིས། །བཅུ་གཉིས་ཕྱག་གིས་གླང་ཆེན་པགས་སོགས་བསྣམས། །བདེ་གཤེགས་དྲུག་འགྱུར་ཕྱག་རྒྱ་དྲུག་གིས་བརྒྱན། །རྡོ་རྗེ་
[3b.6]ཕག་མོ་སྐུ་རྒྱན་བདེ་བ་མཆོག་ལ་རོལ། །མཁའ་འགྲོ་ལ་སོགས་ཚོགས་ཀྱི་འཁོར་ལོ་བསྐོར། །མཁའ་སོགས་ས་དང་དེ་བཞིན་ས་འོག་བཅས། །འཇིག་རྟེན་གསུམ་མཆོག་འཁོར་བཅས་བཞུགས་སོ་འཚལ། །ཡེ་ཤེས་རྡོ་རྗེ་དམ་ཅན་དགོངས་སུ་གསོལ། །ཐོག་མ་མེད་ནས་སྐྱེ་བ་འདི་བར་དུ། །
[3b.7]ཤིན་ཏུ་མི་བཟང་འཁོར་བར་བདག་འཁྱམས་པས། །བསྐལ་བའི་དུས་མཐའ་བསྟན་པའི་སྙིགས་མ་ལ། །ཁྱེད་ཀྱི་ཞལ་གྱི་འོད་ཟེར་གློག་ཙམ་མཐོང་། །སྔོན་གྱི་འཕྲོ་དང་ཁྱེད་ཀྱི་ཐུགས་རྗེ་ཡིས། །ཐེག་པ་མཆོག་གྱུར་བླ་ན་མེད་པ་དང་། །གསང་སྔགས་རྡོ་རྗེ་ཐེག་པའི་དོན་ཆེན་འདི། །བློ་
[4a]
[4a.1]ངན་བདག་གིས་སྤྱད་ཅིང་བསྒྲུབ་པའི་ཕྱིར། །བདག་གིས་ཁས་བླངས་དམ་བཅས་ཚུན་ཆད་དུ། །བསྒྲུབས་པའི་འབྲས་བུ་མངོན་དུ་མ་གྱུར་ཀྱང་། །དམ་ཚིག་མི་འདའ་བདེ་གཤེགས་བཀའ་མི་སླུ། །མངོན་སུམ་ཞལ་བཞིན་རྟག་ཏུ་ཁྱེད་ལ་དགོངས། །ཉོན་མོངས་རང་བཞིན་
[4a.2]རྣམ་ཤེས་མ་སྦྱངས་པར། །ཁྱེད་ཀྱི་སྐུ་གསུང་ཐུགས་ནི་མ་མཐོང་ཡང་། །ཁྱེད་ཀྱི་བཀའ་ལས་བདག་ནི་མི་འདའ་ན། །བཀའ་ཡི་བྱིན་རླབས་བདག་ལ་གྲུབ་པར་མཛོད། །བདག་གི་རང་བཞིན་ཁྱེད་དང་ཡོངས་སུ་མཉམ། །མ་ལུས་འགྲོ་ཚོགས་རྣམས་ཀྱང་དེ་བཞིན་ལགས། །བདག་གིས་
[4a.3]ལུས་ཀྱིས་ཉེས་པ་ཅི་སྤྱད་པ། །སྐུ་ཡི་དཀྱིལ་འཁོར་ཚོགས་ལ་བཟོད་པར་གསོལ། །བདག་མེད་ཚུལ་གྱིས་ངག་གིས་ཉེས་སྨྲས་པ། །རིག་སྔགས་ལྷ་ཡི་སྙིང་པོ་ཕྱག་རྒྱ་དག །རྒྱུན་མི་འཆད་པར་ཡོངས་སུ་སྤྱད་པ་ལས། །ཉམས་གྱུར་གསུང་གི་ཚོགས་ལ་བཟོད་པར་གསོལ། །བདག་
[4a.4]གི་ཡིད་ཀྱིས་གཞན་གྱི་ཉེས་བསམས་ཤིང་། །ཏིང་འཛིན་ལྟ་སྤྱོད་ལྷ་དང་སློབ་དཔོན་དང་། །རིག་སྔགས་ལྷ་ཡི་སྙིང་པོའི་ཕྱག་རྒྱ་དག །རྒྱུན་མི་འཆད་པར་ཚོགས་ལ་བཟོད་པར་གསོལ། །སློབ་དཔོན་བརྙས་ཤིང་བཀའ་ལས་འདས་པ་དང་། །སྤུན་ལ་ཉེས་སྨྲས་བྱམས་པ་ཆེན་པོ་སྤངས། །
[4a.5]བྱང་ཆུབ་སེམས་སྤངས་ཐེག་པ་གསུམ་སྤངས་སྨོད། །སྐལ་མིན་གསང་བསྒྲགས་བདག་ཉིད་ཕུང་པོ་སྨད། །ཆོས་ལ་ཡིད་གཉིས་སྡུག་ལ་ཆགས་བྲལ་བྱམས། །ཆོས་ལ་གཉིས་འབྱེད་དད་པའི་སེམས་ལ་སྨོད། །དམ་ཚིག་ཇི་བཞིན་བསྙད་པ་མི་བསྟེན་དང་། །བརྟགས་པའི་རིག་མ་སྨད་
[4a.6]པར་བྱེད་པ་དང་། །རྩ་བ་འདི་ཉམས་ཁྱེད་ལ་བཟོད་པར་གསོལ། །དམ་ཚིག་མི་ལྡན་རིག་མ་བསྟེན་པར་དགའ། །དཀྱིལ་འཁོར་ཚོགས་རྩོད་གསང་བའི་ཆོས་སྟོན་དང་། །སེམས་ཅན་དད་ལ་དམ་ཚིག་གཞན་དུ་སྟོན། །ཉན་ཐོས་དག་དང་ལྷན་ཅིག་གནས་བྱེད་ཅིང་། །སྦྱོར་བ་མ་བྱས་
[4a.7]སྣོད་མིན་གསང་བ་སྟོན། །ཕྱག་རྒྱ་མི་ཤེས་ཕྱག་རྒྱ་བསྟེན་པ་དང་། །བསྙེན་པ་དག་པར་མ་བྱས་དཀྱིལ་འཁོར་ཞུགས། །སྡོམ་པ་གཉིས་ཀྱི་བཅས་པ་དགོས་མེད་པས། །ཡན་ལག་དམ་ཚིག་འདི་ལས་འགལ་བགྱིས་པའི། །བཀའ་ཆད་གནས་སུ་གྱུར་པ་ཅི་མཆིས་པ། །བཟོད་པར་གསོལ་ལོ་
[4b]
[4b.1]ཚངས་པར་སྩལ་དུ་གསོལ། །ད་ལྟའི་དུས་སུ་བསྟན་པ་འཇིག་དུས་སུ། །ཉོན་མོངས་ཤེས་ཆེན་ཁྱེད་ཀྱིས་རབ་ཏུ་མཁྱེན། །སོ་སོར་ཐུགས་དམ་བཞིན་དུ་ཉེར་དགོངས་ལ། །ཇི་ལྟར་འཚལ་བ་བཞིན་དུ་ཕྲིན་ལས་མཛོད། །ཇི་ལྟར་བུ་ཡིས་རབ་ཏུ་མི་ཤེས་ཀྱང་། །ཕ་ཡིས་བརྩེ་བས་ལེགས་པར་སྐྱོང་བ་
[4b.2]ལྟར། །བདག་གིས་གཞུང་འདི་རབ་ཏུ་མ་ཤེས་ཀྱང་། །ཐུགས་རྗེ་ཆེན་པོས་ཡོངས་སུ་གཟུང་དུ་གསོལ། །དཔལ་འཁོར་ལོ་བདེ་མཆོག་གི་རྒྱུན་བཤགས་བསྡུས་པ། དཔལ་ཨཽ་ཌྱ་ན་ལྷ་མོའི་གནས་པ་རྒྱལ་པོ་ཨིནྡྲ་བྷཱུ་ཏིས་མཛད་པ་རྫོགས་སོ། །{T1456}༄༅༅། །རྒྱ་གར་སྐད་དུ། ཤྲཱི་
[4b.3]ཙཀྲ་སཾ་བར་གརྦྷ་ཏཏྟྭ་སིདྡྷི། བོད་སྐད་དུ། དཔལ་འཁོར་ལོ་སྡོམ་པའི་སྙིང་པོའི་དེ་ཁོ་ན་ཉིད་གྲུབ་པ། དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །གང་དུ་ཐབས་དང་ཤེས་རབ་མཉམ་སྦྱོར་བས། །ཀུན་རྫོབ་དོན་དམ་དབྱེར་མེད་རང་བཞིན་ཅན། །བདེ་དང་སྟོང་པ་འདུས་པའི་རོས་
[4b.4]གང་བའི། །གཉུག་མའི་ཡེ་ཤེས་དེ་ལ་བདག་ཕྱག་འཚལ། །གང་ཞིག་གོམས་པར་གྱུར་པས་སྲིད་པ་ཡི། །བཙོན་རར་དཀྲིས་པའི་འཆིང་བ་ཀུན་གཅོད་པ། །སེམས་ཀྱི་དམ་པ་རང་རིག་རིན་ཆེན་མཆོག །གང་ལ་བརྟེན་ནས་རྟོགས་པའི་ཐབས་བཤད་བྱ། །དྲུག་དང་བརྒྱད་གཉིས་བཅུ་
[4b.5]ཕྲག་གཉིས་དང་ལྔ། །བཞིན་རྒྱས་མིག་ཡངས་གཟུགས་མཛེས་ལང་ཚོ་ལྡན། །དད་དང་ཐོས་དང་སྙིང་རྗེས་ཡིད་བརྒྱན་མ། །སྐྱབས་སོང་སེམས་བསྐྱེད་ཡང་དག་དབང་བསྐུར་བ། །ཉེས་བྲལ་དབེན་པར་གཡེང་བ་ཀུན་སྤངས་ཏེ། །ཁམས་དང་རྗེས་མཐུན་བཟའ་དང་བཏུང་བ་དང་། །དྲི་
[4b.6]ཞིམ་ཡིད་འོང་རྒྱན་མཛེས་སྤྱོད་དགུ་ལྡན། །གང་དང་ཐ་མལ་འཛིན་པ་རྣམས་སྤངས་ཏེ། །དབང་པོའི་གཞུ་ལྟར་སྣང་བ་ལྷ་ཡི་ལུས། །དེ་ལ་ཡི་གེ་དྱ་ནི་སྣ་རྩེ་དང་། །བྱིན་པ་མཚན་གྱི་ལྟེ་བར་རྣམ་དགོད་ཅིང་། །ལྟེ་བ་སྙིང་ག་ཁ་དང་དཔྲལ་བ་རུ། །སྔགས་ཀྱི་ཚོགས་དང་བཅས་པས་
[4b.7]བྱིན་གྱིས་བརླབ། །འཁྱུད་དང་འོ་བྱེད་སེན་མོས་འདེབས་པ་དང་། །མཆུ་འཇིབ་པ་དང་ནུ་མ་འཚིར་བ་དང་། །ཉེད་དང་རྡེབ་དང་སོར་མོ་བསྐྱོད་པ་ཡིས། །དབང་གཉིས་སྙོམས་པར་འཇུག་པའི་སྦྱོར་བ་བྱ། །གང་ཚེ་མཉམ་མེད་རིན་ཆེན་མཆོག་ལྟ་བུ། །སེམས་ཀྱི་དམ་པ་རང་རིག་བདེ་ཆེན་
[5a]
[5a.1]པོ། །གང་དུ་རྟོགས་པ་དེ་ཚེ་སྲོག་རྩོལ་བ། །བཀག་པའི་སྦྱོར་བས་བདེ་ཆེན་རོ་མྱང་བྱ། །དངོས་དང་དངོས་མེད་མཐའ་གཉིས་རྣམ་སྤངས་ཤིང་། །སྟོང་དང་སྙིང་རྗེ་དབྱེར་མེད་རང་བཞིན་ཅན། །དུས་གསུམ་རྒྱལ་བའི་ཡེ་ཤེས་བསྐྱེད་པའི་རྒྱུ། །རང་རིག་བདེ་ཆེན་ཡེ་ཤེས་གཅིག་པུ་པ། །
[5a.2]གཉུག་མའི་རང་བཞིན་གང་དེར་མཚོན་པར་བྱ། །གང་དུ་མཚོན་བྱ་མཚོན་བྱེད་ཀྱིས་མཚོན་པ། །རྣམ་ཤེས་ཡེ་ཤེས་ཉིད་དུ་མཚོན་པ་དང་། །ཡེ་ཤེས་གང་དེས་ཤེས་བྱར་སྣང་བ་ཡི། །འགྲོ་བ་མ་ལུས་དེ་ཀུན་དེར་མཚོན་བྱ། །དེ་ཚེ་དབང་པོའི་ཡུལ་དུ་སྣང་བ་ཡང་། །གཟུགས་སྒྲ་དྲི་རོ་རེག་བྱར་
[5a.3]གྱུར་པ་ཡི། །དངོས་པོ་འདི་ཀུན་མ་ལུས་བདེ་ཆེན་པོ། །གང་དུ་དེ་ལས་གཞན་པའི་དངོས་མེད་ཅིང་། །བདེ་ཆེན་ཡེ་ཤེས་ཞེས་བྱ་གཅིག་པུ་པ། །གཅིག་པུའི་ཉམས་ཀྱིས་དུ་མར་གར་མཛད་དོ། །གང་གིས་རང་གི་ཡེ་ཤེས་མཆོག་བསྒོམས་པས། །སྲིད་པའི་འཆིང་བ་མ་ལུས་ཀུན་བཅད་དེ། །
[5a.4]བདག་གཞན་ཉེ་བར་འཚོ་བའི་འབྱུང་གནས་ཀྱིས། །མཉམ་མེད་མྱ་ངན་འདས་པའི་དབྱིངས་ལ་བརྟེན། །དཔལ་འཁོར་ལོ་སྡོམ་པའི་སྙིང་པོའི་དེ་ཁོ་ན་ཉིད་གྲུབ་པ། སློབ་དཔོན་ཆེན་པོ་ཛཱ་ལནྡྷ་རས་མཛད་པ་རྫོགས་སོ། །༅། །དཔལ་ལྷན་ཅིག་སྐྱེས་པའི་མན་ངག་བཞུགས།
[5a.5]{T1457}༄༅༅། །དཔལ་ཧེ་རུ་ཀ་ལ་ཕྱག་འཚལ་ལོ། །རང་བཞིན་རྣམ་དག་གཉིས་ཀྱིས་རྒྱུ་བྱས་པས། །བརྒྱད་པོ་འཇིག་རྟེན་པ་དང་ཐུན་མོང་སྟེ། །ལྔ་ཉིད་སྤང་བྱ་ལྔ་ཉིད་ལམ་ཡང་ཡིན། །དག་བྱེད་ངོ་བོ་སེམས་ཀྱི་རང་བཞིན་སྐུ། །བསམ་མི་ཁྱབ་པའི་རྟོག་པ་རང་ལ་འབྱུང་། །བཞི་དང་བྲལ་
[5a.6]ཏེ་གསུམ་དུ་རྟོག་ཏུ་མེད། །དག་བྱེད་རང་བཞིན་དག་པའི་ངང་དུ་སྣང་། །གཉིས་པོ་སྤངས་ཏེ་ལ་ཉིད་ལམ་དུ་བྱ། །ལྔ་ལ་མི་ཆགས་གླང་ཆེན་སྨྱོན་པ་འདྲ། །ཀུ་ཤ་རླུང་བསྐྱོད་སྤྱོད་འདི་བདག་ལ་གཅེས། །ཤ་འུ་སར་པ་འདྲ་བར་གསོ་བ་འདི། །ཀུན་ལ་གཅེས་པ་ཡིན་ཞེས་རི་ཁྲོད་གསུང་། །མ་
[5a.7]རྟོགས་རྟོགས་པའི་སྤྱོད་པ་སྨྱོན་པ་འདྲ། །རྟོགས་ནས་མི་སྤྱོད་བླུན་པོའི་སྤྱོད་པ་ཡིན། །གང་ཡང་མི་རྟོག་དེ་ཡི་ངང་ལ་གཞག །གྲོལ་བར་འགྱུར་ཏེ་དེ་ཉིད་ཐེ་ཚོམ་མེད། །གསུམ་པོ་སྤང་བར་གྱིས་ཤིག་རང་ལ་ལྟོས། །ཞེས་གདམས་སོ། །དཔལ་ལྷན་ཅིག་སྐྱེས་པའི་མན་ངག་བདག་བྱིན་གྱིས་
[5b]
[5b.1]བརླབ་པ་ཞེས་བྱ་བ། །རི་ཁྲོད་པ་ཆེན་པོའི་གསུང་རྗེ་མི་ཉག་ལོ་ཙཱ་བས་བསྒྱུར་བ་རྫོགས་སོ།། {T1458}༄༅༅། །རྒྱ་གར་སྐད་དུ། ཤྲཱིས་ཧ་ཛ་སཾ་བར་སྭ་ཏི་ཥྚ་ནཾནཱ་མ། བོད་སྐད་དུ། དཔལ་ལྷན་ཅིག་སྐྱེས་པ་བདེ་བའི་མཆོག་བདག་བྱིན་གྱིས་བརླབས་ཞེས་བྱ་བ། ཧེ་རུ་ཀ་ལ་ཕྱག་
[5b.2]འཚལ་ལོ། །ཀྱེ་ཧོ་སྒྲུབ་པའི་སྙིང་པོ་བདེ་ཆེན་ངང་གི་སེམས། །འཁྲུལ་བའི་དབང་གིས་རྐྱེན་དང་བཅས་གྱུར་ཀྱང་། །རྒྱ་མཚོའི་ཆུ་ནི་དངས་མའི་རང་བཞིན་ཡིན། །རྙོག་མའི་རང་བཞིན་གློ་བུར་རྐྱེན་ལས་བྱུང་། །མ་བཅོས་རང་སར་བཞག་ན་རྒྱལ་བའི་ཐུགས། །འདི་ན་བླ་མའི་དུས་ཐབས་
[5b.3]བསྟེན་ལས་བྱུང་བ་སྟེ། །ཐབས་ཀྱི་རྒྱལ་པོ་བྱ་བ་ཐམས་ཅད་གཏང་བར་བྱའོ། །ཞེས་རི་ཁྲོད་པ་ཆེན་པོས་གསུངས་སོ། །ཕྱག་རྒྱ་ཆེན་པོའི་མན་ངག་རྫོགས་སོ།།{T1459}༄༅༅། །རྒྱ་གར་སྐད་དུ། ཤྲཱིས་ཧ་ཛ་སཾ་བར་སྭ་ཏི་ཥྚ་ནཾནཱ་མ། བོད་སྐད་དུ། དཔལ་ལྷན་ཅིག་སྐྱེས་
[5b.4]པ་བདེ་བའི་མཆོག །བདག་བྱིན་གྱིས་བརླབས་ཞེས་བྱ་བ། ཧེ་རུ་ཀ་ལ་ཕྱག་འཚལ་ལོ། །རྣལ་འབྱོར་རྣམ་གསུམ་ཞེས་བྱ་སྟེ། །བྱིན་གྱིས་བརླབ་དང་རང་རྟགས་དང་། །རྫོགས་པའི་གཟུགས་བརྙན་བསམ་མེད་དོ། །སྣ་ཚོགས་གཟུགས་ཅན་ཡིད་དུ་འོང་། །ཡིད་བཞིན་ནོར་བུའི་
[5b.5]གཟུགས་འཆང་མ། །ཟིན་ན་དངོས་གྲུབ་ཆེན་པོ་འབྱུང་། །ཆོས་བཤད་ནས་ནི་དབང་དུ་བྱ། །ཡང་ན་རི་བའི་རིན་གྱིས་སླུ། །ཤིན་ཏུ་གསང་བའི་སྒྲུབ་པ་པོས། །དབང་གིས་ཡོངས་སུ་སྨོན་པ་དང་། །ལྷ་ལྟར་བལྟས་ལ་དངོས་གྲུབ་བླང་། །མེ་ལོང་ནང་གི་གཟུགས་བརྙན་ལྟར། །
[5b.6]གསལ་ལ་འཛིན་མེད་བདེ་བའི་སྐུ། །ཉི་ཤུ་རྩ་ལྔ་ཡུམ་རྣམས་རྫོགས། །བལྟས་དང་དགོད་དང་འཁྲིག་པ་ཡིས། །མཁའ་སྦྱོར་བདེ་བའི་ཕོ་བྲང་དུ། །དབང་གི་རྒྱལ་པོས་གར་བྱས་པས། །དཔའ་བོ་རྣལ་འབྱོར་མ་ཀུན་དགྱེས། །དཔའ་བོ་མཁའ་འགྲོ་དགྱེས་པའི་གླུ། །ཨ་དང་
[5b.7]ཧཾ་གི་སྒྲ་བརྗོད་པས། །ཚངས་པའི་རི་བོ་རྩེ་ནས་ཉིལ། །རྒྱ་མཚོའི་ཝུ་བ་བལྟམས་པ་དང་། །གནས་པ་བཞི་ཡི་རིམ་པ་ཡིས། །རྡོ་རྗེ་སེམས་དཔའ་རང་ཉིད་འགྱུར། །དབང་ཕྱུག་དམ་པའི་གསང་གཏམ་འདིས། །ནམ་མཁའ་རྡོ་རྗེ་གྲོང་དུ་འཇུག །བདེ་ཆེན་དག་པའི་ཞིང་
[6a]
[6a.1]ཁམས་མཐོང་། །ཐམས་ཅད་ལྷན་ཅིག་སྐྱེས་པའི་སྐུ། །ཤེས་རབ་རྡོ་རྗེ་རྣལ་འབྱོར་མ། །གཉིས་མེད་བདེ་བའི་རྣམ་པ་ཅན། །མ་ནིང་ཞེས་བྱར་བརྗོད་པ་སྟེ། །ཁ་ཅིག་ཟུང་འཇུག་ཅེས་བྱར་བརྗོད། །སྒྲིབ་པ་དང་བྲལ་ཆོས་སྐུ་འདིར། །རཎྟ་ལ་སོགས་
[6a.2]བྱང་སེམས་རྣམས། །རྟེན་དང་བརྟེན་པའི་མཚན་ཉིད་ཀྱི། །དཀྱིལ་འཁོར་ཐམས་ཅད་འདི་ཉིད་དོ། །དཔལ་ལྷན་ཅིག་སྐྱེས་པའི་སྒྲུབ་ཐམས་བདག་བྱིན་གྱིས་བརླབ་པ་ཞེས་བྱ་བ། རྒྱལ་པོ་ཨནྡྲི་བྷཱུ་ཏི་འབྲིང་པོས་མཛད་པ། རྗེ་མི་ཉག་ཆེན་པོས་བསྒྱུར་བ་རྫོགས་སོ།།
[6a.3]{T1460}༄༅༅། །རྒྱ་གར་སྐད་དུ། སཾ་བ་ར་བྱ་ཁྱཱ། བོད་སྐད་དུ། སྡོམ་པ་བཤད་པ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དཔའ་བོ་རྣལ་འབྱོར་མ་འབྲེལ་ལས། །བདེ་མཆོག་བཤད་པ་འབྱུང་བ་སྟེ། ཨིནྡྲ་བྷཱུ་ཏིའི་གཞུང་ཉིད་དང་། །ཀུན་སྤྱོད་དཱ་རི་ཀ་གཞུང་གིས། །དཔའ་པོ་
[6a.4]དང་ནི་རྣལ་འབྱོར་མ། །ཞལ་གཅིག་ཕྱག་གཉིས་བ་རུ་གསུངས། །དཔལ་ལྡན་འབར་བ་འཛིན་ཞབས་སམ། །ཀ་ཙོ་ཏ་ཡི་གཞུང་རྣམས་ཀྱིས། །དཔའ་བོ་དང་ནི་རྣལ་འབྱོར་མ། །ཞལ་གཅིག་ཕྱག་གཉིས་པ་རུ་གྲགས། །མཁའ་འགྲོ་མ་སོགས་དཔའ་བོར་བཅས། །སྒོ་སྐྱོང་མ་དང་ཡང་དག་
[6a.5]ལྡན། །ཁྲོ་བོའི་གཟུགས་ནི་ཧཱུཾ་དང་བཅས། །ཞལ་གཅིག་པ་ལ་ཕྱག་བཞི་པ། །ལྷ་མོ་རབ་ཏུ་གཏུམ་སོགས་བཞིན། །སྐུ་མདོག་སྣ་ཚོགས་ཁྱད་པར་རོ། །བརྟུལ་ཞུགས་ཞལ་སྔ་ནས་ཀྱི་གཞུང་། །ཕྱག་གཉིས་དང་ནི་ཞལ་གཅིག་པ། །སྒེག་སོགས་རོ་ནི་ཐམས་ཅད་ཀྱིས། །དེ་རྣམས་འགྱིང་
[6a.6]བས་རོལ་བར་འགྱུར། །ཡང་ན་སེམས་ནི་རྣམ་དག་པ། །སྐུ་མདོག་སྔོན་པོ་རྣམ་པའི་དབྱིབས། །དཔའ་བོ་ལྷ་མོར་ཡང་དག་ལྡན། །ཁ་ཅིག་གིས་ནི་གཞུང་དུ་བརྗོད། །སྐུ་གསུང་ཐུགས་ཀྱི་དབྱེ་བ་ཡིས། །ཁ་དོག་གསུམ་དུ་ཡང་དག་གནས། །གང་ཕྱིར་འཁོར་ལོ་གསུམ་གསུངས་
[6a.7]པ། །དེ་ཕྱིར་ཁ་དོག་གསུམ་དུ་འགྱུར། །འདི་རྣམས་ནང་ནས་གང་འདོད་པ། །དེ་ཀུན་རྣལ་འབྱོར་པས་གུས་བྱ། །ཕྱག་གཉིས་ལ་སོགས་བརྩམས་ནས་ནི། །ཇི་སྲིད་ཕྱག་ནི་འབུམ་དེ་བཞིན། །ཕྱག་དང་ཞལ་ནི་གྲུབ་ཕྱིར་མིན། །བསམ་ཡས་སྦྱོར་པས་བསམ་པར་བྱ། །དེ་ལྟར་བློ་
[6b]
[6b.1]བཟང་ཤེས་ནས་ནི། །གཉིས་མེད་ཡེ་ཤེས་བསྒོམ་པར་བྱ། །དད་པ་ཙམ་གྱིས་འཇུག་བྱ་བ། །དཔྱད་པ་ཉིད་དུ་སྦྱར་མི་བྱ། །མཆོག་ཏུ་དགའ་བས་འདི་དག་ཀུན། །གང་བསྒོམས་འབྲས་བུ་མཆོག་ཕན་ཏེ། །ལྷན་ཅིག་སྐྱེས་པར་ཐིམ་པ་ཡིས། །ཧེ་རུ་ཀ་ཉིད་རྣམ་པར་བསྒོམ། །བླ་
[6b.2]མའི་བཀའ་ལུང་བླངས་ནས་ནི། །དང་པོར་གུས་པའི་སེམས་ཀྱིས་སུ། །བརྟེན་པའི་སེམས་ཀྱིས་སྒོམ་བྱེད་ན། །དམ་པའི་ཕུན་ཚོགས་ཐོབ་པར་འགྱུར། །འབར་བའི་ཕྱག་རྒྱར་སྡོམ་པར་མིན། །སློབ་དཔོན་ཁ་ཅིག་སྨྲ་བར་བྱེད། །ཧེ་རུ་ཀ་འབྱུང་རྒྱུད་གསུང་ཡིན། །བདེ་མཆོག་ཉིད་དུ་མ་
[6b.3]ཡིན་པས། །དེ་ཕྱིར་བདག་གིས་མ་བྲིས་ཏེ། །དཔལ་ལྡན་རྡོ་རྗེས་བཟོད་པར་མཛོད། །མན་ངག་གིས་ནི་ཕག་མོ་ཡི། །རྒྱུད་དུ་ངེས་པར་རབ་ཏུ་གྲགས། །འབར་བ་ཡི་ནི་ཕྱག་རྒྱ་ཡིས། །དཀྱིལ་འཁོར་དགུག་པའི་དོན་དང་ནི། །བདེ་མཆོག་གཏོར་མའི་ལས་རྣམས་ཀྱང་། །ཧེ་རུ་ཀ་ནི་
[6b.4]འབྱུང་རྒྱུད་དུ། །ཧེ་རུ་ཀ་ཕྱག་ལ་གནས་པ། །ཧེ་རུ་ཀ་ཡི་རྒྱུད་དུ་གསུངས། །ན་བཟའ་དག་གི་ཁྱད་པར་ནི། །སྟག་གི་པགས་པ་མནབས་པ་སྟེ། །བདག་གི་བླ་མས་གསུངས་པ་ཡང་། །ལྷན་ཅིག་སྐྱེས་པས་སྨད་དཀྲིས་ན། །རྡོ་རྗེ་མཁའ་འགྲོ་ཡི་ནི་གཟུགས། །རྟག་ཏུ་དུ་བ་མཆོག་
[6b.5]གི་མཆོག །དཀར་བ་དང་ནི་ཁྲག་གི་མདོག །ཁམས་དྲུག་གིས་ནི་བསྡུས་པ་ཡི། །ཁ་དོག་ལ་སོགས་མཚུངས་པའི་གཟུགས། །དང་པོ་ཉི་མ་ལྟ་བུའི་ཞལ། །ལྷ་མོ་སྐྲ་ནི་གྲོལ་བ་ཉིད། །གཞུང་ནི་འདི་གཉིས་བགྲོས་ནས་ནི། །སྙིང་ག་རུ་ནི་བསྒོམ་བྱ་ཞིང་། །ཇི་ལྟར་འདོད་པའི་
[6b.6]དེ་ཉིད་བྱ། །གཞན་ཡང་ཁྲག་གི་རྩ་རྒྱུད་དུ། །ཤིན་ཏུ་དམར་བར་འབབ་པ་ཡང་། །བུད་མེད་མེ་ཏོག་གཡས་ནས་སོ། །གཡོན་དུ་ཁུ་བ་འབབ་པ་ནི། །ཆུ་ཡི་རྒྱ་མཚོ་ལྟ་བུ་སྟེ། །དེ་ནི་དཔའ་བོའི་རང་བཞིན་ནོ། །རྐང་དང་རུས་པ་རྩ་རྒྱུས་རླུང་། །ལྔ་པ་ཁུ་བ་དང་ལྡན་པ། །ཕ་ལས་གྱུར་པ་
[6b.7]འདི་རྣམས་ཡིན། །མ་ཡི་ཤ་པགས་ཁྲག་དང་ནི། །ཆུ་དང་མེ་དང་བཅས་པ་ཉིད། །དེ་ཉིད་ཀྱིས་ནི་གང་གྲུབ་པ། །འདི་ནི་མགོན་པོ་ཧེ་རུ་ཀ །བསྐྱེད་དང་སྐྱེད་པར་བྱེད་པ་པོ། །ཕ་མ་གཉིས་ནི་དབྱེར་མེད་པས། །དཔལ་ལྡན་བདེ་མཆོག་བཤད་པ་འདི། །ཡོན་ཏན་ཀུན་གྱི་གཏེར་གྱུར་པ། །དངོས་
[7a]
[7a.1]པོ་ཀུན་གྱི་རང་བཞིན་ནོ། །དེ་ལྟར་ཤེས་ནས་དེ་ཡི་གཟུགས། །སྲིད་གསུམ་བདེ་བ་སྟེར་བ་ནི། །དེ་ཉིད་རྣལ་འབྱོར་པ་ཡིས་བསྒོམ། །སྒྲ་ཡི་ཚུལ་ལ་དེས་འབྱུང་བ། །ཞེས་བྱ་ལ་སོགས་གང་འདོད་དེ། །དེ་དོན་བདག་གིས་བཤད་པར་བྱ། །འཇུག་པ་ཡི་ཡང་མཚན་ཉིད་ནི། །
[7a.2]རབ་ཏུ་འཇུག་པའི་དཀྱིལ་འཁོར་སོགས། །ཕྱི་རོལ་རྣམ་གཅིག་མཚན་ཉིད་དོ། །སངས་རྒྱས་ཀུན་གྱི་རང་བཞིན་ཏེ། །སངས་རྒྱས་ཀུན་གྱིས་རབ་ཏུ་གསུངས། །ལྡོག་པ་བདག་གིས་བརྗོད་པར་བྱ། །འཁོར་ལོ་སྡོམ་པར་ཡང་དག་གནས། །ལྷན་ཅིག་སྐྱེས་པ་རྣམས་ཀྱི་གཟུགས། །དེ་ནི་
[7a.3]སྙིང་གར་རྟག་ཏུ་གནས། །ཕྱི་རོལ་ནང་དུ་མཉམ་པ་ཉིད། །དཀྱིལ་འཁོར་གྱི་ཡང་སེམས་ཀྱིས་ནི། །རྣམ་པར་དགོད་པ་བཤད་ནས་སོ། །དེ་ནི་ལུས་གནས་བཤད་པར་བྱ། །ཧེ་རུ་ཀ་ཡི་རོལ་པར་བརྗོད། །རྣམ་དག་དང་ནི་ཧེ་རུ་ཀ །ཡན་ལག་དག་དང་ཉིང་ལག་དང་། །ལྷན་ཅིག་སྐྱེས་པས་
[7a.4]མཉམ་བཞག་པས། །ཕྱིས་ནི་རྣལ་འབྱོར་པ་ཡིས་བསྒོམ། །གོ་རིམས་བཞིན་དུ་ལུས་སྐྱེས་ནི། །རྡོ་རྗེ་ཕུར་བུ་ལྷན་ཅིག་སྐྱེས། །བཅིངས་པ་ཐིག་སྐུད་རབ་ཏུ་ལྡན། །ཤིན་ཏུ་མཚམས་མེད་བརྟན་པར་བཅིངས། །གུར་ནི་རུས་པའི་ཕྲེང་བ་ཉིད། །མཆོད་པའི་ཆོ་ག་ཁྱད་པར་བཟང་། །
[7a.5]ཡན་ལག་ཕྱག་རྒྱས་བརྒྱན་པ་དང་། །གོ་མཚམས་མེད་པར་བཅིངས་པ་ནི། །དེ་ནི་གོ་ཆ་ཆེན་པོར་ལྡན། །གང་ཞིག་མི་དམིགས་པ་ཡིས་བརྩེ། །སེམས་ཅན་ཀུན་ལ་ཕན་མཛད་མ། །ལྷ་དང་ལྷ་མིན་མི་རྣམས་ལ། །འདི་དག་ཐམས་ཅད་དེ་ཡིས་ཁྱབ། །རྐང་པའི་མཐིལ་དུ་རྩོམ་པའི་
[7a.6]རླུང་། །ཡང་དག་གནས་ཤིང་ལྟེར་སོན་པར། །མེ་ཡི་དཀྱིལ་འཁོར་གཟི་བརྗིད་འབར། །ལྟོ་བར་ཆེས་ནི་དཀར་བ་ཡི། །ཆུ་ནི་མཛེས་པ་ཉིད་ཀྱི་གཟུགས། །བྲང་དུ་ཡང་ནི་དབང་ཆེན་ནི། །ཁ་དོག་སེར་པོས་རྣམ་པར་སྤྲས། །མགྲིན་པའི་སྟེང་དུ་བརྟེན་པ་ཡི། །རྩེ་བརྒྱད་ལྡན་
[7a.7]པའི་རི་རབ་པོ། །བདུན་ལྡན་ཉི་མ་ཨཱ་ལི་ཟླ། །དྲི་མེད་ཟླ་བའི་གཟི་བརྗིད་ཉིད། །ནང་དུ་འགྲོ་དང་འོང་བ་དང་། །ཆུ་སྐྱེས་འདབ་མ་སུམ་ཅུ་དྲུག །ལྡན་པར་རྡོ་རྗེའི་དབུས་སོན་པར། །ཨཱ་ལི་ཀཱ་ལི་ལས་བྱུང་གྲུབ། །མཛེས་པའི་སྤྱི་བོར་ཧཱུཾ་བྱས་ཏེ། །དེར་གནས་གསེར་གྱི་གནས་སུ་ནི། །
[7b]
[7b.1]སྣ་ཚོགས་དབུས་སུ་དང་པོའི་མིང་། །ཞེས་བྱ་ལྷན་ཅིག་སྐྱེས་པ་ཡང་། །དྲི་མེད་ཟླ་བའི་གཟི་བརྗིད་ཉིད། །ཡན་ལག་ཀུན་གྱི་མཚམས་སུ་ནི། །རིམ་གྱིས་འགྲོ་བར་བྱེད་པདྨ། །སྣ་རྩེ་དབུས་ཀྱི་གནས་སུ་ཡང་། །རིམ་པས་སྐྱེད་པར་བྱེད་པ་ནི། །སུམ་ཅུ་རྩ་དྲུག་རོར་ལྡན་པའི། །ཤིན་ཏུ་
[7b.2]མཛེས་པའི་རྩ་རྣམས་ཀྱིས། །སྤྱི་སྐྱེས་ཐོག་མ་མེད་པ་ཡི། །སངས་རྒྱས་ཉིད་ནི་བསྐུལ་བར་བྱ། །མཁའ་འགྲོ་བྱ་བཞིན་རྣམ་དག་ཁམས། །མཁའ་འགྲོ་མ་ཡི་དྲ་བཞེས། །འདི་ཡི་དོན་ནི་ཡང་དག་གྲགས། །རྒྱ་མཚོ་ཤིན་ཏུ་སྣ་ཚོགས་པའི། །འགྲམ་དང་རི་ཡི་དབང་པོར་ལྡན། །ཟབ་
[7b.3]མོ་སྣ་ཚོགས་སྙིང་པོ་ཡང་། །གདོད་ནས་གྲུབ་པའི་དུར་ཁྲོད་ཉིད། །རྒྱལ་མཚན་བ་དན་སྣ་ཚོགས་དང་། །དྲི་ལ་བུ་དོ་ཤལ་ཤིན་ཏུ་མཛེས། །གསུམ་གྱིས་བསྐྱེད་པའི་དཀྱིལ་འཁོར་ནི། །དེ་ཡི་ལུས་སུ་དཀྱིལ་འཁོར་ཉིད། །སྲད་བུ་མཆོག་གིས་ཤིན་ཏུ་སྤྲས། །རྔ་ཡབ་ཀྱིས་ནི་གཡོབ་པ་
[7b.4]དང་། །སོ་ཕག་རྣམ་པར་དག་པ་ཡི། །རྡུལ་ཚོན་དྲི་མ་མེད་པ་དང་། །བུམ་པ་ལ་སོགས་གཞག་པ་དང་། །དེ་བྱུང་ལྡན་པར་གང་བས་ནི། །ལྷན་ཅིག་སྐྱེས་གནས་བྲི་བར་བྱ། །ཐལ་བ་རོ་བསྲེགས་ལས་བྱུང་བ། །པད་གནས་ཁྲོ་བ་མེད་པ་ཡིས། །སྦྱོར་བའི་ཡེ་ཤེས་ཤིན་ཏུ་མཛེས། །
[7b.5]ཕག་མོ་གཉིས་སུ་མེད་པའི་གཟུགས། །ཧེ་རུ་ཀ་དེ་སེམས་སུ་བརྗོད། །རྒྱུ་ལྔ་ཞེས་བྱའི་རིག་པ་ནི། །རྡོ་རྗེ་ཞེས་ནི་མངོན་པར་བརྗོད། །དེར་གནས་ས་བོན་རྫོགས་པ་ནི། །དེ་ནི་ཧེ་རུ་ཀ་དཔལ་བརྗོད། །གཉིས་མེད་དོན་གྱིས་ཤྲཱི་ཡི་སྒྲ། །ཏེ་ནི་རྒྱུ་ནི་རྣམ་སྤངས་པ། །རུ་ཡི་གཟུགས་ནི་འཇིགས་
[7b.6]པའི་དོན། །ཀ་ནི་གང་དུའང་མི་གནས་པའོ། །ཨཱ་ལི་ཀཱ་ལི་མཉམ་སྦྱོར་བས། །དཀར་ཞིང་དམར་བའི་རང་བཞིན་ཅན། །ཤྲཱི་ནི་ཡང་དག་བཤད་པ་ནི། །ཐམས་ཅད་སྐྱེད་པར་བྱེད་པའི་རྒྱུ། །ཤྲཱི་ནི་ཀླ་ཀློའི་སྐད་ཀྱིས་ནི། །བྷ་གའི་དོན་དུ་མངོན་པར་བརྗོད། །སེམས་ནི་ཧེ་རུ་ཀ་ཉིད་དེ། །
[7b.7]དཔལ་ཧེ་རུ་ཀར་རབ་ཏུ་བསྒྲགས། །བྷ་གའི་སྒྲ་ནི་ངག་ལམ་འདས། །རུ་ནི་དྲི་མ་རྣམ་པར་སྤངས། །ཧེ་ནི་རྒྱུ་ནི་རྣམ་འཇིག་པ། །ཕག་མོའི་སྒྲར་ནི་རབ་ཏུ་གྲགས། །སྐྱེས་པར་བྱེད་པའི་རྒྱུ་ཡི་ཕྱིར། །རལ་པའི་རྩ་བ་ཞེས་བྱར་བཤད། །སྣ་ཚོགས་སེམས་ཅན་དོན་བྱེད་ཕྱིར། །སྣ་ཚོགས་རྡོ་རྗེར་
[8a]
[8a.1]རྣམ་པར་གནས། །བྱང་ཆུབ་སེམས་ནི་ཟླ་བར་གསུངས། །དཔལ་ལྡན་བདེ་ཆེན་འཁོར་ལོར་གནས། །དེར་གནས་རྟག་ཏུ་འཛག་པ་ནི། །རྡོ་རྗེ་པདྨར་ཡང་དག་གནས། །ཆ་ཀུན་དུ་ནི་ཡོངས་གང་བས། །རྒྱ་མཚོ་ཡི་ནི་ལམ་རྣམས་སུ། །འཛག་པ་ཡི་ནི་ལམ་པ་སྟེ། །ལྟེ་བའི་
[8a.2]འགྲམ་གནས་བདུད་རྩི་ནི། །སྔར་གསུངས་རྒྱལ་བའི་ཚོགས་རྣམས་སྐྱེས། །སྟོང་པའི་རྣམ་པར་སྦྱོར་བ་ལས། །ལྷ་དང་ལྷ་མིན་མི་རྣམས་ནི། །རང་བཞིན་གཅིག་པས་དག་པ་ནི། །ཤིན་ཏུ་དག་པས་བསྡིགས་པར་བྱེད། །བྱང་ཆུབ་སེམས་བྱུང་ཐལ་བ་ཡིས། །ཡན་ལག་ཀུན་ལ་རྣམ་པར་གནས། །ཐལ་
[8a.3]བའི་དག་པར་རྟག་ཏུ་བརྗོད། །ཕྱི་རོལ་ནང་དུ་ཡོངས་དག་གནས། །ཡན་ལག་བཅུ་གཉིས་ལས་བྱུང་ཕྱིར། །ཕྱག་ནི་བཅུ་གཉིས་རྣམས་དང་ལྡན། །ཞལ་བཞི་ཡང་དག་གསུངས་པ་ནི། །རྣམ་ཐར་བཞི་ནི་དག་པའོ། །ལྷ་མོ་གཟུགས་ཅན་མཁའ་འགྲོ་མ། །དུམ་སྐྱེས་མ་དང་ལཱ་མཱ་ཉིད། །
[8a.4]གྲུབ་པའི་རྣལ་འབྱོར་མ་རྣམ་བཞི། །རྒྱུ་དང་མི་རྒྱུ་སྐྱོང་བར་མཛད། །གཉིས་མེད་རྣམ་པའི་རྣལ་འབྱོར་གྱིས། །གང་ཚེ་དབང་སོགས་འཐུངས་པ་ནི། །དེ་ཚེ་བཟའ་བ་ཞེས་བྱར་བརྗོད། །ཕྱག་རྣམས་ཉིད་ཀྱི་མཚན་ཉིད་དོ། །རྩེ་གསུམ་སྐུ་གསུམ་དག་པའི་ཕྱིར། །གླང་པོ་གཏི་མུག་རྣམ་པར་
[8a.5]འཇིག །ལུས་ངག་ཡིད་གསུམ་ལས་བྱུང་བའི། །སྐྱོན་ནི་དགྲ་སྟས་གཅོད་པར་བྱེད། །གྲི་གུག་རྣོན་པོས་སེམས་ཅན་དོན། །བརྩོན་འགྲུས་ཡང་དག་ལྡན་ཕྱིར་འཕྱར། །རྟག་ཏུ་དགའ་བའི་རང་བཞིན་གྱིས། །སྒྲ་ནི་ཅང་ཏེའུ་བརྟག་པར་བྱ། །ཡེ་ཤེས་ལྔ་ཡི་རང་བཞིན་པས། །རྡོ་རྗེ་
[8a.6]སྟོང་པའི་མེས་བསྲེགས་པ། །བྱང་ཆུབ་སེམས་ཀྱི་རང་བཞིན་གྱི། །ཁ་ཊྭཱཾ་ག་ནི་ཡན་ལག་གནས། །ཐོད་འགྲོ་སྐྱོང་བ་ཐོད་པའི་སྐུ། །དེས་ན་དེ་ནི་ཐོད་པར་བརྗོད། །སྙིང་རྗེའི་རོ་ཡིས་གང་བ་ནི། །འཐུངས་པ་ཧེ་རུ་ཀ་ཉིད་རྒྱལ། །ཞགས་པས་སྐྱོན་ནི་རྣམ་པར་བཅིངས། །ལུས་ཅན་མ་
[8a.7]ལུས་གཞན་དབང་འགྱུར། །མགོ་བོ་ཚངས་པའི་རང་བཞིན་ཉིད། །དྲིལ་བུ་ཤེས་རབ་རང་བཞིན་ཕྱིར། །ཡིག་འབྲུ་ལྔ་བཅུའི་མགོ་བོ་རྣམས། །རང་བཞིན་གྱིས་ནི་རྣམ་པར་མཛེས། །མགུལ་གྱི་ནོར་བུ་ཕྲེང་བས་བརྒྱན། །གྲུབ་པའི་གནས་ནི་ཀུན་གྱི་བདག །མཆེ་བ་བཞི་དང་རབ་ལྡན་
[8b]
[8b.1]པས། །བདུད་བཞི་རྣམ་པར་དྲལ་བར་མཛད། །ཚེམས་ཕྲེང་རྟག་ཏུ་གཉིས་མེད་པ། །མེ་སྟག་ཚོགས་དང་ཡང་དག་ལྡན། །ཕ་རོལ་ཕྱིན་དྲུག་རྣམ་དག་པ། །ཕྱག་རྒྱ་དྲུག་གིས་ལེགས་པར་བརྒྱན། །ནམ་མཁའི་གོས་ཀྱི་རང་བཞིན་གྱིས། །སྟག་གི་པགས་པ་ཆ་མེད་པར། །ཀུན་
[8b.2]གྱི་འགྲོ་བ་ཐམས་ཅད་ནི། །སྟོང་པའི་སྦྱོར་བས་གཡས་བརྐྱང་པ། །ཧེ་རུ་ཀ་ཡི་ཁྱད་པར་ལས། །དེས་ན་གཡས་བརྐྱང་བ་ཞེས་བཤད། །གཡོན་པའི་ཡན་ལག་བསྐུམ་པ་ཞེས། །ཚིག་ཏུ་བརྗོད་པས་གཡས་བརྐྱང་བ། །མཚན་ཉིད་ཡང་དག་ཐོབ་པ་ཡིན། །དཔལ་ལྡན་ཧེ་
[8b.3]རུ་ཀ་འབྱུང་བ། །འཁོར་ལོ་ཚོགས་ནི་ཀུན་དུའོ། །སློབ་དཔོན་གཞན་གྱི་ལུགས་དག་གིས། །གཡས་པའི་ཞབས་ནི་བསྐུམ་པར་འདོད། །བློ་བཟང་ཁ་ཅིག་གར་ཡང་བྱེད། །གཉིས་ཀ་འདོད་པ་མ་ཡིན་ཏེ། །གཡོན་ན་གཡོན་པ་སྐྱེ་བོས་མཛེས། །དོན་མཆོག་ཐམས་ཅད་སྦྱིན་པར་
[8b.4]ནུས། །གཡོན་གྱིས་རྟག་ཏུ་རྣལ་འབྱོར་པའི། །གནོད་པ་ཀུན་ལས་འཇིགས་རྒྱལ་བྱེད། །གང་ཕྱིར་སྡོམ་པ་གཙོ་བོ་ཡིས། །ངེས་པར་ཐམས་ཅད་གཡོན་ལས་འབྱུང་། །དེ་ཕྱིར་ཆོ་གས་ནུས་པ་ཀུན། །ལས་ནི་གཡོན་པས་རྟག་ཏུ་བྱ། །སེམས་དང་སེམས་མིན་འགོག་པའི་ལམ། །མཚོ་
[8b.5]སྐྱེས་སུ་ནི་བུས་གང་མཚོན། །རྡོ་རྗེ་མཐར་ནི་རྣམ་བྱུང་བའི། །རོ་མཉམ་རྩེ་གཅིག་དེ་ཡིན་ཏེ། །ཕག་མོ་སྦྱོར་མཆོག་སྐྱེས་འཛིན་རིག །གང་ཕྱིར་གཙོ་བོར་གནས་པ་ནི། །ལྷ་མོ་མཆོག་གནས་སྡོམ་པ་སྟེ། །དེ་ཕྱིར་གཡོན་པའི་ཆོ་གས་བརྒྱན། །ཉི་ཟླ་རྣམ་དག་སྲིད་ལས་སྐྱེས། །རང་བཞིན་གྱིས་
[8b.6]ནི་རོ་མཉམ་དེ། །པདྨ་མཆོག་གི་གནས་སུ་ལྷུང་། །རི་སྐྱེས་རང་བྱུང་ཡང་དག་ལྡན། །ཌེ་ནི་མཁའ་འགྲོ་མ་ཞེས་བྱ། །སངས་རྒྱས་ཁམས་སུ་རབ་ཏུ་བརྟགས། །ནམ་མཁའ་ཀུན་དུ་རྒྱུ་གྲུབ་པས། །མཁའ་འགྲོ་མ་ཞེས་བྱ་བར་བརྗོད། །དེ་ལས་སྐྱེས་པ་གཟུགས་ཇི་བཞིན། །གཟུགས་ཅན་
[8b.7]མ་ཞེས་མངོན་པར་བརྗོད། །གཟུགས་ལས་རིམ་པས་སྐྱེས་པ་ཉིད། །མཚོན་པར་ཡང་ནི་དུམ་སྐྱེས་མ། །གང་ཡང་མཛེས་པས་ཡོངས་གདབ། །སྐྱེས་པ་བུད་མེད་ལས་བྱུང་བ། །མཚན་མ་ཀུན་ནི་ཡོངས་སུ་རྫོགས། །དེས་ན་ལཱ་མར་རབ་ཏུ་གྲགས། །ང་རྒྱལ་ལ་སོགས་ཀུན་བྲལ་བ། །དེས་ན་བླ་
[9a]
[9a.1]རེ་རུ་ནི་གྲགས། །པདྨ་ཆོས་ཀྱི་དབྱིངས་ཡིན་ཏེ། །དེ་ནི་སངས་རྒྱས་ཀུན་གྱི་གནས། །འདོད་ཆགས་སྐྱོན་དང་བྲལ་བ་ནི། །བཞི་པའི་གནས་སྐབས་དང་ལྡན་པས། །རྣམ་པ་ཀུན་གྱི་མཆོག་ལྡན་པ། །དེ་ནི་དཔའ་བོ་ཞེས་བྱར་བརྗོད། །དེ་ནས་ཐམས་ཅད་ཡང་དག་ཐོབ། །
[9a.2]སྟོང་པ་སྙིང་རྗེའི་བདག་ཉིད་ཅན། །ལྷན་ཅིག་སྐྱེས་དགའི་ངོ་བོ་གང་། །དེ་ནི་དཔའ་མོའི་དབང་ཕྱུག་ཡིན། །འདི་ནི་དགའ་བའི་བརྗོད་མེད་པ། །འཁོར་ལོ་སྡོམ་པ་སྡེ་ཚན་མཐའ། །རྟག་ཏུ་ཁ་ནི་འོག་གིས་ནི། །ཡན་ལག་ཀུན་གྱི་ཡིད་འཕྲོག་འཛག །འདོད་ཆགས་ལ་སོགས་རྩྭ་དང་མཚུངས། །ཡེ་
[9a.3]ཤེས་སྲིན་བུས་ཟོས་པ་ནི། །མི་རྟོག་པ་ཡི་རང་བཞིན་གྱིས། །ཀུན་རྫོབ་ཏུ་ནི་དེ་མྱོང་ངོ་། །ནམ་མཁའ་པདྨའི་མཁའ་དབུས་སུ། །མཁའ་སྤྱོད་དུ་ནི་འགྲོ་བར་འདོད། །དེར་གནས་ཤིན་ཏུ་རྣམ་སྤྲོས་པ། །མཁའ་སྤྱོད་འཁོར་ལོར་ཡང་དག་བཤད། །ས་ཞེས་བྱ་བ་རབ་ཏུ་གནས། །ལྟེ་བའི་
[9a.4]པདྨར་སྐྱེ་དང་འཆི། །དེར་གནས་ཤིན་ཏུ་ལེགས་པར་བྱ། །ས་སྤྱོད་འཁོར་ལོར་ཡང་དག་བཤད། །ས་འོག་ཅེས་ནི་གང་གསུངས་པ། །པདྨར་བྱང་ཆུབ་སེམས་ལྷུང་བ། །དྲི་མེད་ཡིད་ཀྱི་ཕ་རོལ་ཏུ། །ས་ཡི་འོག་ཏུ་གནས་པའི་སེམས། །ཆོས་དང་ལོངས་སྤྱོད་སྤྲུལ་པ་ཡིས། །ཧེ་རུ་ཀ་ཡི་རྣམ་
[9a.5]པར་གནས། །ཨཱ་ལི་ཀཱ་ལི་མཉམ་ལྡན་པ། །ལྷན་ཅིག་སྐྱེས་པའི་དགའ་བས་མཛེས། །ཨཱ་ཁྱཱ་སྤྲུལ་པའི་འཁོར་ལོ་ནི། །པདྨའི་ནང་དུ་ཡང་དག་གནས། །ལྷན་ཅིག་སྐྱེས་པའི་རོལ་པ་སྟེ། །འཇིག་རྟེན་གསུམ་གྱི་རྒྱས་པར་བརྗོད། །ཨོཾ་ཏྲཱྃ་ཧྲཱིཿ་ཁཾ་པདྨ་ཕྱོགས་ཕྱོགས་འདབ་མ་ལ། །
[9a.6]ལཱྃ་ལཱྃ་པཱྃ་ཏཱྃ་མཚམས་ཆ་ལ། །དབུས་སུ་ཧེ་རུ་ཀ་ས་བོན། །ལྟེ་བ་མཆོག་ཏུ་པད་རང་གནས། །ཆོས་ཀྱི་ལྟེ་བ་པད་ཆེན་པོར། །སྟོང་པའི་རྡོ་རྗེ་འཆང་བ་གནས། །དེར་གནས་རྟག་ཏུ་འཛག་པ་སྟེ། །འདོད་པའི་དོན་ཀུན་གྲུབ་བར་བྱེད། །དེ་སྟེང་ལོངས་སྤྱོད་འཁོར་ལོ་ལ། །ཨོཾ་གྱི་ཡི་
[9a.7]གེས་མཚན་པ་ཡི། །ཁ་ནི་རྟག་ཏུ་གྱེན་ཏུ་བལྟ། །ཨ་ཨི་ལྷན་ཅིག་ཨུ་ཨེ་ནི། །རྣལ་འབྱོར་མ་མཆོག་དཔའ་བོར་ལྡན། །དེ་སྟེང་མགྲིན་པའི་གནས་སུ་ནི། །དེ་རུ་མཁའ་འགྲོ་མ་གནས་པ། །དེར་ནི་རྟག་ཏུ་གནས་པ་ནི། །མཆོག་ཏུ་དགའ་བ་ཉིད་དུ་འདོད། །བདེ་བ་ཆེན་པོའི་འཁོར་
[9b]
[9b.1]ལོར་ཧཱུཾ། །ཟླ་བའི་འོད་ཟེར་ལྟར་འཛག་འདོད། །དེར་ནི་འགྲོ་དང་འོང་བར་ནི། །མིག་གིས་ཀྱང་ནི་མཐོང་མི་འགྱུར། །མྱུར་བ་སྟེང་དུ་རྣམ་པར་བཤད། །རླངས་པ་ངོས་སུ་རྣམ་པར་གནས། །འཆིང་བ་དབུས་སུ་ཡང་དག་གནས། །དལ་བ་རྟག་ཏུ་རབ་ཏུ་གྲགས། །རྒྱུ་མཐུན་དང་ནི་
[9b.2]རྣམ་སྨིན་དང་། །སྐྱེས་བུ་དེ་བཞིན་མཚན་ཉིད་མེད། །འདིར་ནི་འབྲས་བུ་རྣམ་པ་བཞི། །དགའ་བ་རྣམས་སུ་རབ་ཏུ་གྲགས། །ཆུང་ངུ་འབྲིང་དང་ཆེན་པོ་དང་། །ཆེན་པོ་ལས་ཀྱང་ཆེན་པོ་སྟེ། །སེམས་ཀྱི་དབྱེ་བ་རྣམ་པ་བཞི། །མིད་ལ་སོགས་པ་རྣམ་པར་འཕྲུལ། །ལུས་ལ་སྤྲུལ་པའི་
[9b.3]འཁོར་ལོ་ནི། །ངེས་པར་ལྟེ་བ་ལས་སྐྱེས་ཏེ། །དེ་ནི་སྣ་ཚོགས་སྐད་ཅིག་བཤད། །ཆོས་ཀྱི་རང་བཞིན་སྐྱེ་བ་ནི། །རྟག་ཏུ་སྡུག་བསྔལ་ཞི་བའོ། །རྣམ་པར་སྨིན་ཉིད་སྙིང་ག་ལས། །རྟག་པ་རུ་ནི་སྐྱེད་པར་བྱེད། །ལོངས་སྤྱོད་ཅེས་ནི་བྱ་བ་ལ། །དུ་མ་རྣམས་ཀྱི་ཆ་ཤེས་བྱ། །དེ་ནི་རྣམ་ཉེད་རང་
[9b.4]བཞིན་ནོ། །སྤྱི་བོར་ཤེས་དང་ཤེས་བྱ་གནས། །ཡིད་ལ་རྣམ་པར་སྤངས་པ་སྟེ། །དེ་ནི་མཚན་ཉིད་བྲལ་རང་བཞིན། །ལྷན་ཅིག་སྐྱེས་སོགས་དགའ་བ་བཞི། །ལྷན་ཅིག་སྐད་ཅིག་དག་ལས་སྐྱེས། །འཁོར་ལོའི་གཙོ་བོར་སྐད་ཅིག་ནི། །གཞན་ཡང་དགའ་བའི་མཚན་ཉིད་ནི། །ཕྲེང་བ་
[9b.5]ཙནྡན་བུད་མེད་སོགས། །གང་ཚེ་མཐོང་པས་བདེ་འཛིན་པ། །དེ་ཚེ་དགའ་བར་ཡང་དག་བཤད། །སེམས་ཅན་ཀུན་ལ་ཡང་དག་གནས། །རྡོ་རྗེ་པདྨར་མཉམ་སྦྱོར་བས། །ཇི་ལྟར་སེམས་ནི་རྣམ་པར་གནས། །དེ་ཡི་སེམས་གང་མཚོན་པ་ནི། །དེ་ཚེ་མཆོག་ཏུ་དགའ་བར་བརྗོད། །
[9b.6]སྦྱོར་བ་ལས་ནི་དགའ་བྲལ་སེམས། །བདེ་བའི་མཐར་ནི་ཡང་དག་གནས། །དེ་ནི་དགའ་བྲལ་ཞེས་བྱར་གསུངས། །སྐྱེ་དང་འཇིག་པར་རབ་ཏུ་གྲགས། །དགའ་དང་མཆོག་ཏུ་དགའ་བ་དང་། །དགའ་བྲལ་དང་ནི་རྣམ་གསུམ་མོ། །ལྷན་ཅིག་སྐྱེས་པའི་རང་བཞིན་འདི། །བརྟན་
[9b.7]གཡོ་ཀུན་སོགས་རང་བཞིན་ཏེ། །ལྷན་ཅིག་སྐྱེས་པས་ཐམས་ཅད་གང་། །བསམ་ཡས་སུ་ནི་རྒྱལ་བས་གསུངས། །གང་ཕྱིར་བརྗོད་མེད་ཀུན་འགྲོ་བ། །ཡེ་ཤེས་ཧེ་རུ་ཀ་རུ་བརྗོད། །ཤེས་རབ་གཞན་གྱི་གནས་སུ་བརྗོད། །གང་གི་གནས་འདི་ཐབས་ཉིད་དེ། །འདི་དག་གཉིས་སུ་མེད་
[10a]
[10a.1]པས་ནི། །སྦྱོར་བའི་གནས་སུ་གནས་པ་ཡིན། །དེ་ལས་བྱུང་བ་དེ་ཉིད་གནས། །དེ་དང་བྲལ་བར་གང་གནས་པ། །ལྷན་ཅིག་སྐྱེས་ཞེས་ཡང་དག་བརྗོད། །ངག་གི་ལམ་འདས་སྤྱོད་ཡུལ་ཉིད། །བདག་གི་དེ་ཉིད་རྟག་སྔགས་དང་། །དཀྱིལ་འཁོར་དེ་ཉིད་ཡང་དག་ལྡན། །
[10a.2]ཆོས་དང་ལོངས་སྤྱོད་སྤྲུལ་པ་འདི། །འདི་ཡི་སྐུ་ལ་རྣམ་པར་གནས། །དམིགས་པ་ལས་ནི་སངས་རྒྱས་ཡིན། །དམིགས་པ་མེད་པ་རྡོ་རྗེ་འཛིན། །གནས་གཉིས་དག་ཏུ་མ་བརྟེན་པ། །ཤེས་རབ་གཉིས་མེད་ཉེ་བར་གསུངས། །གནས་བཅུ་ལ་སོགས་ས་དག་ནི། །ཕ་རོལ་ཕྱིན་མཆོག་བཅུ་
[10a.3]པོ་དེ། །ཉི་ཤུ་རྩ་བཞིར་ཕྱེ་བ་ཡིས། །ཐམས་ཅད་ལུས་ལ་རྣམ་པར་གནས། །འདི་རྣམས་རིམ་པ་ཇི་ལྟ་བར། །སྤྱི་བོ་སྤྱི་གཙུག་ལ་སོགས་དང་། །ཇི་སྲིད་པུས་མོ་གཉིས་དག་ཏུ། །འདི་རྣམས་ཀྱི་ནི་གནས་དག་ཏུ། །བདག་པོ་ལ་སོགས་བལྟ་བར་བྱ། །སྐྱེད་པ་དང་ནི་གནས་པ་དང་། །
[10a.4]རབ་ཏུ་ཐིམ་པ་ཞེས་བྱ་བ། །པུལླཱི་ར་ནི་བདག་པོ་སྟེ། །འབར་བ་འཛིན་པར་ལོངས་སྤྱོད་གནས། །ཨཽ་ཌྱ་ན་དུ་ནི་ཐིམ་པར་གསུངས། །གནས་སོགས་ཞིང་དང་དུར་ཁྲོད་དུ། །ཡན་ལག་ཀུན་ལ་ཐིམ་པར་འགྱུར། །སྡོམ་པ་ཞེས་བྱའི་མཚན་ཉིད་དོ། །སྤྲུལ་པ་ཡིས་ནི་གང་དུ་སྐྱེས། །
[10a.5]ལོངས་སྤྱོད་རྫོགས་པའི་རྒྱུ་ཡི་གནས། །ཆོས་ཀྱི་སྐུ་ཡི་རང་བཞིན་གྱིས། །ཐིམ་པར་འགྱུར་བར་ཐེ་ཚོམ་མེད། །དེ་ལྟར་སྐུ་ཡི་ཆ་རྣམས་ཀྱི། །དབང་དང་ལོངས་སྤྱོད་དག་དང་ཐིམ། །ཇི་ལྟར་གནས་སུ་དེ་བཞིན་དུ། །དགའ་བ་རྟག་ཏུ་སྐྱེ་བར་འགྱུར། །སྐྱེ་བ་དང་ནི་གནས་པ་དང་། །རིམ་པ་
[10a.6]ཡིས་ནི་རབ་ཐིམ་འགྱུར། །རྡོ་རྗེ་མཁའ་འགྲོ་མ་བསྐུལ་བས། །གནད་ཀྱི་སྒོ་ནས་དབྱེ་བར་བྱ། །དཔལ་ལྡན་འབར་འཛིན་བུ་གར་ནི། །དེ་ཡི་སྐད་ཅིག་བདེ་འབྱུང་བས། །བདེ་བས་ཐིག་ལེ་སྐྱེས་འགྱུར་ཞིང་། །ཐིག་ལེ་བརྟན་དང་གཡོ་བའི་བདག །དེ་ནི་ཕག་མོ་དེ་སངས་རྒྱས། །དཔའ་བོ་གཉིས་
[10a.7]མེད་ལྡན་པ་ཡིན། །ཕུང་སོགས་སངས་རྒྱས་དེ་རྣམས་དང་། །ཁམས་ཀྱིའང་འབྱུང་ཁུངས་རྣམ་པར་བརྗོད། །བུད་མེད་སྐྱེས་པ་གཉིས་སུ་བརྟགས། །ལྷན་ཅིག་སྐྱེས་པ་རྣམ་པ་གཉིས། །ཐམས་ཅད་ཡུལ་དུ་བརྗོད་པ་ནི། །ནམ་མཁར་ཐིམ་པས་བདུད་རྩིར་འགྱུར། །དེ་ལ་གང་དག་སྤྱོད་པ་ནི། །
[10b]
[10b.1]ཐམས་ཅད་མཁའ་ལ་སྤྱོད་པར་འགྱུར། །མཁའ་འགྲོ་ཀུན་གྱི་དྲ་བ་ཡི། །བདེ་བ་དག་གི་སྙིང་པོའོ། །འདིར་ནི་ཕྲེང་མེད་སྔགས་བཟླས་མེད། །ལྷན་ཅིག་སྐྱེས་པས་ཐམས་ཅད་གནས། །དེ་ཕྱིར་རྣམ་རྟོག་མེད་པ་ཡིས། །འབད་པས་གུས་པ་བསྐྱེད་པར་བྱ། །འཇིགས་དང་ངོ་ཚ་
[10b.2]རྟག་ཏུ་སྤང་། །རྣལ་འབྱོར་རོལ་པས་གནས་པར་བྱ། །འདི་ལྡན་བཟླས་བརྗོད་སྦྱིན་སྲེག་དང་། །མཆོད་སྦྱིན་བསམ་གཏན་དཀྱིལ་འཁོར་སོགས། །བུམ་པ་རྡུལ་ཚོན་ཐིག་ཆོ་ག །ལུས་ལ་ལྷན་ཅིག་སྐྱེས་གྲུབ་པས། །སྲུབ་དང་བསྲུབ་པའི་སྦྱོར་བ་ལས། །ཡེ་ཤེས་མེ་ནི་ཤིན་ཏུ་
[10b.3]འབར། །ལས་ཀྱི་རླུང་གིས་བསྐུལ་ནས་ནི། །ལྟེ་བའི་པདྨར་རྣམ་པར་གནས། །དུ་བ་འཐུལ་བ་འབར་བ་དང་། །ལྷན་ཅིག་སྐྱེས་པའི་རང་བཞིན་གསལ། །ཡེ་ཤེས་འཁོར་ལོར་སོན་པ་ཡིས། །སངས་རྒྱས་རྣམས་ནི་བསྲེགས་ནས་ནི། །ལོངས་སྤྱོད་རྫོགས་པའི་འཁོར་ལོར་ཞུགས། །
[10b.4]ཐབས་ལ་མཆོད་པ་བྱས་ནས་ནི། །མཛོད་སྤུར་ཡིད་ནི་ཞུགས་གྱུར་པས། །ཨཽ་ཌྱ་ན་ཞེས་ནི་བྱ་བ་ཡི། །གནད་ཀྱི་སྒོ་ནས་འཐོན་ནས་ཀྱང་། །ཛཱ་ལནྡྷ་རར་རབ་ཏུ་ཞུགས། །བདེ་གཤེགས་ཐམས་ཅད་བསྲེགས་ནས་ནི། །ལྷ་མོ་ཡིད་ཀྱི་ཤུགས་ལྡན་ན། །དམིགས་ཀྱིས་མཐོང་བར་མི་
[10b.5]འགྱུར་རོ། །སངས་རྒྱས་ཐམས་ཅད་བསྐུལ་ནས་ནི། །བདུད་རྩི་ཕུང་པོར་བྱས་ནས་ཀྱང་། །འོ་མའི་རྒྱུན་ལྟར་འཛག་པར་འགྱུར། །གསེར་གྱི་སྒོར་ནི་ཞུགས་པར་འགྱུར། །ལོངས་སྤྱོད་འཁོར་ལོར་གནས་ནས་ཀྱང་། །ས་ཡི་བུ་གར་འཛག་པར་འགྱུར། །ཟོ་ཆུན་རྒྱུན་མོ་ལྟ་
[10b.6]བུ་ནི། །སེམས་ཀྱི་ངོ་བོར་ངལ་བསོ་ནས། །རྒྱུན་མི་འཆད་པར་བསྲེགས་ནས་ཀྱང་། །རྒྱལ་བ་རྣམས་ནི་མཉེས་པར་བྱེད། །ཡང་དག་ལས་ནི་རབ་ཏུ་འབྱུང་། །ལྟེ་བའི་པདྨར་ཡང་དག་གནས། །ཀུན་ནས་ཡང་ནི་འགྲོ་བ་དང་། །དེ་བཞིན་དུ་ནི་རྒྱུན་འོ་ཉིད། །མཁའ་འགྲོ་རྩ་ནི་ཀུན་
[10b.7]སྤྱོད་ནི། །བདེ་མཆོག་འཁོར་ལོར་བཤད་པའོ། །སྡོམ་པ་བཤད་པ་ཞེས་བྱ་བ། སློབ་དཔོན་ཆེན་པོ་བརྟུལ་ཞུགས་ཀྱི་སྤྱོད་པ་ལ་ཞུགས་པ་ནག་པོ་པས་མཛད་པ་རྫོགས་སོ།། །།ཛ་གོ་ཏ་ལར་འོར་སྟོན་ཆོས་འབྱུང་གིས་བསྒྱུར་བའོ། །{T1461}༄༅༅། །རྒྱ་གར་སྐད་དུ།
[11a]
[11a.1]སཔྟ་ཨ་ཀྵ་ར་སཱ་དྷ་ནཾ། བོད་སྐད་དུ། ཡི་གེ་བདུན་པའི་སྒྲུབ་ཐབས། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །བྱིས་པ་བུད་མེད་ཕལ་ཆེར་ནི། །རྒྱས་པར་གཟུང་དཀར་འགྱུར་བས་ན། །མདོར་བསྡུས་པའི་ཡང་མདོར་བསྡུས་ནས། །ཡི་གེ་བདུན་པ་བསྡུ་
[11a.2]བར་བྱ། །མཆོད་སོགས་སྟོང་ཉིད་བྱང་ཆུབ་ཀྱི། །སྔགས་ཀྱི་མཐར་ཐུག་འོག་ཏུ་ནི། །བརྩེར་ལྡན་ལུས་ཀྱི་དབུས་སོན་པའི། །རྡོ་རྗེ་མཁའ་འགྲོ་རབ་བསྒྲུབ་བྱ། །ཡཾ་རཾ་བཾ་ལཾ་འབྱུང་བ་བཞིའི། །དཀྱིལ་འཁོར་སྟེང་དུ་སུཾ་ལས་བྱུང་། །ལྷུན་པོ་རིན་ཆེན་སྣ་བདུན་དང་། །རྩེ་མོ་བརྒྱད་པ་བསམ་
[11a.3]པར་བྱ། །ཨོཾ་མེ་དི་ནཱི་བཛྲཱི་བྷ་པ་བཛྲ་བནྡྷ་ཧཱུཾ། ཨོཾ་བཛྲ་པྲཱ་ཀཱ་ར་ཧཱུཾ་བཾ་ཧཱུཾ། ཨོཾ་བཛྲ་པཉྫ་ར་ཧཱུཾ་ཡཾ་ཧཱུཾ། ཨོཾ་བཛྲ་བི་ཏཱ་ན་ཧཱུཾ་ཁཾ་ཧཱུཾ། ཨོཾ་བཛྲ་ས་ར་ཛཱ་ལ་ཏྲཱཾ་སཾ་ཏྲཱཾ། ཨོཾ་བཛྲ་ཛྭ་ལ་ཨ་ན་ལཱ་རྐ་ཧཱུཾ་ཧཱུཾ་ཧཱུཾ། རྡོ་རྗེ་ས་སོགས་དྲུག་བྱས་ནས། །འཁོར་ལོ་སྣ་ཚོགས་རྡོ་རྗེར་གནས། །སྣ་ཚོགས་རྡོ་རྗེའི་ཕྲེང་བས་
[11a.4]བསྐོར། །རྩིབས་དྲུག་ལ་ནི་བྲི་བར་བྱ། །འདིར་ནི་ཧཱུཾ་ལས་བྱུང་བ་ཡི། །རྡོ་རྗེ་མཁའ་འགྲོ་བདེ་ཆེན་པོ། །ཕྱག་དྲུག་ཞལ་གསུམ་སྤྱན་གསུམ་པ། །མཚན་ཀུན་གྱིས་མཚན་བསྒོམ་པར་བྱ། །དཔེ་བྱད་བརྒྱད་ཅུ་ཡང་དག་ལྡན། །ཁྱབ་བདག་ཨཱ་ལི་ཀཱ་ལིས་བྱུང་། །རྡོ་རྗེ་དྲིལ་བུས་སྙོམས་
[11a.5]པར་ཞུགས། །མི་ཡི་པགས་པ་རློན་པ་འཆང་། །གཡོན་པ་ཐོད་པ་ཁ་ཊཱཾ་ག །ཕྱག་གཡས་ན་ནི་མདུང་རྩེ་གསུམ། །ཐོད་པའི་ཕྲེང་བའི་ཅོད་པན་དང་། །རལ་པས་སྣ་ཚོགས་རྡོ་རྗེ་འཆང་། །ཟླ་བ་ཕྱེད་པའི་ཐོད་དང་ནི། །ཕྱག་རྒྱ་དྲུག་གིས་སྐུ་ལ་བཀླུབས། །མཐིང་དང་སེར་དང་ལྗང་གུའི་
[11a.6]ཞལ། །སྟག་གི་པགས་པའི་ན་བཟའ་གསོལ། །འཇིགས་བྱེད་དང་ནི་དུས་མཚན་མོ། །གཡས་བརྐྱང་བ་ཡིས་ཉི་མར་མནན། །མགོན་པོ་ཇི་ལྟ་དེ་བཞིན་དུ། །རྡོ་རྗེ་ཕག་མོའང་ཕྱག་ལ་སོགས། །ལྷ་མོ་བྱིན་པ་ཡང་དག་འཁྱུད། །མཆོག་ཏུ་དགའ་བས་མྱོས་པ་མོ། །ཛཿ་ཧཱུཾ་བཾ་ཧོཿ་ཡི་གེ་
[11a.7]འདིས། །ཡེ་ཤེས་དགུག་པ་ལ་སོགས་པ། །རྣལ་འབྱོར་མ་དྲུག་རྩིབས་དྲུག་ལ། །གཡོན་དུ་བསྐོར་བས་རྣམ་བསྐོར་བས། །དང་པོ་ལྷ་མོ་ཁྲག་འཐུང་མ། །གཉིས་པ་རྡོ་རྗེ་འཇིགས་བྱེད་མ། །གསུམ་པ་དྲག་གཏུམ་མ་དང་ནི། །བཞི་པ་རྡོ་རྗེ་སྣང་བྱེད་མ། །ལྔ་པ་རྡོ་རྗེ་དྲག་མོ་སྟེ། །
[11b]
[11b.1]དྲུག་པ་རྡོ་རྗེ་མཁའ་འགྲོ་ཡིན། །སྔོན་མོ་སེར་མོ་ལྗང་གུ་དང་། །དམར་མོ་དུད་ཀ་དེ་བཞིན་དཀར། །སྐྲ་བཤིག་མ་ལ་དྲག་ཆེན་མ། །སྤྱན་གསུམ་མ་སྟེ་ཕྱོགས་ཀྱི་གོས། །ཕྱག་ནི་ཅིག་ཤོས་ཕྱག་གཉིས་ནི། །སྒྲ་སྒྲོགས་ཌ་མ་རུ་དྲིལ་བུས་མཚན། །མི་ཡི་པགས་པ་བསྣམས་པ་
[11b.2]སྟེ། །ཡི་དྭགས་ཉི་མའི་སྟེང་ན་གནས། །ཐོད་པའི་ཕྲེང་བའི་ཅོད་པན་ཅན། །གཡས་བརྐྱང་གདན་ལ་ཡང་དག་བཞུགས། །ལྷ་རྣམས་ཐམས་ཅད་གོ་རིམས་བཞིན། །ཡི་གེ་དྲུག་ལས་བྱུང་བ་བསྒོམ། །ལཱཾ་མཱཾ་པཱཾ་ཏཱཾ་ཁཾ་ཞེས་པས། །ཁམས་ལྔ་པོ་ནི་བྱིན་གྱིས་བརླབ། །ཨོཾ་ཨཱཾ་ཧྲི་ཧོ་ཧཱུཾ་ཧྲཱི་ཞེས། །
[11b.3]གཟུགས་སོགས་ཕུང་པོ་ལ་ཡང་ངོ་། བྷྲཱུཾ་ཧཱུཾ་ཁ་ཨཱ་ཧོ་ཧཾ་གིས། །སྐྱེ་མཆེད་རྣམས་ནི་སྦྱང་བར་བྱ། །ཨོཾ་ཧ་ན་མ་ཧི། སྭཱ་ཧཱ་ཧུ། བཽ་ཥཊ་ཧེ། ཧཱུཾ་ཧཱུཾ་ཧོ། ཕཊ་ཧཾ། བྲང་མགོ་སྤྱི་གཙུག་ཕྲག་པ་དང་། །མིག་ལ་སོགས་པར་སྦྱར་བར་བྱ། །ཨོཾ་བཾ་ཧཾ་ཡོཾ་ཧྲིཾ་མོཾ་ཧྲེ་ཧྲིཾ་ཧཱུཾ་ཧཱུཾ་ཕཊ་ཕཊ། ལྟེ་བ་སྙིང་ག་ཁ་དང་ནི། །
[11b.4]སྤྱི་བོ་སྤྱི་གཙུག་གཞན་ལ་དགོད། །ལུས་དང་ངག་ལམ་སེམས་ལ་ནི། །ཨོཾ་ཨཱཿ་ཧཱུཾ་ནི་དགོད་པར་བྱ། །འཁོར་ལོས་སྒྱུར་དྲུག་འཁོར་ལོར་གནས། །ལྷ་མོའི་ཚོགས་ཀྱི་ལག་གནས་པའི། །བདུད་རྩི་ལྔ་ཡི་ཁུ་བས་གང་། །ཐོད་པ་རྣམས་ཀྱིས་དབང་བསྐུར་བྱ། །མཆོད་དང་བསྟོད་དང་བདུད་རྩི་
[11b.5]མྱང་། །བྱས་པར་གྱུར་པས་སྤྱད་པར་བྱ། །དོགས་པ་མེད་པའི་སེམས་ཀྱིས་ནི། །གསང་སྔགས་ཡི་གེ་བདུན་པ་བཟླས། །ཨོཾ་ཧྲཱིཿ་ཧ་ཧ་ཧཱུཾ་ཧཱུཾ་ཕཊ། །བསམ་གཏན་བཟླས་པ་གང་ཚེ་སྐྱོ། །དེ་ཚེ་དག་པ་རྗེས་དྲན་བྱ། །དྲན་པ་ཡང་དག་བྱང་ཆུབ་ཀྱི་ཡན་ལག་ནི་དཔལ་ཧེ་རུ་ཀའོ། །ཆོས་རབ་ཏུ་
[11b.6]རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི་ཁྲག་འཐུང་མའོ། །བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི་རྡོ་རྗེ་འཇིགས་བྱེད་མའོ། །དགའ་བ་ཡང་དག་བྱང་ཆུབ་ཀྱི་ཡན་ལག་ནི་རབ་གཏུམ་མའོ། །ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ནི་རྡོ་རྗེ་སྣང་བྱེད་མའོ། །ཏིང་ངེ་
[11b.7]འཛིན་ཡང་དག་བྱང་ཆུབ་ཀྱི་ཡན་ལག་ནི་རྡོ་རྗེ་དྲག་མོའོ། །མགུར་ཆུ་གདུ་བུ་རིན་ཆེན་དང་། །རྣ་ཆ་གདུབ་ཀོར་ཚངས་སྐུད་དེ། །དེ་དག་ཕ་རོལ་ཕྱིན་པ་དྲུག །ཕྱག་རྒྱའི་གཟུགས་སུ་སྦྱར་བ་ཡིན། །ཡི་གེ་བདུན་པའི་སྒྲུབ་ཐབས་སློབ་དཔོན་རྒྱལ་དཀའ་ཟླ་བས་བཏུས་པ་རྫོགས་སོ།། {T1462}༅༅༅།།རྒྱ་གར་སྐད་དུ།
[12a]
[12a.1]ཤྲཱི་ཙཀྲ་སཾ་བ་ར་སཱ་དྷ་ན་ཨ་མྲྀ་ཏ་ཀྵ་ར་ནཱ་མ། བོད་སྐད་དུ། དཔལ་འཁོར་ལོ་སྡོམ་པའི་སྒྲུབ་ཐབས་བདུད་རྩི་འཛག་པ་ཞེས་བྱ་བ། བཅོམ་ལྡན་འདས་དཔལ་ཧེ་རུ་ཀ་ལ་ཕྱག་འཚལ་ལོ། །དབང་པོ་དགག་དཀའ་གླང་པོ་མཆོག །ནུས་པའི་སྟོབས་ཀྱི་ལྕགས་ཀྱུས་
[12a.2]འགུགས། །ཐིག་སྟོང་སངས་རྒྱས་ཉིད་མྱུ་གུ། །ཟླ་བའི་འོད་ཟེར་ལྟར་འཕྲོ་བ། །རང་སྙིང་པད་སྣང་དབུས་གནས་པའི། །ཟླ་བའི་གཟུགས་བརྙན་ནང་དམིགས་པ། །ས་ཆུ་མེ་རླུང་མཁའ་རང་བཞིན། །སྐྱེ་མེད་ཐིག་ལེ་ལ་ཕྱག་འཚལ། །བརྡ་འབའ་ཞིག་ནི་གཙོར་གྱུར་པ། །ཚིག་གི་སྡེ་བ་དང་
[12a.3]འབྲེལ་པ་དང་། །རྟགས་རྣམས་རང་དགའ་བ་ཡི་རྒྱུད། །དཔལ་ལྡན་འཁོར་ལོ་སྡོམ་པ་མཆོག །ཡུན་རིང་པ་རུ་རྟོགས་དཀའ་བ། །འབྲེལ་མེད་སྐད་ནི་མ་ལུས་གསུངས། །དེ་ཟབ་རྒྱ་མཚོ་ལྟར་གནས་པ། །ཟབ་མོ་སུ་ཡིས་ཤེས་པ་ཡིན། །དེ་ཕྱིར་བདག་གིས་རྩ་བ་ཡི། །བཤད་པ་ཕྱི་
[12a.4]མ་ཡོངས་ཤེས་པས། །འཁོར་ལོ་དག་པ་དེ་རིང་བརྩམས། །རི་དང་ནགས་ཚལ་ཕུག་རྣམས་དང་། །ཆུ་བོའི་འགྲམ་དང་བཞི་མདོ་དང་། །རྒྱ་མཚོ་ཆེན་པོ་ཉམས་དགའི་འགྲམ། །ཤིང་གཅིག་དྲུང་དང་བདེ་བའི་གནས། །གནས་ནི་ཉེ་བར་བསྟན་པ་ཡིན། །ཡང་ན་ཡིད་དང་མཐུན་པར་ཏེ། །
[12a.5]དེ་རུ་རྣལ་འབྱོར་བརྩམ་པར་བྱ། །འདོད་པ་ཀུན་གྱི་འབྲས་བུ་ཐོབ། །སྙིང་ག་ཆུ་སྐྱེས་དབུས་གནས་པར། །ཉི་མ་ཐོད་པ་བསྒོམ་པར་བྱ། །དེ་རུ་དེ་ཉིད་མཆོག་ལྟ་བ། །ཡེ་ཤེས་ལྔ་ཡི་རང་བཞིན་ཞི། །འོད་ཟེར་སྣ་ཚོགས་རང་བཞིན་མཆོག །ཀུན་ནས་རྣམ་པར་འཕྲོ་གྱུར་པ། །སེམས་ཙམ་ཉིད་དུ་
[12a.6]གནས་པ་སྟེ། །བྱང་ཆུབ་མཆོག་ནི་སྒྲུབ་པར་བྱེད། །ནམ་མཁའི་དབྱིངས་སུ་བསྒོམ་བྱ་བ། །དཀྱིལ་འཁོར་མཆོག་དགའ་བསྒོམ་པར་བྱ། །ཏིལ་གོང་གཏམས་འདྲའི་སངས་རྒྱས་དང་། །བྱང་ཆུབ་སེམས་དཔའ་མཆོད་པར་བྱ། །འགྲོ་བ་དྲུག་གི་སེམས་ཅན་རྣམས། །བླ་མེད་གོ་འཕང་ཐོབ་
[12a.7]བྱའི་ཕྱིར། །དེ་རུ་གསུམ་ལ་སྐྱབས་འགྲོ་བྱ། །དམ་བཅའ་ཡོངས་སུ་གཟུང་བྱ་སྟེ། །སེམས་ཅན་ཀུན་གྱི་དོན་གྱི་ཕྱིར། །སངས་རྒྱས་ཧེ་རུ་ཀ་རུ་ཤོག །དེ་ནས་ཚངས་པ་ཡི་ནི་གནས། །བཞི་པོ་རྣམས་ནི་བསྒོམ་པར་བྱ། །བསམ་གཏན་ཕ་རོལ་ཕྱིན་པ་དམིགས། །སེམས་ནི་མཆོག་སྟེ་
[12b]
[12b.1]གཅིག་གྱུར་པས། །ཕྱི་རོལ་ནང་གི་ཆོས་རྣམས་ནི། །ཐམས་ཅད་སྟོང་པར་བལྟ་བར་བྱ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། །རྣམ་ཤེས་སོ་སོར་སྣང་བ་ཙམ། །སེམས་ཙམ་རྣམ་པར་བརྟག་པར་བྱ། །ས་ཡི་འོག་གི་མཐར་ཐུག་པར། །རླུང་གི་དཀྱིལ་འཁོར་བསམ་པར་བྱ། །
[12b.2]ཡི་གེ་ཡཾ་ལས་ཡང་དག་བྱུང་། །ཁ་དོག་སྔོན་པོ་གཞུ་རྣམ་པ། །དུ་བའི་ཕྲེང་བའི་ཚོགས་ཀྱིས་བསྐོར། །བ་དན་མཚན་པ་དེ་བསྒོམ་བྱ། །དེ་སྟེང་ཡི་གེ་རཾ་ལས་ནི། །མེ་ཡི་དཀྱིལ་འཁོར་མཆོག་བསམ་པ། །གྲུ་གསུམ་ཁ་དོག་དམར་པོ་ནི། །འབར་བའི་ཕྲེང་བའི་ཚོགས་ཆེན་པོ། །ཉི་མ་བྱེ་བ་
[12b.3]དང་མཚུངས་བསམ། །རྡོ་རྗེས་མཚན་པ་དེ་བསྒོམ་བྱ། །དེ་ཡི་སྟེང་དུ་ཆུ་ཉིད་ནི། །ཟླུམ་པོ་འོད་ཟེར་ཕྲེང་བ་ཅན། །བ་མོ་དང་ནི་མཚུངས་པ་ཉིད། །བཾ་སྐྱེས་བུམ་པས་མཚན་པའོ། །དེ་ཡི་སྟེང་དུ་ས་བསྒོམ་པ། །ཡི་གེ་ལཾ་ལས་བྱུང་བ་མཆོག །གྲུ་བཞི་རྡོ་རྗེས་མཚན་པ་ལ། །སེར་པོའི་འོད་ཀྱི་
[12b.4]ཚོགས་ཀྱིས་བསྐོར། །དེ་སྟེང་བསྒོམ་པར་བྱ་བ་ཉིད། །རི་ཡི་རྒྱལ་པོ་རི་རབ་མཆོག །རིན་ཆེན་བདུན་གྱི་རང་བཞིན་མཆོག །རྩེ་མོ་བརྒྱད་ཀྱིས་ཉེ་བར་བརྒྱན། །ཡི་གེ་སུཾ་ལས་ཡང་དག་བྱུང་། །འོད་ཟེར་སྣ་ཚོགས་ཀུན་དུ་འཁྲིགས། །དེ་རུ་ར་བ་དྲ་བ་དང་། །རྡོ་རྗེ་ས་གཞི་བླ་རེ་དང་། །
[12b.5]མདའ་ཡི་དྲ་བར་བྱིན་གྱིས་བརླབ། །མེ་ཡི་དྲ་བ་ཕྱི་རོལ་ཉིད། །ཨོཾ་མེ་དི་ནཱི་བཛྲཱི་བྷ་བ་བནྡྷ་ཧཱུཾ། ཨོཾ་བཛྲ་པྲཱ་ཀཱ་ར་ཧཱུཾ་བཾ་ཧཱུཾ། ཨོཾ་བཛྲ་པཉྫ་ར་ཧཱུཾ་ཡཾ་ཧཱུཾ། ཨོཾ་བཛྲ་བི་ཏཱ་ན་ཧཱུཾ་ཁཾ་ཧཱུཾ། ཨོཾ་བཛྲ་ས་ར་ཛཱ་ལ་ཏྲཱཾ་སཾ་ཏྲཱཾ། ཨོཾ་བཛྲ་ཛྭ་ལ་ཨ་ན་ལཱརྐ་ཧཱུཾ་ཧཱུཾ་ཧཱུཾ། དཔལ་ལྡན་ཧེ་རུ་ཀ་འཁོར་ལོ། །རྩིབས་བརྒྱད་
[12b.6]རབ་ཏུ་འབར་བའི་འོད། །འདིར་ཉིའི་གཟུགས་བརྙན་ལ་གནས་ལྟར། །རྡོ་རྗེ་སེམས་དཔའ་རྣམ་པར་བསྒོམ། །དེ་ནས་ལུགས་བྱུང་ལུགས་མིན་པས། །ཁྲོ་བོ་བརྒྱད་ནི་བསྒོམ་པར་བྱ། །རྡོ་རྗེ་གཏུམ་པོ་ཉི་མ་མེ། །རྡོ་རྗེ་གཙུག་ཏོར་དེ་བཞིན་ཏེ། །རྡོ་རྗེ་གནོད་སྦྱིན་བདུད་རྩི་འཁྱིལ། །རྡོ་རྗེ་
[12b.7]དུས་དང་སྟོབས་པོ་ཆེ། །རྡོ་རྗེ་འཇིགས་བྱེད་ཅེས་བྱ་བ། །ཁྲོ་བོ་འདི་དག་རྣམ་པར་དགོད། །སྔོན་པོ་སེར་པོ་དེ་བཞིན་དམར། །ལྗང་གུ་དུ་བའི་མདོག་འདྲ་དང་། །དཀར་པོ་ནག་པོ་དམར་འདྲ་བ། །འཇིགས་པ་ཐོད་པ་དང་ལྡན་གཙིགས། །དེ་བཞིན་ཞལ་གསུམ་ཕྱག་དྲུག་པ། །ཐམས་ཅད་མི་
[13a]
[13a.1]རུས་རྒྱན་གྱིས་མཛེས། །གཡས་བརྐྱང་པ་ཡི་ཞབས་ཀྱིས་གནས། །སྣ་ཚོགས་པདྨ་ཉི་དཀྱིལ་བཞུགས། །འཇིག་རྟེན་སྐྱོང་བ་བརྒྱད་པོ་རྣམས། །ཞབས་ཀྱིས་གནོན་པ་རྣམ་པར་བསྒོམ། །ཐོད་པ་ཁ་ཊྭཱཾ་ག་དག་བསྣམས། །ཞགས་པ་ལྕགས་ཀྱུ་བསྣམས་པ་མཆོག །
[13a.2]དྲིལ་བུ་ཅང་ཏེའུ་ཐམས་ཅད་ལ། །ཤེས་རབ་འཁྱུད་པ་དམ་པ་བདེ། །སྐྲ་སེར་གྱེན་བརྫེས་ཞལ་འགྱུར་ཞིང་། །མཆེ་བ་གཙིགས་ལྡན་འཇིགས་བྱས་པ། །སྟག་གི་པགས་པའི་ན་བཟའ་བསྣམས། །སྦྲུལ་གྱི་རྒྱན་གྱིས་འཇིགས་མཛད་པ། །དེ་གྱུར་པ་ཡི་བདག་ཉིད་ལས། །རྡོ་རྗེ་ཧཱུཾ་མཛད་
[13a.3]རྣམ་པར་བསྒོམ། །དྲག་པོ་ཁྲོ་བོ་འབར་བས་བསྐོར། །ཞལ་འགྱུར་གཙིགས་ཤིང་འཇིགས་མཛད་པ། །རྒྱན་ཀུན་གྱིས་ནི་ཀུན་དུ་མཚན། །རྡོ་རྗེ་ལྕགས་ཀྱུ་ཞགས་པ་དང་། །དྲིལ་བུ་ཐོད་པ་ཁ་ཊྲཱཾ་ག །མགོ་བོའི་ཕྲེང་བས་ལུས་དྲག་པོ། །མགོ་བའི་སྐེ་རགས་དྲག་པོས་བཅིངས། །
[13a.4]གདུག་པ་ཐམས་ཅད་ཞབས་ཀྱིས་མནན། །ཤེས་རབ་དང་ནི་ཡང་དག་ལྡན། །རྡོ་རྗེ་སེམས་དཔའི་ཅོད་པན་ཅན། །རྡོ་རྗེ་ཧཱུཾ་མཛད་བསྒོམ་པར་བྱ། །སྟེང་དང་འོག་ཏུ་གནས་བསམ་པ། །ཁྲོ་བོ་གཉིས་ནི་རྣམ་པར་བསྒོམ། །གཙུག་ཏོར་རྡོ་རྗེས་འོག་སྟེ། །དཀར་པོ་མིག་སྨན་སྔོན་
[13a.5]འདྲའི་འོད། །ཐོད་མཚན་ཁ་ཊྭཱཾ་ག་བསྣམས་པ། །ཕྱག་ན་འཁོར་ལོ་མདུང་ཞགས་པ། །ལྕགས་ཀྱུ་རྡོ་རྗེ་དྲིལ་བུ་བསྣམས། །གཡས་བརྐྱང་པ་ཡི་གནས་པས་གནས། །ཁྲོ་བོའི་རྣམ་པའི་ཕུར་བུ་ནི། །ཕྱོགས་བཅུ་པོ་འདིར་དགོད་པར་བྱ། །ཨོཾ་སུཾ་བྷ་ནི་སུཾ་བྷ་ཧཱུཾ་ཧཱུཾ་ཕཊ་ཕཊ། ཤར་དུའོ། །
[13a.6]ཨོཾ་གྲྀ་ཧྞ་གྲྀ་ཧྞ་ཧཱུཾ་ཧཱུཾ་ཕཊ་ཕཊ། བྱང་དུའོ། །ཨོཾ་གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུཾ་ཧཱུཾ་ཕཊ་ཕཊ། ནུབ་ཏུའོ། །ཨོཾ་ཨཱ་ན་ཡ་ཧོ། བྷ་ག་བཱ་ན་བཛྲ་རཱ་ཛ་ཧཱུཾ་ཧཱུཾ་ཕཊ་ཕཊ། ལྷོ་རུའོ། །གསང་སྔགས་རྒྱལ་པོ་འདི་ཡིས་ནི། །བགེགས་རྣམས་ཀུན་གྱི་མགོ་བོ་རུ། །ལུགས་སུ་འབྱུང་དང་ལུགས་མིན་པས། །ཁྲོ་བོའི་ཕུར་
[13a.7]བུ་དགོད་པར་བྱ། །ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཱཾ་བི་གྷྣཱཾ་ཧཱུཾ་ཕཊ། ཨོཾ་ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཧཱུཾ་ཕཊ། ཨོཾ་ཧཱུཾ་ཧཱུཾ་བཛྲ་ཀཱི་ལ་བཛྲ་དྷ་རོ་ཏ་ཨཱ་ཛྙཱ་པ་ཡ་ཏི། སརྦ་བི་གྷྣཱཾ་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་མུངྒ་ར་བཛྲ་ཀཱི་ལ་ཨཱ་ཀོ་ཊ་ཡ་ཧཱུཾ་ཕཊ། རྡོ་རྗེ་བློ་མཆོག་
[13b]
[13b.1]ཁྲོ་ཚིག་གིས། །ཕྱིས་ནི་གསང་སྔགས་འདི་བཟླས་བྱ། །ཨོཾ་ཁ་བཛྲ་དྷྲྀ་ཀ་བཛྲ་ཧཱུཾ་ཀ་ར་བཛྲ་ཧཱུཾ་ཕཊ། ཨོཾ་བཛྲ་ཙཎྜ་བཛྲ་ཧཱུཾ་ཕཊ། ཨོཾ་བཛྲ་ཨ་ན་ལཱ་རྐ་ཧཱུཾ་ཕཊ། ཨོཾ་བཛྲ་ཏིཥྛ་བཛྲ་ཧཱུཾ་ཕཊ། ཨོཾ་བཛྲ་ཀུཎྜ་ལི་བཛྲ་ཧཱུཾ་ཕཊ། ཨོཾ་བཛྲ་ཡཀྵ་བཛྲ་ཧཱུཾ་ཕཊ། ཨོཾ་བཛྲ་ཀ་ལ་བཛྲ་ཧཱུཾ་ཕཊ། ཨོཾ་བཛྲ་མ་ཧཱ་བ་ལ་ཧཱུཾ་
[13b.2]ཕཊ། ཨོཾ་བཛྲ་བྷི་ཥ་ན་བཛྲ་ཧཱུཾ་ཕཊ། ཨོཾ་བཛྲོ་ཥྞཱི་ཥ་ཙཀྲ་བརྟི་བཛྲ་ཧཱུཾ་ཕཊ། ཨོཾ་བཛྲ་པ་ཏ་ལ་བཛྲ་ཧཱུཾ་ཕཊ། དེ་ལྟར་ང་རྒྱལ་ཉིད་ཀྱིས་གྲུབ། །སྐད་ཅིག་གིས་ནི་བགེགས་མེད་འགྱུར། །སྔོན་པོ་སེར་པོ་ལྗང་གུ་ནི། །རྡོ་རྗེ་ཧཱུཾ་ཀ་ར་རུ་བཤད། །སེར་པོ་དང་ནི་ནག་པོ་ལྗང་། །དུད་ཁ་སེར་པོ་དང་ལྗང་གུ། །
[13b.3]དཀར་པོ་དང་ནི་སེར་པོ་ལྗང་། །དམར་པོ་དང་ནི་སེར་ལྗང་གུ། །ལྗང་གུ་སེར་པོ་དང་ནག་པོ། །གཞན་རྣམས་ཀྱི་ནི་བདག་པོ་བཞིན། །མི་བསྐྱོད་ཅོད་པན་དམ་ཚིག་ཏུ། །བསྒོམས་པས་རྡོ་རྗེ་འཆང་བ་དགྱེས། །དེ་ལྟར་སྒོམ་པ་བྱེད་གྱུར་པས། །གལ་ཏེ་སྐྱོ་བ་
[13b.4]སྐྱེས་གྱུར་ན། །སྟོང་པ་ཉིད་ཀྱི་ཡེ་ཤེས་ནི། །དྲན་བྱ་དད་བས་མཉམ་པར་གཞག །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨོཾ་ཨ་ནི་མི་ཏཱ་ཛྙཱ་ན་བཛྲ་སྭ་བྷཱ་པ་ཨཱཏྨ་ཀོ྅ཧཾ། ཨོཾ་ཨ་པྲ་ཎི་ཧི་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཀུན་དུ་བཟང་པོ་ཀུན་གྱི་བདག །ཡོངས་སུ་གྱུར་པ་མཁའ་དབྱིངས་ཏེ། །
[13b.5]མཁའ་དབྱིངས་དེ་རུ་བསྒོམ་བྱ་བ། །ཡི་གེ་ཨོཾ་ནི་རྣམ་པར་བསྒོམ། །དེས་ནི་འཁོར་ལོ་གཉིས་ཀ་ལས། །རྣམ་པར་སྣང་མཛད་བསྒོམ་པར་བྱ། །དཀར་པོ་ཕྱག་བཞི་རིག་མས་འཁྱུད། །གཡས་དང་གཡོན་ལ་འཁོར་ལོ་དང་། །ཐོད་པ་དང་ནི་ཅང་ཏེའུ་དང་། །ཁ་ཊྭཱཾ་ག་ཡང་དེ་བཞིན་ནོ། །དེ་གྱུར་འཁོར་
[13b.6]ལོར་བཅས་པ་ཡི། །གཞལ་ཡས་ཁང་ནི་རྣམ་པར་བསྒོམ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་བརྒྱན་བྱས་པ། །དྲ་བ་དྲ་ཕྱེད་དག་གིས་མཛེས། །དར་དཔྱངས་ཕྲེང་བ་དག་གིས་བརྒྱན། །ཟུར་ཀུན་གྱི་ནི་ཆ་རྣམས་སུ། །རྡོ་རྗེ་རིན་པོ་ཆེས་མཚན་པ། །ཕྱི་ཡི་དཀྱིལ་འཁོར་བསྒོམ་པར་
[13b.7]བྱ། །དེ་ཡི་ནང་དུ་འཁོར་ལོ་ལ། །རེའུ་མིག་དགུ་སྟེ་ཕྱིར་བཅུ་དྲུག །ནང་གི་རེའུ་མིག་དབུས་སུ་ནི། །ཤིན་ཏུ་མཛེས་པའི་པདྨ་ལྟར། །ལྟེ་བ་གེ་སར་ཉེ་བར་བརྒྱན། །ཁ་དོག་སྣ་ཚོགས་འདབ་བརྒྱད་པ། །རེའུ་མིག་རྣམས་ལ་རྡོ་རྗེ་ལྡན། །ས་གཞི་རྣམས་པ་སྣ་ཚོགས་འདོད། །འཁོར་ལོ་
[14a]
[14a.1]པདྨ་རྡོ་རྗེ་ཡི། །ཕྲེང་བས་འཁོར་ལོ་གསུམ་ཡོངས་བསྐོར། །རིན་ཆེན་ཕྲེང་བས་པད་དེ་བཞིན། །རིན་ཆེན་འབར་བའི་འོད་གསལ་བའོ། །སྣ་ཚོགས་རྡོ་རྗེས་བསྐོར་བ་ཡི། །དམ་ཚིག་གི་ནི་འཁོར་ལོ་བྲིས། །ཡི་དགས་ཁ་དོག་ལྔ་རྣམས་ཀྱིས། །ཕྱི་རོལ་དཀྱིལ་
[14a.2]འཁོར་ཀུན་དུ་བསྐོར། །རྡོ་རྗེ་ཕྱེད་པས་སྒོ་ཟུར་གྱི། །ཀ་བའི་རྩེ་མོ་དབུས་ནས་མཚན། །ཕྱི་རུ་དུར་ཁྲོད་འཇིགས་པ་ཡི། །ཁ་དོག་སྣ་ཚོགས་མཆོག་གི་མཆོག །སྣ་ཚོགས་ཤིང་རྣམས་ཉམས་དགས་མཚན། །ཁྱི་དང་ཅེ་སྤྱང་དག་གིས་འཇིགས། །ཁྭ་དང་འུག་པ་བྱ་རྒོད་ཁྲ། །ཝ་
[14a.3]དང་ཙི་ལི་ཀ་དེ་བཞིན། །ཀེང་རུས་མདུང་གིས་ཕུག་པ་དང་། །འཕྱང་བ་དང་ནི་ཕྱེད་བསྲེགས་དང་། །སྤྱི་བོ་ཀོ་སྐོ་པུས་མོ་དང་། །ལག་པ་མགོ་བོ་རྣམས་ཀྱིས་བརྒྱན། །སྒྲ་སྒྲོགས་དེ་བཞིན་གླང་མགོ་དང་། །རྣམ་པ་སྣ་ཚོགས་སྤྲུལ་གྱིས་དགའ། །སེང་གེ་སྟག་དང་ཕག་རྒོད་
[14a.4]དང་། །དེ་བཞིན་དོམ་དང་ར་རྣམས་དང་། །དཔའ་བོ་དང་ནི་རྣལ་འབྱོར་མ། །རྣམ་པ་སྣ་ཚོགས་འདུས་པ་མཆོག །ཐོད་པ་ཁ་ཊྭཱཾ་ག་ནི་བསྣམས། །གྲི་གུག་ཅད་ཏེའུ་དེ་བཞིན་ནོ། །གནོད་སྦྱིན་རོ་ལངས་སྲིན་པོ་རྣམས། །དེ་ལྟར་སྣ་ཚོགས་དུར་ཁྲོད་དོ། །དེ་རུ་ཉི་མའི་དཀྱིལ་འཁོར་བལྟ། །
[14a.5]ཨཱ་ལི་ཀཱ་ལི་རང་ས་བོན། །དེ་བཞིན་ཉིད་དང་ཡང་དག་མཐའ། །སྟོང་པ་ཉིད་དང་ཆོས་ཀྱི་དབྱིངས། །མཉམ་པ་ཉིད་དང་སོ་སོར་རྟོག །བྱ་བ་གྲུབ་པ་བསྒོམ་པ་དང་། །ཤིན་ཏུ་རྣམ་པར་དག་པ་དམིགས། །རྣལ་འབྱོར་འདི་ནི་མཆོག་གི་མཆོག །རྡོ་རྗེ་སེམས་དཔའ་རང་རིག་བཅས། །རིམ་
[14a.6]པ་འདི་ཡིས་རྣམ་པར་བསམ། །དཀར་པོ་སེར་པོ་དེ་བཞིན་དམར། །ལྗང་གུ་དང་ནི་ཞལ་རྣམ་བཞི། །རྡོ་རྗེ་དྲིལ་བུས་ཡང་དག་འཁྱུད། །མདུང་དང་དགྲ་སྟ་ཅང་ཏེའུ་དང་། །གྲི་གུག་ཐོད་པ་ཁ་ཊྭཱཾ་ག །ཚངས་པའི་པགས་པ་ན་བཟར་མན་བས། །ཞགས་པ་ཚངས་པའི་མགོ་དེ་བཞིན། །
[14a.7]ཕྱག་བཅུ་གཉིས་ཀྱིས་བརྒྱན་བྱས་པ། །སེམས་དཔའི་སྐྱིལ་ཀྲུང་གིས་བཞུགས་པ། །ཐོད་པའི་ཅོད་པན་གྱིས་མི་བཟད། །རྒྱན་རྣམས་ཀུན་གྱིས་ཡང་དག་རྫོགས། །མཚན་དང་དཔེ་བྱད་རྣམས་ཀྱིས་བརྒྱན། །སྙིང་ག་ཡེ་ཤེས་དམ་ཚིག་སྟེ། །རྡོ་རྗེ་འཆང་བའི་ཅོད་པན་ཅན། །ཐབས་
[14b]
[14b.1]ཇི་བཞིན་དུ་ཤེས་རབ་སྟེ། །ཕྱག་རྒྱ་ལྔ་ཡིས་བརྒྱན་བྱས་པ། །བདེ་ཆེན་ཐབས་ཀྱི་སྦྱོར་བ་ཡིས། །སྐུ་གཉིས་ཡང་དག་ཞུ་བར་གྱུར། །འོད་ཟེར་དེ་ལས་ལྷ་མོ་རྣམས། །ལངས་ནས་སྣ་ཚོགས་གླུ་ཡིས་བསྐུལ། །ཁམས་གསུམ་བདེ་ཐོབ་ཀྱེ་གཙོ་བོ། །ཨ་ལ་ལ་ལ་ཧོ། །པདྨའི་བདག་པོ་
[14b.2]ཡོངས་རྡོ་རྗེ། །བདེ་ཆེན་རྒྱལ་བའི་ཚོགས་སྤྲོ་བ། །དེ་བཞིན་གཤེགས་པ་ཕྱོགས་བཅུའི་གཙོ། །རབ་སྤངས་ཨ་ལ་ལ་ལ་ཧོ། །གཙོ་བོ་དྲུག་པ་སེམས་དཔའ་སྙིང་། །བཙུན་མོ་རོལ་སྦྱོར་སྲིད་གསུམ་བདག །ཨ་ལ་ལ་ལ་ཧོ། །དགའ་བདག་སྤོང་ཞིང་རབ་སྤོང་བ། །བདེ་ཆེན་
[14b.3]རང་བཞིན་རྒྱལ་བའི་གཙོ། །གླུ་འདི་ཡིས་ནི་སྦྱོར་བ་ཡིས། །པདྨའི་རྣལ་འབྱོར་མ་ཡིས་བླང་། །པདྨའི་ཚོགས་ཀྱིས་བཞེངས་པ་ནི། །རྡོ་རྗེ་སྦྱོར་བ་བདེ་བས་སོ། །མགོན་པོ་ལ་ནི་འདི་ཡིས་བསྐུལ། །བདེ་བ་ཆེན་པོ་འདི་གནས་ལས། །བཞེངས་ནས་སངས་རྒྱས་ཐམས་
[14b.4]ཅད་དེ། །མ་ལུས་པ་ཡི་རྒྱལ་བ་སྤྲོས། །ཞལ་བཞི་ཕྱག་ནི་བཅུ་གཉིས་པ། །གཡས་བརྐྱང་པ་ཡི་གནས་པས་གནས། །ཞལ་གྱི་མཆེ་བ་གཙིགས་པ་དང་། །སྤྱན་གསུམ་ཞལ་ནི་རྣམ་པར་འགྱུར། །ཐོད་པའི་ཕྲེང་བའི་རྒྱན་དང་ལྡན། །སྐུ་ལ་ཕྱག་རྒྱ་དྲུག་གིས་བརྒྱན། །
[14b.5]འཇིགས་བྱེད་དང་ནི་དུས་མཚན་གྱི། །མགོ་བོ་དང་ནི་ནུ་མ་མནན། །སྟག་གི་པགས་པའི་ཤམ་ཐབས་མནབས། །སྙིང་རྗེའི་རོ་ཡིས་རྣམ་པར་ཁྱབ། །རྡོ་རྗེ་ཕག་མོ་ལ་ནི་འཁྱུད། །འཁྱུད་པ་ཡི་ནི་ཕྱག་གཉིས་ལ། །རྩེ་དགུ་ཁ་བྱེ་རྡོར་དྲིལ་བུ། །ཕྱག་གཞན་གཉིས་པོ་དག་ལ་ནི། །གླང་
[14b.6]ཆེན་པགས་པའི་ན་བཟའ་འཆང་། །གཡས་ཀྱི་ཕྱག་ནི་གསུམ་པ་ལ། །རྡོ་རྗེས་མཚན་པའི་མདུང་འཛིན་པའོ། །བཞི་པ་ལ་ནི་ལྕགས་ཀྱུ་སྟེ། །ལྔ་པ་ལ་ནི་གྲི་གུག་སྟེ། །དྲུག་པ་ལ་ནི་ཅང་ཏེའུའོ། །གཡོན་པའི་ཕྱག་ནི་གསུམ་པ་ལ། །ཐོད་པ་རྐང་གིས་བཀང་པའོ། །མཆོད་ཕྱིར་
[14b.7]ཐོགས་པའི་སྦྱོར་བ་ཡིས། །ཁ་ཊྭཱཾ་ག་ནི་བསྣམས་པའོ། །སྣ་ཚོགས་འཕན་ནི་རབ་ཏུ་འཕྱང་། །དེ་སྟེང་ཁ་བྱེ་རྩེ་ལྔ་པའི། །རྡོ་རྗེ་དང་ནི་དྲིལ་བུས་མཚན། །དབུས་སུ་སྣ་ཚོགས་རྡོ་རྗེས་མཚན། །འོག་ཏུ་རྡོ་རྗེ་རྩེ་གཅིག་པ། །བཞི་པ་ལ་ནི་རྡོ་རྗེ་ཞགས། །ལྔ་པ་ལ་ནི་ཚངས་པའི་མགོ། །དྲུག་པ་ལ་ནི་
[15a]
[15a.1]སྟ་རེའོ། །སྔོ་སེར་དམར་པོ་ལྗང་གུའི་ཞལ། །དྲག་པོ་བཞད་སྒེག་དཔའ་བོ་དང་། །རྔམ་དང་ལྗགས་ནི་བསྐྱོད་པའི་ཞལ། །དེ་མདུན་རྡོ་རྗེ་ཕག་མོ་ནི། །ཞལ་བཞི་ཕྱག་བཞི་སྤྱན་གསུམ་པ། །ཁ་དོག་དཀར་པོ་སྐེ་རགས་ནི། །ཐོད་པའི་དུམ་བུས་མཚན་པའོ། །བཅོམ་ལྡན་
[15a.2]འདས་ཞལ་ཁ་དོག་ལྟར། །ལྷ་མོའི་ཕྱག་གི་ཁ་དོག་དེ། །དམར་པོ་ལྗང་གུ་སེར་པོ་དང་། །ཤིན་ཏུ་སྔོ་མདོག་ཞལ་གྱི་འོད། །སྐྲ་གྲོལ་གཅེར་བུ་གཡོན་པ་ཡིས། །ཕྱག་འཁྱུད་པ་ལ་མ་རུངས་པའི། །བདུད་ཀྱི་ཁྲག་བཀང་ཐོད་པའོ། །གཡས་པའི་སྡིགས་མཛུབ་ཕྱོགས་ཀུན་དུ། །གདུག་པ་
[15a.3]བསྡིགས་ཤིང་གྲི་གུག་འཆང་། །ཅང་ཏེའུ་ཚངས་པའི་མགོ་བསྣམས་ཕྱག །ཞལ་ནས་ཁྲག་ནི་འཛག་པ་སྟེ། །ཞབས་གཉིས་ཀྱིས་ནི་ཡང་དག་དཀྲིས། །བདེ་ཆེན་སྙིང་རྗེའི་བདག་ཉིད་མ། །སྙིང་གའི་ལྕགས་ཀྱུའི་སྦྱོར་བ་ཡིས། །ཡེ་ཤེས་འཁོར་ལོ་དགུག་པར་བྱ། །ཡེ་ཤེས་འཁོར་
[15a.4]ལོ་ལེགས་བཀུག་སྟེ། །མཆོད་བསྟོད་བྱས་ནས་གཞུག་པར་བྱ། །འདི་ཉིད་ཀྱིས་ནི་གནས་ཚོགས་རིམ། །དགོད་བྱ་ནང་གི་སྦྱོར་བ་མཆོག །པུལླཱི་ར་མཱ་ལ་ཡར་ཏེ། །སྤྱི་བོར་ཐོད་པའི་དུམ་བུ་དང་རབ་ཏུ་གཏུམ་མའོ། །ཛཱ་ལནྡྷ་ར་སྟེ་སྤྱི་གཙུག་ཏུ་ཀེང་རུས་ཆེན་པོ་དང་། །གཏུམ་མོའི་མིག་
[15a.5]ཅན་མའོ། །ཨཽ་ཌྱ་ན་ཏེ་རྣ་བ་གཡས་པར་ཀེང་རུས་ཆེན་པོ་དང་འོད་ཅན་མའོ། །ཨ་རྦུ་ད་སྟེ་རྒྱབ་ཀྱི་ཆར་མཆེ་བ་གཙིགས་པ་དང་སྣ་ཆེན་མ་སྟེ་གནས་སོ། །གོ་དཱ་བ་རཱི་སྟེ། རྣ་བ་གཡོན་པར་སུ་ར་བཻ་རི་དང་། དཔའ་བོའི་བློ་ཅན་མའོ། །རཱ་མེ་ཤྭ་ར་སྟེ་སྨིན་མའི་དབུས་སུ་འོད་དཔག་མེད་དང་།
[15a.6]མི་ཐུང་མའོ། །དེ་བཱི་ཀོ་ཊཱི་སྟེ་མིག་གཉིས་སུ་རྡོ་རྗེ་འོད་དང་ལང་ཀའི་དབང་ཕྱུག་མའོ། །མཱ་ལ་བ་སྟེ། དཔུང་མགོར་རྡོ་རྗེ་སྐུ་དང་ཤིང་གྲིབ་མ་སྟེ་ཉེ་བའི་གནས་སོ། །འདི་དག་ནི་ཐུགས་ཀྱི་འཁོར་ལོ་སྟེན་མ་ནམ་མཁའ་ལ་སྤྱོད་པའོ། །ཀཱ་མ་རཱུ་པ་སྟེ་མཆན་ཁུང་དག་ལ་མྱུ་གུ་ཅན་དང་ས་སྲུང་
[15a.7]མའོ། །ཨོ་ཊེ་སྟེ་ནུ་མ་གཉིས་སུ་རྡོ་རྗེ་རལ་པ་ཅན་དང་འཇིགས་བྱེད་ཆེན་མོ་སྟེ་ཞིང་ངོ་། །ཏྲི་ཤ་ཀུ་ནི་སྟེ། ལྟེ་བར་དཔའ་བོ་ཆེན་པོ་དང་རླུང་གི་ཤུགས་ཅན་མའོ། །ཀོ་ས་ལ་སྟེ་སྣ་རྩེ་ར་རྡོ་རྗེ་ཧཱུཾ་མཛད་དང་ཆང་འཐུང་མ་སྟེ་ཉེ་བའི་ཞིང་ངོ་། །ཀ་ལིངྒ་སྟེ་ཁར་ནི་རབ་ཏུ་བཟང་པོ་དང་། ལྷ་མོ་སྔོ་
[15b]
[15b.1]བསངས་མའོ། །ལམྦ་ཀ་སྟེ། མགྲིན་པར་རྡོ་རྗེ་བཟང་པོ་དང་རབ་བཟངས་མ་སྟེ་ཚནྡོ་ཧའོ། །ཀཱཉྩི་ཏེ་སྙིང་གར་འཇིགས་བྱེད་ཆེན་པོ་དང་རྟ་རྣ་མའོ། །ཧི་མཱ་ལ་ཡ་སྟེ། མདོམས་སུ་མིག་མི་བཟང་དང་ཁ་ག་ན་སྟེ་ཉེ་བའི་ཚནྡོ་ཧ་སྟེ་གསུང་གི་འཁོར་ལོ་ས་སྤྱོད་མའོ། །པྲེ་ཏ་པུ་རི་སྟེ།
[15b.2]མཚན་མ་ལ་སྟོབས་པོ་ཆེ་དང་འཁོར་ལོའི་ཤུགས་ཅན་མའོ། །གྲྀ་ཧ་དེ་བ་ཏཱ་སྟེ་བཤང་བའི་ལམ་དུ་ནི་རིན་ཆེན་རྡོ་རྗེ་དང་དུམ་སྐྱེས་མ་སྟེ་འདུས་པའོ། །སཽ་རཱཥྚ་སྟེ་བརླ་གཉིས་སུ་རྟ་མགྲིན་དང་མཆུ་ཅན་མའོ། །སུ་བརྞ་དཱི་པ་སྟེ་བྱིན་པ་གཉིས་ལ་ནམ་མཁའི་སྙིང་པོ་དང་འཁོར་ལོའི་
[15b.3]གོ་ཆ་མ་སྟེ་ཉེ་བའི་འདུས་པའོ། །ན་ག་ར་སྟེ། སོར་མོ་རྣམས་ལ་དཔལ་ཧེ་རུ་ཀ་དང་ཤིན་ཏུ་དཔའ་མོའོ། །སིན་དྷུའི་ཡུལ་ཏེ་རྐང་པའི་བོལ་དག་ལ་པདྨ་གར་གྱི་དབང་ཕྱུག་དང་སྟོབས་ཆེན་མ་སྟེ་དུར་ཁྲོད་དོ། །མ་རུའི་ཡུལ་ཏེ་མཐེ་བོང་གཉིས་ལ་རྣམ་པར་སྣང་མཛད་དང་འཁོར་ལོས་
[15b.4]སྒྱུར་མའོ། །ཀུ་ལུ་ཏཱ་སྟེ་པུས་མོ་གཉིས་ལ་རྡོ་རྗེ་སེམས་དཔའ་དང་བརྩོན་འགྲུས་ཆེན་མོ་སྟེ་ཉེ་བའི་དུར་ཁྲོད་དོ། །འདི་དག་ནི་ས་འོག་ན་གནས་པའོ། །མཁའ་འགྲོ་མ་ནི་རྡོ་རྗེ་ལའོ། །ལཱ་མ་ནི་དྲིལ་བུ་ལའོ། །དུམ་སྐྱེས་མ་དང་གཟུགས་ཅན་མ་ནི་གླང་པོ་ཆེའི་པགས་པ་འཛིན་པའི་ཁུ་ཚུར་མའོ། །
[15b.5]ཁྭ་གདོང་མ་ནི་རྡོ་རྗེ་མདུང་མའོ། །འུག་པའི་གདོང་ཅན་མ་ནི་རྡོ་རྗེ་ལྕགས་ཀྱུ་མའོ། །ཁྱིའི་གདོང་ཅན་མ་ནི་རྡོ་རྗེ་གྲི་གུག་མའོ། །ཕག་གི་གདོང་ཅན་མ་ནི་ཅང་ཏེའུ་མའོ། །གཤིན་རྗེ་བརྟན་མ་ནི་ཐོད་མཚན་ཁ་ཊྭཱི་ག་ལའོ། །གཤིན་རྗེ་ཕོ་ཉ་མ་ནི་ཞགས་པ་ལའོ། །གཤིན་རྗེ་མཆེ་བ་ཅན་ནི་ཚངས་པའི་མགོ་
[15b.6]ལའོ། །གཤིན་རྗེ་འཇོམས་མ་ནི་སྟ་རེ་ལའོ། །བྱང་ཆུབ་ཀྱི་སེམས་ཀྱི་སྣོད་རྣམས་ནི་ཞལ་བཞི་ལའོ། །བུ་ཛཱ་ཨོ་ཨ། གོ་རཱ་དེ་མ། ཀཱ་ཨོ་ཏྲི་ཀོ ། ཀ་ལ་ཀཱ་ཧི། པྲེ་གྲྀ་སཽ་སུ་ན་སི་མ་ཀུ། འཁོར་ལོ་གསུམ་ནི་ཡོངས་དག་ཕྱིར། །ཉི་ཤུ་རྩ་བཞིའི་ཡི་གེ་བཞི། །ཕུང་པོ་ཁམས་དང་སྐྱེ་མཆེད་རྣམས། །
[15b.7]བྱིན་གྱིས་བརླབ་པར་བྱ་བ་སྟེ། །གཟུགས་ཀྱི་ཕུང་པོ་ལ་རྣམ་པར་སྣང་མཛད་ཁ་དོག་དཀར་པོ་ཨོཾ་ལས་བྱུང་བའོ། །ཚོར་བ་ལ་ནི་རིན་ཆེན་རྒྱལ་པོ་གསེར་བསྲེགས་པའི་མདོག་ལྟ་བུ་ཨོཾ་ལས་བྱུང་བའོ། །འདུ་ཤེས་ལ་པདྨ་གར་གྱི་དབང་ཕྱུག་ཁ་དོག་དམར་པོ་ཧྲཱི་ལས་བྱུང་བའོ། །འདུ་བྱེད་
[16a]
[16a.1]ལ་རྡོ་རྗེ་རྒྱལ་པོ་ཁ་དོག་ལྗང་གུ་ཧོཿ་ལས་བྱུང་བའོ། །རྣམ་ཤེས་ཉིད་ལ་རྡོ་རྗེ་སེམས་དཔའ་ཁ་དོག་དཀར་པོ་ཧཱུཾ་ལས་བྱུང་བའོ། །དེ་བཞིན་གཤེགས་པ་ཐམས་ཅད་ཉིད་དཔལ་ཧེ་རུ་ཀ་ཁ་དོག་ནག་པོ་ཧིཿ་ལས་བྱུང་བའོ། །སྣ་ཚོགས་པདྨའི་གདན་ལ་བཞུགས་པ།
[16a.2]ཉི་ཟླའི་གཟུགས་བརྙན་དབུས་སུ་བཞུགས། །གླང་པོ་མྱུར་འགྲོ་རྨ་བྱ་དང་། །རྟ་དང་སེང་གེ་མཁའ་ལྡིང་སྟེ། །ཡི་དགས་ལ་བཞུགས་རིམ་པ་བཞིན། །རིགས་དྲུག་བདག་པོ་བསམ་པར་བྱ། །སྙིང་གར་རྡོ་རྗེ་ས་གནོན་ཡིན། །གཞན་རྣམས་ཀྱི་ནི་རིམ་པ་བཞིན། །འཁོར་ལོ་རིན་ཆེན་པདྨ་
[16a.3]དང་། །སྣ་ཚོགས་རྡོ་རྗེ་གཡས་ནའོ། །གཡོན་ན་དྲིལ་བུ་ང་རྒྱལ་བཅས། །ཐམས་ཅད་ལ་ཡང་སྤྱན་གསུམ་ཉིད། །མིག་དག་ལ་བྲུཾ་གཏི་མུག་རྡོ་རྗེ་དཀར་པོའོ། །རྣ་བ་དག་ལ་ཧཱུཾ་ཞེ་སྡང་རྡོ་རྗེ་ནག་པོའོ། །སྣ་ལ་ཁཾ་སེར་སྣ་རྡོ་རྗེ་སེར་པོའོ། །ཁ་ལ་ཨཾ་འདོད་ཆགས་རྡོ་རྗེ་དམར་པོའོ། །ལུས་ལ་
[16a.4]ཧོ་ཕྲག་དོག་རྡོ་རྗེ་ལྗང་གུའོ། །སྐྱེ་མཆེད་ཐམས་ཅད་ལ་ཧཾ། དབང་ཕྱུག་རྡོ་རྗེ་ཁ་དོག་དཀར་པོའོ། །སའི་ཁམས་ལ་ལཱཾ་ལྟུང་བྱེད་མ་སེར་པོའོ། །ཆུའི་ཁམས་ལ་མཱཾ་འཆིང་བྱེད་མ་ནག་པོའོ། །མེའི་ཁམས་ལ་ཏཱཾ་འགུགས་བྱེད་མ་གསེར་གྱི་མདོག་ཅན་ནོ། །རླུང་གི་ཁམས་ལ་པཱཾ་
[16a.5]པདྨ་གར་གྱི་དབང་ཕྱུག་མ་དམར་མོའོ། །ནམ་མཁའི་ཁམས་ལ་ཁཾ་པདྨ་འབར་མ་སྔོ་ནག་གོ། །ལྟུང་བྱེད་མ་དང་འཆིང་བྱེད་མ། །འགུགས་བྱེད་གར་དང་ལྡན་དེ་བཞིན། །རང་རང་དཀྱིལ་འཁོར་ལ་གནས་པ། །ཞལ་གཅིག་ཕྱག་བཞི་འཁོར་ལོ་དང་། །རྡོ་རྗེ་པདྨ་རལ་གྲི་དང་། །གྲི་
[16a.6]གུག་གཡས་ཀྱི་ཕྱག་ནའོ། །ཐོད་པ་ཉིད་དང་ཁ་ཊྭཱཾ་ག །འདི་རྣམས་ཀྱིས་ནི་གཡོན་པ་མཚན། །ཞལ་གསུམ་ཕྱག་དྲུག་ལྷ་མོ་ནི། །པདྨ་ཡི་ནི་འབར་མ་ཡང་། །ཐོད་པ་དེ་དྲན་ཁ་ཊྭཱཾ་ག །ཞགས་པ་ལྕགས་ཀྱུ་ཉིད་དང་ནི། །ཚངས་པའི་མགོ་དང་གྲི་གུག་ནི། །འདི་ཡི་ལག་པ་རྣམས་ལ་
[16a.7]བསམ། །ཨོཾ་ཧ་སྙིང་གར་རྡོ་རྗེ་སེམས་དཔའ་དཀར་པོ། །ན་མ་ཧི་སྤྱི་བོར་རྣམ་པར་སྣང་མཛད་སེར་པོའོ། །སྭཱ་ཧཱ་ཧུ་སྤྱི་གཙུག་ཏུ་པདྨ་གར་གྱི་དབང་ཕྱུག་དམར་པོའོ། །བཽ་ཥ་ཊ་ཧེ་དཔུང་བ་གཉིས་སུ་ཤྲཱི་ཧེ་རུ་ཀ་ནག་པོའོ། །ཧཱུཾ་ཧཱུཾ་ཧོ་མིག་གཉིས་སུ་རྡོ་རྗེ་ཉི་མ་དམར་པོའོ། །ཕཊ་ཕཊ་ཧཾ་ལུས་ཐམས་
[16b]
[16b.1]ཅད་ལ་རྟ་མཆོག་ལྗང་གུའོ། །ཨོཾ་བཾ་ལྟེ་བར་རྡོ་རྗེ་ཕག་མོ་དམར་མོ། ཧཾ་ཡོཾ་སྙིང་གར་ཡ་མི་ནི་སྔོན་མོ། ཧྲིཾ་མོཾ་ཁ་ལ་རྨོངས་བྱེད་མ་དཀར་མོ། ཧྲེཾ་ཧྲིཾ་སྤྱི་བོར་སྐྱོད་བྱེད་མ་སེར་མོ། ཧཱུཾ་ཧཱུཾ་སྤྱི་གཙུག་ཏུ་སྐྲག་བྱེད་མ་ལྗང་གུ། ཕཊ་ཕཊ་ལུས་ཐམས་ཅད་ལ་གཏུ་མ་བྱེད་མ་མཚོན་ཆ་དུ་མའི་མདོག་
[16b.2]འདྲ་བའོ། །ཞལ་གསུམ་ཕྱག་དྲུག་རྡོ་རྗེ་ཅན། །དེ་ལས་གཞན་པ་ཕྱག་བཞི་པ། །རྡོ་རྗེ་དྲིལ་བུ་ཐོད་པ་རྣམས། །ཁ་ཊྭཱཾ་ག་དང་ཅང་ཏེའུ་མགོ །འཁོར་ལོ་ལ་སོགས་མཚན་མ་རྣམས། །དྲིལ་བུ་ཐོད་པ་ཉིད་དང་ནི། །ཁ་ཊྭཱཾ་ག་དང་ཅང་ཏེའུ་ཉིད། །གཞན་གྱིས་ཕྱག་གི་མཚོན་ཆ་
[16b.3]ཡིན། །ཕག་མོ་ཞལ་གསུམ་ཕྱག་དྲུག་མ། །དམར་མོ་སྔོན་པོ་ལྗང་གུ་ཞལ། །གྲི་གུག་ཐོད་པ་ཉིད་དང་ནི། །ཞགས་པ་དང་ནི་ཁ་ཊྭཱཾ་ག། །ལྕགས་ཀྱུ་དེ་བཞིན་ཚངས་པའི་མགོ །ལག་པ་རྣམས་ལ་འདི་བསམ་བྱ། །གཞན་ནི་ཕྱག་བཞིར་བསྒོམ་པར་བྱ། །ཞལ་གཅིག་ཕྱག་ནི་གསུམ་
[16b.4]པ་ཡིས། །གྲི་གུག་ཐོད་པ་ཁ་ཊྭཱཾ་དང་། །ཅང་ཏེའུ་དྲིལ་བུ་དེ་བཞིན་ནོ། །ཕག་མོ་རྡོ་རྗེ་སེམས་དཔའ་ཡིན། །རྣམ་སྣང་ཡ་མི་ནར་དྲན་བྱ། །པདྨ་གར་དབང་རྨོངས་བྱེད་མ། །སྐྱོང་བྱེད་མ་ནི་ཧེ་རུ་ཀ །རྡོ་རྗེ་ཉི་མ་སྐྲག་བྱེད་མ། །རྟ་ཡི་མཆོག་ནི་གཏུམ་བྱེད་མ། །ཐུགས་ལ་ཧཱུཾ་ཡིག་རྡོ་རྗེ་ཡིན། །
[16b.5]ཨ་ནི་ངག་གི་ལམ་དུ་གནས། །ཡི་གེ་ཨོཾ་ནི་སྐུ་རྡོ་རྗེ། །ནག་པོ་དམར་པོ་དཀར་པོ་རིམ། །དཔའ་བོ་རྣལ་འབྱོར་མ་རྣམས་ཀྱིས། །ནམ་མཁའ་ཀུན་དུ་ཁྱབ་བལྟས་ཏེ། །བདུད་རྩི་ལྔ་ཡིས་ཡོངས་གང་བའི། །ཐོད་པས་དབང་བསྐུར་ཚིག་འདི་ཡིས། །དབང་བསྐུར་བ་ནི་སྦྱིན་པར་བྱ། །ཇི་ལྟར་
[16b.6]བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་གསོལ་ལོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ། །ཕྱག་རྒྱ་རྡོ་རྗེ་སེམས་དཔར་འགྱུར། །བླ་ན་མེད་པའི་མཆོད་པས་མཆོད། །ཞིང་སྐྱེས་ལྷན་
[16b.7]ཅིག་སྐྱེས་ལྷ་མོ། །མཁའ་འགྲོ་རྣལ་འབྱོར་མ་དེ་བཞིན། །རིགས་སྐྱེས་མ་མོ་སྐྱེས་དེ་བཞིན། །མི་སྣང་མཁའ་སྤྱོད་དེ་བཞིན་ནོ། །དམའ་བར་སྐྱེས་དང་མཆོག་དེ་བཞིན། །བར་མ་རྣམ་པ་སྣ་ཚོགས་མཆོག །ས་སྤྱོད་མཁའ་སྤྱོད་དེ་བཞིན་ནོ། །ས་ཡི་འོག་ན་གནས་པ་དང་། །གནོད་
[17a]
[17a.1]སྦྱིན་མོ་དང་ཀླུ་མོ་དང་། །དྲི་ཟ་མོ་དང་མི་འམ་ཅི། །རིག་པ་འཛིན་པ་སྔོན་གྲུབ་པ། །གང་ཡང་བདེ་གཤེགས་བརྟེན་པ་དང་། །དཀོན་མཆོག་གསུམ་ལ་མོས་གང་དང་། །དེ་དག་ཐམས་ཅད་དཀྱིལ་འཁོར་ལོ། །མཆོད་པ་རྣམ་པ་སྣ་ཚོགས་པ། །གླུ་དང་གར་གྱི་མཆོད་པ་
[17a.2]དང་། །སྣ་ཚོགས་གང་དང་འདོད་མཆོག་གིས། །ཧེ་རུ་ཀ་ལ་མཆོད་པ་བྱེད། །རླུང་དང་མེ་ཡི་དཀྱིལ་སྟེང་དུ། །ཨ་ལས་གྲུབ་བའི་ཐོད་པ་ལ། །ཡེ་ཤེས་ལྔ་ཡི་བདུད་རྩིས་བཀང་། །ཡི་གེ་བཅུ་དྲུག་བཾ་དང་ནི། །ཨོཾ་སོགས་ཡི་གེ་གསུམ་བྱིན་བརླབས། །འཁོར་གསུམ་ཡང་དག་སྤྲོས་བསྒོམ་བྱ། །མཁའ་
[17a.3]འགྲོ་མ་དང་ལཱ་མ་དང་། །དུ་མ་སྐྱེས་མ་དང་གཟུགས་ཅན་མ། །གཡོན་དུ་བསྐོར་ཞིང་རབ་བསྐོར་བས། །དངོས་གྲུབ་ཐམས་ཅད་རབ་སྒྲུབ་བྱེད། །ཤར་གྱི་འདབ་མར་མཁའ་འགྲོ་མ། །དེ་བཞིན་ལཱ་མ་བྱང་དུ་ཡིན། །ནུབ་ཏུ་དུ་མ་སྐྱེས་མ་ཉིད་དོ། །ལྷོ་རུ་གཟུགས་ཅན་མ་ཉིད་དོ། །མཁའ་འགྲོ་མ་ནི་
[17a.4]ཁ་དོག་ནག། །ལཱ་མ་ཁ་དོག་སེར་མོར་བཤད། །དུམ་སྐྱེས་མ་ནི་དམར་མོ་ཡིན། །གཟུགས་ཅན་མ་ནི་ལྗང་གུའོ། །ཞལ་གཅིག་ཕྱག་རྒྱ་ལྔ་ཡིས་མཚོན། །བཞི་པོ་ཀུན་ཀྱང་ཕྱག་བཞི་མ། །སྤྱན་གསུམ་སྐྲ་ནི་གྲོལ་བ་དང་། །གྲི་གུག་ཐོད་པ་ཁ་ཊྭཱཾ་ག །ཅང་ཏེའུ་ཚངས་པའི་མགོ་བོ་
[17a.5]བསྣམས། །བདུད་བཞི་ཞབས་ཀྱིས་མནན་པའོ། །མཚམས་སུ་གསེར་དང་དངུལ་སོགས་ཀྱི། །བུམ་པའི་སྟེང་དུ་གཞག་བྱ་བ། །ཀུན་དྡ་ལྟ་བུའི་བདུད་རྩི་བཞི། །བྱང་ཆུབ་སེམས་ཀྱི་ཐོད་པའོ། །ཐུགས་ཀྱི་འཁོར་ལོའི་ཤར་ཕྱོགས་སུ། པུལླཱི་ར་མཱ་ལ་ཡར་ཐོད་པའི་དུམ་བུ་དང་རབ་ཏུ་གཏུམ་མོ་
[17a.6]དཀར་མོ་དང་། བྱང་དུ་ཛཱ་ལན་དྷ་རར་ཀེང་རུས་ཆེན་པོ་དང་། །གཏུམ་པའི་མིག་ཅན་མ་སེར་མོ། ནུབ་ཏུ་ཨཽ་ཌྱ་ན་དུ་ཀེང་རུས་དང་འོད་ཅན་མ་དམར་མོ། ལྷོར་ཨ་རྦུ་དར་མཆེ་བ་གཙིགས་པ་དང་སྣ་ཆེན་མ་ལྗང་གུའོ། །མེའི་ཕྱོགས་གོ་དཱ་བ་རཱི་ར་ལྷ་དགྲ་དང་། །བརྟན་པའི་བློ་ཅན་མ་སྔོ་
[17a.7]སྐྱ་མའོ། །བདེན་བྲལ་དུ་རཱ་མེ་ཤྭ་རཱིར་དཔག་མེད་དང་མི་ཐུང་མ་དཀར་སེར་རོ། །རླུང་གི་ཕྱོགས་དེ་བཱི་ཀོ་ཊཱི་ར་རྡོ་རྗེ་འོད་དང་ལང་ཀའི་དབང་ཕྱུག་མ་ལྗང་གུའོ། །དབང་ལྡན་དུ་མཱ་ལ་བར་རྡོ་རྗེ་སྐུ་དང་ཤིང་གྲིབ་མ་པདྨའི་ཁ་དོག་སྟེ། ཐམས་ཅད་ཞལ་གཅིག་ཕྱག་གཉིས་པ། །སྐྲ་གྲོལ་སྤྱན་ནི་གསུམ་
[17b]
[17b.1]པའོ། །འཁྱུད་པ་ཡིས་ནི་ཐོད་པ་འཛིན། །གདུག་པའི་སྡིགས་མཛུབ་རྡོ་རྗེ་འཆང་། །གཙུག་རྒྱན་རྣ་རྒྱན་མགུལ་རྒྱན་དང་། །རྐང་རྒྱན་ཚངས་པའི་སྲད་བུ་ཅན། །མགོ་བོའི་ཕྲེང་བས་མགུལ་དུ་བརྒྱན། །སྐེ་རགས་སིལ་སིལ་སྒྲ་སྒྲོགས་ཉིད། །ཐོད་པའི་དུམ་བུ་ལ་སོགས་པའི། །དཔའ་
[17b.2]བོ་ཞལ་གཅིག་ཕྱག་བཞི་པ། །རང་མཚན་རལ་པའི་ཅོད་པན་ཅན། །སྙིང་རྗེས་གྲགས་ཤིང་འཇིགས་པར་མཛད། །འཁྱུད་པ་ཡི་ནི་ཕྱག་གཉིས་ཀྱིས། །རྡོ་རྗེ་དྲིལ་བུ་འཛིན་པར་མཛད། །ཅང་ཏེའི་ཁ་ཊྭཱཾ་ལག་གཞན་ལ། །ཕྱག་རྒྱ་ལྔ་ཡིས་བརྒྱན་བྱས་པ། །གཡས་བརྐྱང་བ་ཡི་གནས་པས་
[17b.3]གནས། །ཐུགས་ཀྱི་འཁོར་ལོ་མཁའ་སྤྱོད་ཡིན། །གསུང་གི་འཁོར་ལོའི་ཤར་ཀཱ་མ་རཱུ་པར་མྱུ་གུ་ཅན་དང་ས་སྲུང་མ་དཀར་མོའོ། །བྱང་ཨོ་ཊེར་རྡོ་རྗེ་རལ་པ་ཅན་དང་འཇིགས་བྱེད་ཆེན་མོ་དམར་མོའོ། །ནུབ་ཏུ་ཏྲི་ཤ་ཀུ་ནེར་དཔའ་བོ་ཆེན་མོ་དང་རླུང་གི་ཤུགས་ཅན་མ་ནག་མོའོ། །ལྷོ་ཀོས་ལར་རྡོ་རྗེ་ཧཱུཾ་
[17b.4]མཛད་དང་ཆང་འཐུང་མ་ལྗང་གུ་མའོ། །མེའི་ཕྱོགས་ཀ་ལིང་གར་རབ་ཏུ་བཟང་པོ་དང་། ལྷ་མོ་སྔོ་བསངས་མ་སེར་མོའོ། །བདེན་བྲལ་ལམ་པ་ཀར་རྡོ་རྗེ་བཟང་པོ་དང་ཤིན་ཏུ་བཟང་མོ་དཀར་མོའོ། །རླུང་གི་ཕྱོགས་ཀཱཉྩིར་འཇིགས་བྱེད་ཆེན་པོ་དང་རྟ་རྣ་མ་ལྗང་གུ་མའོ། །དབང་ལྡན་དུ་ཧི་མཱ་ལ་ཡར་
[17b.5]མིག་མི་བཟང་དང་ཁྭ་གདོང་མ་ནམ་མཁའ་ལྟར་སྔོ་བསངས་མའོ། །དཔའ་བོ་དཔའ་མོ་རྣམས་ཀྱི་ནི། །རྡོ་རྗེ་ཕྱག་ལ་པདྨ་ཉིད། །གསུང་གི་འཁོར་ལོས་སྤྱོད་དོ། །སྐུའི་འཁོར་ལོའི་ཤར་པྲེ་ཏ་པུ་རིར་སྟོབས་པོ་ཆེ་དང་འཁོར་ལོའི་ཤུགས་ཅན་མ་ནག་མོའོ། །བྱང་གྲྀ་ཧ་དེ་བ་ཏཱ་ར་རིན་ཆེན་རྡོ་རྗེ་དང་།
[17b.6]དུམ་སྐྱེས་མ་སེར་མོའོ། །ནུབ་སཽ་རཱཥྚར་རྟ་མགྲིན་དང་མཆུ་ཅན་མ་དམར་མོའོ། །ལྷོ་སུ་བརྞ་དྭཱི་པར་ནམ་མཁའི་སྙིང་པོ་དང་། འཁོར་ལོའི་གོ་ཆ་མ་དམར་མོའོ། །མེའི་ཕྱོགས་ན་ག་རར་དཔལ་ཧེ་རུ་ཀ་དང་ཤིན་ཏུ་དཔའ་མོ་དམར་མོའོ། །བདེན་བྲལ་གྱི་ཕྱོགས་སིན་དྷུར་པདྨ་གར་གྱི་
[17b.7]དབང་ཕྱུག་དང་སྟོབས་ཆེན་མོ་ཟླ་བའི་མདོག་ཅན་མའོ། །རླུང་གི་ཕྱོགས་མ་རོར་རྣམ་པར་སྣང་མཛད་དང་འཁོར་ལོས་སྒྱུར་མ་དུ་བའི་མདོག་ཅན་མའོ། །དབང་ལྡན་ཀུ་ལུ་ཏཱ་ར་རྡོ་རྗེ་སེམས་དཔའ་དང་བརྩོན་ཆེན་མ་དཀར་མོའོ། །དཔའ་བོ་དང་ནི་དཔའ་མོ་ལ། །དང་པོའི་ཕྱག་ན་འཁོར་ལོའོ། །
[18a]
[18a.1]སྐུ་ཡི་འཁོར་ལོ་ས་འོག་གནས། །འཁོར་ལོ་ཀུན་གྱི་དཔའ་བོ་དང་། །དཔའ་མོ་རྣམས་ཀྱི་རིམ་ཇི་བཞིན། །དཔྲལ་བར་རྡོ་རྗེ་ཕྲེང་བ་དང་། །པདྨའི་འཁོར་ལོ་ཕྲེང་བས་མཚན། །ཡང་ན་རང་གི་འཁོར་ལོ་ཡི། །ཁ་དོག་གིས་ནི་ལྷ་རྣམས་ཀྱི། །ཁ་དོག་རབ་ཏུ་
[18a.2]བརྟག་པར་བྱ། །ཤར་དང་བྱང་ཕྱོགས་སྒོ་རྣམས་སུ། །སྒོ་སྲུང་བཞི་ནི་གནས་པ་སྟེ། །ཁྭ་གདོང་མ་དང་འུག་གདོང་མ། །ཁྱི་གདོང་མ་དང་ཕག་གདོང་མའོ། །མེ་དང་བདེན་བྲལ་ལ་སོགས་པའི་མཚམས་རྣམས་སུ་གཤིན་རྗེ་བརྟན་མ་དང་། གཤིན་རྗེ་ཕོ་ཉ་མ་དང་། གཤིན་རྗེ་མཆེ་བ་ཅན་དང་།
[18a.3]གཤིན་རྗེ་འཇོམས་མའོ། །མཁའ་འགྲོ་མ་དང་མ་མོ་དང་། །དཔའ་བོ་ཉིད་ཀྱང་ཕྱག་བཞི་པའོ། །ཕྱོགས་སྒོ་མཚམས་གནས་ལྷ་མོ་རྣམས། །ཡི་དགས་ཀྱི་ནི་གདན་ལ་བཞུགས། །གཡས་བརྐྱང་ཞབས་ཀྱི་སྦྱོར་བ་ཡིས། །པདྨའི་སྟེང་ན་སྒོ་སྲུང་རྣམས། །མཚམས་ཀྱི་ལྷ་མོ་འང་དེ་ཀུན་ལ། །
[18a.4]སྐྱིལ་ཀྲུང་ཕྱེད་པའི་གར་གྱིས་གནས། །དེ་བཞིན་མཚམས་གནས་ལྷ་མོ་རྣམས། །གཟུགས་གཉིས་ཀྱིས་ནི་ཡིད་འཕྲོག་མ། །གཡས་ན་གྲི་གུག་ལྕགས་ཀྱུ་ཞགས། །ལྕགས་སྒྲོག་དང་ནི་དྲིལ་བུའོ། །གཡོན་ན་མེ་ལོང་པི་ཝང་དང་། །དྲི་རོ་ཐོད་པ་ཁ་ཊྭཱཾ་ག །ཁྭ་གདོང་ལ་སོགས་མཁའ་འགྲོ་
[18a.5]མ། །མིང་དང་མཐུན་པར་ཞལ་དྲན་བྱ། །མ་ཧེ་བོང་བུ་རྔ་མོ་རྟ། །མཚམས་ཀྱི་བཙུན་མོ་རྣམས་ཀྱི་ཞལ། །སེང་གེ་སྟག་དང་གླང་པོ་རྟ། །མཁའ་འགྲོ་མ་ལ་སོགས་པའི་ཞལ། །སྒོ་ཡི་རྩ་བའི་ཟུར་དག་ཏུ། །མཆོད་པའི་སྣམ་བུར་གནས་པ་ནི། །པི་ཝང་མ་དང་གླིང་བུ་མ། །རྔ་དུང་མ་
[18a.6]དང་རྫ་རྔ་མ། །བཞད་མོ་སྒེག་མོ་གླུ་གར་མ། །མེ་ཏོག་མ་དང་སྤོས་འཆང་མ། །མར་མེ་མ་དང་དྲི་འཆང་མ། །མེ་ལོང་མ་དང་རོ་འཛིན་མ། །རེག་བྱ་མ་དང་ཆོས་ལྡན་མ། །པི་ཝང་མ་དང་སྒེག་མ་སྔོ། །གླིང་བུ་མ་དང་གླུ་མ་སེར། །གར་མཁན་རྔ་དུང་མ་ནི་ལྗང་། །རྫ་རྔ་བཞད་མ་དཀར་དང་
[18a.7]དམར། །པི་ཝང་གླིང་སོགས་ལྷ་མོ་ཡི། །པི་ཝང་སོགས་སྤངས་ཕྱག་རྣམས་ལ། །རྡོར་དྲིལ་དེ་ལས་གཞན་པ་ལ། །ཁ་ཊྭཱཾ་ག་དང་ཐོད་པའོ། །རྡོར་དྲིལ་ང་རྒྱལ་བཅས་སྒེག་མོ། །གླུ་མཁན་མ་དང་རོལ་བཅས་མ། །པདྨ་ཀོར་བཅས་གར་མཁན་མ། །དེ་ལྟར་ཐམས་ཅད་ཕྱག་བཞིའོ། །
[18b]
[18b.1]མེ་ཏོག་མ་དཀར་སྤོས་དུད་ཀའོ། །མར་མེ་མ་ནི་མར་མེ་བཞིན། །དྲི་མ་མེ་ལོང་མ་དམར་དཀར། །རོ་འཛིན་མ་དམར་རེག་བྱ་ལྗང་། །ཆོས་ནི་དཀར་པོར་ཤེས་པར་བྱ། །རང་གི་ཕྱག་རྒྱའི་སྦྱོར་དང་ལྡན། །མེ་ལོང་ལ་སོགས་མཚན་པ་ལ། །དེ་ལས་གཞན་པའི་ལག་རྣམས་ལ། །ཐོད་པ་དང་ནི་
[18b.2]ཁ་ཊྭཱཾ་ག །ཅང་ཏེའུ་སྒོ་ན་གནས་པ་ཡི། །ཁྭ་གདོང་ལ་སོགས་བཞི་ཡིའོ། །གྲི་གུག་ཀྱང་ནི་དེ་བཞིན་ནོ། །དང་པོའི་ཕྱག་ན་མཚན་མའོ། །དཀྱིལ་འཁོར་དཔའ་བོ་དཔའ་མོ་ཡི། །སྣ་ཚོགས་པ་ཡི་ལྟ་སྟངས་ཀྱིས། །རྣམ་པར་གཡེང་བས་བཅོམ་ལྡན་བསྟོད། །དེ་བཞིན་གཤེགས་པ་ཡི་ནི་
[18b.3]ལམ། །གཙོ་བོ་མ་ལུས་བདེ་ཆེན་ཐོབ། །དགའ་བའི་བདེ་བ་ཆེན་པོའོ། །ཨ་ལ་ལ་ལ་ཧོ། །སྲིད་ལས་ཤིན་ཏུ་གྲོལ་བ་ཡི། །དེ་བཞིན་གཤེགས་མཆོག་དགའ་བ་ཡི། །གླུ་འདི་བདག་ནི་བླངས་པ་ཡིས། །དཀྱིལ་འཁོར་འདི་ནི་བརྟགས་པ་ཡིན། །སྐུ་ཡི་འཁོར་ལོ་མངལ་ལས་སྐྱེས། །
[18b.4]གསུང་ནི་སྒོ་ང་ལས་སྐྱེས་ཏེ། །ཐུགས་ནི་རྫུས་ཏེ་བྱུང་བའོ། །ཐུགས་ཀའི་ཡི་གེ་དམ་ཚིག་ནི། །བསྙེན་པའི་སྦྱོར་བ་རབ་ཏུ་བརྟག །མཁའ་འགྲོ་མ་ཡི་ཚོགས་མཆོག་གི །ཉེ་བའི་བསྙེན་པའི་སྦྱོར་བའོ། །དཔའ་བོའི་ལུས་དགོད་སྦྱོར་བ་ཡི། །སྒྲུབ་པ་ཡང་དག་བཤད་པར་བྱ། །དབང་བསྐུར་
[18b.5]ཡང་དག་སྦྱོར་བ་ལས། །སྒྲུབ་པ་ཆེན་པོ་བསྟན་པ་ཡིན། །ཨོཾ་ས་མ་ཡ་ཤུ་དྡྷཿ་སརྦ་དྷརྨཱཿ་ས་མ་ཡ་ཤུདྡྷོ྅ཧཾ། །ཆོས་ཀུན་རོ་གཅིག་མཉམ་པ་ལས། །སེམས་ཀྱིས་གནས་པར་བྱ་བ་ཡིན། །ཡེ་ཤེས་བདུད་རྩིའི་སྦྱོར་བ་ཡིས། །རྡོ་རྗེ་བདུད་རྩི་ཆུ་འཐུང་བྱ། །ཨོཾ་བཛྲ་ཨ་མྲྀ་ཏོ་ད་ཀ་ཧཱུཾ་ཋ་ཋ་ཧྲཾ་ཨཱཿ་
[18b.6]ཧཱུཾ་ཕཊ་ཕཊ་སྭཱ་ཧཱ། རླུང་གི་དཀྱིལ་འཁོར་ལ་གནས་པའི། །སྐུ་ཡི་འཁོར་ལོ་རྣམ་པར་བསྒོམ། །ཆུ་གནས་གསུང་གི་འཁོར་ལོ་ནི། །མཁས་པ་ཡིས་ནི་བསྒོམ་པར་བྱ། །མེ་ཡི་དཀྱིལ་འཁོར་ལ་གནས་པའི། །ཐུགས་ཀྱི་འཁོར་ལོ་བདེ་ཆེན་པོ། །ས་ཡི་དཀྱིལ་འཁོར་ལ་གནས་པའི། །དམ་ཚིག་
[18b.7]དཀྱིལ་འཁོར་མཆོག་བསྒོམ་བྱ། །དེ་རུ་ཡེ་ཤེས་དཀྱིལ་འཁོར་ཡང་། །དེ་བཞིན་བསྒོམ་བྱ་རྣམ་པར་བསྒོམ། །མཆོད་བསྟོད་ཡང་དག་མཉེས་བྱས་ཏེ། །དཀྱིལ་འཁོར་བསྒོམ་པར་བྱ་བ་ཡིན། །ཇི་སྲིད་སྐྱོ་བར་མ་གྱུར་པ། །དེ་སྲིད་རྣལ་འབྱོར་པ་ཡིས་བསྒོམ། །སྐྱོ་གྱུར་རྣམ་པར་དག་དྲན་
[19a]
[19a.1]བྱ། གང་ཆོས་རྣམ་པར་དག་པ་འདི་དག་ནི་དཀྱིལ་འཁོར་གྱི་ལྷའི་འཁོར་ལོ་སྟེ། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་པོ་འདི་དག་ཉིད་བསྟན་པར་བྱའོ། །དེ་ལ་དག་པ་དང་བདེ་བ་དང་། །རྟག་པ་དང་བདག་རྣམས་ཀྱི་ཕྱིན་ཅི་ལོག་བཞི་རྣམས་ཀྱི་གཉེན་པོར་གྱུར་པ་དྲན་
[19a.2]པ་ཉེ་བར་གཞག་པ་བཞི་ནི་འདི་ལྟ་སྟེ། ལུས་དྲན་པ་ཉེ་བར་གཞག་པ་དང་། ཚོར་བ་དྲན་པ་ཉེ་བར་གཞག་པ་དང་། ཆོས་དྲན་པ་ཉེ་བར་གཞག་པ་དང་། སེམས་དྲན་པ་ཉེ་བར་གཞག་པའོ། །དྲན་པ་ནི་ཉམས་སུ་མྱོང་བའི་དངོས་པོ་ལ་སེམས་ཀྱིས་མ་བརྗེད་པའོ། །དེའི་ཉེ་བར་འཇོག་པ་ནི་དྲན་པ་ཉེ་བར་འཇོག་པའོ། །དེ་ཡང་
[19a.3]བརྗེད་ངས་པའི་གཉེན་པོར་གྱུར་པ་སྟེ། །སྔོན་ཉམས་སུ་མྱོང་བའི་དངོས་པོ་ལ་ཉེ་བར་འཇོག་པ་ནི་འདྲིས་པའི་ཡོན་ཏན་ནོ། །འབྱུང་བ་དང་འབྱུང་བ་ལས་གྱུར་བའི་ཚོགས་ནི་ལུས་སོ། །བདེ་བ་ལ་སོགས་པ་ཉམས་སུ་མྱོང་བ་ནི་ཚོར་བའོ། །ཡང་དག་པའི་མཐའ་ནི་ཆོས་སོ། །སོ་སོར་སྣང་བ་ཙམ་
[19a.4]གྱིས་རྣམ་པར་ཤེས་པ་ནི་སེམས་སོ། །དེ་རྣམས་ཀྱི་རྗེས་སུ་དྲན་པ་ནི་ཉེ་བར་གཞག་པ་སྟེ་ལུས་ལ་སོགས་པའི་དྲན་པ་ཉེ་བར་གཞག་པའོ། །ཡང་དག་པར་འབྱུང་བ་མི་དགེ་བའི་རྗེས་སུ་མཐུན་པ་འདོད་ཆགས་ཞེ་སྡང་ལ་སོགས་པ་དགེ་བའི་མི་མཐུན་པར་གྱུར་པ་ལེ་ལོ་དང་མ་དད་པ་ལ་སོགས་
[19a.5]པ་སྟེ། བདུན་པ་ལ་སོགས་པ་འདི་དག་དམིགས་པས་སྤོང་བ་ནི། ཡང་དག་པར་སྤོང་བ་བཞི་ཡིན་ཏེ། འདི་ལྟ་སྟེ། མི་དགེ་བའི་ཆོས་སྐྱེས་པ་རྣམས་སྤང་བ་དང་། མི་དགེ་བའི་ཆོས་མ་སྐྱེས་པ་རྣམས་མི་སྐྱེད་པ་དང་། དགེ་བའི་ཆོས་སྐྱེས་པ་རྣམས་ཡང་དག་པར་བསྲུང་བ་དང་། དགེ་བའི་ཆོས་མ་
[19a.6]སྐྱེས་པ་རྣམས་སྐྱེད་པའོ། །རྫུ་འཕྲུལ་ནི་ཏིང་ངེ་འཛིན་གྱི་སྟོབས་འཕེལ་བའོ། །དེའི་ཡན་ལག་ནི་འདུན་པའི་རྫུ་འཕྲུལ་གྱི་རྐང་པ་དང་། བརྩོན་འགྲུས་ཀྱི་རྫུ་འཕྲུལ་གྱི་རྐང་པ་དང་། སེམས་ཀྱི་རྫུ་འཕྲུལ་གྱི་རྐང་པ་དང་། དཔྱོད་པའི་རྫུ་འཕྲུལ་གྱི་རྐང་པའོ། །དེ་ལ་སྤྱོད་པའི་འདུ་བྱེད་དང་ལྡན་པ་རྣམ་པར་
[19a.7]འབྱེད་པ་དང་། འདོད་ཆགས་དང་བྲལ་བ་དང་། འགོག་པ་དང་། བརྟེན་པ་མེད་པ་དང་། ཀུན་དུ་སྦྱོར་བ་དང་། ཡོངས་སུ་གྱུར་པ་ཉིད་ཤེས་པ་ནི་འདུན་པའོ། །དེ་ལ་རྣམ་པར་འབྱེད་པ་ནི་ལམ་མོ། །ཉོན་མོངས་པའི་སྒྲིབ་པ་སྤང་བ་ནི་འདོད་ཆགས་དང་བྲལ་བ་སྟེ་མྱ་ངན་ལས་འདས་པའོ། །འགོག་པ་
[19b]
[19b.1]ནི་ཟག་པ་དང་བཅས་པའི་དངོས་པོ་ཀུན་དུ་མི་སྦྱོར་པའོ། །དེ་རྣམས་མི་བརྟེན་པ་རྣམ་པར་འབྱེད་པ་དང་། འདོད་ཆགས་དང་བྲལ་བ་དང་། འགོག་པ་ལ་བརྟེན་པ་མེད་པའོ། །ཀུན་དུ་སྦྱོར་བ་ནི་འདུས་བྱས་ཐམས་ཅད་ཀྱི་དངོས་པོ་ལ་ཡང་དག་པར་སྦྱོར་བའོ། །དེ་ཡོངས་སུ་གྱུར་པ་ནི་དེའི་བདག་ཉིད་དུ་གནས་
[19b.2]པའོ། །ལྟ་བར་བྱེད་པའི་ཤེས་པ་འདི་དག་ནི་མིག་ལ་སོགས་པ་དང་མཚུངས་པའི་དད་པ་ལ་སོགས་པའི་དབང་པོ་བསྟན་པར་བྱའོ། །དེ་ཡང་རྣམ་པ་ལྔ་སྟེ། འདི་ལྟ་སྟེ། དད་པའི་དབང་པོ་དང་། བརྩོན་འགྲུས་ཀྱི་དབང་པོ་དང་། དྲན་པའི་དབང་པོ་དང་། ཏིང་ངེ་འཛིན་གྱི་དབང་པོ་དང་། ཤེས་
[19b.3]རབ་ཀྱི་དབང་པོའོ། །དེ་ལ་དད་པ་ནི། འཇིག་རྟེན་པ་དང་འཇིག་རྟེན་ལས་འདས་པ་ལ་ཡང་དག་པའི་ལྟ་བ་དང་ལས་ཀྱི་འབྲས་བུ་ལ་ཉེ་བར་ལོངས་སྤྱོད་པ་ལ་སེམས་ཡིད་ཆེས་པའོ། །སེམས་ཀྱི་ཀུན་དུ་སྦྱོར་བ་ནི་བརྩོན་འགྲུས་སོ། །དད་པའི་དབང་པོ་ལ་བརྟེན་ནས་ཆོས་གང་མ་བརྗེད་པ་ནི་
[19b.4]བརྩོན་འགྲུས་བསྟན་ཏོ། །བརྩོན་འགྲུས་ཀྱི་དབང་པོ་མ་བརྗེད་ཅིང་དོན་མ་བརྗེད་པ་ནི་དྲན་པའི་དབང་བོས་ཆོས་རྣམས་མ་བརྗེད་པ་གང་མངོན་དུ་བྱེད་པ་ནི་ཏིང་ངེ་འཛིན་གྱི་དབང་པོར་བསྟན་ཏོ། །ཏིང་ངེ་འཛིན་གྱིས་རྩེ་གཅིག་པར་བྱས་པའི་ཆོས་གང་ཁྱད་པར་དུ་གྱུར་པ་ནི་ཤེས་རབ་ཀྱི་དབང་
[19b.5]པོའོ། །མ་དད་པ་དང་ལེ་ལོ་དང་། བརྗེད་ངས་པ་དང་། བག་མེད་པ་དང་། རྣམ་པར་གཡེང་བ་ལ་སོགས་པ་མི་མཐུན་པ་ཟད་པ་ལས་ཁྱད་པར་ཐོབ་པའི་དབང་པོ་ཉིད་སྟོབས་སུ་བསྟན་ཏེ། འདི་ལྟ་སྟེ། དད་པའི་སྟོབས་དང་། བརྩོན་འགྲུས་ཀྱི་སྟོབས་དང་། ཏིང་ངེ་འཛིན་གྱི་སྟོབས་
[19b.6]དང་། ཤེས་རབ་ཀྱི་སྟོབས་སོ། །རང་ཉིད་ཀྱིས་ཡང་དག་པར་ཁོང་དུ་ཆུད་པ་འདི་ནི་བྱང་ཆུབ་སྟེ། སེམས་གཉིས་དང་བྲལ་བའོ། །དེའི་རྒྱུ་ནི་བྱང་ཆུབ་ཀྱི་ཡན་ལག་གོ། །དེ་རྣམས་ཀྱང་བདུན་ཏེ། འདི་ལྟ་སྟེ། དྲན་པ་ཡང་དག་བྱང་ཆུབ་ཀྱི་ཡན་ལག་དང་། ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་
[19b.7]ཡན་ལག་དང་། དགའ་བ་ཡང་དག་བྱང་ཆུབ་ཀྱི་ཡན་ལག་དང་། ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་དང་། ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་དང་། བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་དང་། བཏང་སྙོམས་ཡང་དག་བྱང་ཆུབ་ཀྱི་ཡན་ལག་གོ། །དེ་ལ་སེམས་ཅན་
[20a]
[20a.1]ཐམས་ཅད་ལ་ཕན་པར་བྱེད་པ་དང་། བྱང་ཆུབ་ཏུ་སྨོན་པ་དང་། ཐོས་ཤིང་ཁོང་དུ་ཆུད་པ་མ་བརྗེད་པ་ནི་དྲན་པ་ཡང་དག་བྱང་ཆུབ་ཀྱི་ཡན་ལག་གོ། །བདག་ལ་སོགས་པའི་ཆོས་རྣམས་མི་མཐུན་པའི་ཕྱིར། ཕུང་པོ་ལ་སོགས་པ་འབྱེད་པ་ནི་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་
[20a.2]ཡན་ལག་གོ། །ཆོས་རྣམས་རོ་གཅིག་པའི་སེམས་ནི་དགའ་བ་ཡང་དག་བྱང་ཆུབ་ཀྱི་ཡན་ལག་གོ། །དགའ་བ་མི་མཐུན་པའི་ཕྱོགས་བདག་དང་བདག་གི་བག་ཆགས་བཅོམ་པ་ལས། ལུས་དང་ངག་དང་སེམས་ལས་སུ་རུང་བ་ནི་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གོ། །དེ་བཞིན་ཉིད་
[20a.3]དང་ཡང་དག་པའི་མཐའ་དང་། སྟོང་པ་ཉིད་དང་ཆོས་ཀྱི་དབྱིངས་ཏེ་ཚད་མ་བཞི་ལ་སེམས་རྩེ་གཅིག་པ་ནི་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གོ། །སོ་སོའི་སྐྱེ་བོའི་ས་ལས་ངེས་པར་བྱུང་བ་ནི་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་གོ། །ཉོན་མོངས་པའི་སྒྲིབ་པའི་གཉེན་པོ་མ་
[20a.4]ཡིན་པ་ལུས་དང་ངག་དང་སེམས་ཀྱི་འདུ་བྱེད་ལ་ལྟོས་པ་མེད་པ་ནི་བཏང་སྙོམས་ཡང་དག་བྱང་ཆུབ་ཀྱི་ཡན་ལག་གོ། །སྡིག་པ་འབའ་ཞིག་དང་རྗེས་སུ་མཐུན་པའི་ཉོན་མོངས་བའི་སྒྲིབ་པའི་གཉེན་པོར་གྱུར་བའི་ཕྱིར་འཕགས་པའི་ལམ་ཡན་ལག་བརྒྱད་ནི་འཕགས་པའི་ལམ་ཡན་ལག་བརྒྱད་
[20a.5]དོ། །ཤེས་བྱའི་སྒྲིབ་པ་སྤང་བའི་སྒོམ་པས་ཚོལ་བ་ནི་ལམ་མོ། །དེའི་ཕྱིར་འདི་འཕགས་པའི་ལམ་ཡན་ལག་བརྒྱད་དུ་བསྟན་ཏེ། ཡང་དག་པའི་ལྟ་བ་དང་། ཡང་དག་པའི་རྟོག་པ་དང་། ཡང་དག་པའི་ངག་དང་། ཡང་དག་པའི་ལས་ཀྱི་མཐའ་དང་། ཡང་དག་པའི་འཚོ་བ་དང་། ཡང་
[20a.6]དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་ནོ། །དེ་ལ་ཡང་དག་པའི་ལྟ་བ་ནི་ཆོས་ཐམས་ཅད་བདག་མེད་པའི་མཚན་ཉིད་དང་། འཇིག་རྟེན་ཕ་རོལ་ལ་བལྟ་བའོ། །ཡང་དག་པའི་རྟོག་པ་ནི་བླང་བ་དང་དོར་བ་དག་སྤོང་བ་དང་། མངོན་དུ་བྱེད་པ་ཡིད་
[20a.7]ཀྱིས་བྱེད་པ་དང་། དགེ་བ་འབའ་ཞིག་ལ་སེམས་པའོ། །ཡང་དག་པའི་ངག་ནི་བདེན་པ་མཐོང་བའི་དོན་སྟོན་པར་བྱེད་དོ། །ཡང་དག་པའི་ལས་ཀྱི་མཐའ་ནི། ལུས་དང་ངག་དང་ཡིད་ཀྱི་ལས་གང་གོང་ན་མེད་པའོ། །ཡང་དག་པའི་འཚོ་བ་ནི་རིགས་ལས་སྐྱེས་པའི་དོན་ཏོ། །ཡང་དག་པའི་རྩོལ་བ་
[20b]
[20b.1]ནི་བདག་དང་གཞན་གྱི་དོན་ཕུན་སུམ་ཚོགས་པ་ལ་རྗེས་སུ་སྦྱོར་བ་ལུས་དང་ངག་དང་ཡིད་ཀྱི་ལས་སོ། །ཡང་དག་པའི་དྲན་པ་ནི་ཇི་ལྟར་ཁོང་དུ་ཆུད་པའི་ཆོས་རྣམས་མ་བརྗེད་པའོ། །ཡང་དག་པའི་ཏིང་ངེ་འཛིན་ནི་དམིགས་པའི་རྣམ་པ་མངོན་དུ་བྱེད་པའི་སེམས་སོ། །རྡོ་རྗེ་སེམས་དཔའ་ཅོད་
[20b.2]པན་ནི། །རྣམ་དག་ཡེ་ཤེས་ལྔ་ཉིད་དོ། །དཔའ་བོའི་རྩ་བའི་སྔགས་ཉིད་ནི། །ཚངས་པའི་སྲད་བུར་རབ་ཏུ་བརྟག །རྡོ་རྗེ་ཕག་མོའི་སྔགས་ཀྱིས་ནི། །མགུལ་གྱི་མགུལ་རྒྱན་མཚན་བའོ། །ལྷ་ཡི་སྙིང་བོ་གསང་སྔགས་ནི། །བརྒྱ་ཕྱེད་ཕྲེང་བས་བརྒྱན་པའོ། །ཡི་གེ་བདུན་གྱི་གསང་སྔགས་
[20b.3]ནི། །རྣ་བའི་རྣ་ཆ་མཛེས་པ་ཡིན། །སངས་རྒྱས་མཁའ་འགྲོ་མ་ཡི་སྔགས། །པགས་པའི་ན་བཟའ་བསྣམས་པའོ། །རྣལ་འབྱོར་མ་ནི་དྲུག་གི་སྔགས། །རྐེད་པ་སྐ་རགས་བརྒྱན་པའོ། །དཔའ་བོའི་གོ་ཆ་དྲུག་ཉིད་ནི། །ཕྱག་རྒྱས་སྐུ་ལ་བརྒྱན་པའོ། །འཁོར་ལོ་ཀུན་གྱི་རྣལ་
[20b.4]འབྱོར་མའི། །སྔགས་ནི་ཐོད་པའི་བཏུང་བའོ། །རྣམ་སྣང་མཛད་མའི་སྔགས་གང་ཡིན། །མགོ་བོར་བརྒྱན་པའི་ཐོད་པའོ། །དཔའ་བོ་ཉི་ཤུ་རྩ་བཞི་དང་། །ལུས་ཀྱི་ཁམས་སུ་བརྟགས་པ་ཡིན། །ལུས་དྲན་པ་ཉེ་བར་གཞག་པ་ནི་མཁའ་འགྲོ་མའོ། །ཚོར་བ་དྲན་པ་ཉེ་བར་
[20b.5]གཞག་པ་ནི་ལཱ་མའོ། །ཆོས་དྲན་པ་ཉེ་བར་གཞག་པ་ནི་དུ་མ་སྐྱེས་མའོ། །སེམས་དྲན་པ་ཉེ་བར་གཞག་པ་ནི་གཟུགས་ཅན་མའོ། །ཡེ་ཤེས་ཀྱི་པདྨའི་རྣམ་པར་དག་པའོ། །འདུན་པའི་རྫུ་འཕྲུལ་གྱི་རྐང་བ་ནི་རབ་ཏུ་གཏུམ་མོའོ། །བརྩོན་འགྲུས་ཀྱི་རྫུ་འཕྲུལ་གྱི་རྐང་བ་ནི་གཏུམ་པའི་
[20b.6]མིག་ཅན་མའོ། །དཔྱོད་པའི་རྫུ་འཕྲུལ་གྱི་རྐང་པ་ནི་འོད་ལྡན་མའོ། །སེམས་ཀྱི་རྫུ་འཕྲུལ་གྱི་རྐང་པ་ནི་སྣ་ཆེན་མའོ། །དད་པའི་དབང་པོ་ནི་བརྟན་པའི་བློ་ཅན་མའོ། །བརྩོན་འགྲུས་ཀྱི་དབང་པོ་ནི་མི་ཐུང་མའོ། །དྲན་པའི་དབང་པོ་ནི་ལང་ཀའི་དབང་ཕྱུག་མའོ། །ཏིང་ངེ་འཛིན་གྱི་
[20b.7]དབང་པོ་ནི་ཤིང་གྲིབ་མའོ། །ཐུགས་ཀྱི་འཁོར་ལོའི་རྣམ་པར་དག་པའོ། །ཤེས་རབ་ཀྱི་དབང་པོ་ནི་ས་སྲུང་མའོ། །དད་པའི་སྟོབས་ནི་འཇིགས་བྱེད་ཆེན་མོའོ། །བརྩོན་འགྲུས་ཀྱི་སྟོབས་ནི་རླུང་གི་ཤུགས་ཅན་མའོ། །དྲན་པའི་སྟོབས་ནི་ཆང་འཐུང་མའོ། །ཏིང་ངེ་འཛིན་གྱི་སྟོབས་
[21a]
[21a.1]ནི་ལྷ་མོ་སྔོ་བསངས་མའོ། །ཤེས་རབ་ཀྱི་སྟོབས་ནི་ཤིན་ཏུ་བཟང་མོའོ། །ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ནི་རྟ་རྣ་མའོ། །བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི་ཁ་ག་ན་སྟེ་གསུང་གི་འཁོར་ལོ་རྣམ་པར་དག་པའོ། །དགའ་བ་ཡང་དག་བྱང་ཆུབ་ཀྱི་
[21a.2]ཡན་ལག་ནི་འཁོར་ལོའི་ཤུགས་ཅན་མའོ། །ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ནི་དུམ་སྐྱེས་མའོ། །ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི་ཆང་འཚོང་མའོ། །དྲན་པ་ཡང་དག་བྱང་ཆུབ་ཀྱི་ཡན་ལག་ནི་འཁོར་ལོའི་གོ་ཆ་མའོ། །བཏང་སྙོམས་ཡང་
[21a.3]དག་བྱང་ཆུབ་ཀྱི་ཡན་ལག་ནི་ཤིན་ཏུ་དཔའ་མོའོ། །ཡང་དག་པའི་ལྟ་བ་ནི་སྟོབས་ཆེན་མའོ། །ཡང་དག་པའི་རྟོག་པ་ནི་འཁོར་ལོས་སྒྱུར་མའོ། །ཡང་དག་པའི་ངག་ནི་བརྩོན་ཆེན་མ་སྟེ་སྐུའི་འཁོར་ལོའི་རྣམ་པར་དག་པའོ། །ཡང་དག་པའི་ལས་ཀྱི་མཐའ་ནི་ཁྭ་གདོང་མའོ། །
[21a.4]ཡང་དག་པའི་འཚོ་བ་ནི་འུག་པའི་གདོང་ཅན་མའོ། །ཡང་དག་པའི་རྩོལ་བ་ནི་ཁྱིའི་གདོང་ཅན་མའོ། །ཡང་དག་པའི་དྲན་པ་ནི་ཕག་གི་གདོང་ཅན་མའོ། །ཡང་དག་པའི་ཏིང་ངེ་འཛིན་ནི་དཔལ་ཧེ་རུ་ཀའོ། །ཨོཾ་སྭ་བྷཱ་བ་ཤུདྡྷ་དྷརྨ་དྷཱ་ཏུ་སྭ་བྷཱ་བ་ཨཱཏྨ་ཀོ྅ཧཾ། དགེ་བའི་ཆོས་མ་སྐྱེས་པ་
[21a.5]རྣམས་སྐྱེས་པ་ནི་གཤིན་རྗེ་བརྟན་མའོ། །དགེ་བའི་ཆོས་སྐྱེས་པ་རྣམས་ཡང་དག་པར་སྲུང་བ་ནི་གཤིན་རྗེའི་ཕོ་ཉ་མའོ། །མི་དགེ་བའི་ཆོས་སྐྱེས་པ་རྣམས་ཡང་དག་པར་སྤོང་བ་ནི་གཤིན་རྗེ་མཆེ་བ་མའོ། །མི་དགེ་བའི་ཆོས་མ་སྐྱེས་པ་རྣམས་མི་སྐྱེད་པ་ནི་གཤིན་རྗེ་འཇོམས་མའོ། །དམ་
[21a.6]ཚིག་གི་འཁོར་ལོ་རྣམ་པར་དག་པའོ། །སེན་མོ་དང་སོ་དག་ལ་ཐོད་པའི་དུམ་བུའོ། །སྐྲ་དང་བ་སྤུ་དག་ལ་ཀེང་རུས་ཆེན་པོའོ། །པགས་པ་དང་དྲི་མ་དག་ལ་ཀེང་རུས་སོ། །ཤ་ལ་མཆེ་བ་གཙིགས་པའོ། །རྒྱུས་པ་ལ་ལྷའི་དགྲའོ། །རུས་པ་ལ་འོད་དཔག་མེད་དོ། །ཁ་ལ་རྡོ་རྗེ་འོད་དོ། །སྙིང་
[21a.7]ལ་རྡོ་རྗེ་སྐུའོ། །མིག་ལ་མྱུ་གུ་ཅན་ནོ། །མཁྲིས་པ་ལ་རྡོ་རྗེ་རལ་པ་ཅན་ནོ། །གློ་བ་ལ་དཔའ་བོ་ཆེན་པོའོ། །རྒྱུ་མ་ལ་རྡོ་རྗེ་འཇིགས་བྱེད་དོ། །རྩེའུ་ཆུང་དག་ལ་རབ་ཏུ་བཟང་པོའོ། །ལྟེ་བ་ལ་རྡོ་རྗེ་བཟང་པོའོ། །བཤད་བའི་ལམ་ལ་འཇིགས་བྱེད་དོ། །མཚམས་ཀྱི་མཐའ་དག་ལ་མིག་མི་བཟང་ངོ་། །
[21b]
[21b.1]བད་ཀན་ལ་སྟོབས་པོ་ཆེའོ། །རྣག་ལ་རིན་ཆེན་རྡོ་རྗེའོ། །ཁྲག་ལ་རྟ་མགྲིན་ནོ། །རྡུལ་ལ་ནམ་མཁའི་སྙིང་པོའོ། །ཚིལ་ལ་ཧེ་རུ་ཀའོ། །མཆི་མ་ལ་པདྨ་གར་གྱི་དབང་ཕྱུག་གོ། །མཆིལ་མ་ལ་རྣམ་པར་སྣང་མཛད་དོ། །ངར་སྣབས་ལ་རྡོ་རྗེ་སེམས་དཔའོ། །དམ་ཚིག་མཆོག་གི་བཟླས་པ་
[21b.2]ལ། །དུང་ཆེན་མཆོག་ལ་བཟླས་པར་བྱ། །འཁོར་སོགས་ཆོ་ག་རིམ་པ་ཡིས། །རྣལ་འབྱོར་པ་ཡིས་སྔགས་མཆོག་བཟླ། །ཨོཾ་ན་མོ་བྷ་ག་ཝ་ཏེ་ཝཱི་རེ་ཤཱ་ཡ་ཧུཾ་ཧཱུཾ་ཕཊ། ཨོཾ་མ་ཧཱ་ཀལྤ་ཨགྣི་སཾ་ནི་བྷཱ་ཡ་ཧུཾ་ཧཱུཾ་ཕཊ། ཨོཾ་ཛ་ཊཱ་མ་ཀུ་ཊོཏྐ་ཊཱ་ཡ་ཧུཾ་ཧཱུཾ་ཕཊ། ཨོཾ་དཾཥྚཱ་ཀ་རཱ་ལོ་གྲ་བྷཱི་ཥཎ་མུ་ཁཱ་ཡ་ཧུཾ་ཧཱུཾ་
[21b.3]ཕཊ། ཨོཾ་ས་ཧ་སྲ་བྷུ་ཛ་བྷཱ་སུ་རཱ་ཡ་ཧུཾ་ཧཱུཾ་ཕཊ། ཨོཾ་པ་ར་ཤུ་པཱ་ཤོཌྱ་ཏ་ཤཱུ་ལ་ཁ་ཊྭཱཾ་ག་དྷ་རི་ཎི་ཧུཾ་ཧཱུཾ་ཕཊ། ཨོཾ་བྱཱ་གྷྲ་ཛི་ནཱཾ་བ་ར་དྷ་རཱ་ཡ་ཧུཾ་ཧཱུཾ་ཕཊ། ཨོཾ་མ་ཧཱ་དྷུ་མྦྲཱ་ནྡྷ་ཀཱ་ར་ཝ་པུ་ཥཱ་ཡ་ཧུཾ་ཧཱུཾ་ཕཊ། ཨོཾ་ཀ་ར་ཀ་ར་ཁཎྜ་ཀ་པཱ་ལ་ནི་ཧུཾ་ཧཱུཾ་ཕཊ། ཨོཾ་པྲ་ཙཎྜེ་ཧུཾ་ཧཱུཾ་ཕཊ། །ཨོཾ་ཀུ་རུ་ཀུ་རུ་མ་ཧཱ་ཀཾ་ཀ་ལ་ཧུཾ་ཧཱུཾ་ཕཊ། ཨོཾ་ཙཎྜ་
[21b.4]ཨ་ཀྵཱི་ཡེ་ཧུཾ་ཧཱུཾ་ཕཊ། ཨོཾ་བནྡྷ་བནྡྷ་ཀཾ་ཀ་ལ་ཧུཾ་ཧཱུཾ་ཕཊ། ཨོཾ་པྲ་བྷ་བ་ཏཱི་ཧུཾ་ཧཱུཾ་ཕཊ། ཨོཾ་ཏྲཱ་ས་ཡ་ཏྲཱ་ས་ཡ། བི་ཀ་དཾ་ཥྚཱི་ཎི་ཧུཾ་ཧཱུཾ་ཕཊ། ཨོཾ་མ་ཧཱ་ནཱ་སེ་ཧུཾ་ཧཱུཾ་ཕཊ། ཨོཾ་ཀྵོ་བྷ་ཡ་ཀྵོ་བྷ་ཡ་སུ་ར་བཻ་རི་ཎི་ཧུཾ་ཧཱུཾ་ཕཊ། ཨོཾ་ཝཱི་ར་མ་ཏཱི་ཧུཾ་ཧཱུཾ་ཕཊ། ཨོཾ་ཧྲཽཾ་ཧྲཽཾ་ཨ་མི་ཏཱ་བྷ་ཧུཾ་ཧཱུཾ་ཕཊ། ཨོཾ་ཁརྦ་རི་ཡེ་ཧུཾ་ཧཱུཾ་ཕཊ། ཨོཾ་ཧྲཿ་
[21b.5]ཧྲཿ་བཛྲ་པྲ་བྷ་ཧུཾ་ཧཱུཾ་ཕཊ། ཨོཾ་ལཾ་ཀེ་ཤྭ་རཱི་ཡེ་ཧུཾ་ཧཱུཾ་ཕཊ། ཨོཾ་ཕེཾ་ཕེཾ་བཛྲ་དེ་ཧ་ཧུཾ་ཧཱུཾ་ཕཊ། ཨོཾ་དྲུ་མ་ཙྪཱ་ཡེ་ཧུཾ་ཧཱུཾ་ཕཊ། ཨོཾ་ཕཊ་ཕཊ་ཨཾ་ཀུ་རི་ཀ་ཧུཾ་ཧཱུཾ་ཕཊ། ཨོཾ་ཨཻ་ར་བ་ཏི་ཧུཾ་ཧཱུཾ་ཕཊ། ཨོཾ་ད་ཧ་ད་ཧ་བཛྲ་ཛ་ཊ་ལེ་ཧུཾ་ཧཱུཾ་ཕཊ། ཨོཾ་མ་ཧཱ་བྷཻ་ར་བཱི་ཧུཾ་ཧཱུཾ་ཕཊ། ཨོཾ་པ་ཙ་པ་ཙ་མ་ཧཱ་བཱི་རེ་ཧུཾ་ཧཱུཾ་ཕཊ། ཨོཾ་བཱ་ཡུ་བེ་གེ་ཧུཾ་
[21b.6]ཧཱུཾ་ཕཊ། ཨོཾ་བྷ་ཀྵ་བྷ་ཀྵ་བ་ས་རུ་དྷི་ར་ཨནྟྲ་མཱ་ལཱ་བ་ལཾ་བི་ནེ་བཛྲ་ཧཱུཾ་ཀཱ་ར་ཧུཾ་ཧཱུཾ་ཕཊ། ཨོཾ་སུ་ར་བྷ་ཀྵཱི་ཡེ་ཧུཾ་ཧཱུཾ་ཕཊ། ཨོཾ་གྲྀཧྞ་སཔྟ་པ་ཏཱ་ལ་ག་ཏ་བྷུ་ཛཾ་ག་སརྤཾ་བཱ་ཏ་རྫ་ཡ་ཏ་རྫ་ཡ་སུ་བྷ་བྲ་ཧུཾ་ཧཱུཾ་ཕཊ། ཨོཾ་ཤྱཱ་མ་དེ་བཱི་ཧུཾ་ཧཱུཾ་ཕཊ། ཨོཾ་ཨཱ་ཀཌ་ཌྷྱ་ཨཱ་ཀཌ་ཌྷྱ་བཛྲ་བྷ་དྲ་ཧུཾ་ཧཱུཾ་ཕཊ། ཨོཾ་སུ་བྷ་དྲེ་ཧུཾ་ཧཱུཾ་ཕཊ། ཨོཾ་ཧྲཱིཾ་ཧྲཱིཾ་མ་ཧཱ་བྷཻ་ར་བ་ཧུཾ་
[21b.7]ཧཱུཾ་ཕཊ། ཨོཾ་ཧ་ཡ་ཀརྞེ་ཧུཾ་ཧཱུཾ་ཕཊ། ཨོཾ་ཛྞཽཾ་ཛྞཽཾ་བི་རཱུ་པཱ་ཀྵ་ཧུཾ་ཧཱུཾ་ཕཊ། ཨོཾ་ཁ་གཱ་ན་ནེ་ཧུཾ་ཧཱུཾ་ཕཊ། ཨོཾ་ཀྵྨཱཾ་ཀྵྨཱཾ་མ་ཧཱ་བ་ལ་ཧུཾ་ཧཱུཾ་ཕཊ། ཨོཾ་ཙཀྲ་བེེ་གེ་ཧུཾ་ཧཱུཾ་ཕཊ། ཨོཾ་ཧཱཾ་ཧཱཾ་རཏྣ་བཛྲ་ཧུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧུཾ་ཧཱུཾ་ཕཊ། ཨོཾ་ཧཱིཾ་ཧཱིཾ་ཧ་ཡ་གྲཱི་བ་ཧུཾ་ཧཱུཾ་ཕཊ། ཨོཾ་ཤོཎྜི་ནཱི་ཧུཾ་ཧཱུཾ་ཕཊ། ཨོཾ་ཧུཾ་ཧཱུཾ་ཨཱ་ཀཱ་ཤ་གརྦྷ་ཧུཾ་ཧཱུཾ་ཕཊ། ཨོཾ་ཙཀྲ་
[22a]
[22a.1]བརྨ་ཎཱི་ཡེ་ཧུཾ་ཧཱུཾ་ཕཊ། ཨོཾ་ཀི་ལི་ཀི་ལི་ཧེ་རུ་ཀ་ཧུཾ་ཧཱུཾ་ཕཊ། ཨོཾ་སུ་བཱི་རེ་ཧུཾ་ཧཱུཾ་ཕཊ། ཨོཾ་སི་ལི་སི་ལི་པདྨ་ན་རྟེ་ཤྭ་ར་ཧུཾ་ཧཱུཾ་ཕཊ། ཨོཾ་མ་ཧཱ་བ་ལེ་ཧུཾ་ཧཱུཾ་ཕཊ། ཨོཾ་ཙི་ལི་ཙི་ལི་བཻ་རོ་ཙ་ན་ཧུཾ་ཧཱུཾ་ཕཊ། ཨོཾ་ཙཀྲ་ཝ་རྟི་ནཱི་ཡེ་ཧུཾ་ཧཱུཾ་ཕཊ། ཨོཾ་དྷི་ལི་དྷི་ལི་བཛྲ་སཏྭ་ཧུཾ་ཧཱུཾ་ཕཊ། ཨོཾ་མ་ཧཱ་བཱི་ཪྻེ་ཧུཾ་ཧཱུཾ་ཕཊ། ཨོཾ་
[22a.2]ཌཱ་ཀི་ནཱི་ཡེ་ཧུཾ་ཧཱུཾ་ཕཊ། ཨོཾ་ལཱ་མེ་ཧུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧུཾ་ཧཱུཾ་ཕཊ། ཨོཾ་རཱུ་པི་ཎི་ཡེ་ཧུཾ་ཧཱུཾ་ཕཊ། ཨོཾ་ཀ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཨུ་ལཱུ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཤྭ་ནཱ་སྱེ་ཧུཾ་ཧཱུཾ་ཕཊ། ཨོཾ་སཱུ་ཀ་རཱ་སྱེ་ཧུཾ་ཧཱུཾ་ཕཊ། ཨོཾ་ཡ་མ་དཱ་དྷཱི་ཧུཾ་ཧཱུཾ་ཕཊ། ཨོཾ་ཡ་མ་དཱུ་ཏཱི་ཧུཾ་ཧཱུཾ་ཕཊ། ཨོཾ་ཡ་མ་དཾཥྚཱི་ཎཱི་ཧུཾ་ཧཱུཾ་ཕཊ། ཨོཾ་ཡ་མ་མ་
[22a.3]ཐཱ་ནི་ཧུཾ་ཧཱུཾ་ཕཊ། ཨོཾ་ན་མོ་བྷ་ག་བ་ཏི་བཛྲ་བཱ་རཱ་ཧཱི་ཧུཾ་ཧཱུཾ་ཕཊ། ཨོཾ་ན་མ་ཨཱཪྻཱ་པ་རཱ་ཛི་ཏེ་ཏྲཻ་ལོཀྱ་མཱ་ཏེ་མ་ཧཱ་བི་དྱེ་ཤྭ་རི་ཧུཾ་ཧཱུཾ་ཕཊ། ཨོཾ་ན་མཿ་སརྦ་བྷཱུ་ཏ་བྷ་ཡཱ་བ་ཧེ་མ་ཧཱ་བཛྲེ་ཧུཾ་ཧཱུཾ་ཕཊ། ཨོཾ་ན་མོ་བཛྲ་ཨཱ་ས་ནེ་ཨ་ཛི་ཏེ་ཨ་པ་རཱ་ཛི་ཏེ་བ་ཤྱཾ་ཀཱ་རི་ནེ་ཏྲ་བྷྲཱ་མ་ཎི་ཧུཾ་ཧཱུཾ་ཕཊ། ཨོཾ་ན་མཿ་ཤོ་ཥ་ཎི་རོ་ཥ་
[22a.4]ཎི་ཀྲོ་དྷ་ཀ་རཱ་ལི་ཧུཾ་ཧཱུཾ་ཕཊ། ཨོཾ་ན་མ་སྟྲ་ས་ནི་མཱ་ར་ཎི་པྲ་བྷེ་ད་ནི་ཨ་པ་རཱ་ཛ་ཡེ་ཧུཾ་ཧཱུཾ་ཕཊ། ཨོཾ་ན་མོ་བི་ཛ་ཡེ་ཛམྦྷ་ནི་སྟ་མྦྷ་ནི་མོ་ཧ་ནི་ཧུཾ་ཧཱུཾ་ཕཊ། ཨོཾ་ན་མོ་བཛྲ་བཱ་རཱ་ཧཱི་མ་ཧཱ་ཡོ་གི་ནཱི་ཀཱ་མེ་ཤྭ་རི་ཁ་གེ་ཧུཾ་ཧཱུཾ་ཕཊ། ཏ་དྱ་ཐཱ། པྲོ་ཏདྒེ་པྲོ་ཏདྒེ་ཧ་ན་ཧ་ན་པྲཱ་ཎཱཾ་ཀི་ཀི་ནི་ཁི་ཁི་ནི་དྷུ་ན་དྷུ་ན་བཛྲ་ཧ་སྟེ། ཤོ་ཥ་
[22a.5]ཡ་ཤོཥ་ཡ་བཛྲ་ཁ་ཊྭཱཾ་ག་ཀ་པཱ་ལ་དྷཱ་རི་ཎི། མ་ཧཱ་བི་ཤི་ཏ་མཱཾ་ས་ཨཱ་ས་ནི་མཱ་ནུ་ཥྱཱ་ནྟྲ་པྲཱ་བྲི་ཏེ་སཱ་ནྣི་དྷྱ་ན་ར་སི་རོ་མཱ་ལ་གྲནྠི་ཏ་དྷ་རི་ཎི། སུ་མྦྷ་ནི་སུམྦྷ་ཧ་ན་ཧ་ན་པྲཱ་ཎཱཾ་སརྦ་པཱ་པཾ་སཏྭཱ་ནཱཾ་སརྦ་པ་ཤཱུ་ནཱཾ། མ་ཧཱ་མཱཾ་ས་ཙྪེ་ད་ཀྲོ་དྷ་མཱུརྟི། དཾཥྚྲཱ་ཀ་རཱ་ལི་ནི་མ་ཧཱ་མུ་དྲེ་ཤྲཱི་ཧེ་རུ་ཀ་དེ་བ་སྱ། ཨ་གྲ་མ་ཧི་ཥི་ས་ཧ་
[22a.6]སྲ་ཤི་རེ་ས་ཧ་སྲ་བཱ་ཧ་བེེ་ཤ་ཏ་ས་ཧ་སྲ་ཨཱ་ན་ནེ་ཛྭ་ལི་ཏ་ཏེ་ཛ་སེ་ཛྭ་ལ་མུ་ཁི་པིངྒ་ལོ་ཙ་ནི་བཛྲ་ཤཱ་རཱི་རེ། བཛྲ་ཨཱ་ས་ནེ་མི་ལི་ཙི་ལི་ཏ་ཧེ་ཧེ་ཧཱ་ཧཱ་ཧཱུཾ་ཧཱུཾ་ཁ་ཁ་དྷུ་དྷུ་དྷུ་རུ་དྷུ་རུ་མུ་རུ་མུ་རུ་ཨ་དྭཻ་ཏེ་མ་ཧཱ་ཡོ་གི་ནཱི་པ་ཋི་ཏ་སིད་དྷེ་དྲེཾ་དྷཾ་དྲེཾ་དྷཾ་གྲཾ་གྲཾ་ཧེ་ཧེ་ཧཱ་ཧཱ་བྷཱི་མེ་ཧ་ས་ཧ་ས་བཱི་རེ་ཧཱ་ཧཱ་ཧོཿ་ཧོཿ་ཧཱུཾ་ཧཱུཾ་ཏྲཻ་ལོ་ཀྱ་བི་ནཱ་ཤ་ནི་ཤ་
[22a.7]ཏ་ས་ཧ་སྲ་ཀོ་ཊི་ཏ་ཐཱ་ག་ཏ་པ་རི་བཱ་རི་ཧཱུཾ་ཧཱུཾ་ཕཊ། སིཾ་ཧ་རཱུ་པེ་ཁཿ་ག་ཛ་རཱུ་པེ་གཿ་ཏྲཻ་ལོ་ཀྱ་ཨུ་ད་རེ། ས་མུ་དྲ་མེ་ཁ་ལེ་གྲ་ས་གྲ་ས་ཧཱུཾ་ཧཱུཾ་ཕཊ། བཱི་རཱ་དྭཻ་ཏེ་ཧཱུཾ་ཧཱུཾ་ཧཱ་ཧཱ། མ་ཧཱ་པ་ཤུ་མོ་ཧ་ནི་ཡོ་གེ་ཤྭ་རི་ཏྭཾ་ཌཱ་ཀི་ནཱི་སརྦ་ལོ་ཀཱ་ནཱཾ་བནྡྷ་ནི་སཏྱཿ་པྲ་ཏྱ་ཡ་ཀཱ་རི་ཎི་ཧཱུཾ་ཧཱུཾ་ཕཊ། བྷཱུ་ཏ་ཏྲཱ་ས་ནི་མ་ཧཱ་བཱི་རེ་པ་ར་མ་སིདྡྷེ་
[22b]
[22b.1]ཡོ་གེ་ཤྭ་རི་ཕཊ་ཧཱུཾ་ཧཱུཾ་ཕཊ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སམྦ་རཾ་སྭཱ་ཧཱ། ཨོཾ་ཧྲིཿ་ཧ་ཧ་ཧཱུཾ་ཧཱུཾ་ཕཊ། ལྷའི་སྙིང་པོ་དང་ཉེ་བའི་སྙིང་པོའོ། །ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ། ཨོཾ་སརྦ་བུདྡྷ་ཊཱ་ཀི་ནཱི་ཡེ་བཛྲ་བརྞ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ལྷ་མོའི་སྙིང་པོ་དང་ཉེ་བའི་སྙིང་
[22b.2]པོའོ། ཨོཾ་ཧ། ན་མ་ཧི། སྭཱ་ཧཱ་ཧཱུ། བཽ་ཥ་ཊ་ཧེ། ཧཱུཾ་ཧཱུཾ་ཧོ་ཕཊ་ཧཾ། ཨོཾ་བཾ་ཧཾ་ཡོཾ་ཧྲིཾ་མོཾ་ཧྲེཾ་ཧྲིཾ་ཧཱུཾ་ཧཱུཾ་ཕཊ་ཕཊ། ལྷ་དང་ལྷ་མོའི་གོ་ཆའི་སྔགས་སོ། །རྣལ་འབྱོར་གསང་སྔགས་ཀྱི་ནི་གཞི། །དེ་བཞིན་གཤེགས་པ་ཀུན་གྱི་གནས། །ཀུན་མཁྱེན་ཀུན་མཛད་ཐམས་ཅད་ལ། །ཀུན་ལ་ཁྱབ་པའི་བདེ་ཆེན་པོ། །
[22b.3]མགོན་པོ་སངས་རྒྱས་ཀུན་རང་བཞིན། །སེམས་ཅན་ཀུན་གྱི་སྙིང་ལ་བཞུགས། །ཨཾ་ཨཱཾ་ཨིཾ་ཨཱིཾ་ཨུཾ་ཨཱུཾ་ཨེཾ་ཨཻཾ་ཨོཾ་ཨཽཾ་ཨཾ་ཨཱཾ། འདི་ནི་བཅོམ་ལྡན་འདས་ཉིད་དེ། །དབང་ཕྱུག་མ་དང་ཧེ་རུ་ཀ། །སྒོ་ང་ལ་སྐྱེས་མཆོག་རིམ་པས། །ལྟེ་བའི་དབུས་སུ་བསྒོམ་པར་བྱ། །རྀཾ་རཱྀཾ་ལྀཾ་ལཱྀཾ། པད་
[22b.4]འདབ་ལ་གནས་མཁའ་འགྲོ་མ། །ཀཾ་ཁཾ་གཾ་གྷཾ་ངཾ་། ཙཾ་ཚཾ་ཛཾ་ཛྙཾ་ཉཾ། ཊཾ་ཋཾ་ཌཾ་ཌྷཾ་ཎཾ། ཏཾ་ཐཾ་དཾ་དྷཾ་ནཾ། པཾ་ཕཾ་བཾ་བྷཾ་མཾ། སྐུ་གསུང་ཐུགས་ཀྱི་འཁོར་ལོ་ལ། །དངོས་གྲུབ་ཐམས་ཅད་རབ་སྟེར་བ། །ཐོད་དུ་མ་ལ་སོགས་དཔའ་བོ་དང་། །རབ་གཏུམ་ལ་སོགས་ཐམས་ཅད་ཀྱི། །ཡཾ་རཾ་ལཾ་ཝཾ་
[22b.5]ཤཾ་ཥཾ་སཾ་ཧཾ། ཁྭ་གདོང་ལ་སོགས་མ་མོའོ། །ཡི་གེ་ཀྵ་ནི་འཛག་པ་ཉིད། །ཁུ་བའི་གཟུགས་ཅན་ཆེན་པོའོ། །ཡར་དང་མར་གྱི་བཅུ་པ་ལ། །རྣལ་འབྱོར་པ་ཡིས་མཆོད་པར་བྱ། །གཏོར་མའང་རྟག་ཏུ་སྦྱིན་པར་བྱ། །དམ་ཚིག་གནས་པས་བརྡ་སྦྱར་བྱ། །སྔོན་གསུངས་ཕྱག་རྒྱ་ལ་
[22b.6]སོགས་པ། །སྔགས་ཀྱི་སྦྱོར་བའི་སྲུང་བ་ཡིས། །ཆོ་ག་བཞིན་དུ་ཀུན་དུ་བསྲུང་། །ཤ་དང་ཆང་ལ་སོགས་པས་ཀྱང་། །རྡོ་རྗེ་རྣལ་འབྱོར་མ་རྣམས་ལ། །མྱུར་དུ་འབད་པས་མཆོད་པར་བྱ། །ལྷོ་རུ་སྔོན་བལྟས་རྣལ་འབྱོར་པས། །མཐོན་པོའི་གནས་སུ་མཆོད་པར་བྱ། །མཚན་མོ་
[22b.7]སྐྲ་གྲོལ་གཅེར་གྱུར་པའི། །བརྟུལ་ཞུགས་ཅན་གྱིས་གཏོར་མ་སྦྱིན། །རྐང་མནན་སྟེང་དུ་བལྟས་པ་ཡིས། །གྱེན་དུ་ཕེ་གྱི་སྒྲ་སྒྲོགས་ཤིང་། །ཕྱོགས་བཅུ་འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་འགུགས། །རྡོ་རྗེ་ཐལ་མོ་སྟེང་ཁ་ཕྱེ། །དཔའ་བོ་
[23a]
[23a.1]རྣལ་འབྱོར་མ་ཡི་སྔགས། །སྔགས་ཀྱིས་ཡང་དག་བསྐུལ་བྱས་ཏེ། །དེ་དུས་སྤྱན་དྲང་བ་ཡང་བྱ། །མཛུབ་མོ་མདུད་བྱས་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པོར་དམ་བཅས་ཏེ། །འདི་ནི་དཔྲལ་བའི་དབུས་སུ་རབ་བཞག་ནས། །བསྐོར་ཞིང་བསྐོར་
[23a.2]བས་ཀུན་དུ་བསྐོར་བར་བྱ། །གཡས་བརྐྱང་བ་ཡི་རྐང་པའི་སྦྱོར་བ་ཡིས། །དྲ་བའི་ཕྱག་རྒྱ་བསྟན་པར་བྱ། །དམ་ཚིག་གི་རབ་བཀང་བྱ་སྟེ། །གསང་སྔགས་ཉིད་ནི་རྗེས་དྲན་བྱ། །ཨོཾ་ཨཱཿ་ཨ་ར་ལླི་ཧོ་ཛཿ་ཧཱུཾ་བཾ་ཧོཿ་བཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོ། །དེ་ལྟར་གསུམ་བཞི་ལྔ་ཡི་
[23a.3]བར། །དམ་ཚིག་རྫས་སོགས་གཞག་པ་བཟླ། །ཁ་ཁ་ཁཱ་ཧི། ཁཱ་ཧི་སརྦ་ཡཀྵ་རཱཀྵ་ས་བྷཱུ་ཏ་པྲེ་ཏ་བི་ཤཱ་ཙ། ཨུ་མནྡཱ་པསྨ་ར་བཛྲ་ཌཱ་ཀ་ཌཱ་ཀི་ནྱ་ད་ཡ་ཨི་མཾ་བ་ལིཾ་གྲྀ་ཧྞ་ནྟུ་ས་མ་ཡ་རཀྵ་ནྟུ་སརྦ་སིད་དྷི་མྨེ་པྲ་ཡཙྪནྟུ་ཡ་ཐཻ་བཾ། ཡ་ཐེཥྚཾ་བྷུ་ཉྫ་ཐ། པི་བ་ཐ་མཱ་ཏི་ཀྲ་མ་ཐ་མ་མ་སརྦ་ཀཱརྟ་ཡ་ས་ཏ་
[23a.4]སུ་ཁཾ་བི་བྲིད་དྷ་ཡེ་ས་ཧ་ཡི་ཀ་བྷ་བནྟུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ལག་པ་གཡོན་པའི་སྦྱོར་བ་ཡིས། །དཔའ་བོས་བརྡ་རྣམས་བསྟན་པར་བྱ། །དཔའ་བོས་བརྡ་རྣམས་ཀྱི་ནི་གཞི། །བརྡ་རྣམས་ལ་ནི་རབ་ཏུ་འཇུག །རྒྱུ་དང་མི་རྒྱུའི་འཇིག་རྟེན་གསུམ། །འགྲོ་བ་ཐམས་ཅད་གཡོན་ལས་
[23a.5]བྱུང་། །འཇིག་རྟེན་གསུམ་བཅས་སྤྱོད་པ་སྤྱོད། །མཐེ་བོ་གཉིས་ལ་རྡོ་རྗེ་སེམས། །མཛུབ་མོ་ལ་ནི་རྣམ་སྣང་བཞུགས། །པདྨ་གར་དབང་གུང་མོ་ལ། །དཔའ་བོ་གྲུབ་སྩོལ་སྲིན་ལག་ལ། །ཟད་མེད་མཁའ་སྐུ་མཐེ་ཆུང་ལ། །སེན་མོ་རྣམས་ལ་རྟ་མགྲིན་ཉིད། །དཔའ་བོ་ཐམས་ཅད་ཀྱི་ནི་
[23a.6]གནས། །གཡོན་པའི་རྒྱུ་ལས་བྱུང་བ་ཡིན། །ཕོ་ཉ་མོ་རྣམས་ལག་མཐིལ་ལ། །ཡང་དག་འགྲོ་བར་འདོད་པ་ཡི། །དཔའ་བོས་བརྡ་ལྔ་རབ་ཏུ་བསྟན། །ས་ནི་སྤྱན་མར་བཤད་པ་སྟེ། །ཆུ་ཁམས་མཱ་མ་ཀཱིར་དྲན་བྱས། །གོས་དཀར་མོ་དང་སྒྲོལ་མ་དག །མེ་དང་རླུང་དུ་རབ་ཏུ་གྲགས། །
[23a.7]ཙུམ་པ་ཀ་ནི་སྟོང་པ་ཉིད། །ཕ་རོལ་ཕྱིན་པ་དེ་བཞིན་ནོ། །དབུས་ནི་དཔའ་བོ་ཀུན་གྱི་གནས། །མཁས་པས་རྒྱབ་ཏུ་གཤེགས་སུ་གསོལ། །དེ་ལྟར་དཔའ་བོས་བརྡ་བསྟན་ནས། །དེ་སྣོད་གཅིག་ལ་བཟའ་བར་བྱ། །ཨཱ་ལི་ཀཱ་ལི་སྔོན་བསམས་ནས། །རྣལ་འབྱོར་ཆེན་པོས་ངལ་བ་སོའོ། །
[23b]
[23b.1]རབ་མཆོག་ཟླ་བའི་དཀྱིལ་འཁོར་ནི། །ལྟེ་བའི་དབུས་སུ་གནས་པར་བསྒོམ། །ཡི་གེའི་གནས་ཀྱི་མཆོག་གྱུར་པ། །དེ་ཡི་དབུས་སུ་གནས་པར་བསམ། །སྐུ་གསུང་ཐུགས་ཀྱི་རྡོ་རྗེ་ཅན། །ལྷ་ཡི་སྐུ་ནི་བསྒོམ་པར་བྱ། །དེ་ཡི་ལུས་ནི་གནས་པར་གྱུར། །སེམས་ཉིད་བསྒོམ་པར་
[23b.2]བྱ་བ་མིན། །བསམ་དུ་མེད་པ་བསམ་པ་ཉིད། །བསམ་པ་དེ་ཡང་མཚན་མ་མེད། །བསམ་གྱིས་མི་ཁྱབ་དེ་ཡང་བསམ། །དེ་རྗེས་རིག་པ་འཛིན་ཐོབ་གྱུར། །པུཀྐ་སཱི་ནི་ཡང་དག་ཐོབ། །གཞན་ཡང་ལང་ཚོའི་གཟུགས་ཀྱིས་མཚན། །རྣལ་འབྱོར་འབའ་ཞིག་གོམས་པར་
[23b.3]བྱེད། །དམ་ཚིག་ལྡན་ཞིང་བརྟུལ་ཞུགས་ལྡན། །འདོད་མེད་ངོ་ཚ་ཆུང་བ་དང་། །བརྟན་ཞིང་སེར་སྣ་མེད་པ་དང་། །བདག་ཏུ་འཛིན་དང་བྲལ་བ་ཡི། །རིག་མ་བརྟུལ་ཞུགས་དེ་ལྷན་ཅིག །སྔགས་རིག་བདག་ཉིད་ཀྱིས་ནི་སྤྱད། །ཨ་ཡིག་སྣ་རྩེ་ར་ཡང་དག་སྦྱར། །མཚན་
[23b.4]མའི་ནོར་བུས་བཾ་དགོད་བྱ། །ལྟེ་བ་སྙིང་ག་ལྐོག་མ་དང་། །དཔྲལ་བ་ཡི་ནི་གནས་རྣམས་སུ། །སྔགས་ཚོགས་བཅས་པས་བྱིན་གྱིས་བརླབ། །དང་པོར་དགའ་དང་བཅས་པ་ཡིས། །དང་པོར་དགའ་བ་ཡེ་ཤེས་སོ། །མཆོག་ཏུ་དགའ་བ་དངོས་གྲུབ་མཆོག །ལྷན་ཅིག་སྐྱེས་
[23b.5]བ་བླ་མེད་པའོ། །རྣལ་འབྱོར་དང་ནི་རྣལ་འབྱོར་ཆེ། །རྣལ་འབྱོར་ཆོ་ག་རིམ་པ་བཞིན། །འཁོར་ལོ་བཞི་དང་བདེན་པ་བཞི། །སྐད་ཅིག་བཞི་ལ་ཡང་དག་བརྟེན། །དགའ་བ་དཔའ་བོར་གསུངས་པ་སྟེ། །དམ་པར་དགའ་བ་རྣལ་འབྱོར་མ། །མཆོག་ཏུ་དགའ་བ་ཐམས་ཅད་
[23b.6]རིག །ཐབས་དེའི་བདེ་བས་ཐམས་ཅད་ཉིད། །དྲུག་པ་ཐུགས་ཀྱི་སྤྲུལ་པ་ནི། །དཔལ་ལྡན་ཧེ་རུ་ཀ་རུ་སྤྲུལ། །དག་པ་ཆོས་ཀྱི་སྤྲུལ་པ་ནི། །ཕག་མོའི་གཟུགས་སུ་བསྟན་པ་ཡིན། །རྟག་ཏུ་གདུངས་ཤིང་རབ་གདུངས་པས། །གདུངས་ལས་སྐྱེ་བོ་ཀུན་གྲོལ་ཕྱིར། །དུས་འདིར་མི་ཐུབ་ཟླ་བ་
[23b.7]ཡི། །སྡོམ་པའི་སྒྲུབ་ཐབས་བདུད་རྩི་འཛག །འཁོར་ལོ་གཅིག་པའི་གྲོང་ཁྱེར་ན། །ཚོང་དཔོན་བུ་མོ་རྣལ་འབྱོར་མ། །གནས་པ་རྡོ་རྗེ་ཕག་མོའི་སྤྲུལ། །དེ་བཀས་སྡོམ་པའི་སྒྲུབ་ཐབས་བྲིས། །དཔལ་འཁོར་ལོ་སྡོམ་པའི་སྒྲུབ་ཐབས་བདུད་རྩི་འཛག་པ་ཞེས་བྱ་བ་སློབ་
[24a]
[24a.1]དཔོན་མི་ཐུབ་ཟླ་བས་མཛད་པ་རྫོགས་སོ།། {T1463}༄༅༅། །རྒྱ་གར་སྐད་དུ། སམྦ་ར་ཨ་ཀ་ལི་ཏ་ནཱ་མ། བོད་སྐད་དུ། བདེ་མཆོག་ཤེས་པར་བྱེད་པ་ཞེས་བྱ་བ། །བཅོམ་ལྡན་འདས་འཇམ་པའི་རྡོ་རྗེ་ལ་ཕྱག་འཚལ་ལོ། །བཅོམ་
[24a.2]ལྡན་འདས་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། །དཔལ་ལྡན་ཁྲག་འཐུང་ཁྲོ་བོའི་གཙོ། །དངོས་དང་དངོས་མེད་བདག་ཉིད་ཅན། །རང་རང་རྣམ་རྟོག་འཇོམས་མཛད་ལ། །ཕྱག་འཚལ་དེ་ཡི་སྒྲུབ་ཐབས་བཤད། །རི་ཡི་ཕུག་དང་རི་ཡི་སུལ། །ཆུ་ཡི་ངོགས་དང་ཆུ་མདོ་
[24a.3]དང་། །རྒྱ་མཚོའི་ངོགས་ཀྱི་ཉམས་དགའ་དང་། །ཤིང་གཅིག་དྲུང་དང་དུར་ཁྲོད་དང་། །སེམས་བྲལ་ཁང་པ་སྟོང་པ་རུ། །དཔའ་བོའི་གཙོ་བོ་བསྒོམ་པར་བྱ། །བསྟན་པ་ཡི་ནི་གནས་དག་གམ། །གང་དུ་ཡིད་ནི་དགའ་བར་རོ། །དེ་ལ་ཕུང་པོ་ལྔ་ཡི་ང་རྒྱལ་གྱིས། །སེམས་བསྐྱེད་པ་
[24a.4]ནི་དགེ་བར་བྱ། །གཟུགས་ཀྱི་ཕུང་པོ་ལ་ཨོཾ་ལས་རྣམ་པར་སྣང་མཛད་དཀར་པོའོ། །ཚོར་བ་ལ་ཨཾ་ལས་རྡོ་རྗེ་ཉི་མ་སེར་པོའོ། །འདུ་ཤེས་ལ་ཧྲཱིཿ་ལས་པདྨ་གར་གྱི་དབང་ཕྱུག་དམར་པོའོ། །འདུ་བྱེད་ལ་ཧོ་ལས་རྡོ་རྗེ་རྒྱལ་པོ་ལྗང་གུའོ། །རྣམ་པར་ཤེས་པ་ལ་ཧཱུཾ་ལས་རྡོ་རྗེ་སེམས་དཔའ་
[24a.5]དཀར་པོའོ། །དེ་བཞིན་གཤེགས་པ་ཐམས་ཅད་ཉིད་ལ་ཧི་ལས་དཔལ་ཧེ་རུ་ཀ་ནག་པོའོ། །སྣ་ཚོགས་པདྨ་ཟླ་བ་དང་། །ཉི་གཟུགས་དབུས་ཀྱི་གདན་བཞུགས་ཤིང་། །སེང་གེ་གླང་པོ་རྟ་དག་དང་། །རྨ་བྱ་ནམ་མཁའ་ལྡིང་གི་སྟེང་། །རོའི་སྟེང་དེ་དག་རིམ་བཞིན་དུ། །རིགས་
[24a.6]དྲུག་གཙོ་བོ་བསྒོམ་པར་བྱ། །སྙིང་པོ་རྡོ་རྗེ་ས་གནོན་གྱུར། །གཞན་རྣམས་གོ་རིམས་བཞིན་དུ་ནི། །ཕྱག་གཡས་འཁོར་ལོ་རིན་ཆེན་དང་། །པདྨ་སྣ་ཚོགས་རྡོ་རྗེའོ། །གཡོན་ན་དྲིལ་བུ་དཀུར་བྱས་ཏེ། །ཐམས་ཅད་དག་ནི་སྤྱན་གསུམ་ཉིད། །མིག་ལ་བྷཱུཾ་ལས་གཏི་མུག་རྡོ་རྗེ་དཀར་པོའོ།
[24a.7]རྣ་བ་ལ་ཧཱུཾ་ལས་ཞེ་སྡང་རྡོ་རྗེ་ནག་པོའོ། །སྣ་ལ་ཁཾ་ལས་སེར་སྣ་རྡོ་རྗེ་སེར་པོའོ། །ཁ་ལ་ཨཱ་ལས་འདོད་ཆགས་རྡོ་རྗེ་དམར་པོའོ། །ལུས་ལ་ཏྲཱཾ་ལས་ཕྲག་དོག་རྡོ་རྗེ་ལྗང་གུའོ། །སྐྱེ་མཆེད་ཐམས་ཅད་ལ་ཧཾ་ལས་དབང་ཕྱུག་རྡོ་རྗེ་དཀར་པོའོ། །སའི་ཁམས་ལ་ལཾ་ལས་ལྟུང་བྱེད་མ་
[24b]
[24b.1]སེར་པོའོ། །ཆུའི་ཁམས་ལ་མཱཾ་ལས་གསོད་བྱེད་མ་ནག་མོའོ། །མེའི་ཁམས་ལ་པཱཾ་ལས་འགུགས་བྱེད་མ་གསེར་ལྟར་སེར་པོའོ། །རླུང་གི་ཁམས་ལ་ཏཱཾ་ལས་པདྨ་གར་གྱི་དབང་ཕྱུག་མ་དམར་པོའོ། །ནམ་མཁའི་ཁམས་ལ་ཁཾ་ལས་པདྨའི་དྲ་བ་མ་དུ་བ་ལྟར་སྔོ་བ་སྟེ།
[24b.2]དེ་དག་རང་རང་གི་དཀྱིལ་འཁོར་ལ་བཞུགས་ཤིང་། ཞལ་གཅིག་པ་ལ་ཕྱག་བཞི་པ། །ཕྱག་གཡས་འཁོར་ལོ་རྡོ་རྗེ་དང་། །པདྨ་རལ་གྲི་གྲི་གུག་དང་། །པད་སྣོད་གཡོན་པ་དག་ལ་ནི། །ཁ་ཊྭཱཾ་ག་དང་ཟླ་བའོ། །པདྨའི་དྲ་བ་ཅན་ཉིད་ཀྱང་། །ཞལ་གསུམ་པ་ལ་ཕྱག་དྲུག་
[24b.3]པ། །འདི་ཡི་ཕྱག་ལ་པད་སྣོད་དང་། །དེ་ནས་ཁ་ཊྭཱཾ་ག་ཞགས་པ། །ལྕགས་ཀྱུ་ཉིད་དང་ཚངས་པའི་མགོ །གྲི་གུག་དག་ནི་བསྒོམ་པར་བྱ། །དེ་ལྟར་ཕུང་པོ་དང་ཁམས་དང་། སྐྱེ་མཆེད་དག་གི་རྣལ་འབྱོར་པ་ཐ་མལ་བའི་དབང་གིས་ཨོཾ་པྲ་ཀྲྀ་ཏི་པ་རི་ཤུདྡྷཿ་སརྦ་དྷརྨཱཿ་པྲ་ཀྲྀ་
[24b.4]ཏི་པ་རི་ཤུདྡྷོ྅ཧཾ། ཞེས་བྱ་བས་རྣམ་པར་དག་པར་བྱའོ། །སྙིང་གའི་དཀྱིལ་འཁོར་མཁའ་དབུས་ནས། །ཉི་མའི་དཀྱིལ་འཁོར་བསྒོམ་པར་བྱ། །དེ་ལ་དེ་ཁོ་ན་ཡི་མཆོག །ཡེ་ཤེས་ལྔ་ཡི་རང་བཞིན་ཞི། །འོད་ཟེར་སྣ་ཚོགས་རང་བཞིན་མཆོག །ཀུན་ནས་རྣམ་
[24b.5]འཕྲོ་བསམས་ནས་ནི། ཀུན་ནས་ཕྱོགས་ནི་བཞི་པོ་རུ། །གསང་སྔགས་རྗེས་སུ་དྲན་པར་བྱ། །ཕུར་བུ་བསྣམས་པའི་ཁྲོ་བོ་དག །ཕྱོགས་བཅུ་དག་ཏུ་སྤྲོ་བར་བྱ། །མཛུབ་མོ་མཐེ་བོར་སྦྱར་བྱས་ཏེ། །སེ་གོལ་ཕྱོགས་བཅུར་བརྡབ་པར་བྱ། །ཤར་དུ། ཨོཾ་སུམྦྷ་ནི་
[24b.6]སུམྦྷ་ཧཱུཾ་ཧཱུཾ་ཕཊ། བྱང་དུ། ཨོཾ་གྲྀ་ཧྞ་གྲྀ་ཧྞ་ཧཱུཾ་ཧཱུཾ་ཕཊ། ནུབ་ཏུ། ཨོཾ་གྲྀ་ཧྞ་པ་ཡ་གྲྀ་ཧྞཱ་པ་ཡ་ཧཱུཾ་ཧཱུཾ་ཕཊ། ལྷོར། ཨོཾ་ཨཱ་ན་ཡ་ཧོ་བྷ་ག་བཱ་ན་བི་དྱཱ་རཱ་ཛ་ཧཱུཾ་ཧཱུཾ་ཕཊ། གསང་སྔགས་རྒྱལ་པོ་འདི་ཡིས་ནི། །བགེགས་རྣམས་ཀུན་གྱི་སྤྱི་བོ་ལ། །ལུགས་དང་ལུགས་ལས་བཟློག་པ་ཡིས། །ཁྲོ་
[24b.7]བོའི་ཕུར་བུ་དགོད་པར་ནི། །ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་བི་གྷྣཱཾ་ཧཱུཾ་ཧཱུཾ་ཕཊ། ཨོཾ་ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཧཱུཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་བཛྲ་དྷ་ར་ཨཱ་ཛྙཱ་པ་ཡ་ཏི། སརྦ་དུཥྚཱཾ་བིགྷྣཱཾ་ཀཱ་ཡ་བཱ་ཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊའོ། །རྡོ་རྗེ་ཕུར་བུས་བརྡུང་ཞིང་ཁྲོ་བོ་ལ་བལྟས་ལ་བསྣུན་པ་
[25a]
[25a.1]ནི། ཨོཾ་བཛྲ་མུངྒ་ར་བཛྲ་ཀཱི་ལ་ཡ་ཨཱ་ཀོ་ཊ་ཡ་ཧཱུཾ་ཧཱུཾ་ཕཊའོ། སྲིད་རྩེའི་ཕྱོགས་བཅུ་དག་ཏུ་ནི། །འོད་ཟེར་ཕྲེང་བས་བརྡུང་བྱས་ལ། །འོད་ཟེར་དེ་ལྟས་དེ་ལས་ནི། །ར་བ་དྲ་བ་དེ་བཞིན་དུ། །རྡོ་རྗེ་ས་གཞི་བླ་རེ་དང་། །མདའ་ཡི་དྲ་བར་གནས་པར་བསམ། །དེ་ཡི་ཕྱི་རོལ་
[25a.2]ཐག་རིང་པར། །རྡོ་རྗེ་མེ་ཡི་དྲ་བ་དགོད། ཨོཾ་མེ་དི་ནཱི་བཛྲཱི་བྷ་ཝ་བཛྲ་བནྡྷ་ཧཱུཾ། ཨོཾ་བཛྲ་པྲཱ་ཀཱ་ར་ཧཱུཾ་བཾ་ཧཱུཾ། ཨོཾ་བཛྲ་པཉྩ་ར་ཧཱུཾ་པཾ་ཧཱུཾ། ཨོཾ་བཛྲ་བི་ཏཱ་ན་ཧཱུཾ་ཁཾ་ཧཱུཾ། ཨོཾ་ཤ་ར་ཛཱ་ལ་ཏྲཱཾ་སཾ་ཏྲཱཾ། ཨོཾ་བཛྲ་ཛྭ་ལཱ་ན་ལཱ་ར་ཀ་ཧཱུཾ་ཧཱུཾ་ཧཱུཾ། མཁའ་དབྱིངས་གནས་ནི་ཡིད་འོང་བའི། །དཀྱིལ་འཁོར་མཆོག་
[25a.3]དགའ་བལྟས་ནས་ནི། །དངོས་གྲུབ་པ་ནི་བསྐུལ་བྱས་ལ། །བྱིན་གྱིས་བརླབ་པ་དག་ཀྱང་བྱ། །སངས་རྒྱས་བྱང་ཆུབ་སེམས་དཔའ་དང་། །ཀུན་ནས་ཁྲོ་བོ་ལྷ་མོ་དང་། །བྱང་སེམས་བླ་མ་དམ་པ་དག །ཏིལ་གྱི་གང་བུ་བཞིན་བལྟས་ཤིང་། །མཆོད་པའི་བདག་ཉིད་ཅན་ལྷ་
[25a.4]མོ། །དགུ་པོ་བལྟས་ནས་མཆོད་པར་བྱ། །དེ་ནས་སྐྱབས་སུ་འགྲོ་བྱས་ལ། །སེམས་ཅན་ཀུན་གྱི་དོན་གྱི་ཕྱིར། །བདག་ཉིད་ཧེ་རུ་ཀར་བྱས་ནས། །སེམས་ཅན་དེ་དག་ཧེ་རུ་ཀའི། །གོ་འཕང་མཆོག་ལ་དགོད་པར་བྱ། །ཨོཾ་སྭ་བྷཱ་བ་ཤུདྡྷཿ་སརྦ་དྷརྨཱཿ་སྭ་བྷཱ་བ་ཤུདྡྷོ྅ཧཾ། ཞེས་
[25a.5]ལན་གསུམ་བརྗོད་ཅིང་། ཨོཾ་མུཿ་ཞེས་བྱ་བས་གཤེགས་སུ་གསོལ་བར་བྱའོ། །དེ་ནས་ཚངས་པའི་གནས་བཞི་ལ། །གོ་རིམས་བཞིན་དུ་གནས་པར་བྱ། །རྩེ་གཅིག་པ་ཡི་སེམས་ཀྱིས་ནི། །བསམ་གཏན་ཕ་རོལ་ཕྱིན་དམིགས་ཏེ། །ཆོས་རྣམས་དོན་གྱི་སྟོང་ཉིད་དུ། །ཕྱི་
[25a.6]དང་ནང་ནི་བལྟ་བྱས་ལ། །བྱང་ཆུབ་ཚོགས་དག་བསྒོམས་ནས་ནི། །སེམས་ཙམ་ཉིད་ལ་གནས་པར་བྱ། །རླུང་གི་དཀྱིལ་འཁོར་བལྟས་ནས་ནི། །ས་འོག་བར་དུ་བསམ་པ་ནི། །ཡི་གེ་ཡཾ་ལས་བྱུང་བ་ཡི། །གཞུ་ཡི་དབྱིབས་ཅན་ཁ་དོག་སྔོ། །རྒྱལ་མཚན་གྱིས་མཚན་དུ་བ་
[25a.7]ཡི། །ཕྲེང་བས་དཀྲིགས་པ་བསམ་པར་བྱ། །དེ་སྟེང་ཡེ་གེ་རཾ་ལས་ནི། །མེ་ཡི་དཀྱིལ་འཁོར་ཟུར་གསུམ་མཆོག །ཁ་དོག་དམར་པོ་འབར་བ་ཡི། །ཕྲེང་བས་དཀྲིགས་པ་འབར་བའོ། །ཉི་མ་བྱེ་བ་ལྟ་བུ་ལ། །རྡོ་རྗེས་མཚན་པ་གཞན་བསམ་བྱ། །དེ་སྟེང་ཆུ་ཡི་དཀྱིལ་འཁོར་
[25b]
[25b.1]ཉིད། །ཡི་གེ་བཾ་བྱུང་དམ་པ་ནི། །ཁ་བ་དག་དང་འདྲ་བ་ཉིད། །ཟླུམ་ལ་འོད་ཟེར་གྱིས་བསྐོར་བའོ། །དེ་སྟེང་ཡི་གེ་ལཾ་བྱུང་སེར། །ས་ཡི་དཀྱིལ་འཁོར་ཟུར་བཞི་པ། །རྡོ་རྗེས་མཚན་པ་སེར་པོའོ། །འོད་ཟེར་ཚོགས་ཀྱིས་དཀྲིགས་པ་བསམ། །དེའི་སྟེང་རི་རབ་ཀྱི་མཆོག་ནི། །
[25b.2]ཟུར་བཞི་རིན་ཆེན་རང་བཞིན་ཅན། །རྩེ་མོ་བརྒྱད་ཀྱིས་ཉེར་མཛེས་ཤིང་། །ཡི་གེ་སུཾ་བྱུང་ཡིད་འོང་བ། །གཟི་མཆོག་དམ་པའི་དམ་པ་བསྒོམ། །དེའི་སྟེང་དུ་འདབ་མ་སྣ་ཚོགས་པའི་པདྨ་ལ་གནས་པའི་ཡི་གེ་ཧཱུཾ་ལས་བྱུང་པའི་སྣ་ཚོགས་རྡོ་རྗེ་རྩེ་གསུམ་པ་དང་། དེའི་
[25b.3]སྟེང་དུ་ཡི་གེ་པཾ་ཡོངས་སུ་གྱུར་པའི་སྣ་ཚོགས་པདྨ་འདབ་མ་བརྒྱད་པ་དང་། དེའི་དབུས་སུ་ཉི་མ་ལ་གནས་པའི་ཡི་གེ་ཧཱུཾ་ལས་བྱུང་བའི་རྡོ་རྗེ་རྩེ་ལྔ་པ་རྡོ་རྗེ་སེམས་དཔའི་རང་བཞིན་ཅན། །འོད་ཟེར་སྣ་ཚོགས་འཕྲོ་བ་བསམ་པར་བྱའོ། །དེའི་དབུས་སུ་དཔལ་ཧེ་རུ་ཀ་ཉི་མའི་
[25b.4]དབུས་ན་གནས་པ། ཕྱི་རོལ་དུར་ཁྲོད་གཏུམ་དྲག་སོགས། །རྡོ་རྗེ་དྲ་བའི་ནང་དག་ཏུ། །ཕྱོགས་ཀྱི་གཡོན་སྐོར་ཀུན་དག་དང་། །དབང་ལྡན་ལ་སོགས་ཕྱོགས་མཚམས་ལ། །བཞི་བཞི་དག་ནི་རབ་སྦྱར་བྱ། །གཏུམ་དྲག་དང་ནི་ཚང་ཚིང་དང་། །འབར་བས་ཁྱབ་པ་ཀེང་
[25b.5]རུས་ཅན། །འཇིགས་རུང་དག་ནི་ཤར་ཕྱོགས་ཀྱི། །གཡོན་སྐོར་དུ་ནི་ཡང་དག་གནས། །དབང་ལྡན་ལ་ནི་ཧ་ཧར་དགོད། །མེ་ཡི་མཚམས་སུ་དཔལ་འཛིན་ཏེ། །བདེན་བྲལ་ལ་ནི་མུན་ཆེན་དང་། །རླུང་ལ་ཅ་ཅོ་སྒྲོགས་པའོ། །གཡོན་དུ་ཤིཪྵ་ཨ་ཤྭ་དྠ། །ཆུ་ཤིང་དང་ནི་ཨ་མ་བའོ། །
[25b.6]པ་ཊ་དང་ནི་ཀ་རཉྫ། །ལ་ཏཱ་པ་ར་ཨ་རྫུ་ན། །དབང་པོ་དང་ནི་ནོར་སྦྱིན་དང་། །ཆུ་དང་གནོད་སྦྱིན་བདག་པོ་དང་། །དབང་ལྡན་དེ་ནས་བྱིན་ཟ་དང་། །སྲིན་པོའི་དབང་པོ་རླུང་གི་བདག །གནས་འཇོག་དང་ནི་འཇོག་པོ་དང་། །ཀརྐོ་ཊ་དང་པདྨ་ཉིད། །པད་ཆེན་ཧུ་ལུ་ཧུ་ལུ་དང་། །རིགས་
[25b.7]ལྡན་དང་ནི་དུང་སྐྱོང་ངོ་། །ག་རྫི་ཏ་དང་གུར་ནི་ཏ། །འཁྱིལ་བ་དང་ནི་མཐུག་ཉིད་དང་། །འགེངས་བྱེད་དེ་བཞིན་ཆར་ཆེན་དང་། །དྲག་པོའི་སྤྲིན་དག་འདི་དག་གོ། །བཅོམ་ལྡན་འདས་ནི་ཞལ་བཞི་པ། །གནག་དང་ལྗང་དང་དམར་དང་སེར། །སྤྱན་གསུམ་ཕྱག་ནི་བཅུ་གཉིས་པ། །
[26a]
[26a.1]གཡས་བརྐྱང་པ་ཡིས་ཡང་དག་བཞུགས། །ན་བཟའ་དཀར་པོ་ཡོངས་སུ་འཆང་། །དྲི་མཆོག་དག་གིས་ལེགས་པར་བྱུགས། །འཇིགས་བྱེད་དང་ནི་དུས་མཚན་གྱི། །ནུ་མ་དང་ནི་མགོ་གནོན་པའོ། །སྟག་གི་པགས་པ་བསྣམས་པ་སྟེ། །ཐུགས་རྗེ་རོ་ཡིས་
[26a.2]རྣམ་པར་བསྒྱིངས། །རྡོ་རྗེ་ཕག་མོས་ཀུན་ནས་འཁྱུད། །འཁྱུད་པ་དག་གི་ཕྱག་གཉིས་ཀྱིས། །རྡོ་རྗེ་རྩེ་མོ་དགུ་པ་དང་། །རྡོ་རྗེ་དྲིལ་བུ་བསྣམས་པའོ། །ཕྱག་གཞན་གཉིས་ནི་གླང་པོའི་པགས་པ་འཛིན་ཅིང་ཕྱག་གསུམ་པ་ཌ་མ་རུ་དང་། བཞི་པ་ལ་དགྲ་སྟ་དང་། ལྔ་པ་ལ་གྲི་གུག་
[26a.3]དང་། །དྲུག་པ་ལ་མདུང་རྩེ་གསུམ་པའོ། །གཡོན་གྱི་ཕྱག་གསུམ་པ་ལ་ཁ་ཊྭཱཾ་ག་སྟེ་རྡོ་རྗེ་རྩེ་ལྔ་པ་ཁ་གྱེས་པ་དང་། རྡོ་རྗེ་དྲིལ་བུ་དང་། སྣ་ཚོགས་པདྨའི་བ་དན་འཕྱང་བ་དབུས་སུ་སྣ་ཚོགས་རྡོ་རྗེས་མཚན་པ་འོག་རྡོ་རྗེ་རྩེ་གཅིག་པ་ཅན་དང་། བཞི་པ་ལ་ཁྲག་གིས་བཀང་
[26a.4]བའི་ཐོད་པ་དང་། ལྔ་པ་ལ་རྡོ་རྗེ་ཞགས་པ་དང་། དྲུག་པ་ལ་ཚངས་པའི་མགོ་བོའོ། །ཐོད་པའི་ཕྲེང་བའི་ཐོད་ཅན་ཟླ་བ་ཕྱེད་པ་འཇོག་པ། སྣ་ཚོགས་རྡོ་རྗེས་གནོན་པའི་ཅོད་པན་ཅན། འཇིགས་སུ་རུང་བ་མཆེ་བ་གཙིགས་པ་སྒེག་པ་ལ་སོགས་པའི་རོའི་ཉམས་དང་
[26a.5]ལྡན་པ། མིའི་མགོ་བོ་རློན་པའི་ཕྲེང་བ་འཆང་བ་རལ་པ་དང་ཅོད་པན་གྱིས་བརྒྱན་པ། མགུལ་རྒྱན་དང་། གདུ་བུ་དང་། རྣ་ཆ་དང་། སྤྱི་གཙུག་ནོར་བུས་བརྒྱན་པ། ཚངས་པའི་སྐུད་པ་དང་། ཐལ་བ་ཞེས་བྱ་བ་ཕྱག་རྒྱ་དྲུག་གི་མཚན་ཉིད་ནི་ཕ་རོལ་ཏུ་ཕྱིན་པ་དྲུག་
[26a.6]རྣམ་པར་དག་པ་ཉིད་ཡིན་པའི་ཕྱིར་ཕྱག་རྒྱ་དྲུག་གིས་རྒྱས་བཏབ་པའོ། །དེའི་སྤྱན་སྔར་བཅོམ་ལྡན་འདས་མ་སྐུ་མདོག་དམར་པོ་ཕྱག་གཉིས་པ། ཞལ་གཅིག་པ། སྤྱན་གསུམ་པ། སྐྲ་གྲོལ་བ། གཅེར་བུ་ཐོད་པའི་དུམ་བུས་བརྒྱན་པའི་སྐ་རགས་ཅན། འཁྱུད་
[26a.7]པའི་ཕྱག་གཡོན་ན་ཐོད་པ་གདུག་པའི་ཁྲག་གིས་བཀང་བ་བསྣམས་པ། གཡས་པའི་སྡིགས་མཛུབ་ཀྱིས་ཕྱོགས་ཐམས་ཅད་ཀྱི་བགེགས་བསྡིགས་པར་མཛད་ཅིང་གྲི་གུག་བསྣམས་པ། བསྐལ་པའི་མེ་ལྟ་བུའི་གཟི་བརྗིད་དྲག་པོ། ཞལ་ནས་ཁྲག་འཛག་པ། བྱིན་པ་
[26b]
[26b.1]གཉིས་ཡང་དག་པར་འཁྱུད་པ། བདེ་བ་ཆེན་པོ་སྩོལ་བའི་བདག་ཉིད་ཅན་ནོ། །ཤར་གྱི་འདབ་མར་མཁའ་འགྲོ་མ། །དེ་བཞིན་བྱང་དུ་ལཱ་མ་སྟེ། །ནུབ་ལ་ཁཎྜ་རོ་ཧཱི་དང་། །དེ་བཞིན་ལྷོར་ནི་གཟུགས་ཅན་མ། །སྔོ་དང་ལྗང་དང་དམར་པོ་དང་། །བཞི་པ་ཉིད་ནི་སེར་པོའོ། །སྤྱན་གསུམ་
[26b.2]རྣམ་འགྱུར་དྲག་པོ་སྟེ། །སྐྲ་གྲོལ་བ་དང་གཅེར་བུའོ། །རྒྱན་རྣམས་ཀུན་གྱིས་ཡང་དག་བརྒྱན། །ཕྱག་རྒྱ་ལྔ་ཡིས་རྒྱས་བཏབ་པ། །མཁའ་འགྲོ་མ་སོགས་ཁ་ཊྭཱཾ་ག། །ཐོད་པ་ཤ་དང་བཅས་པ་འཆང་། །གཡས་ཀྱི་དུས་ནི་ཐམས་ཅད་ཚེ། །གྲི་གུག་མཚོན་ཆ་བསྣུན་པར་བརྩོན། །ཕྱོགས་
[26b.3]མཚམས་བུམ་པའི་སྟེང་དག་ཏུ། །བྱང་ཆུབ་སེམས་བཀང་པད་སྣོད་གཞག །དང་པོ་ཐུགས་ཀྱི་འཁོར་ལོ་རྩིབས་བརྒྱད་པ་སྔོན་པོ། དེའི་ཤར་གྱི་རྩིབས་སུ་པུལླཱི་ར་མཱ་ལ་ཡར་ཐོད་པའི་དུམ་བུ་དང་རབ་ཏུ་གཏུམ་མོའོ། །བྱང་ཛཱ་ལན་དྷ་རར་ཀེང་རུས་ཆེན་པོ་དང་གཏུམ་པའི་མིག་ཅན་
[26b.4]ནོ། །ནུབ་ཨཽ་ཌྱ་ན་ལ་ཀེང་རུས་དང་འོད་ལྡན་ནོ། །ལྷོར་ཨར་བུ་དར་མཆེ་བ་རྣམ་པར་གཙིགས་པ་དང་སྣ་ཆེན་མའོ། །མེའི་མཚམས་གཽ་དཱ་བ་རཱིར་ཆང་དགྲ་དང་བརྟན་མའི་བློ་ཅན་མའོ། །བདེན་བྲལ་གྱི་མཚམས་རཱ་མེ་ཤྭ་རཱིར་འོད་དཔག་མེད་དང་མི་ཐུང་མའོ། །རླུང་གི་མཚམས་
[26b.5]དེ་བཱི་ཀོ་ཊཱིར་རྡོ་རྗེའི་འོད་དང་། ལང་ཀའི་དབང་ཕྱུག་མའོ། །དབང་ལྡན་གྱི་མཚམས་སུ་མཱ་ལ་བར་རྡོ་རྗེའི་སྐུ་དང་ཤིང་གྲིབ་མ་སྟེ་དེ་ལྟར་ཐུགས་ཀྱི་འཁོར་ལོའོ། །གཉིས་པ་གསུང་གི་འཁོར་ལོ་ནི་དམར་པོ། དེའི་ཤར་གྱི་རྩིབས་ཀཱ་མ་རཱུ་པར་མྱུ་གུ་ཅན་དང་ས་སྲུང་མའོ། །བྱང་ཨོ་ཊེར་
[26b.6]རྡོ་རྗེ་རལ་པ་ཅན་དང་འཇིགས་བྱེད་ཆེན་མོའོ། །ནུབ་ཏྲི་ཤ་ཀུ་ནེར་དཔའ་བོ་ཆེན་པོ་དང་རླུང་གི་ཤུགས་ཅན་མའོ། །ལྷོ་ཀོ་ས་ལར་རྡོ་རྗེ་ཧཱུཾ་མཛད་དང་ཆང་འཐུང་མའོ། །མེའི་མཚམས་ཀ་ལིང་གར་རབ་ཏུ་བཟང་པོ་དང་ལྷ་མོ་སྔོ་བསངས་མའོ། །བདེན་བྲལ་ལམ་པ་ཀར་རྡོ་རྗེ་
[26b.7]བཟང་པོ་དང་ཤིན་ཏུ་བཟང་མོའོ། །རླུང་གི་མཚམས་ཀཱཉྩིར་འཇིགས་བྱེད་ཆེན་པོ་དང་རྟ་རྣ་མའོ། །དབང་ལྡན་གྱི་མཚམས་ཧི་མ་ལ་ཡར་མིག་མི་བཟང་དང་བྱ་གདོང་མ་སྟེ་དེ་ལྟར་གསུང་གི་འཁོར་ལོའོ། །གསུམ་པ་སྐུའི་འཁོར་ལོ་དཀར་པོའོ། །དེའི་ཤར་གྱི་རྩིབས་སུ་པྲེ་ཏ་པུ་རིར་སྟོབས་
[27a]
[27a.1]པོ་ཆེ་དང་འཁོར་ལོའི་ཤུགས་ཅན་མའོ། །བྱང་གྲྀ་ཧ་དེ་བ་ཏཱར་རིན་ཆེན་རྡོ་རྗེ་དང་དུམ་སྐྱེས་མའོ། །ནུབ་སོ་རཱཥྚར་རྟ་མགྲིན་དང་ཆང་འཚོང་མའོ། །ལྷོ་གསེར་གླིང་དུ་ནམ་མཁའི་སྙིང་པོ་དང་འཁོར་ལོའི་གོ་ཆའོ། །མེའི་མཚམས་ན་ག་རར་དཔལ་ཧེ་རུ་
[27a.2]ཀ་དང་ཤིན་ཏུ་དཔའ་མོའོ། །བདེན་བྲལ་གྱི་མཚམས་སིན་དྷུར་པདྨ་གར་གྱི་དབང་ཕྱུག་དང་སྟོབས་ཆེན་མོའོ། །རླུང་གི་མཚམས་མ་རུར་རྣམ་པར་སྣང་མཛད་དང་འཁོར་ལོས་སྒྱུར་མའོ། །དབང་ལྡན་གྱི་མཚམས་སུ་ཀུ་ལུ་ཏར་རྡོ་རྗེ་སེམས་དཔའ་དང་བརྩོན་འགྲུས་ཆེན་
[27a.3]མོ་སྟེ། དེ་ལྟར་ན་སྐུའི་འཁོར་ལོའོ། །དཔའ་བོ་ཐམས་ཅད་ཕྱག་བཞི་པ། །ཞལ་གཅིག་པ་རལ་པ་དང་ཅོད་པན་གྱིས་བརྒྱན་པ། །ཐམས་ཅད་ཕྱག་རྒྱ་ལྔ་འཆང་ཞིང་། །སྤྱན་གསུམ་སྐེ་རགས་དག་གིས་བརྒྱན། །སྐུ་གསུང་ཐུགས་ཀྱི་དབྱེ་བ་ཡིས། །ཁ་དོག་
[27a.4]གསུམ་དུ་རྣམ་པར་གནས། །འཁྱུད་པའི་ཕྱག་གཉིས་ཀྱིས་རྡོ་རྗེ་དང་དྲིལ་བུ་བསྣམས་པ། གཡས་ན་ཌ་མ་རུ། གཡོན་ན་ཁ་ཊྭཱཾ་ག་དང་ཀ་པཱ་ལ་ཤས་བཀང་བ་བསྣམས་ཤིང་རོ་ལ་གནས་པའོ། །ལྷ་མོ་སྐུ་མདོག་དག་པ་ཞལ་གཅིག་པ་ཕྱག་གཉིས་པ། འདོད་ཆགས་ཆེན་པོའི་རྗེས་
[27a.5]ཆགས་པ། །སྐྲ་གྲོལ་བས་ནི་རྣམ་པར་བརྒྱན། །སྤྱན་གསུམ་དྲག་པོའི་གཟུགས་ཅན་མ། །གཞན་ཡང་ནམ་མཁའི་གོས་ཅན་ཏེ། །མགུལ་རྒྱན་གཙུག་གི་ནོར་བུ་དང་། །དཔུང་རྒྱན་རྣ་ཆ་ཚངས་སྐུད་ཅན། །མགོ་བོའི་ཕྲེང་བས་མགྲིན་པ་བརྒྱན། །རྗེ་ངར་གཡེར་ཀའི་སྒྲ་ཅན་
[27a.6]ནོ། །སངས་རྒྱས་ཀྱིས་བརྒྱན་པ་ཐོད་པའི་ཅོད་པན་འཆང་བ། འཁྱུད་པ་ཡིས་ནི་ཐོད་པ་དང་གདུག་པའི་སྡིགས་མཛུབ་གྲི་གུག་ཅན། ཤར་དང་བྱང་དང་ནུབ་དང་ལྷོའི་སྒོ་རྣམས་དག་ལ་ཁྭ་གདོང་ཅན་མ་དང་། འུག་པའི་གདོང་ཅན་མ་དང་། ཁྱིའི་གདོང་ཅན་མ་དང་། ཕག་
[27a.7]གི་གདོང་ཅན་མའོ། །མེའི་མཚམས་དང་བདེན་བྲལ་གྱི་མཚམས་དང་རླུང་གི་མཚམས་དང་དབང་ལྡན་གྱི་མཚམས་དག་ལ་གཤིན་རྗེའི་འགྲམ་པ་ཅན་དང་། གཤིན་རྗེ་ཕོ་ཉ་མོ་དང་། གཤིན་རྗེ་མཆེ་བ་ཅན་དང་། གཤིན་རྗེ་འཇོམས་མའོ། །ཁྭའི་གདོང་ཅན་མ་ལ་སོགས་པ་ནི་
[27b]
[27b.1]མཁའ་འགྲོ་མ་ལ་སོགས་པ་དང་འདྲའོ། །འོན་ཀྱང་རོ་ལ་བཞུགས་པ། དཔལ་ཧེ་རུ་ཀ་ལ་སོགས་པ་དང་འདྲ་བར་གཡས་བརྐྱང་བས་བཞུགས་པའོ། །དེ་བཞིན་དུ་ཕྱོགས་མཚམས་ཀྱི་ལྷ་མོའི་གཟུགས་གཉིས་པ་ཡིད་འཕྲོག་པའོ། །དཔའ་བོ་དང་དཔའ་མོ་ཐམས་ཅད་སྣ་ཚོགས་
[27b.2]པདྨ་དང་ཉི་མའི་དབུས་སུ་ཆུད་པ་དཔའ་བོ་དང་དཔའ་མོ་ཐམས་ཅད་ཀྱི་དཔྲལ་བར་རྡོ་རྗེ་ཕྲེང་བ་ཅན་ནོ། །རྩ་བའི་སྒོ་ལོགས་གཉིས་སུ་གཟུངས་ཀྱི་སྣམ་བུར་ཤེས་པར་བྱ་སྟེ། པི་ཝང་མ་དང་། གླིང་བུ་མ་དང་། རྫ་རྔ་མ་དང་། མུ་ཀུ་ཌ་དང་། བཞད་མ་དང་། སྒེག་མ་དང་། གླུ་མ་
[27b.3]དང་། གར་མ་དང་། མེ་ཏོག་མ་དང་། སྤོས་མ་དང་། མར་མེ་མ་དང་། དྲི་མ་དང་། མེ་ལོང་མ་དང་། རོ་མ་དང་། རེག་བྱ་མ་དང་། ཆོས་མའོ། །པི་ཝང་མ་ནི་སྔོན་པོའོ། །སྒེག་མ་དང་གླིང་བུ་མ་དང་གླུ་མ་ནི་སྐྱ་རེངས་སེར་པོའི་མདོག་ཅན་ནོ། །གར་མ་དང་རྫ་རྔ་མ་ནི་
[27b.4]ལྗང་གུའོ། །མུ་ཀུ་ཌ་དང་བཞད་མ་ནི་སྐྱ་རེངས་དཀར་པོའི་མདོག་ཅན་ནོ། །པི་ཝང་མ་ལ་སོགས་པ་ལྷ་མོ་རྣམས་ཀྱི་ཕྱག་ལ་ནི་པི་ཝང་ལ་སོགས་པ་དགོད་པར་བྱ་ཞིང་། དེ་ལས་གཞན་པ་དག་ལ་ནི་རྡོ་རྗེ་དྲིལ་བུ་དང་། ཁ་ཊྭཱཾ་ག་དང་། པདྨའི་སྣོད་དོ། །འདི་རྣམས་ཀྱིས་
[27b.5]རྡོ་རྗེ་དཀུར་བཅངས་པའོ། །སྒེག་མོ་དང་གླུ་མ་ནི་ཀན་སི་ཀ་དང་བཅས་པའོ། །གར་མ་ནི་པདྨ་དང་བཅས་པས་བསྐོར་བའོ། །དེ་དག་ཐམས་ཅད་ཕྱག་བཞི་པའོ། །བདུག་པ་མ་ནི་དུ་བའི་མདོག་ཅན་ནོ། །མེ་ཏོག་མ་ནི་དཀར་པོའོ། །མར་མེ་མ་ནི་མར་མེའི་རྩེ་མོ་ལྟ་
[27b.6]བུའོ། །དྲི་མ་ནི་དམར་པོའོ། །མེ་ལོང་མ་ནི་དཀར་པོའོ། །རོ་མ་ནི་དམར་པོའོ། །རེག་བྱ་མ་ནི་ལྗང་གུའོ། །ཆོས་མ་ཞེས་བྱ་བ་ནི་དཀར་པོ་སྟེ་བདག་ཉིད་འདུད་པའི་སྦྱོར་བས་ཤེས་པར་བྱའོ། །དེ་དག་ནི་ཕྱག་ལ་མེ་ལོང་དང་དེ་རྣམས་ལ་པདྨའི་སྣོད་ཀྱིས་མཚན་པའོ། །སྐུ་ཡི་
[27b.7]འཁོར་ལོ་རླུང་དག་གིས། །དཀྱིལ་འཁོར་ལ་ནི་གནས་པར་བསྒོམ། མཁས་པས་གསུང་གི་འཁོར་ལོ་ནི། །ཆུ་ལ་གནས་པ་བསྒོམ་པར་བྱའོ། །ཐུགས་ཀྱི་འཁོར་ལོ་མེ་དག་གི ། དཀྱིལ་འཁོར་ལ་ནི་བདེ་ཆེན་པོ། །དབང་ཆེན་དཀྱིལ་འཁོར་ལ་གནས་པ། །དམ་ཚིག་དཀྱིལ་འཁོར་
[28a]
[28a.1]བླ་མེད་པའོ། །དེ་བསྒོམ་གཉིས་པ་བསྒོམ་པ་ནི། །འཁོར་ལོ་པདྨ་རྡོར་ཕྲེང་བས། །འཁོར་ལོ་གསུམ་ལ་ཡོངས་བསྐོར་བ། །ཡེ་ཤེས་འཁོར་ལོ་བསྒོམ་པར་བྱ། །རིན་ཕྲེང་དེ་བཞིན་པདྨ་སྟེ། །རིན་ཕྲེང་དང་པོ་འོད་གསལ་བ། །སྣ་ཚོགས་རྡོ་རྗེའི་ཕྲེང་བསྐོར་
[28a.2]བའི། །དམ་ཚིག་འཁོར་ལོ་བྲི་བར་བྱ། །ཕྱི་རོལ་དཀྱིལ་འཁོར་རིགས་ལྔ་ཡི། །རོ་རྣམས་ཀྱིས་ནི་བསྐོར་བར་བྱ། །སྙིང་གར་དཀྱིལ་འཁོར་བཞི་དབུས་སུ། །དེ་མདོག་ཕྱག་མཚན་བལྟས་ནས་ནི། །དེ་ཉིད་ཀྱི་ནི་ཐུགས་ཀ་རུ། །ཟླ་བ་རྡོ་རྗེའི་སྟེང་ས་བོན། །ཡེ་ཤེས་དམ་ཚིག་
[28a.3]བསྒོམ་པ་ནི། །བསྙེན་པའི་སྦྱོར་བར་རབ་ཏུ་བརྟག །སྐད་ཅིག་སྐུ་ཡི་རྣལ་འབྱོར་གྱིས། །སྐད་ཅིག་ཕྱག་རྒྱའི་རྣམ་པར་རིག །ཀུན་ནས་སྐུ་ནི་སྐད་ཅིག་སྟེ། །སྐད་ཅིག་གིས་ནི་གསང་སྔགས་འདོན། །སྐུ་གསུང་ཐུགས་ཀྱི་དབྱེ་བ་དང་། །ཡི་གེ་གསུམ་གྱི་རང་བཞིན་གྱིས། །མཐོ་
[28a.4]རིས་ས་བླ་ས་འོག་དག །སྐད་ཅིག་གིས་ནི་སྐུ་གཅིག་གྱུར། །པུ་ཛཱ་ཨོ་ཨ་གོ་རཱ་དེ་མཱ། ཀཱ་ཨོ་ཏྲི་ཀོ ། ཀ་ལ་ཀཱ་ཧི། པྲེ་གྲྀསཽ་སུ། ན་སི་མ་ཀུ། པུ་ལླཱི་ར་མཱ་ལ་ཡ་སྟེ་མགོ་བོ་ལ་རབ་ཏུ་གཏུམ་མའོ། །ཛཱ་ལན་དྷ་ར་སྟེ་སྤྱི་གཙུག་ཏུ་གཏུམ་པའི་མིག་ཅན་མའོ། །ཨཽ་ཌྱ་ན་ཏེ་རྣ་བ་གཡས་
[28a.5]པ་ལ་ནི་འོད་ལྡན་མའོ། །ཨར་བུ་ད་སྟེ་སྤྱི་བོའི་རྒྱབ་ཏུ་སྣ་ཆེན་མའོ། །གནས་ཏེ་ས་རབ་ཏུ་དགའ་བའོ། །གོ་དཱ་བ་རཱི་སྟེ་རྣ་བ་གཡོན་པ་ལ་བརྟན་པའི་བློ་ཅན་མའོ། །རཱ་མེ་ཤྭ་རཱི་སྟེ་སྨིན་མའི་དབུས་ལ་ནི་མི་ཐུང་མའོ། །དེ་བཱི་ཀོ་ཊཱི་སྟེ་མིག་ལ་ནི་ལང་ཀའི་དབང་ཕྱུག་མའོ། །མཱ་ལ་བ་སྟེ་
[28a.6]ཕྲག་པ་གཉིས་ལ་ཤིང་གྲིབ་མའོ། །ཉེ་བའི་གནས་ཏེ་དེ་བཞིན་དུ་ས་དྲི་མ་མེད་པ་ཐུགས་ཀྱི་འཁོར་ལོ་སྟེ་མཁའ་སྤྱོད་དོ། །ཀཱ་མ་རཱུ་པ་སྟེ་མཆན་ཁུང་དག་ལ་ནི་ཨེར་བ་ཏིའོ། །ཨོ་ཊེ་སྟེ་ནུ་མ་གཉིས་ལ་ནི་མི་ཐུང་མའོ། །ཞིང་སྟེ་འོད་བྱེད་པར་ཤེས་པར་བྱའོ། །ཏྲི་ཤ་ཀུ་ནི་སྟེ་ལྟེ་བ་ལ་
[28a.7]ནི་རླུང་གི་ཤུགས་ཅན་མའོ། །ཀོ་ས་ལ་སྟེ་སྣའི་རྩེ་མོ་ལ་ནི་ཆང་འཐུང་མའོ། །ཉེ་བའི་ཞིང་སྟེ་འོད་འཕྲོ་བ་ཅན་ནོ། །ཀ་ལིང་ག་སྟེ་ཁ་ལ་ནི་ལྷ་མོ་སྔོ་བསངས་མའོ། །ལམ་པ་ཀ་སྟེ་མགྲིན་པ་ལ་ནི་ཤིན་ཏུ་བཟང་མོའོ། །ཚན་དོ་ཧ་སྟེ་ཤིན་ཏུ་སྦྱང་དཀའ་བ་ཉིད་དོ། །ཀཱཉྩི་ཀ་སྟེ་སྙིང་ག་ལ་ནི་
[28b]
[28b.1]རྟ་རྣ་མའོ། །ཧི་མ་ལ་ཡ་སྟེ་མདོམས་ལ་ནི་བྱའི་གདོང་ཅན་མའོ། །ཉེ་བའི་ཚན་དོ་ཧ་སྟེ་མངོན་དུ་གྱུར་པའོ། །གསུང་གི་འཁོར་ལོ་སྟེ་ས་ལ་སྤྱོད་པའོ། །པྲེ་ཏ་པུ་རི་སྟེ་མཚན་མ་ལ་ནི་འཁོར་ལོའི་ཤུགས་ཅན་མའོ། །གྲྀ་ཧ་དེ་བ་སྟེ་བཤང་བའི་ལམ་ལ་ནི་དུམ་སྐྱེས་མའོ། །འདུས་པ་
[28b.2]ཅན་ཏེ་རིང་དུ་སོང་པའོ། །སཽ་རཱཥྚ་སྟེ་བརླ་གཉིས་ལ་ནི་ཆང་འཚོང་མའོ། །སུ་བརྞ་དྭཱི་པ་སྟེ་བྱིན་པ་གཉིས་ལ་ནི་འཁོར་ལོའི་གོ་ཆ་མའོ། །ཉེ་བའི་འདུས་པ་ཅན་ཏེ་མི་གཡོ་བའོ། །ན་ག་ར་སྟེ་སེར་མོ་རྣམས་ལ་ནི་ཤིན་ཏུ་དཔའ་མོའོ། །སིན་དྷུ་སྟེ་རྐང་པའི་བོལ་ལ་ནི་སྟོབས་ཆེན་མའོ། །དུར་
[28b.3]ཁྲོད་དེ་ལེགས་པའི་བློ་གྲོས་ཉིད་དོ། །མ་རུ་སྟེ་མཐེ་བོ་དག་ལ་ནི་འཁོར་ལོས་སྒྱུར་མའོ། །ཀུ་ལུ་ཏཱ་སྟེ་པུས་མོ་གཉིས་ལ་ནི་བརྩོན་འགྲུས་ཆེན་མོའོ། །ཉེ་བའི་དུར་ཁྲོད་དེ་ཆོས་ཀྱི་སྤྲིན་ནོ། །སྐུའི་འཁོར་ལོ་སྟེ་ས་འོག་ན་གནས་པའོ། །སའི་ཁམས་ནི་ལྟུང་བྱེད་མའོ། །ཆུའི་ཁམས་ནི་གསོད་
[28b.4]བྱེད་མའོ། །མེའི་ཁམས་ནི་འགུགས་བྱེད་མའོ། །རླུང་གི་ཁམས་ནི་གར་གྱི་དབང་ཕྱུག་མའོ། །ནམ་མཁའི་ཁམས་ནི་པདྨའི་དྲ་བ་ཅན་ནོ། །ཉེ་བའི་བསྙེན་པའི་སྦྱོར་བ་ཡིས། །མཁའ་འགྲོ་མ་ཚོགས་དཀྱིལ་འཁོར་རོ། །སེན་མོ་དང་སོ་དག་ནི་ཐོད་པའི་དུམ་བུ་ཅན་ནོ། །སྐྲ་དང་སྤུ་དག་ནི་ཀེང་
[28b.5]རུས་ཆེན་པོའོ། །པགས་པ་དང་དྲི་མ་དག་ནི་ཀེང་རུས་སོ། །ཤ་ནི་མཆེ་བ་རྣམ་པར་གཙིགས་པའོ། །རྩ་རྒྱུས་ནི་ཆད་དགྲའོ། །རུས་པ་ནི་འོད་དཔག་ཏུ་མེད་པའོ། །མཁལ་མ་ནི་རྡོ་རྗེ་འོད་དོ། །སྙིང་ལ་ནི་རྡོ་རྗེ་སྐུའོ། །མིག་ནི་མྱུ་གུ་ཅན་ནོ། །མཁྲིས་པ་ནི་རྡོ་རྗེ་རལ་པ་ཅན་ནོ། །གློ་བ་ནི་ཤིན་ཏུ་
[28b.6]དཔའ་བོའོ། །རྒྱུ་མ་ལ་ནི་རྡོ་རྗེ་ཧཱུཾ་མཛད་དོ། །གཉེ་མ་ནི་རབ་ཏུ་བཟང་པོའོ། །གྲོད་པ་ནི་རྡོ་རྗེ་བཟང་པོའོ། །བཤང་བ་ནི་འཇིགས་བྱེད་ཆེན་པོའོ། །མཚམས་པར་ནི་མིག་མི་བཟང་ངོ་། །བད་ཀན་ནི་སྟོབས་པོ་ཆེའོ། །རྣག་ནི་རིན་ཆེན་རྡོ་རྗེའོ། །ཁྲག་ནི་རྟ་མགྲིན་ནོ། །རྡུལ་ནི་ནམ་མཁའི་
[28b.7]སྙིང་པོའོ། །ཚིལ་ནི་ཧེ་རུ་ཀའོ། །མཆི་མ་ནི་པདྨ་གར་གྱི་དབང་ཕྱུག་གོ། །མཆིལ་མ་ནི་རྣམ་པར་སྣང་མཛད་དོ། །སྣབས་ནི་རྡོ་རྗེ་སེམས་དཔའོ། །གཟུགས་ཀྱི་ཕུང་པོ་ནི་རྣམ་པར་སྣང་མཛད་དོ། །ཚོར་བ་ནི་རྡོ་རྗེ་ཉི་མའོ། །འདུ་ཤེས་ནི་པདྨ་གར་གྱི་དབང་ཕྱུག་གོ། །འདུ་བྱེད་ནི་རྡོ་རྗེ་རྒྱལ་
[29a]
[29a.1]པོའོ། །རྣམ་པར་ཤེས་པ་ནི་རྡོ་རྗེ་སེམས་དཔའོ། །དེ་བཞིན་གཤེགས་པ་ཐམས་ཅད་ཉིད་ནི་དཔལ་རྡོ་རྗེ་ཧེ་རུ་ཀའོ། །མིག་ནི་གཏི་མུག་རྡོ་རྗེའོ། །རྣ་བ་ནི་ཞེ་སྡང་རྡོ་རྗེའོ། །སྣ་ནི་སེར་སྣ་རྡོ་རྗེའོ། །ཁ་ནི་འདོད་ཆགས་རྡོ་རྗེའོ། །རེག་བྱ་ནི་ཕྲག་དོག་རྡོ་རྗེའོ། །སྐྱེ་མཆེད་ཐམས་
[29a.2]ཅད་པ་ནི་དབང་ཕྱུག་རྡོ་རྗེའོ། །ཐུགས་ལ་མི་བསྐྱོད་པའོ། །གསུང་ལ་འོད་དཔག་ཏུ་མེད་པའོ། །སྐུ་ལ་རྡོ་རྗེ་རྣམ་པར་སྣང་མཛད་དོ། །དཔའ་བོ་དགོད་པའི་སྦྱོར་བ་ཡིས། །སྒྲུབ་པ་དག་ཀྱང་ཡང་དག་བརྩམ། །ཨོཾ་སརྦ་བཱི་ར་ཡོ་གི་ནཱི་ཀཱ་ཡ་བཱ་ཀ་ཙིཏྟ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨོཾ་བཛྲ་ཤུདྡྷཿ་
[29a.3]སརྦ་དྷརྨཱཿ་བཛྲ་ཤུདྡྷོ྅ཧཾ། རང་སྙིང་ལྕགས་ཀྱུའི་སྦྱོར་བ་ཡིས། །ཡེ་ཤེས་འཁོར་ལོ་དགུག་པར་བྱ། །གཅིག་ཏུ་གྱུར་བའི་རང་བཞིན་གྱིས། །དེ་ནས་ཆོ་ག་གཉིས་དགོད་བྱ། །སྙིང་གར་ཨོཾ་ཧ་རྡོ་རྗེ་སེམས་དཔའ་དཀར་པོའོ། །མགོ་བོ་ལ་ན་མ་ཧི་རྣམ་པར་སྣང་མཛད་སེར་པོའོ། །སྤྱི་གཙུག་
[29a.4]ལ་སྭཱ་ཧཱ་ཧུ་པདྨ་གར་གྱི་དབང་ཕྱུག་དམར་པོའོ། །ཕྲག་པ་གཉིས་ལ་བཽ་ཤཊ་ཧེ་དཔལ་ཧེ་རུ་ཀ་ནག་པོའོ། །མིག་གཉིས་ལ་ཧཱུཾ་ཧཱུཾ་ཧོ་རྡོ་རྗེ་ཉི་མ་དམར་པོའོ། །ཡན་ལག་ཐམས་ཅད་ལ་ཕཊ་ཧཾ་རྟ་མཆོག་ལྗང་གུ་སྟེ་གོ་ཆའོ། །ལྟེ་བ་ལ་ཨོཾ་བཾ་རྡོ་རྗེ་ཕག་མོ་དམར་པོའོ། །སྙིང་གར་ཧཾ་ཨོཾ་ཡ་མི་ནི་
[29a.5]སྔོན་པོའོ། །ཁ་ལ་ཧྲིཾ་མོཾ་རྨོངས་བྱེད་མ་དཀར་མོའོ། །མགོ་ལ་ཧྲེཾ་ཧྲིཾ་སྐྱོད་བྱེད་མ་སེར་མོའོ། །སྤྱི་གཙུག་ལ་ཧཱུཾ་ཧཱུཾ་སྐྲག་བྱེད་མ་ལྗང་གུའོ། །ཡན་ལག་ཐམས་ཅད་ལ་ཕཊ་ཕཊ་གཏུམ་མོ་དུབ་སྣ་ཚོགས་པའི་མདོག་ཅན་ཏེ་གོ་ཆའོ། །ཞལ་གསུམ་ཕྱག་དྲུག་རྡོ་རྗེ་ཅན། །དེ་ལས་གཞན་པ་ཕྱག་
[29a.6]བཞི་པ། །རྡོར་དྲིལ་པད་སྣོད་ཁ་ཊྭཱཾ་ག །ཌ་མ་རུ་དང་མགོ་བོའོ། །གཞན་རྣམས་ཕྱག་གི་མཚོན་ཆ་ནི། །འཁོར་ལོ་ལ་སོགས་རང་མཚན་མ། །དྲིལ་བུ་ཐོད་པ་ཉིད་དག་དང་། །ཁ་ཊྭཱཾ་ཌ་མ་རུ་ཉིད་འགྱུར། །ཕག་མོ་ཞལ་གསུམ་ཕྱག་དྲུག་པ། །ཞལ་དམར་སྔོ་དང་ལྗང་གུ་སྟེ། །པད་སྣོད་
[29a.7]ཉིད་དང་ཁ་ཊྭཱཾ་ག །ཞགས་པ་དང་ནི་ལྕགས་ཀྱུ་ཉིད། །ཚངས་པའི་མགོ་དང་གྲི་གུག་དང་། །འདི་ཡི་ཕྱག་ལ་རྣམ་པར་བསྒོམ། །གཞན་རྣམས་ཞལ་གཅིག་ཕྱག་བཞི་པ། །སྤྱན་གསུམ་ཕྱག་ན་པད་སྣོད་དང་། །ཁ་ཊྭཱཾ་ག་དང་དྲིལ་བུ་དང་། །ཅང་ཏེའུ་གྲི་གུག་དག་བསྒོམ་བྱ། །རྡོ་རྗེ་སེམས་
[29b]
[29b.1]དཔའ་ཕག་མོ་དང་། །རྣམ་སྣང་ཡ་མི་ནིར་ཤེས་བྱ། །གར་གྱི་དབང་ཕྱུག་རྨོངས་བྱེད་མ། །དེ་བཞིན་ཧེ་རུ་ཀ་བསྐྱོད་མ། །རྡོ་རྗེ་ཉི་མ་སྐྲག་བྱེད་མ། །རྟ་མཆོག་གི་ནི་གཏུམ་མོའོ། །མཛུབ་མོ་མདུད་བྱས་གུང་མོ་ངེས་པར་སྦྱར། །མཐེ་བོ་གཉིས་ནི་བརྟན་པོར་རབ་ཏུ་སྦྱར། །དེ་ནི་དཔྲལ་བའི་ཕྱོགས་
[29b.2]དབུས་རབ་བཞག་ནས། །བསྐོར་ཞིང་བསྐོར་བས་ཀུན་དུ་བསྐྱོད་པར་བྱ། །རྐང་པ་མནན་ཅིང་སྟེང་དུ་བལྟ། །གྱེན་དུ་ཕཻཾ་གྱི་སྒྲ་སྒྲོགས་ཤིང་། །ཕྱོགས་བཅུའི་འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་དགུག །དེ་ནས་སྙིང་པོའི་ཕྱག་རྒྱ་བསྟན་ཏེ། །ལག་པ་གཡས་
[29b.3]པ་དང་གཡོན་པ་བསྐོར་ཞིང་། །མཁའ་འགྲོ་མའི་བདེ་བ་དེ་ཛཿ་ཧཱུཾ་བཾ་ཧོཿའི་སྦྱོར་བས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་སྟེ། ཨོཾ་ཡོ་ག་ཤུདྡྷཿསརྦ་དྷརྨཱ་ཡོ་ག་ཤུདྡྷོ྅ཧཾ། ཞེས་བརྗོད་པར་བྱའོ། །དེ་ནས་དཔའ་བོ་དང་དཔའ་མོ་རྣམས་ཀྱིས་ནམ་མཁའི་དཀྱིལ་
[29b.4]ཡོངས་སུ་གང་པར་བལྟས་ལ། ཡེ་ཤེས་ཀྱི་བདུད་རྩིའི་ཆུས་བཀང་བའི་བུམ་པ་ཕྱག་ན་བསྣམས་ཤིང་དབང་བསྐུར་བ་ལ་མངོན་དུ་ཕྱོགས་པས་དབང་བསྐུར་བ་ནི། ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་
[29b.5]བཞིན་བདག་གིས་ཁྲུས་གསོལ་ལོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཏ་ས་མ་ཡ་ཤྲི་ཡེ་ཨཱཿཧཱུཾ། རྡོ་རྗེ་སེམས་དཔས་རྒྱས་བཏབ་བྱ། །གཞན་རྣམས་གོ་རིམས་བཞིན་དུ་འགྱུར། །ལྷ་མོ་ཞིང་སྐྱེས་ལྷན་ཅིག་སྐྱེས། །དེ་བཞིན་གནས་སྐྱེས་རྣལ་འབྱོར་མ། །ལྷ་མོ་རིགས་སྐྱེས་སྔགས་
[29b.6]ལས་སྐྱེས། །དེ་བཞིན་མི་སྣང་མཁའ་སྤྱོད་མ། །ཐ་མ་སྐྱེས་དང་མཆོག་ཉིད་མ། །དབུས་མ་སྣ་ཚོགས་མཆོག་མ་ནི། །མཁའ་ལ་སྤྱོད་དང་ས་ལ་སྤྱོད། །ས་འོག་ན་ནི་གནས་པ་མོ། །གནོད་སྦྱིན་མོ་དང་ཀླུ་མོ་དང་། །དེ་བཞིན་དྲི་ཟ་མིའམ་ཅི། །ཨ་བ་ས་རི་དང་དངོས་གྲུབ་མ། །ཡ་མི་ནི་
[29b.7]དང་བདེ་གཤེགས་བསམ། །དཀོན་མཆོག་གསུམ་ལ་ཆགས་བདག་མ། །དེ་ཀུན་དཀྱིལ་འཁོར་ལ་དགུག་བྱ། །གླུ་ཡི་བྱ་བ་སྣ་ཚོགས་དང་། །གར་གླུ་རྣམ་པར་བྱེད་པ་དང་། །སྣ་ཚོགས་རོ་མཆོག་དགའ་སྟོན་གྱིས། །མཁའ་འགྲོ་མ་ཡི་གཙོ་བོ་མཆོད། །འཇིགས་ཆེན་མཆེ་བ་གཙིགས་པ་
[30a]
[30a.1]སྟེ། །རྒྱུ་མ་དག་གི་ཕྲེང་བས་བརྒྱན། །ཤ་ཆེན་པོ་ནི་གསོལ་མཛད་པ། །ཧེ་རུ་ཀ་དཔལ་བདག་ཕྱག་འཚལ། །ཞེས་བྱ་བས་བསྟོད་དོ། །རླུང་དང་མེའི་དཀྱིལ་འཁོར་གྱི་སྟེང་དུ་ཡི་གེ་ཨ་ལས་བྱུང་བའི་ཀ་པཱ་ལ་ཡེ་ཤེས་ཀྱི་བདུད་རྩི་ལྔས་བཀང་བ་བཅུ་དྲུག་ཡི་གེ་བཾ་དང་ཡི་གེ་ཧཱུཾ་གི་བྱིན་
[30a.2]གྱིས་བརླབས་པ་དང་། ཡི་གེ་གསུམ་ལས་བྱུང་བར་སྤྲོ་ཞིང་ཡི་གེ་གསུམ་བསྒོམ་པར་བྱའོ། །ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿ་སྭ་བྷཱ་བ་ཤུདྡྷོ྅ཧཾ། ཆོས་རྣམས་ཐམས་ཅད་རོ་གཅིག་པར། །གནས་པའི་སེམས་དག་བྱས་ནས་ནི། །ཡེ་ཤེས་བདུད་རྩི་སྦྱོར་བ་ཡིས། །ཡེ་ཤེས་བདུད་རྩིའི་ཆུ་བཏུང་བྱ། །ཨོཾ་བཛྲ་ཨ་
[30a.3]མྲྀ་ཏ་ཨུ་ད་ཀ་ཧཱུཾ་ཧཱུཾ་ཋ་ཋ་ཏྲཾ་ཨ། ཡི་གེ་དྱ་སྣའི་རྩེ་མོར་སྦྱར་ཤིང་། ཡི་གེ་བྱ་ལིང་གའི་ལྟེ་བར་བཀོད་ལ་ཕྱེད་བཅས་ཀྱི་ལྟེ་བ་དང་སྙིང་ག་དང་། ལྐོག་མ་དང་། དཔྲལ་བའི་ཕྱོགས་སུ་སྔགས་ཀྱི་ཚོགས་ཀྱིས་བྱིན་གྱིས་བརླབ་པར་བྱའོ། །ཨོཾ་སརྦ་བཛྲ་ཀཱ་མི་ནི་སརྦ་བྷ་ཀྵཾ་ཤོ་དྷ་ཡ་གུ་ཧྱཾ་བཛྲི་ཎི་ཧཱུཾ། ཞེས་བྱ་བས་དགའ་
[30a.4]བ་བརྩམ་པར་བྱའོ། །ཨཱ་ལི་ཀཱ་ལི་མདུན་བསམས་ནས། རྣལ་འབྱོར་ཆེན་པོས་ངལ་བསོ་བར། །ཟླ་བའི་དཀྱིལ་འཁོར་རྫོགས་པར་ནི། །ལྟེ་བའི་རྩ་བར་གནས་པར་བསྒོམ། །གོ་འཕང་མཆོག་གི་ཡི་གེ་ནི། །དེ་ཡི་དབུས་སུ་གནས་པར་བསམ། །སྐུ་གསུང་ཐུགས་ཀྱི་རྡོ་རྗེ་ཅན། །ལྷ་ཡི་
[30a.5]སྐུ་ནི་བསྒོམ་པར་བྱ། །དེ་ཡི་དབུས་ནི་འདས་གྱུར་ཅིང་། །སེམས་ཉིད་འབྱུང་བར་མི་འགྱུར་མིན། །དེ་ཡང་བསམ་གྱིས་མི་ཁྱབ་བསམ། །བསམ་པའང་རྟག་པར་མི་བྱའོ། །དེ་ཡང་བསམ་མི་ཁྱབ་བསམས་ནས། །དེ་ནས་འཛིན་པ་ཐོབ་པར་འགྱུར། །དེ་ནས་མཉམ་པར་གཞག་
[30a.6]པ་ཡིས། །དམ་ཚིག་འཁོར་ལོ་བཟླས་པར་བྱ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ་ཌཱ་ཀི་ནཱི་ཛཱ་ལ་སམྦ་ར་སྭཱ་ཧཱ། སྙིང་པོའི་སྔགས་སོ། །ཨོཾ་ཧྲཱིཿཧ་ཧ་ཧཱུཾ་ཧཱུཾ་ཕཊ། ཉེ་བའི་སྙིང་པོའི་སྔགས་སོ། །ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ་དང་། ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ལྷ་མོའི་
[30a.7]སྙིང་པོ་དང་། ཉེ་བའི་སྙིང་པོའོ། །ཨོཾ་ཀ་ར་ཀ་ར་པྲ་ཙཎྜི་ཧཱུཾ་ཧཱུཾ་ཕཊ། ཨོཾ་ཀུ་རུ་ཀུ་རུ་ཙཎྜ་ཀྴི་ཡེ་ཧཱུཾ་ཧཱུཾ་ཕཊ། ཨོཾ་བནྡྷ་བནྡྷ་པྲ་བྷཱ་བ་ཏཱི་ཡེ་ཧཱུཾ་ཧཱུཾ་ཕཊ། ཨོཾ་ཏྲ་ས་ཡ་ཏྲ་ས་ཡ་མ་ཧཱ་ནཱ་ས་ཡེ་ཧཱུཾ་ཧཱུཾ་ཕཊ། ཨོཾ་ཀྵོ་བྷ་ཡ་ཀྵོ་བྷ་ཡ་བཱིར་མ་ཏཱི་ཡེ་ཧཱུཾ་ཧཱུཾ་ཕཊ། ཨོཾ་ཧྲཽཾ་ཧྲཽཾ་ཁར་བ་རཱི་ཡེ་ཧཱུཾ་ཧཱུཾ་ཕཊ། ཨོཾ་ཧྲཿཧྲཿལང་ཀི་ཤྭ་རཱི་ཡེ་ཧཱུཾ་ཧཱུཾ་ཕཊ། ཨོཾ་ཕེཾ་པེཾ་དྲུ་མཙྪཱ་ཡེ་ཧཱུཾ་ཧཱུཾ་ཕཊ།
[30b]
[30b.1]ཨོཾ་ཕཊ་ཕཊ་ཨཻ་རཱ་བ་ཏི་ཡེ་ཧཱུཾ་ཧཱུཾ་ཕཊ། ཨོཾ་ད་ཧ་ད་ཧ་མ་ཧཱ་བྷཻ་ར་བི་ཡེ་ཧཱུཾ་ཧཱུཾ་ཕཊ། ཨོཾ་པ་ཙ་པ་ཙ་བཱ་ཡུ་བེ་གེ་ཧཱུཾ་ཧཱུཾ་ཕཊ། ཨོཾ་བྷཀྵ་བྷཀྵ་བ་ས་རུ་དྷི་ར་ཨནྟྲ་མཱ་ལ་ཨ་བ་ལ་མྦི་ནེ་སུ་ར་བྷཀྵཱི་ཡེ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ས་པྟ་པཱ་ཏཱ་ལ་ག་ཏ་བྷུ་ཇཾ་ག་སརྦམྦཱ་ཏ་རྫ་ཡ་ཏ་རྫ་ཡ་ཤྱཱ་མ་དེ་བཱི་ཡེ་ཧཱུཾ་ཧཱུཾ་ཕཊ། ཨོཾ་ཨཱ་ཀཌྜྱ་ཨཱ་ཀཌྜྱ་སུ་བཱ་དྲེ་ཧཱུཾ་ཧཱུཾ་
[30b.2]ཕཊ། ཨོཾ་ཧྲིཾ་ཧྲིཾ་ཧ་ཡ་ཀར་ཎེ་ཧཱུཾ་ཧཱུཾ་ཕཊ། ཨོཾ་ཇྞཽཾ་ཇྞཽཾ་ཁ་གཱ་ནེ་ཧཱུཾ་ཧཱུཾ་ཕཊ། ཨོཾ་ཀྵྨཱཾ་ཀྵྨཱཾ་ཙཀྲ་བེེ་གེ་ཧཱུཾ་ཧཱུཾ་ཕཊ། ཨོཾ་ཧཱཾ་ཧཱཾ་ཁཎྜ་རོ་ཧེ་ཧཱུཾ་ཧཱུཾ་ཕཊ། ཨོཾ་ཧཱིཾ་ཧཱིཾ་ཤཽཎ་ཌི་ནཱི་ཡེ་ཧཱུཾ་ཧཱུཾ་ཕཊ། ཨོཾ་ཧཱུཾ་ཧཱུཾ་ཙཀྲ་བར་མི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ཀི་ལི་ཀི་ལི་སུ་བཱི་རེ་ཧཱུཾ་ཧཱུཾ་ཕཊ། ཨོཾ་སི་ལི་སི་ལི་མ་ཧཱ་བ་ལེ་ཧཱུཾ་ཧཱུཾ་ཕཊ། ཨོཾ་ཙི་ལི་ཙི་ལི་ཙཀྲ་བར་ཏི་ནཱི་ཡེ་
[30b.3]ཧཱུཾ་ཧཱུཾ་ཕཊ། ཨོཾ་དྷི་ལི་དྷི་ལི་མ་ཧཱ་བཱིརྱ་ཧཱུཾ་ཧཱུཾ་ཕཊ། ཨོཾ་ཀཱ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཨུ་ལཱུ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཤྭཱ་ནཱ་སྱེ་ཧཱུཾ་ཧཱུཾ་ཕཊ། ཨོཾ་སཱུ་ཀ་རཱ་སྱེ་ཧཱུཾ་ཧཱུཾ་ཕཊ། ཨོཾ་ཡ་མ་དཱ་དྷཱི་ཧཱུཾ་ཧཱུཾ་ཕཊ། ཨོཾ་ཡ་མ་དཱུ་ཏཱི་ཧཱུཾ་ཧཱུཾ་ཕཊ། ཨོཾ་ཡ་མ་དཾཥྚཱི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་མ་ཐཱ་ནཱི་ཡེ་ཧཱུཾ་ཧཱུཾ་ཕཊ། ཨོཾ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ། ཨོཾ་
[30b.4]ལཱ་མ་ཡེ་ཧཱུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧཱུཾ་ཧཱུཾ་ཕཊ། ཨོཾ་རཱུ་པི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ན་མོ་བྷ་ག་བ་ཏེ་བཱི་རེ་ཤཱ་ཡ་ཧཱུཾ་ཧཱུཾ་ཕཊ། ཨོཾ་མ་ཧཱ་ཀལྤ་ཨགྣི་སནྣི་བྷཱ་ཡ་ཧཱུཾ་ཧཱུཾ་ཕཊ། ཨོཾ་ཛ་ཊཱ་མུ་ཀུ་ཊོདྐ་ཊཱ་ཡ་ཧཱུཾ་ཧཱུཾ་ཕཊ། ཨོཾ་དཾ་ཥྚྲ་ཀ་རཱ་ལོ་གྲ་བྷཱི་ཥ་ཎ་མུ་ཁཱ་ཡ་ཧཱུཾ་ཧཱུཾ་ཕཊ། ཨོཾ་ས་ཧ་སྲ་པྲ་བྷུ་ཛ་བྷཱ་སུ་རཱ་ཡ་ཧཱུཾ་ཧཱུཾ་ཕཊ། ཨོཾ་པ་ར་ཤུ་
[30b.5]པཱ་ཤོ་དྱ་ཏ་ཤཱུ་ལ་ཁ་ཊྭཱཾ་གདྷཱ་རི་ཎི་ཧཱུཾ་ཧཱུཾ་ཕཊ། ཨོཾ་བྱཱ་གྷྲཱ་ཛི་ན་ཨཾ་བ་ར་དྷཱ་རཱ་ཡ་ཧཱུཾ་ཧཱུཾ་ཕཊ། ཨོཾ་མ་ཧཱ་དྷུ་མྦྲན་དྷ་ཀཱ་ར་བ་པུ་ཥཱ་ཡེ་ཧཱུཾ་ཧཱུཾ་ཕཊ། མཆོད་པའི་སྔགས་སོ། །ཨོཾ་ན་མོ་བྷ་ག་བ་ཏི་བཛྲ་བཱ་རཱ་དཱི་བཾ་ཧཱུཾ་ཧཱུཾ་ཕཊ། ཨོཾ་ཨཱརྱ་ཨ་པ་རཱ་ཛི་ཏ་ཏྲཻ་ལོ་ཀྱ་མཱ་ཏེ་མ་ཧཱ་བི་དྱེ་ཤྭ་རི་ཧཱུཾ་ཧཱུཾ་ཕཊ། ཨོཾ་སརྦ་བྷཱུ་ཏ་བྷ་ཡཱ་བ་ཧེ་མ་ཧཱ་བཛྲེ་ཧཱུཾ་ཧཱུཾ་ཕཊ། ཨོཾ་
[30b.6]བཛྲ་ས་ནེ་ཨ་ཛི་ཏེ་ཨ་པ་རཱ་ཛི་ཏེ་བ་ཤྱཾ་ཀ་རི་ནེ་ཏྲ་བྷཱ་མ་ཎི་ཧཱུཾ་ཧཱུཾ་ཕཊ། ཨོཾ་ཤོ་ཥ་ཎི་རོ་ཥ་ཎི་ཀྲོ་དྷ་ཀ་རཱ་ལེ་ཧཱུཾ་ཧཱུཾ་ཕཊ། ཨོཾ་ཏྲཱ་ས་ནི་མཱ་ར་ཎི་པྲ་བྷེ་ད་ནི་པ་རཱ་ཛ་ཡེ་ཧཱུཾ་ཧཱུཾ་ཕཊ། ཨོཾ་བིཛ་ཡེ་ཛམྦྷ་ནི་སྟམྦྷ་ནི་མོ་ཧ་ནི་ཧཱུཾ་ཧཱུཾ་ཕཊ། ཨོཾ་བཛྲ་བཱ་རཱ་ཧཱི་མ་ཧཱ་ཡོ་གི་ནཱི་ཀཱ་མེ་ཤྭ་རི་ཁ་གེ་ཧཱུཾ་ཧཱུཾ་ཕཊ། ཨོཾ་སརྦ་ཏྲ་ཀ་ཡི་ནཱ་མ། ལྷ་མོའི་མཆོད་པའི་སྔགས་
[30b.7]སོ། །ཨོཾ་བཛྲ་བཱ་རཱ་ཧཱི་པྲོ་ཏཾ་གེ་པྲོ་ཏཾ་གེ །ཧ་ན་ཧ་ན་པྲཱ་ཎཱཾ་ཀིཾ་ཀི་ནི། ཁིཾ་ཁི་ནི། དྷུ་ན་དྷུ་ན། བཛྲ་ཧ་སྟེ་ཤོ་ཥ་ཡ་ཤོ་ཥ་ཡ། བཛྲ་ཁ་ཊྭཱཾ་ག །ཀ་པཱ་ལ་དྷཱ་རི་ཎི། ཨ་ཧཱ་བི་ཤི་ཏ་མཱཾ་སཾ་ཨ་ཤ་ནི་མ་ནུཥྱ་ནྟྲ་པྲ་པྲྀ་ཏ་ཏེ་ས་ནྣི་རྷྱཾ། ན་ར་ཤི་རོ་མཱ་ལཱ་གྲནྠི་ཏ་དྷཱ་རི་ཎི། སུམྦྷ་ནི་སུམྦྷ། ཧ་ན་ཧ་ན་པྲཱ་ཎཾ། སརྦ་པཱ་པཾ་ས་ཏཱ་ནཱཾ། སརྦ་
[31a]
[31a.1]པ་ཤཱུ་ནཱཾ་མྷཱ་མཾ་ས་ཙྪེ་ད་ནི་ཀྲོ་དྷ་མཱུ་རྟི། དཾ་ཥྚཱ་ཀ་རཱ་ལི་ནི། མ་ཧཱ་མུ་དྲེ་ཤྲཱི་ཧེ་རུ་ཀ་དེ་བ་སྱ། ཨ་གྲ་མ་ཧི་ཥི། ས་ཧ་སྲ་ཤི་རེ། ས་ཧ་སྲ་བཱ་ཧ་བེ། ཤ་ཏ་ས་ཧ་སྲ་ཨཱ་ན་ནེ། ཛྭ་ལི་ཏ་ཏེ་ཛ་སེ། ཛྭཱ་ལ་མུ་ཁེ། པིཾ་ག་ལ་ལོ་ཙ་ནེ། བཛྲ་ཤ་རཱི་རེ། བཛྲཱ་ས་ནེ་མི་ལི་ཏི་ཙི་ལི་ཏེ། ཧེ་ཧེ་ཧཱ་ཧཱ་ཧཱུཾ་ཧཱུཾ།
[31a.2]ཁ་ཁ། དྷུ་དྷུ། རུ་རུ། དྷུ་རུ་དྷུ་རུ། མུ་རུ་མུ་རུ། ཨ་དྭཻ་ཏེ་མ་ཧཱ་ཡོ་གི་ནི། པ་ཋི་ཏ་སིདྡྷེ། དྲེཾ་དྷཾ་དྲེཾ་དྷཾ་གཾ་གཾ ཧེ་ཧེ་ཧཱཿ་ཧཱཿ་བྷཱི་མེ་ཧ་ས་ཧ་ས། བཱི་རེ་ཧཱ་ཧཱ་ཧོཿ་ཧོཿ་ཧཱུཾ་ཧཱུཾ། ཏྲཻ་ལོ་ཀྱ་བི་ནཱ་ཤ་ནི། ཤ་ཏ་ས་ཧ་སྲ་ཀོ་ཊི། ཏ་ཐཱ་ག་ཏ་པ་རི་བཱ་རེ་ཧཱུཾ་ཧཱུཾ་ཕཊ། སིཾ་ཧ་རཱུ་པེ་ཁ། ག་ཛ་རཱུ་པ་གཿ་ཏྲཻ་ལོ་ཀྱ་ཨུ་ད་རེ། ས་མུ་དྲ་མེ་
[31a.3]ཁ་ལེ། གྲས་གྲས་ཧཱུཾ་ཧཱུཾ་ཕཊ། བཱི་རཱ་དཻ་ཏེ་ཧཱུཾ་ཧཱུཾ་ཧཿ་ཧཿ་མ་ཧཱ་པ་ཤུ་མོ་ཧ་ནི། མ་ཧཱ་ཡོ་གཱི་ཤྭ་རི་ཏྭཾ། ཌཱ་ཀི་ནཱི་ལོ་ཀ་ནཾ་བནྡྷ་ནི། སདྱཿ་པྲ་ཏྱ་ཡ་ཀཱ་རི་ཎི་ཧཱུཾ་ཧཱུཾ་ཕཊ། བྷཱུ་ཏ་ཏྲཱ་ས་ནི། མ་ཧཱ་བཱི་རེ་པ་ར་མ་སིདྡྷེ། ཡོ་གཱི་ཤྭ་རཱ་ཕཊ། ཧཱུཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཕག་མོའི་རྩ་བའི་སྔགས་སོ། །དེ་ལྟར་གོ་རིམས་
[31a.4]བཞིན་དུ་དུང་ཆེན་པོའི་ཕྲེང་བ་ལག་པ་གཡོན་པའི་མཐེ་བོ་དང་སྲིན་ལག་གིས་ཇི་སྲིད་འདོད་ཀྱི་བར་དུ་བཟླས་པར་བྱའོ། །ཐུན་བཞི་ཡི་ནི་སྦྱོར་བ་ཡིས། །བསྒོམ་དང་བཟླས་པ་ལ་ཕྱོགས་པས། །དམ་ཚིག་དམ་ཚིག་སྦྱོར་བ་ཡིས། །བཟའ་བྱ་གསང་སྔགས་བསྡུ་བར་བྱ། །ཐོག་མ་བར་དང་ཐ་མར་
[31a.5]ནི། །གསང་སྔགས་ཡི་གེ་བརྒྱ་པ་བཟླ། །འཁོར་ལོ་བརྟན་པར་བྱ་བ་དང་། །དཔའ་བོ་མཁའ་འགྲོ་མ་རྣམས་དང་། །སྔགས་རྣམས་ཐམས་ཅད་ཉིད་དག་ནི། །ཤིན་ཏུ་བརྟན་པ་ཉིད་དུ་འགྱུར། །ཨོཾ་བཛྲ་ཧེ་རུ་ཀ་ས་མ་ཡ་མ་ནུ་པཱ་ལ་ཡ། ཧེ་རུ་ཀ་ཏྭེ་ནོ་པ་ཏིཥྛི་དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་
[31a.6]རཀྟོ་མེ་བྷ་གསུ་པོ་ཥྱོ་མེ་བྷ་བ།སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ་ཙིཏྟཾ་ཤྲེ་ཡཿ་ཀུ་རུ་ཧཱུཾ་ཧ་ཧ་ཧ་ཧ་ཧོ། །བྷ་ག་བཱ་ན་བཛྲ་ཧི་རུ་ཀ་མཱ་མེ་མུཉྩ། ཧེ་རུ་ཀོ་བྷ་བ་མ་ཧཱ་ས་མ་ཡ་སཏྭ་ཨཱཿ་ཧཱུཾ་ཕཊ། སྐྱོ་བར་གྱུར་ན་རྣམ་པར་དག་པ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་བསྒོམ་པ་ལ་གནས་པར་བྱ་སྟེ། མཁའ་
[31a.7]འགྲོ་མ་ནི་ལུས་དྲན་པ་ཉེ་བར་གཞག་པའོ། །ལཱ་མ་ནི་ཚོར་བ་དྲན་པ་ཉེ་བར་གཞག་པའོ། །དུམ་སྐྱེས་མ་ནི་ཆོས་དྲན་པ་ཉེ་བར་གཞག་པའོ། །གཟུགས་ཅན་མ་ནི་སེམས་དྲན་པ་ཉེ་བར་གཞག་པ་སྟེ་བདེ་བ་ཆེན་པོའི་འཁོར་ལོའི་རྣམ་པར་དག་པའོ། །རབ་ཏུ་གཏུམ་མ་ནི་འདུན་པའི་རྫུ་འཕྲུལ་གྱི་རྐང་པའོ། །གཏུམ་
[31b]
[31b.1]པའི་མིག་ཅན་མ་ནི་བརྩོན་འགྲུས་ཀྱི་རྫུ་འཕྲུལ་གྱི་རྐང་པའོ། །འོད་ལྡན་མ་ནི་དཔྱོད་པའི་རྫུ་འཕྲུལ་གྱི་རྐང་པའོ། །སྣ་ཆེན་མ་ནི་སེམས་ཀྱི་རྫུ་འཕྲུལ་གྱི་རྐང་པའོ། །བརྟན་པའི་བློ་ཅན་མ་ནི་དད་པའི་དབང་པོའོ། །མི་ཐུང་མ་ནི་བརྩོན་འགྲུས་ཀྱི་དབང་པོའོ། །ལང་ཀའི་དབང་ཕྱུག་མ་ནི་དྲན་པའི་དབང་པོའོ། །
[31b.2]ཤིང་གྲིབ་མ་ནི་ཏིང་ངེ་འཛིན་གྱི་དབང་པོ་སྟེ། ཐུགས་ཀྱི་འཁོར་ལོའི་རྣམ་པར་དག་པའོ། །ཨཻ་རབ་ཏི་ནི་ཤེས་རབ་ཀྱི་དབང་པོའོ། །འཇིགས་བྱེད་ཆེན་མོ་ནི་དད་པའི་སྟོབས་སོ། །རླུང་གི་ཤུགས་ཅན་མ་ནི་བརྩོན་འགྲུས་ཀྱི་སྟོབས་སོ། །ཆང་འཐུང་མ་ནི་དྲན་པའི་སྟོབས་སོ། །ལྷ་མོ་སྔོ་བསངས་མ་
[31b.3]ནི་ཏིང་ངེ་འཛིན་གྱི་སྟོབས་སོ། །ཤིན་ཏུ་བཟང་མོ་ནི་ཤེས་རབ་ཀྱི་སྟོབས་སོ། །རྟ་རྣ་མ་ནི་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གོ། །བྱ་གདོང་མ་ནི་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་སྟེ། གསུང་གི་འཁོར་ལོའི་རྣམ་པར་དག་པའོ། །འཁོར་ལོའི་ཤུགས་ཅན་མ་ནི་དགའ་བ་ཡང་
[31b.4]དག་བྱང་ཆུབ་ཀྱི་ཡན་ལག་གོ། །དུམ་སྐྱེས་མ་ནི་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གོ། །ཆང་འཚོང་མ་ནི་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གོ། །འཁོར་ལོའི་གོ་ཆ་མ་ནི་དྲན་པ་ཡང་དག་བྱང་ཆུབ་ཀྱི་ཡན་ལག་གོ། །ཤིན་ཏུ་དཔའ་མོ་ནི་བཏང་སྙོམས་
[31b.5]ཡང་དག་བྱང་ཆུབ་ཀྱི་ཡན་ལག་གོ། །སྟོབས་ཆེན་མ་ནི་ཡང་དག་པའི་ལྟ་བའོ། །འཁོར་ལོས་སྒྱུར་མ་ནི་ཡང་དག་པའི་རྟོག་པའོ། །བརྩོན་འགྲུས་ཆེན་མོ་ནི་ཡང་དག་པའི་ངག་སྟེ་སྐུའི་འཁོར་ལོའི་རྣམ་པར་དག་པའོ། །ཁྭའི་གདོང་ཅན་མ་ནི་ཡང་དག་པའི་ལས་ཀྱི་མཐའོ། །འུག་པའི་གདོང་
[31b.6]ཅན་མ་ནི་ཡང་དག་པའི་འཚོ་བའོ། །ཁྱིའི་གདོང་ཅན་མ་ནི་ཡང་དག་པའི་རྩོལ་བའོ། །ཕག་གི་གདོང་ཅན་མ་ནི་ཡང་དག་པའི་དྲན་པའོ། །བཅོམ་ལྡན་འདས་དཔལ་ཧེ་རུ་ཀ་ནི་ཡང་དག་པའི་ཏིང་ངེ་འཛིན་ཏོ། །གཤིན་རྗེའི་འགྲམ་པ་ནི་དགེ་བའི་ཆོས་མ་སྐྱེས་པ་རྣམས་སྐྱེད་པར་བྱེད་པའོ། །
[31b.7]གཤིན་རྗེའི་ཕོ་ཉ་མོ་ནི་དགེ་བའི་ཆོས་སྐྱེས་པ་རྣམས་ཡང་དག་པར་བསྲུང་པའོ། །གཤིན་རྗེའི་མཆེ་བ་ཅན་མ་ནི་མི་དགེ་བའི་ཆོས་སྐྱེས་པ་རྣམས་སྤོང་པར་བྱེད་པའོ། །གཤིན་རྗེ་འཇོམས་མ་ནི་མི་དགེ་བའི་ཆོས་མ་སྐྱེས་པ་རྣམས་མི་སྐྱེད་པའོ། །རྡོ་རྗེ་སེམས་དཔའི་ཅོད་པན་ནི་ཡེ་ཤེས་ལྔ་པོ་
[32a]
[32a.1]རྣམ་པར་དག་པའོ། །རྩ་བའི་སྔགས་ཀྱིས་དཔའ་བོ་ཡི། །མཆོད་ཕྱིར་ཐོགས་སུ་རབ་ཏུ་བརྟག །རྡོ་རྗེ་ཕག་མོའི་སྔགས་ཀྱིས་ནི། །མགུལ་པར་མགུལ་དོས་བརྒྱན་པ་ཡིན། །སྙིང་པོ་ཡི་ནི་སྔགས་ཀྱི་ལྷ། །ཕྲེང་བ་བརྒྱ་ཡི་ཕྱེད་ཀྱིས་བརྒྱན། །ཡི་གེ་བདུན་པའི་སྔགས་ཀྱིས་ནི། །
[32a.2]སྙན་ལ་སྙན་ཆས་བརྒྱན་པ་ཡིན། །སངས་རྒྱས་མཁའ་འགྲོ་མ་སྔགས་ཀྱིས། །པགས་པའི་གོས་ནི་འཛིན་པ་ཡིན། །རྣལ་འབྱོར་མ་དྲུག་སྔགས་ཀྱིས་ནི། །སྐེད་པ་སྐེ་རགས་ཀྱིས་བརྒྱན་པ། །གོ་ཆ་དྲུག་གི་དཔའ་བོ་ཡི། །སྐུ་ནི་ཕྱག་རྒྱ་འདི་ཡིས་མཛེས། །འཁོར་ལོ་ཀུན་གྱི་རྣལ་འབྱོར་མའི། །
[32a.3]སྔགས་ཀྱིས་བཏུང་བའི་ཐོད་པ་ཡིན། །རྣམ་སྣང་ཞེས་བྱའི་སྔགས་གང་ཡིན། །ཐོད་པས་བརྒྱན་པའི་དབུ་ཐོད་ཡིན། །དཔའ་བོ་ཉི་ཤུ་རྩ་བཞི་ཡིས། །ལུས་ལ་ཁམས་གསུམ་རྣམ་པར་བརྟག །ཁ་ཌྭཱཾ་ག་ནི་ལྷ་ཡི་སྐུ། །ཤེས་རབ་ཌ་མ་རུ་ཡི་སྒྲ། །ཉིན་མོའང་བཅོམ་ལྡན་དཔའ་བོ་སྟེ། །རྣལ་
[32a.4]འབྱོར་མ་ནི་མཚན་མོར་བཤད། །སྤྲུལ་པ་ལས་བྱུང་དཔའ་བོ་རྣམས། །ཡན་ལག་དྲུག་ཅུ་སེམས་ཀྱིས་སྤྲུལ། །དག་པ་ཆོས་ཀྱི་སྤྲུལ་པ་ནི། །ཕག་མོའི་གཟུགས་སུ་བསྟན་པ་ཡིན། །ཤྲཱི་ནི་གཉིས་མེད་ཡེ་ཤེས་ཏེ། །ཧེ་ནི་རྒྱུ་སོགས་སྟོང་པ་ཉིད། །རུ་ནི་བཀོད་པ་དང་བྲལ་བ། །ཀ་ནི་གང་དུའང་
[32a.5]མི་གནས་པའོ། །སེམས་ལ་གནས་པའི་རྣལ་འབྱོར་པ། །མྱ་ངན་འདས་པ་མི་རྟོག་ཀྱང་། །འཕོ་བའི་ཚེ་ན་རྣལ་འབྱོར་པ། །དཔལ་ལྡན་ཧེ་རུ་ཀ་སོགས་དང་། །དཔའ་བོ་རྣལ་འབྱོར་མ་རྣམས་ནི། །ཕྱག་ན་མེ་ཏོག་སྣ་ཚོགས་ཐོགས། །སྣ་ཚོགས་རྒྱལ་མཚན་བ་དན་དང་། །
[32a.6]རོལ་མོའི་སྒྲ་ནི་སྣ་ཚོགས་དང་། །གླུ་ཡི་མཆོད་པ་སྣ་ཚོགས་ཀྱིས། །འཆི་བ་ཞེས་འདི་རྣམ་རྟོག་སྟེ། །མཁའ་སྤྱོད་གནས་སུ་འཁྲིད་པར་བྱེད། །དེ་ལྟར་ཀུན་བསམས་རྣལ་འབྱོར་དག །འཇིགས་པ་ཐམས་ཅད་རྣམ་སྤངས་ཏེ། །འཁོར་ལོ་བདེ་མཆོག་བདེ་བའི་མཆོག །རྣལ་
[32a.7]འབྱོར་བློ་ལྡན་ཆེན་པོ་སྤྱོད། །རིགས་ལྔ་དག་ཏུ་ཀུན་སྤྱོད་པ། །རིགས་གཅིག་ཏུ་ནི་རྣམ་པར་བརྟག །ཚངས་པར་སྤྱོད་པར་རྟག་གྱུར་ནས། །རྐང་པ་བརྒྱད་པའི་སྔགས་ཀྱིས་མཆོད། །རྣམ་པར་མི་རྟོག་བདག་ཉིད་སེམས། །འདོད་པའི་ཡོན་ཏན་ལྔ་ལ་སྤྱོད། །དོགས་པ་ཐམས་ཅད་རྣམ་
[32b]
[32b.1]སྤངས་ཏེ། །སྔགས་པ་སེང་གེ་བཞིན་དུ་སྤྱོད། །དེ་ལྟར་བདག་ཉིད་རྣམ་བསམས་ཏེ། །སྔགས་མི་འདོར་ཞིང་ཤིན་ཏུ་བསྲུང་། །རྐང་པ་གཡས་བརྐྱང་བས་གནས་ཤིང་། །ཕྱག་རྒྱ་བཅིངས་ཏེ་མཉམ་གཞག་པས། །མཛུབ་མོ་མདུད་བྱས་གུང་མོ་ངེས་པར་སྦྱར། །མཐེ་བོ་རྡོ་རྗེ་བརྟན་པོར་རབ་ཏུ་
[32b.2]སྦྱར། །དེ་ནི་དཔྲལ་བའི་ཕྱོགས་དབུས་རབ་བཞག་ནས། །བསྐོར་ཞིང་བསྐོར་བས་ཀུན་དུ་བསྐྱོད་པར་བྱ། །ཨོཾ་ཨཱཿ་ཨ་ར་ལླི་ཧོ། །ཛཿ་ཧཱུཾ་བཾ་ཧོཿ་བཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོ། །ཞེས་བྱ་བ་འདི་གསུམ་མམ་བཞིའམ་ལྔའི་བར་དུ་བརྗོད་པར་བྱའོ། །དེ་ནས་ལག་པ་གཡས་པ་དང་གཡོན་པ་བསྐོར་
[32b.3]ཞིང་མཁའ་འགྲོ་མའི་བདེ་བ་དེའི་སྙིང་པོའི་ཕྱག་རྒྱ་བསྟན་ཏེ། རྣལ་འབྱོར་སྟན་ནི་མཐོན་པོ་ལ། །གཅེར་བུ་སྐྲ་ནི་གྲོལ་གྱུར་པས། །ལྷོར་ནི་ལུས་བལྟས་གནས་བྱས་ལ། །མཚན་ཕྱེད་གཏོར་མ་སྦྱིན་པར་བྱའོ། །རྡོ་རྗེ་ཐལ་མོ་གྱེན་དུ་ཁ་ཕྱེ་ལ་དེ་ནས་གསང་སྔགས་འདི་བརྗོད་པར་བྱ་སྟེ། ཨོཾ་ཁ་ཁ་
[32b.4]ཁཱ་ཧི་ཁཱ་ཧི། སརྦ་ཡཀྵ་རཱ་ཀྵ་ས་བྷཱུ་ཏ་པྲེ་ཏ་པི་ཤཱ་ཙ་ཨུན་མ་ད། ཨ་པ་སྨ་ར་ཌཱ་ཀི་ནྱ་ད་ཡ། ཨི་མཾ་བ་ལིཾ་གྲྀ་ཧྣཾ་ཏུ་ས་མ་ཡཾ་ར་ཀྵྣྟུ། སརྦ་སིདྡྷི་མྨེ་པྲ་ཡཙྪ་ནྟུ། ཡ་ཐཻ་བཾ་ཡ་ཐེཥྚཾ། བྷུ་ཉྫ་ཐ་པི་པ་ཐ་ཛི་གྷྲ་ཐ་མཱ་ཏི་ཀྲ་མ་ཐ། མ་མ་སརྦ་ཀཱརྟ་ཡ། སཏ་སུ་ཁ་བི་བྲྀ་ད་དྷ་ཡེ། ས་ཧ་ཡི་ཀཱ་བྷ་བནྟུ་ཧཱུཾ་ཧཱུཾ་ཕཊ་
[32b.5]སྭཱ་ཧཱ། རྣལ་འབྱོར་པས་ནི་ལག་གཡོན་གྱིས། །དཔའ་བོའི་བརྡ་ནི་བསྟན་པར་བྱ། །འདི་དག་དཔའ་བོ་རྣམས་ཀྱི་གཞི། །བརྡ་རྣམས་དག་ནི་རབ་ཏུ་འཇུག །ཁམས་གསུམ་རྒྱུ་དང་མི་རྒྱུ་བའི། །འགྲོ་བ་ཐམས་ཅད་གཡོན་ལས་བྱུང་། །ཤིང་ལ་རྡོ་རྗེ་སེམས་དཔའ་སྟེ། །ཡལ་གར་རྣམ་
[32b.6]པར་སྣང་མཛད་གནས། །བླ་མར་པདྨ་གར་དབང་ཕྱུག །སོ་ལ་དཔའ་བོ་དྲུག་སྦྱིན་ཏེ། །མཐེའུ་ཆུང་ནམ་མཁའ་མི་ཟད་སྐུ། །སེན་མོ་ངོས་ལ་རྟ་མགྲིན་ཏེ། །དཔའ་བོ་ཀུན་གྱི་གཞི་ཡིན་པས། །ལག་པ་གཡོན་པ་དག་ལ་བྱ། །ལག་པའི་མཐིལ་ལ་ཕོ་ཉ་མོ། །སྙོམས་པར་འཇུག་པ་
[32b.7]ལ་ཕྱོགས་པའོ། །རྒྱབ་ཏུ་ཤིན་ཏུ་ངེས་པ་ཡིན། །བརྡ་ལྔ་པོ་དག་བྱས་ནས་ནི། །སྒྲུབ་པ་པོ་ཡིས་བསྟན་བྱས་ཏེ། །ས་ནི་སྤྱན་ཞེས་བྱ་བར་བཤད། །ཆུ་ཁམས་གསོད་བྱེད་མ་རུ་ཤེས། །མེ་དང་རླུང་ནི་སྒྲོལ་མ་དང་། །གོས་དཀར་མོ་ནི་རབ་ཏུ་གྲགས། །བར་སྐབས་དག་གི་སྟོང་པ་ནི། །
[33a]
[33a.1]དེ་བཞིན་ཕ་རོལ་ཕྱིན་པ་ཡིན། །མཁས་པས་རྒྱབ་ཀྱིས་གཤེགས་གསོལ་བྱ། །དེ་ལྟར་དཔའ་བོའི་བརྡ་བྱས་ཏེ། །དེར་ནི་ལྷན་ཅིག་ཟས་བརྩམ་བྱ། །ནག་པོའི་ཕྱོགས་ཀྱི་ཚེས་བཅུ་དང་། །དཀར་པོའི་ཕྱོགས་ཀྱིའང་དེ་བཞིན་འགྱུར། །རྡོ་རྗེ་ལྷ་མོ་ཤ་ཆང་
[33a.2]རྣམས་ཀྱིས་ཀྱང་། །ངེས་པར་རབ་ཏུ་འབད་དེ་མཆོད་པར་བྱ། །ནག་པོའི་ཚེས་བརྒྱད་ནག་པོའི་བཅུ་བཞི་དང་། །དཀར་པོའི་ཚེས་བརྒྱད་དཀར་པོའི་བཅུ་བཞི་ལ། །རྡོ་རྗེ་ལྷ་མོ་ཤ་ཆང་རྣམས་ཀྱིས་ཀྱང་། །ངེས་པར་རབ་ཏུ་འབད་དེ་མཆོད་པར་བྱ། །དེ་དག་མཆོད་པ་དེ་ལ་རབ་དགྱེས་
[33a.3]ཤིང་། །དཔལ་ལྡན་ཧེ་རུ་ཀ་ཡང་ཆགས་གྱུར་པའི། །ཐུགས་དགྱེས་གྱུར་ནས་མཆོག་ནི་སྩོལ་བར་འགྱུར། །འདི་ལྟར་མཆོག་ནི་དེ་དག་ལག་མཐིལ་གནས། །བྱང་ཆུབ་རྡོ་རྗེས་འདི་བྱས་ལས། །དགེ་ཆེན་དག་ནི་གང་སྐྱེས་པ། །ངན་འགྲོ་བྱང་ཆུབ་རྡོ་རྗེ་ཡི། །གོ་འཕང་མཆོག་ནི་ཐོབ་
[33a.4]པར་ཤོག །ཀུན་སྤྱོད་མངོན་འབྱུང་ཞེས་བྱ་བ་ལུས་པ་དང་མཁའ་འགྲོ་ངེས་བརྗོད་བླ་མ་དང་། །ལཱུ་ཡི་བ་ལ་སོགས་པ་ཡིས་ནི་མཛད་པར་བལྟས་ནས་ཀྱང་། །འཁོར་ལོའི་གཙོ་བོ་དཔལ་དག་སྐྱེ་བ་གཅིག་ཏུ་ཡོངས་སུ་གོམས་མཛད་ནས། །དཔལ་ལྡན་སམྦ་ར་རོལ་སྒྲུབ་ཐབས་བྱང་ཆུབ་གང་
[33a.5]ཡིན་དེ་ལ་ཕྱག་འཚལ་ལོ། །སློབ་དཔོན་བྱང་ཆུབ་རྡོ་རྗེའི་ཞལ་སྔ་ནས་ཀྱིས་མཛད་པ་སམྦར་ཤེས་རབ་བྱེད་པ་ཞེས་བྱའི་འགྲེལ་པ། དཔལ་བདེ་མཆོག་གི་མངོན་པར་རྟོགས་པ་རྫོགས་སོ། །རྒྱ་གར་གྱི་མཁན་པོ་བྷ་དྲ་ཤྲཱི་བོ་དྷི་དང་། ལོ་ཙཱ་བ་དགེ་སློང་དགེ་བའི་བློ་གྲོས་ཀྱིས་བསྒྱུར་ཅིང་
[33a.6]ཞུས་ཏེ་གཏན་ལ་ཕབ་པ། །{T1464}༄༅༅། །རྒྱ་གར་སྐད་དུ། ཨེ་ཀ་བཱི་ར་སཱ་དྷ་ནཾ་ནཱ་མ། བོད་སྐད་དུ། དཔའ་བོ་གཅིག་པའི་སྒྲུབ་ཐབས་ཞེས་བྱ་བ། དཔལ་ཧེ་རུ་ཀ་ལ་ཕྱག་འཚལ་ལོ། །དང་པོར་མལ་ནས་ལངས་ཏེ་ཁ་ལ་སོགས་པ་དག་པར་བྱས་ནས་སྟན་འཇམ་པོ་ལ་ཉེ་བར་འདུག་
[33a.7]སྟེ། སྙིང་གར་པཾ་ལས་པདྨ་དམར་པོ་འདབ་མ་བརྒྱད་པ་བསྒོམ་པར་བྱའོ། །དེའི་སྟེང་དུ་རཾ་ལས་ཉི་མའི་དཀྱིལ་འཁོར་བསམས་ཏེ། དེའི་སྟེང་དུ་ཡི་གེ་ཧཱུཾ་མཐིང་ག །དེའི་འོད་ཟེར་གྱིས་མདུན་གྱི་བར་སྣང་ལ་བླ་མ་དང་། སངས་རྒྱས་དང་བྱང་ཆུབ་སེམས་དཔའ་དང་ལྷ་མོ་རྣམས་གསལ་བར་དམིགས་
[33b]
[33b.1]ཏེ་ཡིད་ཀྱིས་མཆོད་པར་བསམ་མོ། །འོད་ཟེར་དེ་ཉིད་ཀྱིས་སེམས་ཅན་ཐམས་ཅད་ལ་གསལ་བར་བསམས་ལ་ཚད་མེད་པ་བཞི་བསྒོམ་པར་བྱའོ། །དེའི་རྗེས་ལ་སྔགས་འདིས་ཆོས་ཐམས་ཅད་སྟོང་པ་ཉིད་དུ་མོས་པར་བྱའོ། །ཨོཾ་སྭ་བྷཱ་བ་ཤུདྡྷཿ་སརྦ་དྷརྨཱཿ་སྭ་བྷཱ་བ་ཤུདྡྷོ྅ཧཾ། ཞེས་བརྗོད་ནས་
[33b.2]སྙིང་གའི་ཉི་མའི་སྟེང་དུ་ཧཱུཾ་དེ་ཡེ་ཤེས་ལྔའི་ངོ་བོ་ཉིད་དུ་གསལ་བར་དམིགས་པར་བྱའོ། །འོད་ཟེར་འཕྲོས་ཏེ་བགེགས་བསྲེགས་ལ་སྙིང་གའི་ཧཱུཾ་ཡོངས་སུ་གྱུར་པ་ལས་རྡོ་རྗེ་རྩེ་ལྔ་པའི་ཆང་ཟུང་ལ་ཡི་གེ་ཧཱུཾ་བསམས་ཏེ། དེའི་འོད་ཟེར་གྱིས་ཁམས་གསུམ་གྱི་སེམས་ཅན་གྱི་སྡིག་སྒྲིབ་སྦྱངས་ཏེ་འོད་
[33b.3]ཟེར་བསྡུས་མ་ཐག་ཏུ་རྡོ་རྗེ་ཡོངས་སུ་གྱུར་པ་ལས་དཔལ་ཧེ་རུ་ཀ་སྐུ་མདོག་ནག་པོ་ཞལ་གཅིག་པ་ཕྱག་གཉིས་པ། ཕྱག་གཡོན་ཐོད་པ་དང་ཁ་ཌྭཱཾ་ག་བསྣམས་པ། ཕྱག་གཡས་པ་རྡོ་རྗེ་འཕྱར་བ་མཆེ་བ་གཙིགས་པ་རལ་པ་དང་ཐོད་པའི་དབུ་རྒྱན་ཅན། སྤྱི་གཙུག་གི་འཁོར་ལོ་དང་རྣ་རྒྱན་
[33b.4]དང་མགུལ་རྒྱན་དང་གདུ་བུ་དང་སྐ་རགས་ཀྱིས་བརྒྱན་པ། མི་མགོའི་ཆུན་འཕྱང་དང་། སྐྱིལ་ཀྲུང་ཕྱེད་པའི་གར་སྟབས་ཅན། དཔྲལ་བ་དང་། མགྲིན་པ་དང་། སྙིང་གར། ཨོཾ་ཨཱཿ་ཧཱུཾ་གི་བྱིན་གྱིས་བརླབས་པ། རང་དང་འདྲ་བའི་ཤེས་རབ་ཀྱིས་འཁྱུད་པ། ཐུགས་ཀར་སྣ་ཚོགས་རྡོ་རྗེའི་
[33b.5]སྟེང་དུ་ཡི་གེ་ཧཱུཾ་བསྒོམ་པར་བྱའོ། །དེའི་འོད་ཟེར་གྱིས་རང་དང་འདྲ་བའི་ཡེ་ཤེས་སེམས་དཔའ་མཁའ་ལ་བཀུག་སྟེ་བདག་ཉིད་ལ་བསྟིམ་པར་བྱའོ། །སླར་འོད་ཟེར་གྱིས་དེ་བཞིན་གཤེགས་པ་བསྐུལ་ཏེ་བདག་ལ་དབང་བསྐུར་བ་དང་། མཆོད་པ་དང་བསྟོད་པར་བསམ་མོ། །དེ་ནས་བདུད་
[33b.6]རྩི་མྱང་བ་བྱས་ནས། ཆོས་ཀྱི་སྐུ་འདི་ལྟར་དམིགས་པར་བྱའོ། །སྤྱི་བོ་དང་མགྲིན་པ་དང་། སྙིང་ག་དང་། ལྟེ་བར་བདེ་བ་ཆེན་པོ་དང་ལོངས་སྤྱོད་དང་ཆོས་དང་སྦྲུལ་པའི་འཁོར་ལོ་བསམས་ཏེ། ཧཾ་ཨཾ་ཧཱུཾ་ཨོཾ་སྟེ། དེ་དག་གི་ལྟེ་བར་བསྒོམ་པར་བྱའོ། །དེ་ནས་སྲོག་དང་རྩོལ་བ་སྦྱར་ནས་
[33b.7]ཨཾ་ལས་ཡེ་ཤེས་ཀྱི་མེ་སྤར་ལ། སྔར་བཀོད་པའི་ཡི་གེ་བསྲེགས་ཏེ། ཧཾ་ལས་བདུད་རྩིའི་ཐིག་ལེ་འབབ་པ་ལྟེ་བར་བསྒོམ་པར་བྱའོ། །དེ་ལ་བརྟན་ཞིང་སེམས་རྩེ་གཅིག་པར་བྱས་ལ་དུ་བ་ལ་སོགས་པའི་རྟགས་རྙེད་ནས་སྤྲིན་མེད་པའི་ནམ་མཁའ་ལྟ་བུའི་ཆོས་ཉིད་མངོན་དུ་བྱའོ། །དེ་ལྟ་བུ་ལ་ཇི་
[34a]
[34a.1]སྲིད་མི་སྐྱོ་བའི་བར་དུ་གནས་པར་བྱའོ། །མ་གོམས་པའི་དབང་གིས་སྐྱོ་བར་གྱུར་ན། སྔོན་དུ་བཤད་པའི་དཔལ་ཧེ་རུ་ཀའི་སྐུ་འཇའ་ཚོན་ལྟ་བུ་དམིགས་ཏེ་ལྡང་བར་བྱའོ། །དེའི་བཟླས་པ་ནི། ཨོཾ་ཧྲཱིཿ་ཧ་ཧ་ཧཱུཾ་ཧཱུཾ་ཕཊ། ཅེས་པ་འདི་བཟླས་པར་བྱའོ། །མཆོད་པ་ལྔས་མཆོད་
[34a.2]ལ་རང་གི་སྙིང་གར་བསྡུ་བར་བྱའོ། །དཔའ་བོ་གཅིག་པའི་སྒྲུབ་ཐབས་སློབ་དཔོན་ཆེན་པོ་ཌཾ་བི་ཧེ་རུ་ཀས་མཛད་པ་རྫོགས་སོ།། །།རྗེ་དཱི་པཾ་ཀ་རའི་ཞལ་སྔ་ནས་དང་། ནག་ཚོ་ཚུལ་ཁྲིམས་རྒྱལ་བས་བསྒྱུར་རོ། །{T1465}༄༅༅། །རྒྱ་གར་སྐད་དུ། ཤྲཱི་ཨ་བྷི་ས་མ་ཡ་ནཱ་མ་པཉྩི་
[34a.3]ཀཱ། བོད་སྐད་དུ། དཔལ་མངོན་པར་རྟོགས་པ་ཞེས་བྱ་བའི་དཀའ་འགྲེལ། བཅོམ་ལྡན་འདས་དཔལ་ཧེ་རུ་ཀ་ལ་ཕྱག་འཚལ་ལོ། །བདེ་མཆོག་དཔལ་ལྡན་བླ་མ་ཡི། །ཞབས་ཀྱི་པདྨར་ཕྱག་འཚལ་ཏེ། །ལཱུ་ཡི་བ་ཡི་སྒྲུབ་ཐབས་ཀྱི། །དེ་ཡི་དཀའ་འགྲེལ་བདག་གིས་བྱ། །དང་པོ་ཁོ་ནར་རྣལ་འབྱོར་
[34a.4]པས་དུར་ཁྲོད་དམ་རི་ལ་སོགས་པ་མཐོ་བའི་གནས་སུ་རོ་ལ་ཉེ་བར་གནས་ལ། གཅེར་བུ་སྐྲ་བཀྲོལ་ཏེ་བདུད་རྩི་ལྔའི་རིལ་ཁུ་ཁར་བཅུག་ལ་ཁ་ལྷོ་ཕྱོགས་སུ་བལྟས་ཏེ། །ཤྲཱི་ཧེ་རུ་ཀ་ཞེས་བྱ་བའི་ཡི་གེ་བཞིའི་དོན་མངོན་དུ་བྱ་སྟེ། ཤྲཱི་ནི་གཉིས་མེད་ཡེ་ཤེས་ཏེ། ཧེ་ནི་རྒྱུ་སོགས་སྟོང་པའོ། །རུ་
[34a.5]ནི་ཚོགས་དང་བྲལ་བ་སྟེ། ཀ་ནི་གང་དུའང་མི་གནས་པའོ། །ཞེས་པའོ། །སེམས་ཅན་ཐམས་ཅད་ལ་ཕན་པ་དང་བདེ་བའི་རྒྱུར་ཤྲཱི་ཧེ་རུ་ཀ་ཨ་ཧཾ་ཞེས་ལན་གསུམ་བརྗོད་ལ། བདེ་མཆོག་འཁོར་ལོ་ཕྱག་གཉིས་པ་ཡུམ་དང་བཅས་པའམ་གཅིག་པུ་གང་ཡང་རུང་པར་མོས་པར་བྱས་ལ།
[34a.6]དེའི་རྗེས་ལ་ཨོཾ་གྱི་ཡི་གེའི་དང་པོ་ཅན་དང་ཧཱུཾ་ཧཱུཾ་ཕཊ་ཀྱི་ཡི་གེའི་མཐའ་ཅན་གྱིས་ཨཱ་ལི་དང་ཀཱ་ལིའི་ཕྲེང་བ་འོད་ཟེར་ལྔ་དང་ལྡན་པ་ལན་གསུམ་དུ་བརྗོད་པས་ཡོངས་སུ་བསྐོར་ནས་གནས་པ་ལས་འཁོར་ལོ་གསུམ་གྱི་ལྷ་ཚོགས་སྤྲོས་ཏེ། བགེགས་ཀྱི་ཚོགས་རྣམས་འཇོམས་པར་བྱེད་པས་
[34a.7]བསྐྲད་པར་བསྒོམས་ལ། དེ་བསྒོམས་ནས་ཅི་ཞིག་བྱ་བ་དེ་གསུངས་པ། རེ་ཞིག་རྣལ་འབྱོར་གྱི་དབང་ཕྱུག་གིས་ཚངས་པའི་གནས་བཞི་བསྒོམ་པར་བྱའོ། །དེ་ལྟར་ཐམས་ཅད་བྱས་ནས་ཚངས་པའི་གནས་བཞི་བསྒོམ་པ་དེ་གང་ལས་རྙེད་ཅེ་ན། བླ་མའི་གདམས་ངག་ལས་དང་།
[34b]
[34b.1]རྣལ་འབྱོར་གྱི་དབང་ཕྱུག་གི་ཚིག་ལས་ཀྱང་ངོ་། །དབང་པོ་རྣོན་པོའི་སེམས་ཅན་གྱི་དབང་དུ་བྱས་ནས་མདོར་བསྡུས་པའི་བྱམས་པ་ལ་སོགས་བསྒོམ་པ་ནི། ཇི་ལྟར་འཁོར་བའི་སྡུག་བསྔལ་ལས་བཏོན་ལ་དེ་བཞིན་དུ་རོ་གཅིག་པའི་བདེ་བ་ཆེན་པོ་ལ་སེམས་ཅན་ཐམས་ཅད་བདག་
[34b.2]གིས་རབ་ཏུ་དགོད་པར་བྱའོ་ཞེས་པའོ། །དེ་ལ་སྡུག་བསྔལ་ལས་བསྒྲལ་བ་ནི་སྙིང་རྗེའོ། །བདེ་བ་ཆེན་པོ་ལ་རབ་ཏུ་འགོད་པར་བྱེད་པ་ནི་བྱམས་པའོ། །དེ་བཞིན་ཉིད་ཀྱི་རང་བཞིན་གྱིས་བཏང་སྙོམས་སོ། །བརྟན་པའི་བདེ་བ་ཉིད་ཀྱིས་དགའ་བའོ། །བྱམས་པ་ལ་སོགས་པ་རྒྱས་པར་
[34b.3]བསྒོམ་པ་ནི་རབ་ཏུ་གྲགས་པ་ཉིད་དོ། །བསྒོམ་པར་བྱའོ་ཞེས་བྱ་བ་འདིས་ནི་ཐམས་ཅད་བསྒོམ་པར་གསུངས་པའོ། །དེའི་དགོས་པ་བརྗོད་པར་བྱ་སྟེ། སྟོང་པ་ཉིད་དུ་མོས་པས་ནི་རྣམ་པར་རྟོག་པའི་དྲི་མ་ཐམས་ཅད་འཇོམས་པའོ། །བདེ་མཆོག་ཞལ་གཅིག་ཕྱག་གཉིས་པའི་ང་
[34b.4]རྒྱལ་གྱིས་ནི་ལུས་ཀྱི་བྱ་བ་ཐམས་ཅད་དག་པ་དང་འགྲོ་བ་ཐམས་ཅད་ཐོག་མ་མེད་པ་ནས་ཡང་དག་པར་གྲུབ་ཅིང་རང་བཞིན་གྱིས་ཡོངས་སུ་དག་པའི་ཧེ་རུ་ཀའི་རང་བཞིན་དུ་ཡང་བསྟན་ཏོ། །ཨཱ་ལི་ཀཱ་ལི་བསྒོམས་པས་ངག་གི་བྱ་བ་ཐམས་ཅད་རྣམ་པར་དག་པར་བྱེད་དོ། །བྱང་ཆུབ་ཏུ་
[34b.5]སེམས་བསྐྱེད་པས་ནི་དགེ་བའི་རྩ་བ་ཐམས་ཅད་འཕེལ་བར་བྱེད་པའོ། །དེ་ནས་ཕུང་པོ་ལ་སོགས་པ་རྣམ་པར་དག་པ་ལས་བྱུང་བའི་མཆོད་པ་ལ་སོགས་པ་ནི་བྱང་ཆུབ་མྱུར་བའི་རྒྱུར་འགྱུར་བའི་ཕྱིར་གསུངས་པ། དེ་ནས་ཕུང་པོ་ལྔའི་ང་རྒྱལ་བསྐྱེད་པར་བྱས་ཏེ། དེ་ལ་གཟུགས་ནས་རྣམ་པར་
[34b.6]ཤེས་པའི་མཐར་ཐུག་པ་རྣམས་ལ་དབུ་བ་དང་། ཆུ་བུར་དང་། སྨིག་རྒྱུ་དང་། ཆུ་ཤིང་དང་། སྒྱུ་མ་ལྟ་བུ་ཉིད་ཀྱིས་རྣམ་པར་སྣང་མཛད་ལ་སོགས་པ་ཉིད་དུ་ངེས་པའོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན་ནི་དེ་བཞིན་ཉིད་ཅེས་བྱ་བའི་དོན་ཏོ། །ཡང་ན་དབུ་བ་ལྟ་བུ་ལ་སོགས་པ་ལས་
[34b.7]གཞན་རྣམ་པར་སྣང་མཛད་ལ་སོགས་པའི་ལྷར་མོས་པ་ཉིད་ཀྱིས་དེ་རྣམས་རྣམ་པར་དག་པའོ། །དེ་ལ་གཟུགས་དང་། ཚོར་བ་དང་འདུ་ཤེས་དང་འདུ་བྱེད་དང་རྣམ་པར་ཤེས་པ་རྣམས་ལ་རྣམ་པར་སྣང་མཛད་དང་རིན་ཆེན་འབྱུང་ལྡན་དང་། སྣང་བ་མཐའ་ཡས་དང་དོན་ཡོད་གྲུབ་པ་དང་། རྡོ་རྗེ་
[35a]
[35a.1]སེམས་དཔའོ། །གཟུགས་ལ་སོགས་པའི་དེ་བཞིན་ཉིད་ནི་མི་བསྐྱོད་པ་སྟེ། དཀར་པོ་དང་སེར་པོ་དང་དམར་པོ་དང་ལྗང་གུ་དང་དཀར་པོ་དང་ནག་པོར་དེ་རྣམས་ཀྱི་ཁ་དོག་རིག་པར་བྱའོ། །རྣམ་པར་སྣང་མཛད་ནི་ཕྱག་གཡས་ཀྱིས་འཁོར་ལོ་གདེངས་པ། ཕྱག་གཡོན་པ་དྲིལ་
[35a.2]བུ་དང་ལྡན་པའི་བསྙེམས་པ་དང་བཅས་པས་དཀུར་བརྟེན་པའོ། །རིན་ཆེན་འབྱུང་ལྡན་དང་འོད་དཔག་མེད་དང་། །དོན་ཡོད་གྲུབ་པ་ནི་རིན་པོ་ཆེ་དང་པདྨ་དམར་པོ་དང་། སྣ་ཚོགས་རྡོ་རྗེ་དང་ལྡན་པའི་ཕྱག་གཡས་གདེངས་པ། རོལ་པ་དང་བཅས་པའི་དྲིལ་བུ་དང་ལྡན་པའི་ཕྱག་གཡོན་པ་ཐུགས་
[35a.3]ཀར་སོན་པའོ། །རྡོ་རྗེ་སེམས་དཔའི་གཡས་པའི་ཕྱག་གིས་རོལ་པ་དང་བཅས་པས་ཐུགས་ཀར་རྡོ་རྗེ་འཛིན་པ། དྲིལ་བུ་དང་བཅས་པའི་ཕྱག་གཡོན་པ་བསྙེམས་པ་དང་བཅས་པས་དཀུར་བརྟེན་པའོ། །རྡོ་རྗེ་ཧེ་རུ་ཀའི་ཕྱག་གཡས་པ་རྡོ་རྗེ་དང་བཅས་པས་ས་གནོན་པའི་ཕྱག་རྒྱའོ། །ཕྱག་
[35a.4]གཡོན་པ་དྲིལ་བུ་དང་བཅས་པས་དཀུར་བརྟེན་པའོ། །མིག་གཉིས་ལ་ཞེས་བྱ་བ་ལ་སོགས་པ་ལ་རྒྱུད་གཞན་ལས་གྲགས་པའི་སའི་སྙིང་པོ་དང་ཕྱག་ན་རྡོ་རྗེ་དང་། ནམ་མཁའ་སྙིང་པོ་དང་འཇིག་རྟེན་དབང་ཕྱུག་དང་། སྒྲིབ་པ་ཐམས་ཅད་རྣམ་པར་སེལ་བ་དང་། ཀུན་དུ་བཟང་པོ་རྣམས་ལ་
[35a.5]འདིར་གཏི་མུག་རྡོ་རྗེ་ལ་སོགས་པར་གོ་རིམས་བཞིན་རྟོགས་བར་བྱ་སྟེ། ཁ་དོག་ནི་དཀར་པོ་དང་ནག་པོ་དང་། སེར་པོ་དང་། དམར་པོ་དང་། ལྗང་གུ་དང་། དཀར་པོ་རྣམས་སོ། །གཏི་མུག་རྡོ་རྗེ་གཡས་པས་འཁོར་ལོ་གདེངས་པ། ཕྱག་གཡོན་པས་དྲིལ་བུ་ཐུགས་ཀར་བསྣམས་
[35a.6]པའོ། །ཞེ་སྡང་རྡོ་རྗེ་ནི་ཕྱག་གཡས་པ་རྡོ་རྗེ་དང་བཅས་པས་ཐུགས་ཀར་སོན་པའོ། །ཕྱག་གཡོན་པ་དྲིལ་བུ་དང་ལྡན་པས་བསྙེམས་པ་དང་བཅས་པས་དཀུར་བརྟེན་པའོ། །ཕྲ་མ་དང་འདོད་ཆགས་དང་ཕྲག་དོག་རྡོ་རྗེ་རྣམས་གཡས་པ་རིན་པོ་ཆེ་དང་པདྨ་དམར་པོ་དང་སྣ་ཚོགས་རྡོ་རྗེ་
[35a.7]དང་བཅས་པ་གདེངས་པ། དྲིལ་བུ་ལྡན་པའི་ཕྱག་གཡོན་པ་རོལ་པ་དང་བཅས་པས་ཐུགས་ཀར་སོན་པའོ། །དབང་ཕྱུག་རྡོ་རྗེ་ནི་ཕྱག་གཡས་བ་རྡོ་རྗེ་དང་བཅས་པས་ཐུགས་ཀར་སོན་པའོ། །ཕྱག་གཡོན་དྲིལ་བུ་དང་བཅས་པས་དཀུར་བརྟེན་པའོ། །ལྟུང་བྱེད་མ་དང་གསོད་
[35b]
[35b.1]བྱེད་མ་དང་། འགུགས་བྱེད་མ་དང་། པདྨ་གར་གྱི་དབང་ཕྱུག་མ་རྣམས་ནི་ཞལ་གཅིག་ཕྱག་བཞི་མ་སྟེ། སེར་པོ་དང་། ནག་པོ་དང་། དམར་པོ་དང་ལྗང་གུའི་མདོག་ཅན་གྱི་སྤྱན་མ་དང་། མཱ་མ་ཀཱི་དང་གོས་དཀར་མོ་དང་སྒྲོལ་མའི་རང་བཞིན་ཏེ་ཕྱག་གཡས་པ་གཉིས་ཀྱིས་འཁོར་
[35b.2]ལོ་དང་གྲི་གུག་དང་རྡོ་རྗེ་དང་གྲི་གུག་དང་། པདྨ་དང་གྲི་གུག་དང་། རལ་གྲི་དང་གྲི་གུག་རྣམས་འཛིན་པའོ། །གཡོན་པའི་ཕྱག་གཉིས་ཀྱིས་ཐོད་པ་དང་། ཁ་ཊྭཱཾ་ག་འཛིན་པའོ། །པདྨའི་དྲ་བ་ཅན་ནི་དུ་བའི་མདོག་དང་དཀར་བ་དང་དམར་བའི་ཞལ་གསུམ་པ་ཕྱག་དྲུག་པ་ཆོས་ཀྱི་དབྱིངས་ཀྱི་
[35b.3]རྡོ་རྗེ་མའི་རང་བཞིན་དུ་བའི་མདོག་ཅན། གཡོན་པའི་ཕྱག་གསུམ་གྱིས་ཐོད་པ་དང་ཁ་ཊྭཱཾ་ག་དང་ཞགས་པ་འཛིན་པ། གཡས་པའི་ཕྱག་གསུམ་ན་ལྕགས་ཀྱུ་དང་ཚངས་པའི་མགོ་བོ་དང་གྲི་གུག་གིས་མཛེས་པའོ། །རྣམ་པར་སྣང་མཛད་མེ་ལོང་ལྟ་བུའི་ཡེ་ཤེས་ཀྱི་རང་བཞིན་ནོ། །རྡོ་རྗེ་ཉི་མ་ནི་
[35b.4]མཉམ་པ་ཉིད་ཀྱི་ཡེ་ཤེས་ཀྱི་རང་བཞིན་ནོ། །པདྨ་གར་གྱི་དབང་ཕྱུག་ནི་སོ་སོར་རྟོག་པའི་ཡེ་ཤེས་ཀྱི་རང་བཞིན་ནོ། །རྡོ་རྗེ་རྒྱལ་པོ་ནི་བྱ་བ་གྲུབ་པའི་ཡེ་ཤེས་ཀྱི་རང་བཞིན་ནོ། །སྒྲུབ་ཐབས་འདིར་ནི་ཤིན་ཏུ་རྣམ་པར་དག་པའི་ཆོས་ཀྱི་དབྱིངས་ཀྱི་ཡེ་ཤེས་ཀྱི་རང་བཞིན་ནི་རྡོ་རྗེ་སེམས་དཔའོ། །ཆོས་
[35b.5]ཀྱི་དབྱིངས་ཀྱི་རང་བཞིན་ནི་མི་བསྐྱོད་པའོ། །གཏི་མུག་རྣམ་པར་འཇོམས་པས་ན་གཏི་མུག་རྡོ་རྗེའོ། །ཞེ་སྡང་འཇོམས་པས་ན་ཞེ་སྡང་རྡོ་རྗེའོ། །ཕྲག་དོག་རྣམ་པར་འཇོམས་པས་ན་ཕྲག་དོག་རྡོ་རྗེའོ། །ཆགས་པ་ཐམས་ཅད་འཇོམས་པས་ན་འདོད་ཆགས་རྡོ་རྗེའོ། །ཕྲ་མ་ཐམས་ཅད་འཇོམས་
[35b.6]པས་ན་ཕྲ་མ་རྡོ་རྗེའོ། །ཐམས་ཅད་ལ་དབང་ཕྱུག་སྟེར་བས་ན་དབང་ཕྱུག་རྡོ་རྗེའོ། །མིང་དང་རྗེས་སུ་མཐུན་པའི་ལས་རྣམས་སྒྲུབ་པས་ན་ལྟུང་བྱེད་མ་ལ་སོགས་པའོ། །རྣམ་པར་སྣང་མཛད་ལ་སོགས་པ་ནི་ཞབས་གཡས་བརྐྱང་པ་རལ་པའི་ཅོད་པན་ཅན་སྤྱན་གསུམ་པ་ཕྱག་རྒྱ་ལྔས་བརྒྱན་
[35b.7]པའོ། །ལྷ་མོ་རྣམས་ནི་སྐྲ་གྲོལ་བ་གཅེར་བུ་སྤྱན་གསུམ་པ་ཕྱག་རྒྱ་ལྔས་བརྒྱན་པ་ཞབས་གཡས་བརྐྱང་བའོ། །དེ་ནས་ཞེས་བྱ་བ་ནི་ཕུང་པོ་ལ་སོགས་པ་རྣམ་པར་དག་པའི་རྗེས་ཐོགས་སུའོ། །རྡོ་རྗེའི་གུར་བསམ་པར་བྱ་སྟེ། ཤར་ལ་སོགས་པའི་ཕྱོགས་སུ་ངེས་པར་དགོད་པར་
[36a]
[36a.1]བྱའོ། །སྟེང་དུ་ནི་མདའི་དྲ་བའོ། །ས་གཞི་ནི་ཡི་གེ་ཧཱུཾ་ལས་སྣ་ཚོགས་རྡོ་རྗེའི་རང་བཞིན་དུ་བྱིན་གྱིས་བརླབ་པར་བྱའོ། །དེའི་འོད་ཀྱིས་སྣང་བ་ལས་རྡོ་རྗེའི་ར་བ་དང་། རྡོ་རྗེའི་བླ་རེའོ། །ཞེས་བྱ་བའི་ཚིག་བདུན་པོ་འདི་རྣམས་ནི་མན་ངག་ཇི་ལྟ་བ་བཞིན་དུ་བྲིའོ། །གཡོན་པའི་
[36a.2]མཛུབ་མོ་དང་མཐེ་བོང་བརྡབ་པ་སྔོན་དུ་འགྲོ་བས་ཨོཾ་སུམྦྷ་ཞེས་བྱ་བའི་སྔགས་བརྗོད་ཅིང་ནག་པོ་དང་ལྗང་གུ་དང་དམར་པོ་དང་། སེར་པོའི་ཁ་དོག་ཚངས་པའི་འཇིག་རྟེན་ནས་གསེར་གྱི་ས་གཞི་ལ་ཐུག་པར་ཁྱབ་ཅིང་འབར་བའི་ལུས་ཆེན་པོ་ཤར་དང་བྱང་དང་ནུབ་དང་ལྷོའི་ཕྱོགས་རྣམས་སུ་
[36a.3]རིམ་གྱིས་དགོད་པར་བྱའོ། །སུམྦྷ་ལ་སོགས་པའི་སྔགས་ཀྱི་འོད་ཟེར་གྱི་ཁ་དོག་ལས་དེ་དང་མཐུན་པའི་ར་བ་བཞིའོ། །དེ་དང་དུས་མཉམ་པ་ཉིད་དུ་ཧཱུཾ་གི་ཡི་གེ་ལས་སྐྱེས་ཤིང་དེ་ཉིད་ཀྱི་བྱིན་གྱིས་བརླབས་པའི་སྣ་ཚོགས་རྡོ་རྗེའི་རང་བཞིན་གྱི་ས་གཞིའོ། །དེའི་འོད་ཟེར་གྱི་སྟེང་དུ་རྡོ་རྗེ་རྩེ་
[36a.4]ལྔ་པའི་རྣམ་པའི་མདའི་དྲ་བའོ། །དེའི་འོག་ཏུ་རྡོ་རྗེའི་གུར་དང་རྡོ་རྗེའི་བླ་བྲེ་ནི་གནས་ཇི་ལྟ་བ་བཞིན་དུ་བསམ་པའོ། །དེ་ནས་སུམྦྷ་ལ་སོགས་པའི་སྔགས་བཞི་ལས་གྲུབ་པའི་ཁྭ་གདོང་མ་ལ་སོགས་པའི་ལྷ་མོ་བཞི་དང་། དེ་ཉིད་ཀྱི་ཚེ་གཉིས་གཉིས་ཀྱི་འོད་ཟེར་ལས་བྱུང་བའི་
[36a.5]གཤིན་རྗེ་བརྟན་མ་ལ་སོགས་པའི་ལྷ་མོ་བཞི་སྟེ། འདི་བརྒྱད་ནི་ཞལ་གཅིག་པ་ཕྱག་གཉིས་པ་ལྟེ་བ་མན་ཆད་རྩེ་གཅིག་པའི་རྣམ་པའོ། །གཡས་པ་ན་རྡོ་རྗེ་ཐོ་བ་འཛིན་པ། གཡོན་པ་བདག་ཉིད་ཀྱི་ལྟ་བུའི་ཕུར་བུའི་ཕྱག་ཅན་སྤྲོས་ཏེ་ཕྱོགས་བཅུ་ན་གནས་པའི་བགེགས་ཀྱི་
[36a.6]ཚོགས་བཀུག་ནས་སྒྲ་རིང་པོར་བརྗོད་པའི་ཧཱུཾ་ཡི་གེ་ལས་གྲུབ་པའི་ཕྱོགས་བརྒྱད་ཀྱི་ར་བ་དང་ཉེ་བའི་དོང་རྣམས་སུ་བཅུག་ལ་ཕུར་བུས་གདབ་པའི་སྔགས་སྔོན་དུ་འགྲོ་བས་བགེགས་ཀྱི་ཚོགས་ཕུར་བུས་གདབ་པ་དང་བརྡུང་བའི་སྔགས་སྔོན་དུ་འགྲོ་བས་བརྡུང་བར་བྱའོ། །ཕུར་
[36a.7]བུས་གདབ་པ་དང་བརྡུང་བ་དག་གིས་བགེགས་ཀྱི་ཚོགས་རྣམས་བདེ་བ་ཆེན་པོའི་དེ་བཞིན་ཉིད་དུ་རང་བཞིན་གཅིག་པར་རྣམ་པར་བསམ་པར་བྱའོ། །ཡང་བགེགས་ལྷག་མ་རྣམས་བསྐྲད་ནས་དེ་དག་ར་བ་ལ་ཐིམ་པ་ན་ཆུ་ལ་ཆུ་ཐིམ་པ་ལས་ཐིགས་པ་བྱུང་བའི་ཚུལ་གྱིས་མཚམས་བཅིང་བའི་
[36b]
[36b.1]དོན་དུ་ཟླུམ་པོའི་རྡོ་རྗེ་དང་པདྨ་དང་འཁོར་ལོའི་ར་བ་རྣམས་བསམ་པར་བྱའོ། །རྡོ་རྗེའི་ར་བ་ལ་སོགས་པ་དེ་ཉིད་མཚམས་མེད་ཅིང་དུམ་བུ་གཅིག་ཏུ་གྱུར་པས་རྣམ་པ་ཐམས་ཅད་དུ་འགྲོ་བ་རྣམས་ལ་བགེགས་མེད་པར་མོས་པར་བྱའོ། །འདིར་ཅིའི་ཕྱིར་བསྲུང་བའི་རྡོ་རྗེའི་དྲ་བ་ལ་སོགས་
[36b.2]པའི་རྗེས་ཐོགས་སུ་སྟོང་པ་ཉིད་བསྒོམ་ཞེས་རྩོད་པར་མི་བྱ་སྟེ། གང་གི་ཕྱིར་རྒྱུད་འདི་ནི་དབང་པོ་རྣོན་པོའི་དབང་དུ་བྱས་པ་ཡིན་ལ། དེ་ལ་སྟོང་པ་ཉིད་ཁོ་ན་དོན་དམ་པའི་སྲུང་བ་ཡིན་ནོ། །འོ་ན་ཇི་ལྟར་ཕྱི་རོལ་གྱི་བྲིས་པའི་དཀྱིལ་འཁོར་དུ་རྡོ་རྗེའི་ར་བ་ཡིན་ནོ་ཞེ་ན། མ་ཡིན་ཏེ་གང་གི་ཚེ་བཅོམ་
[36b.3]ལྡན་འདས་རྫོགས་པ་དེ་ཉིད་ཀྱི་ཚེ་དམ་ཚིག་གི་འཁོར་ལོ་ཡོངས་སུ་གཅོད་པའི་སྣ་ཚོགས་རྡོ་རྗེའི་ར་བ་རྫོགས་པའི་ཕྱིར་རོ། །དེ་ནས་ཞེས་བྱ་བ་ནི་བསྲུངས་པའི་རྗེས་ལའོ། །རང་གི་སྙིང་གར་ཞེས་བྱ་བ་ནི་རྡོ་རྗེ་དྲ་བའི་དབུས་ན་གནས་པའི་བདག་ཉིད་ཀྱི་སྙིང་གར་རོ། །ཡི་གེ་ཨ་ལས་ཞེས་བྱ་བ་ནི་ཀླད་
[36b.4]ཀོར་དང་བཅས་པ་ལས་སོ། །དེའི་སྟེང་དུ་ཞེས་བྱ་བ་ནི་ཟླ་བའི་སྟེང་དུའོ། །ཡི་གེ་ཧཱུཾ་ལས་ཞེས་བྱ་བ་ནི་རྡོ་རྗེ་སེམས་དཔའི་རང་བཞིན་ལས་སོ། །རྡོ་རྗེ་སེམས་དཔའ་ཡང་ཟླ་བའི་དཀྱིལ་འཁོར་ཅན་ཉིད་དུ་རིགས་པ་ཉིད་དོ། །སྣ་ཚོགས་པའི་འོད་ཟེར་འཕྲོ་བ་ཞེས་པ་ནི་འོད་ཟེར་འཕྲོ་བ་ལྔ་དང་
[36b.5]ལྡན་པའོ། །ཡི་གེ་ཧཱུཾ་གི་གཉུག་མའི་ཁ་དོག་ནི་དངུལ་ཆུ་དང་མཚུངས་པ་སྟེ་དབུས་སྔོ་བ་དང་ཕྱི་རོལ་དཀར་བ་ཉིད་ཀྱིས་སོ། །ཡང་དག་པར་མཆོད་དེ་ཞེས་བྱ་བ་ལ། པི་ཝང་མ་ལ་སོགས་པའི་ལྷ་མོ་བཅུ་དྲུག་གིས་ཏེ། །དེ་ལ་པི་ཝང་མ་དང་། གླིང་བུ་མ་དང་། རྔ་ཟླུམ་མ་དང་། རྫ་རྔ་མ་རྣམས་ཞལ་
[36b.6]གཅིག་ཕྱག་བཞི་མ་སྔོན་མོ་དང་སེར་མོ་དང་། དམར་མོ་དང་ལྗང་གུ་སྟེ། ཕྱག་གཙོ་བོ་གཉིས་ཀྱིས་རང་རང་གི་རྡུང་བ་དག་བརྡུང་བར་བརྩོན་པ། ཕྱག་གཞན་གཉིས་གྱིས་རྡོ་རྗེ་དང་དྲིལ་བུ་འཛིན་པའོ། །བཞད་མ་དང་སྒེག་མོ་དང་། གླུ་མ་དང་གར་མ་ནི་ཞལ་གཅིག་ཕྱག་བཞི་མ།
[36b.7]དམར་པོ་དང་། སྔོན་མོ་དང་། སེར་མོ་དང་ལྗང་གུ་སྟེ། བཞད་མིན་ཕྱག་གཉིས་བཞད་པའི་སྟོངས་བྱེད་པའོ། །སྒེག་མོ་ནི་ཕྱག་གཙོ་བོ་གཉིས་ཀྱིས་བསྙེམས་པས་རྡོ་རྗེ་དང་དྲིལ་བུ་འཛིན་ཞིང་སྒེག་པའི་སྟངས་ཅན་ནོ། །གླུ་མ་ནི་ཕྱག་གཉིས་ཀྱིས་འཁར་བའི་སིལ་ཁྲོལ་འཛིན་པའོ། །
[37a]
[37a.1]གར་མ་ནི་ཕྱག་གཉིས་ཀྱིས་པདྨ་བསྐོར་བའི་ཚུལ་ཅན་ནོ། །འདི་རྣམས་ཀྱི་ཕྱག་གཞན་གཉིས་ན་ཐོད་པ་དང་ཁ་ཊྭཱཾ་གའོ། །མེ་ཏོག་མ་དང་། བདུག་པ་མ་དང་། མར་མེ་མ་དང་། དྲི་ཆབ་མ་ནི་ཁ་དོག་དཀར་མོ་དང་དུ་བའི་མདོག་དང་མར་མེའི་རྩེ་ལྟ་བུ་དང་། དམར་མོ་སྟེ་
[37a.2]ཕྱག་བཞི་པ་ཞལ་གཅིག་པའོ། །འདི་རྣམས་ཀྱི་ཕྱག་གི་གཙོ་བོ་གཅིག་ན་མེ་ཏོག་གི་སྣོད་དང་སྤོས་ཁང་དང་མར་མེའི་ཀོང་བུ་དང་དྲིའི་དུང་ཕོར་རོ། །ཕྱག་གཞན་གསུམ་ན་ཌ་མ་རུ་དང་ཐོད་པ་དང་ཁ་ཊྭཱཾ་གའོ། །མེ་ལོང་མ་དང་། རོ་མ་དང་། རེག་མ་དང་། ཆོས་མ་རྣམས་ནི་དཀར་པོ་
[37a.3]དང་། དམར་མོ་དང་། ལྗང་གུ་དང་། དཀར་མོ་སྟེ། ཕྱག་བཞི་མ་ཞལ་གཅིག་མ་ཕྱག་གཙོ་བོ་གཅིག་གིས་མེ་ལོང་དང་། རོའི་སྣོད་དང་། གོས་སྣ་ཚོགས་པ་དང་། ཆོས་ཀྱི་འབྱུང་གནས་འཛིན་པའོ། །ཕྱག་ལྷག་མ་གསུམ་ན་ཌ་མ་རུ་དང་ཐོད་པ་དང་ཁ་ཊྭཱཾ་ག་བསྣམས་པའོ། །དེ་
[37a.4]ནས་རྐང་པ་བརྒྱད་པའི་སྔགས་ཀྱིས་བསྟོད་ནས་སེམས་ཅན་ཐམས་ཅད་གདོན་པའི་ཕྱིར། བདག་ཉིད་དེ་དག་ལ་ཕུལ་ལ་སྡིག་པ་བཤགས་པ་ལ་སོགས་པའི་དོན་དུ། དཀོན་མཆོག་གསུམ་ལ་བདག་སྐྱབས་མཆི། །ཞེས་བྱ་བ་ལ་སོགས་པའི་ཚིགས་སུ་བཅད་པ་ལན་གསུམ་གྱི་
[37a.5]བར་དུ་བརྗོད་པར་བྱའོ་ཞེས་བྱ་བ་ནི་བསོད་ནམས་ཀྱི་ཚོགས་སུ་བསྟན་ཏོ། །དེ་ནས་ཞེས་བྱ་བ་ལ་སོགས་པས་ཡེ་ཤེས་ཀྱི་ཚོགས་གསུངས་ཏེ། མཆོད་པར་བྱེད་པ་དང་མཆོད་པར་བྱ་བ་དང་མཆོད་པ་ལ་སོགས་པ་རྣམས་རྣམ་པར་རིག་པ་ཙམ་དུ་ཁས་ལེན་པ་ནི་ཨོཾ་མོ། །སྭ་བྷཱ་བ་
[37a.6]ཤུདྡྷཿ་སརྦ་དྷརྨཱཿཞེས་བྱ་བ་ནི་གཟུང་བ་རྣམ་པར་དག་པའོ། །སྭ་བྷཱ་བ་ཤུདྡྷོ྅ཧཾ་ཞེས་བྱ་བ་ནི་འཛིན་པ་རྣམ་པར་དག་པའོ། །སླར་ཡང་སྟོང་པར་བསམ་པར་བྱ། །ཞེས་བྱ་བ་ནི་དེའི་རྣམ་པར་རྟོག་པ་ཡང་སྤངས་པའོ། །སེམས་ཙམ་ཉིད་ནི་སེམས་ཙམ་ཉིད་ཀྱང་ངོ་། །གནས་པ་ཞེས་
[37a.7]བྱ་བ་ནི་ནཱ་དའི་གཟུགས་སུ་གནས་པའོ། །བྱང་ཆུབ་ཀྱི་ཚོགས་བསྒོམ་པ་ཞེས་བྱ་བ་ནི་བྱང་ཆུབ་ཀྱི་ཚོགས་ནི་སྙིང་རྗེ་ཆེན་པོ་སྟེ། དེ་བསྒོམ་པ་དང་ལྷན་ཅིག་ཏུ་བལྟ་བར་བྱའོ། །སྔགས་བརྗོད་པ་སྔོན་དུ་འགྲོ་བས་སྣད་བ་ཙམ་གྱི་ཡེ་ཤེས་ཀྱི་མཚན་ཉིད་ཀྱིས་སྟོང་པར་བསྒོམ་པར་བྱ་ཞེས་པའི་དོན་
[37b]
[37b.1]ཏོ། །སྣང་བ་ཙམ་གྱི་ཡེ་ཤེས་ཞེས་བྱ་བ་ནི་ཨོཾ་སྭ་བྷཱ་བ་ཞེས་བྱ་བ་འདིའི་དེ་མ་ཐག་ཏུའོ། །དེའི་དོན་ནི་འདི་ཡིན་ཏེ། མཆོད་པ་ལ་སོགས་པའི་རྗེས་ལ་མཆོད་པ་ལ་སོགས་རྟེན་ཅིང་འབྲེལ་པར་འབྱུང་བ་སེམས་ཙམ་དུ་མོས་པ་བྱས་ལ་བདག་ཉིད་ཀྱི་སྤྱི་བོ་དང་མགྲིན་པ་དང་སྙིང་ག་རྣམས་སུ་ཧེ་རུ་ཀ་ཞེས་བྱ་བའི་
[37b.2]ཡི་གེ་གསུམ་བསྒོམ་ཞིང་། ཧེ་ནི་ཆོས་རྣམས་རྒྱུ་དང་བྲལ་བ་དང་དེ་བཞིན་དུ་རྟོག་པ་དང་བྲལ་བ་དང་། གང་དུ་ཡང་མི་གནས་པ་ཞེས་བརྟགས་ནས་དེ་ལྟ་བུར་ཆོས་ཐམས་ཅད་ཀྱི་རང་བཞིན་མ་ཤེས་པས་སེམས་ཅན་རྣམས་བདག་དང་བདག་གི་བ་ལ་སོགས་པར་བཟུང་བས་འཁོར་བར་གྱུར་ཏེ། དེ་བས་ན་
[37b.3]བདག་ཉིད་ཧེ་རུ་ཀར་གྱུར་ནས་ཇི་ལྟར་དེ་ལྟ་བུའི་རང་བཞིན་དུ་ཆོས་ཐམས་ཅད་ཤེས་པར་འགྱུར་བ་དེ་ལྟར་བདག་གིས་བྱའོ་ཞེས་ཆོས་ལ་དམིགས་པའི་སྙིང་རྗེ་བསྐྱེད་ལ། ཨོཾ་སྭ་བྷཱ་བ་ལ་སོགས་པའི་སྔགས་བརྗོད་ཅིང་ཁམས་གསུམ་པ་ཐམས་ཅད་སྟོང་པ་ཉིད་དུ་བལྟ་བར་བྱའོ། །སྨོན་ལམ་
[37b.4]གྱི་དབང་གིས་སེམས་དེ་གང་དུ་གནས་པ་དཀར་པོ་དང་དམར་པོ་དང་སྔོན་པོའི་ཡི་གེ་ཨོཾ་ཨཱཿ་ཧཱུཾ་གི་རང་བཞིན་དུ་རྣམ་པར་བསམ་པར་བྱའོ། །དེ་ནས་ཡི་གེ་ཨོཾ་ལས་སྐུའི་འཁོར་ལོའི་ལྷ་རྣམས་ཡང་དག་པར་སྤྲོས་ཏེ་འགྲོ་བའི་དོན་བྱས་ནས་སྙོམས་པར་འཇུག་པ་སྔོན་དུ་བྱས་ཏེ་ཞུ་བར་བྱས་ནས་
[37b.5]དེ་ཉིད་ལ་ཞུགས་པར་བྱས་ལ། དེ་ནས་ཡི་གེ་ཨཱཿ་ལས་གསུང་གི་འཁོར་ལོའི་ལྷ་རྣམས་དང་། ཡི་གེ་ཧཱུཾ་ལས་ཐུགས་ཀྱི་འཁོར་ལོའི་ལྷ་རྣམས་སོ། །དེ་ནས་ཨོཾ་ནི་ཨཱཿ་ལའོ། །ཨཱཿ་ནི་ཧཱུཾ་ལའོ། །ཨཱུ་ནི་ཧ་ལའོ། །ཧ་ནི་མགོ་བོ་ལའོ། །མགོ་བོ་ནི་ཟླ་བ་ཕྱེད་པ་ལའོ། །ཟླ་བ་ཕྱེད་པ་ནི་ཐིག་
[37b.6]ལེ་ལའོ། །ཐིག་ལེ་ནི་ནཱ་ད་ལ་བསྡུས་ནས་སྐྲའི་རྩེ་མོ་བརྒྱ་སྟོང་དུ་གཤགས་པའི་ཚད་ཙམ་དུ་བཞག་ནས་སེམས་ཅན་རྣམས་ཆོས་ཉིད་མ་ཤེས་པས་འཁོར་བར་འཁོར་ཏེ། དེ་བས་ན་བདག་གིས་ཆོས་ཉིད་ཤེས་པར་བྱས་ནས་དེ་རྣམས་ཀྱིས་རྟོགས་པར་བྱའོ་ཞེས་བྱ་བའི་སྙིང་རྗེ་ཆེན་པོ་
[37b.7]དམིགས་པ་མེད་པའི་སྙིང་རྗེའི་ས་བོན་དུ་གྱུར་པ་བསྒོམས་ལ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་ཞེས་བྱ་བ་ལ་སོགས་པའི་སྔགས་བརྗོད་པས་ནཱ་ད་ཙམ་གྱི་རྟོག་པ་ཡོངས་སུ་སྤང་བར་བྱའོ། །དེ་ནས་ཞེས་བྱ་བ་ནི་སྟོང་པ་ཉིད་ཀྱི་རྗེས་ལའོ། །ལངས་ནས་ཞེས་བྱ་བ་ནི་ནཱ་དའི་རང་བཞིན་གྱིས་
[38a]
[38a.1]རང་གི་སེམས་ནམ་མཁར་བཞག་ནས་རྟེན་དང་བརྟེན་པའི་རང་བཞིན་གྱི་འཁོར་ལོ་བཻ་རཾ་བྷ་ལ་སོགས་པའི་གནས་པ་ནི། རླུང་གི་དཀྱིལ་འཁོར་ལ་སོགས་པའི་སྟེང་དུ་གནས་པ་བསམ་པ་སྟེ་འདི་ནི་མདོར་བསྟན་པའོ། །འདིའི་རྒྱས་པར་བཤད་པ་ནི་ཡི་གེ་ཡཾ་ཞེས་བྱ་
[38a.2]བ་ལ་སོགས་པ་སྟེ་གོ་སླའོ། །དེའི་སྟེང་དུ་ཡི་གེ་ཧཱུཾ་ལས་བྱུང་བའི་སྣ་ཚོགས་རྡོ་རྗེ་ཞེས་བྱ་བ་དེའི་དོན་ནི་འདི་ཡིན་ཏེ། རི་རབ་ཀྱི་སྟེང་དུ་ཡི་གེ་པཾ་ལས་བྱུང་བའི་སྣ་ཚོགས་པདྨའི་ཟེ་འབྲུའི་སྟེང་དུ་ཞེས་བྱ་བའི་དོན་ཏོ། །སྣ་ཚོགས་པདྨ་འདབ་མ་བརྒྱད་པ་ལྟེ་བ་དང་གེ་སར་དུ་བཅས་པ་ཞེས་བྱ་བ་
[38a.3]ལ་པདྨ་འདིའི་ཁ་དོག་ནི་ཕྱོགས་ཀྱི་རིམ་པར་བརྗོད་པར་བྱ་སྟེ། ཤར་ལ་སོགས་པའི་འདབ་མ་ཉི་འོད་འདྲ། །རླུང་དང་མེར་གནས་འདབ་མ་སེར་པོ་ཡིན། །ལུས་ངན་དང་ནི་དབང་ལྡན་ཕྱོགས་དག་ཏུ། །དཱུར་ལྟར་ལྗང་དང་སྤྲིན་ནག་སྣ་ཚོགས་མདོག །ཅེས་པའི་དོན་ནི་འདི་ཡིན་ཏེ།
[38a.4]ཤར་ལ་སོགས་པའི་ཕྱོགས་སུ་སོན་པ་ནི་དམར་པོའོ། །མེ་དང་རླུང་དུ་ནི་སེར་པོའོ། །སྲིན་པོར་ལྗང་གུའོ། །དབང་ལྡན་དུ་ནག་པོའོ། །ཨཱ་ལི་ཀཱ་ལིའི་སྦྱོར་བའོ་ཞེས་བྱ་བ་ལ་གཡོན་སྐོར་དང་གཡས་སྐོར་དུ་རབ་ཏུ་གནས་པའི་ཨཱ་ལི་ཀཱ་ལིའི་ཕྲེང་བ་ཡོངས་སུ་གྱུར་པ་ལས་དེས་བྱིན་གྱིས་
[38a.5]བརླབས་པའི་གཟུགས་བརྙན་གྱི་རྣམ་པའི་ཟླ་བའི་དཀྱིལ་འཁོར་བསམ་པར་བྱ་བ་ནི་འདིའི་རྣལ་འབྱོར་རོ། །དེའི་དབུས་སུ་ཞེས་བྱ་བ་ནི་ཟླ་བའི་དབུས་སུའོ། །ཡི་གེ་ཧཱུཾ་ཞེས་བྱ་བ་ནི་སྔར་བཞག་པའི་ནཱ་ད་ལས་རིམ་པ་རྫོགས་པའོ། །རྡོ་རྗེ་སེམས་དཔའི་རང་བཞིན་ཅན། །ཞེས་བྱ་བ་ནི་རྒྱུའི་
[38a.6]རྡོ་རྗེ་འཆང་གི་རང་བཞིན་ནོ། །འོད་ཟེར་སྣ་ཚོགས་རྣམ་པར་འཕྲོ་བ་ཞེས་བྱ་བ་ནི་སྤྲོ་བ་ན་ཁ་དོག་ལྔའི་འོད་ཟེར་གྱི་སྒོ་ནས་བྱུང་བའི་འཁོར་ལོ་ལྔའི་ལྷ་རྣམས་ཀྱི་འགྲོ་བ་དེའི་རང་བཞིན་དུ་བྱས་ནས་ཡང་བསྡུས་པས་ཕྱོགས་བཅུར་གནས་པའི་དཔའ་བོ་དང་རྣལ་འབྱོར་མ་ལ་སོགས་པ་ཐབས་
[38a.7]དང་ཤེས་རབ་དང་རོ་མཉམ་པ་སྔོན་དུ་འགྲོ་བའི་སྦྱོར་བས་ཞུ་བར་བྱས་ནས་ནཱ་ད་ལ་ཞུགས་པར་བསམ་པར་བྱའོ། །བསམས་ལ་ཞེས་པ་ནི་མཆོག་ཏུ་གྲུབ་པའི་རང་བཞིན་གྱི་ས་བོན་དེ་མངོན་དུ་བྱས་ཏེ་བསྒོམ་པར་བྱའོ། །དེ་ཉིད་ཀྱིས་ན་རྒྱུའི་རྡོ་རྗེ་འཛིན་པའི་རང་བཞིན་ནོ། །བཅོམ་ལྡན་
[38b]
[38b.1]འདས་ནི་ལྷན་ཅིག་སྐྱེས་པའི་དགའ་བའི་རང་བཞིན་ཉིད་ཀྱི་ཕྱིར་འབྲས་བུའི་རང་བཞིན་ཉིད་དོ་ཞེས་བྱ་བ་ནི་རྗེས་སུ་རྣལ་འབྱོར་རོ། །དེ་ཡོངས་སུ་གྱུར་པ་ལས་ཞེས་བྱ་བ་ནི་ཟླ་བ་དང་ས་བོན་ཡོངས་སུ་གྱུར་པ་ལས་སོ། །དཔལ་ཧེ་རུ་ཀ་ཞེས་བྱ་བ་ནི་དཀྱིལ་འཁོར་དང་བཅས་པའི་བཅོམ་ལྡན་
[38b.2]འདས་ལྷན་ཅིག་སྐྱེས་པའི་རང་བཞིན་དུ་རྫོགས་པ་སྟེ། ཨོཾ་ཨཱཿཧཱུཾ་ཨོཾ་སརྦྦ་བཱི་ར་ཡོ་གི་ནཱི་ཀཱ་ཡ་བཱ་ཀ་ཙིཏྟ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨོཾ་བཛྲ་ཤུདྡྷཿསརྦ་དྷརྨཱཿབཛྲ་ཤུདྡྷོ྅ཧཾ། ཞེས་བྱ་བའི་སྔགས་ནི་གསུམ་བརྗོད་ཅིང་བསྒོམ་པར་བྱའོ། །ཉི་མ་ལ་བཞུགས་ཤིང་ཞེས་བྱ་བ་ནི་ཁྲོ་བོའི་
[38b.3]རང་བཞིན་ཉིད་ཀྱི་ཕྱིར་ལ་ཁྲོ་བོ་རྣམས་ནི་ཉི་མའི་གདན་ཅན་ཡིན་པའི་ཕྱིར་རོ། །དཀྱིལ་འཁོར་གྱི་འཁོར་ལོ་དང་བཅས་པ་ཞེས་བྱ་བ་ནི་སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པའོ། །དུར་ཁྲོད་བརྒྱད་ཀྱིས་བརྒྱན་པ་ཞེས་བྱ་བ་ནི་འཇིག་རྟེན་གྱི་ཁམས་ཐམས་ཅད་སྡུད་
[38b.4]པར་བྱེད་པའི་རྣམ་པར་ཤེས་པ་བརྒྱད་བདག་མེད་པའི་རང་བཞིན་གྱིས་སོ། །རྣམ་པར་ཤེས་པ་བརྒྱད་བརྗོད་དེ་མིག་གི་རྣམ་པར་ཤེས་པ་ལ་སོགས་པ་ལྔ་དང་། ཀུན་གཞི་རྣམ་པར་ཤེས་པ་དང་། ཡིད་ཀྱི་རྣམ་པར་ཤེས་པ་དང་། ཉོན་མོངས་པ་ཅན་གྱི་ཡིད་ཀྱི་རྣམ་པར་ཤེས་པའོ། །
[38b.5]ཞལ་བཞི་པ་ཞེས་བྱ་བ་ནི་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུས་མ་བྱས་པ་ཉིད་དེ། རྣམ་པར་ཐར་པ་བཞི་རྣམ་པར་དག་པའོ། །སྤྱན་གསུམ་པ་ཞེས་བྱ་བ་ནི་དུས་གསུམ་གྱི་རྣམ་པ་ཐམས་ཅད་གཟིགས་པའི་ཕྱིར་རོ། །ཕྱག་བཅུ་
[38b.6]གཉིས་པ་ཞེས་བྱ་བ་ནི་རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་འགགས་པའི་ཕྱིར་རོ། །དཔྲལ་བར་རྡོ་རྗེའི་ཕྲེང་བ་འཛིན་པ་ནི་ཡེ་ཤེས་ལྔའི་རང་བཞིན་ཡིན་པའི་ཕྱིར་རོ། །གཡས་བརྐྱང་བས་བཞུགས་པ་ཞེས་བྱ་བ་ནི་འགྲོ་བ་ཐམས་ཅད་སྟོང་པ་ཉིད་ཀྱིས་མནན་པའི་
[38b.7]ཕྱིར་རོ། །དེ་ཡང་ཞབས་གཡོན་བསྐུམ་པ་གཡས་མཐོ་ལྔར་བརྐྱང་བའོ། །འཇིགས་བྱེད་ཆེན་པོ་དང་དུས་མཚན་དག་མནན་པ་ཞེས་བྱ་བ་ནི་མི་གནས་པའི་མྱ་ངན་ལས་འདས་པའི་རང་བཞིན་ཉིད་ཀྱི་ཕྱིར་རྟག་པ་དང་ཆད་པའི་རྣམ་པར་རྟོག་པ་མནན་པའི་ཕྱིར་ཏེ། རྟག་པའི་རྣམ་པར་
[39a]
[39a.1]རྟོག་པ་ནི་འཇིགས་བྱེད་དོ། །ཆད་པའི་རྣམ་པར་རྟོག་པ་ནི་ཙ་རྩི་ཀའོ། །རྡོ་རྗེ་ཕག་མོ་ལ་འཁྱུད་པ་ཞེས་བྱ་བ་ནི་སྟོང་པ་ཉིད་དང་སྙིང་རྗེའི་བདག་ཉིད་རོ་མཉམ་པའི་ཕྱིར་རོ། །ཕྱག་གཉིས་ནི་རྡོ་རྗེ་དང་དྲིལ་བུ་ཞེས་བྱ་བ་ནི་གཡས་ཀྱི་ཕྱག་ན་ཡེ་ཤེས་ལྔའི་རང་བཞིན་དུ་
[39a.2]རོ་གཅིག་པར་གྱུར་པའི་རྡོ་རྗེའོ། །གཡོན་པ་ན་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་གྱི་དྲིལ་བུའོ། །གླང་པོ་ཆེའི་པགས་པའི་ན་བཟའ་ཞེས་བྱ་བ་ནི་གླང་པོ་ཆེ་དཀར་པོའི་པགས་པ་གོས་སུ་འཛིན་པ་སྟེ། འགྲོ་བའི་གཏི་མུག་འཇོམས་པའོ། །མཆོག་ཏུ་དགའ་བའི་སྒྲས་དེ་
[39a.3]བཞིན་གཤེགས་པ་ཐམས་ཅད་བསྐུལ་བར་མཛད་པས་ཌཱ་མ་རུའོ། །ལུས་དང་ངག་དང་ཡིད་ཀྱི་སྐྱོན་གཅོད་པས་དགྲ་སྟའོ། །དངོས་པོ་དང་དངོས་པོ་མེད་པའི་རྣམ་པར་རྟོག་པ་གཅོད་པར་བྱེད་པའི་ཤེས་རབ་ཀྱི་གྲི་གུག་གོ། །སྲིད་པ་གསུམ་དུ་སོན་པའི་ཉོན་མོངས་པ་འབིགས་
[39a.4]པས་མདུང་རྩེ་གསུམ་པའོ། །བྱང་ཆུབ་ཀྱི་སེམས་ཀྱི་རང་བཞིན་གྱི་ཁ་ཊྭཱཾ་གའོ། །བདེ་བ་ཆེན་པོ་དང་སྙིང་རྗེ་ཆེན་པོའི་རོའི་རང་བཞིན་གྱིས་ན་ཁྲག་གིས་ཡོངས་སུ་གང་བའི་ཐོད་པའོ། །ཡང་དག་པའི་ཡེ་ཤེས་བཅིངས་པའི་ཕྱིར་རྡོ་རྗེའི་ཞགས་པའོ། །དངོས་པོ་དང་དངོས་པོ་
[39a.5]མེད་པའི་རྣམ་པར་རྟོག་པ་འཇིག་པར་བྱེད་པའི་ཐར་པའི་རང་བཞིན་གྱིས་ན་ཚངས་པའི་མགོ་བོའོ། །དགེ་བའི་རྩ་བ་མཐར་སྐྱེད་པས་ན་རལ་པའི་ཅོད་པན་གྱིས་བརྒྱན་པའོ། །ཆོས་ཀྱི་དབྱིངས་ལས་ཡང་དག་པར་བཞེངས་པ་ཉིད་ཀྱིས་ན་ཐོད་པའི་ཕྲེང་བའི་ཐོད་ཅན་ནོ། །བྱང་
[39a.6]ཆུབ་ཀྱི་སེམས་རྒྱས་པའི་རང་བཞིན་གྱིས་ན་ཟླ་བ་ཕྱེད་པ་འཛིན་པའོ། །འགྲོ་བ་ཐམས་ཅད་ཀྱི་དོན་བྱེད་པ་ཉིད་ཀྱིས་ན་སྣ་ཚོགས་རྡོ་རྗེས་མཚན་པའི་དབུ་རྒྱན་ཅན་ནོ། །ལོག་པར་ལྟ་བ་སྤངས་པས་ན་ཞལ་རྣམ་པར་འགྱུར་བའོ། །བདུད་བཞི་རྣམ་པར་འཇོམས་པས་མཆེ་བ་
[39a.7]གཙིགས་ཤིང་འཇིགས་པར་བྱེད་པའོ། །དེ་བཞིན་གཤེགས་པ་ལྔ་དང་ལྷ་མོ་བཞིའི་རང་བཞིན་གྱི་ཞི་གནས་དང་ལྷག་མཐོང་གོམས་པའི་བདེ་བ་དང་ལྡན་པའི་ཕྱིར་སྒེག་པ་ལ་སོགས་པའི་ཉམས་དང་ལྡན་པའོ། །འདོད་ཆགས་ལ་སོགས་པ་རྣམ་པར་སྦྱོང་བར་བྱེད་པས་སྟག་
[39b]
[39b.1]གི་པགས་པའི་ཤམ་ཐབས་བསྣམས་པའོ། །ཨཱ་ལི་དང་ཀཱ་ལིའི་ཡི་གེ་ལྔ་བཅུའི་རང་བཞིན་གྱིས་ནི་མིའི་མགོ་བོའི་ཐོད་པ་རློན་པའི་ཕྲེང་བའོ། །ཐལ་བས་ལུས་ཀྱི་ཡན་ལག་ཐམས་ཅད་ལ་ཁྱབ་པར་བྱུགས་པ་ནི་ལུས་ཀྱི་ཡན་ལག་ཐམས་ཅད་ལ་བྱང་ཆུབ་ཀྱི་སེམས་ཀྱིས་
[39b.2]ཁྱབ་པར་སྟོན་ཏོ། །དེའི་སྤྱན་སྔར་ཞེས་པ་ནི་མདུན་དུ་བཅོམ་ལྡན་འདས་ལ་འཁྱུད་ནས་བཞུགས་པའི་དོན་ཏོ། །དུམ་བུས་བརྒྱན་པའི་སྐ་རགས་ཞེས་བྱ་བ་ནི་ཐོད་པའི་དུམ་བུས་རྐེད་པ་བརྒྱན་པའོ། །བསྐལ་པའི་མེ་ལྟ་བུ་ཞེས་པ་ནི་སྟོང་པའི་རང་བཞིན་གྱིས་འགྲོ་བ་ཐམས་ཅད་
[39b.3]དམིགས་པ་མེད་པར་མཉམ་པའོ། །གཟི་བརྗིད་ཆེན་པོ་ཞེས་བྱ་བ་ནི་ཤིན་ཏུ་རྣམ་པར་དག་པའི་ཡེ་ཤེས་ཀྱི་སྣང་བ་དང་ལྡན་པའོ། །ཉི་མའི་འོད་ཀྱི་དཀྱིལ་འཁོར་ཅན་ནི་ཟླ་མཚན་གྱི་སྦྱོར་བས་འཛག་པའོ། །ཕྱག་རྒྱ་ལྔ་ཡིས་བརྒྱན་པ་ཡང་རྟོགས་པར་བྱའོ། །བྱིན་པས་
[39b.4]འཁྱུད་པ་ནི་ཤིང་ལ་འཛེག་པའི་འཁྱུད་ཐབས་ཀྱིས་གནས་པའོ། །བདེ་བ་ཆེན་པོ་དང་ཐུགས་རྗེ་ཆེན་པོའི་བདག་ཉིད་ཅེས་པ་ནི་ལྷག་མཐོང་གི་རང་བཞིན་གྱི་བདེ་བ་ཆེན་པོ་ལ་ཐིམ་ཀྱང་འགྲོ་བའི་དོན་མཛད་པའོ། །ཅུང་ཞིག་བཞད་དང་ཡོངས་འཁྱུད་པ། །གཅེར་བུ་ཉིད་དང་སྐྲ་
[39b.5]གྲོལ་དང་། །སྤུ་ལྡང་ལྔ་པོ་བདེ་སྐྱེད་པའི། །ཕྱི་རོལ་དུ་ནི་རྟགས་ཡིན་ནོ། །དངོས་སུ་རྟགས་གསུམ་བརྗོད་པ་ཡིས། །རྟགས་གཉིས་དེ་ལས་ཤུགས་ཀྱིས་ཤེས། །འཁོར་ལོ་ལྔ་ལ་གནས་པ་ཡི། །ལྷ་མོ་རྟགས་ལྔ་རྣམ་པར་གནས། །ཞེས་སོ། །རྡོ་རྗེ་ལ་སོགས་པ་སྦྱང་བ་བརྗོད་
[39b.6]པར་བྱ་སྟེ། །ཡི་གེ་ཧཱུཾ་དཀར་པོ་ལས་རྡོ་རྗེ་ནག་པོ་དང་། ཡི་གེ་བྱཱ་དམར་པོ་ལས་ནོར་བུ་ཅུང་ཟད་དམར་བའོ། །ཡི་གེ་བྱཱ་སེར་པོས་རྩེ་མོར་བྱིན་གྱིས་བརླབས་པའོ། །ཡི་གེ་ཨཱཿལས་པདྨ་དམར་པོ་འདབ་མ་གསུམ་པ་དང་། ཡི་གེ་བྱཱ་ལས་དཔའ་བོའི་བྱང་ཆུབ་ཀྱི་སེམས་ཉེ་བར་མཚོན་
[39b.7]པ་ཅན་གྱི་ཟེ་འབྲུ་དཀར་པོ་ཡི་གེ་བྱཱ་སེར་པོས་རྩེ་མོར་བྱིན་གྱིས་བརླབས་པའོ། །དེ་ནས་ཨོཾ་བཛྲ་བཻ་རོ་ཙ་ནཱི་ཡེ་ཞེས་བྱ་བ་ལ་སོགས་པ་དང་། ཨོཾ་སརྦྦ་བུདྡྷ་ཌཱ་ཀི་ནཱི་ཞེས་བྱ་བ་ལྷ་མོའི་སྙིང་པོ་དང་། ཉེ་བའི་སྙིང་པོ་གཉིས་ཀྱིས་ལྟེ་བ་དང་སྙིང་ག་དང་། དེ་བཞིན་དུ་རང་གི་སྙིང་པོ་དང་ཉེ་བའི་སྙིང་
[40a]
[40a.1]པོའི་སྔགས་གཉིས་ཀྱིས་མགྲིན་པ་དང་དཔྲལ་བར་བཅོམ་ལྡན་འདས་མ་ལ་བཅོམ་ལྡན་འདས་ཀྱིས་ཙུམ་པ་ན་བྱའོ། །བཅོམ་ལྡན་འདས་མས་ཀྱང་བཅོམ་ལྡན་འདས་ཀྱི་སྙིང་པོ་དང་ཉེ་བའི་སྙིང་པོ་དག་གིས་མགྲིན་པ་དང་དཔྲལ་བར་བཅོམ་ལྡན་འདས་ལ་ཙུམ་བ་ན་བྱའོ། །
[40a.2]དེ་ནས་ཡི་གེ་གསུམ་གྱི་དགའ་བ་བརྩམ་པར་བྱའོ། །ཕྱི་རོལ་གྱི་མཛེས་མའི་སྦྱོར་བ་ཡང་ཆོ་ག་འདི་ཉིད་ཀྱིས་བྱའོ། །རལ་པའི་ཅོད་པན་དང་དར་དཔྱངས་ནི་རལ་པའི་ཅོད་པན་དང་དཔའ་བོའི་དར་ཐོད་ཅན་ཞེས་བྱ་བའི་ཐ་ཚིག་གོ། །གདུ་བུ་ཞེས་བྱ་བ་ནི་ལག་པའི་གདུ་བུའོ། །ཡིད་འཕྲོག་
[40a.3]པའི་གཟུགས་གཉིས་པ་ཞེས་བྱ་བ་ནི་མཚམས་ན་གནས་པ་སྟེ། མིའི་གདོང་པ་ཅན་དང་ཁ་དོག་གཉིས་དང་ལྡན་པ་ཡིན་གྱི་ཁྲ་ལ་སོགས་པའི་གདོང་པ་ཅན་ནི་མ་ཡིན་ནོ། །ཡི་དགས་ཀྱི་གདན་ལ་གནས་ཤིང་འཇིགས་པ་ཆེན་པོ་ཞེས་བྱ་བ་ན་བརྒྱད་ཅར་ལ་ཡང་རིག་པར་བྱའོ། །དུར་
[40a.4]ཁྲོད་དུ་གནས་པ་ཅན་ཉིད་ཀྱི་ཕྱིར་འདི་རྣམས་ཀྱི་གདན་རོ་ཉིད་དོ། །དཔའ་བོ་དང་རྣལ་འབྱོར་མ་རྣམས་ཀྱི་ཞེས་བྱ་བ་ནི་ཕག་མོ་ལ་སོགས་པ་རྣམས་ཀྱིའོ། །ལྷའི་རྣམ་པ་ལ་མངོན་པར་ཞེན་པ་སྤང་པའི་ཕྱིར་དང་ཐམས་ཅད་ཤེས་པ་ཐོབ་པ་བསྟན་པའི་ཕྱིར་བྱང་ཆུབ་ཀྱི་ཕྱོགས་ཀྱི་ཆོས་
[40a.5]དང་སྦྱར་བར་བྱ་སྟེ། དེ་ལ་ལུས་དྲན་པ་ཉེ་བར་གཞག་པ་ནི་གཟུགས་ཀྱི་ཕུང་བོ་ཡོངས་སུ་ཤེས་པ་ལ་རབ་ཏུ་རྩོམ་པའོ། །ཚོར་བ་དྲན་པ་ཉེ་བར་གཞག་པ་ནི་ཚོར་བའི་ཕུང་པོ་ཡོངས་སུ་ཤེས་པ་ལ་རབ་ཏུ་རྩོམ་པའོ། །ཆོས་དྲན་པ་ཉེ་བར་གཞག་པ་ནི་འདུ་ཤེས་དང་འདུ་བྱེད་དག་སྒྱུ་མ་ལྟ་བུ་
[40a.6]ཉིད་དུ་ངེས་པར་འཛིན་པའོ། །རྣམ་པར་ཤེས་པའི་ཕུང་པོའི་རང་གི་ངོ་བོ་གསལ་བར་སོ་སོར་རིག་པ་ནི་སེམས་དྲན་པ་ཉེ་བར་གཞག་པའོ། །དམ་པའི་ཆོས་ཉན་པ་ལ་སོགས་པ་ལ་ཤིན་ཏུ་གུས་པ་ནི་འདུན་པའི་རྫུ་འཕྲུལ་གྱི་རྐང་པའོ། །བརྩོན་འགྲུས་མི་ལྡོག་པར་གོམས་པར་བྱེད་
[40a.7]པ་ནི་བརྩོན་འགྲུས་ཀྱི་རྫུ་འཕྲུལ་གྱི་རྐང་པའོ། །དཔྱོད་པའི་རྫུ་འཕྲུལ་གྱི་རྐང་པ་ནི་ཤིན་ཏུ་རྣམ་པར་དཔྱོད་པའོ། །སེམས་ཀྱི་རྫུ་འཕྲུལ་གྱི་རྐང་པ་ནི་བྱང་ཆུབ་མངོན་དུ་བྱེད་པའི་བྱ་བ་ལ་ཁྱད་པར་དུ་འཕགས་པའི་བྱེད་པའོ། །བདེན་པ་དང་དཀོན་མཆོག་དང་ལས་དང་འབྲས་བུ་ལ་
[40b]
[40b.1]མངོན་པར་ཡིད་ཆེས་པའི་དད་པའི་དབང་པོ་ནི་འདིའོ་ཞེས་ངེས་པར་འཛིན་པའོ། །བརྩོན་འགྲུས་ཀྱི་དབང་པོ་ནི་ངེས་པར་བྱེད་པས་ཡིད་ཆེས་པའོ། །དྲན་པའི་དབང་པོ་ནི་མི་བརྗེད་པ་ཉིད་དུ་དྲན་པ་ཉིད་ཀྱིས་མ་རིག་པའི་སྐབས་མི་འབྱེད་པའོ། །ཏིང་ངེ་འཛིན་གྱི་དབང་པོ་ནི་སེམས་རྩེ་
[40b.2]གཅིག་པ་ལ་དབང་ཡོད་པའོ། །ཤེས་རབ་ཀྱི་དབང་པོ་ནི་སྤང་བར་བྱ་བ་དང་བླང་བར་བྱ་བ་ཉིད་དུ་ངེས་པའོ། །དབང་པོ་ལྔ་པོ་དེ་ཉིད་ཕུལ་དུ་བྱུང་བའི་གནས་སྐབས་སུ་སྤངས་བྱས་མི་ཐུབ་པའི་ཕྱིར་ན་སྟོབས་ཞེས་མིང་འཐོབ་པར་འགྱུར་བ་ནི་དད་པའི་སྟོབས་དང་། བརྩོན་འགྲུས་ཀྱི་སྟོབས་
[40b.3]དང་། དྲན་པའི་སྟོབས་དང་། ཏིང་ངེ་འཛིན་གྱི་སྟོབས་དང་། ཤེས་རབ་ཀྱི་སྟོབས་ཞེས་མངོན་པར་བརྗོད་དོ། །ཏིང་འཛིན་ཡང་དག་བྱང་ཆུབ་ཀྱི་ཡན་ལག་ནི་ཏིང་ངེ་འཛིན་ཉིད་བྱང་ཆུབ་ཀྱི་རྒྱུའོ། །བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི་ལེ་ལོས་སྐབས་མི་འབྱེད་པའོ། །དགའ་
[40b.4]བ་ཡང་དག་བྱང་ཆུབ་ཀྱི་ཡན་ལག་ནི་དགེ་བ་ཀུན་ཏུ་འཛིན་པའོ། །ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ནི་དགེ་བའི་ལས་ལ་སེམས་ལས་སུ་རུང་བའོ། །ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི་བདག་མེད་པའི་རང་བཞིན་འདི་ལྟ་བུ་ཞེས་འཛིན་པའོ། །དྲན་པ་ཡང་
[40b.5]དག་བྱང་ཆུབ་ཀྱི་ཡན་ལག་ནི་མངོན་པར་དྲན་པའི་ངང་ཚུལ་ཅན་ཉིད་དོ། །བཏང་སྙོམས་ཡང་དག་བྱང་ཆུབ་ཀྱི་ཡན་ལག་ནི་ཏིང་ངེ་འཛིན་ལ་ལྷུན་གྱིས་གྲུབ་པའོ། །ཡང་དག་པའི་ལྟ་བ་ནི་སངས་རྒྱས་ཀྱི་གསུང་ལ་མཆོག་ཏུ་གུས་པ་དང་ཕྱིན་ཅི་མ་ལོག་པར་དོན་རྟོགས་པའོ། །ཡང་དག་པའི་རྟོག་
[40b.6]པ་ནི་དམ་པའི་བྱ་བ་བརྩམས་པ་མི་སྤོང་པའོ། །ཡང་དག་པའི་ངག་ནི་སེམས་ཅན་མི་སླུ་བའི་ཚིག་གོ། །ཡང་དག་པའི་ལས་ཀྱི་མཐའ་ནི་དགེ་བ་བཅུ་ལས་འདའ་བར་མི་བྱེད་པའོ། །ཡང་དག་པའི་འཚོ་བ་ནི་སེམས་ཅན་རྣམས་ལ་འཚེ་བ་མེད་པའི་ཚུལ་གྱིས་འཚོ་བའོ། །ཡང་དག་པའི་རྩོལ་
[40b.7]བ་ནི་དགེ་བའི་དོན་ལ་སྦྱོར་བའོ། །ཡང་དག་པའི་དྲན་པ་ནི་སངས་རྒྱས་ཀྱི་གསུང་རྗེས་སུ་དྲན་པའོ། །ཡང་དག་པའི་ཏིང་ངེ་འཛིན་ནི་དཔལ་ཧེ་རུ་ཀའི་གཟུགས་སུ་གནས་པའོ། །དེ་ནས་ཞེས་བྱ་བ་ལ་སོགས་པ་ནི་གོ་སླའོ། །གནས་ཞེས་བྱ་བ་ལ་སོགས་པ་ནི་རིམ་པ་ཇི་ལྟ་བས་ས་བཅུ་
[41a]
[41a.1]རྣམ་པར་དག་པའི་གནས་ལ་སོགས་པ་དང་སྦྱོར་བའི་ཕྱིར་རོ་ཞེས་བྱ་བའི་དོན་ཏོ། །དེ་ལ་གནས་དང་ཉེ་བའི་གནས་ལ་སོགས་པ་ནི་རིམ་གྱིས་རབ་ཏུ་དགའ་བ་དང་དྲི་མ་མེད་པ་དང་། འོད་བྱེད་པ་དང་འོད་འཕྲོ་བ་དང་ཤིན་ཏུ་སྦྱང་དཀའ་བ་དང་མངོན་དུ་གྱུར་པ་དང་རིང་དུ་སོང་བ་
[41a.2]དང་མི་གཡོ་བ་དང་ལེགས་པའི་བློ་གྲོས་དང་ཆོས་ཀྱི་སྤྲིན་རྣམས་སོ། །པུ་ཛཱ་ཞེས་བྱ་བ་ལ་སོགས་པ་ལ་འདིར་མན་ངག་ནི་པུཾ་ཛཱཾ་ཞེས་བྱ་བ་ལ་སོགས་པ་ཐམས་ཅད་ཀླད་ཀོར་དང་བཅས་པར་བརྟགས་ལ། པུ་ལ་སོགས་པའི་ཡི་གེ་ཡོངས་སུ་གྱུར་པ་ལས་རྩིབས་ཀྱི་སྟོང་པའི་འཁོར་ལོའི་
[41a.3]རྣམ་པ་ཅན་གྱི་གནས་ལ་སོགས་པའི་གནས་རྣམས་སྤྱི་བོ་ལ་སོགས་པར་སྐད་ཅིག་གིས་བལྟ་བར་བྱས་ལ། གནས་ལ་སོགས་པ་དེ་རྣམས་སུ་དེའི་གནས་ན་ཡོད་པའི་རྩ་རྣམས་དེའི་ལྷའི་གཟུགས་སུ་གྱུར་ནས་རྣམ་པར་གནས་པར་བལྟ་བར་བྱའོ། །རྣ་བ་ཞེས་བྱ་བ་ནི་རྣ་བའི་
[41a.4]བུག་པའི་ནང་དུའོ། །དེ་བཞིན་དུ་ཁ་དང་ལྟེ་བ་དང་མཚན་མ་དང་བཤང་པའི་ལམ་དང་མཛོད་སྤུ་དང་མིག་དང་སྣ་རྣམས་སུ་ཡང་རིག་པར་བྱའོ། །མཁའ་སྤྱོད་ཅེས་བྱ་བ་ནི་མཐོ་རིས་སུ་སོན་པ་རྣམས་བསྡུས་པའོ། །ས་ལ་སྤྱོད་པ་ནི་མི་ཡུལ་དུ་གནས་པ་རྣམས་སོ། །ས་འོག་
[41a.5]ནི་ས་འོག་ན་གནས་པ་རྣམས་སོ། །ཇི་ལྟར་ཕྱི་རོལ་གྱི་གནས་ལ་སོགས་པ་ནི་ཆུ་ཀླུང་གི་ཆུས་གསོ་བར་བྱེད་པ་དེ་བཞིན་དུ་ལུས་ལ་ཡང་རྩ་རྣམས་ཀྱིས་སེན་མོ་ལ་སོགས་པ་རྒྱས་པར་བྱེད་དེ་དེས་ན་མཚུངས་པ་ཉིད་དོ། །ཕྱི་རོལ་དུ་ནི་རྡོ་རྗེའི་གནས་བྱང་ཆུབ་ཆེན་པོའི་མིང་ཅན་
[41a.6]གྱི་གནས་ཡིན་ཞིང་། ནཻ་རཉྫ་ན་ནི་ཆུ་ཀླུང་ཡིན་པ་བཞིན་དུ་ལུས་ལ་ནི་བདེ་བ་ཆེན་པོའི་འཁོར་ལོ་རྡོ་རྗེའི་གནས་སོ། །ཨ་བ་དྷཱུ་ཏཱི་ནི་ནཻ་རཉྫ་ནའོ། །ཁ་དང་སྣ་བུག་གཡོན་པ་དང་བཤང་བའི་ལམ་དང་སྣ་བུག་གཡས་པའི་སྒོ་རྣམས་སུ་རིམ་པ་བཞིན་དུ་ཁྭ་གདོང་མ་ལ་སོགས་པའི་སྒོ་སྐྱོང་མ་
[41a.7]རྣམས་སོ། །རྣ་བ་གཡས་པ་དང་གཡོན་པ་དང་མིག་གཡས་པ་དང་གཡོན་པ་རྣམས་སུ་གཤིན་རྗེ་བརྟན་མ་ལ་སོགས་པ་རྣམས་སོ། །སྙིང་ག་དང་མགྲིན་པ་དང་ལྟེ་བ་དང་། དཔྲལ་བའི་པདྨའི་ཟེའུ་འབྲུ་རྣམས་ལ་མཁའ་འགྲོ་མ་ལ་སོགས་པ་བཞིའོ། །རྗེ་བཙུན་དང་རྗེ་བཙུན་མའི་
[41b]
[41b.1]གནས་རྣམས་མན་ངག་ལས་ཤེས་པར་བྱ་སྟེ། དེ་ལྟར་ལུས་ཀྱི་དཀྱིལ་འཁོར་ཡོངས་སུ་རྫོགས་པ་ལ་ཡང་དང་ཡང་དུ་མོས་པ་བརྟན་པར་བྱའོ་གསུངས་པའི་དོན་འདི་ཉིད་ཀྱི་མཇུག་སྡུད་པར་བྱེད་པ་ནི། སྐུ་གསུང་ཐུགས་ཀྱི་དབྱེ་བ་ཡིས། །ཞེས་བྱ་བ་ལ་སོགས་པའོ། །མཐོ་རིས་མི་
[41b.2]ཡུལ་ས་འོག་ཏུ། སྐད་ཅིག་གིས་ནི་སྐུ་གཅིག་འགྱུར། །ཞེས་བྱ་བ་ནི་མཐོ་རིས་ལ་སོགས་པ་དང་ཐ་མི་དད་པའི་སྐུ་དེའི་རང་བཞིན་གྱི་བཅོམ་ལྡན་འདས་སུའོ། །འགྱུར་བ་ནི་སྐྱེད་ཅེས་བྱ་བའི་དོན་ཏོ། །ཇི་ལྟར་ཞེ་ན་གསུངས་པ། སྐུ་གསུང་ཐུགས་ཀྱི་དབྱེ་བ་ཡིས། །ཞེས་བྱ་བ་
[41b.3]ཕྱི་རོལ་དང་ནང་དག་འཁོར་ལོ་གསུམ་གྱི་རང་བཞིན་དུ་ཞེས་པའི་དོན་ཏོ། །གང་ལས་ཤེ་ན་གསུངས་པ། ཡི་གེ་གསུམ་གྱི་རང་བཞིན་ལས། །ཞེས་བྱ་བ་ལ་ཡི་གེ་གསུམ་ལས་བྱུང་བའི་ནཱ་ད་ཡོངས་སུ་གྱུར་པའི་སྒོ་ནས་རང་གི་ངོ་བོར་སྐྱེས་པའི་ཧཱུཾ་གང་ཡིན་པ་དེ་ལ་དེ་སྐད་ཅེས་བརྗོད་
[41b.4]དོ། །དེ་ལ་སྐད་ཅིག་གཅིག་གིས་ལྷན་ཅིག་སྐྱེས་པའི་དགའ་བའི་རང་བཞིན་དུ་སྐྱེས་པ་ཡིན་ནོ་ཞེས་བྱ་བའི་དོན་ཏོ། །སྐད་ཅིག་གིས་ཞེས་བྱ་བ་ནི་ཕྱག་མཚན་ལ་སོགས་པ་ལ་མི་ལྟོས་པར་རོ། །སྐད་ཅིག་གིས་ནི་རྣལ་འབྱོར་བདག །ཅེས་པ་ནི་བཅོམ་ལྡན་འདས་མ་དང་ལྷན་
[41b.5]ཅིག་ཏུ་ལན་ཅིག་ལ་རྫོགས་པའོ། །སྐད་ཅིག་གིས་ནི་ཕྱག་རྒྱ་ཅན། །ཞེས་བྱ་བ་ནི་བདག་དང་དུས་མཉམ་པ་ཉིད་དུ་ཤེས་རབ་དང་བཅས་པ་ཞེས་བྱ་བའི་དོན་ཏོ། །ཀུན་ནས་ཀུན་དུ་སྐད་ཅིག་སྟེ། །ཞེས་པ་ནི་གཞལ་ཡས་ཁང་དང་དཔའ་བོ་དང་རྣལ་འབྱོར་མ་དང་ལྷན་ཅིག་
[41b.6]རྫོགས་པའོ། །སྐད་ཅིག་གིས་ནི་གསང་སྔགས་གདོན། །ཞེས་པ་ནི་རྫོགས་པ་དང་དུས་མཉམ་པ་ཉིད་དུ་སྔགས་བརྗོད་པའོ། །སྔགས་གསུམ་གསུངས་པ། ཨོཾ་ཨཱཿ་ཧཱུཾ་ཞེས་བྱ་བ་ལ་སོགས་པའོ། །དེ་ནས་ཞེས་བྱ་བ་ལ་སོགས་པ་ནི་མདོར་བསྟན་པའི་ཚིགས་སུ་བཅད་པའོ། །
[41b.7]མྱུར་བར་ཞེས་བྱ་བ་ནི་མཆོད་ཡོན་ལ་སོགས་པ་ལ་མི་ལྟོས་པར་རོ། །དེ་ནས་ཞེས་བྱ་བ་ལ་སོགས་པ་ནི་རྒྱས་པར་བསྟན་པའོ། །ཨོཾ་ཧ་ཞེས་བྱ་བ་ལ་སོགས་པའི་སྔགས་དང་ལྷ་ཐ་མི་དད་པའི་ཕྱིར་ཏེ་དེའི་ཁ་དོག་ཅན་གྱི་སྔགས་རྣམས་བསྒོམ་པར་བྱའོ། །རྡོ་རྗེ་སེམས་དཔའ་ལ་
[42a]
[42a.1]སོགས་པའི་ཁ་དོག་ནི་གོ་རིམས་བཞིན་དུ་དཀར་པོ་དང་། སེར་པོ་དང་ནག་པོ་དང་སྔོན་པོ་དང་དམར་པོ་དང་ལྗང་གུའོ། །ཡན་ལག་ཐམས་ཅད་ལ་གོ་ཆ་སྟེ། །ཞེས་པ་ནི་པགས་པའི་ནང་དུ་སོན་པའི་རྡུལ་ཕྲ་རབ་ཀྱི་རང་བཞིན་དེའི་ཁ་དོག་ཅན་ནོ། །དེ་བཞིན་དུ་བཅོམ་
[42a.2]ལྡན་འདས་མའི་ཨོཾ་བཾ་ཞེས་བྱ་བ་ལ་སོགས་པའོ། །སྔགས་ནི་དམར་པོ་དང་སྔོན་པོ་དང་དཀར་པོ་དང་སེར་པོ་དང་། ལྗང་གུ་དང་དུ་བའི་མདོག་ཅན་ནོ། །ཡང་ན་དེ་དང་དེའི་སྔགས་ལས་རྫོགས་པའི་གནས་དེ་རུ་རྡོ་རྗེ་སེམས་དཔའ་ལ་སོགས་པ་བསྒོམ་པར་བྱ་སྟེ། དེ་ལ་རྡོ་རྗེ་སེམས་དཔའ་དང་
[42a.3]རྣམ་པར་སྣང་མཛད་དང་པདྨ་གར་གྱི་དབང་ཕྱུག་དང་དཔལ་ཧེ་རུ་ཀ་དང་རྡོ་རྗེ་ཉི་མ་དང་རྟ་མཆོག་རྣམས་དཀར་པོ་དང་སེར་པོ་དང་དམར་པོ་དང་སྔོན་པོ་དང་ནག་པོ་དང་ལྗང་གུའི་ཁ་དོག་ཅན་ཏེ། རྡོ་རྗེ་སེམས་དཔའ་ནི་ཞལ་གསུམ་ཕྱག་དྲུག་པའོ། །དེ་ལས་གཞན་པ་ནི་ཕྱག་བཞི་པ་
[42a.4]དང་ཞལ་གཅིག་པའོ། །གཡས་ན་རྡོ་རྗེ་དང་ཌ་མ་རུ་དང་མགོ་བོ། གཡོན་ན་དྲིལ་བུ་དང་ཐོད་པ་དང་ཁ་ཊྭཱཾ་ག་བསྣམས་པ། གཙོ་བོ་དང་གཡས་དང་གཡོན་གྱི་ཞལ་ནི་དཀར་པོ་དང་དམར་པོ་དང་སྔོན་པོ་ནི་རྡོ་རྗེ་ཅན་ནོ། །གཞན་རྣམས་ཀྱི་ནི་གཡས་གཉིས་ན་འཁོར་ལོ་དང་པདྨ་དང་རྡོ་རྗེ་དང་
[42a.5]རིན་པོ་ཆེ་དང་རལ་གྲི་དང་ཌ་མ་རུའོ། །གཡོན་པ་དག་ན་དྲིལ་བུ་དང་ཐོད་པ་དང་ཁ་ཊྭཱཾ་གའོ། །ཕག་མོ་དམར་མོ་དང་སྔོན་མོ་དང་ལྗང་གུའི་ཞལ་ཅན་གཡོན་ན་ཐོད་པ་དང་ཁ་ཊྭཱཾ་ག་དང་ཞགས་པ་བསྣམས་པའོ། །གཡས་ན་ལྕགས་ཀྱུ་དང་ཚངས་པའི་མགོ་བོ་དང་གྲི་གུག་འཛིན་པའོ། །
[42a.6]གཤིན་རྗེ་མ་དང་རྨོངས་བྱེད་མ་དང་སྐྱོད་བྱེད་མ་དང་སྐྲག་བྱེད་མ་དང་གཏུམ་མོ་ནི་སྔོན་མོ་དང་དཀར་མོ་དང་སེར་མོ་དང་ལྗང་གུ་དང་དུ་བའི་མདོག་ཅན་ཏེ་སྐྲ་གྲོལ་བ་གཅེར་བུ་སྤྱན་གསུམ་པ་ཕྱག་བཞི་པ་སྟེ། ཐོད་པ་དང་བཅས་པའི་ཁ་ཊྭཱཾ་ག་དང་དྲིལ་བུ་ནི་གཡོན་པའོ། །ཡང་གཡས་ན་
[42a.7]ཌ་མ་རུ་དང་གྲི་གུག་འཛིན་པའོ། །འདི་ཐམས་ཅད་གཡས་བརྐྱང་པ་ཉིད་ཀྱིས་གནས་པ་སྤྱན་གསུམ་པ་ཕྱག་རྒྱ་ལྔས་བརྒྱན་པའོ། །གང་ཡང་འདི་ལྟར་དཀར་པོ་ནི་ཟླ་བའི་དཀྱིལ་འཁོར་ཅན་གྱི་འོད་ཅན་ནོ། །གཞན་ནི་ཉི་མའི་དཀྱིལ་འཁོར་གྱི་འོད་ཅན་ནོ། །མཛུབ་མོ་མདུད་བྱས་ནི་རྩེ་
[42b]
[42b.1]མོ་མདུད་པ་བྱས་པའོ། །འདི་སྐད་བསྟན་པར་འགྱུར་ཏེ། པི་ཝང་མ་ལ་སོགས་པའི་ལྷ་མོ་བཅུ་དྲུག་གིས་མཆོད་བཞིན་པ་སྔགས་དང་ཕྱག་རྒྱས་བསྐུལ་བ་སྙིང་གའི་ས་བོན་གྱི་འོད་ཟེར་གྱིས་བཀུག་པའི་ཡེ་ཤེས་ཀྱི་འཁོར་ལོ་ཕྱོགས་བཅུ་ན་གནས་པའི་དཔའ་བོ་དང་དཔའ་མོའི་དབང་ཕྱུག་མར་
[42b.2]ཡོངས་སུ་གྱུར་པའི་རང་བཞིན་སྐད་ཅིག་གིས་བདག་ལ་གཞུག་པར་བྱའོ། །དེ་ནས་ཨོཾ་ཡོག་ཞེས་བྱ་བ་ལ་སོགས་པའི་སྔགས་བརྗོད་ཅིང་པདྨའི་ལག་པའི་ཕྱག་རྒྱས་བསྐོར་བས་སྙིང་གའི་ཕྱག་རྒྱ་སྦྱིན་པར་བྱ་སྟེ། སྙིང་གའི་ཕྱག་རྒྱ་ཉེ་བར་བསྡུས་ནས་འཁྱུད་པའི་ཚུལ་དང་། ཨོཾ་ཨཱཿ་ཧཱུཾ་
[42b.3]ཞེས་བྱ་བ་ལ་སོགས་པ་སྔོན་དུ་གསུངས་པའི་སྔགས་གསུམ་གྱི་བྱིན་གྱིས་བརླབ་པར་བྱའོ། །དེ་ནས་དབང་བསྐུར་བ་སྦྱིན་པར་བྱས་ཏེ། དེ་ལ་མན་ངག་ནི་འདི་ཡིན་ཏེ། ཡེ་ཤེས་ཀྱི་འཁོར་ལོ་དགུག་པ་དང་དུས་མཉམ་པའི་རྡོ་རྗེ་རྣལ་འབྱོར་མ་ཡེ་ཤེས་ཀྱི་བདུད་རྩིས་བཀང་བའི་ཐོད་པ་དང་ཌ་
[42b.4]མ་རུ་འཛིན་པ། སྙིང་གའི་ས་བོན་ལས་བྱུང་བའི་པི་ཝང་མ་ལ་སོགས་པའི་ལྷ་མོ་བཅུ་དྲུག་གིས་མཆོད་དེ། ཇི་ལྟར་བལྟམས་པ་ཞེས་བྱ་བ་ལ་སོགས་པ་ནས་ཁྲུས་གསོལ་ཞེས་བྱ་བའི་མཐར་ཐུག་པའི་བརྗོད་པ་རྣམས་ཀྱིས་ལག་པ་གཡོན་པའི་ཐོད་པ་ཅུང་ཞིག་ཡོ་བར་བྱས་ནས་
[42b.5]བླུགས་པའི་ཡེ་ཤེས་ཀྱི་བདུད་རྩིའི་རྒྱུན་གྱིས་དབང་བསྐུར་བས་བདེ་བ་ཆེན་པོའི་ངོ་བོར་བདག་ཉིད་རྣམ་པར་བསྒོམས་ལ་ཆུའི་ལྷག་མ་ལས་སྐྱེས་པའི་དེ་བཞིན་གཤེགས་པ་རྣམས་སྤྱི་བོར་བལྟས་ཏེ། ཨོཾ་སརྦྦ་ཏ་ཐཱ་ག་ཏ་ཞེས་བྱ་བ་ལ་སོགས་པའི་སྔགས་བརྗོད་པར་བྱའོ། །དེ་ལ་བཅོམ་
[42b.6]ལྡན་འདས་ལ་ནི་མི་བསྐྱོད་པས་སོ། །ཡུམ་ལ་ནི་རྣམ་པར་སྣང་མཛད་ཀྱིས་སོ། །མཁའ་འགྲོ་མ་ལ་སོགས་པ་ལ་རིན་ཆེན་འབྱུང་ལྡན་ནོ། །ཐུགས་དང་གསུང་དང་སྐུའི་འཁོར་ལོར་སོན་པ་རྣམས་ལ་མི་བསྐྱོད་པ་དང་འོད་དཔག་མེད་པ་དང་རྣམ་པར་སྣང་མཛད་དོ། །དམ་ཚིག་གི་འཁོར་ལོར་
[42b.7]སོན་པ་རྣམས་ལ་ནི་དོན་ཡོད་གྲུབ་པས་སོ། །དེ་ནས་མཆོད་པ་སྔོན་དུ་འགྲོ་བས་རོ་མ་ཞེས་བྱ་བའི་ལྷ་མོས་ཉེ་བར་བསྟབས་པའི་བདུད་རྩི་མྱངས་ཏེ་སྙིང་པོ་ནས་བཟུང་ནས་རྐང་པ་བརྒྱད་པའི་མཐར་ཐུག་པའི་སྔགས་ཀྱིས་བསྟོད་པར་བྱའོ། །དེ་ནས་ཡེ་ཤེས་ལྔ་དང་སྐུ་གསུམ་གྱི་
[43a]
[43a.1]བདག་ཉིད་ཅན་གྱི་དཀྱིལ་འཁོར་ལ་གཟུགས་བརྙན་ལྟ་བུར་མོས་པར་བྱའོ། །བཟླས་པའི་རྗེས་ཐོགས་སུ་གཏོར་མའི་ཆོ་ག་གསུངས་ཏེ་ཕྱིས་བརྗོད་པར་བྱའོ། །སོ་དང་སེན་མོ་དག་ཅེས་པ་ནི་ཁཎྜ་ཀ་པཱ་ལའི་རང་བཞིན་གྱིས་སོ་དང་སེན་མོ་ལ་སོགས་པ་ཞེས་
[43a.2]བྱ་བའི་དོན་ཏོ། །ཚངས་པའི་སྐུད་པ་ལ་སོགས་པ་རྣམས་ཀྱི་སྔགས་ལ་སོགས་པའི་རང་བཞིན་གྱིས་རྣམ་པར་དག་པ་གསུངས་པ་ནི་རྩ་བའི་སྔགས་སོགས་དཔའ་བོ་ཞེས་བྱ་བ་ལ་སོགས་པའོ། །ཡང་དང་ཡང་དུ་བསྟན་པས་འདི་སྐད་སྟོན་པ་ཡིན་ཏེ་ཕྱག་རྒྱ་འཛིན་པ་མེད་པར་སྔགས་བརྗོད་
[43a.3]པ་ཉིད་ཀྱིས་དེ་དང་མཚུངས་པའི་འབྲས་བུར་འགྱུར་ཞེས་བྱ་བའི་དོན་ཏོ། །དཔའ་བོ་ཞེས་བྱ་བ་ནི་དཔའ་བོའི་རྩ་བའི་སྔགས་དང་འབྲེལ་བའོ། །རྩ་བའི་སྔགས་ནི་ཕྲེང་བའི་སྔགས་ཏེ་དེ་ཉིད་མཆོག་ཡིན་ནོ། །ཁམས་སུ་བརྟག་ཅེས་པ་ནི་སོ་དང་སེན་མོ་ལ་སོགས་པར་ཞེས་བྱ་བའི་དོན་ཏོ། །གོ་ཆའི་དཔའ་
[43a.4]བོ་དྲུག་གིས་ནི། །ཞེས་བྱ་བ་ནི་བཅོམ་ལྡན་འདས་ཀྱི་གོ་ཆའི་སྔགས་དྲུག་གིས་ཞེས་བྱ་བའི་དོན་ཏོ། །ཕྱག་རྒྱ་འདི་ཡིས་ཞེས་པ་ནི་ཕྱག་རྒྱ་དྲུག་གིས་ཞེས་བྱ་བའི་དོན་ཏོ། །རྡོ་རྗེ་ཕག་མོའི་སྔགས་གང་ཡིན། །ཞེས་པ་ནི་ལྷ་མོའི་ཕྲེང་བའི་སྔགས་ཞེས་བྱ་བའི་དོན་ཏོ། །སངས་རྒྱས་ཀུན་གྱི་
[43a.5]མཁའ་འགྲོ་མ། །ཞེས་པ་ནི། ཨོཾ་སརྦྦ་བུདྡྷ་ཌཱ་ཀི་ནཱི་ཡེ། བཛྲ་བརྞ་ནཱི་ཡེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་ཞེས་པ་འདི་ཡིས་ཞེས་བྱ་བའི་དོན་ཏོ། །རྣལ་འབྱོར་མ་དྲུག་སྔགས་ལས་ནི། །ཞེས་པ་ནི་གོ་ཆར་གྱུར་པའི་རྣལ་འབྱོར་མ་དྲུག་གི་སྔགས་ཀྱིས་སོ། །འཁོར་ལོ་ཀུན་གྱི་རྣལ་འབྱོར་མ། །ཞེས་
[43a.6]པ་ནི་མཁའ་འགྲོ་མ་ནས་གཤིན་རྗེ་འཇོམས་མ་ལ་ཐུག་པའི་བར་གྱི་ལྷ་མོའི་སྔགས་རྣམས་ཀྱིས་ཞེས་བྱ་བའི་དོན་ཏོ། །སྔགས་ཀྱིས་བཟུང་བའི་ཐོད་པ་ཡིན། །ཞེས་པ་སྔགས་ནི་འདིར་སྙིང་པོའོ། །བཻ་རོ་ཙ་ནི་གང་ཡིན་ཞེས་བྱ་བ་ནི་ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཕཊ་སྭཱ་ཧཱ། ཞེས་བྱ་བ་འདི་ཡིས་
[43a.7]སོ། །དེ་ལྟར་ཞེས་བྱ་བ་ལ་སོགས་པས་ནི་རྒྱུ་བའི་དུས་སུ་གང་ཞིག་བྱ་བ་དེ་གསུངས་པའོ། །རྣམ་བསམས་ཏེ་ནི་གོ་ཆ་བགོས་ནས་སོ། །ཚམ་ངམ་སྔགས་ནི་ཨོཾ་སུམྦྷ་ནི་ཞེས་བྱ་བ་ལ་སོགས་པ་ཞལ་བཞི་པའི་སྔགས་སོ། །ཡང་ནས་ཡང་དུ་བརྗོད་པས་དེ་དེས་ལེགས་པར་བསྲུང་པར་འགྱུར་
[43b]
[43b.1]རོ། །ཚངས་པར་སྤྱོད་པ་རྟག་གྱུར་ནས། །ཞེས་པ་ནི་འཁོར་ལོ་སྡོམ་པའི་གཟུགས་སུ་དངོས་པོ་ཐམས་ཅད་རྒྱུན་མི་འཆད་པར་བལྟས་ནས་ཞེས་པའི་དོན་ཏོ། །རྐང་པ་བརྒྱད་པའི་སྔགས་ཀྱིས་མཆོད། །ཅེས་པ་ནི་རྐང་པ་བརྒྱད་པའི་སྔགས་ཀྱིས་བདག་ཉིད་ལ་མཆོད་པའོ། །བླ་མ་དང་
[43b.2]སངས་རྒྱས་དང་བྱང་ཆུབ་སེམས་དཔའ་རྣམས་མཐོང་ན་དེ་ལ་བདེ་མཆོག་གི་མོས་པས་རྐང་པ་བརྒྱད་པས་མཆོད་ནས་ཕྱག་ལ་སོགས་པ་བྱའོ། །འཁོར་ལོ་བདེ་མཆོག་སྡོམ་པ་ལ། །ཞེས་པ་ནི་གཉུག་མའི་རང་བཞིན་དང་ཐ་མི་དད་པའི་དོན་ཏོ། །བྱང་ཆུབ་སེམས་ཀྱི་ཕྱོགས་ཀྱི་ཆོས་སུམ་ཅུ་རྩ་
[43b.3]བདུན་སྦྱར་བས་ནི་ཐམས་ཅད་ཤེས་པ་ཉིད་དང་ས་བཅུའི་རྣམ་པར་དག་པའི་གནས་ལ་སོགས་པ་སྦྱར་བས་ནི་ལམ་ཤེས་པ་ཉིད་དང་གོ་ཆ་ལ་སོགས་པའི་རྣམ་པར་དག་པའི་མཐར་ཐུག་པ་སྦྱར་བས་ནི་རྣམ་པ་ཐམས་ཅད་མཁྱེན་པ་ཉིད་དུ་བསྟན་ཏོ་ཞེས་བྱ་བ་ནི་ཤིན་ཏུ་རྣལ་འབྱོར་རོ། །
[43b.4]ད་ནི་རྣལ་འབྱོར་ཆེན་པོས་རྡོ་རྗེ་འཛིན་པ་ཉིད་དུ་གསུངས་ཏེ། ཨཱ་ལི་ཀཱ་ལི་མདུན་བསམས་ནས། །ཞེས་བྱ་བ་ལ་སོགས་པ་ལ་མདུན་ནི་ཐོག་མར་ཏེ་ཟླ་བ་བསྒོམ་ཞེས་བྱ་བའི་དོན་ཏོ། །དེའི་ཞེས་བྱ་བ་ནི་ཟླ་བའི་འོ། །ཡི་གེ་ཞེས་པ་ནི་ཧཱུཾ་ངོ་། །མཆོག་གི་གནས་གྱུར་པ་ནི་རྡོ་རྗེ་འཛིན་པའི་
[43b.5]ས་བོན་ནོ། །ལྷ་ཡི་གཟུགས་ནི་བསྒོམ་པར་བྱ། །ཞེས་པ་ནི་ཧཱུཾ་ཡོངས་སུ་གྱུར་པ་ལས་སོ། །སྐུ་གསུང་ཐུགས་ཀྱི་རྡོ་རྗེ་ཅན། །ཞེས་བྱ་བ་ནི་རྡོ་རྗེ་འཛིན་པ་ཞེས་བྱ་བའི་དོན་ཏོ། །དེ་ནི་གཟུགས་ལས་འདས་པ་ཏེ། །ཞེས་པ་ནི་བཅོམ་ལྡན་འདས་རིམ་གྱིས་ཐིམ་པར་གྱུར་པ་དེ་ནི་ནཱ་དའི་རང་བཞིན་
[43b.6]དུ་བསྒོམ་ཞེས་པའི་དོན་ཏོ། །སེམས་ཉིད་ཅེས་བྱ་བ་ནི་ནཱ་ད་ཡང་ངོ་། །བསམ་གྱིས་མི་ཁྱབ་ཅེས་བྱ་བ་ལ་སོགས་པ་ནི་སྔ་མ་ཉིད་ངེས་པར་བསྟན་ཏོ། །དེ་ཡང་ཞེས་བྱ་བ་ནི་དེ་ལ་ཡང་ངོ་། །སེམས་ཉིད་བརྟག་པར་མི་བྱའོ། །ཞེས་པ་ནི་བསམ་གྱིས་མི་ཁྱབ་པར་ཡང་དག་པར་མི་བརྟག་གོ་ཞེས་
[43b.7]པའི་དོན་ཏོ། །འདིའི་ངེས་པར་བསྟན་པ་ནི་བསམ་གྱིས་ཞེས་བྱ་བ་ལ་སོགས་པ་སྟེ། དེ་བསམས་ན་ཞེས་བྱ་བ་ནི་བསམ་གྱིས་མི་ཁྱབ་པ་ཉིད་དུ་བསྒོམས་ན་ཞེས་བྱ་བའི་དོན་ཏོ། །གཟུངས་ནི་ཞེས་བྱ་བ་ནི་ཕྱག་རྒྱ་ཆེན་པོའི་དངོས་གྲུབ་བོ། །འདི་ཐམས་ཅད་ཀྱིས་འདི་ལྟར་བསྟན་པ་ཡིན་
[44a]
[44a.1]ཏེ། ཨཱ་ལི་ཀཱི་ལིའི་ཕྲེང་བ་འོད་ཟེར་ལྔ་དང་ལྡན་པ་འཁོར་ལོ་གསུམ་གྱི་ལྷ་རྣམས་འཕྲོ་བ་ཅན་བརྗོད་ཅིང་གཡས་པའི་རླུང་དང་འགྲོགས་ནས་བྱུང་སྟེ། འགྲོ་བ་འཁོར་ལོ་གསུམ་གྱི་བདག་ཉིད་དུ་བྱས་ནས་ཐོག་མ་མེད་པ་ནས་གྲུབ་པའི་དཔའ་བོ་དང་རྣལ་འབྱོར་མ་རྣམས་
[44a.2]དང་རོ་མཉམ་པར་གྱུར་ཏེ་སྣ་བུག་གཡོན་པ་ནས་ཞུགས་ནས་ལྟེ་བར་རང་རང་གི་རྣམ་པའི་གཟུགས་བརྙན་དང་ལྡན་པའི་ཟླ་བའི་དཀྱིལ་འཁོར་དུ་གྱུར་པར་བསམས་ལ། དེ་སྐད་ཅིག་གིས་ཡི་གེ་ཧཱུཾ་སྟེ་ཟླ་བ་དང་ས་བོན་ཡོངས་སུ་གྱུར་པ་ལས་བཅོམ་ལྡན་འདས་སྐུ་མདོག་དཀར་པོ་གཡས་
[44a.3]བརྐྱང་བས་གནས་པ། ནམ་མཁའ་ལ་བྲིས་པའི་རི་མོ་དང་མཚུངས་པ་ཞལ་གཅིག་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པའོ། །རྡོ་རྗེ་ཕག་མོ་དམར་མོ་ཕྱག་གཉིས་ཀྱིས་རྡོ་རྗེ་དང་ཐོད་པ་འཛིན་པ་ཞལ་གཅིག་མ་དང་སྙོམས་པར་ཞུགས་པར་བལྟ་སྟེ། སྒྱུ་མ་ལྟ་བུའི་རབ་ཏུ་གསལ་
[44a.4]བའི་སྒྲས་བཀུག་པའི་ཁམས་གསུམ་པའི་བདག་ཉིད་ཀྱི་འཁོར་ལོ་རྣམས་བདག་ཉིད་ལ་རིམ་གྱིས་བསྡུ་བར་བྱའོ། །རིམ་པ་ནི་འགྲོ་བ་རྣམས་ནི་དུར་ཁྲོད་རྣམས་སུ། དུར་ཁྲོད་རྣམས་ནི་ཕྱིའི་འཁོར་ལོ་ལའོ། །ཕྱིའི་འཁོར་ལོ་ནི་སྐུའི་འཁོར་ལོ་ལའོ། །སྐུའི་འཁོར་ལོ་ནི་གསུང་གི་
[44a.5]འཁོར་ལོ་ལའོ། །གསུང་གི་འཁོར་ལོ་ནི་ཐུགས་ཀྱི་འཁོར་ལོ་ལའོ། །ཐུགས་ཀྱི་འཁོར་ལོ་ནི་ཕྱོགས་སུ་སོན་པའི་མཁའ་འགྲོ་མ་ལ་སོགས་པ་ལའོ། །དབང་ལྡན་ལ་སོགས་པའི་མཚམས་སུ་སོན་པ་རྣམས་ནི་གཟུགས་ཅན་མ་ལ་སོགས་པ་རྣམས་ལའོ། །མཁའ་འགྲོ་མ་ལ་སོགས་པ་
[44a.6]རྣམས་ཀྱང་བཅོམ་ལྡན་འདས་ཀྱི་ཞལ་ཇི་ལྟ་བ་རྣམས་སུའོ། །བཅོམ་ལྡན་འདས་དང་བཅོམ་ལྡན་འདས་མ་ཡང་ཞལ་གཅིག་ཕྱག་གཉིས་མ་དང་དེའི་ཤེས་རབ་ལའོ། །དེ་དག་ཀྱང་མཉམ་པའི་བདེ་བས་འདོད་ཆགས་ཆེན་པོས་ཞུ་བར་གྱུར་ཅིང་ཞུ་བ་དེ་ཡོངས་སུ་གྱུར་པ་ལས་སིནྡྷུ་ར་དང་མུ་ཏིག་
[44a.7]དམར་པོའི་མདོག་ལྟ་བུའི་ཡི་གེ་ཧཱུཾ་བདེ་བ་ཆེན་པོའི་རང་བཞིན་ནོ། །དེ་ཡང་ཨཱུ་ནི་ཧ་ལའོ། །ཧ་ནི་མགོ་བོ་ལའོ། །མགོ་བོ་ནི་ཟླ་བ་ཕྱེད་པ་ལའོ། །ཟླ་བ་ཕྱེད་པ་ནི་ཐིག་ལེ་ལའོ། །ཐིག་ལེ་ནི་ནཱ་ད་ལའོ། །ནཱ་ད་ནི་སྐྲའི་རྩེ་མོ་བརྒྱ་སྟོང་དུ་བགོས་པའི་ཆའི་རང་བཞིན་དུ་བལྟ་བར་བྱའོ། །ཤིན་ཏུ་དབང་པོ་
[44b]
[44b.1]རྣོན་པོས་ནི་དེ་ཡང་མི་དམིགས་པར་བྱའོ་ཞེས་པ་ནི་རྣལ་འབྱོར་ཆེན་པོའོ། །སྐྱོ་བར་གྱུར་ན་སྐད་ཅིག་གིས་དཀྱིལ་འཁོར་གྱི་འཁོར་ལོར་ལྷག་པར་མོས་པར་བྱས་ལ། ལྟེ་བར་ཟླ་བ་ལ་དཀར་དམར་གྱི་ཡི་གེ་ཧཱུཾ་ངམ་ནཱ་ད་བལྟས་ཏེ་ཡི་གེ་གསུམ་རྗོད་པར་བྱེད་ཅིང་དེ་ལས་བྱུང་བའི་རླུང་གི་འཁོར་
[44b.2]ལོ་ལྔ་སྤྲོས་ཏེ་འགྲོ་བའི་དོན་བྱས་ནས་ཡང་བརྗོད་པས་སྔགས་དང་ལྷན་ཅིག་ཉིད་དུ་སྐུད་པའི་ཕྲེང་བ་དགུག་པའི་རིམ་པས་འཇུག་པའི་རླུང་གིས་དེ་ཉིད་དུ་གཞུག་པར་བྱའོ། །དེ་ལྟར་ཡང་དང་ཡང་དུ་བྱས་པ་ནི་རྡོ་རྗེའི་བཟླས་པའོ། །དེ་ཁོ་ན་བཞིན་དུ་ནཱ་ད་དེ་ཉིད་ལས་སྙིང་པོ་དང་ཉེ་བའི་སྙིང་པོའི་
[44b.3]སྔགས་ལས་འཁོར་ལོ་སྡོམ་པའི་ལྷ་ཚོགས་སྤྲོ་བ་དང་བསྡུས་པས་སྙིང་པོ་དང་ཉེ་བའི་སྙིང་པོའི་སྔགས་བརྗོད་པར་བྱའོ། །ལྷ་སོ་སོའི་སྔགས་བརྗོད་པ་ཡོངས་སུ་རྫོགས་པ་ན་སོ་སོར་སྤྲོ་བ་དང་བསྡུ་བ་བྱ་བ་ནི་དམ་ཚིག་གི་བཟླས་པའོ། །ཆོས་ཐམས་ཅད་མཉམ་པ་ཉིད་ཀྱི་ང་རྒྱལ་གྱིས་སྔགས་
[44b.4]ཀྱི་ཕྲེང་བ་ནཱ་ད་ལས་འཐོན་ཏེ་རྡོ་རྗེའི་ལམ་ནས་པདྨར་བྱུང་ཞིང་། དེ་ནས་ཨ་བ་དྷཱུ་ཏཱིའི་ནང་ན་ཡར་ལ་སོང་བར་བསྒོམ་ཞིང་ཕྲེང་བའི་སྔགས་བཟླས་པར་བྱ་བ་ནི་འདི་ལོའི་བཟླས་པའོ། །དེ་ནས་འཆད་པར་འགྱུར་བའི་རིམ་པས་གཏོར་མ་བྱིན་ནས་སྨོན་ལམ་ཡང་གང་བ་སྟེ། ལྷའི་གཟུགས་
[44b.5]ཀྱིས་གནས་པར་བྱའོ། །ཁྲུས་བྱེད་པའི་དུས་སུ་ནི་དབང་བསྐུར་བའི་ཆོ་གས་བྱའོ། །ཟས་ཀྱི་དུས་སུ་ནི་དཀྱིལ་འཁོར་གྱི་འཁོར་ལོ་བདག་ཉིད་ཀྱི་ལུས་སྐད་ཅིག་གིས་བསམས་ནས་ཆོ་ག་ཇི་ལྟ་བས་གཏོར་མ་སྦྱིན་པར་བྱ་སྟེ། ཡང་ན་ཡི་གེ་གསུམ་གྱིས་གཏོར་མ་བྱིན་གྱིས་བརླབས་ལ། ཨོཾ་ཁ་
[44b.6]ཁ་ཁཱ་ཧི་ཁཱ་ཧི་ཞེས་བྱ་བ་ལ་སོགས་པའི་སྔགས་ལན་ཅིག་བརྗོད་པས་ཕྱོགས་སྐྱོང་རྣམས་ལ་གཏོར་མ་བྱིན་ཏེ་འབར་བ་ལ་སོགས་པའི་ཆོ་གས་སྦྱངས་པའི་བཟའ་བ་ཆོས་ཐམས་ཅད་མཉམ་པ་ཉིད་ཀྱི་ང་རྒྱལ་སྔོན་དུ་སོང་བས། ཨོཾ་ས་མ་ཡ་ཤུདྡྷཿསརྦྦ་དྷརྨཱཿས་མ་ཡ་ཤུདྡྷོ྅ཧཾ། ཞེས་
[44b.7]བྱ་བས་མངོན་པར་བསྔགས་ཏེ་ལྕེ་ཧཱུཾ་ལས་རྡོ་རྗེ་དཀར་པོའི་རང་བཞིན་དུ་བསམས་ནས། ཨོ་ཨ་མྲྀ་ཏོ་ད་ཀ་ཧཱུཾ་ཧཱུཾ་ཋ་ཋ་ཏྲཱཾ་ཨཱཿ་ཁཾ་ཧཱུཾ་ཞེས་བྱ་བ་འདི་དང་ཡི་གེ་གསུམ་གྱིས་བྱིན་གྱིས་བརླབས་ལ་ལྟེ་བ་ན་གནས་པའི་ཡི་གེ་ཧཱུཾ་ངམ་ནཱ་ད་ཚིམ་པར་བྱའོ། །གུང་གི་ཐུན་ལ་བསམ་གཏན་གྱི་ཁང་བུར་
[45a]
[45a.1]ཞུགས་ཏེ་ཡི་གེ་གསུམ་ལ་སོགས་པའི་སྔགས་ལན་གསུམ་བརྗོད་ཅིང་སྐད་ཅིག་གིས་དཀྱིལ་འཁོར་གྱི་འཁོར་ལོར་མོས་པར་བྱས་ཏེ། སྔོན་བཞིན་དུ་ཐམས་ཅད་བྱས་ལ་ཇི་ལྟར་བདེ་བར་གནས་པར་བྱའོ། །ཕྱི་ཐུན་ལ་གུང་གི་ཐུན་བཞིན་དུ་ཐམས་ཅད་བྱས་ལ་
[45a.2]ནམ་ཕྱེད་ཀྱི་དུས་སུ་ངག་གི་བྱ་བ་ཐམས་ཅད་ཨཱ་ལི་ཀཱ་ལིའི་རང་བཞིན་དུ་རྟོགས་པར་བྱ་སྟེ། ཨོཾ་ཨེ་ཧྱེ་ཧི་མ་ཧཱ་བཱི་ར་ཤུདྡྷ་བཱ་ཀྱ་སྱ་དེ་ཤ་ཀ་ཤཱུནྱ་ཏཱ་ཛྙཱ་ན་མེ་བཾ་ཙཥྚི་སཾ་ཧ་ར་སྭ་ཡཾ་བྷུ་བ་ཞེས་པ་དང་། ཨའི་ཡི་གེ་ནས་ཀྵའི་མཐར་ཐུག་པ་ཧཱུཾ་ཧཱུཾ་ཕཊ་ཅེས་པ་བརྗོད་ཅིང་འོད་གསལ་བ་མངོན་དུ་
[45a.3]བྱས་ཏེ་གཉིད་ལོག་པ་ན་འོད་གསལ་བ་ཉིད་དུ་མོས་པ་བྱས་ནས་ཉལ་བར་བྱ་སྟེ། ཐུན་ཐམས་ཅད་ཀྱི་མཐར་ཡི་གེ་བརྒྱ་པ་བརྗོད་པར་བྱའོ། །ཡང་ཐོ་རངས་ཀྱི་ཐུན་ལ་འོད་གསལ་བ་ལས་བྱུང་བའི་དཀྱིལ་འཁོར་གྱི་འཁོར་ལོར་མོས་པར་བྱ་སྟེ། ཨོཾ་ཨེ་ཧྱེ་ཧི་ཞེས་བྱ་བ་ལ་སོགས་
[45a.4]པའི་སྔགས་ཐམས་ཅད་བརྗོད་དེ་ལངས་ལ་སྔར་གསུངས་པ་ཐམས་ཅད་རྗེས་སུ་བསྒྲུབ་པར་བྱའོ། །ཁ་ཊྭཱཾ་ག་ནི་ལྷ་ཡི་སྐུ། །ཞེས་བྱ་བ་ནས། ཀ་ནི་གང་དུའང་མི་གནས་པའོ། །ཞེས་པའི་བར་གྱི་གཞུང་ནི། བཻ་རོ་ཙ་ནའི་སྔགས་གང་ཡིན། །ཐོད་པས་མགོ་བོར་བརྒྱན་པ་ཡིན། །ཞེས་བྱ་
[45a.5]བ་འདིའི་རྗེས་ལ་སྦྱར་བར་བྱ་སྟེ། ལྷའི་སྐུ་ཞེས་བྱ་བ་ནི་ཤྲཱི་ཧེ་རུ་ཀའི་སྐུའོ། །ཡང་ན་རུས་པའི་སྒལ་ཚིགས་ཁ་ཊྭཱཾ་གའི་རང་བཞིན་དུ་ཤེས་པར་བྱའོ། །ཤེས་རབ་ནི་སྟོང་པ་ཉིད་དོ། །ཌ་མ་རུའི་སྒྲ་ནི་བྲག་ཅ་ལྟ་བུར་རྟོགས་པར་བྱའོ། །དམིགས་པའི་རང་བཞིན་གྱིས་ཉིན་མོ་བཅོམ་ལྡན་
[45a.6]འདས་སོ། །མི་དམིགས་པའི་རང་བཞིན་གྱིས་མཚན་མོ་རྣལ་འབྱོར་མའོ། །མྱ་ངན་འདས་བྱུང་དཔའ་བོ་རྣམས། །དྲུག་པ་སེམས་ཀྱི་སྤྲུལ་པ་སྟེ། །ཞེས་པ་ནི་མྱ་ངན་ལས་འདས་པ་ནི་འཆི་བ་སྟེ་སྲོག་གི་དབང་པོ་འགགས་པའི་ཕྱིར་རོ། །མྱ་ངན་ལས་འདས་པ་ལས་བྱུང་བ་ནི་དྲི་ཟའི་སེམས་
[45a.7]ཅན་ཏེ། དེ་ཡང་མངོན་པར་ཤེས་པ་ལྔ་དང་མཚན་གྱིས་བརྒྱན་པའི་ལུས་ཅན་ཡེ་ཤེས་ཀྱི་རང་བཞིན་དུ་བརྗོད་དེ་རྣམ་པར་ཤེས་པ་ཙམ་གྱི་རང་བཞིན་ཡིན་པའི་ཕྱིར་རོ། །དྲུག་པ་ཉིད་དུ་གཞལ་ཞིང་ངེས་པར་བྱ་བས་ན་དྲུག་པ་ཞེས་བྱའོ། །དེ་བས་ན་སེམས་ཀྱི་སྤྲུལ་པ་ཞེས་བྱའོ། །དཔའ་བོ་ནི་
[45b]
[45b.1]བཅོམ་ལྡན་འདས་ཏེ་དེའི་གཟུགས་སུ་མོས་པར་བྱ་སྟེ་བསྒོམ་པར་བྱའོ་ཞེས་བྱ་བའི་དོན་ཏོ། །ཡང་ན་མྱ་ངན་ལས་འདས་པ་ནི་ཆོས་ཀྱི་དབྱིངས་ཏེ་ཉོན་མོངས་པ་ཞི་བས་སོ། །བྱུང་བ་ནི་སེམས་ཅན་གྱི་དོན་མཛད་པའི་ཡེ་ཤེས་ཀྱི་རང་བཞིན་གྱི་སྐུའོ། །དྲུག་ནི་ཆོས་ཀྱི་དབྱིངས་སོ། །པ་
[45b.2]ནི་འཇལ་བ་དང་ཡོངས་སུ་གཅོད་པས་ན་དེ་སྐད་ཅེས་བྱའོ། །སེམས་ཀྱི་སྤྲུལ་པ་ཞེས་བྱ་བ་ནི་གདུལ་བྱའི་སེམས་ཅན་ལ་ལྟོས་ནས་དེ་བཞིན་དུ་སོ་སོར་སྣང་བའོ། །དག་པ་ཆོས་ཀྱི་སྤྲུལ་པ་ནི། །ཕག་མོའི་གཟུགས་སུ་བསྟན་པ་ཡིན། །ཞེས་བྱ་བ་ལ་དག་པའི་ཆོས་ནི་སྟོང་པ་ཉིད་དོ། །
[45b.3]དེའི་རང་བཞིན་ནི་རྡོ་རྗེ་ཕག་མོ་ཞེས་བྱ་བའི་དོན་ཏོ། །སེམས་ནི་ངལ་བས་སོ་ཞེས་བྱ་བ་ལ་སོགས་པ་ནི་མཐོང་བའི་ཆོས་ཀྱི་ཕན་ཡོན་ཏེ། །རྣལ་འབྱོར་ནི་རྣལ་འབྱོར་བས་སོ། །མྱ་ངན་ལས་འདས་པ་ནི་འཆི་བ་ཉིད་དོ། །མི་སྟོན་པ་ནི་དོན་དམ་པར་མེད་པ་སྟེ་ཁྱིམ་ནས་ཁྱིམ་གཞན་
[45b.4]དུ་འགྲོ་བ་ཉིད་བཞིན་དུ་སེམས་ངལ་སོ་བ་ཙམ་ཉིད་ལ་འཆི་བ་ཡིན་ནོ་ཞེས་དགོངས་སོ། །འཕོ་བའི་ཚེ་ནི་འཆི་བའི་དུས་སོ། །རྣལ་འབྱོར་རྣམས་ནི་རྣལ་འབྱོར་པའོ། །འཆི་བ་ཞེས་བྱ་རྣམ་རྟོག་སྟེ། །ཞེས་པ་ནི་འཇིག་རྟེན་པའི་རྣམ་པར་རྟོག་པའོ། །མཁའ་སྤྱོད་གནས་སུ་ཞེས་
[45b.5]པ་ནི་འོད་གསལ་བའི་གོ་འཕང་དུའོ། །འདི་སྐད་བརྗོད་པ་ཡིན་ཏེ་འཆི་བའི་དུས་ན་དཔལ་ཧེ་རུ་ཀ་དང་ཕག་མོ་ལ་སོགས་པ་རྡོ་རྗེ་རྣལ་འབྱོར་མ་རྣམས་ཀྱིས་སྣ་ཚོགས་པའི་སྤོས་དང་མེ་ཏོག་དང་རྒྱལ་མཚན་དང་། བ་དན་ལ་སོགས་པ་ལག་ན་ཐོགས་པས་འོད་གསལ་བའི་གོ་འཕང་
[45b.6]དུ་འཇུག་པར་བྱེད་དོ་ཞེས་བྱ་བའི་དོན་ཏོ། །དཔལ་མངོན་པར་རྟོགས་པའི་དཀའ་འགྲེལ། གྲུབ་ཐོབ་ཆེན་པོ་ལ་བའི་ན་བཟའ་ཅན་གྱི་རྗེས་སུ་འབྲངས་ནས་སློབ་དཔོན་ཆེན་པོ་པྲཛྙཱ་རཀྵི་ཏས་མཛད་པ་རྫོགས་སོ།། །།རྒྱ་གར་གྱི་མཁན་པོ་དཔལ་སུ་མ་ཏི་ཀཱི་རྟི་དང་། ལོ་ཙཱ་བ་
[45b.7]དགེ་སློང་བློ་ལྡན་ཤེས་རབ་ཀྱིས་བསྒྱུར་བའོ།། {T1466}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦ་ར་པཱུ་ཛ་མེ་གྷ་བི་དྷིཿ། བོད་སྐད་དུ། དཔལ་འཁོར་ལོ་སྡོམ་པའི་ཕྱི་རོལ་གྱི་མཆོད་པའི་ཆོ་ག །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །བླ་མ་དམ་པའི་ཞབས་པ་ད་ལ། །
[46a]
[46a.1]བཏུད་དེ་མན་ངག་ཇི་ལྟར་བར། །བདག་གིས་བདེ་མཆོག་རྒྱུད་བརྟེན་ནས། །ཕྱི་མཆོད་ཆོ་ག་གསལ་པོར་བསྡུ། །འདིར་རྣལ་འབྱོར་པ་དཔལ་འཁོར་ལོ་བདེ་མཆོག་གི་དཀྱིལ་འཁོར་ལ་མཆོད་པར་འདོད་པས་ནང་པར་སྔ་བར་ལངས་པའམ། སྐབས་ཇི་ལྟ་བ་ཡང་རུང་
[46a.2]སྟེ་བདེ་མཆོག་གི་རྣལ་འབྱོར་དང་ལྡན་པ་ཁོ་ནའི་སྔགས་པས་ས་ཕྱོགས་གཙང་མར་ལག་པ་བཞག་ལ་ཨོཾ་སུམྦྷ་ནི་སུམྦྷ་ཞེས་བྱ་བ་བརྗོད་དེ་བདུད་རྩི་རིལ་བུ་དྲི་ཞིམ་པོ་ལ་སོགས་པའམ་རྫས་གང་ཡང་རུང་། བ་ལང་གི་ལྕི་བའི་རིལ་བུས་དཀྱིལ་འཁོར་གྲུ་བཞི་པ་བྱུགས་ནས་དེའི་དབུས་སུ་ལག་པ་
[46a.3]བཞག་སྟེ་པུ་ཛཱ་ལ་སོགས་པའི་ཡི་གེ་ཉི་ཤུ་རྩ་བཞི་གནས་དང་ཉེ་བའི་གནས་ལ་སོགས་པ་ས་བཅུའི་རང་བཞིན་རྣམས་དེ་དང་དེའི་སར་ལྷག་པར་མོས་པ་སྔོན་དུ་འགྲོ་བས་བརྗོད་པར་བྱའོ། །དེ་ནས་དཀྱིལ་འཁོར་དེ་ཉིད་དུ་ཡུད་ཙམ་གྱིས་འབྱུང་བ་བཞི་ལ་གནས་པའི་རི་རབ་ཀྱི་སྟེང་གི་སྣ་
[46a.4]ཚོགས་པདྨ་ཟླ་བ་ལ་རང་གི་སྙིང་ག་ནས་བྱུང་བའི་ཧཱུཾ་དེ་ཉིད་བཞག་ནས་ས་བོན་དེའི་འོད་ཟེར་རྣམས་ཀྱིས་ཡེ་ཤེས་ཀྱི་དཀྱིལ་འཁོར་སྤྱན་དྲངས་ལ་ཡི་གེ་ཧཱུཾ་དེ་ལ་བཅུག་སྟེ་དེ་ཡོངས་སུ་གྱུར་པ་ལས་བཅོམ་ལྡན་འདས་འཁོར་དང་བཅས་པ་རྣམ་པ་ཐམས་ཅད་ཡོངས་སུ་རྫོགས་པར་བལྟ་བར་བྱའོ། །
[46a.5]དེ་ནས་སྙིང་གའི་ས་བོན་ལས་བྱུང་བའི་པི་ཝང་མ་ལ་སོགས་པའི་ལྷ་མོ་རྣམས་ཀྱིས་ཡང་དག་པར་མཆོད་ཅིང་དེ་ལས་བྱུང་བའི་རིན་པོ་ཆེ་སྣ་བདུན་ཡང་ཕུལ་ཏེ་ཆོ་ག་ཇི་ལྟ་བ་བཞིན་སྦྱངས་པའི་ལག་པ་གཡོན་པས་དཀྱིལ་འཁོར་གྱི་དབུས་སུ་ཡི་གེ་གསུམ་གྱིས་མེ་ཏོག་དགོད་དོ། །དེ་ནས་དེ་ཉིད་དུ་
[46a.6]བཅོམ་ལྡན་འདས་དང་བཅོམ་ལྡན་འདས་མའི་སྙིང་པོ་རྣམས་ཀྱིས་སོ། །དེ་ནས་མཁའ་འགྲོ་མ་ལ་སོགས་པ་ནས་གཤིན་རྗེ་འཇོམས་མའི་མཐར་ཐུག་པ་རྣམས་ལ་རང་རང་གི་སྔགས་ཀྱིས་ཕྱོགས་རྣམས་སུ་གཡོན་སྐོར། མཚམས་སུ་གཡས་སྐོར་གྱིས་གནས་ཇི་ལྟ་བ་བཞིན་དུ་
[46a.7]མེ་ཏོག་དགོད་དོ། །དེ་ནས་ལག་པ་ལ་བཀོད་པའི་ལྷ་རྣམས་ལ་དེ་དང་དེའི་གནས་སུ་ཨོཾ་ཧ་ཞེས་བྱ་བ་ལ་སོགས་པ་དེ་དང་དེའི་སྔགས་རྣམས་ཀྱིས་མཆོད་པར་བྱའོ། །དེ་ནས་ལག་པ་གཡོན་པ་ན་གནས་པའི་མེ་ཏོག་དེ་རྐང་པ་བརྒྱད་པའི་སྔགས་བརྗོད་པ་སྔོན་དུ་འགྲོ་བས་དཀྱིལ་
[46b]
[46b.1]འཁོར་དུ་དོར་ཏེ་མགོ་བོར་ཐལ་མོ་སྦྱར་བ་སྔོན་དུ་འགྲོ་བས་ལྷའི་དཀྱིལ་འཁོར་དེ་བདག་ཉིད་ལ་གཞུག་པར་བྱའོ། །དེ་ནས་སྙིང་བོ་ནས་བརྩམས་ཏེ་རྐང་པ་བརྒྱད་པའི་མཐར་ཐུག་པའི་སྔགས་ཀྱི་བསྟོད་པ་སྔོན་དུ་འགྲོ་བ་ཅན་ཇི་ལྟར་བསྟན་པའི་བསྟོད་པ་རྣམས་ཀྱིས་ཡང་དག་པར་བསྟོད་
[46b.2]ནས་ནུས་པ་ཇི་ལྟ་བར་སྡིག་པ་བཤགས་པ་ལ་སོགས་པ་དང་བསམ་གཏན་དང་སྔགས་བཟླས་པ་དང་སྨོན་ལམ་གདབ་པ་ལ་སོགས་པ་བྱས་ཏེ་ཡི་གེ་བརྒྱ་པ་བཏོན་ནས་ཨོཾ་ཡོ་ག་ཤུདྡྷཿ་སརྦྦ་དྷརྨཱ་ཡོ་ག་ཤུདྡྷོ྅ཧཾ་ཞེས་བྱ་བའི་སྔགས་དང་བཅས་པས་བཛྲ་མུཿ་ཞེས་བྱ་བས་གཤེགས་སུ་གསོལ་ཏེ་འཁོར་
[46b.3]ལོ་དེ་བདག་ཉིད་ལ་གཞུག་པར་བྱའོ། །དེ་ནས་དཀྱིལ་འཁོར་གྱི་རི་མོ་བྲི་བར་བྱའོ། །ཕྱི་རོལ་མཆོད་ཚུལ་ལེགས་པར་བསྡུས། །བདག་གིས་བསོད་ནམས་གང་བསགས་པ། །དེས་ནི་འགྲོ་བ་མ་ལུས་ཀུན། །སངས་རྒྱས་མཆོད་པའི་རྗེས་གཞོལ་ཤོག །དཔལ་འཁོར་ལོ་སྡོམ་
[46b.4]པའི་ཕྱི་རོལ་མཆོད་པའི་ཆོ་ག་དཔལ་པྲཛྙཱ་རཀྵི་ཏས་མཛད་པ་རྫོགས་སོ།། །།དཔལ་སུ་མ་ཏི་ཀཱི་རྟི་དང་སྒྲ་བསྒྱུར་གྱི་ལོ་ཙཱ་བ་བློ་ལྡན་ཤེས་རབ་ཀྱིས་བསྒྱུར་བའོ།། {T1467}༄༅༅། །རྒྱ་གར་སྐད་དུ། ཤྲཱི་ཙ་ཀྲ་སམྦ་ར་བ་ལིཾ་བྷི་དྷིཿ། བོད་སྐད་དུ། དཔལ་འཁོར་ལོ་སྡོམ་
[46b.5]པའི་གཏོར་མའི་ཆོ་ག །དངོས་ཀུན་གཅིག་ཏུ་སྡོམ་པ་ཡི། །དཔའ་བོ་སྡོམ་པ་ལ་བཏུད་དེ། །གཏོར་མའི་དེ་ཉིད་མདོར་བསྡུས་ནས། །མན་ངག་ཇི་བཞིན་བྲི་བར་བྱ། །དང་པོར་སློབ་དཔོན་རྣལ་འབྱོར་ཆེན་པོས་གནས་པ་ལས་ལངས་ཏེ། དཔལ་འཁོར་ལོ་སྡོམ་པའི་རྣལ་འབྱོར་དང་
[46b.6]ལྡན་པའི་སྔགས་པས་བཟའ་བ་ལ་སོགས་པ་མདུན་དུ་བྱས་ནས་སྦྱང་བར་བྱའོ། །དེ་ལ་མདུན་དུ་ཡི་གེ་ཡཾ་ལས་རླུང་གི་དཀྱིལ་འཁོར་དེའི་སྟེང་དུ་ཡི་གེ་རཾ་ལས་མེའི་དཀྱིལ་འཁོར། དེའི་སྟེང་དུ་ཡི་གེ་གསུམ་ལས་སྐྱེས་པའི་མགོ་བོ་གསུམ་གྱིས་བྱས་པའི་སྒྱེད་པོའི་སྟེང་དུ་ཡི་གེ་ཨ་དཀར་པོ་
[46b.7]ལས་སྐྱེས་པའི་པདྨ་ནང་དམར་བ་ཕྱི་དཀར་པོ། དེའི་ནང་དུ་ཟན་ལ་སོགས་པ་ལ་ཨོཾ་ཏྲཱཾ་ཨཱཾ་ཁཾ་ཧཱུཾ། ལཱཾ་མཱཾ་པཱཾ་ཏཱཾ་བཾ་གྱི་ཡི་གེ་ལས་བསྐྱེད་ཅིང་དེས་བྱིན་གྱིས་བརླབས་པའི་བདུད་རྩི་ལྔ་དང་། སྒྲོན་མ་ལྔའི་རང་བཞིན་དུ་བསྐྱེད་ལ། ས་བོན་གྱི་ཡི་གེ་ལ་སོགས་པ་རླུང་གིས་བསྐྱོད་
[47a]
[47a.1]པའི་མེ་ཡིས་གདུངས་ཏེ་ཞུ་བ་ན། ཉི་མ་འཆར་ཁའི་མདོག་ཅན་དུ་བལྟས་ཏེ། དེར་དངུལ་ཆུའི་ཁ་དོག་ཅན་གྱི་ཡི་གེ་ཧཱུཾ་ལས་བྱུང་བའི་ཁ་ཊྭཱཾ་ག་དཀར་པོ་བདུད་རྩིའི་རང་བཞིན་ཅན་སྤྱི་བོ་ཚུགས་སུ་འདུག་པ་ཞུ་ནས་ཁུ་བའི་རྫས་དེ་དངུལ་ཆུའི་མདོག་ཅན་བསིལ་བར་
[47a.2]གྱུར་པར་བལྟས་ནས། དེ་ནས་དེའི་སྟེང་དུ་ཨཱ་ལི་ཀཱ་ལི་ཡོངས་སུ་གྱུར་པའི་ཡི་གེ་ཨོཾ་ཨཱཿ་ཧཱུཾ་རྣམས་རིམ་པས་སྟེང་ནས་སྟེང་དུ་གནས་པ་ལས་འཁོར་ལོ་གསུམ་གྱི་ལྷ་ཚོགས་རྣམས་སྤྲོས་ཏེ་འགྲོ་བའི་དོན་བྱས་ནས་སྙོམས་པར་འཇུག་པ་སྔོན་དུ་འགྲོ་བ་ཅན་གྱིས་ཞུ་བར་གྱུར་ནས་ཡི་གེ་
[47a.3]གསུམ་པོ་ལ་ཇི་ལྟ་བ་བཞིན་གཞུག་གོ། །དེ་ཡང་ཡི་གེ་ཨོཾ་ལ་སོགས་པ་ཡང་རིམ་གྱིས་ཞུ་བར་བལྟ་སྟེ། ཇི་སྲིད་འདོད་པར་ཡི་གེ་གསུམ་གྱིས་བྱིན་གྱིས་བརླབ་བོ། །དེ་ནས་འབར་བའི་ཕྱག་རྒྱ་དང་ཕཻཾ་གྱི་སྔགས་དག་གིས་བཀུག་པ་རྣམ་པ་ཐམས་ཅད་ཡོངས་སུ་རྫོགས་པའི་དཀྱིལ་འཁོར་
[47a.4]མདུན་དུ་བཞག་ལ། ཡོན་ཆབ་དང་ཞལ་བསིལ་ལ་སོགས་པ་སྔོན་དུ་འགྲོ་བས་ཡང་དག་པར་མཆོད་ནས་ཨཱ་ལི་དང་ཀཱ་ལི་ཡོངས་སུ་གྱུར་པ་ལས་ཟླ་བ་དང་ཉི་མའི་རང་བཞིན་གྱི་ལག་པ་གཉིས་ཀྱི་ནང་དུ་ཆུད་པའི་ཡི་གེ་ཧཱུཾ་བལྟས་ཏེ། ཨོཾ་ཨ་ནྱོ་ནྱ་ཨ་ནུ་ག་ཏ་སརྦྦ་དྷརྨཱ། སྤར་སྤར་ཨ་ནུ་ག་ཏ་སརྦྦ་
[47a.5]དྷརྨཱཿ་ཨ་ཏྱན་ཏ་ཨ་ནུ་པྲ་བིཥཊ་སརྦྦ་དྷརྨ་ཧཱུཾ་ཞེས་བརྗོད་པ་སྔོན་དུ་འགྲོ་བས་ཟླ་བ་དང་ཉི་མ་ལ་གནས་པའི་ཡི་གེ་ཧཱུཾ་ཡོངས་སུ་གྱུར་པ་ལས་རྡོ་རྗེ་ཐལ་མོར་བྱས་པའི་ལག་མཐིལ་དུ་བདུད་རྩིའི་སྣོད་གཞག་པའམ་ཡང་ན་བསྒོམས་ལ། དེའི་འོག་ཏུ་བདག་གིར་བྱ་བའི་དོན་འདི་གདོན་ཏེ། ལྷ་མོ་ཚད་མ་དམ་ཚིག་
[47a.6]ཚད་མ་དང་། །དེས་གསུངས་ཚིག་ཀྱང་ཚད་མ་མཆོག་ཡིན་པའི། །བདེན་པ་འདིས་ནི་ལྷ་མོ་འདི་དག་རྣམས། །བདག་ལ་རྗེས་སུ་འཛིན་པའི་རྒྱུར་གྱུར་ཅིག །དེ་ནས་མཆོད་པར་བྱ་བ་དང་། མཆོད་པ་པོ་དང་། མཆོད་པ་རྣམས་ཐ་མི་དད་པར་བལྟས་པས་བདུད་རྩིའི་སྣོད་དེ་ཤར་ནས་ཕྱོགས་སུ་གཡོན་
[47a.7]སྐོར་གྱིས་དང་། མཚམས་སུ་མེའི་མཚམས་ནས་བརྩམས་ཏེ་གཡས་སུ་བསྐོར་ཞིང་། འཁོར་ལོ་གསུམ་གྱི་ལྷ་ཧཱུཾ་ལས་བྱུང་བའི་རྡོ་རྗེ་དཀར་པོའི་ལྕེ་ནས་ཙམ་བསམས་ནས། ཨོཾ་ཀ་ར་ཀ་ར། ཀུ་རུ་ཀུ་རུ། བན་དྷ་བན་དྷ། ཏཱ་ས་ཡ་ཏྲཱས་ཡ། ཀྵོ་བྷ་ཡ་ཀྵོ་བྷ་ཡ།
[47b]
[47b.1]ཧྲཽཾ་ཧྲཽཾ། ཧྲཿ་ཧྲཿ་ཕེཾ་ཕེཾ། ཕཊ་ཕཊ། ད་ཧ་ད་ཧ། པ་ཙ་པ་ཙ། བྷ་ཀྵ་བྷ་ཀྵ། བ་ས་རུ་དྷི་ར་ཨནྟྲ་མཱ་ལ། ཨ་བ་ལཾ་བི་ནེ། གྲྀ་ཧྞ་གྲྀ་ཧྞ་སཔྟ་པཱ་ཏཱ་ལ་ག་ཏ་བྷུ་ཛཾ་ག །སར་པཾ་བཱ་ཏ་རྫ་ཡ་ཏ་རྫ་ཡ། ཨཱ་ཀ་ཌྜྷྱ། ཨཱ་ཀཌྜྷྱ། ཧྲཱིཾ་ཧྲཱིཾ་ཛྞཽཾ་ཛྞཽཾ། ཀྵྨཱཾ་ཀྵྨཱཾ། ཧཱཾ་ཧཱཾ་ཧཱིཾ་ཧཱིཾ། ཧཱུཾ་ཧཱུཾ། ཀི་ལི་ཀི་ལི། སི་ལི་
[47b.2]སི་ལི། ཧི་ལི་ཧི་ལི། དྷི་ལི་དྷི་ལི། ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་བྱ་བ་འདི་ལན་ཅིག་བརྗོད་པས་དབུལ་ལོ། །བཅོམ་ལྡན་འདས་ཤེས་རབ་དང་བཅས་པ། མཁའ་འགྲོ་མ་ལ་སོགས་དང་ཁྭ་གདོང་མ་ལ་སོགས་པ་རྣམས་ལ་ཡང་ཅི་རིགས་པས་བསྐོར་ཞིང་། ཨོཾ་བཛྲ་ཨ་རལླི་ཧོཿ་ཛཿ་ཧཱུཾ་
[47b.3]བཾ་ཧོཿ་བཛྲ་ཌཱ་ཀི་ནྱ། ས་མ་ཡ་སྟྭཾ་དྲྀ་ཤྱ་ཧོཿ་ཞེས་བྱ་བ་འདི་ལན་གཅིག་གམ་གཉིས་སམ་གསུམ་མམ་བཞིའམ་ལྔ་བརྗོད་པས་དབུལ་ལོ། །དེ་ནས་ཞབས་བསིལ་དང་། ཕྱག་ཕྱིས་དང་། ཏཾ་པོ་ལ་སོགས་པ་ཕུལ་ཏེ། །པི་ཝང་མ་ལ་སོགས་པས། བྷ་ཝ་ཤ་མ་ས་མ་སཾ་ག །བྷ་གན་སཾ་ཀ་ལྤ་
[47b.4]བྷ་གཱཿ་ཁ་མི་བ་ས་ཀ་ལ་བྷ་བཾ། བྷཱ་བ་ཏོ་བི་ཀྵ་མཱ་ཎཱཿ་གུ་རཏ་ར་ཀུ་རུ་ཎཱ་མྦྷཿསྥིད་ཙ་ཏིཏ་མྦུ་ནཱ་ཐཱ། ཀུ་རུ་ཀུ་རུ་ཏ་དེ་བྱོ་མ་ཡཡ་ཏི་བཱ་ནུ་ཀཾ་པཱ། མཆོད་ནས་བསྟོད་པ་བྱ་སྟེ། མངོན་པར་འདོད་པའི་དངོས་གྲུབ་བླང་བ་ནི། སྲིད་ཞི་མཉམ་པར་མཁྱེན་ཞིང་ཀུན་སྲིད་བ་ཞི་བ་མཉམ་པ་སོགས་ཀྱི་སྐད་དོད།
[47b.5]རྟོག་རླབས་བཅོམ་པ། །དེ་ཉིད་དུ་ན་དངོས་ཀུན་མཁའ་ལྟར་གཟིགས་གྱུར་ཅིང་། །ཐུགས་ཀྱི་པདྨ་རབ་ལྕི་ཐུགས་རྗེའི་ཆུས་རྒྱས་པ། །ལྷ་མོ་རྣམས་ཀྱིས་བདག་ལ་ཤིན་ཏུ་བརྩེར་མཛོད་ཅིག །དེ་ནས་དུར་ཁྲོད་བརྒྱད་ན་གནས་པའི་ཕྱོགས་སྐྱོང་རྣམས་ལ་སྔ་མ་ལྟར་བསྐོར་ཞིང་། ཨོཾ་ཁ་ཁ་
[47b.6]ཁཱ་ཧི་ཁཱི་ཧི། སརྦྦ་ཡཀྵ་རཱ་ཀྵ་ས་བྷཱུ་ཏ། པྲེ་ཏ་པི་ཤཱ་ཙ་ཨུནྨ་ད། ཨ་པསྨ་ར། བཛྲ་ཌཱ་ཀ་ཌཱ་ཀི་ནྱ་ད་ཡ། ཨི་མཾ་པ་ལིཾ་གྲྀཧྣནྟུ། ས་མ་ཡ་རཀྵ་ནྟུ། མ་མ་སརྦ་སིདྡྷི་མྨེ་པྲ་ཡ་ཙྪ་ན་ཏུ། ཡ་ཐཻ་བཾ་ཡ་ཐེ་ཥྚཾ་བྷུ་ཉྫ་ཐ། པི་བ་ཐ་ཛི་གྷྲ་ཐ་མཱ་ཏི་ཀྲ་མ་ཐ། མ་མ་སརྦྦ་ཀཱ་རྟ་ཡ། སརྟ་སུ་ཁཾ་བི་བྲིད་དྷ་ཡེས་ཧ་ཡི་ཀཱ་བྷ་
[47b.7]བནྟུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་ལན་གཉིས་བརྗོད་པས་བསྟབས་པར་བྱའོ། །བདུད་རྩི་དེ་ཟོས་པས་ཕྱོགས་སྐྱོང་ལ་སོགས་པ་རྣམས་ཆོས་ཀྱི་དབྱིངས་སྔོན་དུ་འགྲོ་བ་ཅན་ཇི་ལྟ་བ་བཞིན་བདེ་བ་ཆེན་པོས་ལུས་རྒྱས་པར་བསྒོམ་མོ། །དེ་ནས་སྤྱིར་ཏཾ་པོ་ལ་སོགས་པ་ཕུལ་ཏེ། སྙིང་གའི་ས་བོན་
[48a]
[48a.1]ལས་བྱུང་པའི་པི་ཝང་མ་ལ་སོགས་པ་རྣམས་ཀྱིས་ཡང་དག་པར་མཆོད་ནས་རྐང་པ་བརྒྱད་པའི་སྔགས་ཀྱིས་བསྟོད་དེ། མངོན་པར་འདོད་པའི་དངོས་གྲུབ་བླངས་ལ། བརྡའི་ལག་པས་བརྡ་བྱས་ནས་མ་ཚང་བ་དང་ལྷག་མ་བསྐང་བའི་དོན་དུ། ཨོཾ་བཛྲ་ཧེ་རུ་ཀ་ས་མ་
[48a.2]ཡ་མ་ནུ་པཱ་ལ་ཡ། ཧེ་རུ་ཀ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། སུ་པོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སརྦྦ་སིདྡྷ་མྨེ་པྲ་ཡཙྪ། སརྦ་ཀརྨ་སུ་ཙ་མེ་རྩི་ཏཏཾ་ཤྲེ་ཡཿ་ཀུ་རུ་ཧཱུཾ། ཧ་ཧ་ཧ་ཧ་ཧོཿ་བྷ་ག་བཱ་ན། བཛྲ་ཧེ་རུ་ཀ་མཱ་མེ་མུཉྩ། བཛྲ་ཧེ་རུ་ཀོ་བྷ་བ། མ་ཧཱ་ས་མ་ཡ་ས་ཏྭ་ཨཱཿ་ཧཱུཾ་ཕཊ།
[48a.3]ཅེས་བྱ་བའི་ཡི་གེ་བརྒྱ་པའི་སྔགས། དྲིལ་བུ་དཀྲོལ་བ་སྔོན་དུ་འགྲོ་བས་བརྗོད་དོ། །དེ་ནས་ཨོཾ་ཡོ་ག་ཤུདྡྷཿ་སརྦ་དྷརྨ་ཡོ་ག་ཤུདྡྷོ྅ཧཾ། ཞེས་བརྗོད་ཅིང་པ་ད་ཀོར་གྱི་ཕྱག་རྒྱས་མཉེས་པར་བྱས་ལ། ཕྱག་རྒྱ་བཏུལ་ཏེ་འཁྱུད་པའི་གདེངས་ཀ་སྔོན་དུ་འགྲོ་བས་སྲིན་ལག་དང་མཐེ་བོས་སེ་གོལ་
[48a.4]གཏོགས་པ་སྔོན་དུ་འགྲོ་བ་ཅན་གྱིས། ཨོཾ་བཛྲ་མུཿ་ཞེས་བཏོན་པས་གཤེགས་སུ་གསོལ་ཏེ། འཁོར་ལོ་དེ་བདག་ཉིད་ལ་གཞུག་གོ། །གཏོར་མའི་ཆོ་ག་བྲིས་པས་བདག་ལ་ནི། །བསོད་ནམས་གང་སྐྱེས་དེ་ནི་མྱུར་ཉིད་དུ། །འགྲོ་བ་གསུམ་པོ་རྟོག་པའི་དྲ་བ་དག །རྣམ་བསལ་འཁོར་
[48a.5]ལོ་གསུམ་གྱི་ངོ་བོར་ཤོག །དཔལ་འཁོར་ལོ་སྡོམ་པའི་གཏོར་མའི་ཆོ་ག །སློབ་དཔོན་ཆེན་པོ་པྲ་ཛྙཱ་རཀྵི་ཏས་མཛད་པ་རྫོགས་སོ།། །།རྒྱ་གར་གྱི་མཁན་པོ་དཔལ་སུ་མ་ཏི་ཀཱི་རྟིའི་ཞལ་སྔ་ནས་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་བསྒྱུར་བའོ། །{T1468}༄༅༅། །རྒྱ་གར་སྐད་དུ།
[48a.6]ཤྲཱི་ཙ་ཀྲ་སམྦ་ར་ཧསྟ་པཱུ་ཛི་བིདྷི་ནཱ་མ། བོད་སྐད་དུ། དཔལ་འཁོར་ལོ་སྡོམ་པའི་ལག་མཆོད་ཀྱི་ཆོ་ག་ཞེས་བྱ་བ། དཔལ་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། །རྣལ་འབྱོར་མ་ཡི་གཙོ་མོ་ནི། །རྡོ་རྗེ་ཕག་མོ་ལ་བཏུད་དེ། །བདག་གི་ལག་པའི་མཆོད་པ་ཡི། །ཆོ་ག་མན་
[48a.7]ངག་བཞིན་དུ་བསྡུ། དེ་ལ་ཚོགས་ཀྱི་འཁོར་ལོ་ལ་སོགས་པར་དཔལ་འཁོར་ལོ་བདེ་མཆོག་གི་རྣལ་འབྱོར་དང་ལྡན་པའི་སྔགས་པས་ལག་པ་གཡོན་པའི་མཐེ་བོ་དང་མཛུབ་མོ་དང་གུང་མོ་དང་སྲིན་ལག་དང་མཐེའུ་ཆུང་དང་དེ་དག་གི་སེན་མོ་རྣམས་སུ་རྡོ་རྗེ་སེམས་དཔའ་དང་རྣམ་པར་སྣང་
[48b]
[48b.1]མཛད་དང་། འོད་དཔག་མེད་དང་མི་བསྐྱོད་པ་དང་རིན་ཆེན་འབྱུང་ལྡན་དང་དོན་ཡོད་གྲུབ་པའི་རང་བཞིན་ཅན་གྱི་གོ་རིམས་ཇི་ལྟ་བར་དཀར་པོ་དང་སེར་པོ་དང་དམར་པོ་དང་ནག་པོ་དང་། ལྗང་གུའི་མདོག་ཅན་གྱིས། ཨོཾ་ཧ། ན་མ་ཧི། སྭཱ་ཧཱ་ཧཱུ། བཽ་ཥ་ཊ་ཧེ། ཧཱུཾ་ཧཱུཾ་ཧོཿ། ཕཊ་ཧཾ་ཞེས་བྱ་
[48b.2]བའི་ཡི་གེ་རྣམས་དགོད་དོ། །ལག་པའི་མཐིལ་དུ་ཡང་སྐད་ཅིག་གིས་གྲུབ་པའི་པདྨ་དམར་པོ་འདབ་མ་ལྔ་པ་བསྒོམས་ལ་དེའི་ཤར་ལ་སོགས་པའི་ཕྱོགས་རྣམས་སུ་གཡོན་སྐོར་དུ་རིམ་པ་ཇི་ལྟ་བ་བཞིན་ཡ་མི་ནཱི་དང་རྨོངས་བྱེད་མ་དང་སྐྱོད་བྱེད་མ་དང་འཇིགས་བྱེད་མ་དང་ཙཎྜི་ཀའི་རང་བཞིན་
[48b.3]ཅན་ནག་པོ་དང་དཀར་པོ་དང་སེར་པོ་དང་ལྗང་གུ་དང་དུ་བའི་མདོག་དང་ལྡན་པ། ཧཾ་ཡོཾ། ཧྲིཾ་མོཾ། ཧྲེཾ་ཧྲིཾ། ཧཱུཾ་ཧཱུཾ་ཕཊ་ཕཊ། ཅེས་པའི་ཡི་གེ་རྣམས་དང་། ལྟེ་བ་ལ་ནི་རྡོ་རྗེ་ཕག་མོའི་རང་བཞིན་ཁ་དོག་དམར་མོ་ཨོཾ་བཾ་ཞེས་བྱ་བའི་ས་བོན་དག་བལྟ་བར་བྱའོ། །ལག་པའི་བོལ་ལ་ཡང་
[48b.4]འདི་དག་ཉིད་ཀྱི་གཟུགས་བརྙན་ནམ་འཁོར་ལོ་གསུམ་ཡོངས་སུ་རྫོགས་པར་བལྟ་བར་བྱའོ། །དེ་ནས་ལག་པ་ལ་གནས་པའི་འབྱུང་བ་ས་དང་ཆུ་དང་མེ་དང་རླུང་དང་ནམ་མཁའ་རྣམས་ལྟུང་བྱེད་མ་དང་གསོད་བྱེད་མ་དང་། འགུགས་བྱེད་མ་དང་། གར་གྱི་དབང་ཕྱུག་མ་དང་། པདྨའི་དྲ་
[48b.5]བ་ཅན་གྱི་རང་བཞིན་དུ་ལྷག་པར་མོས་པར་བྱའོ། །དེ་ནས་ལག་པ་ལ་གནས་པའི་ས་བོན་གྱི་ཡི་གེ་དག་ལ་ཁུ་བའི་རྫས་ཀྱིས་བྱུགས་ཏེ་ལག་མཐིལ་དེ་དཔའ་བོ་དང་རྣལ་འབྱོར་མ་ཐམས་ཅད་ཀྱིས་བྱིན་གྱིས་བརླབས་པའི་འཁོར་ལོ་གསུམ་གྱི་རང་བཞིན་དུ་ལྷག་པར་མོས་པར་བྱས་ནས་ཁུ་
[48b.6]བ་ལ་སོགས་པའི་རྫས་དེ་ཡི་གེ་གསུམ་གྱི་སྔགས་སམ་རྐང་པ་བརྒྱད་པའི་སྔགས་ཀྱིས་དབུལ་བར་བྱའོ། །དེ་ནས་ཡང་དག་པར་མཆོད་ནས་ཆོ་ག་ལྷག་པ་དང་མ་ཚང་བ་དག་པར་བྱ་བའི་དོན་དུ་ཡི་གེ་བརྒྱ་པའི་སྔགས་བཏོན་ཏེ། ཚོགས་ཀྱི་འཁོར་ལོ་བྱིན་གྱིས་བརླབ་པའི་དོན་དུ་གསོལ་
[48b.7]བ་བཏབ་ནས་རྫས་གཞན་ནམ་ཡང་ན་དེ་མ་ཡིན་པ་གཞན་དུ་གཞག་སྟེ། ལག་པའི་མཐིལ་དུ་སྦྱར་བའི་རྫས་སྲིན་ལག་གིས་བླངས་པ་ལས་སྙིང་ག་དང་ལྟེ་བ་དང་མགོ་རྣམས་སུ་ཡི་གེ་ཧཱུཾ་དང་ཨཱཿ་དང་ཨོཾ་བརྗོད་པ་སྔོན་དུ་འགྲོ་བས་བྱུགས་པ་ན་ལྷའི་ཚོགས་དེ་དག་བདག་ཉིད་ལ་ཞུགས་པར་མོས་
[49a]
[49a.1]པར་བྱའོ། །ཆོ་ག་འདི་ཡང་ཀུན་སྤྱོད་པའི་རྒྱུད་དང་འབྲེལ་བ་ཡིན་ནོ། །ལག་པའི་མཆོད་པའི་ཆོ་གའོ། །ཡང་ན་སྔར་བརྗོད་པའི་ཆོ་གས་སྦྱངས་པའི་ལག་པ་གཡོན་པའི་སྲིན་ལག་གིས་གནས་དང་ཉེ་བའི་གནས་ལ་སོགས་པའི་རང་བཞིན་དུ་པུ་ཛཱ་ཞེས་བྱ་བ་ལ་སོགས་པའི་
[49a.2]ཡི་གེ་ཉི་ཤུ་རྩ་བཞི་བརྗོད་ཅིང་ཇི་ལྟར་སྦྱངས་པའི་ཆང་གིས་གྲུ་གསུམ་གཉིས་བྱུགས་ནས་དེའི་དབུས་སུ་ཡང་དཀྱིལ་འཁོར་ཟླུམ་པོའོ། །དེ་རང་གི་སྙིང་གའི་ས་བོན་ལས་བྱུང་བའི་འོད་ཟེར་གྱིས་རྟེན་དང་བརྟེན་པའི་དཀྱིལ་འཁོར་དང་བཅས་པའི་བཅོམ་ལྡན་འདས་བཀུག་པར་བསམས་ཏེ། དེ་ལ་
[49a.3]བདུད་རྩི་ལྔ་ལ་སོགས་པའི་རང་བཞིན་དུ་གྲུབ་པའི་བཟའ་བ་དང་བཅའ་བ་ལ་སོགས་པ་ཡི་གེ་གསུམ་མ་མ་རྐང་པ་བརྒྱད་པའི་སྔགས་ཀྱིས་ཕུལ་ནས་པདྨའི་སྣོད་ལ་གནས་པའི་ཆང་བདུད་རྩིར་བསྒྲུབས་པ་སྲིན་ལག་དང་མཐེ་བོས་བླངས་ཏེ་བཅོམ་ལྡན་འདས་དང་བཅོམ་ལྡན་འདས་མ་ལ་རང་རང་
[49a.4]གི་སྙིང་པོ་དང་ཉེ་བའི་སྙིང་པོ་དག་གིས་དང་། མཁའ་འགྲོ་མ་ནས་བརྩམས་ཏེ་གཤིན་རྗེ་འཇོམས་མའི་མཐར་ཐུག་པ་རྣམས་ལ་ཡང་འདི་རྣམས་ཉིད་ཀྱི་རང་རང་གི་སྔགས་ཇི་ལྟ་བ་དག་གིས་ཚིམ་པར་བྱའོ། །དེ་ནས་ཡང་དག་པར་མཆོད་ནས་མ་ཚང་བ་དང་ལྷག་པ་དག་པར་བྱ་
[49a.5]བའི་དོན་དུ་ཡི་གེ་བརྒྱ་པ་བཏོན་ནས་ཚོགས་ཀྱི་འཁོར་ལོ་བྱིན་གྱིས་བརླབ་པའི་དོན་དུ་གསོལ་བ་གདབ་པའོ། །ཨོཾ་ཡོ་ག་ཤུདྡྷཿ་སརྦ་དྷརྨཱ་ཡོ་ག་ཤུདྡྷོ྅ཧཾ། ཞེས་བརྗོད་བཞིན་པར་པདྨ་བསྐོར་པའི་ཕྱག་རྒྱས་མཉེས་པར་བྱ་སྟེ་ཕྱག་རྒྱ་དེ་སྡུད་པ་ན་འཁྱུད་པའི་སྟངས་ཀ་སྔོན་དུ་འགྲོ་
[49a.6]བས་སྲིན་ལག་གིས་ས་ལ་རེག་ཅིང་ཨོཾ་བཛྲ་མུཿ། ཞེས་བརྗོད་པས་གཤེགས་སུ་གསོལ་ཏེ། འཁོར་ལོ་དེ་བདག་ཉིད་ལ་གཞུག་པར་བྱའོ། །དེ་ནས་ས་དེ་ལ་གནས་པའི་ཆང་ལག་པ་གཡོན་པའི་སྲིན་ལག་གིས་བླངས་ནས་དེས་སྙིང་ག་དང་ལྕེ་དང་མགོ་རྣམས་སུ་ཡི་གེ་ཧཱུཾ་དང་ཨཿ་
[49a.7]དང་ཨོཾ་བརྗོད་པ་སྔོན་དུ་འགྲོ་བས་བྱུག་ཅིང་ལག་པ་དེ་ལ་གནས་པའི་ལྷའི་འཁོར་ལོ་ཡང་བདག་ཉིད་ལ་གཞུག་པར་བལྟ་བར་བྱའོ། །གྲུ་གསུམ་དཀྱིལ་འཁོར་ལོ་གནས་པ། མགོན་པོ་འཁོར་ལོ་བདེ་མཆོག་ལ། །ལག་པས་མཆོད་པ་བཤད་པ་འདི། །རྣལ་འབྱོར་པ་ལ་ཕན་
[49b]
[49b.1]བྱེད་ཡིན། །ལག་པའི་མཆོད་པའི་ཆོ་ག་དཔལ་པྲཛྙཱ་རཀྵི་ཏས་མཛད་པ་རྫོགས་སོ།། །།རྒྱ་གར་གྱི་མཁན་པོ་དཔལ་སུ་མ་ཏི་ཀཱི་རྟི་དང་། སྒྲ་བསྒྱུར་གྱི་ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་བསྒྱུར་བའོ།། {T1469}༄༅༅། །རྒྱ་གར་སྐད་དུ། ཤྲཱི་ཙ་ཀྲ་སམྦ་ར་སཾ་གྲ་མཎྜལ་
[49b.2]བི་དྷི་ནཱ་མ། བོད་སྐད་དུ། དཔལ་འཁོར་ལོ་སྡོམ་པའི་དཀྱིལ་འཁོར་གྱི་ཆོ་ག་མདོར་བསྡུས་པ་ཞེས་བྱ་བ། དཔལ་རྡོ་རྗེ་འཆང་ལ་ཕྱག་འཚལ་ལོ། །གང་གི་དྲིན་གྱིས་བདེ་ཆེན་གནས། །སྐད་ཅིག་གིས་ནི་ཐོབ་གྱུར་པའི། །བླ་མ་རིན་ཆེན་ལྟ་བུ་ཡི། །རྡོ་རྗེ་ཅན་ཞབས་པད་ལ་
[49b.3]འདུད། །དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་སྒྱུར། །ཡེ་ཤེས་ལྔ་དང་སྐུ་གསུམ་ཉིད། །འགྲོ་བ་སྐྱོབ་ལ་ཕྱག་འཚལ་ལོ། །སྐྱེས་བུ་དམ་པ་གཞུང་འཆང་པའི། །མཆོག་འཛིན་ཐབས་མཁས་བདག་ལ་མེད། །རང་ཉིད་དྲན་པ་གསལ་བའི་ཕྱིར། །
[49b.4]དཀྱིལ་འཁོར་ཆོ་ག་བཤད་པར་བྱ། །རྩ་བཤད་གསལ་བའི་རྒྱུད་རྣམས་དང་། །མཁས་པ་རྣམས་ཀྱི་ཆོ་ག་དང་། །བལ་མའི་གདམས་ངག་ལ་བརྟེན་ནས། །དཀྱིལ་འཁོར་ཆོ་ག་བྲི་བར་བྱ། །སློབ་དཔོན་མཚན་ཉིད་ཐམས་ཅད་ལྡན། །མཚན་ཉིད་མིན་པ་ཀུན་དུ་སྤངས། །
[49b.5]ཡང་དག་ཤེས་ཤིང་རྒྱུད་ཤེས་པ། །དཔལ་ལྡན་ཁྲག་འཐུང་གསང་སྔགས་ཤེས། །ཁྲོ་མེད་གཙང་ཞིང་མཁས་པ་དང་། །སྦྱོར་ཤེས་ཡེ་ཤེས་ཕ་རོལ་འགྲོ། །ཐོད་པས་སྤྱི་བོར་རྒྱན་ཆ་སོགས། །གཟུགས་བཟང་ཡོན་ཏན་ལྡན་པར་བཀུར། །སྙིང་རྗེ་མེད་ཅིང་ཁྲོ་ལ་
[49b.6]གདུག །ཁེངས་དང་བརྐམ་ཆགས་བདག་ཉིད་བསྟོད། །མཉམ་པར་མ་བཞག་ཁྱིམ་ལ་སྤྱོད། །གཤོལ་འཛུགས་པ་དང་ཚོང་པ་དང་། །རྨོངས་པས་དམ་ཆོས་འཚོང་བ་ནི། །ཚོགས་སམ་དཀྱིལ་འཁོར་སློབ་དཔོན་མིན། །སློབ་མ་རིགས་བཟང་ཆོས་ལ་སྤྲོ། །འཇམ་
[49b.7]ཞིང་སྙན་པར་སྨྲ་བ་དང་། །སྙིང་རྗེ་ལ་སོགས་ཕན་སེམས་ལྡན། །ཐོས་དང་ཀློག་པ་མངོན་པར་བརྩོན། །གསང་བའི་ཆོས་དང་བླ་མ་གུས། །སློབ་མ་དེ་ཉིད་ཡོངས་སུ་གཟུང་། །སྙིང་རྗེ་མེད་ཅིང་ཁྲོ་ལ་གདུག །ཁེངས་དང་བཀྲམ་ཆགས་རྣམ་གཡེང་ཅན། །དྲག་
[50a]
[50a.1]དང་རྨོངས་དང་སྙོམས་ལས་ཅན། །གཞན་གྱི་སྲོག་ལ་སྙིང་བརྩེ་མེད། །གཞན་གྱི་ནོར་ལ་སྲེད་པ་ནི། །བླ་མས་ཡོངས་སུ་སྤང་བར་བྱ། །ཡོན་ཏན་ལྡན་པའི་བླ་ལྡན་པའི་བླ་མ་ལ། །མཚན་ཉིད་ལྡན་པའི་སློབ་མ་ཡིས། །སེམས་ཅན་འཁོར་བའི་སྡུག་བསྔལ་
[50a.2]ལས། །བསྒྲལ་ཕྱིར་ལན་གསུམ་འདི་སྐད་བརྗོད། །ཐམས་ཅད་མཁྱེན་པའི་སྟོན་པ་པོ། །འཇིག་རྟེན་རྣམས་ཀྱི་འདྲེན་མཛད་ལྷ། །འཁོར་བ་འདམ་གྱི་ཚོགས་ནང་དུ། །བྱིང་བ་སྐྱབས་མེད་བདག་ལ་སྐྱོབས། །རྡོ་རྗེ་བླ་མ་མཛད་དུ་གསོལ། །བླ་མས་དཀྱིལ་འཁོར་མཆོད་པ་
[50a.3]ཡི། །ཡོ་བྱད་ཐམས་ཅད་འབྱོར་གྱུར་རམ། །ཅུང་ཟད་ཅིག་གམ་མ་ཡིན་ཞེས། །སློབ་མའི་གཙོ་ལ་དྲི་བར་བྱ། །མི་འབྱོར་ཟེར་ན་གཟུང་མི་ནུས། །འདྲེས་མ་ལས་ནི་འདྲེས་མར་ཤེས། །ཐམས་ཅད་འབྱོར་ཞེས་བརྗོད་པ་ནི། །དེ་ཚེ་གཟུང་པའི་ཆོ་ག་བརྩམ། །སློབ་མའི་རྐང་པའི་
[50a.4]མཐིལ་དུ་ནི། །རླུང་གི་དཀྱིལ་འཁོར་གཞུ་འདྲ་བསམ། །ལྟེ་བར་ཡེ་ཤེས་མེ་འབར་བས། །དེ་ཡི་འོད་ཟེར་སྙིང་གར་འབར། །པཱཾ་ལས་བྱུང་བའི་སྡིག་པའི་གཟུགས། །མི་སྡུག་རིད་པ་མདོག་སྔོན་པོ། །སྡིག་ནི་སྣ་ཡི་སྒོ་ནས་དབྱུང་། །དེ་ནས་ཁྲོ་བོའི་གཟུགས་བསྒོམས་ནས། །
[50a.5]སྡིག་ནི་ཀུན་ནས་ཟ་བར་བསམ། །ཨོཾ་བཛྲ་ཌཱ་ཀི་ནཱི་ཁ་ཁ་ཁཱ་ཧི་ཁཱ་ཧི་སརྦ་པཱ་པཾ་ད་ཧ་ན་བྷ་སྨིཾ་ཀུ་རུ་ཧཱུཾ་ཧཱུཾ་ཕཊ། སློབ་མ་ལྷ་མོའི་གཟུགས་བསྐྱེད་ནས། །བསྲུང་བ་དག་ནི་དགོད་པར་བྱ། །སློབ་མ་གཟུང་བའི་ཆོ་གའོ། །རི་སུ་ལ་ཚང་ཚིང་ཕུག་རྣམས་དང་། །ཆུ་བོ་དག་གི་ངོགས་རྣམས་
[50a.6]དང་། །གདོད་ནས་གྲུབ་པའི་དུར་ཁྲོད་དུ། །དེར་ནི་དཀྱིལ་འཁོར་བརྩམ་པར་བྱ། །ལྷ་ནི་མཉེས་པར་མ་བྱས་ན། །བདག་ཉིད་རྣམ་པར་སུན་འབྱིན་ཡིན། །བདག་གམ་ཡང་ན་དཀྱིལ་འཁོར་ནི། །སྔོན་དུ་བསྙེན་པ་བྱས་པས་འགྲུབ། །གནས་དང་ལྡང་བ་ཉིད་དག་དང་། །འཇུག་
[50a.7]དང་ཡོངས་སུ་རྫོགས་པ་དང་། །བྱིན་གྱིས་བརླབ་དང་དབང་བསྐུར་དང་། །ཏིང་ངེ་འཛིན་དང་མཆོད་པའི་མཐར། །ཆོ་ག་བཞིན་དུ་འབུམ་དུ་བཟླ། །རང་གི་ལྷ་ཡང་འབུམ་དུ་བཟླ། །འཁོར་ལོས་བཀས་གནང་དེ་བཞིན་ཏེ། །གཞན་ནི་ཁྲི་རུ་བཟླས་པར་བྱ། །བསྙེན་པའོ།། །།དེ་
[50b]
[50b.1]ལྟར་བསྙེན་པས་མཐུ་སྐྱེས་ནས། །རང་གི་ལུས་སུ་དཀྱིལ་འཁོར་བསྡུ། །དངོས་གྲུབ་མཚན་མ་མཆོག་ཐོབ་ནས། །ས་ནི་ཡོངས་སུ་བརྟག་པར་བྱ། །གྲོང་དང་དུར་ཁྲོད་ཚོང་དུས་དང་། །ཚལ་དང་ལྷ་ཁང་གྲོང་ཁྱེར་ནི། །ཤར་དང་བྱང་གི་ས་གཞི་ཤིས། །ལྷོ་དང་ནུབ་ཕྱོགས་
[50b.2]དེ་ལྟ་མིན། །གཙུག་ལག་ཁང་དང་གནས་ཁང་དང་། །ཚལ་དང་རི་རྩེ་རྡོ་ལེབ་དང་། །ཁང་བཟངས་ཀྱི་ནི་སྟེང་ཕྱོགས་དང་། །དུར་ཁྲོད་དང་ནི་ལྷ་ཡི་ཁྱིམ། །ས་ཡི་ཆ་ནི་ཇི་སྙེད་པ། །རྒྱུད་རྣམས་ཀུན་ལས་བསྔགས་པ་ཡིན། །རུས་པ་ཐལ་བ་ཟུག་རྔུ་རྡོ། །བཤད་བས་མ་
[50b.3]དག་གཞན་དུ་བགྲོད། །དམན་སོགས་དངོས་གྲུབ་བྱེ་བྲག་གིས། །པུས་མོ་ཆུ་སོ་ལྟེ་བའི་བར། །བརྐོས་ལ་ས་ཡིས་སླར་ལ་དགང་། །ལྷག་ན་དངོས་གྲུབ་མཆོག་ཏུ་འགྱུར། །ཕྱི་ནས་མཐོ་གང་ཙམ་དུ་བརྐོ། །དེ་ནི་ཆུ་ཡིས་རབ་བཀང་ལ། །ཤར་དུ་བལྟས་ཏེ་གོམ་བརྒྱར་
[50b.4]འགྲོ། །སླར་ལོག་ནས་ནི་བརྟག་པར་བྱ། །ཆུ་ནི་གང་བར་གནས་ན་ཤིས། །བསྐམས་ན་སྔགས་པས་སྤང་བར་བྱ། །སྟོན་ཟླ་ཐ་ཆུངས་ལ་སོགས་ནས། །བརྩམས་ཏེ་ཟླ་བ་གསུམ་གསུམ་དུ། །ལྟོ་འཕྱེ་ལྷོ་དང་ནུབ་དང་བྱང་། །ཤར་དུ་དེ་ཡི་མགོ་བོ་སྟེ། །གཡོན་
[50b.5]པའི་ཟུར་གྱིས་ཉལ་བ་ཡིན། །འདི་ཡི་ལྟོ་ཤེས་བྱས་ནས་བརྐོ། །མགོ་དང་རྒྱབ་ཕྱོགས་ནས་བརྐོས་པའི། །སྐྱོན་ནི་རྒྱས་པ་ལས་ཤེས་བྱ། །ལེགས་པར་བསྙེན་ཏེ་བཅག་པར་བྱ། །བྱང་དང་ཤར་དུ་གཞོལ་བས་ནི། །སྔགས་པ་རྣམས་ཀྱི་དངོས་གྲུབ་འགྱུར། །དབུས་
[50b.6]སུ་མཐོ་བས་རྒྱལ་སྲིད་དམ། །རིག་པ་འཛིན་པའི་གནས་དག་ཐོབ། །བྱང་དུ་མཐོ་བས་འཆི་འགྱུར་རམ། །ནོར་རྣམས་མྱུར་དུ་འཇིག་པར་བྱེད། །ཇི་སྐད་བཤད་པའི་ཤར་མཐོ་ན། །མྱུར་དུ་རིགས་རྣམས་ཟད་པར་བྱེད། །དབུས་སུ་དམའ་བའི་ས་གཞི་གང་། །སྒྲུབ་པ་པོ་ནི་
[50b.7]འཇོམས་དང་ལྡན། །ས་བརྟག་པའོ།། །།ཁང་བཟངས་རྡོ་ལེབ་གཞི་དང་ནི། །གཙུག་ལག་ཁང་དང་ཞབས་ཀྱིས་བཅག །བ་ལང་ལྷས་དང་རྒྱ་མཚོའི་འགྲམ། །དེར་ནི་བརྐོ་སོགས་བྱ་མི་དགོས། །ལག་པ་ས་ལ་བཞག་ནས་སུ། །རང་གི་སྙིང་པོ་བརྒྱ་རྩ་བཟླས། །དེ་ལ་ལྕི་བ་མ་
[51a]
[51a.1]ལྷུང་བས། །དཀྱིལ་འཁོར་ས་ནི་ཉེ་བར་བྱུག །དུར་ཁྲོད་ཐལ་བར་ལྡན་པ་དང་། །མི་འཆི་བཅུ་ཕྱེད་ལྡན་པ་ཡིས། །དཀྱིལ་འཁོར་ས་ནི་ཉེར་བྱུགས་ཏེ། །དེར་ནི་དཀྱིལ་འཁོར་ཡང་དག་བརྩམ། །ཨོཾ་ལཾ་ཧཱུཾ། ཞེས་པས་ཀྱང་སྦྱང་ངོ་། །དེ་ལྟར་སྦྱངས་པའི་
[51a.2]ས་གཞི་ལ། །དཀྱིལ་འཁོར་དང་ནི་རྗེས་མཐུན་པའི། །རིན་ཆེན་ལ་སོགས་ས་གཞི་རུ། །ཏིང་ངེ་འཛིན་གྱིས་བསམ་པར་བྱ། །ས་སྦྱང་བའོ།། །།མཾ་གྱི་ས་བོན་ལས་བྱུང་བའི། །གོས་དང་རྒྱན་གྱིས་རྣམ་པར་བཀླུབས། །ཞལ་གཅིག་ཕྱག་ནི་གཉིས་པ་སྟེ། །འོད་ཟེར་སེར་པོ་
[51a.3]ཀུན་དུ་འབར། །ས་ཡི་ལྷ་མོའི་ལག་པ་ན། །གསེར་གྱི་བུམ་པ་ཐོགས་པ་ནི། །ལུས་ཕྱེད་ས་ལ་གནས་པ་རུ། །བལྟས་ཏེ་མཆོད་ལ་གསོལ་བ་གདབ། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་དང་། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་
[51a.4]དཔང་དུ་གྱུར། །ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་ལྟར། །དེ་བཞིན་བདག་གིས་བདུད་ཀྱི་སྡེ། །ཕམ་པར་བྱ་ཕྱིར་དཀྱིལ་འཁོར་བྲི། །གནང་བ་བྱིན་ནས་ཐིམ་པར་བསམ། །ས་བསླང་བའོ།། །།དེ་ནས་སྔར་བསྟན་སའི་དབུས་སུ། །རྡོ་རྗེ་འཛིན་ཆེན་སྦྱོར་བ་
[51a.5]ཡིས། །བདག་ཉིད་ཉེ་བར་གནས་པ་ལ། །རྡོ་རྗེ་དྲིལ་འཛིན་གྲོགས་ཀྱི་མཆོག །མཁའ་འགྲོ་ལ་སོགས་གཟུགས་ཅན་གྱིས། །གསོལ་བ་ལན་གསུམ་གདབ་པར་བྱ། །དེ་བཞིན་གཤེགས་པ་ཀུན་ཞི་བ། །དེ་བཞིན་གཤེགས་པ་ཀུན་གྱི་གནས། །ཆོས་ཀུན་བདག་མེད་པ་ཡི་
[51a.6]མཆོག །དཀྱིལ་འཁོར་དམ་པ་བཤད་དུ་གསོལ། །མཚན་རྣམས་ཐམས་ཅད་ཡང་དག་རྫོགས། །མཚན་མིན་ཐམས་ཅད་རྣམ་སྤངས་པ། །ཀུན་དུ་བཟང་པོ་སྐུ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །ཞི་བའི་ཆོས་ནི་མཆོག་ལས་བྱུང་། །ཡེ་ཤེས་སྤྱོད་པ་
[51a.7]རྣམས་སྤྱོད་པ། །ཀུན་དུ་བཟང་པོ་གསུང་གི་མཆོག །དཀྱིལ་འཁོར་དམ་པ་བཤད་དུ་གསོལ། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པ་དྲི་མ་མེད། །ཀུན་བཟང་ཐུགས་མཆོག་ཁ་ལོ་བསྒྱུར། །དཀྱིལ་འཁོར་དམ་པ་བཤད་དུ་གསོལ། །དེ་ནས་
[51b]
[51b.1]འཁོར་བའི་སྡུག་བསྔལ་ལ། །དཔལ་ལྡན་ཁྲག་འཐུང་ཁྲོས་ནས་ནི། །ཧཱུཾ་བཛྲོཏ་ཏིཥྛ་བརྗོད་པ་ཡིས། །སྤྲུལ་པའི་འཁོར་ལོ་ནམ་མཁར་གདེག །མགུལ་རྒྱན་གདུ་བུ་རྣ་རྒྱན་དང་། །སྤྱི་གཙུག་ནོར་བུས་རྣམ་པར་བརྒྱན། །མཆོད་ཕྱིར་ཐོགས་དང་ཐལ་བས་བརྒྱན། །
[51b.2]རྐང་པ་ཧཱུཾ་ལས་རྡོ་རྗེ་བསམ། །མ་དང་ཊ་ལས་ཉི་ཟླའི་མིག །ལས་པ་རྡོ་རྗེ་གསོར་བྱེད་ཅིང་། །རྡོ་རྗེའི་ལྟ་བས་ཀུན་དུ་བལྟ། །མཆེ་བ་གཙིགས་ནས་ཧཱུཾ་སྒྲོགས་ཤིང་། །རོལ་པ་རྡོ་རྗེ་འགྲོས་ཀྱི་གར། །གཡས་བརྐྱང་དང་ནི་གཡོན་བརྐྱང་དང་། །ཟླུམ་པོ་ས་ག་རྡོ་རྗེའི་
[51b.3]འགྲོས། །མཉམ་པའི་སྟོབས་དང་མི་མཉམ་སྟོབས། །རུས་སྦལ་བུང་བའི་འཕུར་ཚོགས་བརྒྱད། །རྡོ་རྗེ་འགྲོས་ཀྱིས་ཀུན་དུ་བསྐོར། །གདུག་པའི་བགེགས་རྣམས་བསྐྲད་པར་བྱ། །བློ་ལྡན་རྡོ་རྗེ་གསོར་བྱེད་ཅིང་། །དྲིལ་བུ་འཁྲོལ་བར་བརྩོན་པ་ཡིས། །ལྷ་དང་ལྷ་མིན་
[51b.4]གསང་བ་དང་། །རབ་ཏུ་གདུག་པའི་བགེགས་ཚོགས་བསྐྲད། །ད་ནི་དཔལ་ལྡན་སྙིང་རྗེའི་སྟོབས། །སྲུང་བའི་འཁོར་ལོ་རབ་སྦྱོར་བས། །ལུས་སྲུལ་ལ་སོགས་གང་ཡང་རུང་། །བགེགས་ཀྱི་ཚོགས་རྣམས་གཞན་དུ་དེང་། །ཇི་སྟེ་བསྒྲོ་བ་སུ་ཞིག་འདའ། །རྡོ་རྗེ་བདག་
[51b.5]པོ་སྐུ་ཡིས་ནི། །ལུས་གསུམ་ལས་བྱུང་དགེས་བྱས་ཏེ། །འདིར་ནི་བརླག་འགྱུར་གཞན་དུ་མིན། །བདག་སློབ་དཔོན་འདི་ཞེས་བྱ་བས་སློབ་མ་འདི་ཞེས་བྱ་བ་རྫོགས་པའི་བྱང་ཆུབ་ཀྱི་དོན་དུ། །ས་ཕྱོགས་འདི་རུ་དཔལ་ཧེ་རུ་ཀ་འབྱུང་བའི་དཀྱིལ་འཁོར་བྲི་ཡིས། འདི་ན་
[51b.6]གནས་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། འབྱུང་པོ་དང་། ཤ་ཟ་དང་། སྲིན་པོ་ལ་སོགས་པ་གང་དག་གཞན་དུ་དེངས་ཤིག །གང་དག་མི་འགྲོ་བ་དེ་ངའི་ཡེ་ཤེས་ཀྱི་རྡོ་རྗེ་འདི་དང་། ཁ་ཊྭཱཾ་ག་འདིས་སྤྱི་བོ་ཚལ་པར་བཀས་པར་འགྱུར། །ཞེས་ལན་
[51b.7]གསུམ་བརྗོད་པས་ཀྱང་བསྐྲད་དེ། ཞལ་བཞི་པ་ཡི་སྔགས་རྣམས་དང་། །རྡོ་རྗེ་ཕུར་བུའི་སྔགས་ཀྱིས་ཀྱང་། །གདུག་པའི་བགེགས་རྣམས་བསྐྲད་པར་བྱ། །ས་ནི་ཡོངས་སུ་བཟུང་བྱས་ནས། །དྲ་བས་ཕྱོགས་མཚམས་བཅིང་བར་བྱ། །ར་བ་རྣམས་ནི་ཕྱོགས་སུ་
[52a]
[52a.1]དགོད། །འོག་ཏུ་མཚོན་ཆ་དགོད་པར་བྱ། །སྟེང་དུ་མདའ་ཡི་དྲ་བ་དང་། །བདག་ཉིད་སྟེང་དུ་གུར་བྱ་སྟེ། །དེ་ལྟར་གོ་བགོས་སུམ་ཅུ་ནི། །རྩ་གསུམ་པས་ཀྱང་གཞིག་མི་ནུས། །ས་བསྲུང་བའོ།། །།དེ་ནས་རི་རབ་རྩེ་མོ་ཡང་། །ཤྲཱི་གནྡྷར་རབ་
[52a.2]བསམས་ལ། །དྲི་ཞིམ་ཆུ་ཡིས་བྱུགས་པ་དང་། །མེ་ཏོག་སིལ་མ་རབ་བཀྲམ་ལ། །ཡེ་ཤེས་འཁོར་ལོ་སྤྱན་དྲངས་ལ། །མཆོད་ཡོན་ཕུལ་ལ་གསོལ་བ་གདབ། །བཅོམ་ལྡན་ཁྲོ་མཆོག་རྡོ་རྗེ་ཅན། །རྫོགས་སངས་རྒྱས་རྣམས་དགོངས་སུ་གསོལ། །སློབ་མ་
[52a.3]རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །མགོན་པོ་ལྷན་ཅིག་འབྱུང་བ་ཡིས། །དཀྱིལ་འཁོར་བྲི་བར་འཚལ་ལགས་ན། །དེ་བས་བཅོམ་ལྡན་གུས་བདག་ལ། །བཀའ་དྲིན་གནང་བར་མཛད་དུ་གསོལ། །གང་གཞན་གསང་སྔགས་
[52a.4]ལྷ་རྣམས་དང་། །འཇིག་རྟེན་སྐྱོང་བའི་ལྷ་རྣམས་དང་། །རྫོགས་པའི་བྱང་ཆུབ་ལ་བརྟེན་པའི། །འབྱུང་པོ་བསྟན་ལ་མངོན་དགའ་བ། །གང་དུ་རྡོ་རྗེ་སྤྱན་ལྡན་ཀུན། །དཀྱིལ་འཁོར་བདེ་མཆོག་འབྱུང་བ་ནི། །དཀྱིལ་འཁོར་འདྲི་བར་བགྱིད་ལགས་ན། །བདག་
[52a.5]དང་དེ་བཞིན་སློབ་མ་ལ། །རྗེས་སུ་བརྩེ་བ་བསྐྱེད་དུ་གསོལ། །ཕྱོགས་བཞིར་མར་མེ་བལྟམས་ནས་ནི། །ཨཽ་ཌྱ་ན་ཕྱོགས་སུ་ཅི་བདེར་ཉལ། །ས་གཟུང་བའོ།། །།དེ་ནས་རིན་ཆེན་གསེར་དང་དངུལ། །ཟངས་མའམ་འཇིམ་པ་དག་ཀྱང་རུང་། །ཇི་ལྟར་འབྱོར་བའི་རྗེས་
[52a.6]མཐུན་པར། །བུམ་པ་དག་ནི་བྱ་བ་སྟེ། །རྩ་བ་ནག་པོ་ལ་སོགས་སྤང་། །ལྟོ་ཡང་བུམ་པ་བཟང་པོའི་དབྱིབས། །ལེགས་བཀྲུ་དཀར་པོར་བྱ་བ་དང་། །སྤོས་ཀྱིས་བདུག་ཅིང་ཡུངས་ཀར་བརྡེག །བདུད་རྩི་འཁྱིལ་བའི་སྔགས་ཀྱིས་བསྲུང་། །མཚན་མ་རྣམས་ནི་དགོད་པ་དང་། །
[52a.7]བཟའ་བ་ཀུན་གྱིས་ལེགས་བཀང་བའི། །སྣོད་ནི་སྟེང་དུ་གཞག་པར་བྱ། །མགྲིན་པ་སྲད་བུས་དཀྲི་བ་དང་། །ཁ་ནི་འདབ་མས་བརྒྱན་པར་བྱ། །གོས་ཟུང་གིས་ནི་ལེགས་དཀྲིས་པར། །ཆུ་བཟང་འོ་མ་ལྡན་པས་དགང་། །བྱ་གྷྲྀ་སིང་ཧི་དབྱུག་པ་དང་། །ཨུཏྤལ་གཞན་མི་ཐུབ་པ། །
[52b]
[52b.1]ཧ་ས་དེ་བ་སྨན་ལྔར་བཅས། །ཨོཾ་པཉྩ་བྷཻ་ཥ་ཛྱེ་ཨཱཿ་ཧཱུཾ། །གསེར་དང་དངུལ་དང་མུ་ཏིག་དང་། །མུ་མེན་བྱི་རུ་རིན་ཆེན་ལྔ། །ཨོཾ་པཉྩ་རཏྣ་ཨཱཿ་ཧཱུཾ། །ཏིལ་དང་ནས་དང་གྲོ་དང་ནི། །མོན་སྲན་གྲེ་དང་ཡུངས་ཀར་བཅས། །ཨོཾ་པཉྩ་བེེ་ག་ཨཱཿ་ཧཱུཾ། མར་དང་འོ་མ་ལན་ཚྭ་དང་། །
[52b.2]བུ་རམ་སྦྲང་རྩི་སྙིང་པོ་ལྔ། །ཨོཾ་པཉྩ་གརྦྷེ་ཨཱཿ་ཧཱུཾ། །ག་པུར་ཙནྡན་དྲི་ཆེན་ཆུ། །སྨན་གྱི་ཆུ་ཡིས་དགང་བར་བྱ། །ཨོཾ་པཉྩ་ཨ་མྲྀ་ཏེ་ཨཱཿ་ཧཱུཾ། དེ་ལྟར་བྱས་པའི་བུམ་པ་ཡང་། །བརྒྱད་ནི་སྒོ་རུ་དགོད་པ་སྟེ། །གོས་ཟུང་སོགས་ཀྱིས་དཀྲིས་པའོ། །བུམ་པ་དགུ་པ་དབུས་
[52b.3]སུ་དགོད། །བདག་ཉིད་ལྷར་གསལ་སྙིང་ག་ཡི། །འོད་ཟེར་སྦྱོར་བས་བུམ་པ་སྦྱང་། །དེ་ནས་ཡི་གེ་བྷྲཱུཾ་ལས་ནི། །ལྷ་ཡི་གཞལ་ཡས་ཁང་དུ་བསམ། །རྣམ་པར་རྒྱལ་བའི་བུམ་པ་རུ། །ལྷ་ཡི་འཁོར་ལོ་རྫོགས་པར་ཡང་། །སྐད་ཅིག་གིས་ནི་བསམ་པར་བྱ། །གཞན་
[52b.4]དུ་འཁོར་ལོའི་རྗེས་འབྲངས་པ། །རིགས་དང་བཅས་པ་གསལ་བར་བལྟ། །མཆོད་དང་བསྐོར་བས་མཉེས་པ་དང་། །སྙིང་པོ་རྩ་བའི་སྔགས་སོགས་ཀྱང་། །སྟོང་ངམ་བརྒྱ་རྩ་བརྒྱད་དུ་བཟླས། །བུམ་ནང་ལྷ་རྣམས་ཞུ་བར་བསམ། །དེ་ནས་རོལ་མོར་བཅས་པ་དང་། །
[52b.5]བཀྲ་ཤིས་གླུ་དབྱངས་སྣ་ཚོགས་ཀྱིས། །རས་བཟང་མེ་ཏོག་ལྡན་པ་འམ། །ཀུ་ཤའི་སྟེང་དུ་གཞག་པར་བྱ། །བུམ་པ་སྟ་གོན་ནོ།། །།དེ་ནས་སྐྱེས་བུ་དམ་པ་ཡིས། །མངོན་པར་རྟོགས་པ་གཞུང་བཞིན་བསྒོམ། །བདུད་རྩི་ལྔ་ནི་ཀུན་དུ་བྱུག །དེ་བཞིན་གཤེགས་པའི་
[52b.6]གནས་རྣམས་སུ། །ཙནྡན་སོགས་པས་གྲུ་བཞིར་བྱ། །ཕལ་པ་ཡི་ནི་གནས་རྣམས་སུ། །སོ་སོར་ཟླུམ་པོར་བྱས་ནས་ནི། །ལྷ་ཡི་འཁོར་ལོ་ཆོ་ག་བཞིན། །མེ་ཏོག་སོགས་པས་མཆོད་པར་བྱ། །ལྟེ་བར་དགོད་བྱའི་དཔའ་བོ་ནི། །འཇིགས་བྱེད་ཆེན་པོའི་གཟུགས་ཅན་
[52b.7]ནི། །རབ་ཏུ་འབར་ཞིང་མདངས་དང་བཅས། །ནམ་མཁའི་མཁའ་འགྲོ་མ་རྣམས་ནི། །ཡིད་ཀྱིས་ཐམས་ཅད་མཁའ་ལ་དགོད། །ས་སྟེང་མཁའ་འགྲོ་མ་གང་ཡིན། །དཀྱིལ་འཁོར་ཀུན་དུ་དགོད་པར་བྱ། །གང་ཡང་ས་འོག་མཁའ་འགྲོ་མ། །དེ་ནི་ས་འོག་རྣམས་སུ་
[53a]
[53a.1]དགོད། །མ་མོ་ཐམས་ཅད་ཕྱོགས་དང་ནི། །ཕྱོགས་མཚམས་རྣམས་སུ་དགོད་པར་བྱ། །གལ་ཏེ་དངོས་གྲུབ་མཆོག་འདོད་ན། །དྲི་དང་མེ་ཏོག་བདུག་སྤོས་དང་། །མར་མེ་བརྒྱ་ཡང་དབུལ་བྱ་ཞིང་། །རྒྱལ་མཚན་དམར་དང་དེ་བཞིན་སེར། །དཀར་དང་
[53a.2]གནག་དང་སེར་སྐྱ་དང་། །དེ་བཞིན་གོས་ནི་སྣ་ཚོགས་དང་། །མེ་ཏོག་ཕྲེང་བ་དུ་མ་དང་། །བླ་རེ་དག་དང་བཅས་པ་ཡིས། །མདའ་ནི་ཤིན་ཏུ་མཛེས་པ་དང་། །དེ་བཞིན་བཟའ་བཅའ་བཏུང་བ་ཡིས། །རབ་མཉམ་གཞག་སྟེ་མཆོད་པར་བྱ། །དེ་ནས་གསོལ་བ་གདབ་བ་པ་ནི། །གཉིས་མེད་ཡེ་ཤེས་
[53a.3]ལས་བྱུང་བའི། །ཁྱབ་བདག་དངོས་ཀུན་བདག་ཉིད་དཔལ། །སྟོན་པ་གཙོ་བོ་ཁྲག་འཐུང་དཔལ། །རྡོ་རྗེ་ཕག་མོར་ཡང་དག་ལྡན། །གང་ཞིག་ཕྱོགས་བཅུའི་དཔའ་བོ་དང་། །རིག་པའི་ལྷ་མོ་རྫུ་འཕྲུལ་ཅན། །བྱང་ཆུབ་སེམས་དཔའ་ལ་སོགས་ཀུན། །མ་ལུས་བདག་ལ་དགོངས་
[53a.4]སུ་གསོལ། །སློབ་མ་རྣམས་ལ་ཕན་པ་དང་། །ཁྱེད་རྣམས་ལ་ཡང་མཆོད་པའི་ཕྱིར། །རྡོ་རྗེ་ཅན་བདག་འདི་ཞེས་པ། །ནང་པར་དཀྱིལ་འཁོར་བྲི་བར་བགྱིད། །རྗེས་སུ་བརྩེ་བར་ཉེར་དགོངས་ཏེ། །ཀུན་གྱིས་བྱིན་གྱིས་བརླབ་ཏུ་གསོལ། །ལྷ་ལ་གསོལ་བ་གདབ་པའོ། །སྔར་བཤད་
[53a.5]མཚན་ལྡན་སློབ་མ་ནི། །ཁྲུས་བྱས་གཙང་མའི་གོས་གྱོན་ཏེ། །མེ་ཏོག་ཕྲེང་ཐོགས་ཕྱག་བཙལ་ནས། །བླ་མ་མཆོག་ལ་གསོལ་བ་གདབ། །དགའ་ཆེན་ཁྱོད་བདག་སྟོན་པ་བས། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་
[53a.6]བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ནི་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ནི་བདག་ལ་སྩོལ། །ཐར་པ་ཆེན་པོའི་གྲོང་མཆོག་དུ། །མགོན་པོ་བདག་ནི་འཇུག་པར་འཚལ། །སློབ་མས་དེ་སྐད་ལན་
[53a.7]གསུམ་བརྗོད། །སློབ་མའི་གཙོ་བོ་གཅིག་ཉིད་ལ། །དམིགས་ནས་བླ་མས་འདི་སྐད་བརྗོད། །བུ་ཚུར་ཐེག་པ་ཆེན་པོ་ལ། །ཁྱོད་ནི་ཚུལ་ཆེན་སྣོད་ཡིན་ཏེ། །གསང་སྔགས་སྤྱོད་ཚུལ་ཆོ་ག་ནི། །ཁྱོད་ལ་ཡང་དག་བཤད་པར་བྱ། །རྫོགས་པའི་སངས་རྒྱས་གང་འདས་དང་། །དེ་
[53b]
[53b.1]བཞིན་གང་དག་མ་བྱོན་དང་། །ད་ལྟར་བྱུང་བའི་རྫོགས་སངས་རྒྱས། །འགྲོ་ལ་ཕན་ཕྱིར་བཞུགས་པ་རྣམས། །དེ་དག་ཀུན་གྱིས་གསང་སྔགས་ཀྱི། །ཆོ་ག་བཟང་པོ་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་ཚད་མེད་གནས། །
[53b.2]གསང་སྔགས་སྦྱོར་བ་མཉམ་མེད་དེ། །སྐྱོབ་པ་དཔལ་ལྡན་ཧེ་རུ་ཀས། །བདུད་སྡེ་ཤིན་ཏུ་མི་བཟད་པ། །དཔུང་ཆེན་དག་ཀྱང་དེ་ཡིས་བཅོམ། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །དཔའ་བོ་ཡན་ལག་ལས་བྱུང་བའི། །སྡོམ་པ་ལ་སོགས་
[53b.3]སློབ་མ་ལ། །བྱང་ཆུབ་ཐོབ་པའི་དོན་གྱི་ཕྱིར། །ཆོ་ག་ཐམས་ཅད་སྦྱིན་པར་བྱ། །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །རྣལ་འབྱོར་གསང་སྔགས་མཁའ་འགྲོ་མ། །འཁོར་ལོ་གསུམ་གྱི་བདག་ཉིད་ཅན། །ཀུན་ལ་རྟག་ཏུ་སྐྱབས་སུ་
[53b.4]མཆི། །དཔའ་བོ་དཔའ་མོ་དབང་ལྷ་མོ། །བྱང་ཆུབ་སེམས་དཔའ་བདག་ཉིད་ཆེ། །ཁྱད་པར་དུ་ཡང་སློབ་དཔོན་ལ། །རྟག་པར་བདག་ནི་སྐྱབས་སུ་མཆི། །བླ་མ་མཆོད་པས་དེ་བཞིན་བྱམས། །སངས་རྒྱས་ལ་གུས་འགྲོ་ལ་བརྩེ། །རྩ་བའི་ལྟུང་བ་ཡོངས་ཤེས་ཤིང་། །སྦོམ་པོའི་
[53b.5]ལྟུང་བ་རྣམ་པར་སྤངས། །ཁ་ན་མ་ཐོ་བཅས་གྱུར་པའི། །ཁྱོད་ཀྱིས་སྲོག་ཆགས་གསད་མི་བྱ། །མ་བྱིན་པར་ཡང་མི་བླང་ངོ་། །འདོད་པ་ལོག་པར་མི་སྤྱད་ཅིང་། །བརྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩ་བ་ཡི། །ཆང་ནི་རྣམ་པར་སྤང་བར་བྱ། །སེམས་ཅན་གདུལ་
[53b.6]ཕྱིར་མ་གཏོགས་པ། །བྱ་བ་མ་ཡིན་ཐམས་ཅད་སྤང་། །བདག་ནི་དུས་འདི་ནས་བཟུང་ནས། །བྱང་ཆུབ་སྙིང་པོར་མཆིས་ཀྱི་བར། །དེ་བཞིན་བླ་མེད་བྱང་ཆུབ་སེམས། །དམ་པ་བདག་གིས་བསྐྱེད་པར་བགྱི། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་
[53b.7]པ། །སངས་རྒྱས་རྣལ་འབྱོར་སྡོམ་པ་ལ། །བསླབ་པ་ཡི་ནི་ཚུལ་ཁྲིམས་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་བརྟན་པོར་གཟུང་བར་བྱ། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་
[54a]
[54a.1]གསུམ། །དེ་རིང་མཆོག་ཏུ་གཟུང་བར་བགྱི། །རྡོ་རྗེ་རིགས་མཆོག་ཆེན་པོ་ལ། །ཕྱག་རྒྱ་དྲིལ་བུ་ཕྱག་རྒྱ་ཡང་། །དེ་ཁོ་ན་ཉིད་གཟུང་བར་བྱ། །སློབ་དཔོན་དག་ཀྱང་གཟུང་བར་བྱ། །རིན་ཆེན་རིགས་མཆོག་སྦྱོར་བ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་
[54a.2]བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་མཆོག་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ནི་རབ་ཏུ་གཟུང་། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་
[54a.3]ནི། །ཐམས་ཅད་དུ་ནི་རབ་ཏུ་གཟུང་། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་ན་མེད། །དམ་པ་དེ་ནི་བསྐྱེད་ནས་སུ། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་གཟུང་། །མ་བསྒྲལ་བ་རྣམས་བདག་གིས་བསྒྲལ། །མ་གྲོལ་
[54a.4]བ་རྣམས་དགྲོལ་བར་བགྱི། །དབུགས་མ་ཕྱུང་བ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །དེ་ནས་སློབ་མ་མདུན་བདར་ལ། །གནས་གསུམ་དྲི་ཡི་ཐིག་ལེ་ཡང་། །ཡིག་གསུམ་བཟླས་ཏེ་བསྐུ་བར་བྱ། །སྐུ་གསུང་ཐུགས་ཀྱི་ལྷ་གསལ་ལ། །སྤྱི་བོར་
[54a.5]མེ་ཏོག་སྦོས་མར་མེ། །དྲི་ཡང་སྙིང་གར་ཞལ་ཟས་རྣམས། །ཀུན་བྱེད་བཟླས་ཏེ་མཆོད་བྱས་ནས། །དུས་འདི་ཉིད་ནས་བཟུང་ནས་ནི། །འཁོར་བའི་ཉེས་པས་མ་ཕོག་པར། །མཆོད་པ་ཀུན་དང་ལྡན་པར་ནི། །དུས་ཀུན་དུ་ནི་བདེ་པར་གནོས། །ཨ་ཤྭད་ཨུ་དུམ་བཱ་ར་
[54a.6]ཡི། །སོ་ཤིང་སོར་ནི་བཅུ་གཉིས་པ། །མ་ཡོ་མ་གས་སྲོག་ཆགས་མེད། །རྩེ་མོ་མེ་ཏོག་བཅས་པ་སྦྱིན། །ཤར་རམ་བྱང་དུ་ཁ་བལྟས་ཏེ། །བཅས་ནས་ལྟོས་པ་མེད་པར་ནི། །བ་ཀོ་ཙམ་གྱིས་བྱུགས་པར་དོར། །དངོས་གྲུབ་ཕྲིན་ལས་བར་ཆད་གསུམ། །དངོས་
[54a.7]གྲུབ་མཆོག་ནི་ཤར་ཕྱོགས་དང་། །རང་ལ་བལྟས་པར་ཤེས་པར་བྱ། །འབྲིང་ནི་གཞན་ལ་ཐ་མ་ཡང་། །འོག་ཏུ་བལྟས་པར་ཤེས་པར་བྱ། །ཨོཾ་ཧྲིཿ་བི་ཤུདྡྷཱཿ་སརྦ་དྷརྨཱཿ། སརྦ་པཱ་པ་ནི་ཤྩ་སཾ་ཤོ་དྷ་ཡ། །སརྦ་བི་ཀ་ལྤཾ་ཨ་པ་ན་ཡ་ཧཱུཾ། ཞེས་པས། སྐྱོར་ཆུ་ལན་
[54b]
[54b.1]གསུམ་བླུད་པར་བྱ། །སྲད་བུ་དམར་པོས་ཁྱད་པར་དུ། །མདུད་ལ་གནོད་མཛེས་སྔགས་བཟླས་ཏེ། །དཔུང་པར་བཅིངས་ལ་བསྲུང་བར་བྱ། །དེ་ནས་ཕྱིར་མི་ལྡོག་བྱའི་ཕྱིར། །སློབ་མ་རྣམས་ལ་སྤྲོ་བ་བསྐྱེད། །འཇིག་རྟེན་དུ་ནི་ཀུན་མཁྱེན་རྣམས། །ཨུ་དུམ་བཱ་རའི་མེ་ཏོག་
[54b.2]བཞིན། །བརྒྱ་ལམ་ན་ནི་རེས་འགའ་ཞིག །འབྱུང་གྱུར་ཡང་ནི་མི་འབྱུང་ངོ་། །གསང་སྔགས་སྤྱོད་ཚུལ་ཆོ་ག་ནི། །དེ་བས་ཀྱང་ནི་དཀོན་པ་སྟེ། །གང་གིས་མཉམ་མེད་སེམས་ཅན་དོན། །གྲགས་པ་མཐའ་ཡས་སྤྱོད་པ་ཡིས། །མྱ་ངན་མི་འདའ་བྱེད་པར་ནུས། །བསྐལ་པ་བྱེ་བ་
[54b.3]དུ་མ་རུ། །སྡིག་པ་བགྱིས་པར་གྱུར་པ་གང་། །དེ་ཀུན་དཀྱིལ་འཁོར་འདི་འདྲ་བ། །མཐོང་བས་བྱང་བར་འགྱུར་ལེགས་ན། །གྲགས་པ་མཐའ་ཡས་སྤྱོད་པ་ཡི། །ཚུལ་ལ་གནས་པ་སྨོས་ཅི་དགོས། །དེ་ལྟར་སྤྲོ་བ་བསྐྱེད་ནས་ཀྱང་། །ཡི་གེ་བདུན་པའི་སྔགས་བཟླས་
[54b.4]པའི། །ཀུ་ཤ་དེ་ལ་རབ་ཏུ་སྦྱིན། །རྨི་ལམ་དགེ་དང་མི་དགེ་བརྟག །ཚོགས་འཁོར་བྱས་ལ་བཀྲ་ཤིས་བརྗོད། །གཏོར་མ་བཏང་ནས་ཡེ་ཤེས་གཤེགས། །དམ་ཚིག་བསྡུས་ལ་ཅི་བདེར་གནས། །སློབ་མ་སྟ་གོན་ནོ། །སྲད་བུ་ཡེ་ཤེས་ལྔར་ལྡན་ཞིང་། །ཉི་ཤུ་རྩ་ལྔར་
[54b.5]རྣམ་ཕྱེ་བས། །ཆོས་ཀུན་ངོ་བོ་ཉིད་ཀྱིས་ནི། །སྲད་བུ་ཕན་ཚུན་བསྒྲིལ་བར་བྱ། །ཨོཾ་ཨ་ནྱོ་ནྱ་ཨ་ནུ་ག་ཏ་སརྦ་དྷརྨཱཿ་སྤ་ར་སྦ་ར་ཨ་ནུ་པྲ་བི་ཥྚ་སརྦ་དྷརྨཱཿ་ཨ་ཏྱ་ན་ཏ་ཨ་ནུ་པྲ་བིཥྚ་སརྦ་དྷརྨཱཿ། དཀྱུས་སུ་དཀྱིལ་འཁོར་ཉིས་འགྱུར་ལ། །སྦོམས་སུ་སྒོ་ཡི་ཉི་ཤུ་ཆ། །བདུད་རྩི་
[54b.6]བརྒྱས་ནི་བྱུག་པར་བྱ། །ཡེ་ཤེས་ཐིག་ནི་བསྐྱེད་ནས་སུ། །ཛཿ་གསུམ་བརྗོད་ནས་ལྟེ་བར་ནི། །གཡོན་པའི་ཁུ་ཚུར་གྱིས་བཟུང་ནས། །བློ་ལྡན་ནམ་མཁར་ཐིག་གདབ་བྱ། །དེ་བཞིན་ས་ལ་གདབ་པར་བྱ། །ཁྲུ་ཕྱེད་ལ་སོགས་བརྩམས་ནས་ནི། །ཇི་སྲིད་ཁྲུ་ནི་བརྒྱ་
[54b.7]ཡི་བར། །དང་པོ་ཚངས་པའི་ཐིག་ཡིན་ཏེ། །གཉིས་པ་ལ་ནི་ཟུར་ཐིག་གདབ། །གསུམ་པ་ཕྱོགས་ཀྱི་ཐིག་བཏབ་ལ། །བཞི་པ་ཆ་ཆེན་བཅུ་དྲུག་གདབ། །ཆ་ཕྲན་བཞི་བཞིར་བགོས་བྱས་པ། །སྤྱིར་ན་ཆ་ཆུང་དྲུག་ཅུ་བཞི། །ངོས་གཅིག་ལ་ནི་སུམ་ཅུ་གཉིས། །དཀྱིལ་
[55a]
[55a.1]འཁོར་ནང་ལ་བཅུ་དྲུག་ལས། །གཉིས་ལ་གཙོ་བོའི་ཕོ་བྲང་སྟེ། །གསུམ་བཞི་ལྔ་དྲུག་བདེ་ཆེན་གྱི། །འཁོར་ལོ་པདྨ་འདབ་བརྒྱད་བྱ། །བདུན་པ་གྲི་གུག་ཕྲེང་བ་ལ། །བརྒྱད་དང་དགུ་པ་ཐུགས་འཁོར་ལོ། །བཅུ་པ་རྡོ་རྗེ་ཕྲེང་བ་སྟེ། །བཅུ་གཅིག་བཅུ་
[55a.2]གཉིས་གསུང་ཡིན་ཏེ། །བཅུ་གསུམ་པདྨའི་ཕྲེང་བའོ། །བཅུ་བཞི་བཅོ་ལྔ་སྐུ་ཡིས། །བཅུ་དྲུག་འཁོར་ལོའི་ཕྲེང་བས་བསྐོར། །དེ་ནི་ནང་གི་དཀྱིལ་འཁོར་ལ། །ཕྱི་ཡི་དཀྱིལ་འཁོར་མཚན་ཉིད་ཀྱང་། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །དྲ་
[55a.3]བ་དྲ་ཕྱེད་འཕྱང་བ་མཛེས། །གཡེར་ཁའི་ཕྲེང་བའི་དྲ་བ་ཅན། །མཚམས་ཀྱི་ཆ་ནི་ཐམས་ཅད་དང་། །སྒོ་ཁྱུད་ཀྱི་ནི་ནང་རྣམས་སུ། །རྡོ་རྗེ་རིན་ཆེན་གྱིས་སྤྲས་དང་། །རྡོ་རྗེ་ར་བ་མེ་འོད་བཅས། །དཀྱིལ་འཁོར་དེ་ཡི་ཕྱི་རོལ་དུ། །ཤིང་ལ་སོགས་པའི་དུར་ཁྲོད་བྱ། །གཞན་
[55a.4]ཡང་འཁོར་ལོའི་རྗེས་མཐུན་པར། །ཇི་ལྟར་མཛེས་པ་རབ་ཏུ་བརྟག །ཐིག་སྐུད་ཆད་ན་སློབ་དཔོན་འཆི། །དམན་དང་ལྷག་པས་ནད་འབྱུང་སྟེ། །ཕྱོགས་ལ་འཁྲུལ་ན་སློབ་མ་མྱོས། །དེ་བས་སྐྱོན་མེད་ཤེས་པར་བྱ། །ཐིག་གདབ་པའོ།། །།རིན་ཆེན་ལྔ་ཡི་ཕྱེ་
[55a.5]མའམ། །ཡང་ན་འབྲས་ལ་སོགས་པ་སྟེ། །རོ་བསྲེགས་སོལ་བའི་ཕྱི་མའམ། །དུར་ཁྲོད་སོ་ཕག་ལྡན་པ་ལ། །བྷྲཱུཾ་ཁཾ་ལ་སོགས་ཡིག་འབྲུ་ལྔ། །ཡོངས་འགྱུར་ཚོན་རྩི་ལྔ་རུ་བསམ། །སློབ་དཔོན་དབང་ལྡན་ཕྱོགས་སུ་ནི། །སོང་སྟེ་མཉམ་པར་བཞག་ནས་སུ། །
[55a.6]ལག་པ་གཡོན་པའི་ཁུ་ཚུར་གྱིས། །རི་མོ་ལྔ་ནི་དགྱེ་བར་བྱ། །འདི་ནི་ཆོས་དབྱིངས་དག་པ་སྟེ། །སེམས་ཅན་ཁམས་ནི་སྒྲོལ་མཛད་པ། །རྡོ་རྗེ་སེམས་དཔའ་རྒྱལ་པོ་ཆེ། །དེ་བཞིན་གཤེགས་པ་ཀུན་གྱི་གནས། །མེ་ལོང་ལ་སོགས་རིམ་བརྗོད་ནས། །
[55a.7]དཀར་དང་སེར་དང་དམར་དང་ལྗང་། །ཀུན་གྱི་ནང་རོལ་ནག་པོ་རུ། །ཚོན་གྱི་ཆ་ནི་རིམ་བཞིན་དགྱེ། །ཚོན་རྩི་རེ་རེའི་ཞིང་དུ་ནི། །སྒོ་ཡི་ཉི་ཤུ་ཆ་ཡི་ཚད། །ཕན་ཚུན་བར་དུ་ནས་རེ་ཙམ། །མཐོ་ལ་དྲང་བར་བྲི་བར་བྱ། །གལ་ཏེ་ཚོན་རྩི་མི་མཉམ་ཞིང་། །ཡོ་དང་
[55b]
[55b.1]དམའ་བར་གྱུར་ན་ནི། །རི་མོ་དམའ་བས་དངོས་མི་འགྲུབ། །ཡོན་པོས་གདུང་བསྐྱེད་བྱེད་པ། །དེ་ཉིད་མཐོ་བས་ནད་དུ་འགྱུར། །ཆད་ན་སློབ་དཔོན་སློབ་མ་དག །གཉིས་ཀ་འཆི་བར་ཤེས་པར་བྱ། །གཡས་སྐོར་མ་ཡིན་བྲིས་ན་ནི། །རྡུལ་ཚོན་ཕུར་བུས་གདབ་
[55b.2]པར་འགྱུར། །དབུས་སུ་སྣ་ཚོགས་པདྨ་ནི། །གེ་སར་ཡང་དག་ལྡན་པ་ལ། །མཚམས་སུ་བུམ་པ་ཐོད་པས་བརྒྱན། །གསེར་གྱི་མདོག་ཏུ་བྲི་བར་བྱ། །མཐིང་ཤུན་ཕྱེ་མ་ལ་སོགས་པས། །ཐུགས་ཀྱི་འཁོར་ལོ་རྩིབས་བརྒྱད་པ། །རྡོ་རྗེ་འཁོར་ལོས་བསྐོར་བར་བྱ། །བྱུ་
[55b.3]རུ་ལ་སོགས་མདོག་འདྲ་བས། །གསུང་གི་འཁོར་ལོ་རྩིབས་བརྒྱད་པ། །པདྨའི་ཕྲེང་བས་བསྐོར་བ་བྲི། །མུ་ཏིག་ལ་སོགས་ཕྱེ་མས་ནི། །སྐུ་ཡི་འཁོར་ལོ་བྲི་བྱས་ཏེ། །འཁོར་ལོའི་ཕྲེང་བས་བསྐོར་བར་བྱ། །ཇི་ལྟར་པདྨའི་ཁ་དོག་བཞིན། །སྒོ་བཞིའི་ཆ་ཡང་དེ་བཞིན་
[55b.4]ཏེ། །ཤར་ཕྱོགས་སུ་ནི་དཀར་པོ་སྟེ། །ལྷོར་ནི་སེར་པོ་ཡང་དག་ལྡན། །ནུབ་ཀྱི་ཆ་ནི་དམར་པོ་སྟེ། །བྱང་དུ་མརྒད་ཡང་དག་ལྡན། །དབུས་ཀྱི་ས་ཡི་ཆ་ཉིད་ནི། །ཨིནྡྲ་ནཱི་ལ་འོད་འབར་བའི། །གྲྭ་ཡི་ཆ་ནི་ཐམས་ཅད་དང་། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་
[55b.5]ཆེན་གྱིས་སྤྲས་པ། །མཉམ་པར་གཞག་པས་ཡང་དག་བྲི། །རྡོ་རྗེ་ར་བའི་ནང་དུ་ནི། །དུར་ཁྲོད་བརྒྱད་ཀྱིས་བརྒྱན་པ་སྟེ། །གཏུམ་དྲག་དེ་བཞིན་ཚང་ཚིང་དང་། །རྡོ་རྗེ་འབར་བ་ཀེང་རུས་ཅན། །དབང་ལྡན་དུ་ནི་མི་ཟད་གཞན། །བྱིན་ཟ་རུ་ནི་བཀྲ་ཤིས་མཆོག །
[55b.6]མུན་པ་དྲག་པོ་བདེན་བྲལ་དུ། །རླུང་དུ་ཀཱི་ལི་ཀཱི་ལའི་སྒྲ། །ཤར་དུ་ཤིཪྵ་ཨ་ཤྭད་ཤིང་། །ཀང་ཀེ་ཁྱད་པར་ཙུ་ཏའི་ཤིང་། །བ་ད་དེ་བཞིན་ཀ་རཉྫ། །ལ་ད་བར་ཀ་པར་ཐི་ཀ ། དབང་པོ་དེ་བཞིན་གནོད་སྦྱིན་དང་། །ཀླུ་ཡི་དབང་དང་གཤིན་རྗེའི་བདག །དབང་ལྡན་
[55b.7]དེ་བཞིན་བྱིན་ཟ་དང་། །སྲིན་པོའི་དབང་པོ་རླུང་གི་བདག །བ་སུ་ཀི་དང་འཇོག་པོ་ཉིད། །པད་ཆེན་ཧུ་ལུ་ཧུ་ལུ་དང་། །དབང་ལྡན་དང་ནི་དུང་སྐྱོང་ངོ་། །སྒྲོགས་པ་དང་ནི་ཆེར་སྒྲོགས་དང་། །དྲག་དང་ཡོན་ཏན་བསྟན་དེ་བཞིན། །གང་བ་དང་ནི་དེ་བཞིན་འབེབས། །
[56a]
[56a.1]གཏུམ་པོ་འདི་དག་སྤྲིན་དབང་ཕྱུག །རྣལ་འབྱོར་མ་ཡི་ཚོགས་རྣམས་དང་། །དངོས་གྲུབ་རྫུ་འཕྲུལ་ཡང་དག་པར། །ཐོབ་པ་སློབ་དཔོན་གྱི་ནི་ཚོགས། །དུར་ཁྲོད་དབུས་སུ་བལྟ་བར་བྱ། །དེ་ཉིད་བསྡུས་དང་བདེ་མཆོག་དང་། །གསང་བ་རྡོ་
[56a.2]རྗེ་འཇིགས་བྱེད་ལས། །དཀྱིལ་འཁོར་རྣམས་ཀྱི་རྒྱལ་པོ་འདི། །མ་བྱུང་འབྱུང་བར་མི་འགྱུར་རོ། །ཚོན་དགྱེ་བའོ།། །།དེ་ནས་སློབ་དཔོན་མཉམ་གཞག་པས། །དཀྱིལ་འཁོར་དབུས་ནས་དུར་ཁྲོད་སར། །ལྷག་ཆང་ཉེས་པའི་སྐྱོན་བསལ་ལ། །བསྐོར་བ་ལན་གསུམ་བརྩམ་པར་
[56a.3]བྱ། །བུམ་པ་མཆོད་རྫས་ལ་སོགས་པ། །གདུགས་དང་རྒྱལ་མཚན་རོལ་མོ་དང་། །སིལ་སྙན་གླུ་ཡིས་སྤྱན་དྲངས་ལ། །དཀྱིལ་འཁོར་གནས་སུ་དགོད་པར་བྱ། །དཀྱིལ་འཁོར་ཀུན་དུ་རིན་ཆེན་ནམ། །གསེར་རྣམས་ཀྱིས་ནི་མཛེས་པར་བྱ། །དེ་ནས་སློབ་དཔོན་ཁྲུས་བྱས་
[56a.4]ཏེ། །དྲི་ཞིམ་རུས་པའི་རྒྱན་གྱིས་སྤྲས། །རྩེ་བྲན་རྡོ་རྗེ་དྲིལ་འཛིན་པ། །དཀྱིལ་འཁོར་གྱི་ནི་ལྷོ་ཕྱོགས་སུ། །བདེ་བའི་གདན་ལ་འདུག་ནས་ནི། །བླ་མ་དམ་པ་ལཱུ་ཡི་པས། །མངོན་པར་རྟོགས་པའི་རིམ་པ་རྣམས། །བསྒོམས་ཏེ་བཟླས་པ་བྱས་པའི་མཐར། །བཅུ་
[56a.5]དྲུག་ལྷ་མོ་རྣམས་ཀྱིས་མཆོད། །མེ་ཏོག་བདུག་པ་མར་མེ་དྲི། །དཀར་པོ་དུང་མདོག་དམར་བ་ལྗང་། །ཞལ་གཅིག་ཕྱག་གཉིས་རྩ་བར་རྟགས། །ཌ་རུ་ཐོད་པ་ཁ་ཊཱཾ་ག །གཞན་གྱི་ཕྱག་གསུམ་དག་ན་འཛིན། །པི་ཝང་གླིང་བུ་རྔ་ཟླུམ་མ། །རྫ་རྔ་ཞལ་གཅིག་ཕྱག་བཞི་
[56a.6]མ། །གཉིས་ཀྱིས་རང་རང་བརྡུང་བར་བརྩོན། །ཐ་མ་རྡོ་རྗེ་དྲིལ་བུ་འཛིན། །སྔོ་སེར་དམར་པོ་ལྗང་གུའོ། །ཕྲེང་བ་སྒེག་མོ་གླུ་གར་མ། །དམར་དཀར་སེར་མོ་ལྗང་གུ་སྟེ། །ཕྲེང་མ་ཕྱག་གཉིས་ཕྲེང་བ་འདྲེན། །རྡོ་རྗེ་དྲིལ་འཛིན་སྒེག་པ་མོ། །གླུ་མ་འཁར་བའི་སིལ་ཁྲོལ་
[56a.7]ཏེ། །གར་མ་པདྨའི་གར་སྐྱོད་བྱེད། །གཞན་གཉིས་ཐོད་པ་ཁ་ཊྭཱཾ་ག །གཟུགས་དང་རོ་དུད་རེག་དང་ཆོས། །དཀར་དམར་ལྗང་གུ་དཀར་མོ་སྟེ། །ཞལ་གཅིག་ཕྱག་བཞི་དང་པོ་ན། །མེ་ལོང་དང་དྲི་གོས་ཆོས་འབྱུང་། །ཌ་རུ་ཐོད་པ་ཁ་ཊྭཱཾ་ག །ལྷག་མའི་ཕྱག་ན་
[56b]
[56b.1]གནས་པས་མཆོད། །རྐང་པ་བརྒྱད་ཀྱིས་བསྟོད་བྱས་ལ། །བཤགས་དང་གསོལ་བ་ལ་སོགས་བྱ། །ག་ཎ་ཚོགས་ཀྱི་མཆོད་པ་ཡིས། །དཀྱིལ་འཁོར་ལྷ་ཀུན་མཉེས་བྱས་ལ། །དཔལ་ལྡན་མཁའ་འགྲོ་མ་རྣམས་ལ། །བ་ལིཾ་ཆེན་པོའི་གཏོར་མ་སྦྱིན། །དཀྱིལ་
[56b.2]འཁོར་སྒྲུབ་པའི་དོན་དུ་ནི། །སློབ་དཔོན་རྣལ་འབྱོར་ལྡན་པ་ཡིས། །ཞི་དང་རྒྱས་པའི་སྦྱིན་སྲེག་ནི། །སློབ་མ་སྡིག་སོགས་སྦྱོང་བའི་ཕྱིར། །ཇི་ལྟར་འགྲུབ་པའི་གྲངས་རྣམས་བྱས། །མེ་ཏོག་ཕྲེང་འཛིན་སློབ་དཔོན་གྱིས། །ལྷ་ཡི་སྒོ་ནས་ཞུགས་ནས་ཀྱང་། །ཧེ་རུ་
[56b.3]ཀ་དཔལ་རྒྱལ་པོ་ལ། །ཆུ་དང་དབུ་རྒྱན་ལ་སོགས་པ། །རྗེས་གནང་མཐའ་རུ་རིམ་བཞིན་ནོ། །རིགས་ལ་རྗེས་གནང་ཐོབ་པ་དང་། །སློབ་མ་ཤིས་པར་བྱ་བའི་ཕྱིར། །བདེན་པ་འདི་ནི་བསྒྲག་པར་བྱ། །དོན་དམ་སྨྲ་བའི་སེང་གེ་རྣལ་འབྱོར་ཞེས་བྱ་བ། །ཉོན་
[56b.4]མོངས་གཅོད་པའི་དོན་ལ་ཤིན་ཏུ་མཁས་གྱུར་པ། །སྲིད་པའི་ཉེས་པ་བསྐྱེད་པ་ཉོན་མོངས་བཅོམ་མཛད་པ། །རྣལ་འབྱོར་དོན་དམ་དེ་ཉིད་རྒྱལ་པོ་གྲུབ་པར་མཛོད། །དཀྱིལ་འཁོར་སྒྲུབ་པའོ།། །།ཀུན་བྱེད་ཆུ་ཡིས་ཁྲུས་བྱས་ལ། །དེ་ཡི་བུ་སྡུག་གདོང་ལ་ནི། །དར་
[56b.5]གྱིས་ལེགས་པར་དཀྲིས་ནས་ནི། །ཡོལ་བའི་མཐར་ནི་དྲངས་པ་ལ། །བླ་མས་འདི་སྐད་དྲི་བར་བྱ། །སྡུག་པ་ཁྱོད་སུ་ཅི་ལ་དགའ། །དེས་ཀྱང་བདག་ནི་སྐལ་བ་བཟང་། །བདེ་བ་ཆེ་ལ་རྟག་ཏུ་དགའ། །དེ་ནས་ལས་ཀུན་བྱེད་པའི་ཆུས། །ཡོལ་བའི་ཕྱི་རུ་བསང་གཏོར་བྱ། །དེ་
[56b.6]ནས་སློབ་མས་འདི་སྐད་དུ། །སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ལ་ནི་སྐྱབས་སུ་མཆི། །དཔའ་བོ་རྣལ་འབྱོར་མ་འཁོར་ལོ། །རྣལ་འབྱོར་གནས་ལ་བདག་ཕྱག་འཚལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་འཇུག་པར་མཛོད། །བླ་མས་
[56b.7]ཀྱང་ནི་འདི་སྐད་དུ། །དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་ཁྱེར་མཆོག །སྙིང་པོ་བསྡུས་པའི་དཀྱིལ་འཁོར་དུ། །བདག་གིས་སློབ་མ་གཞུག་པར་བགྱི། །དེ་ནས་ལྷོ་སྐོར་མངོན་ཕྱོགས་ལ། །ཨོཾ་ན་མ་སྟེ་ཧཱུཾ། ན་མ་མི་ཧཱུཾ། ན་མོ་ན་མ་ཧཱུཾ། ལུས་
[57a]
[57a.1]ངག་ཡིད་ཀྱིས་ཕྱག་གསུམ་བྱ། །སྙིང་གར་རྡོ་རྗེ་རབ་བཞག་ལ། །རྣལ་འབྱོར་སེམས་ནི་བསྐྱེད་པར་བགྱི། །ཨོཾ་ཡོ་ག་ཙིཏྟ་ཨུཏ་པཱ་དཱ་ཡཱ་མི། སུ་ར་ཏ་ས་མ་ཡ་སྟྭཾ་ཧོཿ་སིདྡྷ་བཛྲ་ཡ་ཐཱ་སུ་ཁཾ། དེ་ཡི་སྤྲོ་བ་བསྐྱེད་པ་ནི། །དེང་ཁྱོད་དེ་བཞིན་གཤེགས་པ་
[57a.2]ཐམས་ཅད་ཀྱི་རིགས་སུ་ཞུགས་ཀྱིས། །ངས་ཁྱོད་ལ་ཧེ་རུ་ཀའི་ཡེ་ཤེས་བསྐྱེད་པར་བྱ། །ཡེ་ཤེས་གང་གིས་དེ་བཞིན་གཤེགས་པ་ཐམས་ཅད་དང་། །དཔའ་བོ་དང་རྣལ་འབྱོར་མ་རྣམས་ཀྱི་དངོས་གྲུབ་ཀྱང་ཐོབ་པར་འགྱུར་ན། དངོས་གྲུབ་གཞན་ལྟ་ཅི་ཞིག་སྨོས་ཀྱི་ཁྱོད་
[57a.3]ཀྱིས་དཀྱིལ་འཁོར་མ་མཐོང་བ་རྣམས་ཀྱི་མདུན་དུ་བརྗོད་པར་མི་བྱ་སྟེ། །དམ་ཚིག་ཉམས་པར་གྱུར་ཏ་རེ། །ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་མཛད། །གལ་ཏེ་ཚུལ་འདི་སྨྲས་ན་ནི། དེ་མ་ཐག་ཏུ་དྲལ་ཏེ་གཤེགས། །བདུད་རྩི་ལྔ་ཡི་
[57a.4]ཆུ་དག་ནི། །ཐོད་པར་ལེགས་པར་བླུགས་ནས་ནི། །མནའ་ཆུ་བླུད་ཕྱིར་འདི་སྐད་བརྗོད། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་ཉམས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་ཐོབ། །ཨོཾ་པཉྩ་ཨ་མྲྀ་ཏོད་
[57a.5]ཀ་ཋཿཋཿཋཿཧཱུཾ། དེང་ནས་བརྩམས་ཏེ་ཁྱོད་ཀྱི་དཔལ་ཧེ་རུ་ཀ་ང་ཡིན་གྱིས། ངས་གྱིས་ཤིག་ཅེས་བསྒོ་བ་དེ་ཁྱོད་ཀྱིས་བྱ་དགོས་སོ། །ཁྱོད་ང་ལ་བརྙས་པར་མ་བྱེད་ཅིག །ཁྱོད་མི་བདེ་བ་མ་སྤངས་པར་ཆེའི་དུས་བྱས་ནས་དམྱལ་བར་ལྟུང་བར་གྱུར་ཏ་རེ། དེ་ནས་
[57a.6]དཔའ་བོ་དང་རྣལ་འབྱོར་མ་ཐམས་ཅད་ཀྱིས་བྱིན་གྱིས་རློབས་ལ། དཔལ་ཧེ་རུ་ཀ་བདག་ལ་དབབ་པར་མཛོད་ཅིག་ཅེས་སྨྲར་གཞུག་གོ། །བདུད་རྩི་ལྔ་དང་བྱི་ལའི་བྲུན། །གུ་གུལ་བུད་མེད་གོས་ཀྱི་མཐའ། །པདྨའི་སྣོད་དུ་བཞག་ནས་སུ། །དུར་ཁྲོད་མེ་ལ་བདུག་
[57a.7]པར་བྱ། །གཡས་བརྐྱང་བ་ལ་ལེགས་བསྡམས་ཏེ། །གཉིས་མེད་གསང་སྔགས་བཟླས་བྱས་ནས། །སྐད་ཅིག་ཉིད་ལ་ཡང་དག་འཇུག །ཨོཾ་ཏིཥྛ་མ་ཧཱ་ཀྲོ་དྷ་ཨཱ་བེ་ཤ་ཡ་ཧཱུཾ། ཨོཾ་ཤྲཱི་ཧེ་རུ་ཀ་ཨ་བིད་མ་ཧེ་བིདྱཱ་རཱ་ཛཱ་ཡ་དྷིབུཡ་བྱེ་མ་ཧེ་སྭཱ་ཧཱ། ཞེས་ནི་དཔའ་བོ་བསྐུལ་བར་བྱ། །དེ་
[57b]
[57b.1]ནས་གཡོན་ཐོགས་གྲོང་ཁྱེར་དུ། །བསྐོར་བ་ལན་གསུམ་བྱས་ནས་ནི། །བསྙེན་ནས་སྙིམ་པའི་མེ་ཏོག་དོར། །པྲ་ཏཱིཙྪ་བཛྲ་ཧོ། །དཀྱིལ་འཁོར་གང་དུ་མེ་ཏོག་བབས། །དེ་ཡི་རིགས་ནི་བསྟན་པར་བྱ། །སླར་ཡང་དེ་ཉིད་བླངས་ནས་སུ། །སློབ་མའི་མགོ་ལ་བཅིང་བར་བྱ། །
[57b.2]ཧེ་རུ་ཀ་དཔལ་དེང་ཁྱོད་ཀྱི། །མིག་ནི་འབྱེད་པར་བརྩོན་པར་མཛད། །རྡོ་རྗེའི་མིག་ནི་བླ་ན་མེད། །ཐམས་ཅད་མིག་ནི་ཕྱེ་བར་འགྱུར། །ཨོཾ་བཛྲ་ནེ་ཏྲ་ཨ་པ་ཧ་ར་པཊ་ལཾ་ཧྲི། །བརྗོད་ནས་གདོང་གཡོགས་ཕུད་ནས་ནི། །དཀྱིལ་འཁོར་བཟང་པོ་འདི་ལ་ལྟོས། །ད་ནི་དད་པ་རབ་
[57b.3]ཏུ་བསྐྱེད། །ཁྱོད་ནི་རྣལ་འབྱོར་མ་རིག་སྐྱེས། །སྔགས་དང་ཕྱག་རྒྱས་བྱིན་གྱིས་བརླབས། །འགྲོ་བ་ཕུན་སུམ་ཚོགས་ཀུན་དང་། །དངོས་གྲུབ་བུ་ཁྱོད་སྐལ་ལྡན་འགྱུར། །དམ་ཚིག་ཐམས་ཅད་བསྐྱང་བ་དང་། །གསང་སྔགས་ལ་ཡང་བརྩོན་པར་གྱིས། །དེ་ནས་
[57b.4]དཀྱིལ་འཁོར་གྱི་དེ་ཉིད་ནི། །དབུས་ཀྱི་པདྨ་རིན་ཆེན་འཛིན། །ཐུགས་ཀྱི་འཁོར་ལོ་མི་བསྐྱོད་པ། །གསུང་གི་འཁོར་ལོ་སྣང་མཐའ་ཡས། །སྐུ་ཡི་འཁོར་ལོ་རྣམ་སྣང་མཛད། །སྦུབས་རྣམས་ཀུན་ནི་དོན་ཡོད་ལ། །སྒོ་བཞི་དྲན་པ་ཉེར་གཞག་བཞི། །ཁ་དོག་ལྔ་ནི་
[57b.5]རིགས་ལྔ་ལ། །གྲུ་བཞི་ཚངས་པའི་སྒོ་བཞི་གསུངས། །ལོགས་བཞི་བསྡུ་བའི་དངོས་པོ་སྟེ། །ཀ་བ་བརྒྱད་ནི་རྣམ་ཐར་བརྒྱད། །གདོང་བཞི་ཡེ་ཤེས་བཞི་ཡི་དོན། །ཏྭ་ར་ཎ་ལ་སོགས་པ་ཀུན། །སྟོབས་ལ་སོགས་པ་ཡིན་པར་གསུངས། །རྣམ་ཤེས་དག་པ་
[57b.6]དུར་ཁྲོད་ལ། །ཕྱོགས་སྐྱོང་མི་དགེ་བཅུ་པོ་སྤོང་། །སངས་རྒྱས་བརྒྱད་ཀྱི་མཚན་མ་ཤིང་། །གདུག་པ་འཇོམས་ཕྱིར་ཤིང་བརྒྱད་དོ། །ཐུགས་རྗེའི་རྟགས་སུ་སྤྲིན་བརྒྱད་དོ། །དེ་ནས་ལྷ་ཡི་རྣམ་དག་ནི། །དཔའ་བོ་ཆེ་ལ་བུ་ཁྱོད་ལྟོས། །དབྱིངས་དང་ཡེ་ཤེས་
[57b.7]གཉིས་མེད་པས། །ཡུམ་དང་གཉིས་སུ་མེད་པ་ཡིན། །མཐིང་ག་སྐྱོན་གྱིས་མ་གོས་པ། །ཞལ་བཞི་རྣམ་པར་ཐར་པ་བཞི། །སྤྱན་ནི་དུས་གསུམ་མཁྱེན་པ་སྟེ། །རྟེན་འབྲེལ་དག་པས་ཕྱག་བཅུ་གཉིས། །ཕ་རོལ་ཕྱིན་པས་རྒྱན་དྲུག་ལ། །འཁོར་ལོ་ལྔ་ཡི་
[58a]
[58a.1]ལྷ་རྣམས་ནི། །སུམ་ཅུ་རྩ་བདུན་བྱང་ཆུབ་ཕྱོགས། །ཡིན་པར་མངོན་རྟོགས་གཞུང་ལྟར་སྦྱར། །སློབ་མ་གཞུག་པའོ།། །།དེ་ནས་སློབ་མས་བླ་མ་ཡི། །ཞབས་ལ་དད་པས་ཕྱག་བྱ་སྟེ། །ཐལ་སྦྱར་ཡོན་ནི་ཕལ་བ་ཡིས། །དབང་བསྐུར་
[58a.2]དོན་དུ་གསོལ་བ་གདབ། །བྱང་ཆུབ་རྡོ་རྗེས་སངས་རྒྱས་ལ། །ཇི་ལྟར་མཆོད་ཆེན་གསོལ་བ་ལྟར། །བདག་ཀྱང་དྲང་བའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་གསོལ། །དེ་ནས་ལྷོ་སྒོར་པདྨ་ནི། །འདབ་བརྒྱད་དབུས་སུ་ཁྲི་བཤམས་ཏེ། །སློབ་མ་བརྟག་
[58a.3]པའི་རྣལ་འབྱོར་པ། །རྒྱན་གྱིས་བཀླུབས་ཏེ་གཞག་པར་བྱ། །ཆུ་རྣམས་རྣམ་རྒྱལ་བུམ་པར་བསྡུ། །མི་བསྐྱོད་པ་རུ་བསྐྱེད་ནས་ནི། །དཀྱིལ་འཁོར་ལུས་ལ་བཙུད་ནས་སུ། །སློབ་མའི་སྤྱི་བོར་བཀྲུ་བར་བྱ། །དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་ཀུན་གྱིས་
[58a.4]ཕྱག་བྱས་པས། །གསང་གསུམ་གནས་ལས་འབྱུང་བ་ཡི། །སངས་རྒྱས་ཀུན་གྱི་ཆུ་དབང་སྦྱིན། །ཨོཾ་ཨུ་ད་ཀ་ཨ་བྷིཥིཉྩཱ་མི། །ཤིང་དམ་རིན་ཆེན་དབུ་རྒྱན་ལ། །རིན་ཆེན་འབྱུང་བར་བསྐྱེད་ནས་སུ། །ཡེ་ཤེས་འཁོར་ལོ་ལུས་ལ་གཞུག །གསང་གསུམ་
[58a.5]གནས་ལས་འབྱུང་བ་ཡི། །སངས་རྒྱས་ཀུན་གྱི་དབུ་རྒྱན་དབང་། །དེ་རིང་ཁྱོད་ལ་བསྐུར་བར་བྱ། །དབུ་རྒྱན་དམ་པ་ཁྱོད་ཀྱིས་ལོང་། །མཚན་ཉིད་ལྡན་པའི་རྡོ་རྗེ་འདི། །འོད་དཔག་མེད་དུ་བསྐྱེད་ནས་སུ། །གསུང་གི་འཁོར་ལོ་ལུས་ལ་གཞུག །སངས་རྒྱས་
[58a.6]ཀུན་གྱི་རྡོ་རྗེའི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་དོན་རབ་བསྒྲུབ་ཕྱིར། །རྡོ་རྗེ་འདི་ནི་ཁྱོད་ཀྱིས་བཟུང་། །ཨོཾ་བཛྲ་ཨ་དྷི་པ་ཏི་སྟྭཾ་ཨ་བྷི་ཥིཉྩཱ་མི་ཏཥྛི་བཛྲ་ས་མ་ཡ་སྟྭཾ། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དེ་
[58a.7]བཞིན་གཤེགས། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་སྙེམས་ཚུལ་བདག་པོའི་བདག །ཨོཾ་ལས་སྐྱེས་པའི་དྲིལ་བུ་ཡང་། །ལག་པ་གཡོན་པར་བྱིན་ནས་ནི། །དམ་ཚིག་འཁོར་ལོ་ལུས་ལ་གཞུག །འདི་ནི་སངས་རྒྱས་ཐམས་ཅད་ཀྱི། །ཤེས་རབ་
[58b]
[58b.1]དབྱངས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་བཅང་། །བྱང་ཆུབ་མཆོག་ཏུ་རྒྱལ་བ་བཞེང་། །སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་ནི། །སྲིད་པ་དམ་པ་བྱེད་པར་འགྱུར། །རྡོ་རྗེ་དྲིལ་བུ་སྤྱི་
[58b.2]བོར་ནི། །རྣམ་པར་སྣང་མཛད་སྐུ་ཡི་ཙཀྲ་བསྒོམ། །ཨོཾ་ཤྲཱི་ཧེ་རུ་ཀ་ཨ་དྷི་པ་ཏི་སྟྭཾ། ཨ་བྷི་ཤིཉྩཱ་མི། །ཨོཾ་ཤྲཱི་ཧེ་རུ་ཀ་ནཱ་མ་ཨ་བྷི་ཥི་ཀ་ཏ། ཤྲཱི་སྒྲ་དང་བཅས་པ་འདིས། །རིགས་ལས་དྲངས་ཏེ་མིང་དབང་བསྐུར། །ཆུ་དང་ཅོད་པན་རྡོ་རྗེ་དང་། །དྲིལ་བུ་དང་ནི་མིང་
[58b.3]དབང་བསྐུར། །བདེ་གཤེགས་ལྔ་ཡི་བདག་ཉིད་དེ། །ཕུང་པོ་ལྔ་དང་ཉོན་མོངས་དག །རིགས་པའི་དབང་ལྔའོ།། །།སྲིད་པའི་བདེ་བ་ཤིན་ཏུ་ཆུང་། །སྡུག་བསྔལ་ཆེན་པོ་ཞི་བྱེད་པ། །ཤིན་ཏུ་བདེ་བ་དམ་པའི་ཐབས། །དམ་ཚིག་རྟག་ཏུ་བསྐྱང་བར་
[58b.4]བྱ། །ཡིད་ཀྱིས་ལུས་ནི་བརྟག་པའི་ཕྱིར། །ཕྱག་རྒྱའི་དམ་ཚིག་ཅེས་བྱར་བརྗོད། །དམ་ཚིག་གསུམ་ནི་བྱིན་ནས་སུ། །དེ་ནས་སྔགས་ཀྱི་དབང་བསྐུར་སྦྱིན། །ཉི་ཤུ་རྩ་གཉིས་ཡི་གེ་མཆོག །བདག་གིས་བཅོམ་ལྡན་འདིར་བྱིན་ལགས། །འདི་ལ་འགོ་བར་
[58b.5]མཛད་དུ་གསོལ། །བདག་གིས་བཅོམ་ལྡན་འདིར་བཟུང་ལགས། །བདག་ལ་འགོ་བར་མཛད་དུ་གསོལ། །ཞེས་པས་སྔགས་ཀྱི་དབང་བསྐུར་བྱིན། །གཞན་དོན་ནུས་པའི་གཙོ་ཆེན་གྱིས། །དབང་བསྐུར་དོན་དུ་གསོལ་བ་གདབ། །ཧེ་རུ་ཀ་དཔལ་དབང་བསྐུར་བ། །
[58b.6]འགྲོ་བ་སྐྱོབ་ཕྱིར་གཟི་བརྗིད་ཅན། །ཇི་ལྟར་ཡོན་ཏན་འབྱུང་གནས་སོགས། །དེ་བཞིན་བདག་ལ་དེ་གསོལ་ཅིག །དཔའ་བོ་ཆེན་པོ་མི་ལྡོག་པའི། །དབང་བསྐུར་བ་ནི་བདག་ལ་སྩོལ། །སེམས་ཅན་ཀུན་གྱི་དོན་གྱི་ཕྱིར། །བདག་ནི་རྟག་ཏུ་སློབ་དཔོན་འགྱུར། །དེ་ནས་
[58b.7]བརྟུལ་ཞུགས་སྦྱིན་པ་ནི། །འདི་དེ་སངས་རྒྱས་ཐམས་ཅད་དེ། །ཧེ་རུ་ཀ་དཔལ་ཕྱག་ན་བསྣམས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཧེ་རུ་ཀ་དཔལ་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཨ་དྷི་པ་ཏི་སྟྭཾ་ཨེ་ཥ་སྟྭཾ་དྷ་ར་ཡཱ་མི་ཧཱུཾ་ཧ་ཧ་ཧ་ཧ་ཧི། །རྡོ་རྗེ་
[59a]
[59a.1]རྗེའི་བརྟུལ་ཞུགས་སོ། །ཁ་ཊྭཱཾ་ཅང་ཏེའུ་པད་སྣོད་སོགས། །དཔའ་བོ་ཆེན་པོས་བླང་བར་བགྱི། །ཧེ་རུ་ཀ་ཡི་ཕྱག་རྒྱ་འདི། །ཕྱི་རོལ་ནང་ན་ཡང་དག་གནས། །སྤྱོད་པའི་བརྟུལ་ཞུགས་སོ། །གཡོན་པའི་ཕྱག་གིས་ཆོས་གོས་མཐའ། །བརྟུལ་ཞུགས་
[59a.2]ཅན་གྱིས་བཟུང་བ་དང་། །གཡས་པས་མི་འཇིགས་སྦྱིན་པར་བྱ། །སློབ་མ་ལུང་ནི་བསྟན་པར་བྱ། །ཨོཾ་འདི་ལྟར་ང་ཡིས་ལུང་བསྟན་ཏེ། །རྡོ་རྗེ་སེམས་དཔའ་དེ་བཞིན་གཤེགས། །སྲིད་པའི་མཐའ་ནི་གྲུབ་པའི་ཕྱིར། །སྲིད་པའི་ངན་འགྲོ་ཀུན་ནས་བཏོན། །ཨོཾ་ཤྲཱི་ཧེ་རུ་ཀ་ཀེ་
[59a.3]ཏི་ན་མཿསརྦ་ཏ་ཐཱ་ག་ཏ་སིདྡྷི་ས་མ་ཡ་སྟྭཾ། བྷུར་བྷུ་བ་སྭཿ། ཁྱོད་ནི་འཁོར་ལོ་གསུམ་དབང་ཕྱུག །སངས་རྒྱས་ཀུན་གྱི་རང་བཞིན་ཉིད། །ཧེ་རུ་ཀ་དཔལ་ཞེས་བྱ་བ། །དེ་བཞིན་གཤེགས་པས་ལུང་བསྟན་ཏོ། །དེང་ནས་བརྩམས་ཏེ་རྫོགས་སངས་རྒྱས། །རྣལ་འབྱོར་མ་
[59a.4]དང་དཔའ་ཚོགས་དང་། །ཤེས་རབ་ཐབས་ཀྱི་བསྙེམས་ཆེན་གྱི། །གར་ཆེན་བདེ་བས་དགའ་སྟོན་གྱིས། །གར་རོ། །སྒེག་དང་བཅས་པའི་ཕྲེང་བ་འབར། །སངས་རྒྱས་ཀུན་སོགས་རྣལ་འབྱོར་མ། །དེས་ནི་བྲལ་བར་མི་འགྱུར་ཏེ། །ཕྲེང་བ་འདི་ནི་རྒྱན་ཡིན་ནོ། །ཕྲེང་
[59a.5]བའོ། །ལུས་ཅན་ཀུན་ལ་དམ་ཆོས་ཀྱི། །ཁྱོད་ཀྱིས་གླུ་ནི་བླང་བར་བྱ། །དེ་ནས་རྣལ་འབྱོར་མ་དེ་དང་། །མཆོག་ཏུ་བདེ་བ་མྱོང་བར་འགྱུར། །གླུའོ། །ཁྱོད་ཀྱིས་རྒྱལ་ལ་དྲི་ཕུལ་ལ། །ཚུལ་ཁྲིམས་ཏིང་འཛིན་ཤེས་རབ་དང་། །རྣམ་གྲོལ་ཡེ་ཤེས་མཐོང་བ་
[59a.6]ཡི། །བྱང་ཆུབ་ལུས་ཅན་རྣམས་ལ་བསྒོས། །དྲིའོ། །རྫོགས་སངས་རྒྱས་ལ་སྤོས་ཕུལ་བས། །བརྟུལ་ཞུགས་བཟང་པོས་ལེགས་ཚིམ་གྱིས། །ལུས་ཅན་བདེ་གཤེགས་ཆ་ལུགས་སུ། །ཡེ་ཤེས་ཀྱིས་ནི་ཚིམ་པར་འགྱུར། །སྤོས་སོ། །ཆོས་ཀྱི་མར་མེ་
[59a.7]ལེགས་སྦར་ན། །པདྨ་གར་དབང་རང་ཉིད་འགྱུར། །སེམས་ཅན་མ་རིག་ལྡོངས་རྣམས་ལ། །ཡེ་ཤེས་སྒྲོན་མེས་སྣང་བར་གྱིས། །མར་མེའོ། །ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་རབ་རིབ་བསལ་བ་ལྟར། །བུ་ཁྱོད་ཀྱི་ནི་མི་ཤེས་པའི། །རབ་རིབ
[59b]
[59b.1]རྒྱལ་པ་རྣམས་ཀྱིས་བསལ། །ཨོཾ་བཛྲ་ནེ་ཏྲ་ཨ་པ་ཧ་ར་པཊ་ལཾ་ཧྲིཿ། ཐུར་མའོ། །ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་ཏུ་བྱུང་། །ངོ་བོ་ཉིད་མེད་གནས་མེད་པར། །དེ་ལྟར་ཆོས་
[59b.2]འདི་ཤེས་ཀྱིས་ལ། །སེམས་ཅན་དོན་ནི་མཉམ་མེད་གྱིས། །འོན་ཀྱང་རྣལ་འབྱོར་མ་སྲས་སྐྱེ། །མེ་ལོང་ངོ་། །ཁྱོད་ནི་ཐེ་ཚོམ་དོགས་མེད་པར། །ཡིད་གཉིས་མེད་པའི་སེམས་ཀྱིས་ནི། །ཆོས་ཀྱི་དུང་ནི་བླ་མེད་པ། །དྲ་མེད་ཀུན་དུ་དགང་བར་གྱིས། །དུང་ངོ་། །ཞི་དང་རྒྱས་
[59b.3]དང་དབང་དང་དགུག །སྡང་བར་བྱ་དང་གནས་པ་དང་། །བསད་དང་བསྐྲད་པ་ལ་སོགས་ཏེ། །ལས་དེ་རྣམས་ནི་གྲུབ་པར་གྱིས། །རལ་གྲི་མིག་སྨན་ས་འོག་དང་། །ཤིང་ལྷ་མ་དེ་བཞིན་རི་ལུ་སྟེ། །རྣལ་འབྱོར་མ་ཡི་དངོས་གྲུབ་རྣམས། །ཅི་དགའ་བར་ནི་སྒྲུབ་པར་
[59b.4]གྱིས། །ཤེས་རབ་ཐབས་དག་རང་བཞིན་གྱིས། །ཡིད་བཞིན་ནོར་བུ་ཇི་བཞིན་དུ། །སྐྱོ་དུབ་དོགས་པ་མ་བྱེད་པར། །དེ་ནི་སེམས་ཅན་དོན་རྣམས་ཀྱིས། །བྱང་ཆུབ་སྙིང་པོ་མཐར་ཐུག་པར། །ཇི་ལྟ་ཇི་ལྟར་འདུལ་འགྱུར་བ། །ཆོས་ཀྱི་འཁོར་ལོ་བླ་ན་མེད། །ཀུན་
[59b.5]ནས་རབ་ཏུ་བསྐོར་བར་གྱིས། །དགུ་ན་ཟླ་འབྲིང་པོ་ནས་བརྩམས་ནས། །ཡར་ངོ་མར་ངོའི་ཚེས་བཅུ་ལ། །འབད་པས་དཔའ་བོ་ཆང་སོགས་ཀྱིས། །རྡོ་རྗེ་ལྷ་མོ་རབ་ཏུ་མཆོད། །གསང་བ་མཆོག་གི་དཀྱིལ་འཁོར་དུ། །མཆོག་ཏུ་རབ་ཞུགས་མཐོང་བས་
[59b.6]ན། །དེ་ཁྱོད་སྡིག་པ་ཐམས་ཅད་ལས། །རྣམ་གྲོལ་བཟང་པོར་འགྱུར་བར་གནས། །སངས་རྒྱས་ཀུན་གྱིས་མཉམ་གསུངས་པའི། །རྗེས་གནང་མཆོག་ཏུ་དབུགས་དབྱུང་བ། །དངོས་གྲུབ་མཚན་ཉིད་སྡོམ་པ་ནི། །འདི་དག་རྟག་ཏུ་བསྲུང་བར་གྱིས། །
[59b.7]སློབ་མ་དད་པའི་སྟོབས་ཀྱིས་ནི། །བླ་མའི་ཞབས་ལ་ཕྱག་འཚལ་ནས། །གཙོ་བོས་ཇི་ལྟར་བཀའ་སྩལ་པ། །དེ་ལྟར་བགྱི་ཞེས་སྨྲ་བར་བྱ། །དབང་བསྐུར་རྗེས་གནང་ཐོབ་པ་ཡི། །བྱ་བ་བྱས་པས་རབ་དགོད་ཅིང་། །ཀུན་དུ་དགའ་བར་བྱེད་བ་ཡི། །འཇམ་
[60a]
[60a.1]པའི་ཚིག་ནི་བརྗོད་པར་བྱ། །དེང་དུས་བདག་ཚེ་འབྲས་བུ་ཡོད། །བདག་གི་གསོན་པ་འབྲས་བུར་བཅས། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་ད་གྱུར་ཏོ། །རྟོག་པའི་མཚོན་ཆེན་རབ་འཇིགས་པ། །ཉོན་མོངས་
[60a.2]འདམ་ནི་རྒལ་དཀའ་ཞིང་། །མནར་མེད་ལ་སོགས་སྐྱེ་བ་འཁྲུངས། །མགོན་པོ་ཁྱོད་ཀྱིས་བདག་བསྒྲལ་ལོ། །བག་ཆགས་ཐམས་ཅད་སྤངས་པ་ཡི། །བྱང་ཆུབ་དམ་པ་བདག་འཚལ་བ། །ཁྱོད་ཞབས་ལམ་གྱི་བཀའ་དྲིན་གྱིས། །རྫོགས་པ་ཉིད་དུ་བདག་གྱུར་ཏོ། །
[60a.3]སློབ་དཔོན་དབང་བསྐུར་ཡང་དག་རྫོགས། །བུམ་པ་ལས་ནི་བྱུང་བའོ། །གཉིས་པ་གསང་བ་མཆོག་ཡིན་ཏེ། །གསུམ་པ་ཤེས་རབ་ཡེ་ཤེས་ཡིན། །བཞི་པ་དེ་ལྟར་ཡང་དེ་བཞིན། །དབང་བསྐུར་འདི་དག་ཡང་དག་ལྡན། །དེ་ནི་དམ་ཚིག་ཅན་ཞེས་བྱ། །བླ་མའི་ངག་
[60a.4]ལས་རྟོགས་པའི་ཕྱིར། །མཆོག་དབང་གསུམ་པོ་གསལ་མ་བྱས། །རྫོགས་སོ།། །།དེ་ནས་གཞན་ཡང་རབ་གནས་ཀྱི། །ཆོ་ག་ཕ་རོལ་སོན་པ་བཤད། །སྔར་བཤད་མཚན་ཉིད་ལྡན་པ་ཡི། །སློབ་དཔོན་དུ་ནི་རབ་ཏུ་བརྟག །ལུགས་མ་མངོན་པར་འདུས་བྱས་
[60a.5]པའི། །སྐུ་གཟུགས་ལ་སོགས་པ་རྣམས་ནི། །རབ་གནས་དོན་དུ་ས་སྦྱང་ཞིང་། །བླ་རེ་རྒྱལ་མཚན་བ་དན་རྣམས། །བརྒྱན་ཅིང་ས་ནི་ཡོངས་སུ་གཟུང་། །སྐུ་གཟུགས་སམ་ནི་གླེགས་བམ་མམ། །བྲིས་སྐུ་ཡོངས་སུ་རྫོགས་པ་རྣམས། །མདུན་རོལ་དུ་ནི་གནས་པར་
[60a.6]བྱ། །དཀྱིལ་འཁོར་འཁོར་ལོ་ནམ་མཁར་གནས། །ཉེར་སྤྱོད་ལྔ་ཡིས་ཡང་དག་མཆོད། །ས་མ་ཡ་སྟྭཾ། ས་མ་ཡ་ཧོ། །ལན་གསུམ་དུ་ནི་བརྗོད་པར་བྱ། །ཇི་ལྟར་རྫོགས་པའི་སངས་རྒྱས་ཀུན། །དགའ་ལྡན་ཡང་དག་གཟིགས་ནས་ནི། །ལྷ་མོ་སྒྱུ་
[60a.7]འཕྲུལ་ལྷུམས་ཞུགས་ལྟར། །དེ་བཞིན་འདིར་ནི་བཞུགས་སུ་གསོལ། །ཆེ་གེ་ཞེས་བྱའི་དོན་དུ་ནི། །བྱང་ཆུབ་སེམས་ནི་ཡོངས་སྤེལ་ཕྱིར། །མེ་ཏོག་ལ་སོགས་འདི་བཞེས་ཏེ། །མགོན་པོ་འདིར་ནི་རྟག་བཞུགས་མཛོད། །ཚིག་འདིས་དེ་བཞིན་གཤེགས་པ་
[60b]
[60b.1]རྣམས། །ལྷག་པར་གནས་པར་བྱས་ནས་ནི། །མཁས་པ་ཡིས་ནི་བསྟོད་བྱས་ན། །ཡུངས་ཀར་གྱིས་ནི་བསྐོར་ནས་ཀྱང་། །ལན་གསུམ་དུ་ནི་སྦྱང་བར་བྱ། །འདག་ཆལ་གྱིས་ནི་ཁྲུས་ཀྱང་བྱ། །དྲི་ཞིམ་ལྡན་པའི་མར་གྱིས་བྱུག །སླར་ཡང་བུམ་པ་སོ་སོ་ཡི། །སྐུ་
[60b.2]གཟུགས་རྣམས་ནི་ཁྲུས་ཀྱང་བྱ། །ཕྱི་ནས་ནམ་མཁར་གནས་པ་ཡི། །དཀྱིལ་འཁོར་འཁོར་ལོ་བཅོམ་ལྡན་འདས། །ལུགས་མ་ལ་སོགས་རབ་ཞུགས་བྱ། །ཡུལ་ཆོས་ལ་སོགས་ཇི་བཞིན་དུ། །ལས་བཅུ་ཡི་ནི་བྱ་བ་བྱ། །སྤྱན་ནི་དབྱེ་བ་བྱས་ནས་སུ། །རྡོ་རྗེའི་སྤྱན་
[60b.3]དུ་བྱིན་གྱིས་བརླབ། །ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་ལིང་ཐོག་བསལ་བ་ལྟར། །དེ་བཞིན་རྒྱལ་བ་རྣམས་ཀྱི་སྤྱན། །སེམས་ཅན་དོན་དུ་དབྱེ་བར་བགྱི། །ཨོཾ་ཙཀྵུ་ཙཀྵུ་ས་མནྟ་ཙཀྵུ་བི་ཤོ་དྷ་ཡེ་སྭཱ་ཧཱ། །དངུལ་གྱི་རྣ་བྲུས་སྙན་ཕྱི་ལ། །རྡོ་རྗེའི་
[60b.4]སྙན་དུ་བྱིན་གྱིས་བརླབ། །འགྲོ་རྣམས་ཆོས་ཀྱིས་ཕོངས་པ་ལ། །རྒྱལ་བས་ཆོས་ཀྱི་དུང་བུས་ལྟར། །དེ་བཞིན་སེམས་ཅན་དོན་གྱི་ཕྱིར། །རྒྱལ་བའི་སྙན་ནི་དབྱེ་བར་བྱ། །ཨོཾ་དི་བྱ་ཀརྞ་ཡེ་སྭཱ་ཧཱ། །གསེར་གྱི་རྨང་ཙེས་ཤངས་ཕྱེ་ལ། །རྡོ་རྗེའི་ཤངས་སུ་བྱིན་གྱིས་བརླབ། །
[60b.5]ཟག་བཅས་ཕུང་པོ་དྲི་སྤངས་པའི། །འགྲོ་བ་སེམས་ཅན་དོན་གྱི་ཕྱིར། །རྣམ་པར་དག་པའི་དྲི་བསྐྱེད་ལྟར། །རྒྱལ་བའི་ཤངས་ནི་དབྱེ་བར་བྱ། །ཨོཾ་དྱི་བྱ་གྷྲ་ཎ་ཡེ་སྭཱ་ཧཱ། །ཞལ་ཐུར་གྱིས་ཞལ་ཕྱེ་ལ། །རྡོ་རྗེའི་ཞལ་དུ་བྱིན་གྱིས་བརླབ། །ཆོས་ཀྱི་རོ་ཡི་དགའ་བ་
[60b.6]ཡིས། །འགྲོ་བ་ཐམས་ཅད་ཚིམ་མཛད་པ། །རོ་མཆོག་བརྒྱ་ལྡན་ཞལ་ཟས་རྣམས། །དབུལ་ཕྱིར་རྒྱལ་བའི་ཞལ་དབྱེའོ། །ཨོཾ་དི་བྱ་མུ་ཁ་ཡེ་སྭཱ་ཧཱ། ཚེམས་ཤིང་གིས་ཚེམས་ཕྱིས་ལ། །རྒྱལ་བའི་ཚེམས་དཀར་བཞི་བཅུ་ལ། །མི་གཙང་རྡུལ་གྱིས་མ་གོས་ཏེ། །
[60b.7]བཀུར་སྟི་རིན་ཆེན་ལྗོན་ཤིང་གིས། །རྒྱལ་བའི་ཚེམས་ནི་དབྱི་བར་བྱ། །རས་ཀྱིས་སྐུ་ཕྱིས་ལ། །རྒྱལ་བས་ཉེས་པའི་སྐྱོན་སྤངས་ཀྱང་། །སེམས་ཅན་ཉེས་པ་སྦྱང་སླད་དུ། །རས་དཀར་གཙང་མའི་ཕོ་ལྡི་ཡིས། །རྒྱལ་བ་རྣམས་ཀྱི་སྐུ་ཕྱིའོ། །ཨོཾ་ཀཱ་ཡ་བི་ཤོ་
[61a]
[61a.1]དྷ་ནེ་སྭཱ་ཧཱ། རབ་བྱུང་ཡིན་ན་གསེར་གྱི་སླུ་གྲིས་དབུ་སྐྲ་བཞར་ལ། །ཇི་ལྟར་རང་བྱུང་མཆོད་རྟེན་དུ། །རྒྱལ་བས་ཁྱིམ་པའི་རྟགས་སྤངས་ལྟར། །འགྲོ་བ་སེམས་ཅན་དོན་གྱི་ཕྱིར། །ཁྱིམ་པའི་རྟགས་ནི་སྤང་བར་བྱ། །འཁོར་ལོས་སྒྱུར་བའི་ཆ་བྱད་
[61a.2]ཡིན། །རྒྱལ་བའི་དབུ་སྐྲ་ལྕང་ལོ་ལ། །དུག་གསུམ་དྲི་མས་མ་གོས་ཏེ། །བཀུར་སྟི་དུང་གི་སོ་མངས་ཀྱིས། །རྒྱལ་བའི་དབུ་སྐྲ་བཤད་པར་བྱ། །བྱང་ཆུབ་སེམས་དཔའ་འཁོར་བ་ན་གནས་པ་རྣམས་ལ་མཁོ་བའི་ཡོ་བྱད་རྣམས་ཕུལ་ལ། འགྲོ་བ་སེམས་ཅན་ཀུན་ལ་
[61a.3]ཕན་པའི་ཕྱིར། །རིག་པའི་གནས་ལྔ་དག་ལ་བསླབ་བྱ་ཞེས། །ཇི་ལྟར་ཐུགས་དམ་རྒྱ་ཆེར་བཞེས་པ་ལྟར། །མཁོ་བའི་ཡོ་བྱད་རྣམས་ནི་དབུལ་བར་བྱ། །ཨོཾ་བོདྷི་ས་ཏྭ་ཨུ་པ་ཡུ་ཀ་ས་པ་རི་ཝཱ་ར་ཡེ་སྭཱ་ཧཱ། །དེ་ནས་རྫས་ཀྱི་མཆོད་པའམ། །འདོད་ཡོན་ལྔ་ཡི་མཆོད་པ་ལས། །སྤྱན་
[61a.4]ལ་སོགས་པའི་སྐྱེ་མཆེད་ལ། །ཅི་རིགས་པར་ནི་མཆོད་པར་བྱ། །དེ་ནས་མངའ་ཆེ་བའི་རྫས་དབུལ་ཏེ། །རིན་ཆེན་བདུན་དང་བཀྲ་ཤིས་བརྒྱད། །སྨན་ལྔ་ལ་སོགས་མཁོ་བའི་རྫས། །རྡོ་རིངས་གླེགས་ཐག་ལ་སོགས་དབུལ། །རིན་ཆེན་མངའ་དབུལ་
[61a.5]འདིར་མི་བརྗོད། །བཀྲ་ཤིས་བརྒྱད་ཀྱི་མངའ་དབུལ་བ། །ཇི་ལྟར་སྔོན་གྱི་སངས་རྒྱས་ལ། །བཀྲ་ཤིས་དབལ་བེའུ་གཡུང་དྲུང་འཁྱིལ། །དགེ་བའི་དོན་དུ་མངའ་བ་ལྟར། །བདག་གིས་དཔལ་བེའུ་དབུལ་བར་བགྱི། །ཇི་ལྟར་སྔོན་གྱི་སངས་རྒྱས་ལ། །གསེར་གྱི་
[61a.6]འཁོར་ལོ་མུ་ཁྱུད་ཅན། །ཚངས་པ་ཆེན་པོས་ཕུལ་བ་ལྟར། །དེ་བཞིན་བདག་གིས་དབུལ་བར་བགྱི། །ཇི་ལྟར་སྔོན་གྱི་སངས་རྒྱས་ལ། །གདུགས་དཀར་གསེར་གྱི་ཡུ་བ་ཅན། །ཕུལ་བ་དེ་བཞིན་བདག་དབུལ་གྱིས། །ཅི་བདེ་བར་ནི་བཞེས་སུ་གསོལ། །ཇི་ལྟར་སྔོན་
[61a.7]གྱི་སངས་རྒྱས་ལ། །ཉོན་མོངས་བདུད་ལས་རྒྱལ་བ་ཡི། །ཆོས་ཀྱི་རྒྱལ་མཚན་ཕུལ་བ་ལྟར། །དེ་བཞིན་བདག་གིས་དབུལ་བར་བགྱི། །ཇི་ལྟར་སྔོན་གྱི་སངས་རྒྱས་ལ། །རེ་བ་ཐམས་ཅད་རྫོགས་མཛད་པའི། །བུམ་པ་བཟང་པོ་ཕུལ་བ་ལྟར། །བདག་གིས་
[61b]
[61b.1]ཅི་བཞིན་དབུལ་བར་བགྱི། །ཅི་བདེ་བར་ནི་བཞེས་སུ་གསོལ། །ཇི་ལྟར་སྔོན་གྱི་སངས་རྒྱས་ལ། །འདམ་གྱི་སྐྱོན་གྱིས་མ་གོས་པའི། །པདྨ་དཀར་པོ་ཕུལ་བ་ལྟར། །དེ་བཞིན་བདག་གིས་དབུལ་བར་བགྱི། །ཅི་བདེ་བར་ནི་བཞེས་སུ་གསོལ། །ཇི་ལྟར་སྔོན་གྱི་
[61b.2]སངས་རྒྱས་ལ། །སྙན་པ་ཕྱོགས་བཅུར་སྒྲོགས་པ་ཡི། །བུད་དུང་གཡས་འཁྱིལ་ཕུལ་བ་ལྟར། །དེ་བཞིན་བདག་གིས་དབུལ་བར་བགྱི། །ཅི་བདེ་བར་ནི་བཞེས་སུ་གསོལ། །ཇི་ལྟར་སྔོན་གྱི་སངས་རྒྱས་ལ། །ན་བཟའ་གསེར་གྱི་ངང་རིས་ཅན། །ཕུལ་བ་དེ་བཞིན་
[61b.3]བདག་དབུལ་གྱིས། །ཅི་བདེ་བར་ནི་བཞེས་སུ་གསོལ། །དེ་ལས་གཞན་པའི་མངའ་དབུལ་བ་ནི། བདེ་གཤེགས་རྣམས་ལ་འབྲུ་ཕུལ་བས། །ཟས་ཀྱི་འབྱོར་བ་ལྡན་པ་དང་། །དགེ་བའི་ལོ་ཏོག་རྒྱས་གྱུར་ཅིག །རིན་ཆེན་སྣ་ལྔ་ཕུལ་བ་ཡིས། །བདག་དང་འགྲོ་བ་ཐམས་ཅད་
[61b.4]ཀྱི། །དབུལ་བའི་སྡུག་བསྔལ་ཞི་བ་དང་། །ལོངས་སྤྱོད་ཕུན་སུམ་ཚོགས་གྱུར་ཅིག །བདེ་གཤེགས་རྣམས་ལ་སྨན་ཕུལ་བས། །ཉོན་མོངས་བརྒྱད་ཁྲི་བཞི་སྟོང་གི ། ནད་ཀྱི་སྡུག་བསྔལ་བྱང་གྱུར་ནས། །ཐུགས་རྗེའི་སྨན་གྱིས་གདུལ་གྱུར་ཅིག །སྙིང་པོ་རྣམ་པ་ལྔ་
[61b.5]ཕུལ་བས། །བདག་དང་འགྲོ་བ་ཐམས་ཅད་ཀྱིས། །ཡེ་ཤེས་རྣམ་པ་ལྔ་རྟོགས་ཏེ། །ཡང་དག་སྙིང་པོ་ལྡན་གྱུར་ཅིག །དེ་ནས་གུར་གུམ་ལ་སོགས་ཆུས། །དྲི་བསྒོའི་ཕྱིར་ན་བཀྲུ་བར་བྱ། །མཆོད་རྟེན་གླེགས་བམ་ལ་སོགས་པ། །དབང་པོ་སྐྱེ་མཆེད་མེད་པའི་
[61b.6]ཕྱིར། །སྤྱན་དབྱེ་ལ་སོགས་བྱ་མི་དགོས། །སྐུ་ཕྱི་བ་དང་ཁྲུས་བྱ་སྟེ། །རྡོ་རིངས་ཐེམ་སྐས་སྲོག་ཤིང་དང་། །འཁོར་ལོ་ཆར་ཁབ་རྒྱལ་མཚན་དང་། །གདུགས་ལ་སོགས་པའི་ཡོ་བྱད་རྣམས། །མཆོད་རྟེན་རྣམས་ལ་དབུལ་བར་བྱ། །གསུང་གི་རྟེན་དུ་གནས་གྱུར་ན། །
[61b.7]གླེགས་ཤིང་ཕུལ་ལ། ཆོས་དབྱིངས་ནམ་མཁའ་ལྟ་བུར་དག་པ་ལ། །སྡོམ་དང་མི་སྡོམ་མཚན་མ་གཉིས་མེད་ཀྱང་། །ཉི་ཟླ་ལྟ་བུའི་གླེགས་ཤིང་འདི་ཕུལ་བས། །དབྱིངས་དང་ཡེ་ཤེས་གཉིས་མེད་འབྲེལ་བར་ཤོག །གླེགས་ཐག་ཕུལ་ལ། ཆོས་དབྱིངས་འགྱུར་
[62a]
[62a.1]མེད་རྡོ་རྗེའི་རང་བཞིན་ལ། །བཅིངས་དང་མ་བཅིངས་མཚན་མ་གཉིས་མེད་ཀྱང་། །རིན་ཆེན་སྣ་ལྔའི་གླེགས་ཐག་འདི་ཕུལ་བས། །འགྲོ་བའི་དོན་ལ་རྒྱ་ལག་ཕྱེད་པར་ཤོག །ན་བཟའ་ཕུལ་ལ། རིན་ཆེན་འབྱུང་གནས་དམ་ཆོས་བདུད་རྩི་ལ། །རིན་ཆེན་
[62a.2]སྣ་ཚོགས་རིན་ཆེན་རྒྱན་སྤྲས་པའི། །རིན་ཆེན་བརྒྱན་པའི་ན་བཟའ་འདི་གསོལ་བས། །ཆུ་ལ་སོགས་པའི་བར་ཆད་མེད་པར་ཤོག །དེ་ལྟར་མངའ་དབུལ་བྱས་ནས་ཀྱང་། །སྦྱིན་སྲེག་ལས་ཀྱིས་རྫོགས་པར་བྱ། །ལྷ་ཀུན་ཞལ་ནི་མེ་ཡིན་པས། །མཁས་པས་རབ་
[62a.3]ཏུ་གནས་པར་བྱ། །རབ་གནས་ཡང་དག་རྫོགས་དུས་སུ། །བསྟོད་དང་བཀྲ་ཤིས་བརྗོད་བྱ་ཞིང་། །བྲོ་དང་གར་སོགས་སིལ་སྙན་སྒྲ། །ཇི་ལྟར་སྙེད་པ་རབ་ཏུ་བརྗོད། །ལྷ་མོ་རྣམས་ཀྱི་དམ་ཚིག་ཚད་མ་དང་། །དེས་བཤད་གསུང་ནི་ཚད་མར་གྱུར་པ་སྟེ། །བདེན་པ་
[62a.4]དེས་ན་ལྷ་མོ་རྣམས་ཀྱིས་འདིར། །རྗེས་སུ་གཟུང་བའི་རྒྱུར་ནི་འགྱུར་བར་ཤོག །ཙཱ་རུ་བཟའ་བར་ལྡན་པ་དང་། །ཆོ་གར་ཡང་དག་ལྡན་པ་ཡིས། །རྣལ་འབྱོར་མ་རྣམས་ལེགས་འདུས་ཏེ། །ཚོགས་ཀྱི་འཁོར་ལོ་ཆེན་པོ་བསྐོར། །འབྱུང་པོ་རྣམས་ལ་གཏོར་མ་སྦྱིན། །
[62a.5]སྟོན་མོ་དང་ནི་ཡོན་དབུལ་བས། །སྐྱེ་བོ་ཚིམ་ཞིང་རྒྱས་པར་བྱ། །ལྷ་ཡི་འཇིག་རྟེན་སྐྱོང་ལ་སོགས། །གང་ཚེ་རྟག་ཏུ་གནས་གྱུར་པ། །མཆོད་དང་མཆོད་བྱ་མཉམ་ལྡན་པར། །དེ་ཚེ་ད་ལྟ་ཡང་དག་གཞུག །ང་ཡིས་རབ་ཏུ་གནས་པ་ཡིས། །གཙུག་ལག་ཁང་ལ་སོགས་
[62a.6]པ་ཡི། །ཇི་སྲིད་གནས་པ་དེ་སྲིད་དུ། །བསྲུང་ཞིང་ཁྱེད་ཀྱིས་ལེགས་པར་སྐྱོངས། །བརྗོད་ནས་བཟོད་པར་གསོལ་བྱ་སྟེ། །གང་ཡང་བདག་བློ་གཏི་མུག་པས། །ལེགས་སྤྱད་འདི་ལ་ཉེས་གྱུར་གང་། །འདི་ཀུན་བྱ་བ་གང་ཉེས་པ། །འདི་ནི་ཁྱེད་ལ་བཟོད་པར་གསོལ། །ཁྱེད་ཀྱིས་
[62a.7]སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་འཚལ་ཏེ། །སླར་ཡང་འབྱོན་པར་མཛད་དུ་གསོལ། །བརྗོད་ནས་ཡེ་ཤེས་ལྷ་རྣམས་གཤེགས། །དམ་ཚིག་བསྡུས་ནས་ཤེས་རབ་ཐབས། །ཆོ་ག་གཉིས་ཀྱིས་རབ་
[62b]
[62b.1]བསྲུངས་ཏེ། །སློབ་དཔོན་སློབ་མ་ལེགས་པར་གནས། །དབང་བསྐུར་རབ་གནས་རྫོགས་ནས་སུ། །སྟོན་མོ་དང་ནི་ཡོན་ཡང་དབུལ། །སྐྱེ་བོ་ཚིམ་ཞིང་རྒྱས་པར་བྱ། །དམངས་རིགས་སྟོང་ཕྲག་གཉིས་དག་ཀྱང་། །བྲམ་ཟེ་གཙང་མ་གཅིག་དང་འདྲ། །བྲམ་ཟེ་
[62b.2]སྟོང་ཕྲག་གཉིས་དང་ནི། །དགེ་སློང་གཅིག་ལ་རབ་ཏུ་སྦྱར། །དགེ་སློང་སྟོང་ཕྲག་གཉིས་དང་ནི། །རྡུལ་མེད་པ་ནི་གཅིག་དང་སྦྱར། །རྡུལ་མེད་སྟོང་ཕྲག་གཉིས་དང་ནི། །ཡེ་ཤེས་ལྡན་པ་གཅིག་དང་སྦྱར། །ཡེ་ཤེས་ལྡན་པ་སྟོང་ཕྲག་གཉིས། །སློབ་དཔོན་
[62b.3]གཅིག་དང་མཉམ་པར་བཤད། །དེ་ནས་བླ་མ་དག་ལ་ཡོན། །དེ་བཞིན་གཤེགས་པས་གསུངས་པ་དབུལ། །གསེར་ནི་བརྒྱ་སྟོང་དབུལ་བ་དང་། །རིན་ཆེན་རྣམ་པ་སྣ་ཚོགས་དང་། །རས་ནི་ཟུང་འགྱུར་བརྒྱ་ཉིད་དང་། །གླང་པོ་རྟ་དང་ཡུལ་འཁོར་དང་། །རྣ་རྒྱན་དང་ནི་
[62b.4]གདུ་བུ་དང་། །མགུལ་རྒྱན་སོར་གདུབ་དམ་པ་དང་། །གསེར་ལས་བྱས་པའི་མཆོད་ཕྱིར་ཐོགས། །ཆུང་མ་བཟང་དང་བུ་མོ་ཉིད། །བྲན་ཕོ་བྲན་མོ་སྲིང་མོ་རྣམས། །དེང་ནས་བརྩམས་ཏེ་བྲན་དུ་ནི། །དེ་ལ་བདག་ནི་དབུལ་ལགས་ཞེས། །བློ་ལྡན་ཀུན་ནས་དང་བ་ཡིས། །བདག་
[62b.5]ཉིད་ཀྱང་ནི་དབུལ་བར་བྱ། །དེ་ནས་དེ་ལ་མཁའ་འགྲོ་མ། །རྣལ་འབྱོར་མ་རྣམས་མཉེས་པར་འགྱུར། །ཚོན་ལ་སོགས་པའི་དངོས་པོ་ཀུན། །ནང་པར་ཐོ་རངས་བསྡུ་བར་བྱ། །བསྡུས་ནས་གསེར་ཀྱི་བུམ་པར་ནི། །བཅུག་ནས་ཆུ་བོ་ཆེན་པོར་དོར། །བུམ་པ་ཐམས་ཅད་
[62b.6]བསྡུས་ནས་ནི། །སྔོན་བཞིན་དུ་ནི་དགའ་སྟོན་བྱ། །དེ་ནས་བདུད་རྩི་ལྔ་སོགས་ནི། །སྦྱར་བས་ས་ནི་བྱུག་པར་བྱ། །སློབ་དཔོན་ཆེན་པོ་ལཱུ་ཡི་པའི། །མངོན་རྟོགས་ཚད་མར་རབ་གཟུང་བའི། །ལམ་དེའི་དཀྱིལ་འཁོར་ཆོ་ག་ནི། །ལུང་ལ་དད་པས་རབ་ཏུ་བླངས། །དཔལ་ལྡན་
[62b.7]འཁོར་ལོ་སྡོམ་པ་ཡི། །དཀྱིལ་འཁོར་ཆོ་ག་མདོར་བསྡུས་པ། །བྱས་པའི་དགེ་བ་གང་ཐོབ་པ། །འགྲོ་ཀུན་རྡོ་རྗེ་འཛིན་གྱུར་ཅིག །དཔལ་འཁོར་ལོ་སྡོམ་པའི་དཀྱིལ་འཁོར་གྱི་ཆོ་ག་ལག་ཏུ་བླང་བའི་རིམ་པ་པྲཛྙཱ་རཀྵི་ཏས་མཛད་པ་གསལ་བ་རྫོགས་སོ།། །།
[63a]
[63a.1]{T1470}༄༅༅། །རྒྱ་གར་སྐད་དུ། །ཤྲཱི་ཙ་ཀྲ་སམྦ་རཥེ་ཀ་ཀྲི་ཡཱ་ཀྲ་མ། བོད་སྐད་དུ། དཔལ་འཁོར་ལོ་སྡོམ་པའི་དབང་གི་བྱ་བའི་རིམ་པ། །དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །དངོས་པོ་ཐམས་ཅད་གཅིག་སྡོམ་པ། །དཔའ་བོ་སྡོམ་པ་ལ་བཏུད་དེ། །རྒྱ་ཆེ་
[63a.2]མཆོག་ཏུ་གསལ་བ་ཡི། །དབང་གི་བྱ་རིམ་བཤད་པར་བྱ། །དེ་ལ་ཇི་ལྟ་བ་བཞིན་དུ་དབང་བསྐུར་བ་རྗེས་སུ་གནང་ཞིང་རྣལ་འབྱོར་བཞི་ལ་མཁས་པ། རྣལ་འབྱོར་པ་རིག་པ་བཟླས་པས་རང་གི་སློབ་མ་ལེགས་པར་ཡོངས་སུ་བརྟགས་ཏེ་རྗེས་སུ་འཛིན་པར་འདོད་པས།
[63a.3]རྒྱལ་པོ་དང་ཆོམ་རྐུན་ལ་སོགས་པའི་ཉེ་བར་འཚེ་བ་ཐམས་ཅད་སྤངས་པའི་དཀྱིལ་འཁོར་གྱི་ཁང་པར་ཆོ་ག་ཇི་ལྟ་བ་བཞིན་གནས་ཏེ། རྡུལ་ཚོན་གྱི་དཀྱིལ་འཁོར་རམ་རས་བྲིས་ལ་སོགས་པའི་དཀྱིལ་འཁོར་ལ་ཉེར་སྤྱོད་ལྔས་མཆོད་དེ། མཚན་མོའི་དུས་ལ་བུམ་པ་རྣམས་
[63a.4]ལྷག་པར་གནས་པར་བྱའོ། །བཞི་བཅུར་གཅིག་གིས་དམན་པའི་བུམ་པ་ལས་མ་རྙེད་ན་དགུའོ། །དེ་ལ་གཙོ་བོར་འགྱུར་བའི་བུམ་པ་ལ་སྣ་ཚོགས་པདྨའི་ཟེ་འབྲུ་ལ་གནས་པའི་གཽ་རཱི་དང་འཕྲོག་བྱེད་ཀྱི་སྙིང་གའི་སྟེང་དུ་ཉི་མ་ལ་རྡོ་རྗེ་ཅན་བཤད་པའི་མཚན་མ་གཉིས་བྲི་བར་བྱའོ། །
[63a.5]མཁའ་འགྲོ་མ་དང་ལཱ་མ་དང་། ཁཎྜ་རོ་ཧཱ་དང་གཟུགས་ཅན་མ་རྣམས་ཀྱི་བུམ་པ་བཞི་ལ་སྣ་ཚོགས་པདྨའི་ཟེའུ་འབྲུ་ལ་གནས་པའི་རོའི་སྙིང་གར་ཉི་མ་བཞི་ལ་གྲི་གུག་བཞིའོ། །རབ་གཏུམ་ལ་སོགས་པ་དང་ཡང་དག་པར་ལྡན་པའི་ཐོད་པའི་དུམ་བུ་ལ་སོགས་པ་དཔའ་བོ་ཉི་ཤུ་རྩ་བཞི་
[63a.6]རྣམས་ཀྱི་བུམ་པ་ཉི་ཤུ་རྩ་བཞི་རྣམས་ལ་སྣ་ཚོགས་པདྨའི་དབུས་སུ་གནས་པའི་རོའི་སྙིང་གར་ཉི་མ་སོ་སོར་གྲི་གུག་དང་རྡོ་རྗེའོ། །ཁྭ་གདོང་མ་ལ་སོགས་པ་ཕྱོགས་དང་ཕྱོགས་བྲལ་དུ་གནས་པ་རྣམས་ཀྱི་བུམ་པ་བརྒྱད་རྣམས་ལ་སྣ་ཚོགས་ཆུ་སྐྱེས་ཀྱི་དབུས་སུ་གནས་པའི་རོའི་སྙིང་
[63a.7]གར་ཉི་མ་ལ་གྲི་གུག་རེ་རེའོ། །ལས་ཐམས་ཅད་པའི་བུམ་པ་དང་རྣམ་པར་རྒྱལ་བའི་བུམ་པ་དག་གི་སླར་ཡང་སོ་སོར་གླང་པོ་དང་། སེང་གེ་དང་། རྟ་དང་། རྨ་བྱ་དང་། ནམ་མཁའ་ལྡིང་རྣམས་ཀྱི་སྟེང་དུ་གནས་པའི་སྣ་ཚོགས་པདྨའི་སྙིང་པོར་ཡི་དགས་ལྔ་བྲིས་པའི་སྙིང་
[63b]
[63b.1]གར་ཟླ་བ་དང་ཉི་མ་བཞི་ལ་གོ་རིམས་བཞིན་འཁོར་ལོ་དང་རིན་པོ་ཆེ་དང་། སྣ་ཚོགས་རྡོ་རྗེ་རྣམས་རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། འོད་དཔག་མེད་དང་། དོན་ཡོད་གྲུབ་པ་དང་། མི་བསྐྱོད་པ་སྟེ་དེ་བཞིན་གཤེགས་པ་ལྔ་པོ་རྣམས་ཀྱི་མཚན་མ་
[63b.2]བྲི་བར་བྱའོ་ཞེས་པ་རིམ་པའོ། །དེ་ལ་གཙོ་བོར་གྱུར་པའི་བུམ་པ་ནི་ཆེས་ཆེ་བ། ནག་པོ་དང་རྩ་བ་མེད་པ། ལྟོ་བ་ཆེ་བ། མགྲིན་པ་མཐོ་བ། མཚན་མ་ལེགས་པར་བྲིས་པ། གོས་བཟང་པོས་མགྲིན་པ་དཀྲིས་པ། ཙུ་ཏའི་ལོ་མ་ལ་སོགས་པས་ཁ་བརྒྱན་པ། གསེར་དང་དངུལ་
[63b.3]དང་། མུ་མེན་དང་། མུ་ཏིག་དང་། བྱུ་རུ་དང་། ནས་དང་། གྲོ་དང་། འབྲས་དང་། སོ་བ་དང་། ཏིལ་དང་། མ་ཤ་དང་། བྲྀ་ཏ་ཏི་དང་། ཀཎྜ་ཀ་རི་དང་། གཞན་གྱིས་མི་ཐུབ་པ་དཀར་པོ་དང་། དཎྜོཏྤ་ལ་དཀར་པོ་དང་། ས་ཧ་དེ་ཝ་ཏེ་སྨན་ལྔ་རྣམས་ལྟོ་བར་གཞུག་གོ། །བདུད་རྩི་ལྔ་དང་
[63b.4]སྒྲོན་མ་ལྔ་ལྷན་ཅིག་པའི་དྲིའི་ཆུ་ཐོད་པའི་ནང་དུ་གནས་པ་རྣམས་ཀྱིས་ཀྱང་ལྟོ་བ་ཡང་དག་པར་གང་ཞིང་ཡོངས་སུ་དགང་པར་བྱའོ། །ཧཱུཾ་ལན་བདུན་བཟླས་པའི་བྱ་རུ་དང་ལྷན་ཅིག་པའི་སྐུད་པ་དཀར་པོས་དེ་རྣམས་ཀྱི་མགྲིན་པ་དཀྲི་བར་བྱའོ། །ལཱ་མ་ལ་སོགས་པ་རྣམས་ཀྱི་བུམ་པ་བཞི་དང་
[63b.5]ཁྭ་གདོང་མ་ལ་སོགས་པ་རྣམས་ཀྱི་བུམ་པ་བཞི་ནི་སྒོ་བཞིའི་ལོགས་བརྒྱད་རྣམས་སུ་གོ་རིམས་བཞིན་མཐར་རེ་རེའོ། །ཀུ་ཤའི་སྟན་ལ་དགུ་པོ་དགོད་དེ། གཙོ་བོར་གྱུར་པ་བཅོམ་ལྡན་འདས་ཀྱི་བུམ་པ་ལྟེ་བའི་སྟེང་དེ་ཉིད་དུ་དགོད་པར་བྱའོ། །འདི་ནི་བུམ་པ་རྣམས་ཀྱི་གྲངས་དགུ་
[63b.6]ལ་བྱ་བར་བཤད་པའོ། །གང་གི་ཚེ་བཞི་བཅུར་དམན་པའི་ལྷ་རྣམས་ཀྱི་བུམ་པར་འགྱུར་བ་དེའི་ཚེ་ལྷ་རྣམས་ཀྱི་རང་རང་གི་གནས་ཀྱི་རྗེས་སུ་འབྲང་བས་དགོད་པར་བྱའོ་ཞེས་བྱའོ། །དེ་ནས་བུམ་པ་ལྷག་པར་གནས་པའི་ཆོ་གས་ལྷག་པར་གནས་པར་བྱའོ། །དེ་ལ་ཆོ་ག་འདི་ཡིན་
[63b.7]ཏེ། སློབ་དཔོན་རང་ཉིད་ལྷའི་རྣལ་འབྱོར་དང་ལྡན་པས། རང་གི་སྙིང་གའི་ས་བོན་གྱི་འོད་ཟེར་གྱིས་ནམ་མཁར་གནས་པའི་དཀྱིལ་འཁོར་བཀུག་ནས། མཆོད་ཡོན་དང་ཞབས་བསིལ་ལ་སོགས་པ་དབུལ་བར་བྱའོ། །ཕྱི་ནས་འཁོར་ལོ་དེ་ཆགས་པ་ཆེན་པོའི་མེས་ཞུ་
[64a]
[64a.1]བར་གྱུར་ཏེ། གོ་རིམས་བཞིན་རང་རང་གི་བུམ་པ་རྣམས་སུ་གཞུག་གོ། །མེ་ཏོག་གི་ཕྲེང་བས་ཉེ་བར་མཛེས་པའི་རྡོ་རྗེ་རྣམ་པར་རྒྱལ་བའི་བུམ་པའི་སྟེང་དུ་གཞག་གོ། །ཨོཾ་བཛྲ་ཀུཎྜ་ལི་བཛྲ་ཧཱུཾ་ཕཊ་ཅེས་པའི་སྔགས་བརྒྱ་རྩ་བརྒྱད་ཀྱིས་བསྔགས་ལ་ལས་
[64a.2]ཐམས་ཅད་པའི་བུམ་པ་ལ་ཡང་སྔགས་འདི་ཁོ་ན་བརྒྱ་རྩ་བརྒྱད་ཀྱི་གྲངས་ཀྱིས་མངོན་པར་བསྔགས་པར་བྱའོ། །གཙོ་བོ་ལ་སོགས་པའི་བུམ་པ་ལ་ཡང་རྣལ་འབྱོར་ཇི་ལྟ་བ་བཞིན་གཙོ་བོ་དང་དཀྱིལ་འཁོར་པའི་སྔགས་ཀྱིས་སོ། །དེ་ནས་མེ་ཏོག་དང་བདུག་སྤོས་ལ་སོགས་པ་རྣམས་ཀྱིས་ཡང་
[64a.3]དག་པར་མཆོད་དེ་གཏོར་མ་ཕུལ་ནས། མི་བསྐྱོད་རྡོ་རྗེ་ལ་སོགས་པའི་བསྟོད་པ་སྔོན་དུ་འགྲོ་བས་དྲིལ་བུ་དཀྲོལ་བར་བྱའོ། །བུམ་པ་ལྷག་པར་གནས་པའི་ཆོ་གའོ། །དེ་ནས་དྲིལ་བུ་དང་། ཨཀྵ་པའི་ཌ་མ་རུ་དང་། བ་ཊ་ཧ་དང་། ཧཱ་ཧཱའི་རྣམ་པ་དང་། པི་ཝང་དང་གླིང་བུ་དང་། རྔ་
[64a.4]ཟླུམ་དང་། རྫ་རྔ་དང་། དགོད་པ་དང་། སྒེག་པ་དང་། གླུ་དང་། གར་དང་། མེ་ཏོག་དང་། བདུག་པ་དང་། དྲི་དང་། ཞལ་ཟས་དང་། མེ་ལོང་དང་། རོ་དང་། རེག་པ་དང་། ཆོས་ཀྱི་དབྱིངས་ཀྱི་མཚན་ཉིད་དེ་ཉི་ཤུ་པོ་རྣམས་ཀྱིས་དཀྱིལ་འཁོར་མཆོད་པར་བྱའོ། །དེའི་རྗེས་
[64a.5]སུ་དཀྱིལ་འཁོར་པར་བྱས་པའི་སློབ་མ་སྔགས་ཀྱི་ཚུལ་གྱི་སྐལ་བ་དང་ལྡན་པ་མེ་ཏོག་གི་ཕྲེང་བ་འཛིན་པ་པུས་མོའི་ལྷ་ང་ས་ལ་བཙུགས་པ་རྣམས་ལ། ཁ་ཅིག་གསང་སྔགས་གྲུབ་དོན་གཉེར། །དཀྱིལ་འཁོར་འདིར་ནི་འཇུག་པར་བྱེད། །དེ་ནས་གཞན་ནི་བསོད་ནམས་འདོད། །
[64a.6]གཞན་དག་འཇིག་རྟེན་ཕ་རོལ་གཉེར། །འཇིག་རྟེན་ཕ་རོལ་ལ་དམིགས་པའི། །དད་པ་མང་དུ་བྱེད་པ་ཡི། །བློ་ལྡན་དཀྱིལ་འཁོར་འདིར་འཇུག་བྱ། །ཚེ་འདིའི་འབྲས་བུ་འདོད་མི་བྱ། །ཚེ་འདི་འདོད་བཞིན་པ་ལ་ནི། །འཇིག་རྟེན་ཕ་རོལ་དེ་བཞིན་མིན། །
[64a.7]སྐྱེས་བུ་ཏིང་འཛིན་ཕ་རོལ་གཉེར། །ཚེ་འདིའི་འབྲས་བུ་འབད་མེད་ཉིད། །ཅེས་སློབ་མ་རྣམས་ལ་རྗེས་སུ་བསྒྲགས་ལ། །དེ་རྣམས་ཀྱང་སེམས་ཀྱིས་དཔལ་ཧེ་རུ་ཀའི་གཟུགས་རང་གི་ལུས་ལ་གཞུག་ཅིང་། རྡོ་རྗེ་ཕག་མོའི་པདྨར་གནས་པའི་དེ་བཞིན་གཤེགས་པ་ཐམས་ཅད་ཞུ་བ་
[64b]
[64b.1]རྣམས་ཀྱིས་དབང་བསྐུར་བར་བསམས་ནས། དངོས་སུ་ལྷའི་དཀྱིལ་འཁོར་གྱི་སྒོར་འདུག་སྟེ་འཇུག་པར་གསོལ་བ་གདབ་བོ། །ཕག་མོ་ལྷན་ཅིག་ཡང་དག་སྦྱོར། །དཔའ་ཆེན་ཁྱོད་བདག་སྟོན་པ་སྟེ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་
[64b.2]ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་གཞུག་ཏུ་གསོལ། །ཞེས་བརྗོད་ནས་དཀྱིལ་
[64b.3]འཁོར་དུ་འཇུག་པར་གསོལ་བ་གདབ་བོ། །དེ་ནས་སློབ་དཔོན་གྱིས་སློབ་མ་གཅིག་གཙོ་བོར་བྱས་ནས། བུ་ཚུར་ཤོག་ཅིག་ཐེག་ཆེན་གྱི། །གསང་སྔགས་སྤྱོད་ཚུལ་ཆོ་ག་ནི། །ཁྱོད་ལ་ཡང་དག་བསྟན་པར་བྱ། །ཁྱོད་ནི་ཚུལ་ཆེན་སྣོད་ཡིན་ཏེ། །སྐུ་གསུང་ཐུགས་ཀྱི་རྡོ་རྗེ་
[64b.4]ཅན། །དུས་གསུམ་འབྱུང་བའི་སངས་རྒྱས་རྣམས། །རྡོ་རྗེ་སྔགས་ཀྱི་མཐུ་རྣམས་ཀྱིས། །མཉམ་མེད་ཡེ་ཤེས་ཡང་དག་བརྙེས། །སྔགས་ཀྱི་རབ་སྦྱོར་མཉམ་མེད་པ། །གང་གི་ཤཱཀྱ་སེང་གེ་སོགས། །དཔའ་བོ་རྣམས་ཀྱིས་བདུད་ཀྱི་སྡེ། །སྟོབས་ཆེན་དྲག་པོ་ཆེན་པོ་བཅོམ། །འཇིག་
[64b.5]རྟེན་རྗེས་འཇུག་རྟོགས་ནས་ནི། །འཁོར་ལོ་བསྐོར་ནས་མྱ་ངན་འདས། །དེ་བས་ཀུན་མཁྱེན་ཐོབ་བྱེད་དུ། །བུ་ཡིས་བློ་གྲོས་འདི་གྱིས་ཤིག །ཅེས་དེ་རྣམས་ལ་བརྗོད་ནས། །དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་
[64b.6]ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །དེ་ནི་ཐུབ་པ་སྐལ་བ་ཆེ། །སངས་རྒྱས་རྣམས་ཀྱིས་བསྐྱེད་ཇི་ལྟར། །བྱང་ཆུབ་སེམས་ནི་བླ་ན་མེད། །དམ་པ་དག་གིས་བསྐྱེད་པར་བགྱི། །སྲིད་པའི་རྒྱ་མཚོར་བྱིང་བ་ཡི། །འགྲོ་འདི་མཐའ་དག་བསྒྲལ་ཆེད་དུ། །
[64b.7]བདག་ཀྱང་ཐམས་ཅད་མཁྱེན་གྱུར་ནས། །དབང་ཕྱུག་ཀུན་གྱི་གནས་ལ་གནས། །ཞེས་སྐྱབས་གསུམ་གྱི་ཚིགས་སུ་བཅད་པ་ལན་གསུམ་བརྗོད་ནས། སློབ་མ་དེ་རྣམས་ལ། ཨོཾ་བཛྲ་ཀུཎྜ་ལི་བཛྲ་ཧཱུཾ་ཕཊ་ཅེས་པའི་སྔགས་ཀྱིས་སྲུང་བ་བྱས་ཏེ། དེ་རྣམས་ཀྱི་སྙིང་ག་མགྲིན་
[65a]
[65a.1]པ་སྤྱི་བོ་རྣམས་སུ་གོ་རིམས་བཞིན་ཟླ་བ་ལ་གནས་པའི་རྡོ་རྗེ་དང་པདྨ་དང་འཁོར་ལོའི་དབུས་སུ་ཧཱུཾ་ཨཱཿ་ཨོཾ་ཞེས་པ་བསམ་པར་བྱའོ། །སློབ་དཔོན་ལངས་ཏེ་རྡོ་རྗེ་གཡས་པའི་ཁུ་ཚུར་གྱིས་བཟུང་ནས་སློབ་མ་རྣམས་ཀྱི་སྙིང་ག་མགྲིན་པ་མགོ་བོར་རྡོ་རྗེས་
[65a.2]རེག་ནས་ཧཱུཾ་ཨཱཿ་ཨོཾ་རང་ཉིད་བརྗོད་དེ་མགོ་བོར་མེ་ཏོག །མདུན་དུ་བདུག་སྤོས་དང་མར་མེ་དེ་བཞིན་དུ་སྙིང་གར་དྲི་སྦྱིན་པར་བྱའོ། །དེའི་རྗེས་སུ། ཨོཾ་བཛྲ་ཀུཎྜ་ལི་བཛྲ་ཧཱུཾ་ཕཊ་ཅེས་པའི་སྔགས་ལན་བདུན་བཟླས་པས་ཨ་ཤྭཏྛ་ལ་སོགས་པ་མ་གས་ཤིང་རྨ་མེད་པ་སོར་བཅུ་
[65a.3]གཉིས་པའི་ཚད་རྩེ་མོར་མེ་ཏོག་གི་ཕྲེང་བས་དཀྲིས་པའི་སོ་ཤིང་སློབ་མ་རྣམས་ལ་སོ་སོར་སྦྱིན་ནོ། །དེ་རྣམས་ཀྱང་གདོང་ཤར་རམ་བྱང་དུ་བལྟས་ཏེ་ཟོས་ནས་སྟེང་དུ་བལྟས་ནས་བ་ལང་གི་ལྕི་བས་བ་ལང་གི་ཀོ་བ་ཙམ་དུ་བྱུགས་པའི་ས་ཕྱོགས་སུ་དོར་རོ། །དེ་ལ་ཞི་བ་ལ་སོགས་པའི་
[65a.4]ལས་ཀྱི་བྱེ་བྲག །གང་གི་མངོན་ཕྱོགས་ལྷུང་གྱུར་ན། །དེ་ཡིས་དངོས་གྲུབ་མཆོག་ཤེས་བྱ། །དེ་བཞིན་ཤར་དུ་རྩེ་མོ་ཡིས། །དངོས་གྲུབ་པར་མར་རབ་ཏུ་གྲགས། །བྱང་བལྟས་དེ་བཞིན་ཐད་ཀར་ནི། །འཇིག་རྟེན་པ་ཡི་དངོས་གྲུབ་འདོད། །སོ་ཤིང་དོར་བ་དེ་བཞིན་དུ། །ཇི་ལྟའང་
[65a.5]རྩེ་མོ་འོག་འགྲོ་ན། །དེ་ཚེ་ས་འོག་དངོས་གྲུབ་འགྱུར། །རྣམ་དཔྱད་མེད་པར་ངེས་པ་ཡིན། །སྟེང་དུ་ཕྱོགས་ན་མཁའ་སྤྱོད་ཉིད། །དེ་ལྟར་ཐེ་ཚོམ་མེད་པར་འགྱུར། །ཞེས་སོ། །དེའི་རྗེས་སུ་ཞལ་བསིལ་བའི་དྲི་ཆུ་ཁྱོར་བ་གསུམ་འཐུངས་ཏེ། ཨོཾ་ཧྲཱིཿ་བི་ཤུདྡྷ་དྷ་རྨྨཱཿ་སརྦྦ་པཱ་པ་ནི་ཙཱ་
[65a.6]སཾ་ཤོ་དྷ་ཡ་སརྦྦ་ཀལྤ་ནཱ་པ་ན་ཡ་ཧཱུཾ། ཞེས་པའི་སྔགས་འདིས་ཁ་བཤལ་བ་བྱའོ། །སོ་ཤིང་གི་ཆོ་གའི་སྒྲུབ་པའོ།། །།དེའི་མདུན་དུ་ཉེ་བར་འདུག་སྟེ་ཨོཾ་བཛྲ་ཀུཎྜ་ལི་ཞེས་པ་ལ་སོགས་པའི་སྔགས་ལན་བདུན་བཟླས་པའི་ཀུ་ཤ་རྣམས་སྟན་དང་སྔས་ཀྱི་ཆེད་དུ་དེ་རྣམས་ཀྱི་ལག་པར་བྱིན་
[65a.7]ནས། སྔགས་འདི་ཉིད་ཁོ་ནས་ལན་བདུན་མངོན་པར་བསྔགས་པའི་སྲུང་སྐུད་སུམ་སྒྲིལ་མདུད་པ་གསུམ་བྱས་པ་དཔུང་པ་གཡས་ལ་བཅིངས་ཏེ། ཆོས་བསྟན་པས་སྤྲོ་བ་བསྐྱེད་པར་བྱའོ། །འཇིག་རྟེན་དུ་ནི་ཀུན་མཁྱེན་རྣམས། །རེས་འགའ་འབྱུང་ངམ་མི་འབྱུང་སྲིད། །ཨུ་དུམྦཱ་
[65b]
[65b.1]རའི་མེ་ཏོག་བཞིན། །བརྒྱ་ལམ་ན་ནི་རེས་འགའ་ཞིག །གསང་སྔགས་སྤྱོད་པའི་ཚུལ་འབྱུང་བ། །དེ་བས་ཀྱང་ནི་རྙེད་དཀའ་སྟེ། །གང་གིས་མཉམ་མེད་སེམས་ཅན་དོན། །མྱ་ངན་མི་འདའ་བྱེད་པར་ནུས། །བསྐལ་པ་བྱེ་བ་དུ་མ་རུ། །སྔོན་དུ་སྡིག་པ་བྱས་པ་གང་། །དཀྱིལ་
[65b.2]འཁོར་འདི་འདྲ་མཐོང་ནས་ནི། །དེ་ཀུན་ཟད་པར་འགྱུར་ཡིན་ན། །གྲགས་པ་མཐའ་ཡས་སྔགས་སྤྱོད་ཀྱི། །ཚུལ་ལ་གནས་ན་སྨོས་ཅི་དགོས། །སྐྱོབ་པའི་གསང་སྔགས་བཟླས་ན་ནི། །གོ་འཕང་བླ་ན་མེད་པར་འགྱུར། །སྤྱོད་མཆོག་འདི་ལ་གང་རྣམས་ཀྱིས། །བློ་
[65b.3]གྲོས་ཤིན་ཏུ་དྲི་མ་མེད། །དེ་རྣམས་ཀྱི་ནི་སྡུག་བསྔལ་ཀུན། །འབྱུང་བའི་ངན་འགྲོ་ཡང་དག་བཅད། །བདག་ཉིད་ཆེན་པོ་ཁྱེད་རྣམས་ཀྱིས། །རྙེད་པ་མཉམ་མེད་དེ་རིང་རྙེད། །གང་གིས་ཁྱེད་རྣམས་རྒྱལ་བ་ཀུན། །སྲས་བཅས་རྣམས་ཀྱིས་བསྟན་པ་འདིར། །
[65b.4]བདག་ཉིད་ཆེན་པོས་སྐྱེ་བཞིན་པར། །ཀུན་དུ་ཡོངས་སུ་བཟུང་ནས་གནས། །དེ་ཡིས་ཁྱེད་རྣམས་ཐེག་ཆེན་དུ། །སང་ནི་ལེགས་པར་སྐྱེ་བར་འགྱུར། །ཐེག་པ་ཆེན་པོ་ཆེར་འབྱུང་བའི། །ལམ་མཆོག་འདི་ནི་དཔལ་དང་ལྡན། །གང་གིས་ཁྱེད་རྣམས་འགྲོ་འགྱུར་ལ། །དེ་བཞིན་
[65b.5]གཤེགས་པ་རྣམས་སུ་འགྱུར། །ཞེས་ཆོས་བསྟན་པ་བསྒྲགས་ནས་སླར་ཡང་དེ་རྣམས་ལ་ཨོཾ་བཛྲ་ཀུཎྜ་ལིའི་སྔགས་ཀྱིས་བསྲུང་ངོ་། །རྡོ་རྗེ་ཅན་གྱིས་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་བདག་ལ་གནང་བར་གསོལ། །
[65b.6]སློབ་མ་དེ་རྣམས་ཀུ་ཤའི་སྟན་ལ་ཉལ་དུ་གཞུག་ཅིང་། རྨི་ལམ་གང་ཅུང་ཟད་མཐོང་བ་དེ་ནང་པར་ང་ལ་སྨྲོས་ཤིག་ཅེས་དེ་ལྟར་རིག་པའི་དབང་བསྐུར་བར་འོས་པའི་སློབ་མ་ལྷག་གནས་བསྟན་ཏོ། །སླར་ཡང་དཀྱིལ་འཁོར་གྱི་ཁང་པར་ཞུགས་ཏེ་སློབ་དཔོན་གྱིས་བསྲུང་བའི་དོན་དུ་རྡོ་རྗེ་འཁྱིལ་
[65b.7]བའི་སྔགས་བཟླའོ། །ནང་པར་གཏོར་མ་ཡང་བྱིན་ནས་ཕྱིར་བྱུང་ནས་སློབ་མ་དེ་རྣམས་བོས་ཏེ། དེ་རྣམས་ལ་རྨི་ལམ་དགེ་མི་དགེ་དྲིས་ནས། རྨི་ལམ་མི་དགེ་བར་གྱུར་ན་སློབ་མ་རྣམས་ལ་རྡོ་རྗེ་འཁྱིལ་པའི་སྔགས་ཀྱིས་ཡང་དག་པར་བསྲུངས་ཏེ། སྔར་བཞིན་ཆོས་བསྟན་པར་སྤྲོ་བར་བྱའོ། །གལ་
[66a]
[66a.1]ཏེ་སློབ་དཔོན་དུ་དབང་བསྐུར་བར་འཛིན་པར་འདོད་པ་དེའི་ཚེ་ཁྱད་པར་གྱི་སྡོམ་པ་གཟུང་བར་བྱའོ། །འཁོར་ལོ་ཕྱིར་མི་ལྡོག་པའི་དབང་། །དམ་པ་བདག་ལ་སྩལ་ནས་ནི། །མགོན་པོ་འཁོར་ལོ་ལྷ་དག་གི །དེ་ཉིད་སློབ་དཔོན་ཕྲིན་ལས་དང་། །སངས་རྒྱས་ཀུན་གྱི་
[66a.2]དམ་ཚིག་དང་། །སྡོམ་པ་གསང་མཆོག་རྟག་ཏུ་ནི། །སེམས་ཅན་ཀུན་གྱི་དོན་བགྱིད་ཕྱིར། །སློབ་དཔོན་བདག་འགྱུར་གསུང་དུ་གསོལ། །ཚིགས་སུ་བཅད་པ་དེ་དག་གིས་སློབ་དཔོན་གྱི་སྡོམ་པ་ལ་གསོལ་བ་གདབ་པར་བྱའོ། །ལྷག་པར་དང་བས། བླ་མས་རིགས་
[66a.3]ཐམས་ཅད་ལ་གསོལ་བ་གདབ་པ། ཆེ་གེ་མོ་ཞེས་བྱ་བ་འདི། བྱང་ཆུབ་སེམས་དང་དམ་ཚིག་དང་། །སྡོམ་པ་རྣམས་ནི་ཡོངས་འཛིན་ཞིང་། །གསང་བའི་འཁོར་ལོ་འདིར་འཇུག་འཚལ། །ཞེས་པ་འདིས་བྱའོ། །དེ་ནས། གསང་བ་ཆེན་པོས་རིགས་དག་པའི། །གསང་
[66a.4]ཆེན་ཡོངས་སུ་འཛིན་པར་ནི། །བདག་ཉིད་ཆེན་པོ་ཁྱེད་འདོད་དམ། །ཞེས་བརྗོད་པར་བྱའོ། །སློབ་མས་ཀྱང་འཚལ་ལོ་ཞེས་བརྗོད་དོ། །དེ་ནས་རིགས་ལྔ་ལ་སོགས་པའི་དམ་ཚིག་བརྗོད་དེ། སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང་། །
[66a.5]འདི་ནི་སངས་རྒྱས་རིག་དགའ་བའི། །སྡོམ་པ་བརྟན་པར་གྱུར་པའོ། །རྡོ་རྗེ་དྲིལ་བུ་ཕྱག་རྒྱ་རྣམས། །བློ་གྲོས་ཆེན་པོ་ཁྱོད་ཀྱིས་གཟུང་། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་བཤད་དོ། །སློབ་དཔོན་དག་ཀྱང་གཟུང་བར་བྱ། །བླ་མ་སངས་རྒྱས་
[66a.6]ཀུན་དང་མཉམ། །འདི་ནི་རྡོ་རྗེ་རིགས་དག་པའི། །སྡོམ་པ་དམ་ཚིག་ཡིན་པར་གསུངས། །རིན་ཆེན་རིགས་ལ་དེ་བཞིན་དུ། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་བཞི་ནི་རབ་སྦྱིན་བྱ། །ཕྱི་དང་གསང་བ་ཐེག་པ་
[66a.7]གསུམ། །དམ་ཆོས་ཁྱོད་ཀྱིས་གཟུང་བར་བྱ། །འདི་ལྟར་པདྨ་རིགས་དག་ལ། །སྡོམ་པ་དམ་ཚིག་མཆོག་ཡིན་ནོ། །ལས་ཀྱི་རིགས་ཆེན་མཐོ་བ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བྱ། །གྲོགས་ཉིད་རྡོ་
[66b]
[66b.1]རྗེའི་སྤུན་གྱུར་པའི། །རྣལ་འབྱོར་རྣམས་ཀྱི་བསྙེན་བཀུར་ནི། །སྤང་ཞིང་དོར་བར་མི་བྱ་སྟེ། །ཇི་ལྟར་ནུས་བཞིན་ཀུན་དུ་སྤྱད། །ཐེག་པ་དམན་པ་འདོད་མིན་ཞིང་། །སེམས་ཅན་དོན་ལ་རྒྱབ་ཕྱོགས་མིན། །འཁོར་བ་ཡོངས་སུ་མི་སྤང་ཞིང་། །རྟག་ཏུ་མྱ་ངན་འདས་དགའ་མིན། །
[66b.2]ལྷ་དང་ལྷ་མིན་གསང་བ་ལ། །ཁྱོད་ཀྱིས་བརྙས་པར་མི་བྱ་ཞིང་། །ཕྱག་རྒྱ་བཞོན་པ་མཚོན་ཆ་དང་། །མཚན་མ་འགོམ་པར་མི་བྱའོ། །ཁྱོད་ཀྱིས་སྲོག་ཆགས་གསད་མི་བྱ། །མ་བྱིན་པར་ཡང་མི་བླང་ངོ་། །འདོད་པ་ལོག་པར་མི་སྤྱད་ཀྱི། །བརྫུན་དུ་སྨྲ་བར་མི་བྱའོ། །སེམས་ཅན་
[66b.3]གདུལ་དོན་མ་གཏོགས་པ། །བྱ་བ་མ་ཡིན་ཐམས་ཅད་སྤངས། །རྣལ་འབྱོར་པ་རྣམས་བསྙེན་བཀུར་ཞིང་། །ལེགས་པ་རྣམས་ལ་ཉེར་གནས་བྱ། །ལུས་ཀྱི་ལས་ནི་རྣམ་གསུམ་དང་། །ངག་གི་རྣམ་པ་བཞི་དག་དང་། །ཡིད་ཀྱི་རྣམ་པ་གསུམ་རྣམས་ནི། །ཇི་ལྟར་ནུས་བཞིན་
[66b.4]བསྐྱང་པར་བགྱི། །དེ་ལྟར་བླ་མས་སློབ་མ་ལ་དམ་ཚིག་དང་སྡོམ་པ་ལ་སོགས་པ་སྦྱིན་པར་བྱའོ། །སློབ་མས་ཀྱང་གུས་པ་དང་བཅས་པས་ཕྱག་འཚལ་ཏེ། གཟུང་བར་བྱ་བའི་རིམ་པ་འདིས། །སངས་རྒྱས་ཐམས་ཅད་ལ་ཕྱག་འཚལ་ལོ། །མགོན་པོ་སངས་རྒྱས་དེའི་སྲས་པོ་རྣམས་
[66b.5]ཀྱང་བདག་ལ་དགོངས་སུ་གསོལ། །བདག་ཆེ་གེ་མོ་ཞེས་བགྱི་བ་དེང་ནས་བརྩམས་ཏེ་ཇི་སྲིད་བྱང་ཆུབ་སྙིང་པོར་འདུག་གི་བར་དུ། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །རབ་མཆོག་བདག་གིས་བསྐྱེད་
[66b.6]པར་བགྱི། །ཚུལ་ཁྲིམས་བསླབ་པ་རྣམ་པ་གསུམ། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱའི་ཚུལ་ཁྲིམས་ནི། །སོ་སོར་བརྟན་པོར་བདག་གིས་གཟུང་། །སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ནི་བླ་ན་མེད། །སངས་རྒྱས་རྣལ་
[66b.7]འབྱོར་སྐྱེས་སྡོམ་པ། །དེང་ནས་མཆོག་ཏུ་གཟུང་བར་བགྱི། །རྡོ་རྗེ་རིགས་མཐོ་ཆེན་པོ་ལ། །རྡོ་རྗེ་དྲིལ་བུའི་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་བདག་ཀྱང་གཟུང་བར་བགྱི། །རིན་ཆེན་རིགས་ཆེན་རྣལ་འབྱོར་གྱི། །དམ་ཚིག་ཡིད་དུ་འོང་
[67a]
[67a.1]བ་ལ། །ཉིན་རེ་ཞིང་ཡང་དྲུག་བྱས་ནས། །སྦྱིན་པ་བཞི་ནི་རབ་སྦྱིན་བགྱི། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་དང་གསང་བ་ཐེག་པ་གསུམ། །དམ་ཆོས་སོ་སོར་གཟུང་བར་བགྱི། །ལས་ཀྱི་རིགས་ཆེན་མཐོ་བ་ལ། །སྡོམ་
[67a.2]པ་ཐམས་ཅད་ཡང་དག་ལྡན། །མཆོད་པའི་ལས་ནི་ཅི་ནུས་བཞིན། །དེ་ཉིད་ཀྱི་ནི་སོ་སོར་གཟུང་། །བྱང་ཆུབ་སེམས་ནི་བླ་ན་མེད། །དམ་པ་བསྐྱེད་པར་བགྱིས་ནས་ནི། །སེམས་ཅན་ཀུན་གྱི་དོན་བགྱིའི་ཕྱིར། །བདག་གིས་སྡོམ་པ་མ་ལུས་གཟུང་། །མ་བསྒྲལ་བ་རྣམས་བདག་གིས་
[67a.3]བསྒྲལ། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱུང་རྣམས་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །ཨོཾ་སརྦ་ཏ་ཐཱ་ག་ཏ་ཡོ་ག་ཀཱ་ཡ་བཱ་ཀྩི་ཏྟ་མུ་ཏྤ་ད་ཡི་མྱ་ཤེ་ཥཱ་ན་བ་ཤེ་ཥ་ས་ཏྭ་དྷཱ་ཏུ་ཧི་ཏ་སུ་ཁོ་ཏྟ་མ་སིདྡྷི་ཨ་ཏྱནྟ་བྷ་བ་སིདྡྷི་མ་ཧེ་ཤྭ་ཪྻཱ་དྷི་ཕ་ཏྱཱ་ཡ་ཙ་ཞེས་
[67a.4]པ་འདིས་སློབ་མ་བྱང་ཆུབ་ཏུ་སེམས་བསྐྱེད་དོ། །དེ་ལྟར་སློབ་དཔོན་གྱི་སྡོམ་པ་བཟུང་ནས། །ཞེས་པ་སློབ་དཔོན་དུ་དབང་བསྐུར་བར་འོས་པའི་སློབ་མ་ལྷག་གནས་བསྟན་པའོ།། །།དེའི་རྗེས་སུ་བྲིས་པ་ལ་སོགས་པའི་དཀྱིལ་འཁོར་ལ་མཆོད་པ་རྒྱ་ཆེན་པོ་བྱས་ནས་རང་གི་
[67a.5]ལྷའི་རྣལ་འབྱོར་སྔོན་དུ་འགྲོ་བས་སློབ་མ་འཇུག་པའི་ཆོ་གས་རང་ཉིད་ཞུགས་ཏེ་ཕྲེང་བའི་དབང་བསྐུར་བ་ལ་སོགས་པ་བཅོམ་ལྡན་འདས་བདག་པོའི་ཐུགས་ལས་ཐོབ་པར་བྱའོ། །དེའི་ཚེ་སློབ་མ་རྣམས་འཇུག་པའི་དོན་དུ་བདེན་པའི་གསོལ་བ་གདབ་པར་བྱ་སྟེ། ཆོས་རྣམས་
[67a.6]གཟུགས་བརྙན་ལྟ་བུ་སྟེ། །གསལ་ཞིང་དག་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་བྱུང་། །དེ་བཞིན་དེ་ཁོ་ཉིད་ངེས་འབྱུང་། །ཞེས་པའི་བདེན་པས་དཀྱིལ་འཁོར་ནི། །གཟུགས་བརྙན་གསལ་བར་སློབ་མ་རྣམས། །ཀུན་གྱིས་
[67a.7]སྡིག་མེད་མཐོང་བར་ཤོག །ཅེས་པ་ལ་སོགས་པས་གསོལ་བ་གདབ་བོ། །དེ་ནས་ཡོལ་བ་ལས་ཕྱི་རོལ་དུ་ཡོན་ཕུལ་ཏེ་དབང་བསྐུར་བའི་སྐལ་བ་ཅན་གྱི་སློབ་མ་རྣམ་པར་སྣང་མཛད་ཀྱི་གཟུགས་སུ་དམིགས་ཏེ། ཨ་ཁཾ་བཱི་ར་ཧཱུཾ་ཞེས་པའི་སྔགས་ཀྱིས་མེ་ཏོག་ཕྲེང་བ་བཟུང་ལ་
[67b]
[67b.1]ལས་ཐམས་ཅད་པའི་ཆུས་མངོན་པར་གཏོར་ཏེ་མིག་དར་བཅིང་བར་བྱའོ། །དཀྱིལ་འཁོར་དུ་འཇུག་པའི་དོན་དུ། ཀྱེ་དགའ་བ་ལ་དགའ་ཁྱེད་སུ་ཡིན། །ཞེས་དྲི། དེས་ཀྱང་འདི་སྐད་དུ། །སྐལ་བཟང་བདག་བདེ་བ་ཆེན་པོ་ལའོ། །ཞེས་བརྗོད་དོ། །དེ་ནས་བླ་མས་སློབ་
[67b.2]མའི་སྙིང་གར་རྡོ་རྗེ་བཞག་སྟེ། ཨོཾ་སརྦ་ཡོ་ག་ཙིཏྟ་ཨུཏྤཱ་ད་ཡཱ་མི། ཨོཾ་སུ་ར་ཏེ་ས་མ་ཡ་སྟྭཾ་ཧོཿསིདྡྷི་བཛྲ་ཡ་ཐཱ་སུ་ཁཾ། ཞེས་བྱང་ཆུབ་ཏུ་སེམས་བསྐྱེད་པ་བརྗོད་དེ། དེང་ཁྱོད་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབ་པར་འགྱུར་གྱི། དེ་བཞིན་གཤེགས་པ་ཐམས་
[67b.3]ཅད་ཀྱི་གསང་བ་ཆེན་པོ་འདི་ཁྱོད་ཀྱིས་དཀྱིལ་འཁོར་དུ་མ་ཞུགས་པ་རྣམས་ལ་སྨྲ་བར་མི་བྱེ་སྟེ་མ་དད་པར་ཡང་མི་བྱའོ། །ཧཱུཾ་ཛཿ་ཧཱུཾ་ཞེས་པ་འདིས་བཀུག་སྟེ། ཡོལ་བའི་ནང་དུ་བཅུག་སྟེ་དཀྱིལ་འཁོར་ཤར་སྒོར་བཞག་ནས་འདི་སྐད་བརྗོད་པར་བྱའོ། །དེང་ཁྱོད་དེ་བཞིན་
[67b.4]གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས་དེའི་ཕྱིར་ངས་ཁྱོད་ལ་རྡོ་རྗེ་ཡེ་ཤེས་བསྐྱེད་པར་བྱ་སྟེ། ཡེ་ཤེས་གང་གིས་ཁྱོད་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་པར་འགྱུར་ན་དངོས་གྲུབ་གཞན་ལྟ་ཅི་སྨོས། ཁྱོད་ཀྱིས་འདི་དཀྱིལ་འཁོར་མ་མཐོང་བའི་
[67b.5]མདུན་དུ་སྨྲ་བར་མི་བྱ་སྟེ་ཁྱོད་དམ་ཚིག་ཉམས་པར་གྱུར་ཏ་རེ་ཞེས་སོ། །སླར་ཡང་མགོ་བོར་རྡོ་རྗེ་བཞག་སྟེ་སྨྲས་པ། འདི་ནི་ཁྱོད་ཀྱི་དམ་ཚིག་གི་རྡོ་རྗེ་སྟེ་གལ་ཏེ་འགའ་ཞིག་ལ་སྨྲས་ན་ཁྱོད་ཀྱི་མགོ་བོ་འགེམས་པར་བྱེད་དོ། །མེ་ཏོག་དང་བཅས་རྡོ་རྗེ་སྙིང་གར་བཞག་སྟེ་བརྗོད་
[67b.6]པ། ཨོཾ་རྡོ་རྗེ་སེམས་དཔའ་རང་ཉིད་དེང་། །ཁྱོད་ཀྱི་སྙིང་ལ་ཡང་དག་གནས། །གལ་ཏེ་ཚུལ་འདི་སྨྲས་ན་ནི། །སྐད་ཅིག་དེ་ལ་དྲལ་ནས་གཤེགས། །ཞེས་པ་འདིས་མནའ་བྱེད་དུ་བཅུག་ནས་བདུད་རྩི་ལྔ་པདྨའི་སྣོད་དུ་གནས་པའི་ཡེ་ཤེས་གསུམ་གྱིས་བྱིན་གྱིས་བརླབས་ཏེ།
[67b.7]ཨོཾ་བཛྲ་ཨ་མྲྀ་ཏོ་ད་ཀ་ཋ་ཞེས་པ་འདི་བདུན་བཟླས་སོ། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་པས་དངོས་གྲུབ་སྟེ། །རྡོ་རྗེ་བདུད་རྩིའི་ཆུ་འཐུང་ཤིག །ཅེས་བརྗོད་དེ་འཐུང་དུ་གཞུག་གོ། །དེ་ནས་འདི་བརྗོད་པར་བྱ་
[68a]
[68a.1]སྟེ། དེང་ནས་བརྩམས་ཏེ་ཁྱོད་ཀྱི་ཕྱག་ན་རྡོ་རྗེ་ང་ཡིན་གྱི། ངས་འདི་གྱིས་ཤིག་ཅེས་གང་སྨྲས་པ་དེ་ཁྱོད་ཀྱིས་བྱའོ། །ཁྱོད་ཀྱིས་ང་ལ་བརྙས་པར་ཡང་མི་བྱ་སྟེ། །ཁྱོད་ཡང་བ་མ་སྤངས་པར་དུས་བྱས་ནས་དམྱལ་བར་ལྟུང་བར་གྱུར་ཏ་རེ་ཞེས་སོ། །དམ་ཚིག་
[68a.2]གི་ཆུ་སྦྱིན་པའོ། །དེ་ནས་སློབ་མས་འདི་སྐད་བརྗོད་པར་བྱ་སྟེ། དེ་བཞིན་གཤེགས་པ་ཐམས་ཅད་ཀྱིས་བདག་ལ་བྱིན་གྱིས་རློབས་ཤིག །རྡོ་རྗེ་སེམས་དཔའ་བདག་ལ་དབབ་པར་མཛོད་ཅིག་ཅེས་སོ། །དེ་ནས་རའི་ཡན་ལག་ལྔ་དེ་བཞིན་གཤེགས་པ་ལྔའི་ས་བོན་གྱིས་བྱིན་
[68a.3]གྱིས་བརླབས་ཏེ། ཏིལ་མར་ཆེན་པོ་དང་གུ་གུལ་ཆེན་པོ་དག་ཆ་མཉམ་པ་ལྷན་ཅིག་ཏུ་བསྲེས་པ་ཆང་དང་གུ་གུལ་ཡང་དག་པར་ལྡན་པར་བྱས་པའི་བདུག་སྤོས་བསྡུས་ནས་སློབ་དཔོན་གྱིས་རྡོ་རྗེ་ཕག་མོའི་སྔགས་བཟླས་ཏེ་སློབ་མ་ལ་བདུག་སྤོས་འདིས་བདུག་པར་བྱའོ། །དེ་ནས་སྐུ་བབས་
[68a.4]ན་ནམ་མཁའ་ལ་འགྲོ་བར་འགྱུར་རོ། །གསུང་བབས་ན་སྔོན་མེད་པའི་ཚིགས་སུ་བཅད་པ་རྗོད་པར་བྱེད་དོ། །ཐུགས་བབས་ན་བྱུང་བ་དང་འབྱུང་བར་འགྱུར་བ་དང་ད་ལྟ་བ་ཡང་ཤེས་པར་བྱེད་དོ། །ཨོཾ་ཏིཥྛ་ས་མ་ཡ་པ་རི་པཱ་ལི་ཏེ་ཧཱུཾ་ཧཱུཾ་ཧཱུཾ་ཧོ་ཧོ་ཧོ་སྭཱ་ཧཱ། ཞེས་པ་འདིས་རྡོ་རྗེ་སྤྱི་བོར་བཟུང་ན་གཤེགས་
[68a.5]སོ། །དེ་ནས་ཨོཾ་ཏིཥྛ་བཛྲ་ཞེས་པས་བརྟན་པར་བྱས་ནས་ཁྱོད་ཀྱི་མིག་ལ་ཅི་ལྟ་བུ་སྣང་ཞེས་དྲིས་ཏེ། དེ་ནས་དེ་རྣམས་ཀྱིས་དཀར་པོ་དང་སེར་པོ་དང་དམར་པོ་དང་ནག་པོར་སྣང་བ་བརྗོད་པ་རྣམས་ཀྱིས་ཞི་བ་དང་རྒྱས་པ་དང་དབང་དང་མངོན་སྤྱོད་ཀྱི་དངོས་གྲུབ་ཀྱི་སྐལ་བ་ཅན་དུ་བརྗོད་ནས་
[68a.6]བདེན་པའི་བྱིན་རླབས་བྱའོ། །ཡང་དག་དཀྱིལ་འཁོར་འདི་ཞེས་པར། །བདག་གིས་སློབ་མ་རབ་ཏུ་གཞུག །ལྷ་རྣམས་རིགས་ཀྱི་རིམ་པ་ནི། །བསོད་ནམས་ཇི་ལྟ་དེ་ལྟར་ཤོག །འདི་ཡི་དངོས་གྲུབ་ཇི་འདྲར་འགྱུར། །རིགས་ནི་གང་གི་སྣོད་དུ་རུང་། །བསོད་ནམས་
[68a.7]མཐུ་ཡང་ཇི་འདྲ་བར། །དེ་ལྟར་དཀྱིལ་འཁོར་དུ་གྱུར་ཅིག །སློབ་མས་ཀྱང་གཡོན་སྐོར་དུ་བསྐོར་བ་ལན་གསུམ་བྱས་ནས་གཡས་སུ་མངོན་པར་ཕྱོགས་པར་གྱུར་པས་སྔར་བཟུང་བའི་མེ་ཏོག་གི་ཕྲེང་བ། །པྲ་ཏཱིཙྪ་བཛྲ་ཧོ་ཞེས་པ་འདིས་དཀྱིལ་འཁོར་དུ་དོར་རོ་ཞེས། དེ་ནས་
[68b]
[68b.1]མེ་ཏོག་ལྟུང་བའི་རྗེས་སུ་འབྲངས་ནས་དམན་པ་དང་མཆོག་ལ་སོགས་པའི་དངོས་གྲུབ་སློབ་མ་ལ་མཚོན་ཏེ་དེ་ལ་གལ་ཏེ་སངས་རྒྱས་རྣམས་ཀྱི་དབུའི་གཙུག་ཏོར་རམ་མཛོད་སྤུར་ལྟུང་ན་དེའི་ཚེ་ཕྱག་རྒྱ་ཆེན་པོའི་དངོས་གྲུབ་བོ། །གལ་ཏེ་སྤྱན་ནམ་ཞལ་ལ་ལྷུང་ན་དེའི་ཚེ་སྔགས་ཀྱི་
[68b.2]དངོས་གྲུབ་བོ། །སྟོད་ཀྱི་ཆ་ལ་ཡང་མཆོག་གོ། །བར་གྱི་ཆ་ལ་ཡང་བར་མའོ། །འོག་གི་ཆ་ལ་དམན་པའོ། །གཟུགས་བརྙན་ལས་ཤིན་དུ་རིང་ན་མངོན་སྤྱོད་དོ། །ཉེ་ན་དངོས་གྲུབ་མྱུར་རོ། །ལྷ་རྣམས་ཀྱི་རང་གི་གནས་ཀྱི་རེའུ་མིག་གིས་ཡོངས་སུ་བཅད་པ་ལས་ཤེས་པར་བྱའོ། །
[68b.3]གལ་ཏེ་ལྷ་གཉིས་དག་གི་བར་དུ་ལྷུང་ན་དེའི་ཚེ་མེ་ཏོག་གང་ལ་ཉེ་བ་དེའི་རིགས་སུ་འགྱུར་རོ། །དཀྱིལ་འཁོར་གྱི་ཕྱི་རོལ་དུ་ལྷུང་ན་དངོས་གྲུབ་ཕྲ་མོའོ། །གལ་ཏེ་རེ་ཁཱ་རྣམས་སུ་ལྟུང་ན་དེའི་ཚེ་སླར་ཡང་དོར་བར་བྱའོ། །གསུམ་བྱས་ནས་དེ་ཉིད་དུ་ལྷུང་ན་དངོས་གྲུབ་མེད་
[68b.4]དོ། །ཕྱིའི་རྡོ་རྗེ་ཕྲེང་བའི་ཕྱི་རོལ་དུ་ལྷུང་ན་དངོས་གྲུབ་མེད་དོ། །རིང་པོར་ལྷུང་ན་ཆེས་དཀའོ་ཞེས་པ་མེ་ཏོག་ལྷུང་བའི་ཆོ་གའོ།། །།དེ་ནས་དེ་དག་གི་མེ་ཏོག་གི་ཕྲེང་བ་སླར་ཡང་བཟུང་ནས་སློབ་མའི་མགོ་བོར་བཅིངས་ཏེ། པྲ་ཏི་གྲྀཧྞ་ཏྭ་མི་མཾ་སཏྭ་མ་ཧཱ་བ་ལ་ཞེས་བརྗོད། དེ་
[68b.5]ནས་དེའི་མིག་དག་ཏུ་ཟླ་བ་ལ་ཨོཾ་ཡིག་གཉིས་བསམས་ཏེ། ཨོཾ་ཡིག་གི་འོད་ཟེར་གྱིས་བཀུག་པའི་དཀྱིལ་འཁོར་པ་རྣམས་དང་ལྷན་ཅིག་རྡོ་རྗེ་དྲག་པོ་སློབ་མའི་སྙིང་གར་གཞུག་ཅིང་སྔགས་འདིས་གདོང་བཅིངས་པ་དགྲོལ་བར་བྱའོ། །ཨོཾ་རྡོ་རྗེ་དྲག་པོ་རང་ཉིད་དེང་། །མིག་འབྱེད་
[68b.6]པར་ནི་བརྩོན་པར་མཛད། །མིག་ནི་ཐམས་ཅད་འབྱེད་མཛད་དེ། །རྡོ་རྗེའི་མིག་ནི་བླ་ན་མེད། །ཅེས་བརྗོད་ལ་མིག་དར་བསལ་བར་བྱའོ། །དེ་ནས་དཀྱིལ་འཁོར་བསྟན་པར་བྱ་སྟེ། རང་བཞིན་གྱིས་དག་སངས་རྒྱས་བདག །ལུས་ནི་རང་བཞིན་དྲི་མ་མེད། །དཔའ་བོ་
[68b.7]དཔའ་མོའི་དབང་པོའི་གྲོང་། །དཀྱིལ་འཁོར་ལ་ནི་བུ་ཁྱོད་ལྟོས། །དེ་ནས་གནས་དང་ཉེ་བའི་གནས་ལ་སོགས་པའི་བདག་ཉིད་ཅན་གྱི་དཀྱིལ་འཁོར་ལུས་ཀྱི་དཀྱིལ་འཁོར་ལ་གནས་པ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱི་དཀྱིལ་འཁོར་བའི་ལྷའི་འཁོར་ལོ་
[69a]
[69a.1]དཔལ་ཧེ་རུ་ཀའི་ལྷའི་ཡན་ལག་ཉེ་བར་བསྟན་པར་བྱའོ། །དཀྱིལ་འཁོར་དུ་འཇུག་པའི་ཆོ་གའོ། །དེ་མ་ཐག་ཏུ་སློབ་མས་བླ་མ་མགོན་ལ་བདག་ཉིད་ཐམས་ཅད་ཀྱིས་བཏུད་ནས་གསོལ་བ་གདབ་སྟེ། བསམ་གྱིས་མི་ཁྱབ་ཆོས་སྣོད་མཆོག །བདག་ལ་དབང་བསྐུར་
[69a.2]བར་མཛོད་ཅིང་། །སློབ་མས་གསོལ་བ་བཏབ་མ་ཐག་ཏུ་རྣམ་པར་རྒྱལ་བ་ལ་སོགས་པའི་བུམ་པ་བླངས་ཏེ། པདྨའི་སྣོད་དུ་གནས་པའི་ཆུ་ལ་ཧཱུཾ་ཡིག་དང་རྡོ་རྗེ་ལས་བྱུང་བའི་མི་བསྐྱོད་རྡོ་རྗེ་སློབ་དཔོན་གྱིས་བསྒོམ་པར་བྱའོ། །རང་གི་སྙིང་གའི་ས་བོན་གྱི་འོད་ཟེར་གྱིས་ཡེ་ཤེས་སེམས་དཔའ་
[69a.3]སྐུལ་བར་བརྩོན་པས་ཡེ་ཤེས་སེམས་དཔའ་གཞུག་ཅིང་། དེ་ལྟར་ཡང་དག་པར་མཆོད་ནས་ཆུས་གཏོར་རོ། །དེ་ཉིད་མི་བསྐྱོད་གཟུགས་ཀྱིས་ནི། །རྣམ་ཤེས་ཕུང་པོའི་ངོ་བོ་སྟེ། །བརྩེ་ཆེན་སྟོན་པ་དཔའ་བོ་ཡིས། །དབང་བསྐུར་འདི་ནི་སྤྱི་བོར་སྦྱིན། །ཨོཾ་ཏྲི་ཙཀྲ་བཱི་ར་ཏྭཾ་ཨ་བྷི་ཥིཉྩཱ་མི་
[69a.4]ཞེས་པ་ཆུའིའོ། །རི་མོ་ལ་སོགས་ཅོད་པན་རྣམས། །རིན་ཆེན་མཆོག་གི་ས་བོན་ཨོཾ། །ལས་གྲུབ་རྡོ་རྗེ་ཉི་མར་བཤད། །འདི་ནི་སྔ་མ་བཞིན་མཆོད་ནས། །རྡོ་རྗེ་མཁའ་འགྲོ་སྤྱི་བོ་རུ། །བསམས་ནས་རྡོ་རྗེ་ཅན་བསྐྱེད་བྱ། །ཅོད་པན་རྣམ་པ་དེ་ཉིད་ནི། །སྡིག་མེད་ཚོར་བའི་བདག་
[69a.5]ཉིད་དོ། །ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞྞ་ནཱི་ཡེ་ཧཱུཾ་ཧཱུཾ་ཕཊ་སྭ་ཧཱ། ཞེས་པའི་སྔགས་འདི་ཡིས་ཏེ་སྔགས་དེ་ལྟ་བུ་གཞན་རྣམས་ཀྱང་བརྗོད་པར་བྱའོ། །ཅོད་པན་གྱིའོ། །དེ་ནས་བཅོམ་ལྡན་འདས་ཀྱི་ཕྲེང་བའི་སྔགས་ཀྱིས་ལན་བདུན་མངོན་པར་བསྔགས་པའི་ཕྲེང་བ་མགོ་བོར་བཅིངས་ནས་
[69a.6]དབང་བསྐུར་བར་བྱའོ་ཞེས་པ་ཕྲེང་བའི་དབང་བསྐུར་བའོ། །ཛྲཱྀཾ་དང་རྡོ་རྗེ་པདྨ་ལས་བྱུང་བའི་འདུ་ཤེས་དེ་བཞིན་གཤེགས་པ་འོད་དཔག་མེད་རྡོ་རྗེ་བསྒྲུབས་ནས་སློབ་མ་དག་ལ་ལག་པ་གཡས་དང་སྙིང་གར་སྦྱིན་པར་བྱའོ། །ཧེ་རུ་ཀ་དཔལ་དཔའ་བོ་ལ་སོགས་ཀྱིས། །དེ་རིང་ཁྱོད་ལ་དབང་
[69a.7]བསྐུར་རོ། །འདི་དེ་སངས་རྒྱས་ཐམས་ཅད་ཉིད། །ལེགས་པར་གྲུབ་ཕྱིར་རྡོ་རྗེ་གཟུང་། །རྡོ་རྗེའི་འོ། །རལ་གྲི་ཁཾ་ཡིག་ཡང་དག་བྱུང་། །དོན་ཡོད་གྲུང་པའི་གཟུགས་ཅན་ཏེ། །འདུ་བྱེད་ངོ་བོ་དྲིལ་བུ་ནི། །ལག་པ་གཡོན་པར་སྦྱིན་པར་བྱ། །འདི་ནི་རྣལ་འབྱོར་མ་ཀུན་གྱི། །དྲིལ་
[69b]
[69b.1]བུ་དབྱངས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་བཅང་། །བྱང་ཆུབ་མཆོག་ཏུ་རྒྱལ་བ་བཞེད། །འཁོར་ལོ་གསུམ་བདག་དཔའ་བོ་ཡི། །ལག་པ་རྡོ་རྗེ་དྲིལ་བུ་འཛིན། །རང་བཞིན་གྱིས་མཛེས་དགའ་བ་ནི། །ཕྱག་རྒྱ་ཆེན་པོར་བྱིན་གྱིས་བརླབ། །བདག་པོའིའོ། །
[69b.2]སློབ་མའི་སྤྱི་བོར་ལེགས་བྱིན་ནས། །བྷྲུཾ་ལས་རྣམ་སྣང་མཛད་གཟུགས་ཀྱིས། །གཟུགས་ཀྱི་ཕུང་པོའི་ངོ་བོ་ཉིད། །རྡོ་རྗེ་ཅན་གྱིས་མིང་དབང་བསྐུར། །ཨོཾ་ཏྲི་ཙཀྲ་ཨ་དྷི་པ་ཏི་ཤྲཱི་ཧེ་རུ་ཀ་བཱི་རཱ་ཏྭཾ་ཨ་བྷི་ཥིཉྩཱ་མི། ཁྱོད་ནི་ཆེ་གེ་མོ་རྡོ་རྗེའོ། །མིང་གིའོ། །དབང་ལྔ་ཐོབ་པའི་རྒྱུ་ལས་
[69b.3]ནི། །རྣམ་དག་སངས་རྒྱས་ལྔ་འདི་དག །མ་རིག་བྲལ་བའི་རིམ་པ་ལས། །ཡེ་ཤེས་ལྔ་རྣམས་ཐོབ་པར་བྱེད། །དེ་མ་ཐག་ཏུ། གང་གིས་བདག་ནི་ཁྱོད་དྲིན་ལས། །རང་དང་གཞན་དོན་ནུས་འགྱུར་བ། །རྡོ་རྗེ་སློབ་དཔོན་གྱི་ནི་དབང་། །ཐུགས་རྗེའི་གཏེར་ཀྱེ་བདག་ལ་
[69b.4]སྩོལ། །ཞེས་གསོལ་བ་བཏབ་པས་ཡི་གེ་ཉི་ཤུ་རྩ་གཉིས་པའི་སྔགས་བརྗོད་དེ་སྔགས་ཀྱི་དབང་བསྐུར་བར་བྱའོ། །སྔགས་ཀྱི་དབང་ངོ་། །དེ་ནས་རྡོ་རྗེའི་བརྟུལ་ཞུགས་མི་བསྐྱོད་པའི་གཟུགས་སུ་དམིགས་ཏེ། འདི་དེ་སངས་རྒྱས་ཐམས་ཅད་ཉིད། །ཧེ་རུ་ཀ་དཔལ་ཕྱག་ན་
[69b.5]གནས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཧེ་རུ་ཀ་དཔལ་བརྟུལ་ཞུགས་བརྟན། །ཞེས་པ་འདིས་ཧཱུཾ་ཡིག་ལས་སྐྱེས་པའི་རྡོ་རྗེ་སྦྱིན་པར་བྱའོ། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་སྟྭཾ་དྷ་ར་ཡཱ་མི་ཧཱིཿ་ཧི་ཧི་ཧི་ཧི་ཧཱུཾ། ཞེས་བརྗོད་དེ་སློབ་མ་རྡོ་རྗེའི་བརྟུལ་ཞུགས་
[69b.6]འཛིན་དུ་གཞུག་གོ་ཞེས་པ། རྡོ་རྗེའི་བརྟུལ་ཞུགས་སྦྱིན་པའོ། །དེ་ནས་དྲིལ་བུའི་བརྟུལ་ཞུགས་སྦྱིན་པར་བྱ་སྟེ། ཨོཾ་བཛྲ་གྷཎྚེ་ར་ཎི་ཏ་པྲ་ར་ཎི་ཏ་སཾ་པྲ་ར་ཎི་ཏ་སརྦ་བུདྡྷ་ཀྵེ་ཏྲ་པྲ་ཙ་ལི་ནེ་པྲཛྙཱ་པཱ་ར་མིཏཱ་ནཱ་ད་སྭ་བྷཱ་བ་བཛྲ་དྷརྨ་ཧྲྀ་ད་ཡ་སནྟོ་ཥ་ནི་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་པ་དྲིལ་
[69b.7]བུའི་བརྟུལ་ཞུགས་སོ། །དེ་ནས་ཁ་ཊྭཱཾ་ག་དང་ཌ་མ་རུ་དང་ཐོད་པའི་བརྟུལ་ཞུགས་སྦྱིན་པར་བྱ་སྟེ། ཁ་ཊྭཱཾ་ག་དང་ཅང་ཏེའུ་སྣོད། །དཔའ་བོས་བྱིན་པ་འདི་ནི་ཟུང་། །ཧེ་རུ་ཀ་དཔལ་ཕྱག་རྒྱ་འདི། །ཕྱི་དང་ནང་དུ་ཡང་དག་གནས། །ཞེས་པའི་ཚིགས་སུ་བཅད་པ་འདིས་སློབ་
[70a]
[70a.1]མའི་ལག་པ་གཡས་པ་དང་གཡོན་པར་སྦྱིན་པར་བྱའོ། །ཁ་ཊྭཱཾ་ག་དང་ཅང་ཏེའུ་དང་ཐོད་པའི་བརྟུལ་ཞུགས་སོ། །དེ་ནས་ལུང་བསྟན་པ། རྡོ་རྗེ་ཅན་གྱི་ལག་གཡོན་གྱིས། །གྲི་གུག་ཆོས་གོས་གྲྭ་བཟུང་ནས། །ལག་པ་མི་འཇིགས་སྦྱིན་པས་གནས། །སློབ་མ་
[70a.2]དབུགས་དབྱུང་བསྟན་པར་བྱ། །འདིར་བདག་འཁོར་ལོ་གསུམ་དབང་ཕྱུག། །རང་ཉིད་སངས་རྒྱས་ཀུན་རང་བཞིན། །ཧེ་རུ་ཀ་དཔལ་མིང་ཅན་གྱིས། །དེ་བཞིན་གཤེགས་པར་ཁྱོད་ལུང་བསྟན། །དཔལ་ཧེ་རུ་ཀ་ཞེས་བྱ་བའི་དེ་བཞིན་གཤེགས་པ། སིདྡྷི་ས་མ་ཡ་སྟྭཾ་བྷུར་བུ་བ་སྭཿཁམས་
[70a.3]གསུམ་པ་ཡི་རྒྱལ་སྲིད་ཆེ། །དཔལ་ལྡན་ཡོན་ཏན་འབྱུང་གནས་བདག །བདུད་ཀྱི་ཚོགས་ཀུན་ཕམ་བྱས་ནས། །གྲོང་ཁྱེར་མཆོག་ཏུ་ཁྱོད་ཞུགས་སོ། །ཞེས་པ་ལུང་བསྟན་པའོ། །དེ་ནས་སླར་ཡང་གསོལ་བ་གདབ་བར་བྱ་སྟེ། ད་ལྟ་མཚན་མ་མེད་པར་ནི། །འགྲོ་བའི་བྱ་བ་བྱེད་འགྱུར་
[70a.4]བ། །ཕྱིར་མི་ལྡོག་པའི་དབང་བསྐུར་ཆེ། །དཔའ་བོ་ཆེན་པོས་བདག་ལ་རྩོལ། །ཞེས་གསོལ་བ་བཏབ་པའི་སློབ་མ་རྒྱན་ཐམས་ཅད་ཀྱིས་བརྒྱན་པ་མཐོ་བའི་གདུགས་དང་རྒྱལ་མཚན་དང་བླ་རེས་བརྒྱན་པ་ཤར་གྱི་སྒོར་སེང་གེའི་སྟན་ལ་གནས་པའི་པདྨ་འདབ་མ་བརྒྱད་པའི་
[70a.5]སྟེང་དུ་རྡོ་རྗེ་སེམས་དཔའི་གཟུགས་སུ་དམིགས་ཏེ། ཧཱུཾ་ཡིག་ལས་སྐྱེས་པའི་རྡོ་རྗེ་བསྒོམས་ནས། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་སྙེམས་མའི་བདག་པོའི་བདག །ཅེས་པ་འདིས་སྦྱིན་
[70a.6]པར་བྱ་སྟེ། །བཅོམ་ལྡན་འདས་དཔལ་མཆོག་དང་པོའི་སྐྱེས་བུའོ། །ཞེས་པའི་དེ་ཁོ་ན་ཉིད་ཀྱིས་གཟུང་བར་བྱའོ། །དེའི་རྗེས་སུ་ཨ་ཡིག་ལས་སྐྱེས་པའི་དྲིལ་བུ། །འདི་དེ་སངས་རྒྱས་ཐམས་ཅད་ཀྱི། །ཤེས་རབ་དབྱངས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་མི་རྟག་
[70a.7]ཏུ་བཅང་། །བྱང་ཆུབ་མཆོག་ཏུ་རྒྱལ་བ་བཞེད། །ཅེས་པ་འདིས་ལག་པ་གཡོན་དུ་སྦྱིན་ནོ། །སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་མཆོག །སྲིད་པ་མཆོག་ནི་མཛད་པ་ཡིན། །ཞེས་བརྗོད་ཅིང་སློབ་མས་ཀྱང་
[70b]
[70b.1]མངོན་པར་བརྗོད་པར་བྱའོ། །དེའི་རྗེས་སུ། ཡིད་ཀྱིས་ལུས་བརྟན་དེ་ཉིད་ལས། །ཕྱག་རྒྱའི་དམ་ཚིག་རབ་ཏུ་བརྗོད། །གང་གི་ལུས་ནི་ཐམས་ཅད་བརྟན། །དེས་ན་ཕྱག་རྒྱ་རབ་ཏུ་བསྒྲགས། །ཞེས་པ་འདིས་རང་གི་འདོད་པའི་ལྷའི་ལུས་ནང་གི་ཕྱག་རྒྱ་ཆེན་པོར་བྱིན་གྱིས་
[70b.2]བརླབས་ནས་འཁྱུད་པར་བྱའོ། །དེ་ནས་འཁོར་ལོ་གསུམ་བདག་པོ། །སྟོན་པ་ཡེ་ཤེས་སེམས་དཔའ་ཡི། །ཐུགས་ཀའི་ས་བོན་འོད་ཟེར་གྱིས། །བསྐུལ་བའི་རིམ་པས་བཀུག་གྱུར་པའི། །དཔའ་བོ་ལྷ་མོ་རྣམས་ཀྱིས་ནི། །བཀུར་སྟི་རྒྱ་ཆེན་རྣམས་ཀྱིས་མཆོད། །
[70b.3]དེ་བཞིན་ཡེ་ཤེས་ཆུས་གང་བའི། །བུམ་ཐོགས་དེ་བཞིན་གཤེགས་རྣམས་ཀྱིས། །རྡོ་རྗེ་འཆང་དབང་དབང་བསྐུར་བར། །དཔའ་བོས་རྣམ་པར་བསམ་པར་བྱ། །དབང་བསྐུར་བ་ནི་རྡོ་རྗེ་ཆེ། །ཁམས་གསུམ་པ་ཡིས་ཕྱག་བྱས་པ། །སངས་རྒྱས་ཀུན་གྱི་
[70b.4]གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཞེས་སྔགས་བརྗོད་དེ་དབང་བསྐུར་བར་བྱའོ། །ཇི་ལྟར་གསུངས་པ། བཅུ་དྲུག་ལོ་ཅན་ཤེས་རབ་ལ། །ལག་པ་དག་གིས་ཡང་དག་འཁྱུད། །རྡོ་རྗེ་དྲིལ་བུ་མཉམ་སྦྱོར་ལས། །སློབ་དཔོན་གྱི་ནི་དབང་དུ་འདོད། །
[70b.5]ཅེས་ཕྱག་རྒྱའི་དམ་ཚིག་གོ། །དེ་ནས་མི་བསྐྱོད་པ་ཅོད་པན་དུ་གྱུར་ཏེ་དཔའ་བོ་ལྷ་མོ་དག་གིས་བྱིན་གྱིས་རློབ་པར་བྱེད་དོ། །ཨོཾ་སུ་པྲ་ཏིཥྚྷ་བཛྲེ་སྭཱ་ཧཱ། ཞེས་པའི་སྔགས་བརྗོད་དོ། །དེ་ནས་མེ་ཏོག་ལ་སོགས་པའི་མཆོད་པ་རྣམ་པ་སྣ་ཚོགས་པ་རྣམས་ཀྱིས་འདི་ཀུན་
[70b.6]ནས་མཆོད་པར་བྱ་སྟེ་རྣལ་འབྱོར་མ་ཆེན་མོ་རྣམས་ཀྱིས་ཇི་ལྟར་འདོད་པར་རོ། །དེ་ནས་རྡོ་རྗེ་ཅན་གྱིས་བཀའ་བསྒོ་བར་བྱ་སྟེ། དེ་ཉིད་རིག་པའི་རྣལ་འབྱོར་པས། །མི་བྱ་བ་ནི་ཅུང་ཟད་མེད། །དེ་ཉིད་ཤེས་པས་གནས་དེས་ནི། །དཔའ་བོས་འདོད་པ་ལྔ་སྤྱོད་ཅིག །བདག་
[70b.7]ཉིད་དཔའ་བོ་ཀུན་རང་བཞིན། །ལྷ་མོ་ཀུན་བདག་རང་ཉིད་དོ། །དེ་ཕྱིར་བདག་གིས་ཐམས་ཅད་བྱ། །བདག་ཉིད་ཧེ་རུ་ཀ་དཔལ་མཆོད། །བརྟེན་ནས་སྐྱེས་པའི་ཆོས་ཅན་གྱི། །སེམས་ཅན་གཟུགས་བརྙན་རང་བཞིན་ནོ། །ཁམས་གསུམ་དེ་ལྟར་ཤེས་ནས་ནི། །
[71a]
[71a.1]སེམས་ཅན་དོན་ནི་དྲི་མེད་བྱོས། །ཞེས་པ་བཀའིའོ། །དེ་ནས་བྱ་བ་བྱས་སློབ་མས། །བླ་མ་ལ་ནི་ཡོན་ཕུལ་ཏེ། །སྐྱེ་བོ་དམ་པ་འདུས་པ་ལ། །བདག་ཉིད་ཀུན་གྱིས་བསྟོད་ཕྱག་བྱ། །ཕྱིར་མི་ལྡོག་པའོ། །སློབ་དཔོན་གྱི་དབང་ནི་ཕྱིར་མི་ལྡོག་པའི་དབང་ཞེས་
[71a.2]བརྗོད་ལ། དབང་ལྔ་དང་སློབ་དཔོན་གྱི་དབང་ཡང་བུམ་པའི་དབང་དུ་བརྗོད་དེ། ཐམས་ཅད་དུ་བུམ་པ་རྣམས་ཀྱི་བྱ་བ་ཡིན་པའི་ཕྱིར་རོ། །དབང་བསྐུར་བ་དྲུག་པོ་འདི་རྣམས་རྒྱུད་ཐམས་ཅད་དུ་མི་འགལ་ལོ། །དེ་ལྟར་སློབ་དཔོན་དུ་དབང་བསྐུར་བས་སྐུ་རྡོ་རྗེ་རྣམ་པར་སྦྱངས་ནས། དེའི་
[71a.3]རྗེས་སུ་ཡོལ་བ་ལ་སོགས་པ་རྣམས་ཀྱིས་དབེན་པར་བྱས་པའི་ཕྱོགས་སུ་སློབ་མ་རང་གི་སེམས་དགའ་བ། གཟུགས་དང་ལང་ཚོས་བརྒྱན་པ་དམ་ཚིག་དང་སྡོམ་པའི་སྐལ་བ་ཅན། རིགས་ལྔ་སོ་སོར་བཅིངས་པའི་མེ་ཏོག་དང་ལྡན་པའི་ཤེས་རབ་མ་བླ་མ་ལ་གསང་དབང་བསྐུར་བའི་དོན་དུ་ཕུལ་
[71a.4]ཏེ། དེ་ལ་བདག་ཉིད་འབྲེལ་བ་སྤང་པའི་དུས་སུ། བླ་མ་ལ་བཏུད་ནས་པུས་མོ་བཙུགས་ཐལ་མོ་སྦྱར་ཏེ། འཁོར་ལོའི་མདུན་དུ་བྱ་བ་བྱས། །འཁོར་ལོའི་སྤྱན་ནི་བླ་མ་ཆེ། །དཔའ་བོས་དེ་ཉིད་ལ་བཏུད་ནས། །དེ་ནས་གསང་དོན་དོན་གཉེར་བྱ། །སྐྱོབ་པ་སྐྱབས་མེད་
[71a.5]རྣམས་ཀྱི་སྐྱབས། །འཁོར་ལོ་སྡོམ་པ་བདག་སྐྱོབ་མཛོད། །རྒྱུ་མེད་པར་ནི་ཐུགས་རྗེ་ཆེ། །མགོན་མེད་བདག་གི་མགོན་མཛོད་ཅིག །བདག་ཉིད་ཆེན་པོ་ཁྱོད་ཇི་ལྟར། །ཁྱབ་བདག་བདག་ཀྱང་དེ་ལྟར་མཛོད། །འཁོར་བའི་འདམ་གྱི་ཚོགས་སུ་ནི། །བྱིང་བ་བདག་ལ་སྐྱབས་
[71a.6]མཛོད་ཅིག །ཅེས་པའི་ཚིགས་སུ་བཅད་པ་གཉིས་པོ་འདིས་གསོལ་བ་གདབ་པར་བྱའོ། །དེའི་རྗེས་སུ་རིམ་གྱིས་བསྒོམ་མམ་སྐད་ཅིག་གིས་བདག་ཉིད་དཔལ་ཧེ་རུ་ཀར་བསྒོམས་ཏེ། སློབ་མས་ཕུལ་བའི་ཤེས་རབ་མ་རྡོ་རྗེ་ཕག་མོའི་རྣལ་འབྱོར་གྱི་སྤྲུལ་པ་ལ་གོ་ཆ་ཆེན་པོ་ལ་
[71a.7]སོགས་པ་རྣམས་ཀྱིས་གོ་བགོས་ནས། དེ་བཞིན་དུ་སྐུ་གསུང་ཐུགས་བྱིན་གྱིས་བརླབ་ཅིང་ཀྱེ་རྡོ་རྗེ་ལས་བཞད་པ། རྡོ་རྗེ་པདྨ་བྱིན་གྱིས་བརླབ་སྟེ་ཧཱུཾ་ཡིག་ལས་རྡོ་རྗེ། བྱཱ་ཡིག་ལས་ནོར་བུ་རྩེ་མོར་བྱཱ་ཡིག་སེར་པོས་དང་། ཨ་ཡིག་ལས་པདྨ་འདབ་མ་གསུམ་པ་དྱཱ་ཡིག་ལས་
[71b]
[71b.1]ཟེའུ་འབྲུ་དཀར་པོ་རྩེ་མོར་བྱཱ་ཡིག་སེར་པོས་བྱིན་གྱིས་བརླབ་ཅིང་། ཇི་ལྟར་གནས་པའི་བཅོམ་ལྡན་འདས་མའི་སྔགས་ཀྱིས་ཙུམ་པ་ནའམ། དཀྱིལ་འཁོར་གྱི་དབུས་སམ་དཀྱིལ་འཁོར་དང་ཉེ་བར་ཤིང་དང་གོས་ཀྱི་ཁྲི་ལ་སོགས་པའི་བདེ་བའི་མལ་དུ་གཞག་སྟེ། མཚན་ཕྱེད་
[71b.2]ཀྱི་དུས་སུ་གསང་བའི་དབང་བསྐུར་བརྩམ་པར་བྱ་སྟེ། དེ་བཞིན་དུ་རྡོ་རྗེ་པདྨ་འབྱེད་པ་ལ་སོགས་པའི་བྱ་བས་འཛག་པའི་གནས་སྐབས་སུ་གདོང་གཡོགས་བཅིངས་པའི་སློབ་མའི་མགོ་བོ་དང་། དཔྲལ་བ་དང་མིག་གཉིས་དང་ཁ་དང་མགྲིན་པ་དང་སྙིང་ག་སྟེ་གནས་བདུན་དུ་སྙིང་
[71b.3]པོ་དང་ཉེ་བའི་སྙིང་པོ་དང་། ཕྲེང་སྔགས་བརྗོད་ཅིང་རྡོ་རྗེ་དང་པདྨས་དབང་བསྐུར་བ་སྦྱིན་པར་བྱའོ། །དེ་གཉིས་ཀའི་དུས་ཚད་རྫོགས་པ་དང་གསང་བ་དེ་གཉིས་ལས་མཐེ་བོང་དང་མིང་མེད་དག་གིས་བཙིར་ཏེ་ཞེས་པ་དེས་ན་རྡོ་རྗེ་པདྨ་ཡིས་སོ། །སློབ་མ་འོད་དཔག་ཏུ་མེད་པའི་
[71b.4]བདག་ཉིད། ཨ་ཧོ་ཤིན་ཏུ་བདེ་ཆེན་ཉིད། །བསྟན་པ་སྟོན་པ་ཡང་དག་བརྗོད། །ཀུན་རྟོགས་བཅོམ་པའི་སློབ་མ་ཡིས། །པདྨ་གནས་དེ་ཀུན་དུ་སྤྱད། །འདས་པའི་རྡོ་རྗེ་འཆང་སོགས་ཀྱིས། །ཇི་ལྟར་སངས་རྒྱས་སྲས་དབང་བསྐུར། །དེ་བཞིན་དུ་ནི་བྱང་ཆུབ་སེམས། །མཛེས་
[71b.5]པས་བུ་ཁྱོད་དབང་བསྐུར་རོ། །གསང་བའི་དབང་བསྐུར་བའི་དུས་སུ་སློབ་མ་དང་ཤེས་རབ་མ་རྣམས་ཀྱང་མིག་དར་བཅིངས་ཏེ་མིག་གཉིས་ལ་ཨོཾ་ཡིག་གཉིས་བསམ་མོ། །ཨོཾ་རྡོ་རྗེ་སེམས་དཔའ་རང་ཉིད་དང་། །ཁྱོད་ཀྱི་མིག་ནི་འབྱེད་པར་བརྩོན། །ཞེས་པ་ལ་སོགས་པ་
[71b.6]བརྗོད་པས་ཕྱེ་སྟེ་དཀྱིལ་འཁོར་བསྟན་ནས་དཀྱིལ་འཁོར་གྱི་འཁོར་ལོའི་རྣམ་པ་ནཱ་ད་ལས་སྐྱེས་སོ་ཞེས་དེ་ཁོ་ན་ཉིད་བསྒྲག་པར་བྱའོ། །གསང་བའི་དབང་བསྐུར་བས་གསུང་རྡོ་རྗེ་རྣམ་པར་སྦྱར་བར་བྱའོ་ཞེས་པ་གསང་བའི་དབང་བསྐུར་བའི་ཆོ་གའོ། །དེའི་རྗེས་སུ་ཡན་ལག་ལྔས་
[71b.7]སློབ་དཔོན་ལ་ཕྱག་བྱས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་ཀ་པོ་ཏའི་ཐལ་མོས་མདུན་དུ་འདུག་སྟེ། སྔར་བརྗོད་པའི་ཚིགས་སུ་བཅད་པ་གཉིས་ཀྱིས་གསོལ་བ་གདབ་སྟེ། དེའི་ལག་པར་ཤེས་རབ་མའི་ལག་པ་བཞག་ནས། དཔའ་མོ་དང་དཔའ་བོའི་ཚོགས་
[72a]
[72a.1]ཐམས་ཅད་དབང་དུ་བྱས་ཏེ། རྡོ་རྗེ་སྤྱི་བོར་བཞག་ནས་བླ་མ་རྡོ་རྗེ་ཅན་གྱིས་བརྗོད་པར་བྱ་སྟེ། ལྷ་མོ་འདི་ནི་ཕྱག་རྒྱ་ཆེ། །མཐའ་ཡས་བདེ་བ་སྦྱིན་པ་མོ། །བུ་ཡིས་རྣམ་པ་ཀུན་དུ་ཟུང་། །མཆོད་པ་བླ་ན་མེད་པ་གྱིས། །ཞེས་བརྗོད་ནས་སྦྱིན་པར་བྱའོ། །དེ་ཡང་
[72a.2]གུར་གུམ་དང་ཙནྡན་གྱིས་བྱུགས་པ། དྲི་བཟང་པོའི་མེ་ཏོག་གི་ཕྲེང་བས་ཉེ་བར་མཛེས་པ་གོས་མེད་པར་རང་གི་ཆུ་སྐྱེས་གསལ་བར་སྟོན་པར་བྱེད་དོ། །དེ་དེ་མ་ཐག་ཏུ་ལྷ་མོ་དེ་དཔའ་བོའི་བུ་ལ་བླ་ན་མེད་པའི་བཀའ་བསྒོ་བར་བྱེད་དོ། །དཔའ་བོ་བྱང་ཆུབ་སེམས་ཟ་བར། །ཁྱོད་ནི་
[72a.3]སྤྲོ་བ་ཡིན་ནམ་ཅི། །རིགས་ལྔ་ལས་ནི་རབ་བྱུང་བ། །རིག་མ་མཆོད་པ་ལ་གུས་སམ། །དྲི་ཆེན་དྲི་ཆུ་སྟོབས་ཁྲག་སོགས། །ད་ལྟ་ཟ་བར་ཡིད་ཆེས་སམ། །གཞན་ཡང་ལྷ་ཡི་དམ་ཚིག་ནི། །ཇི་ལྟར་འདོད་པ་སྨྲོས་ཤིག་བུ། །ཞེས་སོ། །སློབ་མས་འདི་སྐད་བརྗོད་
[72a.4]དེ། །དམ་ཚིག་ལ་སོགས་འཛིན་པར་ནི། །ལྷ་མོ་བདག་ནི་ཅིས་མི་སྤྲོ། །བུད་མེད་རྣམས་ལ་རྟག་གུས་དང་། །པདྨ་མཆོད་པར་ཅིས་མི་བགྱིད། །དེ་ནས་ལྷ་མོ་དེ་དགའ་སྟེ། །སྒྲ་གྲོལ་གོས་དང་བྲལ་བྱས་ནས། །རྣམ་པར་རྒྱས་པའི་པདྨ་ནི། །བསྟན་ཏེ་བྷཉྫ་པདྨ་
[72a.5]ཧོ། །ཨེ་མ་བདག་གི་པདྨ་འདི། །བདེ་བ་ཐམས་ཅད་ཡང་དག་ལྡན། །གང་ཞིག་ཆོ་གས་སྟེན་བྱེད་པ། །དེ་ཡི་མདུན་ན་བདག་གནས་སོ། །སངས་རྒྱས་མཉེས་པ་ལ་སོགས་པ། །པདྨར་བྱ་བ་ཇི་བཞིན་གྱིས། །བདེ་ཆེན་རྒྱལ་པོ་རང་ཉིད་ནི། །འདི་ཉིད་དུ་ནི་རྟག་ཏུ་
[72a.6]བཞུགས། །བྷཉྫ་མོ་ཀྵ་ཧོཿ་ཞེས་སོ། །དེ་མ་ཐག་ཏུ་སློབ་མས་ཤེས་རབ་ཡེ་ཤེས་ཀྱི་དབང་བསྐུར་བའི་དོན་དུ། དཀྱིལ་འཁོར་དང་བླ་མ་ལ་བཏུད་ནས། དཀྱིལ་འཁོར་ལ་གཡོན་སྐོར་གྱིས་བསྐོར་བ་གསུམ་བྱས་ཏེ། སླར་ཡང་དེ་བཞིན་དུ་བརྩམ་པར་བྱ་བ་ཉིད་ཀྱི་ཕྱིར་ཡང་རྩོམ་པ་ལ་
[72a.7]འཇུག་གོ། །བདག་ཉིད་དཔལ་འཁོར་ལོ་སྡོམ་པའི་གཟུགས་ཀྱིས་དང་། དེ་ཡང་རྡོ་རྗེ་ཕག་མོའི་གཟུགས་ཀྱིས་རྫོགས་པར་བྱ་སྟེ། གོ་ཆ་ཆེན་པོ་ལ་སོགས་པ་རྣམས་ཀྱིས་གོ་བགོས་ནས། རྡོ་རྗེ་དང་པདྨ་དག་ཇི་ལྟར་བརྗོད་པའི་ས་བོན་ལས་ཡོངས་སུ་གྱུར་པར་བྱིན་གྱིས་བརླབ་པ་ཡང་
[72b]
[72b.1]བྱས་ནས་གཡོན་ངོས་སུ་འཇུག་པའི་རྩ་བླ་མས་བསྟན་པ་ལ་བརྟེན་ནས་སོར་མོ་ལ་བརྟེན་ནས་བསྐུལ་ཏེ། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་བརྗོད་པས། པདྨ་ལ་རྡོ་རྗེ་བཞག་སྟེ་ཤིན་ཏུ་དགའ་བའི་བསྟན་བཅོས་བྱེད་པའི་བྱ་བས་བླ་མའི་མདུན་དུ་ཐོབ་
[72b.2]པའི་གསང་བས་དབང་ཉིད་ལ་ཡང་། ཤེས་རབ་མ་ལ་ཇི་ལྟར་གནས་པ་བཟུང་བའི་བརྡས་སློབ་མས་ཤེས་རབ་ཡེ་ཤེས་ཉམས་སུ་མྱོང་བ་ཡིན་ལ། བླ་མས་ཀྱང་བརྡ་ལས་སློབ་མའི་བདེ་བ་ཉམས་སུ་མྱོང་བ་ངེས་པར་རྟོགས་སོ། །དབང་བསྐུར་བ་ནི་རྡོ་རྗེ་ཆེ། །ཁམས་གསུམ་པ་
[72b.3]ཡིས་ཕྱག་བྱས་པས། །སངས་རྒྱས་ཀུན་གྱི་གསང་གསུང་པའི། །གནས་ལས་བྱུང་བ་སྦྱིན་པར་བྱ། །ཞེས་བརྗོད་ཅིང་དབང་བསྐུར་བར་བྱའོ། །དེ་ནས་བཅོམ་ལྡན་འདས་མ་དེ་མཉེས་ནས། །བསྟེན་ཟ་གསང་སྔགས་བརྗོད་པར་མོས། །མགོ་བོར་ལག་པ་གཡོན་
[72b.4]བྱིན་ནས། །རྗེས་སུ་གནང་བ་བསྟན་པར་བྱ། །དེང་ནས་བཟུང་སྟེ་བུ་ཁྱོད་ཀྱིས། །ཇི་སྲིད་བྱང་ཆུབ་སྙིང་པོའི་བར། །རྨི་ལམ་བཞིན་དུ་འགྲོ་ཀུན་གྱི། །དོན་ནི་བདག་ཉིད་ཀུན་གྱིས་བྱོས། །ཞེས་ཤེས་རབ་ཡེ་ཤེས་ཀྱི་དབང་བསྐུར་བས་ཐུགས་རྡོ་རྗེ་རྣམ་པར་སྦྱང་བར་
[72b.5]བྱའོ། །ཞེས་ཤེས་རབ་ཡེ་ཤེས་ཀྱི་དབང་བསྐུར་བའི་ཆོ་གའོ། །རིམ་པ་གསུམ་པོ་འདི་ཡི་མཆོག །མན་ངག་གིས་ནི་འདིར་ཤེས་བྱ། །འདི་ནི་རང་ཉིད་གསལ་བ་སྟེ། །ཕྱི་རོལ་ཡུལ་ནི་སྤང་བའོ། །རིག་འདི་བོར་ནས་དེ་ནས་ནི། །ཐབས་གཞན་གྱིས་ནི་སངས་
[72b.6]རྒྱས་མེད། །བརྟུལ་ཞུགས་རྣམས་ཀྱི་མཆོག་གི་མཆོག །རིག་མའི་བརྟུལ་ཞུགས་སྤྱོད་གཅིག་བུ། །ཞེས་པ་རིག་མའི་བརྟུལ་ཞུགས་སོ། །ཆུ་སོགས་ཕྱིར་མི་ལྡོག་པའི་མཐའ། །སློབ་དཔོན་དབང་དུ་བཤད་པ་སྟེ། །ཕྱི་རོལ་བསྟན་པ་གང་འདི་དག། །ཐམས་
[72b.7]ཅད་ནང་དུ་གནས་པའོ། །ཀུན་དུ་སྤྱོད་པའི་རིམ་དབྱེ་ལས། །དཔའ་བོ་མན་ངག་ལས་ཤེས་བྱ། །གང་ཚེ་དབང་བཞི་བསྟན་རྣམས་ཀྱིས། །བརྟུལ་ཞུགས་ཅན་ནི་དབང་བསྐུར་འགྱུར། །དེ་ཚེ་དེ་ཉིད་ཅེས་བྱ་འདི། །བསམ་མེད་ཆོས་ནི་ཐོབ་ཕྱིར་རོ། །ཕྱི་དང་ནང་དུ་ཡང་དག་
[73a]
[73a.1]བཤད། །ཕྱི་དང་ནང་གི་རང་ངོ་བོ། །ཆོས་རྣམས་ཀུན་གྱི་ངོ་བོ་སྟེ། །བསམ་གྱིས་མི་ཁྱབ་ཅེས་བཤད་དོ། །སྣང་བ་མེད་ཅིང་སྐྱེ་བ་མེད། །ངག་གི་ལམ་མིན་གནས་མེད་པ། །དེ་ཉིད་ལྔ་པ་རྫོགས་པའི་རིམ། །ལྷན་ཅིག་སྐྱེས་པ་མི་ཟད་པའོ། །བསམ་གྱིས་
[73a.2]མི་ཁྱབ་མཐའ་ཡས་སོགས། །དེ་ནི་བརྟན་གཡོ་འགྲོ་བདག་ཉིད། །བདག་མེད་ཉིད་ཀྱིས་བདག་ཏུ་གནས། །དཔའ་བོ་བདེ་བ་ཆེན་པོ་རྟོགས། །ཞེས་པ་དེ་ཁོ་ན་ཉིད་ཀྱི་མན་ངག་གོ། །དེ་ལྟར་དབང་བསྐུར་བ་མཐའ་དག་ཡང་དག་པར་ཐོབ་པའི་སློབ་མ་བྱ་བ་བྱས་པ་ཡང་དག་པར་
[73a.3]ཤེས་པ་སེམས་མངོན་པར་དང་བས་བླ་མ་ལ་ཡོན་དབུལ་བར་བྱ་སྟེ། དེ་ནས་དེ་བཞིན་གཤེགས་གསུངས་པའི། །ཡོན་ནི་བླ་མ་ལ་དབུལ་བྱ། །སྟོང་ཕྲག་བརྒྱ་ཡི་གསེར་དང་ནི། །རིན་ཆེན་རྣམ་པ་སྣ་ཚོགས་དང་། །གོས་ཟུང་བརྒྱ་ཕྲག་ཉིད་དང་ནི། །གླང་པོ་རྟ་དང་ཡུལ་
[73a.4]འཁོར་དང་། །རྣ་རྒྱན་དང་ནི་གདུ་བུ་དང་། །མགུལ་རྒྱན་དང་ནི་སོར་གདུབ་མཆོག །གསེར་ལས་བྱས་པའི་མཆོད་ཕྱིར་ཐོགས། །རང་གི་ཆུང་མའམ་བུ་མོ་དང་། །བྲན་དང་བྲན་མོ་སྲིང་མོ་དང་། །བཅས་པའང་བསྒྲུབས་ནས་དབུལ་བར་བྱ། །བདག་ཀྱང་དངོས་པོ་ཐམས་
[73a.5]ཅད་ཀྱིས། །རྟག་ཏུ་བླ་མ་ལ་དབུལ་བྱ། །དེང་ནས་བརྩམས་ཏེ་བདག་བྲན་དུ། །ཁྱོད་ལ་བདག་གིས་ཕུལ་བ་ལགས། །དེ་ལྟར་ཆོ་ག་དེ་བྱས་ནས། །སྒྲུབ་པོས་ཤིན་ཏུ་ངེས་པ་ཉིད། །ཡོན་ཕུལ་བའི་ཕན་ཡོན་གསུངས་པ། །དེ་ནས་དེ་ནི་མཉེས་བྱེད་པ། །གང་ཡང་མཁའ་
[73a.6]འགྲོ་ལཱ་མ་ཉིད། །དུམ་སྐྱེས་མ་ཡང་ཁྱད་པར་དུ། །མཁའ་འགྲོ་མ་རྣམས་རྣལ་འབྱོར་ཡུམ། །སྒྲུབ་པོར་བཅས་པའི་མཁའ་འགྲོ་མ། །ཀུན་གྱིས་འགྲོ་འདི་རྣམ་པར་སྤྱོད། །ཀུན་དུ་སྒྲུབ་པ་པོ་དེ་ཡི། །བྲན་དུ་འགྱུར་བར་ཐེ་ཚོམ་མེད། །འཇིག་རྟེན་གསུམ་གྱིས་མི་
[73a.7]བཟློགས་པའི། །འདི་ཡི་རྣལ་འབྱོར་འགྲུབ་པར་འགྱུར། །མི་སྣང་བ་དང་ཁུང་བུར་གནས། །མཁའ་སྤྱོད་རྐང་བྱུག་བཅུད་ལེན་ཉིད། །སྒྲུབ་པ་པོ་ཡི་འདོད་པ་ནི། །རྟག་ཏུ་བརྟན་པར་འགྱུར་བ་སྟེ། །གཟུགས་རྣམས་དུ་མར་བྱེད་པ་དང་། །ནམ་མཁའ་ལ་ནི་འགྲོ་བར་བྱེད། །
[73b]
[73b.1]མཁའ་འགྲོ་མ་ཡང་ཁྱད་པར་དུ། །ཀུན་དུ་སྐྱེ་བོ་དེས་འདུལ་བྱེད། །ལན་ཅིག་མཐོང་བའི་སྦྱོར་བ་ཡིས། །སྐད་ཅིག་རྣལ་འབྱོར་ཉིད་དུ་འགྱུར། །མངོན་པར་དབང་བསྐུར་བ་མེད་པའི་མངོན་པའི་ང་རྒྱལ་གྱིས་རྣལ་འབྱོར་ལ་དགོས་པ་མེད་པར་བལྟ་བར་གསུངས་པ། སྔགས་
[73b.2]པ་དཀྱིལ་འཁོར་མ་མཐོང་བར། །གང་ཞིག་རྣལ་འབྱོར་ཉིད་འདོད་བྱེད། །མཁའ་ལ་ཁུ་ཚུར་བསྣུན་པ་དང་། །སྨིག་རྒྱུ་ལ་ནི་འཐུང་བར་བྱེད། །སྦྱིན་སྲེག་བྱས་ཤིང་གཏོར་མ་སྦྱིན་བྱས་ནས། །དམ་པའི་སྐྱེ་བོ་འདུས་པར་འགྱུར་བ་ལ། །དགེ་འདུན་སྟོན་མོ་བྱས་ནས་དེ་ནས་ནི། །
[73b.3]དམན་དང་མགོན་མེད་རྣམས་ཀྱང་ཚིམ་པར་བྱ། །ཞེས་སོ། །མ་ལུས་འགྲོ་ལ་ཕན་ཆེད་དུ། །འདི་བྲིས་པ་ཡི་བསོད་ནམས་ཀྱིས། །གང་ཚེ་བདུད་ཀྱི་ཚོགས་བཅོམ་ནས། །ཐམས་ཅད་ཧེ་རུ་ཀ་དཔལ་གྱུར། །དཔལ་འཁོར་ལོ་སྡོམ་པའི་དབང་གི་བྱ་བའི་རིམ་པ། པཎྜི་ཏ་ཆེན་པོ་
[73b.4]སློབ་དཔོན་རྟག་པའི་རྡོ་རྗེའི་ཞབས་ཀྱིས་མཛད་པ་རྫོགས་སོ། །འདི་ནི་ལོ་ཙཱ་བ་ཆེན་པོ་ཐམས་ཅད་མཁྱེན་པ་བུ་སྟོན་ཞབས་ཀྱི་བཀའ་དྲིན་ལས་བརྡ་སྤྲོད་པའི་ཚུལ་ལ་བློའི་སྣང་བ་ཅུང་ཟད་སྐྱེས་པ་ཤཱཀྱའི་དགེ་སློང་དྷརྨྨ་ཤྲཱི་བྷ་དྲས་འདྲེན་པ་དམ་པ་དེ་ཉིད་ཀྱི་བཀའ་སྤྱི་བོས་བླངས་
[73b.5]ཏེ། དཔལ་མར་མེ་མཛད་ཡེ་ཤེས་ཀྱིས་བྱིན་གྱིས་བརླབས་པའི་གནས་ཞ་ལུ་རི་ཕུག་ཏུ་བསྒྱུར་བའོ། །{T1471}༄༅༅། །རྒྱ་གར་སྐད་དུ། །ཤྲཱི་ས་ཧ་ཛ་སཾ་བ་ར་སྭ་ཏིཥྛ་ནཱ་མ། བོད་སྐད་དུ། །དཔལ་ལྷན་ཅིག་སྐྱེས་པའི་བདེ་བའི་མཆོག །བདག་བྱིན་གྱིས་བརླབ་པ་
[73b.6]ཞེས་བྱ་བ། ཧེ་རུ་ཀ་ཕྱག་འཚལ་ལོ། །རྣལ་འབྱོར་རྣམ་གསུམ་ཤེས་བྱ་སྟེ། །བྱིན་གྱིས་བརླབས་དང་རབ་བརྟག་དང་། །རྫོགས་པ་གཟུགས་བརྙན་བསམ་མེད་དོ། །ཤིན་ཏུ་བརྩོན་ལྡན་དཔའ་བོ་དེས། །སྐད་ཅིག་གཅིག་གིས་སྦྱོར་བ་ཡིས། །བདེ་ཆེན་ལྷན་ཅིག་
[73b.7]སྐྱེས་པའི་སྐུ། །མཁའ་ལྟར་དག་པའི་ངང་ཉིད་ལས། །ཤིན་ཏུ་བླ་མའི་རྣལ་འབྱོར་བྱ། །ལ་ལ་ར་ས་དྷཱུ་ཏཱི་ཡང་། །ཐབས་དང་ཤེས་རབ་གཉིས་མེད་སྐུ་། །ཨ་ཧཾ་བདེ་བའི་རྣམ་པ་ཅན། །ཚངས་པའི་འཁོར་ལོ་རྫོགས་པར་བསྒོམ། །སྲོག་ནི་འཛིན་པར་བྱེད་པ་སྟེ། །རྟོག་པ་ཐམས་
[74a]
[74a.1]ཅད་ལེགས་པར་བསྡུ། །ཉི་མ་ཟླ་བའི་འཕེན་སྡུད་ཀྱང་། །སྦྱོར་བ་བཞི་དང་ཡང་དག་ལྡན། །རྔུབ་པ་དགང་གཞིལ་བཏང་བ་ཡིན། །བག་ཆགས་བསྲེག་པའི་མེ་དཔུང་གིས། །ཚངས་པའི་འཇིག་རྟེན་གཡོ་བར་བྱེད། །འབར་འཛག་མཁས་པའི་བྱིན་རླབས་དང་། །
[74a.2]དངས་མ་ལྔ་ཡི་འོད་ཟེར་གྱིས། །འབྱུང་ཆེན་ལྔ་པོ་སྟོབས་སུ་འགྱུར། །རྟགས་བཅུ་ཡོན་ཏན་བརྒྱད་དང་ལྡན། །སྣ་ཚོགས་སྣང་ལ་རང་བཞིན་མེད། །བརྗོད་དུ་མེད་ཅིང་བསམ་མི་ཁྱབ། །རྟོག་ཏུ་མེད་པ་ནམ་མཁའི་དབུས། །མ་ནིང་ཞེས་བྱར་བརྗོད་པ་སྟེ། །ཁ་ཅིག་ཟུང་འཇུག་
[74a.3]ཅེས་བྱར་བརྗོད། །སྒྲིབ་པ་དང་བྲལ་ཆོས་སྐུ་འདིར། །མེ་ཆུ་ལ་སོགས་འབྱུང་རྣམས་དང་། །རྟེན་དང་བརྟེན་པའི་མཚན་ཉིད་ཀྱིས། །དཀྱིལ་འཁོར་ཐམས་ཅད་འདི་ཉིད་དོ། །དཔལ་ལྷན་ཅིག་སྐྱེས་པའི་སྒྲུབ་ཐབས་བདག་བྱིན་གྱིས་བརླབ་པ་ཞེས་བྱ་བ། སློབ་དཔོན་ཆེན་པོ་ཏི་ལཱི་པས་
[74a.4]མཛད་པ་རྗེ་མི་ཉག་པ་ཆེན་པོས་བསྒྱུར་བ་རྫོགས་སོ། །{T1472}༄༅༅། །རྒྱ་གར་སྐད་དུ། ཨེ་ཀ་བཱི་ར་ཧེ་རུ་ཀ་སཱ་དྷ་ནཱ་མ། བོད་སྐད་དུ། དཔའ་བོ་གཅིག་པ་ཧེ་རུ་ཀའི་སྒྲུབ་ཐབས་ཞེས་བྱ་བ། དཔལ་ཧེ་རུ་ཀ་ལ་ཕྱག་འཚལ་ལོ། །དང་པོ་མལ་ནས་ལངས་ཏེ། ཁ་ལ་
[74a.5]སོགས་པ་དག་པར་བྱས་ནས། སྟན་འཇམ་པོ་ལ་ཉེ་བར་འདུག་སྟེ། སྙིང་གར་པཾ་ལས་པདྨ་དཀར་པོ་འདབ་མ་བརྒྱད་པ་བསྒོམ་པར་བྱའོ། །དེའི་སྟེང་དུ་རཾ་ལས་ཉི་མའི་དཀྱིལ་འཁོར་བསམས་ལ། དེའི་སྟེང་དུ་ཧཱུཾ་ཁ་དོག་མཐིང་ག་བསམས་ལ། དེའི་འོད་ཟེར་གྱིས་མདུན་གྱི་ནམ་
[74a.6]མཁའ་ལ། བླ་མ་དང་སངས་རྒྱས་དང་བྱང་ཆུབ་སེམས་དཔའ་དང་། ལྷ་མོ་རྣམས་དམིགས་ཏེ་ཡིད་ཀྱིས་མཆོད་པར་བསམ་མོ། །འོད་ཟེར་དེ་ཉིད་ཀྱིས་སེམས་ཅན་ཐམས་ཅད་གསལ་བར་བྱས་ལ། ཚད་མེད་པ་བཞི་བསྒོམ་པར་བྱའོ། །དེའི་རྗེས་སུ་ཆོས་ཐམས་ཅད་སྟོང་
[74a.7]པ་ཉིད་དུ་སྔགས་འདིས་བསྒོམ་པར་བྱའོ། །ཨོཾ་སྭ་བྷཱ་བ་ཤུདྡྷཿ་སརྦ་དྷརྨཱཿ་སྭ་བྷཱ་བ་བྷི་ཤུདྡྷོ྅ཧཾ། དེའི་རྗེས་སུ་ཨོཾ་ཤཱུ་ཉ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ་ཞེས་བརྗོད་པས། །སྙིང་གའི་ཉི་མའི་སྟེང་དུ་ཧཱུཾ་ཡེ་ཤེས་ལྔའི་ངོ་བོ་གསལ་བ་ཉིད་དུ་དམིགས་པར་བྱའོ། །འོད་ཟེར་སྤྲོས་ཏེ་
[74b]
[74b.1]བགེགས་བསྲེགས་ལ། སྙིང་གའི་ཧཱུཾ་ཡོངས་སུ་གྱུར་པ་ལས། །རྡོ་རྗེ་རྩེ་ལྔའི་ཆང་གཟུངས་སུ་ཡི་གེ་ཧཱུཾ་བསམས་ཏེ། དེའི་འོད་ཟེར་གྱིས་ཁམས་གསུམ་གྱི་སེམས་ཅན་ཐམས་ཅད་སྦྱངས་ཏེ། འོད་ཟེར་བསྡུས་མ་ཐག་ཏུ་རྡོ་རྗེ་ཡོངས་སུ་གྱུར་པ་ལས་དཔལ་ཧེ་རུ་ཀ་སྐུ་མདོག་
[74b.2]ནག་པོ་ཞལ་གཅིག་ཕྱག་གཉིས་པ། ཕྱག་གཡོན་པ་ན་ཐོད་པ་དང་ཁ་ཊྭཱཾ་ག་བསྣམས་པ། གཡས་པ་རྡོ་རྗེ་འཕྱར་བ། མཆེ་བ་གཙིགས་པ། རལ་པ་དང་ཐོད་པའི་དབུ་རྒྱན་ཅན། སྤྱི་གཙུག་གི་འཁོར་ལོ། རྣ་རྒྱན། མགུལ་རྒྱན། དཔུང་རྒྱན་གདུ་བུ་དང་སྐ་རགས་
[74b.3]ཀྱིས་བརྒྱན་པ། མི་མགོ་ལྔ་བཅུའི་ཆུན་འཕྱང་ཅན། སྐྱིལ་ཀྲུང་ཕྱེད་པའི་གར་སྟབས་ཅན། དཔྲལ་བ་དང་། མགྲིན་པ་དང་། སྙིང་གར་ཨོཾ་ཨཱཿ་ཧཱུཾ་གསུམ་གྱིས་བྱིན་གྱིས་བརླབས་ལ། ཤེས་རབ་རྡོ་རྗེ་རྣལ་འབྱོར་མས་འཁྱུད་པ། ཐུགས་ཀར་སྣ་ཚོགས་རྡོ་རྗེའི་
[74b.4]སྟིང་དུ་ཡི་གེ་ཧཱུཾ་བསྒོམ་པར་བྱའོ། །དེའི་འོད་ཟེར་གྱིས་རང་འདྲ་བའི་ཡེ་ཤེས་སེམས་དཔའ་ནམ་མཁའ་ནས་བཀུག་སྟེ་བདག་ཉིད་ལ་བསྟིམ་པར་བྱའོ། །སླར་འོད་ཟེར་གྱིས་དེ་བཞིན་གཤེགས་པ་ལྷ་ལྔའི་དཀྱིལ་འཁོར་གྱིས་བདག་ལ་དབང་བསྐུར་བ་དང་མཆོད་པ་དང་བསྟོད་པར་
[74b.5]བསམ་མོ། །དེ་ནས་བདུད་རྩི་མྱང་བ་བྱས་ལ། ཆོས་སྐུ་ནི་འདི་ལྟར་དམིགས་པར་བྱ་སྟེ། སྤྱི་བོ་དང་མགྲིན་པ་དང་སྙིང་ག་དང་། ལྟེ་བ་དང་བདེ་བ་ཆེན་པོ་དང་། ལོངས་སྤྱོད་དང་སྤྲུལ་པའི་འཁོར་ལོ་བསམས་ཏེ། ཧཾ་ཨོཾ་ཧཱུཾ་ཨཾ་སྟེ་དེ་དག་གི་ལྟེ་བར་བསྒོམ་པར་བྱའོ། །དེ་ནས་སྲོག་
[74b.6]དང་རྩོལ་བའི་སྦྱོར་བས། ཨ་ལས་ཡེ་ཤེས་ཀྱི་མེ་འབར་བས། སྔར་བཀོད་པའི་ཡི་གེ་བསྲེག་པར་བྱས་ནས་ཧཾ་གི་བདུད་རྩིའི་ཐིག་ལེ་འབབ་པར་བྱས་ལ་ལྟེ་བར་བསྒོམ་པར་བྱའོ། །དེ་ལ་སེམས་གཏད་ཅིང་རྩེ་གཅིག་པར་བྱས་ཏེ། དུ་བ་ལ་སོགས་པའི་རྟགས་རྙེད་ནས་སྤྲིན་མེད་པའི་ནམ་
[74b.7]མཁའ་ལྟ་བུའི་ཆོས་ཉིད་མངོན་དུ་བྱའོ། །དེ་ལྟར་ཅི་ནུས་སུ་བྱས་ལ་མ་གོམས་པའི་དབང་གིས་གསལ་བར་མ་གྱུར་ན། སྔོན་བཤད་པའི་དཔལ་ཧེ་རུ་ཀའི་སྐུ་འཇའ་ཚོན་ལྟ་བུ་ལ་དམིགས་ཏེ་བལྟ་བར་བྱའོ། །དེའི་བཟླས་པ་ནི། ཨོཾ་ཧྲཱིཿ་ཧ་ཧ་ཧཱུཾ་ཧཱུཾ་ཕཊ། ཅེས་པ་འདི་བཟླས་པར་བྱའོ། །མཆོད་
[75a]
[75a.1]པ་རྣམ་པ་ལྔས་མཆོད་ལ་རང་གི་སྙིང་གར་བསྡུ་བར་བྱའོ། །དཔའ་བོ་གཅིག་པའི་སྒྲུབ་ཐབས། སློབ་དཔོན་ཆེན་པོ་ནཱ་རོ་པས་མཛད་པ་རྫོགས་སོ། །{T1473}༄། །བདེ་མཆོག་གི་སྦྱིན་སྲེག་སྤྱིའི་གསལ་བྱེད་བཞུགས། ༄༅༅། །འཕགས་པ་ཀུན་དུ་བཟང་པོ་ལ་ཕྱག་འཚལ་ལོ། །སྡོམ་ནི། ཐབ་
[75a.2]ཁུང་བཅས་ཏེ་རི་མོ་བྲི། །བུད་ཤིང་བརྩིགས་ཏེ་ལྔ་ཡིས་མཆོད། །ཛྭ་ལས་མེ་སྦར་ལྷ་བསྐྱེད་ཅིང་། །ཨེ་ཧི་སོགས་ཀྱིས་ཡེ་ཤེས་གཞུག །སརྦྦས་ཡུངས་ཀར་ཆུ་ཟན་གྱིས། །རྡུལ་བསལ་སུཾ་བྷས་བསད་བར་བྱ། །ཨ་རྒྷཾ་ལ་སོགས་ཕུལ་ནས་ནི། །ཨགྣེས་མར་གྱི་སྲེག་བླུགས་
[75a.3]གསུམ། །དབུལ་ལོ་ཏིལ་དང་མ་ཉམས་འབྲས། །སརྦྦ་དང་ནི་པུཥྚས་དབུལ། །གཙོ་བོ་གསུམ་ལས་ཁྱད་པར་བསྲེ། །སརྦྦ་སཾ་པད་སྔགས་ཀྱིས་ནི། །ཞོ་ཟན་བུ་རམ་ལས་སྦྱར་བསྲེག །དཱུར་བ་མེ་ཏོག་བཅས་པ་ནི། །བཛྲ་ཨཱ་ཡུས་བསྲེག་པར་བྱ། །ཨ་པྲ་ཏི་ཡིས་ཀུ་ཤ་དང་། །ཡམ་
[75a.4]ཤིང་ཏིལ་གྱི་སྣ་ལའོ། །འབྲུ་དང་འབྲས་གཞན་ཇི་སྙེད་པ། །སྐབས་འདིར་སྔར་བཞིན་གསུམ་གསུམ་དབུལ། །ན་མཿ་ཨགྣེར་བཅས་པ་ཡིས། །པཱུརྞ་ཧུར་ཏི་དབུལ་བར་བྱ། །དུང་ཆོས་ཆུ་ཡིས་བསངས་ནས་ནི། །ལྔ་ཡིས་མཆོད་དེ་ཞུ་བར་བསམ། །དེར་ནི་རྟེན་དང་བརྟེན་པར་བཅས། །དཀྱིལ་
[75a.5]འཁོར་མན་ངག་བཞིན་དུ་བསམ། །བསང་བ་ཨརྒྷཾ་ལ་སོགས་པ། །སྔར་བཞིན་རྣམ་པ་ལྔ་ཡིས་མཆོད། །ཡེ་ཤེས་ལྔ་ཡི་གསང་སྔགས་ཀྱིས། །ཡ་མ་ཤིང་སྐུ་ཤ་མ་གཏོགས་པ། །པཱུརྞ་ཧུ་ར་ཏིའི་མཐར་ཐུག་པ། །རྫས་རྣམས་སྔར་བཞིན་བསྲེག་པར་བྱ། །པཱུརྞ་རྐང་པ་བརྒྱད་པས་སོ། །
[75a.6]བསྒྲུབ་པའི་སྦྱིན་སྲེག་འདི་རུ་བསྐྱར། །མིན་ན་དེའི་རྗེས་བསྡུས་ལྷག་བསྲེག །དེ་ནི་ཡི་གེ་གསུམ་པོའམ། །རྐང་པ་བརྒྱད་པའི་སྔགས་ཀྱིས་སོ། །བསང་བ་བྱས་ཏེ་ལྔ་ཡིས་མཆོད། །ཇི་བཞིན་གཏོར་མ་བཏང་ནས་ནི། །ཡི་གེ་བརྒྱ་པས་ལྷག་ཆད་བསྐང་། །དངོས་གྲུབ་བླངས་ཏེ་དགེ་རྩ་
[75a.7]བསྔོ། །པདྨའི་ཕྱག་རྒྱས་བསྡུ་པར་བྱ། །མེ་ལྷ་ཡང་ནི་གཤེགས་སུ་གསོལ། །བསྡུས་ལྷག་བསྲེགས་ཏེ་མེ་ལྷ་ཡི། །སྙིང་གའི་ཡེ་ཤེས་འཁོར་ལོ་བསམ། །ཞེས་བྱ་བ་ནི་དཔལ་བདེ་མཆོག་གི་སྦྱིན་སྲེག་སྤྱིའི་གསལ་བྱེད་པདྨ་དབྱངས་ཀྱིས་མཛད་པ་རྫོགས་སོ།། །།
[75b]
[75b.1]{T1474}༄། །དཔལ་འཁོར་ལོ་སྡོམ་པའི་ཞི་བའི་སྦྱིན་སྲེག་གི་ཆོ་ག་བསྡུས་པ་བཞུགས། ༄༅༅། །དཔལ་འཁོར་ལོ་བདེ་མཆོག་ལ་ཕྱག་འཚལ་ལོ། །ཞི་བའི་སྦྱིན་སྲེག་གི་ཐབ་ཁུང་གི་ཁ་དོག་དཀར་པོ་དབྱིབས་ཟླུམ་པོ། རྒྱར་ཁྲུ་གང་པ། ཟབས་སུ་དེའི་ཕྱེད། ཡང་ན་ཁམ་ཕོར་སོ་མ་བཏང་བ་རུ་དེའི་ཐབ་ཁུང་གི་དཀྱིལ་འཁོར་
[75b.2]དུ་བདེ་བ་ཆེན་པོའི་འཁོར་ལོ། དེའི་ཕྱི་རོལ་དུ་ཐུགས་ཀྱི་འཁོར་ལོ། དེའི་ཕྱི་རོལ་དུ་གསུང་གི་འཁོར་ལོ། དེའི་ཕྱི་རོལ་དུ་སྐུའི་འཁོར་ལོ། དེའི་ཕྱི་རོལ་དུ་དམ་ཚིག་གི་འཁོར་ལོ་བྲིས་ལ། ཕྱག་མཚན་ཐམས་ཅད་གྲི་གུག་ཏུ་བྱའོ། །ཡི་གེ་བདུན་པ་བྱེད་ན་ཐབ་ཁུང་ལྟེ་བ་ལ་རྡོ་རྗེ་དང་གྲི་གུག། འདབ་
[75b.3]མ་རྣམས་ལ་ཡང་གྲི་གུག་དགོད། ཡང་ན་ཤིན་ཏུ་བསྡུས་པ་བྱེད་ན་རྡོ་རྗེ་དང་གྲི་གུག་དགོད་དོ། །དེ་ནས་རྫས་བཤམ་པ་ནི་ཤིང་སྐམ་པོའམ། ལྕི་བ་སྐམ་པོ་ཡང་རུང་། སྲེག་རྫས་འབྲུའམ། ཏི་ལ་ལ་སོགས་པ་ཅི་ཡོད་ཀྱང་རུང་བ། སྦྱང་བ་སྤར་བ་རྟོགས་པར་བྱས་པ་བཤམས་པ། ཐབ་ཁུང་དུ་
[75b.4]ཤིང་བཀང་ལ་མེ་སྦར་ལ། དེ་ནས་སྐད་ཅིག་ཙམ་གྱིས་བདག་ཉིད་ཡི་དམ་ལྷར་བསྐྱེད་ལ། ཐབ་ཁུང་ལ་སོགས་པ་མི་དམིགས་པར་བསྒོམས་ལ། ཧཱུཾ་ལས་ཐབ་ཁུང་སྔར་གྱི་དང་འདྲ་བར་བསྐྱེད་ལ། དེའི་ནང་དུ་རམ་ལས་མེ་གྲུ་གསུམ་པ་བསྐྱེད་ལ། དེའི་ནང་དུ་ཨ་བསམ། ཨ་ཞུ་བ་ལས་དབྱུག་
[75b.5]ཏོ། །དེ་ཡང་ཨས་མཚན་པ། དེ་ཡོངས་སུ་གྱུར་པ་ལས་མེ་ལྷ་སྐུ་མདོག་དཀར་པོ་རྒྱན་ཐམས་ཅད་ཀྱིས་བརྒྱན་པ། ཞལ་གཅིག་ཕྱག་བཞི་པ་བསྐྱེད་ལ། དེའི་ཐུགས་ཀར་ཡཾ་ལས་རླུང་རཾ་ལས་མེ་གྲུ་གསུམ་པ་བསམ། ཟུར་གསུམ་ལ་ཨོཾ་ཨཱཿ་ཧཱུཾ་གསུམ་ལ། དབུས་སུ་ལྷ་སུམ་ཅུ་རྩ་བདུན་བསྒོམ་
[75b.6]མོ། །དེ་ནས་ལག་པ་གཡས་པའི་མཐེ་བོས་སྲིན་ལག་མནན་ལ། འཇིག་རྟེན་ལས་འདས་པའི་མེ་ལྷ་སྤྱན་དྲངས་ལ་བསྟིམ། མཆོད་པ་ལ་སོགས་པ་དང་སྲེག་རྫས་ལ་སོགས་པ་རྣམས་སྔགས་འདིས་དབུལ་བར་བྱའོ། །ཨོཾ་ཨགྣ་ཡེ། ཨོཾ་ཧྲཱིཿ་ཧ་ཧ་ཧཱུཾ་ཧཱུཾ་ཕཊ། ཆེ་གེ་མོ་
[75b.7]སརྦ་བཱ་པཾ་ཤཱིནྟཾ་ཀུ་རུ་སྭཱ་ཧཱ། སརྦྦ་བིགྷྣྭཾ། སརྦྦ་ཛྭ་ར། སརྦྦ་གྲ་ཧེ། སརྦྦ་ཨུ་པྲ་དྲ་བེ། སརྦྦ་དུཿསྭ་བ་ནི། སརྦྦ་དུར་ནི་མིཏྟ། སརྦ་ཨ་ཀཱ་ལ་མྲི་ཏྱུ་པྲ་ཤ་མ་ན་སྭཱ་ཧཱ། སརྦྦ་བྱཱ་ཀུ་ལ་ཙིཏྟ་ཡ་ཤཱིནྟཾ་ཀུ་རུ་སྭཱ་ཧཱ། ཚུར་གཤེགས་ཚུར་གཤེགས་འབྱུང་པོ་ཆེ། །མེ་ལྷའི་རྒྱལ་པོ་དྲང་
[76a]
[76a.1]སྲོང་མཆོག །སྲེག་བླུགས་ཞལ་ཟས་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །ཨེ་ཧྱེ་ཧི་ཨགྣེ་ཛཿཛཿ། གང་ཡང་བདག་བློ་གཏི་མུག་པས། །ལེགས་སྤྱད་འདི་ལ་ཉེས་སྤྱད་གང་། །གང་ཕྱིར་ལུས་ཅན་སྐྱབས་གྱུར་པས། །དེ་ཀུན་མགོན་
[76a.2]པོས་བཟོད་པར་མཛོད། །གཙོ་བོ་ནུས་པ་མ་མཆིས་སམ། །མ་ཚང་བའམ་མ་རྙེད་པས། །འདིར་ནི་བྱ་བ་གང་བགྱིས་པ། །དེ་ཀུན་ཁྱེད་ཀྱིས་བཟོད་པར་མཛོད། །བདག་གི་དོན་དང་སེམས་ཅན་དོན། །བྱིན་ཟ་ཁྱོད་ཀྱིས་མཛད་ལགས་ཀྱིས། །ཚིམ་ཞིང་མགུ་བར་གྱུར་ནས་ཀྱང་། །རང་
[76a.3]གནས་དག་པར་གཤེགས་སུ་གསོལ། །བདེ་མཆོག་གི་སྦྱིན་སྲེག་གི་ཆོ་ག་བསྡུས་བ་རྫོགས་སོ། །{T1475}༄༅། །དཔལ་བདེ་མཆོག་གི་སཱཙྪ་བརྗོད་པར་བྱ་སྟེ། དེ་ནས་འཇིམ་པ་བྱས་ལ་མདུན་དུ་བཞག་ལ། ཁྲུས་བྱས་ནས་སེམས་བསྐྱེད་དེ། བདག་ཉིད་སྐད་ཅིག་མས་ལྷར་
[76a.4]བསྒོམས་ལ། ཚད་མེད་པ་བཞི་བསྒོམ་པར་བྱ། དེ་ཆོས་ཉིད་རྣམ་པར་དག་པའི་སྔགས་ཀྱིས་འདག་པ་མི་དམིགས་པར་བྱ་སྟེ་ཡི་གེ་ཧཱུཾ་བསམ། དེ་ལས་རྡོ་རྗེ། དེ་ལས་ཧེ་རུ་ཀ་ཡབ་ཡུམ་དུ་བསྐྱེད་དོ། །དེ་ནས་རང་གི་སྙིང་གའི་ཧཱུཾ་གི་འོད་ཟེར་གྱིས་སངས་རྒྱས་དང་བྱང་ཆུབ་སེམས་
[76a.5]དཔའ་སྤྱན་དྲངས་ལ་ཧེ་རུ་ཀ་ཡབ་ཡུམ་ལ་བསྟིམ་པར་བྱའོ། །དེ་ནས་ཡབ་ཡུམ་སྙོམས་པར་ཞུགས་པས་འོད་དུ་ཞུ་སྟེ་བྱང་ཆུབ་སེམས་སུ་གནས་པ་ལ་ཧེ་རུ་ཀའི་སྙིང་པོའམ། ཉེ་བའི་སྙིང་པོ་ཉི་ཤུ་རྩ་གཅིག་གིས་བྱིན་གྱིས་བརླབས་ཏེ། ཡང་སྔགས་ཀྱིས་གདབ་པར་བྱའོ། །སཱ་ཙྪ་རེ་
[76a.6]རེ་ལ་ཧེ་རུ་ཀ་རེ་རེ་བསམས་ལ། དེ་རེ་རེ་ལས་ཀྱང་ཧེ་རུ་ཀ་མང་པོ་སྤྲོས་ལ་དེ་རྣམས་ཀྱིས་བདག་དང་སེམས་ཅན་ཐམས་ཅད་ཀྱི་དོན་རྫོགས་པར་བྱེད་པར་བསམ་མོ། །རྟེན་འབྲེལ་གྱི་སྔགས་བཟླས་པས་མཇུག་བསྡུ་བར་བྱའོ། །དེ་ནས་གྲུབ་ན་མཆོད་པ་རྣམ་པ་ལྔ་དབུལ། མ་གྲུབ་ན་མེ་ཏོག་
[76a.7]གཏོར་ལ་བསྐོར་བ་བྱའོ། །མཆེ་བ་གཙིགས་ཤིང་འཇིགས་པ་ཆེ། །སྔགས་ཀྱི་མེ་ཏོག་ཕྲེང་བས་བརྒྱན། །ཤ་ཆེན་རབ་ཏུ་གསོལ་མཛད་པ། །ཧེ་རུ་ཀ་ལ་ཕྱག་འཚལ་བསྟོད། །དེ་ནས་སྨོན་ལམ་གདབ། དགེ་བའི་རྩ་བ་བསྔོ་བར་བྱའོ། །བདེ་མཆོག་གི་སཱ་ཙྪའི་
[76b]
[76b.1]ལུགས་རྫོགས་སོ།། ༄༅། །དེ་ནས་རབ་གནས་རྒྱས་པ་བྱེད་ན། གོང་དུ་བསྟན་པ་ལྟར་སཱ་ཙྪ་གང་འགྲུབ་བཏབ་ལ། དེ་ནས་རང་ལྷའི་རྣལ་འབྱོར་དུ་སྐད་ཅིག་མས་བསྒོམ། སཱ་ཙྪ་དེ་སྟོང་པ་ཉིད་དུ་བསམ། དེ་ལས་པདྨའི་གདན་བསྒོམ། དེའི་སྟེང་དུ་ཨ་ལས་ཟླ་བའི་དཀྱིལ་
[76b.2]འཁོར། དེའི་སྟེང་དུ་ཧཱུཾ་བསམ། དེ་ལས་འོད་འཕྲོས་པས་སེམས་ཅན་ཐམས་ཅད་ཀྱི་སྒྲིབ་པ་སྦྱངས་ནས། འོད་ཀྱིས་སླར་ལ་འདུས་པས་ཧཱུཾ་ལ་ཐིམ། ཧཱུཾ་དེ་ཡང་འོད་དུ་ཞུ་བ་ལས་དཔལ་ཧེ་རུ་ཀ་ཡབ་ཡུམ་དུ་གསལ་བར་བསྒོམས་ལ། རང་གི་སྙིང་གའི་ཧཱུཾ་གི་འོད་ཀྱིས་ཡེ་
[76b.3]ཤེས་ཀྱི་ཧེ་རུ་ཀ་ཡབ་ཡུམ་སྤྱན་དྲངས་ལ་བསྟིམ་མོ། །དེ་ནས་དབང་བསྐུར་ལ་སྤྱི་བོར་མི་བསྐྱོད་པ་བསྒོམ་མོ། །དེ་ནས་མཆོད་པ་དང་རྒྱན་རྣམས་དབུལ་ལོ། །ཧེ་རུ་ཀའི་སྙིང་པོ་བཟླས། རྟེན་འབྲེལ་གྱི་སྔགས་ལན་གསུམ་བཟླས། དེ་ནས་སྨོན་ལམ་གདབ་བོ། །
[76b.4]དེ་ནས་དགེ་བའི་རྩ་བ་བྱང་ཆུབ་ཏུ་བསྔོའོ། །སཱ་ཙྪ་གཙང་སར་བཞུགས་གསོལ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཊཱ་ཀི་ནི་ཛཱ་ལ་སམྦ་ར་སྭཱ་ཧཱ། ཨོཾ་ཧྲཱིཿ་ཧ་ཧ་ཧཱུཾ་ཧཱུཾ་ཕཊ། ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུ་ནཱེ་ཥཱནྟ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲ་མ་
[76b.5]ཎཿ། སཱཙྪའི་ཚེག་མ་ཧཱ་པྲཛྙཱ་རཀྵི་ཏས་མཛད་པ་ལོ་ཙཱ་བ་བཤེས་གཉེན་པ་རིས་བསྒྱུར་བ་རྫོགས་སོ། །{T1476}༄༅༅། །རྒྱ་གར་སྐད་དུ། ཙཀྲ་སམཱ་ར་སཱ་དྷ་ནཾ། བོད་སྐད་དུ། འཁོར་ལོ་སྡོམ་པའི་སྒྲུབ་ཐབས། དཔལ་རྡོ་རྗེ་དྲག་པོ་ལ་ཕྱག་འཚལ་ལོ། །སྐུ་གསུམ་དྲི་མ་
[76b.6]གསུམ་སྤངས་པའི། །རྡོ་རྗེ་དྲག་པོ་ཕྱག་འཚལ་ཏེ། །འཁོར་ལོ་བདེ་མཆོག་བདག་ཉིད་ཀྱི། །སྒྲུབ་ཐབས་ཡན་ལག་མཆོག་བཤད་བྱ། །དེ་ལ་དང་པོ་རེ་ཞིག་རྣལ་འབྱོར་པས་ལག་པ་དང་རྐང་པ་དང་ཁ་ལ་སོགས་པ་དག་པར་བྱས་ནས་ཡིད་དང་མཐུན་ཞིང་མངོན་པར་འདོད་
[76b.7]པའི་ཕྱོགས་ཅིག་ཏུ་ཁ་ལྷོ་ཕྱོགས་སུ་བལྟས་པར་གྱུར་པས་འཇམ་པའི་སྟན་ལ་འདུག །བདུད་རྩི་ལྔའི་རི་ལུ་ཁར་བཅུག་སྟེ་ས་ཕྱོགས་དེར་ནི་བྱ་རོག་དང་། འུག་པ་དང་ཅེ་སྤྱང་དང་དུམ་བུ་དང་རིལ་པོ་དང་ཚིག་པ་དང་མ་ཚིག་པའི་འཇིགས་པར་བྱེད་པའི་རོ་ལ་སོགས་པའི་
[77a]
[77a.1]འཁོར་ཀྱིས་ཡོངས་སུ་བསྐོར་བའི་དུར་ཁྲོད་ཆེན་པོ་རབ་ཏུ་བསམས་ལ། མགུལ་རྒྱན་དང་། རྣ་རྒྱན་དང་། ལག་རྒྱན་དང་། སྤྱི་བོའི་ནོར་བུ་དང་། ཐལ་བ་དང་མཆོད་ཕྱིར་ཐོགས་དང་ཕྱག་རྒྱ་དྲུག་གིས་བརྒྱན་པའི་བདག་ཉིད་དུ་དམིགས་ཏེ། བསྲུང་
[77a.2]བའི་དོན་དུ་གཏི་མུག་ལ་སོགས་པའི་ར་བ་གསུམ་བསམས་ཏེ། སེམས་ཅན་ཐམས་ཅད་ལ་ཕན་པ་དང་བདེ་བའི་རྒྱུར་བདག་དཔལ་ཧོ་རུ་ཀ་ཡིན་ནོ་ཞེས་སྨོན་ལམ་ལན་གསུམ་དུ་བརྗོད་པར་བྱའོ། །དེ་ནས་འོག་ནས་འབྱུང་བའི་རིམ་པས་སྐད་ཅིག་གིས་རྡོ་རྗེ་དྲག་པོའི་རྣལ་འབྱོར་
[77a.3]དང་ལྡན་པས། །ཨོཾ་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལི་ལཱི་ཨེ་ཨཻ། ཨོ་ཨཽ་ཨཾ་ཨཿ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌརྟེ་ཎ། ཏ་ཐ་ད་དྷ་ན། པ་ཕ་བ་བྷ་མ།ཡ་ར་ལ་ཝ། ཤ་ཥ་ས་ཧ་ཀྵ་སྭཱ་ཧཱ། ཞེས་དམ་ཚིག་ལན་གསུམ་དུ་བརྗོད་དོ། །དེ་ནས་ཏེ་རུ་ཀ་ཞེས་བྱ་བའི་
[77a.4]ཡི་གེ་གསུམ་གོ་རིམས་ཇི་ལྟ་བ་བཞིན་དུ་སྤྱི་བོ་དང་། མགྲིན་པ་དང་སྙིང་གར་བསམས་ལ། ཏེ་ཞེས་བྱ་བ་ནི་རྒྱུ་དང་བྲལ་བའོ། །རུ་ཞེས་བྱ་བ་ནི་ཆོས་ཐམས་ཅད་རྟོག་པ་དང་བྲལ་བའོ། །ཀ་ཞེས་བྱ་བ་ནི་ཆོས་ཐམས་ཅད་གང་དུ་ཡང་མི་གནས་པའོ་ཞེས་བྱ་བས་ཡི་གེ་
[77a.5]གསུམ་གྱི་དོན་ལ་ལྷག་པར་མོས་ཏེ། ཡི་གེ་གསུམ་གྱིས་ཁམས་གསུམ་དང་བདག་ཉིད་མ་ལུས་པ་སྣང་བ་མེད་པར་བྱས་ནས། དེ་ལྟར་བྱས་ཤིང་གནས་པར་བསམས་པའི་རྗེས་སུ་སྔོན་གྱི་སྨོན་ལམ་གྱི་དབང་གིས་ཧེ་རུ་ཀ་ཞེས་བྱ་བའི་ཡི་གེ་གསུམ་གྱི་ངོ་བོའི་རང་བཞིན་
[77a.6]ཨོཾ་དང་ཨཱཿདང་ཧཱུཾ་གི་ཡི་གེ་རིམ་པ་ཇི་ལྟ་བས་སྟེང་དང་བར་དང་འོག་ཏུ་རིམ་པ་བཞིན་དུ་ནམ་མཁའི་ཕྱོགས་སུ་ཁ་དོག་དཀར་པོ་བསམས་ལ། ཧཱུཾ་ཡོངས་སུ་གྱུར་པ་ལས་རྡོ་རྗེ་རྩེ་ལྔ་པའོ། །རྡོ་རྗེ་དེའི་ལྟེ་བ་ལ་ཧཱུཾ་དམིགས་པ་དེ་ལས་བྱུང་བའི་དེའི་རྣམ་པ་ཅན་གྱི་འོད་ཟེར་ནམ་མཁའི་
[77a.7]ཁམས་ཁོར་ཡུག་ཆེན་པོ་རི་རབ་ཏུ་ཁྱབ་པར་བྱས་ལ་སེམས་ཅན་མ་ལུས་པའི་དོན་བྱེད་པར་ཞུགས་ཏེ། ལྕགས་ཀྱུའི་རྣམ་པ་ཅན་གྱིས་འོད་ཟེར་དེ་གོང་གི་ཡི་གེ་གསུམ་ལ་གཞུག་གོ། །ཨོཾ་ནི་ཨཱཿལའོ། །ཨཱཿནི་རྡོ་རྗེ་ལ་སྟེ་རིམ་བཞིན་དུ་རྡོ་རྗེ་ལ་སོགས་པ་རྡོ་རྗེ་ལྟེ་བ་ལའོ། །
[77b]
[77b.1]ཡང་ཧཱུཾ་ལའོ། །ཨུ་ཧ་ལའོ། །ཧ་མགོ་བོ་ལའོ །མགོ་བོ་ཟླ་ཚེས་ཀྱི་རྣམ་པ་ལའོ། །དེ་ཡང་ཐིག་ལེ་ནི་སྒྲ་ཙམ་སྟེ་དེ་ཡང་དམིགས་པར་མི་བྱའོ། །དེ་ལྟར་མ་ལུས་ཤིང་ལུས་པ་མེད་པར་ཁམས་གསུམ་གྱི་སྒྲ་ཙམ་གྱིས་རྣམ་པར་གནས་པར་བསམས་ལ། དེ་ནས་ལཱ་མའི་
[77b.2]རང་བཞིན་ཡོ་ཡོངས་སུ་གྱུར་པ་ལས་རླུང་གི་དཀྱིལ་འཁོར་མདོག་སྔོན་པོ་རྒྱལ་མཚན་གྱིས་མཚན་པའི་གཞུའི་རྣམ་པ་བསམས་ལ། དེའི་སྟེང་དུ་དུམ་སྐྱེས་མའི་རང་བཞིན་རྂ་ཡོངས་སུ་གྱུར་པ་ལས་གྲུ་གསུམ་དམར་པོ་མེའི་དཀྱིལ་འཁོར་རོ། །དེའི་སྟེང་དུ་མཁའ་འགྲོ་མའི་
[77b.3]རང་བཞིན་བཾ་ཡོངས་སུ་གྱུར་པ་ལས་རླུམ་ཞིང་དཀར་བའི་ཆུའི་དཀྱིལ་འཁོར་རོ། །དེའི་སྟེང་དུ་གཟུགས་ཅན་མའི་རང་བཞིན་ལོ་ཡོངས་སུ་གྱུར་པ་ལས་གྲུ་བཞི་མདོག་སེར་བ་སའི་དཀྱིལ་འཁོར་རོ། །དེའི་སྟེང་དུ་རྐ་ཡོངས་སུ་གྱུར་པ་ལས་རུས་སྦལ་ལམ་ཐོད་པའོ། །དེའི་སྟེང་དུ་
[77b.4]ཨ་ཡོངས་སུ་གྱུར་པ་ལས་བར་མཚམས་མེད་པའི་སྣ་ཚོགས་རྡོ་རྗེ་ཉེ་བར་དམིགས་ལ། དེའི་ལྟེ་བར་པཾ་ཡོངས་སུ་གྱུར་པ་ལས་སྣ་ཚོགས་པདྨ་འདབ་མ་བརྒྱད་པ་བསམ་མོ། །དེའི་སྟེང་དུ་སུྂ་ཡོངས་སུ་གྱུར་པ་ལས་རི་བདུན་གྱིས་ཡོངས་སུ་བསྐོར་བའི་གྲུ་བཞི་རི་རབ་རིན་པོ་
[77b.5]ཆེ་སྣ་བཞི་ལས་གྲུབ་པ་ཡོངས་སུ་བསྒོམ་པར་བྱའོ། །དེའི་སྟེང་དུ་པདྨའི་ཟེ་འབྲུ་དང་བཅས་པའི་འདབ་མ་བརྒྱད་པ་དམིགས་ལ་པདྨའི་ཟེ་འབྲུའི་སྟེང་དུ་ཨཱ་ལི་ཀཱ་ལི་བཀོད་ནས། ཨཱ་ལི་ཀཱ་ལི་ཡོངས་སུ་གྱུར་པ་ལས་རྒྱ་ཆེ་ཞིང་ཡོངས་སུ་རྫོགས་པའི་ཟླ་བའི་དཀྱིལ་འཁོར་གྱི་རྣམ་པར་བསྒོམ་
[77b.6]པར་བྱའོ། །སྔོན་གྱི་སྨོན་ལམ་གྱི་དབང་གིས་གནས་པའི་སྒྲ་ཙམ་ལ་ཐིག་ལེའོ། །ཐིག་ལེ་ལས་ཟླ་ཕྱེད་ཀྱི་རྣམ་པའོ། །དེ་ནས་མགོ་བོ་ལས་ཧ། ཧ་ལས་ཧཱུ། དེ་ལྟར་རིམ་པས་ཧཱུཾ་ངེས་པར་རྫོགས་པར་བྱས་ལ། ནམ་མཁའི་ཕྱོགས་ནས་ཟླ་བའི་དཀྱིལ་འཁོར་གྱི་དབུས་སུ་འཇུག་
[77b.7]པར་བྱས་ལ། དེ་ཡོངས་སུ་གྱུར་པ་ལས། །བཅོམ་ལྡན་འདས་དཔལ་ཏེ་རུ་ཀ་མགོན་པོ་རྡོ་རྗེ་ཕག་མོ་ལ་འཁྱུད་པ། ཞལ་བཞི་པ་སྤྱན་གསུམ་པ་མན་ངག་གི་ཕྱག་བཅུ་གཉིས་དང་པོའི་ཕྱག་གཉིས་ཀྱིས་རྡོ་རྗེ་དང་དྲིལ་བུ་བསྣམས་པས་རྡོ་རྗེ་ཕག་མོ་ལ་མཉམ་པར་
[78a]
[78a.1]འཁྱུད་པའོ། །གཉིས་པའི་ཕྱག་གཉིས་ན་ཁྲག་འཛག་པའི་གླང་པོ་ཆེའི་པགས་པ་རྒྱབ་ཏུ་བསྣམས་པའོ། །གཡས་པའི་ཕྱག་བཞི་ན་རྩེ་གསུམ་དང་གྲི་གུག་དང་དགྲ་སྟ་དང་རྔེའུ་ཆུང་བསྣམས་པའོ། །གཡོན་པའི་ཕྱག་བཞི་ན་རྡོ་རྗེས་མཚན་པའི་ཁ་ཊཱི་ག་
[78a.2]དང་ཐོད་པ་དང་ཞགས་པ་དང་ཚངས་པའི་མགོ་བོ་བསྣམས་ཤིང་འཆང་བའོ། །པདྨའི་ཞལ་བཞི་ཕྱག་རྒྱ་དྲུག་དང་ལྡན་པ། དཔྲལ་བའི་མཐའ་རུ་རྡོ་རྗེ་ཕྲེང་བས་བཅིངས་པ། དེ་དང་ཉེ་བའི་སྟེང་དུ་ཐོད་པ་རྣམ་པ་ལྔ་བཅིངས་པ་ལྷ་མོའི་ངོ་བོ་ཉིད་དོ། །རལ་པའི་ཅོད་པན་གྱིས་བརྒྱན་
[78a.3]པའོ། །གཡོན་ཕྱོགས་ཀྱི་ཆར་ཟླ་བ་བྱེད་པ་གཞག་པའོ། །སྤྱི་བོར་སྣ་ཚོགས་རྡོ་རྗེའི་དབུས་སུ་མི་བསྐྱོད་པས་མནན་ཞིང་འཆང་བའོ། །མགོ་བོའི་ཕྲེང་བ་བརྒྱ་བྱེད་པས་སྐུ་ལ་བརྒྱན་པ། སྟག་གི་པགས་པ་ཁྲག་འཛག་པའི་ཤམ་ཐབས་ཅན། རུས་པའི་ཕྲེང་བ་རྐེད་
[78a.4]པའི་ཕྱོགས་སུ་བཅིངས་པའོ། །ཞལ་དང་པོ་དང་ལུས་ཐམས་ཅད་ནི་དུ་བའི་མདོག་ལྟ་བུའོ། །ལྗང་གུ་དང་དམར་པོ་དང་སེར་པོ་ནི་གཡོན་པ་དང་རྒྱབ་དང་ལྷོ་ཕྱོགས་ཀྱི་ཞལ་ལོ། །ཡི་དྭགས་ཆེན་པོ་མནན་པ། གདུག་པ་ཅན་ཐམས་ཅད་འཇོམས་པའི་གཟུགས་སུ་རྣལ་
[78a.5]འབྱོར་ཆེན་པོ་དམིགས་ཤིང་བརྟན་པར་བྱས་པས་རྡོ་རྗེ་ཕག་མོ་ལ་ཡང་ཐལ་བ་དང་དཔྲལ་བའི་ཕྱག་རྒྱ་རྣམ་པ་ལྔས་བརྒྱན་པའོ། །རུས་པའི་སྐེ་རགས་ལ་སོགས་པས་བརྒྱན་པའོ། །ཕྱག་གཉིས་པ། ཞལ་གཅིག་པ་མགོན་པོ་དཔའ་བོའི་བདག་ཉིད་ཀྱི་སྐུ་ལུས་འདྲ་
[78a.6]བའོ། །མིའི་རྒྱུ་མ་དང་ཁྲག་གིས་བཀང་བས་གཉིས་ཀའི་ཁར་གསོལ་བའི་ཐོད་པ་གཡོན་པའི་ཕྱག་ན་བསྣམས་པའོ། །བདུད་ཐམས་ཅད་ཚར་གཅོད་པ་ལ་ཆེད་དུ་བྱས་པའི་སྡིགས་མཛུབ་དྷི་དང་བཅས་པའི་རྡོ་རྗེ་གཡས་པའི་ཕྱག་ན་བསྣམས་པའོ། །སྐྲ་གྲོལ་བ་གཅེར་བུ་རུས་
[78a.7]པའི་ཕྲེང་བས་བརྒྱན་པའི་བཅོམ་ལྡན་འདས་མ་བསྒོམ་པར་བྱའོ། །པདྨའི་འདབ་མ་ལ་མདུན་དུ་མཁའ་འགྲོ་མ་མདོག་ནག་པོའོ། །གཡོན་དུ་ལཱ་མ་ལྗང་གུའོ། །རྒྱབ་ཏུ་དུམ་སྐྱེས་མ་དམར་མོའོ། །གཡས་སུ་གཟུགས་ཅན་མ་མདོག་སེར་བའོ། །དབང་ལྡན་ལ་
[78b]
[78b.1]སོགས་པའི་མཚམས་བཞིར་ཐོད་པ་ལ་གནས་པའི་དྲི་ཆེན་དང་དྲི་ཆུ་དང་རང་བྱུང་གི་མེ་ཏོག་དང་བྱང་ཆུབ་སེམས་ཀྱི་རྣམ་པ་བསྒོམ་པའོ།།དེ་ལ་ལྟེ་བར་གཅིག་ཏུ་བྱས་པ་སྟོབས་པོ་ཆེ་དང་འཁོར་ལོའི་ཤུགས་ཅན་མའོ། །རིན་ཆེན་རྡོ་རྗེ་དང་དུམ་སྐྱེས་མའོ། །རྟ་མགྲིན་དང་ཤོཎ་
[78b.2]ཌི་ནིའོ། །ནམ་མཁའི་སྙིང་པོ་དང་འཁོར་ལོའི་གོ་ཆ་མའོ། །དཔལ་ཏེ་རུ་ཀ་དང་ཤིན་ཏུ་དཔའ་མོའོ། །པདྨ་གར་དབང་དང་སྟོབས་མོ་ཆེའོ། །རྣམ་པར་སྣང་མཛད་དང་འཁོར་ལོས་སྒྱུར་མའོ། །རྡོ་རྗེ་སེམས་དཔའ་དང་བརྩོན་ཆེན་མའོ། །སྐུའི་འཁོར་ལོ་སེར་པོའོ། །རྩིབས་བརྒྱད་དང་
[78b.3]མདོག་སེར་བ་སྟེ་རྐེད་པའི་ཕྱོགས་སུ་གནས་པའོ། །དེའི་སྟེང་དུ་སཾ་གུ་རི་དང་ཨི་ར་བ་ཏའོ། །རྡོ་རྗེ་རལ་པ་ཅན་དང་འཇིགས་བྱེད་ཆེན་མོའོ། །དཔའ་བོ་ཆེན་པོ་དང་རླུང་གི་ཤུགས་ཅན་མའོ། །རྡོ་རྗེ་ཧཱུཾ་མཛད་དང་ཆང་འཐུང་མའོ། །རབ་ཏུ་བཟང་པོ་དང་སྔོ་བསངས་མའོ། །རྡོ་རྗེ་
[78b.4]བཟང་པོ་དང་ཤིན་ཏུ་བཟང་མོའོ། །འཇིགས་བྱེད་ཆེན་པོ་དང་རྟ་རྣ་མའོ། །མིག་མི་བཟང་དང་ཁྭ་གདོང་མའོ། །རྩིབས་བརྒྱད་ནི་དམར་བ་སྟེ་གསུང་གི་འཁོར་ལོ་ནི་དམར་པོའོ། །ནུ་མའི་བར་དུ་གནས་པའོ། །དེའི་སྟེང་དུ་ཐོད་པའི་དུམ་བུ་དང་རབ་ཏུ་གཏུམ་མོའོ། །ཀེང་རུས་ཆེན་མོ་
[78b.5]དང་གཏུམ་པའི་མིག་ཅན་མའོ། །རྐ་ཀ་ལ་དང་འོད་ལྡན་མའོ། །མཆེ་བ་རྣམ་པར་གཙིགས་པ་དང་སྣ་ཆེན་མའོ། །ལྷ་དགྲ་དང་བརྟན་པའི་བློ་ཅན་མའོ། །འོད་དཔག་མེད་དང་མི་ཐུང་མའོ། །རྡོ་རྗེ་འོད་དང་ལངྐའི་དབང་ཕྱུག་མའོ། །རྡོ་རྗེ་སྐུ་དང་ཤིང་གྲིབ་མའོ། །ཐུགས་ཀྱི་འཁོར་
[78b.6]ལོ་ནི་དུ་བ་ལྟ་བུ་སྟེ་རྩིབས་བརྒྱད་ཀྱང་དུ་བ་ལྟ་བུའོ། །རྐེད་པ་མན་ཆད་ཀྱི་ཕྱོགས་སུ་གནས་པའོ། །ཁྭ་གདོང་མ་དང་། འུག་གདོང་མ་དང་། ཁྱི་གདོང་མ་དང་། ཕག་གདོང་མའོ་ཞེས་བྱ་བ་ནི་གྲུ་བཞི་པའི་སྒོ་བཞི་རུ་དུ་བ་དང་ལྗང་གུ་དང་དམར་པོ་དང་སེར་པོའི་མདོག་གོ། །གཤིན་རྗེ་
[78b.7]བརྟན་མ་དང་། གཤིན་རྗེ་ཕོ་ཉ་མོ་དང་།གཤིན་རྗེ་མཆེ་བ་མ་དང་། གཤིན་རྗེ་འཇོམས་མ་ནི་དབང་ལྡན་ལ་སོགས་པའི་མཚམས་རྣམས་སུ་སྟེ་མདོག་གཉིས་མའོ། །དཔའ་བོ་ཐམས་ཅད་ནི་ཞལ་གཅིག་ཕྱག་བཞི་པ་རལ་པའི་ཅོད་པན་ལ་དར་དཔྱངས་ཀྱིས་མཚན་པའོ། །ཕྱག་
[79a]
[79a.1]དང་པོ་གཉིས་ཀྱིས་རྡོ་རྗེ་དང་དྲིལ་བུ་བསྣམས་པས་ལྷ་མོ་ལ་མཉམ་པར་འཁྱུད་པའོ། །གཞན་གཉིས་ཀྱིས་རྔེའུ་ཆུང་དང་ཐོད་པ་བསྣམས་ཤིང་འཆད་པའོ། །ཕྱག་རྒྱ་ལྔ་ལ་སོགས་པས་སྐུ་བརྒྱན་པ། གཡོན་བརྐྱང་པས་གདན་ལ་གནས་པའོ། །སྤྱན་གསུམ་
[79a.2]པ་མཁའ་འགྲོ་མ་ལ་སོགས་པ་ཐམས་ཅད་ནི་སྐྲ་གྲོལ་བ་གཅེར་བུ་ཐོད་པ་དང་གྲི་གུག་གིས་མཚན་པའི་ཕྱག་གཡོན་པ་དང་གཞན་ནོ། །སྤྱན་གསུམ་པ་དཔའ་བོ་དང་མཁའ་འགྲོ་མ་ནི་ཐལ་བ་སྤངས་པའི་ཕྱག་རྒྱ་ལྔ་དང་ལྡན་པའོ། །ལྷ་མོ་ཐམས་ཅད་ནི་གཡས་བརྐྱང་པའི་ཞབས་ཀྱིས་གནས་
[79a.3]པའོ། །ད་ནི་དཔའ་བོ་འདི་རྣམས་ཐམས་ཅད་ནི་ཡི་གེ་ཧཱུཾ་གཅིག་པུ་ལས་སྐད་ཅིག་གིས་ཡོངས་སུ་རྫོགས་པར་བསམས་ལ་དེའི་ནང་དུ་བྱའོ། །གྲུ་བཞི་པ་སྒོ་བཞི་དང་དོ་ཤལ་དང་ཏྭ་ར་ཎ་དང་དྲིལ་བུ་དང་བ་དན་དང་མེ་ཏོག་གི་ཕྲེང་བས་བརྒྱན་པ། འུག་པ་དང་རོ་དང་འབར་ལ་སོགས་
[79a.4]པ་མང་པོས་ཁྱབ་པའི་དུར་ཁྲོད་དང་ལྡན་པར་འབར་བའི་རྡོ་རྗེ་དང་པདྨ་དང་འཁོར་ལོའི་ར་བ་གསུམ་གྱིས་བསྐོར་བའོ། །ར་བ་ལྟ་བུའི་སྟེང་དང་རྡོ་རྗེ་གུར་ཡོངས་སུ་བསྲུང་བའི་གཞལ་ཡས་ཁང་ཡོངས་སུ་རྫོགས་པར་བྱས་ལ་འདི་ཐམས་ཅད་ལ་ཡང་དག་པར་བལྟ་ཞིང་། ཨོཾ་སུམྦྷ་ནི་
[79a.5]སུམྦྷ་ཧཱུཾ་ཧཱུཾ་ཕཊ། ཨོཾ་ཀྲྀཧཱ་གྲེཏྟ་ཧཱུཾ་ཧཱུཾ་ཕཊ། ཪྵཛ་པ་ཡ་ཀྲྀ་པ་ཡ་ཧཱུཾ་ཧཱུཾ་ཕཊ། ཨོཾཕྱྭན་ཡ་ཧོཿབྷ་ག་ཝཱན་བཛྲ་ཧཱུཾ་ཕཊ། ཅེས་པ་ཞལ་བཞི་ནས་ཚིག་བརྗོད་པར་བྱའོ། །དེ་ནས་མིང་ཐམས་ཅད་ནི་སོ་སོར་བརྗོད་པར་བྱ་སྟེ། དེ་རྣམས་ཀྱི་མདོག་དང་ཕྱག་ལ་སོགས་པ་ནི་ངེས་པ་ཡང་
[79a.6]དེ་བཞིན་དུ་བལྟ་བར་བྱའོ། །སྔགས་འདིའི་རིམ་པས་གོ་ཆ་བྱ་སྟེ། ཨོཾཧ་རྡོ་རྗེ་སེམས་དཔའ་ནི་སྙིང་གར་རོ། །ན་མ་ཧི་རྣམ་པར་སྣང་མཛད་ནི་མགོ་བོ་ལའོ། །སྭཱ་ཧཱ་ཧུ་པདྨ་གར་བྱི་དབང་ཕྱུག་ནི་སྤྱི་གཙུག་ཏུའོ། །བོ་ཥཊ་ཧེ་དཔལ་ཏེ་རུ་ཀ་ནི་ཕྲག་པ་གཉིས་ལའོ། །ཧཱུཾ་ཧཱུཾ་ཧོ་རྡོ་རྗེ་ཉི་མ་ནི་
[79a.7]མིག་གཉིས་ལའོ། །ཕཊ་ཧཾ་རྟ་མགྲིན་ནི་ལྒོ་ཡན་ལག་ཐམས་ཅད་ཀྱི་མཚོན་ཆའོ། །དེ་ལྟར་བདག་ཉིད་གོ་ཆ་བགོ་བར་བྱའོ། །ཨོཾ་བཾ་ནི་རྡོ་རྗེ་ཕག་མོ་སྟེ་ལྟེ་བ་ལའོ། །ཧཾ་ཨོཾ་གཤིན་རྗེ་ནི་སྙིང་གར་རོ། །ཧྲིཾ་མོཾ་རྨོངས་བྱེད་མ་ནི་ཁ་ལའོ། །ཧྲོ་ཧྲི་སྐྱོད་བྱེད་མ་ནི་མགོ་ལའོ། །ཧཱུཾ་ཧཱུཾ་སྐྲག་བྱེད་མ་ནི་
[79b]
[79b.1]སྤྱི་བོར་རོ། །ཕཊ་ཕཊ་གཏུམ་མོ་ནི་ཡན་ལག་ཐམས་ཅད་ཀྱི་མཚོན་ཆའོ། །དེ་ལྟར་རྡོ་རྗེ་ཕག་མོ་ཡང་བགོ་བར་བྱའོ། །དེ་ནས་གནས་གཞན་ན་གནས་པའི་ཡེ་ཤེས་ཀྱི་འཁོར་ལོ་དེ་ལྟ་བུ་བསམས་ལ། རང་གི་སྙིང་ག་ན་གནས་པའི་ཡི་གེ་ཧཱུཾ་སྟེ་འོད་ཟེར་སྤྲོས་ཏེ་བསྐུལ་ནས། རྡོ་རྗེ་སྐྱིལ་
[79b.2]མོ་ཀྲུང་བརྐྱང་སྟེ། རྐང་པ་གཡས་པའི་མཐེ་བོང་གི་སྟེང་དུ་གཡོན་པའི་མཐེབ་ཆེན་གྱིས་མནན་ལ་ལག་པ་གཉིས་ཀྱིས་དམ་ཚིག་གི་ཕྱག་རྒྱ་བཅིངས་ལ་དཔྲལ་བའི་སྟེང་དུ་ཡང་དག་པར་བཞག་སྟེ། ཕཻཾ་གྱི་སྒྲ་བརྗོད་ཅིང་གཡོན་པ་དང་གཡས་པ་བསྐོར་བའི་ཚུལ་གྱིས་ཡེ་ཤེས་
[79b.3]ཀྱི་འཁོར་ལོ་བཀུག་སྟེ་གཞུག་ཅིང་གཅིག་ཏུ་བྱས་ལ་བརྟན་པར་བྱས་ལ་འདི་ཡང་བྱའོ། །བྱཱ་དང་བྱཱ་ཡོངས་སུ་གྱུར་པ་ལས་རྡོ་རྗེ་དང་པདྨ་བསམས་ལ། དེའི་སྟེང་དུ་ཏྱཱ་དང་བྱཱ་གཉིས་ཀྱིས་མཚན་པའི་མཚན་ཉིད་བསམ་མོ། །དེ་ནས་ཨོཾ་སརྦ་བུདྷ་ཌཱ་ཀི་བྷཱ་ཡེ་བཛྲ་ཝརྞ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ།
[79b.4]ཞེས་བྱ་བ་ནི་ལྟེ་བར་རོ། །ཨོཾ་བཛྲ་བེེ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བ་ནི་སྙིང་གར་རོ། །ཨོཾསྠཱཿཧ་ཧ་ཧཱུཾ་ཧཱུཾ་ཕཊ་ཅེས་བྱ་བ་ནི་ཁ་ལའོ། །ཨོཾ་ཊཱིབཛྲ་ཧེ་ཏེ་རུ་རུ་ཀེ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛྭ་ལ་སཾ་བ་ར་སྭཱ་ཧཱ།ཞེས་པ་ནི་དཔྲལ་བར་ལྷ་མོ་དགོད་པར་བྱའོ། །དེ་ལྟར་ཡེ་ཤེས་ཀྱི་འཁོར་ལོ་
[79b.5]སྤྱན་དྲངས་པའི་སྔོན་དུ་ཕྱག་རྒྱ་ཆེན་པོ་དང་ཆོས་ཀྱི་ཕྱག་རྒྱ་དམིགས་ལ་ད་ནི་ལས་ཀྱི་ཕྱག་རྒྱ་བརྩམ་པར་བྱའོ། །དེ་ནས་བདུད་རྩི་མྱང་བར་བྱ་སྟེ་ཧཱུཾ་གི་འོད་ཟེར་གྱིས་བཀུག་སྟེ་ཨོཾ་ཨཱཿཧཱུཾ་ཞེས་བྱ་བ་འདིས་རིམ་པ་བཞིན་དུ་བརྗོད་པ་ཙམ་གྱིས་བདུད་རྩི་ལངས་ཏེ་ནམ་མཁའི་ཕྱོགས་
[79b.6]ཐམས་ཅད་དུ་སྤྲོས་ལ་དཀྱིལ་འཁོར་གྱི་འཁོར་ལོའི་སྟེང་དུ་བ་མོ་ཐིགས་པའི་གཟུགས་ཀྱིས་བདུད་རྩི་བབ་ཅིང་དེ་བཞིན་དུ་དཀྱིལ་འཁོར་པ་ཚིམ་པར་བྱའོ། །ཡེ་ཤེས་ཀྱི་བདུད་རྩི་དེ་མྱངས་པས་དགའ་བ་དང་མཆོག་དགའ་དང་། ཤིན་ཏུ་དགའ་བ་དང་རབ་ཏུ་དགའ་བའི་བདག་ཉིད་དུ་
[79b.7]གྱུར་པའི་མཉམ་པར་གཞག་དུཔའི་ཡིད་ཀྱིས་བསྒོམས་ལ། ཆོ་ག་བཞིན་དུ་ཕྱི་དང་གསང་བའི་མཆོད་པས་ཡང་དག་པར་མཆོད་ལ་རྡོ་རྗེ་དང་བཅས་པའི་དྲིལ་བུ་ཡང་ལན་གསུམ་དུ་དཀྲོལ་ཞིང་བསྟོད་པ་བྱས་ལ་ཉེ་བར་བསྡུ་བར་བྱའོ། །འདི་ནི་སྤྲུལ་པའི་སྐུའོ། །དེ་ནས་
[80a]
[80a.1]བསྲུབ་པ་དང་སྲུབ་པའི་སྦྱོར་བས་ཉེ་བར་བསྡུ་བར་བྱ་སྟེ། དེ་ལ་རིམ་པ་ནི་འདི་ཡིན་ཏེ་སྒོ་སྲུང་བའི་ལྷ་མོ་རྣམས་གཡོན་སྐོར་གྱིས་བསྐོར་ཏེ་སྐུའི་འཁོར་ལོར་ལྷོ་རབ་ཏུ་ཞུགས་པར་བསམ་པར་བྱའོ། །དེ་ལྟར་སྐུའི་འཁོར་ལོ་གཡས་སྐོར་དུ་བསྐོར་ནས་གསུང་གི་
[80a.2]འཁོར་ལོ་ལའོ། །གསུང་གི་འཁོར་ལོ་གཡོན་སྐོར་དུ་བསྐོར་ནས་ཐུགས་ཀྱི་འཁོར་ལོ་ལའོ། །ཐུགས་ཀྱི་འཁོར་ལོ་གཡས་སྐོར་དུ་བསྐོར་ནས་ལྷ་མོ་བཞི་ལའོ། །ལྷ་མོ་བཞི་གཡོན་སྐོར་དུ་བསྐོར་ནས་ཞལ་བཞི་ལ་གོ་རིམས་བཞིན་དུ་ཞུགས་པར་བྱའོ། །དེ་ནས་གོ་ཆ་
[80a.3]ཆེན་པོས་ནི་གོ་བགོ་བར་བྱ་སྟེ་འདིའི་རིམ་པ་ནི་པུ་ཛཱ་ཨོ་ཨ་གོ་རཱ་དེ་མཱ་ཀཱ་ཨོ་ཏྲི་ཀོ་ཀ་ལ་ཀ་ཧི་པྲེ་ཀྲྀ་སཽ་སུ་ནཱ་སི་མ་ཀུ། དེ་ལ་འདིའི་དོན་ནི་པུལླཱི་ར་མཱ་ཆེ་མགོ་བོ་ལ་སྟེ་རབ་ཏུ་གཏུམ་མོའོ། །ཛཱ་ལན་དྷ་ར་སྤྱི་གཙུག་ཏུ་ནི་གཏུམ་པའི་མིག་ཅན་མའོ། །ཨོ་ཌི་ཡ་ན་ནི་རྣ་བ་གཡས་པ་སྟེ་འོད་ལྡན་མའོ། །
[80a.4]ཨརྦུ་ད་རྒྱབ་ཀྱི་ཕྱོགས་སུ་སྟེ་སྣ་ཆེན་མ་གནས་སོ། །གོ་དཱ་བ་རཱི་རྣ་བ་གཡོན་པ་སྟེ་དཔའ་བོའི་བློ་མའོ། །རཱ་མེ་སྭ་རེ་སྨིན་མའི་དབུས་སུ་སྟེ་མི་ཐུང་མའོ། །དེ་བཱི་ཀོ་ཊི་མིག་གཉིས་ཏེ་ལང་ཀའི་དབང་ཕྱུག་མའོ། །མཱ་ལ་བེ་ཕྲག་པ་གཉིས་ཏེ་ཤིང་གྲིབ་མའོ། །ཀཱ་མ་རུ་པ་མཆན་ཁུང་གཉིས་
[80a.5]ཏེ་ཨེ་ར་བ་ཏིའོ། །ཨོ་ཊི་ནི་ནུ་མ་གཉིས་ལ་འཇིགས་བྱེད་ཆེན་མོ་སྟེ་ཞིང་ངོ་། །ཏྲི་ས་ཀུ་ཥྤེ་ནི་ལྟེ་བ་སྟེ་རླུང་གི་ཤུགས་ཅན་མའོ། །ཀོ་ས་ལེ་སྣ་རྩེ་སྟེ་ཆང་འཐུང་མ་སྟེ་ཉེ་བའི་ཞིང་ངོ་། །ཀ་ལིང་ག་ནི་ཁར་ཏེ་སྔོ་བསངས་མའོ། །ལམྤ་ཀ་མགྲིན་པར་ཏེ་རབ་ཏུ་བཟང་མོ་འདུན་
[80a.6]པའོ། །ཀཱཉྩི་སྙིང་གར་ཏེ་རྟ་རྣ་མའོ། །ཧི་མ་ལ་ཡ་མདོམས་སུ་ཁྭ་གདོང་མ་སྟེ་ཉེ་བའི་འདུན་པའོ། །པྲེ་ཏ་པུ་རི་མཚན་མ་ལ་འཁོར་ལོའི་ཤུགས་ཅན་མའོ། །ཀྲྀ་ཧ་དེ་བ་གསང་བའི་སྒོ་སྟེ་དུམ་སྐྱེས་མ་འདུ་བའི་སའོ། །སཽ་རཱཥྚ་བརླ་གཉིས་ལ་ཆང་ཚོང་མའོ། །སུ་བརྞ་དཱི་པ་
[80a.7]བྱིན་པ་གཉིས་ལ་འཁོར་ལོའི་གོ་ཆ་མ་ཉེ་བའི་འདུས་པའོ། །ན་མུག་ར་སོར་མོ་ལ་སྟེ་རབ་ཏུ་དཔའ་མོའོ། །སེནྟུ་སྟེ་རྐང་པའི་རྒྱབ་གཉིས་སུ་སྟོབས་པོ་ཆེ་སྟེ་དུར་ཁྲོད་དོ། །མ་རུ་ནི་མཐེབ་ཆེན་གཉིས་ལ་འཁོར་ལོས་སྒྱུར་མའོ། །ཀུ་ལུ་ཏཱ་པུས་མོ་གཉིས་ལ་བརྩོན་ཆེན་མ་སྟེ་ཉེ་བའི་
[80b]
[80b.1]དུར་ཁྲོད་དོ། །དེ་ལྟར་དེ་ནས་པཱུ་ཉུལ་སོགས་པ་ས་བོན་གྱི་ཡི་གེ་ཉི་ཤུ་རྩ་བཞི་དེའི་བདག་པོ་ལྷ་མོའི་རང་བཞིན་ནོ། །མགོ་བོ་ལ་སོགས་པ་གནས་ཉི་ཤུ་རྩ་བཞིར་དགོད་པར་བྱའོ། །གསུམ་པ་གོ་ཆ་ཆེན་པོའི་བསྲུང་བའོ། །དེ་ལྟར་བསྒོམས་ནས་སྒོམ་པས་སྐྱོ་བར་གྱུར་ན་ཡང་དག་
[80b.2]པར་བསྟོད་ལ་སྔགས་སྙེ་བཟླས་པ་བྱའོ། །དེ་ལ་རིམ་པ་ནི་འདི་ཡིན་ཏེ་ལྷ་མོ་དང་མགོན་པོ་མ་གཏོགས་པའི་ཕྱི་མ་རྣམས་ཀྱི་ནི་མིང་ཉིད་སྔགས་ཏེ། ཨོཾ་ནི་བྱེད། དང་པོར་བྱས་ལ་ཧཱུཾ་ཧཱུཾ་ཕཊ་ནི་མཐར་སྦྱར་རོ། །ཨོཾ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ་དེ་ལྟར་ཐམས་ཅད་ལའོ། །དེ་ལ་འདིར་བཟླས་པའི་རིམ་
[80b.3]པ་ནི། རྣལ་འབྱོར་པའི་སྔགས་བཟུང་སྟེ། །དེ་ཡི་ཁ་ནས་རྗོད་པའི་རིམ། །ཁ་ཡི་སྐུད་པའི་རྣམ་པ་ལྟར། །རྡོ་རྗེའི་ལམ་ནས་ཕྱིར་བྱུང་སྟེ། །དཀར་པོ་དམར་པོ་དེ་བཞིན་སེར། །ནག་པོ་ཉིད་ཀྱིས་རྣམ་པ་བཞི། །པདྨའི་ལམ་ནས་རབ་ཞུགས་ཏེ། །པདྨ་ནས་ནི་པད་
[80b.4]རིམ་དུ་སྙེ་། །འཁོར་ལོ་འཁོར་བའི་གཟུགས་ཀྱིས་ནི། །བློ་དང་ལྡན་པས་སྔགས་བཟླས་བྱ། །དེ་ལྟར་རྣལ་འབྱོར་བཟླས་རིམ་ནི། །ཤེས་བྱ་སྔགས་ལ་གོམས་པར་བྱ། །བླ་མའི་རྡོ་རྗེ་གནང་དྲིན་གྱིས། །ཞི་བ་དབང་སོགས་བྱེ་བྲག་གིས། །ལས་རྣམས་བཞི་ནི་ངེས་
[80b.5]པ་རུ། །སྔགས་པས་མྱུར་དུ་འགྲུབ་པར་འགྱུར། །འདི་ནི་ལོངས་སྤྱོད་སྡོགས་པའི་སྐུའོ། །དེ་ནས་གཞན་ཡང་རང་གི་སྙིང་གའི་ཟླ་བའི་སྟེང་དུ་ཧཱུཾ་ངོ་། །ཧཱུཾ་ལས་བྱུང་པའི་རླུང་གིས་ཨཱ་ལི་དང་ཀཱ་ལིའོ། །འཇུག་པའི་རླུང་གིས་ཉེ་བར་བསྡུའོ། །དེ་ལྟར་ལན་མང་དུ་ནམ་
[80b.6]མཁའི་ཁོངས་སུ་སྤྲོ་ཞིང་ཡི་གེ་ཡང་སྔོན་བཞིན་དུ་ཐིམ་པར་གྱུར་པར་བསམ་པར་བྱའོ། །འདི་ནི་ཆོས་ཀྱི་སྐུའོ། །དཔལ་འཁོར་ལོ་སྡོམ་པའི་སྒྲུབ་ཐབས་སློབ་དཔོན་རྒྱལ་བ་བཟང་པོས་མཛད་པ་རྫོགས་སོ།། །།རྒྱ་གར་གྱི་མཁན་པོ་དོན་ཡོད་རྡོ་རྗེ་དང་། བོད་ཀྱི་ལོ་ཙཱ་བ་དགེ་
[80b.7]སློང་བ་རིས་བསྒྱུར་བའོ།། །།{T1477}༄༅༅། །རྒྱ་གར་སྐད་དུ། ཤྲཱི་ཙཀྲ་སསྦ་ར་མཎྜ་བོ་པ་ཡི་ཀནཱ་མ། བོད་སྐད་དུ། དཔལ་བདེ་མཆོག་གི་དཀྱིལ་འཁོར་བྱ་བའི་ཐབས་ཞེས་བྱ་བ། དཔལ་བདེ་མཆོག་ལ་ཕྱག་འཚལ་ལོ། །ཀུན་དུ་བཟང་པོའི་སྙིང་པོ་ནི། །རྡོ་རྗེ་ཡེ་
[81a]
[81a.1]ཤེས་ཆོས་མཆོག་ལྡན། །དྲག་པོའི་མཛེས་མ་དང་བཅས་པའི། །རྡོ་རྗེ་དཔལ་དྲག་ཕྱག་འཚལ་ནས། །དཔལ་ལྡན་བདེ་མཆོག་རྒྱུད་དུ་ནི། །དེ་ལ་བསྡུས་པའི་རང་བཞིན་གྱིས། །ཅི་གསུངས་དཀྱིལ་འཁོར་ཆོ་གའི་རིམ། །དེ་འདིར་རྒྱས་པར་བཤད་པར་བྱ། །གང་
[81a.2]ཕྱིར་དབང་བསྐུར་ཆོ་ག་ནི། །གཅིག་ཏུ་ཚང་བར་མ་བསྟན་གང་། །གང་ཞིག་རྒྱུད་གཞན་ལས་གྲགས་པ། །བསྡེབས་ནས་གཅིག་ཏུ་ལེགས་བསྡུས་ནས། །དབང་བསྐུར་ཆོ་གའི་དགོས་པ་ནི། །སློབ་མ་རྣམས་ལ་རྗེས་བརྩེ་བས། །སྔགས་དང་ཚིགས་བཅད་གཞན་གྱིས་ནི། །དེ་ཡང་
[81a.3]འདིར་ནི་ཁ་བསྐང་བྱ། །དེ་ལ་སློབ་མ་གཙང་ཞིང་བརྩོན། །འདོད་ཆགས་ཞེ་སྡང་རྣམ་སྤངས་ཤིང་། །སློབ་མ་ཡོན་ཏན་ཐམས་ཅད་ལྡན། །གཞན་གྱི་རིག་མ་སུན་མི་འདོན། །སློབ་དཔོན་མཚན་ཉིད་དང་ལྡན་པ། །དེ་བཞིན་བསྟན་བཅོས་མང་པོ་ཐོས། །སྔགས་དང་རྒྱུད་ཀྱི་ཆོ་
[81a.4]ག་ཤེས། །བཟོད་ལྡན་མཚན་ཉིད་ཤེས་པར་བྱ། །ཧེ་རུ་ཀ་དཔལ་དབང་བསྐུར་གྱིས། །དབང་བསྐུར་རྣལ་འབྱོར་ཆེད་དུ་བརྩོན། །ཇི་སྲིད་བླ་མ་དགྱེས་བར་དུ། །དེ་སྲིད་བླ་མ་འབད་པས་བསྟེན། །བུ་ཁྱོད་ཅི་བྱ་ཞེས་བརྗོད་དེ། །དེ་ནས་རང་གི་བསམ་པ་སྨྲ། །མཆོད་པའི་སྤྲིན་
[81a.5]གྱིས་རབ་མཆོད་ནས། །སྔགས་འདི་ཡིས་ནི་ཕྱག་བྱ་སྟེ། །ཨོཾ་སརྦ་ཏ་ཐཱ་ཏ་ཀཱ་ཡ་བཱ་ཀ་ཙིཏྟ་པྲ་ཎ་མེན་བཛྲ་བནྡྷ་ནཾ་ཀ་རོ་མི་ཞེས་པའམ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ་ཌཱ་ཀི་ནཱི་ཛྭ་ལ་སམྦར་སྭཱ་ཧཱ་ཞེས་བྱའོ། །དེ་བཞིན་གཤེགས་པ་ཀུན་ཞི་བ། །དེ་བཞིན་གཤེགས་པ་ཀུན་གྱི་
[81a.6]གནས། །ཆོས་ཀུན་བདག་མེད་པ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །མཚན་ཉིད་ཐམས་ཅད་ཡང་དག་རྫོགས། །མཚན་མིན་ཐམས་ཅད་རྣམ་པར་སྤངས། །ཀུན་དུ་བཟང་པོ་སྐུ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །ཞི་བའི་ཆོས་
[81a.7]མཆོག་ལས་བྱུང་བའི། །ཡེ་ཤེས་སྤྱོད་པ་རྣམ་སྤྱོད་པ། །ཀུན་དུ་བཟང་པོ་གསུང་གི་མཆོག །དཀྱིལ་འཁོར་དམ་པ་བཤད་དུ་གསོལ། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པ་དྲི་མ་མེད། །ཀུན་དུ་བཟང་པོ་ཐུགས་ཀྱི་མཆོག །དཀྱིལ་འཁོར་སྙིང་པོ་
[81b]
[81b.1]བཤད་དུ་གསོལ། །ཞེས་བྱའི་བསྟོད་པའི་ཚིགས་བཅད་ཀྱིས། །བླ་མར་ལན་གསུམ་གསོལ་བ་གདབ། །གསོལ་བ་བཏབ་པའི་བླ་མ་གང་། །རང་གི་སེམས་ལ་འདི་བྱ་སྟེ། །དཔལ་ལྡན་བདེ་མཆོག་རིམ་གསུངས་པའི། །ཆོ་གས་འགྲོ་བ་ཐམས་ཅད་ནི། །བདག་གིས་འབད་པས་
[81b.2]བཏོན་ནས་སུ། །བདེ་བ་མཆོག་ལ་དགོད་བྱ་སྟེ། །ཡང་དག་བླ་ན་མེད་པ་ཡི། །བྱང་ཆུབ་ངེས་པར་འདིས་སྟེར་བྱེད། །དེ་ལྟར་བསྟོད་པ་བྱས་ནས་ནི། །འདི་ལྟར་ཡང་ནི་བརྗོད་པར་བྱ། །ཉོན་མོངས་འདམ་གྱིས་མ་གོས་པ། །སྲིད་པའི་རྒྱ་མཚོར་བྱིང་བ་ཡི། །དེ་ཕྱིར་རྒལ་བར་མི་ནུས་
[81b.3]པས། །སེམས་ཅན་ཕུང་པོ་ཤིན་ཏུ་སྡུག །ཉན་ཐོས་ལ་སོགས་བརྒལ་བ་དང་། །རྒྱལ་སྲས་བྱང་ཆུབ་སེམས་དཔའ་དང་། །དཔའ་བོ་རྣམས་ཀྱིས་བདེ་ཆེན་འཐོབ། །དཀྱིལ་འཁོར་ཤེས་ལ་སྤྲོ་བར་གྱིས། །དྲི་མ་གསུམ་སྤངས་འཁོར་ལོ་གསུམ། །བླ་ན་མེད་པར་ཁྱོད་འཇུག་
[81b.4]གམ། །འདི་ཉིད་ལན་གསུམ་བརྗོད་པར་བྱ། །དེ་བཞིན་སློབ་མས་ལན་གསུམ་མོ། །འགྲོ་བ་གདོན་པའི་བསམ་པ་ཡིས། །སྤྲོ་བས་འདི་སྐད་དུ་ནི་བརྗོད། །སླར་ཡང་བླ་མས་སློབ་མ་ལ། །འདི་སྐད་དུ་ནི་དྲི་བྱ་སྟེ། །ཁྱོད་ཀྱིས་ཡོ་བྱད་ཐམས་ཅད་ནི། །ཚོགས་སམ་ལན་
[81b.5]གསུམ་དྲི་བར་བྱ། །སློབ་མས་ཀྱང་ནི་བརྗོད་བྱ་བ། །ཡོ་བྱད་ཕུན་ཚོགས་ཅུང་ཞིག་འབྱོར། །ཅུང་ཞིག་ཀྱང་ནི་མ་འབྱོར་བརྗོད། །གསོལ་བ་འདེབས་པའི་ཚིགས་བཅད་ནི། །སྔགས་པས་ཚིགས་བཅད་ཉི་ཤུ་གཅིག །གསོལ་བ་བཏབ་པའི་བླ་མ་ཡིས། །སློབ་མ་དེ་ནི་
[81b.6]ཡོངས་སུ་གཟུང་། །ཆོ་ག་འདི་ཡིས་ཡང་དག་པར། །ཡིད་ནི་མཉམ་པར་ལེགས་པར་གཞག །དེ་ལ་ཐོག་མར་རེ་ཞིག་ནི། །ཧེ་རུ་ཀ་དཔལ་རྒྱལ་བདག་ཉིད། །རྣལ་འབྱོར་གང་ཞིག་དཀྱིལ་འཁོར་འདྲི། །དེ་ཡི་རྣལ་འབྱོར་རྟོགས་པར་བྱ། །དེ་ནས་ཧེ་རུ་ཀ་ཞེས་པའི། །
[81b.7]སློབ་མ་མཉམ་པར་གཞག་པ་ལ། །ཇི་སྲིད་རིམ་བཞིན་ཡི་གེ་གསུམ། །སྤྱི་གཙུག་མགྲིན་པ་སྙིང་གར་དགོད། །རྒྱུད་མེད་རྣམ་པར་ཉམས་དོན་དུ། །གར་ཡང་རྣམ་པར་མི་གནས་དང་། །བརྗོད་དང་བྲལ་བའི་རང་བཞིན་དང་། །དེ་བཞིན་འདི་ནི་རང་བཞིན་མེད། །སློབ་མ་
[82a]
[82a.1]རང་བཞིན་མེད་འདི་བྱ། །འོག་ནས་བརྗོད་པའི་རང་བཞིན་གྱིས། །ཧེ་རུ་ཀ་དཔལ་རྣལ་འབྱོར་དུ། །སློབ་མ་རྫོགས་པར་བསྐྱེད་ནས་ནི། །དབང་བསྐུར་ཡང་དག་བསྡུས་པ་ནི། །ཡིད་ཀྱིས་ཡོངས་སུ་བརྟག་པ་ཡིན། །ལྷ་མོ་བཞི་ཡིས་དབང་བསྐུར་བ། །
[82a.2]མཁས་པས་བདུད་རྩིས་ཁྲུས་བྱའོ། །པུལླཱི་མཱ་ལ་ཡ་ལ་སོགས། །ཉི་ཤུ་རྩ་བཞིའི་ས་བོན་ལྡན། །དེ་ཡི་ས་བོན་མཐུ་ཡིས་ནི། །རབ་ཏུ་གཏུམ་མོ་ལ་སོགས་པས། །མདུན་ནས་སློབ་མཆོག་གོ་ཆ་བྱ། །དེ་ནས་སྲུང་བ་ཆེན་པོར་འགྱུར། །སྤྱི་གཙུག་ལ་སོགས་ཐམས་
[82a.3]ཅད་དུ། །ཇི་སྲིད་པུས་མོ་བར་མཚམས་མེད། །དེ་ཡིས་སེམས་ལས་བྱུང་བའི་བགེགས། །ཐམས་ཅད་དུ་ནི་འབྱུང་མི་འགྱུར། །དེ་ལྟར་ཡང་དག་ཉེར་བསྐྱེད་བྱ། །སློབ་མ་ཡོངས་བཟུང་ཚིགས་བཅད་དགུས། །དེ་བཞིན་སློབ་མ་ཡོངས་སུ་བཟུང་ནས། །བསྙེན་པ་ཡང་དག་
[82a.4]བརྩམས་པ་སྟེ། །དཔལ་ལྡན་ཧེ་རུ་ཀ་རྣལ་འབྱོར། །དེ་ཡི་སྔགས་དང་རྣལ་འབྱོར་རིག །དཀྱིལ་འཁོར་ཡང་དག་ཇི་ལྟ་བར། །རབ་ཏུ་བརྟག་པར་སུ་ཡིས་ནུས། །རང་གི་ལྷ་ཡི་རྣལ་འབྱོར་གྱིས། །དཀྱིལ་འཁོར་དག་ནི་བརྟགས་ན་འགྲུབ། །རང་གི་ལྷ་ཡི་རྣལ་འབྱོར་ནི། །བདག་
[82a.5]གིས་འདི་རུ་བཤད་བྱ་སྟེ། །རྣལ་འབྱོར་ཅན་གྱིས་དེ་གནས་བསྟན། །ཇི་བཞིན་གསལ་བ་བརྗོད་པར་བྱ། །འབབ་ཆུ་རི་བོ་ཡིད་འོང་བ། །འབྲས་བུ་རྩ་བ་བཅས་པ་དང་། །མེ་ཏོག་སྣ་ཚོགས་བཀྲམ་པ་ཡི། །རྒྱུན་དུ་ཤིང་གི་གྲིབ་མ་ལ། །གྲོང་ཁྱེར་ལས་རིང་ཉེ་བ་མིན། །སྐྱེ་འགྲོ་ཡིད་
[82a.6]མཐུན་སྐྱེ་བོ་སྤངས། །གལ་ཏེ་མེད་ན་ཆུ་བོའི་འགྲམ། །ཉེ་བར་སྡོང་པོ་ཡལ་འདབ་ལྡན། །གལ་ཏེ་ས་ཕྱོགས་མེད་ན་ནི། །རྒྱལ་པོ་གང་དུ་འདོད་པར་རོ། །གྲོང་ཁྱེར་དག་གི་ས་ཕྱོགས་སམ། །གོང་དུ་བསྟན་པའི་ས་ཕྱོགས་སུ། །ཡིད་དུ་འོང་བར་ཡང་དག་སྤྱོད། །ཕྱག་དར་
[82a.7]བྱུག་པ་ལ་སོགས་ཀྱིས། །འབད་དེ་རྫོགས་པར་བྱས་ནས་ནི། །དྲི་དང་མེ་ཏོག་སྣ་ཚོགས་སོགས། །ཡང་དག་མཆོད་ལ་གཏོར་མ་བརྩམས། །དེ་ནས་འཇམ་པའི་སྟན་ལ་ནི། །ཡང་དག་གནས་ཏེ་བདུད་རྩི་ལྔ། །གཡས་ཀྱི་ངོས་སུ་བཞག་ནས་ནི། །བརྟུལ་ཞུགས་ཅན་
[82b]
[82b.1]གྱིས་རི་ལུ་བཟའ། །སློབ་དཔོན་ཡང་དག་རྒྱུད་ཤེས་ཤིང་། །སྔགས་དང་ཕྱག་རྒྱའི་ཕ་རོལ་སོན། །ཕྱི་རོལ་ཡན་ལག་བླངས་ནས་ནི། །དེ་དག་ལྷན་ཅིག་རྣལ་འབྱོར་བྱ། །དེ་ལ་འདི་ཡིས་རིམ་ཤེས་པས། །ཕྱག་རྒྱ་དྲུག་དང་ལྡན་པའི་ལུས། །ཐལ་བ་སྤངས་པའི་ལྷག་
[82b.2]མ་ཡིས། །རིག་མ་ཡང་དག་བརྒྱན་པར་བྱ། །སེམས་ཅན་ཀུན་ལ་ཕན་དོན་ཕྱིར། །བདེ་བའི་རྒྱུ་རུ་བདག་ཉིད་ནི། །ཧེ་རུ་ཀ་དཔལ་ཉིད་ཡིན་ནོ། །སྔོན་དུ་སྨོན་ལམ་ལན་གསུམ་བརྗོད། །ཁ་སྦྱོར་རྣལ་འབྱོར་བསྒོམ་བྱས་ནས། །དུར་ཁྲོད་ཆེན་པོ་བརྩམ་པར་བྱ། །རོ་ནི་
[82b.3]ཚིག་དང་མ་ཚིག་དང་། །ཅེ་སྤྱང་བཀྲ་མི་ཤིས་པའི་སྒྲ། །ཁྭ་དང་འུག་པ་བྱ་རོག་དང་། །སྡོང་པོ་ཁུང་བུ་སྦྲུལ་དང་ནི། །འདི་ལྟར་འཇིགས་པའི་གཟུགས་བརྙན་ནི། །དང་པོར་བྱས་ཏེ་དེ་མ་ཐག །འོག་ནས་འབྱུང་བའི་རྣལ་འབྱོར་ཆེ། །ཧཱུཾ་ཞེས་སྐད་ཅིག་གིས་
[82b.4]དམིགས་ལ། །ཨཱ་ལི་ཀཱ་ལི་ལན་གསུམ་བརྗོད། །རབ་ལན་གསུམ་དགོད་པ་ནི། །གཉི་ག་ཡི་ནི་སྤྱི་གཙུག་དང་། །མགྲིན་པ་སྙིང་ག་དག་ཏུ་དགོད། །སྔོན་བཞིན་འགྲོ་ཀུན་སྣང་མེད་པར། །དེ་བཞིན་དུ་ནི་བདག་ཉིད་བྱ། །སྨོན་ལམ་དབང་གིས་ནམ་མཁའ་ལ། །ལངས་
[82b.5]ཏེ་སེམས་ཀྱི་མཚན་ཉིད་ནི། །ཨོཾ་ཨཱཿ་ཧཱུཾ་གི་ཡི་གེ་གསུམ། །ཇི་ལྟ་བ་ཡི་རིམ་པ་བཞིན། །སྟེང་འོག་བར་དུ་རྣམ་པར་བསམ། །དེ་ནས་ཧཱུཾ་ཡིག་གྱུར་པ་ལས། །རྩེ་ལྔ་པ་ཡི་རྡོ་རྗེ་སྟེ། །དེ་ཡི་ལྟེ་བའི་དཀྱིལ་གནས་པ། །ཡང་ན་ཧཱུཾ་གི་ཡི་གེ་བལྟ། །ཧཱུཾ་ལས་འོད་ཟེར་འཕྲོས་ནས་
[82b.6]ནི། །ཨཱཿ་ཡིག་ལ་ནི་ཞུགས་པར་བསམ། །དེ་བཞིན་ཨཱཿ་ལས་བྱུང་ནས་ནི། །ཨོཾ་ཡིག་ལ་ནི་ལེགས་པར་ཞུགས། །ཨོཾ་ལས་འོད་ཟེར་འཕྲོས་ནས་ནི། །ཨོཾ་ཨཱཿ་ཧཱུཾ་གི་ཡི་གེ་གསུམ། །ཇི་སྲིད་ནམ་མཁའི་མཐར་ཐུག་པར། །དེ་སྲིད་ཡི་གེ་གནས་འདྲ་བ། །སེམས་ཅན་ཐམས་
[82b.7]ཅད་རྣམ་དག་དོན། །དེ་ལྟར་སྤྲོ་བར་འདོད་པ་ཡིན། །རྩ་བའི་ཡི་གེ་གསུམ་པོ་ལས། །འོད་ཟེར་ལྕགས་ཀྱུ་རྣམ་པར་སྤོས། །སླར་ནི་ཡང་དག་བཀུག་ནས་སུ། །ཡི་གེ་གསུམ་ལ་ལེགས་པར་བསྡུ། །ཕྱི་ནས་དེ་ཡི་ཨོཾ་ཡིག་ནི། །ཨཱཿ་ཡིག་ལ་ནི་གཞུག་པར་བྱ། །དེ་བཞིན་
[83a]
[83a.1]ཨཱཿ་ཡིག་རྡོ་རྗེ་ལ། །རྡོ་རྗེ་ཡང་ནི་ཧཱུཾ་ལ་གཞུག །མགོ་བོ་ཟླ་ཕྱེད་ཐིག་ལེ་སྒྲ། །སྒྲ་ཡང་དེ་བཞིན་རིམ་ཤེས་བྱ། །སྒྲ་ཙམ་དུ་ནི་ཞུགས་བྱས་ལ། །དེ་ཡང་ཉེ་བར་དམིགས་མི་བྱ། །དེ་ལྟར་བྱས་ནས་ཕྱི་ནས་ནི། །སངས་རྒྱས་ཞིང་ནི་རྣམ་སྦྱང་བྱ། །ཡ་ར་ལ་ཝའི་རང་
[83a.2]བཞིན་ལ། །རླུང་དང་མེ་དང་ས་དང་ཆུ། །དེ་སྟེང་རུས་སྦལ་ཐོད་པའམ། །ཇི་ལྟར་འདོད་པར་བརྟག་པར་བྱ། །དེར་ནི་ཨ་ཡི་རང་བཞིན་ལས། །སྣ་ཚོགས་རྡོ་རྗེ་བསྒོམ་པར་བྱ། །དེ་སྟེང་པདྨ་འདབ་མ་བརྒྱད། །དེ་ཡི་སྟེང་དུ་རི་རབ་བསྒོམ། །དེ་བཞིན་དུ་ཡང་འདབ་མ་བརྒྱད། །
[83a.3]ཟེའུ་འབྲུ་དཀར་པོ་བཅས་པ་ཡིས། །གྲགས་པའི་རང་བཞིན་ས་བོན་ནི། །གོང་ནས་གོང་དུ་བསྒོམ་པར་བྱ། །པདྨའི་འདབ་མའི་ཁ་དོག་ནི། །ངེས་པར་འདིར་ཡང་བརྟག་བྱ་སྟེ། །དང་པོར་ཁ་དོག་ནག་པོའོ། །གཉིས་པ་དེ་བཞིན་ལྗང་གུ་སྟེ། །གསུམ་པའི་རྣམ་པ་དམར་པོའོ། །
[83a.4]བཞི་པ་སེར་པོའི་རྣམ་པ་སྟེ། །མཚམས་ཀྱི་འདབ་མ་འདྲེས་པའོ། །རིན་ཆེན་སྣ་བཞིའི་རང་བཞིན་གྱི། །རི་ཡི་རྒྱལ་པོ་ཟུར་བཞི་པ། །རི་བདུན་རི་ཡིས་ཡོངས་བསྐོར་བའི། །ཟེའུ་འབྲུར་ཨཱ་ལི་ཀཱ་ལི་དགོད། །ཟླ་བའི་དཀྱིལ་འཁོར་བསྒོམ་པར་བྱ། །དེ་བཞིན་སངས་རྒྱས་
[83a.5]ཞིང་དུ་གནས། །འདི་ལྟར་ཡོངས་སུ་གྲགས་པ་ཡིན། །འདི་ནི་རྫོགས་པའི་རིམ་པ་སྟེ། །འཁོར་ལོ་གསུམ་དང་བདག་ཉིད་བཅས། །གཞན་དུ་རྙེད་པར་དཀའ་བའི་ཕྱིར། །འབད་དེ་ལེགས་པར་གསུངས་པ་ཡིན། །ནཱ་ད་ཙམ་ལས་བྱུང་བ་ཡི། །དེ་བཞིན་དུ་ནི་ཐིག་
[83a.6]ལེའོ། །ཐིག་ལེ་ལས་ནི་ཟླ་ཕྱེད་བྱས། །ཟླ་ཕྱེད་ལས་ནི་དེ་བཞིན་མགོ ། མགོ་བོ་ལ་ནི་ཧཾ་ཡིག་གོ། །ཧཾ་ལས་ཨཱུ་ནི་བྱུང་བ་སྟེ། །དེ་ལྟར་ཧཱུཾ་ཡིག་རྫོགས་ནས་ནི། །ཟླ་བའི་གཟུགས་བརྙན་སྟེང་དུ་བསྒོམ། །ཧཱུཾ་གི་ཡི་གེ་གཅིག་ཉིད་ལས། །བདེ་མཆོག་དཀྱིལ་འཁོར་
[83a.7]མ་ལུས་པ། །གཞལ་ཡས་ཁང་པའི་མཐར་ཐུག་པར། །ཅི་གསུངས་སྐད་ཅིག་དེ་ལ་བསྒོམ། །ས་གཞིར་འབྲས་ཀྱི་ས་བོན་བཞིན། །འདིར་ནི་ཕྱིར་འབྱིན་རིམ་པ་མེད། །དཔའ་བོ་རྣམས་དང་མཁའ་འགྲོ་མ། །རང་བདག་དུས་གཅིག་བསྐྱེད་པ་སྟེ། །དཔའ་བོ་དབང་
[83b]
[83b.1]ཕྱུག་ཟེའུ་འབྲུ་ལ། །དེ་ཡི་ཁ་དོག་ཕྱག་སོགས་རིམ། །བླ་མའི་མན་ངག་གསུངས་པ་ནི། །རྒྱས་པ་རུ་ནི་བཤད་པར་བྱ། །རྩ་ཞལ་རང་ལུས་ཐམས་ཅད་ནི། །དུ་བའི་མདོག་ཅན་འོད་འཕྲོ་བའི། །སྤྱི་བོ་གཡོན་ཕྱོགས་ཟླ་ཕྱེད་དང་། །རལ་པའི་དབུ་རྒྱན་གྱིས་བརྒྱན་པའི། །
[83b.2]སྣ་ཚོགས་རྡོ་རྗེས་མཚན་པ་སྟེ། །ཐོད་པ་ལྔ་ཡི་དབུ་རྒྱན་ཅན། །དབུས་སུ་དཔའ་བོ་ལྷ་དབང་ཕྱུག །གཡོན་དུ་མཁའ་འགྲོ་ལཱ་མའོ། །གཡས་ནི་དུམ་སྐྱེས་གཟུགས་ཅན་མའོ། །དེ་འོག་རྡོ་རྗེ་ཕྲེང་བ་དང་། །ཐམས་ཅད་དུ་ནི་སྤྱན་གསུམ་པ། །གཡོན་གྱི་ཞལ་ནི་ལྗང་གུ་སྟེ། །རྒྱབ་
[83b.3]ནི་ཤིན་ཏུ་དམར་བའོ། །གཡས་ཀྱི་ཞལ་ནི་སེར་བ་སྟེ། །དེ་ལྟར་ཞལ་གྱི་རིམ་པའོ། །སྐུ་ལ་ཕྱག་རྒྱ་དྲུག་གིས་བརྒྱན། །ཞེ་སྡང་ཐམས་ཅད་སྤངས་པ་ཡི། །མགུལ་རྒྱན་དང་ནི་ལག་གདུབ་དང་། །སྤྱི་གཙུག་ནོར་བུ་རྣ་ཆ་དང་། །ཐལ་བ་དང་ནི་མཆོད་ཕྱིར་ཐོགས། །དེ་རྣམས་
[83b.4]ཕྱག་རྒྱ་དྲུག་ཏུ་གྲགས། །ཨཱ་ལི་ཀཱ་ལི་རྣམ་དག་པའི། །ཐོད་པའི་ཕྲེང་བ་འཕྱང་བ་སྟེ། །སྟག་གི་པགས་པའི་ཤམ་ཐབས་གང་། །དངོས་སུ་དེ་དང་ལྡན་པའོ། །དང་པོ་ཕྱག་ནི་གཉིས་དག་གིས། །རྡོ་རྗེ་དྲིལ་བུ་གཉིས་བཟུང་ནས། །ལྷ་མོ་ལེགས་འཁྱུད་འོ་བྱེད་པའོ། །གཉིས་ཀྱིས་
[83b.5]གླང་པོའི་པགས་པའི་གོས། །དེ་ཡི་རྒྱབ་ནས་ཁྲག་འཛག་ཅིང་། །འོད་ཀྱི་དཀྱིལ་འཁོར་བཞིན་དུ་བསྐོར། །གཡོན་གྱི་ཕྱག་ནི་གསུམ་པ་ན། །ངོ་མཚར་རྡོ་རྗེ་ཁ་ཊྭཱཾ་ག །བཞི་པ་ན་ནི་ཐོད་པ་སྟེ། །རྒྱུ་མ་ཤ་ཁྲག་བཅས་པའོ། །ལྔ་པ་ན་ནི་ཞགས་པ་སྟེ། །དྲུག་པ་ཚངས་པའི་མགོ་
[83b.6]བོའོ། །གཡས་ཀྱི་ཕྱག་ནི་གསུམ་པ་ན། །རྩེ་གསུམ་བགེགས་ནི་འཇོམས་པའོ། །བཞི་པ་ན་ནི་དགྲ་སྟ་སྟེ། །ལྔ་པ་ན་ནི་རོ་ལངས་སོ། །དྲུག་པ་མི་ཟད་རྡེའུ་ཆུང་སྒྲ། །ཕྱག་ནི་བཅུ་གཉིས་དག་ཏུ་འདོད། །རུས་པ་ཡི་ནི་རྒྱན་གྱིས་བརྒྱན། །པདྨའི་ཟེ་འབྲུར་གནས་པ་ཡི། །ལྷ་
[83b.7]མོ་ཐོད་པའི་ཕྱག་གིས་ནི། །ཁྲག་གིས་བཀང་ནས་མགུལ་ནས་འཁྱུད། །དུས་གཅིག་ཏུ་ནི་ཕན་ཚུན་འཐུང་། །གང་ཕྱིར་ཞལ་ནི་གཅིག་ཕྱིར་རོ། །གཡས་པས་རྡོ་རྗེ་བསྣམས་པ་ནི། །སྟེང་དུ་རབ་ཏུ་བརྐྱང་བ་ཉིད། །དེ་ལྟར་ལྷ་མོ་ཕྱག་གཉིས་སམ། །སྐྲ་གྲོལ་འོད་ཀྱི་ཚོགས་དང་
[84a]
[84a.1]ལྡན། །ཐལ་བ་སྤངས་པའི་ཕྱག་རྒྱ་ནི། །ལྷག་མ་ཡི་ནི་ཚོགས་ཀྱིས་བརྒྱན། །མི་ཡི་རུས་པའི་སྐ་རགས་མཛེས། །སྤྱན་གསུམ་ནམ་མཁའི་གོས་ཅན་ནོ། །གཡས་བརྐྱང་པ་ཡི་ཞབས་དང་ལྡན། །གཞན་ནི་གཡོན་ནི་བརྐྱང་བའི་ཞབས། །འཇིགས་
[84a.2]བྱེད་ཡང་དག་མནན་པ་ཡི། །གཉིས་ནི་ལེགས་པར་བསྒོམ་པར་བྱ། །ཤར་གྱི་འདབ་མར་མཁའ་འགྲོ་མ། །གཡོན་པར་ལཱ་མ་རུ་ནི་གྲགས། །རྒྱབ་ཏུ་དུམ་སྐྱེས་མ་ཡིན་ཏེ། །གཡས་སུ་གཟུགས་ཅན་མ་རུ་གྲགས། །པད་འདབ་དེ་དང་དེ་མདོག་འོད། །ལྷ་མོ་བཞི་རུ་
[84a.3]གྲགས་པ་ཡིན། །མཚམས་ཀྱི་པདྨར་ཐོད་པ་རྣམས། །དྲི་ཆེན་དྲི་ཆུ་ཁུ་ཁྲག་གོ། །པདྨའི་ཕྱི་རོལ་འཁོར་ལོ་གསུམ། །སྙིང་པོར་ཡོངས་སུ་བརྟགས་པ་ཡིན། །རྩིབས་ནི་བརྒྱད་བརྒྱད་འཁོར་ལོ་ནི། །དེ་ནི་འཕར་མ་སུམ་བརྩེགས་སོ། །དཔའ་བོ་མགོན་པོ་ཞབས་ནས་ནི། །
[84a.4]རྐེད་པའི་བར་དུ་གནས་པ་སྟེ། །སྐུ་ཡི་འཁོར་ལོ་འདི་བརྗོད་པས། །སྟོབས་པོ་ཆེ་ལ་སོགས་བརྒྱད་དོ། །རྐེད་པའི་བར་ནས་བརྩམས་ནས་ནི། །ནུ་མ་གཉིས་བར་ཡང་དག་གནས། །གསུང་གི་འཁོར་ལོ་ཇི་ལྟ་བར། །མྱུ་གུ་ཅན་ལ་སོགས་བརྒྱུད་དོ། །ནུ་མ་ནས་ནི་བརྩམས་
[84a.5]ནས་སུ། །མགྲིན་པའི་བར་དུ་གནས་པ་ནི། །ཐུགས་ཀྱི་འཁོར་ལོ་ཇི་ལྟ་བར། །ཐོད་པའི་དུམ་བུ་སོགས་བརྒྱད་དོ། །ཀེང་རུས་ཆེ་ལ་སོགས་ཞེས་པ། །དེ་རྣམས་མིང་གིས་གཡོན་ཞེས་བྱ། །དཔའ་བོ་ཉི་ཤུ་རྩ་བཞི་ཡང་། །ཐམས་ཅད་ཕྱག་བཞི་པ་ཉིད་དོ། །ཐོག་མ་ཡི་ནི་ཕྱག་ཉིད་
[84a.6]ཀྱིས། །དཔའ་བོ་དབང་ཕྱུག་བཞིན་དུ་གནས། །གཡོན་པའི་ཕྱག་ན་ཐོད་པ་སྟེ། །གཡས་ན་དེ་བཞིན་རྡེའུ་ཆུང་ངོ་། །དཔའ་བོ་ཞབས་ནི་གཡས་བརྐྱང་པ། །བུད་མེད་ཞབས་ནི་གཡོན་བརྐྱང་བའོ། །དཔའ་བོ་རྣམས་དང་མཁའ་འགྲོ་རྣམས། །སྔགས་དང་ཕྱག་རྒྱ་སྔོན་བཞིན་ནོ། །
[84a.7]ནག་པོ་དམར་པོ་དེ་བཞིན་སེར། །སྐུ་གསུང་ཐུགས་ཀྱི་རྡོ་རྗེ་ཅན། །དང་པོའི་སྒོར་ནི་ཁྭ་གདོང་མ། །གཡོན་དུ་འུག་པའི་གདོང་མ་སྟེ། །ནུབ་ཏུ་ཁྱི་གདོང་མར་ཤེས་བྱ། །ལྷོ་རུ་ཕག་གི་གདོང་མ་སྟེ། །ལྷག་མ་གཤིན་རྗེ་བརྟན་མ་དང་། །གཤིན་རྗེ་ཕོ་ཉ་དེ་ལས་གཞན། །གཤིན་
[84b]
[84b.1]རྗེ་མཆེ་བ་ཉིད་དང་ནི། །གཞན་ཡང་གཤིན་རྗེ་འཇོམས་མ་སྟེ། །ལྷ་མོ་དེ་ལྟར་མཚམས་རྣམས་སུ། །ལྷ་མོ་བཞི་རུ་གྲགས་པ་ཡིན། །གཙོ་བོ་ཡི་ནི་ཞལ་གྱི་གདོང་། །སྒོ་སྐྱོང་བཞི་ཡང་དེ་མདོག་གོ། །མཚམས་བཞི་ཡི་ནི་ལྷ་མོ་རྣམས། །མདོག་གཉིས་ཉེ་བའི་རིམ་པས་
[84b.2]སོ། །སུམ་ཅུ་རྩ་དྲུག་ལྷ་མོ་རྣམས། །གཡོན་གྱི་ཕྱག་ན་ཐོད་པའོ། །གཡས་ན་གྲི་གུག་ཤེས་བྱ་སྟེ། །གཅེར་བུ་སྐྲ་ནི་གྲོལ་བའོ། །མ་ལུས་ཡང་དག་བརྗོད་པ་ནི། །ཐམས་ཅད་འདི་བཞིན་བསྒོམ་པར་བྱ། །འཁོར་ལོ་གསུམ་པོ་ནང་བྱས་ནས། །གཞལ་ཡས་ཁང་པ་བསྒོམ་
[84b.3]པར་བྱ། །དྲི་དང་མེ་ཏོག་དེ་བཞིན་སྤོས། །བཟང་པོའི་ལྷ་བཤོས་བྱུག་པ་དང་། །བཟང་པོའི་མར་མེ་ཕྱེད་པ་དང་། །བཟའ་དང་སྟོན་མོའི་བྱེ་བྲག་དང་། །སྒྲོན་མ་དང་ནི་བདུད་རྩི་དང་། །སྣ་ཚོགས་པ་ཡི་བཏུང་བ་དང་། །གླིང་བུ་པི་ཝང་རྔ་ཕྲན་སོགས། །རྣམ་པ་སྣ་ཚོགས་གླུ་
[84b.4]ཡི་སྒྲ། །གར་མ་སྒེག་མོ་སོགས་མཆོད་ཀྱིས། །ཤིན་ཏུ་མཉམ་གཞག་མཆོད་བྱེད་ཅིང་། །རྟ་བབས་བཞི་དང་ཡང་དག་ལྡན། །དྲ་བ་དྲ་བ་བྱེད་པས་བརྒྱན། །དྲིལ་བུ་དར་དཔྱངས་བ་དན་སོགས། །རྔ་ཡབ་མེ་ཏོག་ཕྲེང་བས་བརྒྱན། །དུར་ཁྲོད་རྣམས་ནི་ཐམས་ཅད་
[84b.5]དུ། །སྔར་གསུངས་དེ་ཡི་ཁྱད་པར་རོ། །བསྲུང་བའི་དོན་དུ་ཕྱི་རོལ་དུ། །ར་བ་གསུམ་གྱིས་བསྐོར་བ་སྟེ། །རྡོ་རྗེ་པདྨ་འཁོར་ལོ་ནི། །ར་བ་ཞེས་ནི་གྲགས་པའོ། །གཞལ་ཡས་ཁང་གི་མཐའ་ཡི་བར། །མཁས་པས་དེ་ལྟར་ཤེས་པར་བྱ། །སྣ་ཚོགས་ཐམས་ཅད་
[84b.6]རྫོགས་པར་ནི། །དུས་གཅིག་ཏུ་ནི་བསྒོམ་པར་བྱ། །བྱེ་བྲག་མང་པོ་སྤྱོད་པ་ཡི། །ཡང་དག་བརྟན་ཞིང་བསྒོམ་པར་བྱ། །དེ་ནས་གནོད་མཛེས་སྔགས་ཀྱིས་ནི། །མཁས་པས་བགེགས་ནི་བསྐྲད་བྱ་སྟེ། །ཚིག་རྐང་དག་ནི་བཞི་པོ་དེ། །ཞལ་བཞི་ནས་ནི་བརྗོད་
[84b.7]པར་བྱ། །མཁའ་འགྲོ་མ་སོགས་ལྷ་མོ་བཞི། །ཐུགས་ཀྱི་འཁོར་སོགས་འཁོར་ལོ་ཅན། །ཁྭ་གདོང་ལ་སོགས་ཕོ་ཉ་བརྒྱད། །སོ་སོའི་མིང་ནི་བརྗོད་པར་བྱ། །དེ་ནས་སྲུང་བའི་ཆོ་གའི་ཕྱིར། །འདི་ལྟར་ལུས་ཀྱི་གོ་ཆ་བྱ། །ཨོཾ་ཧ་ཞེས་བྱ་རྫོགས་པ་ཡི། །རྡོ་རྗེ་
[85a]
[85a.1]169 སེམས་དཔའ་སྙིང་གར་གནས། །ན་མ་ཧི་ལས་མགོ་བོ་ལ། །རྣམ་པར་སྣང་མཛད་གནས་པའོ། །སྭཱ་ཧཱ་ཧུ་ལས་སྤྱི་གཙུག་ཕྱོགས། །པདྨ་གར་གྱི་དབང་ཕྱུག་གོ། །བཽ་ཥཊ་ཧེ་ལས་ཕྲག་གཉིས་སུ། །ཧེ་རུ་ཀ་དཔལ་དག་ཏུ་གྲགས། །ཧཱུཾ་ཧཱུཾ་ཧོ་ལས་
[85a.2]མིག་གཉིས་སུ། །དེ་བཞིན་རྡོ་རྗེ་ཉི་མ་ཡང་། །ཕཊ་ཧཾ་ནི་ལུས་ཀུན་ལ་དགོད། །དེ་ཉིད་ཡོངས་སུ་གྱུར་པ་ལས། །རྟ་མཆོག་མཚོན་ཆའི་གཟུགས་ཅན་ནི། །ལུས་ཀུན་ལ་ནི་རྣམ་པར་གནས། །ཨོཾ་བཾ་རྡོ་རྗེ་ཕག་མོ་ནི། །ལྷ་མོའི་ལྟེ་བར་གནས་པའོ། །ཧཾ་ཡོཾ་ཞེས་བྱའི་སྔགས་
[85a.3]ཀྱིས་ནི། །གཤིན་རྗེ་མ་ནི་སྙིང་གར་གནས། །དེ་བཞིན་ཧྲཱིཾ་མོཾ་ཞེས་བྱས་ནི། །རྨོངས་བྱེད་མ་ནི་ཁ་ལ་གནས། །ཧྲེཾ་ཧྲེཾ་ཞེས་བྱ་མགོ་བོ་ལ། །སྐྱེད་བྱེད་མ་ནི་རྣམ་གནས་པའོ། །ཧཱུཾ་ཧཱུཾ་ཞེས་བྱ་སྤྱི་གཙུག་དབུས། །རྣལ་འབྱོར་མ་ནི་སྐྲག་བྱེད་གནས། །ཡི་གེ་ཕཊ་ཕཊ་ཅེས་བྱ་
[85a.4]བས། །མ་ལུས་ལུས་ཀུན་གཏུམ་མོ་ཡི། །མཚོན་ཆ་ཡི་ནི་རང་བཞིན་ནོ། །དེ་ལྟར་ཡན་ལག་དྲུག་དགོད་པ། །གཉི་ག་ལ་ཡང་བྱས་པར་བསམ། །ཐལ་མོ་ཕྱེ་བའི་ཐོད་པ་ཡིས། །མཁས་པས་མཆོད་ཡོན་ལན་གསུམ་སྦྱིན། །ཡེ་ཤེས་འཁོར་ལོ་གཞུག་པའི་ཕྱིར། །སྔགས་
[85a.5]དང་ཕྱག་རྒྱ་ཡང་དག་བརྩམ། །ཇི་ལྟར་འཁོར་ལོ་འདིར་བསྟན་པ། །དེ་ཡང་དེ་བཞིན་གནས་པ་ཉིད། །ཧཱུཾ་ཡིག་སྙིང་གར་བསམ་བྱ་སྟེ། །དེ་ལས་བྱུང་བའི་འོད་ཟེར་གྱིས། །དཔའ་བོ་ཀུན་དུ་གནས་པ་ཡིས། །ཡེ་ཤེས་འཁོར་ལོ་ཡང་དག་བསྐུལ། །རྐང་པ་ཡང་དག་བརྐྱང་
[85a.6]བྱ་སྟེ། །གཡས་པ་ཡི་ནི་མཐེབ་ཆེན་གྱིས། །གཡོན་པ་ཡི་ནི་མཐེབ་ཆེན་མནན། །ཕོ་ཉའི་ཕྱག་རྒྱ་ལྷག་མ་སྟེ། །མཐེའུ་ཆུང་གི་ནི་སོར་མོ་དང་། །དེ་བཞིན་རྡོ་རྗེ་ཐལ་མོ་བརྐྱང་། །མཐེབ་མོ་སྔོན་དུ་ཁ་སྦྱར་ནས། །མཐེབ་རྩེ་འོག་ཏུ་བལྟ་བར་བྱ། །མཛུབ་མོ་གཉིས་ནི་
[85a.7]ཕན་ཚུན་དུ། །ལྕགས་སྒྲོག་ལྟ་བུར་བཅིང་བ་ཉིད། །དཔྲལ་བའི་སྟེང་དུ་ཡང་དག་གཞག །ཕཻཾ་ནི་ལན་གཉིས་བརྗོད་པ་ཡིས། །རྐང་པ་གཡོ་བའི་ཚུལ་གྱིས་ནི། །གཡོན་དང་གཡས་སུ་དེ་བཞིན་ནོ། །རང་གི་འཁོར་ལོ་ལྟ་བུས་བལྟ། །འཁོར་ལོ་འཁོར་ལོར་
[85b]
[85b.1]གཞུག་པར་བྱ། །དེ་ནས་ལྷ་མོའི་གནས་བཞིན་ནོ། །ལྟེ་བ་སྙིང་ག་དེ་བཞིན་དུ། །ཁ་ཡི་ཕྱོགས་དང་དཔྲལ་བ་རུ། །ཕྱག་བརྒྱ་བཞི་ནི་ཡང་དག་དགོད། །དེ་ལ་སྔགས་ནི་འདི་ཡིན་ནོ། །ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞ་ནཱི་ཡེ་སྭཱ་ཧཱ། ཨོཾ་བཛྲ་བཻ་རོ་ཙ་ནཱི་ཡེ་སྭཱ་ཧཱ། ཨོཾ་ཧྲཱིཿ་
[85b.2]ཧ་ཧ་ཧཱུཾ་ཧཱུཾ་ཕཊ། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ་ཕཊ། ཌཱ་ཀི་ནཱི་ཛྭ་ལས་མྦ་རཾ་སྭཱ་ཧཱ། དེ་ནས་ཐམས་ཅད་བསྲུང་བའི་ཕྱིར། །ཕྱི་རོལ་མཚམས་ཀྱི་ར་བ་ནི། །ནམ་མཁའ་ཡི་ནི་ཁོངས་ཉིད་དུ། །རྡོ་རྗེ་གུར་ནི་བསྒོམ་པར་བྱ། །དེ་ལྟར་ཡོངས་སུ་རྫོགས་བྱས་ནས། །རྡོ་རྗེ་པདྨ་
[85b.3]བསྒོམ་པར་བྱ། །བྱཱ་ལས་བྱུང་བའི་རྡོ་རྗེ་བསམ། །དེ་བཞིན་པདྨ་དྱཱ་ལས་སོ། །དེ་ནས་ཨརྒྷ་བྱིན་ནས་ནི། །དྲིལ་བུ་འབད་པས་དཀྲོལ་བར་བྱ། །ཕྱི་ནང་གསང་བ་ལ་སོགས་པའི། །སྒེག་མོ་ལ་སོགས་ཡང་དག་མཆོད། །ཨེ་མའོ་ཆོས་ཨེ་མའོ་ཆོས། །ཨེ་མའོ་ཆོས་
[85b.4]དོན་ཡང་དག་བྱུང་། །ཆོས་དོན་དག་པ་བདག་མེད་པ། །རྡོ་རྗེ་རྒྱལ་པོ་ཕྱག་འཚལ་འདུད། །སྐུ་གསུང་ཐུགས་ནི་ལེགས་དག་པ། །ནམ་མཁའ་དང་ནི་མཉམ་པའི་གནས། །འགྱུར་བ་མེད་ཅིང་སྣང་བ་མེད། །རྡོ་རྗེའི་སྐུ་ལ་ཕྱག་འཚལ་འདུད། །དེ་བཞིན་གཤེགས་
[85b.5]པའི་ཐུགས་ཀྱི་གཙོ། །དུས་གསུམ་ལམ་གྱི་ལམ་ལ་གནས། །ནམ་མཁའ་ཆེན་པོ་དབྱིངས་བྱུང་བ། །ནམ་མཁའ་ལམ་ལ་ཕྱག་འཚལ་འདུད། །ནམ་མཁའ་སྐུ་ནི་ཡང་དག་བྱུང་། །ནམ་མཁའ་གསུང་ནི་རབ་འཇུག་བྱེད། །ནམ་མཁའ་ཐུགས་ནི་ཆོས་ཀྱི་མཆོག །
[85b.6]སྤྱོད་པའི་གོ་འཕང་ཕྱག་འཚལ་འདུད། །རྡོ་རྗེ་སེམས་དཔའ་ཐེག་པ་ཆེ། །ནམ་མཁའ་སྤྱོད་པ་རྣམ་སྦྱོང་བ། །ཀུན་དུ་བཟང་པོ་མཆོད་པའི་མཆོག །རྒྱལ་བ་མཆོག་གི་མཆོད་པ་གསུངས། །འདོད་ཆགས་ཞེ་སྡང་གཏི་མུག་ཆེ། །རྡོ་རྗེ་ཐེག་པ་སྟོན་བྱེད་པ། །ནམ་
[85b.7]མཁའི་ཁམས་དང་མཉམ་པའི་མཆོག །རྒྱལ་བཞི་མཆོད་པ་བཤད་དུ་གསོལ། །ཐར་པའི་ལམ་ལ་རབ་འཇུག་པའི། །ཐེག་གསུམ་ལམ་ལ་འཇུག་པའི་མཆོག །སངས་རྒྱས་སྐལ་བཟང་དག་པའི་བདག །མི་མཆོག་མཆོད་པ་བཤད་དུ་གསོལ། །བྱང་ཆུབ་
[86a]
[86a.1]སེམས་ནི་ཡངས་པའི་སྤྱན། །ཆོས་ཀྱི་འཁོར་ལོ་སྐོར་བྱེད་ཅིང་། །སྐུ་གསུང་ཐུགས་ནི་ཡོངས་དག་པ། །རྡོ་རྗེ་ཐེག་པ་ཕྱག་འཚལ་འདུད། །བསྟོད་པ་ཡི་ནི་ཚིག་འདི་ནི། །སངས་རྒྱས་ཀུན་གྱིས་ཐུན་མོང་གསུངས། །ཡང་དག་བསྟོད་ནས་སྔགས་འདི་
[86a.2]ཡིས། །སྙིམ་པའི་མེ་ཏོག་གཏོར་ཕྱག་བྱ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ། པྲ་ཎ་མེ་ན་བཛྲ་བནྡྷ་ནཾ་ཀ་རོ་མི། །སྒྲུབ་པོ་ལྷ་ཉིད་སྐུ་ལྡན་ན། །གང་ལ་བསྟོད་ཅིང་ཕྱག་ཀྱང་བྱེད། །ཕྱོགས་ལྔ་དེ་ལྟར་བརྗོད་ཅེ་ན། །བྱིས་པ་རྣམས་ཀྱི་ལོག་རྟོགས་ཏེ། །བདེ་གཤེགས་
[86a.3]བདེ་བར་གཤེགས་པ་ལ། །ཕྱག་བྱེད་པ་དང་སྟོང་བྱེད་ལྟར། །ང་ལ་ཉམས་པ་ཅི་ཡང་མེད། །ང་ལ་སྐྱོན་ཡང་བྱུང་བ་མེད། །དཔལ་ལྡན་སངས་རྒྱས་རྒྱུད་ཀུན་དུ། །ཀུན་མཁྱེན་བཅོམ་ལྡན་ཉིད་ཀྱིས་གསུངས། །མཆོད་རྟེན་ལ་སོགས་བཞེངས་པ་ནི། །བདེ་གཤེགས་
[86a.4]བདེ་བར་གཤེགས་ཀྱིས་གསུངས། །འདིར་ནི་འཁོར་གསུམ་དཔའ་བོ་དང་། །དཔའ་མོ་རྣམས་ནི་ཡང་དག་མཆོད། །ཕྱག་འཚལ་བ་དང་བསྟོད་པ་སྟེ། །འདི་ལྟར་མཁས་པས་བསྒོམ་པར་བྱ། །དཔའ་བོ་དབང་ཕྱུག་ལོངས་སྤྱོད་ཀྱང་། །བདག་ལ་བདག་
[86a.5]གིས་བསྟོད་པའམ། །ཡང་ན་དཔའ་མོ་དབང་ཕྱུག་གིས། །ཡང་ན་འཁོར་ལོ་གསུམ་གྱིས་བསྟོད། །སྔགས་པ་གང་ཞིག་ཡོངས་རྫོགས་པས། །དགའ་བ་བསྲུང་ཞིང་བསྔགས་པ་བརྗོད། །ཇི་སྲིད་བྱང་ཆུབ་སེམས་མ་རྫོགས། །དེ་སྲིད་བདེ་བ་ཆེན་པོ་མེད། །དེ་
[86a.6]ཕྱིར་རྒྱུད་ཀྱི་དེ་ཉིད་ནི། །ཕྱི་མ་ལས་ཀྱང་ཕྱི་མ་བརྗོད། །དེ་སྐྱེས་པ་ཡི་ཚིགས་བཅད་བརྗོད། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་པར་བགྱི། །དེ་ལ་སོགས་པ་སྔོན་བྱས་ནས། །མྱ་ངན་འདས་ལ་དགོད་པར་བགྱི། །དེ་ལ་ཐུག་པར་
[86a.7]ཉིད་སྨྲས་པ། །བྱང་ཆུབ་སེམས་ཀྱི་མཚན་ཉིད་དོ། །དེ་ཕྱིར་སྨོན་པའི་སེམས་ཀྱིས་ནི། །ཕྱིས་ནི་བྱང་ཆུབ་འབྲས་བུར་འདོད། །རྒྱུ་ལ་འབྲས་བུ་བཏགས་པའི་ཕྱིར། །བྱང་ཆུབ་སེམས་སུ་བརྗོད་པའོ། །རིགས་ལྔ་ལ་ནི་སྦྱོར་བ་ལ། །གཞན་དུ་སེམས་ཅན་འདི་
[86b]
[86b.1]དོན་མེད། །ཟབ་ཅིང་རྙེད་དཀའ་གསང་བ་འདི། །ཅུང་ཟད་ཙམ་ཡང་གསལ་མ་བསྟན། །བླ་མ་བརྒྱུད་པའི་རིམ་པ་ཡིས། །དམ་པའི་དོན་དེ་ཤེས་པར་འགྱུར། །དེ་ཕྱིར་དེ་ཉིད་རྟོགས་བྱེད་པའི། །ཡེ་ཤེས་ལྔ་ནི་བསྒོམ་པར་བྱ། །འདི་ལྟར་མེ་ལོང་ཡེ་ཤེས་དང་། །ཡང་
[86b.2]ནི་མཉམ་ཉིད་ཡེ་ཤེས་དང་། །དེ་ནི་སོ་སོར་རྟོག་བྱ་ཞེས། །བྱ་བ་ནན་ཏན་ཉིད་དང་ནི། །ལྔ་པ་བྱང་ཆུབ་སེམས་ཉིད་ཀྱང་། །གདམས་ངག་ལས་ནི་ཤེས་པར་བྱ། །མེ་ལོང་དྲི་མེད་ཡེ་ཤེས་ལ། །སེམས་ཅན་ཐམས་ཅད་རྣམ་བསྒོམ་བྱ། །སྔགས་པ་སྙིང་རྗེ་ཆེན་པོ་ཡིས། །
[86b.3]སེམས་ཅན་དམིགས་པ་དང་བཅས་པས། །སེམས་ཅན་མགོན་མེད་སྡུག་བསྔལ་ཞིང་། །ནུས་མེད་གཞན་གྱི་འདྲེན་པ་མེད། །ཉོན་མོངས་ཀྱིས་ནི་འཁྲུག་གྱུར་པ། །དེ་ཕྱིར་མཁས་པས་ཤེས་པར་བྱ། །དེ་ནས་ཕྱིས་ནི་ཆོས་རྣམས་ཀུན། །མཁས་པས་སྙིང་རྗེ་
[86b.4]བཅས་པས་ནི། །མཉམ་པ་ཉིད་ཀྱི་བདག་མེད་པ། །དམིགས་ཤིང་བསྒོམ་པ་དག་ཏུ་བྱ། །དངོས་འདི་རང་བཞིན་མེད་པ་སྟེ། །བདག་གཞན་ཡང་དག་སྐྱེ་བ་མེད། །སྒྱུ་མ་དང་ནི་སྨིག་རྒྱུ་བཞིན། །ཐམས་ཅད་སྟོང་པར་བསྒོམ་བྱ་སྟེ། །ཡང་ནི་སོ་སོར་རྟོག་པ་ཡིན། །
[86b.5]ཆོས་ལ་དམིགས་པ་དང་བཅས་པའི། །སྨོན་ལམ་དྲི་མ་མེད་བྱས་ནས། །དག་པའི་སེམས་ཀྱིས་བསྒོམ་བྱ་སྟེ། །བྱ་བ་ནན་ཏན་ཡེ་ཤེས་ནི། །རྟག་ཏུ་གཞན་ལ་ཕན་བྱེད་པ། །ཉོན་མོངས་ཅན་སེམས་རྣམ་དག་ཕྱིར། །རྣལ་འབྱོར་པ་ནི་དེ་ལྟར་བསྒོམ། །སེམས་
[86b.6]ཅན་རྣམས་ནི་སངས་རྒྱས་སུ། །ཆོས་ཀྱི་དབྱིངས་ལ་ངེས་གནས་པ། །ཆོས་ཀྱི་དབྱིངས་ཀྱི་རང་བཞིན་ཕྱིར། །སངས་རྒྱས་རྣམས་སུ་བསྒོམ་བྱའོ། །ཆོ་ག་གཅིག་ཏུ་འདིར་རྟོགས་བྱ། །གཞན་ཡང་བླ་མའི་འདོད་པ་ཡོང་། །མེ་ལོང་ཡེ་ཤེས་ཕྱག་རྒྱ་ཆེ། །མཉམ་
[86b.7]ཉིད་ཡེ་ཤེས་མཁའ་འགྲོ་མ། །དེ་བཞིན་སོ་སོར་རྟོག་པ་ཉིད། །ཆོས་ཀྱི་ཕྱག་རྒྱར་བསྒོམ་པར་བྱ། །བྱ་བ་ནན་ཏན་ཡེ་ཤེས་ནི། །རྡོ་རྗེ་པདྨ་སྦྱོར་བའོ། །རྣལ་འབྱོར་པ་ཡིས་སྐབས་འདིར་ནི། །དགའ་བའི་རྒྱུ་ཕྱིར་སྣ་ཚོགས་ཀྱི། །སྦྱོར་ཐབས་ལ་སོགས་བསྟན་པས་ནི། །ལྷ་
[87a]
[87a.1]མོ་བདེ་བས་མཆོད་པར་བྱ། །དེ་ནས་བསྒུལ་བསྐྱོད་སྐབས་སུ་ནི། །དགའ་བ་རྣམ་གསུམ་དྲན་བྱ་སྟེ། །དགའ་བ་དང་ནི་མཆོག་དགའ་དང་། །རབ་ཏུ་དགའ་བ་ཉིད་དང་ཡང་། །ཤིན་ཏུ་བདེ་བའི་ཐབས་ཀྱིས་ནི། །བཞི་པ་མཆོག་ཏུ་བདེ་བའོ། །སེམས་
[87a.2]ཅན་འགྲོ་བའི་དོན་བྱེད་རྒྱུ། །དགའ་བ་རང་ཉིད་དགྱེས་པའོ། །ལྷ་མོ་བདེ་བས་དགྱེས་པ་ན། །མཆོག་དགའ་ཞེས་ནི་བརྗོད་པ་ཡིན། །དཔའ་བོ་རྣམས་དང་མཁའ་འགྲོ་རྣམས། །རབ་ཏུ་དགའ་བར་གནས་པའོ། །ཤིན་ཏུ་ཡང་དག་བདེ་བའི་ཐབས། །རང་དང་གཞན་དུ་དབྱེ་
[87a.3]བ་མེད། །ཤེས་རབ་ཐབས་ཀྱི་རྗེས་ལ་གང་། །བྱང་ཆུབ་སེམས་ཀྱི་འབྲས་བུར་འདོད། །འདི་ཡང་འབྲས་བུའི་ངོ་བོ་ཉིད། །དངོས་སུ་བྱང་ཆུབ་རྒྱུ་ཉིད་དོ། །སེམས་ཅན་གང་རྣམས་མྱང་འདས་ཆེད། །མྱ་ངན་འདས་པས་དེ་འདས་ཕྱིར། །ཐུག་པ་མེད་པར་ཐལ་བ་མེད། །
[87a.4]མཁས་པ་ཁ་ཅིག་སྤྱོད་ཡུལ་ལམ། །ཡང་དག་ཐུག་མེད་འདོད་པ་ན། །རབ་ཏུ་བཟང་བར་བྱ་བ་སྟེ། །དགོས་མེད་མཁས་པས་ལྕེ་ཡིས་བླང་། །འཁོར་ལོ་གསུམ་ལ་གནས་པ་ཀུན། །ཐམས་ཅད་ཐུན་མོང་དུ་བྱའོ། །དེ་ནས་དྲིལ་བུ་ཡང་དག་བླང་། །མཁས་པ་ཡིས་ནི་བསྟོད་
[87a.5]པ་བྱ། །དཔའ་བོ་དབང་ཕྱུག་རྗེས་འགྲོའམ། །དཔལ་མཆོག་དང་པོ་བསྟོད་པ་བྱ། །ཧེ་རུ་ཀ་དཔལ་ཡེ་ཤེས་ཆེ། །ཐུབ་པ་ཆེན་པོ་ཐབས་ཆེན་པོ། །མགོན་པོ་ཆེན་པོ་རྣམ་པ་ཆེ། །ཤིང་རྟ་ཆེན་པོ་ཐེག་ཆེན་པོ། །སྣང་བ་ཆེན་པོ་ཤེས་རབ་ཆེ། །དཔའ་བོ་ཆེན་པོ་དོན་ཆེན་བྱེད། །
[87a.6]ང་རྒྱལ་ཆེན་པོ་གཞི་ཆེན་པོ། །རྒྱལ་པོ་ཆེན་པོ་ཆེ་བའི་ཆེ། །མཐུ་ཆེན་བདེ་བ་ཆེན་པོ་སྟེ། །རོལ་པ་ཆེན་པོ་རྟེན་ཆེན་པོ། །མཚོན་ཆ་ཆེན་པོ་དྲག་ཆེན་པོ། །འཇིགས་པ་ཆེན་པོ་རྒོད་པ་ཆེ། །ཆགས་པ་ཆེན་པོ་ཞེ་སྡང་ཆེ། །གཏི་མུག་ཆེན་པོ་སྟོབས་ཆེན་པོ། །ཚམ་ངམ་
[87a.7]ཆེན་མོ་དྲག་ཆེན་པོ། །སྟོབས་པོ་ཆེ་ལ་བསྙེམས་པ་ཆེ། །སྐུ་གསུམ་ལམ་གསུམ་ཆ་བྱད་ཅན། །འཁོར་ལོ་གསུམ་ནི་སྲིད་གསུམ་མཆོག །དྲི་མ་གསུམ་སྤངས་དུས་གསུམ་གནས། །སྤྱན་གསུམ་སུམ་ཅུའི་དབང་ཕྱུག་སྟེ། །སྲིད་ལས་འདས་པ་སྲིད་དམ་
[87b]
[87b.1]མཆོག །སྲིད་པ་ལྡན་ཞིང་སྲིད་པ་བྲལ། །ཡོད་མེད་སྲིད་པ་སྣང་བ་པོ། །སྲིད་པའི་དགྲ་ཡི་གཙོ་བོ་སྟེ། །རྣལ་འབྱོར་ཆེན་པོ་རྣལ་འབྱོར་སྤྱོད། །རྣལ་འབྱོར་མ་ཡི་རྣལ་འབྱོར་བརྩོན། །རྣལ་འབྱོར་ལས་བྱུང་རྣལ་འབྱོར་ཤེས། །རྣལ་འབྱོར་རྣལ་འབྱོར་འཇོམས་བྱེད་
[87b.2]པ། །དཔའ་བོ་རྡོ་རྗེ་དབང་ཕྱུག་དགྱེས། །རྡོ་རྗེ་ཕྲེང་བས་རྣམ་པར་བརྒྱན། །རྡོ་རྗེ་ཁ་ཊྭཱཾ་ཡན་ལག་བརྟེན། །རྡོ་རྗེ་ཆེན་པོ་རྡོ་རྗེ་ཕྱག །རྡོ་རྗེ་གར་ཆེན་བརྟན་པ་སྟེ། །རྡོ་རྗེའི་གླུ་ནི་སྒྲ་ཆེན་པོ། །རྡོ་རྗེ་པདྨ་ཏིང་འཛིན་གནས། །རྡོ་རྗེ་གདན་ནི་དགའ་བས་དགའ། །གུས་པར་བྱེད་
[87b.3]པ་བདེ་བ་ཐོབ། །སྐྱེ་འགྲོ་རྒྱལ་བས་སྐྱོང་བྱེད་པ། །ཁྱོད་ལ་བདག་ནི་གུས་པས་གནས། །ལུས་ངག་ཡིད་ཀྱིས་ཐམས་ཅད་དུ། །མཁའ་འགྲོ་མ་ཡི་དྲ་བ་འདུད། །མཁའ་འགྲོ་དཀྱིལ་འཁོར་ཕྱག་འཚལ་ལོ། །སྟོང་ཉིད་ཡེ་ཤེས་ཕྱག་འཚལ་ལོ། །སྟོང་པའི་ཡིད་ལ་ཕྱག་
[87b.4]འཚལ་བསྟོད། །དེ་ལྟར་བསྟོད་པ་བྱས་ནས་ནི། །སྔགས་ཀྱི་བསྙེན་པ་ཡང་དག་བརྩམ། །མཁས་པས་རྩ་བའི་སྔགས་རྣམས་བསམ། །སྙིང་པོའམ་ཉེ་བའི་སྙིང་པོའམ། །སྒྲ་ལས་སྐྱེས་པ་ལ་སོགས་པའི། །གང་ཞིག་དེ་ཡི་མཐར་ཐུག་པ། །སྤྲུལ་པའི་སྐུ་རུ་
[87b.5]བཤད་པ་དང་། །གཞན་ཡང་ལོངས་སྤྱོད་རྫོགས་པའོ། །ཇི་ལྟར་ཁྭ་གདོང་ལ་སོགས་བརྒྱད། །གཡོན་ནས་ཡོངས་བསྐོར་གསུམ་ལ་ནི། །སྔགས་པ་བསམ་གཏན་མཉམ་གཞག་སྟེ། །སྐུ་ཡི་འཁོར་ལོར་གཞུག་པར་བྱ། །དེ་བཞིན་སྐུ་ཡི་འཁོར་ལོ་གཡས། །གསུང་
[87b.6]གི་འཁོར་ལོར་གཞུག་པར་བྱ། །དེ་བཞིན་གསུང་གི་འཁོར་ལོ་གཡོན། །ཐུགས་ཀྱི་འཁོར་ལོར་གཞུག་པར་བྱ། །ཐུགས་ཀྱི་འཁོར་ལོའི་ལྷ་མོ་བཞི། །རང་གི་གཡོན་ནས་གཞུག་པར་བྱ། །དེ་དག་ཀྱང་ནི་ཇི་ལྟར་གནས། །དཔའ་བོ་དབང་ཕྱུག་ཞལ་བཞིར་རོ། །
[87b.7]སྔོན་གསུངས་པ་ཡི་ཆོ་ག་ཡིས། །གོ་ཆ་ཆེན་པོ་ངོ་མཚར་ཆེ། །མགོ་བོ་ནས་ནི་བརྩམ་ནས་སུ། །བརྒྱད་པ་གསུམ་གྱི་ཡན་ལག་ལྡན། །ཕྲེང་བ་ཡང་དག་བླངས་ནས་སུ། །མུ་ཏིག་ཆེ་ལ་སོགས་པར་སྤྲུལ། །ཇི་སྲིད་སྐྱོ་བ་མ་སྐྱེས་པར། །སྔགས་ཀྱི་ཡན་ལག་མ་
[88a]
[88a.1]ཉམས་བཟླས། །གང་ཡང་སྐྱོ་བ་སྐྱེས་གྱུར་ན། །མཚུངས་པར་ཡང་དག་བསྡུ་བར་བྱ། །དེ་ཉིད་ལོངས་སྤྱོད་རྫོགས་སྐུའོ། །གཞན་ཡང་ཆོས་ཀྱི་སྐུ་ཞེས་པ། །སྐུ་གསུམ་ཡོངས་སུ་རྫོགས་ཆེད་དུ། །ཚེ་དང་རང་དོན་འཕེལ་བྱའི་ཕྱིར། །ལྟེ་བའི་ཕྱོགས་ཀྱི་སྙིང་པོ་
[88a.2]ལ། །པདྨ་གེ་སར་བཅས་པ་བསམ། །དེ་སྟེང་ཟླ་བའི་དཀྱིལ་གནས་པ། །བརྟན་པོར་ཧཱུཾ་གི་ཡི་གེ་བསྒོམ། །ཧཱུཾ་ལས་ཨཱ་ལི་ཕྲེང་བ་དང་། དེ་བཞིན་ཀཱ་ལི་འོད་ཟེར་སྤྲོ། །དེ་ཉིད་འབྱུང་བའི་རླུང་སྤྲོས་ནས། །དེ་བཞིན་འཇུག་པའི་རླུང་དང་བསྡུ། །ཇི་སྲིད་སྐྱོ་བ་མ་སྐྱེས་
[88a.3]བར། །དེ་ལྟར་རེ་ཞིག་ཡང་ཡང་བྱ། །འཇུག་པའི་རླུང་གི་ཧཱུཾ་ཡིག་ལ། །དེ་ཉིད་བསྡུས་པས་ཡང་དག་བསྡུ། །སྐུ་གསུམ་པོ་ནི་རྣམ་གཞག་པ། །རྒྱུད་འདི་ལ་ནི་ལེགས་པར་གྲགས། །བསྡུས་ནས་བསྟོད་པ་རབ་ཏུ་བྱ། །དེ་ནས་བསོད་ནམས་ཡོངས་སུ་བསྔོ། །སྔགས་
[88a.4]པ་ཡང་དག་ལངས་ནས་ནི། །ཕྱི་རོལ་ཕྱག་རྒྱ་ལེགས་བཅས་པས། །ལྷག་དང་ཆད་པའི་སྐྱོན་སྤངས་ཕྱིར། །སྔགས་དང་ལྷ་ལ་བཟོད་པར་གསོལ། །སྔགས་རྣམས་རྫོགས་དང་ཞེས་བྱའི་ཕྱིར། །མཁས་པ་ཡིས་ནི་སྦྱིན་སྲེག་བྱ། །འདིར་ཡང་ཕྱི་རོལ་སྦྱིན་སྲེག་ཞར། །ལུས་
[88a.5]ཀྱི་སྦྱིན་སྲེག་བྱེད་པ་ལྷག། །བཟའ་དང་སྟོན་མོ་ལ་སོགས་རྣམས། །དེ་བཞིན་མཁས་པས་བདག་ཚིམ་བྱ། །ཟས་རྣམས་ཅུང་ཟད་སྦྱངས་པ་ནི། །དེ་ཡི་འོག་ཏུ་འབར་བ་མེད། །བདུད་རྩི་ལྔ་ནི་བསྒོམ་བྱ་ཉིད། །ཐོད་པའི་ཟླ་བའི་དཀྱིལ་འཁོར་རོ། །དེ་བཞིན་ཟླ་བ་རེའུ་མིག་
[88a.6]དགུ། །ཨོཾ་ཡིག་དཀྱིལ་འཁོར་རེའུ་མིག་ལ། །ཧྲཱིཿ་ནི་མདུན་གྱི་རེའུ་མིག་ལ། །ཧ་ཧ་ལྷོ་དང་རྒྱབ་ཏུའོ། །གཡོན་གྱི་རེའུ་མིག་ཧཱུཾ་ཡིན་ཏེ། །དབུས་ལ་ཡང་ནི་ཧཱུཾ་ཡིག་གོ། །མཚམས་ནི་བཞི་རུ་ཕཊ་ཡིག་སྟེ། །དེ་ལ་སྔགས་ཀྱིས་མངོན་པར་བསྔགས། །དེ་ལ་འདིའི་སྔགས་རྣམས་
[88a.7]ནི། ཨོཾ་སརྦ་བཛྲ་ཀཱ་མི་ཎི་སརྦ་བྷཀྵུ་ཤོ་དྷ་ཡ་གུ་ཧྱ་བཛྲ་ཎི་ཧཱུཾ་སྭཱ་ཧཱ། དེ་ལྟར་སྦྱིན་སྲེག་བྱ་བ་ནི། །སྔགས་དང་ལྷ་ནི་ཚིམ་པར་བྱ། །ཚིམ་པར་ཡུན་ནི་མི་རིང་པར། །སྒྲུབ་པ་པོས་ནི་དངོས་གྲུབ་འགྲུབ། །དེ་བཞིན་གཞན་དུ་ཡང་གསུངས་པ། །སྔགས་ནི་ཆད་དང་ལྷག་པ་དག །རྟག་
[88b]
[88b.1]ཏུ་ཁ་སྐོང་བྱེད་འདོད་པས། །དེ་ཕྱིར་སྦྱིན་སྲེག་རབ་བསྔགས་སོ། །སྐུ་གསུང་རྡོ་རྗེ་ཅན་མཆོག་གིས། །འདི་ལྟར་ཐུན་གསུམ་ཐུན་བཞི་རུ། །སྔོན་དུ་བསྙེན་པ་བླ་མེད་པ། །གཡེང་བ་མེད་པའི་སེམས་ཀྱིས་སུ། །སྒྲུབ་པོ་མཉམ་པར་བཞག་སྟེ་བྱ། །ཨོཾ་ཤྲཱི་ཧེ་རུ་ཀ་ཞེས་
[88b.2]སོགས། །ལྷག་མ་ཡི་གེ་བརྒྱ་མཉམ་པ། །སྔགས་པས་ཅི་བདེར་བརྗོད་ནས་ནི། །སངས་རྒྱས་གསོལ་བཏབ་བསྡུ་བར་བྱ། །ཨོཾ་ཤྲཱི་ཧེ་རུ་ཀ་ས་མ་ཡ་མ་ནུ་པཱ་ལ་ཡ། ཤྲཱི་ཧེ་རུ་ཀ ། ཏྭེ་ནོ་པ་ཏིཥྛ་ཌི་ཌྷོ་མེ་བྷ་བ། །སུ་པོ་ཥྜྱོ་མི་བྷ་བ། སུ་ཏོ་ཥྱོ་མི་བྷ་བ། ཨ་ནུ་རཀྟོ་མེ་བྷ་བ། སརྦ་སིདྡྷི་མྨེ་
[88b.3]པྲ་ཡ་ཙྪ། སརྦ་ཀརྨ་སུ་ཙ་མེ་ཙིཏྟཾ་ཤྲི་ཡཾ། ཀུ་རུ་ཧཱུཾ་ཧ་ཧ་ཧ་ཧ་ཧོཿ། བྷ་ག་ཝཱན་སརྦ་ཏ་ཐཱ་ག་ཏ་བཛྲཱ་མཱ་མེ་མུཉྩ་བཛྲཱི་བྷ་བ། མ་ཧཱ་ས་མ་ཡ་སཏྭ་ཨཱཿ། ལྷ་དང་གཉིས་མེད་རྣལ་འབྱོར་པས། །སྔགས་ནི་རྟག་ཏུ་བརྗོད་པར་བྱ། །སྣང་བ་སྐྱེ་བར་གྱུར་ན་ནི། །དེ་ཡི་དུས་ན་དཀྱིལ་འཁོར་
[88b.4]བརྩམ། །དཀྱིལ་འཁོར་ཉེ་བའི་དུས་སུ་ནི། །བདེ་མཆོག་བླ་མེད་ཞག་བདུན་དུ། །གཞལ་ཡས་ཁང་བཅས་མཐར་ཐུག་པར། །མཁས་པས་འཁོར་ལོ་གསུམ་བསྒོམ་བྱ། །སྔོན་དུ་བསྙེན་པ་སྔགས་དང་བཅས། །ཉིས་བརྒྱ་དང་ནི་ཉི་ཤུའོ། །དཀྱིལ་འཁོར་བྲི་བར་རུང་བ་
[88b.5]ཡི། །འདིར་ནི་ཕྱོགས་ཀྱི་ས་བཤད་དེ། །ལྷ་ཁང་དང་ནི་སྐྱེད་ཚལ་གྲོང་། །གྲོང་ཁྱེར་དང་ནི་ཚོང་དུས་ཀྱི། །ཤར་གྱི་ཕྱོགས་སུ་བརྩམ་པར་བྱ། །ཇི་སྲིད་བྱང་ཕྱོགས་ལ་སོགས་པའི། །ཕྱོགས་བདུན་དག་ནི་སྤང་བར་བྱ། །ཤར་ཕྱོགས་དཀྱིལ་འཁོར་བྲིས་གྱུར་ན། །བཟོད་
[88b.6]མེད་པ་ཡང་བཟོད་ལྡན་འགྱུར། །ལྷོ་ཕྱོགས་ཆར་ནི་དཀྱིལ་འཁོར་བྲི། །སྐྱེ་འགྲོ་འཆི་དང་འཚེ་བ་འབྱུང་། དཀྱིལ་འཁོར་གང་ལ་དམིགས་ཏེ་འཆི། །ལུང་རིགས་སྔགས་ནི་གཞན་དུ་མིན། །ནུབ་ཀྱི་ཕྱོགས་སུ་སློབ་དཔོན་འཆི། །བྱང་གི་ཕྱོགས་སུ་ཞུགས་པ་འཆི། །དེ་བཞིན་
[88b.7]མེ་ཡི་ཕྱོགས་ཆ་རུ། །ཆར་ཆེན་པོ་ནི་འབབ་འགྱུར་ཏེ། །ལྷོ་དང་ནུབ་ཀྱི་མཚམས་ལ་ནི། །མུ་གེ་ཆེན་པོ་འབྱུང་བར་འགྱུར། །རླུང་གི་ཕྱོགས་སུ་འདྲི་བ་ནི། །རླུང་དང་ཆར་པ་འབྱུང་བར་འགྱུར། །མཆོད་རྟེན་གནས་སུ་འཆི་བར་འགྱུར། །གང་ཞིག་ཀླུ་ཡིས་བྱིན་བརླབས་
[89a]
[89a.1]ཤིང་། །ཤིང་གྲིབ་འཁྲིགས་པའང་དེ་བཞིན་ནོ། །དེ་རྣམས་མ་གཏོགས་བྱང་ཤར་མཆོག །དེ་རུ་གནས་ལ་གང་ཞིག་ས། །རིགས་ཀྱི་རིམ་པ་རྣམ་ཤེས་བྱ། །བྲམ་ཟེ་རྒྱལ་རིགས་རྗེའུ་རིགས་དང་། །དམངས་རིགས་དང་ནི་རྣམ་པ་བཞིའོ། །
[89a.2]བྲམ་ཟེ་དཀར་པོར་ཤེས་བྱ་སྟེ། །སེར་པོ་རྒྱལ་རིགས་སུ་ནི་བརྗོད། །དམར་པོ་རྗེའུ་རིགས་ཤེས་པར་བྱ། །ནག་པོ་དམངས་རིགས་སུ་ནི་གྲགས། །དཀར་པོ་ཡི་ནི་ས་ཕྱོགས་སུ། །དབང་ཕྱུག་རྡོ་རྗེ་སྤྱི་གཙུག་དང་། །དབྱུག་པ་དང་ནི་བགྲང་ཕྲེང་དང་། །རིགས་པ་
[89a.3]བསྒྲུབ་པར་བྱ་བ་མིན། །ཚད་དང་ལྡན་ཞིང་སྣུམ་པ་དང་། །མཐོ་དང་དམའ་བའི་སྐྱོན་སྤངས་པའི། །ཤར་དང་བྱང་དུ་གཞོལ་གྱུར་ཅིང་། །ས་ཕྱོགས་ཡིད་འོང་སྦྱང་བར་བྱ། །ཐོད་པ་རྩ་བ་རུས་པ་སྐྲ། །ཕུབ་མ་རྡོ་བ་གསེག་མ་དང་། །ཐལ་བ་སོལ་བ་སྲོག་ཆགས་ནི། །ཁྲུ་དོ་
[89a.4]ཚད་ཙམ་བརྐོས་ཏེ་སྤང་། །སྲོག་ཆགས་བཅས་ན་རླུང་ཆེན་འབྱུང་། །རུས་པར་བཅས་ན་ཟུག་རྔུ་འབྱུང་། །གསེག་མར་བཅས་པས་ལྐུགས་པར་འགྱུར། །ཕུབ་མ་སོལ་བ་ལ་ནི་རིམས། །སྐྲ་དང་ཤིང་རྩ་ལ་སོགས་པ། །གནོད་པ་ཕྲ་མོ་འབྱུང་བ་སྲིད། །དེ་ཕྱིར་
[89a.5]ཤིས་པར་བརྗོད་པ་ཡིས། །འབད་པས་ས་ཡི་ཆ་སྦྱང་བྱ། །རྒྱལ་པོ་ཁྲུ་ནི་བརྒྱ་ལ་བྲི། །བློན་པོ་ལ་ནི་དེ་ཡི་ཕྱེད། །གཙོ་བོ་ལ་ནི་དེའི་ཕྱེད་བརྗོད། །ཚོང་དཔོན་ལ་ནི་བཅུ་གཉིས་སོ། །འདིར་ནི་སྒྲུབ་པོ་རྣམས་ཀྱི་ཁྲུ། །དཀྱིལ་འཁོར་གྱི་ནི་རིམ་པར་བརྗོད། །ཇི་ལྟར་
[89a.6]ལུང་ལས་གསུངས་པའི་དོན། །རང་གི་ནུས་པས་བྲི་བར་བྱ། །དེ་ལ་རེ་ཞིག་ཐོག་མ་རུ། །མཁས་པས་མངོན་འདོད་ཕྱོགས་ཆ་རུ། །རུས་པའི་ཕྱེ་མ་དུག་དང་ཁྲག །སྐེ་ཚེ་ལ་སོགས་བཅས་པ་ཡིས། །ས་གཞིར་གཏོར་ཞིང་རྩ་སྔགས་ཀྱིས། །བགེགས་ནི་
[89a.7]བསྐྲད་པར་བྱ་བའོ། །ཡང་ནི་རང་གི་སློབ་མ་ལ། །ས་ཡི་བདག་པོ་ཕྱེད་བཏང་ནས། །ཞི་བའི་སྦྱིན་སྲེག་ཆོ་ག་ནི། །དེ་ལ་གཉིས་མེད་ལྡན་པས་བྱ། །གཞལ་ཡས་ཁང་ནི་རྫོགས་པ་ཡི། །སྔར་ནི་ཟས་སོགས་འདོད་པ་རྣམས། །སློབ་མས་ཇི་ལྟར་ནུས་པ་ཉིད། །བྱིན་
[89b]
[89b.1]ནས་གཞན་གྱིས་ཡང་དག་བརྩམ། །ས་གཞི་ལེགས་བརྡུངས་མཉམ་བྱས་ཏེ། །ས་ཡི་དཀྱིལ་ནི་ཅུང་ཞིག་བསྟོད། །གཞལ་ཡས་ཁང་པ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །ལུགས་མ་ཐང་ཀའི་རྣམ་པ་སོགས། །མེ་ཏོག་རྔ་ཡབ་ཕྲེང་བ་དང་། །དྲི་ཞིམ་དྲི་
[89b.2]དང་བདུག་སྤོས་དང་། །མར་མེ་མང་པོ་ཡི་ནི་ཤིང་། །ཛཱ་ཏི་ཙམ་པ་སུ་ན་ཀ། །ནཱ་ག་གེ་སར་ཡུ་ཏི་ག །མ་ལི་ཀ་ཡི་ཕྲེང་བ་དང་། །པདྨོ་ཨུཏྤལ་པ་ཏ་ལ། །ཀརྞི་ཀ་ལ་སོགས་པ་དགྲམ། །སྣ་ཚོགས་གོས་ཀྱིས་བརྒྱན་བྱས་ནས། །ཕྱི་རོལ་རྒྱལ་མཚན་བ་དན་རྣམས། །ཆུ་ཤིང་
[89b.3]སྡོང་པོས་རྣམ་པར་མཛེས། །དུང་དང་ཟངས་དུང་སྣ་ཚོགས་དང་། །སྒྲ་ནི་སྣ་ཚོགས་པ་ཡིས་བརྒྱན། །ཉེ་བར་བྱུག་པ་ལ་སོགས་པས། །ཕྱིས་ནི་དེ་ཀུན་བརྒྱན་པར་བྱ། །དེ་ནས་བརྩམ་པར་བྱ་བ་ནི། །ས་ལ་གསོལ་གདབ་ལ་སོགས་བྱ། །དེ་ནས་རྒྱུད་གཞན་ལས་གྲགས་
[89b.4]པའི། །བདུད་རྩི་འཁྱིལ་པའི་སྔགས་སམ་ནི། །དུམ་སྐྱེས་མ་ཡི་གསང་སྔགས་ཀྱིས། །དྲི་ཞིམ་ཆུ་ཡིས་བསང་གཏོར་བྱ། །གནས་སྐབས་འདིར་ནི་ས་ཡི་ཆར། །ཙནྡན་གྱིས་ནི་ཉེ་བར་བྱུག །ལག་གཡས་ས་ལ་རེག་ནས་སུ། །ཡི་གེ་ཧཱུཾ་སྔགས་དེ་བཞིན་དུ། །ལན་བདུན་དུ་
[89b.5]ནི་བརྗོད་པར་བྱ། །ཡི་གེ་བརྒྱ་པ་ལན་བདུན་ནོ། །དེ་ནས་ཚེས་ནི་བཅུ་གསུམ་ལ། །སྒོམ་པའི་ཡིད་ནི་བརྟན་གྱུར་ཅིང་། །སྔོན་དུ་བསྙེན་པ་སྒྲུབ་པ་ཡིས། །སྔགས་རིག་པས་ནི་རྗེས་གནང་ཐོབ། །འཁོར་ལོ་གསུམ་ནི་ནམ་མཁའ་ལ། །མངོན་སུམ་བཞིན་དུ་ངེས་
[89b.6]པར་བསམ། །དེ་ཡི་གཟུགས་བརྙན་འདྲ་བ་ཡིས། །ཕྱིས་ནི་མཁས་པས་དཀྱིལ་འཁོར་བརྩམ། །བློ་ལྡན་སློབ་མ་ཡོན་ཏན་ལྡན། །དེ་བཞིན་ཡོ་བྱད་ཀུན་ཚོགས་ན། །སྔར་སྦྱངས་པ་ཡིས་དབུས་སུ། །ཉེ་བར་གནས་ནས་ས་ལ་རེག །ས་ཡི་ལྷ་མོ་གང་ཡིན་
[89b.7]བསྐུལ། །བཀུག་ལ་ས་ལ་གསོལ་བ་གདབ། །དཔའ་བོ་དབང་ཕྱུག་རྣལ་འབྱོར་ལྡན། །ལག་གཡས་ཟླ་བའི་དཀྱིལ་འཁོར་ལ། །ཧཱུཾ་ཡིག་གསུམ་ནི་རྣམ་བཀོད་དེ། །འོད་ཟེར་བཟང་པོ་འཁྲུགས་པ་སྤྲོ། །སོར་མོའི་རྩེ་མོ་ས་དེ་ལ། །མཁས་པས་ལན་གསུམ་བསྣུན་
[90a]
[90a.1]པར་བྱ། །དེ་ཡི་སྒྲ་ཡིས་བསྐུལ་བ་དང་། །དེ་བཞིན་ཧཱུཾ་གི་འོད་ཀྱིས་སོ། །ས་ཡི་ལྷ་མོ་མཛེས་མ་ནི། །ཁ་དོག་སེར་ཞིང་ན་བཟའ་དཀར། །གུས་པ་དང་ནི་མི་འཇིགས་ཕྱག །རྒྱན་རྣམས་ཀུན་གྱིས་རྣམ་བརྒྱན་པ། །ཞལ་གཅིག་མ་ལ་ཕྱག་གཉིས་མ། །མདུན་དུ་
[90a.2]གནས་པར་རྣམ་བསམས་ནས། །ཨརྒྷ་ལ་སོགས་དབུལ་བྱས་ལ། །ཚིགས་བཅད་གཉིས་ནི་འདིར་བརྗོད་བྱ། །སྐྱོབ་པ་སངས་རྒྱས་ཐམས་ཅད་ཀྱིས། །སྤྱོད་པའི་ཚུལ་དང་ཁྱད་པར་ནི། །ས་དང་ཕ་རོལ་སོན་པ་ལ། །ལྷ་མོ་ཁྱོད་ནི་དབང་དུ་གྱུར། །ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་
[90a.3]ཀྱི་སྡེ་བཅོམ་པ། །དེ་བཞིན་བདག་གིས་བདུད་ལས་ནི། །རྒྱལ་བར་བྱས་ཏེ་དཀྱིལ་འཁོར་བྲི། །ཞེས་བྱ་ལན་གསུམ་བརྗོད་པར་བྱ། །དེ་ལ་མཆོད་པ་བྱས་ནས་སུ། །མངོན་པར་དགའ་བའི་སེམས་ཀྱིས་ནི། །ཞལ་གྱི་པདྨར་རབ་བཞད་ཅིང་། །སྐུ་ཕྱེད་འཐོན་ནས་ལྷ་མོ་ནི། །
[90a.4]མཁས་པས་མཉམ་པར་གཞག་བལྟས་ནས། །དེ་ལྟར་བགྱི་ཞེས་བརྗོད་པར་བསམ། །དེ་ལ་དེ་ཉིད་ཐིམ་པར་བསམ། །རྡོ་རྗེ་བཅིང་བའི་ལག་མཐིལ་གྱིས། །ས་དེ་ལ་ནི་གཞག་པར་བྱ། །ཨོཾ་བཛྲི་བྷ་ཝ་ཧཱུཾ། དེ་ལྟར་བརྗོད་ནས་གཞན་ཡང་ནི། །ཨོཾ་བཛྲ་དྲྀ་དྷ་ཏིཥྛ་ཞེས་བྱ་བ། །སྔགས་
[90a.5]རིག་པས་ནི་གསང་སྔགས་བརྗོད། །ས་དེ་བྱིན་གྱིས་བརླབས་པ་ནི། །ས་དེ་རུང་བར་འགྱུར་བ་ཡིན། །ས་ལ་གསོལ་བཏབ་ཆོ་ག་ནི། །ཚིགས་བཅད་བཞི་བཅུ་ཐམ་པའོ། །ཕྱི་ནས་དེ་བཞིན་སློབ་དཔོན་ནི། །ཕྱག་རྒྱའི་རྒྱན་གྱིས་བརྒྱན་པ་དང་། །དཀར་པོ་གཙུག་ཏོར་དང་
[90a.6]ནི་གོས། །ཙནྡན་ལ་སོགས་ཐིག་ལེ་གསུམ། །ལེགས་པར་བསླབས་པའི་སློབ་བུ་ནི། །རྡོ་རྗེ་དྲིལ་བུ་བཟུང་བ་གང་། །རྡོ་རྗེ་དྲག་པོ་རྣལ་འབྱོར་གྱིས། །སློབ་མ་དཔའ་བོའི་ཆ་བྱད་ཅན། །དུམ་སྐྱེས་མ་ཡི་རང་བཞིན་དུ། །སྒྲུབ་པའི་གྲོགས་མཆོག་སྦྲུལ་བར་བྱ། །ཡང་ནི་མཆོད་
[90a.7]པ་བྱས་ནས་སུ། །མཁས་པས་བགེགས་ནི་བསྐྲད་པར་བྱ། །དེ་ལ་སློབ་དཔོན་རིམ་ཤེས་བྱ། །རྐང་པ་གཉིས་སུ་ཨ་ལས་ནི། །འབར་བའི་ཕྲེང་བ་འཁྲིགས་པའི་འོད། །སྣ་ཚོགས་རྡོ་རྗེ་བསམ་པར་བྱ། །ཨོཾ་ལས་མིག་གཉིས་དག་ལ་ནི། །ཟླ་བ་ཉི་མ་གཉིས་
[90b]
[90b.1]བལྟའོ། །མཾ་ལས་གཡས་སུ་ཉི་དམིགས་ཏེ། །རྡོ་རྗེ་འོད་ཟེར་དེ་བཞིན་སྤྲོས། །མིག་འབྲས་ཧཱུཾ་ལས་བསྐལ་པའི་མེ། །རྡོ་རྗེ་གསོར་བར་བྱེད་བརྩོན་པས། །རྐང་པའི་འགྲོས་ཀྱི་འོད་ཟེར་ཚོགས། །རྡོ་རྗེ་དུས་ཀྱི་མེ་འོད་འདྲ། །གདུག་པ་འབྲོས་པར་བལྟ་བར་བྱ། །གཡོན་
[90b.2]པའི་ཟླ་བ་དྲི་མེད་ལ། །ཨོཾ་ལས་བྱུང་བའི་འོད་ཟེར་ནི། །བདུད་རྩི་ཡི་ནི་ཚོགས་དང་ལྡན། །རང་གི་འཁོར་ཚོགས་འཐུང་བྱེད་ཅིང་། །ཚིམ་པར་བྱེད་ཅིང་མཆོད་བྱེད་པའོ། །དབང་ལྡན་ཕྱོགས་ནས་ཡང་དག་བརྩམ། །རྡོ་རྗེ་བསྙེམས་ཤིང་རོལ་བཅས་པས། །གཙོ་བོ་སློབ་
[90b.3]མ་བཅས་པ་ཡིས། །བརྒྱན་ཅིང་རྡོ་རྗེ་འགྲོས་ཀྱིས་བསྐོར། །གསེར་གྱི་ས་གཞི་མཐར་ཐུག་པར། །ས་ནི་རྡོ་རྗེའི་རང་བཞིན་བྱ། །གཡོན་པ་དྲིལ་བུ་དཀྲོལ་བྱ་ཞིང་། །གཡས་པ་ཡིས་ནི་རྡོ་རྗེ་གསོར། །ཧཱུཾ་ཞེས་བརྗོད་པའི་ཞལ་དང་ནི། །ཀུན་དུ་རྡོ་རྗེ་ལྟ་སྟངས་ཀྱིས། །ས་དེར་གནས་
[90b.4]པའི་གདུག་པ་ཅན། །མཁས་པ་ཡིས་ནི་བསྐྲད་པར་བྱ། །རྒྱ་ཆེ་བ་ཡི་ཚིགས་བཅད་ནི། །སྔགས་དང་འདྲ་བར་སངས་རྒྱས་གསུངས། །ཁྱོད་ནི་དེངས་ཤིག་བགེགས་ཀྱི་ཚོགས། །གང་ཞིག་ལྷའམ་ལྷ་མིན་ནམ། །གནོད་སྦྱིན་དང་ནི་སྲིན་པོ་དང་། །ཡི་དྭགས་དང་ནི་ཤ་
[90b.5]ཟ་དང་། །བརྗེད་བྱེད་དང་ནི་འབྱུང་པོ་དང་། །མཁའ་འགྲོ་དང་ནི་གྲིབ་གནོན་པོ། །རྒན་པོ་དང་ནི་རྒན་མོ་དང་། །རྗེས་སུ་སྤྱོད་པའི་འཁོར་རྣམས་ནི། །ནམ་མཁའ་ལྡིང་དང་མིའམ་ཅིག། །སྐྱེས་བུ་སྔགས་ནི་གྲུབ་པ་རྣམས། །དེ་ལ་ས་ཡི་ཕྱོགས་འདིར་ནི། །སློབ་མ་ཆེ་གེ་མོ་ཞེས་བྱ། །
[90b.6]རྫོགས་པའི་བྱང་ཆུབ་སྒྲུབ་དོན་དང་། །སེམས་ཅན་བླ་ན་མེད་པ་ཡི། །ཡེ་ཤེས་འཐོབ་པའི་རྒྱུ་ཡི་ཕྱིར། །ཧེ་རུ་ཀ་དཔལ་མཁའ་འགྲོ་ཡི། །དྲ་བའི་སྡོམ་པ་འཁོར་ལོ་གསུམ། །ཞེས་བྱ་བ་ཡི་དཀྱིལ་འཁོར་འདི། །དེ་ཉིད་བདག་གིས་བྲི་བར་བྱ། །རྡོ་རྗེ་དྲག་པོའི་བཀའ་ཐོས་ནས། །
[90b.7]འདི་ཡིས་མྱུར་དུ་འགྲོ་བར་བྱོས། །གལ་ཏེ་བཀའ་ལས་འདས་པ་ན། །ཧེ་རུ་ཀ་དཔལ་རྡོར་འབར་བདག །ཁྲོས་པས་ཧཱུཾ་གི་ཞལ་དང་ནི། །ཡེ་ཤེས་ཆེན་པོ་འབར་བ་ཡིས། །མགོ་བོ་ཚལ་པ་བརྒྱར་འགས་པའོ། །དེ་ཉིད་སྔགས་པས་བརྗོད་ནས་སུ། །གཡས་ཕྱོགས་ནས་
[91a]
[91a.1]ནི་ལན་གསུམ་བསྐོར། །དེ་ནས་གོམ་པ་ལྔ་ཡིས་ནི། །གནས་ལྔ་རུ་ནི་འགྲོ་བར་བྱ། །དེ་སྐད་དུ་ཡང་གསུངས་པ་ནི། །བསྐལ་པའི་མེ་དང་འདྲ་བའི་འོད། །རྐང་པ་གཉིས་ལས་འོད་བྱུང་བ། །གདུག་ཅན་འབྲོས་པར་བསམ་པ་སྟེ། །བསྲེག་བཞིན་དུ་ནི་བསམ་
[91a.2]པར་བྱ། །བསྐྲད་པའི་ཆོ་ག་རྒྱས་པ་ནི། །སྒྱུ་འཕྲུལ་དྲ་བའི་རིམ་པའི་ཚུལ། །དེ་ཕྱིར་གསར་དུ་བརྩམ་བྱ་བ། །གལ་ཏེ་ཆོ་ག་རྒྱས་འདོད་ན། །བསྐྲད་པ་ཡི་ནི་ཆོ་ག་སྟེ། །ཚིགས་སུ་བཅད་པ་ཉེར་གཅིག་གོ། །དེ་ལྟར་བསྐྲད་པ་བྱས་ནས་ནི། །བགེགས་ཉིད་ལ་ནི་ཕུར་བུས་
[91a.3]གདབ། །འབར་བའི་མེ་དང་འབར་བའི་འོད། །ཁྲོ་བོ་ཧཱུཾ་གི་ང་རྒྱལ་གྱིས། །ཧཱུཾ་གི་སྒྲ་ཡིས་དཔའ་བོ་རྣམས། །མང་པོ་བསྐལ་པའི་མེ་ལྟ་བུས། །མི་བཟད་པ་ཡི་དྲག་པོའི་ལུས། །ཇི་བཞིན་ནམ་མཁའ་གང་བར་སྤྲོ། །སུམྦྷ་ནི་ཡི་སྔགས་བརྗོད་ཅིང་། །དཔའ་བོ་ཧེ་རུ་ཀ་
[91a.4]ཕྱུང་ནས། །བྱིན་གྱིས་བརླབ་པ་ལ་སོགས་བྱ། །དེ་ཉིད་མདུན་དུ་གནས་ནས་སུ། །བགེགས་ཀུན་གྱིས་ནི་བསྐོར་བ་ཡི། །བགེགས་ཀྱི་བདག་པོ་ཉིད་བཀུག་ནས། །ནམ་མཁའི་སྙིང་པོ་གར་དབང་ཕྱུག །རྣམ་པར་སྣང་མཛད་ངོ་བོ་ཉིད། །རྡོ་རྗེ་སེམས་དཔའི་རང་བཞིན་ཅན། །
[91a.5]སེང་ལྡེང་གི་ནི་ཕུར་པ་བཞི། །དེ་ཉིད་རྩེ་མོ་ཡི་ནི་དབྱིབས། །རྡོ་རྗེའི་རྣམ་པ་ཤིན་ཏུ་རྣོ། །སོར་བརྒྱད་པ་ཡི་ཚད་ཙམ་ནི། །མཁས་པ་ཡིས་ནི་རབ་ཏུ་བྱས། །མེ་ཡི་ཕྱོགས་ནས་བརྩམས་ནས་ནི། །ཐམས་ཅད་དུ་ནི་ཕྱི་རོལ་མཚམས། །ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ། །ཞེས་བྱ་བ་ནི་
[91a.6]བརྒྱ་རྩ་བཟླས། །སྤྱི་བོ་ནས་བརྩམས་རྐང་པའི་བར། །བགེགས་ཀྱི་བདག་པོ་ཕུར་པས་གདབ། །ཡང་ན་ཡེ་ཤེས་ཀྱིས་ནུས་ན། །ཏིང་ངེ་འཛིན་གྱིས་ཕུར་པས་གདབ། །ཀྱེ་རྒྱལ་བའི་སྲས་དག་སེམས་ཙམ་མོ། །ཞེས་བྱའི་ཚིག་གི་འཐད་པས་སོ། །ཕུར་པས་གདབ་སྔགས་འདི་
[91a.7]ཡིན་ཏེ། །ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་དུཥྚཱཾ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་ཡ་བཛྲ་དྷ་ར་ཨཱཛྙཱ་པ་ཡ་ཏི་ཀཱ་ཡ་ཝཱཀ་ཙིཏྟ་ཀཱི་ལ་ཧཱུཾ་ཕཊ། ཕུར་བུ་དེ་ཡི་སྟེང་དུ་ནི། །ཨ་ཡིག་ལས་ནི་ཉི་དཀྱིལ་འཁོར། །མེ་འདྲ་འབར་བའི་ཕྲེང་བ་འཁྲིགས། །དེ་ཡི་འོད་
[91b]
[91b.1]ཀྱིས་བགེགས་འཇོམས་པ། །སྡེ་དང་བཅས་པ་ཐལ་བར་འགྱུར། །དེ་ཉིད་ལས་ནི་སྐྱེས་པ་ལ། །ཡང་འབྱུང་དོགས་པའི་བགེགས་གཞོམ་ཕྱིར། །མཁས་པ་ཡིས་ནི་སྟོང་ཉིད་བསྒོམ། །དེ་ནས་ཧ་ཡ་གྲཱི་བ་གདོན། །གཞལ་ཡས་ཁང་གི་ཕྱི་རོལ་གཞག །མཚོན་ཆ་ཡི་ནི་ར་བའི་
[91b.2]གཟུགས། །ཡོངས་སུ་གྱུར་པ་རྣམ་བསྒོམ་བྱ། །དེ་ནས་ཧྲཱིཿ་ཡིག་ལས་སྐྱེས་པ། །དེ་བཞིན་ནམ་མཁའ་ཁྱབ་པའོ། །ཤེས་རབ་ཆོས་འབྱུང་ཕྱག་རྒྱ་བསམས། །དེ་ཡི་སྟེང་གི་རིམ་པ་ལ། །ཨ་ཡིག་ལས་སྐྱེས་མ་ལུས་པའི། །སྣ་ཚོགས་རྡོ་རྗེའི་རང་བཞིན་དུ། །བསམས་ནས་
[91b.3]རྡོ་རྗེ་ལྟེ་བ་ཡིས། །ཀུན་དུ་མཉམ་པར་བལྟ་བར་བྱ། །བློ་ལྡན་གྱིས་ནི་ཧཱུཾ་ཡིག་གི། །སྔགས་ནི་ལན་བརྒྱར་བརྗོད་པར་བྱ། །དཀྱིལ་འཁོར་གྱི་ནི་ས་ཉིད་དང་། །ས་གཞི་ཡོངས་སུ་དག་པའོ། །རྟོག་པ་ལ་གནས་སྔགས་པ་ཡིས། །ས་ནི་གང་ཞིག་སྤྱོད་བྱེད་པ། །ཟླ་གསང་བྱང་
[91b.4]ཆུབ་སེམས་སྤངས་པས། །ས་དེ་དག་པར་མི་འགྱུར་རོ། །སྔགས་པས་རྡོ་རྗེ་སེམས་དཔའ་བཟླས། །རྡོ་རྗེའི་ལྟ་བས་ཡང་བལྟས་ཏེ། །དཀྱིལ་འཁོར་གྱི་ནི་ས་ཡི་ཆར། །རྐྱེན་དང་ལྡན་ཡང་དགེ་བ་ཡིན། །ས་སྦྱང་བ་ཡི་ཆོ་ག་ནི། །ཚིགས་སུ་བཅད་པ་བཅུ་དགུ་པའོ། །འབད་པས་
[91b.5]དེ་ལྟར་ལེགས་སྦྱངས་པས། །མཉམ་པར་གཞག་པས་དེ་ཉིད་ལ། །ཇི་ལྟར་གསུངས་པའི་ཆོ་ག་འདིས། །ཡོངས་སུ་གཟུང་བར་བྱ་བ་སྟེ། །རང་རང་གནས་སུ་ཉེར་གནས་པ། །གཞལ་ཡས་ཁང་པ་བསྒོམ་པར་བྱ། །སྔར་བརྗོད་པ་ཡི་རིམ་པ་ཡིས། །རྣལ་འབྱོར་ཤེས་
[91b.6]རབ་ཕྱག་རྒྱ་གཟུང་། །འཁོར་ལོ་གསུམ་ནི་མ་ལུས་པ། །དབྱེར་མེད་པ་ཡི་རྣལ་འབྱོར་བརྩོན། །སློབ་མ་རྣལ་འབྱོར་དབྱེར་མེད་པའི། །དེ་ནས་རང་གི་ང་རྒྱལ་བྱ། །ལྷ་རྣམས་ཀྱང་ནི་ཐ་མི་དད། །ཡང་ནི་ཐ་དད་བརྟགས་པ་ཡི། །སློབ་མས་དཔའ་བོར་གསོལ་བ་གདབ། །དཔའ་
[91b.7]བོས་གསོལ་བ་བཏབ་ནས་སུ། །རང་གི་བདག་ཉིད་ལེགས་བསྒོམ་བྱ། །དེ་བཞིན་གཤེགས་པ་ཀུན་ཞི་བ། །ཞེས་སོགས་ཚིགས་བཅད་བདག་བསྟོད་ནས། །བདག་ནི་ལྷ་ཡིས་བྱིན་བརླབས་པའི། །མངོན་སུམ་ང་རྒྱལ་ལྡན་པར་བྱ། །ཀུན་དུ་ང་རྒྱལ་ལྡན་གྱུར་ཀྱང་། །ཁེངས་པ་
[92a]
[92a.1]ཡང་དག་མི་བསྐྱེད་པར། །མཉམ་པར་གཞག་པའི་སེམས་ཀྱིས་ནི། །བདག་ཉིད་དགའ་བར་བྱས་པ་སྟེ། །དེང་འདི་བདག་སྐྱེས་འབྲས་བུ་ཡོད། །བདག་འཚོ་འབྲས་བུ་བཅས་པ་ཡི། །མི་མཉམ་ལྷ་དང་མཉམ་པ་རུ། །གྱུར་པ་དག་ནི་ཐེ་ཚོམ་མིན། །བདག་གི་
[92a.2]ཉི་མ་དང་ནི་མཆོག །དེང་བདག་མཆོད་སྦྱིན་བླ་ན་མེད། །སངས་རྒྱས་ཀུན་གྱི་ཐུགས་བརྩེ་བའི། །བཀའ་ལུང་དག་ནི་བདག་གིས་བྱ། །བདག་ཉིད་སྐྱེས་པ་ཉིད་ཀྱིས་ནི། །དཀྱིལ་འཁོར་པ་ཡི་འཁོར་ལོ་གསུམ། །སྒེག་མོ་ལ་སོགས་ཡང་དག་མཆོད། །འབད་པས་དྲིལ་
[92a.3]བུ་དཀྲོལ་ནས་སུ། །འབད་པས་མཆོད་དང་བསྟོད་པ་དང་། །དེ་བཞིན་ཕྱག་ལ་སོགས་པ་བྱ། །ཉེ་བའི་སྙིང་པོ་གསང་སྔགས་བཟླས། །སྔོན་གྱི་ནམ་མཁར་བཏེག་པ་ཡི། །ཡེ་ཤེས་འཁོར་ལོ་བརྟན་བྱས་ཏེ། །ཡང་ནི་བརྟག་པར་བྱས་ལ་བསྒོམ། །བར་སྣང་ལ་ནི་རྣམ་
[92a.4]གཞག་པ། །དེ་དང་མཉམ་པར་སྦྱོར་བར་བྱ། །སྔགས་ཀྱི་ཆོ་ག་འདིར་ཡང་ནི། །འོག་ནས་འབྱུང་བའི་རིམ་པ་ཡང་། །ཐམས་ཅད་བསྡུས་པའི་གཟུགས་ཀྱིས་ནི། །རྡོ་རྗེ་དྲག་དཔལ་རྣལ་འབྱོར་ལྡན། །ཞགས་པས་རྡོ་རྗེ་བྱིན་གྱིས་བརླབ། །དེ་ཕྱིར་རོལ་བཅས་
[92a.5]ལངས་ནས་ནི། །སྔར་བཞིན་མ་དང་ཊ་དག་ལས། །ཉི་མ་དང་ནི་ཟླ་བའོ། །ཇི་ལྟར་ལྟ་བས་དེར་བལྟས་ཏེ། །ཀུན་དུ་ཡང་ནི་བལྟ་བར་བྱ། །གསེར་གྱི་ས་གཞི་མཐར་ཐུག་པར། །ས་གཞི་རྡོ་རྗེའི་རང་བཞིན་བྱ། །རོལ་བཅས་གོམ་པས་བགོམ་བྱས་ལ། །རྡོ་རྗེ་
[92a.6]བསྙེམས་པའི་ང་རྒྱལ་གྱིས། །སྔགས་པས་ཧཱུཾ་ཡིག་བརྗོད་བྱ་ཞིང་། །ཡང་ནི་ས་གཞི་ཡོངས་བསྐོར་ནས། །དེ་ཉིད་བཅོམ་ལྡན་འདས་ཀྱིས་གསུངས། །དེ་ནས་ཕྱག་རྒྱ་ལྷན་ཅིག་ལངས། །ཐམས་ཅད་དུ་ནི་བལྟ་བ་དང་། །བསྙེམས་པས་ས་གཞི་ཡོངས་སུ་བསྐོར། །
[92a.7]རྡོ་རྗེ་སེམས་དཔའ་བརྗོད་པར་བྱ། །ཡང་ནི་དེ་དབུས་བསྡད་ནས་སུ། །ཨ་ནི་གཡས་ཀྱི་མིག་ལ་བསམ། །དེ་ལས་བྱུང་བའི་ཉི་མ་ལ། །ཧཱུཾ་ཡིག་ལས་ནི་བྱུང་བ་ཡིས། །རྡོ་རྗེ་འབར་ཚོགས་འབར་འཁྲུགས་པའི། །ཕྱོགས་ཀུན་ཡོངས་སུ་དག་པར་བྱ། །བགེགས་རྣམས་མ་
[92b]
[92b.1]ལུས་བཅོམ་པར་ནི། །དེ་རྣམས་རྣལ་འབྱོར་འབད་པས་བསྒོམ། །འདོད་པས་མཐའ་ཡས་དཔག་མེད་ཀྱི། །འཇིགས་པའི་འོད་ཀྱིས་ཀུན་དུ་ནི། །འབར་བའི་ཕྲེང་བ་འཁྲུགས་ཞིང་དྲག། །ཞེ་སྡང་ངར་བ་དྲག་པ་ནི། །བློ་དང་ལྡན་པས་བལྟ་བར་བྱ། །དུ་མར་བརྟག་པ་དེ་
[92b.2]ནས་ནི། །བགེགས་ཚོགས་རྒྱལ་བྱེད་མཐུག་པོ་ཡི། །འདོད་ཆགས་ར་བ་དམིགས་པར་བྱ། །རླུང་གིས་རབ་ཏུ་བསྐུལ་བ་ཡི། །མ་ལུས་མུན་པའི་སྒྲིབ་གཡོགས་སྤྲུལ། །གདུག་ཅན་རྨོངས་བྱེད་བསྒོམ་པ་ནི། །དེ་ལྟར་གཏི་མུག་ར་བའོ། །ཧཱུཾ་ལས་སྐྱེས་པའི་རྡོ་
[92b.3]རྗེ་ནི། །ཞེ་སྡང་རྡོ་རྗེའི་རང་བཞིན་བརྗོད། །ཨ་ལས་སྐྱེས་པའི་པདྨ་ནི། །པདྨ་འདོད་ཆགས་རང་བཞིན་བརྗོད། །ཨོཾ་ལས་སྐྱེས་པའི་འཁོར་ལོ་ནི། །འཁོར་ལོ་གཏི་མུག་རང་བཞིན་བརྗོད། །ར་བ་གསུམ་ནི་རྣམ་བཀོད་ནས། །དེ་ལྟར་ཤེས་ནས་བསྒོམ་པར་བྱ། །མིག་
[92b.4]གཡས་པ་ནི་ཉི་མ་སྟེ། །དེ་བཞིན་གཡོན་དུ་ཟླ་བའོ། །དེ་ཡི་སྣ་རྩེར་ཨོཾ་ཡིག་སྟེ། །འདི་གང་དེ་ཡི་རིམ་པའོ། །ནང་གི་ཐམས་ཅད་བྱས་ནས་ནི། །ཡང་ནི་ར་བ་གསུམ་བྱའོ། །མཚོན་ཆའི་དྲ་བའི་རང་བཞིན་བྱ། །སྟེང་དུ་ཁྲོ་བོ་རྟ་རང་བཞིན། །བསྐལ་པའི་མེ་ནི་འབར་བ་ཡིས། །
[92b.5]གློག་གི་མདོག་ནི་ལྕེ་འགྲིལ་ཞིང་། །དྲག་པོ་ཆེན་པོ་བསམ་བྱ་སྟེ། །དེས་ནི་ལྷག་པའི་བགེགས་གཞོམ་བྱ། །དེ་བཞིན་དུ་ཡང་གསུངས་པ་ནི། །བསྐལ་པའི་མེ་དང་འདྲ་བའི་འོད། །འོད་ཟེར་འཕྲོ་བའི་ཕྲེང་བ་ཅན། །ཉི་མ་སྟོང་ཕྲག་བྱེ་བའི་དབུས། །མ་ལུས་བགེགས་ནི་
[92b.6]འཇོམས་བྱེད་པའོ། །ས་གཞི་ཡོངས་གཟུང་ཆོ་ག་ནི། །ཚིགས་བཅད་ཉི་ཤུ་རྩ་དགུའོ། །ས་གཞི་རྗེས་སུ་བཅུ་བཞི་ལ། །རང་བཞིན་དྲི་མ་མེད་པ་ཡི། །ཡེ་ཤེས་རྒྱ་མཚོ་ས་ཡི་ཆར། །སློབ་མ་ལ་སོགས་ལྷག་གནས་བྱ། །དེ་ཡང་རེ་ཞིག་ཐོག་མར་ནི། །དཀའ་བ་མེད་
[92b.7]པར་དོན་ལ་མཁས། །གྲུ་བཞི་བྱས་པ་དག་པ་ལ། །དཀྱིལ་འཁོར་ལས་ནི་ཉིས་འགྱུར་ལྷག །དེ་ནས་སྐུད་པ་དཀར་པོ་བྱས། །རང་དང་སྒྲུབ་པའི་གྲོགས་དག་གིས། །ཙནྡན་དམར་པོ་དང་བསྲེས་པའི། །སཱ་ལུ་བཏགས་པས་སྤང་པར་བྱ། །དཀྱིལ་འཁོར་ཚད་ནི་གྱུར་
[93a]
[93a.1]པའོ། །ཉིས་གྱུར་གྱིས་ནི་ཐིག་གདབ་པ། །དག་པའི་ཚངས་ཐིག་གཉིས་གདབ་བྱ། །དེ་ཡི་ཕྱེད་འགྱུར་རྩ་ཐིག་གོ། །སྒོ་ནི་དཀྱིལ་འཁོར་བརྒྱད་ཆ་སྟེ། །སྒོ་ཁྱུད་དང་ནི་དེ་བཞིན་ནོ། །དཔའ་བོ་རྣམས་ཀྱི་གནས་དང་ནི། །མཚམས་བཞི་ཡང་ནི་དེ་བཞིན་
[93a.2]ནོ། །དེ་ཡི་ཕྱེད་ནི་འགྲམ་དང་ནི། །ལོགས་དང་འདོད་ཡོན་འོད་རྣམས་སོ། །དེ་ཡི་ཕྱེད་ནི་ཚོན་སྣའི་ས། །དྲ་བ་དྲ་ཕྱེད་རྣམས་དེ་བཞིན། །རྟ་བབས་སྒོ་ཡི་སུམ་འགྱུར་ཏེ། །ཆུ་སྲིན་གདོང་བྱུང་རྟ་བབས་དང་། །འདོད་ཡོན་བུམ་པ་ལས་བྱུང་བའི། །རྟ་བབས་ཀྱི་ནི་ཀ་བའོ། །ཡང་ན་
[93a.3]གྲུ་བཞི་དང་ལྡན་པའོ། །ཚངས་པའི་ཐིག་ནི་གཉིས་བྱ་སྟེ། །ཚངས་ཐིག་གཉིས་ནས་ཕྱོགས་ཐིག་གོ། །ཚོན་སྣའི་ས་རུ་ཞེས་བྱ་སྟེ། །ཚོན་སྣའི་སྣམ་བུ་དེ་བཞིན་ནོ། །ཚོན་སྣའི་ས་ཚད་གསུམ་དོར་ལ། །འོད་ནི་འཁོར་ལོ་གསུམ་བྱའོ། །གྲོང་གི་ཕྱི་རོལ་འོད་ཚད་དོ། །ནང་གི་
[93a.4]འོད་དུ་ཞུགས་ནས་བརྩམས། །འཁོར་ལོ་གསུམ་པོ་དག་ལ་ནི། །ཐིག་བཞི་དག་ནི་བསྐོར་ནས་སུ། །སྒོ་ཡི་ཚད་ཀྱིས་བྱ་བའོ། །ལྷག་མ་པདྨ་འདབ་མ་བརྒྱད། །འཁོར་ལོའི་རྩིབས་ལས་ལྷག་པ་བྱ། །རྡོ་རྗེ་པདྨ་འཁོར་ལོའི་ཕྱིར། །ཐུགས་ཀྱི་འཁོར་རྩིབས་མུ་ཁྱུད་རྣམས། །
[93a.5]རྡོ་རྗེ་ལ་སོགས་དྲག་པོ་ནི། །རེ་ཁཱ་གཉིས་པར་བཞི་བྲིའོ། །ཚོན་རྩི་སྣམ་བུའི་ཕྱིར་རོལ་དུ། །གྲྭ་དང་སྒོ་མཚམས་རྣམས་བྱ་སྟེ། །རྡོ་རྗེ་ཉི་མ་རིན་ཆེན་ཟླ། །ཡོངས་སུ་བསྐོར་ནས་འོད་འབར་བའོ། །སྒོ་ཡི་ཕྱེད་ནི་དྲ་བ་དང་། །ཉི་མའི་སྣམ་བུ་སོགས་པའོ། །མཆོད་སྣམ་
[93a.6]ཐིག་ལ་བརྟེན་ནས་སུ། །ཕྱི་རོལ་ཐིག་ནི་ཀུན་དུ་སྦྱར། །རྟ་བབས་ཆུ་སྲིན་ལས་མཚན་པའི། །དྲིལ་བུ་རྒྱལ་མཚན་བ་དན་དང་། །མེ་ཏོག་ཕྲེང་བ་དྲ་རྔ་ཡབ། །མདའ་ཡབ་ཕྲེང་བ་ལ་བརྟེན་ནས། །རླུང་གིས་བསྐྱོད་བཞིན་པ་ཡི་ནི། །དེ་བཞིན་མ་ལུས་བརྟག་པར་བྱ། །དུར་
[93a.7]ཁྲོད་ཀྱི་ནི་རྣམ་པའོ། །འོད་ཟེར་འབར་བས་འཁྲིགས་པ་ནི། །རྡོ་རྗེ་པདྨ་འཁོར་ལོའོ། །འཁོར་ལོ་གསུམ་ནི་གང་ཡིན་དགོད། །ཚོན་རྩི་ས་གཞི་ཀུན་དུ་ནི། །རྣམ་པ་ལྔ་རུ་གོ་བར་བྱ། །ཐིག་སྐུད་ཕྲ་བ་འདི་ཡིས་ནི། །དབུས་སུ་ཐིག་བཞི་གདབ་པར་བྱ། །དེ་བཞིན་མ་
[93b]
[93b.1]ལུས་བརྟག་པར་བྱ། །གང་དང་གང་གི་མཚན་མ་ནི། །གནས་སྐབས་གང་དུ་གསུངས་པ་སྟེ། །ཡེ་ཤེས་ཐིག་ནི་བཏབ་ནས་སུ། །ཚོན་རྩི་དག་གིས་བྲི་བར་བྱ། །དགོངས་འདུས་ཡེ་ཤེས་དཀྱིལ་འཁོར་ནི། །དེ་ལྟར་དཀྱིལ་འཁོར་བརྟག་པར་བྱ། །སྒེག་མོ་ལ་སོགས་ཇི་ལྟ་
[93b.2]བར། །ཉེ་བར་མཆོད་པས་ཡང་དག་མཆོད། །གླིང་བུ་པི་ཝང་རྔ་བྲན་སོགས། །དེ་ལྟར་སྒྲ་ནི་སྔོན་འགྲོ་བ། །ཕྱི་ནས་ཡང་དག་བསྟོད་བྱས་ཏེ། །དེ་ནས་མཁས་པས་ཕྱག་བྱའོ། །དེ་ལ་ཡང་དག་འཇམ་སྟན་ལ། །གནས་དེ་སྔར་བཞིན་མདུན་དུ་ནི། །རྡོ་རྗེ་དྲག་པོའི་རྣལ་
[93b.3]འབྱོར་གྱིས། །གསང་བའི་དཀྱིལ་འཁོར་དགུག་པར་བྱ། །ཡེ་ཤེས་གསང་བའི་འཁོར་ལོ་གང་། །འདི་ནི་སྔར་མེད་པར་ནི་མེད། །དེང་ནས་བཟུང་སྟེ་ཐམས་ཅད་དང་། །གསང་ནས་གསང་བའི་ངོ་བོ་ཉིད། །གསང་བའི་དཀྱིལ་འཁོར་བཀུག་ནས་སུ། །ས་གཞི་དེ་ལ་
[93b.4]གཅིག་གྱུར་པར། །སྔགས་པས་ཡང་དག་གཅིག་འགྱུར་བརྟག །གཉིས་ཀྱིས་ཡི་གེས་གོ་ཆ་བྱ། །དེ་རྗེས་ཀྱང་ནི་བསྲུང་བ་ནི། །ལྷ་ཡི་ང་རྒྱལ་བསྲུང་བར་བྱ། །ཡི་གེ་གསུམ་གྱིས་བསྔགས་པ་ཡིས། །བདུད་རྩི་ལྔ་དང་ཙནྡན་བཅས། །མཉམ་པར་གཞག་པའི་སེམས་
[93b.5]ཀྱིས་ནི། །ས་གཞི་ཀུན་དུ་བྱུག་པར་བྱ། །དཀྱིལ་འཁོར་གྱི་ནི་ལྷ་གནས་སུ། །སྔགས་ནི་དེ་དང་དེར་གསལ་བྱ། །ཨོཾ་བཛྲ་མཎྜལཾ་ཧཱུཾ་ཛཿ་དགུག་པའི་སྔགས་སོ། །ཨོཾ་བཛྲ་ཀཱི་ལ་ཡ་གུ་ཥྚ་ལཾ་ཧཱུཾ་ཕཊ། ཕུར་བུའི་སྔགས་སོ། །ཨོཾ་བཛྲ་ཙཀྲ་ཨདྷི་ཏིཥྛ་ཥྛ་ཥྛ་སི་དྡྷི་ཡ་ཧཱུཾ།
[93b.6]བྱིན་གྱིས་བརླབ་པའི་སྔགས་སོ། །ཨོཾ་ཧྲཱིཿ་ཧ་ཧ་ཧཱུཾ་ཧཱུཾ་ཕཊ་ཅེས་བྱ་བ་ལ་སོགས་པ་ལྷག་མའོ། །གཙོ་བོ་རྣལ་འབྱོར་ལྡན་པ་ཡིས། །དེ་ཡང་སྔར་བཞིན་དཀྱིལ་འཁོར་སྤྲུལ། །དེ་ནས་དེ་ལ་ཡེ་ཤེས་ཀྱི། །འཁོར་ལོ་གང་དུ་གཞུག་བྱས་ནས། །ཡང་དང་བྱིན་བརླབས་མཆོད་
[93b.7]ནས་སུ། །མཆོད་ཡོན་ཞབས་བསིལ་དབུལ་བར་བྱའོ། །དེ་ནས་རྣམ་རྒྱལ་བུམ་ཞེས་པ། །མདུན་གྱི་ནམ་མཁའ་ལ་སོགས་སྤྲུལ། །རྩ་བ་ནག་མེད་མཆུ་འཕྱང་ཞིང་། །ལྟོ་བ་ཆེ་ལ་མགྲིན་པ་རིང་། །རང་བཞིན་མེད་པར་དམིགས་ནས་སུ། །མཁས་པས་པཾ་ལས་སྐྱེས་
[94a]
[94a.1]པ་རུ། །ཧྲཱིཿ་ལས་པདྨ་དམིགས་ནས་སུ། །དེ་ཡི་ལྟེ་བར་གེ་སར་བཅས། །དཔའ་བོ་དབང་ཕྱུག་ལྷ་མོར་ལྡན། །དེ་ལ་སྔོན་བཞིན་བསྒོམ་བྱ་སྟེ། །ཡོངས་སུ་རྫོགས་པ་བསྒོམ་པར་བྱ། །འདོད་ཆགས་ཆེན་པོའི་མེས་ཞུ་ནས། །བྱང་ཆུབ་སེམས་
[94a.2]ཀྱི་རྒྱུན་དུ་ནི། །དེ་ཉིད་དུ་ཡང་བསམ་པར་བྱ། །དེ་ནས་དྲི་དང་ལྡན་པའི་ཆུ། །ཕྱིས་ནི་དེར་ནི་ཅུང་ཟད་བླུགས། །སྨན་ལ་སོགས་པར་ལྡན་པར་ནི། །མཁས་པ་ཡིས་ནི་རབ་བྱས་ཏེ། །ཧ་ས་དེ་བ་བྲྀ་ཧ་ཏི། །ཀཎྜ་ཀ་རི་དཎྜོཏ་པ་ལ་དང་། །རྣམ་པར་རྒྱལ་བ་དཀར་པོ་ནི། །
[94a.3]སྨན་ལྔ་རུ་ནི་དགེ་བར་གྲགས། །མི་དགེ་བ་ནི་འཇོམས་པར་བྱེད། །འབྲུ་ནི་གྲོ་དང་འབྲས་སོ་བ། །ཏིལ་དང་མ་ཤ་ནས་སུ་བརྗོད། །རིན་ཆེན་གསེར་དང་དངུལ་དང་ནི། །བྱུ་རུ་མུ་མེན་མུ་ཏིག་གོ། །དྲི་ཆེན་དྲི་ཆུ་བྱང་ཆུབ་སེམས། །དེ་བཞིན་ཤ་ཆེན་དང་ནི་ཁྲག །
[94a.4]དེ་རྣམས་བདུད་རྩི་ལྔ་ཞེས་བྱ། །བླ་མེད་བྱང་ཆུབ་རྒྱུ་ཡིན་ནོ། །མྱ་ངན་མེད་དང་བྱང་ཆུབ་ཤིང་། །ཨ་མྲ་ནྱ་གྲོ་ལུ་མ་བར། །ལྔ་པོ་ཡལ་ག་ལོ་མར་གྲགས། །བུམ་པའི་ཁ་ནི་མཛེས་པར་བྱ། །བུམ་པ་དཀར་པོ་བྱས་ནས་ནི། །པདྨ་ཉིས་བརྩེགས་བྲི་བར་བྱ། །པདྨའི་
[94a.5]འདབ་མ་གཅིག་ལ་ནི། །རྡོ་རྗེ་ཕྱག་རྒྱ་ཡང་དག་བྲི། །གོས་བཟངས་མགྲིན་པ་བརྒྱན་ནས་སུ། །ཡལ་གས་ཁ་ནི་བརྒྱན་པར་བྱ། །དཔའ་བོ་ཀུན་ལ་སོ་སོར་ནི། །བརྒྱ་རྩ་བརྒྱད་དུ་བཟླས་བྱས་ཏེ། །བརྒྱད་ཀྱིས་ལྷག་པའི་སྟོང་ཕྲག་གཅིག །དཔའ་བོ་དབང་ཕྱུག་
[94a.6]སྙིང་པོ་བཟླས། །ཨོཾ་བཛྲོ་ད་ཀ་ཧཱུཾ་ཞེས་པ། །བརྒྱ་རྩ་བརྒྱད་ནི་བཟླ་བར་བྱ། །དེ་ལྟར་དཀྱིལ་འཁོར་ཕྱོགས་དང་ནི། །བུམ་པ་ལ་ཡང་དེ་བཞིན་ནོ། །ཐུན་གསུམ་དུ་ནི་མངོན་བསྔགས་ཏེ། །བདུག་པ་ལ་སོགས་ཡང་དག་མཆོད། །དཀྱིལ་འཁོར་ལ་ནི་བསྐོར་བར་བྱ། །
[94a.7]དབུས་ཀྱི་བཅོམ་ལྡན་མདུན་དུ་ནི། །བུམ་པ་དེ་བཞིན་གཞག་པར་བྱ། །གཞན་ནི་ལས་ཀྱི་ཐམས་ཅད་པ། །རོ་ལངས་མཚན་མ་གྲི་གུག་བྱ། །དུམ་སྐྱེས་མ་ཡིས་མངོན་པར་བསྔགས། །ཤར་གྱི་སྒོ་ཡི་བྱང་དུ་གཞག །ཡང་དག་མཆོད་ལ་འདི་ལྟར་བརྗོད། །ཇི་སྲིད་
[94b]
[94b.1]དཀྱིལ་འཁོར་བྱ་བ་ནི། །དེ་སྲིད་བྱ་བ་མ་རྫོགས་པར། །བཅོམ་ལྡན་འདས་མ་ཁྱོད་ཀྱིས་ནི། །བདག་གི་གདུག་པ་བསྐྲད་པར་མཛོད། །དེ་ཡི་རྣལ་འབྱོར་རྫོགས་ནས་སུ། །ཡང་ནི་ཕྱོགས་ཀྱི་གཏོར་མ་སྦྱིན། །ཤར་གྱི་ཕྱོགས་ལ་བརྟེན་ནས་སུ། །གཙོ་བོ་རང་གི་གཏོར་མ་སྦྱིན། །
[94b.2]བྱང་དུ་མངོན་པར་ཕྱོགས་ནས་སུ། །དཀྱིལ་འཁོར་བདག་པོ་མངོན་པར་ལྡན། །མེ་ཏོག་རྣམ་པར་བཀྲམ་པར་བྱ། །འབད་པས་དཀྱིལ་འཁོར་རང་གི་སྔགས། །དེ་ནས་ཕྱིར་ནི་ལྷག་གནས་བྱ། །སྦྱིན་སྲེག་མཆོད་པ་ལ་སོགས་བརྩམ། །སློབ་མ་དད་ཅིང་གུས་ལྡན་པ། །མཁས་
[94b.3]པས་ཆོ་ག་འདི་བྱའོ། །དེ་ལ་རེ་ཞིག་ཐོག་མར་ནི། །སློབ་མ་མེ་ཏོག་ཐལ་སྦྱར་བས། །ཡང་དག་སྤྱི་བོས་ཕྱག་བྱས་ནས། །བླ་མ་ལ་ནི་འདི་སྐད་བརྗོད། །ཁྱོད་ནི་སྟོན་པ་དགའ་ཆེན་པོ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་ཕྱག་འཚལ། །དམ་ཚིག་དེ་
[94b.4]ནི་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་དང་། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་དུ། །མགོན་པོ་བདག་ཀྱང་གཞུག་ཏུ་གསོལ། །དེ་སྨོས་སློབ་མའི་ལུས་སོགས་ནི། །
[94b.5]གཟུགས་ནི་བྲལ་བར་བྱ་བ་སྟེ། །དེ་ནས་རང་བཞིན་མེད་དམིགས་ནས། །བདག་པོའི་སྦྱོར་བར་དེ་རྫོགས་བྱ། །ལུས་ལ་སོགས་པ་བྱིན་བརླབ་ཅིང་། །སྔར་བཞིན་དུ་ནི་ཆོ་ག་བྱ། །སློབ་མའི་གཙོ་བོ་མདུན་བྱས་ནས། །སློབ་དཔོན་རང་གིས་འདི་སྐད་བརྗོད། །བུ་ཚུར་ཤོག་
[94b.6]ཤིག་ཐེག་ཆེན་གྱི། །ཆོ་ག་སྔགས་ཀྱི་སྤྱོད་པའི་ཚུལ། །ཁྱོད་ལ་ཡང་དག་བཤད་པར་བྱ། །ཁྱོད་ནི་ཚུལ་ཆེན་སྣོད་ཡིན་ཏེ། །རྫོགས་པའི་སངས་རྒྱས་གང་འདས་ཀྱང་། །དེ་བཞིན་གང་དག་མ་བྱོན་དང་། །ད་ལྟར་བྱུང་བའི་མགོན་པོ་གང་། །འགྲོ་ལ་ཕན་ཕྱིར་
[94b.7]ཞུགས་པ་དེ། །དེ་དག་ཀུན་གྱི་གསང་སྔགས་ཀྱི། །ཆོ་ག་བཟང་པོ་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པའི་མཚན་མེད་བརྙེས། །གསང་སྔགས་སྦྱོར་བ་མཉམ་མེད་དེ། །སྐྱོབ་པ་ཤཱཀྱ་སེང་གེ་ཡིས། །བདུད་སྡེ་ཤིན་ཏུ་མི་
[95a]
[95a.1]བཟད་པ། །སྟོབས་ཆེན་དག་ཀྱང་དེ་ཡིས་བཅོམ། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །རྟོག་པ་དེ་ནི་སྤངས་ནས་སུ། །བཟང་པོ་བརྩོན་པའི་ཡིད་ཀྱིས་ཉོན། །མ་ལུས་ལེགས་པའི་བློ་གྲོས་ཀྱིས། །རྡོ་རྗེ་
[95a.2]སེམས་དཔའ་ལ་སོགས་དང་། །བདེ་གཤེགས་རྣམས་ཀྱིས་བྱིན་གྱིས་བརླབ། །དེ་ལྟར་འབད་པས་སྤྲོ་བསྐྱེད་ནས། །གསུམ་ལ་སྐྱབས་སུ་འགྲོ་བ་དང་། །དེ་ལ་ཆོ་ག་འདི་ཡིས་ནི། །སྡིག་པ་བཤགས་པ་ལ་སོགས་བྱ། །སློབ་དཔོན་དག་ནི་དགོངས་སུ་
[95a.3]གསོལ། །བདག་མིང་འདི་ཞེས་བྱ་བ་ནི། །དུས་འདི་ནས་ནི་རབ་བཟུང་ནས། །ཇི་སྲིད་བྱང་ཆུབ་སྙིང་གནས་པར། །བླ་ན་མེད་པས་ཡང་དག་པའི། །སངས་རྒྱས་སྐུ་གསུང་རྣམ་གནས་པའི། །སྐྱབས་སུ་བདག་ནི་མཆི་བར་བགྱི། །བླ་ན་མེད་པའི་ཆོས་
[95a.4]ཆེན་པོ། །ངེས་འབྱུང་བར་དུ་སྐྱབས་སུ་མཆི། །བླ་མེད་ཕྱིར་མི་ལྡོག་པ་ཡི། །བྱང་སེམས་དགེ་འདུན་སྐྱབས་སུ་མཆི། །དེ་ལྟར་ལན་གཉིས་ལན་གསུམ་བརྗོད། །སློབ་དཔོན་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བ་ནི། །དུས་འདི་ནས་ནི་
[95a.5]རབ་བཟུང་ནས། །བདག་གིས་སྐྱེ་བ་ཐོག་མེད་ནས། །འཁོར་བ་ནས་ནི་འཁོར་བགྱིས་བགྱིད། །བགྱིད་དུ་སྩལ་དང་རྗེས་ཡི་རང་། །སངས་རྒྱས་བྱང་ཆུབ་སེམས་དཔའ་ཡིས། །སྤྱན་སྔར་དེ་དག་མ་ལུས་བཤགས། །དེ་ལྟར་ལན་གཉིས་ལན་གསུམ་བརྗོད། །སློབ་དཔོན་དག་
[95a.6]ནི་དགོངས་སུ་གསོལ། །ཇི་ལྟར་བྱང་ཆུབ་སེམས་དཔའ་རྣམས། །སེམས་མེད་ཡེ་ཤེས་སེམས་བསྐྱེད་པ། །དེ་བཞིན་དག་ཀྱང་སེམས་བསྐྱེད་དོ། །དེ་ལྟར་ལན་གཉིས་ལན་གསུམ་བརྗོད། །ཕྱོགས་བཅུ་དེ་བཞིན་གཤེགས་ཀུན་དང་། །རྡོ་རྗེ་རིན་ཆེན་པདྨ་ལས། །
[95a.7]རིགས་སུ་ཞུགས་པ་ཐམས་ཅད་དང་། །སྙིང་པོ་ཕྱག་རྒྱ་སྔགས་རྣམས་དང་། །རིག་པའི་ལྷ་རྣམས་དགོངས་སུ་གསོལ། །བདག་མིང་འདི་ཞེས་བགྱི་བ་ནི། །ཕྱོགས་བཅུ་དེ་བཞིན་གཤེགས་ཀུན་དང་། །རྡོ་རྗེ་རིན་ཆེན་པདྨ་ལས། །རིགས་བཞུགས་ཀུན་གྱི་
[95b]
[95b.1]སྤྱན་སྔར་དང་། །སྙིང་པོ་ཕྱག་རྒྱ་སྔགས་རྣམས་དང་། །རེག་པའི་ལྷ་རྣམས་སྤྱན་སྔ་རུ། །བླ་མེད་སེམས་ཀྱིས་སྡིག་པ་བཤགས། །ཇི་ལྟར་སངས་རྒྱས་བཅོམ་ལྡན་མཁྱེན། །ཆོས་དབྱིངས་ཡང་དག་ངེས་བགྱིས་པའི། །བླ་ན་མེད་པའི་བསོད་ནམས་ཀུན། །
[95b.2]རྗེས་སུ་ཡི་ནི་རང་བར་བགྱི། །གང་ཡང་ཕྱོགས་བཅུའི་འཇིག་རྟེན་ཁམས། །རྒྱས་པར་ཆོས་ཀྱི་འཁོར་ལོ་བསྐོར། །བླ་མེད་ཐེག་ཆེན་འཁོར་ལོ་ནི། །བསྐོར་ཕྱིར་གསོལ་བ་གདབ་པར་བྱ། །གང་ཡང་ཆོས་ཀྱི་འཁོར་ལོ་བསྐོར། །ཇི་སྲིད་སེམས་ཅན་ཁམས་གནས་པ། །དེ་
[95b.3]སྲིད་མྱ་ངན་མི་འདའ་བར། །གསོལ་བ་དག་ནི་གདབ་པར་བྱ། །བདག་གི་དགེ་བའི་ལས་འདི་ཡིས། །འཇིག་རྟེན་མ་ལུས་སངས་རྒྱས་ཤོག །འགྲོ་ལ་ཕན་ཕྱིར་ཆོས་བསྟན་པ། །སེམས་ཅན་སྡུག་བསྔལ་སྒྲོལ་བར་ཤོག །ཅེས་ནི་བྱ་བ་ལ་སོགས་པའོ། །
[95b.4]དེ་ནས་སྙིང་པོ་སྔགས་བཟླས་པའི། །དྲི་ཡི་ཆུ་ཡིས་གང་བྱས་པའི། །རྡོ་རྗེ་སེམས་དཔའི་ཕྱག་གིས་ནི། །སྔགས་ཤེས་པས་ནི་སྙིང་གར་གཏུགས། །དེ་ཡི་རྗེས་སུ་བྱིན་བརླབས་ནས། །སྔར་བཞིན་དུ་ནི་ཆོ་ག་བྱ། །ཇི་ལྟར་མཆོད་པ་རྣམ་ལྔ་ཡིས། །དེ་ལ་སོ་སོར་
[95b.5]མཆོད་པར་བྱ། །ཁཎྜ་རོ་ཧས་མངོན་བསྔགས་པའི། །དྲི་ཞིམ་ཆུ་ཡིས་ལུས་ལ་བྱུག །མེ་ཏོག་དཀར་པོ་སྤྱི་བོར་སྦྱིན། །འོ་མ་དང་བཅས་ཨུ་དུམ་སོགས། །མངར་བ་དག་གི་སོ་ཤིང་ནི། །སོར་དུ་བཅུ་གཉིས་ཚད་བྱས་ནས། །དེ་རྣམས་ལག་པར་བྱིན་ནས་སུ། །ཤར་
[95b.6]དུ་ཕྱོགས་པས་དོར་བའོ། །ཁཎྜ་རོ་ཧས་མངོན་བསྔགས་པའི། །ཆུ་ཡི་ཁ་བཤལ་སྦྱིན་པར་བྱ། །སོ་ཤིང་གང་དུ་ལྷུང་བ་ཡིས། །དངོས་གྲུབ་རྒྱུར་ནི་ཤེས་པར་བྱ། །སྔར་བསྟན་སྟན་ལ་བཞག་ནས་སུ། །དེ་རྣམས་ཀྱི་ནི་ལག་མཐིལ་དུ། །ཡི་གེ་གསུམ་
[95b.7]གྱིས་མངོན་བསྔགས་པའི། །ཡང་དག་མཆོད་རྟེན་ཀུ་ཤ་སྦྱིན། །དེ་ནས་ཡང་ནི་སྔགས་འདི་ཡིས། །བསྔགས་པ་ཡིས་ནི་དྲི་ཞིམ་པའི། །བདུད་རྩི་ལྔ་ཡི་ཆུ་སྦྱིན་བྱ། །འཐུངས་པས་སྡིག་པ་ཉམས་ཕྱིར་རོ། །དེ་ལ་འདི་ཡི་གསང་སྔགས་ནི། །ཨོཾ་ཧྲཱིཿ་བི་ཤུདྡྷ་དྷརྨཱ་
[96a]
[96a.1]སརྦ་པཱ་པ་ནི་ཙཱ་སཾ་ཤོ་དྷ་ཡ་སརྦ་བི་ཀལྤ་ཨ་པ་ན་ཡ་ཧཱུཾ། །དེ་རྣམས་བསྲུང་བའི་ཆེད་དུ་ནི། །ཡི་གེ་གསུམ་གྱིས་བསྔགས་པ་ཡི། །མདུད་པ་གསུམ་བྱས་སྐུད་པ་ནི། །དཔུང་པ་གཡོན་པར་བཅིང་བར་བྱ། །དཔའ་བོ་དྲུག་གི་གོ་ཆ་བྱ། །གནས་གསུམ་ཡང་
[96a.2]ནི་དེ་བཞིན་ནོ། །དེ་རྣམས་སྲུང་བ་བྱས་ནས་ནི། །ཆོས་འདི་འདི་ལྟར་བཤད་པར་བྱ། །ཐེག་པ་ཆེན་པོ་ཆེར་འབྱུང་བའི། །ལམ་མཆོག་འདི་ནི་དཔལ་དང་ལྡན། །ཁྱེད་རྣམས་དེར་ནི་དོང་བས་ན། །དེ་བཞིན་གཤེགས་པ་རྣམས་སུ་འགྱུར། །སྐལ་ལྡན་རང་བྱུང་ཆེན་པོ་
[96a.3]ནི། །འཇིག་རྟེན་ཀུན་གྱི་འདྲེན་པ་པོ། །གང་ཞིག་ཡོད་དང་མེད་ལས་འདས། །ནམ་མཁའ་འདྲ་བར་དྲི་མ་མེད། །རྙོག་མེད་རྟོག་གེའི་ཡུལ་མིན་པ། །ཟབ་མོ་རྟོགས་པར་དཀའ་བའོ། །ཟབ་མོ་བརྟག་པར་དཀའ་བ་ནི། །སྤྲོས་པ་ཐམས་ཅད་དང་བྲལ་བ། །སྤྲོས་པ་
[96a.4]ཀུན་གྱིས་མ་སྤྲོས་པ། །ལས་དང་བྱ་བ་དང་བྲལ་ཏེ། །བདེན་པ་གཉིས་ལ་མི་བརྟེན་པ། །ཡེ་ཤེས་གཙོ་མཆོག་ཤེས་པར་བྱ། །གང་འདོད་པ་ཡི་ཚུལ་དུ་གནས། །འཁོར་ལོ་གསུམ་དག་ཆེན་པོ་ནི། །དྲག་པོའི་སྟེང་དུ་ཡང་དག་གནས། །ཧེ་རུ་ཀ་དཔལ་བཀའ་དྲིན་
[96a.5]གྱིས། །སྲུང་བར་བྱས་ནས་དེ་ནས་སྨྲ། །ཇི་ལྟར་རྨི་ལམ་རྨིས་པ་ནི། །བདག་གི་མདུན་དུ་སྨྲ་བར་གྱིས། །ཞེས་བྱ་བརྗོད་ནས་སློབ་མ་དེ། །ཉལ་མལ་དག་ཏུ་གཏང་བར་བྱ། །ཡོན་ཏན་ལྡན་པའི་སློབ་མ་དེ། །དཀྱིལ་འཁོར་ས་གཞིར་གཞུག་བྱ་སྟེ། །བསྒོམ་དང་
[96a.6]བཟླས་པ་ལ་སོགས་བྱ། །སློབ་མའི་ལྕེ་ལ་ཨ་ཡིག་ལས། །གསལ་བར་ཟླ་བ་དཔག་མེད་བསམ། །རང་གི་ལྷ་མོ་ལེགས་འཁྱུད་ཕྱག །དམིགས་ལ་དེ་སྙིང་ཟླ་བ་ལ། །ཨ་ཡི་ཡི་གེ་མཛེས་པ་དགོད། །སྒྲུབ་པ་པོས་ནི་སྔགས་འདི་ཡིས། །ལྕེ་ལ་ཡང་དག་བྱིན་
[96a.7]གྱིས་བརླབ། །ཨོཾ་པདྨ་ས་ར་ཏ་ཐི་ཏ་སཏྱ། མཱ་བརྟ་ཡ་ཧྲཱིཿ། ཞེས་བྱའོ། །ག་པུར་ཨ་ག་རུ་བསྲེག་པའི། །དེ་ནས་སྤོས་ནི་གཟུང་བར་བྱ། །དཀྱིལ་འཁོར་པ་གང་སངས་རྒྱས་དང་། །ཉེ་བ་ཉིད་དུ་སྙན་གསན་དབབ། །ཕྱོགས་བཅུར་བཞུགས་པའི་སངས་རྒྱས་དང་། །
[96b]
[96b.1]སྲས་བཅས་འཇིག་རྟེན་ལ་གྲགས་དང་། །རྡོ་རྗེ་རིན་ཆེན་རིགས་དང་ནི། །དེ་བཞིན་པདྨ་ལས་ཀྱི་རིགས། །སྙིང་པོ་ཕྱག་རྒྱ་རིག་སྔགས་དང་། །གང་ཞིག་ལྷ་ཀུན་གྱི་ནི་ཚོགས། །ཆོས་ཀྱི་དབྱིངས་ལ་གནས་པ་ནི། །དེ་རིང་བདག་ལ་དགོངས་སུ་གསོལ། །བདག་མིང་
[96b.2]འདི་ཞེས་བྱ་བས་ནི། །ཇི་ལྟར་ནུས་པའི་ཉེར་སྤྱོད་པས། །དཔལ་ལྡན་བདེ་མཆོག་དཀྱིལ་འཁོར་མཆོག །ཀུན་དུ་བདག་གིས་བྲི་བར་བྱ། །སློབ་མ་རྣམས་ལ་རྗེས་བརྩེ་དང་། །ཁྱེད་རྣམས་ལ་ཡང་མཆོད་པའི་ཕྱིར། །རྗེས་སུ་བརྩེ་བར་ཉེར་དགོངས་ལ། །ཉེ་བ་ཉིད་
[96b.3]དུ་མཛད་པར་རིགས། །ཞེས་བྱ་བརྗོད་ནས་ཡང་དག་མཆོད། །དཀྱིལ་འཁོར་མ་ལུས་པ་ཀུན་ནི། །འདི་ཡིས་དེ་བཞིན་དཀྱིལ་འཁོར་ཏེ། །ནམ་མཁའ་ལ་ནི་སྔར་བཞིན་གཞག །དེ་ཡི་དཀྱིལ་འཁོར་པ་ཀུན་ནི། །དག་པའི་ཤེལ་དང་འདྲ་བ་རུ། །རང་
[96b.4]གི་འོད་ཀྱིས་འཁོར་ལོ་འབར། །དཀར་པོ་རྒྱན་གྱིས་བརྒྱན་པ་ནི། །གཞལ་ཡས་ཁང་བར་ཡང་དག་དམིགས། །ཟླ་བའི་འོད་དང་མཉམ་པའོ། །དེ་བཞིན་ཧེ་རུ་ཀ་དཔལ་ཞི། །ལེགས་པར་བལྟས་ལ་ཡང་དག་དགུག །རང་སྙིང་ཟླ་བའི་ཧཱུཾ་འོད་ཀྱིས། །དེ་ནས་
[96b.5]རང་གི་ལུས་ལ་གཞུག །ཁ་སྦྱོར་སྦྱར་བས་ཡང་དག་གནས། །བསྲུབ་དང་སྲུབ་པའི་སྦྱོར་བ་ཡིས། །རང་གི་ལུས་ལ་ཐིམ་གྱུར་ནས། །དཀྱིལ་འཁོར་གྱི་ནི་ས་ལ་ཉལ། །དེ་བཞིན་དུ་ཡང་གསུངས་པ་ནི། །སློབ་མ་གཙོ་བོ་དང་བཅས་པ། །བྱེ་བྲག་ཤེས་པའི་ཡོན་
[96b.6]ཏན་ཅན། །ཡེ་ཤེས་དཀྱིལ་འཁོར་བལྟས་ནས་ནི། །དཀྱིལ་འཁོར་དང་ནི་ཉེ་བར་ཉལ། །ཞེས་པའོ། །ལྷག་པར་གནས་པའི་ཆོ་ག་ནི། །ཚིགས་སུ་བཅད་པ་བཅོ་ལྔའོ། །དེ་ནས་རྡོ་རྗེ་སློབ་དཔོན་དག །ལྷ་ཡིས་རབ་ཏུ་བསྐུལ་ནས་སུ། །གཉིད་ལས་སད་པར་གྱུར་
[96b.7]ནས་ནི། །རྡོ་རྗེ་དྲག་དཔལ་རྣལ་འབྱོར་ལྡན། །ནམ་མཁའ་ལ་གནས་དཀྱིལ་འཁོར་བསམ། །དེ་བཞིན་གླུ་དང་སྒྲ་ལ་སོགས། །བདུག་སྤོས་དག་དང་མཆོད་བྱས་ནས། །ཡེ་ཤེས་ཐིག་ནི་གདབ་པར་བྱ། །གཞོན་ནུ་མས་བྱས་སྐུད་པའམ། །དེ་བཞིན་དཔའ་བོ་རིན་
[97a]
[97a.1]གྱིས་ཉོན། །སྐྲ་ཉག་མེད་ཅིང་ལེགས་དག་པ། །སོ་སོ་ལྔ་ལྔ་རུ་ནི་བྱ། །དཀར་པོ་ལ་སོགས་ཁ་དོག་ལྔར། །གཙོ་བོར་བྱས་ལ་ཡང་དག་པར། །ཐིག་སྐུད་ལྔ་ནི་བསྒྲིལ་བར་བྱ། །དཀྱིལ་འཁོར་ལས་ལྷག་ཉིས་འགྱུར་བྱ། །སྔགས་པ་ཡི་ནི་མཐེའུ་ཆུང་
[97a.2]ཚད། །སྒོ་ཡི་ཉི་ཤུ་ཆ་ལྟ་བུ། །སྦོམ་ཕྲ་གཉིས་སུ་དག་བརྗོད་ནས། །དཀྱིལ་འཁོར་གྱི་ནི་ཡེ་ཤེས་ཐིག །ཇི་ལྟར་མདུད་པར་མི་འགྱུར་ཕྱིར། །ཤིང་ལ་སོགས་པར་དཀྲི་བྱ་སྟེ། །གསེར་ལ་སོགས་པའི་སྣོད་བཞག་ནས། །དྲི་དང་མེ་ཏོག་ཡང་དག་བརྒྱན། །ཡི་གེ་
[97a.3]གསུམ་དང་སྤེལ་བ་ཡི། །སྭཱ་ཧཱ་ཡི་གེ་ཇི་ལྟར་རིམ། །ཡི་གེ་ལྔ་ཡི་ཚུལ་གྱིས་ནི། །སངས་རྒྱས་ཀུན་སྐུ་རང་བཞིན་ནོ། །དཔལ་ལྡན་ཧེ་རུ་ཀ་དཔལ་དཔའ། །རང་གི་ལྷ་མོ་ཡང་དག་ལྡན། །ཧཱུཾ་གི་ཡི་གེ་བརྗོད་ཙམ་གྱིས། །ཐིག་སྐུད་བློ་ལྡན་བྱིན་གྱིས་བརླབས། །སྐུ་
[97a.4]གསུང་ཐུགས་ཀྱི་རང་བཞིན་གྱིས། །ཐམས་ཅད་དུ་ནི་རྣམ་པ་གསུམ། །ཐུན་མོང་དུ་ཡང་རྣམ་པར་བལྟ། །ཡེ་ཤེས་ལྔ་ཡི་རང་བཞིན་བྱ། །དེ་ནས་ཛ་ལས་མིག་ལ་ནི། །ཉི་མ་ཟླ་བ་མདོག་སེར་དགོད། །ཨོཾ་དཱིཔྟ་དྲྀཥྚ་ཨོཾ་ཀུ་ཤ་ཛཿ། །ཞེས་བརྗོད་ལྕགས་ཀྱུའི་
[97a.5]རྣམ་པ་ཡི། །སྤྲུལ་བའི་འོད་ཟེར་ཚོགས་དང་ནི། །སྔགས་དེ་ཡང་ནི་ལན་ཅིག་བརྗོད། །ཧེ་རུ་ཀ་དཔལ་སོགས་ཀུན་མཐའ། །འབར་བའི་ལྟ་བས་བལྟ་བར་བྱ། །དེ་ལ་མཆོད་པ་བྱས་ནས་ནི། །བརྟུལ་ཞུགས་ཅན་གྱིས་དེ་ལྟར་བསྐུལ། །དཀྱིལ་འཁོར་ཐིག་ནི་
[97a.6]བསྐུལ་བ་ཡི། །རྡོ་རྗེ་ཐིག་ཏུ་གདབ་འགྱུར་རོ། །འབར་བའི་ལྟ་བའི་ལྕགས་ཀྱུས་བཀུག །ཧེ་རུ་ཀ་དཔལ་བྱིན་བརླབས་པའི། །རང་གི་སྙིང་གར་ལག་པས་ཐིག །སྒྲུབ་པོས་ཐིག་ནི་རྫོགས་གདབ་བྱ། །ཨོཾ་ཨ་ནྱོ་ནྱ་ཨ་ནུ་ག་ཏ་སརྦ་དྷརྨཱཿ། ཨོཾ་པ་ར་སྤ་ར་ཨ་ནུ་པྲ་བིཥྚཿ
[97a.7]སརྦ་དྷརྨཱཿ། ཨོཾ་ཨ་ཏྱནྟ་ཨ་ནུ་པྲ་བཥྚེཿསརྦ་དྷརྨཱཿ། །ཞེས་པ་བརྗོད་དེ་དེ་དོན་ནི། །མངོན་དུ་བྱས་ནས་དངོས་པོ་བཞིན། །གཡོག་དང་བཅས་པས་བསྔགས་ཏེ་བཟླས། །ཡིད་ལ་མི་བྱེད་ནམ་མཁའ་ལ། །སྔགས་འདི་ཡིས་ནི་བསྒྲིལ་བར་བྱ། །ཨོཾ་ཧྲཱིཿ་ཧ་ཧ་ཧཱུཾ་ཧཱུཾ་
[97b]
[97b.1]ཕཊ། དེ་སྐད་བཟླས་ཏེ་བསྒྲིལ་བྱས་ལ། །དེ་ལ་གསེར་སོགས་སྣོད་དུ་ནི། །ཡང་དག་མེ་ཏོག་སྤོས་ལ་སོགས། །སྔར་བཞིན་དུ་ནི་ཡང་དག་མཆོད། །མིག་གཉིས་མ་དང་ཊ་ལས་ནི། །ཉི་མ་ཟླ་བ་སྔར་བཞིན་བལྟ། །རྡོ་རྗེ་ཁུ་ཚུར་ཊཾ་མཾ་ཉིད། །བརྟན་པར་བྱས་ནས་
[97b.2]སྔགས་བཟླས་བྱ། །སྔགས་ནི། །ཨོཾ་བཛྲ་ས་མ་ཡ་སཱུ་ཏྲ་མཱ་ཏི་ཀྲ་མ་ཧཱུཾ། བརྒྱ་རྩ་བརྒྱད་དུ་བཟླས་པ་བྱ། །ཡིག་གསུམ་སྟོང་ཕྲག་བར་དུ་བཟླ། །ཡང་ནི་དཀྱིལ་འཁོར་གྱི་ནི་ས། །དེ་ལ་ཀུན་དུ་བྱུག་པར་བྱ། །མེ་ཏོག་ལེགས་བཀྲམ་མཆོད་ཡོན་ནི། །རྡོ་རྗེ་ཅན་ཀུན་
[97b.3]ནམ་མཁའ་གནས། །སྒེག་མོ་སོགས་ཀྱིས་ལེགས་མཆོད་ནས། །མཁས་པས་དཀྱིལ་འཁོར་ཐིག་གདབ་བྱ། །དེ་ལ་ཡི་གེ་བདུན་བསྔགས་ནི། །རང་གི་ཡིད་ཀྱིས་བརྗོད་བྱ་ཞིང་། །ཧེ་རུ་ཀ་དཔལ་བདག་གྱུར་ན། །དུམ་སྐྱེས་མ་ཡི་རང་བཞིན་གྱི། །བྱིན་གྱིས་བརླབ་
[97b.4]པ་མངོན་བྱས་ནས། །སྒྲུབ་པའི་གྲོགས་མཆོག་སྤྲོ་ཞིང་བསྐུལ། །རྡོ་རྗེ་ཁུ་ཚུར་དག་གིས་སུ། །ལག་པ་གཡོན་པས་བཟུང་ནས་ནི། །གྲོགས་པོའི་ལག་པར་བྱིན་ནས་སུ། །ཕྱོགས་ཀུན་དག་ནི་མཉམ་པར་བྱ། །ཨོཾ་ཛ་ཛ་ཛ་ཞེས་བརྗོད་ནས། །གྲོགས་པོ་ལ་ནི་
[97b.5]གཏད་པར་བྱ། །དེས་ཀྱང་ལག་གཡོན་ཁུ་ཚུར་གྱིས། །ཡང་དག་བཟུང་ནས་དེ་སྐད་བརྗོད། །ཐིག་གཉིས་རྒྱབ་ནས་བསྐྱེད་ནས་སུ། །རིམ་པ་ཇི་བཞིན་དྲང་ཞིང་བཟུང་། །དང་པོ་ནུབ་དང་ལྷོ་ཡི་ནི། །སྒོ་རུ་སྒྲུབ་པ་པོ་གནས་བྱ། །ཤར་དང་བྱང་དུ་ཁ་བལྟས་ནས། །
[97b.6]ལྟེ་བའི་ཕྱོགས་སུ་གཟུང་བྱ་ཞིང་། །གང་ཞིང་སྔགས་པས་ལས་བྱེད་པ། །དེ་བཞིན་སྒྲུབ་པོ་གྲོགས་ཀྱིས་བྱ། །ཡང་ནི་གཡོན་ནས་བསྐོར་ནས་སུ། །སྔགས་དེ་ཉིད་ནི་བརྗོད་པར་བྱ། །ཨོཾ་བཛྲ་ས་མ་ཡ་སཱུ་ཏྲ་མཱ་ཏི་ཀྲ་མ་ཧཱཾ། ཤར་དུ་ཕྱོགས་པས་དེ་བཞིན་དུ། །
[97b.7]ས་ཡི་གཞི་ནི་དེ་ཉིད་ལ། །ཚངས་ཐིག་གཉིས་ནི་ཡང་དག་པར། །མཉམ་པར་གཞག་པས་བརྐྱང་བར་བྱ། །སྔགས་པས་ཐིག་ནི་འདེབས་པ་ན། །ནམ་མཁའ་མ་ལུས་ཁྱབ་པ་ཡི། །དེ་ཡི་སྒྲ་ཡིས་བདེ་གཤེགས་རྣམས། །དེ་ཉིད་ལན་ཅིག་བསྐུལ་བ་ཡིས། །ཁྱེད་ནི་སེམས་
[98a]
[98a.1]ཅན་དོན་དུ་དབབ། །འདི་ཉིད་ཀྱང་ནི་བསམ་པར་བྱ། །དེ་ནས་སློབ་དཔོན་སྒྲུབ་གྲོགས་དག །བསྐོར་ཞིང་འགྲོ་བའི་བྱ་བ་ནི། །གཡོན་པའི་སྤྱོད་པ་གཙོ་བའི་ཕྱིར། །ཀུན་དུ་གཡོན་པའི་ཆོ་གས་བྱ། །དེ་ལྟ་ན་ཡང་ལྟོས་པ་ཡིས། །རྟོགས་པར་དཀའ་བས་
[98a.2]གཡས་སྐོར་དུ། །རླུང་དང་དབང་ལྡན་མཚམས་གནས་དང་། །མེ་དང་བདེན་བྲལ་མངོན་ཕྱོགས་ཏེ། །སྔགས་པས་མཚམས་ཀྱི་ཐིག་གཉིས་ནི། །ཇི་ལྟའི་རིམ་པས་བརྐྱང་ལག་གདབ། །དེ་བཞིན་མེ་རུ་གནས་པ་ཡིས། །བྱང་དུ་བལྟས་པས་དེ་ལྟ་བར། །ལྟེ་བའི་
[98a.3]ཕྱོགས་སུ་གནས་པ་ཡི། །དེ་ཡིས་དབང་པོའི་ཕྱོགས་ཐིག་གདབ། །དེ་ནས་དེ་བཞིན་རླུང་ཕྱོགས་ཀྱི། །སྔར་བཞིན་དུ་ནི་གནས་ནས་སུ། །སྔགས་པས་ལྷོ་རུ་མངོན་ཕྱོགས་པས། །ནུབ་ཀྱི་ཕྱོགས་ཐིག་གདབ་པར་བྱ། །དེ་ནས་དེ་ཉིད་དུ་འདུག་ནས། །ཤར་དུ་
[98a.4]མངོན་པར་ཕྱོགས་གནས་ཏེ། །བསྐོར་བར་འགྲོ་བའི་བྱ་བ་ཡིས། །མཁས་པས་བྱང་གི་ཕྱོགས་ཐིག་གདབ། །མེ་ཡི་ཕྱོགས་སུ་འདུག་ནས་སུ། །དེ་བཞིན་ནུབ་ཏུ་མངོན་ཕྱོགས་པས། །ལྷོ་ཡི་ཕྱོགས་ཐིག་བཏབ་ནས་ནི། །དེ་བཞིན་གྲྭ་བཞི་རུ་ནི་འགྱུར། །འཁོར་
[98a.5]ལོ་གསུམ་བརྗོད་དཀྱིལ་འཁོར་ནི། །འཁོར་ལོ་ཐིག་ནི་རྒྱས་བསྟན་པ། །ཡང་དག་རྫོགས་པར་སྔར་བརྗོད་པས། །འདིར་ནི་རྒྱས་པར་མ་བྱས་སོ། །ར་བ་ལ་སོགས་ཐིག་རྣམས་ནི། །ཡེ་ཤེས་ཐིག་ནི་བསྡུས་པ་རུ། །དེ་ནས་ཕྱིས་ནི་བརྟགས་བྱས་
[98a.6]ལ། །མཁས་པས་ཡང་དག་མཆོད་ལ་གཞག །ཡེ་ཤེས་ཐིག་ནི་གཤེགས་གསོལ་ནས། །སྔོན་པོ་ལ་སོགས་པ་ཡི་ཚོན། །གསེར་ལ་སོགས་པའི་སྣོད་ཉིད་དུ། །བཀང་ནས་ཆོ་ག་བརྩམ་པར་བྱ། །ཐིག་གི་ཚོན་སྣ་ལྔ་པོ་ཉིད། །ཧཱུཾ་ལས་དཀྱིལ་འཁོར་
[98a.7]བདག་པོ་ནི། །དཀྱིལ་འཁོར་ཀུན་དང་ཡང་དག་ལྡན། །བསམས་ལ་དེ་ནི་རིམ་བསྒོམ་བྱ། །ཉི་མའི་དཀྱིལ་འཁོར་རྣམས་བསམས་ཏེ། །ཨོཾ་ནི་ཇི་ལྟར་འོད་ལྡན་པ། །བདེན་པའི་བྱིན་གྱིས་བརླབས་ཚིག་གིས། །རྡུལ་ཚོན་རྣམས་ནི་འབར་བའོ། །རྡུལ་ཚོན་མང་བདེན་
[98b]
[98b.1]གང་བརྗོད་པས། །སེམས་ཅན་སངས་རྒྱས་ཐོབ་བྱའི་ཕྱིར། །སེམས་ཅན་རྗེས་སུ་ཆགས་པ་ཡིས། །བདེན་དེས་ཚོན་རྩི་འབར་བར་ཤོག །སྦྱོར་བའི་སྟོབས་ནི་གོམས་པ་ཡིས། །གང་ཞིང་སྟོབས་ཀྱིས་འབར་བའོ། །དེ་ནས་ཡི་གེ་གསུམ་པོ་ནི། །བརྒྱ་རྩ་བརྒྱད་དུ་
[98b.2]བཟླས་བྱས་ཏེ། །ཨོཾ་བཛྲ་ཙི་ཏྲ་ས་མ་ཡ་ཧཱུཾ་ཞེས། །བརྒྱ་རྩ་བརྒྱད་ཡོངས་བཟླས་ནས་ནི། །བདག་པོ་རྣལ་འབྱོར་ལྡན་པ་ཡིས། །ཕྱིས་ནི་ཡང་དག་མཆོད་པར་བྱ། །བླ་མེད་ཤེས་རབ་བླངས་ནས་སུ། །རང་གི་དྲིལ་བུ་སྒྲ་ཡིས་ནི། །རང་ལ་མཚན་མ་ངན་ལ་སོགས། །རིམ་གྱིས་
[98b.3]མེད་པར་བྱེད་པའོ། །དབུས་སུ་ཐིག་ལེ་དཀར་པོའི་ཚོན། །ཤར་གྱི་འདབ་མར་ནག་པོའོ། །གཡོན་གྱི་འདབ་མར་ལྗང་གུའོ། །དེ་བཞིན་རྒྱབ་ཀྱི་འདབ་མར་དམར། །གཡས་ཀྱི་འདབ་མ་སེར་པོར་དགོད། །དེ་ལྟར་ཐིག་ལེ་ལྔ་པོ་དེ། །ཡང་དག་རྙེད་ནས་ལག་
[98b.4]གཡོན་གྱིས། །སྔགས་ཀྱི་བསྐུལ་བ་བརྗོད་པ་ནི། །ཨོཾ་བཛྲ་རཱ་ག་ས་མ་ཡ་ཨོཾ་ཨཱཿ་ཧཱུཾ། ཁུ་ཚུར་གཡོན་པས་དབང་ལྡན་ནས། །ནང་ནས་རི་མོ་ལྔ་བྲི་བྱ། །ཕྱི་ནས་སློབ་མ་ཅི་བདེ་བར། །དཀྱིལ་འཁོར་ནང་དུ་གནས་ནས་ནི། །དཀར་པོ་ལྗང་གུ་དམར་པོ་དང་། །
[98b.5]དེ་བཞིན་གཞན་ནི་སེར་སྔོན་པོ། །ཕྱི་རོལ་དུ་ནི་ཁ་དོག་སོགས། །ར་བ་རྣམས་སུ་ཡང་དག་གྲགས། །ཇི་ལྟར་གསུངས་པའི་ཚད་ཀྱིས་བྲི། །དེ་བཞིན་སྦོམ་མིན་ཕྲ་བ་མིན། །འཁྱོགས་པ་མ་ཡིན་ཉམས་པ་མིན། །མཁས་པས་རི་མོ་བྲི་བར་བྱའོ། །དེ་བཞིན་
[98b.6]དུ་ནི་ཡང་གསུངས་པ། །སྦོམ་པས་ནད་ནི་འབྱུང་བར་འགྱུར། །ཕྲ་བས་ནོར་ནི་ཉམས་པར་རོ། །འཁྱོག་པོ་ཡིས་ནི་འབྱེད་པར་བྱེད། །ཆད་པ་ཡིས་ནི་འཆི་བར་འགྱུར། །གཞན་དུ་ཡང་ནི་བརྗོད་པ་ཡི། །སྦོམ་པ་ཡིས་ནི་ཁོང་ནད་འབྱུང་། །ཕྲ་བས་ནད་དང་
[98b.7]ནོར་ཟད་དོ། །དེ་ལ་སོགས་པའི་སྐྱོན་རྣམས་ནི། །སློབ་དཔོན་སློབ་མ་དག་ལ་འབྱུང་། །སྦོམ་ཕྲ་མཐེའུ་ཆུང་གི་ནི་ཚད། །དཀྱིལ་འཁོར་ཁྲུ་ནི་དྲུག་ཏུ་འདོད། །ཐུན་མོང་གི་ནི་དཀྱིལ་འཁོར་གྱི། །སྒོ་ཡི་ཉི་ཤུའི་ཚད་ཡིན་ནོ། །རྡུལ་ཚོན་ཤར་དང་བྱང་དང་
[99a]
[99a.1]ནི། །ནུབ་དང་ལྷོ་ཕྱོགས་ཉིད་དུ་ནི། །དེ་ལ་སོགས་པ་ཕྱོགས་ཀྱི་ཆ། །ཞལ་གྱི་མདོག་ཏུ་བྲི་བའོ། །དཀར་པོ་སྔོན་པོ་བསྲེས་པའི་མདོག །དབུས་ཀྱི་ཆར་ནི་བྲི་བར་བྱ། །འདི་ཉིད་དུ་ནི་གསང་དབང་བསྐུར། །གཞན་ཉིད་ཀྱང་ནི་བརྟག་པ་
[99a.2]ཡིན། །དཀྱིལ་འཁོར་བྲི་བའི་དུས་སུ་ནི། །རླུང་ལ་སོགས་པ་བྱུང་བ་ན། །གཅིག་ཏུ་དམ་པའི་དོན་དུ་ནི། །བྱང་ཆུབ་སེམས་ནི་བསྒོམ་པར་བྱ། །ཡང་ན་རལ་གྲིའི་རྩེ་མོ་ལ། ཕར་ལ་བ་ཡི་མར་ནག་གིས། །སྙིང་པོ་ས་བོན་ཧཱུཾ་ཕཊ་ནི། །སྔགས་རིག་པ་
[99a.3]ཡིས་ཕྱི་རོལ་བྲི། །སྟོབས་པོ་ཆེ་ཡི་འགྱིང་པའམ། །རྡོ་རྗེ་དྲག་དཔལ་རྣལ་འབྱོར་ལྡན། །རལ་གྲི་དེ་ནི་སྤྲིན་ལ་སོགས། །རླུང་ལ་མངོན་པར་ཕྱོགས་ནས་སུ། །ལན་ཅིག་ཁྲོ་བོའི་ལུས་ཀྱིས་སུ། །ཕཊ་ཀྱི་ཡི་གེ་བརྗོད་བྱ་ཞིང་། །མཚོན་ཆ་འདེབས་པའི་ཚུལ་
[99a.4]བྱས་ན། །སངས་རྒྱས་བྱས་ཀྱང་རླག་པར་བྱེད། །དེ་ལྟར་བཟློག་ནས་དེ་རྗེས་ལ། །སྣོད་ནི་བཟང་པོ་ལ་སོགས་སུ། །གནས་མིན་པར་ལྟུང་རྡུལ་ཚོན་ནི། །དེ་བཞིན་རས་ལ་སོགས་པ་ཡང་། །ཡི་གེ་བརྒྱ་པའི་སྔགས་ཀྱིས་ནི། །བཟླས་པའི་དྲི་ཡི་ཆུ་དག་གིས། །
[99a.5]དབང་ལྡན་ཕྱོགས་ནས་བརྩམས་ནས་སུ། །ཕྱི་དང་ནང་དུ་བསང་གཏོར་བྱ། །ཙནྡན་ཨ་ག་རུ་ནི་སྤངས། །ཆུ་སྲིན་སྡེར་མོ་ག་པུར་དང་། །གླ་རྩི་ཀ་ར་སྦྲང་རྩིར་ལྡན། །བདུག་སྤོས་མང་པོ་རྒྱུན་མི་འཆད། །ཕྱོགས་དང་མཚམས་སུ་སྣོད་བྱས་ནས། །མདུན་དུ་མེ་
[99a.6]མར་སྡོང་པོ་གཞག །སྣ་ཚོགས་མེ་ཏོག་ཕྲེང་བ་ནི། །བླ་རེའི་སྟེང་ནས་འཕྱར་བར་བྱ། །དེ་ནས་དཀྱིལ་འཁོར་དབུས་སུ་ནི། །ལག་པ་གཡོན་པ་རེག་བྱས་ནས། །དཀྱིལ་འཁོར་བདག་པོ་གསང་སྔགས་ཏེ། །ལན་བདུན་དུ་ནི་བཟླ་བར་བྱ། །ཉི་མ་དགོངས་ཀ་དེ་ཉིད་
[99a.7]ལ། །གར་དང་རྔ་ནི་ལྷག་པ་ཡི། །གླུ་དང་སྒྲ་ལ་སོགས་པ་ཀུན། །སངས་རྒྱས་ཞིང་དུ་རྣམ་གནས་པའི། །འཁོར་དང་བཅས་པའི་སངས་རྒྱས་ཀུན། །ནམ་མཁའི་ཕྱོགས་སུ་རྣམ་གནས་པའི། །དཀྱིལ་འཁོར་རྣམས་ལ་ཡང་དག་མཆོད། །གསོལ་བཏབ་འདི་
[99b]
[99b.1]ཡིས་སྤྱན་དྲང་བྱ། །མ་ལུས་ཕྱོགས་བཅུར་བཞུགས་པ་ཡི། །སངས་རྒྱས་རྣམས་ནི་བདག་ལ་དགོངས། །བདག་མིང་རྡོ་རྗེ་ཅན་ཞེས་པ། །དཀྱིལ་འཁོར་བདག་གིས་བརྟག་པར་བྱ། །སངས་རྒྱས་རྣམས་ནི་འདིར་གཤེགས་ལ། །དངོས་གྲུབ་རྣམས་ནི་དེང་སྩོལ་
[99b.2]ཅིག །དེ་ལྟར་བརྗོད་ནས་ཕྱག་བྱས་ཏེ། །ཐུགས་ཀྱི་ཡེ་ཤེས་རྡོར་ཧཱུཾ་ལས། །ལྕགས་ཀྱུའི་རྣམ་པའི་འོད་ཟེར་ཚོགས། །བཅོམ་ལྡན་དཔའ་བོ་གཙོ་བོ་ནི། །སྤྲུལ་པའི་གཟུགས་ཀྱིས་གནས་པ་ནི། །ཁ་སྦྱོར་གྱུར་པས་ཡང་དག་གནས། །དེ་ཕྱིར་ཡང་དག་བསྐུལ་ནས་
[99b.3]བྱོན། །དེ་ལ་ཧཱུཾ་ལ་ཞུགས་པར་བྱ། །དཀྱིལ་འཁོར་པ་ཀུན་བསམ་བྱས་པ། །བར་སྣང་ལ་གནས་ལྷན་ཅིག་ཏུ། །ཇི་ལྟའི་གནས་སུ་ལྷན་ཅིག་ཏུ། །ཧཱུཾ་གིས་བྱས་པས་གཅིག་ཏུ་བསྒོམ། །རི་མོ་ལ་སོགས་རྣམ་བཀོད་ལ། །དེ་ལྟར་རང་གི་དཀྱིལ་འཁོར་གཞུག །
[99b.4]དཀྱིལ་འཁོར་དབུས་བྱུང་པདྨ་ནི། །འདབ་མ་བརྒྱད་པ་གེ་སར་བཅས། །པད་སྟེང་དཔའ་བོ་དབང་ཕྱུག་ནི། །ལྷ་མོས་འཁྱུད་པས་ཡང་དག་གནས། །ཤར་གྱི་འདབ་མར་མཁའ་འགྲོ་མ། །བྱང་གི་འདབ་མར་ལཱ་མ་སྟེ། །ནུབ་འདབ་དུམ་སྐྱེས་མ་ཡིན་ལ། །ལྷོ་རུ་གཟུགས་
[99b.5]ཅན་མ་གནས་སོ། །དྲི་ཆེན་དྲི་ཆུ་ཁུ་བ་ཁྲག །དུང་ཆེན་བཞི་རུ་གནས་པ་ནི། །མཚམས་ཀྱི་འདབ་མ་བཞི་པོ་ལ། །གཡོན་ནས་བརྩམས་ཏེ་དགོད་པར་བྱ། །དེ་བཞིན་འཁོར་ལོ་གསུམ་བསྟན་པ། །དཔའ་བོའི་རྩིབས་ལ་དེ་བཞིན་དགོད། །རྒྱུད་ནས་གཡོན་གྱི་
[99b.6]རིམ་པ་ཡིས། །རང་རང་ལྷ་མོ་ཡང་དག་ལྡན། །དང་པོ་ཐུགས་ཀྱི་འཁོར་ལོ་སྟེ། །གཉིས་པ་གསུང་གི་འཁོར་ལོ་དང་། །གསུམ་པ་སྐུ་ཡི་འཁོར་ལོ་ནི། །ལུགས་ལས་བཟློག་པ་དགོད་པར་བྱ། །དང་པོའི་སྒོར་ནི་ཁྭ་གདོང་མ། །དེ་ནས་འུག་གདོང་བྱང་དུ་སྟེ། །
[99b.7]ཁྱི་གདོང་ནུབ་ཏུ་ཤེས་པར་བྱ། །ལྷོ་རུ་ཕག་གི་གདོང་ཅན་ནོ། །མཚམས་སུ་དེ་བཞིན་གཤིན་རྗེ་བརྟན། །གཤིན་རྗེ་ཕོ་ཉ་གཞན་ཡང་ནི། །གཤིན་རྗེ་མཆེ་བ་ཅན་ཞེས་དང་། །དེ་བཞིན་གཤིན་རྗེ་འཇོམས་མ་དགོད། །དཀྱིལ་འཁོར་ལྷ་རྣམས་བཀོད་ནས་
[100a]
[100a.1]སུ། སྔགས་འདི་དག་ནི་བརྗོད་པར་བྱ། །ཨོཾ་བཛྲ་ཨཱ་བེ་ཤ་ཡ་ཀྲ་མ་ཧཱུཾ། །ཡང་ན་ཡི་གེ་གསུམ་དྲན་བྱ། །གལ་ཏེ་རྡུལ་ཚོན་མ་ནུས་ན། །དཀྱིལ་འཁོར་དང་མཉམ་རས་ལ་ནི། །སྔར་ནས་ཚོན་གྱིས་བྲི་བར་བྱ། །གལ་ཏེ་ཡང་ནི་མ་ནུས་
[100a.2]ན། །དེ་དང་དེ་ནས་སྔགས་བསྒོམ་བྱ། །ཧེ་རུ་ཀ་མཆོག་ཕྱག་རྒྱ་བཞི། །ངེས་པར་བྲི་བ་དགོངས་པའོ། །ཅུང་ཞིག་དཀྱིལ་འཁོར་མ་རྫོགས་པ། །དེ་ཡི་དུས་ན་ཡོངས་རྫོགས་འགྱུར། །ལྷ་ཡི་འཁོར་ལོ་རྣམ་བཀོད་ནས། །འདི་ལྟར་སྤོས་ལ་སོགས་པ་ཡང་། །དཀྱིལ་
[100a.3]འཁོར་པ་ཀུན་མངོན་བྱས་མཆོད། །སོ་སོའི་སྐྱེ་བོ་རྣལ་འབྱོར་དམིགས། །མེ་ཏོག་ཕྲེང་བས་ཡང་དག་གཟུང་། །ཁྲོས་པའི་ཧཱུཾ་ཡིག་བརྗོད་པར་བྱ། །ཧཱུཾ་གི་ཡི་གེ་བརྗོད་ནས་སུ། །སྔགས་པས་དཀྱིལ་འཁོར་དུ་ནི་འཇུག །རྣལ་འབྱོར་གཡས་དང་གཡོན་གྱིས་ནི། །བལྟ་
[100a.4]ཞིང་དྲིལ་བུ་དཀྲོལ་བར་བྱ། །བསྐོར་བ་ལན་གསུམ་བྱས་ནས་སུ། །བསྐྱུར་བའི་མེ་ཏོག་ཕྲེང་བླངས་ནས། །བརྟུལ་ཞུགས་ཅན་གྱིས་སླར་ཡང་ནི། །རང་གི་མགོ་ལ་བཅིང་བར་བྱ། །ཁྲོ་བོའི་ལྟ་སྟངས་ཡང་དག་ལྡན། །ནུབ་ལ་སོགས་པའི་སྒོ་བཞི་རུ། །གནས་
[100a.5]ནས་ཡི་གེ་གསུམ་ནི་བརྗོད། །ཤར་ལ་སོགས་པའི་སྒོ་བཞིར་ནི། །མཁས་པས་ཡིད་ཀྱིས་དབྱེ་བར་བྱ། །སྒོ་དབྱེ་བ་ཡི་གསང་སྔགས་ནི། །ཨོཾ་བཛྲོད་གྷ་ཊ་ཡ་ས་མ་ཡ་པྲ་བེེ་ཤ་ཡ་ཧཱུཾ་ཕཊ། །དེ་ནས་བདུད་རྩི་ལྔ་ལྡན་པའི། །དྲི་ཡི་ཆུ་དང་བཅས་པ་ཡིས། །ཧེ་རུ་ཀ་
[100a.6]དཔལ་མདུན་དུ་ནི། །དུང་ཆོས་དག་ནི་གཞག་པར་བྱ། །སྔགས་པ་རིག་མ་དང་བཅས་པས། །དེ་བཞིན་དཀྱིལ་འཁོར་དུ་ནི་འཇུག །དེ་ནས་རྗེས་གནང་བླངས་ནས་སུ། །རང་ཉིད་བྱིན་གྱིས་བརླབ་པར་བྱ། །རང་གི་མིང་ནི་བརྗོད་ནས་སུ། །སྤྱི་བོས་ཀྱང་ནི་ཕྱག་
[100a.7]བྱའོ། །འོག་ནས་འབྱུང་བའི་ཆོ་ག་འདིས། །ལྷ་རྣམས་ཡང་དག་བསྐུལ་བར་བྱ། །མི་བཟད་མ་ལུས་བདུད་ཀྱིས་གུས་བྱས་པའི། །མ་ལུས་འགྲོ་བའི་རང་བཞིན་སྔོན་དུ་བྱས། །རང་བྱུང་མཐའ་མེད་སྲིད་པ་ཉིད་ཀྱི་རང་བཞིན་ནི། །ས་ཀུན་སྙིང་པོ་གཅིག་
[100b]
[100b.1]དུ་འདིར་སྤྱོན་ཅིག །དེ་ལྟར་སྔགས་པས་བསྐུལ་ནས་སུ། །མཁས་པས་ཡང་དག་འཇུག་པར་བྱ། །ཧཱུཾ་བཞི་པ་ཡི་སྔགས་དང་ནི། །དཔའ་བོ་ལྔ་དང་བཅས་པས་བྱ། །ཨོཾ་སུམྦྷ་ནི་སུམྦྷ་ཧཱུཾ། ཨོཾ་གྲིཧྞ་གྲྀཧྞ་ཧཱུཾ། ཨོཾ་གྲྀཧྞ་པ་ཡ་གྲྀཧྞ་པ་ཡ་ཧཱུཾ། ཨོཾ་ཨཱ་ན་ཡ་ཧོཿ།
[100b.2]བྷ་ག་ཝཱན་བཛྲ་ཧཱུཾ་ཕཊ། སྔགས་འདི་དག་ནི་བརྗོད་པ་ནི། །རང་སྙིང་ཧཱུཾ་ཡིག་ལས་བྱུང་བའི། །འོད་ཟེར་རྣམས་ཀྱིས་མ་ལུས་དགུག །རང་གི་སྲས་བཅས་འདིར་གནས་པ། །ནམ་མཁའི་ཕྱོགས་ནས་འོངས་པ་ཡིས། །ངལ་ཞིང་ཞལ་ནི་བཞད་བཅས་པ། །རང་གི་དངོས་
[100b.3]གྲུབ་གྲུབ་འདོད་ན། །སེམས་ཅན་ཀུན་ལ་བདེ་སྟེར་བ། །དཀྱིལ་འཁོར་མངོན་ཕྱོགས་འོངས་ནས་སུ། །སྟེང་དུ་གནས་པ་བསམ་པར་བྱ། །རྡོ་རྗེ་དྲིལ་བུ་བླངས་ནས་ནི། །སྔར་བརྗོད་པ་ཡི་བསྟོད་པས་བསྟོད། །བཅོམ་ལྡན་བརྟན་པོར་བཟུང་བྱས་ནས། །ཤིན་
[100b.4]ཏུ་བཤེས་ནི་ཉེར་གནས་ལ། །འདི་ཡིས་བསྒོམས་པས་དེ་དེ་ཀུན། །རང་རང་གཟུགས་ཀྱིས་གཞུག་པར་བྱ། །ལྷ་ཡི་འཁོར་ལོ་ཀུན་ལ་ནི། །ཕྱག་རྒྱ་བཞི་ཡིས་རྒྱས་གདབ་བྱ། །རྣམ་པ་ཀུན་གྱི་མཆོག་ལྡན་པའི། །རང་རང་ཁ་དོག་ཕྱག་མཚན་
[100b.5]འཆང་། །སྤྲུལ་པའི་སྐུ་ཡི་རང་བཞིན་ནི། །ཕྱག་རྒྱ་ཆེན་པོ་རུ་ནི་གྲགས། །དབང་པོ་གཉིས་ཀྱིས་སྙོམས་འཇུག་པ། །བསྒོམ་པའི་བདག་ཉིད་དེ་དོན་དུ། །ཤེས་རབ་མི་མོ་གཟུགས་འཛིན་པ། །དེ་ནི་དམ་ཚིག་ཏུ་ནི་བརྗོད། །བྱང་ཆུབ་ས་བོན་སྐྱེད་
[100b.6]བྱེད་གང་། །ཞིང་དུ་བྱེད་པའི་བདག་ཉིད་དེ། །ཡང་དག་མཐར་ནི་རྣམ་དག་པས། །ཆོས་ཀྱི་ཕྱག་རྒྱ་རུ་ནི་བརྗོད། །སེམས་ཅན་ཕུང་པོ་མ་ལུས་པ། །རྫོགས་པའི་བྱང་ཆུབ་རྒྱུད་ཆེད་དུ། །རྡོ་རྗེ་པདྨ་སྙིང་བརྩེར་གང་། །ལས་ཀྱི་ཕྱག་རྒྱ་རུ་ནི་གྲགས། །འོན་
[100b.7]ཀྱང་དེ་བཞིན་ལྷ་མོ་རྣམས། །དགའ་རོལ་དམ་ཚིག་ཏུ་ནི་གྲགས། །ལས་ཀྱི་ཕྱག་རྒྱ་དེ་བཞིན་དུ། །རང་གི་བྱ་བ་དེ་སྐད་ཅིག །ཕྱག་རྒྱ་བཞི་ཡིས་རྒྱས་གདབ་པོ། །དེ་བཞིན་རྒྱས་གདབ་རིམ་ཉིད་ནི། །དཔའ་དབང་རང་གི་ལྷ་མོ་རྣམས། །དཔའ་བོ་
[101a]
[101a.1]རྣམས་དང་གཙོ་བོ་ནི། །དབང་བསྐུར་བ་ནི་རབ་ཏུ་སྦྱིན། །བསམ་གཏན་གྱིས་ནི་ལེགས་མཉམ་གཞག །སེམས་ཅན་དོན་ལ་བྱེད་བརྩོན་པས། །སྤྲོ་དང་དེ་བཞིན་གཞུག་པར་བྱ། །ཕན་ཚུན་ཐ་མི་དད་མི་གནས། །དཀྱིལ་འཁོར་
[101a.2]བདག་པོ་གསང་སྔགས་ནི། །བརྒྱ་རྩ་བརྒྱད་དུ་བཟླ་བར་བྱ། །དེ་ལས་གཞན་པའི་ལྷ་རྣམས་ཀྱི། །ཉི་ཤུ་རྩ་གཅིག་བཟླ་བར་བྱ། །དེས་ཀྱང་དཀྱིལ་འཁོར་གྲུབ་པར་ནི། །འགྱུར་བ་རུ་ནི་ཐེ་ཚོམ་མེད། །གཙོ་བོ་སྔགས་ནི་བཟླས་པ་ཡིས། །རྣམ་རྒྱལ་བུམ་པ་དེ་
[101a.3]ནས་ནི། །དེ་ཡི་མདུན་དུ་གཞག་པར་བྱ། །ལྷ་མོ་རྣམས་ཀྱི་སྔགས་ཀྱིས་བསྔགས། །དེ་རྣམས་འཁོར་ལོའི་རྡུལ་ཚོན་གྱི། །ཕྱི་རོལ་དུ་ནི་མཁས་པས་གཞག །ཇི་ལྟར་འདོད་པས་མཚམས་བཞི་རུ། །མཚན་མ་ཡང་དག་ལྡན་དེ་དགོད། །དེ་ནས་ཨརྒྷ་ལ་
[101a.4]སོགས་དབུལ། །པུས་མོ་གཡས་པ་སར་བཙུགས་ནས། །སྤོས་ལ་སོགས་པས་ཡང་དག་མཆོད། །ཡང་ན་ཡི་གེ་གསུམ་བསྔགས་པའི། །ལས་ཀུན་པ་ཡི་བུམ་ཆུ་ཡིས། །སྣོད་གཅིག་ཏུ་ནི་བསང་གཏོར་བྱ། །ཡང་དག་བླངས་ཏེ་བཏུང་ལ་སོགས། །བལྡག་
[101a.5]དང་གཞིབ་དང་བཅའ་བར་ལྡན། །དེ་ལ་ཡིག་གསུམ་མངོན་པར་བསྔགས། །ཨོཾ་སརྦ་བིད་པཱུ་ར་པཱུ་ར་ཨ་བརྟ་ཡ་ཧོ་ཞེས་བྱའོ། །དཔའ་བོ་རྣམས་ལ་སོ་སོར་ནི། །གོས་ཟུང་དག་ནི་དབུལ་བར་བྱ། །གཙོ་བོ་ལ་ནི་དྲི་མཆོག་དང་། །རྣམ་པ་སྣ་ཚོགས་རས་ཡུག་
[101a.6]དབུལ། །མེད་ན་ཇི་ལྟར་ནུས་པ་ཡི། །ལྔ་ལས་ཉུང་བར་མི་བྱའོ། །སྔགས་པས་མཆོད་པ་རྣམ་ལྔ་ཡིས། །ལྷ་རྣམས་སོ་སོར་མཆོད་པར་བྱ། །དེ་ལ་འདི་ཡི་གསང་སྔགས་ནི། །ཨོཾ་དྷཱུ་པཾ་པྲ་ཏཱིཙྪ་སྭཱ་ཧཱ། ཨོཾ་གནྡྷཾ་པྲ་ཏཱི་ཙྪ་སྭཱ་ཧཱ། ཨོཾ་བྷ་ཀྟཾ་པྲ་ཏཱིཙྪ་
[101a.7]སྭཱ་ཧཱ། ལྷ་དང་དབྱེར་མེད་པ་ཡི་གཟུགས། །སྒེག་མོ་ལ་སོགས་ཆ་ལུགས་ཀྱིས། །སྔོན་དུ་གསང་སྔགས་འདི་བརྗོད་ཅིང་། །མཁས་པ་ཡིས་ནི་མཆོད་པར་བྱ། །ཨོཾ་སརྦ་ཏ་ཐཱ་ག་ཏ་མ་ཧཱ་སྱ་ལཱ་སྱ་ར་ཏི་ཀྲྀ་ཌཱ་སཽ་ཁྱ་ཨ་ནུ་ཏྟ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་
[101b]
[101b.1]མ་ཡེ་ཧཱུཾ། གལ་ཏེ་འབྱོར་ན་མཆོད་པ་ནི། །གདུགས་དང་རྒྱལ་མཚན་བ་དན་སོགས། །གླུ་དང་གར་དང་རྔ་ལ་སོགས། །དགོད་དང་སྒེག་ལ་དགའ་བས་སྤྲོ། །ཕྱི་དང་གསང་བའི་རྣམ་པ་ཡིས། །མཆོད་པའི་རིགས་ཀྱི་ཚོགས་ཀྱིས་ནི། །ལུས་
[101b.2]ཀུན་དྲི་ཡིས་བྱུགས་པ་དང་། །བརྟུལ་ཞུགས་ཅན་གྱིས་ཡང་དག་མཆོད། །དེ་བཞིན་དུ་ཡང་གསུངས་པ་ནི། །དམ་པའི་མཆོད་པ་འདི་ཡིས་ནི། །ཡིད་ནི་དགའ་བ་སྐྱེད་པར་བྱེད། །དེ་ཕྱིར་ཀུན་བདག་རྣལ་འབྱོར་གྱིས། །བདག་གཞན་ཀུན་གྱིས་
[101b.3]མཆོད་པར་བྱ། །ཞེས་གསུངས་སོ། །འོག་ནས་འབྱུང་བའི་སྔགས་འདི་ཡིས། །དེ་ལ་ལན་གསུམ་བརྗོད་པར་བྱ། །མཆོད་པ་ཀུན་གྱི་རང་བཞིན་གྱི། །སྣ་ཚོགས་པས་མཆོད་བསྒོམ་པར་བྱ། །སྔགས་ནི། །ཨོཾ་ཨ་ནུཏྟ་ར་སརྦ་པཱུ་ཛ་མེ་
[101b.4]གྷ་ས་མུདྒ་ཏེ་ཙ་ར་ཧི་མཾ་ག་ག་ན་ཧཱུཾ་ཕཊ་སྭཱ་ཧཱ། དེ་ནས་ལྷག་དང་ཆད་པ་ཡི། །སྐྱོན་ནི་བསལ་བར་བྱ་བའི་ཕྱིར། །བསམ་གཏན་བཟླས་དང་བསྟོད་བྱས་ནས། །ཇི་ལྟར་དེ་བཞིན་བཟོད་པར་གསོལ། །ཆོས་ཀྱི་དབྱིངས་ཀྱི་བྱིན་རླབས་དང་། །
[101b.5]དམ་ཚིག་ཀྱང་ནི་དྲན་པ་དང་། །སེམས་ཅན་ཀུན་གྱི་སྙིང་རྗེ་ཡིས། །དངོས་གྲུབ་མ་ལུས་བསྒྲུབ་པར་བགྱི། །ཞེས་བྱའོ། །དེ་ནས་ཤར་སྒོ་ལས་བྱུང་ལས། །བཅོམ་ལྡན་འདས་དང་ལྷན་འོངས་པའི། །དབང་པོ་ལ་སོགས་ཕྱོགས་བདག་ཀུན། །
[101b.6]ཚིག་གིས་ཉེ་བར་སྤྱན་དྲང་བྱ། །དེ་ལ་ཚིག་ནི་འདི་ཡིན་ཏེ། །ཁ་ཅིག་བཅོམ་ལྡན་འདས་གཅིག་འོངས། །ཕྱོགས་ཀྱི་བདག་པོ་འཁོར་དང་བཅས། །གང་འདིར་གནས་པ་དེ་དག་ཀུན། །དེ་རྣམས་བདག་ལ་རྗེས་དགོངས་ཕྱིར། །ཇི་ལྟར་ཡོད་པའི་དྲི་
[101b.7]དང་ནི། །མེ་ཏོག་སོགས་ཀྱིས་གཏོར་བཞེས་ལ། །སེམས་ཅན་རྣམས་ལ་བྱམས་སེམས་དང་། །སློབ་མ་ཡང་དག་བགེགས་མེད་མཛོད། །དེ་ནས་དེར་གནས་ཨརྒྷ་ནི། །ཆུ་ནི་གཉིས་པས་གསུམ་དབུལ་ལོ། །མཆོད་པ་ལྔ་ནི་ཉེར་བླངས་ནས། །
[102a]
[102a.1]བདུད་རྩི་ལྔ་ལྡན་གཏོར་མ་ནི། །ཡི་གེ་གསུམ་གྱིས་མངོན་བསྔགས་ཏེ། །དེ་ཉིད་བརྗོད་པས་སྦྱིན་པར་བྱ། །མཆོད་པ་བྱས་ནས་དེ་མཐར་ནི། །དེ་ནས་ཕྱོགས་སྐྱོང་གཏོར་མ་སྦྱིན། །དེ་ནས་དྲི་ཞིམ་ཡན་ལག་བཀྲུ། །སྣ་ཚོགས་གོས་ཀྱིས་
[102a.2]བརྒྱན་བྱས་ན། །དང་པོ་ལྷ་རྣམས་ཚིམ་པའི་ཕྱིར། །ཞི་བ་ཡི་ནི་སྦྱིན་སྲེག་བྱ། །དེ་ལ་འདི་ཡི་ཆོ་ག་ནི། །དམ་ཚིག་ལྡན་པའི་བཙུན་མོ་གཟུང་། །རང་གི་ལྷ་མོའི་རྣམ་གང་བསམ། །དཀྱིལ་འཁོར་ནང་དུ་དེ་དང་ནི། །གནས་ནས་དབང་ཉིད་སྙོམས་འཇུག་ཉིད། །
[102a.3]ཐུགས་ཀར་ཡེ་ཤེས་ཀྱི་ནི་ལྷ། །གཉི་གར་ཡང་ནི་ཡང་དག་བསམ། །དེ་བཞིན་ཧཱུཾ་ལས་ཧོམ་གཟར་བསྐྱེད། །དབུས་སུ་མེ་ནི་འབར་བ་ཡི། །དེ་བཞིན་ལྕེ་ནི་ཧཱུཾ་ལས་བསྐྱེད། །ཞག་ཆེན་གྱིས་ནི་མཆོད་པའམ། །མར་དང་བསྲེས་པ་རྣམ་བསམ་བྱ། །བདུད་རྩི་ལྔ་
[102a.4]སོགས་ཡང་དག་ལྡན། །བློ་ལྡན་སྟོན་མོའི་སྦྱིན་སྲེག་བྱ། །ཕན་ཚུན་ཁ་ཡི་ཐབ་ཁུང་འདིར། །མ་ཚིམ་བར་དུ་སྦྱིན་སྲེག་བྱ། །གང་གིས་དེ་ལྟར་མི་ནུས་ན། །དེ་ལ་ཕྱི་རོལ་སྦྱིན་སྲེག་བྱ། །ཞི་བའི་སྦྱིན་སྲེག་ཆོ་ག་ཡིས། །བྱས་ནས་དེ་ནི་ཡང་དག་བསྡུ། །འོན་
[102a.5]ཀྱང་གསང་བའི་ཆོ་ག་ཡིས། །ཚིམ་པར་བྱས་ནས་ཉེ་བར་འགྱུར། །དེ་བཞིན་ཕྱི་རོལ་སྦྱིན་སྲེག་གིས། །ལྷ་རྣམས་ཉེ་བར་མི་འགྱུར་རོ། །དེ་ནས་ཕྱི་རོལ་གསང་བ་ཡི། །མཆོད་པ་རྣམས་ཀྱིས་ཡང་དག་མཆོད། །དེ་རྗེས་རང་སེམས་བརྟན་བྱའི་ཕྱིར། །དཀྱིལ་
[102a.6]འཁོར་བ་རྣམས་སོ་སོ་རུ། །བདག་གིས་མངོན་དུ་བྱས་ནས་སུ། །སློབ་མ་རྣམས་ལ་རྗེས་བརྩེའི་ཕྱིར། །གསང་བ་ཡི་ནི་རྒྱུད་ལས་ཀྱང་། །ཇི་སྐད་བསྟན་པའི་ཚིག་གསུངས་སོ། །བདག་གིས་དེ་མ་ཐག་ཏུ་ནི། །ཇི་བཞིན་གསུངས་པའི་ཆོ་ག་རྗེས་གནས། །དེ་
[102a.7]ཕྱིར་དཀྱིལ་འཁོར་བ་ལ་ནི། །ཤིན་ཏུ་ཡིད་ནི་བདེ་བ་ཐོབ། །མིག་རྒྱས་ཞལ་ནི་འཛུམ་པ་ཡིས། །བྱམས་དང་སྙིང་རྗེའི་བསམ་པ་ཅན། །གང་གིས་བལྟ་ཞིང་གནས་པ་དང་། །བདག་དང་སློབ་མ་རྗེས་བརྩེ་བས། །ཆོ་ག་འདི་ཡིས་ཡང་དག་པར། །དེ་ཡིས་
[102b]
[102b.1]དཀྱིལ་འཁོར་ཀུན་ལ་ནི། །དགའ་དང་ཚིམ་པར་བསམས་ནས་སུ། །དེ་ཡི་ལས་ཀྱིས་དེ་དབང་འགྱུར། །དེ་ཡི་རྗེས་སུ་སློབ་དཔོན་ནི། །རང་གི་རིག་པ་དང་ལྡན་པས། །རང་གིས་བསྡུས་ནས་བཟུང་བ་ཡི། །ཐོག་མར་སྐྱབས་གསུམ་ལ་སོགས་པ། །བྱང་
[102b.2]ཆུབ་སེམས་ནི་ཡང་དག་བསྐྱེད། །དེ་ནས་དཀྱིལ་འཁོར་དུ་ཞུགས་ཏེ། །མཁས་པའི་ཆོ་ག་མདོར་བསྡུས་པ། །དེ་ཡི་རིམ་འདིར་ཤེས་པར་བྱ། དཀོན་མཆོག་གསུམ་ལ་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་
[102b.3]ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །ཨོཾསརྦ་ཡོ་གི་ཀཱ་ཡ་ཝཱཀ་ཙིཏྟ་མུཏྤཱ་ད་ཡ་མི་ཨ་ཤིཥྚ་ཨན་བ་ཤིཥྚ་ས་ཏ་དྷཱ་ཏུ་ཧི་ཏ་སུ་ཁོཏྟ་མ་སིདྡྷི་ཨ་དྱནྟ་བྷ་བ་སཾ་སིདྡྷི་མཱ་ཧཻ་ཤྭཪྻཱ་ཙ། མེ་ཏོག་ཕྲེང་བ་བླངས་ནས་སུ། །ཐལ་མོ་
[102b.4]གཉིས་ནི་ཡང་དག་སྦྱར། །བློ་ལྡན་དཀྱིལ་འཁོར་གཞུག་བྱ་སྟེ། །སྔགས་འདི་དག་ནི་དག་པར་བྱ། །ཨཱ་ཁཾ་བཱི་ར་ཧཱུཾ། ཞེས་ས་མི། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། །ཌཱ་ཀི་ནཱི་ཛྭ་ལ་ས་མྦ་ར་ཞེས་བརྗོད། །གཙོ་བོ་སློབ་དཔོན་དག་
[102b.5]གིས་ནི། །དཔའ་བོ་དབང་ཕྱུག་གཟུགས་བཟུང་ནས། །དེ་ནས་འཇུག་པའི་དུས་སུ་ནི། །སློབ་མས་འདི་བཞིན་དུ་བརྗོད་དེ། །ཨོཾ་བྲ་བེ་ཤ་ཡ་བྷ་ག་བཱན། །མ་ཧཱ་མོ་ཀྵ་པུ་རཾ། །སརྦ་སིདྡྷཱི་སུ་ཁཾ་རཾ་མྱཾ་པ་ར་མ་སུ་ཁོཏྟ་མ་སིདྡྷི་ཛཿ་ཧཱུཾ་བཾ་ཧོཿ། པྲ་སིདྡྷི་
[102b.6]བྷྱོ། གཉིས་གཞུག་ནས་ནི་ཕྱག་བྱེད་ཅིང་། །དེ་ཡིས་རོལ་ཅིང་དགའ་བས་བསྐོར། །དེ་ལྟར་ཕྱག་བྱས་རྗེས་སུ་ནི། །བསྐོར་བ་གསུམ་ནི་བྱ་བ་ཡིན། །སྔགས་པས་དེ་ལྟར་བརྗོད་ནས་སུ། །དེ་ནས་ཡང་ནི་མདུན་གནས་ཏེ། །རྒྱུད་གཞན་ལས་ནི་གྲགས་པ་
[102b.7]གང་། །དེ་ཉིད་འདིར་ནི་ལན་ཅིག་བརྗོད། །འདོད་ཆགས་ཆེན་པོ་བདེ་བ་ཆེ། །རྡོ་རྗེ་ཆེན་པོ་ནོར་ཆེན་པོ། །ཡེ་ཤེས་ཆེན་པོ་ཕྲིན་ལས་ཆེ། །རྡོ་རྗེ་སེམས་དཔའ་དེང་བདག་ཤོག །ཅེས་བྱའོ། །བདུད་རྩི་ལྔ་ཡི་ཆུ་འཐུངས་ནས། །དེ་ནས་སྙིང་
[103a]
[103a.1]གར་ཟླ་དཀྱིལ་འཁོར། །བསམས་ལ་ཨཾ་ཡིག་དམར་པོ་ལས། །དེ་རྗེས་བྱེད་པའི་འོད་ཟེར་གྱིས། །འགྲོ་དང་འོང་བར་རྫོགས་བྱས་ཏེ། །བརྟུལ་ཞུགས་ཅན་གྱིས་དེ་བརྗོད་བྱ། །དཔའ་བོ་དབང་ཕྱུག་རྗེས་ཞུགས་ནས། །དཔའ་པོ་
[103a.2]ཡང་དག་བྱིན་བརླབས་ཏེ། །དེ་བཞིན་རྡོ་རྗེ་ཕག་མོ་བཞིན། །བཙུན་མོས་ཡང་དག་བྱིན་གྱིས་བརླབས། །ཏིཥྛ་བཛྲ་བསམ་བྱ་ཞིང་། །ཡི་གེ་བརྒྱ་པས་བརྟན་པར་བྱ། །དེ་ནས་ཐལ་མོ་གཉིས་བར་དུ། །ཕྱིས་ནི་མེ་ཏོག་ཕྲེང་གནས་པ། །མཁས་པས་དཀྱིལ་
[103a.3]འཁོར་བྲི་བྱ་སྟེ། །སྔགས་འདི་དག་ནི་བརྗོད་པར་བྱ། །ཨོཾ་པ་ར་མ་སུ་ཁ་ཨ་ཤ་ཡ་ལ་ལི་ཏ་བཱི་ལཱ་ཤ་ན་མི་ཏཻ་ར་ན་མཱ་མི་བྷ་ག་ཝཱ་ན་ཨཱ་ཁཾ་བཱི་ར་ཧཱུཾ་པྲ་ཏཱིཙྪ་ཀུ་སུ་མཱཾ་ཛ་ལ་ནི་ཐཱ་ཧོ། །ཕྲེང་བ་བཅིང་བ་སོགས་བྱས་ནས། །ཧེ་རུ་ཀ་དཔལ་ཕྱག་བྱས་ཏེ། །ཤེས་རབ་ཡེ་ཤེས་
[103a.4]དབང་བསྐུར་ཏེ། །ཀུན་དུ་ལུང་ནི་བསྟན་པ་དང་། །རྡོ་རྗེ་བརྟུལ་ཞུགས་མཐར་ཐུག་པ། །མདོར་བསྡུས་ནས་ནི་ཐམས་ཅད་བླང་། །འོག་ནས་འབྱུང་བའི་རིམ་པ་ཉིད། །བྱས་ལ་རང་རིག་བཅས་པ་དང་། །བྱ་རྒྱུད་དག་ནི་དེ་རྗེས་བྱ། །དེ་ནས་རང་གི་འདོད་པ་
[103a.5]བསྒོམ། །རྡོ་རྗེ་གར་དང་ཉེར་སྤྱོད་པའི། །མཆོད་པས་ཡང་དག་མཆོད་པར་བྱ། །དེ་བཞིན་སྒྲ་ནི་སྙན་པ་ཡིས། །དམ་ཚིག་གསུམ་གྱི་གླུ་བླང་བ། །ཡང་དག་མཆོད་པ་བྱ་བ་སྟེ། །དེ་ནས་གླུ་ནི་བླ་མེད་བླང་། །ནམ་མཁའ་ལས་བྱུང་མཚན་ཉིད་ཕྱིར། །ཐོག་མ་ཐ་མ་མེད་
[103a.6]པའི་མཆོག །རྡོ་རྗེ་ཆེན་པོ་རང་བཞིན་སེམས། །རྡོ་རྗེ་སེམས་དཔའ་དེང་བདག་འགྲུབ། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་ལྷག་པའི་ལྷ། །རྡོ་རྗེ་འཆང་བ་ཀུན་གྱི་རྒྱལ། །མི་འགྱུར་མཆོག་ནི་བདག་གྲུབ་ཤོག །ཉེས་པ་མི་མངའ་རྟག་པ་
[103a.7]ནི། །འདོད་ཆགས་མ་ལུས་རྗེས་ཆགས་པ། །འདོད་ཆགས་ཆེན་པོ་དགའ་བ་ཆེ། །བཅོམ་ལྡན་དེ་ཉིད་གྲུབ་པར་མཛོད། །ཤིན་ཏུ་དག་པ་ཀུན་གྱི་མཆོག །གདོད་ནས་གྲོལ་བ་དེ་བཞིན་གཤེགས། །ཀུན་དུ་བཟང་པོ་ཀུན་བདག་ཉིད། །བྱང་ཆུབ་སེམས་ནི་བདག་གྲུབ་
[103b]
[103b.1]ཤོག །ཀུན་གྱི་མཆོག་སྟེ་གྲུབ་ཆེན་པོ། །དབང་ཕྱུག་ཆེན་པོ་ཕྱག་རྒྱའི་མཆོག །གྲུབ་པའི་རྡོ་རྗེ་ཆེར་བསྟོད་པ། །རྡོ་རྗེ་བསྙེམས་བདག་ཕྱག་འཚལ་ལོ། །དེ་ནས་སློབ་མ་གཞུག་དོན་དུ། །མཁས་པས་འདི་ལྟར་བརྗོད་བྱ་སྟེ། །བདག་མིང་འདི་ཞེས་བྱ་བ་ཡིས། །ཧེ་རུ་
[103b.2]ཀ་དཔལ་སློབ་དཔོན་ཆེ། །སངས་རྒྱས་བྱང་ཆུབ་སེམས་ཀུན་གྱིས། །གསུངས་པའི་ཆོ་ག་དག་གིས་ནི། །ཕུན་སུམ་ཚོགས་པའི་ཆོ་གས་ནི། །སེམས་ཅན་དོན་ནི་བདག་གིས་བགྱི། །དེ་ལ་རྗེས་གནང་དེ་རྗེས་བདག །སངས་རྒྱས་བྱང་ཆུབ་སེམས་དཔའ་ཡིས། །
[103b.3]ཉེ་བ་རུ་ནི་གནས་པར་འགྱུར། །དེ་ནས་རྗེས་སུ་གནང་ན་རུང་། །བདག་གིས་ཉེ་བར་བསམ་བྱ་སྟེ། །ཚིགས་སུ་བཅད་པ་འདི་གཉིས་ཀྱིས། །བདེན་པའི་བྱིན་གྱིས་བརླབ་བརྗོད་བྱ། །སེམས་ཅན་ཀུན་གྱི་ཡིད་ཁྱབ་པ། །སེམས་ཅན་ཀུན་གྱི་ཡིད་ལ་གནས། །
[103b.4]སེམས་ཅན་ཀུན་གྱི་ཡབ་གཅིག་པོ། །མཆོག་གྱུར་དམ་ཚིག་མཆོག་འདོད་པ། །དེ་བཞིན་གཤེགས་པ་འབྱུང་འགྱུར་བ། །ཁྱོད་ལ་ཡང་དག་བསྟན་པར་བྱ། །བདེན་པ་འདི་ཡིས་མགོན་པོ་བདག །ཁྱོད་ཀྱི་འདོད་པ་ཡོངས་རྫོགས་ཤོག །མཁས་པས་ཕྱིས་
[103b.5]ནི་འདི་སྤྱད་བྱ། །ཆོས་ཀྱི་དབྱིངས་ཀྱི་བྱིན་རླབས་དང་། །དམ་ཚིག་ཀྱང་ནི་དྲན་པ་ཡིས། །སྙིང་རྗེ་སེམས་ཅན་ཐམས་ཅད་དོན། །མ་ལུས་གྲུབ་པར་བྱ་ཕྱིར་རོ། །ཞེས་སོ། །དེ་ནས་སློབ་མ་དབང་བསྐུར་འོས། །དེ་བཞིན་རང་གི་རིགས་དང་བཅས། །སྔར་
[103b.6]བརྗོད་པ་ཡི་སྔགས་ཉིད་དང་། །ཧེ་རུ་ཀ་དཔལ་གཟུགས་ཀྱིས་ནི། །ཡི་གེ་གསུམ་གྱིས་བྱིན་བརླབས་ཤིང་། །རྒྱན་རྣམས་ཀུན་གྱིས་བརྒྱན་པ་སྟེ། །སྣ་ཚོགས་གོས་ནི་བསྐོན་པ་དང་། །དེ་བཞིན་གཙུག་ཏོར་བླ་གོས་དང་། །མིག་དང་གདོང་ནི་བཅིང་བྱ་
[103b.7]ཞིང་། །རང་གི་རིག་དང་བཅས་པ་ལ། །ཡིད་ནི་ལེགས་པར་ཕུལ་ནས་སུ། །ཐ་མར་ཕྱག་ནི་བྱ་བ་སྟེ། །ཤར་སྒོར་ཐོག་མར་རེ་ཞིག་ནི། །ཐལ་མོ་ཡང་དག་སྦྱར་བྱས་ནས། །དེ་ནས་བརྐྱང་བར་བྱས་ནས་སུ། །གུས་པས་འདི་ལྟར་བརྗོད་པར་བྱ། །ཨོཾ་སརྦ་
[104a]
[104a.1]ཏ་ཐཱ་ག་ཏ་པཱུ་ཛ་ཨུ་པསྠཱ་ནཱ་ཡ་ཨཱཏྨ་ནཱཾ་ནི་ཪྻཱ་ཏ་ཡཱ་མི་སརྦ་ཏ་ཐཱ་ག་ཏ་ཨ་ཀྵོ་བྷྱཿ་ཨདྷི་ཏིཥྛ་སྭ་མཱཾ། ཞེས་བྱ་བརྗོད་པ་དེ་ནས་ནི། །ལུས་ཀུན་གྱིས་ནི་ཕྱག་བྱའོ། །སྙིང་གར་བཅོམ་ལྡན་བཞུགས་པ་རུ། །ཡིད་ཀྱིས་ཡོངས་སུ་བརྟག་པར་བྱ། །དེ་བཞིན་
[104a.2]ལྷོ་སྒོ་ཉིད་དུ་ནི། །ཐལ་མོ་དེ་ཉིད་སྙིང་ག་རུ། །དེ་བཞིན་བཅས་ནས་སྔགས་འདི་ཡིས། །རིན་ཆེན་སྔགས་ནི་བརྗོད་པར་བྱ། །ཨོཾ་སརྦ་ཏ་ཐཱ་ག་ཏ་པཱུ་ཛ་ཨ་བྷི་ཥེ་ཀ་ཡ་ཨཱཏྨ་ནཱཾ་ནི་ཪྻཱ་ཏ་ཡཱ་མི་སརྦ་ཏ་ཐཱ་ག་ཏ་རཏྞ་ས་མྦྷ་བ་ཨ་བྷིཥི་ཉྩ་ཨ་དྷི་ཏིཥྛ་སྭ་མཱཾ། ཞེས་པ་བརྗོད་
[104a.3]པ་ཉིད་ཀྱིས་ནི། །མཁས་པས་དཔྲལ་བས་ཕྱག་བྱའོ། །རིན་ཆེན་འབྱུང་ལྡན་རྡོ་རྗེ་ཡིས། །དབང་བསྐུར་བར་ནི་རྣམ་བརྟག་བྱ། །དེ་ནས་ཕྱིས་ནི་ནུབ་ཀྱི་སྒོར། །དེ་བཞིན་མགོ་བོར་ཐལ་མོ་སྦྱར། །འདི་ནི་བྱས་ནས་བརྗོད་པ་ནི། །ཚོགས་ཀྱི་མཆོད་པ་རབ་མཆོད་
[104a.4]ཉིད། །ཨོཾ་སརྦ་ཏ་ཐཱ་ག་ཏ་པཱུ་ཛ་པྲ་བརྟ་ན་ཡ་ཏ་ཨཱཏྨ་ནཱཾ་ནི་ཪྻཱ་ཏ་ཡཱ་མི། སརྦ་ཏ་ཐཱ་ག་ཏ་ཨ་མི་ཏཱ་བྷ་པྲ་བརྟ་ཡ་མཱཾ། ཞེས་བརྗོད་གདོང་གཙོས་ཕྱག་བྱའོ། །འོད་དཔག་མེད་པའི་རང་བཞིན་འདིས། །དེ་ནི་ནུས་པ་ལྡན་པར་བརྟག །དེ་བཞིན་བྱང་སྒོར་གནས་ནས་སུ། །
[104a.5]སྙིང་གར་ཐལ་མོ་སྦྱར་བྱས་ནས། །དངོས་གྲུབ་ཐམས་ཅད་བྱེད་པ་ཡི། །གསང་སྔགས་འདི་ནི་བརྗོད་པར་བྱ། །ཨོཾ་སརྦ་ཏ་ཐཱ་ག་ཏ་པཱུ་ཛ་ཀརྨ་ཎེ་ཨཱཏྨ་ནཱཾ་ནི་ཪྻཱ་ཏ་ཡཱ་མི། །སརྦ་ཏ་ཐཱ་ག་ཏ་ཨ་མོ་གྷ་སིདྡྷི་ཀུ་རུ་མཱ། ཞེས་པ་བརྗོད་པ་ཉིད་ཀྱིས་ནི། །མཁས་པས་སྤྱི་བོས་ཕྱག་
[104a.6]བྱའོ། །གསང་བའི་མཆོད་པ་ནུས་པ་རུ། །དོན་ཡོད་གྲུབ་པ་བསམ་པར་བྱ། །འཁྲུགས་པ་མེད་པས་མི་བསྐྱོད་པ། །གཙོ་བོ་དཔའ་བོ་བཅོམ་ལྡན་ནོ། །རིན་ཆེན་ཐམས་ཅད་འབྱུང་གནས་ཕྱིར། །དེ་ཉིད་རིན་ཆེན་འབྱུང་ལྡན་ནོ། །མཐའ་ཡས་ཆོས་ཀྱི་ལམ་
[104a.7]སྟོན་ཕྱིར། །དེ་ཉིད་འོད་དཔག་མེད་དུ་བརྗོད། །དངོས་གྲུབ་ཐམས་ཅད་རབ་སྟེར་བས། །དེ་ཉིད་དོན་ཡོད་གྲུབ་པར་བརྗོད། །དེ་ལྟར་འོན་ཀྱང་མདོར་བསྡུས་ནས། །རིག་པ་ཐམས་ཅད་དེ་ཡང་ནི། །མཁའ་འགྲོ་ལ་སོགས་མཆོག་རྣམས་ཀྱིས། །མངོན་
[104b]
[104b.1]པར་བྱིན་གྱིས་བརླབས་བསམ་བྱ། །མེ་ཏོག་ལག་བཟུང་དེ་ཡིས་ནི། །བླ་མ་ལ་ནི་ཕྱག་བྱ་སྟེ། །ཤར་སྒོར་མངོན་པར་ཕྱོགས་པ་ཡིས། །གུས་པས་དེ་ལྟར་བརྗོད་པར་བྱ། །དམ་ཚིག་དེ་ནི་བདག་ལ་སྩོལ། །སྡོམ་པ་ཡང་ནི་བདག་ལ་སྩོལ། །རྡོ་རྗེ་རིགས་ཀུན་
[104b.2]བསྡུས་པ་ཡི། །སློབ་དཔོན་ཆེན་པོ་བདག་འཇུག་མཛོད། །ཕྱིར་མི་ལྡོག་པ་དབང་བསྐུར་བའི། །སྐལ་བ་ཆེན་པོ་བདག་ལ་སྩོལ། །དུས་གསུམ་བཞུགས་པའི་སངས་རྒྱས་ཀྱིས། །སངས་རྒྱས་བྱང་ཆུབ་གོ་འཕང་མཆོག །སློབ་དཔོན་ཆེན་པོ་བདག་ལ་
[104b.3]སྩོལ། །མཚན་དང་དཔེ་བྱད་རྗེས་འཇུག་པའི། །འདོམ་གང་འོད་སོགས་ཡང་དག་ལྡན། །སངས་རྒྱས་སྐུ་ནི་ཡིད་འོང་སྩོལ། །མགོན་པོ་ཆེན་པོ་བདག་ལ་སྩོལ། །དབང་བསྐུར་བ་ནི་ངོ་མཚར་ཆེ། །སེམས་ཅན་ཀུན་གྱི་དོན་གྱི་ཕྱིར། །རྟག་ཏུ་བདག་ནི་སློབ་
[104b.4]དཔོན་མཛོད། །དེ་བཞིན་སློབ་དཔོན་གནས་ནས་སུ། །དེ་ཡི་ཚིག་གི་སྒོ་ནས་ནི། །རིགས་ཀུན་ལ་ནི་མཁྱེན་གསོལ་གང་། །རིམ་པ་ཇི་བཞིན་བྱ་བ་ནི། །བདག་མིང་འདི་ཞེས་བྱ་བ་ཡིས། །བྱང་ཆུབ་སེམས་ནི་ཡོངས་གཟུང་དང་། །གསང་བའི་དཀྱིལ་འཁོར་
[104b.5]འདིར་འཇུག་ཅིང་། །དམ་ཚིག་སྡོམ་པ་ནོད་པར་འཚལ། །དཀྱིལ་འཁོར་ཐམས་ཅད་དཔའ་བོ་ལ། །གུས་པ་ཡིས་ནི་གསོལ་གདབ་པ། །དེ་ལྟར་སློབ་མ་ལ་ནི་བརྗོད། །དེ་ནས་གཞན་ཡང་སློབ་མ་ལ། །གསང་བ་ཆེན་པོ་རིགས་དག་པ། །གསང་ཆེན་
[104b.6]ཡོངས་སུ་གཟུང་བ་རུ། །བདག་ཉིད་ཆེན་པོ་ཁྱོད་འདོད་དམ། །དེ་ལྟར་བདག་ནི་འཚལ་ཞེས་བྱ། །དེ་ལྟར་བྱས་ནས་དེ་རྗེས་སུ། །རིགས་ལྔ་ཡི་ནི་དམ་ཚིག་བརྗོད། །སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང་། །
[104b.7]འདི་ནི་སངས་རྒྱས་རིགས་དག་པའི། །དམ་ཚིག་བརྟན་པར་གྱུར་པའོ། །རྡོ་རྗེ་དྲིལ་བུ་ཕྱག་རྒྱ་དག །བློ་ཆེན་ཁྱོད་ཀྱིས་གཟུང་བར་གྱིས། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་བཤད་དོ། །སློབ་དཔོན་དག་ཀྱང་གཟུང་བར་བགྱི། །
[105a]
[105a.1]བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེའི་རིགས་དག་པའི། །དམ་ཚིག་སྡོམ་པ་ཡིན་པར་གསུངས། །རིན་ཆེན་རིགས་མཆོག་ཆེན་པོ་ལ། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །
[105a.2]སྦྱིན་པ་རྣམ་བཞི་རྟག་ཏུ་གཏང་། །ཕྱི་ནང་གསང་བའི་ཐེག་པ་གསུམ། །དམ་ཆོས་ཁྱོད་ཀྱིས་གཟུང་བར་བགྱི། །འདི་ནི་པདྨའི་རིགས་དག་པའི། །དམ་ཚིག་སྡོམ་པའི་མཆོག་ཡིན་ནོ། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་
[105a.3]ནི། །ཡང་དག་ཉིད་དུ་གཟུང་བགྱི་ཞིང་། །མཆོད་པའི་ལས་ཀྱང་ཅི་ནུས་བགྱི། །གཞན་ཡང་བཅུ་བཞི་འདི་དག་ནི། །ཕས་ཕམ་པར་ནི་རབ་ཏུ་གྲགས། །རྩ་བའི་ལྟུང་བར་ཤེས་བྱ་སྟེ། །ཉིན་དང་མཚན་མོ་ལན་གསུམ་དུ། །གདུགས་རེ་ཞིང་ནི་གདོན་པར་
[105a.4]བགྱི། །མཛའ་བཤེས་རྡོ་རྗེ་སྤུན་དང་ནི། །རྣལ་འབྱོར་པ་རྣམས་བསྙེན་བཀུར་བྱ། །སྤང་ཞིང་དོར་བར་མི་བྱ་སྟེ། །དེ་ལྟར་ཅི་ནས་སྤྱད་པར་བྱ། །ཐེག་པ་དམན་ལ་འདོད་མི་བྱ། །སེམས་ཅན་དོན་ལ་རྒྱབ་མི་ཕྱོགས། །འཁོར་བ་སྤང་བར་མི་བྱ་ཞིང་། །མྱ་ངན་འདས་
[105a.5]ལ་དགའ་མི་བྱ། །གསང་བ་གསུམ་གྱི་ལྷ་རྣམས་ལ། །བརྙས་པ་ཉིད་དུ་མི་བྱའོ། །ཕྱག་རྒྱ་བཞོན་པ་མཚོན་ཆ་དང་། །མཚན་མ་འགོམ་པར་མི་བྱའོ། །ཁྱོད་ཀྱིས་སྲོག་ཆགས་གསད་མི་བྱ། །མ་བྱིན་པར་ཡང་མི་བླང་ཞིང་། །འདོད་ལས་ལོག་པར་མི་སྤྱོད་
[105a.6]དེ། །བརྫུན་གྱི་ཚིག་ཀྱང་མི་སྨྲའོ། །སེམས་ཅན་ཀུན་གྱི་དོན་གྱི་ཕྱིས། །བྱ་བ་མ་ཡིན་ཐམས་ཅད་སྤང་། །ལེགས་པར་ཉེ་བར་བསྟེན་བྱ་སྟེ། །རྣལ་འབྱོར་བ་རྣམས་བསྙེན་བཀུར་བྱ། །ལུས་ཀྱི་ལས་ནི་རྣམ་གསུམ་དང་། །ངག་གི་ལས་ནི་རྣམ་པ་བཞི། །ཡིད་ཀྱི་རྣམ་
[105a.7]པ་གསུམ་དག་ནི། །ཅི་ནུས་པར་ནི་རྗེས་སུ་སྐྱོང་། །འདི་དག་དམ་ཚིག་ཡིན་པར་བཤད། །ཁྱོད་ཀྱིས་རྟག་ཏུ་བསྲུང་བར་བྱ། །དེས་ཀྱང་འདི་སྐད་བརྗོད་བྱ་སྟེ། །སློབ་དཔོན་འདིར་ནི་བདག་ལ་གསོན། །གཙོ་བོས་ཇི་ལྟར་བཀའ་སྩལ་པ། །ཇི་བཞིན་བདག་ནི་
[105b]
[105b.1]བགྱིད་པར་འཚལ། །དེ་ཡི་དེ་ཉིད་འདི་ཡིས་ནི། །མཁས་པས་ཕྱིས་ནི་སྡོམ་པ་སྦྱིན། །གང་ཡང་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་ན་བཞུགས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
[105b.2]ཐམས་ཅད་ལ་ཕྱག་འཚལ་ལོ། །མགོན་པོས་སངས་རྒྱས་རྣམས་དང་ནི། །དེ་སྲས་བདག་ལ་དགོངས་སུ་གསོལ། །བདག་མིང་འདི་ཞེས་བྱ་བ་འདི། །དུས་འདི་ནས་ནི་རབ་བཟུང་སྟེ། །བྱང་ཆུབ་སྙིང་པོ་མཆིས་ཀྱི་བར། །ཇི་ལྟར་དུས་གསུམ་མགོན་པོ་
[105b.3]རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་
[105b.4]ཚུལ་ཁྲིམས་གསུམ། །བདག་གིས་བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་གཟུང་བར་བགྱི། །ནམ་དུ་ཡང་ནི་མི་སྤོང་ངོ་། །རྡོ་རྗེ་རིགས་མཆོག་ཆེན་པོ་ཡི། །
[105b.5]རྡོ་རྗེ་དྲིལ་བུ་ཕྱག་རྒྱ་དག །ཡང་དག་ཉིད་དུ་གཟུང་བགྱི་ཞིང་། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ལ། །དམ་ཚིག་ཡིད་དུ་འོང་བ་རྣམས། །ཉིན་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་
[105b.6]ཆེན་པོ་ལས་བྱུང་བའི། །པདྨའི་རིགས་མཆོག་དག་པ་ཡི། །ཕྱི་ནང་གསང་བའི་ཐེག་པ་གསུམ། །དམ་པའི་ཆོས་ནི་གཟུང་བར་བགྱི། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བགྱི་ཞིང་། །མཆོད་
[105b.7]པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་བགྱི་ཞིང་། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་གཟུང་། །མ་གྲོལ་བ་ནི་བདག་གིས་དགྲོལ། །མ་བསྒྲལ་བ་ནི་བདག་གིས་བསྒྲལ། །
[106a]
[106a.1]དབུགས་མ་ཕྱུང་བ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །ཨོཾ་སརྦ་ཏ་ཐཱ་ག་ཏ་ཡོ་གི་ཀཱ་ཡ་ཝཱ་ཀ་ཙིཏྟ་མུཏྤད་ཡ་ཥཱུ་མྱ་ཤེ་ཥ་ཎ་བ་ཤེ་ཥཱུ་ས་ཏ་དྷཱ་ཏུ་ཧི་ཏ་སུ་ཙེ། ཏ་མ་སིདྡྷི། ཨ་ཏ་མ་ཏ་བྷ་ཝ་སིདྡྷི་མ་ཧེ་ཤྭ་ར་ཨ་དྷི་པ་ཏྱཱ་ཙྲྱ་ཞེས་བརྗོད་
[106a.2]དོ། །དེ་ཡིས་སློབ་མ་བྱང་ཆུབ་སེམས། །བླ་མེད་པར་ནི་བསྐྱེད་ནས་སུ། །སྙིང་གར་རྡོ་རྗེ་བཞག་བྱས་ཏེ། །སྙིང་པོ་འདི་ནི་བརྗོད་པར་བགྱི། །སུ་ར་ཏེ་ས་མ་ཡ་སྟེ་ཧོཿསིདྡྷི་པཛྲ་ཡ་ཐཱ་སུ་ཁཾ། འདི་ཡིས་སློབ་མ་བསྐུལ་ནས་ནི། །འདོད་དོན་ཐམས་ཅད་གྲུབ་པར་འགྱུར། །ས་མ་
[106a.3]ཡ་སྟྭཾ་སྔགས་ཀྱིས་ནི། །མེ་ཏོག་ཕྲེང་བ་འབད་པས་གཟུང་། །དེ་ནི་སློབ་དཔོན་གྱིས་བཅུག་ནས། །ཡང་ནི་གསོལ་བ་གདབ་པར་བྱ། །བདག་མིང་འདི་ཞེས་བགྱི་བ་ནི། །རྡོ་རྗེ་སློབ་དཔོན་དཀའ་ཐུབ་ཆེས། །སེམས་ཅན་ཀུན་ལ་ཕན་དོན་དུ། །སློབ་མ་རྣམས་ནི་གཞུག་པར་བྱ། །
[106a.4]སྙིང་པོ་དཀྱིལ་འཁོར་འདི་ཉིད་ནི། །རྡོ་རྗེ་ཡེ་ཤེས་ཐོབ་པ་ཡི། །དེ་བཞིན་གཤེགས་པའི་ཕོ་བྲང་དུ། །བདག་གིས་སློབ་མ་གཞུག་པར་བགྱི། །ཨཱ་ཁཾ་བཱི་ར་ཧཱུཾ་ཞེས་བརྗོད་པས་སློབ་མ་གཞུག་པར་བྱའོ། །དམ་ཚིག་སྐྱོད་པར་བྱེད་པ་འདི། །དེ་ནས་འདི་སྐད་བརྗོད་བྱ་སྟེ། །དེང་ཁྱོད་
[106a.5]དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱི། ངས་ཁྱོད་ལ་རྡོ་རྗེ་ཡེ་ཤེས་བསྐྱེད་པར་བྱ་ཡིས། ཡེ་ཤེས་གང་གིས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཐོབ་པར་འགྱུར་ན་དངོས་གྲུབ་གཞན་ལྟ་ཅི་སྨོས། ཁྱོད་ཀྱིས་དཀྱིལ་འཁོར་མ་མཐོང་བ་རྣམས་
[106a.6]ལ་བརྗོད་པར་མ་བྱེད་ཅིག །དམ་ཚིག་ཉམས་པར་གྱུར་ཏ་རེ། །ལག་པ་གཡས་པའི་རྡོ་རྗེ་ནི། །སྤྱི་བོར་བཞག་ལ་འདི་སྐད་བརྗོད། །འདི་ནི་དམ་ཚིག་རྡོ་རྗེ་སྟེ། །གལ་ཏེ་ལས་རབ་ཁྱོད་འདི་སྨྲ། །ཁྱོད་ཀྱི་སྤྱི་བོ་འགས་པར་བྱེད། །རྡོ་རྗེ་སེམས་དཔའ་རང་ཉིད་ནི། །ཁྱོད་ཀྱི་སྙིང་
[106a.7]ལ་ཡང་དག་ཞུགས། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །དེ་ནས་བདུད་རྩི་ལྔ་ལྡན་པའི། །ཆུ་ནི་ཐོད་པར་གནས་པ་ལ། །སྙིང་པོ་ལན་ཅིག་ཡོངས་སུ་བཟླས། །དེ་ནི་འཐུང་དུ་གཞུག་པའོ། །རྡོ་རྗེ་ཆུ་ལ་ཨོཾ་ཨཱཿ་ཧཱུཾ་བཾཿ། །བློ་ལྡན་གྱིས་ནི་འདི་
[106b]
[106b.1]བརྗོད་བྱ། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་སྟེ། །རྡོ་རྗེ་བདུད་རྩིའི་ཆུ་འཐུང་ཤིག །རྡོ་རྗེ་དྲིལ་བུའི་ཕྱག་རྒྱ་ནི། །དཀྱིལ་འཁོར་མ་ཞུགས་སྟོན་འགྱུར་རམ། །སྐྱེ་བོ་ཚོགས་ཀྱི་ནང་དུ་ནི། །མ་དག་དོགས་པར་
[106b.2]བརྗོད་མི་བྱ། །དེང་ཕྱིན་ཆད་ཁྱོད་ཀྱི་རྡོ་རྗེ་དྲག་པོ་ང་ཡིན་གྱིས། ངས་འདི་གྱིས་ཤིག་ཅེས་བསྒོ་བ་ཁྱོད་ཀྱིས་བྱ་དགོས་སོ། །ཁྱོད་ཀྱིས་ང་ལ་བརྙས་པར་མ་བྱེད་ཅིག །ཡ་ང་བ་མ་སྤངས་པར་ཚེའི་དུས་བྱས་ནས་དམྱལ་བར་ལྷུང་བར་གྱུར་ཏ་རེ། ཡང་སློབ་མས་འདི་སྐད་
[106b.3]ཅེས་བརྗོད་པར་བྱ་སྟེ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབས་ལ། རྡོ་རྗེ་དྲག་པོ་བདག་ལ་དབབ་ཏུ་གསོལ། །དེ་ནས་དམ་ཚིག་རྡོ་རྗེ་འདི། །རྡོ་རྗེ་དྲག་པོ་ཞེས་སུ་བརྗོད། །ཡེ་ཤེས་རྡོ་རྗེ་བླ་ན་མེད། །དེ་རིང་བདག་ལ་དབབ་ཏུ་གསོལ། །དེ་ལྟར་རྡོ་རྗེ་དབབ་ཅེས་བྱ། །དེ་རྣམས་རྟག་ཏུ་
[106b.4]བརྗོད་པར་བྱ། །གལ་ཏེ་བབ་པར་མ་གྱུར་ན། །དེ་ནས་རྡོ་རྗེ་སློབ་དཔོན་གྱིས། །དེ་སྙིང་ཟླ་བའི་དཀྱིལ་འཁོར་ལ། །རྡོ་རྗེ་དྲག་པོ་ཁ་སྦྱོར་བསྒོམ། །རྡོ་རྗེ་པདྨའི་ཏིང་འཛིན་གྱིས། །དེ་ཡི་བསྐུལ་བསྐྱོད་ལས་བྱུང་བ། །ཨ་ཡིག་དམར་པོའི་འོད་ཟེར་གྱིས། །དེ་ཡི་ལུས་
[106b.5]ཀུན་ཡོངས་བཀང་སྟེ། །དེ་ཉིད་ཡང་དག་བརྗོད་པ་ཡིས། །སྔར་བཞིན་དུ་ནི་གཞུག་པར་བྱ། །སློབ་དཔོན་རྗེས་སུ་གཟུང་བ་ནི། །རིག་དང་བཅས་པས་བསམ་བྱས་ན། །དེ་ནས་ངེས་པར་འབབ་པ་ཡི། །ཡང་དག་བྱིན་རླབས་འབྱུང་བའོ། །ཡེ་ཤེས་དེ་ཉིད་དེ་ལ་
[106b.6]ནི། །དེ་ཉིད་དུ་ནི་བརྗོད་པར་བྱ། །ཡང་ནི་ལྕེ་ལ་བསམ་བྱ་བ། །ཨ་ཡིག་དམར་པོ་དགོད་པ་སྟེ། །སྨྲོས་ཤིག་རྡོ་རྗེ་ཅན་ཉིད་ཀྱིས། །དགེ་དང་མི་དགེ་སྨྲ་བར་གྱིས། །དེ་ནས་འབབ་པར་གྱུར་ན་ནི། །བརྒྱ་ཕྱེད་ཡི་གེས་བརྟན་བྱས་ལ། །དེ་རྗེས་ཡང་དག་བྱིན་བརླབས་བརྟན། །
[106b.7]ཏིཥྛ་བཛྲ་དྲྀ་ཌྷོ་མེ་བྷ་བ། ཧྲྀ་ད་ཡ་མེ་ཨ་དྷི་ཏིཥྛ་སརྦ་སིདྡྷི་མྨེ་ཐ་ཡཙྪ། སརྦ་ཀརྨ་སུ་ཙ་མི་ཙིཏྟ་ཤྲེ་ཡཿ་ཀུ་རུ་ཧཱུཾ་ཧ་ཧ་ཧ་ཧ་ཧོཿ་ཞེས་བྱའོ། །ཡང་དག་དཀྱིལ་འཁོར་འདི་རུ་ནི། །བདག་གིས་སློབ་མ་གཞུག་པར་བྱ། །ལྷ་རྣམས་ཀྱི་ནི་རིགས་ཀྱི་རིམ། །ཇི་ལྟར་བསོད་ནམས་དེ་
[107a]
[107a.1]བཞིན་ཤོག །གང་གི་དངོས་གྲུབ་གྱུར་པ་ཡི། །དེ་ཡི་རིགས་ཀྱི་སྣོད་ཡིན་ན། །ཇི་ལྟར་བསོད་ནམས་མཐུ་ཡིས་སུ། །དཀྱིལ་འཁོར་འདི་ཡང་དེ་བཞིན་ཤོག །སྔར་བརྗོད་པ་ཡི་ཚིག་གིས་ནི། །མེ་ཏོག་ཕྲེང་བ་དོར་བར་བྱ། །འཕངས་པའི་མེ་ཏོག་ཕྲེང་
[107a.2]བ་ནི། །ལྷ་ཡི་གནས་ལ་བབ་ཤེས་བྱ། །ཨོཾ་པྲ་བེ་ཤ་ཡ་ཀུ་ལཾ་ཤེཥྡྱ་མ་ཧཱ་པ་ལཾ། །འདི་བརྗོད་ནས་ནི་ཕྲེང་བ་བླང་། །བདེན་པའི་བྱིན་གྱི་རླབས་འདི་ནི། །སྔགས་པ་མཁས་པ་ཡིས་ནི་བྱ། །ཆོས་རྣམས་གཟུགས་བརྙན་ལྟ་བུ་སྟེ། །བདེན་པ་འདི་ཡིས་དཀྱིལ་འཁོར་དུ། །
[107a.3]གཟུགས་བརྙན་ལྟ་བུར་སློབ་མ་ནི། །གསལ་ཞིང་སྡིག་མེད་མཐོང་བར་ཤོག །དེ་ནས་མིག་གཉིས་ཟླ་བ་ལ། །ཨོཾ་གྱིས་བྱིན་བརླབས་བསྒོམ་པར་བྱ། །སྙིང་གར་ཟླ་བའི་དཀྱིལ་འཁོར་ལ། །བདག་པོ་ཡང་དག་དམིགས་ནས་སུ། །དེ་ཡི་མིག་གི་འོད་ཟེར་གྱིས། །དཀྱིལ་འཁོར་
[107a.4]གྱི་ནི་ལྷ་རྣམས་ཀྱི། །སྤྱན་དང་དབྱེར་མེད་ངོ་བོ་ཉིད། །ཡང་དག་དམིགས་ནས་ཕྱི་ནས་ནི། །མིག་གཉིས་ལ་ནི་ཡང་དག་བསྡུ། །ཡང་ནི་འཇུག་པའི་རྣམ་པ་ཡིས། །དེ་ཡི་བཅིངས་པ་དགྲོལ་བར་བྱ། །མིག་འབྱེད་པ་ཡི་ཚིག་འདི་ནི། །ཇི་ལྟ་བ་བཞིན་བརྗོད་བྱ་སྟེ། །ཨོཾ་
[107a.5]རྡོ་རྗེ་དྲག་པོ་རང་ཉིད་ནི། །མིག་འབྱེད་པ་ལ་བརྩོན་པར་མཛད། །མིག་ནི་ཐམས་ཅད་འབྱེད་མཛད་དེ། །རྡོ་རྗེའི་མིག་ནི་བླ་ན་མེད། །འདི་བརྗོད་བཅིངས་པ་བཀྲོལ་ནས་སུ། །དེ་ལ་ལན་ཅིག་དྲི་བར་བྱ། །ཁྱོད་ཀྱིས་མིག་གིས་ཅི་མཐོང་འགྱུར། །ཇི་བཞིན་དུ་ནི་སྨྲ་བར་གྱིས། །
[107a.6]དཀར་པོ་སེར་པོ་དེ་བཞིན་དམར། །ལྗང་གུ་ནག་པོ་ཉིད་དང་སྔོ། །དེ་ལྟར་དངོས་གྲུབ་ཤེས་བྱས་ལ། །དཀྱིལ་འཁོར་བསྟན་ཕྱིར་འདི་བརྗོད་བྱ། །ཀྱེ་རྡོ་རྗེ་ལྟོས་ཤིག་ཅེས་བྱའོ། །དེ་ལྟར་བརྗོད་ནས་འདིར་བརྗོད་བྱ། །ད་ནི་དད་པ་རབ་ཏུ་བསྐྱེད། །དཀྱིལ་འཁོར་བཟང་པོ་འདི་ལ་
[107a.7]ལྟོས། །སྔགས་དང་ཕྱག་རྒྱས་བྱིན་བརླབས་པས། །སངས་རྒྱས་རྣམས་ཀྱི་རིགས་སུ་སྐྱེ། །མཐོང་བར་དངོས་གྲུབ་སྦྱོར་བ་དང་། །ཕུན་སུམ་ཚོགས་ཀུན་མཆོག་ཏུ་འགྱུར། །དམ་ཚིག་བསྐྱངས་པས་དངོས་གྲུབ་དང་། །སྔགས་སྒྲུབ་པ་ལ་བརྩོན་པར་གྱིས། །བསོད་
[107b]
[107b.1]ནམས་དང་བའི་སྟོབས་བཞིན་དུ། །དཀྱིལ་འཁོར་མཐོང་བ་དེ་ནས་ནི། །སྣ་ཚོགས་འོད་ཟེར་འཕྲོ་བ་ཡི། །དཀྱིལ་འཁོར་མཐོང་བར་ཐེ་ཚོམ་མེད། །དེ་ནས་ཧེ་རུ་ཀ་དཔལ་སོགས། །ཀུན་དུ་དཀྱིལ་འཁོར་བ་ཀུན་གྱི། །དེ་ནས་ལྷ་ཡི་དེ་ཉིད་ནི། །གུས་པ་ཡིས་ནི་བརྗོད་པར་
[107b.2]བྱ། །ཤྲཱི་གང་བླ་ན་མེད་པའོ། །ཧེ་ནི་རྒྱུ་དང་བྲལ་བ་སྟེ། །རུ་ནི་བརྗོད་དང་བྲལ་བའོ། །ཀ་ནི་གང་དུ་མི་གནས་པ། །ཧེ་རུ་ཀ་དཔལ་ཞེས་བརྗོད་དོ། །རྡོ་རྗེ་ཡེ་ཤེས་དབྱེར་མེད་ཕྱིར། །རྟག་ཏུ་སྡིག་པ་འཇོམས་པ་དང་། །གང་ཞིག་འདོད་ཆགས་དམན་པ་སྦྱོང་། །རྡོ་རྗེ་
[107b.3]སྔོན་སོང་ཕག་མོའོ། །མཁའ་འགྲོ་མ་ཡི་ངང་ཚུལ་གང་། །མཁའ་འགྲོ་མ་ཞེས་རབ་ཏུ་གྲགས། །གང་ཞིག་གདུག་པ་རྟག་ཟ་བ། །དེ་ནི་ལཱ་མར་རབ་ཏུ་བཤད། །ཉོན་མོངས་དུམ་བུར་འཇོམས་པས་ན། །དུམ་སྐྱེས་མ་ཞེས་རབ་ཏུ་བརྗོད། །སྣ་ཚོགས་གཟུགས་སུ་
[107b.4]འཆད་པས་ན། །དེ་ནི་གཟུགས་ཅན་མ་ཞེས་བརྗོད། །གདུག་པའི་ཐོད་པ་དུམ་བྱེད་པས། །ཐོད་པའི་དུམ་བུ་ཞེས་སུ་བརྗོད། །གང་ཞིག་གདུག་དྲག་ཚར་གཅོད་པས། །གཏུམ་མོ་ཞེས་ནི་རབ་ཏུ་བརྗོད། །ཡི་དགས་ཆེན་པོ་འདྲ་བ་གང་། །དེ་ནི་ཀེང་རུས་ཆེན་པོར་བརྗོད། །གང་
[107b.5]ཕྱིར་མིག་གཉིས་གཏུམ་འབར་བས། །དེ་ཕྱིར་གཏུམ་མིག་མ་ཞེས་བརྗོད། །དུར་ཁྲོད་ཆེན་པོའི་རང་བཞིན་ཕྱིར། །དེ་ནི་ཀེང་རུས་ཆེན་པོར་བརྗོད། །བླ་མེད་འོད་དང་ལྡན་པ་གང་། །མིང་ནི་འོད་ལྡན་མ་ཞེས་བྱ། །མཆེ་བ་གཙིགས་པར་སྟོན་པ་གང་། །མིང་གིས་འཇིགས་
[107b.6]པར་བྱེད་པའོ། །གདུག་ལ་སྡིགས་མཛུབ་བྱེད་པས་ན། །དེ་ནི་སྣ་ཆེན་མ་ཞེས་བརྗོད། །ལྷ་རྣམས་ཡིད་འདོད་པ་བཞིན་ཕྱིར། །ལྷ་དགྲ་ཞེས་ནི་བྱ་བར་བརྗོད། །དཔལ་རྣམས་བློ་ཡི་རང་བཞིན་པས། །འདི་ནི་དཔའ་བོའི་བློ་མར་བརྗོད། །གང་ཞིག་འདིར་ནི་དཔག་མེད་
[107b.7]པས། །འདིར་ནི་འོད་དཔག་མེད་པར་བརྗོད། །རྣལ་འབྱོར་རྣམས་ཀྱི་བདེ་སྒྲུབ་གང་། །དེ་མིང་དེ་བྱེད་པ་ཞེས་བརྗོད། །གང་གིས་དབྱེར་མེད་འོད་བྱེད་པས། །དེ་ནི་རྡོ་རྗེའི་འོད་དུ་བརྗོད། །ལང་ཀ་རུ་ནི་སྐྱེས་པས་ན། །ལང་ཀའི་དབང་ཕྱུག་མ་རུ་བརྗོད། །ལྷ་རྣམས་ཀུན་གྱི་
[108a]
[108a.1]མི་ཕྱེད་པས། །རྡོ་རྗེ་ལུས་ཞེས་བརྗོད་པར་བྱ། །གང་གི་ཤིང་གི་གྲིབ་མཚུངས་པས། །ཤིང་གྲིབ་མ་ཞེས་བྱ་བར་བརྗོད། །རྫོགས་པའི་བྱང་ཆུབ་མྱུར་འབྱུང་བས། །དེ་ནི་དཔའ་བོའི་མྱུ་གུར་བརྗོད། །མཁའ་འགྲོ་གླང་པོ་ཞོན་འགྲོ་བས། །ས་སྲུང་མ་
[108a.2]ཞེས་བྱ་བར་བརྗོད། །རྡོ་རྗེ་རལ་བས་འཇིགས་བྱེད་པས། །རྡོ་རྗེ་རལ་པ་ཞེས་སུ་བརྗོད། །གང་ཞིག་གདུག་རྣམས་རབ་སྟོན་པས། །འཇིགས་བྱེད་ཆེན་པོ་ཞེས་བྱར་བརྗོད། །དཔའ་རྣམས་ནང་ནས་རང་བཞིན་དཔའ། །དེ་ནི་དཔའ་བོ་ཆེན་པོར་བརྗོད། །རླུང་གི་ཤུགས་
[108a.3]དང་མཚུངས་པས་ན། །རླུང་ཤུགས་མ་ཞེས་བྱ་བར་བརྗོད། །མུ་སྟེགས་ཐམས་ཅད་འཇིགས་མཛད་པས། །རྡོ་རྗེ་ཧཱུཾ་མཛད་ཅེས་ནི་བརྗོད། །དམ་ཚིག་སྲུང་ལ་ཆེད་བྱེད་པས། །ཆང་འཐུང་མ་ཞེས་བརྗོད་པར་བྱ། །དཔའ་བོ་རྣམས་ཀྱི་གཟུགས་བཟང་ཕྱིར། །དེ་ནི་
[108a.4]ཤིན་ཏུ་བཟང་ཞེས་བརྗོད། །རྣལ་འབྱོར་རྣམ་བརྩེའི་རང་བཞིན་ཅན། །དེ་ནི་སྔོ་བསངས་མ་ཞེས་བརྗོད། །རྟག་ཏུ་བཟང་པོའི་རང་བཞིན་ཕྱིར། །རྡོ་རྗེ་བཟང་པོ་ཞེས་སུ་བརྗོད། །ཀུན་དུ་དཔལ་དང་ལྡན་པའི་ཕྱིར། །དེ་ཡང་ཤིན་ཏུ་བཟང་ཞེས་བརྗོད། །མུ་སྟེགས་ངན་པ་
[108a.5]སྐྲག་བྱེད་པས། །འཇིགས་བྱེད་ཆེན་པོ་ཞེས་སུ་གྲགས། །ཚིག་རྣམས་ཉན་པར་བྱེད་པས་ན། །རྟ་རྣ་མ་ཞེས་རབ་ཏུ་གྲགས། །གང་ཕྱིར་ལྟ་བར་དཀའ་དུས་ཕྱིར། །མིག་མི་བཟང་ཞེས་བྱ་བར་བརྗོད། །ཞལ་དང་ཞལ་དུ་སྦྱོར་བས་ན། །དེ་ནི་བྱ་གདོང་མ་ཞེས་བརྗོད། །
[108a.6]སྟོབས་ཆེན་ཕ་རོལ་གནོན་པའི་ཕྱིར། །དེ་ནི་སྟོབས་ཆེན་མ་ཞེས་བརྗོད། །གདུག་ཅན་འཁོར་ལོ་བཞིན་བསྐོར་བས། །འཁོར་ལོ་ཤུགས་མ་ཞེས་ནི་བརྗོད། །དབུལ་བའི་སྡུག་བསྔལ་འཕྲོག་པས་ན། །དེ་ནི་རིན་ཆེན་རྡོ་རྗེར་བརྗོད། །དུམ་བུར་བྱེད་ཅིང་གཅོད་པས་
[108a.7]ན། །ཕྱིས་ནི་དུམ་སྐྱེས་ཡིད་འོང་མ། །རྟ་མཆོག་དག་གི་རང་བཞིན་ཕྱིར། །དེ་ནི་རྟ་མགྲིན་ཞེས་ནི་བརྗོད། །རྣལ་འབྱོར་ཀུན་ལ་མཛེས་པའི་ཕྱིར། །དེ་ནི་ཆང་འཚོང་མ་ཞེས་བརྗོད། །ཤིན་ཏུ་གཟི་བརྗིད་རང་བཞིན་ཕྱིར། །དེ་ནི་ནམ་མཁའི་སྙིང་པོར་བརྗོད། །འཁོར་ལོ་
[108b]
[108b.1]ལྟ་བུར་ཆོས་འདྲ་བས། །དེ་ནི་འཁོར་ལོ་གོ་ཆ་མ། །ཧེ་རུ་ཀ་དཔལ་འདྲ་བསྟན་པས། །དེ་ཡི་མིང་ཡང་བརྗོད་པས་ནི། །དཔའ་རྣམས་མཆོག་གི་རང་བཞིན་ཕྱིར། །ཤིན་ཏུ་དབང་པོ་མཆོག་གི་མཆོག །གར་དང་བསྟོད་པའི་རང་བཞིན་ཕྱིར། །པདྨ་གར་གྱི་དབང་
[108b.2]ཕྱུག་འདོད། །རྟག་ཏུ་ཉིན་རེ་བདེན་བྱེད་གང་། །དེ་ཡང་སྟོབས་པོ་ཆེ་ཞེས་བརྗོད། །སྣང་དང་ལྡན་པའི་རང་བཞིན་ཕྱིར། །དེ་ནི་རྣམ་པར་སྣང་མཛད་བརྗོད། །རྣལ་འབྱོར་རྣམས་ཀྱི་འཁོར་ལོར་གནས། །འཁོར་ལོས་སྒྱུར་མ་ཞེས་ནི་བརྗོད། །སེམས་ཅན་དབྱེར་མེད་སྟོན་
[108b.3]པས་ན། །རྡོ་རྗེ་སེམས་དཔའ་ཞེས་ནི་བརྗོད། །གང་ལ་བརྩོན་འགྲུས་ཆེ་མངའ་བས། །བརྩོན་འགྲུས་ཆེན་པོ་ཞེས་ནི་བརྗོད། །བྱ་རོག་ལྟ་བུའི་གདོང་ལྡན་པས། །ཁྭ་གདོང་མ་ཞེས་བྱ་བར་གྲགས། །འུག་པའི་གདོང་དང་ཡང་དག་ལྡན། །དེ་ནི་འུག་གདོང་མ་ཞེས་གྲགས། །
[108b.4]ཁྱི་གདོང་མ་དང་ཕག་གདོང་མ། །དེ་བཞིན་གཟུགས་ནི་འཛིན་པར་བརྗོད། །གཤིན་རྗེ་བརྟན་མ་ཕོ་ཉ་མོ། །གཞན་ནི་གཤིན་རྗེ་མཆེ་བར་འདོད། །གང་ཞིག་གཤིན་རྗེ་འཇོམས་བྱེད་པས། །གཤིན་རྗེ་འཇོམས་མ་ཞེས་ནི་བརྗོད། །དེ་རྣམས་ལྷ་ཡི་དེ་ཉིད་དོ། །ཇི་ལྟར་འཁོར་
[108b.5]ལོ་ལྔ་དེ་ཉིད། །ཡིད་ཀྱི་དཀྱིལ་འཁོར་མཆོག་གྱུར་པས། །དཀྱིལ་འཁོར་དག་ཏུ་མཉམ་པར་བརྗོད། །གཞལ་ཡས་ཁང་པ་ཞེས་བྱ་བ། །གྲུ་བཞི་པ་ནི་ཡང་དག་བླང་། །ཀུན་དུ་ཚད་དང་ལྡན་པ་ཡི། །ཚུལ་ཁྲིམས་སྡོམ་པ་མཆོག་གྱུར་པའི། །རྒྱན་གང་ཡིན་པར་བཤད་པའོ། །
[108b.6]དད་པའི་དབང་པོ་ལ་སོགས་སེམས། །རང་རང་ལྔ་རུ་ཡང་དག་བྱུང་། །གང་གིས་རྣམ་པར་ཐར་པ་བཞི། །སྒོ་བཞི་རུ་ནི་ཡང་དག་བཤད། །ཡང་དག་སྤོང་བ་བཞི་ཉིད་ནི། །རྟ་བབས་ཀ་བའི་རྣམ་པར་བྱུང་། །དྲན་པ་ཉེར་གཞག་བཞི་ཡེ་ཤེས། །ཁ་ཁྱེར་བཞི་རུ་བརྗོད་པ་ཡིན། །རྫུ་
[108b.7]འཕྲུལ་རྐང་པ་བཞི་ཉིད་ནི། །སྒོ་ཁྱུད་བཞི་རུ་བརྗོད་པ་ཡིན། །བྱང་ཆུབ་ཡན་ལག་བདུན་ཕྲེང་བ། །བ་དན་མེ་ཏོག་ཕྲེང་བར་བརྗོད། །རྣམ་ཀུན་མཁྱེན་ཉིད་ཡེ་ཤེས་ནི། །ཏིང་འཛིན་གཉིས་སུ་བརྟགས་པ་ཡིན། །ལམ་གྱི་ཡེ་ཤེས་ཁྱད་པར་ནི། །རྔ་ཡབ་ཏུ་ནི་བརྗོད་པ་ཡིན། །
[109a]
[109a.1]ཉོན་མོངས་ཀུན་ནི་ཟད་བྱེད་པས། །དེ་བཞིན་དྲ་བ་ཞེས་སུ་བརྗོད། །ཉེ་བའི་ཉོན་མོངས་འཇོམས་པ་རུ། །ཚོགས་གཉིས་བསགས་པའི་སྦྱོར་བ་ཡིས། །ཉོན་མོངས་སྐྱེས་པ་འཕྲོག་བྱེད་པས། །དྲ་བ་ཕྱེད་པར་རབ་ཏུ་བརྗོད། །སངས་རྒྱས་ཀུན་གྱི་སྙིང་པོ་
[109a.2]ནི། །རྟག་ཏུ་ཀ་བར་འགྱུར་བ་ཡི། །འཕགས་པའི་ལམ་གྱི་ཡན་ལག་བརྒྱད། །ཀ་བ་བརྒྱད་དུ་བརྗོད་པ་ཡིན། །དེ་ཡི་དཀྱིལ་གྱི་པདྨ་གང་། །སྐྱོན་གྱིས་མ་གོས་པ་རུ་བསྟན། །འཁོར་ལོ་གསུམ་དུ་གནས་པ་ནི། །སེམས་སོགས་དྲི་མ་གསུམ་བྲལ་ཡིན། །རྩིབས་སུ་
[109a.3]ཡང་དག་བཤད་པ་ནི། །ཉོན་མོངས་ཉེ་ཉོན་སྤངས་པའོ། །རྡོ་རྗེ་ལ་སོགས་ཕྲེང་བ་གང་། །གློ་བུར་དྲི་མ་སྤངས་པ་ཡིན། །སངས་རྒྱས་ཡོན་ཏན་དེ་དག་ཀུན། །དཀྱིལ་འཁོར་དུ་ནི་བརྗོད་པ་ཡིན། །སེམས་ཅན་དོན་ཀུན་ཡང་དག་བརྩོན། །དེ་ཉིད་རྫོགས་སངས་
[109a.4]རྒྱས་ཀྱིས་བསྟན། །དེ་ནས་བདག་པོ་རྣལ་འབྱོར་ལྡན། །རྣམ་རྒྱལ་བུམ་པ་ཆུ་ཡིས་ནི། །ཨོཾ་ཨཱཿ་ཧཱུཾ། བཛྲ་ཨ་བྷི་ཥིཉྩ་མཱཾ། །སྔགས་འདི་དག་ནི་བཏོན་པ་ཡིས། །ཡལ་ག་གཟུང་བའི་ཁུ་ཚུར་གྱིས། །དབང་བསྐུར་བ་ནི་སྦྱིན་པར་བྱ། །དེ་ནས་དེ་ཡི་མགོ་བོར་ནི། །
[109a.5]རལ་པའི་ཅོད་པན་མཛེས་ཁྱབ་པས། །རྗེས་སུ་མཐུན་པའི་གཟུགས་བསམས་ཏེ། །གུས་པས་དབུ་རྒྱན་དབང་བསྐུར་བྱ། །དེ་ནས་རང་གི་མཚན་མའི་དབང་། །ལག་པ་དག་ཏུ་སྦྱིན་པར་བྱ། །རང་གི་མཚན་མའི་རྗེས་འགྲོ་བའི། །སྔགས་འདི་ཉིད་ནི་གང་ཡིན་བརྗོད། །
[109a.6]སངས་རྒྱས་ཀུན་གྱི་རྡོ་རྗེའི་དབང་། །དེ་རིང་ཁྱོད་ལ་བསྐུར་བར་བྱ། །དེ་ལྟར་གང་གི་མིང་ཡིན་པ། །ཀྱེ་མ་སྒྲ་ནི་སྔོན་བྱས་ཏེ། །ཤེས་རབ་ཐབས་ཀྱི་ཏིང་འཛིན་ཡང་། །ཡང་དག་ཆེད་དུ་བྱས་ནས་སུ། །ཕྱག་རྒྱ་བཞི་ཡི་གདམས་ངག་བསྟན། །དེ་ནས་ཡང་ནི་སློབ་མ་ཡིས། །
[109a.7]ཐལ་མོ་སྦྱར་བ་བྱས་ནས་ནི། །གུས་པ་ཡིས་ནི་ཕྱག་བྱས་ཏེ། །མེ་ཏོག་བཅིངས་པ་ལ་སོགས་ཀུན། །བཟུང་ནས་རྡོ་རྗེ་བརྟུལ་ཞུགས་བླང་། །འདི་དེ་སངས་རྒྱས་ཐམས་ཅད་ཀྱི། །རྡོ་རྗེ་སེམས་དཔའི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཕྱག་ན་རྡོ་རྗེ་
[109b]
[109b.1]བརྟུལ་ཞུགས་བརྟན། །དེ་ནས་རྡོ་རྗེ་བཟུང་ནས་ནི། །སྔགས་འདི་དག་ནི་བརྗོད་པར་བྱ། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ། ཨེ་ཥ་སྟྰྭཾ་དྷ་ར་ཡཱ་མི་བཛྲ་ས་ཏྭ་ཧཱིཿ་ཧི་ཧི་ཧི་ཧི་ཧཱུཾ་ཞེས་བྱའོ། །སྔགས་པས་ཚིགས་བཅད་འདི་བརྗོད་ནས། །དེ་ནས་དྲིལ་བུའི་བརྟུལ་
[109b.2]ཞུགས་སྦྱིན། །འདི་དེ་སངས་རྒྱས་ཐམས་ཅད་ཀྱི། །ཤེས་རབ་ཐབས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་བཅང་། །བྱང་ཆུབ་མཆོག་ཏུ་རྒྱལ་བ་བཞེད། །གང་ཞིག་དེ་ལྟར་དབང་བསྐུར་བས། །དངོས་གྲུབ་ཏུ་འགྱུར་ཐེ་ཚོམ་མེད། །ལྷ་གང་མངོན་དུ་བྱ་བ་ཡིས། །
[109b.3]དེ་ཡི་ལས་གང་སྒྲུབ་པར་ནུས། །རིག་པའི་དབང་གི་ཆོ་གའོ། །དེ་ལྟར་དེ་ནས་བྱས་ནས་སུ། །ཕྱིས་ནི་འོག་ནས་འབྱུང་བའི་རིམ། །བྱ་བ་ཡི་ནི་ཆོ་ག་ཡིས། །པདྨའི་དཀྱིལ་འཁོར་ཡང་དག་བསྟན། །དེ་ནས་བདག་པོ་རྣལ་འབྱོར་གྱི། །ང་རྒྱལ་དག་ནི་བྱས་ནས་སུ། །
[109b.4]སློབ་མའི་གཙོ་བོ་གུས་པ་ཡི། །འོག་ནས་འབྱུང་བའི་ཆོ་ག་འདིས། །དེ་ནས་དབང་བསྐུར་དོན་དུ་ནི། །རང་ཉིད་ཀྱིས་ནི་གསོལ་བ་གདབ། །དེ་ནས་རང་ཉིད་ལངས་ནས་སུ། །སློབ་མ་པད་ཟླ་ལ་གནས་བསམ། །དེ་ནས་རང་ལྷའི་བསམ་གཏན་གྱིས། །བྱིན་གྱིས་བརླབ་
[109b.5]པ་ལ་སོགས་བྱས། །དེ་བཞིན་ཆུ་ལ་སོགས་པའི་དབང་། །མཁས་པ་ཡིས་ནི་སྔར་བཞིན་བྱ། །འདིར་ནི་ཇི་ལྟའི་ཁྱད་པར་གྱིས། །གཙོ་བོ་རྣམ་རྒྱལ་བུམ་པའི་ཆུ། །དེ་ཡི་སྔགས་བརྗོད་སྔོན་སོང་བས། །འདི་ནི་རྒྱུན་མི་འཆད་དབང་བསྐུར། །ཇི་སྲིད་རྣམ་རྒྱལ་
[109b.6]ལ་སོགས་པས། །སློབ་དཔོན་ཧེ་རུ་ཀ་གྲུབ་པས། །ཨོཾ་ཨཱཿཧཱུཾ་བཛྲ་ཨ་བྷི་ཥིཉྩ་ཞེས། སྔགས་འདི་རང་གིས་བརྗོད་པར་བྱ། །ཤེས་རབ་ཅན་གྱིས་དེ་ཡི་མགོར། །ཧེ་རུ་ཀ་ལྡན་ཅོད་པན་ནི། །རྡོ་རྗེ་ཕྲེང་བ་རྣམས་བསམས་ཏེ། །སྔར་བཞིན་དུ་ནི་དེ་དབང་བསྐུར། །དེ་ནས་ཁྲོ་
[109b.7]བོ་རྡོ་རྗེ་སྦྱིན། །རྡོ་རྗེ་དབང་བསྐུར་ཞེས་སུ་བརྗོད། །གང་ཞིག་རྒྱུད་གཞན་དུ་གྲགས་པ། །བློ་དང་ལྡན་པས་དེ་ཉིད་བརྗོད། །རྟག་ཏུ་འདོད་ཆགས་ལས་བྱུང་ཁྲོ། །རྡོ་རྗེ་མེ་ཡི་ཕུང་པོའི་སྐུ། །འབར་བའི་རྡོ་རྗེ་སྦྱོར་བ་ཆེ། །མཁའ་འགྲོ་མ་ཀུན་འབར་བའོ། །ཧྲཱིཿ་བདག་པོའི་
[110a]
[110a.1]དབང་བསྐུར་བྱིན་ནས་སུ། །དྲིལ་བུའི་སྒྲ་ནི་བསྒྲག་པར་བྱ། །ཨ་ཀཱ་རོ་མུ་ཁཾ་ཞེས་སོགས། །དེ་ནས་ཆོས་འདི་རབ་བསྟན་བྱ། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའ་དང་མཉམ་སྦྱོར་བ་ཡིས། །
[110a.2]ཐམས་ཅད་མཆོག་ཉིད་བསྒྲུབ་པར་བྱ། །ཧཱིཿ་ཡང་ན་སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་ནི། །སྲིད་པ་མཆོག་ཏུ་བྱེད་པར་འགྱུར། །དེ་ནས་མིང་གི་དབང་བསྐུར་བའི། །དེ་བཞིན་ཆོ་ག་སྦྱིན་བྱས་ན། །རིག་དང་
[110a.3]ལྷན་ཅིག་ཏུ་གཞག་སྟེ། །སྡུག་བསྔལ་མང་པོ་དག་པའི་ཕྱིར། །ཉམས་མྱོང་བདེ་བ་སླ་བར་རྟོགས། །ཤིན་ཏུ་བདེ་བ་རྟོགས་པའི་ཐབས། །འདི་ནི་དམ་ཚིག་བདེ་ལེགས་ཏེ། །ཇི་ལྟར་ཡིད་ལ་འདོད་པ་ཡང་། །འདོད་པ་ཀུན་ལ་ཉེར་ལོངས་སྤྱོད། །རང་གི་ལྷག་
[110a.4]པའི་ལྷར་སྦྱོར་བས། །བདག་དང་གཞན་ལ་མཆོད་པར་བྱ། །ཇི་སྲིད་འཁོར་བར་གནས་བར་དུ། །དཔའ་བོ་མཆོག་ཏུ་གྱུར་པ་སྟེ། །དེ་སྲིད་སེམས་ཅན་དཔག་མེད་དོན། །མི་ལྡོག་པར་ནི་ནུས་པར་གྱིས། །གསང་མཆོག་དམ་ཚིག་གི་ནི་ཐབས། །བསོད་ནམས་
[110a.5]བྱིན་རླབས་སྒྲུབ་པ་དང་། །དངོས་གྲུབ་ཀྱི་ནི་དབང་ཕྱུག་འགྲུབ། །སེམས་ཅན་དོན་ནི་བརྟན་པར་བྱེད། །ཕྱག་རྒྱའི་དམ་ཚིག་བརྗོད་བྱ་སྟེ། །ཡིད་ཀྱི་སྐུ་ནི་བརྟན་པའི་ཕྱིར། །གང་གིས་ཐམས་ཅད་སྐུར་བསྟན་པ། །དེ་ཡི་ཕྱག་རྒྱར་རབ་ཏུ་གྲགས། །དེ་ནས་དེ་བཞིན་ཉིད་
[110a.6]འདུག་ལ། །སློབ་མ་རིག་དང་ཡང་དག་ལྡན། །ཡིད་དང་རྗེས་མཐུན་ཟས་སོགས་དང་། །སྣ་ཚོགས་བཏུང་བ་འཐུངས་ནས་སུ། །ཁ་ནི་ག་བུར་དྲིས་བསྒོ་བྱ། །ལུས་ནི་དྲི་ཞིམ་བྱུག་བྱས་ཏེ། །ཕན་ཚུན་དགོད་དང་སྒེག་ལ་སོགས། །དགའ་བའི་རོལ་པ་རྣམས་བྱས་ནས། །དབང་
[110a.7]ཉིད་ཡང་དག་སྙོམས་འཇུག་པས། །དེ་ཡིས་དགའ་བདེ་ཡང་དག་འཆར། །དེ་བཞིན་གཤེགས་པ་ཐམས་ཅད་ཀུན། །བཀྲ་ཤིས་གླུ་ལ་སོགས་པ་ཡིས། །དེ་དག་ཡང་དག་བསྐུལ་བར་ནི། །བདག་གིས་རྣམ་པར་བསམ་བྱ་སྟེ། །དབང་བསྐུར་བ་ནི་རྡོ་རྗེ་ཆེ། །ཁམས་གསུམ་
[110b]
[110b.1]ཀུན་གྱིས་ཕྱག་བྱས་པ། །གསང་གསུམ་གནས་ལས་བྱུང་བ་ཡི། །སངས་རྒྱས་ཀུན་གྱིས་སྦྱིན་པར་བྱ། །དེ་ལྟར་བརྗོད་ནས་སློབ་མའི་ཁར། །རྡོ་རྗེ་ནས་ལྷུང་བདག་གནས་སོ། །ཨ་ཧོ་སུ་ཁ་ཞེས་ཀྱང་བརྗོད། །དེས་ཀྱང་གང་ཞིག་བཀུག་པ་རྣམས། །རྡོ་རྗེ་ཡེ་ཤེས་བྱུང་དོན་དེ། །
[110b.2]ཤིན་ཏུ་གསང་བ་ཆེན་པོའི་དོན། །དབང་བསྐུར་བ་ནི་ངོ་མཚར་ཆེ། །རྡོ་རྗེ་དྲིལ་བུ་ཡི་ནི་སྒྲ། །མཆོག་ཏུ་དགའ་བ་སྐྱེད་བྱེད་པས། །དེ་ཉིད་འདིར་ནི་བརྗོད་པ་ཡིས། །དབང་བསྐུར་རང་གིས་སྦྱིན་པར་བྱ། །གང་དེ་དགའ་བའི་རང་བཞིན་ལ། །བདེ་བྱེད་དེ་ཡང་བཏགས་པ་ཙམ། །གང་
[110b.3]ཞིག་ཆགས་བྲལ་རྒྱུའམ་གཉིས། །ཡང་ནི་སྲིད་པའི་རྩེ་མོའི་རྒྱུ། །གང་ནི་ཡིད་ཀྱིས་ཅུང་ཞིག་བརྟགས། །ཡིད་ཀྱིས་སྤངས་པའི་ངོ་བོའི་ཕྱིར། །རྣམ་པར་མི་རྟོག་མྱ་ངན་འདས། །གཞན་དུ་ཁ་ཅིག་གནས་ཡུལ་མེད། །འདི་ཡི་དེ་ཉིད་མི་ཤེས་པའི། །སློབ་མ་ལ་ནི་བཤད་
[110b.4]མི་བྱ། །བློ་ལྡན་རྟོག་པ་མེད་པ་ལ། །འདི་ནི་ཤིན་ཏུ་གསང་བ་སྦྱིན། །དེ་ནས་དེ་ཉིད་ལ་གནས་པས། །མཁའ་འགྲོ་མ་རྣམས་ཡང་དག་མཆོད། །མཉམ་པར་གཞག་པས་སྔོན་བཞིན་དུ། །རྡོ་རྗེ་དྲིལ་བུ་དེ་ནས་སྦྱིན། །དེ་ནས་བརྩམས་ནས་རྣལ་འབྱོར་པ། །རྒྱུད་ཀུན་ལས་ནི་
[110b.5]གསུངས་པ་ནི། །མ་ལུས་ལུས་པ་མེད་པ་ཡི། །ཆོ་ག་ཡིས་ནི་དཀྱིལ་འཁོར་བྲི། །ཇི་ལྟར་མངོན་པར་འདོད་པ་ཡི། །རང་འདོད་ལྷ་ཡི་འཇུག་པ་ཉིད། །མཆོག་དང་འབྲིང་དང་ཐ་མ་ནི། །ཇི་ལྟར་དམིགས་པའི་ཡིད་ཀྱིས་སུ། །ཇི་ལྟར་ནུས་པ་བཞིན་དུ་བསྒྲུབ། །ཕྲན་ཚེགས་
[110b.6]ལ་སོགས་པ་ཡི་ལས། །དེ་ཡི་དངོས་གྲུབ་སྒྲུབ་པ་ལ། །རང་དང་གཞན་གྲགས་ཐེ་ཚོམ་མེད། །རྡོ་རྗེ་སློབ་དཔོན་དབང་བསྐུར་བའོ། །དེ་ལྟར་རྫོགས་པའི་སློབ་མ་ལ། །རྗེས་སུ་གནས་པའི་དབང་བསྟན་བྱ། །དཀྱིལ་འཁོར་གྱི་ནི་ཕྱི་རོལ་དུ། །ཁྲུ་གཉིས་དོར་བར་དཀྱིལ་
[110b.7]འཁོར་བྱ། །ཕྱོགས་ཀུན་དུ་ནི་གྲུ་བཞི་པ། །ཕྱོགས་ཀུན་དྲ་བས་བརྒྱན་པ་ནི། །བྱ་བ་ཀུན་བྱེད་ཕྱོགས་གཅིག་བྱ། །དེ་ཡི་དཀྱིལ་དུ་པདྨ་ནི། །སྣ་ཚོགས་འདབ་མ་བྲི་བར་བྱ། །རྡོ་རྗེ་དྲག་དཔལ་གཟུགས་སུ་ནི། །འཇམ་པའི་སྟན་ལ་ཡང་དག་གནས། །དེ་རིང་པདྨའི་སྟན་
[111a]
[111a.1]ལ་ནི། །མཉམ་པར་གཞག་པ་བསྒོམ་པར་བྱ། །དེ་ནས་སློབ་མ་གུས་ཅན་གྱིས། །ཡོན་གྱི་མཆོག་ནི་དབུལ་བར་བྱ། །རིག་མ་མཛེས་པ་དབུལ་བྱ་སྟེ། །དེ་དང་ལྷན་བྱུང་བྱང་ཆུབ་སེམས། །མཁའ་འགྲོ་ལ་སོགས་རབ་གཏུམ་རྣམས། །དེ་དང་ལྷན་ཅིག་
[111a.2]མཆོད་པར་བྱ། །དབང་གཉིས་སྙོམས་པར་འཇུག་པ་ཡིས། །སློབ་དཔོན་ཕྱག་བྱ་གསོལ་བ་གདབ། །བདག་ཉིད་རྡོ་རྗེ་ཅན་ཞེས་པ། །བྱང་ཆུབ་སེམས་ནི་སྒོམ་བྱེད་པའི། །དབང་བསྐུར་དོན་དུ་གསོལ་བ་འདེབས། །སློབ་དཔོན་གོ་འཕང་ངོ་མཚར་ཆེ། །སྐལ་བ་ཆེན་པོ་
[111a.3]བདག་ལ་སྩོལ། །རྒྱལ་བ་རྣམས་ཀྱིས་དབང་བསྐུར་བ། །སངས་རྒྱས་བྱང་ཆུབ་རབ་སྒྲུབ་པ། །གང་ཞིག་བདག་གིས་སེམས་ཅན་ཀུན། །རྙོག་མེད་དོན་ནི་བདག་གིས་བགྱི། །སངས་རྒྱས་ཀུན་གྱི་དོན་བྱས་པ། །ཁྱོད་ཀྱིས་ལེགས་དྲི་བརྟུལ་ཞུགས་ཀྱིས། །དེ་ནས་ཡང་
[111a.4]ནི་སློབ་མ་ལ། །བློ་ལྡན་འདི་ལྟར་གསོལ་བ་གདབ། །སློབ་དཔོན་དག་གིས་ལངས་ནས་སུ། །རིམ་འདིས་དབང་བསྐུར་བརྟག་པ་ཡིན། །སློབ་མ་རང་ལྷའི་རྣམ་པ་རུ། །ཇི་ལྟར་སྔར་བཞིན་བསྐྱེད་བྱ་སྟེ། །གནས་གསུམ་ཡིག་འབྲུ་བྱིན་བརླབས་ནས། །པདྨ་ལ་གནས་
[111a.5]བསམ་པར་བྱ། །སློབ་དཔོན་དཔའ་བོ་ནུས་ལྡན་པས། །དེ་ཡི་དབང་བསྐུར་གྲུབ་པའི་ཕྱིར། །སྔར་བསྙེན་པ་ཡི་གསང་སྔགས་སམ། །དེ་བཞིན་ཡི་གེ་གསུམ་གྱིས་ནི། །སྔགས་པས་ཡུངས་ཀར་དཀར་པོ་ལ། །ལན་ཅིག་བསྔགས་ཏེ་བརྗོད་པ་ཡིས། །དཀྱིལ་
[111a.6]འཁོར་ལ་ནི་གཏོར་ཞིང་བརྡེག །དེ་ལས་རང་ཉིད་ལྷ་ཡིས་ནི། །བཀྲ་ཤིས་གླུ་ཡི་སྔགས་ནི་བརྗོད། །ལངས་ལ་རིག་དང་བཅས་པ་ཡི། །བུམ་པའི་ཆུ་ཡིས་དག་བྱེད་ཅིང་། །དེ་ནས་བླ་མེད་དབང་བསྐུར་བྱ། །མེད་ན་བདུད་རྩི་ལྔས་གང་བའི། །བུམ་པ་ལ་ནི་དེ་བཞིན་བརྡེག །
[111a.7]རྒྱལ་བ་དག་གིས་གསུངས་པ་ལྟར། །རང་ཉིད་ཀྱིས་ནི་དབང་བསྐུར་བྱ། །གལ་ཏེ་ནུས་པ་མེད་གྱུར་ན། །རྣམ་པ་སྣ་ཚོགས་རྒྱལ་མཚན་དང་། །གླིང་བུ་པི་ཝང་རྔ་རྣམས་དང་། །རིན་ཆེན་རྒྱན་གྱི་མཆོད་པ་རྣམས། །དེ་བཞིན་གཤེགས་པ་ཡང་དག་ལྡན། །ནམ་མཁའ་
[111b]
[111b.1]གང་བར་བསྒོམ་པར་བྱ། །དེ་ནས་དེ་བཞིན་གཤེགས་པ་ཀུན། །འདོད་ཆགས་ཆེན་པོ་ཞུ་བ་ཡི། །དེ་ལྟར་བུམ་པའི་བདུད་རྩི་ལྔས། །མཁའ་འགྲོ་མ་རྣམས་ལ་སོགས་པ། །བདག་ཉིད་ཡོངས་སུ་བསྐོར་བསམས་ཏེ། །རྣམ་རྒྱལ་བུམ་པའི་ཆུ་ཡིས་ནི། །བཀྲ་ཤིས་གླུ་
[111b.2]དང་བཅས་པ་ཡིས། །སློབ་མ་འདི་ནི་དབང་བསྐུར་ཞིང་། །སློབ་མ་ལ་ནི་འདི་བརྗོད་བྱ། །ཨོཾ་མ་ཧཱ་སུ་ཁ་བཛྲ་ས་ཏྭ་ཨ་བྷི་ཥེ་ཀཻ་ཥ་ཏྭ་མཱ་བྷི་ཥིཉྩཱ་མི་སརྦ་ཏ་ཐཱ་ག་ཏ་ཨ་དྷི་པ་ཏི་སྟྭཾ་དྲྀ་ཌྷོ་མེ་བྷ་བ་སིདྡྷྱ་ན་མ་སྟེ། བྷ་ག་བཱ་ན་མ་ཧཱ་བཛྲ་དྷ་ར་སུ་ར་ཏ་སྟྭཾ་མ་ཧཱ་བཛྲ་ས་ཏྭ། ཨོཾ་ཨཱཿ་ཧཱུཾ་བཛྲ་ཨ་བྷི་
[111b.3]ཥིཉྩ་ཞེས་བྱའོ། །གཞན་ཡང་མཁའ་འགྲོ་དཔའ་བོ་ཡི། །དབང་ནི་དེ་ལྟར་བསྐུར་བཞིན་པར། །རྗེས་སུ་མཐུན་པར་བསམས་ནས་ནི། །དབང་བསྐུར་བར་ནི་འདོད་པ་ཡིན། །འདིར་ནི་བཀྲ་ཤིས་ཚིགས་བཅད་ནི། །མེད་པའི་ཕྱིར་ན་རྒྱུད་གཞན་ལས། །རྗེས་སུ་མཐུན་པ་
[111b.4]ཡང་དག་བླངས། །མཁས་པ་ཡིས་ནི་ཆོ་ག་བྱ། །དེ་ནས་དབུ་རྒྱན་དར་དཔྱངས་སོགས། །གསང་བའི་མཐར་ཐུག་དང་ལྡན་པའི། །ཤེས་རབ་ཡེ་ཤེས་དབང་བསྐུར་བའི། །དེ་ལྟར་ཆོ་ག་ཡིས་ནི་སྦྱིན། །དེ་ནས་སྟན་ལ་བཞག་ནས་སུ། །ཕྲ་ཞིང་སྙན་ཚིག་འདི་བརྗོད་དོ། །འདི་
[111b.5]ནི་ཁྱོད་ཀྱིས་གཟུང་བ་མཆོག །རྟག་ཏུ་ཁྱོད་ཀྱིས་བརྟན་པར་བྱ། །སྔགས་པ་རང་གིས་བྱིན་བརླབས་པའི། །སློབ་མ་ལ་ནི་ཕྱག་རྒྱ་གཏད། །དེ་ལྟར་སློབ་མ་དབང་བསྐུར་བ། །སློབ་མ་ཡོན་ཏན་གཙོ་བོར་འགྱུར། །བརྟན་པ་དང་ནི་གཡོ་ཀུན་གྱི། །འདི་ནི་སློབ་དཔོན་དུ་ནི་
[111b.6]འགྱུར། །དེང་ནས་བརྩམས་ཏེ་དེ་ཡི་ནི། །གསང་བ་མཆོག་གི་བཤད་པར་བྱ། །རྒྱུད་ཀུན་དུ་ནི་གང་ཅུང་ཟད། །སྦས་ཤིང་བྲིས་པའི་ཕྱག་རྒྱ་ནི། །དབང་པོ་གཉིས་ཀྱི་སྦྱོར་བ་ཡིས། །དེ་ནས་སྟན་ལ་རབ་འཇུག་གོ། །ཕྱི་ནང་གསང་སོགས་མཆོད་པ་ཡིས། །མཆོད་པ་ཡང་དག་
[111b.7]མཆོད་ནས་སུ། །གཟུགས་ལ་སོགས་པའི་མཆོད་པ་རྣམས། །དེ་ལྟར་ཡང་དག་རིམ་པས་མཆོད། །དེ་ནས་ང་རྒྱལ་མེ་ལོང་ནི། །ཇི་བཞིན་བསྟན་པ་འདི་བཞིན་བརྗོད། །ཆོས་རྣམས་གཟུགས་བརྙན་
[112a]
[112a.1]ལྟ་བུ་སྟེ། །ཁྱོད་ཀྱིས་སེམས་ཅན་རྣམས་ལ་ཤོད། །སྒྲ་ཡི་ང་རྒྱལ་ལྡན་པ་ཡིས། །དེ་ལྟར་པི་ཝང་སྒྲ་བརྗོད་བྱ། །དེ་བཞིན་གཤེགས་པ་ཐམས་ཅད་ཀྱི། །སྒྲ་ཡི་རྗེས་སུ་འགྲོ་བ་ཡི། །ཤེས་རབ་མངོན་དུ་རྟོགས་གྱུར་ཅིག །གང་གིས་འཇིག་རྟེན་ཐམས་ཅད་
[112a.2]དུ། །དེ་བཞིན་གཤེགས་པ་ཐམས་ཅད་ཀྱི། །ཀུན་དུ་སྒྲ་བརྙན་ལྟ་བུ་ཡི། །ཆོས་ཀྱི་འཁོར་ལོ་བསྐོར་བར་བགྱི། །དྲི་ཡི་ང་རྒྱལ་ལྡན་པ་ཡིས། །སྙིང་གར་དྲི་བསྐུ་འདི་སྐད་བརྗོད། །དེ་བཞིན་གཤེགས་པ་ཐམས་ཅད་ཀྱི། །སྐྱེ་མེད་ལྷག་པར་མོས་གྱུར་ཅིག །གང་གིས་
[112a.3]སངས་རྒྱས་ཞིང་ཀུན་གྱི། །འཇིག་རྟེན་པ་ནི་ཀུན་གྱིས་ཀྱང་། །རང་གི་ལུས་ལས་བླ་མེད་པའི། །བསམ་གྱིས་མི་ཁྱབ་དྲི་བྲོ་ཤོག །རོ་ཡི་ང་རྒྱལ་ལྡན་པ་ཡིས། །ལེགས་པར་སྦྱངས་པའི་བདུད་རྩི་ལྔ། །ཡང་དག་གོམས་པར་བྱ་བའི་ཕྱིར། །ཚིག་གིས་འདི་སྐད་བརྗོད་
[112a.4]པར་བྱ། །རོ་ཀུན་རང་བཞིན་མེད་པའི་རོར། །རྣམ་པ་མངོན་དུ་རྟོགས་གྱུར་ཅིག །གང་གིས་སངས་རྒྱས་བྱང་སེམས་ཀུན། །སེམས་ཅན་དུ་གྱུར་ཐམས་ཅད་ལ། །ལྷ་རྫས་དཔེ་མེད་རོ་ཡི་མཆོག །སྤྲུལ་ལ་དབུལ་བར་བགྱིད་པར་ཤོག །རེག་པའི་ང་རྒྱལ་ལྡན་པ་ཡིས། །
[112a.5]རྣལ་འབྱོར་མ་ནི་རྣལ་འབྱོར་བརྩོན། །རང་རིག་རེག་བྱ་མངོན་བྱས་ནས། །རེག་བྱའི་དེ་ཉིད་བརྗོད་པར་བྱ། །ཁྱེད་ཀྱིས་རེག་བྱ་མི་དམིགས་པར། །ལྷག་པར་མངོན་དུ་རྟོགས་གྱུར་ཅིག །ཁྱོད་ཀྱིས་རེག་པ་འབའ་ཞིག་གི །ཁྱད་པར་རང་གི་རྣམ་རྟོག་བྱུང་། །སྣ་ཚོགས་བླ་ན་
[112a.6]མེད་པ་ཡི། །རེག་བྱའི་ཁྱད་པར་མངོན་རྟོགས་ཤོག །རང་གི་སེམས་ནི་ཡོངས་གྱུར་པའི། །ལྷ་རྣམས་དག་ནི་ཐམས་ཅད་དང་། །དེ་བཞིན་གཤེགས་པ་ཐམས་ཅད་དང་། །བྱང་ཆུབ་སེམས་དཔའ་ཐམས་ཅད་སོགས། །ཡང་དག་འབྱོར་པ་རེག་བྱ་ཡི། །བདེ་བ་དག་ནི་
[112a.7]འབྱོར་བར་ཤོག །དེ་ལྟར་མཆོད་པ་བྱས་ནས་སུ། །གསེར་གྱི་ཐུར་མ་ལ་སོགས་ལ། །ཡང་ནི་སྔགས་འདི་ཡིས་ནི་བསྔགས། །ཨོཾ་བཛྲ་ནེ་ཏྲ་ཨ་པ་ཧ་ར་པ་ཊ་ལཾ་ཧྲཱིཿ་ཞེས་སོ། །མཉམ་པར་གཞག་པའི་སེམས་ཀྱིས་ནི། །འདུག་པ་ལ་ཡང་འདི་སྐད་བརྗོད། །ཇི་ལྟར་མིག་མཁན་
[112b]
[112b.1]རྒྱལ་པོ་ཡིས། །འཇིག་རྟེན་ལིང་ཐོག་བསལ་བ་ལྟར། །བུ་ཁྱོད་ཀྱིས་ནི་མི་ཤེས་པའི། །ལིང་ཐོག་རྒྱལ་བ་རྣམས་ཀྱིས་བསལ། །དེ་ནས་སློབ་མའི་མིག་ལ་ནི། །མིག་སྨན་བསྐུས་པའི་ཚུལ་བྱ་སྟེ། །སྔགས་པས་མེ་ལོང་བསྟན་བྱས་ལ། །ཆོས་ཀྱི་མཚན་ཉིད་བརྗོད་པར་བྱ། །
[112b.2]ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་བྱུང་། །རང་བཞིན་མེད་ཅིང་བརྗོད་དུ་མེད། །དེ་ལྟར་ཆོས་འདི་ཤེས་བྱ་སྟེ། །སེམས་ཅན་དོན་ནི་བླ་མེད་ཀྱིས། །སྐྱོབ་པ་ཡི་ནི་རིགས་སྐྱེས་སོ། །
[112b.3]དེ་ནས་སརྦ་ཏ་ཐཱ་ག་ཏ་ཨ་ནུ་རཱ་ག་ཡ་སྭ་ཞེས་བརྗོད་དོ། །ཧོ་ཡིས་མདའ་གཞུ་སྦྱིན་པར་བྱ། །དེ་ནས་དེ་ཡིས་གཞན་ཡང་ནི། །དེ་བཞིན་ཕྱོགས་བཞིར་མདའ་བཞི་འཕང་། །སྟེང་དུ་གཅིག་དང་འོག་ཏུ་ནི། །མཉམ་པར་གཞག་པས་འཕང་བར་བྱ། །བཛྲ་སཏྭ་ཨཱ་བརྗོད་ནས། །
[112b.4]དེ་ནས་མེ་ལོང་སྦྱིན་པར་བྱ། །རྣལ་འབྱོར་ལྷུར་ལེན་སློབ་དཔོན་གྱིས། །དེ་ལ་དེ་ཉིད་འདི་ལྟར་བརྗོད། །རྡོ་རྗེ་སེམས་དཔའི་རང་བཞིན་ཉིད། །དག་ཅིང་གསལ་ལ་རྙོག་པ་མེད། །སངས་རྒྱས་ཀུན་བདག་རང་ཉིད་ནི། །བུ་ཁྱོད་ཀྱི་ནི་སྙིང་ལ་གནས། །ཧཱུཾ་གིས་ཆོས་ཀྱི་འཁོར་ལོ་
[112b.5]ནི། །དེ་མདུན་དེ་ཡི་སྟེང་དུ་གཞག །ཨཿ་དང་ལྡན་པས་ལོགས་གཡས་སུ། །དུང་སྦྱིན་ནས་ནི་འདི་སྐད་བརྗོད། །དེང་ནས་བརྩམས་ནས་འཇིག་རྟེན་དུ། །སྐྱོབ་པའི་ཆོས་ཀྱི་འཁོར་ལོ་ནི། །འཁོར་ལོ་བླ་ན་མེད་པ་བསྐོར། །དྲི་མེད་འཁོར་ལོས་དགང་བར་བགྱི། །ཐེ་ཚོམ་མེད་པའི་
[112b.6]སེམས་ཀྱིས་ནི། །འདི་ལ་ཡིད་གཉིས་མེད་པར་མཛོད། །ཆོས་ཀྱི་ཚུལ་མཆོག་སྤྱོད་པ་ནི། །མཚུངས་མེད་ཀུན་དུ་བསྟན་པར་གྱིས། །སངས་རྒྱས་རྣམས་ལ་བྱས་གཟོ་བར། །འདུག་པ་ཉིད་དུ་བརྗོད་པ་ཡིན། །དེ་ནས་རྡོ་རྗེ་འཆང་ཀུན་གྱིས། །ཁྱོད་ནི་བསྲུང་བར་རྟག་ཏུ་གནས། །
[112b.7]དེ་ནས་དེ་བཞིན་གཞན་ཉིད་ཀྱི། །བློ་ལྡན་དམ་ཚིག་མཉན་པར་གྱིས། །ཐབས་དང་ཤེས་རབ་སེམས་ཀྱིས་ན། །མི་བྱ་བ་ནི་ཅི་ཡང་མེད། །དོགས་པ་མེད་པར་རྟག་བྱེད་པ། །འདོད་པའི་ཡོན་ཏན་ལྔ་ལ་སྤྱོད། །ཇི་ལྟ་ཇི་ལྟར་སེམས་ཅན་ཀུན། །རང་བཞིན་གྱིས་ནི་འདུལ་འགྱུར་
[113a]
[113a.1]བ། །དེ་ལྟ་དེ་ལྟར་སེམས་ཅན་དོན། །འདོད་ཆགས་སོགས་ཀྱིས་དག་པར་བྱ། །གང་ཡང་དམ་ཚིག་ལ་སྡང་བ། །སྐྱེ་བོ་དམ་ཚིག་ཉམས་པ་དག །སངས་རྒྱས་བསྟན་པ་སྐྱོང་བ་ཡིས། །འབད་པ་ཡིས་ནི་གསད་པར་བྱ། །སེམས་ཅན་ཀུན་ལ་ཕན་དོན་དུ། །
[113a.2]སངས་རྒྱས་རྣལ་འབྱོར་སྦྱོར་བ་ཡིས། །ཕ་རོལ་སེམས་ནི་འཕྲོགས་གྱུར་ཀྱང་། །སྡིག་པས་གོས་པར་མི་འགྱུར་རོ། །འདོད་ཆགས་ལྟ་བུ་བདེ་མེད་པས། །དེ་ནི་སྐྱེ་འགྲོ་ལ་རྟག་སྦྱིན། །སེམས་ཅན་དོན་དུ་གཞན་བུད་མེད། །བསྟེན་པ་ལས་ནི་བསོད་ནམས་འཐོབ། །སངས་རྒྱས་
[113a.3]ལ་སོགས་སྨོད་པ་ལ། །རིན་ཆེན་འབྱུང་ལྡན་རྣལ་འབྱོར་གྱིས། །ཚིག་རྩུབ་སྦྱོར་བ་བྱས་ན་ནི། །བླ་ན་མེད་པའི་དངོས་གྲུབ་མེད། །འོད་དཔག་མེད་པའི་བརྫུན་ཚིག་སྨྲ། །དོན་ཡོད་གྲུབ་པའི་ཏིང་འཛིན་མཆོག །རྒྱུད་གསུངས་ཆོ་ག་བློ་ལྡན་གྱིས། །དམ་ཚིག་དག་པ་བསྟེན་པར་བྱ། །དེ་
[113a.4]ནས་ཧེ་རུ་ཀ་དཔལ་ཞེས། །སོགས་པ་ཡང་ནི་རང་གིས་བསྟོད། །ཐལ་མོ་སྦྱར་ནས་ཕྱག་བྱས་ལ། །ཡང་ནི་སློབ་མ་ཉིད་ལ་བརྗོད། །སེམས་ཅན་ཀུན་ལ་ཕན་དོན་དུ། །སེམས་ཅན་ཀུན་ལ་ཐམས་ཅད་དུ། །ཇི་ལྟར་འདུལ་བ་སྣ་ཚོགས་ཀྱིས། །རྡོ་རྗེ་ཆོས་འཁོར་བསྐོར་བར་འགྱུར། །
[113a.5]དེ་བཞིན་གཤེགས་པ་རྒྱལ་བས་རྒྱལ། །ཀུན་གྱི་བདག་པོ་ཞེས་བྱ་བའི། །རྡོ་རྗེ་འཁོར་ལོ་བསྐོར་བར་གྱིས། །ཞེས་པས་རྗེས་སུ་གནང་བ་ཡིན། །དབང་བསྐུར་བ་ཡི་ཆོ་གའོ། །དེ་ལྟར་བྱས་ནས་དེ་རྗེས་སུ། །རྩ་བའི་དཀྱིལ་འཁོར་དུ་ནི་ཞུགས། །དཀྱིལ་འཁོར་དག་ནི་བལྟས་
[113a.6]ནས་སུ། །སྔགས་ཀྱིས་བསྐུལ་བ་བརྗོད་པར་བྱ། །ཏིང་འཛིན་གསང་སྔགས་རྒྱལ་པོ་ཡི། །གསང་བ་སྦྱིན་པ་བསམ་བྱ་སྟེ། །རྒྱུད་འདིར་བརྗོད་པའི་དམ་རྫས་ནི། །མཁས་པ་ཡིས་ནི་བཟའ་བར་བྱ། །དེ་ནས་འདི་ལྟར་བྱུང་བ་དང་། །སངས་རྒྱས་ཀུན་བདག་རྣལ་འབྱོར་བརྩོན། །
[113a.7]རྡོ་རྗེ་མིང་ནི་དབང་བསྐུར་བའི། །དེ་བཞིན་གཤེགས་པར་ལུང་བསྟན་བྱ། །དེ་འདིར་རིམ་པ་ཞེས་བྱ་སྟེ། །རྡོ་རྗེ་དྲག་དཔལ་གཟུགས་སུ་ནི། །དེ་བཞིན་སློབ་མ་ཉིད་ཀྱང་གནས། །རང་ནི་བདག་པོ་རྣལ་འབྱོར་ལྡན། །ལག་པ་གཡོན་པ་ཆོས་གོས་ནི། །དེ་བཞིན་འཛིན་པ་ཡི་ནི་ཚུལ། །
[113b]
[113b.1]མཆོག་སྦྱིན་པ་ཡི་ཚུལ་གྱིས་གནས། །མཉམ་པར་གཞག་པས་འདི་སྐད་བརྗོད། །ང་ཡིས་དེང་ཁྱོད་ལུང་བསྟན་ཡིན། །རྡོ་རྗེ་སེམས་དཔའ་དེ་བཞིན་གཤེགས། །ངན་འགྲོ་སྲིད་པ་དག་ལས་བཏོན། །སྲིད་པ་ཤིན་ཏུ་དག་ཕྱིར་རོ། །ཀྱེ་དཔལ་རྡོ་རྗེ་ཆེ་གེ་མོ། །དེ་བཞིན་གཤེགས་
[113b.2]པ་ཐམས་ཅད་གྲུབ། །ས་མ་ཡ་སྟྭཾ་ཞེས་པའོ། །ཕྱག་རྒྱ་ཆེན་པོ་འདི་དང་ནི། །གང་གིས་ཆོ་ག་འདི་ཡིས་ནི། །ལུང་བསྟན་པར་ནི་བྱས་པ་གང་། །ཧེ་རུ་ཀ་ལ་སོགས་པ་དང་། །སངས་རྒྱས་བྱང་ཆུབ་སེམས་དཔའ་དང་། །དཀྱིལ་འཁོར་གྱི་ནི་འཁོར་གནས་པའི། །དམ་
[113b.3]ཚིག་སྤྱོད་པས་མགྲིན་གཅིག་གིས། །རྫོགས་པའི་བྱང་ཆུབ་བརྟན་ཟུང་བསྟན། །གསང་ཆེན་མཆོག་གི་དམ་པ་ཡི། །འདི་ལྟར་ཕྱག་རྒྱ་ཆེན་པོ་ཡིས། །འདི་ཡི་བྱིན་གྱི་རླབས་དང་ནི། །སྟོབས་ཉིད་དག་ནི་འདི་དག་ལ། །དེ་ལྟར་བརྗོད་ནས་དེ་རྗེས་སུ། །ཡང་དག་
[113b.4]དབུགས་དབྱུང་སྦྱིན་པར་བྱ། །གསང་བ་མཆོག་གི་དཀྱིལ་འཁོར་དུ། །མཐོང་བ་དང་ནི་ཞུགས་པ་ཡིས། །སྡིག་པ་ཀུན་ལས་གྲོལ་བར་འགྱུར། །དེ་རིང་ཁྱོད་ནི་ལེགས་པར་གནས། །བདེ་ཆེན་ཐེག་པ་འདི་ལ་ནི། །ཕྱིན་ཆད་འཆི་བ་ཡོད་མིན་ཏེ། །མི་མཚུངས་པ་དང་མི་ཤེས་
[113b.5]པར། །འཇིགས་པ་མེད་པར་དགའ་བར་རོལ། །སྲིད་པའི་སྡུག་བསྔལ་ལས་ཁྱོད་འདས། །སྲིད་པ་ཤིན་ཏུ་དག་ཕྱིར་རོ། །དངོས་གྲུབ་དམ་ཚིག་སྡོམ་པ་ནི། །ཁྱོད་ཀྱིས་འདིར་ནི་རྟག་ཏུ་བཟུང་། །སངས་རྒྱས་ཀུན་གྱི་རང་བཞིན་བརྗོད། །བཀའ་འདི་རྟག་པ་མཆོག་ཡིན་ནོ། །རྡོ་རྗེ་ཞེས་
[113b.6]བྱའི་ཕྱག་རྒྱ་གང་། །བྱང་ཆུབ་སེམས་ནི་གཏང་མི་བྱ། །གང་ཞིག་བསྐྱེད་པ་ཙམ་གྱིས་ནི། །སངས་རྒྱས་ཉིད་དུ་ཐེ་ཚོམ་མེད། །དམ་པའི་ཆོས་ནི་མི་སྤོང་ཞིང་། །ནམ་ཡང་གཏང་བར་མི་བྱའོ། །མི་ཤེས་པའམ་རྨོངས་པ་ཡིས། །དེ་ཡིས་ནོངས་ན་བཤགས་པར་བྱ། །རང་གི་བདག་
[113b.7]ཉིད་མི་སྤང་ཞིང་། །དཀའ་ཐུབ་ཀྱིས་ནི་གདུང་མི་བྱ། །ཇི་ལྟར་བདེ་བས་བདེ་བ་གཟུང་། །འདི་ནི་མ་འོངས་རྫོགས་སངས་རྒྱས། །རྡོ་རྗེ་དྲིལ་བུ་ཕྱག་རྒྱ་རྣམས། །ནམ་ཡང་གཏང་བར་མི་བྱའོ། །སློབ་དཔོན་སྨད་པར་མི་བྱ་སྟེ། །བླ་མ་སངས་རྒྱས་ཀུན་དང་མཉམ། །གང་ཞིག་
[114a]
[114a.1]སློབ་དཔོན་སྨོད་པ་ནི། །སངས་རྒྱས་ཀུན་ལ་སྨད་པས་ན། །འདི་ཡིས་རྟག་ཏུ་སྡུག་བསྔལ་འཐོབ། །རིམས་དང་དུག་དང་དབྱིག་དུག་དང་། །མཁའ་འགྲོ་གཟའ་ཡི་འཚེ་བ་དང་། །བགེགས་དང་ལོག་འདྲེན་དྲག་པོ་ཡིས། །བསད་ནས་སེམས་ཅན་དམྱལ་བར་
[114a.2]སྐྱེ། །དེ་ཕྱིར་འབད་པ་ཐམས་ཅད་ཀྱིས། །རྡོ་རྗེ་སློབ་དཔོན་བླ་མ་ཆེ། །དགེ་བ་རབ་ཏུ་མི་སྤྱོམས་པ། །ནམ་དུ་ཡང་ནི་མི་སྨད་དོ། །བླ་མ་ལ་ནི་རྗེས་མཐུན་ཡོན། །གུས་དང་བཅས་པས་དབུལ་བར་བྱ། །དེ་ནས་རིམས་སོགས་གནོད་པ་རྣམས། །སླར་ཡང་འབྱུང་བར་མི་འགྱུར་རོ། །རང་
[114a.3]གི་དམ་ཚིག་སློབ་དཔོན་ནི། །རང་སྲོག་གིས་ཀྱང་བརྟེན་བྱ་ན། །སྦྱིན་མིན་བུ་དང་ཆུང་མ་དང་། །ལོངས་སྤྱོད་གཡོ་བ་སྨོས་ཅི་དགོས། །བསྐལ་བ་བྱེ་བ་དུ་མར་ནི། །གྲངས་མེད་པར་ཡང་རྙེད་དཀའ་བའི། །སངས་རྒྱས་ཉིད་ཀྱང་བརྩོན་ལྡན་ལ། །ཚེ་འདི་ཉིད་ལ་སྟེར་བར་བྱེད། །རྟག་
[114a.4]ཏུ་རང་གི་དམ་ཚིག་བསྲུང་། །རྟག་ཏུ་དེ་བཞིན་གཤེགས་པ་མཆོད། །རྟག་ཏུ་བླ་མ་ལ་ཡང་དབུལ། །དེ་བྱིན་སངས་རྒྱས་ཐམས་ཅད་ལ། །རྟག་ཏུ་བྱིན་པ་ཉིད་དུ་འགྱུར། །དེ་ལས་བསོད་ནམས་ཚོགས་ཡིན་ཏེ། །ཚོགས་ལས་དངོས་གྲུབ་མཆོག་ཏུ་འགྱུར། །དེ་རིང་བདག་སྐྱེས་
[114a.5]འབྲས་བུར་བཅས། །དེ་རིང་བདག་ནི་ལེགས་པར་གནས། །ལྷ་དང་དམ་ཚིག་མཉམ་པ་རུ། །གྱུར་པར་བདག་ནི་ཐེ་ཚོམ་མེད། །ཚེ་ལྡན་དེ་རིང་དབང་བསྐུར་བས། །རྡོ་རྗེ་འཆང་བཅས་སངས་རྒྱས་ཀུན། །ཁམས་གསུམ་གྱི་ནི་རྒྱལ་སྲིད་ཆེ། །བདག་པོ་རྒྱལ་པོར་གནས་པའོ། །
[114a.6]གྲོང་ཁྱེར་མཆོག་ཏུ་ཞུགས་པ་ཡིས། །དེ་རིང་བདུད་ལས་རྒྱལ་བར་འགྱུར། །དེ་རིང་སངས་རྒྱས་ཉིད་ཐོབ་པར། །ཁྱོད་ནི་ཐེ་ཚོམ་མེད་པ་ཡིན། །རང་གི་དམ་ཚིག་མི་ཟད་པར་འགྱུར་ཐར་བ་ནི། །བསྟེན་བྱ་ཡིད་ཀྱི་དྲིན་གྱིས་རྡོ་རྗེ་སྐྱེ་བར་གྱིས། །ཤིན་ཏུ་སྐྱེ་སླའི་བདེ་བ་སངས་རྒྱས་ཀུན་
[114a.7]གཟུགས་སྐུ། །རྟག་པ་དེ་ནི་ཁྱོད་ཀྱིས་རྟོགས་པར་རབ་གྱུར་ཅིག །ཅེས་བྱའོ། །བླ་མ་ཡི་ནི་ཞབས་གཉིས་ལ། །སློབ་མ་ཡིས་ནི་ཕྱག་བཙལ་ཏེ། །ཇི་ལྟར་གསུངས་པ་ལ་སོགས་ཀུན། །རྗེས་སུ་བགྱིད་ཅེས་བདག་གིས་བརྗོད། །དེ་ལྟར་དམ་བཅས་བྱས་པ་ཡི། །སློབ་མ་
[114b]
[114b.1]ལ་ནི་ཕན་ཉིད་དང་། །སྔར་བརྗོད་པ་ཡི་རིམ་པ་ཡིས། །རྡོ་རྗེ་དྲིལ་བུ་བརྟུལ་ཞུགས་སྦྱིན། །འདི་དེ་སངས་རྒྱས་ཐམས་ཅད་ཀྱི། །རྡོ་རྗེ་སེམས་དཔའི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཕྱག་ན་རྡོ་རྗེ་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེཥ་
[114b.2]སྟྭཾ་དྷ་ར་ཡཱ་མི་བཛྲ་སཏྭ་ཧི་ཧི་ཧི་ཧི་ཧཱུཾ་ཞེས་བྱའོ། །གསང་སྔགས་འདི་ནི་བརྗོད་པར་བྱ། །འདི་བརྗོད་པས་ནི་དྲིལ་བུ་སྦྱིན། །འདི་དེ་སངས་རྒྱས་ཐམས་ཅད་ཀྱི། །ཤེས་རབ་དབྱངས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་བསྲུང་། །བྱང་ཆུབ་མཆོག་ཏུ་རྒྱལ་བ་བཞེད། །དེ་
[114b.3]ནས་སྤོས་དང་མེ་ཏོག་སོགས། །བཀྲ་ཤིས་སྤྱོད་པས་བརྒྱན་བྱས་ཏེ། །མགོ་བོར་གདུགས་ནི་བཟུང་ནས་སུ། །དེ་ནས་བླ་མ་རང་ཉིད་ཀྱིས། །རྡོ་རྗེ་དྲིལ་བུ་འཛིན་པ་ཡི། །སློབ་མ་དེ་ལ་སྐོར་བྱེད་གཞུག །སྔགས་པས་འདི་ལྟ་རུ་ནི་བརྗོད། །དཀྱིལ་འཁོར་ཀུན་གྱིས་བསྐོར་
[114b.4]བ་ཡིས། །མངའ་བདག་མདོག་སྔོན་རྒྱལ་གྱུར་ཅིག །དམར་པོས་ཇི་ལྟར་མཛེས་གྱུར་ཅིག །དམ་ཚིག་གིས་བརྒྱན་ཞེས་པ་རྒྱལ་གྱུར་ཅིག །ཟླ་ཕྱེད་མགོ་བོར་བརྒྱན་པ་རྒྱལ་གྱུར་ཅིག །ལྷ་མོའི་འཁོར་ལོས་བརྒྱན་པ་རྒྱལ་གྱུར་ཅིག །དང་པོ་སངས་རྒྱས་སྐུ་མཆོག་གནས་པ་
[114b.5]རྒྱལ་གྱུར་ཅིག །འདོད་དང་ཐར་པ་ནོར་དང་ཆོས་སྦྱིན་རྒྱལ་གྱུར་ཅིག །རྣམ་པ་ལྔ་ལ་དགའ་རོལ་རང་སྦྱིན་རྒྱལ་གྱུར་ཅིག །ཕྱག་ན་རྡོ་རྗེ་བདེ་བའི་མགོན་པོ་རྒྱལ་གྱུར་ཅིག །དེ་ནས་སྒོ་ཡི་མདུན་དུ་ནི། །གདུགས་དང་བཅས་པས་ཕྱག་བྱའོ། །སློབ་མ་ལ་ནི་འདི་བརྗོད་བྱ། །
[114b.6]སློབ་མ་རྒྱུད་འཛིན་པོར་འགྱུར་རོ། །དེ་ལྟར་བརྗོད་ནས་དེ་ཡི་ཚེ། །སློབ་དཔོན་ལག་གིས་གདུགས་བསལ་ནས། །སློབ་མ་དེ་ཉིད་བསླང་ནས་སུ། །དེ་ནང་འདི་ནི་ཉན་དུ་གཞུག །དེ་རིང་དཀྱིལ་འཁོར་སློབ་དཔོན་དང་། །སྔགས་དང་རྒྱུད་ནི་ཁྱོད་ཀྱིས་ཟུང་། །སངས་རྒྱས་
[114b.7]བྱང་ཆུབ་སེམས་དཔའ་དང་། །ལྷ་རྣམས་ཀྱིས་ཀྱང་མཐུན་པར་འདོད། །ཁྱོད་ཀྱིས་དཀྱིལ་འཁོར་ཆོ་ག་བཞིན། །འབད་པ་ཡིས་ནི་བྲི་བྱས་ལ། །སྒྲུབ་པ་པོ་རྣམས་སྔགས་ལ་སྦྱོར། །དེ་ལ་བུ་ཁྱོད་ཀྱིས་བྱ་བས། །དཀའ་ལས་ཆེན་པོ་བྱུང་གྱུར་ཀྱང་། །སེམས་ཅན་རྣམས་ལ་
[115a]
[115a.1]མི་ཕན་པའི། །བྱ་ཀུན་སེར་སྣ་མི་བྱའོ། །ཞི་བའི་དོན་དུ་མཁས་པ་ཡིས། །སྦྱིན་སྲེག་གི་ནི་ཆོ་ག་བྱ། །དེ་ནས་སྦྱིན་སྲེག་རྫོགས་ནས་སུ། །བླ་མ་ཡིས་ནི་ཡོན་བླངས་ཏེ། །གསེར་དང་དངུལ་དང་རིན་ཆེན་སོགས། །རྟ་དང་གླང་པོ་རྒྱལ་སྲིད་དོ། །སློབ་
[115a.2]མས་ཀྱང་ནི་དེ་རྗེས་སུ། །བཅོམ་ལྡན་དམ་ཚིག་ཉིད་ཀྱིས་ནི། །ཧེ་རུ་ཀ་དཔལ་ཤེས་རབ་ཆེ། །མཁའ་འགྲོ་མ་ཡི་འཁོར་ལོ་སྡོམ། །ཞེས་བྱ་སེམས་ལ་རྗེས་གནང་ནས། །བསྐོར་བ་ལན་གསུམ་བྱས་ནས་སུ། །ལུས་ཀུན་ཡན་ལག་གདུགས་བྱས་ཏེ། །ཇི་ལྟར་སྔར་
[115a.3]བཞིན་ཕྱག་བྱའོ། །བདག་རང་བླ་མ་ལ་ཕུལ་ནས། །མཆོད་པ་ཡིས་ནི་མཆོད་པར་བྱ། །ཇི་སྲིད་བླ་མ་དགྱེས་པར་དུ། །དེ་སྲིད་བླ་མ་མཉེས་པར་བྱ། །གང་གང་ཅུང་ཞིག་ཡིད་འོང་བ། །ཤིན་ཏུ་ཁྱད་པར་ཅན་དེ་ཉིད། །དེ་ཉིད་མི་ཟད་འདོད་པ་ཡིས། །དེ་དང་དེ་ནི་བླ་མར་
[115a.4]དབུལ། །གང་གིས་ཤིན་ཏུ་གཏང་དཀའ་བ། །དེ་བྱིན་དཔག་མེད་ཡིན་པར་འདོད། །དེ་ལྟར་གང་ཞིག་དབང་བསྐུར་བ། །དེ་ནི་སློབ་དཔོན་ཡིན་པར་བརྗོད། །དེ་ལ་གསང་སྔགས་བྱིན་པ་ཡིས། །དངོས་གྲུབ་འདིར་ནི་ཐེ་ཚོམ་མེད། །དེ་ནས་ཨོཾ་བཛྲ་སཏྭ་སོགས། །རྡོ་རྗེའི་གླུ་
[115a.5]ནི་བརྗོད་པར་བྱ། །རྡོ་རྗེ་གར་གྱི་སྦྱོར་བ་ཡིས། །སྒེག་མོ་སོགས་ཀྱིས་མཆོད་པར་བྱ། །འདོད་པའི་ཡོན་ཏན་ལྔས་ཀྱང་ནི། །དེ་བཞིན་གཤེགས་པ་རབ་མཆོད་དེ། །ཅི་བདེ་བར་ནི་སློབ་མ་ཀུན། །མཆོད་པ་བྱས་ནས་མཁྱེན་པར་གསོལ། །ཇི་ལྟར་རང་གི་འདོད་པ་ཡིས། །
[115a.6]སྤོས་ལ་སོགས་པ་མཆོད་པར་བྱ། །ཇི་ལྟར་འབྱོར་པར་འགྱུར་བ་ཡིས། །ཞུགས་པའི་སློབ་མས་བཟའ་བཅའ་དང་། །རྣམ་པ་སྣ་ཚོགས་རོ་དང་ཟས། །བཟི་བར་ནུས་པའི་ཆང་དང་ནི། །གང་ཞིག་རྒྱུད་གཞན་གྲགས་པ་ཡི། །གླུ་དང་སྒྲ་ཡི་མཆོད་པ་རྣམས། །མཆོད་
[115a.7]པའི་སྒྲ་ནི་དབུལ་བར་བྱ། །བླ་མ་ཡང་དག་བདེ་བར་མཆོད། །དེ་བཞིན་དུ་ཡང་གསུངས་པ་ནི། །ཆང་བཅས་ཆང་མིན་བཏུང་བ་དང་། །ཇི་ལྟར་འདོད་པས་ལོངས་སྤྱོད་པར། །ཇི་བཞིན་རིམ་པས་བསྒོམ་པར་བྱ། །དེ་ཉིད་གསང་བའི་གླུ་ཆེན་པོ། །བདེ་བའི་སྒྲ་དང་གར་ཀྱང་བྱ། །
[115b]
[115b.1]དགའ་བའི་རོལ་པ་སྣ་ཚོགས་ཀྱིས། །གཙོ་བོ་ལ་སོགས་ཀུན་མཆོད་ནས། །དེ་ནས་མང་པོ་བསམ་བྱ་ཞིང་། །སྔར་བཞིན་དུ་ནི་བརྗོད་པར་བྱ། །ཀུན་ལ་དམ་ཚིག་བྱིན་ནས་ནི། །ཇི་ལྟར་དགར་འོས་དེར་ནི་གཏང་། །དེ་ནས་ཕྱི་རོལ་མཆོད་པ་དང་། །ཡིད་ཀྱིས་མཆོད་པ་གཙོ་བོ་ནི། །
[115b.2]སྔགས་པ་གུས་པ་ཡིས་ནི་མཆོད། །ཡང་ནི་ཉི་མ་ཤར་དུས་སུ། །ཧེ་རུ་ཀ་དཔལ་ཡེ་ཤེས་ཆེ། །ཞེས་བྱ་ལ་སོགས་ཚིག་གིས་ནི། །ཇི་ལྟར་ཡང་དག་བསྟོད་ནས་ཕྱིས། །རྒྱལ་བ་རྣམས་ལ་མཁྱེན་པར་གསོལ། །སོ་སོ་སྐྱེ་བོར་གྱུར་གང་དང་། །རྣལ་འབྱོར་མ་ཐོབ་གང་
[115b.3]གིས་དང་། །ཉེ་དང་མཁོ་བ་མེད་པ་དང་། །བརྗེད་དང་ཤེས་བཞིན་མ་ཡིན་པས། །ཅུང་ཞིག་ཆོ་ག་ཉེར་མ་ཚང་། །དེ་དག་བཀྲུ་ཞིང་བཟོད་པར་འོས། །དེ་ལྟར་གསོལ་བ་བཏབ་ནས་ནི། །དེ་ནས་འདིས་ནི་གཤེགས་སུ་གསོལ། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །
[115b.4]རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །ཨོཾ་ཨཱཿ་ཧཱུཾ་བཛྲ་མུཿ དེ་ནས་ཚོགས་པ་རྟོགས་བྱས་ལ། །ཡེ་ཤེས་ཀྱི་ནི་དཀྱིལ་འཁོར་གཙོ། །ཞལ་ནི་དགོད་ཅིང་སིམ་པ་ཡིས། །སློབ་དཔོན་སློབ་མའི་ཡོན་
[115b.5]ཏན་བརྗོད། །རང་གི་འོད་ཀྱིས་སེམས་ཅན་ཀུན། །རང་རང་ཕྱོགས་སུ་བཏོན་ནས་སུ། །དེ་བཞིན་ཇི་ལྟར་འདོད་པ་ཡི། །རང་གི་འོད་ཀྱིས་གསལ་བར་བསམ། །དེ་ནས་ཇི་ལྟར་སྤྲོས་པ་ཡི། །གུས་པས་ལྷ་ཡི་དཀྱིལ་འཁོར་ནི། །རང་གི་ལུས་ལ་གཞུག་པར་བྱ། །དེ་ནས་མཁས་པས་
[115b.6]ཕུར་བུ་གདོན། །སྔགས་ནི། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིསྣྲན་དྷིབཛྲ་དྷ་ར་ཨཱ་ཛྙཱ་པ་ཡ་ཏི་ཧཱུཾ་ཧཱུཾ་ཕཊ། ཅེས་བྱའོ། །དེ་ལ་བྱིན་གྱིས་བརླབས་པ་ཡི། །གསང་བའི་དཀྱིལ་འཁོར་རྡུལ་ཚོན་ཆ། །དེ་ལ་སྤོས་ལ་སོགས་པ་ཡིས། །ཡང་ནི་ཡང་དག་མཆོད་ནས་ནི། །བློ་ལྡན་གྱིས་ནི་
[115b.7]གཤེགས་སུ་གསོལ། །ཨ་ཀཱ་རོ་མུ་ཁཾ་ལ་སོགས་པ། །བརྗོད་ནས་དེ་དོན་མངོན་དུ་བྱ། །མཉམ་པར་གཞག་པས་མི་དམིགས་བྱ། །གཙོ་བོ་རང་གི་སྙིང་གར་གནས། །མཆོད་ནས་དེ་བཞིན་བསྟོད་བྱས་ལ། །དེ་ནས་རྣལ་འབྱོར་ཉེ་བར་བསྡུ། །ཚོན་རྩི་ཆུ་བོའམ་རྒྱ་མཚོའམ། །
[116a]
[116a.1]དེ་ཉིད་དུ་ནི་དོར་བར་བྱ། །དེ་ནས་ས་ནི་ཡང་དག་པར། །བ་ཡི་ལྕི་བས་བྱུགས་བྱས་ཏེ། །བདག་དང་སློབ་མ་དེ་བཞིན་སོགས། །ཕན་པའི་ཕྱིར་ནི་སྦྱིན་སྲེག་བྱ། །དེ་ནས་ཡང་ནི་སྔགས་པས་ཀྱང་། །དེ་བཞིན་དུ་ནི་ཕུར་བུ་གདོན། །ལེགས་པར་ཁྲུས་ནི་
[116a.2]བྱས་ནས་སུ། །བདག་མེད་པར་ནི་བསྒོམ་པར་བྱ། །དེ་ནས་ཕྱིས་ནི་སློབ་དཔོན་གྱིས། །དཀྱིལ་འཁོར་གྱི་ནི་ཡོ་བྱད་ཀུན། །རང་ཉིད་ཀྱིས་ནི་ལོངས་སྤྱོད་བྱ། །སློབ་མ་ལ་ནི་མི་བགོའོ། །དཀྱིལ་འཁོར་གྱི་ནི་ཡོ་བྱད་ཀུན། །སློབ་དཔོན་གྱི་ནི་རིག་པ་ཡིན། །དམ་ཚིག་ཅན་གང་སློང་
[116a.3]གྱུར་ན། །སློབ་མ་ལ་ནི་ཅུང་ཞིག་སྦྱིན། །རྒྱུད་གང་ལ་ནི་སྔོན་གྱི་སློབ་དཔོན་གྱིས། །འཁོར་ལོ་རྒྱས་པ་རུ་ནི་མ་བྱས་སེམས། །དེས་ན་དེ་ལ་བདག་སེམས་ཞུགས་གྱུར་པས། །ལྷག་དང་ཆད་དོན་མཁས་པ་རྣམས་ཀྱིས་ཤེས། །བློ་ནི་དམན་ཡང་གུས་པར་གྱུར་པ་ཡིས། །འདི་དག་
[116a.4]མཛེས་པར་རབ་ཏུ་བྱས་པ་ཡིན། །རང་གི་ཡུལ་ལ་སྐྱོན་དང་ཡོན་ཏན་ནི། །མི་བྱ་དད་པ་ཡིས་ནི་ཕྱེ་བ་ཡིན། །འདིར་ནི་མཆོག་གི་ཁུར་ཆེན་དཔའ་བོ་དང་། །ཡང་ནི་དཔའ་བོ་རྣམས་ཀྱི་དཔའ་བོ་ཡང་། །དེ་ཕྱིར་ལེགས་བསྟན་དམ་ཚིག་བཅས་པ་ཡི། །མཁས་པ་རྣམས་ཀྱིས་བདག་
[116a.5]ལ་བཟོད་པར་འོས། །དོན་དང་གཞུང་འདི་མཛེས་པར་བྱས་འདི་ཡིས། །བསོད་ནམས་ཀྱིས་ནི་འགྲོ་བ་རྣམས་ལ་ནི། །ཡུན་རིང་འཇིགས་པ་མེད་པར་དགའ་བ་དང་། །བདག་གཞན་བདེ་བ་མཆོག་ནི་སྐྱེད་གྱུར་ཅིག །དེ་ཉིད་གསལ་སྐྱེ་རྨོངས་པ་རབ་འཇོམས་ཤིང་། །མཆོག་ཏུ་མི་འཇིགས་
[116a.6]སྟེར་བའི་མངའ་བདག་ཤོག །ནོར་ནི་མ་ལུས་སྐྱེས་པའི་གཞི། །སྐྱེས་པའི་ས་ནི་ལང་ཀ་སྟེ། །རྒྱལ་བའི་ཞབས་ཀྱིས་བྱས་པ་ལ། །མཐའ་ནི་བཟང་པོའི་མིང་གསལ་བྱས། །ཉོན་མོངས་ཚོགས་ནི་སྤངས་པ་ཡི། །ལེགས་པར་བརྟན་པའི་བློ་གྲོས་ཀྱིས། །ཡོན་ཏན་ཚོགས་ནི་
[116a.7]རྗེས་རྟོགས་པས། །རྫོགས་པར་བྱས་ཀྱིས་བསམ་པར་གྱིས། །དཔལ་འཁོར་ལོ་བདེ་མཆོག་གི་དཀྱིལ་འཁོར་གྱི་ཆོ་ག་ཚིགས་སུ་བཅད་པ་དགུ་བརྒྱ་པ་སློབ་དཔོན་རྒྱལ་བ་བཟང་པོས་མཛད་པ་རྫོགས་སོ།། །།རྒྱ་གར་གྱི་མཁན་པོ་པཎྜི་ཏ་འཇམ་དཔལ་དང་། བོད་ཀྱི་ལོ་ཙཱ་
[116b]
[116b.1]བ་དགེ་སློང་བ་རིས་བསྒྱུར་ཅིང་ཞུས་ཏེ་གཏན་ལ་ཕབ་པ། །{T1478}༄༅༅། །རྒྱ་གར་སྐད་དུ། ཤྲཱི་ཧེ་རུ་ཀ་སཱ་དྷ་ནཾ་ནཱ་མ། བོད་སྐད་དུ། དཔལ་ཧེ་རུ་ཀའི་སྒྲུབ་ཐབས་ཞེས་བྱ་བ། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །སྲིད་དང་མྱ་ངན་འདས་
[116b.2]སྡུད་ཅིང་། །སྲིད་དང་མྱ་ངན་འདས་ལ་བཞུགས། །མཁའ་འགྲོ་མ་ཡི་འཁོར་ལོས་སྒྱུར། །དཔའ་བོ་རྨད་བྱུང་ཆེ་ལ་འདུད། །ལྟེ་བའི་དབུས་ལས་བྱུང་ཞིང་ཕྲ། །ཆོས་དང་ལོངས་སྤྱོད་རྫོགས་ལ་གནས། །མཁའ་འགྲོ་རྣམས་ཀྱང་སྡུད་མཛད་མོ། །གཏུམ་མོ་དེ་ལ་བདག་ཕྱག་
[116b.3]འཚལ། །ཡང་དག་རྟོགས་པའི་གནས་མིན་ཞིང་། །མཁས་པ་ཡིས་ཀྱང་རྙེད་དཀའོ། །གང་གིས་དྲིན་གྱིས་རྙེད་སླར་གྱུར། །བླ་མའི་ཞལ་སྔ་རྒྱལ་གྱུར་ཅིག །སྐལ་ལྡན་སེམས་ཅན་དོན་བསྒྲུབ་ཕྱིར། །མན་ངག་ཅུང་ཟད་ལ་བརྟེན་ཏེ། །དཔལ་ལྡན་ཧེ་རུ་ཀ་ཡི་ནི། །སྒྲུབ་ཐབས་
[116b.4]དེ་ནི་བདག་གིས་བྱ། །དུར་ཁྲོད་དག་གམ་ཆུ་ངོགས་སམ། །ཡང་ན་དགོན་པ་ཆེན་པོར་ནི། །ཧེ་རུ་ཀར་གྲགས་ཐུགས་རྗེ་ཆེ། །སྒྲུབ་པའི་དབང་པོས་མཉེས་པར་བྱ། །ལངས་ནས་དང་པོར་སྙིང་ག་ཡི། །པདྨ་ཟླ་བའི་དཀྱིལ་འཁོར་བསམ། །དེ་ཡི་དབུས་སུ་ཡི་གེ་ནི། །ཐུགས་
[116b.5]ལས་བྱུང་བ་རྣམ་པར་བསྒོམ། །དེ་ཡི་ལུས་ངག་ཡིད་ཀྱིས་ནི། །ཆོས་རྣམས་སྟོང་པ་ཉིད་དུ་བསྒོམ། །འོད་ཀྱིས་བླ་མ་རང་ལྷ་དང་། །སངས་རྒྱས་རྣམས་ནི་རང་སྣང་བྱ། །ནམ་མཁའ་ཁྱབ་པར་བསམས་ནས་ནི། །མཆོད་པའི་ལྷ་མོ་ཡང་དག་སྤྲོ། །དེ་ཡིས་ལེགས་
[116b.6]པར་མཉེས་བྱས་ལ། །གུས་པས་པུས་མོ་གཉིས་བཙུགས་ཏེ། །དཀོན་མཆོག་གསུམ་ལ་སོགས་པ་ཡི། །ཚིགས་བཅད་གསུམ་ནི་ལན་གསུམ་བརྗོད། །དེ་རྗེས་བྱམས་དང་སྙིང་རྗེ་དང་། །དགའ་བ་བཏང་སྙོམས་བསྒོམ་པར་བྱ། །གང་ཕྱིར་གཉིད་ལོག་སད་པ་ཡི། །
[116b.7]བྱེ་བྲག་གསལ་བར་མི་དམིགས་པས། །དེ་ཕྱིར་སེམས་ཀྱི་རྣམ་འཕྲུལ་ནི། །འདི་དག་ཐམས་ཅད་ལོག་པ་ཡིན། །གཅིག་དང་དུ་མས་རྣམ་དཔྱད་ན། །ཕྱི་ཡི་དངོས་པོ་དམིགས་མི་འགྱུར། །འདི་དག་སེམས་ཀྱི་གཟུགས་སུ་འང་མིན། །དེ་བས་འགྲོ་འདི་
[117a]
[117a.1]སྟོང་པ་ཡིན། །རྒྱུ་དང་མི་རྒྱུར་བཅས་པ་ནི། །སྐྱེ་བའི་ཆོས་དང་རྣམ་བྲལ་ཞིང་། །སོས་ཀའི་ཉི་མ་ཕྱེད་དུས་ཀྱི། །སྤྲིན་མེད་ནམ་མཁའ་ལྟ་བུར་བསམ། །སེམས་འདི་བརྟན་པར་བྱེད་པ་ཡི། །གསང་སྔགས་འདི་ནི་བརྗོད་པར་བྱ། །ཨོཾ་སྭ་བྷཱ་ཝ་ཤུདྡྷཿ་སརྦ་དྷརྨཿ་
[117a.2]སྭ་བྷཱ་ཝ་ཤུདྡྷོ྅ཧཾ། ཨོཾ་ཤཱུ་ནྱ་ཏཱ་སརྦ་དྷརྨཱཿ་སྭ་བྷཱ་བ་ཤུདྡྷོ྅ཧཾ། དེ་ནས་པཾ་བྱུང་པདྨ་དང་། །རཾ་ལས་བྱུང་བ་ཉི་དཀྱིལ་དུ། །ཧཱུཾ་ལས་ཁྲོ་བོའི་རྡོ་རྗེ་ནི། །སྤྲོ་བའི་བདག་ཉིད་ཅན་གྱིས་བསམ། །ཨོཾ་སུཾ་བྷ་ནི་སུཾ་བྷ་ཧཱུཾ་ཧཱུཾ་ཕཊ། །ཨོཾ་གྲྀ་ཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ནི་
[117a.3]ཡ་ཧོཿ་བྷ་ག་ཝཱན་བཛྲ་བི་དྱཱ་རཱ་ཛཱ་ཡ་ཧཱུཾ་ཕཊ། འདིས་ནི་གདུག་པ་བཀུག་ནས་ཀྱང་། །འོག་ནས་བཤད་པས་ཕུར་བུས་གདབ། །ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཾ་ཕཊ་ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ་ཧཱུཾ་ཧཱུཾ་ཧཱུཾ་བཛྲ་ཀཱི་ལ་བཛྲ་དྷ་ར་ཨཱཛྙཱ་པ་ཡ་ཏི་ཀཱ་ཡ་ཝཱཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་མུདྒར་
[117a.4]བཛྲ་ཀཱི་ལ་ཨ་ཀོ་ཊ་ཡ་ཧཱུཾ་ཕཊ། ཕུར་བུས་གདབ་ཅིང་བརྡུང་བ་ཡིས། །དེ་ཡིས་གླགས་སྐབས་མི་རྙེད་ཕྱིར། །རྡོ་རྗེ་དྲ་བ་བསམ་པར་བྱ། །དེ་ཡི་ནང་དུ་ཆོས་དབྱིངས་ནི། །བྷ་གའི་དབྱིངས་སུ་རྣམ་པར་བསམ། །རླུང་དང་མེ་ཆུ་ས་རྣམས་ཀྱི། །དཀྱིལ་འཁོར་འདིར་ནི་བསམ་པར་བྱ། །
[117a.5]དེ་རྣམས་སྟེང་དུ་རི་རབ་སྟེ། །དེ་ཡི་སྟེང་དུ་ཧཱུཾ་བྱུང་བསམ། །རླུང་སོགས་ཡོངས་སུ་གྱུར་པ་ལས། །གཞལ་ཡས་ཁང་ནི་ཉིད་གྱུར་པ། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །དྲ་བ་དྲ་ཕྱེད་ཆུན་འཕྱང་དང་། །མེ་ལོང་ལ་སོགས་རྣམས་ཀྱིས་བརྒྱན། །
[117a.6]དབུས་སུ་སྣ་ཚོགས་པདྨ་ཡིས། །མཛེས་བྱས་པདྨ་འདབ་མ་བརྒྱད། །ལྟེ་བ་ལ་ནི་འཇིགས་བྱེད་དང་། །དུས་མཚན་དག་ནི་རབ་ཏུ་བསྒོམ། །ཕྱོགས་ཀྱི་འདབ་མ་བཞི་པོ་ལ། །རོ་ནི་གདན་གྱི་གཟུགས་ཅན་ཡིན། །འདབ་མ་གཞན་ལ་བདུད་རྩིས་གང་། །སྣོད་ནི་བུམ་པ་ལ་
[117a.7]གནས་བསམ། །དེ་རྗེས་ཆོ་ག་བཞིན་དུ་ནི། །ཐུགས་གསུང་སྐུ་ཡི་དབྱེ་བ་ཡིས། །འཁོར་ལོ་གསུམ་པོ་རྡོ་རྗེ་དང་། །པདྨ་འཁོར་ལོས་བསྐོར་བར་བསམ། །གཞལ་ཡས་ཁང་གི་ཕྱི་རོལ་དུ། །དུར་ཁྲོད་རྣམ་པ་བརྒྱད་ཀྱིས་བརྒྱན། །དེ་ཡི་མིང་དང་མཚན་ཉིད་དང་། །དེ་
[117b]
[117b.1]བཞིན་ལུང་གིས་བཤད་པར་བྱ། །གཏུམ་དྲག་གཅིག་གི་དབྱིངས་ཅན་ནི། །གཉིས་པ་ཚང་ཚིང་གསུམ་པ་ཡིན། །འབར་བ་ཞེས་བྱ་བཞི་པ་སྟེ། །དམྱལ་སོགས་ཞེས་བྱ་ལྔ་པ་ཡིན། །མི་བཟད་པ་དང་ཧ་ཧར་དགོད། །བརྒྱད་པ་གཡེར་ཀ་ཅན་དུ་འདོད། །དང་པོ་ཚིག་པར་བཤད་བྱ་
[117b.2]སྟེ། །གཉིས་པ་ཡང་ནི་མ་ཚིག་པར། །གསུམ་པ་དུམ་བུར་གྱུར་པ་ཡིན། །བཞི་པ་དུམ་བུར་མ་གྱུར་པའོ། །ལྔ་པ་འཇིགས་པ་ཞེས་བཤད་དེ། །དྲུག་པ་འཇིགས་པར་བྱེད་པ་ཡིན། །བདུན་པ་མདུང་རྩེར་བསྐྱོན་པ་སྟེ། །བརྒྱད་པ་འགེགས་པ་ཞེས་བྱའོ། །པ་ཏ་ལི་དང་པུནྟ་
[117b.3]ལི། །སཱ་ལའི་ཤིང་དང་ཤྲི་ཥ་དང་། །ཨུ་དུམྺཱ་ར་ནྱ་གྲོ་དྷ། །ཨ་ཤྭད་ནཱ་ག་གེ་སར་ཤིང་། །ཁྲ་དང་བྱི་ལ་འུག་པ་དང་། །སྟག་དང་ཁྱི་དང་བྱ་རྒོད་ཕག །ཤ་ཟའི་གདོང་བཅས་བརྒྱད་པོ་ནི། །ཤིང་བརྒྱད་ལ་ནི་ཡང་དག་གནས། །ཁྲ་དང་ཅེ་སྤྱང་འུག་པ་དང་། །བརྟན་པོ་ཁྱི་དང་
[117b.4]སྲིན་པོ་ཕག །རོ་ལངས་ཁྲོ་བོའི་དྲེགས་བདོ་བ། །བརྒྱད་ཀྱིས་གཙོ་བོ་ཡང་དག་བསྐོར། །སྲེད་དང་སྡང་བ་དག་གི་སྟེང་། །ཟླ་བ་ཉི་མའི་དཀྱིལ་འཁོར་ལ། །ཨཱ་ལི་ཀཱ་ལི་གཉིས་ལས་བྱུང་། །སེམས་ཅན་ཞུ་བའི་རང་བཞིན་ཅན། །བསམས་ནས་ང་རྒྱལ་ཙམ་ཉིད་ཀྱིས། །
[117b.5]རྣལ་འབྱོར་བདེ་བའི་བདག་ཅན་བྱ། །དེ་ནས་གཞན་དོན་ལ་ཡང་འབད། །འདིས་གནས་བྱ་བ་མ་ཡིན་ལ། །དེ་ལྟར་ཤེས་པ་ལྷ་མོ་ཡིས། །བསྟོད་པར་གྱུར་ལས་ཡང་དག་བྱུང་། །ཧཱུཾ་དཔའ་མོ་རོལ་ཅིག་རོལ་ཅིག་ཧོཿ། །བདེ་བ་ཆེན་པོ་རྡོ་རྗེ་ཁྱོད། །བདེ་ཆེན་ལས་བྱུང་རོ་ཉིད་
[117b.6]ལས། །འདི་ཉིད་དུ་ནི་བཞེངས་སུ་གསོལ། །ཁྱོད་ནི་བདེ་བ་ཆེན་པོ་མཆོག །དེ་བཞིན་དགྱེས་པའི་བདེ་བ་ཡིས། །བདག་ཀྱང་དེ་ལྟར་གསོལ་བར་མཛོད། །བཅོམ་ལྡན་བདེ་ཆེན་དགྱེས་པ་ཧོ། །ཨོཾ་རྡོ་རྗེ་སེམས་དཔའ་ལེགས་དགྱེས་ཁྱོད། །རོ་དང་རོ་མཆོག་ཐམས་ཅད་
[117b.7]ཀྱིས། །དགྱེས་པ་ཆེན་པོའི་བདེ་རྣམས་ལ། །བསྒྲུབ་བྱ་ཀུན་ལ་རྟག་པར་ཡང་། །རོལ་ཅིག་རོལ་ཅིག་དགྱེས་ཀུན་ལ། །རྣལ་འབྱོར་མ་ཀུན་དགྱེས་མཛད་དོ། །བཅོམ་ལྡན་རྡོ་རྗེ་པདྨ་ཧཱུཾ། །ཨ་ལ་ལ་ཧོ། །བཅོམ་ལྡན་འདོད་པས་ལེགས་དགྱེས་ཁྱོད། །ཆགས་ནང་ནམ་མཁའ་ལྟ་
[118a]
[118a.1]བུ་སྟེ། །པདྨའི་འདབ་མ་ཨ་ལ་ལ་ཧོ། །རྡོ་རྗེ་མཆོག་ནི་འཛིན་པ་ཡིས། །བདེ་འབྱུང་དྲ་བའི་རྟག་པ་ཡང་། །པདྨ་མཆོག་གི་ཁ་འབྱེད་ཅིང་། །པདྨའི་དགྱེས་པས་སླད་ནས་རོལ། །རྡོ་རྗེ་མཆོག་འཆང་ད་ལྟར་ཡང་། །ངོ་མཚར་བདེ་བ་འདི་ཉིད་མཐོང་། །ཤིན་ཏུ་
[118a.2]བདེ་བའི་གྲུབ་པ་ཉིད། །ཇི་ལྟར་ད་ལྟར་བསྡུ་བར་མཛོད། །བྱང་ཆུབ་ཚོགས་དང་བཅས་པ་དག །ད་ལྟར་ཐོབ་མཛད་ཨ་ལ་ལ་ཧོ། །བདེ་ཆེན་རོལ་པ་དམ་པ་བསྒྲུབས། །གླུ་འདི་ཡི་ནི་ངོར་མཛད་པས། །སེམས་ཅན་དོན་མཛད་པར་བསྐྱོད་དེ། །བཾ་ཧཱུཾ་གཉིས་ལས་གྲི་གུག་དང་། །
[118a.3]རྡོ་རྗེ་ལྟར་སྤྲོས་བདག་ཉིད་ཅན། །བསྒོམས་ཏེ་ཐམས་ཅད་ཡོངས་གྱུར་ལས། །བདག་ཉིད་ཧེ་རུ་ཀ་དཔལ་འགྱུར། །སྐུ་མདོག་གནག་ཅིང་ཞལ་བཞིར་ལྡན། །དབུ་སྐྲ་འབར་ཞིང་གྱེན་དུ་བརྫེས། །སྤྱན་གསུམ་མངའ་ཞིང་སྨིན་མ་སེར། །དབུ་ལ་ཐོད་པ་ཟླ་བས་བརྒྱན། །ཐོད་པའི་ཕྲེང་
[118a.4]བ་ལྔ་བཅུ་མངའ། །སྐུ་ལ་ཐལ་བའི་རྡུལ་གྱིས་བསྒོས། །ཕྱག་རྒྱ་དྲུག་གིས་སྐུ་བརྒྱན་ཞིང་། །གཡས་བརྐྱང་པ་ལ་གནས་པས་བཞུགས། །མཆེ་བ་ཅུང་ཟད་གཙིགས་པ་དང་། །གར་གྱི་ཉམས་ནི་དགུ་དང་ལྡན། །གདུལ་དཀའ་འདུལ་བ་མཁས་པའི་ཕྱིར། །ལྷ་ཆེན་མ་ཧཱའི་
[118a.5]སྟེང་ན་བཞུགས། །གནག་དང་སེར་དང་དམར་དང་ལྗང་། །ཞལ་བཞི་གཡོན་ནས་བསྐོར་བ་མངའ། །ཕྱག་ནི་བཅུ་གཉིས་དང་ལྡན་ཞིང་། །ཕག་མོ་ཡིས་ནི་མགུལ་ནས་འཁྱུད། །རྡོ་རྗེ་གཡས་དང་དྲིལ་བུ་གཡོན། །ཕྱག་གིས་ཀུན་ནས་འཁྱུད་མཛད་པ། །ཕྱག་གཉིས་བརྐྱང་
[118a.6]བས་གླང་ཆེན་ལྤགས། །ཌ་མ་རུ་དང་དགྲ་སྟ་དང་། །གྲི་གུག་དེ་བཞིན་རྩེ་གསུམ་འཕྱར། །གཡས་པའི་ཕྱག་གིས་འཛིན་པར་མཛད། །ཁ་ཊྭཱཾ་ག་དང་པདྨའི་སྣོད། །ཞགས་པ་དེ་བཞིན་ཚངས་པའི་མགོ །གཡོན་ན་བསྣམས་ཤིང་མགོན་པོ་ནི། །མཆོག་ཏུ་དགའ་བའི་ཚུལ་འཛིན་
[118a.7]བཞུགས། །རྡོ་རྗེ་ཕག་མོ་ཞལ་གཅིག་དང་། །སྤྱན་གསུམ་ལྡན་པས་ཀུན་དུ་འཁྱུད། །ཡན་ལག་ཕྱག་རྒྱ་དྲུག་གིས་བརྒྱན། །ཐོད་དུམ་འོག་པགས་དག་གིས་བཞུགས། །བྱིན་པ་གཉིས་ཀྱིས་ལེགས་འཁྱུད་ཅིང་། །བདེ་བ་ཆེན་པོའི་གནས་ཀྱིས་བཞུགས། །ཆགས་པ་ཆེན་པོའི་
[118b]
[118b.1]འོད་དམར་བར། །རང་སྣང་བ་ཡང་ཡང་དག་བྱུང་། །ནུ་རྒྱས་རྐེད་དབུས་ཕྲ་བ་དང་། །སྐུ་སྨད་ཆ་ནི་རབ་ཞེང་ཆེ། །དབུ་སྐྲ་གནག་ཅིང་སྤྱན་མཛེས་པ། །སྒེག་པའི་རྒྱན་དང་ལྡན་པ་ཡིན། །གཡས་ཀྱིས་གདུག་ལ་སྡིགས་མཛུབ་མཛད། །གྲི་གུག་རྡོ་རྗེས་མཚན་པ་དང་། །གཡོན་
[118b.2]པའི་ཕྱག་གིས་གདུག་པ་ཡི། །བདུད་སོགས་ཁྲག་ཅན་ཐོད་པ་བསྣམས། །མི་བཟད་བསྐལ་བའི་མེ་འདྲ་ཞིང་། །ཁྲག་འཛག་པ་ལ་རྣམ་པར་དགྱེས། །མཁའ་འགྲོ་མ་དང་ལཱ་མ་དང་། །དུམ་སྐྱེས་མ་དང་གཟུགས་ཅན་མ། །ཕྱོགས་ཀྱི་པདྨར་གཙོ་བོ་ཡི། །ཞལ་དང་རྗེས་
[118b.3]སུ་མཐུན་པར་བསམ། །འདབ་མ་གཞན་ལ་ཆོ་ག་བཞིན། །བཤད་པའི་སྣོད་ནི་བཞི་པའོ། །འདི་རྣམས་ཕྱག་གཡས་གྲི་གུག་སྟེ། །གཡོན་ན་བདུད་རྩི་ལྔས་གང་བའི། །ཐོད་པ་ཉིད་དང་ཁ་ཊྭཱཾ་ག །སྐུ་གསུང་ཐུགས་རྣམས་དག་རྩོལ་རྣམས། །དེ་ཡི་ཕྱི་རོལ་ཐུགས་འཁོར་
[118b.4]ལོ། །རྡོ་རྗེ་ཕྲེང་བ་ནག་པོས་བསྐོར། །ཕྱོགས་མཚམས་ཆ་ནི་བརྒྱད་པོ་རུ། །རབ་གཏུམ་མོ་སོགས་མཁའ་གྲུབ་སྩོལ། །དེའི་རྒྱབ་གསུང་གི་འཁོར་ལོ་ནི། །པདྨ་དམར་པོ་སོགས་བརྒྱན་པར། །ས་སྲུང་མོ་སོགས་བརྒྱད་པོ་བཞུགས། །དེའི་རྒྱབ་སྐུ་ཡི་འཁོར་ལོ་ནི། །འཁོར་
[118b.5]ལོ་དཀར་པོ་སོགས་བརྒྱན་པར། །འཁོར་ལོའི་ཤུགས་སོགས་བརྒྱད་པོ་བཞུགས། །འཁོར་ལོ་གསུམ་གཏོགས་རྣལ་འབྱོར་མ། །སྐུ་གསུང་ཐུགས་ཀྱི་མདོག་འདྲར་འགྱུར། །ཞལ་གཅིག་སྤྱན་ནི་གསུམ་པ་ལ། །རྡོ་རྗེའི་ཕྲེང་བས་རྣམ་པར་བརྒྱན། །ལྷ་མོ་གྲི་གུག་ཐོད་པ་
[118b.6]བསྣམས། །རྣལ་འབྱོར་མ་ནི་ཕག་མོ་འདྲ། །འདི་རྣམས་ཐབས་གྱུར་དཔའ་བོ་ནི། །ཉི་ཤུ་རྩ་བཞིའི་གྲངས་ཡིན་ལ། །ཀུན་ཀྱང་རྡོ་རྗེ་དྲིལ་བུ་བསྣམས། །ཕྱག་རྒྱ་ལྔ་ཡིས་རྣམ་པར་བརྒྱན། །མི་མགོ་ཡི་ནི་དོ་ཤལ་ཅན། །མི་བཟད་སྐུ་འཆང་དབུ་སྐྲ་མཛེས། །མཆེ་བ་ཅུང་ཟད་
[118b.7]གཙིགས་པ་སྟེ། །སྒེག་པ་ལ་སོགས་ཉམས་དང་ལྡན། །ཐོད་པའི་དུམ་བུས་རྣམ་བརྒྱན་ཞིང་། །དར་དང་ཕྲེང་བས་རྣམ་པར་ཀླུབས། །ཧེ་རུ་ཀ་དཔལ་བཞུགས་ཚུལ་ལྟར། །གཡས་བརྐྱང་པ་ཡི་གནས་པས་བཞུགས། །དཔའ་བོ་རྣམས་ཀྱི་སྐུ་མདོག་ནི། །ཅི་འདྲ་གདན་ཡང་
[119a]
[119a.1]དེ་དང་འདྲ། །ཁྭ་དང་འུག་པ་དེ་བཞིན་ཁྱི། །ཕག་གདོང་རང་གི་མིང་བཞིན་ནོ། །སྒོ་ཡི་ལྷ་མོའི་ཞལ་དང་ནི། །མདོག་སོགས་མཁའ་འགྲོ་མ་སོགས་མཐུན། །གཤིན་རྗེ་བརྟན་མ་གནག་དང་ལྗང་། །གཤིན་རྗེ་ཕོ་ཉ་ལྗང་དང་དཀར། །དེ་བཞིན་གཤིན་རྗེ་མཆེ་བ་
[119a.2]ཅན། །དམར་དང་སེར་བར་ཤེས་པར་བྱ། །གཞན་ཡང་གཤིན་རྗེ་འཇོམས་མ་ནི། །སེར་དང་ནག་པོར་རབ་ཏུ་བཤད། །དང་པོ་ལྷ་མོ་གཡོན་སྐོར་ཏེ། །དེ་བཞིན་གཞན་དག་གཡས་སྐོར་ཡིན། །དེ་ལྟ་བུ་ཡི་འཁོར་ལོ་ཆེ། །བདག་ཉིད་དང་ནི་བཅས་པར་བསྒོམ། །རབ་གཏུམ་མ་དང་གཏུམ་
[119a.3]པའི་མིག །འོད་ལྡན་མ་དང་སྣ་ཆེན་མ། །དཔའ་བོའི་བློ་མ་མིའུ་ཐུང་མ། །ལང་ཀའི་དབང་ཕྱུག་ཤིང་གྲིབ་མ། །ས་སྲུང་མ་དང་འཇིགས་ཆེན་མ། །རླུང་གི་ཤུགས་མ་ཆང་འཐུང་མ། །སྔོ་བསངས་མ་དང་རབ་བཟང་མ། །རྟ་རྣ་མ་དང་བྱ་གདོང་མ། །འཁོར་ལོ་ཤུགས་མ་དུམ་
[119a.4]སྐྱེས་མ། །སྣ་ཆེན་འཁོར་ལོའི་ལམ་མོ་དང་། །ཤིན་ཏུ་དཔའ་མོ་སྟོབས་ཆེན་མ། །འཁོར་ལོས་སྒྱུར་བ་སྟོབས་ཆེན་མ། །ཐོད་པའི་དུམ་བུ་ཀེང་རུས་ཅན། །ཀེང་རུས་ཆེན་པོ་མཆེ་བ་གཙིགས། །ཆང་དགའ་དགྲ་ནི་འོད་དཔག་མེད། །རྡོ་རྗེའི་འོད་དང་རྡོ་རྗེའི་སྐུ། །མྱུ་གུ་རྡོ་རྗེའི་རལ་པ་
[119a.5]ཅན། །དཔལ་ཆེན་རྡོ་རྗེ་ཧཱུཾ་མཛད་དང་། །རབ་བཟང་དང་ནི་རྡོ་རྗེ་བཟང་། །འཇིགས་བྱེད་ཆེན་མོ་མིག་མི་བཟང་། །སྟོབས་ཆེན་རྡོ་རྗེ་རིན་ཆེན་དང་། །རྟ་མགྲིན་ནམ་མཁའི་སྙིང་པོ་དང་། །ཧེ་རུ་ཀ་དཔལ་བདག་རང་དབང་། །རྣམ་སྣང་རྡོ་རྗེ་སེམས་དཔའོ། །མགོ་དང་སྤྱི་གཙུག་རྣ་བ་
[119a.6]གཡས། །རྒྱབ་དང་རྣ་བ་གཡོན་པ་དང་། །སྨིན་མ་དབུགས་དང་མིག་དང་ནི། །དེ་བཞིན་དུ་ནི་དཔུང་མགོ་གཉིས། །མཆན་ཁུང་གཉིས་དང་ནུ་མ་གཉིས། །ལྟེ་བ་དང་ནི་སྣ་རྩེ་གཉིས། །ཁ་དང་ལྐོག་མར་རྣམ་དགོད་ཅིང་། །སྙིང་ག་དང་ནི་མཚན་ཉིད་དང་། །གསང་གནས་གཞང་
[119a.7]ཁ་དེ་བཞིན་བརླ། །བྱིན་པ་སོར་མོ་རྣམས་དང་ནི། །རྐང་མཐིལ་དེ་བཞིན་མཐེ་བོ་དང་། །པུས་མོ་དག་ལ་རིམ་བཞིན་གནས། །པུལླཱི་ར་དང་ཛཱ་ལན་དང་། །ཨོ་ཌྱ་ན་དེ་བཞིན་ཨརྦུ་དང་། །གཙོ་བོའི་གནས་སུ་གྱུར་པ་ཡིན། །ང་ཡི་སྔར་བཤད་བཞི་པོ་གཞན། །མཚམས་སུ་གནས་
[119b]
[119b.1]པར་གྱུར་པ་ཡང་། །ཉེ་བའི་གནས་ཀྱི་སྟེང་ན་བཞུགས། །གོ་དཱ་བ་རཱིར་གྱུར་པ་གཅིག །རཱ་མེ་ཤྭ་རཱིར་གནས་གཉིས་པ། །དེ་ཝཱི་ཀོ་ཊ་མཱ་ལ་བེར། །ལྷ་མོ་གཞན་གཉིས་གནས་པ་ཡིན། །ཀཱ་མ་རཱུ་པ་ཨོ་ཊེར་ནི། །ཞིང་གི་གཙོ་མོ་གཉིས་གནས་སོ། །ཀོ་ས་ལ་ཏྲི་ཤ་ཀུ་ནེར་བཅས། །
[119b.2]ཉེ་བའི་ཞིང་གཏོགས་གཞན་དག་གནས། །ཀ་ལིངྒ་དང་ལཾ་བཱ་ཀ ། ཚནྡོ་ཧར་བཤད་པ་རུ་གཞན། །ཀཱཉྩི་དང་ནི་གངས་ཅན་དུའང་། །ཉེ་བའི་ཚནྡོ་ཧར་གཏོགས་ནས། །གྲྀ་ཧ་དེ་བ་ཏ་དེ་བཞིན། །པྲེ་ཏ་པུ་རིར་བཅས་པར་ནི། །འདུས་པར་གཏོགས་པ་གཞན་གནས་སོ། །སུ་བརྞ་
[119b.3]དྭཱི་བར་བཅས་པའོ། །སཽ་རཱཥྚ་ནི་ཉེ་བ་ཡི། །འདུས་པར་བཤད་དེ་གཞན་དག་གནས། །ན་གར་སིནྡྷུའི་ཡུལ་དག་ནི། །དུར་ཁྲོད་ཡིན་ཏེ་གཉིས་རྟག་གནས། །མ་རོ་ཉིད་དང་ཀུ་ལུ་ཏཱ། །གང་ཡང་ལྷ་མོ་གཞན་གནས་དེར། །ཉེ་བའི་དུར་ཁྲོད་ཡིན་ཞེས་བྱ། །དེས་འདི་ས་ཡི་དབང་
[119b.4]ཕྱུག་མ། །ས་བཅུའི་དབང་ཕྱུག་མགོན་པོ་ནི། །འཁོར་ལོའི་རྣམ་པར་རྟག་ཏུ་བཞུགས། །ཐུགས་གསུང་སྐུ་ཡི་དབྱེ་བ་ཡིས། །འཇིག་རྟེན་གསུམ་ན་རྣམ་པར་གྲོལ། །མཐོ་རིས་ས་བླ་ས་འོག་ཏུ། །སྐད་ཅིག་གིས་ནི་སྐུ་གཅིག་འགྱུར། །པུ་ཛཱ་ཨཽ་ཨ་གོ་རཱ་དེ་མ། །ཀཱ་ཨོ་ཏྲི་ཀོ་
[119b.5]ཀ་ལ་ཀཱ་ཧི། །པྲེ་གྲ་སཽ་སུ་ནཾ་སི་མ་ཀུ། །གཟུགས་ནི་རྣམ་སྣང་ཡིན་ཞེས་བྱ། །ཚོར་བ་རྡོ་རྗེ་ཉི་མ་ཡིན། །འདུ་ཤེས་པདྨ་གར་དབང་ཕྱུག། །འདུ་བྱེད་རྡོ་རྗེ་རྒྱལ་པོའོ། །རྣམ་ཤེས་ཕུང་པོར་གྱུར་པ་ཡིས། །རྡོ་རྗེ་སེམས་དཔའ་རྟག་ཏུ་བཞུགས། །ཧེ་རུ་ཀ་དཔལ་མགོན་རང་ཉིད། །གསང་བ་
[119b.6]མཆོག་གིས་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །འདི་ནི་དག་པར་རབ་ཏུ་བཤད། །མིག་གཉིས་གཏི་མུག་རྡོ་རྗེར་འགྱུར། །རྣ་བ་ཞེ་སྡང་རྡོ་རྗེ་འཛིན། །སྣ་ནི་ཕྲག་དོག་རྡོ་རྗེ་སྟེ། །ཁ་ནི་འདོད་ཆགས་རྡོ་རྗེ་འཛིན། །རེག་པ་སེར་སྣ་རྡོ་རྗེ་སྟེ། །ཡིད་ནི་རྡོ་རྗེ་འཛིན་དབང་
[119b.7]པོ། །ཧེ་རུ་ཀ་དཔལ་བཅོམ་ལྡན་འདས། །དེ་བཞིན་གཤེགས་པ་ཉིད་དུ་བཞུགས། །ས་ནི་ལྟུང་བྱེད་མ་ཞེས་བྱ། །གསོད་མ་ཆུ་ཡི་ཁམས་ཡིན་ཏེ། །མེ་ནི་འགུགས་མ་ཡིན་པར་བཤད། །གར་དབང་རླུང་དུ་བཤད་པ་ཡིན། །ནམ་མཁའི་ཁམས་ནི་རྣལ་འབྱོར་མ། །པདྨའི་དྲ་བ་
[120a]
[120a.1]ཡིན་པར་བཤད། །ཕུང་པོ་ཁམས་དང་སྐྱེ་མཆེད་ཀྱི། །དག་པ་ཡིན་པར་འདི་བཤད་དོ། །རྡོ་རྗེ་གསུམ་ལ་ཡིག་གསུམ་དགོད། །ཡེ་ཤེས་ཡི་གེ་ཧེ་བཛྲ། །མཛུབ་མོ་མདུད་བྱས་གུང་མོ་སྦྱར། །མཐེ་བོ་རྡོ་རྗེ་བརྟན་པོར་སྦྱར། །དེ་ནི་དཔྲལ་བའི་དབུས་བཞག་
[120a.2]ནས། །གཅུ་ཞིང་བསྐོར་བས་བསྐོར་བར་བྱ། །རྐང་པ་མནན་ཅིང་སྟེང་དུ་བལྟའོ། །གྱེན་དུ་ཕཊ་ཀྱི་སྒྲ་སྒྲོགས་ཤིང་། །ཕྱོགས་བཅུའི་འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་འགུགས། །ཕྱག་རྒྱ་འདི་ནི་ཕྱག་རྒྱ་ཆེ། །ཀུན་སྤྱོད་ཆོ་ག་ལས་བཤད་དེ། །
[120a.3]ཕྱག་རྒྱ་འདི་ཡིས་རྣལ་འབྱོར་པས། །འཇིག་རྟེན་གསུམ་ཡང་བསྒྲུབ་པར་བྱ། །ཨོཾ་སརྦ་བཱིར་ཡོ་གི་ནཱི་ཀཱ་ཡ་བཱཀ་ཙིཏྟ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨོཾ་བཛྲ་ཤུདྡྷཿ་སརྦ་དྷརྨཱ་བཛྲ་ཤུདྡྷོ྅ཧཾ། ཨོཾ་ཡོ་ག་ཤུདྡྷཿསརྦ་དྷརྨཱཿཡོ་ག་ཤུདྡྷོ྅ཧཾ། ཨོཾ་ཧ་དཔལ་རྡོ་རྗེ་སེམས་དཔའ། །སྙིང་གར་
[120a.4]རྣམ་པར་དགོད་པར་བྱ། །ན་མ་ཧི་ནི་རྣམ་སྣང་མཛད། །མགོ་བོར་གནས་པ་རྣམ་པར་བསམ། །སྭཱ་ཧཱ་ཧུ་ནི་པད་གར་དབང་། །སྤྱི་གཙུག་ཏུ་ནི་ཡོངས་སུ་བསྒོམ། །བཽ་ཥྚ་ཧེ་ནི་ཕྲག་པ་རུ། །དཔལ་ལྡན་ཧེ་རུ་ཀར་བསམ་བྱ། །ཧཱུཾ་ཧཱུཾ་ཧོ་ནི་རྡོ་རྗེ་ཉི། །མིག་ཏུ་རྣམ་པར་དགོད་པར་བྱ། །
[120a.5]ཕཊ་ཧཾ་ཡན་ལག་ཐམས་ཅད་དུ། །མཚོན་ཆར་རྟ་མཆོག་རྣམ་པར་བསམ། །དཔའ་བོ་ཐམས་ཅད་འདི་ཉིད་ཀྱིས། །ཡན་ལག་དྲུག་གིས་རབ་ཏུ་དགོད། །ཨོཾ་བཾ་རྡོ་རྗེ་ཕག་མོ་ནི། །ལྟེ་བའི་ཕྱོགས་སུ་བསམ་པར་བྱ། །ཧཾ་ཡོཾ་ཡ་མི་ནི་སྙིང་གར། །ཧྲིཾ་མོཾ་རྨོངས་བྱེད་མ་ཁ་ལ། །ཧྲེཾ་ཧྲིཾ་
[120a.6]སྐྱོང་བྱེད་མ་སྤྱི་བོ། །ཧཱུཾ་ཧཱུཾ་སྐྲག་བྱེད་མ་སྤྱི་གཙུག །ཕཊ་ཕཊ་ཡན་ལག་ཀུན་མཚོན་ཆར། །གཏུམ་མོ་ཡོངས་སུ་བསྒོམ་པར་བྱ། །རྣལ་འབྱོར་མ་ནི་ཐམས་ཅད་ཀྱི། །ཆོ་ག་འདི་ཉིད་ཡིན་པར་བཤད། །དེ་ནས་དངོས་གྲུབ་ཀུན་སྩོལ་བའི། །བདེ་གཤེགས་རྣམས་ལ་དབང་བསྐུར་སྩོལ། །
[120a.7]ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་བ། །དེ་བཞིན་བདག་གིས་ལྷ་ཡི་ཆུ། །དག་པ་ཡིས་ནི་ཁྲུས་བགྱིའོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ། རྣལ་འབྱོར་པ་ནི་དབང་བསྐུར་འགྱུར། །དཔལ་ལྡན་མི་བསྐྱོད་ཅོད་པན་ཅན། །སྙིང་
[120b]
[120b.1]གའི་ས་བོན་འོད་ལྕགས་ཀྱུས། །སངས་རྒྱས་བཀུག་ནས་ཞུ་ཚུལ་དུ། །བད་གནས་པ་སྤུའི་བུ་ག་ལས། །མཆོད་པའི་ལྷ་མོར་བདག་ཅག་སྤྲོ། །དེ་ནས་རྐང་པ་བརྒྱད་སྔགས་ཀྱིས། །དབྱེ་བ་རྣམ་པར་སྤངས་ཏེ་བསྟོད། །བདག་ཉིད་ལྷ་ཡི་གཟུགས་ཅན་ཏེ། །ཆོས་ཀུན་དེ་ཡི་བདག་ཉིད་
[120b.2]ཅན། །དེ་ནས་རླུང་མེ་པདྨར་ནི། །རང་འབྱུང་དང་ནི་གཞི་མཉམ་དང་། །གླ་རྩི་དང་ནི་ག་པུར་དང་། །རྟ་མཆོག་གིས་ནི་ཡང་དག་བརྒྱན། །ཧཱུཾ་གིས་རྡོ་རྗེ་དཀར་ལེགས་དཔྱད། །ཨ་ཡིས་རབ་ཏུ་རྟོགས་བྱས་ཤིང་། །ཨོཾ་གྱི་འོད་ཀྱིས་འབར་གྱུར་པར། །བྱིན་གྱིས་བརླབས་ནས་
[120b.3]མངོན་པར་བཟའ། །རང་ལྕེ་པདྨའི་འདབ་མ་རུ། །ཧཱུཾ་བྱུང་རྡོ་རྗེ་དཀར་པོ་དགོད། །ཕྱི་ནང་བདག་ཉིད་ཅན་གྱི་གཟུགས། །འཁོར་ལོ་དེ་ཡིས་རབ་ཚིམ་བྱ། །འཁོར་ལོ་བཞིར་ནི་རབ་བརྟགས་པ། །འཁོར་ལོ་མ་ལུས་ཀུན་དཔྱད་བྱ། །དཔའ་བོ་ས་བོན་ལྕེ་རུ་བསམ། །ཨ་ཝ་དྷཱུ་
[120b.4]ཏཱིའི་གནས་དེ་ལ། །རྐན་གྱི་ཕྱོགས་སུ་ལྕེ་སྦྱར་ལ། །བྱས་ནས་རྣལ་འབྱོར་བ་ཡིས་བསྒོམ། །རྐན་གྱི་ཕྱོགས་སུ་གྱུར་ལྷ་མོ། །བཞི་པ་ཡི་ནི་གསུམ་པ་ལ། །བརྒྱད་པའི་དང་པོ་བཅུ་དྲུག་པ། །དང་པོའི་འོག་མ་ས་བོན་ཡིན། །མན་ངག་དག་ནི་འདི་ཉིད་ཀྱིས། །སྤྲོས་པ་
[120b.5]མེད་པའི་གནས་རྟོགས་འགྱུར། །འཁོར་ལོས་སྒྱུར་བའི་གསང་སྔགས་ནི། །ཆོ་ག་བཞིན་དུ་བཟླས་པར་བྱ། །མགོན་པོའི་སྙིང་པོའམ་ཡང་ན་ནི། །དེ་ཡི་ཉེ་བའི་སྙིང་པོའམ། །ལྷ་མོའི་སྙིང་པོ་གཉིས་ཀ་ནི། །ཇི་སྲིད་མི་སྐྱོ་བར་དུ་བཟླས། །དེ་ནས་རྣལ་འབྱོར་
[120b.6]མས་ལྷ་མོ། །རྣམ་པ་བྱང་ཆུབ་ཕྱོགས་སུ་བསྒོམ། །ལུས་དང་ཚོར་བ་ཆོས་དང་སེམས། །དྲན་པ་ཉེར་གཞག་དངོས་ལས་བྱུང་། །མཁའ་འགྲོ་དེ་བཞིན་ལཱ་མ་དང་། །དུམ་སྐྱེས་གཟུགས་ཅན་མ་རྣམས་ཡིན། །འདུན་དང་བརྩོན་འགྲུས་དཔྱོད་པ་དང་། །སེམས་ཉིད་བཞི་
[120b.7]པར་གྱུར་པ་སྟེ། །རྫུ་འཕྲུལ་རྐང་པ་བཞི་པོ་ལ། །རབ་གཏུམ་ལ་སོགས་བཞིར་འགྱུར་རོ། །དད་དང་བརྩོན་འགྲུས་དྲན་བསམ་གཏན། །དེ་ལས་གཞན་པ་བཞི་ཡིན་ནོ། །དབང་པོ་ལྔ་པོ་ལས་འདིར་ནི། །ས་སྲུང་མར་ཡང་འགྱུར་བ་ཡིན། །དད་དང་བརྩོན་འགྲུས་དེ་བཞིན་
[121a]
[121a.1]དྲན། །ཏིང་འཛིན་ཤེས་རབ་བཅས་པ་ཡི། །སྟོབས་ལྔ་ཡི་ནི་གསུང་ཅན་གྱི། །རྣལ་འབྱོར་པ་ནི་ལྔ་རུ་འགྱུར། །ཏིང་འཛིན་བརྩོན་འགྲུས་ཡང་དག་དགའ། །ཤིན་ཏུ་སྦྱངས་དང་ཆོས་རྣམས་འབྱེད། །དྲན་དང་བཏང་སྙོམས་རྣམས་ལས་ནི། །དེ་ལས་གཞན་པའི་ལྷ་
[121a.2]མོ་བདུན། །ཡང་དག་ལྟ་བ་སྟོབས་ཆེན་མོ། །འཁོར་ལོས་སྒྱུར་མ་ཡང་དག་རྟོག །ཡང་དག་ངག་ནི་བརྩོན་ཆེན་མ། །ཡང་དག་ལས་ནི་ཁྭ་གདོང་མ། །ཡང་དག་འཚོ་བ་འུག་གདོང་འགྱུར། །ཡང་དག་རྩོལ་བ་ཁྱི་གདོང་ཅན། །ཡང་དག་དྲན་པ་ཕག་གདོང་ཡིན། །ཏིང་ངེ་འཛིན་
[121a.3]དུ་བཅོམ་ལྡན་བཞུགས། །དགེ་བའི་ཆོས་རྣམས་བསྐྱེད་པ་ལ། །གཤིན་རྗེ་བརྟན་མ་ཡང་དག་བཞུགས། །དགེ་བའི་ཆོས་རྣམས་སྐྱེས་པ་རྣམས། །གཤིན་རྗེ་ཕོ་ཉ་སྲུང་བར་བྱེད། །སྡིག་པའི་ལས་རྣམས་བསྐྱེད་པ་དེ། །སྤོང་བ་གཤིན་རྗེ་ཕོ་ཉ་མ། །སྡིག་པ་རྣམས་ནི་མི་འབྱུང་
[121a.4]ཕྱིར། །གཤིན་རྗེ་འཇོམས་མ་བཞུགས་པ་ཡིན། །དེ་ལྟར་བསྒོམས་པ་དག་གྱུར་ནས། །མཉམ་པར་བཞག་སྟེ་བཟླས་བརྗོད་བྱ། །ཅི་ནུས་པར་ནི་བཟླས་བྱས་ནས། །དེ་ཡི་འོག་ཏུ་གཏོར་མ་དབུལ། །སྔར་བཤད་པ་ཡི་ཆོ་ག་ཡིས། །ལྷ་རྣམས་དགོད་པ་སྔོན་འགྲོ་ཅན། །དཔའ་
[121a.5]བོས་ཁམས་རྣམས་རྣམ་སྦྱངས་ནས། །སྔར་བཤད་པ་ཡི་ཕྱག་རྒྱས་བཅིང་། །སེན་མོ་སོ་དང་སྐྲ་བ་སྤུ། །པགས་པ་དྲི་མ་ཤ་ཉིད་དང་། །རྩ་དང་རྒྱུས་པ་མཁལ་མ་དང་། །སྙིང་དང་དེ་བཞིན་མིག་དག་དང་། །མཁྲིས་པ་གློ་བ་རྒྱུ་མ་དང་། །གཉེ་མ་དེ་བཞིན་ལྟོ་བ་དང་། །བཤང་
[121a.6]བ་མཚན་མ་བད་ཀན་དང་། །རྣག་དང་དེ་བཞིན་ཁྲག་དང་ནི། །རྔུལ་དང་དེ་བཞིན་མཆི་མ་དང་། །མཆིལ་མ་དང་ནི་ངར་སྣབས་ཉིད། །ཁམས་རྣམས་གོ་རིམས་ཇི་བཞིན་དུ། །དཔའ་བོ་རྣམས་ཀྱིས་ཡང་དག་སྦྱར། །སྔར་བཤད་པ་ཡི་གོ་རིམས་ལས། །དེ་རྣམས་གཞན་ནི་མི་བྱའོ། །
[121a.7]རྐང་པ་བརྒྱད་ཀྱིས་མགོན་པོ་མཆོད། །མཁའ་འགྲོ་མ་སོགས་རང་མིང་ལུས། །ཨོཾ་དང་ཧཱུཾ་གཉིས་མིང་སྤེལ་ལ། །མཐར་ཡང་ཧཱུཾ་ཕཊ་སྦྱར་བར་བྱ། །འཁོར་ལོ་གསུམ་གནས་རྣལ་འབྱོར་མ། །ཀ་ར་ཀ་ར་སོགས་པས་མཆོད། །འདིར་ནི་ཚིག་ནི་ཐམས་ཅད་ཀྱང་། །སྔ་མའི་
[121b]
[121b.1]ཚུལ་གྱིས་སྤེལ་བར་བྱ། །ཨོཾ་ན་མོ་བྷ་ག་བ་ཏེ། །བཱི་རེ་ཤཱ་ཡ་དང་པོར་བྲི། །མ་ཧཱ་ཀ་ལྤཱ་ནྒིའི་སྒྲ་དང་། །སནྣི་བྷཱ་ཡ་དེ་རྗེས་བྲི། །དེ་ནས་ཛཊ་མུ་ཀུ་ཊ། །ཨུཏྐ་ཊཱ་ཡི་སྒྲ་བྲི་བྱ། །དཾ་ཥྚ་ཀ་རཱ་ལོ་གྲ་དང་། །བྷཱི་ཥ་ཎ་མུ་ཁཱ་ཡ་བྲི། །ས་ཧ་སྲ་བྷུ་ཛཱའི་སྒྲ་རྗེས། །བྷཱ་སུ་རཱ་ཡ་བྲི་བར་བྱ། །པར་ཤུ་
[121b.2]པཱ་ཤོ་དྱ་ཏ་དང་། །ཤཱུ་ལ་ཁ་ཊྭཱཾ་ག་དྷ་རི་ཎ། །བྱཱ་གྷྲའི་སྒྲ་དང་ཛི་ནའི་ཚིག །ཨམྦ་ར་དྷ་རཱ་ཡ་བྲི། །མ་ཧཱ་དྷུ་མྦྲཱནྡྷ་ཀ་ར། །དེ་རྗེས་བ་པུ་ཥཱ་ཡ་བྲི། །ཐོག་མར་ཨོཾ་དང་ཐ་མར་ཕཊ། །བར་དུ་ཧཱུཾ་ཧཱུཾ་ངེས་པར་སྦྱར། །སྔགས་ནི་རྐང་པ་བརྒྱད་ཅེས་བྱ། །ལ་ལ་ཚིག་རེའི་མཐའ་རུ་སྦྱར། །ཀ་
[121b.3]རའི་སྒྲ་དང་དེ་བཞིན་དུ། །ཀུ་རུའི་སྒྲ་ཡང་གཉིས་སུ་བྱ། །བནྡྷ་ཏྲཱ་ས་ཡ་གཉིས་ཏེ། །ཀྵོ་བྷ་ཡ་གཉིས་དེ་བཞིན་དུ། །ཧྲཽཾ་ཧྲཽཾ་ཧྲཿ་ཕེཾ་ཕེཾ་དང་། །ཕཊ་དང་ད་ཧའི་ཚིག་གཉིས་བྱ། །པ་ཙ་བྷ་ཀྵའི་ཚིག་གཉིས་གཉིས། །བ་ས་ཐུང་དུ་ངེས་པར་སྦྱར། །རུ་དྷི་རཱནྟྲའི་ཚིག་གཉིས་
[121b.4]དང་། །མཱ་ལཱ་བ་ལཾ་པི་ནེ་དང་། །གྲྀ་ཧྞ་གྲྀ་ཧྞ་དེ་བཞིན་དུ། །སཔྟ་པཱ་ཏཱ་ལ་གཏ། །བྷུ་ཛཾ་ག་སརྦཾ་བཱ་བརྗོད། །ཏརྫ་ཡ་ཡང་ལན་གཉིས་བརྗོད། །ཨཱ་ཀཌྜྷྱ་ཨཱ་ཀཌྜྷྱ་དང་། །ཧྲིཾ་ཧྲིཾ་ཛྞཽཾ་ཛྞཽཾ་ངེས་པར་སྦྱར། །ཀྵཾ་ཀྵཾ་ཧཾ་ཧཾ་དང་། །ཧཱུཾ་ཧཱུཾ་ཀི་ལི་ཀི་ལི་དང་། །སི་ལི་སི་ལི་ཧི་ལི་གཉིས། །དྷི་
[121b.5]ལི་དྷི་ལི་ཧཱུཾ་གཉིས་ཕཊ། །བཅས་པས་རྩ་བའི་སྔགས་སུ་བཤད། །ཨོཾ་ཤྲཱི་བཛྲ་ཧེ་ཧེ་དང་། །རུ་རུ་ཀཾ་ཡང་དེ་ནས་བརྗོད། །ཧཱུཾ་ཌཱ་ཀི་ནཱ་ཛཱ་ལ་སཾ། །བ་ར་ཞེས་བྱ་བ་ཡང་བྲི། །སྭཱ་ཧཱའི་མཐར་བཅས་མགོན་པོ་ཡི། །སྙིང་པོའི་ཡི་གེ་ཉི་ཤུ་གཉིས། །དེ་དང་ཉེ་བའི་ཡི་གེ་བདུན། །
[121b.6]གོ་བཟློག་པ་ཡིས་གཟུང་བར་བྱ། །ཕཊ་ཧཱུཾ་ཧཱུཾ་ཧ་ཧ་ཧྲིཿ་ཨོཾ། །ཕག་མོའི་གསང་སྔགས་གཉིས་ཀ་ཡང་། །ལུགས་ལས་བཟློག་པར་ཤེས་པར་བྱ། །ཧཱ་སྭཱ་ཕཊ་ཧཱུཾ་ཧཱུཾ་ཡེ་ནཱི་རྞྞ་ཝ་བཛྲ་བ་ཡེ་ནཱི་ཀི་ཌཱ་དྡྷ་བུ་རྦས་ཨོཾ། །འབུམ་བཟླས་པ་ཡིས་འགྲུབ་འགྱུར་ཏེ། །འཕྲལ་དུ་ཡིད་ཆེས་
[121b.7]བྱེད་པ་ཡིན། །མཚམས་ཀུན་དུ་ནི་གཏོར་མ་དག །ཀུན་སྤྱོད་རྒྱུད་ལས་བཤད་བཞིན་བྱ། །ཨོཾ་ཨ་རལླི་ཧོ་ཛཿཧཱུཾ་བཾ་ཧོཿབཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོ། །ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཱ་ཀྵ་ས་བྷཱུ་ཏ་པྲེ་ཏ་པི་ཤཱ་ཙ་ཨུནྨཱ་ད། ཨ་པསྨ་ར་བཛྲ་ཌཱ་ཀི་ནྱ་ད་ཡ། ཨི་མཾ་བ་ལིཾ་གྲྀཧྞཾ་
[122a]
[122a.1]ཏུ། ས་མ་ཡཾ་རཀྵ་ནྟུ། །སརྦ་སིདྡྷི་མྨེ། པྲ་ཡཙྪ་ནྟུ། ཡ་ཐཻ་བཾ། ཡ་ཐེ་ཥྚཾ། བྷུ་ཉྫནྟུ། པི་བནྟུ། མཱ་ཏི་ཀྲ་མནྟུ། མ་མ་སརྦ་ཀརྟ་ཡ། སཏྶུ་ཁ་བི་བྲྀདྡྷ་ཡེ་ས་ཧ་ཡི་ཀ་བྷ་བནྟུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། སྔགས་ལ་ལེགས་གནས་ཆོས་བདག་ཉིད། །འཇིགས་པ་ཐམས་
[122a.2]ཅད་རྣམ་སྤངས་ཏེ། །རྟག་ཏུ་ཚངས་པར་སྤྱོད་གྱུར་པ། །ཧེ་རུ་ཀ་དཔལ་གཉིས་པ་འདྲ། །འདི་དག་ཐམས་ཅད་རབ་སྤྱད་པ། །དེ་ཡིས་འགྲུབ་འགྱུར་ཐེ་ཚོམ་མེད། །བདག་གིས་སྡོམ་མེད་རང་བཟོར་ནི། །རྣལ་འབྱོར་ཅུང་ཟད་ཅི་ཡང་མེད། །སྔོན་གྱི་སློབ་དཔོན་གྱིས་བཤད་
[122a.3]ལས། །སྒྲུབ་པའི་ཐབས་སུ་གཞག་པ་ཡིན། །འོན་ཀྱང་འདི་ལས་བདག་གིས་ནི། །བསོད་ནམས་དྲི་མེད་གང་ཐེབ་དེས། །འགྲོ་བ་འདི་ཀུན་རྟག་ཏུ་ནི། །སངས་རྒྱས་ཡེ་ཤེས་ཉིད་ཐོབ་ཤོག །མུན་ནག་འདྲ་བའི་སྐུ་འཛིན་འགྲོ་བ་ཀུན་གྱི་མུན་པ་ཤིན་ཏུ་འཇོམས། །
[122a.4]འཇིགས་པའི་སྐུར་མཛད་འཇིགས་པ་མ་ལུས་མྱུར་དུ་སེལ་བར་མཛད། །འཁོར་བར་རྒྱུ་བར་མཛད་ཅིང་འཁོར་བའི་ནང་དུ་གནས་མི་བཟོད། །དེ་ལྟར་ངོ་མཚར་སྤྱོད་ཡུལ་བཅོམ་ལྡན་གཏུམ་ཆེན་སྐུར་ལྡན་ཕྱག་འཚལ་བསྟོད། །དཔལ་ཧེ་རུ་ཀའི་སྒྲུབ་པའི་ཐབས་ཞེས་བྱ་བ་
[122a.5]སློབ་དཔོན་རིན་ཆེན་རྡོ་རྗེས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཨཱ་ཙཱཪྻ་དྷརྨ་ཤྲཱི་བྷ་དྲ་དང་། ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ། །{T1479}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦ་ར་མཎྜ་ལ་མཾ་ག་ལ་གཱ་
[122a.6]ཐཱ། བོད་སྐད་དུ། དཔལ་འཁོར་ལོ་སྡོམ་པའི་དཀྱིལ་འཁོར་ཀྱི་བཀྲ་ཤིས་ཚིགས་སུ་བཅད་པ། དཔལ་འཁོར་ལོ་བདེ་མཆོག་ལ་ཕྱག་འཚལ་ལོ། །བཀྲ་ཤིས་གང་ཞིག་ཆོས་ཀྱི་དབྱིངས་ལས་ངེས་བྱུང་ཞིང་། །ཧེ་རུ་ཀ་དཔལ་འཇིགས་བྱེད་རྒྱལ་པོ་འབར་བའི་སྐུ། །ཤེས་
[122a.7]རབ་ཕག་མོའི་པདྨོར་རྡོ་རྗེ་རོལ་མཛད་པའི། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་ཕྱོགས་ཀྱི་པདྨོའི་འདབ་མ་ལ། །རིགས་ཀྱི་ཡུམ་བཞི་དཔའ་བོའི་ཕྱོགས་བཞིའི་ཞལ་ལ་གཟིགས། །པདྨོ་མུ་ཁྱུད་གྲི་གུག་ཕྲེང་བས་རྣམ་པར་མཛེས། །
[122b]
[122b.1]བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་མཚམས་ཀྱི་པདྨོའི་འདབ་མ་ལ། །བྱང་ཆུབ་སེམས་དང་ཙནྡན་དྲི་ཆེན་གུར་ཀུམ་ཆུས། །གང་བའི་སྣོད་བཞི་དཔའ་བོའི་ཞལ་ལ་རེག་པར་མཛོད། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་
[122b.2]ཤོག །བཀྲ་ཤིས་གང་ཞིག་ནམ་མཁའི་གནས་ནས་ལེགས་སྤྱོད་པའི། །འཁོར་ལོ་སྔོན་པོ་རྩིབས་བརྒྱད་མུ་ཁྱུད་རྡོ་རྗེ་ཕྲེང་། །གནས་ལ་སོགས་པར་དཔའ་བོ་དཔའ་མོ་གཉིས་མེད་རོལ། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་ས་སྟེངས་
[122b.3]གནས་ནས་ལེགས་སྤྱོད་པའི། །འཁོར་ལོ་དམར་པོ་རྩིབས་བརྒྱད་མུ་ཁྱུད་པདྨོའི་ཕྲེང་། །ཞིང་ལ་སོགས་པར་དཔའ་བོ་དཔའ་མོ་གཉིས་མེད་རོལ། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་ས་འོག་གནས་ནས་ལེགས་སྤྱོད་པའི། །འཁོར་
[122b.4]ལོ་དཀར་པོ་རྩིབས་བརྒྱད་མུ་ཁྱུད་འཁོར་ལོའི་ཕྲེང་། །འདུ་ལ་སོགས་པར་དཔའ་བོ་དཔའ་མོ་གཉིས་མེད་རོལ། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་དཀྱིལ་འཁོར་སྒོ་བཞི་མཚམས་རྣམས་སུ། །ཁྭ་གདོང་ལ་སོགས་མ་མོ་ཡིད་
[122b.5]འཕྲོག་གཟུགས་གཉིས་ལྡན། །ཐུགས་རྗེས་འགྲོ་བའི་དོན་མཛད་གདུག་པ་ཀུན་འདུལ་བའི། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་དྲན་པ་ཉེར་གཞག་བཞི་རྣམས་དང་། །ཡང་དག་སྤོང་དང་རྫུ་འཕྲུལ་རྐང་དང་དབང་པོ་སྟོབས། །བྱང་
[122b.6]ཆུབ་ཕྱོགས་ཆོས་སུམ་ཅུ་རྩ་བདུན་ཡོངས་རྫོགས་པའི། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་རིན་ཆེན་ཕ་གུས་མཛེས་པའི་གཞལ་ཡས་ཁང་། །འདོད་པའི་ཡོན་ཏན་ལྔས་ནི་རབ་ཏུ་བརྒྱན་གྱུར་པའི། །མུ་ཏིག་ཕྲེང་བ་གསེར་གྱི་དྲིལ་
[122b.7]བུ་རྔ་ཡབ་ལེགས་དཔྱངས་འཕྱར། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་རྟ་བབས་པདྨ་ཆོས་ཀྱི་འཁོར་ལོ་གདུགས། །མཛེས་པའི་རི་དྭགས་དང་བཅས་བ་དན་བཅུ་དྲུག་ལེགས་འཕྱར་ཞིང་། །རླུང་གིས་བསྐྱོད་པའི་དྲིལ་བུ་དག་
[123a]
[123a.1]ལས་ཆོས་ཀྱི་སྒྲ་འབྱུང་བ། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་ཡོངས་སུ་བསྐོར་བའི་དུར་ཁྲོད་བརྒྱད་རྣམས་སུ། །ཕྱོགས་སྐྱོང་ཤིང་ཆེན་མཆོད་རྟེན་བརྒྱད་ནི་གནས་པ་ལ། །གདོང་བརྙན་ལྡན་ཞིང་ཞིང་
[123a.2]སྐྱོང་བརྒྱད་ནི་ཀུན་ནས་གནས་གྱུར་པ། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་ཡེ་ཤེས་མེ་བརྒྱད་རབ་ཏུ་འབར་གྱུར་པ། །བྱང་ཆུབ་སེམས་ཀྱི་རང་བཞིན་སྤྲིན་ཆེན་བརྒྱད་ནི་འདུས་གྱུར་པ། །དགའ་བོ་ལ་སོགས་ཀླུ་ཆེན་བརྒྱད་
[123a.3]རྣམས་ཀུན་ནས་གནས་གྱུར་པ། །བདེན་པ་དེས་ཀྱང་བདེ་མཆོག་ལ་གནས་རྣམས་ཀྱི་བཀྲ་ཤིས་ཤོག །བཀྲ་ཤིས་གང་ཞིག་ཐུགས་རྗེའི་རང་བཞིན་ཆུ་ཆེན་བརྒྱད་འབབ་ཅིང་། །དཔའ་བོ་དང་ནི་རྣལ་འབྱོར་མ་དང་མཁའ་འགྲོའི་ཚོགས་ཀྱིས་གང་། །འདྲེ་དང་ཤ་ཟ་གནོད་སྦྱིན་འབྱུང་
[123a.4]པོ་ཉེ་བར་བསྟེན་པ་ཡི། །བདེན་པ་དེས་ཀྱང་བདེ་མཆོག་ལ་གནས་རྣམས་ཀྱི་བཀྲ་ཤིས་ཤོག །བཀྲ་ཤིས་གང་ཞིག་རྡོ་རྗེའི་ས་གཞི་ར་བ་གུར། །རྡོ་རྗེ་བླ་བྲེས་ཀུན་ནས་བྲེས་ཤིང་མདའ་ཡི་ར་བར་ལྡན། །ཡེ་ཤེས་མེ་རི་ཕྲེང་བས་ཀུན་ནས་ཡོངས་བསྐོར་བའི། །བདེན་པ་
[123a.5]དེས་ཀྱང་བདེ་མཆོག་ལ་གནས་རྣམས་ཀྱི་བཀྲ་ཤིས་ཤོག །དཔལ་འཁོར་ལོ་བདེ་མཆོག་གི་བཀྲ་ཤིས་ཚིགས་སུ་བཅད་པ། ཁ་ཆེའི་ཡུལ་དུ་བྱུང་ཞིང་དངོས་གྲུབ་བརྙེས་པའི་སློབ་དཔོན་རིན་ཆེན་རྡོ་རྗེས་མཛད་པ་རྫོགས་སོ།། །།བོད་ཀྱི་ལོ་ཙཱ་བ་དགེ་སློང་ཚུལ་
[123a.6]ཁྲིམས་རྒྱལ་བས་བསྒྱུར་བའོ། །འདིའི་ཞུ་དག་དང་སྲུང་བའི་འཁོར་ལོའི་ཁ་སྐོང་རྣམས་འཕགས་པས་བགྱིས་ལགས་སོ། །{T1480}༄༅༅། །རྒྱ་གར་སྐད་དུ། ཏཏྟྭ་གརྦྷ་ནཱ་མ་སཱ་དྷ་ནཱཾ། བོད་སྐད་དུ། དེ་ཁོ་ནའི་སྙིང་པོ་ཞེས་བྱ་བའི་སྒྲུབ་པའི་ཐབས་ཞེས་བྱ་བ།
[123a.7]དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཕྱོགས་རོ་ཆ་གཅིག་སྣང་བའི་བྱང་ཆུབ་ཟླ་བ་རྡོ་རྗེ་ནོར་བུའི་མཐར་འཛིན་ཅིང་། །ཕྱོགས་ཞལ་དགའ་བ་རྣམ་དག་ཉི་ཟླའི་སྤྱན་དང་ཉི་མའི་ཕྱག་མངའ་ནམ་མཁའ་འདྲ། །རྒྱུ་མའི་མགོ་དང་རྒྱུ་གདུལ་གླང་ཆེན་ལྤགས་ནི་རྐེད་མཐར་
[123b]
[123b.1]ཕྱིན་པ་བཙུན་མོར་བཅས། །མཆོག་དང་བྲལ་བའི་ཞབས་ནི་གཡས་བརྐྱང་གཉིས་སྦྱོར་ཁྲོ་བོའི་ཚུལ་ལ་ཕྱག་འཚལ་ལོ། །རང་བྱུང་བདེ་བ་རྟོགས་པ་ལས། །འབྱུང་བ་མང་པོ་ཉམས་མྱོང་ཞིང་། །རིགས་ཀྱི་ཕྱག་རྒྱའི་སྤྱོད་པ་ནི། །བདེ་བ་དང་འབྲེལ་ཡོངས་དག་བློ། །
[123b.2]དབུགས་ལྡན་དུར་ཁྲོད་གནས་སུ་ནི། །བརྩེ་བ་གཞན་གྱིས་དབང་བྱས་ཏེ། །དམར་ལ་སོགས་པའི་རི་ལུ་ལྔ། །ཁར་བཅུག་ནས་ནི་སྨོན་ལམ་གདོན། །སེམས་ཅན་དོན་ཕྱིར་བྱེད་པ་ཆེ། །ཧེ་རུ་ཀར་བདག་དྲན་པར་ཤོག །ཡེ་ཤེས་གཅིག་བདག་མཉམ་བཞག་པས། །
[123b.3]བླ་མ་ལ་སོགས་མཆོད་པར་བྱ། །གནོད་མཛེས་སྔགས་སྤྲོས་ལྷ་མོ་ཡི། །ཁྲོ་མོ་ཁྭ་གདོང་སོགས་བརྒྱད་ཀྱིས། །བགེགས་གཏོར་ནས་ནི་མི་ཐོད་དུ། །དྲོན་མོའི་ཁྲག་ནི་གསོལ་བར་མཛད། །ཚངས་སོགས་ལྷ་དང་མིའམ་ཅི། །མཁའ་ལས་རྒྱལ་བར་གྱུར་པ་དག །ས་
[123b.4]གཞི་འབར་བའི་མེས་བསྲེགས་ཏེ། །ཐལ་བར་གྱུར་ནས་དེངས་པར་འགྱུར། །མགོ་རྡུམ་གར་བྱེད་དུམ་སྒོང་ཅན། །མི་བཟད་ཧ་ཧའི་སྒྲས་འཁྲུགས་ཤིག །རོ་བསྲེག་དུད་པ་འཁྱིལ་པ་དང་། །ཕཊ་སྒྲའི་དབུགས་ཀྱིས་ཁྱབ་གྱུར་པ། །མྱོས་བཅས་དག་པའི་གཟུགས་
[123b.5]ཀྱིས་ནི། །སྒྱུ་འཕྲུལ་རྒྱུ་ཕྲེང་གིས་བརྒྱན་པ། །ཧཱུཾ་སྤྲོས་རྡོ་རྗེ་དྲ་བ་ཡི། །ནང་གི་རང་གི་ས་བོན་གྱི། །འོད་ཟེར་སྤྲོས་པས་ས་ཡི་སྟེང་། །མ་ལུས་སྦྱང་བ་བྱས་པ་ཡིས། །ཕུང་པོའི་སྒྲིབ་པ་ཀུན་རྟོག་ནི། །ལོག་པར་ཤེས་འདྲ་རང་ཉིད་ཀྱི། །རྣམ་པ་ལྷག་མ་བློ་ཡིས་ལྟ། །མིག་ཡོར་
[123b.6]བདག་ཉིད་དགའ་བ་ཡིས། །སྒྲ་ཙམ་ལས་ནི་ངེས་འབྱུང་བའི། །ཆོས་དབྱིངས་ནང་དུ་ཆུད་དེ་བཞིན། །དང་པོར་རླུང་སོགས་འགྱུར་བའི་མཐར། །རི་བོ་ཆེ་སྟེངས་པདྨ་ལས། །ཡིག་གསུམ་ལས་མཐའ་འཁོར་ལོ་གསུམ། །བསྡོམས་ནས་སྒྱུ་འཕྲུལ་འགྲུབ་པར་འགྱུར། །
[123b.7]མ་རིག་སྒོ་ངའི་སྦུབས་འཇོམས་པའི། །ཆེམ་ཆེམ་འཇིགས་སུ་རུང་བ་ཡི། །སྒྲ་ཡི་ཁམས་གསུམ་འཁྲུག་པ་ནི། །ཟད་བྱེད་འགྲོ་དྲུག་འཇིགས་མཛད་ཅིང་། །མཚན་མོ་འཇིགས་བྱེད་སྒོ་ངའི་ཆ། །གཉིས་ལ་གཡས་བརྐྱང་ཞབས་ཀྱིས་བཞུགས། །རྟག་ཏུ་དགའ་བ་བཞི་
[124a]
[124a.1]པ་ཡི། །ཞལ་དྲུག་ཆུ་བོ་ལས་རྒྱལ་བ། །ཡན་ལག་བཅུ་གཉིས་མཐར་ཕྱིན་འཆད། །གཟུགས་དང་ས་ཡི་ཕྱག་གིས་མཚན། །སྦྱིན་པ་ལ་སོགས་མཐར་ཕྱིན་ཕྱིར། །སྐུ་ཆེན་ཕྱག་རྒྱ་དྲུག་དང་ལྡན། །མི་ཡི་ཕྲེང་བའི་དབང་པོ་དང་། །ཁམས་གསུམ་ཐ་
[124a.2]དད་མེད་པ་ཉིད། །གནས་ངན་ལེན་སོགས་མ་རུངས་དག །བཅོམ་ཕྱིར་སྟག་ལྤགས་ན་བཟའ་བསྣམས། །ཞལ་སྤྲད་ཆོས་ཀྱི་ཕྱག་རྒྱ་སྟེ། །ལས་ཀྱི་ནང་དུ་སྐུལ་མཛད་ཅིང་། །དམ་ཚིག་སྐད་ཅིག་ཕག་མོ་དང་། །འཁྱུད་པས་ཕྱག་རྒྱ་ཆེན་པོར་ལྡན། །ཡེ་ཤེས་ཆེན་
[124a.3]པོ་སྡོམ་མཛད་པས། །རལ་པ་ཟླ་བས་མཚན་པ་འཆང་། །ལ་ལ་ནཱ་སོགས་ཀྱིས་བརྒྱན་པ། །སྟེང་འོག་འཇལ་བའི་སྤྱན་དང་ལྡན། །མཐར་བཅོམ་ནམ་མཁའ་ལྡིང་དང་ནི། །ཐོད་པ་ཡི་ནི་ཐོད་ཀྱིས་མཚན། །རྒྱུ་འབྲས་མཉམ་པར་སྦྱོར་བས་ན། །དབུས་མ་རིགས་
[124a.4]ལྔའི་བདག་ཉིད་ཅན། །བྱང་ཆུབ་ཕྱོགས་དང་བདུད་རྩིའི་ཁམས། །གསང་བའི་གནས་ཀྱི་སྤྱོད་ཡུལ་ཉིད། །མངོན་ཤེས་གོ་ཆ་དམ་པ་ཡིས། །སྙིང་སོགས་ཡན་ལག་རྣམ་དྲུག་མཚན། །རྩེ་གསུམ་གྲི་གུག་དགྲ་སྟ་སོགས། །ཐོད་པ་ཁ་ཊྭཱཾ་ཞགས་པ་དང་། །ཚངས་མགོ་རྡོར་
[124a.5]དྲིལ་གླང་པོ་ཡི། །ལྤགས་བསྣམས་ནམ་མཁའ་དང་འདྲ་ནི། །ཚིམ་དང་ཆད་དང་འཇིགས་པ་དང་། །སད་དང་ཡེ་ཤེས་བཞི་འཛིན་ཕྱིར། །བདུད་བཞི་པོ་ནི་བཀུག་པ་ཡི། །དག་པའི་ཕྱག་ནི་རྣམ་པར་བརྒྱན། །རྣམ་པ་ཀུན་དུ་རྒྱ་ཆེ་བ། །སྤྲོ་དང་བསྡུ་བར་མཛད་པའོ། །
[124a.6]ཞི་གནས་རྣམ་པར་རྟོག་མེད་བདག །དག་པའི་བློ་ནི་གཅིག་པར་འགྲུབ། །ཕུང་པོ་ལ་སོགས་བྱིན་རླབས་པ། །སེམས་རྒྱུད་དགོད་པའི་རྒྱུར་འགྱུར་བས། །རྣམ་རྟོག་གཟུགས་བརྙན་ཡིན་པའི་ཕྱིར། །བྱ་མིན་རྣལ་འབྱོར་མཐར་སོན་པས། །ཡི་གེ་ཉི་ཤུ་རྩ་བཞི་ཡིས། །མགོ་
[124a.7]སོགས་གནས་རྣམས་དགོད་བྱ་ཞིང་། །གོ་ཆ་ཆེན་པོ་དང་ལྡན་པས། །ཡེ་ཤེས་ཕྱག་རྒྱ་རབ་ཏུ་བསྟན། །ཡེ་ཤེས་སྐུ་ལུས་སྤྱི་ཚུགས་སུ། །མཁའ་ལས་རབ་ཏུ་འབབ་འགྱུར་བ། །ཞུ་བའི་ཡེ་ཤེས་བདུད་རྩིར་རོ། །ཧེ་རུ་ཀ་ཡི་རྣམ་པ་ནི། །འབབ་པ་གང་ཡིན་རྒྱུ་མི་འགྱུར། །
[124b]
[124b.1]བཅས་པའི་ཁམས་གསུམ་འདི་ཁྱབ་པ། །ཤིན་ཏུ་བསིལ་བ་སྟེང་གི་སྒོ། །ཛཱ་ལནྡྷ་ར་ནས་གཞུག་བྱ། །གནས་སུ་རྒྱུ་བའི་སྦྱོར་བས་ནི། །ཐིམ་དང་ལོངས་སྤྱོད་དབང་བྱས་པའི། །རིམ་གྱིས་ཟླ་བ་མཐར་རྒྱས་ཤིང་། །རང་བཞིན་དྲི་མ་མེད་པའི་ལུས། །ངེས་རྒྱས་
[124b.2]གཡོ་བ་མེད་པ་དང་། །གཉིས་མེད་གཉིས་སུ་མེད་པ་དང་། །ལྷན་ཅིག་སྐྱེས་དགའ་དམ་པའི་དངོས། །དངོས་དང་དངོས་མེད་སྤྱོད་དང་བྲལ། །སྤྲུལ་པ་ཆོས་དང་ལོངས་སྤྱོད་དང་། །བདེ་ཆེན་འཁོར་ལོ་རྣམ་པར་བརྒྱན། །ཨ་ཧཾ་ཀ་རས་བསྐྱེད་པ་ཡི། །ཡེ་ཤེས་སྲད་
[124b.3]བུས་རབ་བརྒྱུས་ཤིང་། །སྤྲུལ་པའི་ལུས་ལས་ཡང་དག་འབྱུང་། །དག་པའི་ཤེལ་ལྟར་དྲི་མེད་ཅིང་། །སྔགས་ཕྲེང་བརྗོད་མེད་སྐད་ཅིག་དང་། །ལྡན་པའི་སྦྱོར་བ་བཟླས་བརྗོད་བྱ། །ཇི་སྲིད་འབར་བར་འགྱུར་བ་ན། །སྐད་ཅིག་འཇིག་རྟེན་གསུམ་སྲེག་བྱེད། །
[124b.4]མི་ཤིགས་ཡི་གེའི་སྦོ་ནས་ནི། །བསིལ་བྱེད་ཞུ་བ་གཡོས་འགྱུར་བ། །ལན་སྟོང་བདུད་རྩིའི་རྒྱུན་སུམ་ཅུ། །རྩ་གཉིས་ཡན་ལག་སྤྲོས་པ་ཆེ། །མ་ཡི་མཐའ་མའི་མཐར་ཐུག་བཞི། །གང་བ་རྒྱུན་ཆེན་འགྱུར་བ་མེད། །འཁོར་ལོའི་མཐར་ཐུག་གཡོ་ཞིང་འབབ། །བདེ་
[124b.5]ཆེན་ནམ་མཁའ་ཁྱབ་པར་བྱེད། །སྐྲ་གྲོལ་མཐོན་པོར་རབ་འདུག་ཅིང་། །གཅེར་བུར་གནས་པའི་སྒྲུབ་པ་མཆོག །ལུས་ནི་ལྷོ་རུ་མངོན་ཕྱོགས་ཏེ། །ཡི་གེ་ཕཊ་སྒྲོགས་རྐང་པ་ནི། །མནན་ཅིང་གྱེན་དུ་བལྟ་བ་ནས། །ནམ་ཕྱེད་གཏོར་
[124b.6]མ་གཏང་བར་བྱ། །སུམ་ཅུ་རྩ་དྲུག་རྣམ་རིག་ཅན། །ཏིང་འཛིན་སྟོབས་ཀྱིས་དག་བྱའི་ཕྱིར། །སྐད་ཅིག་མ་ཡིས་རྣལ་འབྱོར་བདག །གཉིས་པོ་ཐམས་ཅད་རྣམ་པར་སྤངས། །ཆོ་གའི་རྣམ་པ་འདི་ཡིས་ནི། །མྱུར་དུ་དངོས་གྲུབ་འཐོབ་བྱེད་ཅིང་། །རྡོ་རྗེ་བྱང་ཆུབ་མྱུར་
[124b.7]འདི་བྱས། །ཀུན་མཁྱེན་ཡེ་ཤེས་སྙིང་པོ་དང་ཁམས་བློ་ཆེན་འཇམ་དཔལ་དང་འདྲ་མཁས་པ་རྣམས། །མི་ཤེས་རྩ་བ་ལས་བྱུང་རྨོངས་པས་མི་མཐུན་བྱས་པ་གང་ཡིན་དེ་བཟོད་མཛོད། །རྡོ་རྗེ་མཁའ་རྒྱུ་འབྱུང་བ་མ་ལུས་འབར་མཛད་ཅིང་། །པད་མཆོག་རྒྱས་དང་རྟོག་
[125a]
[125a.1]པའི་མེ་ཏོག་རྒྱས་མཛད་པ། །ཉི་མ་ལྟ་བུར་གཟི་བརྗིད་དང་ལྡན་བྲམ་ཟེ་མཆོག །དཔལ་ལྡན་བླ་མ་ཤར་བའི་དམ་ཚིག་དྲིན་གྱིས་བསྡེབས། །འདི་ལས་བདག་གིས་དགེ་བ་ནི། །དྲི་མེད་བསགས་སྒྲུབ་སྟེར་བྱེད་པ། །ཐོབ་དེས་འགྲོ་བ་མ་ལུས་འདི། །
[125a.2]རྫོགས་པའི་བྱང་ཆུབ་མཐར་བགྲོད་ཤོག །དེ་ཁོ་ནའི་སྙིང་བོ་ཞེས་བྱ་བའི་སྒྲུབ་ཐབས། སློབ་དཔོན་དད་བྱེད་གོ་ཆས་མཛད་པ་རྫོགས་སོ།། །།ཁ་ཆེའི་མཁན་པོ་བི་ནཱ་ཡ་ཀ་དང་། ལོ་ཙཱ་བ་དགེ་སློང་བློ་ལྡན་ཤེས་རབ་ཀྱིས་བསྒྱུར་བའོ། །
[125a.3]{T1481}༄། །ཧེ་རུ་ཀའི་རྣམ་པར་དག་པ་བཞུགས། ༄༅༅། །བཅོམ་ལྡན་འདས་འཇམ་པའི་རྡོ་རྗེ་ལ་ཕྱག་འཚལ་ལོ། །བཅོམ་ལྡན་རྗེ་བཙུན་དཔལ་ཧེ་རུ་ཀའི་རྣམ་པར་དག་པ་གསུངས་པ་ནི། ཡང་དག་པའི་ཏིང་ངེ་འཛིན་རྣམ་པར་དག་པའི་རང་བཞིན་ཅན་ནོ། །ཡང་དག་པ་ནི་
[125a.4]ཕྱིན་ཅི་མ་ལོག་པ་སྟེ། ཉན་ཐོས་ལ་སོགས་པ་དང་ཐུན་མོང་མ་ཡིན་པའི་ཕྱིར་རོ། །སེམས་སོ་སོར་རིག་པ་ལ་སོགས་པ་ཟླ་བ་དང་། རྡོ་རྗེའི་རྣམ་པ་དང་། རིགས་ལྔ་དང་། ཕུང་པོ་གཅིག་གིས་རྣམ་པར་ཤེས་པའི་རང་བཞིན་ཉིད་ཡིན་པའི་ཕྱིར། དེ་ཉིད་ནི་མོས་པས་སྤྱོད་པའི་
[125a.5]ས་ཡིན་ལ། མོས་པ་ནི་ལྷག་པར་མོས་པས་ཏེ། ཁྱད་པར་ཅན་གྱིས་ལྷའི་རྣམ་པར་བསྒོམ་པའི་བྱང་ཆུབ་ཀྱི་ཕྱོགས་ཀྱི་ཆོས་མ་ལུས་པ་རོ་གཅིག་པའི་བདག་ཉིད་ཅན་གྱི་སྤྱོད་པ་ནི། མ་རིག་པའི་གཉེན་པོ་ཡིན་པའི་ཕྱིར་རོ་ཞེས་བྱ་བའི་དོན་ཏོ། །ཡང་ན་དངོས་པོ་སོ་སོའི་
[125a.6]རྣམ་པར་དག་པ་གཞན་དང་གཞན་མ་ཡིན་ཏེ། ཞལ་བཞི་ནི་དགའ་བ་བཞིའི་རང་བཞིན་ཅན་ཏེ། འབྱུང་བ་ཆེན་པོ་བཞི་འདུས་ཏེ་རེག་པ་ལས་བྱུང་བའི་དགའ་བ་དང་། སྟོང་པ་ཉིད་ལ་སོགས་པ་རྣམ་པར་ཐར་པའི་སྒོའི་ཁྱད་པར་ཅན་གྱི་འབྲས་བུའི་རང་བཞིན་ཡིན་པའི་
[125a.7]ཕྱིར་རོ། །དེ་ལ་ཕྱག་བཅུ་གཉིས་ཀྱི་དང་པོས་ཌ་མ་རུ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་དག་པ་ཡིན་ཏེ། འདི་ལྟར་རང་དང་གཞན་དབྱེར་མེད་པའི་དཀྱིལ་འཁོར་གྱི་འཁོར་ལོའི་རྣམ་པ་རྟག་ཏུ་ཆོས་ཀྱི་སྒྲ་ཉན་པའི་ཕྱིར་རོ། །སེར་སྣ་དང་གཞན་གྱི་བདེ་བ་འཕྲོག་པའི་གཉེན་པོ་
[125b]
[125b.1]ཡིན་ནོ། །དེ་ཉིད་ནི་ས་རབ་ཏུ་དགའ་བ་སྟེ། བདག་དང་གཞན་དབྱེར་མེད་པའི་བདེ་བ་ཆེན་པོའི་དགའ་བ་དེ་སྐྱེད་པར་བྱེད་པ་ཉིད་ཡིན་པའི་ཕྱིར་རོ། །དགྲ་སྟ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ཡིན་ཏེ། འདི་ལྟར་སྲོག་གཅོད་པ་ལ་སོགས་པ་མི་དགེ་བ་དང་། བཟའ་
[125b.2]བར་བྱ་བའི་དམ་ཚིག་ལས་འདས་པ་ལ་སོགས་པ་འཆལ་བའི་ཚུལ་ཁྲིམས་ཀྱིས་འདུས་བྱས་གཅོད་པར་བྱེད་པའི་ཕྱིར་རོ། །དེ་ཉིད་ནི་ས་དྲི་མ་མེད་པ་སྟེ། སྡིག་པ་ཐམས་ཅད་ལས་ལྡོག་པར་བྱེད་པ་ཉིད་ཡིན་པའི་ཕྱིར་རོ། །གྲི་གུག་ནི་བཟོད་པའི་ཕ་རོལ་ཏུ་ཕྱིན་པ་རྣམ་པར་དག་པ་སྟེ།
[125b.3]ཕ་རོལ་ཀུན་ནས་འཁྲུག་པས་མཚོན་དང་དབྱིག་པ་དང་། ཕག་དུམ་ལ་སོགས་པས་བསྣུན་པས་རྣམ་པར་ཤེས་པ་འཁྲུག་ཅིང་མི་བཟོད་པ་ཀུན་ནས་གཅོད་པར་བྱེད་པ་ཡིན་པའི་ཕྱིར་རོ། །དེ་ཉིད་ནི་ས་འོད་བྱེད་པ་ཡིན་ཏེ། མི་འཁྲུགས་པས་སེམས་ལ་གནས་ཤིང་། གནས་པས་མི་ཤེས་
[125b.4]པ་རྣམ་པར་འཇིག་ལ། དེ་མེད་པས་ཡེ་ཤེས་རྙོགས་པ་མེད་པ་རབ་ཏུ་གསལ་བར་བྱེད་པ་ཞེས་བྱ་བའི་དོན་ཏོ། །རྩེ་གསུམ་པ་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ཡིན་ཏེ། སྙོམ་ལས་དང་ལེ་ལོ་དང་བརྩོན་འགྲུས་མེད་པ་དང་། སྤྲོ་བ་མེད་པས་ལམ་མ་ཡིན་པ་ལ་
[125b.5]རྗེས་སུ་སྤྱོད་པའི་ཕྱིར་ངན་འགྲོ་ངན་སོང་དམྱལ་བ་ལ་སོགས་པའི་མིང་དང་གཟུགས་འབྱུང་བ་དེའི་གཉེན་པོ་ལུས་དང་ངག་དང་ཡིད་མཁྱེན་པའི་རྩེ་གསུམ་རྣོན་པོའི་རང་བཞིན། བདེ་བར་གཤེགས་པ་སྐུལ་བར་བྱེད་པའི་བརྩོན་འགྲུས་ཀྱི་མཚན་ཉིད་ཅན་ནོ། །དེ་ཉིད་ནི་ས་འོད་འཕྲོ་བ་ཡིན་ཏེ།
[125b.6]འོད་ནི་འོད་ཟེར་ཏེ། ཡེ་ཤེས་རྣམ་པར་འཕྲོ་བའི་བློའི་ཁྱད་པར་ཤེས་རབ་ཀྱི་མཐུ་གང་གིས་བདེ་བར་གཤེགས་པ་ཉིད་དུ་འགྱུར་བ་ཞེས་བྱ་བར་དགོངས་སོ། །ཁ་ཊྭཱཾ་ག་ནི་བསམ་གཏན་གྱི་ཕ་རོལ་ཏུ་ཕྱིན་པ་རྣམ་པར་དག་པ་སྟེ། འདི་ལྟར་བསམ་གཏན་རྩེ་གཅིག་པས་སྐྱེ་མཆེད་དྲུག་གིས་རྣམ་
[125b.7]པར་གཡེང་བ་སྤངས་པས། ཕུང་པོ་ལ་སོགས་པ་མ་ལུས་པའི་མགོ་བོ་ནས་བརྩམས་ཏེ། རྐང་པའི་མཐར་ཐུག་རྣམ་པར་བཅད་ན། ནང་སྟོང་པ་ཉིད་དུ་རོ་གཅིག་ཅིང་གཡོ་བ་མེད་པ་ཉིད་ནི་དུང་དང་། ཀུནྡ་དང་། ཟླ་བ་དང་། ཤེལ་དག་པ་དང་འདྲ་བ་ཡིན་ཏེ། སེམས་ཀྱི་རང་བཞིན་དུ་གྱུར་
[126a]
[126a.1]པ་ཉིད་ཀྱི་ཕྱིར་རོ། །དེ་ཉིད་ནི་ས་རབ་ཏུ་སྦྱང་དཀའ་བ་ཡིན་ཏེ། རབ་ཏུ་སྟེ་ངེས་པར་མི་མཐུན་པའི་ཕྱོགས་བདུད་ཀྱིས་ཐུབ་པར་དཀའ་བ་ཉིད་ཀྱི་ཕྱིར་རོ། །དྲིལ་བུ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པའོ། །འདི་ལྟར་ཤེས་རབ་ནི་འཆལ་པའི་ཚུལ་
[126a.2]ཁྲིམས་དང་ངག་གི་ཐ་སྙད་ལ་སོགས་པའི་གཉེན་པོ་ཡིན་ཏེ། ཆོས་ཀྱི་གསུང་རིན་པོ་ཆེའི་སྒྲ་སྙན་པ་སྐྱེ་བ་མེད་པའི་སྦྱོར་བས། འགྲོ་བ་ཡང་དག་པར་སྟོན་པར་བྱེད་པའི་ཕྱིར་རོ། །དེ་ནི་ས་མངོན་དུ་གྱུར་པ་ཡིན་ཏེ། ཆོས་ཐམས་ཅད་སྐྱེ་བ་མེད་པ་ཞེས་བྱ་བའི་སྒྲ་མངོན་དུ་གྱུར་
[126a.3]པས་བརྗོད་པ་ནི་ལྡོག་པ་མེད་པ་ཡིན་ཏེ། ཆོས་ཉིད་དེས་རྣམ་པ་ཐམས་ཅད་མཁྱེན་པ་ཉིད་ཀྱི་འབྲས་བུར་འགྱུར་རོ་ཞེས་བྱ་བའི་དོན་ཏོ། །རྡོ་རྗེ་ནི་ཐབས་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ཡིན་ཏེ། །གང་གིས་སྦྱིན་པ་ལ་སོགས་པ་ལ་ཉེ་བར་སྤྱོད་ཅིང་ནན་ཏན་དུ་བྱེད་པ་དེ་ནི་ཐབས་ཡིན་ཏེ།
[126a.4]སེར་སྣ་ལ་སོགས་པ་ཐབས་མ་ཡིན་པའི་གཉེན་པོ་ཉིད་ཡིན་པའི་ཕྱིར་རོ། །དེའི་འབྲས་བུར་གྱུར་པ་ནི་གྲངས་ཇི་ལྟ་བ་བཞིན་དུ་མེ་ལོང་ལྟ་བུའི་ཡེ་ཤེས་ལ་སོགས་པ་ལྔ་རང་བཞིན་གཅིག་ཟབ་པ་དང་རྒྱ་ཆེ་བའི་རང་བཞིན་ཉིད་ཡིན་པའི་ཕྱིར་རོ། །དེ་ཉིད་ནི་ས་རིང་དུ་སོང་བ་ཡིན་ཏེ། །གང་གི་ཕྱིར་འདི་ལྟར་
[126a.5]སྟོང་པ་ཉིད་དང་སྙིང་རྗེ་ཆེན་པོ་དབྱེར་མེད་པའི་ལམ་གྱི་སྒོ་ནས་ཤིན་ཏུ་བདེ་བ་ལ་སོགས་པ་མྱོང་བ་ལས་དེས་སེམས་ཅན་ཐམས་ཅད་སྐད་ཅིག་མ་གཅིག་གིས་རིང་དུ་སོང་བར་བྱེད་པ་སྟེ། ཐོབ་པར་བྱེད་ཅེས་བྱ་བའི་ཐ་ཚིག་གོ། །པདྨའི་སྣོད་ནི་སྨོན་ལམ་གྱི་ཕ་རོལ་ཏུ་ཕྱིན་པ་རྣམ་པར་དག་པ་ཡིན་ཏེ། འདི་ལྟར་
[126a.6]དང་པོ་སེམས་བསྐྱེད་པའི་དུས་སུ། བདག་དཔལ་ཧེ་རུ་ཀར་གྱུར་ཅིག་ཅེས་བྱ་བ་ལ་སོགས་པའི་སྒོ་ནས་དམ་བཅས་པའི་སྨོན་ལམ་ཡིན་ཏེ། སེམས་ཅན་གྱི་དོན་ལ་བབ་པ་སྨོན་ལམ་གྱི་རྒྱན་གྱིས་ཉེ་བར་བརྒྱན་པ་ནི། སྨོན་ལམ་མ་ཡིན་པའི་ཤེས་པའི་རྩ་བ་ཅན་འཁོར་བར་འབྱིན་
[126a.7]པར་བྱེད་པའི་སྲེད་པ་དེའི་གཉེན་པོར་གྱུར་པས། ཡེ་ཤེས་ཀྱི་བདུད་རྩིས་ནང་ཀུན་ནས་བཀང་བ་ཅན་མངོན་པར་འདོད་པའི་ཕྱིར་རོ། །རང་དང་གཞན་གྱི་དོན་ལ་དབྱེ་བ་མེད་པ་རྒྱུན་མི་འཆད་པ་སྒྲུབ་པར་བྱེད་པའི་ཕྱིར་རོ། །དེ་ཉིད་ནི་ས་མི་གཡོ་བ་ཞེས་བྱ་བའི་དོན་ཏོ། །ཞགས་པ་
[126b]
[126b.1]ནི་སྟོབས་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ཡིན་ཏེ། འདི་ལྟར་སྟོབས་དང་མཐུ་དང་ནུས་པ་མ་ཚང་བ་མེད་པས་ཀུན་དུ་རྟོག་པའི་ཉེ་བར་ལེན་པའི་གཉེན་པོར་གྱུར་པའི་ཕྱིར་རོ། །ཚུལ་བཞིན་གཡོ་བ་མེད་པའི་ཆོས་ལ་འཇུག་པ་རྒྱུན་མི་འཆད་པ་དང་། ཀུན་ནས་དབང་
[126b.2]དུ་བྱེད་པའི་ཕྱིར་རོ། །དེ་ཉིད་ནི་ས་ལེགས་པའི་བློ་གྲོས་ཡིན་ཏེ། ལེགས་པའི་བློ་གྲོས་ནི་དགེ་བའི་བློ་སྟེ། རྣམ་པར་རྟོག་པ་འཛིན་པ་གཅོད་པའི་ཕྱིར་རོ། །བཅོམ་ལྡན་འདས་རྡོ་རྗེ་ཕག་མོ་ནི་ཡེ་ཤེས་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་སྟེ། འདི་ལྟར་ཐམས་ཅད་མཁྱེན་
[126b.3]པའི་ཡེ་ཤེས་ལྷུན་གྱིས་གྲུབ་པ་མཚོན་བྱ་དང་། མཚོན་བྱེད་དང་བྲལ་བ། བརྗོད་པ་མེད་པར་རོ་གཅིག་པའི་དགའ་བ་བདེ་བ་ཆེན་པོའི་རང་བཞིན་ཅན་བདག་དང་བདག་གིར་འཛིན་པའི་མི་ཤེས་པ་དང་། དངོས་པོར་འཛིན་པའི་གཉེན་པོས་སྣང་བ་མེད་པར་བྱེད་པར་བཟོད་པ། བྱིང་
[126b.4]བ་དང་། རྒོད་པའི་ཕྱོགས་གཉིས་ཀ་ཡོངས་སུ་གཅོད་པའོ། །དེ་ཉིད་ཀྱི་ཕྱིར་དེ་དག་གཅོད་པར་བྱེད་པས་ཏེ། གྲི་གུག་ཡིན་ལ། དེ་གཉིས་ཀ་མཉམ་པ་ཉིད་ཀྱི་རོ་མྱང་བའི་ཕྱིར། །ཁྲག་གིས་ཡོངས་སུ་བཀང་བའི་སྣོད་ཡིན་ནོ། །དེ་ཉིད་ནི་ས་ཆོས་ཀྱི་སྤྲིན་ཡིན་ཏེ། འདི་ལྟར་
[126b.5]སྤྲོས་པ་མེད་པའི་རང་བཞིན་ཅན་གྱི་ཆོས་ཉིད་ནི་སྤྲིན་ཡིན་ཏེ། སྤྲིན་དང་འདྲ་བར་རང་བཞིན་གྱི་ཆུའི་རྒྱུན་གྱིས་རླན་པར་བྱེད་པའི་ཕྱིར། སེམས་ཅན་གྱི་ཁམས་མ་ལུས་པ་ཚིམ་པར་བྱེད་ཅེས་བྱ་བའི་དོན་ཏོ། །ཚངས་པའི་མགོ་བོ་ནི་ཕུང་པོའི་བདུད་ཀྱི་རང་བཞིན་ཡིན་ཏེ། འདི་ལྟར་ཁམས་
[126b.6]གསུམ་པ་ཕུང་པོ་ལྔའི་བདག་ཉིད་ཅན་གྱི་ལུས་དེ་སྐྱེད་པར་བྱེད་པ་ཚངས་པའི་ངར་འཛིན་པ་ཅན་ལོག་པར་སྨྲ་བ་དེ་ཉིད་ནི་གཟུགས་ལ་སོགས་པའི་ཕུང་པོའི་བདུད་ལས་སྐྱེས་པའི་རྨོངས་པ་དེ་ལ། རྣམ་པར་ཤེས་པ་ངར་འཛིན་པའི་ང་རྒྱལ་གཅོད་པར་བྱེད་པའི་ཕྱིར། ཚངས་པའི་
[126b.7]མགོ་གདོང་བཞི་པ་ཡིན་ནོ་ཞེས་བྱ་བའི་དོན་ཏོ། །འཇིགས་བྱེད་ནི་ཉོན་མོངས་པའི་བདུད་ཀྱི་རང་བཞིན་ཡིན་ཏེ། ཉོན་མོངས་པ་ནི་འདོད་ཆགས་ཀྱི་རྩ་བ་ཅན་ཡིན་ལ། འདོད་ཆགས་ནི་དབང་ཕྱུག་ཆེན་པོ་ཡིན་ཏེ། འདོད་པས་ཞེན་པའི་འདོད་པས་སྤྲོ་བ་དང་བསྡུ་བའི་ང་རྒྱལ་ཅན།
[127a]
[127a.1]བདག་འཆིང་བར་བྱེད་པ་དེ་ཉིད་འཁོར་བ་ཡིན་ནོ། །མཉམ་པ་དང་མི་མཉམ་པ་ལ་སོགས་པས་ལུས་རྒས་པ། རྙིངས་པ། སྨིན་མ་དང་སྨ་ར་ལ་སོགས་པ་འཇིགས་པར་བྱེད་པའི་བདག་ཉིད། ངག་གི་རང་བཞིན་འབྲུག་སྒྲ་ལ་སོགས་པ་སྒྲོགས་པ་ཉིད་ཀྱི་
[127a.2]ཕྱིར་རོ། །དེའི་ང་རྒྱལ་བཟློག་པའི་དོན་དུ་རོལ་པས་ངེས་པར་མ་བཟུང་ཞིང་འབད་རྩོལ་མེད་པར་གཡོན་པའི་ཞབས་ཀྱིས་གན་རྐྱལ་དུ་མནན་པ་ཡིན་ནོ་ཞེས་བྱ་བའི་དོན་ཏོ། །དུས་མཚན་ནི་འཆི་བདག་གི་བདུད་ཀྱི་རང་བཞིན་ཡིན་ཏེ། ཕུང་པོ་རྣམ་པར་འཇིག་ཅིང་སྟོང་པ་
[127a.3]ཉིད་དོ། །འདས་པ་དང་། མ་འོངས་པ་དང་། ད་ལྟར་བྱུང་བའི་དུས་གསུམ་ན་ཡོད་པའི་ཕྱི་དང་ནང་གི་བདག་ཉིད་ཅན་གྱི་འཁོར་བའི་ཆོས་ཟབ་པར་བྱེད་པའི་བདག་ཉིད་ཅན་གཅིག་ཏུ་མྱ་ངན་ལས་འདས་པའི་རང་བཞིན་ཅན་ཁོང་ཁྲོ་བའི་སེམས་ཀྱི་རྒྱུན་ཐམས་ཅད་མེད་པ།
[127a.4]འདོད་ཆགས་དང་བྲལ་བ་མཚན་མོ་མི་ཤེས་པ་མུན་པ་དེ་ལ་ཞབས་གཡས་པ་རེག་པས་བསྐྱེད་པའི་བདེ་བ་ཆེན་པོའི་རྣམ་པའི་ཡེ་ཤེས་ངེས་པར་འཛིན་པའི་ཕྱིར། འདོད་ཆགས་ཆེན་པོ་ཡང་དག་པའི་ཐབས་ཡིན་ནོ་ཞེས་བྱ་བའི་དོན་ཏོ། །གླང་པོ་ཆེའི་པགས་པ་ནི་ལྷའི་བུའི་བདུད་
[127a.5]ཡིན་ཏེ། ལྷ་ནི་ལྷ་ཆེན་པོའོ། །དེའི་བུ་ནི་དེ་ལས་སྐྱེས་པའོ། །གླང་པོ་ཆེན་པོ་བགེགས་ཀྱི་དབང་ཕྱུག་སྟེ། ལོག་འདྲེན་ཉོན་མོངས་པ་སྒྲིབ་པ་མུན་པ་མུན་ནག་རྨོངས་པ། ཟབ་པ་དང་རྒྱ་ཆེ་བའི་ཡེ་ཤེས་ཐོབ་པར་བྱེད་པའི་རྒྱུ་དང་འགལ་བར་བྱེད་པ་དེའི་ཉོན་མོངས་པའི་པགས་
[127a.6]པ་བཤུས་ཏེ། ཕྱག་གཡས་པ་དང་གཡོན་པ་གཉིས་ཀྱིས་གོས་བཞིན་དུ་རྒྱལ་མཚན་གྱི་བླ་རེར་ཕུབ་པ་དང་འདྲ་བར་ཀུན་ནས་བགེགས་མེད་པར་བྱ་བ་དང་། སྲིད་པ་དང་ཞི་བ་གཉིས་ཀྱིས་གདུང་བ་གཉིས་སུ་མེད་པའི་རོ་གཅིག་པ་ཆེན་པོའི་གྲིབ་མ་བསིལ་བ་དང་འདྲ་བར་ཚིམ་པར་
[127a.7]བྱེད་པ་ཉིད་ཀྱི་ཕྱིར་རོ་ཞེས་བྱ་བའི་དོན་ཏོ། །དེ་དག་ཉིད་ནི་སངས་རྒྱས་ཀྱི་ས་བཅུ་གཉིས་པ་ཡིན་ཏེ། འདི་ལྟར་བདུད་བཞིའི་སྟོབས་དང་ངར་འཛིན་བཅོམ་ནས། ཤིན་ཏུ་རྨོངས་པ་ཆེན་པོ་ལ་སོགས་པའི་གཉེན་པོ་སྒོམ་པའི་སྟོབས་རྟོགས་པ་ལས་སྐྱེས་པ་ཕྱག་རྒྱ་ཆེན་པོའི་
[127b]
[127b.1]འདུས་ཏེ་རེག་པའི་ཀུན་དུ་བཟང་པོ་རོ་གཅིག་པ་དང་མཐའ་གཉིས་ཀ་མ་ལུས་པའི་རྣམ་པའི་ཡེ་ཤེས་དྲི་མ་མེད་པའི་གཡོ་བ་མེད་པ། གཉིས་སུ་མེད་པའི་ཆོས་ཉིད་ཀྱི་སྙིང་པོ་ཞེས་བྱ་བའི་དོན་ཏོ། །སྟག་གི་པགས་པ་ནི་ཞི་ཁྲོ་བ་ཡིན་ཏེ། ཡུལ་དྲུག་ལ་དགོད་པ་དང་། འདོད་པ་ལ་ཆགས་
[127b.2]པ་དང་། ལུས་དང་ངག་དང་སེམས་ཆེར་འཁྲུགས་པ་ལས་ཁྲོ་བ་སྐྱེ་བར་འགྱུར་རོ། །དེ་ཉིད་ནི་ཤིན་ཏུ་ཁྲོ་བ་ཉིད་ཀྱི་ཕྱིར་དང་། སྣ་ཚོགས་པ་ལ་མངོན་པར་འདོད་པ་ཉིད་ཀྱི་ཕྱིར། སྟག་ནི་སྣ་ཚོགས་པའི་རྣམ་པ་ཡིན་ནོ། །དེ་ལས་བཤུས་ནས་མནབས་པ་ནི་ཚངས་པར་སྤྱོད་པ་ལ་རྗེས་
[127b.3]སུ་སྤྱོད་པའི་ངང་ཚུལ་ཅན་ཉིད་ཡིན་པའི་ཕྱིར་རོ། །དབང་པོའི་མདུད་པའི་ཀུན་ནས་དྲེགས་པ་ཞི་བས་ཁྲོ་བ་མེད་པའི་སྐད་ཅིག་མའི་བདག་ཉིད་ཅན་ནོ་ཞེས་བྱ་བའི་ཐ་ཚིག་གོ། །དེ་ཉིད་ནི་རྡོ་རྗེ་ལས་ཀྱི་ཕ་རོལ་ཏུ་ཕྱིན་པ་སྟེ། འདི་ལྟར་རྡོ་རྗེ་འདྲ་བར་དབྱེར་མེད་ཅིང་མི་འཁྲུགས་པ་དབང་
[127b.4]པོའི་སྒོ་ནས་བདེ་བ་ཆེན་པོ་ཡིད་ལ་བྱེད་པའི་ལས་ལ་མཁས་པ། ལས་མ་ཡིན་པའི་གཉེན་པོ་ཡེ་ཤེས་ཀྱི་སྤྱོད་པའི་ངང་ཚུལ་ཅན་ཞེས་བྱ་བའི་དོན་ཏོ། །ཆགས་པ་ནི་མི་མགོའི་ཕྲེང་བ་ཡིན་ཏེ། འདི་ལྟར་འགྲོ་བ་ཐམས་ཅད་ལོངས་སྤྱོད་པའི་དོན་དུ་ཕུང་པོ་ལ་སོགས་པ་ལ་
[127b.5]ཆགས་ཤིང་། མངོན་པར་ཞེན་པར་འགྱུར་ཏེ། དེ་བཟློག་པའི་དོན་དུ་བཅོམ་ལྡན་འདས་ཀྱིས་ཕུང་པོ་དེ་ཉིད་ཀྱི་མགོ་ལ་སོགས་པའི་ཡན་ལག་སོ་སོ་ཐ་དད་པར་བཀོད་པ་ཙམ་རེ་རེ་ཞིང་ཕྱེ་ན་མི་བརྟན་པ་ཉིད་དུ་དེ་དག་ཁོང་དུ་ཆུད་པའི་ཕྱིར་མགྲིན་པ་ནས་བརྩམས་ཏེ། པུས་མོའི་
[127b.6]བར་དུ་མེ་ཏོག་གི་ཆུན་འཕྱང་དང་འདྲ་བའི་ཐོད་པའི་ཕྲེང་བ་ཤིན་ཏུ་རློན་པ་བརྒྱུས་པ་ནི་ཕུང་པོ་ལྔ། ལྔ་ལྔའི་བདག་ཉིད་ཅན་དང་། འབྱུང་བ་བཞི་རེ་རེ་ཞིང་ལྔ་ལྔའི་བདག་ཉིད་ཅན་དང་། མིག་གི་རྣམ་པར་ཤེས་པ་ལ་སོགས་པ་ལྔ། བྱང་ཆུབ་སེམས་ཀྱི་རང་བཞིན་དུ་བསྟན་པའི་
[127b.7]ཕྱིར་རོ། །དེ་ཉིད་ནི་རིན་ཆེན་པདྨའི་ཕ་རོལ་ཏུ་ཕྱིན་པ་སྟེ། རིན་པོ་ཆེ་ནི་རྡོ་རྗེ་ཡིན་ལ། པདྨ་ནི་ཆོས་འབྱུང་བ་ཡིན་ཏེ། དེ་གཉིས་རྣམ་པར་སད་པ་ལས། རིན་ཆེན་འབྱུང་ལྡན་དང་། འོད་དཔག་མེད་པ་རོ་གཅིག་ཏུ་སྐྱེས་པའི་བདེ་བ་ཆེན་པོའི་བདག་ཉིད་ཅན་གྱི་ལུས་ཕུང་པོ་
[128a]
[128a.1]ལྔ་ལ་སོགས་པའི་རང་བཞིན་དེའི་ཕ་རོལ་ཏེ་ངོགས། ཕྱག་རྒྱ་ཆེན་པོ་དེར་ཕྱིན་ཅིང་ཐོབ་པའི་ཕྱིར། ཕ་རོལ་ཏུ་ཕྱིན་པ་སྟེ། དེའི་རང་བཞིན་ནི་མི་མགོའི་ཕྲེང་བ་ཡིན་ནོ་ཞེས་བྱ་བའི་དོན་ཏོ། །དེ་ཁོ་ན་ཉིད་ཡོངས་སུ་རྫོགས་པའི་རྣམ་པར་དག་པ་ནི་རལ་པ་
[128a.2]དང་ཅོད་པན་ཡིན་ཏེ། དེ་ཁོ་ན་ཉིད་མ་ལུས་པ་གཅིག་ཏུ་བྱས་པ་འཇིག་པ་མེད་པར་སྟོན་པར་བྱེད་ལ། ཟབ་པ་དང་རྒྱ་ཆེ་བའི་སྐྲ་ལན་བུ་གཉིས་གཅུས་པའི་ཉིས་སྒྲིལ་དང་སྤྱི་བོར་སྣ་ཚོགས་རྡོ་རྗེ་རིགས་ལྔ་ཅན་གྱིས་བརྒྱན་པ་དང་། ཡེ་ཤེས་ལྔའི་བདག་ཉིད་ཐོད་པ་
[128a.3]ལྔའི་ཚད་སོར་ལྔ་པས་སྤྲས་པ་དང་། གཡོན་གྱི་ཆར་ཡེ་ཤེས་འོད་གསལ་བ་ཟླ་བས་མཚན་པ། ཁམས་གསུམ་པ་རོ་གཅིག་པའི་བདག་ཉིད་མི་བསྐྱོད་པའི་དབང་ཕྱུག་དང་མཚུངས་པར་ཆགས་པའི་འཁོར་ལོས་རྒྱས་བཏབ་ཅེས་བྱ་བའི་དོན་ཏོ། །སྒྲའི་ཕྱོགས་གཅིག་
[128a.4]མི་ཤིགས་པའི་རྣམ་པར་བསྐྱོད་མི་ནུས་པ་ལ་བརྟེན་ནས། རྣམ་པར་གཡེང་བའི་ཚུལ་དུ་འབྱུང་བའི་སྒྲ་མི་སྙན་པའི་དོན་ཡིན་ན་ཡང་དེའི་བདག་ཉིད་མ་ལུས་པའི་བྱང་ཆུབ་ཀྱི་ངོ་བོ་སྐྱེ་བའི་རྒྱུའི་མཚན་ཉིད་ནི་རྣ་བའི་ཕྱག་རྒྱ་ཡིན་ནོ། །མགུལ་རྒྱན་ནི་སྐལ་བ་ངན་པའི་ངག་
[128a.5]གི་བརྗོད་པ་ཡོངས་སུ་སྤང་བ་དང་། ཉིན་མཚན་དུ་རྒྱུན་མི་འཆད་པར་སྔགས་ཟློ་བའི་བདག་ཉིད་དང་། སེམས་ཅན་གདོན་པའི་རྒྱུས་གྲགས་པ་ཕུན་སུམ་ཚོགས་པའི་རིན་པོ་ཆེའི་བདུད་རྩི་མྱོང་བའི་རང་བཞིན་ཅན་ཡིན་ནོ། །གདུ་བུ་ནི་སྲོག་གཅོད་པ་ལ་སོགས་པ་རྗེས་
[128a.6]སུ་སྤྱོད་པ་ལས་ལྡོག་པའི་དོན་དང་། བསོད་ནམས་དང་ཡེ་ཤེས་ཀྱི་ཚོགས་དང་གཉིས་སུ་མེད་པའི་ཡེ་ཤེས་ཀྱི་དཔལ་ཕུན་སུམ་ཚོགས་པའི་རང་བཞིན་ཅན་རྣམ་པར་སྣང་མཛད་འོད་འཕྲོ་བའི་མཚན་ཉིད་ཅན་ཡིན་ནོ། །སྐུ་རེགས་ནི་ཕྱག་རྒྱ་ཆེན་པོ་དོན་ཡོད་པ་མོ་
[128a.7]གཤམ་མ་ཡིན་པ། འབྲས་བུ་དང་བཅས་པའི་དངོས་གྲུབ་ཀྱི་སྣོད་ཡེ་ཤེས་ཕུན་སུམ་ཚོགས་པ་རོ་གཅིག་པ་ཅན་ཡིན་ནོ། །ཐལ་བ་ནི་ཡེ་ཤེས་ཀྱི་མེ་འབར་བས་ཕུང་པོ་དང་འབྱུང་བ་བསྲེགས་པས་སྣང་བ་མེད་པས། ཤེལ་དང་འདྲ་བར་གསལ་བ། བྱང་ཆུབ་ཀྱི་སེམས་
[128b]
[128b.1]དཀར་པོས་ཡོངས་སུ་བྱུགས་པ་དང་། ལྷན་ཅིག་སྐྱེས་པ་དང་། ནམ་མཁའ་དང་། ཡེ་ཤེས་ཀྱི་སྣལ་མས་སེ་རལ་ཁར་བྱས་པ་ཡིན་ཏེ། རབ་ཀྱི་མཐར་ཕྱིན་པ་ཐོབ་པ་དང་པོའི་རྡོ་རྗེ་འཆང་གི་རང་བཞིན་ཅན་ནི། ཐལ་བ་དང་ཚངས་པའི་སྐུད་པ་ཡིན་ནོ་ཞེས་བྱ་བའི་དོན་ཏོ། །དེ་ལྟར་
[128b.2]སྐད་ཅིག་མ་བཅུ་དྲུག་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། ཕ་རོལ་ཏུ་ཕྱིན་པ་བཅུ་དང་། ས་བཅུ་དང་དབང་ཕྱུག་ལ་སོགས་པ་དྲུག་གི་ཆོས་ཀྱི་རང་བཞིན་ཅན་བཅོམ་ལྡན་འདས་དཔལ་ཧེ་རུ་ཀ་རྟེན་ཅིང་འབྲེལ་བར་འབྱུང་བ་ཡན་ལག་བཅུ་གཉིས་བདུད་བཞི་འདུལ་
[128b.3]བར་མཛད་པ། བདེ་བ་ཆེན་པོའི་ཡེ་ཤེས་རོ་གཅིག་པ་འགྲིབ་པ་མེད་པ་ཉམས་སུ་མྱོང་བའི་མཚན་ཉིད་ཅན་རྡོ་རྗེ་འཆང་གི་ས་སྟེ། བཅུ་གསུམ་པ་རྣམ་པར་དག་པ་ཞེས་བྱ་བའི་དོན་ཏོ། །སློབ་དཔོན་ཤྲདྡྷཱ་ཀ་ར་ཝརྨྨས་མཛད་པ། ཧེ་རུ་ཀའི་རྣམ་པར་དག་པ་རྫོགས་སོ།། །།
[128b.4]སློབ་དཔོན་དེ་ཉིད་དང་། ལོ་ཙཱ་བ་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། {T1482}༄༅༅། །རྒྱ་གར་སྐད་དུ། ཤྲཱི་ཧེ་རུ་ཀ་བྷཊྚཱ་ར་ཀ་པྲ་སཱ་དྷ་ནོ་པ་ཡི་ཀ་པཎྜི་ཀི་ནཱ་མ། བོད་སྐད་དུ། རྗེ་བཙུན་དཔལ་ཧེ་རུ་ཀ་སྒྲུབ་པའི་ཐབས་མདོར་བསྡུས་པ་ཞེས་བྱ་བ།
[128b.5]དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །རེ་ཞིག་དང་པོ་མལ་ནས་ལངས་ཏེ། གདོང་ལ་སོགས་པ་དག་པར་བྱས་ཏེ། བདུད་རྩི་ལྔའི་རིལ་བུ་ཁར་བཅུག་ལ། ཨཱ་ལི་དང་ཀཱ་ལི་ལན་གསུམ་བརྗོད་ནས། སྟན་འཇམ་པོ་ལོ་གནས་ཤིང་ལུས་དྲང་པོར་བྱས་ཏེ། སྣའི་རྩེ་མོར་བལྟས་
[128b.6]ནས། སོའི་རྒྱལ་པོའི་བར་མཚམས་ཀྱི་སྐྲའི་རྩེ་མོ་ཙམ་ལ་ཡང་དག་པར་རེག་ཅིང་། རི་བོ་ལྟར་མི་གཡོ་བར་གནས་པར་བྱའོ། །དེ་ནས་ཕུང་པོ་ལྔ་རང་རང་གི་ལྷའི་ང་རྒྱལ་བསྐྱེད་ཅིང་། རང་དང་གཞན་ལ་ཕན་པའི་ཕྱིར་འོག་ནས་འཆད་པར་འགྱུར་བའི་བཅོམ་ལྡན་འདས་ཀྱི་
[128b.7]གཟུགས་ཆོས་འདིས་བསྒོམ་པར་བྱའོ། །རེ་ཞིག་དང་པོ་ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་ཝཱན་བིདྱཱ་རཱ་ཛ་ཧཱུཾ་ཧཱུཾ་ཕཊ། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཱཾ་ཕཊ། ཨོཾ་ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ།
[129a]
[129a.1]ཧཱུཾ་ཧཱུཾ་ཧཱུཾ། བཛྲ་ཀཱི་ལ་ཡ། བཛྲ་དྷ་ར་ཨཱཛྙཱ་བ་ཡ་ཏི་ཀཱ་ཡ་ཝཱཀ་ཙིཏྟཾ་བཛྲཾ་ཧཱུཾ་ཕཊ། ཨོཾ་བཛྲ་མུདྒ་ར་བཛྲ་ཀཱི་ལཱ་ཀོ་ཊ་ཡ་ཧཱུཾ་ཕཊ། ཅེས་བྱ་བ་ལ་སོགས་པའི་སྔགས་ཀྱིས་ཕྱོགས་བཅུར་སེ་གོལ་བརྡབ་པར་བྱའོ། །དེ་ནས་རང་གི་སྙིང་གའི་ནམ་མཁར་མདོག་སེར་པོ་
[129a.2]ཡི་གེ་པཾ་ལས་བྱུང་བའི་སྣ་ཚོགས་པདྨ་དང་། ཡི་གེ་ཨོཾ་ཡོངས་སུ་གྱུར་པ་ལས་ཟླ་བ་དཀར་པོ་ལ་ཨཱ་ལི་ཀཱ་ལི་ཡོངས་སུ་གྱུར་པའི་ཟླ་བ་དང་ཉི་མའི་དཀྱིལ་འཁོར་ཁ་སྦྱར་གྱི་དབུས་སུ་ཡི་གེ་ཧཱུཾ་ནག་པོའི་འོད་ཟེར་གྱིས་བླ་མ་དང་སངས་རྒྱས་ལ་སོགས་པ་མཆོད་ཅིང་། སྡིག་པ་བཤགས་
[129a.3]པ་ལ་སོགས་པ་བྱ་ཞིང་། མདུན་དུ་ཨོཾ་ཧཱུཾ་ཨཱཿགྲངས་ཇི་ལྟ་བ་བཞིན་དུ་དཀར་པོ་དང་། སྔོན་པོ་དང་། དམར་པོའི་ས་བོན་གསུམ་བལྟས་ལ་དབུས་ཀྱི་ས་བོན་ཡོངས་སུ་གྱུར་པ་ལས་རྡོ་རྗེ་དེའི་དབུས་མའི་རྩེ་མོ་ལ་ཡི་གེ་ཧཱུཾ་བལྟས་ལ། དེའི་ཡི་གེ་གསུམ་གྱི་འོད་ཟེར་གྱིས་སེམས་ཅན་
[129a.4]གྱི་ཁམས་སྦྱང་ཞིང་། ཡང་བསྡུས་ཏེ་རང་རང་གི་ས་བོན་ལ་ཞུགས་སོ། །དེ་ནས་ཨོཾ་ནི་ཨཱཿལ་ཐིམ་པ་དང་། ཨཱ་ནི་རྡོ་རྗེའི་རྩེ་མོ་ལའོ། །རྩེ་མོ་ནི་རྡོ་རྗེ་ལའོ། །རྡོ་རྗེ་ནི་ཨཱུ་ལའོ། །ཨཱུ་ནི་ཧ་ལའོ། །ཧ་ནི་མགོ་བོ་ལའོ། །མགོ་བོ་ནི་ཟླ་ཚེས་ལའོ། །ཟླ་ཚེས་ཐིག་ལེ་ལའོ། །ཐིག་ལེ་ཡང་སྒྲ་
[129a.5]ལའོ། །སྒྲ་ནི་སྒྲ་ཙམ་ལའོ། །དེ་ལྟར་རིམ་གྱིས་བསྡུས་ཤིང་། ཁམས་ཕྲ་བ་ལ་ཞུགས་ཤིང་སྣོད་ཀྱི་འཇིག་རྟེན་སྦྱངས་ལ། ཅིག་ཅར་དུ་ཁམས་ཕྲ་བ་ལ་ཨཱ་ལི་ཀཱ་ལིའི་དབུས་སུ་ཡི་གེ་ཧཱུཾ་ཡོངས་སུ་གྱུར་པ་ལས། རང་གི་བདག་ཉིད་ཧེ་རུ་ཀའི་གཟུགས་སུ་བལྟ་བར་བྱའོ། །བཅོམ་
[129a.6]ལྡན་འདས་ནི་ཞལ་བཞི་པ། སྤྱན་གསུམ་པ། སྐུ་མདོག་ནག་པོ་ཕྱག་བཅུ་གཉིས་པ། གཡས་བརྐྱང་བའི་སྟང་སྟབས་ཅན། འཇིགས་བྱེད་ཆེན་པོ་དང་དུས་མཚན་མོ་ཞབས་ཀྱིས་མནན་པ། རྡོ་རྗེ་ཕག་མོ་ལ་འཁྱུད་པའི་ཕྱག་གཉིས་པོ་ལ་རྡོ་རྗེ་དང་དྲིལ་བུ། སྟེང་གི་ཕྱག་གཉིས་པ་ལ་
[129a.7]གླང་པོ་ཆེའི་པགས་པ་བསྣམས་པ། གཡས་པའི་གསུམ་པ་ལ་ཅང་ཏེའུ། བཞི་པ་ལ་དགྲ་སྟ། ལྔ་པ་ལ་གྲི་གུག །དྲུག་པ་ལ་རྩེ་གསུམ་འཕྱར་བ། གཡོན་གྱི་གསུམ་པ་ལ་ཁ་ཊྭཱཾ་ག་རྡོ་རྗེས་མཚན་པ། བཞི་པ་ཁྲག་གིས་གང་བའི་ཐོད་པ། ལྔ་པ་རྡོ་རྗེ་ཞགས་པ། དྲུག་པ་ཚངས་
[129b]
[129b.1]པའི་མགོ་བོ་བསྣམས་པ། རལ་བའི་ཅོད་པན་ཅན་ཟླ་གམ་དང་སྣ་ཚོགས་རྡོ་རྗེས་བརྒྱན་པ། ཞལ་འགྱུར་ཞིང་མཆེ་བ་རྣམ་པར་གཙིགས་པ། སྒེག་པ་ལ་སོགས་པའི་ཉམས་དང་ལྡན་པ། ཞལ་གཡོན་སེར་པོ། ནུབ་པདྨ་རཱ་ག་དང་འདྲ་བ། གཡས་མརྒད་ལྟ་བུ། སྟག་གི་པགས་པའི་
[129b.2]ཤམ་ཐབས་བསྣམས་པ། རྒྱུ་མ་ལ་བརྒྱུས་པའི་མི་མགོའི་ཕྲེང་བ་བསྣམས་པ། མགུལ་རྒྱན་དཔུང་རྒྱན་རྣ་ཆ་དང་། །སྤྱི་བོར་ནོར་བུས་རྣམ་པར་བརྒྱན། །མཆོད་ཕྱིར་ཐོགས་དང་ཐལ་བ་ནི། །ཕྱག་རྒྱ་དྲུག་ནི་རབ་ཏུ་གྲགས། །ཕ་རོལ་ཕྱིན་དྲུག་རྣམ་དག་པ། །ཕྱག་རྒྱ་དྲུག་གིས་རྒྱས་བཏབ་
[129b.3]པའོ། །དེའི་མདུན་དུ་བཅོམ་ལྡན་འདས་མ་རྡོ་རྗེ་ཕག་མོ། སྐུ་མདོག་དམར་མོ་ཞལ་གཅིག་ཕྱག་གཉིས་མ། སྤྱན་གསུམ་དབུ་སྐྲ་གྲོལ་བ། གཅེར་བུ་དུམ་བུས་བརྒྱན་པའི་སྐ་རགས་ཅན། འཁྱུད་པའི་ཕྱག་གཉིས་ཀྱིས་གདུག་པ་དང་བདུད་ལ་སོགས་པའི་ཁྲག་གིས་གང་བའི་སྣོད་
[129b.4]བསྣམས་པ། གཡས་པས་ནི་ཕྱོགས་ཐམས་ཅད་ཀྱི་གདུག་པ་ལ་སྡིགས་མཛུབ་མཛད་པའི་རྡོ་རྗེས་མཚན་པའི་གྲི་གུག་བསྣམས་པ། བསྐལ་པའི་མེ་ལྟར་འཇིགས་པ་ཆེ། །ཁྲག་ལ་དགྱེས་ཤིང་ཁྲག་འཛག་པ། །བྱིན་པ་གཉིས་པོ་འཁྱུད་ནས་ནི། །བདེ་ཆེན་ཐུགས་རྗེའི་བདག་
[129b.5]ཉིད་དོ། །མཁའ་འགྲོ་མ་དང་ལཱ་མ་དང་། །དུམ་སྐྱེས་མ་དང་གཟུགས་ཅན་མ། །དངོས་གྲུབ་ཐམས་ཅད་རབ་སྩོལ་བ། །ཕྱོགས་ཀྱི་འདབ་མ་རྣམས་ལ་དགོད། །ནག་དང་སེར་དང་དམར་དང་ལྗང་། །ཞལ་གཅིག་མ་ལ་ཕྱག་བཞི་མ། །གཡོན་པ་ཐོད་པ་ཁ་ཊྭཱཾ་དང་། །གཡས་
[129b.6]པ་ཅང་ཏེའུ་གྲི་གུག་བསྣམས། །སྤྱན་གསུམ་དབུ་སྐྲ་གྲོལ་བ་སྟེ། །གཡོན་བརྐྱང་ཕྱོགས་ཀྱི་གོས་ཅན་ཏེ། །ཞལ་ནི་མཆེ་བ་རྣམ་པར་གཙིགས། །ཕྱག་རྒྱ་ལྔ་ཡིས་སྐུ་བརྒྱན་པའོ། །བྱང་ཆུབ་སེམས་ཀྱིས་གང་བ་ནི། །གྲྭ་བཞི་ལ་ནི་ཐོད་བཞི་གནས། །ཤར་དང་བྱང་ནུབ་
[129b.7]ལྷོ་སྒོ་རུ། །ཁྭ་དང་འུག་པ་ཁྱི་དང་ནི། །ཕག་གི་གདོང་ཅན་དེ་བཞིན་ཏེ། །མེ་དང་དེ་བཞིན་རླུང་མཚམས་དང་། །དེ་བཞིན་དབང་ལྡན་མཚམས་སུ་ཡང་། །གཤིན་རྗེ་སྲེག་མ་གཤིན་རྗེ་ཡི། །ཕོ་ཉ་གཤིན་རྗེ་མཆེ་བ་མ། །དེ་བཞིན་གཤིན་རྗེ་འཇོམས་མ་དགོད། །ཇི་ལྟར་མཁའ་
[130a]
[130a.1]འགྲོ་མ་ལ་སོགས། །ཁྭ་གདོང་ལ་སོགས་དེ་བཞིན་བལྟ། །དེ་བཞིན་གྲྭ་ཡི་ལྷ་མོ་རྣམས། །ཡིད་འཕྲོག་མཛེས་པའི་གཟུགས་གཉིས་འཛིན། །ཡི་དགས་གདན་ཅན་དྲག་པོ་ཆེ། །མཆོག་ཏུ་འགྲོ་བའི་དོན་མཛད་པའོ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ་
[130a.2]ཌཱ་ཀི་ནཱི་ཛཱ་ལ་ཤཾ་བ་རཾ་སྭཱ་ཧཱ། ཨོཾབཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཧྲཱིཿཧ་ཧ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ། ཨོཾ་ལཱ་མཱ་ཡཻ་ཧཱུཾ་ཧཱུཾ་ཕཊ། ཨོཾ་ཁཎྜ་རོ་ཧཱ་ཡཻ་ཧཱུཾ་ཧཱུཾ་ཕཊ། ཨོཾ་རཱུ་པི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ཀཱ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཨུ་
[130a.3]ལཱུ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཤྭ་ནཱ་ཀ་སྱེ་ཧཱུཾ་ཧཱུཾ་ཕཊ། ཨོཾ་སཱུ་ཀ་རཱ་སྱེ་ཧཱུཾ་ཧཱུཾ་ཕཊ། ཨོཾ་ཡ་མ་དཱ་དྷཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཱུ་ཏཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཾ་ཥྚྲི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧཱུཾ་ཧཱུཾ་ཕཊ། སྐྱེ་བོ་ཀུན་ལ་རྨོངས་མེད་པའི། །དམ་ཚིག་ལྡན་ཞིང་བདེ་མཆོག་སྟོན། །བླ་མ་
[130a.4]ལ་གུས་སྙིང་རྗེ་ཅན། །སྐྱེ་དང་སྐྱེ་བར་བདག་གྱུར་ཅིག །ལག་ན་རྡོ་རྗེ་དྲིལ་བུ་བསྣམས། །ཟབ་མོའི་ཆོས་ནི་སྟོན་བྱེད་པའི། །བཙུན་མོའི་ཤུ་ཀྲ་ལེན་པ་པོ། །སྐྱེ་དང་སྐྱེ་བར་བདག་གྱུར་ཅིག །ཅེས་བྱ་བ་ནི་སྨོན་ལམ་མོ། །ཁྱོད་ཀྱིས་སེམས་ཅན་དོན་ཀུན་མཛད། །ཅི་ལྟར་
[130a.5]མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་སུ་གསོལ། །སླར་ཡང་འགྲོ་བའི་དོན་དུ་གཤེགས། །མུཿཞེས་པས་ནི་གཤེགས་སུ་གསོལ། །ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤནྣ་ཏྭཱ་ཏ་ཨོཾ་ཨཱཿཧཱུཾ་ཕཊ་སྭཱ་ཧཱ། ཞེས་བརྗོད་ཅིང་ཨུཏྤལའི་ཕྱག་རྒྱ་བཅས་
[130a.6]ལ་གཏོར་མ་བཏང་ངོ་། །དཔལ་རྗེ་བཙུན་ཧེ་རུ་ཀའི་སྒྲུབ་པའི་ཐབས་མདོར་བསྡུས་པ་ཞེས་བྱ་བ་བྲམ་ཟེ་བྷྲྀང་རའི་ཞལ་སྔ་ནས་ཀྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་གཞོན་ནུ་བུམ་པའི་ཞབས་ཀྱིས་བསྒྱུར། སླད་ཀྱི་པཎྜི་ཏ་སུ་མ་ཏི་ཀཱི་རྟིའི་ཞལ་སྔ་ནས།
[130a.7]ལོ་ཙཱ་བ་མར་པ་ཆོས་ཀྱི་དབང་ཕྱུག་གིས་ཞུས་ཏིག་བྱས་པའོ།། {T1483}༄༅༅། །རྒྱ་གར་སྐད་དུ། སཔྟ་ཨ་ཀྵ་ར་སཱ་དྷ་ན། བོད་སྐད་དུ། ཡི་གེ་བདུན་པའི་སྒྲུབ་ཐབས། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །ཀུན་དུ་རྟོག་པ་ཡོངས་སུ་སྤངས་པའི་ཆོས་སྐུར་
[130b]
[130b.1]གང་གསུངས་དང་། །དཔེ་མེད་བདེ་བ་རྩལ་གྱིས་མཛེས་པ་ལོངས་སྤྱོད་རྫོགས་སྐུ་དང་། །གང་གི་གནས་ལ་ཕན་པར་མཛད་པ་ལས་ནི་སྤྲུལ་པའི་སྐུ། །བཅོམ་ལྡན་རྡོ་རྗེ་སེམས་དཔའ་དེ་ཡིས་ཁྱེད་ལ་བདེ་ལེགས་ཤོག །གང་གི་ཕྱག་ན་ཁ་ཊྭཱཾ་ག་དང་ཌ་མ་རུས་ནི་ཆེར་སྒྲོགས་པ་
[130b.2]ཡིས་གར་མཛད་གང་། །འཇིག་རྟེན་གསུམ་པ་འགུལ་བཞིན་པ་ཡིས་རི་ཡི་རྩེ་མོ་བསྐྱོད་པས་ཆུ་ཡི་ཕུང་པོ་འཁྲུགས། །མཛེས་པའི་སྤྱན་དང་ཞལ་རྣམས་མངའ་བས་ཞབས་མནན་རྒྱ་མཚོ་ནང་གི་ས་ནི་དམར་གྱུར་པ། །རྣལ་འབྱོར་མ་ཡི་ཚོགས་ལྡན་དཔལ་ལྡན་ཁྲག་འཐུང་འདི་དེ་
[130b.3]ས་སྟེངས་རྟག་ཏུ་རྒྱལ་གྱུར་ཅིག །ཞལ་གསུམ་ཕྱག་དྲུག་སྔོན་པོ་ལ། །རང་སྣང་ཤེས་རབ་ལུས་འཇར་བ། །ཧཱུཾ་སྐྱེས་ལྷ་མོ་དྲུག་གི་མགོན། །བཏུད་ནས་སྒྲུབ་ཐབས་བྲི་བར་བྱ། །རྣལ་འབྱོར་པ་སྔ་བར་ལངས་ལ། དམ་ཚིག་གི་རིལ་བུ་ཁར་བཅུག་ནས། རི་བོ་དང་ཚང་ཚིང་
[130b.4]ལ་སོགས་ཉམས་དགའ་བའི་གནས་སུ་སྣ་ཚོགས་རྡོ་རྗེའི་གདན་ལ་འདུག་སྟེ། སྙིང་གར་ཉི་མ་ལ་གནས་པའི་ཡི་གེ་ཧཱུཾ་སྔོན་པོ་བལྟས་ལ་ཡི་གེ་ཧཱུཾ་དེ་ལས་འོད་ཟེར་རྣམ་པ་ལྔ་ནམ་མཁའི་ཁོངས་སུ་ཁམས་གསུམ་པ་མངོན་པར་ཁྱབ་པར་ཀུན་ནས་སྤྲོས་ཏེ། འོད་ཟེར་དེ་རྣམས་
[130b.5]ཀྱིས་འོག་མིན་གྱི་གནས་ན་བཞུགས་པའི་བཅོམ་ལྡན་འདས་འཆད་བཞིན་པའི་མདོག་དང་ཕྱག་དང་མཚོན་ཆ་དང་། རྣལ་འབྱོར་མ་དང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཏིལ་གྱི་གང་བུ་ལྟ་བུ་སྤྱན་དྲངས་ནས། ནམ་མཁའི་ཕྱོགས་སུ་མདུན་དུ་ཡང་དག་པར་བཞུགས་སུ་
[130b.6]གསོལ་ལ། འོད་ཟེར་དེ་རྣམས་ཀྱང་རང་གི་ས་བོན་ལ་བསྡུའོ། །དེ་ནས་རང་གི་ས་བོན་ལས་ཡང་དག་པར་སྤྲོས་པའི་ཕྱི་དང་། ནང་དང་། གསང་བ་དང་། དེ་ཉིད་མཆོད་པའི་ཁྱད་པར་རྣམས་ཀྱིས། བཅོམ་ལྡན་འདས་དང་རྣལ་འབྱོར་མ་དང་། བླ་མ་དང་སངས་རྒྱས་དང་བྱང་ཆུབ་སེམས་
[130b.7]དཔའ་རྣམས་ཆོ་ག་ཇི་ལྟ་བར་མཆོད་པར་བྱ་ཞིང་ཕྱག་འཚལ་ལོ། །དེ་ནས་དེ་རྣམས་ཀྱི་སྤྱན་སྔར་སྡིག་པ་བཤགས་པ་དང་། སྡིག་པ་མི་བྱ་བའི་ཕྱིར་བསྡམ་པ་དང་། བསོད་ནམས་ལ་རྗེས་སུ་ཡི་རང་བ་དང་། བསོད་ནམས་ཡོངས་སུ་བསྔོ་བ་དང་། གསུམ་ལ་སྐྱབས་སུ་
[131a]
[131a.1]འགྲོ་བ་དང་། བྱང་ཆུབ་ཏུ་སེམས་བསྐྱེད་པ་དང་། བདག་གིས་དངོས་པོ་དབུལ་བ་དང་། བསྐུལ་བ་དང་། གསོལ་བ་གདབ་པ་བྱས་ནས། དེའི་འོག་ཏུ་ཚངས་པའི་གནས་བཞི་བསྒོམ་མོ། །དེ་ནས་ཆོས་ཐམས་ཅད་ནི་སྟོང་པ་ཉིད་ཀྱི་ཡེ་ཤེས་ཀྱི་རྡོ་རྗེའི་བདག་ཉིད་དེ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་
[131a.2]བྷཱ་ཝ་ཨཱཏྨ་ཀོ྅ཧཾ། ཞེས་བྱ་བ་དངོས་པོ་མ་ལུས་པའི་དེ་ཁོ་ན་ཉིད་སྡུད་པར་བྱེད་པའི་སྔགས་ཀྱི་དེ་ཁོ་ན་མངོན་དུ་བྱེད་ཅིང་། དེ་མ་སྐྱེས་མ་འགགས་པ་འོད་གསལ་བའི་ཏིང་ངེ་འཛིན་ལ་ཡུད་ཙམ་རབ་ཏུ་མི་གནས་པའི་ངོ་བོར་ཡང་དག་པར་གནས་པར་བྱའོ། །དེ་ནས་སྔར་གྱི་སྨོན་ལམ་གྱི་ཤུགས་ཀྱིས་
[131a.3]ནུས་པས་འོད་གསལ་བའི་གནས་ལས་ལངས་ལ། རྨི་ལམ་དང་སྒྱུ་མ་ལྟ་བུ་སྣ་ཚོགས་ལ་བལྟ་ཞིང་། འགྲོ་བའི་དོན་དུ་བདག་ཉིད་དཔལ་ཧེ་རུ་ཀ་ཉིད་དུ་རྣམ་པར་བསྒོམ་པར་བྱའོ། །ཡཾ་རཾ་བཾ་ལཾ་ཡོངས་སུ་གྱུར་པ་ལས་གཞུ་དང་ཟུར་གསུམ་པ་དང་ཟླུམ་པོ་དང་གྲུ་བཞི་པ་སྔོན་པོ་དང་དམར་པོ་
[131a.4]དང་དཀར་པོ་དང་སེར་པོ་འབྱུང་བ་བཞིའི་དཀྱིལ་འཁོར་གོང་ནས་གོང་དུ་བལྟའོ། །དེའི་སྟེང་དུ་ཡི་གེ་སུཾ་ལས་བྱུང་བའི་རི་རབ་གྲུ་བཞི་པ་རིན་པོ་ཆེ་སྣ་བདུན་གྱི་རང་བཞིན་རྩེ་མོ་བརྒྱད་ཀྱིས་ཉེ་བར་མཛེས་པའོ། །དེའི་སྟེང་དུ་ཨོཾ་མེ་དི་ནཱི་བཛྲཱི་བྷ་བ་བཛྲ་བནྡྷ་ཧཱུཾ། ཨོཾ་བཛྲ་བྲཱ་ཀཱ་ར་ཧཱུཾ་བཾ་ཧཱུཾ། ཨོཾ་བཛྲ་པཉྫ་ར་
[131a.5]ཧཱུཾ་བཾ་ཧཱུཾ། ཨོཾ་བཛྲ་བི་ཏཱ་ན་ཧཱུཾ་ཁཾ་ཧཱུཾ། ཨོཾ་བཛྲ་ས་ར་ཛཱ་ལ་ཏྲཾ་སཾ་ཏྲཾ། ཨོཾ་བཛྲ་ཛྭ་ལ་ཨ་ན་ལཱ་ཨ་ན་ལཱ་རྐ་ཧཱུཾ་ཧཱུཾ་ཧཱུཾ། སྔགས་ཀྱི་ཚིག་དེ་དག་གིས་རྡོ་རྗེའི་ས་གཞི་ལ་སོགས་པ་རྣམ་པ་དྲུག་བྱས་ལ། དེའི་ནང་གྲུ་བཞི་ལ་སོགས་པའི་ཁང་པ་བརྩེགས་མ་རྣམ་པར་བསྒོམ་པར་བྱའོ། །དེའི་དབུས་སུ་སྣ་ཚོགས་པདྨ་ལ་
[131a.6]གནས་པའི་འཁོར་ལོ་རྩིབས་དྲུག་པ་རྡོ་རྗེ་དང་པདྨ་འཁོར་ལོའི་ཕྲེང་བས་ཡོངས་སུ་བསྐོར་བར་བསམ་མོ། །དེའི་ནང་དུ་པདྨའི་ལྟེ་བ་ལ་གནས་པ། རཾ་ལས་བྱུང་བའི་ཉི་མའི་དཀྱིལ་འཁོར་ལ། ཨ་ཚར་དང་ཀ་ཚར་ཡོངས་སུ་གྱུར་པ་ལས་ཟླ་བ་དང་ཉི་མ་ཁ་སྦྱར་བའི་དབུས་ན་གནས་པའི་ཡི་གེ་
[131a.7]ཧཱུཾ་སྔོན་པོ་རྡོ་རྗེ་སེམས་དཔའི་རང་གི་ངོ་བོ་ཉིད་བསྒོམ་མོ། །དེ་དག་ཐམས་ཅད་ཡོངས་སུ་གྱུར་བ་ལས་བཅོམ་ལྡན་འདས་རྡོ་རྗེ་མཁའ་འགྲོ་ཧཱུཾ་ལས་བྱུང་བ་ཕག་མོ་ལ་འཁྱུད་པ་བདེ་བ་ཆེན་པོ་མན་ངག་ཇི་ལྟ་བ་བཞིན་དུ་མེ་ལོང་ལྟ་བུ་ལ་སོགས་པ་ཡེ་ཤེས་ལྔའི་བདག་ཉིད། ཕྱག་དྲུག་པ་ཞལ་
[131b]
[131b.1]གསུམ་པ། རྩ་བ་དང་གཡས་དང་གཡོན་ནག་པོ་སེར་པོ་དང་ལྗང་གུ། སྤྱན་གསུམ་པ་ཁྱབ་བདག་མཚན་སུམ་ཅུ་རྩ་གཉིས་དང་དཔེ་བྱད་བརྒྱད་ཅུའི་བདག་ཉིད་ཅན་འཁྱུད་པའི་ཕྱག་དག་གིས་རྡོ་རྗེ་དང་དྲིལ་བུ་འཛིན་པ། ཕྱག་ཅིག་ཤོས་དག་གིས་སྟེང་ནས་མིའི་པགས་པ་འཕྱང་བ། ཕྱག་གཡོན་ན་ཁ་ཊྭཱཾ་ག་
[131b.2]བརྟེན་པ་དང་ཐོད་པ་ཁྲག་གིས་གང་བ་ཅན། གཡས་པས་མདུང་རྩེ་གསུམ་པ་འཛིན་པ། ཐོད་པའི་རྒྱན་འབར་བ། ཕྱག་རྒྱ་དྲུག་གིས་རྣམ་པར་ཀླུབས་པ། རྐེད་པར་སྟག་གི་པགས་པའི་ན་བཟའ་གསོལ་བ། རལ་པའི་ཚོགས་སྣ་ཚོགས་རྡོ་རྗེ་དང་ཟླ་བ་ཕྱེད་པས་བརྒྱན་པ་སྟེ། སྣ་ཚོགས་པདྨ་དང་
[131b.3]ཉི་མའི་དབུས་ན་གནས་པའི་སྲིད་པ་དང་མྱ་ངན་ལས་འདས་པའི་རང་བཞིན་འཇིགས་བྱེད་དང་། དུས་མཚན་མོའི་མགོ་བོའི་རྣ་བ་གཡོན་པ་དང་ནུ་མ་གཡས་བརྐྱང་བའི་ཞབས་ཀྱིས་མནན་པར་བསྒོམ་མོ། །མགོན་པོ་ཇི་ལྟ་བ་དེ་བཞིན་དུ་རྡོ་རྗེ་ཕག་མོའི་མདོག་དང་ཕྱག་ལ་སོགས་པ་ཡིན་ནོ། །འོན་ཀྱང་མིའི་
[131b.4]པགས་པ་སྤངས་ནས་ཕྱག་དེ་དག་གིས་མདའ་དང་གཞུ་འཆང་བས་ཏེ། ལྷ་མོ་ནི་བཅོམ་ལྡན་འདས་ལ་པུས་མོ་གཉིས་ཀུན་ནས་འཁྱུད་དེ་མཆོག་ཏུ་དགའ་བས་མྱོས་པར་བསམ་མོ། །དེ་ནས་རྩིབས་དྲུག་པོ་དག་ལ་ཡང་གཡོན་སྐོར་དུ་ལྷ་མོ་དྲུག་བལྟའོ། །དེ་ལ་ཤར་གྱི་རྩིབས་ལ་ཡི་གེ་ཕཊ་
[131b.5]ལས་བྱུང་བ་དང་པོ་ལྷ་མོ་དཔལ་ཁྲག་འཐུང་མ་མདོག་སྔོན་མོ། རྩིབས་གཞན་ལ་ཡི་གེ་ཧཱུཾ་ལས་བྱུང་བ་གཉིས་པ་རྡོ་རྗེ་འཇིགས་བྱེད་མ་མདོག་སེར་མོ། རྩིབས་གཞན་ལ་ཡི་གེ་ཧ་ལས་སྐྱེས་པ་གསུམ་པ་གཏུམ་དྲག་མོ་མདོག་དམར་བ། རྩིབས་གཞན་ལ་ཡི་གེ་ཧ་ལས་བྱུང་བ་རྡོ་རྗེ་
[131b.6]སྣ་ཕྱེད་མ་ལྗང་གུ། རྩིབས་གཞན་ལ་ཡི་གེ་ཧྲིཿ་ལས་ཡང་དག་པར་སྐྱེས་པ་ལྔ་པ་རྡོ་རྗེ་དྲག་མོ་དུ་བའི་མདོག །རྩིབས་གཞན་ལ་ཡི་གེ་ཨོཾ་ལས་གྲུབ་པ་དྲུག་པ་རྡོ་རྗེ་མཁའ་འགྲོ་མ་མདོག་དཀར་མོའོ། །ལྷ་མོ་དེ་དག་ཞལ་གཅིག་མ་ཕྱག་བཞི་མ་གཉིས་ཀྱིས་ཌ་མ་རུ་དང་དྲིལ་བུ་སྒྲ་སྒྲོགས་ཤིང་
[131b.7]འཛིན་པ། དེ་ལས་གཞན་པ་དག་གིས་མིའི་པགས་པ་སྟེང་ནས་འཛིན་པ། ཐམས་ཅད་དྲག་མོ་ཆེན་མོ་སྤྱན་གསུམ་མ། སྐྲ་བཤིག་མ། ཕྱོགས་ཀྱི་གོས་ཅན་ཡི་དགས་དང་ཉི་མའི་སྟེང་ན་གནས་པ། ཐོད་པའི་ཕྲེང་བའི་ཅོད་པན་ཅན། གཡོན་བརྐྱང་བས་གདན་ལ་བཞུགས་པ། ཕྱག་
[132a]
[132a.1]རྒྱ་ལྔ་འཆང་བ། དངོས་གྲུབ་ཉེ་བར་མཛད་མ་རྣམས་བསམ་མོ། །དེའི་རྗེས་ལ་བཅོམ་ལྡན་འདས་ཀྱི་སྙིང་གའི་ས་བོན་ལས་རྣམ་པར་བྱུང་བའི་འོད་ཟེར་རྣམས་དང་། ཡི་གེ་ཛཿ་ཡིས་ཡེ་ཤེས་ཀྱི་འཁོར་ལོ་དགུག་ཅིང་། ཡི་གེ་ཧཱུཾ་གིས་དམ་ཚིག་གི་འཁོར་ལོར་ཆུ་ལ་ཆུ་བཞིན་དུ་གཞུག་སྟེ།
[132a.2]ཡི་གེ་བཾ་གྱིས་འཆིང་བ་དང་། ཡི་གེ་ཧོཿ་ཡིས་མཉེས་པར་བྱའོ། །ཡེ་ཤེས་སེམས་དཔའི་ཐུགས་ཀའི་ས་བོན་བསམས་ནས། ལཾ་མཾ་བཾ་ཏཾ་ཁཾ་ཞེས་བྱ་བ་རྣམས་ཀྱིས་ཁམས་ལྔ་བྱིན་གྱིས་བརླབ་བོ། །ཡི་གེ་ཨོཾ་ཨཱཾ་ཧྲི་ཧོ་ཧཱུཾ་ཧི་རྣམས་ཀྱིས་གཟུགས་ལ་སོགས་པའི་ཕུང་པོ་རྣམས་ཀྱང་ངོ་། །ཡི་གེ་བྷཱུཾ་ཧཱུཾ་ཁཾ་ཨ་
[132a.3]ཧཾ་ཧེ་རྣམས་ཀྱིས་སྐྱེ་མཆེད་རྣམས་སྦྱང་ངོ་། །དེ་ནས་ལྷ་དྲུག་གི་བདག་ཉིད་ཀྱི་གོ་ཆ་རྣམས་ཀྱིས་བདག་ཉིད་བགོ་སྟེ། །ཨོཾ་ཧ་སྙིང་གར། ན་མ་ཧི་མགོ་བོ་ལ། སྭཱ་ཧཱ་ཧུ་སྤྱི་གཙུག་ཏུ། བཽ་ཥཊ་ཧེ་ཕྲག་པ་གཉིས་ལ། ཧཱུཾ་ཧཱུཾ་ཧོ་མིག་དག་ལ། ཕཊ་ཧཾ་ཡན་ལག་ཐམས་ཅད་ལ་མཚོན་ཆའོ། །ལྷ་མོ་དྲུག་གི་དག་པའི་སྔགས་
[132a.4]ཀྱི་ཚིག་རྣམས་ཀྱིས་བཅོམ་ལྡན་འདས་མ་གོ་བགོ་སྟེ། ཨོཾ་བཾ་ལྟེ་བར། ཧཾ་ཡོཾ་སྙིང་གར། ཧྲིཾ་མོཾ་ཁ་ལ། ཧྲེཾ་ཧྲིཾ་སྤྱི་བོར། ཧཱུཾ་ཧཱུཾ་སྤྱི་གཙུག་ཏུ། ཕཊ་ཕཊ་ཡན་ལག་ཐམས་ཅད་ལ་མཚོན་ཆའོ། །དེའི་རྗེས་ལ་བཅོམ་ལྡན་འདས་མའི་སྐུ་དང་གསུང་དང་ཐུགས་ཀྱི་ལམ་དག་ལ་ཨོཾ་ཨཱཿ་ཧཱུཾ་དགོད་དོ། །དེ་ནས་རང་གི་སྙིང་
[132a.5]གའི་ས་བོན་ལས་རྣམ་པར་བྱུང་བའི་འོད་ཟེར་རྣམས་ཀྱིས་བསྐུལ་ཏེ་དེ་བཞིན་གཤེགས་པ་ཐམས་ཅད་བཀུག་ལ། དབང་བསྐུར་བར་གསོལ་བ་བཏབ་སྟེ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་བདག་ལ་དབང་བསྐུར་བ་སྩལ་དུ་གསོལ་ཞེས་སོ། །དེ་བཞིན་གཤེགས་པ་སངས་རྒྱས་རྣམས་ཀྱི་
[132a.6]སྤྲུལ་པའི་གཟུགས་དུ་མ་ལ་སོགས་པས་བདུད་རྩི་ལྔས་བཀང་པའི་བུམ་པ་ལག་ན་ཐོགས་པ་དབང་བསྐུར་བའི་ཚུལ་དུ་བྱེད་པས། དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་པ་ཡིས་ཕྱག་བྱས་པ། །སངས་རྒྱས་རྣམས་ནི་ཐམས་ཅད་ཀྱི། །གསང་གསུམ་གནས་ལས་བྱུང་བ་སྦྱིན། །ཨོཾ་སརྦྦས་ཏ་
[132a.7]ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཞེས་བརྗོད་ནས་དབང་བསྐུར་བ་ན་སེམས་ཀྱི་དབང་བདག་ཅོད་པན་དུ་གྱུར་པར་བྱའོ། །ཞེ་སྡང་དང་ཕྲ་མ་དང་ཕྲག་དོག་དང་འདོད་ཆགས་དང་གཏི་མུག་དང་ཆོས་ཀྱི་དབྱིངས་ཀྱི་ཅོད་པན་རྣམས་ལྷ་མོ་རྣམས་ལ་རིམ་པ་ཇི་ལྟ་བར་འཁྲུང་བ་ཞེས་བསམ་མོ། །ཡི་གེ་ཧཱུཾ་ལས་
[132b]
[132b.1]སྐྱེས་པའི་རྡོ་རྗེ་དང་། ལྷ་མོ་ལ་ཡི་གེ་ཨེ་ལས་སྐྱེས་པའི་པདྨ་འདབ་མ་གསུམ་པར། ཨ་ལས་སྐྱེས་པའི་སྙིང་པོ། ཨོཾ་ལས་སྐྱེས་པའི་ཟེའུ་འབྲུ་བསྒོམ་མོ། །རྡོ་རྗེ་ལྕགས་ཀྱུའི་རྣམ་པའི་འོད་ཟེར་གྱིས་དྲངས་པའི་པདྨའི་སྣ་རྩེར་མྱོས་བྱེད་ཤིན་ཏུ་མྱོས་པར་རྗེས་སུ་ཆགས་པར་བྱ་སྟེ། ཨོཾ་སརྦྦ་ཏ་ཐཱ་ག་ཏ་
[132b.2]ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་བྱ་བའི་སྒྲ་རྣམས་ཀྱིས་བསྐུལ་ལ་དེ་བཞིན་གཤེགས་པ་ཐམས་ཅད་ཞུགས་ཏེ་རྗེས་སུ་ཆགས་པར་བྱས་ནས་སྙིང་གར་ཞུ་བར་བྱས་ལ། རྡོ་རྗེའི་ལམ་ནས་པདྨའི་ལྟེ་བར་སྤྲོ་བར་བྱའོ། །མཆོད་པའི་ལྷ་མོ་བཅུ་དྲུག་པ་བ་སྤུའི་ཁུང་བུའི་རྩེ་མོའི་མཚམས་
[132b.3]རྣམས་ཀུན་ནས་སྤྲོས་ལ། ཆོ་ག་བཞིན་དུ་མཆོད་ཡོན་དང་ཞབས་བསིལ་ལ་སོགས་པ་དབུལ་ལོ། །ཨོཾ་ཤྲཱི་ཧེ་རུ་ཀ་ཨ་རྒྷཾ་པྲ་ཏཱིཙྪ་སྭཱ་ཧཱ། ཨོཾ་ཤྲཱི་ཧེ་རུ་ཀ་པཱ་དྱཾ་པྲ་ཏཱི་ཙྪ་སྭཱ་ཧཱ། ཨོཾ་ཤྲཱི་ཧེ་རུ་ཀ་ཨ་ཉྪ་མ་ཎཾ་པྲ་ཏཱི་ཙྪ་སྭཱ་ཧཱ། ཕྱི་ནས་མཁའ་འགྲོ་མ་རྣམས་ཀྱིས་དྲི་རྣམས་དང་མེ་ཏོག་རྣམས་ཀྱིས་མཆོད་པར་
[132b.4]བྱ་ཞིང་བསྟོད་པར་བྱའོ། །དེ་ནས་བདུད་རྩི་མྱང་བ་བསམ་པར་བྱ་སྟེ། ཡི་གེ་ཡཾ་ཡོངས་སུ་གྱུར་པ་ལས་རླུང་གི་དཀྱིལ་འཁོར། དེའི་སྟེང་དུ་རཾ་ཡོངས་སུ་གྱུར་པ་ལས་མེའི་དཀྱིལ་འཁོར། དེའི་སྟེང་དུ་མགོ་བོ་གསུམ་ལ་གནས་པ་ཡི་གེ་ཨ་དམར་པོ་ལས་སྐྱེས་པ་པདྨའི་སྣོད། དེའི་དབུས་སུ་ཧྲཱུཾ་ཏྲཱཾ་ཛྲཱྀཾ་ཁཾ་
[132b.5]ཧཱུཾ་ལཾ་མཾ་བཾ་ཏཾ་དེ་དག་ཡོངས་སུ་གྱུར་བས་བདུད་རྩི་ལྔ་དང་སྒྲོན་མ་ལྔ་རང་རང་གི་ས་བོན་གྱིས་མཚན་པ་དེའི་ཁ་ཆོད་ཀྱི་གེ་ཨོཾ་དེའི་སྟེང་དུ་ཡི་གེ་ཨཱཿ་ལས་སྐྱེས་པའི་རི་བོང་ཅན། དེ་ལ་ཧཱུཾ་ལས་བྱུང་བའི་རྡོ་རྗེ་ས་བོན་དེས་མཚན་པའོ། །རླུང་གིས་མེ་སྦར་ཏེ་སྐྱེས་པས་དག་པ་དང་། དེ་བཞིན་གཤེགས་
[132b.6]པ་ཐམས་ཅད་དང་ཡི་གེ་ཨོཾ་དང་ཟླ་བ་དང་རྡོ་རྗེ་རྣམས་ཞུ་བར་གྱུར་ནས་ཐོད་པ་དེར་ལྷུང་བ་དང་། དེ་ལས་ཨོཾ་ཨཱཿ་ཧཱུཾ་ཞེས་བརྗོད་ལ། ལྷ་ཐམས་ཅད་ཀྱི་བདུད་རྩི་བཀུག་ནས་དེ་ཉིད་དུ་གཞུག་གོ། །འདི་ཉིད་ཀྱིས་བྱིན་གྱིས་བརླབས་ལ་ལྕེའི་རྩེ་མོར་ཧཱུཾ་ལས་བྱུང་བ་ནས་ཀྱི་འབྲས་བུའི་ཚད་རྡོ་རྗེ་དཀར་
[132b.7]པོ་སྟེ། རྡོ་རྗེའི་སྦུ་གུས་བདུད་རྩི་དེ་མྱང་བར་བྱའོ། །བཅོམ་ལྡན་འདས་དང་ལྷ་མོའི་ཚོགས་ལ་ཞལ་དུ་སྦྱིན་པར་བྱའོ། །དེ་ནས་བསམ་གཏན་གྱིས་སྐྱོན་བདེ་མཆོག་གི་ང་རྒྱལ་འཆང་ཞིང་སྔགས་བཟླས་ཏེ། དེ་ལ་འདི་ནི་སྔགས་ཏེ། ཨོཾ་ཧྲཱིཿ་ཧ་ཧ་ཧཱུཾ་ཧཱུཾ་ཕཊ། བཟླས་པས་སྐྱོན་དག་པ་དྲན་པར་བྱ། དྲན་
[133a]
[133a.1]པ་ཡང་དག་བྱང་ཆུབ་ཀྱི་ཡན་ལག་ནི་དཔལ་ཧེ་རུ་ཀའོ། །ཆོས་རབ་ཏུ་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི་དཔལ་ཁྲག་འཐུང་མའོ། །བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི་དཔལ་རྡོ་རྗེ་འཇིགས་བྱེད་མའོ། །ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་
[133a.2]ཡན་ལག་ནི་རྡོ་རྗེ་སྣང་བྱེད་མའོ། །ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ནི་རྡོ་རྗེ་དྲག་མོའོ། །བཏང་སྙོམས་ཡང་དག་བྱང་ཆུབ་ཀྱི་ཡན་ལག་ནི་རྡོ་རྗེ་མཁའ་འགྲོ་མའོ། །མགུལ་ཆུ་དང་གདུ་གུ་དང་དཔུང་རྒྱན་དང་གདུབ་ཀོར་དང་ཐལ་བ་དང་སྐུད་པ་རྣམས་ནི་ཕ་རོལ་ཏུ་ཕྱིན་པ་དྲུག་རྣམ་པར་དག་
[133a.3]པར་རྟོགས་པར་བྱའོ། །གཏོར་མ་ཉེ་བར་སྦྱོར་བ་སྔོན་དུ་འགྲོ་བར་ཐུན་གསུམ་དུ་བཅོམ་ལྡན་འདས་བསམ་པར་བྱའོ། །དེ་ལ་འདི་ནི་གཏོར་མའི་རིམ་པ་ཡིན་ཏེ། རྣལ་འབྱོར་གཡས་བརྐྱང་པའི་ཞབས་ཀྱིས་གནས་པ། གནས་མཐོན་པོ་ལ་བརྟེན་ཞིང་ཁ་ལྷོར་བལྟས་པ་གཅེར་བུ་སྐྲ་བཤིག་པས་
[133a.4]ནམ་ཕྱེད་ན་རྐང་པ་མནན་ཅིང་གྱེན་དུ་བལྟ་བ། གྱེན་དུ་ཕེཾ་ཞེས་སྒྲོགས་པས་འབར་བའི་ཕྱག་རྒྱ་བྱས་ནས་བསྐོར་ཞིང་བསྐོར་བས་དཔའ་བོ་དང་རྣལ་འབྱོར་མ་བཀུག་ལ། དེའི་རྗེས་ལ་རྡོ་རྗེ་ཐལ་མོ་ཁ་གྱེན་དུ་ཕྱེ་བ་བྱས་ནས། ཨོཾ་ཨཱཿ་བཛྲ་ཨ་ར་ལླི་ཧོ་ཛཿཧཱུཾ་བཾ་ཧོཿབཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཡ་ཧོཿ་དེ་ལྟར་
[133a.5]ལན་གཅིག་གཉིས་གསུམ་བཞི་ལྔར་བརྗོད་ལ་སྔགས་བཟླའོ། །དེའི་རྗེས་ལ། ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཱ་ཀྵ་སཾ་བྷཱུ་ཏ་པྲེ་ཏ་པི་ཤཱ་ཙ་ཨུནྨཱ་ད། ཨ་པསྨ་ར་ཌཱ་ཀི་ནྱ་ད་ཡ། ཨི་མཾ་བ་མིཾ་གྲྀ་ཧྞཾ་ཏུ། ས་མ་ཡ་ར་ཀྵནྟུ། མ་མ་སརྦ་སིདྡྷི་མྨེ། །པྲ་ཡ་ཙྪནྟུཡ་ཐཻ་བཾ། ཡ་ཐེཥྚི། བྷུཉྫ་ཐ། པི་བ་ཐ། ཛི་གྷྲ་ཐ་མཱ་ཏི་ཀྲ་མ་ཐ། མ་མ་
[133a.6]སརྦྦ་ཀཱརྟ་ཡ། སཧྥུ་ཁཾ་བི་ཤུདྡྷ་ཡེ། ས་ཧ་ཡི་ཀཱ་བྷ་བནྟུ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བ་འདིས་གཏོར་མ་སྦྱིན་ནོ། །གཏོར་མ་བྱིན་ནས་ངག་ཇི་ལྟ་བ་བཞིན་དུ་བསྡུ་བ་བྱས་ནས། རྣལ་འབྱོར་པས་དཔལ་འཁོར་ལོ་བདེ་མཆོག་གི ། གཟུགས་ཀྱི་དབང་པོའི་སྤྱོད་ཡུལ་དུ་སྣང་བའི་རྣམ་པ་མ་བཟློག་པར་འགྲོ་བ་སྒྱུ་མ་ལྟ་བུར་
[133a.7]མོས་ཤིང་ཅི་ལྟར་བདེ་བར་གནས་པར་བྱའོ། །ཡི་གེ་བདུན་པའི་སྒྲུབ་ཐབས་གང་། །གཉིས་མེད་གཉིས་སུ་མེད་པས་བྱས། །དགེ་བ་ཐོབ་པ་གང་ཡིན་དེས། །འཇིག་རྟེན་འཁོར་ལོ་སྡོམ་པར་ཤོག །ཡི་གེ་བདུན་པའི་སྒྲུབ་ཐབས་པཎྜི་ཏ་གཉིས་སུ་མེད་པའི་རྡོ་རྗེས་མཛད་པ་རྫོགས་སོ།། །།བོད་ཀྱི་ལོ་ཙཱ་བ་
[133b]
[133b.1]མཁས་པ་མར་པ་ཆོས་ཀྱི་དབང་ཕྱུག་གིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །{T1484}༄༅༅། །རྒྱ་གར་སྐད་དུ། ཤྲཱི་ཙཀྲ་སཾ་བ་ར་སཱ་དྷ་ནཾ་རཏྣ་དཱི་པ། བོད་སྐད་དུ། དཔལ་འཁོར་ལོ་སྡོམ་པའི་སྒྲུབ་ཐབས་རིན་པོ་ཆེའི་སྒྲོན་མ། །དཔལ་ཧེ་རུ་ཀ་ལ་ཕྱག་འཚལ་ལོ། །གང་ཞིག་རྣམ་དག་ཀུན་དུ་རྟོག་
[133b.2]ཡངས་མཁའ་འདྲའི་ཆོས་སྐུ་དང་། །དཔེ་མེད་ཕུན་ཚོགས་བདེ་བས་རྣམ་མཛེས་ལོངས་སྤྱོད་རྫོགས་སྐུ་ཉིད། །ས་རྣམས་ཀུན་དུ་ཕན་མཛད་རབ་གསལ་སྤྲུལ་པའི་སྐུར་བརྗོད་གང་། །བཅོམ་ལྡན་རྡོ་རྗེ་སེམས་དཔའ་དེ་ཡིས་ཁྱེད་ལ་བདེ་ལེགས་ཤོག །དང་པོར་རེ་ཞིག་རྣལ་འབྱོར་པ་དཔལ་འཁོར་ལོ་
[133b.3]སྡོམ་པའི་དབང་བསྐུར་བ་དང་ཡང་དག་པར་ལྡན་པས་ཡིད་དང་རྗེས་སུ་མཐུན་ཞིང་དབེན་པར་བདེ་བའི་སྟན་ལ་འདུག་སྟེ། དམ་ཚིག་བརྟན་པར་བྱས་ནས་རང་གི་སྙིང་གར་ཉི་མའི་དཀྱིལ་འཁོར་ལ་ཧཱུཾ་ནག་པོ་བལྟས་ལ་བླ་མའི་མན་ངག་ཇི་བཞིན་པས་སྔགས་བཀོད་པའི་ལག་པ་གཡོན་པས། དམ་ཚིག་གི་
[133b.4]རྫས་སྦྱངས་ཤིང་བླངས་ཏེ། ཞལ་བཞི་པའི་སྔགས་ཀྱིས་ཕྱོགས་བཞི་དང་བདག་ཏུ་བྱས་པ་ལ་གཏོར་བ་དང་ཡན་ལག་ལ་ཡང་དགོད་པར་བྱ་ཞིང་བདག་དང་གནས་དང་རྣལ་འབྱོར་བསྲུང་བར་བྱའོ། །དེ་ནས་དྲི་ཞིམ་པོ་དང་བཅས་པའི་ཆུས་མདུན་དུ་མཎྜལ་བྱས་ཏེ། བདུད་རྩི་ལྔ་དང་དམ་ཚིག་ཅན་
[133b.5]གྱིས་བྱུགས་ལ། དེའི་དབུས་སུ་གཡོན་པའི་མིང་མེད་ཀྱིས་མནན་ཏེ། པུ་ཛ་ལ་སོགས་པའི་ཡི་གེ་ཉི་ཤུ་རྩ་བཞིས་རྣམ་པར་དག་པ་དང་། གནས་ལ་སོགས་པ་བཅུའི་མིང་ཅན་ས་བཅུར་མོས་པ་བརྗོད་པར་བྱའོ། །དེའི་རྗེས་ལ་དཀྱིལ་འཁོར་དེ་སྐད་ཅིག་ཙམ་གྱིས་འབྱུང་བ་ཆེན་པོ་བཞི་ལ་གནས་
[133b.6]པའི་རི་རབ་ཀྱི་སྟེང་དུ། གཞལ་ཡས་ཁང་དུར་ཁྲོད་དང་བཅས་པ་བསྐྱེད་དེ། དེའི་ནང་དུ་སྣ་ཚོགས་པདྨའི་གེ་སར་ལ་ཉི་མའི་སྟེང་དུ་རང་གི་སྙིང་གའི་ས་བོན་གྱི་འོད་ལས་འཕྲོས་པའི་རྡོ་རྗེ་འཛིན་པ་བལྟས་ཏེ། དེ་ཡོངས་སུ་གྱུར་པ་ལས་བཅོམ་ལྡན་འདས་འཁོར་ལོ་ཡོངས་སུ་རྫོགས་པ་དང་བཅས་པའི་
[133b.7]བདག་ཉིད་བཅོམ་ལྡན་འདས་མ་དང་སྙོམས་པར་འཇུག་པར་བལྟ་བར་བྱའོ། །དེའི་འོག་ཏུ་སྙིང་གའི་ས་བོན་གྱི་འོད་ཟེར་གྱི་ཕྲེང་བ་རྣམས་ཀྱིས་འཁོར་ལོ་བསྐུལ་ཏེ། ནམ་མཁའི་ཕྱོགས་སུ་གནས་པ་ལ་མངོན་དུ་ཕྱོགས་ནས་མཆོད་པར་བྱས་ལ། སྔགས་དང་བཅས་པས་དམ་ཚིག་གི་འཁོར་ལོ་
[134a]
[134a.1]བཅུག་ནས་རོ་མཉམ་པར་བྱ་བ་དང་། མཆོད་པ་རྣམས་ཀྱིས་མཉེས་པར་བྱ་སྟེ། དེ་ཡང་རྣམ་པར་བྱང་བའི་ལག་པ་གཡོན་པས་ཡི་གེ་གསུམ་གྱི་སྔགས་དཀྱིལ་འཁོར་གྱི་དབུས་སུ། དང་པོ་བཅོམ་ལྡན་འདས་ཉིད་མེ་ཏོག་ལ་སོགས་པས་མཆོད་པར་བྱའོ། །འདི་ལྟ་སྟེ། བཅོམ་
[134a.2]ལྡན་འདས་ཀྱི་སྙིང་པོ་དང་། ཉེ་བའི་སྙིང་པོ་དང་། བཅོམ་ལྡན་འདས་མའི་སྙིང་པོ་དང་། ཉེ་བའི་སྙིང་པོ་ཉིད་ཀྱིས་བྱའོ། །དེ་བཞིན་དུ་མཁའ་འགྲོ་མ་ནས་གཤིན་རྗེ་འཇོམས་མ་ལ་སོགས་པའི་མཐར་ཐུག་དཔའ་བོའི་དབང་ཕྱུག་མ་བཅུ་གཉིས་མན་ངག་བཞིན་དུ་རང་རང་གི་སྔགས་ཀྱིས་
[134a.3]ཕྱོགས་རྣམས་སུ་གཡོན་སྐོར་དུ་དགོད་ཅིང་། མཚམས་རྣམས་སུ་ནི་གཡས་སུ་བསྐོར་བས་གནས་ཇི་ལྟ་བ་བཞིན་དེ་དག་ལ་མཆོད་པར་བྱའོ། །དེ་ནས་ཡིད་ལས་བྱུང་བའི་མཆོད་པའི་ལྷ་མོ་བཅུ་དྲུག་དང་། བདུད་རྩི་དང་། ཏེ་ཏེ་དགའ་བའི་གླུས་ཉེ་བར་མཆོད་པར་བྱའོ། །དེ་བཞིན་དུ་ལག་
[134a.4]པ་གཡོན་པའི་མཐིལ་དུ་པདྨ་ལྔ་པ་ལྟེ་བ་དང་བཅས་པའི་གཞིར་དཔའ་མོ་དྲུག་རྣམས་ལ་གོ་རིམས་བཞིན་དུ་དམར་མོ་དང་། སྔོན་མོ་དང་། དཀར་མོ་དང་། སེར་མོ་དང་། ལྗང་གུ་དང་། དུ་བའི་མདོག་ཅན་རྣམས་དགོད་ལ། འཁོར་ལོས་སྒྱུར་བ་དྲུག་ཀྱང་དཀར་པོ་དང་། སྐྱ་བོ་དང་། སེར་པོ་དང་། ནག་པོ་
[134a.5]དང་། དམར་པོ་དང་། ལྗང་གུ་རྣམས་སྔགས་ཀྱིས་གཟུགས་སུ་ཕྱོགས་ཇི་ལྟ་བ་བཞིན་དུ་རང་རང་གི་སྔགས་ཀྱིས་མེ་ཏོག་དགོད་པ་སྔོན་དུ་འགྲོ་བས་ཆོ་ག་བཞིན་དུ་མཆོད་པ་དབུལ་བར་བྱའོ། །འཁོར་ལོ་དེ་ཡང་ལག་པའི་རྒྱབ་ཏུ་མེ་ལོང་དང་བའི་ངོས་གཉིས་པའི་གཟུགས་བརྙན་བཞིན་དུ་གསལ་
[134a.6]བར་སྣང་བར་བལྟའོ། །དེ་ནས་དེའི་དཀྱིལ་འཁོར་གྱི་སྔགས་རྣམས་ནི། ས་ལ་སོགས་པའི་ཁམས་རྣམས་ཀྱི་རང་བཞིན་ལྷུང་བྱེད་མ་དང་། རྡོ་རྗེ་སེམས་དཔའ་ལ་སོགས་པའི་ལྷ་རྣམས་ཀྱི་ངོ་བོ་ཉིད་དུ་ལྷག་པར་མོས་པར་བྱ་སྟེ། ཁུ་བ་བྱིན་གྱིས་བརླབས་པས་བསང་གཏོར་བྱས་ལ་འཁོར་ལོ་དེ་ཉིད་
[134a.7]དཔའ་བོ་དང་དཔའ་མོ་རྣམས་ཀྱིས་བྱིན་གྱིས་བརླབས་པའི་དཀྱིལ་འཁོར་ལ་འཁོར་ལོ་གསུམ་གྱི་རང་བཞིན་དུ་མོས་པར་བྱས་ཤིང་རྐང་པ་བརྒྱད་པའི་སྔགས་ཀྱིས་མེ་ཏོག་ལ་སོགས་པས་མཆོད་པར་བྱའོ། །དེ་ནས་མེ་ཏོག་ཕྲེང་བའི་སྔགས་བརྗོད་པའི་མཐར་དཀྱིལ་འཁོར་དུ་དོར་ཏེ། སྙིམ་པས་བླངས་
[134b]
[134b.1]ནས་ཕྲེང་སྔགས་སྔོན་དུ་བརྗོད་པས་མགོ་བོར་དགོད་པར་བྱའོ། །ཡེ་ཤེས་ཀྱི་འཁོར་ལོ་དེ་ཡང་བདག་ཉིད་ལ་བཅུག་པར་བསམས་ནས་ཡི་གེ་བརྒྱ་པས་བརྟན་པར་བྱའོ། །དེ་ནས་སྡིག་པ་བཤགས་པ་ལ་སོགས་པ་ཆོ་ག་བཅུ་གསུམ་གྱིས་རྣམ་པར་དག་པར་ཡང་བྱའོ། །དེའི་འོག་ཏུ་བདག་པོ་
[134b.2]རྣམས་ལ་བདུད་རྩི་མྱང་བ་ལྟ་བུའི་ཆོ་གས་གཏོར་མ་སྦྱིན་པའང་ཤེས་པར་བྱའོ། །གལ་ཏེ་འབྱོར་ན་རྣལ་འབྱོར་པ་རྣམས་འདུས་ཏེ་ཚོགས་ཀྱི་འཁོར་ལོ་བསྐོར་བར་བྱའོ། །དེ་ནས་རྡོ་རྗེ་དྲིལ་བུ་འཛིན་པས་མདུད་པ་བྱས་ཏེ། ཤྲཱི་ནི་གཉིས་མེད་ཡེ་ཤེས་ཏེ། །ཧེ་ནི་རྒྱུ་སོགས་སྟོང་པ་ཉིད། །རུ་
[134b.3]ནི་ཚོགས་པ་དང་བྲལ་བ། །ཀ་ནི་གང་དུའང་མི་གནས་ཉིད། །ཧེ་རུ་ཀ་དཔལ་དཀྱིལ་འཁོར་གཙོ། །རྡོ་རྗེ་འཛིན་མཆོག་ཕྱག་འཚལ་བསྟོད། །དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་སྒྱུར། །ཡེ་ཤེས་ལྔ་དང་སྐུ་གསུམ་ཉིད། །འགྲོ་བ་སྐྱོབ་ལ་ཕྱག་འཚལ་བསྟོད། །
[134b.4]ཇི་སྙེད་རྡོ་རྗེ་མཁའ་འགྲོ་མ། །ཀུན་དུ་རྟོག་པ་འཆིང་གཅོད་ཅིང་། །འཇིག་རྟེན་བྱ་བ་རབ་འཇུག་པ། །དེ་སྙེད་རྣམས་ལ་ཕྱག་འཚལ་བསྟོད། །ཅེས་བྱ་བས་བསྟོད་པར་བྱའོ། །ཆོ་གའི་བྱ་བ་མ་ཚང་བ། །རྫོགས་སངས་རྒྱས་དང་ལྷ་རྣམས་དང་། །དེ་སྲས་རྣམས་དང་ཚངས་ལ་སོགས། །འཇིག་རྟེན་
[134b.5]སྐྱོང་རྣམས་བཟོད་པར་གསོལ། །ཞེས་བྱ་བས་བཟོད་པར་གསོལ་ལོ། །དེ་ནས། ལྷ་མོ་ཚད་མ་དམ་ཚིག་ཚད་མ་དང་། །དེས་གསུངས་ཚིག་ནི་མཆོག་ཏུ་ཚད་མ་སྟེ། །བདེན་པ་འདི་དག་གིས་ནི་ལྷ་མོ་རྣམས། །བདག་ལ་རྗེས་སུ་འཛིན་པའི་རྒྱུར་གྱུར་ཅིག །ཅེས་སྨོན་ལམ་གདབ་པར་བྱ་སྟེ།
[134b.6]འདི་ནི་ཕྱི་རོལ་གྱི་མཆོད་པའི་ཆོ་གའོ། །དེ་ནས་ནང་གི་རྣལ་འབྱོར་ལ་བརྩོན་པར་འདོད་པའི་སྔགས་པས། ཡང་སྙིང་གའི་ས་བོན་གྱི་འོད་ཟེར་ཕྲེང་བའི་ལྕགས་ཀྱུས་འཆད་པར་འགྱུར་བའི་མཚན་ཉིད་ཅན་གྱིས་བཅོམ་ལྡན་འདས་དཀྱིལ་འཁོར་དང་བཅས་པ་བསྐུལ་ཏེ། ནམ་མཁའ་ལ་
[134b.7]བལྟས་ལ། ཕྱག་འཚལ་བ་དང་མཆོད་པ་སྔོན་དུ་འགྲོ་བས་དེའི་སྤྱན་སྔར་སྡིག་པ་བཤགས་པ་ལ་སོགས་པ་བྱ་བ་ནི། །ཐོག་མེད་ནས་བསགས་སྡིག་དང་བག་ཆགས་མཐུས། །རྣམ་སྨིན་སྡུག་བསྔལ་བསྐྱེད་ཅིང་བརྟས་གྱུར་པའི། །སྡིག་དང་ཉོན་མོངས་ཇི་སྙེད་མཆིས་གྱུར་པ། །བཅོམ་
[135a]
[135a.1]ལྡན་འཁོར་ལོའི་གཙོ་ལ་སོ་སོར་བཤགས། །འདས་དང་མ་བྱོན་དེ་བཞིན་ད་ལྟའི་དུས། །ཉན་ཐོས་རང་རྒྱལ་བྱང་ཆུབ་སེམས་དཔའ་དང་། །འབྲས་བུ་གསང་སྔགས་སྒྲུབ་པ་ལྷུར་བྱེད་པའི། །དགེ་བ་མཛད་པ་ཀུན་ལ་རྗེས་ཡི་རང་། །ཁྱེད་འདིར་མི་འགྱུར་མཁའ་
[135a.2]ལྟར་རྟག་བཞུགས་ལ། །དོགས་པའི་ས་ལས་སེམས་ཅན་བསྒྲལ་པའི་ཕྱིར། །སྲིད་པ་ཇི་སྲིད་གཟུགས་སྐུ་རྣམ་གཉིས་སུ། །མྱ་ངན་མི་འདའ་བརྩེ་བས་བཞུགས་སུ་གསོལ། །འཁོར་བ་ཇི་སྲིད་བར་དུ་བཞུགས་ནས་ཀྱང་། །སེམས་ཅན་དམན་དང་མཆོག་དང་བར་མ་ལ། །གསང་
[135a.3]སྔགས་རྡོ་རྗེ་ཐེག་པ་བླ་མེད་པའི། །བདེ་བ་མཆོག་གི་འཁོར་ལོ་བཤད་དུ་གསོལ། །ལྷ་མོ་རྐང་གཉིས་གཙོ་བོ་ཐམས་ཅད་མཁྱེན། །དུས་གསུམ་གཤེགས་པ་སངས་རྒྱས་ངོ་བོ་ཉིད། །དུས་གསུམ་དབྱེར་མེད་ཡེ་ཤེས་དཔའ་བོའི་ཐུགས། །སངས་རྒྱས་གཙོ་ལ་གུས་པས་སྐྱབས་སུ་
[135a.4]མཆི། །ངན་འགྲོ་སྲིད་པའི་ཉོན་མོངས་དྲི་སེལ་བ། །རྣམ་དག་དུས་གསུམ་དམ་ཆོས་ངོ་བོ་ཉིད། །ཨཱ་ལི་ཀཱི་ལི་རོ་གཅིག་དཔའ་མོ་གསུངས། །སྐྱོབ་བའི་ཆོས་ལ་དང་བས་སྐྱབས་སུ་མཆི། །སྡིག་གྲོགས་ལོག་པར་ཁྲིད་ལ་ཐར་མཛད་པ། །དུས་གསུམ་ཚོགས་ཀྱི་དམ་པའི་རང་བཞིན་
[135a.5]དཔལ། །ཚོགས་གཉིས་རྣལ་འབྱོར་བདེ་ཆེན་ལྷ་ཡི་སྐུ། །དགེ་འདུན་ཆེ་ལ་ཡང་དག་སྐྱབས་སུ་མཆི། །སྲིད་པའི་བཙོན་རར་བསྡམས་པའི་ཉམ་ཐག་རྣམས། །བདེ་བ་མཆོག་གི་ས་ལ་དགོད་པའི་ཕྱིར། །བགྲོད་པ་ཀུན་ཀྱང་འཁོར་ལོ་སྡོམ་པ་ཡི། །ལམ་ཆེན་འདི་ལ་དགའ་བས་བདག་
[135a.6]གནས་སོ། །བླ་ན་མེད་པའི་བྱང་ཆུབ་སེམས། །དམ་པ་བདག་གིས་བསྐྱེད་བགྱིས་ཏེ། །སེམས་ཅན་རྣམས་ཀྱི་དོན་གྱི་ཕྱིར། །རྡོ་རྗེ་འཁོར་ལོ་རིན་ཆེན་དང་། །པདྨ་དང་ནི་ལས་ཀྱི་རིགས། །ཇི་བཞིན་ཇི་སྙེད་དམ་ཚིག་སྡོམ། །བདག་གིས་བརྟན་པོར་ཡང་དག་བཟུང་། །ནམ་ཡང་བརྩོན་པ་
[135a.7]མི་དོར་རོ། །དེ་ལྟ་བས་ན་མྱུར་དུ་བདག །མ་སྨིན་པ་རྣམས་སྨིན་པ་དང་། །མ་གྲོལ་བ་རྣམས་དགྲོལ་བར་བགྱི། །མ་རྒལ་བ་རྣམས་བརྒལ་བ་དང་། །དབུགས་མ་ཕྱུང་རྣམས་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །གནས་དང་ཉེ་ཞིང་ལ་སོགས་བཅུ་གཉིས་སུ། །དམ་ཚིག་
[135b]
[135b.1]བརྡ་དང་བདེ་སྤྱོད་རོལ་བའི་ལམ། །དེ་རིང་ནས་བཟུང་རྟག་ཏུ་ལོངས་སྤྱོད་ཅིང་། །བདེ་ཆེན་ཡེ་ཤེས་རོལ་པས་ལེགས་གནས་ཤོག །ཐབས་དང་ཤེས་རབ་སྙོམས་འཇུག་རྣམ་མི་རྟོག །ལུས་ངག་ཡིད་འདིར་གསང་སྔགས་དགེ་སྤྱད་པ། །འགྲོ་བ་སྡུག་བསྔལ་མེ་ཚོགས་གཞིལ་སླད་དུ། །
[135b.2]མ་ལུས་བདག་གིས་དངོས་གྲུབ་མཆོག་ཏུ་བསྔོ། །ཞེས་བྱ་བ་འདི་དག་གིས་སོ། །དེའི་རྗེས་ལ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཚད་མེད་པ་ཚངས་པའི་གནས་བཞི་པོ་དག་བསྒོམས་ནས་བདག་ཉིད་མི་གནས་པའི་མྱ་ངན་ལས་འདས་པ་སྟོང་པ་ཉིད་ཀྱི་ཏིང་ངེ་འཛིན་ལ་སྐད་ཅིག་
[135b.3]གིས་གནས་པར་བྱའོ། །ཨོཾ་སྭ་བྷཱ་ཝ་ཤྡྡྷཿསརྦ་དྷརྨཱཿསྭཱ་བྷཱ་ཝ་ཤུདྡྷོ྅ཧཾ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་ནས་ཏིང་ངེ་འཛིན་དེ་ལས་ལངས་ནས་འགྲོ་བ་སྒྱུ་མ་ལྟ་བུར་བལྟས་ལ། ས་བོན་གྱི་ཡི་གེ་ཡཾ་རཾ་བཾ་ལཾ་སུཾ་ཡོངས་སུ་གྱུར་པ་ལས། གཞུ་དང་གྲུ་གསུམ་ཟླུམ་པོ་དང་། །གྲུ་བཞི་
[135b.4]དང་ནི་ལྷུན་པོ་སྟེ། །སྔོ་དང་དམར་དང་དཀར་དང་སེར། །འབྱུང་ཆེན་བཞི་ཡི་དཀྱིལ་འཁོར་བསྒོམ། །དེ་སྟེང་རིན་ཆེན་བཞིའི་རང་བཞིན། །རི་བོ་ལ་གནས་འཁོར་ལོ་སྦྲུལ། ཨོཾ་མེ་དི་ནཱི་བཛྲཱི་བྷ་བ་བཛྲ་བནྡྷ་ཧཱུཾ་ལཾ་ཧཱུཾ། ཨོཾ་བཛྲ་པྲཱ་ཀ་ར་ཧཱུཾ་བཾ་ཧཱུཾ། ཨོཾ་བཛྲ་པཉྫ་ར་ཧཱུཾ་བཾ་ཧཱུཾ། ཨོཾ་བཛྲ་བི་ཏཱ་ན་ཧཱུཾ་ཁཾ་ཧཱུཾ། ཨོཾ་བཛྲ་
[135b.5]ས་ར་ཛཱ་ལ་ཏྲཾ་སཾ་ཏྲཾ། ཨོཾ་བཛྲ་ཛྭ་ལ་ཨ་ན་ལཱ་རྐ་ཧཱུཾ་ཧཱུཾ་ཧཱུཾ་ཞེས་བྱ་བ་ལ་སོགས་པ་འདིས་རྡོ་རྗེའི་ས་ལ་སོགས་པ་དྲུག་སྤྲུལ་པར་བྱའོ། །དེའི་ནང་དུ་ནི་སྣ་ཚོགས་པདྨ་གེ་སར་གྱི་སྟེང་དུ་ཨཱ་ལི་ཀཱ་ལི་ཡོངས་སུ་གྱུར་པ་ལས་བྱུང་བའི་ཟླ་བ་དང་ཉི་མ་ཁ་སྦྱོར་ཀྱི་དབུས་སུ་ཧཱུཾ་རྡོ་རྗེ་སེམས་དཔའི་བདག་ཉིད་
[135b.6]འོད་ཟེར་འཕྲོ་བ་དང་འདུ་བའི་བདག་ཉིད་ཅན་བསྒོམས་ལ། དེ་དག་ཡོངས་སུ་གྱུར་པ་ལས་བཅོམ་ལྡན་འདས་ཧེ་རུ་ཀ་གཞལ་ཡས་ཁང་དང་བཅས་པར་བདག་ཉིད་ཡང་དག་པར་བསམ་མོ། །དེ་ལ་བཅོམ་ལྡན་འདས་ནི་ཉི་མའི་དཀྱིལ་འཁོར་གྱི་སྟེང་དུ་འཇིགས་བྱེད་དང་དུས་མཚན་གྱི་
[135b.7]དཔྲལ་བ་དང་ནུ་མར་གཡོན་བསྐུམ་ཞིང་གཡས་བརྐྱང་བས་བཞུགས་པ། ནམ་མཁའི་མདོག་ཅན་སྔོན་པོ་དང་ལྗང་གུ་དང་། དམར་པོ་དང་སེར་པོའི་ཞལ་བཞི་མངའ་བ་རེ་རེར་ཡང་སྤྱན་གསུམ་པ་ཅུང་ཟད་ཁྲོ་བའི་ངང་ཚུལ་ཅན། ཐོད་པ་ལྔས་བརྒྱན་པ། སྐུ་ལ་མགོ་བོ་རློན་པའི་ཕྲེང་བ་བརྒྱའི་
[136a]
[136a.1]ཕྱེད་ཀྱིས་བརྒྱན་ཞིང་། སྣ་ཚོགས་རྡོ་རྗེ་དང་ཟླ་བ་ཕྱེད་པས་མཚན་པ། རལ་པའི་ཐོར་ཚུགས་ཅན། སྐུ་ལ་ཕྱག་རྒྱ་དྲུག་གིས་བརྒྱན་པ། ཞལ་མཆེ་བ་གཙིགས་པས་འཇིགས་པར་བྱེད་པ་སྟག་གི་པགས་པའི་ཤམ་ཐབས་ཅན། སྒེག་པ་ལ་སོགས་པའི་ཉམས་དང་
[136a.2]ལྡན་པ། རྡོ་རྗེ་ཡན་ལག་མས་ཉེ་བར་འཁྱུད་པ་དང་། ཕྱག་བཅུ་གཉིས་ཀྱིས་སྤྲས་པ་སྟེ། རྩ་བའི་གཉིས་ཀྱིས་རྡོ་རྗེ་དང་། །དྲིལ་འཛིན་བདེ་ཆེན་མ་ཉིད་འཁྱུད། །གཉིས་ཀྱིས་གླང་ཆེན་པགས་པ་འཛིན། །གཡས་ཕྱག་གསུམ་པ་བཞི་པ་དང་། །ལྔ་པ་དྲུག་པ་གོ་རིམས་བཞིན། །
[136a.3]ཅང་ཏེའུ་དགྲ་སྟ་གྲི་གུག་དང་། །རྩེ་གསུམ་རྡོ་རྗེའི་མདུང་བསྣམས་པའོ། །དེ་བཞིན་གཡོན་ཕྱག་གསུམ་པ་ཡི། །བཞི་པ་ལྔ་པ་དྲུག་རིམ་ལྟར། །ཁ་ཊྭཱཾ་ཐོད་པ་རྡོ་རྗེ་ཞགས། །ཚངས་པའི་མགོ་བོ་མཛེས་འཛིན་པ། །རྟེན་ཅིང་འབྲེལ་འབྱུང་རྣམ་དག་བདག །དེའི་མདུན་དུ་བཅོམ་ལྡན་
[136a.4]འདས་མ་བསྒོམ་པར་བྱ་བ་ནི་སྐུ་མདོག་དམར་མོ་སྤྱན་གསུམ་པ། ཞལ་གཅིག་པ་དུམ་བུའི་སྐེ་རགས་ཀྱིས་བརྒྱན་ཞིང་། ཁ་ཊྭཱཾ་གས་བརྒྱན་པའི་ཐོད་པ་འཛིན་པའི་ཕྱག་གཡོན་པས་མགུལ་པ་ནས་འཁྱུད་པ་དང་། རྡོ་རྗེ་ཚངས་པའི་གྲི་གུག་རབ་ཏུ་འབར་བ་ཐོགས་པས་སྟེང་དུ་སྡིགས་
[136a.5]མཛུབ་ཆེར་བསྒྲེང་བ། བྱིན་པ་གཉིས་ཀྱིས་བཅོམ་ལྡན་འདས་ཀྱི་བརླ་གཉིས་ལ་དཀྲིས་ཤིང་གཤིབས་ནས་ཕན་ཚུན་བཅུག་པས་འཁྱུད་དེ་བཞུགས་པའི་མཚན་ཉིད་རབ་ཏུ་གསལ་བར་བསྒོམ་པར་བྱའོ། །དེ་ནས་ཤར་གྱི་འདབ་མ་ལ་མཁའ་འགྲོ་མ་མདོག་ནག་མོ་དང་། གཡོན་གྱི་འདབ་
[136a.6]མ་ལ་ལཱ་མ་ལྗང་གུ་དང་། ནུབ་ཀྱི་འདབ་མ་ལ་དུམ་སྐྱེས་མ་དམར་མོ་དང་། གཡས་ཀྱི་འདབ་མ་ལ་གཟུགས་ཅན་མ་སེར་མོ་དང་། དེ་བཞིན་དུ་མཚམས་རྣམས་སུ་ནི་བྱང་ཆུབ་ཀྱི་སེམས་ཀྱི་སྣོད་བཟང་པོ་དག་ཉེ་བའི་འདབ་མ་ཤར་ལ་སོགས་པ་བཞིར་ནི། ཁྭ་གདོང་མ་ལ་སོགས་པའི་ལྷ་
[136a.7]མོ་རྣམས་མཁའ་འགྲོ་མ་བཞི་པོ་དག་དང་འདྲའོ། །མཚམས་བཞིར་ནི་གཤིན་རྗེ་བརྟན་མ་ལ་སོགས་པ་བཞི་ནི་ཕྱེད་ཀྱི་མདོག་ཅན་དུ་ཤེས་པར་བྱའོ། །རྣལ་འབྱོར་མ་དེ་དག་ཐམས་ཅད་ཀྱང་ཞལ་གཅིག་ཕྱག་བཞི་མ་གཡས་བསྐུམ་ནས་གཡོན་བརྐྱང་བའི་ཞབས་ཀྱིས་རོའི་གདན་ལ་
[136b]
[136b.1]བཞུགས་པ། གོས་དང་བྲལ་བ་ཕྱག་རྒྱ་ལྔའི་རྒྱན་ཆ་ཅན་ཐོད་པ་རྡོ་རྗེ་ཕྲེང་བས་སྤྲས་པའི་དབུ་རབ་ཏུ་མཛེས་པ་ཉིད་དང་། མགོ་བོའི་ཕྲེང་བས་བརྒྱན་ཅིང་ཐོད་པ་དང་། ཁ་ཊྭཱཾ་ག་དང་གྲི་གུག་དང་ཅང་ཏེའུ་བསྣམས་པ་ཅུང་ཟད་དྲག་པོའི་མཚན་ཉིད་ཅན་དུ་བསམ་པར་བྱའོ། །དེའི་འོག་ཏུ་དེ་དག་ཐམས་ཅད་
[136b.2]ཀྱི་ལུས་དང་ངག་དང་ཡིད་ཀྱི་ལས་རྣམས་ལ་འཁོར་ལོ་དང་པདྨ་དང་རྡོ་རྗེ་ལྟེ་བ་ལ་གནས་པའི་ས་བོན་ཨོཾ་ཨཱཿཧཱུཾ་ཞེས་པ་འདི་དགོད་དེ། ཇི་བཞིན་སྤྲོ་བ་དང་བསྡུ་བའི་འོད་ཀྱིས་སྦྱོར་བ་ཡོངས་སུ་སྦྱང་བར་བྱའོ། །དེ་ནས་རྡོ་རྗེ་གོ་ཆའི་སྔགས་ཀྱིས་བཅོམ་ལྡན་འདས་ལ་གོ་བསྒོ་བར་བྱ་སྟེ། ཨོཾ་ཧ། ན་
[136b.3]མ་ཧི། སྭཱ་ཧཱ་ཧུ། བཽ་ཥྚ་ཧེ། ཧཱུཾ་ཧཱུཾ་ཧོ། ཕཊ་ཧཾ། ཞེས་བྱ་བའི་འཁོར་ལོས་སྒྱུར་བ་དྲུག་གི་ངོ་བོ་འདི་དག་གིས་སྙིང་ག་དང་། སྤྱི་བོ་དང་། མགོ་བོ་དང་། ཕྲག་པ་གཉིས་དང་། སྤྱན་གསུམ་དང་། ཡན་ལག་ཐམས་ཅད་ལ་བསྲུང་བར་བྱའོ། །ཨོཾ་བཾ། ཧཾ་ཡོཾ། ཧྲིཾ་མོཾ། །ཧྲེཾ་ཧྲིཾ། ཧཱུཾ་ཧཱུཾ། ཕཊ་ཕཊ། ཅེས་བྱ་བས་
[136b.4]དཔའ་མོ་དྲུག་གི་ངོ་བོ་འདི་དག་ནི། བཅོམ་ལྡན་འདས་མ་ལ་གོ་ཆ་བགོ་བར་བྱའོ། །ལྟེ་བ་དང་། སྙིང་ག་དང་། ཁ་དང་། དཔྲལ་བ་དང་། སྤྱི་བོ་དང་ཡན་ལག་ཐམས་ཅད་ལའོ། །དེ་ནས་སྙིང་གའི་ས་བོན་གྱི་འོད་རི་མོའི་ལྕགས་ཀྱུས་ཡེ་ཤེས་ཀྱི་འཁོར་ལོ་བཀུག་སྟེ། དམ་ཚིག་པ་ལ་
[136b.5]སྔགས་སྔོན་དུ་འགྲོ་བས་གཞག་པར་བྱའོ། །བཅོམ་ལྡན་འདས་ལ་དབང་བསྐུར་བའི་དོན་དུ་གསོལ་བ་གདབ་པར་བྱའོ། །དེ་ལས་སྤྲོས་པའི་བདུད་རྩི་ལྔས་གང་བའི་རིན་པོ་ཆེའི་བུམ་པ་འཛིན་པའི་ཡུམ་བཞི་པོ་དག་གིས། ཇི་ལྟར་བལྟམས་པ་ཙམ་ཉིད་ལ། །དེ་བཞིན་གཤེགས་ཀུན་
[136b.6]ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ། ཞེས་སྔགས་བརྗོད་པས་དབང་བསྐུར་བར་བསམ་མོ། །ཆུ་དེ་ལས་བྱུང་བའི་རང་གི་རིགས་ཀྱི་ལྷས་ཅོད་པན་ཇི་ལྟར་རིགས་པ་ཉེ་བར་བརྒྱན་པར་བྱའོ། །
[136b.7]དེའི་རྗེས་ལ་སྙིང་གའི་ས་བོན་གྱི་འོད་ཟེར་གྱིས་གཟུགས་ལ་སོགས་པའི་ཡུལ་རྣམས་དང་། བཅོམ་ལྡན་འདས་མའི་ཐུགས་ཀའམ། པདྨའི་གེ་སར་ལ་བསྡུས་ནས་དེ་ལས་སྤྲོས་པའི་འོད་ཟེར་ལྷ་མོ་རྣམས་ཀྱིས་དམ་ཚིག་ལ་སོགས་པའི་རྫས་དཀྱིལ་འཁོར་དང་བཅས་པའི་བདག་པོ་ལ་ཉེ་བར་
[137a]
[137a.1]མཆོད་པར་བྱའོ། །དེ་ནས་མ་ལུས་པ་ལྷ་མོ་དང་བཅས་པས་བསྟོད་པའི་དབྱངས་བརྗོད་པ་ནི། ཁྱོད་ནི་ཡེ་ཤེས་རང་བཞིན་བདེ་བ་ཆེ། །ཁྱོད་ནི་ཕན་མཛད་ཤིན་ཏུ་རོལ་པའི་སྐུ། །ཁྱོད་ནི་ས་རྣམས་མ་ལུས་ཉེར་འཚོ་སྟེ། །རྣལ་འབྱོར་མ་ཡི་ཚོགས་བདག་བདེ་ལེགས་
[137a.2]ཤོག། །བདེ་ཆེན་དེར་ནི་བརྟན་གཡོའི་འཇིག་རྟེན་སྟོན། །ཐུགས་རྗེ་སྤྲུལ་པས་སེམས་ཅན་སད་མཛད་ཅིང་། །སྒྱུ་མའི་རྣམ་ཐར་སྤྲུལ་པ་དོན་ཀུན་སྒྲུབ། །མགོན་པོ་བདེ་ཆེན་དཔལ་ལྡན་དགྱེས་པས་བཞེངས། །ཞེས་བྱ་བས་སོ། །དེའི་རྗེས་ལ་མདུན་དུ་རླུང་དང་མེའི་དཀྱིལ་འཁོར་གྱི་
[137a.3]སྟེང་དུ། མགོ་བོ་གསུམ་ལ་གནས་པའི་ཨ་ལས་བྱུང་བའི་ཐོད་པའི་སྟེང་དུ། ས་བོན་ཇི་ལྟ་བ་བཞིན་ལས་སྐྱེས་པའི་བདུད་རྩི་ལྔ་སྟེ། སྟེང་དུ་ཨོཾ་བལྟའོ། །ཨ་ལས་བྱུང་བའི་ཟླ་བའི་དཀྱིལ་འཁོར་གྱིས་ཁ་བཅད་དོ། །འོག་ཏུ་ནི་ཧཱུཾ་ལས་སྐྱེས་པའི་རྡོ་རྗེ་ལས། ཐམས་ཅད་འབར་བ་ལ་སོགས་
[137a.4]པའི་རིམ་གྱིས་བདུད་རྩིར་བསྒྱུར་ཏེ། ཡེ་ཤེས་ཀྱི་བདུད་རྩི་དྲང་བ་དང་། རོ་མྱང་བའི་ངོ་བོ་ཉིད་དུ་ཡི་གེ་གསུམ་གྱིས་བྱིན་གྱིས་བརླབས་ཏེ། ཧཱུཾ་ལས་བྱུང་བའི་རྡོ་རྗེའི་ལྕེས་མཚན་པས་མྱང་བར་བྱ་ཞིང་འཕྲོ་བའི་སྦྱོར་པས་ལྷ་མོའི་ཚོགས་ཀྱང་ཚིམ་པར་བྱའོ། །དེ་ནས་རྡོ་རྗེ་པདྨ་རྣམ་པར་སྦྱངས་
[137a.5]པའི་བརྡེབས་པ་ལས་དགའ་བའི་སྒྲས་དགའ་བ་ཆེན་པོས་དེ་བཞིན་གཤེགས་པའི་རིགས་ནང་དུ་ཞལ་ནས་བཅུག་སྟེ། ཞུ་བར་གྱུར་པ་ནོར་བུའི་ཟེའུ་འབྲུའི་དབུས་ཀྱི་ཐིག་ལེ་གཉིས་ཀྱི་བདག་ཉིད་རྡོ་རྗེ་སེམས་དཔའི་ངོ་བོ་ཉིད་དུ་གནས་པར་བྱས་ལ། ལྷན་ཅིག་སྐྱེས་པའི་དོན་ལ་མངོན་དུ་ཕྱོགས་པས་ཏིང་ངེ་འཛིན་དུ་བྱའོ། །ཁ་
[137a.6]སྦྱོར་དབུས་ན་ས་བོན་གནས། །ཐིག་ལེ་གཉིས་པོ་མི་འགྱུར་བར། །རྡོ་རྗེ་སེམས་དཔའི་ངོ་བོ་ཉིད། །རྣལ་འབྱོར་པས་ནི་རྟག་ཏུ་བསྒོམ། །ཞེས་ཇི་སྐད་གསུངས་པ་བཞིན་ནོ། །ཨཱ་ལི་ཀཱ་ལི་མདུན་བསམས་ནས། །རྣལ་འབྱོར་ཆེན་པོ་ངལ་བསོ་སྟེ། །ཟླ་བའི་དཀྱིལ་འཁོར་ཡོངས་རྫོགས་ལ། །ལྟེ་དབུས་གནས་
[137a.7]སུ་རྣམ་པར་བསྒོམ། །ཡི་གེ་གོ་འཕང་མཆོག་གྱུར་པ། །དེ་ཡི་དབུས་སུ་བསམ་པར་བྱ། །དེ་ནི་སྐུ་གསུང་ཐུགས་རྡོ་རྗེའི། །ལྷ་ཡི་ངོ་བོ་ཉིད་བསྒོམ་བྱ། །དེ་འདིར་ལུས་ལས་འདས་གྱུར་ཀྱང་། །སེམས་ཉིད་ཀྱང་ནི་མ་ཡིན་ནོ། །བསམ་མེད་བསམ་པར་བྱ་བའང་མེད། །བསམ་པ་དེ་ཡང་མི་ཤེས་སོ། །སེམས་དཔའ་ཡང་ནི་
[137b]
[137b.1]བསམ་མི་ཁྱབ། །དེ་ནས་གཟུངས་ནི་ཐོབ་པར་འགྱུར། །ཞེས་གསུངས་པའོ། །དེའི་རྗེས་ལ་སྙིང་གའི་ས་བོན་གྱི་ཐིག་ལེ་ཉི་མའི་གཟུགས་ཀྱི་སྟེང་དུ་སྔགས་ཀྱི་ཕྲེང་བ་ཤིན་ཏུ་ཕྲ་མོ་མངོན་པར་བལྟས་ལ། བརྟན་པའི་སེམས་ཀྱིས་འཕྲོ་བ་དང་། འདུ་བའི་རིམ་པས་མན་ངག་ཇི་ལྟ་བ་བཞིན་དུ་བཟླས་པར་བྱའོ། །
[137b.2]དེ་ལ་ཨོཾ་ཤྲཱི་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། བཛྲ་ཌཱ་ཀི་ནཱི་ཛཱ་ལ་སཾ་བ་ར་སྭཱ་ཧཱ། ཨོཾ་ཧྲཱིཿཧ་ཧ་ཧཱུཾ་ཧཱུཾ་ཕཊ། རྗེ་བཙུན་གྱི་སྙིང་པོ་དང་ཉེ་བའི་སྙིང་པོའོ། །ཨོཾ་སརྦྦ་བུདྡྷ་ཌཱ་ཀི་ནཱི་ཡེ་བཛྲ་བརྞ་ནཱི་ཡེ་ཧཱུཾ་ཕཊ་སྭཱ་ཧཱ། ཨོཾ་བཛྲ་བེེ་རོ་ཙ་ནཱི་ཡེ་ཧཱུཾ་ཕཊ་སྭཱ་ཧཱ། ལྷ་མོའི་སྙིང་པོ་དང་ཉེ་བའི་སྙིང་པོའོ། །ཨོཾ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ། ཨོཾ་ལཱ་མཱ་
[137b.3]ཡཻ་ཧཱུཾ་ཧཱུཾ་ཕཊ། ཨོཾ་ཁཎྜ་རོ་ཧཱ་ཡཻ་ཧཱུཾ་ཧཱུཾ་ཕཊ། ཨོཾ་རཱུ་པི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ཀཱ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཨུ་ལུ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཤྭ་ནཱ་སྱེ་ཧཱུཾ་ཧཱུཾ་ཕཊ། ཨོཾ་སཱུ་ཀ་རཱ་སྱེ་ཧཱུཾ་ཧཱུཾ་ཕཊ། ཨོཾ་ཡ་མ་དཱ་དྷཱི་ཧཱུཾ་ཧཱུཾ་ཕཊ། ཨོཾ་ཡ་མེ་དཱུ་ཏཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཾཥྚི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ཡེ་མ་མ་ཐ་ནཱི་ཡེ་ཧཱུཾ་ཧཱུཾ་ཕཊ་
[137b.4]སྭཱ་ཧཱ། དཔའ་མོ་རྣམས་ཀྱི་སྔགས་སོ། །ཨོཾ་ན་མོ་བྷ་ག་བ་ཏི་ཝཱི་རེ་ཤཱ་ཡ། མ་ཧཱ་ཀལྤཱ་གནི་སཾ་ནི་བྷཱ་ཡ། ཛཱ་ཊ་མ་ཀུ་ཊོ་ཊྐ་ཊཱ་ཡ། དཾཥྚྲ་ཀ་རཱ་ལོ་གྲ་བྷཱི་ཥ་ཎ་མུ་ཁཱ་ཡ། ས་ཧ་སྲ་བྷུ་ཛ་བྷཱ་སུ་རཱ་ཡི། བ་ར་ཤུ་པཱ་ཤོ་དྱ་ཏ་ཤཱུ་ལ་ཁ་ཊྭཱཾ་ག་དྷ་རི་ཎི། བྱཱ་གྷྲ་ཛི་ནཱ་མྦ་ར་དྷ་རཱ་ཡ། མ་ཧཱ་དྷུ་མྦྲཱ་ནྡྷ་ཀ་ར་ཝ་པུ་ཥཱ་ཡ།
[137b.5]རྩ་བའི་སྔགས་སོ། །ཨོཾ་ཀ་ར་ཀ་ར། ཀུ་རུ་ཀུ་རུ། བནྡྷ་བནྡྷ། ཏྲ་ས་ཡ་ཏྲཱ་ས་ཡ། ཀྵོ་བྷ་ཡ་ཀྵོ་བྷ་ཡ། ཧྲཽཾ་ཧྲཽཾ་ཧྲཿཧྲཿཕེཾ་ཕེཾ། ཕཊ་ཕཊ། ད་ཧ་ད་ཧ། པ་ཙ་པ་ཙ། བྷཀྵ་བྷཀྵ། བེ་ས་རུ་དྷི་ར་ཨནྟྲ་མཱ་ལཱ་བ་ལམྦི་ནི། གྲྀཧྞ་གྲྀཧྞ། སཔྟ་པཱ་ཏེ་ལེ་ག་ཏུ་བྷུ་ཛཾ་གཾ་སརྦཾ་བཱ། ཏརྫ་ཡ་ཏརྫ་ཡ། ཨཱ་
[137b.6]ཀཌྷྱ་ཨཱ་ཀཌྷྱ། ཧྲིཾ་ཧྲིཾ། ཛྞཽཾ་ཛྞཽཾ། ཀྵྨཱཾ་ཀྵྨཱཾ། ཧཾ་ཧཾ། ཧིཾ་ཧིཾ། ཧཱུཾ་ཧཱུཾ། ཀི་ལི་ཀི་ལི། སི་ལི་སི་ལི། ཙི་ལི་ཙི་ལི། དྷི་ལི་དྷི་ལི། ཧཱུཾ་ཧཱུཾ་ཕཊ་སྭཱ་ཧཱ། ཕྲེང་སྔགས་སོ།། །།དེ་ནས་རྣལ་འབྱོར་པ་ཁ་ལྷོ་ཕྱོགས་སུ་མངོན་པར་ཕྱོགས་པས་ཇི་བཞིན་སྦྱངས་པའི་གཏོར་མ་སྦྱིན་པ་ནི། མཚན་མོ་སྐྲ་གྲོལ་
[137b.7]གཅེར་བུ་ཡིས། །མཐོན་པོའི་གནས་སུ་མཆོད་བརྩོན་པས། །བདག་ཉིད་ལྷ་ཡི་ང་རྒྱལ་གྱིས། །རྐང་པ་མནན་ཅིང་གནས་སུ་བལྟ། །གསང་བསྟོད་ཕེཾ་གྱི་སྒྲ་སྒྲོགས་ཤིང་། །ཕྱོགས་བཅུ་འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་འགུགས། །ནམ་
[138a]
[138a.1]མཁའི་ངོས་ལ་ལེགས་བཞུགས་བྱ། །རྡོ་རྗེ་ཐལ་མོ་གྱེན་ཕྱེ་ལ། །དཔའ་བོ་རྣལ་འབྱོར་སྙན་གསན་དབབ། །སྔགས་ཀྱིས་བསྐུལ་བར་བྱས་ན་ནི། །དེ་ཡི་མོད་ལ་བྱོན་པར་འགྱུར། །མཛུབ་མོ་མདུད་བྱས་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པོ་
[138a.2]རབ་ཏུ་སྦྱར། །རྒྱ་འདི་དཔྲལ་བའི་དབུས་སུ་ཉེར་བཞག་ནས། །བསྐོར་ཞིང་བསྐོར་བས་ཕན་ཚུན་ཀུན་དུ་བསྐོར། །གཡས་བརྐྱང་བ་ཡི་སྦྱོར་བ་ཡིས། །འབར་བའི་ཕྱག་ནི་བཅིང་བར་བྱ། །དམ་ཚིག་གིས་ནི་ཁ་བསྐང་ལ། །སྔགས་ནི་འདི་ལྟར་རྗེས་དྲན་བྱ། །ཨོཾ་ཨ་རལླི་ཧོ། ཛཿ
[138a.3]ཧཱུཾ་བཾ་ཧོཿ། བཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོཿ། ཞེས་ལན་གསུམ་བརྗོད་པར་བྱའོ། །ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཀྵ་སརྦ་བྷཱུ་ཏ་པྲེ་ཏ་པི་ཤཱ་ཙ་ཨུནྨཱ་ད་ཨ་པསྨ་ར་ཌཱ་ཀི་ནྱ་ད་ཡ་ཨི་མཾ་བ་ལིཾ་གྲྀཧྞ་ནྟུ་ས་མ་ཡ་རཀྵ་ནྟུ་སརྦ་སིདྡྷི་མྨེ་པྲ་ཡཙྪ་ནྟུ། ཡ་ཐཻ་བཾ་ཡ་ཐེཥྚཾ་བྷུཉྫ་ཐ། པི་ཝ་ཐ། མཱ་ཏི་ཀྲ་མ་ཐ།
[138a.4]མ་མ་སརྦ་ཀཱརྟ་ཡ། སཧྥུ་ཁཾ་བི་བྲྀདྡྷ་ཡེ་ས་ཧཱ་ཡི་ཀཾ་བྷ་བནྟུ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཉེ་བར་སྦྱིན་པའི་སྔགས་སོ། །གང་ཞིག་རྣལ་འབྱོར་རྣལ་འབྱོར་མའི། །ཆོ་ག་ཁྱད་པར་འདོད་པ་ཡང་། །འདི་སྐད་བཤད་པ་ཐམས་ཅད་ཀུན། །རྣལ་འབྱོར་མ་ཡིས་བརྡར་འགྱུར་ཏེ། །དཔལ་ལྡན་རྡོ་རྗེ་
[138a.5]མཁའ་འགྲོ་ཉིད། །གཙོར་བྱས་དཀྱིལ་འཁོར་ཐམས་ཅད་བྱ། །ཟླ་བ་ཕྱེད་ངོའི་ཚེས་བཅུ་ནི། །གཉིས་ཀར་ལྷ་མོ་མཆོད་པར་བྱ། །གཞོན་ནུ་མ་དང་རྣལ་འབྱོར་མ། །རྟག་ཏུ་ཆོ་ག་བཞིན་ཚིམ་བྱ། །དེ་ནས་སྔགས་པ་ལྡང་བར་འདོད་ན་མཆོད་པ་དང་བསྟོད་པ་སྔོན་དུ་འགྲོ་བས།
[138a.6]དཀྱིལ་འཁོར་ཀྱི་མན་ངག་ཇི་ལྟ་བ་ཤེས་པས་ཡི་གེ་བརྒྱ་བའི་སྔགས་བཟླས་པས་བསྡུ་བར་བྱའོ། །དེ་ནས་བཟོད་པར་གསོལ་ནས་གཤེགས་སུ་གསོལ་བ་ནི། རྫོགས་སངས་རྒྱས་དང་ལྷ་རྣམས་དང་། །དེ་སྲས་རྣམས་དང་ཚངས་ལ་སོགས། །འཇིག་རྟེན་སྐྱོང་རྣམས་ཆོ་ག་འདི། །མ་ཚང་
[138a.7]བ་རྣམས་བཟོད་པར་གསོལ། །ཞི་དང་བཀྲ་ཤིས་བདེ་ལེགས་མཛོད། །གཙོ་བོ་ནུས་པ་མ་མཆིས་ཤིང་། །མ་ཚང་བ་དང་ལྷག་གྱུར་པ། །རྣལ་འབྱོར་གཙོ་བོ་རྗེས་གནང་སྟེ། །ནོངས་གྱུར་གང་དེ་བཟོད་པར་གསོལ། །གསང་སྔགས་ཉམས་དང་བྱ་བ་ཉམས། །ཆོ་ག་ཉམས་
[138b]
[138b.1]པར་གྱུར་པ་གང་། །མངའ་བདག་མ་ཡིས་བཀས་གནང་སྟེ། །འདི་ནི་ལྷ་མོ་བཟོད་པར་གསོལ། །ལྷ་མོ་ཚད་མ་དམ་ཚིག་ཚད་མ་དང་། །དེས་གསུངས་མཆོག་ཏུ་ཚད་མ་གང་ཡིན་པ། །བདེན་པ་དེ་དག་གིས་ནི་ལྷ་རྣམས་འདིར། །བདག་ལ་རྗེས་སུ་འཛིན་པའི་རྒྱུར་གྱུར་ཅིག །ཅེས་བྱ་བས་བཟོད་པར་གསོལ་
[138b.2]ལོ། །ཁྱེད་ཀྱིས་སེམས་ཅན་དོན་ཀུན་མཛད། །སྒྲུབ་ལ་རྗེས་མཐུན་དངོས་གྲུབ་སྩོལ། །སངས་རྒྱས་སྤྱོད་ཡུལ་གཤེགས་གསོལ་ཏེ། །སླར་ཡང་འབྱོན་པར་མཛད་དུ་གསོལ། །ཚུལ་ཁྲིམས་ཙན་དན་ཡན་ལག་བྱུགས། །བསམ་གཏན་སྟོད་གཡོགས་ཀྱིས་དཀྲིས་ཤིང་། །བྱང་ཆུབ་ཡན་
[138b.3]ལག་མེ་ཏོག་བཀྲམ། །ཇི་ལྟར་བདེ་བ་སྤྱད་པར་བྱ། །ཨོཾ་བཛྲ་མཎྜ་ལ་མུཿཞེས་བྱ་བས་དཀྱིལ་འཁོར་བསྡུ་བར་བྱའོ། །གང་ཞིག་རྟག་ཏུ་གུས་པས་ནི། །རྣལ་འབྱོར་བརྩོན་ལ་མན་ངག་སྦྱིན། །གོམས་པ་བསྐྱེད་པ་དེ་ལ་ནི། །ཕྱག་རྒྱ་ཆེན་པོ་འགྲུབ་པར་འགྱུར། །
[138b.4]མཆོད་སྦྱིན་དབང་བསྐུར་སྦྱིན་སྲེག་དང་། །ཚོགས་ཀྱི་འཁོར་ལོ་རབ་གནས་སོགས། །ཞི་ལ་སོགས་པའི་ལས་དངོས་གྲུབ། །མ་ལུས་དཀྱིལ་འཁོར་འདིས་གྲུབ་བྱེད། །དཔལ་ལྡན་འཁོར་ལོ་སྡོམ་འབྱུང་མན་ངག་གི ། ཇི་བཞིན་གྲུབ་པའི་ཡན་ལག་མདོར་བསྡུས་
[138b.5]པ། །མཆོག་གྱུར་སྔགས་འཆང་བློ་གྲོས་སྒྲོན་རྣམས་ལ། །གསལ་བྱེད་རིན་ཆེན་སྒྲོན་མ་འབར་འདི་ཡིན། །དགེ་བ་གང་ཞིག་བདག་གིས་བསགས་ཐོབ་པ། །དྲི་མེད་སྟོན་ཟླ་ལྟ་བུར་དཀར་གསལ་དང་། །དེས་ནི་འཇིག་རྟེན་སྤྲིན་ཚོགས་མུན་བསལ་ཏེ། །སྣང་བ་ངོ་མཚར་
[138b.6]ཅིག་ཅར་འོད་བྱེད་གྱུར། །དཔལ་ལྡན་འཁོར་ལོ་བདེ་མཆོག་གི་སྒྲུབ་ཐབས། རིན་ཆེན་སྒྲོན་མ་ཞེས་བྱ་བ་སློབ་དཔོན་མཁས་པ་མཻ་ཏྲི་པས་མཛད་པ་རྫོགས་སོ།། །།རྒྱ་གར་ཀྱི་མཁན་པོ་བཛྲ་པཱ་ཎིའི་ཞལ་སྔ་ནས་དང་། བོད་ཀྱི་ལོ་ཙཱ་བ་བ་རེག་ཐོས་པ་དགས་བསྒྱུར་ཅིང་ཞུས་
[138b.7]ཏེ་གཏན་ལ་ཕབ་པའོ། །སླད་ཀྱི་དགེ་བའི་བཤེས་གཉེན་དམ་པ་མཁས་པ་བ་རི་ལོ་ཙཱ་བས་བཅོས་ཤིང་གཏན་ལ་ཕབ་པ་ལས། དུས་ཕྱིས་ཁ་ཆེའི་པཎྜི་ཏ་ཆེན་པོ་བུདྡྷ་ཤྲཱི་ཛྙཱ་ནའི་བཀའ་དྲིན་ལ་བརྟེན་ནས་གནུབས་ལོ་ཙཱ་བས་སྒྲ་དོན་ཇི་ལྟ་བ་བཞིན་དུ་གཏན་ལ་ཕབ་པའོ།། །།
[139a]
[139a.1]{T1485}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦ་རོ་པ་དེ་ཤ་ནཱ་མ། བོད་སྐད་དུ། དཔལ་འཁོར་ལོ་སྡོམ་པའི་མན་ངག་ཅེས་བྱ་བ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །གང་ཞིག་ཀུན་དུ་བརྟགས་པ་ཡོངས་སུ་སྤངས་པའི་ཆོས་སྐུ་དང་། །དཔེ་མེད་བདེ་བ་
[139a.2]ཙམ་གྱིས་མཛེས་པའི་ལོངས་སྤྱོད་རྫོགས་སྐུ་དང་། གང་གི་ཐུགས་རྗེས་ས་རྣམས་ཕན་མཛད་སྤྲུལ་པའི་སྐུ་བརྗོད་པ། །བཅོམ་ལྡན་རྡོ་རྗེ་སེམས་དཔའ་དེ་ཡིས་ཁྱེད་ལ་བདེ་ལེགས་ཤོག །དེ་ལ་དང་པོ་རེ་ཞིག་རྣལ་འབྱོར་པ་དཔལ་འཁོར་ལོ་སྡོམ་པའི་རྣལ་འབྱོར་དང་ལྡན་པས། དབེེན་
[139a.3]པར་བདེ་བའི་སྟན་ལ་གནས་ཏེ། དམ་ཚིག་བརྟན་པར་བྱས་ནས། རང་གི་སྙིང་གར་ཉི་མའི་དཀྱིལ་འཁོར་ལ་ཧཱུཾ་ནག་པོ་བལྟས་ལ། བླ་མའི་མན་ངག་བཞིན་དུ་སྔགས་བཀོད་པའི་ལག་པ་གཡོན་པས་དམ་ཚིག་གི་རྫས་སྦྱངས་པ་བླངས་ཏེ། ཞལ་བཞི་པའི་སྔགས་ཀྱིས་ཕྱོགས་བཞི་
[139a.4]དང་། བདག་ཏུ་བཅས་པ་ལ་གཏོར་ནས་ཡན་ལག་ལའང་དགོད་པར་བྱ་སྟེ། བདག་དང་གནས་དང་རྣལ་འབྱོར་བསྲུང་བར་བྱའོ། །དེ་ནས་དྲི་ཞིམ་པ་དང་བཅས་པའི་ཆུས་མདུན་དུ་མཎྜལ་བྱུག་པར་བྱ་སྟེ། དེའི་དབུས་སུ་གཡོན་པའི་མིང་མེད་ཀྱིས་མནན་ལ་སྙིང་གའི་འོད་དང་འདྲེས་པས།
[139a.5]པཱུ་ཛ་ཨོ་ཨ། གོ་རཱ་དེ་མཱ། ཀ་ཨོ་ཏྲི་ཀོ། ཀ་ལ་ཀ་ཧི། བྲེ་གྲི་སཽ་སུ། ན་སི་མ་ཀུ། པཱུ་ཛ་ལ་སོགས་པའི་ཡི་གེ་ཉི་ཤུ་རྩ་བཞིའི་གནས་ཉི་ཤུ་རྩ་བཞི་རྣམ་པར་དག་པ་དང་། གནས་ལ་སོགས་པ་བཅུའི་མིང་ཅན་ས་བཅུར་མོས་པ་བརྗོད་པར་བྱའོ། །དེའི་རྗེས་ལ་དཀྱིལ་འཁོར་དེ་སྐད་
[139a.6]ཅིག་ཙམ་གྱིས། འབྱུང་བ་ཆེན་པོ་བཞི་ལ་གནས་པའི་རི་རབ་ཀྱི་སྟེང་ན་གཞལ་ཡས་ཁང་གི་ནང་དུ་སྣ་ཚོགས་པའི་པདྨའི་གེ་སར་ལ་གནས་པར། རང་གི་སྙིང་གའི་ས་བོན་ལས་འཕྲོས་པའི་ས་བོན་བལྟས་ཏེ། དེ་ཡོངས་སུ་གྱུར་པ་ལས་བཅོམ་ལྡན་འདས་འཁོར་དང་བཅས་པ་
[139a.7]བཅུ་གསུམ་གྱི་བདག་ཉིད་བཅོམ་ལྡན་འདས་མ་དང་སྙོམས་པར་ཞུགས་པར་བལྟ་བར་བྱའོ། །དེ་ནས་སྙིང་གའི་ས་བོན་གྱི་འོད་ཀྱི་ཕྲེང་བ་རྣམས་ཀྱིས་ཡེ་ཤེས་ཀྱི་འཁོར་ལོ་བཀུག་སྟེ། ནམ་མཁའི་ཕྱོགས་སུ་གནས་པ་ལ་མངོན་དུ་ཕྱོགས་ནས་མཆོད་པ་བྱས་ལ། སྔགས་དང་
[139b]
[139b.1]བཅས་པས་དམ་ཚིག་གི་འཁོར་ལོ་ལ་བཅུག་ནས་རོ་མཉམ་པར་བྱས་ཏེ། ཡང་ཡིད་ལས་བྱུང་བའི་ལྷ་མོ་རྣམས་ཀྱིས་མཆོད་པར་བྱའོ། །དེའི་རྗེས་ལ་རྣམ་པར་སྦྱངས་པའི་ལག་པ་གཡོན་པས་ཡི་གེ་གསུམ་པའི་སྔགས་ཀྱིས་དཀྱིལ་འཁོར་གྱི་དབུས་སུ། དང་པོ་བཅོམ་ལྡན་འདས་
[139b.2]ལ་མེ་ཏོག་ལ་སོགས་པས་མཆོད་པར་བྱའོ། །ཡང་དེ་ཉིད་དུ་བཅོམ་ལྡན་འདས་ཀྱི་སྙིང་པོ་དང་། བཅོམ་ལྡན་འདས་མའི་སྙིང་པོ་དང་། ཉེ་བའི་སྙིང་པོའི་སྔགས་རྣམས་ཀྱིས་བྱའོ། །དེ་བཞིན་དུ་མཁའ་འགྲོ་མ་ལ་སོགས་པ་རྣམས་གཤིན་རྗེ་འཇོམས་མ་ལ་སོགས་པའི་མཐར་
[139b.3]ཐུག་པ་དཔའ་བོའི་དབང་ཕྱུག་མ་བཅུ་གཉིས་མན་ངག་ཇི་ལྟ་བ་བཞིན་དུ་རང་རང་གི་སྔགས་ཀྱིས་ཕྱོགས་རྣམས་སུ་གཡོན་སྐོར་དུ་བྱ་ཞིང་། མཚམས་རྣམས་སུ་ནི་གཡས་སྐོར་དུ། གནས་ཇི་ལྟ་བ་བཞིན་དུ་དེ་དག་ལ་མཆོད་པ་དབུལ་བར་བྱའོ། །དེ་ནས་དེ་བཞིན་དུ་ལག་པ་གཡོན་
[139b.4]པའི་མཐིལ་དུ་པདྨ་འདབ་མ་ལྔ་པ་ལ་དཔའ་མོ་དྲུག་རྣམས་རིམ་པ་བཞིན་དུ་དམར་པོ་དང་། སྔོན་པོ་དང་། དཀར་པོ་དང་། སེར་པོ་དང་། ལྗང་གུ་དང་། དུ་བའི་ཁ་དོག་ཅན་རྣམས་བཀོད་ལ་འཁོར་ལོས་སྒྱུར་བ་དྲུག་ཀྱང་སྔོན་པོ་དང་། དཀར་པོ་དང་། སེར་པོ་དང་། ནག་པོ་དང་། དམར་
[139b.5]པོ་དང་། ལྗང་གུ་རྣམས་སྔགས་ཀྱི་གཟུགས་སུ་ཕྱོགས་ཇི་ལྟ་བ་བཞིན་དུ་རང་རང་གི་སྔགས་ཀྱིས་མེ་ཏོག་བཀོད་པ་སྔོན་དུ་འགྲོ་བས། ཆོ་ག་བཞིན་དུ་མེ་ཏོག་དབུལ་བར་བྱའོ། །འཁོར་ལོ་གསུམ་ཡང་ལག་པའི་རྒྱབ་ཏུ་མེ་ལོང་དང་བའི་གཟུགས་བརྙན་བཞིན་དུ་གསལ་བར་
[139b.6]སྣང་བ་ཅན་བལྟ་བར་བྱའོ། །དེ་ནས་དེའི་འཁོར་གྱི་སྔགས་རྣམས་ནི་ས་ལ་སོགས་པའི་ཁམས་ཀྱི་རང་བཞིན་ལྟུང་བྱེད་མ་ལ་སོགས་པའི་ལྷ་མོའི་ངོ་བོ་ཉིད་དུ་ལྷག་པར་མོས་པར་བྱ་སྟེ། ཞུ་བའི་རྫས་ཀྱིས་བསང་གཏོར་བྱས་ནས། དཔའ་བོ་དང་དཔའ་མོ་ཐམས་ཅད་ཀྱིས་
[139b.7]བྱིན་གྱིས་བརླབས་པའི་འཁོར་ལོ་གསུམ་གྱི་རང་བཞིན་དུ་འཁོར་ལོ་དེ་མོས་པར་བྱས་ལ། རྐང་པ་བརྒྱད་པའི་སྔགས་ཀྱིས་མེ་ཏོག་ལ་སོགས་པས་མཆོད་པར་བྱའོ། །དེ་ནས་མེ་ཏོག་དེ་ཕྲེང་བའི་སྔགས་བརྗོད་པའི་མཐར་དཀྱིལ་འཁོར་དུ་དོར་ཏེ། སྙིམ་པས་བླང་བ་སྔོན་དུ་
[140a]
[140a.1]འགྲོ་བས་སླར་བླངས་ལ། མགོ་བོར་དགོད་པར་བྱའོ། །ལྷའི་འཁོར་ལོ་དེ་ཡང་བདག་ཉིད་ལ་བཅུག་པར་བསམས་ནས་ཡི་གེ་བརྒྱ་པས་བརྟན་པར་བྱའོ། །དེ་ནས་བདག་པོ་རྣམས་ལ་གཏོར་མ་ཆོ་ག་བཞིས་སྦྱངས་ལ་དེའི་སྔགས་ཀྱིས་སྦྱིན་པར་བྱའོ། །དེའི་རྗེས་ལ་ཡང་སྡིག་
[140a.2]པ་བཤགས་པ་ལ་སོགས་པ་ནང་གི་བདག་ཉིད་ཀྱི་རྣལ་འབྱོར་དང་མངོན་པར་འདོད་པའི་སྔགས་བཟླས་པ་ལ་སོགས་པ་བྱས་ཏེ། དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་སྒྱུར། །ཡེ་ཤེས་ལྔ་དང་སྐུ་གསུང་ཐུགས། །འགྲོ་བ་སྐྱོབ་ལ་ཕྱག་འཚལ་བསྟོད། །
[140a.3]ཇི་སྙེད་རྡོ་རྗེ་མཁའ་འགྲོ་མ། །ཀུན་དུ་རྟོག་པ་འཆིང་གཅོད་ཅིང་། །འཇིག་རྟེན་བྱ་བ་ལ་འཇུག་པ། །དེ་སྙེད་རྣམས་ལ་བདག་ཕྱག་འཚལ། །ཞེས་བྱ་བས་བསྟོད་པར་བྱའོ། །ཆོ་གའི་བྱ་བ་མ་ཚང་བས། །རྫོགས་སངས་རྒྱས་དང་ལྷ་རྣམས་དང་། །དེ་སྲས་རྣམས་དང་ཚངས་ལ་
[140a.4]སོགས། །འཇིག་རྟེན་སྐྱོང་རྣམས་བཟོད་པར་གསོལ། །ལྷ་མོ་ཚད་མ་དམ་ཚིག་ཚད། །དེས་གསུངས་མཆོག་ཏུ་ཚད་མ་སྟེ། །བདེན་པ་དེ་དག་གིས་ལྷ་མོ། །དེ་དག་བདག་ལ་རྗེས་འཛིན་ཤོག །ཅེས་བྱ་བས་བཟོད་པར་གསོལ་བར་བྱའོ། །འདི་ནི་ཚོགས་ཀྱི་འཁོར་ལོ་ལ་
[140a.5]སོགས་པ་ཕྱི་རོལ་མཆོད་པའོ། །དེ་ལ་འདིར་ནང་གི་རྣལ་འབྱོར་གཙོ་བོར་འདོད་པའི་སྔགས་པས་རང་གི་སྙིང་གའི་ས་བོན་གྱི་འོད་ཟེར་འདྲ་བའི་ལྕགས་ཀྱུས་འཆད་པར་འགྱུར་བའི་མཚན་ཉིད་ཅན་གྱིས་བཅོམ་ལྡན་འདས་དཀྱིལ་འཁོར་གྱི་འཁོར་ལོ་དང་བཅས་པ་བཀུག་སྟེ། ནམ་
[140a.6]མཁའ་ལ་བལྟས་ནས་ཕྱག་འཚལ་ཏེ། མཆོད་པ་བྱས་ལ། དེའི་སྤྱན་སྔར་སྡིག་པ་བཤགས་པ་ལ་སོགས་པ་འདི་ལྟར་བྱ་སྟེ། བྱས་དང་བྱེད་དུ་བཅུག་དང་ཡི་རང་བའི། །སྡིག་པའི་སྐྱོན་ཀུན་མ་ལུས་འཇིག་བྱེད་པའི། །སྤྱན་སྔར་སོ་སོར་བཤགས་ཤིང་སླར་ཡང་ནི། །མི་
[140a.7]བགྱིད་པ་ཡི་སྡོམ་པ་བླང་བར་བྱ། །ཉན་ཐོས་རང་རྒྱལ་བླ་མེད་རང་རྒྱལ་དང་། །རྒྱལ་བའི་སྲས་པོས་བསགས་པའི་དགེ་བ་དང་། །དེ་དག་ལ་ནི་རྗེས་སུ་ཡི་རང་ཞིང་། །བྱང་ཆུབ་ཏུ་ནི་ཡང་དག་བདག་གིས་ཀྱང་། །རྒྱལ་བ་ལ་སོགས་དཀོན་མཆོག་གསུམ་པོ་ལ། །དངོས་པོ་
[140b]
[140b.1]ཀུན་གྱིས་བདག་ནི་སྐྱབས་སུ་མཆི། །བྱང་ཆུབ་མཆོག་ཏུ་སེམས་བསྐྱེད་དེ་བཞིན་དུ། བླ་ན་མེད་པའི་ལམ་ལ་བརྟེན་པར་བགྱི། །དེའི་རྗེས་ལའང་བྱམས་པ་དང་སྙིང་རྗེ་དང་དགའ་བ་དང་། བཏང་སྙོམས་ཚངས་པའི་གནས་བཞི་བསྒོམ། རང་ཉིད་མི་གནས་པའི་བདག་ཉིད་དུ་སྐད་ཅིག་
[140b.2]གིས་སྟོང་པའི་ཏིང་ངེ་འཛིན་ལ་གནས་པར་བྱའོ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷ་ཝ་ཨཱཏྨ་ཀོ྅ཧཾ། ཆོས་ཐམས་ཅད་སྟོང་པ་ཉིད་ཡེ་ཤེས་རྡོ་རྗེའི་རང་བཞིན་གྱི་བདག་ཉིད་ངའོ་ཞེས་བྱ་བ་ལ་གནས་པར་བྱའོ། །དེ་ནས་ཏིང་ངེ་འཛིན་ལས་ལངས་ནས། འགྲོ་བ་སྒྱུ་མ་ལྟ་བུས་བལྟས་ལ། ཡཾ་རཾ་བཾ་ལཾ་ཡོངས་སུ་གྱུར་
[140b.3]པ་ལས་གཞུ་དང་གྲུ་གསུམ་དང་ཟླུམ་པོ་དང་གྲུ་བཞི་པ། སྔོན་པོ་དང་། དམར་པོ་དང་། དཀར་པོ་དང་། སེར་པོའི་ཁ་དོག་ཅན་གྱི་འབྱུང་བ་ཆེན་པོ་བཞིའི་དཀྱིལ་འཁོར་དེའི་བདག་ཉིད་དུ་བལྟ་བར་བྱའོ། །དེའི་སྟེང་དུ་ཧཱུཾ་ལས་བྱུང་བའི་རི་རབ་ཀྱི་རྩེ་མོའི་སྟེང་དུ། ཨོཾ་མེ་དི་ནཱི་བཛྲཱི་བྷ་
[140b.4]ཝ་བཛྲ་བནྡྷ་ཧཱུཾ། ཨོཾ་བཛྲ་པྲཱ་ཀཱ་ར་ཧཱུཾ་བཾ་ཧཱུཾ། ཨོཾ་བཛྲ་པཉྫ་ར་ཧཱུཾ་བཾ་ཧཱུཾ། ཨོཾ་བཛྲའི་བི་ཏཱ་ན་ཧཱུཾ་ཁཾ་ཧཱུཾ། ཨོཾ་བཛྲ་ཤ་ར་ཛཱ་ལ་ཏྲཾ་སཾ་ཏྲཾ། ཨོཾ་བཛྲ་ཛྭ་ལ་ཨ་ན་ལརྐ་ཧཱུཾ་ཧཱུཾ་ཧཱུཾ། ཞེས་པའི་སྔགས་འདིས་རྡོ་རྗེའི་ས་གཞི་ལ་སོགས་པ་དྲུག་བྱས་ཏེ། དེའི་ནང་དུ་སྣ་ཚོགས་རྡོ་རྗེའི་ཁྱམས་ལ་མཚན་ཉིད་ཐམས་ཅད་
[140b.5]ཀྱིས་བརྒྱན་པའི་གཞལ་ཡས་ཁང་དུར་ཁྲོད་བརྒྱད་ཀྱིས་བསྐོར་བ་བསྒོམ་མོ། །དེའི་ནང་དུ་སྣ་ཚོགས་པདྨ་གེ་སར་གྱི་སྟེང་དུ། ཨཱ་ལི་ཀཱ་ལི་ཡོངས་སུ་གྱུར་པ་ལས་བྱུང་བའི་ཟླ་བ་དང་ཉི་མ་ཁ་སྦྱར་བ་ལས་བྱུང་བའི་དབུས་སུ་ཧཱུཾ་རྡོ་རྗེ་སེམས་དཔའི་བདག་ཉིད་འོད་ཟེར་ལྔ་འཕྲོ་བ་དང་འདུ་བའི་
[140b.6]རང་བཞིན་ཅན་བསྒོམ་པར་བྱ། དེ་ཐམས་ཅད་ཡོངས་སུ་གྱུར་པ་ལས་བཅོམ་ལྡན་འདས་དཔལ་ཧེ་རུ་ཀའི་དཀྱིལ་འཁོར་དང་བཅས་པའི་བདག་ཉིད་བསྒོམ་པར་བྱའོ། །དེ་ལ་དབུས་ཀྱི་ཉི་མའི་དཀྱིལ་འཁོར་ལ་གནས་པའི་འཇིགས་བྱེད་དང་། དུས་མཚན་གྱི་དཔྲལ་བ་དང་།
[140b.7]ནུ་མར་གཡས་བརྐྱང་བས་མནན་ཏེ་བཞུགས་པ། སྐུ་མདོག་སྔོན་པོ་དང་། ལྗང་གུ་དང་། དམར་པོ་དང་སེར་པོ་སྟེ། ཞལ་བཞི་པ་ཅན་ཞལ་རེ་རེ་ལ་ཡང་སྤྱན་གསུམ་གསུམ་པ་ཐོད་པ་ལྔས་དབུ་ལ་བརྒྱན་པ། སྐུ་ལ་མགོ་བོ་རློན་པའི་ཕྲེང་བ་བརྒྱ་ཕྱེད་ཀྱིས་བརྒྱན་པ། སྣ་
[141a]
[141a.1]ཚོགས་རྡོ་རྗེ་དང་ཟླ་བ་ཕྱེད་པས་མཚན་པའི་རལ་པའི་ཐོར་ཚུགས་ཅན། སྐུ་ལ་ཕྱག་རྒྱ་དྲུག་གིས་བརྒྱན་པ། ཞལ་མཆེ་བ་གཙིགས་པས་འཇིགས་པར་བྱེད་པ། སྟག་གི་པགས་པའི་ཤམ་ཐབས་ཅན། སྒེག་པ་ལ་སོགས་པའི་ཉམས་དང་ལྡན་པ། རྡོ་རྗེ་ཡན་
[141a.2]ལག་མས་མཉམ་པར་འཁྱུད་པ། ཕྱག་བཅུ་གཉིས་ཀྱིས་སྤྲས་པ་སྟེ། རྩ་བའི་ཕྱག་གཉིས་ཀྱིས་རྡོ་རྗེ་དང་དྲིལ་བུ་བསྣམས་པ། དེའི་འོག་མའི་ཕྱག་གཉིས་ཀྱིས་གླང་པོའི་པགས་པ་བསྣམས་པ། གཡས་པའི་ཕྱག་གསུམ་པ་དང་བཞི་པ་དང་ལྔ་པ་དང་དྲུག་པ་རྣམས་ལ་རིམ་པ་
[141a.3]བཞིན་དུ། ཅང་ཏེའུ་དང་། དགྲ་སྟ་དང་། གྲི་གུག་དང་། རྩེ་གསུམ་པ་བསྣམས་པའོ། །དེ་བཞིན་དུ་ཕྱག་གཡོན་པའི་གསུམ་པ་དང་། བཞི་པ་དང་། ལྔ་པ་དང་། དྲུག་པ་ན་ཁ་ཊྭཱཾ་ག་དང་། ཐོད་པ་དང་། ཞགས་པ་དང་། ཚངས་པའི་མགོ་བོ་དང་མཉམ་པར་ལྡན་པའི་བཅོམ་ལྡན་འདས་
[141a.4]བསྒོམ་པར་བྱའོ། །ཡང་མདུན་དུ་བཅོམ་ལྡན་འདས་མ་སྐྲ་གྲོལ་མ། སྐུ་མདོག་དམར་མོ་སྤྱན་གསུམ་པ་ཞལ་གཅིག་པ། གཅེར་བུ་དུམ་བུའི་སྐ་རགས་ཀྱིས་བརྒྱན་པ། ཁ་ཊྭཱཾ་ག་དང་། ཐོད་པས་བརྒྱན་པ། ཕྱག་གཡོན་པ་དང་གཡས་པ་རྡོ་རྗེས་མཚན་པའི་སྡིགས་
[141a.5]མཛུབ་ཅན་བྱིན་པ་གཉིས་ཀྱིས་བཅོམ་ལྡན་འདས་ཀྱི་བརླ་གཉིས་ལ་དཀྲིས་ཏེ་བཅུག་པས་འཁྱུད་ནས་བཞུགས་པར་བསྒོམ་པར་བྱའོ། །དེ་ནས་ཤར་གྱི་འདབ་མ་ལ་མཁའ་འགྲོ་མ་སྐུ་མདོག་ནག་མོ་དང་། གཡོན་གྱི་འདབ་མ་ལ་ལཱ་མ་ལྗང་གུ་དང་། ནུབ་ཀྱི་འདབ་མ་ལ་
[141a.6]དུམ་སྐྱེས་མ་དམར་མོ་དང་། གཡས་ཀྱི་འདབ་མ་ལ་གཟུགས་ཅན་མ་སེར་མོ་དང་། མཚམས་རྣམས་སུ་བྱང་ཆུབ་སེམས་ཀྱི་ཐོད་པའོ། །དེ་བཞིན་དུ་ཤར་ལ་སོགས་པའི་འདབ་མ་ལ་ཁྲ་གདོང་མ་ལ་སོགས་པའི་ལྷ་མོ་རྣམས་ནི། མཁའ་འགྲོ་མ་ལ་སོགས་པ་བཞི་དང་
[141a.7]འདྲའོ། །མཚམས་བཞིར་གཤིན་རྗེ་བརྟན་མ་ལ་སོགས་པ་རྣམས་ནི་གཟུགས་གཉིས་མར་ཤེས་པར་བྱའོ། །རྣལ་འབྱོར་མ་དེ་དག་ཐམས་ཅད་ཞལ་གཅིག་པ་ཕྱག་བཞི་པ་གཡོན་བརྐྱང་བའི་ཞབས་ཀྱིས་རོའི་གདན་ལ་བཞུགས་པ། གོས་མེད་པ་ཕྱག་རྒྱ་ལྔས་
[141b]
[141b.1]བརྒྱན་པ། ཐོད་པ་དང་རྡོ་རྗེའི་ཕྲེང་བས་བསྐོར་བའི་དབུ་དང་ལྡན་པ། མགོ་བོའི་ཕྲེང་བས་བརྒྱན་པ། ཐོད་པ་དང་ཁ་ཊྭཱཾ་ག་དང་གྲི་གུག་དང་ཅང་ཏེའུ་བསྣམས་པ། སྐུ་དྲག་པའི་གཟུགས་ཅན་བསྒོམ་པར་བྱའོ། །དེ་ནས་དེ་དག་ཐམས་ཅད་ཀྱི་ལུས་དང་ངག་དང་ཡིད་ཀྱི་ལམ་རྣམས་ལ་འཁོར་
[141b.2]ལོ་དང་པདྨ་དང་། རྡོ་རྗེའི་ལྟེ་བ་ལ་གནས་པའི་ས་བོན་ཨོཾ་ཨཱཿ་ཧཱུཾ་དགོད་པར་བྱ་སྟེ། ཡང་གཙོ་བོ་ལ་གོ་ཆའི་སྔགས་ཀྱིས་གོ་བགོ་བར་བྱའོ། །དེ་ལ་ཨོཾ་ཧ། ན་མ་ཧི། སྭཱ་ཧཱ་ཧུ། བཽ་ཥཊ་ཧོ། ཧཱུཾ་ཧཱུཾ་ཧེ། །ཕཊ་ཧཾ། ཞེས་བྱ་བས་འཁོར་ལོས་སྒྱུར་བ་དྲུག་གི་སྙིང་པོ་འདིས་ལྟེ་བ་དང་། སྙིང་ག་དང་
[141b.3]མགྲིན་པ་དང་སྤྱི་བོ་དང་ཕྲག་པ་དང་། མིག་དང་། ཡན་ལག་ཐམས་ཅད་བསྲུང་བར་བྱ་སྟེ། ཨོཾ་བཾ། ཧཾ་ཨོཾ། ཧྲིཾ་མོཾ། ཧྲེཾ་ཧྲིཾ། ཧཱུཾ་ཧཱུཾ་ཕཊ་ཕཊ། ཅེས་བྱ་བས་དཔའ་མོ་དྲུག་གི་སྙིང་པོའི་འདིས་ལྟེ་བ་དང་། སྙིང་ག་དང་། ཁ་དང་། མིག་དང་། སྤྱི་བོ་དང་། ཡན་ལག་ཐམས་ཅད་ལ་བཅོམ་ལྡན་
[141b.4]འདས་མ་ལ་གོ་བསྐོན་པའོ། །དེ་ནས་སྙིང་གའི་ས་བོན་གྱི་འོད་ཟེར་ལྕགས་ཀྱུ་འདྲ་བས་ཡེ་ཤེས་ཀྱི་འཁོར་ལོ་བཀུག་སྟེ། དམ་ཚིག་གི་དཀྱིལ་འཁོར་གྱི་ནང་དུ་སྔགས་སྔོན་དུ་འགྲོ་བས་དགུག་པར་བྱའོ། །དེ་བཞིན་གཤེགས་པ་ཐམས་ཅད་ཀྱིས་བདག་ལ་དབང་བསྐུར་ཅིག་ཅེས་
[141b.5]བྱ་བས་བཅོམ་ལྡན་འདས་ལ་དབང་བསྐུར་བའི་དོན་དུ་གསོལ་བ་གདབ་པར་བྱའོ། །དེ་ནས་དེ་ལས་འཕྲོས་པའི་བདུད་རྩི་ལྔས་གང་བའི་རིན་པོ་ཆེའི་བུམ་པ་འཛིན་པའི་གཟུགས་མ་བཞི་པོ་དག་གིས། ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་བ། །ལྷ་
[141b.6]ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་གསོལ་ཏོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲཱི་ཧཱུཾ། ཞེས་བྱ་བའི་སྔགས་བརྗོད་ཅིང་དབང་བསྐུར་བས། ཆུ་དེ་ལས་འབྱུང་བའི་རང་གི་རིགས་ཀྱི་ལྷས་དབུ་རྒྱན་དུ་ཇི་ལྟར་རིགས་པར་བསྒོམ་པར་བྱའོ། །དེ་ནས་སྙིང་གའི་
[141b.7]ས་བོན་གྱི་འོད་ཀྱིས་གཟུགས་ལ་སོགས་པའི་ཡུལ་རྣམས་བཅོམ་ལྡན་འདས་མའི་ས་བོན་གྱི་ངོ་བོ་ཉིད་ཀྱིས་པདྨའི་གེ་སར་ལ་བསྡུས་ནས། དེ་ལས་སྤྲོས་པའི་ལྷ་མོ་རྣམས་ཀྱིས་དམ་ཚིག་ལ་སོགས་པའི་རྫས་ཀྱིས། དཀྱིལ་འཁོར་པ་དང་བཅས་པའི་དཀྱིལ་འཁོར་གྱི་བདག་པོ་
[142a]
[142a.1]མཆོད་པར་བྱའོ། །དེ་ནས་དཀྱིལ་འཁོར་པའི་ལྷ་མོ་བཅུ་གཉིས་ཀྱི་ཞལ་ནས་བསྟོད་པ་འདོན་པར་མངོན་དུ་བྱས་ཏེ། ཁྱོད་ནི་རྣལ་འབྱོར་མ་ཡི་ཚོགས་ཀྱིས་བསྐོར། །ཁྱོད་ནི་ཉིད་ཀྱི་ཐུགས་ལས་བདེ་ལེགས་ཤོག །འདིར་ནི་རྒྱུ་དང་མི་རྒྱུའི་འགྲོ་རྣམས་དག །སྙིང་རྗེའི་ཐུགས་ཀྱིས་
[142a.2]སེམས་ཅན་སད་པར་མཛད། །སྒྱུ་མའི་སྦྲུལ་པས་དོན་རྣམས་འགྲུབ་པར་མཛོད། །མགོན་པོ་བདེ་མཆོག་དཔལ་ལྡན་དགྱེས་པས་བཞེངས། །ཞེས་བྱ་བས་སོ། །དེའི་རྗེས་ལ་མདུན་དུ་རླུང་དང་མེའི་དཀྱིལ་འཁོར་གྱི་སྟེང་དུ་མགོ་བོ་གསུམ་ལ་གནས་པའི་ཨ་ལས་བྱུང་བའི་ཐོད་པའི་
[142a.3]སྟེང་དུ། ཧཱུཾ་བྷྲཱཾ་ཛྰྲིཾ་ཨཱཾ་ཁཾ་གོ་ཀུ་ད་ཧ་ན་རྣམས། དེའི་ནང་དུ་རང་རང་གི་ས་བོན་ལས་བྱུང་བའི་མཚན་མའི་བདུད་རྩི་ལྔ་སྟེ། དེའི་སྟེང་དུ་ཨ་བལྟའོ། །ཨ་ལས་བྱུང་བའི་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་ལས་སྐྱེས་པའི་རྡོ་རྗེ་བསྒོམ་པར་བྱའོ། །དེ་དག་ཐམས་ཅད་འབར་བ་ལ་སོགས་པའི་
[142a.4]རིམ་པས་བདུད་རྩིར་འགྱུར་ཏེ། ཡེ་ཤེས་ཀྱི་བདུད་རྩི་དྲངས་པས་རོ་མཉམ་པའི་ངོ་བོ་ཉིད་དུ་ཡི་གེ་གསུམ་གྱིས་བྱིན་གྱིས་བརླབས་ཏེ། ཧཱུཾ་ལས་བྱུང་བའི་རྡོ་རྗེ་ལྕེས་མཚན་པས་མྱང་བར་བྱས་ཤིང་འཕྲོ་བའི་སྦྱོར་བས་ལྷ་མོའི་ཚོགས་ཀྱང་ཚིམ་པར་བྱའོ། །དེ་ནས་རྡོ་རྗེ་པདྨ་རྣམ་པར་
[142a.5]སྦྱངས་པ་བརྡབས་པ་ལས་དགའ་བའི་སྒྲས་དགའ་བ་ཆེན་པོ་དེ་བཞིན་གཤེགས་པའི་རིགས་ནང་དུ་ཞལ་ནས་བཅུག་སྟེ། ཞུ་བར་གྱུར་ནས་ནོར་བུ་དང་ཟེའུ་འབྲུའི་དབུས་སུ། ཐིག་ལེ་གཉིས་ཀྱི་བདག་ཉིད་རྡོ་རྗེ་སེམས་དཔའི་ངོ་བོ་ཉིད་དུ་གནས་པར་ཤེས་པར་བྱས་ནས། ཕྱག་རྒྱ་
[142a.6]ཆེན་པོའི་དོན་ལ་མངོན་དུ་ཕྱོགས་པར་བྱའོ། །ཁ་སྦྱར་དབུས་ན་ས་བོན་གནས། །ཐིག་ལེ་གཉིས་པོ་མི་འགྱུར་བ། །རྡོ་རྗེ་སེམས་དཔའི་ངོ་བོ་ཉིད། །རྣལ་འབྱོར་པ་ཡིས་རྟག་ཏུ་བསྒོམ། །ཞེས་གསུངས་པའི་ཕྱིར་རོ། །གཞན་ཡང་། ཨཱ་ལི་ཀཱ་ལི་མདུན་བསམས་
[142a.7]ནས། །རྣལ་འབྱོར་ཆེན་པོ་ངལ་བསོ་སྟེ། །ཟླ་བའི་དཀྱིལ་འཁོར་ཡོངས་རྫོགས་པ། །ལྟེ་བའི་རྩ་བར་གནས་པར་བསྒོམ། །ཡི་གེའི་གོ་འཕང་མཆོག་འགྱུར་བ། །དེ་ཡི་དབུས་སུ་གནས་པར་བསམ། །སྐུ་གསུང་ཐུགས་ཀྱི་རྡོ་རྗེ་འཆང་། །ལྷ་ཡི་ངོ་བོ་ཉིད་བསྒོམ་བྱ། །དེ་ཡི་
[142b]
[142b.1]ལུས་ནི་འདས་གྱུར་ཀྱང་། །སེམས་ཀྱིས་ཀྱང་ནི་མ་ཡིན་ནོ། །བསམ་མེད་བསམ་པར་བྱ་བ་ཉིད། །བསམ་པ་དེ་ཡང་མི་ཤེས་སོ། །སེམས་དཔའ་འམ་ནི་བསམ་མི་ཁྱབ། །དེ་ནས་གཟུངས་ནི་ཐོབ་པར་འགྱུར། །ཞེས་གསུངས་སོ། །དེའི་རྗེས་ལ་ལྟེ་བའི་ས་བོན་གྱི་ཐིག་ལེ་ལ་ཉི་
[142b.2]མའི་གཟུགས་ཀྱི་སྟེང་དུ། སྔགས་ཀྱི་ཕྲེང་བའི་སྟེང་དུ་བལྟས་པས་ཤིན་ཏུ་ཕྲ་བ་མངོན་པར་བལྟས་ཏེ། བརྟན་པའི་སེམས་ཀྱིས་འཕྲོ་བ་དང་འདུ་བའི་རིམ་པས་མན་ངག་ཇི་ལྟ་བ་བཞིན་དུ་བཟླས་པར་བྱའོ། །དེ་ལ་ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སཾ་བ་ར་སྭཱ་ཧཱ། ཨོཾ་ཧྲཱིཿ་ཧ་ཧ་ཧཱུཾ་ཧཱུཾ་ཕཊ།
[142b.3]རྗེ་བཙུན་གྱི་སྙིང་པོ་དང་ཉེ་བའི་སྙིང་པོའོ། །ཨོཾ་སརྦ་བུདྡྷ་ཌཱ་ཀི་ཎཱི་ཡེ་བཛྲ་བརྞ་ནཱི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ། ལྷ་མོའི་སྙིང་པོ་དང་ཉེ་བའི་སྙིང་པོའོ། །ཨོཾ་ཌཱ་ཀི་ནཱི་ཡེ་ཧུཾ་ཧཱུཾ་ཕཊ། ཨོཾ་ལཱ་མཱ་ཡཻ་ཧུཾ་ཧཱུཾ་ཕཊ། ཨོཾ་ཁཎྜ་རོ་ཧཱ་ཡཻ་ཧཱུཾ་ཧཱུཾ་ཕཊ། ཨོཾ་རཱུ་པེ་ཎཱི་ཡཻ་ཧུཾ་ཧཱུཾ་ཕཊ། ཨོཾ་ཀཱ་ཀཱ་སྱེ་ཧཱུཾ་
[142b.4]ཧཱུཾ་ཕཊ། ཨོཾ་ཨུ་ལཱུ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཤྭཱ་ནཱ་སྱེ་ཧཱུཾ་ཧཱུཾ་ཕཊ། ཨོཾ་སཱུ་ཀ་རཱ་སྱེ་ཧཱཾ་ཧཱུཾ་ཕཊ། ཨོཾ་ཡ་མ་དཱ་ཌྷཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཱུ་ཏཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཾ་ཥྚྲི་ནཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧུཾ་ཧཱུཾ་ཕཊ། དཔའ་མོ་རྣམས་ཀྱི་སྔགས་སོ། །ཨོཾ་ན་མོ་བྷ་ག་ཝ་ཏེ་ཝཱི་རེ་ཤཱ་ཡ། མ་ཧཱ་
[142b.5]ཀལྤཱ་གནི་སནྣི་བྷཱ་ཡ། ཛ་ཊ་མ་ཀུ་ཊོཏྐ་ཊཱ་ཡ། དཥྛཱ་ཀ་རཱ་ལོ་གྲ་བྷི་ཥ་ཎ་མུ་ཁཱ་ཡ། སཱ་ཧ་སྲ་བྷུ་ཛ་བྷཱ་སུ་རཱ་ཡ། པར་ཤུ་པཱ་ཤོ་དྱ་ཏ་ཤཱུ་ལ་ཁ་ཊྭཱ་ག་དྷཱ་རི་ཎེ། བྱཱ་གྷྲ་ཛི་ནཾ་བ་ར་དྷ་རཱ་ཡ། མ་ཧཱ་དྷུམྦྲཱ་ནྡྷ་ཀ་ར་ཝ་པུ་ཥཱ་ཡ། ཀ་ར་ཀ་ར། ཀུ་རུ་ཀུ་རུ། བནྡྷ་བནྡྷ། ཏྲཱ་ས་ཡ་ཏྲཱ་ས་ཡ། ཀྵོ་བྷ་ཡ་ཀྵོ་བྷ་ཡ། ཧྲཽཾ་ཧྲཽཾ།
[142b.6]ཧྲཿ་ཧྲཿ་ཕེཾ་ཕེཾ། ཕཊ་ཕཊ། ད་ཧ་ད་ཧ། པ་ཙ་པ་ཙ། བྷ་ཀྵ་བྷ་ཀྵ། བ་ས་རུ་དྷི་ར། ཨནྟྲ་མཱ་ལཱ་ཝ་ལཾ་བི་ནེ། གྲྀ་ཧྞ་གྲྀ་ཧྞ། སཔྟ་པཱ་ཏཱ་ལ་ག་ཏ་བྷུ་ཛཾ་ག། །སརྦྦཾ་བཱ་ཏ་རྫ་ཡ། ཏ་རྫ་ཡ། ཨཱ་ཀ་ཌྦྷྱ་ཨཱ་ཀདྷྷྱ། ཧྲཱིཾ་ཧྲཱིཾ། ཛྙཽཾ་ཛྙཽཾ། ཀྵྨཾ་ཀྵྨཾ། ཧཱཾ་ཧཱཾ། ཧཱིཾ་ཧཱིཾ། ཧཱུཾ་ཧཱུཾ། ཀཱི་ལི་ཀཱི་ལི། སི་ལི་སི་ལི། ཧི་ལི་ཧི་ལི། དྷི་ལི་དྷི་ལི།
[142b.7]ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཕྲེང་བའི་སྔགས་སོ། །དེ་ནས་ཇི་ལྟ་བ་བཞིན་སྦྱངས་པའི་གཏོར་མ་བཏང་སྟེ། རྣལ་འབྱོར་པ་ལྷོ་ཕྱོགས་སུ་མངོན་པར་ཕྱོགས་པས། མཐོན་པའི་ཕྱོགས་སུ་མཆོད་པར་བྱ། །མཚན་མོ་སྐྲ་གྲོལ་གཅེར་བུ་ཡིས། །བརྟུལ་ཞུགས་ཅན་གྱི་གཏོར་མ་གཏང་། །
[143a]
[143a.1]རྐང་པ་མནན་ཅིང་སྟེང་དུ་བལྟ། །གྱེན་དུ་ཕེཾ་གྱི་སྒྲ་སྒྲོགས་ཤིང་། །ཕྱོགས་བཅུའི་འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་འགུགས། །རྡོ་རྗེ་ཐལ་མོ་ཁ་གྱེན་དུ་ཕྱེ་ལ་དཔའ་བོ་རྣམས་དང་རྣལ་འབྱོར་མ་རྣམས་སྙན་གསན་དབབ། སྔགས་ཀྱིས་
[143a.2]བསྐུལ་བར་བྱས་ནས་ནི། །དེ་ཡི་མོད་ལ་བྱོན་པར་འགྱུར། །མཛུབ་མོ་མདུད་བྱས་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པར་རབ་སྦྱར་ལ། །དེ་ནི་དཔྲལ་བའི་དབུས་སུ་རབ་བཞག་ནས། །བསྐོར་ནས་ཀུན་དུ་བསྐོར་བར་བྱ། །གཡས་པ་བརྐྱང་བའི་སྦྱོར་པ་ཡིས། །
[143a.3]འབར་བའི་ཕྱག་རྒྱ་བཅིང་བར་བྱ། །དམ་ཚིག་གིས་ནི་ཁ་བསྐང་ལ། །སྔགས་ནི་འདི་ལྟར་རྗེས་དྲན་བྱ། །ཨོཾ་ཨ་ར་ལླི་ཧོ། །ཛཿཧཱུཾ་བཾ་ཧོཿབཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོཿ། དེ་ལྟར་ལན་གསུམ་བརྗོད་པར་བྱའོ། །ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཱ་ཀྵ་སྲབྷཱུ་ཏ་པྲེ་ཏ་པི་ཤཱ་ཙ་ཨུནྨཱ་ད་ཨ་བ་སྨ་
[143a.4]ར་ཌཱ་ཀ་ཌཱ་ཀི་ནྱ་ད་ཡ་ཨི་མཾ་བ་ལིཾ་གྲྀ་ཧྞཾ་ཏུ་ས་མ་ཡ་ར་ཀྵ་ནྟུ་སརྦ་སྶིདྡྷི་མྨེ་པྲ་ཡ་ཙྪནྟུ་ཡ་ཐཻ་བཾ་ཡ་ཐེ་ཥྚི། བྷུཉྫ་ཐ་པི་བ་ཐ་ཛི་གྷྲ་ཐ་མཱ་ཏི་ཀྲ་མ་ཐ་མ་མ་སརྦ་ཀརྟ་ཡ་སདྶུ་ཁཾ་བི་བྲྀ་དྷ་ཡེས་ཧཱ་ཡི་ཀཱ་བྷ་བནྟུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཏོར་མའི་སྔགས་སོ། །རྣལ་འབྱོར་པ་རྣལ་འབྱོར་མའི་རྣལ་འབྱོར་བྱེད་
[143a.5]པར་འདོད་ན། ཇི་སྐད་བཤད་པ་ཐམས་ཅད་བཅོམ་ལྡན་འདས་མའི་བརྡ་དང་མཐུན་པར་བྱ་སྟེ། བཅོམ་ལྡན་འདས་ཀྱིས་རིམ་པ་དག་གིས་མི་བྱའོ། །རྣལ་འབྱོར་མ་ཡིས་རྣལ་འབྱོར་ལ། །གུས་པས་རྣལ་འབྱོར་མ་ཉིད་གཙོར། །བྱས་ཏེ་འཁོར་ལོ་སྔོན་གསུངས་པ། །བཞིན་
[143a.6]དུ་ཐམས་ཅད་བྱ་བ་ཉིད། །ཟླ་ཕྱེད་ངོ་བོའི་ཚེས་བཅུ་ལ། །གཉི་གར་ལྷ་མོ་མཆོད་པར་བྱ། །གཞོན་ནུ་མའམ་རྣལ་འབྱོར་མའང་། །རྟག་ཏུ་ཆོ་ག་བཞིན་ཚིམ་བྱ། །དེ་ནས་སྔགས་པ་ལྡང་བར་འདོད་ན། མཆོད་པ་དང་བསྟོད་པ་སྔོན་དུ་འགྲོ་བས་དཀྱིལ་འཁོར་གྱི་འཁོར་
[143a.7]ལོ་མན་ངག་ཇི་ལྟ་བ་བཞིན་དུ་ཡི་གེ་བརྒྱ་པའི་སྔགས་བཟླས་ཏེ་བསྡུ་བར་བྱའོ། །དོན་ཀུན་གྲུབ་པ་སྩོལ་ལ་བྱོན་པ་བཞིན། །སངས་རྒྱས་ཡུལ་དུ་གཤེགས་སུ་གསོལ། །སླར་ཡང་འབྱོན་པར་མཛད་པར་ཞུ། །རྫོགས་སངས་རྒྱས་དང་ལྷ་རྣམས་དང་། །དེ་སྲས་
[143b]
[143b.1]རྣམས་དང་ཚངས་ལ་སོགས། །འཇིག་རྟེན་སྐྱོང་རྣམས་ཆོ་ག་འདི། །མ་ཚང་བ་དག་བཟོད་པར་གསོལ། །ཞི་དང་བཀྲ་ཤིས་བདེ་ལེགས་དང་། །ཡོན་བདག་དོན་ཆེན་བྱས་ནས་ནི། །སངས་རྒྱས་ཡུལ་དུ་གཤེགས་ནས་ནི། །སླར་ཡང་འབྱོན་པར་མཛོད་ཅིག་མུཿ། །གཙོ་བོ་ནུས་
[143b.2]པ་མ་མཆིས་ཤིང་། །མ་འཚལ་བའམ་མ་རྙེད་པས། །མ་ཚངས་པའམ་ལྷག་པའམ། །བྱས་པ་དེ་ནི་བཟོད་པར་འོས། །གསང་སྔགས་ཉམས་དང་བྱ་བ་ཉམས། །ཆོ་ག་ཉམས་པར་གྱུར་པ་གང་། །དེ་ནི་ལྷ་མོས་བཟོད་པར་འོས། །མངའ་བདག་མ་ཡིས་སྣང་བར་
[143b.3]འགྱུར། །ལྷ་མོ་ཚད་མ་དམ་ཚིག་ཚད། །དེས་གསུངས་མཆོག་ཏུ་ཚད་མ་སྟེ། །བདེན་པ་དེ་དག་གིས་ལྷ་མོ། །བདག་ལ་རྗེས་འཛིན་རྒྱུ་རུ་ཤོག །ཅེས་བརྗོད་དེ། ཚུལ་ཁྲིམས་ཙནྡན་ཡན་ལག་བྱུག །བསམ་གཏན་སྟོད་གཡོགས་ཀྱིས་དཀྲིས་ལ། །བྱང་ཆུབ་ཡན་
[143b.4]ལག་མེ་ཏོག་བཀྲམ། །ཇི་ལྟར་བདེ་བར་གནས་པར་བྱོས། །ཨོཾ་ཨཱཿ་བཛྲ་མཎྜལ་མུཿ། །ཞེས་བརྗོད་པས་དཀྱིལ་འཁོར་བསྡུ་བར་བྱའོ། །གང་ཞིག་གུས་པས་རྟག་ཏུ་ནི། །རྣལ་འབྱོར་ཉིད་ལ་མན་ངག་བཞིན། །གོམས་པས་བསྐྱེད་པ་དེ་ལ་ནི། །ཕྱག་རྒྱ་ཆེན་པོ་འགྲུབ་པར་
[143b.5]འགྱུར། །མཆོད་སྦྱིན་དབང་བསྐུར་སྦྱིན་སྲེག་དཀྱིལ་འཁོར་ལ་སོགས་ནི། །ཞི་བ་ལ་སོགས་ལས་ཚོགས་དང་རབ་གནས་དང་། །གཞན་ཡང་གྲུབ་མཐའ་ཐམས་ཅད་རྣལ་འབྱོར་པ་ཉིད་གུས་ཡིས། །རྣལ་འབྱོར་དམ་པ་འདི་ལ་འགྲུབ་པར་གདོན་མི་ཟ། །འཁོར་ལོ་
[143b.6]སྡོམ་པའི་སྒྲུབ་ཐབས་བྱས་པ་ལས། དགེ་བ་གང་ཞིག་དཔག་མེད་མཉམ་འགྲུབ་པ། །དེ་ཡིས་འཇིག་རྟེན་རྣམ་རྟོག་དྲི་མ་ཡི། །སྒྲིབ་པ་བསལ་ནས་ཡུན་རིང་གནས་གྱུར་ཅིག །དཔལ་འཁོར་ལོ་སྡོམ་པའི་མན་ངག་རྫོགས་སོ།། །།
[143b.7]སློབ་དཔོན་གཉིས་མེད་རྡོ་རྗེས་མཛད་པ། གྲུབ་པའི་སློབ་དཔོན་ས་ཝ་རི་པའི་རིམ་པའོ། །བླ་མ་བྷ་ར་ནྡྲ་རུ་ཙེའི་ཞལ་ལྔ་ནས་དང་། བོད་ཀྱི་ལོ་ཙཱ་བ་རྨ་བ་ན་ཆོས་འབར་གྱིས་བསྒྱུར་བའོ། །{T1486}༄༅༅། །རྒྱ་གར་སྐད་དུ། ཤྲཱིཙ་ཀྲ་སམྦ་ར་
[144a]
[144a.1]ཏྲ་ཡོ་དེ་ས་ཨཱཏྨ་ཀ་སྱ་བྷི་ཥེ་ཀཱ་བི་ངྷི་ནཱ་མ། བོད་སྐད་དུ། དཔལ་འཁོར་ལོ་སྡོམ་པའི་བཅུ་གསུམ་མའི་བདག་ཉིད་ཀྱི་དབང་བསྐུར་བའི་ཆོ་ག་ཞེས་བྱ་བ། རྡོ་རྗེ་མཁའ་འགྲོ་ལ་ཕྱག་འཚལ་ལོ། །ཕག་མོ་དང་ནི་མཉམ་པར་སྦྱོར། །ཧེ་རུ་ཀ་དཔལ་མགོན་
[144a.2]ལ་འདུད། །རྡོ་རྗེ་སློབ་དཔོན་བཀའ་དྲིན་གྱིས། །དེ་ཡི་དབང་བསྐུར་ཆོ་ག་བཤད། །སྔགས་དང་རྒྱུད་ཀྱི་སྦྱོར་བ་ལ། །ལྷ་ཡི་མཆོད་པ་སྔོན་འགྲོ་དང་། །སེམས་ཅན་དོན་བྱ་མཐར་ཐུག་པ། །དབང་བསྐུར་མེད་པར་གྲུབ་མི་འགྱུར། །དེའི་ཕྱིར་དེ་ལ་ཇི་ལྟ་བ་བཞིན་དུ་
[144a.3]དབང་བསྐུར་ཞིང་རྗེས་སུ་གནང་བ་ཐོབ་པ་དང་། །དེ་ཉིད་བཅུ་རིག་ཅིང་ཆོ་ག་ཇི་ལྟ་བ་བཞིན་དམ་ཚིག་བརྟན་པ་ལ་སོགས་པའི་བསམ་པ་རྣམ་པར་དག་པ་དང་། རིག་མ་དང་བཅས་ཤིང་ལུས་བསྲུང་བར་བྱས་བས་རྣམ་པར་བརྒྱན་པ་དང་། རྣལ་འབྱོར་བཞིའི་ཏིང་ངེ་འཛིན་ལ་
[144a.4]མཁས་པ་དང་། སྔོན་དུ་བསྙེན་པའི་ཚོགས་ལེགས་པར་གསང་སྔགས་བཟླས་པ་དང་། ལྷ་མཆོད་པ་ལ་གུས་པ་དང་། ལེགས་པར་ཡོངས་སུ་བརྟགས་པའི་སློབ་མ་ཡོངས་སུ་འཛིན་པར་འདོད་པའི་སློབ་དཔོན་གྱིས། རྒྱལ་པོ་དང་ཆོམ་རྐུན་ལ་སོགས་པའི་ཉེ་བར་འཚེ་བ་
[144a.5]ཐམས་ཅད་དང་བྲལ་བའི་དཀྱིལ་འཁོར་གྱི་ཁང་པ་ལ་སོགས་པར། ཆོ་ག་ཇི་ལྟ་བ་བཞིན་བྲིས་པའི་རྡུལ་ཚོན་གྱི་དཀྱིལ་འཁོར་རམ་བྲིས་སྐུ་ལ་སོགས་པའི་དཀྱིལ་འཁོར་རམ། མངོན་པར་རྟོགས་པའི་རིམ་པས་དམིགས་ལ། རྣམ་པ་སྣ་ཚོགས་པ་ལ་སོགས་པའི་མཆོད་པ་
[144a.6]རྣམས་ཀྱིས་དཀྱིལ་འཁོར་ལ་མཆོད་དོ། །མཚན་ཉིད་ཐམས་ཅད་དང་ལྡན་པའི་བུམ་པ་ཡང་དག་པར་བཞག་སྟེ། དགོངས་ཀའི་དུས་སུ་དཔལ་སྡོམ་པ་བཅུ་གསུམ་གྱི་བདག་ཉིད་ཅན་རིམ་པས་ལྷག་པར་གནས་པར་བྱའོ། །བཅུ་གསུམ་མམ་ལྔའམ་མེད་ན་གཅིག་
[144a.7]ཀྱང་རུང་སྟེ། དེ་ལ་རྣམ་པར་རྒྱལ་བའི་བུམ་མ་ལ་འདབ་མ་སྣ་ཚོགས་པའི་པདྨའི་ལྟེ་བ་ལ་གནས་པའི་དཀར་མོ་དང་འཕྲོག་བྱེད་ཀྱི་སྙིང་དུ་ཉི་མའི་དཀྱིལ་འཁོར་ལ། རྡོ་རྗེ་སྔོན་པོ་དང་རྡོ་རྗེ་དམར་པོ་གཉིས་བྲི་བར་བྱའོ། །ལྷག་མ་རྣམས་ལ་རོའི་སྙིང་གའི་སྟེང་དུ་
[144b]
[144b.1]ཉི་མའི་དཀྱིལ་འཁོར་ལ་གྲི་གུག་བྲི་བར་བྱའོ། །སྨན་ལྔ་དང་རིན་པོ་ཆེ་སྣ་ལྔ་དང་། འབྲུ་ལྔ་དང་ཤིང་ལོ་ལྔ་དང་ལྡན་པ་གོས་ཀྱིས་མགུལ་པ་དཀྲིས་པ། གདུགས་དང་བ་དན་ལྔས་རྣམ་པར་བརྒྱན་པ་ལས་ཐམས་ཅད་པ་ལ་སྣ་ཚོགས་རྡོ་རྗེའམ་བདུད་རྩི་འཁྱིལ་བའི་མཚན་མ་བྲི་བར་བྱའོ། །
[144b.2]དྲི་ཞིམ་པོའི་ཆུས་ཡོངས་སུ་བཀང་བ་དེ་ལ་སྐད་ཅིག་གིས་དཀྱིལ་འཁོར་གྱི་འཁོར་ལོ་རིམ་གྱིས་བསྒོམས་ཏེ། བསང་གཏོར་དང་མཆོད་ཡོན་ལ་སོགས་པ་ཕུལ་ལ། ཡེ་ཤེས་ཀྱི་བདུད་རྩིའི་ངོ་བོར་གཞུག་པར་བྱའོ། །དེའི་རྗེས་ལ་མེ་ཏོག་གི་ཕྲེང་བས་ཉེ་བར་བརྒྱན་པའི་རྡོ་རྗེ་དང་། པདྨའི་
[144b.3]སྣོད་ཀྱི་སྟེང་དུ་ལེགས་པར་བཞག་སྟེ། རང་རང་གི་སྔགས་ལན་བརྒྱ་རྩ་བརྒྱད་ཡོངས་སུ་བཟླས་ལ་བློས་བདུད་རྩིའི་ངོ་བོར་གཞུག་པར་བྱ་སྟེ། མེ་ཏོག་ལ་སོགས་པས་ཡང་དག་པར་མཆོད་ལ། རྐང་པ་བརྒྱད་པའི་སྔགས་སམ། ཁྱོད་ནི་རྣལ་འབྱོར་མ་ཡིས་མཛེས་པར་བསྐོར། །ཞེས་བྱ་བ་ལ་
[144b.4]སོགས་པས་བསྟོད་པས་ཉེ་བར་བསྡུ་བར་བྱའོ། །ཅང་ཏེའུ་ལ་སོགས་པའི་སྒྲ་རྣམས་ཀྱིས་བཀྲ་ཤིས་ཀྱི་ཚིགས་སུ་བཅད་པ་སྔོན་དུ་འགྲོ་བས་རྣལ་འབྱོར་མའི་ལག་པས་འདབ་མ་དང་བཅས་པའི་བུམ་པ་བཟུང་ལ་བསྐོར་བ་གསུམ་བྱས་ཏེ། རང་རང་གི་གནས་སུ་དགོད་པར་བྱའོ། །
[144b.5]ལས་ཐམས་ཅད་པ་ནི་དབང་ལྡན་གྱི་ཕྱོགས་ཆར་ལེགས་པར་བཞག་ལ། ཕྱོགས་སྐྱོང་རྣམས་ལ་ཁྱད་པར་དུ་གཏོར་མ་ཕུལ་ལ་ཡི་གེ་བརྒྱ་པའི་སྔགས་ལན་གསུམ་བརྗོད་དེ་བཟོད་པར་གསོལ་བར་བྱའོ། །དཀྱིལ་འཁོར་མཆོད་པ་དང་། བུམ་པ་ལྷག་པར་གནས་པའི་ཆོ་གའོ།
[144b.6]དེའི་རྗེས་སུ་འཁོར་བཞི་པོའམ། རྗེས་སུ་གནང་བའི་སྙིང་རྗེ་ཆེ་བ་དང་སྔགས་ཀྱི་ཐེག་པའི་སྣོད་དུ་རུང་བའི་སློབ་མས་མཎྚལ་བྱས་ཏེ། མེ་ཏོག་གི་ཕྲེང་བ་བཟུང་བས་པུས་མོའི་ལྷ་ང་ས་ལ་བཙུགས་ཏེ། ལ་ལ་གསང་སྔགས་གྲུབ་དོན་གཉེར། །འདི་ནི་དཀྱིལ་འཁོར་འཇུག་པར་
[144b.7]བྱེད། །བསོད་ནམས་འདོད་པས་དེ་ལས་གཞན། །གཞན་དང་འཇིག་རྟེན་གཞན་དོན་གཉེར། །འཇིག་རྟེན་ཕ་རོལ་དོན་གཉེར་བའི། །དད་པ་མང་དུ་བྱེད་པ་ཡིས། །བློ་ལྡན་དཀྱིལ་འཁོར་འཇུག་པར་བྱའོ། །ཚེ་འདི་ཡིད་ལ་འདོད་པ་ལ། །དེ་བཞིན་འཇིག་རྟེན་ཕ་རོལ་
[145a]
[145a.1]མེད། །འཇིག་རྟེན་ཕ་རོལ་དོན་གཉེར་སྐྱེས། །འཇིག་རྟེན་འདི་ཡི་འབྲས་བུ་རྒྱས། །ཞེས་བྱ་བ་རྗེས་སུ་མཉན་པར་བྱའོ། །དེའི་རྗེས་སུ་ཚེར་མ་ལ་སོགས་པས་མེ་སྦར་ལ། ལག་པ་གཡས་དང་གཡོན་གྱིས་ཉུངས་ཀར་བཟུང་སྟེ། གཡས་དང་གཡོན་དུ་
[145a.2]བསྐོར་ཞིང་བསྐོར་བས་མེ་ལ་བསྒྱུར་བར་བྱའོ། །ཨོཾ་སརྦ་པཱ་པཾ་ད་ཧ་ན་བཛྲཱ་ཡ་མ་མ་སརྦ་ཤིཥྱ་སྱ་སརྦ་པཱ་བཾ་ད་ཧ་ན་སྭཱ་ཧཱ། ཞེས་བྱ་བའི་སྔགས་འདིས་སོ། །དེ་བཞིན་དུ་ཆུ་བླངས་ལ་གཏོར་མའི་སྣོད་དུ་བླུགས་པར་བྱའོ། །སློབ་མ་དེ་རྣམས་བློས་དཔལ་ཧེ་རུ་ཀའི་གཟུགས་སུ་རང་
[145a.3]གི་ལུས་ལ་བཅུག་སྟེ། རྡོ་རྗེའི་ལམ་ནས་ཕྱུང་ལ་རྡོ་རྗེ་ཕག་མོའི་པདྨའི་གནས་སུ་སོང་བ་རྣམས་ལ་དེ་བཞིན་གཤེགས་པ་ཞུ་བས་དབང་བསྐུར་བར་བསམས་ཏེ། དཀྱིལ་འཁོར་གྱི་ཤར་སྒོར་མངོན་སུམ་དུ་བཞག་ལ་འཇུག་པར་གསོལ་གདབ་པར་བྱའོ། །དགའ་ཆེན་ཁྱོད་བདག་སྟོན་
[145a.4]པ་བས། །ཕག་མོ་དང་ནི་མཉམ་པར་སྦྱོར། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །ཧེ་རུ་ཀ་དང་ཕག་མོ་ཡི། །གནས་ལ་སོགས་པ་བཅུ་ཡི་མིང་། །སངས་རྒྱས་ཆོས་
[145a.5]དང་དགེ་འདུན་ཏེ། །སྐྱབས་གསུམ་དག་ནི་བདག་ལ་སྩོལ། །ཐར་བ་ཆེན་པོའི་གྲོང་མཆོག་ཏུ། །མགོན་པོས་བདག་ཉིད་འཇུག་པར་འཚལ། །དེ་ནས་བླ་མས་སློབ་མ་གཅིག་ལ་གཙོར་བྱས་ལ་བརྗོད་པར་བྱ་སྟེ། བུ་ཚུར་ཐེག་པ་ཆེན་པོ་ལ། །གསང་སྔགས་སྤྱོད་ཚུལ་ཆོ་ག་ནི། །
[145a.6]ཁྱོད་ལ་ཡང་དག་བསྟན་པར་བྱ། །ཁྱོད་ནི་ཚུལ་ཆེན་སྣོད་ཡིན་ཏེ། །དུས་གསུམ་འབྱུང་བའི་སངས་རྒྱས་རྣམས། །སྐུ་གསུང་ཐུགས་ཀྱི་རྡོ་རྗེ་ཅན། །རྡོ་རྗེ་གསང་སྔགས་མཐུ་ཡུས་ནི། །ཡི་གེས་མཉམ་མེད་ཡང་དག་བརྙེས། །གསང་སྔགས་སྦྱོར་བ་མཉམ་མེད་དེ། །ཧེ་རུ་
[145a.7]ཀ་དཔལ་སོགས་མཆོག་གིས། །བདུད་སྡེ་ཤིན་ཏུ་མི་བཟད་པ། །སྟོབས་ཆེན་གང་ཡིན་པ་རྣམས་བཅོམ། །འཇིག་རྟེན་རྗེས་འཇུག་སྤྱད་ནས་ནི། །འཁོར་ལོ་བསྐོར་ནས་མྱ་ངན་འདས། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །ཅེས་
[145b]
[145b.1]བརྗོད་ལ་དེ་རྣམས་ཀྱིས། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །ཞེས་སྐྱབས་གསུམ་གྱི་ཚིགས་སུ་བཅད་པ་སློབ་མ་དེ་རྣམས་ཀྱིས་ལན་གསུམ་
[145b.2]དུ་བརྗོད་པར་བྱའོ། །ཨོཾ་བཛྲ་ཀུཎྜ་ལི་བཛྲ་ཧཱུཾ་ཕཊ་ཅེས་པས་བསང་གཏོར་དང་བཅས་པས་སྔགས་ཀྱིས་བསྲུང་བ་བྱས་ལ། དེ་རྣམས་ཀྱི་སྙིང་ག་དང་མགྲིན་པ་དང་མགོ་བོར་རིམ་པ་ཇི་ལྟ་བ་བཞིན་དུ་ཟླ་བ་ལ་གནས་པའི་རྡོ་རྗེ་དང་པདྨ་དང་འཁོར་ལོ་རྣམས་ཀྱི་ལྟེ་བ་རྣམས་ལ། ཧཱུཾ་
[145b.3]ཨཱཿཨོཾ་བསམ་པར་བྱའོ། །དེ་རྣམས་ཀྱི་འོད་ཟེར་རྣམས་ཀྱིས་མཁའ་སྤྱོད་མ་དང་ས་སྤྱོད་མ་དང་ས་འོག་གནས་མ་རྣམས་བསྒོམ་པར་བྱའོ། །སློབ་མས་ཀྱང་དེའི་འོད་ཟེར་ལུས་ལ་གསལ་བའོ། །རྡོ་རྗེ་གཡས་པའི་ཁུ་ཚུར་གྱིས་བཟུང་ལ་སློབ་དཔོན་ལངས་ཏེ། སློབ་མ་རྣམས་ཀྱི་
[145b.4]སྙིང་ག་དང་། ལྐོག་མ་དང་། མགོ་བོ་རྣམས་སུ་ཡང་དག་པར་རེག་ལ། ཧཱུཾ་ཨཱཿཨོཾ་ཞེས་བརྗོད་ཅིང་ཙནྡན་ལ་སོགས་པ་ཡང་དག་པར་བྱུགས་ལ། སྤྱི་བོར་མེ་ཏོག །མདུན་དུ་སྤོས། མར་མེ་མིག་ལ། དྲི་སྙིང་གར། ལྷ་བཤོས་ལག་ཏུ་སྦྱིན་པར་བྱའོ། །དེའི་རྗེས་ལ་སོར་བཅུ་གཉིས་
[145b.5]པའི་ཚད་ཀྱི་སོ་ཤིང་མ་ཆག་པ་མ་གས་པ། ཨཤྭདྠ་ལ་སོགས་པའི་མེ་ཏོག་གི་ཕྲེང་བས་བཅིངས་ལ། ལས་ཐམས་ཅད་པའི་སྔགས་བཟླས་ལ་སློབ་མ་རྣམས་ལ་སོ་སོར་སྦྱིན་པར་བྱའོ། །དེ་རྣམས་ཀྱིས་ཀྱང་ཤར་དང་བྱང་དུ་ཁ་བལྟས་ལ་བཅའ་ཞིང་པ་ཀོ་ཙམ་བ་ཆུས་བྱུགས་པའི་སར་
[145b.6]དོར་བར་བྱའོ། །དེ་ནས་ཤར་ལ་སོགས་པར་ཁ་བལྟས་ན་རིམ་པ་བཞིན་ཞི་བ་ལ་སོགས་པའི་ལས་བསྟན་པར་བྱའོ། །གོང་གི་སྔོན་དུ་ཁ་བལྟས་ན་དེའི་དངོས་གྲུབ་མཆོག་ཏུ་ཤེས། ཐུར་དུ་བལྟས་ནས་འོག་གི་དངོས་གྲུབ་བོ། །གྱེན་དུ་ཁ་བལྟས་ན་ནམ་མཁའ་ལ་སྤྱོད་པ་
[145b.7]ཉིད་དུ་ཐེ་ཚོམ་མེད་དོ། །དཀྱིལ་འཁོར་གྱི་ཕྱི་རོལ་དུ་ལྷུང་ན་དངོས་གྲུབ་མེད་དོ། །དེའི་རྗེས་ལ་ཁ་བཤལ་བའི་དོན་དུ་ཆུ་ཁྱོར་བ་གསུམ། ཨོཾཧྲཱིཿབི་ཤུདྡྷརྨ་སྶརྦ་པཱ་པཾ་ནི་ཙཱ་སྱ་བི་ཤོ་ངྷ་ཡ་སརྦ་བི་ཀལྷཱཾ་པ་ནཱ་ཡ་ཧཱུཾ། ཀ་བཤལ་བའི་དོན་དུ་སྦྱིན་ནོ། །མདུན་དུ་བཞག་ལ།
[146a]
[146a.1]ཨོཾ་བཛྲ་ཀུཎྜ་ལི་ཞེས་བྱ་བ་ལ་སོགས་པའི་སྔགས་ལན་བདུན་བཟླས་ལ། ཀུ་ཤ་སྙན་དང་སྔས་ཀྱི་དོན་དུ་དེ་རྣམས་ཀྱི་ལག་པར་སྦྱིན་པར་བྱའོ། །དཔུང་བ་གཡས་པ་ལ་ཡང་སྔགས་འདི་ཉིད་ཀྱང་ལན་བདུན་དུ་མངོན་པར་བསྔགས་ལ་སུམ་བསྒྲིལ་མདུད་
[146a.2]པ་གསུམ་པ་ཅན་གྱིས་སྲུང་སྐུད་དམར་པོ་བཅིངས་ལ་ཆོས་བཤད་པར་སྤྲོ་བ་བསྐྱེད་པར་བྱའོ། །འཇིག་རྟེན་དུ་ནི་ཀུན་མཁྱེན་རྣམས། །ཨུདུམྺ་རའི་མེ་ཏོག་བཞིན། །བརྒྱ་ལམ་ན་ནི་རེས་འགའ་ཞིག །འབྱུང་འགྱུར་ཡང་ནི་མི་འབྱུང་ངོ་། །གསང་སྔགས་སྤྱོད་པའི་
[146a.3]ཚུལ་འབྱུང་བ། །དེ་ལས་ཀྱང་ནི་དཀོན་པ་སྟེ། །གང་གིས་སེམས་ཅན་མཉམ་མེད་དོན། །མྱ་ངན་མི་འདའ་བྱེད་པར་ནུས། །བསྐལ་བ་བྱེ་བ་དུ་མ་རུ། །སྔོན་དུ་སྡིག་པ་བྱས་པ་གང་། །དཀྱིལ་འཁོར་འདི་ནི་མཐོང་བ་ཡིས། །དེ་རྣམས་ཐམས་ཅད་
[146a.4]ཟད་པར་འགྱུར། །དེ་དག་ཀུན་གྱི་ངན་འགྲོ་རྣམས། །སྡུག་བསྔལ་ཀུན་འབྱུང་རབ་ཏུ་བཅས། །གང་དག་སྤྱོད་པའི་མཆོག་འདི་ལ། །བློ་གྲོས་ཤིན་ཏུ་དྲི་མེད་པ། །བདག་ཉིད་ཆེན་པོ་ཁྱེད་རྣམས་ཀྱིས། །རྙེད་པ་བླ་མེད་དེ་རིང་རྙེད། །གང་ཕྱིར་
[146a.5]རྒྱལ་བ་སྲས་བཅས་པའི། །བསྟན་པ་འདི་ལ་ཁྱེད་རྣམས་ཀུན། །ཐམས་ཅད་ཀྱིས་ནི་ཡང་འཛིན་པར། །བདག་ཉིད་ཆེན་པོ་སྐྱེ་བར་འགྱུར། །གང་གིས་ཁྱེད་རྣམས་ཐེག་ཆེན་ལ། །ལེགས་པ་ཉིད་དུ་བསྐྱེད་པར་འགྱུར། །ཞེས་བྱ་བ་ལ་སོགས་
[146a.6]པའི་ཚིགས་སུ་བཅད་པ་རྣམས་ཀྱིས་ཆོས་བཤད་པ་ཉན་དུ་བཅུག་ལ། སླར་ཡང་ལས་ཐམས་ཅད་པའི་སྔགས་འདི་ཉིད་ཀྱིས་ལེགས་པར་བསྲུངས་ལ། སློབ་དཔོན་གྱིས་སྡོམ་པ་གཟུང་བར་བྱ་སྟེ། མི་ལྡོག་འཁོར་ལོ་མཆོག་དབང་བསྐུར། །སྩལ་ནས་མགོན་
[146a.7]པོ་བདག་ལ་ནི། །འཁོར་ལོ་ལྷ་ཡི་དེ་ཉིད་དང་། །སློབ་དཔོན་གྱི་ནི་ལས་རྣམས་དང་། །སངས་རྒྱས་ཀུན་གྱི་དམ་ཚིག་དང་། །སྡོམ་པ་གསང་བ་དམ་པ་དག །སེམས་ཅན་ཀུན་གྱི་དོན་གྱི་ཕྱིར། །རྟག་ཏུ་སློབ་དཔོན་བདག་འགྱུར་གསུངས། །ཞེས་
[146b]
[146b.1]གསོལ་བ་བཏབ་པའི་རྗེས་ལ་བླ་མས་མཁའ་འགྲོ་དང་མཁའ་འགྲོ་མ་རྣམས་ལ་གསོལ་བ་གདབ་པར་བྱ་སྟེ། ཆེ་གེ་མོ་ཞེས་བྱ་བ་ནི། བྱང་ཆུབ་སེམས་ནི་ཡང་འཛིན་པ། །གསང་བའི་དོན་ནི་འཁོར་ལོ་འདིར། །དམ་ཚིག་སྡོམ་པ་འཛིན་པར་འཚལ། །གསང་བ་
[146b.2]ཆེན་པོའི་རིགས་དག་པའི། །གསང་བ་ཡོངས་སུ་ལེན་པ་ནི། །བདག་ཉིད་ཆེན་པོ་ཁྱོད་འདོད་དམ། །སློབ་མས་ཀྱང་འཚལ་ཞེས་བརྗོད་ལ། །དེ་ནས། སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང་། །བླ་མ་མཆོད་
[146b.3]པ་རྟག་ཏུ་བྱ། །སངས་རྒྱས་འགྲོ་ལ་གུས་བྱམས་པ། །སྦྱིན་པ་རྣམ་བཞི་རྟག་ཏུ་སྦྱིན། །མི་དགེ་ལ་སོགས་ལས་རྣམས་སྤངས། །རྩ་བའི་ལྟུང་བ་ཡོངས་སུ་སྤང་། །སྦོམ་པོའི་ལྟུང་བ་དེ་བཞིན་ནོ། །སེམས་ཅན་རྣམས་ལ་མཆོད་པ་བྱ། །ཐེག་པ་
[146b.4]དམན་ལ་འདོད་པའང་མིན། །མ་བརྒལ་བ་རྣམས་བསྒྲལ་བར་བགྱི། །མ་གྲོལ་བ་རྣམས་དགྲོལ་བར་བགྱི། །འཁོར་བའི་སྡུག་བསྔལ་འཁྲུགས་པ་ལས། །སེམས་ཅན་རྣམས་ནི་དབུགས་ཕྱུང་གིས། །སེམས་ཅན་དོན་བྱེད་ཚུལ་ཁྲིམས་
[146b.5]ཀྱང་། །རྟག་ཏུ་ཁྱོད་ཀྱིས་སོ་སོར་ཟུང་། །ཞེས་བརྗོད་པར་བྱའོ། །སློབ་མས་ཀྱང་བརྗོད་པར་བྱ་བ་ནི། །གཙོ་བོས་ཇི་ལྟར་བཀའ་སྩལ་པ། །དེ་ལྟར་བྱ་བ་བདག་གིས་བགྱི། །ཞེས་བརྗོད་པར་བྱའོ། །དེ་ལྟར་སློབ་དཔོན་གྱི་སྡོམ་པ་བཟུང་ལ་ཀུ་ཤའི་
[146b.6]སྟེང་ལ་ཉལ་བར་བྱའོ། །རྨི་ལམ་ཅི་མཐོང་བ་དེ་ང་ལ་སྨྲོས་ཤིག །དེ་ནས་དཀྱིལ་འཁོར་གྱི་ཁང་པར་ཞུགས་ལ། ལས་ཐམས་ཅད་པའི་སྔགས་བསྲུང་བའི་དོན་དུ་བཟླས་པར་བྱའོ། །དེའི་རྗེས་ལ་ཁྱད་པར་དུ་གཏོར་མ་གཏང་བར་བྱའོ་ཞེས་པ་ནི་སློབ་མ་ལྷག་
[146b.7]པར་གནས་པའི་ཆོ་གའོ། །དེ་ནས་ནང་པར་ཕྱིར་བྱུང་སྟེ། སློབ་མ་དེ་རྣམས་བོས་ལ་དགེ་བ་དང་མི་དགེ་བའི་རྨི་ལམ་དྲིས་ལ། རྨི་ལམ་དང་རྗེས་སུ་མཐུན་པར་བསྒྲུབས་ལ། བྲིས་པའི་དཀྱིལ་འཁོར་ལ་སོགས་པ་རྣམས་ལ་མཆོད་པ་རྒྱ་ཆེན་པོ་བྱས་ལ། གང་གི་
[147a]
[147a.1]ལྷའི་རྣལ་འབྱོར་སྔོན་དུ་འགྲོ་བས་སློབ་མ་འཇུག་པའོ་ཆོ་གས་རང་ཞུགས་ལ། ཕྲེང་བའི་དབང་བསྐུར་བ་དང་རྗེས་སུ་གནང་བའི་མཐར་ཐུག་པ་ཡིད་ཀྱིས་བླངས་ལ། སློབ་མ་རྣམས་དཀྱིལ་འཁོར་དུ་གཞུག་པའི་དོན་དུ་བདེན་པས་གསོལ་བ་གདབ་པར་བྱའོ། །ཆོས་རྣམས་གཟུགས་བརྙན་
[147a.2]ལྟ་བུ་སྟེ། །གསལ་ཞིང་དང་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་འབྱུང་། །དེ་བཞིན་ཉིད་དེ་དེ་ཉིད་སྐྱེས། །དེ་ལྟར་བདེན་པས་དཀྱིལ་འཁོར་དུ། །གཟུགས་བརྙན་གསལ་བར་སློབ་མ་རྣམས། །ཀུན་གྱིས་དྲི་མ་མེད་མཐོང་ཤོག། །ཅེས་བྱ་བ་ནི་གསོལ་བ་གདབ་
[147a.3]པར་བྱའོ། །དེ་བཞིན་དུ་ཡོལ་བའི་ཕྱི་རོལ་དུ་ཡོན་ཕུལ་བའི་སློབ་མ་དབང་བསྐུར་བའི་སྣོད་དུ་རུང་བ་རྣམས་རྣམ་པར་སྣང་མཛད་ཀྱི་གཟུགས་སུ་དམིགས་ལ། ཨཁཾབཱིར་ཧཱུཾ། ཞེས་བྱ་བའི་སྔགས་ཀྱིས་མེ་ཏོག་གི་ཕྲེང་བ་བཟུང་སྟེ། གདོང་གཡོགས་དམར་པོས་བཅིངས་ལ། ལས་ཐམས་ཅད་པའི་ཆུས་བསང་སྟེ། སློབ་
[147a.4]དཔོན་གྱིས་དཀྱིལ་འཁོར་དུ་འཇུག་པའི་ཕྱིར་དྲི་བར་བྱའོ། །ཀྱེ་འདོད་པ་ལ་དགའ་བ་ཁྱོད་སུ་ཡིན། དེས་འདི་ལྟར་བརྗོད་པར་བྱ་སྟེ། །བདག་བདེ་བ་ཆེན་པོའི་སྐལ་བ་དང་ལྡན་པ་ལགས་སོ། །དེ་ནས་བླ་མས་སློབ་མའི་སྙིང་གར་རྡོ་རྗེ་བཞག་པ། ཨོཾསརྦ་ཡོ་གཙིཏྟ་ཨུཏྦཱད་ཡཱ་མི། ཨོཾ་སུ་ར་ཏེ་ས་མ་ཡ་སྟཱཾཧོཿ། སིངྔྷིབཛྲ་ཡ་ཊྲཱསུཁཾ་
[147a.5]ཞེས་བྱ་བས་བྱང་ཆུབ་ཏུ་སེམས་བསྐྱེད་ལ་འདི་བརྗོད་པར་བྱའོ། །དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བའི་ཁྱོད་ཀྱིས་དཀྱིལ་འཁོར་དུ་མ་ཞུགས་པ་རྣམས་ཀྱི་མདུན་དུ་སྨྲ་བར་མི་བྱ་སྟེ། དད་པ་དང་མི་ལྡན་པ་རྣམས་
[147a.6]ལ་མ་ཡིན་ནོ། །ཨོཾ་ཛཿཧཱུཾ་ཤྲཱིཧེ་རུ་ཀ་ཡ་བིད་མ་ཧྱབཏྲཱིརཱཛཡཱངྷིམ་ཧེ་སྭཱ་ཧཱ། ཞེས་པ་འདིས་བཀུག་སྟེ་ཡོལ་བའི་ནང་དུ་བཅུག་ལ་འཁོར་གྱི་ཤར་སྒོར་བཞག་སྟེ་འདི་སྐད་བརྗོད་པར་བྱའོ། །དེར་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས། ངས་ཁྱོད་ལ་རྡོ་རྗེ་ཡེ་ཤེས་བསྐྱེད་བར་བྱ་ཡིས།
[147a.7]ཡེ་ཤེས་གང་གིས་ཁྱོད་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་ན། གཞན་ལྟ་སྨོས་ཀྱང་ཅི་དགོས། ཁྱོད་ཀྱིས་འདི་དཀྱིལ་འཁོར་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱ་སྟེ། ཁྱོད་དམ་ཚིག་ཉམས་པར་གྱུར་ཏ་རེ། དེ་ནས་སྤྱི་བོར་རྡོ་རྗེ་ཡང་དག་པར་བཞག་སྟེ། འདི་ནི་རྡོ་རྗེའི་
[147b]
[147b.1]དམ་ཚིག་སྟེ། །དམ་ཚིག་རྡོ་རྗེ་འདི་ཡིས་ནི། །གལ་ཏེ་འགའ་ལ་ཁྱོད་ཀྱིས་འདི། །སྨྲས་ན་མགོ་བོ་འགེམས་པར་བྱེད། །མེ་ཏོག་དང་བཅས་པའི་རྡོ་རྗེ་སྙིང་གར་ཡང་དག་པར་བཞག་སྟེ། ཨོཾ་རྡོ་རྗེ་སེམས་དཔའ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་འགྱུར། །གལ་ཏེ་ཚུལ་འདི་སྨྲས་གྱུར་ན། །དེ་མ་
[147b.2]ཐག་ཏུ་རལ་ཏེ་གཤེགས། །ཞེས་བྱ་བ་འདིས་མནའ་བསྒྲག་པར་བྱ། སླར་ཡང་བདུད་རྩི་ལྔ་པདྨའི་སྣོད་དུ་སོང་བའི་ཡི་གེ་གསུམ་ཀྱིས་བྱིན་གྱིས་བརླབས་ལ། ཨོཾབཛྲཨ་མྲྀཏཨུ་དཀཋཿ ཞེས་བྱ་བ་འདི་ལན་བདུན་བཟླས་ལ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་
[147b.3]བསྲུང་ན་དངོས་གྲུབ་ཐོབ། །འཐུང་ཞིང་རྡོ་རྗེ་བདུད་རྩིའི་ཆུ། །ཞེས་བརྗོད་ལ་འཐུང་དུ་གཞུག་གོ །དེའི་རྗེས་ལ་བླ་མའི་མན་ངག་ལས་དབབ་བའི་ཆོ་གས་དབབ་པར་བྱ་སྟེ། ཞལ་བཞི་པའི་སྔགས་ཀྱི་སྨྲས། མཚམས་བཅིངས་པ་ནི་ཡང་ནས་ཡང་དུ་བྱའོ། །སློབ་མའི་ལུས་ལ་རང་དེ་བཞིན། །མཛེས་པའི་གོ་ཆ་ཀུན་
[147b.4]གྱིས་བྱ། །སླར་ཡང་འཇུག་པ་སྔགས་ཀྱི་མཆོག །གཏི་མུག་མཁའ་འགྲོའི་གཟུགས་ལ་ཡང་། །ལྟེ་བར་པང་གནས་འཁོར་ལོའི་མཆོག །དངོས་གྲུབ་ཆེན་པོ་རབ་སྟེར་བ། །འབར་ཞིང་ཤིན་ཏུ་གསལ་བ་ཡིས། །གཡུང་དྲུང་འཁྱིལ་བ་འཁོར་བར་བསྒོམ། །ཧེ་རུ་ཀ་དཔལ་ང་རྒྱལ་ནི། །མི་བརྗེད་པར་ནི་ཡང་དང་
[147b.5]ཡང་། །ཁྲག་དང་བསྲེས་བའི་ཤ་དང་ནི། །གུ་གུལ་དང་ནི་ལྷན་ཅིག་སྦྱར། །རྡོ་རྗེ་རྣལ་འབྱོར་མ་ཡི་སྔགས། །བརྒྱ་རྩ་བརྒྱད་ནི་བཟླས་པར་བྱ། །དེ་ཡིས་བདུགས་པ་ཙམ་གྱིས་ནི། །འབབ་པར་འགྱུར་བར་ཐེ་ཚོམ་མེད། །འབབ་པ་ཡིས་ནི་དྲིལ་བུ་དཀྲོལ། །བསྒྱིངས་དང་བཅས་པས་གསང་སྔགས་བཟླས། །ཨོཾ་
[147b.6]ཏིཥྛ་མ་ཧཱ་ཀྲོ་ངྷབཛྲ་བཱ་རཱ་ཧཱི་ཨཱ་བེ་ཤ་ཡ་སྟམྦྷ་ཡར་རཙཱ་ལ་ཡ་ཧཱུཾ་ཧ་ཨཛྷཻཾ། ཞེས་བྱ་བའི་སྔགས་འདིས་སོ། །འབབ་པ་ཡི་ནི་ལྕེ་ལ་ཡང་། ཨཱཿ་ཡིག་དམར་པོ་བསམ་བྱ་བ། །གསུང་གི་རྡོ་རྗེའི་རང་བཞིན་ཁྱོད། །སྨྲོས་ཤིག་བུ་ཡི་དགེ་མི་དགེ །ཞེས་ཤེས་པར་བྱས་ལ། ཨོཾ་ཏིཥྛ་བཛྲ་ས་མ་ཡ་པ་རཱ་བཱ་ཡི་ཏེ།
[147b.7]ཧཱུཾཧཱུཾཧཱུཾ་ཧོ་ཧོ་ཧོ་སྭཱཧཱ། ཞེས་བྱ་བའི་སྔགས་ཀྱིས་རྡོ་རྗེ་སྤྱི་བོར་ཡང་དག་པར་བཞག་ལ་གཤེགས་སུ་གསོལ་བར་བྱའོ། །འབེབས་པའི་ཆོ་གའོ། །དེའི་རྗེས་ལ་སློབ་མ་རྣམས་ཀྱི་ལག་པ་ནས་བཟུང་ལ་གཡོན་སྐོར་གྱིས་ལན་གསུམ་བསྐོར་བར་བྱའོ། །དཀྱིལ་འཁོར་འདི་ནི་དངོས་གྲུབ་སྟེ། །མཁའ་འགྲོ་མ་ཡི་དྲ་བ
[148a]
[148a.1]སྡོམ། །ཐར་པ་ཆེན་པོའི་གྲོང་མཆོག་ཏུ། །བུ་ཁྱོད་ང་ཡིས་བཀུག་པ་ཡིན། །མཁའ་ལ་སྤྱོད་པ་རྣམས་ལ་ལྷོ་སྒོ་ནས་ཕྱག་འཚལ་དུ་གཞུག་སྟེ། ཨོཾ་ན་མ་སྟེ་ཧཱུཾ། ཨོཾ་ན་མ་མི་ཧཱུཾ། ཨོཾ་ན་མོ་ན་མ་ཧཱུཾ། ཞེས་བྱ་བས་སོ། །དཔལ་ལྡན་མཁའ་འགྲོ་རྣལ་འབྱོར་མ་
[148a.2]མཆོག་མགུལ་ནས་འཁྱུད། །དཔའ་བོ་འདུལ་ལས་ལུས་བྱས་ཐ་དད་མེད་པའི་གཟུགས། །འཁོར་གནས་སྡོམ་པ་ཐུགས་རྗེ་ཆེན་པོའི་སྟོབས་ཀྱིས་གཟིགས། །བླ་མ་མཆོག་ལ་སྤྱི་བོས་གུས་པས་རྟག་ཏུ་འདུད། །སླར་ཡང་ཤར་སྒོར། གཏི་མུག་གིས་མནན་འགྲོ་མཐོང་
[148a.3]ནས། །གཏི་མུག་ཐམས་ཅད་ཞི་བྱའི་ཕྱིར། །ལྷ་མོ་མཁའ་འགྲོ་མ་གཟུགས་འཛིན། །དེ་ཕྱིར་མཁའ་འགྲོ་མ་ཁྱོད་འདུད། །སླར་ཡང་བྱང་གི་སྒོར། ཕྲག་དོག་གིས་མནན་འགྲོ་གཟིགས་ནས། །ཕྲག་དོག་ཐམས་ཅད་ཞི་བྱའི་ཕྱིར། །ལྷ་མོ་ལཱ་མའི་གཟུགས་འཛིན་
[148a.4]མ། །དེ་ཕྱིར་ལཱ་མ་ལ་ཕྱག་འཚལ། །སླར་ཡང་ནུབ་ཀྱི་སྒོར། འདོད་ཆགས་ཀྱིས་མནན་འགྲོ་གཟིགས་ནས། །འདོད་ཆགས་ཆེན་པོ་ཞི་བྱའི་ཕྱིར། །ལྷ་མོ་ཁཎྜ་རོ་ཧར་འཁྲུངས། །དེ་ཕྱིར་དུམ་སྐྱེས་ཁྱོད་ཕྱག་འཚལ། །སླར་ཡང་ལྷོའི་སྒོར། ང་རྒྱལ་གྱིས་མནན་འགྲོ་
[148a.5]གཟིགས་ནས། །ང་རྒྱལ་ཆེན་པོ་ཞི་བྱའི་ཕྱིར། །ལྷ་མོ་གཟུགས་ཅན་མ་གཟུགས་འཛིན། །དེ་ཕྱིར་གཟུགས་ཅན་མ་ཕྱག་འཚལ། །ཕྱག་འཚལ་འདུད་ཅིང་ཁྱོད་ཕྱག་འཚལ། །ཕག་མོ་དང་ནི་གཉིས་མེད་གཟུགས། །ཡེ་ཤེས་ལྔ་དང་སྐུ་གསུམ་ཕྱིར། །རྡོ་རྗེ་མཁའ་འགྲོ་
[148a.6]ཁྱོད་ཕྱག་འཚལ། །དེའི་རྗེས་ལ་ཁྱོད་ཀྱི་མིག་སྔར་ཅི་སྣང་ཞེས་དྲི་བར་བྱའོ། །དེས་སྨྲས་པ། དཀར་པོ་དང་། སེར་པོ་དང་། དམར་པོ་དང་། སྔོན་པོར་སྣང་ན། ཞི་བ་དང་། རྒྱས་པ་དང་། དང་དང་། མངོན་སྤྱོད་ཀྱི་སྣོད་དུ་རུང་བར་རིམ་པ་ཇི་ལྟ་བ་བཞིན་དུ་བསྟན་པར་བྱའོ། །དཀྱིལ་འཁོར་
[148a.7]འདིར་ནི་ཡང་དག་པར། བདག་གིས་སློབ་མ་གཞུག་པར་བྱ། །དེ་ལྟར་བསོད་ནམས་དེ་བཞིན་དུ། །ལྷ་རྣམས་རིགས་ཀྱི་རིམ་པར་ཤོག། །འདིར་ནི་དངོས་གྲུབ་ཇི་ལྟར་འབྱུང་། །གང་གི་རིགས་ཀྱི་སྣོད་འགྱུར་བ། །ཇི་ལྟར་བསོད་ནམས་ནུས་མཐུས་ཀྱང་། །དཀྱིལ་འཁོར་དག་ཏུ་དེ་བཞིན་
[148b]
[148b.1]ཤོག །དེ་ནས་མེ་ཏོག་གི་ཕྲེང་བ་དེ་ཧཱུཾ་ཡིག་དང་ཏྲཱཾ་ཡིག་གིས་ཀྱང་བཟླས་ལ་དཀྱིལ་འཁོར་དུ་དོར་བར་བྱའོ། །པྲ་ཏཱིཙྪ་བཛྲ་ཧོཿཞེས་བྱ་བ་འདིས་སོ། །དེ་ནས་མེ་ཏོག་བབས་པས་དམན་པ་དང་མཆོག་ལ་སོགས་པ་འདིས་དངོས་གྲུབ་མཚོན་པར་བྱ་སྟེ། ལྷ་རྣམས་ཀྱི་དབུའམ་མཛོད་པུའམ། །
[148b.2]གཙིག་ཏོར་ལ་བབས་ན་དེའི་ཚེ་ཕྱག་རྒྱ་ཆེན་པོའི་དངོས་གྲུབ་པོ། །སྤྱན་དང་ཞལ་ལ་སྔགས་ཀྱི་དངོས་གྲུབ་བོ། །སྐུ་མཆོག་ལ་མཆོག་གོ །སྐུའི་དབུས་ལ་འབྲིང་ངོ་། །སྐུ་ལས་རིང་ན་ཡུན་རིང་པོ་ནའོ། །ལྷའི་གནས་ཀྱི་རེ་མིག་ལ་སོགས་པ་ཐམས་ཅད་ལ་ཤེས་པར་བྱའོ། །
[148b.3]དཀྱིལ་འཁོར་གྱི་ཕ་རོལ་དུ་ལྷུང་ན་སླར་ལན་གསུམ་དུ་དོར་བར་བྱའོ། །སླར་ཡང་དེ་ཉིད་དུ་བབས་ན་དངོས་གྲུབ་མེད་དོ་ཞེས་བྱ་བ་ནི་མེ་ཏོག་དོར་བའི་ཆོ་གའོ། །དོར་བའི་མེ་ཏོག་གི་ཕྲེང་བ་དེ་བཟུང་ལ། སློབ་མའི་མགོ་བོ་ལ་བཅིང་བར་བྱ་སྟེ། སེམས་དཔའ་སྟོབས་པོ་ཆེ་འདི་ཟུང་། །ཞེས་
[148b.4]བརྗོད་དོ། །དེ་ནས་མིག་གཉིས་ལ་ཨོཾ་ཡིག་གཉིས་གཟི་བརྗིད་འབར་བ་བསམས་ལ། རྡོ་རྗེ་སེམས་དཔའ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །མིག་ནི་ཐམས་ཅད་འབྱེད་མཛད་དེ། །རྡོ་རྗེའི་མིག་ནི་བླ་ན་མེད། །ཅེས་བརྗོད་ལ་གདོང་གཡོགས་བཀྲོལ་
[148b.5]ཏེ། དཀྱིལ་འཁོར་ལྷ་ངོ་ཙམ་ལ་བསྟན་པར་བྱའོ། །དེ་ཁོ་ན་ཉིད་ཀྱི་རང་བཞིན་ནི་གསང་བའི་དབང་གི་རྗེས་ལ་བསྟན་པར་བྱའོ་ཞེས་བྱ་བ་ནི་དཀྱིལ་འཁོར་དུ་འཇུག་པའི་ཆོ་གའོ། །ད་ནི་དབང་བསྐུར་བཤད་པར་བྱ་སྟེ། སླར་ཡང་མཎྜལ་སྔོན་དུ་འགྲོ་བས་ཐལ་མོ་སྙིང་གར་
[148b.6]བཞག་ལ། བྱང་ཆུབ་རྡོ་རྗེ་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་རབ་ཏུ་བསྐྱབ་པའི་ཕྱིར། །ནམ་མཁའ་རྡོ་རྗེ་བདག་ལ་སྩོལ། །ཕྱག་འཚལ་བ་སྔོན་དུ་འགྲོ་བས། དེ་ལྟར་གསོལ་བ་བཏབ་པ་དང་ལྡན་པའི་སློབ་མ་མི་བསྐྱོད་པའི་གཟུགས་སུ་དམིགས་ལ།
[148b.7]རང་གི་སྙིང་གའི་ས་བོན་ལས་བྱུང་བའི་མཁའ་འགྲོ་རྣམས་ཀྱིས་དང་བསྐུར་སྔོན་དུ་འགྲོ་བར་བསམས་ལ། སླར་ཡང་རྡོ་རྗེ་དང་བཅས་པའི་ཁུ་ཚུར་གྱིས་བུམ་པའི་ཆུ་བླངས་ལ། རྡོ་རྗེ་ཆེན་པོས་དབང་བསྐུར་བས། །ཁམས་གསུམ་ཀུན་གྱིས་ཕྱག་བྱས་པ། །གསང་བ་གསུམ་གྱི་
[149a]
[149a.1]གནས་ལས་བྱུང་། །སངས་རྒྱས་ཀུན་གྱིས་སྦྱིན་པར་བྱ། །ཨོཾ་བཛྲ་ཨབྷི་ཥིཉྩ་ཞེས་བརྗོད་ལ། སློབ་མ་འཁོར་ལོས་སྒྱུར་བ་ལྟ་བུར་དབང་བསྐུར་བར་བྱའོ་ཞེས་བྱ་བ་ནི་ཆུའི་དབང་བསྐུར་བའི་ཆོ་ག་སྟེ། མེ་ལོང་ལྟ་བུའི་ཡེ་ཤེས་སོ། །དེའི་རྗེས་ལ་སློབ་མ་རྡོ་རྗེ་ཉི་མའི་
[149a.2]གཟུགས་སུ་བསམས་ལ། གསེར་དང་གོས་ལ་སོགས་པ་ལས་བྱས་པའི་ཏྲཱཾ་ཡིག་ལས་སྐྱེས་པ་རང་བཞིན་གྱི་ཅོད་པན་མཁའ་འགྲོ་མ་ལ་སོགས་པ་རྣམས་ཀྱིས་དབང་བསྐུར་སྔོན་དུ་འགྲོ་བས། རྡོ་རྗེ་ཆེན་པོས་དབང་བསྐུར་བ། །ཁམས་གསུམ་པ་ཡིས་ཕྱག་བྱས་པ། །
[149a.3]གསང་བ་གསུམ་གྱི་གནས་ལས་བྱུང་། །སངས་རྒྱས་ཀུན་གྱིས་སྦྱིན་པར་བྱ། །ཨོཾ་བཛྲ་མུ་ཀུཊཱ་ཨ་བྷི་ཥིཉྩཱ་མི། ཞེས་བརྗོད་ལ་དེའི་མགོ་བོ་ལ་སྦྱིན་པར་བྱ་སྟེ། ནམ་མཁའི་དཀྱིལ་ན་གནས་པའི་དེ་བཞིན་གཤེགས་པ་ཐམས་ཅད་རིགས་ཀྱི་གཙོ་བོའི་གཟུགས་ཀྱིས་དབུ་རྒྱན་ལ་ཞུགས་
[149a.4]པར་བསམ་བར་བྱ་སྟེ་ཞེས་བྱ་བ་ནི་ཅོད་པན་གྱི་དབང་བསྐུར་བ་སྟེ། མཉམ་པ་ཉིད་ཀྱི་ཡེ་ཤེས་སོ། །དེ་ནས་སྣང་བ་མཐའ་ཡས་ཀྱི་གཟུགས་སུ་སློབ་མ་རྣམས་བསམས་ལ་ཧཱུཾ་ཡིག་ལས་སྐྱེས་པའི་རྡོ་རྗེ་བཟུང་ལ་སྔོན་བཞིན་དབང་བསྐུར་ཏེ། སངས་རྒྱས་ཀུན་གྱི་རྡོ་རྗེའི་དབང་། །
[149a.5]དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་དུ་རབ་གྲུབ་ཕྱིར། །རྡོ་རྗེ་འདི་ནི་ཁྱོད་ཀྱིས་ཟུང་། །ཞེས་བརྗོད་ལ་རྡོ་རྗེ་སྙིང་ག་ལ་སོགས་པར་རེག་ལ་མཐར་ལག་པ་གཡས་སུ་སྦྱིན་པར་བྱའོ་ཞེས་བྱ་བ་ནི་རྡོ་རྗེའི་དབང་བསྐུར་བ་སྟེ། སོ་སོར་རྟོག་པའི་ཡེ་ཤེས་སོ། །དེའི་རྗེས་
[149a.6]ལ་སློབ་མ་དོན་ཡོད་གྲུབ་པའི་གཟུགས་སུ་དམིགས་ལ། ཨཿཡིག་ལས་སྐྱེས་པའི་དྲིལ་བུའི་གཟུགས་སུ་དམིགས་པ་ལག་པ་གཡོན་པར་བྱིན་ལ་རྡོ་རྗེ་དྲིལ་བུ་ལག་པ་དག་གིས་འཁྱུད་ཅིང་རོལ་པས་སྔོན་བཞིན་དུ་དབང་བསྐུར་ལ། ཨོཾ་བཛྲཨ་ངྷི་བ་ཏི་སྟཾ་ཨ་བྷི་ཥིཉྩ་མི་
[149a.7]ཏིཥྛ་བཛྲ་ས་མཱ་ཡ་སྟྭཾ། ཞེས་བརྗོད་དོ་ཞེས་བྱ་བ་ནི་བདག་པོའི་དབང་བསྐུར་བ་སྟེ་བྱ་བ་གྲུབ་པའི་ཡེ་ཤེས་སོ། །དེ་ནས་རྣམ་པར་སྣང་མཛད་ཀྱི་གཟུགས་སུ་སློབ་མ་དམིགས་ལ། མགོ་བོར་རྡོ་རྗེ་དང་དྲིལ་བུ་ལག་པ་དག་གིས་བཟུང་སྟེ། སྔོན་བཞིན་དུ་དབང་བསྐུར་བར་
[149b]
[149b.1]བསམ་ཞིང་། བཛྲས་ཏྭ་ཨ་བྷི་ཥིཉྩཱ་མི་བཛྲནཱ་ཨ་བྷི་ཥེ་ཀ་ཏ། ཀྱེ་དཔལ་རྡོ་རྗེ་ཧེ་རུ་ཀ་རྡོ་རྗེ་ཞེས་བྱ་བ་ལ་སོགས་པ་རིགས་དང་རྗེས་སུ་མཐུན་པའི་མིང་གདགས་པར་བྱའོ་ཞེས་བྱ་བ་ནི་མིང་གི་དབང་བསྐུར་བ་སྟེ། ཆོས་ཀྱི་དབྱིངས་ཤིན་ཏུ་རྣམ་པར་དག་པའི་ཡེ་ཤེས་སོ། །སངས་
[149b.2]རྒྱས་ལྔ་ཡི་རང་བཞིན་ཕྱིར། །བརྟན་གཡོ་ཀུན་གྱི་བདག་ཉིད་ཅན། །དེས་ན་དང་པོའི་དབང་ལྔ་ནི། །སྦྱིན་བྱ་བདེ་བ་སྒྲུབ་བྱེད་པའོ། །གཅིག་ཀྱང་དུ་མ་ཉིད་ཀྱི་གཟུགས། །གར་ནི་སངས་རྒྱས་ཉིད་ཀྱི་གར། །སངས་རྒྱས་གང་དང་གང་བསྒོམས་ཏེ། །ཧེ་རུ་ཀ་
[149b.3]དཔལ་གོ་འཕང་གནས། །འདི་རྣམས་ཀྱིས་ཀྱང་སྔགས་དང་རྒྱུད་ལ་སོགས་པ་ཉན་པ་ལ་སོགས་པ་ལ་དབང་བར་འགྱུར་རོ། །དེ་ལྟར་རིག་པའི་དབང་བསྐུར་དུ་བཤད་དེ། ཐམས་ཅད་དུ་མཁའ་འགྲོ་མ་ལ་སོགས་པ་རྣམས་ཀྱི་བྱ་བ་ཡིན་པའི་ཕྱིར་རོ་ཞེས་པ་ནི་དབང་ལྔའི་ཆོ་
[149b.4]གའོ། །དེའི་རྗེས་ལ། མཆོད་པ་ནུས་དང་གུས་པ་ཡིས། །བླ་མའི་ཞབས་ལ་ཕྱག་འཚལ་ཏེ། །སྙིང་ག་གཡོན་དུ་ཐལ་མོ་གཞག།།དབང་བསྐུར་དོན་དུ་གསོལ་བ་གདབ། །འགྲོ་བ་བསྐྱབ་ཕྱིར་གཟི་བརྗིད་གང་། །བདག་ལ་ཁྱོད་ཀྱི་བཀའ་དྲིན་གྱིས། །རྡོ་རྗེ་
[149b.5]སློབ་དཔོན་དབང་བསྐུར་ཀྱེ། །ཐུགས་རྗེའི་གཏེར་གྱིས་བདག་ལ་སྩོལ། །ཞེས་བྱ་བ་འདིས་གསོལ་བ་བཏབ་པ་དང་ལྡན་པའི་སློབ་མ་ལྷོའི་སྒོར་བཞག་ལ། དཔལ་ཧེ་རུ་ཀའི་གཟུགས་སུ་སེང་གེའི་ཁྲི་ལ་འདབ་མ་སྣ་ཚོགས་པའི་པདྨའི་དབུས་སུ་བཞག་ལ་ཕྱག་རྒྱ་ལ་སོགས་པས་བརྒྱན་པ།
[149b.6]སྟེང་དུ་ལྷ་མོས་གཟུགས་པའི་གདུགས་མཛེས་པ་དང་། ཅང་ཏེའུ་དང་དེ་བཞིན་དུ་གླུ་ལ་སོགས་པ་རྣམས་དང་། སྣ་ཚོགས་པའི་མཆོད་པ་ལ་སོགས་པ་རྣམས་ཀྱིས་དེ་ལྟར་འབད་བས་མཆོད་ལ། སྙིང་གའི་ས་བོན་འོད་བྱུང་མཐའ་ཡས་ཀྱི། །ལྷ་མོའི་ཚོགས་ཀྱིས་ཀྱང་ནི་ནམ་མཁའ་གང་། །གང་གི་ཡེ་ཤེས་
[149b.7]ཆུ་ཡི་བུམ་པ་བསྣམས། །མེ་ཏོག་ལ་སོགས་ཆར་འབབ་རྣམ་པར་བསམས། །འཁོར་ལོར་རབ་ཞུགས་གཙོ་བོའི་སྐུ་ནི་འགྱིང་། །རྡོ་རྗེ་དྲིལ་མཆོག་ཕྱག་གིས་རིག་མ་འཁྱུད། །བདེ་ཆེན་གོ་འཕང་གང་བས་རྒྱས་པའི་ལུས། །ཚིགས་སུ་བཅད་པ་ནི། རྡོ་རྗེ་ཆེན་པོས་དབང་བསྐུར་བ། །ཁམས་གསུམ་ཀུན་གྱིས་
[150a]
[150a.1]ཕྱག་བྱས་པ། །གནས་བ་གསུམ་ཀྱི་གནས་ལས་བྱུང་། །སངས་རྒྱས་ཀུན་གྱིས་སྦྱིན་པར་བྱ། །མེ་ཏོག་དང་བཅས་པས་རྡོ་རྗེའི་ཆུ་བཟུང་ལ། ཨོཾ་སརྦ་ཏ་ཐཱ་ག་ཏ་ཨབྷིཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་བྱ་བ་འདིས་དབང་བསྐུར་བར་བྱའོ། །དམ་ཚིག་གསུམ་ཡང་གཟུང་བར་བྱ་སྟེ། རྒྱུ་ལྔ་དག་ནི་རིག་
[150a.2]པ་ཡི། །རྡོ་རྗེ་ཞེས་ནི་བརྗོད་པར་བྱ། །ཧཱུཾ་ཡིག་དེ་ཉིད་ལས་སྐྱེས་པ། །རྡོ་རྗེ་སེམས་དཔའི་ཕྱག་ན་གནས། །ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །མཁའ་འགྲོ་དྲ་བ་ཀུན་ཀྱི་བདག །རྡོ་རྗེ་སྙེམས་མའི་བདག་པོའི་བདག །ཅེས་བྱ་བ་འདིས་རྡོ་རྗེ་ལག་པ་གཡས་སུ་
[150a.3]འཛིན་དུ་གཞུག་གོ་ཞེས་བྱ་བ་འདི་ནི་རྡོ་རྗེའི་དམ་ཚིག་གོ །དྲིལ་བུ་ཨ་ཡིག་ཡང་དག་སྐྱེས། །སྦྱིན་བྱ་མཁས་པས་དེ་རྣམས་ལ། །འདི་དེ་རྣལ་འབྱོར་མ་ཀུན་གྱི། །ཤེས་རབ་དབྱངས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་བཅད། །བྱང་ཆུབ་མཆོག་ཏུ་རྒྱལ་བ་བཞེད། །ཅེས་བྱ་བ་འདིས་ལག་པ་
[150a.4]གཡོན་པར་བྱིན་ལ། སྲིད་བ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་མཆོག །སྲིད་པ་མཆོག་ཏུ་བྱེད་པར་འགྱུར། །ཞེས་བྱ་བ་འདིས་དྲིལ་བུ་དཀྲོལ་བར་བྱའོ་ཞེས་བྱ་བ་ནི་དྲིལ་བུའི་དམ་ཚིག་གོ །ཕྱག་རྒྱའི་དམ་ཚིག་རབ་ཏུ་གསུངས། །ཡིད་ཀྱི་
[150a.5]ལུས་ནི་བརྟན་ཕྱིར་རོ། །གང་གི་ལུས་ཀུན་བརྟན་པ་སྟེ། །དེས་ནི་ཕྱག་རྒྱ་རབ་ཏུ་གྲགས། །དེ་ནས་ཧེ་རུ་ཀ་སྦྱོར་བདག །བླ་མ་བློ་ལྡན་མཉམ་བཞག་པས། །སྡོམ་པ་སློབ་མ་དམ་པ་རྣམས། །ཆོ་ག་བཞིན་དུ་དེ་ལ་སྦྱིན། །འཁོར་ལོའི་གཟུགས་ཀྱིས་མི་བསྐྱོད་པ། །རྣ་ཆའི་བདག་ཉིད་འོད་དཔག་མེད། །
[150a.6]མགུལ་གྱི་ཕྲེང་བ་རིན་ཆེན་དབང་། །ལག་པར་རྣམ་པར་སྣང་མཛད་བརྗོད། །སྐ་རགས་ལ་ནི་དོན་ཡོད་གནས། །ཐལ་བ་རྡོ་རྗེ་སེམས་དཔའ་འགྱུར། །དྲུག་པོ་དེ་དག་ཕྱག་རྒྱར་ཤེས། །སྦྱིན་པ་ལ་སོགས་རབ་འཇུག་པ། །ཁཊྲཱི་ག་ནི་ལྷ་ཡི་སྐུ། །ཤེས་རབ་ཌ་མ་རུ་ཡི་སྒྲ། །ཉིན་མོ་བཅོམ་ལྡན་རྡོ་རྗེ་ཅན། །ཤེས་
[150a.7]རབ་མ་ནི་མཚན་མོར་བརྗོད། །ཅེས་བྱ་བ་ནི་རྡོ་རྗེ་སློབ་དཔོན་གྱི་དབང་ངོ་། །དེའི་རྗེས་ལ་སློབ་དཔོན་གྱིས་སློབ་མ་ལ་རྡོ་རྗེའི་བརྟུལ་ཞུགས་སྦྱིན་པ་ལ་སོགས་པ་བཞི་སློབ་དཔོན་གྱི་དབང་གི་མཐར་རམ་བཞི་པའི་དབང་གི་མཐར་སྦྱིན་ནོ། །སློབ་མ་དཔལ་ཧེ་རུ་ཀའི་གཟུགས་སུ་དམིགས་ལ། འདི་དེ་དཔའ་
[150b]
[150b.1]བོ་ཐམས་ཅད་ཉིད། །ཧེ་རུ་ཀ་ཡི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཧེ་རུ་ཀ་ཡི་བརྟུལ་ཞུགས་བརྟན། །ཞེས་བྱ་བ་འདིས་ཧཱུཾ་ཡིག་ལས་སྐྱེས་པའི་རྡོ་རྗེ་ལག་ཏུ་བཟུང་ལ། །ཨོཾ་སརྦ་བི་ར་ཡོ་གིསྟཱཾསིངྔྷི་བཛྲ་ས་མ་ཡ་ཏིཥྛ་ཨེཥསྟྭཾངྷར་ཡཱ་མི་བཛྲས་ཏྭ་ཏྭཾཧྲིཿཧིཧིཧིཧིཧཱུཾ། དེ་རྣམས་ལ་རྡོ་རྗེའི་བརྟུལ་ཞུགས་
[150b.2]བྱིན་ལ། རྡོ་རྗེའི་སྦྱོར་བས་གཟུང་བར་བྱ་སྟེ། སློབ་མའི་ལག་པ་གཡས་པར་སྦྱིན། །ཞེས་བྱ་བ་ནི་རྡོ་རྗེའི་བརྟུལ་ཞུགས་སོ། །དེ་ནས་སངས་རྒྱས་ཀྱི་གཟུགས་སུ་བདག་ཉིད་བསམས་ལ་སྙིང་གར་གཡོན་པའི་ཁུ་ཚུར་གྱིས་ཆོས་གོས་རི་དགས་ཀྱི་རྣ་བ་ལྟར་བཟུང་ལ། གཡས་པ་མཆོག་སྦྱིན་གྱི་ལག་བས། །འདི་
[150b.3]ཡིས་ངས་ཁྱོད་ལུང་བསྟན་ཏེ། །ཁྲག་འཐུང་རྡོ་རྗེ་དེ་བཞིན་གཤེགས། །སྲིད་པ་ཤིན་ཏུ་དག་པའི་ཕྱིར། །སྲིད་པའི་ངན་འགྲོ་ཉིད་ལས་བཏོན། །ཆེ་གེ་མོ་ཞེས་བྱ་བ་དེ་བཞིན་གཤེགས་པར་གྲུབ་པས་ས་མ་ཡ་སྟྭཾ་བྷུར་བྷུ་བ་སྭཿཞེས་བྱ་བས་ལུང་བསྟན་ལ་ཕྱག་རྒྱ་འདི་ཡིས་ལུང་བསྟན་པའི་ཚེ། མཁའ་འགྲོ་དང་
[150b.4]མཁའ་འགྲོ་མ་ལ་སོགས་པ་ཀུན་གྱིས་མགྲིན་གཅིག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་མཛད་དེ་དང་བར་བྱའོ་ཞེས་སློབ་མ་ལ་བརྗོད་པར་བྱ་ཞེས་པ་ནི་ལུང་བསྟན་པའོ། །དེ་ནས་གཏི་མུག་མཁའ་འགྲོ་ལ་སོགས་པའི་གཟུགས་སུ་དམིགས་ལ་རྗེས་སུ་གནང་བ་སྦྱིན་པར་བྱ་སྟེ།
[150b.5]སེམས་ཅན་ཀུན་གྱི་དོན་གྱི་ཕྱིར། །སེམས་ཅན་ཀུན་ལ་ཐམས་ཅད་དུ། །ཇི་ལྟར་གདུལ་བྱ་སྣ་ཚོགས་ལ། །ཆོས་ཀྱི་འཁོར་ལོ་རབ་ཏུ་བསྐོར། །ཞེས་བྱ་བ་འདིའི་ཆོས་ཀྱི་གནས་སུ་རྡོ་རྗེ་དང་། རིན་པོ་ཆེ་དང་། པདྨ་དང་། ལས་གཞུག་པར་བྱ་སྟེ། རིམ་གྱིས་ལྔར་གྱུར་པའི་ཚིགས་སུ་བཅད་པས་རྗེས་སུ་གནང་བ་
[150b.6]སྦྱིན་ནོ། །དེ་ནས་གསང་བ་བརྗོད་པར་བྱ་སྟེ། །འདོད་ཆགས་བྲལ་བ་ལྟ་བུའི་སྡིག། ཁམས་གསུམ་ན་ནི་གཞན་ཡོད་མིན། །དེ་ཕྱིར་འདོད་ལ་ཆགས་བྲལ་བྲས་ལ། །ཁྱོད་ཀྱིས་རྟག་ཏུ་མ་བྱེད་ཅིག །མ་ཧཱ་ས་མ་ཡ་ཧཱུཾ་ཕཊ། །ཅེས་བྱ་བ་འདིས་གསང་བ་བསྟན་པར་བྱའོ། །མཆོག་གསང་དཀྱིལ་འཁོར་དམ་པ་རུ། །མཐོང་བ་
[150b.7]དང་ནི་ཞུགས་པ་ཡིས། །སྡིག་པ་ཀུན་ལས་ངེས་གྲོལ་བར། །ཁྱེད་རྣམས་དེ་ཉིད་ལེགས་པར་གནས། །བདེ་ཆེན་ཐེག་པ་འདི་ལ་ནི། །སླར་ཁྱོད་འཆི་བ་ཡོད་མ་ཡིན། །སྲིད་པ་ཤིན་ཏུ་དག་པས་ན། །སྲིད་པའི་སྡུག་བསྔལ་ལས་ཁྱོད་འདས། །བྱང་ཆུབ་སེམས་ནི་གཏང་མི་བྱ། །ཕྱག་རྒྱ་རྡོ་རྗེ་གང་ཡིན་པའོ། །གང་
[151a]
[151a.1]ཞིག་སྐྱེས་པ་ཙམ་གྱིས་ནི། །སངས་རྒྱས་ཉིད་དུ་ཐེ་ཚོམ་མེད། །དམ་པའི་ཆོས་ནི་སྤང་མི་བྱ། །ནམ་ཡང་དོར་བར་མི་བྱའོ། །མི་ཤེས་པའམ་རྨོངས་པ་ལ། །དེ་ཉིད་བསྟན་པར་མི་བྱའོ། །རྡོ་རྗེ་དྲིལ་བུ་ཕྱག་རྒྱ་ཡང་། །བློ་ཆེན་ཁྱོད་ཀྱིས་རྟག་ཏུ་ཟུང་། །སློབ་དཔོན་ནམ་ཡང་སྨད་མི་བྱ། །འདི་ནི་
[151a.2]སངས་རྒྱས་ཀུན་དང་མཉམ། །རང་གི་བདག་ཉིད་ཡོངས་སྤངས་ནས། །དཀའ་ཐུབ་ཀྱིས་ནི་གདུང་མི་བྱ། །འདི་ནི་རྡོ་རྗེའི་རིགས་དངོས་གྲུབ། །སྡོམ་པ་དམ་ཚིག་ཡིན་པར་བཤད། །ཇི་ལྟར་བདེ་བས་བདེ་བར་ཟུང་། །འདི་ནི་མ་བྱོན་རྫོགས་སངས་རྒྱས། །དེ་རིང་དཀྱིལ་འཁོར་སློབ་དཔོན་གྱུར། །
[151a.3]ཁྱོད་ནི་སྔགས་དང་རྒྱུད་འཛིན་གྱུར། །མཁའ་འགྲོ་མཁའ་འགྲོ་མ་ཀུན་གྱི། །ལྷ་རྣམས་ཀུན་ནི་བཞེད་པ་ཡིན། །འདི་ནི་སངས་རྒྱས་རིགས་དག་པ། །སྡོམ་པ་མཆོག་གི་གོ་འཕང་ཡིན། །སེམས་ཅན་རྣམས་ལ་བརྩེ་བའི་དོན། །ཁྱོད་ཀྱིས་དཀྱིལ་འཁོར་ཆོ་ག་བཞིན། །ནན་ཏན་བསྐྱེད་དེ་བྲི་བར་
[151a.4]བྱ། །སྒྲུབ་པ་པོ་རྣམས་རྒྱུད་ལ་སྦྱོར། །སྡོམ་པ་མཆོག་ནི་བསྲུང་བར་གྱིས། །ལྷན་སྐྱེས་ཐབས་ཀྱི་མཚན་ཉིད་ནི། །དཔལ་ལྡན་བདེ་མཆོག་ལས་གཞན་མེད། །ཅེས་པས་དབུགས་དབྱུང་བ་སྦྱིན་པའོ། །དེ་ནས་རྡོ་རྗེ་སློབ་དཔོན་དཔལ། །སངས་རྒྱས་སྲས་ཀྱི་མཆོག་དེ་ལ། །ཆོ་ག་
[151a.5]དག་པས་དངོས་གྲུབ་སྟེར། །དམ་ཚིག་སྡོམ་པ་སྦྱིན་པར་བྱ། །ནད་དག་དང་དེ་བཞིན་ཧ། །མཐའི་ཤྭ་དང་བོའི་ཤྭ་དེ་བཞིན། །བདུད་རྩི་ལྔ་དང་མཉམ་པར་ལྡན། །རྟག་ཏུ་ལྷ་ཡི་བཏུང་བ་དང་། །བཟང་བོ་བཏུང་བ་བསྐྱེད་བར་གྱིས། །སྡོམ་པ་དངོས་གྲུབ་རྒྱུ་ཡི་ཕྱིར། །ཧེ་རུ་ཀ་དཔལ་ང་རྒྱལ་བྱ། །
[151a.6]མཁས་པས་སྦྱོར་བ་གཞན་དུ་མིན། །ལེགས་མཆོད་དྲིལ་སྒྲ་སྣ་ཚོགས་པས། །ལེགས་བསྟོད་བདུད་རྩིའི་བཏུང་བས་ཚིམ། །རང་གི་སློབ་མ་དཔའ་བོ་བདེ་ལྡན་བལྟ། །སྔགས་ཀྱི་སྦྱོར་དེ་ཆོ་གས་རབ་ཏུ་སྦྱིན། །བླ་མས་རང་གི་སྙིང་གར་ཉི་མ་ལ་ས་བོན་ཧཱུཾ་བསྒོམས་པ། དེ་ལ་སྔགས་ཀྱི་ཕྲེང་
[151a.7]བས་བསྐོར་བར་བྱ་སྟེ། ལན་བརྒྱ་རྩ་བརྒྱད་ཡོངས་སུ་བཟླས་ལ་དེ་ལས་སྤྲོ་བའི་སྦྱོར་བས་རྣམ་པར་ཕྱུང་ལ་སློབ་མའི་ཁ་རུ་ཞུགས་ཏེ། སྙིང་གར་ཞུགས་པའི་ཕྱིར་བརྗོད་པས་རང་རང་གི་སྔགས་ཞལ་ནས་ཞལ་དུའོ། །བཅོམ་ལྡན་ཁྱོད་ལ་བདག་གིས་སྩལ། །འདི་ལ་ཉེ་བར་མཛད་དུ་གསོལ། །
[151b]
[151b.1]སློབ་མས་ཀྱང་ནམ་མཁའ་ལ་སོད་བདེ་རྣམས་རང་གི་སེམས་ཀྱི་ས་བོན་གྱི་གཟུགས་ལ་འཇུག་པར་བྱེད་ཅིང་བརྗོད་དེ། བཅོམ་ལྡན་བདག་གིས་གཟུང་ལགས་ཀྱིས། །བདག་ལ་ཉེ་བར་མཛད་དུ་གསོལ། །ཞེས་བྱ་བ་འདིས་སྔགས་ཀྱི་དངོས་གྲུབ་ཀྱི་སྐལ་བ་དང་ལྡན་པར་འགྱུར་རོ། །དེའི་རྗེས་
[151b.2]ལ་ལངས་ལ་གདུགས་དང་བཅས་བའི་སློབ་མས་ཀྱང་ཌ་མ་རུ་དང་། ཐོད་པ་དང་། ཁཊྭཱཾ་ག་བཟུང་སྟེ། ཕྱག་རྒྱ་ལྔ་ལ་སོགས་པས་བརྒྱན་ལ། དཀྱིལ་འཁོར་ཆེན་པོ་དང་། བླ་མ་ལ་བསྐོར་བ་གསུམ་བྱས་ཏེ། ཞབས་ལ་སྤྱི་བོས་ཕྱག་བྱས་ཏེ་འདི་སྐད་བརྗོད་པར་བྱའོ། །གང་ཅུང་ཟད་བཀའ་སྩལ་པ།
[151b.3]དེ་ཐམས་ཅད་བདག་གིས་བགྱིའོ་ཞེས་བྱ་བ་ནི་དབང་བཅུའི་ཆོ་གའོ། །དེའི་རྗེས་ལ་ཡོལ་བ་ལ་སོགས་པས་དབེན་པར་བྱས་པའི་ཕྱོགས་སུ་སློབ་མས་རང་གི་ཡིད་དུ་འོང་བའི་གཟུགས་དང་ལང་ཚོ་དང་ལྡན་པ། དམ་ཚིག་དང་སྡོམ་པའི་སྣོད་དུ་རུང་བ་རིགས་ལྔ་དང་འབྲེལ་པ། མེ་ཏོག་དང་ལྡན་པའི་ཤེས་རབ་
[151b.4]མ་གསང་བའི་དབང་གི་དོན་དུ་བླ་མ་ལ་དབུལ་བར་བྱའོ། །མཎྜལ་ལ་སོགས་པ་མཆོད་པ་སྔོན་དུ་སོང་བས་ཕྱག་བྱས་ལ། བླ་མའི་སྔོན་དུ་པུས་མོ་ཕབ་སྟེ་ཐལ་མོ་སྦྱར་ལ། སྐྱབས་མེད་པ་རྣམས་ཀྱི་སྐྱབས། སྐྱོབ་པ་མེད་པ་རྣམས་ཀྱི་སྐྱོབ། དཔལ་འཁོར་ལོ་སྡོམ་པ་ལྟོས་པ་མེད་པའི་ཐུགས་
[151b.5]རྗེ་ཆེན་པོ། མགོན་མེད་པ་རྣམས་ཀྱི་མགོན་དུ་བདག་གྲུབ་པར་མཛོད་ཅིག །ཇི་ལྟར་ཁྱེད་རྣམས་ཐེག་ཆེན་ལ། །ཏིང་ངེ་འཛིན་ཏེ་གཙོ་བོས་མཛོད། །འཁོར་བ་ཡི་ནི་འདམ་ཚོགས་སུ། །བདག་ནུབ་མགོན་གྱི་བདག་ལ་སྐྱོབས། །ཞེས་བྱ་བ་འདིས་གསོལ་བ་གདབ་པར་བྱའོ། །དེའི་རྗེས་ལ། དར་གྱིས་གདོང་
[151b.6]ནི་བཅིང་བྱས་ལ། །དམ་ཚིག་ཀྱང་ནི་སྦྱིན་པ་གང་། །ཐལ་སྦྱར་སྤྲོ་བ་ཆེ་བ་ཡི། །སློབ་མ་རིང་བ་མིན་པར་གཞག །དེ་ནས་བླ་མས་ལུང་ནས་གསུངས་བའི་རིམ་པས་གསང་བའི་དབང་བསྐུར་བའི་དོན་དུ་བརྩམ་པར་བྱ་སྟེ། བདག་ཉིད་དཔལ་ཧེ་རུ་ཀའི་རྣལ་འབྱོར་བརྟན་པར་བྱ་ཞིང་བསྒོམ་པའི་
[151b.7]རིམ་པས་དཀྱིལ་འཁོར་གྱི་འཁོར་ལོ་ཡོངས་སུ་རྫོགས་པ་དེ་བཞིན་དུ། རིགས་ཀྱི་གཙོ་མོ་ལ་གོ་ཆ་ཆེན་པོ་ལ་སོགས་པ་རྣམས་ཀྱི་གོ་ཆ་གོན་ལ་སྐུ་ལ་སོགས་པ་གསུམ་བྱིན་གྱིས་བརླབ་པར་བྱའོ། །པདྨ་དང་རྡོ་རྗེ་དག་བྱིན་གྱིས་བརླབ་པར་བྱའོ། །སླར་ཡང་བློ་བཟང་
[152a]
[152a.1]སེམས་མཉམ་པར་གཞག་པ་དེས། ལྟེ་བ་དང་། སྙིང་ག་དང་། ཁ་དང་། དཔྲལ་བའི་ཕྱོགས་སུ་སྔགས་ཀྱི་ཚོགས་དང་ལྷན་ཅིག་བྱིན་གྱིས་བརླབ་པར་བྱ་སྟེ། །སྙིང་པོ་དང་ཉེ་བའི་སྙིང་པོའི་སྔགས་གཉིས་དགོད་པར་བྱའོ། །བདུད་རྩི་ལྔ་དང་བཅས་པའི་རྡོ་རྗེ་
[152a.2]རྣམ་པར་བྱས་པའི་པདྨར་གཞག་པར་བྱས་ལ། འཁྱུད་པ་དང་འོ་ལ་སོགས་པ་རྣམས་ཀྱིས་དགའ་བའི་བསྟན་བཅོས་ནས་བཤད་པ་བཞིན་དུ་ཆགས་པ་ཆེན་པོ་ཉམས་སུ་མྱོང་བའི་རིག་པ་ལྷན་ཅིག་སྐྱེས་པའི་དགའ་བ་སྐྱེས་པའི་སེམས་ལ། རྡོ་རྗེ་པདྨས་ཀྱང་ནི་དབང་བསྐུར་
[152a.3]སྦྱིན་པར་བྱ། །གསང་སྔགས་གསུམ་ནི་ལེགས་པར་བཟླས་ཤིང་བཟླས། །ཨོཾ་ཨཱཿཧཱུཾ་ཧ་ཧོཧྲཱིཿ། ཞེས་བྱ་བའི་ཡི་གེ་གསུམ་པོ་རྣམས་ཀྱིས་གཤེགས་སུ་གསོལ་བར་བྱའོ། །དུས་མཉམ་དུ་ཉམས་སུ་མྱོང་བ་སྐྱེས་པས་གསང་བ་གཉིས་ཀྱི་རྒན་པོ་དང་། །མིང་མེད་དག་གིས་
[152a.4]མནན་ལ་སློབ་མའི་ཁར་བཏུང་པར་བྱའོ། །ཇི་ལྟར་འདས་པའི་སངས་རྒྱས་སྲས། རྡོ་རྗེ་འཛིན་སོགས་དང་དབང་བསྐུར་བ། །བྱང་ཆུབ་སེམས་ནི་མཛེས་པ་ཡིས། །དེ་བཞིན་བུ་ཁྱོད་དབང་བསྐུར་རོ། །སངས་རྒྱས་ཞུ་བའི་ཡིད་དབང་གིས། །སློབ་མ་རྟག་པའི་རྣལ་འབྱོར་ལྡན། །ཀྱེ་མ་
[152a.5]བདེ་ཞེས་བརྗོད་པར་བྱ། །ལོངས་སྤྱོད་ལ་ནི་གཞག་པར་བྱ། །ཤེས་རབ་ཀྱང་ལངས་ལ་དེ་བཞིན་དུ་སྦྱིན་པར་བྱའོ། །ཕན་ཡོན་ཀྱང་བརྗོད་པར་བྱའོ། །འདི་དེ་སངས་རྒྱས་ཐམས་ཅད་ཀྱིས། །དབང་བསྐུར་ཆོ་ག་མཆོག་གྱུར་པ། །གསུང་གི་རྡོ་རྗེ་རྣམ་དག་པས། །སྔགས་རྣམས་
[152a.6]ཐམས་ཅད་འགྲུབ་པར་འགྱུར། །ཞེས་བྱ་བ་ནི་གསང་བའི་དབང་བསྐུར་བའི་ཆོ་གའོ། །དེ་ནས་གསང་བའི་དབང་ཐོབ་པའི་སློབ་མ་དམ་པ་ལ་ཤེས་རབ་ཡེ་ཤེས་ཀྱི་དོན་ཆོས་སྐུ་རྟོགས་པར་བྱ་བའི་ཕྱིར། ཕྱི་རོལ་གྱི་ཡན་ལག་མ་དེ་ཉིད་དམ། དེ་ཉིད་གཞན་ཡང་མཚན་
[152a.7]ཉིད་ཐམས་ཅད་དང་ལྡན་པ་བསྟན་ལ་སྦྱིན་པར་བྱའོ། །དེ་ལ་དང་པོ་ཡན་ལག་ལྔས་ཕྱག་བྱས་ཏེ། པུས་མོ་གཡས་པའི་ལྷ་ང་ས་ལ་བཙུགས་ལ། གཡོན་པའི་སྙིང་གར་ཐལ་མོ་སྦྱར་ཏེ། སྔོན་ནས་སྔོན་དུ་གནས་ལ། སྔོན་དུ་བཤད་པའི་ཚིགས་བཅད་གཉིས་ཀྱིས་
[152b]
[152b.1]གསོལ་བ་བཏབ་པས་བསླང་བར་བྱའོ། །དེའི་རྗེས་ལ་ཤེས་རབ་ཀྱི་ལག་པར་དེའི་ལག་པ་བཞག་ལ། མཁའ་འགྲོ་དང་མཁའ་འགྲོ་མའི་ཚོགས་ཐམས་ཅད་དབང་བོར་བྱས་ལ། ཁྱོད་ཀྱིས་སྲོག་ཆགས་གསད་པར་བྱ། །བརྫུན་གྱི་ཚིག་ཀྱང་སྨྲ་བར་བྱ། །མ་བྱིན་པར་ཡང་ཁྱོད་ཀྱིས་
[152b.2]ལོང་། །གཞན་གྱི་བུད་མེད་བསྟེན་པར་གྱིས། །ཞེས་བྱ་བ་རྡོ་རྗེ་སྤྱི་བོར་བཞག་ལ་བརྗོད་པར་བྱའོ། །ལྷ་མོ་འདི་ནི་ཕྱག་རྒྱ་ཆེ། །བདེ་བ་མཐའ་ཡས་སྟེར་བྱེད་པ། །བླངས་ནས་བུ་ཡིས་དུས་ཀུན་དུ། །བླ་ན་མེད་པའི་མཆོད་པ་གྱིས། །ཞེས་བརྗོད་པར་བྱའོ། །དེའི་རྗེས་ལ་
[152b.3]ལྷ་མོ་དེ་ཡིས་བཀའ་སྩལ་བ། །དཔའ་བོ་བུ་ཁྱོད་མི་ལ་སྤྲོ། །བྱང་ཆུབ་སེམས་ནི་བཟའ་བ་དང་། །རིགས་ལྔ་ལས་ནི་ཡང་དག་བྱུང་། །རིག་མ་གུས་པས་ཡང་དག་མཆོད། །བཤད་གཅི་སྟོབས་དང་དྲི་ཆེན་སོགས། །དེ་ནི་སོ་སོར་བཟའ་བ་དང་། །གཞན་ཡང་
[152b.4]མཛེས་པའི་དམ་ཚིག་ནི། །ཇི་ལྟར་སྤྲོ་བ་བུ་ཡིས་སྨྲོས། །ཞེས་སོ། །སློབ་མས་ཀྱང་འདི་སྐད་ཅེས་བརྗོད་པར་བྱ་སྟེ། ལྷ་མོ་ཅི་ཕྱིར་བདག་མི་སྤྲོ། །དམ་ཚིག་ལ་སོགས་འཛིན་པར་བགྱི། །བྱ་བ་རྟག་ཏུ་ཅིས་མི་གུས། །བུད་མེད་པདྨ་ཅིས་མི་མཆོད། །དེ་ནས་
[152b.5]དགའ་བས་ལྷ་མོ་དེས། །སྐྲ་གྲོལ་གོས་དང་བྲལ་བ་ཡི། །པདྨ་རྣམ་པར་རྒྱས་བྱས་ནས། །བདེ་བས་པདྨ་བསྟན་པར་གསུངས། །ཀྱེ་མ་བདག་གི་པདྨ་འདི། །བདེ་བ་ཀུན་དང་ཡང་དག་ལྡན། །ཆོ་ག་ཡིས་ནི་གང་བསྟེན་པ། །དེ་ནི་དེ་ཡི་མདུན་ན་གནས། །
[152b.6]སྡོམ་པ་མཆོད་ལ་སོགས་པ་ནི། །ཇི་ལྟར་བྱ་བ་པདྨར་གྱིས། །བདེ་ཆེན་རྒྱལ་པོ་རང་ཉིད་ནི། །འདི་ཉིད་ན་ནི་རྟག་ཏུ་གནས། རྨོངས་པ་ཞིག་འདི་ཡངས་པ་དང་། དེ་ལ་མཆོག་གི་དངོས་གྲུབ་མེད། །རང་ཉིད་ལྷ་ཡི་རྣལ་འབྱོར་བདག །
[152b.7]ཕག་མོའི་གཟུགས་སུ་བསམས་བྱས་ལ། །བོ་ལ་ཀཀྐོལ་སྦྱར་ནས། །ཆོ་ག་བཞིན་དུ་རྟག་ཏུ་མཆོད། །དེ་ཡི་རྗེས་ལ་མགོ་བོ་དང་། སྙིང་ག་དང་། ལྟེ་བ་དང་། གསང་བ་དང་། བརླ་ནས་རྐང་པའི་མཐར་ཐུག་པར། ཨོཾ་ཧཱུཾ་ཨཱ་སྭཱ་ཧཱ།
[153a]
[153a.1]འབར་བའི་ཡི་གེས་རིགས་ལྔ་རྫོགས་པའི་སངས་རྒྱས་ལྔའི་རང་བཞིན་དུ་བྱིན་གྱིས་བརླབ་པར་བྱའོ། །རྡོ་རྗེ་དབྱིངས་ཕྱུག་མ་ཡི་རྩ། །བུད་མེད་གཡོན་པའི་ཆ་ལ་གནས། །སོར་མོས་ཅུང་ཟད་བསྐྱོད་བྱ་བ། །བླ་མའི་
[153a.2]མན་ངག་ལས་ཞེས་བྱ། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་བྱ་བས་དགའ་བ་བརྩམ་པར་བྱའོ། །དེ་ནས་པདྨ་དང་རྡོ་རྗེ་བསྐྱོད་པའི་དགའ་བར་གྱུར་པས་བར་སྣང་གི་དེ་བཞིན་གཤེགས་པའི་རིགས་ཁ་ནས་བཀུག་ལ་ཞུ་བར་གྱུར་པས་
[153a.3]ནི་ནོར་བུའི་ལྟེ་བ་དག་གི་དབུས་སུ་ཐིག་ལེ་གཉིས་ཀྱི་བདག་ཉིད་ལྷན་ཅིག་སྐྱེས་པའི་དགའ་བའི་རང་བཞིན་དུ་གནས་པར་བསམས་ལ་ཕྱག་རྒྱ་ཆེན་པོའི་དོན་ལ་མངོན་དུ་ཕྱོགས་པར་བྱའོ། །ས་བོན་ཁ་སྦྱོར་དབུས་ན་གནས། །ཐིག་ལེ་གཉིས་པོ་མི་འགྱུར་བ། །ཕྱག་རྒྱ་ཆེན་པོའི་
[153a.4]རང་བཞིན་ཅན། །རྟག་ཏུ་རྣལ་འབྱོར་པ་ཡིས་བསྒོམ། །བྱང་ཆུབ་སེམས་ནི་མི་འདོར་བར། །ཇི་སྲིད་རྣལ་འབྱོར་པ་ཡིས་བྱ། །དེ་སྲིད་རྒྱུན་མི་འཆད་པ་འཐོབ། །དགའ་ལས་སྐྱེས་པའི་བདེ་བའང་ཅི། །ཞེས་བརྗོད་པར་བྱའོ། །སློབ་མས་སྙོམས་འཇུག་
[153a.5]བལྟས་ནས་ནི། །བླ་མ་ལྷག་པའི་རྣལ་འབྱོར་ལྡན། །སྙིང་གའི་ས་བོན་ངེས་བྱུང་ལྟས། །དབང་བསྐུར་བྱས་ནས་རབ་ཏུ་གཞུག །དེ་ཞུ་རབ་ཏུ་ཞུགས་པ་ཡིས། །བདེ་བ་རྣམ་པ་བདེ་ཆེན་པོ། །རང་གི་ལྷག་པའི་ལྷ་ཡི་གཟུགས། །མཉམ་པར་གཞག་
[153a.6]པས་སློབ་མ་བལྟ། །ཞེས་བྱ་བས་བླ་མའི་བརྡས། སློབ་མའི་ཉམས་སུ་མྱོང་བ་བལྟས་ལ། དབང་བསྐུར་བ་ནི་རྡོ་རྗེ་ཆེ། །ཁམས་གསུམ་ཀུན་གྱིས་ཕྱག་བྱས་པ། །གསང་བ་གསུམ་གྱི་གནས་ལ་བྱུང་། །སངས་རྒྱས་ཀུན་གྱིས་སྦྱིན་པར་བྱ། །ཞེས་བྱ་བའི་
[153a.7]ཚིགས་སུ་བཅད་པ་བརྗོད་ལ། མཁས་པས་དེ་ཁོ་ན་ཉིད་ཀྱི་རྟོག་པ་བསྐྱེད་པར་བྱའོ། །བྱང་ཆུབ་ཆེན་པོ་སེམས་དཔའ་ཆེ། །གཟུགས་མ་འདི་ནི་བདེ་བ་ཆེ། །ཇི་སྲིད་བྱང་ཆུབ་མ་ཐོབ་པར། །རྡོར་འཛིན་སེམས་ཅན་དོན་རྣམས་གྱིས། །ཡེ་ཤེས་འདི་ནི་ཤིན་
[153b]
[153b.1]ཏུ་ཕྲ། །རྡོ་རྗེ་སྙིང་བོ་ནམ་མཁའ་ལྟར། །དྲི་མེད་ཐར་པ་ཞི་བ་ནི། །དེ་ནི་ཁྱོད་ཀྱི་ཕ་ཡང་ཡིན། །སློབ་མས་བསམས་ལ་ལེགས་པར་ཟུང་། །པདྨའི་ནང་དུ་ལྷུང་གྱུར་ན། །བྱང་ཆུབ་སྔོན་དུ་འགྲོ་བའི་སེམས། །དེ་ནས་ལོངས་སྤྱོད་ཀྱིས་ནི་བླངས། །ཞེས་བྱ་བ་ནི་ཤེས་རབ་ཡེ་ཤེས་ཀྱི་
[153b.2]དབང་བསྐུར་བའི་ཆོ་གའོ། །དེའི་རྗེས་ལ་ཆུ་ལ་སོགས་པ་ཤེས་རབ་ཡེ་ཤེས་ཀྱི་མཐར་ཐུག་པ་མངོན་སུམ་དུ་ལེགས་པར་ཐོབ་པ། ཡང་དག་བརྒྱུད་པ་དང་ལྡན་པ། །རང་གི་དབང་བསྐུར་མཎྜལ་དང་། །ཇི་ལྟར་ནུས་པས་གསོལ་བ་གདབ། །མཆོད་དང་བསྙེན་བཀུར་གུས་པ་དང་། །ཡང་
[153b.3]དག་དད་པ་མཉམ་ལྡན་པ། །བཞི་པའི་དོན་ནི་བསྟན་པར་བྱ། །ཤེས་རབ་ཡེ་ཤེས་ཀྱི་དབང་མངོན་སུམ་དུ་མ་ཐོབ་པར་སླར་ཡང་ཚིག་ཙམ་གྱིས་དབང་སྦྱིན་པར་མི་བྱ་སྟེ། དམ་ཚིག་ཉམས་པའི་ཕྱིར་རོ། །དེའི་ཕྱིར་དེ་གསུངས་པ། རྣམ་འབྱོར་གང་གིས་དབང་མ་ཐོབ། །འདིར་ནི་
[153b.4]རྣལ་འབྱོར་པ་ཉིད་འདོད། །མཁའ་ལ་ཁུ་ཚུར་བརྡེག་པ་དང་། །རི་དགས་སྨིག་རྒྱུ་འཐུང་དང་མཚུངས། །དེ་ཕྱིར་ཁ་སྦྱོར་ཐིག་ལེའི་རྒྱུད་ཆེན་པོ་ལས་ཀྱང་གསུངས་པ། སློབ་མ་ལྷག་པར་མོས་པས་ཡིད་ཀྱིས་བརྟག །ཇི་ལྟར་གསུངས་པའི་ཆོ་གས་དབང་བསྐུར་སྦྱིན། །ཟབ་དང་རྒྱ་ཆེའི་
[153b.5]ཚུལ་ལ་ལྷག་པར་མོས། །དབང་བསྐུར་རིན་ཆེན་ཚིག་གིས་སྦྱིན་པར་བྱ། །ཇི་ལྟར་ཤེས་རབ་ཡེ་ཤེས་ཀྱི་དབང་བསྐུར་བ་ཞེས་བརྗོད་པར་བྱ་ཞེ་ན། དེ་ཁོ་ན་ཉིད་ཀྱི་རང་བཞིན་རྟོགས་པར་བྱེད་པའི་ནུས་པ་ཡོད་པའི་ཕྱིར་རོ། །ཇི་ལྟར་ན་བཅོམ་ལྡན་འདས་ཀྱིས། །དབང་བསྐུར་
[153b.6]བ་ནི་ཐ་དད་གསུམ། །རྒྱུད་འདི་རུ་ནི་རབ་ཏུ་གསལ། །སློབ་དཔོན་གསང་བ་ཤེས་རབ་དང་། །བཞི་པ་དེ་ཡང་དེ་བཞིན་ནོ། །ཞེས་གསུངས་བས་སོ། །བདེན་དེ་ཐབས་གཞན་ཁོ་ནའོ། །དང་པོ་ཡི་ནི་ལས་ཅན་རྣམས། །དམ་པའི་དོན་ལ་གཞུག་པའི་ཕྱིར། །
[153b.7]ཐབས་འདི་རྫོགས་པའི་སངས་རྒྱས་ཀྱིས། །སྐས་ཀྱི་རིམ་པ་བཞིན་དུ་གསུངས། །དེ་ཁོ་ན་ཉིད་ཀྱི་རང་བཞིན་དུ་ཤེས་རབ་ཡེ་ཤེས་ཀྱི་དབང་ཁོ་ན་དང་ཐ་མི་དད་པའི་ཕྱིར་རོ། །དེ་གསུངས་པ། དཔལ་ཀྱེའི་རྡོ་རྗེའི་རྒྱུད་ཀྱི་རྒྱལ་པོ་ལས། །ཨེ་ཡི་ཆ་བྱད་བཟང་
[154a]
[154a.1]པོ་གང་། །དབུས་སུ་ཝཾ་ཡིག་རྣམ་པར་བརྒྱན། །བདེ་བ་ཐམས་ཅད་ཀྱི་ནི་གཞི། །སངས་རྒྱས་རིན་ཆེན་ཟ་མ་ཏོག། །ཅེས་གསུངས་པའི་ཕྱིར། །དེ་ལྟར་དགའ་བ་མཆོག་དང་ནི། །དགའ་བྲལ་ལྷན་སྐྱེས་དེ་བཞིན་ཏེ། །རྣམ་པ་སྣ་ཚོགས་རྣམ་པར་
[154a.2]སྨིན། །རྣམ་པར་ཉེད་དང་མཚན་ཉིད་བྲལ། །བོ་ལ་ཀཀྐོ་ལ་སྦྱོར་བ། །ཐམས་ཅད་ཤེས་རབ་ལས་བྱུང་བ། །བཞི་པའི་རང་བཞིན་ལྷན་ཅིག་སྐྱེས་པ་དེ་གང་ཡིན་ཞེ་ན། ཡུལ་དང་དབང་པོ་རྣམས་ནི་མཉམ་དུ་ནུབ་འགྱུར་བ། །གང་ཡང་མངོན་དགའ་རྒྱལ་བ་མཛེས་
[154a.3]པའི་ལུས་གཅིག་པུ། །སུ་ཞིག་སད་པའི་མཁས་པ་རྣམས་ཀྱི་སྙིང་ལ་འཛིན། །དུས་མཉམ་འཆར་བ་གང་ཡིན་དེ་ལ་ཕྱག་འཚལ་ལོ། །ཐག་པའི་ཞབས་ཀྱིས་ཀྱང་གསུངས་པ། དགའ་བ་གཉིས་ཀྱི་དབུས་སུ་སྐྱེས། །ཤིན་ཏུ་བསོད་ནམས་ལེགས་ཐོབ་པ། །དེ་དུས་ཇི་
[154a.4]ལྟར་ཡིད་ཆེས་རྡོ་རྗེ་ཆུ་སྐྱེས་སྦྱོར་བའི་གོ་འཕང་སྟེ། །དེ་ཕྱིར་མི་འགྱུར་བདེ་བ་ཁོ་ན་སྐྱེ་བོ་དམ་པས་འབད་པས་བསྟེན། །དེ་ལ་ཡུན་རིངས་གནས་པ་མཉམ་གཞག་སྐྱེ་བོས་སླར་ཡང་དེ་ཉིད་འཛིན། །གཤིན་རྗེ་གཤེད་ནག་པོའི་རྒྱུད་ལས་ཀྱང་གསུངས་པ། རྒྱལ་མཚན་ཅན་གྱིས་
[154a.5]ཁྱམས་མཐོང་ནས། །དེར་ནི་འོ་མ་མང་པོ་རབ་ཏུ་བསྒྲུབས། །འོ་མ་ལ་སེམས་གོམས་བྱས་ནས། །ཕྱག་རྒྱ་ཆེན་པོ་རབ་བསྒྲུབ་བྱ། །ཞེས་གསུངས་པ་དང་། རྡོ་རྗེ་ཆུ་སྐྱེས་ཡང་དག་སྦྱོར། །དགའ་བ་རུ་ནི་རབ་ཏུ་གྲགས། །ཤིན་ཏུ་བསྐྱོད་པ་དག་ནི་མཆོག །འཕོས་
[154a.6]པས་དེ་བཞིན་དགའ་བྲལ་སྐྱེས། །མཆོག་དང་དགའ་བྲལ་དག་གི་དབུས། །ལྷན་སྐྱེས་ཡང་དག་བྱང་ཆུབ་བཤད། །ཆགས་པ་མ་ཡིན་ཆགས་བྲལ་མིན། །དབུ་མ་ལ་ཡང་མི་དམིགས་སོ། །གསུམ་གྱིས་སྤངས་པ་ཁོ་ན་ལ། །ལྷན་ཅིག་སྐྱེས་པ་ཞེས་གསལ། །
[154a.7]བླ་མའི་མན་ངག་ཐམས་ཅད་ལ། །རང་བློ་དེ་ཉིད་ཤེས་པར་བྱ། །ལྷན་ཅིག་སྐྱེས་པ་ཞེས་བྱ་བ། །ཐབས་གང་གིས་བསྐྱེད་པར་བྱ་བ་ཡིན་ན། དཀྱིལ་འཁོར་གྱི་འཁོར་ལོ་ལ་སོགས་པའི་ཐབས་དང་། །རང་བྱིན་གྱིས་བརླབ་པའི་རིམ་པ་དང་། བླ་
[154b]
[154b.1]མའི་ཞབས་ཀྱི་བཀའ་དྲིན་གྱིས་དང་། རང་བསོད་ནམས་ཆེན་པོ་དང་ལྡན་པས་སོ། །ལྷན་ཅིག་སྐྱེས་པའི་ཡེ་ཤེས་ནི། །ངག་གི་ལམ་གྱི་སྤྱོད་ཡུལ་འདས། །བྱིན་གྱིས་བརླབས་པའི་གོ་འཕང་འདི། །ཀུན་མཁྱེན་ཡེ་ཤེས་དེ་རང་བཞིན་ལྷན་ཅིག་སྐྱེས་པ་ཞེས་བྱ་
[154b.2]བའི་མཚན་ཉིད་ཅི་ཞེ་ན། གསུངས་པ། དབང་པོ་གང་དུ་ནུབ་འགྱུར་བའི། །རང་གི་ངོ་བོ་མེད་འགྱུར་བ། །ལྷན་ཅིག་སྐྱེས་པ་དགའ་བའི་ལུས། །གསལ་བར་བླ་མ་དག་ལ་དྲིས། །དེ་གང་ཞེ་ན། གཞན་གྱིས་མ་བསྟན་ལྷན་ཅིག་སྐྱེས། །གང་གིས་ཀྱང་ནི་ཐོབ་
[154b.3]མི་འགྱུར། །བླ་མའི་བརྒྱུད་པ་བསྟན་པ་དང་། །བདག་གིས་བསོད་ནམས་དག་ལས་ཤེས། །དེའི་ཕྱིར། བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཉིད། །དགེ་བའི་བཤེས་གཉེན་ལེགས་པར་བསྟེན། །བླ་མ་དམ་པ་བསྙེན་བཀུར་
[154b.4]བྱ། །བདེ་བ་མཆོག་གི་དཀྱིལ་འཁོར་གྱི། །དབང་བསྐུར་ཆོ་ག་བྱས་པ་ལས། །བསོད་ནམས་དེ་ཡིས་འཇིག་རྟེན་རྣམས། །རྡོ་རྗེ་མཁའ་འགྲོའི་གོ་འཕང་ཤོག །གཞུང་ལ་ལྷག་དང་ཆད་གྱུར་པ། །མཐོང་བས་དེ་ནི་སུན་འབྱིན་པ། །བླ་མ་ལ་ནི་
[154b.5]སྐྱོན་ཡོད་མིན། །རང་གི་བློ་སུན་འབྱིན་པ་ཡིན། །དཔའ་འཁོར་ལོ་སྡོམ་པ་བཅུ་གསུམ་མའི་བདག་ཉིད་ཀྱི་དབང་བསྐུར་བའི་ཆོ་ག་སློབ་དཔོན་གཉིས་མེད་རྡོ་རྗེས་མཛད་པ་རྫོགས་སོ།། །།བལ་པོ་ཨཱ་ཙཱརྱ་ཛྙཱ་ན་བཛྲའི་ཞབས་དང་། བོད་
[154b.6]ཀྱི་ལོ་ཙཱ་བ་ཆེན་པོ་ཞང་ཞུང་གིས་བསྒྱུར་ཅིང་ཞུས་ཏེ་གཏན་ལ་ཕབ་པ།།{T1487}༄༅༅། །རྒྱ་གར་སྐད་དུ། ཤྲཱི་ཙ་ཀྲ་སཾ་བ་ར་སུ་པྲ་ཏི་ཥྛ། བོད་སྐད་དུ། དཔལ་འཁོར་ལོ་སྡོམ་པའི་རབ་གནས། དཔལ་རྡོ་རྗེ་མཁའ་འགྲོ་ལ་ཕྱག་འཚལ་
[154b.7]ལོ། །དཔལ་འཁོར་ལོ་སྡོམ་པའི་དཀྱིལ་འཁོར་གྱི་ཆོགས་རབ་ཏུ་གནས་པར་བྱ་བ་ནི། ཆོས་གྲངས་བཟང་པོ་རྒྱུ་སྐར་རྒྱལ། གཟའ་ཕུར་བུ་ལ་རི་མོ་བྲི་བའམ། ལུགས་སུ་བླུགས་པའམ། འབུར་དུ་བརྐོས་པའི་ཁང་པར་ཕྱིན་ལ། ས་སྦྱངས་པའམ།
[155a]
[155a.1]མ་སྦྱངས་པའི་གནས་སུ་སའི་ཆོ་ག་ཇི་ལྟ་བ་བཞིན་དུ་བྱས་ལ། དཀྱིལ་འཁོར་འདམ་གང་བ་ལ། བའི་རྣམ་ལྔས་ལེགས་པར་བྱུགས། དྲི་ཞིམ་པོའི་ཆུས་བྱུགས་ལ། །དྲིའི་ཐིག་ལེ་དང་། མེ་ཏོག་གི་ཚོམ་བུ་བཀོད་ལ། ཡོན་ཆབ་མེ་
[155a.2]ཏོག་དྲི་ཞིམ་པོ་བདུད་རྩི་ལྔ་དང་ལྡན་པའི་ཆང་བཟང་པོ་བཤམས་ནས། བུམ་པ་གཅིག་བྱས་ཏེ་དེ་ཡང་། གནས་དང་ལྡང་བ་ཉིད་དང་ནི། །ཞེས་བྱ་བའི་དེ་ཁོ་ན་ཉིད་དགུའི་དོན་ཇི་ལྟ་བ་བཞིན་བསྒོམས་ལ། གྲངས་ཀྱི་བསྙེན་པ་རྟགས་དང་། མཚན་མའི་བསྙེན་པ་
[155a.3]བྱས་ནས། སྦྱིན་སྲེག་གཏོར་མ་བྱས་ཏེ། དེ་ནས་རྡོ་རྗེ་སློབ་དཔོན་དག་པའི་ཁྲུས་བྱས། མཛེས་པའི་གོས་གྱོན། རྒྱན་བཏགས། རྟེན་ལ་དྲི་ཞིམ་པོའི་ཆུས་བྱུགས་ཏེ། མེ་ཏོག་གི་ཕྲེང་བ་བཏགས་ཏེ། ཁམ་ཕོར་གྱི་སྣོད་དུ་མེ་མདག་བླུགས་ལ། ཐང་ཀ་ལ་
[155a.4]སོགས་པའི་རྟེན་དེའི་བགེགས་བསྐྲད་པར་བྱ་སྟེ། ཞལ་བཞི་པའི་སྔགས་ཀྱིས་ལག་པ་གཡོན་པས་ཡུངས་ཀར་བླངས་ཏེ། དེ་ལ་གཡབས་ལ་དེའི་བགེགས་བསྐྲད་པར་བསམས་ལ། མེའི་ནང་དུ་བླུགས་པར་བྱའོ། །དེ་བཞིན་ལག་པ་གཡས་པས་
[155a.5]ཀྱང་བྱ་སྟེ། ལན་གསུམ་དུ་བྱའོ། །སྐུ་གཟུགས་སམ་གླེགས་བམ་ལ་སོགས་པ་ལ་རབ་གནས་གང་བྱེད་པའི་རྟེན་དེ་རས་ཀྱིས་གཡོགས་ལ་ཧཱུཾ་བྲུཾ་ཤྲཾ་གྱི་སྔགས་ཀྱིས་གཏུམས་པ་གཞག་པར་བྱའོ། །དེ་ནས་ཉི་མ་འཆར་ཀར་དཀྱིལ་འཁོར་གྱི་ཐིག་བཏབ་ལ།
[155a.6]ཚོན་དགྱེ་ཞིང་ལྷ་བཀོད་ལ། དཀྱིལ་འཁོར་གྱི་ཆོ་ག་ནས་བཤད་པ་བཞིན་བྱས་ལ། མཆོད་པ་བཤམས། བུ་མོ་ལྔ་གཡོན་ངོས་སུ་ཁྲུས་བྱས། རྒྱན་བཏགས་ལ་གཞག །ཆོས་འབྱུང་གི་དཀྱིལ་འཁོར་དུ་ཐོད་པའི་སྟེང་དུ་མེ་ལོང་ལ་སིནྡྷུ་རས་བྲིས་ལ་གཞག་
[155a.7]གོ། །དེ་ནས་རྟེན་དེ་ལ་ཁྲུས་བྱ་སྟེ། དཀྱིལ་འཁོར་དེའི་བྱང་ཕྱོགས་སུ་ཁྲུས་ཀྱི་ཁང་པ་ཡིད་དུ་འོང་བ་ཤེལ་གྱི་གཞི་ལ་རིན་པོ་ཆེའི་ཀ་བས་བརྒྱན་པ། མུ་ཏིག་དང་། རིན་པོ་ཆེས་སྤྲས་པ་ལ་སོགས་པ་བྲིས་ལ་ཁྲུས་ཀྱི་ཁང་པ་དེར་སྟེགས་བུའི་སྟེང་དུ་འབོལ་བའི་སྟན་ལ་
[155b]
[155b.1]འདུག་ལ། མདུན་གྱི་སྟེགས་བུར་པདྨའི་སྟེང་དུ་རབ་གནས་བྱེད་པར་འདོད་པའི་རས་རིས་སམ། གླེགས་བམ་ལ་སོགས་པ་མདུན་དུ་བཞག་ལ། མེ་ལོང་བསྟན་པ་ལ་བུམ་པའི་ཆུས་ཁྲུས་གསོལ་ལ། བསྟོད་པ་དབྱངས་དང་བཅས་པ་བྱ་སྟེ། དེ་ལ་བསྟོད་པའི་
[155b.2]དབྱངས་ནི། ཁམས་གསུམ་གྱིས་ནི་ཕྱག་བྱ་བ། །གསང་བ་གསུམ་གྱི་གནས་ལས་བྱུང་། །དབང་བསྐུར་བ་ནི་རྡོ་རྗེ་ཆེ། །མི་ལྡོག་པ་ཡི་ཁྲུས་གསོལ་ལོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ཧཱུཾ། ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་
[155b.3]ཀུན་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་གསོལ་ལོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ། །གཟུགས་ཀྱི་ཕུང་པོ་རྣམ་དག་པ། །ཉོན་མོངས་གཏི་མུག་སྦྱོང་བྱེད་པའམ། །མེ་ལོང་ལྟ་བུའི་
[155b.4]ཡེ་ཤེས་ཀྱིས། །དཔལ་ལྡན་སྐུ་ཡི་སྐུ་ཁྲུས་གསོལ། །ཚོར་བའི་ཕུང་པོ་རྣམ་དག་པ། །ཉོན་མོངས་ང་རྒྱལ་སྦྱོང་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱིས། །དཔལ་ལྡན་ཡོན་ཏན་དབང་བསྐུར་རོ། །འདུ་ཤེས་ཕུང་པོ་རྣམ་དག་
[155b.5]པ། །ཉོན་མོངས་འདོད་ཆགས་སྦྱོང་བྱེད་པའི། །སོ་སོར་རྟོག་པའི་ཡེ་ཤེས་ཀྱིས། །དཔལ་ལྡན་གསུང་གི་དབང་བསྐུར་རོ། །འདུ་བྱེད་ཕུང་པོ་རྣམ་དག་པ། །ཉོན་མོངས་ཕྲག་དོག་སྦྱོང་བྱེད་པའི། །བྱ་བ་ནན་ཏན་ཡེ་ཤེས་ཀྱིས། །དཔལ་
[155b.6]ལྡན་ཕྲིན་ལས་དབང་བསྐུར་རོ། །རྣམ་ཤེས་ཕུང་པོ་རྣམ་དག་པ། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱིས། །དཔལ་ལྡན་ཐུགས་ཀྱི་དབང་བསྐུར་རོ། །ཇི་ལྟར་དམ་པ་ཏོག་དཀར་དགའ་ལྡན་ནས། །ལྷ་མཛེས་ལྷུམས་ནས་བལྟམས་པ་ཁྲུས་གསོལ་ལྟར། །སྐུ་
[155b.7]གདུང་རིང་བསྲེལ་དྲི་མ་མེད་པར་བཅས། །སྤྲུལ་སྐུ་ཡིད་འོང་རྣམས་ལ་སྐུ་ཁྲུས་གསོལ། །ཞེས་པ་དང་། ཨོཾ་སརྦ་ཏ་ཐཱ་ག་ཏ་སྣཱ་ན་པྲ་ཏིཥྛ་ཏ་ཡ་སྭཱ་ཧཱ་ཞེས་བྱ་བ་འདག་ཆལ་དུ་འོས་པ། སྦྲུའི་འདབ་མ་དང་། ཉེ་ཤིང་དང་བག་ཕྱེའི་ཆལ་དང་། བའི་རྣམ་ལྔ་དང་། ཡུང་བ་དང་། འབྲས་
[156a]
[156a.1]ཡོས་དང་། ཏིལ་མར་དང་། སྦྲང་རྩི་དང་། འོ་མ་དང་། ག་ན་དྷ་པ་ཏྲ་དང་བཅས་པ། སྐུ་གཟུགས་ཉིད་དང་། རས་རིས་དང་། པུསྟི་ཡིན་ན་མེ་ལོང་གི་སྟེང་དུ་བསྟན་ལ། ཙནྡན་དང་། ག་བུར་གྱི་དྲིའི་ཐིག་ལེ་བྱས་ལ། མེ་ཏོག་དང་བཅས་པ་ལ་ཀུ་ཤའི་པིར་གྱིས་བཀྲུ་བར་བྱའོ། །
[156a.2]ཨོཾ་སརྦ་ཏ་ཐཱ་ག་ཏ་ཀཱ་ཡ་བི་ཤོ་དྷ་ནི་སྭཱ་ཧཱ། བྱ་བ་པ་དང་། ཨོཾ་མ་ལ་སཾ་ཤོ་དྷ་ནི་སྭཱ་ཧཱ་ཞེས་བརྗོད་ཅིང་བུམ་པས་བཀྲུའོ། །སུག་པ་དང་། བུལ་ཏོག་དང་། སྦང་མས་ཀྱང་བཀྲུའོ། །དེ་ལྟར་སྐུ་གཟུགས་ལ་སོགས་པ་ལ་ལན་གསུམ་མམ། ལྔ་ཙམ་བཀྲུས་ལ། བྱུག་པ་དང་ཁྲུས་མི་བཏུབ་པ་རས་
[156a.3]རིས་ལ་སོགས་པ་རྣམས་ལ་ནི། མེ་ལོང་ལ་བལྟས་མེ་ལོང་གི་ངོས་ཀྱི་གཟུགས་བརྙན་ལ་བུམ་པས་ཁྲུས་གསོལ་བར་བྱའོ། །དེ་ནས། ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་མགོན་པོ་དྲི་མ་གསུམ་སྤངས་པ། །སངས་རྒྱས་པདྨ་རྒྱས་པ་འདབ་འདྲའི་
[156a.4]སྤྱན་མངའ་བ། །དེ་ནི་འཇིག་རྟེན་དགེ་བའི་བཀྲ་ཤིས་དང་པོའོ། །དེ་ཡིས་ངེས་པར་གསུངས་པའི་མཆོག་རབ་མི་གཡོ་བ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་དམ་པ་སྐྱེ་དགུ་རྣམས་ལ་ཞི་བྱེད་པ། །དེ་ནི་འཇིག་རྟེན་དགེ་བའི་བཀྲ་ཤིས་གཉིས་པ་ཡིན། །
[156a.5]དགེ་འདུན་དམ་པ་ཆོས་ལྡན་ཐོས་པའི་བཀྲ་ཤིས་འབྱུང་། །ལྷ་དང་མི་དང་ལྷ་མ་ཡིན་གྱིས་མཆོད་པའི་གནས། །ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་གཞི། །དེ་ནི་འཇིག་རྟེན་དགེ་བའི་བཀྲ་ཤིས་གསུམ་པའོ། །ཞེས་བྱ་བ་ལ་སོགས་པ་བཀྲ་ཤིས་ཀྱི་ཚིགས་སུ་བཅད་པ་བརྗོད་ཅིང་
[156a.6]བུམ་པའི་ཆུས་ཁྲུས་གསོལ་ལ། ཕྱོགས་བཅུའི་སངས་རྒྱས་རིག་པའི་ལྷ་མོ་ལ་སོགས་པ་རྣམས་ཀྱིས་ཀྱང་ཁྲུས་གསོལ་བར་བསམ་མོ། །གོས་གཙང་མ་དྲིས་བསྒོས་པས་སྐུ་ཕྱིས་བྱས་ཏེ། དེ་བཞིན་གཤེགས་པའི་སྐུ་གཟུགས་ལ་ནི་བླ་གོས་དང་། སྣམ་སྦྱར་གསོལ་བར་བྱའོ། །
[156a.7]བྱང་ཆུབ་སེམས་དཔའ་རྣམས་ལ་གོས་སྣ་ཚོགས་དང་། ཁྲོ་བོ་རྣམས་ལ་གོས་སྔོན་པོ་དང་དམར་པོ་འབུལ་ཞིང་། པུསྟི་ཡིན་ན་ཡང་ཞལ་སྦྱར་ལ་ན་བཟའ་གསོལ་བར་བྱའོ། །བཀྲ་ཤིས་དང་ཚིགས་སུ་བཅད་པ་གདོན་པར་བྱའོ། །རྟེན་དང་པོ་སྟ་གོན་ལ་གནས་པའོ། །དེ་ནས་
[156b]
[156b.1]དཀྱིལ་འཁོར་ཆེན་པོ་སྤྱན་དྲང་བའམ། གཙུག་ལག་ཁང་ཡོད་ན་དཀྱིལ་འཁོར་གྱི་ལྷ་རྣམས་གཙོ་བོ་དང་བཅས་པ་དེར་བསྟན་ལ། བདག་ཉིད་གཙོ་བོ་དང་ཐ་མི་དད་དུ་བསྒོམས་ལ་མཆོད་པར་བྱའོ། །དེ་ལྟར་བདག་ཉིད་དཀྱིལ་འཁོར་ལ་མཆོད་པའི་རྗེས་ལ་ཡོན་བདག་རྣམས་དང་།
[156b.2]རབ་ཏུ་གནས་པར་བྱེད་པ་རྣམས་ལ། དབང་བསྐུར་ཇི་ལྟར་འོས་པའི་བསྟོད་པ་བྱས་ལ་པུས་མོ་ས་ལ་བཙུགས་ཏེ། ལག་པ་གཡས་པས་སྤོས་སྣོད་བཟུང་ལ། གཡོན་པས་དྲིལ་བུའི་སྒྲ་སྒྲོགས་ཤིང་། །དམ་པའི་རྡོ་རྗེ་བཅོམ་ལྡན་འདས། །རིགས་པའི་རྒྱལ་པོ་ཕྱག་འཚལ་བསྟོད། །
[156b.3]རྡོ་རྗེ་འཆང་ཆེན་ཆེ་གེ་བདག །ཇི་ལྟར་ནུས་པའི་ཉེར་སྤྱད་ཀྱིས། །རིགས་པའི་རྒྱལ་པོ་འདི་ཞེས་པའི། །སང་ནི་རབ་གནས་བགྱི་བར་འཚལ། །སློབ་མ་རྣམས་ལ་བརྩེ་ཕྱིར་དང་། །ཁྱེད་རྣམས་ལ་ཡང་མཆོད་པའི་ཕྱིར། །བཅོམ་ལྡན་འདས་ལ་གུས་བདག་ལ། །རྗེས་སུ་གནང་བར་
[156b.4]མཛད་པར་རིགས། །སངས་རྒྱས་རྣམས་ནི་དགོངས་སུ་གསོལ། །བྱང་ཆུབ་སེམས་དཔའ་དགྲ་བཅོམ་དང་། །གང་ཡང་གསང་སྔགས་ལྷ་རྣམས་དང་། །འཇིག་རྟེན་སྐྱོང་བའི་ལྷ་རྣམས་དང་། །རྫོགས་སངས་རྒྱས་ཀྱི་བསྟན་པ་ལ། །དགའ་དང་རྡོ་རྗེའི་སྤྱན་མངའ་བ། །བདག་དང་
[156b.5]སློབ་མར་བཅས་པ་ལ། །ཐུགས་བརྩེ་ཉེ་བར་བཟུང་ནས་ཀྱང་། །ཐུགས་རྗེ་ལྡན་རྣམས་རབ་གནས་མཛོད། །ཅེས་གུས་པས་ལན་གསུམ་བརྗོད་དོ། །ཡང་ཕྱི་ནང་གསང་བས་མཆོད་ལ། ཡི་གེ་བརྒྱ་པ་གདོན། རྩ་བའི་དཀྱིལ་འཁོར་སྟ་གོན་ལ་གནས་པར་བྱའོ། །དེ་ནས་ཡང་མཚན་
[156b.6]མོ་ཉལ་ནས། ཕྱི་དེ་ནང་པར་ཐོ་རངས་ནས། རྡོ་རྗེ་སློབ་དཔོན་དག་པའི་ཁྲུས་བྱས། མཛེས་པའི་རྒྱན་གྱོན་ལ། རབ་ཏུ་གནས་པར་བྱ་བའི་ཕྱིར། དེ་བཞིན་གཤེགས་པ་རྣམས་ཀྱི་གཞལ་ཡས་ཁང་དང་གདན་སྐད་ཅིག་མས་བསམས་ཏེ། ཉི་མའི་དཀྱིལ་འཁོར་གྱི་སྟེང་དུ། གཙུག་
[156b.7]ལག་ཁང་མཆོད་རྟེན་རི་མོར་བྲིས་པ། ལུགས་སུ་བླུགས་པ། འབུར་དུ་བཏོད་པ་རྣམས་ས་བོན་ཡི་གེ་ཨོཾ་ལ་བསྡུས་ཏེ། དེ་ཡོངས་སུ་གྱུར་པ་ལས། ཕྱག་མཚན་ས་བོན་དང་བཅས་པ་བསམ་མོ། །དེ་ལས་འོད་འཕྲོས་པས་སེམས་ཅན་གྱི་དོན་བྱས། རབ་ཏུ་གནས་པར་བྱ་བའི་
[157a]
[157a.1]དེ་བཞིན་གཤེགས་པ་རྣམས་ལ་ཕོག་ནས་ཚུར་འདུས་ཏེ། ས་བོན་དང་། ཕྱག་མཚན་དང་བཅས་པ་ལ་ཐིམ་ནས། དེ་ཡོངས་སུ་གྱུར་པ་ལས། རྣམ་སྣང་དུ་གྱུར་པ་སྐུ་གསུང་ཐུགས་བྱིན་གྱིས་བརླབ་པ། གོ་ཆ་གྱོན་ཡེ་ཤེས་སེམས་དཔའ་སྤྱན་དྲང་བར་བྱ་སྟེ། རྒྱུད་
[157a.2]ནས་འབྱུང་བའི་སྔགས་དང་ཕྱག་རྒྱས་དབང་བསྐུར། རིགས་ཀྱི་བདག་པོས་དབུ་བརྒྱན། གླེགས་བམ་མམ་སྲུང་སྐུད་བགྲང་ཕྲེང་གསུང་སྣང་བ་མཐའ་ཡས་སུ། ལྷའི་མིང་མ་ཤེས་པ། རྡོ་རྗེ་དྲིལ་བུ་ལ་སོགས་པའི་ཕྱག་མཚན་རྡོ་རྗེ་སེམས་དཔའི་སྐུ་བསྐྱེད་ཐབས་གོང་དང་འདྲའོ། །
[157a.3]དེ་རྣམས་ལ་ཕྱི་ནང་གི་མཆོད་པ་བྱས་ལ། རིན་པོ་ཆེ་སྣ་བདུན་དང་། བཀྲ་ཤིས་ཀྱི་རྫས་བརྒྱད་ལ་སོགས་པ། འདོད་པའི་ཡོན་ཏན་ཐམས་ཅད་ཀྱིས་མཆོད་ལ། སྦྱིན་སྲེག་དང་གཏོར་མ་བྱས་ལ། དག་པའི་རྡོ་རྗེ་བཅོམ་ལྡན་འདས། །རིགས་པའི་རྒྱལ་པོ་ཕྱག་འཚལ་བསྟོད། །མགོན་
[157a.4]པོ་ཐུགས་རྗེ་ཆེ་བདག་ཉིད། །རིགས་པའི་རྒྱལ་པོ་འདི་ཞེས་པའི། །འགྲོ་ལ་ཕན་ཕྱིར་རབ་གནས་བགྱིད། །རྡོ་རྗེ་འཆང་ཆེན་ཆེ་གེ་བདག །ཇི་ལྟར་འདོད་པའི་ཉེར་སྤྱོད་ཀྱིས། །ཐམས་ཅད་འདིར་ནི་རབ་བཞུགས་ནས། །ཐུགས་རྗེ་ཅན་རྣམས་རབ་གནས་མཛོད། །དེ་ནས་སྤྱན་དབྱེ་སྟེ།
[157a.5]མིག་དབྱེ་བ་ནི། ཡེ་ཤེས་ཀྱི་རྣམ་པར་ཤར་དུ་གཞུག་པའི་ཕྱིར་ནང་པར་ཉི་མ་འཆར་ཀ་དངུལ་གྱི་སྣོད་ན་ཡོད་པའི་མར་དང་སྦྲང་རྩི་གསེར་གྱི་ཐུར་མས་བླངས་ལ། ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་ལིང་ཐོག་བསལ་བ་ལྟར། །དེ་བཞིན་རྒྱལ་བ་རྣམས་ཀྱི་སྤྱན། །
[157a.6]སེམས་ཅན་དོན་དུ་དབྱེ་བར་བགྱི། །ཨོཾ་ཙཀྵུ་ཙཀྵུ་ས་མནྟ་ཙཀྵུ་བི་ཤོ་དྷ་ནེ་སྭཱ་ཧཱ་ཞེས་པས་གསེར་ལ་སོགས་པའི་ཐུར་མས་སྤྱན་དབྱེ་བར་བྱའོ། །དེ་ནས་སྙན་དབྱེ་བར་བྱ་སྟེ། གསེར་ལས་བྱས་པའི་རྣ་བྲུད་ཐོགས་ལ། སྒྲ་རྣམས་ཐོས་པས་ཕོངས་གྱུར་ལ། །རྒྱལ་བས་ཆོས་
[157a.7]ཀྱི་རྔ་བརྡུངས་ལྟར། །དེ་བཞིན་སེམས་ཅན་དོན་གྱི་ཕྱིར། །རྒྱལ་བའི་སྙན་ནི་དབྱེ་བར་བགྱི། །ཨོཾ་དཱི་བྱ་ཀརྞ་ཡེ་སྭཱ་ཧཱ། དེ་ནས་ཤངས་དབྱེ་བར་བྱ་སྟེ། གསེར་ལ་སོགས་པའི་རྨང་ཚེར་ཐོགས་ཏེ། ཟག་བཅས་ཕུང་པོ་དྲི་སྤངས་པའི། །འགྲོ་བ་སེམས་ཅན་ཀུན་གྱི་ཕྱིར། །
[157b]
[157b.1]རྣམ་པར་དག་པའི་དྲི་བརྙེས་ལྟར། །རྒྱལ་བའི་ཤངས་ནི་དབྱེ་བར་བྱ། །ཨོཾ་དཱི་བྱ་གྷྲ་ཎཱ་ཡེ་སྭཱ་ཧཱ། དེ་ནས་ཐུར་མ་ཐོགས་ལ་ཞལ་དབྱེ་བར་བྱ་སྟེ། ཆོས་ཀྱི་ང་རོ་དགའ་བ་ཡིས། །འགྲོ་བ་ཐམས་ཅད་ཚིམ་མཛད་ལྟར། །རོ་མཆོག་བརྒྱ་ལྡན་ཞལ་ཟས་དམ་པ་འདི། །དབུལ་ཞིང་རྒྱལ་
[157b.2]བའི་ཞལ་ནི་དབྱེ་བར་བགྱི། །ཨོཾ་དཱི་བྱ་མུ་ཁཱ་ཡེ་སྭཱ་ཧཱ། སོ་ཤིང་དབུལ་བ་ནི། རིན་ཆེན་མཆོག་གྲུབ་ཀ་ར་བཱི་ར་ཡིས། །བཀུར་སྟི་རིམ་གྲོ་ཚེམས་ཀྱི་དྲི་བསལ་ལྟར། །བདེ་གཤེགས་གསུང་གི་དངོས་གྲུབ་ཐོབ་གྱུར་ནས། །འགྲོ་ཀུན་སྐད་དུ་ཆོས་ཀྱི་དོན་རྟོགས་ཤོག །ཨོཾ་དཱི་བྱ་དནྟ་ཤོ་དྷ་ཡ་
[157b.3]སྭཱ་ཧཱ། གལ་ཏེ་འཁོར་ལོས་སྒྱུར་བའི་ཆ་ལུགས་ཡིན་ན། དུང་གི་སོ་མངས་ཀྱིས་དབུ་སྐྲ་བཤད་ལ། དབུ་སྐྲ་ལྕང་ལོ་མཐོན་མཐིང་གཡས་སུ་འཁྱིལ། །རིན་ཆེན་འབར་བས་བརྒྱན་པས་རབ་ཏུ་མཛེས། །ལྷ་མི་ཀུན་གྱིས་བལྟ་བས་མི་ངོམས་ཏེ། །བསོད་ནམས་ཐོབ་ཕྱིར་རྒྱལ་
[157b.4]བའི་དབུ་སྐྲ་བཤད། །ཨོཾ་ཀརྨ་མ་དྷ་ར་ལི་ཧཱུཾ། རིན་པོ་ཆེའི་དབུ་རྒྱན་དབུལ་བ་ནི། །བདེ་གཤེགས་སྐུ་ལ་མཚན་དང་དཔེ་བྱད་ལྡན། །བྱང་ཆུབ་མཆོག་གི་རྒྱན་གྱིས་མཛེས་ལགས་ཀྱང་། །རིན་ཆེན་དོ་ཤལ་སེ་མོ་དོ་ལ་སོགས། །རྒྱན་གྱི་ཁྱད་པར་དམ་པ་མཆོད་པར་དབུལ། །
[157b.5]ཨོཾ་རཏྣ་ཨ་ལཾ་ཀཱ་ར་ཧཱུཾ། དེ་ནས་སྤུ་གྲི་ཐོགས་ལ། རབ་ཏུ་བྱུང་བའི་གཟུགས་ཡིན་ན་སྐྲ་བཞར་བ་དང་། ཇི་ལྟར་རང་བྱུང་མཆོད་རྟེན་དྲུང་། །སྟོན་པས་ཁྱིམ་པའི་རྟགས་སྤངས་ལྟར། །འགྲོ་བ་སེམས་ཅན་དོན་གྱི་ཕྱིར། །ཁྱིམ་པའི་རྟགས་རྣམས་སྤང་བར་བགྱི། །ཨོཾ་སརྦ་ཤོ་
[157b.6]དྷ་ན་ཁཙྪ་ད་ཧཱུཾ། སྣམ་སྦྱར་དང་། བླ་གོས་དང་། ཤམ་ཐབས་གསོལ་ནས། ཇི་ལྟར་སྨན་པའི་རྒྱལ་པོ་འཚོ་བྱེད་ཀྱིས། །རྒྱལ་བའི་སྐུ་ལ་ན་བཟའ་གསོལ་བ་ལྟར། །དེ་བཞིན་འགྲོ་བ་རྣམས་ལ་ཕན་པའི་ཕྱིར། །ངོ་ཚ་ཁྲེལ་ཡོད་གོས་མཆོག་གསོལ་བར་བགྱི། །ཨོཾ་དཱི་བྱ་བཱ་ས་པྲ་
[157b.7]ཎ་ཡེ་སྭཱ་ཧཱ། ཆུ་ཚགས་དང་། ལྷུང་བཟེད་ལ་སོགས་པ་ཐོགས་ལ། ཨོཾ་སུ་ཁ་པ་རིཀྵ་ར་ཡེ་སྭཱ་ཧཱ། དེ་ནས་ཐུགས་ཀར་རྡོ་རྗེ་བཟུང་ལ། མཚན་དང་དཔེ་བྱད་ལ་སོགས་བསྐྱེད་པའི་ཕྱིར། །དུང་དང་དཔལ་བེའུ་གཡུང་དྲུང་འཁྱིལ་པ་དང་། །བཀྲ་ཤིས་རྫས་བརྒྱད་དག་གིས་རྣམ་
[158a]
[158a.1]བརྒྱན་པ། །རྒྱལ་བའི་ཐུགས་ལ་རྣམ་པར་བརྒྱན་པར་ཤོག །ཨོཾ་དྭ་ཏྲིཾ་ཤཏ་མ་ཧཱ་པུ་རུ་ཥ་ལཀྵ་ཎཱ་ཤཱི་ཏི་ཨ་ནུ་བྱཉྫ་ནཱ་ཡེ་སྭཱ་ཧཱ། བྱང་ཆུབ་སེམས་དཔའི་ཆ་ལུགས་ཡིན་ན། སོ་མངས་དང་། ཁབ་དང་། བསྙུང་བུ་དང་། གྲི་གུག་དང་། ཆུ་གྲི་རྣམས་ཕུལ་ལ། འགྲོ་བ་
[158a.2]སེམས་ཅན་ཀུན་ལ་ཕན་པའི་ཕྱིར། །རིག་པའི་གནས་ལྔ་དག་ལ་བསླབ་བྱ་ཞེས། །ཇི་ལྟར་ཐུགས་དམ་རྒྱ་ཆེ་བཞེས་པ་བཞིན། །མཁོ་བའི་ཡོ་བྱད་རྣམས་ནི་དབུལ་བར་བགྱི། །ཨོཾ་ཨུ་པ་ཡུ་ཛྱ་ཏེ་སུ་ཁ་པ་རི་ཀ་ར་ཡེ་སྭཱ་ཧཱ། དེ་བཞིན་གཤེགས་པའམ། བྱང་ཆུབ་སེམས་དཔའ་ལ་
[158a.3]ཐུན་མོང་དུ་རིན་པོ་ཆེ་སྣ་བདུན་དང་། བཀྲ་ཤིས་རྫས་བརྒྱད་དང་། འཇིག་རྟེན་པའི་བཀྲ་ཤིས་པའི་བིལ་བ་སྟར་ཀ་དང་། ཞོ་དང་། རས་ཡུག་དཀར་པོ་དང་། གདུགས་གསེར་གྱི་ཡུ་བ་ཅན་རྣམས་དབུལ། དང་པོ་ལས་ཐམས་ཅད་པའི་ཆུས་བསངས་ལ། དྲིའི་ཐིག་ལེ་དང་། མེ་ཏོག་
[158a.4]གི་ཚོམ་བུ་བཀོད་ལ། ཐེག་མཆོག་བླ་རེ་གདུགས་དང་བ་དན་དང་། །བདུད་བཅོམ་རྒྱལ་མཚན་ལྷབ་ལྷུབ་ཏིང་འཕན་དང་། །གར་དང་རོལ་མོའི་མཆོད་པའི་སྒྲ་དབྱངས་ཀྱིས། །རྒྱལ་བའི་དཀྱིལ་འཁོར་མཛེས་པར་བརྒྱན་པར་བགྱི། །ཇི་ལྟར་མི་དབང་འཁོར་ལོས་སྒྱུར་བ་ཡི། །རིན་
[158a.5]ཆེན་སྣ་བདུན་ཚོགས་དང་ལྡན་པ་ལྟར། །རྒྱལ་བ་རྣམས་དང་བྱང་ཆུབ་སེམས་དཔའ་ལ། །རིན་ཆེན་སྣ་བདུན་ཚོགས་རྣམས་དབུལ་བར་བགྱི། །ལྷ་ཡི་རྒྱལ་པོ་ལྷ་མིན་གཡུལ་རྒྱལ་ནས། །བཀྲ་ཤིས་ལྷ་མོ་བརྒྱད་ཀྱིས་མཆོད་པ་ལྟར། །རྒྱལ་བ་རྣམས་དང་བྱང་ཆུབ་སེམས་རྣམས་ལ། །
[158a.6]བཀྲ་ཤིས་རྫས་བརྒྱད་དག་གིས་མཆོད་པར་བགྱི། །འཇིག་རྟེན་ཁྱིམ་བདག་རྣམས་ནི་དཔལ་བསྟེན་ནས། །བིལ་བ་སྟར་ཀ་བུམ་པ་བཟང་དང་བཅས། །མདུན་དུ་བདར་ནས་བཀྲ་ཤིས་བྱེད་པ་ལྟར། །རྒྱལ་བ་སྲས་དང་བཅས་ལ་དབུལ་བར་བགྱི། །དེ་ནས་འདོད་པ་ལྔའི་ལོངས་སྤྱོད་
[158a.7]གཏེར་བཟང་དབུལ་བ་ནི། །གཟུགས་སྒྲ་དྲི་རོ་རེག་ལྡན་པའི། །མཆོག་ཏུ་གྱུར་པའི་ལོངས་སྤྱོད་རྣམས། །བདག་གིས་དད་པས་དབུལ་བར་བགྱི། །ཅི་བདེ་བར་ནི་བཞེས་སུ་གསོལ། །ཨོཾ་བཛྲ་དཱི་བྱ་ཨཱནྣཾ་ས་མཱ་དྷི་དྷྱཱ་ནཾ་པྲི་ཎ་ནེ་སྭཱ་ཧཱ། ཞེས་པཱུ་ཛ་ལྔ་ཡང་བྱའོ། །དེ་ནས་འབྱོར་པ་
[158b]
[158b.1]ཡོད་ན་སྦྱིན་སྲེག་བྱའོ། །མེད་ན་སྒྱེད་(པོ་,པུ་)དཀར་པོ་གསུམ་བཙུགས་ལ། ས་ལས་བྱས་པའི་སྣོད་གཙང་མར་དཀར་གསུམ་དང་མངར་གསུམ་གྱི་གཞི་ལ་སྨན་སྣ་ཚོགས་བཏབ་སྟེ། སྦྱིན་སྲེག་གི་མེའམ་རིག་མའི་མེ་ལ་དབྱངས་སྐྱོང་གི་སྔགས་ཟློས་ཤིང་བསྐོལ་བར་བྱའོ། །དེ་ནས་
[158b.2]ཙཱ་རུ་དབུལ་བར་བགྱིའོ། །དེ་ནས་བདུད་རྩི་ལྔ་དང་དཔའ་བོ་ལྔ་དང་བཅས་པའི་ཚོགས་ཀྱི་འཁོར་ལོ་བྱའོ། །དེ་ནས་སློབ་དཔོན་དང་། ཡོན་བདག་གཉིས་ཀས་སྐུའི་གདན་ཁྲི་ནས་བཟུང་ནས། མེ་ཏོག་གི་ཕྲེང་བ་ཕུལ་ཏེ། ཇི་སྲིད་མེ་དང་ཆུ་དང་ནི། །རླུང་གིས་བསྐལ་པ་འཇིག་བར་
[158b.3]དུ། །ཡོན་བདག་བསོད་ནམས་སྤེལ་བ་དང་། །སེམས་ཅན་ཀུན་གྱི་དོན་གྱི་ཕྱིར། །ཇི་ལྟར་རྫོགས་པའི་སངས་རྒྱས་ཀུན། །དགའ་ལྡན་གནས་སུ་རབ་བཞུགས་ནས། །ལྷ་མོ་སྒྱུ་མའི་མངལ་འཇུག་ལྟར། །དེ་བཞིན་འདིར་ཡང་བཞུགས་སུ་གསོལ། །མགོན་པོ་རྟག་ཏུ་འདིར་
[158b.4]བཞུགས་ལ། །མེ་ཏོག་ལ་སོགས་འདི་བཞེས་མཛོད། །ཆེ་གེ་མོ་ཡི་དོན་གྱི་ཕྱིར། །བྱང་ཆུབ་སེམས་ནི་འཕེལ་བར་མཛོད། །ཨོཾ་སུ་པྲ་ཏིཥྛ་བཛྲེ་སྭཱ་ཧཱ། སྨད་དང་སྙིང་ག་མགྲིན་པ་རུ། །རྡོ་རྗེ་གསོར་བས་དེ་རྣམས་ལ། །ལན་གསུམ་བསྐོར་ནས་གཞག་པར་བྱ། །ལྷ་རྣམས་བརྟན་
[158b.5]པར་འདོད་པ་ཡིས། །བཤད་པར་གྱུར་པའི་ཚིགས་བཅད་གདོན། །བློ་ལྡན་བརྟན་པར་བསམ་པར་བྱའོ། །དེ་ནས་ཕྱོགས་སྐྱོང་དང་། མ་ཧཱ་ཀཱ་ལ་དང་། ཡུལ་གྱི་བགེགས་ལ་གཏོར་མ་བྱིན་ལ། འགྲོ་བ་སེམས་ཅན་དོན་སླད་དུ། །བདེ་གཤེགས་རྣམས་ནི་བཞུགས་ཀྱི་བར། །བདག་
[158b.6]དང་གཞན་གྱི་དོན་གྱི་ཕྱིར། །སྤྲུལ་པའི་གཟུགས་བརྙན་བསྲུང་བར་མཛོད། །ཅེས་བྱ་བ་དང་། བཅོམ་ལྡན་འདས་ཕྱག་ན་རྡོ་རྗེ་ལ་ཡང་མཆོད་པ་དབུལ། བདེ་བར་གཤེགས་པ་སྤྲུལ་པའི་སྐུ་བསྲུང་བར་ཞལ་གྱིས་བཞེས་པས་ཇི་སྲིད་བཅོམ་ལྡན་འདས་བཞུགས་ཀྱི་བར་དུ་སྲུང་བར་མཛད་
[158b.7]དུ་གསོལ་ཞེས་བརྗོད་པ་དང་། གཙོ་བོ་ནུས་པ་མ་མཆིས་པས། །མ་རྙེད་པ་དང་མ་ཚང་བའི། །འདིར་ནི་ནོངས་བགྱིས་གང་ལགས་པའི། །རྨོངས་པ་བདག་གི་ཀུན་བཟོད་མཛོད། །ཅེས་པའི་བཟོད་པར་གསོལ་ཏེ། དགེ་བ་འདི་ཡིས་མྱུར་དུ་བདག །འགྲོ་ལ་ཕན་ཕྱིར་སངས་
[159a]
[159a.1]རྒྱས་ཤོག །སངས་རྒྱས་མ་ཐོབ་བར་དུ་ཡང་། །བདེ་འགྲོ་ཕུན་སུམ་ཚོགས་པར་ཤོག །ཚེ་འདི་ལ་ཡང་བསམ་གྲུབ་ཅིང་། །བར་ཆད་ཐམས་ཅད་ཉེར་ཞི་ཤོག །ཅེས་དགེ་བ་བསྔོས་ནས། ཇི་སྐད་གསུངས་བཞིན་རབ་གནས་པ། །དེ་ནི་ངེས་བྱས་བྱེད་དུ་བཅུག །
[159a.2]ཁྱེད་ཀྱི་དེ་ཀུན་ཡོངས་རྫོགས་པས། །ཅི་བདེ་བར་ནི་བཞེས་སུ་གསོལ། །བླ་མ་ཡོངས་སུ་མཉེས་གྱུར་ན། །ལས་རྣམས་རབ་ཏུ་འགྲུབ་པར་འགྱུར། །དབུལ་པོ་རྣམས་ཀྱིས་གུས་པ་ཡིས། །བླ་མ་ཡོངས་སུ་མཉེས་པར་བྱ། །ཞེས་བསྒོ་བར་བྱའོ། །རབ་ཏུ་བྱུང་བའི་གནས་བརྟན་
[159a.3]དང་། །ཁྱིམ་པའི་གཙོ་བོ་རྣམས་ལ་ཡང་། སྙིགས་མ་ལྔའི་དུས་ཀྱི་སྤྲུལ་པའི་སྐུ་འདི་ཡིན་གྱིས། འདི་ཁྱེད་ཀྱིས་མ་ཉམ་པར་སྲུངས་ཤིག་ཅེས་བཅོལ་བར་བྱས་ལ། ལུགས་མའམ་རས་རིས་སམ་པུསྟི་ཡིན་ན། ན་བཟའ་བཟང་པོ་ལ་དྲངས་ལ། །ཤིང་རྟ་ལ་བསྐྱོན་ནས་དྲིའི་ཐིག་
[159a.4]ལེ་བྱས་ཏེ། འགྲོ་བ་རྣམས་དད་པར་བྱ་བའི་ཕྱིར། གྲོང་ཁྱེར་རྣམས་བསྐོར་བར་བྱའོ། །ཡོན་བདག་དང་སློབ་མ་རྣམས་ཀྱིས་སྐུ་གཟུགས་ལ་ཕྱག་འཚལ་བ་དང་། མཆོད་པ་དང་། བསྐོར་བ་དང་། གླུ་དང་། གར་དང་། རྒྱན་གདགས་པ་དང་། བཀྲ་ཤིས་པ་རྣམས་བྱེད་
[159a.5]དུ་གཞུག །དཀྱིལ་འཁོར་ནི་རང་རང་གང་ཡིན་པའི་དཀྱིལ་འཁོར་སྒྲུབ་པའི་ཆོ་གས་རབ་ཏུ་གནས་པར་བྱས་ལ། དེ་ནས་རབ་གནས་ལ་ཕུལ་བའི་ཟས་ཀྱི་ལྷག་མ་རྣམས་ནི། དེ་བཞིན་གཤེགས་པའི་ལྷག་མ་ཐོས་ཤིང་། སྡིག་པ་འདག་པར་བྱེད་པས། རང་
[159a.6]དང་སློབ་མས་བཟའ་བར་བྱའོ། །སྤྱད་དུ་བཏུབ་པ་རྣམས་ནི། ཨོཾ་སྭ་བྷཱ་བས་བསངས་ལ་གཞག་གོ། །རིག་པའི་བསྲུང་བ་དང་། བགྲང་ཕྲེང་ནི་སྐད་ཅིག་ཙམ་གྱིས་བྱའོ། །དཔལ་འཁོར་ལོ་སྡོམ་པའི་རབ་གནས་ཀྱི་ཆོ་ག་སློབ་དཔོན་གཉིས་མེད་རྡོ་རྗེས་མཛད་པའོ། །
[159a.7]རྒྱ་གར་གྱི་མཁན་པོ་བཛྲ་པཱ་ཎི་དང་། ལོ་ཙཱ་བ་རྨ་པན་ཆོས་འབར་གྱིས་བསྒྱུར་བའོ།། {T1488}༄༅༅། །རྒྱ་གར་སྐད་དུ། ཤྲཱི་ཙཀྲ་སམྤ་ར་སཱ་དྷ་ན་ཏྲིཾ་ཤི་ཀཱ་པ་ད་པདྡྷ་ཏི། བོད་སྐད་དུ། དཔལ་འཁོར་ལོ་སྡོམ་པའི་སྒྲུབ་ཐབས་ཚིགས་བཅད་སུམ་ཅུ་པ། དཔལ་
[159b]
[159b.1]འཁོར་ལོ་སྡོམ་པ་ལ་ཕྱག་འཚལ་ལོ། །བདེ་ལེགས་རྟགས་ཅན་ཞབས་ཀྱི་སྟང་སྟབས་ལ་ནི་ས་ཆེན་རིར་བཅས་གུས་འདུད་ཅིང་། །ཉོན་མོངས་སྤངས་པའི་རུས་སྦལ་རྒྱལ་པོ་འཕེལ་བའི་དབུགས་ཀྱིས་རྒྱ་མཚོ་ཀུན་དུ་གཡོ། །གར་སྟབས་མཆོག་དང་བརྐྱང་བསྐུམ་ཕྱག་ཚོགས་རླུང་གིས་
[159b.2]རི་བོ་ཐམས་ཅད་གཡོ་བ་བཞིན། །དབུ་ནི་བསྐྱོད་པས་ཉི་མ་ཟླ་བ་ལྷུང་མཛད་དཔལ་ལྡན་སྡོམ་པས་འགྲོ་བ་བསྲུང་། །ཉོན་མོངས་ཚོགས་ཀྱིས་རྣམ་པ་ཀུན་དུ་གཟིར་བར་གྱུར་པའི་འགྲོ་བ་འདི་རྣམས་མཐའ་དག་མཐོང་གྱུར་ནས། །རྣལ་འབྱོར་དཔལ་ལྡན་སྡོམ་པ་ཞེས་བྱར་གཞན་ལ་ཕན་པར་
[159b.3]མཁས་པའི་སློབ་དཔོན་སྤྲིན་ཞེས་བྱ་བ་ཡིས། །བླ་མ་མཆོག་གི་བཀའ་ཡིས་དབུགས་འབྱིན་རབ་ཏུ་གསལ་བྱེད་དེ་ནི་ལོངས་སྤྱད་བྱ་ཕྱིར་བསྡུས་པ་གང་། །སྲིད་དང་ཞི་བའི་བདེ་སྟེར་ཨིནྡྲ་བྷཱུ་ཏིའི་ཞབས་ཀྱི་རིམ་པས་རྒྱུད་ལས་སྡེབ་སྦྱོར་གྱིས་དབྱུང་བྱ། །ཡིད་དང་རྗེས་མཐུན་གནས་
[159b.4]སུ་ཆོ་ག་བཞིན་ཞུགས་ནས། །བྱམས་པ་ལ་སོགས་ཚངས་པའི་གནས་རྣམས་བསམ་བྱས་ཏེ། །བསོད་ནམས་གཏེར་ཆེན་ཉེར་བསྒྲུབ་བྱ་ཕྱིར་དུ། །དམ་པའི་སྟོང་ཉིད་ཡེ་ཤེས་རོ་ལ་ཆེས་བརྩོན་བྱ། །ལེགས་བསམས་དེ་ནས་དམར་འོད་རབ་གསལ་བ། །རེ་ཕ་ལས་བྱུང་ཉི་མའི་
[159b.5]གཟུགས་བརྙན་དབུས། །རང་སྔགས་རྒྱལ་པོ་ཆོ་ག་བཞིན་བསྒོམས་ནས། །དེ་ཉིད་ཀྱིས་ནི་བཤད་པའི་རིམ་གྱིས་བསྲུངས། །དེར་ནི་ཡཾ་ཡིག་ལས་སྐྱེས་རླུང་དབུས་སུ། །རེ་ཕ་ལས་བྱུང་མེ་ནི་རྣམ་པར་བསམ། །ཝཾ་ཡིག་ལས་སྐྱེས་ཆུ་ནི་དཀར་པོ་ཡང་། །ལཾ་ཡིག་ལས་སྐྱེས་འཛིན་མ་
[159b.6]ཆེས་སེར་བའོ། །དེར་ནི་སུཾ་ལས་སྐྱེས་པའི་རི་རབ་དབུས། །སངས་རྒྱས་ཡོན་ཏན་གྱིས་མཛེས་སངས་རྒྱས་གནས། །དེ་དབུས་སྣ་ཚོགས་ཆུ་སྐྱེས་ལྟེ་བ་ལ། །བཅུ་དྲུག་གཉིས་དང་བརྒྱད་ཅུའི་སྔགས་སྒྲ་ལས། །ལེགས་སྐྱེས་ཟླ་ཉི་སྦྱར་བར་རང་ས་བོན། །དེ་མཚན་དེ་འོད་སྟོབས་
[159b.7]ཀྱིས་སངས་རྒྱས་རྣམས། །བཀུག་ཅིང་སྦྱར་ཏེ་དག་པའི་དངོས་པོ་ནི། །དངོས་པོའི་ཞེན་པ་བྲལ་བའི་དངོས་པོའི་གཟུགས། །དབང་སྔོན་བཅག་པ་ལྟར་གསལ་རྩ་བའི་ཞལ། །མཆེ་བ་གཙིགས་ཤིང་ཆེར་དྲག་སྤྱན་གསུམ་པ། །བརླ་གཉིས་ལ་ནི་སྟག་པགས་ན་བཟའ་གྲོལ། །དཔའ་བོའི་
[160a]
[160a.1]དཔའ་བོ་སྡོམ་པ་བསྒོམ་པར་བྱ། །ལྗང་གུ་དམར་དང་སེར་པོའི་ཞལ་ལྡན་ཞིང་། །རལ་པའི་ཚོགས་ལ་སྣ་ཚོགས་རྡོ་རྗེ་འཛིན། །གར་དགུའི་ཉམས་དང་ཟླ་ཚེས་ཅོད་པན་ལྡན། །ཕྱག་རྒྱ་དྲུག་གིས་རྒྱས་བཏབ་མགོ་ཕྲེང་ལྡན། །ཕྱག་གཉིས་གླང་པོ་མྱོས་
[160a.2]པའི་པགས་པ་དང་། །རྩ་བའི་ཕྱག་ནི་རྡོ་རྗེ་དྲིལ་བུས་མཚན། །མདུང་དང་ཁ་ཊྭཱཾ་དགྲ་སྟ་ཞགས་པ་དང་། །ཐོད་པ་གྲི་གུག་རྣམ་བཀྲའི་མཚན་མ་འཕྱར། །དམ་ཆོས་ཡན་ལག་དགུ་ནི་སྒྲོགས་པའི་ཚུལ། །མཆོག་གི་མཛེས་པ་ལ་དགྱེས་ཅང་ཏེའུས་རོལ། །ཚངས་པའི་མགོ་བོས་
[160a.3]ཕྱག་གི་པདྨ་མཚན། །ཞབས་ཀྱིས་ཟླ་ཉི་དབང་ཕྱུག་གཽ་རཱི་མནན། །ཕག་མོའི་ཕྱག་གི་ཞགས་པ་ཡིས་ནི་འཁྱུད། །བཞད་པའི་འོད་ཀྱིས་འཇིག་རྟེན་ཁམས་སྣང་བྱེད། །བོ་ལ་ཀཀྐོ་ལར་སྩལ་སེམས་པའི་ཚོགས། །སྦྱོར་བ་ལས་བྱུང་དགའ་བ་དེས་སྦྱིན་རྒྱུ། །དེ་མདུན་གསང་བ་ཅན་
[160a.4]སྐྱེས་རབ་བསྔགས་མ། །སྒེག་ཅིང་ཤས་ཆེར་ཆགས་པ་མདོག་ནག་མ། །སྙིང་རྗེ་བསོད་ནམས་འོད་འཕྲོ་གཟུགས་མཛེས་མ། །སྐལ་ལྡན་རྡོ་རྗེ་འཛིན་པའི་བཙུན་མོའོ། །གཡོན་དུ་དེ་བཞིན་ལཱ་མ་ཤིན་ཏུ་ལྗང་། །མཛེས་པའི་ལྟ་སྟངས་འོད་འཕྲོ་ཕུང་པོའི་ལུས། །ཕྲག་དོག་
[160a.5]བདག་ཉིད་འདོད་པའི་རོ་ཡིས་ཕྱེ། །ཉི་མའི་འོད་ཀྱིས་གསལ་བའི་ལུས་བཟང་མའོ། །སྐྱོན་གྱི་ཞགས་པ་དུམ་བུ་ཉིད་བྱེད་ཅིང་། །འདོད་ཆགས་ཚུལ་གྱུར་ཡོན་ཏན་ཚོགས་སྐྱེད་མ། །དེས་ན་དྲག་མོ་ཁྲག་ལྟར་དམར་བའི་མདོག །རྒྱབ་ཏུ་དུམ་བུར་བོད་མ་བསམ་པར་བྱ། །
[160a.6]གཡས་སུ་བཙོ་མའི་གསེར་གྱི་མདངས་ལྟར་སེར། །སེར་སྣའི་སེམས་ལྡན་རིང་དུ་ལྟ་ཞིང་མཛེས། །སྐལ་བཟངས་ང་རྒྱལ་གྱིས་མཐོ་གཟུགས་ཅན་མ། །འཇིག་རྟེན་གསུམ་གྱི་བདེ་འབྱུང་རྒྱུར་གྱུར་མའོ། །མཚམས་ཀྱི་ཐོད་པ་བཞི་ནི་བདེ་སྐྱེད་པའི། །བདུད་རྩི་ལྔས་གང་བུམ་པའི་
[160a.7]སྟེང་གནས་པར། །བསམ་ཞིང་ཆོ་ག་ཡིས་ནི་འཁོར་ལོ་གསུམ། །ཁམས་གསུམ་པ་ཡི་རྣམ་པས་རབ་ཏུ་གྲུབ། །ཁྭ་གདོང་མ་ནི་ཤར་གྱི་ཕྱོགས་སུ་གནས། །མིག་སྨན་བཅག་འདྲའི་མདངས་ལྡན་ཁྲོ་གཉེར་གཙིགས། །བྱང་དུ་འུག་གདོང་མ་ནི་དྲག་ཆེན་མ། །ཆེས་
[160b]
[160b.1]ཆེར་ལྗང་གུ་ཤིན་ཏུ་འཇིགས་མ་བསམ། །མཆོག་གི་པདྨ་རཱ་ག་ལྟར་མཛེས་ལུས། །དེ་འོད་ཧཱ་ཧཱའི་སྒྲ་ཡིས་ལུས་མཛེས་མ། །ཁྱི་གདོང་མ་ནི་ནུབ་ཏུ་ཆུ་དང་ཉིར། །ཉི་མ་བྱེ་བ་བརྒྱ་ཡི་འོད་གཟུགས་ལྡན། །ཕག་གདོང་མ་ནི་ཁྲོས་པས་ངུར་ངུར་སྒྲོགས། །འདི་ཡི་མཐུ་དང་
[160b.2]བསམ་པ་དུ་མ་སྟེ། །གསེར་མདོག་འབར་བ་ལུས་ཀྱི་མདངས་གསལ་བ། །ལྷོ་རུ་ཕྱོགས་ཀྱི་དཀྱིལ་འཁོར་སྣང་བྱེད་མའོ། །འཁོར་ལོ་མཆོག་གི་མཚམས་སུ་ལྷ་མོ་བཞི། །ས་གཉིས་ཀྱི་ནི་ཁ་དོག་འཕྲོ་ཞིང་གསལ། །མཆེ་གཙིགས་དྲག་ཅིང་མགྲིན་པའི་སྒྲ་ཟབ་པ། །
[160b.3]གཤིན་རྗེ་བརྟན་མ་ལ་སོགས་འབད་པས་བསྒོམ། །དེ་ལྟར་སྒྱུ་མ་སྨིག་རྒྱུ་ལྟར་མཛེས་ཤིང་།།བཀྲ་བ་རོ་གནས་བརྒྱད་ཀྱི་དབུས་བསམས་ནས། །སྙིང་གའི་མཚན་མ་ཧཱུཾ་ཡིག་འོད་ཚོགས་ཀྱིས། །བཀུག་པའི་འཁོར་ལོ་དམ་ཚིག་རྣམས་ཀྱིས་གཞུག །བྱང་ཆུབ་འབྱུང་བའི་རྒྱུར་
[160b.4]གྱུར་དེ་ཉིད་གསུམ། །ཡན་ལག་དྲུག་གི་ཆོ་གའི་རིམ་པས་སྦྱར། །ཁམས་སོགས་ཕུང་པོ་ངེས་པར་རྣམ་སྦྱོང་བ། །བྱང་ཆུབ་ཕྱོགས་ཀྱང་ཆོ་ག་བཞིན་དུ་བསམ། །དབང་ནི་དབང་བསྐུར་ཆོ་ག་བཞིན་བསྒྲུབས་ནས། །དེ་བཞིན་མཆོད་པར་ཀྱང་ནི་གུས་པས་བྱ། །བསྟོད་དང་ཉེར་
[160b.5]སྤྱོད་བདུད་རྩིའི་བཏུང་བ་སྦྱིན། །སྤྲོས་ནས་སྤྲུལ་པའི་ཉམས་ཀྱིས་རྒྱལ་རྣམས་མཆོད། །སེམས་ཅན་མ་ལུས་སངས་རྒྱས་བྱང་ཆུབ་ནི། །མཆོག་ལ་ངེས་སྦྱར་དེར་ནི་ལོངས་སྤྱོད་སྐུ། །དེ་ཉིད་དེ་བཞིན་ཆོས་སྐུར་ངེས་བརྟགས་ཏེ། །རྣལ་འབྱོར་མ་ཡི་ཀུན་སྤྱོད་ཐ་སྙད་བཤད། །
[160b.6]དཱུ་ཏཱི་བྷ་བཾ་རཱ་ཛི་ཀ་ཡཱ་གྲི་ཧཱི་ཏཾ་ཏ་ཡཱ་ས་མ་ཡཾ་ས་མཏྟི། མིང་མེད་དང་ནི་མཐེ་བོང་ཁ་དག་གིས། །ཆོས་འབྱུང་གཟུགས་བརྙན་དབུས་སུ་སངས་རྒྱས་མཆོད། །སྟོབས་དང་སྟོབས་མིན་དེ་རིགས་དེ་ཉིད་ཤེས། །གསང་སྔགས་རོ་ལ་ཞེས་པར་སྔགས་བཟླས་བྱ། །གཏོར་མའི་དེ་
[160b.7]ཉིད་བློ་ཡིས་གཏོར་མ་སྦྱིན། །ཅི་འདོད་སྒྲོན་མེ་མཆོག་དང་འོ་མ་བཏུང་། །ཧཱ་རོ་པ་དཱ་དོ་ལ་ངེས་བརྟགས་པས། །ཡིད་ནི་རྟག་ཏུ་འཇིགས་པར་མི་འགྱུར་བ། །ཡེ་ཤེས་འཆར་བའི་སྣང་བ་མཆོག་གིས་ནི། །རྟག་ཆད་རྨོངས་པའི་མུན་ནག་ཆེ་གཞོམ་བྱ། །འདི་ཉིད་
[161a]
[161a.1]བདེ་བའི་བདག་ཉིད་དཀྱིལ་འཁོར་ཏེ། །རྡོར་པད་སྦྱོར་ལས་འཕོ་མེད་ཐུགས་རྡོ་རྗེ། །བླ་མའི་མན་ངག་དད་པས་དེ་བཞིན་ཉིད། །བྲིས་ལས་བདག་གིས་བསོད་ནམས་གང་ཐོབ་དེས། །སེམས་ཅན་རྣམས་ཀྱིས་དཔལ་ལྡན་རྡོ་རྗེ་ཡི། །ཐེག་པར་བསྟན་པའི་ཕུན་
[161a.2]ཚོགས་སངས་རྒྱས་ནི། །བདེ་བའི་རང་བཞིན་ཁམས་གསུམ་པ་ལས་འདས། །རོ་གཅིག་གཅིག་པ་གཡོ་བ་བརྟན་གྱུར་ཅིག །དཔལ་འཁོར་ལོ་སྡོམ་པའི་སྒྲུབ་ཐབས་ཚིགས་བཅད་སུམ་ཅུ་པ། །སློབ་དཔོན་སྤྲིན་གྱི་བཞོན་པའི་ལྷས་མཛད་པ་འདི། པཎྜི་ཏ་ཚུལ་ཁྲིམས་འབྱུང་
[161a.3]གནས་བློ་གྲོས་ཀྱིས་མཛད་པའི་འགྲེལ་པའི་རྒྱ་དཔེ་ལ་ལེགས་པར་བལྟས་ཏེ། ཆོས་ཀྱི་རྗེ་རིན་པོ་ཆེ་སྤྲུལ་པའི་སྐུ་ཞྭ་དམར་ཅོད་པན་འཛིན་པ་བཞི་པ་དཔལ་ཆོས་ཀྱི་གྲགས་པ་ཡེ་ཤེས་དཔལ་བཟང་པོའི་ཞལ་སྔ་ནས་ཀྱི་བཀའ་བཞིན་དུ། ཞ་ལུ་ལོ་ཙཱ་བ་དྷརྨ་པཱ་ལ་བྷ་དྲ་ཞེས་བགྱི་བས།
[161a.4]གཞིས་ཁ་ལྷུན་གྲུབ་གླིང་དུ་མིའི་དབང་པོ་དཔོན་ཆེན་ཀུན་དགའ་རིན་ཆེན་རྒྱལ་པོ་པའི་བདག་རྐྱེན་ལ་བརྟེན་ནས་ལེགས་པར་བསྒྱུར་བའོ། །{T1489}༄༅༅། །རྒྱ་གར་སྐད་དུ། ཏྲ་ཡོ་ད་ཤཱཏྨ་ཀ་ཤྲཱི་ཙཀྲ་སམྦ་ར་མཎྜ་ལོ་པཱ་ཡི་ཀཱ། བོད་སྐད་དུ། བཅུ་གསུམ་གྱི་བདག་
[161a.5]ཉིད་དཔལ་འཁོར་ལོ་སྡོམ་པའི་དཀྱིལ་འཁོར་ཀྱི་ཆོ་ག །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དང་པོའི་སངས་རྒྱས་དུས་གསུམ་ཡང་དག་རིག་མཛད་པ། །དཔལ་ལྡན་རྡོ་རྗེ་སེམས་དཔར་སྤྱི་བོས་ཕྱག་བྱས་ནས། །བཅུ་གསུམ་བདག་ཉིད་ཅན་གྱི་སྡོམ་པ་དེ་ཡི་ནི། །
[161a.6]དཀྱིལ་འཁོར་གྱི་ནི་ཆོ་ག་འདིར་ནི་བཤད་པར་བྱ། །དཀྱིལ་འཁོར་ཆེན་པོ་མྱུར་བར་མཆོག་ཏུ་གྲུབ་འགྱུར་ཞེས། །གཞན་གྱི་དོན་གྱི་བློ་ཡིས་ངེས་པར་བསམས་ནས་ནི། །དབང་བསྐུར་རབ་གནས་ཆོ་ག་སྒྲུབ་ཐབས་ལ་སོགས་རྣམས། །བྱས་པ་འདི་ལས་ངེས་པར་བསྔགས་པའི་ཆོ་ག་ཉིད། །
[161a.7]བརྟན་ཞིང་ཟབ་མོའི་ཆོས་ཤེས་པ། །རབ་གནས་གཏོར་མའི་ཕ་རོལ་སོན། །སྦྱིན་སྲེག་དཀྱིལ་འཁོར་དེ་ཉིད་ཤེས། །རིག་པ་ཀུན་ལ་ཤིན་ཏུ་མཁས། །གསང་སྔགས་ངེས་པའི་ཚུལ་ལ་གུས། །གཟུགས་ལྡན་ལྟ་ན་སྡུག་པ་དང་། །བླ་མ་ལ་གུས་སྙིང་རྗེར་ལྡན། །སྡོམ་པ་འབྱུང་བའི་
[161b]
[161b.1]སྟོན་པ་པོ། །ལྷ་ཁང་མཆོད་རྟེན་གནས་དང་ནི། །འཁོར་གྱི་ཁྱམས་དང་གཙང་མའི་ས། །གདོད་ནས་གྲུབ་པའི་དུར་ཁྲོད་དུའང་། །དེར་ནི་དཀྱིལ་འཁོར་བརྩམ་པར་བྱ། །ཡོངས་སུ་བརྟགས་པའི་ས་ཡི་ཆར། །བརྐོ་བ་ལ་སོགས་མི་བྱ་སྟེ། །ལག་པས་རེག་ནས་ཧཱུཾ་ཡིག་གི །ས་སྦྱང་བ་ཡི་
[161b.2]གསང་སྔགས་བཟླ། །སྣ་ཚོགས་པ་རྣམས་སྟོང་ཉིད་དུ། །རོ་གཅིག་པར་ནི་ངེས་མོས་ན། །དེ་ཡིས་ས་ནི་དག་འགྱུར་ཏེ། །དེ་བཞིན་ཉིད་དག་རྒྱུ་ཕྱིར་རོ། །དཀྱིལ་འཁོར་གྱི་ནི་ས་ཡི་ཆ། །ཉིས་འགྱུར་དུ་ནི་སྦྱང་བར་བྱ། །རང་གི་སེམས་ནི་ཡོངས་དག་པར། །གྱུར་ན་དེ་ཉིད་ས་དག་འགྱུར། །
[161b.3]ཞེས་བྱའོ། །ས་སྦྱངས་པའོ། །དེ་ཕྱིར་མཆོག་གི་སློབ་དཔོན་གྱིས། །འདིར་ནི་དཀྱིལ་འཁོར་བྱ་བ་ཡིན། །ཡིད་དང་མཐུན་པའི་གནས་སུ་ནི། །རེ་ཞིག་སྔོན་དུ་བསྙེན་པ་བྱ། །དེའི་རྗེས་སུ་དཀྱིལ་འཁོར་གྱི་ས་ལ་མེ་ཏོག་དགྲམ་ཞིང་འདུག་ནས་དེ་བཞིན་གཤེགས་པ་ཐམས་ཅད་བསྡུས་པར་
[161b.4]གྱུར་པའི་བཅུ་གསུམ་གྱི་བདག་ཉིད་ཅན་དཔལ་འཁོར་ལོ་སྡོམ་པའི་རང་བཞིན་རྡོ་རྗེའི་སློབ་དཔོན་གྱིས་བསྲུང་བའི་འཁོར་ལོ་ལ་སོགས་པ་བྱས་ནས། བགེགས་གཞོམ་པའི་ཕྱིར་སྤོས་ཀྱི་སྣོད་ཐོགས་ནས་ལྕེ་ཧཱུཾ་ལས་སྐྱེས་པའི་རྡོ་རྗེ་དང་རྡོ་རྗེ་དྲིལ་བུ་གསིལ་བར་གྱུར་པས། མ་ལུས་ཕྱོགས་
[161b.5]ན་བཞུགས་པ་ཡི། །སངས་རྒྱས་རྣམས་ནི་བདག་ལ་དགོངས། །བདག་ནི་ཆེ་གེ་རྡོ་རྗེ་ཅན། །འདིར་ནི་དཀྱིལ་འཁོར་བྱ་བར་འཚལ། །སངས་རྒྱས་ལ་སོགས་ཀུན་བྱོན་ལ། །བདག་ལ་གྲུབ་པ་སྩལ་དུ་གསོལ། །རྫོགས་པའི་སངས་རྒྱས་ལ་སོགས་པ་རྣམས་ལ་སྙན་གསན་ཕབ་ནས་
[161b.6]མཆོད་པར་བྱའོ། །དེ་ནས་སྔགས་པ་རྡོ་རྗེ་དང་རྡོ་རྗེ་དྲིལ་བུ་འཛིན་པ་ཁྭ་གདོང་མ་ལ་སོགས་པའི་གཟུངས་མའི་རྣལ་འབྱོར་དང་ལྡན་པའི་སློབ་མ་བཞི་རྣམས་ཀྱིས་སམ། གཅིག་གིས་ཀྱང་རུང་སྟེ་གཡོན་སྐོར་གྱིས། དེ་བཞིན་གཤེགས་པ་ཀུན་ཞི་བ། །དེ་བཞིན་གཤེགས་པ་ཀུན་གྱི་གནས།
[161b.7]ཆོས་ཀུན་བདག་མེད་པ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །མཚན་ཉིད་ཐམས་ཅད་ཡང་དག་རྫོགས། །མཚན་ཉིད་མིན་པ་ཐམས་ཅད་སྤངས། །ཀུན་དུ་བཟང་པོ་སྐུ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །ཞི་བའི་ཆོས་མཆོག་ལས་བྱུང་བ། །ཡེ་
[162a]
[162a.1]ཤེས་སྤྱོད་པ་རྣམ་སྦྱོང་མཛད། །ཀུན་དུ་བཟང་པོ་གསུང་གི་མཆོག །དཀྱིལ་འཁོར་དམ་པ་བཤད་དུ་གསོལ། །སེམས་ཅན་ཀུན་གྱི་སེམས་ཆེན་པོ། །དག་ཅིང་རང་བཞིན་དྲི་མ་མེད། །ཀུན་དུ་བཟང་པོ་ཐུགས་ཀྱི་མཆོག །དཀྱིལ་འཁོར་ཁ་ལོས་སྒྱུར་བ་གསུངས། །
[162a.2]ཞེས་ཚིགས་སུ་བཅད་པ་བཞིས་གསོལ་བ་བཏབ་པར་གྱུར་པ་དང་། ང་ནི་སངས་རྒྱས་བྱང་ཆུབ་སེམས། །རྡོ་རྗེ་ཉི་མ་ད་ཉིད་དོ། །དོན་ཡོད་རྡོ་རྗེ་ཆོས་ཀྱང་ང་། །སངས་རྒྱས་ཐམས་ཅད་ཉིད་ཀྱང་ང་། །ཞེས་ང་རྒྱལ་བ་བརྗོད་ཅིང་། དེ་ནས་རྡོ་རྗེ་ཁུ་ཚུར་གཉིས་ཀྱི་སྡིགས་མཛུབ་གཉིས་བརྐྱང་སྟེ་
[162a.3]སྦྱར་བའི་རྩེ་མོ་འོག་ཏུ་ཕྱོགས་པ་སྤྱི་བོར་འཛིན་པས་ཧཱུཾ་བཛྲོ་ཏིཥྛ་ཞེས་བརྗོད་ཅིང་མདུན་དུ་བསྒོམས་ཤིང་སྤྲོས་པའི་དཀྱིལ་འཁོར་གྱི་འཁོར་ལོ་ལ་ནམ་མཁའི་མཐིལ་ན་གནས་པ་ཐམས་ཅད་ཀྱང་བཅུག་སྟེ་ལངས་ལ་ཤར་དུ་ཕྱོགས་པས་སེམས་ཅན་རྣམས་མ་རིག་པའི་མུན་པར་ཆུད་ཅིང་བདུད་ཀྱིས་
[162a.4]བྱིན་གྱིས་བརླབས་པ་རྣམས་ལ་ངེས་པར་བལྟས་ནས་སྙིང་རྗེ་དང་ལྡན་ཞིང་ང་རྒྱལ་བའི་ཐུགས་ཅན་གྱིས་བདུད་རྣམས་བསྐྲད་པར་བྱ་བའི་ཕྱིར་འཁོར་ལོའི་དབང་ཕྱུག་གི་རྣལ་འབྱོར་དང་ལྡན་པའི་མིག་གཡས་པར་མ་ལས་ཉི་མའི་དཀྱིལ་འཁོར་གྱི་རྣམ་པ་དང་། མིག་གཡོན་པར་ཊ་
[162a.5]ལས་ཟླ་བའི་རྣམ་པ། མིག་འབྲས་གཉིས་ཧཱུཾ་ལས་བསྐལ་བའི་མེའི་རྣམ་པས་སྣ་ཚོགས་པ་འདི་ལ་ཀུན་དུ་རྣམ་པར་བརྟག་པར་བྱའོ་ཞེས་བསྒྱིངས་པ་དང་བཅས་པའི་གཡོ་བས་རྐང་མཐིལ་འབར་བའི་རྡོ་རྗེས་རོལ་ཞིང་བསོར་བས་སྣ་ཚོགས་རྡོ་རྗེའི་རྐང་སྟབས་བྱས་ཏེ་གནས་རྣམས་སུ་དྲིལ་
[162a.6]བུ་དཀྲོལ་བར་བྱའོ། །གདུག་པའི་ཚོགས་རྣམས་གཞོམ་པའི་ཕྱིར། །ཁ་ནས་ཧཱུཾ་ཡིག་འདོན་པའི་ཞལ། །འཁོར་ལོའི་ས་ལ་གཡོན་སྐོར་དུ། །སྔགས་པ་ཡིས་ནི་བཅག་པར་བྱ། །གཟའ་དང་འབྱུང་པོ་འདྲེ་ལ་སོགས། །ལུས་ངག་ཡིད་ལ་གནས་པ་རྣམས། །ངེས་པར་
[162a.7]འཇོམས་ཀྱིས་དེངས་ཤིག་ཅེས། །དེ་ཚེ་བགེགས་ཀྱི་ཚོགས་རྣམས་བསྐྲད། །སུ་ཡང་རུང་བའི་ལུས་སྲུལ་པོ་རྣམས་དང་། །བགེགས་ཀྱི་ཚོགས་རྣམས་གཞན་དུ་འབྱེར་བར་གྱིས། །ང་ནི་དཔལ་ལྡན་སྙིང་རྗེའི་སྟོབས་ཡིན་ཏེ། །སྲུང་བའི་འཁོར་ལོ་རབ་ཏུ་སྦྱོར་བ་པོ། །ཀུན་ནས་
[162b]
[162b.1]འབར་བའི་རྡོ་རྗེ་ཡིས། །ལུས་སྐྱེས་རྣམས་ཀྱི་ལུས་ངག་བྱ། །གལ་ཏེ་ཁ་ཅིག་བདག་ལས་འདའ། །འདིར་ནི་འཇིག་འགྱུར་གཞན་དུ་མིན། །ཞེས་བྱ་བས་བསྐྲད་པ་དེ་ལས་བགེགས་མ་ལུས་པ་ཞིག་པར་བལྟའོ། །དེ་ནས་དཀྱིལ་འཁོར་གྱི་ས་ལ་དྲི་བཟངས་ཉེ་བར་བྱུགས་ཏེ་ཕྱོགས་
[162b.2]དང་ཕྱོགས་མཚམས་རྣམས་སུ་ཉེ་བར་སྤྱོད་པ་སྣ་ཚོགས་པ་དང་། གར་དང་གླུ་དང་། སིལ་སྙན་གྱི་སྒྲ་ལ་སོགས་པ་རྣམས་ཀྱིས་མཆོད་པ་བྱས་ནས་ལག་པས་ཉེ་རེག་བྱ་ཞིང་འཁོར་ལོའི་དབང་ཕྱུག་གི་སྔགས་བརྒྱ་རྩ་བརྒྱད་དང་ཡི་གེ་བརྒྱ་པ་ཡང་ལན་བདུན་དུ་བཟླས་ནས་དེར་ལྷའི་འཁོར་
[162b.3]ལོ་སྤྲོ་ཞིང་བསྡུས་ནས་ཉལ་བར་བྱའོ་ཞེས་བྱ་བ་ནི་ས་ཡོངས་སུ་གཟུང་བའོ། །དེ་ནས་སྔ་བར་ལངས་ལ་འགྲོ་བ་རྣམས་མངོན་པར་རྫོགས་པའི་བྱང་ཆུབ་ལ་དགོད་པར་བྱ་བའི་ཕྱིར་སྐད་ཅིག་གིས་སྟོང་པ་ཉིད་ཀྱི་རྗེས་ལ་རཾ་དམར་པོ་ལས་བྱུང་བའི་ཉི་མ་ལ་གནས་པའི་ཧཱུཾ་ཡིག་ནག་པོ་ལས་
[162b.4]སྐྱེས་པ་འོད་ཟེར་ལྔའི་སྣ་ཚོགས་རྡོ་རྗེ་ལ་གནས་པའི་ཧཱུཾ་གི་ཡི་གེ་ལས་ཀུན་དུ་རྒྱ་ཆེ་བ་ནས་ཀྱི་འབྲས་བུའི་ཚད་ཀྱི་རྡོ་རྗེ་ལྟེ་བའི་གཟུགས་ཀྱིས་དུམ་བུ་གཅིག་ཏུ་གྱུར་པ། རྡོ་རྗེའི་ར་བ་དང་གུར་དང་མདའི་དྲ་བ་དང་བླ་རེ་དང་འོག་ཏུ་སྣ་ཚོགས་རྡོ་རྗེའི་རང་བཞིན་ཅན་གྱིས་བསྒོམས་ནས་ཉི་མ་
[162b.5]སྣ་ཚོགས་རྡོ་རྗེ་དང་བཅས་པ་ཡོངས་སུ་གྱུར་པས་འོད་ཟེར་གྱི་ཚོགས་ཀྱིས་ཀུན་དུ་ཚིག་པར་གྱུར་པར་བསམ་མོ། །དེའི་དབུས་སུ་རང་གི་སྙིང་གའི་ས་བོན་ལས་ཕྱོགས་དང་ཕྱོགས་བྲལ་དུ་ཁྭ་གདོང་ལ་སོགས་པ་མཁའ་འགྲོ་མ་རྣམས་སྟེང་དུ་དང་། དུམ་སྐྱེས་མ་གཉིས་པ་རྣམ་པར་
[162b.6]སྤྲོས་ནས་དེ་ནས་རང་གི་སྙིང་གའི་ས་བོན་ལས་སྤྲོས་པའི་འོད་ཟེར་རྣམས་ཀྱིས་ཕྱོགས་བཅུའི་བགེགས་རྣམས་བཀུག་ནས་དེ་རྣམས་ལ་གཏད་པར་བྱའོ། །མཁའ་འགྲོ་མ་དེ་རྣམས་ཀྱང་ཡུངས་ཀར་དང་ཙནྡན་དམར་པོས་བྱུགས་ཤིང་ཁ་དོག་ལྔའི་སྐུད་པས་དཀྲིས་ཤིང་མཆོད་པ་རྣམས་མེ་ཏོག་
[162b.7]དམར་པོའི་ཕྲེང་བ་བཏགས་པ་བཅུ་རྣམས་སུ་སོ་སོར་སྤྲོས་ནས་གནོད་མཛེས་རྒྱལ་པོའི་ཕུར་བུ་ལྟེ་བ་མན་ཆད་མདུང་གི་རྣམ་པ། སྟོང་བདག་ཉིད་ཀྱི་གཟུགས་ཅན་ཕྱག་གཡོན་པས་བཟུང་ནས་གཡས་པས་གྲི་གུག་ཡོངས་སུ་གྱུར་པའི་རྡོ་རྗེའི་ཐོ་བ་བཅུས་ཧཱུཾ་ལས་སྐྱེས་པའི་ཁྲོན་པ་བཅུར་
[163a]
[163a.1]བགེགས་དེ་རྣམས་བཅུག་ལ། ཨོཾ་གྷ་གྷ། གྷཱ་ཏ་ཡ་གྷཱ་ཏ་ཡ། སརྦ་དུཥྚན་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཧཱུཾ་ཧཱུཾ་ཧཱུཾ་ཕཊ་བཛྲ་ཀཱི་ལ་ཡ་བཛྲ་དྷ་ར་ཨཱཛྙཱ་པ་ཡ་ཏི་སརྦ་བིགྷཾ། ཀཱ་ཡ་བཱ་ཀྩི་ཏྟཾ་ཀཱི་ལ་ཡ་ཧཱུཾ་ཧཱུཾ། ཞེས་བརྗོད་ཅིང་རང་གི་ཕུར་བུ་རྣམས་ལ། ཨོཾ་བཛྲ་མུདྒ་
[163a.2]རཱ་ཀོཊ་ཡ་ཧཱུཾ་ཞེས་བརྗོད་ཅིང་གདབ་པར་བྱའོ། །བགེགས་ལྷག་མ་རྣམས་རིང་དུ་བྱེད་པར་བལྟས་ནས་བགེགས་ཀྱི་ཚོགས་རྣམས་དེ་བཞིན་ཉིད་དུ་རོ་གཅིག་པར་མོས་པ་བྱའོ་ཞེས་བྱ་བ་ནི་བགེགས་ལ་ཕུར་བུས་གདབ་པའོ། །དེའི་རྗེས་སུ་སྔགས་པས་དཀྱིལ་འཁོར་གྱི་ས་གཞི་དྲི་བཟངས་ཀྱིས་
[163a.3]བྱུགས་པའི་དབུས་སུ་བཾ་ལས་བྱུང་བའི་སའི་ལྷ་མོ་བསྒོམས་ནས་ལག་པ་གཡས་པའི་ཟླ་བར་ཧཱུཾ་གསུམ་བཀོད་ལ་སོར་མོ་གསུམ་གྱིས་བསྣུན་པའི་སྒྲའི་ཚོགས་རྣམས་ཀྱིས་བསླང་བའི་ཡེ་ཤེས་སེམས་དཔའ་དང་རོ་གཅིག་པར་གྱུར་པའི་ལྷ་མོ་ཕྱག་གཡོན་པས་གསེར་གྱི་བུམ་པ་བཟང་པོ་དང་
[163a.4]ཅིག་ཤོས་ཀྱིས་ཁས་ལེན་པའི་ཚུལ་ཅན་ཞལ་གཅིག་པ་ཟླ་བ་ལྟ་བུ་ལྷའི་རྒྱན་གྱིས་བརྒྱན་པ་མདུན་ན་གནས་པར་བལྟས་ནས། མཆོད་ཡོན་ལ་སོགས་པ་སྔོན་དུ་འགྲོ་བས་ལྷག་པར་གནས་པར་བྱའོ། །མ་མ་རིན་ཆེན་སྣ་ཚོགས་འཛིན། །སྡོམ་པ་ཁྲོ་བས་མཆོད་པ་མོ། །ལྷ་མོ་ཁྱོད་ནི་
[163a.5]དབང་གྱུར་པས། །ཆེ་གེ་བདག་ནི་དཀྱིལ་འཁོར་བྲི། །དེ་བསྐྲད་ས་ལ་ལན་གསུམ་དུ། །གསོལ་གདབ་བསང་གཏོར་ལ་སོགས་བྱ། །དེས་ཀྱང་བྱ་བ་ཉིད་དོ་ཞེས། །དེ་སྐད་གསུངས་ནས་ཐིམ་པར་བསམ། །དེ་ནས་རྡོ་རྗེ་བཅིང་བ་ནང་དུ་བྱས་ནས་ས་ལ་མནན་ཏེ། ཨོཾ་བཛྲཱི་བྷ་བ་ཧཱུཾ་ཞེས་
[163a.6]ལན་གསུམ་མངོན་པར་བསྔགས་ནས་རྡོ་རྗེ་བཅིང་བ་ལས་བྱུང་བའི་འབར་བའི་ཧཱུཾ་གི་ཚོགས་ཀྱིས་ས་འོག་གི་བར་དུ་རྡོ་རྗེར་བྱས་པར་བལྟས་ཏེ། བཛྲ་དྲྀ་ཌྷ་ཏིཥྛ་ཞེས་ལན་གསུམ་གྱིས་ས་བྱིན་གྱིས་བརླབ་བོ། །འདི་ལྟ་བུས་རང་གི་དབང་དུ་གྱུར་པར་མོས་པར་བྱའོ་ཞེས་བྱ་བ་ནི་ས་ལྷག་པར་
[163a.7]གནས་པའོ། །དེ་ནས་དཀྱིལ་འཁོར་གྱི་སའི་དབུས་སུ་ཡི་གེ་གསུམ་གྱིས་དྲི་བཟངས་དང་བདུད་རྩི་ལྔས་ཉེ་བར་བྱུགས་ལ། དྲི་བཟང་པོའི་མེ་ཏོག་གཅལ་དུ་དགྲམ་ཞིང་སྔགས་པས་ཁྲུས་དང་དྲི་བཟང་པོས་བྱུག་ཅིང་ཇི་ལྟར་རྙེད་པའི་གོས་དང་རྒྱན་དང་གཙུག་ཏོར་གྱིས་འདུག་ཅིང་
[163b]
[163b.1]ཁོར་ལོའི་དབང་པོའི་རྣལ་འབྱོར་དང་ལྡན་པས་བདུད་རྩི་ལྔ་དང་ཙནྡན་དང་གུར་ཀུམ་ལ་སོགས་པ་རྣམས་ཀྱིས་མཎྜལ་བཅུ་གསུམ་དུ་བྱུགས་ནས་དེར་རང་གི་དམ་ཚིག་གི་འཁོར་ལོར་ལྷག་པར་མོས་ཤིང་ནམ་མཁའི་མཐིལ་ན་བཞུགས་པའི་ཡེ་ཤེས་ཀྱི་འཁོར་ལོ་བློས་བཀུག་ནས་
[163b.2]གཞུག་ཅིང་ཕྱི་དང་གསང་བའི་མཆོད་པ་རྣམས་ཀྱིས་མངོན་པར་མཆོད་ཅིང་བསྟོད་ནས་བདུད་རྩི་མྱང་བར་བྱའོ། །དེ་ནས་བསྒོམས་པའི་དཀྱིལ་འཁོར་ལས་ཕྱི་རོལ་དུ་སློབ་དཔོན་ལྷོའི་ཕྱོགས་སུ་འདུག་ཅིང་བྱང་དུ་མངོན་པར་ཕྱོགས་པས་འཆད་པར་འགྱུར་བའི་ལྷ་སོ་སོ་སོ་སོའི་ཚུལ་
[163b.3]གྱིས་སམ། བུམ་པ་གཅིག་གི་ཚུལ་གྱིས་ཀྱང་རུང་སྟེ་ལས་ཐམས་ཅད་པའི་བུམ་པ་ལྷག་པར་བྱའོ། །བླ་རེ་དང་མཐིལ་དུ་སོ་སོར་དྲི་བཟང་པོའི་དཀྱིལ་འཁོར་གྱི་སྟེང་དུ་ཀུ་ཤ་སར་བའི་སྟེགས་ལ་གཞག་གོ། །སྟོང་པ་ཉིད་ཀྱི་རྗེས་བཾ་གྱི་ས་བོན་ལས་བྱུང་བའི་གསེར་ལ་སོགས་པའི་
[163b.4]བུམ་པ་ནག་པོ་དང་རྩ་བ་མེད་ཅིང་མཆུ་འཕྱང་བ་མགྲིན་པ་མཐོ་བ་གསུས་པ་ཆེ་བ་རྣམས་ལེགས་པར་བཀྲུས་ཤིང་ཤིན་ཏུ་བདུགས། ནས་དང་གྲོ་དང་མོན་སྲན་གྲེའུ་དང་སོ་བ་དང་ཏིལ་དང་། སྨན་ལྔ་ནི་བྲྀ་ཧ་ཏི་དང་ཀཎྜ་ཀ་རི་དང་གཞན་གྱིས་མི་ཐུབ་པ་དཀར་པོ་དང་ས་ཧ་དེ་བ་དང་དཎྜོཏྤ་ལ་སྟེ་
[163b.5]སྨན་ལྔའོ། །གུར་གུམ་དང་ཨ་ཀ་རུ་དང་། གྲནྠི་དང་ཙནྡན་དང་པ་ཏྲཾ་ག་ནི་དྲི་ལྔའོ། །གསེར་དང་དངུལ་དང་མུ་ཏིག་དང་བྱི་རུ་དང་རཱ་ཛ་བ་རྟྟ་ནི་རིན་པོ་ཆེ་ལྔའོ། །དེ་རྣམས་བུམ་པའི་ལྟོ་བར་བཅུག་ནས་གླང་པོ་ཆེ་དང་ནོར་ཕྱུགས་དང་བོང་བུ་ལ་སོགས་པས་མ་རྙོགས་པའི་ཆུ་ཀླུང་ལ་སོགས་
[163b.6]པ་ལས་བླངས་པ་སྟེ་སཱ་ལི་བཟང་པོ་དང་གཞན་པའི་སྣོད་ཀྱིས་མ་རེག་པའི་ཆུ་བདུད་རྩི་ལྔ་དང་བཅས་པ་བླུགས་ཏེ། སྙིང་པོར་ཙུ་ཏ་དང་ཛམྦུ་དང་ནྱ་གྲོ་དྷ་དང་ཨ་ཤྭདྠ་དང་ཨུ་དུམྺཱ་ར་རྣམས་དང་གཞན་གང་ཡང་རུང་བ་བ་དན་དང་གདུགས་དང་བཅས་པ་རྣམ་པར་སྒེག་པ་རྣམས་ནི་ཁ་ལ་སྟེ།
[163b.7]མེ་ཏོག་དང་བཅས་པའི་ཕྲེང་བ་འོད་ཅན་དང་རས་ཟུང་གིས་མགྲིན་པ་དཀྲིས་པ། ཆོས་འབྱུང་དང་པདྨ་དང་ཉི་མ་ལ་གནས་པའི་རང་རང་གི་མཚན་མས་མཚན་པ་རྣམས་ནི་འདོད་པ་ལ་སོགས་པས་དཀར་པོར་བྱས་ཏེ་གཞག་པར་བྱའོ། །དེ་ནས་དེ་རྣམས་ལ་གཞོན་ནུ་
[164a]
[164a.1]མས་བཀལ་བའི་སྐུད་པ་དཀར་པོ་བདུན་གྱིས་སམ། ཁ་དོག་ལྔའི་སྐུད་པས་ཀྱང་རུང་སྟེ་ཧཱུཾ་ལན་བདུན་བཟླས་པ། ཨོཾ་བཛྲ་ཤེ་ཁ་ར་རུཊྚ་དི་ཤཱཾ་བནྡྷ་བནྡྷ་ཧཱུཾ་ཞེས་པ་གསུམ་མམ་བདུན་གྱིས་ཡོངས་སུ་དཀྲི་བར་བྱའོ། །ཡང་ན་རྣམ་པར་རྒྱལ་བའི་བུམ་པའི་སྟེང་དུ་
[164a.2]ཨོཾ་བཛྲཱ་མྲྀ་ཏོད་ཀ་ཋཿཧཱུཾ་ཞེས་བྱ་བ་འདིས་ལན་བདུན་བཟླས་ཏེ་ཡེ་ཤེས་ཀྱི་བདུད་རྩིར་གྱུར་པ་རྡོ་རྗེའི་རྡུལ་ཕྲ་རབ་ཀྱི་རང་བཞིན་བདུད་རྩི་ལྔ་དང་དྲི་བཟངས་ཀྱི་ཆུའི་སྙིང་པོར་དུང་དང་མེ་ཏོག་གི་ཕྲེང་བ་དང་རྡོ་རྗེ་ཡང་བཞག་ནས་ནང་དུ། ཨོཾ་ཏ་པྟེ་མ་ཧཱ་ཏ་པྟེ་སྭཱ་ཧཱ་ཞེས་བྱ་བ་འདིས་མ་ངེས་པའི་
[164a.3]ཆང་ངམ་ཆུ་ཀླུང་གི་ཆུ་གཉིས་ཀྱང་རུང་བའི་ཆུ་ལོ་དང་ལྷའི་འཁོར་ལོའི་མཚན་མ་ལ་དེ་བཞིན་ཁོ་ནར་སྐད་ཅིག་གིས་ཞེས་བྱ་བས་དམིགས་ནས་སྙིང་གའི་ས་བོན་གྱི་འོད་ཀྱིས་བཀུག་པའི་ཡེ་ཤེས་ཀྱི་འཁོར་ལོ་མཆོད་པ་སྔོན་དུ་འགྲོ་བས་གཞུག་པར་བྱའོ། །སྙིང་པོར་གནས་པའི་འཁོར་
[164a.4]ལོ་ནི་འདོད་ཆགས་ཆེན་པོས་ཞུ་བར་གྱུར་པའི་བྱང་ཆུབ་ཀྱི་སེམས་ཀྱི་རང་བཞིན་གཙོ་བོར་གྱུར་པའི་སྣང་བ་རོ་གཅིག་ཏུ་གྱུར་པར་བསམ་མོ། །ཡང་ན་སློབ་དཔོན་གྱིས་རྡོ་རྗེ་ལ་དཀྲིས་པའི་མེ་ཏོག་གི་ཕྲེང་བ་དེ་རྣམས་ཧཱུཾ་བརྗོད་ཅིང་ལག་པ་གཡོན་པས་བཟུང་ནས་གཡས་པས་ཕྲེང་ཐག་
[164a.5]བཟུང་སྟེ། འཁོར་ལོའི་དབང་ཕྱུག་གི་སྔགས་མངོན་པར་བཟླས་ནས་དེ་ལ་སྔགས་ཐམས་ཅད་ཀྱིས་ཀུནྡའི་མེ་ཏོག་གསུམ་གཞུག་པར་བྱའོ། །བུམ་པ་གཞན་རྣམས་ལ་ཡང་རང་རང་གི་ལྷ་བཀུག་ཅིང་རང་རང་གི་སྔགས་བརྒྱ་རྩ་བརྒྱད་དམ་ཉི་ཤུ་རྩ་གཅིག་གིས་མངོན་པར་
[164a.6]བསྔགས་པ་རྣམས་ལ་དེ་ཁོ་ན་བཞིན་དུ་ཀུནྡའི་མེ་ཏོག་གསུམ་བཅུག་ནས་བསམ་པར་བྱའོ། །སྔགས་ནི། ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སམྦར་སྭཱ་ཧཱ། འཁོར་ལོའི་དབང་ཕྱུག་གིའོ། །ཨོཾཌཱ་ཀི་ནཱི་ཡེ་ཧཱུཾ་ཧཱུཾ་ཕཊ། ཨོཾ་ལཱ་མཱ་ཡཻ་ཧཱུཾ་ཧཱུཾ་ཕཊ། ཨོཾ་ཁྞྜ་རོ་ཧ་ཡཻ་ཧཱུཾ་ཧཱུཾ་ཕཊ། ཨོཾ་རཱུ་པི་ཎཱི་ཡཻ་ཧཱུཾ་ཧཱུཾ་ཕཊ།
[164a.7]ཨོཾ་ཀཱ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཨུ་ལཱུ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཤྭཱ་ནཱ་སྱེ་ཧཱུཾ་ཧཱུཾ་ཕཊ། ཨོཾ་ཤཱུ་ཀ་རཱ་སྱེ་ཧཱུཾ་ཧཱུཾ་ཕཊ། ཨོཾ་ཡ་མ་དཱ་དྷཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཱུ་ཏཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཾ་ཥྚཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧཱུཾ་ཧཱུཾ་ཕཊ། དཔའ་མོའི་དབང་ཕྱུག་མ་རྣམས་ཀྱིའོ། །ཨོཾ་ཁཎྜ་རོ་ཧེ་
[164b]
[164b.1]ཧཱུཾ་ཧཱུཾ་ཕཊ། དུམ་སྐྱེས་མའི་ལས་ཐམས་ཅད་པའི་སྔགས་སོ། །དེ་ནས་རྣམ་པར་རྒྱལ་བ་ལ་སོགས་པའི་བུམ་པ་རྣམས་མེ་ཏོག་ལ་སོགས་པས་མངོན་པར་མཆོད་ནས་ལས་ཐམས་ཅད་པ་ལས་ཡལ་འདབ་ཀྱིས་བླངས་པའི་ཆུས་བསངས་ཏེ། ཇི་སྲིད་དཀྱིལ་འཁོར་གྱི་
[164b.2]བྱ་བ་མ་རྫོགས་པ་དེ་སྲིད་དུ་སོ་སོའི་གནོད་པ་རྣམས་ཕྱིར་བཟློག་པར་མཛོད་ཅིག་ཅེས་བརྗོད་ནས་གཏོར་མ་ཕུལ་ཏེ་ཉེ་རེག་བྱས་ནས་སླར་ཡང་མེ་ཏོག་ལ་སོགས་པས་མཆོད་དེ། རྡོ་རྗེ་མཁའ་འགྲོ་མཁའ་འགྲོ་མའི། །འཁོར་ལོས་སྒྱུར་མ་ཁྱོད་ཕྱག་འཚལ། །ཁམས་གསུམ་པ་ནི་གཅིག་པའི་སྐུ། །འཁོར་
[164b.3]ལོའི་མཁའ་འགྲོ་ཁྱོད་ཕྱག་འཚལ། །རིན་ཆེན་མཁའ་འགྲོ་ཁྱོད་ཕྱག་འཚལ། །རྡོ་རྗེ་ཆོས་ཁྱོད་ལ་ཕྱག་འཚལ། །དོན་ཡོད་རྡོ་རྗེ་མགོན་པོ་སྟེ། །ལས་ཀྱི་རྡོ་རྗེ་ཁྱོད་ཕྱག་འཚལ། །ཞེས་བསྟོད་ཅིང་དྲིལ་བུ་གསིལ་བར་བྱའོ། །དེ་ལྟ་བུའི་སྔགས་དང་མཆོད་པ་ལ་སོགས་པས་ཉི་མ་སོ་སོ་ལ་ཐུན་
[164b.4]གསུམ་མམ་ཐུན་མཚམས་གཅིག་ཏུ་བུམ་པ་རྣམས་ལ་བྱའོ་ཞེས་བྱ་བ་ནི་བུམ་པ་ལྷག་པར་གནས་པའོ། །དེའི་རྗེས་སུ་སློབ་དཔོན་གྱིས་དྲིའི་དཀྱིལ་འཁོར་བཅུ་གསུམ་བཀོད་པ་མེ་ཏོག་དང་བཅས་པ་ལ་དཀྱིལ་འཁོར་གྱི་བདག་པོར་དམིགས་ནས་རང་གི་སྙིང་གའི་ས་བོན་གྱི་འོད་
[164b.5]ཀྱིས་དྲངས་པའི་ཡེ་ཤེས་ཀྱི་འཁོར་ལོ་བཅུག་ནས་མཆོད་ཡོན་ལ་སོགས་པ་སྔོན་དུ་འགྲོ་བས་མཆོད་ཅིང་བདུད་རྩི་མྱངས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་ལྕེ་ཧཱུཾ་ལས་སྐྱེས་པའི་རྡོ་རྗེ་རྩེ་གཅིག་པར་ཧཱུཾ་ཡིག་བཀོད་དེ་ལག་པ་གཡས་བས་སྤོས་ཀྱི་སྣོད་ཐོགས་ནས་གཡོན་པས་
[164b.6]རྡོ་རྗེ་དྲིལ་བུ་གསིལ་བར་བྱའོ། །བཅོམ་ལྡན་ཁྲོ་བོའི་རྡོ་རྗེ་མཆོག །དེ་བཞིན་གཤེགས་ལ་གསོལ་བ་འདེབས། །ལྷན་སྐྱེས་འབྱུང་བའི་དཀྱིལ་འཁོར་ནི། །མགོན་པོ་བྲི་བར་འཚལ་བ་ལགས། །སློབ་མ་རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །དེ་ཕྱིར་བཅོམ་
[164b.7]ལྡན་བདག་གུས་ལ། །བཀའ་དྲིན་ནང་པར་མཛད་པར་རིགས། །སངས་རྒྱས་གང་གཞན་སྔགས་ཀྱི་ལྷ། །ལྷ་དང་འཇིག་རྟེན་སྐྱོང་བ་དང་། །འབྱུང་པོ་བྱང་ཆུབ་བསྟན་ལ་གནས། །གང་དུ་རྡོ་རྗེའི་སྤྱན་ལྡན་པ། །བསྟན་ལ་མངོན་པར་དགའ་བ་ཀུན། །བདག་ལ་ཡང་དག་
[165a]
[165a.1]དགོངས་སུ་གསོལ། །དེ་ཕྱིར་སློབ་མར་བཅས་པ་ལ། །རྗེས་སུ་བརྩེ་བ་ལ་གནས་པ། །སྡོམ་པ་འབྱུང་བའི་མཆོག་གི་ནི། །དཀྱིལ་འཁོར་དག་ནི་བྲི་བར་བགྱི། །ཞེས་ལན་གསུམ་བརྗོད་ཅིང་མངོན་པར་འདོད་པའི་དོན་གསོལ་ལོ་ཞེས་བྱ་བ་ནི་ལྷ་ལྷག་པར་གནས་
[165a.2]པའོ།། །།དེ་ནས་རྡོ་རྗེ་སློབ་དཔོན་གྱིས་ལེགས་པར་ཡོངས་སུ་བརྟགས་པའི་སློབ་མ་རྣམས་ལྷག་པར་གནས་པར་བྱ་སྟེ། ཤེས་ལྡན་ཚུལ་ཁྲིམས་ཡོན་ཏན་ལྡན། །བརྟན་ཞིང་བཏང་ལ་རྒྱུད་རིག་པ། །བརྩེར་ལྡན་དེ་ཉིད་རིག་ཅིང་སེམས། །རྡོ་རྗེ་སློབ་དཔོན་བླ་ཆེན་ལའོ། །རིགས་ལྡན་
[165a.3]དུལ་ཞིང་མོས་ཤེས་པ། །སྦྱིན་དང་ཚུལ་ཁྲིམས་སྙིང་རྗེ་དང་། །སློབ་མ་གཡོ་མེད་བླ་མར་གུས། །དེ་འདིར་བླ་མས་བསྡུ་བར་བྱ། །མེད་པར་གྱུར་ན་དམན་པ་ཡང་། །ལྷག་པར་གནས་པར་བྱ་ཞེས་བྱ། །དེ་ནས་སློབ་མ་གཅིག་གམ་གཉིས་སམ་མང་པོ་ཡང་རུང་། །མཎྜལ་བྱས་ཤིང་
[165a.4]པུས་མོ་ས་ལ་བཙུགས་ཏེ་མེ་ཏོག་དང་བཅས་པའི་ཐལ་མོ་སྦྱར་བའི་སློབ་མ་རྣམས་ལ། ཁ་ཅིག་གསང་སྔགས་སྒྲུབ་དོན་གཉེར། །དཀྱིལ་འཁོར་འདིར་ནི་འཇུག་པར་བྱེད། །བསོད་ནམས་འདོད་པས་དེ་ལས་གཞན། །གཞན་དག་འཇིག་རྟེན་ཕ་རོལ་གཉེར། །འཇིག་རྟེན་ཕ་རོལ་ལ་
[165a.5]བལྟ་བའི། །དད་པ་ཕྱིར་ཞིང་བྱས་ནས་ནི། །བློ་ལྡན་དཀྱིལ་འཁོར་འཇུག་བྱ་སྟེ། །འདི་ཡི་འབྲས་བུ་སྤང་བར་བྱ། །འདི་ཡི་འབྲས་བུ་འདོད་གྱུར་ན། །འཇིག་རྟེན་ཕ་རོལ་དེ་ལྟ་མིན། །འཇིག་རྟེན་ཕ་རོལ་དོན་གཉེར་བས། །འདི་འབྲས་རྫོགས་པར་འགྱུར་བ་ཡིན། །ཞེས་དད་པ་
[165a.6]བསྐྱེད་ནས་སློབ་དཔོན་དཔལ་སྡོམ་པའི་སྐུ་རྡོ་རྗེ་ཕག་མོ་ལ་སྙོམས་པར་ཞུགས་པས་སློབ་མ་དེ་རྣམས་རང་གི་སྤྱི་བོའམ་ཁ་ནས་བཅུག་སྟེ། རྡོ་རྗེ་ནས་འཐོན་ནས་ཤེས་རབ་ཀྱི་པདྨར་གནས་པ་ལ་རང་གི་སྙིང་གའི་ས་བོན་གྱི་འོད་ཟེར་གྱིས་བཀུག་པའི་ཤེས་རབ་དང་བཅས་པའི་དེ་བཞིན་
[165a.7]གཤེགས་པ་རྣམས་འདོད་ཆགས་ཆེན་པོས་ཞུ་བར་གྱུར་ཏེ། རྣམ་པར་སྣང་མཛད་ཀྱི་སྒོ་ནས་ཨ་ཝ་དྷཱུ་ཏཱི་དང་རྡོ་རྗེ་ལས་འཐོན་བར་གྱུར་པ་རྣམས་ཀྱིས་མངོན་པར་དབང་བསྐུར་བ་རྣམས་དཀྱིལ་འཁོར་གྱི་ཤར་གྱི་སྒོར་བཞག་ནས་འཇུག་པར་གསོལ་བ་འདེབས་སུ་བཅུག་སྟེ། རྣལ་འབྱོར་
[165b]
[165b.1]པ་དང་མཆོག་སྦྱོར་བའི། །སྟོན་པ་ཁྱོད་ནི་དཔའ་བོ་ཆེ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །དཔའ་བོ་དཔའ་མོའི་དབང་ཕྱུག་མ། །ཕག་མོ་ཧེ་རུ་ཀ་ཉིད་ཀྱི། །གསང་
[165b.2]བའི་གདན་སོགས་ཀུན་དུ་དག །ཇི་ལྟར་ལུས་ལ་གནས་པ་ལགས། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་པོ་ཡང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་གཞུག་ཏུ་གསོལ། །ཞེས་སོ། །དེའི་རྗེས་སུ་སློབ་མ་གཅིག་གཙོ་
[165b.3]བོར་བྱས་ནས། བུ་ཚུར་ཤོག་ཅིག་ཐེག་ཆེན་པོའི། །གསང་སྔགས་སྤྱོད་ཚུལ་ཆོ་ག་ནི། །ཁྱོད་ལ་ཡང་དག་བསྟན་པར་བྱ། །ཁྱོད་ནི་ཚུལ་ཆེན་སྣོད་ཡིན་གྱི། །སྐུ་གསུང་ཐུགས་ཀྱི་རྡོ་རྗེ་ཅན། །དུས་གསུམ་འབྱུང་བའི་སངས་རྒྱས་རྣམས། །རྡོ་རྗེ་སྔགས་ཀྱི་མཐུ་ཡིས་ནི། །ཡེ་
[165b.4]ཤེས་མཉམ་མེད་ཡང་དག་བརྙེས། །གསང་སྔགས་སྦྱོར་བ་མཉམ་མེད་པ། །གང་གི་ཤཱཀྱ་སེང་གེ་སོགས། །མཆོག་རྣམས་ཀྱིས་ནི་བདུད་ཀྱི་སྡེ། །མི་བཟད་ཆེ་བ་སྟོབས་ཆེན་བཅོམ། །འཇིག་རྟེན་རྗེས་འཇུག་རྟོགས་ནས་ནི། །འཁོར་ལོ་བསྐོར་ནས་མྱ་ངན་འདས། །དེ་བས་
[165b.5]ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །ཅེས་ཡང་དག་པར་འཛིན་དུ་གཞུག་གོ། །དེ་ནས། དཀོན་མཆོག་གསུམ་ལ་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །
[165b.6]ཞེས་ལན་གསུམ་བརྗོད་པས་བྱང་ཆུབ་ཏུ་སེམས་བསྐྱེད་པ་འཛིན་དུ་གཞུག་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བས་དུས་འདི་ནས་བཟུང་ནས་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་བླ་ན་མེད་པའི་བྱང་
[165b.7]ཆུབ་ཀྱི་མཆོག་ཏུ་སེམས་བསྐྱེད་པར་བགྱིའོ། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་པར་བགྱི། །ཚུལ་ཁྲིམས་བསླབ་པ་རྣམ་པ་གསུམ། །དགེ་བ་དང་ནི་ཆོས་སྡུད་དང་། །
[166a]
[166a.1]སེམས་ཅན་དོན་བྱེད་ཚུལ་ཁྲིམས་ནི། །བདག་གིས་སོ་སོར་བརྟན་པོར་གཟུང་། །སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་མཆོག་བླ་ན་མེད། །སྡོམ་པ་སངས་རྒྱས་རྣལ་འབྱོར་བྱུང་། །དེང་ནས་བརྩམས་ཏེ་གཟུང་བར་བགྱི། །རྡོ་རྗེ་ཆེན་པོ་རིགས་བསྡུས་
[166a.2]ལ། །རྡོ་རྗེ་དྲིལ་བུ་ཕྱག་རྒྱ་ཡང་། །དེ་ཉིད་ཀྱིས་ནི་རབ་ཏུ་གཟུང་། །སློབ་དཔོན་དག་ཀྱང་གཟུང་བར་བགྱི། །རིན་ཆེན་པོ་ཡི་རིགས་མཆོག་གི །དམ་ཚིག་ཡིད་དུ་འོང་བ་ལ། །ཉིན་རེ་བཞིན་དུ་ལན་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །པདྨ་ཆེན་པོའི་རིགས་དག་པ། །བྱང་ཆུབ་
[166a.3]ཆེན་པོ་འབྱུང་བ་ལ། །ཕྱི་དང་གསང་བ་ཐེག་པ་གསུམ། །དམ་ཆོས་སོ་སོར་གཟུང་བར་བགྱི། །ལས་ཆེན་རིགས་ནི་བསྡུས་པ་ལ། །སྡོམ་པ་ཐམས་ཅད་ཡང་དག་ལྡན། །མཆོད་པའི་ལས་ནི་ཅི་ནུས་བཞིན། །ཀུན་ནས་སོ་སོར་གཟུང་བར་བགྱི། །རྩ་བའི་ལྟུང་བ་སྤང་བགྱི་ཞིང་། །
[166a.4]དེ་བཞིན་སྦོམ་པོའི་ལྟུང་བ་སྤང་། །སེམས་ཅན་རྣམས་ལ་བསྙེན་བཀུར་བགྱི། །ཐམས་ཅད་དུ་ཡང་བྱམས་པའི་སེམས། །ལུས་ཀྱི་ལས་ནི་རྣམ་པ་གསུམ། །ངག་གི་རྣམ་པ་བཞི་དག་དང་། །ཡིད་ཀྱི་རྣམ་པ་གསུམ་དག་གི །དགེ་བའང་བདག་གིས་བསྐྱང་བར་བྱ། །མྱོས་པའི་
[166a.5]བཏུང་བ་སྤང་བགྱི་ཞིང་། །རྒོད་པའི་བྱ་བའང་དེ་བཞིན་ཏེ། །ཐེག་པ་དམན་ལ་དགའ་བ་ཡང་། །རབ་ཏུ་འབད་པས་མི་བྱའོ། །ལྷ་སོགས་དེ་བཞིན་གཙོ་བོ་ལ། །མ་གུས་པར་ཡང་མི་བགྱིའོ། །ཕྱག་རྒྱ་ལ་སོགས་བྱེད་པ་རྣམས། །མནན་པར་ཡང་ནི་མི་བྱའོ། །བྱང་ཆུབ་སེམས་ནི་
[166a.6]བླ་མེད་པ། །དམ་པ་དག་ནི་བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །སྡོམ་པ་མཐའ་དག་གཟུང་བར་བགྱི། །མ་བརྒལ་བ་རྣམས་བདག་གིས་བསྒྲལ། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱིན་པ་དབུགས་དབྱུང་ཞིང་། །སེམས་ཅན་མྱ་ངན་
[166a.7]འདས་ལ་དགོད། །ཅེས་ལན་གསུམ་བརྗོད་དུ་གཞུག་གོ། །དེ་ནས་ཁཎྜ་རོ་ཧིའི་སྔགས་ཀྱིས་བསྲུངས་ལ། དེ་རྣམས་ཀྱི་སྙིང་ག་དང་མགྲིན་པ་དང་སྤྱི་བོར་གནས་པའི་རྡོ་རྗེ་དང་པདྨ་དང་འཁོར་ལོའི་སྟེང་དུ་ཉི་མ་དང་ཟླ་བ་ལ་གནས་པའི་ཧཱུཾ་ནག་པོ་དང་། དམར་པོ་དང་ཨོཾ་དཀར་པོ་རྣམས་
[166b]
[166b.1]རྣམ་པར་བསྒོམས་ནས་དྲིའི་ཆུ་རྡོ་རྗེ་དང་བཅས་པས་བླངས་ནས་སྙིང་ག་དང་མགྲིན་པ་དང་སྤྱི་བོ་རྣམས་སུ་ཧཱུཾ་ཨཱཿཨོཾ་བརྗོད་ཅིང་། རེག་ལ་སྤྱི་བོར་མེ་ཏོག་མདུན་དུ་བདུག་སྤོས་དང་མར་མེ། སྙིང་གར་དྲི་རྣམས་དབུལ་བར་བྱའོ། །དེ་ནས་ལས་ཐམས་ཅད་པའི་སྔགས་བཟླས་པའི་ཨ་ཤྭ་དྠ་
[166b.2]ལ་སོགས་པའི་སོ་ཤིང་ལྟུང་བ་མ་ཡིན་ཞིང་དྲང་ལ་སྲོག་ཆགས་མེད་ཅིང་རྨ་མེད་པ་དྲིའི་ཆུས་བཀྲུས་ཏེ་རྩེ་མོར་མེ་ཏོག་བཅིངས་པ་སློབ་མ་རྣམས་ཀྱི་སྙིང་གར་སྦྱིན་ཏེ་ཁ་སྦྱངས་ལ། དེ་དག་ཀྱང་བ་ལང་གི་ཀོ་བ་ཙམ་དུ་བྱུགས་པའི་སའི་ཆ་ལ་ཤར་དུ་མངོན་པར་ཕྱོགས་པས་སོ་ཤིང་གི་རྩེ་མོ་
[166b.3]བསྐྱུར་ནས། ཨོཾ་བཛྲ་ཧཱ་ས་ཧཿཞེས་བརྗོད་ཅིང་ལྟོས་པ་མེད་པར་དོར་ཏེ་སྟེང་དུ་བལྟས་ནས་སོ། །སོ་ཤིང་དེ་དག་ལྟུང་བ་དང་རྗེས་སུ་མཐུན་པའི་དངོས་གྲུབ་ཏུ་འགྱུར་བ་ཡང་བརྗོད་པར་བྱའོ། །ཤར་དང་བྱང་དང་ནུབ་དང་ལྷོ་དང་སྟེང་དང་། འོག་ཏུ་ཕྱོགས་པར་ལྟུང་ན་ཞི་བ་དང་རྒྱས་པ་དང་
[166b.4]དབང་དང་མངོན་སྤྱོད་དང་རིག་པ་འཛིན་པ་དང་ས་འོག་རྣམས་འགྲུབ་ལ། ཕྱི་རོལ་དུ་ལྷུང་ན་དངོས་གྲུབ་མེད་དོ། །དེ་ནས་བཾ་ལས་སྐྱེས་པའི་ཆུ་དེ་བཟླས་པ་ཞལ་བསིལ་གྱི་དོན་དུ་བྱིན་ནས་ལས་ཐམས་ཅད་པའི་སྔགས་ཀྱིས་ལན་བདུན་མངོན་པར་བསྔགས་པའི་དྲིའི་ཆུ་ཁྱོར་བ་གསུམ། ཨོཾ་ཧྲཱིཿ
[166b.5]བི་ཤུདྦྷ་དྷརྨྨ་སརྦྦ་པཱ་པ་ནི་ཤཱ་སྱ་བི་ཤོདྷ་ཡ་སརྦྦ་བི་ཀལྤཱ་ན་པ་ན་ཡ་ཧཱུཾ་ཞེས་བརྗོད་དེ་འཐུང་དུ་གཞུག་གོ། །དེ་ནས་དེ་རྣམས་ཕྱི་རོལ་དུ་འདུག་ཏུ་བཅུག་ནས་ཧཱུཾ་ལས་བྱུང་བའི་ཀུ་ཤ་མང་པོ་རྩེ་མོ་མ་ཉམས་པ་ལས་ཐམས་ཅད་པས་མངོན་པར་བསྔགས་པ་རྣམས་མལ་སྟན་གྱི་དོན་དང་། དེ་བཞིན་དུ་དྷཱི་
[166b.6]ཡིག་ལས་སྐྱེས་པའི་ཀུ་ཤ་གཅིག་སྔས་ཀྱི་དོན་དུ་ཨོཾ་བཛྲ་ཏཱི་ཀྵྞ་བཾ་ཞེས་བྱ་བའི་སྔགས་ཀྱིས་སྦྱིན་ནོ། །དེ་ནས་ཧཱུཾ་ལས་སྐྱེས་པའི་སྐུད་པ་དམར་པོ་ལུས་ཀྱི་ཚད་སུམ་བསྒྲིལ་དུ་བྱས་ནས་མདུད་པ་གསུམ་བྱས་ཏེ། ལས་ཐམས་ཅད་པས་བསྔགས་པ་དེ་རྣམས་ཀྱི་དཔུང་པ་གཡོན་པ་ལ་བཅིངས་
[166b.7]ཏེ། ཨོཾ་བུདྡྷ་མཻ་ཏྲི་རཀྵ་སརྦྦཱ་ན་སྭཱ་ཧཱ། ཞེས་བརྗོད་ཅིང་བསྲུངས་ནས་སྤྲོ་བ་བསྐྱེད་པར་བྱ་བ་ནི། འཇིག་རྟེན་དུ་ནི་ཀུན་མཁྱེན་རྣམས། །རེས་འགའ་འབྱུང་ངམ་མི་འབྱུང་སྲིད། །ཨུ་དུ་མྺཱ་རའི་མེ་ཏོག་བཞིན། །བརྒྱ་ལམ་ན་ནི་རེས་འགའ་འབྱུང་། །གང་གིས་སེམས་ཅན་མཉམ་མེད་དོན། །
[167a]
[167a.1]མྱ་ངན་མི་འདའ་བྱེད་པར་ནུས། །གསང་སྔགས་སྤྱོད་པའི་ཚུལ་འབྱུང་བ། །དེ་བས་ཀྱང་ནི་ཤིན་ཏུ་དཀོན། །བསྐལ་པ་བྱེ་བ་དུ་མ་རུ། །སྡིག་པ་གང་ཞིག་སྔོན་བྱས་པ། །དཀྱིལ་འཁོར་འདི་འདྲ་མཐོང་བ་ཡིས། །དེ་དག་ཐམས་ཅད་
[167a.2]ཟད་འགྱུར་ན། །གྲགས་པ་མཐའ་ཡས་སྔགས་སྤྱོད་པའི། །ཚུལ་ལ་གནས་ན་སྨོས་ཅི་དགོས། །སྐྱོབ་པའི་གསང་སྔགས་བཟླས་ན་ནི། །གོ་འཕང་བླ་ན་མེད་པར་འགྱུར། །སྤྱོད་མཆོག་འདི་ལ་གང་རྣམས་ཀྱི། །བློ་གྲོས་ཤིན་དུ་དྲི་མ་མེད། །དེ་རྣམས་ཀྱི་ནི་སྡུག་བསྔལ་ཀུན། །འབྱུང་
[167a.3]བའི་ངན་འགྲོ་ཡང་དག་ཞི། །བདག་ཉིད་ཆེན་པོ་ཁྱེད་རྣམས་ཀྱིས། །དེ་རིང་རྙེད་པ་མཉམ་མེད་རྙེད། །གང་གིས་ཁྱེད་རྣམས་རྒྱལ་བ་ཀུན། །བདག་ཉིད་ཆེན་པོ་སྲས་བཅས་ཀྱིས། །བསྟན་འདི་ཀུན་ལ་ཡོངས་སུ་གཟུང་། །གནས་པ་སྐྱེ་བར་འགྱུར་བ་ནི། །དེ་ཡིས་ཁྱེད་རྣམས་ཐེག་ཆེན་
[167a.4]ལ། །ལེགས་པར་སྐྱེ་བ་ཉིད་དུ་འགྱུར། །ཐེག་པ་ཆེན་པོ་ཆེར་འབྱུང་བའི། །ལམ་མཆོག་འདི་ནི་དཔལ་དང་ལྡན། །གང་གིས་ཁྱེད་རྣམས་འགྲོ་འགྱུར་བས། །དེ་བཞིན་གཤེགས་པར་འགྱུར་བ་ཡིན། །ཞེས་བྱ་བ་ཉན་དུ་བཅུག་ནས་དེའི་རྗེས་ལ་དེ་རྣམས་ལ་ལས་ཐམས་ཅད་པའི་སྔགས་
[167a.5]ཀྱིས་ཡང་དག་པར་བསྲུངས་ནས་བཟླས་པའི་དོན་དུ་ལས་ཐམས་ཅད་པའི་སྔགས་བཤད་ནས་ནང་པར་སྔ་བར་ང་ལ་རྨི་ལམ་སྨྲོས་ཤིག་ཅེས་བརྗོད་དེ་དཀྱིལ་འཁོར་གྱི་ཐ་མལ་ཡོལ་བས་བཅད་པའམ་ཕྱི་རོལ་གྱི་གནས་གཞན་དུ་ཡང་རུང་སྟེ་སེང་གེའི་ཉལ་སྟབས་ཀྱིས་ཉལ་དུ་གཞུག་གོ་ཞེས་
[167a.6]བྱ་བ་ནི་སློབ་མ་ལྷག་པར་གནས་པའོ།། །།དེ་ནས་སློབ་དཔོན་གྱིས་སློབ་མ་ལྷག་པར་གནས་པའི་ཆེད་དུ་བཀོད་པའི་ལྷའི་དཀྱིལ་འཁོར་མངོན་པར་མཆོད་ནས་ཡེ་ཤེས་ཀྱི་ཐིག་ལ་སོགས་པའི་དོན་དུ་ནམ་མཁའ་ལ་བཏེག་ཅིང་བཀོད་ནས་ཤར་དུ་མངོན་པར་ཕྱོགས་ཤིང་དཀྱིལ་འཁོར་གྱི་
[167a.7]བདག་པོའི་རྣལ་འབྱོར་དང་ལྡན་པས་གཞོན་ནུ་མ་མ་ཉམས་པས་བཀལ་བའམ་དཔའ་བོའི་རིན་གྱིས་ཉོས་པའམ། དུར་ཁྲོད་ནས་རྙེད་པ་ཡང་རུང་སྟེ་དྲི་བཟང་པོ་དང་བཅས་པའི་ཡུངས་ཀར་གྱི་ཕྱེ་མ་བདུད་རྩི་ལྔས་དཀར་པོ་དང་སེར་པོ་དང་དམར་པོ་དང་ལྗང་གུ་དང་། ནག་པོའི་ཁ་དོག་རྣམས་
[167b]
[167b.1]ཀྱིས་སོ་སོ་སོ་སོར་ཁ་བསྒྱུར་བའི་ཐིག་སྐུད་རྣམས་བྷྲཱུཾ་ཨཱཾ་ཛྲཱཾ་ཁཾ་ཧཱུཾ་གི་ས་བོན་ལ་སོགས་པས་རྣམ་པར་སྣང་མཛད་ལ་སོགས་པའི་རང་བཞིན་རྣམས་ལག་པ་གཡོན་པའི་མཐིལ་དུ་སོར་མོའི་རྩེ་མོ་ནས་བརྩམས་ནས་སོར་མོའི་རྩ་བའི་བར་དུ་བཀོད་ལ། ནམ་མཁའ་ལ་བཞུགས་པའི་དེ་བཞིན་གཤེགས་པ་
[167b.2]ལྔ་རང་རང་གི་ཕྱོགས་ཀྱི་དེ་བཞིན་གཤེགས་པ་རྣམས་བསྡུས་པར་གྱུར་པའི་ཐུགས་ཀ་རྣམས་སུ་བུཾ་ཡིག་ལ་སོགས་པ་ལས་གྲུབ་པའི་ཡེ་ཤེས་ཀྱི་ཐིག་འོད་ཟེར་གྱི་རང་བཞིན་དུ་བལྟས་ཏེ། ཨོཾ་ཨཱཿ་ཤཱ་ཤྭ་ཏ་བཛྲ་སཱུ་ཏྲེ་མེ་པྲ་ཡཙྪ་མ་ཧཱ་མཎྜལ་སཱུ་ཏྲཾ་ཎཱ་ཡ་ཧཱུཾ། ཞེས་པ་འདིས་རང་
[167b.3]རང་གི་མཚན་བཅུག་པའི་རྣམ་པར་སྣང་མཛད་ལ་སོགས་པ་ལ་གསོལ་བ་གདབ་པར་བྱའོ། །དེ་ནས་ཛཿཡིག་ལས་བྱུང་བའི་སེར་པོར་སྣང་བ་ཟླ་བ་དང་ཉི་མའི་མིག་གཉིས་ཨོཾ་དཱི་པྟ་དྲྀཥྚཱ་དཀུ་ཤི་ཛཿཞེས་འདོན་བཞིན་པས་རབ་ཏུ་མྱུར་བར་གཡོ་བའི་མིག་གི་རྫི་མས་འགུགས་པའི་མིག་
[167b.4]གིས་ལྕགས་ཀྱུའི་ལྟ་སྟངས་ཀྱིས་རྣམ་པར་སྣང་མཛད་ལ་སོགས་པ་མངགས་པ་རྣམས་བཀུག་ནས་ལག་པ་ན་གནས་པའི་ཐིག་ལ་གཞུག་པར་བྱའོ། །དེ་ཉིད་ཀྱི་ཕྱིར་དེ་རྣམས་ཀྱི་མེ་ལོང་ལ་སོགས་པའི་ཡེ་ཤེས་ལྔའི་རང་བཞིན་རྣམས་སོ་སོ་ལ་ཡེ་ཤེས་བཞི་དང་རྗེས་སུ་འབྲེལ་བའི་
[167b.5]ཕྱིར་ཉི་ཤུ་རྩ་ལྔར་ཕྱེ་བར་གྱུར་པ་ཡིན་ནོ། །དེའི་རྗེས་སུ་ཁཎྜ་རོ་ཧཱའི་བདག་ཉིད་ཅན་གྱི་ལས་ཀྱི་རྡོ་རྗེ་ཅན་ཐིག་སྐུད་འཛིན་པ་དང་ལྷན་ཅིག་ཏུ་ཐིག་ལྔ་ལྔ་རྣམས་ཐིག་རེ་རེར་བསྒྲིལ་ནས་དེ་ནས་དེ་བཞིན་དུ་ཐིག་ལྔ་པོ་དེ་རྣམས་ཐིག་གཅིག་ཏུ་བསྒྲིལ་ཏེ། ཨོཾ་ཨ་ནྱོ་ནྱཱ་ནུ་ག་ཏཱཿསརྦ་དྷརྨཱཿ་པར་
[167b.6]སྤ་རཱ་ནུ་པྲ་བིཥྜཱཿ་སརྦ་དྷ་རྨྨཱཿ་ཨ་དྱནྛཱ་ནུ་པྲ་བིཥྜཱཿ་སརྦ་དྷ་རྨ་ཨོཾ་ཨཱཿཧཱུཾ། ཞེས་འདོན་ཞིང་བསྒྲིལ་བར་བྱའོ། །བསྒྲིལ་བ་ཉིད་ནི་སློབ་དཔོན་དང་སློབ་མའི་ལག་པ་གཡོན་གྱི་སོར་མོ་བཞི་རྣམས་ཀྱི་དབུས་སུ་བཅུག་ནས་རྒྱབ་ནས་འཐོན་པ་སླར་ཡང་རྒྱབ་ནས་འཐོན་པར་བྱས་པ་དེ་དག་རྡོ་རྗེ་
[167b.7]ཁུ་ཚུར་གྱི་མཛུབ་མོའི་རྒྱབ་ཀྱི་ས་ལ་སྦྱར་བ་གསུམ་གྱི་མཐར་ཐུག་པའི་ལྷག་པོ་དོར་ནས་དཀྱིལ་འཁོར་ཇི་ལྟ་བ་ལས་ཉིས་འགྱུར་ཀྱིས་རིང་པ། སྦོམས་སུ་སྒོའི་ཉི་ཤུ་ཆའི་ཚད་ཡེ་ཤེས་ལྔའི་རང་བཞིན་གྱི་ཉི་ཤུ་རྩ་ལྔར་ཕྱེ་བ་རྣམས་དྲིའི་ཆུ་དང་བདུད་རྩི་ལྔ་དང་བ་བྱུང་ལྔས་སྦངས་པ་ཡི་
[168a]
[168a.1]གེ་གསུམ་གྱི་ནང་དུ་ཆུད་ཅིང་དྲིས་ཉེ་བར་བྱུགས་པ་རྣམས་གསེར་ལ་སོགས་པའི་སྣོད་དུ་གཞག་པ་ལས་ཐམས་ཅད་པའི་ཆུ་དང་དེའི་སྔགས་ཀྱིས་དང་ཨོཾ་ཨ་ཨཱ་ཨཾ་ཨཿཨ་ཧི་ཏས་བསང་གཏོར་བྱས་ནས་དྲི་བཟངས་དང་མེ་ཏོག་ལ་སོགས་པས་མཆོད་ཅིང་
[168a.2]ལག་པས་རེག་ནས་ལས་ཐམས་ཅད་པའི་སྔགས་ཀྱིས་བསྲུང་བར་བྱའོ། །དེ་ནས་སྔགས་པ་གཡས་པ་དང་ཅིག་ཤོས་ཀྱི་མིག་དག་མ་དང་ཊ་ལས་སྐྱེས་པའི་ཉི་མ་དང་ཟླ་བ་སྟེ་འདི་དག །དྲྀཥྚི་མཊ་ཞེས་པས་བརྟན་པར་བྱས་ནས་ཧཱུཾ་བཟླས་པའི་བདུད་རྩིའི་ཆུ་དང་ཡུངས་
[168a.3]ཀར་དང་དྲིའི་ཆུས་བྲན་པའི་ཐིག་ལ་ལག་པ་གཡས་པའི་རྡོ་རྗེས་རེག་སྟེ། ཨོཾ་བཛྲ་ས་མ་ཡ་སཱུ་ཏྲཾ་མཱ་ཏི་ཀྲ་མ་ཧཱུཾ། ཨོཾ་ཨཱཿཧཱུཾ་ཞེས་བརྒྱ་རྩ་བརྒྱད་བཟླས་པས་བྱིན་གྱིས་བརླབ་པར་བྱའོ། །དཀྱིལ་འཁོར་གྱི་ས་ཡང་། ཨོཾ་སརྦ་སཾ་ཤོ་དྷ་ཡ་ཧཱུཾ་ཕཊ་ཅེས་བྱ་བ་འདིས་བུམ་པ་ཐམས་ཅད་ཀྱི་
[168a.4]ཆུས་དག་བྱེད་བྱས་ནས་དྲིས་ཉེ་བར་བྱུགས་ལ་མེ་ཏོག་ཕྱི་རོལ་དུ་དགྲམ་ཞིང་ནམ་མཁའི་དཀྱིལ་གྱི་མཐིལ་ན་གནས་པའི་སྡོམ་པའི་དཀྱིལ་འཁོར་ལ་མཆོད་ཡོན་ལ་སོགས་པ་དབུལ་བ་སྔོན་དུ་འགྲོ་བས་མཆོད་ཅིང་ཕྱག་བྱས་ནས་རང་ཉིད་དཔལ་སྡོམ་པའི་བདག་ཉིད་ཅན་དང་ལས་ཀྱི་
[168a.5]རྡོ་རྗེ་ཅན་ལས་ཐམས་ཅད་པའི་གཟུགས་ཅན་ཏེ་ཛཿ་ཡིག་ལས་སྐྱེས་པའི་ཉི་མ་དང་ཟླ་བ་སེར་པོ་འདི་དག་བསམས་ནས་རྡོ་རྗེའི་རྐང་སྟབས་ཀྱི་ཚུལ་གྱིས་ཐིག་སྐུད་གཡོན་པའི་རྡོ་རྗེ་ཁུ་ཚུར་གྱིས་བཟུང་བ་ལྟེ་བར་བཟུང་ཞིང་སྒྲུབ་པའི་གྲོགས་པོས་ཀྱང་ཐིག་སྐུད་དེ་བཞིན་དུ་བཟུང་ནས་ཛྫཿ
[168a.6]ཛྫཿཛྫཿཞེས་པའམ། ཛཿཛཿཛཿགསུམ་གྱིས་ཀྱང་རུང་སྟེ་བཏང་ཞིང་ཛྫ་ཛྫཿཛྫཿགིས་སླར་ཡང་དེ་ཁོ་ན་བཞིན་དུ་དྲངས་ནས་མངོན་དུ་ཕྱོགས་པས་ནུབ་ཀྱི་ཕྱོགས་ན་གནས་པས་ཤར་དུ་ལྟ་བ་དང་། ལྷོའི་ཕྱོགས་ན་གནས་པས་བྱང་དུ་ལྟ་བས་ཏེ། ཚངས་པའི་ཐིག་གཉིས་པོ་ལྟེ་བ་དང་
[168a.7]མཉམ་པར་བར་སྣང་ལས་ཏེ། སེམས་ཅན་གྱི་དོན་དུ་ཁྱེད་རྣམས་ཀྱི་དུས་དེ་ཡིན་གྱི་འདིར་གཤེགས་སུ་གསོལ་ལོ་ཞེས་བྱ་བའི་བརྡའི་དོན་ཅན་ཐིག་གི་སྒྲ་རྣམས་ཀྱིས་ནམ་མཁའ་ཐམས་ཅད་ཁྱབ་པའི་དེ་བཞིན་གཤེགས་པ་རྣམས་ལ་ཡང་དག་པར་བསྐུལ་ཞིང་བཀུག་ནས་
[168b]
[168b.1]ཐིག་ལ་གཞུག་པར་བྱའོ། །ཨོཾ་བཛྲ་ས་མ་ཡ་སཱུ་ཏྲཾ་ཀྲ་མ་ཧཱུཾ་ཧཱུཾ་སྭཱ་མ་ཧཱ་ཞེས་བརྗོད་དེ་རྡོ་རྗེ་དང་བཅས་པའི་མཐེ་བོང་དང་མཛུབ་མོ་དག་གིས་ཐིག་སྐུད་བཟུང་ལ་སེ་གོལ་གྱི་སྒྲ་བྱ་ཞིང་གདབ་པར་བྱའོ། །དེ་ཁོ་ན་བཞིན་ཏུ་འོག་ཏུ་ཚངས་པའི་ཐིག་གཉིས་ཀྱང་སྟེ། དེ་ལྟར་ཐིག་
[168b.2]གདབ་པ་ཐམས་ཅད་ལ་ཐིག་གི་ཆོ་གར་ཤེས་པར་བྱའོ། །དེ་ལྟར་སློབ་དཔོན་ནུབ་ཀྱི་ཕྱོགས་སུ་གནས་ནས་ཤར་དུ་ལྟ་བ་དང་ལྷོའི་ཕྱོགས་སུ་གནས་ནས་བྱང་དུ་བལྟས་ཏེ། རྐང་པ་གཡོན་པ་སྐྱིལ་ཀྲུང་བཅས་པ་ས་ལ་བཙུགས་ནས་འདུག་པ་དང་ལས་ཀྱི་རྡོ་རྗེ་ཅན་དེ་ལས་བཟློག་
[168b.3]པས་འདུག་སྟེ་རྡོ་རྗེ་ཁུ་ཚུར་གྱིས་ཐིག་སྐུད་བཟུང་ལ་རྒྱབ་ཀྱི་གཡོན་སྐོར་དུ་འགྲོ་ཞིང་ལྷན་ཅིག་པས་ཚངས་པའི་ཐིག་གཉིས་འོད་ཟེར་གྱི་ཕྲེང་བའི་མཐར་ཐིག་བྱའོ། །མེའི་མཚམས་སུ་གནས་པས་རླུང་གི་མཚམས་ཀྱི་ཐིག་དང་བདེན་བྲལ་དུ་གནས་ནས་དབང་ལྡན་གྱི་མཚམས་ཀྱི་
[168b.4]ཐིག་གདབ་སྟེ། གཉི་ག་ཡང་སྒོའི་ཚད་བཅུ་བདུན་ནོ། །མེའི་མཚམས་སུ་གནས་ནས་བྱང་དུ་བལྟས་ཏེ་ཤར་གྱི་རྩ་བའི་ཐིག་དང་རླུང་གི་མཚམས་སུ་གནས་ནས་ལྷོར་བལྟས་ཏེ་ནུབ་ཀྱི་རྩ་བའི་ཐིག་དང་དེ་ཉིད་དུ་གནས་ནས་ཤར་དུ་བལྟས་པས་བྱང་གི་རྩ་བའི་ཐིག་དང་མེའི་མཚམས་
[168b.5]སུ་གནས་ནས་ནུབ་ཏུ་བལྟས་པས་ལྷོའི་རྩ་བའི་ཐིག་གདབ་པར་བྱ་སྟེ་ཁྲུ་ལ་སོགས་པའི་ཚད་དུའོ། །དེ་ཡང་རྩ་བའི་ཐིག་གཅིག་གི་བརྒྱད་ཆ་ནི་སྒོ་ཡིན་པའི་ཕྱིར་སྒོའི་བཞི་ཆ་གཅིག་ནི་ཆ་ཆུང་གཅིག་གོ། །དེ་ནས་ཚངས་ཐིག་གི་གཡས་དང་ཅིག་ཤོས་ཀྱི་ལོགས་སུ་ཆ་ཆུང་
[168b.6]གཉིས་གཉིས་ནི་རྩ་བའི་ཐིག་གི་སྒོའི་གནས་སོ་ཞེས་ཤེས་ནས་སློབ་དཔོན་བཅོམ་ལྡན་འདས་ཀྱི་སྐུས་དཀྱིལ་འཁོར་གྱི་དབུས་ཀྱི་གནས་ཐར་བའི་སྒོའི་གེགས་སུ་གྱུར་པའི་སྒྲིབ་པ་ཐ་དག་བསལ་བར་བྱའོ་ཞེས་མོས་ཏེ། ཧིཿ་ཡིག་གིས་གཡས་དང་ཅིག་ཤོས་ཀྱི་མིག་དག་
[168b.7]ཉི་མ་དང་ཟླ་བའི་རྣམ་པ་ཁྲོ་བོའི་ལྟ་བས་ཀུན་ནས་ཡོངས་སུ་བལྟས་ན་སྒོ་བཞི་པོ་དག་དབྱེ་ཞིང་དབྱི་བར་བྱའོ། །དེ་ནས་འཆད་པར་འགྱུར་བའི་ཕུར་བུའི་ཚུལ་གྱིས་གཙོ་བོའི་པདྨ་ལ་སོགས་པའི་ཐིག་བྱའོ། །ཚངས་ལས་ཆ་ཆུང་བཞི་ཡི་མཐར། །ཟེའུ་འབྲུའི་ཐིག་ནི་ཟླུམ་པོ་སྟེ།
[169a]
[169a.1]337 དེ་ལས་ཆ་ཆུང་བརྒྱད་རྣམས་ཀྱིས། །འདབ་མ་བརྒྱད་སོགས་བྲི་བར་བྱ། །རྩ་བའི་ཕྱི་རོལ་གཅིག་གཉིས་གཅིག །གཉིས་དང་གཅིག་དང་གཅིག་ཡིན་ཏེ། །ཐིག་དྲུག་ཟུར་ནས་ངོས་སུ་སྟེ། །ཚངས་ལས་རིམ་པས་རིང་བར་ནི། །ཆ་ཆུང་གསུམ་དུ་དང་པོ་
[169a.2]གཉིས། །ཆ་ཆུང་གཉིས་ཐིག་རྩེར་རེག་པའོ། །གསུམ་ནི་ཆ་ཆུང་བདུན་དུའོ། །སྟེགས་བུའི་ཐིག་ལས་དྲང་པོའི་ཐིག །གསུམ་པོ་ཆ་ཆུང་ལྔ་པ་སྟེ། །སྣམ་བུ་སོ་སོ་སོ་སོ་ཡི། །ཞེང་དུ་ཆ་ཆུང་རེ་རེ་ཡིན། །རྩ་བའི་རྩེ་ནས་འཐོན་པའི་ཐིག །ཆ་ཆུང་བཞི་སྟེ་ཆ་ཆུང་གཉིས། །
[169a.3]ཐད་ཀ་དང་ནི་སྟེང་དུ་ཡང་། །ཐད་ཀར་ཆ་བརྒྱད་འཁྱོག་པོ་གསུམ། །གདུང་གི་ཐིག་གི་ཆ་ཕྲན་མཐར། །ཐད་ཀར་ཆ་ཆུང་བཅུ་པའོ། །ཀ་བའི་རྩེ་ལས་སྒོ་ཚད་ཀྱིས། །རྟ་བབས་སྣམ་བུ་སྟེང་དུའོ། །ནོར་ལྷ་ནོར་ལྷ་ཉི་མ་དང་། །རྒྱལ་བ་ནོར་ལྷ་རྒྱལ་བ་དང་། །ཉི་མ་ནོར་ལྷ་ཉི་མ་
[169a.4]རྒྱལ། །ནོར་ལྷ་ཡི་ནི་རིམ་པས་སོ། །སྒོ་ཡི་ཆ་ཡིན་སྟེང་དུ་སྟེ། །འདི་རྣམས་ཐད་ཀའི་ཚད་བཤད་པ། །ཚངས་ལས་གཡས་དང་གཡོན་དུ་ནི། །ཆ་ཆུང་ཕྱེད་བཅས་ཆུ་གཏེར་མཐར། །སྣམ་བུ་ཆ་ཆུང་ཕྱེད་དང་གསུམ། །ཐིག་ནི་ཆ་ཆུང་ཕྱེད་དང་བཞི། །ཆ་ཆུང་ལྔ་ནས་གཉིས་པ་
[169a.5]དང་། །གསུམ་པ་ཡང་ནི་ཆ་ཆུང་གསུམ། །ཆ་ཆུང་བཞི་ནས་བཞི་པ་གསུམ། །ཆ་ཆུང་ཕྱེད་དང་བཞི་ནས་ལྔ། །ཕྱེད་དང་བཞི་གསུམ་ནས་དྲུག་པ། །ཆ་ཆུང་ལྔའོ་དེ་ནས་གསུམ། །ཆ་ཆུང་བརྒྱད་དེ་གཅིག་ནི་བདུད། །ཆ་ཆུང་དྲུག་ནི་ཐ་མའོ། །སྣམ་བུ་རྣམས་མཐར་སོན་
[169a.6]པའི་ཐིག །གཞན་གྱི་མཐའ་དང་ལྷན་ཅིག་སྟེ། །སྐྱོག་པོ་གཅིག་གོ་འདི་ནང་དུའང་། །ཆ་ཆུང་ཕྱེད་ཀྱི་དེ་བཞིན་གཞན། །དེ་ཡི་ཕྱི་རོལ་ཆོས་འཁོར་ལོ། །རྭ་རྩེ་ཆ་ཆུང་གཉིས་པའོ། །དེ་ནས་ཀ་བའི་རྩེ་ལས་ཐད་ཀར་ཅུང་ཟད་སོང་ནས་མ་ཀ་རའི་ཁ་ནས་འཐོན་པ་ཕྱིར་ཕྱུང་སྟེ་
[169a.7]ཆ་ཕྲན་གསུམ་དབུས་དང་ཇི་ལྟར་རིགས་པར་དབུས་མའི་རྩེ་མོའི་བར་དུ་སོང་བའོ། །སྣ་ཚོགས་རྡོ་རྗེ་རྩེ་མོ་ལྔ་པའི་ཕྱོགས་ལ་ནི་དེའི་གློ་དག་ཏུ་གཞན་བྱའོ། །དེ་ནས་དཀྱིལ་འཁོར་གྱི་ལྟེ་བར་འོག་ཏུ་རྩེ་གཅིག་པ་སྟེང་དུ་རྩེ་མོ་ལྔ་པའི་རྡོ་རྗེ་ཕུར་བུ་ཧཱུཾ་ལས་སྐྱེས་ཤིང་རང་
[169b]
[169b.1]གི་སྔགས་བརྒྱ་རྩ་བརྒྱད་དུ་བཟླས་པ་རྡོ་རྗེ་ཐོ་བས་བརྡུངས་པའི་སྔགས་བརྗོད་ཅིང་བརྡུངས་ནས་དེ་ལ་བཏགས་པའི་ཐིག་སྐུད་ཉིས་འགྱུར་དུ་བྱས་པ་དབུས་སུ་བཀོད་ནས་ར་རྩེའི་ཕྱི་རོལ་དབང་ལྡན་གྱི་ཕྱོགས་ནས་བརྩམས་ནས་གཡོན་སྐོར་དུ་སོ་སོ་ལ་ཆ་ཕྲན་གཉིས་པའི་བར་གྱི་
[169b.2]འཁོར་ལོ་ཟླུམ་པོའི་ཐིག་ཐིག་གདབ་པོ་ཞེས་པའོ། །འདོད་པར་གྱུར་ན་སྟེང་དུ་སྒོ་ལས་སུམ་འགྱུར་གྱི་བབས་ལ་དེའི་ཀ་བའི་གློར་མུན་པའི་སྣམ་བུ་སྒོ་བཞིའི་ཆར་སྣ་ཚོགས་རྡོ་རྗེའི་ར་རྩེ་ལྔ་པ་བྱས་ནས་དེའི་ཕྱི་རོལ་ཆ་ཕྲན་གཉིས་གཉིས་པ་བཞིས་པདྨ་དང་རྡོ་རྗེ་དང་འོད་ཀྱི་ཕྲེང་བ་ཡང་
[169b.3]བྱས་ལ་ཆོ་ག་བཞིན་དུ་གཏོར་མ་ཕུལ་ནས་ནམ་མཁར་བཞུགས་པའི་དེ་བཞིན་གཤེགས་པའི་ཐུགས་ཀར་ཡེ་ཤེས་ཀྱི་ཐིག་གཞུག་ཅིང་། ཨོཾ་བཛྲ་མུཿཞེས་པས་གཤེགས་སུ་གསོལ་ནས་ཐིག་ལྔ་པོ་དབེན་པར་གཞག་པར་བྱའོ། །ཕྱི་ནས་རིན་པོ་ཆེ་ལྔའི་རང་བཞིན་ནམ་
[169b.4]སཱི་ལ་ཕྱེ་མའི་རང་བཞིན་ཡང་རུང་སྟེ་དཀར་པོ་དང་སེར་པོ་དང་དམར་པོ་དང་ལྗང་གུ་དང་ནག་པོས་ཁ་བསྒྱུར་བ་གསེར་ལ་སོགས་པའི་སྣོད་སོ་སོར་གཞག་པ་རྣམས་ལ་བྷྲཱུཾ་ཨཱཾ་ཛྲཱིཾ་ཁཾ་ཧཱུཾ་གི་ས་བོན་ལ་རྫོགས་པའི་རྣམ་པར་སྣང་མཛད་ལ་སོགས་པའི་རང་བཞིན་རྣམས་བུམ་པའི་ཆུས་
[169b.5]བསངས་པ་རྣམས་ལ་ནམ་མཁར་བཞུགས་པའི་དེ་བཞིན་གཤེགས་པའི་ཐུགས་ཀ་ལས་ཐིག་འདུ་བྱེད་པར་བཤད་པའི་ཆོ་གས་བཀུག་ཅིང་བཅུག་ནས་ཡེ་ཤེས་ཀྱི་ཚོན་དང་ལྷན་ཅིག་རོ་གཅིག་ཏུ་གྱུར་པ་ལས་ཡེ་ཤེས་ཀྱི་རང་བཞིན་དུ་བལྟས་ནས་ཚོན་སོ་སོ་ལ་ཨོཾ་བུཾ་བཛྲ་ཙིཏྲ་ས་མ་
[169b.6]ཡ་ཧཱུཾ་ཞེས་བྱ་བ་ནི་ཚོན་དཀར་པོ་ལའོ། །དཔག་མེད་ལ་སོགས་པ་དང་སྤེལ་བའི་སྔགས་པ་ཉིད་ཀྱིས་ཚོན་གཞན་རྣམས་ལའོ། །དེ་བརྒྱ་རྩ་བརྒྱད་ཀྱིས་སོ་སོ་ལ་མངོན་པར་བསྔགས་པར་བྱ་སྟེ། དེ་བཞིན་དུ་འབར་བའི་ལྟ་བས་སོ་སོར་སྦར་ཞིང་སོ་སོ་ལ་ཧྲིཿ་ཡིག་བཀོད་
[169b.7]ལ། བདེན་པ་གང་གིས་རྡུལ་ཚོན་མང་ཞིང་སེམས་དཔའ་དང་སངས་རྒྱས་བཅོམ་ལྡན་འདས་རྣམས་སེམས་ཅན་ལ་རྗེས་སུ་ཆགས་པའི་བདེན་པ་དེས་རྡུལ་ཚོན་འབར་བར་གྱུར་ཅིག་ཅེས་བདེན་པས་བྱིན་གྱིས་བརླབས་ལ་འབར་བའི་རྡུལ་ཚོན་རྣམས་ལ་དྲི་དང་མེ་ཏོག་ལ་སོགས་པས་
[170a]
[170a.1]མངོན་པར་མཆོད་དེ། ཨོཾ་བཛྲ་བེ་གཱ་ཀྲ་མ་ཧཱུཾ་ཞེས་བརྗོད་ཅིང་ཡེ་ཤེས་ཀྱི་ཐིག་གི་འོག་ནས་འཛུལ་བར་མོས་ནས། ཕུར་བུ་ཧཱུཾ་བཞི་པའི་སྔགས་ཀྱིས་བཏོན་ནས། རང་གི་ལག་ན་གནས་པའི་རྡོ་རྗེ་ལ་ཐིམ་པར་བསྒོམས་ནས་ཁུང་བུ་ཚོན་སྣ་ལྔས་
[170a.2]དགང་ཞིང་སྒྲ་དང་བཅས་པའི་དྲིལ་བུ་དང་རྡོ་རྗེའི་གླུས་མཚན་མ་ངན་པ་བསལ་བར་བྱ་སྟེ། འདི་ནི་ཆོས་དབྱིངས་དག་པོ་སྟེ། །སེམས་ཅན་ཁམས་ནི་རབ་གྲོལ་མཛད། །རང་ཉིད་དཔལ་ལྡན་སྡོམ་པའི་རྒྱལ། །དེ་བཞིན་གཤེགས་པ་ཀུན་གྱི་གནས། །སྐྱོན་རྣམས་ཀུན་ལས་
[170a.3]རྣམ་གྲོལ་ཞིང་། །འཁོར་ལོའི་ནང་དུ་ཡང་དག་གནས། །ཞེས་བྱ་བ་འདིས་ཆོས་ཀྱི་དབྱིངས་སུ་མོས་པར་བྱའོ། །དེ་ནས་དཀྱིལ་འཁོར་གྱི་ནང་དུ་གནས་ཤིང་ལག་པ་གཡས་པ་རྡོ་རྗེས་མཚན་པ་དང་གཡོན་པ་ཁུ་ཚུར་གྱིས་ཨོཾ་བཛྲཱངྒ་ས་མ་ཡ་ཧཱུཾ་ཨོཾ་ཨཱཿཧཱུཾ། ཨོཾ་བཛྲ་ཙིཏྲ་ས་མ་ཡ་ཧཱུཾ་ཞེས་བརྗོད་
[170a.4]ཅིང་དབང་ལྡན་གྱི་ཕྱོགས་ནས་བརྩམས་ཏེ་དང་པོ་གཡས་སྐོར་གྱིས་ནང་ནས་བརྩམས་ཏེ། ནག་པོ་དང་ལྗང་གུ་དང་དམར་པོ་དང་སེར་པོ་དང་དཀར་པོའི་ཁ་དོག་ཅན་གྱི་པཉྩ་རེ་ཁཱ་བྲིས་ནས་དེའི་རྗེས་སུ་གཞན་རྣམས་ཀྱིས་བྲི་བར་བྱའོ། །དེ་ནས་སྙིང་པོའི་དཀྱིལ་འཁོར་དུ་ཐིག་གི་
[170a.5]མཐར་ཐུག་པར་དཀར་པོ་དང་སེར་པོ་དང་དམར་པོ་དང་ལྗང་གུ་དང་ནག་པོ་རྣམས་ཤར་དང་ལྷོ་དང་ནུབ་དང་བྱང་དང་དབུས་ཀྱི་སའི་སྣམ་བུ་རྣམས་སོ། །འཁོར་ལོའི་ལྟེ་བར་སྣ་ཚོགས་པདྨའི་ཟེའུ་འབྲུ་ལྗང་གུ་ལ་གནས་པའི་ཉི་མ་ལ་དཔལ་སྡོམ་པའི་རྩེ་ལྔ་པའི་རྡོ་རྗེ་ཁ་གྱེས་པ་སྔོན་
[170a.6]པོའོ། །ཤར་ལ་སོགས་པའི་ཕྱོགས་སུ་འདབ་མ་དམར་པོ་རྣམས་ལ་གཡོན་སྐོར་གྱིས་མཁའ་འགྲོ་མ་དང་ལཱ་མ་དང་དུ་མ་སྐྱེས་མ་དང་གཟུགས་ཅན་མ་རྣམས་ཀྱི་གྲི་གུག་སྔོན་པོ་རྣམས་སོ། །མེ་ལ་སོགས་པའི་ཕྱོགས་བྲལ་གྱི་འདབ་མ་སེར་པོ་དང་ལྗང་གུ་དང་སེར་པོ་དང་ནག་པོ་རྣམས་
[170a.7]ལ་བྱང་ཆུབ་ཀྱི་སེམས་ཀྱིས་གང་བའི་ཐོད་པ་རྣམས་སོ། །ཤར་ལ་སོགས་པའི་སྒོ་རྣམས་སུ་གཡོན་སྐོར་གྱིས་ཁྭ་གདོང་མ་དང་འུག་གདོང་མ་དང་ཁྱི་གདོང་མ་དང་ཕག་གདོང་མ་རྣམས་ཀྱི་དང་། མེ་ལ་སོགས་པའི་ཕྱོགས་བྲལ་རྣམས་སུ་གཤིན་རྗེ་བརྟན་མ་དང་གཤིན་རྗེ་ཕོ་ཉ་
[170b]
[170b.1]མ་དང་གཤིན་རྗེ་མཆེ་བ་མ་དང་གཤིན་རྗེ་འཇོམས་མ་རྣམས་ཀྱི་སྣ་ཚོགས་ཆུ་སྐྱེས་དང་ཉི་མ་ལ་གནས་པའི་གྲི་གུག་སྔོན་པོ་རྣམས་སོ། །དེའི་ཕྱི་རོལ་གྱི་སྟེགས་བུའི་སྣམ་བུ་ནི་པདྨ་རཱ་གའི་མདོག་གོ། །སྣ་ཚོགས་ཤིང་རྣམ་པར་བཀྲ་བའི་རིན་པོ་ཆེ་རྣམས་གསེར་གྱིས་བཅིངས་པ་ནི་
[170b.2]རིན་པོ་ཆེའི་སྣམ་བུའོ། །སྣམ་བུ་སྔོན་པོ་ལ་མ་ཀ་རའི་ཁ་ནས་འཐོན་པ་རྣམ་པ་སྣ་ཚོགས་ཤིང་རྣམ་པར་བཀྲ་བའི་རིན་པོ་ཆེའི་དོ་ཤལ་དང་དོ་ཤལ་ཕྱེད་པ་འཕྱང་བ་རྣམས་སོ། །སྣམ་བུ་སྔོན་པོ་ལ་བ་ཀུ་ལི་དང་ཀྲ་མ་ཤཱི་ཪྵ་ལ་དཀར་པོ་རྣམས་ཏེ་ཀ་བའི་སྟེང་དུ་བ་ཀུ་ལི་དང་རིན་པོ་ཆེ་དང་
[170b.3]རྨིག་པ་དང་། གསེར་དང་ཆུ་སྲིན་དང་གསེར་དང་རྨིག་པ་དང་རིན་པོ་ཆེ་དང་རྨིག་པ་དང་གསེར་དང་མདའ་ཡབ་ཀྱི་སྣམ་བུ་སྟེ། དེ་ལ་རྟ་རྨིག་དང་ཆུ་སྲིན་དང་རྨིག་པ་གཉིས་ཇི་ལྟར་མཛེས་པའི་ཁ་དོག་གོ། །གཞན་རྣམས་ནི་སྔར་བཤད་དོ། །མདའ་ཡབ་ནས་འཁོར་ཡུག་དག་
[170b.4]གི་བར་དང་མུན་པའི་ས་རྣམས་ནི་སྔོན་པོ་སྟེ་ནམ་མཁའི་རང་བཞིན་ཡིན་པ་ཉིད་ཀྱི་ཕྱིར་རོ། །རྟ་བབས་ཀྱི་ཀ་བ་དང་སྣ་ཚོགས་རྡོ་རྗེའི་ར་རྣམས་རང་རང་གི་ཕྱོགས་ཀྱི་དེ་བཞིན་གཤེགས་པའི་མདོག་གོ། །ཆོས་ཀྱི་འཁོར་ལོ་ནི་རྩིབས་བཅུ་གཉིས་པ་གསེར་གྱི་རང་བཞིན་ནམ་རིན་
[170b.5]པོ་ཆེ་གཞན་མ་གཞན་ནོ། །རི་དྭགས་དང་རི་དྭགས་མོ་ནི་གསེར་དུ་སྣང་བ་རིན་པོ་ཆེ་གཞན་གྱིས་སྤྲས་པའོ། །པདྨའི་འདབ་མ་རྣམས་ནི་ཁ་དོག་སྣ་ཚོགས་པ་སྟེ་གེ་སར་རྣམས་ནི་སེར་པོའོ། །ནག་པོའི་ས་ལ་རྡོ་རྗེ་རྣམས་ནི་གསེར་གྱི་རང་བཞིན་ཏེ། དེ་བཞིན་དུ་ནག་པོའི་ས་
[170b.6]ལ་འོད་ཟེར་གྱི་ཕྲེང་བ་རྣམས་ནི་དེ་བཞིན་གཤེགས་པ་ལྔའི་ཁ་དོག་གོ། །དེའི་ཕྱི་རོལ་དུ་དུར་ཁྲོད་བརྒྱད་པོ་རྣམས་བྲི་བར་བྱའོ། །དེ་ལ་ཤར་དུ་ཚིག་ཅིང་འཁྲུགས་པ་སྟེ་གཏུམ་པོ་མཆོག་ཅེས་བྱ་བའི་དུར་ཁྲོད་དོ། །བྱང་དུ་དུམ་བུར་འཁྲུགས་པ་སྟེ་ཀེང་རུས་ཞེས་བྱ་བའི་དུར་ཁྲོད་
[170b.7]དོ། །ནུབ་ཏུ་དུམ་བུར་མ་གྱུར་པ་འཁྲུགས་པ་སྟེ་རྡོ་རྗེ་འབར་བ་ཞེས་བྱ་བའི་དུར་ཁྲོད་དོ། །ལྷོར་ལྷག་པར་རྒྱལ་བ་འཁྲུགས་པ་སྟེ་ལག་པས་མཚན་པ་ཞེས་བྱ་བའི་དུར་ཁྲོད་དོ། །དབང་ལྡན་དུ་མདུང་གིས་འབིགས་པ་འཁྲུགས་པ་སྟེ་དྲག་ཏུ་དགོད་པ་ཞེས་བྱ་བའི་དུར་ཁྲོད་དོ། །མེར་
[171a]
[171a.1]ཕྱེད་ཚིག་པ་འཁྲུགས་པ་སྟེ་དཔལ་མོའི་ནགས་ཞེས་བྱ་བའི་དུར་ཁྲོད་དོ། །བདེན་བྲལ་དུ་ཤི་བ་བསྐོས་པ་འཁྲུགས་པ་སྟེ་མུན་པ་མི་བཟད་པ་ཞེས་པའི་དུར་ཁྲོད་དོ། །རླུང་དུ་ལྷག་པར་བཅིངས་པ་འཁྲུགས་པ་སྟེ་ཅ་ཅོ་སྒྲོགས་པ་ཞེས་བྱ་བའི་དུར་ཁྲོད་དོ། །སྐྲག་པ་རྒྱ་
[171a.2]ཆེན་པོ་ལ་སྐྲག་པ་མེད་པ་ཞེས་བྱའོ། །དེ་ནས་བྲིས་པར་གྱུར་པའི་གནས་ཇི་ལྟ་བར་གདུགས་དང་། རྒྱལ་མཚན་དང་། བ་དན་དང་། དཔག་བསམ་གྱི་ཤིང་དང་བུམ་པ་བཟང་པོ་དང་རྡོ་རྗེ་རིན་པོ་ཆེ་ལ་སོགས་པ་རྣམ་པར་བཀྲ་བ་དཔལ་བཅུ་གསུམ་གྱི་བདག་ཉིད་ཀྱི་སྡོམ་པའི་དཀྱིལ་
[171a.3]འཁོར་དུ་རྣམ་པ་ཐམས་ཅད་ཡོངས་སུ་གསལ་བ་ལ་ལས་ཐམས་ཅད་པ་ལན་བདུན་བཟླས་ནས་བདུད་རྩི་ལྔ་དང་བཅས་པའི་དྲིའི་ཆུས་ཉེ་བར་བྱུགས་ཏེ་ཆུ་དེས་འཁོར་ལོ་བསང་ཞིང་རྡུལ་ཚོན་ལྷག་མ་མཆོད་དེ་ཨོཾ་ཨཱཿཧཱུཾ་བཛྲ་མུཿཞེས་ཡེ་ཤེས་ཀྱི་རྡུལ་ཚོན་གཤེགས་སུ་གསོལ་ནས་
[171a.4]རྡུལ་ཚོན་གྱི་སྣོད་རྣམས་དབེན་པར་གཞག་པར་བྱའོ་ཞེས་བྱ་བ་ནི་རྡུལ་ཚོན་གདབ་པའོ།། །།དེའི་རྗེས་སུ་སྔར་ལྷག་གནས་བྱས་པའི་བུམ་པ་རྣམས་ལས་རྣམ་པར་རྒྱལ་བའི་བུམ་པ་ནི་ཤར་གྱི་སྒོ་ལས་ཅུང་ཟད་གཡས་སུ་སྟེ། བསྐོར་བ་བྱས་ནས་སྔར་བཤད་པའི་སྟན་ལ་
[171a.5]དགོད་པར་བྱའོ། །དེ་བཞིན་དུ་ལས་ཐམས་ཅད་པའི་བུམ་པ་ནི་ཤར་གྱི་སྒོ་ལས་ཅུང་ཟད་གཡོན་དུ་ངེས་པའི་སྟན་ལ་དགོད་པར་བྱའོ། །དེ་བཞིན་དུ་མཁའ་འགྲོ་མ་ལ་སོགས་པའི་བུམ་པ་རྣམས་རང་རང་གི་ཕྱོགས་ཀྱི་སྒོའི་དབུས་སུའོ། །ཁྭ་གདོང་མ་ལ་སོགས་པའི་བུམ་
[171a.6]པ་རྣམས་རང་རང་གི་ཕྱོགས་ཀྱི་སྒོའི་གློར་རོ། །གཤིན་རྗེ་བརྟན་མ་ལ་སོགས་པའི་བུམ་པ་རྣམས་རང་རང་གི་མཚམས་ཀྱི་ཕྱི་རོལ་གྱི་ཆར་རོ་ཞེས་བྱ་བ་ནི་བུམ་པ་དགོད་པའོ། །དེའི་རྗེས་སུ་དཀྱིལ་འཁོར་གྱི་འཁོར་ལོ་ལས་ཕྱི་རོལ་གྱི་ཕྱོགས་དང་ཕྱོགས་བྲལ་བརྒྱད་རྣམས་སུ་དྲི་
[171a.7]བཟང་པོའི་བདུག་སྤོས་ཀྱི་སྣོད་བཞག་ནས་རྣམ་པར་བཀྲ་བའི་རས་ཟུང་ལྡན་པ་དང་ལྷ་སོ་སོ་ལ་གདུགས་དང་རྒྱལ་མཚན་དང་བ་དན་དང་གནས་བཟང་པོར་ཆུ་ཤིང་གི་སྡོང་པོའི་ཀ་བ་དང་བུམ་པ་ལ་སོགས་པ་རྣམ་པ་སྣ་ཚོགས་པའི་མཆོད་པའི་ཡོ་བྱད་འཁོར་ལོའི་དབང་པོའི་སྔགས་
[171b]
[171b.1]ཡོངས་སུ་བཟླས་ནས་ཨོཾ་བཛྲ་སྥ་ར་ཎ་ཁཾ་ཞེས་བྱ་བ་འདིས་བསྔགས་ནས་གནས་ཇི་ལྟ་བ་བཞིན་དུ་གཞག་གོ། །ཕྱོགས་བཞིར་ཤེས་རབ་ཀྱི་ཕ་རོལ་དུ་ཕྱིན་པ་ལ་སོགས་པའི་དམ་པའི་ཆོས་བཀླག་པར་བྱའོ། །དེ་ནས་རྡོ་རྗེ་སློབ་དཔོན་ཁྲུས་བྱས་དྲི་བཟང་པོའི་ཆུས་བྱུགས་པའི་
[171b.2]བླ་གོས་དམར་པོ་དང་གཙུག་ཏོར་གྱིས་བརྒྱན་ཏེ་ལས་ཐམས་ཅད་པའི་ཆུས་དཀྱིལ་འཁོར་ལ་གཏོར་ཞིང་བསྲུངས་ནས་རྡོ་རྗེ་དང་དྲིལ་བུ་བཟུང་སྟེ་འཁོར་ལོའི་ཕྱི་རོལ་གྱི་ཤར་སྒོར་འདུག་ནས་སྐད་ཅིག་གིས་སྟོང་པ་ཉིད་ཀྱིས་དེ་མ་ཐག་ཏུ་བགེགས་ལ་ཕུར་བུ་གདབ་ཅིང་བསྲུང་བའི་འཁོར་
[171b.3]ལོ་ལ་སོགས་པ་སྔོན་དུ་འགྲོ་བས་བསྒོམས་པའི་དམ་ཚིག་གི་དཀྱིལ་འཁོར་གྱི་བདག་པོའི་རྣལ་འབྱོར་དང་ལྡན་པས་ལས་ཀྱི་ཕྱག་རྒྱའམ་ཡེ་ཤེས་ཀྱི་ཕྱག་རྒྱ་མ་བཅུ་དྲུག་ལོན་པ་ལ་སྙོམས་པར་ཞུགས་ཏེ། ཡང་དག་པར་བསྐྱོད་པའི་དགའ་བའི་སྒྲས་དྲངས་པའི་ཡེ་ཤེས་ཀྱི་འཁོར་ལོ་
[171b.4]ལ་ཞབས་བསིལ་ལ་སོགས་པ་དབུལ་བ་སྔོན་དུ་འགྲོ་བས་རང་གི་ནང་དུ་བཅུག་སྟེ། འདོད་ཆགས་ཆེན་པོས་ཞུ་བར་གྱུར་པ་རྡོ་རྗེ་ནས་འཐོན་ནས་རིག་མའི་པདྨའི་ཁོངས་སུ་སྤྲོས་པའི་ཡེ་ཤེས་ཀྱི་འཁོར་ལོ་དམ་ཚིག་གི་འཁོར་ལོ་དང་རོ་མཉམ་པ་ཉིད་དུ་གྱུར་པར་མོས་པ་བྱའོ། །
[171b.5]དེ་ནས་མིག་དང་སྐུ་ལ་སོགས་པ་བྱིན་གྱིས་བརླབ་པ་བྱས་ལ་སྙིང་གའི་ས་བོན་གྱི་འོད་ཀྱིས་བཀུག་པའི་ཤེས་རབ་དང་བཅས་པའི་དེ་བཞིན་གཤེགས་པ་རྣམས་ཀྱིས་མངོན་པར་དབང་བསྐུར་ཞིང་རང་རང་གི་རིགས་ཀྱི་དབང་པོས་རྒྱས་བཏབ་ལ། དཀྱིལ་འཁོར་གྱི་འཁོར་ལོ་སྤྲོས་པ་ལ་པི་ཝང་
[171b.6]མ་ལ་སོགས་པའི་མཆོད་པའི་ལྷ་མོ་རྣམས་ཀྱིས་མངོན་པར་མཆོད་ནས་སོ་སོ་ལ་རས་ཟུང་དང་གསེར་ལ་སོགས་པ་ལས་བྱས་པའི་རྟ་ལ་སོགས་པ་ཡང་ཕུལ་ནས་ཉེ་བར་སྤྱོད་པས་ཀྱང་མཆོད་དེ་རྣམ་པ་སྣ་ཚོགས་པའི་བཟའ་བ་དང་བཅའ་བ་ཕུལ་ལ་པི་ཝང་ལ་སོགས་པའི་མཆོད་པ་
[171b.7]རྣམས་ཀྱིས་མངོན་པར་མཆོད་ནས་སྒྲ་དང་བཅས་པའི་དྲིལ་བུས་དཔལ་ལྡན་ཞེས་བྱ་བ་ལ་སོགས་པའི་ཚིགས་སུ་བཅད་པ་རྣམས་ཀྱིས་བསྟོད་ལ། རང་དང་ཤེས་རབ་མའི་ཁུ་བ་དང་རྡུལ་པདྨའི་སྣོད་དུ་བཞག་ནས་བདུད་རྩིར་བྱས་པ་དབུལ་བར་བྱའོ། །དེས་འཁོར་ལོའི་
[172a]
[172a.1]དབང་ཕྱུག་ལ་སོགས་པས་བདུད་རྩི་མྱངས་བས་ཡང་དག་པར་ཚིམ་ཞིང་ལྷན་ཅིག་སྐྱེས་པའི་ཡེ་ཤེས་བདེ་བ་ཆེན་པོའི་རང་བཞིན་ཅན་དུ་གྱུར་ཏོ་སྙམ་དུ་མོས་པས་འཁོར་ལོའི་དབང་ཕྱུག་གི་སྔགས་བརྒྱ་རྩ་བརྒྱད་དང་དཀྱིལ་འཁོར་པ་རྣམས་ཀྱི་ཉི་ཤུ་རྩ་གཅིག་
[172a.2]རེ་དང་ཡི་གེ་བརྒྱ་པ་ཡང་ཡོངས་སུ་བཟླས་ནས་འབྱུང་པོ་ཐམས་ཅད་པའི་གཏོར་མ་ཕུལ་ཏེ། སྒྲུབ་པའི་གྲོགས་པོ་ཡོད་ན་གཞག་པ་བྱས་ནས་སྐྱེ་བོ་འོང་དུ་མི་གཞུག་ཅིང་སློབ་དཔོན་ཕྱི་རོལ་དུ་སོང་ནས་རྔ་ཡབ་དཀར་པོ་དང་གདུགས་དང་རྒྱལ་མཚན་དང་བ་དན་ཡོངས་སུ་
[172a.3]གྲགས་པའི་གླུ་དང་སིལ་སྙན་ལ་སོགས་པ་བྱེད་ཅིང་ཤར་གྱི་ཕྱོགས་ཀྱི་ཆར་ཉེ་བར་ཞུགས་ནས་རང་གི་འདོད་པའི་ལྷ་དང་ཕྱོགས་སྐྱོང་ལ་སོགས་པ་རྣམས་ལ་འབྱུང་པོ་ཐམས་ཅད་པའི་གཏོར་མ་དབུལ་བར་བྱའོ། །དེ་ལ་ཆུ་སྣོད་ཀྱི་སྣོད་ལ་སོགས་པའི་སྣོད་རྣམས་སུ་བཟའ་
[172a.4]བ་ལ་སོགས་པ་སྣ་ཚོགས་པ་ཁུར་བ་དང་ཉ་དང་ཤ་ལ་སོགས་པ་དང་བཟའ་བ་དང་བཅའ་བ་དང་འབྲས་བུ་སྟེ། སོ་སོའི་ཡོ་བྱད་རྣམས་གཏོར་མའི་ཆུས་བྲན་ཏེ་བཤམས་ལ་དེར་ཡཾ་ཡིག་ལས་རླུང་གི་སྟེང་དུ་རཾ་ལས་སྐྱེས་པའི་མེ་ཨཱཿལས་སྐྱེས་པའི་མགོ་བོའི་སྒྱེད་(པོ་,པུ་)གསུམ་
[172a.5]བཙུགས་པའི་སྟེང་དུ་གཞག་པའི་པདྨའི་སྣོད་རྣམ་པར་བསམས་ནས་དེར་ཇི་སྲིད་བཟའ་བ་ལ་སོགས་པ་ལ་ཨོཾ་ཏྲཱཾ་ཨཱ་ཁཾ་ཧཱུཾ་ལཱཾ་མཱཾ་པཱཾ་ཏཱཾ་བཱཾ་ལས་སྐྱེས་པའི་བདུད་རྩི་ལྔ་སྒྲོན་མའི་རང་བཞིན་རྣམས་རླུང་གི་དཀྱིལ་འཁོར་གྱི་སྟོབས་བསྐུལ་བས་འབར་ཞིང་མེའི་གདུང་བས་ཞུ་བར་བལྟས་ནས་
[172a.6]དེའི་སྟེང་དུ་ཨཱཿཡིག་ལས་བྱུང་བའི་ཁ་ཆོད་ཀྱི་རྣམ་པ་བདུད་རྩིའི་རང་བཞིན་གྱི་ཁ་ཊྭཱཾ་ག་དེའི་རླངས་པས་ཞུ་ནས་དངུལ་ཆུ་ལྟ་བུར་ཡང་དག་པར་འདྲེས་ཏེ་བསིལ་བར་གྱུར་པར་བསམ་མོ། །དེའི་སྟེང་དུ་ཨོཾ་ཨཱཿ་ཧཱུཾ་ཞེས་བྱ་བའི་ཡི་གེ་གསུམ་བལྟས་ནས་དེའི་འོད་ཟེར་རྣམས་ཀྱིས་
[172a.7]ཕྱོགས་བཅུ་ནི་གནས་པའི་དཔའ་བོ་དང་དཔའ་མོའི་དབང་ཕྱུག་རྣམས་ཀྱིས་ཡེ་ཤེས་ཀྱི་བདུད་རྩི་བཀུག་ནས་ཡི་གེ་གསུམ་པོ་དེ་ཉིད་དུ་གཞུག་པར་བྱ་ཞིང་། ཨོཾ་ཡིག་ལ་སོགས་པ་རྣམས་ཀྱང་ཞུ་བར་གྱུར་པར་བལྟས་ནས་ཡི་གེ་གསུམ་ཉིད་ཀྱིས་བྱིན་གྱིས་བརླབ་པར་
[172b]
[172b.1]བྱའོ། །དེ་ནས་དཔལ་སྡོམ་པའི་བདག་ཉིད་ཅན་རྡོ་རྗེའི་སློབ་དཔོན་གྱིས་བཀོད་པའི་དྲི་བཟང་ལ་སོགས་པའི་མཎྜལ་དུ་བཅུ་གསུམ་གྱི་བདག་ཉིད་ཅན་མངོན་པར་མཆོད་ནས་རྐང་པ་བརྒྱད་པའི་སྔགས་ཀྱིས་བསྟོད་དེ་རང་གི་སྙིང་གའི་ས་བོན་གྱི་འོད་ཀྱིས་ཁྲོ་བོ་དང་བཅས་པའི་རྩིབས་
[172b.2]བཅུ་པའི་སྲུང་བའི་འཁོར་ལོའི་ལྟེ་བར་ཆུད་པ་བཅུ་གསུམ་གྱི་བདག་ཉིད་ཅན་གྱི་དཀྱིལ་འཁོར་ལས་ཕྱི་རོལ་ཤར་ལ་སོགས་པའི་ཕྱོགས་སུ་དབང་པོ་ལ་སོགས་པ་འཁོར་དང་བཅས་པ་རྣམས་དཔག་ཏུ་མེད་པའི་སེམས་ཅན་རྣམས་ཀྱང་དཔྲལ་བར་འབར་བའི་ཕྱག་རྒྱ་བསྐོར་ཞིང་
[172b.3]ཕེ་ཡིག་ལན་གསུམ་བརྗོད་པའི་སྒྲས་ནམ་མཁར་སྤྱན་དྲང་བར་བྱའོ། །ཨོཾ་ཀཀྐ་ཀཊྚ་བནྡྷ་ན་ཁཀྑ་ཁཱ་ད་ན་སརྦ་དུ་ཥྚཱ་ནཱ་ཧ་ན་ཧ་ན་གྷ་གྷ་གྷཱ་ཏ་ཡ་ཨ་མུ་ཀ་སྱ་ཤཱ་ནྟིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་བྱ་བ་འདིས་ཟླ་བ་ལ་སོགས་པ་དགུག་པར་བྱའོ། །དེ་དག་ཐམས་ཅད་ཀྱང་སྟོང་པ་
[172b.4]ཉིད་ཀྱི་རྗེས་ལ་རང་གི་རིག་མ་དང་སྙོམས་པར་ཞུགས་པའི་སྡོམ་པའི་གཟུགས་ཅན་དུ་བལྟས་ནས་ཞབས་བསིལ་ལ་སོགས་པ་དབུལ་བ་སྔོན་དུ་འགྲོ་བའི་འཁོར་གསུམ་རྣམ་པར་དག་པས་གཡོན་པའི་ལག་པའི་མཐིལ་ན་གནས་པའི་ཟླ་བ་ལ་ཧཱུཾ་ལས་སྐྱེས་པའི་སྣ་ཚོགས་རྡོ་རྗེའི་
[172b.5]ལྟེ་བར་བདུད་རྩིའི་སྣོད་གཞག་ཅིང་བཀོད་ནས་གཡས་པའི་རྡོ་རྗེ་ཁུ་ཚུར་གྱིས་སྡིགས་མཛུབ་བསྟན་པར་བྱ་ཞིང་བཅོམ་ལྡན་འདས་ཤེས་རབ་མ་དང་བཅས་པ་དང་། མཁའ་འགྲོ་མ་ལ་སོགས་པ་རྣམས་ལ་ཡང་སྟེ་ཕྱོགས་གཡོན་སྐོར་གྱིས་དང་ཕྱོགས་བྲལ་གཡས་སྐོར་གྱིས་བསྐོར་
[172b.6]ཞིང་། ཨོཾ་བཛྲ་ཌཱ་ཀ་ཨི་མཾ་བ་ལིཾ་གྲྀ་གྞ་ཧཱུཾ་ཕཊ། ཨོཾ་ཛཿཧཱུཾ་བཾ་ཧོཿས་མ་ཡ་སྟྭཾ་དྲྀ་ཤྱ་ཧོཿཞེས་པའི་སྔགས་ལན་གཅིག་གམ་གཉིས་སམ་གསུམ་མམ་བཞིའམ་ལྔར་བརྗོད་དེ་དེས་དབུལ་བར་བྱའོ། །དེའི་རྗེས་སུ་སྲུང་བའི་འཁོར་ལོ་ལ་གནས་པའི་ཁྲོ་བོ་བཅུ་པོ་རྣམས་
[172b.7]ལ་ཨོཾ་ཁ་བཛྲ་དྷྲཾ་ཀ་བཛྲ་ཧཱུཾ་ཀཱ་ར་བཛྲ་ཨི་མཾ་བ་ལིཾ་གྲྀ་ཧྞ་གྲྀཧྞ་ཨ་མུ་ཀ་སེ་ཤཱེ་ནྟིཾ་རཀྵཉྩ་ཀུ་རུ་ཧཱུཾ་ཕཊ་ཅེས་ལན་ཅིག་བརྗོད་པས་སོ། །དེ་བཞིན་དུ་སྤེལ་བ་དང་བཅས་པ་རྣམས་ཀྱིས་ཏེ། ཨོཾ་བཛྲ་དཎྜ་བཛྲ་ཧཱུཾ་ཕཊ། ཨོཾ་བཛྲཱ་ན་ལཱཀྐ་བཛྲ་ཧཱུཾ་ཕཊ། ཨོཾ་བཛྲ་ཀུཎྜ་ལི་བཛྲ་ཧཱུཾ་ཕཊ། ཨོཾ་བཛྲ་ཛ་ཀྵ་བཛྲ་ཧཱུཾ་
[173a]
[173a.1]ཕཊ། ཨོཾ་བཛྲ་ཀཱ་ལ་བཛྲ་ཧཱུཾ་ཕཊ། ཨོཾ་བཛྲ་མ་ཧཱ་བ་ལ་བཛྲ་ཧཱུཾ་ཕཊ། ཨོཾ་བཛྲ་བྷཱི་ཥ་ཎ་བཛྲ་ཧཱུཾ་ཕཊ། ཨོཾ་བཛྲོ་ཥྞཱི་ཥ་ཙཀྲ་བརྟྟི་བཛྲ་ཧཱུཾ་ཕཊ། ཨོཾ་བཛྲ་པཱ་ཏཱ་ལ་བཛྲ་ཧཱུཾ་ཕཊ། ཅེས་སྔགས་བཅུ་རྣམས་ཀྱིས་ཀུན་དུ་བསྒྱུར་ནས་སྟེང་དང་འོག་རྣམས་སུ་ཡང་གཏོར་མ་དབུལ་བར་
[173a.2]བྱའོ། །དེའི་ཕྱི་རོལ་གྱི་དབང་པོ་ལ་སོགས་པ་རྣམས་ལ་ཡང་གཏོར་མ་ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཀྵ་ས་བྷཱུ་ཏ་པྲེ་ཏ་པི་ཤཱ་ཙོནྨ་དཱ་པསྨར་ཌཱ་ཀ་ཌཱ་ཀི་ནཱི་ད་ཡ་ཨི་མཾ་བ་ལིཾ་གྲྀཧྞ་ནྟུ་ས་མ་ཡཾ་རཀྵ་སརྦ་སིདྡྷི་མྨེ་པྲ་ཡ་ཙྪ་ནྟུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་ཀུན་དུ་བསྒྱུར་ཞིང་སྟེང་དང་འོག་ཏུ་ཡང་
[173a.3]ལན་བཞིར་བརྗོད་པས་དབུལ་བར་བྱ་ཞིང་ཡི་གེ་བརྒྱ་པ་ཡང་བརྗོད་དེ་ཨོཾ་བཛྲ་ཧེ་རུ་ཀ་ས་མ་ཡ་མ་ནུ་པཱ་ལ་ཡ་ཧེ་རུ་ཀ་ཏྭེ་ནོ་པ་ཏིཥྛ་དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་ཝ། སོ་པོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སརྦ་སིདྡྷི་མྨེ་པྲ་ཡཙྪ་སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཿཀུ་རུ་ཧཱུཾ་ཧ་ཧ་ཧ་ཧ་ཧོ། བྷ་ག་ཝཱན་བཛྲ་ཧེ་རུ་ཀ་མཱ་མེ་
[173a.4]མུཉྩ་ཧེ་རུ་ཀོ་བྷ་བ་མ་ཧཱ་ས་མ་ཡ་སཏྭ་ཨཱཿ་ཧཱུཾ་ཕཊ་ཅེས་བྱའོ། །དཀྱིལ་འཁོར་གྱི་བདག་པོ་ནས་བརྩམས་ཏེ་ལྷ་དག་ཧཱུཾ་ལས་སྐྱེས་པའི་རྡོ་རྗེ་རྩེ་གཅིག་པ་དམར་པོའི་ལྗགས་ཀྱི་འོད་ཟེར་གྱི་རྒྱུན་གྱིས་དྲངས་ནས་བདུད་རྩི་མྱང་ཞིང་ཡང་དག་པར་ཚིམ་སྟེ་སྟོང་པ་ཉིད་དུ་རོ་གཅིག་པའི་
[173a.5]བདེ་བ་ཆེན་པོའི་རང་བཞིན་དུ་གྱུར་ཏོ་སྙམ་དུ་བལྟས་ནས་ཞལ་བསིལ་དང་ཕྱག་ཏུ་འཐོར་འཐུང་དང་ཏམྦུ་ལ་ལ་སོགས་པ་ཕུལ་ནས་ཡང་དག་པར་མཆོད་པའི་བྱ་བ་ཕུན་སུམ་ཚོགས་པ་ལ་འབད་ཅིང་བཟོད་པར་གསོལ་ནས་རང་གི་འདོད་པའི་ལྷའི་འཁོར་ལོ་བདག་ཉིད་ལ་གཞུག་ཅིང་
[173a.6]དབང་པོ་ལ་སོགས་པའི་ཕྱོགས་སྐྱོང་བ་རྣམས་ཀྱང་བསྒྲུབ་བྱའི་དཀྱིལ་འཁོར་གྱི་འཁོར་ལོའི་ཕྱི་རོལ་ཕྱོགས་བཅུ་རྣམས་སུ་བསྲུང་བ་ལ་སོགས་པ་མངོན་པར་འདོད་པའི་དབང་གིས་བཞུགས་སུ་གསོལ་ནས་དེ་ནས་ཉེ་རེག་བྱའོ། །དེ་ནས་སློབ་དཔོན་དཀྱིལ་འཁོར་གྱི་
[173a.7]དབང་བོའི་གཟུགས་ཀྱིས་མེ་ཏོག་གི་ཕྲེང་བ་བླངས་ལ། ཧཱུཾ་ཧཱུཾ་གི་ཡི་གེས་བསྒྱིངས་པ་བྱས་ལ་ཧཱིཿ་ཧཱིཿའི་ཡི་གེས་འཇིགས་པར་བྱེད་ཅིང་རོལ་པའི་རྡོ་རྗེའི་རྐང་སྟབས་ཀྱིས་གར་བྱས་ནས་རྡོ་རྗེའི་ཤུགས་ཀྱིས་དཀྱིལ་འཁོར་དུ་ཞུགས་ཏེ་རྡོ་རྗེ་གསོར་དྲིལ་བུ་དཀྲོལ་ལ་རྡོ་རྗེའི་
[173b]
[173b.1]རྐང་སྟབས་ཀྱིས་དེ་ཁོ་ན་བཞིན་དུ་ཨོཾ་ཧཱུཾ་ཕཊ་ཅེས་བྱ་བ་དང་ཨོཾ་ཧཱུཾ་ཧ་ན་མཱ་ར་ཡ་དུ་ཥྚཱ་ན་གྷཱ་ཏ་ཡ་གྷཱ་ཏ་ཡ་ཨཿཨཿཧཱུཾ་ཧཱུཾ་ཕཊ་ཅེས་བྱ་བ་དང་། ཨོཾ་ཧཱུཾ་ཨཱཿཨཱཿ་ཕཊ་ཅེས་བྱ་བ་དང་། ཨོཾ་ཧཱུཾ་ཨཱཿཕཊ་ཅེས་བྱ་བའི་སྔགས་བཞི་བརྗོད་པས་ཤར་དང་བྱང་ལ་སོགས་པའི་སྒོའི་སློབ་དཔོན་རྣམས་དང་
[173b.2]ལྷན་ཅིག་བསྐོར་བ་གསུམ་བྱས་ནས་ལྷག་པ་དང་ཆད་པའི་ཉེས་པ་ཞི་བར་བྱ་བའི་ཕྱིར་འཁོར་ལོ་ལ་བལྟས་ཏེ་མེ་ཏོག་བཅོམ་ལྡན་འདས་ལ་ཕུལ་ནས་ཤར་དང་བྱང་ལ་སོགས་པའི་རིམ་པས་ནུབ་ལ་སོགས་པའི་ཕྱོགས་སུ་གནས་ཏེ། ཨོཾ་བཛྲ་ཨུདྒྷ་ཊ་ཡ་ས་མ་ཡ་པྲ་བེ་ཤ་ཡ་ཧཱུཾ་ཞེས་བརྗོད་
[173b.3]ཅིང་སྒོ་ཕྱེ་ནས་ཨོཾ་ས་མ་ཡཾ་པྲ་བི་ཤཱ་མི་ཞེས་བརྗོད་ནས་སླར་ཡང་གར་བྱས་ཏེ་མེ་ཏོག་གི་ཕྲེང་བ་བླངས་ལ་མགོ་བོར་བཅིང་ཞིང་ཕྱོགས་དང་ཕྱོགས་བྲལ་དུ་དྲི་དང་བདུག་སྤོས་ལ་སོགས་པའི་མཆོད་པ་ཆེན་པོ་རྫོགས་པར་བྱས་ནས་འཁོར་ལོ་ལ་ཕྱག་བྱས་ཏེ། སེམས་ཅན་ཐམས་ཅད་
[173b.4]ལ་དངོས་གྲུབ་ཐམས་ཅད་ཀྱི་བཀའ་དྲིན་མཛད་དུ་གསོལ་ཞེས་གསོལ་བ་གདབ་ཅིང་བཟླས་པ་བྱའོ་ཞེས་བྱ་བ་ནི་དཀྱིལ་འཁོར་བསྒྲུབ་པའོ།། །།དེ་ནས་རྡོ་རྗེ་སློབ་དཔོན་སྔ་བར་དཀྱིལ་འཁོར་གྱི་ཁང་པར་ཞུགས་ནས་བསྲུང་བའི་དོན་དུ་ལས་ཐམས་ཅད་པའི་སྔགས་བཟླས་པའི་མཐར་
[173b.5]གཏོར་མ་ཕུལ་ནས་དཀྱིལ་འཁོར་གྱི་ཁང་པ་ནས་འཐོན་ཏེ་སློབ་མ་རྣམས་བོས་ལ་རྨི་ལམ་དྲིས་ནས་མི་དགེ་བ་རྨིས་པར་གྱུར་ན་དེ་རྣམས་ཐམས་ཅད་པའི་སྔགས་ཀྱིས་ཡང་དག་པར་བསྲུངས་ལ། དེ་རྣམས་ཀྱིས་དཀྱིལ་འཁོར་སྔོན་དུ་འགྲོ་བའི། ཨོཾ་པྲ་བེ་ཤ་བྷ་གེ་ཝཱན་མ་ཧཱ་སུ་
[173b.6]ཁ་པྲ་དཾ་པ་ར་སུ་ཁཏྟོ་མ་སིདྡྷྱ་རྠ་ཛཿ་ཧཱུཾ་བྲ་སིདྡྷྱ་སུ་ཞེས་གུས་པ་དང་བཅས་ཤིང་སྤྲོ་བས་ཞུགས་ནས་དཀྱིལ་འཁོར་གྱི་ཁང་པར་ཇི་ལྟར་འབྱོར་བས་ཡང་དག་པར་མཆོད་པ་བྱས་ནས་ལྷའི་འཁོར་ལོ་མངོན་དུ་གྱུར་པར་བལྟས་ཏེ། དཀྱིལ་འཁོར་གྱི་བདག་པོ་བླ་མར་མོས་པ་བྱས་ནས་
[173b.7]འཆད་པར་འགྱུར་བའི་སློབ་མ་གཞུག་པའི་ཆོ་གའི་རིམ་གྱིས་དཀྱིལ་འཁོར་དུ་ཞུགས་ནས་སྦྱིན་པར་བྱ་བཞིན་པའི་དབང་བསྐུར་བ་རྗེས་སུ་གནང་བའི་མཐར་ཐུག་པ་ཐོབ་ནས་དཀྱིལ་འཁོར་གྱི་འཁོར་ལོ་དང་བཅས་པའི་དཀྱིལ་འཁོར་གྱི་བདག་པོ་འདོད་ཆགས་ཆེན་པོ་ལས་བྱུང་བའི་
[174a]
[174a.1]དེ་ཁོ་ན་ཉིད་བདེ་བ་ཆེན་པོའི་རང་བཞིན་ཅན་གཟུགས་བརྙན་ལྟ་བུ་ཟུང་དུ་འཇུག་པ་རྡོ་རྗེ་འཆང་ཆེན་པོའི་རང་བཞིན་གཉིས་སུ་མེད་པའི་ཡེ་ཤེས་སུ་རིག་པར་བྱས་ནས་སློབ་མ་གཞུག་པའི་ཕྱིར་དཀྱིལ་འཁོར་གྱི་དངོས་གྲུབ་གསོལ་བར་བྱ་བ་ནི་འདི་ཡིན་ཏེ། ནམ་མཁའ་ལས་
[174a.2]བྱུང་མཚན་ལྡན་ཕྱིར། །ཐོག་མ་ཐ་མ་མེད་པའི་མཆོག །སེམས་དཔའ་རྡོ་རྗེ་ཆེ་རང་བཞིན། །དཔལ་ལྡན་སྡོམ་པར་བདག་དེང་བསྒྲུབས། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་གདོད་མའི་ལྷ། །རྡོ་རྗེ་འཛིན་པ་ཀུན་གྱི་རྒྱལ། །མི་འགྱུར་མཆོག་ཏུ་བདག་སྒྲུབས་ཤིག །ཉེས་
[174a.3]པ་མེད་པ་རྟགས་པ་སྟེ། །འདོད་ཆགས་ཀུན་གྱིས་རྗེས་སུ་ཆགས། །འདོད་ཆགས་ཆེན་པོ་དགའ་བ་ཆེ། །བཅོམ་ལྡན་དེ་ཉིད་ཀྱིས་བདག་སྒྲུབས། །ཤིན་ཏུ་དགའ་བ་ཆོས་ཀྱི་མཆོག །གདོད་ནས་གྲོལ་བ་དེ་བཞིན་གཤེགས། །ཀུན་དུ་བཟང་པོ་ཀུན་གྱི་བདག །བྱང་ཆུབ་སེམས་དཔའ་བདག་
[174a.4]སྒྲུབས་ཤིག །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་ཕྱག་རྒྱའི་མཆོག །གྲུབ་པའི་རྡོ་རྗེ་ཆེ་བའི་མཆོག །རྡོ་རྗེ་སྙེམས་བདག་བདག་སྒྲུབས་ཤིག །སེམས་ཅན་ཀུན་གྱི་ཡིད་ཁྱབ་པ། །སེམས་ཅན་ཀུན་གྱི་སྙིང་ལ་གནས། །སེམས་ཅན་ཀུན་གྱི་ཡབ་ཀྱང་ཡིན། །དམ་ཚིག་
[174a.5]མཆོག་གི་འདོད་པའི་མཆོག །ཡེ་ཤེས་དམ་པའི་བདེན་གང་གིས། །དཀྱིལ་འཁོར་ཐབས་དང་ཤེས་རབ་བདག །བདེན་པ་དེ་ཡིས་མགོན་ཁྱོད་ཀྱིས། །བདག་གི་འདོད་པ་ཡོངས་རྫོགས་མཛོད། །ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་ལ་རྙོག་པ་མེད། །གཟུང་དུ་མེད་ཅིང་
[174a.6]བརྗོད་དུ་མེད། །རྒྱུ་དང་ལས་ལས་ཀུན་དུ་བྱུང་། །དེ་བཞིན་ཉིད་ལས་ངེས་པར་བྱུང་། །བདེན་པ་དེ་ཡིས་དཀྱིལ་འཁོར་དུ། །གཟུགས་བརྙན་གསལ་བ་སློབ་མ་རྣམས། །ཀུན་གྱིས་སྒྲིབ་མེད་མཐོང་བར་ཤོག །ཅེས་བརྗོད་དོ་ཞེས་བྱ་བ་ནི་སློབ་དཔོན་འཇུག་པའོ།། །།དེ་ནས་ཡོལ་བའི་ཕྱི་རོལ་ན་
[174a.7]གནས་པའི་སློབ་མ་རྣམས་ཁྲུས་དང་དྲི་བཟང་པོ་ལ་སོགས་པས་དག་བྱེད་བྱས་ཤིང་སྦྱིན་ལ་གཡས་ཀྱི་ལས་ཐམས་ཅད་པའི་ཆུས་མངོན་པར་གཏོར་ནས་རྣམ་པར་སྣང་མཛད་ཀྱི་གཟུགས་སུ་དམིགས་ཏེ་སྙིང་ག་དང་མགྲིན་པ་དང་སྤྱི་བོ་རྣམ་སུ་རྡོ་རྗེ་དང་པདྨ་དང་འཁོར་ལོ་རྣམས་ལ་གནས་པ་ཉི་མ་
[174b]
[174b.1]དང་ཟླ་བ་ལ་གནས་པའི་ཧཱུཾ་ནག་པོ་དང་། ཨཱཿདམར་པོ་དང་ཨོཾ་དཀར་པོ་བསྒོམས་ནས་ལས་ཐམས་ཅད་པའི་སྔགས་བཟླས་པའི་གོས་དམར་པོ་བསྐོན་ཞིང་། ཨོཾ་སརྦ་ཏ་ཐཱ་ག་ཏཱ་ནུཏྟ་ར་བོ་དྷྱ་ལངྐཱ་ར་བསྟ་པཱུ་ཛ་མེ་གྷ་ས་མུ་དྲ་སྥར་ཎ་ས་མ་ཡ་ཧཱུཾ་ཞེས་པས་སྨད་གཡོགས་བྱས་ཏེ། དེ་བཞིན་དུ་ཨོཾ་བཛྲ་རཀྵ་
[174b.2]ཧཾ་ཞེས་པས་བླ་གོས་བྱས་ལ་ཨོཾ་བཛྲོ་ཥྞཱི་ཥ་ཧཱུཾ་ཕཊ་ཅེས་པས་གཙུག་ཏོར་བྱ་ཞིང་། ཨོཾ་ཙཀྵུ་རྦནྡྷ་བ་ར་མ་ན་ཡ་ཧཱུཾ་ཞེས་པས་མིག་རས་དམར་པོ་བཅིངས་ཏེ་ཨཱཿ་ཁཾ་བཱི་ར་ཧཱུཾ་ཞེས་པས་མེ་ཏོག་གི་ཕྲེང་བ་གཟུང་ཞིང་ཧཱུཾ་ཞེས་བརྗོད་དེ་ལས་ཀྱི་རྡོ་རྗེ་ཅན་གྱིས་ཤར་སྒོར་གཞག་པ་དེ་ལ་གཞུག་པའི་ཕྱིར་
[174b.3]ཀྱེ་དགའ་བ་ལ་དགའ་བ་ཁྱོད་སུ་ཡིན་ཞེས་དྲིས་པ་ན་དེས་ཀྱང་། བདེ་ཆེན་བདག་ནི་སྐལ་བ་བཟད་པོ་ལགས། །ཞེས་སྨྲ་བར་བྱའོ། །ཨོཾ་སརྦ་ཡོ་ག་ཙིཏྟ་སུ་ད་ཡཱ་མི་ཞེས་བརྗོད་ཅིང་བྱང་ཆུབ་ཏུ་སེམས་བསྐྱེད་པར་གྱུར་པ་དེའི་སྙིང་གར་མེ་ཏོག་དང་བཅས་པའི་རྡོ་རྗེ་བཟུང་ནས་ཨོཾ་སུ་ར་ཏེ་སམ་
[174b.4]ཡ་སྠཾ་ཧོཿ་སིདྡྷ་བཛྲ་ཡ་ཐཱ་སུ་ཁཾ་ཞེས་བྱིན་གྱིས་བརླབས་ལ། དེང་ཁྱོད་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབ་པར་འགྱུར་གྱི། ཁྱོད་ཀྱིས་ཀྱང་དེ་བཞིན་གཤེགས་པ་ཐམས་ཅད་ཀྱི་གསང་ཆེན་དམ་པའི་དཀྱིལ་འཁོར་དུམ་ཞུགས་པ་ལ་སྨྲ་བར་མི་བྱ་ཞིང་། མ་དད་པ་རྣམས་ལ་
[174b.5]ཡང་མ་ཡིན་ནོ་ཞེས་བརྗོད་ནས། ཨོཾ་ཁཎྜ་རོ་ཧེ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བརྗོད་ཅིང་ཁྲིད་ལ་ཨཱཿ་ཁཾ་བཱི་ར་ཧཱུཾ་ཞེས་བརྗོད་པས་ཡོལ་བའི་ནང་དུ་བཅུག་ནས་མ་ཧཱ་ར་ཏ་སུ་དྲྀ་ཌྷ་སུ་ཏོ་ཥྱ་སུ་སུ་ཁོ་བཛྲ་སཏྭ་ཨ་དྱ་སིདྡྷྱི་མཾ་ཞེས་བརྗོད་ཅིང་བསྐོར་བ་བྱས་ཐལ་མོ་སྦྱར་ཏེ་དཀྱིལ་འཁོར་གྱི་ཤར་སྒོར་འདུག་ནས་ཨོཾ་
[174b.6]སརྦ་བཱི་ར་ཌཱ་ཀི་ནཱི་པཱུ་ཛོ་པསྠཱ་ན་ཡཱཏྨ་ནཱཾ་ནིཪྻ་ཏ་ཡཱ་མི་སརྦ་བཱི་ར་ཌཱ་ཀི་ནཱི་པྲ་ཛྙོ་པཱ་ཡཱཏྨ་ནཾ་སམྦ་རཱ་དྷི་ཏིཥྛ་མཱཾ་ཞེས་བྱ་བས་དབུས་སུའོ། །ཨོཾ་སརྦ་བཱི་ར་ཌཱ་ཀི་ནཱི་པཱུ་ཛོ་བསྠཱ་ནཱ་ཡཱཏྨ་ནཱཾ་ནི་ཪྻཱ་ཏ་ཡཱ་མི་སརྦ་བཱི་ར་བཱི་རི་ཎི་ཌཱ་ཀི་ནྱཱ་དྷི་ཏིཥྛ་མཱཾ་ཞེས་བྱ་བས་ཤར་ལའོ། །ཨོཾ་སརྦ་བཱི་ར་ཌཱ་ཀི་ནཱི་པཱུ་ཛ་ཀརྨ་ཎེ་ཨཱཏྨ་ནཾ་ནི་ཪྻཱ་ཏ་
[174b.7]ཡཱ་མི་སརྦ་བཱི་ར་ཌཱ་ཀི་ནཱི་ལཱ་མཱ་བཛྲ་ཀརྨ་ཀུ་རུ་མཱཾ་ཞེས་པས་བྱང་ལའོ། །ཨོཾ་སརྦ་བཱི་ར་ཌཱ་ཀི་ནཱི་ཌཱ་ཀི་ནཱི་པཱུ་ཛཱ་པྲ་བརྟྟ་ནཱ་ཡཱཏྨ་ནཱཾ་ནི་ཪྻཱ་ཏ་ཡཱ་མི་སརྦ་པཱི་ར་ཌཱ་ཀི་ནཱི་ཁཎྜ་རོ་ཧྵ་བཛྲ་དྷརྨ་པྲ་བརྟྟ་ཡ་མཱཾ་ཞེས་པས་ནུབ་ཏུའོ། །ཨོཾ་སརྦ་བཱི་ར་ཌཱ་ཀི་ནཱི་པཱུ་ཛཱ་བྷི་ཥི་ཀཱ་ཡཱཏྨ་ནཱཾ་ནི་ཪྻཱ་ཏ་ཡཱ་མི་སརྦ་བཱི་ར་ཌཱ་ཀི་ནཱི་རཱུ་པི་ནཱི་བཛྲ་རཏྣཱ་བྷི་
[175a]
[175a.1]ཥཉྩི་མཱཾ་ཞེས་པས་ལྷོར་རོ། །ཨོཾ་གུ་རུ་ཙ་ར་ཎོ་བསྠཱ་ནཱ་ཡཱཏྨ་ནཱཾ་ནི་ཪྻཱ་ཏ་ཡཱ་མི། ཨོཾ་སརྦ་སཏྭ་པ་རི་ཏྲཱ་ཎཱ་རྠ་ཡཱཏྨ་ནཱཾ་ནི་ཪྻ་ཏ་ཡཱ་མི་ཞེས་བླ་མ་ལ་ཕྱག་བྱས་ན། འདི་བརྗོད་པར་བྱ་སྟེ། དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས། དེས་ན་ངས་རྡོ་རྗེའི་ཡེ་
[175a.2]ཤེས་བསྐྱེད་པར་བྱ་སྟེ་ཡེ་ཤེས་གང་གིས་ཁྱོད་ཀྱིས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་རྣམས་ཀྱང་འཐོབ་པར་འགྱུར་ན། དངོས་གྲུབ་གཞན་རྣམས་ལྟ་སྨོས་ཀྱང་ཅི་དགོས། ཁྱོད་ཀྱིས་འདི་དཀྱིལ་འཁོར་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱ་སྟེ། ཁྱོད་དམ་ཚིག་
[175a.3]ཉམས་པར་གྱུར་ཏེ་རེ་ཞེས་བརྗོད་ནས་སྤྱི་བོར་རྡོ་རྗེ་གཟུང་ཞིང་དྲིལ་བུ་དཀྲོལ་བས། ཁྱོད་ཀྱི་དམ་ཚིག་རྡོ་རྗེ་འདི། །གལ་ཏེ་ཁྱོད་ཀྱིས་འགའ་ཞིག་ལ། །འདི་སྨྲས་ན་ནི་མགོ་བོ་འགེམས། །ཞེས་བསྒྲགས་ལ་སྙིང་གར་མེ་ཏོག་དང་བཅས་པའི་རྡོ་རྗེ་བཟུང་ནས། ཨོཾ་དེ་རིང་རྡོ་རྗེ་སེམས་དཔའ་
[175a.4]རང་། །ཁྱོད་ཀྱི་སྙིང་ལ་ཡང་དག་བཞུགས། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་དེ་གཤེགས། །ཞེས་བཀའ་བསྒོས་ནས་ལས་ཀྱི་བུམ་པའི་སྟེང་གི་པདྨའི་སྣོད་ན་གནས་པའི་བདུད་རྩི་ལྔ་ཡི་གེ་གསུམ་གྱིས་བྱིན་གྱིས་བརླབས་ལ། ཨོཾ་བཛྲཱ་མྲྀ་ཏོ་ད་ཀ་ཋཿཞེས་ལན་
[175a.5]བདུན་བཟླས་ཏེ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་སྟེ། །རྡོ་རྗེ་བདུད་རྩིའི་ཆུ་འཐུང་ཞིག །ཅེས་བརྗོད་ལ། དེ་ནས་དམ་ཚིག་བརྟན་པའི་སློབ་མ་ལ་འདི་སྨྲ་བར་བྱ་སྟེ། དེང་ནས་བརྩམས་ཏེ་ཁྱོད་ཀྱི་ཧེ་རུ་ཀ་ང་ཡིན་གྱིས།
[175a.6]ངས་འདི་གྱིས་ཤིག་ཅེས་སྨྲས་པ་དེ་ཁྱོད་ཀྱིས་བྱ་དགོས་སོ། །ཁྱོད་ཀྱིས་ང་ལ་བརྙས་པར་ཡང་མི་བྱ་སྟེ། ཁྱོད་ཡང་བ་མ་སྤངས་པར་དུས་ཀྱི་བྱ་བ་བྱས་དམྱལ་བར་ལྟུང་བར་འགྱུར་ཏེ་རེ་ཞེས་བརྗོད་དོ། །དམ་ཚིག་གི་ཆུ་སྦྱིན་པའོ། །སྐད་ཅིག་གིས་སྟོང་པ་ཉིད་ཀྱི་དེ་མ་ཐག་ཏུ་སློབ་མ་ཨཱཿཡིག་ལས་སྐྱེས་པའི་འོད་
[175a.7]དཔག་མེད་ཀྱི་གཟུགས་ཅན་གྱི་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབས་ལ་རྡོ་རྗེ་སེམས་དཔའ་བདག་ལ་དབབ་ཏུ་གསོལ་ཞེས་བརྗོད་ནས་དེའི་སྙིང་གར་ལཾ་ལས་བྱུང་བའི་རྩེ་གསུམ་པའི་རྡོ་རྗེས་མཚན་ཞིང་གྲུ་བཞི་པའི་སའི་དཀྱིལ་འཁོར་སེར་བོ་ལ་གནས་པའི་ཉི་མ་ལ་ཧཱུཾ་ཡིག་སྔོན་
[175b]
[175b.1]པོ་སྤྱི་བོར་བཾ་ལས་བྱུང་བའི་བུམ་པ་དཀར་ཞིང་ཟླུམ་པས་མཚན་པའི་ཆུའི་དཀྱིལ་འཁོར་ལ་ཟླ་བར་ཧ་ཡིག་དཀར་པོ་མགྲིན་པར་ཡཾ་ལས་བྱུང་བའི་གཡོ་བའི་བ་དན་གཉིས་ཀྱིས་མཚན་པའི་རླུང་གི་དཀྱིལ་འཁོར་སྔོན་པོ་གཞུ་ལྟ་བུ་ཟླ་བར་ཨཱ་ཡིག་དམར་པོ། རང་གི་ཐུགས་ཀའི་ས་བོན་གྱི་འོད་ཀྱིས་ཐུགས་དང་
[175b.2]སྐུ་དང་གསུང་རྡོ་རྗེ་རོ་གཅིག་པ་བསྒོམས་ནས་རྐང་པ་དག་གི་འོག་ཏུ་རླུང་གི་དཀྱིལ་འཁོར་གྱིས་སྦར་བའི་ར་ཡིག་ཡོངས་སུ་གྱུར་པ་ལས་རས་མཚན་པའི་ཉི་མ་གྲུ་གསུམ་པའི་འོད་ཟེར་རླུང་གི་དཀྱིལ་འཁོར་ལ་གནས་པའི་ཛྷཻཿཡིག་དམར་པོས་ཧཱུཾ་ལ་སོགས་པའི་འོད་ཀྱིས་ལུས་བཀང་
[175b.3]ནས་ཛྷཻཿཡིག་གི་འོད་ཀྱི་ཤུགས་ཀྱིས་སློབ་མ་འདེགས་བཞིན་པ་ལ་གུ་གུལ་གྱི་དུ་བས་བདུག་ཅིང་དྲིལ་བུ་དཀྲོལ་བས་གར་བྱེད་ཅིང་ཨཱ་བེ་ཤ་ཡ་སྟོ་བྷ་ཡ་ར་ར་ར་ར་ཙཱ་ལ་ཡ་ཧཱུཾ་ཧཿ་ཨཱཿ་ཛྷཻཿཞེས་པའི་སྔགས་རྣམ་པ་བརྒྱར་བརྗོད་ཅིང་བསམ་གཏན་ལ་གཞོལ་བས་འབེབས་པར་བྱེད་དོ། །ཕེབས་
[175b.4]པའི་སློབ་མ་འདོད་ཆགས་རྡོ་རྗེའི་གཟུགས་ཅན་དུ་རྣམ་པར་བསམས་ནས་དེའི་ལྕེ་ལ་ཨཱཿཡིག་དམར་པོ་གསུང་རྡོ་རྗེ་དང་རོ་གཅིག་པ་ཟླ་བ་ལ་གནས་པའི་འོད་ཟེར་དང་བཅས་པར་བསྒོམས་ནས་བྲཱུ་ཧི་བཛྲ་ཞེས་བརྗོད་པར་བྱའོ། །དེ་ལྟ་ན་འདི་དགེ་བ་དང་མི་དགེ་བ་བདེན་པར་སྨྲ་བར་འགྱུར་རོ། །དེ་ནས་ཨོཾ་
[175b.5]ཏིཥྛ་བཛྲ་ཞེས་བརྟན་པར་བྱས་ནས་དེ་རྣམས་ལ་ཅི་སྣང་ཞེས་དྲིས་ནས་དེ་རྣམས་ཀྱིས་སྨྲས་པའི་དཀར་པོ་དང་སེར་པོ་དང་དམར་པོ་དང་ནག་པོར་སྣང་ན་ཞི་བ་དང་རྒྱས་པ་དང་དབང་དང་མངོན་སྤྱོད་ཀྱི་དངོས་གྲུབ་གྱི་སྐལ་བ་དང་ལྡན་པར་འགྱུར་བ་ཡིན་ནོ་ཞེས་བརྗོད་དོ། །དེ་ནས་ཞུགས་པའི་ལྷ་སྙིང་
[175b.6]གའི་ས་བོན་གྱི་འོད་ཀྱིས་བཀུག་ནས་རང་གི་སྙིང་གའི་ས་བོན་ལ་ཐིམ་པར་བསྒོམས་ཏེ་སློབ་མའི་མགོ་བོར་རྡོ་རྗེ་བཟུང་ནས། ཨོཾ་ཁྱེད་ཀྱིས་ཞེས་བྱ་བ་ལ་སོགས་པ་སྔོན་དུ་འགྲོ་བའི་ཧཱུཾ་ཧཿཨཱཿ་ཛྷཻཿ་མུཿཞེས་གཤེགས་སུ་གསོལ་བར་བྱའོ། །དེ་ནས་སློབ་མའི་མཐེ་བོང་གཉིས་ནས་རྡོ་
[175b.7]རྗེ་དང་བཅས་པའི་ལག་པས་བཟུང་སྟེ་རྡོ་རྗེའི་རྐང་སྟབས་ཀྱི་ཚུལ་གྱིས་གར་བྱས་ནས་ལས་ཐམས་ཅད་པ་བརྗོད་ཅིང་བསྐོར་བ་གསུམ་བྱེད་དུ་བཅུག་ནས་བདེན་པའི་བྱིན་རླབས་ཞེས་བྱ་བ་བརྗོད་དེ། ཡང་དག་པ་ཡི་དཀྱིལ་འཁོར་འདིར། །བདག་གིས་སློབ་མ་གཞུག་པ་འདི། །ལྷ་རྣམས་
[176a]
[176a.1]རིགས་ཀྱི་རིམ་པ་ནི། །བསོད་ནམས་དམ་པའང་དེ་ལྟར་ཤོག །འདི་ཡི་དངོས་གྲུབ་ཅི་འདྲར་འགྱུར། །རིགས་ནི་གང་གི་སྣོད་དུ་འགྱུར། །བསོད་ནམས་མཐུ་ཡང་ཅི་འདྲ་བ། །དེ་འདྲར་དཀྱིལ་འཁོར་དུ་གྱུར་ཅིག །ཅེས་བྱ་བའོ། །དེ་ནས་སྔར་གཟུང་བའི་མེ་ཏོག་གི་ཕྲེང་བ་ཏྲཱཾ་
[176a.2]ཡིག་གིས་བྱིན་གྱིས་བརླབས་པར་བསམས་ནས་མདུན་ན་གནས་པའི་འཁོར་དང་བཅས་པའི་དཀྱིལ་འཁོར་གྱི་དབང་ཕྱུག་ལ་དམིགས་ནས་དེའི་དབུ་ལ་སྔར་གཟུང་བའི་ཏྲཱཾ་ཡིག་གིས་བྱིན་གྱིས་བརླབས་པའི་མེ་ཏོག་ཧཱུཾ་ཡིག་གིས་དོར་བར་བྱ་སྟེ། པྲ་ཏཱི་ཙྪ་བཛྲ་ཧོ་ཞེས་བརྗོད་དོ། །དེ་
[176a.3]ནས་མེ་ཏོག་ལྷུང་བ་ན་དམན་པ་དང་འབྲིང་དང་མཆོག་གི་དངོས་གྲུབ་རྣམས་མཚོན་པར་བྱའོ། །དེ་ལ་གལ་ཏེ་སངས་རྒྱས་རྣམས་ཀྱི་མཛོད་སྤུའམ་གཙུག་ཏོར་རམ་དབུ་ལ་ཕོག་ན་ཕྱག་རྒྱ་ཆེན་པོའི་དངོས་གྲུབ་བོ། །སྤྱན་ནམ་ཞལ་ལ་ཕོག་ན་སྔགས་ཀྱི་དངོས་གྲུབ་བོ། ལུས་ཀྱི་མཆོག་ལ་ནི་
[176a.4]མཆོག་གོ། །ལུས་ཀྱི་བར་ལ་ནི་འབྲིང་ངོ་། །འོག་གི་ཆ་ལ་ནི་དམན་པའོ། །སྐུ་ལས་ཧ་ཅང་རིང་བ་ལ་ཡུན་རིང་བོས་སོ། །ཉེ་བ་ལ་ནི་དངོས་གྲུབ་མྱུར་རོ། །ལྷ་རྣམས་ཀྱི་རང་གི་གནས་ནི་རེ་མིག་ལ་སོགས་པ་རྣམ་པར་བཅད་པ་ལས་ཤེས་པར་བྱའོ། །གལ་ཏེ་ལྷ་གཉིས་ཀྱི་བར་དུ་ལྷུང་
[176a.5]ན་དེའི་ཚེ་མེ་ཏོག་དེ་གང་ལ་ཉེ་བ་དེའི་རིགས་སུ་འགྱུར་རོ། །དཀྱིལ་འཁོར་གྱི་ཕྱི་རོལ་དུ་ལྷུང་ན་དངོས་གྲུབ་ཕྲ་མོའོ། །རེ་ཁཱ་རྣམས་ལ་ལྷུང་ན་དེའི་ཚེ་སླར་ཡང་དོར་རོ་ཞེས་པ་ནི་མེ་ཏོག་དོར་བའོ། །དེའི་རྗེས་སུ་ཕྲེང་བ་དེ་རྣམས་སློབ་མའི་སྤྱི་བོར་བཅིང་ཞིང་པྲ་ཏི་གྲྀཧྞ་ཊྭཾ་ཨི་མཾ་སཏྭ་བ་ལ་ཞེས་བརྗོད་
[176a.6]དོ། །དེ་ནས་སློབ་མའི་སྙིང་གའི་ཟླ་བ་ལ་བདག་པོ་དང་དཔྲལ་བར་ར་དང་། མིག་གཉིས་ལ་སླར་ཡང་ཨོཾ་མིག་གཉིས་འོད་ཟེར་དང་བཅས་པ་བསྒོམས་ནས། ཨོཾ་དེ་རིང་རྡོ་རྗེ་སེམས་དཔའ་རང་། །ཁྱོད་ཀྱི་མིག་ནི་འབྱེད་པར་བརྩོན། །རྡོ་རྗེའི་མིག་ནི་བླ་མེད་པ། །ཕྱེ་བས་ཐམས་ཅད་
[176a.7]མཐོང་བར་འགྱུར། །ཞེས་བརྗོད་ཅིང་གདོང་གཡོགས་བསལ་བར་བྱའོ། །ཀྱེའི་རྡོ་རྗེ་ལྟོས་ཤིག་ཅེས་བརྗོད་ནས་དཀྱིལ་འཁོར་གྱི་ལྷ་རྣམས་ཀྱི་མིང་བརྗོད་པ་སྔོན་དུ་འགྲོ་བས་སྒོ་སྐྱོང་ནས་བརྩམས་ཏེ་བདག་པོའི་མཐར་ཐུག་པར་བསྟན་ནས། ད་ནི་དད་པའི་ཤུགས་ཀྱིས་སུ། །དཀྱིལ་
[176b]
[176b.1]འཁོར་འདི་དེ་ཉིད་ལ་ལྟོས། །ཁྱོད་ནི་སངས་རྒྱས་རིགས་སུ་སྐྱེས། །སྔགས་དང་ཕྱག་རྒྱས་བྱིན་གྱིས་བརླབས། །དངོས་གྲུབ་ཐམས་ཅད་ཕུན་སུམ་ཚོགས། །དམ་ཚིག་མཆོག་ཏུ་ཁྱོད་འགྱུར་གྱི། །རྡོ་རྗེ་པདྨ་རྩེ་རོལ་པ། །གསང་སྔགས་རྣམས་ལ་བསྙེན་བཀུར་གྱིས། །ཞེས་བརྗོད་ལ་རྡོ་
[176b.2]རྗེའི་དཀྱིལ་འཁོར་དཀྱིལ་འཁོར་ཆེན་པོར་བདག་ཞུགས་སོ། །རྣལ་འབྱོར་དཀྱིལ་འཁོར་དཀྱིལ་འཁོར་ཆེན་པོ་བདག་གིས་མཐོང་། །གསང་བའི་དཀྱིལ་འཁོར་དཀྱིལ་འཁོར་ཆེན་པོར་བདག་དབང་བསྐུར། །ཞེས་བརྗོད་དུ་བཅུག་ནས། ཧོཿཧོཿཧོཿཧོཿཞེས་དམ་ཚིག་བརྗོད་པར་བྱའོ་ཞེས་བྱ་བ་
[176b.3]ནི་སློབ་མ་ལ་གཞུག་པའོ།། །།དེ་ནས་སློབ་མ་རྣམས་ཀྱིས་དབང་བསྐུར་བའི་དོན་དུ་ཇི་ལྟར་འབྱོར་པའི་ཡོན་ཕུལ་ནས་ཡན་ལག་ལྔས་ཕྱག་བྱས་ཏེ་པུས་མོའི་ལྷ་ང་ས་ལ་བཙུགས་ནས་ཐལ་མོ་སྦྱར་བ་བྱས་ཏེ། བྱང་ཆུབ་རྡོ་རྗེས་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་
[176b.4]རབ་ཏུ་བསྒྲལ་བའི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཞེས་གསོལ་བ་གདབ་བོ། །དེ་ནས་སློབ་དཔོན་གྱིས་སློབ་མ་ལ་དབང་བསྐུར་བའི་དོན་དུ་རྩ་བའི་དཀྱིལ་འཁོར་ལས་ཤིན་ཏུ་མི་རིང་བར་སྣ་ཚོགས་པདྨ་འདབ་མ་བརྒྱད་པ་ལ་རིགས་ལྔའི་མཚན་མ་ཅན་གྱི་འདབ་ཅན་གྱི་ཆུ་
[176b.5]སྐྱེས་ལ་འདུག་ཏུ་བཅུག་ནས་སློབ་མ་རྡོ་རྗེ་འཆང་གི་གཟུགས་སུ་བསྒྱུར་བར་བྱའོ། །དེ་ནས་རང་གི་སྙིང་གའི་ས་བོན་ལས་འཐོན་པའི་འོད་ཀྱི་ཚོགས་རྣམས་ཀྱིས་བཀུག་པའི་དཔའ་བོ་དང་མཁའ་འགྲོ་མའི་ཚོགས་རྣམས་མཆོད་ནས། རྡོ་རྗེ་ཅན་གྱིས་སངས་རྒྱས་ལ། །འགྲོ་བ་སྐྱོབ་པའི་ཆེད་
[176b.6]དུ་དབང་། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལ་སྩལ་དུ་གསོལ། །ཞེས་གསོལ་བ་བཏབ་པས་ཤེས་རབ་དང་ཐབས་དག་སྙོམས་པར་ཞུགས་པ་འདོད་ཆགས་ཆེན་པོས་ཞུ་བར་གྱུར་ཏེ་དཀྱིལ་འཁོར་གྱི་བདག་པོ་ལ་ཐིམ་ཞིང་ཞུགས་ནས་རྡོ་རྗེ་ནས་འཐོན་
[176b.7]ཏེ་ཞུ་བ་རྣམས་ཕག་མོའི་པདྨར་ཞུགས་ཏེ་སློབ་མ་རྡོ་རྗེ་མཁའ་འགྲོ་མའི་གཟུགས་སུ་གྱུར་པ་ཤེས་རབ་དང་བཅས་ཤིང་ཡེ་ཤེས་སེམས་དཔའ་དང་དབྱེར་མེད་པ་ལ་དབང་བསྐུར་ནས་སླར་ཡང་ཕྱག་དང་ཞལ་ལ་སོགས་པའི་སྐུ་རྣམས་ཀྱིས་པདྨ་ལས་ཕྱིར་ཕྱུང་བ་ལ་ནམ་མཁའ་
[177a]
[177a.1]གང་བར་བཞུགས་པ་རྣམས་ཀྱིས་གདུགས་དང་རྒྱལ་མཚན་དང་བ་དན་དང་ན་བཟའ་དང་གླུ་དང་རོལ་མོའི་སྒྲ་དང་མེ་ཏོག་དང་གུར་ཀུམ་ལ་སོགས་པའི་ཆར་རྣམས་ཀྱིས་སྒོ་སྐྱོང་དང་མཐུན་པར་ཁ་གདོང་མ་ལ་སོགས་པས་ཕྱག་གིས་ཅུང་ཟད་ཡོ་བར་གཟུང་བའི་བྱང་ཆུབ་ཀྱི་སེམས་ཀྱི་བདུད་རྩིས་
[177a.2]གང་བའི་རིན་པོ་ཆེའི་བུམ་པའི་ཆུ་རྣམས་ཀྱིས་དབང་བསྐུར་བར་གྱུར་པ་ན་པི་ཝང་མ་ལ་སོགས་པའི་མཆོད་པའི་ལྷ་མོ་རྣམས་ཀྱིས་སྤྲོ་བ་ཆེན་པོ་མཛད་ནས་མཆོད་ཅིང་བཀྲ་ཤིས་ཀྱི་གླུ་ལེན་པར་ལྟ་སྟེ། བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་གྱི་བདག་ཉིད་རིགས་ཀུན་གྱི་ནི་
[177a.3]བདག་པོ་མཆོག །མ་ལུས་སེམས་ཅན་སྐྱེད་མཛད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་མགོན་པོ་དྲི་མ་གསུམ་སྤངས་པ། །སངས་རྒྱས་པདྨ་རྣམ་རྒྱས་འདབ་འདྲའི་སྤྱན་མངའ་
[177a.4]བ། །དེས་ནི་ཁྱོད་ལ་དེ་རིང་ཞི་བྱེད་བཀྲ་ཤིས་ཤོག །དེ་ཡིས་ཉེ་བར་བསྟན་པ་མཆོག་རབ་མི་གཡོ་བ། །འཇིག་རྟེན་གསུམ་ནི་གྲགས་ཤིང་ལྷ་དང་མི་ཡིས་མཆོད། །ཆོས་མཆོག་སྐྱེ་དགུ་རྣམས་ལ་རྟག་ཏུ་ཞི་བྱེད་པ། །དེས་ནི་ཁྱོད་ལ་དེ་རིང་ཞི་བྱེད་བཀྲ་ཤིས་ཤོག །དམ་ཆོས་ལྡན་པ་ཐོས་པའི་བཀྲ་ཤིས་ཀྱིས་
[177a.5]ཕྱུག་ཅིང་། །དགེ་འདུན་མི་དང་ལྷ་དང་ལྷ་མིན་ཡོན་གྱི་གནས། །ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་གཞི། །དེས་ནི་ཁྱོད་ལ་དེ་རིང་ཞི་བྱེད་བཀྲ་ཤིས་ཤོག །ཅེས་རང་ཉིད་ཀྱིས་བརྗོད་ལ་དང་པོར་རྣམ་པར་རྒྱལ་བ་དང་དེ་ནས་མཁའ་འགྲོ་མ་ལ་སོགས་པ་རྣམས་ཀྱི་རིམ་པས་དང་། དེ་ནས་ཁྭ་
[177a.6]གདོང་མ་ལ་སོགས་པ་རྣམས་ཀྱི་དང་། དེ་ནས་གཤིན་རྗེ་བརྟན་མ་ལ་སོགས་རྣམས་ཀྱི་བུམ་པའི་ཆུས་སོ། །ཡང་ན་བུམ་པ་ཐམས་ཅད་ནས་ཆུ་བླངས་ལ་བསྡུས་པས་རྣམ་པར་རྒྱལ་བའི་བུམ་པའི་ཆུ་ཡལ་འདབ་དང་བཅས་པའི་རྡོ་རྗེའི་རྩེ་མོ་ལས་འཛག་པས། དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་
[177a.7]པ་ཡིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཞེས་བརྗོད་ཅིང་ཨོཾ་ཨཱཿབཛྲོ་ད་ཀཱ་བྷི་ཥིཉྩ་ཧཱུཾ་སུ་ར་སྟྭཾ་ཨ་ཧཾ། ཞེས་དབང་བསྐུར་བར་བྱའོ་ཞེས་བྱ་བ་ནི་ཆུའི་དབང་ངོ་།། །།དེ་ནས་བྱང་ཆུབ་རྡོ་རྗེ་ཞེས་བྱ་བ་ལ་སོགས་པས་བླ་མ་ལ་གསོལ་བ་བཏབ་པར་
[177b]
[177b.1]གྱུར་པའི་སློབ་མ་མཱཿདང་རིན་པོ་ཆེ་ལས་སྐྱེས་པའི་རིན་ཆེན་མཁའ་འགྲོའི་གཟུགས་ཅན་ཡེ་ཤེས་སེམས་དཔའ་དང་དབྱེར་མེད་པ་ལ་ནམ་མཁའ་ལ་བཞུགས་པའི་དཔའ་བོ་དང་མཁའ་འགྲོ་མ་རྣམས་ཀྱིས་བུམ་པས་དབང་བསྐུར་བར་གྱུར་པ་ན་པི་ཝང་མ་ལ་སོགས་པའི་མཆོད་
[177b.2]པའི་ལྷ་མོ་རྣམས་ཀྱིས་མཆོད་ཅིང་བཀྲ་ཤིས་ཀྱི་གླུ་ལེན་ཞིང་། དབང་བསྐུར་རྡོ་རྗེ་ཆེན་པོ་ནི། །ཞེས་བྱ་བ་ལ་སོགས་པའི་ཚིགས་སུ་བཅད་པ་བརྗོད་ནས་རང་གི་རིགས་ཀྱི་བདག་པོ་གཙོ་བོར་གྱུར་པའི་མཁའ་འགྲོ་ལྔས་བྱིན་གྱིས་བརླབས་པ་སློབ་མའི་མགོ་བོར་བསྐོན་ཞིང་ཨོཾ་
[177b.3]ཨཱཿབཛྲ་མུ་ཀུ་ཊཱ་བྷི་ཥིཉྩ་ཧཱུཾ་སུ་ར་ཏ་སྟྭཾ་ཨ་ཧཾ་ཞེས་དབང་བསྐུར་ནས་བཛྲ་ཏུ་ཥྱ་ཧོཿཞེས་ཡོངས་སུ་དགྱེས་པར་བྱའོ་ཞེས་བྱ་བ་ནི་ཅོད་པན་གྱི་དབང་ངོ་། །ཨོཾ་ཧཱུཾ་ཏྲཱིཨཾ་ཧྲཱིཿཨཿཞེས་བྱ་བ་འདིས་དཔྲལ་བར་དར་དཔྱངས་བཅིང་བར་བྱ་སྟེ། དེ་བཞིན་དུ་གསོལ་བ་བཏབ་པར་གྱུར་པ་ཧྲཱིཿ་
[177b.4]དང་པདྨ་ཡོངས་སུ་གྱུར་པ་ལས་སློབ་མ་པདྨ་མཁའ་འགྲོའི་གཟུགས་ཅན་ཡེ་ཤེས་སེམས་དཔའ་དང་དབྱེར་མེད་པ་ལ་ནམ་མཁར་བཞུགས་པའི་དཔའ་བོ་དང་མཁའ་འགྲོ་མ་རྣམས་ཀྱིས་བུམ་པས་དབང་བསྐུར་བར་གྱུར་པ་ལ་པི་ཝང་མ་ལ་སོགས་པའི་མཆོད་པའི་ལྷ་མོ་
[177b.5]རྣམས་ཀྱིས་མཆོད་པ་དང་བཀྲ་ཤིས་ཀྱི་གླུ་ལེན་པས། དབང་བསྐུར་རྡོ་རྗེ་ཆེན་པོ་ནི། །ཞེས་བྱ་བ་ལ་སོགས་པའི་ཚིགས་སུ་བཅད་པ་བརྗོད་ནས། སངས་རྒྱས་རྣམས་ཀྱིས་རྡོ་རྗེ་ཡི། །དབང་གིས་དེ་རིང་ཁྱོད་དབང་བསྐུར། །འདི་དེ་སངས་རྒྱས་ཐམས་ཅད་ཉིད། །རབ་
[177b.6]ཏུ་གྲུབ་ཕྱིར་རྡོ་རྗེ་གཟུང་། །ཞེས་སློབ་མའི་སྙིང་ག་དང་མགྲིན་པ་དང་མགོ་བོར་རེག་ནས་པདྨ་མཁའ་འགྲོའི་བདག་ཉིད་ཅན་གྱི་རྡོ་རྗེ་དེ་ལག་པ་གཡས་པར་སྦྱིན་ནོ་ཞེས་བྱ་བ་ནི་རྡོ་རྗེའི་དབང་བསྐུར་བའོ།། །།དེ་ཁོ་ན་བཞིན་དུ་གསོལ་བ་བཏབ་པར་གྱུར་པའི་སློབ་མ་ཁཾ་དང་རལ་
[177b.7]གྲི་ལས་སྐྱེས་པའི་ལས་ཀྱི་མཁའ་འགྲོའི་གཟུགས་ཅན་ཡེ་ཤེས་སེམས་དཔའ་དང་དབྱེར་མེད་པ་ལ་ནམ་མཁར་བཞུགས་པའི་དཔའ་བོ་དང་མཁའ་འགྲོ་མ་རྣམས་ཀྱིས་བུམ་པས་དབང་བསྐུར་བར་གྱུར་པ་ན་པི་ཝང་མ་ལ་སོགས་པའི་མཆོད་པའི་ལྷ་མོ་རྣམས་ཀྱིས་མཆོད་ཅིང་
[178a]
[178a.1]བཀྲ་ཤིས་ཀྱི་གླུ་ལེན་པས། །དབང་བསྐུར་རྡོ་རྗེ་ཆེན་པོ་ནི། །ཞེས་བྱ་བ་ལ་སོགས་པའི་ཚིགས་སུ་བཅད་པ་བརྗོད་ནས། ཨོཾ་བཛྲཱ་དྷི་པ་ཏི་ཏྭཱ་མ་བྷི་ཥིཉྩ་མི་ཏིཥྛ་བཛྲ་ས་མ་ཡ་སྟྭཾ་ཞེས་དྲིལ་བུ་སྣ་ཚོགས་མཁའ་འགྲོའི་བདག་ཉིད་ཅན་ལག་པ་གཡོན་པར་བྱིན་ནས། ཨོཾ་བཛྲ་
[178a.2]གྷཎྚེ་ཨཿཨཿགྲི་ཧཱི་ཏོ་སི་མ་ཡཱ་བྷ་ག་ཝཱན་མ་ཡི་སནྣེ་ཧི་ཏོ་བྷ་བ་ཞེས་བརྗོད་པར་བྱའོ་ཞེས་བྱ་བ་ནི་དྲིལ་བུའི་དབང་གི་ཆོ་གའོ།། །།དེ་ནས་གསོལ་བ་བཏབ་པར་གྱུར་པའི་སློབ་མ་ཨོཾ་དང་འཁོར་ལོ་ལས་སྐྱེས་པའི་འཁོར་ལོའི་མཁའ་འགྲོའི་གཟུགས་ཅན་ཡེ་ཤེས་སེམས་དཔའ་
[178a.3]དང་དབྱེར་མེད་པ་ལ་ནམ་མཁའ་ལ་བཞུགས་པའི་དཔའ་བོ་དང་མཁའ་འགྲོ་མ་རྣམས་ཀྱིས་བུམ་པས་དབང་བསྐུར་བར་གྱུར་པ་ན་པི་ཝང་མ་ལ་སོགས་པའི་མཆོད་པའི་ལྷ་མོ་རྣམས་ཀྱིས་མཆོད་ཅིང་བཀྲ་ཤིས་ཀྱི་གླུ་ལེན་པ་ས་རྡོ་རྗེ་དང་དྲིལ་བུ་སྤྱི་བོར་ཡང་དག་པར་བཟུང་སྟེ།
[178a.4]དབང་བསྐུར་རྡོ་རྗེ་ཞེས་བྱ་བ་ལ་སོགས་པའི་ཚིགས་སུ་བཅད་པ་བརྗོད་ནས། ཨོཾ་བཛྲ་སཏྭ་ཏྭཱ་མ་བྷི་ཥིཉྩཱ་མི་བཛྲ་ནཱ་མཱ་བྷི་ཥེ་ཀ་ཏ། ཀྱེའི་ཆེ་གེ་མོ་རྡོ་རྗེ་ནི་ཁྱོད་དོ་ཞེས་འཁོར་ལོ་ཅན་མིང་གི་དབང་བསྐུར་བར་བྱ་སྟེ། རིགས་དང་རྗེས་སུ་མཐུན་པ་ལས་སོ་ཞེས་བྱ་བ་ནི་མིང་གི་
[178a.5]དབང་བསྐུར་བའོ། །ལྔ་པོ་འདི་རྣམས་ཀྱིས་དབང་བསྐུར་བས་རྒྱུད་ཉན་པ་དང་བཤད་པ་ལ་དབང་བར་འགྱུར་རོ། །མ་རིག་པའི་མི་མཐུན་པའི་ཕྱོགས་ཉིད་ཀྱི་ཕྱིར་རིག་པའི་དབང་ཞེས་བརྗོད་པར་བྱའོ།། །།དེ་ནས། རྡོ་རྗེ་སློབ་དཔོན་དབང་བསྐུར་བ། །ཐུགས་རྗེའི་གཏེར་
[178a.6]ཀྱེ་བདག་ལ་སྩོལ། །གང་གིས་བདག་ནི་ཁྱོད་དྲིན་ལས། །རང་དང་གཞན་དོན་ནུས་པར་འགྱུར། །འཁོར་ལོ་ཕྱིར་མི་ལྡོག་པའི་དང་། །མགོན་པོས་བདག་ལ་སྩལ་ནས་ཀྱང་། །འཁོར་ལོ་ལྷ་ཡི་དེ་ཉིད་དང་། །སློབ་དཔོན་གྱི་ནི་ཕྲིན་ལས་དང་། །སངས་རྒྱས་ཀུན་གྱི་དམ་
[178a.7]ཚིག་དང་། །སྡོམ་པ་གསང་མཆོག་བཤད་དུ་གསོལ། །སེམས་ཅན་ཀུན་གྱི་དོན་གྱི་ཕྱིར། །བདག་ནི་ངེས་པར་སློབ་དཔོན་འགྱུར། །ཞེས་གསོལ་བ་བཏབ་པར་གྱུར་པའི་སློབ་མའི་སྟེང་དུ་གདུགས་དཀར་པོ་གཞག་ཅིང་སེང་གེའི་གདན་ལ་བཀོད་ནས་རིགས་
[178b]
[178b.1]ལྔའི་མཚན་མས་མཚན་པའི་འདབ་མ་སྣ་ཚོགས་པའི་ཆུ་སྐྱེས་ཀྱི་ཟེའུ་འབྲུ་ལ་འདུག་ཏུ་བཅུག་སྟེ་རྣམ་པར་བཀྲ་བའི་གོས་དང་རྒྱན་གྱིས་བརྒྱན་ལ་ཧཱུཾ་དང་རྡོ་རྗེ་ལས་སྐྱེས་པའི་རྡོ་རྗེ་སེམས་དཔའི་གཟུགས་ཅན་ཡེ་ཤེས་སེམས་དཔའ་དང་དབྱེར་མེད་པར་དམིགས་ནས། ཐོག་
[178b.2]མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །རྡོ་རྗེ་སྙེམས་མའི་བདག་པོའི་བདག །བཅོམ་ལྡན་འདས་དཔལ་མཆོག་དང་པོའི་སྐྱེས་བུའོ་ཞེས་བྱ་བ་འདིས་རྡོ་རྗེ་ཧཱུཾ་ལས་སྐྱེས་པའི་རྡོ་རྗེ་སེམས་དཔའི་བདག་ཉིད་ཅན་དེ་ཁོ་ན་ཉིད་ཀྱིས་གཟུང་བར་
[178b.3]བྱའོ་ཞེས་བྱ་བ་ནི་རྡོ་རྗེའི་དམ་ཚིག་གོ། །འདི་དེ་སངས་རྒྱས་ཐམས་ཅད་ཀྱི། །ཤེས་རབ་དབྱངས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་བཅང་། །བྱང་ཆུབ་མཆོག་ཏུ་རྒྱལ་རྣམས་བཞེད། །ཅེས་བརྗོད་ཅིང་ཨཱཿཡིག་ལས་སྐྱེས་པའི་དྲིལ་བུ་དེ་ཁོ་ན་ཉིད་
[178b.4]ཀྱིས་གཟུང་བར་བྱའོ། །དེ་ནི་དེ་རྣམས་ཀྱིས་དཀྲོལ་བར་བྱ་སྟེ། །སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་མཆོག །མཆོག་གི་སྲིད་པ་བྱེད་པར་འགྱུར། །ཞེས་བརྗོད་དེ་དྲིལ་བུའི་དམ་ཚིག་གོ། །ཡིད་ཀྱི་ལུས་
[178b.5]ནི་རྟེན་བྱེད་པས། །ཕྱག་རྒྱའི་དམ་ཚིག་ཏུ་ནི་བཤད། །ལུས་ནི་ཐམས་ཅད་རྟེན་བྱེད་པ། །གང་ཡིན་དེས་ན་ཕྱག་རྒྱར་གྲགས། །ཞེས་པ་ཡེ་ཤེས་ཀྱི་ཕྱག་རྒྱ་བྱིན་གྱིས་བརླབས་པའི་ཕྱིར་འདོད་པ་ལྔ་ལ་ཉེ་བར་ལོངས་སྤྱོད་པས་ཕྱག་རྒྱ་ཆེན་མོ་ལ་སོགས་པའི་དངོས་གྲུབ་
[178b.6]ཐམས་ཅད་བསྒྲུབ་པར་བྱའོ་ཞེས་བྱིན་ནས་ཁ་སྦྱོར་གྱི་རིམ་པས་ཕྱག་རྒྱ་ལ་འཁྱུད་པའི་ཚུལ་བྱེད་དུ་གཞུག་གོ་ཞེས་བྱ་བ་ནི་ཕྱག་རྒྱ་མའི་དམ་ཚིག་གོ། །དེ་ལྟར་དམ་ཚིག་གསུམ་དང་ལྡན་པའི་སློབ་མ་རྡོ་རྗེ་སེམས་དཔའི་གཟུགས་ཅན་ལ་རང་གི་སྙིང་གའི་ས་བོན་གྱི་འོད་ཟེར་
[178b.7]གྱིས་བཀུག་པའི་དཔའ་བོ་དང་མཁའ་འགྲོ་མ་རྣམས་ཀྱིས་དབང་བསྐུར་བར་དམིགས་ནས། དབང་བསྐུར་རྡོ་རྗེ་ཆེན་པོ་ནི། །ཞེས་བྱ་བ་ལ་སོགས་པའི་ཚིགས་སུ་བཅད་པ་བརྗོད་ཅིང་། ཨོཾ་ཨཱཿསརྦ་ཏ་ཐཱ་ག་ཏཱ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་སྭཱ་ཧཱ་ཞེས་བརྗོད་དེ་རྣམ་པར་
[179a]
[179a.1]རྒྱལ་བའི་བུམ་པའི་ཆུས་དབང་བསྐུར་བར་བྱའོ། །དེ་ནས་མི་བསྐྱོད་པ་ཅོད་པན་དུ་རྣམ་པར་བསམས་ནས་དེ་བཞིན་གཤེགས་པ་གཞན་རྣམས་དང་ལྷ་མོ་རྣམས་ཀྱང་ཡེ་ཤེས་སེམས་དཔའི་ངོ་བོས་བཞུགས་པར་བྱའོ། །ཨོཾ་སུ་པྲ་ཏིཥྛ་ཏ་བཛྲེ་
[179a.2]སྭཱ་ཧཱ། ཞེས་བྱིན་གྱིས་བརླབས་ལ་མཆོད་པར་བྱའོ། །དེ་སྐད་དུ་ཡང་ཤེས་རབ་བཅུ་དྲུག་ལོན་པ་ལ། ལག་པ་དག་གིས་ཡང་དག་འབྱུང་། །རྡོ་རྗེ་དྲིལ་བུ་མཉམ་སྦྱོར་བ། །སློབ་དཔོན་གྱི་ནི་དབང་དུ་འདོད། །ཅེས་གསུངས་སོ། །དེའི་རྗེས་སུ་མདོར་བསྡུས་པས་དཀྱིལ་
[179a.3]འཁོར་གྱི་དེ་ཁོ་ན་ཉིད་དང་རྣམ་པར་དག་པ་ཡང་བརྗོད་པར་བྱའོ། །དཀྱིལ་འཁོར་པདྨ་ཞེས་བཤད་དེ། །ཡིད་ཀྱི་དཀྱིལ་འཁོར་མཆོག་ཡིན་ནོ། །ཁང་པ་བརྩེགས་པ་ཞེས་བྱ་བ། །ཡེ་ཤེས་སེམས་དག་བརྩེགས་ཤིང་བསྡུས། །ཕུང་པོ་ལྔ་ནི་མདོར་བསྡུས་ནས། །སངས་
[179a.4]རྒྱས་ལྔར་ནི་རབ་ཏུ་གྲགས། །ཞེས་སོ། །དོན་དམ་པར་ནི་རང་བཞིན་མེད་པའི་བདག་ཉིད་ཅན་གྱི་དེ་བཞིན་ཉིད་ཁོ་ན་དཀྱིལ་འཁོར་གྱི་དེ་ཁོ་ན་ཉིད་དང་ལྷའི་དེ་ཁོ་ན་ཉིད་དོ་ཞེས་བྱ་བ་ནི་སློབ་དཔོན་གྱི་དབང་ངོ་།། །།དེ་ནས་སློབ་དཔོན་གྱིས་སྙིང་པོ་ལ་སོགས་པའི་སྔགས་
[179a.5]ལན་གསུམ་བཟླས་ནས། བཅོམ་ལྡན་འདི་ལ་སྦྱིན་ལགས་ཀྱིས། །འདི་ལ་ཉེ་བར་མཛད་དུ་གསོལ། །ཞེས་བརྗོད་ཅིང་སློབ་མ་ལ་སྦྱིན་ནོ། །དེས་ནི། བཅོམ་ལྡན་བདག་གིས་གཟུང་ལགས་ཀྱིས། །བདག་ལ་ཉེ་བར་མཛད་དུ་གསོལ། །ཞེས་སྔགས་བཟུང་ནས་
[179a.6]ལན་གསུམ་བཟླ་བར་བྱའོ་ཞེས་བྱ་བ་ནི་སྔགས་གཏད་པའོ།། །།དེ་ནས་གསེར་གྱི་ཐུར་མས་དེའི་སྣོད་ན་གནས་པའི་མར་དང་སྦྲང་རྩིའི་མིག་སྨན་སློབ་མའི་མིག་ལ་སྲཾ་ཡིག་བསམས་ནས་ཨོཾ་བཛྲ་ནེ་ཏྲཱ་བ་ཧ་ར་པ་ཊ་ལཾ་ཧྲཱིཿཞེས་བརྗོད་ཅིང་མིག་སྨན་བྱུག་པའི་ཚུལ་བྱས་ནས་
[179a.7]འདི་བརྗོད་པར་བྱ་སྟེ། ཐུར་ལྡན་སྨན་པའི་རྒྱལ་པོ་ཡིས། །ཇི་ལྟར་འཇིག་རྟེན་རབ་རིབ་བཞིན། །བུ་ཁྱོད་ཀྱིས་ནི་མི་ཤེས་པའི། །རབ་རིབ་རྒྱལ་བ་རྣམས་ཀྱིས་བསལ། །ཞེས་བྱ་བ་ནི་མིག་སྨན་ནོ།། །།དེ་ནས་སློབ་མ་ལ་ཨཱཿཡིག་བཟླས་པའི་མེ་ལོང་བསྟན་
[179b]
[179b.1]ལ། ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཡང་དག་བྱུང་། །རྡོ་རྗེ་སེམས་དཔའ་མེ་ལོང་བཞིན། །དེར་ནི་གསལ་དག་རྙོག་པ་མེད། །སངས་རྒྱས་ཀུན་བདག་རང་ཉིད་
[179b.2]ནི། །བུ་ཁྱོད་ཀྱི་ནི་སྙིང་ལ་ཞུགས། །རང་བཞིན་མེད་ཅིང་གནས་མེད་པར། །ཆོས་རྣམས་དེ་ལྟར་ཤེས་ནས་ཁྱོད། །སེམས་ཅན་དོན་ནི་མཉམ་མེད་བྱོས། །གང་ཕྱིར་སྐྱོབ་རྣམས་སྲས་སུ་སྐྱེས། །ཞེས་བྱ་བ་ནི་མེ་ལོང་ངོ་།། །།དེ་ནས་ཧོཿཡིག་ལས་བྱུང་བའི་
[179b.3]གཞུ་ཧོཿཡིག་གིས་བྱིན་ནས་སརྦ་ཏ་ཐཱ་ག་ཏཱ་ནུ་རཱ་ག་ཡ་སྭ་ཞེས་བརྗོད་དེ། སློབ་མ་རྣམས་ཀྱིས་ཀྱང་སརྦ་ཏ་ཐཱ་ག་ཏཱ་ནུ་རཱ་ག་ཡཱ་མི་ཞེས་བརྗོད་ཅིང་བགེགས་ཐམས་ཅད་འབིགས་པར་བསམས་ནས་ཕྱོགས་བཞིར་མདའ་བཞི་འཕང་བར་བྱ་སྟེ། སྟེང་དུ་གཅིག་
[179b.4]དང་འོག་ཏུ་གཞན་ནོ་ཞེས་བྱ་བ་ནི་མདའ་འཕང་བའོ།། །།དེ་ནས་བྷྲཱུཾ་ཡིག་ལས་སྐྱེས་པའི་ཆོས་ཀྱི་འཁོར་ལོ་ཨོཾ་བཛྲ་ཧེ་ཏུ་མཾ་ཞེས་བརྗོད་ཅིང་སློབ་མའི་ལག་པ་གཡས་སུ་ཨཱཿཡིག་ལས་སྐྱེས་པའི་དུང་ཨོཾ་བཛྲ་བྷ་ཥ་རཾ་ཞེས་བརྗོད་ཅིང་གཡོན་དུ་དབྱངས་དང་པོ་ལས་སྐྱེས་པའི་གླེགས་
[179b.5]བམ་དབྱངས་དང་པོ་བརྗོད་པས་དང་། དབྱངས་ཐ་མ་ལས་སྐྱེས་པའི་དྲིལ་བུ། དབྱངས་ཐ་མ་བརྗོད་ཅིང་བྱིན་ནས་དྲིལ་བུ་དཀྲོལ་དུ་གཞུག་སྟེ། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའ་མཉམ་པར་སྦྱོར་བ་ལས། །
[179b.6]ཀུན་མཆོག་མཉམ་པ་ཉིད་དུ་གསལ། །ཞེས་དེའི་རྗེས་སུ་འདི་སྐད་བརྗོད་པར་བྱ་སྟེ་། དེང་ནས་བརྩམས་ཏེ་སེམས་བསྐྱེད་བཅས། །ཆོས་ཀྱི་འཁོར་ལོ་རབ་ཏུ་བསྐོར། །ཆོས་ཀྱི་དུང་ནི་བླ་མེད་པ། །ཐམས་ཅད་དུ་ཡང་གང་བར་གྱིས། །སོམ་ཉི་ཡིད་གཉིས་མི་བྱ་ཞིང་། །
[179b.7]དོགས་པ་མེད་པའི་སེམས་ཀྱིས་ཁྱོད། །གསང་སྔགས་སྤྱོད་པའི་ཚུལ་མཆོག་གང་། །འཇིག་རྟེན་ལ་ནི་རྟག་ཏུ་ཤོད། །དེ་ལྟར་བྱས་ན་སངས་རྒྱས་པ། །བྱས་པ་ཤེས་པར་ཉེ་བར་བརྗོད། །རྡོ་རྗེ་འཛིན་པ་དེ་ཀུན་ཡང་། །ཁྱོད་ལ་རྣམ་པ་ཀུན་དུ་བསྲུང་། །ཞེས་སོ། །
[180a]
[180a.1]དེ་བཞིན་དུ་ཐུན་མོང་གི་རྗེས་སུ་གནང་པ་བྱིན་ནས་རིམ་པས་རྣམ་པར་སྣང་མཛད་ལ་སོགས་པའི་གཟུགས་སུ་དམིགས་ཏེ་སློབ་མ་ལ་བརྗོད་པར་བྱ་སྟེ། འཇིག་རྟེན་ཀུན་དུ་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་
[180a.2]བས་སྣ་ཚོགས་པའི། །ཆོས་ཀྱི་འཁོར་ལོ་རབ་ཏུ་བསྐོར། །ཤེས་རབ་ཐམས་ཅད་རང་བཞིན་བདག །ཡིད་བཞིན་ནོར་ལྟར་མཐོ་བ་ཡིས། །དོགས་དང་བྲལ་ཞིང་ཟད་མིན་པར། །སེམས་ཅན་དོན་ནི་ཕུན་ཚོགས་བྱས། །ཆོས་ཀྱི་སྒྲའི་གནས་སུ་རྡོ་རྗེ་དང་། རིན་
[180a.3]པོ་ཆེ་དང་པདྨ་དང་། ལས་ཀྱི་སྒྲ་བཅུག་ནས་རྗེས་སུ་གནང་བ་རྣམ་པ་ལྔ་སྦྱིན་པར་བྱའོ། །སློབ་མས་ཀྱང་བླ་མའི་ཞབས་ཀྱི་པདྨ་གཉིས་ལ་ཕྱག་བྱས་ནས། གཙོ་བོས་ཇི་ལྟར་བཀའ་སྩལ་པ། །དེ་ལྟར་བགྱིའོ་ཞེས་བརྗོད་དོ། །ཞེས་བྱ་བ་ནི་རྗེས་སུ་གནང་བའོ།། །།
[180a.4]དེ་ནས་སློབ་མ་རྡོ་རྗེ་སེམས་དཔའི་གཟུགས་སུ་དམིགས་ནས། འདི་དེ་སངས་རྒྱས་ཐམས་ཅད་ཀྱི། །རྡོ་རྗེ་སེམས་དཔའི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཕྱག་ན་རྡོ་རྗེའི་བརྟུལ་ཞུགས་བརྟན། །ཞེས་བྱ་བ་འདིས་ཧཱུཾ་ལས་སྐྱེས་པའི་རྡོ་རྗེ་བྱིན་ལ་སློབ་
[180a.5]མས་ཀྱང་། ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཏིཥྛ་ཨེ་ཥ་ཏྭཱཾ་དྷཱ་ར་ཡཱ་མི་བཛྲ་སཏྭ་ཧྲཱིཿཧི་ཧི་ཧི་ཧི་ཧཱུཾ་ཞེས་བརྗོད་ཅིང་རྡོ་རྗེ་གཟུང་བར་བྱའོ་ཞེས་བྱ་བ་ནི་རྡོ་རྗེའི་བརྟུལ་ཞུགས་སོ།། །།དེ་ནས་དེ་བཞིན་གཤེགས་པའི་སྤྱོད་ལམ་གྱི་ཚུལ་དུ་ཆོས་གོས་ཀྱི་རྣ་བ་གཡོན་པའི་ཁུ་ཚུར་
[180a.6]གྱིས་གཟུང་བ་བྱས་ཤིང་གཡས་པ་མི་འཇིགས་པའི་ཕྱག་རྒྱས། སྲིད་པའི་ངན་འགྲོ་ལས་བཏོན་ནས། །སྲིད་པ་ཤིན་ཏུ་དག་བྱའི་ཕྱིར། །རྡོ་རྗེ་སེམས་དཔའ་དེ་བཞིན་གཤེགས། །འདི་ནི་ང་ཡིས་ལུང་བསྟན་བྱ། །ཀྱེའི་ཆེ་གེ་མོ་བཛྲ་ཏ་ཐཱ་ག་ཏ་སིདྡྷྱ་ས་མ་ཡ་སྟྭཾ་
[180a.7]བྷུར་བྷུ་བ་སྭཿཞེས་བྱ་བ་འདིས་སློབ་མ་མེ་ཏོག་ཕོག་པ་དང་རྗེས་སུ་མཐུན་པའི་དེ་བཞིན་གཤེགས་པའི་གཟུགས་སུ་བྱའོ། །གང་ཡང་དྲངས་ཤིང་འཕགས་པའི་ཕྱག་རྒྱས་ལུང་བསྟན་པ་དེ་ལ་དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའི་འཁོར་
[180b]
[180b.1]དང་བཅས་པའི་དཀྱིལ་འཁོར་པ་རྣམས་ཀྱིས་མགྲིན་གཅིག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་མཛད་དེ་ཕྱག་རྒྱ་དང་གསང་སྔགས་འདི་ཉིད་རབ་ཏུ་བསྒོམས་སོ་ཞེས་དད་པར་བྱའོ་ཞེས་བྱ་བ་ནི་ལུང་བསྟན་པའོ།། །།དེ་ནས་སློབ་
[180b.2]མའི་སྙིང་གར་སྔགས་ཐམས་ཅད་ཀྱིས་མངོན་པར་བསྔགས་ནས་ལག་པ་གཡོན་ལ་ཀཾ་ཀ་ཎ་བཅིངས་ཤིང་མགོ་བོར་གདུགས་བཟུང་བས་སྐོར་བ་བྱེད་དུ་བཅུག་ནས་ཐལ་མོ་སྦྱར་བ་དང་བཅས་པ་དཀྱིལ་འཁོར་གྱི་སྒོར་གདུགས་ཕུབ་ནས། རྒྱུད་རྣམས་འཛིན་པར་
[180b.3]འགྱུར་བ་ཡི། །སློབ་མ་འདི་ནི་ཕུལ་བ་ལགས། །ཞེས་བརྗོད་ཅིང་དཀྱིལ་འཁོར་གྱི་དབང་ཕྱུག་ལ་གསོལ་བ་བཏབ་ནས་སློབ་མའི་སྙིང་ལ་འབབ་པའི་ཚིག་འདི་སྐད་ཅེས་བརྗོད་པར་བྱ་སྟེ། ད་ནི་ཁྱེད་རྣམས་དཀྱིལ་འཁོར་གྱི། །སློབ་དཔོན་སྔགས་དང་རྒྱུད་འཛིན་
[180b.4]པར། །སངས་རྒྱས་བྱང་ཆུབ་སེམས་དཔའ་དང་། །ལྷ་རྣམས་དག་ཀྱང་དགོངས་པར་འགྱུར། །སེམས་ཅན་ཀུན་ལ་བརྩེ་དོན་དུ། །ཁྱོད་ཀྱིས་དཀྱིལ་འཁོར་ཆོ་ག་བཞིན། །རབ་ཏུ་འབད་དེ་བྲི་བར་བྱ། །མཆོག་ཏུ་གསང་བ་དམ་པ་ཡི། །དཀྱིལ་འཁོར་མཐོང་ཞིང་
[180b.5]ཞུགས་པས་ན། །སྡིག་པ་ཀུན་ལས་རྣམ་གྲོལ་འགྱུར། །དེང་ནི་ཁྱེད་རྣམས་བདེ་བར་གནས། །བདེ་ཆེན་ཐེག་པ་འདི་ལས་ནི། །ཕྱིན་ཆད་འཆི་བ་ཁྱོད་ལ་མེད། །སྲིད་པའི་སྡུག་བསྔལ་ལས་ཁྱོད་འདས། །སྲིད་པའི་མཐའ་ནི་ཤིན་ཏུ་གྲུབ། །དེང་ཁྱོད་སྐྱེ་བ་འབྲས་
[180b.6]བུར་བཅས། །གང་ལ་ལེགས་པར་རབ་ཏུ་གནས། །དམ་ཚིག་ལྷ་རྣམས་དང་མཉམ་པར། །འགྱུར་བ་ལ་ནི་ཐེ་ཚོམ་མེད། །སངས་རྒྱས་རྡོ་རྗེ་ཅན་ཀུན་གྱིས། །དེ་རིང་ཚེ་ལྡན་དབང་བསྐུར་བས། །ཁམས་གསུམ་པ་ཡི་རྒྱལ་སྲིད་ཆེའི། །བདག་པོ་ཉིད་དུ་ཁྱོད་
[180b.7]ངེས་སོ། །དེ་རིང་བདུད་རྣམས་ལས་རྒྱལ་ནས། །གྲོང་ཁྱེར་མཆོག་ཏུ་ཁྱོད་ཞུགས་ཏེ། །དེ་རིང་སངས་རྒྱས་ཉིད་འཐོབ་པར། །འགྱུར་བ་འདི་ལ་ཐེ་ཚོམ་མེད། །འདོད་ཆགས་བྲལ་བ་ལྟ་བུའི་སྡིག །ཁམས་གསུམ་ན་ནི་གཞན་མེད་དེ། །དེ་བས་འདོད་ལ་ཆགས་
[181a]
[181a.1]བྲལ་བར། །ཁྱོད་ཀྱིས་ནམ་ཡང་མི་བྱའོ། །འདོད་པ་ཀུན་ལ་ལོངས་སྤྱོད་ཅིང་། །མྱུར་བས་ཁྱོད་ནི་ཅི་ལས་འཇིགས། །ཤ་ལྔ་བདུད་རྩི་བཟའ་བྱ་སྟེ། །དེ་ཕྱིར་དམ་ཚིག་གཞན་ཡང་བསྲུངས། །སྲོག་ཆགས་གསད་པར་མི་བྱ་ཞིང་། །བུད་མེད་རིན་
[181a.2]ཆེན་སྤང་མི་བྱ། །སློབ་དཔོན་སྤང་བར་མི་བྱ་སྟེ། །དམ་ཚིག་ཤིན་ཏུ་འདའ་བར་དཀའ། །ཤེས་རབ་ཐབས་ཀྱི་བསམ་པ་ཡིས། །མི་བྱ་ཅུང་ཟད་ཡོད་མ་ཡིན། །མ་འཇིགས་ཁྱོད་ལ་སྡིག་པ་མེད། །དེ་བཞིན་གཤེགས་པའི་གསུང་ཇི་བཞིན། །དེ་ལྟར་ཡིད་ནི་རབ་དང་རྡོ་རྗེ་ཉིད་དུ་
[181a.3]གྱིས། །རང་གི་དམ་ཚིག་མི་ཟད་བདེ་སྟེར་བསྟེན་པར་གྱིས། །འགྲོ་བ་བདེ་བ་ཉུང་ལས་རྡོ་རྗེ་སེམས་དཔའ་དང་། །མཚུངས་པའི་རྟག་པ་ཉིད་དུ་ཁྱེད་རྣམས་ཕྱིན་པར་འགྱུར། །གཞན་ཡང་ཆོས་ཉིད་འདི་དང་ཆོ་ག་ཇི་ལྟ་བ་བཞིན་དབང་བསྐུར་བ་གང་ཡིན་པ་ལ་དགེ་བའི་ཕྱིར་སངས་རྒྱས་
[181a.4]དང་བྱང་ཆུབ་སེམས་དཔའ་རྣམས་ཀྱིས་བུ་སྡུག་པ་བཞིན་དུ་རབ་ཏུ་དང་བའི་ཐུགས་ཀྱིས་དགོངས་པར་འགྱུར་རོ་ཞེས་བྱ་བ་ནི་དབུགས་དབྱུང་བའི་ཆོ་གའོ།། །།དབང་བསྐུར་བ་དེ་རྣམས་ལ་བུམ་པ་བྱེད་པ་ཉིད་ཡིན་པའི་ཕྱིར་བུམ་པའི་དབང་བསྐུར་བའོ། །དེ་ནས་ཡོལ་བ་དང་སྣམ་བུ་
[181a.5]ལ་སོགས་པ་རྣམས་ཀྱིས་འགོལ་བར་བྱས་པའི་གནས་སུ་སློབ་མ་རང་གི་སེམས་དགའ་བའི་ཤེས་རབ་མ་བཅུ་གཉིས་ལོན་པའམ་བཅུ་དྲུག་ལོན་པ་ཡང་རུང་། གཟུགས་དང་མཚན་ཕུན་སུམ་ཚོགས་ཤིང་དམ་ཚིག་དང་སྡོམ་པ་ལ་གནས་པ་བླ་མ་ལ་ཕུལ་ནས་པུས་མོའི་ལྷ་ང་ས་ལ་
[181a.6]བཙུགས་ཏེ། ལག་པ་སྦྱར་ནས་བླ་མ་ལ་རྡོ་རྗེ་སེམས་དཔར་མངོན་སུམ་དུ་མོས་པ་བྱས་ནས། ཁྱོད་ཀྱི་ཞབས་ཀྱི་བཀའ་དྲིན་གྱིས། །བདག་གིས་བླ་མེད་བྱ་བ་ཐོབ། །དེ་ཕྱིར་གསང་བའི་དབང་གིས་ནི། །མགོན་པོ་རྗེས་སུ་གཟུང་བར་མཛོད། །ཅེས་གསོལ་བ་གདབ་
[181a.7]བོ། །བླ་མས་ཀྱང་སྐད་ཅིག་གིས་སྟོང་པ་ཉིད་ཀྱི་མཐར་དཔལ་སྡོམ་པའི་སྐུ་དང་ཤེས་རབ་ཕག་མོའི་གཟུགས་སུ་བསྐྱེད་ནས་རྡོ་རྗེ་དང་པདྨ་འདུ་བྱ་བ་སྔོན་དུ་འགྲོ་བས་སྙོམས་པར་འཇུག་པར་བྱ་ཞིང་ཨོཾ་སརྦ་ཏ་ཐཱ་ག་ཏཱ་ནུ་རཱ་ག་ཎ་བཛྲ་སྭ་བྷཱ་བཱཏྨ་ཀོ྅ཧཾ། ཞེས་བྱ་བའི་སྔགས་
[181b]
[181b.1]བརྗོད་ཅིང་རང་གི་སྙིང་གའི་ས་བོན་གྱི་འོད་ཟེར་གྱིས་བཀུག་པའི་ཕྱོགས་བཅུར་གནས་ཤིང་སྙོམས་པར་ཞུགས་པའི་དཔའ་བོ་དང་མཁའ་འགྲོ་རྣམས་ཡིད་ཀྱིས་བཅུག་ནས། འདོད་ཆགས་ཆེན་པོས་ཞུ་བར་གྱུར་པ་ཨ་ཝ་དྷཱུ་ཏཱི་ནས་འོང་བས་དགའ་བ་ལ་སོགས་པའི་རིམ་
[181b.2]གྱིས་རྡོ་རྗེ་ནོར་བུར་ལྷན་ཅིག་སྐྱེས་པ་རང་ཉིད་ཀྱིས་རིག་པར་བྱས་ནས་མཐེ་བོང་དང་སྲིན་ལག་གིས་ནོར་བུ་བཙིར་ནས་རྡོ་རྗེ་ནམ་མཁའི་ཁམས་སུ་རྣམ་པར་བསམ་པའི་ཤེས་རབ་ཀྱི་པདྨ་ལས་བྱུང་ནས་སློབ་མ་གསུང་རྡོ་རྗེའི་གཟུགས་ཅན་གྱི་ཁར། འདས་པའི་རྡོ་རྗེ་འཆང་
[181b.3]སོགས་ཀྱིས། །ཇི་ལྟར་སངས་རྒྱས་སྲས་དབང་བསྐུར། །བྱང་ཆུབ་སེམས་ཀྱི་བཟའ་བ་ཡིས། །དེ་བཞིན་བུ་ཁྱོད་དབང་བསྐུར་རོ། །ཞེས་དང་རྩ་བའི་སྔགས་ཀྱང་བརྗོད་ལ་བྱང་ཆུབ་ཀྱི་སེམས་དབབ་པར་བྱའོ། །ཤེས་རབ་གདོང་ཡང་བཅིང་བ་དང་། །ཐབས་ཀྱི་
[181b.4]གདོང་ཡང་དེ་བཞིན་ཏེ། །མཐེ་བོ་མིང་མེད་དག་གིས་ནི། །སློབ་མའི་ཁར་ནི་དབབ་པར་བྱ། །ཞེས་གསུངས་པ་ཡིན་ནོ། །དེས་ཀྱང་དཔའ་བོ་དང་མཁའ་འགྲོ་མ་ཐམས་ཅད་ཞུ་བ་ནི་འདི་ཡིན་ནོ་ཞེས་མོས་པར་བྱས་ནས་ཨ་ཧོ་མ་ཧཱ་སུ་ཁཾ་ཞེས་བརྗོད་ཅིང་བཏུང་
[181b.5]བར་བྱའོ། །ཤེས་རབ་མ་ལངས་ལ་གོས་མེད་པ་ཉིད་དུ་པདྨ་ན་གནས་པའི་བདུད་རྩིའི་ཐིག་ལེ་རྣམས་དེའི་ཁར་གཞུག་སྟེ། དེས་ཀྱང་དེ་བཞིན་དུ་བཏུང་བར་བྱའོ། །ཤེས་རབ་དང་ཐབས་དག་གིས་ཀུན་རྫོབ་པའི་གསང་བའི་བྱང་ཆུབ་ཀྱི་སེམས་ཀྱིས་དབང་བསྐུར་
[181b.6]བའི་ཕྱིར་ཞེས་བྱ་བ་ནི་གསང་བའི་དབང་བསྐུར་བར་བྱའོ།། །།དེ་ནས་འདོད་པའི་ཤེས་རབ་དེ་ཉིད་ལས་ཐ་དད་པ་གཞན་ཡང་རུང་སི་ལ་ག་ཕུར་དང་གཟུགས་དང་ལང་ཚོ་ཕུན་སུམ་ཚོགས་པའི་ཕྱག་རྒྱ་མ་གཏད་པར་འོས་པ་སྟེ། གང་གིས་བདག་ནི་ཁྱོད་
[181b.7]དྲིན་ལས། །ལྷན་སྐྱེས་ཡེ་ཤེས་ཐོབ་གྱིས་ཏེ། །ཤེས་རབ་ཡེ་ཤེས་དབང་བསྐུར་བ། །དབང་ཕྱུག་མཆོག་གིས་བདག་ལ་སྩོལ། །ཞེས་གསོལ་བ་བཏབ་པར་གྱུར་པ་དེ་ལས་སློབ་མའི་ལག་པ་གཡོན་པ་སྟེ་དེ་གཉིས་རང་གི་ལག་པ་གཡོན་པས་བཟུང་ལ།
[182a]
[182a.1]གཡས་པས་སློབ་མའི་སྤྱི་བོ་རྡོ་རྗེ་བཟུང་ནས། འདིར་ནི་ཁྱོད་རྣམས་དབང་པོ་ཡིན། །བདག་གིས་འདི་ལ་འདི་གཏད་དོ། །ཞེས་དཔའ་བོ་དང་མཁའ་འགྲོ་མ་རྣམས་དཔང་དུ་བྱས་ནས། གཟུངས་མ་ཡིད་འོང་འདི་ཁྱོད་ཀྱིས། །བསྟེན་བྱར་
[182a.2]སངས་རྒྱས་རྣམས་ཀྱིས་བརྟགས། །འཁོར་ལོ་རིམ་པའི་སྦྱོར་བ་ཡིས། །བདེ་བ་དམ་པ་མྱང་བར་བགྱི། །ཐབས་གཞན་གྱིས་ནི་སངས་རྒྱས་མིན། །དེ་བས་འདི་དང་བྲལ་བར་ནི། །ཁྱོད་ཀྱིས་ནམ་ཡང་མ་བྱེད་ཅིག །འདི་དེ་སངས་རྒྱས་ཐམས་ཅད་ཀྱི། །རིག་
[182a.3]མའི་བརྟུལ་ཞུགས་བླ་ན་མེད། །རྨོངས་པ་གང་ཞིག་འདའ་བྱེད་པ། །དེ་ལ་མཆོག་གི་དངོས་གྲུབ་མེད། །ཅེས་བརྗོད་ལ་ཤེས་རབ་མ་གཏད་པར་བྱའོ། །དེས་ཀྱང་དྲི་བཟང་པོ་དང་མེ་ཏོག་གི་ཕྲེང་བས་ལུས་ཉེ་བར་མཛེས་པར་བྱས་ཤིང་དགོད་ཅིང་དགའ་བའི་རང་བཞིན་གྱི་
[182a.4]མདངས་ཀྱིས། །བུ་ཁྱོད་སྤྲོ་བ་ཉིད་དམ་ཅི། །བཤང་གཅི་ལ་སོགས་ཟ་བ་དང་། །ཤ་ཁྲག་ཁུ་བ་དེ་བཞིན་ཏེ། །བུད་མེད་ལ་གུས་དེ་བཞིན་གཞན། །བྷ་གའི་པདྨར་འོ་བྱེད་པར། །ཇི་ལྟར་བདེ་བ་བུ་ཡིས་སྨྲོས། །དེ་ལྟར་འདོད་པའི་མཚན་མ་བརྗོད། །དེས་ཀྱང་
[182a.5]འདི་སྐད་དུ་སྨྲ་བར་བྱ་སྟེ། ལྷ་མོ་བདག་ནི་ཅིས་མི་སྤྲོ། །ཁུ་ཁྲག་ལ་སོགས་པ་བཟའ་སྟེ། །ལུས་ཀྱིས་རྟག་ཏུ་བུད་མེད་གུས། །བྷ་ག་ལ་ཡང་འོ་བྱེད་དོ། །དེ་ནས་དེ་དགའ་ཞིང་གུས་པས་ཙནྡན་དང་གུར་གུམ་ལ་སོགས་པ་རྣམས་ཀྱིས་རང་གི་འོད་བཞིན་དུ་
[182a.6]དྲིས་བྱུགས་ནས་གཅེར་བུར་སློབ་མ་ལ་ཆུ་སྐྱེས་སྟོན་པར་བྱེད་དོ། །ཨེ་མ་ང་ཡི་པདྨ་འདི། །བདེ་བ་ཀུན་དང་ཡང་དག་ལྡན། །གང་ཞིག་ཆོ་གས་སྟོན་བྱེད་པ། །དེ་ཡི་མདུན་ན་བདག་གནས་སོ། །འདི་ནི་ཆོས་དབྱིངས་དག་པ་སྟེ། །སེམས་ཅན་ཁམས་ནི་རབ་
[182a.7]དགྲོལ་བྱེད། །བདེ་ཆེན་རྒྱལ་པོ་རང་ཉིད་ནི། །དངོས་པོ་ཀུན་ལ་རྣམ་པར་གནས། །སངས་རྒྱས་མཆོད་པ་ལ་སོགས་པ། །པདྨར་བྱ་བ་ཇི་བཞིན་གྱིས། །བདེ་ཆེན་རྒྱལ་པོ་རང་ཉིད་ནི། །འདི་ཉིད་ན་ནི་རྟག་ཏུ་བཞུགས། །བྷཾ་ཛ་མོཀྵ་ཧོཿཞེས་སོ། །དེ་ནས་རང་
[182b]
[182b.1]ཉིད་འཁོར་ལོ་སྡོམ་པའི་སྐུ་དང་ཤེས་རབ་ཕག་མོའི་གཟུགས་སུ་བསྐྱེད་ནས་ཧྲཱིཿ་ཧཱུཾ་དག་ལས་སྐྱེས་པའི་པདྨ་དང་རྡོ་རྗེ་དག་ཨཱཿཨོཾ་ཡིག་ལས་སྐྱེས་པའི་ལྟེ་བ་དང་ནོར་བུར་བསམས་ནས་རྡོ་རྗེའི་ཁ་ཕཊ་ཡིག་སེར་པོ་དང་ཤི་ཡིག་བྱ་སྟེ། རྡོ་རྗེ་དབྱིངས་ཀྱི་དབང་ཕྱུག་མའི་རྩ་གཡོན་
[182b.2]ན་གནས་ཤིང་འདུག་པ་སོར་མོས་ཅུང་ཟད་བསྐུལ་བས་ཤེས་ནས་དེ་བླ་མས་བརྗོད་པ་ལགས་སོ། །ཨོཾ་སརྦ་ཏ་ཐཱ་ག་ཏཱ་ནུ་རཱ་ག་ཎ་བཛྲ་སྭ་བྷཱ་ཝཱཏྨ་ཀོ྅ཧཾ་ཞེས་བརྗོད་ཅིང་། བླ་མས་ཉེ་བར་བསྟན་པའི་དགའ་བའི་དབྱེ་བ་རྣམས་རང་གི་སྙིང་གའི་ས་བོན་གྱིས་བཀུག་པའི་དཔའ་བོ་
[182b.3]དང་མཁའ་འགྲོ་མ་ལ་སོགས་པས་བྱིན་གྱིས་བརླབས་པའི་ལུས་བླ་མས་བྱིན་པའི་འཁོར་ལོའི་མཁའ་འགྲོ་མ་ལ་སོགས་པས་བྱིན་གྱིས་བརླབས་པའི་ཡིད་ཀྱི་དགའ་བ་བརྩམ་པར་བྱའོ། །རྡོ་རྗེ་པདྨར་རབ་བཞག་ནས། །བྱང་ཆུབ་སེམས་ནི་དབྱུང་མི་བྱ། །བསྐྱོད་པར་
[182b.4]བྱས་ནས་དེ་དགའ་བའི། །སེམས་ཀྱིས་གང་བར་བསྒོམ་པར་བྱ། །ཡེ་ཤེས་འདི་ནི་ཆེས་ཕྲ་ཞིང་། །བྱང་ཆུབ་སྙིང་པོ་མཁའ་འདྲ་བ། །རྡུལ་བྲལ་ཐར་སྟེར་ཞི་བ་ཉིད། །ཁྱེད་ཀྱི་ཕ་ཡང་རང་ཉིད་དོ། །རྣལ་འབྱོར་པ་ཡིས་ཇི་སྲིད་དུ། །བྱང་ཆུབ་སེམས་
[182b.5]འདོར་མི་བྱེད་བྱ། །དེ་སྲིད་རྒྱུན་མི་འཆད་པ་ཡི། །དགའ་བ་ཅི་ཡང་འཐོབ་པར་འགྱུར། །བྱང་ཆུབ་སེམས་ནི་ལྟུང་གྱུར་ན། །དངོས་གྲུབ་ཀུན་གྱི་གཏེར་ཡིན་པས། །ཕུང་པོ་རྣམ་ཤེས་བརྒྱལ་བ་ལ། །མ་སྨད་དངོས་གྲུབ་ག་ལ་ཡོད། །མཁའ་དབྱིངས་རྡོ་རྗེ་སྦྱོར་
[182b.6]བ་ལས། །རེག་པའི་བདེ་བ་རྨད་བྱུང་ཆེ། །གང་དེ་མཆོག་ཏུ་དགའ་བ་ཡི། །བྱེད་པ་པོ་སྟེ་བསྐྱེད་པར་བྱ། །མཆོག་དང་དགའ་བྲལ་དག་གི་དབུས། །བརྟན་པོར་མཚོན་ལ་བརྟན་པར་བྱ། །པདྨའི་ནམ་མཁར་ནོར་བུ་ཡི། །ལྟེ་བ་བསྡམས་པའི་གནས་
[182b.7]སུའོ། །རྡོ་རྗེ་སྐྱིལ་ཀྲུང་གིས་སེམས་ནི། །ནོར་བུའི་ནང་དུ་གནས་པར་བལྟ། །གང་གང་ཡེ་ཤེས་སྐྱེ་འགྱུར་བ། །ཡེ་ཤེས་རང་བཞིན་དེ་ཡིས་ཆོག །འདོད་ཆགས་མེད་ཅིང་ཆགས་བྲལ་མེད། །དབུ་མར་ཡང་ནི་མི་དམིགས་ཏེ། །རྣལ་འབྱོར་
[183a]
[183a.1]གང་ཚེ་ཡེ་ཤེས་མཐོང་། །བདེ་བ་བརྟན་བྱ་འགྱུར་བའང་མིན། །ཐུན་ནམ་ཡང་ན་ཉིན་མོ་གཅིག །ཟླ་བའམ་ཟླ་ཕྱེད་ལོ་དང་ནི། །བསྐལ་པའམ་བསྐལ་པ་སྟོང་དུ་ཡང་། །ཡེ་ཤེས་མངོན་པར་སྦྱོར་བས་གནས། །སློབ་མས་
[183a.2]ཆ་ཤས་བཟུང་ནས་ནི། །པདྨའི་ལྟེ་བར་ཕྱུང་བ་ན། །དེ་ནས་རོ་མ་ཡིས་ནི་སེམས། །བྱང་ཆུབ་སྔོན་དུ་འགྲོ་བས་གཟུང་། །ཤེས་རབ་ལས་ལྷན་ཅིག་སྐྱེས་པའི་ཡེ་ཤེས་ཞེས་བྱ་བ་ནི་ཤེས་རབ་ཡེ་ཤེས་སོ།། །།དེ་ནས་ཇི་སྐད་བཤད་པའི་ཆོ་གས་ཤེས་རབ་
[183a.3]ཡེ་ཤེས་ཀྱི་དབང་བསྐུར་བ་ཉིད་ལ་འབྲས་བུར་གྱུར་པ་བཞི་པའི་དབང་སྦྱིན་པར་བྱའོ། །ཡང་གསུངས་པ། ཇི་སྐད་གསུངས་པའི་ཆོ་གས་དབང་བསྐུར་བ། །སྦྱིན་ནས་སློབ་མའི་མོས་པ་ཡིད་ཀྱིས་བརྟག །ཟབ་ཅིང་རྒྱ་ཆེའི་ཚུལ་ལ་མོས་གྱུར་ན། །དབང་བསྐུར་
[183a.4]རིན་ཆེན་ཚིག་གིས་སྦྱིན་པར་བྱ། །འོ་ན་འདི་རྒྱ་ཆེ་བ་ལ་མོས་པའམ་ཡང་ན་མ་ཡིན་ནོ་ཞེས་བྱ་བ་ཇི་ལྟར་རྟོགས་པར་བྱ་ཞེ་ན། དུ་བ་ལས་ནི་མེར་ཤེས་དང་། །ཆུ་སྐྱར་ལས་ནི་ཆུར་ཤེས་པ། །བྱང་ཆུབ་སེམས་དཔའ་ཡི་ནི་རིགས། །བློ་དང་ལྡན་པས་མཚན་མས་
[183a.5]ཤེས། །བཞིན་གྱི་ཆུ་སྐྱེས་རབ་དང་ཞིང་། །དགའ་བས་ལུས་ཀྱི་སྤུ་ལྡང་བ། །དེ་ཉིད་མཐོང་ནས་མཁས་པ་ཡིས། །སློབ་མ་དམ་པ་རྗེས་གཟུང་བྱ། །ཤེས་རབ་ཡེ་ཤེས་དེ་ཉིད་མྱུ་གུར་གྱུར་པའི་བྱང་ཆུབ་ཀྱི་སེམས་བསྒོམས་པས་རབ་ཏུ་འཕེལ་བཞིན་པ། སྒྲིབ་
[183a.6]པ་མེད་པ་ཉིད་དང་ལྡན་པའི་དེ་ཁོ་ན་ཉིད་ཆོས་ཐམས་ཅད་བསམ་གྱིས་མི་ཁྱབ་པའི་རང་བཞིན་ཡན་ལག་བདུན་དང་ལྡན་པའི་ཕྱག་རྒྱ་ཆེན་པོའི་བདག་ཉིད་རྡོ་རྗེ་འཆང་ཆེན་པོའི་རང་བཞིན་ནི་བཞི་པའི་དོན་ཡིན་ནོ། །ཡང་གསུངས་པ། དེར་ནི་ཐོག་མ་དབུས་
[183a.7]མཐའ་མེད། །སྲིད་མིན་མྱ་ངན་འདས་པ་མིན། །བདག་མེད་གཞན་ཡང་མེད་པ་སྟེ། །འདི་དེ་མཆོག་ཏུ་བདེ་ཆེན་པོ། །ཡང་གསུངས་པ། རྒྱུ་དང་བྲལ་ཞིང་འགྲོ་ལ་རྟག་ཏུ་ཤར། །གང་ཞིག་དུས་སུ་ངེས་པར་གསུངས་པ་ན། །ཐམས་ཅད་མཁྱེན་
[183b]
[183b.1]པའང་ཚིག་གིས་དབུལ་འགྱུར་བ། །བདེ་བའི་རྒྱལ་པོ་གཅིག་པུ་རྒྱལ་གྱུར་ཅིག །བླ་མས་བསྟན་པ་མ་ཡིན་ན། །སློབ་མས་གོ་བ་མ་ཡིན་ཏེ། །ལྷན་ཅིག་སྐྱེས་པ་བདུད་རྩིའི་རོ། །སུ་ལ་སུ་ཞིག་གིས་ནི་བརྗོད། །བློ་ཡི་སྤྱོད་ཡུལ་མ་ཡིན་པས་ན་ཚིག་གི་
[183b.2]གདགས་པ་མེད། །རྒྱ་ཆེན་པོ་ལ་བླ་མས་གཞག་པ་གཏམ་གྱི་འཇུག་པ་གཞི། །དེ་ནི་རིམ་གྱིས་སྙིང་རྗེ་ལ་སོགས་ཡོན་ཏན་ལ་འདོམས་ཏེ། །དད་ལྡན་རྣམས་ཀྱི་སྙིང་གི་གནས་སུ་རང་ཉིད་འབྱུང་བ་ཡིན། །འོ་ན་བྱང་ཆུབ་ཀྱི་སེམས་སྐྱེས་པའི་མཚན་ཉིད་ཅི་ཞེ་ན།
[183b.3]གཉིད་ལོག་པ་ཡི་དབང་པོ་བཞིན། །ཡིད་ནི་སྣང་མེད་ཐིམ་འདྲ་བ། །གཡོ་མེད་བཞིན་དུའང་སྣང་བ་ཡིན། །ལུས་ནི་དམ་པའི་བདེ་བས་རྒྱལ། །དབང་པོའི་སྡེ་རྣམས་འཇུག་པ་མེད་པ་དང་། །སྲིད་པའི་ས་བོན་རྣམ་རྟོག་མཐའ་དག་ཉམས། །ཀུན་དུ་དགའ་བ་
[183b.4]འདི་དེ་མཁའ་མཚུངས་ཀྱང་། །བསིལ་བ་ཐོབ་པའི་མྱོང་བ་ཨ་ལ་ལ། །འདིར་ནི་དབང་པོ་ཐིམ་པར་གྱུར། །བདག་ཀྱང་དེ་བཞིན་སོང་བའི་ཚེ། །ལྷན་སྐྱེས་དགའ་བ་སྦྱིན་བྱེད་པ། །བླ་མའི་ཞབས་ལ་གསལ་བར་དྲིས། །དེ་ཉིད་གསུངས་པ། གང་ཞིག་
[183b.5]ཤར་དུས་ཚེ་ན་དབང་པོ་དང་། །ཡུལ་རྣམས་མཉམ་དུ་ནུབ་གྱུར་དེ་ལ་འདུད། །མཁས་དང་འགྲོ་བའི་སྙིང་ལ་ཅི་ཡང་གནས། །ཕྱིས་ནི་མངོན་དགའ་རྒྱལ་བའི་མཛེས་སྐུ་གཅིག །དེ་བས་ན། འདི་ན་དམ་པའི་བདེ་བའི་སྟོབས་ལས་བློ། །གང་གི་རྣམ་པར་
[183b.6]རྟོག་པ་མཐའ་དག་བཅོམ། །མཁས་པ་དེ་ནི་བྱ་བ་བྱས་པ་སྟེ། །གཞན་པ་དེ་རྣམས་རྐང་གཉིས་ཕྱུགས་ཡིན་ནོ། །གང་དུ་དངོས་དང་དངོས་མེད་བྲལ་ཞིང་དབེན། །རང་གསལ་འཛག་པའི་དགའ་བའི་རང་བཞིན་རྒྱས། །འདི་ནི་ནམ་མཁའི་མཐའ་ཡང་ཁྱབ་
[183b.7]པར་བྱེད། །རྣམ་པ་ཐམས་ཅད་དང་བྲལ་དྲི་མ་མེད། །དཀྱིལ་འཁོར་ཕལ་ཆེར་དེ་ཡིས་གསལ་བ་མཐོང་། །བདེ་བ་ཐམས་ཅད་ཀྱི་ནི་གཞིར་གྱུར་ཏེ། །ལྷན་ཅིག་སྐྱེས་པའི་དགའ་བ་བཞི་པར་བརྗོད། །དེའི་ཕྱིར་ཐེ་ཚོམ་མེད་པར་སྐུ་གསུམ་གྱི་རྗེས་སུ་འཇུག་པ་
[184a]
[184a.1]མཆོག་ཏུ་མི་འགྱུར་བའི་བདེ་བ་ཆེན་པོ་ཁོ་ན་བཞི་པར་ཤེས་པར་བྱའོ་ཞེས་བྱའོ། །དེ་ལྟར་དབང་བསྐུར་བ་ཐོབ་པའི་སློབ་མས་བྱ་བ་བྱས་པ་འདི་བརྗོད་པར་བྱ་སྟེ། དེང་བདག་སྐྱེ་བ་འབྲས་བུར་བཅས། །བདག་གསོན་པ་ཡང་འབྲས་བུར་
[184a.2]བཅས། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་བདག་གྱུར་ཏོ། །ཞེས་སོ། །དེ་ནས་བླ་མ་ལ་དེ་བཞིན་གཤེགས་པས་གསུངས་པའི་ཡོན་དབུལ་བར་བྱ་སྟེ། སྣ་ཚོགས་པའི་རྒྱན་དང་གོས་ལ་སོགས་པ་དང་། ཁྱད་པར་དུ་ཡང་རང་གི་
[184a.3]ལུས་སོ་ཞེས་བྱ་བ་ནི་མངོན་པར་དབང་བསྐུར་བའི་ཆོ་གའོ།། །།དེ་ནས་སློབ་དཔོན་གྱིས་རྒྱས་པ་དང་ཞི་བའི་ཕྱིར་ཆོ་ག་བཞིན་སྦྱིན་སྲེག་བྱའོ། །དེ་ལ་མེའི་ལྷ་མེ་ལ་བསྐྱེད་པར་གྱུར་པ་ན་སློབ་མའི་མཐེ་བོང་ནས་བཟུང་ནས་ཁ་དོག་ལྔའི་སྲད་བུས་ཡང་དག་པར་
[184a.4]བཅིངས་པས་སམ། རང་ཉིད་རྒྱས་པ་དང་ཞི་བའི་སྦྱིན་སྲེག་བྱ་སྟེ། མེ་ལ་མར་གྱིས་བཀང་བའི་མཐར་ཐུག་པ་བྱས་ནས་རྣམ་པ་སྣ་ཚོགས་པའི་མཆོད་པའི་རྫས་རྣམས་ཀྱིས་དཀྱིལ་འཁོར་རྒྱ་ཆེན་པོ་མཆོད་ཅིང་གར་དང་གླུ་དང་རོལ་མོ་ལ་སོགས་པའི་ཡོ་བྱད་དང་
[184a.5]བཅས་པའི་དམ་ཚིག་གི་ཀུན་དུ་སྤྱོད་པས་གཏོར་མའི་ཆོ་ག་རྣམས་ཀྱིས་འཁོར་དང་བཅས་པའི་དཀྱིལ་འཁོར་གྱི་འཁོར་ལོའི་བདག་པོ་ཚིམ་ཞིང་ཡང་དག་པར་མཆོད་ནས་སྦྱིན་སྲེག་གི་བྱ་བ་རྫོགས་པར་བྱས་ཏེ། སློབ་མའི་འདོད་པས་ཡོན་སྦྱིན་པ་སྔོན་དུ་འགྲོ་
[184a.6]བའི་མཆོད་པས་དགྱེས་པ་དང་། དེ་ནས་འཐོན་ནས་ཕྱི་རོལ་དུ་གཞག་པའི་ཕྱོགས་ཀྱི་གཏོར་མའི་མཐར་ཞུགས་ནས་འཁོར་ལོ་ལ་ཕྱག་བྱས་ཏེ། འཁོར་ལོའི་དབང་པོ་ལ་མཆོད་ཡོན་ལ་སོགས་པ་ཕུལ་ནས་དགེ་བ་བསྔོས་ཏེ། དཀྱིལ་འཁོར་ལ་ལན་གསུམ་
[184a.7]དུ་བསྐོར་ནས་ཤར་སྒོར་འདུག་སྟེ་བཅོམ་ལྡན་འདས་ལ་མངོན་དུ་ཕྱོགས་པས་ཧེ་རུ་ཀའི་ཡི་གེ་བརྒྱ་པ་ལན་གསུམ་བརྗོད་ཅིང་། མ་རྙེད་ཅེས་བྱ་བ་ལ་སོགས་པས་བཟོད་པར་གསོལ་ནས། ཨོཾ་ཁྱེད་ཀྱིས་ཞེས་བྱ་བ་ལ་སོགས་པ་དང་། ཨོཾ་ཨཱཿཧཱུཾ་བཛྲ་མུཿཞེས་བྱ་
[184b]
[184b.1]བས་ཡེ་ཤེས་ཀྱི་འཁོར་ལོ་གཤེགས་སུ་གསོལ་ནས་དམ་ཚིག་གི་འཁོར་ལོ་བདག་ཉིད་ལ་ནང་དུ་བཅུག་སྟེ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱདྱ་ནུཏྤནྣ་ཏྭཱཏ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། ཨོཾ་ཨཱཿ་ཧཱུཾ་མུཿཞེས་བརྗོད་ཅིང་ཆོས་ཐམས་ཅད་སྐྱེ་བ་མེད་པར་མོས་པས་དྲིལ་བུ་དཀྲོལ་
[184b.2]ཞིང་ལག་པར་གནས་པའི་རྡོ་རྗེས་དང་པོར་སྒོ་ནས་བརྩམས་ཏེ་ཚངས་པའི་ཐིག་གི་ལམ་གཙོ་བོའི་གནས་ཇི་སྲིད་པར་དབྱི་ཞིང་རང་གི་སྤྱི་བོར་རྡུལ་ཚོན་ཅུང་ཟད་ཙམ་བཞག་ནས་པདྨ་ལ་སོགས་པ་དབྱི་བར་བྱའོ། དེ་ནས་སྒོ་རྣམས་དང་མཚམས་རྣམས་ཀྱང་ལག་པར་
[184b.3]གནས་པའི་རྡོ་རྗེས་དབྱི་བར་བྱའོ། །དེ་ནས་རྡོ་རྗེ་བཅིངས་པའི་མཐེ་བོང་གཉིས་བཅུག་སྟེ་སྡིགས་མཛུབ་གཉིས་བསྟན་པ་བཞིན་དུ་འཁྱིལ་པ་བྱས་ནས། ཨོཾ་བཛྲ་ཀཱི་ལ་ཨུཏྐཱི་ལ་ཡ་སརྦ་ཀཱི་ལཱ་ནཾ་བཛྲ་དྷ་རཱཛྙཱ་ཡཱ་ཧཱུཾ་ཧཱུཾ་ཧཱུཾ་ཧཱུཾ་ཕཊ་ཧོཿཞེས་འདོན་ཞིང་ཧཱུཾ་གི་ཡི་གེ་བཞི་པའི་
[184b.4]སྔགས་ཀྱིས་ཕུར་བུ་རྣམས་བསྐྱེད་ནས། ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷ་ལོ་ཙ་ནེ་སརྦཱ་རྠྠ་སྭཱ་ཧཱ། ཞེས་བརྒྱད་དང་བཅས་པའི་བརྒྱ་བཟླས་ནས་འོ་མས་བཀྲུ་བར་བྱ་ཞིང་ཕུར་བུའི་ལྷ་རྣམས་ཀྱང་གཤེགས་སུ་གསོལ་ཏེ་ཁུང་བུ་ཡང་དགང་བར་བྱའོ། །ཞི་བ་
[184b.5]ལ་སོགས་པ་དོན་དུ་གཉེར་བ་ཡོད་ན་སྦྱིན་ཞིང་རྡུལ་ཚོན་ལྷག་མ་རྣམས་ནི་རྣམ་པར་རྒྱལ་བའི་བུམ་པར་བླུགས་ནས་གླང་པོ་ཆེ་ལ་སོགས་པའི་བཞོན་པའི་སྟེང་དུ་བཀོད་ནས་གོས་ལ་སོགས་པས་བརྒྱན་ཞིང་། རྣལ་འབྱོར་མ་རྣམས་ཀྱིས་གཟུང་བའི་འདོ་ལི་
[184b.6]ལ་གནས་པའི་སློབ་དཔོན་ནམ་སློབ་མས་དྲིལ་བུ་དང་བཅས་པའི་སྒྲ་བཀྲ་ཤིས་ཀྱི་གླུ་དང་སིལ་སྙན་དང་གདུགས་དང་རྒྱལ་མཚན་དང་བ་དན་དང་སྣོད་ཀྱི་རྣམ་པ་རྣམས་ཀྱིས་ཆུ་ཀླུང་ལ་སོགས་པ་རྣམས་ཀྱི་འགྲམ་དུ་བཞག་ནས་གནས་གཙང་མར་དཀར་པོའི་དྲིས་
[184b.7]པདྨ་འདབ་མ་བརྒྱད་པ་བྱས་པའི་ལྟེ་བ་ལ་རྡུལ་ཚོན་གྱི་བུམ་པ་བཞག་ནས། དེའི་སྟེང་དུ་དམིགས་པས་རྡོ་རྗེ་སེམས་དཔའ་ཆོ་ག་བཞིན་ཡང་དག་པར་མཆོད་ནས་འདབ་མ་ལས་ཕྱི་རོལ་གྱི་ཆར་བྱེ་མའི་རང་བཞིན་གྱི་ཀླུ་བརྒྱད་རྣམས་འདུ་བྱས་ནས་དེ་རྣམས་ཀྱི་དོན་
[185a]
[185a.1]གྱི་ཕྱིར་འོ་མའི་གཏོར་མ་བརྒྱད་ཁམ་ཕོར་གཙང་མར་འབྲས་ཀྱིས་གང་བ་སྟེགས་བུ་ལ་གཏོར་མ་དང་མེ་ཏོག་དཀར་པོས་མཆོད་ཅིང་བ་དན་དཀར་པོ་དང་། ལྷ་བཤོས་ཆེན་པོ་ལ་སོགས་པ་རྣམས་འདབ་མ་རྣམས་ལ་གཞག་པར་བྱའོ། །དེ་ནས་སློབ་དཔོན་
[185a.2]གྱིས་རྡོ་རྗེ་སེམས་དཔའ་ལྷག་པའི་གཙོ་བོར་དབུས་སུའོ། །ཤར་གྱི་འདབ་མ་ལ་མཐའ་ཡས། ལྷོར་པདྨ། ནུབ་ཏུ་འཇོག་བོ། བྱང་དུ་བཱ་སུ་ཀི །དབང་ལྡན་དུ་པདྨ་ཆེན་པོ། མེར་དུང་སྐྱོང་། བདེན་བྲལ་དུ་ཀརྐྐོ་ཊ། རླུང་དུ་རིགས་ལྡན། ཕྱི་རོལ་དུ་ཀླུ་ཐམས་ཅད་ཀྱིས་གང་བར་
[185a.3]བསམས་ནས་དེ་ནས་མེ་ཏོག་དཀར་པོས་མཆོད་ཅིང་། ཨོཾ་ཨཱཿབཛྲ་སཏྭཱ་ཡ་ཧཱུཾ་སྭཱ་ཧཱ། ཨོཾ་ཨཱཿཨ་ནནྟཱ་ཡ་ཧཱུཾ་སྭཱ་ཧཱ། ཨོཾ་ཨཱཿཔདྨཱ་ཡ་ཧཱུཾ་སྭཱ་ཧཱ། ཨོཾ་ཨཱཿ་ཏཀྵ་ཀཱ་ཡ་ཧཱུཾ་སྭཱ་ཧཱ། ཨོཾ་ཨཱཿབཱ་སུ་ཀཱ་ཡ་ཧཱུཾ་སྭཱ་ཧཱ། ཨོཾ་ཨཱཿམ་ཧཱ་པདྨཱ་ཡ་ཧཱུཾ་སྭཱ་ཧཱ། ཨོཾ་ཨཱཿཤཾ་ཁ་པཱ་ལཱ་ཡ་ཧཱུཾ་སྭཱ་ཧཱ། ཨོཾ་ཨཱཿཀརྐྐོ་
[185a.4]ཊ་ཀཱ་ཡ་ཧཱུཾ་སྭཱ་ཧཱ། ཨོཾ་ཨཱཿཀུ་ལི་ཀཱ་ཡ་ཧཱུཾ་སྭཱ་ཧཱ། ཞེས་བྱ་བ་རྣམས་ཀྱིས་མངོན་པར་བསྔགས་པའི་མེ་ཏོག་ལ་སོགས་པས་མཆོད་ནས་ལག་པ་གཡོན་པས་གདེངས་ཀའི་ཚུལ་གྱིས་གཟུང་བའི་མེ་ཏོག་ལག་པ་གཡས་པ་བརྐྱང་ནས། ཨོཾ་ཨ་ནནྟ་བཱ་སུ་ཀི་ཏ་ཀྵ་
[185a.5]ཀ་ཀརྐྐོ་ཊ་ཀ་པདྨ་མ་ཧཱ་པདྨ་ཤཾ་ཁ་བཱ་ལ་ཀུ་ལི་ཀ་བཱ་ལ་དེ་བ་ཏི་མ་ཧཱ་དེ་བ་ཏི་སོ་མཱ་ཤི་ཁི་མ་ཧཱ་ཤི་ཁིཎྜ་དྷ་ར་མ་ཧཱ་དཎྜ་དྷ་ར་ཨ་ས་ལཱ་ལ་ཧུ་ལུཎྜ་ན་ནྡོ་པ་ནན་ད་སཱ་ག་ར་མ་ཧཱ་སཱ་ག་ར་མ་ཏཔྟ་ཤྲཱི་ཀཱ་ནྟི་མ་ཧཱ་ཀཱནྟི་རཏྣ་ཀཱནྟི་སུ་རུ་ས་བྷ་རྦཱ་ཧི་ཀ་མ་ཧོ་ད་ར་ཤི་ལི་ཤི་ལི་མ་ཧཱ་ཤི་ལི། ཨོཾ་བྷ་ཉྫ་བྷ་ཉྫ་ཨ་
[185a.6]གཙྪ་ཨཱ་གཙྪ་མ་ཧཱ་ནཱ་གཱ་དྷི་པ་ཏི་སརྦྦ་བྷུ་རྦྷུ་བ་སྭཿ། ཞེས་བརྗོད་ཅིང་ཀླུ་རྣམས་ལ་འོ་མའི་གཏོར་མ་བྱིན་ནས་མཆོད་དེ་སྒེག་པའི་དྲིལ་བུས་མཆོད་ཅིང་ཡི་གེ་བརྒྱ་པ་བརྗོད་ནས་བཟོད་པར་གསོལ་བར་བྱའོ། །དེའི་ཚེ་སློབ་མས་ཆུ་ཕྲ་མོའི་རྒྱུན་འབབ་པའི་ཀླུང་རྣམས་སུ་
[185a.7]རྙོག་པ་མེད་པས་བཟུང་ནས་རྡུལ་ཚོན་གྱི་བུམ་པ་རྣམས་རབ་ཏུ་གཡོ་བ་དང་བཅས་པས་བཟུང་ནས་ཀླུ་རྣམས་ལ་གཏང་པར་བྱའོ། །ཨོཾ་མི་ལི་མི་ལི་ཧཱུཾ་ཛཿསྭཱ་ཧཱ་ཞེས་བརྗོད་ཅིང་གཤེགས་སུ་གསོལ་བར་བྱའོ། །ཀླུའི་དབང་པོ་རྣམས་ཀྱིས་ས་འོག་གི་མཐིལ་དུ་སྤྱན་དྲངས་པར་བསམ་
[185b]
[185b.1]པར་བྱའོ། །དེ་ནས་སློབ་དཔོན་གྱིས་ཆུ་ཀླུང་དུ་ཀླུའི་བ་དན་དཀར་པོ་བཙུགས་ནས་དཱུར་ཝ་དང་། མེ་ཏོག་ཀུནྡ་དང་ལྡན་པའི་འོ་མའི་རྒྱུན་དབབ་པར་བྱ་སྟེ་གཤེགས་སུ་གསོལ་བར་བྱའོ། །སློབ་མས་ནི་ཀུནྡ་དེ་ཉིད་རང་གི་ལག་པར་བཟུང་ནས་དེ་ཉིད་ཀྱིས་
[185b.2]བཀྲུས་པའི་བུམ་པས་སོ་སོར་བླངས་ནས་བུམ་པ་དེ་ཆུས་གང་བར་བྱས་ཤིང་བཀྲ་ཤིས་ཀྱི་གླུས་བླ་མའི་སྤྱན་སྔར་འགྲོ་བ་བྱས་ནས། ཡང་དཀྱིལ་འཁོར་གྱི་ཁང་པར་ཞུགས་ནས་དཀྱིལ་འཁོར་གྱིས་ལ་འོ་མས་བྱས་པའི་མཎྜལ་ལ་བུམ་པ་གཞག་པར་བྱའོ། །
[185b.3]བླ་མས་ནི་ཞི་བའི་དོན་དུ་དེས་དཀྱིལ་འཁོར་གྱི་ས་ལ་གཏོར་ནས་རང་ཉིད་ཀྱིས་ཀྱང་བཟུང་སྟེ་གཞན་ལ་ཡང་བྱིན་ནས་ཁྱིམ་ལ་སོགས་པ་བསྟེན་པར་བྱའོ། །དེས་བ་བྱུང་གིས་བྱུགས་པའི་དཀྱིལ་འཁོར་གྱི་ཁང་པར་གཞོན་ནུ་མ་རྣམས་འོ་ཐུག་ལ་སོགས་
[185b.4]རྣམས་ཀྱིས་ཚིམ་པར་བྱ་ཞིང་མཆོད་པར་བྱའོ་ཞེས་པ་ནི་དཀྱིལ་འཁོར་ཉེ་བར་བསྡུ་བའོ།། །།དེ་ནས་འཁོར་ལོ་བྱས་ནས་གཏོར་མ་དབུལ་བ་བྱས་ཏེ། སྐྱེ་བོ་དམ་པ་ཚོགས་པའི་སྟོན་མོ་བྱའོ། །དེ་ནས་བྱས་པ་རྣམས་ཀྱིས་མགོན་པོ་རྣམས་ལ་ཡང་གཏད་
[185b.5]པར་བྱའོ། །འགྲོ་ལ་ཕན་པའི་བྱ་བ་བཀོད་དེ་ཆོས་ལ་ཐུགས་གཅིག་པ། །ཆེས་མཁས་བློ་ཡི་དབང་པོ་ཆོས་ཀྱི་བློ་གྲོས་མི་ཡི་དབང་། །དེ་ཡིས་བདག་ལ་གསོལ་བ་བཏབ་ལས་དཀྱིལ་འཁོར་ཆོ་ག་རྣམས། །ཆེར་གསལ་འདི་བྱས་པ་ནི་སྐྱེ་བོ་གཞན་ལ་ཕན་
[185b.6]ཕྱིར་རོ། །ཞེས་པ་བཅུ་གསུམ་གྱི་བདག་ཉིད་ཅན་གྱི་དཔལ་འཁོར་ལོ་སྡོམ་པའི་དཀྱིལ་འཁོར་གྱི་ཆོ་ག་དཔལ་བ་ན་རཏྣའི་ཞལ་སྔ་ནས་མཛད་པ་རྫོགས་སོ།། །།འདི་ནི་ཕྱོགས་ཐམས་ཅད་ལས་རྣམ་པར་རྒྱལ་བའི་བློ་གྲོས་ཅན་བསོད་ནམས་རྒྱ་མཚོའི་སྡེས་
[185b.7]ཀུ་སུམྦྷའི་ཀེ་ས་རའི་མེ་ཏོག་དང་བཅས་ཏེ་བསྐུལ་བ་ལས། རྗེ་གྲུབ་པའི་དབང་ཕྱུག་དེ་ཉིད་ཀྱི་འབངས་སུ་གྱུར་པ་གཞོན་ནུ་དཔལ་ཞེས་བྱ་བས་ལྗང་པུ་བཀྲ་ཤིས་དགོན་པའི་དབེན་གནས་སུ་བསྒྱུར་པའོ།། །།
[186a]
[186a.1]{T1490}༄༅༅། །རྒྱ་གར་སྐད་དུ། ཨབྷིས་མ་ཡ་བི་བྷངྒི་ནཱ་མ། བོད་སྐད་དུ། མངོན་པར་རྟོགས་པ་རྣམ་པར་འབྱེད་པ་ཞེས་བྱ་བ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །འཇིག་དུས་བསྐལ་བའི་མེ་ལྟར་འབར། །དག་པ་རྣམ་པ་བཅུ་གཉིས་ལྡན། །བདེན་དོན་
[186a.2]རྣམ་པ་བཅུ་གཉིས་ལྡན། །ཧེ་རུ་ཀ་དཔལ་དེ་ལ་འདུད། །གང་གི་དྲིན་གྱིས་བདེ་ཆེན་གནས། །སྐད་ཅིག་གིས་ནི་ཐོབ་གྱུར་པ། །བླ་མ་རིན་ཆེན་ལྟ་བུ་ཡི། །རྡོ་རྗེ་ཅན་ཞབས་པད་ལ་འདུད། །མིང་གི་རྒྱུད་ནི་འབུལ་སྡེ་ལས། །སྡོམ་པ་བཏུས་པར་གྱུར་པ་ཡིན། །ནམ་མཁའ་དང་ནི་མཉམ་
[186a.3]པའི་རྒྱུད། །འབུམ་གཅིག་ནང་ནས་དེ་སྐད་བཤད། །དེས་དོན་ཟབ་མོ་རིམ་ཕྱེ་ཡང་། །མིག་བྲལ་ངེས་པ་མ་རྙེད་པ། །ངེས་བརྗོད་མངོན་འབྱུང་མཁའ་འགྲོ་ལས། །སྙིང་པོ་བསྡུས་པ་བདག་གིས་བཤད། །དེ་ལ་འདིར་བཤད་བྱ་ནམ་མཁའ་དང་མཉམ་པའི་རྒྱུད་ཆེན་པོ་དང་།
[186a.4]འཆད་བྱེད་རྒྱུད་བཞི་དང་ལྡན་པའི་རྣལ་འབྱོར་མའི་རྒྱུད་རྣམས་ཀྱི་བརྗོད་བྱ་དེས་དོན་ལམ་གྱི་རིམ་པ་ནི་ལྟ་བ་དང་། སྒོམ་པ་དང་། སྤྱོད་པ་རྣམ་པར་དག་པ་དང་། སྒྲུབ་བྱེད་དབང་དང་། གང་གིས་བསྒྲུབ་པ་དང་། གང་ལ་བསྒྲུབ་པའོ། །ཤེས་རབ་ལ་གཉིས་ཏེ། དམིགས་པ་
[186a.5]དང་བཅས་པའི་ཤེས་རབ་དང་། དམིགས་པ་མེད་པའོ། །ཤེས་རབ་གཉིས་ཀྱིས་མཐོང་བ་དང་མཐུན་པར་དེ་ལ་བློ་འཇོག་པ་དང་། སྤྱོད་པའི་སྒོ་ནས་གཉིས་མེད་ཟུང་འཇུག་ཏུ་བསྒོམ་པའོ། །དེ་ཡང་སྒྲུབ་བྱེད་དབང་བཞིའི་སྒོ་ནས་ཏེ། བུམ་པའི་དབང་གིས་ཀུན་རྫོབ་ཀྱི་བདེན་པ་
[186a.6]དང་། གསང་བ་སྔོན་དུ་སོང་བའི་ཤེས་རབ་ཡེ་ཤེས་ཀྱིས་དོན་དམ་པ་དང་། བཞི་པས་གཉིས་མེད་ཟུང་འཇུག་ཏུ་རྟོགས་པ་བསྒྲུབ་པའོ། །དེ་ཡང་བླ་མ་ལ་རག་ལས་པས་དེ་མཉེས་པ་ལས་ཐོབ་པའི་ཕྱིར་རོ། །དེ་ལྟར་བསྒྲུབས་པས་སྒྲུབ་པ་པོའི་མཚན་ཉིད་དུ་གྱུར་པ་ནི། དང་པོ་
[186a.7]སྙིང་རྗེའི་སྟོབས་ལས་བྱུང་། །རྫོགས་པའི་བྱང་ཆུབ་སེམས་བརྟན་བྱས། །བུམ་པ་གསང་སོགས་དབང་བསྐུར་བ། །བླ་མའི་དྲིན་གྱིས་ཡང་དག་ཐོབ། །ཅེས་པ་ལ་སོགས་པའོ། །དེ་ཡང་སྒྲུབ་པའི་གནས་དང་། གྲོགས་དང་། ཡན་ལག་དང་། ཚུལ་ཇི་ལྟར་བསྒྲུབ་པའོ། །
[186b]
[186b.1]གནས་ནི་དུས་ཁྲོད་ལ་སོགས་པའོ། །གྲོགས་ནི་ལེའུ་བཅུ་གསུམ་པ་ལས། དབང་གི་ལྷ་མོ་མཆོད་བྱ་སྟེ། །དཔའ་བོའི་ལྷ་མོ་བཀའ་བསྒོ་སྐྱེས། །ལོངས་སྤྱོད་ཡན་ལག་ཀུན་སྤྱོད་མ། །འཁོར་བ་ལས་སྒྲོལ་གཙོ་བོ་ཡིན། །ཞེས་གསུངས་པའི་ཕྱིར། སྒྲུབ་པའི་ཡན་ལག་
[186b.2]བསྟན་པའི་ཕྱིར་དང་པོ་རེ་ཞིག་ཅེས་བྱ་བ་ལ་སོགས་པའོ། །ཚུལ་ཇི་ལྟར་བསྒྲུབ་པ་ནི་སྐྱེ་བ་མེད་པར་ཤེས་པའི་ཚུལ་གྱིས་ཏེ། དེ་ཡང་རྡོ་རྗེ་མཁའ་འགྲོ་ལས། །གང་ཡང་ལས་རྣམས་ཐམས་ཅད་ལ། །ཤེས་རབ་དང་ནི་སྦྱར་བྱ་སྟེ། །དེ་ཡང་སྟོང་བའི་གནས་སུ་སྦྱར། །ཞེས་
[186b.3]གསུངས་པས། ལས་རྣམས་ནི་འདིར་ཚངས་པའི་གནས་བཞི་བསྒོམ་པ་ལ་སོགས་པའོ། །ཤེས་རབ་དང་སྦྱར་བ་ནི་ཤེས་རབ་ཀྱི་མིག་གིས་བལྟ་བའི་ཡུལ་ཡིན་པའི་ཕྱིར་རོ། །དེ་ཡང་སྟོང་པའི་གནས་ཏེ་བློ་གང་གིས་རྣམ་པར་སྐྱེ་བ་དེ་རྟེན་འགྲེལ་ཡིན་པའི་ཕྱིར་སྟོང་བ་ཉིད་དུ་
[186b.4]ཤེས་པའི་ཚུལ་གྱིས་བསྒོམ་པའོ། །དང་པོར་རེ་ཞིག་ནི་རྣལ་འབྱོར་པས་བྱ་བའི་རིམ་པ་བསྟན་པའོ། །རྣལ་འབྱོར་པའི་དབང་ཕྱུག་ནི་དབང་བཞིས་སྣོད་དུ་བྱས་པའོ། །ཚངས་པའི་གནས་བཞི་ནི་བྱམས་པ་ལ་སོགས་པའོ། །བསྒོམ་པ་ནི་སེམས་ཅན་ཐམས་ཅད་བདེ་བ་དང་
[186b.5]ལྡན་པར་འདོད་པ་དང་། གང་དག་སྡུག་བསྔལ་བ་ལ་དམིགས་ནས་དེ་དང་བྲལ་བར་འདོད་པ་དང་། ཧེ་རུ་ཀའི་གོ་འཕང་ལ་དགོད་པར་འདོད་པ་དང་། མི་དགེ་བའི་ཕྱོགས་མ་ལུས་པ་ཟད་པར་བྱ་བའི་འཇིག་རྟེན་དང་འཇིག་རྟེན་ལས་འདས་པའི་དགེ་བ་མ་ལུས་པ་ལ་དགོད་པར་འདོད་
[186b.6]པའོ། །ད་ནི་འདིར་རྣལ་འབྱོར་བསྲུང་བ་སྟེ། རྣལ་འབྱོར་ནི་འདིར་སྙིང་རྗེ་དང་སྟོང་པ་གཉིས་མེད་ཡིན་པར་དགོངས་སོ། །གང་ལས་བསྲུང་ཞེ་ན། མི་མཐུན་པའི་ཕྱོགས་ཏེ། གནོད་སེམས་དང་། རྣམ་པར་འཚེ་བ་དང་། ཐེག་པ་དམན་པ་ལ་འདོད་པ་དང་། དགེ་བའི་རྩ་བ་
[186b.7]ཐམས་ཅད་ཟད་ཅིང་མི་འཕེལ་བའོ། །ཇི་སྲིད་དེ་ཡོད་པ་དེ་སྲིད་དུ་སྔན་བྱས་པ་འཇིག་ཅིང་ཕྱིས་མི་སྐྱེ་བ་དང་། ཐེག་པ་ཆེན་པོའི་གནས་ལས་ཉམས་པ་དང་། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་མི་འབྱུང་བའི་ཕྱིར་རོ། །དེ་ནས་ཕུང་བོ་ལྔའི་ང་རྒྱལ་བསྐྱེད་པར་བྱ་སྟེ་ཞེས་བྱ་
[187a]
[187a.1]པ་ལ། འདི་ལྟར་བདག་ཏུ་མངོན་པར་ཞེན་པ་ལ་བརྟེན་ནས་ངར་འཛིན་པ་འབྱུང་ལ། བདག་གིར་མངོན་པར་ཞེན་པ་ལ་བརྟེན་ནས་ང་ཡིར་འཛིན་པར་འགྱུར་བས། གང་གི་ཕྱིར་བདག་ཏུ་ཞེན་པ་མེད་ན་དེའི་ཕྱིར་ངར་འཛིན་མེད་ལ། བདག་གི་ཞེན་པ་མེད་ན་དེའི་
[187a.2]ཕྱིར་ང་ཡིར་འཛིན་པ་མེད་པར་འགྱུར་རོ། །དེར་ཞེན་པའི་གཞི་བསྒྱུར་བའི་ཕྱིར་གཟུགས་ཀྱི་ཕུང་བོའི་རྡུལ་ཕྲ་རབ་རྣམས་རྣམ་པར་སྣང་མཛད་ཀྱིས་སྦྱངས་ཏེ། དེ་ཡང་ཞལ་གཅིག་པ་ཕྱག་གཉིས་པ་པདྨ་དང་ཟླ་བ་དང་སེང་གེའི་གདན་ལ་བཞུགས་པ། གཡས་འཁོར་ལོ་གཡོན་དྲིལ་བུ་
[187a.3]དཀུར་བརྟེན་པའོ། །དེ་བཞིན་དུ་ཕུང་པོ་བཞིའི་ཚོགས་ལ་རྡོ་རྗེ་ཉི་མ། པདྨ་གར་དབང་། རྡོ་རྗེ་རྒྱལ་པོ། །རྡོ་རྗེ་སེམས་དཔའ་སྟེ། ཞལ་གཅིག་པ། ཕྱག་གཉིས་པ། གཡས་རྣམས་ན་རང་རང་གི་མཚན་མ་འཛིན་པ། གཡོན་ཐམས་ཅད་ན་དྲིལ་བུ་དཀུར་བརྟེན་པ། རྟ་དང་། རྨ་བྱ་དང་། ནམ་
[187a.4]མཁའ་ལྡིང་དང་། གླང་པོ་དང་། པདྨ་དང་ཉི་མའི་གདན་ལ་བཞུགས་པའོ། །དེ་བཞིན་གཤེགས་པ་ཐམས་ཅད་ཀྱི་བདག་ཉིད་དུ་གྱུར་པ་ནི་དཔལ་ཧེ་རུ་ཀའོ་ཞེས་པ་ལ་རོའི་གདན་ལ་བཞུགས་པ་སྐུ་མདོག་ནག་པོ་རྡོ་རྗེ་དྲིལ་བུ་ཅན་ནོ། །འདིར་རིགས་ལྔ་ནི་ཕུང་པོ་ལྔ་ལ་སོགས་པ་བྱེ་
[187a.5]བྲག་གི་དག་པ་ཡིན་ལ། ཧེ་རུ་ཀ་ནི་སྤྱིའི་དག་པའོ། །གཟུགས་ལ་སོགས་པ་ཀུན་རྫོབ་ཏུ་སྒྱུ་མ་ལྟ་བུའི་ལྷར་དག་ལ། དོན་དམ་སྐྱེ་མེད་དུ་དག་པ་དཔལ་ཧེ་རུ་ཀའོ། །དེ་ཡང་། ཧེ་ནི་རྒྱུ་སོགས་རྣམ་པར་སྤངས། །རུ་ནི་ཚོགས་དང་བྲལ་བ་ཉིད། །ཀ་ནི་གང་དུའང་མི་གནས་པའོ། །
[187a.6]ཞེས་གསུངས་པས། །རྒྱུ་ལ་སོགས་པ་ནི། བདག་དང་གཞན་དང་གཉིས་ཀ་ལས་སྐྱེ་བ་དང་རྒྱུ་མེད་པ་ལས་སྐྱེ་བ་སྤངས་པའོ། །ཚོགས་ནི་གནས་པ་དང་འཇིག་པའི་ཚོགས་དང་བྲལ་བའོ། །སྐྱེ་བ་ལ་སོགས་པ་དང་བྲལ་བའི་ཕྱིར་མི་གནས་པའི་མྱ་ངན་ལས་འདས་པའོ། །དེ་བཞིན་
[187a.7]དུ་རྡོ་རྗེ་མཁའ་འགྲོ་ལས་ཀྱང་། གཟུགས་ནི་ཐམས་ཅད་སྟོང་པ་ཉིད། །སྟོང་པའི་ཚུལ་གྱིས་མིག་གིས་ནི། །དོགས་པ་མེད་པར་བསྒོམ་པའི་མཆོག །རྣམ་པར་མི་རྟོག་པ་ཡིས་བལྟ། །ཞེས་གསུངས་པས། ཕུང་པོ་དང་ཁམས་དང་སྐྱེ་མཆེད་རྣམས་ཀུན་རྫོབ་ཏུ་སྒྱུ་མ་ལྟ་བུའི་ལྷར་
[187b]
[187b.1]བསྒོམས་ལ་དོན་དམ་པར་སྟོང་པ་ཉིད་དོ། །དེ་བཞིན་དུ་མིག་ལ་སོགས་པ་ལ་གཏི་མུག་རྡོ་རྗེ་དང་། ཞེ་སྡང་རྡོ་རྗེ་དང་། སེར་སྣ་རྡོ་རྗེ་དང་། འདོད་ཆགས་རྡོ་རྗེ་དང་། ཕྲག་དོག་རྡོ་རྗེ་དང་། དབང་ཕྱུག་རྡོ་རྗེ་སྟེ། དཀར་པོ་དང་། ནག་པོ་དང་། སེར་པོ་དང་། དམར་པོ་དང་། ལྗང་གུ་དང་།
[187b.2]ཡང་དཀར་པོ་སྟེ། ཕྱག་མཚན་ནི་བདག་པོ་དང་མཐུན་ནོ། །ཡངས་ལ་སོགས་པའི་ཁམས་ལ་ལྟུང་བྱེད་མ་དང་། གསོད་བྱེད་མ་དང་། འགུགས་བྱེད་མ་དང་། གར་གྱི་དབང་ཕྱུག་མ་དང་། པདྨའི་དྲ་བ་ཅན་ཏེ་སེར་མོ་དང་། ནག་མོ་དང་། དམར་སེར་དང་། དམར་མོ་དང་། སྔོན་མོ་
[187b.3]སྟེ་རང་རང་གི་དཀྱིལ་འཁོར་ལ་བཞུགས་པ། ཞལ་གཅིག་པ། ཕྱག་བཞི་པ། གཡས་ཀྱི་དང་པོ་རྣམས་ན་འཁོར་ལོ་དང་། རྡོ་རྗེ་དང་། པདྨ་དང་། རལ་གྲིའོ། །ཐ་མ་རྣམས་ནི་གྲི་གུག་གོ །གཡོན་ན་ཐོད་པ་དང་ཁ་ཊྭཱཾ་གའོ། །པདྨའི་དྲ་བ་ཅན་ཉི་མ་ལ་བཞུགས་པ་ཞལ་གསུམ་
[187b.4]པ་ཕྱག་དྲུག་པ་སྟེ། གཡས་པ་གསུམ་ན་ཐོད་པ་དང་། ཁ་ཊྭཱཾག་དང་། ཞགས་པའོ། །གཡོན་ན་ལྕགས་ཀྱུ་དང་། ཚངས་པའི་མགོ་དང་། གྲི་གུག་གོ །དེ་ལྟར་ནམ་རིག་པ་ལ་སོགས་པའི་ཉོན་མོངས་པ་འབྱིན་པར་བྱེད་པ་དང་། སྤྲོས་པ་གསོད་པ་དང་། ལྷན་ཅིག་སྐྱེས་
[187b.5]པའི་བདེ་བ་འདྲེན་པ་དང་། མི་དམིགས་པའི་སྙིང་རྗེས་སེམས་ཅན་གྱི་དོན་བྱེད་པའོ། །དབྱིངས་དང་ཡེ་ཤེས་དང་ཐབས་དང་ཤེས་རབ་དབྱེར་མེད་པའི་བྱང་ཆུབ་ཀྱི་སེམས་ལས་ལྷའི་འཁོར་ལོ་རྫོགས་པར་བྱེད་པའི་ཕྱིར་རོ། །དེ་ལྟར་ཞེས་བྱ་བ་ལ་སོགས་པ་ལ། གང་དག་པ་ཕུང་
[187b.6]པོ་ལ་སོགས་པ་དང་། གང་གི་རང་བཞིན་དུ་དག་པ་སྒྱུ་མ་ལྟ་བུའི་ལྷ་དང་། ཇི་ལྟར་དག་པ་སྐྱེ་མེད་དུ་དག་པའོ། །བདག་གིར་འཛིན་པ་དག་པར་བྱ་བའི་ཕྱིར། དེ་ནས་རྡོ་རྗེའི་ར་བ་བསམ་པར་བྱ་སྟེ་ཞེས་བྱ་བ་ལ་སོགས་པ་ལ། བདག་གི་སྙིང་གར་ཉི་མ་ལ་གནས་པའི་ཧཱུཾ་འོད་ཟེར་
[187b.7]གྱི་ཕྲེང་བ་འཕྲོ་བར་བསམས་ལ། དེ་ལས་འོད་ཟེར་སྣ་ཚོགས་འཕྲོས་པས་བདག་དང་ཁམས་གསུམ་པའི་དངོས་པོ་ཐམས་ཅད་སྒྱུ་མ་ལྟར་སྐྱེ་མེད་དུ་ཤེས་པར་བྱས་ནས། ཚུར་འདུས་པས་བདག་ཁམས་གསུམ་རྣམ་རྒྱལ་དུ་བསམ་པ་སྟེ། བདག་གིར་ཞེན་པ་ལས་རྣམ་པར་
[188a]
[188a.1]རྒྱལ་བའི་ཕྱིར་རོ། །དེ་ལྟར་བདག་མེད་པའི་ཤེས་རབ་དེའི་ལས་དང་མཚན་ཉིད་བསྟན་པའི་ཕྱིར་རབ་ལ་སོགས་པ་བསམ་པ་སྟེ། དེ་ཡང་ཨོཾ་སུམྦྷ་ལ་སོགས་པའི་སྔགས་བཞི་ཕྱོགས་བཞིར་བསམ། དེ་ལས་རྡོ་རྗེའི་ར་བ་གྲུ་བཞི་པ་བསམ་པར་བྱའོ། །ས་གཞི་ནི་ཧཱུཾ་ལས་
[188a.2]སྣ་ཚོགས་རྡོ་རྗེར་བསམས་ལ། དེའི་འོད་ཀྱི་སྣང་བས་བླ་རེ་དང་། གུར་དང་། མདའི་དྲ་བ་དང་། མེའི་ར་བ་བསམ་པར་བྱའོ། །དེ་ནས་རྡོ་རྗེའི་ར་བ་དང་མེའི་ར་བའི་བར་དུ་ཤར་དུ་ཁ་གདོང་། བྱང་དུ་འུག་གདོང་། ནུབ་ཏུ་ཁྱི་གདོང་། ལྷོར་ཕག་གདོང་མ་བཞི། མཚམས་རྣམས་སུ་མཚམས་མ་
[188a.3]བཞི། སྟེང་ཁྭ་གདོང་དང་། འོག་ཁྱི་གདོང་ཅན་བསྒོམ་པར་བྱའོ། །དེ་ཡང་ལེའུ་བཅུ་བདུན་པ་ལས། ཁྲོ་བོ་རྣམ་རྒྱལ་ལ་སོགས་པ། །སྒོ་དང་མཐའ་ཡི་མཚམས་རྣམས་སུ། །སྣ་ཚོགས་འདུལ་བའི་ཐབས་ཆེན་གྱིས། །སེམས་ཅན་དོན་ལ་བརྩོན་པར་མཛད། །ཅེས་བས་སྣ་ཚོགས་
[188a.4]འདུལ་བའི་ཐབས་ནི་བུད་མེད་ཀྱིས་འདུལ་བ་རྣམས་ལ་བཀའ་བསྒོ་རྣམས་སུ་སྤྲུལ་པའི་ཕྱིར་རོ། །དེ་རྣམས་ཀྱི་ཕྱག་ན་ཁྲོ་བོའི་ཕུར་བ་བསྣམས་པར་བསམས་ལ། ཡང་སྔགས་ཚན་བཞི་བརྗོད་པ་དང་། ཧཱུཾ་གི་འོད་ཟེར་གྱི་སྒོ་ལས་ཁྲོ་བོ་ཞགས་པ་དང་ལྕགས་ཀྱུ་བསྣམས་པ་རྣམས་
[188a.5]ཀྱིས་ཕྱོགས་བཅུ་ནས་བགེགས་ཐམས་ཅད་བཀུག་པ་ལ་ཕུར་བུས་གདབ་པ་སྟེ། ཨོཾ་གྷ་གྷ་ལ་སོགས་པ་བརྗོད་པར་བྱའོ། །དེ་ནས་མུཏྒ་རས་བརྡུང་བར་བྱའོ། །དེ་ལྟར་ན་ཤེས་རབ་དེ་ཉིད་ཀྱི་ལས་དང་མཚན་ཉིད་མི་ཕྱེད་ཅིང་འབྱེད་པ་དང་། རྟོགས་པ་དང་། ལྷན་ཅིག་མི་གནས་
[188a.6]པ་དང་། དེ་ཉིད་བསྲེག་པའི་ཕྱིར་རྡོ་རྗེ་ར་བ་དང་། ཁྲོ་བོའི་ར་བ་དང་། མེའི་ར་བའོ། །ཞེ་སྡང་གིས་བསླང་བའི་བརྡེག་པ་ནི་མ་ཡིན་ནོ། །འོ་ན་ཀུན་རྫོབ་ཏུ་གནོད་བྱ་གནོད་བྱེད་མེད་དོ་ཞེ་ན་ནི་རྒྱུ་འབྲས་ལ་སྐུར་པ་ཡང་ཡིན་ལ། ཡང་ན་ནི་ཐ་དད་ཀྱི་ཚུལ་གྱིས་བཟློག་པ་ལ་འགལ་བ་མེད་
[188a.7]དོ་ཞེ་ན། ཀུན་རྫོབ་ཏུ་རྒྱུ་འབྲས་མེད་པ་མ་ཡིན་གྱི། འོན་ཀྱང་ཞེ་སྡང་གིས་བསླང་བའི་སྦྱོར་བས་བཟློག་པར་བྱ་བ་མ་ཡིན་ཏེ། ཀུན་རྫོབ་ཉིད་དུ་ཡང་བྱམས་པ་ལ་སོགས་པའི་གོ་ཆ་དང་དོན་དམ་པར་སྐྱེ་མེད་དུ་ཤེས་པས་སོ། །དེ་ཡང་ཅི་ཞེ་ན། ཀུན་རྫོབ་ཏུ་ཆོས་ཐམས་ཅད་སེམས་ཙམ་
[188b]
[188b.1]ལས་གཞན་མ་ཡིན་ཏེ། དེ་བས་ན་སེམས་ལོག་པར་གཡོ་བ་ཉིད་བདུད་དང་བགེགས་ཡིན་ནོ། །དེ་ཡང་ངན་སོང་སྦྱོང་བའི་རྒྱུད་ལས། ཇི་སྲིད་ཡིད་ཀྱིས་ལོག་གཡོ་བ། །དེ་སྲིད་བདུད་ཀྱི་སྤྱོད་ཡུལ་ལོ། །ཞེས་གསུངས་སོ། །སེམས་གཉེན་པོ་ལས་འཁྱར་བ་ཉིད་བདུད་ལ་སོགས་
[188b.2]པ་ཡིན་ནོ། །འོ་ན་སངས་རྒྱས་ལས་ཆེས་མཁས་པ་ཡོད་པ་མ་ཡིན་པ་ནི་ཐམས་ཅད་ལ་གྲགས་པ་ཡིན་ལ། དེས་རྒྱུད་ལས་བཤད་པ་ཅི་ཞེ་ན། དེ་ནི་བདེན་མོད་ཀྱི་རང་དོན་དུ་གནས་པ་གང་ཡང་མེད་དོ། །དེའི་ཕྱིར་དེས་བརྗོད་ལས། མི་གསོད་གསོད་པ་མེད་པ་ཡིན། །གང་གིས་
[188b.3]རང་སེམས་ཐུལ་བ་ཡིས། །བདག་གི་སེམས་ནི་བཅིངས་པ་ཡིན། །གང་ལ་གང་གིས་གསོད་པ་ཡོད། །ཅེས་པ་དང་། ཡང་། བྱམས་པའི་གོ་ཆ་བགོས་པ་དང་། །སྙིང་རྗེ་ཆོས་ཀྱི་གོ་ཆ་ཡིན། །ཤེས་རབ་མཚོན་ཆར་ལྡན་པ་ཡིས། །ཉོན་མོངས་བདུད་རྣམས་བཟློག་པར་བྱ། །བཀའ་
[188b.4]ཡི་འཁོར་ལོ་སྲུང་བ་ཆེ། །ཕུར་བུས་བགེགས་མེད་དངོས་གྲུབ་འགྱུར། །སྲུང་བའི་ཆོ་ག་འདི་དག་གིས། །སྒྲུབ་པ་པོ་ལ་བྱང་ཆུབ་སྩོལ། །གཙོ་བོའི་བཀའ་ནི་བླང་བར་གྱིས། །རྣལ་འབྱོར་པ་ནི་གར་གནས་པར། །བགེགས་རྣམས་ཐམས་ཅད་མེད་པར་མཐོང་། །ཞེས་གསུངས་པའི་
[188b.5]ཕྱིར་རོ། །དེ་ལྟར་མ་ཡིན་པར་བཀའ་ལ་ལོག་པར་རྟོགས་ཏེ་ངན་པའི་ལས་དང་ལྡན་པ་ངོ་བོ་ཉིད་ཀྱིས་འོག་ཏུ་འགྲོ་བ་ལ་ཕྱོགས་པ་ཉོན་མོངས་པ་ལ་སོགས་པའི་ཞགས་པས་བཅིངས་པ་ཟོ་ཆུན་ལྟར་འཁོར་བ་རྣམས་དང་ཁྱད་པར་མེད་པས་ལམ་ལ་གནས་པའི་རྣལ་འབྱོར་པ་ཡང་མ་
[188b.6]ཡིན་ནོ། །དེ་ལྟར་བདག་མེད་པའི་ཤེས་རབ་དང་ལྡན་པའི་རྣལ་འབྱོར་པ་ལ་ཁྱད་པར་ཅན་གྱི་ཚོགས་སྐྱེ་བས་དེ་ནས་ཞེས་བྱ་བ་ལ་སོགས་པ་ལ། དེ་ཡང་ཡུལ་གང་ལ་བརྟེན་ནས་རྫོགས་པ་ནི་ལྷ་དང་བླ་མ་ལས་ཏེ། དེ་ནས་ཞེས་པ་ནི་ཁམས་གསུམ་རྣམ་རྒྱལ་ཧེ་རུ་ཀར་བསྒྱུར་ལ། དེའི་སྙིང་
[188b.7]གར་ཨ་ལས་ཟླ་བ་དེའི་སྟེང་དུ་ཧཱུཾ་འོད་ཟེར་སྣ་ཚོགས་འཕྲོ་བ་བསམ་པའོ། །ཧཱུཾ་དེའི་འོད་ཀྱི་སྣང་བས་ཡང་དག་པར་རྫོགས་པའི་སངས་རྒྱས་ནི་དཔལ་ཧེ་རུ་ཀའི་དཀྱིལ་འཁོར་སུམ་ཅུ་རྩ་བདུན་ནོ། །བླ་མ་ནི་དེར་དབང་བཞི་བསྐུར་བའོ། །སོགས་པ་ནི་བླ་མ་གཞན་དང་མགྲོན་གྱི་ལྷ་
[189a]
[189a.1]སངས་རྒྱས་དང་བྱང་ཆུབ་སེམས་དཔའོ། །བལྟས་ལ་ཞེས་པ་ནི་ཐ་མི་དད་པར་བལྟ་སྟེ། དེ་ཡང་སྙིང་གའི་འོད་ཟེར་གྱིས་བླ་མའི་དྲིན་དྲན་པའི་ཚུལ་གྱིས་བཞུ་ལ་ཧེ་རུ་ཀའི་དཀྱིལ་འཁོར་ལ་བསྟིམ། དེ་ལྟར་ལྷ་དང་བླ་མ་ཐ་དད་མེད་པ་ལ་མཆོད་པ་ལ་སོགས་
[189a.2]བྱའོ། །གང་གི་དོན་དུ་ཞེ་ན་སྡུག་བསྔལ་གྱི་མེ་འབར་བ་རྣམས་ཀྱི་དོན་དུའོ། །ཚུལ་ཇི་ལྟར་རྫོགས་ཞེ་ན་སྐྱེ་མེད་དུ་ཤེས་པའི་ཚུལ་གྱིས་སོ། །དེ་ལྟར་བསོད་ནམས་ཀྱི་ཚོགས་དང་ལྡན་པ་ལ་ཡེ་ཤེས་ཀྱི་ཚོགས་སྐྱེ་བས། དེ་ནས་ཞེས་བྱ་བ་ལ་སོགས་པ། ཨོཾ་སྭ་བྷཱ་བ་ཤུངྔྷཿསྟེ་རང་
[189a.3]བཞིན་དག་པའོ། །གང་དག་ཅེ་ན། སརྦ་ངྷརྨཱཿསྟེ་ཆོས་ཐམས་ཅད་དོ། །ཅིའི་རང་བཞིན་དུ་དག་ཅེ་ན། སྒྱུ་མ་ལ་སོགས་པར་རོ། །དེ་ལ་དོན་ནི་འདི་ཡིན་ཏེ། གཟུང་འཛིན་ལ་སོགས་པ་དང་བྲལ་བ་བརྫུན་པའི་རྣམ་པར་རྟོག་པ་གོམས་པར་བྱས་པའི་བག་ཆགས་ཀྱིས་བསྒོས་པའི་
[189a.4]རང་གི་སེམས་སྣང་བ་རྨི་ལམ་ལ་སོགས་པ་དང་། ཁམས་གསུམ་པོ་འདི་དག་ཁྱད་པར་མེད་པར་བརྟགས་ལ། སྣང་བ་ཙམ་པོ་དེ་ཡང་སྟོང་པ་ཉིད་དུ་བསམ་པའི་ཕྱིར། ཡང་ནི་སྟོང་ཉིད་བསམ་བྱ་སྟེ། །ཞེས་པ་ལ་སོགས་པ་ལ་ཡང་གི་སྒྲ་ནི་སྔར་སྒྱུ་མ་ལྟ་བུར་བསྒོམ་པ་ལས་ལྟོས་
[189a.5]སོ། །གང་སྟོང་པ་ཉིད་དུ་བསྒོམ་ཞེ་ན། བྱང་ཆུབ་ཀྱི་ཚོགས་ལ་སོགས་པ་སྟེ། ཀུན་ན་ཉོན་མོངས་པའི་ཆོས་ཐམས་ཅད་དང་། རྣམ་པར་བྱང་བ་བསོད་ནམས་ཀྱི་ཚོགས་ནི་བྱང་ཆུབ་གྱི་ཚོགས་སོ། །དེ་ཡང་རང་གིས་སེམས་ཙམ་ལས་གཞན་མིན་ལ་དེ་ཉིད་མིག་ཡོར་ལྟར་སྣང་བའོ། །
[189a.6]དེ་ཉིད་ནི་སྒྱུ་མ་ལྟ་བུའི་ཏིང་ངེ་འཛིན་ནོ། །དེ་ནས་ཨོཾ་ཤཱུནྱ་ལ་སོགས་པའི་སྔགས་བརྗོད་པ་སྔོན་དུ་འགྲོ་བས་བརྫུན་པའི་རྣམ་པར་རྟོག་པ་གོམས་པའི་དབང་གིས་རང་གིས་སེམས་སྒྱུ་མ་མཁན་གྱིས་སྤྲུལ་པའི་སྣོད་བཅུད་ཀྱི་འཇིག་རྟེན་དུ་རྣམ་པར་འཕྲུལ་པའི་དྲི་མ་སྦྱང་བའི་ཕྱིར་ཇི་ལྟར་ནམ་
[189a.7]མཁའ་སྒྲིབ་གཡོགས་ནི། རྡུལ་དང་། ཁུག་རྣ་དང་། དུ་བ་དང་། ཁ་བ་དང་། སྤྲིན་དང་བྲལ་བའི་སྟོན་ཀའི་ཉི་མ་ཕྱེད་ཀྱི་དཀྱིལ་ལྟར། འཇིག་རྟེན་གསུམ་པོ་མ་ལུས་པ་ཐམས་ཅད་སྟོང་པ་འོད་གསལ་པའི་རང་བཞིན་དུ་བསྒོམ་པ་ནི། ནམ་མཁའ་རྡོ་རྗེའི་ཏིང་ངེ་འཛིན་དང་། ཨེའི་ཆ་
[189b]
[189b.1]བྱད་བཟང་པོའོ། དེ་ལྟར་སྔགས་རྣམ་པ་གཉིས་ལན་གསུམ་དུ་བརྗོད་པ་ནི་སྟོང་པ་ཉིད་རྟོགས་ནུས་པ་དང་། སྟོང་པ་ཉིད་ཀྱི་དྲན་པ་གསོ་བ་དང་། གནས་པ་བརྟན་པ་དང་། ཡེ་ཤེས་ཀྱི་ཚོགས་རྫོགས་པ་དང་། ཐ་མལ་པའི་ལུས་ངག་ཡིད་གསུམ་སྤོང་བ་དང་། རྟེན་དང་བརྟེན་པ་ཐམས་
[189b.2]ཅད་སྟོང་པ་ཉིད་ཀྱི་རྣམ་འཕྲུལ་དུ་རྟོགས་པའི་ཕྱིར་རོ། །ད་ནི་ཨེ་ཡི་ཆ་བྱད་ལ། །དབུས་སུ་བཾ་གྱིས་བརྒྱན་པའི་ཕྱིར། །དེ་ནས་ལངས་ལ་ཞེས་བྱ་བ་ལ་སོགས་པ་ལ། འབྱུང་བ་བཞི་དང་རི་རབ་བསྐྱེད་པ་ནི་གོ་སླའོ། །དེ་ནས་རྟེན་དང་བརྟེན་པར་བཅས་པའི་ལྷ་བསྐྱེད་པའི་ཕྱིར།
[189b.3]དེའི་དབུས་སུ་ཨཱ་ལི་ཀཱ་ལི་སྦྱོར་བ་ཞེས་བྱ་བ་ལ་སོགས་པ་ལ། ཨཱ་ལི་བཅུ་དྲུག་ཤེས་རབ་ཀྱི་རང་བཞིན་ཡོངས་སུ་གྱུར་པ་ཟླ་བའི་དཀྱིལ་འཁོར་དང་། ཀཱ་ལི་སུམ་ཅུ་རྩ་བཞི་ཐབས་ཀྱི་རང་བཞིན་ཡོངས་སུ་གྱུར་པ་ཉི་མའི་དཀྱིལ་འཁོར་བསམ་པར་བྱའོ། །དེའི་དབུས་སུ་ཞེས་བྱ་བ་ནི་ཉི་
[189b.4]ཟླའི་བར་དུ་ཧཱུཾ་ལས་རྡོ་རྗེ་རྩེ་ལྔ་པ་རྡོ་རྗེ་སེམས་དཔའི་རང་བཞིན་ཅན་དེའི་ལྟེ་བ་ལ་ཡི་གེ་ཧཱུཾ་འོད་ཟེར་གྱི་ཕྲེང་བ་འཕྲོ་བ་བསམ་པར་བྱའོ། །དེའི་འོད་ཟེར་གྱིས་འགྲོ་བ་ཐམས་ཅད་ཀྱི་ཟག་བཅས་ཀྱི་ཕུང་བོ་ཐམས་ཅད་སྦྱངས་ནས། ཟག་མེད་དཔལ་ཧེ་རུ་ཀའི་དཀྱིལ་འཁོར་དུ་བྱས་ཏེ་སླར་བསྡུས་ལ།
[189b.5]དེ་ཡོངས་སུ་གྱུར་བ་ནི་དེ་རྣམས་ལས་དཔལ་ཧེ་རུ་ཀའི་དཀྱིལ་འཁོར་གྱི་ལྷ་རྟེན་དང་བརྟེན་པར་བཅས་བ་བསམ་པར་བྱའོ། །ཟླ་བ་ལ་མེ་ལོང་ལྟ་བུའི་ཡེ་ཤེས་དང་། ཉི་མ་ལ་མཉམ་པ་ཉིད་ཀྱི་ཡེ་ཤེས་དང་། ཧཱུཾ་འོད་ཟེར་གྱི་ཕྲེང་བ་འཕྲོ་བ་སོ་སོར་རྟོག་པའི་ཡེ་ཤེས་དང་། འོད་ཟེར་གྱིས་
[189b.6]གཞན་དོན་བྱས་པ་བྱ་བ་གྲུབ་པའི་ཡེ་ཤེས་དང་། རྫོགས་པ་ཆོས་ཀྱི་དབྱིངས་རྣམ་པར་དག་པའི་ཡེ་ཤེས་ལས་བྱང་ཆུབ་པའོ། །ཟླ་བ་ལ་ཆོས་ལྔ་སྟེ། དཀར་བ་དང་། ཆ་བཅུ་དྲུག་པ་དང་། མུན་པ་སེལ་བ་དང་། ཚ་བའི་གདུང་བ་ཞི་བར་བྱེད་པ་དང་། འཇིག་རྟེན་གྱིས་མཐོང་
[189b.7]ན་དགའ་བའོ། །དེ་བཞིན་དུ་ཀུན་རྫོབ་བྱང་ཆུབ་ཀྱི་སེམས་ཀྱང་དཀར་བ་དང་། ཆ་བཅུ་དྲུག་པ་དང་། ལྷན་ཅིག་སྐྱེས་པའི་ཡེ་ཤེས་གསལ་བར་བྱེད་པ་དང་། ཉོན་མོངས་པ་འདོད་ཆགས་ཀྱིས་གདུང་བ་ཞི་བར་བྱེད་པ་དང་། སེམས་ཅན་དགའ་བ་སྐྱེད་པའོ། །དེ་བཞིན་དུ་དོན་དམ་པ་
[190a]
[190a.1]བྱང་ཆུབ་ཀྱི་སེམས་ཀྱང་ཉེས་པའི་སྐྱོན་མེད་པས་དཀར་བ་དང་། ནང་ལ་སོགས་པ་སྟོང་པ་ཉིད་བཅུ་དྲུག་སྟོན་པས་ཆ་བཅུ་དྲུག་དང་། མ་རིག་པའི་མུན་པ་སེལ་བ་དང་། ཉོན་མོངས་པའི་གདུང་བ་ཞི་བར་བྱེད་པ་དང་། འོད་གསལ་མཐོང་བས་དགའ་བ་བསྐྱེད་པའོ། །
[190a.2]ཉི་མ་ལ་ཆོས་གསུམ་སྟེ། དམར་བ་དང་། འདམ་རྫབ་སྐམས་པ་དང་མྱུ་གུ་ལ་སོགས་པ་སྨིན་པར་བྱེད་པའོ། །དེ་བཞིན་དུ་ཀུན་རྫོབ་བྱང་ཆུབ་ཀྱི་སེམས་ཀྱང་ཐིག་ལེ་དམར་པ་དང་། འདོད་ཆགས་ལ་སོགས་པ་ཞི་བར་བྱེད་པ་དང་། བུ་ཚ་ལ་སོགས་པ་འཕེལ་བར་བྱེད་པའོ། །དེ་བཞིན་དུ་
[190a.3]སྙིང་རྗེས་སེམས་ཅན་ལ་ཆགས་པས་དམར་བར་ཆོས་མཐུན་པ་དང་། ཉོན་མོངས་པའི་འདམ་རྫབ་སྐེམས་པ་དང་ཐབས་དགེ་པའི་མྱུ་གུ་ལ་སོགས་པ་སྨིན་པར་བྱེད་པའོ། །རྡོ་རྗེ་སེམས་དཔའི་རང་བཞིན་ལ། རྒྱུ་འབྲས་བྱང་ཆུབ་ཀྱི་སེམས་ཆ་གཉིས་སྟོན་པས་ཆ་གཉིས་དང་། གདུལ་བྱའི་
[190a.4]རྒྱུད་ལ་འཕོ་བས་འཁོར་ལོ་དང་། སྤྲོས་པའི་མཐའ་བརྒྱད་དང་བྲལ་བས་རྩིབས་བརྒྱད་དང་། མིའི་སེང་གེར་གྱུར་པས་སེང་ཐོད་དང་། གདུལ་བྱ་འདུལ་བས་ཁྲོ་ཞལ་དང་། སེམས་ཅན་སྨིན་པར་བྱེད་པ་ལ་ཆགས་པས་པདྨ་དང་། ཐབས་དང་ཤེས་རབ་གཉིས་སུ་མེད་པས་ཉི་ཟླ་དང་།
[190a.5]སྙིང་རྗེས་སེམས་ཅན་མི་གཏོང་བས་ཆུ་སྲིན་གྱི་ཁ་ནས་བྱུང་བའོ། །ཐུགས་རྗེས་ཁྱབ་པའི་ཕྱིར་ཁ་གྱེས་པ་དང་། ཡེ་ཤེས་བཞི་ཆོས་ཀྱི་དབྱིངས་སུ་འདུས་པས་རྩེ་མོ་ནང་དུ་འདུས་པའོ། །བྱང་ཆུབ་སེམས་དཔས་ཆོས་ཉིད་དངོས་སུ་མ་བྱས་པས་ནི་ཅུང་ཟད་ཁ་གྱེས་པའོ། །དེ་བཞིན་གཤེགས་
[190a.6]པས་ཆོས་ཀྱི་དབྱིངས་ཇི་ལྟ་བར་ཐུགས་སུ་ཆུད་པས་རྡོ་རྗེ་རྩེ་མོ་འདུས་པའོ། །སེམས་ཅན་དང་སངས་རྒྱལ་རང་བཞིན་མི་མཉམ་པ་མེད་པས་དབུས་རྩེ་མོ་ཐལ་བྱུང་དུ་བྱུང་བའོ། །ལུས་ངག་ཡིད་གསུམ་ཡོངས་སུ་དག་པས་ཆ་གསུམ་པའི་ཆང་ཟུངས་དང་ལྡན་པའི། །འོད་ཟེར་སྤྲོ་བསྡུ་ལ་ཆོས་བཞི་
[190a.7]དང་ལྡན་པས་ཆོས་མཐུན་བཞི་ཡིན་ཏེ་ནམ་མཁའ་ལས་བྱུང་བ་དང་། རང་གཞན་གསལ་བར་བྱེད་པ་དང་། མུན་པ་འཇོམས་པ་དང་། ཐམས་ཅད་ཁྱབ་པའོ། །དེ་བཞིན་དུ་སྤྲོ་བསྡུས་འགྲོ་དོན་བྱེད་པ་ཡང་། རྒྱུ་སྟོང་པ་ཉིད་ལས་བྱུང་བ་དང་། འོད་ཟེར་ལྔ་དང་ལྡན་པ་དང་། ཉོན་
[190b]
[190b.1]མོངས་པ་ལྔ་འཇོམས་པ་དང་། སེམས་ཅན་རང་གི་འདོད་པའི་ལྷར་གྱུར་པའི་ཕྱིར་ཁྱབ་པའོ། །ད་ནི་ཆོས་ཀྱི་དབྱིངས་རྣམ་པར་དག་པའི་ཡེ་ཤེས་ལས་བྱང་ཆུབ་པའི་མཚན་ཉིད་བསྟན་པའི་ཕྱིར། དཔལ་ཧེ་རུ་ཀ་ཉི་མ་ལ་བཞུགས་ཤིང་དཀྱིལ་འཁོར་གྱི་འཁོར་ལོ་དང་བཅས་པ།
[190b.2]དུར་ཁྱོད་བརྒྱད་ཀྱིས་བརྒྱན་པའོ་ཞེས་བྱ་བ་ལ། དུར་ཁྱོད་བརྒྱད་ནི་གཏུམ་དྲག་དང་། ཚང་ཚིང་དང་། འབར་བས་ཁྱབ་པ་དང་། ཀེང་རུས་ཅན་འཇིགས་སུ་རུང་བ་དང་། ཧ་ཧར་དགོད་དང་། དཔལ་འཛིན་དང་། མུན་ཆེན་དང་། ཅ་ཅོ་སྒྲོགས་པའོ། །ཞིང་སྐྱོང་བརྒྱད་ནི། སེང་གེའི་གདོང་
[190b.3]ཅན་སེར་པོ་དང་། ཅེ་སྤྱང་གི་གདོང་ཅན་དཀར་པོ་དང་། ཁྱིའི་གདོང་ཅན་དམར་པོ་དང་། སྟག་གི་གདོང་ཅན་ལྗང་གུ་དང་། ཁྲའི་གདོང་ཅན་སེར་པོ་དང་། ཀྱུང་ཀའི་གདོང་ཅན་སྔོན་པོ་དང་། ཁྱུ་མཆོག་གི་གདོང་ཅན་སེར་པོ་དང་། ཨུག་ཤུད་ཀྱི་གདོང་ཅན་སེར་པོའོ། །དེ་དག་མིའི་གཟུགས་
[190b.4]ཅན་ཤིང་ལས་རོ་སྟོད་ཕྱུང་བའོ། །དེ་ལ་ཞིང་སྐྱོང་བརྒྱད་ནི། སངས་རྒྱས་རབས་བདུན་དང་བྱམས་པ་སྟེ་བརྒྱད་དོ། །གདུལ་བྱ་ལ་གདོང་ཐ་དད་པར་བསྟན་པའོ། །བྱང་ཆུང་ཀྱི་ཤིང་བརྒྱད་དང་། ཀླུ་བརྒྱད་དང་། ཉོན་མོངས་པ་བརྒྱད་དང་། སྤྲིན་བརྒྱད་དང་། ཡེ་ཤེས་བརྒྱད་དང་། འཇིག་
[190b.5]རྟེན་སྐྱོང་བ་བརྒྱད་ཐུགས་རྗེ་ཆེན་པོའོ། །དེ་ལ་རྣལ་འབྱོར་པ་དུར་ཁྲོད་བརྒྱད་ཀྱིས་དབེན་པར་གནས་པ་ནི། ངེས་འབྱུང་གི་ཡན་ལག་མི་རྟག་པ་དང་། སྡུག་བསྔལ་རྟོགས་པར་བྱེད་པ་དང་། འཇིག་རྟེན་གྱི་ཆོས་ལ་ཆགས་པ་སྤོང་པའི་ཕྱིར་རོ། །དེ་ལ་བརྟེན་ནས་ངེས་འབྱུང་གི་ལམ་སྐྱེ་མེད་
[190b.6]རྟོགས་པའི་ཕྱིར་དཔལ་ཧེ་རུ་ཀའི་དཀྱིལ་འཁོར་ནང་དུ་གནས་པའོ། །དེ་བས་ན་མི་རྟག་པ་དང་། སྡུག་བསྔལ་རྟོགས་པ་ལ་བརྟེན་ནས། རང་གི་མཚན་ཉིད་སྐྱེ་མེད་རྟོགས་པས་དེ་གཉིས་ཕྱི་ནང་དུ་གནས་པའོ། །ལམ་དེ་དུས་གསུམ་གྱི་སངས་རྒྱས་རྣམས་ཀྱིས་ཀྱང་བརྟན་
[190b.7]ཅིང་སྤྱད་ལ་སངས་རྒྱས་པས་སངས་རྒྱས་ཀྱིས་བསྟན་པའི་གོ་རིམས་དང་ཆོས་འདྲེའོ། །ཞལ་བཞི་ནི་རྣམ་པར་ཐར་པའི་སྒོ་བཞིའོ། །དུས་གསུམ་མཁྱེན་པས་སྤྱན་གསུམ་དང་སྲིད་པའི་ཡན་ལག་བཅུ་གཉིས་དག་པ་ནི་ཕྱག་བཅུ་གཉིས་སོ། །འཁོར་བ་དག་པས་ཞབས་གཡས་བརྐྱང་
[191a]
[191a.1]བ་དང་། འདོད་ཆགས་དང་ཞེ་སྡང་དག་པས་མི་གནས་པའི་མྱ་ངན་ལས་འདས་པ་ནི་འཇིགས་བྱེད་དང་དུས་མཚན་མནན་པའི། །ཐབས་ཀྱིས་དགེ་བའི་ཆོས་མཐའ་དག་སྡུད་པ་ནི་རྡོ་རྗེའོ། །ཤེས་རབ་ཀྱིས་དེའི་མི་མཐུན་པའི་ཕྱོགས་གཅོད་པས་དྲིལ་བུའོ། །དེ་
[191a.2]ཡང་། བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་བཤད་དོ། །ཞེས་པའི་ཕྱིར་རོ། །ཐབས་དང་ཤེས་རབ་གཉིས་སུ་མེད་པའི་ཚུལ་གྱིས་དགེ་བའི་ཆོས་ཐམས་ཅད་རྫོགས་པར་བྱེད་པ་ལ་གཉིས་སུ་འཛིན་པ་རྣམ་རྟོག་གི་གདོན་ཡིན་པས་དེ་བསད་ནས་གཉིས་སུ་མེད་པའི་ཚུལ་
[191a.3]གྱིས་དགེ་བའི་ཆོས་ཐམས་ཅད་རྫོགས་པར་བྱེད་པ་ནི། གླང་པོའི་པགས་པ་སྟེ། དེ་ཡང་། རྣམ་པར་རྟོག་པ་གདོན་ཆེན་པོ། །འཁོར་བའི་རྒྱ་མཚོར་ལྟུང་བྱེད་ཡིན། །མི་རྟོག་ཏིང་འཛིན་ལ་གནས་ན། །མཁའ་བཞིན་དྲི་མ་མེད་པར་འགྱུར། །ཞེས་སོ། །དངོས་པོ་ཐམས་ཅད་རྟེན་འབྲེལ་
[191a.4]ཡིན་པའི་ཕྱིར་སྐྱེ་བ་མེད་ལ། གང་དེ་མ་ཡིན་དུ་རྟོག་པ་ལ་སྟོང་ཉིད་ཀྱི་སྒྲ་སྒྲོགས་པ་ནི་རྡེའུ་ཆུང་ངོ་། དེ་ཡང་། ཤེས་རབ་ཌ་མ་རུ་ཡི་སྒྲ། །ཞེས་པས་སོ། །དངོས་པོ་ཐམས་ཅད་སྐད་ཅིག་མ་དང་མི་རྟག་པ་ལ་གང་དེ་མ་ཡིན་དུ་རྟོག་པ་གཅོད་པ་ནི་དགྲ་སྟའོ། །དེ་ཡང་། རྟོག་པ་གཅོད་ཕྱིར་
[191a.5]དགྲ་སྟའོ། །ཞེས་སོ། །འཇིག་རྟེན་པའི་སེམས་བརྒྱ་དྲུག་ཅུ་མེད་པའི་དངོས་པོ་ལ་བརྟགས་ནས་སེམས་ལ་ཉོན་མོངས་མེད་པར་བྱེད་ལ་དེ་གཅོད་པ་ནི་གྲི་གུག་གོ། །དེ་ཡང་། ང་རྒྱལ་ལ་སོགས་སྐྱོན་དྲུག་རྣམས། །གཅོད་པས་གྲི་གུག་ཅེས་བྱའོ། །ཞེས་པས་སོ། །ཉོན་མོངས་པ་
[191a.6]གསུམ་བཅོམ་ནས་བཟོད་པ་གསུམ་དང་ལྡན་པ་ནི་རྩེ་གསུམ་མོ། །དེ་ཡང་། ཉོན་མོངས་འཇོམས་ཕྱིར་རྩེ་གསུམ་མོ། །ཞེས་པས་སོ། །གཉིས་མེད་ཟུང་འཇུག་ཏུ་རྟོགས་པས་ཤེས་རབ་གཉིས་མེད་དང་། དེས་ལུས་ངག་ཡིད་གསུམ་དག་པ་ནི་ཁ་ཊྭཱཾ་གའོ། །དེ་ལྟར་མ་རྟོགས་ཤིང་ལོག་པར་
[191a.7]རྟོག་པ་ལ་རྒྱུ་མི་རྟག་པ་དང་། འབྲས་བུ་སྡུག་བསྔལ་དང་ལྡན་པ་ལ་དམིགས་ཏེ། དེ་དང་བྲལ་བར་འདོད་པ་ནི་སྙིང་རྗེ་གཉིས་ནི་ཁྲག་གིས་བཀང་བའི་ཐོད་པ་དང་ཞགས་པའོ། །དེ་ལྟར་ལམ་རྒྱུད་ལ་སྐྱེས་ཀྱང་རློམ་པ་མེད་པ་ནི་ཚངས་པའི་མགོ་བོའོ། །འདོད་ཆགས་ལ་དགའ་བ་ཉིད་ལ་འཛུད་
[191b]
[191b.1]པས་རལ་བ་དང་། དྲག་པོ་ལ་སོགས་པས་མི་ཐུབ་པས་ཅོད་པན་གྱིས་བརྒྱན་པ་དང་། རིགས་ལྔའི་རྒྱ་དང་ལྡན་པས་ཐོད་པའི་ཕྲེང་བ་དང་། བྱང་ཆུབ་ཀྱི་སེམས་དང་དེས་འཕགས་པའི་ལས་སྣ་ཚོགས་མཚོན་པ་ནི་ཟླ་བ་ཕྱེད་པ་དང་། སྣ་ཚོགས་རྡོ་རྗེའོ། །མ་རུངས་པ་སྐྲག་པར་མཛད་པས་
[191b.2]ཞལ་རྣམ་པར་གྱུར་པའོ། །མ་རུངས་པ་དང་ཉོན་མོངས་པ་འཇོམས་པས་མཆེ་བ་གཙིགས་པའོ། །སྒེག་པ་ལ་སོགས་པའི་ཉམས་དགུ་ནི་སྒེག་པ་ནི་ཕྱག་གཉིས་ཤེས་རབ་ལ་འཁྱུད་དེ་འགྱིང་བག་དང་བཅས་པ་སྟེ། དེ་ནི་ཐབས་ཤེས་རབ་མི་ཕྱེད་པའི་བརྡའོ། །ཞབས་གཡས་བརྐྱང་བས་
[191b.3]བདུད་དང་། སྒྲིབ་གཉིས་དང་། མྱ་ངན་ལས་འདས་པ་དམན་པ་གཉིས་ལས་རྒྱལ་བ་ནི་དཔའ་བའོ། །ལོག་པར་ལྟ་བ་ལ་མ་རངས་པས་བཞིན་མི་སྡུག་པ་དང་། ངོ་ཚ་མེད་པའི་འདུག་སྟངས་ནི་མི་སྡུག་པའོ། །རྔམ་པའི་སྒྲས་འགྲོ་བ་འདུལ་བ་ནི་དགོད་པའོ། །སྨིན་མ་གཉེར་བ་དང་མཆེ་བ་
[191b.4]གཙིགས་པ་ལ་སོགས་པས་ཉོན་མོངས་པ་སྐྲག་པར་མཛད་པ་ནི་ཁྲོ་བའོ། །མི་སྡུག་པ་དང་མ་རུངས་པའི་ཐོད་པའི་ཕྲེང་བ་དང་སྟག་གི་པགས་པ་ལ་སོགས་པ་ནི་འཇིགས་སུ་རུང་བའོ། །དེ་ནི་ཤེས་རབ་ཀྱིས་དངོས་པར་རྟོག་པ་གཅོད་པའི་ཕྱིར་རོ། །འཇིགས་བྱེད་དང་དུས་མཚན་མནན་
[191b.5]ཡང་མ་ཤི་པ་ནི་སྙིང་རྗེའོ། །འགལ་བའི་ཆོས་དང་ལྡན་པས་རྔམ་པ་སྟེ། འདོད་ཆགས་ཀྱིས་འཁྱུད་ལ་ཞེ་སྡང་གིས་མཚོན་བསྣམས་པ་སྟེ་འགལ་བའི་ཆོས་འཆང་བའོ། །སྐུ་དྲང་བ་དང་རང་བ་དང་། སྣུམ་པ་དང་། བརྟགས་ན་ཞི་བ་སྟེ། མདོར་ན་སྤྲོས་པའི་མཐའ་བརྒྱད་དང་
[191b.6]བྲལ་བའོ། །བྱམས་པའི་ཐུགས་དང་ཆོས་ཉིད་མི་འགྱུར་བས་སྐུ་མདོག་མཐོང་གའོ། །རྣམ་རྟོག་བཅོམ་པས་སྟག་གི་པགས་པའོ། །འཇིག་རྟེན་པའི་སེམས་རྣམས་བཅོམ་པས་ཐོད་རློན་གྱི་ཕྲེང་བའོ། །རྣ་ཆ་ནི་བཟོད་པའོ། །གདུ་བུ་ནི་ཚུལ་ཁྲིམས། མགུལ་རྒྱན་ནི་བརྩོན་འགྲུས། སྤྱི་གཙུག་གི་
[191b.7]ནོར་བུ་ནི་སྦྱིན་པའོ། །མཆོད་ཕྱིར་ཐོགས་ནི་བསམ་གཏན་ནོ། །ཐལ་བའི་རྒྱ་ནི་ཤེས་རབ་བོ། །གཅེར་བུ་ཐབས་ཤེས་རབ་གཉིས་མེད་དེ་སྒྲིབ་པ་ལ་སོགས་པ་དང་ལྷན་ཅིག་མི་གནས་པའོ། །དེའི་སྤྱན་སྔར་བཅོམ་ལྡན་འདས་མ་སྐུ་མདོག་དམར་མོ་ཞེས་བྱ་བ་ལ་སོགས་པ་ལ། སྟོང་པ་ཉིད་ལ་
[192a]
[192a.1]ཡེ་ཤེས་སྐྱེར་འཇུག་པར་སྐུ་མདོན་དམར་པོའོ། །ཆོས་ཐམས་ཅད་དོན་དམ་པའི་བདེན་པར་རོ་གཅིག་པས་ཞལ་གཅིག་པའོ། །ཤེས་རབ་ཀྱིས་ཐབས་དབང་དུ་བྱས་པས་ཕྱག་གཉིས་པའོ། །ཆོས་ཀྱི་དབྱིངས་ལ་ཡེ་ཤེས་སྐྱེར་འཇུག་པས་སྐྲ་གྲོལ་བའོ། །གསུང་རབ་བཅུ་
[192a.2]གཉིས་ཀྱི་ཆོས་སྟོན་པས་དུམ་བུའི་སྐ་རགས་སོ། །སྙིང་རྗེ་དང་སྟོང་པ་མཚོན་པའི་ཕྱིར་ཁྲག་གིས་བཀང་བའི་ཐོད་པའོ། །སྤྲོས་པས་བསྡིགས་པས་སྡིགས་མཛུབ་དང་། སྤྲོས་པ་གཅོད་པས་གྲི་གུག་གོ། སྟོང་པ་ཉིད་ཀྱིས་དངོས་པོ་ཐམས་ཅད་བསྲེགས་པས་བསྐལ་བའི་མེ་ལྟ་བུའི་གཟི་
[192a.3]བརྗིད་དང་ལྡན་པའོ། །འཁོར་བ་བཅོམ་ཞིང་སྤངས་པས་ཁྲག་ལ་དགྱེས་ཤིང་འཛག་པའོ། །ཐབས་ཤེས་རབ་མཉམ་པའི་བསམ་གཏན་དང་ལྡན་པས་བྱིན་པ་གཉིས་འཁྱུད་པས་བདེ་བ་ཆེན་པོའོ། །དཔལ་ཧེ་རུ་ཀ་དང་ཕག་མོ་གཉིས་ཁ་སྦྱར་དུ་བཞུགས་པ་ནི་འདོད་ཆགས་དང་ཞེ་སྡང་ཕན་ཚུན་འཕྲོག་
[192a.4]པའོ། །མཁའ་འགྲོ་ལ་སོགས་པ་བཞི་ཡང་སྒྲུབ་ཐབས་ཇི་ལྟ་བ་བཞིན་དུ་དམིགས་པར་བྱའོ། །དེ་བཞིན་དུ་འཁོར་ལོ་གསུམ་དང་བཀའ་བསྒོ་རྣམས་ཀྱང་སྐུ་མདོག་ལ་སོགས་པ་སྒྲུབ་ཐབས་ལས་བཤད་པ་ལྟར་དམིགས་ཏེ་གོ་སླའོ། །འཁོར་བ་དང་མྱ་ངན་ལས་འདས་པའི་གཟུགས་
[192a.5]གཉིས་དང་། ཐབས་དང་ཤེས་རབ་ཀྱི་རང་བཞིན་ཡིན་པས་གཟུགས་གཉིས་སོ། །འཆི་བ་བསྲེག་པ་དང་། འཆིར་མི་སྟེར་བ་དང་། འཆི་བ་ཟོས་པ་དང་། འཆི་བ་གཏན་བཅོམ་པ་སྟེ། འཆི་བ་ནི་འདིར་རྟོག་པའི་འཆི་བ་དང་། མྱ་ངན་ལས་འདས་པའི་འཆི་བའོ། །གཉིས་སུ་མེད་པའི་
[192a.6]ཡེ་ཤེས་དང་། རིགས་དྲན་པའི་ཕྱིར་དཔྲལ་བར་རྡོ་རྗེའི་ཕྲེང་བའོ། །དེ་ནས་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལྷ་དང་སྦྱར་བ་ནི། དཔལ་ཧེ་རུ་ཀའི་ལྷ་རྣམས་ཆོས་ཀྱི་སྐུའི་རང་བཞིན་དུ་བསྟན་པ་དང་། དེར་ཞེན་པ་བཟློག་པ་དང་། སྒྱུ་མ་དང་སྟོང་པ་གཉིས་མེད་མཚོན་པ་དང་།
[192a.7]ཅིག་ཅར་ལམ་དུ་བྱས་པས་ཐེག་པའི་ཁྱད་པར་རོ། །འདིར་རྣལ་འབྱོར་པས་ཕུང་པོ་ལྔ་སྒྱུ་མ་ལྟར་སྐྱེ་མེད་དུ་ཤེས་པ། དེའི་དོན་མ་བརྗེད་པ་ནི་དྲན་པ་ཉེ་བར་གཞག་པ་སྟེ། དེ་ཉིད་མཁའ་འགྲོ་མ་བཞིའོ། །ཤེས་རབ་དེ་བརྩོན་འགྲུས་ཀྱི་གྲོགས་དང་བཅས་པས་ནི་དགེ་བའི་ཆོས་མ་
[192b]
[192b.1]སྐྱེས་པ་བསྐྱེད་ལ། སྐྱེས་པ་བསྲུང་བ་དང་། མི་དགེ་བའི་ཆོས་སྐྱེས་པ་སྤོང་བ་དང་། མ་སྐྱེས་པ་མི་བསྐྱེད་པ་སྟེ་དེ་ནི་མཚམས་མ་བཞིའོ། །ཤེས་རབ་དེ་ཏིང་ངེ་འཛིན་གྱིས་གྲོགས་བྱས་པས་རྫུ་འཕྲུལ་གྱི་རྐང་པ་བཞི་སྟེ། རབ་གཏུམ་མོ་ལ་སོགས་པའོ། །སྙིང་རྗེ་ཤེས་རབ་དབྱེར་
[192b.2]མེད་པའི་བྱང་ཆུབ་ཀྱི་སེམས་དེ་དབང་བོ་ལྔས་དབང་བྱས་པས་བརྟན་པའི་བློ་མ་ལ་སོགས་པ་ལྔའོ། །ལྔ་པོ་དེ་མཐར་ཐུག་པ་ལ་སྟོབས་ཞེས་བྱ་སྟེ། དེ་ནི་འཇིགས་བྱེད་ཆེན་མོ་ལ་སོགས་པ་དེ་མཐར་ཐུག་པའི་འབྲས་བུ་ཏིང་ངེ་འཛིན་རྩེ་གཅིག་པ་ཉིད་བྱང་ཆུབ་ཀྱི་རྒྱུའམ་མཚན་ཉིད་དེ། དེ་ནི་ཧ་ཡ
[192b.3]ཀརྞའོ། །དེ་ལེ་ལོའི་སྐབས་མི་འབྱེད་པ་དང་། དགེ་བ་ཡོངས་སུ་འཛིན་པ་དང་། དེ་ལ་སེམས་ལས་སུ་རུང་བ་དང་བདག་མེད་པའི་རང་བཞིན་ངེས་པར་འཛིན་པ་དང་། བརྗེད་པ་མེད་པའི་ཏིང་ངེ་འཛིན་ལྷུན་གྱིས་གྲུབ་པ་སྟེ། དེ་ནི་ཁ་ག་ན་ལ་སོགས་པའོ། །བྱང་ཆུབ་ཀྱི་སེམས་ཀྱི་དོན་ཕྱིན་ཅི་
[192b.4]མ་ལོག་པར་རྟོགས་པ་དང་། བརྩམས་པ་མཐར་ཕྱིན་པར་བྱེད་པ་དང་། བརྫུན་དང་བྲལ་བ་དང་། དགེ་བ་བཅུ་དང་བྱང་ཆུབ་ཀྱི་སེམས་ལས་མི་འདའ་བར་རིམ་གྱིས་སྤྱོད་པ་དང་། གཞན་ལ་ཐོ་འཚམས་པ་མེད་པར་འཚོ་བ་དང་། བྱང་ཆུབ་སེམས་ལ་རྩོལ་བ་དང་། སངས་རྒྱས་ཀྱི་གསུང་
[192b.5]རྗེས་སུ་དྲན་པ་དང་། དཔལ་ཧེ་རུ་ཀ་ཟུང་འཇུག་གི་སྐུ་ལ་དམིགས་པ་ནི་ཡང་དག་པའི་ཏིང་ངེ་འཛིན་ཏོ། །དེ་ལྟ་བུའི་བྱང་ཆུབ་ཀྱི་ཆོས་སུམ་ཅུ་རྩ་བདུན་གྱི་རང་བཞིན་ཅན་གྱི་མཁའ་འགྲོ་མ་སུམ་ཅུ་རྩ་བདུན་ནང་ལུས་ཀྱི་དཀྱིལ་འཁོར་ལ་བསྒོམ་པ་བསྟན་པའི་ཕྱིར། སྐུ་ཡི་དཀྱིལ་འཁོར་མཆོག་
[192b.6]གྱུར་པ། །ཞེས་བྱ་བ་ལ་སོགས་པ་ལ། སྐུ་ནི་དཔལ་ཧེ་རུ་ཀར་གྱུར་པའི་ལུས་ལ་གནས་པའི་མཁའ་འགྲོ་མ་རྣམས་སོ། །གནས་ཀྱི་རིམ་པ་ནི་ཉི་ཤུ་རྩ་བཞིའོ། །ས་བཅུ་ནི་གོ་བར་ཟད་དོ། །མགོ་བོ་ལ་སོགས་པའི་གནས་དེ་རྣམས་སུ་མཁའ་འགྲོ་མ་རྣམས་སྐད་ཅིག་གིས་བསྒོམ་པར་བྱའོ། །
[192b.7]སེམས་ལ་རྟེན་མེད་པས་ནམ་མཁའ་ལ་རྒྱུ་བའོ། །ཚོགས་པའི་དངོས་གྲུབ་ལ་བརྟེན་པས་ས་ལ་སྤྱོད་པའོ། །སྤྲུལ་པའི་འཁོར་ལོ་ལ་བརྟེན་པས་ས་འོག་ན་གནས་པའོ། །དེ་ནས་སོ་དང་སེན་མོ་ལ་ནི་ཁཎྜཀ་པཱ་ལའོ་ཞེས་བྱ་བ་ལ་སོགས་བས་ཁམས་ཉི་ཤུ་རྩ་བཞིའི་རྡུལ་རྣམས་དཔའ་བོ་
[193a]
[193a.1]ཉི་ཤུ་རྩ་བཞིར་དག་པར་སྐད་ཅིག་གིས་བསམ་པར་བྱའོ། །དཔའ་བོའི་རྩ་བའི་སྔགས་སོགས་གང་ནི་ཀ་ར་ཀ་ར་སྟེ་དེ་ལས་མཆོད་ཕྱིར་ཐོགས་བསམ་པའོ། །དཔའ་བོའི་གོ་ཆ་ནི་ཨོཾ་ཧ་ལ་སོགས་པ་སྟེ། དེ་ལས་ཕྱག་རྒྱ་དྲུག་བསྐྱེད་པར་བྱའོ། །རྡོ་རྗེ་ཕག་མོ་སྔགས་
[193a.2]གང་ནི་སྔགས་རིགས་ཏེ། དེ་ལས་མགུལ་རྒྱན་བསྐྱེད་པར་བྱའོ། །དཔའ་བོའི་སྙིང་པོའི་སྔགས་ནི་ཡི་གེ་ཉི་ཤུ་རྩ་གཉིས་པ་སྟེ། དེ་ལས་ཐོད་པའི་ཕྲེང་བ་བསྐྱེད་པར་བྱའོ། །གསང་སྔགས་ཡི་གེ་བདུན་ནི་ཨོཾ་ཧྲཱིཿལ་སོགས་པ་སྟེ་དེས་རྣ་བའི་རྒྱན་བསྐྱེད་པར་བྱའོ། །སངས་རྒྱས་ཀུན་གྱི་
[193a.3]མཁའ་འགྲོ་ནི། །ཨོཾ་སརྦྦ་བུངྔྷ་ལ་སོགས་པ་སྟེ་དེས་གླང་པོའི་པགས་པ་བསྐྱེད་པར་བྱའོ། །རྣལ་འབྱོར་མ་དྲུག་གི་སྔགས་ནི་ཨོཾ་བཾ་ལ་སོགས་པ་སྟེ་དེས་སྐ་རགས་བསྐྱེད་པར་བྱའོ། །འཁོར་ལོ་ཀུན་གྱི་རྣལ་འབྱོར་མ་ནི་སུམ་ཅུ་རྩ་བདུན་ནོ། །སྔགས་ནི་ཨོཾ་པྲ་ཙ་ཎྜེ་ལ་སོགས་པ་སྟེ། དེས་
[193a.4]མཁའ་འགྲོ་མ་རྣམས་ཀྱི་ཕྱག་གི་ཐོད་པ་བསྐྱེད་པར་བྱའོ། །བཻ་རོ་ཙ་ནའི་སྔགས་ཨོཾ་བཛྲ་བཻ་རོ་ལ་སོགས་པ་སྟེ་དེས་ཐོད་པའི་ཕྲེང་བ་བསྐྱེད་པར་བྱའོ། །དེ་ལྟར་སྔགས་རྣམས་ལས་རྒྱན་བསམ་པ་ནི། རྣལ་འབྱོར་པ་དེའི་ཡིད་ལོག་པར་གཡོ་བ་ལས་སྐྱོབ་པ་དང་། སྔགས་དང་ལྷ་རྒྱུ་འབྲས་ཐ་མི་
[193a.5]དད་པ་དང་ལྷའི་ང་རྒྱལ་བརྟན་པར་བྱ་བའི་ཕྱིར་རོ། །རྣལ་འབྱོར་མ་རྣམས་ཀྱི་སྔགས་ལ་ཕྱག་གི་ཐོད་པ་བསྐྱེད་པ་ནི་ལྷ་དེ་ཐམས་ཅད་བདག་མེད་པར་བསྟན་པ་དང་། ལྷན་ཅིག་སྐྱེས་པའི་རང་བཞིན་དུ་བསྟན་པའི་ཕྱིར་རོ། །ད་ནི་བསྐྱེད་པའི་རིམ་པ་དེ་དག་གི་བསྡུ་བའི་མན་ངག་བསྟན་པའི་ཕྱིར།
[193a.6]སྐད་ཅིག་གིས་ནི་སྐུ་གཅིག་འགྱུར། །ཞེས་བྱ་བ་ལ་སོགས་པ་ལ། སྐད་ཅིག་གིས་ནི་སྐུ་གཅིག་འགྱུར་ནི་སྟོང་པ་ཉིད་སྔོན་དུ་སོང་བའི་བྱང་ཆུབ་བ་ལྔ་ལས་རྟེན་དང་བརྟེན་པའི་ལྷ་དུས་གཅིག་ལ་གྲུབ་པའོ། །སྐད་ཅིག་ཙམ་གྱིས་རྣལ་འབྱོར་བདག་ནི་དཔལ་ཧེ་རུ་ཀའི་མཚན་ཉིད་ཚང་བར་དམིགས་
[193a.7]པའོ། །སྐད་ཅིག་ཕྱག་རྒྱའི་རྣམ་པ་ཅན་ནི་ཡུམ་གསལ་བར་དམིགས་པའོ། །སྐད་ཅིག་གིས་ནི་སྐུ་འཆང་ཞིང་། །ཞེས་པ་ནི་ཡེ་ཤེས་སེམས་དཔའ་དང་། ཀུན་ནས་ཀུན་དུ་སྐད་ཅིག་ནི་ཏིང་ངེ་འཛིན་སེམས་དཔའོ། །སྐད་ཅིག་གིས་ནི་གསང་སྔགས་འདོན་པ་ནི་སྐུ་གསུང་ཐུགས་ལ་
[193b]
[193b.1]གནས་པའི་ཡི་གེ་གསུམ་སྐད་ཅིག་ལ་གྲུབ་པའོ། །མགོ་བོ་དང་། ལྐོག་མ་དང་། སྙིང་གར་ཨོཾ་དཀར་པོ་དང་། ཨཱཿདམར་པོ་དང་། ཧཱུཾ་སྔོན་པོའོ། །དེ་ནས་ཡི་གེ་བཞིའི་འོད་ཀྱིས་སྐུ་གསུང་ཐུགས་དང་ཡེ་ཤེས་སེམས་དཔའ་སྤྱན་དྲངས་ཏེ་སོ་སོ་ལ་ཐིམ་པར་བསམས་ཏེ། སྔགས་
[193b.2]ཀྱིས་དེའི་ང་རྒྱལ་བརྟན་པར་བྱའོ། །དེ་ནས་སྔར་བཞིན་ཕུང་པོ་ལ་སོགས་པ་ལྷར་བསམ་པར་བྱའོ། །དེ་ནི་ཆོས་ཀྱི་དབྱིངས་རྣམ་པར་དག་པའི་ཡེ་ཤེས་ལས་བྱང་ཆུབ་པ་ཞེས་བྱ་སྟེ། དེ་ལས་འདིར་ཆོས་ནི་ཕུང་པོ་ལ་སོགས་པའོ། །དབྱིངས་ནི་རྒྱུའི་དོན་ཏེ་རྟོགས་པའི་རྒྱུ་དང་། མི་རྟོགས་
[193b.3]པའི་རྒྱུའོ། །རྣམ་པར་དག་པ་ནི་ཀུན་རྫོབ་ཀྱི་དག་པ་དང་། དོན་དམ་པའི་དག་པའོ། །ཡེ་ཤེས་ལས་ཞེས་བྱ་བ་ནི་ཡེ་ཤེས་ལྔའོ། །བྱང་ཆུབ་པ་ནི་གཟུགས་ཀྱི་སྐུ་རྣམ་པ་ཐམས་ཅད་ཀྱི་མཆོག་དང་ལྡན་པའི་རང་བཞིན་དུ་སེམས་སྣང་བའོ། །དེ་ནི་དམ་ཚིག་སེམས་དཔའ་བསྐྱེད་པ་ཞེས་བྱ་སྟེ།
[193b.4]འདིར་ས་མ་ཡ་ས་ཏྭ་ཡའི་རྐྱེན་མི་སྣང་བར་བྱས་ནས་ས་མ་ཞེས་བྱ་བའི་སྒྲ་ནི་མཉམ་པ་ལ་འཇུག་སྟེ། ཅིར་མཉམ་ཞེ་ན། བདག་དང་ཁམས་གསུམ་པ་རྣམས་ཀུན་རྫོབ་ཏུ་ལྷར་མཉམ་ལ། དོན་དམ་པར་སྐྱེ་མེད་དུ་མཉམ་པའོ། །ཡའི་རྐྱེན་བྱིན་ན་འདའ་བར་མི་བྱ་བ་སྟེ་མཉམ་ཉིད་ལས་
[193b.5]སོ། །སཏྭ་སྟེ་བདེན་པ་གཉིས་མཉམ་པ་ཉིད་ཀྱི་སེམས་གང་ལ་ཡོད་པའི་རྣལ་འབྱོར་པ་དེ་དམ་ཚིག་སེམས་དཔའོ། །དེ་ཡང་ལེའུ་བཅུ་གཅིག་པ་ལས། དངོས་པོ་གང་དང་གང་གིས་ནི། །མི་རྣམས་ཡིད་ནི་ཡང་དག་སྦྱོར། །དེ་དབང་དེ་ཡི་དངོས་འགྱུར་ཏེ། །སྣ་ཚོགས་གཟུགས་ཅན་ནོར་
[193b.6]བུ་འདྲ། །ཞེས་པ་དང་། མཁའ་འགྲོ་ལས་ཀྱང་། བདག་ཉིད་སངས་རྒྱས་ཐམས་ཅད་དང་། །དཔའ་བོ་ཐམས་ཅད་ཉིད་ཡིན་ཏེ། །རང་གི་ལྷ་ཡི་སྦྱོར་བ་ཡིས། །བདག་ཉིད་རབ་ཏུ་བསྒྲུབ་པར་བྱ། །ཞེས་གསུངས་སོ། །དེའི་ཕྱིར་ཐ་མལ་པའི་རྟོག་པ་སྤོང་བ་དང་། ཚོགས་གཉིས་
[193b.7]རྫོགས་པ་དང་། བར་ཆད་མེད་པ་དང་། བག་མེད་པའི་གནས་ལས་ལྡོག་པ་དང་། གོང་ནས་གོང་དུ་ཟབ་པའི་དོན་རྟོགས་པར་བྱ་བའི་ཕྱིར་རོ། །འོ་ན་བདེན་པ་གཉིས་ཀྱི་རྒྱུ་དེ་ཅིས་མཚོན་ཞེ་ན། དེ་བསྟན་པའི་ཕྱིར། དེ་ནས་གོ་ཆ་གཉིས་ཤེས་ནས། །ཞེས་བྱ་བ་ལ་སོགས་པ་ལ། ཨོཾ་
[194a]
[194a.1]ཧ་ལ་སོགས་པ་དཔའ་བོའི་གོ་ཆ་དྲུག་དང་། ཨོཾ་བཾ་ལ་སོགས་པ་དཔའ་མོའི་གོ་ཆ་དྲུག་གོ །དེ་ལ་ལྷ་དང་སྔགས་དབྱེར་མེད་པའི་ཕྱིར་རྣམ་པ་ཡི་གེ་ལ་རང་བཞིན་ལྷའི་ང་རྒྱལ་བྱའོ། །མི་འགྱུར་བའི་དོན་དང་། ཤེས་སྐྱོབ་ཀྱི་ངེས་ཚིག་དང་ལྡན་པའི་ཕྱིར་རོ། །གནས་
[194a.2]གང་དུ་བསྒོམ་པ་ནི་གོ་སླའོ། །ཡང་ན་སྔགས་ལས་སྐྱེས་པའི་ལྷ་བསྒོམ་པ་སྟེ། ཕྱག་མཚན་ལ་སོགས་པ་ནི་མན་ངག་ལས་ཤེས་པར་བྱའོ། །ད་ནི་ཡེ་ཤེས་སེམས་དཔའ་དང་གཉིས་མེད་དུ་བསྲེ་བ་བསྟན་པའི་ཕྱིར། ཡེ་ཤེས་འཁོར་ལོ་རྣམ་པར་བསྒོམ། །ཞེས་པ་ལ་སྔགས་དང་ཞེས་
[194a.3]པས་མདོར་བསྟན་ནས་རྒྱས་པར་བསྟན་པ་ནི། མཛུབ་མོ་མདུད་བྱས་ལ་སོགས་པ་ནི། ལུས་ཀྱི་ཕྱག་རྒྱ་དང་། ངག་གི་ཕྱག་རྒྱ་དང་། སེམས་ཀྱི་ཕྱག་རྒྱ་དང་ལྡན་པས་སྔོན་གྱི་སྤྱོད་པས་གྲུབ་པའི་དཔའ་བོ་ཉི་ཤུ་རྩ་ལྔ། དཔའ་མོ་སུམ་ཅུ་རྩ་བདུན་མདུན་དུ་སྤྱན་དྲངས་པ་ནི་འགུགས་པའོ། །གང་
[194a.4]ནས་ཤེ་ན། ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པ་རྣམས་སོ། །ཐབས་ནི་ཕྱག་རྒྱ་གསུམ་གྱིས་སོ། །དེ་རྣམས་མངོན་དུ་བལྟས་ལ་མཆོད་དེ། སྙིང་པོའི་ཕྱག་རྒྱ་བསྟན་ལ། ཛཿཧཱུཾབཾ་ཧོཿཞེས་པས་དགུག་པ་དང་། གཞུག་པ་དང་། བཅིང་བ་དང་དབང་དུ་བྱས་ཏེ། གཉིས་སུ་མེད་པར་
[194a.5]བསྲེས་ལ་དེའི་ང་རྒྱལ་བསྐྱེད་པར་བྱ་སྟེ། ཨོཾ་ཡོ་ག་ཞིས་བྱ་བ་ལ་སོགས་པ་ལ། ཨོཾ་ཡོ་ག་ཤུངྔྷཿསྟེ་དག་པའི་བདག་ཉིད་ཅན་ཏེ་ཀུན་རྫོབ་ཏུ་སྒྱུ་མ་ལྟ་བུའི་ལྷར་དག་པ་དང་། དོན་དམ་པར་སྐྱེ་མེད་དུ་དག་པའི། །གང་དག་ཅེ་ན། སརྦྦ་ངྷརྨཱཿསྟེ་ཆོས་ཐམས་ཅད་དེ་ཕུང་པོ་ལ་སོགས་པའོ། །ཅིར་
[194a.6]དག་ཅེ་ན་སྙིང་རྗེ་ཤེས་རབ་དབྱེར་མེད་པའི་བྱང་ཆུབ་ཀྱི་སེམས་ཀྱི་རང་བཞིན་དུ་དག་གོ །དེ་ཡང་མཁའ་འགྲོ་ལས། བྱང་ཆུབ་སེམས་ཆེན་རྣལ་འབྱོར་གང་། །རྣལ་འབྱོར་དབང་ཕྱུག་རང་ཉིད་གཙོ། །བྱང་ཆུབ་སེམས་འདི་རྡོ་རྗེ་སྟེ། །སངས་རྒྱས་ཀུན་གྱི་རང་བཞིན་ནོ། །ཞེས་གསུངས་སོ། །ཡེ་
[194a.7]ཤེས་སྒྲོན་མའི་རྒྱུད་ལས་ཀྱང་། རྒྱལ་བའི་ཡེ་ཤེས་འཁོར་ལོ་ནི། །དམ་ཚིག་འཁོར་ལོ་ལ་མྱུར་གཞུག། །སངས་རྒྱས་བྱང་ཆུབ་སེམས་དཔའ་ཉིད། །ཐོབ་པར་འགྱུར་གྱིས་གཞན་དུ་མིན། །ཞེས་པ་དང་། ཡང་མཁའ་འགྲོ་ལས། འདི་ཡིས་སངས་རྒྱས་ཐམས་ཅད་དང་། །དཔའ་བོ་ཐམས་
[194b]
[194b.1]ཅད་ཉིད་དང་ནི། །རྡོ་རྗེ་འཛིན་པའང་ཐམས་ཅད་དུ། །ཚེ་འདི་ཉིད་དུ་འགྲུབ་འགྱུར་ཞེས། །བཅོམ་ལྡན་རྡོ་རྗེ་ཅན་གྱིས་གསུངས། །ཞེས་སོ། །དེ་ལྟར་ན་ཐ་དད་ཀྱི་རྟོག་པ་འགག་པ་དང་། ང་རྒྱལ་བརྟན་པ་དང་། བྱིན་གྱིས་རློབ་པའོ། །འགྲུབ་པའི་ཡན་ལག་དབང་བསྐུར་བ་བསྟན་པའི་ཕྱིར། ཇི་ལྟར་
[194b.2]བལྟམས་པ་ཙམ་གྱིས་ཀྱང་། །ཞེས་པ་ལ་སོགས་པ་ལ་ཏིང་ངེ་འཛིན་སེམས་དཔའི་འོད་ཀྱིས་ལྷ་སུམ་ཅུ་རྩ་བདུན་སྤྱན་དྲངས་ལ་མཆོད་དེ། དབང་ལྷ་ལ་གསོལ་བ་བཏབ་པ་དང་། བཀའ་བསྒོ་བརྒྱད་ཀྱིས་བགེགས་སྒྲོད་པ་དང་། དཔའ་བོ་རྣམས་ཀྱིས་བཀྲ་ཤིས་དང་། དཔའ་མོ་རྣམས་ཀྱིས་གླུ་དང་།
[194b.3]ཡུམ་བཞི་དང་། ཕག་མོ་དང་ལྔས་རིན་པོ་ཆེའི་བུམ་པ་བདུད་རྩིས་གང་བ་བསྣམས་པས་བུམ་པའི་དབང་དང་། ཡུམ་བཞི་རྡོ་རྗེ་ཕག་མོ་ལ་ཐིམ་ནས་སྙོམས་པར་ཞུགས་པའི་གསང་བ་ལྕེ་ལ་ཐིམ་པ་གསང་བའི་དབང་དང་། རྡོ་རྗེ་ཕག་མོ་ཕྱག་རྒྱར་གནས་ཏེ་སྙོམས་པར་ཞུགས་པས་བདེ་བ་མྱང་བ་
[194b.4]ཤེས་རབ་ཡེ་ཤེས་དང་། དཔའ་ཧེ་རུ་ཀ་བཞི་པ་བསྟན་པ་བཞིའོ། །དེ་ནས་དབང་བསྐུར་བའི་ལྷ་རྣམས་བདག་ལ་ཐིམ་པར་བསམ་མོ། །དེ་ཡང་ངེས་བརྗོད་ལས། བདེ་ཆེན་ཡེ་ཤེས་དགྱེས་ནས་ནི། །དམ་ཚིག་དམ་ཚིག་ཅན་ལ་གཞུག། །ཡེ་ཤེས་རོ་གཅིག་བསྒོམས་ནས་ནི། །རོ་གཅིག་འཁོར་
[194b.5]ལོ་དེ་བཞིན་བསྒོམ། །རྡོ་རྗེ་སེམས་དཔའི་དབུ་རྒྱན་ཅན། །ཞེས་གསུངས་པས་སོ། །དེ་ནས་རྒྱས་གདབ་པ་ནི། འབྲས་བུ་ལ་རྒྱུས་རྒྱས་གདབ་པའི་ཕྱིར་མི་བསྐྱོད་པ་དང་། ཆོས་ཀྱི་སྐུ་ལ་གཟུགས་ཀྱི་སྐུས་རྒྱས་གདབ་པའི་ཕྱིར་རྣམ་པར་སྣང་མཛད་དང་། རིགས་ངེས་པ་ཅན་དུ་བྱས་པའི་
[194b.6]ཕྱིར་ཡུམ་བཞི་ལ་རིན་ཆེན་འབྱུང་ལྡན་དང་། འཁོར་ལོ་གསུམ་ལ་མི་བསྐྱོད་པ་དང་། སྣང་བ་མཐའ་ཡས་དང་། རྣམ་པར་སྣང་མཛད་དང་། བཀའ་བསྒོ་ལ་དོན་ཡོད་གྲུབ་པ་བསམ་པར་བྱའོ། །དེ་ལྟར་ན་བགེགས་དང་སྒྲིབ་པ་དང་ཐེག་པ་དམན་པ་སེལ་བ་དང་། བཟླས་སྒོམ་གྱི་སྣོད་དུ་རུང་བ་
[194b.7]དང་། ལས་རྣམས་ཀྱིས་བྱ་བ་ལ་མཐུ་ཡོད་པ་དང་། བྱང་ཆུབ་ཀྱི་སེམས་ཉམས་པ་བསྐོང་བ་དང་། དམ་ཚིག་དང་སྡོམ་པ་ཉམས་པ་བསྐོང་བ་དང་། མ་འོངས་པ་ན་སངས་རྒྱས་ཀྱིས་དབང་བསྐུར་བའོ། །དབང་དང་རྗེས་སུ་མཐུན་པའི་དམ་ཚིག་བསྟན་པའི་ཕྱིར། མཆོད་པ་ལ་སོགས་པ་བྱ་སྟེ།
[195a]
[195a.1]བུམ་པའི་དབང་དང་འབྲེལ་བ་ཕྱི་དང་ནང་དང་གསང་བ་དང་དེ་ཁོ་ནའི་མཆོད་པའོ། །གསང་བ་དང་འབྲེལ་པ་བདུད་རྩི་མྱང་བ་དང་། ཤེས་རབ་ཡེ་ཤེས་དང་འབྲེལ་བ་དགའ་བ་བརྩམ་པ་སྟེ། དེ་ཡང་ལེའུ་བརྒྱད་པ་ལས། ཡི་གེ་དྱཱ་ནི་སཱ་རྩེར་ཡང་དག་སྦྱོར། །བྱཱ་ནི་མཚན་ལ་
[195a.2]དགོད་པ་སྟེ། །ལྟེ་བ་སྙིང་ག་ཁ་དང་དཔྲལ་བ་རུ། །སྔགས་དང་བཅས་པས་བྱིན་གྱིས་བརླབ། །ལྟེ་བ་སྙིང་ག་དག་ཏུ་རྣལ་འབྱོར་མ། །སངས་རྒྱས་མཁའ་འགྲོའི་སྔགས་ཀྱིས་ནི། །ཨ་བ་ངྷཱུ་ཏཱི་གཉིས་ནི་དཔའ་བྱིན་བརླབ། །རྣལ་འབྱོར་མ་དང་དཔའ་བོ་གཉིས་མེད་ཡིན། །དང་པོར་དགའ་བ་དཔའ་
[195a.3]བོ་སྟེ། །མཆོག་ཏུ་དགའ་བ་རྣལ་འབྱོར་མ། །རབ་ཏུ་དགའ་བ་མ་ལུས་ཉིད། །དེ་བདེ་ཐབས་ནི་ཀུན་རིག་པའོ། །ཞེས་བྱ་བ་གསུངས་སོ། །དྱཱ་དང་བྱཱས་པདྨ་དང་རྡོ་རྗེ་བྱིན་གྱིས་བརླབ། དཔྲལ་བ་དང་ཁ་ལ་དཔའ་བོའི་སྙིང་པོ་དང་ཉེ་བའི་སྙིང་པོ་དགོད་པའོ། །སྙིང་ག་དང་ལྟེ་བ་ལ་ཡུམ་གྱི་
[195a.4]སྙིང་པོ་དང་ཉེ་བའི་སྙིང་པོ་དགོད། དེ་ནས་སྙོམས་པར་ཞུགས་པ་ལས་དགའ་བ་ལ་སོགས་པ་མྱོང་བར་བསམ་མོ། །དེ་ལ་འདིར་མན་ངག་ནི་འདི་ཡིན་ཏེ། དང་པོར་རྣལ་འབྱོར་པས་དུར་ཁྲོད་བརྒྱད་ཀྱི་དབེན་པ་ལ་བརྟེན་ནས་འཁོར་བའི་མཚན་ཉིད་མི་རྟག་པ་དང་། སྡུག་བསྔལ་རྟོགས་པར་བྱ་སྟེ། དེ་
[195a.5]ཡང་མཁའ་འགྲོ་ལས། གང་ཚེ་འདུས་བྱས་ཚུལ་རྣམས་ནི། །གློག་དང་ཆུ་བུར་ལྟར་སྨིན་པ། །གང་གིས་ཇི་ལྟར་མཐོང་གྱུར་པ། །དེ་ཚོ་ཤེས་རབ་བསྟེན་པ་མིན། །ཞེས་གསུངས་པས། རྣལ་འབྱོར་པ་གང་གིས་འདུས་བྱས་ཏེ། བདག་དང་ཁམས་གསུམ་གློག་ལྟར་མི་རྟག་པ་དང་། ཆུ་བུར་ལྟར་
[195a.6]སྡུག་བསྔལ་དུ་མཐོང་བར་བྱས་པ་སྟེ། དེ་ཤེས་རབ་ཀྱི་མིག་གིས་བལྟ་བར་བྱ་བ་ཡིན་པའི་ཕྱིར་རོ། །དེ་ལྟར་མི་རྟག་པ་དང་སྡུག་བསྔལ་དུ་མཐོང་བས་ཁམས་གསུམ་པའི་འགྲོ་བ་རྣམས་ལས་དང་ཉོན་མོངས་པའི་ཞགས་པ་དམ་པོས་ནི་བཅིངས། འཁྲུལ་འཁོར་བསྐོར་བའི་རྣམ་ཤེས་ཀྱིས་
[195a.7]ནི་བསྐོར། ཟོ་ཆུན་ལྟར་ནི་འཁོར། འཁོར་བའི་ཁྲོན་པ་གཏིང་རིམ་པོར་ནི་ལྷུང་། ངོ་བོ་ཉིད་ཀྱིས་འོག་ཏུ་འགྲོ་བ་ལ་ནི་ཕྱོགས། ཅི་ཞིག་ལྟར་སྟེང་དུ་བྱུང་ཡང་ཤེས་རབ་ཀྱི་མིག་དང་ནི་བྲལ། ཐབས་ཀྱི་རྐང་བ་ནི་མེད། བརྟེན་པའི་འཁར་བ་བླ་མ་ནི་བྲལ་བའི་དབང་གིས་ཡང་འོག་ཏུ་འགྲོ་བ་
[195b]
[195b.1]རྣམས་ལ་བལྟས་ཏེ། བྱམས་པ་དང་སྙིང་རྗེས་འཕངས་པའི་བྱང་ཆུབ་ཀྱི་སེམས་ལོགས་སུ་བསྒོམ་པར་བྱའོ། །དེ་ལྟར་གཞན་དོན་དུ་དཔལ་ཧེ་རུ་ཀ་འདོད་པའི་བློ་དང་ལྡན་པའི་རྣལ་འབྱོར་པས་དང་པོ་ཚངས་པའི་གནས་བཞི་བསྒོམ་སྟེ། དེ་ཡང་ཤེས་རབ་ཀྱི་མིག་གིས་མཐོང་བ་དེ་རྣམས་ལ་
[195b.2]དམིགས་ཏེ། བདེ་བར་འདོད་པའི་བྱམས་པ་དང་། སྡུག་བསྔལ་དང་བྲལ་བར་འདོད་པའི་སྙིང་རྗེ་དང་། དེ་རྣམས་དཔལ་ཧེ་རུ་ཀའི་གོ་འཕང་ལ་དགོད་པར་འདོད་པའི་དགའ་བ་དང་། འཇིག་རྟེན་དང་འཇིག་རྟེན་ལས་འདས་པའི་ལམ་ལ་དགོད་པར་འདོད་པའི་བཏང་སྙོམས་བསྒོམ་པར་བྱའོ། །དེ་
[195b.3]ནས་བདག་གིས་ཕུང་བོ་ལ་སོགས་པའི་རྡུལ་ཕྲ་རབ་ལ་དམིགས་ཏེ། རྣམ་པར་སྣང་མཛད་ལ་སོགས་པ་རིགས་ལྔ་ཧེ་རུ་ཀ་དང་དྲུག །ཁམས་ལྔ་ལ་ལྷ་མོ་ལྔ་དང་། སྐྱེ་མཆེད་རྣམས་བྱང་ཆུབ་སེམས་དཔར་སྐད་ཅིག་གིས་བསྒོམ་པར་བྱའོ། །དེ་ནས་བདག་གི་སྙིང་གར་ཉི་མའི་དཀྱིལ་འཁོར་གྱི་
[195b.4]སྟེང་དུ་ཧཱུཾ་འོད་ཟེར་གྱི་ཕྲེང་བ་འཕྲོ་བར་བསམས་ལ། དེའི་འོད་ཀྱིས་བགེགས་རྣམས་ཐམས་ཅད་བསྐྲད་པར་བྱ་སྟེ། བདག་དང་ཁམས་གསུམ་པའི་དངོས་པོ་ཐམས་ཅད་སྒྱུ་མ་ལ་སོགས་པ་ལྟར་སྣང་བ་ཙམ་དུ་རྟོགས་པར་བྱས་ནས། ཚུར་འདུས་བདག་ཉིད་ཁམས་གསུམ་རྣམ་རྒྱལ་ཞལ་གསུམ་ཕྱག་
[195b.5]དྲུག་པ་བསམ་པར་བྱའོ། །དེ་ནས་ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཤར་དུའོ། ཨོཾ་གྲྀཧྞ་ལ་སོགས་པ་བྱང་དུའོ། །ཨོཾ་གྲྀཧྞཱ་པ་ཡ་ལ་སོགས་པ་ནུབ་ཏུའོ། །ཨོཾ་ཨཱ་ན་ཡ་ལ་སོགས་པ་ལྷོར་རོ། །ས་གཞི་ལ་ཡི་གེ་ཧཱུཾ་ལས་སྣ་ཚོགས་རྡོ་རྗེའོ། །དེའི་འོད་ཀྱིས་རྡོ་རྗེའི་ར་བ་དང་། དྲ་བ་དང་། བླ་རཻ་དང་། མདའི་དྲ་བ་དང་།
[195b.6]མེའི་ར་བའོ། །རྡོ་རྗེའི་རབ་གྲུ་བཞི་པ་བསམས་པའི་ཤར་ལ་སོགས་པའི་ཕྱོགས་སུ་བཀའ་བསྒོ་བརྒྱད་སྟེང་ཁཱ་གདོང་འོག་ཁྱི་གདོང་སྟེ་བཅུའོ། །བསྐལ་པའི་མེ་འབར་བའི་ཀློང་ན་བཞུགས་པ་བུད་མེད་ཀྱི་གཟུགས་ཀྱིས་སྒེག་པ་བསྒོམ་པར་བྱའོ། དེ་ནས་ཡང་ཨོཾ་སུམྦྷ་ལ་སོགས་པའི་སྔགས་བརྗོད་པ་
[195b.7]དང་། འདོད་པའི་རྒྱལ་པོ་ལྕགས་ཀྱུ་ཞགས་པ་ཐོགས་པ་སྤྲོས་པས་ཕྱོགས་སྦྱོང་བཅུ་བཀུག་ལ་བཀའ་བསྒོ་རྣམས་ཀྱི་མདུན་དུ་གནས་པར་བསམ་མོ། །དེ་ནས་ཨོཾ་གྷ་གྷ་ལ་སོགས་པ་བརྗོད་ཅིང་ཁྲོ་མོ་རྣམས་ཀྱིས་ཕུར་པ་བཏབ་ལ། ཨོཾ་བཛྲ་མུངྒ་ར་ལ་སོགས་པས་ཐོ་བས་ཕུར་བུ་བརྡུང་བར་བྱའོ། །དེ་ནས་
[196a]
[196a.1]བདག་ཉིད་སླར་ཧེ་རུ་ཀ་ཞལ་གཅིག་ཕྱག་གཉིས་པར་བསྒྱུར་ལ། དེའི་སྙིང་གར་ཨ་ལས་ཟླ་བ་དེའི་སྟེང་དུ་ཧཱུཾ་འོད་ཀྱི་ཕྲེང་བ་འཕྲོ་བ་བསམས་ལ། དེའི་འོད་ཀྱི་སྣང་བས་དཔལ་ཧེ་རུ་ཀ་དྲུག་ཅུ་རྩ་གཉིས་ཀྱི་དཀྱིལ་འཁོར་དང་བླ་མ་བསམས་ལ། ཡང་སྙིང་གའི་ཧཱུཾ་ལས་
[196a.2]འོད་འཕྲོས་ཏེ་བླ་མའི་དྲིན་དྲན་པའི་ཚུལ་གྱིས་བཞུ་ལ་འོད་ཀྱི་གོང་བུར་བསམ་མོ། །དེ་བཞིན་དུ་ལྷ་ཡང་འོད་ཀྱི་གོང་བུར་བསམས་ལ། དེ་གཉིས་འདྲེས་པས་ལྷ་སུམ་ཅུ་རྩ་བདུན་གསལ་བར་བསམས་ཏེ། འདོད་པ་དང་། དང་བ་དང་། ཡིད་ཆེས་པའི་དད་པས། དང་པོར་ཨོཾ་སརྦྦ་ཏ་ཐཱ་
[196a.3]ག་ཏ་པཱ་དབནྡ་ནཱཾ་ཀ་རོ་མི་ཞེས་པས་ཕྱག་བྱའོ། །དེ་ནས་སྙིང་གའི་ཧཱུཾ་ལས་མེ་ཏོག་མ་དཀར་མོ་དང་། བདུག་པ་མ་དུ་བའི་མདོག་ཅན་དང་། མར་མེ་མ་དམར་སེར་དང་། བྱུག་པ་མ་ལྗང་གུ་དང་། ཞལ་ཟས་མ་སྣ་ཚོགས་པའི་མདོག་ཅན་ཏེ། ཕྱག་བཞིའི་དང་པོ་རྣམས་ན་རྡོ་རྗེ་དང་དྲིལ་བུ་
[196a.4]བསྣམས་པ། གཉིས་པ་རྣམས་ན་རིན་པོ་ཆེའི་སྣོད་རང་རང་གི་མཆོད་པའི་སྤྲིན་གྱིས་བཀང་བ་དང་། གཟུགས་རྡོ་རྗེ་མ་དཀར་མོ་དང་། སྒྲ་རྡོ་རྗེ་མ་སྔོན་མོ་དང་། དྲི་རྡོ་རྗེ་མ་དཀར་མོ་དང་། རོ་རྡོ་རྗེ་མ་དམར་མོ་དང་། རེག་རྡོ་རྗེ་མ་ལྗང་གུ་སྟེ། ཕྱག་བཞི་མ་ཕྱག་དང་པོ་ན་བསྣམས་པ་ནི་ཁ་ཊྭཱཾ་ག་དང་
[196a.5]ཐོད་པ་དང་། གཞན་རྣམས་རང་རང་གི་མཚན་མ་ཐོགས་པ། གཟུགས་དང་ལང་ཚོ་དང་། རྒྱན་ཕུན་སུམ་ཚོགས་པ་བུད་མེད་ཀྱི་ཉམས་དང་ལྡན་པས་མཆོད་པར་བྱའོ། །ཨོཾ་བཛྲ་པུཥཱེ་ཨཱཿཧཱུཾ་སྭཱ་ཧཱ། ཨོཾ་བཛྲ་དཱིཔེ་ཨཱཿཧཱུཾ་སྭཱ་ཧཱ། ཨོཾབཛྲ་དཱི་པེ་ཨཱཿ་ཧཱུཾ་སྭཱ་ཧཱ། ཨོཾ་བཛྲ་གནྔྷེ་ཨཱཿ་ཧཱུཾ་སྭཱ་ཧཱ། ཨོཾ་བཛྲ་
[196a.6]ནི་བི་དྱེ་ཨཱཿཧཱུཾ་སྭཱ་ཧཱ། ཨོཾ་སརྦ་བི་ཤིཥྚ་པྲ་ས་ར་པཱུ་ཛ་མེ་གྷ་ས་མུ་དྲ་ཨཱཿཧཱུཾ་སྭཱ་ཧཱ། དེ་ལས་འདོད་ཡོན་ལྔ་དང་། རིན་པོ་ཆེའི་གདུགས་དང་། རྒྱལ་མཚན་དང་། བ་དན་དང་། བླ་རེ་དང་། འཁོར་ལོས་སྒྱུར་བའི་རིན་པོ་ཆེ་དང་། རྡོ་རྗེའི་གླུ་དང་། སྒྲ་ལ་སོགས་པས་མཆོད་པའི་སྔགས་སོ། །
[196a.7]ཡང་སྙིང་གའི་ཧཱུཾ་ལས་ལྷ་མོ་བཅུ་གཉིས་སྤྲོས་ཏེ་བདུད་རྩི་ལྔས་མཆོད་པར་བྱའོ། །དེ་རྣམས་ལས་ཡུམ་བཞི་རྡོ་རྗེ་ཕག་མོ་ལ་སྤྲོས་ལ་ཐིམ་པས་བདེ་བའི་མཆོད་པ་བྱའོ། །དེ་ནས་སྔ་མ་ལྟར་དད་པས་སྤྱན་དྲངས་ཏེ་བྱང་ཆུབ་ཀྱི་སྙིང་པོའི་བར་དུ་དཀོན་མཆོག་གསུམ་ལ་སྐྱབས་སུ་འགྲོ་བར་བྱའོ། །དེ་ནས་
[196b]
[196b.1]གང་དག་སྡུག་བསྔལ་རྣམ་པ་སྣ་ཚོགས་ཀྱིས་སྡུག་བསྔལ་བ་རྣམས་ལ་དམིགས་ཏེ་སྙིང་རྗེ་ཆེན་པོས་དེ་དག་མྱ་ངན་ལས་འདའ་བའི་ཕྱིར་ཡང་དག་པར་རྫོགས་པའི་བྱང་ཆུབ་ཏུ་སྨོན་པའི་སེམས་བརྟན་པོར་བསྐྱེད་པར་བྱའོ། །དེ་ནས་སྡིག་པ་བཤགས་པ་དང་། རྗེས་སུ་ཡི་རང་བ་དང་དགེ་བའི་རྩ་བ་རྫོགས་པའི་
[196b.2]བྱང་ཆུབ་ཏུ་བསྔོ་བར་བྱའོ། །དེ་ནས་བཟོད་པར་གསོལ་ལ་གཤེགས་སུ་གསོལ་ལོ། །དེ་ནས་ཨོཾ་སྭ་བྷཱ་བཤུངྔྷཿསརྦྦ་ངྷརྨཱཿསྭ་བྷཱ་བ་ཤུངྔྷོ྅ཧཾ། ཞེས་ལན་གསུམ་དུ་བརྗོད་དེ། རང་གི་སེམས་བརྫུན་པའི་བག་ཆགས་ཀྱིས་བསྒོས་པ་ཁམས་གསུམ་པོ་འདི་དག་རྨི་ལམ་ལ་སོགས་པ་སྣང་བ་ཙམ་དུ་ཤེས་པར་
[196b.3]བྱའོ། །དེ་ལྟར་སྣང་བ་ཙམ་པོ་དེ་ཡང་སྙིང་གའི་འོད་ཀྱིས་བསྡུས་ལ་དཔལ་ཧེ་རུ་ཀ་ཡབ་ཡུམ་ལ་ཐིམ། དེ་ཡེ་ཤེས་སེམས་དཔའ་ལ། དེ་ཏིང་ངེ་འཛིན་སེམས་དཔའ་ལ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཤེས་ལན་གསུམ་བརྗོད་དོ། །དེ་ལྟར་ཨེའི་ཆ་བྱད་
[196b.4]བཟང་པོ་ལ། དབུས་སུ་བཾ་ཐབས་ཀྱིས་བརྒྱན་པའི་ཕྱིར་ཡིག་འབྲུ་ཙམ་ལས་འབྱུང་བ་བཞིའི་དཀྱིལ་འཁོར་དང་། རི་རབ་མཚན་པའི་ཡི་གེ་དང་བཅས་པ་བསམ་པར་བྱའོ། །དེའི་སྟེང་དུ་པཾ་ལས་སྣ་ཚོགས་པདྨ་དང་། རཾ་ལས་ཉི་མ་དང་། སྣ་ཚོགས་རྡོ་རྗེ་དང་། དེའི་སྟེང་དུ་ཉི་མའོ། དེའི་སྟེང་དུ།
[196b.5]ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿཟླ་བའི་དཀྱིལ་འཁོར་མེ་ལོང་ལྟ་བུའི་ཡེ་ཤེས་དང་། ཀ་ཁ་ག་གྷ་ང་། ཙ་ཚ་ཛ་ཛྙ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ཉི་མའི་དཀྱིལ་འཁོར་ཏེ་མཉམ་པ་ཉིད་ཀྱི་ཡེ་ཤེས་དང་། དེ་གཉིས་ཀྱི་
[196b.6]བར་དུ་ཧཱུཾ་འོད་ཀྱི་ཕྲེང་བ་འཕྲོ་བ་དེ་ལས་རྡོ་རྗེ་རྩེ་ལྔ་བ་དེའི་ལྟེ་བ་ལ་ཉི་མ་ལ་གནས་པའི་ཧཱུཾ་དང་བཅས་པ་སོ་སོར་ཀུན་དུ་རྟོག་པའི་ཡེ་ཤེས་སོ། །དེ་ལས་འོད་ཟེར་སྤྲོས་པས་ཁམས་གསུམ་པ་རྣམས་ཀྱི་སྒྲིབ་པ་སྦྱངས་ཏེ། ལྷ་སུམ་ཅུ་རྩ་བདུན་དུ་བྱས་ལ། སླར་རྡོ་རྗེ་ལ་ཐིམ་པས་བྱ་བ་སྒྲུབ་པའི་ཡེ་ཤེས་དང་།
[196b.7]ཐམས་ཅད་ཡོངས་སུ་གྱུར་པ་ཆོས་ཀྱི་དབྱིངས་དག་པ་ལས་བྱང་ཆུབ་པ་སྟེ། དཔལ་ཧེ་རུ་ཀ་རྟེན་དང་བརྟེན་པར་བཅས་པ་རྣམས་སྐུ་མདོག་དང་། རྒྱན་དང་། བཞུགས་ཚུལ་དང་། ཕྱག་མཚན་རྣམས་ལེགས་པར་བསམ་པར་བྱའོ། །དེ་ནས་དེ་རྣམས་བྱང་ཆུབ་ཀྱི་ཕྱོགས་ཀྱི་རང་བཞིན་དུ་བསམ་པར་
[197a]
[197a.1]བྱའོ། །དེ་ནས་ལུས་ཀྱི་དཀྱིལ་འཁོར་བསྒོམས་ཏེ། གསང་བའི་པདྨར་ཕག་མོ། སྤྱི་གཙུག་ལ་ཧེ་རུ་ཀའོ། །སྙིང་གར་མཁའ་འགྲོ་མ། མགྲིན་པར་ལཱམ། ལྟེ་བར་ཁཎྜརོཧ། དཔྲལ་བར་གཟུགས་ཅན་མ། མགོ་པོ་ལ་སོགས་པ་གནས་ཉི་ཤུ་རྩ་བཞིར་རབ་ཏུ་
[197a.2]གཏུམ་མོ་ལ་སོགས་པ་བསྒོམ་པར་བྱའོ །ཁ་ལ་ཁྭ་གདོང་མ། སཱ་གཡས་པར་འུག་པའི་གདོང་ཅན་མ། བཤང་ལམ་དུ་ཁྱི་གདོང་མ། སྣ་གཡོན་པར་ཕག་གདོང་མ། རྣ་བ་གཡོན་པར་གཤིན་རྗེ་བརྟན་མ། གཡས་པར་ཕོ་ཏ་མ། མིག་གཡས་པར་མཆེ་བ་མ། གཡོན་པར་འཇོམས་མ་
[197a.3]བསམ་པར་བྱའོ། །དེ་ནས་ཨོཾ་ཀར་ཀར་ལ་སོགས་པ་ལས་མཆོད་ཕྱིར་ཐོགས་བསམ་པར་བྱའོ། །དེ་ནས་ཁམས་ཉི་ཤུ་རྩ་བཞིའི་ཕྲ་རབ་རྣམས་དཔའ་བོ་ཉི་ཤུ་རྩ་བཞིར་བསམ་པར་བྱའོ། །དེ་ནས་ཨོཾ་ཧ་ལ་སོགས་པ་ལས་ཕྱག་རྒྱ་དྲུག་བསྐྱེད་པར་བྱའོ། །རྡོ་རྗེ་ཕག་མོའི་སྔགས་རིང་ལས་མགུལ་རྒྱན་
[197a.4]བསྐྱེད་པར་བྱའོ། །ཨོཾ་ཤྲཱི་བཛྲཧེ་ལ་སོགས་པས་ཐོད་པའི་ཕྲེང་བ་བསྐྱེད་པར་བྱའོ། །ཡི་གེ་བདུན་པས་རྣ་རྒྱན་དང་། ཡུམ་གྱི་སྙིང་པོས་གླང་པོའི་པགས་པ་དང་། དཔའ་མོའི་གོ་ཆའི་སྔགས་ཀྱིས་སྐ་རགས་དང་། མཁའ་འགྲོ་མ་རྣམས་སོ་སོའི་སྔགས་ཀྱིས་སོ་སོའི་ཕྱག་གི་ཐོད་པ་དང་།
[197a.5]ཡུམ་གྱི་ཉེ་བའི་སྙིང་པོས་ཐོད་པའི་དབུ་རྒྱན་དང་། དེ་ནས་སྐུ་གསུང་ཐུགས་བྱིན་གྱིས་བརླབ་པ་དང་། ཕུང་པོ་ལ་སོགས་པ་བྱིན་གྱིས་བརླབ་པ་དང་། གོ་ཆའི་སྔགས་ཀྱི་གོ་ཆ་དང་། སྙིང་གའི་འོད་ཀྱིས་ཡེ་ཤེས་སེམས་དཔའ་སྤྱན་དྲངས་ལ་མཆོད་དེ་བསྲེ་བ་དང་། ཨོཾ་ཡོ་ག་ཤུངྔྷཿས་གཉིས་
[197a.6]སུ་མེད་པའི་ང་རྒྱལ་བྱའོ། །དེ་ནས་ཡང་སུམ་ཅུ་རྩ་བདུན་སྤྱན་དྲངས་ལ་མཆོད་དེ། དེ་ནས་ལྷ་དེ་དག་གིས་ཀྱང་བཀའ་བསྒོ་རྣམས་ཀྱིས་བགེགས་བསྐྲད། དཔའ་མོ་རྣམས་ཀྱིས་གླུ་ལེན། དབང་བསྐུར་རོལ་མོའི་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། །དགྱེས་ཆེན་སྩོལ་བའི་བདེ་ཆེན་པོ། །གསོལ་
[197a.7]མཛད་བདེ་བ་ཆེན་པོ་སྟེ། །ཨ་ལ་ལ་ཧོ། །མཆོག་ཏུ་གྱུར་པ་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། ཨ་ལ་ལ་ཧོ། །ཞེས་པའི་གླུ་དང་། དཔའ་བོ་རྣམས་ཀྱིས་བཀྲ་ཤིས་བརྗོད་པ་དང་། ཡུམ་བཞི་ཕག་མོ་དང་ལྔས་ནམ་མཁའ་ནས་ཡེ་ཤེས་ཀྱི་བདུད་རྩིས་གང་བའི་བུམ་པ་བླངས་ནས། །
[197b]
[197b.1]ལག་པས་དབང་བསྐུར་པར་བསམ་མོ། །དེ་ནས་ཡུམ་བཞི་ཕག་མོ་ལ་ཐིམ་སྟེ། དཔལ་ཧེ་རུ་ཀ་དང་སྙོམས་པར་ཞུགས་པའི་བྱང་ཆུབ་ཀྱི་སེམས་ཀྱིས་གསང་བའི་དབང་བསྐུར་བར་བྱའོ། །དེ་ནས་ཧེ་རུ་ཀས་ཕག་མོ་མུ་དྲར་གནང་སྟེ་སྙོམས་པར་ཞུགས་པས་རླུང་ཐིམ། དེ་ལ་བརྟེན་ནས་ལྷན་ཅིག་སྐྱེས་
[197b.2]པ་མྱོང་བར་བསམ་མོ། །དེ་ནས་དཔལ་ཧེ་རུ་ཀས་རིགས་ཀྱི་བུ་ཁྱེད་ཀྱིས་མུ་དྲ་དང་གཉིས་སྤྲོད་པ་ལ་བརྟེན་ནས་མྱོང་བ་སྣང་བ་ཐོབ་པའི་ཤེས་རབ་དེ་འོད་གསལ་བར་སྒོམས་ཤིག །དེ་ནི་རྣམ་པར་ཤེས་པ་གསུམ་རྣམ་པར་དག་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་ལུས་དང་ངག་དང་སེམས་མེད་
[197b.3]པ་ལས་དང་། སྐྱེ་བ་ལས་གྲོལ་བ། ཟླ་བ་དང་། ཉི་མ་དང་། མེ་དང་། ནོར་རུ་ལྟར་ཤིན་ཏུ་གསལ་བ་རྟག་ཏུ་སྣང་བའི་མཚན་ཉིད་ཅན་དོན་དམ་པའི་བདེན་པ་དེ་ནི་མཐོང་བ་གཞན་གྱི་ཡུལ་ལས་འདས་པ་སྟེ། ཤེས་རབ་དང་ཡེ་ཤེས་ཀྱི་མིག་གིས་ལྟོས་ཤིག །དེ་ལྟར་གང་གི་ཡང་རང་བཞིན་དུ་མ་
[197b.4]མཐོང་བ་དེ་འོད་གསལ་བ་མཐོང་བ་ཡིན་ནོ། །དེ་ལྟར་འོད་གསལ་བ་དེའི་དོན་རྒྱུ་འབྲས་གང་ཡང་མེད་མོད་ཀྱི། འོན་ཀྱང་ཀུན་རྫོབ་ཏུ་རླུང་དང་སེམས་ཙམ་ལས་ལྷ་སུམ་ཅུ་རྩ་བདུན་མེ་ལོང་གི་གཟུགས་བརྙན་ལྟར་གསལ་ལ་རྫོགས་པ། འཇའ་ཚོན་ལྟར་ཁ་དོག་དང་བཅས་པ། ཆུ་ཟླ་ལྟར་སྒྲོ་སྐུར་དང་བྲལ་བར་
[197b.5]ལྟོས་ཤིག །དེ་ནི་རྒྱུ་རྐྱེན་ལ་ལྟོས་ནས་སྐྱེས་པས་ཀུན་རྫོབ་བོ། །དེ་ལྟར་བདེན་པ་གཉིས་མི་བྱེད་པ་ཟུང་དུ་འཇུག་པ་ནི་བྱང་ཆུབ་ཀྱི་སེམས་ཆེན་པོ་སྟེ་བཞི་བའོ། །དེ་ནས་དབང་བསྐུར་བའི་ལྷ་རྣམས་བདག་ལ་ཞུགས་པར་བསམས་ལ་སོ་སོར་རྒྱས་གདབ་སྟེ། སྔ་མ་ལྟར་མཆོད་བྱ་མཆོད་བྱེད་མཆོད་པ་
[197b.6]རྣམས་སྐྱེ་མེད་དུ་ཤེས་པར་བྱས་ལ་མཆོད་པར་བྱའོ། །དེ་ནས་བདུད་རྩི་མྱང་སྟེ། ཡཾ་རཾ་ལས་མེ་རླུང་ཨ་ལས་ཐོད་པ་དེའི་ནང་དུ། གོ་ཀུད་ཧ་ན་རྣམས་ལས་ཤ་ལྔ་དང་། བི་མུ་ཤུམ་ར་རྣམས་ལས་བདུད་རྩི་ལྔའོ། །དེ་རྣམས་ཀྱི་སྟེང་དུ་ཧཱུཾ་ཨོཾ་ཏྲཱཾ་ཧྲཱི་ཨ་སྟེ་རིགས་ལྔའོ། །ཨ་ལས་བྱུང་བའི་ཟླ་བའི་དཀྱིལ་
[197b.7]འཁོར་གྱིས་ཁ་དགབ་པར་བྱའོ། །དེའི་སྟེང་དུ་ཨོཾ་ཨཱཿ་ཧཱུཾ་གསུམ་སྟེ་རིགས་གསུམ་མོ། །དེའི་སྟེང་དུ་ཟླ་བ་ལ་གནས་པའི་རྡོ་རྗེ་རྩེ་དགུ་པ་ཧཱུཾ་འོད་ཀྱི་ཕྲེང་བ་ཅན་གྱིས་མཚན་པ་ནི་གསང་བ་ཆེན་པོ་དྲུག་པའོ། །དེ་ནས་ཡི་གེ་བཞི་ལས་འོད་འཕྲོས་པས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་
[198a]
[198a.1]ཡེ་ཤེས་ཀྱི་བདུད་རྩི་བཀུག་པ་སོ་སོ་ལ་ཐིམ་པར་བསམ་མོ། །དེ་ནས་རླུང་མེས་བསྐོལ་རྡོ་རྗེས་དཀྲུགས་པས་ཤ་ལ་སོགས་པ་དང་ཟླ་བ་དང་ཡི་གེ་དང་རྡོ་རྗེ་རྣམས་བཞུ་སྟེ་ཧཱུཾ་གིས་སྦྱངས། ཨཱཿས་དག་པར་བྱས། ཨོཾ་གྱིས་སྤེལ་ཏེ་བཏུང་བར་བྱའོ། །ཨོཾ་ཨ་མྲྀ་ཏ་སྭ་ད་ན་སྭ་བྷཱ་བ་
[198a.2]ཨཱཏྨ་ཀོ྅ཧཾ། ཞེས་ང་རྒྱལ་བསྐྱེད་པར་བྱའོ། །དེ་ནས་སྔ་མ་ལྟར་རྡོ་རྗེ་དང་པདྨ་བྱིན་གྱིས་བརླབ་པ་དང་། འཁོར་ལོ་བཞི་དང་གཉིས་ལ་ཡི་གེ་ལི་འཁོར་ལོ་བཀོད་དེ་དགའ་བ་བཞི་མྱོང་བར་བསམས་ལ་ང་རྒྱལ་བསྐྱེད་པར་བྱ་སྟེ། ཨོཾ་བཛྲ་ཀཱ་མི་ནི་སརྦྦ་བཛྲ་བྷཀྵ་ཤོ་ངྷ་ཡ་གུ་ཧྱཾབཛྲིཎཻ་ཧཱུཾ། ཞེས་བརྗོད་དོ། །དེ་ནས་སྒྱུ་
[198a.3]མ་ལྟ་བུའི་ལྷ་སུམ་ཅུ་རྩ་བདུན་ལ་དམིགས་ཏེ། ཐབས་དང་ཤེས་རབ་གཉིས་སུ་མེད་པར་དཔྱད་ཅིང་བསྒོམ་པར་བྱའོ། །དེ་ཡང་དཔལ་རྡོ་རྗེ་མཁའ་འགྲོ་ལས། ཤེས་རབ་ཐབས་ནི་མ་རྟོགས་པར། །གང་ཚེ་སེམས་གཞན་མི་གཡོ་ན། །དེ་ཚེ་བྱང་ཆུབ་ཆེན་པོ་ནི། །ངེས་པར་སྟེར་བ་ཉིད་དུ་བཤད། །ཅེས་
[198a.4]གསུངས་པས། །ཤེས་རབ་ཀྱི་མིག་གིས་ཇི་ལྟར་མཐོང་བ་དེ་ཐབས་དྲན་པ་ལ་སོགས་པས་དབང་དུ་བྱས་ལ་བསྒོམ་པར་བྱའོ། །གང་གི་ཚེ་དབང་པོ་ལྔས་དབང་བྱས་པས་སེམས་གཞན་ཏེ། འཇིག་རྟེན་པའི་སེམས་རྣམས་སུ་མི་གཡོ་ན་དེའི་ཚེ། རྒྱུ་འབྲས་ཕྱིན་ཅི་མ་ལོག་པས། །བྱང་ཆུབ་ཆེན་པོ་
[198a.5]ངེས་པར་འཐོབ། །ཅེས་བྱའོ། །བརྩོན་འགྲུས་དང་ཏིང་ངེ་འཛིན་བསྟན་པ་ནི། རྣམ་པར་མི་རྟོག་རྗེས་འཇུག་ལ། །རྣལ་འབྱོར་པ་ནི་མངོན་བརྩོན་ལ། །དེ་ནི་ཐམས་ཅད་འབྱུང་བ་ཡི། །ཤེས་རབ་ཕ་རོལ་ཕྱིན་པ་ཡིན། །ཞེས་བྱ་སྟེ་མི་རྟོག་པ་ནི་ཏིང་ངེ་འཛིན་ནོ། །རྗེས་སུ་འཇུག་པ་ནི་དྲན་པ་དང་
[198a.6]དད་པའོ། །མངོན་བརྩོན་ནི་བརྩོན་འགྲུས་ཏེ། ངེས་པའི་བྱ་བ་ལས་བརྩོན་པའོ། །དེ་ལྟར་ཤེས་རབ་ཀྱི་མིག་གིས་མཐོང་བའི་ཡུལ་དེ་དྲན་པ་ལ་སོགས་པས་དབང་དུ་བྱས་ནས་བསྒོམས་ན་འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་ཐམས་ཅད་འབྱུང་བའི་ཤེས་རབ་ཀྱི་ཕ་རོལ་ཏུ་ཕྱིན་པའི་ལམ་
[198a.7]མོ། །ཤེས་རབ་ཀྱི་མིག་གིས་གང་བལྟ་ཞེ་ན། གང་ཚེ་འདུས་བྱས་ཚུལ་རྣམས་ནི། །རྣམ་པར་མི་རྟོག་སེམས་ཀྱིས་སུ། །མེ་ལོང་ལྟ་བུར་རབ་ཤེས་པ། །དེ་ནི་ཤེས་རབ་བརྟེན་པ་ཡིན། །ཞེས་པ་དང་། ཇི་ལྟར་བལྟ་ཞེ་ན། མེ་ལོང་ནང་གི་གཟུགས་བརྙན་དང་། །རྨི་ལམ་མིག་འཕྲུལ་དྲི་ཟའི་གྲོང་། །
[198b]
[198b.1]མིག་འཕྲུལ་མཚུངས་པར་གང་གིས་མཐོང་། །དེ་ནི་གཙོ་བོ་ཡིན་པར་བརྗོད། །ཅེའོ། །འདིར་འདུས་བྱས་ཀྱི་ཚུལ་ནི་གཉིས་ཏེ། ཀུན་ནས་ཉོན་མོངས་པ་དང་རྣམ་པར་བྱང་བ་ལ་གཞག་པའོ། །དེ་གཉིས་ཀ་ཡང་གཟུགས་བརྙན་ལ་སོགས་པ་དཔེ་བརྒྱད་ཀྱིས་གཏན་ལ་ཕབ་པ་བསྒོམ་པའོ། །ཡང་
[198b.2]དོན་དེ་བསྟན་པ་ནི། རྣམ་པར་མི་རྟོག་སེམས་ཀྱིས་ནི། །ཤེས་རབ་དང་ནི་མཚུངས་གཟུགས་ལ། དོགས་པ་མེད་པའི་ཀུན་སྤྱོད་ལ། །དེ་ནི་དཀའ་ཐུབ་བདག་ཆེན་ཡིན། །ཞེས་བྱ་སྟེ། འདིར་མི་རྟོག་པའི་སེམས་ཀྱིས་འཇིགས་པ་མེད་པར་རྟེན་དང་བརྟེན་པ་ཐམས་ཅད་སྐྱེ་མེད་དུ་ཤེས་པ་ནི་
[198b.3]དཀའ་ཐུབ་ཆེན་པོ་ཞེས་བྱའོ། །དེ་ལྟར་སྤྱོད་ཅིང་ཡང་དང་ཡང་དུ་གུས་པ་དང་། རྒྱུན་མི་འཆད་པ་ལ་སོགས་པའི་ཚུལ་གྱིས་རྒྱུན་མ་ཆད་པར་བསྒོམ་པར་བྱའོ། །དེས་ཀྱང་སྐྱོན་སེམས་དབུགས་དབྱུང་བའི་ཕྱིར་བཟླས་པ་བྱ་སྟེ། ཨོཾ་ཤྲཱི་བཛྲ་ཞེས་བྱ་བ་ལ་སོགས་ཏེ། འདིར་སྙིང་སྐུལ་བར་བྱེད་
[198b.4]པས་སྙིང་པོ་སྟེ། སྙིང་རྗེ་མ་ཤེས་རབ་དང་ཐབས་ཤེས་རབ་དབྱེར་མེད་པའི་བྱང་ཆུབ་ཀྱི་སེམས་སོ། །དེ་ལ་སེམས་སྐུལ་པར་བྱེད་པས་སྙིང་པོ་དང་། སེམས་ཉེ་བར་བསྐུལ་བས་ཉེ་བའི་སྙིང་བོའོ། །དེ་ཉིད་ཀྱིས་འཇིག་རྟེན་པའི་སེམས་ལས་སྐྱོབ་པས་གསང་སྔགས་ཞེས་བྱའོ། །དེ་ལྟར་ཡང་དང་ཡང་
[198b.5]དུ་བསྐུལ་བས་ཤེས་རབ་ཁྱད་པར་ཅན་སྐྱེ་བས་རིག་སྔགས་སོ། །བྱང་ཆུབ་ཀྱི་སེམས་མི་བརྗེད་པའི་དྲན་པ་སྐྱེད་པས་གཟུངས་སྔགས་ཞེས་བྱའོ། །དེ་ལྟར་སྔགས་འགྲུབ་བའི་རྒྱུ་དང་མི་འགྲུབ་པའི་རྒྱུ་གཉིས་སུ་སློབ་དཔོན་དགྲ་ལས་རྣམ་རྒྱལ་གྱིས་བཤད་དེ། ལེ་ལོའི་ཉེས་པ་ཕན་མིན་གདམས་ངག་དང་། །སྤྲོ་བ་
[198b.6]ཉམས་དང་ཡུལ་ལ་ཆགས་པ་དང་། །དད་པ་དང་བྲལ་དགེ་བའི་རྩ་བ་ཉམས། །དེ་དག་ཐུབ་བའི་བཀའ་ནི་འགྲུབ་མི་འགྱུར། །ཞེས་སོ། །འདིར་སྨད་པ་དང་སྙོམ་ལས་ཀྱིས་བྱང་ཆུབ་སེམས་ཀྱི་དྲན་པ་ཤོར་བ་དང་། འདི་འབྲས་བུ་ལ་དམིགས་པས་ཕྱི་མ་ལ་ཕན་པའི་མཚན་ཉིད་དང་མི་ལྡན་པ་དང་། ཡུལ་བྱང་
[198b.7]ཆུབ་ཀྱི་སེམས་ལ་སྤྲོ་བ་མེད་པ་དང་། འཇིག་རྟེན་པའི་ཆོས་ལ་སེམས་ཤོར་ཏེ་ཆགས་པ་དང་། བྱང་ཆུབ་ཀྱི་སེམས་ལ་འདོད་པ་དང་། དང་བ་དང་། ཡིད་ཆེས་པ་མེད་པ་དང་། དམ་ཚིག་དང་། སྡོམ་པ་ཉམས་པ་རྣམས་སོ། །བཟློག་པས་ལེ་ལོ་མེད་པར་བྱང་ཆུབ་ཀྱི་སེམས་མ་བརྗེད་པ་དང་། ཕྱི་མའི་
[199a]
[199a.1]འབྲས་བུ་ལ་དམིགས་པ་དང་། སྤྲོ་བ་དང་བཅས་པ་དང་། ཡུལ་ལ་སེམས་མ་ཤོར་བ་དང་། བྱང་ཆུབ་ཀྱི་སེམས་ལ་དད་པ་དང་། སྡོམ་པ་ལ་སོགས་པ་དང་ལྡན་པའོ། །དེ་ལྟར་འགྲུབ་པའི་རྒྱུ་དང་ལྡན་པས་ཇི་སྲིད་མི་སྐྱོ་བ་དེ་སྲིད་དུ་བཟླས་པར་བྱའོ། །དྲན་པའི་རྟེན་བཟླས་པའི་ཐབས་
[199a.2]དུ་མ་ནི་བློ་དམན་པ་རྣམས་ལ་ཕན་པ་སྟེ་གོ་སླའོ། །དེས་ཀྱང་སྐྱོན། རྐང་པ་བརྒྱད་པའི་སྔགས་ཀྱིས་མཆོད། །ཅེས་བྱ་སྟེ། སྒྱུ་མ་ལྟ་བུའི་བློ་དང་མ་བྲལ་བར་མཆོད་པ་དང་། གླུ་དང་བསྟོད་པ་ལ་སོགས་པ་བྱ་སྟེ། དགེ་བའི་རྩ་བ་རྫོགས་བའི་བྱང་ཆུབ་ཏུ་བསྔོ་བ་བྱས་ལ་གཞལ་ཡས་ཁང་ཚུན་
[199a.3]ཆད་རིམ་གྱིས་བསྡུས་ལ་ཐ་མ་ཞལ་གཅིག་ཕྱག་གཉིས་པ་ཡུམ་དང་བཅས་པར་ལངས་པ་སྟེ། དེའི་ཕྱིར། དེ་ལྟར་བདག་ཉིད་རྣམ་བསམས་ཏེ། །ཞེས་བྱའོ། །དེ་ལ་ཅི་བྱ་ཞེ་ན། ཚམ་དམ་སྔགས་ཀྱིས་ངེས་པར་བསྲུང་། །ཞེས་བྱ་སྟེ། གོ་ཆའི་སྔགས་དང་ཧཱུཾ་བཞི་པོས་བསྲུང་བར་བྱའོ། །དེ་ཡང་
[199a.4]ལེའུ་དགུ་པ་ལས། བསྡུས་ལ་སྤྱོད་ཚུལ་ཁྱད་པར་གྱིས། །རྣལ་འབྱོར་སྦྱོར་དང་བྲལ་མི་བྱ། །སྤྱོད་པའི་རྣལ་འབྱོར་པ་འདི་ཡིན། །ཞེས་གསུངས་པའི་ཕྱིར་རོ། །ད་ནི་སྤྱོད་ལམ་གྱི་རྣལ་འབྱོར་བསྟན་པའི་ཕྱིར། ཚངས་པར་སྤྱོད་པ་རྟག་གྱུར་ན། །ཞེས་བྱ་བ་ལ། ཚངས་པར་སྤྱོད་པ་ནི་བྱང་ཆུབ་
[199a.5]ཀྱི་སེམས་སོ། །རྟག་པ་ནི་དེ་ལ་བློ་བརྟན་པར་གྱུར་པའོ། །དེའི་སྤྱོད་པ་ནི་གཉིས་ཏེ། སྔགས་ཀྱི་སྤྱོད་པ་ལམ་དང་མཐུན་པ་དང་། ཀུན་དུ་སྤྱོད་པ་ཐོབ་པ་དང་མཐུན་པའོ། །དང་པོ་ནི་རྟེན་གཉིས་ཀས་ཀྱང་ཐེག་པ་ཆེན་པོས་ལས་བྱ་བ་དང་བྱ་བ་མ་ཡིན་པ་གནང་བ་དང་བཀག་པ་ཇི་ལྟར་བྱ་བ་དང་མཐུན་པར་
[199a.6]སྤྱོད་པའོ། །ཇི་ལྟར་སྤྱད་པ་བསྟན་པའི་ཕྱིར། །འཇིགས་པ་ཐམས་ཅད་རྣམ་སྤངས་ཏེ། ཞེས་བྱ་བ་ལ་སོགས་ལ། འཇིགས་པ་ནི་རུང་བ་དང་མི་རུང་བ་ལ་སོགས་པའི་བློ་སྤངས་པའོ། །འོ་ན་ཡེ་མི་སྤྱད་དམ་ཞེ་ན། བློ་ལྡན་སེང་གེ་བཞིན་དུ་བྱ་བར་འབྲེལ་ཏེ་སེང་གེ་དེ་རྩལ་དང་ལྡན་པ་དང་། བག་
[199a.7]ཚ་བ་མེད་པ་དང་། གཞན་སྐྲག་པར་བྱེད་པའི་ཆོས་དང་ལྡན་པ་སྟེ། དེ་བཞིན་དུ་རྣལ་འབྱོར་པས་ཀྱང་བཟོད་པའི་གོ་ཆ་དང་། ཤེས་རབ་ཀྱི་མཚོན་དང་བརྩོན་འགྲུས་ཀྱི་དཔའ་དང་ལྡན་པས་སྤྱད་དོ། །དེའི་ཕྱིར། དེ་ལྟར་བདག་ཉིད་རྣམ་བསམས་ཏེ། །འཁོར་ལོ་བདེ་མཆོག་བདེ་བའི་མཆོག །བློ་ལྡན་ཆོ་ག་
[199b]
[199b.1]རྣམ་པར་སྤྱོད། །ཅེས་བྱ་སྟེ། ཆོས་གསུམ་དང་ལྡན་པས་སྤྱོད་པའི། །རིགས་ལྔ་དག་ཏུ་ཀུན་སྤྱོད་པ། །ཞེས་བྱ་བ་ནི་ཐ་མལ་པ་དང་ཕ་རོལ་དུ་ཕྱིན་པའི་ལམ་དུ་ཞུགས་པའི་རྣལ་འབྱོར་པ་རྣམས་ནི་རིགས་ཐ་དད་དུ་འཛིན་པ་ལས་མ་ལོག་པར་སྤྱོད་པ་ཡིན་ལ། རྡོ་རྗེ་ཐེག་པའི་རྣལ་འབྱོར་པ་ནི་རིགས་ཐ་
[199b.2]དད་ལས་བློ་བཟློག་སྟེ། གསང་ཆེན་རིགས་གཅིག་ཏུ་ཤེས་པའོ། །དེའི་ཕྱིར་འདོད་ཡོན་ལ་སྤྱད་དུ་ཡང་གནང་ངོ་། །ཇི་ལྟར་སྤྱད་ཅེ་ན། རྣམ་པར་མི་རྟོག་བདག་ཉིད་སེམས། །ཞེས་བྱ་སྟེ། འཇིགས་པ་མེད་དེ་མི་རྟོག་པའི་སེམས་ཀྱིས་སོ། །གང་ལ་ཞེ་ན་འདོད་ཡོན་ལའོ། །ཇི་ལྟར་སྤྱད་པའི་དོན་
[199b.3]འདི་ཉིད་རྡོ་རྗེ་མཁའ་འགྲོ་ལས། ལས་རྣམས་ཀུན་ལ་ཐབས་བཅས་ཤིང་། །དོགས་པ་མེད་པར་གང་སྤྱོད་པ། །རྣམ་པར་མི་རྟོག་བསྒོམ་པ་ནི། །བརྟུལ་ཞུགས་རྣམས་ཀྱི་མཆོག་གི་མཆོག །ལས་རྣམས་ཀུན་ལ་ཀུན་དུ་ནི། རྣམ་པར་མི་རྟོག་སྒོམ་བྱེད་ཅིང་། །དོགས་པ་མེད་པར་ཀུན་དུ་སྐྱོད། །དེ་ནི་
[199b.4]དཀའ་ཐུབ་རྣམས་ཀྱི་མཆོག །ཐེ་ཚོམ་མེད་པའི་སེམས་ཀྱིས་ནི། །སྐྲ་ཟླ་ལ་སོགས་རྗེས་དངོས་ཀྱི། །ཡུལ་རྣམས་མ་ལུས་རྟེན་བྱེད་པ། །དཀའ་ཐུབ་ཤིན་ཏུ་འདའ་དཀའོ། །ཞེས་གསུངས་པས། དེ་ལ་འདིར་ལས་རྣམས་ནི་ཞི་བ་ལ་སོགས་པ་དང་། ཕྱག་དང་མཆོད་པ་ལ་སོགས་པ་རྣམས་སྐྱེ་མེད་
[199b.5]དུ་ཤེས་པའི་ཚུལ་གྱིས་སྤྱད་པའོ། །དཔེར་ན་མེའི་མཚན་ཉིད་དུ་སྐྱེས་ཕན་ཆད་མཚན་ཉིད་ཚ་ཞིང་བྱེད་པར་བསྲེག །ཁ་དོག་དམར། དེ་བཞིན་དུ་ཕྱི་ནང་གི་དངོས་པོ་ལ་བརྟེན་ནས་ཤེས་རབ་སྐྱེས་ཕན་ཆད་མཚན་ཉིད་སྐྱེ་མེད་བྱེད་པ་ཉོན་མོངས་པ་མི་སྐྱེ་བ་དང་དེ་ཁོ་ན་གསལ་བའོ། །དེའི་
[199b.6]ཕྱིར་དོགས་པ་ཐམས་ཅད་ཅེས་བྱ་བ་གོ་བར་ཟད་དོ། །དེ་ནས་ཡང་ཐུན་མཚམས་སུ་སྔ་མ་ལྟར་མི་རྟག་པ་ནས་བྱང་ཆུབ་ཀྱི་སེམས་ཀྱི་བར་དང་། རྟེན་དང་བརྟེན་པ་སྐད་ཅིག་གིས་བསམས་ལ་དབང་དང་། མཆོད་པ་དང་། བདུད་རྩི་མྱང་བ་དང་། དགའ་བ་བརྩམ་པ་བྱས་ལ་སྔ་མ་ལྟར་བསྒོམ་པར་
[199b.7]བྱའོ། །ཐུན་ཐ་མ་ལ་བསྡུ་བའི་ཐབས་ཀྱིས་འོད་གསལ་དུ་མོས་པས་ཉལ་ལ་ནང་བར་དེ་ལས་ལངས་ཏེ་སྔ་མ་ལྟར་བསྒོམ། དེ་ནི་ཀུན་རྫོབ་དང་འདུས་བྱས་དང་། སྒྱུ་མ་དང་བསྐྱེད་པའི་རིམ་པ་སྟེ། དམིགས་པ་དང་བཅས་པའི་ཤེས་རབ་དང་དེ་བཞིན་གཤེགས་པའི་དབུགས་དབྱུང་བསྟན་པའོ། །
[200a]
[200a.1]ད་ནི་དམིགས་པ་མེད་པའི་ཤེས་རབ་ཀྱིས་ཡུལ་རྫོགས་པའི་རིམ་པ་བསྟན་པའི་ཕྱིར། ཟླ་བའི་ཞེས་བྱ་བ་ལ་སོགས་པ་ལ། འདིར་ཕོ་ཉའི་ལམ་ནི་བླ་མ་ལས་ཤེས་པར་བྱའོ། །དེ་ལས་གཞན་པའི་དབང་དུ་བྱས་ནས། ཏིང་ངེ་འཛིན་སེམས་དཔའི་འོད་ཀྱིས་སྣོད་བཅུད་
[200a.2]བསྡུས་ཏེ་ཚུར་འདུས་པས་སྲུང་བའི་འཁོར་ལོ་ལ་སོགས་པ་གཙོ་བོ་ལ་ཐིམ། གཙོ་བོ་ཡབ་ཡུམ་ཡེ་ཤེས་སེམས་དཔའ་ལ་ཐིམ་ནས་དེའི་མཚན་ཉིད་བསྟན་པའི་ཕྱིར། ཟླ་བའི་དཀྱིལ་འཁོར་ཞེས་བྱ་བ་ལ་དེ་ཡང་ཟླ་བའི་དཀྱིལ་འཁོར་ལ་བཞུགས་པའོ། །ཡི་གེའི་མཆོག་ནི་ཏིང་ངེ་འཛིན་སེམས་
[200a.3]དཔའོ། །དེ་ལྟ་བུའི་སྐུ་གསུང་ཐུགས་རྡོ་རྗེ་ཅན་ཏེ་ཡེ་ཤེས་སེམས་དཔའོ། །དེ་ཡང་ཡུམ་ཡབ་ལ་ཐིམ། ཡབ་ཡི་གེ་ལ་ཐིམ། ཡི་གེ་ཡང་རིམ་གྱིས་ཐིམ་པར་བསམ་ཞིང་སེམས་གཏད་པར་བྱའོ། །དེ་ནི་གཟུགས་ལས་འདས་པ་ནི་སེམས་སྣང་བ་གསུམ་རིམ་གྱིས་ཐིམ་པར་བསམ་མོ། དེའི་མཚན་
[200a.4]ཉིད་བསྟན་པའི་ཕྱིར། དངོས་པོ་མེད་པའི་སེམས་ཉིད་ཡིན། །ཞེས་བྱའོ། །དེ་ཡང་བསམ་གྱིས་མི་ཁྱབ་བསམ་ནི་འོད་གསལ་དུ་བསྒོམ་པའོ། །སེམས་ཉིད་བརྟག་པར་མི་བྱའོ་ཞེས་བྱ་བ་ནི། དེ་ལ་སེམས་གཞག་ཐབས་དང་དཔེ་དང་ཉམས་བསྟན་པའོ། །དེ་ལ་མན་ངག་ནི་འདི་ཡིན་ཏེ། རྒྱུ་ཀུན་
[200a.5]རྫོབ་འབྲས་བུའི་དོན་དམ་པ་ལ་གཞུག་པའི་ཕྱིར་ཏིང་ངེ་འཛིན་སེམས་དཔའ་ལས་འོད་ཟེར་ལྔ་སྤྲོས་པས་འདུས་བྱས་ཀྱི་དངོས་པོ་ཐམས་ཅད་འོད་ལྔར་བཞུ་སྟེ། དེ་ཡང་འདུས་པ་ལས། སྲུང་པའི་འཁོར་ལོ་ལ་ཐིམ། དེ་གཞལ་ཡས་ཁང་ལ་ཐིམ། དེ་བཀའ་བསྒོ་བརྒྱད་ལ་ཐིམ། དེ་ནས་སྐུ་
[200a.6]གསུང་ཐུགས་ལ་རིམ་གྱིས་ཐིམ་པ། མཁའ་འགྲོ་མ་བཞི་ལ་ཐིམ་པར་བསམ། དེ་གཙོ་བོའི་ཞལ་བཞི་ལ་ཐིམ། གཙོ་བོ་ཡབ་ཡུབ་ཡེ་ཤེས་སེམས་དཔའ་ལ་ཐིམ། དེ་ཏིང་ངེ་འཛིན་སེམས་དཔའ་ལ་ཐིམ། དེ་ཡང་རིམ་གྱིས་ཇེ་ཕྲ་ཇེ་ཕྲར་བསམས་ཏེ། སེམས་བསྒྲིམས་ལ་ཕྲ་བར་གཏད་དེ་བསྒོམ་པར་བྱའོ། །
[200a.7]སེམས་དེ་ཡང་འོད་གསལ་བ་རྣམ་པར་ཤེས་པ་གསུམ་དང་བྲལ་བ་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ལུས་དང་། ངག་དང་སེམས་མེད་པ། ལས་དང་སྐྱེ་བ་ལས་གྲོལ་བ། ཟླ་བ་དང་ཉི་མ་དང་། མེ་དང་ནོར་བུའི་འོད་ལྟར་ཤིན་ཏུ་གསལ་བ། རྟག་ཏུ་གསལ་བའི་མཚན་ཉིད་ཅན། དེ་ལ་གཞག་ཐབས་
[200b]
[200b.1]ལྔ་དང་དཔེ་དང་ཉམས་དང་ལྡན་པར་བསྒོམ་པར་བྱ་སྟེ་ཞིབ་ཏུ་བླ་མ་ལས་ཤེས་པར་བྱའོ། །དེ་ནས་དོན་དམ་པ་དང་འདུས་མ་བྱས་དང་། རྫོགས་པའི་རིམ་པ་དང་། རྡོ་རྗེ་འཆང་གི་དབུགས་དབྱུང་དང་། དམིགས་པ་མེད་པའི་ཤེས་རབ་ཀྱི་ཡུལ་བསྟན་པའོ། །ད་ནི་གཉིས་སུ་མེད་པའི་ཕྱག་རྒྱ་
[200b.2]ཆེན་པོ་ཟུང་འཇུག་བསྟན་པའི་ཕྱིར། བསམ་གྱིས་མི་ཁྱབ་དེ་བསམས་ནས། །ཞེས་བྱ་བ་ལ་སོགས་པ་ལ་བསམ་གྱིས་མི་ཁྱབ་པ་ནི་འོད་གསལ་ལོ། །འོད་གསལ་བའི་ངང་ལས་སྔར་གྱི་སྒྱུ་མ་ལྟ་བུའི་ལྷའི་དྲན་པ་ཐོབ་པ་ལ་གཟུངས་ཞེས་བྱའོ། །གཟུངས་ཐོབ་པ་ནི་སྒྱུ་མ་ལྟ་བུའི་སྐུར་
[200b.3]ལངས་པའོ། །ཁ་ཊྭཱཾ་ག་ནི་ལྷ་ཡི་སྐུ། །ཞེས་བྱ་བ་ལ་སོགས་པ་ནི་སྤྱོད་པའི་མན་ངག་བསྟན་པ་སྟེ་རྒྱུད་དུ་ཤེས་པར་བྱའོ། །དེ་ཉིད་རྒྱས་པར་བསྟན་པ་ནི། མྱ་ངན་འདས་བྱུང་དཔའ་བོ་རྣམས། །ཞེས་བྱ་བ་ལ་སོགས་པ་ལ་མྱ་ངན་ལས་འདས་པ་ནི་འོད་གསལ་ལོ། །དེ་ལས་བྱུང་བའི་དཔའ་པོ་ནི་ཉི་ཤུ་རྩ་
[200b.4]ལྔའོ། །ཡན་ལག་ནི་དྲུག་ཅུ་སྟེ་ཐབས་ཤེས་རབ་ཀྱི་ལྷ་དྲུག་ཅུ་རྩ་གཉིས་སོ། །དེ་གང་ལ་བརྟེན་ནས་ཤེ་ན་སེམས་གསུམ་རླུང་དང་བཅས་པ་ལས་སྤྲུལ་བའོ། །དེ་ཡང་དོན་དམ་པའི་བདེན་པའི་སྤྲུལ་པ་ཕག་མོའི་གཟུགས་སུ་བསྟན་ལ། ཀུན་རྫོབ་ཀྱི་བདེན་པ་སྤྲུལ་པ་གཙོ་བོ་ལ་སོགས་པའོ། །
[200b.5]དེ་གཉིས་མེད་དུ་བསྟན་པའི་ཕྱིར། ཤྲཱི་ནི་གཉིས་མེད་ཡེ་ཤེས་ཏེ། །ཞེས་བྱ་བ་ལ་སོགས་པ་ལ། གཉིས་མེད་ཡེ་ཤེས་ནི་ཟུང་འཇུག་གོ །རྒྱུ་སོགས་ནི་བདག་དང་གཞན་དང་གཉིས་དང་རྒྱུ་མེད་པ་ལས་སྐྱེ་བ་རྣམ་པར་སྤངས་པའོ། །ཚོགས་ནི་གནས་པ་དང་འཇིག་པའི་ཚོགས་དང་བྲལ་
[200b.6]བའོ། །གང་དུའང་མི་གནས་པ་ནི་མཐའ་གཉིས་ལ་མི་གནས་པ་སྟེ་ཕྱག་རྒྱ་ཆེན་པོ་ཟུང་འཇུག་གོ །དེ་ལ་མན་ངག་ནི་འདི་ཡིན་ཏེ། འོད་གསལ་བའི་ངང་ལ་སེམས་གནས་པར་ནུས་ཚད་དུ་གཏད་དེ་བསྒོམ་ལ་དེའི་ངང་ལ་སྐད་ཅིག་གིས་སྒྱུ་མ་ལྟ་བུའི་ལྷར་ལངས་ལ། དེ་ལ་ཤེས་རབ་ཀྱིས་
[200b.7]དཔྱད་ཅིང་གོམས་པར་བྱའོ། །ད་ནི་ཏིང་ངེ་འཛིན་དེའི་ཕན་ཡོན་བསྟན་པའི་ཕྱིར། སེམས་ལ་རྣམ་གནས་རྣལ་འབྱོར་པ། །ཞེས་བྱ་བ་ལ། ཕྱག་རྒྱ་ཆེན་པོ་ཟུང་འཇུག་གི་སེམས་ལ་རྣམ་པར་གནས་པའི་རྣལ་འབྱོར་པ་ལ་མྱ་ངན་ལས་འདས་པ་མི་སྟོན་ཞེས་བྱའོ། །དེ་ལ་རྒྱུ་མཚན་གཉིས་
[201a]
[201a.1]ཏེ། མྱ་ངན་ལས་འདས་པ་སྟེ་འོད་གསལ་འབའ་ཞིག་མི་སྟོན་པ་དང་། དོན་དམ་པར་འཆི་བ་མེད་པའི་ཕྱིར་མི་སྟོན་པའོ། །འོད་གསལ་འབའ་ཞིག་མི་སྟོན་པ་ཅི་ཞེ་ན། དཔལ་རྡོ་རྗེ་མཁའ་འགྲོ་ལས། གཞན་དུ་གལ་ཏེ་སྦྱོར་བ་ནི། མ་ཚང་མར་མེ་ལྟ་བུར་འདའ་
[201a.2]ཞེས་གསུངས་པའི་ཕྱིར་རོ། །དེ་ལ་སྐྱོན་ཅི་ཡོད་ཅེ་ན། དེ་ནི་མར་མེ་ཤི་བ་ལྟར་རང་གཞན་གྱི་དོན་གསལ་བ་མེད་པའི་ཕྱིར་རོ། དེ་བས་ན་བདེན་པ་གཉིས་ཀྱི་ཚུལ་ལ་གནས་ནས་གཞན་དོན་ཕུན་སུམ་ཚོགས་པ་བསྒྲུབ་པའི་ཕྱིར། ཇི་སྲིད་འཁོར་བའི་གནས་སུ་ནི། །མཁས་མཆོག་འདུག་པར་གྱུར་པའི་
[201a.3]བར། །དེ་སྲིད་སེམས་ཅན་མཚུངས་མེད་དོན། །མྱ་ངན་མི་འདའ་བར་ནི་མཛད། དེ་ནི་འཇིགས་པ་སྣ་ཚོགས་པའི་གནས་ཡིན་པའི་ཕྱིར་གནས་ས་མ་ཡིན་ནོ་ཞེ་ན་གནས་ཀྱང་མི་གནོད་པའི་ཕྱིར། དེ་ལྟར་སེམས་ཅན་དམ་པ་རྣམས། །སྲིད་པའི་ཞགས་པས་འཇིགས་མེད་པར། །མི་སྐྱོ་བར་ནི་
[201a.4]བརྩོན་འགྲུས་ཀྱིས། །རྟག་ཏུ་སེམས་ཅན་རྣམས་དོན་མཛད། ཅེའོ། །དེ་ཡང་ཇི་སྲིད་དུ་ཞེ་ན། ནམ་མཁའ་གནས་པའི་མཐར་ཐུག་པའོ། ཅི་བྱེད་ཅེ་ན། སྨོན་ལམ་རྣམ་པར་སྦྱོང་བྱེད་པའི། །སེམས་ཅན་དོན་བརྩོན་སེམས་ཀྱིས་ནི། །དཔའ་བོ་སྲིད་པ་སྦྱོང་བར་མཛད། །ཅེའོ། །འཆི་བ་མེད་པ་ནི་དེ་ཁོ་
[201a.5]ན་ཉིད་མཐོང་བས་རྟག་ཆད་ལ་སོགས་པའི་ལྟ་བ་འགགས་པའི་ཕྱིར་འཆི་བ་མེད་པ་སྟེ། དེའི་རྒྱུ་དེ་ཡིན་པའི་ཕྱིར་རོ། །འོ་ན་ཀུན་རྫོབ་ཏུ་ཡང་འཆི་བ་མེད་དམ་ཞེ་ན། ཐ་སྙད་དུ་ཡོད་པར་བསྟན་པའི་ཕྱིར། འཕོ་བའི་ཚེ་ན་ཞེས་བྱ་བ་ལ་སོགས་པ་ལ། ཕུང་པོ་ལ་སོགས་པ་ནི་ཕ་རོལ་ཏུ་མི་འཕོ་སྟེ། རྟག་པའི་སྐྱོན་
[201a.6]དུ་ཐམ་བའི་ཕྱིར་རོ། །ཕ་རོལ་འཆི་བ་ལས་གཞན་ཡང་མ་ཡིན་ཏེ། རྒྱུ་མེད་པའི་ཉེས་པར་ཐལ་བའི་ཕྱིར་རོ། །འོ་ན་ཅི་ཞེ་ན། དེ་ཉིད་དང་གཞན་དུ་བརྗོད་དུ་མེད་པ་སྟེ། དཔེར་ན་མར་མེ་ལས་མར་མེ་དང་ཞེས་བྱ་བ་ལ་སོགས་པ་བཞིན་ནོ། །དེ་ཡང་གསེར་འོད་དམ་པ་ལས། སངས་རྒྱས་མྱ་ངན་མི་
[201a.7]འདའ་ཞིང་། ཆོས་ཀྱང་ནུབ་པར་མི་འགྱུར་ཏེ། སེམས་ཅན་རྣམས་ནི་འདུལ་བའི་ཕྱིར། །མྱ་ངན་འདའ་བར་བསྟན་པ་ཡིན། །ཞེས་པ་དང་། ལང་ཀར་གཤེགས་པ་ལས་ཀྱང་། འདི་ལ་གང་ཡང་རྐྱེན་རྣམས་ཀྱིས། སྐྱེ་བ་མེད་ཅིང་འགག་པ་མེད། །བརྟགས་པའི་རྐྱེན་རྣམས་ཁོ་ན་ནི། སྐྱེ་
[201b]
[201b.1]ཞིང་འགག་པར་འགྱུར་བ་ཡིན། །ཞེས་གསུངས་པའི་ཕྱིར། རེ་ཞིག་འཕོ་བ་རྣམས་པར་དག་པ་བརྗོད་པར་བྱའོ། །འདིར་གོང་མ་ལྟ་བུའི་རྣལ་འབྱོར་པ་དེ་ཁམས་གོང་མ་གཉིས་སུ་ཡིད་ཀྱི་རང་བཞིན་གྱི་ལུས་འཕོས་ནས་དོན་བྱེད་པ་སྟེ། དེ་ཡང་། རྟག་ཏུ་འདོད་བས་མྱོས་པ་ཡི། །ལྷ་ཡི་བུ་འདི་རྣམས་
[201b.2]དང་ནི། །ཞེས་གསུངས་པའི་ཕྱིར། ཇི་ལྟར་འཕོ་ཞེ་ན། འཕོ་བའི་ཚེ་ན་རྣལ་འབྱོར་པ། །ཞེས་བྱ་བའི་ནི་རྟེན་འདི་འདོར་བའོ། །གང་ཞེ་ན། བདེན་པ་གཉིས་ལ་གནས་པའི་རྣལ་འབྱོར་པ་དེ་གང་གིས་སྤྱན་འདྲེན་ཞེ་ན། དཔལ་ལྡན་ཁྲག་འཐུང་ལ་སོགས་ཏེ་དཔའ་བོ་ཉི་ཤུ་རྩ་ལྔའོ། །རྣལ་འབྱོར་མ་ནི་སུམ་
[201b.3]ཅུ་རྩ་བདུན་ནོ། །དེ་རྣམས་ཀྱིས་མེ་ཏོག་ལ་སོགས་པའི་མཆོད་པ་དང་། རོལ་མོའི་སྒྲ་དང་། རྡོ་རྗེའི་གླུ་དང་བཅས་པའི་ཚིག་ཏུ་ཡང་། འཆི་བ་ཞེས་བྱ་རྣམ་རྟོག་སྟེ། །ཞེས་བརྗོད་ཅིང་། མཁའ་སྤྱོད་དུ་སྤྱན་འདྲེན་པར་བྱེད་དོ། །དེར་ཡིད་ཀྱིས་ལུས་ཀྱི་ལྷའི་བུ་ཆགས་པ་ཅན་རྣམས་ཀྱི་དོན་བྱས་ནས།
[201b.4]ཡང་འདིར་འོངས་ནས་སྐྱེ་བོ་ཆགས་པ་ཅན་རྣམས་ཀྱི་འདོད་ཆགས་དག་པར་བྱ་བའི་ཕྱིར་ཡང་སྲིད་པ་ལེན་པར་བྱེད་དོ། །དེ་བས་ན། གཞན་ཡང་སྐྱེ་བོ་ཆགས་ཅན་ཕྱིར། །འདོད་ཆགས་ཐམས་ཅད་དག་པར་མཛད། །ཅེས་པ་དང་། དེའི་ནང་དུའང་མངོན་ཞེན་དང་། གང་དུའང་གནས་པ་ཡོད་
[201b.5]མ་ཡིན། །ཞེས་བྱའོ། །འོ་ན་ཆོས་ཐམས་ཅད་བདེན་པ་གཉིས་དང་མི་ཕྱེད་པ་ཟུང་འཇུག་ཏུ་རྟོགས་ནས། དེ་གོམས་པར་བྱེད་པ་ལ་འཇིག་རྟེན་པའི་སེམས་ལ་སོགས་པ་འབྱུང་ངམ་མི་འབྱུང་ཞེ་ན། དེ་ལྟར་ཡང་དག་འབྱུང་མོད་ཀྱི། །ཞེས་བྱ་བ་ལ་སོགས་པ་ལ། དེ་ལྟར་ཞེས་བྱ་བ་ནི་འཇིག་རྟེན་
[201b.6]ཕལ་པ་ལ་ཇི་ལྟར་འབྱུང་བ་དེ་ལྟར་ཡང་དག་པར་འབྱུང་མོད་ཀྱི་འོན་ཀྱང་འདོད་པར་བྱ་བར་འབྲེལ་ལོ། །འདོད་པར་བྱ་བ་ཅི་ཞེ་ན། སྒྱུ་མ་ལྟ་བུའི་དངོས་དག་ནི། །ཞེས་བྱ་བ་སྒྱུ་མ་ལྟར་སྐྱེ་མེད་དུ་ཤེས་པར་འདོད་པས་འདོད་པར་བྱ། ལོངས་སྤྱོད་ཁྱད་འཕགས་སྐྱེ་འགྱུར་པ། །ཞེས་བྱ་བ་ནི་
[201b.7]སྐྱེ་མེད་དུ་ཤེས་པས་སོ། །བདེ་བའི་གོངས་སུ་འགྱུར་བཞིན་པས། །ཞེས་བྱ་བ་ནི་ཕལ་པ་ལྟར་སྡུག་བསྔལ་གྱི་རྒྱུར་མི་འགྱུར་བས་སོ། །འབྲས་བུ་ཁྱད་འཕགས་ཐོག་འགྱུར་བས་ནི་ཞེས་བྱ་བ་ལ་འབྲས་བུ་ལ་གཉིས་ཏེ། ཤེས་རབ་གསུམ་གྱི་འབྲས་བུ་གོང་ནས་གོང་གི་རྟོགས་པ་ཡིན་ལ།
[202a]
[202a.1]མཐར་ཐུག་གི་འབྲས་བུ་རང་གཞན་གྱི་དོན་ཕུན་སུམ་ཚོགས་པའོ། །དེ་ཡི་ཕྱིར་ན་འདོད་པར་བྱ། ཞེས་བྱའོ། །དེའི་ཕྱིར། དེ་ལྟར་ཡང་དག་འབྱུང་མོད་ཀྱི། །སྒྱུ་མ་ལྟ་བུའི་དངོས་དག་ནི། །ལོངས་སྤྱོད་ཁྱད་འཕགས་སྐྱེ་འགྱུར་པ། །བདེ་བའི་ཡོངས་སུ་འགྱུར་
[202a.2]བཞིན་པས། །འབྲས་བུ་ཁྱད་འཕགས་ཐོབ་འགྱུར་པས། །ཅི་ཡི་ཕྱིར་ན་འདོད་མི་བྱ། །ཞེས་བྱའོ། །ད་ནི་ལམ་ཁྱད་པར་ཅན་ལ་གནས་པའི་ཕན་ཡོན་དང་། རྒྱུ་འབྲས་ཕྱིན་ཅི་མ་ལོག་པ་ལ་གདམས་པ་བསྟན་པའི་ཕྱིར་རྡོ་རྗེ་མཁའ་འགྲོ་ལས། སྒོམ་པ་ཁྱད་པར་ཅན་གང་ཞིག །གོམས་
[202a.3]པའི་སྟོབས་ནི་རྫོགས་བ་ན། །ཡིད་འོད་བདེ་བའི་འབྲས་བུ་ནི། །བླ་མེད་གསལ་བ་བློ་ཡི་མཐུ། །ཞེས་པ་ལ། སྒོམ་པ་ཁྱད་པར་ཅན་ནི་མི་མཐུན་པ་དང་གཉེན་པོར་རོ་གཅིག་པར་ཤེས་པའོ། །གོམས་པའི་སྟོབས་ནི་ཤེས་རབ་གསུམ་གྱིས་གོམས་པའོ། །རྫོགས་པ་ནི་ཁྱད་པར་དུ་གྱུར་པའོ། །
[202a.4]བདེ་བའི་འབྲས་བུ་ནི་གནས་སྐབས་མཐར་ཐུག་གི་འབྲས་བུའོ། །དེ་ལྟ་བུའི་བླ་ན་མེད་པའི་འབྲས་བུ་གསལ་བ་ནི་བློ་སྟེ་ཤེས་རབ་ཀྱི་མཐུའོ། །དེའི་ཕྱིར་བསམ་པ་དང་བསྒོམ་པའི་ཤེས་རབ་ལ་ནན་ཏན་གྱིས་སྒྲུབས་ཤིག་པའོ། །རྒྱུ་འབྲས་མ་ནོར་བ་ལ་གདམས་པ་ནི། འབྲས་བུ་དོན་གཉེར་རྒྱུ་བསྒྲུབས་
[202a.5]ན། །དེར་ནི་ལྷ་མོ་སུ་ཞིག་འགོག །ཅེས་བྱ་བ་ལ་སངས་རྒྱས་དོན་དུ་གཉེར་བར་རྒྱུ། ཤེས་རབ་གསུམ་ཕྱིན་ཅི་མ་ལོག་པར་བསྒྲུབས་ན་དེར་འབྲས་བུ་ལ་གེགས་མེད་པའི་ཕྱིར་བཅོལ་ལྡན་འདས་དཔལ་ཧེ་རུ་ཀས་མ་རྡོ་རྗེ་ཕག་མོ་ལ་བོས་ནས་གདམས་པའོ། །དེའི་ཕྱིར། དེ་བས་འབད་པ་ཐམས་
[202a.6]ཅད་ཀྱིས། །ཀུན་དུ་འགྲོ་མ་མཆོད་པར་བྱ། །ཞེས་བྱ་སྟེ། ཤེས་རབ་གསུམ་ལ་ནན་ཏན་དུ་གདམས་པའོ། །མཐུན་པའི་རྐྱེན་མ་ཚང་བ་ནི་མི་འགྲུབ་པའི་རྒྱུ་ཡིན་པས་དེའི་ཕྱིར། དཀའ་ཐུབ་སྡོམ་པ་མི་བཟད་པས། །ལུས་ནི་སྐམས་ཤིང་སྡུག་བསྔལ་འགྱུར། །སྡུག་བསྔལ་གྱིས་ནི་སེམས་
[202a.7]གཡེང་ན། །གཡེངས་པས་དངོས་གྲུབ་གཞན་དུ་འགྱུར། །ལུས་དང་སེམས་ནི་བརྟན་འགྱུར་ན། །བདེ་བ་ཐམས་ཅད་བརྟན་འགྱུར་བ། །སྡུག་བསྔལ་གྱིས་ནི་གཡོ་འགྱུར་བས། །ཤིན་ཏུ་འགོག་པར་འགྲོ་བར་འགྱུར། །དེས་ན་ལུས་དང་ངག་སེམས་རྣམས། །བརྟན་པར་བྱས་ན་བྱང་ཆུབ་འཐོབ། །
[202b]
[202b.1]གཞན་དུ་དུས་མིན་འཆི་བ་དང་། །དམྱལ་བར་ངེས་པར་བསྲེག་འགྱུར་ཞེས། །བཅོམ་ལྡན་རྡོ་རྗེ་ཅན་གྱིས་གསུངས། །ཞེས་བྱ་སྟེ་ཚིག་དོན་ནི་གོ་སླའོ། །ཆོས་ཀྱི་ཕུང་པོ་བརྒྱད་ཁྲི་དང་། བཞི་སྟོང་གསུངས་པ་གང་ཡིན་པ། །དེས་དོན་བརྗོད་བྱ་བཀྲོལ་བ་ལ། །འཕགས་དང་མཁའ་འགྲོས་བཟོད་
[202b.2]པར་མཛོད། །དེས་དོན་ཟབ་མོ་བརྒྱུད་པའི་རིམ། །བླ་མའི་ལུང་བཞིན་གསལ་ཕྱེ་བས། །མིག་མེད་ལམ་ནོར་རྣམས་ཀྱི་ནི། །མིག་འབྱེད་ལམ་རྟོགས་རྒྱུར་གྱུར་ཅིག །རྣལ་འབྱོར་གྱི་དབང་ཕྱུག་ལཱུ་ཡི་པས་རིགས་དྲུག་པ་ཧེ་རུ་ཀའི་སྒྲུབ་ཐབས་རྩ་བའི་དཀྱིལ་འཁོར་ཆེན་པོ་མཛད་པའི་དོན་རྒྱུད་
[202b.3]ལྟར་བཀྲོལ་བ་མཁས་པ་ཆེན་པོ་དཱི་པཾ་ཀ་ར་ཤྲཱི་ཛྙཱ་ནས་མཛད་པ་རྫོགས་སོ།། །།པཎྜི་ཏ་དེ་ཉིད་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་ཅིང་བཞུས་ཏེ་གཏན་ལ་ཕབ་པའོ།། {T1491}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦ་ར་སཱ་དྷ་ནཾ། བོད་སྐད་དུ། དཔལ་འཁོར་ལོ་
[202b.4]སྡོམ་པའི་སྒྲུབ་ཐབས། བཅོམ་ལྡན་འདས་འཇམ་པའི་རྡོ་རྗེ་ལ་ཕྱག་འཚལ་ལོ། །ནང་པར་ཐོ་རངས་ཀྱི་དུས་སུ་སྟན་བདེ་བ་ལ་འདུག་སྟེ་རང་ཡི་དམ་གྱི་ལྷ་བསྒོམ་པར་བྱའོ། །བདག་ཉིད་ཧེ་རུ་ཀའི་ང་རྒྱལ་དང་ལྡན་པས་ཚད་མེད་པ་བཞི་རིམ་གྱིས་བསྒོམས་ལ། ཕུང་པོ་ལྔའི་ང་རྒྱལ་བསྐྱེད་པར་བྱ་སྟེ།
[202b.5]གཟུགས་ཀྱི་ཕུང་པོ་ནི་རྣམ་པར་སྣང་མཛད་དང་། ཚོར་བའི་ཕུང་པོ་ནི་རིན་ཆེན་འབྱུང་ལྡན་དང་། འདུ་ཤེས་ཀྱི་ཕུང་པོ་ནི་སྣང་བ་མཐའ་ཡས་དང་། འདུ་བྱེད་ཀྱི་ཕུང་པོ་ནི་དོན་ཡོད་གྲུབ་པ་དང་། རྣམ་པར་ཤེས་པའི་ཕུང་པོ་ནི་རྡོ་རྗེ་སེམས་དཔའ་སྟེ། དེ་ཐམས་ཅད་ཀྱི་བདག་གཉིད་དུ་གྱུར་པ་ནི་དཔལ་ཧེ་རུ་
[202b.6]ཀའོ། །དེ་ནས་རང་གི་སྙིང་གར་ཉི་མའི་དཀྱིལ་འཁོར་གྱི་སྟེ་དུ་ཡི་གེ་ཧཱུཾ་ནག་པོ་བསམས་ལ། དེ་ལས་འོད་ཟེར་འཕྲོས་ཏེ་སླར་འདུས་པ་ལས། བདག་ཉིད་ཁྲོ་བོ་ཁམས་གསུམ་རྣམ་པར་རྒྱལ་བ་སྐུ་མདོག་ཐིང་གཞལ་གསུམ་པ་ཕྱག་དྲུག་པ། ཞལ་གཡས་ལྗང་གུ། གཡོན་སེར་པོ། ཕྱག་དང་
[202b.7]པོ་གཉིས་ཀྱིས་ཧཱུཾ་མཛད་ཀྱི་ཕྱག་རྒྱས་རྡོ་རྗེ་དང་དྲིལ་བུ་འཛིན་ཅིང་། རང་སྣང་གི་རིག་མ་ལ་འཁྱུད་པ། གཡོན་ཁ་ཊྭཱཾ་ག་དང་ཐོད་པ་བསྣམས་པ། གཡས་ལྕགས་ཀྱུ་དང་ཞགས་པ་བསྣམས་པ། ཕྱག་རྒྱ་ལྔ་དང་ལྡན་པར་བསྒོམ་མོ། །དེ་ནས་སུ་མཐའི་སྔགས་བརྗོད་པར་བྱ་སྟེ། ཨོཾ་སུམྦྷ་ནི་སུམྦྷ་
[203a]
[203a.1]ཧཱུཾ་ཧཱུཾ་ཕཊ། ཨོཾ་གྲྀ་ཧྞྀ་གྲཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་བཱ་ན་བི་དྱཱ་དཱ་ཛ་ཡ་ཧཱུཾ་ཧཱུཾ་ཕཊ། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཱ་ན་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་ཡ་བཛྲ་དྷ་རོ་ཨཱ་ཛྙཱ་པ་ཡ་ཏི། སརྦྦ་བིགྷྞཱཾ་ཀཱ་ཡ་བཱ་ཀ་
[203a.2]རྩིཏྟ་བཛྲ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་མུ་དྷ་ར་བཛྲ་ཀཱི་ལ་ཡ་ཨ་ཀོ་ཊ་ཡ་ཨ་ཀོ་ཊ་ཡི་ཧཱུཾ་ཕཊ། ཅེས་བྱ་བའི་སྔགས་ཀྱིས་བགེགས་རྣམས་བསྐྲད་ལ། རྡོ་རྗེ་ར་བ་ལ་སོགས་པ་བསམ་པར་བྱའོ། །དེ་ནས་བསོད་ནམས་ཀྱི་ཚོགས་བསགས་པ་སྔོན་དུ་འགྲོ་བས་སྟོང་བ་ཉིད་དུ་བསྒོམ་པར་བར་བྱའོ། །དེ་ནས་སྟོང་བ་ཉིད་ཀྱི་
[203a.3]ངང་ལས་ཐིག་ལེ་དཀར་པོ་ཡུངས་ཀར་གྱི་ཚད་ཙམ་བསམ་མོ། །དེ་ནས་ཡཾ་ལས་རླུང་གི་དཀྱིལ་འཁོར་ཡཾ་གྱིས་མཚན་པ་དང་། དེའི་སྟེང་དུ་རཾ་ལས་མེའི་དཀྱིལ་འཁོར་རཾ་གྱིས་མཚན་པ་དང་། དེའི་སྟེན་དུ་བཾ་ལས་ཆུའི་དཀྱིལ་འཁོར་བཾ་གྱིས་མཚན་པ་དང་། དེའི་སྟེང་དུ་ལཾ་ལས་དབང་ཆེན་སའི་
[203a.4]དཀྱིལ་འཁོར་ལཾ་གྱིས་མཚན་པ་དང་། དེའི་སྟེང་དུ་སུཾ་ལས་རིའི་རྒྱལ་པོ་རི་རབ་ཟུང་བཞི་པ་རིན་པོ་ཆེ་སྣ་ལྔའི་རང་བཞིན་ཅན་ལྕོག་ཆེན་པོ་བརྒྱད་ཀྱིས་མཛེས་པར་བྱས་པ། དེའི་སྟེང་དུ་སྣ་ཚོགས་པདྨ་འདབ་མ་བརྒྱད་པ། དེའི་སྟེང་དུ་ཧཱུཾ་ལས་སྣ་ཚོགས་རྡོ་རྗེ། དེའི་སྟེང་དུ་ཉི་མའི་དཀྱིལ་
[203a.5]འཁོར། དེའི་སྟེང་དུ་མངོན་པར་བྱང་ཆུབ་བའི་གཞལ་ཡས་ཁང་དང་། བརྟེན་པའི་དཀྱིལ་འཁོར་ལྷ་བཅུ་གསུམ་སྐད་ཅིག་གིས་བསམ་མོ། །དེའི་དབུས་སུ་བཅོམ་ལྡན་འདས་ཞལ་བ་ཞིང་། སྐུ་མདོག་མཐིང་ག །སྤྱན་གསུམ་པ། ཕྱག་བཅུ་གཉིས་པ། གཡས་བརྐྱང་བའི་རྣམ་པས་
[203a.6]བཞུགས་པས་འཇིགས་བྱེད་ཆེན་པོ་དང་དུས་མཚན་ཞབས་ཀྱིས་མནན་པ། རྡོ་རྗེ་ཕག་མོ་ལ་འཁྱུད་པའི་ཕྱག་གཉིས་ཀྱིས་རྡོ་རྗེ་དྲུལ་བུ་བསྣམས་པ། སྟེང་གི་ཕྱག་གཉིས་ཀྱིས་གླང་པོ་ཆེའི་པགས་པ་འཛིན་པ། གཡས་པའི་གསུམ་པ་ན་ཅང་ཏེའུ། བཞི་པ་ནི་གྲི་གུག །ལྔ་པ་ན་དགྲ་སྟ་
[203a.7]དང་། དྲུག་པ་ན་མདུང་རྩེ་གསུམ་བ་འཕྱར་བ། གཡོན་གྱི་ཕྱག་གསུམ་པ་ན་ཁ་ཊྭཱཾ་ག་རྡོ་རྗེས་མཚན་པ། བཞི་པ་ན་ཁྲག་གིས་བཀང་བའི་ཐོད་པ། ལྔ་པ་ན་རྡོ་རྗེ་ཞགས་པ། དྲུག་པ་ན་ཚངས་པའི་མགོ་བོའི་ཆང་བ། རལ་པའི་ཐོར་ཚུགས་ཀྱིས་བརྒྱན་པ། དབུ་ལ་ཐོད་པའི་ཕྲེང་བ་དང་ཟླ་བ་
[203b]
[203b.1]ཕྱེད་པས་མཚན་པ། སྣ་ཚོགས་རྡོ་རྗེས་མཚན་པའི་ཅོད་པན་ཅན་ཞལ་རྣམ་པར་འགྱུར་བ། མཆེ་བ་གཙིགས་ཤིང་འཇིགས་པར་བྱེད་པ། སྒེག་པ་ལ་སོགས་པའི་ཉམས་དང་ལྡན་པ། དབུས་མཐིང་ག །ཞལ་གཡས་སེར་བ། ནུབ་པདྨ་རཱ་གའི་མདོག་འདྲ་བ། གཡོན་མརྒ་ཏ་ལྟ་བུའི་མདོག་
[203b.2]དང་མཚུངས་པ། སྟག་གི་པགས་པའི་ཤམ་ཐབས་ཅན། མི་མགོའི་ཕྲེང་བརྒྱུ་མ་དང་བཅས་པ་འཛིན་པ། མགུལ་རྐྱན་དང་། དབུང་རྒྱན་དང་། རྣ་རྒྱན་དང་། སྤྱི་གཙུག་གི་ནོར་བུས་བརྒྱན་པ། མཆོད་ཕྱིར་ཐོགས་འཆང་བ། ཐལ་བ་དང་ཕྱག་རྒྱ་དྲུག་སྟེ་ཕ་རོལ་ཏུ་ཕྱིན་པ་དྲུག་རྣམ་པར་དག་
[203b.3]པས་ཕྱག་རྒྱ་དྲུག་གིས་རྒྱས་བཏབ་པའོ། །དེའི་སྤྱན་སྔར་བཅོམ་ལྡན་འདས་མ་རྡོ་རྗེ་ཕག་མོ་སྐུ་མདོག་དམར་མོ། ཞལ་གཅིག་ཕྱག་གཉིས་མ། སྤྱན་གསུམ་པ། སྐྲ་གྲོལ་བ། གཅེར་བུ་དུམ་བུས་བརྒྱན་པའི་སྐ་རགས་ཅན། གཡོན་བ་འཁྱུད་པའི་ཕྱག་གིས་གདུག་པ་ལ་སོགས་པའི་ཁྲག་
[203b.4]གིས་བཀང་བའི་ཐོད་པ་འཆང་བ། གཡས་རྡོ་རྗེས་མཚན་པའི་གྲི་གུག་ཕྱོགས་ཐམས་ཅད་དུ་འཇིགས་པར་བྱེད་པའི་རང་བཞིན་གྱི་སྡིགས་མཛུབ་ཅན་བསྐལ་བའི་མེ་བཞིན་འཇིགས་པ་ཆེ། ཁྲག་ལ་དགྱེས་ཤིང་ཞལ་ནས་ཁྲག་འཛག་པ་བྱིན་པ་གཉིས་ཀྱིས་མཉམ་པར་འཁྱུད་པ། བདེ་ཆེན་ཐུགས་
[203b.5]རྗེའི་བདག་ཉིད་བསྒོམ། ཕྱོགས་ཀྱི་འདབ་མ་བཞི་ལ་མཁའ་འགྲོ་མ་ལ་སོགས་པ་བཞི། །སྒོ་བཞིར་ཁྭ་གདོང་མ་ལ་སོགས་པ་བཞི། མཚམས་བཞིར་གཤིན་རྗེ་བརྟན་མ་ལ་སོགས་པ་བཞི། ཐམས་ཅད་ཀྱང་ཞལ་གཅིག་པ་ཕྱག་བཞི་པ། གཡོན་ཁ་ཊྭཱཾ་ག་དང་ཐོད་པ། གཡས་ཌ་མ་རུ་དང་
[203b.6]གྲི་གུག་བསྣམས་པའོ། །རྣལ་འབྱོར་མ་དེ་དག་ཀྱང་ཡི་དགས་ཀྱི་གདན་ལ་བཞུགས་པའོ། །དེ་དག་གི་དཔྲལ་བར་རྡོ་རྗེ་ཕྲེང་བ་དང་ཕྱག་རྒྱ་ལྔས་བརྒྱན་པར་བསམ་མོ། །དེ་ནས་སྐུ་གསུང་ཐུགས་བྱིན་གྱིས་བརླབ་པར་བྱའོ། །མགོ་ལ་ཨོཾ་དཀར་པོ་དང་། ལྐོག་མར་ཨཱཿ་དམར་པོ་དང་།
[203b.7]ནུ་མ་གཉིས་ཀྱི་བར་དུ་ཧཱུཾ་ནག་པོ་དང་། ཐུགས་ཀར་ཧཱུཾ་སྔོན་པོ་བསམ་བར་བྱའོ། །དེ་ནས་ཡི་གེ་བཞི་ལས་འོད་ཟེར་འཕྲོས་ཏེ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡེ་ཤེས་སེམས་དཔའ་དང་ཐུགས་རྡོ་རྗེ་བསྐུལ་ཏེ། ཡི་གེ་བཞི་ལ་སོ་སོར་ཐིམ་པར་བསམ་མོ། །ཨོཾ་ཨཱཿ་
[204a]
[204a.1]ཧཱུཾ་ཨོཾ་སརྦ་བཱི་ར་ཡོ་གི་ནཱི་ཀཱ་ཡ་ཝཱ་ཀ་རྩི་ཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཨོཾ་བཛྲ་ཤུདྡྷཿ་སརྦྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ། ཞེས་བརྗོད་པས་བརྒྱལ་བརྟན་པར་བྱའོ། །དེ་ནས་གོ་ཆ་གཉིས་བརྟན་པར་བྱ་སྟེ་ཧེ་རུ་ཀའི་ཐུགས་ཀར་ཨོཾ་ཧ་དཀར་པོ། དབུ་ལ་ན་མ་ཧི་སེར་པོ། སྤྱི་གཙུག་
[204a.2]ཏུ་སྭཱ་ཧཱ་ཧུ་དམར་པོ། ཕྲག་པ་གཉིས་སུ་བཽ་ཥ་ཊ་ཧེ་ནག་པོ། མིག་གཉིས་སུ་ཧཱུཾ་ཧཱུཾ་ཧོ་དམར་པོ། ཡན་ལག་ཀུན་ལ་མཚོན་ཆ་ནི་ཕཊ་ཧཾ་ལྗང་གུའོ། །ཡུམ་གྱི་ལྟེ་བ་ལ་ཨོཾ་བཾ་དམར་མོ། ཐུགས་ཀར་ཧཾ་ཡོཾ་ནག་མོ། ཞལ་དུ་ཧྲིཾ་མོཾ་དཀར་མོ། དབུ་ལ་ཧྲོཾ་ཧྲིཾ་སེར་མོ། སྤྱི་གཙུག་ཏུ་ཧཱུཾ་ཧཱུཾ་ལྗང་གུ། ཡན་
[204a.3]ལག་ཐམས་ཅད་ལ་ཕཊ་ཕཊ་དུ་བའི་མདོག་ཅན་བསམ་པར་བྱའོ། །དེ་ལྟར་དམ་ཚིགས་སེམས་དཔའ་བསྐྱེད་ནས། ཡེ་ཤེས་སེམས་དཔའ་སྤྱན་དྲང་བ་ནི་སྔགས་དང་ཕྱག་རྒྱ་དང་། སྔགས་ཀྱིས་མདུན་གྱི་ནམ་མཁའ་ལ་བྱོན་པར་བསམ་མོ། །སྙིང་པོའི་ཕྱག་རྒྱ་བསྟན་ཏེ་ལག་པ་གཡས་པ་
[204a.4]དང་གཡོན་པ་བསྐོར་ཞིང་། ཛཿ་ཧཱུཾ་བཾ་ཧོཿ། ཞེས་བརྗོད་པས་དཀྱིལ་འཁོར་བ་དང་གཉིས་སུ་མེད་པར་བྱས་ནས། ཨོཾ་ཡོ་ག་ཤུདྡྷཿ་སརྦྦ་དྷརྨཱ་ཡོ་ག་ཤུདྡྷོ྅ཧཾ། ཞེས་བརྗོད་པས་ང་རྒྱལ་བརྟན་པར་བྱའོ། །དེ་ནས་དབང་བསྐུར་བར་བྱ་བའི་ཕྱིར་སྙིང་གའི་ཡི་གེ་ཧཱུཾ་ལས་འོད་ཟེར་འཕྲོས་པས་རིགས་
[204a.5]ལྔའི་བདེ་བར་གཤེགས་པ་ནམ་མཁའ་ལ་བྱོན་པར་བསམ་མོ། །དེ་ནས་མཆོད་པའི་ལྷ་མོ་རྣམས་ཀྱིས་མཆོད་དེ། བྱང་ཆུབ་རྡོ་རྗེས་སངས་རྒྱས་ལ། །ཇི་ལྟར་མཆོག་གཉིས་སྩོལ་མཛད་ལྟར། །བདག་ལ་བསྲུང་བའི་དོན་གྱི་ཕྱིར། །ནམ་མཁའ་རྡོ་རྗེ་བདག་ལ་སྩོལ། །ཞེས་གསོལ་བ་གདབ་
[204a.6]པར་བྱའོ། །དེ་ནས་མི་བསྐྱོད་རྡོ་རྗེ་གཙོ་བོར་གྱུར་བའི་ཐུགས་ཀ་ནས་མཁའ་འགྲོ་མ་ལ་སོགས་པ་བུམ་པ་ཐོགས་བ་བྱུང་བས། རྡོ་རྗེ་ཆེན་པོ་དབང་བསྐུར་བ། །ཁམས་གསུམ་པ་ཡིས་ཕྱག་བྱས་པའི། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཇི་ལྟར་
[204a.7]བལྟམས་པ་ཙམ་གྱིས་ཀྱང་། །དེ་བཞིན་གཤེགས་ཀུན་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་གསོལ་ལོ། །ཞེས་པས་དབང་བསྐུར་བར་བྱའོ། །དེ་དག་ཐམས་ཅད་ཀྱི་དབུལ་མི་བསྐྱོད་པ་ས་གནོན་གྱིས་ཕྱག་ཅན་སྐུ་མདོག་སྔོན་པོ་རྡོ་རྗེ་སྐྱིལ་ཀྲུང་
[204b]
[204b.1]ཅན་བསམ་མོ། །དེ་ནས་ཅི་ནུས་སུ་བསྒོམ་མོ། །དེ་ལས་སྐྱོན་བཟླས་པ་བྱའོ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སཾ་བ་རཾ་སྭཱ་ཧཱ། ཨོཾ་ཧྲཱིཿ་ཧ་ཧ་ཧུཾ་ཧཱུཾ་ཕཊ། ཨོཾ་སརྦ་བུདྡྷ་ཌཱ་ཀི་ནི་ཡ། བཛྲ་ཝརྞྞ་ནཱི་ཡེ་ཧུཾ་ཧཱུཾ་ཕཊ། ཨོཾ་བཛྲ་བཻ་རོ་ཙནཱི་ཡེ་ཧུཾ་ཧཱུཾ་ཕཊ། ཨོཾ་ཌཱི་ཀི་ནཱི་ཡེ་ཧུཾ་ཧཱུཾ་ཕཊ། ཨོཾ་ལཱ་མ་ཡེ་ཧུཾ་ཧཱུཾ་ཕཊ།
[204b.2]ཨོཾ་ཁཎྜ་རོ་ཧེ་ཧཱུཾ་ཧཱུཾ་ཕཊ། ཨོཾ་རཱུ་པི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ཀཱ་ཀླ་སྱེ་ཧཱུཾ་ཧཱུཾ་ཕཊ། ཨོཾ་ཨུ་ལུ་ཀཱ་སྱེ་ཧཱུ་ཧཱུཾ་ཕཊ། ཨོཾ་སྭ་ནཱ་སྱེ་ཧཱུཾ་ཧཱུཾ་ཕཊ། ཨོཾ་སཱུ་ཀརཱ་སྱེ་ཧཱུ་ཧཱུཾ་ཕཊ། ཨོཾ་ཡ་མ་དཾཥྚཱི་ཎཱི་ཡེ་ཧཱུ་ཧཱུཾ་ཕཊ། ཨོཾ་ཡ་མ་དུ་ཏཱི་ཡེ་ཧཱུ་ཧཱུཾ་ཕཊ། དེ་ནས་ལྡང་བར་འདོད་
[204b.3]ན་དཀྱིལ་འཁོར་རང་གི་ཐུགས་ཀར་བསྡུ་བར་བྱའོ། །ཕྱག་དང་ཞལ་ཐམས་ཅད་རྩ་བའི་ཞལ་ལ་བསྡུ། ཞལ་གཅིག་ཕྱག་གཉིས་པ་གཡས་རྡོ་རྗེ། གཡོན་དྲིལ་བུ་འཛིན་པ་བསྒོམ་མོ། །དེ་ལྟར་ཐུན་བཞིར་བསམ་མོ། །ཐུན་ཐ་མ་ལ་སྐད་ཅིག་མས་དཀྱིལ་འཁོར་དུ་ལྷ་རྣམས་ལ་དབང་
[204b.4]བསྐུར་བ་དང་། བདུད་རྩི་མྱང་བ། མཆོད་བསྟོད་བྱས་ལ། བསྒོམ་པ་དང་བཟླས་པ་བྱའོ། །དེ་ལྟར་ཐུན་བཞིར་བསྒོམས་ལ་ཐུན་ཐ་མ་ལ་ཡེ་ཤེས་སེམས་དཔའ་དཀྱིལ་འཁོར་རྣམས་རང་གི་སྙིང་གར་སྡུས་ལ་ཉལ་ལོ། །ནང་བར་ནི་སྡར་བཤད་པ་ཐམས་ཅད་བྱའོ། །ལྷ་བཅུ་གསུམ་མའི་སྒྲུབ་ཐབས་
[204b.5]རྒྱ་གར་གྱི་མཁན་པོ་ཆེན་པོ་དཱི་པཾ་ཀར་ཤྲཱི་ཛྙཱ་ནས་མཛད་པ་རྫོགས་སོ།། །།རྒྱ་གར་གྱི་མཁན་པོ་དེ་ཉིད་དང་། ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་བའོ། །{T1492}༄༅༅། རྒྱ་གར་སྐད་དུ། ཤྲཱི་བྷ་ག་ཝ་ཏི་ཨ་བྷིས་མ་ཡ་ནཱ་མ། བོད་སྐད་དུ། དཔལ་བཅོམ་ལྡན་འདས་ཀྱི་
[204b.6]མངོན་པར་རྟོགས་པ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དང་པོ་ཁོ་ནར་རྣལ་འབྱོར་པའི་དབང་ཕྱུག་གིས་ཚངས་པའི་གནས་བཞི་བསྒོམ་པར་བྱའོ། །དེ་ནས་ཕུང་པོ་ལྔའི་ང་རྒྱལ་བསྐྱེད་པར་བྱ་སྟེ། གཟུགས་ཀྱི་ཕུང་པོ་ནི་རྣམ་པར་སྣང་མཛད་དོ། །ཚོར་བའི་ཕུང་པོ་ནི་རིན་ཆེན་
[204b.7]འབྱུང་ལྡན་ནོ། །འདུ་ཤེས་ཀྱི་ཕུང་པོ་ནི་སྣང་བ་མཐའ་ཡས་སོ། །འདུ་བྱེད་ཀྱི་ཕུང་པོ་ནི་དོན་ཡོད་གྲུབ་པའོ། །རྣམ་པར་ཤེས་པའི་ཕུང་པོ་ནི་རྡོ་རྗེ་སེམས་དཔའོ། །དེ་དག་ཐམས་ཅད་ཀྱི་བདག་ཉིད་དུ་གྱུར་པ་ནི་དཔལ་ཧེ་རུ་ཀའོ། །མིག་གཉིས་ལ་ནི་སའི་སྙིང་པོའོ། །རྣ་བ་གཉིས་ལ་ནི་ཕྱག་ན་
[205a]
[205a.1]རྡོ་རྗེའོ། །སྣ་ལ་ནི་ནམ་མཁའི་སྙིང་པོའོ། །ཁ་ལ་ནི་སྤྱན་རས་གཟིགས་སོ། །ལུས་ལ་ནི་སྒྲིབ་པ་ཐམས་ཅད་རྣམ་པར་སེལ་བའོ། །སྐྱེ་མཆེད་ཐམས་ཅད་ལ་ནི་དབང་ཕྱུག་རྡོ་རྗེའོ། །སའི་ཁམས་ནི་སངས་རྒྱས་སྤྱན་ནོ། །ཆུའི་ཁམས་ནི་མཱ་མ་ཀཱིའོ། །མེའི་ཁམས་
[205a.2]ནི་གོས་དཀར་མོའོ། །རླུང་གི་ཁམས་ནི་དམ་ཚིག་སྒྲོལ་མའོ། །ནམ་མཁའི་ཁམས་ནི་པདྨའི་དྲ་བ་ཅན་ནོ། །དེ་དག་ནི་ཕུང་པོ་དང་ཁམས་དང་སྐྱེ་མཆེད་རྣམས་ལྷའི་རྣམ་པར་དག་པའོ། །དེ་ནས་རང་ཧེ་རུ་ཀར་བསྐྱེད་པའི་སྙིང་གའི་ཧཱུཾ་ལས་འོད་འཕྲོས་ཏེ་ཁམས་གསུམ་པའི་བགེགས་བསྐྲད།
[205a.3]དེ་ནས་འོད་དེ་ཚུར་འདུས་པ་ལས། བདག་ཉིད་ཁམས་གསུམ་རྣམ་པར་རྒྱལ་བ་ཞལ་གསུམ་ཕྱག་དྲུག་པ་བསྐྱེད་པར་བྱས་ཏེ། ཁམས་གསུམ་རྣམ་རྒྱལ་གྱི་ཞལ་ནས། ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞགྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོཿབྷ་ག་ཝཱན་བིདྱཱ་རཱ་ཛ་ཧཱུཾ་ཧཱུཾ་
[205a.4]ཕཊ། ཅེས་པའི་སྔགས་ཤར་ཕྱོགས་ལ་སོགས་པར་དགོད་པར་བྱའོ། །ཡིག་འབྲུ་གྱུར་པ་ལས་རྡོ་རྗེའི་གུར་དང་། དྲ་བ་དང་། བླ་རེ་དང་། མདའི་དྲ་བ་དང་། མེའི་ར་བ་དང་། རྡོ་རྗེའི་ས་གཞི་བསམ་པར་བྱའོ། །དེ་ལྟར་ཁྲོ་བོ་རྣམ་པར་རྒྱལ་བས་མཚམས་གཅད་པར་བྱའོ། །གནོད་མཛེས་
[205a.5]ཀྱི་ཕྱག་རྒྱས་དགུག་པ་དང་། བདུད་རྩི་འཁྱིལ་པའི་ཕྱག་རྒྱས་བརྡུང་བར་བྱའོ། །ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ། སརྦྦ་དུཥྚཱན་ཧཱུཾ་ཕཊ། ཀཱི་ལ་ཡ་ཀཱི་ལ་ཡ་སརྦྦ་པཱ་པཾ་ཧཱུཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་བཛྲ་ངྷར་ཨཱཛྙཱཔ་ཡ་ཏི། སརྦ་བིགྷཱཾ་ཀཱ་ཡ་ཝཱཀ་ཙིཏྟ་བཛྲ་ཀཱི་ལ་ཡ་ཧཱུཾ་ཧཱུཾ་ཕཊ། ཕུར་བུ་གདབ་པའི་
[205a.6]སྔགས་སོ། །ཨོཾ་བཛྲ་མུངྒ་ར་བཛྲ་ཀཱི་ལ་ཡ་ཨ་ཀོཊ་ཡ་ཧཱུཾ་ཕཊ། ཕུར་བུ་བརྡུང་བའི་སྔགས་སོ། །དེ་ནས་རང་གི་སྙིང་གར་ཟླ་བའི་སྟེང་གི་ཧཱུཾ་གི་འོད་ཟེར་གྱིས་བླ་མ་ལ་སོགས་པ་སྤྱན་དྲངས་ལ་འོད་དུ་ཞུ་བ་ལས་བདེ་མཆོག་གི་ལྷའི་བདག་ཉིད་དུ་བསམས་ལ་མཆོད་པ་དང་བསྟོད་པ་བྱས་ལ། སྐྱབས་སུ་
[205a.7]འགྲོ་བ་དང་སེམས་བསྐྱེད་པར་བྱའོ། །དེ་ནས་ཨོཾ་ཤཱུནྱ་ཏཱ་ཛྙཱ་ན་བཛྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་པས་ཕྱི་ནང་གིས་བསྡུས་པའི་ཆོས་ཐམས་ཅད་སྣང་བ་མེད་པ། སྣང་བ་རྣམ་པར་དག་པ་ནམ་མཁའ་རྣམ་པར་དག་པ་ལྟ་བུའི་ངང་ལ་གཞག་པར་བྱའོ། །འོད་གསལ་དེའི་ངང་ལས་ཡཾ་ཡོངས་
[205b]
[205b.1]410 སུ་གྱུར་པ་ལས་རླུང་གི་དཀྱིལ་འཁོར་གཞུ་ལྟ་བུ་ཁ་དོག་སྔོན་པོའོ། །དེའི་སྟེང་དུ་རཾ་ཡོངས་སུ་གྱུར་པ་ལས་མེའི་དཀྱིལ་འཁོར་གྲུ་གསུམ་པ་ཁ་དོག་དམར་པོ། དེའི་སྟེང་དུ་བཾ་ཡོངས་སུ་གྱུར་པ་ལས་ཆུའི་དཀྱིལ་འཁོར་ཟླུམ་པོ་ཁ་དོག་དཀར་པོའོ། །དེའི་སྟེང་དུ་ལཾ་ཡོངས་སུ་གྱུར་པ་ལས་སའི་
[205b.2]དཀྱིལ་འཁོར་གྲུ་བཞི་པ་ཁ་དོག་གསེར་པོའོ། །དེའི་སྟེང་དུ་སུཾ་ཡོངས་སུ་གྱུར་པ་ལས་རི་རབ་ཟུར་བཞི་པ། རིན་པོ་ཆེ་སྣ་བཞི་ལས་གྲུབ་པ་གྲུ་བཞིའི་རང་བཞིན་ཅན་ལྕོག་བརྒྱད་ཀྱིས་ཉེ་བར་མཛེས་པའོ། །དེའི་སྟེང་དུ་པཾ་ཡོངས་སུ་གྱུར་པ་ལས་སྣ་ཚོགས་པདྨ་འདབ་མ་བརྒྱད་པ་ལྟེ་བ་དང་གེ་སར་དུ་
[205b.3]བཅས་པའོ། །དེའི་སྟེང་དུ་ཐབས་ཀྱི་རང་བཞིན་ཨཱ་ལི་ལས་ཟླ་བ། ཤེས་རབ་ཀྱི་རང་བཞིན་ཀཱ་ལི་ལས་ཉི་མ། དེའི་སྟེང་དུ་ཧཱུྃ་མཐིང་ག་རྡོ་རྗེ་སེམས་དཔའི་རང་བཞིན་འོད་ཟེར་ལྔ་འཕྲོ་ཞིང་འདུ་བ་དང་བཅས་པའོ། །དེ་དག་ཐམས་ཅད་ཡོངས་སུ་གྱུར་པ་ལས། དཔལ་ཧེ་རུ་ཀ་ཞལ་བཞི་པ་སྤྱན་གསུམ་
[205b.4]པ། ཕྱག་བཅུ་གཉིས་པ། སྐུ་མདོག་མཐིང་ག་དཔྲལ་བར་རྡོ་རྗེའི་ཕྲེང་བ་འཛིན་པ་གཡས་བརྐྱང་བས་བཞུགས་པ། འཇིགས་བྱེད་དང་དུས་མཚན་ཞབས་ཀྱིས་མནན་པ། རྡོ་རྗེ་ཕག་མོ་ལ་འཁྱུད་པའི་ཕྱག་གཉིས་ཀྱིས་རྡོ་རྗེ་དང་དྲིལ་བུ་བསྣམས་པ། དེའི་འོག་མའི་ཕྱག་གཉིས་ཀྱིས་
[205b.5]གླང་པོ་ཆེའི་པགས་པ་བརྒྱང་བ། གཡས་བའི་གསུམ་པ་ན་ཌ་མ་རུ། བཞི་པ་ན་དགྲ་སྟ། ལྔ་པ་ན་གྲི་གུག །དྲུག་པ་ན་མདུང་རྩེ་གསུམ་པ། གཡོན་པའི་གསུམ་པ་ན་ཁ་ཊྲཱི་ག །བཞི་པ་ན་ཐོད་པ། ལྔ་པ་ན་རྡོ་རྗེ་ཞགས་པ། དྲུག་པ་ན་ཚངས་མགོ་བསྣམས་པ། རལ་པ་དང་ཅོད་
[205b.6]པན་གྱིས་བརྒྱན་པའི་ཐོད་པ། ཐོད་པའི་ཕྲེང་བའི་ཐོད་ཅན། ཟླ་བ་ཕྱེད་པ་དབུ་ལ་འཇོག་པ། སྣ་ཚོགས་རྡོ་རྗེས་མཚན་པའི་དབུ་རྒྱན་ཅན་ཞལ་རྣམ་པར་འགྱུར་བ། མཆེ་བ་གཙིགས་ཤིང་འཇིགས་པར་བྱེད་པ། སྒེག་པ་ལ་སོགས་ཉམས་དགུ་ལྡན་པ། ཞལ་གཡོན་མརྒ་ཏ་ལྟ་བུ་གཡས་
[205b.7]པའི་ཞལ་སེར་བ། རྒྱབ་པདྨ་རཱ་ག་ལྟ་བུའི་མདོག་ཅན། སྟག་གི་པགས་པའི་ཤམ་ཐབས་ཅན། མི་མགོ་རློན་པའི་ཕྲེང་བ་འཕྱང་བ། རྣ་ཆ་དང་། གདུ་བུ་དང་། མགུལ་རྒྱན་དང་། དཔུང་རྒྱན་དང་། སྤྱི་གཙུག་ནོར་བུ་རིན་པོ་ཆེས་བརྒྱན་པ། མཆོད་ཕྱིར་ཐོགས་འཕྱང་བ་ཐལ་བ་
[206a]
[206a.1]དང་ཕྱག་རྒྱ་དྲུག་སྟེ། ཕ་རོལ་དུ་ཕྱིན་པ་དྲུག་དག་པའི་ཕྱིར་ཕྱག་རྒྱ་དྲུག་གིས་རྒྱས་བཏབ་པའོ། །དེའི་སྤྱན་སྔར་ཡུམ་སྐུ་མདོག་དམར་མོ་ཞལ་གཅིག་པ་སྤྱན་གསུམ་པ། ཕྱག་གཉིས་པ། སྐྲ་གྲོལ་བ། གཅེར་བུ་དུམ་བུའི་སྐ་རགས་ཅན། ཕྱག་གཡོན་
[206a.2]ཐོད་པ་བསྣམས་ནས་ཡབ་ལ་འཁྱུད་པ། གཡས་པ་རྡོ་རྗེ་སྡིགས་མཛུབ་བྱས་པ། བསྐལ་པའི་མེ་ལྟ་བུའི་གཟི་བརྗིད་ཅན། ཁྲག་ལ་དགྱེས་ཤིང་ཞལ་ནས་ཁྲག་འཛག་པ། བྱིན་པ་གཉིས་ཀྱིས་ལེགས་པར་འཁྱུད་པ། བདེ་བ་ཆེན་པོའི་བདག་ཉིད་ཅན་ནོ། །ཕྱོགས་ཀྱི་འདབ་མ་བཞི་ལ་
[206a.3]ནི། མཁའ་འགྲོ་མ་དང་། ལཱ་མ་དང་། ཁཎྜ་རོ་ཧ་དང་། གཟུགས་ཅན་མ་ནི་དངོས་གྲུབ་སྟེར་བ་སྟེ། ནག་མོ་དང་། ལྗང་གུ་དང་། དམར་མོ་དང་། སེར་མོ་སྟེ་ཞལ་གཅིག་པ་ཕྱག་བཞི་པ། གཡས་ན་ཌ་མ་རུ་དང་གྲི་གུག་དང་། གཡོན་ན་ཐོད་པ་དང་ཁ་ཊྲཱཾ་ག་བསྣམས་པ། སྤྱན་གསུམ་
[206a.4]པ། སྐྲ་གྲོལ་བ། གསེར་བུ་གཡས་བརྐྱང་བས་བཞུགས་པ། ཞལ་མཆེ་བ་གཙིགས་པ་ཕྱག་རྒྱ་ལྔས་བརྒྱན་པ་བསྒོམ་པར་བྱའོ། །མཚམས་ཀྱི་འདབ་མ་རྣམས་ན་བྱང་ཆུབ་ཀྱི་སེམས་ཀྱིས་གང་བའི་སྣོད་བཞིའོ། །དེ་ནས་སྐུ་གསུང་ཐུགས་བྱིན་གྱིས་བརླབ་པ་ནི། མགོ་བོ་དང་། མགྲིན་པ་དང་།
[206a.5]ནུ་མའི་བར་དང་། སྙིང་ག་རྣམས་སུ། ཨོཾ་དཀར་བོ་དང་། ཨཱཿདམར་པོ་དང་། ཧཱུཾ་ནག་པོ་དང་། ཧཱུཾ་སྔོན་པོ་བསམ་པར་བྱའོ། །དེ་ནས་ཡི་གེ་ལས་འོད་ཟེར་འཕྲོས་ཏེ། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་བསྐུལ་ཏེ། ཡི་གེ་བཞི་ལ་སོ་སོར་ཐིམ་པར་བསམ་ཞིང་། ཨོཾ་ཨཱཿཧཱུཾ་སརྦྦ་བཱི་ར་ཡོ་
[206a.6]གིནཱི་ཀཱ་ཡ་ཝཱཀཙིཏྟ་བཛྲ་སྭ་བྷཱ་ཝ་ཨཱ་ཏྨ་ཀོ྅ཧཾ། ཨོཾ་ཡོ་ག་ཤུངྔྷཿསརྦ་ངྷརྨཱ་ཡོ་ག་ཤུངྔྷོ྅ཧྃ། ཞེས་བརྗོད་པས་ང་རྒྱལ་བརྟན་པར་བྱའོ། །དེ་ནས་གོ་ཆ་བསམ་པར་བྱ་སྟེ། ཧེ་རུ་ཀའི་སྙིང་གར་ཨོཾ་ཧ་དཀར་པོ་དང་། མགོ་བོ་ལ་ན་མ་ཧི་སེར་པོ་དང་། སྤྱི་གཙུག་ཏུ་སྭཱཧཱ་ཧུ་དམར་པོ་དང་།
[206a.7]ཕྲག་པ་གཉིས་སུ་བོཥཊ་ཧེ་ནག་པོ་དང་། མིག་གཉིས་སུ་ཧཱུྃ་ཧཱུྃ་ཧོ་དམར་པོ་དང་། ཡན་ལག་ཐམས་ཅད་ལ་ཕཊ་ཧཾ་ལྗང་གུ །ཡུམ་གྱི་ལྟེ་བར་ཨོཾ་བཾ་དམར་པོ། སྙིང་གར་ཧཾ་ཡོཾ་ཡ་མི་ནི་སྔོན་མོ། ཁ་ལ་ཧྲིཾ་མོཾ་རྨོངས་བྱེད་མ་དཀར་མོ། མགོ་བོ་ལ་ཧྲེཾ་ཧྲི་སྐྱོད་བྱེད་མ་སེར་མོ།
[206b]
[206b.1]སྤྱི་གཙུག་ཏུ་ཧཱུྃ་ཧཱུྃ་སྐྲག་བྱེད་མ་ལྗང་གུ །ཡན་ལག་ཐམས་ཅད་ལ་ཕཊ་ཕཊ་ཙཎྜི་ཀ་རུ་བའི་མདོག་ཅན་མོ། དེ་ལྟར་གོ་ཆ་བགོས་ནས་ཡེ་ཤེས་པ་སྤྱན་དྲང་བ་ནི། སྔགས་དང་ཕྱག་རྒྱས་མདུན་གྱི་ནམ་མཁའ་ལ་བྱོན་པར་བསམ་ཞིང་། དམ་ཚིག་དང་ཡེ་ཤེས་པ་གཉིས་སུ་མེད་པར་བྱས་ནས།
[206b.2]ཨོཾ་ཡོ་ག་ཤུངྔྷཿསརྦ་ངྷརྨཱཡོ་ག་ཤུངྔྷོ྅ཧཾ། ཞེས་བརྗོད་པས་ང་རྒྱལ་བརྟན་པར་བྱའོ། །དེ་ནས་དབང་བསྐུར་བའི་ཕྱིར་སྙིང་གའི་ཧཱུྃ་གི་འོད་ཟེར་གྱིས་ཡེ་ཤེས་པ་སྤྱན་དྲངས་ནས། ནམ་མཁའ་ལ་བྱོན་པར་བསམ་མོ། །དེ་ནས་ཕྱི་ནང་གསང་བ་གསུམ་གྱིས་མཆོད་ནས་གསོལ་བ་གདབ་སྟེ། བྱང་
[206b.3]ཆུབ་རྡོ་རྗེས་སངས་རྒྱས་ལ། །ཇི་ལྟར་མཆོག་གཉིས་སྩོལ་མཛད་དང་། །བདག་ཀྱང་བསྲུང་བའི་དོན་གྱི་ཕྱིར། །ནམ་མཁའི་རྡོ་རྗེ་བདག་ལ་སྩོལ། །ཞེས་གསོལ་བ་གདབ་པར་བྱའོ། །དེ་ནས་མི་བསྐྱོད་རྡོ་རྗེ་གཙོ་བོར་གྱུར་བའི་ཐུགས་ཀ་ནས་མཁའ་འགྲོ་མ་བཞི་ཡེ་ཤེས་ཀྱི་བུམ་པ་ཐོགས་ནས།
[206b.4]ཇི་ལྟར་བལྟམས་པ་ཙམ་གྱིས་ཀྱང་། །དེ་བཞིན་གཤེགས་ཀུན་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བྱའོ། །ཞེས་བརྗོད་དེ་དབང་བསྐུར་བ་དང་། གཙོ་བོས་ཀྱང་། རྡོ་རྗེ་ཆེན་པོ་དབང་བསྐུར་བ། །ཁམས་གསུམ་པ་ཡིས་ཕྱག་བྱས་པའི། །སངས་
[206b.5]རྒྱས་ཀུན་གྱི་གསང་གསུམ་པའི། །གནས་ལས་བྱུང་བ་སྦྱིན་པར་བྱ། །ཞེས་བརྗོད་ཅིང་དབང་བསྐུར་བས་ལུས་ཀྱི་ཕྱི་ནང་གི་དྲི་མ་ཐམས་ཅད་དག་པར་བསམ་མོ། །དབང་ཡོངས་སུ་རྫོགས་ནས་ནང་དབང་རྟགས་སུ་མི་བསྐྱོད་བས་གནོན་གྱི་ཕྱག་རྒྱ་ཅན་སྐུ་མདོག་སྔོན་པོ་རྡོ་རྗེ་དྲིལ་བུ་ཅན་གྱིས་
[206b.6]དབུ་བརྒྱན་པའོ། །དེ་ལྟར་བསྐྱེད་པའི་རིམ་པ་ལས་སྐྱོན་བཟླས་པ་བྱ་སྟེ། ཨོཾ་ཤྲཱིབཛྲ་ཧེ་ཧེ་རུ་རུ་ཀཾ་ཧཱུྃ་ཧཱུྃ་ཕཊ། ཌཱ་ཀི་ནི་ཛཱ་ལ་སམྦ་ར་སྭཱཧཱ། སྙིང་པོའོ། །ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཉེ་བའི་སྙིང་བོའོ། །ཨོཾ་སརྦབུངྔྷཊྱཱ་ཀི་ནཱི་ཡེ་ཧཱུྃ་ཧཱུྃ་ཕཊ། བཛྲ་ཝརྞྞནཱི་ཡེ་ཧཱུཾ་ཧཱུཾ་ཕཊ། ཡུམ་གྱི་སྙིང་པོའོ། །བཛྲ་བཻ་རོ་ཙ་ནཱི
[206b.7]ཡེ་ཧཱུྃ་ཧཱུྃ་ཕཊ། ཡུམ་གྱི་ཉེ་བའི་སྙིང་བོའོ། །ཨོཾ་ཌཱ་ཀི་ནཱི་ཡེ་ཧུྃ་ཧཱུྃ་ཕཊ། ཨོ་ཝཱ་མ་ཡེ་ཧུྃ་ཧཱུྃ་ཕཊ། ཨོཾ་ཁཎྜ་རོ་ཧེ་ཧུྃཧཱུྃ་ཕཊ། ཨོཾ་རཱུ་པི་ཎཱི་ཡེ་ཧུྃ་ཧཱུྃ་ཕཊ། ཕྱོགས་ཀྱི་ལྷ་མོ་བཞིའོ། །དེ་ལྟར་སྔགས་ཀྱི་སྐྱོན་ཡོན་གཉིས་ཤེས་བས། ཇི་ཙམ་དུ་བླ་མ་གདམས་ངག་གིས་བཟླས་པར་བྱའོ། །དེ་
[207a]
[207a.1]ནས་མཉམ་གཞག་ལས་ལངས་ནས་རིམ་གྱིས་ལྷ་བསྡུས་ཏེ། དཔའ་བོ་གཅིག་པའི་ང་རྒྱལ་གྱིས་རྗེས་དང་སྤྱོད་ལམ་གྱི་རྣལ་འབྱོར་བྱའོ། །དེ་ནས་རྫོགས་པའི་རིམ་པ་ལ་འཇུག་པར་འདོད་པས། ཟླ་བ་ཕོ་ཉའི་ལམ་པ་དང་། ཉི་མ་ལུས་ཀྱི་དཀྱིལ་འཁོར་ཏེ། །
[207a.2]ཐིག་ལེ་བཞི་ནི་ཡེ་ཤེས་ཡིན། །ཡོངས་སུ་དག་པ་འོད་གསལ་ཡིན། །དཔེར་ན་ནམ་མཁའི་མཚན་ཉིད་དོ། །རང་བཞིན་མེད་པ་ཟུང་འཇུག་སྟེ། །བདེ་ཆེན་རྣམ་པ་གསུམ་གྱིས་བསྟན། །བསྐྱེད་དང་རྫོགས་པའི་རིམ་པ་ནི། །རྣལ་འབྱོར་པ་ཡི་ལམ་ཁྱེར་རོ། །དཔལ་བདེ་མཆོག་འཁོར་
[207a.3]ལོ་ལྷ་ལྔའི་སྒྲུབ་ཐབས་རྫོགས་སོ།། །།རྒྱ་གར་གྱི་མཁན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ། བོད་ཀྱི་ལོ་ཙཱ་བ་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། {T1493}༄༅༅། །རྒྱ་གར་སྐད་དུ། ཨེ་ཀ་བཱི་ར་སཱ་ངྷ་ནཾ་ནཱ་མ། བོད་སྐད་དུ། དཔའ་བོ་
[207a.4]གཅིག་པའི་སྒྲུབ་ཐབས་ཞེས་བྱ་བ། དཔལ་ལྷན་ཅིག་སྐྱེས་པ་རང་གི་ལྷ་ལ་ཕྱག་འཚལ་ལོ། །དང་པོར་སྔགས་པས་ཕྱི་ནང་གི་དྲི་མ་དག་པར་བྱས་ལ་སྟན་བདེ་བ་ལ་འདུག་སྟེ། རང་སྐད་ཅིག་གིས་ཧེ་རུ་ཀར་བསྐྱེད་བའི་སྙིང་གའི་ཧཱུྃ་གི་འོད་ཀྱིས་གདུག་པ་ཅན་ཐམས་ཅད་ཞི་བར་བྱས་ཏེ།
[207a.5]འོད་ཚུར་འདུས་པ་ལས་སྲུང་བའི་འཁོར་ལོ་བསྒོམ་པར་བྱའོ། །དེ་ནས་ཚངས་པའི་གནས་བཞི་བསྒོམ་པར་བྱ་སྟེ། སེམས་ཅན་ཐམས་ཅད་བདེ་བ་དང་ལྡན་པར་བྱ་སྙམ་པའི་བྱམས་པ་དང་། སྡུག་བསྔལ་དང་བྲལ་བར་བྱ་སྙམ་པར་སྙིང་རྗེ་དང་། ཧེ་རུ་ཀའི་གོ་འཕང་ལ་དགོད་པར་འདོད་པའི་
[207a.6]དགའ་བ་དང་། འཇིག་རྟེན་དང་འཇིག་རྟེན་ལས་འདས་པའི་དགེ་བའི་རྩ་བ་མ་ལུས་པ་ལ་དགོད་པར་འདོད་པའི་བཏང་སྙོམས་ཚད་མེད་པ་བསྒོམ་པར་བྱའོ། །དེ་ནས་དད་པ་དང་གུས་པས་མདུན་གྱི་ནམ་མཁའ་ལ་བླ་མ་བརྒྱུད་པ་དང་བཅས་པ་དང་། སངས་རྒྱས་དང་བྱང་ཆུབ་སེམས་དཔའ་
[207a.7]རྣམས་བསམས་ཏེ། །དེ་དག་ཐམས་ཅད་འོད་ཀྱི་གོང་བུ་ལས། དཔལ་ཧེ་རུ་ཀར་གྱུར་པ་ལ་མཆོད་པ་དང་། བསྟོད་པ་དང་། སྡིག་པ་བཤགས་པ་དང་། སྡོམ་པ་གཟུང་བ་དང་། གསོལ་བ་གདབ་པ་ལ་སོགས་པ་བྱའོ། །དེ་ནས་ཨོཾ་ཤཱུནྱཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་
[207b]
[207b.1]པས་སྟོང་པ་ཉིད་དུ་བསམ་པར་བྱའོ། །འབྱུང་བ་རིམ་བརྩེགས་རི་རབ་ཀྱི་སྟེང་དུ་པདྨ་ལ་ཉི་མ་དང་ཟླ་བའི་སྟེང་དུ་ཧཱུྃ་འོད་ཟེར་ལྔ་འཕྲོ་པ་དང་འདུ་བ་རྡོ་རྗེ་སེམས་དཔའི་རང་བཞིན་ཅན། དེ་ཡོངས་སུ་གྱུར་པ་ལས་བཅོམ་ལྡན་འདས་དཔའ་བོ་གཅིག་པ་སྐུ་མདོག་མཐིང་ག་ཞལ་གཅིག་ཕྱག་གཉིས་པ་
[207b.2]རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། ཞབས་གཡས་བརྐྱང་བས་འཇིགས་བྱེད་མནན་པ། གཡོན་བསྐུམ་པས་དུས་མཚན་མ་མནན་པ་རལ་པ་ནག་པོ་གྱེན་དུ་གཡེངས་པའི་ཅོན་པན་ཅན། སྤྱི་གཙུག་གི་ནོར་བུ་དང་། སྣ་ཚོགས་རྡོ་རྗེ་དང་ཟླ་བ་ཕྱེད་པའི་དབུ་རྒྱན་ཅན། མི་བསྐྱོད་པས་
[207b.3]དབུ་བརྒྱན་པ་དར་དཔྱངས་ཀྱི་ཅོད་པན་ཅན། སྒེག་པ་ལ་སོགས་པའི་ཉམས་དང་ལྡན་ཞིང་ཤིན་ཏུ་འགྱིང་བག་དང་ལྡན་པ། སྟག་གི་པགས་པས་སྨད་དཀྲིས་ཤིང་། མི་མགོ་ལྔ་བཅུས་དོ་ཤལ་བྱས་པ། ཕྱག་རྒྱ་དྲུག་དང་ལྡན་པར་བསྒོམ་པར་བྱའོ། །དེའི་སྤྱན་སྔར་ཡུམ་བཅོམ་ལྡན་འདས་མ་རྡོ་རྗེ་
[207b.4]ཕག་མོ་སྐུ་མདོག་དམར་མོ་ཞལ་གཅིག་ཕྱག་གཉིས་མ་སྤྱན་གསུམ་པ་ཕྱག་གཡོན་ན་ཐོད་པ་བསྣམས་ནས་ཡབ་ལ་འཁྱུད་པ། གཡས་རྡོ་རྗེ་དང་སྡིགས་མཛུབ་བྱས་ནས་གདུག་པ་ཅན་སྐྲག་པར་བྱེད་པ། སྐྲ་གྲོལ་བ་གཅེར་བུ་དུམ་བུས་སྐེ་རགས་ཅན། མི་མགོ་སྐམ་པོའི་ཕྲེང་བས་སེ་རལ་
[207b.5]ཁར་འཕྱང་བ། ཞབས་གཡས་བྱིན་པ་ལ་འཁྲིལ་ཞིང་གཡོན་བརྐྱང་བ། ཕྱག་རྒྱ་ལྔ་དང་ལྡན་པ་བདེ་བ་ཆེན་པོའི་བདག་ཉིད་ཅན། ཡབ་ཡུམ་སྣང་སྟོང་ཟུང་དུ་འཇུག་པ་བསྒོམ་པར་བྱའོ། །དེ་ལས་ལུས་སྐྱོ་ཞིང་སེམས་དུབ་ན་བསྐྱེད་རིམ་གྱི་ངང་ལས་བླ་མའི་མན་ངག་གིས་བཟླས་པར་
[207b.6]བྱའོ། །དེ་ཡང་ཧེ་རུ་ཀའི་ཐུགས་ཀ་ནས་ཡེ་ཤེས་སེམས་དཔའ་དེའི་ཐུགས་ཀ་ནས་ཏིང་ངེ་འཛིན་སེམས་དཔའི་ཡི་གེ་ཧཱུཾ་སྔོན་པོ་ལ་སྙིང་པོའི་སྔགས་ཀྱིས་བསྐོར་བ་ལ་སེམས་གཏད་དེ་བཟླས་པ་བྱའོ། །ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ། དེ་ལས་སྐྱོ་བར་གྱུར་ན་ཁམས་གསུམ་ཐམས་ཅད་འོད་ཀྱི་རང་བཞིན་དུ་
[207b.7]བྱས་ཏེ། འོད་ཟེར་ཡང་རིམ་གྱིས་བསྡུས་ནས། ཧེ་རུ་ཀ་ཡབ་ཡུམ་ལ། དེ་སྙིང་གའི་ཧཱུྃ་ལ། ཧཱུཾ་ཞབས་ཀྱུ་ནས་ནཱ་དའི་བར་དུ་བསྡུས་ལ། འོད་གསལ་བསམ་གྱིས་མི་ཁྱབ་པའི་ངང་ལ་ཇི་སྲིད་གནས་ཀྱི་བར་དུ་བསྒོམ་མོ། །དེ་ལས་ཀྱང་ལུས་སྐྱོ་སེམས་དུབ་ན། འོད་གསལ་ལས་ཟུང་
[208a]
[208a.1]འཇུག་གི་སྐུར་ལངས་ཏེ། སྣང་བ་རང་བཞིན་མེད་པ་མེ་ལོང་གི་གཟུགས་བརྙན་ལྟ་བུ་ཁ་དོག་དང་བཅས་པ་འཇའ་ཚོན་ལྟ་བུ། སྒྲོ་སྐུར་དང་བྲལ་བ་ཆུ་ཟླ་ལྟ་བུར་ལངས་ཏེ་ཟུང་འཇུག་ཏུ་བསྒོམ་པར་བྱའོ། །སྤྱོད་ལམ་དང་ཐུན་མཚམས་ཀྱི་རྣལ་འབྱོར་དང་ལྡན་པས་ཐུན་
[208a.2]བཞིར་ཉམས་སུ་བླང་ངོ་། །དཔལ་བདེ་མཆོག་འཁོར་ལོ་དཔའ་བོ་གཅིག་པའི་སྒྲུབ་ཐབས་ཡུལ་བྷཾ་ག་ལའི་སློབ་དཔོན་བསོད་སྙོམས་པ་དཔལ་མར་མེ་མཛད་ཡེ་ཤེས་ཀྱིས་མཛད་པ་རྫོགས་སོ།། །།བོད་ཀྱི་ལོ་ཙཱ་བ་ནག་ཚོ་ཚུལ་ཁྲིམས་རྒྱལ་པས་བསྒྱུར་བའོ།། །།
[208a.3]{T1494}༄༅༅། །རྒྱ་གར་སྐད་དུ། བཛྲཨཱ་ས་ན་བཛྲ་གཱི་ཏི། བོད་སྐད་དུ། རྡོ་རྗེ་གདན་གྱི་རྡོ་རྗེའི་གླུ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །དཔལ་ལྡན་རྡོ་རྗེ་གདན་སྤོར་སངས་རྒྱས་དང་། །བླ་མ་རྡོ་རྗེ་འཛིན་དངོས་བདག་ཉིད་ཅན། །ཟབ་པའི་དོན་ལྡན་གླུ་འདི་སྟོན་གྱུར་
[208a.4]པ། །ཡོན་ཏན་ཀུན་རྫོགས་དེ་ལ་ཕྱག་འཚལ་ལོ། །ལུས་འདི་རྣམས་སྐམས་སེམས་ནི་ཉོན་མོངས་པའི། །དེ་འདྲའི་བྱེད་པ་མ་ལུས་ཡོངས་སུ་སྤངས་ནས། །དེས་ནི་འགྲོ་ཀུན་རང་བཞིན་རྣམ་དག་པར། །དཔལ་ལྡན་རྡོ་རྗེའི་གདན་ལ་སངས་རྒྱས་གྱུར། །མཛེས་མ་མཆོག་ལྡན་ཁྱེར་ནས་རབ་ཏུ་
[208a.5]མྱུར་བསྒྲུབས་པས། །ནི་རཉྫ་ནའི་འགྲམ་དུ་བདེ་བར་འདུག་པས་འདུས། །བྱང་ཆུབ་ཤིང་རྩར་རྡོ་རྗེ་གདན་བཞུགས་ནས། །རྡོ་རྗེ་དཔེར་བྱས་ཏིང་ངེ་འཛིན་ལ་གནས། །ཏིང་འཛིན་བླ་ན་མེད་པའི་ལམ་འདིས་ཀྱེ། །བདུད་བཞིའི་འཇིགས་པ་ཆེན་པོ་གང་དེ་བཅོམ། །གཟུགས་ནི་མ་སྤངས་
[208a.6]ལྷན་ཅིག་རྣམ་རོལ་པས། །རང་བཞིན་བདག་མེད་པ་དང་འདུས་གྱུར་ནས། །དངོས་མེད་ཡིད་འོང་བདག་གི་བཙུན་མོ་དེ། །ཆགས་མེད་ཞི་བས་ཉོན་མོངས་མེད་གང་གིས། །སྐྱེ་དང་འཆི་བ་སྲིད་པའི་འཁྲུལ་པ་སྤོང་། །འཁྲུལ་མེད་བདེ་བ་ཆེན་པོར་ལེན་ཅིང་སྟེར། །དེ་ལ་ཁ་དོག་
[208a.7]དབྱིབས་དང་ཚད་ཀྱང་མེད། །བྱེད་མེད་འདོད་མེད་སྐྱེ་མེད་ང་རྒྱལ་མེད། །བདག་མེད་གང་ལ་སེམས་ནི་ཞུགས་གྱུར་ན། །བདག་གཞན་དབྱེ་བ་མ་ལུས་མི་མཐོང་ངོ་། །འགྲོ་དང་འོང་དང་གར་ཡང་གནས་པ་མེད། །ནམ་མཁའི་ངོ་བོ་ཡང་དག་ཇི་ལྟ་བར། །རྣལ་འབྱོར་ཐུབ་མཆོག་མ་
[208b]
[208b.1]ལུས་རྣམ་པར་རོལ། །དེ་ནི་བདག་མེད་བཙུན་མོ་ཞེས་ང་སྨྲ། །ཆགས་མེད་བྱམས་དང་སྙིང་རྗེ་ལས་བྱུང་བའི། །བྱང་ཆུབ་སྨོན་པའི་སེམས་ནི་ལེགས་བརྟན་བྱེད། །རང་བཞིན་གོམས་པའི་ཡིད་ནི་གར་མི་གནས། །འདི་དེ་ཉིད་ནི་བླ་མེད་བྱང་ཆུབ་ལམ། །རབ་རིབ་ཅན་ནི་མཁའ་ལ་སྐྲ་
[208b.2]མཐོང་སྨྲ། །རབ་རིབ་ཅན་དང་འགྲོ་ཀུན་ཁྱད་མེད་ཀྱི། །སྐྱེ་མེད་གནས་མེད་འགྲོ་ཀུན་ཡང་དག་པར། །མིག་འཕྲུལ་ཇི་བཞིན་ངེས་པར་ཡོངས་སུ་སྣང་། །བརྟག་པའི་སྤྲོས་པས་བསྐྱེད་ལ་མ་ཆགས་ཤིག །བྱང་ཆུབ་བླ་མེད་ལམ་དུ་དེ་མི་འགྱུར། །སྣ་ཚོགས་རྣམ་རྟོག་ལས་གཞན་འཆིང་བ་
[208b.3]མེད། །དེ་ལས་སྐྱེ་འཆི་འཁོར་བ་གཞན་མ་ཡིན། །རྣལ་འབྱོར་འགྲོ་ལ་བདག་གིས་སྙིང་པོ་སྨྲས། །རྣམ་རྟོག་རྒྱུ་བས་གར་ཡང་མ་བལྟ་ཞིག། །རྣམ་རྟོག་གཞན་མིན་གཏི་མུག་གཞན་མ་ཡིན། །ཆགས་དང་འཇིགས་དང་ཁྲོ་ལས་དེ་གཞན་མིན། །གང་གང་རྣམ་བརྟགས་དེ་བརྫུན་ཕྱིན་ཅི་ལོག །
[208b.4]ངེས་པར་རྣམ་བརྟགས་བདེ་བ་ཆེན་པོར་འདོད། །འདི་ལྟའི་ཏིང་འཛིན་བདེ་བ་ཆེན་པོར་སྨྲ། །སྐྱེ་དང་འཆི་བའི་འཇིགས་པས་གར་ཡང་གནོད་པ་མེད། །རི་དགས་སྨིག་རྒྱུ་ཆུར་མཐོང་ཡོངས་རྒྱུག་ཀྱང་། །དུབ་པས་འཆི་འགྱུར་གང་ཡང་བདེ་རྙེད་མེད། །ཀྱེ་ལགས་ཡིད་ཀྱི་རི་དགས་བདེ་བའི་ཆུ་འདོད་
[208b.5]པ། །ཡུལ་གྱི་སྨིག་རྒྱུ་ལ་ནི་མ་རྒྱུག་དང་། །ཡུལ་གྱི་སྨིག་རྒྱུ་གང་ལའང་བདེ་ཆུ་མེད། །བདེན་དངོས་མི་ཤེས་ཅི་ཞིག་འདོད་པས་རྒྱུག །གྲོང་དུ་ལོངས་སྤྱོད་བདེ་བ་ཚོལ་བའི་བྱོལ་སོང་གང་། །བྱོལ་སོང་དེ་ནི་སྐྲ་ཡི་ཞགས་པ་དམ་པོས་བཅིངས། །གང་གི་ངོ་བོ་ཤེས་པས་གར་ཡང་འགྲོ་མེད་པའི། །ཏིང་འཛིན་
[208b.6]རོལ་པས་བསམ་མི་ཁྱབ་པར་སྤྲོ། །གང་ལ་ཡིད་ཀྱི་བྱ་རྒོད་རྟེན་པའི་ཤིང་། །དེ་ལ་བདེ་བའི་མེ་ཏོག་ལོ་མ་སྐྱེ་པ་མེད། །ངེས་པར་ཡིད་ཀྱི་བྱ་རྒོད་བཅིངས་བསད་ན། །གཡོ་ཞིང་འགྱུར་བསམ་ལེགས་བྱེད་པར་གང་ཞིག་འགྱུར། །གང་ཚེ་ཡིད་ཀྱི་བྱ་རྒོད་བཅིངས་ལས་གྲོལ་བས་ན། །ཤ་
[208b.7]ཁྲག་མང་པོ་འཐུང་ཞིང་ཟ་བས་བཀྲེས་པ་མེད། །གཉིས་སུ་མཐོང་བའི་ཕྱོགས་ནི་བཅོམ་པས་ཁྱོད། །གང་གིས་གང་ཡང་འབད་པ་བྱེད་པ་མེད། །སྟོང་ཉིད་བརྟན་གྱིས་འཁྲུལ་པ་སྤང་དུ་མེད། །འཁྲུལ་པས་འཆིང་སྤང་སེམས་པར་མ་བྱེད་ཅིག །གང་གང་ལས་བྱུང་དེ་ནི་ངེས་
[209a]
[209a.1]ལྟོས་ལ། །མི་རྟོག་ཏིང་ངེ་འཛིན་གྱིས་དེ་བསལ་གྱིས། །རྣམ་རྟོག་དྲི་མ་ཆེན་པོ་མ་ལུས་ཁྲུས། །ནམ་མཁའི་མེ་ཏོག་དང་འདྲ་དངོས་པོ་མཉམ་པར་རྟོག །དེས་སྦྱང་བག་ཆགས་བྲལ་བས་རྣལ་འབྱོར་མ་མཐོང་བ། །ནམ་མཁའི་མེ་ཏོག་བུང་བས་འཇིག་
[209a.2]པ་མཐོང་བ་འདྲ། །དེས་སྦྱངས་དམ་ཚིག་སྤྱོད་པ་རྣམ་དག་པ། །འཇིག་རྟེན་སྤྲོས་པ་གནས་པ་དང་ནི་འགལ་བ་ཡིན། །ནམ་མཁའི་མེ་ཏོག་བུང་བས་འཇིབ་པ་འདྲ་བ་ཡི། །བདག་དང་གཞན་དུ་ལྟ་བའི་འཁྲུལ་པ་ཆོལ། །འཇིག་རྟེན་སྤྲོས་པ་རྡོ་རྗེ་ཕབ་ནས་ནི། །འཇིག་
[209a.3]འཛིན་ངོ་ཚ་ཨ་ཝ་དྷཱུ་ཏཱིས་སྤོངས། །བྱང་ཆུབ་སྨོན་པ་སྙིང་རྗེར་བཅས་གཉིས་ཀྱིས། །ངེས་པར་སྦྱངས་འདིར་ཐམས་ཅད་འདུས་པར་འགྱུར། །བླ་མའི་བཀའ་ལུང་གང་ཡིན་རིན་པོ་ཆེར་སྣང་གི །གཞན་པའི་རིན་ཆེན་དེ་ལས་བདེ་བ་ཅི་ཞིག་འབྱུང་། །བླ་མའི་མན་ངག་མེད་པ་དེ་ལས་
[209a.4]འབྲས་མི་འབྱུང་། །དྲི་མ་ཅན་གྱི་རས་ལ་གུར་གུམ་ཚོན་བཞིན་ནོ། །རྣལ་འབྱོར་མ་ཉམས་མྱོང་ན་རྣལ་འབྱོར་པར་འགྱུར་པས། །གཞོན་ནུ་མ་གཞན་འདུས་པས་བདེ་བསྐྱེད་པ། གང་གིས་སྲིད་པའི་མཚོ་ལས་སྒྲོལ་འགྱུར་བའི །བླ་མའི་ལུང་ལས་གཅེས་པ་གཞན་ཅི་ཡོད། །
[209a.5]སྙིང་རྗེས་གཞན་ཕན་སློབ་མས་འཇུག་པ་ཡི། །ངུར་སྨྲིག་འཛིན་པའི་སློངས་མོས་རྙེད་དཀའ་མིན། །ཡི་གེ་ཤྲཱི་ནི་གཉིས་མེད་ཡེ་ཤེས་ཏེ། །འགྲོ་བ་དབྱེར་མེད་རྣམ་པར་སྟོན་པ་ཡིན། །སེམས་རྨོངས་བྱེད་པའི་བསྟན་བཅོས་ཡོངས་སྤོངས་དང་། །དོན་དམ་ཤྲཱི་ཧེ་རུ་ཀར་འགྱུར་པ་ཡིན། །
[209a.6]རྒྱུ་མེད་སོགས་ལས་སྐྱེ་བ་རྨོངས་པ་ནི། །འགོག་ཅིང་སྟོང་པར་ཡི་གེ་ཧེ་འདིས་བསྟན། །རྟོག་དཔྱོད་བྲལ་བའི་དོན་དམ་གང་ཡིན་པས། །འཆི་བ་སྤོང་བར་ཡི་གེ་རུ་འདིས་བསྟན། །དངོས་དང་དངོས་མེད་གང་ལའང་མི་གནས་པ། །སྲིད་དང་མྱ་ངན་འདས་མེད་ཡི་གེ་ཀ་འདིས་བསྟན། །
[209a.7]འདི་ལྟར་བཞི་ཡིས་བསྟན་པའི་དོན་གང་ཡིན། །དེ་ནི་དོན་དམ་ཤྲཱི་ཧེ་རུ་ཀ།།མཁས་བ་ཆེན་པོ་དཔལ་མར་མེ་མཛད་ཡེ་ཤེས་ཀྱི་དངོས་པོའི་དོན་ཉིད་ཀྱིས་ཇི་ལྟར་གཟིགས་པ་དེ་ལྟར་གཞན་ལ་བསྟན་པའི་ཕྱིར་རྡོ་རྗེ་འཆང་གི་གནས་སུ་གཤེགས་པའི་ཚེ་སྐྱི་ཤོད་སྙེ་ཐང་བཀྲ་ཤིས་དཔལ་གྱི་ན་མོ་ཆེར་རྡོ་རྗེའི་གླུ་
[209b]
[209b.1]བླངས་པ་རྫོགས་སོ།། {T1495}༄༅༅། །རྒྱ་གར་སྐད་དུ། བཛྲ་ཨཱ་ས་ན་བཛྲ་གཱི་ཏི་བྲྀཏྟི། བོད་སྐད་དུ། རྡོ་རྗེ་གདན་གྱི་རྡོ་རྗེའི་གླུའི་འགྲེལ་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །སྐྱེ་ལ་སོགས་པའི་རྦ་རླབས་འཁྲིགས། །སྲིད་པའི་སྡུག་བསྔལ་སེལ་མཛད་ཅིང་། །
[209b.2]ཐུགས་རྗེས་ཡིད་བཞིན་ནོར་ལྟར་རེ་སྐོང་བ། །རྗེ་བཙུན་སྒྲོལ་མ་དེ་ལ་ཕྱག་འཚལ་ལོ། །ཆུ་ཡི་ནང་གི་ཟླ་བ་ལྟར། །གར་དགུའི་ཉམས་དང་ལྡན་པ་སྟ། །སྟོན་པའི་གཙོ་བོ་ཁྲག་འཐུང་དཔལ། །དཔའ་བོའི་རྒྱལ་པོས་རྟག་ཏུ་སྐྱོང་གྱུར་ཅིག །འཁྲུལ་འཁོར་མི་བཟད་དབང་གིས་རྟག་ཏུ་
[209b.3]འཁོར། །མིག་བྲལ་ལམ་ནོར་རྣམས་ལ་ཕན་པའི་ཕྱིར། །ངེས་དོན་ཟབ་མོ་བརྒྱུད་པའི་རིམ། །བླ་མའི་ལུང་བཞིན་བྲི་བར་བྱ། །དཔལ་ལྡན་རྡོ་རྗེ་གདན་སྤོར་སངས་རྒྱས་དང་། །ཞེས་བྱ་བ་ལ་སོགས་པས་མཆོད་པར་བརྗོད་པ་ཡིན་ཏེ། དེའི་ཡུལ་ནི་གཉིས་ཏེ། དཀོན་མཆོག་
[209b.4]གསུམ་དང་། དེའི་རྒྱུ་བླ་མའོ། །དེ་ལ་སངས་རྒྱས་སྨོས་པས་ལམ་ཆོས་དཀོན་མཆོག་དང་། རྟེན་དགེ་འདུན་དཀོན་མཆོག་ཤུགས་ཀྱིས་ཤེས་པར་བྱའོ། །དེ་ནི་རྒྱུ་འབྲས་དང་རྟེན་གྱི་རང་བཞིན་ཡིན་པའི་ཕྱིར། དེའི་རག་ལས་ས་བླ་མ་ཡིན་པས་དེའི་ཕྱིར། བླ་མ་རྡོ་རྗེ་འཛིན་དངོས་
[209b.5]བདག་ཉིད་ཅན། །ཞེས་བྱ་སྟེ། རང་བཞིན་ལ་ཐ་དད་པ་མེད་བ་དང་དེའི་རྒྱུ་ཡིན་པའི་ཕྱིར་རོ། །ཟབ་པའི་དོན་ལྡན་གླུ་འདི་སྟོན་འགྱུར་བ། །ཡོན་ཏན་ཀུན་རྫོགས་ཞེས་བྱ་བ་སྟེ་ལྷན་ཅིག་སྐྱེས་པའི་དོན་གསལ་བ་དེ་ནི་རྒྱ་མཚོ་ལྟར་ཟབ་ལ། དེའི་དོན་རྣལ་དུ་མཚོན་པས་གླུ་ཞེས་བྱའོ། །
[209b.6]ཡོན་ཏན་ཀུན་རྫོགས་ཞེས་བྱ་བ་ལ་བླ་མའི་ཡོན་ཏན་བཤད་པ་མ་ལུས་པ་རྫོགས་པ་དང་། དེ་ལ་རང་བཞིན་གྱིས་སངས་རྒྱས་ཀྱི་ཡོན་ཏན་རྫོགས་པས་དེ་སྐད་ཅེས་བྱའོ། །དེའི་ཕྱིར་དམ་པ་སྟེ་དེ་ལ་མཆོད་པར་བརྗོད་པའོ། །ད་ནི་གཞུང་བཤད་པའི་ཕྱིར། ལུས་ནི་རྣམ་བསྐམས་ཞེས་བྱ་
[209b.7]བ་ལ་སོགས་པ་གསུངས་ཏེ། དེ་ལ་ལྡོག་པ་དང་འཇུག་པའི་དབང་གིས་གཉིས་ཏེ། ལུས་རྣམ་པར་བསྐམས་པ་དང་སེམས་ཉོན་མོངས་པའི་རྒྱུ་ཕྱི་རོལ་པའི་བརྟུལ་ཞུགས་ཏེ་མེ་ལྡང་སྟེན་པ་ལ་སོགས་པའོ། །ཆོས་འདི་པས་བྱ་བ་འདིར་དེ་དང་འདྲ་བའི་བྱེད་པ་སྦྱངས་པའི་ཡོན་ཏན་
[210a]
[210a.1]བཅུ་གཉིས་ལ་སོགས་པའོ། །གཞན་ཡང་ཏིང་ངེ་འཛིན་དང་མི་མཐུན་པ་ཐམས་ཅད་དོ། །དེ་ལྟ་བུའི་ལྷག་པའི་བྱེད་པ་སྤངས་ནས་འཇུག་པ་ནི་ལྷན་ཅིག་སྐྱེས་པ་འོད་གསལ་བའི་རང་བཞིན་དེ་ལེགས་པར་མཚོན་ཅིང་ཉམས་སུ་བླངས་ན། དེས་ནི་འགྲོ་ཀུན་རང་བཞིན་
[210a.2]རྣམ་དག་པར། །དཔལ་ལྡན་རྡོ་རྗེའི་གདན་ལས་སངས་རྒྱས་གྱུར། །ཞེས་བྱའོ། །དེ་ལ་དག་པ་ལ་གཉིས་ཏེ། རང་བཞིན་གྱིས་དག་པ་འགྲོ་བ་ཀུན་གྱི་ཐུན་མོང་བ་དེ་ཤེས་རབ་དང་། སྙིང་རྗེས་ལེགས་པར་སྦྱངས་པས་དྲི་མ་དག་པའི་གནས་སྐབས་སོ། །བར་གྱི་སྒྲས་ནི་དྲི་མ་
[210a.3]མེད་པའི་དག་པའོ། །འཇུག་པ་དང་ལྡོག་པའི་སྒྲའི་དོན་མདོར་བསྟན་ནས། །ད་ནི་དཔེའི་སྒོ་ནས་རྒྱས་པར་བསྟན་པའི་ཕྱིར། མཛེས་མ་མཆོག་ལྡན་ཞེས་བྱ་བ་ལ་སོགས་པ་གསུངས་ཏེ། དེ་ལ་དཔེ་བཞི་སྟེ་མཛེས་མ་དང་། ཆུ་བོ་དང་། བྱང་ཆུབ་ཀྱི་ཤིང་དང་རྡོ་རྗེའོ། །དེ་ལ་དཔེ་དང་
[210a.4]པོ་ནི་མཚོན་བྱ་མཚོན་བྱེད་ཀྱི་བརྡའི་དཔེའོ། །གཉིས་པ་ནི་ཆུ་བོ་ལྟར་རྒྱུན་མ་ཆད་པ་དང་། མཐའ་གཉིས་ལ་མི་གནས་པའི་དཔེའོ། །གསུམ་པ་ནི་སྦྱངས་པས་གསལ་བའི་དཔེའོ། །བཞི་པ་ནི་ཡོན་ཏན་གྱི་དཔེའོ། །མཛེས་མ་མཆོག་ལྡན་ཁྱེར་ནས་རབ་ཏུ་མྱུར་བསྒྲུབས་པས། །ཞེས་བྱ་བ།
[210a.5]མཚོན་བྱེད་བརྡའི་བདག་མེད་མའི་དབང་དུ་བྱས་ནས་མཛེས་མ་ནི་ལུས་སོ། །མཆོག་ནི་ངག་དང་སེམས་སོ། །དེ་གསུམ་གྱི་ཡོན་ཏན་དང་ལྡན་པའོ། །ཁྱེར་བ་ནི་དབེན་པ་ལ་སོགས་པར་རོ། །དེར་རབ་ཏུ་སྒྲུབ་མྱུར་དུ་སྒྲུབ་ཅེས་བྱའོ། །བས་ཞེས་བྱ་བ་ནི་དེ་ལྟར་བསྒྲུབས་པས་ས་ཧ་ཛ་
[210a.6]འོད་གསལ་ཉམས་སུ་མྱོང་ཞེས་བྱའོ། །ཇི་ལྟར་མྱོང་བ་འོག་ནས་བཤད་པར་བྱའོ། །མཚོན་བྱའི་བདག་མེད་མ་དེ་ནི་མཛེས་མཆོག་ནི་འོད་གསལ་དང་ས་ཧ་ཛའོ། །ལྡན་པ་ནི་ཟག་མེད་ཀྱི་ཡོན་ཏན་དང་ལྡན་པའོ། །དེ་ལྟར་ད་གཉིས་ཟུང་འཇུག་ཏུ་རབ་ཏུ་མྱུར་དུ་བསྒྲུབས་པས་འབྲས་
[210a.7]བུ་མ་ཧཱ་མ་དྲ་འཐོབ་ཅེས་བྱའོ། །དཔེ་གཉིས་པ་ནི། ནཻ་རཉྫ་ནའི་འགྲམ་དུ་བདེ་བར་འཇུག་པས་འདུས། །ཞེས་བྱ་བ་ལ། ནཻ་རཉྫ་ན་ལ་ཆོས་གཉིས་ཏེ། རྒྱུན་མཆད་པ་དང་། འགྲམ་གཉིས་ནས་མཾ་འབབ་པའོ། །དེ་བཞིན་དུ་རྣལ་འབྱོར་པས་ད་པེས་མཚོན་པའི་དོན་ལ་རྒྱུན་མ་ཆད་པ་དང་།
[210b]
[210b.1]རྟག་ཆད་གཉིས་ཀྱི་མཐར་མ་ལྟུང་བར་དམིགས་པར་བྱའོ། །ལམ་དེ་དཀའ་བས་འཇུག་པ་མ་ཡིན་པས་བདེ་བར་འཇུག་ཅེས་བྱའོ། །འདུས་པ་ནི་གཉིས་ཏེ། རྡོ་རྗེ་དང་པདྨ་དང་དབྱིངས་དང་རིགས་པ་འདུས་པའི་ཚུལ་གྱིས་བསྒྲུབ་པའོ། །དཔེ་གསུམ་པའི་དབང་དུ་བྱས་ནས། བྱང་
[210b.2]ཆུབ་ཤིང་རྩར་རྡོ་རྗེ་གདན་བཞུགས་ནས། །ཞེས་བྱ་བ་ལ་བྱང་ཆུབ་ཀྱི་ཤིང་ལ་ཆོས་ལྔ་སྟེ། རྩ་བ་དང་། སྡོང་པོ་དང་། ལོ་མ་དང་། མེ་ཏོག་དང་། འབྲས་བུའོ། །དེ་བཞིན་དུ་རྣལ་འབྱོར་པས་ཀྱང་རྩ་བ་དང་འདྲ་བའི་ཤེས་རབ་དང་། སྡོང་པོ་དང་འདྲ་བའི་དད་པ་དང་། ལོ་མ་དང་འདྲ་བའི་
[210b.3]བརྩོན་འགྲུས་དང་། མེ་ཏོག་དང་འདྲ་བའི་དྲན་པ་དང་། འབྲས་བུ་དང་འདྲ་བའི་ཏིང་ངེ་འཛིན་གྱིས་དབང་བྱས་ལ་སྒྲུབ་པའོ། །དེ་ལྟ་བུའི་རྣལ་འབྱོར་པ་དེ་གང་ན་གནས་ཀྱང་རྡོ་རྗེའི་གདན་ལ་བཞུགས་པ་ཞེས་བྱའོ། །དཔེ་བཞི་པའི་དོན་བསྟན་པའི་ཕྱིར། རྡོ་རྗེ་དཔེར་བྱས་ཏིང་ངེ་འཛིན་ལ་
[210b.4]གནས། །ཞེས་བྱ་བ་ལ་སོགས་པ་ལ། རྡོ་རྗེ་ལ་ཆོས་གཉིས་ཏེ། མི་ཕྱེད་པ་དང་འབྱེད་པའོ། །དེ་བཞིན་དུ་རྣལ་འབྱོར་པས་ཀྱང་དབང་པོ་ལྔ་ལྡན་གྱི་སྒོ་ནས་ཉོན་མོངས་པ་དང་། ཤེས་བྱ་དང་། སྙོམས་པར་འཇུག་པའི་སྒྲིབ་པ་གསུམ་གྱིས་མི་ཕྱེད་ལ་ཕར་འབྱེད་པའི་ཚུལ་གྱིས་སྒྲུབ་
[210b.5]པའོ། །ཏིང་འཛིན་བླ་ན་མེད་པའི་ལམ་འདིས་ཀྱེ། །ཞེས་བྱ་བ་ནི་ལྷན་ཅིག་སྐྱེས་པ་འོད་གསལ་བ་དབང་པོ་ལྔས་དབང་བྱས་པའི་ལམ་འདིས་སོ། །ཀྱེ་ཞེས་བོས་ཏེ་གདམས་པའོ། །བདུད་བཞིའི་འཇིགས་པ་ཆེན་པོ་གང་དེ་བཅོམ། །ཞེས་པ་ནི་ལྷན་ཅིག་སྐྱེས་པ་འོད་གསལ་བ་སྐྱེས་པའི་
[210b.6]སྟོབས་ཀྱིས་ལས་དང་ཉོན་མོངས་པའི་སྐྱེ་བ་ལ་སོགས་པའི་བདུད་དེ་དང་དེའི་འཇུག་པ་རྣམས་ནམ་མཁའ་དག་པའི་ངོས་ལྟར་མཐོང་བས་སོ། །ད་ནི་དཔེ་དང་པོའི་མཚོན་བྱ་དོན་གྱི་བདག་མེད་མ་རྒྱས་པར་བསྟན་པའི་ཕྱིར། གཟུགས་ནི་མ་སྤངས་ཞེས་བྱ་བ་ལ་སོགས་པ་ལ་རཱུ་པ་ཞེས་བྱ་བ་
[210b.7]གཟུགས་དང་རང་བཞིན་གཉིས་ལ་འཇུག་པ་ལས་སྭཱའི་རྐྱེན་བྱིན་ན་སྭཱ་ནི་རཱུ་པ་སྟེ་སེམས་འོད་གསལ་བ་བདག་མེད་པའོ། །མ་སྤངས་ལྷན་ཅིག་རྣམ་རོལ་བས་ཞེས་པ་ནི། དེ་ལྟ་བུའི་བདག་མེད་མ་དང་རིག་པ་གཉིས་སུ་མེད་པར་རྣམ་པར་རོལ་པའོ། །རང་བཞིན་བདག་མེད་ལ་སོགས་པའི་
[211a]
[211a.1]ཚིག་གཉིས་ནི་གོ་སླའོ། །མཚན་ཉིད་དང་ཕན་ཡོན་བསྟན་པའི་ཕྱིར། ཆགས་མེད་ཞི་བས་ཉོན་མོངས་མེད་གང་གིས། །ཞེས་བྱ་བ་ལ་ཆགས་མེད་ནི་འཇིག་རྟེན་པའི་སེམས་བརྒྱ་དྲུག་ཅུའོ། །ཞི་བས་ནི་དེ་རྣམས་འབྱུང་འཇུག་ཆད་པའོ། །ཉོན་མོངས་མེད་གང་
[211a.2]གིས་ནི་མཚོན་པ་ཙམ་སྟེ། སྒྲིབ་པ་གསུམ་དང་བྲལ་བའི་ཡེ་ཤེས་འོད་གསལ་བ་གང་གིས་སྐྱེ་བ་དང་འཆི་བའི་སྲིད་པའི་འཁྲུལ་པ་བཅད་པའོ། །བཅད་པ་ཙམ་ཡིན་ནམ་ཞེ་ན། འཁྲུལ་པ་མེད་པའི་ཟག་མེད་ཀྱི་ཡོན་ཏན་མ་ལུས་པ་ལེན་པའི་ཕྱིར། འཁྲུལ་མེད་བདེ་བ་ཆེན་པོ་ལེན་ཅིང་སྟེར།
[211a.3]ཞེས་བྱའོ། །དེའི་མཚན་ཉིད་རྒྱས་པར་བསྟན་པར་བྱ་བའི་ཕྱིར། དེ་ལ་ཁ་དོག་དབྱིབས་དང་ཚད་ཀྱང་མེད། །ཅེས་བྱ་བ་ལ་སོགས་པ་ལ། འདིར་དོན་ནི་འདི་ཡིན་ཏེ། མཚོན་བྱེད་ཀྱི་བདག་མེད་མ་ལས་ཀྱི་ཕྱག་རྒྱའི་དབང་དུ་བྱས་ནས། ཁ་དོག་དང་དབྱིབས་ལེགས་པ་མིག་གི་དཀྱུས་
[211a.4]རིང་བ་ལ་སོགས་པ་དང་ཕྲ་སྦོམ་ཚད་མཉམ་པ་དང་། བྱེད་པ་དམ་ཚིག་གི་འཁོར་ལོ་དྲུག་དང་། བདེ་བ་མངོན་དུ་འདོད་པ་དང་། དེ་ལ་བརྟེན་ནས་སེམས་བདེ་བའི་རྣམ་པར་སྐྱེ་བའི་སྐྱེ་བ་དང་། སྔགས་དང་ཆོས་ལ་སོགས་པའི་ང་རྒྱལ་ཡོད་པ་དེ་ལ་བརྟེན་ནས་སེམས་རླུང་རྩ་དབུ་མར་
[211a.5]བཅུག་ནས་སེམས་བདེ་བའི་རྣམ་པར་བརླབས་པས་བརྟན་པོར་གྱུར་ནས། མཚོན་བྱའི་བདག་མེད་མ་འོད་གསལ་བར་བསྒོམས་པས་དེའི་མཚན་ཉིད་ནི། ཁ་དོག་མེད་པའི་མཚན་ཉིད་ལ་སོགས་པ་དགུ་སྟེ། ཁ་དོག་མེད་པ་དང་། དབྱིབས་མེད་པ་དང་། ཚད་མེད་པ་དང་། བྱེད་པ་མེད་
[211a.6]པ་དང་། འདོད་པ་མེད་པ་དང་། སྐྱེ་བ་མེད་པ་དང་། ང་རྒྱལ་མེད་པ་དང་། འགྲོ་འོང་མེད་པ་དང་། བདག་གཞན་མེད་པའི་མཚན་ཉིད་ཅན་ནོ། །དེ་ལྟ་བུའི་མཚན་ཉིད་ཅན་དེ་དང་སེམས་ཐ་དད་མད་པར་འགྱུར་བའི་དཔེ་ནི། ནམ་མཁའི་ངོ་བོ་ཡང་དག་ཇི་ལྟ་བར། །ཞེས་བྱ་བ་
[211a.7]གསུངས་ཏེ། ནམ་མཁའ་རྣམ་པར་དག་པའི་དཀྱིལ་ལྟར་སྣང་བའོ། །དེ་གང་གི་ཡུལ་ཡིན་ཞེ་ན། རྣལ་འབྱོར་ཐུབ་མཆོག་མ་ལུས་རྣམ་པར་རོལ། །ཞེས་བྱ་བ་ལ་སོགས་པ་ལ། རྣལ་འབྱོར་པ་ཐུབ་པས་སངས་རྒྱས་ཀྱི་སྲས་བླ་མ་དམ་པ་ཉེ་བར་བསྟེན་པ་ཚོགས་བསགས་པ་སྐལ་པ་དང་ལྡན་
[211b]
[211b.1]པ་རྣམས་ཀྱིས་ཤེས་རབ་ཀྱི་མིག་གིས་ཡུལ་དུ་མཐོང་ཞིང་། དབང་པོ་བཞིས་ངེས་པའི་ཚུལ་གྱིས་རོལ་པའོ། །དེའི་ཕྱིར་དེ་ནི་བཙུན་མོ་བདག་མེད་མ་ཞེས་བྱའོ། །དེ་ལྟ་བུའི་རང་བཞིན་བདག་མེད་མ་དེ་དང་རོལ་པས། ལས་དང་ཉོན་མོངས་པའི་སྐྱེ་བ་ལ་སོགས་པ་རྩད་ནས་གཅོད་པ་
[211b.2]ཡང་ཡིན་ལ། རང་བཞིན་གྱིས་འགོག་པ་མངོན་དུ་བྱ་རྒྱུ་ཡང་ཡིན་མོད་ཀྱི། འོན་ཀྱང་བྱམས་པ་དང་སྙིང་རྗེས་འཕངས་པའི་བྱང་ཆུབ་ཀྱི་སེམས་ཀྱིས་རང་གི་རྒྱུད་ལ་ཟག་མེད་ཀྱི་ཡོན་ཏན་མ་ལུས་པ་རྫོགས་པར་མ་བྱས། སེམས་ཅན་ཡོངས་སུ་སྨིན་པར་མ་བྱས། སངས་རྒྱས་ཀྱི་ཞིང་
[211b.3]ཡོངས་སུ་དག་པར་མ་བྱས་པར་བར་མདོར་ཡང་དག་པའི་མཐའ་མངོན་དུ་བྱས་ན་ཉན་ཐོས་དང་རང་རྒྱལ་བར་ལྟུང་བས། དེའི་ཕྱིར་བཟོད་པ་དེ་དང་ལྡན་བཞིན་དུ་དགེ་བའི་ཆོས་མཐའ་དག་རྫོགས་པར་བྱ་དགོས་པར་བསྟན་པའི་ཕྱིར། ཆགས་མེད་བྱམས་དང་སྙིང་རྗེ་ལས་བྱུང་བ། །བྱང་ཆུབ་
[211b.4]སྨོན་པའི་སེམས་ནི་ལེགས་བརྟན་བྱེད། །ཅེས་པ་ལ་ཆགས་པ་མེད་པ་ནི་སྒྱུ་མ་མཁན་ལྟར་རང་བཞིན་ཤེས་པས་མ་ཞེན་པའོ། །བྱམས་པ་དང་སྙིང་རྗེས་འཕངས་པའི་བྱང་ཆུབ་ཀྱི་སེམས་ནི་གོ་བར་ཟད་དོ། །དེ་ལ་འདིར་རིམ་པ་ནི་འདི་ཡིན་ཏེ། རྣལ་འབྱོར་བས་ཐོག་མར་མལ་ནས་ལངས་
[211b.5]ནས། ཐོག་མ་མེད་པ་ནས་ཡིད་ཀྱི་རང་བཞིན་གྱི་ལུས་ལ་བདག་དང་བདག་གིར་མ་གྲུབ་བཞིན་དུ་དེར་བརྟགས་པས་རྟོག་པར་བལྟས་པའི་དབང་གིས་རྟོག་པའི་རྒྱུན་ལ་སྡུག་བསྔལ་གྱི་མེ་འབར་བ་རྣམས་ལ་བལྟས་ཏེ། སྐྱེ་བའི་བརྒྱུད་པ་ལ་གྲངས་མེད་པས་སེམས་ཅན་འདི་
[211b.6]གཅིག་གིས་ཀྱང་མ་ལྟ་བུ་བྱས་པའི་གྲངས་མི་ཆོད་པས་འཁོར་བ་མཐའ་དག་ན་གནས་པའི་འགྲོ་བ་རྣམས་གདོན་པའི་བསམ་པས་དང་པོར་བྱམས་པ་དང་སྙིང་རྗེ་ཡིད་ལ་བྱ། དེ་ནས་དེ་རྣམས་ཀྱི་ཆེད་དུ་དཔལ་ཧེ་རུ་ཀ་འདོད་པའི་སྨོན་པ་བྱང་ཆུབ་ཀྱི་སེམས་བརྟན་པར་བྱ། དེ་ནས་ཆོས་
[211b.7]ཐམས་ཅད་སེམས་རླུང་གི་རྣམ་འཕྲུལ་ཡིན་པའི་ཕྱིར། སེམས་ལས་གཞན་པའི་དོན་མེད་པར་བསམས་ལ། རླུང་སེམས་ཙམ་ལ་ལྷའི་སྐུང་བསམ་པ་ནི་བདག་བྱིན་གྱིས་བརླབ་པ་ཀུན་རྫོབ་ཀྱི་བདེན་པའོ། །དེ་ནས་སྔར་གྱི་བདེ་བ་དང་དྲན་པའི་ཐབས་ཀྱིས་སེམས་རླུང་
[212a]
[212a.1]རྩ་དབུ་མར་བཅུག་ལ་སྟོང་པ་ཆེན་པོའི་ཏིང་ངེ་འཛིན་བདེ་བ་དང་བཅས་པ་བསྒོམ་པར་བྱའོ། །དེ་ནས་སེམས་ཀྱི་རང་བཞིན་ལ་ཞུགས་པར་བསམས་ལ་དེའི་ཚེ་དེའི་མཚན་ཉིད་འོད་གསལ་བ་སྣང་བ་མེད་པའོ། །ནམ་མཁའི་དཀྱིལ་ལྟ་བུ་ལ་ཤེས་རབ་
[212a.2]ཀྱི་མིག་གིས་བལྟ། དྲན་པས་མ་ཡེངས་པར་བལྟ། དད་པས་ཡིད་ཆེས་པར་བྱས་ལ་བལྟ། བརྩོན་འགྲུས་ཀྱིས་འཇིག་རྟེན་པའི་སེམས་མེད་པར་བྱས་ལ་བལྟ། ཏིང་ངེ་འཛིན་གྱིས་རྩེ་གཅིག་པའི་ཚུལ་གྱིས་བལྟས་པས་སེམས་ཀྱི་རང་བཞིན་འོད་གསལ་བ་དེ་སྣང་བ་མེད་
[212a.3]པ་གསལ་བ་དང་བ་དག་པར་སྣང་བ་དེ་ལ་བརྟེན་ནས་ངེས་པའི་ཤེས་པ་སྐྱེའོ། །དྲན་པས་མ་ཡེངས་པར་བལྟ་བའི་དཔེ་ནི་ཡུངས་ཀར་བརྩེགས་པ་ལག་ཏུ་བསྐུར་བའི་སྐྱེས་བུ་ལྟ་བུའོ། །དད་པས་ཡིད་ཆེས་པའི་དཔེ་ནི་གཞོན་ནུ་མས་འདོད་པ་མྱོང་བ་ལྟ་བུའོ། །བརྩོན་པའི་དཔེ་ནི་
[212a.4]རྒྱལ་པོའི་སྒོ་སྲུང་བ་ལྟ་བུའོ། །ཏིང་ངེ་འཛིན་གྱི་དཔེ་ནི་རླུང་མེད་པའི་མར་མེ་དང་འདྲ་བར་བལྟའོ། །ཤེས་རབ་ཀྱི་ངེས་པའི་དཔེ་ནི་སྔར་འདྲིས་པའི་མི་མཐོང་བ་བཞིན་ནོ། །དཔེ་འདི་རྣམས་ཀྱི་གཏམ་རྒྱུད་ནི་གཞུང་མངས་པའི་འཇིགས་པས་མ་བྲིས་སོ། །དེ་ལྟར་ཇི་ཙམ་སེམས་གནས་པར་
[212a.5]ནུས་པ་དེ་སྲིད་དུ་གནས་ལ། དེ་ནས་དེའི་ངང་ལ་སྐད་ཅིག་གིས་སྒྱུ་མ་ལྟ་བུའི་ལྷའི་སྐུར་ལངས་ལ་དངོས་པོ་ཐམས་ཅད་ཆུ་ཟླ་ལྟ་བུར་སྒྲོ་སྐུར་དང་བྲལ་བ་སྣང་བ་ཙམ་གྱི་མཚན་ཉིད་དུ་བསམས་ལ། བྱམས་པ་དང་སྙིང་རྗེ་དང་བྱང་ཆུབ་ཀྱི་སེམས་ཀྱིས་འཕངས་པའི་དགེ་བའི་ཆོས་ཐམས་
[212a.6]ཅད་ཆུ་ཟླ་ལྟར་སྒྲོ་སྐུར་དང་བྲལ་བའི་ཚུལ་གྱིས་ཡོངས་སུ་རྫོགས་པར་བྱའོ། །དེ་ལྟར་ན་ཐབས་ཤེས་རབ་དང་། སྙིང་རྗེ་དང་། ཤེས་རབ་དབྱེར་མེད་པའི་ཚུལ་གྱིས་དགེ་བའི་ཆོས་ཐམས་ཅད་ཡོངས་སུ་རྫོགས་པར་བྱ་སྟེ་དེ་ལྟར་མ་ཡིན་ན་ཉན་ཐོས་ལ་སོགས་པར་ལྟུང་ངོ་། །དེའི་ཕྱིར་མདོ་ལས།
[212a.7]ཐབས་མེད་ཤེས་རབ་བྲལ་བས་ཉན་ཐོས་ཉིད་དུ་ལྟུང་། །ཞེས་པས་སོ། །དེ་ལ་ཐབས་གང་ཞེ་ན། བྱང་ཆུབ་ཀྱི་སེམས་ཀྱིས་འཕངས་ནས་དགེ་བའི་ཆོས་ཐམས་ཅད་ཡོངས་སུ་རྫོགས་པར་བྱེད་པ་དང་། སེམས་ཅན་ཡོངས་སུ་སྨིན་པར་བྱེད་པ་དང་། སངས་རྒྱས་ཀྱི་ཞིང་ཡོངས་སུ་དག་པར་
[212b]
[212b.1]བྱེད་པའོ། །ཤེས་རབ་གང་ཞེ་ན་དེའི་ཞེན་པ་དང་སྤྲོས་པ་གཅོད་པའོ། །དེ་བས་ན་ཐབས་དེ་མེད་ན་ཤེས་རབ་དེ་མི་འབྱུང་བའི་ཕྱིར་རོ། །དེ་བཞིན་དུ་ཐེག་པ་ཆེན་པོའི་མདོ་གཞན་ལས་ཀྱང་། ཐབས་ཀྱིས་དགེ་བའི་ཆོས་ཐམས་ཅད་སྡུད་པ་ཡིན་ལ། ཤེས་རབ་ཀྱིས་འབྱེད་པའོ་ཞེས་རྒྱས་པར་
[212b.2]གསུངས་སོ། །དེ་ལྟ་བུའི་རྣལ་འབྱོར་པ་ནི་མཐའ་གཉིས་ལ་མི་གནས་པར་འགྲོ་བས་དེའི་ཕྱིར། རང་བཞིན་གོམས་པའི་ཡིད་ནི་གར་མི་གནས། །འདི་དེ་ཉིད་ནི་བླ་མེད་བྱང་ཆུབ་ལམ། །ཞེས་བྱའོ། །ད་ནི་ཤེས་རབ་ཀྱི་མིག་གིས་ལྟ་བའི་ཡུལ་གཞན་བསྟན་པའི་ཕྱིར། རབ་རིབ་
[212b.3]ཅན་ནི་མཁའ་ལ་སྐྲ་མཐོང་སྨྲ། །ཞེས་བྱ་བ་ལ་སོགས་པ་ལ་དེས་བལྟ་བའི་ཡུལ་གཉིས་ཏེ་མེད་པ་དང་ཡོད་པའོ། །མེད་པ་མཐོང་བ་ནི་ཚུ་རོལ་མཐོང་བའི་ཤེས་པ་དང་། ཤེས་བྱ་མ་ལུས་པ་སྟེ་མེད་པ་མཐོང་བ་དཔེར་ན་རབ་རིབ་ཅན་གྱི་སྐྲ་ལ་སོགས་པ་དང་འདྲ་བར་ཤེས་པའོ། །
[212b.4]ཡོད་པའི་རང་བཞིན་མཐོང་བ་ལ་གཉིས་ཏེ་རྟེན་འོད་གསལ་དང་། བརྟེན་པ་ཟག་མེད་ཀྱི་ཡོན་ཏན་མཐོང་བའོ། །འོད་གསལ་ཇི་ལྟར་མཐོང་ཞེ་ན། སྐྱེ་བ་མེད་པ་རྣམ་པ་མེད་པར་མཐོང་བས་དེའི་ཕྱིར། སྐྱེ་མེད་གནས་མེད་འགྲོ་ཀུན་ཡང་དག་པར། །ཞེས་བྱའོ། །ཟག་མེད་
[212b.5]ཀྱི་ཡོན་ཏན་ཇི་ལྟར་མཐོང་ཞེ་ན། སྒྱུ་མ་དང་རྨི་ལམ་དང་། མིག་འཕྲུལ་དང་། ཆུ་ཟླ་ལྟར་སྒྲོ་སྐུར་དང་བྲལ་བ་སྣང་བ་ཙམ་མྱོང་བ་ཙམ་གྱིས་རང་བཞིན་དུ་མཐོང་བའོ། །དེའི་ཕྱིར། མིག་འཕྲུལ་ཇི་བཞིན་ངེས་པར་ཡོངས་སུ་སྣང་། །ཞེས་བྱའོ། །ད་ནི་ཞར་ལ་འོངས་
[212b.6]པའི་བརྟགས་པའི་རྣལ་འབྱོར་དགག་པའི་ཕྱིར། བརྟགས་པའི་སྤྲོས་པས་བསྐྱེད་ལ་མ་ཆགས་ཤིག །ཅེས་བྱ་བ་ལ། བརྟགས་པའི་སྤྲོས་པ་ནི་ཐིག་ལེ་དང་ཕྲ་མོ་ལ་སོགས་པོའོ། །མ་ཆགས་པ་ནི་དེ་ལ་བརྟེན་ནས་སེམས་གནས་པ་ཕྲ་མོ་ཡོད་ཀྱང་ལམ་གྱི་མཚན་ཉིད་མ་ཚང་
[212b.7]བས་བྱང་ཆུབ་ཀྱི་ལམ་མ་ཡིན་པས་དགག་པའོ། །དེ་ཉིད་འཁོར་བའི་འཁྲུལ་འཁོར་གཅོད་པའི་ལམ་མ་ཡིན་པས་འཁོར་བའི་རྒྱུར་བསྟན་པ་ནི། སྣ་ཚོགས་རྣམ་རྟོག་ལས་གཞན་འཆིང་བ་མེད། །དེ་ལ་སྐྱེ་འཆི་འཁོར་བ་གཞན་མ་ཡིན། །ཞེས་བྱ་བ་ལས་སྲིད་
[213a]
[213a.1]པའི་འཁྲུལ་འཁོར་གཅོད་པའི་མཚན་ཉིད་དང་མི་ལྡན་པའི་ཐབས་རྣམས་གོམས་སུ་ཟིན་ཀྱང་འཁྲུལ་འཁོར་དེ་ཉིད་མི་ཆོད་པས་སྤང་བར་བྱའོ། །དེས་དོན་གོམས་པར་བྱེད་པའི་རྣལ་འབྱོར་པ་ལ་གདམས་པ་བསྟན་པའི་ཕྱིར། རྣལ་འབྱོར་འགྲོ་ལ་བདག་
[213a.2]གིས་སྙིང་པོ་སྨྲ། །ཞེས་བྱ་བ་ལ་སོགས་པ་ལ། གང་ལ་གདམས་པ་དང་། གང་གདམས་པ་དང་། ཚུལ་ཇི་ལྟར་གདམས་པའོ། །རྣལ་འབྱོར་པ་དང་སྙིང་པོའི་དོན་དང་དྲན་པ་ལ་གདམས་པའོ། །གང་ལ་གདམས་ན་རྣལ་འབྱོར་པ་རྣམས་ལའོ། །གང་གདམས་ན་སྙིང་
[213a.3]པོ་སྟེ་འོད་གསལ་བའོ། །ཇི་ལྟར་གདམས་ན་དྲན་པ་ལ་སོགས་པའོ། །རྣམ་རྟོག་རྒྱུ་བ་ནི་འཇིག་རྟེན་པའི་སེམས་སོ། །མ་ལྟ་བ་ནི་མ་འབྲང་བར་གདམས་པའོ། །དེ་ཅིའི་ཕྱིར་ཞེ་ན། གང་འཁོར་བ་སེམས་དང་། གང་གིས་འཁོར་ན་རླུང་གིས་དང་། ཚུལ་ཇི་ལྟར་འཁོར་ན་
[213a.4]འཇིག་རྟེན་པའི་སེམས་རྣམས་ཀྱིས་ཉིན་མཚན་དུ་བག་ཆགས་སྣ་ཚོགས་གཞག་པའི་དབང་གིས་འཁོར་བ་སྟེ། དེ་བས་ན། འཁོར་བར་བྱེད་པའི་རྣམ་རྟོག་གཞན་མིན་ལ། །འཁྲུལ་པར་བྱེད་པའི་མ་རིག་པ་གཞན་མིན་ནོ། །འོ་ན་ཅི་ཞེ་ན། སེམས་དང་རླུང་ངོ་། །འཇིག་རྟེན་པའི་
[213a.5]སེམས་བཤད་པ་ནི་ཆགས་སྡང་ཞེས་བྱ་བ་ལ་སོགས་པ་སྟེ་གོ་སླའོ། །ཤེས་རབ་ལ་གདམས་པ་ནི། གང་གང་རྣམ་བརྟགས་ཞེས་བྱ་བ་ལ་སོགས་པ་ལ་སེམས་དང་རླུང་གི་རྣམ་པར་འཁྲུལ་པ་ལ་བརྟེན་ནས། འཇིག་རྟེན་པའི་སེམས་གང་དང་གང་བྱུང་བ་ལ་ཤེས་རབ་ཀྱིས་བརྟགས་
[213a.6]ན་བརྫུན་པ་དང་ཕྱིན་ཅི་ལོག་ཏུ་རྟོགས་ལ། སྙིང་པོའི་དོན་ལ་ངེས་པར་བརྟགས་ན་བདེ་བ་ཆེན་པོའོ། །དེ་བས་ན། འདི་ལྟའི་ཏིང་འཛིན་བདེ་བ་ཆེན་པོར་སྨྲ། །ཞེས་བྱ་སྟེ། འོད་གསལ་ལ་དབང་པོ་ལྔས་དབང་བྱས་པའོ། །སྲིད་པའི་འཁྲུལ་པ་མ་ལུས་བཅད་པས་སྐྱེ་
[213a.7]བ་དང་འཆི་བའི་འཇིགས་པ་དང་། ནད་དང་གནོད་པའི་སྡུག་བསྔལ་གང་ཡང་མེད་དོ། །ད་ནི་རང་བཞིན་མ་ཤེས་ན་འདོད་པའི་ཡོན་ཏན་རྣམས་ལ་ཆགས་པས་འཆིང་བར་བསྟན་པའི་ཕྱིར། རི་དགས་སྨིག་རྒྱུ་ཞེས་བྱ་བ་ལ་སོགས་པ་སྟེ་གོ་སླའོ། །གྲོང་དུ་ལོངས་སྤྱོད་བདེ་བ་ཚོལ་
[213b]
[213b.1]ཞེས་བྱ་བ་ལ་སོགས་པས་འཆིང་བའི་དཔེ་བསྟན་པའོ། །ད་ནི་རང་བཞིན་ཤེས་ན་གྲོལ་བའི་རྒྱུར་བསྟན་པའི་ཕྱིར། གང་ཞིག་ངོ་བོ་ཤེས་པས་གར་ཡང་འགྲོ་མེད་པའི། །ཏིང་འཛིན་རོལ་པས་བསམ་མི་ཁྱབ་པར་སྤྲོ། །ཞེས་པ་ལ། དངོས་པོ་ཐམས་ཅད་སེམས་རླུང་གི་རྣམ་འཕྲུལ་
[213b.2]དུ་ཤེས་ལ་དེ་མ་སྐྱེས་པར་ཤེས་ནའོ། །ད་ནི་མཚོན་བྱེད་ཀྱི་བདེ་བ་ལ་ཞེན་ན་དེ་ཉིད་མི་མཐོང་བར་བསྟན་པའི་ཕྱིར། གང་ལ་ཡིད་ཀྱི་བྱ་རྒོད་ཅེས་བྱ་བ་ལ་སོགས་པ་ལ། དེ་ལ་དཔེ་གཉིས་ཏེ། བྱ་རྒོད་རྟེན་པའི་ཤིང་གི་དཔེ་དང་། ནམ་མཁའི་མེ་ཏོག་ལ་བུང་བས་འཇིབ་པ་མཐོང་བའི་
[213b.3]དཔེའོ། །དང་པོ་ལ་གཉིས་ཏེ། བཅིང་བ་དང་བཏང་བའི་དཔེའོ། །བྱ་རྒོད་གནས་པའི་ཤིང་དེ་བྱ་ཐལ་གྱིས་རྩ་བ་བསྲུལ། མཆུས་ཤུན་པ་བཤུས་པས་ལོ་མ་དང་མེ་ཏོག་མི་སྐྱེ་བ་དེ་བཞིན་དུ་རྣལ་འབྱོར་པས་སེམས་རླུང་འདྲེས་ནས་སེམས་བདེ་བའི་རྣམ་པར་སྐྱེས་པ་ལ་དེར་ཞེན་ན་
[213b.4]མེ་ཏོག་དང་འདྲ་བའི་འོད་གསལ་མི་མཐོང་ལ། ལོ་མ་དང་འདྲ་བའི་ཟུང་འཇུག་གི་སྐུ་མི་མཐོང་བའོ། །དེའི་ཕྱིར། གང་ལ་ཡིད་ཀྱི་བྱ་རྒོད་རྟེན་ཅིང་གནས་པའི་ཤིང་། །དེ་ལ་བདེ་བའི་མེ་ཏོག་ལོ་མ་སྐྱེ་བ་མེད། །ཅེས་བྱའོ། །འོ་ན་དེ་གཉིས་གང་གིས་མཐོང་ཞེ་ན། སེམས་རླུང་
[213b.5]བཅིངས་པ་དང་འཇིག་རྟེན་པའི་སེམས་བསད་པས་འོད་གསལ་མཐོང་ལ། བཏང་བས་ཟུང་འཇུག་མཐོང་བའོ། །ངེས་པར་ཡིད་ཀྱིས་བྱ་རྒོད་བཅིངས་བསད་ན། །ཞེས་པ་ནི་འོད་གསལ་པའི་དང་དུ་སེམས་རླུང་བཅིང་བ་དང་བསད་པའོ། །དེས་ཅིར་འགྱུར་ཞེ་ན། འཁྲུལ་འཁོར་
[213b.6]འཆད་དེ། གཡོ་ཞིང་འགྱུར་བས་མ་ལེགས་བྱེད་པར་གང་ཞིག་འགྱུར། །ཞེས་བྱ་བ་ལ་རླུང་གིས་གཡོ་ཞིང་སེམས་བརྒྱ་དྲུག་ཅུར་འགྱུར་པ་བཅད་པས་མ་ལེགས་བྱེད་པ་སྟེ། དགེ་མི་དགེའི་བག་ཆགས་འཇོག་པར་ཇི་ལྟར་འགྱུར་ཏེ་མི་འགྱུར་རོ། །བྱ་རྒོད་བཅིངས་པ་ལས་
[213b.7]བཏང་ན་ཤ་ཁྲག་འཐུང་བས་བཀྲེས་པ་མེད་པ་དང་འདྲ་བར་ཡིད་ཀྱི་ལུས་ཆུ་ཟླ་ལྟར་གནས་པ་དེ་ཤེས་རབ་ཀྱིས་གཉིས་སུ་མཐོང་བའི་ཕྱོགས་བཅོམ་པས་དེ་ཉིད་གྲོགས་ཡིན་ནོ། །སྣང་བའི་དངོས་པོ་གང་ཆུ་ཟླ་ལྟར་ཤེས་པའི་རྣལ་འབྱོར་པ་དེ་ལ་གནས་གར་ཡང་གཟུང་འཛིན་གྱིས་
[214a]
[214a.1]གནོད་པའི་འབད་པ་བྱེད་པ་མེད་དོ། །དེ་བས་ན་འོད་གསལ་སྟོང་ཉིད་བརྟན་པར་བྱ་བ་ལས་འཁྲུལ་པ་སྤང་དུ་མེད་པའི་ཕྱིར། སྟོང་ཉིད་བརྟན་གྱིས་འཁྲུལ་པ་སྤང་དུ་མེད། །ཅེས་བྱའོ། །འཁྲུལ་པས་འཆིང་སྤངས་སེམས་པར་མ་བྱེད་ཅིག །ཅེས་བྱ་བ་ནི་
[214a.2]འོད་གསལ་བས་ས་ཧ་ཛའི་རྣལ་འབྱོར་མ་རྟོགས་པར་འཁྲུལ་པའི་རྣལ་འབྱོར་གང་གིས་ཀྱང་འཇིག་རྟེན་པའི་སེམས་འཆིང་བ་ཡོད་པ་མ་ཡིན་པའི་ཕྱིར་རོ། །གང་གང་ལས་བྱུང་དེ་ནི་ངེས་ལྟོས་ལ། །མི་རྟོག་ཏིང་ངེ་འཛིན་གྱིས་དེ་གསལ་གྱིས། །ཞེས་བྱ་བ་ལ་འཇིག་རྟེན་པའི་སེམས་
[214a.3]གང་དང་གང་བྱུང་བ་དེ་ཤེས་རབ་ཀྱི་མིག་གིས་ལྟོས་ལ་གསལ་བར་གྱིས་ཞེས་བྱ། གང་གིས་ཤེས་ན་མི་རྟོག་ཏིང་ངེ་འཛིན་གྱིས་ཏེ་མི་རྟོག་པ་ཤེས་རབ་དང་། ཏིང་ངེ་འཛིན་དངོས་སུ་སྨོས་ལ་གསུམ་ཤུགས་ཀྱིས་ཤེས་པར་བྱ་སྟེ་དབང་པོ་ལྔ་ལྡན་གྱིས་གསལ་བའོ། །མཇུག་བསྡུ་
[214a.4]བའི་ཚུལ་གྱིས་གདམས་པ་ནི། རྣམ་རྟོག་དྲི་མ་ཆེན་པོ་མ་ལུས་ཁྲུས། །ནམ་མཁའི་མེ་ཏོག་དང་འདྲ་དངོས་པོ་མཉམ་པར་རྟོགས། །ཞེས་བྱ་བ་ནི། རྟོག་པའི་དྲི་མ་འཁྲུལ་བ་ལ་འཁྲུལ་པའི་དངོས་པོ་ནམ་མཁའི་མེ་ཏོག་དང་འདྲ་བར་ཤེས་རབ་ཀྱིས་བརྟགས་པ་དང་ཤེས་ཤིང་གོམས་
[214a.5]པར་བྱ་བའི་ལམ་དེ་ཟུང་འཇུག་ཏུ་མཉམ་པར་བརྟག་པར་བྱའོ། །དཔེ་གཉིས་པ་ལྡོག་པའི་དབང་དུ་བྱས་ནས། ངེས་སྦྱངས་བག་ཆགས་བྲལ་བས་རྣལ་འབྱོར་མ་མཐོང་བ། །ནམ་མཁའི་མེ་ཏོག་བུང་བས་འཇིབ་པ་མཐོང་བ་འདྲ། །ཞེས་བྱ་བ་ནི། མཚོན་བྱེད་ཀྱི་བདེ་བ་དེ་ལ་སེམས་ངེས་པར་
[214a.6]སྦྱངས་པས་འཇིག་རྟེན་པའི་སེམས་རྣམས་རྒྱུ་བའི་བག་ཆགས་དང་བྲལ་ཡང་རྣལ་འབྱོར་ཏེ། དབྱིངས་དང་རིག་པ་གཉིས་མེད་མ་མཐོང་བ་ནི་རླུང་སེམས་རང་བཞིན་ལ་མ་བཅུག་པར་ཚོར་བ་བདེ་བས་ཀུན་ནས་དཀྲིས་པ་དང་བཅས་པ་ལ་ཞེ་ན་པ་ནི་ནམ་མཁའི་མེ་ཏོག་ལ་བུང་བས་འཇིབ་པ་
[214a.7]མཐོང་བ་དང་འདྲ་བའི་ཕྱིར་རོ། །འོ་ན་མཚོན་བྱེད་དུ་བཤད་པ་ཅི་ཞེ་ན། དེ་ནི་ཉེས་པ་མེད་དེ་མཛུབ་མོས་ཟླ་བ་མཚོན་པ་དང་འདྲ་བར། རླུང་སེམས་བདེ་བའི་རྣམ་པར་བརླབས་ནས་བརྟན་པ་དང་། རླུང་སེམས་རང་བཞིན་ལ་གཞུག་དགོས་པའི་ཕྱིར་རོ། །དེ་ཉིད་ལ་ཞེན་ན་དོན་དམ་
[214b]
[214b.1]པ་ལ་སླུ་བ་དང་འཁྲུལ་པ་ཞེས་བྱ་སྟེ་ལྟོས་པས་གཞག་པའི་ཕྱིར་རོ། །འོ་ན་ཅི་ཞེ་ན། རྗེས་སུ་འགྲོ་བའི་སྒོ་ནས་བསྟན་པ་ནི་ངེས་སྦྱངས་ཞེས་བྱ་བ་ལ་སོགས་པ་ལ། དེ་ལྟར་རླུང་སེམས་བདེ་བའི་རྣམ་པར་ངེས་པར་སྦྱངས་པས་འཇིག་རྟེན་པའི་སེམས་བརྒྱ་དྲུག་ཅུས་སྟོང་པའི་སྟོང་པ་
[214b.2]ཆེན་པོ་དེ་བླ་མ་དམ་པ་དང་། སངས་རྒྱས་ཀྱི་ཚིག་བཞིན་དུ་ཐམས་ཅད་སྟོང་པ་འོད་གསལ་དུ་བཅུག་ལ་བསྒོམ། སྤྱོད་པ་རྣམ་པར་དག་པ་སྟེ་དེ་ལས་སྒྱུ་མ་ལྟ་བུའི་ལྷའི་སྐུར་ལངས་ལ་ལྷའི་སྐུ་དེ་ཡང་ཆུ་ཟླ་ལྟར་ཤེས་པའི་ཚུལ་གྱིས་དགེ་བའི་ཆོས་ཐམས་ཅད་རྫོགས་པར་བྱའོ། །འོ་ན་
[214b.3]ཐམས་ཅད་སྟོང་པ་འོད་གསལ་འབའ་ཞིག་གོམས་པར་བྱ་བ་ལས་སྤྲོས་པས་ཅི་བྱེད་ཅེ་ན། སྤྲོས་པ་ལྟར་སྣང་ཡང་འཇིག་རྟེན་པ་རྣམས་ཀྱི་སྤྲོས་པའི་གནས་པ་དང་འགལ་བ་ཞེས་བྱའོ། །དེ་ནི་ནམ་མཁའི་མེ་ཏོག་ལ་བུང་བས་འཇིབ་པ་དང་འདྲ་བའི་ཕྱག་རྒྱ་དང་། བདག་གཞན་
[214b.4]དུ་ལྟ་བའི་འཁྲུལ་པ་འོད་གསལ་གྱིས་སྦྱོང་བའོ། །འོད་གསལ་དུ་ཇི་ལྟར་བསྒོམ་ཞེ་ན། འཇིག་རྟེན་སྤྲོས་ལ་རྡོ་རྗེ་ཕབ་ནས་ནི། །ཞེས་བྱ་བ་ནི་སྣོད་བཅུད་ཐམས་ཅད་འོད་གསལ་དུ་བཞུ་ལ་ཚུལ་བསྡུའོ། །འཇིག་འཛིན་ངོ་ཚ་ཨ་ཝ་དྷཱུ་ཏཱི་ས་སྤོངས། །ཞེས་བྱ་བ་ནི་རླུང་སེམས་དང་
[214b.5]བཅས་པ་རྩ་དབུ་མར་བཅུག་ལ་འོད་གསལ་བསྒོམ་པའོ། །དཔེ་བཞི་པའི་མཇུག་བསྡུ་བའི་ཕྱིར། བྱང་ཆུབ་སྨོན་པ་ཞེས་བྱ་སྟེ་བཤད་ཟིན་ཏོ། །སྙིང་རྗེ་དང་ཤེས་རབ་གཉིས་མེད་དུ་ངེས་པར་སྦྱང་བ་འདིར་ཐེག་པ་ཆེན་པོའི་ལམ་ཐམས་ཅད་འདུས་པའི་ཕྱིར་རོ། །དེ་ལྟ་བུའི་ལམ་
[214b.6]དེ་ནི་མཁའ་འགྲོ་མའི་དམོད་སྔགས་དང་འདྲ་བ་དེ་གང་ལས་རྙེད་ཅེ་ན་བླ་མ་ལས་ཏེ་དེ་མེད་ན་དེ་མི་འབྱུང་བའི་ཕྱིར་རོ། །དེའི་ཕྱིར། རྣལ་འབྱོར་མ་ཉམས་མྱོང་ན་རྣལ་འབྱོར་པར་འགྱུར་པས། །ཞེས་བྱ་བ་ནི། སྙིང་རྗེ་དང་ཤེས་རབ་དང་། དབྱིངས་དང་རིག་པ་གཉིས་མེད་དུ་བསྒོམས་
[214b.7]པ་ལ་བྱ་ལ་དེ་བླ་མ་ལ་རག་ལས་ཏེ། དཔེར་ན་གཞོན་ནུ་མའི་བདེ་བ་སྐྱེས་པ་ལ་རག་ལས་པ་དང་འདྲའོ། །དེ་བས་བླ་མ་དམ་པའི་ཐབས་གང་གིས་སྲིད་པའི་འཁྲུལ་པ་དེ་ཚེ་འདི་ལ་གཅོད་པས་དེའི་ལུང་ལས་གཅེས་པར་བྱ་བ་ཅི་ཡང་མེད་དོ། །དེའི་ཕྱིར་བདག་ལ་ལེགས་སུ་འདོད་པའི་
[215a]
[215a.1]མཁས་པ་རྣམས་ཀྱིས་དམ་པ་བསྟེན་པར་བྱའོ། །སྙིང་རྗེས་གཞན་ཕན་ཞེས་པ་ནི་གོ་སླའོ། །ད་ནི་གཞུང་ཉེ་བར་བསྡུ་བའི་ཕྱིར། ཡི་གེ་ཤྲཱི་གཉིས་མེད་ཡེ་ཤེས་ཏེ། །ཞེས་བྱ་བ་ལ་སོགས་པ་ནི། ལམ་དེའི་མཇུག་སྡུད་དེ། བདེན་པ་གཉིས་ཀྱི་མཚན་
[215a.2]ཉིད་དང་། དེ་གཉིས་སུ་མེད་པ་ཟུང་འཇུག་སྟོན་པ་སྟེ། དེའི་མིང་གི་རྣམ་གྲངས་དོན་དམ་པའི་ཧེ་རུ་ཀ་དང་། རྡོ་རྗེ་སེམས་དཔའ་དང་། བདེན་པ་གཉིས་ཀྱི་ཚུལ་ལ་གནས་པ་ཞེས་བྱ་བ་ལ་སོགས་པའོ། །ཆོས་ཚུལ་ཟབ་མོ་རྒྱ་མཚོ་ལྟ་བུ་འདི། །གཞན་ལ་ཕན་པའི་བསམ་
[215a.3]པས་བྲིས་པ་ཡིན། འདི་ལ་ཉེས་པར་གྱུར་པ་དེ་དག་ཀུན། །འཕགས་དང་མཁའ་འགྲོ་རྣམས་ཀྱིས་བཟོད་པར་མཛོད། །ཐ་མའི་དུས་སུ་གྱུར་པ་ན། །ཚེ་ཐུང་ནད་མང་ལོངས་སྤྱོད་དམན། །རྐྱེན་ངན་བར་ཆད་མང་བ་ཡིས། །ཡུན་རིང་གནས་པའི་མཐུ་མེད་པས། །ཚིག་རྗེས་
[215a.4]བཅད་པར་མི་ནུས་ཀྱིས། །བཤེས་གཉེན་དམ་པ་བསྟེན་བྱ་སྟེ། །ཤིན་ཏུ་བརྩོན་པའི་སེམས་ལྡན་པས། །གཡང་ས་རབ་ཏུ་དྲན་བྱ་སྟེ། །གཞན་དག་གྲོལ་བར་བྱ་བའི་ཕྱིར། །སྙིང་པོའི་དོན་འདི་བཀྲོལ་བ་ཡིན། །བརྩེ་བས་འདི་བཀྲོལ་བསོད་ནམས་ཀྱིས། །ལམ་དམན་ཞུགས་
[215a.5]པའི་འགྲོ་བ་རྣམས། །དམ་པའི་ལམ་ལ་གནས་པར་ཤོག །རྡོ་རྗེའི་གླུའི་དོན་གསལ་བར་བྱེད་པ་མཁས་པ་ཆེན་པོ་དཱི་པཾ་ཀ་ར་ཤྲཱི་ཛྙཱ་ནས་མཛད་པ་རྫོགས་སོ།། །།པཎྜི་ཏ་དེ་ཉིད་དང་། དགེ་སློང་ཚུལ་ཁྲིམས་རྒྱལ་བས་བསྒྱུར་ཏེ་གཏན་ལ་ཕབ་པའོ།། །།
[215a.6]{T1496}༄༅༅། །རྒྱ་གར་སྐད་དུ། ཙཱརྱ་གཱི་ཏི། བོད་སྐད་དུ། སྤྱོད་པའི་གླུ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །དཔལ་རྡོ་རྗེ་གདན་པ་ལ་ཕྱག་འཚལ་ལོ། །གཟུགས་བརྙན་ཅི་འདྲ་འགྲོ་བ་སྲིད་པ་དེ་འདྲ་སྟེ། །རང་གི་ངོ་བོ་བརྟགས་ན་རང་བཞིན་ཡོད་མ་ཡིན། །རང་གི་ངོ་
[215a.7]བོ་གཟུགས་བརྙན་འདྲ་ཤེས་མ་སྐྱེས་པས། །ཀྭ་ཡེ་རྨོངས་བའི་སེམས་ཁྱོད་མི་ཤེས་མ་བྱེད་ཅིག །དྲི་མེད་མཁའ་དང་རྒྱས་པའི་ནོར་བུ་མེ་ལོང་ལ། །དེ་ལ་གསལ་བར་སྣང་བ་བདག་དང་འགྲོ་བ་ཀུན། །ཇི་ལྟར་བྱིས་པ་རང་གི་གཟུགས་བརྙན་ལ་འཁྲུལ་ལྟར། །བདག་གཞན་འབྱེད་པའི་
[215b]
[215b.1]འཁྲུལ་པ་ལ་ནི་ཅི་ཕྱིར་གནས། །གང་གིས་གཟུགས་བརྙན་ལ་ནི་རྟག་པར་ཤེས་ཤིང་རྟོགས། །དེ་ནི་ཕྱུགས་དང་འདྲ་སྟེ་གྲིབ་མ་ལ་རྒོལ་ཡིན། །དཀྱིལ་འཁོར་འཁོར་ལོ་བསྒོམ་པ་བརྟན་པར་བྱ་བ་སྟེ། །དེ་ཉིད་ཤེས་པའི་རྣལ་འབྱོར་པ་ཡིས་དེར་མི་གནས། །མཚོན་
[215b.2]པར་བྱ་བ་མཆོག་ཏུ་བདེ་ཆེན་གཅེས་པ་སྟེ། །དཀྱིལ་འཁོར་དེ་ལ་བསྡུས་ཏེ་བརྟན་པར་བྱ་བ་ཡིན། །ཁྱོད་ཀྱིས་བརྟགས་ཤིང་བསྐྱེད་པའི་ཚུལ་ནི་གང་ཡིན་པ། །དེ་ལ་དེ་ཉིད་རང་བཞིན་ཡིན་པར་ཇི་ལྟར་སེམས། །ཇི་སྲིད་དེ་ཉིད་རང་བཞིན་ཡོངས་སུ་མ་ཤེས་པས། །དེ་སྲིད་བྱང་ཆུབ་བླ་
[215b.3]ན་མེད་པ་ཇི་ལྟར་འགྲུབ། །རྣམ་རྟོག་སྤྲོས་པ་མ་ལུས་དངོས་པོ་མེད་པ་སྟེ། །དེ་དག་མཆོག་ཏུ་བདེ་བ་ཆེན་པོའི་རང་བཞིན་ཡིན། །འཇིག་རྟེན་ཆོས་བརྒྱད་དག་ལ་སེམས་ནི་མཉམ་པ་དང་། །ཏིང་ངེ་འཛིན་གྱི་ཚོགས་ལ་གནས་པར་འགྱུར་བར་གྱིས། །གནས་ན་ཤིན་ཏུ་རྣམ་པར་དག་
[215b.4]པར་འགྱུར་བ་སྟེ། །སྤྲོས་པའི་སྤྱོད་པ་མ་ལུས་ཡོངས་སུ་སྤོང་བ་ཡིན། །རྣམ་པར་རྟོག་པ་སྣ་ཚོགས་ཀྱིས་ནི་དངོས་གང་བསྐྱེད། །དེ་ནི་མཆོག་ཏུ་རྣམ་པར་དག་པའི་རང་བཞིན་མིན། །སྤྲོས་པ་དང་ནི་རྣམ་རྟོག་མ་ལུས་ཡོད་མིན་ལ། །དེ་ནི་དེ་བཞིན་ཉིད་དེ་མཆོག་ཏུ་རྣམ་དག་དངོས། །
[215b.5]དེ་བཞིན་ཉིད་ཀྱི་ཏིང་འཛིན་མེ་ཆེན་འབར་བ་སྟེ། །ཉོན་མོངས་སོགས་མ་ལུས་སྲེག་པར་བྱེད་པ་ཡིན། །གང་ཚེ་འཇིག་རྟེན་ཡོངས་སུ་ཤེས་པར་གྱུར་པ་ན། །དེ་ཚེ་འགྲོ་བ་ཐམས་ཅད་ནམ་མཁའ་བཞིན་དུ་འགྱུར། །འགྲོ་བའི་རང་བཞིན་མཁའ་འདྲ་བ་ལ་མིག་འཕྲུལ་ཅིང་། །རྣམ་རྟོག་
[215b.6]རབ་རིབ་ཀྱིས་རྨོངས་ལྡོངས་པར་མ་བྱེད་ཅིག །འགྲོ་བ་སྔོན་ཆད་ཅི་འདྲ་ཕྱིས་ཀྱང་དེ་འདྲ་སྟེ། །སྔ་ཕྱི་དག་དང་བར་ལ་ཁྱད་པར་ཡོད་མ་ཡིན། །རབ་རིབ་ཅན་གྱིས་ཇི་ལྟར་མཁའ་ལ་སྐྲ་མཐོང་དང་། །རྣམ་རྟོག་རབ་རིབ་འཇིག་རྟེན་མཐོང་ལ་ཁྱད་པར་མེད། །རྣམ་རྟོག་རང་བཞིན་མཁའ་དང་
[215b.7]མཉམ་པའི་རང་བཞིན་དུ། །བརྟགས་པའི་རང་བཞིན་མ་ལུས་པ་དག་བསྒོམ་པར་གྱིས། །སྡིག་པའི་རྣམ་སྨིན་ཆོལ་རྐུན་འཇིགས་པ་མཐོང་བ་ཡིས། །ཀྭ་ཡེ་ཚུལ་ཁྲིམས་ནོར་ཆེན་བསྲུང་ཕྱིར་མེལ་ཚེ་བྱོས། །སྲིད་པའི་མཚན་རིངས་དག་ལ་གཏི་མུག་གཉིད་ལོག་གིས། །ཀྭ་ཡེ་སེམས་ནི་
[216a]
[216a.1]བག་མེད་མ་བྱེད་མེལ་ཚེ་བྱོས། །ཉི་མ་མེད་ན་ཉིན་མོ་ཡོད་པ་མིན་པ་དང་། །ཚུལ་ཁྲིམས་ནོར་དང་བྲལ་ལ་བསམ་གཏན་ག་ལ་ཡོད། །གཉིད་ལོག་པ་ཡི་ཁང་པ་ཆོམ་རྐུན་ཞུགས་པ་ཡིས། །ཀྭ་ཡེ་ཁྱོད་ཀྱིས་ཚུལ་ཁྲིམས་ནོར་ཆེན་ཕྲོགས་ས་རེ། །སྐད་
[216a.2]ཅིག་ཙམ་ཡང་བྱ་བ་ངན་ལ་མ་ཆགས་པར། །དེ་ཉིད་ཉི་མ་ཤར་བར་དུ་མེལ་ཚེ་བྱོས། །ཇི་སྲིད་དེ་ཉིད་ཉི་མ་དག་ནི་ཤར་བ་ན། །དེ་སྲིད་སྲིད་པ་ནོར་བུ་བཞིན་དུ་ཅི་དགར་སྤྱོད། །བདག་ནི་གང་ཡིན་འགྲོ་བ་ཁྱེད་རྣམས་དེ་ཡིན་ཏེ། །རང་བཞིན་འབྱེད་པའི་ནང་གི་གནོད་པ་
[216a.3]མ་བྱེད་ཅིག །རྣམ་རྟོག་ནང་གི་གནོད་པ་འདི་ནི་གཞོམ་བྱ་སྟེ། །དུག་སྦྲུལ་ལྟ་བུ་དེ་ནི་བདུད་རྩིའི་རོས་ཞི་བྱ། །ནང་གི་གནོད་པ་སྦྲུལ་གདུག་མགོ་མངས་ལྟ་བུ་སྟེ། །འགྲོ་བ་མ་ལུས་སྣ་ཚོགས་རྟོགས་ཤིང་ཤེས་ནས་ནི། །དེ་བཞིན་ཉིད་དེ་བདུད་རྩི་ཆེན་པོའི་རོ་ཞེས་བྱ། །རྣལ་འབྱོར་
[216a.4]ཆེན་པོའི་སེམས་ཀྱི་ངལ་སོའི་གནས་གང་ཡིན། །བདུད་རྩི་ཆེན་པོའི་རོ་ནི་རྟག་ཏུ་བཏུང་བྱས་ནས། །བདེ་བ་ཆེན་པོའི་མྱ་ངན་འདས་མཆོག་ཤེས་པར་འགྱུར། །གཅེར་བུ་སྦྱིན་སྲེག་བྱེད་པ་བྲམ་ཟེ་མ་ཡིན་ཞིང་། །རལ་པ་འཛིན་པ་དང་ནི་རིགས་དང་རྒྱུད་ཀྱིས་ཡིན། །གང་ཞིག་ལུས་དང་ངག་
[216a.5]དང་ཡིད་ནི་ཡོངས་དག་ན། །དེ་ལྟ་བུ་ནི་བྲམ་ཟེ་ཡིན་པར་སངས་རྒྱས་གསུང་། །སྡིག་པ་བཅུ་པོ་གང་ཡིན་པ་ནི་སྤང་བྱ་ཞིང་། །དགེ་བ་བཅུ་པོ་ཡོན་ཏན་སྟོབས་དང་ལྡན་པར་བྱ། །དམན་པའི་རིགས་སུ་སྐྱེས་ཀྱང་འདི་ནི་གང་གི་ཚེ། །མ་ཤི་བར་དུ་ཆོས་མ་ཡིན་པ་སྤྱད་མི་བྱ། །བཟོད་
[216a.6]པའི་ཆོས་འཛིན་པ་ཡིས་ཁྲོ་བ་ལས་རྒྱལ་ཞིང་། །ཡུལ་གྱི་བདེ་བ་འདོད་པ་མ་ལུས་སྤང་བར་བྱ། །བདེ་བའི་ཆོས་ཀྱིས་མཚོ་ལ་རྟག་ཏུ་ཁྲུས་བྱ་ཞིང་། །འདུས་པའི་སྐྱོན་དང་འཇིགས་དང་གཏི་མུག་བསྐྱེད་མི་བྱ། །ཡང་དང་ཡང་དུ་ཀེང་རུས་བཞོན་པ་ལ་ཞོན་ཅིང་། །རྟག་ཏུ་མི་
[216a.7]གཙང་འཛག་པ་རྨོངས་པས་མ་ཚོར་རམ། །འདོད་དང་གཏི་མུག་ངན་འགྲོའི་ལམ་ནི་སྤང་བྱ་ཞིང་། །ཀྭ་ཡེ་སེམས་ཁྱོད་རང་གིས་རང་གི་དྲི་མ་ཁྲུས། །གུས་པས་བླ་མ་དམ་པའི་ཆུ་མིག་བསྟེན་བྱ་ཞིང་། །གཏི་མུག་ཆེན་པོའི་དྲི་མས་གང་གོས་ཟད་པར་བྱ། །བླ་མའི་མན་ངག་དེ་
[216b]
[216b.1]ཉིད་ཆུ་ཡིན་པས། །དེ་བླངས་ནས་ནི་རང་ཉིད་བཀྲུ་བར་ཤེས་པར་བྱ། །སེམས་ཁྱོད་ཡོངས་སུ་གོ་བར་གྱིས་ལ་རང་ལ་ནི། །ཡོངས་སུ་བལྟ་ཞིང་གཏི་མུག་ནག་ཆེན་པོ་སྦྱོངས། །མི་ནི་གང་ཞིག་ཐུབ་པའི་ཆོས་གཏམ་མི་ཉན་པ། །དེ་ནི་ཆུ་དང་ནགས་ཀྱི་མི་དང་མཉམ་པ་ཡིན། །ངེས་པར་
[216b.2]འཇིག་རྟེན་འཇིག་རྟེན་ཕ་རོལ་འགྲོ་བས་ན། །ཐུབ་པའི་ཆོས་ཀྱི་གཏམ་ནི་མཉམ་པར་བྱ་བ་ཡིན། །ཐུབ་པའི་ཆོས་ཐོས་ནས་ནི་ཆོས་མིན་གནས་མི་བྱ། །མནར་མེད་འགྲོ་ལ་སུས་ཀྱང་བཟུང་བར་མི་ནུས་པས། །ཆོས་ཐོས་ནས་ནི་ཆོས་ཀྱི་དོན་བཞིན་གང་བསྒོམས་པ། །དེས་ནི་བདེ་བར་མཐོ་རིས་
[216b.3]ཐར་པའི་འབྲས་བུ་ཐོབ། །གཏི་མུག་མུན་ནག་དག་ལ་ཆོས་ནི་སྒྲོན་མ་སྟེ། །སྲིད་པའི་མཚོ་ལས་གྲོལ་བར་བྱེད་པའི་གཟིངས་ཡིན་ནོ། །སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པའི་ཚུལ་ཁྲིམས་ཀྱི་སྤྱོད་པ་གླུར་བླངས་པ་རྫོགས་སོ།། །།པཎྜི་ཏ་བཛྲ་པཱ་ཎི་དང་།
[216b.4]ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། {T1497}༄༅༅། །རྒྱ་གར་སྐད་དུ། ཙཱརྱ་གྲི་ཏི་བྲྀ་ཏྟི། བོད་སྐད་དུ། སྤྱོད་པའི་གླུའི་འགྲེལ་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །རྣམ་པ་ཀུན་གྱི་མཆོག་ལྡན་པ། །ཟུང་
[216b.5]འཇུག་སྐུ་ལ་ཕྱག་འཚལ་ལོ། །སྤྱོད་པ་གླུ་ཡི་དོན་དབྱེ་བ། །གཞན་ལ་ཕན་པའི་བློ་ཡིས་བྲི། །འདིར་ཡང་དག་པའི་ལྟ་བ་རྣམ་པ་གཉིས་ཀྱི་དབང་དུ་བྱས་ནས། རྡོ་རྗེའི་གླུས་འོད་གསལ་བ་དང་། འགོག་པའི་དང་དོན་དམ་པའི་བདེན་པ་གཙོར་བསྟན་ནས། སྤྱོད་པའི་གླུས་བདག་
[216b.6]བྱིན་གྱིས་བརླབ་པ་དང་། །ལམ་གྱི་བདེན་པ་དང་། ཀུན་རྫོབ་ཀྱི་བདེན་པ་བསྟན་པའི་ཕྱིར། །གཟུགས་བརྙན་ཅི་འདྲ་ཞེས་བྱ་བ་ལ་སོགས་པ་ལ་འདིར་ཤེས་རབ་ཀྱི་མིག་གིས་བལྟ་བར་བྱ་བའི་ཡུལ་ནི་གཉིས་ཏེ། མེད་པ་དང་། ཡོད་པའི་རང་བཞིན་ནོ། །མེད་པ་ནི་མ་ཡིན་པ་ལ་དེར་སྣང་
[216b.7]བ་སྟེ། དཔེར་ན་རབ་རིབ་ཅན་གྱི་ཤེས་པ་བཞིན་ནོ། །གཟུགས་བརྙན་ཅི་འདྲ་ཞེས་པ་ནི་དེ་ལ་གསུམ་སྟེ། མེ་ལོང་གཡའ་མེད་པ་དང་། བཞིན་ཉེ་བར་གནས་པ་དང་། ནམ་མཁའི་སྒྲིབ་གཡོགས་མེད་པ་ལ་གཟུགས་སྣང་ངོ་། །དེ་བཞིན་དུ་སེམས་དང་རླུང་གི་རྣམ་འཕྲུལ་ལས་
[217a]
[217a.1]མ་རིག་པས་ཁྱད་པར་དུ་བྱས་པ་ལ་སྲིད་པ་གསུམ་གྱི་འགྲོ་བ་གསལ་བར་སྣང་སྟེ། དེ་ཡང་སྣང་བ་ཙམ་ལས་དོན་དུ་གྲུབ་པ་གང་ཡང་མེད་དོ། །དེའི་ཕྱིར། རང་གི་ངོ་བོ་བརྟགས་ན་རང་བཞིན་ཡོད་མ་ཡིན། །ཞེས་བྱ་བའོ། །ཇི་ལྟར་བརྟགས་པས་མེད་པར་ཤེས་ཤེ་
[217a.2]ན། བདག་དང་ཁམས་གསུམ་པའི་རང་གི་ངོ་བོ་གཟུགས་བརྙན་ལྟར་སྣང་བ་ཙམ་དུ་ཤེས། མ་སྐྱེས་པར་ཤེས་པའོ། །དེ་ཀྭའི་ཞེས་བོས་ནས་གདམས་པའོ། །གཟུགས་བརྙན་ལ་འཁྲུལ་བར་མ་བྱེད། གཟུགས་བརྙན་གྱི་རང་བཞིན་མི་ཤེས་པར་མ་བྱེད་ཅེས་པའོ། །དེ་ལྟར་མདོར་
[217a.3]བསྟན་ནས་དཔེ་དོན་གྱི་མཚན་ཉིད་རྒྱས་པར་བསྟན་པའི་ཕྱིར། དྲི་མེད་མཁའ་དང་ཞེས་བྱ་བ་ལ་སོགས་པ་ལ། ནམ་མཁའ་དྲི་མ་མེད་པ་དང་། ནོར་བུ་དང་། མེ་ལོང་དག་པ་དང་། བཞིན་གསུམ་འདུས་པ་ལས་གཟུགས་བརྙན་སྣང་བ་དེ་བཞིན་དུ་སེམས་དང་རླུང་དང་ལས་དང་མ་རིག་པ་
[217a.4]ལས་བདག་དང་ཁམས་གསུམ་པའི་གཟུགས་བརྙན་སྣང་སྟེ། དེ་ལ་འཁྲུལ་ཏེ་རྟག་པ་དང་ཡང་དག་པར་ཤེས་པ་ནི་སེང་གེ་རང་གི་གྲིབ་མ་ལ་བརྒལ་བས་རྒྱ་མཚོར་ཤི་བ་དང་འདྲ་སྟེ་བླུན་པའོ། །ཡང་བརྡ་མི་ཤེས་པའི་བྱིས་པས་རང་གི་གཟུགས་བརྙན་ལ་འབྲད་པ་དང་འདྲ་སྟེ་བླུན་
[217a.5]པའོ། །དེ་བཞིན་དུ་བདག་དང་ཁམས་གསུམ་པ་གཟུགས་བརྙན་ལྟར་སྣང་བ་ལ་བདག་དང་གཞན་དུ་ཅིའི་ཕྱིར་འཁྲུལ་ཏེ་འཁྲུལ་པར་མ་བྱེད་ཅེས་བྱ་བའོ། །དེ་ཡང་མདོ་ལས། ཇི་ལྟར་མེ་ལོང་ངོས་ལ་ནི། །སྣང་ཡང་དེ་ན་ཡོད་མིན་ལྟར། །དེ་བཞིན་དངོས་རྣམས་ངོ་བོ་ཉིད། །
[217a.6]ཅེས་པ་དང་། ཡང་། དོན་ཡོད་མ་ཡིན་སེམས་ཉིད་དེ། །བག་ཆགས་ཀྱིས་ནི་དཀྲུགས་པའི་ཡིད། །དོན་དུ་སྣང་བ་བྱུང་བ་ཡིན། །ཞེས་གསུངས་པས་བདག་དང་ཁམས་གསུམ་པའི་དངོས་པོ་ཚུ་རོལ་མཐོང་བའི་ཤེས་པ་དང་། ཤེས་བྱ་མ་ལུས་པར་ནམ་མཁའི་མེ་ཏོག་ལྟར་ཤེས་
[217a.7]པར་བྱའོ། །ད་ནི་ཡོད་པའི་རང་བཞིན་མཐོང་བའི་དབང་དུ་བྱས་ནས། དཀྱིལ་འཁོར་འཁོར་ལོ་བསྒོམ་པ་བརྟན་པར་བྱ་བ་སྟེ། ཞེས་བྱ་བ་དེ་ལ་ལྔ་སྟེ་རྟེན་འབྲེལ་ལ་མཐུ་ཡོད་པ་དང་། དེ་ཡིན་པ་དང་། དེར་ཤེས་པ་དང་། དེར་བསྒོམ་པ་དང་། བྱིན་གྱི་རླབས་འབྱུང་བའོ། །
[217b]
[217b.1]དེ་ལྟར་ཡོད་པ་མ་ཡིན་པའི་དོན་བསལ་ནས་སེམས་རླུང་གཉིས་ཟག་མེད་ཀྱི་ཡོན་ཏན་གྱིས་ཁྱད་པར་དུ་བྱས་པའི་ཚེ། རྟེན་དང་བརྟེན་པའི་ལྷའི་འཁོར་ལོར་སྣང་བ་སྟེ་ཉེར་ལེན་གྱི་རྒྱུ་སེམས་ལྷན་ཅིག་བྱེད་པའི་རྐྱེན་རླུང་ཟག་མེད་ཀྱི་ཡོན་ཏན་གསུམ་འདུས་པ་ལས་ཡིད་ཀྱི་ལུས་སྒྱུ་མ་
[217b.2]ལྟ་བུ་ལ་སོགས་པར་སྣང་ངོ་། །དེ་ཡང་རང་བཞིན་གྱིས་ཟག་པ་མེད་པའི་ཡོན་ཏན་ཐམས་ཅད་ཀྱི་རང་བཞིན་ཡིན་པ་ཤེས་པ་མེད་ན་མེད་པའི་ཕྱིར་རོ། །དེ་ཡང་ཤེས་བྱེད་ཡང་དག་པའི་དགེ་བའི་བཤེས་གཉེན་ལ་བརྟེན་ནས་བདག་བྱིན་གྱིས་བརླབ་པའི་རང་བཞིན་དུ་དཔེ་གསུམ་དང་
[217b.3]བཅུ་གཉིས་ཀྱི་སྒོ་ནས་མཚོན་ཅིང་ཤེས་པ་དང་། དེ་ཡང་དབང་པོ་ལྔས་དབང་བྱས་ནས་བསྒོམ་པ་དང་། དེ་ལས་བྱིན་གྱི་རླབས་ཆོས་ཐམས་ཅད་སྒྱུ་མ་ལྟར་སྣང་བ་ངེས་པའི་ཤེས་པ་སྐྱེའོ། །གཞན་ལྷས་སྐྱོང་བ་ལ་སོགས་པ་འཕགས་པའི་ལྷས་བཤད་པ་ལས་ཤེས་པར་བྱའོ། །དེ་
[217b.4]ཉིད་ཤེས་པའི་རྣལ་འབྱོར་པ་ཡིས་དེར་མི་གནས། །ཞེས་བྱ་བ་ནི་སྒྱུ་མར་ཤེས་ཀྱང་སྒྱུ་མས་བྱས་པའི་བུད་མེད་ལ་ཆགས་པ་སྐྱེ་བ་དང་འདྲ་བར་ཞེན་པ་ཡོད་པས་དེ་འོད་གསལ་གྱིས་སྦྱངས་པའོ། །མཚོན་པར་བྱ་བ་མཆོག་ཏུ་བདེ་ཆེན་ཞེས་པ་སྟེ། །ཞེས་པའི་ཚིག་གཉིས་པོ་གོ་
[217b.5]སླའོ། །ཁྱེད་ཀྱིས་བརྟགས་ཤིང་བསྐྱེད་པའི་ཚུལ་ནི་གང་ཡིན་པ། །ཞེས་བྱ་བ་ནི་བདེན་པ་གཉིས་ཀྱི་མཚན་ཉིད་དང་མི་ལྡན་པའི་བརྟགས་པའི་རྣལ་འབྱོར་དགག་པ་སྟེ་གོ་སླའོ། །ཇི་སྲིད་དེ་ནི་རང་བཞིན་ཡོངས་སུ་མི་ཤེས་པས། །དེ་སྲིད་བྱང་ཆུབ་བླ་ན་མེད་པ་ཇི་ལྟར་འགྲུབ། །ཅེས་
[217b.6]བྱ་བ་ནི་འོད་གསལ་དང་ཟུང་འཇུག་གོ། །རྣམ་རྟོག་སྤྲོས་པ་མ་ལུས་དངོས་པོ་མེད་པ་སྟེ། །ཞེས་བྱ་བ་ནི་འཇིག་རྟེན་པའི་སེམས་བརྒྱ་དྲུག་ཅུའོ། །དེ་དག་མཆོག་ཏུ་བདེ་བ་ཆེན་པོ་འོད་གསལ་གྱི་རང་བཞིན་གྱིས་སྦྱངས་པ་ཡིན་ཞེས་བྱའོ། །དེའི་རྒྱུ་ཅི་ཞེ་ན། འཇིག་རྟེན་གྱི་ཆོས་
[217b.7]བརྒྱད་ལ་མཉམ་པ་ཉིད་དུ་བྱ་བ་དང་། །ཏིང་ངེ་འཛིན་གྱི་མཆོག་ལ་གནས་པར་འགྱུར་བ་སྟེ། དེ་ལ་གཉིས། ཐུན་མོང་གི་ཚོགས་ཚུལ་ཁྲིམས་དང་ལྡན་པ་དང་། ལོངས་སྤྱོད་ལ་མི་ལྟོས་པ་དང་། བཟོད་པ་དང་ལྡན་པ་དང་། དམ་བཅའ་བརྟན་པ་དང་། འདུ་འཛི་སྤོང་བ་
[218a]
[218a.1]དང་། ཤེས་བཞིན་དང་ལྡན་པ་དང་། བདེན་པ་གཉིས་ལ་མ་ཡེངས་པའི་དྲན་པ་དང་། བྱ་བ་དང་དེ་མ་ཡིན་པ་ཤེས་པ་དང་། སྒྲིབ་པ་ལྔ་སྦོང་བ་དང་། ཟད་ཀྱི་ཚོད་རིག་པ་དང་། འཇིག་རྟེན་པའི་སྤྱོད་པ་ལ་བློ་རྣལ་དུ་ཕེབས་པའོ། །ཐུན་མོང་མ་ཡིན་པའི་
[218a.2]དབང་བཞི་ལེགས་པར་ཐོབ་པ། བྱང་ཆུབ་ཀྱི་སེམས་བརྟན་པ། བླ་མ་ལ་གུས་པའོ། །དེ་ལྟ་བུའི་ཚོགས་ལ་གནས་ན་ལུས་ངག་ཡིད་གསུམ་དང་། སྒྲིབ་པ་གསུམ་ཤིན་ཏུ་རྣམ་པར་དག་པར་འགྱུར་བ་སྟེ་སྤྲོས་པའི་སྤྱོད་པ་མ་ལུས་པ་སྦོང་པའོ། །རྣམ་པར་རྟོག་པ་ཞེས་བྱ་བའི་ཚིག་
[218a.3]གཉིས་སྤྲོས་པའི་རྣལ་འབྱོར་དགག་པ་སྟེ་གོ་སླའོ། །ཇི་སྲིད་སྲིད་པ་གསུམ་དང་། ཅིར་སྣང་འཇིག་རྟེན་པའི་སེམས་སྤྲོས་པ་དང་། རྣམ་རྟོག་མ་ལུས་པ་དོན་ཡོད་མ་ཡིན་པས། །དེ་ཕྱིར་བསལ་བ་དེ་ནི་དེ་བཞིན་མཆོག་ཏུ་རྣམ་པར་དག་པའི་རང་བཞིན་ནོ། །དེ་ལ་དབང་པོ་ལྔས་
[218a.4]དབང་བྱས་པའི་ཏིང་ངེ་འཛིན་གྱི་མེས་ཉོན་མོངས་པའི་སོག་མ་འཇིག་རྟེན་པའི་སེམས་རྣམ་པར་བསྲེགས་པས་གང་གི་ཚེ་འཇིག་རྟེན་གསུམ་དང་། འཇིག་རྟེན་པའི་སེམས་རྣམས་ནམ་མཁའི་དཀྱིལ་ལྟར་ཡོངས་སུ་ཤེས་པ་དེའི་ཚེ། འགྲོ་བ་མ་ལུས་པའི་རྟོག་པ་ནུབ་ནས་ནམ་མཁའ་བཞིན་
[218a.5]དུ་འགྱུར་རོ། །དེ་ལྟར་ཆོས་ཐམས་ཅད་སྣང་ལ་ངེས་པའི་ཤེས་པ་སྐྱེ་བའི་དྲི་མ་སྦྱོང་དགོས་པ་གསུངས་པ། རྣམ་རྟོག་རབ་རིབ་ཀྱིས་རྨོངས་ལྡོངས་པར་མ་བྱེད་ཅིག །ཅེས་བྱའོ། །དེ་ཅིའི་ཕྱིར་ཞེ་ན། འགྲོ་བ་གསུམ་པོ་རང་བཞིན་དག་པའི་ངང་དུ་ཁྱད་པར་གང་ཡང་མེད་ལ།
[218a.6]རྟོག་པས་བྱེ་བྲག་བྱས་པའོ། །དེའི་དོན་རྒྱས་པར་བསྟན་པའི་ཕྱིར། རབ་རིབ་ཅན་གྱིས་ཞེས་བྱ་བ་ལ་སོགས་པ་སྟེ་གོ་སླའོ། །ད་ནི་འོད་གསལ་བའི་ཏིང་ངེ་འཛིན་གྱིས་ལས་དང་ཉོན་མོངས་པ་སྐྱེ་བ་དག་པར་མ་བྱས་པར་དུ། ལས་འབྲས་ཤིན་ཏུ་ཕྲ་བ་ལ་ཡང་འཛེམ་དགོས་པ་
[218a.7]བསྟན་པའི་ཕྱིར། སྡིག་པའི་རྣམ་སྨིན་ཆོམ་རྐུན་འཇིགས་པ་མཐོང་བ་ཡིས། །ཞེས་བྱ་བ་ལ་སོགས་པ་སྟེ་གོ་སླའོ། །དེ་ཁོ་ན་ཉིད་ཀྱི་ཉི་མ་འོད་གསལ་བའི་ཏིང་ངེ་འཛིན་གྱིས་ལས་ཀྱི་འཇུག་པ་བཅད་ནས། བཟོད་པ་དེ་དང་ལྡན་པ་བཞིན་དུ་རང་གི་རྒྱུད་ལ་དགེ་བའི་སེམས་རྫོགས་
[218b]
[218b.1]པར་བྱེད་པ་ལ་སོགས་པའི་ཚེ་ནི་དེ་མི་དགོས་པས་དེ་སྲིད་ཅི་དགར་སྤྱོད་ཅེས་བྱའོ། །དེ་བས་ན་དེ་སྲིད་ཅེས་བྱ་བ་ལ་སོགས་པ་སྟེ་གོ་སླའོ། །དེ་ལྟར་ལྟ་བ་དང་སྤྱོད་པ་དག་ལ་བྲམ་ཟེ་ཞེས་བྱའི།རིགས་ལ་སོགས་པ་མ་ཡིན་པར་བསྟན་པའི་ཕྱིར་གཅེར་བུ་ཞེས་བྱ་བ་ལ་སོགས་པ་སྟེ་གོ་སླའོ། །ལམ་
[218b.2]ཕྱིན་ཅི་མ་ལོག་པ་དང་ལྡན་ན་རིགས་ལ་མི་ལྟོས་པར་བསྟན་པའི་ཕྱིར། དམན་པའི་རིགས་སུ་སྐྱེས་ཀྱང་ཞེས་བྱ་བ་ལ་སོགས་པའོ། །འཁྲུལ་པའི་དབང་གིས་རྟག་ཏུ་འཁོར་བ་དེ་ལས་བཟློག་པར་གདམས་པ་ནི། ཡང་དང་ཡང་དུ་ཞེས་བྱ་བ་ལ་སོགས་པས་མཇུག་བསྡུས་ཏེ་གདམས་
[218b.3]པ། ཀྭའི་ཞེས་བོས་ནས་སེམས་ཁྱོད་རང་གིས་རང་གི་དྲི་མ་ཁྲུས། །ཞེས་བྱ་བ་ལ། བཞིན་གྱི་དྲི་མ་མེ་ལོང་ལ་བལྟས་ནས་སེལ་བ་ལྟར། མེ་ལོང་དང་འདྲ་བའི་བླ་མ་དང་། ཆུ་དང་འདྲ་བའི་མན་ངག་གིས་མ་རིག་པའི་དྲི་མས་གང་གོས་པ་དེ་ཟད་པར་བྱའོ། །དེའི་ཕྱིར་བླ་མའི་མན་ངག་
[218b.4]གི་ཆུས་རྟོག་པའི་དྲི་མ་བཀྲུ་བར་བྱའོ། །ཚུལ་ཇི་ལྟར་བཀྲུ་ཞེ་ན། སེམས་ཁྱོད་ཡོངས་སུ་གོ་བར་གྱིས་ལ་རང་ལ་ནི། །ཡོངས་སུ་བལྟ་ཞིང་གཏི་མུག་མུན་པ་ཆེན་པོ་སྦྱོངས། །ཞེས་བྱ་བ་ལ་ཆོས་ཐམས་ཅད་སེམས་དང་རླུང་གི་རྣམ་པར་འཕྲུལ་བར་གོ་བར་གྱིས་ལ་རང་ལ་རང་སྟེ།
[218b.5]རླུང་དང་སེམས་རང་བཞིན་ལ་བཅུག་ལ་ནམ་མཁའ་དང་འདྲ་བར་ལྟོས་ཞེས་བྱའོ། །དེ་ལྟ་བུའི་ཐུབ་པའི་ཆོས་ཀྱི་གཏམ་མི་ཉན་པ་དང་། དེའི་སྐལ་བ་མེད་པ་ནི་མེ་ལྟར་སྣང་བ་ཡིན་ནོ། །དེ་བས་ན་ངེས་པར་འཇིག་རྟེན་ཕ་རོལ་དུ་འགྲོ་དགོས་པ་ཡིད་ལ་བྱས་ལ། ཐུབ་པའི་ཆོས་ཀྱི་
[218b.6]གཏམ་བྱང་ཆུབ་ཀྱི་སེམས་ལ་སོགས་པ་མཉན་ཞིང་གོམས་པར་བྱའོ། །དེ་ཐོས་ནས་དེ་དང་འགལ་བའི་ལས་མི་བྱ་སྟེ་མནར་མེད་པར་འགྲོ་བ་ལ་དེ་མིན་པ་གང་གིས་ཀྱང་འཛིན་པར་མི་ནུས་པའི་ཕྱིར་རོ། །དེ་ཐོས་ནས་དེ་ལྟར་དེ་སྦྱངས་ནས་གནས་སྐབས་ཀྱི་འབྲས་བུ་མཐོ་རིས་ལ། མཐར་ཐུག་གི་
[218b.7]འབྲས་བུ་བྱང་ཆུབ་འཐོབ་པའོ། །མ་རིག་པའི་མུན་པ་ལ་ཆོས་ཏེ་སྐྱབས་སུ་འགྲོ་བ་དང་། བྱང་ཆུབ་ཀྱི་སེམས་ལ་སོགས་པ་དང་། ཐ་མ་བདེ་བ་ཆེན་པོའི་ཏིང་ངེ་འཛིན་གྱི་བར་ནི་སྒྲོན་མ་སྟེ་རང་བཞིན་གྱིས་འོད་གསལ་བར་བྱེད་པའི་ཕྱིར་རོ། །དེའི་ཕྱིར་སྲིད་པའི་རྒྱ་མཚོ་ཆེན་པོ་སྒྲོལ་བར་
[219a]
[219a.1]བྱེད་པའི་གྲུ་དང་གཟིངས་ཡིན་པས་ངེས་པར་བསྟེན་ཞིང་གོམས་པར་བྱའོ།།སྤྱོད་པའི་གླུའི་འགྲེལ་པ་རྫོགས་སོ།། {T1498}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦ་ར་ཨ་བྷི་ས་མ་ཡེ། བོད་སྐད་དུ། དཔལ་འཁོར་ལོ་སྡོམ་པའི་མངོན་པར་རྟོགས་པ།
[219a.2]དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །རྡོ་རྗེ་སེམས་དཔའི་སྐུ་ནི་དཔལ་ལྡན་དགའ་བ་རྒྱས་པ་མགོན་པོ་སྣ་ཚོགས་ཤེལ་ལྟ་བུ། འཇིག་རྟེན་འདས་པའི་སྦྱོར་བས་འཇིག་རྟེན་སྙིང་གི་མུན་པ་རྣམ་པར་འཇོམས་པ་མྱུར་མཛོད་ཅིག །ནོར་བུ་བྱི་དོར་བྱས་པས་དགོས་པ་འབྱུང་ལྟར་མཁས་
[219a.3]པས་ཚོགས་གཉིས་འདོད་ཕྱིར་འདི་ལ་ནི། བསྙེན་བཀུར་རིམ་པ་སྒྲུབ་པའི་ཐབས་ནི་འཁྲུལ་པ་སྤོང་བ་རབ་བཤད་བྱ། དང་པོ་ཁོ་ནར་རིའི་རྩེ་མོ་ལ་ཁ་ལྷོར་བལྟས་ཏེ་གཏོར་མ་བཏང་ནས་སྐྲ་གྲོལ་རོ་ལ་འདུག་ལ་དམ་ཚིག་བསྟེན་ནས། སེམས་ཅན་ཐམས་ཅད་སྡོམ་པའི་གོ་འཕང་ཐོབ་པར་འདོད་པས་
[219a.4]ཡི་གེ་བཞིའི་དོན་མངོན་དུ་བྱས་ལ། ཅིག་ཅར་དུ་སྟོང་པའི་ངང་ལས་ཐ་མལ་པའི་ང་རྒྱལ་སྤངས་ལ། ཤེས་རབ་མ་དང་བཅས་པའི་སྡོམ་པ་ཕྱག་གཉིས་པའི་ང་རྒྱལ་གྱིས། ཐོག་མར་ཨོཾ་དང་མཐར་ཧཱུཾ་ཕཊ་ཅེས་པའི་ཨཱ་ལི་ཀཱ་ལིའི་སྔགས་འོད་ཟེར་དང་བཅས་པས་གཡོན་སྐོར་དུ་དཀྲིས་ནས།
[219a.5]འཁོར་ལོ་གསུམ་གྱི་ལྷ་ཚོགས་སྤྲོས་ལ་བགེགས་ཀྱི་ཚོགས་འཇོམས་པར་བསམས་ཏེ། གཟུགས་ཀྱི་ཕུང་པོ་ལ་སོགས་པ་རྣམས་ལ་རྣམ་པར་སྣང་མཛད་ལ་སོགས་པ་ལྷག་པར་མོས་པ་བྱས་ནས། ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཧཱུཾ་ཕཊ།
[219a.6]ཨོཾ་ཨཱ་ན་ཡ་ཧོ་བྷ་ག་བཱན་བིདྱཱ་རཱ་ཛ་ཧཱུཾ་ཧཱུཾ་ཕཊ། ཅེས་སྔགས་བཞི་པོ་བརྗོད་པས་ནག་པོ་ལྗང་གུ་དཀར་པོ་སེར་པོ་ལས་འཕྲོས་པའི་གཟུགས་ཤིན་ཏུ་ཆེ་བ་ཚངས་པའི་གནས་ནས་ས་འོག་ཏུ་ཁྱབ་པ། ཤར་བྱང་ནུབ་ལྷོ་ལ་རིམ་པ་ལྟར་བཀོད་པས་དེའི་འོད་ཟེར་གྱིས་དེའི་ཁ་དོག་དང་མཚུངས་པའི་
[219a.7]རྡོ་རྗེའི་ར་བ་གྲུ་བཞི་པ། དེ་དང་མཉམ་དུ་ཧཱུཾ་ལས་སྐྱེས་པ་སྣ་ཚོགས་རྡོ་རྗེ་དེ་ལ་ཧཱུཾ་གིས་མཚན་པའི་ས་གཞི་ས་འོག་གི་བར་དུའོ། །དེའི་འོད་ཟེར་ལས་གྱུར་པའི་རྡོ་རྗེ་རྩེ་ལྔ་པའི་ར་བ། དེའི་ཕྱིར་མདའི་དྲ་བ། འོག་ཏུ་རྡོ་རྗེ་བླ་རེས་བརྒྱན་པའི་གུར་བསམ་པར་བྱའོ། །དེ་ནས་སུམྦྷ་ལ་སོགས་
[219b]
[219b.1]པའི་སྔགས་བཞི་ལས་གྲུབ་པའི་ཁྭ་གདོང་མ་ལ་སོགས་པ་བཞི་དང་། དེ་གཉིས་གཉིས་ཀྱི་འོད་ལས་གྲུབ་པའི་གཤིན་རྗེ་བརྟན་མ་ལ་སོགས་པའི་ལྷ་མོ་བརྒྱད་པོ་ཞལ་གཅིག་པ་ཕྱག་གཉིས་པ་གཡས་རྡོ་རྗེ་ཐོ་བ་གཡོན་ཕུར་བུ་སྟེ། དེ་ཡང་ལྟེ་བ་ཡན་ཆད་རང་དང་འདྲ་བ་བསྣམས་པས་རང་
[219b.2]དང་འདྲ་བ་དུ་མ་སྤྲུལ་ནས་ཕྱོགས་བཅུ་ན་གནས་པའི་བགེགས་ཚོགས་བཀུག་ནས་ཧཱུཾ་རིང་བརྗོད་པས་དེ་ལས་གྲུབ་པའི་ར་བ་དང་ཉེ་བའི་ཁྲོན་པ་བརྒྱད་དུ་བཅུག་ལ་སྔགས་འདིས་མགོ་ལ་ཕུར་པ་གཞག་པར་བྱའོ། །ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་དུ་ཥྜཱ་ན་པྲ་དུ་ཥྚཱ་ན་ཧཱུཾ་ཧཱུཾ་ཕཊ། ཨོཾ་ཀཱི་ལ་
[219b.3]ཡ་ཀཱི་ལ་ཡ་སརྦ་པཱ་པཾ་ཧཱུཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་ཡ་བཛྲ་དྷ་རོ་ཨཱ་ཛྙཱ་པ་ཡ་ཏི་སརྦ་བིགྷྣཱཾ་ཀཱ་ཡ་ཝཱཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ་ཅེས་སོ། །དེ་ནས་བརྡུང་བའི་སྔགས་ཀྱིས་བརྡུང་བར་བྱ་བའོ། །ཨོཾ་བཛྲ་མུདྒ་ར་བཛྲ་ཀཱི་ལ་ཨཱ་ཀོ་ཊ་ཡ་ཧཱུཾ་ཧཱུཾ་ཕཊ། ཅེས་བརྡེག་པ་དང་བརྡུང་བ་དག་གིས་
[219b.4]བགེགས་ཀྱི་ཚོགས་བདེ་བ་ཆེན་པོ་དང་རོ་གཅིག་པར་གྱུར་པར་བསམས་ལ། །བགེགས་ལྷག་མ་བསྐྲད། དེའི་འོད་ར་བ་ལ་ཐིམ་པར་གྱུར་པས་དེ་ལས་བྱུང་བའི་རྡོ་རྗེ་དང་པདྨ་འཁོར་ལོའི་ཁོར་ཡུག་བསྒོམས་ལ། འགྲོ་བ་ཡང་རྣམ་པ་ཐམས་ཅད་ཀྱིས་བགེགས་མེད་པར་བསམ་པར་
[219b.5]བྱའོ། །དེ་ལྟར་སྙིང་གར་ཨཾ་ལས་བྱུང་བའི་ཟླ་བའི་དཀྱིལ་འཁོར་ལ་གནས་པའི་ཧཱུཾ་སྔོན་པོའི་འོད་ཟེར་གྱིས་འཆད་པར་འགྱུར་བའི་དཀྱིལ་འཁོར་གྱི་འཁོར་ལོ་མདུན་གྱི་ནམ་མཁའ་ལ་སྤྱན་དྲངས་ལ། ཕྱག་རྒྱས་ཨརྒྷ་ལ་སོགས་པ་དབུལ་ཞིང་ཧཱུཾ་ལས་བྱུང་བའི་ལྷ་མོ་བཅུ་དྲུག་གིས་
[219b.6]མཆོད་པར་བྱའོ། །དེ་ལ་མེ་ཏོག་མ། བདུག་སྤོས་མ། མར་མེ་མ། དྲི་ཆབ་མ་ནི། དཀར་བ། དུ་བའི་མདོག །མར་མེའི་རྩེ་མོ་ལྟ་བུ་དང་། དམར་བ་ཕྱག་གཡས་ཀྱི་དང་པོ་ན་མེ་ཏོག་གི་གཞོང་པ་སྤོས་ཁང་མར་མེ་དྲིའི་དུང་ཆོས་སོ། །ཅིག་ཤོས་ཀྱི་གསུམ་ལ་ཌ་མ་རུ་དང་ཐོད་པ། ཁཊྭཱ་
[219b.7]གའོ། །པི་ཝང་མ། གླིང་བུ་མ། རྔ་ཟླུམ་མ། རྫ་རྔ་མ་ནི། སྔོ། སེར། དམར། ལྗང་བ་སྟེ། ཕྱག་དང་པོ་གཉིས་ཀྱིས་རང་རང་གི་རོལ་མོ་འཁྲོལ་བ། གཞན་གཉིས་ཀྱིས་རྡོ་རྗེ་དང་དྲིལ་བུའོ། །བཞད་མ་དམར་མོ་ཕྱག་དང་པོ་གཉིས་ཀྱིས་བཞད་པའི་སྟངས་མཛད་པ། སྒེག་
[220a]
[220a.1]མོ་སྔོན་མོ་ཕྱག་གཉིས་རྡོ་རྗེ་དྲིལ་བུ་དཀུར་བརྟེན་པ། གླུ་མ་སེར་མོ་འཁར་བའི་སིལ་ཁྲོལ་རྡེབ་པ། གར་མ་ལྗང་གུ་ཕྱག་གཉིས་པ་པད་ཀོར་མཛད་པ་འདི་རྣམས་ཀྱི་ཕྱག་གཞན་རྣམས་ཀྱི་ཐོད་པ་དང་ཁཊྭཱཾ་གའོ། །གཟུགས་མ་དཀར། རོ་མ་དམར། རེག་མ་ལྗང་། ཆོས་
[220a.2]མ་དཀར་མོ་སྟེ་ཕྱག་གཡས་དང་པོ་མེ་ལོང་རོའི་སྣོད། གོས་སྣ་ཚོགས། ཆོས་འབྱུང་ངོ་། །ཅིག་ཤོས་གསུམ་ལ་ཌ་མ་རུ་དང་ཐོད་པ་ཁ་ཊྭཱཾ་གའོ། །བཅུ་དྲུག་པོ་ཞལ་གཅིག་ཕྱག་བཞི་པའོ། །དེའི་རྗེས་ལ་རྐང་པ་བརྒྱད་པས་བསྟོད་པ་བྱ། སྡིག་པ་བཤགས་པ་ལ་སོགས་པ་བྱ། ཨོཾ་
[220a.3]སྭ་བྷཱ་བ་ཤུདྡྷཿ་སརྦ་དྷརྨཱཿ་སྭབྷཱ་བ་ཤུདྡྷོ྅ཧཾ། ཞེས་པའི་དོན་མངོན་དུ་བྱས་ལ། ཁམས་གསུམ་ཡང་སྟོང་པ་ཉིད་ཀྱི་རང་བཞིན་དུ་བལྟ་ཞིང་རང་གི་སེམས་ཉིད་ཡི་གེ་གསུམ་གྱི་ངོ་བོ་ཉིད་ཨོཾ་ཨཱཿ་ཧཱུཾ། དེ་ལ་ཨུ་ཧ་མགོ་ཟླ་ཚེས་ཐིག་ལེ་ནཱ་ད་ལ་རིམ་པས་ནང་དུ་ཐིམ་པར་བྱས་ལ། ཨོཾ་ཤཱུ་ནྱ་ཏཱ་
[220a.4]ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་བྱ་བའི་དོན་བསམ་ཞིང་ཡིད་ཀྱིས་གདོན། ནཱ་ད་ཙམ་གྱི་རྟོག་པ་ཡང་སྤང་ངོ་། །དེ་ནས་སྔོན་གྱི་སྨོན་ལམ་གྱི་དབང་གིས་རང་གི་སེམས་ཉིད་ནཱ་དའི་རྣམ་པར་ནམ་མཁའ་ལ་བཞག་ལ། དེ་ལས་ཡཾ་ལས་རླུང་གི་དཀྱིལ་འཁོར་སྔོ་བ་གཞུའི་དབྱིབས་ཅན་
[220a.5]བ་དན་གཉིས་དང་ལྡན་པའོ། །རཾ་ལས་མེའི་དཀྱིལ་འཁོར་དམར་པོ་ཟུར་གསུམ་པ་འབར་བ་བདུན་གྱིས་མཚན་པ། བཾ་ལས་ཆུའི་དཀྱིལ་འཁོར་དཀར་པོ་ཟླུམ་པོ་བུམ་པ་ལྟ་བུ་ལ་བུམ་པས་མཚན་པ། ལཾ་ལས་སའི་དཀྱིལ་འཁོར་སེར་པོ་གྲུ་བཞི་པ་རྡོ་རྗེ་ཕྱེད་པས་མཚན་པ། དེ་དག་ཀྱང་
[220a.6]རང་རང་གི་ས་བོན་གྱིས་བྱིན་གྱིས་བརླབས་པའོ། །དེའི་སྟེང་དུ་སུཾ་ལས་རིན་པོ་ཆེ་སྣ་ཚོགས་ལས་གྲུབ་པའི་རི་རབ་ཀྱི་སྟེང་དུ་པཾ་ལས་སྣ་ཚོགས་པདྨའི་ཟེའུ་འབྲུ་ལ་ཧཱུཾ་ལས་སྣ་ཚོགས་རྡོ་རྗེའི་ལྟེ་བར་གཡོན་དང་ཅིག་ཤོས་ཀྱི་ཉིས་འགྱུར་གྱིས་འཁོར་བའི་ཨཱ་ལི་ཀཱ་ལི་ལས་ཟླ་བ། དེ་ལས་
[220a.7]གཟུགས་བརྙན་ལྟ་བུའི་ཡི་གེའི་དབུས་སུ་སྔར་བཞག་པའི་ནཱ་ད་ལས་རིམ་པ་ལྟར་སྤྲོ་བ་བསྡུ་བ་ལས་འཁོར་ལོ་ལྔའི་ས་བོན་ཧཱུཾ་ཕྱི་དཀར་ལ་ནང་སྔོ་བ། ཟླ་བ་དང་ས་བོན་ཡོངས་སུ་གྱུར་པ་ལས་འཁོར་ལོ་ལྔའི་ལྷ་དང་བཅས་པའི་གཞལ་ཡས་ཁང་དུར་ཁྲོད་བརྒྱད་ཀྱིས་བསྐོར་བའོ། །
[220b]
[220b.1]དེ་ལ་བཅོམ་ལྡན་འདས་སྣ་ཚོགས་པདྨ་དང་ཉི་མ་ལ་གཡས་བརྐྱང་གཡོན་བསྐུམ་པའི་ཞབས་ཀྱིས་འཇིགས་བྱེད་དང་དུས་མཚན་མནན་པ་སྐུ་མདོག་ནག་པོ། ཤར་དང་བྱང་ལ་སོགས་པའི་ཞལ་ནི་གནག་ལྗང་དམར་སེར་པའོ། །ཞལ་རེ་རེ་ཞིང་དམར་ལ་ཟླུམ་པའི་སྤྱན་གསུམ་པ། སྟག་གི་པགས་
[220b.2]པའི་ཤམ་ཐབས་ཅན། ཕྱག་བཅུ་གཉིས་པ། རྡོ་རྗེ་དང་དྲིལ་བུར་བཅས་པའི་ཕྱག་གཉིས་ཀྱིས་རྡོ་རྗེ་ཕག་མོ་ལ་འཁྱུད་པ། དེའི་འོག་མ་གཉིས་ཀྱིས་གླང་པོའི་པགས་པ་དཀར་པོ་ཁྲག་དང་བཅས་པ་རྒྱབ་ཏུ་འཛིན་པ། གཡས་ཀྱི་འོག་མ་རྣམས་ཀྱིས་ཌ་མ་རུ་དང་། དགྲ་སྟ་དང་། གྲི་གུག་
[220b.3]དང་། རྩེ་གསུམ་པའོ། །གཡོན་འོག་མ་རྣམས་ཀྱིས་རྡོ་རྗེས་མཚན་པའི་ཁ་ཊྭཱཾ་ག །ཁྲག་གིས་གང་བའི་ཐོད་པ། རྡོ་རྗེའི་ཞགས་པ། ཚངས་པའི་མགོ་བོའོ། །བརྒྱ་ཕྱེད་མི་མགོའི་དོ་ཤལ་ཅན། འཁོར་ལོ་དང་། རྣ་རྒྱན་དང་། མགུལ་རྒྱན་ལག་གདུབ་རྐེད་རྒྱན་ཐལ་བའི་རང་བཞིན་
[220b.4]ཏེ་ཕྱག་རྒྱ་དྲུག་དང་ལྡན་པ། མིའི་རྒྱུས་པའི་ཚངས་སྐུད་ཅན། དཔྲལ་བའི་སྟེང་ན་ཐོད་པ་ལྔ་དང་ནོར་བུ་དང་ཅུང་ཟད་གཡོན་དུ་ཡོ་བའི་ཟླ་བ་ཚེས་པ་དང་། སྣ་ཚོགས་རྡོ་རྗེས་བརྒྱན་པའི་རལ་པའི་ཐོར་ཅོག་ཅན། ཞལ་རྣམ་པར་འགྱུར་ཞིང་མཆེ་བ་གཙིགས་པ། སྒེག་པ།
[220b.5]དཔའ་བ། མི་སྡུག་པ། དྲག་པོ། །བཞད་པ། འཇིགས་པ། སྙིང་རྗེ་ཆེ་བ། རྨད་དུ་བྱུང་བ། ཞི་བ་སྟེ་གར་གྱི་ཉམས་དགུ་དང་ལྡན་པའོ། །དེའི་མདུན་གྱི་རྡོ་རྗེ་ཕག་མོ་ནི་མདོག་དམར་བ། ཞལ་གཅིག་པ། སྤྱན་གསུམ་པ། སྐྲ་གྲོལ་ཞིང་འཕྱང་བ། ནམ་མཁའི་གོས་ཅན་ལ།
[220b.6]ཐོད་པའི་དུམ་བུས་རྐེད་རྒྱན་བྱས་པ། གཡོན་པས་འཁྱུད་ཅིང་ཀ་པཱ་ལའི་ཁྲག་གི་རྒྱུན་ཡབ་ལ་སྟོབས་པ། གཡས་པས་རྡོ་རྗེ་དང་བཅས་པའི་སྡིགས་མཛུབ་གྱེན་དུ་བསྒྲེང་བ། ཆགས་པ་མེད་པ་ཉིད་ཀྱི་ཕྱིར་མི་མགོ་སྐམ་པོའི་ཕྲེང་བ། ཉི་མའི་འོད་ཀོར་ཅན། ཕྱག་རྒྱ་ལྔ་དང་ལྡན་པ་
[220b.7]ཁྲག་འཛག་པ། ཅུང་ཟད་དགོད་ཅིང་བ་སྤུ་ལངས་པའོ། །འཁོར་རྣམས་ནི་ཤར་ལ་སོགས་པ་ཕྱོགས་གཡོན་སྐོར་ལ། མེ་ལ་སོགས་པའི་མཚམས་གཡས་སུ་བསྐོར་རོ། །དེ་ལ་ཕྱོགས་ཀྱི་འདབ་མ་ལ་མཁའ་འགྲོ་མ་ལཱ་མ། དུམ་སྐྱེས་མ། གཟུགས་ཅན་མའོ། །དེ་ཡང་
[221a]
[221a.1]གནག །ལྗང་། དམར། སེར་བ། ཞལ་གཅིག་པ། སྤྱན་གསུམ་པ། སྐྲ་གྲོལ་བ། ཕྱག་བཞི་ལ་གཡོན་པས་ཐོད་པ་ཁ་ཊྲཱཾ་ག།གཡས་པས་ཌ་མ་རུ་དང་གྲི་གུག་གཅེར་བུ་གཡས་བརྐྱང་བས་བཞུགས་པའོ། །མཚམས་ཀྱི་འདབ་མ་རྣམས་ལ་བྱང་སེམས།
[221a.2]ཉི་མ། བདུད་རྩི་ལྔ། སྒྲོན་མ་ལྔ། གྲུབ་པའི་དངུལ་ཆུ་ལྟ་བུར་གྱུར་པས་གང་བའི་པད་སྣོད་བཞིའོ། །ཡང་ན་བཞི་ཀ་ཡང་བདུད་རྩི་ལྔས་གང་བའོ། །དེ་ནས་ཐུགས་ཀྱི་འཁོར་ལོ་རྩིབས་བརྒྱད་པ་སྔོན་པོ་རྡོ་རྗེའི་ཕྲེང་བ་སྔོན་པོས་བསྐོར་བའོ། །དེ་ལ་ཤར་གྱི་རྩིབས་ལ་དཔའ་བོ་ཐོད་པའི་དུམ་
[221a.3]བུ་དང་དཔའ་མོ་རབ་གཏུམ་མོའོ། །བྱང་ལ་ཀེང་རུས་ཆེན་པོ་དང་གཏུམ་མིག་མའོ། །ནུབ་ཏུ་ཀེང་རུས་ཅན་དང་འོད་ལྡན་མའོ། །ལྷོ་རུ་མཆེ་བ་གཙིགས་པ་དང་སྣ་ཆེན་མའོ། །མེ་ལ་ཆང་དགྲ་དང་དཔའ་བློ་མའོ། །བདེན་བྲལ་ལ་འོད་དཔག་མེད་དང་ཐུང་ངུ་མའོ། །རླུང་ལ་རྡོ་རྗེའི་འོད་དང་ལང་ཀའི་
[221a.4]དབང་ཕྱུག་མའོ། །དབང་ལྡན་ལ་རྡོ་རྗེའི་སྐུ་དང་ཤིང་གྲིབ་མའོ། །དེའི་ཕྱིར་གསུང་གི་འཁོར་ལོ་དམར་པོ་སྟེ་པདྨ་དམར་པོའི་ཕྲེང་བས་བསྐོར་བའོ། །དེ་ལ་ཤར་གྱི་རྩིབས་ལ་མྱུ་གུ་ཅན་དང་ས་སྲུང་མའོ། །བྱང་ལ་རྡོ་རྗེ་རལ་པ་ཅན་དང་འཇིགས་བྱེད་ཆེན་མོའོ། །ནུབ་ལ་དཔའ་བོ་
[221a.5]ཆེན་པོ་དང་རླུང་ཤུགས་མའོ། །ལྷོ་ལ་རྡོ་རྗེ་ཧཱུཾ་མཛད་དང་ཆང་འཐུང་མའོ། །མེ་ལ་རབ་ཏུ་བཟང་པོ་དང་ལྷ་མོ་སྔོ་བསངས་མའོ། །བདེན་བྲལ་ལ་རྡོ་རྗེ་བཟང་པོ་དང་ཤིན་ཏུ་བཟང་མོའི།། རླུང་ལ་འཇིགས་བྱེད་ཆེན་པོ་དང་རྟ་རྣ་མའོ། །དབང་ལྡན་ལ་མིག་མི་བཟང་དང་བྱ་
[221a.6]གདོང་མའོ། །དེ་ནས་སྐུའི་འཁོར་ལོ་དཀར་པོ་སྟེ་འཁོར་ལོའི་ཕྲེང་བ་དཀར་པོས་བསྐོར་བའོ། །དེའི་ཤར་གྱི་རྩིབས་ལ་སྟོབས་པོ་ཆེ་དང་འཁོར་ལོའི་ཤུགས་ཅན་མའོ། །བྱང་ལ་རིན་ཆེན་རྡོ་རྗེ་དང་དུམ་སྐྱེས་མའོ། །ནུབ་ལ་རྟ་མགྲིན་དང་ཆང་འཚོང་མའོ། །ལྷོ་ལ་ནམ་མཁའི་སྙིང་
[221a.7]པོ་དང་འཁོར་ལོའི་གོ་ཆ་མའོ། །མེ་ལ་ཧེ་རུ་ཀ་དང་ཤིན་ཏུ་དཔའ་མོའོ། །བདེན་བྲལ་ལ་པདྨ་གར་དབང་དང་སྟོབས་ཆེན་མའོ། །རླུང་ལ་རྣམ་སྣང་དང་འཁོར་ལོས་སྒྱུར་མའོ། །དབང་ལྡན་ལ་རྡོ་རྗེ་སེམས་དཔའ་དང་བརྩོན་འགྲུས་ཆེན་མོའོ། །ཐོད་པའི་དུམ་བུ་ལ་སོགས་པའི་
[221b]
[221b.1]དཔའ་བོ་རྣམས་ནི་ཞལ་གཅིག་པ། ཕྱག་བཞི་པ། སྤྱན་གསུམ་པ། མཆེ་བ་གཙིགས་པའི་ཞལ། རལ་པའི་ཐོར་ཅོག་དང་ལྡན་པ། དཔྲལ་བ་ལ་རྡོ་རྗེ་ཕྲེང་བས་མཚན་པའི་དཔའ་བོའི་རས་ཀྱིས་བཅིངས་པ། ཕྱག་དང་པོ་གཉིས་རྡོ་རྗེ་དྲིལ་བུ་དང་བཅས་པས་ཡུམ་ལ་འཁྱུད་པ། འོག་མ་གཉིས་
[221b.2]ཌ་མ་རུ་དང་ཁ་ཊཱི་ག་བསྣམས་པའོ། །ཚངས་སྐུད་ཅན་ཕྱག་རྒྱ་ལྔ་དང་ལྡན་པ། གཡས་བརྐྱང་པས་བཞུགས་པའོ། །རབ་ཏུ་གཏུམ་མོ་ལ་སོགས་པའི་དཔའ་མོ་རྣམས་ནི་ཞལ་གཅིག་པ། སྤྱན་གསུམ་པ། དྲག་མོའི་གཟུགས་ལ་སྐྲ་གྲོལ་ཞིང་གོས་དང་བྲལ་བ། ཕྱག་གཉིས་པ་གཡོན་
[221b.3]པས་འཁྱུད་ཅིང་ཐོད་པ་བསྣམས་པ། གཡས་པས་སྡིགས་མཛུབ་གྲི་གུག་དང་བཅས་པས་བསྡིགས་པའོ། །དེ་ནས་སྒོ་རྣམས་སུ་ཁྲ་གདོང་མ། འུག་གདོང་མ། ཁྱི་གདོང་མ། ཕག་གདོང་མ་སྟེ་མིང་དང་མཐུན་པའི་གདོང་ཅན། ཁྱད་པར་གཞན་ནི་མཁའ་འགྲོ་མ་ལ་སོགས་པ་བཞིན་ནོ། །
[221b.4]མཚམས་རྣམས་ལ་གཤིན་རྗེ་བརྟན་མ། གཤིན་རྗེ་ཕོ་ཉ་མ། གཤིན་རྗེ་མཆེ་བ་མ། གཤིན་རྗེ་འཇོམས་མ་སྟེ་མིའི་གདོང་པ་ཅན་ཡིད་འཕྲོག་པ། གཡས་དང་ཅིག་ཤོས་ཀྱི་མདོག་གཉིས་པ། བརྒྱད་པོ་ཡང་རོའི་གདན་ནོ། །མཁའ་འགྲོ་མ་ལ་སོགས་པའི་ལྷ་ཐམས་
[221b.5]ཅད་ཀྱང་མི་མགོའི་དོ་ཤལ་ཅན། དཔྲལ་བར་རྡོ་རྗེ་ཕྲེང་བས་མཚན་པའོ། །དུམ་བུས་བརྒྱན་པའི་སྐ་རགས་ལ་གཡེར་ཀའི་སྒྲ་སྒྲོགས་པའོ། །འདི་ལྟ་བུའི་འཁོར་དང་ལྷན་ཅིག་འཁྲུངས་པའི་བཅོམ་ལྡན་འདས་ཀྱི་ཐུགས་ཀར་ཉི་མ་ལ་ཧཱུཾ་སྔོན་པོ་ཏིང་ངེ་འཛིན་སེམས་དཔའོ། །ལྟེ་བ་ལ་ཨཱ་
[221b.6]ལི་ཀཱ་ལིའི་ཕྲེང་བ་འོད་ཟེར་ལྔ་དང་ལྡན་པ་དཀྱིལ་འཁོར་གྱི་ལྷའི་རང་བཞིན་སྤྲོས་པས་གཡས་པའི་རླུང་དང་ལྷན་ཅིག་ཕྱིར་སོང་ནས་འགྲོ་བ་ཐམས་ཅད་འཁོར་ལོའི་བདག་ཉིད་དུ་བྱས་ཏེ། ཡོངས་སུ་གྲུབ་པའི་དཔའ་བོ་དང་དཔའ་མོ་རྣམས་དང་རོ་གཅིག་ཏུ་གྱུར་ནས། གཡོན་གྱི་རླུང་དང་
[221b.7]ལྷན་ཅིག་ནང་དུ་ཞུགས་པས་རང་གནས་སུ་གཟུགས་བརྙན་ལྟ་བུའི་ཟླ་བའི་དཀྱིལ་འཁོར་བལྟའོ། །དེ་ལ་ཧཱུཾ་གིས་མཚན་པ་དེ་ཡོངས་སུ་གྱུར་པ་ལས་བཅོམ་ལྡན་འདས་དཀར་པོ་ཞལ་གཅིག་ཕྱག་གཉིས་པ་རྡོ་རྗེ་དང་དྲིལ་བུར་བཅས་པས་རྡོ་རྗེ་ཕག་མོ་དང་སྙོམས་པར་ཞུགས་པ། ཞབས་
[222a]
[222a.1]བརྐྱང་བསྐུམ་དུ་བཞུགས་པ་ཡེ་ཤེས་སེམས་དཔའི་རང་བཞིན་ཏེ། དེ་ལྟར་སེམས་དཔའ་གསུམ་ལྡན་དུ་བདག་ཉིད་བལྟའོ། །ཡང་ན་ཐུགས་ཀར་ཡེ་ཤེས་སེམས་དཔའ། དེའི་ཐུགས་ཀར་ཏིང་ངེ་འཛིན་སེམས་དཔའ། དེའི་ནཱ་ད་དང་བཅས་པ་ནི་བདེ་བ་ཆེན་པོའི་
[222a.2]བདུད་རྩིའི་རང་བཞིན་དུ་བསམ་མོ། །ཨོཾ་ཨཱཿཧཱུཾ། ཨོཾ་སརྦྦ་བཱི་ར་ཡོ་གི་ནཱི་ཀཱ་ཡ་ཝཱཀ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་དོ། །དེའི་རྗེས་ལ་མིག་གཉིས་ལ་པདྨ་དང་ཟླ་བའི་སྟེང་དུ་འཁོར་ལོ་དང་ཨོཾ་ལས་གཏི་མུག་རྡོ་རྗེ་དཀར་པོ་གཟུགས་རྡོ་རྗེ་མས་འཁྱུད་པའོ། །རྣ་བ་གཉིས་ལ་པདྨ་དང་
[222a.3]ཉི་མའི་སྟེང་དུ་རྡོ་རྗེ་དང་ཧཱུཾ་ལས་ཞེ་སྡང་རྡོ་རྗེ་ནག་པོ་སྒྲ་རྡོ་རྗེ་མས་འཁྱུད་པའོ། །སྣ་ལ་པདྨ་དང་ཉི་མའི་སྟེང་དུ་རིན་པོ་ཆེ་དང་ཏྲཾ་ལས་སེར་སྣ་རྡོ་རྗེ་སེར་པོ་དྲི་རྡོ་རྗེ་མས་འཁྱུད་པའོ། །ལྕེའི་རྩེར་ཆུ་སྐྱེས་དང་ཉི་མའི་སྟེང་དུ་འདམ་སྐྱེས་དམར་པོ་དང་ཨྃ་ལས་འདོད་ཆགས་རྡོ་རྗེ་དམར་པོ་རོ་རྡོ་རྗེ་མས་
[222a.4]འཁྱུད་པའོ། །དཔྲལ་བར་ཆུ་སྐྱེས་དང་ཉི་མའི་སྟེང་དུ་རལ་གྲི་དང་ཧཾ་ལས་ཕྲག་དོག་རྡོ་རྗེ་ལྗང་གུ་རེག་བྱ་རྡོ་རྗེ་མས་འཁྱུད་པའོ། །ཐུགས་ཀར་པདྨ་དང་ཉི་མའི་སྟེང་དུ་རྡོ་རྗེ་དང་ཧཱུཾ་ལས་དབང་ཕྱུག་རྡོ་རྗེ་དཀར་པོ་ཆོས་དབྱིངས་རྡོ་རྗེ་མས་འཁྱུད་པའོ། །དེ་ལ་གཏི་མུག་རྡོ་རྗེ་ལ་སོགས་པ་
[222a.5]ནང་གི་སྐྱེ་མཆེད་ཀྱི་རྣམ་པར་དག་པའི་རང་བཞིན་ལྷའི་མིག་ལ་སོགས་པ་སྟེར་བ་སྟེ། དེ་ཡང་རིམ་པ་ལྟར་སའི་སྙིང་པོ། ཕྱག་ན་རྡོ་རྗེ། ནམ་མཁའི་སྙིང་པོ། འཇིག་རྟེན་དབང་ཕྱུག །སྒྲིབ་པ་ཐམས་ཅད་རྣམ་པར་སེལ་བ། ཀུན་དུ་བཟང་པོའི་མིང་གཞན་ནོ། །རལ་པའི་ཐོར་ཅོག་
[222a.6]ལ་རྣམ་སྣང་། མི་བསྐྱོད། རིན་འབྱུང་། འོད་དཔག་མེད། དོན་གྲུབ། རྡོ་རྗེ་སེམས་དཔས་རྒྱས་བཏབ་པ། ཞལ་གཅིག་སྤྱན་གསུམ་ཕྱག་རྒྱ་ལྔ་དང་ལྡན་པ། ཕྱག་གཉིས་ཏེ་གཡས་པ་རྣམས་ལ་འཁོར་ལོ། རྡོ་རྗེ། རིན་པོ་ཆེ། པདྨ་དམར་པོ། རལ་གྲི། །རྡོ་རྗེ་དཀར་པོ་རྣམས་སོ། །
[222a.7]གཡོན་ཐམས་ཅད་དྲིལ་བུའོ། །གཡས་བརྐྱང་བས་བཞུགས་པ། འདི་རྣམས་ཀྱི་ཡུམ་ནི། ཛཿཧཱུཾ་བཾ་ཧོཿཁཾ་རཾ་ལས་སྐྱེས་པ་ཕྱིའི་སྐྱེ་མཆེད་ཀྱི་རྣམ་པར་དག་པའི་རང་བཞིན་རང་འོད་མ་གཡོན་བརྐྱང་པས་གནས་པ། ཕྱག་གཉིས་པ། གཡས་པ་ཐམས་ཅད་ལ་རིམ་པ་ལྟར་མེ་ལོང་།
[222b]
[222b.1]པི་ཝང་། དྲིའི་དུང་ཆོས། རོའི་སྣོད། གོས་སྣ་ཚོགས། ཆོས་འབྱུང་ངོ་། །གཡོན་ཐམས་ཅད་དྲིལ་བུ་སྟེ་སྒྲ་རྡོ་རྗེ་མ་ནི་གཡོན་པ་ཡང་པི་ཝང་བསྒྲེང་བ་རིན་འབྱུང་གིས་རྒྱས་བཏབ་པའོ། །དེ་ལས་ལྟེ་བ་དང་སྙིང་ག་མགྲིན་པ་སྤྱི་བོར་པདྨ་དང་ཟླ་བ་ལ་ལཱཾ་མཱཾ་པཱཾ་ཏཱཾ་ལས་བྱུང་བའི་ལྟུང་བྱེད་མ་གསོད་བྱེད་མ་འགུགས་
[222b.2]བྱེད་མ་གར་གྱི་དབང་ཕྱུག་མ་སྟེ། སྤྱན་མ། མཱ་མ་ཀཱི ། གོས་དཀར། སྒྲོལ་མའི་རང་བཞིན། འདི་དག་ཀྱང་ཞལ་གཅིག་ཕྱག་བཞི་མ་གཡས་པས་འཁོར་ལོ། རྡོ་རྗེ། པདྨ། རལ་གྲི། གྲི་གུག་བསྣམས་པའོ། །གཡོན་པ་ཐོད་པ། ཁ་ཊྭཾ་གའོ། །གསང་གནས་སུ་པདྨ་དང་ཟླ་བ་ལ་ཁཾ་ལས་བྱུང་
[222b.3]པའི་པདྨའི་དྲ་བ་དུ་བ་ལྟ་བུ། ཞལ་གསུམ་ཕྱག་དྲུག་མ་གཡས་དཀར་བ་ཅིག་ཤོས་དམར་བ། ཕྱག་གཡས་པས་ལྕགས་ཀྱུ་ཚངས་མགོ་གྲི་གུག །གཡོན་པས་ཐོད་པ། ཁ་ཊྭཾ་ག །ཞགས་པའོ། །སྤྱན་གསུམ་པ། ཕྱག་རྒྱ་ལྔ་དང་ལྡན་པ། སྐྲ་གྲོལ་ཞིང་ནམ་མཁའི་གོས་ཅན་གཡས་བརྐྱང་
[222b.4]བས་བཞུགས་པའོ། །ལྔ་པོ་འདི་དག་ཀྱང་རིམ་པ་ལྟར་ས་ཆུ་མེ་རླུང་ནམ་མཁའ་རྣམ་པར་དག་པའི་རང་བཞིན་ནོ། །དེ་དག་ལ་རིམ་པ་བཞིན་བྷྲཱུཾ་ཧཱུཾ་ཧྲི་ཧོཿཨོཾ་ལས་བྱུང་བའི་དཀར་པོ། ནག་པོ། དམར་པོ། ལྗང་གུ། སེར་པོའི་རང་བཞིན། རྣམ་སྣང་། མི་བསྐྱོད། སྣང་མཐའ། དོན་གྲུབ།
[222b.5]རིན་འབྱུང་སྟེ། གཟུགས་དང་། རྣམ་པར་ཤེས་པ་དང་། འདུ་ཤེས་དང་། འདུ་བྱེད་དང་། ཚོར་བའི་ཕུང་པོ་རྣམ་པར་དག་པའི་རང་བཞིན་གྱིས་འཁྱུད་པ་དང་རྒྱས་བཏབ་པའོ། །གཟུགས་ལ་སོགས་པའི་ཕུང་པོའི་དེ་བཞིན་ཉིད་ལ་གཙུག་ཏོར་གྱི་པདྨ་དང་ཟླ་བ་ལ་ཧི་གྱུར་པ་ལས་རྡོ་རྗེ་སེམས་དཔའ་
[222b.6]དཀར་པོ་ལ་ཧཱུཾ་ལས་བྱུང་བའི་རྡོ་རྗེ་རང་འོད་མས་འཁྱུད་པ་སྟེ། དེ་ནི་ཡེ་ཤེས་དང་དབྱིངས་ཀྱི་རང་བཞིན་གྱིས་རྣམ་པར་དག་པའོ། །དེ་ལ་རྣམ་སྣང་གི་ཕྱག་གཡས་འཁོར་ལོ་བསྣམས་ནས་བསྒྲེང་བ། མི་བསྐྱོད་པ་རྡོ་རྗེ་དང་བཅས་པས་ས་གནོན་མཛད་པ། འདི་གཉིས་ཀ་གཡོན་པ་དྲིལ་བུ་འཛིན་
[222b.7]པས་ལྷ་མོའི་དཀུ་ལ་བརྟེན་པའོ། །སྣང་མཐའ། དོན་གྲུབ། རིན་འབྱུང་དག་ནི་པདྨ་དམར་པོ། སྣ་ཚོགས་རྡོ་རྗེ། རིན་པོ་ཆེ་བསྒྲེང་བས་བསྣམས་པ། གཡོན་པས་དྲིལ་བུ་ཐུགས་ཀའི་ཐད་དུ་ཡུམ་གྱི་རྒྱབ་ཏུ་འཁྱུད་པའོ། །རྡོ་རྗེ་སེམས་དཔའ་ཕྱག་གཡས་པས་རྡོ་རྗེ་འཛིན་པ་རོལ་པ་
[223a]
[223a.1]དང་བཅས་པས་སྙིང་གའི་ཐད་དུ་ཡུམ་གྱི་རྒྱབ་ཏུ་འཁྱུད་པ། གཡོན་དྲིལ་བུ་ལྷ་མོའི་དཀུ་ལ་བརྟེན་པའོ། །ཡང་ན་རྣམ་ཤེས་ཀྱི་ཕུང་པོ་ལ་རྡོ་རྗེ་སེམས་དཔའ། ཕུང་པོ་ལྔའི་བདག་ཉིད་མི་བསྐྱོད་པ་འདི་ལྟར་ཤེས་པར་བྱའོ། །འདི་ནི་ཕན་ཚུན་དུ་བདག་ཉིད་གཅིག་ཏུ་རྟོགས་པའི་
[223a.2]ཕྱིར་རོ། །དེ་ལྟར་རྣམ་སྣང་ལ་སོགས་པ་ལ་མི་བསྐྱོད་པས་རྒྱས་གདབ་པར་བྱའོ། །དེ་ནས་སྤྱི་བོ། མགྲིན་པ། སྙིང་ག་དག་ལ་རྟག་པ་དང་། འོད་དཔག་མེད་དང་། མི་བསྐྱོད་པ་གསུམ་ནི་ཤེས་རབ་དང་བཅས་པ་ལུས་ངག་ཡིད་གསུམ་རྣམ་པར་དག་པའི་རང་བཞིན་ནོ། །གཏི་མུག་རྡོ་རྗེ་ལ་སོགས་
[223a.3]པའི་ལྷ་རྣམས་ནི་སྙོམས་འཇུག་གིས་བདེ་བ་ཆེན་པོའི་རང་བཞིན་དུ་ཞུ་ནས་སྐྱེ་མཆེད་དང་ཁམས་དང་ཕུང་པོ་ལ་སོགས་པ་ལ་ཐིམ་པར་གྱུར་ཏོ། །དེའི་རྗེས་ལ་སྙིང་གར་ཨོཾ་ཧ་ལས་རྡོ་རྗེ་སེམས་དཔའ་དཀར་པོ། སྤྱི་བོར་ན་མ་ཧི་ལས་རྣམ་སྣང་སེར་པོ། གཙུག་ཏོར་ལ་སྭཱ་ཧཱ་ཧུ་ལས་པདྨ་གར་དབང་
[223a.4]དམར་པོ། ཕྲག་པ་གཉིས་ལ་བཽ་ཥཊ་ཧེ་ལས་མི་བསྐྱོད་པ་ནག་པོ། མིག་གཉིས་ལ་ཧཱུཾ་ཧཱུཾ་ཧོ་ལས་རྡོ་རྗེ་ཉི་མ་དམར་པོ། ཡན་ལག་ཐམས་ཅད་ལ་ཕཊ་ཧཾ་ལས་རྟ་མཆོག་ལྗང་གུའོ། །དེ་ལ་རྡོ་རྗེ་ཅན་ནི་ཞལ་གསུམ་ཕྱག་དྲུག་པ། གཞན་རྣམས་ནི་ཞལ་གཅིག་ཕྱག་བཞི་པའོ། །དང་པོའི་ཕྱག་གཡས་
[223a.5]ལ་རྡོ་རྗེ། ཌ་མ་རུ། ཚངས་མགོའོ། །གཡོན་པ་དྲིལ་བུ། ཁ་ཊྭཱཾ་ག །ཐོད་པ། རྩ་བ་གཡས་པ་གཡོན་པའི་ཞལ་ནི་དཀར་བ། དམར་བ། སྔོ་བའོ། །གཞན་རྣམས་ལ་འཁོར་ལོ། པདྨ། རྡོ་རྗེ། རིན་པོ་ཆེ། རལ་གྲི་དང་ཌ་མ་རུ་གཡས་ན་བསྣམས་པའོ། །གཡོན་པ་དྲིལ་བུ་
[223a.6]ཐོད་པ་དང་བཅས་པའི་ཁ་ཏྭཱཾ་གའོ། །དེ་དག་ལ་རིམ་པ་ལྟར་ཕག་མོ། གཤིན་རྗེ་མ། རྨོངས་བྱེད་མ། སྐྱོད་བྱེད་མ། སྐྲག་བྱེད་མ། གཏུམ་མོ་དག་གིས་འཁྱུད་པའོ། །དེ་ལ་ཕག་མོ་དམར་བ་སྟེ་ཞལ་གསུམ་ཕྱག་དྲུག་མ། རྩ་བ་དང་གཡས་གཡོན་གྱི་ཞལ་ནི་དམར་བ། སྔོ་བ། ལྗང་
[223a.7]བའོ། །གཡོན་པ་གསུམ་ནི་ཐོད་པ་ཁ་ཊྭཱཾ་གཞགས་པའོ། །གཡས་པ་གསུམ་ནི་ལྕགས་ཀྱུ་ཚངས་མགོ་གྲི་གུག་གོ། །གཤིན་རྗེ་མ་ལ་སོགས་པ་ནི་སྔོ་བ། དཀར་བ། སེར་བ། ལྗང་བ། དུད་ཀ་སྟེ་གོས་དང་བྲལ་ཞིང་སྐྲ་གྲོལ་བ། ཞལ་གཅིག་སྤྱན་གསུམ་ཕྱག་བཞི་པ། གཡོན་
[223b]
[223b.1]པས་ཐོད་པ་དང་བཅས་པའི་ཁ་ཊྭཱཾ་ག་དང་། དྲིལ་བུ། གཡས་པས་ཌ་མ་རུ་དང་གྲི་གུག་གོ། །ཕྱག་རྒྱ་ལྔ་དང་ལྡན་པས་གཡས་བརྐྱང་པས་བཞུགས་པ། དེ་ལ་ལྷ་དཀར་བ་དག་ཟླ་བའི་གདན་དང་འོད་ཀོར་ཅན། །གཞན་ནི་ཉི་མའི་གདན་དང་དེའི་འོད་ཀོར་ཅན་དུ་རང་ཉིད་ལ་བསམས་ནས། ཡུམ་
[223b.2]ལ་ཡང་མིག་ལ་སོགས་པའི་རྣམ་པར་དག་པ་སྐད་ཅིག་མས་བསྒོམ་པར་བྱའོ། །གོ་ཆ་ཡང་ལྷ་མོའི་ལྟེ་བ་ལ་ཨོཾ་བཾ་ལས་ཕག་མོ་སྟེ། སྙིང་གར་ཧཾ་ཨོཾ་ལས་གཤིན་རྗེ་མ། མགྲིན་པར་ཧྲིཾ་མོཾ་ལས་རྨོངས་བྱེད་མ། དཔྲལ་བ་ལ་ཧྲེཾ་ཧྲིཾ་ལས་སྐྱོད་བྱེད་མ། སྤྱི་བོ་ལ་ཧཱུཾ་ཧཱུཾ་ལས་སྐྲག་བྱེད་མ། ཡན་
[223b.3]ལག་ཐམས་ཅད་ལ་ཕཊ་ཕཊ་ལས་གཏུམ་མོའོ། །འདི་དྲུག་པོ་ལ་ཡབ་མེད་པའོ། །དེའི་རྗེས་ལ་ཧཱུཾ་དཀར་པོ་ལས་སྐྱེས་པའི་རྡོ་རྗེ་ནག་པོ། བྱཱྃ་དམར་པོ་ལས་ནོར་བུ་དམར་པོའི་རྩེ་ལ་བྱཱྃ་སེར་པོས་བྱིན་གྱིས་བརླབས་པའོ། །ལྷ་མོ་ལ་ཨ་ལས་པདྨ་འདབ་མ་གསུམ་པ་དྱཱཾ་ལས་ཟེའུ་འབྲུ་དཀར་པོའི་
[223b.4]རྩེ་མོ་ལ་དྱཱཾ་སེར་པོས་བྱིན་གྱིས་བརླབས་པ། དེ་ཡང་ལྷ་མོའི་སྙིང་པོ་དང་ཉེ་སྙིང་གཉིས་ལྟེ་བ་དང་སྙིང་ག །རང་གི་སྙིང་པོ་དང་ཉེ་སྙིང་མགྲིན་པ་དང་དཔྲལ་བ་ལའོ། །བཅོམ་ལྡན་འདས་མ་ལ་བཅོམ་ལྡན་འདས་ཀྱིས་འོ་བྱེད་པ། ཡབ་ཀྱི་སྙིང་པོ་དང་ཉེ་སྙིང་གིས་ཡུམ་གྱི་ལྟེ་བ་དང་སྙིང་ག །ཡུམ་
[223b.5]གྱི་སྙིང་པོ་དང་ཉེ་སྙིང་གིས་ཡུམ་རང་གི་མགྲིན་པ་དང་དཔྲལ་བ་སྟེ། དེ་ནས་ཡུམ་གྱིས་ཡབ་ལ་འོ་བྱེད་དོ། །དེ་ནས་ཡི་གེ་གསུམ་གྱི་དགའ་བ་ཡང་བརྩམ་པར་བྱའོ། །དེ་ནས་གཡོན་པས་གཡས་པའི་རྐང་པ་མནན་ལ་གཡོན་ཕྱོགས་སུ་གྱེན་ལ་བལྟ་ཞིང་ལག་པ་གཉིས་མཐེ་བོང་རྩེ་སྤྲད་ལ་ཐུར་ལ་
[223b.6]བསྟན་ལ་མཛུབ་མོ་མདུད་པར་བྱས་ལ་གུང་མོ་རྩེ་སྤྲད། མིང་མེད་དང་མཐེའུ་ཆུང་བརྐྱང་ནས་དཔྲལ་བའི་སྟེང་དུ་གཡོན་དུ་བསྐོར་བཞིན་པ་ནི་འབར་བའི་ཕྱག་རྒྱ་སྟེ། ཕེཾ་ཞེས་བརྗོད་ཅིང་ཐུགས་ཀའི་འོད་ལས་བྱུང་བའི་ཏིང་ངེ་འཛིན་གྱིས་སྤྱན་དྲངས་པའི་ཡེ་ཤེས་ཀྱི་འཁོར་ལོ་ལྷ་མོ་བཅུ་དྲུག་ལ་
[223b.7]སོགས་པས་མཆོད་ནས་བདག་དང་ལྷ་རྣམས་ལ་གཞུག་པར་བྱའོ། །ཨོཾ་ཡོ་ག་ཤུདྡྷཿསརྦ་དྷརྨཱ་ཡོ་ག་ཤུདྡྷོ྅ཧཾ་ཞེས་བརྗོད་ནས། པད་ཀོར་བྱས་ལ་འཁྱུད་པའི་ཚུལ་གྱིས་བྱེད་ཅིང་། ཨོཾ་ཨཱཿཧཱུཾ་ཞེས་པའི་སྔགས་འདིས་བྱིན་གྱིས་བརླབ་པར་བྱའོ། །དེའི་རྗེས་ལ་འཁོར་ལོ་དང་དུས་
[224a]
[224a.1]གཅིག་ཏུ་སྤྱན་དྲངས་པའི་རྣལ་འབྱོར་མ་ལ་སོགས་པས་ཡེ་ཤེས་ཀྱི་བདུད་རྩིས་བཀང་བའི་ཐོད་པ་དང་ཌ་མ་རུ་བསྣམས་པ་རྣམས་ཐུགས་ཀ་ནས་སྤྲོས་པའི་ལྷ་མོ་བཅུ་དྲུག་གིས་མཆོད་ཅིང་། ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་
[224a.2]ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བྱའོ། །ཞེས་བརྗོད་ཅིང་གཡོན་པའི་ཕྱག་གཡོ་བའི་ཐོད་པ་ལས་ཡེ་ཤེས་ཀྱི་བདུད་རྩི་བབ་པས་དབང་བསྐུར་བས། རང་ཉིད་བདེ་བ་ཆེན་པོའི་རང་བཞིན་དུ་བསམས་ནས་ལྷག་པའི་བདུད་རྩི་ལས་ལྷ་རྣམས་དེ་བཞིན་གཤེགས་པས་
[224a.3]རྒྱས་གདབ་ཅིང་། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཧཱུཾ་ཕཊ། ཅེས་བརྗོད་པས་བཅོམ་ལྡན་འདས་ལ་སྣ་ཚོགས་རྡོ་རྗེ་ལ་གནས་པའི་མི་བསྐྱོད་པ། ཡུམ་ལ་རྣམ་སྣང་། མཁའ་འགྲོ་མ་ལ་སོགས་པ་ལ་རིན་འབྱུང་། ཐུགས་གསུང་སྐུ་ལ་གནས་པའི་ལྷ་རྣམས་ལ་མི་བསྐྱོད་པ་སྣང་
[224a.4]མཐའ་རྟག་པའོ། །དམ་ཚིག་གི་ལྷ་རྣམས་ལ་དོན་གྲུབ་པོ། །དེ་ནས་མཆོད་པ་སྔོན་དུ་འགྲོ་བས་རོ་མ་ཞེས་པའི་ལྷ་མོས་ཕུལ་བའི་བདུད་རྩི་མྱངས་ནས་རྐང་པ་བརྒྱད་པའི་བསྟོད་པ་བྱའོ། །ཨོཾ་ན་མོ་བྷ་ག་ཝ་ཏེ་བཱི་རེ་ཤཱ་ཡ་ཧུཾ་ཧཱུཾ་ཕཊ། ཨོཾ་མ་ཧཱ་ཀ་ཝ་ཨགྣི་སནྣི་བྷཱ་ཡ་ཧུཾ་ཧཱུཾ་ཕཊ། ཨོཾ་ཛ་ཊཱ་མུ་ཀུ་ཊོ་ཏྐ་
[224a.5]ཊཱ་ཡ་ཧུཾ་ཧཱུཾ་ཕཊ། ཨོཾ་དཾ་ཥྚ་ཀ་རཱ་ལོ་གྲ་བྷཱི་ཥ་ཎ་མུ་ཁཱ་ཡ་ཧུཾ་ཧཱུཾ་ཕཊ། ཨོཾ་ས་ཧ་སྲབྷུཛ་བྷཱུ་སུ་རཱ་ཡ་ཧུཾ་ཧཱུཾ་ཕཊ། ཨོཾ་པ་ར་ཤུ་པཱ་ཤོ་དྱ་ཏ་ཤཱུ་ལ་ཁ་ཊྭཱཾ་ག་དྷཱ་རི་ཎེ་ཧུཾ་ཧཱུཾ་ཕཊ། ཨོཾ་བྱཱ་གྷྲཱ་ཛི་ན་ཨ་མྦ་ར་དྷ་རཱ་ཡ་ཧུཾ་ཧཱུཾ་ཕཊ། ཨོཾ་མ་ཧཱ་དྷུ་མྦྲཱ་ནྡྷ་ཀཱ་ར་བ་པུ་ཥཱ་ཡ་ཧུཾ་ཧཱུཾ་ཕཊ་སྭཱ་ཧཱ། ཞེས་པའི་སྔགས་བཅོམ་ལྡན་འདས་ཀྱི་རྐང་
[224a.6]པ་བརྒྱད་པའོ། །ཨོཾ་ན་མོ་བྷ་ག་ཝ་ཏི་བཛྲ་བཱ་རཱ་ཧཱི་བཾ་ཧུཾ་ཧཱུཾ་ཕཊ། ཨོཾ་ན་མཿ་ཨཱརྱཨ་བ་རཱ་ཛི་ཏེ་ཏྲཻ་ལོཀྱ་མཱ་ཏེ་མ་ཧཱ་བི་དྱེ་ཤྭ་རི་ཧུཾ་ཧཱུཾ་ཕཊ། ཨོཾ་ན་མཿ་སརྦ་བྷཱུ་ཏ་བྷ་ཡ་བཱ་ཧེ་མ་ཧཱ་བཛྲ་ཧུཾ་ཧཱུཾ་ཕཊ། ཨོཾ་ན་མོ་བཛྲཱ་ས་ནེ་ཨ་ཛི་ཏེ་ཨ་པ་རཱ་ཛི་ཏེ་བ་ཤྱཾ་ཀ་རི་ནེ་ཏྲ་བྷྲ་མ་ཎི་ཧུཾ་ཧཱུཾ་ཕཊ། ཨོཾ་ན་མཿཤོ་ཥ་ཎི་རོ་ཥ་ཎི་ཀྲོདྷ་ནི་ཀ་རཱ་
[224a.7]ལི་ནི་ཧུཾ་ཧཱུཾ་ཕཊ། ཨོཾ་ན་མསྟྲཱ་ས་ནི་མ་ར་ཎི་སུ་པྲ་བྷེ་ད་ནི་ཨ་པ་རཱ་ཛ་ཡེ་ཧུཾ་ཧཱུཾ་ཕཊ། ཨོཾ་ན་མོ་ཛ་ཡེ་བི་ཛ་ཡེ་ཛམྦྷ་ནི་སྟམྦྷ་ནི་མོ་ཧ་ནི་ཧུཾ་ཧཱུཾ་ཕཊ། ཨོཾ་ན་མོ་བཛྲ་བཱ་རཱ་ཧཱི་མ་ཧཱ་ཡོ་གི་ནཱི་ཀཱ་མེ་ཤྭ་རི་ཁ་གེ་ཧུཾ་ཧཱུཾ་ཕཊ། ཅེས་པས་ཡུམ་གྱི་རྐང་པ་བརྒྱད་པས་བསྟོད་ལ། སྤྲོས་པའི་ལྷ་མོས་བསྟོད་པ་ཉིད་དོ། །
[224b]
[224b.1]སྔར་བཤད་པའི་ལྷ་ཐམས་ཅད་མ་ལུས་པའི་སྟོང་པ་ཉིད་དུ་རྟོགས་པར་བྱ་བའི་ཕྱིར་ཡེ་ཤེས་སེམས་དཔའི་རང་བཞིན་ཡབ་ཡུམ་གྱིས་སྒྱུ་མ་ལྟ་བུ་ཆགས་པའི་སྒྲས་འགྲོ་བ་ཐམས་ཅད་བཀུག་ནས་དུར་ཁྲོད་ལ། དེ་དམ་ཚིག་ལ་དང་། སྐུ་གསུང་ཐུགས་བདེ་ཆེན་གྱི་མཁའ་འགྲོ་མ་ལ་སོགས་པ་བཅོམ་ལྡན་
[224b.2]འདས་ཡབ་ཡུམ་ལ། དེ་ཡང་ཕྱག་གཉིས་པ་ལ། དེའི་ཤེས་རབ་ཀྱང་དེ་ལ་ཐུགས་ཀའི་ཁུ་བའི་རང་བཞིན་ཆགས་པ་ཆེན་པོའི་ཧཱུཾ་དམར་པོ་ལ། དེ་ལ་ཡང་ཨཱུ་ཧ་ལ། མགོ་ཟླ་ཚེས་ལ། ནཱ་ད་ཐིག་ལེ་ཡང་མེ་ལོང་ལ་ཧས་བཏབ་པ་ཡལ་བ་ལྟར་རྗེས་སུ་གཞིག་པའི་རིམ་པས་སྙིང་རྗེ་དང་སྟོང་
[224b.3]པ་གཉིས་སུ་མེད་པའི་རང་བཞིན་ལྷའི་འཁོར་ལོ་སྣ་ཚོགས་པ་ཡང་དོན་དམ་པར་བལྟ་ཞིང་འོད་གསལ་དུ་འཇུག་པར་བྱའོ། །དེ་ནས་དེའི་ངང་ལས་སྐད་ཅིག་གིས་བཞེངས་པའི་གཉིས་སུ་མེད་པའི་དེ་ཁོ་ན་ཉིད་ཀྱི་ཕྱིར། དཀྱིལ་འཁོར་གྱི་འཁོར་ལོའི་ལྷའི་རང་བཞིན་སོ་སོ་ལ་བྱང་ཆུབ་ཀྱི་
[224b.4]ཕྱོགས་ཀྱི་ཆོས་སུམ་ཅུ་རྩ་བདུན་སོ་སོ་ལ་སྦྱར་བ་དབང་པོ་དམན་པའི་དོན་དུ་ཡིན་པས་མ་བྱས་པར་སྐད་ཅིག་ལ་སྦྱར་བར་བྱས་པ་ཡིན་ནོ། །དེ་ལས་སྐྱོ་བར་གྱུར་ན་སྔགས་བཟླས་པར་བྱ་སྟེ། ལྟེ་བའི་པདྨ་ལ་ཟླ་བ་ལ་གནས་པའི་ནཱ་ད་དཀར་དམར་ལ་འབྱུང་འཇུག་གནས་པའི་རླུང་དང་ལྷན་ཅིག་ཨོཾ་
[224b.5]ཨཱཿཧཱུཾ་ཞེས་བྱ་བ་ཡིད་ཀྱིས་བཟླས་པ་རྡོ་རྗེའི་བཟླས་པའོ། །དེ་བཞིན་དུ་ནཱ་ད་ཁོ་ན་ལ་ལྷའི་ཚོགས་སྤྲོ་བསྡུ་སྔོན་དུ་འགྲོ་བ་སྙིང་པོ་དང་ཉེ་སྙིང་བཟླས་ཤིང་ལྷ་སོ་སོའི་སྔགས་ཀྱང་བརྗོད་ལ་སྤྲོ་བསྡུ་བྱ་བ་ནི་དམ་ཚིག་གི་བཟླས་པ་ལ་སློབ་པའོ། །ཆོས་རྣམས་མཉམ་པ་ཉིད་ཀྱི་ངང་ལས་སྔགས་ཀྱི་
[224b.6]ཕྲེང་བའི་དངོས་པོ་རང་གི་ཞལ་ནས་རྡོ་རྗེའི་ལམ་ནས་པདྨར། དེ་ནས་དྷཱུ་ཏཱི་ནས་ཞུགས་ཡུམ་གྱི་ཞལ་ནས་རང་གི་ཞལ་དུ་ཀོ་རོ་རོ་འཁོར་བར་བསམ། སྔགས་ཀྱི་ཕྲེང་བ་བཟླས་པ་དོ་ལིའི་བཟླས་པ་སློབ་པའོ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧུཾ་ཧཱུཾ་ཕཊ་ཌཱ་ཀི་ནཱི་ཛཱ་ལ་སམྦ་རཾ་སྭཱ་ཧཱ། བཅོམ་ལྡན་
[224b.7]འདས་ཀྱི་སྙིང་པོའོ། །ཨཱོཾ་ཧྲཱིཿཧ་ཧ་ཧུཾ་ཧཱུཾ་ཕཊ། ཉེ་བའི་སྙིང་པོའོ། །ཨོཾ་བཛྲ་བཻ་རོ་ཙ་ནཱི་ཡཻ་ཧུཾ་ཧཱུཾ་ཕཊ་སྭཱ་ཧཱ། ཡུམ་གྱི་སྙིང་པོའོ། །ཨོཾ་སརྦ་བུདྡྷ་ཌཱ་ཀི་ནཱི་ཡཻ་བཛྲ་ཝརྞཎ་ནི་ཡཻ་ཧུཾ་ཧཱུཾ་ཕཊ་སྭཱ་ཧཱ། ཉེ་བའི་སྙིང་པོའོ། །བཅོམ་ལྡན་འདས་ཀྱི་ཕྲེང་སྔགས་ནི། ཨོཾ་ན་མོ་བྷ་ག་ཝ་ཏེ་བཱི་རེ་ཤཱཡ། མཧཱ་ཀལྤཱ་གྣི་
[225a]
[225a.1]སནྣི་བྷཱ་ཡ། ཛ་ཊཱ་མུ་ཀུ་ཊ་ཏྐོ་ཊཱ་ཡ། དཾཥྚཱ་ཀ་རཱ་ལོ་གྲ་བྷཱི་ཥ་ཎ་མུ་ཁཱ་ཡ། ས་ཧ་སྲ་བྷུ་ཛ་བྷཱ་སུ་རཱ་ཡ། པ་ར་ཤུ་པཱ་ཤོ་དྱ་ཏ་ཤཱུ་ལ་ཁ་ཊྭཱཾ་ག་དྷཱ་རི་ཎི། བྱཱ་གྷྲཱ་ཛི་ནཱ་མྦ་ར་དྷ་རཱ་ཡ། མ་ཧཱ་དྷུཾ་བྲཱ་ནྡྷ་ཀཱ་ར་བ་པུ་ཥཱ་ཡ། ཀ་ར་ཀ་ར། ཀུ་རུ་ཀུ་རུ། བནྡྷ་བནྡྷ། ཏྲཱ་ས་ཡ་ཏྲཱ་ས་ཡ། ཀྵོ་བྷ་ཡ་
[225a.2]ཀྵོ་བྷ་ཡ། ཧྲཽཾ་ཧྲཽཾ་ཧྲཿ་ཧྲཿ། ཕེཾ་ཕེཾ། ཕཊ་ཕཊ། ད་ཧ་ད་ཧ། པ་ཙ་པ་ཙ། བྷཀྵ་བྷཀྵ། བ་ས། རུ་དྷི་རཱནྟྲ་མཱ་ལཱ་བ་ལམྦི་ནེ། གྲྀ་ཧྞ་གྲྀ་ཧྞ། སཔྲ་པཱ་ཏཱ་ལ་ག་ཏ་བྷུ་ཛ་གས་རཾཔ་བཱ། ཏ་རྫ་ཡ། ཏ་རྫ་ཡ། ཨཱ་ཀཌྜྷྱ་ཨཱ་ཀཌྜྷྱ། ཧྲིཾ་ཧྲིཾ། ཛྙཽཾ་ཛྙཽཾ། ཀྵྨཱཾ་ཀྵྨཱཾ། ཧཱཾ་ཧཱཾ། ཧཱི་ཧཱི། ཧཱུཾ་ཧཱུཾ། ཀི་ལི་ཀི་ལི། སི་ལི་སི་
[225a.3]ལི། ཧི་ལི་ཧི་ལི། དྷི་ལི་དྷི་ལི། ཧཱུཾ་ཧཱུཾ་ཕཊ་སྭཱ་ཧཱ་ཞེས་སོ། །བཅོམ་ལྡན་འདས་མའི་ཕྲེང་སྔགས་ནི། ཨོཾ་ན་མོ་བྷ་ག་ཝ་ཏི་བཛྲ་བཱ་རཱ་ཧཱི། ཨཱརྱ་ཨ་པ་རཱ་ཛི་ཏ་ཏྲཻ་ལོཀྱ་མཱ་ཏེ་མ་ཧཱ་བི་བྱེ་ཤྭ་རི། སརྦ་བྷཱུ་ཏ་བྷ་ཡ་བཱ་ཧེ་མ་ཧཱ་བཛྲེ། བཛྲཱ་ས་ནེ་ཨ་ཛི་ཏེ་ཨ་པ་རཱ་ཛི་ཏེ་བ་ཤྱཾ་ཀ་རི་ཎེ་ཏྲེ་བྷྲ་མ་ཎི། ཤོ་ཥ་ཎི་རོ་ཥ་
[225a.4]ཎི་ཀྲོ་དྷ་ཀ་རཱ་ལི་ནི། ཏྲཱ་ས་ནི་མཱ་ར་ཎི་པྲ་བྷེ་ད་ནི་ཨ་པ་རཱ་ཛ་ཡེ། བི་ཛ་ཡེ་ཛ་མྦྷ་ནི་སྟམྥ་ནི་མོ་ཧ་ནི། བཛྲ་བཱ་རཱ་ཧཱི་མ་ཧཱ་ཡོ་གི་ནཱི་ཀཱ་མེ་ཤྭ་རི་ཁ་གེ། ཏ་དྱ་ཐཱ། བྲོ་ཏཾ་གེ་པྲོ་ཏཾ་གེ ། ཧ་ན་ཧ་ན། པྲཱ་ཎའཾ། ཀིཾ་ཀི་ནི་ཁིཾ་ཁི་ནི། དྷུ་ན་དྷུ་ན། བཛྲ་ཧ་སྟེ། ཤོ་ཥ་ཡ་ཥོ་ཥ་ཡ། བཛྲ་ཀཱ་པཱ་ལ་ཁ་ཊྭཱཾ་ག་དྷ་རི་
[225a.5]ཎི། མ་ཧཱ་པི་ཤི་ཏ་མཱཾ་སཱ་ཤ་ནི་མ་ནུ་ཥྱཱ་ནྟྲ་པྲཱ་བྲྀ་ཏྟེ་སནྣི་དྷྱཾ་ན་ར་ཤི་རོ་མཱ་ལཱ་གྲཾ་ཐི་ཏ་དྷཱ་ཏི་ཎི། སུ་མྦྷ་ནི་སུམྦྷ། ཧ་ན་ཧ་ན་པྲ་ཎཱཾ། སརྦ་ཕཱ་པཾ་སྟྭཱ་ནཱཾ་སརྦ་བ་སཱུ་ནཱཾ་མཱཾ་སཙྪེ་ད་ནི། ཀྲོ་དྷ་མཱུ་རྟེ་དཾཥྚཱ་ཀ་རཱ་ལི་ནི་མ་ཧཱ་མུ་དྲེ། ཤྲཱི་ཧེ་རུ་ཀ་དེ་བ་སྱ་གྲ་མ་ཧཱི་ཥི་ས་ཧ་སྲ་ཤི་རེ་ས་ཧ་སྲ་བྷཱ་ཧ་བེ་ཤ་ཏ་ས་ཧ་
[225a.6]སྲ་ཨཱ་ན་ནེ་ཛྭ་ལི་ཏི། ཏེ་ཛ་སེ་ཛྭ་ལ་མུ་ཁེ། པིཾ་ག་ལ་ལོ་ཙ་ནི། བཛྲཱ་ཤ་རཱི་རེ། བཛྲཱ་ས་ནེ། མི་ལི་མི་ལི། ཏི་མི་ལི་ཏི་མི་ལི། ཧེ་ཧེ་ཧ་ཧ། ཧུཾ་ཧུཾ། ཁ་ཁ། དྷུ་དྷུ། དྷུ་རུ་དྷུ་རུ། མུ་རུ་མུ་རུ། མུཉཙ། མུཉཙ། ཨ་དྭེ་ཏེ་མ་ཧཱ་ཨོཾ་གི་ནཱི་པ་ཋི་ཏ་སིདྡྷི། དྲཻཾ་དྷྲཾ་དྲཻཾ་དྷྲཾ། གྲཾ་གྲཾ་ཧེ་ཧེ་ཧ་ཧ།
[225a.7]བྷཱི་མེ་ཧས་ཧས། བཱི་རེ་ཧཱ་ཧཱ་ཧོ་ཧོ་ཧཱུཾ་ཧཱུཾ་ཏྲཻ་ལོ་ཀྱ་བི་ནཱ་ས་ནི་ཤ་ཏ་ས་ཧ་སྲ་ཀོ་ཊི་ཏ་ཐཱ་ག་ཏ་པ་རི་ཝཱ་རེ་ཧཱུཾ་ཧཱུཾ་ཕཊ། སོཾ་ཧ་རུ་པེ་ཁཿ་ག་ཛ་རཱུ་པི་གཿ། ཧྲཻ་ལོ་ཀྱོ་ད་རེ་ས་མུ་དྲ་མེ་ཁ་ལེ། གྲ་ས་གྲ་ས་ཧུཾ་ཧཱུཾ་ཕཊ། བཱི་རཱ་དཻ་ཏེ་ཧུཾ་ཧཱུཾ་ཧཿ་ཧཿ་མ་ཧཱ་པ་ཤུ་མོ་ཧ་ནི། མ་ཧཱ་ཡོ་གཱི་ཤྭ་རི་ཏྭཾ་ཌཱ་གི་ནཱི་སརྦ་
[225b]
[225b.1]མོ་ཀཱ་ནི་བནྡ་ནི་ས་བྱཿ། པྲ་ཏྱ་མ་ཡ་ཀ་རི་ཎི་ཧཱུཾ་ཧཱུཾ་ཕཊ། བྷུ་ཏ་ཏྲཱ་ས་ནི་མ་ཧཱ་བཱི་རེ་བ་ར་མ་སིདྡྷེ་ཡོ་སྭཱུ་ཀ་རཱ་སྱེ་ཧཱུམ་ཧཱུཾ་ཕཊ། ཨོཾ་ཡ་དཱ་དྷཱི་ཡེ་ཧཱུཾ་ཕཊ། །ལྷ་སོ་སོའི་སྔགས་ནི། ཨོཾ་ཀ་ར་ཀ་ར་ཧུཾ་ཧཱུཾ་ཕཊ། ཨོཾ་པྲ་ཙ་ཎིཌ་ཧུཾ་ཧཱུཾ་ཕཊ། ཨོཾ་ཀུ་རུ་ཀུ་རུ་ཧུཾ་ཧཱུཾ་ཕཊ། ཨོཾ་ཙཎྜཱ་ཀིཥཱ་ཡེ་ཧུཾ་ཧཱུཾ་ཕཊ། ཨོཾ་
[225b.2]བནྡྷ་བནྡྷ་ཧཱུཾ་ཧཱུཾ་ཕཊ། ཨོཾ་པྲ་བྷ་བ་ཏཱི་ཡེ་ཧཱུཾ་ཧཱུཾ་ཕཊ། ཨོཾ་ཁར་རཱི་ཡེ་ཧུཾ་ཧཱུཾ་ཕཊ། ཨོཾ་ཧྲཿ་ཧྲཿ་ཧུཾ་ཧཱུཾ་ཕཊ། ཨོཾ་ལཾ་ཀེ་ཤྭ་རི་ཡེ་ཧུཾ་ཧཱུཾ་ཕཊ། ཨོཾ་ཕེཾ་ཕེཾ་ཧུཾ་ཧཱུཾ་ཕཊ། ཨོཾ་ཧྲུ་མ་ཙྪཱ་ཡཻ་ཧུཾ་ཧཱུཾ་ཕཊ། ཨོཾ་ཕཊ་ཕཊ་ཧུཾ་ཧཱུཾ་ཕཊ། ཨོཾ་ཨཻ་ར་བ་ཏཱི་ཡེ་ཧུཾ་ཧཱུཾ་ཕཊ། ཨོཾ་ད་ཧ་ད་ཧ་ཧུཾ་ཧཱུཾ་ཕཊ། ཨོཾ་མ་ཧཱ་
[225b.3]བྷཻ་ར་བཱི་ཡེ་ཧཱུཾ་ཧཱུཾ་ཕཊ། ཨོཾ་པ་ཙ་པ་ཙ་ཧཱུཾ་ཧཱུཾ་ཕཊ། ཨོཾ་བཱ་ཡུ་བེ་གེ་ཧཱུཾ་ཧཱུཾ་ཕཊ། ཨོཾ་བྷཀྵ་བྷ་ཀྵ་བ་ཤ་རུ་དྷི་རཱ་ནྟྲ་མ་ལཱ་བ་ལ་མིབ་ནེ་ཧཱུཾ་ཧཱུཾ་ཕཊ། ཨོཾ་སུ་རཱ་བྷ་ཀྵི་ཡེ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ས་པྟ་པཱ་ཏཱ་ལ་ག་ཏ་བྷུ་ཛཾ་ག་སརྦ་མྰྦ་ཏ་རྫ་ཡ་ཏ་རྫ་ཡ་ཧུཾ་ཧཱུཾ་ཕཊ། ཨོཾ་ཤྱཱ་མ་དེ་བཱི་ཡེ་ཧུཾ་ཧཱུཾ་ཕཊ། ཨོཾ་ཨཱ་ཀཌྜྱ་ཨཱ་ཀཌྜྷྱ་ཧུཾ་
[225b.4]ཧཱུཾ་ཕཊ། ཨོཾ་སུ་བྷ་དྲེ་ཧཱུཾ་ཧཱུཾ་ཕཊ། ཨོཾ་ཧྲིཾ་ཧྲིཾ་ཧཱུཾ་ཧཱུཾ་ཕཊ། ཨོཾ་ཧ་ཡ་ཀ་རྞེ་ཧཱུཾ་ཧཱུཾ་ཕཊ། ཨོཾ་ཛཽཉཾ་ཛཽཉཾ་ཧུཾ་ཧཱུཾ་ཕཊ། ཨོཾ་ཁ་གཱ་ན་ནེ་ཧུཾ་ཧཱུཾ་ཕཊ། ཨོཾ་ཀཾཥམཱ་ཀཾཥམཱ་ཧུཾ་ཧཱུཾ་ཕཊ། ཨོཾ་ཙ་ཀྲ་བེ་གེ་ཧུཾ་ཧཱུཾ་ཕཊ། ཨོཾ་ཧཱཾ་ཧཱཾ་ཧུཾ་ཧཱུཾ་ཕཊ། ཨོཾ་ཁིཎྜ་རོ་ཧེ་ཧུཾ་ཧཱུཾ་ཕཊ། ཨོཾ་ཧྲཱིཾ་ཧྲཱིཾ་ཧུཾ་ཧཱུཾ་ཕཊ། ཨོཾ་ཤཽཎྜི་ནཱི་ཡེ་ཧུཾ་ཧཱུཾ་ཕཊ། ཨོཾ་ཧུཾ་ཧུཾ་ཧུཾ་
[225b.5]ཧཱུཾ་ཕཊ། ཨོཾ་ཙ་ཀྲ་བརྨི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ཀི་ལི་ཀི་ལི་ཧུཾ་ཧཱུཾ་ཕཊ། ཨོཾ་སུ་བཱི་རེ་ཧུཾ་ཧཱུཾ་ཕཊ། ཨོཾ་སི་ལི་སི་ལི་ཧུཾ་ཧཱུཾ་ཕཊ། ཨོཾ་མ་ཧཱ་བ་ལེ་ཧུཾ་ཧཱུཾ་ཕཊ། ཨོཾ་ཧི་ལི་ཧི་ལི་ཧཱུཾ་ཧཱུཾ་ཕཊ། ཨོཾ་ཙ་ཀྲ་བརྟི་ནཱི་ཡེ་ཧཱུཾ་ཧཱུཾ་ཕཊ། ཨོཾ་དྷི་ལི་དྷི་ལི་ཧུཾ་ཧཱུཾ་ཕཊ། ཨོཾ་མ་ཧཱ་བཱིརྱེ་ཧུཾ་ཧཱུཾ་ཕཊ། ཨོཾ་ཀཱ་ཀྰ་སྱེ་ཧུཾ་ཧཱུཾ་ཕཊ། ཨོ་
[225b.6]ཨུ་ལཱུ་ཀཱ་སྱེ་ཧུཾ་ཧཱུཾ་ཕཊ། ཨོཾ་ཤྭཱ་ནཱ་སྱེ་ཧུཾ་ཧཱུཾ་ཕཊ། ཨོཾ་སཱུ་ཀ་ར་སྱེ་ཧུཾ་ཧཱུཾ་ཕཊ། ཨོཾ་ཡ་དཱ་དྷཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དཱུ་ཏཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་དཾ་ཥྚཱི་ཎཱི་ཡེ་ཧུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧུཾ་ཧཱུཾ་ཕཊ། ཨོཾ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ། ཨོཾ་ལཱ་མཱ་ཡཻ་ཧུཾ་ཧཱུཾ་ཕཊ། ཨོཾ་རཱུ་པི་
[225b.7]ཎཱི་ཡེ་ཧཱུཾ་ཧཱུཾ་ཕཊ། ཅེས་སོ། །དེ་ནས་ལྡང་བར་འདོད་ན་བདག་ཉིད་ཀྱི་དཔྲལ་བ། སྤྱི་བོ། རྣ་བ་གཡས། ལྟག་པ། རྣ་བ་གཡོན། སྨིན་མཚམས། མིག་གཉིས། ཕྲག་པ་གཉིས། མཆན་ཁུང་གཉིས། ནུ་མ་གཉིས། ལྟེ་བ། སྣ་རྩེ། ཁ། མགྲིན་པ། སྙིང་ག །
[226a]
[226a.1]དཔྱི་གཉིས། མཚན་མ། བཤང་ལམ། བརླ་གཉིས། བྱིན་པ་གཉིས། རྐང་སོར། བོལ་གོང་། པུས་མོ། མཐེ་བོང་རྣམས་ལ། པུལླཱི་ར་མཱ་ལ་ཡ། ཛཱ་ལནྡྷ་ར། ཨཽ་ཌྱ་ན། ཨརྦུ་ད། གོ་དཱ་བ་རཱི། རཱ་མེ་ཤྭ་རཱི། དེ་བཱི་ཀོ་ཊཱི། མཱ་ལ་བེ། ཀཱ་མ་རཱུ་པ། ཨ་ཏྲ།
[226a.2]ཏྲི་ཤ་ཀུ་ནེ། ཀོ་ས་ལ། ཀ་ལིངྒ། ལམྤ་ཀ །ཀཱཉྩི། ཧི་མ་ལ་ཡ། པྲེ་ཏ་པུ་རི། གྲྀ་ཧ་དེ་བ། སཽ་རཱཥྚ། སུ་ཝརྞ་དྭཱི་པ། ན་ག་ར། སིནྡྷཱུ། མ་རུ། ཀུ་ལུ་ཏཱ་སྟེ་གནས་ཉི་ཤུ་རྩ་བཞིའི་རང་བཞིན་དུ་མོས་པར་བྱས་ལ། དེ་དག་ལ་རིམ་པ་ལྟར་རབ་གཏུམ་མོ། གཏུམ་མིག་མ། འོད་ལྡན་མ། སྣ་
[226a.3]ཆེན་མ། དཔའ་བློ་མ། ཐུང་ངུ་མ། ལང་ཀའི་དབང་ཕྱུག་མ། ཤིང་གྲིབ་མ། ས་སྲུང་མ། འཇིགས་བྱེད་ཆེན་མོ། རླུང་ཤུགས་མ། ཆང་འཐུང་མ། ལྷ་མོ་སྔོ་བསངས་མ། ཤིན་ཏུ་བཟང་མོ། རྟ་རྣ་མ། བྱ་གདོང་མ། འཁོར་ལོའི་ཤུགས་མ། དུམ་སྐྱེས་མ། ཆང་འཚོང་མ།
[226a.4]འཁོར་ལོའི་གོ་ཆ་མ། ཤིན་ཏུ་དཔའ་མོ། སྟོབས་ཆེན་མ། འཁོར་ལོས་སྒྱུར་མ། བརྩོན་འགྲུས་ཆེན་མོ་རྣམས་ཉི་ཤུ་བཞིའི་རྩ་ཡི་གེའི་རང་བཞིན་དུ་གནས་པར་བསྒོམ་པར་བྱའོ། །ཁ་དང་སྣ་གཡས་སྣ་གཡོན་བཤང་ལམ་དུ་ཁྭ་གདོང་མ་ལ་སོགས་པ་བཞིའོ། །རྣ་བ་གཡས་གཡོན་དང་
[226a.5]མིག་གཉིས་ལ་གཤིན་རྗེ་བརྟན་མ་ལ་སོགས་པ་བཞིའོ། །སྙིང་ག །མགྲིན་པ། ལྟེ་བ། དཔྲལ་བ་དག་ལ་མཁའ་འགྲོ་མ་ལ་སོགས་པ་བཞིའོ། །སོ་དང་། སེན་མོ། སྐྲ་དང་། སྤུ། པགས་པ། དྲི་མ། ཤ།། རྒྱུས་པ། རུས་པ། མཆིན་པ། སྙིང་། མིག །མཁྲིས་པ། གློ་བ། རྒྱུ་
[226a.6]མ། གཉེ་མ། གྲོད་པ། ཕྱི་ས། སྐྲ་མཚམས། བད་ཀན། རྣག །ཁྲག །རྡུལ། ཚིལ། མཆི་མ། མཆིལ་མ། སྣབས་རྣམས་ཀྱི་རང་བཞིན་རྣམས་ཐོད་པའི་དུམ་བུ་ལ་སོགས་པ་དཔའ་བོ་ཉི་ཤུ་རྩ་བཞིའི་རང་བཞིན་དུ་གནས་པར་བསམས་ལ། སྤྱི་བོའི་ཆུ་སྐྱེས་ལ་གནས་པ་
[226a.7]ཡབ་བྱང་ཆུབ་སེམས་ཀྱི་རང་བཞིན་ལ། གསང་བའི་ཆུ་སྐྱེས་ལ་གནས་པ། ཨ་ཤད་ཀྱི་རང་བཞིན་ཕག་མོ་དང་ལྷན་ཅིག་ཏུ་འཁྱུད་ཅིང་བདེ་བ་ཆེན་པོའི་རང་བཞིན་སྐྱེ་བར་འགྱུར་བ་ཞེས་གདམས་ངག་ཤེས་ནས་ཡོངས་སུ་དག་པའི་ལུས་ཀྱི་དཀྱིལ་འཁོར་ཡང་དང་ཡང་དུ་བརྟན་པའི་མོས་
[226b]
[226b.1]པས་ཐབས་ཤེས་རབ་ཀྱི་བདག་ཉིད་སྟོང་པ་དང་སྙིང་རྗེ་རོ་གཅིག་པ་བདེ་བ་ཆེན་པོ་ཉིད་ཀྱི་སྐུ། བདག་ཉིད་ལྟ་བུར་སྣ་ཚོགས་པའི་འགྲོ་བ་ཡང་དེར་མོས་ཤིང་ཅི་བདེ་བར་གནས་པར་བྱའོ། །ལཱུ་ཡི་པ་ཞབས་རིམ་པར་བརྒྱུད་པ་སྡོམ་པ་འབྱུང་པའི་དོན། །ཐབས་དང་བཅས་པར་ཡང་དག་
[226b.2]མཐོང་ནས་བླ་མའི་གདམས་ངག་འདི། །ཤེས་རབ་སྙིང་རྗེར་ལྡན་པ་མི་འཇིགས་བདག་གིས་ལེགས་བཤད་བྱས། །བསོད་ནམས་འདིས་ནི་ཡང་ཡང་སྐྱེ་བའི་རིམ་པ་རྣམས་སུ་ཡང་། གཙོ་བོ་དབང་ཕྱུག་སྐུ་ཡི་འོད་ཟེར་ནམ་མཁའ་ཁྱབ་པར་གྲགས་པ་ཡི། །རྡོ་རྗེ་རོལ་པར་ལྷན་ཅིག་
[226b.3]སྲིད་གསུམ་དེ་ཡི་གོ་འཕང་ཐོབ་པར་ཤོག །དཔལ་འཁོར་ལོ་སྡོམ་པའི་མངོན་པར་རྟོགས་པ། མ་ཧཱ་པཎྜི་ཏ་ཨ་བྷ་ཡཱ་ཀ་ར་གུཔྟ་པཱ་དས་མཛད་པ་རྫོགས་སོ།། །།མ་ཧཱ་པཎྜི་ཏ་རཏྣ་ར་ཀྵི་ཏ་པཱ་དའི་ཞལ་སྔ་ནས་དང་། ལོ་ཙཱ་བ་ཤཱཀྱའི་དགེ་སློང་རྡོ་རྗེ་འཛིན་པ་ཞང་གྲུབ་པ་
[226b.4]དཔལ་བཟང་པོས་བསྒྱུར་བའོ།།{T1499}༄༅༅། །རྒྱ་གར་སྐད་དུ། ཨ་བྷི་ཥེ་ཀ་པྲ་ཀ་ར་ཎ། བོད་སྐད་དུ། དབང་གི་རབ་ཏུ་བྱེད་པ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །སྔོན་དུ་བསྙེན་པའི་ཆོ་ག་ནི། །ལྷ་ཡི་འཁོར་ལོ་བསྒོམ་པར་བྱ། །སྐྱོ་
[226b.5]ན་དེ་ཡི་གསང་སྔགས་བཟླ། །འཁོར་ལོའི་གཙོ་བོའི་འབུམ་བཟླས་ཏེ། །ཡང་ན་རང་གི་ལྷ་ཡི་འབུམ། །དཀྱིལ་འཁོར་པ་ཡི་ཁྲི་ཡིན་ནོ། །བསྙེན་པའི་ཆོ་གའོ། །དེ་ནས་དགུན་ཟླ་ར་བ་དང་། དཔྱིད་ཟླ་འབྲིང་པོ་དང་། ཐ་ཆུངས་དང་། དབྱར་ཟླ་གསུམ་པ་དང་། སྟོན་ཟླ་ར་བའི་ཚེས་
[226b.6]གཅིག་དང་། གསུམ་དང་། ལྔ་དང་། བདུན་དང་། བཅུ་དང་། བཅུ་གསུམ་དང་། བཅོ་ལྔའོ། །གཟའ་ཟླ་བ་དང་། ལྷག་པ་དང་། ཕུར་བུ་དང་། པ་བ་སངས་སོ། །རྒྱུ་སྐར་སྣར་མ་དང་། མགོ་དང་། ལག་དང་། རྒྱལ་དང་། དབོ་དང་། མེ་བཞི་དང་། ལྷ་མཚམས་དང་།
[226b.7]སྣྲོན་དང་། སྣྲུབས་དང་། གྲོ་བཞིན་དང་། ཆུ་སྟོད་དང་། ཆུ་སྨད་དང་། ཁྲུམས་སྟོད་དང་། ཁྲུམས་སྨད་དོ། །སྦྱོར་བ་བྱེད་པ་བཟང་པོ་བརྟགས་ནས་དཀྱིལ་འཁོར་བྲི་བའི་དོན་དུ་སློབ་མས་ལན་གསུམ་དུ་གསོལ་བ་གདབ་པོ། །དེའི་ཚེ་སློབ་མའི་ལྟེ་བར་ཉི་མ་ལ་ཧཱུཾ་གི་འོད་ཟེར་གྱི་སྙིང་
[227a]
[227a.1]གའི་ཀཾ་ནག་པོ་ལས་བྱུང་བའི་སྡིག་པ་ཤ་ཟ་ལྟ་བུ་རླིག་པ་འཕྱང་བ་སྐྲ་གྱེན་དུ་བརྫེས་པ། སྣ་རྩེ་ནས་བཏོན་ལ་ཧཱུཾ་དེ་ཡང་སྙིང་གར་འོངས་ཏེ། ཧཱུཾ་མཛད་དུ་གྱུར་ནས་ཕྱིར་བཏོན་ལ། ཨོཾ་སུམྦྷ་ནི་སུ་མྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞ་པ་ཡ་གྲྀཧྞ་པ་ཡ་ཧཱུཾ་ཧཱུཾ་ཕཊ།
[227a.2]ཨོཾ་ཨཱ་ན་ཡ་ཧོཿབྷ་ག་བཱན་བིདྱཱ་རཱ་ཛ་ཡ་ཨ་མུ་ཀ་སྱ་པཱ་པཾ་ནཱ་ས་ཡ་ནཱ་ས་ཡ་ཧཱུཾ་ཧཱུཾ་ཕཊ། ཕྱག་གི་རྡོ་རྗེས་སྡིག་པ་བཏོན་ནས་བརླག་པར་བསམ་མོ། །སློབ་མའི་སེམས་ཀྱི་བགེགས་ནི། ཨོཾ་བཛྲ་ཀཱི་ལི་ཀཱི་ལཱ་ཡ་ཨ་མུ་ཀ་སྱ་སརྦ་བིགྷྣཱཾ་བནྡྷ་ཧཱུཾ་ཕཊ། ཅེས་བརྗོད་ཅིང་ཕུར་བུ་གདབ་བོ། །ཕུར་བུའི་འོད་
[227a.3]ཟེར་གྱིས་སྡིག་པ་རྣམས་བསྲེག་གོ། །དེ་ནས་སློབ་མ་སཾ་ལས་ཀུན་དུ་བཟང་པོར་བསམས་ལ་སྙིང་གར་ཟླ་བ་ལ་སྣ་ཚོགས་རྡོ་རྗེ་བསམ། མགོ་ལ་ཟླ་བ་ལ་གནས་པའི་ཧཱུཾ་ལས་རྡོ་རྗེ་རྩེ་ལྔ་པ་བསམས་པའི་རྡོ་རྗེའི་ལྟེ་བའི་དབུས་སུ་ལྷ་མོ་མཱ་མ་ཀཱི་བཞུགས་པར་བསམས་ལ། དེའི་ཐུགས་ཀའི་ཟླ་
[227a.4]བའི་སྟེང་གི་རྡོ་རྗེའི་ལྟེ་བའི་ནང་གི་སྔགས་ཀྱི་ཕྲེང་བ་ལས་བྱུང་བའི་རྡོ་རྗེ་ཕྲ་མོས་ལུས་ཁྱབ་པར་བྱ་སྟེ། ཨོཾ་ཨཱཿཤཾ་ཀ་རེ་ཤཱནྟིཾ་ཀ་རེ་གྷུ་ཊ་གྷུ་ཊ་གྷུ་ཊི་ནི། གྷཱ་ཏ་ཡ་གྷཱ་ཏ་ཡ། གྷུ་ཊི་ནི་གྷུ་ཊི་ནི་ཨ་མུ་ཀ་རཀྵ་སྭཱ་ཧཱ། ཞེས་བསྲུང་ངོ་། །འཁྱིལ་པའི་སྔགས་སྦྱིན་ནོ། །སློབ་མ་བཟུང་བའི་ཆོ་གའོ། །
[227a.5]དེ་ནས་དཀར་པོའི་ཚེས་གཅིག་དང་། བརྒྱད་དང་། བཅུ་དང་། བཅུ་གསུམ་དང་། བཅུ་བཞི་དང་ཉ་ནས་ཉའི་བར་དུ་སྔ་དྲོ་ནས་བརྩམས་ཏེ་དཀྱིལ་འཁོར་གྱི་ལས་བྱའོ། །གྲོང་དང་སྐྱེད་མོས་ཚལ་དང་ལྷ་ཁང་དང་ཁྱིམ་རྣམས་ཀྱི་ཕྱོགས་མཚམས་བདུན་དང་མཆོད་རྟེན་ལ་ཉེ་བ་དང་ཀླུ་གནས་
[227a.6]པའི་ཆུ་ལ་ཉེ་བ་དང་ཤིང་གཅིག་ལ་ཉེ་བ་དོར་ལ་དབང་ལྡན་དུ་ཁུང་བུ་མཐོ་གང་བྲུས་ལ་སླར་བཀང་སྟེ་ལྷག་ན་བཟང་། ཡང་ཆུས་བཀང་ལ་གོམ་པ་བརྒྱར་ཕྱིན་ནས་ཆུ་དམའ་བར་མ་སོང་ན་བཟང་། ཆུ་སྒྲ་དང་བཅས་ན་ཀླུའི་གནོད་པ་འོང་། ས་བརྟག་པའོ། །མཎྜལ་བྱས་ལ་དཀྱིལ་
[227a.7]འཁོར་པ་དང་ཞིང་སྐྱོང་ལ་སོགས་པ་ལ་མཆོད་གཏོར་བྱ་སྟེ། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོའམ་གཞན་ཡང་རུང་། །ས་འདི་བདག་གིས་བསླང་བགྱིད་ན། །དཀྱིལ་འཁོར་དོན་དུ་སྩལ་དུ་གསོལ། །ཞེས་ལན་གསུམ་གསོལ་བ་གདབ་པོ། །
[227b]
[227b.1]ས་བསླང་བའོ། །རྨི་ལམ་ལ་སོགས་པར་བྱིན་པའམ་མ་བཀག་པར་གོ་ན་ཉི་མ་གཞན་གྱི་སྔ་དྲོ་ནམ་མཁའི་རྡོ་རྗེ་འཆང་ལ་སོགས་པ་རྣམས་ལ་ཡིད་ཀྱིས་གནང་བ་ནོས་ལ་སྲུང་བའི་འཁོར་ལོ་དང་བགེགས་ལ་ཕུར་བུས་གདབ་པའམ་བསྒོམ་པའམ། དྲག་པོའི་སྦྱིན་སྲེག་གིས་བགེགས་བསྐྲད་
[227b.2]ལ་སློབ་མ་ལ་བསྲུང་བའི་དོན་དུ་ཞི་བའི་སྦྱིན་སྲེག་བྱས་ལ། ས་དེ་ལ་ལས་ཐམས་ཅད་པ་བཟླས་པའི་ཡུངས་ཀར་དང་ཆུ་དང་ཐལ་བས་བསང་ངོ་། །དེ་ནས་སའི་ལྷ་མོ་སྤྱན་དྲང་ཞིང་མཆོད་ལ། ལན་གསུམ་གསོལ་བ་གདབ་བོ། །གྱིས་ཞེས་ཟེར་བ་དང་ཡིད་ཀྱིས་ནམ་མཁར་བཏེག་ལ། ས་དེ་ལ་
[227b.3]ཀླུ་ཉལ་བས་དེའི་པང་པའི་ཆར་བརྐོའོ། །དེ་ལ་གཟའ་ཉི་མ་རྒྱུ་བའི་སྟོན་ཟླ་ཐ་ཆུངས་ལ་སོགས་པའི་ཟླ་བ་གསུམ་པ་ལ་རིམ་པ་བཞིན་ཤར་ལྷོ་ནུབ་བྱང་དུ་མགོ་བོ་བལྟ་ཞིང་ལྷོ་ལ་སོགས་པར་ཕྱོགས་ཏེ་ཉལ་ལོ། །ས་བརྐོ་བའོ། །དེ་ནས་སྐྱོན་དང་ཟུག་རྔུ་བསལ་བར་མི་ནུས་པ་ལ་ལག་པ་
[227b.4]རེག་ཅིང་འཁྱིལ་པ་བཟླས་པས་དག་པར་འགྱུར་རོ། །དྲིའི་ཆུ་དང་བསྲེས་ལ་དོང་དགང་ངོ་། །མ་ཁེངས་ན་གཞན་ཡང་ངོ་། །སའི་དབུས་སུ་རིན་པོ་ཆེ་ལྔ་དང་སྨན་ལྔ་དང་འབྲུ་ལྔ་གཞུག་གོ། །དེ་ནས་ཧཱུཾ་དང་ལས་ཐམས་ཅད་པ་བཟླས་པའི་ཆུས་གཏོར་ཞིང་བརྡུངས་ལ་ཁྲུ་ཕྱེད་མཐོ་ཞིང་དབུས་
[227b.5]ཅུང་ཟད་མཐོ་ལ་བྱང་ཤར་ཅུང་ཟད་དམའ་བར་བྱའོ། །ཁང་ཐོག་དང་རྡོ་སྟེངས་ལ་སོགས་པ་མ་བརྐོས་ཀྱང་དག་པ་ཡིན་ནོ། །ཡུངས་ཀར་དང་ཆུ་དང་ཐལ་བ་ལ་འཁྱིལ་པ་བཟླས་པས་བསང་ངོ་། །བའི་རྣམ་ལྔ་དང་དྲིའི་ཆུ་ལ་དེ་བཟླས་པས་གཡས་སྐོར་དུ་བྱུགས་ལ་ཨོཾ་བྷུ་ཁཾ་
[227b.6]གིས་སྟོང་པར་བྱ། །ཨོཾ་ལཾ་ཧཱུཾ་གིས་རྡོ་རྗེར་བསྒོམས་ཏེ། ཨོཾ་མེ་དི་ནཱི་བཛྲཱི་བྷ་བ་བནྡྷ་ཧཱུཾ་ཞེས་ལག་པས་རེག་ཅིང་བྱིན་གྱིས་བརླབ་བོ། །དེ་ནས་ནམ་མཁའ་ན་གནས་པའི་སའི་ལྷ་མོ་མཆོད་དེ་བསྟིམས་ལ་ཧཱུཾ་ལཾ་ཧཱུཾ་བརྗོད་ཅིང་པད་ཀོར་གྱི་ཕྱག་རྒྱ་བྱའོ། །ཡི་གེ་བརྒྱ་པ་བརྗོད་དོ། །སྣ་ཚོགས་པ་
[227b.7]སྟོང་པ་ཉིད་དང་རོ་གཅིག་པར་བརྟན་པར་མོས་ལ་སྟོང་པར་བསྒོམ་པ་ནི་བླ་ན་མེད་པའི་རྣམ་པར་དག་པའོ། །ས་སྦྱོང་བའོ། །དེ་ནས་རྡོ་རྗེ་དང་དྲིལ་བུ་བཟུང་ནས་སའི་དབུས་སུ་འདུག་སྟེ། སྲུང་བའི་འཁོར་ལོས་བགེགས་བསལ་ནས། ལྕེ་རྡོ་རྗེར་བསམས་ལ། མ་ལུས་ཕྱོགས་
[228a]
[228a.1]རྣམས་ཀུན་བཞུགས་པའི། །སངས་རྒྱས་ཐམས་ཅད་བདག་ལ་དགོངས། །བདག་མིང་རྡོ་རྗེ་ཆེ་གེ་མོས། །འདིར་ནི་དཀྱིལ་འཁོར་བྲི་བར་བགྱིད། །སངས་རྒྱས་ལ་སོགས་ཀུན་བྱོན་ནས། །བདག་ལ་དངོས་གྲུབ་སྩལ་དུ་གསོལ། །ཞེས་བརྗོད་ལ་ནམ་མཁའི་
[228a.2]རྣམ་སྣང་ལ་སོགས་པ་སློབ་མ་བཞི་ཤར་ལ་སོགས་པར་གནས་པས་སམ། གཅིག་གིས་ཀྱང་དེ་དང་དེར་སོང་ནས། དེ་བཞིན་གཤེགས་པ་ཀུན་ཞི་བ། །དེ་བཞིན་གཤེགས་པ་ཀུན་གྱི་གནས། །ཆོས་ཀུན་མཆོག་ཏུ་བདག་མེད་པ། །དཀྱིལ་འཁོར་དམ་པ་བཤད་དུ་གསོལ། །མཚན་
[228a.3]རྣམས་ཐམས་ཅད་ཡང་དག་རྫོགས། །མཚན་མིན་ཐམས་ཅད་རྣམ་སྤངས་པ། །ཀུན་དུ་བཟང་པོ་སྐུ་ཡི་མཆོག །དཀྱིལ་འཁོར་དམ་པ་བསྟན་དུ་གསོལ། །ཞི་བ་ཆོས་ཀྱི་མཆོག་ལས་བྱུང་། །ཡེ་ཤེས་སྤྱོད་པ་རྣམ་སྤྱོད་བྱེད། །ཀུན་དུ་བཟང་པོ་གསུང་གི་མཆོག །དཀྱིལ་
[228a.4]འཁོར་དམ་པ་བསྟན་དུ་གསོལ། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་ཅིང་དྲི་མ་མེད། །ཀུན་བཟང་ཐུགས་མཆོག་ཁ་ལོས་སྒྱུར། །དཀྱིལ་འཁོར་དམ་པ་བསྟན་དུ་གསོལ། །ཞེས་སོ་སོར་རང་ཉིད་ལ་གསོལ་བ་འདེབས་སུ་གཞུག་གོ། །དངོས་སུ་གསོལ་བ་འདེབས་
[228a.5]པ་མེད་ན་ཡིད་ཀྱིས་བྱའོ། །དེ་ནས་ཡིད་ཀྱིས་ནམ་མཁའ་ལ་གདེག་གོ། །དེ་ནས་ལངས་ལ་ཤར་དུ་བལྟས་ནས་དེ་བཞིན་གཤེགས་པ་རྣམས་ལ་ཕྱག་འཚལ་ཏེ་བདུད་བསལ་པའི་ཕྱིར་ཧཱུཾ་མཛད་དུ་བསྒོམས་ལ་མིག་གཉིས་ཉི་ཟླ་ལྟར་བྱས་ལ་མིག་འབྲས་གཉིས་ཧཱུཾ་དུ་བྱས་པའི་བསྐལ་པ
[228a.6]འི་མེ་ལྟར་འབར་བའི་རྡོ་རྗེའི་ལྟ་བས་ཕྱོགས་ཐམས་ཅད་ཀྱི་འགྲོ་བ་ལ་བལྟ་ཞིང་ང་རྒྱལ་བསྐྱེད་ལ། བདག་ནི་རང་ཉིད་རྡོ་རྗེ་ཅན། །ཕྱག་ན་རྡོ་རྗེའང་རང་ཉིད་བདག །བདག་ནི་སངས་རྒྱས་རྒྱལ་པོ་ཆེ། །སྟོབས་ཅན་རྡོ་རྗེ་ཅན་བདག་ཡིན། །རྣལ་འབྱོར་དབང་ཕྱུག་རྒྱལ་པོ་བདག །ཕྱག་
[228a.7]ན་རྡོ་རྗེ་བརྟན་བདག་སྟེ། །བདག་པོ་རྡོ་རྗེ་ཆེན་པོ་བདག །བྱིན་གྱིས་བརླབ་པ་མི་འདོར་རོ། །ཞེས་བརྗོད་དོ། །དེ་ནས་རྐང་མཐིལ་དུ་རྡོ་རྗེ་བསྒོམས་ཏེ། འགྱིང་བའི་ང་རོ་དང་བཅས་པ་བྱེད་ཅིང་རྡོ་རྗེ་གསོར་དྲིལ་བུ་དཀྲོལ་ཞིང་རྡོ་རྗེའི་སྟང་སྟབས་ཀྱིས་དབང་ལྡན་དུ་སོང་ནས་དེ་ནས་བརྩམས་
[228b]
[228b.1]ཏེ་སློབ་མ་དང་ལྷན་ཅིག་རྡོ་རྗེ་རྐང་སྟབས་བྱེད་ཅིང་། གང་བདག་གིས་ཕྱོགས་འདི་ན་གནས་པའི་ལྷ་དང་ལྷ་མ་ཡིན་དང་། གནོད་སྦྱིན་དང་། སྲིན་པོ་དང་། ཡི་དགས་དང་། ཤ་ཟ་དང་། བརྗེད་བྱེད་དང་། འབྱུང་པོ་དང་། མཁའ་འགྲོ་དང་། གནོན་པོ་དང་། མིའམ་ཅི་དང་། སྔགས་
[228b.2]གྲུབ་པ་རྒན་པོ་དང་། རྒན་མོ་འཁོར་དང་བཅས་པ་ཁྱེད་རྣམས་དེངས་ཤིག །ས་ཕྱོགས་འདིར་བདག་རྡོ་རྗེ་སློབ་དཔོན་ཆེ་གེ་མོས་སེམས་ཅན་ཐམས་ཅད་བླ་ན་མེད་པའི་ཡེ་ཤེས་ཐོབ་པར་བྱ་བའི་ཕྱིར་དང་། སློབ་མ་ཆེ་གེ་མོའི་དོན་དུ་དཀྱིལ་འཁོར་ཆེ་གེ་མོ་འདྲི་བས་ཁྱེད་རྣམས་ཀྱིས་རྡོ་རྗེ་འཆང་
[228b.3]ཆེན་པོའི་བཀའ་ཐོས་པ་ཙམ་གྱིས་མྱུར་དུ་དེངས་ཤིག་དང་། གང་དག་མི་འགྲོ་བ་དེ་རྣམས་བདག་རྡོ་རྗེ་ཧཱུཾ་མཛད་ཀྱིས། རྡོ་རྗེ་འབར་བ་རབ་ཏུ་འབར་བ་གསལ་ཞིང་རབ་ཏུ་གསལ་བའི་ཡེ་ཤེས་ཀྱིས་རྡོ་རྗེ་ཆེན་པོས་མགོ་བོ་ཚལ་བ་བརྒྱར་འགས་པར་འགྱུར་རོ་ཞེས་བརྗོད་ཅིང་། ཁྲོ་བོ་དཔག་ཏུ་
[228b.4]མེད་པ་སྤྲོས་པས་བགེགས་བསལ་པར་བྱའོ། །དཀྱིལ་འཁོར་གྱི་ས་གཞི་ཡང་རྡོ་རྗེའི་རང་བཞིན་དུ་བྱིན་གྱིས་བརླབ་པོ། །དེ་ནས་རྡོ་རྗེ་རྩེ་གཅིག་པ་རྐང་པའི་མཐིལ་དུ་བསྒོམས་ལ། ས་གཞི་ལ་བྲི་ཞིང་གར་བྱེད་པས་བསྐོར་བར་བྱའོ། །དེའི་རྗེས་ལ་རྡོ་རྗེ་རྩེ་གསུམ་པ་དང་། རྩེ་ལྔ་པ་དང་
[228b.5]སྣ་ཚོགས་རྡོ་རྗེས་ཡང་ངོ་། །བསྐོར་བ་གཞན་དུ་ཕྱོགས་པས་རྗེས་འདོད་ཅིང་རེ་རེས་བསྐོར་བ་ལན་གསུམ་གསུམ་བྱའོ། །དེ་ནས་དཀྱིལ་འཁོར་གྱི་འཁོར་ལོ་མཆོད་ལ་ས་ལ་ལག་པ་རེག་ཅིང་གཙོ་བོའི་སྔགས་བརྒྱ་རྩ་བརྒྱད་ཡི་གེ་བརྒྱ་པ་ལན་བདུན་བཟླས་ལ་ལྷ་བསྒོམ་ཞིང་དེ་ཉིད་དུ་ཉལ་
[228b.6]ལོ། །ས་གཟུང་བའོ། །དེ་ནས་ལྕགས་སམ་སེང་ལྡེང་ངམ། རུས་པའི་ཕུར་པ་སོར་བརྒྱད་པ་སྦོམས་སུ་སོར་ཕྱེད་དང་གསུམ་པ་སྟོད་རང་རང་གི་གཟུགས་ལ་སྨད་ཕུར་པར་འདུག་པ་བཅུ་ཡུངས་ཀར་དང་ཙནྡན་དམར་པོས་བྱུགས་ལ་སྐུད་པ་ཁ་དོག་ལྔ་པས་དཀྲིས་ཏེ་རབ་གནས་བྱས་
[228b.7]ལ་མཆོད་དེ་སྣོད་སར་པར་གཞག་གོ། །དེ་ནས་སྐད་ཅིག་གིས་སྟོང་པའི་རྗེས་ལ་རྡོ་རྗེའི་ས་གཞི་དང་ར་བ་དང་གུར་གྱི་ནང་དུ་ཧཱུཾ་མཛད་དུ་རང་ཉིད་བསྒོམས་པའི་སྙིང་གའི་ཧཱུཾ་ལས་འོད་འཕྲོས་པས་བགེགས་ཐམས་ཅད་བཀུག་ནས་དོང་དུ་བཅུག་ལ་ཧཱུཾ་ལས་འོད་འཕྲོས་པའི་ཁྲོ་བོ་བཅུ་
[229a]
[229a.1]ལ་གཏད་དོ། །དེ་རྣམས་ཀྱི་ཨོཾ་བཛྲ་ཀཱི་ལི་ཀཱི་ལཱ་ཡ་སརྦ་བིགྷྣཱཾ་ཧཱུཾ་གིས་གདབ། ཨོཾ་བཛྲ་མུདྒ་ར་ཨཱ་ཀོ་ཊ་ཡ་ཧཱུཾ་ཞེས་བརྡུང་བར་བསྒོམས་ལ། དེ་རང་ཉིད་ཀྱིས་ཀྱང་དབང་ལྡན་ནས་གཡས་སྐོར་དུ་འོད་ཀྱི་ཕྲེང་བའི་ཕྱོགས་མཚམས་བརྒྱད་དང་། སྟེང་འོག་གི་ཤར་ནུབ་
[229a.2]ཏུ་གདབ་ཅིང་བརྡུང་ངོ་། །མི་ནུས་ན་སྒོ་སྐྱོང་གིས་སོ། །ཡང་ན་ཕུར་པ་མེད་པར་ཇི་སྐད་བཤད་པའི་བསྒོམ་པ་ཁོ་ནས་གདབ་པ་དང་བརྡུང་བ་བྱས་ལ་ལག་པ་གན་རྐྱལ་དུ་གནས་པས་བསྒྱུར་ཞིང་། ཨོཾ་བཛྲ་ཨཱཿཧཱུཾ་ཞེས་བརྗོད་ཅིང་ས་ལ་བསྣུན་ཏེ་དེ་ལྟར་མོས་པས་བྱའོ། །
[229a.3]བགེགས་ལ་ཕུར་བུས་གདབ་པའོ། །དེ་ནས་དཀྱིལ་འཁོར་གྱི་དབུས་སུ་འདུག་སྟེ། དྲིའི་དཀྱིལ་འཁོར་བྱས་པར་སའི་ལྷ་མོ་ལས་དམ་ཚིག་སེམས་དཔའ་བསྒོམས་ནས། ལག་པ་གཡས་པའི་མཐིལ་དུ་ཧཱུཾ་བསམས་ཏེ་སོར་མོ་རྩེ་གསུམ་ལན་གསུམ་དུ་བསྣུན་པ་དང་དེའི་སྒྲ་དང་
[229a.4]ཧཱུཾ་གི་འོད་ཟེར་གྱིས་བསྐུལ་བའི་སའི་ལྷ་མོ་ཡེ་ཤེས་སེམས་དཔའི་ངོ་བོ་དང་འདྲེས་པར་གྱུར་པ་དགའ་བ་དང་ལྡན་པའི་ཐུགས་ཅན་སེར་མོ་ཞི་བ་ན་བཟའ་དཀར་པོ་བསྣམས་པ། རྒྱན་ཆ་སྣ་ཚོགས་པ་ཅན་གཡོན་པ་དང་ཅིག་ཤོས་ཀྱི་ཕྱག་གིས་གསེར་གྱི་བུམ་པ་བཟང་པོ་བསྣམས་ཤིང་།
[229a.5]མི་འཇིགས་པ་མཛད་པ་ཞལ་གཅིག་པ་མདུན་དུ་གནས་པ་ལ་མཆོད་དེ་ཡང་དག་པར་བསྐོར་བ་དང་བཅས་པས། ཨོཾ་ཚུར་སྤྱོན་ས་ཡི་ལྷ་མོ་ཆེ། །འཇིག་རྟེན་ཐམས་ཅད་ཀྱི་ནི་ཡུམ། །རིན་ཆེན་ཀུན་གྱིས་རྣམ་པར་སྤྲས། །བཟང་པོའི་རྒྱན་གྱིས་རྣམ་པར་བརྒྱན། །དོ་ཤལ་རྐང་
[229a.6]གདུབ་སྒྲ་དང་ལྡན། །རྡོ་རྗེ་སེམས་དཔའ་རབ་མཆོད་པ། །མཆོད་ཡོན་འདི་ནི་བཞེས་ནས་ཀྱང་། །དཀྱིལ་འཁོར་ལས་ནི་གྲུབ་པར་མཛོད། །ཧི་ཧི་ཧི་ཧི་ཧཱུཾ་སྭཱ་ཧཱ་ཞེས་ལན་གསུམ་བརྗོད་པས་སྤྱན་དྲང་བ་དང་ཉེ་བར་གནས་པར་གསོལ་བ་སྔོན་དུ་འགྲོ་བའི་ལྷག་པར་གནས་པར་བྱའོ། །དེས་
[229a.7]ཀྱང་དེ་ལྟར་གྱིས་ཤིག་ཅེས་བརྗོད་ནས་དེ་ཉིད་དུ་ཐིམ་པར་བསམ། དེ་ནས་རྡོ་རྗེ་བཅིང་བ་ནང་དུ་བྱས་ནས་དེས་ས་ལ་རེག་ཅིང་། ཨོཾ་བཛྲཱི་བྷ་བ་ཧཱུཾ་ཞེས་ལན་གསུམ་བརྗོད་ནས། རྡོ་རྗེ་བསྡམས་པ་ལས་བྱུང་བའི་ཧཱུཾ་འབར་བ་སྤྲོས་པས་དབང་ཆེན་གྱི་རྡོ་རྗེར་བསམས་ནས། ཨོཾ་བཛྲ་
[229b]
[229b.1]ཌྲྀ་ཌྷ་ཏིཥྚ་ཞེས་ལན་གསུམ་བརྗོད་པས་བྱིན་གྱིས་བརླབ། དེས་ནི་ས་དབང་དུ་འགྱུར་རོ་ཞེས་པ་ནི་སའི་ལྷ་མོ་ལྷག་པར་གནས་པའི་ཆོ་གའོ། །དེ་ནས་དཀྱིལ་འཁོར་གྱི་ས་གཞི་ལ་དྲི་ཞིམ་པའི་ཆུ་བདུད་རྩི་ལྔ་དང་བཅས་པ་ཡི་གེ་གསུམ་གྱིས་བསྔགས་པས་བྱུག་པ་དང་མེ་ཏོག་གི་གཅལ་དགྲམ་པ་དང་། ཕྱི་
[229b.2]དྲོ་ཁྲུས་བྱས་ཤིང་དྲི་ཞིམ་པོས་བསྒོས་ལ་གོས་སར་པ་གྱོན་པ་མེ་ཏོག་ཕྲེང་བ་ཅན། ཁ་དྲི་ཞིམ་པོས་བསྒོས་ལ་དོ་ཤལ་དང་སོར་གདུབ་ལ་སོགས་པའི་རྒྱན་རྣམས་གོ་རིམས་ཇི་ལྟ་བ་བཞིན་དུ་ཨོཾ་ཨཱཿཧཱུཾ་སྭཱ་ཧཱ་ཞེས་བྱ་བ་དང་། ཨོཾ་བཛྲོཥྞཱི་ཥ་ཧཱུཾ་ཕཊ་ཅེས་པ་དག་གོ་རིམས་བཞིན་དུ་བསྔགས་པའི་རས་
[229b.3]སམ་དར་དམར་པོའི་ཅོད་པན་གྱིས་བརྒྱན་ནས་དཀྱིལ་འཁོར་གྱི་དབུས་སུ་ཤར་གྱི་ཕྱོགས་པར་འདུག་པའམ། དཀྱིལ་འཁོར་གྱི་ཤར་ནས་ནུབ་ཏུ་ཕྱོགས་པར་འདུག་ཀྱང་རུང་། དཀྱིལ་འཁོར་གྱི་བདག་པོའི་རྣལ་འབྱོར་དང་ལྡན་པས་བསྒོམ་པའི་དཀྱིལ་འཁོར་གྱི་ཕྱི་རོལ་ཤར་ལ་སོགས་སུ་
[229b.4]གནས་ནས་སམ་བྱང་དུ་ཕྱོགས་པས་དབང་ལྡན་གྱི་མཚམས་སུ་བུམ་པ་ལྷག་པར་གནས་པར་བྱའོ། །དེ་ལ་ཞི་བ་དང་རྒྱས་པའི་བུམ་པ་དག་གི་ནང་དུ་ནི་སོར་བཅུ་དྲུག་གོ། །ལྟེ་བའི་འོག་ནས་ཁ་དང་མཆུའི་བར་གྱི་དཔངས་སུ་སོར་ཉི་ཤུའོ། །ཁའི་མཚམས་ནས་མཆུ་འཕྱང་བའི་བར་ནི་
[229b.5]སོར་གཉིས་སོ། །མགྲིན་པ་ནི་སོར་དྲུག་གོ། །མཆུའི་བར་གྱི་ཁ་ནི་སོར་བརྒྱད་དོ། །སོར་བརྒྱད་པའི་ཆ་གཉིས་ནི་མགུལ་པའི་སྦུབས་སོ། །ཆ་གཅིག་ནི་མཆུ་གཉིས་ཀྱི་དཔངས་སོ། །དབྱེ་བ་དང་བསྐྲད་པ་དག་ལ་ནི་ལྟོ་བའི་རྒྱ་ལ་སོར་བཅུ་གཉིས་སོ། །དཔངས་སུ་སོར་ཉི་ཤུ་རྩ་
[229b.6]བཞིའོ། །རྐེད་པ་ནི་སོར་བརྒྱད་དོ། །ཁ་ནི་སོར་དྲུག་གོ། །འདིའི་མཆུ་གཉིས་ནི་སོར་མོ་རེའོ། །དབང་དང་དགུག་པ་དག་གི་བུམ་པ་ནི་བཟོ་བོས་ཇི་ལྟར་བྱས་པའོ། །རེངས་པ་ལ་ནི་ཐུང་ཞིང་ཟླུམ་པ་ལ་དཔངས་སུ་སོར་བཅུ་དྲུག་གོ། །མགྲིན་པ་ལ་ནི་སོར་བཞིའོ། །སོར་དྲུག་ནི་
[229b.7]འདིའི་རྩིབས་སུའོ། །ལས་ཐམས་ཅད་པ་ལ་ནི་ཞི་བ་ལ་སོགས་པའི་ལས་སུ་གསུངས་པའི་བུམ་པ་རྣམས་གཟུང་བར་བྱའོ་ཞེས་དུས་ཀྱི་འཁོར་ལོ་ལས་གསུངས་ལ། དེ་ལས་གཞན་པའི་རྒྱུད་རྣམས་ལས་ནི། རྩ་བ་ནག་པོར་རི་མེད། །མཆུ་འཕྱང་མགྲིན་རིང་ལྟོ་བ་ཆེ། །
[230a]
[230a.1]བུམ་པ་རྣམས་དེ་ལྟར་བརྗོད་པ་ཡང་སོར་བཅུ་དྲུག་པ་ལ་སོགས་པར་རིག་པར་བྱའོ། །འདིར་གསེར་ལ་སོགས་པའི་བུམ་པ་རྒྱུད་དུ་གསུངས་པའི་མཚན་ཉིད་དང་ལྡན་པའམ་ཡང་ན་ཇི་ལྟར་རྙེད་པ་ཡང་བཟུང་སྟེ། ཞི་བའམ་རྒྱས་པའི་དོན་དུ་འབྲས་བཏགས་པའམ་ཐོད་
[230a.2]ལོ་ཀོར་རམ་ཙནྡན་གྱི་ལྡེ་གུ་དཀར་པོས་བྱས་ལ་སྣ་ཚོགས་པདྨ་འདབ་མ་བརྒྱད་པའི་ལྟེ་པའི་སྟེང་དུ་ཟླ་བ་དང་ཉི་མ་ལ་གནས་པའི་ལྷའི་ས་བོན་དང་ཕྱག་མཚན་བྲི་བར་བྱས་ལ་བདུད་རྩི་ལྔ་དང་དྲི་ཞིམ་པོའི་ཆུས་བཀང་ལ་རིན་པོ་ཆེ་ལྔ་དང་། སྨན་ལྔ་དང་། འབྲུ་ལྔ་ནང་དུ་བཅུག་སྟེ། ཨ་མྲ་ལ་
[230a.3]སོགས་པའི་ལོ་མས་ཁ་བརྒྱན་པ་དང་། སྐེ་ལ་མེ་ཏོག་གི་ཕྲེང་བ་དང་བཅས་པའི་རས་ཁ་ཚར་མ་ཉམས་པ་གཉིས་བཅིངས་པ་རྣམས་བླ་རེའི་འོག་ཏུ་མཚན་མ་དགོད་པའི་རིམ་པས་སོ་སོར་བྲིས་པའི་མཎྜལ་གྱི་སྟེང་དུ་དཀྱིལ་འཁོར་གྱི་རྣམ་པར་མདུན་དུ་ཀུ་ཤའི་སྟེང་དུ་བཀོད་ནས་ཧཱུཾ་ལན་བདུན་དུ་
[230a.4]བཟླས་པའི་ཐིག་སྐུད་དཀར་པོ་བདུན་གྱིས་ཨོཾ་བཛྲ་ཤི་ཁ་རེ་རུ་ཊ་མ་ཊ་དི་ཤཾ་བནྡྷ་ཧཱུཾ་ཞེས་པའི་སྔགས་ཀྱིས་དཀྲི་བར་བྱའོ། །ཞི་བ་ལ་སོགས་པའི་ལས་དང་མཐུན་པའི་ཁ་དོག་ཅན་ལྔ་རྣམས་ཀྱིས་ཞེས་བྱ་བ་ནི་རྒྱུད་གཞན་དུའོ། །རིན་པོ་ཆེ་ལྔ་ནི་མུ་ཏིག་དང་། གསེར་དང་། པདྨ་རཱ་
[230a.5]ག་དང་། བྱི་རུ་དང་། མུ་མེན་དང་། པདྨ་རཱ་ག་མ་རྙེད་ན་དངུལ་ལམ་ཟངས་སམ་དུང་ཡང་རུང་ངོ་། །མུ་མེན་གྱི་གནས་སུ་ནོར་བུ་ཡང་རུང་ངོ་། །དབུལ་ནས་མ་འབྱོར་པ་ནི་རྣམ་པར་རྒྱལ་བ་དང་ལས་ཐམས་ཅད་པའི་བུམ་པ་རིན་པོ་ཆེ་དང་ལྡན་པར་བྱའོ། །བུམ་པ་གཞན་ལ་ནི་མ་
[230a.6]ཡིན་ནོ། དེ་ལ་ཡང་རྣམ་པར་རྒྱལ་བའི་བུམ་པ་ངེས་པར་རིན་པོ་ཆེ་དང་ལྡན་པར་རིག་བར་བྱའོ། །སྨན་ལྔ་ནི་བྲྀ་ཧ་ཏི་དང་། ཀཎྜ་ཀ་རི་དང་། དཎྜོཊྤ་ལ་དཀར་པོ་དང་། དབང་པོ་ལག་པ་དང་། ཨ་བ་རཱ་ཛི་ཏ་དཀར་པོ་རྣམས་སོ། །འབྲུ་ལྔ་ནི་ཏིལ་དང་། ནས་དང་། མོན་
[230a.7]སྲན་དང་། འབྲས་དང་། སོ་བ་དང་གྲོ་རྣམས་སོ། །ཁ་ཅིག་ཏུ་འབྲས་སོ་བའི་གནས་སུ་མོན་སྲན་གྲེའུའོ། །ཨ་པ་དང་། ནཱ་ག་གེ་སར་དང་། ཨ་ཤོ་ཀ་དང་། ཨ་ཤྭདྛ་དང་། ཨུ་དུ་མྺཱ་ར་སྟེ་ལྔ་པོ་རྣམས་ལས་གང་ཡང་རུང་བའི་འདབ་མས་ཁ་བརྒྱན་ནོ། །ནཱ་ག་གེ་སར་མེད་ན་ནྱ་
[230b]
[230b.1]གྲོ་དྷའམ། འཛམ་བུའི་ལོ་མས་བྱའོ། །རས་ནི་དཀར་པོའམ་དམར་པོའམ་སེར་པོའོ། །ཁ་ཅིག་ཏུ་ལྗང་གུ་དང་ནག་པོའང་བརྗོད་དོ། །རྣམ་པར་རྒྱལ་བའི་བུམ་པ་ལ་ཆོས་འབྱུང་གི་དབུས་སུ་པདྨ་ལ་ཇི་ལྟར་རིགས་པར་ཟླ་བ་འམ་ཉི་མར་བདག་པོའི་མཚན་མའམ་ས་བོན་ནོ། །བུམ་པ་གཞན་
[230b.2]རྣམས་ལ་ནི་པདྨ་ལ་གནས་པའི་ཟླ་བ་འམ་ཉི་མར་ཇི་ལྟར་རིགས་བར་ལྷ་རྣམས་ཀྱི་ནི་པདྨ་ལ་མཚན་མའམ་ས་བོན་ནོ། །འཁོར་ལོ་ལྔ་ལ་སོ་སོར་རེ་རེ་སྟེ་ལྔའོ། །ཡང་ན་ཕོ་བྲང་དུ་གནས་པ་ཁོ་ནའི་ལྔའོ། །ཡང་ན་འདི་རྣམས་ཀྱི་ལྔ་དང་འཁོར་ལོ་བཞི་བཞི་སྟེ་དགུའོ། །ཡང་ན་དབུས་ཀྱི་ཕོ་བྲང་དང་
[230b.3]དམ་ཚིག་གི་འཁོར་ལོ་ལ་གནས་པ་རྣམས་ཀྱི་ནི་བཅུ་གསུམ་མོ། །ཐུགས་ཀྱི་འཁོར་ལོའི་ཕྱོགས་སུ་གནས་པ་རྣམས་ཀྱི་གཅིག་དང་མཚམས་སུ་གནས་པ་རྣམས་ཀྱི་གཅིག་གོ། །དེ་ལྟར་གསུང་གི་འཁོར་ལོ་དང་སྐུའི་འཁོར་ལོ་ལ་ཡང་ཡིན་ཏེ་བཅུ་དགུའོ། །ཕྱོགས་འདི་རྣམས་སུ་ལྷ་སོ་སོར་
[230b.4]དགོད་པ་ལ་ལས་ཐམས་ཅད་པའི་དུམ་སྐྱེས་མ་ནི་ལྷག་པར་དགོད་དོ། །དེའི་རྗེས་སུ་འབྲངས་པས་དཀྱིལ་འཁོར་གཞན་རྣམས་ལ་ཡང་ཇི་ལྟར་རིགས་པས་བུམ་པའི་གྲངས་རིག་པར་བྱའོ། །དེ་ལ་གཙོ་བོ་ཡིན་པའི་ཕྱིར་རྣམ་པར་རྒྱལ་བའི་བུམ་པའི་སྟེང་དུ་དུང་ཆོས་སམ་པདྨའི་སྣོད་དུ་ཧཱུཾ་གིས་
[230b.5]བསྔགས་པའི་ཇི་ལྟར་སྙེད་པའི་བདུད་རྩི་ལྔ་དང་བཅས་པའི་དྲི་ཞིམ་པོའི་ཆུས་ཡེ་ཤེས་ཀྱི་བདུད་རྩིར་བྱས་པའི་རྡོ་རྗེ་རྡུལ་ཕྲ་རབ་ཀྱི་རང་བཞིན་བུམ་པ་བཅུད་དང་བཅས་པ་དེ་རྣམས་སྐད་ཅིག་གིས་སྟོང་པ་ཉིད་དུ་བྱས་ལ། བྷྲཱུཾ་གྱི་ཡི་གེ་ལས་བུམ་པ་རིན་པོ་ཆེའི་རང་བཞིན་གྱི་གཞལ་ཡས་ཁང་དུ་
[230b.6]བསྒོམས་ལ། ཨོཾ་བཛྲ་ཨ་མྲྀ་ཏོ་ད་ཀ་ཧཱུཾ་ཞེས་ལན་བདུན་བརྗོད་ལ་འབྲུ་གསུམ་གྱིས་ལན་གསུམ་དུ་བསྔགས་ཏེ་མེ་ཏོག་གི་ཕྲེང་བས་བཅིངས་པའི་རྡོ་རྗེ་བཞག་ནས་དེ་ནས་ཨོཾ་ཏཔྟེ་ཏེ་པྟེ་མ་ཧཱ་ཏཔྟེ་སྭཱ་ཧཱ། ལན་བདུན་བདུན་བརྗོད་པས་དཀྱིལ་འཁོར་གྱི་ལྷའི་ཆུའི་རང་བཞིན་དུ་བཀུག་ལ་བཅུག་སྟེ་
[230b.7]ཆུར་ལྷའི་གདན་དང་བཅས་པ་སྐད་ཅིག་གིས་བསམས་ལ་རང་གི་སྙིང་གའི་ས་བོན་གྱི་འོད་ཟེར་གྱིས་ཡེ་ཤེས་ཀྱི་དཀྱིལ་འཁོར་མདུན་དུ་བཀུག་ལ་མཆོད་ཡོན་དང་ཞལ་བསིལ་བྱིན་ལ་ཡང་དག་པར་མཆོད་དེ་དམ་ཚིག་གི་འཁོར་ལོ་ལ་བཅུག་ལ་ཆགས་པ་ཆེན་པོས་ཞུ་བར་གྱུར་བའི་བྱང་ཆུབ་
[231a]
[231a.1]ཀྱི་སེམས་ཀྱི་ངོ་བོ་མངོན་དུ་བྱས་པ་དེ་དང་རོ་གཅིག་ཏུ་གྱུར་པར་བསམ། མཚན་མ་ལ་ཡང་དམ་ཚིག་གི་ལྷ་དང་ཡེ་ཤེས་ཀྱི་ལྷ་གཅིག་ཏུ་གྱུར་པ་བསམ་པར་བྱའོ། །དེ་ནས་ཧཱུཾ་ཞེས་བརྗོད་ཅིང་རྡོ་རྗེ་དང་འབྲེལ་པའི་མེ་ཏོག་གི་ཕྲེང་བ་དང་ལྡན་པ་གཡོན་པའི་ཁུ་ཚུར་གྱིས་
[231a.2]བཟུང་ལ་ཨོཾ་བཛྲ་ཨུ་ད་ཀ་ཧཱུཾ་ཞེས་ལན་གྲངས་བརྒྱ་རྩ་བརྒྱད་ཆུ་ལ་བསྔགས་པར་བྱའོ། །ཡང་ན་འཁོར་ལོའི་བདག་པོའི་སྙིང་པོ་བཟླས་པར་བྱའོ། །དེ་ནས་ཨོཾ་ཨཱཿབིགྷྣཱཾ་ཏ་ཀྲྀཏ་ཧཱུཾ་ཞེས་བདུད་རྩི་འཁྱིལ་པས་བསྔགས་ལ་མེ་ཏོག་དཀར་པོ་གསུམ་གཞུག་པར་བྱའོ། །བུམ་པ་གཞན་ལྷ་གང་དང་གང་གི་
[231a.3]ཡིན་པ་དེ་དང་དེའི་སྔགས་ཀྱིས་བརྒྱ་རྩ་བརྒྱད་དང་ཉི་ཤུ་རྩ་གཅིག་གམ་བདུན་དུ་བཟླས་ཤིང་སྟེང་གི་རྡོ་རྗེའི་མིག་གི་ཕྲེང་བའི་མཐར་བཟུང་ནས་དེ་ལྟར་མེ་ཏོག་གཞུག་པར་བྱའོ། །དེ་ནས་རྣམ་པར་རྒྱལ་བ་ལ་སོགས་པའི་བུམ་པ་རྣམས་མེ་ཏོག་ལ་སོགས་པས་མཆོད་ནས་བསྲུང་བའི་དོན་དུ་ལས་ཐམས་
[231a.4]ཅད་པའི་ཆུས་དེའི་ལོ་མས་བསངས་ཏེ། འདིར་དཀྱིལ་འཁོར་གྱི་བྱ་བ་རྣམས་རྫོགས་པར་གྱུར་པ་དེ་སྲིད་དུ་བགེགས་རྣམས་ཟློག་པར་མཛོད་ཅིག་ཅེས་བརྗོད་ཅིང་གཏོར་མ་ཡང་ཉེ་བར་རེག་སྟེ། མི་བསྐྱོད་པ་ནི་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་
[231a.5]གསུམ། །རྡོ་རྗེ་དབྱིངས་ལ་ཕྱག་འཚལ་བསྟོད། །རྣམ་པར་སྣང་མཛད་དག་པ་ཆེ། །རྡོ་རྗེ་ཞི་བ་དགའ་བ་ཆེ། །རང་བཞིན་འོད་གསལ་མཆོག་གི་མཆོག །སྟོན་པ་རྡོ་རྗེ་ཕྱག་འཚལ་བསྟོད། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མ་མེད། །རང་བཞིན་དག་པས་གོས་པ་
[231a.6]མེད། །རྡོ་རྗེ་སྐུ་ལ་ཕྱག་འཚལ་བསྟོད། །རྡོ་རྗེ་བདུད་རྩི་རྒྱལ་པོ་ཆེ། །མི་རྟོག་ནམ་མཁའ་རྡོ་རྗེ་འཛིན། །འདོད་ཆགས་ཕ་རོལ་ཕྱིན་པ་ཐོབ། །རྡོ་རྗེ་གསུང་ལ་ཕྱག་འཚལ་བསྟོད། །དོན་ཡོད་རྡོ་རྗེ་རྫོགས་སངས་རྒྱས། །བསམ་པ་ཐམས་ཅད་རྫོགས་མཛད་པ། །རང་བཞིན་དག་པས་ཡང་
[231a.7]དག་བྱུང་། །རྡོ་རྗེ་སེམས་ལ་ཕྱག་འཚལ་བསྟོད། །ཅེས་བསྟོད་པ་སྔོན་དུ་སོང་བས་དྲིལ་བུ་དཀྲོལ་ཞིང་དུང་ཆོས་སམ་པདྨའི་སྣོད་དུ་ཆུ་ཉུང་ངུ་བླུགས་ལ་སྟེང་དུ་རྡོ་རྗེ་བཞག་སྟེ་བུམ་པའི་སྟེང་དུ་གཞག་པར་བྱའོ། །བདག་ཉིད་དམ་སློབ་མ་རྣམས་ལ་བསང་བའི་དོན་དུ་བུམ་པ་དེ་རྣམས་ལས་ཆུ་
[231b]
[231b.1]ཉུང་ཟད་བཅུས་ནས་དཀྱིལ་འཁོར་གྱི་ཁང་པའི་ཤར་སྒོའི་བྱང་གི་ཆར་མནྗི་ལ་གནས་པའི་དུང་ཆོས་ལ་སོགས་པར་ལས་ཐམས་ཅད་པའི་བུམ་པ་ཉིད་ཀུ་ཤའི་ཆུན་པོ་དང་ལྡན་པ་དེའི་དོན་དུ་དེར་གཞག་པར་བྱའོ་ཞེས་པ་ནི། །གཞན་དག་གིའོ། །བུམ་པ་རྣམས་མངོན་པར་བསྔགས་པ་དང་
[231b.2]མཆོད་པ་ལ་སོགས་པ་ཉི་མ་སོ་སོའི་ཐུན་གསུམ་མ་མ་ཐུན་གཅིག་ཏུ་བྱའོ། །འདིར་དཀྱིལ་འཁོར་ལ་ཉེ་བར་མཁོ་བའི་ཕྱིར་དང་པོ་རྡུལ་ཚོན་དཀར་པོ་ལ་སོགས་པས་འདབ་མ་བརྒྱད་བྲིས་ལ་ལྟེ་བ་ལ་རྣམ་པར་རྒྱལ་བའི་བུམ་པའམ་ལས་ཐམས་ཅད་པའི་བུམ་པ་གཞག་པར་བྱའོ། །
[231b.3]ཤར་གྱི་འདབ་མ་ལ་ཐིག་སྐུད་སྣོད་དུ་གཞག་གོ། །ལྷོར་རྡོ་རྗེ། བྱང་དུ་དྲིལ་བུའོ། ནུབ་དང་མཚམས་ཀྱི་འདབ་མ་རྣམས་སུ་ཅི་རིགས་པའི་རྡུལ་ཚོན་ལྔའི་སྣོད་རྣམས་སོ། །བུམ་པ་དེའི་ཆུ་ལ་འཁྱིལ་པའི་སྔགས་སམ། ཨོཾ་ཨ་ཨཱཿ་ཨཾ་ཨཿཞེས་བྱ་བ་བརྗོད་ནས་ཚོན་ཐིག་ལ་བསང་
[231b.4]གཏོར་བྱའོ་ཞེས་པ་ནི་བུམ་པ་ལྷག་པར་གནས་པའི་ཆོ་གའོ། །དེ་ནས་དཀྱིལ་འཁོར་ས་གཞི་དྲི་བཟང་པོ་ལ་སོགས་པས་བྱུགས་ཤིང་མེ་ཏོག་གཅལ་དུ་བཀྲམ་སྟེ། །དེར་ནུབ་ཏུ་ཕྱོགས་པར་ཇི་ལྟར་རྙེད་པའི་བདུད་རྩི་ལྔ་དང་བཅས་པའི་དྲི་བཟང་པོས་བདག་པོ་ལྔའི་ལེ་ཚེ་རྣམས་སུ་
[231b.5]མཎྜལ་གྲུ་བཞི་པ་དང་ལྷ་གཞན་ལ་ཟླུམ་པོར་བྱའོ། །དེ་ནས་མཎྜལ་རྣམས་སུ་རང་གི་སྙིང་གའི་ས་བོན་གྱི་འོད་ཟེར་གྱིས་འཁོར་ལོའི་གཙོ་བོ་ལ་སོགས་པའི་ལྷའི་དཀྱིལ་འཁོར་སྤྱན་དྲངས་ཏེ་བཀོད་ནས་ཞབས་བསིལ་ལ་སོགས་པ་སྔོན་དུ་འགྲོ་བའི་མཆོད་པ་དང་བསྟོད་པ་དང་བདུད་རྩི་
[231b.6]མྱང་བ་བྱ་སྟེ། པུས་མོ་གཡས་པ་ས་ལ་བཙུགས་ནས་ལྕེ་རྡོ་རྗེ་རྩེ་གཅིག་ལ་ཧཱུཾ་བཀོད་དེ། ལག་པ་གཡས་པས་སྤོས་ཕོར་ཐོགས་ལ་གཡོན་པས་དྲིལ་བུ་དཀྲོལ་ཞིང་། ཆེ་གེ་ཞེས་བྱ་བཅོམ་ལྡན་འདས། །རིག་སྔགས་རྒྱལ་ལ་ཕྱག་འཚལ་བསྟོད། །སློབ་མ་རྣམས་ལ་བརྩེ་བ་དང་། །
[231b.7]ཁྱེད་རྣམས་ལ་ཡང་མཆོད་པའི་ཕྱིར། །ཐུགས་རྗེའི་བདག་ཉིད་མགོན་ཁྱོད་ཀྱི། །དཀྱིལ་འཁོར་འདི་ནི་བྲི་བར་འཚལ། །བཅོམ་ལྡན་བདག་ནི་གུས་པ་ལ། །དེ་ནི་གནང་བར་མཛད་པར་རིགས། །འགྲོ་ལ་འཁོར་ལོའི་དོན་སྦྱིན་བྱེད། །སངས་རྒྱས་རྣམས་ནི་དགོངས་སུ་གསོལ། །
[232a]
[232a.1]བྱང་ཆུབ་སེམས་དཔའ་འབྲས་གནས་དང་། །གང་གཞན་གསང་སྔགས་ལྷ་རྣམས་དང་། །འཇིག་རྟེན་སྐྱོང་བའི་ལྷ་དང་ཀླུ། །སེམས་ཅན་རྫོགས་སངས་བསྟན་གནས་དང་། །རྡོ་རྗེ་སྤྱན་དང་སྙན་ལྡན་པ། །གང་དག་བསྟན་ལ་དགའ་བ་རྣམས། །བདག་ལ་དགོངས་པར་
[232a.2]མཛད་དུ་གསོལ། །བདག་མིང་རྡོ་རྗེ་ཆེ་གེ་མོས། །ཆེ་གེ་མོ་འབྱུང་དཀྱིལ་འཁོར་ནི། །འགྲོ་བ་དག་པར་བྱ་བའི་ཕྱིར། །ཡོ་བྱད་ཅི་འབྱོར་པས་འདྲི་ན། །དེང་བདག་སློབ་མར་བཅས་པ་ལ། །ཐུགས་ནི་བརྩེ་བར་དགོངས་ནས་སུ། །དཀྱིལ་འཁོར་བཅས་པ་ཐམས་ཅད་ཀྱིས། །བྱིན་གྱིས་བརླབ་པ་
[232a.3]མཛད་པར་རིགས། །ཞེས་ལན་གསུམ་དོན་ལ་བརྟེན་ནས་བརྗོད་ཅིང་གསོལ་བ་གདབ་པར་བྱའོ། །ལྷ་ལྷག་པར་གནས་པའི་ཆོ་གའོ། །དེ་ནས་རྡུལ་ཚོན་གྱི་དཀྱིལ་འཁོར་རམ་དཀྱིལ་འཁོར་གཞན་ཡང་རུང་སྟེ་སྔར་བརྗོད་པའི་ཚུལ་གྱིས་དང་པོ་བུམ་པ་ལྷག་པར་གནས་པ་དང་། དགོད་པ་དང་
[232a.4]ཉེ་བར་སྤྱོད་པ་ལྔ་ལ་སོགས་པའི་མཆོད་པ་བྱས་ནས་ང་རྒྱལ་ལ་སོགས་པའི་སྐྱོན་དང་བྲལ་བའི་སློབ་མ་ལེགས་པར་བརྟགས་པ་ལ་དགེ་བསྙེན་ལ་སོགས་པའི་བསླབ་པ་བྱིན་པ་ལ་ཡོངས་སུ་སྦྱངས་ལ་མཆོག་ཏུ་ཐེག་པ་ཆེན་པོ་ལ་མོས་པ་རྡོ་རྗེ་སེམས་དཔའི་སྡོམ་པ་འཛིན་པར་ནུས་པར་
[232a.5]གཅིག་གམ་གཉིས་སམ་མང་པོ་ཡང་རུང་སྟེ། ལས་ཀྱི་རྡོ་རྗེས་དཀོན་མཆོག་གསུམ་སོ་སོར་དཀྱིལ་འཁོར་བྱས་ལ་སྔོན་དུ་སོང་བས་དཀྱིལ་འཁོར་གྱི་ཤར་སྒོ་དང་ཉེ་བར་རྡོ་རྗེ་སློབ་དཔོན་ཤར་རམ་བྱང་དུ་ཁ་ཕྱོགས་པར་གནས་པའི་མདུན་དུ་མཎྜལ་བྱས་ལ་པུས་མོ་གཡས་པའི་ལྷ་ང་ས་ལ་བཙུགས་
[232a.6]པའམ། ཙོག་བུར་བསྡད་ལ་མེ་ཏོག་དང་བཅས་པའི་ཐལ་མོ་སྦྱར་ཏེ། དེ་བཞིན་གཤེགས་པའི་སྐུ་གསུམ་ཐོབ་པར་འདོད་པའི་བསམ་པས་དཀྱིལ་འཁོར་དུ་འཇུག་པར་གསོལ་བ་གདབ་པར་བྱའོ། །འཆི་དང་སྐྱེ་དང་རྒས་པ་ཡིས། །ཆུ་སྲིན་ལ་སོགས་ཀྱིས་འཇིགས་པས། །སྲིད་པའི་མཚོ་ལས་
[232a.7]སྒྲོལ་བྱེད་ཅིང་། །སྟོན་པ་ཁྱོད་ནི་དགའ་ཆེན་ཏེ། །བྱང་ཆུབ་ཆེན་པོའི་ཚུལ་སྟོན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་
[232b]
[232b.1]པོ་བདག་ནི་གཞུག་ཏུ་གསོལ། །ཞེས་ལན་གསུམ་དུའོ། །ཁྱོད་ནི་ཐེག་ཆེན་སྣོད་ཡིན་པས། །ཚུལ་ཆེན་འདི་ལ་བུ་ཚུར་ཤོག །གསང་སྔགས་སྤྱོད་ཚུལ་ཆོ་ག་འདི། །ཁྱོད་ལ་ཡང་དག་བསྟན་པར་བྱ། །དུས་གསུམ་འབྱུང་བའི་སངས་རྒྱས་ནི། །སྐུ་གསུང་ཐུགས་ཀྱི་རྡོར་འཛིན་གྱིས། །རྡོ་རྗེ་སྔགས་
[232b.2]ལ་རབ་བྱུང་བས། །ཡེ་ཤེས་མཉམ་མེད་ཐོབ་པས་ན། །སྔགས་ཀྱི་སྦྱོར་བ་མཉམ་མེད་པས། །གང་གིས་སྟོབས་ཆེན་བདུད་ཀྱི་སྡེ། །ཤཱཀྱ་སེང་གེ་སོགས་མཆོག་གིས། །ཆེན་པོ་མི་རྣམས་བཅོམ་ནས་སུ། །འཇིག་རྟེན་རྗེས་འཇུག་ལ་བརྟེན་ཏེ། །འཁོར་ལོ་བསྐོར་ནས་མྱ་ངན་འདས། །དེ་ཕྱིར་ཤིན་
[232b.3]ཏུ་བུ་ཁྱོད་ཀྱིས། །ཐམས་ཅད་མཁྱེན་ཉིང་ཐོབ་པར་མཛོད། །ཅེས་བརྗོད་པར་བྱའོ། །དེའི་རྗེས་སུ་བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ། སྙིང་པོ་བྱང་ཆུབ་ལ་ཐུག་གི་བར་དུ་རྐང་གཉིས་རྣམས་ཀྱི་མཆོག །ཕྱོགས་བཅུའི་སངས་རྒྱས་བཅོམ་ལྡན་འདས་ཐུགས་རྗེ་ཆེན་
[232b.4]པོ་དང་ལྡན་པ་ཐམས་ཅད་མཁྱེན་པ་ཐམས་ཅད་སྟོན་པ། འཇིགས་པ་ཐམས་ཅད་ལས་འདས་པ། སྐྱེས་བུ་ཆེན་པོའི་སྐུ་དབྱེར་མེད་པ་བླ་ན་མེད་པའི་སྐུ་ལ་སྐྱབས་སུ་མཆིའོ། །འདོད་ཆགས་དང་བྲལ་བ་རྣམས་ཀྱི་མཆོག་ཞི་བ་ཐེག་པ་ཆེན་པོའི་ཆོས་ལ་སྐྱབས་སུ་མཆིའོ། །ཚོགས་རྣམས་
[232b.5]ཀྱི་མཆོག་འཕགས་པ་ཕྱིར་མི་ལྡོག་པའི་བྱང་ཆུབ་སེམས་དཔའི་དགེ་འདུན་རྣམས་ལ་སྐྱབས་སུ་མཆིའོ། །དེ་བཞིན་དུ་ལན་གསུམ་དུའོ་ཞེས་སྐྱབས་སུ་འགྲོ་བའི་ཆོ་གའོ། །དེའི་རྗེས་སུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། །བདག་ཆེ་གེ་མོ་ཞེས་
[232b.6]བགྱི་བ་དུས་འདི་ནས་བཟུང་སྟེ། བྱང་ཆུབ་སྙིང་པོ་ལ་མཆིས་ཀྱི་བར་དུ། ཇི་ལྟར་དུས་གསུམ་མགོན་པོ་རྣམས། །རྫོགས་སངས་རྒྱས་ཀྱིས་ངེས་བྱས་པ། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་
[232b.7]པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་གཟུང་བར་བགྱི། །ནམ་དུ་ཡང་ནི་མི་གཏོང་ངོ་། །
[233a]
[233a.1]རྡོ་རྗེ་རིགས་མཆོག་ཆེན་པོ་ཡི། །རྡོ་རྗེ་དྲིལ་བུ་ཕྱག་རྒྱ་ནི། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་
[233a.2]ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ཡི། །ཕྱི་དང་གསང་བ་ཐེག་པ་གསུམ། །དམ་ཆོས་སོ་སོར་གཟུང་བར་བགྱི། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཀུན་དང་ལྡན་པར་ནི། །ཐམས་ཅད་དུ་ནི་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་
[233a.3]ནི་བླ་ན་མེད། །དམ་པ་བདག་གིས་བསྐྱེད་བགྱི་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་གཟུང་། །མ་བརྒལ་བ་རྣམས་བདག་གིས་བསྒྲལ། །མ་གྲོལ་བ་ནི་དགྲོལ་བར་བགྱི། །དབུགས་མ་ཕྱུང་ལ་དབུགས་དབྱུང་སྟེ། །སེམས་ཅན་མྱ་ངན་འདས་ལ་
[233a.4]དགོད། །ཅེས་ལན་གསུམ་དུའོ། །བྱང་ཆུབ་ཏུ་སེམས་བསྐྱེད་པའི་ཆོ་གའོ། །དེ་ནས་བདུད་རྩི་འཁྱིལ་པའི་སྔགས་ཀྱིས་བསྲུངས་ནས་དེ་དག་གི་སྙིང་ག་དང་། མགྲིན་པ་དང་། མགོ་བོ་རྣམས་ལ་ཧཱུཾ་ཨཱཿ། ཨོཾ་ནག་པོ་དང་དམར་པོ་དང་དཀར་པོ་བསམས་ནས་དེ་རྣམས་བརྗོད་ཅིང་སྙིང་ག་དང་
[233a.5]མགྲིན་པ་དང་། མགོ་བོ་རྣམས་ལ་དྲི་ཆུ་དང་བཅས་པའི་རྡོ་རྗེ་དང་ལྡན་པའི་ཁུ་ཚུར་གཡས་པ་རེག་ཅིང་མགོ་བོ་ལ་མེ་ཏོག་དང་མདུན་དུ་སྤོས་དང་མར་མེ་ནི་སྙིང་ག་སྟེ་དྲི་ཡང་སྦྱིན་ནོ། །དེའི་རྗེས་ལ་ཨ་ཤྭདྠ་ལ་སོགས་པའི་སོ་ཤིང་སོར་བཅུ་གཉིས་པ་དྲང་ཞིང་སྲོག་ཆགས་མེད་པ་མ་གས་པ་རྨ་མེད་པ་དྲི་
[233a.6]ཞིམ་པོའི་ཆུས་བསྐུས་པ་རྩེ་མོ་མེ་ཏོག་གིས་བཅིངས་ལ་བྱང་དུ་ཕྱོགས་ཏེ་སློབ་མ་རྣམས་ལ་སྦྱིན་ནོ། །དེ་རྣམས་ཀྱིས་ཀྱང་གྲུ་བཞི་ཁྲུ་གང་བའི་མཎྜལ་ལྕི་བས་བྱུགས་པར་ཤར་རམ་བྱང་དུ་ཕྱོགས་ཏེ། སོ་ཤིང་དེ་ཨོཾ་བཛྲ་ཧཱ་ས་ཧཱ་ཞེས་བརྗོད་ནས་རྩེ་མོ་འཆོས་ཏེ་སྟེང་དུ་བལྟ་ཞིང་མ་གས་པ་དེ་ལྟོས་
[233a.7]པ་མེད་པར་མདུན་དུ་དོར་རོ། །དེ་རྣམས་ལ་སོ་ཤིང་ལྷུང་བའི་རྗེས་སུ་འབྲངས་ཏེ་འབྱུང་བར་འགྱུར་བའི་དངོས་གྲུབ་བརྗོད་པར་བྱའོ། །ཤར་དང་བྱང་དང་ནུབ་དང་ལྷོ་དང་སྟེང་དང་འོག་ཏུ་ཕྱོགས་པར་ལྟུང་ན་རིམ་པ་བཞིན་དུ་ཞི་བ་དང་རྒྱས་པ་དང་དབང་དང་མངོན་སྤྱོད་དང་རིག་པ་འཛིན་པ་
[233b]
[233b.1]དང་ས་འོག་གི་དངོས་གྲུབ་རྣམས་སོ། །མཎྜལ་གྱི་ངོས་སུ་ལྷུང་ན་དངོས་གྲུབ་མེད་དོ། །དེའི་རྗེས་སུ་བཾ་གྱི་ཡི་གེ་ལས་སྐྱེས་པ་དེ་ཉིད་བཟླས་པའི་ཆུས་ཁ་བཀྲུ་བའི་ཕྱིར་འཐོར་འཐུང་བྱིན་ནས་བདུད་རྩི་འཁྱིལ་པ་ལན་བདུན་དུ་བཟླས་པའི་ཆུ་འཁྱོར་བ་གསུམ་ལ། ཨོཾ་ཧྲཱིཿབི་ཤུདྡྷཿ་སརྦ་དྷརྨཱ་པཱ་པ་ནི་ཙ་ཨ།
[233b.2]མུ་ཀཱ་སྱ་ཤོ་དྷ་ཡ་སརྦ་བི་ཀལྤན་ཨ་པ་ན་ཡ་ཧཱུཾ་ཞེས་འདོན་ཞིང་བླུད་པར་བྱའོ། །དེ་ནས་དེ་རྣམས་ཀྱི་ཕྱི་ངོས་སུ་བཀོད་ནས་ཧཱུཾ་ལས་བྱུང་ཞིང་དེ་བཟླས་པའམ་འཁྱིལ་པ་བཟླས་པའི་ཀུ་ཤ་མང་པོ་རྩེ་མོ་མ་བཅད་པ་ཉལ་བའི་སྟན་གྱི་དོན་དུ་བྱིན་ནོ། །དེ་བཞིན་དུ་སྔས་ཀྱི་དོན་དུ་ཡི་གེ་དྡྷཱིཿལས་སྐྱེས་
[233b.3]པའི་ཀུ་ཤ་ཆུན་པོ་གཅིག་ལ་འཁྱིལ་པ་བཟླས་ལ་ཨོཾ་བཛྲ་ཏཱི་ཀྵྞ་བཾ། ཞེས་པའི་སྔགས་ཀྱིས་སྦྱིན་ནོ། །དེ་ལ་ཡི་གེ་ཧཱུཾ་ལས་བྱུང་པའི་སྐུད་པ་དམར་པོ་སློབ་མའི་ལུས་ཀྱི་ཚད་སུམ་སྒྲིལ་བྱས་ལ་འཁྱིལ་པ་ལན་བདུན་བཟླས་པའི་མདུད་པ་གསུམ་མམ་བདུན་བྱས་པ་དེ་རྣམས་ཀྱི་དཔུང་པ་གཡས་
[233b.4]པའམ་ལག་པ་གཡོན་པར་རྒྱུད་གཞན་དུ་བཤད་པའི་ཨོཾ་བུདྡྷ་མཻ་ཏྲཻ་རཀྵ་རཀྵ་སརྦ་ནྟུ་སྭཱ་ཧཱ་ཞེས་འདོན་ཞིང་རང་ཉིད་ཀྱིས་བཅིངས་ལ་ཡང་དག་པར་བསྲུངས་ཏེ་སྤྲོ་བ་བསྐྱེད་པར་བྱའོ། །བསྐལ་པ་བྱེ་བ་དུ་མ་རུ། །སྡིག་པ་གང་ཞིག་སྔོན་བྱས་པ། །དེ་ཀུན་དཀྱིལ་འཁོར་འདི་དྲན་པའམ། །
[233b.5]མཐོང་བས་ཟད་པར་འགྱུར་ལགས་ན། །གང་དག་སྤྱོད་པ་མཆོག་འདི་ལ། །བློ་གྲོས་ཤིན་ཏུ་དྲི་མེད་པ། །དེ་ཉིད་ཀྱིས་ནི་ངན་འགྲོའི་རྒྱུན། །སྡུག་བསྔལ་ཀུན་ནི་རབ་ཏུ་བཅད། །བདག་ཉིད་ཆེན་པོ་ཁྱེད་རྣམས་ཀྱིས། །རྙེད་པ་རྣམ་གཉིས་དེ་རིང་རྙེད། །གང་ཕྱིར་རྒྱལ་བ་སྲས་བཅས་
[233b.6]པ། །བདག་ཉིད་ཆེན་པོ་ཀུན་གྱིས་ནི། །བསྟན་པ་འདི་ལ་ཁྱེད་རྣམས་ཀུན། །ཡོངས་སུ་བཟུང་སྟེ་སྐྱེ་བར་འགྱུར། །དེ་ཕྱིར་ཁྱོད་རྣམས་ཐེག་ཆེན་ལ། །ལེགས་པར་རབ་ཏུ་སྐྱེ་བར་འགྱུར། །ཐེག་པ་ཆེན་པོ་ཆེར་འབྱུང་བའི། །ལམ་མཆོག་འདི་ནི་དཔལ་དང་ལྡན། །ཁྱེད་རྣམས་
[233b.7]འདི་ཡིས་འགྲོ་གྱུར་ན། །དེ་བཞིན་གཤེགས་པ་རྣམས་སུ་འགྱུར། །ཞེས་ཉན་དུ་བཅུག་ནས་དེ་རྣམས་འཁྱིལ་བའི་སྔགས་ཀྱིས་བསྲུངས་ནས་དེ་ལ་བཟླས་པའི་དོན་དུ་འཁྱིལ་པའི་སྔགས་བྱིན་ཏེ་ནང་པར་རྨི་ལམ་བདག་ལ་སྨྲོས་ཤིག་ཅེས་བརྗོད་ནས་གཞལ་ཡས་ཁང་གི་ནང་།
[234a]
[234a.1]དཀྱིལ་འཁོར་གྱི་སའི་མཐར་ཡོལ་བ་ལ་སོགས་པས་བཅད་པར་རམ། གཞན་དུ་སེང་གེའི་ཉལ་སྟངས་ཀྱིས་ཉལ་དུ་གཞུག་གོ། །རང་ཉིད་དཀྱིལ་འཁོར་གྱི་ཁང་པར་ཞུགས་ནས་བསྲུང་བའི་དོན་དུ་འཁྱིལ་པའི་སྔགས་བཟླས་པར་བྱའོ། །འདིར་སྡོམ་པ་གང་སློབ་
[234a.2]དཔོན་དུ་མི་བྱེད་པ་ལ་ཡང་ཐུན་མོང་དུ་སྦྱིན་པར་བྱ་བ་ནི་སྐྱབས་སུ་འགྲོ་བ་དང་སེམས་བསྐྱེད་པ་ཙམ་གྱི་མཚན་ཉིད་དོ། །གང་ཡང་སློབ་དཔོན་དུ་བྱེད་པ་ལ་སྦྱིན་པ་དེ་ནི་སློབ་དཔོན་གྱི་སྡོམ་པ་སྟེ་རིགས་ལྔས་བསྡུས་པའོ། །དེའི་ཕྱིར་སློབ་མ་ལྷག་པར་གནས་པའི་ཆོ་ག་འདི་ནི་སྡོམ་པ་གཉིས་
[234a.3]སྦྱིན་པ་སྔོན་དུ་འགྲོ་བ་ཅན་ཡིན་ནོ་ཞེས་སློབ་མ་ལྷག་པར་གནས་པའི་ཆོ་གའོ། །དེ་ལྟར་སློབ་མ་ལྷག་པར་གནས་པ་བྱས་ནས། ལྷག་པར་གནས་པར་བྱས་པའི་ལྷ་ཡེ་ཤེས་ཀྱི་ཐིག་གི་དོན་དུ་ནམ་མཁར་བཏེག་ལ་ཤར་དུ་ཕྱོགས་པར་སྐུད་པ་ལྔ་སྣོད་ལྔར་བཞག་ལ་དྲི་དང་། བདུད་རྩི་ལྔ་
[234a.4]དང་། ཡུངས་ཀར་གྱི་ཕྱེ་མ་དང་ལྡན་པའི་ཚོན་གྱིས་ཁ་བསྒྱུར་ལ་རིགས་ལྔའི་དམ་ཚིག་པ་བསྐྱེད་ལ་ཡེ་ཤེས་ཀྱི་ཐིག་རིགས་ལྔའི་ངོ་བོར་བསྟིམ། དེ་ནས་ཨོཾ་ཨ་ནྱེ་ནྱ་ཨ་ནུ་ག་ཏ་སརྦ་དྷརྨཱཿ་པ་ར་སྤ་ར་ཨ་ནུ་པྲ་བིཥྚ་སརྦ་དྷརྨཱཿཨ་ཏྱན་ཨ་ནུ་པྲ་བིཥྚ་སརྦ་དྷརྨཱཿ་ཨོཾ་ཨཱཿཧཱུཾ་ཞེས་བརྗོད་ཅིང་
[234a.5]འཁྱིལ་པའི་སྔགས་ཀྱིས་སློབ་མ་དང་སྐུད་པ་ལྔ་ལྔས་རེ་རེ་བྱའོ། །དེ་ལྟར་བསྒྲིམས་པ་ལ་ཡང་གཅིག་བྱའོ། །རིང་ཐུང་དཀྱིལ་འཁོར་གྱི་ཉིས་འགྱུར་ལ་སྦོམས་སུ་ནས་ཙམ་མོ། །དེ་ནས་ཤར་དུ་དྲི་ཆུ་དང་བདུད་རྩི་ལྔ་དང་བའི་རྣམ་ལྔས་བསང་ཞིང་དྲི་དང་མེ་ཏོག་དང་རྫས་ཀྱིས་མཆོད་
[234a.6]དེ་ལག་པར་རེག་ཅིང་འཁྱིལ་པས་བསྲུང་ངོ་། །ལས་ཐམས་ཅད་པ་བཟླས་པའི་བདུད་རྩིའི་ཆུ་དང་ཡུངས་ཀར་དང་དྲིའི་ཆུས་གཏོར་ཏེ། རྡོ་རྗེ་དང་བཅས་པའི་ལག་པ་གཡས་པར་རེག་སྟེ་ཨོཾ་བཛྲ་ས་མ་ཡ་སཱུ་ཏྲཾ་མཱ་ཏི་ཀྲ་མ་ཧཱུཾ་ཞེས་བརྗོད་ནས་ཡི་གེ་གསུམ་བརྒྱ་རྩ་བརྒྱད་བརྗོད་དེ་
[234a.7]ལྷག་པར་གནས་པར་བྱའོ། །ཡང་དཀྱིལ་འཁོར་གྱི་ས་ལ་ཨོཾ་སརྦ་སཾ་ཤོ་དྷ་ནི་ཧཱུཾ་ཕཊ་ཅེས་པས་བུམ་པ་ཐམས་ཅད་ཀྱི་ཆུས་བསང་གཏོར་བྱས་ལ་དྲིས་བྱུགས་ནས་མེ་ཏོག་བཀྲམ་སྟེ་ནམ་མཁའ་ལ་དཀྱིལ་འཁོར་དམིགས་ཏེ་མཆོད་བསྟོད་བྱའོ། །དེ་ནས་སློབ་མ་འཁྱིལ་པས་བསྲུང་
[234b]
[234b.1]བ་དང་། རང་གི་ལྟེ་བར་ཐིག་སྐུད་བཟུང་བ་དང་། རྡོ་རྗེ་རྐང་པས་དང་པོ་གཡས་ས་ལ་འདོར་པས་འགྲོ་ཞིང་ཛྫ་ཛྫ་ཛྫས་བསྐུལ་ཞིང་དེས་ཀྱང་ཛྫ་ཛྫ་ཛྫས་སྣ་དྲངས་ལ་ནུབ་ནས་ཤར་དང་ལྷོ་ནས་བྱང་དུ་ནམ་མཁའ་ལ་ཚངས་ཐིག་གཉིས་རྡོ་རྗེ་དང་བཅས་པའི་གཡས་པས་འདེབས་ཤིང་སེ་གོལ་གྱི་
[234b.2]སྒྲ་བྱའོ། །ཐིག་གི་སྒྲས་སངས་རྒྱས་ཐམས་ཅད་བསྐུལ་ནས་ཐིག་སྐུད་ལ་བསྟིམ་མོ། །ཐིག་གདབ་པ་ཐམས་ཅད་དུ་ཨོཾ་བཛྲ་ས་མ་ཡ་སཱུ་ཏྲཾ་མཱ་ཏི་ཀྲ་མ་ཧཱུཾ་ཧཱུཾ། ཨོཾ་སརྦ་ཨ་ཧཾ་ཞེས་བརྗོད་པར་བྱའོ། །དེ་ལྟར་སའི་གཉིས་ཀྱང་ངོ་། །མེའི་མཚམས་ནས་རླུང་དུའོ། །བདེན་བྲལ་ནས་
[234b.3]དབང་ལྡན་མཚམས་སུ་གདབ་བོ། །མེའི་མཚམས་སུ་གནས་ཏེ་ཤར་གྱི་རྩ་ཐིག་འཁོར་ལོའི་མཚམས་སུ་གདབ་བོ། །རླུང་ནས་ནུབ་ཀྱིའོ། །དེ་ནས་བྱང་གིའོ། །མེ་ནས་ལྷོའིའོ། །ཐིག་དེའི་གཅིག་གི་བརྒྱད་ཆ་སྒོ་ཡིན་ནོ། །དེ་ནས་ཧི་ཧི་ཞེས་བརྗོད་ནས་སྒོའི་རྩ་བའི་ཐིག་དབྱིའོ། །
[234b.4]ཐིག་ཐམས་ཅད་བཏབ་ནས་ཡེ་ཤེས་ཀྱི་ཐིག་བློས་བཏེག་ལ་དཀྱིལ་འཁོར་གྱི་ལྟེ་བར་སེང་ལྡེང་གི་ཕུར་བུ་སྟེ། རྡོ་རྗེ་རྩེ་གཅིག་པ་མགོ་རྩེ་གཅིག་པ་ཧཱུཾ་ལས་བསྐྱེད་པར་བསམས་ལ་ཕུར་པའི་སྔགས་བརྒྱ་རྩ་བརྒྱད་བཟླས་ལ་བརྡུང་པའི་སྔགས་ཀྱིས་བརྡུངས་ཏེ། ཟླུམ་པོའི་ཐིག་བཏབ་
[234b.5]ནས་ཨོཾ་ཨཱཿཧཱུཾ་བཛྲ་མུཿཡེ་ཤེས་ཀྱི་ཐིག་སྐུད་གཤེགས་སུ་གསོལ་ཏེ་སངས་རྒྱས་ཀྱི་ཐུགས་ཀར་གཞུག་གོ། །ཐིག་སྐུད་ཀྱི་ཆོ་གའོ། །དེ་ནས་རྡུལ་ཚོན་ལ་རིགས་ལྔའི་དམ་ཚིག་བསྐྱེད་ལ་ཡེ་ཤེས་བསྟིམས་ནས་ཨོཾ་བཛྲ་ཙི་ཏྲ་ས་མ་ཡ་ཧཱུཾ་ཞེས་བརྒྱ་རྩ་བརྒྱད་བཟླའོ། །དེ་ནས་ཡིད་ཀྱིས་སྦར་རོ། །
[234b.6]དྲི་དང་མེ་ཏོག་གིས་མཆོད་ལ་སྣོད་དུ་གཞག་གོ། །དེ་ནས་དཀྱིལ་འཁོར་ལྟེ་བའི་ཕུར་པ་ཧཱུཾ་བཞི་པའི་སྔགས་ཀྱིས་བཏོན་ལ་བློས་ལག་པའི་རྡོ་རྗེ་ལ་བསྟིམས་ཏེ་ཁུང་བུ་ཚོན་སྣ་ལྔས་བཀང་ལ། འདི་ནི་ཆོས་དབྱིངས་དག་པ་སྟེ། །སེམས་ཅན་ཁམས་ནི་རབ་སྒྲོལ་མཛད། །བདག་ཉིད་རྡོ་རྗེ་
[234b.7]འཆང་རྒྱལ་ཏེ། །དེ་བཞིན་གཤེགས་པ་ཀུན་གྱི་གནས། །ཉེས་པ་ཀུན་ལས་རྣམ་པར་གྲོལ། །འཁོར་བའི་གནས་སུ་ཡང་དག་གནས། །ཞེས་ཆོས་དབྱིངས་རྣམ་པར་དག་པར་མོས་ནས་ཨོཾ་བཛྲ་རཾ་ག་ས་མ་ཡ་ཨོཾ་ཨཿཧཱུཾ་ཞེས་བརྗོད་ཅིང་གཡས་པས་རྡོ་རྗེ་བཟུང་ལ་
[235a]
[235a.1]གཡོན་པས་དབང་ལྡན་ནས་གཡས་སྐོར་དུ་ཚོན་དགྱེའོ། །ཕྱི་ནས་སློབ་མ་དང་ཇི་ལྟར་བདེ་བས་ཚོན་དགྱེའོ། །ཧཱུཾ་དང་འཁྱིལ་པ་བཟླས་པའི་བདུད་རྩི་ལྔ་དང་དྲིའི་ཆུས་དཀྱིལ་འཁོར་གྱི་ཕྱི་རོལ་དུ་བྱུགས་ལ་དེ་བཟླས་པའི་ཆུས་དཀྱིལ་འཁོར་བསངས་ཏེ་རྡུལ་ཚོན་ལྷག་
[235a.2]མ་རྣམས་ཨོཾ་ཨཱཿ་ཧཱུཾ་བཛྲ་མུཿབརྗོད་པས་ཡེ་ཤེས་པ་གཤེགས་སུ་གསོལ་ཏེ་ཚོན་ས་གཙང་སར་གཞག་གོ། །ཚོན་དགྱེ་བའོ། །དེ་ནས་དཀྱིལ་འཁོར་གྱི་ཕྱོགས་བཞིར་མདོ་བཞི་བཀླག་གོ། །སྤོས་ཕོར་བརྒྱད་གཞག་གོ། །རས་སྟོང་ལ་སོགས་པ་དང་། གདུགས་དང་། རྒྱལ་མཚན་
[235a.3]དང་། བ་དན་དང་། འཕན་ལ་སོགས་པ་ཡི་གེ་ཧཱུཾ་དང་བདག་པོའི་སྔགས་བཟླས་པའི་ཨོཾ་བཛྲ་སྤ་ར་ཎ་ཁཾ་ཞེས་ཕུལ་ནས། དེ་ནས་འཁྱིལ་པའི་ཆུས་མཎྜལ་བསངས་ཏེ་ཡི་གེ་གསུམ་དང་འཁྱིལ་པའི་སྔགས་ཀྱིས་བསྲུངས་ནས་རྡོ་རྗེ་དྲིལ་བུ་བཟུང་སྟེ་ཤར་སྒོ་ནས་ཉེ་བར་ནུབ་ཏུ་ཕྱོགས་པས་གནས་
[235a.4]ནས་འཁོར་ལོའི་དབང་པོའི་རྣལ་འབྱོར་དང་ལྡན་པས་བྲིས་པའི་དཀྱིལ་འཁོར་སྟོང་པ་ཉིད་ཀྱི་རྗེས་ལ་སྲུང་བའི་འཁོར་ལོ་དང་བགེགས་ལ་ཕུར་བུས་གདབ་པ་ལ་སོགས་པའི་ཆོ་ག་བསྒོམ་པར་བྱ་བའི་དཀྱིལ་འཁོར་གྱི་རང་བཞིན་དུ་བརྟག་པར་བྱས་ནས་རབ་ཏུ་སྒྲུབ་པའི་ཕྱི་རོལ་གྱི་ཕྱག་རྒྱ་དང་སྙོམས་
[235a.5]པར་འཇུག་པར་བྱ་སྟེ། དེ་མེད་ན་ཡེ་ཤེས་ཀྱི་ཕྱག་རྒྱ་དང་སྙོམས་པར་འཇུག་པས་ཀྱང་རུང་སྟེ། ཡང་དག་པར་བསྐྱོད་པའི་དགའ་བའི་སྒྲས་ཡེ་ཤེས་ཀྱི་འཁོར་ལོ་སྤྱན་དྲངས་ལ་ཞལ་བསིལ་དང་མཆོད་ཡོན་ཕུལ་བ་སྔོན་དུ་འགྲོ་བས་རང་གི་ནང་དུ་བཅུག་ལ་འདོད་ཆགས་ཆེན་པོས་ཞུ་བར་གྱུར་པ་
[235a.6]དེ་རྡོ་རྗེའི་ལམ་ནས་བྱུང་ནས་པདྨར་ཡེ་ཤེས་ཀྱི་ལྷའི་འཁོར་ལོའི་བདག་ཉིད་སྤྲོས་ཏེ། དམ་ཚིག་གི་འཁོར་ལོ་གནས་ཇི་ལྟ་བར་ཞུགས་པར་བསམས་ནས་སྤྱན་དང་སྐུ་ལ་སོགས་པ་བྱིན་གྱིས་བརླབས་པའི་དེ་མ་ཐག་ཏུ་རང་གི་སྙིང་གའི་ས་བོན་གྱི་འོད་ཟེར་གྱིས་བཀུག་པའི་དེ་བཞིན་གཤེགས་
[235a.7]པ་དང་ལྷ་མོ་རྣམས་ཀྱིས་དབང་བསྐུར་ནས་ཇི་ལྟར་རིགས་པས་རྒྱས་གདབ་པར་བྱའོ། །དེ་ནས་མཆོད་པའི་ལྷ་མོ་སྤྲོས་པ་རྣམས་ཀྱིས་ཡིད་བཞིན་གྱི་མཆོད་པས་མཆོད་དེ་བསིལ་བའི་རས་དང་རས་ཟུང་དང་། བླ་རེ་ལ་རས་དཔྱངས་པ་དང་ཡི་གེ་གསུམ་གྱིས་བསྔགས་པའི་བཟའ་
[235b]
[235b.1]བ་དང་བལྡག་པ་དང་བཅའ་བ་དང་གཞིབ་པ་དང་བཏུང་བ་དང་ཞལ་ཟས་ལ་སོགས་པ་དང་གསེར་དང་བུ་མོ་དང་གླང་པོ་ཆེ་དང་རྟ་དང་བ་ལང་ལ་སོགས་པ་ཕུལ་ནས་ཕྱི་རོལ་གྱི་རྣལ་འབྱོར་མ་དྲུག་གམ་བརྒྱད་དམ་བཞིས་གཟུགས་རྡོ་རྗེ་མ་ལ་སོགས་པའི་ངོ་བོས་རང་གི་མཆོད་པས་མཆོད་ནས་དྲིལ་
[235b.2]བུ་དཀྲོལ་ཞིང་། མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་དབྱིངས་ལ་ཕྱག་འཚལ་བསྟོད། །རྣམ་པར་སྣང་མཛད་དག་པ་ཆེ། །རྡོ་རྗེ་ཞི་བ་དགའ་ཆེན་པོ། །རང་བཞིན་འོད་གསལ་མཆོག་གི་མཆོག །
[235b.3]སྟོན་པ་རྡོ་རྗེ་ཕྱག་འཚལ་བསྟོད། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མ་མེད། །རང་བཞིན་དག་པས་གོས་པ་མེད། །རྡོ་རྗེ་སྐུ་ལ་ཕྱག་འཚལ་བསྟོད། །རྡོ་རྗེ་བདུད་རྩི་རྒྱལ་པོ་ཆེ། །མི་རྟོག་ནམ་མཁའ་རྡོ་རྗེ་འཛིན། །འདོད་ཆགས་ཕ་རོལ་ཕྱིན་པ་ཐོབ། །རྡོ་རྗེ་
[235b.4]གསུང་ལ་ཕྱག་འཚལ་བསྟོད། །དོན་ཡོད་རྡོ་རྗེ་རྫོགས་སངས་རྒྱས། །བསམ་པ་ཐམས་ཅད་རྫོགས་མཛད་པའི། །རང་བཞིན་དག་པས་ཡང་དག་འབྱུང་། །རྡོ་རྗེ་སེམས་དཔའ་ཕྱག་འཚལ་བསྟོད། །ཅེས་བྱ་བས་བསྟོད་དེ། རང་དང་ཤེས་རབ་ཀྱི་མེ་ཏོག་དང་བཅས་པའི་བྱང་ཆུབ་ཀྱི་
[235b.5]སེམས་པདྨའི་སྣོད་དུ་བཅུག་ནས་བདུད་རྩིར་བཅས་པ་ཕུལ་ཏེ། དེ་རྣམས་བདུད་རྩི་མྱོང་བས་ཚིམ་པར་བྱས་ལ་བདེ་བ་ཆེན་པོའི་རང་བཞིན་དུ་མོས་ནས་འཁོར་ལོའི་བདག་པོའི་གསང་སྔགས་བརྒྱ་རྩ་བརྒྱད་དཀྱིལ་འཁོར་པའི་སྔགས་ཉི་ཤུ་རྩ་རེ་རེ་དང་ཡི་གེ་བརྒྱ་པ་བཟླའོ། །འཆད་པར་
[235b.6]འགྱུར་བའི་ཆོ་གས་འབྱུང་པོ་ཐམས་ཅད་པའི་གཏོར་མ་དབུལ་ལོ། །ཡོང་ན་སྒྲུབ་པའི་གྲོགས་དཀྱིལ་འཁོར་གྱི་འགྲམ་དུ་བཞག་ནས་ཕྱིར་བྱུང་སྟེ་འབྱུང་པོ་ཐམས་ཅད་ཀྱི་གཏོར་མའི་ཆོ་གས་རང་གི་འདོད་པའི་ལྷ་དང་དབང་པོ་ལ་སོགས་པ་ལ་གཏོར་མ་དབུལ་ལོ། །དེ་ནས་ལག་པ་
[235b.7]གཡས་པ་གན་རྐྱལ་དུ་བྱས་ནས་གུང་མོ་དང་མིང་མེད་ཅུང་ཟད་བསྐུམ་ལ་མངོན་དུ་ཕྱོགས་པར་གཟུང་བར་བྱའོ། །ལག་པ་གཉིས་པུས་མོ་ནང་དུ་བྱས་ནས་ཙོག་ཙོག་པོར་འདུག་ཅིང་། མི་སྨྲ་བར་ལག་པའི་ཟེའུ་འབྲུའི་ཁ་ལ་མང་དུ་བྱ་བ་ཅིང་ལན་གསུམ་གསུམ་དུ་རྣ་བའི་བུག་པ་གཉིས་
[236a]
[236a.1]དང་། མིག་དང་ཁ་དང་ལག་པ་དང་ལྟོ་བ་དང་མགོ་རྣམས་ལ་རེག་པར་བྱའོ། །དེ་ལྟ་བུ་ནི་ཉེ་རེག་གི་ཆོ་གའོ། །དེའི་རྗེས་ལ་ཡོད་ན་ལྷག་ཆད་ལ་སོགས་པའི་ཉེས་པ་ཞི་བར་བྱ་བ་དང་དཀྱིལ་འཁོར་ཚིམ་པར་བྱ་བའི་ཕྱིར་ཞི་བ་དང་རྒྱས་པའི་སྦྱིན་སྲེག་བྱས་ནས་ཁམས་གསུམ་རྣམ་
[236a.2]པར་རྒྱལ་བའི་རྣལ་འབྱོར་དང་ལྡན་པས་མེ་ཏོག་གི་ཕྲེང་བ་བླངས་ཏེ་ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀ་ཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་བཱན་བིདྱཱ་རཱ་ཛ་ཧཱུཾ་ཧཱུཾ་ཕཊ། ཅེས་བྱ་བའི་སྔགས་ཟློས་ཤིང་རྡོ་རྗེ་ཤུགས་ཀྱིས་དཀྱིལ་འཁོར་དུ་ཞུགས་ནས་རྡོ་རྗེ་གསོལ་
[236a.3]ཞིང་དྲིལ་བུ་དཀྲོལ་ནས་རྡོ་རྗེ་རྐང་པས་ཨོཾ་ཧཱུཾ་ཕཊ་ཅེས་བྱ་བ་དང་ཨོཾ་ཧཱུཾ་ཨཱཿཕཊ་ཅེས་བྱ་བ་དང་། ཨོཾ་ཧཱུཾ་ཨ་ཨ་ཕཊ་ཅེས་བྱ་བ་དང་། ཨོཾ་ཧཱུཾ་ཧ་ན་ཧ་ན་མཱ་ར་ཡ་དུཥྜཱན། གྷཱ་ཏ་ཡ་གྷཱ་ཏ་ཡ་ཨ་ཨ་ཧཱུཾ་ཧྲི་ཕཊ་ཅེས་པའི་སྔགས་བཞི་གོ་རིམས་བཞིན་དུ་ཟློས་པའི་ཤར་སྒོ་ལ་སོགས་པར་བརྗོད་དོ། །སློབ་མ་
[236a.4]རྣམས་དང་བསྐོར་བ་གསུམ་ལྷན་ཅིག་ཏུ་བྱས་ནས་ལྷག་པ་དང་མ་ཚང་པའི་ཉེས་པ་ཞི་བར་བྱ་བའི་ཕྱིར་འཁོར་ལོ་ལ་བལྟས་ཏེ་ཕྲེང་བ་བཅོམ་ལྡན་འདས་ལ་ཕུལ་ནས་བསྐོར་བའི་གྲངས་བཞིན་ནུབ་ལ་སོགས་པ་བཞིར་གནས་པས་ཤར་ལ་སོགས་པ་བཞིར་ཨོཾ་བཛྲོད་བྷ་ཊ་ཡ་ས་མ་ཡ་པྲ་བེ་ཤ་ཡ་
[236a.5]ཧཱུཾ་ཞེས་བྱ་བའི་སྔགས་ཀྱིས་སྒོ་དབྱེ་བར་ས་སམས་ཏེ་ཨོཾ་ས་མ་ཡ་པྲ་བེེ་ཤ་ཡ་མཱི་ཞེས་བརྗོད་ནས་གར་བྱེད་ཅིང་སླར་ཕྲེང་བ་བླངས་ལ་རང་རང་གི་མགོ་ལ་བཅིངས་ཏེ་འཁོར་ལོ་ལ་ཕྱག་འཚལ་ནས། དེང་སེམས་ཅན་ཐམས་ཅད་ལ་དངོས་གྲུབ་ཐམས་ཅད་ཀྱི་བཀའ་དྲིན་མཛོད་ཅིག་ཅེས་གོ་བར་
[236a.6]བྱས་ནས་བསྒོམ་པ་དང་བཟླས་པ་བྱའོ། །འདི་དཀྱིལ་འཁོར་གྱི་ཁང་པ་ལས་ཕྱི་ངོས་སུ་དབང་པོ་ལ་སོགས་པ་གོ་རིམས་བཞིན་དུ་དཀར་པོ་དང་། སེར་སྐྱ་དང་། ནག་པོ་དང་། དུད་ཀ་དང་། དམར་པོ་དང་། ཁྲ་བོ་དང་། སེར་པོ་དང་། ལྗང་གུའི་བ་དན་བརྒྱད་དཀྱིལ་འཁོར་གྱི་
[236a.7]ལྷ་རྣམས་ལ་ཕུལ་ནས་ཤར་ལ་སོགས་པར་གཟུགས་པར་བྱ་ཞེས་པ་ནི་ཤེས་རབ་སྐྱོང་ཟེར། བཅོམ་ལྡན་འདས་ཀྱིས་ཀྱང་སངས་རྒྱས་ཐོད་པའི་རྒྱུད་དུ། གྲུ་བཞི་པ་ལ་སྒོ་བཞི་པ། །བ་དན་བརྒྱད་ཀྱིས་ཉེ་བར་བརྒྱན། །ཞེས་གསུངས་སོ། །དེའི་རིགས་རྣམ་པར་སྣང་མཛད་དང་
[236b]
[236b.1]དེའི་རིགས་ཀྱི་ལྷ་རྣམས་ཀྱི་ནི་རང་རང་ཕྱོགས་སུ་དགོད་པར་བྱའོ་ཞེས་ཁ་ཅིག་སྟེ། རིན་ཆེན་དབང་པོ་དང་དེའི་རིགས་ཅན་རྣམས་ནི་བདེན་བྲལ་དུའོ། །སྣང་བ་མཐའ་ཡས་དང་དེའི་རིགས་ལས་བྱུང་བ་རྣམས་རླུང་དུའོ། །དོན་ཡོད་གྲུབ་པ་དང་དེའི་རིགས་ཀྱི་ལྷ་རྣམས་ནི་དབང་ལྡན་དུའོ། །
[236b.2]འཁོར་ལོའི་དབང་པོ་ཤར་དུའོ། །དེའི་རིགས་ཀྱི་ལྷ་རྣམས་རང་གི་ཕྱོགས་སུའོ་ཞེས་ཁ་ཅིག་གོ། །དབང་པོ་སེར་པོ་དང་། ཁྱབ་འཇུག་ནག་པོ་དང་། ཟླ་བ་དཀར་པོ་དང་། ཉི་མ་དམར་པོ་དང་། ཚངས་པ་སེར་པོ་སྟེ། དབང་པོར་མེའི་དབང་པོ་དང་། གཤིན་རྗེ་ནག་པོ་དང་། བདེན་བྲལ་
[236b.3]དུད་ཀ་རྣམས་ནི་རང་རང་གི་ཕྱོགས་སུའོ། །ནུབ་ཏུ་ཆུ་ལྷ་དཀར་པོ་དང་། ས་སེར་མོ་དང་། ཐགས་བཟངས་རིས་ཀྱི་ནག་པོ་དང་། རླུང་དང་རླུང་གི་ལྗང་གུའོ། །བྱང་དུ་ལུས་ངན་པོའི་སེར་པོ་དང་། ཚོགས་བདག་གི་དཀར་པོའོ། །དབང་ལྡན་དུ་དབང་པོའི་དཀར་པོའོ། །དེ་ལྟར་འཕན་བཅོ་ལྔ་ནི་
[236b.4]ཕྱོགས་ཀྱི་བདག་པོ་རྣམས་མཉེས་པར་བྱ་བའི་དོན་དུའོ། །མི་འབྱོར་ན་ནི་ནུས་པ་ཇི་ལྟ་བར་བ་དན་རྣམས་དབུལ་བར་བྱའོ་ཞེས་པ་ནི་དཀྱིལ་འཁོར་སྒྲུབ་པའི་ཆོ་ག་འཁོར་དང་བཅས་པའོ། །དེའི་རྗེས་ལ་དེ་ནས་བླ་མས་ནང་པར་གཏོར་མ་བཏང་ནས་དཀྱིལ་འཁོར་གྱི་ཁང་པ་ནས་བྱུང་སྟེ་སློབ་མ་རྣམས་
[236b.5]ལ་རྨི་ལམ་དྲིས་ནས་རི་ལས་ལྷུང་པ་ལ་སོགས་པ་མི་དགེ་བའི་རྨི་ལམ་བྱུང་ན་བདུད་རྩི་འཁྱིལ་པའི་སྔགས་ཀྱིས་བསྲུངས་ནས་དཀྱིལ་འཁོར་གྱི་ཁང་པར་འཇུག་པའི་ཚེ་སློབ་མ་རྣམས་ཀྱི་སྔོན་དུ་སློབ་དཔོན་ཞུགས་པར་བྱ་སྟེ། །ཨོཾ་བྲ་བེ་ཤ་བྷ་ག་བཱན་མ་ཧཱ་སུ་ཁ་མོཀྵ་པུ་རཾ་སརྦ་སིདྡྷི་སུ་ཁ་པྲ་དཾ་པ་ར་མ་སུ་ཁ་ཨུ་
[236b.6]དྷ་མ་དྷི་སིདྡྷི་ཛཿཧཱུཾ་བཾ་ཧོཿཔྲ་སིདྡྷ་སྭཱ་ཧཱ། ཞེས་གཟེངས་བསྟོད་པས་ཞུགས་ནས་གཡས་སྐོར་གྱིས་འཁོར་ལོའི་དབང་ཕྱུག་གི་ང་རྒྱལ་གྱིས་ནུབ་ལ་སོགས་པའི་སྒོར་གནས་ཏེ་དཀྱིལ་འཁོར་གྱི་ཤར་ལ་སོགས་པའི་སྒོར་ཨོཾ་བཛྲ་ཨུད་གྷ་ཊ་ཡ་ས་མ་ཡ་པྲ་བེེ་ཤ་ཡ་ཧཱུཾ་ཞེས་འདོན་ཞིང་ཕྱེ་ལ། མེ་ཏོག་གི་ཕྲེང་
[236b.7]བ་ལ་ཨོཾ་པ་ར་མ་སུ་ཁཾ་ཤཱ་ཡ་སུ་ལ་ལི་ཏ། བི་ལ་སཱི་ན་མི་ཏ་ན་མི་ཏེ་ན་མཱ་མི་བྷ་ག་བཱ་ནྟཾ་ཛཿཧཱུཾ་བཾ་ཧོཿ་ཧི་ཧི་ཧི་ཧི་ཧཱིཿ་པྲ་ཏཱིཙྪ་ཀུ་སུ་མ་ཨཉྫ་ལི་ནི་ནཱ་ཐ་ཧོ། །ཞེས་བྱ་བའི་སྔགས་ཀྱིས་དཀྱིལ་འཁོར་ལ་དོར་ནས་སླར་བཟུང་སྟེ་ཕྲེང་བའི་དབང་གིས་བསམ་པས་རང་གི་མགོ་ལ་བཅིངས་ནས་མངོན་སུམ་དུ་
[237a]
[237a.1]གྱུར་པའི་འཁོར་ལོའི་དབང་ཕྱུག་བླ་མར་མོས་ནས་དེས་སྟེར་བཞིན་པའི་ཕྲེང་བའི་དབང་ལ་སོགས་པ་འཆད་པར་འགྱུར་བའི་དབང་མ་ལུས་པ་དང་ཆོ་ག་བཞིན་དུ་སློབ་དཔོན་གྱི་ལས་ཐམས་ཅད་ལ་གནང་བ་ཐོབ་ནས་སློབ་མ་གཞུག་པའི་ཆེད་དུ་བདེ་བ་ཆེན་པོའི་བདག་ཉིད་ཤེས་རབ་དང་
[237a.2]ཐབས་ཀྱི་རང་བཞིན་དེ་ཁོ་ན་ཉིད་ཀྱི་བསྟོད་པ་སྔོན་དུ་འགྲོ་བས་དཀྱིལ་འཁོར་གྱི་དངོས་གྲུབ་འདོད་པར་བྱའོ། །དེ་ཁོ་ན་ཉིད་ཀྱི་བདེན་པའི་བྱིན་རླབས་ཀྱང་བྱའོ། །ནམ་མཁའ་ལས་སྐྱེས་མཚན་ལྡན་ཕྱིར། །ཐོག་མ་ཐ་མ་མེད་པའི་མཆོག །སེམས་དཔའ་རྡོ་རྗེ་ཆེ་རང་བཞིན། །མི་བསྐྱོད་རྡོ་རྗེ་དེང་
[237a.3]བདག་བསྒྲུབས། །ཀུན་མཆོག་དངོས་གྲུབ་ཆེན་པོ་སྟེ། །དབང་ཕྱུག་ཆེན་པོ་ལྷག་པའི་ལྷ། །རྡོ་རྗེ་འཛིན་པ་ཀུན་གྱི་རྒྱལ། །མི་འགྱུར་མཆོག་ཏུ་བདག་གྲུབ་མཛོད། །ཉེས་པ་མི་མངའ་རྟག་པར་མཁྱེན། །འདོད་ཆགས་ཀུན་གྱི་རྗེས་ཆགས་པ། །འདོད་ཆགས་ཆེན་པོ་དགའ་བ་ཆེ། །བཅོམ་ལྡན་
[237a.4]དེ་ནི་བདག་གྲུབ་མཛོད། །ཤིན་ཏུ་དག་པ་ཆོས་ཀྱི་མཆོག །གདོད་ནས་གྲོལ་བས་དེ་བཞིན་གཤེགས། །ཀུན་དུ་བཟང་པོ་ཀུན་བདག་ཉིད། །བྱང་ཆུབ་སེམས་དཔའ་བདག་གྲུབ་མཛོད། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེ་མཆོག་ཕྱག་རྒྱ་ཡིས། །གྲུབ་པའི་རྡོ་རྗེ་ཆེར་བསྟོད་
[237a.5]པས། །རྡོ་རྗེ་སྙེམས་པར་བདག་མཛོད་ཅིག །སེམས་ཅན་ཀུན་གྱི་ཡིད་ཁྱབ་ཅིང་། །སེམས་ཅན་ཀུན་གྱི་སྙིང་ལ་གནས། །སེམས་ཅན་ཀུན་གྱི་ཡབ་གྱུར་ཉིད། །འདོད་ཆགས་དམ་ཚིག་མཆོག་གྱུར་པའི། །བདེན་པ་གང་གི་ཡེ་ཤེས་མཆོག །ཤེས་རབ་ཐབས་བདག་དཀྱིལ་འཁོར་
[237a.6]ཡིན། །བདེན་པ་དེ་ཡིས་མགོན་པོ་བདག །ཁྱེད་ཀྱིས་འདོད་པ་རབ་རྫོགས་མཛོད། །ཆོས་རྣམས་གཟུགས་བརྙན་མཚུངས་པར་ནི། །དག་ཅིང་གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཡང་དག་བྱུང་། །དེ་བཞིན་ཉིད་ལས་དེ་ཉིད་སྐྱེས། །བདེན་པ་
[237a.7]དེ་ཡིས་སློབ་མ་ནི། །གཟུགས་བརྙན་གསལ་བར་སློབ་མ་བཞིན། །ཀུན་གྱིས་དྲི་མ་མེད་མཐོང་ཤོག །ཅེས་བརྗོད་པ་དེ་ནི་སློབ་དཔོན་འཇུག་པའི་ཆོ་གའོ། །དེ་ནས་སྒོའི་སློབ་དཔོན་མི་འདོད་ན་གཞན་ལས་ཀྱི་རྡོ་རྗེས་སྟ་གོན་དུ་གནས་པར་བྱས་པའི་སློབ་མ་བསླབ་པ་གཉིས་དང་ལྡན་པ་དྲི་ཞིམ་
[237b]
[237b.1]པོའི་ཆུས་ཁྲུས་བྱས་ལ་བདུད་རྩི་འཁྱིལ་པའི་སྔགས་ཀྱིས་བསྔགས་པའི་གོས་དམར་པོའམ་གཞན་ཡང་རུང་སྟེ་ཡོལ་བའི་ཕྱི་རོལ་དུ་རྣམ་པར་སྣང་མཛད་ཀྱི་གཟུགས་སུའམ། འཁོར་ལོའི་བདག་པོའི་གཟུགས་སུ་སློབ་མ་དམིགས་ལ་ཨོཾ་སརྦ་ཏ་ཐཱ་ག་ཏ་ཨ་ནུཏྟ་ར་བོདྷི་ཨ་ལཾ་ཀཱ་ར་བསྟ་པཱི་ད་མེ་གྷ་ས་མུ་དྲ་སྤ་ར་ཎ་
[237b.2]ས་མ་ཡེ་ཧཱུཾ་ཞེས་སྨད་དཀྲིས་བྱའོ། །ཨོཾ་བཛྲ་ཨུ་ཥྞཱི་ཥ་ཧཱུཾ་ཕཊ་ཅེས་པས་སྤྱི་གཙུག་ཏུ་ཐོད་བྱའོ། །བདུད་རྩི་འཁྱིལ་པས་སྔགས་པའི་གོས་དམར་པོའམ་སེར་པོས། ཨོཾ་ཙཀྵུ་བཎྡྷཾ་བ་ར་མ་ཎཱ་ཡ་ཧཱུཾ་ཞེས་པའི་སྔགས་ཀྱིས་མིག་རས་བཅིང་ངོ་། །ཨ་ཁཾ་བཱི་ར་ཧཱུཾ་ཞེས་བརྗོད་པས་མེ་ཏོག་གི་ཕྲེང་བ་བྱིན་ཏེ་གཡས་སུ་
[237b.3]བཟུང་ལ་ལས་ཐམས་ཅད་པའི་བུམ་པའི་ཆུས་གཏོར་ཞིང་སྙིང་ག་དང་མགྲིན་པ་དང་སྤྱི་བོར་གནས་པའི་རྡོ་རྗེ་དང་པདྨ་དང་འཁོར་ལོའི་སྟེང་དུ་ཉི་མ་དང་ཟླ་བ་དང་ཧཱུཾ་ན་ག་བོ་ཨཱཿ་དམར་པོ་ཨོཾ་དཀར་པོའི་ཡེའི་འོད་ཟེར་གྱིས་ལུས་གསལ་བར་བྱ་སྟ་ཧཱུཾ་ཞེས་བརྗོད་ཅིང་དཀྱིལ་འཁོར་གྱི་ཤར་སྒོར་བཞད་ལ།
[237b.4]ལས་ཀྱི་རྡོ་རྗེ་ས་བཟུང་ནས་དཀྱིལ་འཁོར་དུ་འཇུག་པར་བྱ་བའི་ཕྱིར་དྲི་བར་བྱའོ། །ཀྱེ་ཁྱོད་ཅི་ལ་དགའ། །དེས་སྐྲལ་བཟང་བདག་བདེ་བ་ཆེན་པོ་ལའོ་ཞེས་བརྗོད་པར་བྱའོ། །དེ་ནས་དེ་ལ་ཨོཾ་སརྦ་ཡོ་ག་ཙི་ཏྟ་ཨུཏྤཱ་ད་ཨཱ་མི་ཞེས་འདོན་དུ་བཅུག་ནས་བྱང་ཆུབ་ཏུ་སེམས་བསྐྱེད་པར་བྱས་ལ་སྙིང་གར་རྡོ་རྗེ་མེ་
[237b.5]ཏོག་དང་བཅས་པ་རེག་སྟེ་ཨོཾ་སུ་ར་ཏ་ས་མ་ཡ་སྟྭཾ་ཧོཿ་སིདྡྷི་བཛྲ་ཡ་ཐཱ་སུ་ཁཾ་ཞེས་འདོན་ཞིང་བཟུང་ནས། དེང་ཁྱོད་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབ་པར་འགྱུར་བས་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བའི་དཀྱིལ་འཁོར་འདི་ཁྱོད་ཀྱི་དཀྱིལ་འཁོར་དུ་མ་ཞུགས་
[237b.6]པ་རྣམས་ལ་སྨྲ་བར་མི་བྱ་ཞིང་དང་པ་དང་མི་ལྡན་པ་རྣམས་ལ་ཡང་སྨྲ་བར་མི་བྱའོ་ཞེས་བརྗོད་ནས། ཨོཾ་ཨཱཿ་ཡ་མཱཎྟ་ཀྲྀ་ཏ་ཧཱུཾ་ཞེས་བྱ་བས་ཁྲིད་ནས་ཨཱ་ཁཾ་བཱི་ར་ཧཱུཾ་ཞེས་བྱ་བ་འདིས་ཡོ་ལ་བའི་ནང་དུ་བཅུག་ནས། མ་ཧཱ་ར་ཏ་སུ་དྲྀ་དྷ་སུ་ཐོཥྱོ་སུ་སུཁོ་བཛྲ་སཏྭ་ཨཱ་དྱ་སིདྡྷི་ནཱཾ། ཞེས་འདོན་ཞིང་སྐོར་བ་བྱེད་
[237b.7]ཅིང་ཐལ་མོ་སྦྱར་ནས་དཀྱིལ་འཁོར་གྱི་ཤར་སྒེར། ཨོཾ་སརྦ་ཏ་ཐཱ་ག་ཏ་པཱུ་ཛ་ཨུ་པ་སྠཱ་ན་ཡ་ཨཱཏྨ་ནྰཾ་ནི་ཪྻཱ་ཏ་ཡཱ་མི་སརྦ་ཐཱ་ག་ཏ་བཛྲ་སཏྭ་ཨ་དྷི་ཏིཥྛ་སྭ་མཱཾ། ཨོཾ་སརྦ་བུདྡྷ་པཱུ་ཛ་ཨུ་པ་སྠ་ནཡ་ཨཱཏྨ་ནཱཾ་ནི་ཪྻཱ་ཏ་ཨཱ་མི། སརྦ་ཏ་ཐཱ་ག་ཏ་བཛྲ་བཻ་རོ་ཙ་ན་ཡེ་ཨ་དྷི་ཏྵྱི་སྭ་མཱཾ་ཞས་སོ། །ལྷོར་ནི་ཨོཾ་སརྦ་ཏ་ཐཱ་
[238a]
[238a.1]ག་ཏ་པཱུ་ཛ་ཨ་བྷི་ཥེ་ཀ་ཡ་ཨཱཏྨ་ནཱཾ་ནི་ཪྻ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་རཏྣ་ཨ་བྷི་ཥི་ཉྩ་མཱཾ། ནུབ་ཏུ་ནི་ཨོཾ་སརྦ་ཏ་ཐཱ་ག་ཏ་པཱུ་རྫོ་པྲ་བརྟན་ན་ཡ་ཨཱ་ཏྨ་ནླཾ་ནི་ཪྻཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་དྷརྨཱ་པ་རྟ་ཡ་མཱཾ། བྱང་དུ་ནི་ཨོཾ་སརྦ་ཏ་ཐཱ་ག་ཏ་པཱུ་ཛ་ཀརྨཱ་ཎཾ་ཨཱཏྨ་ནཱི་ནི་ཪྻཱ་ཏ་ཡཱ་མི་སརྦ་ཏ་ཐ་ག་
[238a.2]ཏ་བཛྲ་ཀརྨ་ཀུ་རུ་མཱཾ། ཞེས་བྱ་བའི་སྔགས་ལྔས་རིམ་པ་བཞིན་དུ་དཀྱིལ་འཁོར་ལ་བཞུགས་པའི་མི་བསྐྱོད་པ་ལ་སོགས་པའི་དེ་བཞིན་གཤེགས་པ་རྣམས་ལ་ཕྱག་བྱེད་དུ་བཅུག་ནས། ཡང་ཤར་སྒོར་ཨོཾ་གུ་རུ་ཙ་ར་ཎ་པཱུ་ཛ་ཨུ་པསྠཱ་ན་ཡ་ཨཱཏྨ་ནཱཾ་ནིརྱཱ་ཏ་ཡཱ་མི། ཨོཾ་སརྦ་ཏ་ཐཱ་ག་ཏ་པ་རི་ཏྲ་མ་ཨཾ་ཐ་
[238a.3]ཨཱཏྨ་ནཱཾ་ནིརྱཱཏ་ཡཱ་མི། ཞེས་བྱ་བའི་དོན་སྔོན་དུ་འགྲོ་བས་འདོན་དུ་གཞུག་གོ། །དེ་ནས་དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས་དེང་ངས་རྡོ་རྗེའི་ཡེ་ཤེས་བསྐྱེད་པའི་ཡེ་ཤེས་གང་འདིས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་ན་དངོས་གྲུབ་གཞན་ལྟ་
[238a.4]སྨོས་ཀྱང་ཅི་དགོས་ཏེ། ཁྱོད་ཀྱིས་དཀྱིལ་འཁོར་མ་མཐོང་བ་རྣམས་ཀྱི་མདུན་དུ་སྨྲ་བར་མ་བྱེད་ཅིག །དམ་ཚིག་ཉམས་པར་གྱུར་ཏ་རེ་ཞེས་མགོ་བོར་རྡོ་རྗེ་བཟུང་ནས་དྲིལ་བུ་དཀྲོལ་ཞིང་། འདི་ནི་དམ་ཚིག་རྡོ་རྗེ་སྟེ། །གལ་ཏེ་ཁྱོད་ཀྱིས་གང་དུ་ཡང་། །རུང་བའི་མདུན་དུ་སྨྲ་མ་བྱེད། །སྨྲས་ན་སྤྱི་བོ་འགས་པར་འགྱུར། །
[238a.5]ཞེས་བརྗོད་ནས་སྙིང་གར་རྡོ་རྗེ་བཟུང་སྟེ། རྡོ་རྗེ་སེམས་དཔའ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་གྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཞེས་བཀའ་བསྒོ་ནས་རྣམ་པར་རྒྱལ་བའི་བུམ་པའི་སྟེང་ན་གནས་པའི་ཆུ་མིང་མེད་དང་མཐེ་བོས་བཟུང་བའི་སྣོད་ཀྱིས་
[238a.6]དེའི་ཁར་བླུགས་ཤིང་། འདི་ནི་ཁྱོད་ཀྱི་དམྱལ་བའི་ཆུ། །འདས་ན་སྲེག་ཅིང་དམྱལ་བར་ལྟུང་། །དམ་ཚིག་བསྲུངས་ན་དངོས་གྲུབ་སྟེར། རྡོ་རྗེ་བདུད་རྩིའི་ཆུ་འཐུངས་ཤིག །ཅེས་བརྗོད་ཅིང་ཁྱོར་བས་ཆུ་འཐུང་དུ་བཅུག་པ། དེང་ཕྱིན་ཆད་ཁྱོད་ཀྱི་ཕྱག་ན་རྡོ་རྗེ་ང་ཡིན་གྱིས་ངས་འདི་བྱོས་ཤིག་ཅེས་
[238a.7]བསྒོ་བ་གང་ཡིན་པ་དེ་ཡང་བྱ་དགོས་སོ། །ཁྱོད་ཀྱིས་ང་ལ་བརྙས་པར་མ་བྱེད་ཅིག །བརྙས་པས་ཁྱོད་ཡ་ང་བ་མ་སྤངས་བར་ཁྱོད་དུས་མ་ཡིན་པར་ཤི་པའི་དུས་བྱས་ནས་དམྱལ་བར་གྱུར་ཏ་རེ་ཞེས་གདོན་པར་བྱའོ། །དམ་ཚིག་གི་ཆུ་སྦྱིན་པའི་ཆོ་གའོ། །དེ་ནས་བསྒྲུབ་པའི་དུས་ལས་སྔོན་དུ་
[238b]
[238b.1]དངོས་གྲུབ་ལ་སོགས་པ་ངེས་པའི་དོན་དུ་སློབ་མ་སྣོད་དང་ལྡན་པ་ལ་ལྷ་དབབ་པར་བྱའོ། །དེ་ལ་དང་པོར་རི་ལ་སོགས་པ་ཡིད་དང་རྗེས་སུ་མཐུན་པའི་གནས་སུ་སྔོན་དུ་འགྲོ་བ་བྱས་པས་སེམས་བརྟན་པར་རྡོ་རྗེ་སེམས་དཔའི་རྣལ་འབྱོར་ཤིན་ཏུ་བརྟན་པར་དམིགས་པའོ། །འབེབས་པ་ལ་ནུས་པ་ཐོབ་པས་
[238b.2]མཚན་ཉིད་དང་ལྡན་པའི་ལྷག་པར་གནས་པའི་སློབ་མ་མདུན་དུ་བྱ་སྟེ་སྐད་ཅིག་སྟོང་པ་ཉིད་ཀྱི་རྗེས་ལ་ཡི་གེ་ཨ་ལས་བྱུང་པའི་སྣང་བ་མཐའ་ཡས་གཟུགས་སུ་བསྐྱེད་ལ། བདག་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབས་ལ་རྡོ་རྗེ་སེམས་དཔའ་འབབ་པར་གྱུར་ཅིག་ཅེས་འདོན་དུ་
[238b.3]བཅུག་ནས་དེའི་སྙིང་གར་ལཾ་ལས་བསྐྱེད་པའི་སའི་དཀྱིལ་འཁོར་སེར་པོ་རྡོ་རྗེས་མཚན་པ་གྲུ་བཞི་པར་ཉི་མ་ལ་ཧཱུཾ་སྔོན་པོ་དང་མགོ་བོ་ལ་བཾ་ལས་བྱུང་བའི་ཆུའི་དཀྱིལ་འཁོར་དཀར་ཞིང་ཟླུམ་པ་བུམ་པས་མཚན་པར་ཟླ་བ་ལ་ཡི་གེ་ཨོཾ་དཀར་པོ་དང་མགྲིན་པར་ཡཾ་ལས་བྱུང་བའི་རླུང་གི་དཀྱིལ་
[238b.4]འཁོར་སྔོན་པོ་གཞུ་ལྟ་བུ་བ་དན་གཡོ་བ་གཉིས་ཀྱིས་མཚན་པར་ཟླ་བ་ལ་ཡི་གེ་ཨ་དམར་པོ་བསྒོམས་ནས་རང་གི་སྙིང་གའི་ས་བོན་གྱི་འོད་ཟེར་གྱིས་ཐུགས་དང་གསུང་དང་སྐུ་རྡོ་རྗེ་རྣམས་ཀྱི་རང་བཞིན་ཧཱུཾ་ཨཱཿགྱི་ཡི་གེ་རྣམས་ལ་བཅུག་ནས་རྐང་པ་གཉིས་ཀྱི་འོག་ནས་རླུང་གི་དཀྱིལ་འཁོར་གྱིས་
[238b.5]མཚན་པའི་རཾ་ཡོངས་སུ་གྱུར་པའི་མེའི་དཀྱིལ་འཁོར་དམར་པོ་གྲུ་གསུམ་པ་ཡི་གེ་རཾ་དམར་པོས་མཚན་པ་ཅིག་འོད་ཟེར་འཕྲོས་པ་ལས་གནས་པའི་ཡི་གེ་ཛྷེ་དམར་པོས་སློབ་མ་འདེགས་ཤིང་ཡི་གེ་ཛྷཻ་གྱི་འོད་ཟེར་གྱི་ཚོགས་ཀྱིས་འོག་གི་བུ་ག་ནས་ཞུགས་པ་དང་ཧཱུཾ་ལ་སོགས་པའི་འོད་ཟེར་
[238b.6]རྣམས་ཀྱིས་ལུས་མ་ལུས་པ་ཀུན་ནས་བཀང་བར་བསྒོམ་ཞིང་སྤོས་ཕོར་འདེགས་པ་སྔོན་དུ་འགྲོ་བས་དྲིལ་བུ་དཀྲོལ་ཞིང་ཨཱ་བེ་ཤ་ཡ་སྟཾ་བྷ་ཡ་ར་ར་ར་ར་ཙ་ལ་ཡ་ཙ་ལ་ཡ་ཧཱུཾ་ཧ་ཨ་ཛྷཻཾ་ཞེས་བྱ་བའི་སྔགས་ལན་བརྒྱར་འདོན་ཞིང་བསམ་གཏན་ལ་མཆོག་ཏུ་གཞོལ་པས་དབབ་པར་བྱའོ། །གལ་ཏེ་
[238b.7]ཕེབས་ནས་ཆེར་འཕགས་པར་གྱུར་ན་དེའི་སྟེང་དུ་རི་རབ་རྡོ་རྗེའི་རང་བཞིན་དེའི་སྟེང་དུ་དབང་ཆེན་གྱི་དཀྱིལ་འཁོར་དེའི་སྟེང་དུ་རྡོ་རྗེ་རྩེ་ལྔ་པ་དེའི་སྟེང་དུ་ཡི་གེ་ཛཿདེའི་སྟེང་དུ་རྣམ་པར་སྣང་མཛད་བསྒོམས་ཏེ་བཟློག་པར་བྱའོ། །དེ་ལྟར་ཕེབས་པར་གྱུར་པ་ལས་སློབ་མའི་ཐུགས་རྡོ་རྗེའི་
[239a]
[239a.1]འོད་ཟེར་རྣམས་ཀྱིས་གསུང་རྡོ་རྗེའི་ས་བོན་གྱི་བདག་ཉིད་བསྐུལ་བར་བྱས་ལ་ལྕེ་ལ་ཟླ་བ་ལ་གནས་པའི་ཨཱཿདམར་པོ་ལས་འོད་ཟེར་གྱི་ཕྲེང་བས་འཁྲུགས་པ་བསྒོམས་ནས་རྡོ་རྗེ་སྨྲོས་ཞིག་ཅེས་སྨྲར་གཞུག་པ་བྱས་ལ་དེ་ལྟར་འདིས་རང་ངམ་གཞན་གྱི་དགེ་བའམ་མི་དགེ་བའི་བྱ་
[239a.2]བ་བདེན་པར་སྨྲའོ། །དེ་ནས་ཞུགས་པའི་ལྷའི་སྙིང་གའི་འོད་ཟེར་གྱིས་བཀུག་ནས་རང་གི་སྙིང་གའི་ས་བོན་ལ་བསྟིམ་ཞིང་སློབ་མའི་མགོ་ལ་རྡོ་རྗེ་བཟུང་ནས། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་
[239a.3]འབྱོན་པར་མཛད་དུ་གསོལ། །ཞེས་བྱ་བ་སྔོན་དུ་འགྲོ་བའི་ཧཱུཾ་ཨཱ་བཛྲ་མུཿ་ཞེས་བྱ་བས་གཤེགས་སུ་གསོལ་བར་བྱའོ། །ཡང་ན། དྲིལ་བུའི་ཞབས་ཀྱིས་བྲིས་པ་ཡི། །བཤང་གཅི་ལ་སོགས་བྱུགས་པ་ཡི། །རས་ནི་བུད་མེད་རྡུལ་དང་ལྡན། །གཏུབས་ལ་བྱི་ལའི་རྟུག་པས་བྱུག །གུ་གུལ་
[239a.4]དང་ནི་རྣམ་པར་བསྲེག །ཡི་དགས་མེ་ནི་ཀུན་བླངས་ལ། །དེ་ནི་པདྨའི་སྣོད་བཞག་ནས། །དེར་ནི་དེ་ཀུན་བཅུག་ནས་ནི། །གཡས་བརྐྱང་བ་ཡིས་ཀུན་གནས་པའི། །འཁོར་ལོ་གསུམ་བདག་ཁྲོ་བ་ལྟས་ལ། །དེ་ཡིས་འཁོར་ལོ་གསུམ་བདག་ལ། །རྡོ་རྗེ་བདུག་པ་དེ་ཕུལ་ན། །ཕེབས་
[239a.5]པར་འགྱུར་བར་ཐེ་ཚོམ་མེད། །ཨོཾ་ཏིཥྛ་མ་ཧཱ་ཀྲོདྷ་ས་མ་ཡ་ཧཱུཾ་ཤྲཱི་ཧེ་རུ་ཀཱ་ཡ་བིདྨ་ཧེ་བིདྱཱ་རཱ་ཛ་ཡ་དྷི་མ་ཧེ་སྭཱ་ཧཱ་ཞེས་བྱ་བ་འདིས་དཔའ་བོ་རབ་ཏུ་བསྐུར་བར་བྱའོ་ཞེས་མངོན་པར་བརྗོད་པའི་རྒྱུད་འབུམ་པར་གསུངས་པའི་ཚོགས་དབབ་པར་བྱའོ། །བཤང་གཅི་ལ་སོགས་ཞེས་པ་ནི་བདུད་རྩི་ལྔ་
[239a.6]དང་སྒྲོན་མ་ལྔས་བྱུགས་པའོ། །བླ་མ་བདེ་མཆོག་གི་གཟུགས་གཡས་བརྐྱང་དུ་གནས་པས་བདེ་མཆོག་གི་བདག་ཉིད་སློབ་མ་གཡས་བརྐྱང་དུ་གནས་ཤིང་སྙིང་གར་ཐལ་མོ་སྦྱར་ལ་ལག་པ་གཡོན་གྱིས་དྲིལ་བུ་སྒྲོགས་ཤིང་ཏིཥྛ་ཞེས་བྱ་བའི་སྔགས་དྲེགས་པ་དང་བཅས་པས་ཟློས་
[239a.7]པས་ལག་པ་གཡས་ཀྱིས་བདུག་པར་བྱའོ། །དེ་ནས་གལ་ཏེ་ཕེབས་ཞེས་བྱ་བར་རིག་པར་བྱའོ། །གལ་ཏེ་ཡང་རྒྱུད་ཁ་ཅིག་ཏུ་བུ་མོ་ལོ་བཅུ་གཉིས་ལོན་པ་སྐྱེས་པས་མ་ཉམས་པ་ཡན་ལག་དང་ཉིང་ལག་མ་ཉམས་པ་དང་ཁྱེའུ་གཞོན་ནུ་ལོ་དེ་ཉིད་ལོན་པ་ལ་བུད་མེད་ཀྱི་ཡུལ་མི་ཤེས་
[239b]
[239b.1]པ་ཡན་ལག་དང་ཉིང་ལག་མ་ཚང་བ་མེད་པའི་སྣོད་མདུན་དུ་བཞག་ནས་ལྷ་དབབ་པར་བྱའོ་ཞེས་གསུངས་ཏེ། དེ་ལ་ཡང་སྐད་ཅིག་སོ་སོ་ལ་རྡོ་རྗེ་འཆང་གི་སྐུ་མངོན་དུ་བྱེད་ཅིང་ཚོགས་བསགས་པ་ཅིག་ཅར་བརྟན་པར་བསྒོམ་ནུས་པས་ཡན་ལག་མ་ཚང་བ་མེད་པ་དང་། ལོ་མང་པོའི་ཕྱོགས་ལ་
[239b.2]སྤངས་ཏེ། དེ་ལ་ཡང་འཁྱིལ་པས་ལྷ་ཕེབས་པར་འགྱུར་རོ་ཞེས་པ་ནི། རྒྱུད་གཞན་དུ་མང་དུ་གསལ་བར་བྱས་པ་སློབ་མ་ལ་དབབ་པའི་དོན་དུ་བསྒྲུབ་པར་བྱའོ་ཞེས་པ་དབབ་པའི་ཆོ་གའོ། །དེ་ནས་སློབ་མ་དཀྱིལ་འཁོར་ལ་ཕྱོགས་པ་ལ་ཁྱོད་ཀྱི་མིག་ལམ་ནི་ཅི་སྣང་ཞེས་དྲིས་པ་ན་དེས་སྨྲས་
[239b.3]པ། དཀར་པོ་དང་། སེར་པོ་དང་། དམར་པོ་དང་། ནག་པོ་དང་། སྣང་བ་རྣམས་ཀྱིས་རིམ་པ་བཞིན་དུ་འདི་ལ་ཞི་བ་དང་རྒྱས་པ་དང་དབང་དང་མངོན་སྤྱོད་ཀྱི་དངོས་གྲུབ་ལ་སྐལ་བ་དང་ལྡན་པར་རིག་པར་བྱས་ནས་འདིའི་མཐེ་བོང་གཉིས་རྡོ་རྗེ་དང་བཅས་པའི་ལག་པ་གཡས་ཀྱིས་བཟུང་
[239b.4]སྟེ། རྡོ་རྗེ་རྐང་པའི་གར་གྱི་ཚུལ་གྱིས་འཁྱིལ་པ་བརྗོད་ཅིང་སྐོར་བ་གསུམ་བྱེད་དུ་བཅུག་ནས་བདེན་པའི་བྱིན་གྱི་རླབས་འདི་བྱའོ། །བདག་གི་དཀྱིལ་འཁོར་འདི་ལྟ་བུར། །སློབ་མ་འདི་ནི་ཡང་དག་བཅུག །བསོད་ནམས་ཅི་འདྲ་དེ་འདྲ་ཡིས། །ལྷ་རྣམས་རིགས་ཀྱི་རིམ་པར་འགྱུར། །
[239b.5]འདི་ནི་དངོས་གྲུབ་ཅི་འདྲར་འགྱུར། །རིགས་གང་གི་ནི་སྣོད་གྱུར་དང་། །བསོད་ནམས་མཐུ་ནི་ཅི་འདྲ་བར། །དེ་ལྟར་དཀྱིལ་འཁོར་འདི་ལ་ཤོག །ཅེས་པ་ནི་དཀྱིལ་འཁོར་དུ་སློབ་མ་སྤྱན་འགེགས་དང་བཅས་པ་གཞུག་པའི་ཆོ་གའོ། །དེ་ནས་སྔར་བཟུང་བའི་ཕྲེང་བ་ལ་ཡི་གེ་ཏྲཾ་གིས་
[239b.6]བསྔགས་པ་ལས་གང་ཞིག་མ་རྙིངས་ཤིང་གསར་པའི་མེ་ཏོག་ཅིག་ཕྱུང་ལ་དེའི་ལག་པ་ཐལ་མོ་སྦྱར་བ་ལ་སྦྱིན་པར་བྱའོ། །དེའི་ཚེ་དེས་མེ་ཏོག་གི་ཕྲེང་བ་དང་རང་ཉིད་ཀྱང་ཡི་གེ་གསུམ་གྱིས་འོད་གསལ་ཞིང་སྡིག་པ་བཀྲུ་བར་མོས་ནས་བླ་མས་ཀྱང་དེ་ལྟར་བྱིན་གྱིས་བརླབས་པས་གུས་པ་སྔོན་དུ་
[239b.7]འགྲོ་བ་དཀྱིལ་འཁོར་དང་བཅས་པའི་དཀྱིལ་འཁོར་གྱི་དབང་ཕྱུག་མདུན་དུ་གནས་པ་བཞིན་དམིགས་ལ་དཀྱིལ་འཁོར་དེར་ཡིད་ཀྱིས་ཞུགས་ཏེ། དེའི་དབུས་སུ་ཨོཾ་ཏིཥྛ་བཛྲ་དྲྀ་ཌྷོ་མེ་བྷ་བ། ཤཱ་ཤྭ་ཏོ་མེ་བྷ་བ་ཧྲྀ་ད་ཡཾ་མེ། ཨ་དྷི་ཏིཥྛ་སརྦ་སིདྡྷེཾ་མེ་པྲ་ཡཙྪ་ཧཱུཾ་ཧ་ཧ་ཧ་ཧ་ཧོཿཨཱ་ཁཾ་བཱི་ར་ཧཱུཾ། པྲ་ཏི་ཀུ་
[240a]
[240a.1]སུ་མ། པྲ་ཏཱིཙྪ་ཨཉྫ་ལི་ནཱ་ཐ་ཧོཿ། །ཞེས་སྔགས་འདོན་ཞིང་མེ་ཏོག་དོར་བར་བྱའོ། །རེ་ཁཱ་ལྔའི་ནང་དུ་མེ་ཏོག་ལྷུང་བ་དང་བསྟུན་ཏེ་འདི་ལ་རིགས་བསྟན་པར་བྱའོ། །དེའི་རྣལ་འབྱོར་ཡང་སྦྱིན་ནོ། །དངོས་གྲུབ་ཀྱང་མཚོན་པར་བྱའོ། །གལ་ཏེ་སངས་རྒྱས་རྣམས་ཀྱི་མཛོད་སྤུ
[240a.2]འམ། དབུ་འམ་གཙུག་ལ་མེ་ཏོག་ལྷུང་ན་ཕྱག་རྒྱ་ཆེན་པོའི་དངོས་གྲུབ་བོ། །སྐུ་མཆོག་ལ་ནི་མཆོག་གོ། །དབུས་ལ་ནི་འབྲིང་པོའོ། །འོག་གི་ཆ་ལ་ནི་ཐ་མའོ། །སྐུ་ལས་ཧ་ཅང་རིང་བ་ནི་ཡུན་རིང་པོས་སོ། །ཉེ་ན་དངོས་གྲུབ་མྱུར་རོ། །ལྷ་རྣམས་ཀྱི་རང་གི་གནས་ནི་རེའུ་མིག་ལ་སོགས་པ་རྣམ་
[240a.3]པར་བཅད་པ་ལས་ཤེས་པར་བྱའོ། །གལ་ཏེ་ལྷ་གཉིས་ཀྱི་བར་དུ་ལྷུང་ན་དེའི་ཚེ་མེ་ཏོག་གང་ལ་ཉེ་བ་དེའི་རིགས་སུ་འགྱུར་རོ། །མཉམ་པ་ཉིད་ན་ནི་གཉིས་ཀའི་དངོས་གྲུབ་མཆོག་འགྲུབ་པའོ། །དེའི་ཚེ་གང་ལ་དད་པ་དེའི་རིགས་ཡིན་ནོ། །རེ་ཁཱ་ལྔའི་ཕྱི་རོལ་དུ་ལྷུང་ན་ལན་གསུམ་གྱི་བར་དུ་དོར་བར་
[240a.4]བྱའོ། །དེ་ལྟར་ནའང་ཕྱི་རོལ་དུ་ལྷུང་ན་དངོས་གྲུབ་ཕྲ་མོའོ། །ཕྱི་རོལ་གྱི་ཟླུམ་པོའི་རེ་ཁཱ་རྣམས་དང་རྡོ་རྗེའི་ཕྲེང་བའི་ཕྱི་རོལ་ལ་ནི་དངོས་གྲུབ་མེད་དོ། །འདི་ལ་དཀྱིལ་འཁོར་ཡང་མི་བསྟན་ནོ། །སྔགས་བཟླས་པ་ལ་སོགས་པས་སྐལ་བ་དང་ལྡན་པ་ཉིད་དུ་བསྒྲུབས་ནས་སྐབས་གཞན་དུ་དེ་གཞུག་
[240a.5]པར་བྱའོ། །ཕྱིའི་རྡོ་རྗེ་ཕྲེང་བའི་ནང་དུ་ལྷུང་ན་ཚོགས་ཆེན་པོས་སོ། །དེ་ནས་མེ་ཏོག་དེ་སླར་བཟུང་ནས་ཕྲེང་བ་ལ་བཅིངས་ཏེ། ཕྲེང་བ་དེ་པྲ་ཏི་གྲྀ་ཧྞ་སྟྭཾ་ཨི་མཾ་སཏྭ་མ་ཧཱ་བ་ལ། ཞེས་འདོན་ཞིང་སློབ་མའི་མགོ་བོར་བཅིང་བར་བྱ་ཞེས་པ་ནི་ཕྲེང་བའི་དབང་གི་ཆོ་གའོ། །དེའི་རྗེས་ལ་སློབ་མའི་སྙིང་གར་
[240a.6]ཟླ་བ་ལ་བདག་པོ་དང་དཔྲལ་བར་རཾ་དང་མིག་གཉིས་ལ་འབར་བ་དང་བཅས་པའི་ཨོཾ་གཉིས་བསྒོམས་ནས། རྡོ་རྗེ་སེམས་དཔའ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །མིག་ནི་ཐམས་ཅད་འབྱེད་མཛད་དོ། །རྡོ་རྗེ་མིག་ནི་བླ་ན་མེད། །ཨོཾ་ཛྙཱ་ན་ཙ་ཀཥུ་ཧཱུཾ་ཨཱཿསྭཱ་ཧཱ། ཞེས་འདོན་ཞིང་མིག་
[240a.7]རས་བསལ་བར་བྱའོ། །དེ་ནས་ཀྱེ་ལྟོས་ཤིག་ཅེས་བརྗོད་ནས་ལྷ་རྣམས་ཀྱི་མཚན་བརྗོད་པ་སྔོན་དུ་འགྲོ་བའི་འཁོར་ལོའི་བདག་པོ་ནས་བརྩམས་ཏེ་བྱང་གི་སྒོ་སྐྱོང་བའམ་ཇི་ལྟར་ཡོད་པ་གནོད་མཛེས་ཀྱི་བར་དུ་བསྟན་ནས། དད་པའི་ཤུགས་ཀྱིས་མྱུར་དུ་ནི། །དཀྱིལ་འཁོར་བཟང་པོ་འདི་ལ་
[240b]
[240b.1]ལྟོས། །ཁྱོད་ནི་སངས་རྒྱས་རིགས་སུ་སྐྱེས། །སྔགས་དང་ཕྱག་རྒྱས་བྱིན་གྱིས་བརླབས། །ཕུན་ཚོགས་དངོས་གྲུབ་ཐམས་ཅད་ནི། །དམ་ཚིག་མཚོག་ལས་འབྱུང་བར་འགྱུར། །རྡོ་རྗེ་པདྨ་མཆོག་གཡོ་བའི། །སྔགས་རྣམས་མ་ལུས་སྒྲུབ་པར་གྱིས། །ཞེས་བརྗོད་ནས་དེས་ཀྱང་རྡོ་རྗེ་
[240b.2]དཀྱིལ་འཁོར་ཆེན་པོར་བདག་ཞུགས་སོ། །རྣལ་འབྱོར་དཀྱིལ་འཁོར་ཆེན་པོ་བདག་ལ་བསྟན། །གསང་བའི་དཀྱིལ་འཁོར་ཆེན་པོ་བདག་གིས་མཐོང་། །ཞེས་འདོན་དུ་བཅུག་ནས་དམ་ཚིག་འདོན་དུ་གཞུག་གོ། །ཧོ་ཧོ་ཧོ་ཞེས་བྱ་བ་ནི་སློབ་མ་ལ་དཀྱིལ་འཁོར་བསྟན་ཞིང་དེར་གཞུག་
[240b.3]པའི་ཆོ་གའོ། །དེ་ནས་ཆུའི་དབང་བསྐུར་བའི་དོན་དུ་བླ་མ་ལ་ཇི་ལྟར་འབྱོར་པའི་ཡོན་ཕུལ་ནས་པུས་མོ་ས་ལ་བཙུགས་ཏེ་ཐལ་མོ་སྦྱར་བས། །བྱང་ཆུབ་རྡོ་རྗེས་སངས་རྒྱས་ལ། །ཇི་ལྟར་ཆེ་བའི་ཆེ་བྱིན་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེད་བདག་སྩོལ། །
[240b.4]ཞེས་བརྗོད་ཅིང་གསོལ་བ་གདབ་བོ། །དེ་ནས་བླ་མས་རྩ་བའི་དཀྱིལ་འཁོར་གྱི་ཕྱི་ངོས་སུ་ཇི་ལྟར་ཁྲུས་ཀྱི་ཆུ་དེ་ལ་མི་རེག་པར་ཤར་ཕྱོགས་ཀྱི་འཇུག་པའི་སྒོ་ལ་ཕྱོགས་པར་ཤར་ཕྱོགས་སུ་སྣ་ཚོགས་པདྨ་ཞེས་བྱ་བ་ལ་སོགས་པར་ཤིང་སྟན་ལ་སོགས་པར་མཎྜལ་གྱི་བར་དུ་བྱ་ཞེས་བྱ་བའི་
[240b.5]མཐར་ཐུག་པའི་སྐུ་གཟུགས་ཀྱི་དོན་དུ་སྔར་བསྟན་པ་ལ་སློབ་མ་རྡོ་རྗེ་འཆང་གི་གཟུགས་སུ་བསྒོམས་ནས་དཀྱིལ་འཁོར་ལ་མངོན་པར་ཕྱོགས་པར་སྦྱང་བར་བྱ་སྟེ་སྔོན་དུ་བརྗོད་པའི་ཨོཾ་ཨཱ་བིགྷཱཾ་ཞེས་བྱ་བ་ལ་སོགས་པས་རིམ་པར་སྦྱང་བར་བྱ་སྟེ། དེ་ལ་ཨོཾ་ཨཱཿ་བིགྷྞཾ་ཏ་ཀྲྀ་ཏ་ཧཱུཾ་ཞེས་ཡུངས་ཀར་ལ་
[240b.6]ལན་བདུན་བསྔགས་ཏེ། གཡས་པ་དང་ཅིག་ཤོས་ཀྱི་ཁུ་ཚུར་གྱིས་བཟུང་ལ་གཡོན་སྐོར་གཡས་སྐོར་དུ་སོ་སོར་ཨོཾ་སརྦ་པཱ་པཾ་ད་ཧ་ན་བཛྲཱ་ཨ་བཛྲ་སཏྭ་སྱ་སརྦ་པཱ་པཾ་ད་ཧ་སྭཱ་ཧཱ། ཞེས་བརྗོད་ཅིང་བྱ་བས་ལ་ཡུངས་ཀར་རྣམས་མེར་བླུགས་སོ། །དེ་བཞིན་དུ་ལན་གསུམ་དུའོ། །དེ་བཞིན་དུ་
[240b.7]གཡོན་སྐོར་དང་གཡས་སྐོར་དུ་ཆུ་ཁྱོར་བ་གསུམ་གྱིས་ལན་གསུམ་དུ་བྱའོ། །དེ་ནས་མེ་ལ་དོར་ལ་དེ་བཞིན་དུ་ཁམ་ཕོར་དཀར་པོ་གཡས་པ་དང་ཅིག་ཤོས་ཀྱི་ཕྱག་གིས་བཟུང་ནས་གཡོན་སྐོར་གྱིས་བྱ་བས་ནས་གཡོན་ཕྱོགས་སུ་གཞག་གོ། །གཡས་སྐོར་གྱིས་བྱ་བས་ནས་གཡས་པའི་
[241a]
[241a.1]ཕྱོགས་སུ་གཞག་གོ། །དེ་བཞིན་དུ་ལན་གསུམ་དུའོ། །དེ་བཞིན་དུ་ཡང་དཱུར་བའི་མྱུ་གུ་བའི་ལྕི་བ་ལ་གླན་པ་རྣམས་ཀྱིས་སོ། །དེ་བཞིན་ཟན་གྱི་ཆང་བུ་རྣམས་ཀྱིས་སོ། །དེ་བཞིན་དུ་རས་ཀྱིས་ཀྱང་བྱབ་པོ། །དེ་ནས་ལག་པ་བཀྲུས་ནས་ལག་པོ་སློབ་མ་ལ་རེག་པར་བྱའོ། །
[241a.2]སྙིང་གར་དྲིས་བྱུག་པ་དང་། མེ་ཏོག་ཕྲེང་བ་མགོ་ལ་གདགས་པ་དང་། མདུན་དུ་མཆོད་ཡོན་བྱིན་ལ་མར་མེས་བསྐོར་ཞིང་འཁྱིལ་པའམ་ཧཱུཾ་གི་ཡི་གེ་ལན་བདུན་བཟླས་ལ་མར་དང་བཅས་པའི་སྤོས་དཀར་གྱིས་བདུག་པར་བྱའོ་ཞེས་བྱ་བ་ནི་བྱབ་པའི་རིམ་པའི་ཆོ་གའོ། །དེའི་རྗེས་སུ་བདུད་རྩི་འཁྱིལ་པས་
[241a.3]བསྔགས་པའི་དཱུར་བའི་ཆུན་པོས་ཟངས་སྣོད་ན་གནས་པའི་བདུད་རྩི་ལྔ་དང་བའི་རྣམ་ལྔ་དག་ལ་ཨོཾ་ཧཱུཾ་ཏྲཱཾ་ཧྲཱིཿཁཾ་ཁ། ཞེས་བརྗོད་པས་བསྐུལ་ལ་ཡང་ཆུ་གཙང་མས་བཀྲུ་ཞིང་། ཇི་ལྟར་བལྟམས་པ་ཙམ་གྱིས་ནི། །ལྷ་ཡི་ཆུ་ནི་དག་པ་ཡིས། །དེ་བཞིན་གཤེགས་ཀུན་སྐུ་ཁྲུས་གསོལ། །དེ་བཞིན་
[241a.4]བདག་གིས་ཁྲུས་བགྱིའོ། །དེ་ནས་སྙིང་གའི་ས་བོན་གྱི་འོད་ཟེར་གྱིས་ཕྱོགས་བཅུ་མཐའ་ཡས་པ་ན་བཞུགས་པའི་དེ་བཞིན་གཤེགས་པ་དང་རིག་པའི་ལྷ་མོ་རྣམས་སྤྱན་དྲངས་ལ་མཆོད་དེ་སློབ་མ་དབང་བསྐུར་བའི་དོན་དུ། རྡོ་རྗེ་ཅན་གྱིས་སངས་རྒྱས་ལ། །འགྲོ་བ་བསྐྱབ་པའི་ཆེད་དུ་དབང་། །
[241a.5]ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལ་སྩལ་དུ་གསོལ། །ཞེས་བྱ་བའི་ཚིགས་སུ་བཅད་པས་གསོལ་བ་བཏབ་ནས་དེ་བཞིན་གཤེགས་པ་དེ་རྣམས་ཤེས་རབ་དང་སྙོམས་པར་ཞུགས་པའི་འདོད་ཆགས་ཆེན་པོས་ཞུ་བར་གྱུར་ནས་རྣམ་པར་སྣང་མཛད་ཀྱི་སྒོ་ནས་ནང་དུ་ཞུགས་ནས་རྡོ་རྗེའི་
[241a.6]ལམ་ནས་ཕྱུང་སྟེ་ལྷ་མོའི་པདྨ་ནས་ཞུགས་ཏེ་སྐད་ཅིག་གིས་སྟོང་པ་ཉིད་ཀྱི་རྗེས་ལ་ཧཱུཾ་དང་རྡོ་རྗེ་ལས་སྐྱེས་པའི་མི་བསྐྱོད་པའི་གཟུགས་ཤེས་རབ་དང་བཅས་པའི་ཡེ་ཤེས་སེམས་དཔའ་དང་དབྱེར་མེད་པ་ལ་དབང་བསྐུར་ནས་སླར་ཕྱག་དང་ཞལ་ལ་སོགས་པའི་སྐུ་པདྨ་ནས་བྱུང་སྟེ། ནམ་མཁའ་ལ་བཞུགས་པའི་
[241a.7]སྤྱན་མ་ལ་སོགས་པའི་རིག་པའི་རིག་མ་དང་བཅས་པས་གདུགས་དང་རྒྱལ་མཚན་དང་། བ་དན་དང་། རོལ་མོའི་སྒྲ་དང་། གླུ་དང་། གར་དང་། མེ་ཏོག་དང་། གུར་གུམ་ལ་སོགས་པའི་ཆར་རྣམས་དང་ལག་པའི་ཡལ་ག་དང་བཅས་པའི་ཁ་རྒྱན་ཅན་བུམ་པ་དཀར་པོ་བྱང་ཆུབ་ཀྱི་སེམས་ཀྱི་
[241b]
[241b.1]བདུད་རྩིས་གང་བ་རྣམས་ཀྱིས་སློབ་མ་དེ་དབང་བསྐུར་བའི་ཚེ་གཟུགས་རྡོ་རྗེ་མ་ལ་སོགས་པའི་ལྷ་མོ་རྣམས་ཀྱིས། བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཐམས་ཅད་བདག་ཉིད་རིགས་ཀུན་བདག་པོ་ཡེ་ཤེས་མཆོག །སེམས་ཅན་མ་ལུས་སྐྱེད་བྱེད་བདེ་བ་ཆེན་པོ་ཡིན། །བཀྲ་ཤིས་
[241b.2]དེས་ནི་དབང་བསྐུར་མཆོག་དེ་ཁྱོད་ལ་ཤོག །ཕུན་སུམ་ཚོགས་པ་མངའ་བདག་གསེར་གྱི་རི་བོ་འདྲ། །འཇིག་རྟེན་གསུམ་གྱི་མགོན་པོ་དྲི་མ་གསུམ་སྤངས་པ། །སངས་རྒྱས་པདྨའི་འདབ་མ་འདྲ་བའི་སྤྱན་རས་རྒྱས། །བཀྲ་ཤིས་དེས་ནི་ཁྱོད་ལ་དེང་འདིར་ཞི་བྱེད་ཤོག །དེ་ཡི་ཉེ་བར་བསྟན་
[241b.3]པའི་མཆོག་རབ་མི་གཡོ་བ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་མཆོག་རབ་སྐྱེ་དགུ་རྣམས་ལ་ཞི་བྱེད་པ། །བཀྲ་ཤིས་དེས་ནི་ཁྱོད་ལ་དེ་རིང་ཞི་བྱེད་ཤོག །དགེ་འདུན་དམ་པ་ཆོས་ལྡན་ཐོས་པའི་བཀྲ་ཤིས་ཕྱུག །ལྷ་དང་མི་དང་ལྷ་མི་ཡིན་གྱི་ཕྱག་གི་གནས། །
[241b.4]ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་གཞི། །བཀྲ་ཤིས་དེས་ནི་ཁྱེད་ལ་དེ་རིང་ཞི་བྱེད་ཤོག །ཅེས་པའི་བཀྲ་ཤིས་ཀྱི་གླུ་རྣམས་ཀྱིས་ཉེ་བར་སྦྱིན་ཞིང་རང་ཉིད་ཀྱིས་ཀྱང་དེ་རྣམས་བླངས་ལ་རྣམ་པར་རྒྱལ་བ་ལ་སོགས་པའི་བུམ་པ་རྣམས་ནས་ཆུ་ཉུང་ཟད་བཅུས་ཏེ་པདྨའི་སྣོད་དུ་བླུགས་
[241b.5]པའམ་ཡང་ན་རྣམ་པར་རྒྱལ་བའི་བུམ་པའི་ཆུ་ཨོཾ་མ་ཧཱ་སུ་ཁཾ་བཛྲ་སཏྭ་ཨ་བྷི་ཥེ་ཀ་ན་སྟྭཾ་ཨ་བྷི་ཥིཉྩཱ་མི་སརྦ་ཏ་ཐཱ་ག་ཏ་ཨ་དྷི་པ་ཏི་ཏྭེ་ན་དྲྀ་ཌྷོ་མེ་བྷ་བ་ཞེས་བརྗོད་ནས་སམ། བསྡུས་པ་ལ་དགའ་ན་མ་བརྗོད་པར་ཡང་ལག་པ་གཡས་ཀྱི་རྡོ་རྗེ་དང་བཅས་པའི་ལོ་མས་སོ། །དེ་ནས་དེ་བཞིན་གཤེགས་པ་
[241b.6]བཞིའི་བུམ་པ་རྣམས་ཀྱིས་སོ། །དེ་ནས་ཇི་ལྟར་རིགས་པའི་དཀྱིལ་འཁོར་པའི་བུམ་པ་རྣམས་སོ། །མེད་ན་ནི་རྣམ་པར་རྒྱལ་བའི་བུམ་པའི་ཆུ་མི་བསྐྱོད་པའི་བདག་ཉིད་ཅན་བྱང་ཆུབ་ཀྱི་སེམས་ཀྱི་བདུད་རྩིའི་ངོ་བོ་རྡོ་རྗེ་དང་བཅས་པའི་ལོ་མའི་རྩེ་མོས་འགྱིང་བག་དང་བཅས་པའི་ཆུ་
[241b.7]གཏོར་ཞིང་། རྡོ་རྗེ་ཆེན་པོའི་དབང་བསྐུར་བས། །ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཨོ་བཛྲོད་ཀ་ཨ་བྷི་ཥིཉྩ་ཧཱུཾ་སུ་ར་ཏ་སྟྭཾ་ཨ་ཧཾ་ཞེས་བརྗོད་ཅིང་ལན་གསུམ་དུ་དབང་བསྐུར་བར་བྱའོ། །དེའི་ཚེ་བདེ་བ་ཆེན་
[242a]
[242a.1]པོ་དང་སྙོམས་པར་ཞུགས་པར་བསམ་པར་བྱའོ་ཞེས་པ་ནི་ཆུའི་དབང་གི་ཆོ་གའོ། །དེ་ནས། བྱང་ཆུབ་རྡོ་རྗེ་སངས་རྒྱས་ལ། །ཇི་ལྟར་ཆེ་བའི་ཆེ་བྱིན་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །ནམ་མཁའ་རྡོ་རྗེ་དེང་བདག་སྩོལ། །ཞེས་བླ་མ་ལ་གསོལ་བ་བཏབ་པར་གྱུར་
[242a.2]པས་སློབ་མ་དེ་ཨཾ་དང་རིན་པོ་ཆེ་ལས་བྱུང་བའི་རིན་ཆེན་འབྱུང་ལྡན་གྱི་གཟུགས་ཅན་ཡེ་ཤེས་སེམས་དཔའ་དང་གཅིག་ཏུ་གྱུར་པ་ལས་ནམ་མཁར་གནས་པའི་དེ་བཞིན་གཤེགས་པ་དང་ལྷ་མོ་རྣམས་ཀྱིས་བུམ་པས་དབང་སྐུར་བར་བྱེད་ཅིང་གཟུགས་རྡོ་རྗེ་མ་ལ་སོགས་པས་བཀྲ་ཤིས་ཀྱི་གླུ་སྒྲོགས་
[242a.3]པར་བསྒོམ་པར་བྱའོ། །རྡོ་རྗེ་དང་བདག་པོ་དང་མིང་གི་དབང་ལྷ་རྣམས་ལ་ཡང་དེ་ལྟར་རོ། །དེ་ནས་གསེར་ལ་སོགས་པ་ལས་བྱས་པའི་དབུ་རྒྱན་རིན་ཆེན་འབྱུང་ལྡན་དུ་བསྐྱེད་ཅིང་དེའི་རང་བཞིན་ཡེ་ཤེས་སེམས་དཔའི་ངོ་བོ་སློབ་མ་རིགས་ཀྱི་བདག་པོའི་དབུས་སུ་དེ་བཞིན་གཤེགས་པ་ལྔར་བྱིན་གྱིས་
[242a.4]བརླབས་པའི་དབུ་རྒྱན་དེའི་མགོ་བོའི་དབུས་དང་དཔྲལ་བ་དང་ལོགས་གཉིས་དང་མགོ་བོའི་རྒྱབ་རྣམས་སུ་རིམ་པ་བཞིན་ཨོཾ་དྷརྨ་དྷཱ་ཏྭཱི་ཤྭ་རི་ཨ་བྷི་ཥིཉྩ་བྷྲཱུཾ། ཨོཾ་སཏྭ་བཛྲི་ཨ་བྷི་ཥིཉྩ་ཧཱུཾ། ཨོཾ་རཏྣ་བཛྲི་ཨ་བྷི་ཥིཉྩ་ཨ། ཨོཾ་ངྷརྨ་བཛྲི་ཨ་བྷི་ཥིཉྩ་ཧྲཱིཿ། ཨོཾ་ཀརྨ་བཛྲི་ཨ་བྷི་ཥིཉྩི་ཁཾ། ཞེས་བྱ་བའི་སྔགས་ལྔས་
[242a.5]བཞག་ནས་མགོ་བོ་ལ་བསྐོན་ཞིང་། རྡོ་རྗེ་ཆེན་པོའི་དབང་བསྐུར་བ། །ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཞེས་པ་དང་། ཨོཾ་ཨཱཿབཛྲ་མུ་ཀུ་ཊ་ཨ་བྷི་ཥིཉྩ་ཧཱུཾ་སུ་ར་ཏ་སྟྭཾ་ཨ་ཧཾ་བརྗོད་ནས། ཨོཾ་བཛྭ་ཏུ་ཥྱ་ཧོ་ཞེས་བརྗོད་
[242a.6]པས་དགྱེས་པར་བྱའོ་ཞེས་པ་ནི་དབུ་རྒྱན་གྱི་དབང་ངོ་། །དེ་ནས་ཨོཾ་ཧཱུཾ་ཏྲཱཾ་ཧྲཱིཿཨཿ། ཞེས་བྱ་བའི་སྔགས་ཀྱིས་དཔྲལ་བར་དར་དཔྱངས་བཅིང་པར་བྱའོ། །དེ་ནས། བྱང་ཆུབ་རྡོ་རྗེ་སངས་རྒྱས་ལ། །ཇི་ལྟར་ཆེ་བའི་ཆེ་བྱིན་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་
[242a.7]སྩོལ། །ཞེས་གསོལ་བ་བཏབ་པར་གྱུར་པའི་སློབ་མ་ཧྲཱིཿདང་པདྨ་ཡོངས་སུ་གྱུར་པའི་སྣང་བ་མཐའ་ཡས་ཀྱི་གཟུགས་ཅན་ཡེ་ཤེས་སེམས་དཔའ་དང་དབྱེར་མེད་པ་རྡོ་རྗེ་ཡང་སྣང་བ་མཐའ་ཡས་ཀྱི་བདག་ཉིད་དུ་བསམས་ནས། རྡོ་རྗེ་ཆེན་པོ་དབང་བསྐུར་བ། །ཁམས་གསུམ་ཀུན་གྱིས་ཕྱག་
[242b]
[242b.1]བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་པ་སྦྱིན་པར་བྱ། །ཞེས་པ་དང་། །སངས་རྒྱས་རྣམས་ཀྱི་རྡོ་རྗེའི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་གྱི་རབ་བསྒྲུབས་ཕྱིར། །རྡོ་རྗེ་འདི་ནི་ཁྱོད་ཀྱིས་ཟུང་། །ཞེས་བརྗོད་ཅིང་སློབ་མའི་སྙིང་ག་དང་མགུལ་བ་
[242b.2]དང་མགོ་བོ་རྣམས་སུ་རྡོ་རྗེ་རེག་ནས་ལག་པ་གཡས་སུ་སྦྱིན་པར་བྱའོ་ཞེས་པ་ནི་རྡོ་རྗེའི་དབང་ངོ་། །དེ་ནས་བྱང་ཆུབ་རྡོ་རྗེ་སངས་རྒྱས་ལ། །ཇི་ལྟར་ཆེ་བའི་ཆེ་སྦྱིན་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཞེས་གསོལ་བ་བཏབ་པར་གྱུར་པའི་སློབ་མ་དེ་
[242b.3]ཁཾ་དང་རལ་གྲི་ལས་སྐྱེས་པའི་དོན་ཡོད་གྲུབ་པའི་གཟུགས་ཅན་ཡེ་ཤེས་སེམས་དཔའ་དང་དབྱེར་མེད་པར་བསྐྱེད་ལ་དྲིལ་བུ་ཡང་དོན་ཡོད་གྲུབ་པ་ཡོངས་སུ་གྱུར་པར་བསམས་ནས་དེའི་ལག་པ་གཡོན་དུ་བྱིན་ཏེ་ལག་པ་རྡོ་རྗེ་དྲིལ་བུ་དང་ལྡན་པས་ཕྱག་རྒྱ་ལ་འཁྱུད་པའི་ཚུལ་བྱེད་དུ་བཅུག་སྟེ།
[242b.4]རྡོ་རྗེ་ཆེན་པོའི་དབང་བསྐུར་བ། །ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཞེས་པ་དང་། ཨོཾ་བཛྲ་ཨདྷི་པ་ཏི་སྟྭཾ་ཨ་བྷི་ཥིཉྩཱ་མི་ཏིཥྛ་བཛྲ་ས་མ་ཡ་སྟྭཾ་ཞེས་ཨོཾ་བཛྲ་གྷཎྜེ་ཨ་ཨ། བཅོམ་ལྡན་བདག་གིས་གཟུང་
[242b.5]ལགས་ཀྱིས། །བདག་ལ་ཉེ་བར་གྱུར་པར་མཛོད། །ཅེས་འདོན་དུ་གཞུག་པར་བྱའོ་ཞེས་པ་ནི་བདག་པོའི་དབང་ངོ་། །མིང་གཞན་དྲིལ་བུའི་དབང་བསྐུར་བའི་ཆོ་གའོ། །དེ་ནས། བྱང་ཆུབ་རྡོ་རྗེ་སངས་རྒྱས་ལ། །ཇི་ལྟར་ཆེ་བའི་ཆེ་བྱིན་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །ནམ་
[242b.6]མཁའི་རྡོ་རྗེ་དེང་བདག་སྩོལ། །ཞེས་གསོལ་བ་བཏབ་པའི་སློབ་མ་དེ་ཨོཾ་དང་འཁོར་ལོ་ལས་སྐྱེས་པའི་རྣམ་པར་སྣང་མཛད་ཀྱི་གཟུགས་ཅན་ཡེ་ཤེས་སེམས་དཔའ་དང་རོ་གཅིག་པར་བསྒོམས་ནས་སྤྱི་བོར་རྡོ་རྗེ་དང་དྲིལ་བུ་བཟུང་ཞིང་། རྡོ་རྗེ་ཆེན་པོར་དབང་བསྐུར་ཞིང་། །ཁམས་གསུམ་ཀུན་གྱིས་
[242b.7]ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཞེས་བརྗོད་ནས་ཨོཾ་རྡོ་རྗེ་སེམས་དཔའ་ཁྱོད་རྡོ་རྗེའི་མིང་གིས་དབང་བསྐུར་བར་བྱའོ། །ཞེ་སྡང་རྡོ་རྗེ་ཁྱོད་ཅེས་བྱ་བའམ། གཏི་མུག་རྡོ་རྗེ་ཁྱོད་ཅེས་བྱ་བའམ། དེ་ལ་སོགས་པ་མེ་ཏོག་ལྷུང་
[243a]
[243a.1]བའི་རྗེས་སུ་འབྲངས་ཏེ་རང་གི་རིགས་ཀྱི་མིང་རྣམ་པར་སྣང་མཛད་ཀྱི་བདག་ཉིད་ཀྱིས་དབང་བསྐུར་བར་བྱའོ། །དེ་ལ་རྡོ་རྗེ་སེམས་དཔའི་མཚན་རྣམས་ནི་མཆོག་གི་དང་པོའོ། །དཔེ་མེད་དང་། རབ་དགའ་དང་། རོ་མཉམ་དང་། རྣམ་པར་རྒྱལ་བ་དང་། སེམས་དཔའ་དང་། ཨ་ལ་
[243a.2]ལ་དང་། བདེ་ཆེན་དང་། ལུས་མེད་དང་། ཡེ་ཤེས་དང་ལྷན་ཅིག་སྐྱེས་པ་དང་། རྡོ་རྗེ་རྣམས་སོ། །རེ་རེ་ཞིང་རྡོ་རྗེའི་སྒྲར་སྦྱར་བར་བྱ་སྟེ་དེ་བཞིན་གཤེགས་པ་དྲུག་གི་མིང་རྣམས་ཁོ་ནའོ། །མི་བསྐྱོད་པའི་མཚན་རྣམས་ནི་བཞད་པ་དང་། རོལ་པ་དང་། དགའ་བ་དང་། འགྱིང་བ་དང་། རྣམ་པར་
[243a.3]གཡོ་བ་དང་། རང་བྱུང་དང་། ཞེ་སྡང་དང་། སྙིང་རྗེ་དང་། སེམས་དཔའ་དང་། ཧཱུཾ་མཛད་དང་། མི་བསྐྱོད་པ་དང་། རྡོ་རྗེ་རྣམས་སོ། །རྣམ་པར་སྣང་མཛད་ཀྱི་ནི་རྣམ་པར་སྣང་མཛད་དང་། ཨོཾ་ཡིག་དང་། རང་འབྱུང་དང་། རྟག་པ་དང་། དེ་བཞིན་གཤེགས་པ་དང་། སྒྱུ་མ་དང་། སངས་རྒྱས་
[243a.4]དང་། གཟུགས་དང་། སྐུ་རྡོ་རྗེ་རྣམས་སོ། །རིན་ཆེན་འབྱུང་ལྡན་གྱི་ནི་རིན་པོ་ཆེ་དང་། ཡིད་བཞིན་ནོར་བུ་དང་། མཁའ་དང་། གཟི་བརྗིད་དང་། ཉི་མ་དང་། སྣང་བྱེད་དང་། ང་རྒྱལ་དང་། རྡོ་རྗེ་རྣམས་སོ། །སྣང་བ་མཐའ་ཡས་ཀྱི་ནི་འདོད་ཆགས་དང་། ཀུན་དུ་གཟིགས་དང་། ཆོས་
[243a.5]དང་། པདྨ་དང་། རྡོ་རྗེ་མྱུ་གུ་དང་། པདྨའི་མྱུ་གུ་དང་། རབ་ཏུ་དགའ་བའི་མྱུ་གུ་དང་། རྡོ་རྗེའི་མྱུ་གུ་དང་། མཆོག་དགའ་དང་། རབ་སྐྱེས་དགའ་དང་། དཔག་མེད་དང་། ངག་རྡོ་རྗེ་རྣམས་སོ། །དོན་ཡོད་གྲུབ་པའི་ནི། དོན་ཡོད་དང་། རྟ་མཆོག་དང་། དམ་ཚིག་དང་། ཕ་རོལ་ཏུ་ཕྱིན་པ་དང་། ལས་
[243a.6]དང་། རླུང་དང་། རེག་བྱ་དང་། ཕྲག་དོག་རྡོ་རྗེ་རྣམས་སོ། །རྡོ་རྗེ་སེམས་དཔའི་བཙུན་མོ་རྣམས་ནི་རྡོ་རྗེ་ཤུགས་ཅན་མ་དང་། རྡོ་རྗེ་རོལ་པ་མོ་དང་། རྡོ་རྗེ་མྱོས་མ་དང་། རྡོ་རྗེ་ཀང་ཀ་ན་དང་། རྡོ་རྗེ་བཞིན་མ་དང་། རྡོ་རྗེ་བ་དན་མ་དང་། རྡོ་རྗེ་ཕྲེང་བ་མ་དང་། རྡོ་རྗེ་འཆང་མའོ། །མི་བསྐྱོད་པའི་ནི་རྡོ་རྗེ་
[243a.7]བདག་མེད་མ་དང་། རྡོ་རྗེ་ཕྱག་མ་དང་། རྡོ་རྗེ་ཕྲེང་བ་མ་དང་། རྡོ་རྗེ་བདེ་མ་དང་། རྡོ་རྗེ་མཱ་མ་ཀཱི་དང་། རྡོ་རྗེ་ཞེ་སྡང་མ་དང་། རྡོ་རྗེ་དགའ་མའོ། །རྣམ་པར་སྣང་མཛད་ཀྱི་ནི་རྡོ་རྗེ་མཁའ་འགྲོ་མ་དང་། རྡོ་རྗེ་དཀར་མོ་དང་། རྡོ་རྗེ་སྒེག་མོ་དང་། རྡོ་རྗེ་སྤྱན་མ་དང་། རྡོ་རྗེ་གཏི་མུག་མ་དང་། རྡོ་རྗེ་དགའ་
[243b]
[243b.1]མའོ། །རིན་ཆེན་འབྱུང་ལྡན་གྱི་ནི་རྡོ་རྗེ་དོ་ཤལ་མ་དང་། རྡོ་རྗེ་དབུགས་འབྱིན་མ་དང་། རྡོ་རྗེ་འབར་མ་དང་། རྡོ་རྗེ་ཕྲེང་བ་མ་དང་། རྡོ་རྗེ་ནམ་མཁའ་མ་དང་། རྡོ་རྗེ་ནམ་མཁའ་དགའ་མའོ། །སྣང་བ་མཐའ་ཡས་ཀྱི་ནི་རྡོ་རྗེ་ཆགས་མ་དང་། རྡོ་རྗེ་གླུ་མ་དང་། རྡོ་རྗེ་ཀྱེ་མ་དང་། རྡོ་རྗེ་བདེ་མ་དང་། རྡོ་རྗེ་རོལ་
[243b.2]མ་དང་། རྡོ་རྗེ་བློ་མ་དང་། རྡོ་རྗེ་བཞད་མ་དང་། རྡོ་རྗེ་དཀར་མོ་དང་། རྡོ་རྗེ་འདོད་ཆགས་དགའ་མའོ། །དོན་ཡོད་གྲུབ་པའི་ནི་རྡོ་རྗེ་སྙེམས་མ་དང་། རྡོ་རྗེ་སྒྱུ་མ་དང་། རྡོ་རྗེ་རྟ་མ་དང་། རྡོ་རྗེ་སྒྲོལ་མ་དང་། རྡོ་རྗེ་གར་གྱི་དབང་ཕྱུག་མ་དང་། དམ་ཚིག་རྡོ་རྗེ་མ་དང་། རྡོ་རྗེ་དགའ་མའོ། །མིང་གི་དབང་
[243b.3]གི་ཆོ་གའོ། །དེ་ནས་སློབ་མ་དེས་ཡོན་ཕུལ་ལ་ཐལ་མོ་སྦྱར་ལ། བདག་ནི་ཁྱོད་ཀྱི་བཀའ་དྲིན་ལས། །གང་གིས་རང་བཞིན་དོན་ནུས་པའི། །རྡོ་རྗེ་སློབ་དཔོན་གྱི་ནི་དབང་། །ཐུགས་རྗེའི་གཏེར་ཀྱེ་བདག་ལ་སྩོལ། །ཞེས་བརྗོད་པས་བླ་མ་ལ་གསོལ་བ་བཏབ་ལ་ཧཱུཾ་དང་རྡོ་རྗེ་ལས་སྐྱེས་པའི་རྡོ་རྗེ་
[243b.4]སེམས་དཔའི་གཟུགས་སུ་བསམས་ནས་རྡོ་རྗེ་ཧཱུཾ་ལས་སྐྱེས་པར་བསྒོམས་ནས། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་སྙེམས་བདག་བདག་པོའི་བདག །བཅོམ་ལྡན་འདས་དཔལ་མཆོག་དང་པོའི་སྐྱེས་བུའོ་
[243b.5]ཞེས་བརྗོད་ཅིང་དེ་ཁོ་ན་ཉིད་ཀྱི་རྡོ་རྗེ་འཛིན་དུ་གཞུག །དེ་ནས་དྲིལ་བུ་ཨ་ལས་སྐྱེས་པར་བསྒོམས་ནས། འདི་ནི་སངས་རྒྱས་ཐམས་ཅད་ཀྱི། །དྲིལ་བུ་དབྱངས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་ཟུང་། །བྱང་ཆུབ་མཆོག་ཏུ་རྒྱལ་བས་བཞེད། །ཅེས་བརྗོད་ཅིང་དེ་ཁོ་
[243b.6]ན་ཉིད་ཀྱིས་དྲིལ་བུ་འཛིན་དུ་གཞུག་གོ། །སློབ་མས་ཀྱང་། ཨ། སྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱི་སྲིད་བྲལ་བ། །རང་བཞིན་དག་མཆོག་སེམས་དཔའ་ཡིས། །དམ་ཚིག་སྲིད་པར་བྱེད་པར་འགྱུར། །ཞེས་བརྗོད་ཅིང་དཀྲོལ་བར་བྱའོ། །དྲིལ་བུའི་དམ་ཚིག་གོ། །ཡིད་ཀྱིས་
[243b.7]ལུས་ནི་བསྟེན་བྱས་ལ། །ཕྱག་རྒྱའི་དམ་ཚིག་ཡིན་པར་འདོད། །གང་གིས་ལུས་ཀུན་སྟེན་བྱེད་པ། །དེ་ནི་ཕྱག་རྒྱར་རབ་ཏུ་གྲགས། །ཡེ་ཤེས་ཕྱག་རྒྱར་བྱིན་བརླབས་ནས། །འདོད་པ་ཐམས་ཅད་ལོངས་སྤྱོད་པས། །དངོས་གྲུབ་ཐམས་ཅད་བསྒྲུབ་པར་གྱིས། །ཞེས་བྱ་བ་རྟོགས་
[244a]
[244a.1]པར་བྱས་ནས་རྡོ་རྗེ་སེམས་དཔའི་སྐུ་ཡེ་ཤེས་ཀྱི་ཕྱག་རྒྱ་ཁ་སྦྱོར་གྱི་རིམ་པས་བྱིན་གྱིས་རློབ་དུ་བཅུག་ནས་འཁྱུད་པའི་ཚུལ་དུ་བྱེད་དུ་བཅུག་ལ་སློབ་མ་སྐད་ཅིག་གིས་སྟོང་པ་ཉིད་དུ་བྱས་ལ་ཧཱུཾ་དང་རྡོ་རྗེ་ལས་སྐྱེས་པའི་རྡོ་རྗེ་སེམས་དཔའི་གཟུགས་ཅན་ཡེ་ཤེས་སེམས་དཔའ་དང་
[244a.2]རོ་གཅིག་ཏུ་གྱུར་པར་བསྒོམས་པའི་མགོར་རྡོ་རྗེ་དང་དྲིལ་བུ་བཟུང་ལ་ཨོཾ་མ་ཧཱ་སུ་ཁཾ་བཛྲ་སཏྭ་ཨ་བྷི་ཥེ་ཀ་སྟྭཾ་ཨ་བྷི་ཥིཉྩཱ་མི། སརྦ་ཏ་ཐཱ་ག་ཏ་ཨ་དྷི་ཏིཥྛ་ན་དྲྀ་ཌྷོ་མེ་བྷ་ཝ་ཞེས་ལན་གསུམ་དུའོ། །ཕྱག་རྒྱའི་དམ་ཚིག་གསུམ་སྦྱིན་པའི་ཆོ་གའོ། །དེའི་རྗེས་ལ་སློབ་མ་རྡོ་རྗེ་སེམས་དཔའི་གཟུགས་སུ་
[244a.3]བསྒོམས་ཏེ་ཆུའི་དབང་ལ་བརྗོད་པའི་སྙིང་གའི་ས་བོན་ལ་སོགས་པ་ནས། ཇི་སྲིད་རྡོ་རྗེ་རྩེ་མོར་འཛག་པ་ཡི། །རྡོ་རྗེ་ཆེན་པོའི་དབང་བསྐུར། །ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཨོཾ་ཨཱཿསརྦ་ཏ་ཐཱ་ག་ཏ་ཨ་བྷི་
[244a.4]ཥེ་ཀ་ཏ་ས་མ་ཡ་ཤྲི་ཡེ་ཧཱུཾ་སྭཱ་ཧཱ་ཞེས་འདོན་ཞིང་དབང་བསྐུར་རོ། །དེ་ནས་མི་བསྐྱོད་པ་ཅོད་པན་དུ་བསམས་ནས་དེ་བཞིན་གཤེགས་པ་དང་ལྷ་མོ་གཞན་རྣམས་དེ་ཉིད་དུ་ཡེ་ཤེས་སེམས་དཔའི་ངོ་བོར་བཅུག་ནས། ཨོཾ་སུ་པྲ་ཏིཥྛ་བཛྲ་སྭཱ་ཧཱ། ཞེས་བྱ་བའི་སྔགས་ཀྱིས་བྱིན་གྱིས་བརླབས་ཏེ། དེ་ལ་མེ་ཏོག་
[244a.5]ལ་སོགས་པ་དབུལ་ལོ། །དེའི་རྗེས་སུ། མི་ལྡོག་འཁོར་ལོའི་དབང་བསྐུར་བ། །མགོན་པོ་ཡིས་ནི་བདག་ལ་གསུང་། །འཁོར་ལོ་ལྷ་ཡི་དེ་ཉིད་དང་། །སློབ་དཔོན་གྱི་ནི་ལས་རྣམས་དང་། །སངས་རྒྱས་ཀུན་གྱི་དམ་ཚིག་དང་། །སྡོམ་པ་གསང་བ་དམ་པ་དག །རྟག་ཏུ་སློབ་དཔོན་བདག་ལ་གསུང་།
[244a.6]སེམས་ཅན་ཀུན་གྱི་དོན་བགྱིད་ཕྱིར། །ཞེས་ཁྱད་པར་གྱི་གསོལ་བ་བཏབ་ལ། དེ་ནས་མདོར་བསྡུས་ནས་གཞལ་ཡས་ཁང་འདི་ནི་རྣམ་པར་སྣང་མཛད་ཀྱི་རང་བཞིན་ནོ་ཞེས་བྱ་བ་ལ་སོགས་པ་དཀྱིལ་འཁོར་གྱི་དེ་ཁོ་ན་ཉིད་རྣམ་པར་དག་པ་དང་། མདོར་ན་ཕུང་པོ་ལྔ་རྣམས་ནི། །སངས་རྒྱས་ལྔར་ནི་
[244a.7]རབ་ཏུ་གྲགས། །ཞེས་བྱ་བ་ལ་སོགས་པ་ལྷ་རྣམས་ཀྱི་དེ་ཁོ་ན་ཉིད་རྣམ་པར་དག་པ་དང་། དོན་དམ་པར་དཀྱིལ་འཁོར་ལ་སོགས་པ་རིམ་པ་གཉིས་ཀ་ལ་རང་བཞིན་མེད་པའི་བདག་ཉིད་ཅན་དེ་ཁོ་ན་ཉིད་རྣམ་པར་དག་པ་དང་། དཀྱིལ་འཁོར་འདྲི་བ་ལ་སོགས་པ་རྡོ་རྗེ་སློབ་དཔོན་གྱི་ལས་
[244b]
[244b.1]འཁོར་དང་བཅས་པ་བརྗོད་པར་བྱའོ། །དེ་ལྟར་དཀྱིལ་འཁོར་གྱི་དེ་ཁོ་ན་ཉིད་ལ་སོགས་པའི་ཡེ་ཤེས་དང་འདའ་བར་བྱ་བ་མ་ཡིན་པའི་ངོ་བོ་དམ་ཚིག་དང་། བྱ་བ་དང་མི་བྱ་བའི་བདག་ཉིད་ཅན་གྱི་སྡོམ་པ་དང་། དེ་བཞིན་དུ་བསྒྲུབ་པར་བྱ་བ་ལ་སྐལ་བ་དང་ལྡན་པ་ཉིད་དུ་བརྗོད་དོ། །ཕྱིར་མི་ལྡོག་པའི་
[244b.2]མིང་གཞན་སློབ་དཔོན་གྱི་དབང་གི་ཆོ་གའོ། །དེ་ནས་བདག་ཉིད་ཀྱིས་སྙིང་པོ་ལ་སོགས་པའི་སྔགས་བརྒྱ་རྩ་བརྒྱད་དམ་ལན་གསུམ་དུ་བཟླས་ལ། བཅོམ་ལྡན་བདག་གིས་སྩལ་ལགས་ཀྱིས། །བདག་ལ་ཉེ་བར་མཛད་དུ་གསོལ། །ཞེས་བརྗོད་ཅིང་སློབ་མ་ལ་སྦྱིན་ནོ། །སློབ་མས་ཀྱང་།
[244b.3]བཅོམ་ལྡན་བདག་གིས་བཟུང་ལགས་ཀྱིས། །བདག་ལ་ཉེ་བར་མཛད་དུ་གསོལ། །ཞེས་བྱ་བ་འདིས་བཟུང་ནས་ལན་གསུམ་དུ་བཟླས་པར་བྱའོ་ཞེས་པ་ནི། སྔགས་གཏད་པའི་ཆོ་གའོ། །དེ་ནས་གསེར་རམ་དངུལ་གྱི་སྣོད་དུ་བཞག་པའི་མར་རམ་སྦྲང་རྩི་མིག་སྨན་དང་གསེར་ལས་བྱས་པའི་
[244b.4]ཐུར་མས་སློབ་མའི་མིག་ལ་ཡི་གེ་རཾ་བསྒོམས་ལ། ཨོཾ་བཛྲ་ནེ་ཏྲ་ཨ་པ་ཧ་ར་པ་ཊ་ལཾ་ཧྲཱིཿཞེས་འདོན་ཞིང་བསྐུལ་ནས། ཇི་ལྟར་མིག་སྨན་རྒྱལ་པོ་ཡིས། །འཇིག་རྟེན་རབ་རིབ་བསལ་བ་བཞིན། །བུ་ཁྱོད་ཀྱིས་ནི་མི་ཤེས་པའི། །ལིང་ཏོག་རྒྱལ་བ་རྣམས་ཀྱིས་བསལ། །ཞེས་བརྗོད་དོ་
[244b.5]ཞེས་པ་ནི་མིག་སྨན་གྱི་ཆོ་གའོ། །དེ་ནས་མེ་ལོང་བླངས་ནས་ཨ་ཡིག་བསྔགས་ནས་སློབ་མས་བལྟ་ཞིང་། ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཡང་དག་བྱུང་། །རྡོ་རྗེ་སེམས་དཔའ་མེ་ལོང་ལྟར། །
[244b.6]དག་ཅིང་གསལ་ལ་དྲི་མ་མེད། །སངས་རྒྱས་ཀུན་བདག་བུ་ཁྱོད་ཀྱི། །རང་ཉིད་ཀྱི་ནི་སྙིང་ལ་གནས། །ངོ་བོ་ཉིད་མེད་གནས་མེད་པ། །དེ་ལྟར་ཆོས་རྣམས་ཤེས་གྱིས་ལ། །སེམས་ཅན་དོན་ནི་མཉམ་མེད་གྱིས། །སྐྱོབ་པ་རྣམས་ཀྱི་སྲས་སུ་སྐྱེ། །ཞེས་གདོན་ནོ། །མེ་ལོང་གི་དབང་གི་ཆོ་གའོ། །
[244b.7]དེ་ནས་ཡི་གེ་ཧོཿལས་བྱུང་བའི་མདའ་གཞུ་ཧོཿཞེས་བརྗོད་ནས་སརྦ་ཏ་ཐཱ་ག་ཏ་ཨ་ནུ་རཱ་ག་ཡ་སྭཱ་ཧཱ། ཞེས་བརྗོད་པ་ནི་མདའ་འཕེན་པའི་ཚེ་ཡང་ངོ་། །སློབ་མས་སརྦ་ཏ་ཐཱ་ག་ཏ་ཨ་ནུ་རཱ་ག་ཡ་མི་ཞེས་བརྗོད་ཅིང་བགེགས་ལ་འབིགས་པའི་བསམ་པས་ཕྱོགས་བཞིར་མདའ་བཞི་
[245a]
[245a.1]འཕང་བར་བྱའོ། །མདའ་འཕང་བའི་ཆོ་གའོ། །དེ་ནས་ཡོལ་བ་ལ་སོགས་པས་དབེན་པར་བྱས་ལ་སློབ་མས་གསང་དབང་གི་དོན་དུ་བླ་མ་ལ་གཞོན་ནུ་མ་ལང་ཚོ་ལ་སོགས་པ་དང་ལྡན་པའི་ཤེས་རབ་མ་དམ་ཚིག་དང་ལྡན་པའམ། དེ་མེད་ན་གཞན་ཡང་རུང་སྟེ་བླ་
[245a.2]མ་ལ་ཕུལ་ནས་བླ་མ་རྡོ་རྗེ་སེམས་དཔར་མོས་ལ་ཐལ་མོ་སྦྱར་ནས། ཁྱོད་ཀྱི་ཞབས་ཀྱི་བཀའ་དྲིན་གྱིས། །བདག་གིས་བླ་མེད་བྱ་བ་ཐོབ། །དེ་ཕྱིར་གསང་པའི་དབང་དག་གིས། །མགོན་པོས་རྗེས་སུ་གཟུང་བར་མཛོད། །ཅེས་བྱ་བའི་ཚིགས་སུ་བཅད་པས་གསོལ་བ་གདབ་བོ། །དེ་ནས་
[245a.3]བླ་མས་འཁོར་ལོའི་དབང་ཕྱུག་གི་ང་རྒྱལ་དང་ལྡན་པས་ཐ་མལ་པའི་བུད་མེད་ཀྱི་གཟུགས་དེ་སྟོང་པ་ཉིད་ཀྱི་རྗེས་ལ་ལྷ་མོའི་གཟུགས་སུ་བསྐྱེད་པ་དང་རྡོ་རྗེ་དང་པདྨ་འདུ་བྱས་པ་སྔོན་དུ་འགྲོ་བའི་སྙོམས་འཇུག་བྱེད་ཅིང་། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་འདོན་ཞིང་
[245a.4]སྙིང་གའི་ས་བོན་གྱི་འོད་ཟེར་གྱིས་རྣམ་པར་སྣང་མཛད་ལ་སོགས་པའི་དེ་བཞིན་གཤེགས་པ་ཐམས་ཅད་སྤྱན་མ་ལ་སོགས་པ་དང་སྙོམས་པར་ཞུགས་པས་བཀུག་ལ་བདག་ཉིད་ཀྱིས་རྣམ་པར་སྣང་མཛད་ཀྱི་སྒོ་ནས་བཅུག་ལ་འདོད་ཆགས་ཆེན་པོས་ཞུ་བར་གྱུར་ཏེ་ཨ་ཝ་དྷཱུ་ཏཱི་ནས་འགྲོ་བར་བསམས་
[245a.5]ནས་རྡོ་རྗེ་ནོར་བུར་ལྷན་ཅིག་སྐྱེས་པའི་བདེ་བ་བརྟན་པར་བྱས་ཏེ། མཐེ་བོང་དང་མིང་མེད་ཀྱི་རྡོ་རྗེ་ནོར་བུ་བཙིར་ནས་པདྨ་ལས་བྱུང་ནས་དེ་བཞིན་གཤེགས་པ་ཞུ་བའི་ཁུ་བ་དེ་རང་གི་བྱང་ཆུབ་ཀྱི་སེམས་དང་དབྱེར་མེད་པར་མོས་ནས། གསུང་རྡོ་རྗེའི་གཟུགས་ཅན་གྱི་སློབ་མས་མཐོང་ནས་མ་དད་
[245a.6]ཀྱིས་དོགས་པ་མེད་པའི་ཁར་རམ། ཇི་སྲིད་དུ་གདོང་གཡོགས་བཅིངས་པ་ཉིད་ཀྱིས་དེ་མཐོང་བའི་སྤྱོད་ཡུལ་མ་ཡིན་པར་རོ། །རྡོ་རྗེ་འཆང་སོགས་འདས་པ་ཡིས། །ཇི་ལྟར་སངས་རྒྱས་སྲས་དབང་བསྐུར། །དེ་ལྟར་བྱང་ཆུབ་སེམས་བཟང་པོས། །བུ་ཁྱོད་དབང་ནི་བསྐུར་བར་བགྱི། །
[245a.7]ཞེས་བྱ་བ་དང་། འཁོར་ལོའི་བདག་པོའི་སྔགས་དང་། ཨོཾ་བཛྲ་དྷྲྀ་ཀ་ཧཱུཾ་ཞེས་བྱ་བ་ལ་སོགས་པ་རྒྱུད་ཇི་ལྟ་བ་བཞིན་དུ་གདོན་ཞིང་དབབ་པར་བྱའོ། །དེས་ཀྱང་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པ་ཀུན་འདུས་པའི་བློས་ཨ་ཧོ་མ་ཧཱ་སུ་ཁ་ཞེས་བརྗོད་ཅིང་བཏུང་བར་བྱའོ། །
[245b]
[245b.1]ཤེས་རབ་མས་ཀྱང་ལངས་ནས་གོས་མེད་པ་ཉིད་དུ་རང་གི་ཆུ་སྐྱེས་ན་གནས་པའི་དེ་ལྟ་བུའི་བྱང་ཆུབ་ཀྱི་སེམས་ཐིག་ལེའི་རྣམ་པ་དེ་ལྟར་དེའི་ཁར་དབབ་པར་བྱའོ། །དེས་ཀྱང་དེ་ལྟར་བཏུང་ངོ་། །ཤེས་རབ་དང་ཐབས་དག་གིས་ཀུན་རྫོབ་བྱང་ཆུབ་ཀྱི་སེམས་གསང་བའི་དབང་གིས་དབང་བསྐུར་བ་ནི་
[245b.2]གསང་བའི་དབང་གི་ཆོ་གའོ། །དེའི་རྗེས་ལ་དེའམ་གཞན་ཡང་རུང་སྟེ། ཤེས་རབ་མ་དམ་ཚིག་དང་སྡོམ་པ་ལ་གནས་པ་གཟུགས་དང་ལང་ཚོ་དང་ལྡན་པ། བྱང་ཆུབ་རྡོ་རྗེས་སངས་རྒྱས་ལ། །ཇི་ལྟར་ཆེ་བའི་ཆེ་བྱིན་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །
[245b.3]ཞེས་པས། །གསོལ་བ་བཏབ་པའི་སློབ་མ་ལ། །གཟུགས་མ་ཤིན་ཏུ་ཉམས་དགའ་འདི། །བསྟེན་བྱ་སངས་རྒྱས་རྣམས་ཀྱིས་བརྟགས། །འཁོར་ལོ་རིམ་པའི་སྦྱོར་བ་ཡིས། །བདེ་བ་དམ་པ་མྱོང་བར་གྱིས། །རྡོ་རྗེ་སྐྱིལ་ཀྲུང་ལ་སེམས་ནི། །ནོར་བུར་ཆུད་པ་བརྟགས་པ་ཡིན། །ཞེས་བསྒྲུབ་
[245b.4]པར་བྱས་ནས་གཏད་པར་བྱའོ། །དེས་ཀྱང་གུར་ཀུམ་ལ་སོགས་པ་དྲི་ཞིམ་པོས་བྱས་པ་གོས་གསར་པ་ཆུ་སྐྱེས་སློབ་མ་ལ་སྟོན་ཅིང་། ཀྱེ་མ་བདག་གི་པདྨ་འདི། །བདེ་བ་ཐམས་ཅད་ཡང་དག་ལྡན། །གང་ཞིག་ཆོ་ག་བཞིན་བསྟེན་པ། །དེ་ཡི་མདུན་ན་བདག་གནས་སོ། །སངས་རྒྱས་བསྟེན་པ་
[245b.5]ལ་སོགས་པ། །པདྨར་བྱ་བ་ཇི་བཞིན་གྱིས། །བདེ་ཆེན་རྒྱལ་པོ་རང་ཉིད་ནི། །འདི་དག་ཏུ་ནི་རྟག་ཏུ་བཞུགས། །བྷཉྫ་མོཀྵ་ཞེས་འདོན་ནོ། །དེས་ཀྱང་རང་ཉིད་ལྷའི་གཟུགས་ཀྱིས་ཤེས་རབ་མ་ལྷ་མོའི་གཟུགས་སུ་བསྐྱེད་ནས་ཨ་དང་ཧཱུཾ་ལས་སྐྱེས་པའི་པདྨེ་དང་རྡོ་རྗེ་དག་གི་ཟེའུ་འབྲུ་དང་ནོར་བུ་ཨ་
[245b.6]དང་ཨོཾ་ལས་སྐྱེས་པ་དང་རྡོ་རྗེའི་ནོར་བུའི་བུ་གར་ཕཊ་སེར་པོ་བསྒོམས་ནས་ལུས་ཀྱི་གཡོན་གྱི་ཆར་སོང་བའི་རྩའི་རྩེ་མོར་ཧྲཱིཿདམར་པོ་ལས་བྱུང་བ་གནས་པ་མཛུབ་མོ་དང་ལྕེས་སྲིད་སྔོན་དུ་འགྲོ་བ་ཅན་གྱིས་ཡང་དག་པར་བསྐུལ་ནས། ཨོཾ་སི་སི་སི་ཧ་ཧ་ཧ་སྭཱ་ཧཱ། ཞེས་བྱ་བ་དང་། ཨོཾ་སརྦ་ཏ་ཐཱ་ག་ཏ་
[245b.7]ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་བྱ་བའི་སྔགས་བརྗོད་ཅིང་བླ་མའི་མན་ངག་ལས་དགའ་བའི་དབྱེ་བ་སྔོན་དུ་བྱས་ནས་རང་གི་སྙིང་གའི་ས་བོན་གྱི་འོད་ཟེར་གྱིས་སྤྱན་དྲངས་པའི་དེ་བཞིན་གཤེགས་པ་ལ་སོགས་པས་ལུས་བྱིན་གྱིས་བརླབས་ལ། བླ་མས་ཀྱང་རྣམ་པར་སྣང་མཛད་དང་
[246a]
[246a.1]སྤྱན་མ་ལ་སོགས་པ་དཔག་ཏུ་མེད་པ་བཅུག་པ་དང་། རོ་གཅིག་ཏུ་གྱུར་པས་དགའ་བ་བརྩམ་པར་བྱའོ། །ཤེས་རབ་སྦྱོར་བས་དཔལ་དང་ལྡན། །དེ་ཉིད་ཡང་དག་མཚོན་པར་བྱ། །རྡོ་རྗེ་སྐྱིལ་ཀྲུང་ལ་སེམས་ནི། །ནོར་བུའི་ནང་དུ་ཆུད་པར་བརྟག །ཅེས་རྟོགས་པར་
[246a.2]བྱས་ནས་ནུས་པ་ཇི་ལྟ་བར་བཟུང་སྟེ་དལ་བུས་བཏོན་ནས་ཆུ་སྐྱེས་ལས་ལྕེ་ཉིད་ཀྱིས་བླངས་ཏེ། དེ་ཁོ་ན་ཉིད་ཀྱི་ལྟ་བས་དམ་ཚིག་གི་ངོ་བོ་བྱང་ཆུབ་ཀྱི་སེམས་བཏུང་བར་བྱའོ་ཞེས་པ་ནི་ཤེས་རབ་ཡེ་ཤེས་ཀྱི་དབང་གི་ཆོ་གའོ། །དེའི་རྗེས་ལ་ཚིག་ཁོ་ནས་དབང་བཞི་པ་སྦྱིན་པར་བྱའོ། །ཤེས་རབ་
[246a.3]ཡེ་ཤེས་ལས་བྱུང་བའི་མྱུ་གུ་ལྟ་བུའི་བྱང་ཆུབ་ཀྱི་སེམས་དེ་བསྒོམས་པས་རབ་ཏུ་འཕེལ་བར་བྱས་ནས་སྒྲིབ་པ་མེད་པར་གྱུར་ནས་དེ་ཁོ་ན་ཉིད་ཆོས་ཐམས་ཅད་བསམ་དུ་མེད་པའི་རང་བཞིན་ཡན་ལག་བདུན་དང་ལྡན་པའི་ཕྱག་རྒྱ་ཆེན་པོའི་བདག་ཉིད་རྡོ་རྗེ་འཆང་གི་རང་བཞིན་དབང་བཞི་པའི་ངོ་བོ་
[246a.4]བརྗོད་པར་བྱའོ་ཞེས་དབང་བཞི་པའི་ཆོ་གའོ། །དེའི་རྗེས་ལ་དེའི་ལག་པ་སློབ་མའི་ལག་པར་བཞག་ནས་དེ་ཉིད་རང་གི་ལག་པ་གཡོན་པར་བཟུང་སྟེ་རྡོ་རྗེ་དང་བཅས་པའི་ལག་པ་གཡས་པ་སློབ་མའི་མགོ་བོ་ལ་བཞག་ནས། འདིར་ནི་ཁྱེད་རྣམས་དབང་པོ་ཡིན། །བདག་གིས་འདི་ལ་འདི་གཏད་
[246a.5]དོ། །ཞེས་དེ་བཞིན་གཤེགས་པ་ལ་དཔང་བཙུགས་ཏེ། ཐབས་གཞན་གྱིས་ནི་སངས་མི་རྒྱ། །འགྲོ་གསུམ་འདི་ཡང་དག་པ་ཡིན། །དེ་ཕྱིར་འདི་དང་བྲལ་བར་ནི། །ནམ་དུ་ཡང་ནི་མ་བྱེད་ཅིག །འདི་དང་སངས་རྒྱས་ཐམས་ཅད་ཀྱི། །རིག་པ་བརྟུལ་ཞུགས་བླ་ན་མེད། །རྨོངས་པ་གང་
[246a.6]ཞིག་འདི་སྤོང་བ། །དེ་ལ་མཆོག་གི་དངོས་གྲུབ་མེད། །ཅེས་བརྗོད་པས་རིག་པའི་བརྟུལ་ཞུགས་ཐམས་ཅད་སྦྱིན་པར་བྱའོ་ཞེས་བྱ་བ་ནི་རིག་པའི་བརྟུལ་ཞུགས་སྦྱིན་པའི་ཆོ་གའོ། །དེའི་རྗེས་ལ་སློབ་མ་རྡོ་རྗེ་སེམས་དཔའི་གཟུགས་སུ་བསྒོམས་ནས། འདི་དེ་སངས་རྒྱས་ཐམས་ཅད་ཉིད། །རྡོ་རྗེ་
[246a.7]སེམས་དཔའི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་ཟུང་། །རྡོ་རྗེ་སེམས་དཔའི་བརྟུལ་ཞུགས་བརྟན། །ཞེས་བརྗོད་ཅིང་རྡོ་རྗེ་འཛིན་དུ་གཞུག་པར་བྱའོ། །དེས་ཀྱང་ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་སྟྭཾ་དྷ་ར་ཡཱ་མི་བཛྲ་ས་ཏྭ་ཧི་ཧི་ཧི་ཏཱི་ཧཱུཾ་ཞེས་བརྗོད་ཅིང་གཟུང་བར་བྱའོ། །
[246b]
[246b.1]རྡོ་རྗེའི་བརྟུལ་ཞུགས་ཀྱི་ཆོ་གའོ། །དེ་ནས་སྤྱོད་པའི་བརྟུལ་ཞུགས་འདོད་པ་ལ་གསུངས་པ་ནི་གང་ཡང་བུད་མེད་དམ་སྐྱེས་པ་སྤྱོད་པའི་བརྟུལ་ཞུགས་སློང་པ་དེ་ལ་རྡོ་རྗེ་ཕག་མོའི་གཟུགས་སམ། བདག་མེད་མའི་གཟུགས་སམ་མེ་ཏོག་ལྷུང་བ་དང་བསྟུན་པའི་རིག་པའི་ལྷ་མོའི་གཟུགས་སྐྱེས་པ་ནི་བདེ་
[246b.2]མཆོག་དང་། དགྱེས་པ་རྡོ་རྗེ་ལ་སོགས་པའི་གང་ཡང་རུང་བའི་གཟུགས་སུ་བསམས་ནས། དེའམ་དེ་ལ་སྙིང་གའི་ས་བོན་གྱི་འོད་ཟེར་གྱིས་བཀུག་པའི་ཡེ་ཤེས་ཀྱི་ལྷ་བཅུག་ནས་གཙོ་བོའི་སྔགས་ལན་གསུམ་བརྗོད་ནས། རྡོ་རྗེ་སེམས་དཔའི་ཕྱག་རྒྱ་འདི། །ཕྱི་དང་ནང་དུ་ཡང་དག་གནས། །ཁ་ཊྭཱཾ་
[246b.3]ག་དང་ཅང་ཏེའུ་སྣོད། །སྦྱིན་གྱི་དཔའ་བོས་གཟུང་བར་གྱིས། །ཞེས་བརྗོད་དེ་ཁ་ཊྭཱཾ་ག་དང་ཅང་ཏེའུ་དང་ཐོད་པ་སྦྱིན་པར་བྱའོ། །དེ་ནས་འཁོར་ལོ་མི་བསྐྱོད་པའི་སྐུར་ཅིག་ཅར་བསྐྱེད་དེ། །ཡེ་ཤེས་པ་བཅུག་ནས་མི་བསྐྱོད་པའི་རང་བཞིན་ཡིན་ཞེས་མོས་ནས་ཨོཾ་དྷ་ར་བྷ་ར། དྷ་རཱ་ཡ་དྷ་རཱ་ཡ། མ་ར་ཏ་
[246b.4]མ་ར་ཏ། བཛྲ་དྷྲྀ་ཀ་ཕཊ་སྭཱ་ཧཱ། ཞེས་བྱ་བའི་སྔགས་ཀྱིས་ལན་གསུམ་དུ་བསྔགས་པའི་འཁོར་ལོ་དེ་ཚིག་འདིས་སྦྱིན་པར་བྱའོ། །རྡོ་རྗེ་སེམས་དཔའི་ཕྱག་རྒྱ་འདི། །ཕྱི་དང་ནང་དུ་ཡང་དག་གནས། །འཁོར་ལོ་མི་བསྐྱོད་པ་ཡི་གཟུགས། །སྦྱིན་གྱིས་དཔའ་བོས་གཟུང་བར་གྱིས། །ཞེས་སྤྱི་གཙུག་
[246b.5]ཏུའོ། །དེ་ནས་རྣ་རྒྱན་འོད་དཔག་མེད་ཀྱི་སྐུར་ཅིག་ཅར་བསྐྱེད་དེ་ཡེ་ཤེས་བཅུག་ནས་འོད་དཔག་མེད་པའི་རང་བཞིན་ཡིན་ཞེས་མོས་ནས་ཨོཾ་བཛྲ་དྷརྨཱཿས་མ་ཡ་སྟྭཾ་ཧཱུཾ་ཧུ་ལུ་ཧུ་ལུ་ཨཱ་རོ་ལྀ་ཀ་ཕཊ་སྭཱ་ཧཱ། ཞེས་བྱ་བའི་སྔགས་ཀྱིས་ལན་གསུམ་དུ་བསྔགས་པའི་རྣ་རྒྱན་དེ་ཚིག་འདིས་སྦྱིན་པར་བྱའོ། །རྡོ་རྗེ་
[246b.6]སེམས་དཔའི་ཕྱག་རྒྱ་འདི། །ཕྱི་དང་ནང་དུ་ཡང་དག་གནས། །རྣ་རྒྱན་འོད་དཔག་མེད་ཀྱི་བདག །སྦྱིན་གྱིས་དཔའ་བོས་གཟུང་བར་གྱིས། །ཞེས་པས་རྣ་བ་གཉིས་ལའོ། །དེ་ནས་མགུལ་རྒྱན་རིན་འབྱུང་གི་རང་བཞིན་ཡིན་ཞེས་མོས་ནས་ཨོཾ་བཛྲ་སཱུཪྻ་ཏ་མོ་བིདྷ་མ་ན་ས་མ་ཡ་སྟྭཾ་ཨ་ཧཾ་རཏྣ་དྷྲྀ་ཀ་
[246b.7]ཕཊ་སྭཱ་ཧཱ། ཞེས་བྱ་བའི་སྔགས་ཀྱིས་ལན་གསུམ་དུ་བསྔགས་པའི་མགུལ་རྒྱན་དེ་ཚིག་འདིས་སྦྱིན་པར་བྱའོ། །རྡོ་རྗེ་སེམས་དཔའི་ཕྱག་རྒྱ་འདི། །ཕྱི་དང་ནང་དུ་ཡང་དག་གནས། །མགུལ་གྱི་ཕྲེང་བ་རིན་ཆེན་ཆེ། །སྦྱིན་གྱིས་དཔའ་བོས་གཟུང་བར་གྱིས། །ཞེས་པས་མགུལ་དུའོ། །
[247a]
[247a.1]དེ་ནས་གདུ་བུ་རྣམ་སྣང་གི་སྐུར་ཅིག་ཅར་དུ་བསྐྱེད་དེ་ཡེ་ཤེས་བཅུག་ནས་རྣམ་པར་སྣང་མཛད་ཀྱི་ཡེ་ཤེས་ཡིན་ཞེས་མོས་ནས་ཨོཾ་ཤཱ་ཤྭ་ཏ་པ་ར་མ་ཤཱ་ཤྭ་ཏ་ཨ་ཧྱེ་ཧི་ཛི་ན་ཛིཀ་སྭཱ་ཧཱ། ཞེས་པའི་སྔགས་ཀྱིས་ལན་གསུམ་དུ་བསྔགས་པའི་ལག་ཏུ་དེ་ཚིག་འདིས་སྦྱིན་པར་བྱའོ། །
[247a.2]རྡོ་རྗེ་སེམས་དཔའི་ཕྱག་རྒྱ་འདི། །ཕྱི་དང་ནང་དུ་ཡང་དག་གནས། །ལག་གདུབ་རྣམ་སྣང་ཉིད་དུ་བཤད། །སྦྱིན་གྱིས་དཔའ་བོས་གཟུང་བར་གྱིས། །ཞེས་པས་ལག་པ་གཉིས་ལའོ། །དེ་ནས་སྐ་རགས་དོན་གྲུབ་ཀྱི་སྐུར་ཅིག་ཅར་གྱིས་བསྐྱེད་དེ་ཡེ་ཤེས་བཅུག་ནས་དོན་ཡོད་གྲུབ་པའི་རང་
[247a.3]བཞིན་ཡིན་ཞེས་མོས་ནས་ཨོཾ་ཕུཿཕུཿཧི་ཧི་ཧི་པྲཛྙཱ་དྷྲྀ་ཀ་ཅེས་བྱ་བའི་སྔགས་ཀྱིས་ལན་གསུམ་དུ་བསྔགས་པའི་སྐ་རགས་དེ་ཚིག་འདིས་སྦྱིན་པར་བྱའོ། །རྡོ་རྗེ་སེམས་དཔའི་ཕྱག་རྒྱ་འདི། །ཕྱི་དང་ནང་དུ་ཡང་དག་གནས། །སྐ་རགས་ལ་ནི་གྲུབ་པ་ཞུགས། །སྦྱིན་གྱིས་དཔའ་བོས་གཟུང་བར་གྱིས། །ཞེས་
[247a.4]པས་རྐེད་པ་ལའོ། །བུད་མེད་ཀྱི་ཕྱོགས་ལ་ནི་ཚིགས་སུ་བཅད་པ་ལ་དཔའ་བོ་ཞེས་བྱ་བ་ཕྱུང་ནས་ལྷ་མོ་ཞེས་བྱ་བ་བརྗོད་པར་བྱའོ། །སྤྱོད་པའི་བརྟུལ་ཞུགས་སྦྱིན་པའི་ཆོ་གའོ། །དེའི་རྗེས་ལ་དེ་བཞིན་གཤེགས་པའི་སྤྱོད་ལམ་གྱི་ཚུལ་དུ་བྱས་ནས་ཆོས་གོས་ཀྱི་གྲྭ་བཟུང་བའི་ཁུ་ཚུར་གཡོན་
[247a.5]པ་སྙིང་གར་བཟུང་ཞིང་། གཡས་པ་མི་འཇིགས་པའི་ཕྱག་རྒྱས་འདི་ལྟར་ལུང་བསྟན་པའོ། །ཁྱོད་ནི་ང་ཡིས་ལུང་བསྟན་ཏེ། །རྡོ་རྗེ་སེམས་དཔའ་དེ་བཞིན་གཤེགས། །སྲིད་ལ་མཆོག་ཞི་རབ་བསྒྲུབ་ཕྱིར། །སྲིད་པའི་ངན་འགྲོ་ཉིད་ལས་བཏོན། །ཀྱེ་དེ་བཞིན་གཤེགས་པ་རྡོ་རྗེ་ཆེ་གེ་མོ་
[247a.6]ཞེས་བྱ་བ་ལ་སོགས་པ་སིདྡྷི་ས་མ་ཡ་སྟྭཾ་བྷུར་བྷུ་བ་སྭཿ། ཞེས་པའི་སྔགས་ཀྱིས་མེ་ཏོག་ལྷུང་བ་དང་རྗེས་སུ་མཐུན་པའི་དེ་བཞིན་གཤེགས་པའི་ངོ་བོས་སློབ་མ་ལ་ལུང་བསྟན་པར་བྱའོ། །གང་འདི་ལྟར་ལུང་སྟོན་པར་བྱེད་པ་དེ་བཞིན་གཤེགས་པ་ཐམས་ཅད་ཀྱིས་ཡང་དག་པར་རྫོགས་པའི་
[247a.7]བྱང་ཆུབ་ཏུ་ལུང་བསྟན་པར་བྱའོ་ཞེས་དང་བར་བྱའོ་ཞེས་པ་ནི་ལུང་བསྟན་པའི་ཆོ་གའོ། །རིག་པ་དང་རྡོ་རྗེ་སྤྱོད་པའི་བརྟུལ་ཞུགས་དང་ལུང་བསྟན་པ་འདི་རྣམས་རྒྱུད་ཁ་ཅིག་ཏུ་དབང་བསྐུར་བ་ཉིད་དུ་ཐ་སྙད་བྱས་སོ། །དེའི་རྗེས་ལ་སློབ་མའི་སྟན་གྱི་མདུན་དུའམ་ཁ་ཅིག་ཏུ་ནི་གདན་ལ་ཡང་
[247b]
[247b.1]ཨོཾ་བཛྲ་ཧེ་ཏུ་མཾ་ཞེས་བརྗོད་ཅིང་བྷྲཱུཾ་ལས་སྐྱེས་པའི་ཆོས་ཀྱི་འཁོར་ལོ་དང་། ལག་པ་གཡས་སུ་ཨོཾ་བཛྲ་བྷ་ཥ་རཾ་ཞེས་བརྗོད་ཅིང་ཨ་ལས་སྐྱེས་པའི་དུང་དང་། གཡོན་དུ་དབྱངས་དང་པོ་ལས་སྐྱེས་པའི་པོ་ཏི་དབྱངས་དང་ཨ་བརྗོད་པ་དང་། དབྱངས་ཨ་བརྗོད་ཅིང་བྱིན་ནས་དྲིལ་བུ་དཀྲོལ་དུ་གཞུག་ཅིང་།
[247b.2]ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའ་དང་ནི་མཉམ་སྦྱོར་བའི། །ཀུན་སྤྱོད་ནམ་མཁའི་ངང་དུ་གསལ། །དེང་ནས་བརྩམས་ཏེ་འཇིག་རྟེན་ན། །སེམས་བསྐྱེད་དང་བཅས་ཀུན་གྱིས་ནི། །ཆོས་ཀྱི་འཁོར་ལོ་རབ་ཏུ་བསྐོར། །ཆོས་ཀྱི་དུང་ནི་བླ་ན་
[247b.3]མེད། །འཁོར་ཡུག་ཏུ་ནི་འབུད་པར་གྱིས། །ཞེས་བརྗོད་པར་བྱའོ། །དེ་ཡིས་སོ་སོར་མོས་པ་ལས། །ཆོས་ཀྱི་འཁོར་ལོ་བསྐོར་བར་གྱིས། །ཞེས་དྲིལ་བུ་གཏད་དེ་གསིལ་བར་བྱེད་དོ། །དེ་ལྟར་རྗེས་སུ་གནང་བ་བྱིན་ནས་རྗེས་སུ་གནང་བ་ལྷག་པར་གནང་བ་སྦྱིན་པར་འདོད་པས་རིམ་པ་བཞིན་
[247b.4]དུ་རྣམ་པར་སྣང་མཛད་ལ་སོགས་པའི་གཟུགས་སུ་བསྒོམས་བའི་སློབ་མ་ལ། སེམས་ཅན་ཀུན་ལ་ཕན་པའི་ཕྱིར། །འཇིག་རྟེན་ཁམས་རྣམས་ཐམས་ཅད་དུ། །ཇི་ལྟར་གདུལ་བྱ་སྣ་ཚོགས་ལ། །ཆོས་ཀྱི་འཁོར་ལོ་བསྐོར་བར་གྱིས། །སེམས་ཅན་ཀུན་ལ་ཕན་པའི་ཕྱིར། །འཇིག་རྟེན་
[247b.5]ཁམས་ནི་ཐམས་ཅད་དུ། །ཇི་ལྟར་གདུལ་བྱ་སྣ་ཚོགས་ལ། །རྡོ་རྗེའི་འཁོར་ལོ་རབ་ཏུ་བསྐོར། །སེམས་ཅན་ཀུན་ལ་ཕན་པའི་ཕྱིར། །འཇིག་རྟེན་ཁམས་ནི་ཐམས་ཅད་དུ། །ཇི་ལྟར་གདུལ་བྱ་སྣ་ཚོགས་ལ། །རིན་ཆེན་འཁོར་ལོ་རབ་ཏུ་བསྐོར། །སེམས་ཅན་ཀུན་ལ་ཕན་པའི་ཕྱིར། །འཇིག་
[247b.6]རྟེན་ཁམས་ནི་ཐམས་ཅད་དུ། །ཇི་ལྟར་གདུལ་བྱ་སྣ་ཚོགས་ལ། །པདྨའི་འཁོར་ལོ་རབ་ཏུ་བསྐོར། །སེམས་ཅན་ཀུན་ལ་ཕན་པའི་ཕྱིར། །འཇིག་རྟེན་ཁམས་ནི་ཐམས་ཅད་དུ། །ཇི་ལྟར་གདུལ་བྱ་སྣ་ཚོགས་ལ། །ལས་ཀྱི་འཁོར་ལོ་རབ་ཏུ་བསྐོར། །ཤེས་རབ་ཐབས་ཀྱི་རང་བཞིན་དག། །
[247b.7]ཡིད་བཞིན་ནོར་བུ་ཆེན་པོ་ལྟར། །བུད་མེད་ཆགས་དང་བྲལ་བ་ཡིས། །སེམས་ཅན་དོན་ནི་བླ་མེད་ཀྱིས། །དེས་ཀྱང་འདི་ལ་ཕྱག་བྱས་ནས། །འདི་སྐད་ཅེས་བརྗོད་པར་བྱའོ། །གཙོ་བོས་ཇི་ལྟར་བཀའ་སྩལ་བ། །དེ་ལྟར་བདག་གིས་བྱ་བ་བགྱི། །ཞེས་པ་ནི་རྗེས་སུ་
[248a]
[248a.1]གནང་བའི་ཆོ་གའོ། །དེ་ནས། སྤྱི་བོར་གདུགས་ནི་བཟུང་བྱས་ནས། །སྐོར་བ་བྱེད་དུ་བཅུག་ནས་ནི། །དཀྱིལ་འཁོར་སྒོར་ནི་ཐལ་སྦྱར་ལ། །གདུགས་བཅས་དབབ་ཅིང་འདི་སྐད་བརྗོད། །སློབ་མ་འདི་ནི་ཕུལ་བྱས་ཀྱི། །གསང་སྔགས་རྒྱུད་རྣམས་འཛིན་པར་
[248a.2]ཤོག། །ཅེས་བྱ་བས་འཁོར་ལོའི་དབང་ཕྱུག་ལ་གསོལ་བ་བཏབ་ནས་གདུགས་གཞན་དུ་བཞག་ནས་སློབ་མ་ཡིད་དུ་འོང་བ་ལ་འདི་སྐད་བརྗོད་པར་བྱའོ། །འདིར་ནི་སློབ་དཔོན་དཀྱིལ་འཁོར་དང་། །སྔགས་དང་རྒྱུད་ཀྱང་འཛིན་པར་འགྱུར། །སངས་རྒྱས་བྱང་ཆུབ་སེམས་དཔའ་དང་། །ལྷ་རྣམས་
[248a.3]ཀུན་གྱིས་དགོངས་པར་འགྱུར། །སེམས་ཅན་ཀུན་ལ་བརྩེ་བའི་ཕྱིར། ཁྱེད་ཀྱིས་དཀྱིལ་འཁོར་ཆོ་ག་བཞིན། །ནན་ཏན་བསྐྱེད་དེ་བྲི་བར་བྱ། །སྒྲུབ་པ་པོ་རྣམས་རྒྱུད་ལ་སྦྱོར། །མཆོག་གསང་དཀྱིལ་འཁོར་དམ་པ་འདི། །མཐོང་བ་དང་ནི་ཞུགས་འགྱུར་བས། །སྡིག་པ་ཀུན་ལས་ངེས་པར་
[248a.4]གྲོལ། །ཁྱེད་རྣམས་དེ་ཉིད་ལེགས་པར་གནས། །བདེ་ཆེན་ཐེག་པ་འདི་ལ་ནི། །ཕྱི་ནས་འཆི་བ་ཡོད་མིན་ནོ། །མི་ཚུགས་པ་དང་མི་སྲིད་པས། །ཅིས་ཀྱང་མི་འཇིགས་དགའ་བར་གྱིས། །སྲིད་པ་ཀུན་དུ་དག་བྱས་ཕྱིར། །སྲིད་པའི་སྡུག་བསྔལ་ལས་ཁྱོད་འདས། །སངས་རྒྱས་རྡོར་འཛིན་
[248a.5]བཅས་ཀུན་གྱིས། །ཚེ་ལྡན་དེ་རིང་དབང་བསྐུར་བས། །ཁམས་གསུམ་ཀུན་གྱི་རྒྱལ་སྲིད་ཆེ། །བདག་པོ་ཀུན་དུ་ཁྱོད་ཉིད་འགྱུར། །འདོད་ཆགས་བྲལ་བ་ལྟ་བུའི་སྡིག །ཁམས་གསུམ་ན་ནི་གཞན་མེད་དོ། །དེ་ཕྱིར་འདོད་ཆགས་དང་བྲལ་བར། །ཁྱོད་ཀྱིས་ནམ་ཡང་མི་བྱའོ། །འདོད་
[248a.6]པ་ཀུན་ལ་ཉེར་སྤྱོད་པས། །གང་ལ་འཇིགས་མེད་སྤྱད་པར་གྱིས། །ཤ་ལྔ་བདུད་རྩི་བཟའ་བར་བྱ། །འདི་ལས་གཞན་ཡང་དམ་ཚིག་བསྲུང་། །སྲོག་ཆགས་གསད་པར་མི་བྱ་ཞིང་། །བུད་མེད་རིན་ཆེན་སྤང་མི་བྱ། །སློབ་དཔོན་སྤང་པར་མི་བྱ་སྟེ། །དམ་ཚིག་ཤིན་ཏུ་འདའ་དཀའ་
[248a.7]བས། །ཤེས་རབ་ཐབས་སུ་སེམས་དཔའ་ཡིས། །མི་བྱ་བ་ནི་ཅུང་ཟད་མེད། །དེ་བཞིན་གཤེགས་གསུངས་ཇི་ལྟ་བའི། །སྡིག་པ་མེད་པས་འཇིགས་མ་བྱེད། །དེ་ལྟར་ཡིད་ནི་རབ་ཏུ་རྡོ་རྗེ་ཉིད་དུ་གྱིས། །རང་གི་དམ་ཚིག་མི་བཟད་དེ་བཞིན་ལས་བརྒྱ་བསྟན་པར་གྱིས། །
[248b]
[248b.1]དེ་རིང་ཚེགས་ཆུང་བདེ་བར་འགྲོ་བའི་རྡོ་རྗེ་སེམས་དཔའ་དང་། །རབ་ཏུ་མཉམ་ཞིང་རྟག་པ་ཉིད་དུ་རྟོགས་པར་འགྱུར། །གཞན་ཡང་ཆོས་དེ་རྣམས་ལས་ཆོས་དེ་ཇི་བཞིན་པར། །དབང་བསྐུར་བ་ལས་དགེ་བའི་ཆེད་དུ་བུ་གཅེས་པ་ཡི་མ་བཞིན་དུ། །སངས་རྒྱས་དང་བྱང་ཆུབ་སེམས་
[248b.2]དཔའ་ཐམས་ཅད་ཀྱི་ཆོས་ཉིད་ཀྱི་ཐུགས་དང་བས་ཡང་དག་པར་དགོངས་པར་མཛད་དོ་ཞེས་བྱ་བ་ནི་དབུགས་དབྱུང་བའི་ཆོ་གའོ། །དེ་ལྟར་དབང་ཐོབ་པའི་སློབ་མ་དབུགས་འབྱིན་ཞིང་དགའ་བས་འདི་ལྟར་བགྱིའོ། །དེང་བདག་སྐྱེ་བ་འབྲས་བུར་བཅས། །བདག་གི་གསོན་པའང་འབྲས་བུར་
[248b.3]བཅས། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་དེང་བདག་གྱུར། །ཞེས་བརྗོད་དོ། །དེ་ནས་གླང་པོ་ཆེ་དང་། རྟ་དང་། རིན་པོ་ཆེ་དང་། ས་ལེ་སྦྲམ་དང་། དངུལ་དང་། གསེར་དང་། རྒྱན་དང་། བ་ལང་དང་། མ་ཧེ་དང་། བྲན་ཕོ་དང་། བྲན་མོ་དང་། ཁོལ་པོ་ལ་སོགས་
[248b.4]པ་དང་། གཅེས་པའི་ཆུང་མ་དང་། བུ་དང་བུ་མོ་ལ་སོགས་པ་རྣམས་སམ་ཇི་ལྟར་ནུས་པས་བླ་མ་ལ་བསྙེན་བཀུར་གྱི་ཕྱིར་དབུལ་བར་བྱའོ། །གཏོར་མ་དང་སྦྱིན་སྲེག་དང་ཚོགས་ཀྱི་འཁོར་ལོ་དང་དགེ་འདུན་ལ་སྟོན་མོ་ལ་སོགས་པ་ཡང་བྱའོ། །དེ་ནས་ཆོ་ག་ཇི་ལྟ་བར་རྒྱས་པ་དང་ཞི་བའི་སྦྱིན་
[248b.5]སྲེག་བྱས་ནས་རང་ཉིད་ཀྱིས་དཀྱིལ་འཁོར་མཆོད་པས་མཆོད་དེ། །ཐམས་ཅད་ཀྱིས་ཅི་ནུས་པ་ཇི་ལྟ་བ་དེ་བཞིན་གཤེགས་པ་ལ་སོགས་པ་རྣམས་ལ་མཆོད་པ་གྱིས་ཤིག་ཅེས་པས་སློབ་མ་ལ་སོགས་པ་རྣམས་ཀྱིས་མཆོད་པ་བྱེད་དུ་བཅུག་ནས་ཞུགས་པ་རྣམས་ལ་ཡང་བཟའ་བ་དང་། བཅའ་
[248b.6]བ་དང་། བལྡག་པ་དང་། ཆང་ལ་སོགས་པའི་ཚོགས་ཀྱི་འཁོར་ལོའི་ཚུལ་རྣམས་ཀྱིས་ཚིམ་པར་བྱ་སྟེ། དེ་དག་དང་ལྷན་ཅིག་ཏུ་མི་ཉལ་བར་དཀར་པོ་ལ་སོགས་པ་དང་བྱང་ཆུབ་ཀྱི་སེམས་སྒྲུབ་པས་ཡང་དག་པར་མཆོད་ནས་ཁྱོད་རྣམས་ཀྱིས་འཇུག་པ་འདི་སུ་ལ་ཡང་བརྗོད་པར་མི་བྱའོ།
[248b.7]ཞེས་བཀའ་བསྒོས་ནས་སློབ་དཔོན་གྱིས་ཡོན་བླང་པར་བྱའོ། །དེས་ཀྱང་གུས་པས་དབུལ་བར་བྱའོ། །རིན་ཆེན་ཡིད་འོང་ཆུང་མ་དང་། །རང་གི་ལུས་དང་ཞིང་དང་ནི། །ཇི་ལྟར་བླ་མ་མཉེས་འགྱུར་དབུལ། །མདོར་བསྡུས་ནས་ནི་འདི་ལྟར་བྱ། །བླ་མ་མཉེས་ན་དངོས་གྲུབ་འགྲུབ། །གཞན་
[249a]
[249a.1]དུ་མིན་ཞེས་ཐུབ་པས་གསུངས། །སློབ་དཔོན་བླ་མེད་བྱེད་པ་པོ། །རྡོ་རྗེ་སེམས་དཔའ་མཆོད་པའོ། །དེ་ཡི་བསོད་ནམས་མ་བྱས་ཅི། །དཀའ་ཐུབ་མ་སྤྱད་པར་ཡང་དག །ཅེས་གསུངས་པས་སོ། །དེར་སློབ་མ་བཀོད་ནས་ཕྱི་རོལ་དུ་ཕྱོགས་སྐྱོང་གི་གཏོར་མ་གཏང་། །མཆོད་
[249a.2]པ་ལ་སོགས་པ་བྱས་ནས་དང་དུ་ཞུགས་ནས་དཀྱིལ་འཁོར་ལ་ཕྱག་འཚལ་ཏེ་འཁོར་ལོའི་བདག་པོར་མཆོད་ཡོན་ལ་སོགས་པ་ཕུལ་ནས་དགེ་བ་ཡོངས་ལ་བསྔོ་སྟེ་དཀྱིལ་འཁོར་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ལ་ཕྱག་བྱས་ནས་ཤར་སྒོར་འདུག་སྟེ། ཡི་གེ་བརྒྱ་པ་ལན་གསུམ་
[249a.3]བརྗོད་དོ། །གང་ཡང་བདག་བློ་གཏི་མུག་པས། །ལེགས་སྤྱད་འདི་ལ་ཉེས་གྱུར་གང་། །གང་ཕྱིར་ལུས་ཅན་སྐྱབས་གྱུར་པ། །དེ་ཀུན་མགོན་ཁྱོད་བཟོད་པར་གསོལ། །གཙོ་བོ་ནུས་པ་མ་མཆིས་ཤིང་། །མ་རྙེད་པ་དང་མ་ཚང་བ། །འདིར་ནི་བྱ་བ་གང་བགྱིས་པ། །དེ་ཀུན་མགོན་ཁྱོད་
[249a.4]བཟོད་པར་གསོལ། །ཞེས་བཟོད་པར་གསོལ་ནས། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །ཨོཾ་ཨཱཿཧཱུཾ་བཛྲ་མུཿ། ཞེས་པས་ཡེ་ཤེས་ཀྱི་དཀྱིལ་
[249a.5]འཁོར་གཤེགས་སུ་གསོལ་ནས་རང་ཉིད་ཀྱིས་སྤྲུལ་པའི་དཀྱིལ་འཁོར་རང་ཉིད་ལ་བཅུག་ལ་ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུ་ཏྤནྣ་ཏྭཱ་ཏ་ཨོཾ་ཨཱཿཧཱུཾ་ཕཊ་སྭཱ་ཧཱ་ཨོཾ་ཨཱཿ་ཧཱུཾ་མུཿ། ཞེས་འདོན་ཞིང་ཆོས་ཐམས་ཅད་སྐྱེ་བ་མེད་པར་མོས་ནས་དྲིལ་བུ་དཀྲོལ་ཞིང་ལག་པ་ན་གནས་པའི་རྡོ་རྗེས་ཤར་
[249a.6]སྒོ་ནས་བརྩམས་ཏེ་ཚངས་ཐིག་གི་ལམ་ནས་གཙོ་བོའི་གནས་ཀྱི་བར་དུ་དབྱི་ཞིང་། །རང་གི་མགོ་ལ་རྡུལ་ཚོན་ཅུང་ཟད་ཙམ་བླུགས་ནས་པདྨ་ལ་སོགས་པའི་བར་དུ་དབྱེ་བར་བྱའོ། །དེ་ནས་སྒོ་རྣམས་ལ་གནས་པ་དང་ཟུར་ནི་ལག་པ་ན་གནས་པའི་རྡོ་རྗེའི་རྩེ་མོས་གཞིག་པར་བྱའོ། །ཨོཾ་བཛྲ་ཀཱི་ལཱ་
[249a.7]ཡ་ཨུཏ་ཀཱི་ལཱ་ཡ་སརྦ་ཀཱི་ལཾ་བཛྲ་དྷ་རཱ་ཡཱ་ཛྙཱ་པ་ཡ་ཏི་ཧཱུཾ་ཧཱུཾ་ཧཱུཾ་ཧཱུཾ་ཕཊ་ཧོ་ཞེས་བྱ་བའམ། ཧཱུཾ་གི་སྔགས་ཀྱིས་ཕུར་པ་རྣམས་བཏོན་ནས། ཨོཾ་རུ་རུ་སྤུ་རུ་ཛྭ་ལ་ཏིཥྛ་སིདྡྷ་ལོ་ཙ་ནི་སརྦ་ཨ་ནྲ་སཱ་དྷ་ནེ་སྭཱ་ཧཱ། ཞེས་བྱ་བའི་ཆུ་ལ་ལན་བརྒྱ་རྩ་བརྒྱད་དུ་བཟླས་པས་བཀྲུའོ། །ཕུར་པའི་ལྷ་རྣམས་
[249b]
[249b.1]གཤེགས་སུ་གསོལ་ལོ། ཁུང་བུ་ཡང་དགང་ངོ་། །ནད་ཞི་བ་ལ་སོགས་པའི་དོན་དུ་གཉེར་བ་ལ་རྡུལ་ཚོན་ཅུང་ཟད་བྱིན་ནས་རྒྱལ་བའི་བུམ་པའམ། བུམ་པ་གཙང་མ་གཞན་རས་ཀྱིས་བརྒྱན་པའི་རྣལ་འབྱོར་མས་བཟུང་སྟེ། ཁྱོགས་ལ་ཞོན་པའི་སློབ་དཔོན་ནམ། སློབ་མས་དྲིལ་བུའི་སྒྲ་དང་
[249b.2]རོལ་མོའི་སྒྲ་དང་གདུགས་དང་། རྒྱལ་མཚན་དང་། བ་དན་དང་། མཆོད་པ་རྣམས་དང་ལྡན་པས་འབབ་ཆུ་ཆེན་པོའམ་ཆུ་ཟབ་མོར་ཁྱེར་ནས་འགྲམ་དུ་འདུག་སྟེ་བའི་ལྕི་བས་བྱུགས་ལ་དྲི་དཀར་པོས་བྱུགས། དཀྱིལ་འཁོར་བྱས་ནས་པདྨའི་ལྟེ་བ་ལ་རྡོ་རྗེ་སེམས་དཔའ་དང་། འདབ་
[249b.3]མ་ལ་ཀླུ་རྣམས་སྔོན་བཞིན་དུ་མཆོད་དོ། །ཀླུ་གཏོར་གྱི་སྔགས་ཀྱིས་འོ་ཐུག་གི་གཏོར་མ་བྱིན་ནས་མཆོད་དོ། །ཀླུ་རྣམས་ལ་རྡུལ་ཚོན་གཏད་ནས་ཆུ་ལ་བླུགས་པར་བྱའོ། །ཀླུ་རྣམས་ཀྱིས་ཀྱང་བཀུར་སྟི་ཆེན་པོས་ས་འོག་ཏུ་ཁྱེར་བར་བསམ་པར་བྱའོ། །ཡང་རྡུལ་ཚོན་ཁྱེར་བའི་བུམ་
[249b.4]པ་དེ་ཆུས་བཀང་ནས་དེ་ཁོ་ན་བཞིན་བཞག་སྟེ། དེ་ནས་ཞི་བའི་དོན་དུ་དཀྱིལ་འཁོར་ལ་སོགས་པའི་ཁང་པ་ཆག་ཆག་གདབ་བོ། །བའི་ལྕི་བས་བྱུགས་པའི་དཀྱིལ་འཁོར་པར་གཞོན་ནུ་མ་རྣམས་ལ་འོ་ཐུག་གི་སྟོན་མོས་ཚིམ་པར་བྱའོ། །དེ་ནས་སློབ་དཔོན་གྱིས། མཁོ་བའི་
[249b.5]ཡོ་བྱད་རྣམས་བསྡུས་ནས། །རང་ཉིད་ཀྱིས་ནི་སྤྱད་པར་བྱ། །སློབ་མ་ལ་སོགས་ཅུང་ཟད་མིན། །ཁུང་བུ་འགེང་དང་རབ་གནས་དང་། །སྦྱིན་སྲེག་དཀྱིལ་འཁོར་ནོར་གང་ཡིན། །དེ་ཀུན་སློབ་དཔོན་ཉིད་དབང་ཞེས། །རྡོ་རྗེ་འཛིན་པ་མཆོག་གིས་གསུངས། །ཡོན་བདག་གིས་རབ་
[249b.6]གནས་བྱས་པའི་སྐུ་གཟུགས་ལ་སོགས་པ་བསྐྱོད་པར་རུང་བ་ནི་རོལ་མོའི་སྒྲ་ལ་སོགས་པས་མཆོད་པས་རང་རང་གི་གནས་སུ་ཁྱེར་ནས་མཆོད་པར་བྱའོ། །སློབ་དཔོན་དང་སྒོའི་སློབ་དཔོན་རྣམས་དང་ལས་ཀྱི་རྡོ་རྗེ་ཅན་དང་རྣལ་འབྱོར་མ་རྣམས་དང་བཟོ་རྣམས་ཇི་ལྟར་རིགས་པར་ནོས་
[249b.7]པ་ཇི་ལྟ་བར་རས་ལ་སོགས་པ་དང་སོ་རྩི་ལ་སོགས་པས་ཚིམ་པར་བྱའོ། །དགེ་འདུན་ལ་སྟོན་མོ་དང་རྣལ་འབྱོར་པ་ལ་ཚོགས་ཀྱི་འཁོར་ལོ་ཡང་བྱའོ། །དམན་པ་དང་མགོན་མེད་པ་རྣམས་ལའང་ཚིམ་པར་བྱའོ་ཞེས་པ་ནི་དཀྱིལ་འཁོར་ཉེ་བར་བསྡུ་བའི་ཆོ་གའོ། །དེ་ལྟར་
[250a]
[250a.1]འདིར་ནི་དཀྱིལ་འཁོར་བྲི་བའི་ཆོ་གའོ། །བྲི་བའི་ཆོ་ག་འདི་ཡིད་ཀྱིས་བསྒྲུབས་པའི་ཆོ་ག་ཉིད་ཀྱིས་ཀྱང་འབྲས་བུ་དང་ལྡན་ནོ་ཞེས་བྱ་བས་ཡིད་ཀྱི་ཆོ་ག་ཁོ་ན་མཆོག་ཡིན་ནོ། །དེའི་ཕྱིར་དཀྱིལ་འཁོར་གྱི་བདག་པོའི་གཟུགས་ཀྱིས་ས་གཟུང་བ་ལ་སོགས་པ་དང་། སྐུ་
[250a.2]གཟུགས་ལ་སོགས་པའི་རབ་གནས་དང་། སློབ་མ་ལ་དབང་བསྐུར་བ་དང་། གཤེགས་སུ་གསོལ་བ་དང་། ཞི་བའི་སྦྱིན་སྲེག་གི་མཐར་ཐུག་པ་ཐམས་ཅད་ཡིད་ཀྱིས་བྱའོ། །དེ་ཉིད་ཀྱི་ཚེ་གང་གིས་ཁ་ཅིག་ཏུ་སྦྲེལ་བ་དང་འདི་དག་ཐམས་ཅད་བྱར་མི་ནུས་པའམ་མི་རྙེད་པ་དེའི་ཚེ་
[250a.3]བསྒོམ་པར་བྱའོ། །དེའི་ཚེ་དངོས་པོ་ཡོད་པ་ལ་ཡང་བསམ་གཏན་ཁོ་ན་གཙོ་བོ་ཡིན་ནོ། །འོན་ཀྱང་འཇིག་རྟེན་པ་ལྟ་བ་དང་སྦྱིན་པ་ལ་མངོན་པར་དད་པ་ལ་སོགས་པས་བསོད་ནམས་སྤེལ་བ་འགའ་ཞིག་གི་ཆེད་དུ་ཕྱི་མཆོད་ཀྱི་ཆོ་ག་འདོད་དོ། །རྒྱུ་མེད་ཅིང་ཚོགས་པ་དང་བྲལ་བས་ནི་བསྒོམ་
[250a.4]པ་ཁོ་ནས་ཆོ་ག་ཐམས་ཅད་བསྒྲུབ་པར་བྱའོ་ཞེས་སྔོན་གྱི་སློབ་དཔོན་རྣམས་ཀྱིས་གསུངས་སོ། །དེའི་ཕྱིར་ལས་དང་པོ་པས་ཀྱང་སེམས་བརྟན་པས་ཡིད་ཀྱིས་སྤྲུལ་པའི་དཀྱིལ་འཁོར་དུ་སྔོན་གྱི་རབ་གནས་དང་། སྐལ་བ་ལ་བསྟན་པ་དང་དབང་བསྐུར་བར་བྱའོ། །དེ་ལྟར་ཡང་སངས་རྒྱས་
[250a.5]ཐོད་པའི་རྒྱུད་ལས། ཤེས་རབ་པདྨའི་ནང་དབུས་སུ། །དཔག་ཚད་བྱེ་བའི་དཀྱིལ་འཁོར་ལ། །དཀྱིལ་འཁོར་དེ་ཡི་དབུས་སུ་ནི། །མཁས་པས་སློབ་མ་དབང་བསྐུར་བྱ། །ཞེས་པ་དང་གཞན་དུ་ཡང་གསུངས་པ་སྟེ། ཡིད་ཀྱིས་འགའ་ཞིག་ཉིད་དུ་ནི། །རྒྱལ་བའི་དཀྱིལ་འཁོར་
[250a.6]བྱ་བར་བཞེད། །ཅེས་གསུངས་སོ་ཞེས་པ་ནི་ཡིད་ཀྱི་དཀྱིལ་འཁོར་གྱི་ཆོ་གའོ། །སློབ་དཔོན་ཆེན་པོ་ཨ་བྷ་ཡཱ་ཀ་ར་གུཔྟས་མཛད་པའི་དབང་བསྐུར་གྱི་རབ་ཏུ་བྱེད་པ་རྫོགས་སོ།། །།པཎྜི་ཏ་དེ་ཉིད་དང་མཁས་པ་བཎྡེ་ཤེས་རབ་དཔལ་གྱིས་བསྒྱུར་བའོ།།
[250a.7]{T1500}༄༅༅། །རྒྱ་གར་སྐད་དུ། སྭ་ཨངྷིཥྛཱ་ན་ཀྲ་མ་ཨུ་པ་དེ་ཤ་ནཱ་མ། བོད་སྐད་དུ། རང་བྱིན་གྱིས་བརླབ་པའི་རིམ་པའི་མན་ངག་ཅེས་བྱ་བ། དཔལ་བདེ་མཆོག་ལ་ཕྱག་འཚལ་ལོ། །རིན་ཆེན་གནས་ལས་རིན་ཆེན་རྙེད། །བློ་ཡི་ནོར་ཅན་འགའ་ཡོད་ཀྱང་། །ལེགས་པར་
[250b]
[250b.1]ཡོངས་བརྟགས་རིན་པོ་ཆེ། །དམ་པས་རྒྱན་དཔལ་འཇིགས་མེད་མཆོག། །འདིར་སྙིང་རྗེ་ཆེན་པོས་ཨོཾ་སྭ་བྷཱ་བ་ཤུདྡྷཿ་སརྦ་དྷརྨཱཿ་སྭ་བྷཱ་བ་ཤུདྡྷོ྅ཧཾ། ཞེས་བྱ་བ་འདིའི་དོན་ལ་མངོན་དུ་ཕྱོགས་ཤིང་རང་བཞིན་གྱིས་ལུས་སྟོང་པ་ཉིད་ལ་སྐད་ཅིག་གིས་བདེ་མཆོག་ཞབས་གཡས་བརྐྱང་པས་
[250b.2]སྣ་ཚོགས་མུ་སྐྱེས་དང་ཉི་མ་ལ་འཇིགས་བྱེད་དང་དུས་མཚན་མནན་པ་རྡོ་རྗེ་དང་དྲིལ་བུ་དང་བཅས་པའི་ཕྱག་གཉིས་ཀྱིས་རྡོ་རྗེ་དང་ཆུ་སྐྱེས་ཀྱི་སྣོད་དང་བཅས་པའི་ཕྱག་ཟུང་ཅན། དབུ་ལ་གནས་པའི་ཐོད་པ་ལྔ་དང་བཅས་པ། མགོ་བོ་སྐམ་པོའི་ཕྲེང་བ་མགུལ་པར་འཕྱང་བ་ཕྱག་རྒྱ་ལྔ་
[250b.3]དང་ལྡན་པ། དབུ་སྐྲ་སྔོན་པོའི་ཚོགས་གྲོལ་ཞིང་འཁྱིལ་བ། སྤྱན་གསུམ་པ་མེ་ཏོག་བནྡྷུ་ཀ་ལྟ་བུའི་རྡོ་རྗེ་ཕག་མོ་ལ་འཁྱུད་ཅིང་མཚོ་སྐྱེས་དང་གཉིས་སུ་མེད་པའི་དགའ་བ་དང་ལྡན་པ། མེ་ཏོག་ཀནྡ་ལི་ཁ་བྱེ་མ་ཐག་གི་ཁ་དོག་མཛེས་པ། གར་གྱི་ཉམས་དགུའི་ཚོགས་ཅན། རལ་པ་
[250b.4]ནག་པོའི་ཐོར་ཚུགས་བརྫེས་པའི་རྩེ་མོར་ནོར་བུ་དང་སྣ་ཚོགས་རྡོ་རྗེས་མཛེས། །འདིའི་འོག་ཏུ་གཡོན་དུ་བསིལ་འོད་ཅན་གྱི་ཆ་གནས་པ། གདན་སྣ་ཚོགས་རྡོ་རྗེ་ལ་ཐུབ་པ་མི་བསྐྱོད་པ་བཞུགས་པ། དཔྲལ་བའི་མཐའི་གནས་སུ་ཐོད་པ་ལྔས་བརྒྱན་པ་ཕྱག་རྒྱ་དྲུག་པ། རླན་དང་བཅས་
[250b.5]པའི་མི་མགོ་ལྔ་བཅུའི་ཕྲེང་བས་སྐུ་རྣམ་པར་མཛེས་པ། མཛེས་མའི་མཆུའི་སྦྲང་རྩིའི་བཏུང་བའི་རོ་དང་ལྡན་པ། སྤྱན་གསུམ་པ་ཞལ་གཅིག་པ། དཔལ་གྱི་ཐུགས་ཀར་གནས་པའི་ཉི་མ་ཧཱུཾ་སྔོན་པོ་དང་བཅས་པའི་བདག་ཉིད་དང་རོ་གཅིག་པ་ཉིད་ཀྱིས་རང་དང་མཉམ་པའི་འགྲོ་བ་བརྟན་
[250b.6]པ་དང་བཅས་པའི་གཡོ་བ་བཅོམ་ལྡན་འདས་མ་ལའོ། །དེའི་ཐུགས་རྗེ་ཆེན་པོའི་བདག་ཉིད་བཅོམ་ལྡན་འདས་ལའོ། །དེ་བདག་ཉིད་གདན་དང་བཅས་པ་ཐུགས་པའི་ཉི་མ་དང་བཅས་པ་ཧཱུཾ་གི་རྣམ་པ་ལའོ། །དེ་དོན་ཡོད་གྲུབ་པའི་ངོ་བོ་ཨུའི་རྣམ་པ་ནི་འོད་དཔག་མེད་ཀྱི་རང་བཞིན་ཧའི་
[250b.7]རྣམ་པ་ལའོ། །དེ་རིན་ཆེན་འབྱུང་ལྡན་གྱི་ངོ་བོ་མགོ་བོའི་རི་མོ་ལའོ། །དེ་རྣམ་པར་སྣང་མཛད་ཀྱི་རང་བཞིན་ཟླ་ཚེས་ལའོ། །དེ་མི་བསྐྱོད་པའི་རང་བཞིན་ནཱ་ད་དང་བཅས་པའི་ཐིག་ལེ་ལའོ། །དེ་ནཱ་ད་ལའོ། །དེ་ཡང་རིམ་གྱིས་བསྡུས་པ་ནི་རྡོ་རྗེ་སེམས་དཔའི་ངོ་བོ་ཆོས་ཀྱི་སྐུ་
[251a]
[251a.1]འོད་གསལ་བ་སྟོང་པ་ཉིད་བསམ་གྱིས་མི་ཁྱབ་པ་ལ་གཞུག་པར་བྱའོ། །འདི་ནི་འདིར་རྗེས་སུ་གཞིག་པའི་རིམ་པས་མེ་ལོང་ལ་དབུགས་ཀྱིས་རླངས་པ་ཡལ་བ་ལྟར་ས་བཅུའི་དབང་ཕྱུག་སྒྱུ་མའི་སྐུ་ས་བཅུ་གཅིག་པར་སྒྲིབ་པ་དང་བཅས་པའི་གནས་
[251a.2]ཡོངས་སུ་གྱུར་པའི་ངོ་བོ་འོད་གསལ་དུ་ཞུགས་པ་རབ་ཏུ་བསྟན་ཏོ། །དེ་ནས་རྣམ་པར་རྟོག་པའི་དྲ་བ་མཐའ་དག་གི་བག་ཆགས་དྲུངས་ནས་ཕྱུང་བ་ནི་གདུལ་བྱའི་སྐྱེ་བོའི་བསོད་ནམས་དང་རང་གི་སྨོན་ལམ་གྱིས་འཕེན་བས་སྐད་ཅིག་གིས་བདག་ཉིད་སྤྲོས་པ་ཐམས་ཅད་སྟོང་པ་ཉིད་ཀྱི་
[251a.3]བདག་ཉིད་བདེ་བ་ཆེན་པོའི་རང་བཞིན་ཐུགས་རྗེ་ཆེན་པོའི་ངོ་བོ་ཉིད་ཀྱིས་ཟུང་འཇུག་ལོངས་སྤྱོད་རྫོགས་པའི་སྐུ་རྒྱུན་མི་འཆད་པ་སྤྲུལ་པ་སྣ་ཚོགས་པ་རབ་འབྱམས་རྣམས་ཀྱིས་ནམ་མཁའི་ཁོངས་གང་བས་གཞན་གྱི་དོན་ཡང་དག་པར་བསྒྲུབ་པར་འབྱུང་ངོ་། །བསྐྱེད་པའི་རིམ་པ་མཆོག་ལ་
[251a.4]གནས་པའི་ལས་དང་པོ་པས་འདི་མཐའ་དག་སོ་སོར་ཡང་དང་ཡང་དུ་བསྒོམ་པར་བྱའོ། །འབྲིང་གིས་ནི་ཟུང་འཇུག་ལོངས་སྤྱོད་རྫོགས་པའི་སྐུ་སྐད་ཅིག་གིས་འོད་གསལ་དུ་ཞུགས་པ་དང་བཞེངས་པ་ཁོ་ནའོ། །མཆོག་གི་སླར་ཟུང་འཇུག་གི་བདག་ཉིད་དུ་བཞེངས་པ་ཁོ་ནའོ། །འདི་ཉིད་
[251a.5]ལྷུན་གྱིས་གྲུབ་པར་བསྒོམ་པ་མཆོག་གི་མཆོག་རབ་ཏུ་གསལ་བ་མཐར་ཐུག་པ་ཟུང་འཇུག་ལོངས་སྤྱོད་རྫོགས་པའི་སྐུའི་རང་བཞིན་ཕྱག་རྒྱ་ཆེན་པོའི་དངོས་གྲུབ་ཐོབ་པར་འགྱུར་རོ། །འདི་ནི་བཅོམ་ལྡན་འདས་ཀྱིས་གསང་ཆེན་དུ་མཛད་པ་བླ་མ་དམ་པའི་ཞབས་ཀྱི་མན་ངག་གིས་རང་དང་མཉམ་
[251a.6]པས་ཀྱང་དྲན་པར་བྱ་བའི་ཕྱིར་མཁས་པ་འཇིགས་མེད་འབྱུང་གནས་སྦས་པས་རྣམ་པར་གསལ་ཞིང་ངེས་པར་བྱས་པ་རང་བྱིན་གྱིས་བརླབ་པའི་རིམ་པའི་མན་ངག་གོ། །འདི་ལས་ལེགས་བྱས་ཚོགས་རྣམས་ཀྱི། །འཇིགས་མེད་གསུང་གི་འོད་ཟེར་གྱིས། །མྱུར་དུ་འགྲོ་རྣམས་མུན་བཅོམ་
[251a.7]ཞིང་། །བདེ་མཆོག་དཔལ་གྱི་སྐུ་འཛིན་ཤོག །དངོས་གྲུབ་བརྙེས་པའི་པཎྜི་ཏ་ཆེན་པོ་ཨ་བྷ་ཡཱ་ཀ་ར་གུཔྟའི་ཞལ་སྔ་ནས་མཛད་པ་འདི་རྫོགས་སོ།། །།རྒྱ་གར་གྱི་མཁན་པོ་དཔལ་བདེ་མཆོག་ཉིད་དང་དབྱེར་མེད་པའི་པཎྜི་ཏ་ཆེན་པོ་དཔལ་རྗེ་བཙུན་རཏྣ་རཀྵི་ཏའི་ཞལ་སྔ་ནས་དང་།
[251b]
[251b.1]ལོ་ཙཱ་བ་ཤཱཀྱའི་དགེ་སློང་ཆོས་རྗེ་དཔལ་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། {T1501}༄། །བཅོམ་ལྡན་འདས་འཇམ་པའི་རྡོ་རྗེའི་སྒྲུབ་ཐབས་བཞུགས། ༄༅༅། །བཅོམ་ལྡན་འདས་དཔལ་འཇམ་པའི་རྡོ་རྗེ་ལ་ཕྱག་འཚལ་ལོ། །རེ་ཞིག་དང་པོར་ལྷ་མོ་རྣམས་ཀྱིས་ཅང་
[251b.2]ཏེའུའི་སྒྲས་བསྐུལ་བ་སྔོན་དུ་འགྲོ་བ་བསམས་ནས་ལངས་ཏེ་དཔའ་བོ་དང་རྣལ་འབྱོར་མ་ཐམས་ཅད་ཀྱི་ཞབས་ལ་ལུས་དང་ངག་དང་ཡིད་ཀྱི་གུས་པས་ཕྱག་འཚལ་ལོ་ཞེས་བརྗོད་དེ་ཕྱག་འཚལ་བར་བྱའོ། །དེ་ནས་གདོང་ལ་སོགས་པ་བཀྲུས་ཏེ། སྒྲ་ལ་སོགས་དང་བྲལ་བའི་བསམ་གཏན་གྱི་ཁང་
[251b.3]པར་ཞུགས་ཏེ་བདེ་བའི་སྟན་ལ་འདུག་ནས། གནས་དང་བདག་དང་རྣལ་འབྱོར་སྲུང་བ་བརྩོན་པར་བྱ་སྟེ། གཡོན་པའི་སྡིགས་མཛུབ་བསྒྲེང་བ་སྙིང་གར་བཞག་སྟེ། གནོད་མཛེས་ཀྱི་སྔགས་ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞ་པ་ཡ་གྲྀཧྣཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་
[251b.4]ཧོཿབྷ་ག་བཱན་བཛྲ་རཱ་ཛ་ཧཱུཾ་ཛ་ཧཱུཾ་ཕཊ། ཅེས་བརྗོད་དེ་ཤར་ལ་སོགས་པའི་ཕྱོགས་སུ་དགོད་པར་བྱའོ། །དེ་ནས་རླུང་དང་མེའི་དཀྱིལ་འཁོར་ལ་གནས་པའི་པདྨ་དུམ་བུ་གཅིག་པའི་ནང་དུ་བི་མུ་ཤུ་མ་རཾ། གོ་ཀུ་ད་ཧ་ན། ཞེས་བྱ་བ་སྟོབས་དང་བཅས་པའི་བདུད་རྩི་བལྟས་ལ་ཧཱུཾ་ལས་བྱུང་བའི་
[251b.5]རྡོ་རྗེ་དཀར་པོས་སྦྱང་བར་བྱའོ། །ཡི་གེ་ཨས་ནི་སད་པར་བྱས་ལ། ཨོཾ་གྱིས་འབར་ཞིང་གསལ་བར་བྱས་ནས། རང་གི་ལྕེའི་སྟེང་དུ་ཧཱུཾ་ལས་བྱུང་བའི་རྡོ་རྗེ་དཀར་པོ་རྣམ་པར་བསྒོམས་ཏེ། སརྦྦ་ཏ་ཐཱ་ག་ཏ་བིགྷྣཾ་བི་ཡ་ཧཱུཾ་སྭཱ་ཧཱ། ཞེས་བྱ་བས་བཏུང་བར་བྱ་ཞིང་དེ་ཉིད་ཀྱིས་ལུས་ལ་བསྐུས་
[251b.6]ནས། གནོད་སེམས་དང་རྣམ་པར་འཚེ་བ་དང་མི་དགའ་བ་དང་། འདོད་པ་ལ་འདོད་ཆགས་པའི་གཉེན་པོར་གྱུར་པ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་བསྒོམ་པར་བྱའོ། །དེ་ལྟར་གནས་དང་བདག་དང་རྣལ་འབྱོར་སྲུང་བ་བྱས་ནས། རང་གི་སྙིང་གར་ཡི་གེ་
[251b.7]ཨ་ལས་བྱུང་བའི་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་ཧཱུཾ་མཐིང་ཤུན་ལྟ་བུའི་རྣམ་པར་བསྒོམས་ལ། དེའི་འོད་ཟེར་གྱི་ཚོགས་ཀྱིས་ལུས་དང་ཚོར་བ་དང་སེམས་དང་ཆོས་དག་སྟོང་པ་ཉིད་དུ་བསམས་ནས། མདུན་དུ་བཅོམ་ལྡན་འདས་དཔལ་ཧེ་རུ་ཀ་འཁོར་དང་བཅས་པ་དང་
[252a]
[252a.1]སངས་རྒྱས་ཐམས་ཅད་དང་བླ་མ་བལྟ་བར་བྱའོ། །དེ་ནས་ཕྱི་ནང་གསང་བའི་མཆོད་པ་ཡིད་ཀྱིས་བྱས་ལ་སྐྱབས་སུ་འགྲོ་བ་ལ་སོགས་པ་བརྗོད་པར་བྱའོ། །དེའི་འོག་ཏུ་རྒྱུ་བ་དང་མི་རྒྱུ་བ་རང་གི་ལུས་དང་ལྷན་ཅིག་སྟོང་པར་བསྒོམ་པར་བྱའོ། །ཨོཾ་ཤཱུ་ནྱ་ཏཱ་ཛྙཱ་
[252a.2]ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། །དེ་ནས་སེམས་གཅིག་པུ་སྨོན་པ་དང་འཇུག་པའི་བདག་ཉིད་ཅན་བསོད་ནམས་ཀྱི་ཚོགས་བསགས་པ་རྣམ་པ་སྣ་ཚོགས་སུ་སྣང་བའི་རང་བཞིན་དེ་ཉིད་ཀྱིས་སོ། །བགེགས་འབྱུང་བར་དོགས་ན་ཡི་གེ་ཨོཾ་ལས་བྱུང་བའི་ཉི་མའི་དཀྱིལ་འཁོར་གྱི་སྟེང་དུ།
[252a.3]ཧཱུཾ་ལས་བྱུང་བའི་སྣ་ཚོགས་རྡོ་རྗེ་བསྒོམས་ལ་དེའི་འོད་ཟེར་གྱི་ཚོགས་ཀྱིས་བགེགས་ཐལ་བར་འགྱུར་བར་བསམས་ཏེ་རྡོ་རྗེའི་ར་བ་དང་། རྡོ་རྗེའི་བླ་རེ་དང་། རྡོ་རྗེའི་རང་བཞིན་ཅན་གྱི་ས་གཞིར་བྱིན་གྱིས་བརླབ་པའི་བར་དུའོ། །རྡོ་རྗེའི་ར་བ་དེར་ཆོས་འབྱུང་གི་ཕྱག་རྒྱ་ཆེན་པོ་བསྒོམ་
[252a.4]ཞིང་དེའི་ནང་དུ་འཇུག་པའི་སེམས་ནཱ་ད་ཙམ་བལྟས་ལ། འོག་ཏུ་ཡཾ་ལས་བྱུང་བའི་རླུང་གི་དཀྱིལ་འཁོར་སྔོན་པོ་གཞུའི་དབྱིབས་ལྟ་བུ་རྡོ་རྗེ་གཉིས་ཀྱིས་མཚན་པ་དང་། དེའི་སྟེང་དུ་རཾ་ཡོངས་སུ་གྱུར་པ་ལས་མེའི་དཀྱིལ་འཁོར་གྲུ་གསུམ་རྡོ་རྗེས་མཚན་པ་དང་། དེའི་སྟེང་དུ་
[252a.5]བཾ་ལས་གྱུར་པའི་ཆུའི་དཀྱིལ་འཁོར་དཀར་པོ་ཟླུམ་པོ་རྡོ་རྗེས་མཚན་པ་དང་། དེའི་སྟེང་དུ་ལཾ་ལས་གྱུར་པའི་དབང་ཆེན་གྱི་དཀྱིལ་འཁོར་གྲུ་བཞི་ཁ་དོག་སེར་པོ་རྡོ་རྗེས་མཚན་པ་བསམ་པར་བྱའོ། །དེའི་སྟེང་དུ་ཡི་གེ་སུཾ་ཡོངས་སུ་གྱུར་པའི་རི་རབ་རིན་པོ་ཆེ་སྣ་བཞིའི་རང་བཞིན་གྲུ་བཞི་པ་
[252a.6]ལྕོག་བརྒྱད་ཀྱིས་ཉེ་བར་མཛེས་པ་དང་། དེའི་སྟེང་དུ་ཧཱུཾ་ལས་གྱུར་པའི་སྣ་ཚོགས་རྡོ་རྗེ་སྟེ་རི་རབ་དང་འབྱུང་བ་བཞི་ཡོངས་སུ་གྱུར་པ་ལས་རྡོ་རྗེར་གྱུར་པའི་སའི་ཆར་དུར་ཁྲོད་བརྒྱད་ཀྱི་དབུས་སུ་རིན་པོ་ཆེ་ཐམས་ཅད་ཀྱི་གཞལ་ཡས་ཁང་སྒོ་བཞི་ལ་སོགས་པར་བལྟ་བར་བྱའོ། །དེའི་
[252a.7]ནང་དུ་འཁོར་ལོ་གསུམ་དང་དབུས་སུ་པདྨ་འདབ་མ་བརྒྱད་པ་ཁ་དོག་སྣ་ཚོགས་པ་བལྟ་བར་བྱའོ། །ལྟེ་བའི་སྟེང་དུ་དུས་མཚན་མ་དང་འཇིགས་བྱེད་ཆེན་པོ་བལྟའོ། །དེའི་སྟེང་དུ་ཨཱ་ལི་ཀཱ་ལི་ལས་བྱུང་བའི་ཟླ་བ་དང་ཉི་མ་དང་། དེའི་སྟེང་དུ་ཡི་གེ་ཧཱུཾ་ལས་བྱུང་བའི་རྡོ་རྗེ་
[252b]
[252b.1]དམར་པོ་ཡི་གེ་ཧཱུཾ་གི་མགོན་དང་བཅས་པ་འོད་འཕྲོ་བའི་རང་བཞིན་ཅན་དེ་ཡོངས་སུ་གྱུར་པ་ལས་བཅོམ་ལྡན་འདས་རྡོ་རྗེ་སེམས་དཔའ་སྟོན་ཀའི་ཟླ་བའི་སྤྲིན་ལྟ་བུ་ཕྱག་དྲུག་ཞལ་གསུམ་སྤྱན་གསུམ་སྟེ། རལ་པའི་ཅོད་པན་གྱིས་སྤྲས་པ། །ཟླ་བ་ཕྱེད་པས་ཉེ་བར་མཛེས། ཐོད་པའི་
[252b.2]ཕྲེང་བ་དག་གིས་བརྒྱན། །ཞལ་དཀར་སྔོ་དང་དམར་བ་དང་། །ཞལ་ནི་ཅུང་ཟད་རྣམ་བཞད་པ། །རྡོ་རྗེ་དྲིལ་བུ་སྙོམས་པར་ཞུགས། །སྒེག་པའི་རོས་ནི་འཕྱོ་མཛད་པ། །སྒེག་པའི་སྐྱིལ་མོ་ཀྲུང་གིས་བཞུགས། །མཆུ་ཡིས་བཏུང་པའི་དྲེགས་པ་དགྱེས། །ཕྱག་རྒྱ་མཆོད་པ་ཁ་ཊྭཱཾ་ག །མི་
[252b.3]མགོ་དང་ནི་རྩེ་གསུམ་འཆང་། །ལྷ་མོ་དེ་མདོག་ཕྱག་གཉིས་པ། །གྲི་གུག་དང་ནི་ལྷུང་བཟེད་བསྣམས། །རྡོ་རྗེ་སེམས་དཔའ་ཡང་དག་འཁྱུད། །བདེ་བ་ཆེན་པོའི་གནས་ན་བཞུགས། །དེ་ནས་སྨོན་པ་བྱང་ཆུབ་ཀྱི་སེམས་རྡོ་རྗེ་སེམས་དཔའི་ཞལ་དུ་ཞུགས་པར་རྣམ་པར་བསམས་ལ་བྱང་
[252b.4]ཆུབ་ཀྱི་སེམས་འདོད་ཆགས་ཀྱི་མེས་ཞུ་བའི་གཟུགས་སུ་བལྟ་བར་བྱའོ། །དེ་ནས་ཕྱོགས་བཅུ་ན་བཞུགས་པའི་སངས་རྒྱས་ཀྱིས་སྤྲུལ་པའི་ལྷ་མོས་ཡོངས་སུ་བསྐུལ་བས་ཡི་གེ་ཧཱུཾ་ལས་བྱུང་བའི་རྡོ་རྗེ་ཡི་གེ་ཧཱུཾ་གི་མགོན་དང་བཅས་པ་འོད་ཟེར་གྱི་ཚོགས་རབ་ཏུ་འཕྲོ་བ། སངས་རྒྱས་ཀྱི་
[252b.5]ཚོགས་ཀྱི་རང་བཞིན་དུ་གྱུར་པ་ལ་བདག་ཉིད་རྡོ་རྗེ་མཁའ་འགྲོའི་གཟུགས་ཅན་སྐུ་ལ་རྡོ་རྗེ་ཕག་མོས་འཁྱུད་པ། དཀྱིལ་འཁོར་གྱི་འཁོར་དང་ལྡན་པ་ཁྲོ་བོ་སྐུ་མདོག་ནམ་མཁའ་ལྟར་སྔོ་བསངས་ཞལ་བཞི་པ། ཕྱག་བཅུ་གཉིས་པ་གཡས་བརྐྱང་པའི་བཞུགས་པས་དུས་མཚན་
[252b.6]གནོན་པ་རྩ་བའི་ཞལ་སྔོ་བསངས། གཡོན་སེར་པོ། རྒྱབ་པདྨ་རཱ་ག་ལྟར་དམར་བ། གཡས་ལྗང་གུ་མཆེ་བ་དང་བཅས་པས་འཇིགས་པར་མཛད་པ་སྨིན་མ་སེར་བ། དབུ་སྐྲ་གྱེན་དུ་བརྫེས་ལ་འབར་བ། ཐོད་པའི་ཕྲེང་བའི་ཅོད་པན་ཅན་ཟླ་བ་ཕྱེད་པའི་ཐོད་ཅན་སྣ་ཚོགས་རྡོ་རྗེ་དབུ་
[252b.7]རྒྱན་གྱིས་གནོན་པ། སྤྱན་བཅུ་གཉིས་པ། འཁོར་ལོ་དང་། རྣ་རྒྱན་དང་། མགུལ་རྒྱན་དང་། གདུ་བུ་དང་། སྐེ་རགས་དང་། མཆོད་ཕྱིར་ཐོགས་དང་ཐལ་བས་ཉེ་བར་སྤྲས་པ་སྟག་གི་ཤམ་ཐབས་ཅན་མི་མགོ་རློན་པའི་ཕྲེང་བ་འཕྱང་བ་རྡོ་རྗེ་དང་དྲིལ་བུ་བསྣམས་པའི་
[253a]
[253a.1]ཕྱག་གཉིས་ཀྱིས་འཁྱུད་པ། ཕྱག་གཞན་གཉིས་ཀྱིས་གླང་པོ་ཆེའི་པགས་པའི་གོས་འཛིན་པ། གཡས་ཌ་མ་རུ་དང་། དགྲ་སྟ་དང་། གྲི་གུག་དང་། རྩེ་གསུམ་བསྣམས་པ། གཡོན་ན་ཚངས་པའི་མགོ་བོ་དང་། ཞགས་པ་དང་། ཁ་ཊྭཱཾ་ག་དང་། ཀ་པཱ་
[253a.2]ལ་བསྣམས་པ་བལྟ་བར་བྱའོ། །ཕག་མོ་ཞལ་གཅིག་པ་ཕྱག་གཉིས་པ། སྤྱན་གསུམ་པ། ཞལ་ཞི་པ། སྐུ་མདོག་དམར་མོ་དུམ་བུས་བརྒྱན་པའི་སྐེ་རགས་ཅན་བྱིན་པ་གཉིས་ཀྱིས་ཡང་དག་པར་འཁྲིལ་བ། བདེ་བ་ཆེན་པོའི་གནས་ན་བཞུགས་པ་ཕྱག་གཉིས་ཀྱིས་འཁྱུད་པ།
[253a.3]བདུད་སྡིག་ཏོ་ཅན་ལ་སོགས་པའི་ཁྲག་གིས་བཀང་པའི་ཀ་པཱ་ལ་བསྣམས་པ། ཕྱག་གཅིག་ན་གྲི་གུག་བསྣམས་པ། ཡན་ལག་ཕྱག་རྒྱ་དྲུག་གིས་བརྒྱན་པ་བསྒོམ་པར་བྱའོ། །དེ་ལྟར་ན་བཅོམ་ལྡན་འདས་ནི་ཡང་དག་པའི་ཏིང་ངེ་འཛིན་ཡིན་ནོ། །པདྨའི་ཕྱོགས་ཀྱི་འདབ་མ་
[253a.4]ལ་མཁའ་འགྲོ་མ་དང་། ཡིད་འོང་མ་དང་། དུམ་སྐྱེས་མ་དང་། གཟུགས་ཅན་མ་ནི་གོ་རིམས་བཞིན་དུ་སྔོན་པོ་དང་། སེར་པོ་དང་། དམར་པོ་དང་། ལྗང་གུ་དང་། ཞལ་གཅིག་པ། ཕྱག་གཉིས་པ། རོའི་གདན་ལ་གཡོན་བརྐྱང་བས་བཞུགས་པ། ཐོད་པ་དང་།
[253a.5]ཁ་ཊྭཱཾ་ག་དང་། གྲི་གུག་བསྣམས་པ། ཐོད་པའི་ཕྲེང་བས་བརྒྱན་པ། ཐོད་པའི་ཕྲེང་བའི་ཅོད་པན་ཅན་སྤྱན་གསུམ་པ་དབུ་སྐྲ་གྲོལ་བ། གཅེར་བུ་དུམ་བུས་བརྒྱན་པའི་སྐྲ་རགས་ཅན། ཕྱག་རྒྱ་ལྔ་འཆང་བ་སྟེ་ལུས་དྲན་པ་ཉེ་བར་གཞག་པ་ནི་མཁའ་འགྲོ་མའོ། །ཚོར་བ་དྲན་པ་ཉེ་
[253a.6]བར་གཞག་པ་ནི་ཡིད་འོང་མའོ། །སེམས་དྲན་པ་ཉེ་བར་གཞག་པ་ནི་དུམ་སྐྱེས་མའོ། །ཆོས་དྲན་པ་ཉེ་བར་གཞག་པ་ནི་གཟུགས་ཅན་མའོ། །མཚམས་སུ་ནི་བྱང་ཆུབ་ཀྱི་སེམས་ལ་སོགས་པའི་སྣོད་བཞིའོ། །རྣམ་པར་དག་པ་ནི་རྣམ་པར་ཐར་པ་བཞི་སྟེ། འདི་ལྟར་སྟོང་པ་ཉིད་དང་།
[253a.7]མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུས་མ་བྱས་པའི་མཚན་ཉིད་དོ། །དང་པོ་ཐུགས་ཀྱི་འཁོར་ལོ་རྩིབས་བརྒྱད་པ་ཁ་དོག་སྔོན་པོ་རྡོ་རྗེ་དྲ་བས་བརྒྱན་པ། ཤར་དང་ལུས་ཀྱི་དཀྱིལ་འཁོར་མགོ་བོ་པུལླཱི་ར་མཱ་ལ་ཡ་ལ་ཐོད་པའི་དུམ་བུ་ཅན་དང་། རབ་གཏུམ་མོ་སྟེ་
[253b]
[253b.1]འདུན་པའི་རྫུ་འཕྲུལ་གྱི་རྐང་པའོ། །སེན་མོ་དང་སོ་ནི་ཐོད་པའི་དུམ་བུ་ཅན་ནོ། །བྱང་དང་སྤྱི་གཙུག་ཛཱ་ལནྡྷ་ར་ལ་ནི་ཀེང་རུས་ཆེན་པོ་དང་གཏུམ་པའི་མིག་ཅན་མ་སྟེ་བརྩོན་འགྲུས་ཀྱི་རྫུ་འཕྲུལ་གྱི་རྐང་པའོ། །སྐྲ་དང་སྤུ་ནི་ཀེང་རུས་ཆེན་མོའོ། །ནུབ་དང་རྣ་བ་གཡས་པ་ཨཽ་ཌྱ་ན་ལ་
[253b.2]ཀེང་རུས་དང་འོད་ལྡན་མ་སྟེ་དཔྱོད་པའི་རྫུ་འཕྲུལ་གྱི་རྐང་པའོ། །པགས་པ་དང་དྲི་མ་ལ་ནི་ཀེང་རུས་སོ། །ལྷོ་དང་མགོ་བོའི་རྒྱབ་ཨརྦུ་ད་ལ་ནི་མཆེ་བ་གཙིགས་པ་དང་སྣ་ཆེན་མོ་སྟེ་སེམས་ཀྱི་རྫུ་འཕྲུལ་གྱི་རྐང་པའོ། །ཤ་ལ་ནི་མཆེ་བ་གཙིགས་པའོ། །གནས་དེ་བཞི་ནི་ས་རབ་ཏུ་
[253b.3]དགའ་བའོ། །མེའི་ཕྱོགས་དང་རྣ་བ་གཡོན་པ་གོ་དཱ་བ་རཱི་ལ་ནི་ཆང་དགྲ་དང་བརྟན་པའི་བློ་ཅན་མ་སྟེ་དད་པའི་དབང་པོའོ། །རྩ་རྒྱུས་ནི་ཆང་དགྲ་མའོ། །བདེན་བྲལ་གྱི་ཕྱོགས་དང་སྨིན་མའི་དབུས་སུ་རཱ་མེ་ཤྭ་ར་ལ་ནི་འོད་དཔག་མེད་དང་མིའུ་ཐུང་མ་སྟེ་བརྩོན་འགྲུས་ཀྱི་དབང་པོའོ། །
[253b.4]རུས་པ་ལ་ནི་འོད་དཔག་ཏུ་མེད་པའོ། །རླུང་གི་ཕྱོགས་དང་མིག་དེ་བཱི་ཀོ་ཊཱི་ལ་རྡོ་རྗེའི་འོད་དང་ལང་ཀའི་དབང་ཕྱུག་མ་སྟེ་དྲན་པའི་དབང་པོའོ། །མཁལ་མ་ལ་ནི་རྡོ་རྗེའི་འོད་དོ། །དབང་ལྡན་གྱི་ཕྱོགས་དང་ཕྲག་པ་གཉིས་མཱ་ལ་བ་ལ་ནི་རྡོ་རྗེའི་སྐུ་དང་ཤིང་གྲིབ་མ་སྟེ་ཏིང་ངེ་འཛིན་གྱི་
[253b.5]དབང་པོའོ། །སྙིང་རྗེ་ནི་རྡོ་རྗེའི་སྐུའོ། །ཉེ་བའི་གནས་ཏེ་ས་དྲི་མ་མེད་པའོ། །ཐུགས་ཀྱི་འཁོར་ལོ་ནི་ནམ་མཁའ་ལ་རྒྱུ་བའོ། །གསུང་གི་འཁོར་ལོ་དམར་པོ་པདྨའི་ཕྲེང་བས་བརྒྱན་པའི་ཤར་གྱི་རྩིབས་དང་མཆན་ཁུང་ཀཱ་མ་རཱུ་པ་ལ་ནི་མྱུ་གུ་ཅན་དང་ས་སྲུང་མ་སྟེ། ཤེས་རབ་ཀྱི་
[253b.6]དབང་པོའོ། །མིག་ནི་མྱུ་གུ་ཅན་ནོ། །བྱང་དང་ནུ་མ་ཨོ་ཊ་ལ་ནི་རྡོ་རྗེ་རལ་པ་ཅན་དང་འཇིགས་བྱེད་ཆེན་མོ་སྟེ་དད་པའི་སྟོབས་སོ། །མཁྲིས་པ་ལ་ནི་རྡོ་རྗེ་རལ་པ་ཅན་ནོ། །ཞིང་སྟེ་ས་འོད་བྱེད་པ་ཅན་ནོ། །ནུབ་དང་ལྟེ་བ་ཏྲི་ཤ་ཀུ་ནེ་ལ་ནི་དཔའ་བོ་ཆེན་པོ་དང་རླུང་གི་ཤུགས་ཅན་མ་སྟེ་
[253b.7]བརྩོན་འགྲུས་ཀྱི་སྟོབས་སོ། །གློ་བ་ལ་ནི་དཔའ་བོ་ཆེན་པོའོ། །ལྷོ་དང་སྣའི་དབང་པོ་ཀོ་ས་ལ་ལ་ནི་རྡོ་རྗེ་ཧཱུཾ་མཛད་དང་ཆང་འཐུང་མ་སྟེ་དྲན་པའི་སྟོབས་སོ། །རྒྱུ་མ་ནི་རྡོ་རྗེ་ཧཱུཾ་མཛད་དོ། །ཉེ་བའི་ཞིང་སྟེ་ས་འོད་འཕྲོ་བ་ཅན་ནོ། །མེའི་ཕྱོགས་དང་ཁ་ཀ་ལིངྒ་ལ་ནི་རབ་ཏུ་བཟང་
[254a]
[254a.1]པོ་དང་ལྷ་མོ་སྔོ་བསངས་མ་སྟེ་ཏིང་ངེ་འཛིན་གྱི་སྟོབས་སོ། །གཉེ་མ་ནི་རབ་ཏུ་བཟང་པོའོ། །བདེན་བྲལ་གྱི་ཕྱོགས་དང་མགྲིན་པ་ལཾ་པ་ཀ་ལ་ནི་རྡོ་རྗེ་བཟང་པོ་དང་ཤིན་ཏུ་བཟང་མོ་སྟེ་ཤེས་རབ་ཀྱི་སྟོབས་སོ། །ལྟོ་བ་ནི་རྡོ་རྗེ་བཟང་པོའོ། །ཚནྡོ་ཧ་སྟེ་ས་ཤིན་ཏུ་སྦྱང་དཀའ་བའོ། །
[254a.2]རླུང་གི་ཕྱོགས་དང་སྙིང་ག་ཀཱཉྩི་ལ་ནི་འཇིགས་བྱེད་ཆེན་པོ་དང་རྟ་རྣ་མའོ། །ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གོ། །ལྒང་པ་ནི་འཇིགས་བྱེད་ཆེན་མོའོ། །དབང་ལྡན་གྱི་ཕྱོགས་དང་མདོམས་ཧི་མཱ་ལ་ཡ་ནི་མིག་མི་བཟང་དང་བྱ་གདོང་མ་སྟེ་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་
[254a.3]གོ། །མདོམས་བར་ནི་མིག་མི་བཟང་ངོ་། །ཉེ་བའི་ཚནྡོ་ཧ་སྟེ་ས་མངོན་དུ་གྱུར་པའོ། །ས་ལ་རྒྱུ་བའོ། །སྐུའི་འཁོར་ལོ་དཀར་པོ་འཁོར་ལོའི་ཕྲེང་བས་བརྒྱན་པའི་ཤར་གྱི་རྩིབས་དང་མཚན་མ་པྲེ་ཏ་པཱུ་རི་ལ་སྟོབས་པོ་ཆེ་དང་འཁོར་ལོའི་ཤུགས་ཅན་མ་སྟེ་དགའ་བ་ཡང་དག་བྱང་ཆུབ་ཀྱི་ཡན་
[254a.4]ལག་གོ། །བད་ཀན་ནི་སྟོབས་པོ་ཆེའོ། །བྱང་དང་བཤང་ལམ་གྲྀ་ཧ་དེ་བ་ཏཱ་ར་ལ་རིན་ཆེན་རྡོ་རྗེ་དང་ཁཎྜ་རོ་ཧཱ་སྟེ་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གོ། །རྣག་ལ་ནི་རྡོ་རྗེ་རིན་ཆེན་ནོ། །འདུས་པ་ཅན་ཏེ་ས་རིང་དུ་སོང་བའོ། །ནུབ་དང་བརླ་གཉིས་སཽ་རཱཥྚ་ལ་རྟ་མགྲིན་དང་ཤཽཎྜི་ནཱི་
[254a.5]སྟེ་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གོ། །ཁྲག་ནི་རྟ་མགྲིན་ནོ། །ལྷོ་དང་བྱིན་པ་གཉིས་སུ་ཝརྞ་དྭཱི་པ་ལ་ནམ་མཁའི་སྙིང་པོ་དང་འཁོར་ལོའི་གོ་ཆ་མ་སྟེ་དྲན་པ་ཡང་དག་བྱང་ཆུབ་ཀྱི་ཡན་ལག་གོ། །རྡུལ་ནི་ནམ་མཁའི་སྙིང་པོའོ། །ཉེ་བའི་འདུས་པ་ཅན་ཏེ་ས་མི་གཡོ་
[254a.6]བའོ། །མེའི་ཕྱོགས་དང་རྐང་པའི་སོར་མོ་ན་ག་ར་ལ་དཔལ་ཧེ་རུ་ཀ་དང་ཤིན་ཏུ་དཔའ་མོ་སྟེ་བཏང་སྙོམས་ཡང་དག་བྱང་ཆུབ་ཀྱི་ཡན་ལག་གོ། །ཚིལ་ནི་དཔལ་ཧེ་རུ་ཀའོ། །བདེན་བྲལ་གྱི་ཕྱོགས་དང་རྐང་པའི་བོལ་སིནྡྷུ་ལ་པདྨ་གར་གྱི་དབང་ཕྱུག་དང་སྟོབས་ཆེན་མ་སྟེ་ཡང་དག་པའི་ལྟ་བའོ། །
[254a.7]མཆི་མ་ནི་པདྨ་གར་གྱི་དབང་ཕྱུག་གོ། །དུར་ཁྲོད་དེ་ས་ལེགས་པའི་བློ་གྲོས་སོ། །རླུང་གི་ཕྱོགས་དང་མཐེ་བོང་མ་རུ་ལ་རྣམ་པར་སྣང་མཛད་དང་འཁོར་ལོས་སྒྱུར་མ་སྟེ་ཡང་དག་པའི་རྟོག་པའོ། །མཆིལ་མ་ནི་རྣམ་པར་སྣང་མཛད་དོ། །དབང་ལྡན་གྱི་ཕྱོགས་དང་པུས་མོ་གཉིས་ཀུ་ལུ་ཏཱར་
[254b]
[254b.1]རྡོ་རྗེ་སེམས་དཔའ་དང་བརྩོན་འགྲུས་ཆེན་མོ་སྟེ་ཡང་དག་པའི་ངག་གོ། །སྣབས་ནི་རྡོ་རྗེ་སེམས་དཔའོ། །ཉེ་བའི་དུར་ཁྲོད་དེ་ས་ཆོས་ཀྱི་སྤྲིན་ནོ། །ས་འོག་ཏུ་འགྱུར་རོ། །ཐུགས་ཀྱི་འཁོར་ལོ་སྐུ་མདོག་ནག་པོ། གསུང་གི་འཁོར་ལོ་སྐུ་མདོག་དམར་པོ། སྐུའི་འཁོར་ལོ་སྐུ་མདོག་དཀར་པོ།
[254b.2]ཐོད་པའི་དུམ་བུ་ལ་སོགས་པ་དཔའ་བོ་ཞལ་གཅིག་ཕྱག་གཉིས་པ་རྡོ་རྗེ་དྲིལ་བུས་སྙོམས་པར་ཞུགས་པ་གཡས་བརྐྱང་པས་བཞུགས་པ། རལ་པའི་ཅོད་པན་དང་དར་དཔྱངས་ཅན་ཕྱག་རྒྱ་ལྔ་འཆང་བའོ། །རབ་ཏུ་གཏུམ་མོ་ལ་སོགས་པ་ནི་ཕྱག་གཉིས་ཞལ་གཅིག་པ་ཀ་པཱ་ལ་དང་གདུག་པ་
[254b.3]ལ། སྡིགས་མཛུབ་གྲི་གུག་བསྣམས་པས་འཁྱུད། །སྤྱན་གསུམ་དྲག་པོའི་གཟུགས་ཅན་མ། །སྐྲ་གྲོལ་བས་ནི་རྣམ་པར་སྤྲོས། །གཉིས་མེད་སྦྱོར་བས་སྙོམས་པར་ཞུགས། །ནམ་མཁའི་གོས་མནབས་པ་ལ་གཞོལ། །ལྷ་མོ་ཕྱག་རྒྱ་ལྔ་འཆང་བ། །རྒྱན་རྣམས་ཀུན་གྱིས་བརྒྱན་
[254b.4]པའོ། །ཤར་དང་བྱང་དང་ནུབ་དང་ལྷོའི་སྒོ་རྣམས་ལ་ཁྭ་གདོང་མ་དང་། འུག་པའི་གདོང་ཅན་མ་དང་། ཁྱིའི་གདོང་ཅན་མ་དང་། ཕག་གི་གདོང་ཅན་མའོ། །མེའི་ཕྱོགས་དང་བདེན་བྲལ་གྱི་ཕྱོགས་དང་རླུང་གི་ཕྱོགས་དང་དབང་ལྡན་གྱི་ཕྱོགས་རྣམས་ལ་གཤིན་རྗེ་བརྟན་མ་དང་། གཤིན་རྗེ་ཕོ་
[254b.5]ཉ་མ་དང་། གཤིན་རྗེ་མཆེ་བ་མ་དང་། གཤིན་རྗེ་འཇོམས་མའོ། །ཇི་ལྟར་མཁའ་འགྲོ་སོགས་འགྲོ་བ། །ཁྭ་གདོང་ལ་སོགས་ལ་སོགས་དབྱེ། །དེ་བཞིན་མཚམས་གནས་ལྷ་མོ་ནི། །གཟུགས་གཉིས་ཡིད་ནི་འཕྲོག་པའོ། །ཡི་དགས་གདན་ནི་འཇིགས་བྱེད་པོ། །སེམས་ཅན་དོན་མཛད་
[254b.6]པ་ལ་བརྩོན། །དཔའ་བོ་དང་རྣལ་འབྱོར་མ་ཐམས་ཅད་ཀྱི་དཔྲལ་བ་ལ་རྡོ་རྗེའི་ཕྲེང་བའོ། །ལུས་ཀྱི་དཀྱིལ་འཁོར་ལ་ལག་པ་གཡོན་པའི་རྩེ་མོ་ལ་ཁྭ་གདོང་མ་སྟེ་ཡང་དག་པའི་ལས་ཀྱི་མཐའོ། །མཁྲིག་མ་ལ་ནི་འུག་གདོང་མ་སྟེ་ཡང་དག་པའི་འཚོ་བའོ། །ལག་པ་གཡས་པའི་རྩེ་མོ་ལ་
[254b.7]ནི་ཁྱིའི་གདོང་མ་སྟེ་ཡང་དག་པའི་རྩོལ་བའོ། །མཁྲིག་མ་ལ་ནི་ཕག་གདོང་མ་སྟེ་ཡང་དག་པའི་དྲན་པའོ། །རྐང་པ་གཡས་པའི་རྩེ་མོ་ལ་ནི་གཤིན་རྗེ་བརྟན་མ་སྟེ་དགེ་བའི་ཆོས་མ་སྐྱེས་པ་རྣམས་སྐྱེས་པའི་དང་ཚུལ་ཅན་ནོ། །རྐང་པ་གཡོན་པའི་རྩེ་མོ་ལ་ནི་གཤིན་རྗེ་ཕོ་ཉ་མ་སྟེ་
[255a]
[255a.1]དགེ་བའི་ཆོས་སྐྱེས་པ་རྣམས་ཡང་དག་པར་བསྲུང་བའོ། །རྐང་པ་གཡས་པའི་ལོང་མོ་ལ་ནི་གཤིན་རྗེ་མཆེ་བ་མ་སྟེ་མི་དགེ་བའི་ཆོས་སྐྱེས་པ་རྣམས་སྤོང་པ་ཡང་དག་པར་སྒྲུབ་པར་བྱེད་པའོ། །རྐང་པ་གཡོན་པའི་ལོང་མོ་ལ་ནི་གཤིན་རྗེ་འཇོམས་པ་སྟེ་མི་དགེ་བའི་
[255a.2]ཆོས་མ་སྐྱེས་པ་རྣམས་ཀུན་ནས་མི་སྐྱེ་བར་བྱེད་པའོ། །སྙིང་གའི་པདྨའི་ལྟེ་བའི་དབུས་སུ་བཅོམ་ལྡན་འདས་ཐིག་ལེའི་གཟུགས་ཅན་ནོ། །ཕྱོགས་ཀྱི་པདྨའི་འདབ་མ་ལ་མཁའ་འགྲོ་མ་ལ་སོགས་པ་བཞིའོ། །ལྟེ་བའི་པདྨ་ལ་ནི་རྡོ་རྗེ་ཕག་མོ་ཕྱག་རྒྱ་ཆེན་པོའི་རང་བཞིན་ནོ། །དེ་ལྟར་ཕྱི་དང་
[255a.3]གསང་བའི་དཀྱིལ་འཁོར་རོ། །ད་ནི་ཕུང་པོ་ལ་སོགས་པའི་རྣམ་པར་དག་པ་སྟེ། གཟུགས་ཀྱི་ཕུང་པོ་རྣམ་པར་སྣང་མཛད་དོ། །ཚོར་བའི་ཕུང་པོ་རྡོ་རྗེ་ཉི་མའོ། །འདུ་ཤེས་ཀྱི་ཕུང་པོ་པདྨ་གར་གྱི་དབང་ཕྱུག་གོ། །འདུ་བྱེད་ཀྱི་ཕུང་པོ་ནི་རྡོ་རྗེ་རྒྱལ་པོའོ། །རྣམ་པར་ཤེས་པའི་ཕུང་པོ་
[255a.4]ནི་རྡོ་རྗེ་སེམས་དཔའོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་ནི་དཔལ་ཧེ་རུ་ཀའོ། །མིག་ལ་ནི་གཏི་མུག་རྡོ་རྗེའོ། །རྣ་བ་ལ་ནི་ཞེ་སྡང་རྡོ་རྗེའོ། །སྣ་ལ་ནི་ཕྲག་དོག་རྡོ་རྗེའོ། །ཁ་ལ་ནི་འདོད་ཆགས་རྡོ་རྗེའོ། །ལུས་ལ་ནི་སེར་སྣ་རྡོ་རྗེའོ། །སྐྱེ་མཆེད་ཐམས་ཅད་ལ་ནི་དཔལ་ཧེ་རུ་
[255a.5]ཀའི་དབང་ཕྱུག་གོ། །སའི་ཁམས་ནི་ལྟུང་བྱེད་མའོ། །ཆུའི་ཁམས་ནི་གསོད་བྱེད་མའོ། །མེའི་ཁམས་ནི་འགུགས་བྱེད་མའོ། །རླུང་གི་ཁམས་ནི་གར་གྱི་དབང་ཕྱུག་མའོ། །ནམ་མཁའི་ཁམས་ལ་ནི་རྣལ་འབྱོར་མའི་དྲ་བ་མ་སྟེ་དེ་ལྟར་ཕུང་པོ་དང་ཁམས་དང་སྐྱེ་མཆེད་དག་ལྷ་ལྷ་ཉིད་
[255a.6]ཀྱི་ང་རྒྱལ་བསྐྱེད་པར་བྱའོ། །དེ་ནས་མགོ་བོ་ལ་ཡི་གེ་ཨོཾ་གྱིས་སྐུ་བྱིན་གྱིས་བརླབ་བོ། །ལྐོག་མ་ལ་ནི་ཡི་གེ་ཨཱཿས་གསུང་བྱིན་གྱིས་བརླབ་པོ། །སྙིང་ག་ལ་ནི་ཡི་གེ་ཧཱུཾ་གིས་ཐུགས་བྱིན་གྱིས་བརླབ་པོ། །སྙིང་གའི་དབུས་སུ་ཡི་གེ་ཧཱུཾ་གིས་ཡེ་ཤེས་སེམས་དཔའ་བྱིན་གྱིས་བརླབ་པོ། །
[255a.7]དེ་དག་ཟླ་བའི་དཀྱིལ་འཁོར་གྱི་དབུས་སུ་བསམ་མོ། །ཨོཾ་སརྦྦ་བཱ་ར་ཡོ་གི་ནཱི་ཀཱ་ཡ་བཱ་ཀ་ཙིཏྟ་བཛྲ་སྭ་བྷཱ་བ་ཨཱ་ཏྨ་ཀོ྅ཧཾ། ཛཿཧཱུཾ་བཾ་ཧོཿ། །དེ་ནས་ཡེ་ཤེས་སེམས་དཔའ་ལས་སྤྲོས་པའི་འོད་ཟེར་གྱི་ལྕགས་ཀྱུས་ཡེ་ཤེས་ཀྱི་དཀྱིལ་འཁོར་སྤྱན་དྲངས་ལ་མདུན་དུ་བཞག་སྟེ་ཡང་དག་པར་མཆོད་
[255b]
[255b.1]ནས། དམ་ཚིག་གི་དཀྱིལ་འཁོར་ལ་བཅུག་ཅིང་མྱུར་དུ་རོ་གཅིག་པར་བྱའོ། །ཨོཾ་ཡོག་ཤུདྡྷཿསརྦྦ་དྷརྨཱ་ཡོ་ག་ཤུདྡྷོ྅ཧཾ། ཨོཾ་བཛྲ་ཤུདྡྷཿསརྦྦ་དྷརྨཱ་བཛྲ་ཤུདྡྷོ྅ཧཾ། སྙིང་ག་ལ་ཨོཾ་ཧ། རྡོ་རྗེ་སེམས་དཔའ་བོ། མགོ་བོ་ལ་ན་མ་ཧི་རྣམ་པར་སྣང་མཛད་དོ། །སྤྱི་གཙུག་ལ་སྭཱ་ཧཱ་ཧུ་པདྨ་གར་གྱི་དབང་
[255b.2]ཕྱུག་གོ། །ཕྲག་པ་གཉིས་ལ་བཽ་ཥ་ཊ་ཧེ་ཧེ་རུ་ཀའོ། །མིག་ལ་ཧཱུཾ་ཧཱུཾ་ཧོ་རྡོ་རྗེ་ཉི་མའོ། །ཡན་ལག་ཐམས་ཅད་ལ་ཕཊ་ཧཾ་རྟ་མཆོག་སྟེ་གོ་ཆའོ། །བཅོམ་ལྡན་འདས་དཔའ་བོའི་ཚོགས་དང་བཅས་པའི་གོ་ཆའོ། །ལྟེ་བ་ལ་ཨོཾ་བཾ་རྡོ་རྗེ་ཕག་མོའོ། །སྙིང་ག་ལ་ཧཾ་ཡོཾ་ཐུན་མཚམས་མའོ། །ཁ་
[255b.3]ལ་ཧྲིཾ་མོཾ་རྨོངས་བྱེད་མའོ། །མགོ་བོ་ལ་ཧྲེཾ་ཧྲིཾ་སྐྱོང་བྱེད་མའོ། །སྤྱི་གཙུག་ལ་ཧཱུཾ་ཧཱུཾ་སྐྲག་བྱེད་མའོ། །ཡན་ལག་ཐམས་ཅད་ལ་ཕཊ་ཕཊ་གཏུམ་མོ་སྟེ་གོ་ཆའོ། །རྣལ་འབྱོར་མ་ཐམས་ཅད་ལ་ཉིད་ཀྱིས་དགོད་པར་བྱའོ། །མཛུབ་མོ་གཉིས་མདུད་གུང་མོ་སྦྱར། །མཐེ་བོང་རྡོ་རྗེ་བརྟན་པོར་སྦྱར། །
[255b.4]དེ་ནི་དཔྲལ་བའི་དབུས་བཞག་ནས། །གཅུ་ཞིང་བསྐོར་བས་བསྐྱོད་པར་བྱ། །རྐང་པ་མནན་ཅིང་སྟེང་དུ་བལྟ། །ཁ་ནས་ཡི་གེ་ཕཻཾ་སྒྲོགས་ཤིང་། །ཕྱོགས་བཅུ་ལ་སོགས་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་དགུག །དེ་ནས་སྙིང་གའི་འོད་ཟེར་གྱིས་སྤྱན་དྲངས་པ་ནམ་
[255b.5]མཁའི་དཀྱིལ་ཁེངས་པའི་དཔའ་བོ་དང་རྣལ་འབྱོར་མ་ཕྱག་ན་ཡེ་ཤེས་ཀྱི་བུམ་པ་བསྣམས་པས་གླུ་དང་གར་དང་བཅས་པའི་མཆོད་པས་བདག་ཉིད་དབང་བསྐུར་བར་བསམ་པར་བྱའོ། །ཨོཾ་སརྦྦ་ཏ་ཐཱ་ག་ཏཱ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ། དེ་ནས་རང་གི་རིགས་ཅོད་པན་དུ་གྱུར་ཏོ། །དེ་ནས་
[255b.6]དཔའ་བོ་དང་རྣལ་འབྱོར་མ་དེ་དག་ཐུགས་ཀའི་ས་བོན་གྱི་འོད་ཀྱི་ལྕགས་ཀྱུས་ཞལ་དུ་ཞུགས་ནས་ལྷ་མོའི་པདྨའི་དཀྱིལ་དུ་བྱང་ཆུབ་ཀྱི་སེམས་ཀྱི་གཟུགས་སུ་རབ་ཏུ་སྤྲོ་བར་བྱའོ། །དེ་ལས་བྱུང་བའི་ལྷ་མོ་རྣམས་ཀྱིས་དམ་ཚིག་གི་འཁོར་ལོ་མཆོད་དེ་ལའི་བསྟོད་པའི་མཆོད་པས་བསྟོད་ཅིང་
[255b.7]གོང་དུ་བསྟན་པའི་རིམ་པས་བདུད་རྩི་མྱང་བར་བྱའོ། །ལུས་ངག་ཡིད་ཀྱི་དམ་ཚིག་གི །སེམས་ནི་སེམས་ཀྱིས་ལེགས་མཚོན་པ། །ཀུན་རྟོག་ཐམས་ཅད་སྤངས་ནས་ནི། །བསྒོམ་དང་ལྡན་པའི་བཟླས་པ་བྱ། །དམ་ཚིག་མཆོག་གི་བཟླས་པ་ཡིས། །དེ་ནས་གསང་སྔགས་
[256a]
[256a.1]བརྗོད་པར་བྱ། །ཧཱ་སྭཱ་ར་བ་ཤཾ་ལ་ཛྭ་ནཱི་ཀི་ཌཱ་ཊཕ་ཧཱུཾ་ཧཱུཾ་ཀཾ་རུ་རུ་ཧེ་ཧེ་ཛྲ་བ་ཤྲཱི་ཨོཾ། ཊཕ་ཧཱུཾ་ཧཱུཾ་ཧ་ཧཿཧྲཱི་ཨོཾ། །མགོ་བོའི་ལུགས་ལས་བཟློག་པའི་སྙིང་པོ་དང་ཉེ་བའི་སྙིང་པོའོ། །ཊཕ་ཧཱུཾ་ཧཱུཾ་ཡེ་ནཱི་ཙ་རོ་བཻ་ཛྲ་བ་ཨོཾ། །ཧཱ་སྭཱ་ཊཕ་ཧཱུཾ་ཧཱུཾ་ཡེ་ནཱི་རྞྞ་ཝ་ཛྲབ་ཡེ་ནཱི་ཀི་ཌཱ་དྡྷ་བུ་རྦྦས་ཨོཾ། ལྷ་མོའི་
[256a.2]སྙིང་པོ་དང་ཉེ་བའི་སྙིང་པོའོ། །དཔའ་བོ་རྣལ་འབྱོར་མ་ཐམས་ཅད་ཀྱི་ནི་རང་གི་མིང་གི་ཡི་གེ་ཨོཾ་དང་ཧཱུཾ་གི་བར་དུ་ཆུད་པའི་ཡི་གེ་ཧཱུཾ་དང་ཕཊ་ཀྱི་མཐའ་ཅན་དག་ཡིན་ནོ། །དཔའ་བོ་རྣམས་ཀྱི་ནི་ཀ་ར་ཀ་ར་ལ་སོགས་པའི་དེ་ཁོ་ན་བཞིན་དུ་བཟླས་སོ། །བཟླས་པ་ཡོངས་སུ་རྫོགས་ནས་ནི། །ཟླ་བའི་བཏུང་
[256a.3]མཆོག་བཏུང་བར་བྱ། །ཆོས་རྣམས་ཀུན་གྱི་དངོས་མཉམ་ཉིད། །དམ་ཚིག་མཆོག་ཕྱིར་མཉམ་ཉིད་དོ། །ཆོས་རྣམས་བདག་མེད་ལམ་དུ་ནི། །དཀྱིལ་འཁོར་མཆོག་ནི་གཞུག་པར་བྱ། །ཤེས་རབ་ཕ་རོལ་ཕྱིན་རྣལ་འབྱོར། །རྣལ་འབྱོར་ངལ་བས་ངལ་སོས་བྱ། །ཨཱ་ལི་ཀཱ་ལི་
[256a.4]མཉམ་བྱས་ནས། །དེ་ལ་རེ་ཁཱ་ངེས་པར་སྦྱར། །གྱེན་དུ་སྦར་བའི་ཚུལ་དག་གིས། །འོག་ཏུ་འབབ་པའི་རྒྱུ་ཡིན་ཕྱིར། །ཁུ་བའི་གཟུགས་ཀྱི་བདུད་རྩི་ནི། །ཐིག་ལེའི་གཟུགས་ཅན་འཛག་པར་འགྱུར། །སྣང་མེད་གོ་འཕང་ལ་གནས་ནས། །སྣང་མེད་མཉམ་པ་ཉིད་ལ་བརྟེན། །
[256a.5]ཆོས་རྣམས་སྤྱོད་པ་མེད་པ་ལ། །ཆོས་རྣམས་ཆོས་ཉིད་དག་ཀྱང་མེད། །རྟེན་འབྱུང་ཆོས་རྣམས་ནམ་མཁའ་འདྲ། །ངོ་བོ་ཉིད་མེད་མཚན་ཉིད་མེད། །དེ་ལྟར་དེ་ཉིད་གནས་དག་ན། །ཡེ་ཤེས་མིག་ནི་ཐོབ་པར་འགྱུར། །ལངས་པའི་དུས་ཀྱི་ཚེ་ན་ནི། །ཆོ་ག་བཞིན་དུ་གཏོར་མ་
[256a.6]སྦྱིན། །ཤྲཱི་ནི་གཉིས་མེད་ཡེ་ཤེས་ཏེ། །ཧེ་ནི་རྒྱུ་སོགས་སྟོང་པ་ཉིད། །རུ་ནི་བཀོད་པ་དག་དང་བྲལ། །ཀ་ནི་གང་དུའང་མི་གནས་པའོ། །རྣལ་འབྱོར་སེམས་ལ་ངལ་བསོ་བྱའི། །མྱ་ངན་འདས་ཉིད་མི་བསྟེན་ཏོ། །འཕོ་བའི་ཚེ་ན་རྣལ་འབྱོར་པ། །དཔལ་ལྡན་ཧེ་རུ་ཀ་ལ་
[256a.7]སོགས། །ལྷ་ཡི་རྣལ་འབྱོར་མ་དག་གིས། །ལག་ན་མེ་ཏོག་སྣ་ཚོགས་ཐོགས། །སྣ་ཚོགས་རྒྱལ་མཚན་བ་དན་དང་། །རོལ་མོའི་སྒྲ་ནི་སྣ་ཚོགས་དང་། །གླུ་ཡི་མཆོད་པ་སྣ་ཚོགས་ཀྱིས། །འཆི་བ་ཞེས་བྱ་རྣམ་རྟོག་འདི། །མཁའ་སྤྱོད་གནས་སུ་འཁྲིད་པར་བྱེད། །དཔལ་
[256b]
[256b.1]བཅོམ་ལྡན་འདས་ཀྱི་སྒྲུབ་ཐབས་རྡོ་རྗེ་སློབ་དཔོན་ཆེན་པོ་དཔལ་ཉིན་མོ་མཛད་ཀྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཤྲཱི་སུ་བྷཱུ་ཏི་ཤཱནྟི་དང་། ཞུ་ཆེན་གྱི་ལོ་ཙཱ་བ་དགེ་སློང་དགེ་བའི་བློ་གྲོས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།།
[256b.2]{T1502}༄། བྲམ་ཟེ་ཉི་མཛད་རྡོ་རྗེས་མཛད་པའི་སྦྱིན་སྲེག་བཞུགས། ༄༅༅། །རྡོ་རྗེ་མཁའ་འགྲོ་ལ་ཕྱག་འཚལ་ལོ། །རྣལ་འབྱོར་པ་གང་ཞིག་ལས་དང་རྗེས་སུ་མཐུན་པའི་དངོས་གྲུབ་བསྒྲུབ་པ་ནི་འབྲས་བུ་སྦྱིན་སྲེག་ལ་རག་ལས་པ་ཡིན་པས། དེའི་ཕྱིར་དེའི་རྗེས་སུ་སྤྱད་པར་
[256b.3]བྱའོ། །དེ་ལ་རེ་ཞིག་སྦྱིན་སྲེག་བྱེད་པར་འདོད་པས། ཞི་བ་འབའ་ཞིག་གི་ལས་ཀྱི་དཀྱིལ་འཁོར་གྱིས་སྦྱང་བ་བྱས་ན། ས་གཟུང་བ་དང་སྤེལ་བ་དང་ལྡན་པར་ས་བྱིན་གྱིས་བརླབས་ཏེ། དཀྱིལ་འཁོར་བརྩིག་པའམ་བྲིས་པ་གང་ཡང་རུང་བ་བྱས་ཏེ། ཕྱི་རོལ་ཁྲུ་བརྒྱད་པའི་
[256b.4]མཐའ་སྐོར་བྱས་པ་ལ། །མེ་ཐབ་ཀྱི་ཟབས་སུ་ཁྲུ་ཕྱེད་རྒྱར་ཁྲུ་གང་པ་བྱས་ནས་ཁ་ཁྱེར་དེ་བཞིན་དོར་བ་དང་། སོར་བཞི་གྱེན་དུ་བརྩིག་པ་དང་། སོར་བཞི་ཕྱི་རོལ་དུ་བསྐོར་པའི་རིམ་པ་གསུམ་བྱས་ལ། ཞི་བ་ལ་ཀུན་ནས་ཟླུམ་པོ་སྟེ་ཕྱི་རོལ་ཐ་མ་ནི་གྲུ་བཞིར་བྱས་པ་ལ་ཉེས་པ་མེད་དོ། །
[256b.5]དེ་ལ་བྲི་བ་ནི་ཚོན་རྩི་དཀར་པོའོ། །ནང་དུ་ཡེ་ཤེས་ཀྱི་འཁོར་ལོ་ལ་པདྨ་འདབ་མ་བརྒྱད་པ་གྲི་གུག་གི་ར་བ་དང་བཅས་པའོ། །རིམ་པ་གསུམ་པ་ལ་ཐུགས་གསུང་སྐུའི་འཁོར་ལོ་གསུམ་བྲིའོ། །ཕྱི་རོལ་གྱི་མཚམས་སུ་ཟླ་བ་རྡོ་རྗེ་དང་མེ་འོད་ཀྱི་ཕྲེང་བ་དང་བཅས་པ་བྲིས་ལ། གྲི་གུག་
[256b.6]དང་ཐོད་པའི་ཕྱག་མཚན་དང་། མཚམས་སུ་བུམ་པའི་ཀ་པཱ་ལ་ཁྲག་གིས་བཀང་བ་བྲི་པར་བྱའོ། །ཕྱོགས་སུ་གྲི་གུག་དང་འཁོར་ལོ་གསུམ་ལ་ཐོད་པ་དང་གྲི་གུག་ནག་པོ་དང་། དམར་པོ་དང་། དཀར་པོ་དང་། ཞི་བའི་འཁོར་ལོ་དཀར་པོ། རྡོ་རྗེ་དང་པདྨ་དང་འཁོར་ལོའི་ཕྲེང་བས་
[256b.7]བསྐོར་བ། མཚམས་དང་སྒོ་ལ་གྲི་གུག་འབར་བའི་ནང་དུ་དགོད་པར་བྱའོ། །དེ་ནས་རྫས་བསགས་པ་ནི། མཆོད་པ་རྣམ་པ་ལྔ་དང་བསང་བའི་ཆུ་བདུད་རྩི་བསྲེས་པ་དང་། ཡོན་ཆབ་དང་། ཞབས་བསིལ་དང་། སྨན་དང་། འབྲུ་དང་། ཆང་དང་། བདུད་རྩི་དང་། མེ་ཏོག་
[257a]
[257a.1]དཀར་པ་དང་བཅས་པའོ། །ཏིལ་དང་། ཡུངས་ཀར་དང་། ཡམ་ཤིང་དང་། མར་དང་། ཞོ་དང་། འོ་མ་དང་། འབྲས་ཆན་དང་། ཀུ་ཤ་དང་། དཱུར་བ་དང་། ནས་དང་། གྲོ་དང་། ནས་སོ་བ་དང་། མ་ཤ་དང་། འབྲས་སོ་བ་དང་། བིལ་བ་དང་། སྟར་ཀ་དང་།
[257a.2]ཛི་ཏི་ཕ་ལ་དང་། འབྲས་བུ་གསུམ་དང་། ཨུདུམྺཱ་རའི་ཤིང་དང་། ནགས་ཀྱི་ལྕུག་མ་ལ་སོགས་པ་རིམ་པ་བཞིན་དུ་བཞག་ལ། ཤེལ་གྱི་ཕྲེང་བ་དང་། གསེར་དང་རིན་པོ་ཆེ་ལྔ་དང་། དར་དཀར་པོ་དང་། ཁྱད་པར་གྱི་རྫས་བདུད་རྩི་དང་དཔའ་བོ་དང་། ཆང་གི་བྱེ་བྲག་རྣམས་དང་།
[257a.3]རིག་མ་དང་བཅས་པའམ། ཡང་ན་རྫས་བསྲེག་ཤིང་སྒོམ་པ་དང་བཅས་པའོ། །བསྲེག་ཤིང་དང་ཀུ་ཤ་དགྲམ་པ་དང་། དགང་གཟར་དང་བླུགས་གཟར་བདུན་དུ་བཞག་ལ། སྦོམ་པས་རྒྱལ་བ་རྣམས་དམིགས་ལ་མཆོད་པར་བྱའོ། །དེ་ལ་ཐོག་མ་ཁོ་ནར་འཁོར་ལོ་བདེ་མཆོག་གི་སྦྲུབ་
[257a.4]པ་བོས་ལྷོར་ཁ་བལྟས་ལ་སྟན་བདེ་བ་ལ་འདུག་སྟེ། བདུད་རྩི་ལྔའི་རི་ལུ་ཁར་བཅུག་ལ་སྙོམས་པར་འཇུག་པའི་ཕྱག་རྒྱ་དང་བཅས་པས་གཡས་བརྐྱང་པའི་གནས་བས་བྱམས་པའི་སེམས་དང་ལྡན་པས་གོས་དཀར་པོ་གོན་ལ། རུས་པའི་ཕྲེང་བའི་རྒྱན་དང་ལྡན་པ། ཐལ་བ་དང་རཀྟ་
[257a.5]བསྲེས་པའི་ཐིག་ལེས་གནས་གསུམ་དུ་བརྒྱན་པ་དང་། ཀུ་ཤ་དང་རུས་པའི་དག་བྱེད་ལག་པ་གཡོན་པའི་མིང་མེད་ལ་བཅུག་ལ་ཐོག་མར་ཚོགས་བསགས་པ་དང་བྱམས་པ་ལ་སོགས་བསྒོམ་པ་དང་། གནས་སྲུང་བས་བགེགས་བསལ་བ་དང་། བདག་སྲུང་བའི་སྟོང་པ་ཉིད་དང་བཅས་
[257a.6]པ་ནི་སྦྲུབ་བའི་ཐབས་ལས་འབྱུང་བའམ། རྒྱུད་ལས་འབྱུང་བ་བཞིན་དུ་བྱས་ལ་ལྷའི་རྣལ་འབྱོར་བསྐྱེད་དེ་གོ་ཆ་དང་། ཡེ་ཤེས་སེམས་དཔའ་གཞུག་པ་དང་། དབང་བསྐུར་བ་དང་མཆོད་པའི་བར་དུ་བྱས་ལ། སྙིང་གའི་ཟླ་བའི་དཀྱིལ་འཁོར་དུ་ཡེ་ཤེས་སེམས་དཔའི་སྔགས་ལ་སོགས་
[257a.7]པ་འཁོར་ལོའི་ཚུལ་དུ་བཀོད་ལ་སྔགས་ཀྱིས་སྐུར་བྱས་ཏེ་རྐང་བ་བརྒྱད་པའི་སྔགས་ཀྱིས་བསྟོད་ལ། བཟླས་བརྗོད་ཀྱི་མེས་བདག་དང་སེམས་ཅན་གྱི་སྡིག་པ་བསྲེགས་ལ་རང་ཉིད་ཀྱི་དཀྱིལ་འཁོར་བར་སྣང་དུ་གནས་ནས། །ཧཱུཾ་གིས་མཁས་པས་སྟོང་པར་བྱས་ནས། བྷཻ་རཾ་ལ་སོགས་
[257b]
[257b.1]པའི་རི་རབ་ལ་ཐུག་པ་བསྐྱེད་ལ། རང་གི་མདུན་དུ་ཡི་གེ་བྷྲཱུྃ་ལས་མེ་ཐབ་ཀྱི་འཁོར་ལོ་བསྒོམས་ལ་དེའི་དབུས་སུ་རཾ་ལས་མེའི་དཀྱིལ་འཁོར་གྲུ་གསུམ། དེའི་དབུས་སུ་བྃ་ལས་ཆུའི་དཀྱིལ་འཁོར་ཟླུམ་པོ། དེའི་སྟེང་དུ་རྃ་ལས་བྱུང་བའི་མེ་གྲུ་གསུམ་དབུས་སུ་རཾ་གྱིས་མཚན་པ་བསམས་
[257b.2]ལ་ཟུར་གསུམ་ལ་ཁམས་གསུམ་གྱི་ཞལ་གྱི་རྟགས་བུམ་པ་ཨོོཾ་ཨཱཿཧཱུཾ་བཀོད་དེ་ཧྲི་འོད་ཟེར་དང་ལྡན་པ་བསམ་པར་བྱའོ། །དེའི་ནང་དུ་བུད་ཤིང་རྡོ་རྗེ་མཁའ་འགྲོ་མའམ་ཡི་གེ་བདུན་པས་བསངས་ལ་བརྩིགས་ཏེ་ཀུ་ཤས་བཀབ་ལ་བ་དན་དང་བཅས་པ་བསྐྱེད་པར་བྱའོ། །གོང་གི་ཡི་གེ་
[257b.3]དེ་དག་གྱུར་པ་ལས་པདྨའི་གདན་ཟླ་བའི་སྟེང་ན་སྐུ་མདོག་དམར་སེར་ཕྱག་བཞི་པ། གཡས་ཀྱི་དང་པོ་ན་རྡོ་རྗེ་རྩེ་གསུམ་པ་གཉིས་པ་ན་དབྱིག་པ། གཡོན་གྱི་དང་པོ་ན་བགྲང་ཕྲེང་། གཉིས་པ་ན་གུནྔྷེ་བསྣམས་པ་ཁྲོ་བོའི་རྒྱན་ཐམས་ཅད་དང་ལྡན་པ་བསམས་ལ། ཡེ་ཤེས་སེམས་
[257b.4]དཔའི་འོད་ཟེར་གྱིས་ཐབ་ཀྱི་དང་འདྲ་བཛཿཧཱུཾ་བཾ་ཧོཿ་བཞི་པ་དང་། ལག་པ་གཡས་བ་མི་འཇིགས་པ་སྦྱིན་པར་བྱས་ལ། མཐེ་བོ་སྲིན་ལག་གི་རྩ་བར་བཙུགས་ལ་གཡབ་སྟེ། ཨོཾ་ཨེ་ཧྱེ་ཧི་མ་ཧཱ་བྷཱུ་ཏ་དེ་བ་རྀ་ཥི་དྭི་ཛ་ས་ཏ་མ་གྲི་ཏཨཱཿཧཱུཾ། མ་ཧཱ་ཨསྨིཾསནྣཾ་ཧི་ཏོ་བྷ་བ། ཨོཾ་བྷ་བ་ཀ་ཨབྣ་ཡིསྭཱཏཱ་
[257b.5]ཞེས་པས་སྤྱན་དྲངས་ལ་མཆོད་ཡོན་ཕུལ་རྐང་བ་བརྒྱད་པས་བསྟོད་ལ། གནོད་མཛེས་ཀྱིས་བགེགས་བསྐྲད་དེ། དམ་ཚིག་སེམས་དཔའ་དང་བསྲེས་ནས་དམ་ཚིག་གི་ཕྱག་རྒྱས་བལྟས་ལ་རེ་ཕ་ལྕེ་ལ་བཀོད་པ་དང་། ཕྱག་མཚན་མེད་པའི་ལས་ཀྱི་ཕྱག་རྒྱ་གར་དང་བཅས་པ་དང་། ཆོས་
[257b.6]ཀྱི་ཕྱག་རྒྱ་གྲི་གུག་ལྕེ་ལ་བསམ་པ་དང་། ཕྱག་རྒྱ་ཆེན་པོ་སྔར་བཞིན་བསམས་ཏེ་མེ་ལྷའི་ཐུགས་ཀ་ནས་རང་བྱུང་ལ་རང་གི་ཐུགས་ཀ་དང་ནམ་མཁའ་ལ་རྡོ་རྗེ་མཁའ་འགྲོ་མས་དབང་བསྐུར་ཏེ། སྤྱི་བོར་ཐིམ་པས་སྤྱི་བོར་རྡོ་རྗེར་གྱུར་པར་བསམས་ལ། ཨོཾཨཱཿཧཱུཾ་གསུམ་གྱིས་བྱིན་གྱིས་
[257b.7]བརླབས་ཏེ་མཆོད་པ་ལྔ་དང་ཞབས་བསིལ་དང་ཡོན་ཆབ་ཕུལ་ལ། འཐོར་འཐུང་གིས་བསང་གཏོར་བྱས་ལ་ཀུ་ཤས་བཀབ་པའི་མེ་རླུང་ཡབ་ཀྱིས་སྣར་བའི་ནང་དུ་མེ་ལྷ་བསམ་པར་བྱའོ། །དེ་ནས་མེ་ལྷ་མདོག་དཀར་པོ་རྒྱན་དང་བཅས་པ་ལ་ཐོག་མར་མེ་གསོ་པའི་ཕྱིར། ཨོཾ་བཛྲ་
[258a]
[258a.1]ཨ་ན་ལཱརྐ་མ་ཧཱ་བྷཱུ་ཏ་ཛྭ་ལ་སརྦབྷིསྨཾཀུ་རུ་སརྦ་དུཥྲཱཾ་ཧཱུཾ་ཕཊ་ཅེས་བྱ་བས་མར་གྱི་དགང་བླུགས་གསུམ་མམ་བདུན་དབུལ་ལོ། །དགང་གཟར་བླུགས་གཟར་གྱི་ཁར་ཡི་གེ་གསུམ་དགོད་པར་བྱའོ། །དེ་ནས་བགེགས་ཡོད་མེད་བརྟག་པར་བྱའོ། །བགེགས་ཡོད་ན་གནོད་
[258a.2]མཛེས་ཀྱིས་བསང་གཏོར་བྱའོ། །དེ་ནས་མཆོད་པ་ལྔ་དང་སྲེག་རྫས་དབུལ་བར་བྱའོ། །སྡིག་པ་སྦྱང་བའི་ཕྱིར་ཏིལ་ལ་ཨོཾ་སརྦ་པཱ་བཾ་ད་ཧ་ན་བཛྲཱ་ཡ་སྭཱཧཱ་ཞེས་དང་། ཨོཾ་བཛྲ་ཡ་ཛྙཱ་ཡ་སྭཱ་ཧཱ་ཡ་མ་ཤིང་གིའོ། །ཨོཾཨགྣ་ཡེ་སྭཱཧཱ་མར་གྱིའོ། །འོ་མ་དང་ཞོ་ལ་སོགས་པ་ཞུ་བའི་རྫས་ལ་ནི་
[258a.3]མེ་ཉིད་ཀྱི་སྔགས་ཀྱིས་སོ། །ཨོཾ་སརྦ་སཾ་བ་དེ་སྭཱ་ཧཱ་འབྲས་ཆན་གྱིའོ། །ཨོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ་ཀུ་ཤའི་འོ། །ཨོཾ་བཛྲ་ཨཱ་ཡུཥེ་སྭཱ་ཧཱ་དཱུར་བའི་མྱུ་གུའིའོ། །ཨོཾ་མ་ཧཱ་བེ་གེ་སྭཱཧཱ་ནས་ཀྱིའོ། །ཨོཾ་བཛྲ་གྷསྨ་རེ་སྭཱ་ཧཱ་གྲོའིའོ། །ཨོཾ་བཛྲ་བི་ཛ་ཡེ་སྭཱ་ཧཱ་ནས་སོ་བའིའོ། །ཨོཾ་མ་ཧཱ་བ་ལཱ་ཡ་
[258a.4]སྭཱ་ཧཱ་མ་ཤའིའོ། །ཨོཾ་བཛྲ་པུཥྚ་ཡེ་སྭཱ་ཧཱ་འབྲས་སོ་པའིའོ། །ཨོཾ་མ་ཧཱ་ཤོ་པ་མེ་སྭཱ་ཧཱ་བི་ལ་བ་དང་སྟར་ཀ་དང་ཛཱ་ཏི་ཕ་ལའི་ཡང་དེ་ཉིད་དོ། །སྨན་དང་རྫས་ལྷག་མ་རྣམས་ལ་ནི་རང་གི་མིང་དང་ཡི་གེ་བདུན་པ་དང་ཡུམ་གྱི་སྙིང་པོས་དབུལ་བར་བྱའོ། །དེ་ལ་དབུལ་བའི་གནས་ནི་ཡམ་ཤིང་
[258a.5]འོད་ལའོ། །མར་ཁུ་ཞལ་དུའོ། །ཏིལ་དང་ཞོ་དང་ནས་ནི་ཕྱག་ཏུའོ། །ཀུ་ཤ་དང་དཱུར་བ་ནི་དབུའི་གཙུག་ཏོར་ལའོ། །ནས་དང་གྲོ་དང་འབྲས་སོ་བ་དང་སྲན་མ་མ་ཤ་ལ་སོགས་པ་ནི་ཞལ་དུའོ། །ཞུ་བའི་རྫས་ཐམས་ཅད་ནི་ཞལ་དུའོ། །དྲི་ནི་ཐུགས་ཀར་རོ། །མེ་ཏོག་དབུ་ལའོ། །སྤོས་
[258a.6]འོད་ལའོ། །མཆོད་ཡོན་དང་འཐོར་འཐུང་ཕྱག་ཏུའོ། །མར་ནི་མདུན་དུའོ། །བདུད་རྩི་ནི་ཞལ་དུའོ། །རིན་པོ་ཆེ་དབུ་ལའོ། །ཕྲེང་བ་ཕྱག་ཏུའོ། །སྐུ་ལ་གོས་སོ། །དེ་ནས་ཐ་མར་ཡང་བསངས་ལ་མེ་འོད་ལ་ཞུ་བར་བྱའོ། །དེའི་དཀྱིལ་དུ་རང་གི་དཀྱིལ་འཁོར་ཨཱ་ལི་དང་ཀཱ་ལི་ཡི་གེ་ཧཱུཾ་
[258a.7]ལས་སྦྲུལ། ཡེ་ཤེས་སེམས་དཔའ་སྤྱན་དྲངས་པ་བྱས་ནས་མཆོད་པ་དང་བསྟོད་པ་དང་གོ་བསྐོན་པ་དང་། དབང་བསྐུར་བ་དང་། སྐུ་གསུང་ཐུགས་བྱིན་གྱིས་བརླབ་པའམ་ཡང་ན་རང་མཁའ་འགྲོ་མའི་རྒྱབ་ཏུ་གནས་ལ་བསྐྱེད་པའི་ལྷ་དྲུག་ཅུ་རྩ་གཉིས་བཀོད་ལ་མཆོད་པ་བྱའོ། །
[258b]
[258b.1]སྔ་མ་བཞིན་དུ་དགང་བླུགས་བདུན་ནམ་ཉི་ཤུ་རྩ་གཅིག་དང་བརྒྱ་རྩ་བརྒྱད་ཀྱིས་སྲེག་བླུགས་ཐམས་ཅད་སྔ་མ་བཞིན་དུ་དབུལ། །ཐ་མར་ཡང་མཆོད་པ་ལྔ་དང་། མཆོད་ཡོན་དང་ཞབས་བསིལ་ཕུལ་ལ་འཐོར་འཐུང་དང་ཉེ་རེག་བྱས་ལ། ངེས་པར་བརྗོད་པའི་དཀྱིལ་འཁོར་ལས་བྱུང་བའི་
[258b.2]མཆོད་པ་དང་། གཞན་ཡང་བདུད་རྩི་ལྔ་དང་། ཆང་དང་། དཔའ་བོ་ལྔ་དང་། ཅང་ཏེའུ་དང་། མྱང་བ་དང་། བལྡག་པ་དང་། གཞིབ་པ་དང་། བཟའ་བ་དང་། བཅའ་བ་དང་། ཚོགས་ཀྱི་མཆོད་པ་དང་འཁྱུད་པ་ལ་སོགས་བྱས་ལ། བདག་དང་བསྒྲུབ་བྱའི་སྡིག་པའི་
[258b.3]གཟུགས་རིད་པ་དང་གནག་པ་དང་ཉམ་ཐག་པ་དང་བཅས་པས་སྡུག་བསྔལ་བར་དམིགས་ཏེ་ཏིལ་དང་བསྲེས་ལ་བསྲེག་པར་བྱའོ། །མཐེ་བོ་དང་མཛུབ་མོ་ལ་ཧཱུཾ་ལས་རྡོ་རྗེའི་འོད་ཟེར་དང་བཅས་པ་བསམས་ལ། རང་ངམ་གཞན་གྱི་སྙིང་གནས་སྡིག་པ་བསྐྱེད་ལ་དྲངས་ཏེ། ལྟེ་བ་ལ་
[258b.4]ཧཱུྃ་རྡོ་རྗེ་མར་མེའི་འོད་ལྟ་བུས་སྣའི་རྩེ་མོར་དྲངས་ལ། མཐེབ་མཛུབ་གཉིས་ཀྱིས་བཟུང་ལ་ཏིལ་བསྲེག་པར་བྱའོ། །དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །
[258b.5]མགོན་པོ་ཐུགས་རྗེའི་རང་བཞིན་ཅན། །འཁོར་དང་བཅས་པ་དགོངས་སུ་གསོལ། །སྐྱབས་གསོལ་བཟླས་བརྗོད་སྦྱིན་སྲེག་མཐུས། །འགྲོ་བའི་དངོས་གྲུབ་མྱུར་དུ་གསོལ། །མཐོང་བ་དང་ནི་ཐོས་པ་དང་། །དྲན་པ་དང་ནི་རེག་ཙམ་གྱིས། །བདག་དང་སེམས་ཅན་ཐམས་ཅད་ཀྱི། །
[258b.6]ནད་རྣམས་ཀུན་ནི་སོས་གྱུར་ཅིག །ཅེས་བརྗོད་ལ་རང་གི་སྔགས་ཀྱིས་མཐར་ཨ་ན་ལ་བྷིསྨཾ་ཀུ་རུ་དང་བཅས་པས་མཆོད་ཡོན་ཕུལ་ལ། འོད་གསལ་བའི་རང་བཞིན་གྱི་མེར་རྣམ་པར་རྟོག་པའི་རང་བཞིན་རྣམས་སྣང་བ་མེད་པར་བྱས་ལ་ཡང་མི་སྐྱེ་བར་འགྱུར་བའི་བློས། ཨོཾ་ཤྲཱི་བཛྲ་ཧེ་ཧེ་
[258b.7]རུ་རུ་ཀཾ་ཧཱུཾཧཱུཾ་ཕཊ། ཌཱ་ཀི་ནཱི་ཛཱ་ལ་སམྦར་སྭཱ་ཧཱ། ཆེ་གེ་མོ་སརྦ་པཱ་བཾ་ད་ཧ་ནཱ་ཡ་སྭཱ་ཧཱ། རྐང་པ་བརྒྱད་པའམ་ཡི་གེ་བདུན་པ་དཔའ་པོ་ཉི་ཤུ་རྩ་བཞིའི་སྔགས་དང་། མཁའ་འགྲོ་མ་སུམ་ཅུ་རྩ་དྲུག་གི་སྔགས་ཀྱིས་མཆོད་པ་དང་། སྡིག་པ་བསྲེག་པའི་ཕྱིར་ཏིལ་གྱི་སྦྱིན་སྲེག་བརྒྱ་རྩ་
[259a]
[259a.1]བརྒྱད་དམ་ལྔ་བཅུ་རྩ་བཞི་དབུལ་བར་བྱའོ། །ཡང་ན་སྟོང་ངམ་ཁྲིའམ་ཅི་ནུས་པར་མཚོན་པར་བྱའོ། །དེ་ནས་མེ་ལྷ་བར་སྣང་དུ་བསམས་ལ་རང་གི་སྙིང་ག་ནས་ཡེ་ཤེས་ཀྱི་འཁོར་ལོ་བསམས་ལ་མཆོད་པ་ལྔ་དང་འཐོར་འཐུང་དང་མཆོད་ཡོན་ཕུལ་ལ་འོག་ནས་འབྱུང་
[259a.2]བའི་བསྟོད་པས་མེ་ལྷ་ལ་བསྟོད་ལ། སྲེག་བླུགས་ཅི་ནུས་པ་དབུལ་བར་བྱའོ། །དགང་གཟར་དང་བླུགས་བཟར་གྱི་ཁ་དང་དཀྱིལ་དང་མཚམས་སུ་ཡིག་འབྲུ་སྡམ་དང་ཧཱུྃ་བྃ་བཀོད་ལ་པུས་མོའི་པར་དུ་ཐལ་མོ་གཉིས་མཐེ་བོང་མཐེའུ་ཆུང་སྦྲད་ནས་བཟུང་ལ་མེའི་ཞལ་དུ་དབུལ་ཏེ་དེ་རྣམས་
[259a.3]ཀྱིས་མ་ལུས་པ་ཚིམ་པར་བསམ་པ་ནི་ཐུན་མོང་གི་ཆོ་གའོ། །དེ་ནས་ཡམ་ཤིང་དང་མར་དང་ཏིལ་དང་འབྲས་ཆན་དང་། ཨོ་དང་། ཀུ་ཤ་དང་། དཱུར་བ་དང་། ནས་དང་། གྲོ་དང་། འབྲས་སོ་བ་དང་། སྲན་མ་དང་། སྨན་ལ་སོགས་པ་ཅི་འབྱོར་པ་དབུལ་བར་བྱའོ། །ཐ་མར་ཡང་
[259a.4]དགང་བླུགས་ཕུལ་ལ་འཐོར་འཐུང་དང་ཉེ་རེག་བྱས་ཏེ། ཡེ་ཤེས་སེམས་དཔའ་གཤེགས་སུ་གསོལ་ལོ། །ཨོཾ་ཁྱེད་ཀྱིས་འགྲོ་བའི་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །
[259a.5]བཛྲམུཿབཾ་བཾ་ཞེས་པས་གཤེགས་པར་བསམ་མོ། །དམ་ཚིག་སེམས་དཔའ་རང་གི་ལུས་ལ་ཐ་མར་རང་ཉིད་ཀྱི་སྔགས་དང་འཐོར་འཐུང་དང་བསང་གཏོར་སྔོན་དུ་འགྲོ་བས་རྫས་ལྷག་མ་བསྲེས་ལ་དེ་ནས་ཡོན་བདག་གཡོན་དུ་བཞག་ལ་མེ་ལྷའི་ཞབས་དྲུང་གི་ཐལ་བས་དཔྲལ་བར་ཐིག་
[259a.6]ལེ་བྱས་ལ་བསྟོད་པ་བྱ་སྟེ། །འཇིག་རྟེན་དབང་ཕྱུག་ཚངས་དབང་མཆོག་གི་སྲས། །མེ་ཡི་རྒྱལ་པོ་ཊཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་སྲེག །འཇིགས་བྱེད་མེ་ལྷ་ཉིད་ལ་རྣམ་པར་འདུད། །ཅེས་བརྗོད་ལ་གཤེགས་པར་བསམས་ཏེ།
[259a.7]ཨོཾ་ཨགྣ་ཡེ་ཨེ་ཧྱེ་ཧི་སཱརྠཱཉྩ་བརཱརྠཾ། སིངྔྷིཏཾ་གཙྪ་མ་ཧ་བྱ་བྷུ་ག་ཞེས་བརྗོད་དོ། །དམ་ཚིག་གི་མེ་ལྷ་གདན་ལ་ཐིམ་པ་དང་། གདན་ཆུའི་རྒྱ་མཚོ་ལ་ཐིམ་པ་དང་། ཆུ་རང་གི་ས་བོན་ལ་ཐིམ་པ་དང་། ས་བོན་མེ་གྲུ་གསུམ་ལ་ཐིམ་པར་བསམས་ལ། མེ་ཉིད་བཅོས་མའི་
[259b]
[259b.1]ཐ་མལ་པར་བསམ་པར་བྱའོ། །དེ་ནས་དཀྱིལ་འཁོར་བསྡུས་པའི་ཡི་གེ་བརྒྱ་པ་བཟླས་ལ་རང་གི་ལུས་ལ་གོ་ཆ་བགོས་ཏེ་ཚམ་དམ་སྔགས་ཀྱིས་སྲུང་བས་བསྲུང་པའོ། །ལྷའི་ང་རྒྱལ་གྱིས་ལྡང་བར་བྱའོ། །རྒྱས་པ་ལ་པུཥྚིཾ་ཀུ་རུ་དང་། དབང་ལ་བ་ཤད་ཀུ་རུ་དང་། ཧོཿཞེས་པ་དང་།
[259b.2]དྲག་པོ་ལ་མཱ་ར་ཡ་ཕཊ་ཅེས་པ། དགུག་བ་ལ་སོགས་པ་ལ་ཅི་རིགས་པར་ཤེས་པར་བྱའོ། །བདག་གིས་རྒྱུད་དང་ཆོ་ག་གཞན་དག་ལས། །བཏུས་ནས་སྦྱར་གྱི་རང་བཟོར་བྱས་པ་མིན། །སློབ་མས་གསོལ་བཏབ་ངོར་བྱས་ང་རྒྱལ་མིན། །སྦྱིན་སྲེག་བྱས་པའི་དགེ་རྩས་འགྲོ་ཀུན་
[259b.3]ཁྲག་འཐུང་ཤོག །བྲམ་ཟེ་ཆེན་པོ་ཉིན་མཛད་རྡོ་རྗེས་རིམ་པ་ཇི་ལྟ་བ་བཞིན་དུ་སྦྱར་བ་རྫོགས་སོ།། {T1503}༄༅༅། །རྒྱ་གར་སྐད་དུ། ཤྲཱི་བཛྲ་ཌཱ་ཀི་ནཱ་མ་མ་ཧཱ་ཏནྟྲ་རཱ་ཛ་ཨུཏྟེ་ཡཾ་བོ་དྷི་ཙིཏྟ་ཨ་བ་ལོ་ཀ་མཱ་ལ་སཱ་དྷ་ནོ་པི་ཀ་ནཱ་མ། བོད་སྐད་དུ། དཔལ་རྡོ་རྗེ་མཁའ་འགྲོ་ཞེས་བྱ་
[259b.4]བའི་རྒྱུད་ཀྱི་རྒྱལ་པོ་ལས་བཏུས་པའི་སྒྲུབ་པའི་ཐབས་བྱང་ཆུབ་ཀྱི་སེམས་ཀུན་དུ་གཟིགས་པའི་ཕྲེང་བ་ཞེས་བྱ་བ། བཅོམ་ལྡན་འདས་ཐུགས་རྗེ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །སྒྱུར་འཕྲུལ་ཆེན་མོས་ཀུན་འཁྱུད་པའི། །དཔའ་བོ་རྡོ་རྗེ་ཅན་བཏུད་
[259b.5]ནས། །རྡོ་རྗེ་མཁའ་འགྲོའི་རིམ་པ་ཡིས། །དེ་ཡི་སྒྲུབ་ཐབས་བྲི་བར་བྱ། །ཆོས་ཀྱི་དབྱིངས་ཀྱི་བདག་ཉིད་མཆོག །དང་པོར་རོ་ནི་བསྒོམ་པར་བྱ། །སྒྲུབ་པོ་དེ་ཡི་སྟེར་གནས་ཏེ། །ཧུ་རུ་ཀ་ཉིད་བསྒོམ་པར་བྱ། །ཞེས་བྱ་བ་ལ་དེ་ལ་རིམ་པ་ནི་འདི་ཡིན་ཏེ། རང་གི་སྙིང་གར་རེ་ཕ་
[259b.6]ལས། །བྱུང་བའི་ཉི་མའི་དཀྱིལ་འཁོར་བསྒོམ། དེ་ཉིད་དུ་ནི་ཧཱུཾ་ཞེས་པ། །ཐབས་དང་ཤེས་རབ་གཟུགས་ཅན་བསམ། །ཧཱུཾ་ལས་བྱུང་བའི་རྡོ་རྗེ་ནི། །ཁ་དོག་ནག་པོ་དྲག་ཆེན་པོ། །དེ་ཡི་ལྟེ་བའི་དབུས་གནས་པར། །སླར་ཡང་ཧཱུཾ་གི་དེ་ཉིད་བསྒོམ། །ཧཱུཾ་ནི་ཡོངས་སུ་གྱུར་པ་ལས། །
[259b.7]སྒྲུབ་པོ་ཞེ་སྡང་བདག་ཉིད་བསམ། །རྒྱན་རྣམས་ཐམས་ཅད་ཡོངས་རྫོགས་ཤིང་། །རང་གི་ལྷག་པའི་ལྷ་གཟུགས་བྱ། །ཁྲོ་ལ་ས་བོན་སྔོན་པོ་སྟེ། །རྡོ་རྗེ་ཉི་མ་དེ་བཞིན་ནོ། །ཞི་བའི་ས་བོན་ཟླ་བའི་མདོག །ཟླ་བ་རྡོ་རྗེ་ལ་གནས་བསམ། །སྒྲུབ་པོ་ལྷ་ཡི་གཟུགས་བཟུང་ལ། །
[260a]
[260a.1]དེ་ནས་ལྷ་ཡི་མཆོད་པ་སྤྲོ། །ལྷ་ཡི་མིག་དང་ལྡན་པ་ཡིས། །སངས་རྒྱས་ཐམས་ཅད་བལྟ་བར་བྱ། །བཅོམ་ལྡན་རྡོ་རྗེ་ཅང་ཡིས་གསུངས། །རྣལ་འབྱོར་སྐྱེད་པར་གསུངས་པའོ། །སངས་རྒྱས་ཀུན་གྱི་དངོས་ས་བོན། །རང་སྙིང་ཟླ་བར་བསམས་ནས་སུ། །
[260a.2]བདེ་གཤེགས་དེ་ཡི་འོད་ཟེར་གྱིས། །མདུན་དུ་བཀུག་པར་བལྟ་བར་བྱ། །ཨརྒྷ་ལ་སོགས་ལུང་བྱུང་བ། །ཕྱི་དང་གསང་བའི་མཆོད་སོགས་བྱ། །དེ་ནས་ཕྱག་ནི་བྱས་ནས་སུ། །དེ་འོག་བདག་ཉིད་འདི་ལྟར་དབུལ། །སངས་རྒྱས་བྱང་ཆུབ་སེམས་དཔའ་རྣམས། །ཀུན་ནས་
[260a.3]བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བ་ནི། །དུས་འདི་ནས་བཟུང་ཇི་སྲིད་དུ། །བྱང་ཆུབ་སྙིང་པོ་མཆིས་ཀྱི་བར། །ཇི་ལྟར་དུས་གསུམ་མགོན་པོ་རྣམས། །ཡང་དག་བྱང་ཆུབ་ངེས་མཛད་པ། །དེ་བཞིན་བླ་མེད་བྱང་ཆུབ་སེམས། །དམ་པ་བདག་གིས་བསྐྱེད་
[260a.4]བར་བགྱི། །སངས་རྒྱས་རྣལ་འབྱོར་སྡོམ་པ་ལ། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་མཆོག་ཏུ་གཟུང་། །བསླབ་པ་ཡི་ནི་ཚུལ་ཁྲིམས་དང་། །དགེ་བའི་ཆོས་ནི་བསྡུ་བ་དང་། །སེམས་ཅན་དོན་བྱེད་ཚུལ་ཁྲིམས་
[260a.5]གསུམ། །བདག་གིས་སོ་སོར་བརྟན་པོར་གཟུང་། །རྡོ་རྗེའི་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་གཟུང་བགྱི་ཞིང་། །སློབ་དཔོན་དག་ཀྱང་བདག་གིས་བཟུང་། །རིན་ཆེན་རིགས་མཆོག་རྣལ་འབྱོར་གྱི། །དམ་ཚིག་ཡིད་དུ་འོང་བ་ལ། །ཉིན་
[260a.6]རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་སྩལ་བར་བགྱི། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་དང་གསང་བ་ཐེག་པ་གསུམ། །དམ་ཆོས་ཡང་དག་གཟུང་བར་བགྱི། །ལས་ཀྱི་རིགས་མཆོག་ཆེན་པོ་ལ། །མཆོད་པ་ཅི་ནུས་བགྱིད་པ་
[260a.7]དང་། །སྡོམ་པ་ཐམས་ཅད་ལྡན་པར་བགྱི། །བླ་ན་མེད་པའི་བྱང་ཆུབ་སེམས། །དམ་པ་བདག་གིས་བསྐྱེད་བགྱི་ཞིང་། །སེམས་ཅན་ཀུན་གྱི་དོན་གྱི་ཕྱིར། །སྡོམ་པ་མ་ལུས་གཟུང་བར་བགྱི། །མ་བརྒལ་བ་རྣམས་བསྒྲལ་བར་བགྱི། །མ་གྲོལ་བ་རྣམས་བདག་གིས་
[260b]
[260b.1]དགྲོལ། །དབུགས་མ་ཕྱིན་པ་དབུགས་དབྱུང་ཞིང་། །འགྲོ་ཀུན་མྱ་ངན་འདས་ལ་དགོད། །བྱམས་དང་སྙིང་རྗེ་བྱས་ནས་སུ། །དགེ་བ་ལ་ནི་དགའ་བ་བསྒོམ། །མི་དགེའི་ཆོས་ལ་བཏང་སྙོམས་བྱ། །སྡིག་བཤགས་ལ་སོགས་དེ་བཞིན་ནོ། །བཅོམ་ལྡན་རྡོ་རྗེ་ཅན་གྱིས་
[260b.2]གསུངས། །དེ་བཞིན་གཤེགས་པ་ཐམས་ཅད་མཆོད་པ་དང་སྡོམ་པ་གཟུང་བའོ། །སངས་རྒྱས་ཐམས་ཅད་གཤེགས་གསོལ་ནས། །དེ་འོག་འདི་ལྟར་བསྒོམ་པར་བྱ། །བདག་གིས་མཆོད་པའི་སངས་རྒྱས་རྣམས། །གང་ནས་མ་བྱོན་གར་མ་གཤེགས། །ཕུང་པོ་
[260b.3]ཁམས་དང་སྐྱེ་མཆེད་རྣམས། །གང་ཡིན་ལྷ་ཡི་རང་བཞིན་ཉིད། །རྣལ་འབྱོར་དེ་ཉིད་རྫོགས་བྱའི་ཕྱིར། །བློ་དང་ལྡན་པས་དེ་ཉིད་བསྒོམ། །གཟུགས་ནི་སངས་རྒྱས་རྣམ་སྣང་མཛད། །ཚོར་བ་རྡོ་རྗེ་ཉི་མ་ཡིན། །འདུ་ཤེས་པདྨ་གར་དབང་སྟེ། །འདུ་བྱེད་རྡོ་རྗེ་རྒྱལ་པོ་
[260b.4]ཡིན། །རྣམ་ཤེས་རྡོ་རྗེ་སེམས་དཔའ་སྟེ། །འདི་དག་ཀུན་དངོས་རང་བཞིན་ནི། །རྡོ་རྗེ་མཁའ་འགྲོ་ཞེས་བྱར་གྲགས། །ཡང་དག་གཅིག་པུ་ཆེན་པོའི་ལྷ། །བདེ་བ་ཐམས་ཅད་རབ་སྟེར་བ། །སྒྱུ་མ་ཆེན་པོའི་རང་བཞིན་གྱིས། །ཆགས་བྲལ་ཆགས་པ་ཞེས་བྱར་
[260b.5]བཤད། །ས་ཁམས་ལྟུང་བྱེད་མ་ཡིན་ཏེ། །དེ་བཞིན་ཆུ་ཁམས་གསོད་མའོ། །མེ་ཁམས་འགུགས་བྱེད་མ་ཡིན་ཏེ། །དེ་བཞིན་རླུང་ནི་གར་དབང་ངོ་། །ནམ་མཁའི་ཁམས་ནི་སྒྱུ་མ་ཆེར། །རང་ཉིད་འགྲོ་མ་ཞེས་བྱར་བཤད། །སངས་རྒྱས་ཀུན་དང་མཉམ་སྦྱོར་བ། །
[260b.6]མཁའ་འགྲོ་མ་ནི་འབར་བའི་མཆོག། །འབྱུང་བ་ལྔ་ཡི་རང་བཞིན་གྱི། །དེ་ནི་རྡོ་རྗེ་གཙོ་མོར་གནས། །མིག་གཉིས་གཏི་མུག་རྡོ་རྗེར་བཤད། །ཉན་པ་ཞེ་སྡང་རྡོ་རྗེར་བརྗོད། །སྣ་ནི་སེར་སྣ་རྡོ་རྗེ་སྟེ། །ཁ་ནི་འདོད་ཆགས་རྡོ་རྗེར་གསུངས། །ལུས་ནི་ཕྲག་དོག་རྡོ་རྗེ་སྟེ། །སྐྱེ་
[260b.7]མཆེད་ཐམས་ཅད་མཉམ་སྦྱོར་བས། །རྡོ་རྗེ་མཁའ་འགྲོ་བདེ་བའི་མཆོག །བཅོམ་ལྡན་རྡོ་རྗེ་ཅན་གྱིས་གསུངས། ཕུང་པོ་དང་ཁམས་དང་སྐྱེ་མཆེད་ཀྱི་རྣམ་པར་དག་པའོ། །ཨོཾ་སྭཱ་བྷཱ་བ་ཤུངྔྷཿསརྦ་དྷརྨཱཿསྭ་བྷཱ་བ་ཤུདྡྷོ྅ཧཾ། དེ་ནས་དངོས་ཀུན་ལས་གྲོལ་བའི། །ཆོས་ཀུན་
[261a]
[261a.1]བདག་མེད་མཉམ་པར་བལྟ། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ནི་མཚན་ཉིད་མེད། །ཁམས་གསུམ་པ་ནི་མ་ལུས་བའི། །འགྲོ་བ་སྒྱུ་མ་ལྟ་བུ་ཡིན། །བརྟན་པ་དང་ནི་གཡོ་བ་ཡི། །འགྲོ་བ་དམིགས་སུ་མེད་པ་སྟེ། །མཐོང་བ་དང་
[261a.2]ནི་རེག་པའི་དངོས། །ཐམས་ཅད་སྒྱུ་མ་ཇི་བཞིན་ནོ། །གཟུགས་ནི་ཐམས་ཅད་སྟོང་པ་ཉིད། །སྟོང་པའི་ཚུལ་གྱི་མིག་གིས་ནི། །དོགས་པ་མེད་པར་བསྒོམ་པའི་མཆོག །རྣམ་པར་མི་རྟོག་པ་ཡིས་བལྟ། །ནམ་མཁའི་ཚུལ་གྱི་སེམས་ཀྱིས་ནི། །དེར་ནི་ཐམས་ཅད་ནམ་མཁའི་
[261a.3]དངོས། །དོགས་པ་མེད་པའི་བསྒོམ་པར་ལྡན། །རྣམ་པར་མི་རྟོག་སྐྱེ་བར་འགྱུར། །ཨོཾ་ཥཱུནྱ་ཏཱ་ཛྙཱ་ན་བཛྲ་སྭཱ་བྷཱ་བ་ཨཱཏྨ་ཀོ་ཧཾ། བཅོམ་ལྡན་རྡོ་རྗེ་ཅན་གྱིས་གསུངས། །སྟོང་པ་ཉིད་ནི་བྱང་ཆུབ་བོ། །སྣ་ཚོགས་པདྨའི་ཉི་དཀྱིལ་ལ། །དེར་ནི་ཧཱུཾ་ལས་བྱུང་བ་ཡི། །དབུས་གནས་
[261a.4]ལས་ཀྱི་རྡོ་རྗེ་བསྒོམ། །སླར་ཡང་ཧཱུཾ་གི་དེ་ཉིད་བསམ། །འོད་ཟེར་སྣ་ཚོགས་འབར་བ་ལས། །མཁའ་འགྲོ་མ་ཡི་འཁོར་སྤྲོ་བ། །ཞལ་གཅིག་ཕྱག་གཉིས་སྤྱན་གསུམ་པ། །སྐུ་མདོག་དམར་མོ་དྲག་ཆེན་མོ། །མདུང་གི་དབྱིབས་ཅན་འཇིགས་པའི་གཟུགས། །སྤྱན་དམར་ཁམ་
[261a.5]སྐྲ་གྱེན་དུ་བརྫེས། །ལང་ཚོ་ཕུན་སུམ་ཚོགས་པར་ལྡན། །སྟག་གི་པགས་པའི་ན་བཟའ་ཅན། །ལྗགས་འདྲིལ་བས་ནི་ཆེར་འཇིགས་ཏེ། །འཇིགས་པ་དག་ཀྱང་འཇིགས་པར་མཛད། །དེ་ནས་རྡོ་རྗེ་སྔགས་སྤྲོ་བྱ། །ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞཱ་
[261a.6]པ་ཡ་གྲྀཧྲཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོཿབྷ་ག་བཱན་བིདྱཱ་རཱ་ཛ་ཧཱུཾ་ཧཱུཾ་ཕཊ། དེར་སྔགས་ཚིག་ནི་འདི་དག་གིས། །ལྷ་དང་ལྷ་མིན་མིར་བཅས་པ། །ཕུར་བུ་ཡིས་ནི་བཏབ་ནས་སུ། །ཧཱུཾ་སྔགས་འོད་ཀྱི་ར་བ་དང་། །ཁྱད་པར་དུ་ནི་དྲ་བ་བྱ། །བཅོམ་ལྡན་རྡོ་རྗེ་ཅན་གྱིས་གསུངས། །
[261a.7]སྲུང་བའི་འཁོར་ལོ་དང་སྔགས་ཀྱི་ཚིག་རྣམས་སོ། །ཤེས་རབ་མཁའ་དབྱིངས་དབུས་བསམ་པ། །རླུང་དང་མེ་ཡི་དཀྱིལ་འཁོར་རོ། །དེ་ཡི་དཀྱིལ་འཁོར་དབུས་གནས་པར། །ཆུ་ཡི་དཀྱིལ་འཁོར་བསྒོམ་པར་བྱ། །ཆུ་ཡི་དཀྱིལ་འཁོར་དབུས་གནས་པར། །དབང་ཆེན་
[261b]
[261b.1]དཀྱིལ་འཁོར་དེ་བཞིན་ཏེ། །འབྱུང་བ་ཐམས་ཅད་བསྡུས་པ་ལས། །གཞལ་ཡས་ཁང་བརྩེགས་བསྒོམ་པར་བྱ། །གྲུ་བཞི་པ་ལ་སྒོ་བཞི་པ། །ཁ་ཁྱེར་དེ་བཞིན་རྡོ་རྗེས་མཚན། །སྐུད་པ་བཞི་དང་ཡང་དག་ལྡན། །དར་གྱི་ཕྲེང་བས་མཛེས་པར་བྱས། །དཀྱིལ་འཁོར་གྲྭ་རྣམས་
[261b.2]ཐམས་ཅད་དང་། །སྒོ་དང་སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་རྣམ་སྤྲས་པའི། །ཕྱི་ཡི་དཀྱིལ་འཁོར་ཐིག་གདབ་བྱ། །ཤེས་རབ་ཅན་གྱིས་དེ་ཡི་ནང་། །འཁོར་ལོའི་ཕྲེང་བས་རྣམ་བརྒྱན་ཏེ། །དེ་ཡི་དབུས་གྱུར་པདྨ་ནི། །དཀར་པོས་ཤིན་ཏུ་མཛེས་པར་བྱ། །དེ་ཡི་
[261b.3]ཡང་ནི་སྟེང་གྱུར་པ། །པདྨ་མདོག་དམར་འབར་དང་བཅས། །སླར་ཡང་དེ་ཡི་དབུས་གྱུར་པར། །འོད་ལྡན་པདྨ་དམར་པོ་བྲི། །དེ་ནས་སྔགས་པ་དེ་ནང་དུ། །རྡོ་རྗེ་ཕྲེང་བ་ཀུན་འཁྲུག་བྲི། །སླར་ཡང་པད་ཆེན་འདབ་བརྒྱད་པ། །ཨིནྡྲ་ནཱི་ལའི་འོད་འབར་བྲི། །རྡོ་རྗེ་ཀ་བའི་ནང་ལོགས་
[261b.4]སུ། །དཀྱིལ་འཁོར་ལྔ་ཡིས་རྣམ་བརྒྱན་པ། །རི་རབ་ལྷུན་པོའི་སྟེང་དུ་ནི། །སྣ་ཚོགས་པདྨ་ཡིད་འོང་བསམ། །བཅོམ་ལྡན་རྡོ་རྗེ་ཅན་གྱིས་གསུངས། །ཁང་པ་བརྩེགས་མའོ། །དེ་དབུས་སྟན་ལ་རྣལ་འབྱོར་པས། །དབྱངས་ཡིག་བཅུ་དྲུག་ལས་བྱུང་བའི། །ཟླ་བའི་དཀྱིལ་
[261b.5]འཁོར་བསྒོམ་པར་བྱ། །འོད་ཟེར་ཀུན་དུ་རྣམ་པར་སྤྲོ། །དེ་སྟེང་ཡེ་ཤེས་ས་བོན་ལས། །རྡོ་རྗེ་ཉིད་དུ་བསྒོམ་པར་བྱ། །ཟླ་བ་རྡོ་རྗེ་མཉམ་སྦྱོར་བས། །རྡོ་རྗེ་སེམས་དཔའ་བསྒོམ་པར་བྱ། །ཉི་མ་རྡོ་རྗེའི་བསམ་གཏན་གྱིས། །ཁྲོ་བོའི་ལུས་སུ་རྣམ་པར་བསྒོམ། །ཟླ་བ་ཉི་མ་
[261b.6]གཉིས་འདུས་པ། །ལྷ་རྣམས་སྐྱེད་པར་བྱེད་པའི་རྒྱུའོ། །དེ་སྐད་དུའང་། །ཨཱ་ལིས་ཟླ་བ་ཀཱ་ལིས་ཉི། །དབུས་སུ་ས་བོན་བསྒོམ་པར་བྱ། །དེ་ཉིད་སེམས་དཔའ་ཞེས་བྱར་བཤད། །མཆོག་ཏུ་དགའ་བའི་གཟུགས་ཅན་ནོ། །ཞེས་གསུངས་སོ། །རང་ལུས་ལས་བྱུང་འོད་ཟེར་
[261b.7]གྱིས། །ནམ་མཁའ་ཐམས་ཅད་གཡོགས་ནས་ནི། །བསྡུས་ཏེ་བཀུག་ནས་བཙུད་པ་ཡི། །རྣལ་འབྱོར་ཞེ་སྡང་བདག་ཉིད་འགྱུར། །ཟླ་བ་ལྟར་དཀར་འཛུམ་དང་བཅས། །འོད་ཟེར་དམར་པོ་འབར་བ་འཁྲུག །སངས་རྒྱས་ཕྲེང་བ་ཡང་དག་ལྡན། །རྒྱན་རྣམས་ཀུན་གྱིས་ཡང་དག་
[262a]
[262a.1]བཀླུབས། །ཞལ་བཞི་པ་ལ་ཕྱག་བཞི་པ། །རལ་པ་དང་ནི་ཅོད་པན་ལྡན། །རིག་པ་བཞི་དང་ཡང་དག་ལྡན། །སྤྱན་གསུམ་འབར་བ་ཆེན་པོ་སྟེ། །གཡས་པ་དཀར་མིན་ཤིན་དུ་ཞི། །གཡོན་པ་དམར་ཞིང་འཇིགས་པར་བྱེད། །རྒྱབ་ཞལ་གསེར་དང་
[262a.2]འདྲ་བའི་མདོག །རྡོ་རྗེ་ཁ་ཊྭཱཾ་བསྣམས་པ་དང་། །དེ་བཞིན་ཐོད་པ་དྲིལ་བུ་བསྣམས། །ཐོད་པ་ལ་བཞུགས་གར་དང་ལྡན། །དབང་གཉིས་དགའ་བའི་སྙོམས་ཞུགས་ཤིང་། །རྒྱལ་བའི་འོད་ཟེར་ཀུན་དུ་འཁྲུག །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུ་ཡི་རྡོ་རྗེ་འཛིན་པའོ། །
[262a.3]ཤེས་རབ་གནས་ཀྱི་མཐར་ཐུག་པར། །སྨོན་ལམ་རྣམ་པར་སྦྱོང་བྱེད་ཅིང་། །སེམས་ཅན་དོན་བརྩོན་སེམས་ཀྱིས་ནི། །དཔའ་བོ་སྲིད་པ་སྦྱོང་བར་མཛད། །རྟག་ཏུ་འདོད་པས་མྱོས་པ་ཡི། །ལྷ་ཡི་བུ་འདི་རྣམས་དང་ནི། །གཞན་ཡང་སྐྱེ་བོ་ཆགས་ཅན་ཕྱིར། །འདོད་ཆགས་
[262a.4]ཐམས་ཅད་དག་པར་མཛད། །བདེ་ཆེན་ཤིན་ཏུ་གྲུབ་བྱའི་ཕྱིར། །རྟོག་པ་རྒྱས་པར་སྦྱིན་པ་དང་། །ཐོག་མ་ཐ་མ་མེད་པའི་མཆོག །རྟོག་པ་ཐམས་ཅད་ལ་སོགས་བཤད། །འདས་པའི་དུས་ན་སྔོན་བྱུང་བ། །རྟོག་པ་ལ་སོགས་བདེ་བ་ཆེ། །དེར་ནི་རྡོ་རྗེ་སེམས་ཆེན་གྱིས། །ལྷག་
[262a.5]པ་ཡི་ནི་ལྷ་གཅིག་བཞུགས། །འཇིག་རྟེན་ཁམས་རྣམས་ཐམས་ཅད་ཀྱི། །སེམས་ཅན་ཀུན་དོན་འབྱུང་བྱའི་ཕྱིར། །གླུ་དང་རོལ་མོ་སོགས་པའི་གར། །སྲིད་པ་ཀུན་གྱི་གཙོ་བོར་གྱུར། །སེམས་ཅན་ཐམས་ཅད་འབྱུང་བའི་ཕྱིར། །དགའ་བ་ཡང་དག་བསྡུས་པའི་ང་། །དེ་ནས་
[262a.6]སེམས་ཀྱི་འགྱུར་བ་ཡི། །འདོད་པའི་ཆགས་པ་རྣམ་སྤངས་ཏེ། །དེས་འདུལ་བར་ནི་མཁྱེན་ནས་སུ། །འདོད་ཆགས་ཆེན་པོ་སྟོན་པར་མཛད། །ཤེས་རབ་ཐབས་ཀྱི་སྦྱོར་བ་ཡིས། །ཆོས་ཀྱི་སྐུ་ཡི་ཆོས་ཉིད་དོ། །བཅོམ་ལྡན་རྡོ་རྗེ་འཛིན་པས་གསུངས། །ཤེས་རབ་དང་ཀུན་དུ་འཁྱུད་
[262a.7]པའི་རྣམ་པར་དག་པའོ། །རི་བོ་རི་སུལ་ཚང་ཚིང་ཕུག །ཆུ་བོ་ཆེན་པོའི་འགྲམ་རྣམས་དང་། །གདོད་ནས་གྲུབ་པའི་དུར་ཁྲོད་དུ། །དེར་ནི་དཀྱིལ་འཁོར་བརྩམ་པར་བྱ། །ཞེས་བྱ་བ་ལ། །བདེ་བ་ཆེན་པོ་མི་གཡོ་བས་ན་རི་བོའོ། །སེམས་ཅན་སྨན་པར་འཇུག་པར་དགའ་བས་ན་རི་
[262b]
[262b.1]སུལ་ཏེ་ཕུག་དང་ལྡན་པས་ཚང་ཚིང་ངོ་། །ཆུ་བོ་ཆེན་པོའི་འགྲམ་རྣམས་ཞེས་བྱ་བ་ནི་དེ་དང་སྙོམས་པར་འཇུག་པ་ཤེས་རབ་ཀྱི་ཆུ་གནས་པས་ན་ཆུ་བོའི་འགྲམ་མོ། །གདོད་ནས་གྲུབ་པ་ཞེས་བྱ་བ་ནི་རྟག་ཏུ་གྲུབ་པ་སྟེ་འཆར་བ་དང་ནུབ་པ་སྤངས་ཤིང་ནམ་མཁའ་ལྟར་ཡོངས་སུ་གྲུབ་པ་རྟག་ཏུ་
[262b.2]བདེ་བ་ཆེན་པོའི་ཚུལ་གྱིས་དམིགས་པས་དེའི་རང་བཞིན་དུ་བྱས་པའོ། །དུར་ཁྲོད་ཅེས་བྱ་བ་ནི་སེམས་ཅན་ཐམས་ཅད་ཀྱི་རྒྱུད་མཉམ་པར་གནས་པའི་ཕྱིར་རོ། །བཅོམ་ལྡན་རྡོ་རྗེ་ཅན་གྱིས་གསུངས། །གསང་བའི་དཀྱིལ་འཁོར་གྱི་གནས་སོ། །ལག་གཉིས་ཀུན་དུ་འཁྱུད་བ་ནི། །
[262b.3]རྡོ་རྗེ་ལུ་གུ་རྒྱུད་བཅིངས་བརྗོད། །ཁ་སྦྱོར་ལུ་གུ་རྒྱུད་དུ་བཞེད། །སླར་ཡང་རྣམ་པར་གྲོལ་བའི་ལམ། །འབད་པའི་ཚོགས་ཀྱི་དགའ་བའོ། །རྡོ་རྗེ་པདྨ་དབྱེ་བ་དང་། །སྒྲོ་ཆུན་སྦྲང་རྩི་བྱེད་པར་བཤད། །བསྐོར་བ་གང་ཕྱིར་བསྐྱོད་པ་དང་། །མི་འཁྲུགས་རྡོ་རྗེས་དཀྲུག་པར་བྱ། །དེར་
[262b.4]ནི་གསལ་ཤིང་ཞེས་བྱར་བརྗོད། །རྡོ་རྗེ་ཐམས་ཅད་མིད་པར་བྱ། །རྡོ་རྗེ་ཞེས་བྱ་དེ་བཞིན་གཤེགས། །དེ་ཡི་ཆགས་པ་ལྕགས་ཀྱུ་སྟེ། །ལྕགས་ཀྱུའི་སྦྱོར་བ་ཆོ་གས་དགུག །རྡོ་རྗེའི་ལམ་ནས་ཕྱུང་ནས་སུ། །པདྨའི་མཛོད་དུ་གཞུག་པར་བྱ། །དབང་བསྐུར་བ་ཡི་ཆོ་ག་ཡིས། །
[262b.5]ཟླ་བའི་དཀྱིལ་འཁོར་དུ་ནི་ཞུ། །གསང་བའི་ཡིག་གསུམ་སྔགས་ཀྱི་མཆོག །སྣ་ཚོགས་ཡི་གེ་ཡང་དག་སྤྲོ། །བཅོམ་ལྡན་རྡོ་རྗེ་ཅན་གྱིས་གསུངས། །གསང་བའི་དཀྱིལ་འཁོར་དུ་དབང་བསྐུར་ཞིང་གདོན་པའོ། །འདོད་ཆགས་ཆེན་པོ་རྗེས་ཆགས་པས། །ཡི་གེ་ལས་བྱུང་
[262b.6]རྣམ་སྤངས་ཤིང་། །ནམ་མཁའ་ལྟ་བུར་བདག་མེད་པོ། །དག་པ་ཉིད་དུ་དེ་ནས་སོན། །དེ་ནས་སེམས་ཅན་སངས་རྒྱས་ཀྱི། །བླ་མེད་དོན་ནི་ནུས་མེད་པའི། །སྟོང་པ་ཉིད་ལ་རྟག་བཞུགས་པས། །འགྲོ་ཀུན་སྟོང་བས་བཅོམ་ནས་ནི། །ཐམས་ཅད་དམྱལ་བར་ལྟུང་མཐོང་སྟེ། །
[262b.7]སླར་ཡང་བདག་དང་གཞན་དོན་ལ། །མོས་པས་གུས་པ་ཉིད་དུ་འགྱུར། །དེ་ནས་འཇིག་རྟེན་ཁམས་ཀུན་ན། །བཞུགས་པའི་སངས་རྒྱས་ཀུན་བསྡུས་ཏེ། །བདག་ལ་མྱུར་དུ་བསྐུར་བར་མཛོད། །ཨོཾ་མ་ཧཱ་སུ་ཁ་བཛྲསཏྭ་ཛཿཧཱུཾ་བཾ་ཧོཿསུ་ར་ཏེ་སྟྭཾ། །འདིས་ནི་བསྐུལ་བ་
[263a]
[263a.1]ཙམ་གྱིས་ཀྱང་། །དག་པའི་བདེ་བ་ཀུན་སྟེར་བ། །འདོད་པའི་དོན་ཀུན་སྒྲུབ་བྱེད་ཅིང་། །འགྲོ་ཀུན་བདེ་བ་བསྐྱེད་པར་འགྱུར། །བཅོམ་ལྡན་རྡོ་རྗེ་ཅན་གྱིས་གསུངས། །ཁུ་བའི་གཙོ་བོ་བསྐུལ་བའོ། །དེ་ནས་མཁའ་དབྱིངས་དབུས་གྱུར་པར། །ཉི་མའི་དཀྱིལ་
[263a.2]འཁོར་བསམ་པར་བྱ། །ཕྱོགས་དང་ཕྱོགས་མཚམས་ནམ་མཁའ་ལ། །དཔག་མེད་རིགས་ཀྱིས་ཡོངས་གང་བའོ། །མཁའ་དབྱིངས་ཉི་མ་དེ་དབུས་སུ། །རང་གི་ས་བོན་མཚན་མ་ནི། །ཉི་མ་སྟོང་བས་ལྷག་པ་ཡི། །འོད་ཟེར་རྣོན་པོ་འབར་ཞིང་འཁྲུག །མེ་སྟག་འཕྲོ་བས་
[263a.3]བདུད་སྡེ་བསྲེག །གང་བུར་བསྡུས་པའི་སྦྱོར་བ་ཡིས། །ཞུ་བ་ལས་ནི་སྐུར་བཞེངས་པ། །ཞལ་བཞི་པ་དང་ཕྱག་བཞི་པའམ། །ཇི་སྲིད་ཕྱག་ནི་འབུམ་གྱི་བར། །གདན་དང་མདོག་དང་ཕྱག་རྒྱ་རྣམས། །རྣལ་འབྱོར་ཅན་གྱིས་རྟག་ཏུ་བསྒོམ། །ཕྱག་རྒྱ་ཆེན་པོའི་ཆོ་ག་ཡིས། །
[263a.4]སྐུ་གསུམ་ཆོས་ནི་སྟོན་པར་མཛད། །ཏིང་འཛིན་ཡན་ལག་ཤེས་པར་བྱ། །བསྒྲུབ་བྱ་སྒྲུབ་ཐབས་རིགས་པས་སོ། །བཅོམ་ལྡན་རྡོ་རྗེ་ཅན་གྱིས་གསུངས། །འབྲས་བུ་རྡོ་རྗེ་འཛིན་བསྐྱེད་པའོ། །ང་ནི་འདོད་པའི་གཟུགས་ཀྱི་མཆོག །སངས་རྒྱས་ཀུན་གྱིས་བྱིན་བརླབས་པ། །
[263a.5]ང་ཉིད་ཆོས་ཀྱི་སྐུ་ཡི་མཆོག །སངས་རྒྱས་ཀུན་གྱི་བདག་པོ་ཡིན། །སངས་རྒྱས་ཀུན་གྱི་སྦྱོར་འཕྲོག་ཅིང་། །སངས་རྒྱས་ཀུན་གྱི་བདེ་བ་ཆེ། །སངས་རྒྱས་ཀུན་གྱི་སྐུ་ཆེན་པོ། །སངས་རྒྱས་ཀུན་གྱི་གསུང་སྙན་པ། །སངས་རྒྱས་ཀུན་གྱི་ཐུགས་ཆེན་ཡིན། །སངས་
[263a.6]རྒྱས་ཀུན་གྱི་མཆོད་པ་ཆེ། །སངས་རྒྱས་ཀུན་གྱི་རྒྱལ་པོ་ཆེ། །རྡོ་རྗེ་འཛིན་པ་ཀུན་གྱི་བདག །འཇིག་རྟེན་དབང་ཕྱུག་ཀུན་གྱི་གཙོ། །རིན་ཆེན་འཛིན་པ་ཀུན་གྱི་དབང་། །བཅོམ་ལྡན་རྡོ་རྗེ་ཅན་གྱིས་གསུངས། །རྡོ་རྗེ་ཅན་གྱི་ཡོན་ཏན་ནོ། །ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་
[263a.7]གྲྀ་ཧྞ་གྲྀ་ཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོཿབྷ་ག་བཱན་བིདྱཱ་རཱ་ཛ་ཧཱུཾ་ཧཱུཾ་ཕཊ། ཞལ་བཞི་བྱིན་གྱིས་རློབ་པར་བྱེད་པའི་སྔགས་གསུངས་ཏེ། ལུགས་ལས་བཟློག་པར་བྱའོ། །ཨོཾ་དྷརྨ་དྷཱ་ཏུ་སྭབྷཱ་བ་ཨཱཏྨ་ཀོ྅ཧཾ། བཅོམ་ལྡན་འདས་ཀྱི་ཞལ་དང་
[263b]
[263b.1]མདོག །ཕྱག་དང་བཞུགས་ཚུལ་དེ་བཞིན་ཏེ། །སྐུ་མདོག་སྔོན་པོ་ཆེར་དྲག་པ། །འཇིག་པའི་དུས་ཀྱི་མེ་འོད་འདྲ། །འབར་བའི་སྐུ་ལུས་སྒྲ་ཆེ་བ། །འཇིགས་པ་དག་ཀྱང་འཇིགས་པར་མཛད། །ལྷག་གེར་བཞད་ཆེན་ཚེམས་ཀྱི་འོད། །ལྷ་མོའི་དཀྱིལ་འཁོར་འོད་ཀྱི་ནི། །འཁོར་ལོ་
[263b.2]བླ་རེ་དབུས་གནས་ཤིང་། །འོད་ལྡན་ཕྱག་ནི་བཞི་བཞི་དང་། །ཐོང་ཀ་སྒྱུ་མ་ཆེན་མོས་མཛེས། །གཡོན་པ་པདྨ་རཱ་ག་མཚུངས། །ཤིན་ཏུ་ཁྲོས་པས་འཇིགས་སུ་རུང་། །སོལ་བའི་ཕུང་པོ་འབར་འདྲ་ཞིང་། །ཛ་བའི་ཀུ་སུ་མ་དང་མཚུངས། །གཡས་པ་ཤེལ་དང་མཚུངས་པ་སྟེ། །
[263b.3]གངས་དང་ཀུནྡ་ཟླ་བ་འདྲ། །རྒྱབ་ནི་གསེར་བསྲེགས་ལྟ་བུར་འབར། །ཉི་མ་འཆར་ཀ་ལྟ་བུར་མཛེས། །རྩ་ཞལ་སྔོན་པོ་ཆེན་པོ་སྟེ། །སྤྱན་གསུམ་གྱིས་ནི་མཛེས་པར་བྱས། །ཡི་དགས་ཆེན་པོ་མནན་ནས་སུ། །ཉི་མ་ལ་བཞུགས་གར་དང་བཅས། །ཐོད་པ་དང་ནི་ཁ་ཊྭཱཾ་ག །
[263b.4]དེ་བཞིན་གཞན་ན་མདའ་དང་གཞུ། །ཆོ་གའི་བྱ་བ་དེ་ཉིད་ཀྱིས། །ཡེ་ཤེས་རྒྱ་མཚོ་བསྒོམ་པར་བྱ། །ཤར་ནི་དཀར་ཞིང་འོད་སྔོ་སྟེ། །གཡོན་པ་ཁ་ཊྭཱཾ་དྲིལ་བུ་དང་། །གཞན་ན་རྡོ་རྗེ་ཐོད་པའོ། །བྱང་ཕྱོགས་མརྒད་སེར་སྐྱའི་མདོག །གཡོན་ན་ཁ་ཊྭཱཾ་ཞགས་པ་དང་། །གཡས་ན་
[263b.5]རྡེའུ་ཆུང་ཐོད་པ་བསྣམས། །ནུབ་ཕྱོགས་དམར་ཞིང་སེར་སྐྱའི་འོད། །གཞུ་དང་མདའ་ཡི་མདོག་དང་ནི། །སྣ་ཚོགས་པདྨ་ཐོད་པ་དག །གཡོན་དང་གཡས་ཀྱི་ཕྱག་ཏུ་དགོད། །ལྷོ་ནི་དཀར་ཞིང་སེར་བའི་འོད། །གཡོན་ན་མདུང་དང་རིན་ཆེན་ཏེ། །གཡས་ན་བ་དན་ཐོད་པ་བསྣམས། །
[263b.6]གླང་ཆེན་ཅེ་སྤྱང་མི་དང་ནི། །གླང་གི་ཐོད་པ་ཆོ་ག་བཞིན། །དང་པོ་ལྟུང་བྱེད་མ་ཡིན་ཏེ། །གཉིས་པ་གསོད་བྱེད་མ་ཡིན་ལ། །གསུམ་པ་འགུགས་པ་ཞེས་བྱ་སྟེ། །བཞི་པ་གར་གྱི་དབང་ཕྱུག་མ། །རིག་མ་དེ་དག་གྱེན་སྐྲ་འབར། །རྒྱན་རྣམས་ཐམས་ཅད་རྣམ་པར་བཀླུབས། །གར་
[263b.7]དང་ལྡན་པས་ཡང་དག་བཞུགས། །ཕྱོགས་མཚམས་དག་ནི་བཞི་པོ་རུ། །ཐོད་པ་རྣམ་པ་བཞི་པོ་དགོད། །སངས་རྒྱས་གཟུགས་ཀྱིས་རྣམ་བརྒྱན་པ། །སྤྱི་གཙུག་གསལ་བར་ཡང་དག་ལྡན། །བདེ་བ་ཆེན་པོ་རིན་ཆེན་ཆེ། །འབྱུང་བ་བཞི་ཡི་ཚོགས་དང་ལྡན། །སྐྱེ་དང་གནས་
[264a]
[264a.1]དང་འགག་པ་རྣམས། །རྟག་ཏུ་ལྷ་མོ་བཞི་ཡི་དངོས། །ཨོཾ་ཧ་ནི་རྡོ་རྗེ་སེམས་དཔའ་སྟེ་སྙིང་གར་རོ། །ན་མ་ཧི་ནི་རྣམ་པར་སྣང་མཛད་དེ་མགོ་བོར་རོ། །སྭཱ་ཧཱ་ཧུ་ནི་པདྨ་གར་གྱི་དབང་ཕྱུག་སྟེ་སྤྱི་གཙུག་ཏུའོ། །བཽ་ཥཊ་ཧེ་ནི་དཔལ་ཧེ་རུ་ཀ་སྟེ་ཕྲག་པ་གཉིས་ལའོ། །ཧཱུཾ་ཧཱུཾ་ཧོ་ནི་
[264a.2]རྡོ་རྗེ་ཉི་མ་སྟེ་མིག་གཉིས་སུའོ། །ཕཊ་ཧཾ་རྟ་མགྲིན་ཏེ་ཡན་ལག་ཐམས་ཅད་ཀྱི་ཆོ་གའོ། །དེ་ནས་རང་གི་སྙིང་གར་རྡོ་རྗེའི་ལྟེ་བར་ཟླ་བའི་དཀྱིལ་འཁོར་ལ་ཐུགས་རྡོ་རྗེ་ཧཱུཾ་གིས་བསྐྱེད་པར་བྱའོ། །ཨ་ཧྲཱིཿ་ཧ་ཧ་ཧཱུཾ་ཧཱུཾ་ཕཊ་ཀྱིས་ནི་མགྲིན་པར་ཟླ་བའི་དཀྱིལ་འཁོར་ལ་གནས་པའི་གསུང་རྡོ་རྗེའོ། །
[264a.3]ཨོཾ་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ་ཌཱ་ཀི་ནཱི་ཛྭ་ལ་སམྦར་སྭཱ་ཧཱ། ཞེས་བྱ་བས་ནི་དཔྲལ་བའི་དཀྱིལ་འཁོར་ལ་གནས་པའི་སྐུ་རྡོ་རྗེའོ། །དེ་དག་ནི་རྡོ་རྗེ་སེམས་དཔའ་གོ་ཆ་དང་། སྐུ་གསུང་ཐུགས་བྱིན་གྱིས་བརླབ་པའོ། །ལྟེ་བ་ལ་ནི་ཨོཾ་བཾ་སྟེ་རྡོ་རྗེ་ཕག་མོའོ། །སྙིང་གར་ཧཾ་ཡཾ་སྟེ་གཤིན་རྗེ་མའོ། །
[264a.4]ཁར་ནི་ཧྲིཾ་མོཾ་སྟེ་རྨོངས་བྱེད་མའོ། །མགོ་བོར་ནི་ཧྲིཾ་ཧྲིཾ་སྟེ་ཀུན་དུ་སྐྱོང་བྱེད་མའོ། །སྤྱི་གཙུག་ཏུ་ནི་ཧཱུཾ་ཧཱུཾ་སྟེ་ཀུན་དུ་སྐྲག་བྱེད་མའོ། །ཡན་ལག་ཐམས་ཅད་ཀྱི་མཚོན་ཚར་ནི་ཕཊ་ཕཊ་ཏེ་གཏུམ་པ་མོའོ། །ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞྞ་ནི་ཡེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་བྱ་བས་ནི་ལྟེ་བར་ཐུགས་
[264a.5]རྡོ་རྗེ་ལྟ་བུའོ། །ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་བྱ་བས་ནི་སྙིང་གར་སྐུ་རྡོ་རྗེ་ལྟ་བུའོ། །ཨོཾ་བཽ་རི་ཧཱུཾ་ཧཱུཾ་ཕཊ་ཅེས་བྱ་བས་ནི། ཁར་ཏེ་གསུང་རྡོ་རྗེ་ལྟ་བུའོ། །དེ་ལྟར་གང་ཞིག་ཀུན་བསྟན་པ། །སྒྱུ་འཕྲུལ་ཆེན་མོའི་ལུས་ལས་བྱུང་། །ཤེས་རབ་ཟླ་བའི་སྟན་ལ་
[264a.6]གནས། །སྣ་ཚོགས་མདོག་ཏུ་བསྒོམ་པར་བྱ། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །ཐབས་དང་ཤེས་རབ་བདག་ཉིད་ཀྱི་ལས་ཏེ་ཉེ་བར་བསྒྲུབ་པའི་སྒྲུབ་ཐབས་སོ། །ཡེ་ཤེས་དམ་ཚིག་ལས་བྱུང་བ། །དེ་ནི་རྡོ་རྗེ་ཅན་དུ་བརྗོད། །ཅེས་
[264a.7]བྱ་བ་ལ་ཡེ་ཤེས་ནི་ཡེ་ཤེས་སེམས་དཔའོ། །དམ་ཚིག་ནི་རྡོ་རྗེ་སེམས་དཔའོ། །དེའི་རིམ་པ་ཡང་འདི་ཡིན་ཏེ། རང་གི་ས་བོན་མཚན་མ་ལས། །སྙིང་གར་ཡེ་ཤེས་སེམས་དཔའ་དགོད། །དེ་ཡི་འོད་ཀྱིས་དྲངས་ནས་ནི། །ཡེ་ཤེས་འཁོར་ལོ་རབ་མཆོད་བྱ། །རྡོ་རྗེ་སྲུང་བའི་གོ་ཆ་
[264b]
[264b.1]ནི། །མཉམ་པར་གཞག་པས་ཐམས་ཅད་བྱ། །དེ་འོག་དངོས་པོ་ཐམས་ཅད་ཀྱིས། །བདག་གི་ལུས་ལ་གཞུག་པར་བྱ། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་འདས་རྡོ་རྗེ་ཅན་གྱིས་གསུངས། །ཡེ་ཤེས་སེམས་དཔའ་གཞུག་པའོ། །དབང་བསྐུར་གོ་འཕང་བསྒོམས་ནས་ནི། །དེ་
[264b.2]འོག་མཆོད་པ་བརྟག་པར་བྱ། །ཡེ་ཤེས་འཁོར་ལོའི་རིམ་པ་ཡིས། །མདུན་དུ་རྒྱལ་བ་བཀུག་ནས་ནི། །མཆོད་པ་ཀུན་གྱིས་མཆོད་ནས་ནི། །དབང་བསྐུར་ཕྱིར་ནི་གསོལ་བ་གདབ། །གསང་གསུམ་གནས་ལས་བྱུང་བ་ཡི། །རྡོ་རྗེ་རྣལ་འབྱོར་མ་ཀུན་དང་། །སངས་རྒྱས་འཇིག་རྟེན་
[264b.3]མགོན་པོ་ཡིས། །བརྩེ་བས་བདག་ལ་དབང་བསྐུར་གསོལ། །དེས་ནི་སངས་རྒྱས་ཧེ་རུ་ཀའི། །ཚུལ་དུ་ནམ་མཁར་བཞུགས་ནས་ནི། །བདུད་རྩི་ལྔ་ཡིས་གང་བ་ཡི། །བུམ་པ་ཁ་དོག་ལྔར་ལྡན་པའི། །ཀུན་ནས་དབང་ནི་སྐུར་བར་མཛད། །སངས་རྒྱས་རྣམས་ནི་ཐམས་
[264b.4]ཅད་ཀྱི། །གསང་གསུམ་གནས་ལས་བྱུང་བ་ཡི། །ཁམས་གསུམ་ཀུན་གྱིས་ཕྱག་བྱས་པ། །རིན་ཆེན་དབང་བསྐུར་ཆེན་པོ་སྦྱིན། །རྒྱལ་བས་དབང་ནི་བསྐུར་ནས་སུ། །སྤྱན་མ་ལ་སོགས་གླུ་ལེན་ཅིང་། །མཆོད་པའི་ལྷ་མོའི་ཚོགས་ཀྱིས་ཀྱང་། །མཆོད་པ་ཀུན་གྱིས་རབ་མཆོད་
[264b.5]བྱེད། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །དབང་བསྐུར་བ་ཡང་མཆོད་པའོ། །མཚན་མ་གཉིས་ལ་སྔགས་སྦྱར་བྱ། །དེ་ཡི་རིམ་པ་འདི་ཡིན་ཏེ། །བུ་མོ་ཡི་ནི་སྣ་རྩེ་རུ། །ཨ་ཞེས་བྱ་བ་དགོད་པར་བྱ། །རང་གི་རྡོ་རྗེའི་བུ་གར་
[264b.6]ནི། །བཾ་ཞེས་བྱ་བ་ཡང་དག་སྦྱར། །གང་ཡང་གཞན་དག་འཆད་པ་ནི། །བྱཱ་ཞེས་བྱ་བ་པདྨ་ལ། །བྱཱ་ནི་རྡོ་རྗེའི་རྩེ་མོར་རོ། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །ཤེས་རབ་དང་ཐབས་ཀྱི་བདག་ཉིད་དགའ་བ་སྟེ་སྦྱོར་བ་དང་པོ་ཞེས་བྱ་
[264b.7]བའི་ཏིང་ངེ་འཛིན་ཏོ། །མཆོག་ཏུ་དགའ་བའི་སྦྱོར་བ་ཡིས། །རྡོ་རྗེ་པདྨ་ཕྱེ་ནས་སུ། །ལམ་གྱི་ཚོགས་ཀྱི་རྒྱུན་ནས་ནི། །སླར་ཡང་སྤྲོ་ཞིང་གཏང་བར་བྱ། །རྣལ་འབྱོར་མ་ཡི་འཁོར་ལོ་ཀུན། །པདྨའི་ལྟེ་བར་ངེས་པར་སྦྱར། །ཨ་ཝ་དྷཱུ་ཏཱིའི་གནས་དེ་བཞིན། །སྨིན་མའི་བར་
[265a]
[265a.1]དུ་གཞག་པར་བྱ། །དབྱངས་ཡིག་དང་པོ་ཡང་དག་ལྡན། །བསྒོམས་ན་སྐད་ཅིག་དེ་ལ་འབར། །དེ་ནས་འབར་ཕྲེང་རྒྱ་མཚོར་ནི། །ཀུན་ནས་སྒོ་ཡི་འཁོར་ལོ་བསམ། །མགལ་མེ་འཁོར་ལོ་ལ་གནས་པ། །མཁའ་འགྲོའི་ཚོགས་ནི་དེ་བཞིན་འཁོར། །ཡིད་
[265a.2]ཤུགས་ཆེན་པོས་གསལ་བའི་མདངས། །གློག་ལྟ་བུར་ནི་གསལ་བའི་འོད། །ལྷ་ཡི་རྣལ་འབྱོར་ཚུལ་གྱིས་ནི། །ས་རྣམས་ཀུན་དུ་སྤྲོ་བར་བྱ། །དེ་ཉིད་དབྱེ་བས་ཕྱེ་ནས་སུ། །རྩ་རྣམས་ཐམས་ཅད་ལམ་དུ་སྦྱར། །སྔགས་པས་རང་དགར་དབྱེ་བྱས་ཏེ། །ཕྱིན་ཅི་ལོག་ཏུ་ངེས་པར་
[265a.3]སྦྱར། །ཆར་གཅོད་པ་དང་ཕན་འདོགས་པའི། །ལས་ཀྱི་མཆོག་ཏུ་རྣམ་པར་བསྒོམ། །སྦྱོར་བ་ཡི་ནི་དོན་རྣམས་ལ། །དགའ་ཆེན་རྙེད་དཀའ་འདི་ཡིས་བསྒྲུབ། །ཡེ་ཤེས་ལྡན་པའི་རང་སྐྱེ་གནས། །ཡུལ་དང་ཡུལ་དུ་མངོན་པར་སྐྱེ། །མཁའ་འགྲོ་མ་ཡི་ཚོགས་འདི་དག། །རང་རང་
[265a.4]ས་ལ་རྣམ་པར་རོལ། །མགོ་བོ་པུལླཱི་ར་ཡིན་ཏེ། །སོ་དང་སེན་མོ་རབ་ཏུ་འབབ། །རབ་གཏུམ་མོ་དང་ཐོད་དུམ་གྱིས། །ཤར་གྱི་རྩིབས་སུ་ཡང་དག་བཞུགས། །སྤྱི་གཙུག་ཛཱ་ལནྡྷ་ར་སྟེ། །སྐྲ་དང་སྤུ་ནི་རབ་ཏུ་འབབ། །གཏུམ་མིག་ཀེང་རུས་ཆེན་པོ་ཡིས། །ལུས་ངན་ཕྱོགས་སུ་ཡང་
[265a.5]དག་བཞུགས། །ཨོ་ཌྱན་ཞེས་བྱའི་གནས་ཆེན་པོ། །རྣ་བ་གཡས་པའི་བླ་དགས་ཏེ། །ནུབ་ཏུ་པགས་པ་དྲི་མ་ལགས། །འོད་ལྡན་ཀེང་རུས་ཚུལ་གྱིས་བཞུགས། །ཨརྦུ་ད་ནི་རྒྱབ་ཀྱི་ཕྱོགས། །ཤ་ཆེན་དག་ནི་འབབ་པ་ལས། །མཆེ་བ་གཙིགས་དང་སྣ་ཆེན་མ། །ལྷོ་ཡི་
[265a.6]ཕྱོགས་སུ་ཡང་དག་བཞུགས། །དེ་དག་ནི་གནས་སོ། །གོ་དཱ་བ་རཱི་རྣ་གཡོན་ཏེ། །རྟག་ཏུ་རྒྱུས་པ་འབབ་པ་ལས། །དཔའ་བོའི་བློ་མ་ལྷ་ཡི་དགྲ། །དབང་ལྡན་མཚམས་སུ་བཞུགས་པར་བསམ། །སྨིན་དབུས་རཱ་མེ་ཤྭ་རཱི་སྟེ། །རྟག་ཏུ་རུས་པ་འབབ་པ་ལས། །མི་ཐུང་མགོན་པོ་
[265a.7]འོད་དཔག་མེད། །རླུང་གི་མཚམས་སུ་བཞུགས་པར་གྱུར། །མིག་གཉིས་ལྷ་མོའི་མཁའ་ཡིན་ཏེ། །རྟག་ཏུ་མཆིན་པ་འབབ་པ་ལས། །ལང་ཀའི་དབང་མོ་རྡོ་རྗེ་འོད། །བདེན་བྲལ་མཚམས་སུ་བཞུགས་པར་གྱུར། །མཱ་ལ་བེ་ནི་དཔུང་གཡས་ཏེ། །རྟག་ཏུ་སྙིང་འཕྲུལ་འབབ་པ་
[265b]
[265b.1]530 ལས། །ལྗོན་གྲིབ་མ་ནི་རྡོ་རྗེའི་སྐུ། །བྱིན་ཟའི་མཚམས་སུ་བཞུགས་པར་གྱུར། །དེ་དག་ནི་ཉེ་བའི་གནས་སོ། །ཡུལ་དེ་ཀུན་ན་གནས་པ་རྣམས། །ཐུགས་ཀྱི་འཁོར་ལོ་ཡང་དག་བཞུགས། །མཁའ་ལ་སྤྱོད་པ་ཞེས་བྱ་སྟེ། །སྙོམས་པར་ཞུགས་པས་ཡང་དག་བཞུགས། །མཚན་ཁུང་
[265b.2]ཀཱ་མ་རཱུ་པ་སྟེ། །རྟག་ཏུ་མིག་ནི་འབབ་པ་ལས། །ས་སྲུང་མ་དང་མྱུ་གུ་ཅན། །ཤར་གྱི་འདབ་མར་ཡང་དག་བཞུགས། །ཨོ་ཊེ་ནུ་མ་གཉིས་ཡིན་ཏེ། །མཁྲིས་པའི་ཁམས་ནི་འབབ་པ་ལས། །རྡོ་རྗེ་རལ་ཅན་འཇིགས་བྱེད་མ། །ལུས་ངན་ཕྱོགས་སུ་བཞུགས་པར་གྱུར། །ཞིང་ངོ་། །ལྟེ་
[265b.3]བར་ཏྲི་ཤ་ཀུ་ནི་སྟེ། །རྟག་ཏུ་གློ་བ་འབབ་པ་ལས། །རླུང་ཤུགས་དཔའ་བོ་ཆེན་མོ་ནི། །ནུབ་ཀྱི་འདབ་མར་བརྟེན་ཏེ་བཞུགས། །ཀོ་ས་ལ་ནི་སྣ་རྩེ་སྟེ། །རྒྱུ་མའི་ཕྲེང་བ་འབབ་པ་ལས། །ཆང་འཐུང་རྡོ་རྗེ་ཧཱུཾ་མཛད་དུ། །ལྷོ་ཡི་ཕྱོགས་སུ་བཞུགས་པར་གྱུར། །ཉེ་བའི་ཞིང་ངོ་། །ཁ་ནི་ཀ་
[265b.4]ལིང་ག་ཡིན་ཏེ། །གཉེ་མའི་ཁམས་ནི་རབ་ཏུ་འབབ། །སྔོ་བསངས་ལྷ་མོ་ཤིན་ཏུ་བཟང་། །ཡི་དགས་ཕྱོགས་སུ་བཞུགས་པར་གྱུར། །མགྲིན་པ་ལམྤཱ་ཀ་ཡིན་ཏེ། །བོང་བུའི་ལྟོ་ནི་འབབ་པ་ལས། །ཤིན་ཏུ་བཟང་མོ་རྡོ་རྗེ་བཟང་། །རླུང་གི་མཚམས་སུ་བཞུགས་པར་གྱུར། །རོལ་
[265b.5]སའོ། །སྙིང་ག་ཀཱཉྩི་ཡུལ་ཡིན་ཏེ། །རྟག་ཏུ་ཆུ་སོ་འབབ་པ་ལས། །རྟ་རྣམ་དང་འཇིགས་བྱེད་དེ། །སྲིན་པོའི་མཚམས་སུ་བཞུགས་པར་གྱུར། །ཁ་བ་ཅན་ནི་ཆུ་སོ་སྟེ། །མཚོག་མའི་སྲུབས་ནི་འབབ་པ་ལས། །བྱ་གདོང་མ་དང་མིག་མི་བཟང་། །མ་ཡི་མཚམས་སུ་བཞུགས་པར་
[265b.6]གྱུར། །ཉེ་བའི་རོལ་སའོ། །ཡུལ་དེ་ཀུན་ན་གང་གནས་པ། །གསུང་གི་འཁོར་ལོར་ཡང་དག་གནས། །ས་ལ་རྒྱུ་བ་ཞེས་བྱ་སྟེ། །སྙོམས་པར་ཞུགས་པས་ཡང་དག་གནས། །མཚན་ནི་ཡི་དགས་ལྷ་གནས་ཏེ། །བད་ཀན་ཁམས་ནི་རྟག་ཏུ་འབབ། །འཁོར་ལོ་ཤུགས་མ་
[265b.7]སྟོབས་པོ་ཆེ། །སྐུ་ཡི་འཁོར་ལོ་ཤར་རྩིབས་བཞུགས། །བཤང་ལམ་ལྷ་ཡི་ཁྱིམ་ཡིན་ཏེ། །རྣག་འབབ་ཁཎྜ་རོ་ཧཱ་དང་། །རིན་ཆེན་རྡོ་རྗེ་ལུས་ངན་དུ། །འདུ་བ་ཅན་ནོ། །སཽ་རཱཥྚ་ནི་བརླ་གཉིས་ཏེ། །ཁྲག་གི་ཁམས་ནི་འབབ་པ་ལས། །གླང་སྣ་དང་ནི་རྟ་མགྲིན་དུ། །ནུབ་ཀྱི་
[266a]
[266a.1]ཕྱོགས་སུ་བཞུགས་པར་གྱུར། །བྱིན་པ་གཉིས་ནི་གསེར་གླིང་སྟེ། །རྟག་ཏུ་རྡུལ་ནི་འབབ་པ་ལས། །འཁོར་ལོའི་གོ་ཆ་ནམ་མཁའི་སྙིང་། །ལྷོ་ཡི་ཕྱོགས་སུ་བཞུགས་པར་གྱུར། །ཉེ་བའི་འདུ་བ་ཅན་ནོ། །སོར་མོ་རྣམས་ནི་གྲོང་ཁྱེར་ཏེ། །ཚིལ་ནི་
[266a.2]རབ་ཏུ་འབབ་པ་ལས། །ཤིན་ཏུ་དཔའ་མོ་ཧེ་རུ་ཀར། །ཡི་དགས་མཚམས་སུ་བཞུགས་པར་གྱུར། །སིནྡྷུ་རྐང་པའི་བོལ་ཡིན་ཏེ། །རྟག་ཏུ་མཆི་མ་འབབ་པ་ལས། །སྟོབས་ཆེན་པདྨ་གར་དབང་ཕྱུག །རླུང་གི་མཚམས་སུ་དགོད་པར་བྱ། །དུར་ཁྲོད་དོ། །མྱ་ངན་ཡུལ་ནི་
[266a.3]མཐེ་བོ་སྟེ། །ལུད་པ་དག་ནི་འབབ་པ་ལས། །འཁོར་ལོས་སྒྱུར་མ་རྣམ་སྣང་མཛད། །བདེན་བྲལ་མཚམས་སུ་དགོད་པར་བྱའོ། །ཀུ་ལུ་ཏཱ་ནི་པུས་མོ་སྟེ། །རྟག་ཏུ་སྣ་ཆུ་འབབ་པ་ལས། །བརྩོན་ཆེན་རྡོ་རྗེ་སེམས་དཔའ་ནི། །མེ་ཡི་མཚམས་སུ་དགོད་པར་བྱ། །ཉེ་བའི་དུར་
[266a.4]ཁྲོད་དོ། །ཡུལ་ནི་དེ་དག་ཐམས་ཅད་ཉིད། །སྐུ་ཡི་འཁོར་ལོར་ཡང་དག་གནས། །ས་འོག་གནས་པ་ཞེས་བྱ་སྟེ། །སྙོམས་པར་ཞུགས་པས་རབ་ཏུ་བཞུགས། །ལུགས་འབྱུང་ལུགས་ལས་བཟློག་པར་ནི། །ཕོ་ཉ་རྣམས་ནི་ཡང་དག་གནས། །ཁྭ་གདོང་མ་ནི་ཤར་སྒོར་ཏེ། །
[266a.5]བྱང་སྒོར་འུག་པའི་གདོང་པ་ཅན། །ནུབ་སྒོར་ཁྱི་ཡི་གདོང་པ་ཅན། །ཕག་གི་གདོང་ཅན་ལྷོ་སྒོར་དགོད། །དབང་ལྡན་གཤིན་རྗེ་བརྟན་མ་སྟེ། །གཤིན་རྗེ་ཕོ་ཉ་མེ་མཚམས་སུ། །བདེན་བྲལ་གཤིན་རྗེ་མཆེ་བ་ཅན། །གཤིན་རྗེ་འཇོམས་མ་རླུང་མཚམས་དགོད། །མ་ནིང་ཡི་གེ་
[266a.6]བཞི་ལས་ནི། །སྒོ་བཞི་རྣམས་སུ་བསྒོམ་པར་བྱ། །ཤ་ཥ་ས་ཧ་ལས་བྱུང་བ། །དབང་ལྡན་ལ་སོགས་ཡང་དག་གནས། །རོལ་བཅིབས་ཤིང་མེ་ལྟར་འབར། །ཉི་མ་ལ་བཞུགས་གར་དང་བཅས། །སྤྱན་གསུམ་མཆེ་བ་གཙིགས་པ་སྟེ། །ཕྱག་ན་ཁ་ཊྭཱཾ་ཐོད་པ་གྲི། །ཐོད་པའི་
[266a.7]ཕྲེང་བས་རྣམ་པར་བཀླུབས། །འོད་ཟེར་སྣ་ཚོགས་རྣམ་པར་འཕྲོ། །ཁྲོ་གཉེར་རིམ་པ་ལྡན་ལ་སོགས། །ཟུར་མིག་བལྟ་ཞིང་རྣམ་པར་གཡོ། །ཁྭ་གདོང་ལ་སོགས་གཅེར་བུ་སྟེ། །མགུལ་དོ་སྤྱི་གཙུག་དཔུང་རྒྱན་དང་། །རྣ་ཆ་ཚངས་པའི་སྐུད་པར་བཅས། །མགོ་བོའི་ཕྲེང་
[266b]
[266b.1]བས་མགུལ་པར་བརྒྱན། །རྐང་གཉིས་ཁྲོལ་ཁྲོལ་སྒྲ་དང་བཅས། །གཡོན་བརྐྱང་པ་ཡི་གནས་པས་བཞུགས། །ཉི་ཤུ་རྩ་བཞི་གཉིས་ལྡན་པར། །དཔའ་བོ་རྡོ་རྗེ་དྲིལ་བསྣམས་ཏེ། །ཕྱག་ནི་གཉིས་ཀུན་འཁྱུད་པ་ཡིན། །ཧེ་རུ་ཀ་ནི་སྐུ་ལས་བྱུང་། །མཁའ་འགྲོ་ཉི་ཤུ་རྩ་བཞི་ནི། །སྒྱུ་
[266b.2]འཕྲུལ་ཆེན་མོའི་སྐུ་ལས་བྱུང་། །དམ་ཚིག་ཡེ་ཤེས་ལས་བྱུང་བའི། །དེ་ནས་རྡོ་རྗེ་ཅན་དུ་བརྗོད། །དབང་བསྐུར་གོ་འཕང་བསྒོམས་ནས་ནི། །དེ་ནས་མཆོད་པ་ཡང་དག་བརྩམ། །དེ་དག་ཐམས་ཅད་སྔོན་བཞིན་བྱ། །ད་ནི་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལྷའི་སྦྱོར་བས་
[266b.3]རྣམ་པར་གཞག་པར་བྱ་སྟེ། །ལྟུང་བྱེད་མ་ནི་ལུས་དྲན་པ་ཉེ་བར་གཞག་པའོ། །གསོད་བྱེད་མ་ནི་ཚོར་བ་དྲན་པ་ཉེ་བར་གཞག་པའོ། །འགུགས་བྱེད་མ་ནི་ཆོས་དྲན་པ་ཉེ་བར་གཞག་པའོ། །གར་གྱི་དབང་ཕྱུག་མ་ནི་སེམས་དྲན་པ་ཉེ་བར་གཞག་པའོ། །རབ་ཏུ་གཏུམ་མོ་ནི་འདུན་པའི་
[266b.4]རྫུ་འཕྲུལ་གྱི་རྐང་པའོ། །གཏུམ་མིག་མ་ནི་བརྩོན་འགྲུས་ཀྱི་རྫུ་འཕྲུལ་གྱི་རྐང་པའོ། །འོད་ལྡན་མ་ནི་དཔྱོད་པའི་རྫུ་འཕྲུལ་གྱི་རྐང་པའོ། །སྣ་ཆེན་མ་ནི་སེམས་ཀྱི་རྫུ་འཕྲུལ་གྱི་རྐང་པའོ། །དཔའ་བོའི་བློ་མ་ནི་དད་པའི་དབང་པོའོ། །མི་ཐུང་མ་ནི་བརྩོན་འགྲུས་ཀྱི་དབང་པོའོ། །ལང་
[266b.5]ཀའི་དབང་ཕྱུག་མ་ནི་དྲན་པའི་དབང་པོའོ། །ལྗོན་གྲིབ་མ་ནི་ཏིང་ངེ་འཛིན་གྱི་དབང་པོའོ། །ས་སྲུང་མ་ནི་ཤེས་རབ་ཀྱི་དབང་པོའོ། །འཇིགས་བྱེད་མ་ནི་དད་པའི་སྟོབས་སོ། །རླུང་ཤུགས་མ་ནི་བརྩོན་འགྲུས་ཀྱི་སྟོབས་སོ། །ཆང་འཐུང་མ་ནི་དྲན་པའི་སྟོབས་སོ། །སྔོ་བསངས་ལྷ་མོ་
[266b.6]ནི་ཏིང་ངེ་འཛིན་གྱི་སྟོབས་སོ། །ཤིན་ཏུ་བཟང་མོ་ནི་ཤེས་རབ་ཀྱི་སྟོབས་སོ། །རྟ་རྣ་མ་ནི་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གོ། །བྱ་གདོང་མ་ནི་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་གོ། །འཁོར་ལོ་ཤུགས་མ་ནི་དགའ་བ་ཡང་དག་བྱང་ཆུབ་ཀྱི་ཡན་ལག་གོ། །
[266b.7]དུམ་སྐྱེས་མ་ནི་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གོ། །གླང་སྣ་མ་ནི་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གོ། །འཁོར་ལོའི་གོ་ཆ་མ་ནི་དྲན་པ་ཡང་དག་བྱང་ཆུབ་ཀྱི་ཡན་ལག་གོ། །ཤིན་ཏུ་དཔའ་མོ་ནི་བཏང་སྙོམས་ཡང་དག་བྱང་ཆུབ་ཀྱི་ཡན་
[267a]
[267a.1]ལག་གོ། །སྟོབས་ཆེན་མ་ནི་ཡང་དག་པའི་ལྟ་བའོ། །འཁོར་ལོས་སྒྱུར་མ་ནི་ཡང་དག་པའི་རྟོག་པའོ། །བརྩོན་འགྲུས་ཆེན་མོ་ནི་ཡང་དག་པའི་ངག་གོ། །ཁྭ་གདོང་མ་ནི་ཡང་དག་པའི་ལས་ཀྱི་མཐའོ། །འུག་གདོང་མ་ནི་ཡང་དག་པའི་འཚོ་བའོ། །ཁྱི་
[267a.2]གདོང་མ་ནི་ཡང་དག་པའི་རྩོལ་བའོ། །ཕག་གདོང་མ་ནི་ཡང་དག་པའི་དྲན་པའོ། །བཅོམ་ལྡན་འདས་དཔལ་རྡོ་རྗེ་མཁའ་འགྲོ་ནི་ཡང་དག་པའི་ཏིང་ངེ་འཛིན་ཏོ། །དགེ་བའི་ཆོས་མ་སྐྱེས་པ་རྣམས་སྐྱེད་པ་ནི་གཤིན་རྗེ་བརྟན་མའོ། །དགེ་བའི་ཆོས་སྐྱེས་པ་རྣམས་སྲུང་བ་ནི་གཤིན་རྗེ་ཕོ་ཉ་
[267a.3]མའོ། །སྡིག་པ་མི་དགེ་བའི་ཆོས་སྐྱེས་པ་རྣམས་སྤང་བ་ནི་གཤིན་རྗེ་མཆེ་བ་མའོ། །སྡིག་པ་མི་དགེ་བའི་ཆོས་མ་སྐྱེས་པ་རྣམས་མི་སྐྱེད་པ་ནི་གཤིན་རྗེ་འཇོམས་མའོ། །བཅོམ་ལྡན་རྡོ་རྗེ་ཅན་གྱིས་གསུངས། །བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལྷས་རྣམ་པར་སྦྱར་བའོ། །
[267a.4]སྙིང་གའི་དབུས་གྱུར་པདྨ་ནི། །འདབ་མ་བརྒྱད་དང་གེ་སར་བཅས། །དེ་ཡི་དབུས་སུ་གནས་པའི་རྩ། །མར་མེ་ལྟ་བུའི་གཟུགས་ཅན་ཏེ། །ཆུ་ཤིང་གི་ནི་མེ་ཏོག་ལྟར། །རྟག་ཏུ་འཕྱང་ཞིང་འོག་ཏུ་བལྟ། །དེ་ཡི་དབུས་བཞུགས་དཔའ་བོ་ནི། །ཡུངས་ཀར་སྦོམ་པོའི་ཚད་ཙམ་སྟེ། །
[267a.5]ཧཱུཾ་གི་ས་བོན་མི་ཤིགས་པ། །ཁ་བ་ལྟ་བུ་འབབ་པ་ཡིན། །བ་སནྟ་ཞེས་བྱ་བ་ཡིན། །ལུས་ཅན་རྣམས་ཀྱི་སྙིང་དགའ་བྱེད། །རྒོད་མའི་ཁར་ནི་མེ་ཡི་གཟུགས། །ཕག་མོའི་ཏི་ལ་ཀར་ནི་བཞེད། །ལས་ཀྱི་རླུང་གིས་བསྐྱོད་ནས་སུ། །ལྟེ་བའི་དཀྱིལ་འཁོར་ནས་ནི་འབར། །བ་སནྟ་
[267a.6]དང་ཕྲད་པས་མཉེས། །སྙོམས་པར་འཇུག་པས་ཡང་དག་བཞུགས། །འདི་ནི་ཤྲཱི་ཧེ་རུ་ཀ་ཡི། །བ་སན་ཏི་ལ་ཀ་རུ་བཞེད། །གཟུགས་སོགས་རྒྱུ་དང་མི་རྒྱུ་བ། །སྟོང་པ་ཉིད་དུ་ཡང་དག་གནས། །སྐུ་གསུང་ཐུགས་ཀྱི་བྱེ་བྲག་གིས། །སྒོ་གསུམ་ནས་ནི་ཡང་དག་རྒྱུ། །འགྲོ་བ་དང་ནི་
[267a.7]འོང་བ་རུ། །དེ་དག་ཐམས་ཅད་ལུས་ལ་གནས། །ལྟེ་བར་ཨ་ཡི་གཟུགས་ཀྱི་ནི། །ཐུང་ངུ་ཞེས་ནི་བྱ་བར་གྲགས། །སྙིང་གར་གནས་པའི་ཡི་གེ་ཧཱུཾ། །རིང་པོ་ཆ་གཉིས་ཚད་དུ་གནས། །མགྲིན་པར་གནས་པའི་ཡི་གེ་ཨོཾ། །ཆ་གསུམ་པ་ལུ་ཏ་ཞེས་བརྗོད། །དཔྲལ་
[267b]
[267b.1]བར་གནས་པའི་ཡི་གེ་ཧཾ། །སྒྲ་དང་ཐིག་ལེ་མི་ཤིགས་པ། །འཁོར་ལོ་བཞི་ཡི་བྱེ་བྲག་གིས། །ས་སོགས་འབྱུང་བ་ཆེན་པོ་ཡིན། །མཚམས་བཞི་རུ་ནི་ལྷག་པར་གནས། །པདྨ་བཞི་ལས་ཡང་དག་བྱུང་། །དགའ་བ་བཞི་ཡི་ཚུལ་གྱིས་ནི། །སྦྱོར་བ་བཞི་ལས་མཆོག་ཏུ་
[267b.2]གནས། །མཆོག་ཏུ་དགའ་བའི་གཟུགས་ཀྱིས་ནི། །བྱ་བ་དང་ནི་བྱེད་པའི་དངོས། །རྡོ་རྗེ་སེམས་དཔའི་རང་བཞིན་གྱིས། །འདིར་ནི་ཇི་ལྟར་བདེ་བར་རོ། །ཕྱོགས་བཞི་ཡི་ནི་འདབ་མ་ལ། །འབྱུང་བ་བཞི་ཡི་རྩ་བཞི་ནི། །མར་མེ་ལྟ་བུའི་གཟུགས་ཅན་དེ། །མཚམས་ཀྱི་
[267b.3]ཆ་ལ་གནས་ནས་སུ། །རྩ་ནི་གང་དག་རྒྱུ་བ་དག །བདུད་རྩི་ལྔ་ནི་རྒྱུ་བ་སྟེ། །མཆོད་པའི་གཟུགས་ཀྱིས་དེ་ལ་བརྟེན། །དེ་ཡི་གཟུགས་ཀྱི་རང་བཞིན་དག །མཆོད་པ་བཞི་ཞེས་བྱ་བར་བཤད། །འདི་ནི་ལུས་ཅན་སྙིང་དབུས་ན། །རྩ་བརྒྱད་དུ་ནི་རྣམ་པར་གནས། །སྐུ་གསུང་
[267b.4]ཐུགས་ཀྱི་བྱེ་བྲག་གིས། །གཞན་ཡང་ཉི་ཤུ་རྩ་བཞིར་བརྗོད། །གནས་སོགས་ས་ལ་བརྟེན་ནས་སུ། །གནས་དང་གནས་སུ་ཡང་དག་བརྟེན། །མགོ་བོ་ལས་ནི་ཡང་དག་བྱུང་། །རྩ་ནི་མགོ་ལ་སྐྱེས་ཞེས་བརྗོད། །སྙིང་སྟོབས་རྡུལ་དང་མུན་པའི་གཟུགས། །དེ་དབུས་སྒྱུ་
[267b.5]འཕྲུལ་ཆེན་མོའི་གཙོ། །རིམ་པ་དག་ནི་འདི་ཉིད་ཀྱིས། །བློ་དང་ལྡན་པས་ཕྱག་རྒྱ་བྱ། །ཁྭ་གདོང་ལ་སོགས་སྔོན་ཇི་བཞིན། །ལྟུང་བྱེད་ལ་སོགས་རྣམ་པར་དག །བཅོམ་ལྡན་རྡོ་རྗེ་ཅན་གྱིས་གསུངས། །ཕྱག་རྒྱ་རྣམས་ནི་མཚོན་ཆའོ། །ཨ་ལས་སྐྱེས་པའི་ཐོད་པར་ནི། །
[267b.6]རྫས་བཅུ་དག་ནི་བསམ་པར་བྱ། །རླུང་དང་མེ་ཡི་དཀྱིལ་འཁོར་གྱིས། །བསྲོ་བ་དང་ནི་འབར་བར་བྱ། །དང་པོའི་ཡི་གེ་ལྡན་པ་རུ། །བསྒོམས་ན་སྐད་ཅིག་དེ་ལ་འབར། །ཡི་གེ་གོ་བཟློག་སྦྱོར་བ་ཡིས། །རྒྱུད་ལ་སྔགས་ནི་བསྒོམ་པར་བྱ། །ཨོཾ་ནི་ཐམས་ཅད་འབར་བྱེད་
[267b.7]དེ། །དེ་ཉིད་གསུམ་ནི་ཡང་དག་བརྗོད། །ལྷ་མོ་དེ་ལྟར་བསྒོམས་པ་ཡི། །རྫས་ཀྱིས་དངོས་གྲུབ་འབྲས་བུ་སྩོལ། །སྦྱོར་བ་འདི་ཡིས་དངོས་གྲུབ་ཀྱི། །ཡིད་ཆེས་ཡང་དག་འཇུག་པར་འགྱུར། །ཐམས་ཅད་ཀྱིས་ནི་མི་མཐོང་ཞིང་། །རྣལ་འབྱོར་ཅན་ནི་སྐད་ཅིག་མཐོང་། །
[268a]
[268a.1]ལྷ་མཆོག་ལས་སྐྱེས་ཕྲོགས་ནས་སུ། །སངས་རྒྱས་ཀུན་གྱི་བུ་མོ་སྤྱད། །གངྒཱའི་ཀླུང་མཉམ་སངས་རྒྱས་རྣམས། །རྡོ་རྗེ་གསུམ་གྱི་གནས་བཞུགས་པ། །ལག་ཏུ་ཤིང་ཏོག་བཞག་པ་བཞིན། །རྡོ་རྗེའི་མིག་གིས་མཐོང་བར་འགྱུར། །གངྒཱའི་ཀླུང་མཉམ་ཞིང་
[268a.2]རྣམས་ནི། །སྐུ་གསུང་ཐུགས་ཀྱི་མཚན་ཉིད་རྣམས། །སེམས་ཀྱི་རོལ་མོ་ལས་ཕྱུང་བར། །རྣལ་འབྱོར་བདག་ཉིད་ཅན་གྱིས་མཐོང་། །འདི་ནི་མཆོག་ཏུ་གསང་ཆེན་ཏེ། །སྦྱོར་བ་ཀུན་གྱི་དམ་པ་ཡིན། །བཅོམ་ལྡན་རྡོ་རྗེ་ཅན་གྱིས་གསུངས། །བདུད་རྩི་མྱང་བ་སྟེ་དཀྱིལ་འཁོར་རྒྱལ་
[268a.3]མཆོག་གི་ཏིང་ངེ་འཛིན་ཏོ། །ཡི་གེ་ཕོ་ཉ་ལ་སོགས་སྔགས། །མདའ་ཡི་ཤུགས་ཀྱིས་ཡོངས་སུ་འཁོར། །སྤྲུལ་པའི་འཁོར་ལོའི་དབུས་སུ་ནི། །སྡེ་ཚན་བརྒྱད་ཀྱིས་ཤིན་ཏུ་བསྐོར། །སྔགས་རྣམས་ཐམས་ཅད་འབྱུང་བ་སྟེ། །གཞན་ཡང་ཅི་ཡང་རུང་བ་སྟེ། །སྒྲ་ལྔ་དག་ནི་
[268a.4]ཡང་དག་ལྡན། །ཡ་ར་ལ་བས་རྣམ་པར་བརྒྱན། །ཆོས་ཀྱི་འཁོར་ལོ་ཞེས་བྱ་བ། །ལུས་ཅན་རྣམས་ཀྱི་སྙིང་དགའ་བྱེད། །ཆ་རྣམས་བཞི་པོ་དག་གིས་ནི། །ཀུན་ནས་ཡོངས་སུ་བསྐོར་བ་སྟེ། །ལོངས་སྤྱོད་འཁོར་ལོ་ཞེས་བྱ་བ། །རོ་རྣམས་ཀྱི་ནི་རྟེན་རང་བཞིན། །བདེ་བ་ཆེན་པོའི་
[268a.5]འཁོར་ལོ་ཆེ། །བྱང་ཆུབ་སེམས་ནི་སུམ་ཅུ་གཉིས། །ཟླ་བ་ཉི་མ་ཞེས་བྱ་བ། །གཡོན་དང་གཡས་ཀྱི་ངོས་གཉིས་སུ། །དཔའ་བོ་མཁའ་འགྲོ་མ་རྣམས་ཀྱི། །འགྲོ་དང་འོང་བ་བྱེད་པའི་རྒྱུ། །གནས་གཉིས་ལ་ནི་རྟག་བརྟེན་ནས། །འོག་དང་སྟེང་དུ་ཡང་དག་བརྟེན། །གཡོན་དང་
[268a.6]གཡས་ཀྱི་ངོས་གཉིས་སུ། །དེ་བཞིན་དབྱངས་ཡིག་བཅུ་གཉིས་ནི། །རྟག་ཏུ་སྟེང་དུ་བལྟས་པར་བྲི། །ག་སོགས་འོག་ཏུ་བལྟས་པ་ནི། །ངོས་གཉིས་དག་ཏུ་སྤེལ་བ་སྟེ། །དབུས་སུ་དེ་ནི་སྦྱར་བར་བྱ། །དེ་ལྟར་བསྟན་པ་འདི་དག་ནི། །རྩ་དང་སྒྲ་ཡི་རང་བཞིན་ནོ། །གཉིས་མེད་ཡེ་
[268a.7]ཤེས་རྡོ་རྗེ་སྟེ། །མཁའ་འགྲོ་སྒྲ་ཡི་རང་བཞིན་ནོ། །ངེས་འབྱུང་སངས་རྒྱས་ཐམས་ཅད་དེ། །གང་དུ་སྐྱེ་བ་ཞེས་བྱར་གྲགས། །ཤིན་ཏུ་རྣམ་དག་ཡེ་ཤེས་ཆེ། །ལྷ་མོ་ཀུན་གྱི་རང་བཞིན་གང་། །རྡོ་རྗེ་སེམས་དཔའ་ཞེས་བྱ་སྟེ། །མཆོག་ཏུ་བདེ་བར་བརྗོད་པ་ཡིན། །རང་བྱུང་
[268b]
[268b.1]གི་ནི་གཟུགས་འདི་ཉིད། །སྤྲོ་དང་སྡུད་པར་བྱེད་པའོ། །ཡི་གེ་ཕོ་ཉ་ལ་སོགས་བསྔགས། །དེར་ནི་ཆ་དང་བྲལ་བ་གང་། །བྷ་གའི་དབུས་སུ་གཟུགས་མེད་པ། །དེ་ནི་རྟག་ཏུ་གནས་པ་ཡིན། །སྨིན་དབུས་ཐིག་ལེའི་པདྨ་རུ། །བཅུ་དྲུག་སྐུད་པས་བསྐོར་བ་ཡིན། །ཤེས་རབ་ཐབས་
[268b.2]ཀྱི་མཉམ་སྦྱོར་གྱིས། །ཁ་སྦྱོར་ཞེས་བྱར་བརྗོད་པ་ཡིན། །གསང་བ་མཆོག་གི་དགྱེས་པ་ནི། །ཐམས་ཅད་བདག་ཉིད་རྟག་བཞུགས་གང་། །འདི་ནི་ཀུན་མཁྱེན་ཞེས་བྱ་སྟེ། །ཀུན་དུ་འགྲོ་བ་མི་ཤིགས་པའོ། །པདྨ་ཡི་ནི་སྣ་རྩེ་རུ། །རྒྱུ་དང་མི་རྒྱུར་བཅས་པར་བསྒོམ། །ཡིད་
[268b.3]ཀྱིས་བཟླས་དང་ཡང་དག་ལྡན། །ངག་དང་ཡི་གེ་རྣམ་པར་སྤངས། །ངེས་པའི་གོ་འཕང་རྟག་ཏུ་གནས། །བརྟན་པ་ཆོས་དབྱིངས་རང་བཞིན་ནོ། །ཤིན་ཏུ་ཕྲ་བ་རྡུལ་དང་བྲལ། །ཡེ་ཤེས་སྐུ་སྟེ་དྲི་མ་མེད། །གསལ་བ་མཆོག་གི་རང་བཞིན་ཏེ། །མྱ་ངན་འདས་པ་འབའ་ཞིག་
[268b.4]ཡུལ། །ཕན་ཚུན་འདུད་པའི་གསང་སྔགས་ནི། །ཡུལ་ཉིད་ཀྱིས་ནི་དབྱེ་བར་བྱ། །ས་བོན་ཕྲེང་བ་དེ་ནས་བསྒོམ། །ཧཱུཾ་གི་སྐུད་པས་བཅིངས་པ་སྟེ། །བསྒྲུབ་བྱ་འགོག་པར་གྱུར་ན་ནི། །གོམ་པ་གཅིག་ཀྱང་མི་འགྲོའོ། །སྔགས་དང་ཐིག་ལེ་འདི་དག་ནི། །ཀུན་རྫོབ་བྱང་ཆུབ་
[268b.5]སེམས་བསྒོམ་པར། །བཅོམ་ལྡན་རྡོ་རྗེ་ཅན་གྱིས་གསུངས། །འདི་ཡི་ཤེས་རབ་ལྷན་སྐྱེས་ཏེ། །དེ་ཡི་གཟུགས་སུ་གྱུར་པས་གནས། །ལས་ཀྱི་རླུང་གིས་བསྐྱོད་ནས་སུ། །ལྟེ་བའི་དཀྱིལ་འཁོར་འདི་ནས་འབར། །སྒྱུ་མ་ཆེན་མོ་ཞེས་བྱར་བཤད། །ལས་རྣམས་
[268b.6]ཐམས་ཅད་སྒྲུབ་པའོ། །སྐྲ་རྩེ་བརྒྱར་གྱུར་པ་ཡི་ཆ། །སྐད་ཅིག་གློག་གི་འོད་ཟེར་ཅན། །ལྷ་ཡི་རྣལ་འབྱོར་ལུས་སུ་ནི། །ལྟེ་བའི་སྒོ་ཡི་བུ་ག་ནས། །ཕྱོགས་རྣམས་ཀུན་དུ་སྤྲོས་ནས་ནི། །ལྷ་དང་ལྷ་མིན་ཀུན་བསྲེགས་ཏེ། །སྙིང་གའི་ཆོས་ཀྱི་འཁོར་ལོ་ནི། །བསྲེགས་
[268b.7]ཏེ་ལོངས་སྤྱོད་འཁོར་ལོར་སོང་། །སྣ་བུག་གཡས་ནས་བྱུང་ནས་ནི། །སླར་ཡང་ཞུགས་ཏེ་སྨིན་མཚམས་ཀྱི། །མཛོད་སྤུའི་ཁུང་ནས་བྱུང་ནས་ནི། །ཕྱོགས་བཅུར་བཞུགས་པའི་སངས་རྒྱས་དང་། །བྱང་ཆུབ་སེམས་དཔའ་ཐམས་ཅད་ཀྱི། །སྣ་སྒོ་གཡོན་དུ་ཞུགས་ནས་
[269a]
[269a.1]ནི། །སྤྱི་བོའི་འཁོར་ལོ་བསྲེགས་ནས་སུ། །སྔོན་གྱི་ལམ་ནས་སླར་བྱུང་སྟེ། །སླར་ཡང་སྤྱི་གཙུག་ཏུ་ནི་ཞུགས། །བསྲེགས་པར་གྱུར་པའི་སངས་རྒྱས་རྣམས། །དགའ་བ་བསྐྱེད་ནས་ལྟེ་བ་ཡི། །དཀྱིལ་འཁོར་དུ་ནི་སོང་གྱུར་ནས། །སྔོན་བཞིན་དུ་ནི་གནས་
[269a.2]པར་གྱུར། །དགའ་བ་སྐད་ཅིག་བྱེ་བྲག་གིས། །བླ་མའི་ཞལ་ལས་ཤེས་པར་བྱ། །བཅོམ་ལྡན་རྡོ་རྗེ་ཅན་གྱིས་གསུངས། །མྱ་ངན་ལས་འདས་པའི་བྱང་ཆུབ་ཀྱི་སེམས་བདེ་བ་ཆེན་པོའི་བསམ་གཏན་ནོ། །ཨོཾ་ན་མོ་བྷ་ག་ཝ་ཏེ་བཱི་རེ་ཤཱ་ཡ། །མ་ཧཱ་ཀལྤ་ཨགྣི་སནྣི་བྷཱ་ཡ། ཛ་ཊཱ་མ་ཀུ་
[269a.3]ཊོཏྐ་ཊཱཡ། དཾཥྚཱ་ཀ་རཱ་ལོ་གྲ་བྷཱི་ཥ་ཎ་མུ་ཁཱ་ཡ། ས་ཧ་སྲ་བྷུ་ཛ་བྷ་སུ་རཱ་ཡ། པ་ར་ཤུ་བཱ་ཤོབྱཱ་ཏ་ཤཱུ་ལ་ཁ་ཊྭཱཾ་ག་དྷ་རི་ཎི། བྱཱ་གྷྲཱ་ཛི་ནཱཾ་བ་ར་དྷ་རཱ་ཡ། མ་ཧཱ་དྷུ་མྦྲཱ་ནྡྷཱ་ཀ་ར་པ་པུ་ཥཱ་ཡ་ཧཱུཾ་ཧཱུཾ་ཕཊ་སྭཱ་ཧཱ། ཀྵྨཾ་ཀྵྨཾ་ཕཊ་ཕཊ། ཀ་ར་ཀ་ར། ཀུ་རུ་ཀུ་རུ། བནྡྷ་བནྡྷ། །པ་ཙ་པ་ཙ། ཧིཾ་ཧིཾ། ཧཾ་ཧཾ།
[269a.4]ད་ཧ་ད་ཧ། ཀུ་རུ་ཀུ་རུ། །ཏྲཱ་ས་ཡ་ཏྲཱ་ས་ཡ། བྷཀྵ་བྷཀྵ། ཧཱུཾ་ཧཱུཾ། ཀི་ལི་ཀི་ལི། བ་ས་རུ་དྷི་ར། ཨནྟྲ་མཱ་ལཱ་བ་ལཾ་བི་ནི་གྲཧྞ་གྲིཧྞ། ཀྵོ་བྷ་ཡ་ཀྵོ་བྷ་ཡ། ཨཱ་ཀྵཌྜྷ་ཨཱ་ཀཌྜྷྱ། རྩི་ལི་ཙི་ལི། སི་ལི་སི་ལི། ས་པྟ་པཱ་ཏཱ་ལ་ག་ཏ་བྷུ་རྫི་ག་སརྦ་མྦཱ་ཏ་རྫ་ཡ་ཏ་རྫ་ཡ་ཧྲཾ་ཧྲཾ། ཕེཾ་ཕེཾ། ཧྲིཾ་ཧྲིཾ། དྷི་
[269a.5]ལི་དྷི་ལི། །སྔགས་ཀྱི་ཚིག་ནི་ཀུན་ལ་ཡང་། །ཨོཾ་ནི་ཐམས་ཅད་གསལ་བྱེད་དེ། །ཧཱུཾ་ཧཱུཾ་ཕཊ་ནི་མཐའ་རུ་སྦྱར། །རབ་གཏུམ་ལ་སོགས་མཁའ་འགྲོ་མ། །རང་མིང་བརྗོད་པའི་སྔགས་པ་ནི། །དང་པོར་ཨོཾ་དང་སྦྱར་བྱ་སྟེ། །ཧཱུཾ་ཧཱུཾ་ཕཊ་ནི་མཐའ་རུ་གནས། །ཨོཾ་ཤྲཱི་བཛྲ་ཧེ་ཧེ་
[269a.6]རུ་རུ་ཀཾ་ཧཱུཾ་ཧཱུཾ་ཕཊ་ཌཱ་ཀི་ནཱི་ཛྭ་ལ་སམྦ་རཾ་སྭཱ་ཧཱ། སྙིང་པོའོ། །ཨོཾ་ཧྲཱིཿཧ་ཧ་ཧཱུཾ་ཧཱུཾ་ཕཊ། ཉེ་བའི་སྙིང་པོའོ། །ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་བཱ་ན་བིདྱ་རཱ་ཛ་ཧཱུཾ་ཧཱུཾ་ཕཊ། སྙིང་པོ་དང་ཉེ་བའི་སྙིང་པོའོ། །
[269a.7]ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞ་ནཱི་ཡེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། སྙིང་པོའོ། །ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་ཕཊ། ཉེ་བའི་སྙིང་པོའོ། །ཨོཾ་བཱི་ར་ཧཱུཾ་ཧཱུཾ་ཕཊ། སྙིང་པོ་དང་ཉ་བའི་སྙིང་པོའོ། །རྗེ་བཙུན་མའི་སྔགས་ཀྱི་ཚིག་གོ། །ཨོཾ་ཧཻ། ན་མ་ཧི། སྭཱ་ཧཱ་ཧུ། བཽ་ཥ་ཌ་ཧེ། ཧཱུཾ་ཧཱུཾ་ཧོ། །
[269b]
[269b.1]ཕཊ་ཧཾ། དེ་དག་ནི་དཔའ་བོ་དྲུག་གི་གོ་ཆའོ། །ཨོཾ་བཾ། ཧཾ་ཡོཾ། །ཧྲིཾ་རྨོཾ། །ཧྲེཾ་ཧྲིཾ། ཧཱུཾ་ཧཱུཾ་ཕཊ་ཕཊ། ཨོཾ་ནི་ཀུན་ལ་སྦྱིན་པར་བྱ། །རྣལ་འབྱོར་མ་དྲུག་གོ་ཆ་ཡིན། །ཨོཾ་ཨ་ཨཱ། ཨི་ཨཱི། རྀ་རྀ། ལྀ་ལྀ། ཨེ་ཨཻ། ཨོ་ཨཽ། །ཨཾ་ཨཿཀ་ཁ་ག་གྷ་དང་། ཙ་ཚ་ཛ་ཛྙ་ཉ།
[269b.2]ཊ་ཐ་ཌ་ཌྷ་ཎ། ཏ་ཐ་ད་དྷ་ན། ཕ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དཔའ་བོ་དང་མཁའ་འགྲོ་མ་ཐམས་ཅད་ཀྱི་གནས་སོ། །ཨོཾ་ན་མོ་བྷ་ག་བ་ཏི་བཛྲ་བཱ་རཱ་ཧཱི། །ཨཱརྱཱ་པ་རཱ་ཛི་ཏེ་ཏྲཻ་ལོཀྱ་མཱ་ཏེ་མ་ཧཱ་བིདྱེ་ཤྭ་རི། སརྦ་བྷཱུ་ཏ་བྷ་ཡཱ་བཱ་ཧེ་མ་ཧཱ་བཛྲ། བཛྲ་
[269b.3]ས་ནི་ཨ་ཛི་ཏེ་ཨ་པ་རཱ་ཛི་ཏེ་བ་ཤྱཾ་ཀ་རི་ནེ་ཏྲ་བྷྲ་མ་ཎི། ཤོ་ཥ་ཎི་རོ་ཥ་ཎི་ཀྲོ་དྷ་ཀ་རཱ་ལི་ནི། སནྟྲཱ་ས་ནི་མཱ་ར་ཎི་སུ་པྲ་བྷེ་ད་ནི་ཨ་པ་རཱ་ཛ་ཡེ། བི་ཛ་ཡེ་ཛ་མྦྷ་ནི་སྟ་མྦྷ་ནི་མོ་ཧ་ནི། བཛྲ་བྷཱ་རཱ་ཧི་མ་ཧཱ་ཡོ་གི་ནཱི་ཀཱ་མེ་ཤྭ་རི་ཁ་གེ ། ཏ་དྱ་ཐཱ། པྲོ་ཏཾ་གེ་པྲོ་ཏཾ་གེ ། ཧ་ན་ཧ་ན་པྲཱ་ཎཱཾ། ཀིངྷི་ནི་ཁིདྑི་ནི་དྷུ་ན་དྷུ་ན་
[269b.4]བཛྲ་ཧ་སྟེ་ཤོ་ཥ་ཡ་ཤོ་ཥ་ཡ། བཛྲ་ཁ་ཊྭཱཾ་ག་ཀ་པཱ་ལ་དྷ་རི་ཎི། མ་ཧཱ་པི་ཤི་ཏ་མཱཾ་ས་ཨཱ་ས་ནི། མ་ནུ་ཥྱཱ་ནྟྲ་པྲ་བྲི་ཏྟེ་སནྣི་དྷྱཾ་ན་ར་སི་རོ་མཱ་ལ་གྲནྠི་ཏ་དྷཱ་རི་ཎི། སུམྦྷ་ནི་སུམྦྷེ། ཧ་ན་ཧ་ན་པྲཱ་ཎཱཾ། སརྦ་པཱ་པ་ས་ཏྭཱ་ནཱཾ། སརྦ་པ་ཤཱུ་ནཱཾ་མ་ཧཱ་མཱཾ་ས་ཚེ་ད་ནི། ཀྲོ་དྷ་མཱུརྟེ་དཾ་ཥྚ་ཀ་རཱ་ལི་ནི་མ་ཧཱ་མུ་དྲེ། ཤྲཱི་ཧེ་
[269b.5]རུ་ཀ་དེ་བ་སྱ་ཨ་གྲ་མ་ཧི་ཥི། ས་ཧ་སྲ་ཤི་རེ་ས་ཧ་སྲ་བཱ་ཧ་བེ། ཤ་ཏ་ས་ཧ་སྲ་ཨཱ་ན་ནེ། ཛྭ་ལི་ཏ་ཏེ་ཛ་སྱ་ཛྭེ་ལ་མུ་ཁེ། བིཾ་ག་ལ་ལོ་ཙ་ནེ། བཛྲ་ཤ་རཱི་རེ། བཛྲ་ཨཱ་ས་ནི། མི་ལི་ཏི་མི་ལི་ཧེ་ཧེ་ཧེ་ཧ་ཧ་ཧཱུཾ་ཧཱུཾ་ཁ་ཁ་དྷུ་དྷུ། རུ་རུ། དྷུ་རུ་དྷུ་རུ། མུ་རུ་མུ་རུ། ཨ་དྭཻ་ཏེ་མ་ཧཱ་ཡོ་གི་ནཱི་པ་ཋི་ཏ་སིདྡྷི་
[269b.6]དྲཻཾ་དྷཾ་དྲཻཾ་དྷཾ་གྲཾ་གྲཾ། །ཧེ་ཧེ་ཧ་ཧ་བྷཱཾ་མེ། ཧ་ས་ཧ་ས་བཱི་རེ། ཧ་ཧ་ཧོ་ཧོ་ཧཱུཾ་ཧཱུཾ་ཏྲཻ་ལོཀྱ་བི་ནཱ་ཤ་ནི་ཤ་ཏ་ས་ཧ་སྲ་ཀོ་ཊི། ཏ་ཐཱ་ག་ཏ་པ་རི་བཱ་རེ་ཧཱུཾ་ཕཊ། སཾ་ཧ་རཱུ་པེ་ཁཿག་ཛ་རཱུ་པེ་གཿཏྲཻ་ལོཀྱ་ཨུ་ད་རེ། ས་མུ་དྲ་མེ་ཁ་ལེ་གྲ་ས་གྲ་ས་ཧཱུཾ་ཧཱུཾ་ཕཊ། བཱི་རཱ་དྭེ་ཏེ་ཧཱུཾ་ཧཱུཾ་ཕཊ། ཧཱ་ཧཱ་མ་ཧཱ་པ་ཤུ་མོ་ཧ་
[269b.7]ནི་མ་ཧཱ་ཡོ་གཱི་ཤྭ་རི་ཏྭཾ། ཌཱ་ཀི་ནཱི་སརྦ་ལོ་ཀཱ་ནཱི། བྷནྡྷ་ནི་ས་དྱཿ་ཡ་ཀཱ་རི་ཎི་ཧཱུཾ་ཧཱུཾ་ཕཊ། བྷཱུ་ཏ་ཏྲཱ་ས་ནི། མ་ཧཱ་བཱི་རེ་བ་ར་མ་སིདྡྷི་ཡོ་གཱི་ཤྭ་རི་ཕཊ་ཧཱུཾ་ཧཱུཾ་ཕཊ། ཧཱུཾ་ཧཱུཾ་ཕཊ། ཧཱུཾ་ཕཊ་སྭཱ་ཧཱ། ཨོཾ་ཀ་ར་ཀ་ར། ཀུ་རུ་ཀུ་རུ། བནྡྷ་བནྡྷ། ཏྲཱ་ས་ཡ་ཏྲཱ་ས་ཡ། ཀྵོ་བྷ་ཡ་ཀྵོ་བྷ་
[270a]
[270a.1]ཡ། ཧྲཽཾ་ཧྲཽཾ་ཧྲཿཧྲཿཕེཾ་ཕེཾ། ཕཊ་ཕཊ། ད་ཧ་ད་ཧ། པ་ཙ་པ་ཙ། བྷཀྵ་བྷཀྵ། བ་ས་རུ་དྷི་ར་ཨནྟྲ་མཱ་ལཱ་བ་ལམྦི་ནི་གྲྀཧྞ་གྲྀཧྞ། སཔྟ་པཱ་ཏཱ་ལ་ག་ཏ་བྷུ་ཛཾ་ག །སརྦ་མྦཱ་ཏ་རྫ་ཡ་ཏརྫ་ཡ། ཨཱ་ཀཌྜྷྱ་ཨཱ་ཀཌྜྷྱ། ཧྲིཾ་ཧྲིཾ། ཛྣཽཾ་ཛྣཽཾ། ཀྵྨཱཾ་ཀྙྨཱཾ། ཧཱཾ་ཧཱཾ།
[270a.2]ཧཱིཾ་ཧཱིཾ། ཧཱུཾ་ཧཱུཾ། ཀི་ལི་ཀི་ལི། སི་ལི་སི་ལི། །ཙི་ལི་ཙི་ལི། དྷི་ལི་དྷི་ལི། ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨོཾ་ཤིང་གཅིག་དང་ནི་དུར་ཁྲོད་དང་། །རི་བོ་དང་ནི་རི་སུལ་ཕུག །གྲོང་དང་བཞི་མདོ་ཞིང་དང་ནི། །ཁྱད་པར་དུ་ནི་ཁང་སྟོང་དང་། །སེམས་ཅན་སྣོད་དང་ཐང་དང་ནི། །ཁྱད་
[270a.3]པར་དུ་ནི་ཆུ་ལ་གནས། །ནག་པོ་དྲག་པོ་དྲག་ཆེན་མོ། །ལྷ་སྦྱིན་མཉམ་དུ་བསྟེན་པ་དང་། །ནག་པོ་གཙིགས་པ་འཇིགས་བྱེད་དང་། །རྒ་ལས་འདས་དང་ལོག་འདྲེན་རྣམས། །རྒན་བྱེད་མ་དང་དྲག་བྱེད་མོ། །འཇིགས་བྱེད་མ་དང་ཨུ་མ་དང་། །རྒྱལ་དང་རྣམ་པར་རྒྱལ་མ་
[270a.4]དང་། །མི་ཐུབ་གཞན་གྱིས་མི་ཐུབ་མ། །ནག་མོ་བཟང་མོ་ནག་ཆེན་མོ། །ནག་སྤོམ་མ་དང་རྣལ་འབྱོར་མ། །དབང་མོ་དང་ནི་ཟླ་བ་མོ། །དྲག་ཏུ་སྡང་དང་འཆང་བ་མོ། །འཕྲོག་བྱེད་མ་དང་མར་མེ་མ། །འཇིགས་བྱེད་གྲོང་གནས་རྣལ་འབྱོར་མ། །དྲག་མོའི་གཟུགས་དང་
[270a.5]གཟུགས་ཆེན་མོ། །མཆེ་བ་གཙིགས་དང་ཐོད་ཆེན་མོ། །ཐོད་ཕྲེང་ཕྲེང་ཅན་ཁ་ཊྭཱཾ་མ། །སྤྲུལ་ཆེན་རལ་གྲི་དགྲ་སྟ་མ། །རྡོ་རྗེ་དེ་བཞིན་གཞུ་ཅན་མ། །དེ་ཉིད་ཆེན་མོ་མཁའ་འགྲོ་མ། །ལས་ཀུན་རྗེས་སུ་སྒྲུབ་བྱེད་མ། །སྦྱོར་བའི་དཀྱིལ་འཁོར་རྒྱལ་ཆེན་མོ། །རྡོ་རྗེ་དེ་བཞིན་
[270a.6]དབང་ཕྱུག་གཙོ། །དེ་བཞིན་གཤེགས་པའི་སྐུ་ཆེན་ཏེ། །རྡུལ་མེད་རྣལ་འབྱོར་སྦྱིན་པ་མོ། །རྡོ་རྗེ་དབང་མོའི་བཀའ་འདི་ཡིས། །ཐམས་ཅད་ཀུན་ནས་འདིར་སྤྱོན་ཅིག །ཨོཾ་ཀཀྐ་ཌྷ་ན་བབྦནྔྷ་ན་ཁ་ཁྑཱ་ད་ན་སརྦ་དུ་ཥྚཾ་ཧ་ན་ཧ་ན་གྒ་གྒ་ཊ་ན་ཨ་མུ་ཀ་སྱ་ཤཱནྟིཾ་ཀུ་རུ་ཧཱུཾ་ཧཱུཾ་ཕཊ་ཕཊ་ཛཿསྭཱ་ཧཱ།
[270a.7]བདུད་རྩི་ཡིས་ནི་ཁ་བཀང་སྟེ། །ལྷ་རྣམས་ཐམས་ཅད་ཚིམས་པར་བྱ། །རྣལ་འབྱོར་རྣལ་འབྱོར་མ་ཡིས་ནི། །ལས་རྣམས་ཐམས་ཅད་འགྲུབ་པར་བསྒོམ། །ཨོཾ་བྷཀྵ་བྷཀྵ་སརྦ་ཡོ་གཱི་ཤྭ་རི་ཧཱུཾ་ཧཱུཾ་ཛཿསྭཱ་ཧཱ། བཅོམ་ལྡན་རྡོ་རྗེ་ཅན་གྱིས་གསུངས། །དཔའ་བོ་དང་མཁའ་འགྲོ་མ་
[270b]
[270b.1]ཐམས་ཅད་ཀྱི་གཏོར་མའི་སྔགས་སོ། །ཨོཾ་ན་མོ་ནཱི་ལཱཾ་བ་ར་དྷ་ར་བཛྲ་པཱ་ཎ་ཡེ་མ་ཧཱ་ཡཀྵ་སེ་ནཱ་བ་ཏ་ཡེ། ཨ་ནེ་ཀ་གཾ་གཱ་ནཱ་དི་བཱ་ལུ་ཀ་ཨུ་པ་མ་བུདྡྷ་ཀོ་ཊཱི་ཤ་ཏ་ས་ཧ་སྲ་པ་རི་བྲྀཏྟཱ་ཡ། བི་ཀྲི་ཏ་དཾཥྚྜ་ཀ་རཱ་ལ་རླུ་པ་ཡ་ཨགྣིར། ཤི་ནཱ་ཡ་ན་ཡཱ་ཛ་ལི་ཏ་བི་ཤྲ་སྭཱ་སཱ་བྷིས་ནཱི་དཱ་ཡ། བ་སུ་ཀི་
[270b.2]མ་ར་ག་ཛ་བི་བྷུ་ཥི་ཏ་ཀ་ར་ཙ་ར་ཎཱ་ཡ། ཀྲྀཥྞ་བྷུ་ཛཾ་ག་ཡ་ཛྙོ་པ་བི་ཏཱ་ཡ། ཛ་ལི་ཏ་བྷུ་ཛཾ་ག་མ་ཎི་མ་ཀུ་ཊཱ་ཡ། ཕུ་རི་ཊ་ཏོ་པ་བ་ད་ནཱ་ཡ། སཾ་ཀུ་རྩི་བྷུ་བྷུ་ལ་ཊཱ་ཡ། ད་ཤ་ན་ཨ་པསྟ་དྭ་ཏོ་སྠཱ་ཡ། ཀྲི་ཏནྟ་རཱུ་པཱ་ཡ། བི་དུད་ཛི་ཧ་རཱ་ཡ། མ་ཧོ་ག་བྷ་ཀྵ་ནཱ་ཡ་ཀ་ར་སྥཊ་ས་ན་ཀ་རཱ་ཡ།
[270b.3]སུ་པ་ཎ་ནཱ་ག་རཱ་ཛ་མེ་ཁ་ལཱ་ཧཱུཾ་ཀ་ར་ཎ་ད། ཏྲཱ་ས་ན་ཀ་རཱ་ཡ། ཨ་ཤི་ཏི་ཛོ་ཛ་ན་ས་ཧ་སུ་ག་ར་ཛ་ནུ་མཎྜལ་ཙནྡྲ་ཨ་དི་ཏྱ་སྐནྡྷ་བ་ཧ་ནཱ་ཡ། དཾཥྚ་ག་ཀ་རཱ་ལ་མ་ཧཱ་སི་ཏ་ཨཊྚ་ཧཱ་ས་ན་དཱ་མ་ཧཱ་སཾ་ཀྵོ་པ་ཀ་རཱ་ཡ། ཀཱ་ལ་རཱུ་པཱ་ཡ་ཏྲཻ་ལོ་ཀྱ་བྷཀྵ་ན་ཀ་རཱ་ཡ། ནཱ་གཱ་མྲྀ་དྱུ་ཀཱ་ཡ་ཨི་མཾ་གཱཾ་ག་ནཱ་དེ་པཱ་ལུ་ཀ་ས་མ་
[270b.4]བུ་དྡྷཻ་བྷ་ག་བ་ཏ་ཨ་བྷི་བྷཱ་ཥ་མནྟ་ཨ་བརྟ་ཤཱ་མི། ཏདྱ་ཐཱ། བྷོ་བྷོ་བན་ནཱ་ག་ཨ་དྷི་པ་ཏ་ཡི། ཨི་དན་ནི་ནཱི་ལཱམྦ་ར་དྷ་ར་ཤ་རཱི་རཾ། བཛྲ་པཱ་ཎི་ཧྲྀ་ད་ཡཾ། ཡཿས་མཱ་ཏི་ཀྲ་མ་ཐ་མ་ཀུ་ལ། ཨུ་ཚཱ་ད་ནཾ་བྷ་བི་ཥྱ་ཏི། །ཏ་དྱ་ཐཱ། བུདྡྷ་བུདྡྷ། བི་བུདྡྷའི་བུདྡྷ། མཱ་ཏི་ཀྲ་མ་ཐ། ཧ་ར་ཧ་ར་ནཱ་གཱ་ནཱཾ།
[270b.5]པྲ་ཧ་ར་པྲ་ཧ་ར་ནཱ་གཱ་ནཱཾ། ཙྪིནྡི་ཙྪིནྡ་ནཱ་ག་ཧྲི་ད་ཡཱ་ནི། བྷིནྡ་བྷིནྡ་ནཱ་ག་མ་རྨ་ནི། བི་སིཪྻ་ནྟུ་ནཱ་ག་ཤ་རཱི་རཱ་ཎི། བི་སྥོ་ཊ་ཡ་ནཱ་ག་ན་ཡ་ནཱ་ནི། ཏརྱ་ཐཱ་ཧཱུཾ་ཕཊ། ནཱ་ག་བི་དཱ་རཱ་ཎ་ཡ་ཕཊ། ནཱ་གོཏྶཱ་ད་ནཱ་ཡ་ཕཊ། ནཱི་ལཾ་པས་ནཱ་ཡ་ཕཊ། ཨ་པྲ་ཏི་ཧ་ཧ་པ་ལ་བ་རཱ་ཀ་མཱ་ཡ་ཕཊ། ཀྲི་ཏཱནྟཱ་ཡ་ཕཊ།
[270b.6]ཀྲི་ཏཱནྟ་རཱུ་པཱ་ཡ་ཕཊ། རོ་ཥཎཱ་ཡ་ཕཊ། ཏྲཱ་ས་ནཱ་ཡ་ཕཊ། ཀུཾ་བྷཎྜོ་ཚཱ་ད་ནཱ་ཡ་ཕཊ། པྲེ་ཏ་པི་ཤཱ་ཙ་བི་ནཱ་ཤ་ཀ་རཱ་ཡ་ཕཊ། ཡཀྵ་ཨ་པ་སྨ་ར་བི་ནཱ་ཤ་ཀ་རཱ་ཡ་ཕཊ། ཧ་ས་ཧ་ས། དྷ་ར་དྷ་ར། མཱ་ར་ཡ་མཱ་ར་ཡ། ནཱ་ཤ་ཡ་ནཱ་ཤ་ཡ། སརྦ་བིགྷཱཾ་བི་ནཱ་ཤ་ཀ་རཱ་ཡ་ཕཊ། སརྦ་ཤ་
[270b.7]ཏྲཱུཾ་སཾ་གྷ་བི་ནཱ་ཤ་ཀ་རཱ་ཡ་ཕཊ། ནཱི་ལཱམྦ་ར་དྷ་ར་བཛྲ་པཱ་ཎི་རཱ་ཛྙ་པཱ་ཡ་ཏི་སྭཱ་ཧཱ། གནོད་སྦྱིན་དང་སྲིན་པོ་ལ་སོགས་པས་ཟིན་པ་ལ་ནི་ཆུ་ལ་བཟླས་ཏེ་གཏོར་ན་གྲོལ་བར་འགྱུར་རོ། །ཆར་པ་བཟློག་བ་ནི་ཐལ་བ་ལ་བཟླས་ནས་སྤྲིན་ལ་བལྟས་ཏེ་གཏོར་བར་བྱའོ། །ཆུ་ལ་བཟླས་ཏེ་
[271a]
[271a.1]གཏོར་ན་ཆར་འབབ་པར་འགྱུར་རོ། །རིམས་ལ་ནི་སྐུད་པ་སྔོན་པོ་ལ་བཟླས་ཏེ་ལག་པ་ལ་གདགས་སོ། །ཟླ་བ་དང་ཉི་མ་གཟས་ཟིན་པའི་དུས་སུ་གོ་རོ་ཙ་ན་ལ་ལན་སྟོང་མངོན་པར་བཟླས་ཏེ་དཔྲལ་བར་ཐིག་ལེ་བྱས་ན་མི་སྣང་བར་འགྱུར་རོ། །དོན་ལ་དམིགས་ཏེ་
[271a.2]གཙང་ཞིང་གཙང་མའི་གོས་གྱོན་ལ། ཉིན་མཚན་དུ་ཀུན་དུ་རུ་བསྲེགས་ཏེ་ལན་བརྒྱད་རྒྱ་བཟླས་ན་རྨི་ལམ་དུ་དགེ་སྡིག་ཐམས་ཅད་སྟོན་པར་འགྱུར་རོ། །ས་ལ་ལན་བདུན་བཟླས་ཏེ་ཆོམ་པོ་ལ་བལྟས་ནས་བུས་ན་ཆོམ་པོ་བས་མི་མཐོང་ཞིང་བཟློག་པར་འགྱུར་རོ། །མེ་ཏོག་གམ་འབྲས་བུ་ལ་
[271a.3]ལན་བདུན་བཟླས་ཏེ་གང་ལ་གཏོར་བ་དེ་དབང་དུ་འགྱུར་རོ། །བཅོམ་ལྡན་རྡོ་རྗེ་ཅན་གྱིས་གསུངས་སོ། །དཔལ་རྡོ་རྗེ་མཁའ་འགྲོ་མ་ཞེས་བྱ་བའི་རྒྱུད་ཆེན་པོ་ལས་བཏུས་པའི་སྒྲུབ་པའི་ཐབས་བྱང་ཆུབ་ཀྱི་སེམས་ཀུན་དུ་གཟིགས་པའི་ཕྲེང་བ་ཞེས་བྱ་བ་སློབ་དཔོན་ཆེན་པོ་ཀ་ལཱ་ཀ་པས་
[271a.4]མཛད་པ་རྫོགས་སོ།། །།རྒྱ་གར་གྱི་པཎྜི་ཏ་ཆེན་པོ་ཀྲཱི་ཀ་ར་དང་། ལོ་ཙཱ་བ་ཆེན་པོ་འགོས་ལྷས་བཙས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །{T1504}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦ་ར་ས་ཧ་ཛ་ཏཏྟ་ཨཱ་ལོ་ཀ །བོད་སྐད་དུ། དཔལ་འཁོར་ལོ་
[271a.5]སྡོམ་པའི་ལྷན་ཅིག་སྐྱེས་པའི་དེ་ཁོ་ན་ཉིད་སྣང་བ། དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །གང་ལ་བརྟེན་ནས་རང་རིག་བདེ་ཆེན་པོ། །སྟོང་དང་སྙིང་རྗེ་དབྱེར་མེད་མཚོན་པའི་གཞི། །ཆོས་དང་ལོངས་སྤྲུལ་བདེ་བ་ཆེན་པོ་ཡི། །རང་བཞིན་རྩ་ཡི་འཁོར་ལོའི་མགོན་བཏུད་
[271a.6]ནས། །འཁོར་ལོ་བདེ་མཆོག་དཔལ་རིམ་ལས་བྱུང་ལས། །སྤྱོད་འཆང་མགོན་པོའི་ཞལ་སྔ་ལས་རྙེད་པའི། །རང་རིག་བདེ་ཆེན་ཡེ་ཤེས་མཚོན་པའི་ཐབས། །དཔྱིད་དང་ཐིག་ལེ་བསྒོམ་པའི་མན་ངག་བཤད། །བསམ་གཏན་ཁང་པ་རྣམ་གཡེང་སྐྱེ་བོ་ཡི། །འདུ་འཛི་དང་བྲལ་
[271a.7]རྣམ་པར་དབེན་པའི་སར། །ཡོངས་སུ་འཛིན་པ་མ་ལུས་རྣམ་སྤངས་ཏེ། །མི་གཡོ་རྩེ་གཅིག་ཏིང་འཛིན་མཆོག་བསྒྲུབ་བྱ། །བདེ་བའི་སྟན་གནས་རྡོ་རྗེ་སྐྱིལ་ཀྲུང་དང་། །ལག་གཉིས་མཉམ་པར་གཞག་པའི་ཕྱག་རྒྱ་ཅན། །ལུས་བསྲངས་ནས་ནི་མགྲིན་པ་དགུག་པ་དང་། །མིག་
[271b]
[271b.1]གཉིས་སྣ་ཡི་རྩེ་མོར་མཉམ་སྦྱར་ཞིང་། །གང་ལ་རྒྱན་དང་ཆ་ལུགས་ཕྱག་མཚན་དང་། །མཚན་དང་དཔེ་བྱད་མ་ལུས་ཡོངས་རྫོགས་པ། །རང་སྣང་ཤེས་རབ་ཕག་མོ་དང་འདུས་པའི། །གཉིས་མེད་བདེ་བའི་རང་བཞིན་རང་ལྷའི་སྐུ། །སྒྱུ་མ་སྨིག་རྒྱུ་དྲི་ཟའི་གྲོང་ཁྱེར་དང་། །བར་
[271b.2]མའི་སྲིད་དང་ཆུ་ཟླ་ལྟ་བུ་ཡི། །ལུས་ཀྱི་དབུས་གནས་ས་སོགས་འབྱུང་བ་བཞི། །བྱམས་དང་སྙིང་རྗེ་དགའ་དང་བཏང་སྙོམས་དང་། །སྤྱན་སོགས་རིག་མ་བཞི་ཡི་བདག་ཉིད་དང་། །ཆོས་དང་ལོངས་སྤྲུལ་བདེ་བ་ཆེ་རང་བཞིན། །ཨེ་བཾ་མ་ཡཱ་རྩ་ཡི་འཁོར་ལོ་ལ། །དབྱངས་དང་
[271b.3]གསལ་བྱེད་བྱང་ཆུབ་ཡི་གེར་ལྡན། །རྡུལ་དང་སྙིང་སྟོབས་མུན་པའི་རང་བཞིན་གྱི། །རྩ་གསུམ་གྱིས་ནི་ཡང་དག་སྦྲེལ་བྱས་པ། །ཡོན་ཏན་སྐྱོན་གྱི་རང་བཞིན་རྩ་གཉིས་ལ། །བརྟེན་ནས་སྟེང་དང་འོག་གི་སྒོ་གཉིས་ནས། །འབྱུང་དང་འཇུག་པ་སྲོག་དང་རྩོལ་བ་ཡི། །གང་དུ་
[271b.4]མི་གཡོ་རྩེ་གཅིག་གྱུར་པ་ལས། །དང་པོ་རི་དགས་སྲེད་བཞིན་སྣང་བ་དང་། །མཚན་གཉིས་པ་དང་དུ་བའི་རྣམ་པ་ཅན། །གསུམ་པ་སྲིན་བུ་མེ་ཁྱེར་དང་འདྲ་ཞིང་། །བཞི་པ་སྒྲོན་མ་འབར་བ་ལྟ་བུ་དང་། །མཚན་མ་ལྔ་པ་རྣམ་པར་མ་བརྟགས་པར། །སྤྲིན་མེད་ནམ་མཁའ་ལྟ་བུ་འབྱུང་
[271b.5]འགྱུར་ཞིང་། །དེ་ཚེ་གང་དུ་ཡེ་ཤེས་མེ་འབར་བ། །གསལ་བ་གློག་གི་འོད་དང་མཚུངས་པ་ཡི། །སྟེང་དུ་འཕྲོ་བས་བདུད་རྩིའི་རྒྱུན་འབེབས་ཤིང་། །བདེ་ཆེན་རང་རིག་ཡེ་ཤེས་སྟེར་བར་བྱེད། །གང་ལ་བརྟེན་ནས་སྐྱེས་པའི་ཡེ་ཤེས་དང་། །རང་རིག་ལས་གཞན་བརྗོད་པར་མི་ནུས་
[271b.6]ཤིང་། །དངོས་དང་དངོས་མེད་རྟོག་པ་ལས་གྲོལ་བ། །བདེ་ཆེན་དེ་བཞིན་ཉིད་ལ་བདག་ཕྱག་འཚལ། །གང་ཞིག་སྐྱེས་པས་ཐོག་མེད་འཁོར་བ་ནས། །བསགས་པའི་སྒྲིབ་པ་མ་ལུས་ཀུན་སྤོང་བ། །གཉིས་མེད་བདེ་བ་ཆེན་པོའི་རང་བཞིན་གྱི། །གཉུག་མའི་ཡེ་ཤེས་དེ་ལ་
[271b.7]བདག་ཕྱག་འཚལ། །རྟོག་པ་གང་གིས་རྟོག་པ་ཀུན་གཅོད་ཅིང་། །སྣ་ཚོགས་སྣང་བའི་དངོས་ཀུན་དེར་མཚོན་པ། །བདེ་ཆེན་རང་རིག་ཡེ་ཤེས་གཅིག་པུ་པ། །གཉིས་མེད་རྟོགས་པའི་མཆོག་ལ་བདག་ཕྱག་འཚལ། །གང་ལ་བསྟོད་དང་གང་གིས་བསྟོད་པ་དང་། །ཇི་ལྟར་
[272a]
[272a.1]བསྟོད་ཅིང་ཕྱག་འཚལ་དང་བྲལ་བ། །སྤྲོས་ཚོགས་གདགས་པའི་མཐའ་ལས་རབ་འདས་པའི། །མཉམ་ཉིད་དེ་བཞིན་ཉིད་ལ་བདག་ཕྱག་འཚལ། །གང་ཞིག་གོམས་པ་མཐར་ཕྱིན་པས། །ཀུན་དུ་རྟོག་པ་ཀུན་སྤོང་ཞིང་། །རྣམ་པར་མི་རྟོག་ཡེ་ཤེས་
[272a.2]མཆོག །ཚེ་འདི་ཉིད་ལ་སྟེར་བར་བྱེད། །བརྟུལ་ཞུགས་སྤྱོད་འཆང་བླ་མེད་པ། །འབར་བའི་གཙོ་བོའི་བཀའ་དྲིན་ལས། །རྟོག་པའི་དོན་གང་འདིར་བསྡུས་པས། །འགྲོ་ཀུན་རྡོ་རྗེ་འཆང་ཐོབ་ཤོག །དཔལ་འཁོར་ལོ་སྡོམ་པའི་ལྷན་ཅིག་སྐྱེས་པའི་དེ་ཁོ་ན་ཉིད་སྣང་བ་སློབ་དཔོན་
[272a.3]ཆེན་པོ་དཔག་མེད་རྡོ་རྗེས་མཛད་པ། རྒྱ་གར་གྱི་མཁས་པ་དཱི་པཾ་ཀ་ར་རཀྵི་ཏ་དང་། ཨཱ་ཙཱརྱ་མར་པ་ཆོས་ཀྱི་དབང་ཕྱུག་གིས་བསྒྱུར་བའོ།། {T1505}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦ་རཏཏྟྭ་གརྦྷ་མཾ་ཧ། བོད་སྐད་དུ། དཔལ་འཁོར་ལོ་སྡོམ་པའི་སྙིང་པོའི་དེ་ཁོ་
[272a.4]ན་ཉིད་བསྡུས་པ། དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །གདོད་ནས་དག་ཅིང་གདོད་ནས་གྲོལ། །གདོད་ནས་ཞི་བའི་བདག་ཉིད་ཅན། །དངོས་པོ་ཀུན་གྱི་དེ་བཞིན་ཉིད། །གཟུང་འཛིན་བྲལ་ལ་ཕྱག་འཚལ་ལོ། །བལྟ་བར་དཀའ་ཞིང་རྟོགས་པར་དཀའ། །བརྗོད་འདས་ཚིག་
[272a.5]གིས་མཚོན་མིན་པར། །རང་གི་རིག་པའི་ཡེ་ཤེས་ནི། །གཉིས་མེད་གསལ་བའི་རང་བཞིན་ཅན། །གང་ཞིག་དྲི་མས་བསྒྲིབས་པའི་སེམས། །ཡུལ་དུ་སྣང་བའི་རྗེས་འཇུག་པ། །གཟུང་དང་འཛིན་པའི་རྟོག་པ་སྟེ། །ཆགས་སྡང་རྣམ་རྨོངས་ལས་ལ་ནི། །རྣམ་གཡེང་སྡུག་བསྔལ་དང་བཅས་པའི། །འཁོར་བ་
[272a.6]མངོན་པར་འགྲུབ་པའོ། །གང་གིས་བླ་མའི་དྲིན་ཐོབ་ནས། །སེམས་ཀྱི་དེ་ཉིད་རིག་པ་གང་། །རི་དབང་རྩེ་ནས་ལྷུང་བ་ལྟར། །གྲོལ་བའི་ཐབས་ནི་བླ་ན་མེད། །གཞན་དུ་དཀའ་ཐུབ་མི་བཟད་སོགས། །ལུས་ཉོན་མོངས་པར་བྱེད་པ་ཡིས། །ཐར་བའི་འབྲས་བུ་མི་རྙེད་པར། །སླར་
[272a.7]ཞིང་རྣམ་པར་འཁོར་བར་འགྱུར། །གང་གིས་སེམས་ཀྱི་དེ་ཉིད་རིག །དེ་ལས་གཞན་དུ་གྲོལ་བའི་ཐབས། །བཟླས་དང་བསམ་གཏན་ལ་སོགས་པ། །ཕ་རོལ་སྒོལ་བའི་གྲུ་བཞིན་འདོར། །དེ་བས་བཟླས་མེད་བསམ་གཏན་དང་། །དཀའ་ཐུབ་མེད་ཅིང་སྦྱིན་སྲེག་མེད། །
[272b]
[272b.1]དཀྱིལ་འཁོར་དཀྱིལ་འཁོར་བ་མེད་པ། །རང་རིག་ཡེ་ཤེས་གཅིག་པུ་ཉིད། །རྣམ་ཐར་བཞི་ཡི་རང་བཞིན་དང་། །དུས་གསུམ་མཁྱེན་པའི་བདག་ཉིད་ཅན། །རྟེན་འབྱེལ་བཅུ་གཉིས་དག་པ་ཡིས། །ཞལ་ཕྱག་རྣམ་པའི་གཟུགས་ཅན་ཉིད། །ཐབས་དང་ཤེས་རབ་དབྱེར་མེད་སྐུ། །
[272b.2]བྱང་ཆུབ་ཕྱོགས་ཆོས་སུམ་ཅུ་བདུན། །གཅིག་པུའི་ཉམས་ནི་དུ་མའི་གར། །དཀྱིལ་འཁོར་འཁོར་ལོའི་རྣམ་པའོ། །གང་གིས་དེ་ཡོངས་ཤེས་པ་ཡིས། །རང་བཞིན་དེ་ནི་རྟོགས་འགྱུར་ན། །གཞན་དུ་སྤྲོས་པ་སྣ་ཚོགས་ཀྱང་། །གྲོལ་བའི་རྒྱུ་ཉིད་ཁོ་ནའོ། །དེ་ཕྱིར་རང་རིག་མཚོན་
[272b.3]པ་ཡི། །ཐབས་ཀྱི་སྤྲོས་པ་སྣ་ཚོགས་པ། །གངྒཱའི་རྒྱ་མཚོའི་རོ་བཞིན་དུ། །སྤྲོས་པ་མེད་པའི་རང་བཞིན་བྱེད། །དེ་བས་གང་གིས་ཐབས་རིག་པས། །བསམ་གཏན་ལ་ནི་མངོན་པར་གཞོལ། །གཟིངས་ལ་ལེགས་པར་སྦྱོར་བ་ལྟར། །སེམས་ཀྱི་དེ་ཉིད་མཐོང་བར་འགྱུར། །འདིར་
[272b.4]ནི་ཕུང་པོ་ཁམས་རྣམས་དང་། །སྐྱེ་མཆེད་དྲུག་ལས་རྣམ་གྲོལ་བ། །སྒྱུ་མའི་གཟུགས་ལ་ལེགས་གནས་པའི། །ཨེ་བཾ་རྩ་ཡི་འཁོར་ལོ་ལ། །བཅུ་དྲུག་ཐོག་མར་ཐིག་ལེར་བཅས། །དྲོ་བ་རྣམས་ཀྱི་བཞི་པ་ལ། །དབྱངས་ཀྱི་དྲུག་པ་དང་ལྡན་པ། །ཟླ་ཕྱེད་ཐིག་ལེས་རྣམ་པར་མཛེས། །
[272b.5]དབྱངས་ཡིག་བཅུ་གསུམ་ཐིག་ལེས་བརྒྱན། །ཡ་ཚོགས་བརྒྱད་པའི་མཐའ་གནས་པ། །གཞོམ་མེད་བདེ་བ་ཆེ་རང་བཞིན། །ནཱ་ད་ཐིག་ལེ་དང་བཅས་པའོ། །སྲོག་དང་རྩོལ་བ་ལེགས་བསྡམས་ཏེ། །སྤྲུལ་པར་རླུང་ལྔ་བཅིངས་པ་ཡིས། །དུ་བ་ལ་སོགས་རྟགས་མཐོང་
[272b.6]ནས། །ཡེ་ཤེས་མེ་ནི་རྣམ་པར་འབར། །གློག་གི་འོད་དང་མཚུངས་པ་ཡི། །གསལ་བའི་གཟུགས་ཅན་བྱིན་འགྲོ་བས། །སྟེང་ནས་བྱང་ཆུབ་སེམས་བླངས་ཏེ། །འོ་མའི་རྒྱུན་གྱི་རྣམ་པར་འབབ། །ལྟེ་བར་གསང་བའི་སྙོམས་འཇུག་ལས། །ཡེ་ཤེས་སྐྱེས་གང་རང་བཞིན་ནི། །
[272b.7]འདོད་ཆགས་མ་ཡིན་ཆགས་བྲལ་མིན། །དབུ་མར་ཡང་ནི་མི་དམིགས་ཤིང་། །ཆགས་དང་ཆགས་མེད་འདྲེས་གྱུར་པའི། །ལྷན་སྐྱེས་ཡང་དག་བྱང་ཆུབ་ཉིད། །ཟླ་བ་ཉི་མའི་དབུས་གནས་པའི། །ནམ་མཁའ་སེམས་གཅིག་གྱུར་པ་ལས། །རླུང་རྣམས་མ་ལུས་དེར་བཅིངས་
[273a]
[273a.1]ཏེ། །ཡིད་ནི་རི་བོང་ལྟར་གནས་བྱེད། །ཉིན་དང་མཚན་མོ་རྣམས་སྤངས་ཤིང་། །འགྲོ་དང་འོང་བ་ལས་གྲོལ་བ། །དུས་གསུམ་མཉམ་པར་སྦྱོར་བའོ། །བསམ་གྱིས་མི་ཁྱབ་བདེ་བ་ཆེ། །རང་བཞིན་གཉུག་མ་ལྷན་ཅིག་སྐྱེས། །དངོས་པོ་ཀུན་རྨི་དེ་ཁོ་ན། །སེམས་
[273a.2]ཀྱི་དེ་ཉིད་མཐོང་བ་པོ། །རང་བཞིན་གྱིས་ནི་རྣམ་དག་པ། །གཟུང་འཛིན་དྲི་བྲལ་མངོན་སངས་རྒྱས། །དམིགས་མེད་སྙིང་རྗེའི་བདག་ཉིད་ཅན། །འཁོར་བ་ཇི་སྲིད་གནས་ཀྱི་བར། །འགྱུར་བ་མེད་པའི་ངོ་བོས་བཞུགས། །རིན་ཆེན་སེམས་ལས་གཞན་གྱུར་པ། །འཁོར་མེད་
[273a.3]མྱ་ངན་འདས་པ་མེད། །སེམས་ཀྱི་དེ་ཉིད་རིག་པ་ལ། །འཁོར་ཉིད་མྱ་ངན་འདས་པར་འགྱུར། །དཔལ་ལྡན་མགོན་པོ་སྤྱོད་འཆང་བའི། །དྲིན་གྱིས་རྟོགས་པ་དེ་ཉིད་གང་། །གཞུང་ལུགས་རྒྱ་མཚོའི་སྙིང་པོ་ཡིས། །འགྲོ་བའི་སྒྲིབ་ཤེས་སྒྲིབ་སེལ་ཤོག །དཔལ་འཁོར་ལོ་སྡོམ་པའི་སྙིང་
[273a.4]པོ་དེ་ཁོ་ན་ཉིད་བསྡུས་པ་སློབ་དཔོན་ཀུ་ས་ལི་པས་མཛད་པ་རྫོགས་སོ།། རྡོ་རྗེ་སློབ་དཔོན་ངག་གི་དབང་ཕྱུག་དང་། ཨཱ་ཙཱ་རྱ་མར་པ་ཆོས་ཀྱི་དབང་ཕྱུག་གིས་བསྒྱུར་བའོ།། {T1506}༄༅༅། །རྒྱ་གར་སྐད་དུ། ས་ཧ་ཛ་ཏཏྟྭ་ཨཱ་ལོ་ཀ །བོད་སྐད་དུ། །ལྷན་ཅིག་སྐྱེས་པའི་དེ་ཁོ་ན་
[273a.5]ཉིད་སྣང་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཀུན་སྤྱོད་མངོན་པར་འབྱུང་བརྗོད་སོགས། །རྒྱུ་རྣམས་ཀུན་དུ་སྦས་པ་ཡི། །ཟབ་མོའི་དེ་ཉིད་གསང་ཆེས་པ། །བླ་མའི་དྲིན་གྱིས་རྟོགས་པས་བཤད། །བརྟག་དཀའ་རྟོག་གེའི་ཡུལ་མིན་ཞིང་། །ཟབ་མོ་སྤྲོས་པ་ཉེར་ཞི་བ། །
[273a.6]ལྐུགས་པ་ཡི་ནི་རྨི་ལམ་དང་། །གཞོན་ནུས་མྱོང་བའི་བདེ་བ་ལྟར། །ཚིག་གིས་མཚོན་མིན་རང་རིག་པ། །སེར་སྣ་མེད་སོགས་ཚུལ་བཞི་ཡིས། །བླ་མ་ཉེ་བར་བསྟེན་པ་ཡི། །དྲིན་ཐོབ་ཤེས་རབ་ཡེ་ཤེས་ཀྱི། །སྐད་ཅིག་གསུམ་པར་གང་སྐྱེས་པ། །དོན་མཚུངས་མཚོན་པས་དཔེར་ཉིད་དེ། །
[273a.7]ཁྱིམ་གནས་བུ་གའི་ནམ་མཁའ་དང་། །དམུས་ལོང་གླང་ཆེན་ཡན་ལག་ལྟར། །དོན་མཐོང་མ་ཡིན་འབྲས་ཟན་གྱི། །སྤགས་པའི་བུ་རམ་རོ་བཞིན་ནོ། །ཆ་ཤས་དང་ནི་རྫོགས་པ་དང་། །སྒྲིབ་བཅས་སྒྲིབ་པ་དང་བྲལ་བའི། །དབྱེ་བ་ལས་ནི་རྣམ་རྨོངས་པས། །ཆོས་མ་ཐག་དང་གང་
[273b]
[273b.1]བ་ཡི། །ཟླ་བ་སྤྲིན་གྱིས་བསྒྲིབས་པ་དང་། །གསལ་བའི་བྱེ་བྲག་མ་ཤེས་སོ། །དེ་ལྟ་ན་ཡང་དེར་མྱོང་བ། །བླ་མའི་གསུང་གིས་ལེགས་མཚོན་ཏེ། །རྒྱུད་དུ་ཡང་དག་གོམས་པ་ལས། །དང་བའི་ཆུ་ལ་ཟླ་བ་དང་། །མིག་དག་པ་ལ་གཟུགས་བཞིན་དུ། །གསལ་བར་འགྱུར་གྱི་ཡིད་ཆེས་གྱིས། །
[273b.2]དངོས་པོ་སྣ་ཚོགས་སྣང་འདི་རྣམས། །སེམས་ལས་ཕྱི་རོལ་འགྱུར་མེད་ཀྱང་། །རང་རིག་བག་ཆགས་དབང་བྱས་ནས། །ཡུལ་དང་དབང་པོར་སྣང་བའི་སེམས། །དབང་པོའི་ལམ་ན་རྗེས་འགྲོ་བས། །ཡུལ་རྣམས་ལ་ནི་མངོན་ཞུགས་ཏེ། །ཆགས་སོགས་ཉོན་མོངས་རྒྱུར་གྱུར་པ། །ལས་
[273b.3]ཀྱི་ཤིང་རྟའི་འཁོར་ལོ་ལྟར། །ཡུན་རིང་སྲིད་པར་ཡང་དང་ཡང་། །སྡུག་བསྔལ་དང་བཅས་རྣམ་པར་འཁོར། །ནང་དུ་ཡང་དག་འཇོག་པ་ཡི། །ཐབས་ཀྱིས་དེ་ལས་རྣམ་བཟློག་ནས། །རླུང་བྲལ་མར་མེ་ལྟ་བུ་ཡི། །རྣལ་འབྱོར་རྒྱུན་དུ་གོམས་བྱས་ནས། །མ་རྙོག་ལྟེང་ཀའི་ཆུ་བཞིན་དུ། །རང་
[273b.4]གི་དེ་ཉིད་གསལ་མཐོང་འགྱུར། །ཤིན་ཏུ་བཞིན་བཟངས་མིག་ཡངས་མ། །གཟུགས་བཟང་ལང་ཚོ་ཕུན་ཚོགས་པ། །ཁྲོ་མེད་རྗེས་སུ་བརྩེ་བ་དང་། །དད་དང་ཐོས་སོགས་ཡོན་ཏན་ཅན། །སྒྲུབ་ལས་གཞན་དུ་མི་བལྟ་ཞིང་། །སྐལ་བཟང་བྱེད་པ་འཆིང་བ་ཡི། །སྦྱོར་བ་ལ་ནི་རབ་གོམས་པ། །མི་མོ་
[273b.5]དངོས་གྲུབ་ས་གཞི་ཡིན། །དེ་དང་ལྷན་ཅིག་དབེན་པར་གནས། །སྟོབས་བཟང་མྱོས་བྱེད་བཅས་བཟའ་ཞིང་། །བལྟ་བ་དང་ནི་རིག་པ་དང་། །འཁྱུད་དང་མ་མཆུའི་རོ་མྱངས་པས། །རྗེས་སུ་ཆགས་པར་འགྱུར་བ་ནི། །མཚན་མའི་དབྱེ་བས་གསལ་རྟོགས་བྱ། །ཆགས་པ་ཆེན་པོས་རབ་རྒྱས་
[273b.6]རྩ། །འཚིར་དང་ཟློས་པའི་སྦྱོར་བ་ཡིས། །མངོན་སུམ་ལྕེ་ཡི་ཐུར་མས་དྲངས། །ནོར་བུའི་ནང་དུ་ལེགས་ཆུད་པས། །མུན་པ་ལ་ནི་མར་མེ་ལྟར། །གསལ་བར་ངེས་ཀྱིས་གཞན་དུ་མིན། །དེ་ཉིད་དུ་ནི་ཡེ་ཤེས་མཆོག །སྡོམ་བྱ་ཐུན་ནམ་ཉིན་གཅིག་གམ། །ཟླ་ཕྱེད་ཟླ་གཅིག་ཁྱུད་ཀོར་
[273b.7]དང་། །བསྐལ་པ་བསྐལ་པ་སྟོང་དག་ཏུ། །དེ་གོམས་པ་ལས་མི་འགྱུར་བའི། །ཡེ་ཤེས་དམ་པ་འཐོབ་པར་འགྱུར། །དེར་ནི་ལེགས་འདུའི་དམ་ཚིག་རྫས། །རླུང་གི་སྟོབས་ཀྱིས་ཐོབ་པའམ། །དམན་པའི་སེམས་ཀྱིས་དོར་མིན་པས། །ཕྱི་རོལ་ནས་ནི་ལྕེས་བླང་བྱ། །བླ་མའི་དྲིན་ཐོབ་
[274a]
[274a.1]དགའ་བ་ཡིས། །སེམས་ཀྱི་ཟབ་མོའི་དེ་ཁོ་ན། །ལེགས་བཀོད་གང་འདིས་འགྲོ་བ་རྣམས། །གཉུག་མའི་ལམ་གྱི་བགྲོད་གྲུབ་ཤོག །དཔལ་འཁོར་ལོ་སྡོམ་པའི་ལྷན་ཅིག་སྐྱེས་པའི་དེ་ཁོ་ན་ཉིད་སྣང་བ་སློབ་དཔོན་ཀུ་ས་ལི་པས་མཛད་པ་རྫོགས་སོ།། །།
[274a.2]{T1507}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦྦ་ར་ཏདྷྭ་ཨུ་པ་དེ་ཤ། །བོད་སྐད་དུ། དཔལ་འཁོར་ལོ་སྡོམ་པའི་དེ་ཁོ་ན་ཉིད་ཀྱི་མན་ངག །དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །དག་པའི་དེ་ཉིད་མཚོན་པ་ཡི། །ཨེ་ཝཾ་སྦྱོར་བ་ལས་སྐྱེས་པ། །མཁའ་མཉམ་དྲི་མ་རྣམ་སྤངས་པའི། །
[274a.3]དབྱེར་མེད་ཆོས་ལ་ཕྱག་འཚལ་ལོ། །རྒྱུད་རྣམས་ཀུན་དུ་ཆེས་གསང་བ། །བླ་མ་རིམ་བརྒྱུད་ལས་འོངས་ནས། །ཇི་བཞིན་བདག་གིས་ངེས་རྟོགས་པ། །དེ་འདིར་རྣམ་པར་གསལ་བར་བྱ། །འཁོར་ལོ་སྡོམ་པ་པདྨའི་ཚལ། །སྤྱོད་འཆད་གསུང་གི་ཉི་ཟེར་གྱིས། །ཕྱེ་བས་ལེགས་ཐོབ་སྙིང་
[274a.4]པོ་མཆོག །འགྲོ་རྣམས་ཚིམས་པར་བྱེད་པ་འདིའོ། །གང་དུ་བསྐལ་པ་གྲངས་མེད་པར། །འབད་ཀྱང་འདོད་དོན་མི་འཐོབ་པ། །དེ་འདིར་ཚེ་འདི་ཉིད་སོགས་ཀྱི། །དངོས་གྲུབ་གོ་འཕང་བླ་མེད་འགྱུར། །ལུས་གདུང་སེམས་ནི་གཡེང་བྱེད་པའི། །དཀའ་ཐུབ་ལ་སོགས་རྣམ་སྤངས་
[274a.5]ཏེ། །འདོད་པ་ཉེ་བར་བརྟེན་པ་ཡི། །ལམ་གྱིས་བདེ་བའི་འབྲས་བུ་བསྒྲུབ། །གང་ཞིག་བརྟེན་པས་ཡུལ་ཀུན་གྱི། །བདེ་བས་ཡོངས་སུ་ཚིམས་བྱེད་ཅིང་། །སྤྱོད་དང་གྲོལ་བའི་འབྲས་སྟེར་བ། །མཚན་ཉིད་ཕུན་སུམ་ཚོགས་ལྡན་པའོ། །འཇིག་རྟེན་རྟོག་པས་བརྟགས་པ་ཡི། །རིགས་
[274a.6]ཀྱི་ཞེན་པ་ཀུན་སྤངས་ནས། །དབྱིབས་དང་ཁ་དོག་ལོང་ཚོ་དང་། །ན་ཚོད་ལ་སོགས་རྗེས་མཐུན་ཞིང་། །དམ་ཚིག་སྤྱོད་པ་སོགས་བརྟེན་པའི། །ཡོན་ཏན་རྣམས་ཀྱི་རྟེན་གྱུར་པ། །བརྟེན་པས་སྒྲུབ་པོ་དབང་ཕྱུག་གི །དངོས་གྲུབ་ཀུན་གྱི་གཞི་བྱེད་པའོ། །ལེགས་བརྟགས་ཤིན་ཏུ་
[274a.7]ལེགས་རྟོགས་པ། །བརྟེན་བྱ་དེ་ལས་གཞན་དུ་ནི། །ཆགས་སོགས་འཇིག་རྟེན་དབང་གྱུར་པས། །བརྟེན་ནས་སྤྱོད་སྡུག་བསྔལ་འགྱུར། །ཆགས་ཅན་ཡེ་ཤེས་མངོན་འདོད་པས། །ཚུལ་འདི་ཉིད་ཀྱིས་བགྲོད་བྱ་ཡི། །དེ་ལས་གཞན་པའི་ལམ་གྱིས་ནི། །ནམ་ཡང་གྲུབ་ལ་
[274b]
[274b.1]བརྟེན་མི་འགྱུར། །ཤིན་ཏུ་དབེན་པའི་སར་གནས་ཏེ། །འཇིག་རྟེན་གཡེང་བ་ཀུན་སྤངས་པས། །བདེ་བའི་ཡེ་ཤེས་འཕེལ་བྱེད་པའི། །རྗེས་མཐུན་ལོངས་སྤྱོད་བརྟེན་པ་དང་། །རིགས་དང་ཡང་དག་སྦྱོར་བའི་སེམས། །མི་མཉམ་བདེ་བའི་རྟེན་གྱུར་པ། །དེ་འདིར་རང་གི་སྟོབས་ཀྱིས་སམ། །
[274b.2]དེ་བཞིན་ཕྱག་རྒྱའི་སྟོབས་ཀྱིས་ཀྱང་། །ནོར་བུའི་ནང་སོན་དབྱེར་མེད་པས། །བདེ་མཆོག་བླ་ན་མེད་གོམས་བྱ། །དེ་གོམས་པ་ཡི་སྦྱོར་བ་ཡིས། །རས་དཀར་ལ་ནི་སྣུམ་དང་ནི། །ཟས་ལ་བཅུད་ཀྱིས་ཕུག་པ་དང་། །ཆབ་རོམ་ལས་ནི་ཆུ་ཉིད་དང་། །ཆུ་རྣམས་ལས་ཀྱང་རྒྱ་མཚོ་དང་། །ཆུ་རླབས་
[274b.3]ལས་ནི་ཆུ་བཞིན་འགྱུར། །གང་ཞིག་མཆོག་ཏུ་གོམས་པའི་མཐུས། །སྣ་ཚོགས་སྣང་བ་དེར་འགྱུར་ཏེ། །ཇི་ལྟར་བུ་རམ་ལས་བྱས་གཟུགས། །སྣ་ཚོགས་མངར་བའི་རོ་བཞིན་ནོ། །གང་འདིར་ཐུན་ནམ་ཉིན་གཅིག་གམ། །ཟླ་ཕྱེད་ཟླ་གཅིག་ཁྱུད་ཀོར་དུ། །གོམས་པས་བསྐལ་མང་བྱེ་སྟོང་དུ། །
[274b.4]མི་འགྱུར་བ་ཡི་ཡེ་ཤེས་ཐོབ། །འཁོར་ལོ་སྡོམ་དཔལ་གཞུང་ལུགས་ལས། །བླ་མའི་དྲན་གྱིས་ལེགས་ཐོབ་པ། །དེ་འདིར་བདག་གིས་གསལ་བྱས་པས། །དགེ་དེས་འགྲོ་ཀུན་བླ་མེད་ཤོག །དཔལ་འཁོར་ལོ་སྡོམ་པའི་དེ་ཁོ་ན་ཉིད་ཀྱི་མན་ངག་ཀུ་ས་ལི་པས་མཛད་པ་རྫོགས་སོ།། །།
[274b.5]ཁ་ཆེའི་མཁས་པ་བྷ་དྲ་བོ་དྷི་དང་། ལོ་ཙཱ་བ་མར་པ་ཆོས་ཀྱི་དབང་ཕྱུག་གིས་བསྒྱུར་བའོ།། {T1508}༄༅༅། །རྒྱ་གར་སྐད་དུ། ཤྲཱི་ཙཀྲ་སམྦ་ར་ཨ་དྭེ་ཏེ་དྷྱཱ་ནོ་པ་དེ་ཤ་ཡོ་ག་ཙཎྜ་ལཱི། བོད་སྐད་དུ། དཔལ་འཁོར་ལོ་སྡོམ་པའི་གཉིས་སུ་མེད་པའི་བསམ་གཏན་གྱི་མན་ངག་རྣལ་འབྱོར་གྱི་གཏུམ་
[274b.6]མོ། དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །གང་ལ་དམིགས་པས་སྲིད་པར་འཆིང་བ་ཡི། །གཟུང་དང་འཛིན་པའི་རྣམ་རྟོག་ཀུན་གཅོད་ཅིང་། །རྣམ་པར་མི་རྟོག་ཡེ་ཤེས་མཆོག་འཆར་བའི། །གཉིས་མེད་རྩེ་ཡི་འཁོར་ལོ་ལ་ཕྱག་འཚལ། །གང་ཞིག་གོམས་པས་ས་གསུམ་མ་ལུས་
[274b.7]པའི། །རང་བཞིན་བདེ་བ་ཆེན་པོ་རྟོགས་འགྱུར་བའི། །རང་རིག་ཡེ་ཤེས་བདེ་ཆེན་གཅིག་པུ་པ། །གང་ལ་བརྟེན་ནས་རྟོག་པའི་མན་ངག་བཤད། །སྲིད་པའི་བཙོན་རར་གཟུང་འཛིན་འཆིང་བ་ཡི། །བཅིང་བས་བཅིངས་སྡུག་མགོན་མེད་གྱུར་པ་ལ། །སྙིང་རྗེའི་རླན་གྱིས་ཉེ་བར་བསྒོས་པ་ཡི། །
[275a]
[275a.1]ཡང་དག་བྱང་ཆུབ་སེམས་ལྡན་དབང་བསྐུར་བས། །ཡིད་འོང་ཁང་པར་བདེ་བའི་སྟན་གནས་ཏེ། །ལྷ་ཡི་བསམ་གཏན་མཆོག་ལ་རབ་གཞོལ་བའི། །ལུས་གནས་ཐབས་དང་ཤེས་རབ་རང་བཞིན་ཅན། །སྤྱི་བོ་ལྟེ་བར་གནས་པའི་རྩ་འཁོར་ལོ། །གང་ལ་བཅུ་དྲུག་ཐོག་མར་
[275a.2]ཡི་གེ་ཐིག་ལེར་ལྡན། །དྲོ་བའི་བཞི་པ་གཞོམ་མེད་རང་བཞིན་ཅན། །ཨ་ཝ་དྷཱུ་ཏཱི་ཀུན་ནས་སྦྲེལ་བ་ཡི། །འཁོར་ལོའི་དབུས་གནས་བྱང་ཆུབ་ཡི་གེ་ཐིག་ལེ་ལ། །རྩེ་གཅིག་ཡིད་ཀྱིས་འབྱུང་དང་འཇུག་སྤངས་ཏེ། །དྲོད་དང་དུ་བ་འཐུལ་དང་འབར་བ་ལས། །རླུང་བྲལ་མར་མེ་འབར་བའི་རྩེ་
[275a.3]ལྟ་བུ། །གློག་གི་འོད་ལྟར་ཀུན་ནས་གསལ་བའི་གཟུགས། །གྱེན་འགྲོས་སྟེང་གི་འཁོར་ལོའི་དབུས་གནས་པའི། །གཞོམ་མེད་ས་བོན་ཧཾ་ཡིག་བཞུ་བྱས་ཏེ། །གང་ལ་བརྟེན་ནས་ཡེ་ཤེས་མཆོག་སྐྱེ་བའི། །བྱང་ཆུབ་རང་བཞིན་འོ་མའི་རྒྱུན་འབབ་པས། །གང་དུ་ཐབས་དང་ཤེས་
[275a.4]རབ་འདྲེས་གྱུར་པ། །དེ་རུ་གཉིས་མེད་ཡེ་ཤེས་སྐྱེ་བར་འགྱུར། །རང་གིས་རང་རིག་པ་ཡི་ཡེ་ཤེས་མཆོག །རྟོག་གེ་རྣམས་ཀྱིས་བརྟག་པའི་ཡུལ་མིན་ཞིང་། །བརྗོད་བྲལ་ཡེ་ཤེས་ལྐུགས་པའི་རྨི་ལམ་དང་། །ཇི་ལྟར་གཞོན་ནུ་མ་ཡི་དབང་པོ་གཉིས། །འདུས་ལས་མྱོང་བའི་བདེ་བ་ཇི་
[275a.5]བཞིན་པ། །དེ་བཞིན་རང་རིག་ཡེ་ཤེས་སྐྱེ་བར་འགྱུར། །གང་ཚེ་སྐྱེས་པའི་བདེ་བ་ཆེ་གོམས་པས། །དེ་ལས་གཞན་པའི་དངོས་པོ་མཐོང་མེད་ཅིང་། །སྣ་ཚོགས་སྣང་བའི་དངོས་འདི་མ་ལུས་པ། །རང་བཞིན་བདེ་བ་ཆེན་པོར་འཆར་བར་འགྱུར། །དེ་ཚེ་མིག་སོགས་དབང་པོའི་ཡུལ་སྣང་
[275a.6]བའི། །གཟུགས་ལ་སོགས་པའི་དངོས་འདི་མ་ལུས་པ། །སྒྱུ་མ་སྨིག་རྒྱུ་དྲི་ཟའི་གྲོང་ཁྱེར་དང་། །བར་མའི་སྲིད་དང་ཆུ་ཡི་ཟླ་བ་དང་། །སྣང་བརྙན་སེང་གེ་ཟླ་བའི་གྲོང་བཞིན་དུ། །མ་ལུས་རང་བཞིན་གཅིག་པ་མཐོང་བར་འགྱུར། །དེ་ཚེ་ཐོག་མེད་སྲིད་པའི་བཙོན་ར་རུ། །བསགས་
[275a.7]པའི་འཆིང་བ་མ་ལུས་ཀུན་བཅད་ནས། །གཉིས་མེད་ཡེ་ཤེས་བདེ་བ་ཆེན་པོ་ཡི། །གོ་འཕང་བླ་ན་མེད་པ་ཐོབ་པར་འགྱུར། །དཔལ་འཁོར་ལོ་སྡོམ་པའི་གཉིས་སུ་མེད་པ་བསམ་གཏན་གྱི་མན་ངག །རྣལ་འབྱོར་གྱི་གཏུམ་མོ། སློབ་དཔོན་ཆེན་པོ་དགེ་བའི་མགོན་པོས་མཛད་པ་
[275b]
[275b.1]རྫོགས་སོ།། །།བལ་པོའི་པཎྜི་ཏ་བཱ་གཱི་ཤྭ་ར་དང་ལོ་ཙཱ་བ་ཨཱ་ཙཱ་ཪྻ་མར་པ་ཆོས་ཀྱི་དབང་ཕྱུག་གིས་བསྒྱུར་བའོ།། {T1509}༄༅༅། །རྒྱ་གར་སྐད་དུ། ལཱུ་ཡི་པཱ་དཱ་བྷི་ས་མ་ཡ་བརྟི་སམྦ་རོ་དྱ་ནཱ་མ། བོད་སྐད་དུ། ལཱུ་ཡི་པའི་མངོན་པར་རྟོགས་པའི་འགྲེལ་པ་སྡོམ་པ་འབྱུང་བ་ཞེས་བྱ་བ།
[275b.2]དཔལ་ལྡན་ལཱུ་ཡི་པ་ལ་ཕྱག་འཚལ་ལོ། །བཱ་རཱ་རླུང་དང་མེ་དག་གིས། །བདེ་བ་ཆེན་པོའི་འཁོར་ལོ་ཧཾ། །གང་གིས་ཞུ་བྱེད་བཱ་རཱ་ཧི། །དེ་ལ་འཁོར་བ་གནས་པར་འདུད། །འདི་མངའི་སྟོན་པ་འགྲོ་བ་དག་དང་གཉིས་མེད་བདག །ཤེས་རབ་མ་ཡི་ཁམས་ལྡན་བདེ་བ་ཆེན་པོའི་བདག །ཤེས་
[275b.3]རབ་ཐུགས་རྗེ་དབྱེར་མེད་ནམ་མཁའ་ལྟ་བུའི་བདག །དེ་ཉིད་སྒྲུབ་ཐབས་དེ་སྒོམ་བྱེད་པ་བདག་གིས་བཤད། །དང་པོར་རི་སྤྱིལ་ལ་སོགས་པར། །ལྷོ་ཕྱོགས་ཁ་བསྟན་རྣལ་འབྱོར་པ། །སྐྲ་གྲོལ་རོ་ལ་འདུག་ནས་ནི། །བདུད་རྩི་ལྔ་པོ་ཁར་བཅུག་ལ། །ཤྲཱི་ཧེ་རུ་ཀ་ཞེས་ཡིག་དོན། །བསམ་
[275b.4]ཞིང་སྡོམ་པའི་ཚུལ་དུ་བསྒྱུར། །ཨཱ་ལི་ཀཱ་ལིའི་འོད་ཟེར་གྱིས། །བགེགས་བསྲེགས་ཚངས་པའི་གནས་བཞི་བསྒོམ། །གཟུགས་ལ་རྒྱལ་བ་རྣམ་སྣང་མཛད། །ཚོར་བ་རྡོ་རྗེ་ཉི་མར་བསྒོམ། །འདུ་ཤེས་པདྨ་གར་དབང་ཕྱུག །རྡོ་རྗེ་རྒྱལ་པོ་འདུ་བྱེད་ལ། །རྣམ་ཤེས་ཕུང་པོ་རྡོ་རྗེ་
[275b.5]ཅན། །ཐམས་ཅད་སྟོང་ཉིད་ཧེ་རུ་ཀའོ། །རིམ་པར་དཔྲལ་བ་ལྟེ་བ་མགྲིན། །རྐང་པ་སྙིང་དང་སྤྱི་བོར་རོ། །གཏི་མུག་རྡོ་རྗེ་མིག་དག་ལ། །ཞེ་སྡང་དག་བྱེད་སྙན་གཉིས་ལ། །སྣ་ལ་སེར་སྣ་གསོད་བྱེད་མ། །ཁ་ལ་འདོད་ཆགས་རྡོ་རྗེ་སྟེ། །ཕྲག་དོག་རྡོ་རྗེ་ལུས་དཔྲལ་ལ། །
[275b.6]བྱང་ཆུབ་སེམས་དཔའ་དབང་ཕྱུག་སྦྱིན། །སྐྱེ་མཆེད་རྣམས་ཀྱི་རང་སྙིང་ལའོ། །ས་ཡི་ཁམས་ནི་ལྟུང་བྱེད་མ། །ཆུ་ཡི་ཁམས་ནི་གསོད་བྱེད་མ། །མེ་ཡི་ཁམས་ནི་འགུགས་བྱེད་མ། །རླུང་ཁམས་གར་གྱི་དབང་ཕྱུག་མ། །ནམ་མཁའི་རང་བཞིན་པད་འབར་མ། །འདི་
[275b.7]རྣམས་རིམ་པས་ལྟེ་བ་སྙིང་། །མགྲིན་པ་དཔྲལ་བ་གསང་གནས་སུ། །ཡང་ན་གཟུགས་ལ་སོགས་པ་རྣམས། །གཟུགས་བརྙན་ལ་སོགས་བཞིན་དུ་བསམ། །དེ་ནས་གཡོན་པའི་མཐེབ་མཛུབ་ཀྱིས། །སེ་གོལ་གཏོགས་པ་སྔོན་བཏང་ནས། །སུམྦྷ་ལ་སོགས་
[276a]
[276a.1]སྔགས་བཞི་པོ། །རྩེ་གཅིག་རྣལ་འབྱོར་བརྗོད་པ་ཡིས། །ནག་པོ་ལྗང་གུ་དམར་པོ་སེར། །ཤར་ལ་སོགས་པའི་ཕྱོགས་སུ་དགོད། །ས་འོག་ཚངས་པའི་གནས་བར་དུ། །ཁྱབ་པའི་ལུས་ཆེན་འབར་བ་རྣམས། །སུམྦྷ་ལ་སོགས་འོད་ཟེར་གྱི། །ར་བ་བཞི་པོ་
[276a.2]དེ་བཞིན་བསམ། །ཧཱུཾ་བྱུང་ངེས་མཚན་རྡོ་རྗེ་ཡི། །སྣ་ཚོགས་རྡོ་རྗེའི་རང་བཞིན་ས། །འོག་ཁྱབ་རྡོ་རྗེའི་འོད་རྣམས་ཀྱིས། །རྡོ་རྗེ་རྩེ་ལྔར་གྱུར་པ་ཡི། །ར་བ་རྣམས་སྟེང་མདའ་དྲ་བ། །དེ་ཡི་འོག་ཏུ་རྡོ་རྗེའི་གུར། །དེ་འོག་རྡོ་རྗེ་བླ་རེ་ཡང་། །རང་རང་སྔགས་ཀྱིས་བསམ་པར་བྱ། །ཁྭ་
[276a.3]གདོང་མ་ལ་སོགས་པ་བཞི། །གསང་སྔགས་བཞི་ལས་བྱུང་བ་དང་། །གཉིས་གཉིས་ཕྱོགས་འོད་ལས་བྱུང་བ། །གཤིན་རྗེ་བརྟན་མ་ལ་སོགས་བཞི། །ཞལ་གཅིག་ཕྱག་གཉིས་དེ་རྣམས་བརྒྱད། །ལྟེ་བ་མན་ཆད་ཕུར་པའི་གཟུགས། །དེ་རྣམས་གཡོན་ན་ཕུར་བུ་ནི། །དེ་དང་དེ་ཡི་ངང་
[276a.4]ཚུལ་ཅན། །གཡས་པའི་ལག་པ་རྣམས་ན་ནི། །རྡོ་རྗེའི་ཐོ་བ་ཆེན་པོ་འཛིན། །འཕྲོས་ཏེ་སོང་བས་ཕྱོགས་བཅུ་ན། །གནས་པའི་བགེགས་རྣམས་རབ་བཀུག་ནས། །ཧཱུཾ་རིང་བརྗོད་འབྱུང་ཕྱོགས་བརྒྱད་ཀྱི། །ཁྲོན་པར་དེ་རྣམས་རབ་བཅུག་ནས། །གདབ་པའི་སྔགས་ཀྱིས་ཕུར་བུས་
[276a.5]གདབ། །བརྡུང་བའི་སྔགས་ཀྱིས་བརྡུང་བྱ་སྟེ། །གདབ་དང་བརྡུང་པ་དག་གིས་ནི། །དེ་བཞིན་ཉིད་དུ་རོ་གཅིག་འགྱུར། །བགེགས་ཀྱི་ལྷག་མ་རྣམས་བསྐྲད་ནས། །ར་བ་ལ་ཐིམ་ལྷ་མོ་རྣམས། །ཆུ་ལ་ཆུ་ནི་འབབ་པ་བཞིན། །མཚམས་ཀྱི་བཅིངས་པའི་ཕྱིར་བྱུང་བ། །རྡོ་རྗེ་པདྨ་འཁོར་ལོ་ཡི། །
[276a.6]ར་བ་རྣམས་ཀྱང་བསམ་པར་བྱ། །གསང་སྔགས་རྣམས་ནི་འདི་ལྟ་སྟེ། །ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོཿ་བྷ་ག་ཝཱ་ན། བཛྲ་རཱ་ཛ་ཧཱུཾ་ཧཱུཾ་ཕཊ། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཱ་ན་ཧཱུཾ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་
[276a.7]ཧཱུཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་བཛྲ་དྷ་ར་ཨཱཛྙཱ་པ་ཡ་ཏི་སརྦ་བི་གྷྚཱཾ་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། ཨོཾ་བཛྲ་མུདྒ་ར་བཛྲ་ཀཱི་ལ་ཡ་ཨཱ་ཀོ་ཊ་ཡ་ཧཱུཾ་ཕཊ། དེ་ནས་སྙིང་གར་ཨ་ལས་ཟླ་བའི་དཀྱིལ་འཁོར་ཏེ། དེ་ཡི་སྟེང་དུ་ཧཱུཾ་ཡིག་འོད་ཟེར་དང་ལྡན་བསམ་བྱས་ནས། །དེ་ཡི་འོད་ཀྱིས་བཀུག་ནས་མདུན་དུ་
[276b]
[276b.1]དཀྱིལ་འཁོར་ལ། །ཕྱག་འཚལ་ལ་སོགས་བདུན་དང་བདག་ཉིད་དབུལ་བར་བྱ། །ཧེ་རུ་ཀ་ཞེས་སྤྱི་བོ་མགྲིན་པ་སྙིང་ག་རུ། །རིམ་པས་བལྟས་ཏེ་སྟོང་པ་ཉིད་བསྒོམ་གསང་སྔགས་བརྗོད། །ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷཱ་བ་ཤུདྡྷོ྅ཧཾ། སྔོན་གྱི་སྨོན་ལམ་དབང་གིས་རང་སེམས་ཨོཾ་སོགས་གྱུར། །དེ་ལས་
[276b.2]འོད་དང་འཁོར་ལོའི་འཕྲོ་དང་འདུ་བ་བསམ། །དེ་ནས་རང་སེམས་དེ་ཡང་རབ་ཏུ་སྣང་བ་ཙམ། །དེ་ཡང་གསང་སྔགས་བརྗོད་ཅིང་སྟོང་པ་ཉིད་དུ་བསྒོམ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། སྟོང་པའི་ངང་ལས་ལངས་ཏེ་ཡཾ་ཡིག་ལས་བྱུང་བ། །དེ་ལ་རླུང་གི་འཁོར་ལོ་རྣམ་པར་བསྒོམ་བྱ་སྟེ། །
[276b.3]སྔོ་སྐྱ་གཞུ་ཡི་དབྱིབས་ཅན་མཐའ་མ་བ་དན་མཚན། །དེ་ཡི་སྟེང་དུ་རཾ་ཡིག་ལས་བྱུང་མེའི་དཀྱིལ་འཁོར། །རྩེ་མོ་བདུན་ལྡན་དམར་པོ་གྲུ་གསུམ་རཾ་གྱིས་མཚན། །དེ་སྟེང་བཾ་ཡིག་ལས་བྱུང་ཆུ་ཡི་དཀྱིལ་འཁོར་ཏེ། །དཀར་པོ་ཤིན་ཏུ་ཟླུམ་པོ་བུམ་པས་མཚན་པའོ། །དེ་སྟེང་ལཾ་ཡིག་ལས་བྱུང་ས་ཡི་
[276b.4]དཀྱིལ་འཁོར་ཏེ། །སེར་པོ་གྲུ་གསུམ་རྡོ་རྗེས་མཚན་པའོ། །དེ་སྟེང་སུཾ་ཡིག་ལས་བྱུང་རི་རབ་ལྷུན་པོ་སྟེ། །ལྕོག་བརྒྱད་ལྡན་པ་གླིང་ལ་སོགས་པས་བསྐོར་བ་དང་། །གྲྭ་བཞི་ངོས་བཞི་རིན་ཆེན་བཞི་ཡི་རང་བཞིན་ཅན། །དེ་སྟེང་པདྨའི་སྟེང་དུ་ཧཱུཾ་བྱུང་སྣ་ཚོགས་རྡོར། །དེ་སྟེང་པཾ་ཡིག་ལས་བྱུང་སྣ་ཚོགས་
[276b.5]པདྨ་སྟེ། །འདབ་མ་བརྒྱད་པ་གེ་སར་ལྟེ་བ་དང་ལྡན་པའོ། །དེ་སྟེང་ཨཱ་ལི་ཀཱ་ལི་ལས་བྱུང་ཉི་ཟླའོ། །ཞེས་བྱ་བ་རྣལ་འབྱོར་རོ། །དེ་ལ་ཧཱུཾ་ཡིག་རྡོ་རྗེ་འཛིན་པའི་རང་བཞིན་ཅན། །རང་གི་འོད་ཟེར་འཕྲོས་པས་འཁོར་ལོ་ལྔ་པོ་ཡིས། །འགྲོ་བའི་འཁོར་ལོའི་རང་བཞིན་བྱས་ནས་རྣལ་འབྱོར་མར། །བཅས་
[276b.6]པའི་འཁོར་ལོ་སླར་ཡང་བསྡུས་ཏེ་བསྒོམ་པར་བྱ། །ཞེས་བྱ་བ་རྗེས་སུ་རྣལ་འབྱོར་རོ། །ཧཱུཾ་ལ་སོགས་པ་ལས་བསྐྱེད་ཉི་མའི་འཁོར་ལོར་གནས། །ཧེ་རུ་ཀ་དཔལ་ནམ་མཁའ་བཞིན་དུ་རང་བཞིན་མེད། །རྟག་པའི་དབང་ཕྱུག་ཆད་པའི་ཨུ་མ་དེ་ཝ་ལ། །བརྐྱང་བསྐུམ་གཡས་གཡོན་གནས་པ་ཞལ་
[276b.7]ཀུན་སྤྱན་གསུམ་ལྡན། །འཁོར་ལོ་དུར་ཁྲོད་དང་ལྡན་གཞལ་ཡས་ཁང་གི་ནང་། །མཐིང་ནག་ལྗང་གུ་དམར་པོ་སེར་པོའི་ཁ་དོག་ཅན། །ཞལ་བཞི་དབུ་ལ་རྡོ་རྗེ་ཕྲེང་ལྡན་ཕྱག་བཅུ་གཉིས། །རྡོ་རྗེ་དྲིལ་བུ་གཉིས་བཅས་ཕྱག་གིས་ཡུམ་ལ་འཁྱུད། །གཏི་མུག་དག་ཕྱིར་གླང་པོའི་པགས་པ་
[277a]
[277a.1]ཕྱག་གཉིས་བསྣམས། །གཡས་པ་རིམ་པས་ཌཱ་མ་རུ་དང་དགྲ་སྟ་གྲི་གུག་རྩེ་གསུམ་འཛིན། །གཡོན་པས་ཁ་ཊྭཱཾ་ག་དང་ཐོད་པ་ཞགས་པ་ཚངས་པའི་མགོ་བོ་བསྣམས། །དབུ་ལ་ཟླ་བ་ཕྱེད་པ་ཐོད་པའི་ཕྲེང་བ་སྣ་ཚོགས་རྡོ་རྗེ་ཅན། །མཆེ་བ་རབ་ཏུ་གཙིགས་ཤིང་ཞལ་འགྱུར་རལ་
[277a.2]པའི་ཐོར་ཚུགས་དག་དང་ལྡན། །བློ་ལྡན་བསམ་གཏན་སྦྱོར་བས་ཉམས་ཀུན་དང་ལྡན་པ། །ཉོན་མོངས་དྲི་མ་དག་ཕྱིར་སྟག་གི་པགས་པ་བསྣམས། །ཨཱ་ལི་ལ་སོགས་ལྔ་བཅུ་རྣམ་པར་དག་པ་ཡིས། །མི་མགོ་རློན་པ་ལྔ་བཅུའི་དོ་ཤལ་དང་ལྡན་པ། །མགུལ་རྒྱན་སྙན་རྒྱན་གདུབ་ཀོར་སྤྱི་གཙུག་ནོར་
[277a.3]བུ་དང་། །ཚངས་སྐུད་དང་ལྡན་ཐལ་བས་བྱུགས་པ་དུ་བའི་མདོག །ཕག་མོ་མགོན་པོའི་མདུན་གནས་ཉི་མ་ལྟ་བུར་ནི། །མདོག་དམར་ཐོད་པ་སྐམ་པོའི་ཕྲེང་བའི་དོ་ཤལ་ཅན། །ཞལ་གཅིག་མ་དང་སྤྱན་གསུམ་ཕྱག་གཉིས་དང་ལྡན་མ། །གཅེར་བུ་བདེ་བའི་ངང་ཚུལ་སྐྲ་གྲོལ་རབ་དགྱེས་མ། །
[277a.4]ཐོད་པའི་དུམ་བུ་ལས་བྱས་སྐེ་རགས་དང་ལྡན་མ། །གཡོན་པ་བདུད་ཁྲག་བཀང་བའི་ཐོད་པ་བསྣམས་པ་སྟེ། །གཡས་པ་རྡོ་རྗེ་སྡིགས་མཛུབ་ཀྱིས། །ཕྱོགས་བཅུའི་གདུག་པ་རྣམས་འཇོམས་བྱེད། །བསྐལ་པའི་མེ་ལྟར་གཟི་བརྗིད་ཆེ། །ཁྲག་ལ་དགྱེས་ཤིང་ཁྲག་འཛག་མ། །བརླ་གཉིས་ལ་ནི་
[277a.5]རབ་ཏུ་འཁྱུད། །བདེ་ཆེན་སྙིང་རྗེའི་བདག་ཉིད་ཅན། །མཁའ་འགྲོ་མ་དང་ལཱ་མ་དང་། །ཁཎྜ་རོ་ཧེ་གཟུགས་ཅན་མ། །པདྨའི་ཕྱོགས་ཀྱི་འདབ་མར་དགོད། །དེ་རྣམས་དངོས་གྲུབ་ཐམས་ཅད་བསྒྲུབ། །ནག་མོ་ལྗང་གུ་དམར་མོ་སེར། །ཞལ་གཅིག་ཕྱག་ནི་བཞི་པ་རྣམས། །གཡོན་པ་ཐོད་
[277a.6]པ་ཁ་ཊྭཱཾ་ག །ཌཱ་མ་རུ་དང་གྲི་གུག་གཡས། །སྤྱན་གསུམ་པ་ལ་སྐྲ་གྲོལ་བ། །གཅེར་བུ་བརྐྱང་བསྐུམ་གནས་པ་རྣམས། །ཕྱོགས་མཚམས་རྣམས་སུ་བུམ་སྟེང་དུ། །བྱང་ཆུབ་སེམས་སོགས་སྣོད་རྣམས་སོ། །དང་པོར་ཐུགས་འཁོར་རྩིབས་བརྒྱད་པ། །མཐིང་ནག་རྡོ་རྗེ་ཕྲེང་བས་
[277a.7]བསྐོར། །དེ་ཤར་པཱུལླཱི་ར་མཱ་ལར། །རབ་གཏུམ་ཁཎྜ་ཀ་པཱ་ལར། །དེ་བྱང་ཛཱ་ལནྡྷ་ར་རུ། །མ་ཧཱ་ཀངྐ་གཏུམ་མིག་ཅན། །ནུབ་ཀྱི་ཨོ་ཌི་ཡ་ན་རུ། །ཀངྐ་ལ་དང་འོད་ལྡན་མ། །ལྷོ་ཕྱོགས་ཨརྦུ་ད་རུ་ནི། །སྣ་ཆེན་མཆེ་བ་རྣམ་པར་གཙིགས། །མེ་མཚམས་གོ་དཱ་ཨ་བ་རཱིར། །སུ་ར་
[277b]
[277b.1]བཻ་རི་དཔའ་བློ་ཅན། །བདེན་བྲལ་རཱ་མེ་ཤྭ་ར་རུ། །འོད་དཔག་མེད་དང་མི་ཐུང་མ། །དེ་བཱི་ཀོ་ཊ་རླུང་མཚམས་སུ། །ལང་ཀ་དབང་ཕྱུག་རྡོ་རྗེ་འོད། །དབང་ལྡན་མཚམས་སུ་མཱ་ལ་བར། །རྡོ་རྗེའི་སྐུ་དང་ཤིང་གྲིབ་མ། །གསུང་གི་འཁོར་ལོ་དམར་པོ་སྟེ། །པདྨ་དམར་པོའི་ཕྲེང་བས་བསྐོར། །
[277b.2]ཤར་ངོས་རྩིབས་ཀྱི་ཀཱ་མ་རཱུར། །ཨངྐུ་རི་དང་ཨཻ་ར་བ། །བྱང་དུ་ཨོ་ཊར་འཇིགས་བྱེད་ཆེ། །དེ་དང་རྡོ་རྗེའི་རལ་པ་ཅན། །ནུབ་ཀྱི་ཏྲི་ཤ་ཀུ་ནེ་རུ། །དཔའ་བོ་ཆེ་དང་རླུང་ཤུགས་མ། །ལྷོ་ཡི་ཀོ་ས་ལ་རུ་ནི། །རྡོ་རྗེ་ཧཱུཾ་མཛད་ཆང་འཐུང་མའོ། །མེ་ཡི་མཚམས་ཀྱི་ཀ་ལིང་གར། །
[277b.3]ཤྱ་མ་དེ་བི་རབ་ཏུ་བཟང་། །བདེན་བྲལ་མཚམས་སུ་ལམྤཱ་ཀར། །རྡོར་བཟང་ཤིན་ཏུ་བཟང་མོའོ། །རླུང་གི་མཚམས་ཀྱི་ཀཱཉྩི་རུ། །འཇིགས་བྱེད་ཆེ་དང་རྟ་རྣ་མ། །དེ་བཞིན་དབང་ལྡན་ཧི་མཱ་ལར། །མིག་མི་བཟང་དང་ཁག་ནའོ། །སྐུ་ཡི་འཁོར་ལོ་དཀར་པོ་སྟེ། །འཁོར་ལོའི་ཕྲེང་བ་
[277b.4]དཀར་པོས་བསྐོར། །ཤར་རྩིབས་པྲེ་ཏ་པུ་རི་རུ། །སྟོབས་ཆེན་འཁོར་ལོའི་ཤུགས་ཅན་མ། །བྱང་གི་གྲྀ་ཧ་དེ་བ་ཏཱར། །རིན་ཆེན་རྡོ་རྗེ་དུམ་སྐྱེས་མ། །ནུབ་ཀྱི་རྩིབས་ལ་སཽ་རཱཥྚར། །རྟ་མགྲིན་དང་ནི་ཥཽ་ཎྜི་ནཱི། །ལྷོ་རུ་ཝརྞ་དཱི་པ་རུ། །འཁོར་ལོའི་གོ་ཆ་ནམ་མཁའི་སྙིང་། །མེ་ཡི་
[277b.5]མཚམས་ཀྱི་ན་ག་རར། །ཧེ་རུ་ཀ་དཔལ་སུ་བཱི་རི། །ལྷོ་ནུབ་སིནྡྷུར་པདྨ་གར། །དབང་ཕྱུག་དང་ནི་སྟོབས་ཆེན་མོ། །རླུང་མཚམས་མ་རུར་རྣམ་སྣང་མཛད། །དཔའ་མོ་འཁོར་ལོས་སྒྱུར་མའོ། །དབང་ལྡན་མཚམས་ཀྱི་ཀུ་ལུ་ཏཱར། །རྡོ་རྗེ་སེམས་དཔའ་བརྩོན་ཆེན་མོ། །དཔའ་བོ་རྣམས་ནི་
[277b.6]ཞལ་གཅིག་ཕྱག་བཞི་པ། །བརྐྱང་བསྐུམ་རྡོ་རྗེ་དྲིལ་བུ་བསྣམས་པས་འཁྱུད། །གཡས་དང་གཡོན་ན་ཌ་མ་རུ་དང་ཁ་ཊྭཱཾ་ག །དཔའ་བོ་རལ་པའི་ཅོད་པན་སྤྱན་གསུམ་ལྡན། །རབ་གཏུམ་ལ་སོགས་ལྷ་མོ་རྣམས། །ཞལ་གཅིག་ཕྱག་ནི་གཉིས་པ་སྟེ། །ཐོད་པ་བསྣམས་པའི་ཕྱག་གིས་འཁྱུད། །
[277b.7]གདུག་པ་འཇིགས་བྱེད་གྲི་གུག་བསྣམས། །གཉིས་མེད་སྦྱོར་བས་སྙོམས་པར་འཇུག །དཔའ་བོ་དཔའ་མོ་འཁོར་ལོ་བཞིན། །ཁྭ་འུག་ཁྱི་ཕག་གདོང་ཅན་མ། །མཁའ་འགྲོ་སོགས་བཞིན་ཕྱོགས་བཞི་རུ། །མཚམས་སུ་གཤིན་རྗེ་བརྟན་མ་སོགས། །གཟུགས་གཉིས་ལྡན་པ་ལྷ་
[278a]
[278a.1]མོ་བརྒྱད། །དེ་རྣམས་ཞལ་གཅིག་ཕྱག་བཞི་པ། །བརྐྱང་བསྐུམ་རོ་ཡི་གདན་ལ་གནས། །གཡོན་ན་ཐོད་པ་ཁ་ཊྭཱཾ་ག །ཌ་མ་རུ་དང་གྲི་གུག་གཡས། །ཐམས་ཅད་སྤྱན་གསུམ་དྲག་མོ་སྟེ། །སྐྲ་གྲོལ་གཅེར་བུ་དེ་རྣམས་སོ། །མགུལ་རྒྱན་གདུ་བུ་དཔུང་རྒྱན་དང་། །རྣ་རྒྱན་
[278a.2]དང་ནི་ཚངས་སྐུད་དང་། །ཐམས་ཅད་ཕྱག་རྒྱ་ལྔ་དང་ལྡན། །དཔྲལ་བར་རྡོ་རྗེའི་ཕྲེང་བས་དཀྲིས། །ཐོད་པའི་ཕྲེང་བས་མགྲིན་པར་བརྒྱན། །སྐེ་རགས་སིལ་སིལ་སྒྲ་སྒྲོགས་པའོ། །ཤར་དང་དབང་ལྡན་དབུ་བྱས་ཏེ། །ཐམས་ཅད་ཕྱོགས་དང་མཚམས་རྣམས་སུ། །དུར་ཁྲོད་རྣལ་འབྱོར་མ་དགོད་
[278a.3]ལ། །གཡོན་དང་གཡས་སུ་བསྐོར་བར་བྱ། །ཤར་གྱི་དུར་ཁྲོད་གཏུམ་དྲག་ན། །ཤི་རི་ཥ་ཡི་སྡོང་ཆེན་དང་། །བརྒྱ་བྱིན་རབ་བརྟན་ལ་བཅིབས་པ། །གསེར་མདོག་རྡོ་རྗེ་ཐོད་པ་བསྣམས། །ནོར་རྒྱས་ཀླུ་ཡི་རྒྱལ་པོ་ཡང་། །མདོག་དཀར་ཨུཏྤལ་སྔོན་པོས་མཚན། །ཐལ་མོ་སྦྱར་བར་བྱས་པ་
[278a.4]ཡིས། །འདུད་ཅིང་མགོན་པོའི་མདུན་ན་གནས། །བྱང་དུ་ཚང་ཚིང་ཨ་ཤྭཏྛར། །ལུས་ངན་མི་ལ་ཞོན་པ་སྟེ། །ནེའུ་ལེ་རིན་ཆེན་སྐྱུགས་པ་དང་། །ཐོད་པ་འཆང་བ་སྐུ་མདོག་སེར། །ཀླུ་ཡི་དབང་ཕྱུག་ཏཀྵ་ཀ །བནྡྲ་ཀ་ཡི་མེ་ཏོག་ལྟར། །གདེངས་ཀ་དཔལ་གྱི་བེའུས་མཚན། །མགོས་བཏུད་ཐལ་
[278a.5]མོ་སྦྱར་བའོ། །ནུབ་ཏུ་འབར་བས་ཁྱབ་པ་རུ། །ཨ་ཤོ་ཀ་ཡི་སྡོང་ཆེན་ལ། །དཀར་པོ་གདེངས་བདུན་བ་རུ་ཎ། །ཆུ་སྲིན་ལ་གནས་ཐོད་ཞགས་འཛིན། །ལྟོ་འཕྱེའི་དབང་ཕྱུག་ཀརྐོ་ཊ། །དཱུར་བ་སྔོན་པོ་ལྟ་བུའི་མདོག །རི་མོ་གསུམ་ནི་མགྲིན་པར་གནས། །འདུད་ནས་སྤྱི་བོར་ཐལ་མོ་སྦྱར། །ལྷོ་
[278a.6]རུ་འཇིགས་རུང་ལ་ཨ་མྲར། །གཤིན་རྗེ་མ་ཧེ་ཞོན་པ་སྟེ། །ནག་པོ་མིག་དམར་ལུས་སྦོམ་པོ། །དྲག་པོ་བེ་ཅོན་ཐོད་པ་འཛིན། །གདེངས་ལྡན་དབང་ཕྱུག་པདྨ་ཞེས། །སྟོན་པ་ཡི་ནི་བཀའ་སྡོད་ཅིང་། །དཀར་པོ་ཐལ་མོ་སྦྱར་བྱས་པ། །དབུ་ལ་ཐིག་ལེ་མང་པོས་མཚན། །ཧ་ཧ་དགོད་པ་དབང་
[278a.7]ལྡན་དུ། །ནྱ་གྲོ་དྷ་ཡི་སྡོང་ཆེན་པོ། །དབང་ཕྱུག་རྩེ་གསུམ་ཐོད་པ་ཐོགས། །དཀར་པོ་གླང་ཞོན་སྟག་ཤམ་ཅན། །པདྨ་ཆེན་པོ་ཀླུ་ཡི་རྒྱལ། །ཟླ་བའི་འོད་དང་མཉམ་པའི་མདོག །གདེངས་ཀ་ལ་ནི་རྩེ་གསུམ་མཚན། །མགོ་ལ་ཐལ་མོ་སྦྱར་བས་གནས། །མེ་མཚམས་དཔལ་ནགས་
[278b]
[278b.1]ཀ་རཾ་ཛར། །མེ་ལྷ་བོང་ཐུང་ར་སྐྱེས་བཅིབས། །སྐུ་མདོག་དམར་པོ་ཐོད་པ་འཛིན། །ཕྲེང་བ་སྤྱི་བླུགས་བཅས་པ་བསྣམས། །མཐའ་ཡས་རྨ་བྱའི་མགྲིན་པ་བཞིན། །མགོ་ལ་པདྨས་མཚན་པ་སྟེ། །སྤྱི་བོར་ཐལ་མོ་སྦྱར་གྱུར་ནས། །འདུད་ཅིང་མགོན་པོའི་ཞབས་དྲུང་གནས། །བདེན་བྲལ་མུན་
[278b.2]པ་མི་བཟད་པར། །སྲིན་པོ་གཅེར་བུ་སྔོན་པོའི་མདོག །རོ་གནས་རལ་གྲི་ཐོད་པ་འཛིན། །མི་མགོའི་ཕྲེང་བའི་ཅོད་པན་ཅན། །ཀླུ་རྒྱལ་དུང་མདོག་རིགས་ལྡན་ནི། །གདེངས་ཀ་ཟླ་བ་ཕྱེད་པས་མཚན། །སྤྱི་བོར་ཐལ་མོ་སྦྱར་བྱས་ཏེ། །ལ་ཏ་ཛ་ཌའི་ཤིང་ལ་གནས། །རླུང་མཚམས་ཨ་རྫུན་
[278b.3]ཡི་ཤིང་། །རླུང་ལྷ་དུ་མདོག་ཤ་བ་བཅིབས། །བ་དན་སེར་པོ་ཐོད་པ་འཆང་། །ཅ་ཅོ་སྒྲོགས་པར་གནས་པའོ། །དུང་སྐྱོང་སེར་པོ་ཐིག་ལེས་མཚན། །ཐལ་སྦྱར་གུས་དང་བཅས་པའོ། །བརྒྱད་པོ་ཀླུ་རྒྱལ་སྤྲིན་ལ་གནས། །དཀར་པོ་རྒྱན་གྱིས་བརྒྱན་པའོ། །བརྒྱ་བྱིན་ལ་
[278b.4]སོགས་ཕྱོགས་བདག་བརྒྱད། །ཡུམ་དང་བཅས་པ་ཕྱག་བཞི་པ། །གཉིས་ཀྱིས་ཐལ་མོ་སྦྱར་བ་སྟེ། །ལྷག་མ་དག་གིས་ཕྱག་མཚན་བསྣམས། །སྤྲིན་རྣམས་རྒྱལ་བཟང་དཔལ་སྟུག་དང་། །དེ་བཞིན་ཆར་དང་ཤིན་ཏུ་མཐུག །མྱུར་དུ་དབྱངས་ལྡན་གཏུམ་པ་དང་། །ཆར་པ་རྙིང་པ་ཙབ་ཀྲོལ་
[278b.5]ལོ། །དེ་བརྒྱད་དུར་ཁྲོད་བརྒྱད་རྣམས་ན། །གནས་པའི་སྤྲིན་ནི་འཇིགས་བྱེད་ལྡན། །གློག་དང་འབྲུག་ནི་སྒྲ་རབ་སྒྲོགས། །གང་ཡང་རུང་བའི་ཆར་རྒྱུན་འབེབས། །རང་རང་ཕྱོགས་བདག་གཞོམ་པའི་གདོང་། །སྲིན་པོ་རྣམས་ནི་རང་བཞིན་འཁྲུག །མི་རྣམས་ཀྱི་ནི་ཤ་ཟ་ཞིང་། །ཁྲག་
[278b.6]འཐུང་ཞིང་རྣམས་ལ་གནས་པ། །འདི་རྣམས་ཤིང་སྡོང་བརྒྱད་པ་ཡི། །ངོས་དང་ངོས་ཀྱི་ཕྱོགས་ཀུན་དུ། །ཉེ་བར་བཟང་པོའི་ཤིང་རྣམས་གནས། །མེ་ཏོག་འབྲས་བུ་ཕུན་སུམ་ཚོགས། །སེང་གེ་ཅེ་སྤྱང་ཁྱི་སྒྲ་སྒྲོགས། །སྟག་དང་ཝ་དང་ཕག་རྣམས་དང་། །བྱི་ལ་རྐྱང་དང་བྲི་ཀ་སྦྲུལ། །
[278b.7]ཁྭ་དང་འུག་པ་ལ་སོགས་བྱ། །གསལ་ཤིང་བསྐྱོན་དང་མདུང་གིས་ཕུག །ཀེང་རུས་ཕྱེད་མགོ་རུས་པ་རྣམས། །ཐབ་ཏུ་ཚིག་དང་ཕྱེད་ཚིག་པ། །ཤ་ཟ་དང་ནི་རོ་སྒྲུབ་བྱེད། །གྲུབ་ཐོབ་གཏོར་མ་སྟེར་བ་དང་། །རྣལ་འབྱོར་མ་ཚོགས་མཆོད་པ་དང་། །གྲི་གུག་ཐོད་པ་ཁ་ཊྭཱཾ་ག །རྡེའུ་
[279a]
[279a.1]ཆུང་ཁ་ཟས་དཔག་མེད་སྣོད། །མཆོད་རྟེན་དཀར་པོའི་རི་ལ་གནས། །གྲུབ་ཆེན་བརྒྱད་ཀྱིས་བརྒྱན་པའོ། །རྣམ་ཤེས་བརྒྱད་ཀྱི་དག་པ་ཡང་། །སྟོན་པ་འདི་ཡི་དུར་ཁྲོད་རྣམས། །དེ་ནས་བྱང་ཆུབ་ཕྱོགས་རྣམས་དང་། །སྐུ་ཡི་འཁོར་ལོའི་ཕྱོགས་བཤད་བྱ། །གནས་སོགས་
[279a.2]རིམ་པའི་སྦྱོར་བ་ཡིས། །ས་བཅུ་རྣམ་པར་དག་པའོ། །པཱུ་ཛཱ་ཨོ་ཨ་གོ་རཱ་དེ་མཱ། ཀཱ་ཨོ་ཏྲི་ཀོ་ཀ་ལ་ཀེ་ཧི། པྲེ་གྲི་སཽ་སུ་ན་སི་མ་ཀུ་ཞེས་བྱ་བའོ། །སྙིང་ལ་མཁའ་འགྲོ་ལུས་རྗེས་དྲན། །ཚོར་དྲན་མགོ་བོར་ལཱ་མ་སྟེ། །ཆོས་དྲན་མགྲིན་པར་དུམ་སྐྱེས་མ། །ལྟེ་བར་སེམས་དྲན་གཟུགས་ཅན་མའོ། །
[279a.3]མགོ་བོ་པུལླཱི་ར་མཱ་ལར། །འདུན་པའི་རྫུ་འཕྲུལ་རབ་གཏུམ་མོ། །སྤྱི་གཙུག་གྲོང་ཁྱེར་ཛཱ་ལནྡྷ་ར། །བརྩོན་འགྲུས་རྫུ་འཕྲུལ་གཏུམ་པའི་མིག །དབུ་རྒྱན་གཡས་པའི་རྣ་བ་ལ། །དཔྱོད་པའི་རྫུ་འཕྲུལ་འོད་ལྡན་མ། །མགོ་ཡི་རྒྱབ་ཀྱི་ཨརྦུ་དཱར། །སེམས་ཀྱི་རྫུ་འཕྲུལ་སྣ་ཆེན་མོ། །གནས་དེ་
[279a.4]ས་རབ་དགའ་བའོ། །གོ་དཱ་བ་རཱི་གཡོན་པའི་རྣར། །དད་པའི་དབང་པོ་དཔའ་བློ་མ། །རཱ་མེ་ཤྭ་རཱི་སྨིན་མཚམས་སུ། །བརྩོན་འགྲུས་དབང་པོ་མི་ཐུང་མ། །དེ་བཱི་ཀོ་ཊར་མིག་དག་ལ། །ལངྐའི་དབང་ཕྱུག་དྲན་དབང་པོ། །མཱ་ལ་བར་ནི་སྡོང་སྒྲིབ་མ། །ཏིང་འཛིན་དབང་པོ་དྲི་མེད་པ། །
[279a.5]ཕྲག་པ་དག་སྟེ་ཉེ་བའི་གནས། །མཁའ་སྤྱོད་ཐུགས་ཀྱི་འཁོར་ལོའོ། །ཨཻ་ར་བ་ཏི་ཀཱ་མ་རཱུར། །ཤེས་རབ་དབང་པོ་མཆན་ཁུང་གཉིས། །ནུ་མ་གཉིས་ལ་དད་པའི་སྟོབས། །འཇིགས་བྱེད་ཆེན་མོ་ཨོ་ཏྲེ་རུ། །ཞིང་དང་ས་གསུམ་འོད་བྱེད་མ། །བརྩོན་འགྲུས་སྟོབས་ནི་རླུང་ཤུགས་
[279a.6]མ། །ལྟེ་བ་ཏྲི་ཤ་ཀུ་ནེ་རུ། །དྲན་པའི་སྟོབས་ནི་ཆང་འཐུང་མ། །ཀོ་ས་ལར་ནི་སྣ་རྩེ་སྟེ། །ས་འོད་འཕྲོ་བ་ཉེ་བའི་ཞིང་། །ཏིང་ངེ་འཛིན་སྟོབས་ཁ་རུ་ནི། །ཤྱཱ་མ་དེ་བི་ཀ་ལིངྐར། །ཤིན་ཏུ་བཟང་མོ་ལམྦཱ་ཀར། །མགྲིན་པར་ཤེས་རབ་སྟོབས་དང་ནི། །ས་སྦྱང་དཀའ་བ་ཚནྡོ་ཧ། །བྱང་ཆུབ་
[279a.7]ཡན་ལག་ཏིང་ངེ་འཛིན། །རྟ་རྣ་ཀཱཉྩི་སྙིང་གར་གནས། །ཧི་མཱ་ལ་ཡ་མདོམས་སུ་ནི། །བརྩོན་འགྲུས་ཡང་དག་ཁ་ག་ན། །མངོན་གྱུར་ཉེ་བའི་ཚནྡོ་ཧ། །གསུང་གི་འཁོར་ལོ་ལོངས་སྤྱོད་པ། །དགའ་བ་པྲེ་ཏ་པུར་རྟགས་ལ། །འཁོར་ལོའི་ཤུགས་ཅན་བཤང་ལམ་དུ། །ཀྲྀ་ཀ་
[279b]
[279b.1]དོ་བར་ཤིན་ཏུ་སྦྱངས། །ཁཎྜ་རོ་ཧཱ་རིང་དུ་སོང་། །ས་སྟེ་འདུ་བ་ཅན་གྱི་གནས། །བརླ་གཉིས་ཆོས་རབ་རྣམ་པར་འབྱེད། །སཽ་རཱཥྚ་ཥཽཎྜི་ནཱི། །བྱིན་གཉིས་འཁོར་ལོའི་གོ་ཆ་མ། །སུ་ཝརྞྞ་དྭཱི་པར་དྲན་ཡང་དག །མི་གཡོའི་ས་སྟེ་ཉེར་འདུ་ཅན། །བཏང་སྙོམས་བྱང་ཆུབ་ཡན་ལག་ནི། །
[279b.2]སོར་མོ་དཔའ་མོ་ན་གར། །སིནྡྷུ་རྐང་པའི་བོལ་དག་ལའོ། །ཡང་དག་ལྟ་བ་སྟོབས་ཆེན་མོ། །དུར་ཁྲོད་ལེགས་པའི་བློ་གྲོས་ས། །འཁོར་ལོས་སྒྱུར་མ་ཡང་དག་རྟོག །མཐེ་བོང་མ་རུ་བརྩོན་ཆེན་མོ། །པུས་མོ་ཀུ་ལུ་ཏཱ་ཡང་དག །ཉེ་བའི་དུར་ཁྲོད་ཆོས་ཀྱི་སྤྲིན། །སྐུ་ཡི་ས་འོག་གནས་
[279b.3]སྤྱོད་པའོ། །ལས་མཐའ་ཁཱ་གདོང་ཁ་ལ་གནས། །འཚོ་བ་འུག་གདོང་རྣ་བུག་གཡོན། །རྩོལ་བ་ཁྱི་གདོང་རྣ་བུག་གཡས། །དྲན་པ་ཕག་གདོང་བཤང་ལམ་དུ། །ཤྲཱི་ཧེ་རུ་ཀའི་ཏིང་ངེ་འཛིན། །གཤིན་རྗེ་བརྟན་མ་རྣ་བ་གཡས། །དགེ་ཆོས་སྐྱེད་པར་བྱེད་པའོ། །སྐྱེས་པའི་དགེ་བ་
[279b.4]སྲུང་བྱེད་པ། །གཤིན་རྗེ་ཕོ་ཉ་རྣ་བ་གཡོན། །མི་དགེ་ཐམས་ཅད་སྤོང་བྱེད་པ། །མིག་གཡས་གཤིན་རྗེ་མཆེ་བ་མ། །མི་དགེ་མ་སྐྱེས་མི་སྐྱེད་པ། །གཤིན་རྗེ་འཇོམས་མ་མིག་གཡོན་ལ། །རྐང་འོག་གནས་པའི་རླུང་འཁོར་ལོ། །བྷཻ་རཾ་པ་ནི་གཞུ་ཡི་དབྱིབས། །སུམ་མདོའི་ཕྱོགས་སུ་
[279b.5]གནས་པ་ནི། །གྲུ་གསུམ་མེ་ཡང་དེ་བཞིན་ནོ། །ཟླུམ་པོའི་རྣམ་པའི་ཚུལ་ཅན་གྱི། །ཆུ་ཡི་འཁོར་ལོ་གསུམ་པར་གནས། །སྙིང་གར་ས་ཡི་འཁོར་ལོ་གནས། །གྲུ་བཞི་པ་ནི་ཀུན་ཕྱོགས་སུ། །སྒལ་ཚིགས་དབྱུ་གུའི་ཚུལ་དུ་ནི། །དེ་བཞིན་རི་རྒྱལ་ལྷུན་པོ་སྟེ། །དེ་ཡི་སྤྱི་གཙུག་དཀྱིལ་དུ་
[279b.6]ཡང་། །པད་འདབ་སུམ་ཅུ་རྩ་གཉིས་པ། །དབྱངས་ཡིག་གསལ་ཡིག་ཡང་དག་གང་། །བྱང་ཆུབ་ཕྱོགས་ཆོས་སུམ་ཅུ་གཉིས། །པདྨའི་དབུས་ན་ཡོད་པ་གང་། །ཟླ་བའི་དཀྱིལ་འཁོར་དེ་ལ་བརྗོད། །མགོ་བོའི་དབུས་ན་ཡོད་པ་གང་། །དེ་ལ་ཀླད་པ་ཞེས་བརྗོད་དེ། །དེ་ཡི་དབུས་སུ་ཧཾ་ཡིག་
[279b.7]སྟེ། །བྱང་ཆུབ་ཕྱོགས་ཆོས་སུམ་ཅུ་བདུན། །ཐིག་ལེའི་ཚུལ་ཏེ་རང་སྒྲ་སྒྲོགས། །འཇིག་རྟེན་ཀུན་གྱི་རྩ་བ་སྟེ། །བརྟན་དང་གཡོ་བའི་རང་བཞིན་གྱིས། །གནས་པ་ས་བོན་ཚུལ་གྱིས་ནི། །གསལ་དང་མི་གསལ་ཚུལ་གྱིས་ཏེ། །འཛག་པ་བདུད་རྩིའི་ཚུལ་ཉིད་ཀྱིས། །རྣམ་པར་
[280a]
[280a.1]གནས་ཏེ་ཉིད་མཚན་མོ། །ཏིང་འཛིན་ཡེ་ཤེས་ལས་བྱུང་བའི། །སངས་རྒྱས་ཉིད་ནི་མདོར་བསྡུས་ནས། །སངས་རྒྱས་སྦྱར་བ་ཡོད་མིན་ན། །རྣལ་འབྱོར་སངས་རྒྱས་མི་འགྱུར་རོ། །དེ་ཕྱིར་བདེན་དང་མི་བདེན་ཡང་། །གང་གང་ཤིན་ཏུ་གོམས་གྱུར་པ། །གོམས་པའི་སྟོབས་
[280a.2]ནི་རྫོགས་པ་ན། །དེ་གསལ་མི་རྟོག་བློ་འབྲས་བུ། །བསམ་པ་གང་དང་གང་གིས་ནི། །མི་རྣམས་ཡིད་ནི་ཡང་དག་སྦྱོར། །དེ་དང་དེ་ཡི་ངོ་བོར་འགྱུར། །སྣ་ཚོགས་ནོར་བུ་ཇི་བཞིན་ནོ། །སྐུ་གསུང་ཐུགས་ཀྱི་དབྱེ་བས་ནི། །ཡི་གེ་གསུམ་གྱི་ངོ་བོ་ལས། །མཐོ་རིས་མི་ཡུལ་ས་འོག་གི །སྐད་ཅིག་
[280a.3]གཅིག་གིས་སྐུ་གཅིག་འགྱུར། །སྐད་ཅིག་ཙམ་གྱིས་རྣལ་འབྱོར་བདག །སྐད་ཅིག་ཕྱག་རྒྱའི་རྣམ་པ་ཅན། །སྐད་ཅིག་དཀྱིལ་འཁོར་འཁོར་ལོར་བཅས། །སྐད་ཅིག་གིས་ནི་གསང་སྔགས་གདོན། །དབང་བསྐུར་སྐུ་གསུང་ཐུགས་རྒྱས་གདབ། །ཨོཾ་ཨཱཿ་ཧཱུཾ་སརྦ་བཱི་ར་ཡོ་ག་ནཱི་ཀཱ་ཡ་ཝཱ་ཀ་ཙིཏྟ་བཛྲ་སྭ་
[280a.4]བྷཱ་ཝ་ཨཱཏྨ་ཀོ྅ཧཾ། ཨོཾ་བཛྲ་ཤུདྡྷཿ་སརྦ་དྷརྨཱ་བཛྲ་ཤུདྡྷོ྅ཧཾ། དེ་ནས་གོ་ཆ་གཉིས་ཤེས་ནས། །ཡེ་ཤེས་འཁོར་ལོ་རྣམ་པར་བསྒོམ། །སྔགས་དང་ཕྱག་རྒྱའི་སྦྱོར་ཤེས་པས། །དམ་ཚིག་འཁོར་ལོ་ལ་མྱུར་གཞུག །ཨོཾ་ཧ་རྡོ་རྗེ་སེམས་དཔའ་དཀར། །གོ་ཆ་གཉིས་ཀྱང་སྙིང་ག་རུ། །རྣམ་པར་
[280a.5]སྣང་མཛད་ན་མ་ཧི། །མགོ་ལ་སེར་པོ་རྣམ་པར་བསྒོམ། །སྭཱ་ཧཱ་ཧུ་པད་གར་དབང་ཕྱུག །སྤྱི་གཙུག་ཏུ་ནི་དམར་པོ་བསྒོམ། །བཽ་ཥཊ་ཧ་ནི་ཕྲག་དག་ལ། །དཔལ་ཧེ་རུ་ཀ་ནག་པོ་གཉིས། །རྡོ་རྗེ་ཉི་མ་ཧཱུཾ་ཧཱུཾ་ཧོ། །མིག་གཉིས་ལ་ནི་དམར་པོ་བསམ། །ལྗང་གུ་ཚིགས་པ་ཐམས་ཅད་ལ། །ཕཊ་
[280a.6]ཧཾ་མཚན་མ་རྟ་མཆོག་གོ། །དཔའ་བོ་རྣམས་ལ་འདི་ཁོ་ནའི། །ཡན་ལག་དྲུག་པོ་ཡོངས་སུ་བསྒོམ། །ཨོཾ་བཾ་རྡོ་རྗེ་ཕག་མོ་སྟ། །ལྟ་བར་དམར་པོ་བསམ་པར་བྱ། །སྙིང་གར་ཧཾ་ཨོཾ་ཡ་མི་ནི། །ཧྲིཾ་མོཾ་ཁ་རུ་རྨོངས་བྱེད་མ། །ཧྲེཾ་ཧྲིཾ་དཔྲལ་བར་སྐྱེད་བྱེད་མ། །ཧཱུཾ་ཧཱུཾ་སྐྲག་བྱེད་སྤྱི་གཙུག་ཏུ། །ཕཊ་ཕཊ་
[280a.7]ལུས་ཚིགས་ཐམས་ཅད་ལ། །མཚོན་ཆ་གཏུམ་མོ་འདི་དག་མདོག །སྔོན་མོ་དཀར་མོ་སེར་མོ་ལྗང་། །དུ་མདོག་དཔའ་མོ་རྣམས་ལ་ཡང་། །ལག་པའི་མཆོད་པའི་ཆོ་གས་ཀྱང་། །འཁོར་ལོ་འདི་ཉིད་ལག་པར་མཆོད། །རྐང་གཡས་གཡོན་གྱིས་མནན་ནས་ནི། །གཡོན་མིག་ཅུང་
[280b]
[280b.1]དམའ་གྱེན་དུ་བལྟ། །ལག་གཉིས་མཐེ་བརྩེ་ཐུར་བལྟས་ཏེ། །ཡང་དག་མནན་ནས་སྡིགས་མཛུབ་གཉིས། །ལུ་གུ་རྒྱུད་ཀྱིས་རྣམ་པར་བཅིངས། །གུང་མོ་གཉིས་ནི་སྤྲད་བྱས་ཏེ། །ལྷག་མ་བརྐྱང་ནས་མགོ་སྟེང་དུ། །གཡོན་དང་གཡས་སུ་བསྐོར་བར་བྱ། །ཕྱག་རྒྱ་དྲ་བ་ཞེས་པ་འདིས། །ཕཻཾ་ཡིག་བརྗོད་
[280b.2]པ་དང་བཅས་པས། །སྙིང་གར་ཉི་གནས་ཏིང་འཛིན་སེམས། །ཧཱུཾ་ཡིག་འོད་ཟེར་གྱིས་བཀུག་པ། །ཡེ་ཤེས་འཁོར་ལོ་པི་ཝང་སོགས། །མཆོད་ནས་བདག་ལ་གཞུག་པར་བྱ། །ཨོཾ་ཡོ་ག་ཤུདྡྷཿསརྦ་དྷརྨཱ་ཡོ་ག་ཤུདྡྷོ྅ཧཾ། གསང་སྔགས་བརྗོད་ཅིང་པད་ཀོར་གྱིས། །འཁྱུད་པའི་སྟངས་ཀྱིས་
[280b.3]མཉེས་པར་བྱ། །ཡེ་ཤེས་དུས་མཉམ་བྱོན་པ་ཡིས། །སྤྱན་སོགས་ཌ་མ་རུ་དང་ནི། །བདུད་རྩིའི་ཐོད་པ་ཐོགས་ནས་སུ། །ཇི་ལྟར་བལྟམས་པ་ཙམ་གྱིས་ཀྱང་། །དེ་བཞིན་གཤེགས་ཀུན་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བྱའོ། །ཨོཾ་སརྦ་ཏ་ཐཱ་
[280b.4]ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུཾ། བརྗོད་ཅིང་བདུད་རྩི་སྣོད་ཐོགས་ཀྱིས། །དབང་བསྐུར་བས་ནི་དགྱེས་པར་བསམ། །བདུད་རྩིའི་ལྷག་མ་ལས་བྱུང་བའི། །རྒྱལ་བས་དེ་རྗེས་རྒྱས་གདབ་བྱ། །བདེ་མཆོག་སྤྱི་གཙུག་མི་བསྐྱོད་པ། །ཕག་མོའི་རྣམ་པར་སྣང་མཛད་དོ། །མཁའ་
[280b.5]འགྲོ་མ་སོགས་རིན་ཆེན་འབྱུང་། །ཐུགས་འཁོར་གནས་པའི་མི་བསྐྱོད་པ། །གསུང་གི་འཁོར་ལོ་འོད་དཔག་མེད། །སྐུ་ཡི་འཁོར་ལོ་རྣམ་སྣང་མཛད། །དམ་ཚིག་ཏུ་ནི་དོན་ཡོད་གྲུབ། །བདུད་རྩི་རོ་མས་དྲངས་གསོལ་ནས། །རབ་དགྱེས་རྐང་པ་བརྒྱད་པས་བསྟོད། །ཡེ་ཤེས་ལྔ་དང་
[280b.6]སྐུ་གསུང་ཉིད། །གཟུགས་བརྙན་བཞིན་དུ་ལྷག་པར་མོས། །དེ་ནས་རང་གི་སྟོན་པ་མཆོད། །དེ་ལ་གསང་སྔགས་འདི་ལྟ་སྟེ། །ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ། །ཌཱ་ཀི་ནཱི་ཛཱ་ལ་སམྦ་རཾ་སྭཱ་ཧཱ། སྙིང་པོའི་སྔགས་སོ། །ཨོཾ་ཧྲཱིཿ་ཧ་ཧ་ཧཱུཾ་ཧཱུཾ་ཕཊ། ཉེ་བའི་སྙིང་པོའི་སྔགས་སོ། །ཨོཾ་བཛྲ་བཻ་
[280b.7]རོ་ཙ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ལྷ་མོའི་སྙིང་པོའི་སྔགས་སོ། །ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞྞ་ནི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ལྷ་མོའི་ཉེ་བའི་སྙིང་པོའོ། །ཨོཾ་ཀ་ར་ཀ་ར་ཁཎྜ་ཀཱ་པ་ལ་པྲ་ཙཎྜེ་ཧཱུཾ་ཧཱུཾ་ཕཊ། ཨོཾ་ཀུ་རུ་ཀུ་རུ་མ་ཧཱ་ཀཾ་ཀ་ལ་ཙཎྜ་ཨཀྵི་ཡེ་ཧཱུཾ་ཧཱུཾ་ཕཊ། ཨོཾ་བནྡྷ་བནྡྷྱ་ཀཾ་ཀ་ལ་པྲབྷ་བ་ཏཱི་ཡེ་ཧཱུཾ་ཧཱུཾ་ཕཊ། ཨོཾ་
[281a]
[281a.1]ཏྲཱ་ས་ཡ་ཏྲཱ་ས་ཡ་བི་ཀ་ཊ་དཾཥྚྲ་ཎི་མ་ཧཱ་ན་སེ་ཧཱུཾ་ཧཱུཾ་ཕཊ། ཨོཾ་ཀྵོ་བྷ་ཡ་ཀྵོ་བྷ་ཡ་སུ་ར་བཻ་རི་ཎ་བཱི་ར་མ་ཏི་ཡེ་ཧཱུཾ་ཧཱུཾ་ཕཊ། ཨོཾ་ཧྲཽཾ་ཧྲཽཾ་ཨ་མི་ཏཱ་བྷ་ཁརྦ་རཱ་ཡེ་ཧཱུཾ་ཧཱུཾ་ཕཊ། ཨོཾ་ཧྲཿཧྲཿབཛྲ་པྲ་བྷ་བ་ལཾ་ཀེ་ཤྭ་རཱི་ཡེ་ཧཱུཾ་ཧཱུཾ་ཕཊ། ཨོཾ་ཕེཾ་ཕེཾ་བཛྲ་ཀཱ་ཡ་དྲུ་མཙྪ་ཡ་ཧཱུཾ་ཧཱུཾ་ཕཊ། ཨོཾ་ཕཊ་ཕཊ་ཨཾ་ཀུ་རི་ཀ་ཨཻ་ར་ཝ་ཏཱི་
[281a.2]ཡེ་ཧཱུཾ་ཧཱུཾ་ཕཊ། ཨོཾ་ད་ཧ་ད་ཧ་བཛྲ་ཛཱ་ཊི་ལ་མ་ཧཱ་བྷཻ་ར་བཱི་ཡེ་ཧཱུཾ་ཧཱུཾ་ཕཊ། ཨོཾ་པ་ཙ་པ་ཙ་མ་ཧཱ་བཱི་རེ་བཱ་ཡུ་བེེ་གེ་ཧཱུཾ་ཧཱུཾ་ཕཊ། ཨོཾ་བྷཀྵ་བྷཀྵ་བ་ས་རུ་དྷི་རཱནྟྲ་མ་ལཱ་བ་ལ་མྦི་ནི་བཛྲ་ཧཱུཾ་ཀ་ར་སུ་ར་བྷཀྵུ་ཡེ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་སཔྟ་པཱ་ཏཱ་ལ་ག་ཏ་བྷུ་ཛཾ་གཾ་སརྦམྦཱ་ཏ་རྫྫ་ཡ་ཏརྫྫ་ཡ་སུ་བྷ་དྲེ་ཤྱཱ་མ་དེ་ཝཱི་ཡེ་ཧཱུཾ་ཧཱུཾ་ཕཊ། ཨོཾ་ཨཱ་
[281a.3]ཀཌྜྷྱ་ཨཱ་གཌྜྷྱ་བཛྲ་བྷ་དྲ་སུ་བྷ་དྲེ་ཧཱུཾ་ཧཱུཾ་ཕཊ། ཨོཾ་ཧྲིཾ་ཧྲིཾ་མ་ཧཱ་བྷཻ་ར་བ་ཧ་ཡ་ཀ་རྞེ་ཧཱུཾ་ཧཱུཾ་ཕཊ། ཨོཾ་ཛྣཽཾ་ཛྣཽཾ་བི་རཱུ་པཱ་ཀྵ་ཁ་གཱ་ན་ནེ་ཧཱུཾ་ཧཱུཾ་ཕཊ། ཨོཾ་ཀྵྨཾ་ཀྵྨཾ་མ་ཧཱ་བ་ལ་ཙཀྲ་བེེ་གེ་ཧཱུཾ་ཧཱུཾ་ཕཊ། ཨོཾ་ཧཱཾ་ཧཱཾ་རཏྣ་བཛྲ་ཁཎྜ་རོ་ཧེ་ཧཱུཾ་ཧཱུཾ་ཕཊ། ཨོཾ་ཧཱིཾ་ཧཱིཾ་ཧ་ཡ་གྲཱི་བ་ཤཽཎྜཱི་ནཱི་ཡེ་ཧཱུཾ་ཧཱུཾ་ཕཊ། ཨོཾ་ཧཱུཾ་ཧཱུཾ་ཨཱ་ཀཱ་ཤ་གརྦྷ་ཙཀྲ་བརྨྨི་ཎི་ཡེ་ཧཱུཾ་ཧཱུཾ་ཕཊ། ཨོཾ་
[281a.4]ཀི་ལི་ཀི་ལི་ཤྲཱི་ཧེ་རུ་ཀ་སུ་བཱི་རི་ཧཱུཾ་ཧཱུཾ་ཕཊ། ཨོཾ་སི་ལི་སི་ལི་པདྨ་ན་རྟྟེ་ཤྭ་ར་མ་ཧཱ་བ་ལེ་ཧཱུཾ་ཧཱུཾ་ཕཊ། ཨོཾ་ཧི་ལི་ཧི་ལི་བཻ་རོ་ཙ་ཀྲ་ཝ་རྟྟི་ནི་ཡེ་ཧཱུཾ་ཧཱུཾ་ཕཊ། ཨོཾ་དྷི་ལི་དྷི་ལི་བཛྲ་སཏྭ་མ་ཧཱ་བཱི་ར་ཡེ་ཧཱུཾ་ཧཱུཾ་ཕཊ། ཨོཾ་ཀཱ་ཀ་སྱེ་ཧཱུཾ་ཧཱུཾ་ཕཊ། ཨོཾ་ཨུ་ལུ་ཀཱ་སྱེ་ཧཱུཾ་ཧཱུཾ་ཕཊ། ཨོཾ་ཤྭ་ནཱ་སྱེ་ཧཱུཾ་ཧཱུཾ་ཕཊ། ཨོཾ་ཤུ་ཀ་རཱ་སྱེ་ཧཱུཾ་ཧཱུཾ་ཕཊ། ཨོཾ་
[281a.5]ཡ་མ་ད་དྷཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཱུ་ཏཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཾ་ཥྚི་ཎི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་མ་ཐ་ནཱི་ཡེ་ཧཱུཾ་ཧཱུཾ་ཕཊ། ཨོཾ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ། ཨོཾ་ལཱ་མཱ་ཡེ་ཧཱུཾ་ཧཱུཾ་ཕཊ།ཨོཾ་ཁཎྜ་རོ་ཧེ་ཧཱུཾ་ཧཱུཾ་ཕཊ། ཨོཾ་རཱུ་པི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་བོ་དྷི་ཙིཏྟ་བཛྲ་ཡེ་ཧཱུཾ་ཧཱུཾ་ཕཊ། ཨོཾ་ན་མོབྷ་ག་ཝ་ཏེ་ཝཱི་རེ་ཤཱ་ཡ་ཧཱུཾ་ཧཱུཾ་ཕཊ།
[281a.6]ཨོཾ་མ་ཧཱ་ཀ་ལྤཱ་གནི་སནྣི་བྷཱ་ཡ་ཧཱུཾ་ཧཱུཾ་ཕཊ། ཨོཾ་ཛཱ་ཊ་མུ་ཀུ་ཊོཏྐ་ཊཱ་ཡ་ཧཱུཾ་ཧཱུཾ་ཕཊ། ཨོཾ་དཾཥྚཱ་ཀ་རཱ་ལོ་གྲ་བྷི་ཥ་ཎ་མུ་ཁཱ་ཡ་ཧཱུཾ་ཧཱུཾ་ཕཊ། ཨོཾ་ས་ཧ་སྲ་བྷུ་ཛ་བྷ་སུ་རཱ་ཡ་ཧཱུཾ་ཧཱུཾ་ཕཊ། ཨོཾ་པ་ར་ཤུ་པཱ་ཤོ་དྱཱ་ཏ་ཤཱུ་ལ་ཁ་ཊྭཱཾ་ག་དྷ་རི་ཎེ་ཡེ་ཧཱུཾ་ཧཱུཾ་ཕཊ། ཨོཾ་བྱཱ་གྷྲ་ཛི་ནཱཾ་བ་ར་དྷ་རཱ་ཡ་ཧཱུཾ་ཧཱུཾ་ཕཊ། ཨོཾ་མ་ཧཱ་དྷུ་མྦྲཱ་ནྡྷ་ཀ་ར་ཝ་པུ་ཥཱ་ཡ་ཧཱུཾ་ཧཱུཾ་ཕཊ། དེ་
[281a.7]དག་ནི་མཆོད་པའི་སྔགས་སོ། །ཁཎྜ་ཀ་པཱ་སོ་སེན་མོར། །སྐྲ་སྤུ་མ་ཧཱ་ཀངྐ་ལ། །པགས་དང་དྲི་མར་ཀངྐ་ལ། །ཤ་ལ་མཆེ་བ་རྣམ་པར་གཙིགས། །སུ་ར་བཻ་རི་རྒྱུས་པ་ལ། །འོད་དཔག་མེད་པ་རུས་པ་ལའོ། །མཆིན་པ་ལ་ནི་རྡོ་རྗེ་འོད། །སྙིང་ལ་རྡོ་རྗེའི་སྐུ་གནས་ཏེ། །མིག་དག་ལ་ནི་
[281b]
[281b.1]ཨངྐུ་རི། །རྡོ་རྗེའི་རལ་ལྡན་མཁྲིས་པ་ལ། །དཔའ་བོ་ཆེན་པོ་གློ་བར་བཞུགས། །རྒྱུ་མར་རྡོ་རྗེ་ཧཱུཾ་མཛད་དོ། །རབ་ཏུ་བཟང་མོ་གཉེ་མ་ལ། །རྡོ་རྗེ་བཟང་མོ་གྲོད་པར་གནས། །འཇིགས་བྱེད་ཆེན་པོ་བཤད་བ་ལའོ། །སྨིན་མཚམས་ལ་ནི་མིག་མི་བཟང་། །བད་ཀན་ལ་ནི་སྟོབས་པོ་ཆེ། །རྣག་རྣམས་
[281b.2]རིན་ཆེན་རྡོ་རྗེའོ། །དཔའ་བོ་རྟ་མགྲིན་ཁྲག་ལའོ། །རྡུལ་ལ་ནམ་མཁའི་སྙིང་པོ་གནས། །ཚིལ་ལ་དཔལ་ལྡན་ཧེ་རུ་ཀ །མཆི་མ་པདྨ་གར་དབང་ཕྱུག །མཆིལ་མ་ལ་ནི་རྣམ་སྣང་མཛད། །སྣབས་ལ་རྡོ་རྗེ་སེམས་དཔའ་སྟེ། །དེ་ལྟར་དཔའ་བོ་ལུས་ལ་བཞུགས། །ཕྲེང་བའི་སྔགས་སོགས་
[281b.3]དཔའ་བོ་ནི། །ཚངས་སྐུད་ལ་སོགས་བརྟག་པའོ། །དཔའ་བོ་ཉི་ཤུ་རྩ་བཞི་ཡིས། །ལུས་ཀྱི་ཁམས་ལ་རྣམ་པར་བརྟག །གོ་ཆའི་དཔའ་བོ་དྲུག་གིས་ཀྱང་། །ཕྱག་རྒྱ་དྲུག་གིས་ལུས་མཛེས་ཏེ། །ཕག་མོའི་ཕྲེང་བའི་སྔགས་ཀྱིས་སུ། །མགུལ་རྒྱན་ཕྱག་རྒྱའི་དག་པའོ། །མགོན་པོའི་སྙིང་
[281b.4]པོའི་སྔགས་ཀྱིས་ཀྱང་། །མགོ་བོའི་ཕྲེང་བ་བརྒྱ་ཡི་ཕྱེད། །གསང་སྔགས་ཡི་གེ་བདུན་གྱིས་ནི། །རྣ་ཆ་ཡིས་ནི་རྣ་བ་མཛེས། །སརྦ་བུདྡྷཱི་སྔགས་སོགས་ཀྱིས། །པགས་པའི་ཤམ་ཐབས་དག་པའོ། །གོ་ཆའི་ལྷ་མོ་དྲུག་གིས་ནི། །སྐེ་རགས་རྒྱན་གྱི་དག་པའོ། །འཁོར་ལོ་ལྔ་གནས་
[281b.5]ལྷ་མོ་ཡི། །སྔགས་ཀྱིས་བཏུང་བའི་ཐོད་པའོ། །བཻ་རོ་ཙ་ནའི་སྔགས་ཀྱིས་ཀྱང་། །ཐོད་པས་དབུ་ལ་རྣམ་པར་བརྒྱན། །ཁ་ཊྭཱཾ་ག་ནི་ལྷ་ཡི་སྐུ། །འཁོར་ལོ་སྡོམ་པའི་བདག་ཉིད་ནི། །ཆོས་ཀྱི་དབྱིངས་ཀྱི་རང་བཞིན་ཕྱིར། །ཤེས་རབ་ཌ་མ་རུ་ཡི་སྒྲ། །དམིགས་པའི་རང་བཞིན་ཉིད་ཀྱི་ཕྱིར། །
[281b.6]རྡོ་རྗེ་འཛིན་པ་ཉིན་མོར་བརྗོད། །དེ་ཡི་དངོས་མེད་རང་བཞིན་ཕྱིར། །རྣལ་འབྱོར་མ་ནི་མཚན་མོར་བཤད། །ཇི་ལྟར་བར་དོའི་སེམས་འབྱུང་བ། །ཤེས་པ་ཙམ་དེ་ནམ་མཁའ་བཞིན། །མངོན་ཤེས་ལྔ་ལྡན་དེ་བཞིན་ཚུལ། །རྡོ་རྗེ་འཛིན་པ་མཚན་དཔེས་སྤྲས། །སྟོང་ཉིད་ཆོས་
[281b.7]ཀྱི་སྤྲུལ་པ་ནི། །ཕག་མོ་ཞེས་བྱར་རབ་ཏུ་བསྟན། །ཤྲཱི་ཡིག་གཉིས་མེད་ཡེ་ཤེས་ཏེ། །ཧེ་ཞེས་རྒྱུ་སོགས་སྟོང་པ་ཉིད། །རུ་ཡིག་རྣམ་རྟོག་ཚོགས་དང་བྲལ། །ཀ་ཞེས་གང་དུའང་མི་གནས་སོ། །ངག་ཡུལ་མིན་པ་བཱ་ཡི་སྒྲ། །རཱ་ཡིག་རྣམ་པ་རྣམས་སྤངས་པ། །ཧཱི་ཡིག་རྒྱུ་ཡི་མི་
[282a]
[282a.1]དམིགས་པ། །ཕག་མོའི་སྒྲར་ནི་གྲགས་པའོ། །བྱང་ཆུབ་ཕྱོགས་ཀྱི་རབ་སྦྱོར་གྱིས། །ཐམས་ཅད་ཤེས་པ་ཉིད་རབ་བསྟན། །ས་དང་གནས་སོགས་སྦྱོར་བ་ཡིས། །འགྲོ་བའི་བླ་མ་ལམ་ཤེས་ཉིད། །གོ་ཆ་ལ་སོགས་རྣམ་དག་མཐས། །རྣམ་པ་ཀུན་མཁྱེན་ཉིད་ཀྱང་ངོ་། །
[282a.2]གོ་ཆ་གཉིས་ཀྱི་སྦྱོར་བ་ཡིས། །དེ་ལྟར་བདག་ཉིད་གོ་བགོས་ནས། །སུམྦྷ་སོགས་ཀྱིས་སྲུང་བྱས་ཏེ། །རྣལ་འབྱོར་ལྡན་པས་སྤྱོད་པར་བྱ། །རྟག་ཏུ་སེམས་ཅན་ཐམས་ཅད་ལ། །སྡོམ་པ་ཉིད་དུ་བལྟ་བར་བྱ། །རྐང་པ་བརྒྱད་ཀྱིས་རབ་བསྟོད་དེ། །འཇིགས་པ་ཐམས་ཅད་རྣམ་སྤངས་
[282a.3]ནས། །རྣལ་འབྱོར་བློ་ཆེན་རྣམ་པར་སྤྱོད། །ཁམས་གསུམ་དང་ནི་དབྱེར་མེད་བདག །རིགས་ལྔ་དག་ཏུ་ཀུན་སྤྱོད་པ། །དེ་རྣམས་རོ་གཅིག་ཉིད་ཕྱིར་རོ། །རྣམ་པར་མི་རྟོག་བདག་ཉིད་སེམས། །འདོད་པའི་ཡོན་ཏན་ལྔ་ལོངས་སྤྱོད། །དོགས་པ་ཐམས་ཅད་རྣམ་སྤངས་ཏེ། །རྣལ་འབྱོར་
[282a.4]སེང་གེ་བཞིན་དུ་སྤྱོད། །ཅེས་བྱ་བ་ནི་ཤིན་ཏུ་རྣལ་འབྱོར་ཏེ་གསུམ་པའོ། །ཨཱ་ལི་ཀཱ་ལི་འོད་ཟེར་ལྔ་དང་ལྡན་པ་ནི། །ཡང་དག་བཀོད་ཅིང་འཁོར་ལོ་གསུམ་ནི་སྤྲོས་ནས་དེ། །སྣ་ཡི་བུ་ག་གཡས་པའི་རླུང་དང་བཅས་ནས་སུ། །བྱུང་ནས་འཇིག་རྟེན་ཐམས་ཅད་འཁོར་ལོ་གསུམ་གྱུར་ཏེ། །དེ་
[282a.5]ནས་སྣ་བུག་གཡོན་པའི་རླུང་གི་ཤུགས་ལས་ནི། །རབ་ཏུ་ཞུགས་ནས་ལྟེ་བར་ཟླ་བའི་དཀྱིལ་འཁོར་ཏེ། །དེ་ཡི་སྟེང་དུ་སྐད་ཅིག་ཧཱུཾ་ཡིག་བསམ་བྱས་ནས། །དེ་དག་ཡོངས་སུ་གྱུར་ནས་སྲིད་པའི་དབང་ཕྱུག་ནི། །མདོག་དཀར་ཞལ་གཅིག་ཕྱག་གཉིས་རྡོ་རྗེ་དྲིལ་བུ་བསྣམས། །རྟེན་མེད་འཇའ་
[282a.6]ཚོན་རི་མོ་བཞིན་དུ་བལྟ་བར་བྱ། །རྡོ་རྗེ་ཕག་མོ་སྐུ་མདོག་དམར་མོ་དང་བཅས་པ། །སྒྱུ་མའི་དགའ་བ་དེ་སྒྲས་འགྲོ་བ་མ་ལུས་བཀུག །སྲིད་དང་དུར་ཁྲོད་སྲུང་བ་སྐུ་གསུང་ཐུགས་དང་ནི། །བདེ་བ་ཆེན་པོ་ཡབ་ཡུམ་ལྟེ་བར་གནས་པ་དང་། །བདེ་བས་ཞུ་བ་ལས་ཁྱུང་དཀར་དམར་ཧཱུཾ་ཨཱུ་ཧ། །
[282a.7]མགོ་དང་ཟླ་ཚེས་ཐིག་ལེ་ནཱ་ད་རབ་ཏུ་ཐིམ། །ནཱ་ད་ཙམ་ཡང་སྤངས་ནས་སུ། །བསམ་གྱིས་མི་ཁྱབ་རྟོག་པའང་སྤང་།། །དེ་ལས་གཟུངས་ནི་ཕྱག་རྒྱ་ཆེ། །དེས་ནི་རིམ་པས་ཐོབ་པར་འགྱུར། །ཞེས་བྱ་བ་རྣལ་འབྱོར་ཆེན་པོ་སྟེ་བཞི་པའོ། །དེ་ནས་མྱུར་བར་ཡིད་ཀྱིས་དཀྱིལ་འཁོར་མོས་
[282b]
[282b.1]ནས་ནི། །ནཱ་ད་དཀར་དམར་མདོག་ལྡན་རང་གི་ལྟེ་བར་བསྒོམ། །དེ་ནས་ཡི་གེ་གསུམ་པ་ཡང་དག་རྗོད་བྱེད་ཅིང་། །ནཱ་ད་ལས་ནི་འཐོན་ནས་འགྲོ་བའི་དོན་བྱས་ཏེ། །དེ་ནས་འཁོར་ལོའི་ལྷ་རྣམས་རླུང་དང་བཅས་ནས་སུ། །སླར་ཡང་ཕྱི་ནས་ནང་དུ་ཞུགས་ནས་དེ་བཞིན་ཡང་། །བླ་མ་དམ་པའི་གདམས་
[282b.2]པས་ཡང་དང་ཡང་དུ་སྟེ། །སྐྱོ་བར་གྱུར་ན་རྡོ་རྗེའི་བཟླས་པ་རབ་ཏུ་བྱ། །སྙིང་པོ་ཉེ་བའི་སྙིང་པོའི་སྔགས། །ནཱ་ད་འཁོར་ལོའི་ལྷ་ཚོགས་ཀྱི། །སྤྲོ་དང་བསྡུ་བ་དག་གིས་ནི། །དེ་བཞིན་བློ་ལྡན་དམ་ཚིག་བཟླས། །ཆོས་རྣམས་མཉམ་ཉིད་ང་རྒྱལ་གྱིས། །ཕྲེང་སྔགས་རང་གི་ཁར་ཞུགས་ཏེ། །
[282b.3]རྡོ་རྗེའི་ལམ་ནས་བྷ་གར་ཞུགས། །དབུ་མར་ཞུགས་ནས་ཁ་རུ་ཐོན། །ལྷ་མོ་ལས་བྱུང་ཁ་རུ་ཞུགས། །བསྐོར་སྦྱོར་འདོ་ལའི་བཟླས་པའོ། །རང་ལུས་འཁོར་ལོའི་བདག་ཉིད་རབ་ཏུ་བསམ་བྱས་ནས། །ཡི་གེ་གསུམ་གྱིས་བྱིན་བརླབས་གཏོར་མ་ཕུལ་ནས་སུ། །འབར་བ་སོགས་ཀྱིས་བཟའ་བའི་ཟས་
[282b.4]ནི་དག་པར་བྱ། །ཆོས་ལ་མཉམ་ཉིད་ང་རྒྱལ་ལྡན་པས་སྔགས་བརྗོད་ཅིང་། །ཨོཾ་ས་མ་ཡ་ཤུངྔྷཿསརྦ་དྷརྨཱཿས་མ་ཡ་ཤུདྡྷོ྅ཧཾ། ཨོཾ་ཨ་མྲྀ་ཏོ་ད་ཀ་ཧཱུཾ་ཧཱུཾ་ཋ་ཋ་ཏྲཾ་ཨཾ་ཁཾ་ཧཱུཾ་ཧཱུཾ་གིས་རྡོ་རྗེ་དཀར་པོའི་རང་བཞིན་ལྗགས་བྱས་ནས། །ཡི་གེ་གསུམ་གྱིས་ནཱ་ད་དགྱེས་པར་མཛད་ཅིང་གསོལ། །ཉིན་ཕྱེད་སྐད་ཅིག་
[282b.5]དཀྱིལ་འཁོར་མོས། །ཆོ་ག་སྔར་བཞིན་བྱས་ནས་སྤྱད། །མཚན་ཕྱེད་ན་ཡང་དེ་བཞིན་བྱ། །རང་སྨྲ་ཨཱ་ལི་ཀཱ་ལིར་རྟོགས། །སྤྱོན་སྤྱོན་དཔའ་བོ་ཆེན་པོ་ཀྱེ། །དག་པའི་ཚིག་ནི་སྟོན་པ་པོ། །སྟོང་ཉིད་ཡེ་ཤེས་ཁོ་ན་འདི། །ཆགས་དང་འཇིག་དང་གནས་པའོ། །ཨཱ་ལི་ལ་སོགས་ཀཱ་ཡི་བར། །ཧཱུཾ་ཧཱུཾ་ཕཊ་
[282b.6]དང་ཡང་དག་སྦྱོར། །ཨོཾ་སྭཱ་སོགས་པའི་སྔགས་བརྗོད་དེ། །འོད་གསལ་མངོན་དུ་ཕྱོགས་ནས་སུ། །ཉལ་བྱ་ཐུན་མཚམས་ཐམས་ཅད་དུ། །ཐ་མར་ཡི་གེ་བརྒྱ་པ་བརྗོད། །ཁྱིམ་ནས་ཁྱིམ་གཞན་འགྲོ་བ་བཞིན། །སེམས་ཉིད་དུབ་པའི་ངལ་སོ་ཙམ། །འཆི་བ་དེ་ཉིད་ཁོ་ནར་མེད། །འཇིག་
[282b.7]རྟེན་རྣམ་རྟོག་ཡིན་ཕྱིར་རོ། །འཕྲོ་བའི་ཚེ་ན་རྣལ་འབྱོར་དེ། །དཔའ་བོ་རྣལ་འབྱོར་མ་རྣམས་ཀྱིས། །སྣ་ཚོགས་མཆོད་པ་ལག་ཐོགས་ཏེ། །འོད་གསལ་གནས་སུ་འཁྲིད་པར་བྱེད། །ཕན་ཡོན་ནོ། །ཡྃ་དང་རྃ་ལས་བྱུང་བའི་རླུང་དང་མེ་བསམས་ཏེ། མགོ་གསུམ་ཐབ་ལ་ཨ་ལས་བྱུང་བའི་
[283a]
[283a.1]པད་སྣོད་དུ། །ཟན་སོགས་སྔགས་ཀྱིས་བྱིན་བརླབས་སྒྲོན་མ་ལྔ་དང་ནི། །བདུད་རྩི་ལྔར་མོས་རླུང་གཡོས་མེས་ཞུ་དམར་བའི་མདོག །ཨོཾ་ཏྲཱཾ་ཨཾ་ཁཾ་ཧཱུཾ་ལཾ་མཱཾ་པཾ་ཏཱཾ་བཾ། ཧཱུཾ་བྱུང་བདུད་རྩིའི་རང་བཞིན་ཐུར་བསྟན་ཁ་ཊྭཱཾ་གས། །དཀྲུགས་པས་དེ་ཡང་ཞུ་ནས་ཁ་བ་ལྟ་བུར་བསམ། །
[283a.2]ཨཱ་ལི་ཀཱ་ལི་ལས་བྱུང་ཡི་གེ་གསུམ་ལས་འཐོན། །འཁོར་ལོ་གསུམ་གྱིས་སྔར་བཞིན་སྐྱེ་བོའི་དོན་བྱས་ནས། །རྒྱ་མཚོ་ལ་སོགས་གནས་ནས་བདུད་རྩི་བཀུག་བྱས་ཏེ། །སྙོམས་པར་ཞུགས་པས་ཞུ་ནས་འཁོར་ལོ་གསུམ་གྱི་ལྷ། །རིམ་པ་བཞིན་དུ་ཡི་གེ་གསུམ་ལ་རབ་ཏུ་ཞུགས། །ཨོཾ་སོགས་རིམ་ཐིམ་
[283a.3]ཡི་གེ་གསུམ་གྱིས་བྱིན་གྱིས་བརླབ། །འབར་བའི་ཕྱག་རྒྱ་ཕཻཾ་སྔགས་ཀྱི། །མདུན་དུ་འཁོར་ལོ་སྤྱན་དྲངས་ནས། །ཨརྒྷཾ་སོགས་ཀྱིས་མཆོད་ནས་སུ། །ཨཱ་ལི་ཀཱ་ལི་ཡོངས་གྱུར་ཏེ། །གཡོན་དང་གཡས་པའི་ལག་པ་གཉིས། །ཟླ་བ་ཉི་མའི་རང་བཞིན་གྱུར། །དེ་ཡི་ནང་དུ་ཧཱུཾ་ཡིག་ནི། །སྔགས་
[283a.4]འདི་བརྗོད་ཅིང་བསྒོམ་པར་བྱ། །ཨོཾ་ཨ་ནྱོ་ནྱཱ་ནུ་ག་ཏཱ་སརྦ་དྷརྨཱཿཔ་ར་སྤ་ར་ཨ་ནུ་པྲ་བཥྚི་སརྦ་དྷརྨཱཿཨཏྱ་ནྟཱ་ནུ་པྲ་བཥྚི་སརྦདྷརྨཱ་ཧཱུཾ། ཟླ་བ་ལ་སོགས་ཡོངས་གྱུར་པས། །ལག་གཉིས་རྡོ་རྗེ་ཐལ་མོ་ལ། །བདུད་རྩིའི་ཐོད་པ་བཞག་ནས་སམ། །ཡང་ན་ལག་པར་བསྒོམས་ནས་ནི། །ལྷ་མོ་རྣམས་ནི་ཚད་མ་དམ་
[283a.5]ཚིག་ཚད་མ་དང་། །དེ་གསུང་ཚིག་རྣམས་ཀྱང་ནི་མཆོག་ཏུ་ཚད་མ་སྟེ། །བདེན་པ་འདི་དག་གིས་ནི་ལྷ་མོ་འདི་རྣམས་ཀྱིས། །བདག་ལ་རྗེས་སུ་འཛིན་པའི་རྒྱུར་ནི་འགྱུར་བར་ཤོག །ཅེས་བརྗོད་མཆོད་པར་བྱ་བ་སོགས། །དབྱེར་མེད་དམིགས་ཤིང་བདུད་རྩིའི་སྣོད། །ཤར་ཕྱོགས་ལ་སོགས་
[283a.6]གཡོན་དུ་སྟེ། །མཚམས་སུ་གཡས་ཀྱིས་བསྐོར་བྱ་སྟེ། །ཨོཾ་ཀ་ར་ལ་སོགས་སྔགས་བརྗོད་ཅིང་། །ཧཱུཾ་བྱུང་དཀར་པོའི་ལྗགས་བྱས་པའི། །འཁོར་ལོ་གསུམ་གྱི་ལྷ་རྣམས་ལ། །རྣལ་འབྱོར་ལྡན་པས་གཏོར་མ་སྦྱིན། །ཨོཾ་ཀ་ར་ཀ་ར། ཀུ་རུ་ཀུ་རུ། བྷནྡྷ་བནྡྷ། ཏྲཱ་ས་ཡ་ཏྲཱ་ས་ཡ། ཀྵོ་བྷ་
[283a.7]ཡ་ཀྵོ་བྷ་ཡ། ཧྲཽཾ་ཧྲཽཾ། ཧྲཿ་ཧྲཿ། ཕེཾ་ཕེཾ། ཕཊ་ཕཊ། ད་ཧ་ད་ཧ། པ་ཙ་པ་ཙ། །བྷ་ཀྵ་བྷཀྵ། བ་ས་རུ་དྷི་རཱ་ནྟྲ་མཱ་ལཱ་བ་ལཱ་མྦི་ནེ། གྲྀ་ཧྞ་གྲྀཧྞ། སཔྟ་པཱ་ཏཱ་ལ་ག་ཏ་བྷུ་ཛཾ་གཾ་སརྦ་མྦཱ། ཏརྫ་ཡ་ཏ་རྫ་ཡ། ཨཱ་ཀཌྜྷྱ་ཨཱ་ཀཌྜྷྱ། ཧྲིཾ་ཧྲིཾ། ཛྣཽཾ་ཛྣཽཾ། ཀྵྨཱཾ་ཀྵྨཱཾ། ཧཱཾ་ཧཱཾ། ཧཱུཾ་ཧཱུཾ། ཀི་ལི་ཀི་ལི།
[283b]
[283b.1]སི་ལི་སི་ལི། །ཧི་ལི་ཧི་ལི། དྷི་ལི་དྷི་ལི། ཧཱུཾ་ཧཱུཾ། ཕཊ་ཕཊ། བཛྲ་ཨ་རལླི་སོགས་ཀྱིས། །རྣམ་པ་དུ་མར་དེ་བཞག་ལ། །ཨོཾ་བཛྲ་ཨ་རལླི་ཧོཿ། །ཛཿ་ཧཱུཾ་བཾ་ཧོཿ། བཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོཿ། །པི་ཝང་སོགས་ཀྱིས་མཆོད་བྱིན་ནས། །ཞལ་བསིལ་ལ་སོགས་བྱས་ནས་སུ། །
[283b.2]སྲིད་དང་ཞི་བ་མཉམ་པར་སྦྱོར་གྱུར་ཀུན་རྟོག་རླབས་བཅོམ་པ། །ནམ་མཁའི་རང་བཞིན་དངོས་པོ་མཐའ་དག་དེ་ཉིད་ཁོ་ནར་གཟིགས། །ཤིན་ཏུ་ཕུལ་བྱུང་ཐུགས་རྗེའི་ཆུ་རྒྱས་སེམས་ཀྱི་ཆུ་བོའི་མགོན། །ལྷ་མོ་རྣམས་ཀྱིས་བདག་ལ་ཤིན་ཏུ་བརྩེ་བར་མཛད་མཛོད་ཅིག །ཅེས་བསྟོད་མངོན་པར་
[283b.3]འདོད་དོན་གསོལ། །ཕྱོགས་བདག་སོགས་གཏོར་དེ་བཞིན་དུ། །ཨོཾ་ཁ་ལ་སོགས་སྔགས་བརྗོད་ཅིང་། །གཉིས་སམ་གསུམ་གྱིས་བསྟབ་པར་བྱ། །ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཀྵ་ས་བྷཱུ་ཏ་པྲེ་ཏ་པི་ཤཱ་ཙོནྨ་དཱ་པསྨ་ར་ཌཱ་ཀ་ཌཱ་ཀི་ནྱཱ་ད་ཡ་ཨི་མཾ་བ་ལིཾ་གྲྀ་ཧྞ་ནྟུ། ས་མ་ཡ་རཀྵནྟུ་མ་མ་སརྦ་སིདྡྷི་པྲཾ་
[283b.4]ཡཙྪ་ནྟུ། ཡ་ཐཻ་བཾ་ཡ་ཐེཥྚི། བྷུཉྫ་ཐ་པི་བ་ཐ་ཛི་གྷྲ་ཐ་མཱ་ཏི་ཀྲ་མ་ཐཱ། མ་མ་སརྦ་ཀཱ་རྟ་ཡ་ས་ཏ་སུ་ཁཾ་བི་བྲྀད་དྷ་ཡེ་ས་ཧཱ་ཡི་ཀ་བྷ་བནྟུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཏོར་མ་གསོལ་ནས་དེ་རྣམས་ནི། །བདེ་བ་ཆེན་པོ་ལྡན་པར་བསམ། །པི་ཝང་མ་སོགས་རྣམས་ཀྱིས་མཆོད། །གོ་ལ་ལ་སོགས་
[283b.5]དབུལ་བ་དང་། །རྐང་པ་བརྒྱད་པའི་སྔགས་ཀྱིས་བསྟོད། །དེ་ནས་འདོད་དོན་གསོལ་བ་གདབ། །ཙྪོ་མའི་ལག་པས་སེ་གོལ་གཏོགས། །ཆད་ལྷག་བསྐང་བར་བྱ་བའི་ཕྱིར། །གསང་སྔགས་ཡི་གེ་བརྒྱ་པ་བརྗོད། །དྲིལ་བུ་དཀྲོལ་བ་སྔོན་བཏང་ནས། །པད་ཀོར་ཕྱག་རྒྱས་དགྱེས་པར་
[283b.6]བྱ། །ཨོཾ་ཡོ་ག་ལ་སོགས་སྔགས་བརྗོད་ཅིང་། །ནམ་མཁའ་ལྟ་བུའི་དངོས་པོ་ཉིད། །མངོན་པར་འཁྱུད་པའི་སྟངས་བྱས་ནས། །སྲིན་ལག་མཐེ་བོང་སེ་གོལ་གཏོགས། །ཨོཾ་བཛྲ་མུཿཞེས་བྱས་ནས་སུ། །རང་ལ་འཁོར་ལོ་གཞུག་པར་བྱ། །གཏོར་མའི་དེ་ཁོ་ན་ཉིད་དོ། །སྔ་དྲོ་
[283b.7]ཡང་དག་ལངས་ལ་ས་ཕྱོགས་གཙང་མ་རུ། སུམྦྷ་ལ་སོགས་གསང་སྔགས་བརྗོད་ཅིང་རྣལ་འབྱོར་པས། །བདུད་རྩི་ལྔ་ལ་སོགས་པས་དཀྱིལ་འཁོར་བྱུགས་ནས་སུ། །པཱུ་ཛ་ལ་སོགས་གནས་སོགས་བརྗོད་ཅིང་རིམ་པ་ཡིས། །ཨོཾ་པཱི་ཋ་ཨུ་པ་པཱི་ཋ། ཀྵེ་ཏྲ་ཨུ་པ་ཀྵེ་ཏྲ།
[284a]
[284a.1]ཚནྡོ་ཧ་ཨུ་པ་ཚནྡོ་ཧ། མེ་ལཱ་པཱ་ཀ་ཨུ་པ་མེ་ལཱ་པཱ་ཀ ། ཤྨ་ཤཱ་ནཱ་ཨུ་པ་ཤྨ་ཤཱ་ན། དེ་ནས་སྐད་ཅིག་འབྱུང་བཞི་རི་རབ་པདྨ་ལ། ཧཱུཾ་གཞག་དེ་ཡི་འོད་ཟེར་གྱིས་ནི་རབ་བཀུག་པ། །དེ་ལ་ཡེ་ཤེས་འཁོར་ལོ་རྗེས་སུ་བཅུག་ནས་སུ། །དེ་ཉིད་ཡོངས་སུ་གྱུར་ནས་དཀྱིལ་
[284a.2]འཁོར་རྫོགས་པར་བལྟ། །སྙིང་གའི་ས་བོན་ལས་བྱུང་པི་ཝང་མ་སོགས་ཀྱིས་མཆོད་དང་། །རིན་ཆེན་བདུན་པོ་ཕུལ་ནས་དག་པར་བྱས་པ་ཡིས། །གཡོན་པས་མངོན་དུ་ཡི་གེ་གསུམ་གྱིས་མེ་ཏོག་དབུལ། །དེ་ནས་ལྷ་དང་ལྷ་མོའི་སྙིང་པོ་ལ་སོགས་ཀྱིས། །དེ་ཡི་འཁོར་ལོ་རང་རང་ཆོ་ག་རབ་
[284a.3]བརྗོད་ནས། །མཚམས་སུ་གཡས་སུ་བསྐོར་ཞིང་ཕྱོགས་རྣམས་གཡོན་དུ་བསྐོར། །དེ་ནས་ལག་པར་གནས་པའི་དེ་བཞིན་གཤེགས་སོགས་ལ། །ཨོཾ་ཧ་ལ་སོགས་སྔགས་ཀྱིས་མེ་ཏོག་ཕུལ་ནས་ནི། །རྐང་པ་བརྒྱད་པའི་སྔགས་ཀྱིས་གཡོན་པའི་མེ་ཏོག་ནི། །འཁོར་ལོར་དོར་ནས་མགོ་ལ་ཐལ་མོ་སྦྱར་
[284a.4]ནས་དེས། །རང་ལ་གཡོན་པའི་འཁོར་ལོ་རབ་ཏུ་གཞུག་པར་བྱ། །རྐང་པ་བརྒྱད་པས་བསྟོད་ནས་སྡིག་པ་བཤགས་སོགས་དང་། །སྨོན་ལམ་གདབ་དང་བཟླས་བརྗོད་ཡི་གེ་བརྒྱ་པ་དང་། །ཨོཾ་ཡོ་ག་ལ་སོགས་སྔགས་དང་པད་ཀོར་ཕྱག་རྒྱ་ཡིས། །དགྱེས་པར་བྱས་ཏེ་མངོན་པར་འཁྱུད་པའི་
[284a.5]ཕྱག་རྒྱ་དང་། །ས་རེག་ཚོ་ཌ་ཀ་དང་བཛྲ་མུཿཞེས་པ། །བརྗོད་ཅིང་བདག་ལ་འཁོར་ལོ་ཐམས་ཅད་རབ་བཅུག་ནས། །དེ་ནས་ཕྱི་རོལ་དཀྱིལ་འཁོར་རི་མོ་བསྲུབ་པར་བྱ། །ཕྱི་རོལ་གྱི་མཆོད་པའི་ཆོ་གའོ། །མཐེ་བོ་མཛུབ་མོ་གུང་མོ་དང་། །སྲིན་ལག་མཐེ་ཆུང་དེ་རྣམས་ཁར། །གཡོན་པར་རྡོ་རྗེ་
[284a.6]ཅན་རྣམ་སྣང་། །རྡོ་རྗེ་སེམས་དང་རྣམ་སྣང་མཛད། །འོད་དཔག་མེད་དང་མི་བསྐྱོད་པ། །རིན་འབྱུང་དོན་གྲུབ་གོ་རིམས་བཞིན། །དཀར་སེར་དམར་དང་མཐིང་ག་དང་། །དམར་སེར་ལྗང་གུའི་ཁ་དོག་ལྡན། །ཨོཾ་ཧ་ལ་སོགས་བྱུང་བ་སྟེ། །ཞལ་གསུམ་ཕྱག་དྲུག་རྡོ་རྗེ་ཅན། །གཞན་རྣམས་
[284a.7]ཞལ་གཅིག་ཕྱག་བཞི་པ། །གཡས་པ་རྡོ་རྗེ་རྡེའུ་ཆུང་མགོ། །དྲིལ་བུ་ཐོད་པ་ཁ་ཊྭཱཾ་ག །གཡོན་དུའོ་རྡོ་རྗེ་ཅན་གྱི་ཞལ། །དཀར་དང་དམར་དང་མཐིང་གའོ། །དབུས་དང་གཡས་གཡོན་རིམ་བཞིན་ནོ། །གཞན་པ་རྣམས་ཀྱི་མཚོན་ཆར་བརྗོད། །འཁོར་ལོ་པདྨ་རྡོ་རྗེ་རིན། །རལ་གྲི་གཞན་
[284b]
[284b.1]ཀུན་ཌ་མ་རུའོ། །དྲིལ་བུ་ཐོད་བཅས་ཁ་ཊྭཱཾ་ག །གཡས་དང་གཡོན་དུ་གོ་རིམས་བཞིན། །ལག་མཐིལ་པདྨ་འདབ་མ་ལྔ། །དམར་པོ་འདབ་མ་གཡོན་སྐོར་སྦྱར། །ལྟེ་བར་ཕག་མོ་སྐུ་མདོག་དམར། །ཞལ་གསུམ་ཕྱག་དྲུག་འོད་འབར་མ། །དམར་པོ་མཐིང་ག་ལྗང་གུའི་ཞལ། །ཐོད་པ་ཁ་ཊྭཱཾ་
[284b.2]ཞགས་པ་གཡོན། །ལྕགས་ཀྱུ་ཚངས་མགོ་གྲི་གུག་གཡས། །ཡ་མི་ནི་དང་རྨོངས་བྱེད་མ། །སྐྱོང་བྱེད་མ་དང་སྐྲག་བྱེད་མ། །གཏུམ་མོ་མཐིང་ག་དཀར་སེར་མོ། །ལྗང་གུ་དུ་བའི་མདོག་ཅན་རྣམས། །ས་དང་ཆུ་དང་མེ་དང་རླུང་། །ནམ་མཁའི་ཁམས་ཀྱི་རང་བཞིན་ནོ། །ཐམས་ཅད་སྤྱན་གསུམ་
[284b.3]སྐྲ་གྲོལ་མ། །གཅེར་བུ་ཕྱག་བཞི་ལྷ་མོ་རྣམས། །གཡོན་ན་ཐོད་པ་ཁ་ཊྭཱཾ་ག །ཕྱག་གཞན་ན་ནི་དྲིལ་བུ་བསྣམས། །གཡས་སུ་རྔེའུ་ཆུང་གྲི་གུག་གོ། །ཞབས་གཉིས་བརྐྱང་བསྐུམ་གནས་པ་རྣམས། །དཀར་པོ་གང་དེ་ཟླ་བར་གནས། །དེ་གཞན་རྣམས་ནི་ཉི་མ་ལའོ། །ཡང་ན་འདི་རྣམས་
[284b.4]ས་བོན་ཉིད། །དང་པོར་བརྗོད་པའི་རྣམ་པར་བསྒོམ། །དེ་ཡི་མདོག་དང་རང་བཞིན་ཅན། །སྔགས་དང་ལྷ་གཉིས་ཁྱད་མེད་ཕྱིར། །འདི་ཡི་གཟུགས་བརྙན་འཁོར་ལོའམ། །ལག་པའི་རྒྱབ་ཏུ་བསམ་པར་བྱ། །དེ་ནས་ལག་པའི་ས་བོན་རྣམས། །ཞུ་བའི་རྫས་ཀྱིས་གདབ་བྱས་ནས། །འཁོར་
[284b.5]ལོ་གསུམ་གྱི་རང་བཞིན་བསམ། །རྡོ་རྗེ་འཛིན་པས་བྱིན་གྱིས་བརླབ། །འདི་ལ་རྫས་ནི་རྐང་བརྒྱད་ཀྱིས། །དབུལ་བའམ་ཡི་གེ་གསུམ་གྱིས་སོ། །ཆོ་ག་ལྷག་ཆད་དག་བྱའི་ཕྱིར། །གསང་སྔགས་ཡི་གེ་བརྒྱ་པ་བརྗོད། །འཁོར་ལོའི་མགོན་པོ་ལ་གསོལ་ནས། །རྫས་དེ་སྣོད་ཀྱི་ནང་དུ་
[284b.6]གཞུག །ལག་པ་ལ་ཡོད་རྫས་རྣམས་ནི། །གཡོན་པའི་སྲིན་ལག་གིས་རེག་ནས། །སྙིང་ག་ལྟེ་དང་དཔྲལ་བ་རུ། །ཧཱུཾ་ཨཱཿཨོཾ་གྱི་སྔགས་བརྗོད་ཅིང་། །བྱུགས་ནས་ལྷ་ཡི་ཚོགས་རྣམས་ནི། །བདག་ལ་རབ་ཏུ་བསྟིམ་པར་བྱ། །ལག་པའི་མཆོད་པའི་ཆོ་གའོ། །ཧཱུཾ་ཡིག་དཀར་པོ་ལས་བྱུང་
[284b.7]རྡོ་རྗེའི་རང་བཞིན་ལྗགས། །གཡས་པ་དགང་གཟར་བླུགས་གཟར་གྱིས་ནི་བླུགས་པ་གང་། །ལྟེ་བའི་པདྨ་རབ་ཏུ་འབར་བའི་འཁོར་ལོ་རུ། །དེ་ནི་བཟའ་བའི་དུས་ཀྱི་ནང་གི་སྦྱིན་སྲེག་གོ། །ཨོཾ་ཨཱཿཨུ་ཙྪིཥྚ་བཛྲ་ཨ་དྷི་ཏིཥྛ་ཨི་མཾ་བ་ལིཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བྱ་བ་འདིས་ཟོས་པའི་ལྷག་མའི་
[285a]
[285a.1]གཏོར་མ་བྱའོ། །བདག་ཉིད་ཆེན་པོའི་ཁམས་ཀྱི་ཟ་མ་ཏོག་འདི་ཐུན་མོང་རྣམས་ཀྱིས་གཞལ་བར་མི་ནུས་ཏེ། དེ་ཕྱིར་འདི་ལ་ཁོ་བོས་ཀྱང་ནི་རབ་ཏུ་འཇུག་པར་ནུས་པར་འགྱུར་བ་མ་ཡིན་མོད། །འོན་ཀྱང་རྣལ་འབྱོར་དབང་ཕྱུག་ལཱུ་ཡིའི་གསུང་ཚིག་ལྷུག་གཟུང་དཀའ་བས་
[285a.2]གོམས་ཕྱིར་བཟོད་མ་གྱུར། །དེ་ཡི་ལམ་གྱི་རྗེས་སུ་འགྲོ་བར་འདོད་པས་འདི་ལ་གནས་པའི་ཚིགས་བཅད་བདག་གིས་བྱས། །མཚུངས་པ་མེད་པ་ཡོན་ཏན་ཕུང་པོ་དང་པོའི་མགོན་པོ་སྟོན་པ་ཡི། །སྒྲུབ་པའི་ཐབས་ཀྱི་དོན་ནི་རྩོད་པའི་སྙིགས་མ་སེལ་བྱེད་བཤད་པ་ལས། །མཐའ་ཡས་དྲི་མེད་
[285a.3]བསོད་ནམས་གང་དེས་འཇིག་རྟེན་སངས་རྒྱས་ཉིད་གྱུར་དང་། །བདག་ཀྱང་འགྲོ་བའི་དོན་སྒྲུབ་བྱེད་ཅིང་འགྲོ་བ་གནས་པར་གནས་གྱུར་ཅིག །རྣལ་འབྱོར་གྱི་དབང་ཕྱུག་རྣམས་ཀྱི་གཙུག་གི་ནོར་བུ་ལྟ་བུ་དཔལ་ལྡན་ལཱུ་ཡི་བས་མཛད་པ། །དཔལ་འཁོར་ལོ་སྡོམ་པའི་མངོན་པར་རྟོགས་པའི་འགྲེལ་
[285a.4]པ་སྡོམ་པ་འབྱུང་བ་ཞེས་བྱ་བ་བླ་མ་པཎྜི་ཏ་ཆེན་པོ་དེ་བཞིན་གཤེགས་པའི་རྡོ་རྗེས་མཛད་པ་རྫོགས་སོ།། །།རྒྱ་གར་ཤར་ཕྱོགས་ཛ་ག་ཏ་ལིའི་པཎྜི་ཏ་ཆེན་པོ་བི་བྷཱུ་ཏི་ཙནྡྲས་བོད་ཡུལ་གྱི་དབུས་དྲང་སྲོང་སྲིན་པོ་རིར་སྒྲ་རང་བསྒྱུར་དུ་མཛད་པའོ།། {T1510}༄༅༅། །རྒྱ་གར་སྐད་དུ། ལཱུ་ཡི་
[285a.5]པ་ཨ་བྷི་ས་མ་ཡ་བྲྀ་ཏྟི་ཊཱི་ཀཱ་བི་ཤེ་ཥ་དྱོ་ཏ་ནཱ་མ། བོད་སྐད་དུ། ལཱུ་ཡི་བའི་མངོན་པར་རྟོགས་པའི་འགྲེལ་པའི་ཊཱི་ཀཱ་ཁྱད་པར་གསལ་བྱེད་ཅེས་བྱ་བ། དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །དགའ་བ་བཞི་ཡི་རྣམ་དག་པས། །གང་ཞིག་ཞལ་བཞི་པར་གསལ། །ཉི་མ་ཟླ་བ་མེ་
[285a.6]དག་པ། །གང་གིས་འདི་ལ་སྤྱན་གསུམ་ལྡན། །བཅུ་གཉིས་ས་ཡི་དག་པ་ནི། །དེ་ཡི་གྲངས་ཅན་ཕྱག་གི་ཕྲེང་། །ནམ་མཁའ་དུ་བ་ལྟ་བུའི་སྐུ། །བྱམས་པའི་དག་པ་ཉིད་ཀྱིས་གསལ། །བདེན་པ་གཉིས་ཀྱི་དག་པས་ནི། །བརྐྱང་བསྐུམ་གནས་པའི་བཅོམ་ལྡན་འདས། །
[285a.7]ཧེ་རུ་ཀ་དཔལ་དེ་ཉིད་ལ། །བདག་ཉིད་རབ་ཏུ་གུས་བཏུད་ནས། །འཁོར་ལོ་སྡོམ་པ་འབྱུང་བ་ཡི། །ཚིགས་བཅད་བྱས་པའི་མངོན་རྟོགས་ཀྱི། །ཁྱད་པར་གསལ་བྱེད་ཅེས་བྱ་བའི། །ཊཱི་ཀཱ་བདག་གིས་བཤད་པར་བྱ། །དེ་ལ་ཐམས་ཅད་ཀྱི་དང་པོར་ཕྱག་རྒྱ་ཆེན་པོ་ལ་འདུན་པས་
[285b]
[285b.1]གཏོར་མའི་ལས་བྱས་ནས་ཅི་བྱ་ཞེ་ན། །དང་པོར་རི་སྤྱིལ་ལ་སོགས་ཞེས་བྱ་བ་ལ་སོགས་པ་བརྗོད་དེ་སོགས་པའི་སྒྲས་རྟོགས་གཅིག་པའམ། །དུར་ཁྲོད་དམ། །ཁང་སྟོང་ལ་སོགས་པ་ཡོངས་སུ་གཟུང་ངོ་། །ཤྲཱི་ལ་སོགས་པ་ནི། །ཤྲཱི་ཡིག་གཉིས་མེད་ཡེ་ཤེས་ཏེ། །ཧེ་ཞེས་རྒྱུ་སོགས་
[285b.2]སྟོང་པ་ཉིད། །རུ་ཡིག་རྟོག་ཚོགས་བྲལ་བ་སྟེ། །ཀ་ཞེས་གང་དུའང་མི་གནས་སོ། །ཞེས་བྱ་བ་ཡི་གེ་བཞིའི་དོན་ལ་མངོན་དུ་ཕྱོགས་ཤིང་། །སེམས་ཅན་ཐམས་ཅད་ལ་ཕན་པ་དང་བདེ་བའི་སེམས་ཀྱིས་ཤྲཱི་ཧེ་རུ་ཀོ྅ཧཾ་ཞེས་ལན་གསུམ་བརྗོད་པར་བྱའོ། །སྡོམ་པ་ཞེས་བྱ་བ་ནི་ཤེས་
[285b.3]རབ་མ་ལ་འཁྱུད་པ་ཕྱག་གཉིས་པ། །ལྷན་ཅིག་སྐྱེས་པའི་སྡོམ་པར་བདག་ཉིད་མོས་པར་བྱའོ། །ཨཱ་ལི་ཀཱ་ལི་ལ་སོགས་པ་ནི། ཐོག་མར་ཨོཾ་ཡིག་ཐ་མར་ཧཱུཾ་ཧཱུཾ་ཕཊ་ཀྱི་ཡི་གེ་ཅན་གྱི་ཨཱ་ལི་ཀཱ་ལིའི་ཕྲེང་བ་ལས་འོད་ཟེར་ཁ་དོག་ལྔ་པ་འཕྲོས་ཤིང་། གཡོན་སྐོར་གྱིས་ལྟེ་བའི་ཕྱོགས་སུ་ལན་གསུམ་
[285b.4]ཡོངས་སུ་བསྐོར་བར་གནས་པ་ལས། འཁོར་ལོ་གསུམ་གྱི་ལྷ་ཚོགས་སྤྲོས་པས་བགེགས་ཀྱི་ཚོགས་བརླག་པར་བསམ། དེ་ནས་ཚངས་པའི་གནས་བཞི་ཞེས་པ་ནི། བྱམས་པ་སྙིང་རྗེ་དགའ་བ་བཏང་སྙོམས་རྣམས་ཏེ། དེ་ལ་སེམས་ཅན་ཐམས་ཅད་ལ་བུ་གཅིག་པའི་བརྩེ་བ་ཉིད་ནི་བྱམས་པར་
[285b.5]གསུངས། སྡུག་བསྔལ་གསུམ་ལྡན་འཇིག་རྟེན་ལ། །འཁོར་བ་བསྒྲལ་འདོད་སྙིང་རྗེའོ། །རང་གི་བསོད་ནམས་གཞན་ཕན་ལ། །རངས་པའི་སེམས་ཉིད་དགའ་བ་སྟེ། །ཆགས་དང་སྡང་བ་དང་བྲལ་བས། །ཐམས་ཅད་དོན་བྱེད་བཏང་སྙོམས་སོ། །འདི་ཡི་དགོས་པ་འཆད་དེ་རྣམ་པར་
[285b.6]རྟོག་པ་ཐམས་ཅད་ཀྱི་དྲི་མ་ཉམས་པའི་ཕྱིར། །ཧེ་རུ་ཀའི་དོན་སྙོམས་པས་སྟོང་པ་ཉིད་དུ་མོས་པའོ། །སྡོམ་པར་མོས་པ་ནི་ལུས་ཐམས་ཅད་ཀྱི་བྱ་བའི་རྣམ་པར་དག་པ་དང་། འཁོར་བ་ཐོག་མ་མེད་པ་ནས་གྲུབ་པའི་རང་བཞིན་དུ་ཡོངས་སུ་དག་པའི་ཧེ་རུ་ཀའི་ཚུལ་ཉིད་ཀྱང་ཤུགས་ཀྱིས་བསྟན་
[285b.7]ནོ། །ཨཱ་ལི་ཀཱ་ལི་སྒོམ་པ་ནི་གསུང་གི་དག་པའོ། །བྱང་ཆུབ་ཏུ་སེམས་བསྐྱེད་པ་ནི་དགེ་བའི་རྩ་བ་ཐམས་ཅད་འཕེལ་བའོ། །ད་ནི་རྣམ་པར་དག་པའི་ཕུང་པོ་ལ་སོགས་པ་ལས། །ཀུན་ནས་བསླང་བའི་མཆོད་པ་ལ་སོགས་པ་ནི་བྱང་ཆུབ་མྱུར་དུ་ཐོབ་པའི་རྒྱུར་འགྱུར་བའི་ཕྱིར་གསུངས་
[286a]
[286a.1]ཏེ། གཟུགས་ལ་རྣམ་པར་སྣང་མཛད་ཅེས་བྱ་བ་ལ་སོགས་པའོ། །དེ་ལ་གཟུགས་ཀྱི་ཕུང་པོ་ནི། དབང་པོ་ལྔ་ཡུལ་ལྔ་རྣམ་པར་རིག་བྱེད་མ་ཡིན་པ་སྟེ་གཟུགས་སུ་རུང་བ་ཡིན་པའི་ཕྱིར་གཟུགས་བཅུ་གཅིག་གོ། །འདིར་གཟུགས་ཀྱི་ཕུང་པོ་སྐྱེ་བའི་ས་བོན་གྱི་རྟེན་ཡིན་
[286a.2]པས། གཟུགས་ཀྱི་གནས་གཙོ་བོ་མགོའི་དབུས་དེར་བྷྲཱུཾ་དཀར་པོའོ། །ཚོར་བའི་ཕུང་པོ་ནི་བདེ་བ་དང་། །སྡུག་བསྔལ་བ་དང་བདེ་བ་ཡང་མ་ཡིན། སྡུག་བསྔལ་བ་ཡང་མ་ཡིན་ཞེས་བྱ་བའི་ཚོར་བ་གསུམ་ཡང་སེམས་ལས་བྱུང་བའི་རང་བཞིན་ཏེ། དབང་པོ་དྲུག་པོ་ལ་བརྟེན་པས་འདི་
[286a.3]རྣམས་བཅོ་བརྒྱད་དུ་འགྱུར་ཏེ། འདི་ཡང་དྲོད་ལ་བརྟེན་པ་འདིའི་གནས་ཀྱི་གཙོ་བོ་ལྟེ་བ་སྟེ་དེ་ལ་ཨོཾ་སེར་པོའོ། །འདུ་ཤེས་ཀྱི་ཕུང་པོ་ནི་མིག་གི་རྣམ་པར་ཤེས་པ་ལ་སོགས་པ། ཁམས་བཅོ་བརྒྱད་ཀྱི་ཁྱད་པར་འཛིན་པའི་སྒོ་ནས་མིང་གི་སྦྱོར་བ་རྣམས་ཀྱིས་སེམས་ལས་བྱུང་བ་གང་སྐྱེས་པ་
[286a.4]དེ་རྣམས་འདུ་ཤེས་སོ། །དེ་ཡང་མཐའ་ཡས་པ་ཡིན་ཏེ་ཡུལ་མཐའ་ཡས་པའི་ཕྱིར་རོ། །མིག་ལ་སོགས་པ་དབང་པོ་རྣམས་ཀྱི་ཕལ་ཆེར་རྩ་བར་གྱུར་པ་མགྲིན་པ་ཡིན་པས་དེར་ཧྲཱིཿདམར་པོའོ། །རྣམ་པར་ཤེས་པའི་ཕུང་པོ་ཞེས་བྱ་བ་ནི། མིག་གི་རྣམ་པར་ཤེས་པ་ལ་སོགས་པ་ལྔ་
[286a.5]དང་། ཀུན་གཞི་དང་། ཡིད་དང་ཉོན་མོངས་པ་ཅན་གྱི་ཡིད་དང་། རྣམ་པར་ཤེས་པ་བརྒྱད་དོ། །འདི་ལ་རྣམ་པར་ཤེས་པ་ཐམས་ཅད་ཀྱི་རྩ་བར་གྱུར་པ་ཀུན་གཞི་རྣམ་པར་ཤེས་པ་དང་། ཡིད་ཀྱི་དབང་པོའི་རྟེན་སྲོག་རླུང་ཡིན་པས་དེའི་གནས་ནི་སྙིང་ག་སྟེ་དེ་ལ་ཧཱུཾ་དཀར་པོའོ། །
[286a.6]བཞི་པོ་རྣམས་ལས་གཞན་འདུ་བྱེད་ཀྱི་ཕུང་པོ་ཞེས་བྱ་བ་ནི་སེམས་ལས་བྱུང་བ་རྣམས་ཏེ། དེ་ཡང་མ་རིག་པ་ཐེ་ཚོམ་ལོག་པར་ལྟ་བ། འཇིག་ཚོགས་སུ་ལྟ་བ་མཐར་འཛིན་པའི་ལྟ་བ་དང་། ལྟ་བ་ལ་མཆོག་ཏུ་འཛིན་པ་དང་། ཚུལ་ཁྲིམས་དང་། བརྟུལ་ཞུགས་མཆོག་ཏུ་འཛིན་
[286a.7]པའི་ལྟ་བ་དང་། འདོད་ཆགས་ང་རྒྱལ་ཕྲག་དོག་སེར་སྣ་ཁོང་ཁྲོ་ལ་སོགས་མང་པའོ། །དེའི་ཁོངས་སུ་ཆུད་པའི་སེམས་བྱུང་རྣམས་ཀྱི་ཡང་རྟེན་རླུང་སྟེ། དེའི་གནས་རྐང་པ་གཉིས་ཀྱི་ཁྲོང་མོའི་འོག་ཡིན་ཏེ། དེ་དག་ལ་གཟུགས་བརྙན་ལྟར་གཉིས་སུ་གྱུར་པའི་ཧོཿལྗང་གུའོ། །
[286b]
[286b.1]ཕུང་པོ་ལྔ་པོ་རྣམས་ཀྱི་དེ་བཞིན་ཉིད་ལ་སྤྱི་གཙུག་ཧྲཱིཿམཐིང་གའོ། །དེ་བཞིན་དུ་མིག་ལ་སོགས་པར་བྱང་ཆུབ་སེམས་དཔའ་ཀུན་གྱི་ས་བོན་ཨོཾ་དཀར་པོ་དང་། ཧཱུཾ་མཐིང་ག །ཏྲཾ་སེར་པོ། ཨ་དམར་པོ། ཧཾ་ལྗང་གུ། ཧཱུཾ་དཀར་པོ་ལྟེ་བ་ལ་སོགས་པར་ལྟུང་བྱེད་མ་ལ་སོགས་པའི་ལཾ་སེར་པོ།
[286b.2]མཾ་མཐིང་ག །པཾ་དམར་མོ། ཏཾ་ལྗང་གུ། །བཾ་དུང་མདོག་བསྒོམ་པར་བྱའོ། །རྒྱུད་གཞན་ལས་དྲངས་པའི་མཚན་ལ་སོགས་པར་ཚིགས་སུ་བཅད་པས་བསྙད་པ། རྣམ་སྣང་རིན་ཆེན་འབྱུང་གནས་ཏེ། །འོད་དཔག་མེད་དང་དོན་ཡོད་གྲུབ། །རྡོ་རྗེ་སེམས་དང་མི་བསྐྱོད་པ། །འདི་དྲུག་
[286b.3]རྒྱལ་བའི་ཁྱུ་མཆོག་ཡིན། །བརྐྱང་བསྐུམ་སྤྱན་གསུམ་ལྡན་པ་རྣམས། །དཀར་སེར་དམར་པོ་ལྗང་གུ་དང་། །དཀར་མཐིང་དེ་བཞིན་གཤེགས་པ་རྣམས། །དང་པོ་གཡས་ན་འཁོར་ལོ་འཕྱར། །གཡོན་པ་དྲིལ་བུ་དཀུར་བརྟེན་པ། །གསུམ་པོ་རིན་ཆེན་པདྨ་དམར། །སྣ་ཚོགས་
[286b.4]རྡོ་རྗེ་འཕྱར་བས་རོལ། །གཡོན་རྣམས་དྲིལ་བུ་ཐུགས་ཀར་བསྣམས། །ལྔ་པ་ཐུགས་ཀར་ཕྱག་གཡས་ན། །རྡོ་རྗེ་གཡོན་པས་དྲིལ་བུ་དཀུར། །བརྟེན་པའོ་དེ་བཞིན་གཡོན་པ་གཞན། །མི་བསྐྱོད་པ་ནི་ཕྱག་གཡས་ཀྱིས། །ས་གནོན་ཕྱག་རྒྱས་རྡོ་རྗེ་འཛིན། །ས་སྙིང་ཕྱག་ན་
[286b.5]རྡོ་རྗེ་དང་། མཁའ་སྙིང་འཇིག་རྟེན་དབང་ཕྱུག་དང་། །སྒྲིབ་པ་ཐམས་ཅད་རྣམ་སེལ་བ། །ཀུན་དུ་བཟང་པོ་རྒྱལ་སྲས་རྣམས། །དཀར་པོ་མཐིང་ག་སེར་པོ་དམར། །སྔོན་པོ་དཀར་རྣམས་གོ་རིམས་བཞིན། །དང་པོ་གཡས་པས་འཁོར་ལོ་འཕྱར། །གཡོན་པས་
[286b.6]ཐུགས་ཀར་དྲིལ་བུ་བསྣམས། །ཕྱག་རྡོར་ཐུགས་ཀར་རྡོ་རྗེ་གཡས། །གཡོན་གྱི་དྲིལ་བུ་དཀུར་བརྟེན་པ། །གཞན་གསུམ་གཡས་པས་རིན་ཆེན་དང་། །པདྨ་དམར་དང་རྡོ་རྗེ་འཕྱར། །གཡོན་པ་དྲིལ་བུ་ཐུགས་ཀར་བསྣམས། །པད་དམར་སྣ་ཚོགས་རྡོ་རྗེ་འཕྱར། །དྲུག་པ་
[286b.7]ཐུགས་ཀར་རྡོ་རྗེ་གཡས། །གཡོན་པ་དྲིལ་བུ་དཀུར་བརྟེན་པའོ། །རང་རང་ས་བོན་ལས་བྱུང་བའི། །ཐམས་ཅད་ཞལ་གཅིག་ཕྱག་གཉིས་པའོ། །ལྟུང་བྱེད་མ་ལ་སོགས་པ་ཡང་། །སེར་དང་མཐིང་ནག་དམར་ལྗང་གུ། །ཞལ་གཅིག་ཕྱག་བཞི་པ་རྣམས་ཀྱིས། །འཁོར་
[287a]
[287a.1]ལོ་རྡོ་རྗེ་པད་རལ་གྲི། །གཡས་པའི་གཞན་ན་གྲི་གུག་གོ། །གཡོན་རྣམས་ཐོད་པ་ཁ་ཊྭཱཾ་ག། །ལྔ་པ་དུ་བའི་མདོག་ཅན་ཏེ། །ཞལ་གསུམ་དུ་མདོག་དཀར་དང་དམར། །ཕྱག་དྲུག་དེ་ཡི་གཡོན་པ་ལ། །ཐོད་པ་ཁ་ཊྭཱཾ་ཞགས་པ་འཛིན། །གཡས་ཀྱིས་ལྕགས་ཀྱུ་
[287a.2]ཚངས་པའི་མགོ། །གྲི་གུག་རྣམས་ནི་རིམ་པས་འཛིན། །གཅེར་བུ་སྐྲ་གྲོལ་ལྷ་མོ་རྣམས། །དེ་དག་ཐམས་ཅད་སྤྱན་གསུམ་པ། །ཞབས་གཉིས་བརྐྱང་བསྐུམ་ཡང་དག་གནས། །ཕྱག་རྒྱ་ལྔ་ཡིས་རྣམ་པར་བརྒྱན། །ལྟུང་བྱེད་མ་ལ་སོགས་རྣམས་ནི། །ལས་དང་རྗེས་སུ་མཐུན་
[287a.3]པའི་མིང་ཅན་ཏེ་སངས་རྒྱས་སྤྱན་དང་མཱ་མ་ཀཱི་གོས་དཀར་མོ་དང་སྒྲོལ་མ་ཆོས་ཀྱི་དབྱིངས་ཀྱི་རྡོ་རྗེ་མའི་རང་བཞིན་ནོ། །ལྟུང་བྱེད་མས་ནི་བདུད་ཐམས་ཅད་ལྟུང་བར་བྱེད་པས་ཞི་བར་བྱེད་པའོ། །པདྨ་གར་གྱི་དབང་ཕྱུག་མ་ནི་ལས་ཁ་ཚར་བ་ཐམས་ཅད་སྒྲུབ་པར་བྱེད་པས་གར་ཉིད་ནི་ལས་ཁ་ཚར་བ་
[287a.4]ལ་དབང་ཕྱུག་སྟེ་དོན་ཡོད་གྲུབ་པའི་རང་བཞིན་ཉིད་ཀྱི་ཕྱིར་རོ། །མེ་ལོང་ལྟ་བུའི་ཡེ་ཤེས་ཀྱི་རང་བཞིན་ནི་རྣམ་པར་སྣང་མཛད་དེ། དེ་བཞིན་དུ་མཉམ་པ་ཉིད་དང་། སོ་སོར་རྟོག་པ་དང་། བྱ་བ་གྲུབ་པ་དང་། ཤིན་ཏུ་རྣམ་པར་དག་པ་ཆོས་ཀྱི་དབྱིངས་དང་། ཆོས་ཀྱི་དབྱིངས་ཀྱི་རང་
[287a.5]བཞིན་དུ་གཞན་དེ་བཞིན་གཤེགས་པ་ལྔ་རིམ་པ་བཞིན་དུ་རྟོགས་པར་བྱའོ། །གཏི་མུག་རྣམ་པར་ཉམས་པས་གཏི་མུག་རྡོ་རྗེའོ། །གཞན་རྣམས་ཀྱང་དེ་བཞིན་ནོ། །ལྷག་མ་གོ་སླའོ། །གཟུགས་བརྙན་ལ་སོགས་པ་ནི་ཡང་ན་ཕུང་པོ་ལྔ་གོ་རིམ་བཞིན་དུ་གཟུགས་བརྙན་དང་། ཆུ་བུར་སྨིག་
[287a.6]རྒྱུ་ཆུ་ཤིང་དང་སྒྱུ་མ་བཞིན་དུ་ངེས་པར་བྱའོ། །དེ་ནས་ཞེས་པ་ནི་ཕུང་པོ་ལ་སོགས་པ་དག་པའི་མཇུག་ཐོགས་སུ་བར་མ་ཆད་པར་རྡོ་རྗེའི་གུར་བསྒོམ་པར་བྱའོ། །དེ་བཞིན་ཞེས་བྱ་བ་ནི་ནག་པོ། ལྗང་གུ། དམར་པོ། སེར་པོའོ། །མཉམ་པ་ཞེས་པ་ནི་དེ་དང་དུས་མཉམ་པ་ཁོ་ན་ལའོ། །
[287a.7]ཧཱུཾ་བྱུང་ཞེས་བྱ་བ་ནི་ཧཱུཾ་ཡིག་ལས་བྱུང་བ་དང་། ཧཱུཾ་ཡིག་གིས་མཚན་པའི་རྡོ་རྗེའོ། །ཨོཾ་མེ་དི་ནཱི་བཛྲཱི་བྷ་བ་བཛྲ་བནྡྷ་ཧཱུཾ་ཞེས་པའི་སྔགས་བརྗོད་ནས་སོ། །འོག་ཁྱབ་ནི་ས་འོག་གི་མཐའི་བར་དུའོ། །ཨོཾ་བཛྲ་པྲཱ་ཀཱ་ར་ཧཱུཾ་བཾ་ཧཱུཾ་ཞེས་པའི་སྔགས་ཀྱིས་རྡོ་རྗེ་རྩེ་ལྔའི་རང་བཞིན་རྩིག་པ་རྣམས་བསམ་
[287b]
[287b.1]པར་བྱའོ། །ཨོཾ་བཛྲ་ཤར་ཛཱ་ལ་ཏྲཱཾ་ཤཾ་ཏྲཱཾ་ཞེས་པ་འདིས་མདའི་དྲ་བ་ཡང་ངོ་། །ཨོཾ་བཛྲ་པཉྫ་ར་ཧཱུཾ་བཾ་ཧཱུཾ་ཞེས་བྱ་བའི་སྔགས་ཀྱིས་རྡོ་རྗེའི་གུར་བསྒོམ་པར་བྱའོ། །འོག་ཅེས་པ་ནི་རྡོ་རྗེའི་གུར་གྱི་འོག་ཏུ་ཨོཾ་བཛྲ་བི་དཱ་ན་ཧཱུཾ་ཁཾ་ཧཱུཾ་ཞེས་པའི་སྔགས་ཀྱིས་རྡོ་རྗེའི་བླ་རེ་བསྒོམ་པར་བྱའོ། །ཨོཾ་བཛྲ་ཛྲ་ལཱ་ན་ལཱ་རྐ་ཧཱུཾ་
[287b.2]ཧཱུཾ་ཧཱུཾ་ཞེས་པ་འདིས་རྡོ་རྗེའི་དྲ་བ་འབར་བ་ཡང་ངོ་། །ཁྭ་གདོང་མ་ལ་སོགས་པ་ཞེས་བྱ་བ་ནི། སོགས་པའི་སྒྲས་འུག་གདོང་། ཁྱི་གདོང་། ཕག་གདོང་མ་ཡོངས་སུ་གཟུང་ངོ་། །གསང་སྔགས་བཞི་ཞེས་པ་ནི་སུམྦྷ་ལ་སོགས་པ་ཞལ་བཞི་པའི་སྔགས་སོ། །གཉིས་གཉིས་རང་རང་ཕྱོགས་འོད་
[287b.3]ལས་བྱུང་བ་ཞེས་པ་ནི་གསང་སྔགས་གཉིས་གཉིས་ཀྱི་འོད་ཟེར་ལས་སྐྱེས་པ་རྣམས་སོ། །གཤིན་རྗེ་བརྟན་མ་ལ་སོགས་ཞེས་པའི་སྒྲས་ནི་གཤིན་རྗེ་ཕོ་ཉ་མ། གཤིན་རྗེ་མཆེ་བ་མ། གཤིན་རྗེ་འཇོམས་མ་གཟུང་ངོ་། །ཁྭ་གདོང་མ་ལ་སོགས་པ་བརྒྱད་ཀྱིས་ཕྱོགས་མཚམས་སྲུང་བ་ཁོ་ན་
[287b.4]བཟུང་ན་གང་གིས་སྟེང་དང་འོག་སྲུང་ཞེ་ན། བརྗོད་པ་སྟེང་དང་འོག་གི་སྲུང་བ་ཡང་། རྒྱུད་འདི་ལ་དེ་རྣམས་ཁོ་ནས་བྱེད་དེ། ས་འོག་ཚངས་པའི་གནས་པར་ཞེས་གསུངས་པའི་ཕྱིར་རོ། །ཁྲོན་པར་ཞེས་པ་ནི་རྩིག་པའི་ཉེ་བར་བྱུང་བ་ལའོ། །དེ་བཞིན་ཉིད་དུ་རོ་གཅིག་གནས། །ཞེས་པ་ནི་
[287b.5]བགེགས་རྣམས་བསམ་པར་བྱའོ། །ཐིམ་ཞེས་པ་ནི་ཁྭ་གདོང་མ་ལ་སོགས་པ་རྣམས་སོ། །ཆུ་ལ་ཆུ་ཞེས་པ་ལ་སོགས་པ་ནི་ཁྭ་གདོང་མ་ལ་སོགས་པ་རབ་ཏུ་ཞུགས་པའི་དུས་ཁོ་ནར་ཆུ་ལ་ཆུ་བརྡབས་པས་ཐིམ་པ་བཞིན་དུ་བྱུང་བའོ། །དེའི་དུས་སུ་རྡོ་རྗེའི་རྩིག་པ་ལ་སོགས་པ་ཡང་བུ་ག་མེད་
[287b.6]པར་གཅིག་ཏུ་གྱུར་པ་དང་། རྣམ་པ་ཐམས་ཅད་ཀྱི་འགྲོ་བ་རྣམས་བགེགས་དང་བྲལ་བར་ལྷག་པར་མོས་པར་བྱའོ། །སྲུང་བའི་གུར་ལ་སོགས་པའི་མཇུག་ཐོགས་སུ་ཅིའི་དོན་དུ་འདི་ལ་སྟོང་པ་ཉིད་དུ་སྒོམ་ཞེས་པའི་ཀླན་ཀ་མེད་དེ། གང་གི་ཕྱིར་རྒྱུད་འདི་ཤེས་རབ་ཆེན་པོ་དང་ལྡན་པའི་
[287b.7]དབང་གིས་ཡིན་ཏེ། ཤེས་རབ་ཆེན་པོ་དང་ལྡན་པའི་ཡང་སྟོང་ཉིད་ཁོ་ན་སྲུང་བའི་མཆོག་གོ། །འོ་ན་བྲིས་པའི་དཀྱིལ་འཁོར་གྱི་ཕྱི་རོལ་དུ་རྡོ་རྗེའི་ཕྲེང་བ་ཡང་ཅིའི་ཕྱིར་ཞེས་པ་ཡང་མ་བརྗོད་ཅིག །གང་གི་ཚེ་ཁོ་ན་བཅོམ་ལྡན་འདས་ཀྱི་དཀྱིལ་འཁོར་བསྐྱེད་པའི་ཚེ་ཁོ་ནར་དམ་ཚིག་
[288a]
[288a.1]འཁོར་ལོས་ཡོངས་སུ་བཅད་པའི་སྣ་ཚོགས་རྡོ་རྗེའི་ཕྲེང་བ་བསྐྱེད་པའི་ཕྱིར་རོ། །ཞལ་བཞི་པའི་སྔགས་ཀྱི་བཏུ་བའི་ཆོ་ག་ལ། རེ་ཁཱ་བརྒྱད་བརྒྱད་ཀྱིས་བྱས་པ་རེའུ་མིག་བཞི་བཅུ་ཞེ་དགུ་པར་འགྱུར་བ་ལ་ཨ་ཡིག་ཐོག་མར་ཧ་ཡིག་ཐ་མར་གནས་པ་ཡི་གེ་བཞི་བཅུ་ཞེ་དགུ་བྲི་
[288a.2]བར་བྱའོ། །དེ་ལ། བཅུ་གསུམ་ཟླ་ཚེས་ཐིག་ལེར་བཅས། །ཞེ་བརྒྱད་པ་ལ་ལྔ་པའི་ཞབས། །ཞེ་གཅིག་པ་ལ་བཞི་བཅུའི་གདན། །སོ་དྲུག་པ་ལ་གསུམ་པར་ལྡན། །ཞེ་བརྒྱད་པ་ལ་ལྔ་པའི་ཞབས། །ཞེ་གཅིག་པ་ལ་བཞི་བཅུའི་གདན། །ཞེ་དགུ་པ་ལ་ལྔ་པ་ཅན། །ཟླ་ཚེས་ཐིག་ལེ་དང་བཅས་
[288a.3]པ། །དེ་བཞིན་ཡི་གེ་གཞན་ཡང་ངོ་། །སོ་བརྒྱད་པ་དང་ཉེར་བདུན་པ། །ཞེས་བྱ་བ་ནི་ཐོག་མའི་སྔགས། །བཅུ་གསུམ་ཟླ་ཚེས་ཐིག་ལེ་ཅན། །བཅུ་དགུ་པ་ལ་ཞེ་གསུམ་གདན། །དབྱངས་ཡིག་གསུམ་པ་དང་ལྡན་པ། །ཞེ་དགུ་པ་ལ་སོ་དྲུག་གདན། །བཅུ་དགུ་ལ་སོགས་ཡང་དེ་
[288a.4]བཞིན། །ཞེ་དགུ་དབྱངས་ཡིག་ལྔ་པར་བཅས། །ཟླ་ཚེས་ཐིག་ལེར་ལྡན་པའོ། །ཞེ་དགུ་ལ་སོགས་ཡང་དེ་བཞིན། །སོ་བརྒྱད་པ་དང་ཉེར་བདུན་པ། །བཟུང་བས་གཉིས་པའི་སྔགས་ཡིན་ནོ། །བཅུ་གསུམ་ཟླ་ཚེས་ཐིག་ལེ་ཅན། །བཅུ་དགུ་ཞེ་གསུམ་པ་ཡི་གདན། །དབྱངས་ཡིག་
[288a.5]གསུམ་པ་དང་ལྡན་པ། །ཞེ་དགུ་པ་ལ་སོ་དྲུག་ལྡན། །དབྱངས་ཀྱི་ཡི་གེ་གཉིས་པ་ཅན། །སོ་བདུན་པ་དང་ཞེ་གཉིས་པ། །བཅུ་དགུ་ལ་སོགས་ཡང་དེ་བཞིན། །ཞེ་དགུ་པ་ལ་ལྔ་པ་དང་། །ཟླ་ཚེས་ཐིག་ལེར་བཅས་པའོ། །ཞེ་དགུ་པ་སོགས་ཡང་དེ་བཞིན། །སོ་བརྒྱད་པ་དང་ཉེར་
[288a.6]བདུན་པ། །ཞེས་བྱ་བ་ནི་གསུམ་པའི་སྔགས། །བཅུ་གསུམ་ཟླ་ཚེས་ཐིག་ལེར་ལྡན། །དབྱངས་ཀྱི་ཡི་གེ་གཉིས་པ་བླང་། །སོ་དྲུག་ཞེ་གཉིས་ཞེ་དགུ་པ། །དབྱངས་ཡིག་བཅུ་གསུམ་པ་ཡིས་བརྒྱན། །བཞི་བཅུ་བཅུ་དགུ་སོ་དགུ་པ། །གཉིས་པ་ཟླ་ཚེས་ཐིག་ལེར་ལྡན། །སོ་དགུ་
[288a.7]ཉེར་བཞི་ཞེ་གསུམ་གདན། །ཞེ་དགུ་པ་ལ་ལྔ་པ་དང་། །ཟླ་ཚེས་ཐིག་ལེར་ལྡན་པ་སྟེ། །ཞེ་དགུ་ལ་སོགས་ཡང་དེ་བཞིན། །སོ་བརྒྱད་པ་དང་ཉེར་བདུན་པ། །ཞེས་བྱ་བ་ནི་བཞི་པའི་སྔགས་སོ། །དེ་རྣམས་ཞེས་པ་ནི་སྲུང་བའི་གུར་བསྒོམ་པའི་མཇུག་ཐོགས་སུ། སྙིང་གར་ཞེས་
[288b]
[288b.1]པ་ནི་སྲུང་བའི་གུར་གྱི་དབུས་སུ་གནས་པའི་ཐུགས་ཀར་རོ། །དེ་སྟེང་ཞེས་པ་ནི་ཟླ་བའི་དཀྱིལ་འཁོར་གྱི་དབུས་སུ་ཧཱུཾ་ཡིག་རྡོ་རྗེ་འཛིན་པའི་རང་བཞིན་འོད་ཟེར་ལྔ་འཕྲོ་བ་དང་ལྡན་པ་སྟེ། །ངོ་བོ་ཉིད་ཀྱི་ཁ་དོག་ཀྱང་ཧཱུཾ་ཡིག་གི་དངུལ་ཆུ་དང་འདྲ་བ་སྟེ་དབུས་སྔོ་བ་ཉིད་དང་། ཕྱི་རོལ་དཀར་བ་ཉིད་ཀྱི་
[288b.2]ཕྱིར་རོ། །དེའི་འོད་ཟེར་རྣམས་ཀྱིས་བཀུག་པ། མདུན་གྱི་ནམ་མཁའི་ཕྱོགས་སུ་གནས་པ་འཁོར་ལོ་སྡོམ་པ་ལ་ཕྱག་འཚལ་བ་སོགས་བླ་ན་མེད་པའི་ཡན་ལག་བདུན་པའི་མཆོད་པ་དང་བདག་ཉིད་དབུལ་བར་བྱ་སྟེ། དེ་ལ། རྡོ་རྗེ་མཁའ་འགྲོ་ཁྱོད་ལ་འདུད། །མཁའ་འགྲོ་མ་ཡི་འཁོར་
[288b.3]ལོས་སྒྱུར། །ཡེ་ཤེས་ལྔ་དང་སྐུ་གསུམ་ལྡན། །འགྲོ་བ་སྐྱོབ་ལ་ཕྱག་འཚལ་ལོ། །ཞེས་བྱ་བ་ཕྱག་འཚལ་བའོ། །སྙིང་གི་ས་བོན་འོད་བྱུང་ནས། །པི་ཝང་འཛིན་སོགས་མཛེས་རྣམས་ཀྱིས། །ཕྱི་ནང་དེ་ཉིད་གསང་བ་ཡི། །མཆོད་པས་མཆོད་པ་ཉིད་དུ་བརྗོད། །དེ་ལ་པི་ཝང་
[288b.4]མ། གླིང་བུ་མ། རྔ་ཟླུམ་མ། རྫ་རྔ་མ་རྣམས་སྔོ་སེར་དམར་ལྗང་གུ་རྣམས་ཏེ་རང་རང་གི་རོལ་མོ་ཁོ་ན་དཀྲོལ་བའི་ཕྱག་གཙོ་བོ་གཉིས་དང་ལྡན་པ་རྣམས་དང་། ཕྱག་གཞན་གཉིས་ཀྱིས་རྡོ་རྗེ་དང་དྲིལ་བུ་འཛིན་པ་རྣམས་སོ། །བཞད་མ། སྒེག་མོ། གླུ་མ། གར་མ་རྣམས་དམར་
[288b.5]སེར་སྔོན་མོ་ལྗང་གུ་རྣམས་སོ། །བཞད་མའི་གཙོ་མོའི་ཕྱག་གཉིས་ཀྱིས་བཞད་པའི་སྟངས་དང་ལྡན་པ། སྒེག་མོ་གཙོ་བོའི་ཕྱག་གིས་རྡོ་རྗེ་དང་དྲིལ་བུ་འཛིན་པའི་ཕྱག་གཙོ་བོ་གཉིས་ཀྱིས་སྒེག་པའི་སྟངས་དང་ལྡན་པའོ། །གླུ་མ་གཙོ་བོའི་ཕྱག་གཉིས་ཀྱིས་ཕེག་རྡོབ་འཛིན་མ། གར་མ་
[288b.6]གཙོ་བོའི་ཕྱག་གཉིས་ཀྱིས་པད་ཀོར་སྟངས་ཅན་ནོ། །འདི་རྣམས་ཕྱག་གཡས་དང་གཡོན་དག་ན་ཐོད་པ་དང་ཁ་ཊྭཱཾ་ག་དང་ལྡན་པའོ། །མེ་ཏོག་མ། བདུག་སྤོས་མ། མར་མེ་མ། དྲི་ཆབ་མ་རྣམས་དཀར་མོ་དུ་བ་མར་མེའི་རྩེ་མོ་ལྟ་བུ་དང་དམར་མོ་རྣམས་སོ། །འདི་རྣམས་ཀྱི་
[288b.7]གཙོ་བོའི་གཡས་པར་མེ་ཏོག་པོག་ཕོར་མར་མེའི་སྡོང་པོ་དང་དྲིའི་དུང་ཆོས་རྣམས་སོ། །ཕྱག་གཞན་གསུམ་རྣམས་ན་ཌ་མ་རུ་དང་ཐོད་པ་ཁ་ཊྭཱཾ་ག་རྣམས་སོ། །གཟུགས་མ་རོ་མ་རེག་མ་ཆོས་མ་རྣམས་དཀར་མོ། དམར་མོ། ལྗང་གུ། དཀར་མོ་རྣམས་ཏེ། གཙོ་བོའི་
[289a]
[289a.1]ཕྱག་གཡས་པའི་ཕྱག་གཅིག་གིས་མེ་ལོང་སྦྲང་ཆང་གི་སྣོད་དང་། གོས་སྣ་ཚོགས་པ་དང་། ཆོས་འབྱུང་འཛིན་པ་རྣམས་ཏེ། ཕྱག་གཞན་རྣམས་ན་ཌ་མ་རུ་དང་ཐོད་པ་ཁ་ཊྭཱཾ་ག་རྣམས་སོ། །ཐམས་ཅད་ཞལ་གཅིག་ཕྱག་བཞི་པ་ལ་སོགས་པའི་དབྱངས་ཡིག་བཅུ་
[289a.2]དྲུག་གི་ས་བོན་ལས་བྱུང་བ་རྣམས་སོ། །དེའི་རྗེས་སུ་རྐང་པ་བརྒྱད་པའི་སྔགས་ཀྱིས་བསྟོད་པ་བྱའོ་ཞེས་པ་ནི་མཆོད་པའོ། །འདོད་ཆགས་ཞེ་སྡང་གཏི་མུག་གི །བདག་གི་ལུས་ངག་ཡིད་སྒོ་ནས། །སྡིག་བགྱིས་བགྱིད་སྩལ་ཡི་རང་གང་། །དེ་དག་རྒྱལ་བའི་མདུན་དུ་བཤགས། །
[289a.3]སྡིག་པ་བཤགས་པའོ། །དེ་བཞིན་གཤེགས་པ་ཐམས་ཅད་ཀྱི་ནི་བསོད་ནམས་གང་། །གཞན་ཡང་རྫོགས་པའི་བྱང་ཆུབ་ཡང་དག་བསྟེན་རྣམས་དང་། །རང་སངས་རྒྱས་དང་བླ་མ་དམ་པ་རྣམས་ཀྱི་ཡང་། །དེ་དག་ཐམས་ཅད་བསོད་ནམས་ཤིན་ཏུ་རྗེས་ཡི་རང་། །ཞེས་བྱ་བ་
[289a.4]བསོད་ནམས་ལ་རྗེས་སུ་ཡི་རང་བའོ། །དུས་གསུམ་བཞུགས་པའི་སངས་རྒྱས་མ་ལུས་ཐམས་ཅད་ནི། །མཐའ་ཡས་ཕྱོགས་ཁྱབ་ཐུགས་རྗེའི་ཡོན་ཏན་ཚོགས་རབ་ལྡན། །ཆོས་བཅས་སྐྱོན་བྲལ་འཕགས་པའི་ཚོགས་རྣམས་ཐམས་ཅད་ལའང་། །ཤེས་ནས་བདག་ཉིད་གུས་པས་རབ་
[289a.5]ཏུ་སྐྱབས་སུ་མཆི། །ཞེས་པ་ནི་སྐྱབས་སུ་འགྲོ་བའོ། །རྒྱལ་བའི་ཡོངས་སུ་དག་པའི་ཡང་དག་ལམ་བསྟེན་ནས། །ཚངས་དབང་དྲག་པོ་སོགས་ཀྱིས་རིན་ཐང་མེད་མི་རྙེད། །འདི་ལྟར་བདག་གིས་ཉེ་བར་བསགས་པའི་བསོད་ནམས་ཚོགས་ལས་ནི། །བྱང་ཆུབ་མཆོག་སེམས་དེ་ནི་རབ་
[289a.6]ཏུ་བསྐྱེད་པར་བགྱི། །རྒྱལ་བའི་ལམ་བསྟེན་པ་དང་བྱང་ཆུབ་མཆོག་ཏུ་སེམས་བསྐྱེད་པའོ། །བདག་གིས་འགྲོ་རྣམས་བསྒྲལ་བྱའི་ཕྱིར། །བགྲོད་དཀའ་སྲིད་པའི་རྒྱ་མཚོ་ལས། །རང་གི་བདག་ཉིད་སྐད་ཅིག་མ། །སངས་རྒྱས་རྣམས་ལ་དབུལ་བར་བགྱི། །ཞེས་བྱ་བ་བདག་ཉིད་
[289a.7]དབུལ་བའོ། །འདི་ལྟར་བསོད་ནམས་ཀྱི་ཚོགས་བརྗོད་ནས་ཧེ་རུ་ཀ་ལ་སོགས་པས་ནི་ཡེ་ཤེས་ཀྱི་ཚོགས་བརྗོད་དེ། མཆོད་པ་ལ་སོགས་པ་རྟེན་ཅིང་འབྲེལ་བར་འབྱུང་བ་ལ་སོགས་པའི་སེམས་ཙམ་ཉིད་དུ་མོས་པར་བྱ་སྟེ། རང་གི་མགོ་དང་མགྲིན་པ་སྙིང་གར་ཧེ་རུ་ཀ་ཞེས་པའི་ཡི་གེ་
[289b]
[289b.1]གསུམ་བསྒོམས་ཏེ། ཆོས་རྣམས་རྒྱུ་དང་བྲལ་བ་དེ་ལྟར་རྟོག་པ་དང་བྲལ་བ་གང་དུའང་མི་གནས་པ་ཞེས་བྱ་བར་ངེས་པར་སྦྱར་ནས། ཆོས་རྣམས་ཀྱི་ཚུལ་འདི་ལྟར་མ་ཤེས་པས་སེམས་ཅན་རྣམས་ནི་བདག་དང་བདག་གི་བ་ལ་སོགས་པ་བཟུང་ནས་འཁོར་བར་འཁྱམས་ཏེ། དེ་ལ་བདག་གིས་
[289b.2]ཧེ་རུ་ཀར་བསྒྱུར་ནས་ཆོས་རྣམས་ཚུལ་འདི་ལྟར་སེམས་ཅན་ཐམས་ཅད་ཀྱིས་ཤེས་པར་བྱའོ་ཞེས་ཆོས་ལ་དམིགས་པའི་སྙིང་རྗེ་བསྐྱེད་པར་བྱས་ནས། ཨོཾ་སྭ་བྷཱ་བ་ཞེས་བྱ་བ་ལ་སོགས་པའི་སྔགས་བརྗོད་ཅིང་། ཁམས་གསུམ་སྟོང་བར་བསམ་པར་བྱའོ། །དེ་ལ་མཆོད་བྱ་མཆོད་བྱེད་
[289b.3]མཆོད་པ་ལ་སོགས་པ་རྣམས་ཀྱིས་སེམས་ཙམ་ཉིད་དུ་མངོན་པར་བསྒོམ་པ་ལ་ཨོཾ་ཡིག་གོ། །སྭ་བྷཱ་བ་ཤུདྡྷཿསརྦ་དྷརྨཱཿཞེས་བྱ་བ་ནི། གཟུང་བ་རྣམ་པར་དག་པའོ། །སྭ་བྷཱ་བ་ཤུདྡྷོ྅ཧཾ། ཞེས་བྱ་བ་ནི་འཛིན་པ་རྣམ་པར་དག་པའོ། །ཡང་སྨོན་ལམ་གྱི་དབང་གིས་སེམས་དེ་གོང་ནས་གོང་
[289b.4]དུ་གནས་པའི་དཀར་པོ། དམར་པོ། མཐིང་ག །ཨོཾ་ཨཱཿཧཱུཾ་གི་ཡི་གེའི་ཚུལ་དུ་གནས་པར་བྱའོ། །དེ་ནས་ཨོཾ་ཡིག་ལས་སྐུའི་འཁོར་ལོ་རྣམས་སྤྲོས་ཏེ་འགྲོ་བའི་དོན་བྱས་ནས་སྙོམས་པར་འཇུག་པ་སྔོན་དུ་འགྲོ་བས་ཞུ་བར་བྱས་ནས་དེ་ཉིད་ཁོ་ན་ལ་རབ་ཏུ་གཞུག་པར་བྱའོ། །དེ་བཞིན་དུ་
[289b.5]ཨཱཿཡིག་ལས་གསུང་གི་འཁོར་ལོའི་ལྷ་རྣམས་དང་། ཧཱུཾ་ཡིག་ལས་ཐུགས་ཀྱི་འཁོར་ལོའི་ལྷ་རྣམས་སོ། །དེ་ནས་ཨོཾ་ཡིག་ཨཱཿ་ཡིག་ལ། ཨཱཿཡིག་ཧཱུཾ་ཡིག་ལ། ཞབས་ཀྱུ་ཧ་ཡིག་ལ། ཧ་ཡིག་མགོ་ལ། མགོ་ཟླ་ཚེས་ལ། ཟླ་ཚེས་ཐིག་ལེ་ལ། ཐིག་ལེ་ནཱ་ད་ལ་ཐིམ་པར་བྱས་ནས་
[289b.6]སྐྲའི་རྩེ་མོ་བརྒྱ་སྟོང་གི་ཆར་བཞག་ནས་ཆོས་ཉིད་མ་རྟོགས་ན་སེམས་ཅན་རྣམས་ཞེས་བྱ་བ་ལ་སོགས་པ་སྔར་བཞིན་དུ་སྙིང་རྗེ་ཆེན་པོ་དམིགས་པ་མེད་པའི་སྙིང་རྗེའི་ས་བོན་དུ་གྱུར་པར་རྣམ་པར་བསྒོམས་ནས། ཨོཾ་ཤཱུ་ནྱ་ཏཱ་ཛྙཱ་ན་བཛྲ་ཞེས་བྱ་བ་ལ་སོགས་པའི་སྔགས་བརྗོད་དེ། ནཱ་ད་ཙམ་
[289b.7]གྱིས་རྣམ་པར་རྟོག་པ་ཡང་སྤང་ངོ་ཞེས་བྱའོ། །ཆུང་དུས་ཀྱང་སྟོང་པ་ཉིད་ཀྱི་སྒོམ་པ་མེད་པར་རྡོ་རྗེའི་གུར་གྱི་དབུས་ཁོ་ན་ལ། ཆོས་ཀྱི་དབྱིངས་ཀྱི་རང་བཞིན་ཆོས་འབྱུང་ཨེ་ཡིག་གི་རྣམ་པ་སྟེང་ཡངས་པ་འོག་ཕྲ་བའི་རྣམ་པར་བསྒོམས་ནས། དབུས་སུ་གཞལ་ཡས་ཁང་
[290a]
[290a.1]སྒོམ་པར་བྱེད་པ་ནི་ཁ་ཅིག་གིའོ། །དེའི་རྗེས་སུ་སྟོང་པ་ཉིད་ལས་ལྡང་བའི་རྣལ་འབྱོར་གྱིས་བྷཻ་རཾ་བ་རླུང་གི་དཀྱིལ་འཁོར་ལ་སོགས་པའི་རིམ་པས་སྣ་ཚོགས་རྡོ་རྗེ་མངོན་པར་རྫོགས་པར་བྱས་ནས། དེའི་སྟེང་དུ་སྣ་ཚོགས་པདྨ་བསྒོམ་སྟེ་དེའི་མཚན་ཉིད་བརྗོད་
[290a.2]པ། ཤར་སོགས་ཕྱོགས་སུ་གནས་པའི་འདབ་མ་སྐྱ་རེངས་ལྟར། རླུང་དང་མེའི་ཕྱོགས་སུ་འདབ་མ་སེར་པོའི་མདོག །ཡི་དགས་བདག་པོ་དབང་ལྡན་ཕྱོགས་སུ་ཡང་དཱུར་བ་སྔོན་པོ་སྤྲིན་མདོག་ངེས་པར་སྣ་ཚོགས་པདྨའོ། །འདིའི་དོན་ནི་འདི་ལྟ་སྟེ་ཤར་ལ་སོགས་པའི་ཕྱོགས་
[290a.3]ལ་གནས་པ་དམར་པོ་སྟེ། རླུང་མཚམས་དང་མེ་མཚམས་སུ་སེར་པོ། བདེན་བྲལ་མཚམས་སུ་སྔོན་པོ། དབང་ལྡན་མཚམས་སུ་མཐིང་གའོ། །དེའི་ལྟེ་བར་ཨཱ་ལི་ཀཱ་ལི་ལས་བྱུང་བའི་ཞེས་པ་ནི་གཡོན་དང་གཡས་སྐོར་དུ་གནས་པའི་ཨཱ་ལི་གཱ་ལིའི་ཕྲེང་བ་ཡོངས་སུ་གྱུར་པ་
[290a.4]ལས། ཨཱ་ལི་ཀཱ་ལིའི་དབྱིབས་གཟུགས་བརྙན་དུ་གྱུར་པའི་ཟླ་བ་དང་ཉི་མ་གཉིས་བསམ་པར་བྱའོ་ཞེས་བྱ་བ་རྣལ་འབྱོར་རོ། །དེ་ལ་ཞེས་བྱ་བ་ནི་མེ་ལོང་ལྟ་བུའི་ཡེ་ཤེས་ཀྱི་རང་བཞིན་ཟླ་བ་དང་། མཉམ་པ་ཉིད་ཀྱི་ཡེ་ཤེས་ཀྱི་རང་བཞིན་ཉི་མ་དག་གི་ངོས་ཕྲད་པ་བདེ་བ་ཆེན་པོ་ཁ་
[290a.5]སྦྱར་བའི་དབུས་སུ་ཧཱུཾ་ལས་བྱུང་བའི་རྡོ་རྗེའི་ལྟེ་བའི་ནང་དུ་ཉི་མ་ལ་གནས་པའི་ས་བོན་ཧཱུཾ་སོ་སོར་རྟོག་པའི་ཡེ་ཤེས་ཀྱི་རང་བཞིན་དང་པོ་བཞག་པའི་ནཱ་ད་ལས་རིམ་པས་སྐྱེས་པ། རྡོ་རྗེ་འཛིན་པའི་རང་བཞིན་ནི་དེའི་རྒྱུ་ཡིན་པའི་ཕྱིར་རོ། །དེ་ལས་བྱུང་བའི་ཁ་དོག་ལྔ་པའི་འོད་ཟེར་ལས་
[290a.6]འཕྲོས་པའི་འཁོར་ལོ་ལྔའི་ལྷ་རྣམས་ཀྱིས་འགྲོ་བ་དེའི་རང་བཞིན་དུ་བྱས་ཏེ་བསྡུས་ནས། ཡང་ཕྱོགས་བཅུ་ན་བཞུགས་པའི་གྲུབ་པ་ཐོབ་པ་དཔའ་བོ་དང་རྣལ་འབྱོར་མ་ལ་སོགས་པ་ཐམས་ཅད་ཤེས་རབ་དང་ཐབས་ཀྱི་ཉམས་མཉམ་པར་སྦྱོར་བས་བྱ་བ་ནན་ཏན་གྱི་ཡེ་ཤེས་ཀྱི་རང་
[290a.7]བཞིན་གྱིས་ཞུ་བར་བྱས་ནས་རབ་ཏུ་གཞུག་པར་བྱའོ། །དེ་ནས་མཆོག་ཏུ་དགའ་བའི་རང་བཞིན་གྱི་ས་བོན་དེའི་དུས་སུ་མངོན་དུ་ཕྱོགས་པར་བྱས་ནས་བསྒོམ་པར་བྱའོ། །དེ་ཁོ་ནའི་ཕྱིར་བཅོམ་ལྡན་འདས་འདི་རྒྱུའི་རྡོ་རྗེ་འཛིན་པའི་རང་བཞིན་ནོ་ཞེས་བྱ་བ་རྗེས་སུ་རྣལ་འབྱོར་རོ། །
[290b]
[290b.1]ཧཱུཾ་ལ་སོགས་པ་ལས་བསྐྱེད་ཅེས་པ་ནི། ཟླ་བ་དང་། ཉི་མ་དང་། ཕྱག་མཚན་དང་ས་བོན་ཡོངས་སུ་གྱུར་པས་ལྷན་ཅིག་སྐྱེས་པའི་དགའ་བའི་ཚུལ་རྫོགས་པ་དཔལ་ཧེ་རུ་ཀ །ཨོཾ་ཨཱཿཧཱུཾ་སརྦ་བཱིར་ཡོ་གི་ནཱི་ཀཱ་ཡ་ཝཱ་ཀ་ཙི་ཏྟ་བཛྲ་སྭ་བྷཱ་བ་ཨཱ་ཏྨ་ཀོ྅ཧཾ། ཨོཾ་བཛྲ་ཤུདྡྷཿ་སརྦ་དྷརྨཱཿ་བཛྲ་
[290b.2]ཤུདྡྷོ྅ཧཾ། ཞེས་བྱ་བ་ལ་སོགས་པའི་སྔགས་འདི་གསུམ་བརྗོད་ཅིང་། བཅོམ་ལྡན་འདས་ཤིན་ཏུ་རྣམ་པར་དག་པ་ཆོས་ཀྱི་དབྱིངས་ཀྱི་ཡེ་ཤེས་ཀྱི་རང་བཞིན་བསྒོམ་པར་བྱའོ། །ཉི་མའི་འཁོར་ལོར་གནས་ཞེས་པ་ནི་མ་རིག་པའི་མུན་པ་སེལ་བའི་རྣམ་པར་དག་པའི་ཕྱིར་དང་། །
[290b.3]ཁྲོ་བོའི་ཚུལ་ཉིད་ཀྱི་ཕྱིར་དང་། ཁྲོ་བོ་རྣམས་ཀྱི་ཡང་ཉི་མ་ལ་གནས་པ་དང་འོད་དང་ལྡན་པ་ཉིད་ཀྱི་ཕྱིར་རོ། །རྟག་པ་ཞེས་པ་ལ་སོགས་པ་ནི་རབ་ཏུ་མི་གནས་པའི་མྱ་ངན་ལས་འདས་པ་ཉིད་ཀྱི་ཕྱིར་རྟག་པའི་རྣམ་པར་རྟོག་པའི་རང་བཞིན་དབང་ཕྱུག་མནན་པ་དང་། ཆད་པའི་རྣམ་
[290b.4]པར་རྟོག་པའི་རང་བཞིན་ཨུ་མ་དེ་བ་མནན་པའོ། །དེ་ལ་དབང་ཕྱུག་ནི་འཇིགས་བྱེད་དེ་ས་བོན་གྱི་ཡི་གེ་ཨོཾ་ཡོངས་སུ་གྱུར་པ་ལས་མཐིང་ནག་སྤྱན་གསུམ་པ་ཕྱག་རྒྱ་ལྔ་དང་ལྡན་པ་གཡོན་དུ་བསྙེས་པ་ཞལ་གཅིག་ཕྱག་བཞི་པ་ཕྱག་དང་པོ་དག་གིས་ཐལ་མོ་སྦྱར་བ། གཞན་གཉིས་ཀྱིས་ཌ་
[290b.5]མ་རུ་དང་རལ་གྲི་འཛིན་པའོ། །ཨུ་མ་དེ་བ་ནི་དུས་མཚན་མོ་སྟེ་ས་བོན་ཧྲཱིཿཡོངས་སུ་གྱུར་པ་ལས་དམར་མོ་ཞལ་གཅིག་ཕྱག་བཞི་མ་ཕྱག་དང་པོ་དག་གིས་ཐལ་མོ་སྦྱར་བ། གཞན་དག་གིས་ཐོད་པ་དང་ཁ་ཊྭཱཾ་ག་འཛིན་པ། སྤྱན་གསུམ་པ་ཕྱག་རྒྱ་ལྔ་དང་ལྡན་པ་གཡས་སུ་བསྙེས་
[290b.6]པའོ། །འདི་ནི་སྤྱན་གསུམ་པར་བཤད་པའི་རྗེས་སུ་འཇུག་གོ། །འཁོར་ལོ་ལ་སོགས་པ་ནི། དེ་ལ་འཁོར་ལོ་ནི་སངས་རྒྱས་ཀྱི་ཆོས་ཐམས་ཅད་ཚངས་པའི་དཀྱིལ་འཁོར་གྱི་འཁོར་ལོའོ། །དུར་ཁྲོད་ནི་སྡུག་བསྔལ་དང་མི་རྟག་པ་ལ་སོགས་པའི་དགྲ་རྣམས་ལ་བདེ་བའི་མངོན་
[290b.7]པར་ཞེན་པ་དང་། རྟག་པ་རྒྱུ་མེད་པ་རྒྱུ་མི་མཐུན་པ་ལ་སོགས་པའི་མངོན་པར་ཞེན་པ་དང་། འཁོར་བ་ལ་མངོན་པར་ཞེན་པའམ་མ་ཡིན་པ་ལ་མངོན་པར་ཞེན་པ་ཟད་མི་ཤེས་པའི་མངོན་པར་ཞེན་པ། སྐྱེ་བའི་མངོན་པར་ཞེན་པ། བདག་ལ་མངོན་པར་ཞེན་པ། དེའི་རྗེས་སུ་འགྲོ་
[291a]
[291a.1]བའི་མངོན་པར་ཞེན་པ། དེ་ཁོ་ན་ཉིད་ལ་མངོན་པར་ཞེན་པ། གོམས་པར་མ་བྱས་པ་སྟེ་ཆོས་བཅུའོ། །བཅུ་པོ་འདི་རྣམས་ཀྱི་རྣམ་པར་དག་པས་དབང་པོ་ལ་སོགས་པ་ཕྱོགས་སྐྱོང་བཅུ་རྟོགས་པར་བྱའོ། །ངེས་པའི་དོན་གྱིས་ཀྱང་རྩའི་བུ་ག་ནས་གྱེན་དུ་རྒྱུ་བའི་གཏུམ་
[291a.2]མོའི་ཡེ་ཤེས་ཀྱི་མེས་དེ་བཞིན་གཤེགས་པ་རྣམས་ཆོས་ཀྱི་འཁོར་ལོར་མི་སྣང་བར་བྱེད་པའི་ཕྱིར་དེ་ཉིད་ཁོ་ན་དུར་ཁྲོད་བརྒྱད་དོ། །དེ་བས་ན་གཞན་དུ་གསུངས་པ་དུར་ཁྲོད་ཅེས་བྱ་བ་ནི་འཇིག་རྟེན་གྱི་ཁམས་ཐམས་ཅད་འདུས་པའི་རྣམ་པར་ཤེས་པ་བརྒྱད་ཀྱི་བདག་མེད་པའི་རང་བཞིན་གྱིས་
[291a.3]བརྒྱད་དོ། །གཞལ་ཡས་ཁང་གི་ནང་ཞེས་བྱ་བ་ནི་གཞལ་ཡས་ཁང་གི་དབུས་སུ་གནས་པའོ། །གཞལ་ཡས་ཁང་དེ་ཡང་བྷྲཱུཾ་ཡིག་ལས་བྱུང་བ། རིག་མ་དང་བཅས་པ་རྣམ་པར་སྣང་མཛད་ཀྱི་བདག་ཉིད་དང་། དེ་བཞིན་གཤེགས་པ་དང་སོ་སོའི་སྐྱེ་བོ་དག་གི་དེ་བཞིན་ཉིད་དུ་
[291a.4]ཚུལ་གཅིག་པས་མི་མཉམ་པའི་དངོས་པོ་མེད་པའི་ཕྱིར་གྲུ་བཞི་པའོ། །དྲན་པ་ཉེ་བར་གཞག་པ། ཡང་དག་པར་སྤོང་བ། རྫུ་འཕྲུལ་གྱི་རྐང་པ་དང་། དབང་པོ་རྣམ་པར་དག་པས་སྒོ་བཞི་པའོ། །ལམ་གྱི་ཡན་ལག་བརྒྱད་རྣམ་པར་དག་པས་ཀ་བ་བརྒྱད་ཀྱིས་ཉེ་བར་མཛེས་
[291a.5]པར་བྱས་པ། དཔའ་བར་འགྲོ་བ་དང་། ནམ་མཁའ་མཛོད་དང་། དྲི་མེད་ཕྱག་རྒྱ་དང་སེང་གེ་རྣམ་པར་བརྩེ་བའི་ཏིང་ངེ་འཛིན་བཞིའི་རྣམ་པར་དག་པས་མདོ་ཁྱམས་བེ་དི་ཀ་ལྷའི་སྣམ་བུ་བཞིས་ཡོངས་སུ་བསྐོར་བའོ། །བསམ་གཏན་བཞི་རྣམ་པར་དག་པས་རྟ་བབས་བཞིས་
[291a.6]བརྒྱན་པ། བྱང་ཆུབ་ཀྱི་ཡན་ལག་བདུན་རྣམ་པར་དག་པས་དྲ་བ་དང་དྲ་བ་ཕྱེད་པ་དང་། ཟླ་བ་དང་། ཉི་མ་དང་། བ་དན་དང་། མེ་ལོང་དང་རྔ་ཡབ་བོ། །མདོར་ན་སངས་རྒྱས་ཀྱི་ཡོན་ཏན་དེ་དང་དེའི་རྣམ་པར་དག་པས་མཚན་དང་ལྡན་པའོ། །རྡོ་རྗེའི་ཕྲེང་བ་ཞེས་བྱ་བ་ནི་
[291a.7]ཡེ་ཤེས་ལྔའི་རང་བཞིན་ཉིད་ཀྱི་ཕྱིར་དཔྲལ་བར་རྡོ་རྗེ་ལྔ་ལས་བྱས་པའི་ཕྲེང་བ་འཛིན་པའོ། །ཤར་དང་བྱང་ལ་སོགས་པར་རིམ་པས་མཐིང་ནག་ལྗང་གུ་དམར་པོ་སེར་པོའི་མདོག །ཞལ་བཞི་པ་ཞེས་བྱ་བ་ནི་སྟོང་པ་ཉིད་དང་མཚན་མ་མེད་པ་སྨོན་པ་མེད་པ། མངོན་པར་
[291b]
[291b.1]འདུས་མ་བྱས་པའི་མཚན་ཉིད་རྣམ་པར་ཐར་པའི་སྒོ་བཞི་རྣམ་པར་དག་པའོ། །བཅུ་གཉིས་ཞེས་པ་ནི་རྟེན་འབྲེལ་ཡན་ལག་བཅུ་གཉིས་འགོག་པའི་ཕྱིར་རོ། །རེ་རེ་ལ་སྤྱན་གསུམ་པ་ཞེས་པ་ནི་དུས་གསུམ་རྣམ་པ་ཐམས་ཅད་ཀྱི་སྒོ་ནས་གཟིགས་པའི་ཕྱིར་རོ། །བརྐྱང་དང་བསྐུམ་
[291b.2]པའི་ཞབས་ཞེས་པ་ནི་འགྲོ་བ་ཐམས་ཅད་སྟོང་པ་ཉིད་ཀྱིས་བསྡུས་པའི་ཕྱིར་རོ། །དེ་ཡང་ཞབས་གཡོན་པ་བསྐུམ་པ་ལས་མཐོ་ལྔར་གཡས་བརྐྱང་པའོ་ཞེས་བྱ་བ་ནི། དེ་ཁོ་ནར་ཕྱག་གཉིས་ཀྱིས་སོ། །སྟོང་པ་དང་སྙིང་རྗེ་དག་རོ་གཅིག་པའི་ཕྱིར་གཡས་པའི་རྡོ་རྗེ་ནི་ཡེ་ཤེས་ལ་རོ་
[291b.3]མཉམ་པའི་རང་བཞིན་ནོ། །གཡོན་ན་དྲིལ་བུ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་ནོ། །གཏི་མུག་ལ་སོགས་པ་ནི་འགྲོ་བའི་གཏི་མུག་རྣམ་པར་ཉམས་པར་བྱས་པའི་ཕྱིར། དཀར་པོ་གཏི་མུག་གི་རང་བཞིན་ཁྲག་དང་བཅས་པ་བརྒྱངས་པ་རང་གི་རྒྱབ་ཏུ་འཛིན་
[291b.4]པའོ། །ཌ་མ་རུ་ལ་སོགས་པ་ནི་གཡས་པའི་གོང་མ་ཐོག་མར་བྱས་ནས་དེ་བཞིན་དུ་གཡོན་པའི་སྟེང་ཡང་ཐོག་མར་བྱས་ནས་ཁ་ཊྭཱཾ་ག་ལ་སོགས་པ་རིམ་པས་འཛིན་པའོ། །དེ་ལ་མཆོག་ཏུ་དགའ་བའི་སྒྲས་སངས་རྒྱས་ཐམས་ཅད་བསྐུལ་བ་ནི་ཌ་མ་རུའོ། །ལུས་ངག་ཡིད་གསུམ་གྱི་སྐྱོན་
[291b.5]གཅོད་པར་བྱེད་པས་དགྲ་སྟའོ། །དངོས་དང་དངོས་མིན་གྱི་རྣམ་པར་རྟོག་པ་གཅོད་པར་བྱེད་པའི་ཤེས་རབ་ནི་གྲི་གུག་གོ། །སྲིད་པ་གསུམ་གྱི་ཉོན་མོངས་པ་བྲལ་བར་བྱེད་པས་རྩེ་གསུམ་བསྒྲེང་བ་བྱང་ཆུབ་ཀྱི་སེམས་ཀྱི་རང་བཞིན་དཀར་པོ་དང་། སྐུ་གསུང་ཐུགས་རྣམ་པར་དག་པས་
[291b.6]དཀར་པོ་དམར་པོ་ནག་པོའི་མགོ་བོ་གསུམ་དང་ལྡན་པའི་ཁ་ཊྭཱཾ་གའོ། །བདེ་བ་ཆེན་པོ་དང་སྙིང་རྗེ་ཆེན་པོའི་རང་བཞིན་ཐོད་པའོ། །ཡང་དག་པའི་ཡེ་ཤེས་ཀྱི་རྣམ་པར་བཅིངས་པས་སྲུང་བ་ནི་རྡོ་རྗེའི་ཞགས་པའོ། །དངོས་དང་དངོས་མིན་གྱི་རྣམ་རྟོག་ཉམས་པ་དང་ཐར་པའི་རང་བཞིན་
[291b.7]ཚངས་པའི་མགོ་བོའོ། །བཅོམ་ལྡན་འདས་ལ་བྱང་ཆུབ་ཀྱི་སེམས་རྒྱུན་གཡོན་ངོས་སུ་འབར་བའི་ཕྱིར། དབུ་ལ་ཅུང་ཟད་གཡོན་དུ་ཡོ་བའི་ཟླ་བ་ཕྱེད་པའོ། །ཆོས་ཀྱི་དབྱིངས་ལས་ཀུན་ནས་སློང་བ་ཉིད་ཀྱི་ཕྱིར་དབུ་ལ་ཐོད་པ་ལྔའི་ཕྲེང་བ་དང་། འགྲོ་བ་ཐམས་ཅད་ཀྱི་དོན་བྱེད་
[292a]
[292a.1]པའི་ཕྱིར་སྣ་ཚོགས་རྡོ་རྗེ་དང་ལྡན་པའོ། །བདུད་བཞི་རྣམ་པར་ཉམས་པའི་ཕྱིར་དབུ་ལ་རལ་པའི་ཐོར་ཅོག་གོ། །བློ་ལྡན་ལ་སོགས་པ་ནི་དེ་བཞིན་གཤེགས་པ་ལྔ་དང་། ལྷ་མོ་བཞིའི་རང་བཞིན་ཞི་གནས་དང་ལྷག་མཐོང་བསྒོམས་པའི་དགའ་བ་དང་སྦྱོར་བའི་ཕྱིར། སྒེག་དང་
[292a.2]དཔའ་བ་མི་སྡུག་པ། དྲེགས་དང་བཞད་མཛད་འཇིགས་སུ་རུང་། །སྙིང་རྗེ་རྔམ་བ་ཞི་རྣམས་ཀྱི། །གར་གྱི་ཉམས་དགུར་ལྡན་པའོ། །འདོད་ཆགས་ཞེ་སྡང་གཏི་མུག་གི་དྲི་མ་དང་བྲལ་བའི་ཕྱིར་སྟག་གི་པགས་པའི་ཤམ་ཐབས་ཅན་ནོ། །ཨཱ་ལི་ཀཱ་ལི་ལྔ་བཅུ་རྣམ་པར་དག་པས་མི་མགོ་
[292a.3]ཁྲག་དང་བཅས་པ་གང་གིས་དོ་ཤལ་དུ་འཛིན་པ་དེ་ནི་དེ་བཞིན་ནོ། །མགུལ་རྒྱན་དང་གདུ་བུ་སྙན་རྒྱན་སྤྱི་གཙུག་གི་ནོར་བུ་དང་མིའི་རྒྱུས་པའི་ཚངས་སྐུད་དང་ལྡན་པ། ལུས་ཐམས་ཅད་བྱང་ཆུབ་ཀྱི་སེམས་ཀྱིས་ཁྱབ་པས་ལུས་ཐམས་ཅད་ལ་ཐལ་བས་བྱུགས་པའོ། །མདུན་ནས་ཞེས་པ་ནི་
[292a.4]འཁྱུད་ནས་གནས་པའོ། །ཟླ་མཚན་དང་ལྡན་པའི་ཕྱིར་ཉི་མ་ལ་གནས་པ་དང་ཉི་མའི་འོད་ཟེར་ཅན་ནོ། །འདོད་ཆགས་དང་བྲལ་བའི་ཕྱིར་ཐོད་པ་སྐམ་པོའི་ཕྲེང་བ་འཛིན་པ། བདུད་ཁྲག་ལ་སོགས་པ་ནི་འཁྱུད་པའི་ཕྱག་གཡོན་པས་འཛིན་པའི་ཐོད་པ་ལས་འཛག་པའི་ཁྲག་གི་རྒྱུན་གྱིས་རྗེ་བཙུན་
[292a.5]ལ་སྟོབ་པ། །འཇིགས་བྱེད་ཅེས་བྱ་བ་ནི་གྱེན་དུ་བསྒྲེང་བའི་གཡས་པ་སྡིགས་མཛུབ་དང་བཅས་པའི་རྡོ་རྗེས་ཕྱོགས་བཅུར་གནས་པའི་གདུག་པའི་སེམས་ཅན་ཡང་དག་པར་འཇིགས་པར་བྱེད་པའོ། །བསྐལ་པའི་མེ་ལྟར་ཞེས་པ་ནི་སྟོང་པ་ཉིད་ཀྱིས་འགྲོ་བ་ལ་མི་དམིགས་པའི་མཉམ་པ་ཉིད་
[292a.6]ཀྱི་ཕྱིར་རོ། །གཟི་བརྗིད་ཆེ་བ་ཡང་རྣམ་པར་དག་པའི་ཡེ་ཤེས་ཀྱིས་གསལ་བར་སྦྱོར་བའི་ཕྱིར། ཁྲག་ཅེས་པ་ནི་ཟླ་མཚན་དང་ལྡན་པ་ཉིད་ཀྱི་ཕྱིར་རོ། །བརླ་གཉིས་ལ་ནི་བཅོམ་ལྡན་འདས་ཀྱིའོ། །བདེ་ཆེན་ཞེས་པ་ནི་ལྷག་མཐོང་གི་ཚུལ་གྱིས་བདེ་བ་ཆེན་པོ་ལ་སིམ་ན་ཡང་འགྲོ་བའི་དོན་
[292a.7]བྱེད་པའོ། །ཅུང་ཟད་དགོད་དང་ཡོངས་སུ་འཁྱུད། །གཅེར་བུ་ཉིད་དང་སྐྲ་གྲོལ་མ། །སྤུ་ལྡང་བ་དང་བདེ་ཆེན་པོའི། །ཕྱི་རོལ་དུ་ནི་རྟགས་ལྔའོ། །དངོས་སུ་རྟགས་གསུམ་བརྗོད་པའི་ཕྱིར། །དེ་ལ་རྟགས་གཉིས་རྟོགས་པར་བྱ། །འཁོར་ལོ་ལྔ་གནས་ལྷ་མོ་རྣམས། །
[292b]
[292b.1]རྟགས་ལྔ་པོ་ལ་ཡང་དག་གནས། །ཞེས་སོ། །བྱང་ཆུབ་སེམས་ལ་སོགས་པ་ནི་སོགས་པའི་སྒྲས་བདུད་རྩི་ལྔ་སྒྲོན་མ་ལྔ་རྣམས་རོ་གྲུབ་པར་གྱུར་བ་འབྱུང་ངོ་། །འདི་ལྟར་འཁོར་དང་བཅས་པ་དམ་ཚིག་སེམས་དཔའི་ཐུགས་ཀའི་ཉི་མ་ལ་ཧཱུཾ་ཡིག་སྔོན་པོ་ཏིང་ངེ་འཛིན་སེམས་དཔའ་དང་། ལྟེ་
[292b.2]བར་འཆད་པར་འགྱུར་བའི་ཨཱ་ལི་ཀཱ་ལི་ལ་སོགས་པ་ཡེ་ཤེས་སེམས་དཔའ་ཞེས་སེམས་དཔའ་གསུམ་གྱི་བདག་ཉིད་ཅན་བསྒོམ་པར་བྱའོ། །ཡང་ན་སྙིང་གར་ཡེ་ཤེས་སེམས་དཔའ་དེའི་ཐུགས་ཀར་ཏིང་ངེ་འཛིན་སེམས་དཔའ། དེ་ནཱ་ད་དང་ཐིག་ལེ་བདེ་བ་ཆེན་པོའི་བདུད་རྩིའི་རང་བཞིན་དུ་
[292b.3]བསམ་པར་བྱའོ། །ཨོཾ་སརྦ་བཱིར་ཡོ་གི་ནཱི་ཀཱ་ཡ་ཝཱཀ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཨོཾ་བཛྲ་ཤུདྡྷཿསརྦ་དྷརྨཱ་བཛྲ་ཤུདྡྷོ྅ཧཾ། ནམ་མཁའ་ལ་སྤྱོད་པ་རྣམས་ནི་གང་དེ་རྣམས་ཀྱི་གནས་ཀྱང་གང་ཞེ་ན། འདིར་བརྗོད་པ་རབ་ཏུ་གཏུམ་མོ་ལ་སོགས་པ་དཔའ་མོ་བརྒྱད་ནི། ནམ་མཁའ་ལ་སྤྱོད་
[292b.4]པ་ཅན་ཡིན་ནོ། །དེ་རྣམས་ཀྱི་གནས་ནི་ཇི་ལྟར་འདོད་པ་བཞིན། རྩིག་པ་ལ་སོགས་པ་ལ་མ་ཐོགས་པར་ནམ་མཁའ་ལ་འགྲོ་བ་ལ་སོགས་པ་དང་། འདོད་པའི་དོན་ཡིད་ཀྱིས་བསམ་པ་ཙམ་གྱིས་ཐོབ་པ་ཡང་ངོ་། །སྲིད་པའི་སྡུག་བསྔལ་ཉམས་སུ་མི་མྱོང་བ་ཡང་ཞེས་བྱ་བ་ནམ་མཁའ་ལ་སྤྱོད་
[292b.5]པའི་གནས་སོ། །ས་ལ་སྤྱོད་པ་དང་ས་འོག་ན་གནས་པ་རྣམས་ཀྱི་གནས་ཀྱང་ནམ་མཁའ་ལ་སྤྱོད་པ་རྣམས་ཀྱིས་ཐོབ་པའོ། །སྒོམ་པ་རབ་ཏུ་གྱུར་པའི་དབང་དུ་བྱས་ནས་ཁྱད་པར་བརྗོད་དེ། མིག་དག་ལ་པདྨ་དང་ཟླ་བ་ལ་ཀྲཾ་ཡིག་ལས་བྱུང་བའི་གཏི་མུག་རྡོ་རྗེ་བསྒོམ་པར་བྱའོ། །དཀར་པོ་
[292b.6]གཟུགས་རྡོ་རྗེ་མས་ཀུན་ལ་འཁྱུད་པ། རྣ་བ་དག་ལ་པདྨ་དང་ཉི་མ་ལ་རྡོ་རྗེ་དང་ཧཱུཾ་ཡིག་ལས་བྱུང་བའི་ཞེ་སྡང་རྡོ་རྗེ་ནག་པོ་སྒྲ་རྡོ་རྗེ་མས་འཁྱུད་པ། སྣ་བུག་དག་ལ་པདྨ་དང་ཉི་མ་ལ་རིན་པོ་ཆེ་དང་ཏྲཾ་ཡོངས་སུ་གྱུར་པ་ལས་ཕྲག་དོག་རྡོ་རྗེའོ། །ཁ་ཅིག་ལ་སེར་སྣ་རྡོ་རྗེ་ཞེས་སོ། །སེར་པོ་དྲི་རྡོ་རྗེ་མས་
[292b.7]འཁྱུད་པ། ལྕེའི་རྩ་བར་པདྨ་དང་ཉི་མ་ལ་པདྨ་དམར་པོ་དང་ཨཿཡོངས་སུ་གྱུར་པ་ལས་འདོད་ཆགས་རྡོ་རྗེ་དམར་པོ་རོ་རྡོ་རྗེ་མས་འཁྱུད་པ། དཔྲལ་བར་ཉི་མ་དང་ཧཱུཾ་ཡོངས་སུ་གྱུར་པ་ལས་སེར་སྣ་རྡོ་རྗེ་ལྗང་གུ་རེག་བྱ་རྡོ་རྗེ་མ་དང་སྙོམས་པར་འཇུག་པ། ཐུགས་ཀར་པདྨ་དང་ཟླ་བ་ལ་རྡོ་རྗེ་དང་ཧཱུཾ་
[293a]
[293a.1]ལས་བྱུང་བ་དབང་ཕྱུག་རྡོ་རྗེ་དཀར་པོ་ཆོས་ཀྱི་དབྱིངས་ཀྱི་རྡོ་རྗེ་མ་དང་སྙོམས་པར་འཇུག་པའོ། །གཏི་མུག་རྡོ་རྗེ་ལ་སོགས་པ་འདི་རྣམས་ནང་གི་སྐྱེ་མཆེད་ཀྱི་རྣམ་པར་དག་པའི་རང་བཞིན། ལྷའི་མིག་ལ་སོགས་པ་རྣམས་སྦྱིན་པ་པོ་རིམ་པ་བཞིན་དུ་སའི་སྙིང་པོ་ལ་སོགས་པའི་
[293a.2]མིང་གཞན་ཡང་ངོ་། །རྣམ་པར་སྣང་མཛད། མི་བསྐྱོད་པ། རིན་ཆེན་འབྱུང་ལྡན། འོད་དཔག་མེད། དོན་ཡོད་གྲུབ་པ་དང་། རྡོ་རྗེ་སེམས་དཔས་རྒྱས་བཏབ་པའོ། །རལ་པའི་ཅོད་པན་ཅན་སྤྱན་གསུམ་པ་ཕྱག་རྒྱ་ལྔ་དང་ལྡན་པ། ཞལ་གཅིག་ཕྱག་གཉིས་པ་རྣམས་ནི། ཕྱག་གཡས་པས་
[293a.3]འཁོར་ལོ། རྡོ་རྗེ་རིན་ཆེན། པདྨ་དམར་པོ། སྣ་ཚོགས་རྡོ་རྗེ་དང་རྡོ་རྗེ་དཀར་པོ་འཛིན་པ་རྣམས་ཏེ། གཡོན་གྱིས་རྡོ་རྗེ་དྲིལ་བུ་འཛིན་པ་ཞབས་བརྐྱང་བསྐུམ་པའོ། །འདི་རྣམས་ཀྱི་ཤེས་རབ་མ་ཡང་། ས་བོན་ཛཿཧཱུཾ་བོཾ་ཧོཿཁོཾ་རཾ་ལས་བྱུང་བ། ཕྱིའི་སྐྱེ་མཆེད་ཀྱི་རྣམ་པར་དག་པའི་
[293a.4]རང་བཞིན། རང་རང་གི་སྐུ་མདོག་དང་མཐུན་པ་བཟློག་པའི་བརྐྱང་བསྐུམ་ནི་ཁྱད་པར་རོ། །ཕྱག་གཡས་པས་མེ་ལོང་པི་ཝང་དྲིའི་དུང་ཆོས་རོའི་སྣོད། །གོས་སྣ་ཚོགས་པ་ཆོས་འབྱུང་འཛིན་པ། གཡོན་པས་རྡོ་རྗེ་དྲིལ་བུ་འཛིན་པ་རྣམས་སོ། །སྒྲ་རྡོ་རྗེ་མ་ནི་གཡོན་གྱིས་ཀྱང་པི་ཝང་
[293a.5]འཛིན་པ། རིན་ཆེན་འབྱུང་ལྡན་གྱིས་རྒྱས་བཏབ་པའོ། །ལྟེ་བ། སྙིང་ག །མགྲིན་པ། དཔྲལ་བའི་པདྨ་དང་ཟླ་བ་རྣམས་ལ་ལོཾ་མོཾ་པོཾ་ཏོཾ་ལས་བྱུང་བའི་སངས་རྒྱས་སྤྱན། མཱ་མ་ཀཱི ། གོས་དཀར་མོ། སྒྲོལ་མའི་རང་བཞིན། ལྟུང་བྱེད་མ། གསོད་བྱེད་མ། འགུགས་བྱེད་མ་
[293a.6]དང་གར་གྱི་དབང་ཕྱུག་མ་རྣམས་ཞལ་གཅིག་ཕྱག་བཞི་པ་ཕྱག་གཡས་གཉིས་ན་འཁོར་ལོ་དང་གྲི་གུག། རྡོ་རྗེ་དང་གྲི་གུག །པདྨ་དང་གྲི་གུག །རལ་གྲི་དང་གྲི་གུག་འཛིན་པ། ཕྱག་གཡོན་པ་གཉིས་ཀྱིས་ཐོད་པ་དང་ཁ་ཊྭཱཾ་ག་འཛིན་པའོ། །གསང་གནས་སུ་པདྨ་དང་ཟླ་བ་ལ་ཁཾ་
[293a.7]ལས་བྱུང་བའི་པད་འབར་མ་དུ་བའི་མདོག་ཅན་ཞལ་གསུམ་དཀར་པོ་དམར་པོའི་གཡས་དང་ཞལ་གྱི་ཞལ་ཅན། ཕྱག་གཡས་པ་གསུམ་གྱིས་ལྕགས་ཀྱུ་ཚངས་པའི་མགོ་བོ་གྲི་གུག་འཛིན་པ། ཕྱག་གཡོན་པ་གསུམ་གྱིས་ཐོད་པ་ཁ་ཊྭཱཾ་ག་ཞགས་པ་འཛིན་པའོ། །སྤྱན་གསུམ་
[293b]
[293b.1]པ་ཕྱག་རྒྱ་ལྔ་དང་ལྡན་པ། སྐྲ་གྲོལ་བ་གཅེར་བུ་ཞབས་བརྐྱང་བསྐུམ་པ་འདི་རྣམས་ལྷ་མོ་ལྔ་རིམ་པ་བཞིན་དུ་ས་ཆུ་མེ་རླུང་ནམ་མཁའི་ཁམས་རྣམ་པར་དག་པའི་རང་བཞིན་རིམ་པས་བྷྲཱུཾ་ཧཱུཾ་ཧྲཱིཿཧོ། ཨོཾ་ལས་བྱུང་བའི་དཀར་པོ་མཐིང་ནག །དམར་པོ། ལྗང་གུ། སེར་པོ། རྣམ་པར་
[293b.2]སྣང་མཛད། མི་བསྐྱོད་པ། སྣང་བ་མཐའ་ཡས། དོན་ཡོད་གྲུབ་པ་རིན་ཆེན་འབྱུང་ལྡན་རྣམས་ཀྱི་གཟུགས་དང་རྣམ་པར་ཤེས་པ་འདུ་བྱེད་དང་ཚོར་བའི་ཕུང་པོ་རྣམ་པར་དག་པའི་རང་བཞིན་རྣམས་ཀྱིས་འཁྱུད་པ་དང་རྒྱས་བཏབ་པའོ། །གཟུགས་ལ་སོགས་པའི་དེ་བཞིན་ཉིད་ལ་རྡོ་རྗེ་
[293b.3]སེམས་དཔའ་དཀར་པོ་སྤྱི་གཙུག་ཏུ་པདྨ་དང་ཟླ་བ་ལ་ཧོ་ཡོངས་སུ་གྱུར་བ་ལས་བྱུང་བ་སྟེ། ཧཱུཾ་ལས་བྱུང་བ་རང་གི་མདོག་ཅན་རྡོ་རྗེ་འབར་མས་ཀུན་ནས་འཁྱུད་བ། དེ་ཡང་ཡེ་ཤེས་ཀྱི་ཁམས་རྣམ་པར་དག་པའི་རང་བཞིན་ནོ། །འདི་ལ་རྣམ་པར་སྣང་མཛད་ནི་འཁོར་ལོ་དང་བཅས་པའི་ཕྱག་གཡས་
[293b.4]པ་འཕྱར་བའོ། །ཧེ་རུ་ཀ་རྡོ་རྗེ་ནི་ཕྱག་གཡས་པ་ས་གནོན་གྱི་ཕྱག་རྒྱར་ལྡན་པ། འདི་གཉིས་དྲིལ་བུ་འཛིན་པར་བསྒོམས་ཤིང་བསྒྱིངས་པ་དང་བཅས་པའི་གཡོན་པས་དཀུར་བརྟེན་པའོ། །སྣང་བ་མཐའ་ཡས། དོན་ཡོད་གྲུབ་པ། རིན་ཆེན་འབྱུང་ལྡན་རྣམས་པདྨ་དམར་པོ་སྣ་ཚོགས་
[293b.5]རྡོ་རྗེ་རིན་པོ་ཆེ་འཕྱར་བ། རོལ་པ་དང་བཅས་པའི་ཕྱག་གཡས་པ་དང་ཕྱག་གཡོན་པས་དྲིལ་བུ་ཐུགས་ཀར་འཛིན་པ་རྣམས་སོ། །རྡོ་རྗེ་སེམས་དཔའ་ནི་རོལ་པ་དང་བཅས་པའི་ཕྱག་གཡས་པ་ཐུགས་ཀར་རྡོ་རྗེ་དྲིལ་བུ་འཛིན་པར་བསམས་ཤིང་འགྱིང་བ་དང་བཅས་པའི་གཡོན་པས་དཀུར་
[293b.6]བརྟེན་པའོ། །འདི་ལ་རྣམ་པར་ཤེས་པའི་ཕུང་པོ་ལ་རྡོ་རྗེ་སེམས་དཔའ་ཕུང་པོ་ལྔ་པོའི་དེ་བཞིན་ཉིད་ལ་མི་བསྐྱོད་པ་ཞེས་བྱ་བ་ཡང་ཤེས་པར་བྱ་སྟེ། ཕན་ཚུན་འདི་དག་ནི་ངོ་བོ་གཅིག་པར་རྟོགས་པའི་ཕྱིར་རོ། །དེ་ཉིད་ཀྱི་ཕྱིར་རྣམ་པར་སྣང་མཛད་ལ་རིགས་ཕན་ཚུན་རྒྱས་བཏབ་པ་
[293b.7]ནི། མི་བསྐྱོད་པའོ། །མགོ་དང་མགྲིན་པ་སྙིང་གར་རྟག་པ་སྣང་བ་མཐའ་ཡས་མི་བསྐྱོད་པ་རྣམས་ལུས་ངག་ཡིད་ཀྱི་དག་པའི་ངོ་བོ་ཤེས་རབ་མ་དང་བཅས་པ་རྣམས་སོ། །གཏི་མུག་རྡོ་རྗེ་ལ་སོགས་པ་དེ་དག་ཀྱང་། ཡང་དག་པར་སྦྱོར་བའི་བདེ་བ་ཆེན་པོར་ཞུ་ནས་སྐྱེ་མཆེད་དང་
[294a]
[294a.1]ཁམས་དང་ཕུང་པོ་དང་ལུས་ལ་སོགས་པ་རྣམས་ལ་ཐིམ་པའོ། །ད་ནི་རྡོ་རྗེ་ལ་སོགས་དག་པ་བརྗོད་པར་བྱ་སྟེ། ལྷ་མོའི་ཨཱཿཡིག་ལས་བྱུང་བ་པདྨ་དམར་པོ་དང་པདྨ་གསུམ་པ་དྱ་ཡིག་ལས་བྱུང་བའི་ལྟེ་བ་དཀར་པོ་རྩེ་མོར་དྱཱ་ཡིག་སེར་པོས་བྱིན་གྱིས་བརླབས་པའི་
[294a.2]རྩེ་མོ་ཅན། དེ་ནས་ལྷ་མོའི་སྙིང་པོ་དང་ཉེ་བའི་སྙིང་པོའི་སྔགས་དག་གིས་ལྟེ་བ་དང་སྙིང་གར། རང་གི་སྙིང་པོ་དག་གིས་མགྲིན་པ་དང་དཔྲལ་བར་བཅོམ་ལྡན་འདས་མ་ལ། བཅོམ་ལྡན་འདས་ཀྱིས་འོ་བྱེད་པ། བཅོམ་ལྡན་འདས་མས་ཀྱང་བཅོམ་ལྡན་འདས་ལ་སྙིང་པོ་དང་ཉེ་བའི་སྙིང་
[294a.3]པོ་དག་གིས་བཅོམ་ལྡན་འདས་ཀྱི་མགྲིན་པ་དང་དཔྲལ་བར་འོ་བྱེད་པའོ། །དེ་ནས་ཡི་གེ་གསུམ་གྱིས་དགའ་བ་བརྩམ་པར་བྱའོ། །ཕྱི་རོལ་དུ་ཡང་དགའ་བ་བཟང་པོ་ལ་ཆོ་ག་འདི་ཁོ་ནའོ། །འདི་ཁོ་ནའི་ཕྱིར་རྒྱས་གདབ་པ་ཕན་ཚུན་རྣམ་པར་སྣང་མཛད་ལ་སོགས་པ་རྣམས་ཀྱི་མི་བསྐྱོད་པས་
[294a.4]སོ། །དཔྲལ་བ། མགྲིན་པ། སྙིང་གར། རྟག་པ། འོད་དཔག་མེད། མི་བསྐྱོད་པ་རྣམས་ཤེས་རབ་མ་དང་བཅས་པ་སྐུ་གསུང་ཐུགས་རང་བཞིན་རྣམ་པར་དག་པ་རྣམས་སོ། །འདི་རྣམས་ཀྱང་གཏི་མུག་རྡོ་རྗེ་མ་ལ་སོགས་པའི་ལྷ་རྣམས་སྦྱོར་བའི་བདེ་བས་ཞུ་ནས་སྐྱེ་མཆེད་ཁམས་
[294a.5]ཕུང་པོ་སྐུ་ལ་སོགས་པ་རྣམས་ལ་བསྟིམ་མོ། །ད་ནི་རྡོ་རྗེ་ལ་སོགས་པའི་དག་པ་བརྗོད་པར་བྱ་སྟེ། ཧཱུཾ་དཀར་པོ་ལས་བྱུང་བའི་རྡོ་རྗེ་ནག་པོ་བྱཱ་དམར་པོ་ལས་བྱུང་བ་དེའི་ནོར་བུ་དམར་པོ་སྟེ། བྱཱ་ཡིག་སེར་པོས་བྱིན་གྱིས་བརླབས་པའི་རྩེ་མོའོ། །རྡོ་རྗེའི་སྣ་ཡི་རྩེ་མོར་ནི། །ཐིག་ལེ་ཡུངས་
[294a.6]འབྲུ་ཙམ་ཅིག་བསམ། །དེ་བཞིན་དེ་ཡི་གནས་པ་ལ། །སྣོད་དང་བཅུད་ཀྱི་དཀྱིལ་འཁོར་བལྟ། །ཏིང་འཛིན་སེམས་པའི་ཐིག་ལེར་གནས། །དེ་བཞིན་དཀྱིལ་འཁོར་བསམ་པའམ། །ཡང་ན་ཕྱག་མཚན་དེའི་ས་བོན། །དེ་ན་གནས་པའི་དཀྱིལ་འཁོར་རོ། །ཡང་ན་ཕྲ་བ་སྨིན་མཚམས་
[294a.7]སུ། །ཧཾ་ཡིག་ཐིག་ལེའི་ནང་གནས་པ། །གཟུགས་བརྙན་ལྟ་བུར་བལྟ་བར་བྱ། །དཀྱིལ་འཁོར་བྱང་ཆུབ་སྒྲུབ་བྱེད་པའོ། །ཡང་ན། ཨཱ་ལི་ཀཱ་ལི་མཉམ་བྱས་ནས། །དེ་ལ་རི་མོ་ངེས་པར་སྦྱར། །ལྟེ་བ་སྲུབ་དང་བསྲུབ་སྦྱོར་ཕྱིར། །འབར་བ་ཡང་ནི་གྱེན་དུ་རྒྱུ། །གཟུགས་ལ་
[294b]
[294b.1]སོགས་པ་ལྔ་བསྲེགས་ནས། །འབྱུང་བ་བཞི་བཅས་སྙིང་ག་རུའོ། །གཡས་སུ་ལན་གསུམ་རབ་ཏུ་བསྐོར། །ཐབས་ལ་མགྲིན་པའི་འཁོར་ལོ་རུའོ། །སྤྱི་བོའི་འཁོར་ལོར་ཐུར་བསྟན་ཁར། །ཧ་ཡིག་དེ་ནས་ཀྱང་ནི་བསྲེགས། །མཛོད་སྤུའི་བུ་གའི་གནས་ནས་འགྲོ། །བདུད་རྩིའི་
[294b.2]དོན་དུ་ཕྱོགས་བཅུར་ཡང་། །སྤྱི་བོའི་དབུས་གནས་བུ་ག་ཡིས། །སངས་རྒྱས་རྣམས་ཀྱི་ནང་རབ་ཞུགས། །སངས་རྒྱས་རྣམས་ཀྱི་ཐུགས་གནས་པའི། །ཡེ་ཤེས་བདུད་རྩི་བླངས་ནས་ནི། །དེ་རྣམས་མཛོད་སྤུའི་བུ་ག་ནས། །འཐོན་ནས་གློག་གི་འོད་ཟེར་མཚུངས། །ཤིན་ཏུ་ཕྲ་
[294b.3]བའི་ཕྱག་རྒྱ་ཆེ། །རྟག་ཏུ་དགའ་བའི་སྤྲོ་བ་ཆེ། །སྤྱི་བོའི་དབུས་གནས་སྒོ་ལས་ནི། །སྒྲུབ་པ་པོ་ལ་ཡང་འཇུག་གོ། །སོ་དང་མཚོག་མའི་ཕུ་ག་ནས། །མགྲིན་པའི་འཁོར་ལོར་ངལ་བསོ་ཏེ། །ཕུང་པོ་ཁམས་རྣམས་ཚིག་པ་ཡི། །སྙིང་གར་དགའ་བ་སྐྱེད་པར་བྱེད། །དེ་ནས་ལྟེ་
[294b.4]བའི་པདྨར་གནས། །དེ་བཞིན་སླར་ཡང་འགྲོ་དང་འོང་། །སོ་སོར་སྡུད་དང་བསམ་གཏན་དང་། །སྲོག་རྩོལ་དེ་བཞིན་འཛིན་པ་དང་། །རྗེས་དྲན་དང་ནི་ཏིང་ངེ་འཛིན། །རྣལ་འབྱོར་རེ་རེར་བསམ་པར་བྱ། །བསྟན་པ་ལས་བྱུང་མཚན་མ་ནི། །འདར་དང་འཕར་བ་སོགས་མཐོང་
[294b.5]ནས། །སེམས་ཅན་ཀུན་ལ་ཕན་གྱུར་པའི། །ལྷ་ཉིད་འཁོར་ལོ་སྤྲོ་བར་བྱ། །དེ་ལྟར་བསྒོམ་ཞིང་མྱུར་བར་ནི། །དྲོད་སོགས་རིམ་གྱིས་འབྲས་བུ་ཡི། །རབ་དགའ་ལ་སོགས་ས་རྣམས་ནི། །སྐྱེ་བ་འདི་ཉིད་ལ་ཐོབ་འགྱུར། །དེའི་རྗེས་སུ། སངས་རྒྱས་བྱང་ཆུབ་སེམས་རྣམས་
[294b.6]དང་། །མཁའ་འགྲོ་མ་རྣམས་རྣལ་འབྱོར་གྱིས། །གསང་སྔགས་དེ་རྣམས་སྤྱན་འདྲེན་གྱི། །མངོན་དུ་ཕྱོགས་པར་བྱེད་ཕྱིར་དགོངས། །ཇི་ལྟར་འགའ་ཞིག་སེམས་དཔའ་ཆེའི། །སྒྲ་ཆེན་འོ་དོད་འབོད་པ་སྟེ། །ཐོས་པ་ཙམ་གྱིས་བྱོན་པར་འགྱུར། །དེ་བཞིན་སངས་རྒྱས་རིམ་
[294b.7]པར་བྱོན། །དེ་ནས་གསང་སྔགས་རྒྱལ་པོ་ཡིས། །སེམས་ཀྱི་རྡོ་རྗེ་ནས་བསྐུལ་བས། །དབྱེ་བར་དཀའ་བའི་སྒྲུབ་པ་སྟེར། །ཟབ་མོ་ནམ་མཁའ་མཐོང་བ་ཅན། །འདི་ལྟར་ཐུབ་པའི་གསུང་ཤེས་ནས། །མཉམ་པར་བཞག་པས་གསང་སྔགས་བཟླས། །ཧཱུཾ་ཡིག་བདག་
[295a]
[295a.1]ཉིད་ཅན་འབྱུང་བ། །ཨོཾ་གྱི་རང་བཞིན་འཇུག་པའོ། །གནས་པའི་བདག་ཉིད་ཨཱཿཡིག་སྟེ། །སྲོག་རྣམས་ཀྱི་ནི་རིམ་པར་དགོངས། །ཉིན་ཞག་གཅིག་ལ་རྒྱུ་བའི་རླུང་། །ཉི་ཁྲི་ཆིག་སྟོང་དྲུག་བརྒྱའོ། །རྩ་བའི་སྔགས་སོགས་སྔགས་རྣམས་ལས། །སྔགས་
[295a.2]པས་ཇི་ལྟར་འདོད་བཞིན་བཟླས། །དུང་ཆེན་ཕྲེང་བ་སྐུད་བརྒྱུས་པ། །སྲིན་ལག་མཐེ་བོང་སྦྱར་བས་སོ། །དེའི་རྗེས་སུ་ཕག་མོ་ལ་སོགས་པའི་ལྷ་ཉིད་ཀྱི་རྣམ་པར་མངོན་པར་ཞེན་པའི་ཕྱིར་དང་། ཐམས་ཅད་མཁྱེན་པ་ཉིད་ཐོབ་པར་བསྟན་པའི་ཕྱིར། བྱང་ཆུབ་ཀྱི་ཕྱོགས་
[295a.3]ཀྱི་ཆོས་དང་ས་བཅུ་གནས་ལ་སོགས་པ་དང་སྦྱར་བར་བྱའོ། །དེ་ལ་གཙང་བ་བདེ་བ་རྟག་པ་བདག་གི་ལོག་ཤེས་བཞིའི་གཉེན་པོ་ཉིད་ནི། དྲན་པ་ཉེ་བར་གཞག་པ་བཞི་སྟེ། དེ་ལ་ལུས་དྲན་པ་ཉེ་བར་གཞག་པ་ནི། གཟུགས་ཀྱི་ཕུང་པོའི་ཡོངས་སུ་ཤེས་པ་ལ་རབ་ཏུ་གཞོལ་པའོ། །ཚོར་
[295a.4]བ་དྲན་པ་ཉེ་བར་གཞག་པ་ནི། ཚོར་བའི་ཕུང་པོ་ཡོངས་སུ་ཤེས་པ་ལ་གཞོལ་བའོ། །ཆོས་དྲན་པ་ཉེ་བར་གཞག་པ་ནི། འདུ་ཤེས་དང་འདུ་བྱེད་དག་སྒྱུ་མ་ལྟ་བུར་ངེས་པར་གཟུང་ངོ་། །སེམས་རྗེས་སུ་དྲན་པར་ཉེ་བར་གཞག་པ་ནི་རྣམ་པར་ཤེས་པའི་ཕུང་པོའི་རང་བཞིན་སོ་སོར་བྱེད་
[295a.5]པའོ། །དེ་ལ་དྲན་པ་ནི་ཉམས་སུ་མྱོང་བའི་དངོས་པོ་ལ་སེམས་མི་རྨུགས་པའོ། །དེ་ཉེ་བར་གནས་པར་བྱེད་པའི་ཤེས་རབ་ཀྱི་ཁྱད་པར་ནི་དྲན་པ་ཉེ་བར་གཞག་པའོ། །འབྱུང་བ་འདུས་པ་ནི་ལུས་སོ། །བདེ་བ་ལ་སོགས་པ་ཉམས་སུ་མྱོང་བ་ནི་ཚོར་བའོ། །ཡང་དག་པའི་མཐའ་ནི་
[295a.6]ཆོས་སོ། །སོ་སོར་སྣང་བ་ཙམ་ནི་སེམས་སོ། །འདི་རྣམས་ལ་སྒྱུ་མ་ལྟ་བུ་ཉིད་ཀྱིས་རྗེས་སུ་དྲན་པ་ཉིད་ནི་དྲན་པ་ཉེ་བར་གཞག་པའོ། །རྫུ་འཕྲུལ་ནི་ཏིང་ངེ་འཛིན་ཕུན་སུམ་ཚོགས་པའོ། །དེའི་ཡན་ལག་རྣམས་ནི་རྫུ་འཕྲུལ་གྱི་རྐང་པ་བཞིའོ། །དེ་ལ་དམ་པའི་ཆོས་ཐོས་པ་ལ་སོགས་
[295a.7]པའི་མངོན་པར་ཞེན་པ་ཤིན་ཏུ་དང་བ་ནི་འདུན་པའི་རྫུ་འཕྲུལ་གྱི་རྐང་པའོ། །བརྩོན་འགྲུས་ལ་རྒྱུན་མ་ཆད་པར་གོམས་པ་ནི་བརྩོན་འགྲུས་ཀྱི་རྫུ་འཕྲུལ་གྱི་རྐང་པའོ། །ཤིན་ཏུ་རྣམ་པར་དཔྱོད་པ་ནི་དཔྱོད་པའི་རྫུ་འཕྲུལ་གྱི་རྐང་པའོ། །བྱང་ཆུབ་ཉིད་ནི་མངོན་སུམ་དུ་བྱེད་པ་ལ་ཁྱད་
[295b]
[295b.1]པར་དུ་འཕགས་པ་ནི། སེམས་ཀྱི་རྫུ་འཕྲུལ་གྱི་རྐང་པའོ། །ཡང་ན་སྤོང་བའི་འདུ་བྱེད་དང་ལྡན་པ་དབེན་པ་འདོད་ཆགས་དང་བྲལ་བ་དང་། འགོག་པ་རྣམས་ལ་བརྟེན་པ་དང་རྣམ་པར་བྲལ་བ་ཡོངས་སུ་གྱུར་པ་ལྷག་པར་མོས་པའི་བསམ་པ་ནི་འདུན་པ་སྟེ་དེ་ལ་བདེན་པ་དང་ནི་ལམ་མོ། །ཉོན་
[295b.2]མོངས་པའི་སྒྲིབ་པ་སྤངས་པའི་འདོད་ཆགས་དང་བྲལ་བ་སྟེ་མྱ་ངན་ལས་འདས་པའོ། །ཟག་པ་དང་བཅས་པའི་དངོས་པོའི་སྦྱོར་བ་དང་བྲལ་བ་ནི་འགོག་པའོ། །འདི་རྣམས་ལ་བརྟེན་པ་ནི་དབེན་པ་དང་འདོད་ཆགས་དང་བྲལ་བ་དང་འགོག་པ་ལ་བརྟེན་པའོ། །རྣམ་པར་བྲལ་བ་ནི་འདུས་
[295b.3]བྱས་པའི་དངོས་པོ་ཐམས་ཅད་ཀྱི་སྦྱོར་བ་དང་བྲལ་བའོ། །དེ་ཡོངས་སུ་གྱུར་པ་ནི་དེའི་རྒྱུ་མཐུན་པའོ། །དེ་བཞིན་དུ་བརྩོན་འགྲུས་སེམས་དཔྱོད་པ་རྣམས་སོ། །འདི་ལ་ཤེས་པས་དབང་བྱེད་པའི་ཕྱིར་མིག་ལ་སོགས་པ་བཞིན་དུ་དད་པ་ལ་སོགས་པ་ཡང་དབང་པོ་སྟེ། དེ་ལ་བདེན་
[295b.4]པ་དང་དཀོན་མཆོག་དང་ལས་འབྲས་རྣམས་ལ་མངོན་པར་ཡིད་ཆེས་པ་ནི་དད་པ་སྟེ་དབང་པོའོ། །བརྩོན་འགྲུས་ཀྱི་དབང་པོ་ནི་ངེས་པར་བྱ་བ་ཉིད་ཀྱིས་ངེས་པར་གཟུང་བའོ། །དྲན་པའི་དབང་པོ་ནི་མི་རྨུགས་པའི་དྲན་པ་ཉིད་ཀྱིས་མ་རིག་པའི་སྐབས་མེད་པའོ། །ཏིང་ངེ་འཛིན་གྱི་དབང་
[295b.5]པོ་ནི་སེམས་རྩེ་གཅིག་པ་ལ་དབང་ཕྱུག་པ་ཉིད་དོ། །ཤེས་རབ་ཀྱི་དབང་པོ་ནི་སྤང་བྱ་དང་བླང་བྱ་དག་ལ་དེ་ཉིད་དུ་ངེས་པར་གཟུང་བའོ། །ཡང་ན་འཇིག་རྟེན་དང་འཇིག་རྟེན་ལས་འདས་པའི་ཡང་དག་པའི་ལྟ་བ་ལ་སེམས་རབ་ཏུ་དང་བ་ནི་དད་པའོ། །སེམས་མངོན་པར་སྤྲོ་བ་ནི་བརྩོན་
[295b.6]འགྲུས་སོ། །དད་པའི་དབང་པོ་ལ་བརྟེན་པའི་ཆོས་རྣམས་གང་གིས་ཉེ་བར་སོག་པར་བྱེད་པ་ནི། བརྩོན་འགྲུས་ཀྱི་དབང་པོའོ། །བརྩོན་འགྲུས་ཀྱི་དབང་པོས་བསྐྱེད་པའི་དོན་ལ་མི་རྨུགས་པ་ནི་དྲན་པའི་དབང་པོའོ། །དྲན་པའི་དབང་པོ་ལས་དོན་མ་ཉམས་པ་རྣམས་གང་གིས་
[295b.7]མངོན་དུ་ཕྱོགས་པར་བྱེད་པ་དེ་ཏིང་ངེ་འཛིན་གྱི་དབང་པོའོ། །ཏིང་ངེ་འཛིན་གྱི་དབང་པོས་རྩེ་གཅིག་ཏུ་བྱས་པའི་དོན་རྣམས་ཀྱིས་རྣམ་པར་འབྱེད་པ་དེ་ཤེས་རབ་ཀྱི་དབང་པོའོ། །མ་དད་པ་ལེ་ལོ་རབ་ཏུ་རྨུགས་པ་དང་བག་མེད་པ་དང་རྣམ་པར་གཡེང་པ་ལ་སོགས་པའི་གཉེན་པོ་
[296a]
[296a.1]མཐར་ཐུག་པའི་དབང་པོ་རྣམས་ཁོ་ན་སྟོབས་དག་སྟེ། དད་པའི་སྟོབས་བརྩོན་འགྲུས་ཀྱི་སྟོབས་དྲན་པའི་སྟོབས་ཏིང་ངེ་འཛིན་གྱི་སྟོབས་དང་ཤེས་རབ་ཀྱི་སྟོབས་ཞེས་བྱའོ། །རང་ཉིད་ཁོ་ནས་ཡང་དག་པར་རྟོགས་པའི་ཕྱིར་ཡང་དག་བྱང་ཆུབ་སྟེ། སོམ་ཉི་དང་བྲལ་བའི་སེམས་
[296a.2]སོ། །དེའི་རྒྱུ་ནི་ཡང་དག་པའི་བྱང་ཆུབ་ཀྱི་ཡན་ལག་བདུན་ཏེ་དེ་ལ་སེམས་ཅན་ཀུན་གྱི་དོན་བྱ་བའི་ཕྱིར། ཡང་དག་པའི་བྱང་ཆུབ་ལ་སྨོན་ལམ་དང་ཐོས་པ་དང་རྟོག་པ་ཁོང་དུ་ཆུད་པ་ལ་མི་རྨུགས་པ་ནི་དྲན་པ་ཡང་དག་བྱང་ཆུབ་ཀྱི་ཡན་ལག་གོ། །ཆོས་ཅན་བདག་ལ་སོགས་པ་ཡོད་པ་མ་ཡིན་པ་དང་།
[296a.3]ཆོས་ཀྱི་ཕུང་པོ་ལྔ་ལ་སོགས་པ་ཁོ་ན་ཡོད་པ་ཞེས། །གང་ཆོས་རབ་ཏུ་རྣམ་པར་འབྱེད་པ་དེ་ནི་ཆོས་རབ་ཏུ་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གོ། །ཡིད་ཆོས་ཉིད་དང་རོ་གཅིག་པ་ནི་དགའ་བ་ཡང་དག་བྱང་ཆུབ་ཀྱི་ཡན་ལག་གོ། །དགའ་བ་མི་མཐུན་པ་བདག་དང་བདག་གི་བའི་
[296a.4]བག་ཆགས་བཅད་པའི་ཕྱིར། ལུས་ངག་ཡིད་གསུམ་ལས་སུ་རུང་བ་ཉིད་ནི་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གོ། །ཚད་མེད་པ་བཞི་ནི་དེ་བཞིན་ཉིད་དང་ཡང་དག་པའི་མཐའ་དང་སྟོང་པ་ཉིད་དང་། ཆོས་ཀྱི་དབྱིངས་རྣམས་ལ་རྩེ་གཅིག་པ་ནི་ཏིང་ངེ་འཛིན་ཡང་དག་བྱང་
[296a.5]ཆུབ་ཀྱི་ཡན་ལག་གོ། །སོ་སོ་སྐྱེ་བོའི་ས་ལས་ངེས་པར་འབྱུང་བ་ནི། བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་གོ། །ཉོན་མོངས་པའི་གཉེན་པོར་གྱུར་པ་དང་མ་གྱུར་པ་ཉིད་ཀྱིས་ལུས་ངག་ཡིད་གསུམ་གྱི་འདུ་བྱེད་རྣམས་ཀྱི་འབད་རྩོལ་མེད་པའི་རྒྱུད་དང་བཏང་སྙོམས་མི་བྱེད་པ་དག་
[296a.6]ནི་བཏང་སྙོམས་ཡང་དག་བྱང་ཆུབ་ཀྱི་ཡན་ལག་གོ། །སྡིག་པ་ཁོ་ནའི་རྗེས་སུ་མཐུན་པ་ཉོན་མོངས་པའི་སྒྲིབ་པའི་གཉེན་པོར་གྱུར་པ་ཉིད་ཀྱི་ཕྱིར། འཕགས་པ་ཡང་ཡིན་ལ་ཡན་ལག་བརྒྱད་པ་ཡང་ཡིན་པས་འཕགས་པའི་ཡན་ལག་བརྒྱད་པ་སྟེ། ཤེས་བྱའི་སྒྲིབ་པ་སྤོང་བ་བསྒོམ་པའི་
[296a.7]ཆེད་དུ་ཚོལ་བས་ལམ་འཕགས་པའི་ཡན་ལག་བརྒྱད་ཀྱང་ཡིན་ལ་ལམ་ཡང་ཡིན་པས་འཕགས་པའི་ལམ་ཡན་ལག་བརྒྱད་དོ། །དེའི་ཡན་ལག་རྣམས་ནི་ཡང་དག་པའི་ལྟ་བ་ལ་སོགས་བརྒྱད་དེ། དེ་ལ་ཡང་དག་པའི་ལྟ་བ་ནི་ཆོས་ཐམས་ཅད་བདག་མེད་པའི་མཚན་ཉིད་ཅན་དང་འཇིག་རྟེན་
[296b]
[296b.1]ཕ་རོལ་ཏུ་ལྟ་བའོ། །ཡང་དག་པའི་རྟོག་པ་ནི་སྤང་བྱ་དང་། བླང་བྱ་ཉེ་བར་ལེན་པ་དག་གིས་སྤང་བ་དང་། །མངོན་སུམ་དུ་བྱ་བར་ཡིད་ལ་བྱེད་པའོ། །དགེ་བའི་སེམས་འབའ་ཞིག་གིས་སེམས་ཅན་མི་སླུ་བར་བྱེད་པའི་ངག་ནི་ཡང་དག་པའི་ངག་གོ། །དགེ་བ་བཅུ་ལས་མི་
[296b.2]འདའ་བར་བྱ་བ་ནི་ཡང་དག་པའི་ལས་ཀྱི་མཐའོ། །སེམས་ཅན་ལ་ཚུལ་ཆོས་པ་མ་ཡིན་པ་ལ་སོགས་པའི་ཚུལ་གྱིས་འཚོ་བ་ནི་ཡང་དག་པའི་འཚོ་བའོ། །རང་དང་གཞན་གྱི་དོན་ཕུན་སུམ་ཚོགས་པའི་རྗེས་སུ་འབྲེལ་པ་ལུས་ངག་ཡིད་ཀྱི་ལས་ནི་ཡང་དག་པའི་སྩོལ་བའོ། །ཇི་ལྟ་བ་བཞིན་
[296b.3]དུ་རྟོགས་པའི་ཆོས་ཉིད་མ་རྨུགས་པ་ཉིད་ནི་ཡང་དག་པའི་དྲན་པའོ། །དཔལ་ཧེ་རུ་ཀའི་ཚུལ་དུ་དམིགས་པ་ནི་ཡང་དག་པའི་ཏིང་ངེ་འཛིན་ནོ། །འདི་རྣམས་ཀྱིས་སྒྲིབ་པ་རྣམས་སྤོང་བར་བྱེད་པའི་ཕྱིར་ཡང་དག་པའི་སྤོང་བ་རྣམས་སོ། །དེ་ལ་སྒྲིབ་པ་རྣམས་ནི་འདོད་ཆགས་ལ་སོགས་པའི་
[296b.4]ཉོན་མོངས་པ་དང་། སྙོམ་ལས་ལ་སོགས་པའི་ཉེ་བར་ཉོན་མོངས་པ་རྣམས་སོ། །གང་གི་ཕྱིར་འདི་རྣམས་སྤངས་ན་ཡང་དག་པར་སྤོང་བ་དེའི་ཕྱིར་ཐ་མར་རྒྱས་པར་བཤད་དོ། །ཡང་ན་ཐམས་ཅད་དུ་འདི་རྣམས་ཉེ་བར་སྦྱོར་བའི་ཕྱིར། ཐ་མར་ཤེས་རབ་ཀྱི་ཕ་རོལ་ཏུ་ཕྱིན་པ་དང་མི་མཐུན་
[296b.5]པར་བཤད་དེ། ཇི་སྲིད་རྣལ་འབྱོར་པ་ཧེ་རུ་ཀར་མ་གྱུར་པ་དེ་སྲིད་དུ་འདི་རྣམས་ཁོ་ནས་རྟག་ཏུ་སྤྱོད་དོ་ཞེས་ཤེས་པར་བྱ་བའི་དོན་དུའོ། །ཡང་དག་པར་སྤོང་བའི་རང་བཞིན་ཡང་འགྲེལ་བར་གསལ་ལོ། །ས་བཅུའི་རྣམ་པར་དག་པས་གནས་ལ་སོགས་པ་བཅུར་བརྗོད་པར་བྱའོ། །དེ་ལ་
[296b.6]གནས་དང་ཉེ་བའི་གནས་ལ་སོགས་པ་ནི་རིམ་པས། རབ་དགའ་དྲི་མེད་འོད་བྱེད་པ། །འོད་འཕྲོ་སྦྱངས་དཀའ་མངོན་དུ་གྱུར། །རིང་དུ་སོང་དང་མི་གཡོ་བ། །ལེགས་པའི་བློ་གྲོས་ཆོས་སྤྲིན་ནི། །པཱུ་ཛཱ་ཞེས་བྱ་བ་ལ་སོགས་པ་འདི་ལ་མན་ངག་ནི་འདི་ལྟ་སྟེ། པཱུཾ་ཛཱཾ་ཞེས་བྱ་བ་ལ་
[296b.7]སོགས་པ་ཐམས་ཅད་ཐིག་ལེ་དང་བཅས་པ་བལྟས་ཤིང་པཱུཾ་ཡིག་ལ་སོགས་པའི་ཡི་གེ་ཡོངས་སུ་གྱུར་པ་རྩིབས་མེད་པའི་འཁོར་ལོའི་རྣམ་པ་གནས་ལ་སོགས་པའི་གནས་རྣམས་མགོ་ནས་བརྩམས་ཏེ་སྐད་ཅིག་ཏུ་བལྟ་བར་བྱའོ། །དེ་གནས་ལ་སོགས་པ་རྣམས་ལ་དེ་དང་དེའི་གནས་ཀྱི་རྩ་
[297a]
[297a.1]རྣམས་ནི་དེ་དང་དེའི་ལྷ་ཉིད་ཀྱི་ཚུལ་དུ་ཡོངས་སུ་གྱུར་ནས་ལྷར་གནས་པ་བསྒོམ་པར་བྱའོ། །རྣ་བ་ཞེས་པ་ནི་རྣ་བའི་བུ་གའི་ནང་དུའོ། །དེ་བཞིན་ལྟེ་བ་མཚན་མ་བཤང་ལམ་སྨིན་མའི་དབུས་མིག་སྣ་རྣམས་ལ་ཡང་གོ་བར་བྱའོ། །ཇི་ལྟར་ཕྱི་རོལ་དུ་གནས་ལ་སོགས་པའི་
[297a.2]ཉེ་བར་གནས་པའི་ཆུ་བོ་རྣམས་ཀྱི་ཆབ་ཀྱིས་གནས་ལ་སོགས་པ་གསོ་བར་བྱེད་པ་དེ་བཞིན་དུ་ལུས་ལ་ཡང་རྩ་རྣམས་ཀྱི་སེན་མོ་ལ་སོགས་པ་རྣམས་བསྐྱེད་པའི་ཕྱིར་ཕྱི་དང་མཉམ་པ་ཉིད་དོ། །ཕྱི་རོལ་དུ་རྡོ་རྗེའི་གནས་ནི་བྱང་ཆུབ་ཆེན་པོའི་མིང་ཅན་གྱི་གནས་དང་། ཆུ་བོ་ནཻ་རཉྫ་ནའོ། །ལུས་
[297a.3]ལ་བདེ་བ་ཆེན་པོའི་འཁོར་ལོ་རྡོ་རྗེའི་གནས་ཏེ། དབུ་མ་ནི་ནཻ་རཉྫ་ནའོ། །འདི་ལྟར་ཚངས་པའི་ལུས་ཀྱི་དཀྱིལ་འཁོར་གྱི་འཁོར་ལོ་བརྟན་པར་མོས་པར་བྱའོ། །སྐུ་ཞེས་བྱ་བ་ལ་སོགས་པ་ནི་སྔར་གསུངས་པ་ཁོ་ནའི་མཇུག་བསྡུ་བ་ཡིན་ཏེ་དེ་ལ་མཐོ་རིས་ལ་སོགས་པ་རྣམས་དང་དབྱེར་མི་ཕྱེད་
[297a.4]པའི་ལུས་སུ་འགྱུར་ཏེ། སྐུ་གསུང་ཐུགས་དང་མཐོ་རིས་མི་ཡུལ་ས་འོག་ཅེས་བྱ་བ་ནང་དང་ཕྱི་དང་རང་བཞིན་གཅིག་ཏུ་འགྱུར་ཞེས་བྱ་བའི་དོན་ཏོ། །ས་བོན་བརྗོད་དེ་ཡི་གེ་གསུམ་གྱི་རང་བཞིན་ལས་ཞེས་བྱ་ནི་ཡི་གེ་གསུམ་ལས་ནཱ་ད་ཡོངས་སུ་གྱུར་པའི་སྒོ་ནས་གང་ཧཱུཾ་རང་གི་ངོ་བོ་བསྐྱེད་པ་དེ་
[297a.5]དེ་བཞིན་ནོ། །རྒྱུ་དེ་ལས་ལྷན་ཅིག་སྐྱེས་པའི་དགའ་བའི་ཚུལ་གྱིས་ཞེས་བྱ་བའི་དོན་ཏོ། །སྐད་ཅིག་ལ་སོགས་པ་ནི་ཕྱག་མཚན་ལ་སོགས་པ་ལ་མ་ལྟོས་པར་ལྷ་མོ་དང་ལྷན་ཅིག་སྐྱེས་པའི་ཕྱིར་རོ། །སྐད་ཅིག་ཕྱག་རྒྱ་ཞེས་པ་ནི། རང་དང་དུས་མཉམ་པ་ཁོ་ནར་ཤེས་རབ་དང་སྦྱོར་བའོ། །
[297a.6]སྐད་ཅིག་དཀྱིལ་འཁོར་ལོ་ཞེས་པ་ནི། གཞལ་ཡས་ཁང་དང་དཔའ་བོ་དང་དཔའ་མོའི་དབང་ཕྱུག་མ་རྣམས་དང་ལྷན་ཅིག་ཏུ་དུས་སྐད་ཅིག་ལ་རྫོགས་པའི་ཕྱིར་རོ། །སྐད་ཅིག་གིས་ནི་གསང་སྔགས་ཞེས་བྱ་བ་ནི་བསྐྱེད་པ་དང་དུས་མཉམ་དུ་ཨོཾ་ཨཱཿཞེས་བྱ་བ་ལ་སོགས་པའི་སྔགས་བརྗོད་
[297a.7]དོ། །དེ་ནས་ཞེས་བྱ་བ་ལ་སོགས་པ་མདོར་བསྟན་པའི་ཚིགས་སུ་བཅད་པ་སྟེ། དེ་ནས་ནི་དེ་མ་ཐག་ཏུ་ཡེ་ཤེས་ཀྱི་འཁོར་ལོ་རྣམ་པར་བསྒོམས་ཏེ་འཆད་པར་འགྱུར་བའི་ཆོ་ག་སྟེ། ཅི་བྱས་ནས་ཤེ་ན། དེ་ལ་གསུངས་པ་ཆོ་ག་གཉིས་ཤེས་ནས་སོ། །གོ་ཆ་གཉིས་ཀྱིས་ལྷ་རྣམས་
[297b]
[297b.1]དང་ལག་པའི་མཆོད་པ་དང་ཁྱད་པར་མེད་དོ། །པགས་པའི་ནང་དུ་གནས་པའི་རྡུལ་ཕྲ་རབ་དེ་སྔགས་ཀྱི་རང་བཞིན་ནམ་ལྷའི་རང་བཞིན་དུ་བལྟ་བར་བྱའོ། །མྱུར་ཞུགས་ཞེས་བྱ་བ་ནི་ཨརྒྷ་ལ་སོགས་པ་ལ་མ་ལྟོས་པར་རོ། །གོ་ཆ་གཉིས་ཞེས་བྱ་བ་ལ་སོགས་པ་ནི་རྒྱས་པར་བཤད་པའོ། །
[297b.2]སྙིང་གར་ཉི་གནས་ཞེས་པ་ནི་ཐུགས་ཀྱི་ཉི་མའི་དཀྱིལ་འཁོར་ལ་ཏིང་ངེ་འཛིན་སེམས་དཔའི་རང་བཞིན་ཧཱུཾ་ཡིག་བསྒོམས་ནས་དེའི་འོད་ཟེར་རྣམས་ཀྱིས་བཀུག་པའི་ཡེ་ཤེས་སེམས་དཔའ་ལ་པི་ཝང་འཛིན་པ་ལ་སོགས་པ་སྔར་གསུངས་པའི་ལྷ་མོ་བཅུ་དྲུག་གིས་མཆོད་ནས་འཁོར་ལོ་སྡོམ་པའི་
[297b.3]རྣལ་འབྱོར་པ་དེས་དམ་ཚིག་གི་འཁོར་ལོ་རབ་ཏུ་གཞུག་གོ། །དེ་ནས་དེའི་རྗེས་སུ་རྡོ་རྗེ་རྣལ་འབྱོར་མ་རྣམས་ཀྱིས་ཡེ་ཤེས་ཀྱི་བདུད་རྩིས་གང་བའི་ཐོད་པ་དང་ཌ་མ་རུ་འཛིན་པ་སྙིང་གའི་ས་བོན་ལས་བྱུང་བའི་པི་ཝང་མ་ལ་སོགས་ལྷ་མོ་བཅུ་དྲུག་གིས་མཆོད་ནས་ཅུང་ཟད་གཞོལ་བར་བྱས་
[297b.4]པའི་ཐོད་པའི་བདུད་རྩིས་བདག་ཉིད་ལས་དབང་བསྐུར་བར་བྱའོ། །དེའི་དུས་སུ་ཡང་ཤིན་ཏུ་བདེ་བ་ཆེན་པོའི་རང་བཞིན་དུ་བདག་ཉིད་བསམ་པར་བྱ་སྟེ་ལྷག་མ་གོ་སླའོ། །དེའི་རྗེས་སུ་ཡེ་ཤེས་ལྔའི་རང་བཞིན་སྐུ་གསུམ་གྱི་བདག་ཉིད་ཅན་དུ་བལྟ་བར་བྱ་སྟེ། དེ་ལ་གང་ཟག་དང་ཆོས་
[297b.5]ཀྱི་བདག་མེད་པས་ཉོན་མོངས་པ་དང་ཤེས་བྱའི་སྒྲིབ་པ་རྣམ་པར་སྤངས་ནས་སྒྲོ་འདོགས་ཐམས་ཅད་ཀྱི་སྤྲོས་པའི་རླུང་སྤངས་པས་དྲི་མ་མེད་པའི་སྣང་གསལ་རླུང་གིས་མ་བསྐྱོད་པའི་རྒྱུན་བཞིན་དུ་ཤིན་ཏུ་འོད་གསལ་བའི་ཡེ་ཤེས་ཀྱི་སྒྲོན་མ་མེ་ལོང་ལྟ་བུའི་ཡེ་ཤེས་ཀྱི་མིང་ཅན། །དོན་དམ་
[297b.6]པའི་བདེན་པ་ལ་དམིགས་པ་རང་ཉེ་བར་སྦྱོར་བའི་ཡེ་ཤེས་རབ་ཏུ་གསལ་བ། འཁོར་བ་གནས་པའི་བར་དུ་རབ་ཏུ་མི་གནས་པའི་མྱ་ངན་ལས་འདས་པའི་ཚུལ་གྱིས་རབ་ཏུ་གནས་ཏེ་རྣམ་པར་དག་པའི་ཡིད་བཞིན་གྱི་ནོར་བུ་བཞིན་དུ་དོན་ཐམས་ཅད་ཕུན་སུམ་ཚོགས་པར་བྱེད་པའོ། །
[297b.7]དེས་བྱིན་གྱིས་བརླབས་པ་ལས་མཉམ་པ་ཉིད་ཀྱི་ཡེ་ཤེས་ལ་སོགས་པ་གསུམ་ཀུན་རྫོབ་ཀྱི་བདེན་པ་ལ་དམིགས་པའི་གཞན་དོན་ལ་ངེས་པར་སྦྱོར་བ་སྟེ། གང་གི་དབང་ཐུན་མོང་དང་ཁྱད་པར་དག་གིས་སོ་སོར་བརྟགས་ནས་རང་རང་གི་ལྟ་བ་བཞིན་དུ་བྱ་བ་ནན་ཏན་གྱི་ཡེ་ཤེས་
[298a]
[298a.1]ཀྱིས་སེམས་ཅན་ཐམས་ཅད་གདུལ་བྱར་རུང་བ་བཞིན་དུ་དགོད་པར་བྱེད་དོ། །མཉམ་པ་ཉིད་ཀྱི་ཡེ་ཤེས་ཀྱི་དངོས་པོ་ཐམས་ཅད་ལ་མི་རྟག་པ་ལ་སོགས་པ་ཐུན་མོང་གི་རྣམ་པས་ངེས་པར་སྤྱོད་དོ། །ཡུལ་དུས་གནས་སྐབས་ཀྱི་སྒོ་ནས་ཀྱང་དོན་གྱི་བྱ་བ་ཡང་ཐུན་མོང་གི་
[298a.2]ངེས་པས་སེམས་པར་བྱེད་དོ། །འདི་ལྟར་ངེས་པར་སྤྱད་ནས་བྱེ་བྲག་གི་ཚུལ་གྱིས་སོ་སོར་རྟོག་སྟེ། གང་དགེ་བའི་རྩ་བ་ཡོངས་སུ་སྨིན་པའམ། དད་པ་ལ་སོགས་པའི་ཚོགས་མངོན་དུ་ཕྱོགས་པར་འགྱུར་བ་དེའི་ཚེ་ཁོ་ནར་ཐར་པ་ཐོབ་པའམ་ཞེས་འདི་ལྟར་ཐམས་ཅད་ཀྱི་དོན་སྒྲུབ་པར་བྱེད་པ་
[298a.3]འདི་ཡེ་ཤེས་གསུམ་མོ། །ཀུན་གཞི་རྣམ་པར་ཤེས་པ་ཡང་ཤིན་ཏུ་རྣམ་པར་དག་པས་ཡོངས་སུ་གྱུར་པས་ནི་མེ་ལོང་ལྟ་བུའི་ཡེ་ཤེས་སུ་བརྗོད་དོ། །ཉོན་མོངས་པ་ཅན་གྱི་ཡིད་ཡོངས་སུ་གྱུར་པ་ལ་བདག་ཏུ་ལྟ་བ་ལ་སོགས་པ་དང་བྲལ་བས་ཤིན་ཏུ་རྣམ་པར་དག་པ་ནི་མཉམ་པ་ཉིད་ཀྱི་ཡེ་
[298a.4]ཤེས་སུ་འགྱུར་རོ། །ཡིད་ཀྱི་རྣམ་པར་ཤེས་པ་ཡོངས་སུ་གྱུར་པ་སོ་སོར་རྟོག་པའི་ཡེ་ཤེས་སུ་བརྗོད་དོ། །རབ་ཏུ་འཇུག་པའི་རྣམ་པར་ཤེས་པ་དབང་པོ་ལས་བྱུང་བ་ཡོངས་སུ་གྱུར་པ་ཡང་བྱ་བ་ནན་ཏན་དུ་བརྗོད་དོ། །རྟེན་ཐམས་ཅད་ཡོངས་སུ་གྱུར་པས་ཀྱང་ཐུབ་པའི་ཁྱབ་པ་ཉིད་ཐོབ་
[298a.5]པོ། །འདི་ལ་ཡང་སྒྲོ་འདོགས་པ་ཐམས་ཅད་ཀྱིས་དབེན་པས་ཤིན་ཏུ་རྣམ་པར་ཤེས་པ་ཆོས་ཀྱི་དབྱིངས་ལ་དམིགས་པས་མེ་ལོང་ལྟ་བུའི་ཡེ་ཤེས་ནི་ཆོས་སྐུའོ། །མཉམ་པ་ཉིད་དང་སོ་སོར་རྟོག་པའི་ཡེ་ཤེས་དག་ནི་ལོངས་སྤྱོད་རྫོགས་པའི་སྐུའོ། །བྱ་བ་གྲུབ་པའི་ཡེ་ཤེས་ནི་སྤྲུལ་པའི་
[298a.6]སྐུ་སྟེ། སྔོན་དུ་སོ་སོར་བརྟགས་ནས་སེམས་ཅན་གྱི་བྱ་བ་ལ་གཤེགས་པའི་ཕྱིར་རོ། །དེའི་དབང་གིས་གཞན་རྣམས་ལ་སངས་རྒྱས་ཀྱི་ཕྲིན་ལས་སྣང་བའི་ཕྱིར་རོ། །སྐྱེ་བ་ལ་སོགས་པར་སྟོན་པ་ཡང་སེམས་ཅན་ཡོངས་སུ་སྨིན་པའི་ཆེད་དུ་སྟེ། མི་ཡིན་པས་ཀྱང་འདི་ལྟ་བུའི་ཕུན་སུམ་
[298a.7]ཚོགས་པ་འཐོབ་ཅེས་བྱ་བ་ངེས་པ་སྐྱེད་པར་བྱེད་པའི་ཕྱིར་ཏེ། དེས་ཉེ་བར་བསྟན་པའི་ལམ་ཡང་བསམ་པ་ལ་སོགས་པའི་རིམ་པས་བསྒོམ་ཞིང་གྲོལ་བ་ཐོབ་བོ། །གཞན་རྣམས་ཀྱང་དེའི་ལམ་དུ་འཇུག་གོ། །ཤིན་ཏུ་རྣམ་པར་དག་པ་ཆོས་ཀྱི་དབྱིངས་ཀྱི་ཡེ་ཤེས་ནི་ཞེས་པ་ཡང་གོ་བར་
[298b]
[298b.1]བྱའོ། །ཁཎྜ་ཀ་པཱ་ལ་ཞེས་པ་ནི་སེན་མོ་དང་སོ་ལ་སོགས་པ་ཁཎྜ་ཀ་པཱ་ལ་ལ་སོགས་པའི་རང་བཞིན་དུ་གོ་བར་བྱའོ། །བླ་མ་དང་སངས་རྒྱས་ལ་སོགས་པ་མཐོང་ན་སྡོམ་པ་ཉིད་དུ་མོས་པས་ཕྱག་ལ་སོགས་པ་བྱའོ་ཞེས་བྱ་བ་ཤིན་ཏུ་རྣལ་འབྱོར་རོ། །ད་ནི་རྣལ་འབྱོར་ཆེན་པོ་བརྗོད་པར་བྱ་སྟེ། ཨཱ་ལི་ཀཱ་
[298b.2]ལི་ཞེས་བྱ་བ་ལ་སོགས་ཏེ། ཨཱ་ལི་ཀཱ་ལི་གཉིས་འོད་ཟེར་ལྔ་དང་ལྡན་པ་ལས་འཁོར་ལོ་གསུམ་གྱི་ལྷ་ཉིད་ཀྱི་ཚོགས་སྤྲོས་པ་བརྗོད་ཅིང་སྣ་བུག་གཡས་པའི་རླུང་དང་བཅས་པ་འཐོན་ནས་འགྲོ་བ་འཁོར་ལོ་གསུམ་གྱི་རང་བཞིན་དུ་བྱས་ཏེ་ཐོག་མ་མེད་པ་ནས་གྲུབ་པའི་དཔའ་བོ་དང་རྣལ་འབྱོར་མ་
[298b.3]རྣམས་རོ་མཉམ་དུ་གྱུར་པས། །སྣ་བུག་གཡོན་དུ་རབ་ཏུ་ཞུགས་ནས་ལྟེ་བའི་དཀྱིལ་འཁོར་དུ་རང་གི་རྣམ་པའི་གཟུགས་བརྙན་ཅན་ཟླ་བའི་དཀྱིལ་འཁོར་དུ་གྱུར་པ་བསམས་ནས། སྐད་ཅིག་གིས་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་ཡིག་བསམ་པར་བྱའོ། །དེ་ནས་ཟླ་བ་དང་ས་བོན་ཡོངས་སུ་
[298b.4]གྱུར་པས་བཅོམ་ལྡན་འདས་སྐུ་མདོག་དཀར་པོ་རྡོ་རྗེ་དང་དྲིལ་བུ་འཛིན་པ་ཕྱག་གཉིས་ཀྱིས་རྡོ་རྗེ་དང་ཐོད་པ་འཛིན་པའི་ཕྱག་གཉིས་མ་ཞལ་གཅིག་མ་ཕག་མོ་དམར་པོ་འཁྱུད་པ་ནམ་མཁའི་རི་མོ་བཞིན་དུ་བལྟས་ལ་སྒྱུ་མ་ལྟ་བུའི་ཤིན་ཏུ་དགའ་བའི་སྒྲས་ཀུན་ནས་དྲངས་པའི་ཁམས་གསུམ་དང་དཀྱིལ་
[298b.5]འཁོར་རང་ལ་རིམ་པས་བསྟིམ་པར་བྱའོ། །རིམ་པ་ཡང་སྲིད་པ་ནི་སྣོད་དང་བཅུད་མཐའ་དག་སྟེ་དུར་ཁྲོད་རྣམས་ལའོ། །དུར་ཁྲོད་རྣམས་ཀྱང་སྲུང་བའི་ཕྱིའི་འཁོར་ལོ་ལའོ། །སྲུང་བའི་འཁོར་ལོ་སྐུའི་འཁོར་ལོ་ལ། །སྐུའི་འཁོར་ལོ་གསུང་གི་འཁོར་ལོ་ལ། །གསུང་གི་འཁོར་
[298b.6]ལོ་ཐུགས་ཀྱི་འཁོར་ལོ་ལ། །ཐུགས་ཀྱི་འཁོར་ལོ་བདེ་བ་ཆེན་པོའི་འཁོར་ལོར་ཏེ་དེ་ལ་ཐུགས་ཀྱི་འཁོར་ལོའི་ཕྱོགས་སུ་གནས་པ་རྣམས་མཁའ་འགྲོ་མ་ལ་སོགས་པ་རྣམས་ལའོ། །དབང་ལྡན་ལ་སོགས་པའི་མཚམས་སུ་གནས་པ་རྣམས་གཟུགས་མ་ལ་སོགས་པ་རྣམས་ལའོ། །མཁའ་
[298b.7]འགྲོ་མ་ལ་སོགས་པ་ཡང་བཅོམ་ལྡན་འདས་ཀྱི་ཞལ་རྣམས་ལའོ། །རྡོ་རྗེ་ཕག་མོ་དང་སྡོམ་པ་དག་ལྟེ་བ་ལ་གནས་པའི་རྡོ་རྗེ་ཕག་མོ་དང་སྡོམ་པ་དག་ལ་རབ་ཏུ་ཐིམ་པར་བསམ་མོ། །དེ་དག་རྡོ་རྗེ་ཕག་མོ་དང་སྡོམ་པ་ཡང་དགའ་བ་མཉམ་པའི་བདེ་བ་ཆེན་པོས་འདོད་ཆགས་ཆེན་པོས་
[299a]
[299a.1]ཞུ་བར་གྱུར་ཏེ། ཞུ་བ་དེ་ཡོངས་སུ་གྱུར་པ་སིནྡྷཱུ་རས་བྱུགས་པའི་མུ་ཏིག་ལྟར་ཧཱུཾ་ཡིག་བདེ་བ་ཆེན་པོའི་རང་བཞིན་དུ་བསམ་པར་བྱའོ། །དེ་ནས་ཨཱུ་ཡིག་ཧ་ཡིག་ལ། ཧ་ཡིག་མགོ་ལ། མགོ་བོ་ཟླ་ཕྱེད་ལ། ཟླ་ཕྱེད་ཐིག་ལེ་ལ། ཐིག་ལེ་ནཱ་ད་ལ་རིམ་པས་
[299a.2]རབ་ཏུ་ཐིམ་པ་བསམ་པར་བྱའོ། །ནཱ་ད་ཙམ་སྐྲའི་རྩེ་མོ་བརྒྱ་སྟོང་གི་ཚུལ་དུ་ལུས་པར་བལྟའོ། །རབ་ཀྱིས་དེ་ཡང་མི་དམིགས་སོ། །ཡང་ན་ལྟེ་བའི་པདྨ་ལ་གནས་པའི་ཉི་མ་དང་ཟླ་བ་ཁ་སྦྱོར་བའི་ནང་ན་ཡོད་པའི་ས་བོན་ཧཱུཾ་ལས་བྱུང་བའི་པདྨའི་རྩ་ལག་ལྟར་འོད་ཟེར་གྱི་རི་མོ་ལ་སེམས་རྟེན་
[299a.3]པར་བྱེད་པའི་སྒོ་ནས། རྩ་གཉིས་ལ་སྲོག་རླུང་གི་རྒྱུ་བ་སྤངས་ནས། དབུས་མ་ལ་རབ་ཏུ་འཇུག་པས་གཏུམ་མོ་སྦར་བ་ལས་སྤྱི་བོའི་ཟླ་བ་ཞུ་ནས་འཁོར་ལོ་ལ་ཁྱབ་པའི་རིམ་པས་དགའ་བ་ལ་སོགས་པའི་དབྱེ་བའི་ཁྱད་པར་གྱིས་ལྷན་ཅིག་སྐྱེས་པའི་དགའ་བ་བྱུང་ནས་རྣམ་
[299a.4]པར་རྟོག་པ་ཐམས་ཅད་སྤངས་པས་དུས་གཅིག་ཏུ་དཀྱིལ་འཁོར་མི་དམིགས་པར་བྱ་བའམ། རིམ་པས་སྟོང་པ་ཉིད་དུ་བསྡུ་བར་བྱའོ། །རིམ་པ་ཡང་སྔར་ཁོ་ནའོ། །དེ་ལྟར་སྐད་ཅིག་རེ་རེར་རབ་ཏུ་འཇུག་པ་དང་ལྡན་པར་བྱའོ། །དེ་གསུངས་པ། ཇི་ལྟར་དབུགས་རླུང་
[299a.5]མེ་ལོང་ལ། །ཀུན་དུ་སིམ་ནས་འགྲོ་བ་ཉིད། །དེ་བཞིན་རྣལ་འབྱོར་ཡང་དག་མཐར། །སྐད་ཅིག་རེ་རེར་རབ་ཏུ་འཇུག །ཅེས་སོ། །ཡང་དང་ཡང་དུ་འཇུག་པ་དང་ལྡང་བ་རྣམས་ཀྱིས་ཀྱང་བདེན་པ་གཉིས་ཐ་མི་དད་པ་རྫོགས་པ་ཟུང་དུ་འཇུག་པའི་ཏིང་ངེ་འཛིན་ལ་རྣལ་འབྱོར་
[299a.6]མངོན་སུམ་དུ་བྱེད་པའོ་ཞེས་བྱ་བ་རྣལ་འབྱོར་ཆེན་པོ་རྫོགས་སོ།། །།དེ་ལྟར་མན་ངག་ཇི་ལྟ་བ་བཞིན་དུ་སྒྲུབ་ཐབས་བཤད་ནས་སྒྲུབ་ཐབས་འདི་ཁོ་ན་བསྐྱེད་པ་དང་། རྫོགས་པའི་རིམ་པས་མན་ངག་ཇི་ལྟ་བ་བཞིན་དུ་རྣམ་པར་འབྱེད་དེ། དེ་ལ་ཤིན་ཏུ་རྣལ་འབྱོར་མའི་མཐའི་བར་ནི་
[299a.7]བསྐྱེད་པའི་རིམ་པའོ། །རྣལ་འབྱོར་ཆེན་པོ་ནི་རྫོགས་པའི་རིམ་པ་སྟེ། བསྐྱེད་པ་དང་རྫོགས་རིམ་འདི་གཉིས་ནི། རིགས་པས་སྒྲུབས་པའི་ཡན་ལག་དྲུག་པའི་གོ་རིམས་ཁོ་ནས་བསམ་གཏན་བྱའོ། །གཞན་དུ་ན་ཡང་དག་པའི་སྒྲུབ་པ་ཐོབ་པར་མི་འགྱུར་རོ། །དེ་བཞིན་
[299b]
[299b.1]དུ་གསུངས་པ་ཡང་དཔལ་གསང་བ་འདུས་པ་རྒྱུད་ཕྱི་མ་ལས། བསྙེན་དང་ཡན་ལག་དྲུག་སྦྱོར་བས། །གྲུབ་པའི་མཆོག་ནི་བྱས་ནས་སུ། །བསྒྲུབ་པར་བྱའོ་གཞན་དུ་ན། །གྲུབ་པའི་མཆོག་ནི་མི་ཐོབ་བོ། །ཞེས་སོ། །སོ་སོར་སྡུད་དང་བསམ་གཏན་དང་། །སྲོག་རྩོལ་དེ་བཞིན་
[299b.2]འཛིན་པ་དང་། །རྗེས་སུ་དྲན་དང་ཏིང་ངེ་འཛིན། །སྦྱོར་བ་ཡན་ལག་དྲུག་ཏུ་འདོད། །ཅེས་བྱ་བ་དེ་ལ་མིག་ལ་སོགས་པའི་འགྲེལ་བ་ཅན་རྣམ་པར་ཤེས་པ་ལྔ་རྣམས་གཟུགས་ལ་སོགས་པའི་ཡུལ་རྣམས་ལས་སོ་སོར་སྡུད་པ་ནི་བཀུག་ནས་ཡང་དག་པར་དུལ་བར་བྱེད་པ་གང་དེ་སོ་སོར་
[299b.3]བསྡུས་པའོ། །ཡང་ན་ལྷ་ཉིད་ཀྱི་ཚུལ་དུ་ཡུལ་གཟུང་བ་ནི་སོ་སོར་སྡུད་པའོ། །བསམ་གཏན་སོ་སོར་སྡུད་པའི་གོ་རིམས་ཀྱིས་ཡིད་ཀྱི་རྣམ་པར་ཤེས་པ་ལྷ་ཉིད་དུ་བསྒོམ་པའོ། །དེ་ཡང་རྣམ་པར་རྟོག་པ་རྣམ་པར་དཔྱོད་པ་དགའ་བ་བདེ་བ་སེམས་རྩེ་གཅིག་པའི་དབྱེ་བས་རྣམ་པ་ལྔའོ། །དེ་
[299b.4]ལ་སྣོད་དང་བཅུད་ཀྱི་དཀྱིལ་འཁོར་དང་བཅས་པ་བཅོམ་ལྡན་འདས་དཔལ་སྡོམ་པའི་ཡོངས་སུ་བརྟག་པ་ཉིད་ནི་རྣམ་པར་རྟོག་པ་སྟེ། དེ་ཁོ་ན་ལ་བསྟན་པ་ཉིད་ཀྱིས་ངེས་པ་ནི་རྣམ་པར་དཔྱོད་པའོ། །རྣམ་པར་དཔྱོད་པས་དེ་དང་དེའི་ལྷ་ཉིད་དུ་དམིགས་པས་ཡིད་བདེ་བ་དེ་ནི་དགའ་བའོ། །
[299b.5]དགའ་བ་བསྒོམས་པའི་ལྷ་ལ་སིམ་པ་དང་བཅས་པའི་སེམས་གང་ཡིན་པ་དེ་ནི་བདེ་བའོ། །བདེ་བ་དང་ལྡན་པའི་སེམས་ཏིང་ངེ་འཛིན་དུ་གྱུར་པའི་ཕྱིར་རྣམ་པ་སྣ་ཚོགས་པ་ལོག་པའི་ཀུན་རྫོབ་ཀྱི་ཡུལ་ཅན་གྱིས་མི་ཤེས་པའི་སྐྱེ་བ་ཟད་པས་འདོད་པའི་ལྷ་ཁོ་ན་ལ་དམིགས་པའི་སེམས་ནི་སེམས་
[299b.6]རྩེ་གཅིག་པ་ཉིད་དོ་ཞེས་བྱ་བ་བསམ་གཏན་ཡན་ལག་ལྔ་པའོ། །དེ་ལྟར་སྔ་དྲོའི་ཐུན་མཚམས་ལ་ཇི་ལྟར་གསུངས་པའི་གོ་རིམས་ཀྱིས་དཀྱིལ་འཁོར་འཁོར་ལོ་བསྒོམས་ནས་ནི་ཉི་མའི་གུང་ཐུན་ལ་ཡང་སྐད་ཅིག་ཏུ་དེ་ཁོ་ན་བཞིན་དུ། དཀྱིལ་འཁོར་འཁོར་ལོ་དམིགས་ནས་སོ་སོར་
[299b.7]སྡུད་པ་དང་། བསམ་གཏན་དག་གིས་ཇི་སྲིད་དུ་འདོད་པ་དེ་སྲིད་དུ་མངོན་པར་ཕྱོགས་པར་བྱེད་ཅིང་བསམ་གཏན་བྱའོ། །དེའི་རྗེས་ལ་ཐུན་མཚམས་ཀྱི་དུས་སུ་དངོས་སུའམ་མོས་པས་ཕྱག་རྒྱ་ལྔ་ལ་སོགས་པས་བརྒྱན་པ་ཐོད་པ་ཁ་ཊྭཱཾ་ག་ཌ་མ་རུ་འཛིན་པ། སངས་རྒྱས་ཐོད་
[300a]
[300a.1]པ་ཅན་གྱི་བརྟུལ་ཞུགས་པའི་སྒྲུབ་པ་པོས་དཀྱིལ་འཁོར་ཁོ་ན་སྒོམ་ཞིང་བསྐོར་བ་དང་ཟ་བ་ལ་སོགས་པའི་ལས་བྱའོ། །ཡང་གསུངས་པ་ཐུན་གསུམ་དུ་བྱིན་གྱིས་བརླབས་པའི་སྒོམ་པ་རྣམ་པར་བསྒོམ་པ་ནས་ལངས་ཏེ་ལྷའི་གཟུགས་སུ་གཞག་གོ། །དོན་འདི་ཁོ་ན་ལ་
[300a.2]དཔལ་རྡོ་རྗེ་མཁའ་འགྲོའི་རྒྱུད་ཀྱི་ལེའུ་སོ་དགུ་པ་ལས། ཧེ་རུ་ཀ་དཔལ་ཚུལ་གྱིས་ནི། །ཁ་ཊྭཱཾ་ག་སོགས་སྒོམ་རྣམས་ཀྱིས། །ཐོད་པ་གཡོན་པའི་ཕྱག་གིས་ཏེ། །བརྟུལ་ཞུགས་ལྡན་པས་སྤྱོད་པ་སྤྱད། །ཅེས་སོ། །ཁྱད་པར་དུ་ལས་ཁ་ཚར་གྱི་དོན་དུ་ཤིང་སྡོང་ལ་སོགས་པ་བཙུགས་པ་
[300a.3]ན་ཚུལ་དེ་ཁོ་ནས་གཏོར་མ་སྦྱིན་པ་དང་སྲུང་བ་ཞག་རེ་རེ་ལ་བྱའོ་ཞེས་པའི་ངག་གིས་སྒྲུབ་ཐབས་ཀྱི་བང་མཛོད་ཅེས་བྱ་བའི་ཊཱི་ཀཱ་ལས་ཀྱང་གསུངས་པ། ཁ་ཊྭཱཾ་ག་སོགས་སྒོམ་རྣམས་ཀྱིས། །ཞེས་བྱ་བ་ནི་སོགས་པའི་སྒྲས་ཌ་མ་རུའོ། །ཆུས་བྲན་པ་ལ་སོགས་པ་ནི་ཉེ་བར་མཚོན་པ་ཙམ་སྟེ་སྐོར་
[300a.4]བ་དང་བཟའ་བ་ལ་སོགས་པའི་ལས་ཐམས་ཅད་ལ་ཚུལ་འདི་ལྟར་བྱའོ། །བྱེ་བྲག་ཏུ་ཕྱག་མཚན་གསུམ་པའི་ནང་ནས་དམ་ཚིག་གི་དབང་གིས་གང་ཉེ་བར་སྦྱོར་བ་དེ་འདོད་པ་ལྟར་གཟུང་བར་བྱའོ། །འགའ་ཞིག་ཏུ་རྡོ་རྗེ་དང་དྲིལ་བུ་ཡང་བཟུང་སྟེ་རྟག་ཏུ་འདི་གཟུང་གི་ངེས་པར་མི་བྱའོ། །དེ་ལྟར་
[300a.5]སངས་རྒྱས་ཐོད་པའི་བརྟུལ་ཞུགས་འཛིན་པ། ཕྱག་བཅུ་གཉིས་པ་ལ་སོགས་པའི་དཔལ་སྡོམ་པ་ལ་སོགས་པའི་ཏིང་ངེ་འཛིན་དངོས་སུ་བྱ་བའི་གོ་རིམས་ཀྱིས་འཇིག་རྟེན་གསུམ་གྱི་ཁོངས་སུ་ཆུད་པའི་སྒྲུབ་པ་དང་ཡོངས་སུ་མཐར་ཐུག་པ་ལ་ཕྱག་རྒྱ་ཆེན་པོའི་སྒྲུབ་པ་ཡང་བསྒྲུབ་པར་བྱའོ། །
[300a.6]འདི་ཡང་ཐོད་པ་འཆང་པའི་བརྟུལ་ཞུགས་ནི། །རྣལ་འབྱོར་མའི་རྒྱུད་དུ་དབང་བསྐུར་བའི་དུས་ཁོ་ནར་སྦྱིན་པར་བྱ་སྟེ། སྒྲུབ་པ་པོས་འདི་ཁོ་ན་མཚན་སུམ་ཅུ་རྩ་གཉིས་པ་ལ་སོགས་པའི་ཚུལ་གྱིས་སྟོང་པ་ཉིད་ལ་ལྡང་ཞེས་པ་འདི་ལ་ཐེ་ཚོམ་མི་བྱའོ། །འདི་ལ་ཡང་སྔ་དྲོའི་ཐུན་ནས་
[300a.7]མཚན་མོ་ཕྱེད་ཀྱི་ཐུན་གྱི་བར་དུ་ལྷ་ཁོ་ན་བསྒོམ་ཞིང་གནས་པར་བྱའོ། །དེ་ནས་སྟོང་པ་ཉིད་བསྒོམ་པར་བྱ་སྟེ། དེ་ལ་གསུང་རབ་ལས་གྲུབ་པའི་མན་ངག་འདི་ལྟ་སྟེ། ལྟེ་བའི་འཁོར་ལོ་ཟླ་བའི་དཀྱིལ་འཁོར་ལ་ཇི་ལྟར་གསུངས་པའི་ཧཱུཾ་ཡིག་དབུས་སུ་གནས་པའི་ཨཱ་ལི་
[300b]
[300b.1]ཀཱ་ལིའི་སྦྱོར་བ་སྐད་ཅིག་ཏུ་མོས་ནས་དེ་དང་དེའི་ཡི་གེ་དང་བཅས་པའི་འོད་ཟེར་རྣམས་སྤྲོ་བར་བྱའོ། །འོད་ཟེར་དེའི་ངེས་པར་འབྱེད་པས་བྷཻ་རཾ་པ་ལ་སོགས་པ་ཐམས་ཅད་སྣོད་དང་བཅུད་ཀྱི་དཀྱིལ་འཁོར་འོད་ཀྱི་རང་བཞིན་དུ་བྱས་ནས་ཨཱ་ལི་ཀཱ་ལིའི་སྦྱོར་བ་དེ་ཁོ་ན་ལ་རབ་ཏུ་གཞུག་པར་བྱའོ། །ཡང་
[300b.2]དེ་བཞིན་དུ་འོད་ཟེར་རྣམ་པར་སྤྲོས་པས་འོད་ཟེར་དེའི་ངེས་པར་འབྱེད་པས་བཅོམ་ལྡན་འདས་མ་དང་བཅས་པའི་བཅོམ་ལྡན་འདས་འོད་ཟེར་གྱི་རང་བཞིན་དུ་བྱས་ནས་ཡང་དེ་ཁོ་ན་བཞིན་དུ་རབ་ཏུ་འཇུག་པར་བྱའོ། །དེ་ཁོ་ན་བཞིན་དུ་ཡང་འོད་ཟེར་རྣམས་སྤྲོས་ནས་དེའི་འོད་ཟེར་གྱི་ངེས་པར་
[300b.3]འབྱེད་པས་ཟླ་བའི་དཀྱིལ་འཁོར་ཧཱུཾ་ཡིག་དང་ཨཱ་ལི་ཀཱ་ལིའི་སྦྱོར་བ་འོད་ཀྱི་རང་བཞིན་དུ་བྱས་ནས། ཇི་ལྟར་དབུགས་རླུང་མེ་ལོང་ལ། །ཀུན་ནས་སིམ་པར་འགྲོ་བ་ཡི། །དེ་བཞིན་རྣལ་འབྱོར་ཡང་དག་མཐར། །སྐད་ཅིག་རེ་རེར་རབ་ཏུ་འཇུག །ཅེས་འདི་ལྟར་འོད་གསལ་མངོན་དུ་ཕྱོགས་
[300b.4]པར་བྱས་ནས་གལ་ཏེ་ངལ་བསོ་བའི་བློས་ཉལ་བར་འདོད་ན་དེའི་ཚེ་འདིའི་དམིགས་པ་ཁོ་ནས་ཉལ་བར་བྱའོ། །དེ་ནས་མ་བཅོལ་པའི་རང་བཞིན་ཁོ་ནས་སྒྲུབ་པོ་པོས་འོད་གསལ་གྱི་རྣམ་པར་དག་པ་ལས། མཚན་སུམ་ཅུ་རྩ་གཉིས་དང་དཔེ་བྱད་བརྒྱད་ཅུ་དང་ཕྱག་རྒྱ་ལྔ་ལ་སོགས་པས་བརྒྱན་
[300b.5]པ་ཐོད་པ་ཁ་ཊྭཱཾ་ག་ཌ་མ་རུ་བསྣམས་པ་ཉིད་ཀྱིས་རྡོ་རྗེ་ཐོད་ལྡན་གྱི་བརྟུལ་ཞུགས་འཆང་བ་ཁོ་ན་ཞལ་གཅིག་ཕྱག་གཉིས་པའི་དཔལ་བདེ་མཆོག་གི་མོས་པས་ཉལ་བ་ལས་ལངས་ལ། སྔ་དྲོའི་ཐུན་ལ་སྔར་བཞིན་དུ་སོ་སོར་སྡུད་པའི་རིམ་པས་སྒྲུབ་ཐབས་ཡན་ལག་དང་བཅས་པ་བསྒོམ་པར་
[300b.6]བྱའོ། །འདི་བཞིན་དུ་རིམ་པས་དད་པ་དང་བཅས་པ་བར་མ་ཆད་པར་ཡུན་རིང་པོར་སྒོམ་པ་དང་མ་བྲལ་བའི་སྒྲུབ་པ་པོ་ལ་དཔལ་བདེ་མཆོག་ལ་སོགས་པ་མཁའ་འགྲོ་དང་། མཁའ་འགྲོ་མ་རྣམས་ཀྱིས་རབ་ཏུ་འབད་པས་བདག་ཉིད་ཉེ་བར་སྟོན་པར་བྱེད་དེ། འདི་ཡང་མངོན་སུམ་དུ་མཐོང་
[300b.7]བ་དེ་རྣམས་ཀྱིས་ཀྱང་འདི་ལ་རྗེས་སུ་འཛིན་ཏོ་ཞེས་བྱ་བ་བསྐྱེད་པའི་རིམ་པའོ། །སྲོག་སྩོལ་བ་ལ་སོགས་པའི་རིམ་པས་རྫོགས་པའི་རིམ་པ་བསྒོམ་པར་བྱ་སྟེ། དེ་ལ་རིམ་པ་འདི་ལྟ་སྟེ། མེ་ལོང་ལྟ་བུ། མཉམ་པ་ཉིད། སོ་སོར་རྟོག་པ། བྱ་བ་གྲུབ་པ་ཤིན་ཏུ་རྣམ་པར་དག་
[301a]
[301a.1]པའི་ཆོས་ཀྱི་དབྱིངས་ཞེས་བྱའི་ཡེ་ཤེས་ལྔའི་རྒྱུ་ཉིད་ཡིན་པས། ཡེ་ཤེས་ལྔའི་རང་བཞིན་མེ་རླུང་དབང་ཆེན་ཆུ་ནམ་མཁའི་རང་བཞིན་ཉིད་ཡིན་པས་འབྱུང་བ་ལྔའི་བདག་ཉིད་ཅན། སྲོག་རླུང་ཐུར་དུ་རྒྱུ་བར་བྱས་ནས་ཡུངས་འབྲུའི་ཚད་ཙམ་ཅིག་བྱང་ཆུབ་ཀྱི་སེམས་ཐིག་ལེ་
[301a.2]འགྲིལ་བའི་ཚུལ་གྱིས་རྡོ་རྗེ་སྣའི་རྩེ་མོར་ཕབ་ནས་གང་དུ་གསུངས་པའི་སོ་སོར་སྡུད་པ་དང་ཡན་ལག་ལྔའི་བསམ་གཏན་གྱིས་རིམ་པར་བསམ་པར་བྱའོ། །འདི་ཡང་ཐིག་ལེའི་སྦྱོར་བ་སྟེ་སྲོག་རྣམས་ཕྱི་རོལ་དུ་འགྲོ་བ་བཟློག་པའི་དོན་དུ་དེ་བས་ན་དེའི་རྒྱུ་ཉིད་ཀྱིས་གསང་བ་འདུས་པ་བླ་མའི་རྒྱུད་ལས་
[301a.3]སྲོག་རྩོལ་ཞེས་བྱ་བར་བརྗོད་དོ། །འདི་ཡང་ཉེ་བར་མཚོན་པ་ཙམ་སྟེ། ལྟེ་བར་ཕྲ་བའི་ཨཱ་ལི་ཀཱ་ལིའི་སྦྱོར་བའམ་ཐུགས་ལ་སོགས་པ་ལ་ཐིག་ལེ་ལ་སོགས་པའི་སྦྱོར་བའི་བསམ་གཏན་གང་དེ་ཡང་སྲོག་འཐོན་པ་བཟློག་པའི་དོན་ཉིད་ཀྱིས་སྲོག་རྩོལ་ཞེས་བརྗོད་དོ། །བྱེ་བྲག་ཏུ་བསམ་གཏན་
[301a.4]འདི་ལྟ་བུའི་སྟོབས་ཀྱིས་རོ་མ་དང་བརྐྱང་མ་དག་གིས་རྒྱུ་བ་ལས་བཟློག་ནས་དབུ་མར་སྲོག་རླུང་གི་རྩོལ་བ་ནི་རབ་ཏུ་རྒྱུ་བ་སྟེ། འདི་ལྟར་ཡང་སྲོག་རྩོལ་ཞེས་བརྗོད་དེ། དེ་ནས་ཐུགས་ཀར་ཉི་མ་དང་དཀྱིལ་འཁོར་མེད་པའི་ཧཱུཾ་ཡིག་རྐྱང་པ་བསྒོམས་ནས་དེའི་ཐིག་ལེ་ལ་སྲོག་རབ་ཏུ་འཇུག་པའི་སྒོ་ནས་
[301a.5]གཟུང་བ་དང་འཛིན་པ་སྲོག་རྩོལ་དང་བཅས་པ་ཉམས་ན་དེ་ཁོ་ནའི་ཕྱིར་སྟོང་པ་ཉིད་ཁོ་ནར་གནས་པ། སངས་རྒྱས་ཐམས་ཅད་ཀྱི་རང་བཞིན་ཞི་བ་སྣང་དམིགས་ཡོད་པ་ཙམ་པོ་སེམས་རིན་པོ་ཆེ་ནམ་མཁའ་དང་མཉམ་པའི་འོད་གསལ་ཉིད་དུ་གྱུར་པ་ལས་གང་སྲོག་རླུང་བརྟན་པར་གྱུར་པ་དེ་འཛིན་པའོ། །
[301a.6]འདི་ཡང་ཉེ་བར་མཚོན་པ་ཙམ་སྟེ་ལྟེ་བའི་རྩ་བར་གནས་པ་པྲ་པའི་ཨཱ་ལི་ཀཱ་ལིའི་སྦྱོར་བའམ། རྡོ་རྗེའི་སྣའི་རྩེ་མོ་ལ་བསྒོམས་པའི་ཐིག་ལེའི་སྦྱོར་བའམ། གཏུམ་མོ་ལ་སོགས་པའི་སྦྱོར་བ་གང་ཡང་རུང་བའམ། གསུངས་མ་ཐག་པའི་རིམ་པས་གང་སྲོག་རླུང་བརྟན་པར་གྱུར་པ་དེ་ཡང་འཛིན་
[301a.7]པའོ། །འཛིན་པ་འདིའི་མཇུག་ཐོགས་སུ་བར་མ་ཆད་པར་སྨིག་རྒྱུ་དུ་བ་སྲིན་བུ་མེ་ཁྱེར་མར་མེ་སྤྲིན་མེད་པའི་ནམ་མཁའ་ལྟ་བུའི་རྟགས་ལྔ་མཐོང་བར་འགྱུར་རོ། །དེ་ནས་སྲོག་རྩོལ་དང་ལྷན་ཅིག་ཏུ་འོད་གསལ་བའི་རང་བཞིན་ཉིད་ཀྱིས་གང་གི་ཚེ་སེམས་བརྟན་པར་གྱུར་པ་དེའི་ཚེ། སྨོན་
[301b]
[301b.1]ལམ་གྱིས་རབ་ཏུ་འབྱེད་པའི་མཐུས་དང་པོ་བསྒོམས་པའི་ལྷ་ལ་རྗེས་སུ་དྲན་པ་འབྱུང་བ་དེ་ལ་ཡང་བསྒོམས་པའི་ཨཱ་ལི་ཀཱ་ལི་ལ་སོགས་པའི་ཕྲ་བའི་སྦྱོར་བ་ལས་སྒོམ་པ་པོས་འོད་ཟེར་སྤྲོས་པར་བྱས་པ་འདི་ནི་རྗེས་སུ་དྲན་པའོ། །འོད་དེ་དང་བཅས་པ་བ་སྤུའི་བུ་ག་རེ་རེ་རྣམས་ཀྱིས་ཕུང་པོ་ཁམས་དང་
[301b.2]སྐྱེ་མཆེད་ལ་སོགས་པ་ལྷའི་རང་བཞིན་སྤྲོས་པ་ནི་རྗེས་སུ་དྲན་པ་ཞེས་བྱ་བ་ནི་དགོངས་པ་ཅན་ཡིན་ནོ། །དེ་བཞིན་དུ་དཔལ་གསང་བ་འདུས་པ་ལས། བརྟན་པའི་རིན་ཆེན་སྤྲོ་བར་བྱེད། །མི་བརྟན་པས་ནི་སྤྲོ་མི་བྱ། །རབ་མཆོག་སྤྲིན་རྣམས་ཀྱིས་སྤྲོ་བྱ། །སངས་རྒྱས་ཡེ་ཤེས་མཉམ་
[301b.3]འོད་ཀྱིས། །ཞེས་བྱའོ། །དེ་ནས་ཕུང་པོ་ཁམས་དང་སྐྱེ་མཆེད་ལ་སོགས་པ་རང་བཞིན་གྱིས་སྤྲོས་པའི་དངོས་པོ་ཐམས་ཅད་ཀྱི་རང་བཞིན་གྱི་ལྷ་རྣམས་འོད་ཀྱི་རང་བཞིན་དུ་བྱས་ནས་འོད་ཟེར་རྣམས་ཀྱང་གསུངས་པའི་སྦྱོར་བ་རྣམས་ལས་རྒྱུད་ཐ་དད་པའི་ཕྱིར་སྒྲུབ་ཐབས་མི་གཅིག་པས་བསྒོམས་
[301b.4]པའི་གང་ཡང་རུང་བའི་ཕྲ་བའི་སྦྱོར་བ་ལ་སྟོང་པ་དང་སྙིང་རྗེ་དབྱེར་མི་ཕྱེད་པའི་རང་བཞིན་ལ་འགྲིལ་པའི་ཚུལ་དུ་བསྡུས་ནས་སྐད་ཅིག་གིས་རང་རིག་པའི་ཡེ་ཤེས་འབྱུང་བ་ནི་ཏིང་ངེ་འཛིན་ནོ། །འདི་ཁོ་ན་རྒྱུད་གཞན་ནས་འབྱུང་བ་དང་། བརྒྱུད་པའི་རིམ་པ་ལས་བྱུང་བའི་བཤད་པའོ། །འོད་གསལ་
[301b.5]ལས་ཡེ་ཤེས་ཀྱི་རང་བཞིན་གྱི་སྐུས་ཞེས་པ་དེ་ཡང་ཏིང་ངེ་འཛིན་ཞེས་བྱ་བ་ཡང་འགའ་ཞིག་ཏུ་བཤད་དོ། །དཔལ་གསང་བ་འདུས་པའི་རྒྱུད་ཕྱི་མར་ཡང་གསུངས་པ། བཅུ་པོ་དབང་པོ་རྣམས་ཀྱི་ནི། །རབ་འཇུག་གནས་པ་ཐམས་ཅད་དུ། །སོ་སོར་སྡུད་པ་ཞེས་བརྗོད་དེ། །འདོད་པའི་
[301b.6]བསྡུས་པ་སོ་སོའོ། །འདོད་པ་ལྔ་རྣམས་བསྡུས་པ་ཡིས། །སངས་རྒྱས་ལྔ་ནི་རབ་སྦྱོར་བས། །བརྟགས་པ་བསམ་གཏན་དུ་བརྗོད་དེ། །བསམ་གཏན་རྣམ་པ་ལྔར་འགྱུར་ཏེ། །རྣམ་པར་རྟོག་དང་རྣམ་པར་དཔྱོད། །དགའ་དང་དེ་བཞིན་བདེ་བ་དང་། །སེམས་ཀྱི་རྩེ་གཅིག་ཉིད་
[301b.7]དང་ནི། །ལྔ་པོ་འདི་རྣམས་བསམ་གཏན་བསྡུས། །གསང་རྒྱུད་སྐུ་རྣམས་ཐམས་ཅད་ལ། །རྣམ་པ་སྣ་ཚོགས་ཡོངས་སུ་གྲགས། །གསང་གསུམ་འབྱུང་བ་རྟོག་པ་ཡིན། །རྣམ་དཔྱོད་ཡོངས་སུ་དེ་ལོངས་སྤྱོད། །གསུམ་པ་ཡིད་བདེ་དགའ་བ་སྟེ། །བཞི་པ་བདེ་བས་བསྡུས་
[302a]
[302a.1]པའོ། །སེམས་ཀྱི་ལྔ་པ་ཤེས་པར་བྱ། །ཤེས་དང་ཤེས་བྱའི་སྐྱེ་བ་ཉམས། །སངས་རྒྱས་ཐམས་ཅད་རང་བཞིན་ཞི། །ཐམས་ཅད་འདོད་པ་སོ་སོར་གནས། །ཡེ་ཤེས་ལྔ་ཡི་རང་བཞིན་དབུགས། །འབྱུང་བ་ལྔ་ཡི་ངོ་བོ་ཉིད། །འགྲིལ་བའི་ཚུལ་གྱིས་ཕབ་ནས་
[302a.2]སུ། །སྣ་ཡི་རྩེ་མོར་རབ་རྟོག་བྱ། །ཁ་དོག་ལྔ་ལྡན་རིན་ཆེན་ཆེ། །སྲོག་རྩོལ་ཞེས་བྱ་དྲན་པ་ཡིན། །རང་སྔགས་སྙིང་གར་བསམས་ནས་ནི། །སྲོག་ནི་ཐིག་ལེར་གྱུར་པར་གཞག །རང་དབང་རིན་ཆེན་དགག་པ་ཡི། །གཟུང་བ་འཛིན་པ་ཡིན་པར་བཤད། །འགོག་པའི་རྡོ་རྗེ་
[302a.3]གནས་སེམས་ལ། །རྟགས་ཀྱི་འབྱུང་བ་རབ་ཏུ་སྐྱོ། །དེ་ཡི་རྟགས་ཀྱང་རྣམ་པ་ལྔ། །བྱང་ཆུབ་རྡོ་རྗེ་ལས་བྱུང་བ། །དང་པོ་སྨིག་རྒྱུའི་རྣམ་པ་ཅན། །དུ་བའི་རྣམ་པ་གཉིས་པ་སྟེ། །གསུམ་པ་སྲིན་བུ་མེ་ཁྱེར་བཞིན། །བཞི་པ་མར་མེས་གསལ་བྱེད་པ། །ལྔ་པ་རྟག་ཏུ་གསལ་
[302a.4]བྱེད་དེ། །སྤྲིན་མེད་ནམ་མཁའ་ལྟ་བུའོ། །བརྟན་པ་རྡོ་རྗེའི་ལམ་གྱིས་སུ། །ནམ་མཁའི་ཁམས་ལ་དགྲམ་པར་བྱ། །བསྒོམས་ནས་རྗེས་སུ་དྲན་པ་གང་། །དེ་ཡི་རྣམ་པ་ཅན་ཡང་དགྲམ། །རྗེས་སུ་དྲན་ཞེས་ཤེས་པར་བྱ། །དེ་ལ་རབ་ཏུ་གསལ་བར་སྐྱེ། །ཤེས་རབ་
[302a.5]ཐབས་དང་སྙོམས་ཞུགས་པས། །ཐམས་ཅད་དངོས་པོ་ཐམས་ཅད་དུ། །འགྲིལ་བའི་ཚུལ་གྱིས་བསྡུས་ནས་ནི། །ཐིག་ལེའི་དབུས་སུ་རྣམ་པར་བསྒོམ། །སྐད་ཅིག་ཡེ་ཤེས་རྫོགས་པ་ནི། །ཏིང་ངེ་འཛིན་ཞེས་མིང་ཅན་ནོ། །ཚིག་ལེའུར་བྱས་པ་འདི་རྣམས་ལས་རྟོགས་པར་
[302a.6]དཀའ་བའི་ཚིག་རྣམ་པར་བཤད་དེ། བཅུ་པོ་ཞེས་བྱ་བ་ནི་མིག་ལ་སོགས་པའི་དབང་པོ་ལྔ་དང་། གཟུགས་ལ་སོགས་པའི་ཡུལ་རྣམས་ཀྱིའོ། །དེའི་ཕྱིར་འདི་ཁོ་ན་གསུངས་ཏེ། དབང་པོ་རྣམས་ཀྱི་རང་འཇུག་གནས། །ཞེས་པའོ། །དབང་པོ་རྣམས་ནི་མིག་ལ་སོགས་པའི་
[302a.7]དབང་པོ་རྣམས་སོ། །ཡང་རང་འཇུག་པར་གནས་པ་ནི་རང་རང་གི་ཡུལ་ལ་འཇུག་པ་ནི་རབ་ཏུ་འཇུག་པ་སྟེ། རང་གི་འཇུག་པ་ལ་གནས་པའི་ཕྱིར་རང་འཇུག་གནས་པ་ནི་མིག་ལ་སོགས་པའི་ཤེས་པ་ལྔ་ཞེས་བྱ་བའི་དོན་ཏོ། །འདི་ཡང་བསྡུས་པ་སོ་སོ་ཞེས་པ་ནི། འདོད་པར་བྱེད་པ་ནི་
[302b]
[302b.1]མངོན་པར་ཞེན་པར་བྱེད་པའི་ཕྱིར་འདོད་པའི་གཟུགས་དང་སྒྲ་ལ་སོགས་པའི་ཡུལ་ལྔ་སྟེ། དེ་རྣམས་ལས་གཟུགས་ལ་སོགས་པའི་ཤེས་པ་ལྔ་རིམ་པ་བཞིན་དུ་སྡུད་པ་ནི་འགུགས་པར་བྱེད་པའི་ཕྱིར་སྡུད་པ་སྟེ། ཡུལ་དང་བྲལ་བའི་ཡིད་ནི་འདོད་པའི་བསྡུས་པའོ། །དེ་ལ་སོ་སོ་ཞེས་བྱ་བ་ནི་འདོད་
[302b.2]པའི་བསྡུས་པ་ཐོབ་ནས་ཞེས་བྱ་བའི་དོན་ཏོ། །རང་འཇུག་པའི་གནས་གང་ཤེས་པ་ལྔ་དེ་ཁོ་ན་རིམ་གྱིས་རང་འཇུག་པ་དང་བྲལ་ཞིང་སོ་སོར་སྡུད་པར་བརྗོད་དོ། །འདོད་པ་ལྔ་རྣམས་ནི་ཡུལ་ལྔ་སྟེ། དེ་རྣམས་ལ་ལྷའི་ཚུལ་གྱིས་ཡོངས་སུ་རྟོག་པ་ཞེས་ཉེ་བར་མཚོན་པ་ཙམ་ཡིན་ཏེ། ཐམས་ཅད་
[302b.3]ནང་གི་ཕུང་པོ་དང་ཁམས་དང་སྐྱེ་མཆེད་རྣམས་དཔལ་བདེ་མཆོག་ལ་སོགས་པའི་ལྷ་ཉིད་ཀྱི་རབ་ཏུ་སྦྱོར་བས་ཡོངས་སུ་རྟོགས་པ་ཡང་བསམ་གཏན་ནོ། །ཡིད་ཀྱི་དབང་པོ་དང་དེའི་རྣམ་པར་ཤེས་པ་དག་ནི་སྐུ་གསུང་ཐུགས་ཀྱི་གསང་བའི་བདག་ཉིད་ལྷ་རྣམས་གསལ་བའི་ཚུལ་དུ་བྱུང་བ་ནི་གསང་
[302b.4]གསུམ་དབྱུང་སྟེ། དེ་ཁོ་ན་རྣམ་པར་རྟོག་པའོ། །ཤེས་དང་ཤེས་བྱའི་སྐྱེ་བ་ཉམས། །ཞེས་པ་ནི་ལོག་པའི་ཀུན་རྫོབ་ཀྱི་ངང་ཚུལ་ཅན་ཤེས་པ་དང་ཤེས་བྱའི་རྣམ་པར་རྟོག་པའི་སྐྱེ་བ་མེད་དོ། །རིན་ཆེན་ཆེ་བ་ཞེས་བྱ་བ་ནི་འབྲས་བུའི་མཆོག་སྦྱིན་པའི་ཕྱིར་རོ། །འགོག་པའི་རྡོ་རྗེ་ནི་འོད་གསལ་
[302b.5]བ་སྟེ་དེ་ལ་གནས་པའི་སེམས་ནི་དེའི་རང་བཞིན་དུ་གྱུར་པའོ། །བརྟན་པ་རྡོ་རྗེའི་ལམ་གྱིས་སུ། །ནམ་མཁའི་ཁམས་ལ་དགྲམ་པར་བྱ། །ཞེས་བྱ་བ་ནི། བརྟན་ཞིང་རྡོ་རྗེའི་ལམ་གྱིས་རྗེས་སུ་དྲན་པས་ནམ་མཁའི་ཁམས་རྣམས་སུ་དགྲམ་པར་བྱ་སྟེ། ཕུང་པོ་ཁམས་དང་སྐྱེ་མཆེད་
[302b.6]ཀྱི་རང་བཞིན་འོད་ཟེར་དང་ལྡན་པའི་ལྷ་ཚོགས་རྣམས་སོ། །ཤེས་རབ་ཐབས་དང་སྙོམས་འཇུག་པས། །ཐམས་ཅད་དངོས་པོ་ཐམས་ཅད་དུ། །ཞེས་བྱ་བ་ནི་ཤེས་རབ་དང་ཐབས་སྙོམས་པར་འཇུག་པ་ནི་སྟོང་ཉིད་སྙིང་རྗེ་ཐ་མི་དད་པའི་ཚུལ་གྱིས་སོ། །ཐམས་ཅད་དངོས་པོ་ཞེས་བྱ་བ་
[302b.7]ནི་ཕུང་པོ་ཁམས་དང་སྐྱེ་མཆེད་ཀྱི་རང་བཞིན་འོད་ཟེར་དང་བཅས་པའི་ལྷ་ཉིད་ཚོགས་རྣམས་སོ། །འགྲིལ་བའི་ཚུལ་གྱིས་ཞེས་པ་ནི་སྟོང་པ་དང་སྙིང་རྗེ་ཐ་མི་དད་པའི་ཚུལ་གྱིས་དེ་རྣམས་རང་གི་ལུས་ལ་བསྒོམས་པ་གང་ཡང་རུང་བའི་ཐིག་ལེའི་དབུས་སུ་ཉེ་བར་བསྡུས་ནས་ཐིག་ལེ་དེ་ཁོ་
[303a]
[303a.1]ན་བསྒོམ་པར་བྱའོ། །ཐིག་ལེ་ཞེས་བྱ་བར་ཉེ་བར་མཚོན་པ་སྟེ། རིམ་པ་འདི་བཞིན་དུ་ཨཱ་ལི་ཀཱ་ལིའི་སྦྱོར་བ་ལ་སོགས་པ་ཡང་ངོ་། །སྐད་ཅིག་ཡེ་ཤེས་རྫོགས་པ་ནི། །ཞེས་བྱ་བ་སྐད་ཅིག་གིས་རང་རིག་སྐྱེ་བས་བྱེད་པ་དེ་ཁོ་ན་ཉིད་མཐོང་བ་ཡང་ངོ་། །བྱེ་བྲག་ཏུ་གང་
[303a.2]གི་ཚེ་ཡང་འདི་སྨིན་མ་དག་གི་དབུས་སུ་སོ་སོར་སྡུད་པའི་གོ་རིམས་ཀྱིས་ཐིག་ལེ་བསྒོམས་པ་དེའི་ཚེ་ཡང་སྲོག་རྩོལ་དང་འཛིན་པ་དང་རྗེས་སུ་དྲན་པ་དང་ཏིང་ངེ་འཛིན་ཕུན་སུམ་ཚོགས་པ་འབྱུང་ངོ་། །ཡང་གསུངས་པ་རྩ་བའི་རྒྱུད་ལས་སྨིན་མའི་དབུས་སུ་ཨ་ཝ་དྷཱུ་ཏཱིའི་གནས་གཞག་པར་བྱའོ་
[303a.3]ཞེས་བྱའི་འདི་ཁོ་ན་གསུངས་པ་རི་གི་ཨ་ར་ལླིའི་རྒྱུད་ལས་དེ་བཞིན་དུ་ཡང་། ཨར་ལླིས་ཞུས་ལྷ་མོ་ལ། །ཡེ་ཤེས་མཆོག་ཀྱང་ཇི་ལྟ་བུ། །གང་ཞིག་རྣམ་པར་ཤེས་ཙམ་གྱིས། །སྒྲུབ་པ་པོ་ཡིས་དངོས་གྲུབ་ཐོབ། །ལྷ་མོ་རིགས་ཀྱིས་ཡང་དག་གསུངས། །ཡེ་ཤེས་ཆེན་པོ་བདེ་
[303a.4]བ་མཆོག །ཀུན་མཁྱེན་ཡེ་ཤེས་ལས་བྱུང་བ། །བསྲུབ་བྱ་སྲུབ་བྱེད་ལས་བྱུང་བ། །བསམ་པ་ཐམས་ཅད་ཡོངས་སྤངས་ཏེ། །དབང་པོ་ཐམས་ཅད་དེས་བཀག་ནས། །སྐྱེ་འགྲོ་མེད་པའི་དབེན་ཕྱོགས་སུ། །གཉིས་པ་ཐམས་ཅད་དང་བྲལ་བའི། །མིག་གཉིས་མ་ཕྱེ་མ་
[303a.5]བཙུམས་པར། །སྨིན་མའི་མཚམས་སུ་སེམས་གཏད་ནས། །མུན་པ་མི་བཟད་ཚུལ་ཡང་ནི། །སྒྲུབ་པ་པོ་ཡིས་དང་པོར་མཐོང་། །དེ་ནས་གཡོན་པའི་རྣ་བ་ནི། །དལ་བུས་དལ་བུས་གཡོ་བར་བྱེད། །ཤེས་རབ་མ་ཡི་བདེ་བ་གང་། །དེ་བཞིན་ཕྱག་རྒྱ་ཆེན་པོའི་བདེ། །ཉེས་པའི་
[303a.6]རང་བཞིན་མི་ཕྱག་རྒྱ། །དེ་ཡིས་ཤེས་པའང་ཉམས་པ་ཡིན། །དེ་ཕྱིར་ཡེ་ཤེས་ཕྱག་རྒྱ་བསྒོམ། །བདེ་བ་ཆེན་པོ་བསྒྲུབ་བྱའི་ཕྱིར། །ཡེ་ཤེས་ཆེན་པོ་འདི་ཁོ་ན། །རང་གི་རིག་བྱའི་རང་བཞིན་ཏེ། །གཞན་ལ་བསྟན་པར་མི་ནུས་པ། །གཞོན་ནུ་མ་ཡིས་བདེ་མྱོང་བཞིན། །སྦྱོར་བ་འདི་
[303a.7]དང་བཅས་པ་ཡི། །སེམས་ཅན་མགུ་བྱེད་སེམས་ཀྱིས་སུ། །སྙིང་རྗེས་སེམས་ཅན་ཐམས་ཅད་ལ། །སྦྱོར་བ་འདི་ནི་བདེ་བར་བྱེད། །འདི་ལ་གོམས་པའི་སྦྱོར་བ་ཡིས། །མཁའ་དང་མཉམ་པའི་སེམས་ཀྱིས་སུ། །སྙིང་རྗེ་ཆེན་པོའི་རྫུ་འཕྲུལ་ཅན། །རྣལ་འབྱོར་གྲུབ་འགྱུར་ཐེ་ཚོམ་
[303b]
[303b.1]མེད། །དང་པོར་མུན་པ་བྱེད་པ་མཐོང་། །གཉིས་པ་དཀར་པོ་དུ་བ་བཞིན། །གསུམ་པ་སྲིན་བུ་མེ་ཁྱེར་མཚུངས། །བཞི་པ་ཛ་བའི་མེ་ཏོག་ལྟར། །ལྔ་པ་སྤྲིན་མེད་ནམ་མཁའ་སྟེ། །བདག་དང་གཞན་གྱི་ཚོར་བ་བྲལ། །ཐམས་ཅད་མཁྱེན་པའི་རྒྱུ་དེ་ཡང་། །སྤྲིན་མེད་ནམ་མཁའི་དཔེ་དང་ལྡན། །
[303b.2]རྒྱུན་དུ་གོམས་པའི་སྦྱོར་བ་ཡིས། །རྩེ་གཅིག་སེམས་དཔའ་འདི་ལྟར་བྱོས། །རྟག་ཏུ་ཡེ་ཤེས་བདུད་རྩི་ཡིས། །བཏུང་བས་བཀྲེས་པའི་དགག་བྱ་མེད། །རྒ་དང་ནད་ཀྱིས་གདུང་བ་མེད། །ཐབས་ཀྱི་སྦྱོར་བ་འདི་ཡིས་ནི། །རིམ་གྱིས་ཐམས་ཅད་མཁྱེན་པར་འགྱུར། །ཞེས་སོ། །དེ་ལྟར་
[303b.3]དམ་ཚིག་སེམས་དཔའི་ཐུགས་ཀར་པདྨ་དང་ཟླ་བའི་དཀྱིལ་འཁོར་ལ་དམ་ཚིག་སེམས་དཔའ་ལྟ་བུར་གནས་པ་ཤེས་རབ་མ་དང་བཅས་པ། ཡེ་ཤེས་སེམས་པའི་ཐུགས་ཀྱི་པདྨ་དང་། ཟླ་བ་ལ་ཧཱུཾ་ཡིག་ཏིང་ངེ་འཛིན་སེམས་དཔའ་ལའམ། ཐིག་ལེ་ལ་སྣོད་དང་བཅུད་ཀྱི་ཚུལ་ཅན་སངས་
[303b.4]རྒྱས་ཀྱི་ཚོགས་ཀྱི་འོད་ཟེར་ས་ཡ་འཕྲོ་ཞིང་གནས་དང་འཚམ་པ་ཉིད་ཀྱིས་ཤིན་ཏུ་ཕྲ་བ་བདེ་མཆོག་གི་དཀྱིལ་འཁོར་འཁོར་ལོ་རྣམ་པར་བསྒོམ་པར་བྱའོ། །དེ་ལ་འོད་ཟེར་རྣམ་པར་སྤྲོས་ཏེ་དེ་ཁོ་ན་ལ་རབ་ཏུ་བཅུག་ནས། རིགས་མཐུན་པའི་ས་བོན་ཡོངས་སུ་གྱུར་པ་རིགས་དང་མཐུན་
[303b.5]པ་ཕྲ་བའི་ཕྱག་མཚན་ལ་དཀྱིལ་འཁོར་དང་བཅས་པའི་ཧཱུཾ་གྱུར་ནས་རྡོ་རྗེ་གཅིག་ཏུ་བསྒོམ་མོ། །དེ་ཁོ་ན་བཞིན་དུ་འོད་ཟེར་དང་བཅས་པ་ཤིན་ཏུ་ཕྲ་བ་དཔལ་སྡོམ་པའི་དཀྱིལ་འཁོར་གྱི་འཁོར་ལོ་སོ་སོར་སྡུད་པ་ལ་སོགས་པའི་རིམ་པས་ཞག་བདུན་གྱི་བར་དུ་བར་མ་ཆད་པར་བསམ་
[303b.6]པར་བྱའོ། །དེ་ནས་སྲོག་རྩོལ་འཛིན་པ་རྗེས་སུ་དྲན་པ་ཏིང་ངེ་འཛིན་རྣམས་འབྱུང་བར་འགྱུར་རོ། །འདར་བ་དང་། གཡོ་བ་དང་། ཕྲ་བ་དང་། དབབ་པ་མཆོད་པའི་ཚུལ་རྣམས་ཏིང་ངེ་འཛིན་གྱི་རྟགས་ཀྱང་ཡང་དག་པར་འབྱུང་ངོ་། །ཡང་མངོན་པར་བརྗོད་པའི་རྒྱུད་བླ་མ་
[303b.7]ལས། སྙིང་གར་རྟག་ཏུ་གནས་པ་ཡི། །ཐིག་ལེ་གཅིག་པ་ཡི་གེ་མེད། །དེ་ཡང་སྒོམ་པའི་སྐྱེས་བུ་ལ། །ངེས་པར་ཡེ་ཤེས་སྐྱེ་བར་འགྱུར། །ཞེས་སོ། །ཁྱད་པར་དུ་སྦྱོར་བ་འདི་སྒྲུབ་པར་བྱེད་པ་མདོར་བསྟན་པ་དང་བཅས་པའི་གསུང་རབ་རིག་པའི་རྒྱ་མཚོའི་རྒྱུད་ལས་
[304a]
[304a.1]གསལ་བ་དྲངས་ཏེ་སྒྲུབ་ཐབས་ཀྱི་བང་མཛོད་དུ་བྲིས་པ་དེ་ལྟར་ཡང་། སེམས་ནི་ཁམས་གསུམ་བདག་ཉིད་ཅན། །གཞལ་ཡས་ཁང་བརྟེན་བསམས་ནས་སུ། །ས་ཡའི་འོད་ཀྱིས་ཀུན་ཁྱབ་ནས། །སངས་རྒྱས་སྤྲིན་ནི་སྤྲོ་བ་ཅན། །ཐིག་ལེའི་སྦྱོར་བས་བསྡུས་
[304a.2]ནས་ཀྱང་། །ཕྲ་བའི་སྦྱོར་བ་རྣམ་པར་བསྒོམ། །རིགས་དང་མཐུན་པའི་ཧཱུཾ་ལས་བྱུང་། །ཕྱག་མཚན་ནང་དུ་དཀྱིལ་འཁོར་ཏེ། །ནམ་མཁའ་དང་མཚུངས་འོད་རྒྱས་པ། །རྒྱལ་བ་རིན་ཆེན་རྟེན་པ་ཆེ། །བདེ་བ་ཆེན་པོའི་ཕྲ་བ་ཡང་། །ཕྲ་རབ་རྡུལ་གྱི་ཚུལ་འདུས་པ། །མ་ལུས་
[304a.3]སེམས་ཅན་དམ་ཚིག་ནི། །མཁའ་འགྲོ་ཉིད་ཀྱང་རབ་ཏུ་གནས། །སྤྲོས་ཤིང་ཡེ་ཤེས་ཚོགས་ཕྲེང་བ། །རྣམ་པ་སྣ་ཚོགས་དུ་མའི་སྐུ། །སྲོག་རྩོལ་གྱིས་ནི་མནན་པ་ཡིས། །བརྟན་པའི་སེམས་ཀྱི་རང་བཞིན་འཇུག །གཡོ་དང་འདར་བ་ཉིད་དང་ནི། །མཆོད་དང་དབབ་པ་དེ་བཞིན་
[304a.4]འཕར། །རྟགས་ནི་མངོན་སུམ་ཉིད་དུ་འགྱུར། །ངེས་པར་མཚན་མོ་བདུན་གྱིས་ཏེ། །ཁྱོད་ལ་འཁོར་ལོ་འདི་རྒྱས་སྟོན། །རྡོ་རྗེ་སྙིང་པོ་ཆེ་བའི་ཆེ། །ཞེས་སོ། །སོ་སོར་སྡུད་པ་ལ་སོགས་པ་རྣམས་ཀྱིས་འབྲས་བུ་ཡང་གསུངས་ཏེ་གསང་བ་འདུས་པའི་རྒྱུད་ཕྱི་མ་བླ་མ་ལས། སོ་སོར་
[304a.5]སྡུད་པ་རབ་ཐོབ་ནས། །སངས་རྒྱས་ཐམས་ཅད་བྱིན་གྱིས་རློབ། །བསམ་གཏན་ཡེ་ཤེས་ཐོབ་ནས་ནི། །མངོན་པར་ཤེས་པ་ལྔ་ཐོབ་འགྱུར། །ངེས་པར་སྲོག་དང་རྩོལ་བ་ཡིས། །བྱང་ཆུབ་སེམས་དཔའ་རྣམས་ཀྱིས་གཟིགས། །འཛིན་པའི་དོན་གྱི་སྟོབས་ཀྱིས་ངེས། །རྡོ་རྗེ་སེམས་
[304a.6]དཔའ་ཀུན་ནས་འཇུག །རྗེས་སུ་དྲན་པའི་སྦྱོར་བ་ལས། །འོད་ཟེར་དཀྱིལ་འཁོར་སྐྱེ་བར་འགྱུར། །ཏིང་ངེ་འཛིན་དབང་ཉིད་ཙམ་གྱིས། །སྒྲིབ་པ་རྣམས་དང་བྲལ་བར་འགྱུར། །ཞེས་སོ། །རྣལ་འབྱོར་ཆེན་པོ་ལས་སྐྱོན་བྱ་བ་གང་བྱེད་ཅེ་ན་དེ་གསུངས་པ་སྐད་ཅིག་ལ་སོགས་པའོ། །
[304a.7]ཡུད་ཙམ་གྱིས་དཀྱིལ་འཁོར་འཁོར་ལོ་མོས་ནས་ལྟེ་བའི་འཁོར་ལོ་ཧཱུཾ་ཡིག་དམར་རམ། ནཱ་ད་བལྟས་ནས་ཡི་གེ་གསུམ་བརྗོད་ཅིང་། ནཱ་ད་དེ་ལ་གདམས་ངག་ཇི་ལྟ་བ་བཞིན་དུ་འཐོན་པའི་རླུང་གི་འཁོར་ལོ་ལྔ་རབ་ཏུ་སྤྲོས་ནས་འགྲོ་བའི་དོན་བྱས་ཏེ་ཡང་བརྗོད་པའི་སྔགས་དང་བཅས་པས།
[304b]
[304b.1]ཕྲེང་བའི་སྐུད་པ་འཐོན་པའི་རིགས་འཇུག་པའི་རླུང་གིས་ནཱ་ད་དེ་ཁོ་ན་ལ་རབ་ཏུ་འཇུག་པར་བྱའོ། །དེ་བཞིན་དུ་ཡང་དང་ཡང་དུ་བྱའོ་ཞེས་བྱ་བ་ནི་རྡོ་རྗེའི་བཟླས་པའོ། །དེ་ཁོ་ན་བཞིན་དུ་ནཱ་ད་དེ་ཁོ་ན་ལས་སྙིང་པོ་དང་ཉེ་བའི་སྙིང་པོའི་སྔགས་བརྗོད་ཅིང་། འཁོར་ལོ་སྡོམ་པའི་ལྷ་ཚོགས་སྤྲོ་བ་དང་
[304b.2]བསྡུ་བས་སྔར་བཞིན་དུ་སྙིང་པོ་དང་ཉེ་བའི་སྙིང་པོའི་སྔགས་བཟླས་པ་བྱ་སྟེ། ལྷ་སོ་སོའི་སྔགས་བརྗོད་པས། ཡོངས་སུ་རྫོགས་པ་ལ་སོ་སོར་སྤྲོ་བ་དང་བསྡུ་བ་ཞེས་པ་ནི་དམ་ཚིག་གི་བཟླས་པའོ། །ཆོས་ཐམས་ཅད་མཉམ་པ་ཉིད་ཀྱི་ང་རྒྱལ་གྱིས་ཕྲེང་བ་རང་གི་ཁར་ཞུགས་ནས་རྡོ་རྗེའི་ལམ་ནས་
[304b.3]པདྨར་སོང་ནས་ཨ་བ་དྷཱུ་ཏཱིའི་ལམ་ནས་གྱེན་དུ་འོངས་ཏེ་བཅོམ་ལྡན་འདས་མའི་ཞལ་དུ་འཐོན་ཏེ། རང་གི་ཞལ་གྱི་སྒོ་ནས་དེ་ཁོ་ན་བཞིན་དུ་བསྐོར་བར་བསྒོམ་ཞིང་ཕྲེང་བའི་སྔགས་བརྗོད་ཅེས་པ་དོ་ལིའི་བཟླས་པའོ། །རང་བཞིན་གྱིས་གྲུབ་པའི་སྤྲུལ་པ་དང་། བདེ་བ་ཆེན་པོ་གཉིས་ཀྱི་འཁོར་
[304b.4]ལོར་གནས་པའི་ཨ་ཡིག་དང་ཧཾ་ཡིག་གི་ས་བོན་གཉིས་ཀྱི་བཟླས་པ་ནི་རང་བཞིན་གྱི་བཟླས་པའོ། །ཏིང་ངེ་འཛིན་སེམས་དཔའི་ཐིག་ལེ་ལས། སྔགས་ཀྱི་ཕྲེང་བ་འོད་དུ་འབར་བའི་རྣམ་པ་དང་ལྡན་པ། སེམས་དཔའ་གཉིས་ཀྱི་ཞལ་ནས་འཐོན་ནས་སེམས་མ་གཉིས་ཀྱི་ཞལ་དུ་རབ་ཏུ་
[304b.5]ཞུགས་ནས་ཐུར་དུ་སེལ་བའི་རླུང་གིས་ཐུར་གྱི་རིམ་པས་རང་དང་ཕྱག་རྒྱ་ལ་མུ་ཏིག་གི་ཕྲེང་བ་བཞིན་དུ་བསྐོར་བར་བསྒོམ་པར་བྱའོ་ཞེས་བྱ་བ་ཡེ་ཤེས་ཀྱི་བཟླས་པའོ། །ཕུང་པོ་ལྔའི་བདག་ཉིད་ཅན་གྱི་ལུས་འདི་ལ་ས་ཆུ་མེ་རླུང་གི་ཁམས་ཀྱི་རང་བཞིན། རང་བཞིན་དུ་གྲུབ་པ་དྲུག་ཅུ་རྩ་
[304b.6]བཞི། བརྒྱད་ཅུ་དྲུག་སུམ་ཅུ་རྩ་གཉིས་ཀྱི་རྩའི་འདབ་མ་ཅན། འཁོར་ལོ་བཞིའི་རྣམ་པར་བསྒོམས་ནས་རིམ་པ་ཇི་ལྟ་བ་བཞིན་དུ་དབྱངས་ཡིག་དང་པོ་ཨཱ་ལི་ཀཱ་ལིས་ཡོངས་སུ་བསྐོར་བ་དང་ལྡན་པ་ཧཱུཾ་ཡིག །བྷྲཱུཾ་ཨཱོཾ་ཛྲའྀཾ་ཁོཾ་ལཱོཾ་མཱོཾ་པཱོཾ་ཏཱོཾ་ཞེས་པའི་ས་བོན་གྱིས་བསྐོར་བ། ཨོཾ་ཆ་གསུམ་པ་
[304b.7]ཨཱ་ཨཱི་ཨུ་ཨེ་ས་བོན་གྱིས་བསྐོར་བ་དང་། ཧཾ་ཡིག་ལ་དབྱངས་ཡིག་ཉིས་འགྱུར་གྱི་ཕྲེང་བ་ཡོངས་སུ་བསྐོར་བ། འཁོར་ལོ་དེ་རྣམས་ལ་རྣམ་པར་བསམས་ནས་སྔགས་ཀྱི་ཡི་གེ་རྣམས་ཀྱང་མར་མེའི་རྩེ་མོ་དངས་པ་ལྟར་བལྟས་ནས། དེ་ལས་བྱུང་བའི་འོད་ཟེར་རྣམས་ཀྱིས་
[305a]
[305a.1]ལུས་ཐམས་ཅད་གསལ་བར་བྱས་ནས་གནས་པ་ཞེས་བྱ་བ་སྔགས་ཀྱི་ཨཱ་ལིའོ། །འདི་ལ་ཨཱ་ལི་ཀཱ་ལིས་ཡོངས་སུ་བསྐོར་བ་ཞེས་བྱ་བའི་བཤད་པ་འདི་ཡིན་ཏེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་རྫོགས་པར་བྱེད་པ་དང་། སེམས་ཅན་ཐམས་ཅད་ཀྱི་
[305a.2]ཉོན་མོངས་པའི་གདུང་བཞི་བར་བྱེད་པ་དང་། དགེ་བ་ཉེ་བར་འཕེལ་བར་བྱེད་པ་མེ་ལོང་ལྟ་བུའི་ངོ་བོ་ཉིད་ཉིས་འགྱུར་དང་དབྱངས་ཡིག་བཅུ་དྲུག །དེ་བཞིན་དུ་སེམས་ཅན་མ་ལུས་པའི་རྒྱུད་ལ་གནས་པའི་མ་རིག་པའི་མུན་པ་འཇོམས་པར་བྱེད་པ་མི་དགེ་བའི་འདམ་རྫབ་སྐེམ་པར་བྱེད་ཅིང་།
[305a.3]བྱང་ཆུབ་སེམས་ཀྱི་མྱུ་གུ་ཡོངས་སུ་སྨིན་པར་བྱེད་པ་དཔེ་བྱད་བརྒྱད་ཅུ་རྫོགས་པར་བྱེད་པ། ད་དྷ་ཡ་ལའི་ཡི་གེ་དྲུག་བསྣན་པས་ཡི་གེ་བཞི་བཅུ་ཉིས་འགྱུར་གྱིས་ཡོངས་སུ་བསྐོར་བའོ། །སྔགས་ལ་མངོན་པར་ཞེན་པའི་རྟོག་པ་དང་བཅས་པས་དེ་སྤོང་བའི་ཕྱིར་སྲུབ་པ་དང་བསྲུབ་པའི་
[305a.4]སྦྱོར་བས་ཡེ་ཤེས་ཀྱི་མེ་ལས་ཀྱི་རླུང་གིས་བསྐྱོད་པ་ལྟེ་བའི་དཀྱིལ་འཁོར་ལ་དུ་བར་འཐུལ་ཞིང་འབར་བའི་རང་གི་འོད་ཟེར་རྣམས་ཀྱིས་ཨ་ཡིག་དབྱེ་བར་བྱས་ནས་མེ་དང་རླུང་གི་སྦྱོར་བས་སྤྲུལ་པའི་འཁོར་ལོ་བསྲེགས་ནས་དབུ་མའི་རྩ་ནས་གྱེན་དབུ་མའི་རྩ་ནས་གྱེན་དུ་སོང་སྟེ་རིམ་གྱིས་ཆོས་དང་ལོངས་སྤྱོད་
[305a.5]བདེ་བ་ཆེན་པོའི་འཁོར་ལོ་རྣམས་ཀྱང་མི་སྣང་བར་བྱས་ནས། རྣ་བ་གཡས་པའི་ཨོ་ཌི་ཡ་ནའི་ལམ་ནས་འཐོན་ནས་ཕྱོགས་བཅུར་གནས་པའི་སེམས་ཅན་བསྡུས་པའི་དེ་བཞིན་གཤེགས་པ་ཐམས་ཅད་ཀྱི་གསེར་གྱི་སྒོ་ཛཱ་ལནྡྷ་རའི་མིང་ཅན་སྤྱི་གཙུག་གི་བུ་གར་རབ་ཏུ་ཞུགས་ནས་བདེ་བ་ཆེན་
[305a.6]པོའི་འཁོར་ལོ་ནས་བརྩམས་ཏེ། སྤྲུལ་པའི་འཁོར་ལོའི་བར་དུ་ཐུར་དུ་འོངས་པའི་རིམ་པས་མི་སྣང་བར་བྱས་ནས། རང་གི་ལྟེ་བའི་ནམ་མཁའ་ལ་ཐིམ་ཞིང་། །སྐྲའི་རྩེ་མོ་བརྒྱ་སྟོང་གི་ཚད་དུ་མཐོང་བ་ནི་རྒྱུད་ཀྱི་ཨཱ་ལིའོ། །འདི་ལྟར་རང་བཞིན་གྱི་སེམས་སྟོང་པ་ཉིད་
[305a.7]དུ་བསྒོམ་པ་ཆད་པའི་ཚུལ་ཉིད་དུ་འགྱུར་ཞེ་ན་སྐྱོན་དེ་བསལ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་ལྟེ་བའི་ནམ་མཁའ་ལས་ཡེ་ཤེས་ཀྱི་མེ་དེ་ཉིད་གྱེན་དུ་སྲོག་རླུང་རྒྱུ་བའི་ལམ་ལས་དེ་རྣམས་ཀྱི་བདེ་བ་ཆེན་པོའི་འཁོར་ལོ་ཐོབ་ནས་དེ་ལ་གནས་པའི་ཧཾ་ཡིག་གི་
[305b]
[305b.1]ཡེ་ཤེས་ཀྱི་བདུད་རྩི་བཞུ་ནས་དེ་རྣམས་ཁོ་ནའི་ཨོ་ཌི་ཡ་ནའི་ལམ་ནས་འཐོན་ནས། རང་ཉིད་ཀྱི་ཛཱ་ལནྡྷ་རའི་ལམ་ལ་རབ་ཏུ་ཞུགས་ཏེ་དེ་བཞིན་གཤེགས་པ་ཐམས་ཅད་བསྲེགས་པ་རྣམས་ཀྱིས་ཀྱང་དགའ་བར་བྱེད་ཅེས་གསུངས་པའི་ཕྱིར་བདེ་བ་ཆེན་པོའི་འཁོར་ལོ་ནས་བརྩམས་
[305b.2]ཏེ། སྤྲུལ་བའི་འཁོར་ལོའི་བར་དུ་སྔགས་དང་བཅས་པའི་འཁོར་ལོ་བཞི་ལ་གསོས་བཏབ་ནས་སྔར་བཞིན་དུ་གྱེན་གྱི་རིམ་པས་དེ་ཁོ་ནའི་ལམ་ལས་འཐོན་ནས་ཡང་དེ་བཞིན་གཤེགས་པ་རྣམས་ཀྱི་ཡང་ལམ་དེ་ཁོ་ན་ཉིད་ནས་རབ་ཏུ་ཞུགས་ནས་འཁོར་ལོ་བཞི་གསོས་འདེབས་པར་
[305b.3]བྱེད་པ་ནི་ཡེ་ཤེས་ཀྱི་ཨཱ་ལིའོ། །འདི་ལྟར་ཡེ་ཤེས་ཀྱི་སྐུར་བསྒོམས་པས་རྟག་པ་ཉིད་དུ་འགྱུར་ཞེ་ན་དེའི་སྐྱོན་ཡོངས་སུ་བསལ་བའི་ཕྱིར། རྣལ་འབྱོར་པ་དེས་ཀུན་རྫོབ་དང་དོན་དམ་པ་དབྱེར་མེད་པའི་རང་བཞིན་ཟུང་འཇུག་གི་ངོ་བོ་ཉིད་གསང་བའི་ཨཱ་ལི་བསྒོམས་པར་བྱ་སྟེ། རིམ་
[305b.4]པ་འདིས་རྡོ་རྗེ་དང་པདྨ་སྙོམས་པར་ཞུགས་པས་བདེ་བ་ཆེན་པོའི་འཁོར་ལོ་ཞུ་བའི་བྱང་ཆུབ་སེམས་ཀྱི་པུལླཱི་ར་མཱ་ལ་ཡར་དབང་དུ་བྱེད་པ། །ཛཱ་ལནྡྷ་རར་ལོངས་སྤྱོད་པ་ཨོ་ཌི་ཡ་ནར་ཐིམ་པ་ཞེས་བྱ་བ་ལ་སོགས་པའི་རིམ་པས་གནས་ཉི་ཤུ་རྩ་བཞི་རེ་རེ་ལ་ཡང་བསྣུར་བ་གསུམ་
[305b.5]བྱས་ནས། ཡན་ལག་ཐམས་ཅད་ལ་ཐིམ་པ་ཞེས་བྱ་བ་གསུངས་པའི་གཙོ་བོ་ཉིད་ཀྱི་ཕྱིར་ཡན་ལག་ཐམས་ཅད་བསྡུས་པའི་གནས་རྡོ་རྗེ་ནོར་བུའི་རྩེ་མོར་ཐིག་ལེའི་ཚུལ་རྣམ་པར་བསྒོམས་ནས་རྟོག་པ་མེད་པའི་ཚུལ་གྱིས་ཆོས་ཉིད་ལ་ལྷན་ཅིག་སྐྱེས་པའི་དགའ་བའི་ཚུལ་གྱི་
[305b.6]རྣམ་པ་ཅན་ཉམས་སུ་མྱོང་ནས་འགྲོ་འོང་དང་བྲལ་བ་དབང་པོའི་སྒོ་བཀག །གཟུང་བ་དང་འཛིན་པ་དང་བྲལ་བར་གནས་པར་བྱའོ་ཞེས་བྱ་བ་གསང་བའི་ཨཱ་ལིའོ། །ཁྲུས་བྱེད་པའི་དུས་སུ་དབང་བསྐུར་བའི་ཆོ་ག་བྱའོ། །གཏོར་མའི་དེ་ཉིད་བརྗོད་པ་ཡོཾ་རོཾ་ལས་བྱུང་བ་ཞེས་བྱ་
[305b.7]བ་ནི། དཔལ་བདེ་མཆོག་གི་སྦྱོར་བ་དང་ལྡན་པའི་སྔགས་པས་ཟན་ལ་སོགས་པ་མདུན་དུ་བཞག་ནས་དག་པར་བྱ་སྟེ། དེ་ལ་མདུན་དུ་ཡོཾ་ཡིག་ལས་བྱུང་བ། རླུང་གི་དཀྱིལ་འཁོར་དེའི་སྟེང་དུ་རྂ་ཡིག་ལས་མེའི་དཀྱིལ་འཁོར་དེ་ལ་ཨོཾ་ཨཱཿཧཱུཾ་ལས་བྱུང་བའི་མི་མགོ་གསུམ་
[306a]
[306a.1]ལས་བྱས་པའི་སྐྱེད་པོ་ལ་ཨ་ཡིག་དཀར་པོ་ལས་བྱུང་བ་པདྨའི་སྣོད་དཀར་པོ་དེ་ལ་ཟན་ལ་སོགས་པ་དང་། ཨོཾ་ཏྲཾ་ཨོཾ་ཁཾ་ཧཱུཾ་ལཱཾ་མཱཾ་པཱཾ་ཏཱཾ་བཾ་ཞེས་པའི་ཡི་གེ་ལས་བྱུང་བ་དང་། དེའི་བྱིན་གྱིས་རླབས་ཀྱིས་བདུད་རྩི་ལྔ་སྒྲོན་མ་ལྔའི་ཚུལ་དུ་རྫོགས་པར་བྱས་ནས་རླུང་
[306a.2]གིས་བསྐྱོད་པའི་མེའི་དྲོད་ཀྱིས་རབ་ཏུ་བཞུ་ནས་ས་བོན་གྱི་ཡི་གེ་ལ་སོགས་པ་ཞུ་བར་གྱུར་ཏེ་ཉི་མའི་མདོག་ཅན་དུ་བསྒོམ་པར་བྱའོ། །དེ་ནས་དངུལ་ཆུའི་ཁ་དོག་ཧཱུཾ་ལས་བྱུང་བ། ཁ་ཐུར་དུ་བསྟན་པ་བདུད་རྩིའི་རང་བཞིན་ཁ་ཊྭཱཾ་ག་དཀར་པོ་ཞུ་ནས་ཞུ་བ་དེ་ཡང་དངུལ་ཆུའི་ཁ་དོག་ཅན་བསིལ་
[306a.3]བར་བལྟས་ཏེ། དེའི་སྟེང་དུ་ཨཱ་ལི་ཀཱ་ལི་ཡོངས་སུ་གྱུར་པ་ལས་ཨོཾ་ཨཱཿ་ཧཱུཾ་ཞེས་པའི་ཡི་གེ་གསུམ་གོ་རིམས་བཞིན་དུ་སྟེང་དང་སྟེང་དུ་གནས་པ་ལས་འཁོར་ལོ་གསུམ་གྱི་ལྷ་དང་འོད་ཟེར་རྣམས་སྤྲོས་ཏེ་འགྲོ་བའི་དོན་བྱས་ནས་ཕྱོགས་བཅུར་གནས་པའི་དཔའ་བོ་དང་དཔའ་མོའི་དབང་ཕྱུག་མ་རྣམས་
[306a.4]དང་། རྒྱ་མཚོ་ལ་སོགས་པའི་ཡེ་ཤེས་ཀྱི་བདུད་རྩི་བླངས་ནས་སྙོམས་པར་ཞུགས་པ་སྔོན་དུ་འགྲོ་བས་ཞུ་བར་གྱུར་ནས་སོ་སོ་རང་གི་ས་བོན་རྣམས་ལ་རབ་ཏུ་ཞུགས་སོ། །དེ་ནས་ཨོཾ་ཡིག་ལ་སོགས་པ་ཡང་རིམ་པས་རབ་ཏུ་ཐིམ་པར་བལྟ་སྟེ། ཇི་ཙམ་འདོད་པ་བཞིན་དུ་ཡི་གེ་གསུམ་གྱི་བྱིན་གྱིས་
[306a.5]བརླབས་ནས་འབར་བའི་ཕྱག་རྒྱ་དང་དེའི་སྔགས་དག་གིས་བཀུག་པས་དཀྱིལ་འཁོར་འཁོར་ལོ་ཡོངས་སུ་རྫོགས་པ་མདུན་དུ་གནས་པར་བྱ་སྟེ། ཨརྒྷ་ལ་སོགས་པ་སྔོན་དུ་འགྲོ་བས་མཆོད་ནས། ཨཱ་ལི་དང་ཀཱ་ལི་ཡོངས་སུ་གྱུར་པའི་ཟླ་བ་དེ་ཉི་མའི་རང་བཞིན་ཕྱག་གཉིས་ཀྱི་ནང་དུ་གནས་
[306a.6]པའི་ཧཱུཾ་ཡིག་བལྟས་ནས་ཨ་ནྱོ་ནྱ་ལ་སོགས་པའི་སྔགས་བརྗོད་པ་སྔོན་དུ་འགྲོ་བས་ཟླ་བ་ཉི་མ་ཧཱུཾ་ཡིག་ཡོངས་སུ་གྱུར་པས་རྡོ་རྗེའི་ཐལ་མོ་སྦྱར་བའི་ཕྱག་གཉིས་ལ་བདུད་རྩིའི་སྣོད་དེ་བཞག་ནས་སམ་མངོན་པར་བསམས་ནས། གཏོར་མ་དེ་བདག་གིར་བྱ་བའི་དོན་དུ་ལྷ་མོ་ཚད་མ་ལ་སོགས་པ་
[306a.7]བཀླག་ཅིང་། དེ་ནས་མཆོད་བྱ་མཆོད་བྱེད་མཆོད་རྫས་རྣམས་དབྱེར་མེད་དུ་བལྟས་ཤིང་བདུད་རྩིའི་སྣོད་དེ་ཕྱོགས་རྣམས་ཀྱི་ཤར་ཕྱོགས་ནས་བརྩམས་ཏེ་གཡོན་སྐོར་དུའོ། །མཚམས་རྣམས་ཀྱི་མེ་མཚམས་ནས་བརྩམས་ཏེ་གཡས་སྐོར་དུ་སྐོར་བར་བྱེད་ཅིང་ཧཱུཾ་ལས་བྱུང་བའི་
[306b]
[306b.1]ལྗགས་དཀར་པོ་ཅན། འཁོར་ལོ་གསུམ་གྱི་ལྷ་རྣམས་ལ་ཨོཾ་ཀ་ར་ལ་སོགས་པའི་སྔགས་ཀྱིས་ལན་ཅིག་བརྗོད་པས་གཏོར་མ་དབུལ་བར་བྱའོ། །བཅོམ་ལྡན་འདས་ཤེས་རབ་མ་དང་བཅས་པ་དང་མཁའ་འགྲོ་མ་ལ་སོགས་པ་རྣམས་དང་། ཁྭ་གདོང་མ་ལ་སོགས་པ་རྣམས་ལ་ཅི་
[306b.2]རིགས་སུ་སྐོར་བར་བྱེད་ཅིང་། བཛྲཱ་ར་ལླི་ལ་སོགས་པའི་སྔགས་ལན་གཅིག་གཉིས་གསུམ་བཞི་ལྔ་བརྗོད་པས་དྲངས་ནས་ཞལ་བསིལ་བ་དང་། གདོང་ཕྱིས་དང་གོ་ལ་ལ་སོགས་པ་ཕུལ་ཏེ། པི་ཝང་མ་ལ་སོགས་པ་རྣམས་ཀྱིས་མཆོད་ནས། སྲིད་ཞི་ལ་སོགས་པའི་བསྟོད་པས་བསྟོད་
[306b.3]དེ། མངོན་པར་འདོད་པའི་དོན་གྲུབ་པར་གསོལ་བ་གདབ། དེ་ནས་དུར་ཁྲོད་བརྒྱད་ན་གནས་པའི་ཕྱོགས་སྐྱོང་རྣམས་ལ། སྔར་བཞིན་དུ་ཕྱོགས་དང་མཚམས་སུ་ཨོཾ་ཁ་ལ་སོགས་པའི་སྔགས་ཀྱིས་གཏོར་མ་སྦྱིན་པར་བྱའོ། །ལྷག་མ་དག་ནི་གོ་སླའོ། །ཨོཾ་བཛྲ་ཧེ་རུ་ཀ་ས་མ་ཡ།
[306b.4]མ་ནུ་པཱ་ལ་ཡ། ཧེ་རུ་ཀ་ཏྭེ་ནོ་པ་ཏི་ཥྛ་དྲྀ་ཌྷོ་མེ་བྷ་བ། སུ་ཏོཥྱོ་མེ་བྷ་བ། སུ་མོཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སརྦ་སིདྡྷིམྨེ་པྲ་ཡཙྪ། སརྦ་ཀརྨ་སུ་ཙ་མེ་ཙིཏྟཾ་ཤྲེ་ཡཿཀུ་རུ་ཧཱུཾ་ཧ་ཧ་ཧ་ཧ་ཧོཿ། བྷ་ག་བན་བཛྲ་ཧེ་རུ་ཀ་མཱ་མེ་མུཉྩ་ཧེ་རུ་ཀོ་བྷ་བ་མ་ཧཱ་ས་མ་ཡ་སཏྭ་ཨཱཿཧཱུཾ་ཕཊ། ཅེས་
[306b.5]བྱ་བ་ཡི་གེ་བརྒྱ་པའི་སྔགས་བརྗོད་དོ། །དེ་ནས་ཨོཾ་ཡོ་ག་ཤུདྡྷཿསརྦ་དྷརྨཱ་ཡོ་ག་ཤུདྡྷོ྅ཧཾ། ཞེས་བརྗོད་ཅིང་པད་ཀོར་གྱི་ཕྱག་རྒྱས་དགྱེས་པར་བྱ་སྟེ། ཕྱག་རྒྱ་བཏུལ་ནས་མངོན་པར་འཁྱུད་པའི་སྟངས་སྔོན་དུ་འགྲོ་བའི་སྲིན་ལག་དང་མཐེ་བོང་གི་སེ་གོལ་གཏོགས་ནས་ཨོཾ་བཛྲ་མུཿ།
[306b.6]ཞེས་བརྗོད་ཅིང་གཤེགས་སུ་གསོལ་ནས་འཁོར་ལོ་དེ་བདག་ཉིད་ལ་གཞུག་པར་བྱའོ། །ལག་པའི་མཆོད་པའི་ཆོ་ག་ཡང་ཀུན་དུ་སྤྱོད་པའི་རྒྱུད་ལས་རྟོགས་པར་བྱའོ། །གསུངས་པའི་ཆོ་ག་ཇི་ལྟ་བ་བཞིན་དུ་དག་པར་བྱས་པའི་ལག་པ་གཡོན་པའི་མིང་མེད་ཀྱི་རཾ་གནས་དང་ཉེ་བའི་
[306b.7]གནས་ལ་སོགས་པ་བརྗོད་ཅིང་། ཆོ་ག་ཇི་ལྟ་བ་བཞིན་དུ་དག་པར་བྱས་པའི་མྱོས་པར་བྱེད་པས་དཀྱིལ་འཁོར་གྲུ་གསུམ་པ་གཉིས་བྱུགས་ཏེ། དེའི་དབུས་སུ་ཟླུམ་པོ་དེ་ལ་ཐུགས་ཀའི་ས་བོན་ལས་བྱུང་བའམ། དེའི་འོད་ཟེར་གྱིས་བཀུག་པའི་སྣོད་དང་བཅུད་ཀྱི་དཀྱིལ་འཁོར་
[307a]
[307a.1]གྱི་བཅོམ་ལྡན་འདས་རྣམ་པར་བསམས་ནས། དེ་ལ་བདུད་རྩི་ལྔ་ལ་སོགས་པའི་རང་བཞིན་དུ་རྫོགས་པར་བྱས་པའི་བཟའ་བཏུང་ལ་སོགས་པ་ཡི་གེ་གསུམ་མམ། རྐང་པ་བརྒྱད་པའི་སྔགས་ཀྱིས་ཕུལ་ནས། པདྨའི་སྣོད་ན་ཡོད་པའི་བདུད་རྩིར་བྱས་པའི་མྱོས་
[307a.2]བྱེད་མཐེ་བོང་དང་སྲིན་ལག་གིས་བླངས་ནས། བཅོམ་ལྡན་འདས་དང་བཅོམ་ལྡན་འདས་མ་གཉིས་ལ་རང་རང་གི་སྙིང་པོ་དང་ཉེ་བའི་སྙིང་པོ་དག་གིས་དབུལ་ལོ། །དང་པོ་མཁའ་འགྲོ་མ་ནས་གཤིན་རྗེ་འཇོམས་མའི་བར་རྣམས་ལ། དེ་རྣམས་ཀྱི་སོ་སོའི་སྔགས་རྣམས་ཀྱིས་བསྟབ་སྟེ་
[307a.3]མཉེས་པར་བྱའོ། །དེ་ནས་ཡང་དག་པར་མཆོད་དེ་ཆོ་གའི་ཆད་ལྷག་ཁ་བསྐང་བར་བྱ་བའི་ཕྱིར་ཡི་གེ་བརྒྱ་པ་བརྗོད་དེ། ཚོགས་བྱིན་གྱིས་བརླབ་པར་གསོལ་བ་བཏབ་ནས། ཨོཾ་ཡོ་ག་ཤུདྡྷཿ་སརྦ་དྷ་རྨཱ་ཡོ་ག་ཤུདྡྷོ྅ཧཾ། ཞེས་བརྗོད་ཅིང་པད་ཀོར་གྱི་ཕྱག་རྒྱས་དགྱེས་པར་བྱས་ནས་
[307a.4]ཕྱག་རྒྱ་དེ་བཏུལ་ལ་འཁྱུད་པའི་སྟངས་སྔོན་དུ་འགྲོ་བས་རྡོ་རྗེའི་ཚོགས་ཌི་ཀས་དེ་ཁོ་ན་བཞིན་དུ། ཨོཾ་བཛྲ་མུཿཞེས་པ་གཤེགས་སུ་གསོལ་ཏེ། འཁོར་ལོ་དེ་བདག་ཉིད་ལ་རབ་ཏུ་གཞུག་པར་བྱའོ། །དེ་དང་དེའི་ས་ལ་གནས་པའི་མྱོས་བྱེད་ཀྱང་མིང་མེད་ཀྱིས་བླངས་ཏེ། སྙིང་དང་། ལྕེ་
[307a.5]དང་། སྤྱི་བོར། ཧཱུཾ་ཨཱཿཨོཾ་གྱི་ཡི་གེ་བརྗོད་པ་སྔོན་དུ་འགྲོ་བས་བྱུགས་ནས་ལག་པ་དེ་ལ་གནས་པའི་ལྷའི་འཁོར་ལོ་ཡང་བདག་ཉིད་ལ་རབ་ཏུ་ཞུགས་པར་བལྟ་བར་བྱའོ། །ཨོཾ་ན་མོ་བྷ་ག་བ་ཏཱི་བཛྲ་བཱ་རཱ་ཧཱི་བཾ། ཨཱརྱ་ཨ་པ་རཱ་ཛི་ཏི་ཏྲཻ་ལོ་ཀྱ་མཱ་ཏེ་མ་ཧཱ་བི་དྱེ་ཤྭ་རི་སརྦ་བྷཱ་ཏ་བྷ་ཡཱ་པ་ཧེ་མ་ཧཱ་བཛྲེ།
[307a.6]བཛྲེ་ས་ནེ་ཨ་ཛི་ཏེ། ཨ་པ་རཱ་ཛི་ཏེ་བ་ཤྱཾ་ཀ་རི་ནི་ནོ་ཏྲ་བྷྲ་མ་ཎི། ཤོ་ཥ་ཎི། རོ་ཥ་ཎི། ཀྲོ་དྷ་ཀ་རཱ་ལི་ནི། ཏྲ་ས་ནི། མཱ་ར་ཎི། བྲ་བྷེ་ད་ནི། ཨ་པ་རཱ་ཛ་ཡེ། བི་ཛ་ཡི། ཛམྦྷ་ནི། སྟམྦྷ་ནི། མོ་ཧ་ནི། བཛྲ་བཱ་རཱ་ཧཱི། མ་ཧཱ་ཡོ་གི་ནཱི། ཀཱ་མེ་ཤྭ་རི་ཁྒ་གེ ། ཏདྱ་ཐཱ། པྲོ་ཏང་
[307a.7]གེ། པྲོ་ཏང་གེ །ཧ་ན། ཧ་ན། པྲཱ་ཎཱཾ་ཀིཾ་ཀི་ནི། ཁིཾ་ཁི་ནི། དྷུ་ན།། དྷུ་ན། བཛྲ་ཧཱ་སྟེ། ཤོ་ཥ་ཡ། ཤོ་ཥ་ཡ། བཛྲ་ཁ་ཊྲཱཾ་ག །ཀ་པཱ་ལ། མཱ་ལ་དྷཱ་རི་ཎི། མ་ཧཱ་པི་ཤི་ཏ་མཱཾ་ས་ཤི་རོ་མ་ནུ་ཥྱཱ་ནྟྲཾ་པྲཱ་པྲྀཏྟ། སཾ་ནི་དྷྱཾ་ན་ར་ཤི་རོ་མཱ་ལ་གྲཾ་ཐི་ཏ་དྷྭ་རི་ཎི། སུམྦྷ་ནི། སུམྦྷ།
[307b]
[307b.1]ཧ་ན་ཧ་ན། པྲཱ་ཎཱ་ན། སརྦ་པཱ་པཾ་སཏྭ་ནཱཾ་སརྦ་པ་ཤུ་ནཱཾ་མ་ཧཱ་མཱཾ་སཙྪེ་ད་ནི། ཀྲོ་དྷ་མཱུརྟི། དཾཥྚཱ་ཀ་རཱ་ལི་ནི། མ་ཧཱ་མུ་དྲེ། ཤྲཱི་ཧེ་རུ་ཀ །དེ་བ་སྱ་ཨཱ་གྲ་མ་ཧི་ཥི་ས་ཧ་སྲ་ཤི་རེ། ས་ཧ་སྲ་བཱ་ཧ་བེ། ཤ་ཏ་ས་ཧ་སྲ་ཨཱ་ན་ནི། ཛྭ་ལི་ཏ་ཏེ་ཛ་སེ། ཛྭ་ལ་མུ་ཁི་བིཾ་ག་ལ་ལོ་ཙ་ནེ་བཛྲ་ཤ་རཱི་
[307b.2]རེ། བཛྲཱ་ས་ནེ། མི་ལི་མི་ལི། ཏི་མི་ལི། ཏི་མི་ལི། ཙི་ལི་ཏ། ཧེ་ཧེ། ཧ་ཧ། ཧཱུཾ་ཧཱུཾ། ཁ་ཁ། དྷུ་དྷུ། རུ་རུ། དྷུ་རུ་དྷུ་རུ། མུ་རུ་མུ་རུ། མུཉྩ་མུཉྩ། ཨཱ་དྭཻ་ཏེ་མ་ཧཱ་མོ་གི་ནི་པ་ཋི་ཏ་སིདྡྷ། དྲཾ་དྷཾ། དྲེཾ་དྷཾ། གྲཾ་གྲཾ། ཧེ་ཧེ། ཧ་ཧ། བྷཱི་མེ། ཧ་ས་ཧ་ས་བཱི་རེ།
[307b.3]ཧཱ་ཧཱ། ཧོཿཧོཿཧཱུཾ་ཧཱུཾ། ཏྲཻ་ལོ་ཀྱ་བི་ནཱ་ཤ་ནི། ཤ་ཏ་ས་ཧ་སྲ་ཀོ་ཊི། ཏ་ཐཱ་ག་ཏ་པ་རི་བཱ་རེ་ཏེ་ཧཱུཾ་ཧཱུཾ་ཕཊ། སཾ་ཧ་རཱུ་པེ་ཁ་ག་ཛ་རུ་པེ་གཿ། ཏྲཻ་ལོ་ཀྱོ་ད་རི། ས་མུ་དྲ་མེ་ཁ་ལེ། གྲ་ས་གྲ་ས་ཧཱུཾ་ཧཱུཾ་ཕཊ་བཱི་ར་དྭེ་ཏེ། ཧཱུཾ་ཧཱུཾ་ཧ་ཧ། མ་ཧཱ་པ་ཤུ་མོ་ཧ་ནི། མ་ཧཱ་ཡོ་གི་ཤྭ་རི་ཏྭཾ་ཌཱ་ཀི་ནཱི་
[307b.4]བནྡ་ནི་སརྦ་ལོ་ཀཱ་ནི། སདྱ་པྲ་ཏྱ་ཡ་ཀཱ་རི་ཎི་ཧཱུཾ་ཧཱུཾ་ཕཊ། བྷཱུ་ཏ་ཏྲཱ་ས་ནི། མ་ཧཱ་བཱི་རེ་པ་ར་མ་སིདྡྷེ། ཡོ་གེ་ཤྭ་རི་ཕཊ། ཧཱུཾ་ཧཱུཾ་ཕཊ། ཧཱུཾ་ཧཱུཾ་ཕཊ། སྭཱ་ཧཱ། ཞེས་བྱ་བ་བཅོམ་ལྡན་འདས་མ་རྡོ་རྗེ་ཕག་མོའི་ཕྲེང་བའི་སྔགས་སོ། །བླ་མ་རྣམས་ཀྱི་བརྒྱུད་པའི་ལོ་རྒྱུས་ནི། ཕྱི་དང་ནང་གི་རིག་
[307b.5]པ་ཐམས་ཅད་ལ་སྦྱངས་བའི་ཐུགས་རྒྱུད་དང་ལྡན་པ་དཔལ་དཔེ་མེད་འཚོ་ཞེས་བྱ་བ་དེས་མི་དམིགས་པ་དེ་ཁོ་ན་ཉིད་ཀྱི་གདམས་ངག་བསྒོམས་ཤིང་ལོ་བཅུ་གཉིས་སུ་ཁར་ས་པ་ཎི་རྩ་འདབ་ལ་སོགས་པ་ཇི་ལྟར་གནས་པ་ཤེས་ཏེ་བཞུགས་པས་དེ་ལས་ཀྱང་ཁྱད་པར་གྱི་རྟོག་པ་མ་བྱུང་ནས་ཤིན་
[307b.6]ཏུ་ཐུགས་མུག་པར་གྱུར་ནས་མནལ་བར་གྱུར་པ་ལ་རྡོ་རྗེ་རྣལ་འབྱོར་མས་བཀའ་བསྒོ་བ་བུ་བི་ཀྲ་མ་པུ་རར་སོང་ཤིག །དེར་ཁྱོད་ཀྱིས་ཁྱད་པར་རྟོགས་པར་འགྱུར་རོ་ཞེས་ལུང་བསྟན་ནས་དེས་ཀྱང་དེའི་བཀའ་སྤྱི་བོས་བླངས་ཏེ། དེའི་དུས་ཀྱི་སློབ་མ་ཕྱི་བཞིན་འབྲང་བ་ཚོང་དཔོན་གྱི་
[307b.7]བུ་པཎྜི་ཏ་ཆེན་པོ་དཔལ་འཛིན་དང་གཉིས་བི་ཀྲ་མ་པུ་རར་གཤེགས་སོ། །དེར་ཡང་དུས་མཆོད་ཆེན་པོ་ཞིག་གི་ཚེ་མཚན་མོ་ཕྱེད་ཀྱི་དུས་སུ། བཅོམ་ལྡན་འདས་ཨཱ་བ་དྷཱུ་ཏཱི་ཅིག་གི་ཆ་བྱད་དུ་མཛད་ནས་བུ་དེ་ཁོ་ན་ཉིད་འདི་ཡིན་ཞེས་མངོན་སུམ་དུ་གདམས་སོ། །དེས་ཀྱང་གདམས་པ་དེ་
[308a]
[308a.1]ཐོབ་པ་ཙམ་གྱི་ཏིང་ངེ་འཛིན་ལ་མཉམ་པར་གཞག་པར་གྱུར་པ་དང་། དེའི་ཚེ་ཁོ་ནར་བཅོམ་ལྡན་འདས་མི་སྣང་བར་གྱུར་ཏོ། །དེའི་བར་དུ་མཚན་མོ་འདས་ནས་དེས་ཀྱང་ཏིང་ངེ་འཛིན་ལས་བཞེངས་ཏེ། དཔལ་ལྡན་བླ་མ་ཐུགས་རྗེ་ཆེན་པོ་མཆོག་གི་བདག་ཉིད་ཆེན་
[308a.2]པོ་དེས་སྣོད་དང་ལྡན་པར་དགོངས་ནས་རང་གིས་རྟོགས་པ་དེ་པཎྜི་ཏ་ཆེན་པོ་དཔལ་འོད་མཛད་ལྷ་ལ་གནང་། སྐྱོན་མེད་ཅིང་བརྗོད་ཀྱིས་མི་ལང་བའི་ཡོན་ཏན་རིན་པོ་ཆེའི་འབྱུང་གནས་ཀྱི་དཔལ་བླ་མ་དེ་ལས་པཎྜི་ཏ་ཆེན་པོ་ཆོས་ཀྱི་འབྱུང་གནས་ཞི་བས་ཞུས་སོ། །དེ་ལ་ཡང་གྲགས་པའི་
[308a.3]ལྷས་ཞུས། དེ་ལ་པཎྜི་ཏ་ཆེན་པོ་ཆོས་འཕགས་ཀྱིས་ཞུས། དེ་ལས་དེ་བཞིན་གཤེགས་པའི་རྡོ་རྗེ་བདག་གིས་ཞུས་ནས་རང་གི་དྲན་པ་གསོ་བའི་ཕྱིར་ཅུང་ཟད་བྲིས་སོ། །ཉན་ཐོས་ཕྱི་རོལ་ཡོད་པར་སྨྲ། །རྣལ་འབྱོར་སྤྱོད་པས་སེམས་རང་བཞིན། །འགྲོ་བ་སྟོང་པ་དབུ་མ་བས། །གསང་
[308a.4]སྔགས་པ་ཡང་འོད་གསལ་བཞེད། །ཁ་ཅིག་ཡུལ་རྣམས་སྤངས་ནས་ཏེ། །འགའ་ཞིག་ཡུལ་རྣམས་དགག་བྱས་པ། །ཁ་ཅིག་ཡུལ་རྣམས་ཉིད་ཁོ་ནས། །མི་ཡི་ཁྱུ་མཆོག་བྱང་ཆུབ་སྒྲུབ། །རྟོག་པ་ཉམས་པས་བློ་ཉེས་འགྱུར། །བློ་ངན་འདི་ལྟར་རྟོག་པར་བྱེད། །བློ་ལྡན་འདི་ཉིད་ཁོ་
[308a.5]ན་ཡིས། །ནམ་མཁའ་བས་ལྷག་ཅི་ཡང་འཆར། །ཞེས་དཔལ་ས་ར་ཧ་པས་གསུངས་སོ། །ཇི་ལྟར་ཁྱིམ་ཐབ་མོ་ནི་སྐྱེས་བུ་འཕྱོན་མ་ལ། །རྗེས་སུ་ཆགས་གྱུར་རང་གི་ཁྱོ་ལའང་ཆགས་པ་ལྟར་བྱེད་པ། །དེ་བཞིན་རྣལ་འབྱོར་རྟོགས་པའི་ཡུལ་ལ་ཆགས་པ་ཡིས། །སླར་ཡང་ཡུལ་ལ་ལོངས་
[308a.6]ནི་སྤྱོད་པར་བྱེད་པའོ། །གྲོགས་ངན་ནང་ནས་རྣལ་འབྱོར་གང་། །བསྟན་པ་བསྲུང་ཕྱིར་འཇིགས་པ་ཡིས། །བཟང་པོའི་སྤྱོད་པ་བརྩམ་བྱའི་ཕྱིར། །དེ་ནི་སེམས་ཀྱི་རྣལ་འབྱོར་རྩོམ། །རྙོག་བཅས་ཡིད་ལྡན་ལས་ཀྱི་ཕྱག་རྒྱ་རབ་སྤངས་ནས། །རྟོག་པ་ལས་བྱུང་ཡེ་ཤེས་ཕྱག་རྒྱ་ནི། །ཡང་དག་
[308a.7]རྫོགས་པའི་བྱང་ཆུབ་ཆེད་དུ་རྒྱས་བའི་མཆོག །དེ་སྐྱེད་བྱེད་པས་ཕྱག་རྒྱ་མཆོག་དེ་བསྒོམ་པར་བྱ། །རྒྱུད་དང་སྒྲུབ་ཐབས་ཊཱི་ཀཱ་ལས། །ཚིག་རྐང་རེ་རེ་རྙེད་པ་གང་། །དེ་རྣམས་བསྡུས་ནས་ཡིག་སྣ་འདི། །རང་ལ་ཕན་ཕྱིར་བདག་གིས་བྱས། །སོ་སོ་སྐྱེ་བོ་ཉིད་ཕྱིར་དང་། །རྒྱུན་ཆགས་ཏིང་
[308b]
[308b.1]འཛིན་མེད་པའི་ཕྱིར། །འདི་ལ་མི་གསལ་མི་དག་པ། །དེ་ལ་མཁས་རྣམས་བཟོད་པར་མཛོད། །སྡོམ་པ་འབྱུང་བའི་ཡིག་སྣ་འདི། །དེ་བཞིན་གཤེགས་པའི་རྡོ་རྗེ་ཡིས། །བྱས་པའི་དགེ་བ་ཐོབ་པ་གང་། །དེ་ཡིས་སྐྱེ་བོ་རྒྱལ་གྱུར་ཅིག །དཔལ་ཨུ་རྒྱན་གྱི་གནས་ཆེན་པོ་ལས་བྱུང་བ། དཔལ་
[308b.2]བདེ་མཆོག་གི་མངོན་པར་རྟོགས་པའི་འགྲེལ་པའི་ཊཱི་ཀཱ་ཁྱད་པར་གསལ་བྱེད་ཅེས་བྱ་བ་པཎྜི་ཏ་ཆེན་པོ་དེ་བཞིན་གཤེགས་པའི་རྡོ་རྗེས་མཛད་པ་རྫོགས་སོ།། །།རྒྱ་གར་ཤར་ཕྱོགས་ཛག་ཏ་ལའི་པཎྜི་ཏ་ཆེན་པོ་བི་བྷཱུ་ཏི་ཙནྡྲས་བོད་ཡུལ་གྱི་དབུས་དྲང་སྲོང་སྲིན་པོའི་རིར་རང་འགྱུར་དུ་མཛད་པའོ།།
[308b.3]{T1511}༄༅༅། །རྒྱ་གར་སྐད་དུ། །ཤྲཱི་སམྦ་ར་མཎྜ་ལ་བི་དྷིཿ། བོད་སྐད་དུ། དཔལ་བདེ་མཆོག་གི་དཀྱིལ་འཁོར་གྱི་ཆོ་ག །དཔལ་འཁོར་ལོ་བདེ་མཆོག་ལ་ཕྱག་འཚལ་ལོ། །ནམ་མཁའ་ལས་རྒྱས་མཁའ་འགྲོ་མའི། །འཁོར་ལོ་སྡོམ་པ་ལ་བཏུད་ནས། །དེ་ཡི་དཀྱིལ་འཁོར་སོགས་ཆོ་
[308b.4]ག །བླ་མ་ལས་རྙེད་བྲི་བར་བྱ། །དེ་ལ། སློབ་དཔོན་གཡོན་ན་ཁ་ཊྭཱཾ་ག །ཧཱུཾ་སྒྲོགས་གཡས་ན་ཌ་མ་རུ། །ཡང་དག་ཡེ་ཤེས་རྒྱུད་ཤེས་ཤིང་། །ཧེ་རུ་ཀ་དཔལ་གསང་སྔགས་ཞེས། །ཁྲོ་མེད་གཙང་སྦྲ་བརྩོན་འགྲུས་ལྡན། །སྦྱོར་ཤེས་ཡེ་ཤེས་ཕ་རོལ་སོན། །མགོ་སྐྱེས་ལ་ནི་ཐོད་
[308b.5]པས་བརྒྱན། །ཐལ་བ་ཡིས་ནི་ལུས་ལ་བྱུགས། །ཞེས་པ་དང་། གསང་བ་རབ་ཏུ་བསྟན་པ་ལས་ཀྱང་། བླ་མ་རྣམ་པ་གཉིས་རབ་བཤད། །རྒྱུ་ཐོབ་པ་དང་འབྲས་བུ་འཆར། །རྒྱུ་ཡི་ཚུལ་གྱིས་མདོར་སྟོན་ཅིང་། །འབྲས་བུའི་ཚུལ་དུ་རྒྱས་པར་འཆད། །མདོར་བསྟན་ལུས་ངག་ངོ་བོ་
[308b.6]སྟེ། །རྒྱས་པར་འཆད་པ་སེམས་ཉིད་དོ། །དཀྱིལ་འཁོར་སློབ་དཔོན་ཚུལ་གྱིས་ནི། །ཕྱི་རོལ་དང་ནི་ནང་དུ་གནས། །འདི་ནི་སེམས་ཅན་ཐམས་ཅད་ཀྱི། །བླ་མ་བླ་མེད་རྣམ་པ་གཉིས། །ལོངས་སྤྱོད་གྲོལ་བའི་འབྲས་སྟེར་བ། །རབ་ཏུ་འབད་དེ་མཆོད་པར་བྱ། །ཞེས་གསུངས་པ་ནི་
[308b.7]སློབ་དཔོན་གྱི་མཚན་ཉིད་དོ། །དུང་དང་། འདབ་མའི་ཀོང་བུ་དང་། ཟངས་ལ་སོགས་པ་ལས་བྱས་པའི་ཞབས་བསིལ་དང་བསང་གཏོར་དང་། ཞལ་བསིལ་དང་། མཆོད་ཡོན་གྱི་སྣོད་རྣམས་སུ་ནས་དང་འོ་མ་དང་། མེ་ཏོག་དཀར་པོ་དང་། རྩྭ་ཀུ་ཤ་དང་། ཏིལ་དང་། བདུད་རྩི་ལྔ་
[309a]
[309a.1]ལ་སོགས་པ་བླུགས་ཏེ་ཡི་གེ་གསུམ་དང་རང་གི་བདག་པོ་དང་ལས་ཐམས་ཅད་པའི་སྔགས་ཀྱིས་བརྒྱ་རྩ་བརྒྱད་དང་ལན་བདུན་དུ་བསྔགས་ལ། སྣོད་དེ་གསུམ་རང་གི་གཡོན་དུ་མན་ཇིའི་སྟེང་དུ་བཞག་ཅིང་། དེའི་མདུན་དུ་ཡང་བཟེད་ཞལ་གསུམ་མན་ཇིའི་སྟེང་དུའོ། །
[309a.2]དེ་ལ་ཞབས་བསིལ་གྱི་སྣོད་ཀྱི་ཆུ་གཡས་པའི་ཁུ་ཚུར་གྱིས་མཐེ་བོ་དང་མཛུབ་མོའི་སྐམ་པས་མེ་ཏོག་བཟུང་ལ་རོལ་པས་སོར་མོ་རྣམས་བསྐོར་ཞིང་མཛུབ་མོ་ལ་སོགས་པའི་སོར་མོ་རྣམས་རིམ་གྱིས་བརྐྱང་སྟེ། ཨོཾ་ཨཱཿ་ཧྲཱྀ་པྲ་བ་ར་ས་ཏ་ཀཱ་རཾ་པཱ་དྱཾ་པྲ་ཏཱིཙྪ་ཧཱུཾ་སྭཱ་ཧཱ། ཞེས་པ་གསུམ་གྱིས་བཟེད་
[309a.3]ཞལ་དབུལ་ལོ། །མཆོད་པ་བྱ་བའི་ཞབས་གཉིས་ལ་བསམས་ནས་སོ། །སྣོད་གཉིས་པའི་ཆུ་གཡས་ན་གནས་པའི་ཀུ་ཤའི་ཆུན་པོའི་རྩེ་མོས་བླངས་ནས་བཟེད་ཞལ་གཞན་དུ་མཆོད་བྱའི་སྐུ་ལ་བསང་གཏོར་བྱའོ། །དེ་ཉིད་ཀྱི་ཆུ་གཡས་པའི་ཁུ་ཚུར་གྱིས་མཐེ་བོ་དང་མཛུབ་མོའི་སྐམ་པས་མེ་
[309a.4]ཏོག་བཟུང་ལ་དེའི་བཟེད་ཞལ་དུ་ཁ་ཐུར་དུ་བསྟན་པའི་ཁུ་ཚུར་གྱིས་ཞབས་བསིལ་པའི་ཆེད་དུ་མཆོད་བྱའི་ཕྱག་ཏུ་མཐེ་ཆུང་ལ་སོགས་པ་རིམ་གྱིས་བརྐྱང་ཞིང་ལན་གསུམ་དུ་དབུལ་ལོ། །སྣོད་གསུམ་པའི་ཆུ་ལ་སོགས་པ་སྙིམ་པས་བཟུང་སྟེ་རྡོ་རྗེ་ཐལ་མོ་ཕྱེ་བས་བཟེད་ཞལ་གྱི་སྣོད་གསུམ་པར་
[309a.5]མཆོད་ཡོན་ལན་གསུམ་མོ། །དེ་ཐམས་ཅད་སྔགས་དེ་ཉིད་ཀྱིས་ཏེ་འོན་ཀྱང་པཱ་དྱཾ་གི་གནས་སུ་པྲོཀྵ་ཎཾ་དང་། ཨཱཉྩ་མ་ནཾ་དང་། ཨརྒྷཾ་ཞེས་བརྗོད་དོ། །མེ་ཏོག་དབུ་ལའོ། །བདུག་སྤོས་དང་། མར་མེ་དང་། མཆོད་ཡོན་ནི་མདུན་དུའོ། །ཞལ་ཟས་ཕྱག་ཏུའོ། །དྲི་ནི་མཆོད་བྱའི་ཐུགས་
[309a.6]ཀར་བསམ་པར་བྱའོ། །འདི་ནི་ཆོ་ག་ཐམས་ཅད་དུ་མཆོད་ཡོན་ལ་སོགས་པའི་ཆོ་གའོ། །ཐམས་ཅད་མཁྱེན་པའི་ལམ་ཤེས་པས། །སྔོན་དུ་བསྙེན་པ་ཚོགས་སོགས་ཅིང་། །བགེགས་ནི་རྣམ་པར་ཉམས་བྱེད་བྱ། །དངོས་གྲུབ་བསྙེན་པ་མེད་ན་མིན། །དེ་ཕྱིར་རིམ་གཉིས་དེ་ཉིད་རིག །
[309a.7]དབེེན་པར་ཡང་དག་གནས་ནས་ནི། །བདེ་མཆོག་འཁོར་ལོ་བསྒོམ་པར་བྱ། །སྐྱོ་ན་དེ་ཡི་གསང་སྔགས་བཟླས། །འཁོར་ལོའི་བདག་པོའི་བཟླས་པ་འབུམ། །ཡང་ན་རང་གི་ལྷ་ཡི་འབུམ། །དཀྱིལ་འཁོར་པ་ཡི་ཁྲི་ཡིན་ཏེ། །འདི་ནི་སྔོན་དུ་བསྙེན་པར་བརྗོད། །རིམ་པ་གཉིས་
[309b]
[309b.1]ཀྱི་རྣལ་འབྱོར་ནི། །ལཱུ་ཡི་པའི་མངོན་པར་རྟོགས་པ་ལ་སོགས་པར་ཤེས་པར་བྱའོ། །འདི་ནི་སྔོན་དུ་བསྙེན་པའོ། །དཀྱིལ་འཁོར་ལ་སོགས་པའི་བྱ་བ་ནི་རྒྱལ་དང་། ནག་པ་དང་། བྲ་ཉེ་དང་། བྱ་དབོའི་ཟླ་བ་མ་གཏོགས་པའི་ཟླ་བ་རྣམས་དང་། ཚེས་གཉིས་པ་དང་། གསུམ་པ་དང་། ལྔ་
[309b.2]པ་དང་། བདུན་པ་དང་། བཅུ་པ་དང་། བཅུ་གསུམ་པ་དང་། ཉ་དང་། གཟའ་ཟླ་བ་དང་། ལྷག་པ་དང་། ཕུར་བུ་དང་། བ་བ་སངས་རྣམས་སུའོ། །སྣར་མ་ལ་ནོར་རོ། །མགོ་ལ་ཞི་བའོ། །ལག་ལ་སྐལ་བ་བཟང་པོའོ། །རྒྱལ་ལ་རྒྱལ་བའོ། །དབོ་ལ་འཁོར་འཕེལ་ལོ། །མེ་བཞི་
[309b.3]ལ་དངོས་གྲུབ་པོ། །ལྷ་མཚམས་ལ་འདོད་པའོ། །སྣྲོན་ལ་བདེ་བའོ། །སྣྲུབས་དང་གྲོ་བཞིན་ལ་ལུང་ལ་མཁས་པར་འགྱུར་རོ། །ཆུ་སྟོད་ཆུ་སྨད་ལ་བུ་འཕེལ་ལོ། །ཁྲུམས་སྟོད་ཁྲུམས་སྨད་དག་ལ་བུ་མོ་འཕེལ་ལོ། །ཞི་བའི་གཟའ་ལ་བརྟེན་པའི་དུས་སྦྱོར་དང་རྣམ་པར་སེལ་བ་དང་། །ཤིན་
[309b.4]ཏུ་སྐྲག་པ་དང་། ཟུག་རྔུ་དང་། འབྲས་དང་། བྱ་བ་གྲུབ་དང་། རྡོ་རྗེ་དང་། ཀུན་ལྟུང་བ་དང་། ཡོངས་བསྣུན་དང་། ཤ་ཁོན་འཛིན་པ་མ་གཏོགས་པའི་སྦྱོར་བ་དང་། འཇུག་ཕོད་དང་བྲལ་བའི་བྱེད་པ་རྣམས་ལ་སྟེ། དེ་ནི་གཞན་གྱི་འདོད་པའོ། །རང་གི་བཞེད་པ་ནི། དབྱར་དུས་རབ་
[309b.5]གནས་གྲུབ་པའོ། །སྟོན་ནི་བདེ་བ་སྟེར་བར་འགྱུར། །དགུན་སྟོད་ཡེ་ཤེས་འཕེལ་བ་སྟེར། །དགུན་སྨད་དབང་ཕྱུག་ཐམས་ཅད་འབྱུང་། །དཔྱིད་ཀ་དཔལ་ནི་རབ་ཏུ་སྦྱིན། །སོས་ཀར་རྒྱལ་དང་ཞི་བ་སྟེར། །རབ་གནས་དུས་ནི་ཐམས་ཅད་དུ། །སངས་རྒྱས་བཞུགས་སུ་འཇུག་པར་བཞེད། །
[309b.6]ཅེས་པ་དང་། མཁའ་འགྲོ་མ་རྡོ་རྗེ་གུར་ལས་ཀྱང་། གཙུག་ཏོར་རྟག་ཏུ་སྦྱིན་པར་བྱ། །རྟག་ཏུ་སྦྱིན་སྲེག་བྱེད་དུ་གཞུག །རྟག་ཏུ་དཀྱིལ་འཁོར་བྲི་བར་བྱ། །རྟག་ཏུ་སངས་རྒྱས་རབ་གནས་བྱ། །ཟིན་པའི་དེ་མ་ཐག་པ་རུ། །རབ་ཏུ་གནས་པ་མཆོག་ཏུ་འགྱུར། །འཁོར་ལོས་
[309b.7]སྒྱུར་བའི་རྒྱལ་པོ་ཡི། །དབང་ཕྱུག་ཐོབ་པར་ཐེ་ཚོམ་མེད། །དེ་ལ་གཟའ་དང་རྒྱུ་སྐར་མེད། །བགེགས་དང་ལོག་པར་འདྲེན་པའང་མེད། །ཅུང་ཟད་ཡིད་ལ་གང་འདོད་པ། །སྐྱེ་ནས་སྐྱེ་བར་འགྲུབ་པར་འགྱུར། །ཞེས་པ་ནི་དུས་ཀྱི་ངེས་པའོ། །དེ་ནས་སློབ་དཔོན་ཁྲུས་བྱས་ཏེ་ལྷ་
[310a]
[310a.1]མཆོད་པ་དང་གཏོར་མ་བྱས་ལ་གོས་གཙང་མ་རྒྱན་ལེགས་པར་བགོས་པའི་བདག་ཉིད་ཀྱིས་ཕྱི་དྲོའི་དུས་སུ་ས་དང་ལྕི་བས་དཀྱིལ་འཁོར་ཉེ་བར་བྱུགས་ལ། པུས་མོ་གཡས་པ་ས་ལ་བཙུགས་ཏེ་ཐལ་མོ་སྦྱར་ལ། ཕྱོགས་བཅུ་ན་གནས་པའི་སངས་རྒྱས་དང་བྱང་ཆུབ་
[310a.2]སེམས་དཔའ་དང་འཇིག་རྟེན་སྐྱོང་བ་རྣམས་ལས་ས་བསླང་བར་བྱ་སྟེ། ཁམས་འདི་ན་ནི་མགོན་གང་དག །ཆེན་པོས་མཆོད་པ་བཞུགས་རྣམས་དང་། །ལྷ་དང་ཀླུ་དང་གནོད་སྦྱིན་དང་། །དྲི་ཟ་དང་ནི་ལྷ་མིན་སོགས། །སེམས་ཅན་ཀུན་དོན་བསྒྲུབ་བྱའི་ཕྱིར། །དེ་དང་དེ་ལ་གསོལ་
[310a.3]བར་བགྱི། །གལ་ཏེ་ཁྱེད་ཀྱིས་གནང་བ་ན། །བགྱི་སྟེ་གཞན་དུ་མ་ཡིན་ནོ། །རྨི་ལམ་ལ་སོགས་མཚན་མ་ཡིས། །ས་བཟང་འདི་ནི་བདག་ལ་གསོལ། །ཞེས་ལན་གསུམ་བརྗོད་པར་བྱའོ། །དེའི་རྗེས་སུ་འཇིག་རྟེན་དབང་ཕྱུག་གི་མདུན་དུ་མཆོད་པ་བྱས་ལ། །ཨོཾ་མུ་ཙི་ལི་སྭཱ་ཧཱ། ཨོཾ་མོ་ཧ་
[310a.4]ནི་སྭཱ་ཧཱ། ཨོཾ་ད་ཏ་ལི་སྭཱ་ཧཱ། ཞེས་བྱ་བའི་རྨི་ལམ་བརྟག་པ་འདིས་ལག་པ་གཡོན་པས་ཁ་ལ་ལན་ཉི་ཤུ་རྩ་གཅིག་བསྔགས་ལ་མགོ་ལྷོར་བསྟན་ཞིང་ཤར་དུ་ཁ་བལྟས་ལ་གཙང་སྦྲས་ཉལ་ལོ། །རྨི་ལམ་ངན་ན་ལས་ཐམས་ཅད་པ་བཟླས་པ་དང་། སྟོང་པ་ཉིད་ཀྱི་ཏིང་ངེ་འཛིན་གྱིས་བགེགས་
[310a.5]བཟློག་ནས་ལྷས་གནང་བའམ་མ་བཀག་པའི་ས་ལ་ཆོ་ག་བྱ་སྟེ། འོན་ཀྱང་སྲིད་ན་གྲོང་རྡལ་དང་། གྲོང་ཁྱེར་དང་། སྐྱེད་མོས་ཚལ་དང་། གཙུག་ལག་ཁང་ལ་སོགས་པའི་དབང་ལྡན་ཁོ་ནར་དང་། མེད་ན་གང་དུ་ཡི་རང་བར་རོ། །ལྷ་ཁང་མཆོད་རྟེན་ཁང་བཟངས་ཁང་བརྩེགས་དང་། །
[310a.6]རབ་གནས་དཀྱིལ་འཁོར་ལ་སོགས་བྱེད་འདོད་པས། །འདིར་ནི་ས་ཡི་ལྟོ་འཕྱེ་བརྟག་བྱ་སྟེ། །ས་གཞི་གང་ཡིན་དེ་ནི་གྲུ་བཞིར་བྱ། །ཟླ་བ་གསུམ་གྱི་ཉིན་མོའི་གྲངས་ཀྱིས་འདིར། །ཕྱོགས་ནི་སོ་སོར་ས་དེ་རྣམ་པར་དབྱེ། །དབང་ལྡན་ནས་ནི་མེ་ཡི་མཚམས་ཀྱི་བར། །ཤར་གྱི་
[310a.7]ས་དེ་དགུ་བཅུར་རྣམ་པར་དབྱེ། །མེ་ནས་བདེན་བྲལ་མཚམས་ཀྱི་བར་དང་ནི། །བདེན་བྲལ་ནས་ནི་རླུང་གི་མཚམས་བར་དང་། །རླུང་ནས་འབྱུང་པོའི་བདག་པོའི་མཚམས་ཀྱི་བར། །དེ་བཞིན་ཁོ་ནར་དགུ་བཅུར་རྣམ་དབྱེ་བྱ། །སྟོན་ཟླ་ར་བ་འབྲིང་དང་ཐ་མའི་བར། །དབང་ལྡན་
[310b]
[310b.1]མཚམས་ལ་སོགས་པར་མགོ་བོ་གནས། །བདེན་བྲལ་མཚམས་ལ་སོགས་པར་མཇུག་མའི་ཆ། །གསང་བའི་གནས་ནི་ས་ཡི་དབུས་སུ་གཞག །ལྟེ་བའི་འོག་གི་ཆ་ནི་ལྟོ་འཕྱེའི་ལུས། །སྟེང་ཆ་གདེངས་ཀ་དང་ལྡན་མི་ཡི་གཟུགས། །ལྷོར་བལྟ་ལག་པ་གཡོན་པ་རྣ་བར་གཞག །གཡས་
[310b.2]པ་རིན་ཆེན་ཐོགས་པས་དཀུར་བཀབ་ནས། །ས་ཡི་ཆ་དགུ་ཁྱབ་པར་ཉལ་ནས་གནས། །ཀླུ་ཡི་རྒྱལ་པོ་ལུས་ཚད་མཐོ་བཅུའོ། །ཤར་དང་ནུབ་ཀྱི་མཐའ་མར་གནས་ན་ཡང་། །ས་ཡི་དུམ་བུ་དེ་ནི་འཇལ་བ་ལྟར། །ཉི་མའི་བགྲོད་པས་ཚེས་གཅིག་ལ་སོགས་པར། །ཉིན་ཞག་རེ་རེ་ཞིང་ནི་ཆ་རེ་
[310b.3]རེར། །ཇི་ལྟར་རིགས་པས་ཤར་གྱི་ཆ་རུ་རྒྱུ། །ལྷོ་དང་ནུབ་དང་བྱང་དུའང་དེ་བཞིན་ནོ། །དགུན་ཟླ་ར་བ་འབྲིང་དང་ཐ་མ་ཡི། །དཀར་ཕྱོགས་ལ་སོགས་ནུབ་ཏུ་ཁ་མིག་བལྟ། །མེ་ཡི་མཚམས་སུ་ཡན་ལག་མཆོག་བསྟན་ཏེ། །རླུང་གི་མཚམས་ལ་སོགས་པར་མཇུག་མ་གནས། །དཔྱིད་
[310b.4]ཟླ་ར་བ་འབྲིང་དང་ཐ་མ་དེའི། །གནོད་སྦྱིན་བདག་ཕྱོགས་ཁ་དང་མིག་གིས་བལྟ། །བདེན་བྲལ་མཚམས་ལ་སོགས་པར་མགོ་བོ་གནས། །དབང་ལྡན་མཚམས་ལ་སོགས་པར་མཇུག་མའི་ཆ། །དབྱར་ཟླ་ར་བ་འབྲིང་དང་ཐ་མ་རུ། །ཤར་ཕྱོགས་སུ་ནི་ཁ་དང་མིག་གིས་བལྟ། །རླུང་གི་
[310b.5]མཚམས་ལ་སོགས་པར་མགོ་བོ་གནས། །མེ་ཡི་མཚམས་ལ་སོགས་པར་མཇུག་མའི་ཆ། །ལོ་གཅིག་ན་ནི་ས་གཞི་མཐའ་དག་ཏུ། །འཁོར་གཅིག་གིས་ནི་འབད་པས་ཀུན་དུ་ཁྱབ། །ལྟོ་འཕྱེའི་རྒྱལ་པོའི་རྒྱུ་བའི་དབྱེ་བ་ནི། །ཟླ་བ་རེ་རེའི་བྱེ་བྲག་ཤེས་ནས་སུ། །མཐའ་ཡས་
[310b.6]བདག་ཉིད་དཀར་པོ་མཛེས་པའི་སྐུ། །མཇུག་མ་ལ་སོགས་རིམ་གྱིས་བསམས་ནས་སུ། །དེ་ཡི་ལུས་ལ་ཀླུ་ཡི་བདག་པོ་བརྒྱད། །འོ་མ་ལ་སོགས་ཉེ་བར་སྤྱོད་མས་མཆོད། །མཇུག་མའི་རྩེ་མོར་རིགས་ལྡན་ཤིན་ཏུ་སྔོ། །གསང་གནས་དཱུར་བ་ལྟར་ལྗང་སྟོབས་ཀྱི་རྒྱུ། །ལྟེ་
[310b.7]བར་དུང་སྐྱོང་པདྨའི་རྩ་བ་བཞིན། །དཔུང་པར་པདྨ་ཆེན་པོ་གསེར་དང་མཚུངས། །ནོར་རྒྱས་སྙིང་གར་གནས་པ་ལྗང་གུ་སྟེ། །འཇོག་པོ་ཞེས་བྱ་དམར་པོ་མགྲིན་པར་གནས། །རྣ་བར་པདྨ་དཀར་པོ་འོད་ཟེར་ཅན། །སྤྱི་བོ་རུ་ནི་མཐའ་ཡས་སྔོན་པོ་གནས། །མི་ནི་
[311a]
[311a.1]བགེགས་མཐར་བྱེད་ཀྱི་རྣམ་པར་བསྒོམ། །དཔའ་བོའི་ལག་པ་ཏོག་ཙེ་རྡོ་རྗེས་མཚན། །ལག་པ་གཡོན་པ་འོག་ཏུ་བྱས་ནས་བཟུང་། །དེ་ཡིས་བདུད་ཀྱི་ཚོགས་ནི་སྐྲག་ཅིང་བཟློག །ཤར་དང་བྱང་གི་ཕྱོགས་སུ་ཁ་བལྟས་པས། །ཏོག་ཙེ་ཁམ་བཞི་བརྒྱབ་
[311a.2]པས་བླངས་པའི་ས། །ཞི་བའི་སེམས་ཀྱིས་གཏོར་མའི་ནང་དུ་ནི། །གཞག་པའམ་མེ་མཚམས་ལ་སོགས་ཕྱི་རོལ་དོར། །འབད་པས་དེ་ཡི་ཁམ་ལྔ་པ་ཡིས། །ས་གཞིའི་དབུས་སུ་ལེགས་པའི་ཡིད་ཀྱིས་དགྲམ། །ཁམ་ལྔ་པ་དེར་ལས་མིན་དུ་མ་ཡིན། །ཕྱོགས་དང་མཚམས་སུ་ཀུན་
[311a.3]ནས་བརྐོ་བར་བྱ། །ཤར་ནས་ཆ་ནི་ཉི་ཤུ་རྩ་གཅིག་དོར། །བྱང་ནས་ཕྱེད་དང་བཅུ་བཞིའི་ཆ་དོར་བས། །ཤར་ནུབ་ཆ་དགུ་ལྷོ་བྱང་ཕྱེད་དང་ལྔ། །འདི་ནི་མཆན་གྱི་མདུན་དུ་ཐོག་མར་བརྐོ། །དེ་ཡིས་ཆོས་ནོར་འདོད་དོན་འཕེལ་ཞིང་འགྲུབ། །གལ་ཏེ་ལྟོ་འཕྱེའི་རྒྱལ་པོ་གནས་པ་ཡི། །
[311a.4]ཆ་དགུའི་ས་ཡི་ཆ་ལ་བརྐོས་ན་ནི། །ཕ་མ་བུ་དང་བུ་མོ་སྤུན་ཆུང་མ། །མནའ་མ་རང་གི་སྐྱེ་བོ་མཛའ་བཤེས་འཆི། །གལ་ཏེ་རྒྱབ་ཏུ་བརྐོས་ན་རང་འཆི་ཞིང་། །ཡང་ན་རང་གནས་ནས་འཕོ་ནོར་བརླག་འགྱུར། །མཇུག་མར་གླང་ཆེན་རྟ་དང་མེ་ཧ་ར། །བ་ལང་འཆི་ཞིང་སྟོབས་ཀྱང་ཉམས་པར་
[311a.5]འགྱུར། །གལ་ཏེ་ཁམ་ལྔའི་ནང་དུ་ཤིང་དང་སྒྲ། །གྲོག་མཁར་སྐྲ་སེན་ཐལ་བས་གནོད་པ་འབྱུང་། །རྡོ་བས་རླུང་གིས་འཇིག་པ་ཕུབ་མ་དང་། །མགལ་དུམ་གྱིས་རིམས་རུས་པས་ཟུག་ཟེར་རོ། །དེའི་དོན་དུ་ཐིག་འདེབས་པ་ན་མཚན་མ་ཤེས་པར་བྱ་སྟེ། ཐིག་སྐུད་ཆད་ན་
[311a.6]སློབ་དཔོན་འཆིའོ། །ཁྱི་དང་། ཅེ་སྤྱང་དང་། བྱ་རྒོད་དང་བྱ་ཀཱ་ཀ་སྒྲ་སྒྲོགས་ན་ཡོན་བདག་གོ། །བྱི་ལས་ཐིག་སྐུད་ལ་འགོམ་ན་དེའི་འམ་བོང་བུའི་རུས་པ་ཡོད་དོ། །བོང་བུས་འགོམ་ན་དེ་ཉིད་ཀྱིའོ། །ཁྱིས་དེ་ཉིད་ཀྱིའོ། །ར་ལུག་གིས་ནི་དེ་དག་གིའོ། །རྟ་ཡིས་ནི་དེའི་རུས་པའོ། །
[311a.7]གླང་པོ་ཆེས་ནི་དེའི་འམ་རྔ་མོའིའོ། །མ་ཧེའམ་ཤ་བས་ནི་ཅེ་སྤྱང་གིའོ། །དོམ་གྱིས་ནི་དེའི་རུས་པའོ། །ཕག་གིས་ནི་སྟག་གིའོ། །སྟག་གིས་ནི་གླང་པོ་ཆེའིའོ། །བྱི་བས་ནི་དེའིའོ། །སྦྲུལ་གྱིས་ནི་དེའིའོ། །རུས་སྦལ་གྱིས་ནི་དེའི་རུས་པའོ། །གལ་ཏེ་སློབ་དཔོན་དང་། བཟོ་
[311b]
[311b.1]བོ་དང་། ཡོན་བདག་དང་། དེའི་ལས་མིའི་ནང་ནས་གང་རུང་མགོ་བོ་ལ་འཕྲུག་ན་མི་གང་གི་འོག་ནས་སེལ་ཡོད་དོ། །སྨིན་མ་ལ་རེག་ན་གསེར་རམ་དོལ་གོང་ཁྲུ་གསུམ་གྱི་འོག་ནའོ། །མིག་ལ་རེག་ན་དེ་ཙམ་གྱི་འོག་ན་མུ་ཏིག་གོ། །ཁ་ལ་རེག་ན་སྐྲའམ་དོལ་གོང་སུམ་མདོའི་འོག་ཙམ་ནའོ། །
[311b.2]སོ་ལ་རེག་ན་ཁྲུ་གསུམ་གྱི་འོག་ན་སོའོ། །རྣ་བ་ལ་འཕྲུག་ན་དེ་མན་ཆད་ཀྱི་འོག་ན་གསེར་རམ་དངུལ་ལམ་བྱི་རུའོ། །རྐེ་ལ་རེག་ན་དེ་ཙམ་གྱི་འོག་ན་མགུལ་རྒྱན་ནམ་ལྕགས་སྒྲོག་གམ་དོལ་གོང་ངམ་སོལ་བ་ཁྲུ་གསུམ་གྱི་འོག་ནའོ། །ཕྲག་པ་ལ་རེག་ན་དེ་ཙམ་གྱི་འོག་ན་དེའི་རྒྱན་ནོ། །མཆན་
[311b.3]ཁུང་ལ་རེག་ན་དེ་ཙམ་གྱི་འོག་ན་ལྕགས་སོ། །ལག་པ་གཡས་པ་ལ་རེག་ན་དཀུའི་འོག་ན་རྒྱབ་ཀྱི་ཐོད་པའམ་ས་ལས་བྱས་པའོ། །ལག་པ་གཡོན་པ་ལ་རེག་ན་པུས་མོའི་འོག་ན་ཤིང་ཁྲིའི་རྐང་པའོ། །བྲང་ལ་རེག་ན་དཀུ་ཙམ་གྱི་འོག་ན་ཕྱུགས་ཀྱི་རུས་པའོ། །རྒྱབ་ལ་རེག་ན་དེ་ཙམ་
[311b.4]གྱི་འོག་ན་དེའི་རུས་པའོ། །དཀུ་ལ་རེག་ན་ཁྲུ་གཉིས་ཀྱི་འོག་ན་ལྕགས་ཀྱི་ཕུར་བུའོ། །རྟགས་ལ་རེག་ན་ཁྲུ་གང་གི་འོག་ན་ལྕགས་གསུམ་གྱིས་སེལ་ལོ། །བྱིན་པ་ལ་རེག་ན་མཐོ་གང་གི་འོག་ན་བྱིན་པའི་རུས་པའོ། །ལོང་བུ་ལ་རེག་ན་སོར་མོ་བཅོ་བརྒྱད་ཀྱི་འོག་ན་རྟའི་རྨིག་པའོ། །
[311b.5]རྐང་པ་ལ་རེག་ན་མཐོ་གང་ཙམ་གྱི་འོག་ན་ཤིང་སཱ་ལ་མ་ལའི་ཚེར་མའོ། །རྐང་པའི་མཐེ་ཆུང་ལ་རེག་ན་སོར་བརྒྱད་ན་འཁར་བའོ། །གང་ཡང་རུང་བས་གང་གི་མིང་སྨོས་པ་དེའི་དེར་རུས་པའོ། །གང་དུ་བས་ལྕི་བ་འདོར་བ་དེར་གསེར་རོ། །གཞོན་ནུ་བཤང་བ་བཏོང་དངུལ་ལོ། །
[311b.6]སྦལ་པ་སྒྲ་སྒྲོགས་ན་ཆུའི་འཇིགས་པའོ། །ངང་པ་དང་། ཁུ་བྱུག་དང་། རྨ་བྱ་དང་། ངུར་བ་དང་། གླང་སྒྲ་སྒྲོགས་ན་དགེ་བའོ། །འབྲུག་སྒྲ་སྒྲོགས་ན་ནོར་འོང་ངོ་། །དུང་དང་བཀྲ་ཤིས་ཀྱི་གླུ་དང་། བྱིས་པ་སྒྲ་སྒྲོགས་ན་ནོར་འཐོབ་པོ། །གདུགས་དང་། རྒྱལ་མཚན་
[311b.7]དང་། བ་དན་དང་། ཤ་གསར་པ་དང་། ཞོ་དང་། འབར་བ་དང་། ཉ་ཟུང་ལ་སོགས་པ་མཐོང་ན་ལེགས་པའོ་ཞེས་པ་ས་བརྐོ་བའི་ཆོ་གའོ། །དེ་ནས་རྡོ་བ་ལ་སོགས་པ་བསལ་ནས་ས་དེ་ཉིད་ཀྱིས་སམ་དེས་མི་ལྡང་ན་གཞན་གྱི་ས་ལ་ཡང་དྲི་བཟངས་ཀྱི་ཆུས་བཏབ་སྟེ་དོང་དགང་
[312a]
[312a.1]བར་བྱའོ། །དེ་ལ། བྱང་ཤར་འབབ་པས་དངོས་གྲུབ་ནི། །སྔགས་པ་རྣམས་ལ་རྟག་ཏུ་འབྱུང་། །དཀྱིལ་མཐོ་བས་ནི་རྒྱལ་སྲིད་འབྱུང་། །རིག་པ་འཛིན་པའི་གོ་འཕང་ཡང་། །བྱང་མཐོ་བས་ནི་འཆི་བར་འགྱུར། །ཡང་ན་ནོར་ནི་བརླག་པར་འགྱུར། །ཇི་ལྟར་
[312a.2]བཤད་པའི་དམའ་བ་ནི། །མཐོ་ན་མྱུར་དུ་རིགས་ཟད་འགྱུར། །གལ་ཏེ་ས་ཡི་དབུས་དམའ་ན། །སྒྲུབ་པ་པོ་ལ་གནོད་པ་འབྱུང་། །དཀྱིལ་འཁོར་ཡང་། །ཁྲུ་གང་ནས་ནི་བརྩམས་ནས་སུ། །ཇི་སྲིད་ཁྲུ་ནི་སྟོང་གི་བར། །ཞེས་གསུངས་པས་བུམ་པའི་ཕྲེང་བས་བསྐོར་བའི་ཆེད་དུ་ཇི་སྲིད་
[312a.3]འདོད་པའི་ཚད་ཀྱིས་གྲུ་བཞིར་བྱས་ལ་དེའི་སྟེང་དུ་མཎྜལ་ཟླུམ་པོ་དཔངས་ལ་ཁྲུ་ཕྱེད་པ་དབུས་ཅུང་ཟད་མཐོ་བ་གཡས་སྐོར་དུ་འབབ་པ་དཀར་བ་དབང་ལྡན་གྱི་ཕྱོགས་དམའ་བར་བྱས་ལ་ཧཱུཾ་ཞེས་པ་དང་། དུམ་སྐྱེས་མ་བཟླས་པའི་དྲིའི་ཆུས་བཏབ་ལ་བཏུང་བར་བྱའོ། །དཀྱིལ་འཁོར་ཁང་བའི་
[312a.4]རྩ་བའི་སྒོ་ཡང་དབང་ལྡན་ཁོ་ནར་བྱའོ། །ཁང་བཟངས་རྡོ་སྟེང་བ་ལང་ལྷས། །དྲང་སྲོང་གནས་སོགས་ཆུ་བོའི་འགྲམ། །སྔོན་དུ་འདུས་བྱས་གནས་དག་ཏུའང་། །མ་བརྐོས་ན་ཡང་དག་པ་ཡིན། །ས་སེལ་ཉེས་པ་ཐམས་ཅད་ནི། །གལ་ཏེ་དབྱུང་བར་མ་ནུས་ན། །ལག་པས་རེག་ནས་
[312a.5]སྔགས་བཟླས་ཏེ། །དེ་ཉིད་དག་པ་ཆེན་པོ་ཡིན། །ཞེས་པ་དུམ་སྐྱེས་མའི་སྔགས་ཀྱིས་བགེགས་བསྐྲད་ནས་དེས་བསྔགས་པའི་ཡུངས་ཀར་དང་ཆུ་དང་ཐལ་བས་གཏོར་རོ། །བའི་རྣམ་པ་ལྔས་བྱུགས་ལ་དྲི་བཟངས་ཀྱི་ཆུས་གཏོར་ཏེ། ཨོཾ་བྷུ་ཁཾ་ཞེས་པ་འདིས་ནམ་མཁར་བྱའོ། །ཧཱུཾ་ལཾ་ཧཱུཾ་
[312a.6]ཞེས་པ་འདིས་རྡོ་རྗེའི་རང་བཞིན་དུ་བྱའོ། །ལས་ཐམས་ཅད་པ་བཟླས་པའི་རིན་པོ་ཆེ་དང་སྨན་དང་། འབྲུ་ལྔ་དཀྱིལ་འཁོར་གྱི་དབུས་ཀྱི་ནང་དུ་བཅུག་ལ་དྲི་བཟངས་ཀྱི་ཆུས་བྱུགས་ཏེ། ནམ་མཁའ་ལ་གནས་པའི་སའི་ལྷ་མོ་ནང་དུ་བསྟིམས་ལ་འགྲོ་བ་སྟོང་པ་ཉིད་དང་རོ་གཅིག་པར་ལྷག་
[312a.7]པར་མོས་ནས་ཡི་གེ་གསུམ་གྱི་བྱིན་གྱིས་བརླབ་ཅིང་དྲིལ་བུ་དཀྲོལ་ཞིང་ཡི་གེ་བརྒྱ་པ་གདོན་ནོ། །དེ་གསུངས་པ། དེ་ལ་ཆུ་དང་ལྕི་བ་ཡིས། །དཀྱིལ་འཁོར་ས་ནི་ཉེ་བར་བྱུགས། །དུར་ཁྲོད་ཐལ་བ་དང་ལྡན་པ། །བདུད་རྩི་ལྔ་དང་བཅས་པ་ཡིས། །དེ་ནས་ས་ནི་ཉེར་བྱུགས་
[312b]
[312b.1]ནས། །དེ་ལ་དཀྱིལ་འཁོར་ཡང་དག་བྲི། །ཞེས་པ་འདི་ནི་ས་སྦྱོང་བའོ། །བདེ་མཆོག་མཉེས་པར་ནུས་པ་དང་། །སྡོམ་པ་ལས་གསུངས་བྱ་བར་ལྡན། །ཕག་མོ་ལ་གུས་མཉེས་གཤིས་པ། །གཙང་ཞིང་བརྩོན་ལྡན་བསོད་ནམས་འདོད། །དཀྱིལ་འཁོར་བྲི་བའི་ཕ་རོལ་སོན། །
[312b.2]ཆོག་ཤེས་སློབ་མར་འོས་པ་རྣམས། །བཏུས་ཏེ་སྒོ་ཡི་སློབ་དཔོན་བྱ། །ཞེས་གསུངས་པས་དཀྱིལ་འཁོར་གྱི་དབུས་སུ་འདུག་སྟེ་རྡོ་རྗེ་དང་དྲིལ་བུ་བཟུང་སྟེ། དཀྱིལ་འཁོར་གྱི་འཁོར་ལོའི་རྣལ་འབྱོར་དང་ལྡན་པས་སྲུང་བའི་འཁོར་ལོ་ལ་སོགས་པས་བགེགས་བསྐྲད་ནས་སྤོས་ཕོར་
[312b.3]ཐོགས་ཏེ་ཧཱུཾ་ལས་སྐྱེས་པའི་རྡོ་རྗེའི་ལྗགས་ཀྱིས། མ་ལུས་ཕྱོགས་ན་བཞུགས་པ་ཡི། །སངས་རྒྱས་བདག་ལ་དགོངས་སུ་གསོལ། །བདག་ནི་ཆེ་གེ་རྡོ་རྗེ་འཛིན། །འདིར་ནི་དཀྱིལ་འཁོར་བྲི་བར་བྱ། །སངས་རྒྱས་ལ་སོགས་ཀུན་བྱོན་འཚལ། །དངོས་གྲུབ་འདིར་ནི་ཡང་དག་སྩོལ། །
[312b.4]ཞེས་པས་སངས་རྒྱས་ལ་སོགས་པ་ལ་སྙན་གསན་ཕབ་ནས་ནམ་མཁའ་ལ་གནས་པའི་མཁའ་འགྲོ་མ་ལ་སོགས་པའི་ཕྱོགས་སུ་གནས་པ་རྡོ་རྗེ་དང་དྲིལ་བུ་ཐོགས་པ་མཁའ་འགྲོ་མ་ལ་སོགས་པའི་རྣལ་འབྱོར་ཅན་སློབ་མ་བཞི་ཡིས་སམ་གཅིག་གིས་ཀྱང་དེ་དང་དེར་རིམ་གྱིས་སོང་སྟེ་བླ་མའི་
[312b.5]མཎྜལ་སྔོན་དུ་འགྲོ་བས། དེ་བཞིན་གཤེགས་པ་ཀུན་ཞི་བ། །དེ་བཞིན་གཤེགས་པ་ཀུན་གྱི་གནས། །ཆོས་ཀུན་མཆོག་ནི་བདག་མེད་པ། །དཀྱིལ་འཁོར་མཆོག་ནི་བསྟན་དུ་གསོལ། །མཚན་ཉིད་ཐམས་ཅད་ཡང་དག་རྫོགས། །མཚན་མིན་ཐམས་ཅད་རྣམ་པར་
[312b.6]སྤངས། །ཀུན་དུ་བཟང་པོ་སྐུ་ཡི་མཆོག །དཀྱིལ་འཁོར་མཆོག་ནི་བཤད་དུ་གསོལ། །ཞི་བའི་སྤྱོད་མཆོག་ལས་བྱུང་བ། །ཡེ་ཤེས་སྤྱོད་པ་རྣམ་སྤྱོད་མཛད། །ཀུན་དུ་བཟང་པོ་གསུང་གི་མཆོག །དཀྱིལ་འཁོར་མཆོག་ནི་བཤད་དུ་གསོལ། །སེམས་ཅན་ཀུན་གྱི་
[312b.7]སེམས་ཆེན་པོ། །དག་པ་རང་བཞིན་དྲི་མ་མེད། །ཀུན་དུ་བཟང་པོ་ཐུགས་ཀྱི་མཆོག །དཀྱིལ་འཁོར་ཁ་ལོས་སྒྱུར་བཤད་གསོལ། །གསོལ་འདེབས་པ་མེད་ན་བསམ་གཏན་གྱིས་ཀྱང་བྱའོ། །དེ་ནས་སྤྲོ་བ་ལ་སོགས་པ་བྱས་ནས་བསྒོམས་པའི་དཀྱིལ་འཁོར་
[313a]
[313a.1]རྡོ་རྗེ་ཁུ་ཚུར་གཉིས་ཀྱིས་མཛུབ་མོ་གཉིས་བརྐྱང་ལ་རྩེ་མོ་སྦྱར་བ་ཁ་འོག་ཏུ་བསྟན་ནས་སྤྱི་བོར་བཟུང་ཞིང་ཧཱུཾ་བཛྲོཏ་ཏིཥྛི་ཞེས་པས་ནམ་མཁའ་ལ་བཏེག་ལ་སྐྱིལ་ཀྲུང་བཤིགས་ནས་ལངས་ཏེ་ཁ་ལྷོར་ཕྱོགས་པས་རྐང་པ་མཉམ་པར་གནས་པས་སྤྱི་བོར་ཐལ་མོ་སྦྱར་བས་
[313a.2]དེ་བཞིན་གཤེགས་པ་རྣམས་ལ་ཕྱག་བྱས་ནས་སེམས་ཅན་མ་རིག་པས་ལོང་ཞིང་བདུད་ཀྱིས་བྱིན་གྱིས་བརླབས་པ་རྣམས་མཐོང་ནས་བདུད་བསྐྲད་པར་བྱ་སྟེ། དེ་གསུངས་པ། དཔལ་ཧེ་རུ་ཀ་དཔལ་རྣལ་འབྱོར་ཆེ། །བསྒོམས་ནས་བདུད་ནི་བརླག་པར་བྱ། །རབ་ཏུ་གདུག་པའི་
[313a.3]ཚོགས་ནི་བསྐྲད། །བགེགས་ཀྱི་དཀྱིལ་འཁོར་གཞན་ཡང་ངོ་། །འབར་བའི་ཧཱུཾ་ལས་བྱུང་བ་ཡི། །རྡོ་རྗེ་རྐང་པའི་འོག་ཏུ་དགོད། །མིག་གཡས་གཡོན་དུ་མ་ཊ་ལས། །སྐྱེས་པའི་ཉི་མ་ཟླ་བ་བསམ། །གཡོན་པས་རྡོ་རྗེ་དྲིལ་བུ་བླང་། །གཡས་པ་རྡོ་རྗེ་ཡང་དག་ལྡན། །སེམས་
[313a.4]ཅན་དོན་བརྩོན་ཁྲོས་པ་ཡིས། །བློ་དང་ལྡན་པས་ཕྱོགས་ཀུན་བལྟ། །དེ་རུ་གནས་པའི་གདུག་པ་གང་། །བདུད་དང་བགེགས་དང་ལོག་འདྲེན་རྣམས། །དེ་རྣམས་བསྐྲད་པར་བྱ་ཆེད་དུ། །ཚིག་ནི་འདི་དག་ཉེ་བར་བརྗོད། །གནས་ཀྱི་བདག་པོ་གང་རུང་རྣམས། །ཀླུ་དང་གནོད་
[313a.5]སྦྱིན་དྲི་ཟ་སོགས། །འབྱུང་པོ་འབྱུང་མོ་མཁའ་འགྲོ་མ། །སེམས་ཅན་དོན་དུ་བྱ་རྩོམ་པས། །ཤིན་ཏུ་མྱུར་བར་སོང་ཅིག་ཀྱེ། །ཁྱེད་རྣམས་ཀུན་ནས་ཕྱིར་དེངས་ཤིག །དཔལ་ཧེ་རུ་ཀའི་བཀའ་ཐོས་ནས། །མྱུར་བ་ཉིད་དུ་ཕྱིར་ཁྱེར་ཅིག །གང་ཞིག་འགྲོ་བར་མི་བྱེད་པ། །དེའི་མགོ་
[313a.6]བོ་བདག་གི་འབར་བའི་རྡོ་རྗེ་ཡིས། ཁ་ཊྭཱཾ་ག་འདིས་ཚལ་པ་བརྒྱར་དགས་པར་བྱའོ། །ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་ཝཱན་བཛྲ་ཧཱུཾ་ཧཱུཾ་ཕཊ། མེ་ཡི་མཚམས་ནས་བརྩམས་ནས་སུ། །གཡོན་དུ་བསྐོར་བས་
[313a.7]བརྩོན་པ་ཡིས། །དཔའ་བོ་ཆེན་པོ་ཁྲོ་བོས་བསྐོར། །བསྐལ་པའི་མེ་ནི་ལངས་པ་ལྟར། །ཞེས་གསུངས་པས་པད་ཀོར་བྱ་ཞིང་རྡོ་རྗེ་བསོར་བ་དང་དྲིལ་བུ་དཀྲོལ་བས་རྡོ་རྗེའི་འགྲོས་ཀྱིས་མེ་མཚམས་སུ་སོང་ལ་དེ་ནས་བརྩམས་ཏེ། གཡོན་སྐོར་དུ་སློབ་མ་དང་བཅས་པས་དཀྱིལ་འཁོར་
[313b]
[313b.1]དུ་རྡོ་རྗེའི་འགྲོས་ཀྱིས་གར་བྱའོ། །སྒོ་རེ་རེར་བདག་གི་གཡོན་དུ་གནས་པའི་སློབ་མའི་དྲིལ་བུའི་ནང་དུ་རྡོ་རྗེ་གཞུག་ཅིང་དེའི་རྡོ་རྗེ་ཡང་རང་གི་དྲིལ་བུའི་ནང་དུའོ། །དེ་ལྟར་མདུན་དང་རྒྱབ་ཏུའོ། །འདི་ནི་དེ་བཞིན་གཤེགས་པའི་རྒྱ། །འདི་ཡང་ཐབས་ནི་ཡང་དག་འབྱུང་། །དེ་དག་རབ་ཏུ་སྦྱར་བ་ཡིས། །
[313b.2]དངོས་གྲུབ་ཐམས་ཅད་ཡང་དག་འབྱུང་། །ཨོཾ་ཨཱཿཁ་བཛྲ་དྷྲྀ་ཀ་བཛྲ་ཧཱུཾ་ཀ་རེ་ཎ་ཧཱུཾ་ཞེས་བརྗོད་ཅིང་མིག་གིས་དབང་གི་ལྟ་སྟངས་བཞིན་ཤར་ཕྱོགས་སུ་དུས་མཉམ་པོར་གཡས་བརྐྱང་གིས་གནས་པ་དང་། སློབ་མས་ཀྱང་གཡས་བརྐྱང་གིས་གནས་པས་བརྗོད་པ་དང་བཅས་པའོ། །མྱ་ངན་ཁྲོ་བ་སྙིང་
[313b.3]སྟོབས་དང་། །དེ་བཞིན་དྲག་པོའི་བྱ་བ་གཉིས། །རང་བཞིན་གྱི་ནི་རོ་འདི་དག །དང་པོའི་ཞལ་ལ་གནས་པའོ། །མི་སྡུག་པ་དང་ངོ་མཚར་གཉིས། །འཇིགས་པ་དང་ནི་སྤྲོ་བ་དག །རང་བཞིན་གྱིས་གནས་རོ་འདིར་བཅས། །གཡོན་པའི་ཞལ་ནས་གནས་པའི་གསུང་། །དགོད་པ་དང་ནི་
[313b.4]དགའ་བ་དང་། །ལེ་ལོ་སྙོམ་དང་སྒེག་པ་དང་། །རང་བཞིན་གྱིས་གནས་རོ་འདི་དག །ནུབ་ཀྱི་ཞལ་ལ་ཡང་དག་གནས། །སྨོན་པ་དང་ནི་རྨད་བྱུང་གཉིས། །དེ་བཞིན་དཔའ་བོའི་དར་དཔྱངས་དང་། །དཔའ་བ་དང་ནི་འཇིགས་སུ་རུང་། །ལྷོ་ཡི་ཞལ་ལ་གནས་པའོ། །པདྨ་རྡོ་རྗེའི་བར་དུ་ནི། །
[313b.5]གང་ཞིག་སེམས་ནི་ཡང་དག་གནས། །ཞི་བ་དེ་ཉིད་ཡང་དག་དག །ལྷན་ཅིག་སྐྱེས་པའི་དགའ་བའི་གར། །དེ་ཉིད་ཤེས་ལ་གར་དང་འདིར། །གར་གྱི་ཡོད་ཆོས་ཐེ་ཚོམ་མེད། །འཇིག་རྟེན་པ་རྣམས་དགའ་བའི་ཕྱིར། །འཇིག་རྟེན་ཆོས་ཞེན་གར་བྱེད་དོ། །མགུལ་རྒྱན་ལ་སོགས་པའི་
[313b.6]སྟངས་བསྟན་པར་བྱ་སྟེ། མགུལ་རྒྱན་སྟངས་ནི་གཡོན་དུ་སྟེ། །གཡས་སུ་དེ་བཞིན་གདུ་བུའི་སྟངས། །རྣ་རྒྱན་རྣ་བར་རྣམ་པར་དགོད། །གཙུག་གི་ནོར་བུ་དེ་ཕྱོགས་སུ། །ཐལ་བའི་སྟངས་ནི་གཡས་སུའོ། །ཞེས་པ་ལ་སོགས་པའོ། །གང་ནི་ཟུར་མིག་ཅུང་བལྟ་ཞིང་། །ཧེ་རུ་ཀ་ཞལ་
[313b.7]འོ་བྱེད་པ། །ཕག་མོ་ཡང་ནི་གར་བྱེད་དེ། །ཀུནྡ་ཟླ་བའི་མདོག་ལྟར་ཚེམས། །དཀར་མོ་ཧཱུཾ་སྒྲོགས་ཁྲོ་མོ་ནི། །བགེགས་ནི་ཐམས་ཅད་ཉམས་བྱེད་མ། །ལྷན་ཅིག་སྐྱེས་པའི་དགའ་བས་རོལ། །སེམས་ཅན་དོན་ལ་བརྩོན་པར་བྱེད། །དེ་དང་ལྷན་ཅིག་དཔའ་བོ་ཆེ། །འཁོར་ལོ་
[314a]
[314a.1]ས་ཡི་དབུས་སུ་གནས། །བྱེད་པའི་སྟངས་ལ་སོགས་པའི་ས། །བགེགས་རྣམས་ཐམས་ཅད་སྐྲོད་པར་བྱེད། །བདག་ཉིད་མཁའ་སྤྱོད་གུར་བྱས་ནས། །དེ་ལྟར་གོ་ཆའི་གོ་བགོས་ཏེ། །ལྷ་རྣམས་ཀྱིས་ཀྱང་འབྱེད་མི་ནུས། །ཧཱུཾ་བྱུང་ཁྲོ་མོ་དུ་མ་ཡིས། །ནམ་མཁའི་
[314a.2]དཀྱིལ་འཁོར་བཀབ་ནས་སུ། །རྡོ་རྗེའི་ལྟ་བས་བལྟ་བྱ་ཞིང་། །སྔགས་པས་ཡི་གེ་བདུན་པ་བརྗོད། །འདི་ནི་ས་ཡོངས་སུ་གཟུང་བའོ། །དཀྱིལ་འཁོར་གྱི་དབུས་སུ་འདུག་ལ་དྲིའི་མཎྜལ་བྱུགས་ཏེ་བཾ་ལས་སྐྱེས་པའི་སའི་ལྷ་མོ་རྣམ་པར་བསྒོམས་ཤིང་ལག་པ་གཡས་སུ་ཟླ་བ་ལ་ཧཱུཾ་གསུམ་བསམས་
[314a.3]ནས་སོར་མོའི་རྩེ་མོ་ས་ལ་ལན་གསུམ་བསྣུན་པ་དང་། དེའི་སྒྲ་དང་ཧཱུཾ་ཡིག་གི་འོད་ཟེར་གྱིས་བསྐུལ་བས་བཞེངས་པའི་ཡེ་ཤེས་སེམས་དཔའི་ཚུལ་དང་གཅིག་ཏུ་གྱུར་པ་སེར་མོ་ཞི་བ་ན་བཟའ་དཀར་པོ་ཅན་རྒྱན་དང་བཅས་པ་དགྱེས་པ་གཡོན་ན་གསེར་གྱི་བུམ་པ་བཟང་པོ་དང་། གཡས་པས་
[314a.4]མི་འཇིགས་པ་སྦྱིན་པ་ལ་མདུན་དུ་མཆོད་ཡོན་ལ་སོགས་པས་མཆོད་དེ་ལྷག་པར་མོས་པས། སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་དང་། །ས་དང་ཕ་རོལ་ཕྱིན་རྣམས་ལ། །ལྷ་མོ་ཁྱོད་ནི་དབང་དུ་གྱུར། །སྐྱོབ་པ་ཤཱཀྱ་སེང་གེ་ཡིས། །ཇི་ལྟར་བདུད་ཀྱི་སྡེ་
[314a.5]བཅོམ་པ། །དེ་ལྟར་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་བྲི། །ཞེས་པ་ལན་གསུམ་བརྗོད་ནས་ལྷག་པར་གནས་པར་བྱའོ། །ལྷ་མོས་སྨྲས་པ། མགོན་པོ་བདག་གིས་ཅི་ཞིག་བྱ། །རྡོ་རྗེ་འཛིན་བཀའ་བདག་ལ་གསོལ། །ཁྱེད་ཀྱི་བཀྲ་ཤིས་དོན་དུ་
[314a.6]ནི། །བདག་གིས་བུམ་པ་འཛིན་པའོ། །ལན་གསུམ་བརྗོད་པ་ཙམ་གྱིས་ནི། །མཉེས་ནས་མཛེས་མ་འདི་སྐད་བརྗོད། །མགོན་པོ་ཁྱེད་ཀྱི་ཤེས་མོད་ཀྱི། །བསོད་ནམས་ཕུང་པོ་དྲི་མེད་པ། །ང་ནི་ཁྱེད་ཉིད་ལ་གཞོལ་ཞིང་། །ཀུན་ནས་ཁྱེད་ཀྱི་དཔང་དུ་གནས། །ཁྱེད་ཀྱིས་
[314a.7]བཀའ་ནི་གང་སྩལ་པ། །དེ་ནི་བདག་གིས་བྱེད་པར་བརྩོན། །ཞེས་བརྗོད་ནས་དེ་ཉིད་ལ་ཐིམ་པར་བསམ་མོ། །དེ་ནས་རྡོ་རྗེ་བསྡམས་པ་ནང་བཅིངས་ནས། །དེ་ཡིས་ས་ནི་མནན་ནས་སུ། །ཨོཾ་བཛྲཱི་བྷ་བ་ཧཱུཾ་ཞེས་པས་ལན་གསུམ་མངོན་པར་བསྔགས་ཏེ་རྡོ་རྗེ་བཅིངས་པ་ལས་འཐོན་
[314b]
[314b.1]པའི་འབར་བའི་ཧཱུཾ་གི་ཚོགས་ཀྱིས་ས་འོག་གི་བར་རྡོ་རྗེར་གྱུར་པར་བསམས་ལ། ཨོཾ་བཛྲཱི་དྲྀ་དྷ་ཏིཥྛ་ཞེས་པ་ལན་གསུམ་བརྗོད་པས་བྱིན་གྱིས་བརླབ་བོ། །དེ་ནས་ས་གཞི་རང་དབང་དུ་འགྱུར་རོ་ཞེས་པ་ནོར་འཛིན་མ་ལྷག་པར་གནས་པའོ། །དེ་ནས་ཕྱི་དྲོ་སློབ་དཔོན་ཁྲུས་དང་དྲི་བཟངས་དང་གོས་
[314b.2]དམར་པོ་དང་རྒྱན་ཐམས་ཅད་དང་ལྡན་པས། ཨོཾ་བཛྲ་ཨུཥྞཱི་ཥ་ཧཱུཾ་ཕཊ། ཅེས་པས། ལན་བདུན་བསྔགས་པའི་གོས་དམར་པོའི་དབུ་རྒྱན་ཅན་དཀྱིལ་འཁོར་གྱི་དཀྱིལ་དུ་ཁ་ལྷོ་རུ་བསྟན་ནས་འདུག་སྟེ། དཀྱིལ་འཁོར་ལ་སོགས་པའི་བྱ་བ་ལ་དགོས་པའི་ཕྱིར་དང་པོ་རྡུལ་ཚོན་དཀར་
[314b.3]པོས་པདྨ་འདབ་བརྒྱད་བྲིས་པའི་ལྟེ་བ་རུ་རྣམ་པར་རྒྱལ་བའི་བུམ་པའམ། ལས་ཐམས་ཅད་པའི་བུམ་པ་བཞག་ལ་ཤར་གྱི་འདབ་མ་ལ་འཆད་པར་འགྱུར་བའི་ཆོགས་ལྷག་གནས་བྱས་པའི་ཚོན་སྣ་ལྔའི་སྐུད་པའི་སྣོད་དུ་གནས་པ་དང་། ལྷོར་རྡོ་རྗེ་དང་། བྱང་དུ་དྲིལ་བུ་དང་།
[314b.4]ནུབ་དང་མཚམས་བཞིའི་འདབ་མ་རྣམས་ལ་ཇི་ལྟར་རིགས་པར་ས་ཚོན་ལྔའི་སྣོད་རྣམས་སོ། །ཧེ་རུ་ཀ་དཔལ་རྒྱལ་པོ་ཆེའི། །རྣལ་འབྱོར་དབང་ཕྱུག་ངེས་བྱས་པ། །སེམས་ཅན་ཀུན་ལ་ཕན་དོན་དུ། །བུམ་པ་རྣམས་ལ་ལྷག་གནས་བྱ། །མགྲིན་པ་མཐོ་ཞིང་ལྟོ་བ་ཆེ། །མཆུ་
[314b.5]འཕྱང་རྩ་བ་མེད་པ་དང་། །ནག་པོ་ལ་སོགས་དང་བྲལ་བ། །ཞེས་གསུངས་པས་ཞི་བ་དང་རྒྱས་པའི་བུམ་པའི་ནང་ཟླུམ་པོའི་སོར་བཅུ་དྲུག་གོ །ནང་གི་འོག་ནས་ཁའི་མཆུའི་བར་གྱི་དཔངས་ལ་སོར་མོ་ཉི་ཤུའོ། །ཁ་ནས་འཕྱང་པའི་མཆུ་ནི་སོར་གཉིས་སོ། །མགྲིན་པ་ནི་སོར་
[314b.6]དྲུག་གོ། །ཕྲག་པ་སོར་གཉིས་དམའ་བར་བྱས་ཏེ། དེ་གསུངས་པ། དུས་ཀྱི་འཁོར་ལོའི་དཀྱིལ་འཁོར་ཆོ་ག་ལས། །མ་ནུའི་སོར་གྱིས་དེ་ཡི་དཔངས་ཞེས་སོ། །ཁ་ནི་མཆུའི་མཐའ་ནས་མཆུའི་མཐའི་བར་དུ་སོར་བརྒྱད་དོ། །སོར་བརྒྱད་ཀྱི་ཆ་གཉིས་ནི་མགྲིན་པའི་བུ་
[314b.7]གའོ། །ཆ་གཅིག་གིས་ནི་མཆུ་གཉིས་ཀྱི་ཞིང་ངོ་། །གསེར་རམ་དངུལ་ལས་བྱས་པ་ཡི། །ཟངས་སམ་ས་ལས་བྱས་ཀྱང་རུང་། །ཇི་ལྟར་རྙེད་པ་བཟུང་ནས་ནི། །བརྟུལ་ཞུགས་ཅན་གྱིས་བུམ་པ་དགོད། །དེ་སྟོང་པ་ཉིད་དུ་བསྒོམས་ལ་བཾ་ལས་བྱུང་བའི་རིན་པོ་ཆེའི་རང་བཞིན་
[315a]
[315a.1]ཙནྡན་ནམ་འབྲས་བཏགས་པའམ་ས་དཀར་གྱིས་དཀར་པོར་བྱས་ཏེ་མཚན་མ་བྲིས་ལ། བདུད་རྩི་ལྔ་དང་བཅས་པའི་དྲི་ལྔའི་ཆུ་དང་། རིན་པོ་ཆེ་དང་། སྨན་དང་། འབྲུ་ལྔ་ནང་དུ་བླུགས་ལ་འདབ་མས་ཁ་བརྒྱན་པ་ཕྲེང་བ་དང་བཅས་པ། རས་ཟུང་གིས་
[315a.2]མགུལ་པ་དཀྲིས་པ། དྲི་བཟངས་ཀྱི་མཎྜལ་གྱི་སྟེང་དུ་རྗེས་སུ་མཐུན་པའི་གདན་ལ། ཨོཾབཛྲ་ཤེ་ཁ་ར་རུ་ཊ་མ་ཊ་དཱི་ཤཾ་བནྡྷ་བནྡྷ་ཧཱུཾ་ཞེས་པ་བདུན་བཟླས་པའི་སྲད་བུ་དཀར་པོས་རས་ཀྱི་སྟེང་དུ་མགུལ་པ་བཅིངས་པའོ། །དེ་གསུངས་པ། བྱི་རུ་དངུལ་དང་གསེར་དང་ནི། །པདྨ་རཱ་ག་མུ་
[315a.3]ཏིག་གོ། །ནས་གྲོ་སྲན་ཆུང་ནག་མོ་དང་། །ཏིལ་དང་མུ་ཏིག་བུམ་པར་གཞུག །བྲྀ་ཧ་ཏི་ཀནྜ་ཀ་རི་དད། །ས་ཧ་དེ་བ་གཞན་མི་ཐུབ། །དཎ་ཌོཏྤ་ལའི་རྩ་བ་སྟེ། །སྨན་ནི་རྣམ་པ་ལྔ་གཞུག་བྱ། །ཨ་མྲ་ཨུ་དུ་མྺཱ་ར་དང་། །མྱ་ངན་མེད་དང་བྱང་ཆུབ་ཤིང་། །ཀླུ་ཤིང་ཡལ་ག་ལྔ་
[315a.4]བཟུང་ནས། །བུམ་པ་རྣམས་ཀྱི་ཁ་རྒྱན་བྱ། །རས་ནི་དཀར་པོ་ཆེ་བ་ཡིས། །བུམ་པའི་མགུལ་པ་དཀྲི་བར་བྱ། །ཆོ་ག་མཁས་པས་སྲད་བུ་ནི། །དཀར་པོ་རས་ཀྱི་སྟེང་དུ་དགོད། །དཀྱིལ་འཁོར་པ་ནི་ཐམས་ཅད་ཀྱི། །ས་བོན་ཡང་ན་ཕྱག་མཚན་ནི། །གུར་གུམ་ལ་སོགས་
[315a.5]འདུས་བྱས་ལས། །མཁས་པས་བུམ་པའི་ལོགས་ལ་དགོད། །དུ་ངུ་ཀ་དང་ཨ་ཀ་རུས། །བདུག་ཅིང་དྲི་ལྔའི་ཆུ་ཡིས་དགང་། །ཞེས་སོ། །དེ་ལ་མཚན་མ་ནི་སྣ་ཚོགས་པདྨའི་ལྟེ་བའི་ཉི་མར་དཔལ་བདེ་མཆོག་གི་རྡོ་རྗེ་སྔོན་པོ་རྩེ་ལྔ་པ་ཁ་གྱེས་པའོ། །ལས་ཐམས་ཅད་པ་ལ་དུམ་སྐྱེས་མའི་
[315a.6]གྲི་གུག་གོ། །རྣམ་པར་རྒྱལ་བའི་བུམ་པའི་སྟེང་དུ། ཨོཾ་བཛྲ་ཨ་མྲྀ་ད་ཨུད་ཀ་ཋཿཧཱུཾ་ཞེས་པ་འདི་དང་ཡི་གེ་གསུམ་ལན་བདུན་བཟླས་པས་ཡེ་ཤེས་ཀྱི་བདུད་རྩིར་བྱས་ཏེ། རྡོ་རྗེའི་རྡུལ་ཕྲ་རབ་ཀྱི་རང་བཞིན་ཕྱི་ནང་གི་བདུད་རྩི་ལྔ་དང་། དྲི་བཟངས་ཀྱི་ཆུ་དང་ལྡན་པ་ཧཱུཾ་གིས་བསྔགས་པའི་
[315a.7]དུང་ངམ་པདྨའི་སྣོད་དང་མེ་ཏོག་གི་ཕྲེང་བས་བཅིངས་པའི་རྡོ་རྗེ་བཞག་ནས་དབུས་སུ། ཨོཾ་ཏ་པྟེ་ཏ་པྟེ་མ་ཧཱ་ཏ་པྟེ་སྭཱ་ཧཱ། ཞེས་བྱ་བས་བཀུག་པའི་ལྷ་ཡུལ་གྱི་གངྒཱའི་ཆུའི་ངོ་བོའི་ཆུ་ལ་ལྷའི་འཁོར་ལོ་གདན་དང་བཅས་པ་སྐད་ཅིག་གིས་བསམས་ལ། མདུན་དུ་རང་གི་སྙིང་གའི་ས་བོན་གྱི་
[315b]
[315b.1]འོད་ཟེར་གྱིས་ཡེ་ཤེས་ཀྱི་དཀྱིལ་འཁོར་སྤྱན་དྲངས་པ་ལ་ཞབས་བསིལ་དང་། ཞལ་བསིལ་དང་། མཆོད་ཡོན་ཕུལ་བས་དེ་ནས་དེ་དམ་ཚིག་གི་འཁོར་ལོ་ལ་བཅུག་ནས་འདོད་ཆགས་ཆེན་པོས་ཞུ་བར་གྱུར་ནས་བྱང་ཆུབ་སེམས་ཀྱི་ངོ་བོར་བླུགས་པའི་ཆུ་དང་རོ་གཅིག་ཏུ་གྱུར་པར་བསམ་མོ། །མཚན་
[315b.2]མ་ལ་ཡང་དམ་ཚིག་གི་ལྷ་ཡེ་ཤེས་ཀྱི་ལྷ་དང་གཅིག་ཏུ་གྱུར་པར་བསམ་མོ། །དེ་ནས་ཧཱུཾ་བརྗོད་ཅིང་རྡོ་རྗེ་དང་འབྲེལ་བའི་མེ་ཏོག་གི་ཕྲེང་བའི་མཐར་གཡོན་པའི་ཁུ་ཚུར་གྱིས་བཟུང་ནས་འཁོར་ལོའི་གཙོ་བོའི་སྙིང་པོ་དང་ལྷ་མོའི་སྙིང་པོས་བརྒྱ་རྩ་བརྒྱད་དུ་མངོན་པར་བསྔགས་པ། དེར་དུམ་སྐྱེས་མ་
[315b.3]བཟླས་པའི་མེ་ཏོག་དཀར་པོ་གསུམ་གཞུག་པར་བྱའོ། །དེ་ལྟར་བུམ་པ་གཞན་ཡང་རྡུལ་ཚོན་གྱི་དཀྱིལ་འཁོར་རྫོགས་པ་ན་ལྷག་པར་གནས་པར་བྱ་སྟེ། ཁྱད་པར་དུ་ནི་འཁོར་ལོ་ལྔ་ལ་སོ་སོར་རེ་རེ་སྟེ་ལྔའོ། །ཡང་ན་ནང་གི་རིམ་པར་གནས་པ་རྣམས་ཁོ་ནའི་ལྔའོ། །ཡང་ན་དེ་རྣམས་
[315b.4]ཀྱི་ལྔ་དང་འཁོར་ལོ་བཞིའི་བཞི་སྟེ་དགུའོ། །ཡང་ན་དབུས་ཀྱི་རིམ་པར་གནས་པའམ་དམ་ཚིག་འཁོར་ལོར་གནས་པ་རྣམས་ཀྱི་དང་བཅུ་གསུམ་མོ། །ཐུགས་ཀྱི་འཁོར་ལོའི་ཕྱོགས་སུ་གནས་པ་རྣམས་ཀྱི་གཅིག་དང་། མཚམས་སུ་གནས་པ་རྣམས་ཀྱི་གཅིག་དང་། དེ་བཞིན་དུ་
[315b.5]གསུང་གི་འཁོར་ལོ་དང་། སྐུའི་འཁོར་ལོ་ཡང་སྟེ་བཅུ་དགུའོ། །བརྗོད་པའི་ཕྱོགས་དང་ལྷ་སོ་སོའི་དགོད་པ་ལ་ཡང་ལས་ཐམས་ཅད་པ་དུམ་སྐྱེས་མའི་ལྷག་པར་དགོད་དོ། །མཚན་མ་ནི་ཕྱོགས་ཀྱི་འདབ་མ་ལ་མཁའ་འགྲོ་མ་ལ་སོགས་པ་བཞིའི་གྲི་གུག་གམ་བུམ་པ་ཐ་དད་པའི་
[315b.6]ཕྱོགས་ལ་རེ་རེའོ། །རབ་ཏུ་གཏུམ་མོ་ལ་སོགས་པ་རྣམས་ཀྱི་གྲི་གུག་ཉི་ཤུ་རྩ་བཞིའོ། །དཔའ་བོ་རྣམས་གཙོ་བོ་མ་ཡིན་པའི་ཕྱིར་མཚན་མ་མི་བྲིའོ། །ཁྭ་གདོང་མ་ལ་སོགས་པ་རྣམས་ཀྱི་གྲི་གུག་བརྒྱད་སྣ་ཚོགས་པདྨ་དང་ཉི་མ་ལའོ། །ལུས་ལ་ནི་བྱང་ཆུབ་ཀྱི་བདུད་རྩིས་གང་བའི་རྩ་
[315b.7]རྣམས་ཁོ་ན་བུམ་པ་སྟེ་སེམས་ཚིམ་པར་བྱེད་པའི་ཕྱིར་རོ། །དེ་གསུངས་པ། ཕྱི་ཡི་བུམ་པའི་མཚན་མ་གང་། །བཤད་པ་ཐམས་ཅད་ཇི་ལྟ་བར། །ལུས་ཀྱི་དཀྱིལ་འཁོར་བུམ་པ་ཡི། །མཚན་ཉིད་ལུས་ལ་ཡང་དག་འབྱུང་། །ཞེས་པ་བུམ་པ་ལྷག་པར་གནས་
[316a]
[316a.1]པའོ། །སྔགས་པ་ལྷོ་རུ་ཁ་བལྟས་པ། །ལྷ་མོ་བཞི་དང་ཡང་དག་ལྡན། །ཧེ་རུ་ཀ་སྦྱོར་ཡང་དག་ཆགས། །འཛུམ་བཅས་དགའ་བར་བྱེད་པར་འདོད། །མི་ཤ་དང་བཅས་སྤོས་ཕོར་གཡོན་གྱིས་བཟུང་། །ཞེས་པ་ལ་སོགས་པ་གསུངས་པས་དཀྱིལ་འཁོར་དྲི་
[316a.2]བཟངས་ལ་སོགས་པས་བྱུགས་ཏེ། བདུད་རྩི་ལྔ་དང་བཅས་པའི་དྲི་བཟངས་ཀྱིས་ལྷ་དེ་དང་དེའི་གནས་སུ་མཎྜལ་ཟླུམ་པོ་བྱས་ཏེ། དེ་ལ་རང་གི་སྙིང་གའི་ས་བོན་གྱི་འོད་ཟེར་གྱིས་བཀུག་པའི་དཀྱིལ་འཁོར་གྱི་འཁོར་ལོ་ལ་ཞབས་བསིལ་ལ་སོགས་པ་སྔོན་དུ་འགྲོ་བས་ཡང་དག་པར་མཆོད་
[316a.3]ཅིང་བསྟོད་དེ། །བདུད་རྩི་མྱང་བ་བྱས་ལ་པུས་མོ་གཡས་པ་ས་ལ་བཙུགས་ཏེ། ཧཱུཾ་ལས་གྱུར་པ་རྡོ་རྗེ་རྩེ་གཅིག་པའི་ལྕེ་ལ་ཧཱུཾ་བཀོད་ལ་ལག་པ་གཡས་པར་སྤོས་ཕོར་ཐོགས་ཏེ་གཡོན་པས་དྲིལ་བུ་དཀྲོལ་ཞིང་། བཅོམ་ལྡན་བདེ་མཆོག་རྡོ་རྗེ་མཆོག །རིག་པའི་རྒྱལ་པོ་ཁྱོད་ལ་
[316a.4]འདུད། །སློབ་མ་རྣམས་ལ་བརྩེ་དོན་དང་། །ཁྱེད་རྣམས་ལ་ཡང་མཆོད་པའི་ཕྱིར། །མགོན་པོ་སྙིང་རྗེའི་བདག་ཉིད་ཀྱི། །དཀྱིལ་འཁོར་འདྲི་བར་བདག་འཚལ་ལོ། །དེ་ཕྱིར་བཅོམ་ལྡན་བདག་གུས་ལ། །རབ་ཏུ་དགྱེས་པར་མཛད་པའི་རིགས། །སངས་རྒྱས་འགྲོ་འཁོར་
[316a.5]བྱ་དོན་གསོལ། །འབྲས་གནས་བྱང་ཆུབ་སེམས་དཔའ་དང་། །གཞན་ཡང་གང་དག་སྔགས་ཀྱི་ལྷ། །ལྷ་དང་འཇིག་རྟེན་སྐྱོང་བ་དང་། །འབྱུང་པོ་བྱང་ཆུབ་བསྟན་གནས་དང་། །རྡོ་རྗེ་སྤྱན་ཅན་སེམས་དཔའ་ནི། །གང་དག་བསྟན་ལ་དགའ་བ་རྣམས། །བདག་ལ་ཡང་
[316a.6]དག་དགོངས་སུ་གསོལ། །བདག་ནི་ཆེ་གེ་རྡོ་རྗེ་ཅན། །བདེ་མཆོག་འབྱུང་བའི་དཀྱིལ་འཁོར་ནི། །ཇི་ལྟར་ནུས་པ་ཉེར་སྤྱོད་པས། །འགྲོ་བ་སྦྱང་ཕྱིར་བྲི་བར་བྱ། །དེ་ཕྱིར་བདག་ནི་སློབ་བཅས་ལ། །ཐུགས་རྗེས་ཉེ་བར་བཟུང་ནས་ནི། །འདུས་པར་གྱུར་པ་ཐམས་ཅད་ཀྱི། །
[316a.7]དཀྱིལ་འཁོར་ལ་ནི་ཉེར་བྱར་རིགས། །ཞེས་པས་ནི་མངོན་དུ་བྱེད་ཅིང་ལན་གསུམ་དུ་བརྗོད་པས་གསོལ་བ་གདབ་པར་བྱའོ་ཞེས་པ་ལྷ་ལྷག་པར་གནས་པའི་ཆོ་གའོ། །སྔ་དྲོ་དཔའ་བོ་ཆེན་པོ་ནི། །ལྷ་མོ་བཞི་དང་ཡང་དག་ལྡན། །ཕག་མོའི་སྦྱོར་བ་ཡིས་ནི་གནས། །
[316b]
[316b.1]འཇིགས་སུ་རུང་བའི་དཀྱིལ་འཁོར་བྲི། །དམ་ཚིག་ཉམས་པའི་དོགས་པ་ཡིས། །སློབ་མིན་གཞུག་པར་མི་བྱའོ། །ཞེས་པས་རང་གིས་དབང་མ་བྱིན་ན་སློབ་དཔོན་གྱི་སྡོམ་པ་བྱིན་ལ་ལྷག་པར་གནས་པར་བྱས་པའི་སྒོའི་སློབ་དཔོན་བཞི་སྟེ་ཐ་ན་གཅིག་ཀྱང་རུང་ངོ་། །ལྔ་པ་ལས་ཀྱི་
[316b.2]རྡོ་རྗེར་བྱའོ། །ལྷག་པ་གནས་པར་བྱས་པའི་ལྷ་རྣམས་མཆོད་དེ་བློས་ནམ་མཁའ་ལ་གཞག་པར་བྱའོ། །དང་པོ་རུ་ནི་སྐྱ་ཐིག་སྟེ། །དེ་ཡི་རྗེས་ལ་ཡེ་ཤེས་ཐིག །ཕྱོགས་ཀུན་མཉམ་པ་ཉིད་བསམས་ནས། །རྣལ་འབྱོར་པ་ཡིས་ཆོ་གས་གདབ། །དེ་ནས་རོ་ཡི་སྲད་བུ་ནི། །
[316b.3]ཁྲག་ཆེན་པོ་ཡིས་བྱུགས་པ་ཡིས། །དཔལ་ཧེ་རུ་ཀའི་ཕོ་བྲང་མཆོག །དཀྱིལ་འཁོར་འཇིགས་སུ་རུང་བ་གདབ། །རབ་བྱུང་མེ་ཏོག་གིས་བྱུགས་ལ། །རྣལ་འབྱོར་རིག་པས་ཐོད་པར་གཞག །སྲད་བུ་དམ་པ་མངོན་པར་བསྔགས། །མཁའ་འགྲོ་མ་ཡི་སྔགས་ཀྱིས་
[316b.4]བསྲུང་། །བདུད་རྩི་ལྔ་དང་ཡང་དག་ལྡན། །ཆོ་ག་བཞིན་དུ་ཁ་དོག་ལྔ། །སྲད་བུ་དེ་ནི་གཅིག་ཏུ་དྲིལ། །སངས་རྒྱས་ལྔ་ཡི་བྱིན་གྱིས་བརླབ། །ཛཿ་ཛཿ་ཛཿ་ཞེས་མདུན་གནས་པའི། སློབ་མ་ལ་ནི་གཏང་བར་བྱ། །དེ་ནས་སློབ་མས་ཀྱང་ནི་བརྗོད། །ཛཿ་ཛཿ་ཛཿ་ཞེས་རང་མདུན་
[316b.5]དུ། །ཅུང་ཟད་ཡེ་ཤེས་དང་ལྡན་པས། །གཞོན་ནུ་གཞོན་ནུ་མ་མཆོག་ལ། །དཔའ་བོ་རྣལ་འབྱོར་མ་ཕབ་ནས། །ཐིག་འདེབས་པ་ནི་སྦྱར་བར་བྱ། །བདེ་མཆོག་འཁོར་ལོ་དེ་གཉིས་ཀྱིས། །ལེགས་པར་མཛད་པ་གསལ་བར་མཐོང་། །གནས་ལ་སོགས་པའི་ལྷ་མོ་རྣམས། །
[316b.6]ལྷན་ཅིག་སྐྱེས་པ་དང་ལྡན་པའོ། །རྡོ་རྗེའི་ཐིག་ནི་གདབ་པ་དང་། །རྡུལ་ཚོན་ཡང་ནི་གདབ་པ་དག །སེམས་ཅན་དམན་པས་མི་བྱ་སྟེ། །བྱས་ན་བྱང་ཆུབ་སྟོབས་མེད་དོ། །ཞེས་གསུངས་པས་ཁ་ལྷོར་ཕྱོགས་ཏེ་དཀྱིལ་འཁོར་གྱི་གཙོ་བོའི་རྣལ་འབྱོར་ཅན་མཚན་མ་ཐོབ་པས་
[316b.7]གཞོན་ནུ་མ་མ་ཉམས་པས་བཀལ་བའམ་དཔའ་བོའི་རིན་གྱིས་ཉོས་པའི་སྐུད་པ་ལྔ་པ་ལྔ་སྣོད་ལྔར་གནས་པ་རྣམས་དྲི་ཞིམ་པོའི་ཚོན་དཀར་པོ་དང་། སེར་པོ་དང་། དམར་པོ་དང་། ལྗང་གུ་དང་། ནག་པོ་རྣམས་དང་ཡུངས་ཀར་གྱི་ཕྱེ་མ་རྣམས་དང་བདུད་རྩི་ལྔ་བསྲེས་
[317a]
[317a.1]པ་རྣམས་ཀྱིས་སོ་སོར་ཁ་བསྒྱུར་ཏེ་གཡོན་པའི་ལག་མཐིལ་དུ་སོར་མོའི་རྩེ་མོ་ནས་བརྩམས་ཏེ་མཐེ་བོང་གི་རྩ་བའི་བར་དུ་བཀོད་ནས། །བྷྲཱུཾ་ཨཾ་ཧྲཱིཿཁཾ་ཧཱུཾ་གི་ཡི་གེ་རྣམས་ལས་སྐྱེས་པའི་དེ་བཞིན་གཤེགས་པ་ལྔའི་ངོ་བོར་བསྒོམས་ནས་ནམ་མཁའ་ལ་བཞུགས་སུ་གསོལ་
[317a.2]བའི་རང་གི་ཕྱོགས་སུ་དེ་བཞིན་གཤེགས་པ་ལྔའི་ཐུགས་ཀར་བྷྲཱུཾ་ལ་སོགས་པ་ལས་སྐྱེས་པའི་ཡེ་ཤེས་ཀྱི་སྐུད་པ་འོད་ཟེར་དང་བཅས་པ་བལྟས་ནས། ཨོཾ་ཨཱཿཌཱ་ཀི་ནི་བཛྲ་སུ་ཏྲཾ་མེ་པྲ་ཡཙྪ་མ་ཧཱ་མཎྜ་ལ་སཱུ་ཏྲ་ཎཱ་ཡ་ཧཱུཾ་ཞེས་པ་དང་། མིང་བསྒྱུར་བས་གཞན་ལ་སྟེ། རྣམ་པར་སྣང་མཛད་ལ་
[317a.3]སོགས་པའི་བཞིན་མཁའ་འགྲོ་མ་ལ་སོགས་པ་ལ་གསོལ་བ་གདབ་བོ། །མིག་གཉིས་ཛཿལས་སྐྱེས་པའི་ཟླ་བ་དང་ཉི་མ་སེར་པོའི་རང་བཞིན་གྱི། ཨོཾ་དཱི་པྟྀ་དྲ་ཥྚི་ཨངྐུ་ཤ་ཛཿཞེས་བརྗོད་ནས། མིག་རབ་ཏུ་མྱུར་བར་གཡོ་བའི་མིག་གི་རྫི་མས་འགུགས་ཤིང་འབར་བའི་ལྟ་བ་ལྕགས་ཀྱུ་
[317a.4]བཞིན་གྱིས་མཁའ་འགྲོ་མ་ལ་སོགས་པ་བཏང་བས་བཀུག་ནས་ལག་པ་ན་གནས་པའི་རང་རང་གི་ཁ་དོག་ཅན་གྱི་སྐུད་པའི་ནང་དུ་གཞུག་པར་བྱའོ། །མེ་ལོང་ལྟ་བུའི་ཡེ་ཤེས་ལ་སོགས་པ་རྣམས་ལ་ཡེ་ཤེས་བཞི་རྗེས་སུ་འགྲོ་བའི་ཕྱིར། ཉི་ཤུ་ལྔར་ཕྱེ་བའི་སྲད་བུ་མེའི་མཚམས་སུ་
[317a.5]གནས་པའི་སློབ་དཔོན་ལས་ཐམས་ཅད་པའི་གཟུགས་སྐུད་པ་བཟུང་བ་དང་ལྷན་ཅིག་དཀྱིལ་དུ་གནས་པའི་སློབ་དཔོན་གྱིས་དྲིལ་བར་བྱ་སྟེ་དེ་ནས་ལྔ་སྲད་བུ་གཅིག་ཏུའོ། །ཨོཾ་ཨཱཿཨ་ནྱོ་ནྱ་ཨ་ནུ་ག་ཏཱཿསརྦ་དྷརྨཱཿ་པར་སྦ་ར་ཨ་ནུ་པྲ་བིཥྚི་སརྦ་དྷརྨཱ་ཨ་ཏྱན་ཏ་ཨ་ནུ་པྲ་བཥྚིཿ་སརྦ་དྷརྨཱ་ཧཱུཾ་ཞེས་
[317a.6]བརྗོད་ཅིང་དྲིལ་བུ་སློབ་དཔོན་དང་སློབ་མའི་ལག་པ་གཡོན་པའི་མཛུབ་མོ་ནས་བརྩམས་ཏེ་སོར་མོ་བཞིའི་ནང་དུ་བཅུག་ལ་རྒྱབ་ནས་བསྐོར་ནས་ཡང་བཅུག་སྟེ་བསྐོར་ལ་དེ་དག་གིས་རྡོ་རྗེ་ཁུ་ཚུར་བྱས་པ་ཁོ་ནའི་མཛུབ་མོའི་རྒྱབ་ཀྱི་ས་ལ་བཞག་སྟེ་དམན་པའི་བར་དོར་ནས། ཇི་ལྟར་དཀྱིལ་འཁོར་
[317a.7]ལས་ཉིས་འགྱུར་དུ་རིང་བར་གྱུར་པ་ནས་ཀྱི་ཚད་ཀྱིས་སྦོམ་པ་བདུད་རྩི་ལྔ་དང་བའི་རྣམ་པ་ལྔས་སྤངས་པ་ཡི་གེ་གསུམ་ནང་དུ་ཆུད་པར་བྱས་ལ་སྣོད་གཙང་མར་བཞག་སྟེ་མཆོད་ལ་ལག་པས་བཀབ་སྟེ་ལས་ཐམས་ཅད་ལ་བཟླས་ཏེ། མིག་གཡས་པ་དང་གཡོན་པ་མ་དང་ཊ་ལས་ཉི་མ་
[317b]
[317b.1]དང་ཟླ་བ་དག་གིས་སྔར་བཞིན་དུ་བཛྲ་དྲྀཥྚི་མ་ཊ་ཞེས་བས་བརྟན་པར་བྱས་ཏེ་ལས་ཐམས་ཅད་པ་བཟླས་པའི་བདུད་རྩིའི་ཆུ་དང་ཡུངས་ཀར་གྱིས་བྲན་ལ་རྡོ་རྗེ་དང་བཅས་པའི་ལག་པ་གཡས་པས་རེག་ལ། ཨོཾ་བཛྲ་ས་མ་ཡ་སཱུ་ཏྲཾ་མཱ་ཏི་ཀྲ་མ་ཧཱུཾ་ཞེས་བཟླས་ནས། ཡི་གེ་གསུམ་གྱིས་བརྒྱ་རྩ་བརྒྱད་
[317b.2]བཟླས་ཏེ་ལྷག་པར་གནས་པར་བྱའོ། །དཀྱིལ་འཁོར་གྱི་ས་གཞི་ཨོཾ་སརྦ་སཾ་ཤོ་དྷ་ནི་ཧཱུཾ་ཕཊ་ཅེས་པའི་སྔགས་ཀྱིས་བུམ་པ་ཐམས་ཅད་ཀྱི་ཆུས་གཏོར་ཏེ་དེ་དག་པར་བྱས་པ་སྟེ་དྲིས་བྱུགས་ལ། ཕྱི་རོལ་དུ་མེ་ཏོག་བཀྲམ་ལ་ནམ་མཁར་གནས་པའི་ཡེ་ཤེས་འཁོར་ལོ་བལྟས་ལ་མཆོད་ཡོན་
[317b.3]ལ་སོགས་པས་མཆོད་ཅིང་བཏུང་ལ། རང་ཡང་དེའི་རྣལ་འབྱོར་ཅན་དང་ལས་ཐམས་ཅད་པའི་གཟུགས་ཀྱིས་སློབ་མའི་གཡོན་པ་དང་གཡས་པའི་མིག་དག་ལ་ཛཿལས་སྐྱེས་པའི་ཟླ་བ་དང་ཉི་མ་སེར་པོ་བསམས་ལ་རྡོ་རྗེའི་འགྲོས་ཀྱིས་ཐིག་སྐུད་དེ་གཡོན་པའི་རྡོ་རྗེ་ཁུ་ཚུར་གྱིས་
[317b.4]བཟུང་ནས་ལྟེ་བར་བཟུང་སྟེ། སྒྲུབ་པའི་གྲོགས་ཀྱིས་ཀྱང་དེ་བཞིན་དུ་བཟུང་བའི་སྐུད་པ་དེ་ཛཿཡིག་གསུམ་དང་། ཛཿཡིག་གསུམ་གྱིས་སྒྲུབ་པའི་གྲོགས་པོ་དེ་ལ་གཏད་པར་བསམས་ལ་སྔགས་དེས་དེ་བཞིན་དུ་བཀུག་པར་བསམས་ལ། སློབ་དཔོན་བྱང་དུ་གནས་ཤིང་ཁ་ལྷོར་
[317b.5]བལྟས་པ་དང་ནུབ་ཏུ་ཁ་བལྟས་ཏེ་ཤར་དུ་གནས་པས་རང་གི་མདུན་དུ་གནས་པའི་སློབ་མ་དང་བཅས་པས་ལྟེ་བ་དང་མཉམ་པའི་ནམ་མཁའ་ལ་གདབ་ཅིང་རྡོ་རྗེ་དང་བཅས་པའི་ལག་པའི་མཐེ་བོང་དང་མིང་མེད་ཀྱིས་ཐིག་སྐུད་བཟུང་སྟེ་གདབ་པའི་སྒྲ་བྱའོ། །ཐིག་གདབ་པ་ཐམས་
[317b.6]ཅད་དུ་ཡང་། ཨོཾ་བཛྲ་ས་མ་ཡ་སཱུ་ཏྲཾ་མ་ཏི་ཀྲ་མ་ཧཱུཾ་བྷྲཱུཾ་ཨོཾ་ཧྲཱིཿཁཾ་ཧཱུཾ་ཞེས་བརྗོད་དོ། །དེ་ཐམས་ཅད་ཐིག་སྐུད་དེའི་སྒྲས་ནམ་མཁའ་ཁྱབ་པའི་སངས་རྒྱས་རྣམས་བསྐུལ་ཏེ་དེ་དག་ཀྱང་བྱོན་ཏེ་ཐིག་སྐུད་ཀྱི་ནང་དུ་ཐིམ་པའོ། །དེའི་དུས་སུ་ནམ་མཁའི་ཐིག་བཞིན་དུ་ས་ལ་ཚངས་པའི་
[317b.7]ཐིག་གཉིས་ལག་པ་གཉིས་མཉམ་དུ་བབ་པས་གདབ་པར་བྱའོ། །དེ་གསུངས་པ། དང་པོ་གཤིན་རྗེར་ཁ་བལྟས་ཏེ། །འཁོར་ལོའི་ས་ཡི་བྱང་དུ་གནས། །མཁའ་དང་ས་ལ་ཐིག་གདབ་བྱ། །བློ་ལྡན་དང་བཅས་གཡོན་སྐོར་དུ། །ཤར་ནས་ནུབ་ཏུ་བལྟ་
[318a]
[318a.1]བ་ཡིས། །སླར་ཡང་ཚངས་པའི་ཐིག་གཉིས་ལ། །མེར་གནས་ནུབ་ཏུ་ཁ་བལྟས་པས། །ལྷོ་ཡི་ཆར་ནི་ཐིག་གདབ་བྱ། །རླུང་ནས་ཤར་དུ་ཁ་བལྟས་པས། །བྱང་གི་ཆར་ནི་གདབ་པར་བྱའོ། །སློབ་དཔོན་བསྐོར་ཏེ་རླུང་གནས་ཤིང་། །ལྷོར་ནི་མངོན་
[318a.2]དུ་ཕྱོགས་པར་བྱའོ། །ནུབ་ཀྱི་ཆར་ནི་བཏབ་ནས་སུ། །སྔགས་པ་བྱང་དུ་མངོན་ཕྱོགས་ཤིང་། །མེ་ཡི་གནས་སུ་གནས་པ་ཡིས། །ཤར་གྱི་ཆ་ཐིག་བརྩམ་པར་བྱ། །མེ་ལ་སོགས་པར་གནས་པ་ཡིས། །མཚམས་ཀྱི་ཐིག་ནི་གདབ་པར་བྱ། །ཕྱོགས་སོགས་དབྱེ་བ་ཤེས་
[318a.3]ནས་སུ། །ཐིག་གདབ་པ་ནི་བརྩམ་པར་བྱ། །ཞེས་སོ། །དེ་ལ་ཐོག་མར་མཎྜལ་ཁྲུ་གང་བའི་དཀྱིལ་དུ་བཙུགས་པའི་གྲིབ་ཚོད་ཀྱི་ཤིང་བུ་མཐོ་གང་པའི་གྲིབ་མ་ཉིན་མཚན་མཉམ་པའི་དུས་སུ་ནང་དུ་འཇུག་པ་དང་། ཕྱིར་འབྱུང་བའི་རྩེ་མོ་དཀྱིལ་འཁོར་གྱི་རེ་ཁཱའི་དཀྱིལ་དུ་གང་
[318a.4]འཇུག་པ་དེར་ཐིག་ལེ་གཉིས་བྱས་པ་ནི་ནུབ་དང་ཤར་ཡིན་ནོ། །དེའི་སྟེང་དུ་སྐུད་པ་ཁྲུ་གང་པ་བཟུང་ལ་མཎྜལ་གཉིས་བྱས་པས་ཉེར་འབྱུང་ངོ་། །མཇུག་མ་དང་ཁའི་མཐར་བྱས་པའི་ཐིག་ལེ་ལྷོ་དང་བྱང་གི་སྟེང་དུ་སྲད་བུ་བཟུང་སྟེ་མཎྜལ་གཞན་གཉིས་བྱའོ། །དཀྱིལ་འཁོར་མ་
[318a.5]བྱས་པར་འཆར་བའི་དང་ནུབ་པའི་ཚེ་སོར་བཅུ་གཉིས་པའི་ཤིང་གི་གྲིབ་མའི་རྩེ་མོར་བྱས་པའི་ཐིག་ལེ་གཉིས་དུས་རྟག་ཏུ་ནུབ་དང་ཤར་ཡིན་ནོ་ཞེས་པ་མན་ངག་གོ། །ཐོག་ཡོད་པའི་ས་རུ་ཕྱོགས་བཞིར་ཐིག་ལེ་བཞི་བྱས་ལ་སྔར་བཞིན་མཎྜལ་བཞི་བྱས་ཏེ། དེ་ལ་ཕྱོགས་ཀུན་
[318a.6]དུ་ཉའི་ཁ་དང་མཇུག་མའི་དཀྱིལ་དུ་བཟུང་ནས་མེ་རིའི་མཐའི་བར་དུ་ཚངས་པའི་ཐིག་གཉིས་གཡོན་པ་སྐྱིལ་ཀྲུང་ཕྱེད་པ་བྱས་ཏེ་རྐང་པ་གཡས་པ་ས་ལ་བཙུགས་ཏེ། དེ་ལས་བཟློག་པར་གནས་པའི་སློབ་མ་དང་བཅས་པ་གཡོན་པའི་རྡོ་རྗེ་ཁུ་ཚུར་གྱིས་བཟུང་བའི་ཐིག་སྐུད་ཀྱིས་ཕྱིར་
[318a.7]བསྐྱེད་ཅིང་གདབ་པོ། །མཚན་མིན་གྱིས་ནི་གྲུབ་པ་མེད། །ཐིག་སྐུད་ཆད་ན་སློབ་དཔོན་འཆི། །ཕྲ་ཞིང་སྦོམ་པ་ལས་ནི་ནད། །ཕྱོགས་ལ་རྨོངས་ན་སློབ་མ་འཁྲུལ། །གཡས་སྐོར་གྱི་ནི་སྦྱོར་བ་ཡིས། །སློབ་མ་འཆི་བར་བཤད་པ་ཡིན། །འཁོར་ལོ་ཉིས་འགྱུར་རིང་བ་
[318b]
[318b.1]ཡི། །སྒོ་ཡི་ཉི་ཤུ་ཡི་ནི་ཆའི། །སྐུད་པས་དཔལ་ལྡན་ཧེ་རུ་ཀའི། །བདག་ཉིད་ལུས་ཀྱིས་མཁས་པས་བྲི། །ཞེས་གསུངས་པས། འཁོར་དང་བཅས་པའི་རྩ་བའི་དཀྱིལ་འཁོར་ནི་འདིར་སྣ་ཚོགས་རྡོ་རྗེའི་ལྟེ་བའི་མཐའ་ཡོངས་སུ་བཅད་པ་རྩ་བའི་ཐིག་ལས་ཕྱི་རོལ་དུ་ཆ་ཆུང་བརྒྱད་
[318b.2]པའི་བར་དུ་སྟེ་ཆ་ཆུང་བཞི་བཅུ་རྩ་བརྒྱད་པའོ། །དེའི་ཕྱི་རོལ་དུ་ཆ་ཆུང་བཅུ་གཉིས་དང་། གཉིས་དང་། གཉིས་དང་། གཉིས་དང་། གཉིས་དང་། བཞི་ཉིད་དུ་རིམ་གྱིས་རྟ་བབས་དང་། གཉིས་ཆོས་ཀྱི་འཁོར་ལོ་དང་། གཉིས་རྭ་དང་། གཉིས་པདྨའི་འདབ་མ་དང་།
[318b.3]གཉིས་རྡོ་རྗེའི་ཕྲེང་བ་དང་། བཞི་འོད་ཟེར་གྱི་ཆ་རྣམས་ཏེ་ལོགས་གཅིག་ལ་ནི་ཆ་ཆུང་ཉི་ཤུ་རྩ་བཞི་དང་། ལོགས་གཉིས་པར་ཡང་དེ་ལྟར་རོ། །ཞེས་པས་ཐིག་སྐུད་ཆ་ཆུང་དགུ་བཅུ་རྩ་དྲུག་ཏུ་འགྱུར་རོ། །འཁོར་ལོའི་བརྒྱད་ཆ་ནི་སྒོ་སྟེ་དེའི་བཞི་ཆ་ཆུང་ངོ་། །ཚངས་
[318b.4]པའི་གཞོགས་གཉིས་སུ་ཆ་ཆུང་གཉིས་གཉིས་རྩ་བའི་ཐིག་གིས་དང་ལྷན་ཅིག་ཆ་ཆུང་བཞི་པའི་སྒོ་བཅོམ་ལྡན་འདས་ཀྱི་སྐུས་གཡོན་པ་དང་གཡས་པའི་མིག་གཉིས་ཀྱི་ཡི་གེས་ཟླ་བ་དང་ཉི་མར་བསྒོམས་ལ། ཁྲོ་བོའི་ལྟ་བས་ཀུན་དུ་བལྟ་ཞིང་ཧཱི་ཧཱི་ཞེས་བརྗོད་ཅིང་ཐར་པའི་སྒོའི་རྣམ་པར་
[318b.5]འཆིང་བའི་སྒྲིབ་པར་གྱུར་པ་དབྱི་བར་བྱའོ་ཞེས་ལྷག་པར་མོས་པས་དབྱི་བར་བྱའོ། །དེ་ནས། །རྩ་བའི་ཐིག་གི་ཕྱི་རོལ་དུ་གོ་རིམས་བཞིན་དུ་གཅིག་དང་། གཉིས་དང་། གཅིག་དང་། གཉིས་དང་། གཅིག་དང་། གཅིག་གི་བར་དོར་ནས་ཐིག་དྲུག་ནི་མཚམས་ཀྱི་
[318b.6]ཐིག་ལས་ཐད་ཀར་འཐོན་པ་སྟེ། དེ་ལ་དང་པོ་ནི་པཉྩ་རེ་ཁཱའིའོ། །གཉིས་པ་ནི་གར་གྱི་སྣམ་བུ་སྟེ་དེ་གཉིས་ཀྱི་རྩེ་མོ་ལ་རེག་པའི་ཆ་བཅུ་གཉིས་པའི་ཐིག་དང་ལྡན་པའི་ཚངས་ཐིག་ནས། ཆ་ཆུང་གསུམ་གྱི་བར་དུ་གནས་པའོ། །གསུམ་པ་ནི་རིན་ཆེན་ཕ་གུ་དང་དྲ་བ་དྲ་ཕྱེད་
[318b.7]དང་། རིན་ཆེན་ཤར་བུ་རྣམས་ཀྱིས་སྟེ་ཆ་ཆུང་བརྒྱད་སྤང་བར་རོ། །གཞན་ནི་ཟུར་ཐིག་གཞན་གྱི་བར་དུ་སྟེ་མདའ་ཡབ་ཀྱིའོ། །དེ་ནས་གར་གྱི་སྣམ་བུ་ལས་བྱུང་བའི་ཐིག་བཞི་སྟེ། །དེ་ལ་གཅིག་ནི་དར་དཔྱངས་ཀྱིས་སྟེ་ཐད་ཀའི་ཐིག་གསུམ་གྱི་རྩེ་མོ་ལ་རེག་པའོ། །དེའི་
[319a]
[319a.1]གཞོགས་སུ་ཆ་ཆུང་རེ་རེའི་བར་དུ་རྟ་བབས་ཀྱི་ཀ་བ་དང་བར་སྣང་དང་རྡུལ་ཚོན་གྱིས་སྟེ་གསུམ་མོ། །བཞི་པོ་འདི་རྣམས་ལས་དང་པོ་གསུམ་ནི་སྲིད་དུ་ཆ་ཆུང་ལྔ་པའོ། །བཞི་པ་ནི་ཆ་ཆུང་བཞིའོ། །དཀྱིལ་འཁོར་དང་རྟ་བབས་ཀྱི་བར་སྣང་གི་ས་ནི་མུན་པའི་སྣམ་
[319a.2]བུར་ཡང་བརྗོད་དོ། །དེ་ནས་ཚངས་ཐིག་གི་ལོགས་སུ་ཆ་ཆུང་གཉིས་སྤངས་པར་རྩ་བའི་ཐིག་ནས་སྒོ་ཁྱུད་ཆ་ཆུང་བཞི་བཏབ་ནས་ཐད་ཀར་འགྲམ་པ་ཆ་ཆུང་གཉིས་སུ་སོང་ནས་སྟེང་དུ་ཆ་ཆུང་གཉིས་པའི་ལོགས་ཀྱི་ཐིག་གཅིག་གཉིས་འཁྱོག་པའོ། །དེའི་རྩེ་མོ་ནས་ཐད་ཀར་འཐོན་ཏེ་
[319a.3]ཚངས་ཐིག་ནས་ལོགས་གཞན་དུ་གནས་པའི་དེ་ལྟ་བུའི་ཀྱོག་པོའི་རྩེ་མོའི་བར་དུ་ཆ་ཆུང་བརྒྱད་པའི་གདུང་གི་ཐིག་གཅིག་གོ། །དེ་བཞིན་དུ་དེའི་ལོགས་ཀྱི་ཐིག་གི་རྩེ་མོ་ནས། །གཞན་དེའི་ལོགས་ཀྱི་ཐིག་གི་རྩེ་མོའི་བར་དུ་ཆ་ཆུང་བཅུ་པ་པཉྩ་རེ་ཁཱའི་ཐིག་གཅིག་གོ། །དེའི་ཕྱི་
[319a.4]ཆ་ཆུང་གཅིག་ནི་བར་སྣང་གི་སྣམ་བུའོ། །བྲི་བའི་དཀྱིལ་འཁོར་ལ་དར་དཔྱངས་ཐིག་ལ་ཐུག་པར་མདའ་ཡབ་བོ། །བསྒོམ་པའི་དཀྱིལ་འཁོར་ལ་ནི་ལོགས་ཀྱི་སྟེང་གི་བར་རོ། །གདུང་གི་འོག་ཏུ་ཡང་ཀ་བ་གཉིས་མ་བྲིས་ཀྱང་བསྒོམ་པའི་དཀྱིལ་འཁོར་ལ་ཤེས་པར་བྱ་སྟེ། ཀ་བ་
[319a.5]བརྒྱད་ཀྱིས་ཉེ་བར་མཛེས། །ཞེས་གསུངས་པའི་ཕྱིར་རོ། །ལོགས་ཀྱི་ཀ་བ་ནི་རྟ་བབས་རྣམས་ཁོ་ནའིའོ། །རྡུལ་ཚོན་གྱི་རྩིག་པ་ལ་ནི་རིན་པོ་ཆེ་དང་། དྲ་བ་དང་། དྲ་བ་ཕྱེད་པ་དང་། རིན་ཆེན་ཤར་བུ་དང་། མདའ་ཡབ་རྣམས་རིམ་གྱིས་སྟེང་ནས་སྟེང་དུ་གནས་པའོ། །
[319a.6]རིན་ཆེན་ཤར་བུ་ཐོག་གི་མཐའ་ནས་འཕྱང་བའོ། །ཀ་བའི་སྟེང་དུ་རྟ་བབས་ནི་ཆ་ཆུང་བཅུ་གཉིས་སོ། །དེ་ལ་ཀ་བའི་རྩེ་མོའི་ཕྱི་རོལ་དུ་ཐིག་བཅུ་གཅིག་སྟེ་བར་རྣམས་སུ་གསེར་དང་། རིན་པོ་ཆེའི་ཤར་བུ་དང་། རིན་ཆེན་དང་། རྨིག་པ་དང་། མུན་པ་དང་། བ་རན་
[319a.7]དང་། མུན་པ་དང་། རིན་པོ་ཆེའི་ཤར་བུ་དང་། རིན་པོ་ཆེ་དང་། རྨིག་པ་དང་། མདའ་ཡབ་ཀྱི་སྣམ་བུ་རྣམས་སོ། །དེ་རྣམས་ཀྱི་མུན་པའི་སྣམ་བུ་གཉིས་ནི་སོ་སོར་དཔངས་སུ་ཆ་ཆུང་ཕྱེད་དང་གཉིས་ཏེ་སྣམ་བུ་དགུ་ནི་སོ་སོར་ཆ་ཆུང་རེ་རེའོ། །བཅུ་གཅིག་པོ་འདིའི་ཐད་ཀའི་
[319b]
[319b.1]ཚད་ནི། ཚངས་པའི་གཡས་དང་གཡོན་དུ་ནི། །ཆ་ཆུང་ཕྱེད་བཅས་མདའ་ཡི་མཐར། །སྣམ་བུ་ཆ་ཆུང་ཕྱེད་དང་གསུམ། །ཐིག་ནི་ཆ་ཆུང་ཕྱེད་དང་བཞི། །ཆ་ཆུང་དྲུག་མཐར་གཉིས་པ་དང་། །གསུམ་པ་ཆ་ཆུང་གསུམ་པའོ། །ཆ་ཆུང་བཞི་མཐར་བཞི་པ་ནི། །ཆ་ཆུང་ལྔ་སྟེ་
[319b.2]མདའ་ཕྱེད་བཅས། །གསུམ་དོར་ནས་ནི་ཕྱེད་དང་ལྔ། །གསུམ་ན་དུས་ནི་ཆ་ཆུང་ལྔ། །བཞི་ནི་ཆ་ཆུང་བདུན་རྣམས་ཏེ། །དྲག་པོའི་ཐིག་ནི་ཆ་ཆུང་མདའ། །སྣམ་བུ་ལྔ་པའི་སྟེང་གི་ནི། །ཐད་ཀར་ཆ་ཆུང་ཕྱེད་དང་བཞི། །བདུན་པའི་འོག་ལ་ཆུ་ཆུང་གསུམ། །སྟེང་ནི་ཆ་ཆུང་དྲུག་
[319b.3]དེ་ནས། །སྣམ་བུ་རྣམ་མཐར་སྟེང་སོང་ཐིམ། །ནང་ནི་དེ་བཞིན་ལྷན་ཅིག་གོ། །ཀྱོག་པོ་གཅིག་གོ་འདི་ནང་དུའང་། །ཆ་ཆུང་ཕྱེད་ནས་དེ་བཞིན་གཞན། །ཞེས་བཤད་པས་ཚངས་ཐིག་གི་གཡས་དང་གཡོན་དུ་ཆ་ཆུང་ཕྱེད་དང་དྲུག་དོར་བར་སྣམ་བུ་དང་པོ་ཆ་ཆུང་ཕྱེད་དང་
[319b.4]གསུམ་པའོ། །དེའི་སྟེང་དུ་ཐིག་དང་པོ་ཆ་ཆུང་ཕྱེད་དང་བཞི་པའོ། །ཆ་ཆུང་དྲུག་གི་བར་དོར་བར་གཉིས་པ་དང་གསུམ་པའོ། །ཆ་ཆུང་བཞི་དོར་བར་བཞི་པ་ཆ་ཆུང་ལྔ་པའོ། །ཆ་ཆུང་ཕྱེད་དང་བཞི་དོར་བར་ལྔ་པ་ཆ་ཆུང་ཕྱེད་དང་ལྔ་པའོ། །ཆ་ཆུང་གསུམ་དོར་བར་དྲུག་པ་ཆ་ཆུང་
[319b.5]ལྔ་པའོ། །བདུན་པ་ལ་སོགས་པ་བཞི་ནི་ཆ་ཆུང་བདུན་པའོ། །བཅུ་གཅིག་པ་ནི་ཆ་ཆུང་ལྔ་པའོ། །འདིར་སྣམ་བུ་ལྔ་པའི་ཐད་ཀར་སྟེང་དུ་ཆ་ཆུང་ཕྱེད་དང་བཞི་པའོ། །བདུན་པའི་འོག་ལ་ཆ་ཆུང་གསུམ་སྟེ་སྟེང་ལ་ཆ་ཆུང་དྲུག་པའོ། །སྣམ་བུ་རྣམས་རེ་རེ་ཞིང་གི་ཕྱི་རོལ་གྱི་
[319b.6]མཐའི་གྱེན་དུ་ཇི་སྲིད་པའི་ཐིག་གཅིག་གོ། །ནང་གི་མཐར་ཡང་དང་པོའི་ཐིག་གི་ཆ་ཆུང་ཕྱེད་དོར་ནས་སྟེང་དུ་འགྲེང་བའི་ཐིག་གཅིག་གོ། །གཅིག་པོ་དེ་ནི་རྒྱུ་བའི་ཐིག་གཞན་དང་འབྲེལ་བས་འཁྱོག་པོར་མཐོང་སྟེ་ཇི་ལྟར་མཛེས་པར་བྲི་བར་བྱའོ། །འདིའི་ནང་རིན་པོ་ཆེ་ལ་སོགས་
[319b.7]པ་བྲི་བའི་དོན་དུ་ཆ་ཆུང་ཕྱེད་དོར་ནས་དེ་བཞིན་དུ་ཐིག་ཀྱོག་པོ་གཅིག་གོ། །སྟེང་དུ་ཆུ་སྲིན་གྱི་ཁ་ལས་འཐོན་པའི་པ་ཏྲ་ལ་སོགས་པ་ཇི་ལྟར་མཛེས་པའོ། །རྟ་བབས་ཀྱི་སྟེང་གི་ཚངས་ཐིག་ལ་ཆོས་ཀྱི་འཁོར་ལོ་རྩིབས་བཅུ་གཉིས་པའམ་བརྒྱད་པ་ཆ་ཆུང་གཉིས་པའོ། །དེའི་གདན་
[320a]
[320a.1]ནི་པདྨ་དང་ཟླ་བའོ། །དེའི་ངོས་གཉིས་ལ་མདའ་ཡབ་ཀྱི་སྟེང་དུ་འཁོར་ལོ་ལ་མངོན་དུ་ཕྱོགས་པའི་རི་དགས་དང་རི་དགས་མོ་འཁོར་ལོ་ལས་ཆ་ཆུང་ཕྱེད་དུ་རིང་བར་གནས་པ་སྟེ། ཆ་ཆུང་གཅིག་ཏུ་མགྲིན་པ་དང་བཅས་པའི་གདོང་འགྲེལ་ཞིང་འཁོར་ལོའི་རྩེ་མོར་མིག་བལྟ་
[320a.2]བ་བྲི་བར་བྱའོ། །འཁོར་ལོའི་ཕྱི་རོལ་དུ་སྣ་ཚོགས་རྡོ་རྗེའི་རྩེ་མོ་ཆ་ཆུང་གཉིས་ཏེ་འཁོར་ལོའི་རྭའི་བར་དུ་མཐོང་བའོ། །གཡས་གཡོན་གྱི་རྭ་ནི་རྟ་བབས་ཀྱི་གཞོགས་རྣམས་སུ་དར་དཔྱངས་ཀྱི་སྣམ་བུའི་སྟེང་དུ་ཆུ་སྲིན་གྱི་ཁ་ནས་འཐོན་ཏེ། ཅུང་ཟད་ཐད་ཀར་སོང་ནས་ཕྱིར་བྱུང་བ་དབུས་
[320a.3]ཀྱི་རྒྱར་ཆ་ཆུང་གསུམ་པ་སྲིད་དུ་ཆ་ཆུང་བཅུ་དྲུག་པའོ། །དཀྱིལ་འཁོར་གྱི་ལྟེ་བར་སེང་ལྡེང་གི་ཕུར་པ་མགོ་རྩེ་གཅིག་པ་སྟེང་རྡོ་རྗེ་རྩེ་ལྔ་པའི་རྣམ་པ་ཧཱུཾ་ལས་སྐྱེས་པར་བསམས་ནས། ཕུར་བུ་གདབ་པའི་སྔགས་ཀྱིས་བརྒྱ་རྩ་བརྒྱད་དུ་བཟླས་ནས་བརྡུང་བའི་སྔགས་ཀྱིས་རྡོ་རྗེ་ཐོ་བས་
[320a.4]བརྡུངས་ཏེ། དེ་ལ་ཐིག་སྐུད་ཆ་ཆུང་དགུ་བཅུ་རྩ་དྲུག་པ་ཉིས་ལྟབ་ཏུ་བྱས་པ་བཏགས་ལ་མེའི་མཚམས་ནས་བརྩམས་ཏེ་གཡོན་སྐོར་དུ་རྭའི་རྩེ་མོ་ལས་ཕྱིར་པདྨའི་གེ་སར་གྱི་རི་མོ་ཟླུམ་པོས་བསྐོར་བར་བྱའོ། །དེའི་ཕྱི་རོལ་དུ་ཆ་ཆུང་གཉིས་པའི་པདྨའི་འདབ་མའི་ཕྲེང་བའི་ཐིག་ཟླུམ་
[320a.5]པོའོ། །དེའི་ཕྱི་རོལ་དུ་ཆ་ཆུང་གཉིས་པའི་རྡོ་རྗེ་ཕྲེང་བའི་ཐིག་སྟེ་སྲ་ཞིང་འཐས་པ་འཁོར་ས་ཆེན་པོའི་ངོ་བོའོ། །དེའི་ཕྱིར་ཆ་ཆུང་བཞི་པའི་མེ་རིའི་ཐིག་གོ། །ཁོར་ཡུག་དེའི་ཕྱི་རོལ་དུ་ནི་ཤིང་ལ་སོགས་པའི་དུར་ཁྲོད་བརྒྱད་དེ། འོན་ཀྱང་སྐལ་པ་དང་མི་ལྡན་པའི་གནས་སུ་མི་བྱའོ། །
[320a.6]སྒོ་དང་སྒོ་ཁྱུད་ཀྱི་མཚམས་སུ་ཆ་ཆུང་གཅིག་པའི་ཟླ་བའི་ཆ་ལ་གནས་པའི་རིན་པོ་ཆེ་དམར་པོའི་སྟེང་དུ་རྡོ་རྗེ་ཕྱེད་པས་མཚན་པའོ། །སྟེགས་བུ་གྲུ་བཞི་ལ་གནས་པའི་བུམ་པ་ལ་གནས་པའི་རྟ་བབས་ཀྱི་ཀ་བ་རྣམས་སོ། །དེ་རྣམས་ཀྱི་རྩ་བ་དང་རྩེ་མོ་ལ་ནོར་བུ་བཅིངས་པའི་དཀྱིལ་དུ་
[320a.7]གླང་པོ་ཆེའི་སྟེང་དུ་ལག་པ་བརྐྱང་པའི་སེང་གེའོ། །པདྨའི་འདབ་མ་ཕྱེད་པ་ལྟ་བུའི་མདའ་ཡབ་ལ་གསེར་གྱི་བུམ་པར་གནས་པ་ཕྱོགས་སུ་རྒྱལ་མཚན་དང་བ་དན་བརྒྱད་དོ། །རྟ་བབས་ལ་ཡང་ངོ་། །རྔ་ཡབ་དང་བཅས་པ་དྲིལ་ཆུང་གི་སྒྲ་སྒྲོགས་པའོ། །ཟུར་བཞི་
[320b]
[320b.1]ལ་ནི་གདུགས་རྣམས་སོ། །རྟ་བབས་རྣམས་ལ་བླ་རེ་རྣམ་པ་སྣ་ཚོགས་པ་དང་། དྲ་བ་དང་། དྲ་བ་ཕྱེད་པའོ། །རྨིག་པ་དང་བ་རན་གྱི་མཐའ་རུ་རྒྱལ་མཚན་དང་བ་དན་ནོ། །རྟ་བབས་ཀྱི་ལོགས་ཀུན་དུ་བུམ་པ་བཟང་པོ་ལས་བྱུང་བའི་དཔག་བསམ་གྱི་ཤིང་གླང་པོ་ཆེ་ལ་སོགས་པ་རིན་པོ་
[320b.2]ཆེ་བདུན་དང་ལྡན་པ་རྣམས་སོ། །ཚངས་དང་ཟུར་ཐིག་གནས་པ་ལས། །གཞན་མིན་དེ་ཡི་ཚངས་ལས་ཕྱིར། །ཆ་ཆུང་གཉིས་དོར་རྩ་བའི་བར། །ཐིག་གདབ་ཟུར་གྱི་འགྲམ་དག་ཏུ། །དེ་བཞིན་ལྟེ་བའི་ལོགས་དག་ཏུ། །སྒོ་ནི་བཞི་བཞིར་དེ་ཡི་སྲིད། །ལྟེ་བའི་ཕྱི་རུ་ཆ་ཆུང་བཞི། །
[320b.3]དོར་བར་ཆ་ཆུང་བཞི་པའི་ཐིག །ཐད་ཀར་ཚངས་དང་ཟུར་ལ་གནས། །འདིར་ནི་ཡང་ན་ཐིག་ལྔ་ཡང་། །ཆ་ཆུང་གཉིས་གཉིས་དོར་བར་རོ། །དེ་བཞིན་དེ་རྣམས་དང་དྲུག་པ། །མཚམས་སུ་ཡང་དག་སོན་པ་ལའོ། །ཚངས་པ་དང་ནི་ཟུར་ཐིག་གི། །གཡས་དང་གཡོན་པའི་བདུན་
[320b.4]རྣམས་ལས། །ལྔ་པ་གསུམ་པའི་དང་པོ་ཡིན། །ཆ་ཆུང་གཅིག་གི་མཐའ་ལས་འཐོན། །རང་གི་གཉིས་པའི་རྩེར་སོན་ནས། །བདུན་པ་ཡི་ནི་དབུས་སུ་སོང་། །ཐིག་གཅིག་ཀྱོག་པོ་ལྔ་རུ་འགྱུར། །དེ་ཡི་ནང་དུའང་ཆ་ཆུང་ཕྱེད། །དོར་ནས་དེ་བཞིན་གཞན་ཡིན་ནོ། །ཚངས་
[320b.5]ལས་རིམ་བཞིན་རྒྱལ་པོ་དང་། །ཉི་ཀླུ་ཆུ་མིག་ཆ་ཆུང་ནི། །དོར་བར་ཟླུམ་པོའི་ཐིག་ལྔའོ། །དང་པོ་གསུམ་དང་ནང་དུ་ཡང་། །ཆ་ཆུང་ཕྱེད་ཕྱེད་དོར་ནས་ཐིག །ཟླུམ་པོ་གསུམ་པོ་རྩིབས་ཟླུམ་གྱི། །ཐིག་ལས་གཞན་ནི་དབྱི་བར་བྱ། །ཞེས་གསུངས་པས། རྩ་བའི་ཐིག་
[320b.6]གི་ནང་དུ་ལྟེ་བའི་ལོགས་གཉིས་སུ་ཚངས་པ་དང་ཟུར་གྱི་ཐིག་བཞི་བཞིའི་གཡས་གཡོན་དུ་ཆ་ཆུང་གཉིས་ཀྱི་བར་ནས་སྒོ་བཞི་བཞིའི་ཚད་དུ་ཐིག་རེ་རེ་གདབ་པོ། །དེ་ནས་ལྟེ་བའི་ཕྱི་རོལ་དུ་ཆ་ཆུང་བཞིའི་བར་ལས་འདབ་མའི་མཐའ་མའི་ཐིག་ལས་ཆ་ཆུང་གཉིས་ཀྱི་བར་དུ་ཐད་ཀའི་
[320b.7]ཐིག་ཚངས་པ་དང་ཟུར་དང་དེ་དག་གི་ཐིག་གི་སྟེང་དུ་སྒོའི་ཚད་དོ། །དེའི་ཕྱིར་དེ་བཞིན་དུ་ཐིག་ལྔའོ། །ཟུར་དང་དེའི་ཐིག་གི་སྟེང་དུ་དྲུག་པ་ཡང་ངོ་། །དེ་ལ་ཚངས་པའི་གཡས་སུ་དང་པོའི་ཆ་ཆུང་གཅིག་གི་མཐར་ཞུགས་ཏེ་བཞི་པའི་རྩེ་མོར་སོན་ནས་ལྔ་པའི་ཆ་ཆུང་
[321a]
[321a.1]གཅིག་གི་མཐར་ཞུགས་ཏེ་དྲུག་པའི་རྩེ་མོར་སོན་ནས་བདུན་པའི་ཆ་ཆུང་གཅིག་གི་མཐར་ཞུགས་པའི་ཐིག་ཀྱོག་པོ་གཅིག་གོ །དེའི་ནང་དུ་ཆ་ཆུང་ཕྱེད་དོར་ནས་དེ་དང་འདྲ་བའི་ཀྱོག་པོའི་ཐིག་གཉིས་པའོ། །དེ་ལྟར་ཚངས་པའི་གཡོན་དང་གཞན་ཀུན་ལ་ཡང་ངོ་། །
[321a.2]མཚམས་ཐིག་ཀུན་ལ་ཡང་ངོ་། །དེ་ནས་ལྟེ་བར་ཐིག་སྐུད་བཟུང་སྟེ་རྩ་བའི་ཐིག་ནས་བརྩམས་ཏེ་ནང་དུ་སྒོ་རེ་རེའི་བར་དུ་ཟླུམ་པོའི་ཐིག་བཞིའོ། །དེ་གསུངས་པ། རྩ་བའི་ཐིག་ནས་ཉེར་བཟུང་སྟེ། །ཟླུམ་པོའི་ཐིག་ནི་རྣམ་པ་བཞི། །འཁོར་ལོ་གསུམ་ནི་སྒོ་ཚད་དུ། །
[321a.3]ཡང་དག་བསྐོར་བས་ཕྱིན་པའོ། །ལྷག་མ་པདྨ་འདབ་བརྒྱད་ཚད། །འདི་ལས་ལྷག་ཆད་ཅུང་ཟད་མེད། །ཐུགས་སོགས་འཁོར་ལོའི་མུ་ཁྱུད་ལ། །རྡོ་རྗེ་པདྨ་འཁོར་ལོའི་ཕྲེང་། །ཞེས་སོ། །དེ་ལ་དང་པོ་གསུམ་པོ་རྣམས་ཀྱི་ནང་དུ་ཆ་ཆུང་ཕྱེད་དོར་བར་ཟླུམ་པོའི་
[321a.4]ཐིག་གཅིག་གོ། །བཞི་པའི་ནི་ཐུགས་ཀྱི་འཁོར་ལོའི་ལྟེ་བའི་ནང་མཚོན་པ་སྟེ། དེའི་ནང་དུ་ཆ་ཆུང་གཅིག་གི་བཞི་ཆ་ནས་ཕ་རོལ་ཆ་ཆུང་ཕྱེད་དང་གསུམ་པའི་འདབ་མ་དོར་བར་ལྟེ་བའི་དོན་དུ་ཟླུམ་པོའི་ཐིག་གཅིག་གོ། །རྩིབས་ཀྱི་ལོགས་ཀྱི་སྟེང་དུ་རྡོ་རྗེ་དང་པདྨ་དང་འཁོར་
[321a.5]ལོའི་ཕྲེང་བའོ། །འདིར་ཕྱི་རོལ་གྱི་རྩིབས་ཀྱི་ཐིག་རྣམས་བསྲུངས་ལ་གཞན་ནི་དབྱེ་བར་བྱའོ། །ནང་གི་ལུས་ལ་དེ་བཞིན་དུ། །ཧེ་རུ་ཀ་མཆོག་ཐིག་གདབ་བྱ། །ལྷན་སྐྱེས་རང་བཞིན་ཡང་དག་དག །དཔའ་བོ་དཔའ་མོའི་དབང་ཕྱུག་ལྡན། །ཞེས་པ་ཐིག་གདབ་པའོ། །
[321a.6]དེ་ནས་གཏོར་མ་བཏང་ལ། དུར་ཁྲོད་རུས་པ་ཡང་དག་བླང་། །ཐལ་བ་ལོ་མ་སོ་ཕག་རྣམས། །བ་བླ་དང་ནི་ཡང་དག་ལྡན། །ཧེ་རུ་ཀ་ཡི་འཁོར་ལོ་བྲི། །ཐོད་པར་ས་ཚོན་བཞག་ནས་སུ། །རྒྱུད་ལས་གསུངས་པའི་ཆོ་ག་བཞིན། །འབར་བའི་ལྟ་བས་ཡེ་ཤེས་ཀྱི། །འཁོར་
[321a.7]ལོའི་ཐུགས་གནས་བཀུག་ནས་སུ། །སངས་རྒྱས་ཐམས་ཅད་མཁའ་འགྲོ་མའི། །སྔགས་ཀྱི་མངོན་པར་བསྔགས་ནས་སུ། །ཧེ་རུ་ཀ་དཔལ་རྒྱལ་པོ་དང་། །འཁོར་ལོའི་དབུས་སུ་ཡང་དག་གནས། །ཞེས་པ་ལ་སོགས་པ་གསུངས་པས་བཾ་ལཾ་རཾ་ཧཾ་ཡཾ་གི་ས་བོན་ལས་བྱུང་
[321b]
[321b.1]བའི་དཀར་པོ་དང་། སེར་པོ་དང་། དམར་པོ་དང་། ལྗང་གུ་དང་། ནག་པོའི་ཚོན་རྣམས་ཟླ་ཤེལ་ལ་སོགས་པ་ལས་བྱུང་བའམ། །ཁམས་ལས་བྱུང་བའམ། འབྲས་སཱ་ལུ་ལས་བྱུང་བ་བྷྲཱུཾ་ཨཾ་ཧྲཱིཿ་ཁོཾ་ཧཱུཾ་ལས་སྐྱེས་པའི་རྣམ་པར་སྣང་མཛད་ལ་སོགས་པའི་ཚུལ་དུ་བསམས་ནས།
[321b.2]ནམ་མཁའ་ལ་གནས་པའི་རྒྱལ་བ་ལྔའི་ཐུགས་ཀར་བྷྲཱུཾ་ལ་སོགས་པས་མངོན་པར་བསྔགས་ཏེ། ཨོཾ་བཛྲ་ཙི་ཏྲ་ས་མ་ཡ་ཧཱུཾ། ཞེས་པ་འདིས་ལན་བརྒྱ་རྩ་བརྒྱད་དུ་བཟླས་ཏེ་འབར་བའི་ལྟ་བས་ཡང་དག་པར་སྤོང་ཞིང་རེ་རེ་ཞིང་ལ་ཧཱི་བཀོད་ནས། བདེན་པ་གང་གིས་སེམས་ཅན་རྣམས་རྡུལ་
[321b.3]ཚོན་མང་ཞིང་སངས་རྒྱས་བཅོམ་ལྡན་འདས་རྣམས་སེམས་ཅན་རྣམས་ལ་ཆགས་པས་རྗེས་སུ་ཆགས་པའི་བདེན་པ་དེས་རྡུལ་ཚོན་རྣམས་འབར་བར་གྱུར་ཅིག་ཅེས་བདེན་པའི་བྱིན་གྱི་རླབས་ཀྱིས་སྤར་བར་བྱའོ། །ལྷ་བསྒོམ་པ་ཕུལ་དུ་བྱུང་བ་ལས་ནི་འབར་རོ། །དྲི་དང་མེ་ཏོག་ལ་སོགས་པས་
[321b.4]མཆོད་ནས་སྣོད་བརྟན་པར་གཞག་པར་བྱའོ། །དེ་ནས་དཀྱིལ་འཁོར་གྱི་ལྟེ་བ་ན་གནས་པའི་ཕུར་བུ། ཨོཾ་བཛྲ་ཀཱི་ལ་ཨུཏ་ཀཱི་ལཱ་ཡ་སརྦ་ཀཱི་ལན་བཛྲ་དྷ་ར་ཨཱ་ཛྙཱ་པ་ཡ་ཧཱུཾ་ཧཱུཾ་ཧཱུཾ་ཧཱུཾ་ཕཊ་ཧོ། །ཞེས་པ་ཧཱུཾ་བཞི་པའི་སྔགས་ཀྱིས་བཏོན་ལ། བློས་རང་གི་ལག་པའི་རྡོ་རྗེ་ལ་བསྟིམས་ཏེ་ཕུར་
[321b.5]བུའི་ཁུང་བུར་སྔར་མ་བཅུག་ན་རིན་པོ་ཆེ་དང་སྨན་དང་འབྲུ་ལྔ་བཅུག་ལ་རྡུལ་ཚོན་ལྔས་ཀུན་ནས་བཀང་སྟེ་མཉམ་པོར་བྱས་ནས། དྲིལ་བུའི་སྒྲ་དང་རྡོ་རྗེའི་གླུས་མཚན་མ་ངན་པ་བསལ་བར་བྱའོ། །འདི་ནི་ཆོས་དབྱིངས་དག་པ་སྟེ། །སེམས་ཅན་ཁམས་ནི་རབ་སྒྲོལ་མཛད། །རང་
[321b.6]ཉིད་རྒྱལ་པོ་རྡོ་རྗེ་འཆང་། །དེ་བཞིན་གཤེགས་པ་ཀུན་གྱི་གནས། །ཉེས་པ་ཀུན་ལས་རྣམ་པར་གྲོལ། །འཁོར་ལོའི་ནང་དུ་ཡང་དག་གནས། །ཞེས་པས་ཆོས་ཀྱི་དབྱིངས་རྣམ་པར་དག་པར་མོས་ནས་དང་པོར་དཀྱིལ་འཁོར་གྱི་ནང་དུ་འདུག་སྟེ། བློ་དང་ལྡན་པས་མེ་
[321b.7]མཚམས་ནས་ལག་པ་གཡོན་པས་གཡོན་སྐོར་གྱིས་དཀར་པོ་དང་། སེར་པོ་དང་། དམར་པོ་དང་། ལྗང་གུ་དང་། ནག་པོའི་ཚོན་རྣམས་ཕྱི་རོལ་ནས་བརྩམས་ཏེ་ཁ་ཤར་དུ་ཕྱོགས་པས་ཨོཾ་བཛྲ་ཙི་ཏྲ་ས་མ་ཡ་ཧཱུཾ་ཞེས་བརྗོད་ཅིང་བྲི་བར་བྱའོ། །རང་གིས་བརྩམས་ནས་རི་
[322a]
[322a.1]མོ་མཁན་ལ་སོགས་པ་གཞན་གྱིས་ཀྱང་དགྱེ་བར་བྱའོ། །སྒོ་ཡི་ཉི་ཤུ་ཆ་རུ་ནི། །རེ་ཁཱ་མཉམ་པོར་དགྱེ་བར་བྱ། །སྦོམ་པོར་བཀྱེ་བས་ནད་འབྱུང་ཞིང་། །ཕྲ་མོ་ཡིས་ནི་ནོར་རྣམས་ཉམས། །ཡོན་པོ་ཡིས་ནི་རྣམ་པར་སྡང་། །ཆད་ན་བླ་མ་སློབ་དཔོན་
[322a.2]འཆི། །གཡས་སྐོར་དུ་ནི་བཀྱེ་བ་ཡིས། །ཚོན་རྣམས་ཕུར་བུས་བཏབ་པར་འགྱུར། །གྲུབ་པའི་རྒྱུར་མི་འགྱུར་པའོ། །ལྷོ་ཡི་ས་གཞི་ནག་པོ་ཤར། །ལྗང་གུ་དེ་བཞིན་བྱང་ནི་དམར། །ནུབ་ཏུ་ཡང་ནི་སེར་པོ་སྟེ། །ཐུགས་གསུང་སྐུ་ཡི་འཁོར་ལོ་རྣམས། །སྔོན་པོ་དམར་
[322a.3]པོ་དཀར་པོ་ཆེར། །གསང་སྔགས་རིག་པས་ཡིད་འོང་བྲི། །ཚོན་དགྱེ་བ་ལ་ཉེས་པ་གང་། །དེ་ཉིད་བསམས་པའི་སྦྱོར་རྣམས་ལ། །སུས་ཀྱང་བར་ཆད་བྱ་མི་ནུས། །རྡོ་རྗེའི་ཤུགས་ཀྱི་ཡེ་ཤེས་རྡུལ་ཚོན་གྱི་རེ་ཁཱ་ཡིད་ཀྱིས་ནམ་མཁའ་ལ་བཏེག་ནས་ཨོཾ་བཛྲ་བེ་ག་ཨ་ཀྲ་མ་ཧཱུཾ་ཞེས་
[322a.4]བརྗོད་ཅིང་ཐིག་ལ་སོགས་པ་ལ་འགོམས་ཀྱང་ཉེས་པ་མེད་དོ། །གར་གྱི་སྣམ་བུ་ནི་དམར་པོའོ། །རིན་ཆེན་སྣམ་བུ་ནི་ས་གཞི་དམར་པོ་ལ་རིན་པོ་ཆེ་སྣ་ཚོགས་པའོ། །ས་གཞི་ནག་པོ་ལ་དྲ་བ་དང་དྲ་བ་ཕྱེད་པའོ། །ས་གཞི་སྔོན་པོ་ལ་རིན་ཆེན་ཤར་བུ་དང་མདའ་ཡབ་དཀར་པོའོ། །རྨིག་
[322a.5]པ་དང་བ་རན་ནི་ཇི་ལྟར་མཛེས་པའོ། །མུན་པ་ནི་ནམ་མཁའི་མདོག་གོ། །འཁོར་ལོ་ནི་གསེར་རོ། །རི་དགས་ནི་གསེར་ལ་རིན་པོ་ཆེས་སྤྲས་པའོ། །སྣ་ཚོགས་རྡོ་རྗེའི་རྭ་ནི་ཕྱོགས་ཀྱི་མདོག་གོ། །བུམ་པ་བཟང་པོ་ནི་གསེར་རོ། །ལྟེ་བ་ལྗང་གུ་ལ་ཟེའུ་འབྲུ་སེར་པོའོ། །འདབ་
[322a.6]མ་ནི་སྣ་ཚོགས་པའོ། །དེའི་ས་ནི་དམར་པོ་ཤས་ཆེ་བའི་དཀར་པོའོ། །རྡོ་རྗེ་ནི་ནག་པོའོ། །རེ་ཁཱ་ནི་དཀར་པོའོ། །ས་གཞི་ཇི་ལྟར་མཛེས་པའོ། །འོད་ཟེར་གྱི་མེ་རི་ནི་རྒྱལ་བ་ལྔའི་མདོག་གོ། །དཀྱིལ་དུ་སྣ་ཚོགས་པདྨར་ཉི་མ་ལ་རྡོ་རྗེ་སྔོན་པོ་རྩེ་ལྔ་པ་ཁ་གྱེས་པའོ། །ཕྱོགས་ཀྱི་
[322a.7]འདབ་མ་རྣམས་ལ་གྲི་གུག་གོ། །མཚམས་ཀྱི་རྣམས་ལ་པདྨའི་སྣོད་རྣམས་སོ། །འཁོར་ལོའི་རྩིབས་རྣམས་ལ་ཟླ་བ་ལ་གྲི་གུག་ཉི་ཤུ་རྩ་བཞིའོ། །དཔའ་བོ་རྣམས་ནི་གཙོ་བོ་མ་ཡིན་པའི་ཕྱིར་མཚན་མ་མི་བྲིའོ། །སྒོ་དང་མཚམས་རྣམས་སུ་སྣ་ཚོགས་པདྨ་དང་ཉི་མ་ལ་གྲི་གུག་
[322b]
[322b.1]བརྒྱད་དོ། །ཕྱིའི་ཟླུམ་པོའི་ཐིག་གི་ཕྱི་རོལ་མཚམས་ཀྱི་ལོགས་སུ་བུམ་པ་བརྒྱད་དོ། །གར་གྱི་སྣམ་བུའི་ལྷོ་སྒོའི་གཡོན་དུ་པི་ཝང་དང་གླིང་བུའོ། །གཡས་སུ་རྔ་ཟླུམ་དང་རྫ་རྔའོ། །དེ་བཞིན་དུ་བཅུ་དྲུག་གི་ཡང་མཚན་མའོ། །ནང་དུ་ནི། སེམས་ཤེས་ལས་ཀྱི་ཐིག་ལས་བྱུང་། །རྡུལ་
[322b.2]བཏབ་རིམ་པས་ཤར་བ་ཡི། །འགྲོ་བ་འདི་ཉིད་རང་བཞིན་གྱིས། །གྲུབ་པའི་དཀྱིལ་འཁོར་གཉིས་མེད་པའོ། །ཞེས་པ་རྡུལ་ཚོན་དགྱེ་བའོ། །དེ་ནས་ལྷག་གནས་བྱས་པའི་བུམ་པ་རྣམས་གཡོན་སྐོར་དུ་དགོད་དེ། དེ་ལ་རྣམ་པར་རྒྱལ་བ་དཀྱིལ་འཁོར་ལ་གཡོན་སྐོར་དུ་བསྐོར་ཏེ། རྡུལ་
[322b.3]ཚོན་གྱི་ཕྱི་ལྷོ་སྒོའི་ཚངས་ཐིག་གི་གཡོན་དུ་གཞག་པར་བྱའོ། །ལས་ཐམས་ཅད་པ་གཡས་སུའོ། །དེ་ལྟར་མཁའ་འགྲོ་མ་ལ་སོགས་པའི་བུམ་པ་རྣམས་རང་གི་ཕྱོགས་ཀྱི་དབྱེ་བས་དཀྱིལ་འཁོར་དུ་དགོད་དོ་ཞེས་བུམ་པ་དགོད་པའོ། །དཀྱིལ་འཁོར་གྱི་ཕྱོགས་བཞི་རུ་ཤེས་རབ་ཀྱི་ཕ་
[322b.4]རོལ་ཏུ་ཕྱིན་པ་དང་། ལང་ཀར་གཤེགས་པ་དང་། ཏིང་ངེ་འཛིན་རྒྱལ་པོ་དང་། སྡོང་པོ་བཀོད་པ་རྣམས་འདོན་དུ་གཞུག་གོ། །ག་བུར་དང་། ཨ་ཀ་རུ་དང་། དུ་རུ་ཀ་ལ་སོགས་པའི་སྤོས་ཕོར་བརྒྱད་གཞག་པར་བྱའོ། །རས་སྣ་ཚོགས་པ་སྟོང་ལ་སོགས་པའམ། གདུགས་
[322b.5]དང་། རྒྱལ་མཚན་དང་། བ་དན་ལ་སོགས་པ་ཧཱུཾ་དང་བདག་པོའི་སྔགས་ཀྱིས་བཟླས་པ། ཨོཾ་བཛྲ་སྥ་ར་ཎ་ཁཾ་ཞེས་བྱ་བས་ཕུལ་ནས། སྒོ་ཀུན་ལ་རས་བཟང་པོ་དང་། དྲིལ་བུ་དང་། རྔ་ཡབ་རྣམས་བཏགས་ཏེ་བུམ་པ་གང་བ་ཡང་གཞག་པར་བྱའོ། །ཁྲུས་བྱས་ཏེ་དྲི་བཟངས་
[322b.6]བྱུགས་ལ་སྟོད་གཡོགས་དང་། དབུ་རྒྱན་དང་བཅས་པས་ལས་ཐམས་ཅད་པས་བསྔགས་པའི་ཆུས་དཀྱིལ་འཁོར་གྱི་ལོགས་སུ་བསངས་ལ་ཡི་གེ་གསུམ་དང་ལས་ཐམས་ཅད་པས་བསྲུངས་ལ་རྡོ་རྗེ་དང་དྲིལ་བུ་བཟུང་སྟེ། ལྷོ་སྒོ་རུ་ནི་རྒྱུ་བྱེད་ཅེས། །བདེན་པ་སྨྲ་བས་གང་གསུངས་
[322b.7]པ། །ཀུན་རྫོབ་དོན་དུ་ཤེས་བྱ་སྟེ། །བྲི་བའི་དཀྱིལ་འཁོར་རྟོགས་པ་ལའོ། །ཕྱོགས་ཀྱི་རྣམ་དབྱེར་མཐའ་ཡས་པས། །ལྷོ་ལ་སོགས་པའི་རྟོག་པ་མེད། །དེ་ཕྱིར་གང་དུ་ཕྱོགས་པ་ཉིད། །ལྷོར་ནི་རྣལ་འབྱོར་ཀུན་གྱིས་དགོངས། །ཐོག་མར་གྲུབ་པའི་འཁོར་ལོ་དང་། །
[323a]
[323a.1]དཔའ་བོ་དྲུག་གི་ལྷ་རྣམས་དགོད། །སྔགས་ཀྱི་གོ་ཆ་ཆོ་ག་བཞིན། །དེ་ནས་དཀྱིལ་འཁོར་བསྒྲུབ་པར་བྱ། །མར་མེ་བརྒྱད་ནི་དབུལ་བར་བྱའོ། །མར་ཁུ་ཆེན་པོའི་སྦྱོར་བ་ཡིས། །མེ་ཏོག་སྣ་ཚོགས་གཅལ་དུ་བཀྲམ། །སྣ་ཚོགས་དྲི་ཡིས་ལེགས་
[323a.2]པར་བསྒོས། །གྲུབ་པའི་དམ་ཚིག་འཁོར་ལོ་ནི། །ཡེ་ཤེས་འཁོར་ལོ་དང་ལྡན་པ། །སེམས་ཀྱིས་ཡང་དག་ལ་སྦྱར་ནས། །ལྟ་བ་གྱེན་དུ་རྒྱུ་བ་ཡིས། །སྔར་གྱི་སྤྱན་འདྲེན་ཕྱག་རྒྱ་དང་། །ཕེཾ་ཡིག་སྔགས་ཀྱི་སྦྱོར་བ་ཡིས། །ཡུལ་ནི་མཐའ་ཡས་ན་གནས་པའི། །
[323a.3]དགྱེས་ཤིང་གྲུབ་སྦྱིན་ལྷ་མོ་རྣམས། །དཔའ་བོ་དཔའ་མོའི་དབང་ཕྱུག་བཅས། །སྔར་གྱི་ཕྱག་མཚན་སོགས་ཀྱིས་བརྒྱན། །འཇིག་རྟེན་མགོན་པོ་ཐུགས་རྗེ་ལྡན། །རྫོགས་པའི་སངས་རྒྱས་བྱོན་པར་འགྱུར། །གཉིས་སུ་མེད་པའི་སྙོམས་འཇུག་པས། །ཧེ་རུ་ཀ་གནས་
[323a.4]དཀྱིལ་འཁོར་དུ། །ཉམས་དགའ་བྱིན་གྱིས་བརླབས་པའི་གནས། །མཛད་པར་འགྱུར་ཏེ་ཐེ་ཚོམ་མེད། །ཅེས་གསུངས་པས་འཁོར་ལོའི་དབང་ཕྱུག་གི་བདག་ཉིད་ཁོ་ནས་སྐད་ཅིག་གིས་བྲིས་པའི་དཀྱིལ་འཁོར་སྟོང་པར་བསམས་ལ། བསྒོམ་བྱའི་དཀྱིལ་འཁོར་གྱི་རང་
[323a.5]བཞིན་དུ་བལྟས་ནས་བསྒྲུབ་པའི་ཕྱི་རོལ་གྱི་ཕྱག་རྒྱའམ། ཡེ་ཤེས་ཀྱི་ཕྱག་རྒྱ་དང་སྙོམས་པར་འཇུག་པས་ཡང་དག་པར་བསྐྱོད་པའི་དགའ་བའི་སྒྲས་ཡེ་ཤེས་ཀྱི་འཁོར་ལོ་སྤྱན་དྲངས་ལ། ཞབས་བསིལ་དང་མཆོད་ཡོན་དབུལ་བ་སྔོན་དུ་འགྲོ་བས། རང་གི་ནང་དུ་བཅུག་
[323a.6]པས་འདོད་ཆགས་ཆེན་པོས་ཞུ་བར་གྱུར་ཏེ་རྡོ་རྗེའི་ལམ་ནས་ཕྱུང་སྟེ་པདྨ་ནས་ཡེ་ཤེས་ཀྱི་འཁོར་ལོའི་བདག་ཉིད་སྤྲོས་ཏེ། །དམ་ཚིག་གི་འཁོར་ལོ་ལ་གནས་ཇི་ལྟ་བར་བཞུགས་པར་བསམས་ནས། མིག་དང་སྐུ་ལ་སོགས་པ་བྱིན་གྱིས་བརླབས་པའི་དེ་མ་ཐག་ཏུ་རང་གི་སྙིང་གའི་ས་
[323a.7]བོན་གྱི་འོད་ཟེར་གྱིས་བཀུག་པའི་དེ་བཞིན་གཤེགས་པ་དང་ལྷ་མོ་རྣམས་ཀྱིས་དབང་བསྐུར་ནས་ཇི་ལྟར་རིགས་པར་རྒྱས་གདབ་པར་བྱའོ། །དེ་ནས་ལྷ་མོ་རྣམས་སྤྲོས་པའི་ཡིད་ཀྱིས་མཆོད་པས་མཆོད་དེ་བཀྲ་ཤིས་ཀྱི་རས་ཟུང་དང་། བླ་རེ་དང་། བཟའ་བ་དང་། བཅའ་བ་
[323b]
[323b.1]དང་། བལྡག་པ་དང་། གཞིབ་པ་དང་། བཏུང་བ་དང་། པི་ཝང་མ་ལ་སོགས་པས་མཆོད་ལ། དྲིལ་བུ་དཀྲོལ་ཞིང་བསྟོད་ལ་རང་དང་ཤེས་རབ་མའི་བྱང་ཆུབ་ཀྱི་སེམས་པདྨའི་སྣོད་དུ་བཅུག་ལ་བདུད་རྩིར་བྱས་པ་དྲངས་ཏེ་མྱངས་པས་ཚིམ་པར་བྱས་པ་ལྷག་པར་མོས་ཏེ་བདག་
[323b.2]པོའི་སྔགས་བརྒྱ་རྩ་བརྒྱད་དང་། དཀྱིལ་འཁོར་པ་རྣམས་ཀྱི་སྔགས་ལན་ཉི་ཤུ་རྩ་གཅིག་བཟླས་ནས་ཨཱ་ལི་དང་ཀཱ་ལི་དང་ཡི་གེ་བརྒྱ་པ་བཟླ་བར་བྱའོ། །རང་གི་གཏོར་མ་ཕུལ་ནས་ཕྱི་རོལ་དུ་ཕྱོགས་ཀྱི་གཏོར་མ་གཞན་ལ་ཡང་དབུལ་དུ་བཅུག་སྟེ། སུམྦྷ་ལ་སོགས་པའི་སྔགས་
[323b.3]བཟླས་ཤིང་གཡོན་སྐོར་དུ་བསྐོར་བ་གསུམ་བྱའོ། །དཀྱིལ་འཁོར་ལ་སོགས་རྩོམ་པའི་ཚེ། །གལ་ཏེ་རླུང་སོགས་སྐྱེས་ན་ནི། །ཧེ་རུ་ཀ་དཔལ་བདག་ཉིད་ཀྱིས། །གདུག་པ་ཐམས་ཅད་བཟློག་པར་བྱ། །དཀྱིལ་འཁོར་གྱི་ཁང་པའི་ཕྱི་རོལ་དུ་ཕྱོགས་སྐྱོང་རྣམས་ལ་རང་རང་གི་མདོག་བ་
[323b.4]དན་དབུལ་ལོ་ཞེས་པ་དཀྱིལ་འཁོར་བསྒྲུབ་པའོ། །ཐབ་ཁུང་ཁྲུ་གང་ཙམ་ཡིན་ཏེ། །མཛེས་ཤིང་ཐོད་པའི་རྣམ་པ་ཅན། །དེ་འདྲའི་སྟེགས་བུས་བསྐོར་བ་གྲུབ། །ལྷོ་རུ་བལྟས་པའི་ཆོ་ག་ཡིས། །རི་བོའི་སྟེང་དུ་གནས་པ་ཡི། །དཀྱིལ་དུ་པདྨ་འདབ་བརྒྱད་པ། །འདབ་མར་
[323b.5]དགྲ་སྟ་ཞགས་པ་དང་། །རྩེ་གསུམ་པ་དང་ཁ་ཊྭཱཾ་ག །ལྟེ་བ་རུ་ནི་རྡོ་རྗེ་དགོད། །ཁྲོ་བོའི་རྣམ་པ་འཇིགས་སུ་རུང་། །ཕྱི་རུ་རྡོ་རྗེའི་ཕྲེང་བ་བྱ། །སྟེགས་བུ་པདྨའི་རྣམ་པ་ཅན། །རྣལ་འབྱོར་རྒྱུད་ཀྱི་དགང་གཟར་དང་། །བླུགས་གཟར་ཡང་ནི་དེ་བཞིན་ཏེ། །འོན་ཀྱང་ཁ་ནི་ཐོད་
[323b.6]པ་ལྟར། །དཀྱིལ་དུ་ཁྲོ་བོའི་རྡོ་རྗེ་བརྐོ། །ཨཱ་ལི་ཀཱ་ལི་ཡང་དག་བརྗོད། །ཇི་སྙེད་མར་སོགས་སྦྱོར་བ་ཡིས། །གཡོན་དུ་སྲེག་རྫས་ལ་སོགས་གཞག །གཡོན་གྱི་སྤྱོད་པས་བསྲེག་པར་བྱ། །གཉིས་མེད་ལ་སོགས་སྔགས་ཆེན་གྱིས། །མཆོད་པར་བྱ་སྟེ་ཆོ་ག་བཞིན། །
[323b.7]མེ་ནང་ཧེ་རུ་ཀ་སོགས་ལ། །སྦྱིན་སྲེག་བྱས་ནས་ཡོན་བླང་བྱ། །མི་དང་བ་གླང་ཁྱི་དང་ནི། །ཅེ་སྤྱང་རྟ་དང་གླང་ཆེན་གྱི། །ཤ་ཡིས་གྲུབ་པར་འདོད་པ་པོས། །རྣལ་འབྱོར་ཤེས་པས་སྦྱིན་པར་བྱ། །སྐྲ་གྲོལ་གཅེར་བུ་གསང་ནས་སུ། །ཙཱ་རུའི་བཟའ་བ་སྔོན་འགྲོ་བས། །
[324a]
[324a.1]དཔལ་ལྡན་བདེ་མཆོག་རྣལ་འབྱོར་ཆེ། །སྦྱིན་སྲེག་ལས་ནི་བརྩམ་པར་བྱ། །དེ་ལ་ཐབ་ནི་ཆ་གསུམ་བྱས་ལ་ཆ་གཉིས་བརྐོས་ཏེ། བརྒྱད་ཆ་མཆུ་དང་མཆུའི་ཕྱེད་མུ་ཁྱུད་དེ་ཕྱི་དང་ནང་དུའོ། །དེའི་ཕྱིར་སྟེགས་བུ་མཆུའི་ཚད་དོ། །ཡི་གེ་གསུམ་ཞུ་བའི་རཾ་ལས་
[324a.2]སྐྱེས་པའི་མེ་ལྷ་དམར་པོ་དབྱུ་གུ་དང་སྤྱི་བླུགས་གཡོན་ན་སྟེ། གཡས་ན་བགྲང་ཕྲེང་དང་མི་འཇིགས་པ་སྦྱིན་པའོ། །རལ་པ་ཅན་ལྟོ་བ་འཕྱང་བ་རྒྱན་ཀུན་དང་ལྡན་པ་ཨོཾ་བཛྲ་ཧཱུཾ་གི་ཡི་གེས་ཐབ་ཁུང་གི་མེ་མཚམས་སུ་བཞུགས་ལ་དམ་ཚིག་སེམས་དཔའ་ལ་ཡེ་ཤེས་སེམས་དཔའ་བཅུག་ནས་
[324a.3]ཐབ་ཏུ། ཨོཾ་ཨ་གྣ་ཡེ་མ་ཧཱ་ཏེ་ཛ་དེ་བ་རྀ་ཥི་དྭི་ཛ་སཏྭ་མ་གྲི་ཧི་ཏྭཱ་ཧུ་ཏི་མ་ཧཱ་ར་ཨ་སྨིན་སནྣི་ཧི་ཏོ་བྷ་ཝ་ཞེས་པས་སྤྱན་དྲངས་ཏེ། ཛཿབྷཱུཾ་བཾ་ཧོཿཞེས་པས་དགུག་པ་དང་། གཞུག་པ་དང་། ཐ་མི་དད་པ་དང་མཉེས་པར་བྱས་ལ། ཨརྒྷ་ལ་སོགས་པས་མཆོད་དེ་ལག་པ་གཡོན་པ་ཁ་
[324a.4]གྱེན་དུ་བྱས་ཏེ་བྱང་ཆུབ་མཆོག་གི་ཁུ་ཚུར་གྱིས་མར་གྱིས་གང་བའི་དགང་གཟར་བཟུང་ལ། དེའི་སྟེང་དུ་ལག་པ་གཡས་པ་ཡང་ཁ་གྱེན་དུ་བལྟ་བས་མར་གྱིས་གང་བའི་བླུགས་གཟར་བཟུང་ནས་དགང་གཟར་བླུགས་གཟར་གྱི་སྟེང་དུ་རང་གི་ཡི་དམ་གྱི་ས་བོན་ཡི་གེ་གསུམ་དང་སྤེལ་
[324a.5]བ་འོད་ཟེར་དང་ལྡན་པར་བསམས་ལ་མེའི་ཞལ་དུ་ཡི་གེ་རོཾ་བལྟས་ཏེ། པུས་མོ་གཉིས་ཀྱི་བར་དུ་གྲུ་མོ་གཉིས་བཞག་ལ་དགང་གཟར་གྱི་ཁའི་སྟེང་དུ་ལག་པ་གཡས་པ་ཁ་ཐུར་དུ་བལྟས་པས་བླུགས་གཟར་ཁ་ཐུར་དུ་བྱས་ལ། དགང་གཟར་གཡས་སྐོར་དུ་ལན་གསུམ་བསྐོར་བས་མེ་
[324a.6]ལྷའི་ཞལ་ཅུང་ཟད་གདངས་པ་ལ་ལག་པའི་སྲེག་བླུགས་གསུམ་མམ་བདུན་ནམ་ཉི་ཤུ་རྩ་གཅིག །ཨོཾ་ཨགྣ་ཡེ་ཨཱ་དི་བྱ་ཨཱ་བི་ཤ་ཨཱ་བི་ཤ།།མ་ཧཱ་ཤྲི་ཡེ་ཧ་བྱ་ཀ་བྱ་བཱ་ཧ་ན་ཡེ་སྭཱ་ཧཱ། ཨོཾ་ན་མཿས་མནྟ་བུདྡྷཱ་ནཱཾ། ཆེ་གེ་མོའི་ཤཱིནྟཾ་ཀུ་རུ། ཡང་ན་ཨོཾ་ཨགྣ་ཡེ་སྭཱ་ཧཱ། ཞེས་པས་དབུལ་
[324a.7]ལོ། ཨོཾ་བཛྲ་ཨ་ན་ལ་མ་ཧཱ་བྷཱུ་ཏ་ཛཱ་ལ་ཡ་སརྦཾ་སྨིཾ་ཀུ་རུ་སརྦ་དུཥྚཱ་ན་ཧཱུཾ་ཕཊ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟྭཾ་ས་མ་ཡ་ཧོ། །ཞེས་དམ་ཚིག་ཀྱང་ལན་གསུམ་དུ་སྙན་དུ་གསོལ་ལོ། །མར་གྱི་སྦྱིན་སྲེག་གཞན་གྱི་སྔགས་ནི། །ཨོཾ་ཨགྣ་ཡེ་སྭཱ་ཧཱ། ཞེས་རྟོགས་པར་བྱའོ། །དེ་ནས་མེའི་
[324b]
[324b.1]མཚན་མ་བལྟ་སྟེ། རྩེ་མོ་གཅིག་པ་ཕུན་སུམ་ཚོགས་པ་སྟེར་རོ། །རྩེ་མོ་གཉིས་པ་གཡོ་བ་མེད་པར་རོ། །རྩེ་མོ་བཞི་པ་མཉམ་པ་ཡིན་ན་རྒྱས་པ་དང་དངོས་གྲུབ་སྟེར་རོ། །དཀར་ཞིང་སྣུམ་པ་དུ་བ་མེད་ཅིང་དྲི་མ་མེད་པའི་མེས་ནི་ནད་མེད་པ་དང་རིགས་འཕེལ་ལོ། །དམར་པོ་དང་སེར་པོས་
[324b.2]ནི་རྒྱལ་སྲིད་སྟེར་རོ། །མེ་ཏོག་ཙམ་པ་ཀ་དང་། པདྨ་དང་། ཨུཏྤལ་དང་། མ་ལ་ཏིའི་དྲི་དང་ལྡན་པ་བསིལ་བ་དྲི་བཟངས་ནི་དགེ་བའོ། །པི་ཝང་ལ་སོགས་པ་དང་ཟངས་དུང་གི་སྒྲ་ཟབ་མོ་ཅན་ནི་མཐོང་བའི་ཆོས་ལ་བདེ་བ་སྟེར་རོ། །གདུགས་དང་། པདྨ་དང་། རྩེ་གསུམ་པ་ལ་
[324b.3]སོགས་པའི་རྣམ་པ་ཅན་ནི་སྒྲ་མེད་པ་དང་གཡས་སྐོར་བ་དང་གོང་བུ་གཅིག་པས་ནི་དོན་ཆེན་པོ་སྟེར་རོ། །འབར་བ་རྩེ་གསུམ་པ་འཕྲོ་བ་དང་བཅས་པ་གཡོ་ཞིང་གཡོན་དུ་ཕྱོགས་ན་ནད་མེད་དོ། །ལན་གསུམ་མམ་བདུན་དགད་བླུགས་དང་། མེ་ཏོག་དང་། གོ་ལ་དང་། རས་དང་།
[324b.4]བསྟོད་པས་མཆོད་ནས། ཨོཾ་བོ་དྷི་བྲིཀྵ་ཡ་སྭཱ་ཧཱ། བྱང་ཆུབ་ཤིང་གིའོ། །ཨོཾ་བཛྲ་ལ་ཏཱ་ཡ་སྭཱ་ཧཱ། པླ་ཀྵའིའོ། །ཨོཾ་བཛྲ་ཡཛྙཱ་ཡ་སྭཱ་ཧཱ། ཨུ་དུམྺཱ་རའིའོ། །ཨོཾ་བཛྲ་ཀུ་བེ་རཱ་ཡ་སྭཱ་ཧཱ། འོ་མ་ཅན་གྱི་ཤིང་རྣམས་ཀྱིའོ། །ཨོཾ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། ཏིལ་རྣམས་ཀྱིའོ། །
[324b.5]ཨོཾ་བཛྲ་པུཥྚ་ཡེ་སྭཱ་ཧཱ། འབྲས་མ་གྲུགས་པའིའོ། །ཨོཾ་སརྦ་སཾ་པ་དེ་སྭཱ་ཧཱ། ཞོ་ཟན་གྱིའོ། །ཨོཾ་བཛྲ་ཨཱ་ཡུ་ཥེ་སྭཱ་ཧཱ། དཱུར་བའིའོ། །ཨོཾ་བཛྲ་ཨ་པྲི་ཏི་ཧ་ཏ་བཛྲཱ་ཡ་སྭཱ་ཧཱ། ཀུ་ཤའིའོ། །དེ་ནས་མེ་ལྷའི་ཐུགས་ཀར་པདྨའི་གདན་དུ་ས་བོན་དང་ཕྱག་མཚན་ཡོངས་སུ་གྱུར་པ་ལས་
[324b.6]བཅོམ་ལྡན་འདས་ཀྱི་དམ་ཚིག་གི་འཁོར་ལོ་ལ་ཡེ་ཤེས་ཀྱི་འཁོར་ལོ་བཅུག་སྟེ། བསང་གཏོར་ལ་སོགས་པ་དང་མེ་ཏོག་ལ་སོགས་པས་མཆོད་དེ་དེའི་རང་གི་འདོད་ལྷའི་ས་བོན་བཟླས་པས་སྦྱིན་སྲེག་བྱའོ། །ལྷ་རེ་རེ་ལ་ཡང་ངོ་། །དེ་ལ་ཞུ་བ་ནི་མེ་ལྷའི་ཁ་ལའོ། །ཡམ་ཤིང་དང་
[324b.7]ཀུ་ཤ་ལ་སོགས་པ་འོང་ལའོ། །ཟན་དང་ཞབས་བསིལ་ལ་སོགས་པ་ཕྱག་ཏུའོ། །མེ་ཏོག་དབུ་ལའོ། །བདུག་སྤོས་ནི་འབར་བ་ལའོ། །དྲི་ནི་སྙིང་གར་རོ། །བསང་གཏོར་ལུས་ལའོ། །ཞབས་བསིལ་ནི་ཞབས་ལའོ། །མར་མེ་དང་། མཆོད་ཡོན་དང་། ཞལ་ཟས་ནི་
[325a]
[325a.1]མདུན་དུ་ཞི་བའི་སེམས་ཀྱིས་ཇི་ལྟར་ནུས་པ་དབུལ་ལོ། །རྒྱས་པ་ལ་ནི་རྒྱས་པའི་སེམས་ཀྱིས་སོ། །ཞེས་པ་སྦྱིན་སྲེག་གི་ཆོ་གའོ། །ཐ་མར་ནི་འདོད་པའི་དོན་ཞུས་ལ་བཟོད་པར་གསོལ་ཏེ་རང་གི་གནས་སུ་གཤེགས་སུ་གསོལ་ལོ། །ཨོཾ་ཁཎྜ་རོ་ཧེ་ཧཱུཾ་ཧཱུཾ་
[325a.2]ཕཊ་ཅེས་པ་དང་། ཨོཾ་ཡིག་གིས་ལན་བདུན་བསྔགས་པའི་ཡུངས་ཀར་གཡས་གཡོན་གྱི་ཁུ་ཚུར་གྱིས་བཟུང་ལ་རེ་རེས་ལན་གཉིས་གཉིས་གཡོན་སྐོར་དུ། ཨོཾ་སརྦ་པཱ་པཾ་ད་ཧ་ན་བཛྲཱ་སཏྭཱ་སྱ་སརྦ་པཱ་པཾ་ད་ཧ་ན་སྭཱ་ཧཱ། ཞེས་པས་བྱུར་བསལ་ནས་ཡུངས་ཀར་དེ་མེར་དོར་རོ། །
[325a.3]དེ་བཞིན་དུ་གཡས་སྐོར་དང་གཉི་ག་གཡོན་སྐོར་གྱིས་སོ། །དེ་བཞིན་དུ་ཨོཾ་སརྦ་པཱ་པཾ་བི་ཤོ་དྷ་ནི་བཛྲཱ་ཡ་བཛྲཱ་སཏྭ་སྱ་སརྦ་པཱ་པཾ་བི་ཤོ་དྷ་ཡ་སྭཱ་ཧཱ། ཞེས་པ་ཆུ་དང་། ཁམ་ཕོར་དཀར་པོས་བྱུགས་པ་དང་། དཱུར་བའི་མྱུ་གུ་དང་བཅས་པའི་ལྕི་བའི་ཆང་བུ་རྣམས་དང་། མར་མེའི་
[325a.4]སྡོང་བུ་དང་བཅས་པའི་ཟན་གྱི་ཆང་བུ་རྣམས་ཀྱིས་སོ། །རས་ཀྱིས་བྱུར་བསལ་བ་ཡང་ངོ་། །འོན་ཀྱང་རྫ་ཕོར་ལ་སོགས་པ་ནི་མེ་ལ་མི་དོར་རོ། །ལག་པ་དག་གིས་ཉེ་རེག་བྱའོ། །དྲི་ལ་སོགས་པ་སྔོན་དུ་འགྲོ་ཞིང་ལས་ཐམས་ཅད་པ་དང་ཧཱུཾ་ཡིག་ལན་བདུན་བཟླས་པའི་མར་དང་
[325a.5]བཅས་པའི་སྤོས་དཀར་གྱིས་བདུག་པར་བྱའོ་ཞེས་པ། རབ་གནས་ལ་སོགས་པ་ཀུན་ལ་བྱུར་བསལ་བའི་ཆོ་གའོ། །དང་པོར་སྙིང་པོ་འབུམ་བཟླས་ན། །ཧེ་རུ་ཀ་ཡི་བཀའ་ཐོབ་ནས། །དབང་བསྐུར་སྦྱིན་པ་ལ་སོགས་བྱ། །གཞན་དུ་བཞད་གད་ཐོབ་པར་འགྱུར། །ནུས་པ་
[325a.6]མེད་པའི་རྣལ་འབྱོར་པས། །སྙིང་གའི་ས་བོན་དམར་འོད་ཀྱིས། །སློབ་མའི་ལུས་ལ་ཡང་དག་དགང་། །དབང་བསྐུར་སྦྱིན་པ་ཡང་དག་བརྩམ། །སྔགས་པས་རྣལ་འབྱོར་མ་དང་བཅས། །དཀྱིལ་འཁོར་ལྷོ་རུ་གནས་པ་ཡི། །སློབ་མ་ལྷོ་རུ་ཁ་བལྟས་ལ། །མཁས་པས་འདི་
[325a.7]སྐད་བརྗོད་པར་བྱ། །བུ་རྣམས་ངེས་པར་གནས་པ་ཡིས། །སྡོམ་པའི་མཆོག་ནི་བསྲུང་བར་མཛོད། །སྡོམ་པའི་དབང་ལས་ལྷག་པ་མེད། །ལྷན་སྐྱེས་ཐབས་ཀྱི་མཚན་ཉིད་དོ། །དེ་དག་གིས་མཎྜལ་བྱས་ཏེ་པུས་མོ་ས་ལ་བཙུགས་ཏེ་སྙིམ་པ་སྦྱར་བ་མེ་ཏོག་དང་བཅས་པ་རྣམས་
[325b]
[325b.1]རང་གི་ཁ་ནས་ལུས་ལ་བཅུག་སྟེ་རྡོ་རྗེའི་ལམ་ནས་ཤེས་རབ་ཀྱི་པདྨ་ལ་གནས་པ་རྣམས་ལ། སྙིང་གའི་ས་བོན་གྱི་འོད་ཟེར་གྱིས་བཀུག་པའི་ཤེས་རབ་མ་དང་བཅས་པའི་དེ་བཞིན་གཤེགས་པ་རྣམས་ཁ་ནས་ཞུགས་ཏེ་ཞུ་བར་གྱུར་པ་རྣམས་ཀྱིས་དབང་བསྐུར་བར་བསྒོམས་ནས་བཏོན་ཏེ་ལྷོའི་
[325b.2]སྒོར་གནས་པ་རྣམས་ཀྱིས་གསོལ་བ་འདེབས་སུ་གཞུག་གོ། །བདག་གི་སྟོན་པ་དཔའ་བོ་ཆེ། །རྣལ་འབྱོར་མ་མཆོག་ཁ་སྦྱོར་ལ། །བྱང་ཆུབ་ཆེན་པོའི་ཚུལ་བརྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །
[325b.3]དཔའ་བོ་དཔའ་མོའི་དབང་ཕྱུག་རྣམས། །ཕག་མོ་དང་ནི་ཧེ་རུ་ཀའི། །གསང་བའི་གནས་སོགས་ཡང་དག་དགང་། །ལུས་ལ་ཡང་དག་གནས་པར་གསུངས། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །
[325b.4]མགོན་པོ་བདག་ནི་གཞུག་པར་མཛོད། །ཅེས་བརྗོད་དུ་བཅུག་ནས། བུ་ཚུར་ཤོག་ཅིག་ཚུལ་ཆེན་གྱི། །སྣོད་ནི་ཁྱོད་ཡིན་ཐེག་ཆེན་པའི། །གསང་སྔགས་སྤྱོད་ཚུལ་ཆོ་ག་ནི། །ཁྱོད་ལ་ཡང་དག་བསྟན་པར་བྱ། །དུས་གསུམ་སངས་རྒྱས་འབྱུང་བ་ཡི། །སྐུ་གསུང་ཐུགས་ཀྱི་
[325b.5]རྡོ་རྗེ་ཅན། །རྡོ་རྗེ་སྔགས་ཀྱི་མཐུ་ཡིས་ནི། །ཡེ་ཤེས་མཉམ་མེད་ཡང་དག་བརྙེས། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །བླ་མ་མཆོག་དང་དེ་བཞིན་བྱམས། །སངས་རྒྱས་ལ་གུས་སྐྱེ་བོ་དགའ། །རྩ་བའི་ལྟུང་བ་ཡོངས་སྤངས་ཤིང་། །སྦོམ་
[325b.6]པོའི་ལྟུང་བ་སྤང་བར་བྱ། །སེམས་ཅན་རྣམས་ནི་མཉེས་པར་བྱ། །ཐེག་པ་དམན་ལ་འདོད་མི་བྱ། །ཞེས་ཡང་དག་པར་ལེན་དུ་བཅུག་ལ། དཀོན་མཆོག་གསུམ་ལ་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་
[325b.7]རྒྱས་བྱང་ཆུབ་ཡིད་ཀྱིས་བཟུང་། །ཞེས་ལན་གསུམ་འདོན་དུ་གཞུག་གོ། །དེ་ལྟར་ཐུན་མོང་གི་སྡོམ་པ་ཅན་གྱི་སློབ་དཔོན་གྱི་སྡོམ་པ་འདོད་ན། ཕྱིར་མི་ལྡོག་པ་འཁོར་ལོའི་དབང་། །ཞེས་པ་ལ་སོགས་པས་གསོལ་བ་འདེབས་སུ་བཅུག་ལ། སངས་རྒྱས་དང་བྱང་ཆུབ་
[326a]
[326a.1]སེམས་དཔའ་ཐམས་ཅད་བདག་ལ་དགོངས་སུ་གསོལ་ཞེས་པ་ལ་སོགས་པ་ལན་གསུམ་འདོན་དུ་གཞུག་གོ། །དེ་ནས་ལས་ཐམས་ཅད་པའི་སྔགས་ཀྱིས་བསྲུངས་ནས་དེ་རྣམས་ཀྱི་སྙིང་ག་དང་། མགྲིན་པ་དང་། མགོ་བོ་རྣམས་སུ་རྡོ་རྗེ་དང་པདྨ་དང་འཁོར་ལོའི་
[326a.2]སྟེང་དུ་ཧཱུཾ་ནག་པོ་དང་། ཨཱཿདམར་པོ་དང་། ཨོཾ་དཀར་པོ་རྣམས་བསམས་ནས་བརྗོད་ཅིང་དྲིའི་ཆུ་དང་བཅས་པའི་རྡོ་རྗེ་གཡས་པའི་ཁུ་ཚུར་གྱིས་དེའི་གནས་གསུམ་དུ་རེག་ནས་མགོ་བོ་ལ་མེ་ཏོག་དང་། མདུན་དུ་སྤོས་དང་། མར་མེ་དང་སྙིང་གར་དྲི་བྱིན་ནས་བྱང་ཆུབ་ཤིང་ལ་
[326a.3]སོགས་པའི་ཤིང་སོར་བཅུ་གཉིས་པ་དྲང་ཞིང་སྲོག་ཆགས་མེད་པ་མ་གས་པ་རྨ་མེད་པ། དྲི་བཟང་པོའི་ཆུས་བཀྲུས་པ་རྩེ་མོ་ལ་མེ་ཏོག་བཅིངས་པ། ཁ་བྱང་དུ་ཕྱོགས་པས་སློབ་མ་རྣམས་ལ་སྦྱིན་ནོ། །དེ་རྣམས་ཀྱིས་ཀྱང་དཀྱིལ་འཁོར་གྲུ་བཞི་པ་པའི་ལྕི་བས་བྱུགས་པར་བྱང་
[326a.4]དམ་ཤར་དུ་ཕྱོགས་པས་སོ། །ཤིང་དེ་ཨོཾ་བཛྲ་ཧཱ་ས་ཧཾ་ཞེས་བརྗོད་ཅིང་རྩེ་མོ་འཆོས་ཏེ་གྱེན་དུ་བལྟ་ཞིང་མདུན་དུ་དོར་རོ། །དེའི་རྩེ་མོ་ལྟུང་བའི་རྗེས་སུ་འབྲངས་ནས། ཤར་རམ་བྱང་ངམ་ནུབ་བམ་ལྷོའམ་སྟེང་ངམ་འོག་ཏུ་བལྟས་ཏེ་བྱུང་ན་ཞི་བའམ་རྒྱས་པའམ་དབང་ངམ་མངོན་
[326a.5]སྤྱོད་དམ་རིག་པ་འཛིན་པའམ་ས་འོག་གི་དངོས་གྲུབ་རྣམས་གོ་རིམས་བཞིན་དུ་བརྗོད་དོ། །ཕྱི་རོལ་དུ་ལྷུང་ན་དངོས་གྲུབ་མེད་དོ། །དེ་ནས་པྃ་ལས་སྐྱེས་ཤིང་བྃ་བཟླས་པའི་ཆུ་ཁ་བཤལ་བའི་ཕྱིར་བྱིན་ནས། ལས་ཐམས་ཅད་པ་ལན་བདུན་བཟླས་པའི་དྲིའི་ཆུ་ཁྱོར་གསུམ། ཨོཾ་ཧྲཱིཿ་
[326a.6]བི་ཤུདྡྷ་དྷརྨཱཿསརྦ་པཱ་པ་ནི་ཥྩ་སྱ་བི་ཤོ་དྷ་ཡ་སརྦ་བི་ཀལ་པན་ཨ་པ་ན་ཡ་ཧཱུཾ། ཞེས་བརྗོད་ཅིང་འཐུང་དུ་གཞུག་གོ། །ཕྱི་རོལ་དུ་འདུག་ཏུ་བཅུག་ལ་ཧཱུཾ་ལས་བྱུང་བ་ལས་ཐམས་ཅད་པ་བཟླས་པའི་ཀུ་ཤ་མ་ཉམས་པ་བཏིང་ནས་ཉལ་བའི་དོན་དུ་དང་། དྷི་ཡིག་ལས་སྐྱེས་པ་གཅིག་སྔས་
[326a.7]ཀྱི་དོན་དུ། ཨོཾ་བཛྲ་ཏཱིཀྵྞ་བཾ་ཞེས་པས་སྦྱིན་ནོ། །སྐུད་པ་དམར་པོ་སློབ་མའི་ལུས་ཀྱི་ཚད་ཙམ་པ་སུམ་ལྟབ་ཏུ་བྱས་ཏེ་ཧཱུཾ་ཡིག་དང་ལས་ཐམས་ཅད་པ་ལན་བདུན་དུ་བཟླས་ལ་མདུད་པ་གསུམ་དུ་བྱས་ཏེ་སློབ་མ་རྣམས་ཀྱི་དཔུང་པ་གཡོན་པར་ཨོཾ་བུདྡྷ་མཻ་ཏྲི་རཀྵ་སརྦཱ་ན་སྭཱ་ཧཱ། ཞེས་པས་
[326b]
[326b.1]བཅིངས་ཏེ་ཡང་དག་པར་བསྲུངས་ལ་སྤྲོ་བ་བསྐྱེད་དེ། སྤྱོད་མཆོག་འདི་ལ་གང་རྣམས་ཀྱི། །བློ་གྲོས་ཤིན་ཏུ་དྲི་མ་མེད། །དེ་རྣམས་ངན་སོང་སྡུག་བསྔལ་ཀུན། །རབ་ཏུ་འབྱུང་བ་ཡང་དག་ཞི། །ཞེས་བརྗོད་ལ། །བཟླས་པའི་དོན་དུ་ལས་ཀུན་གྱི་སྔགས་བྱིན་ཏེ་བསྲུངས་ལ་སྔ་དྲོ་རྨི་ལམ་
[326b.2]བདག་ལ་སྨྲོས་ཤིག་བྱས་ལ་སེང་གེའི་ཉལ་སྟབས་ཀྱིས་ཉལ་དུ་གཞུག་གོ །རང་ཡང་དེ་བཟླས་པ་ནི་སློབ་མ་ལྷག་པར་གནས་པའོ། །སྔ་དྲོ་གཏོར་མ་ཕུལ་ཏེ་དཀྱིལ་འཁོར་གྱི་ཁང་པ་ལས་བྱུང་སྟེ་སློབ་མ་རྣམས་ལ་རྨི་ལམ་དྲིས་ནས་རི་ལས་ལྷུང་བ་ལ་སོགས་པ་མི་དགེ་བའི་རྨི་ལམ་ཡིན་ན་
[326b.3]ལས་ཐམས་ཅད་པའི་སྔགས་ཀྱིས་བསྲུངས་ལ། དཀྱིལ་འཁོར་ཁང་པར་འཇུག་པའི་ཚེ་སློབ་མ་རྣམས་ཀྱིས་ཨོཾ་པྲ་བི་ཤ་བྷ་ག་ཝཱན་མ་ཧཱ་སུ་ཁ་མོཀྵ་པུ་རྂ་སརྦ་སིདྡྷི་སུ་ཁ་པྲ་ཏཾ་པ་ར་མ་སུ་ཁ་ཨུཏྟ་མ་སིདྡྷྱ་རྠཾ་ཛཿཧཱུཾ་བཾ་ཧོཿཔྲ་སིདྡྷྱ་སྭ་ཞེས་པས་གཟེངས་བསྟོད་ལ་བཞུགས། གཡས་སུ་བསྐོར་
[326b.4]ཞིང་འཁོར་ལོའི་དབང་ཕྱུག་གི་སྐུས་བྱང་ལ་སོགས་པའི་སྒོར་གནས་ནས། དཀྱིལ་འཁོར་གྱི་ལྷོ་ལ་སོགས་པའི་སྒོ། །ཨོཾ་བཛྲ་ཨུདྒྷ་ཊཱ་ཡ་ས་མ་ཡ་པྲ་བེ་ཤ་ཡ་ཧཱུཾ། ཞེས་བརྗོད་ཅིང་ཕྱེ་ནས། མེ་ཏོག་གི་ཕྲེང་བ་ཨོཾ་པ་ར་མ་སུ་ཁ་ཨཱ་ཤ་ཡ་སུ་ལ་ལི་ཏ་བི་ལཱ་ས་ན་མི་ཏྲེར་ན་མཱ་མི་བྷ་ག་ཝཱན་
[326b.5]ཏཾ་ཛཿཧཱུཾ་བཾ་ཧོཿཧི་ཧི་ཧི་ཧི་ཧཱིཿཔྲ་ཏཱི་ཙྪ་ཀུ་སུ་མ་ཨཉྫ་ལི་ནཱ་ཐ་ཧོ་ཞེས་པའི་སྔགས་ཀྱིས་དཀྱིལ་འཁོར་དུ་དོར་ནས། སླར་ཕྲེང་བའི་དབང་གི་བསམ་པས་རང་གི་མགོ་ལ་བཅིངས་ནས་མངོན་སུམ་དུ་གྱུར་པའི་འཁོར་ལོའི་དབང་ཕྱུག་བླ་མར་ལྷག་པར་མོས་པ་དེས་སྟེར་བཞིན་པའི་
[326b.6]ཕྲེང་བའི་དབང་ལ་སོགས་པ་འཆད་པར་འགྱུར་བའི་དབང་མ་ལུས་པ་ཆོ་ག་ཇི་ལྟ་བ་དང་། སློབ་དཔོན་གྱིས་ལས་ཐམས་ཅད་ལ་གནང་བ་ཐོབ་ནས་སློབ་མ་གཞུག་པའི་ཆེད་དུ་བདེ་བ་ཆེན་པོའི་བདག་ཉིད་ཤེས་རབ་དང་ཐབས་ཀྱི་རང་བཞིན་དེ་ཁོ་ན་ཉིད་ཀྱི་བསྟོད་པ་སྔོན་དུ་འགྲོ་བས་དཀྱིལ་
[326b.7]འཁོར་གྱི་དངོས་གྲུབ་འདོད་པར་བྱའོ། །བདེན་པའི་བྱིན་གྱིས་རླབས་ཀྱང་བྱ་སྟེ། ནམ་མཁའ་སྐྱེ་བ་མཚན་ལྡན་ཕྱིར། །ཐོག་མ་ཐ་མ་མེད་པའི་མཆོག །སེམས་དཔའ་རྡོ་རྗེ་ཆེ་རང་བཞིན། །མི་བསྐྱོད་རྡོ་རྗེ་བདག་ལ་གསོལ། །དངོས་གྲུབ་འཛིན་པ་ཀུན་གྱི་མཆོག །དབང་
[327a]
[327a.1]ཕྱུག་ཆེན་པོ་ལྷག་པའི་ལྷ། །རྡོ་རྗེ་འཛིན་པ་ཀུན་གྱི་རྒྱལ། །མི་འགྱུར་མཆོག་ཀུན་བདག་སྒྲུབས་ཤིག །ཉེས་པ་མེད་པ་རྟག་པ་སྟེ། །འདོད་ཆགས་ཀུན་གྱི་རྗེས་ཆགས་པ། །འདོད་ཆགས་ཆེན་པོ་དགའ་བ་ཆེ། །བཅོམ་ལྡན་དེ་ཉིད་བདག་སྒྲུབས་ཤིག །ཤིན་
[327a.2]ཏུ་དག་པ་ཆོས་ཀྱི་མཆོག །གདོད་ནས་གྲོལ་བའི་དེ་བཞིན་གཤེགས། །ཀུན་དུ་བཟང་པོ་ཀུན་བདག་ཉིད། །བྱང་ཆུབ་སེམས་དཔར་བདག་གྲུབ་མཛོད། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་ཕྱག་རྒྱ་མཆོག །གྲུབ་པའི་རྡོ་རྗེ་ཆེར་བསོར་བ། །རྡོ་རྗེ་སྙེམས་མ་
[327a.3]བདག་པོའི་བདག །སེམས་ཅན་ཀུན་གྱི་སྙིང་ལ་གནས། །སེམས་ཅན་ཀུན་གྱི་ཡབ་ཡིན་ཏེ། །དམ་ཚིག་མཆོག་གི་འདོད་པ་མཆོག །ཤེས་རབ་ཐབས་བདག་དཀྱིལ་འཁོར་འདི། །བདེན་པའི་བྱིན་རླབས་གང་ཡིན་པ། །བདེན་པ་དེ་ཡིས་མགོན་ཁྱོད་ཀྱིས། །བདག་གི་འདོད་པ་
[327a.4]ཡོངས་རྫོགས་མཛོད། །ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་བྱུང་། །དེ་བཞིན་ཉིད་ལས་ཡང་དག་འབྱུང་། །བདེན་པ་དེ་ཡིས་དཀྱིལ་འཁོར་ནི། །གཟུགས་བརྙན་གསལ་བར་སློབ་
[327a.5]མ་རྣམས། །ཀུན་གྱིས་སྡིག་མེད་མཐོང་བར་ཤོག །ཅེས་བརྗོད་ཅིང་ནམ་མཁའ་སྐྱེ་བའི་མཚན་མ་གང་གི་ཡིན་པ་དེ་དེ་བཞིན་ནོ། །རྡོ་རྗེ་འཛིན་པ་ཀུན་ནི་སྐུ་རྡོ་རྗེ་ལ་སོགས་པའོ། །འདོད་ཆགས་ཀུན་ནི་འདོད་ཡོན་ལྔ་ཡིས་སེམས་ཅན་མཉེས་པར་བྱེད་པའོ། །འདོད་ཆགས་ཆེན་པོ་ནི་
[327a.6]དམིགས་པ་མེད་པའི་སྙིང་རྗེ་ཆེན་པོའོ། །གདོད་ནས་གྲོལ་བ་ནི་རང་བཞིན་གྱིས་ཡོངས་སུ་དག་པའོ། །ཀུན་བདག་ནི་ཆོས་ཉིད་ཀྱིས་སོ། །བྱང་ཆུབ་ཀྱི་བདག་ཉིད་ཀྱི་སེམས་ནི་བྱང་ཆུབ་སེམས་དཔའོ། །འདོད་བྱ་ཡིན་པས་འདོད་པ་ཡང་ཡིན་ལ་མཆོག་ཀྱང་ངོ་ཞེས་སློབ་དཔོན་
[327a.7]འཇུག་པའི་ཆོ་གའོ།། །།དེ་ནས་ལྷག་གནས་བྱས་པའི་སློབ་མ་ཁྲུས་དང་དྲིས་བྱུགས་ལ། གོས་གཙང་མ་ཅན་འཁོར་ལོའི་བདག་པོའི་ཚུལ་དུ་དམིགས་ལ། ཨོཾ་བཛྲ་རཀྵ་ཧཾ། ཞེས་པས་སྟོད་གཡོགས་བྱས་ཏེ། ཨོཾ་བཛྲ་ཨུཥྞཱི་ཥ་ཧཱུཾ་ཕཊ། ཅེས་པས་གཙུག་ཏོར་བྱས་ལ།
[327b]
[327b.1]ལས་ཐམས་ཅད་པ་བཟླས་པའི་རས་དམར་པོས་ཨོཾ་ཙ་ཀྵུར་བནྡྷ་བ་ར་མ་ན་ཡ་ཧཱུཾ། ཞེས་པའི་སྔགས་ཀྱིས་མིག་རས་བཅིངས་ལ་ཨཱཿཁཾ་བཱི་ར་ཧཱུཾ་ཞེས་བརྗོད་ཅིང་མེ་ཏོག་ཕྲེང་བ་བཟུང་བ་ཕུལ་བ་ལས་ཐམས་ཅད་པའི་ཆུས་བསངས་ལ་སྙིང་ག་དང་། མགྲིན་པ་དང་། སྤྱི་བོར་རྡོ་རྗེ་དང་། པདྨ་དང་འཁོར་
[327b.2]ལོ་ལ་གནས་པའི་ཉི་མ་དང་ཟླ་བའི་སྟེང་དུ་ཧཱུཾ་ནག་པོ་དང་། ཨཱཿདམར་པོ་དང་། ཨོཾ་དཀར་པོ་དང་། དེའི་འོད་ཟེར་གྱིས་ལུས་འོད་གསལ་བར་བྱས་ལ་ཧཱུཾ་ཞེས་བརྗོད་ནས་དཀྱིལ་འཁོར་གྱི་ལྷོ་སྒོར་བཞག་ལ་ལས་ཀྱི་རྡོ་རྗེས་བཟུང་ལ་དཀྱིལ་འཁོར་དུ་གཞུག་པའི་ཕྱིར་དྲི་བར་བྱ་སྟེ། ཀྱེ་དགའ་བ་
[327b.3]འདོད་པ་ཁྱོད་སུ་ཡིན། །ཞེས་གཅིག་གམ་གཉིས་སམ་གསུམ་སྟེ་བཞི་ནི་ལྷན་ཅིག་ཏུ་གཞུག་པར་མི་བྱ་སྟེ་དགེ་འདུན་ཚོགས་ཟུང་ཡིན་པའི་ཕྱིར་རོ། །སློབ་མས་ཀྱང་། ཀྱེ་བདེ་ཆེན་བདག་ནི་སྐལ་པ་བཟང་པོའོ། །ཞེས་སྨྲའོ། །དེ་ནས་སློབ་མ་ལ་ཨོཾ་སརྦ་ཡོ་ག་ཙིཏྟ་ཨུདྤཱ་ད་ཡཱ་མི་
[327b.4]ཞེས་བརྗོད་དུ་བཅུག་ཅིང་སེམས་བསྐྱེད་པར་བྱའོ། །མེ་ཏོག་དང་བཅས་པའི་རྡོ་རྗེ་སྙིང་གར་བཞག་སྟེ། དེ་རིང་ཁྱོད་ལ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབ་པར་འགྱུར་གྱི། དེ་བཞིན་གཤེགས་པ་ཐམས་ཅད་ཀྱི་གསང་ཆེན་དམ་པ་འདི་དཀྱིལ་འཁོར་དུ་མ་ཞུགས་པ་
[327b.5]རྣམས་ལ་སྨྲ་བར་མི་བྱ་ཞིང་མ་དད་པར་ཡང་མི་བྱའོ་ཞེས་བསྒོ་ནས། ཨོཾ་ཁཎྜ་རོ་ཧེ་ཧཱུཾ་ཧཱུཾ་ཕཊ་ཅེས་པས་བཀུག་སྟེ། ཡོལ་བའི་ནང་དུ་ཤྲཱི་ཧེ་རུ་ཀ་ཡ་བིད་མ་ཧེ་བིདྱཱ་རཱ་ཛ་ཡ་དྷཱིཿམ་ཧཱ་སྭཱ་ཧཱ། ཞེས་པ་གཱ་ཡི་ཏྲི་འདོན་དུ་གཞུག་གོ། །མཁའ་འགྲོ་མ་ཡི་དྲ་བས་འདྲེན། །གྲུབ་པའི་དཀྱིལ་
[327b.6]འཁོར་འཁོར་ལོ་འདིར། །བདེ་བ་མཆོག་གི་ཕོ་བྲང་དུ། །བུ་ཁྱོད་བདག་གིས་དྲངས་པའོ། །ཞེས་བསྒོ་ནས་ལྷོ་སྒོ་རུ་ཨོཾ་ན་མཿསྟེ་ཧཱུཾ། ན་མཿམི་ཧཱུཾ་ན་མོ་ན་མཿཧཱུཾ་སྭཱ་ཧཱ། ཞེས་འདོན་ཅིང་། མཁའ་སྤྱོད་ལ་སོགས་དབྱེ་བ་ཡིས། །ཕྱག་གསུམ་བྱེད་དུ་གཞུག་པར་བྱ། །ཐལ་མོ་སྤྱི་
[327b.7]བོར་བཞག་ནས་སུ། །ཡན་ལག་ཀུན་གྱིས་ཕྱག་བྱའོ། །ཨོཾ་སརྦ་བཱི་ར་ཡོ་གི་ནཱི་བྷྱཿཔཱུ་ཛོ་པསྠཱ་ནཱ་ཡ་ཨཱཏྨ་ནཱཾ་ནི་རྱཱ་ཏ་ཡཱ་མི། སརྦ་ཏ་ཐཱ་ག་ཏ་བཱི་ར་ཡོ་གི་ནི། ཌཱ་ཀི་ནྱ་རྱ་ཨ་དྷི་ཏིཥྛནྟུ་མཱཾ། གཡོན་དུ་སྙིང་གར་ཐལ་མོ་སྦྱར་ཏེ་གཟུང་ངོ་། །ཨོཾ་སརྦ་བཱི་ར་ཡོ་གི་ནཱི་བྷྱཿཔཱུ་ཛཱ་བྷི་ཥེ་ཀཱ་ཡ་ཨཱཏྨ་
[328a]
[328a.1]ནཱཾ་ནི་རྱཱ་ཏ་ཡཱ་མི། སརྦ་ཏ་ཐཱ་ག་ཏ་བཱི་ར་ཡོ་གི་ནི་ལཱ་མཱ་དྱཱ་བྷི་ཥིཉྩ་ཏུ་མཱཾ། གཡོན་པའི་ཐལ་མོ་དཔྲལ་བར་བྱས་ཏེ་བྱང་དུའོ། །ཨོཾ་སརྦ་བཱི་ར་ཡོ་གི་ནཱི་བྷྱཿཔཱུ་ཛཱ་པྲ་བརྟ་ན་ཡ་ཨཱཏྨ་ནཱཾ་ནི་རྱཱ་ཏ་ཡཱ་མི། སརྦ་ཏ་ཐཱ་ག་ཏ་བཱི་ར་ཡོ་གི་ནྱ་ཁཎྜ་རོ་ཧཱརྱཱ་པྲ་བརྟ་ཡནྟུ་མཱཾ། སྤྱི་གཙུག་ཏུ་ཐལ་མོ་
[328a.2]སྦྱར་ཏེ་ནུབ་ཏུའོ། །ཨོཾ་སརྦ་བཱི་ར་ཡོ་གི་ནཱི་བྷྱཿཔཱུ་ཛཱ་ཀརྨ་ཎེ་ཨཱཏྣ་ནཱཾ་ནི་རྱཱ་ཏ་ཡཱ་མི། སརྦ་ཏ་ཐཱ་ག་ཏ་བཱི་ར་ཡོ་གི་ནི་རཱུ་པི་ནི་རྱཱ་ཡ་ཀརྨ་ཀ་ཡནྟུ་མཱཾ། ཡང་ཤར་སྒོར། ཨོཾ་གུ་རུ་ཙ་ར་ཎ་ཨུ་པ་སྠ་ནཱ་ཡ་ཨཱཏྨ་ནཱི་ནི་རྱཱ་ཏ་ཡཱ་མི། ཨོཾ་སརྦ་ཏྭ་པ་རི་ཏྲ་ཎ་ཡ་ཨཱཏྨ་ནཱ་ནི་རྱཱ་ཏ་ཡཱ་མི། ཞེས་དོན་དང་ལྡན་པ་
[328a.3]འདོན་དུ་གཞུག་གོ། །དེ་ནས་ལྷོ་སྒོར་ལྷོར་ཁ་བལྟས་ཏེ། ཀྱེ་བུ་ཁྱོད་ཀྱང་རབ་ཏུ་གནས། །དེ་ཉིད་སྣང་བའི་རིགས་ལ་ནི། །དཔའ་བོ་ལྷ་མོ་རྣམས་སྐྱེ་བའི། །ཧེ་རུ་ཀ་ཡི་རྣམ་པས་མཛེས། །སྐྱེས་བུ་གང་ཞིག་སྐྱེས་ནས་སུ། །གོ་འཕང་མཆོག་ནི་ཐོབ་པར་འགྱུར། །ཡེ་ཤེས་སྡོམ་
[328a.4]པའི་དག་པ་སྟེ། །བདག་གིས་ཁྱེད་ལ་སྦྱིན་པ་ཡིན། །དཀྱིལ་འཁོར་མ་མཐོང་མི་རྣམས་ལ། །ཁྱོད་ཀྱིས་ཀྱང་ནི་སྨྲ་མི་བྱ། །གལ་ཏེ་སྨྲ་ན་དེའི་ཚེ་བུ། །དམ་ཚིག་ཉམས་པར་བྱེད་པར་འགྱུར། །མགོ་བོར་རྡོ་རྗེ་བཞག་སྟེ་དྲིལ་བུ་དཀྲོལ་ཞིང་། འདི་ནི་ཁྱོད་ཀྱི་དམ་ཚིག་གི་རྡོ་རྗེ་ཡིན་
[328a.5]ཏེ་ཚུལ་འདི་འགའ་ཞིག་ལ་སྨྲས་ན་འདིས་ཁྱོད་ཀྱི་མགོ་འགས་པར་བྱེད་དོ་ཞེས་ཉན་དུ་བཅུག་ལ་སྙིང་གར་རྡོ་རྗེ་བཟུང་ལ། དེ་རིང་ཕག་མོ་རང་ཉིད་དཔལ། །ཁྱོད་ཀྱི་སྙིང་གར་ཡང་དག་གནས། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཞེས་བཀའ་བསྒོ་
[328a.6]ནས། མིང་མེད་དང་མཐེ་བོས་བཟུང་བའི་དུང་གི་ཆུས་མ་ནའི་ཚུལ་དུ། འདི་ནི་ཁྱོད་ཀྱི་དམྱལ་བའི་ཆུ། །དེ་ཚིག་འདས་ན་སྲེག་པར་བྱེད། །དེ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འཐུང་ཅིག །ཨོཾ་པཉྩ་ཨ་མྲྀ་ཏ་ཨུ་ད་ཀ་ཋ་ཋ་ཧཱུཾ་ཞེས་པའི་ཚིགས་སུ་བཅད་པ་དང་
[328a.7]སྔགས་ཀྱིས་བདུད་རྩི་ལྔ་འཐུང་དུ་གཞུག་གོ། །དེ་རིང་ནས་བརྩམས་ཏེ་ཁྱོད་ཀྱི་དཔལ་རྡོ་རྗེ་ཕག་མོ་ང་ཡིན་གྱིས་ངས་གང་བསྒོ་བདེ་འབད་པར་གྱིས་ཤིག །ཁྱོད་ཀྱིས་ང་ལ་སྨད་པར་ཡང་མི་བྱ་སྟེ། ཁ་ན་མ་ཐོ་བ་མ་སྤངས་པར་ཆེའི་དུས་བྱས་ནས་དམྱལ་བར་ལྟུང་བར་གྱུར་
[328b]
[328b.1]ཏ་རེ་ཞེས་བརྗོད་དོ། །དེ་ནས་སློབ་མ་དཀྱིལ་འཁོར་ལ་ཕྱོགས་པ་ལ་ཁྱོད་ཀྱི་མིག་ལ་ཅི་ལྟ་བུའི་སྣང་བ་མཐོང་ཞེས་དྲིས་ནས། དེས་སྨྲས་པ། དཀར་པོ་དང་། སེར་པོ་དང་། དམར་པོ་དང་། ནག་པོ་སྣང་བ་རྣམས་ཀྱིས་གོ་རིམས་བཞིན་དུ་ཞི་བ་དང་། རྒྱས་པ་དང་། དབང་དང་།
[328b.2]མངོན་སྤྱོད་ཀྱི་སྐལ་པ་དང་ལྡན་པར་ཤེས་པར་བྱས་ནས། དེ་མཐེ་བོང་གཉིས་ནས་གཡོན་པས་བཟུང་ནས་རྡོ་རྗེའི་འགྲོས་ཀྱིས་ལས་ཐམས་ཅད་པ་བཟླས་ཤིང་གཡོན་སྐོར་དུ་བསྐོར་བ་གསུམ་བྱེད་དུ་བཅུག་ནས་བདེན་པའི་བྱིན་གྱི་རླབས་འདི་བྱའོ། །བདག་གི་དཀྱིལ་འཁོར་འདི་
[328b.3]ལྟ་བུར། །སློབ་མ་འདི་ནི་ཡང་དག་གཞུག །ལྷ་རྣམས་རིགས་ཀྱི་རིམ་པ་ནི། །བསོད་ནམས་ཇི་ལྟར་འདི་ལ་ཤོག །ཅེས་པས་སློབ་མ་གཞུག་པའི་ཆོ་གའོ།། །།སྔར་བཟུང་བའི་ཕྲེང་བ་ཡི་གེ་ཧཱུཾ་གིས་བསྔགས་པ་ལས་མ་རྙིངས་ཤིང་ཡང་བའི་མེ་ཏོག་ཅིག་བླངས་ཏེ་
[328b.4]དེའི་ལག་པ་ཐལ་མོ་སྦྱར་བར་སྦྱིན་པར་བྱའོ། །དེའི་ཚེ་དེ་ཉིད་ཀྱང་ཡི་གེ་གསུམ་གྱིས་འོད་གསལ་ཞིང་སྡིག་པ་བཀྲུས་པར་མོས་ནས་བླ་མས་དེ་ལྟར་བྱིན་གྱིས་བརླབས་ནས་གུས་པ་སྔོན་དུ་འགྲོ་བས་དཀྱིལ་འཁོར་པ་དང་བཅས་པའི་དཀྱིལ་འཁོར་གྱི་དབང་ཕྱུག་མདུན་ན་
[328b.5]གནས་པ་བཞིན་དུ་དམིགས་ནས་དཀྱིལ་འཁོར་དེར་ཡིད་ཀྱིས་ཞུགས་ཏེ། ཨོཾ་ཏཥྛི་བཛྲ་དྲྀ་ཌྷོ་མེ་བྷ་ཝ་ཤཱ་ཤྭ་ཏོ་མེ་བྷ་བ་ཧྲྀ་ད་ཡཾ་མེ་ཨ་དྷི་ཏིཥྛ་སརྦ་སིདྡྷི་མྨེ་པྲ་ཡཙྪ་ཧཱུཾ་ཧ་ཧ་ཧ་ཧ་ཧོ། ཨཱཿཁཾ་བཱི་ར་ཧཱུཾ་པྲ་ཏཱིཙྪ་ཀུ་སུ་མ་ཨཉྩ་ལི་ནཱ་ཐ་ཧོཿ། ཞེས་བརྗོད་ཅིང་མིག་ལ་སོགས་པ་བསྡམས་ནས་
[328b.6]དེའི་དབུ་ལ་མེ་ཏོག་དོར་བར་བྱའོ། །རེ་ཁཱ་ལྔའི་ནང་དུ་མེ་ཏོག་ལྷུང་བའི་རྗེས་སུ་འབྲངས་ནས་རིགས་བསྟན་པར་བྱའོ། །དེའི་རྣལ་འབྱོར་ཀྱང་འདི་ལའོ། །མཛོད་སྤུའམ་དབུ་འམ་གཙུག་ཏོར་ལ་ལྷུང་ན་ཕྱག་རྒྱ་ཆེན་པོའི་དངོས་གྲུབ་པོ། །སྤྱན་ནམ་ཞལ་ལ་ནི་སྔགས་ཀྱི་དངོས་
[328b.7]གྲུབ་པོ། །འོག་གི་ཆ་ལ་དམན་པའོ། །ལྷ་རྣམས་ལས་རིང་ན་ཡུན་རིང་པོས་སོ། །མེ་ཏོག་དེ་ཨོཾ་པྲ་ཏི་གྲྀཧྞ་ཏཾ་ཨི་མཾ་སཏྭ་མ་ཧཱ་བ་ལ། ཞེས་པས་མགོ་ལ་བཅིང་ངོ་ཞེས་པ་ཕྲེང་བའི་དབང་ངོ་། །སློབ་མའི་སྙིང་གར་ཟླ་བ་ལ་བདག་པོ་དང་། དཔྲལ་བར་ར་དང་མིག་
[329a]
[329a.1]གཉིས་ལ་འབར་བ་དང་བཅས་པའི་ཨོཾ་གཉིས་བསྒོམས་ནས། དཔལ་ལྡན་ཕག་མོ་རང་ཉིད་ཀྱིས། །ཁྱོད་ཀྱི་མིག་ནི་འབྱེད་པར་བརྩོན། །རྡོ་རྗེ་མིག་ནི་བླ་མེད་པ། །ཀུན་དུ་གཟིགས་པས་འབྱེད་པར་མཛོད། །ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞྞ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ།
[329a.2]ཨོཾ་ཛྙཱ་ན་ཙཀྵུ་ཧཱུཾ་ཨཱཿསྭཱ་ཧཱ། ཞེས་བརྗོད་ཅིང་གདོང་གཡོགས་དགྲོལ་བར་བྱའོ། །ད་ནི་དད་པའི་ཤུགས་ཀྱིས་ནི། །དཀྱིལ་འཁོར་འདི་ནི་ཡང་དག་ལྟོས། །ཁྱོད་ནི་རྣལ་འབྱོར་མ་རིགས་སྐྱེས། །ཕྱག་རྒྱ་སྔགས་ཀྱིས་བྱིན་གྱིས་བརླབས། །ཡོན་ཕུལ་ཏེ་ཕྱག་བྱས་ནས་གཅིག་པུར་
[329a.3]འདུག་པའི་སློབ་མས་བླ་མ་ལ་གསོལ་བ་གདབ་སྟེ། བསམ་དུ་མེད་པའི་ཆོས་ཀྱི་སྣོད། །དབང་བསྐུར་བ་ནི་བདག་མཛོད་ཅིག །བླ་མ་ཡིས་ནི་ལྷོ་སྒོ་རུ། །ཧེ་རུ་ཀ་ཡི་བདག་ཉིད་སེམས། །སེང་གེའི་གདན་ལ་གཞག་པའམ། །སྣ་ཚོགས་པདྨའི་ཤིང་སྟེགས་ལ། །ཕྱག་རྒྱ་ལྔ་ལྡན་
[329a.4]སློབ་མ་དེ། །ཁ་ཊྭཱཾ་ག་ནི་ཐོགས་གནས་ལ། །སྟེང་དུ་ལྷ་མོས་གདུགས་བཟུང་བ། །གཡས་པ་ཌ་མ་རུ་ཐོགས་པ། །རྣལ་འབྱོར་མ་དང་དཔའ་ཚོགས་ཀྱིས། །བསྐོར་བའི་དཀྱིལ་དུ་གནས་པ་ནི། །གླུ་དང་བཀྲ་ཤིས་ལ་སོགས་པ། །འབད་པས་ཡང་དག་མཆོད་ནས་སུ། །
[329a.5]སྔར་བཤད་རིམ་པས་བྱུར་བསལ་བྱ། །རྣམ་རྒྱལ་བུམ་པ་ལ་སོགས་ཆུ། །བླངས་ནས་ཐོད་པར་བྱས་ནས་སུ། །ཧཱུཾ་ལས་སྐྱེས་པའི་རྡོ་རྗེ་དང་། །དེ་ལས་བྱུང་བའི་མི་བསྐྱོད་པ། །དེས་མཚན་པའི་རང་བཞིན་གྱི་ཆུ་བསམས་ལ་སྙིང་གའི་འོད་ཟེར་གྱིས་བཀུག་པའི་ཡེ་ཤེས་སེམས་དཔའ་
[329a.6]དེར་བཅུག་ལ། སྙིང་གའི་འོད་ཟེར་གྱིས་ཕྱོགས་མཐའ་ཡས་པ་ན་གནས་པའི་དེ་བཞིན་གཤེགས་པ་དང་། རིག་པའི་ལྷ་མོ་རྣམས་ཡང་དག་པར་མཆོད་ནས་སློབ་མ་ལ་དབང་བསྐུར་བའི་དོན་དུ། རྡོ་རྗེ་ཅན་གྱིས་སངས་རྒྱས་ལ། །འགྲོ་བ་བསྐྱབ་པའི་ཆེད་དུ་དབང་། །ཡོན་ཏན་འབྱུང་
[329a.7]གནས་ཇི་ལྟར་གསོལ། །དེ་ལྟར་འདི་ལ་སྩལ་དུ་གསོལ། །ཞེས་གསོལ་བ་བཏབ་ནས། དེ་དག་ཤེས་རབ་མ་དང་སྙོམས་པར་ཞུགས་ཏེ་འདོད་ཆགས་ཆེན་པོས་ཞུ་བར་གྱུར་ནས་རྣམ་པར་སྣང་མཛད་ཀྱི་སྒོ་ནས་ནང་དུ་ཞུགས་ནས་རྡོ་རྗེའི་ལམ་ནས་འཐོན་ཏེ་ཁུ་བ་དེ་ལྷ་མོའི་པདྨའི་
[329b]
[329b.1]ཁ་ནས་ནང་དུ་བཅུག་པའི་སློབ་མ་སྐད་ཅིག་གིས་སྟོང་པ་ཉིད་ཀྱི་རྗེས་ལ་ཧཱུཾ་དང་རྡོ་རྗེ་ལས་བྱུང་བའི་ཡུམ་དང་བཅས་པའི་མི་བསྐྱོད་པའི་རང་བཞིན་ཡེ་ཤེས་སེམས་དཔའ་དང་ཐ་མི་དད་པ་ལ་དབང་བསྐུར་ནས། ཡང་ཕྱག་དང་ཞབས་ལ་སོགས་པའི་གཟུགས་ཀྱིས་པདྨ་ལས་འཐོན་ཏེ་གནས་
[329b.2]པའི་སློབ་མ་ལ་ནམ་མཁའ་གང་བར་གནས་པའི་ཡུམ་དང་བཅས་པའི་རྡོ་རྗེ་ཅན་རྣམས་ཀྱིས་གུར་ཀུམ་ལ་སོགས་པའི་ཆར་དང་། བྱང་ཆུབ་ཀྱི་སེམས་བདུད་རྩིས་གང་བའི་ཐོད་པ་རྣམས་ཕྱག་གིས་ཅུང་ཟད་གཞོལ་བས་དབང་བསྐུར་བར་བསམ་ཞིང་། མཁའ་འགྲོ་མ་ལ་སོགས་པས་བཀྲ་ཤིས་གང་
[329b.3]ཞིག་ཅེས་པ་ལ་སོགས་པའི་བཀྲ་ཤིས་བརྗོད་ཅིང་། དབང་བསྐུར་བ་ནི་རྡོ་རྗེ་ཆེ། །ཞེས་པ་ལ་སོགས་པ་དང་། ཨོཾ་ཤྲཱི་ཙཀྲ་བཱི་ར་ཏྭཾ་ཨ་བྷི་ཥཉྩཱི་མི། ཨོཾ་བཛྲ་ཨུད་ཀ་ཨ་བྷི་ཥཉྩི་ཧཱུཾ་སུ་ར་ཏ་སྟྭཾ་ཨ་ཧཱུཾ་ཞེས་པས་དབང་བསྐུར་རོ། །དེ་དེའི་ཚེ་བདེ་བ་ཆེན་པོའི་བདག་ཉིད་དུ་བསམ་པར་བྱའོ། །
[329b.4]ཆུའི་དབང་ངོ་། །གསོལ་བ་བཏབ་པ་དང་ལྡན་པའི་སློབ་མ་ཨོཾ་དང་རིན་པོ་ཆེ་ལས་སྐྱེས་པའི་རིན་ཆེན་འབྱུང་ལྡན་གྱི་གཟུགས་ཡེ་ཤེས་སེམས་དཔའ་དང་ཐ་མི་དད་པར་བསམས་ནས་ཆུའི་དབང་ལས་གསུངས་པའི་སྙིང་གའི་འོད་ཟེར་གྱིས་ཕྱོགས་མཐའ་ཡས་པ་ལ་སོགས་འདིར་ཡང་
[329b.5]ཤེས་པར་བྱ་སྟེ། རྡོ་རྗེ་དང་། དྲིལ་བུ་དང་། མིང་གི་དབང་དུ་ཡང་ངོ་། །འདིར་ཁྱད་པར་དུ་གསེར་ལ་སོགས་པ་ལས་བྱས་པའི་དབུ་རྒྱན་ཅོད་པན་རིན་ཆེན་འབྱུང་ལྡན་ལས་བྱས་པའི་ཡེ་ཤེས་སེམས་དཔའ་དང་ཐ་མི་དད་པ་སློབ་མའི་རིགས་ཀྱི་བདག་པོ་དབུས་ན་གནས་པའི་དེ་བཞིན་
[329b.6]གཤེགས་པ་ལྔས་བྱིན་གྱིས་བརླབས་པ་དེའི་མགོ་ལ་བསྐོན་ཞིང་སྟེང་དུ། ཨོཾ་བཛྲ་དྷཱ་ཏྭཱི་ཤྭ་རི་ཨ་བྷི་ཥིཉྩ་ཧཱུཾ། དཔྲལ་བར། ཨོཾ་སཏྭ་བཛྲི་ཨ་བྷི་ཥཉྩི་བྷྲུཾ། གཡས་སུ། ཨོཾ་རཏྣ་བཛྲི་ཨ་བྷི་ཥཉྩི་ཏྲཱཾ། རྒྱབ་ཏུ། ཨོཾ་དྷརྨཱ་བཛྲི་ཨ་བྷི་ཥཉྩི་ཧྲཱིཿ། གཡོན་དུ། ཨོཾ་ཀརྨ་བཛྲི་ཨ་བྷི་
[329b.7]ཥཉྩི་ཨཿ། ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞྞ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ཨོཾ་ཨཱཿབཛྲ་མུ་ཀུ་ཊ་ཨ་བྷི་ཥཉྩི་ཧཱུཾ་སུ་ར་ཏ་སྟྭཾ་ཨ་ཧཾ་ཞེས་བརྗོད་དོ། །ཅོད་པན་གྱི་དབང་ངོ་། །ཧྲཱིཿཡིག་ལས་སྐྱེས་ཤིང་དེས་མཚན་པའི་པདྨ་ཡོངས་སུ་གྱུར་པའི་སྣང་བ་མཐའ་ཡས་ཀྱི་རང་བཞིན་རྡོ་རྗེ་སློབ་མ་ཡང་དེ་
[330a]
[330a.1]ལྟར་རྫོགས་པའི་སློབ་མའི་སྙིང་ག་དང་། མགྲིན་པ་དང་། མགོ་བོ་རྣམས་སུ་རྡོ་རྗེ་རེག་ནས། ཧེ་རུ་ཀ་དཔལ་དཔའ་སོགས་ཀྱིས། །དེ་རིང་ཁྱོད་ལ་དབང་བསྐུར་རོ། །འདི་དེ་སངས་རྒྱས་ཐམས་ཅད་ཉིད། །རབ་ཏུ་གྲུབ་ཕྱིར་རྡོ་རྗེ་ཟུང་། །ཞེས་བརྗོད་ཅིང་
[330a.2]སྙིང་ག་དང་ལག་པ་གཡས་པར་སྦྱིན་ནོ། །རྡོ་རྗེའི་དབང་ངོ་། །ཁཾ་དང་རལ་གྲི་ལས་སྐྱེས་པའི་དོན་ཡོད་གྲུབ་པའི་ངོ་བོ་ཡེ་ཤེས་སེམས་དཔའ་དང་ཐ་མི་དད་པའི་སློབ་མ་དང་དྲིལ་བུ་བསམས་ཏེ། དེའི་ལག་པ་གཡོན་པར་དྲིལ་བུ། འདི་དེ་སངས་རྒྱས་ཐམས་ཅད་ཀྱི། །དྲིལ་བུ་
[330a.3]དབྱངས་ཀྱི་རྗེས་འགྲོར་ལྡན། །བྱང་ཆུབ་མཆོག་ཏུ་རྒྱལ་བ་བཞེད། །ཁྱོད་ཀྱིས་ཀྱང་ནི་རྟག་ཏུ་ཟུང་། །ཞེས་བརྗོད་ཅིང་སྦྱིན་ནོ། །རྡོ་རྗེ་དང་དྲིལ་བུ་ཐོགས་པའི་ལག་པ་གཉིས་འཁྱུད་པའི་སྟངས་བྱེད་དུ་བཅུག་ལ། ཨོཾ་ཤྲཱི་ཧེ་རུ་ཀ་ཨ་དྷི་པ་ཏི་སྟྭཾ་ཨ་བྷི་ཥཉྩཱི་མི་ཏིཥྛ་བཱི་ར་
[330a.4]ས་མ་ཡ་སྟྭཾ་ཞེས་བརྗོད་དེ། ཨོཾ་བཛྲ་གྷཎྜེ་ཨ་ཨཿ། བཅོམ་ལྡན་བཟུང་ངོ་བདག་ལ་ནི། །ཡང་དག་ཉེ་བར་གྱུར་པར་མཛོད། །ཅེས་བརྗོད་དུ་གཞུག་གོ། །དྲིལ་བུའིའོ། །དེ་ལྟར་གསོལ་བ་བཏབ་པར་གྱུར་པ། ཨོཾ་དང་འཁོར་ལོ་ལས་བྱུང་བའི་རྣམ་པར་སྣང་མཛད་ཀྱི་རང་
[330a.5]བཞིན་ཡེ་ཤེས་དང་ཐ་མི་དད་པ་སྤྱི་བོར་རྡོ་རྗེ་དང་དྲིལ་བུ་མཉམ་པོར་འཛིན་དུ་བཅུག་ལ། ཨོཾ་ཤྲཱི་ཧེ་རུ་ཀ་ཨ་དྷི་པ་ཏི་སྟྭཾ། ཨ་བྷི་ཥཉྩཱི་མི་ཤྲཱི་ཧེ་རུ་ཀ་ནཱ་མ་ཨ་བྷི་ཥེ་ཀ་ཏ། ཞེ་སྡང་རྡོ་རྗེ་ཁྱོད་ཅེས་པ་དང་། གཏི་མུག་རྡོ་རྗེ་ཁྱོད་ཅེས་པ་ལ་སོགས་པའི་མེ་ཏོག་ལྷུང་བའི་རིགས་ཀྱི་མིང་
[330a.6]ངམ་རྣམ་པར་སྣང་མཛད་ཀྱི་བདག་ཉིད་ཀྱིས་དབང་བསྐུར་རོ། །དེ་ལ། རྡོར་སེམས་རྣམ་རྒྱལ་དཔེ་མེད་དང་། །ཡེ་ཤེས་སེམས་དཔའ་བདེ་བ་ཆེ། །ལྷན་སྐྱེས་ལུས་མེད་དགའ་བ་དང་། །དང་པོ་མཆོག་རྡོར་ཨ་ལ་ལ། །མི་བསྐྱོད་བཞད་པ་འགྱིང་བ་དང་། །རང་བྱུང་
[330a.7]ཞེ་སྡང་ཧཱུཾ་མཛད་དང་། །རྡོ་རྗེ་རོལ་པ་སྒེག་པ་དང་། །དགའ་བ་དགྱེས་པ་སེམས་རྡོ་རྗེ། །རྣམ་སྣང་སྐུ་དང་སངས་རྒྱས་གཟུགས། །སྒྱུ་མ་དེ་བཞིན་གཤེགས་པ་དང་། །རིན་ཆེན་ཡིད་བཞིན་ནོར་བུ་དང་། །ང་རྒྱལ་དང་ནི་གཟི་བརྗིད་དང་། །ནམ་མཁའ་འོད་
[330b]
[330b.1]བྱེད་རྡོ་རྗེའོ། །པདྨ་དག་དང་འོད་དཔག་མེད། །འདོད་ཆགས་ཆོས་དང་སྤྱན་རས་གཟིགས། །དོན་ཡོད་ལས་དང་དམ་ཚིག་རླུང་། །ཕྲག་དོག་རེག་བྱ་ཕ་རོལ་བྱིན། །རྡོ་རྗེ་དབྱིངས་དབང་ཕྲེང་བ་མ། །མྱོང་མ་ཤུགས་མ་རྣམ་རོལ་མ། །བདག་མེད་ལག་མ་མཱ་མ་ཀཱི། །སྡང་
[330b.2]དང་དགའ་མ་ཕྲེང་མ་འོད། །སྤྱན་མ་དཀར་མོ་མཁའ་འགྲོ་མ། །སྒེག་མ་རྡོ་རྗེ་གཏི་མུག་དགའ། །འབར་མ་ཕྲེང་མ་ནམ་མཁའ་དགའ། །དོ་ཤལ་རྡོ་རྗེ་དབུགས་འབྱིན་མ། །གོས་དཀར་བཞད་མ་འདོད་ཆགས་དགའ། །གླུ་མ་འདོད་ཆགས་རོ་ལངས་མ། །རྡོ་རྗེ་ངོ་མཚར་
[330b.3]བརྡོ་བ་མ། །སྒྲོལ་མ་སྒྱུ་མ་གར་དབང་ཕྱུག །བསྒྱིངས་མ་རྡོ་རྗེ་དགའ་མའོ། །འདི་ནི་མིང་གི་དབང་ངོ་། །དབང་ལྔ་པོ་འདི་དག་ནི་མ་རིག་པའི་གཉེན་པོ་ཡིན་པས་རིག་པའི་དབང་སྟེ་ལུས་ཀྱི་རྣམ་པར་དག་པའོ། །འདི་དག་གིས་དབང་བསྐུར་བ་ནི་བྱ་བ་དང་སྤྱོད་པའི་
[330b.4]རྒྱུད་ཉན་པ་དང་བཤད་པ་དང་། སྔགས་བསྒྲུབ་པ་ལ་དབང་བར་འགྱུར་རོ། །དེ་སྐད་དུ་གསུངས་པ། ཆུ་ནི་ཤིན་ཏུ་རྣམ་དག་ཡིན། །ཅོད་པན་མཉམ་པ་ཉིད་དུ་འགྱུར། །རྡོ་རྗེ་རྟག་ཏུ་སོ་སོར་རྟོག །མིང་གི་མེ་ལོང་ཡེ་ཤེས་ཡིན། །དྲིལ་བུ་བྱ་བ་ནན་ཏན་ནོ། །ཞེས་
[330b.5]པའོ། །རང་གི་སྙིང་པོ་ལ་སོགས་པ་བརྒྱ་རྩ་བརྒྱད་བཟླས་ཏེ། བཅོམ་ལྡན་བདག་གིས་སྦྱིན་ལགས་ཀྱིས། །འདི་ལ་ཉེ་བར་མཛད་དུ་གསོལ། །ཞེས་བརྗོད་ཅིང་སྙིང་ག་ནས་ཁའི་སྒོ་ནས་བྱུང་སྟེ། རྣ་བ་གཡས་པ་ནས་སྙིང་གར་ཞུགས་པར་བསམ་ཞིང་སྔགས་སྦྱིན་ཏེ། སློབ་
[330b.6]མས་ཀྱང་། བཅོམ་ལྡན་བདག་གིས་བཟུང་ལགས་ཀྱིས། །བདག་ལ་ཉེ་བར་མཛད་དུ་གསོལ། །ཞེས་ལན་གསུམ་བརྗོད་དོ། །སྔགས་ཀྱི་དབང་ངོ་། །ཧཱུཾ་ལས་སྐྱེས་པའི་རྡོ་རྗེ་སེམས་དཔའི་རང་བཞིན་དུ་བསམས་ནས། འདི་དེ་སངས་རྒྱས་ཐམས་ཅད་ཉིད། །ཧེ་རུ་ཀ་
[330b.7]ཡི་ཕྱག་ན་གནས། །ཧེ་རུ་ཀ་དཔལ་བརྟུལ་ཞུགས་བརྟན། །ཁྱོད་ཀྱིས་ཀྱང་ནི་རྟག་ཏུ་ཟུང་། ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ། ཏིཥྛ་ཨེ་ཥ་ཏྭཾ་དྷ་ར་ཡཱ་མི་ཧི་ཧི་ཧི་ཧི་ཧཱིཿ། ཞེས་བརྗོད་ཅིང་དེ་ཉིད་ཀྱིས་གཟུང་དུ་གཞུག་གོ་ཞེས་པ་རྡོ་རྗེའི་བརྟུལ་ཞུགས་སོ། །དཔལ་བདེ་
[331a]
[331a.1]མཆོག་གི་སྙིང་པོའི་སྔགས་ཀྱིས་ཁ་ཊྭཱཾ་ག་དང་ཅང་ཏེའུ་དང་པདྨའི་སྣོད་རྣམས་ལ་ལན་གསུམ་དུ་བཟླས་ལ། ཧེ་རུ་ཀ་དཔལ་ཕྱག་རྒྱ་འདི། །ཕྱི་ནང་ཡང་དག་གནས་པ་ཉིད། །དེ་ནས་ཁ་ཊྭཱཾ་ཅང་ཏེའུ་སྣོད། །སྦྱིན་པ་དཔའ་བོས་གཟུང་བར་གྱིས། །ཞེས་པས་འཛིན་དུ་
[331a.2]གཞུག་གོ་ཞེས་པ་སྤྱོད་པའི་བརྟུལ་ཞུགས་སོ། །དེ་བཞིན་གཤེགས་པའི་སྤྱོད་ལམ་གྱི་ཚུལ་དུ་བྱས་ནས་ཆོས་གོས་ཀྱི་གྲྭ་བཟུང་བའི་ཁུ་ཚུར་གཡོན་པ་སྙིང་གར་བཟུང་ཞིང་གཡས་པ་མི་འཇིགས་པའི་ཕྱག་རྒྱས། འདིར་བདག་འཁོར་ལོ་གསུམ་དབང་ཕྱུག །སངས་རྒྱས་ཀུན་གྱི་རང་
[331a.3]བཞིན་དངོས། །ཧེ་རུ་ཀ་དཔལ་མིང་ཅན་གྱི། །དེ་བཞིན་གཤེགས་པ་ཁྱོད་ལུང་བསྟན། །དཔལ་ཧེ་རུ་ཀ་ཞེས་བྱ་བའི་དེ་བཞིན་གཤེགས་པའི་གྲུབ་པ་སྟེ། མེ་ཏོག་ལྷུང་བའི་རིགས་ཀྱི་མིང་གི་དེ་བཞིན་གཤེགས་པའི་ཚུལ་ཅན་སློབ་མ་ཀྱེ་ཆེ་གེ་མོ་རྡོ་རྗེ་ཏ་ཐཱ་ག་ཏ་སིདྡྷྱཿས་མ་ཡ་སྟྭཾ་བྷུར་བྷུ་
[331a.4]བ་སྭཿ། ཁམས་གསུམ་གྱིས་ནི་རྒྱལ་པོ་ཆེ། །བདག་པོ་དཔལ་ལྡན་ཡོན་ཏན་གཏེར། །བདུད་ཀྱི་སྡེ་ཀུན་ཕམ་བྱས་ནས། །གྲོང་ཁྱེར་མཆོག་ཏུ་ཁྱོད་རབ་ཞུགས། །ཞེས་བརྗོད་དེ་ལུང་བསྟན་པར་བྱའོ། །དེ་ལྟར་ལུང་བསྟན་པ་ནི་དེ་བཞིན་གཤེགས་པ་ཐམས་ཅད་ཀྱིས་རྫོགས་པའི་
[331a.5]བྱང་ཆུབ་ཏུ་ལུང་སྟོན་ཏེ་དད་པར་བྱའོ་ཞེས་ལུང་བསྟན་པའོ། །མཚན་མ་མེད་པའི་འགྲོ་བའི་དོན། །ད་ལྟ་གང་གིས་བྱེད་འགྱུར་པ། །ཕྱིར་མི་ལྡོག་པའི་དབང་བསྐུར་ཆེ། །དཔའ་བོ་ཆེན་པོ་བདག་ལ་སྩོལ། །ཞེས་པས་གསོལ་བ་བཏབ་པའོ། །རྡོ་རྗེ་དང་ཧཱུཾ་ལས་བྱུང་བའི་རྡོ་རྗེ་སེམས་
[331a.6]དཔའི་ཚུལ་དུ་བསམས་ལ། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་བདེ་བ་ཆེ། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་སྙེམས་ཚུལ་བདག་པོའི་བདག །བཅོམ་ལྡན་འདས་དཔལ་མཆོག་དང་པོའི་སྐྱེས་བུའོ་ཞེས་བརྗོད་ཅིང་རྡོ་རྗེ་འཛིན་དུ་གཞུག་གོ། །
[331a.7]འདི་དེ་སངས་རྒྱས་ལ་སོགས་པས། །དྲིལ་བུ་དང་། ཕྱག་རྒྱ་འདི་ནི་དམ་ཚིག་བརྗོད། །ཡིད་ཀྱི་སྐུ་ནི་བརྟན་པའི་ཕྱིར། །གང་གི་སྐུ་ནི་མ་ལུས་བརྟན། །དེས་ནི་ཕྱག་རྒྱ་རབ་ཏུ་བརྗོད། །ཅེས་པ་སྟེ་རྡོ་རྗེ་དྲིལ་བུ་དང་བཅས་པའི་ལག་པ་གཉིས་ཀྱིས་ཡེ་ཤེས་ཀྱི་ཕྱག་རྒྱ་ལ་འཁྱུད་པ་ནས་གནས་པ་
[331b]
[331b.1]རྡོ་རྗེ་སེམས་དཔའི་ཚུལ་དུ་བསམས་ཏེ་ཆུའི་དབང་ལས་གསུངས་པའི་ཆོ་གས། དབང་བསྐུར་བ་ནི་རྡོ་རྗེ་ཆེ། །ཁམས་གསུམ་པ་ཡིས་ཕྱག་བྱས་པ། །གསང་གསུམ་གནས་ལས་བྱུང་བ་ཡི། །སངས་རྒྱས་ཀུན་གྱིས་སྦྱིན་པར་བྱ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཤྲི་ཡེ་ཧཱུཾ་སྭཱ་ཧཱ། ཞེས་
[331b.2]བརྗོད་དེ་དབང་བསྐུར་རོ། །སྤྱི་བོར་མི་བསྐྱོད་པ་བསམས་ལ་གཞན་རྒྱལ་བ་དང་ལྷ་མོ་རྣམས་དེ་ཉིད་ལ་ཡེ་ཤེས་སེམས་དཔའི་ཚུལ་དུ་ཐིམ་པར་བྱས་ནས། ཨོཾ་སུ་པྲ་ཏིཥྛ་བཛྲེ་སྭཱ་ཧཱ། ཞེས་པས་བྱིན་གྱིས་བརླབས་ནས་མེ་ཏོག་ལ་སོགས་པའི་མཆོད་པ་རྣམས་ཀྱིས་མཆོད་པར་བྱའོ་དེས་
[331b.3]གསུངས་པ། བཅུ་དྲུག་བདག་ཉིད་ཤེས་རབ་མ། །ལག་པ་གཉིས་ཀྱིས་བཟུང་ནས་ནི། །རྡོ་རྗེ་དྲིལ་བུ་སྦྱོར་བ་ལས། །སློབ་དཔོན་གྱི་ནི་དབང་དུ་འདོད། །ཅེས་སོ། །དེ་ནས། དཔའ་བོ་དཔའ་མོའི་དབང་ཕྱུག་གྲོང་། །རང་བཞིན་དག་པ་སངས་རྒྱས་བདག །ལུས་ཀྱི་དཀྱིལ་
[331b.4]འཁོར་རང་བཞིན་གྱིས། །དྲི་མ་མེད་པ་བུ་ཁྱོད་ལྟོས། །གནས་དང་ཉེ་བའི་གནས་ལ་སོགས་པ་བདག་ཉིད་ཀྱི་དཀྱིལ་འཁོར་ལ་གནས་པའི་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱི་རང་བཞིན་རྩ་སུམ་ཅུ་རྩ་བདུན་དཀྱིལ་འཁོར་བའི་ལྷའི་འཁོར་ལོ་དཔལ་ཧེ་རུ་ཀའི་ཡན་ལག་དང་ཉིང་
[331b.5]ལག་ཉེ་བར་བསྟན་པར་བྱའོ། །ཕྱིར་མི་ལྡོག་པའི་དབང་ངོ་། །གསེར་རམ་དངུལ་གྱི་སྣོད་ལ་བཞག་པའི་མར་དང་སྤྲང་གི་མིག་སྨན་གསེར་གྱི་ཐུར་མས་སློབ་མའི་མིག་གཉིས་ལ་པྲཾ་བསམས་ཏེ། ཨོཾ་བཛྲ་ནི་ཏྲ་ཨ་པ་ཧ་ར་པ་ཊ་ལཾ་ཧྲཱིཿ། ཞེས་བྱུག་པ་ནི་ཐུར་མའི་དབང་ངོ་། །ཨ་ཡིག་གིས་
[331b.6]བསྔགས་པའི་མེ་ལོང་སློབ་མ་ལ་བསྟན་ཞིང་། རྡོ་རྗེ་སེམས་དཔའ་མེ་ལོང་ལྟར། །དག་ཅིང་གསལ་ལ་དྲི་མ་མེད། །སངས་རྒྱས་ཀུན་བདག་རང་བཞིན་དུ། །ཀྱེ་བུ་ཁྱོད་ཀྱི་སྙིང་ལ་གནས། །ངོ་བོ་མེད་ཅིང་གནས་མེད་པའི། །ཆོས་རྣམས་དེ་ལྟར་ཤེས་པས་སུ། །སེམས་
[331b.7]ཅན་དོན་ནི་མཉམ་མེད་བྱོས། །སྟོན་པའི་ཐུགས་ལས་ཁྱོད་སྐྱེས་སོ། །ཞེས་བརྗོད་པ་ནི་མེ་ལོང་གི་དབང་ངོ་། །བླ་མ་ཆེན་པོ་འཁོར་ལོའི་གཙོ། །ཚོགས་འཁོར་བྱས་ཏེ་མཆོད་ནས་སུ། །དེ་ནས་དེ་ལ་ཕྱག་འཚལ་ནས། །དཔའ་བོས་གསང་བའི་དོན་གསོལ་གདབ། །སྐྱོབ་
[332a]
[332a.1]དང་སྐྱབས་མེད་པ་ཡི་སྐྱབས། །མགོན་པོ་རྒྱུ་མེད་སྙིང་རྗེ་ཆེ། །མགོན་པོས་བདག་ལ་བཀའ་དྲིན་སྩོལ། །བདེ་མཆོག་འཁོར་ལོས་བདག་ལ་སྐྱོབས། །ཇི་ལྟར་ཁྱོད་ཉིད་བདག་ཉིད་ཆེ། །མངའ་བདག་བདག་ལའང་དེ་ལྟར་སྩོལ། །འཁོར་བ་འདམ་གྱི་ཚོགས་
[332a.2]དག་ཏུ། །བྱིང་བ་སྐྱབས་མེད་བདག་ལ་སྐྱོབས། །ཞེས་པས་གསོལ་བ་བཏབ་ལ། །ལང་ཚོ་ལ་བབ་པ་དམ་ཚིག་དང་ལྡན་པ་གསང་དབང་གི་དོན་དུ་བླ་མ་ལ་ཕུལ་ལ། བླ་མ་འཁོར་ལོའི་དབང་ཕྱུག་གི་རྣལ་འབྱོར་གྱིས་ཐ་མལ་པའི་བུད་མེད་ཀྱི་གཟུགས་སྟོང་པའི་རྗེས་སུ་ཕག་མོའི་གཟུགས་སུ་
[332a.3]བསྐྱེད་པ་དེ་དང་། རྡོ་རྗེ་དང་པདྨའི་འདུ་བྱ་བ་སྔོན་དུ་འགྲོ་བས་སྙོམས་པར་ཞུགས་ཏེ། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ་ཞེས་བརྗོད་ཅིང་། སྙིང་གའི་ས་བོན་གྱི་འོད་ཟེར་གྱིས་སྤྱན་དྲངས་པ་ཤེས་རབ་དང་བཅས་པ། རྣམ་པར་སྣང་མཛད་ལ་སོགས་པ་རང་ལ་
[332a.4]ཁ་ནས་ནང་དུ་བཅུག་ལ་འདོད་ཆགས་ཆེན་པོས་ཞུ་བ་ཨ་ཝ་དྷཱུ་ཏཱི་ལས་འཐོན་པར་བསམས་ལ་རྡོ་རྗེ་ནོར་བུར་ལྷན་སྐྱེས་བརྟན་པར་བྱ་སྟེ། མཐེ་བོ་དང་མིང་མེད་དག་གིས་རྡོ་རྗེ་ནོར་བུ་བཟུང་ནས་པདྨ་ལས་ཕྱུང་སྟེ། དེ་བཞིན་གཤེགས་པ་ཞུ་བ་རང་གི་བྱང་ཆུབ་ཀྱི་སེམས་དང་ཐ་མི་
[332a.5]དད་པར་ལྷག་པར་མོས་པ་ལ་གསུང་རྡོ་རྗེའི་ཚུལ་གྱི་སློབ་མའི་ཁ་རུ། འདས་པའི་རྡོ་རྗེ་འཛིན་སོགས་ཀྱིས། །རྒྱལ་སྲས་ཇི་ལྟར་དབང་བསྐུར་བ། །དེ་བཞིན་དུ་ནི་བྱང་ཆུབ་སེམས། །ལེགས་པར་བུ་ཁྱོད་དབང་བསྐུར་རོ། །ཞེས་པ་དང་། དཀྱིལ་འཁོར་གྱི་བདག་པོའི་སྔགས་བརྗོད་
[332a.6]ཅིང་སྦྱིན་པར་བྱའོ། །དེས་ཀྱང་དེ་བཞིན་གཤེགས་ལ་འདུས་པའི་བློས་ཨ་ཧོ་མ་ཧཱ་སུ་ཁ། ཞེས་སྨྲ་ཞིང་བཏུང་བར་བྱའོ། །རྟེན་ཅིང་འབྲེལ་བར་འབྱུང་བ་ཀུན་རྫོབ་བྱང་ཆུབ་ཀྱི་སེམས་གཉིས་གསང་བས་དབང་བསྐུར་བས་ན་གསང་བའི་དབང་ངོ་། །བྱང་ཆུབ་རྡོ་རྗེས་ཞེས་པ་ལ་
[332a.7]སོགས་པས་གསོལ་བ་བཏབ་པའི་སློབ་མ་ལ་ཤེས་རབ་མ་དེ། འདི་ནི་ཁྱོད་ཀྱི་ཉམས་དགའི་གཟུགས། །སངས་རྒྱས་ཀུན་གྱིས་སྟེར་བྱར་གསུངས། །འཁོར་ལོའི་རིམ་པའི་རབ་སྦྱོར་བས། །བདེ་བ་དམ་པ་ཡང་དག་མྱོང་། །རྡོ་རྗེ་སྐྱིལ་ཀྲུང་གིས་སེམས་ནི། །ནོར་བུའི་
[332b]
[332b.1]ནང་དུ་གནས་བལྟ་ཞིང་། །ཞེས་རབ་ཏུ་བསྟན་ནས་གཏད་དོ། །འཁོར་ལོ་ནི་སྐུ་ལ་སོགས་པའི་འཁོར་ལོ་གསུམ་གྱི་ལྷའི་ཚོགས་ཏེ། དེའི་རིམ་པས་སྦྱོར་བ་ནི་དགུག་པ་དང་། གཞུག་པ་དང་། རྡོ་རྗེའི་ལམ་ནས་འཐོན་པར་བྱེད་པའོ། །རྡོ་རྗེ་སྐྱིལ་ཀྲུང་ནི་སྣ་བུ་ག་གཡོན་དང་གཡས་
[332b.2]པ་ལ་རྒྱུ་བ་བཀག་ནས་པདྨའི་ནང་དུ་བལྟས་པ་རྡོ་རྗེ་ནོར་བུའི་ནང་དུ་གནས་པའི་སེམས་ནི་བྱང་ཆུབ་ཀྱི་སེམས་ཏེ། ཤིན་ཏུ་ཕྲ་བར་བལྟ་ཞིང་འོད་གསལ་བའི་བདེ་བ་མྱོང་བར་མཛོད་ཅིག་ཅེས་པའོ། །བུད་མེད་ལ་དབང་བསྐུར་ན་ནོར་བུ་ནི་པདྨའི་ཡིན་ཏེ་ཁྱད་པར་རོ། །དེས་ཀྱང་གུར་ཀུམ་ལ་
[332b.3]སོགས་པས་དྲི་ཞིམ་པར་བྱས་པའི་ཆུ་སྐྱེས་གོས་མེད་པར་སློབ་དཔོན་ལ་སྟོན་ཅིང་། ཀྱེ་མ་བདག་གིས་པདྨ་འདི། །བདེ་བ་ཐམས་ཅད་ཡང་དག་ལྡན། །འགའ་ཞིག་ཆོ་གས་བསྟེན་པར་བྱེད། །དེ་ཡི་མདུན་ན་བདག་གནས་སོ། །སངས་རྒྱས་མཉེས་པ་ལ་སོགས་པ། པདྨར་
[332b.4]བྱ་བ་ཇི་བཞིན་གྱིས། །བདེ་ཆེན་རྒྱལ་པོ་རང་ཉིད་ནི། །འདི་ཉིད་དུ་ནི་རྟག་ཏུ་བཞུགས། །བྷ་ཉྫ་མོ་ཀྵ་ཧོཿཞེས་བརྗོད་དོ། །ཆོ་ག་ནི་ཕག་མོའི་གཟུགས་སུ་བསྐྱེད་པའོ། །མོ་ཀྵ་ཞེས་པ་ནི་སྤྲོས་པ་ཐམས་ཅད་དང་བྲལ་བ་སྟེ་དེ་སྟོན་ཞེས་པའོ། །དེས་ཀྱང་སྡོམ་པའི་སྐུ་དང་དེ་ཕག་
[332b.5]མོར་བསྐྱེད་ནས་རྡོ་རྗེ་ཧཱུཾ་ལས་བྱུང་བ་ནག་པོ་དེ་ནོར་བུར་ཅུང་ཟད་དམར་བའི་བྱཱ་ལས་བྱུང་བ་བྱཱ་དཀར་པོས་རྩེ་མོ་བྱིན་གྱིས་བརླབས་པ། པདྨ་འདབ་མ་གསུམ་པ་ཨ་དམར་པོ་ལས་བྱུང་བ་དྱཱ་དཀར་པོ་ལས་བྱུང་བའི་ལྟེ་བ་རྩེ་མོར་དྱ་སེར་པོས་བྱིན་གྱིས་བརླབས་པ་བསམས་ལ། གཡོན་
[332b.6]པའི་གཡོན་ངོས་སུ་གནས་པའི་རྩ་རྩེ་མོར་ཧྲཱིཿདམར་པོ་དང་ལྡན་པའི་མཛུབ་མོ་དང་ལྕེས་སིད་ཅེས་བྱ་ཞིང་བསྐུལ་ནས། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷ་ཝ་ཨཱཏྨ་ཀོ་ཉ་ཧཾ་ཞེས་པའི་སྔགས་བཟླས་ཤིང་། ནོར་བུའི་རྩ་བར་སེམས་ནི་དགའ་བ་ཙམ་སྐྱེས་ཏེ། །དེ་རྗེས་
[332b.7]ནོར་བུའི་དཀྱིལ་དུ་འདོད་བྱ་མ་ལུས་པར་ནི་འདོད། །དེ་སྟེང་རྩེ་མོའི་མཐར་ནི་ཞི་བ་མི་རྟོག་བཞིན། །གང་ཡང་ལྷན་ཅིག་སྐྱེས་རིགས་པདྨར་གནས་པ་སྟོན། །ཞེས་དགའ་བའི་དབྱེ་བ་རྟོགས་ནས་རང་གི་ས་བོན་གྱི་འོད་ཟེར་གྱིས་བཀུག་པའི་དཔའ་བོ་དང་དཔའ་མོ་རྣམས་ཀྱིས་བྱིན་
[333a]
[333a.1]གྱིས་བརླབས་པའི་ལུས་བླ་མས་ཀྱང་རྒྱལ་བ་དཔག་ཏུ་མེད་པ་བཅུག་པ་དང་རོ་གཅིག་ཏུ་གྱུར་པར་དགའ་བར་བརྩམས་ཏེ། དེ་ལ་དགའ་བྲལ་གྱི་དང་པོ་མཆོག་དགའི་ཐ་མ་དེ་གཉིས་ཀྱི་བར་གྱི་སྐད་ཅིག་ཏུ་རིག་མའི་བདེ་བ་ལ་མ་ལྟོས་པར་མ་ཉམས་པའི་བདེ་བ་སྟེ། །
[333a.2]གང་ལ་ཐོག་མཐའ་བར་མ་མེད། །གཞན་ཡང་མེད་ཅིང་རང་ཡང་མེད། །སྲིད་དང་མྱ་ངན་འདས་པ་མེད། འདི་ཉིད་བདེ་བ་ཆེན་པོའི་མཆོག །ཅེས་དེ་ཁོ་ན་ཉིད་བསམ་དུ་མེད་པ་ཤེས་རབ་ཡེ་ཤེས་ཏེ་གཡོ་བ་མེད་པར་འགྱུར་ལ་ནུས་པ་ཇི་ལྟ་བས་བཟུང་ཞིང་ཉམས་སུ་མྱོང་བར་
[333a.3]གནས་སོ། །ཡང་ན་བཙན་ཐབས་ཀྱིས་དཔྲལ་བར་དྲང་ངོ་། །མ་ནུས་ན་དལ་བུས་བཏང་ནས་པདྨ་ལས་ལྕེས་བླངས་ཏེ་དེ་ཁོ་ན་ཉིད་དུ་བལྟས་ལ་དམ་ཚིག་གི་བྱང་ཆུབ་སེམས་བཏུང་ངོ་ཞེས་སོ། །ཤེས་རབ་ཡེ་ཤེས་སོ། །ཟབ་ཅིང་རྒྱ་ཆེའི་ལམ་ལ་ལྷག་མོས་ལ། ཚིག་ཉིད་ཀྱི་ནི་
[333a.4]དབང་བསྐུར་རིན་ཆེན་སྦྱིན། །ཞེས་པ་དང་། བཞི་པ་དེ་ནི་དེ་བཞིན་ནོ། །ཞེས་གསུངས་པས་ཤེས་རབ་ཡེ་ཤེས་དེ་ཉིད་བྱང་ཆུབ་ཀྱི་སེམས་ཀྱི་མྱུ་གུ་བྱུང་བ་ནི་སྒོམ་པ་རྒྱས་པར་བྱེད་པ་ནི་སྒྲིབ་པ་མེད་པ་གནས་པ་ནི་དེ་ཁོ་ན་ཉིད་ཆོས་ཐམས་ཅད་བསམ་དུ་མེད་པའི་རང་བཞིན་ཕྱག་རྒྱ་
[333a.5]ཆེན་པོའི་བདག་ཉིད་རྡོ་རྗེ་འཆང་གི་རང་བཞིན་བཞི་པར་བརྗོད་པར་བྱའོ་དབང་བཞི་པའོ། །ཞི་བའི་སྦྱིན་སྲེག་བྱས་ནས་རང་དང་སློབ་མ་ལ་སོགས་པས་དཀྱིལ་འཁོར་མཆོད་དེ། །ཚོགས་འཁོར་བྱས་ནས་མཚན་མོ་ཁྱེད་ཀྱིས་འཇུག་པ་འདི་བྱ་བ་འདི་ལྟ་བུ་ལ་ཡང་སྨྲ་བར་མི་བྱའོ་ཞེས་
[333a.6]བསྒྲགས་ལ། སློབ་མ་ལས་ཡོན་བླང་བར་བྱ་ཞིང་དེས་ཀྱང་བུ་དང་། ཆུང་མ་དང་། ལུས་དང་། ནོར་དང་། ས་གཞི་ལ་སོགས་པ་ཇི་ལྟར་ནུས་པ་དབུལ་ལོ། །བླ་མ་མཉེས་ན་དངོས་གྲུབ་འགྱུར། །གཞན་དུ་མིན་ཞེས་ཐུབ་པས་གསུངས། །ཞེས་གསུངས་པ་ཡིས་སོ། །
[333a.7]ཕྱི་རོལ་དུ་ཕྱོགས་ཀྱི་གཏོར་མ་ལ་སོགས་པ་བྱས་ཏེ་ནང་དུ་ཞུགས་ལ་ཕྱག་བྱས་ལ། མཆོད་ཡོན་ལ་སོགས་པས་མཆོད་དེ། དེ་ལས་བྱུང་བའི་དགེ་བ་བསྔོས་ལ་བསྐོར་བ་གསུམ་བྱས་ཏེ་ལྷོ་སྒོར་ཡི་གེ་བརྒྱ་པ་བརྗོད་ལ་བཟོད་པར་གསོལ་ལོ། །ཁྱེད་ཀྱིས་སེམས་ཅན་དོན་ཀུན་མཛད། །
[333b]
[333b.1]ཅེས་པ་ལ་སོགས་པ་དང་། ཨོཾ་ཨཱཿཧཱུཾ་བཛྲ་མུཿ། ཞེས་པས་ཡེ་ཤེས་འཁོར་ལོ་གཤེགས་སུ་གསོལ་ཏེ། དམ་ཚིག་འཁོར་ལོ་རང་ལ་བཅུག་ནས། ཆོས་ཐམས་ཅད་སྐྱེ་བ་མེད་པར་ལྷག་པར་མོས་ཤིང་དྲིལ་བུ་དཀྲོལ་ཏེ། ལག་པ་ན་ཡོད་པའི་རྡོ་རྗེས་ཚངས་ཐིག་གི་ལམ་ནས་
[333b.2]དཀྱིལ་གྱི་བར་དུ་དབྱི་ཞིང་རང་གི་མགོ་ལ་རྡུལ་ཚོན་ཅུང་ཟད་ཙམ་བཅུག་ལ། པདྨ་ལ་སོགས་པ་དང་སྒོ་དང་མཚམས་རྣམས་དབྱེ་བར་བྱའོ། །ཞི་བའི་དོན་དུ་འདོད་པ་རྣམས་ལ་རྡུལ་ཚོན་ཅུང་ཟད་བྱིན་ལ་རྡུལ་ཚོན་གཞན་ནི་རྣམ་རྒྱལ་གྱི་བུམ་པར་བླུགས་ལ་རས་ཀྱིས་བརྒྱན་པ་དང་དོ་ལིར་
[333b.3]བཞག་ལ། རོལ་མོ་ལ་སོགས་པ་སྔོན་དུ་འགྲོ་བས་ཆུ་བོའི་འགྲམ་དུ་འདུག་སྟེ། བའི་ལྕི་བ་དང་དྲི་དཀར་པོས་མཎྜལ་ལ་པདྨའི་ལྟེ་བར་བདེ་མཆོག་ལ་སྙིང་པོའི་སྔགས་ཀྱིས་མཆོད་ནས་འདབ་མ་རྣམས་ལ་ཀླུ་བརྒྱད་དེ། དེ་ལ་ཤར་དུ་ཨོཾ་ཨཱཿཨ་ནན་ཏཱ་ཡ་ཧཱུཾ་སྭཱ་ཧཱ། ལྷོར་ཨོཾ་
[333b.4]ཨཱཿཔདྨཱ་ཡ་ཧཱུཾ་སྭཱ་ཧཱ། ནུབ་ཏུ་ཨོཾ་ཨཱཿཏཀྵ་ཀཱ་ཡ་ཧཱུཾ་སྭཱ་ཧཱ། བྱང་དུ་ཨོཾ་ཨཱཿབཱ་སུ་ཀཱ་ཡ་ཧཱུཾ་སྭཱ་ཧཱ། དབང་ལྡན་དུ་ཨོཾ་ཨཱཿ་མ་ཧཱ་པདྨཱ་ཡ་ཧཱུཾ་སྭཱ་ཧཱ། མེར་ཨོཾ་ཨཱཿ་ཤཾ་ཁ་པཱ་ལཱ་ཡ་ཧཱུཾ་སྭཱ་ཧཱ། བདེན་བྲལ་དུ་ཨོཾ་ཨཿཀརྐོ་ཊ་ཀཱ་ཡ་ཧཱུཾ་སྭཱ་ཧཱ། རླུང་དུ་ཨོཾ་ཨཱཿཀུ་ལི་ཀཱ་ཡ་ཧཱུཾ་སྭཱ་ཧཱ། ཞེས་
[333b.5]པའི་སྔགས་རྣམས་ཀྱིས་མེ་ཏོག་དཀར་པོ་མཆོད་ལ་ལག་པ་གཡོན་པ་གདེངས་ཀའི་སྟངས་དང་གཡས་པ་བརྐྱང་སྟེ། ཨོཾ་ཨ་ནནྟ་བཱ་སུ་ཀེ། ཏཀྵ་ཀ་ཀརྐོ་ཊ་པདྨ་མ་ཧཱ་པདྨ་ཤཾ་ཁ་པཱ་ལ་ཀུ་ལི་ཀ། པཱ་ལཱ་དེ་བ་ཏི། མ་ཧཱ་དེ་བ་ཏི། སོ་མ་སི་ཁི། དཎྜ་དྷ་ར་མ་ཧཱ་དཎྜ་དྷ་ར།
[333b.6]པཱ་ལཱ་ལ་ཧུ་ལུ་རུ་ནནྡ། སཱ་ག་རཱ་མ་ཧཱ་སཱ་ག་རཱ་ཏཔྟ། མ་ཧཱ་ཏཔྟ། ཤྲཱི་ཀཱ་ནྟི། མ་ཧཱ་ཀཱནྟི། རཏྣ་ཀཱནྟི། སུ་རཱུ་པ། མ་ཧཱ་སུ་རཱུ་པ། བྷ་དྲ་ནཱ་ག། མ་ཧཱ་ཨུ་ད་ར། ཤི་ལི། མ་ཧཱ་ཤི། ཨོཾ་བྷཀྵ་བྷཀྵ་ཨཱ་གཙྪ་ཨཱ་གཙྪ། མ་ཧཱ་ནཱ་ག་ཨ་དྷི་པ་ཏི་སརྦ་བྷུར་བྷུ་བ། ཕུ་ཕུ་སྭཱ་
[333b.7]ཧཱ་ཞེས་བརྗོད་ནས། གཞན་རྣམས་ལ་ཡང་འོ་མའི་གཏོར་མ་རྣམས་ཕུལ་ཏེ། ཀླུ་རྣམས་ལ་རྡུལ་ཚོན་གཏད་ལ་ཆུར་དོར་རོ། །དེ་རྣམས་ཀྱིས་ཀྱང་བཀུར་སྟི་ཆེན་པོས་འོག་ཏུ་དྲངས་པར་བསམ་པར་བྱའོ། །གང་དུ་རྡུལ་ཚོན་ཁྱེར་བའི་བུམ་པ་དེ་ཆུས་བཀང་ལ་དེ་
[334a]
[334a.1]བཞིན་དུ་ཁྱེར་ཏེ་དཀྱིལ་འཁོར་གྱི་ཁང་པ་ལ་སོགས་པ་ལ་གཏོར་བར་བྱའོ། །དེར་བའི་ལྕི་བས་བྱུགས་ལ་གཞོན་ནུ་མ་རྣམས་ལ་འོ་ཐུག་གི་སྟོན་མོ་བྱའོ། །སློབ་མ་དབང་བསྐུར་བ་བཞིན་དུ་ལྷའི་རབ་གནས་ཀྱང་ཤེས་པར་བྱའོ། །དེ་བཞིན་གཤེགས་པའི་རྡོ་རྗེ་
[334a.2]ཡིས། །ཆོ་ག་སྣ་ཚོགས་ལས་བཏུས་ནས། །དཀྱིལ་འཁོར་ཆོ་ག་བྱས་པ་འདིས། །སེམས་ཅན་ཀུན་ལ་ཕན་པར་ཤོག །དཔལ་བདེ་མཆོག་འཁོར་ལོའི་དཀྱིལ་འཁོར་གྱི་ཆོ་ག་རྫོགས་སོ།། །།ཛ་ག་ཏ་ལའི་པཎྜི་ཏ་ཆེན་པོ་བི་བྷཱུ་ཏི་ཙནྡྲས་ཐང་བི་ཧ་རར་
[334a.3]བསྒྱུར་བའོ།། {T1512}༅། །དཔལ་བདེ་མཆོག་འཁོར་ལོའི་མངོན་པར་རྟོགས་པའི་དཀའ་འགྲེལ་བཞུགས། ༄༅༅། །བཅོམ་ལྡན་འདས་དཔལ་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། །ཨོཾ། གནས་དང་ལྡང་བ་ཉིད་དང་ནི། །འཇུག་དང་ཡོངས་སུ་
[334a.4]རྫོགས་པ་དང་། །བྱིན་གྱིས་བརླབ་དང་དབང་བསྐུར་དང་། །ཏིང་འཛིན་མཆོད་པ་ཉེ་བར་བསྡུ། །དེ་ལ་གནས་པ་ནི་ལྔ་སྟེ། ཚད་མེད་པའི་རྣལ་འབྱོར་དང་། །བྱིན་གྱིས་བརླབ་པའི་རྣལ་འབྱོར་དང་། །སྲུང་བའི་རྣལ་འབྱོར་དང་། ཚོགས་བསགས་པའི་རྣལ་འབྱོར་དང་། སྟོང་
[334a.5]པ་ཉིད་ཀྱི་རྣལ་འབྱོར་རོ། །དེ་ལ་ཚད་མེད་པའི་རྣལ་འབྱོར་ནི་དང་པོ་ཁོ་ནར་ཚངས་པའི་གནས་བཞི་བསྒོམ་པར་བྱའོ་ཞེས་བྱ་བ་ལ། སྙིང་གར་ཧྲཱིཿལས་པདྨ་འདབ་མ་བརྒྱད་པ། དེའི་ལྟེ་བ་ལ་ཨ་ལས་ཟླ་བ། དེའི་སྟེང་དུ་ཧཱུཾ་མཐིང་ག་བསམས་ལ། དེ་ལས་འོད་ཟེར་དཀར་པོ་
[334a.6]དང་། སེར་པོ་དང་། དམར་པོ་དང་། ལྗང་གུ་སྟེ། དེ་རྣམས་འགྲོ་བ་ལ་འཕྲོས་བ་ལ་སྡུག་བསྔལ་དང་ལྡན་པ་རྣམས་སྡུག་བསྔལ་དང་བྲལ་བ་དང་། བདེ་བ་མེད་པ་རྣམས་བདེ་བ་ཐོབ་པ་དང་། བདེ་བ་དང་བྲལ་དུ་དོགས་པ་རྣམས་བརྟན་པར་བྱ་བ་དང་། བདེ་བ་དེ་ཡང་
[334a.7]ཀུན་ལ་ཆ་སྙོམས་པར་འགྱུར་རོ། །དེ་ཁོ་ན་ཉིད་ནི་ཡེ་ཤེས་བཞིའོ། །དགོས་པ་ནི་དྲག་པོ་འཇིགས་བྱེད་འདུལ་བའོ། །བྱིན་གྱིས་བརླབ་པའི་རྣལ་འབྱོར་ནི། །དེ་ནས་ཕུང་པོ་ལྔའི་ང་རྒྱལ་བསྐྱེད་པར་བྱ་སྟེ་ཞེས་བྱ་བ་ལ། འོད་ཟེར་ཚུར་བསྡུས་པས་ཕུང་པོ་ལྔ་དང་།
[334b]
[334b.1]དབང་པོ་དྲུག་དང་འབྱུང་བ་ལྔ་ཆུའི་ཟླ་བ་ལྟ་བུར་ཐོལ་གྱིས་གསལ་བས་ཐ་མལ་པ་དག་པའོ། །དེ་ཁོ་ན་ཉིད་ནི་ཡེ་ཤེས་ལྔ་སྟེ་སྟོང་པ་ཉིད་ཀྱི་རང་བཞིན་ནོ། །དགོས་པ་ནི་ཐ་མལ་པའི་ཕུང་པོ་དང་ཁམས་སྤངས་པའོ། །སྲུང་བའི་རྣལ་འབྱོར་ནི། དེ་ནས་རྡོ་རྗེ་དྲ་བ་བསམ་པར་བྱ་སྟེ་ཞེས་
[334b.2]བྱ་བ་ལ་སོགས་པ་སྟེ། རང་གི་སྙིང་གར་རཾ་ལས་ཉི་མ། དེའི་སྟེང་དུ་ཧཱུཾ་ལས་རྡོ་རྗེ། དེ་ཡོངས་སུ་གྱུར་པ་ལས་བདག་ཉིད་རྡོ་རྗེ་ཧཱུཾ་མཛད་ཞལ་གསུམ་ཕྱག་དྲུག་པ། སྐུ་མདོག་མཐིང་ག་ཞལ་གཡས་དཀར་གཡོན་དམར་བ། ཕྱག་དང་པོ་གཉིས་རྡོ་རྗེ་ཧཱུཾ་མཛད་ཀྱི་ཕྱག་རྒྱས་རྡོ་རྗེ་དང་དྲིལ་
[334b.3]བུ་བསྣམས་པ། བར་མ་གཉིས་ན་མདའ་དང་གཞུ། ཐ་མ་གཉིས་ན་རལ་གྲི་དང་ཞགས་པ་ཅན་དུ་བསམས་ལ། ཨོཾ་བཛྲ་པཉྩ་ར་ཎ་ཧཱུཾ། ཞེས་བརྗོད་པས་རྡོ་རྗེ་དྲ་བ་བསྐྱེད་ལ། ཡང་ཧཱུཾ་ཞེས་བརྗོད་པས་ཁྲོ་བོ་བཅུ་སྤྲུལ་ཏེ་ཤར་དུ་དཀར་པོ། ལྷོར་སེར་པོ། ནུབ་ཏུ་དམར་པོ།
[334b.4]བྱང་དུ་ལྗང་གུ། སྟེང་དུ་དཀར་པོ། འོག་ཏུ་ནག་པོ། མཚམས་སུ་ཕྱེད་གཟུགས་མ་བཞི། །ཀུན་ཀྱང་གཙོ་བོ་དང་མཐུན་པའི་ཕྱག་མཚན་བསྣམས་པའོ། །དེ་ནས་ཨོཾ་སུམྦྷ་ནི་སུམྦྷ་ཞེས་བྱ་བའི་སྔགས་བརྗོད་པས་དེ་རྣམས་ཀྱི་འོད་ཟེར་གྱིས་ཕྱོགས་སྐྱོང་བ་རྣམས་བཀུག་ལ་གདན་
[334b.5]དུ་གདིང་བར་བྱའོ། །ཨོཾ་ཤ་ར་ཛ་ལ་ཏྲཾ་སཾ་ཏྲཾ་ཞེས་པས་སྟེང་དུ་མདའི་དྲ་བ་དང་། འོག་ཏུ་ཡི་གེ་ཧཱུཾ་ལས་སྣ་ཚོགས་རྡོ་རྗེའི་རང་བཞིན་དུ་བསམས་ལ། ཨོཾ་མེ་དི་ནཱི་བཛྲཱི་བནྡྷ་ཧཱུཾ། ཞེས་པས་བརྟན་པར་བྱའོ། །ཨོཾ་བཛྲ་པྲཱ་ཀཱ་ར་ཧཱུཾ་བཾ་ཧཱུཾ། ཞེས་པས་རྡོ་རྗེ་དྲ་བ་བྱའོ། །ཨོཾ་བི་དཱ་ན་ཧཱུཾ་
[334b.6]ཁཾ་ཧཱུཾ། ཞེས་སྟེང་དུ་རྡོ་རྗེའི་བླ་རེ་བྱའོ། །ཨོཾ་བཛྲ་ཛྭ་ལཱ་ན་ལཱ་རྐ་ཧཱུཾ། ཞེས་བྱ་བས་ཕྱི་རོལ་དུ་མེའི་འོད་ཀྱི་ཕྲེང་བ་བསམ་པར་བྱའོ། །དེ་ནས་དྷིའི་ཡི་གེ་ཧཱུཾ་ལས་ཕུར་བུ་སུམ་ཅུ་སྤྲུལ་ལ། ཨོཾ་གྷ་གྷ་གྷཱ་ཏ་ཡ་ཞེས་པའི་སྔགས་ཀྱིས་བཀའ་བསྒོ་བ་དང་། ཨོཾ་བཛྲ་མུདྒ་ར་ཨཱ་ཀོ་ཊ་ཡ་བཛྲ་
[334b.7]ཀཱི་ལཱ་ཡ་ཧཱུཾ་ཕཊ། ཅེས་པའི་སྔགས་ཀྱིས་དཔྲལ་བ་དང་། ལྐོག་མ་དང་སྙིང་གར་གདབ་པར་བྱའོ། །ཚོགས་བསགས་པའི་རྣལ་འབྱོར་ནི། དེ་ནས་རང་གི་སྙིང་གར་ཞེས་བྱ་བ་ལ་སོགས་པ་ལ། རང་ཉིད་སྐད་ཅིག་མས་ལྷའི་སྐུར་བསམས་ལ་རང་གི་སྙིང་གར་ཡི་གེ་ཧྲཱིཿལས་པདྨ་
[335a]
[335a.1]འདབ་མ་བརྒྱད་པ། ཨ་ལས་ཟླ་བའི་དཀྱིལ་འཁོར་དེའི་སྟེང་དུ་ཡི་གེ་ཧཱུཾ་མཐིང་ག་འོད་ཟེར་ལྔ་འཕྲོ་བ་བསམས་ལ། རྡོ་རྗེའི་འོད་ཟེར་གྱིས་འཁོར་ལོ་བདེ་མཆོག་སྐུ་དང་། ཡོན་ཏན་དང་། ཐུགས་དང་། གསུང་དང་། ཕྲིན་ལས་ཀྱི་འཁོར་ལོ་དཀར་པོ་དང་།
[335a.2]སེར་པོ་དང་། མཐིང་ག་དང་། དམར་པོ་དང་། ལྗང་གུ་དང་ལྔ་བསམས་ལ་ཕྱག་འཚལ་བ་དང་། འོད་བརྒྱད་སྤྲོས་པའི་རྩེ་མོ་བརྒྱད་ལས་བདུད་རྩི་ལྔ་དང་། ཌ་མ་རུའི་སྒྲ་དང་། རོ་ཐོགས་པ་དང་། འཁྱུད་པའི་ལྷ་མོ་རྣམས་ཀྱིས་མཆོད་པར་བྱའོ། །དེ་ནས་དེ་བཞིན་གཤེགས་
[335a.3]པའི་འོད་ཟེར་ལྔ་རང་གི་ལུས་ལ་ཕོག་པས་སྡིག་པ་དག་པར་བསམས་པ་དང་། དེ་ལ་དགའ་བ་སྐྱེས་པས་རྗེས་སུ་ཡི་རང་བ་དང་། འོད་ཟེར་ཡང་བསྡུས་པས་ཐུགས་ཀར་ཐིམ་པར་བསམ་པ་ནི་ལུས་དབུལ་བ་དང་སྐྱབས་སུ་འགྲོ་བའོ། །དེ་ནས་ཡིད་ཀྱིས་ལྷ་རྣམས་གཤེགས་སུ་གསོལ་བར་
[335a.4]བྱའོ། །སྟོང་པ་ཉིད་ཀྱི་རྣལ་འབྱོར་ནི་དཔྲལ་བར་ཨོཾ་དཀར་པོ། ལྐོག་མར་ཨཱཿདམར་པོ། སྙིང་གར་ཧཱུཾ་མཐིང་ག་བསམས་ལ། འགྲོ་བ་རིགས་དྲུག་གི་ལུས་དང་སྣོད་ཨོཾ་ལ་ཐིམ་པ་དང་། ངག་ཨཱཿལ་ཐིམ་པ་དང་། སེམས་ཧཱུཾ་ལ་ཐིམ་པ་དང་། རང་ཡང་ཡི་གེ་གསུམ་ལ་ཐིམ་པར་
[335a.5]བསམས་ལ། ཨོཾ་སྭ་བྷཱ་ཝ་ཤུདྡྷཿཞེས་པའི་སྔགས་བརྗོད་པར་བྱའོ། །དེའི་དོན་དྲན་པའི་སྒོ་ནས་སྟོང་པ་ཉིད་དུ་བསམ་པ་ཞེས་བྱ་བ་ནི། ཨོཾ་ཨཱཿལ་ཐིམ་པ་དང་། ཨཱཿཧཱུཾ་ལ། ཧཱུཾ་གི་ཞབས་ཀྱུ་ཧ་ལ། ཧ་ཟླ་ཚེས་ལ། ཟླ་ཚེས་ཐིག་ལེ་ལ། ཐིག་ལེ་ནཱ་ད་ལ། ནཱ་ད་ནམ་མཁའ་སྟོང་
[335a.6]པ་ལ་ཐིམ་པ་དང་། ཨོཾ་ཤཱུ་ནྱ་ཏཱ་ཞེས་པའི་སྔགས་བརྗོད་པར་བྱའོ། །དེ་ནས་ལྡང་བའི་རྣལ་འབྱོར་ནི། བྷཻ་རཾ་བ་ལ་སོགས་པ་རྟེན་དང་བརྟེན་པའི་ཚུལ་དུ་གནས་པ་ལ་ཞེས་བྱ་བ་ནི་འབྱུང་བ་བཞི་རི་རབ་དང་བཅས་པ་བསྐྱེད་པ་ལ་བྱའོ། །འབྱུང་བ་བཞིའི་ཡི་གེ་ནི་མིང་མཚན་གྱི་ཡི་གེ་
[335a.7]དང་པོའོ། །དབྱིབས་ནི་ཕྲིན་ལས་བཞིའི་རྟགས་སོ། །ཁ་དོག་བཞི་ནི་ཡེ་ཤེས་བཞིའོ། །མཚན་པ་ནི་འབྱུང་བའི་ལྷ་མོ་བཞིའི་རྟགས་སོ། །རི་རབ་ཀྱི་ཁ་དོག་བཞི་ནི་ཡེ་ཤེས་བཞིའི་རྟགས་སོ། །རྩེ་མོ་བརྒྱད་པ་ནི་རྣམ་པར་ཐར་པ་བརྒྱད་དོ། །སྣ་ཚོགས་རྡོ་རྗེ་ནི་ཕྲིན་ལས་
[335b]
[335b.1]སྣ་ཚོགས་ཀྱིས་གྲུབ་པའོ། །སྣ་ཚོགས་པདྨ་ནི་ཁམས་གསུམ་གྱི་འདོད་ཆགས་དང་བྲལ་བའི་རྟགས་སོ། །དེ་ནས་འཇུག་པའི་རྣལ་འབྱོར་ནི། ཨཱ་ལི་ཀཱ་ལི་སྦྱོར་བ་ལ། །ཞེས་བྱ་བ་ལ་ཨཱ་ལི་བཅུ་དྲུག་ལས་ཟླ་བའོ། །ཀཱ་ལི་སུམ་ཅུ་རྩ་བཞི་ལས་ཉི་མའོ། །དེའི་དབུས་སུ་ཡི་གེ་ཧཱུཾ་སྔོན་པོ་
[335b.2]འོད་ཟེར་ལྔ་དང་ལྡན་པ་ལ་རང་གི་སེམས་གཞུག་པར་བྱའོ། །ཉི་མའི་འོག་ཏུ་ཨོཾ། བར་དུ་ཨཱཿ། སྟེང་དུ་ཧཱུཾ་བསམས་ལ། ཨོཾ་ཨཱཿཧཱུཾ་སརྦྦ་བཱི་ར་ཡོ་གི་ཞེས་བྱ་བ་ལ་སོགས་པའི་སྔགས་ཀྱིས་བྱིན་གྱིས་བརླབ་པར་བྱའོ། །དེ་ནས་ཡོངས་སུ་རྫོགས་པའི་རྣལ་འབྱོར་ནི། དཔལ་རྡོ་རྗེ་
[335b.3]ཧེ་རུ་ཀ་ཉི་མ་ལ་བཞུགས་ཤིང་ཞེས་བྱ་བ་ལ་སོགས་པ་ཡིན་ཏེ། དེ་ཡང་། བསྒོམ་པའི་འཁོར་ལོ་བདེ་མཆོག་དང་། །སྤྲུལ་པའི་འཁོར་ལོ་བདེ་མཆོག་དང་། །སེམས་ཀྱི་འཁོར་ལོ་བདེ་མཆོག་དང་། །ལུས་ཀྱི་འཁོར་ལོ་བདེ་མཆོག་གོ། །དེ་ལ་བསྒོམ་པའི་འཁོར་ལོ་བདེ་མཆོག་
[335b.4]ནི་དེ་ཉིད་བསྒོམ་པའོ། །སྤྲུལ་པའི་འཁོར་ལོ་བདེ་མཆོག་ནི་བྱིན་གྱིས་བརླབས་ནས་རྫུས་སྐྱེས་ཀྱི་འཁོར་ལོ་སྐུ་མདོག་དང་ཕྱག་མཚན་དང་ལྡན་པ་སྟེ་ཞལ་བཞི་ནི་མཐར་ཐུག་ཆོས་སུ་ཡེ་ཤེས་བཞི། གསང་བ་སྔགས་སུ་རླུང་བཞི། དམན་པ་དབྱིབས་སུ་རྩ་བཞིའོ། །སྤྱན་གསུམ་
[335b.5]ནི་ཆོས་སུ་སྐུ་གསུམ། སྔགས་སུ་རླུང་གསུམ། དབྱིབས་སུ་རྩ་གསུམ་མོ། །ཕྱག་བཅུ་གཉིས་ནི་ཆོས་སུ་ཕ་རོལ་ཏུ་ཕྱིན་པ་བཅུ་གཉིས། སྔགས་སུ་ལྐོག་མའི་རླུང་བཅུ་གཉིས། དབྱིབས་སུ་རྩ་བཅུ་གཉིས་སོ། དེ་ཡང་རྡོ་རྗེ་དང་དྲིལ་བུ་ནི་ཤེས་རབ་བོ། །གླང་པོ་
[335b.6]ཆེའི་པགས་པ་ནི་བཟོད་པའོ། །ཌ་མ་རུ་ནི་སྨོན་ལམ་མོ། །དགྲ་སྟ་ནི་ཚུལ་ཁྲིམས་སོ། །གྲི་གུག་ནི་ཡེ་ཤེས་སོ། །མདུང་རྩེ་གསུམ་པ་ནི་སྦྱིན་པའོ། །ཁ་ཊྭཱཾ་ག་ནི་བསམ་གཏན་ནོ། །ཁྲག་གིས་གང་བའི་ཐོད་པ་ནི་ཐབས་སོ། །ཞགས་པ་ནི་བརྩོན་འགྲུས་སོ། །
[335b.7]ཚངས་པའི་མགོ་བོ་ནི་སྟོབས་སོ། །ཞབས་གཉིས་ནི་ཐབས་དང་ཤེས་རབ་བོ། །འཇིགས་བྱེད་དང་དུས་མཚན་ནི་ཆོས་སུ་སྲིད་པ་དང་ཞི་བ། སྔགས་སུ་ཐུར་སེལ་གྱི་རླུང་གཉིས། དབྱིབས་སུ་བཤང་གཅི་གཉིས་ཀྱི་ཙ་བའོ། །རོལ་པའི་ཐོར་ཚུགས་ནི་ཆོས་སུ་སྦྲུལ་བ་འབྱེད་
[336a]
[336a.1]པ། སྔགས་སུ་སྤྱི་གཙུག་གི་རླུང་སུམ་ཅུ་རྩ་གཉིས་སོ། །དབྱིབས་སུ་རྩ་སུམ་ཅུ་རྩ་གཉིས་སོ། །ཐོད་པའི་ཕྲེང་བའི་ཐོད་པ་ནི་ཆོས་སུ་ཡེ་ཤེས་ལྔ། སྔགས་སུ་སྤྱི་གཙུག་གི་རླུང་ལྔ། དབྱིབས་སུ་འབྱུང་བའི་རྩ་ལྔའོ། །སྒེག་པ་ལ་སོགས་པའི་ཉམས་དང་
[336a.2]ལྡན་པ་ཞེས་བྱ་བ་ནི། སྐུ་ལ་ཚོར་བ་གསུམ་ནུབ་པའི་རྟགས་ནི། སྒེག་པ་དཔའ་བ་འཇིགས་སུ་རུང་བ་དང་། །ཞེས་བྱ་བ་ཡིན་ཏེ། སྒེག་པ་ནི་དབང་ཕྱུག་ཆེན་པོའི་ཉམས་བཅོམ་ནས་རྡོ་རྗེ་ཕག་མོ་དང་འཁྱུད་པའོ། །དཔའ་བ་ནི་གཞོན་ནུ་གདོང་དྲུག་གིས་ལྷ་མ་ཡིན་བ་སུ་ཏ་ཀ་ར་
[336a.3]བསད་ནས་རོའི་སྟེང་དུ་གར་བྱས་ཏེ་དཔའ་བར་སེམས་པའི་ང་རྒྱལ་བཅོམ་ནས་འཇིགས་བྱེད་དང་དུས་མཚན་ཞབས་ཀྱིས་མནན་པའོ། །འཇིགས་སུ་རུང་བ་ནི་ཁྱབ་འཇུག་ཕག་དང་སེང་གེའི་གདོང་གི་ཉམས་བཅོམ་ནས་ཞལ་བཞི་ཕྱག་བཅུ་གཉིས་མངའ་བའོ། །གསུང་ལ་ཚོར་
[336a.4]བ་གསུམ་ནུབ་པའི་རྟགས་ནི། །དགོད་དང་གཤེ་དང་རྔམ་པའོ། །ཞེས་བྱ་བ་ཡིན་ཏེ། །དགོད་པ་ནི་ལྷ་ཚངས་པའི་དབྱངས་ཀྱི་ང་རྒྱལ་བཅོམ་ནས་ཞལ་གཡས་པ་བཞད་པའོ། །གཤེ་བ་ནི་ཚོགས་བདག་གླང་སྣའི་གཤེ་བའི་ང་རྒྱལ་བཅོམ་ནས་ཞལ་རྒྱབ་མ་མཆེ་བ་གཙིགས་ཤིང་གླང་
[336a.5]པོ་ཆེའི་པགས་པ་བསྣམས་པའོ། །རྔམ་པ་ནི་ལྷ་མ་ཡིན་གྱི་རྒྱལ་པོ་སྒྲ་གཅན་གྱི་རྒྱལ་པོ་དང་ཟླ་བ་ཁར་འཛུག་པའི་ང་རྒྱལ་བཅོམ་ནས་ཚངས་པའི་མགོ་བོ་ཞལ་དུ་སྟོབ་པའོ། །ཐུགས་ལ་ཚོར་བ་གསུམ་ནུབ་པའི་རྟགས་ནི། སྙིང་རྗེ་ཞི་བ་ངོ་མཚར་ཆེ། །ཞེས་བྱ་བ་ཡིན་ཏེ། སྙིང་རྗེ་
[336a.6]ནི་བརྒྱ་བྱིན་ལག་ན་རྡོ་རྗེ་ཐོགས་ནས་སུམ་ཅུ་རྩ་གསུམ་པའི་ལྷ་ལ་བུ་གཅིག་པ་ལྟར་སེམས་པའི་ང་རྒྱལ་བཅོམ་ནས། རྡོ་རྗེ་དང་དྲིལ་བུ་བསྣམས་ཏེ་ཁམས་གསུམ་པ་ལ་བུ་གཅིག་པ་ལྟར་དགོངས་པའོ། །ཞི་བ་ནི་མེ་ལ་སྟོང་གསུམ་བསྐལ་པའི་མེས་འཇིགས་པའི་ཚེ་དབུས་ན་མི་ཚིག་
[336a.7]པའི་ང་རྒྱལ་བཅོམ་ནས་ཐལ་བའི་རྡུལ་གྱིས་ལུས་ལ་བསྒོས་པའོ། །ངོ་མཚར་ཆེ་བ་ནི་ཀླུ་སེ་ཤ་ག་སྟོང་གསུམ་གཡོ་བའི་ང་རྒྱལ་བཅོམ་ནས། སེ་ཤ་ཉིད་མགུལ་དུ་བཏགས་པའམ་མི་མགོ་ལྔ་བཅུ་བརྒྱུས་པའོ། །སྟག་གི་པགས་པའི་ཤམ་ཐབས་ནི་ཆོས་སུ་ཉོན་མོངས་པ་དང་ཤེས་
[336b]
[336b.1]བྱའི་སྒྲིབ་པ་སྤངས་པའོ། །སྔགས་སུ་རླུང་གི་འཁོར་ལོ། དབྱིབས་སུ་འོག་ཏུ་བསྲུབ་བའི་ཉི་མ་དང་ཟླ་བའི་རྩའོ། །མི་མགོ་རློན་པའི་ཕྲེང་བ་ནི་ཆོས་སུ་འདུ་བྱེད་ལྔ་བཅུ་རྩ་གཅིག་གོ། །སྔགས་སུ་གཡས་གཡོན་གྱི་རླུང་འབྱུང་འཇུག་འཁོར་བ། དབྱིབས་སུ་ས་ནཱ་དང་ལ་ནཱའི་རྩའོ། །ཕྱག་རྒྱ་དྲུག་ནི་
[336b.2]ཆོས་སུ་ཕ་རོལ་ཏུ་ཕྱིན་པ་དྲུག །སྔགས་སུ་དབང་པོ་དྲུག་གི་རླུང་། དབྱིབས་སུ་དབང་པོ་དྲུག་གི་རྩའོ། །དེའི་སྤྱན་སྔར་བཅོམ་ལྡན་འདས་མ་ཡུམ་སྐུ་མདོག་དམར་པོ་ཞེས་བྱ་བ་ལ། དམར་བ་ནི་ཐུགས་རྗེ་ཆེན་པོས་སེམས་ཅན་གྱི་དོན་ལ་ཆགས་པའི་རྟགས་སོ། །གཡོན་པའི་ཐོད་པ་ནི་
[336b.3]འཆི་བདག་གི་བདུད་བཅོམ་པའོ། །གྲི་གུག་ནི་ཡེ་ཤེས་ཏེ་ཉོན་མོངས་པའི་བདུད་བཅོམ་པའོ། །རུས་པའི་རྒྱན་ནི་ཕུང་པོའི་བདུད་བཅོམ་པའོ། །འཇིགས་བྱེད་དང་དུས་མཚན་ཞབས་ཀྱིས་མནན་པ་ནི་ལྷའི་བུའི་བདུད་བཅོམ་པའོ། །ཕྱག་རྒྱ་ལྔ་དང་ལྡན་པ་ནི་ཤེས་རབ་ཀྱི་ཕ་རོལ་ཏུ་ཕྱིན་
[336b.4]པས་ས་བཅུ་གཅིག་ཐོབ་པའོ། །ཞལ་ནས་ཁྲག་གི་རྒྱུན་འཛག་པ་ནི་གསུང་རབ་ཡན་ལག་བཅུ་གཉིས་འཆད་པའོ། །མཁའ་འགྲོ་དེ་བཞིན་མཛེས་མ་དང་། །ཞེས་བྱ་བ་ལ་སོགས་པ་ལ། མཁའ་འགྲོ་མ་ལ་སོགས་པ་ཡུམ་གྱི་ཕྱག་རྒྱ་བཞི་ནི་ཚད་མེད་པ་སྟེ། ཁ་ཊྭཱཾ་ག་དང་ཌ་མ་རུ་ནི་ཞི་
[336b.5]གནས་དང་ལྷག་མཐོང་ངོ་། །གྲི་གུག་དང་ཀ་པཱ་ལ་ནི་སྙིང་རྗེ་དང་ཤེས་རབ་བོ། །སྔགས་དང་དབྱིབས་ནི་སྔ་མ་བཞིན་ནོ། །མཚམས་རྣམས་སུ་ནི་བྱང་ཆུབ་ཀྱི་སེམས་ལ་སོགས་པའི་སྣོད་བཞི་དགོད་པ་ཞེས་བྱ་བ་ལ་བུམ་པ་བཞི་ནི་རིགས་བཞིའི་རང་བཞིན་ནོ། །ཐོད་པ་བཞི་ནི་བདུད་
[336b.6]རྩིའི་སྣོད་དེ་བདུད་བཞི་བཅོམ་པའོ། །དང་པོ་ཐུགས་ཀྱི་འཁོར་ལོ་ནི་རྩིབས་བརྒྱད་པ་སྟེ་མདོག་སྔོ་ནག །རྡོ་རྗེ་ཕྲེང་བས་རབ་བརྒྱན་པ། ཞེས་བྱ་བ་ལ་ནག་པོ་ནི་མི་བསྐྱོད་པའི་རིགས་སོ། །རྩིབས་བརྒྱད་ནི་རྣམ་པར་ཐར་པ་བརྒྱད་དོ། །རྡོ་རྗེ་ཕྲེང་བ་ནི་ཐུགས་ཀྱི་རྟགས་
[336b.7]སོ། །པུལླཱི་ར་མཱ་ལ་ཡ་སོགས་འཁོར་ལོའི་རྩིབས་རྣམས་ཀྱི་མིང་ནི་སྔོན་གྲུབ་པ་འཛམ་བུའི་གླིང་གི་གནས་སོ། །དེ་ཡང་གནས་བཞི་ནི་ལྷའོ། །ཉེ་བའི་གནས་ནི་དྲི་ཟའོ། །ཐོད་པའི་དུམ་བུ་དང་། རབ་ཏུ་གཏུམ་མོ་ལ་སོགས་པའི་དཔའ་མོ་དང་། དཔའ་བོའི་མིང་ནི་དྲག་
[337a]
[337a.1]པོ་འཇིགས་བྱེད་ཀྱི་མིང་བཏགས་པའོ། །གཉིས་པ་གསུང་གི་འཁོར་ལོ་ནི། །ཞེས་བྱ་བ་ལ་དམར་པོ་ནི་པདྨའི་རིགས་སོ། །རྩིབས་བརྒྱད་པ་ནི་སྔ་མ་བཞིན་ནོ། །པདྨའི་ཕྲེང་བ་ནི་གསུང་གི་རྟགས་སོ། །ཞིང་དང་ཉེ་བའི་ཞིང་ནི་གནོད་སྦྱིན་གྱི་སྐད། ཚནྡོ་
[337a.2]དང་ཉེ་བའི་ཚནྡོ་ནི་སྲིན་པོའི་སྐད་དོ། །གསུམ་པ་སྐུ་ཡི་འཁོར་ལོ་ནི། །ཞེས་བྱ་བ་ལ་དཀར་པོ་ནི་དེ་བཞིན་གཤེགས་པའི་རིགས་སོ། །རྩིབས་བརྒྱད་ནི་སྔ་མ་བཞིན་ནོ། །འཁོར་ལོའི་ཕྲེང་བ་ནི་སྐུའི་རྟགས་སོ། །འདུས་པ་དང་ཉེ་བའི་འདུས་པ་ནི་ཀླུའི་སྐད། དུར་ཁྲོད་དང་ཉེ་བའི་དུར་ཁྲོད་ནི་ལྷ་མ་
[337a.3]ཡིན་གྱི་སྐད་དོ། །གནོད་སྦྱིན་གྱི་སྐད་དང་སྲིན་པོའི་སྐད་དང་ལྷ་མ་ཡིན་དང་། ཀླུ་རྡོ་རྗེའི་རིགས་གཉིས་གཉིས་ཡོད་པ་ལས་ཞིང་དང་ཉེ་བའི་ཞིང་ལ་སོགས་པར་མིའམ་ཅི་གདུལ་བའི་ཕྱིར་སྒོམ་དང་མཚམས་མ་བརྒྱད། ཕྱག་མཚན་ནི་མཁའ་འགྲོ་མ་ལ་སོགས་པ་བཞིན་ནོ། །
[337a.4]སྒོ་མ་རྣམས་ནི་རིགས་ཀྱི་ཁ་དོག་གོ། །ཕྱེད་གཟུགས་མ་ནི་ཡིད་འཕྲོག་པའོ། །དཔྲལ་བའི་རྡོ་རྗེ་ཕྲེང་བ་ནི་དབང་བསྐུར་བའི་རྟགས་སོ། །གཞལ་ཡས་ཁང་ནི་ཡེ་ཤེས་ལྔའོ། །ཟུར་བཞི་ནི་མཉམ་པ་ཉིད་བཞིའོ། །སྒོ་བཞི་ནི་རྣམ་པར་ཐར་པ་བཞིའོ། །རྟ་བབས་བཞི་ནི་བསམ་
[337a.5]གཏན་བཞིའོ། །དུར་ཁྲོད་བརྒྱད་ནི་བདེ་བར་གཤེགས་པའི་གནས་བརྒྱད་དོ། །ཤིང་བརྒྱད་ནི་བྱང་ཆུབ་ཀྱི་ཤིང་བརྒྱད་དོ། །ཞིང་སྐྱོང་བརྒྱད་ནི་རྣམ་པར་གཟིགས་པ་ལ་སོགས་པའི་དེ་བཞིན་གཤེགས་པའོ། །ཀླུ་བརྒྱད་ནི་འཁོར་ལོས་སྒྱུར་བའི་ཡོན་བདག་བརྒྱད་དོ། །
[337a.6]སྤྲིན་བརྒྱད་ནི་རང་རྒྱལ་བ་བརྒྱད་དོ། །ཕོ་ཉ་བརྒྱད་ནི་ཉན་ཐོས་ཆེན་པོ་བརྒྱད་དོ། །འཛམ་བུ་གླིང་གི་ཕྱོགས་བརྒྱད་ནི་གཉིས་ལྡན་གྱི་དུས་རང་བཞིན་གྱིས་བྱུང་བའོ། །རྡོ་རྗེ་ར་བ་ནི་ཐེག་པ་ཆེན་པོའི་ཆོས་ཀྱི་འཁོར་ལོའོ། །མེ་འོད་ནི་ཁམས་གསུམ་གྱི་གཉེན་པོ་
[337a.7]ཡེ་ཤེས་ཀྱི་མེའོ། །སེམས་ཀྱི་འཁོར་ལོ་བདེ་མཆོག་བསྟན་པའི་ཕྱིར། དེ་ནས་གཞན་ཡང་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལྷའི་སྦྱོར་བས་སྦྱར་བར་བྱ་སྟེ་ཞེས་བྱ་བ་ལ་སོགས་པ་སྨོས་ཏེ། གཟུགས་མེད་གཟུགས་དང་སྦྱར་བ་དང་རྒྱུ་གཟུགས་ཅན་འབྲས་བུ་ཡེ་ཤེས་
[337b]
[337b.1]དང་སྦྱར་བ་ནི་མཚོན་བྱ་མཚོན་བྱེད་དོ། །དྲན་པ་ཉེ་བར་གཞག་པ་བཞི་རྒྱུ། ཡང་དག་པར་སྤོང་བ་བཞི་རྐྱེན། གཞན་ནི་འབྲས་བུའོ། །ཡུམ་རྡོ་རྗེ་ཕག་མོ་ཆོས་ཀྱི་དབྱིངས་ཀྱི་རང་བཞིན་དཔལ་ཧེ་རུ་ཀ་ཡང་དག་པའི་ཏིང་ངེ་འཛིན་ཐབས་དེའི་ཆའོ། །དཔའ་བོ་ཉི་ཤུ་རྩ་བཞི་ནི་སྒྱུ་
[337b.2]མ་ལྟ་བུ། དཔའ་མོ་སུམ་ཅུ་རྩ་དྲུག་ནི་ཆོས་ཀྱི་རང་བཞིན་ཏེ་བྱིན་གྱི་བརླབས་ལ་ལུས་ཀྱི་ཁམས་ཉི་ཤུ་རྩ་བཞི་པའོ། །རྩ་ཉི་ཤུ་རྩ་བཞི་དཔའ་མོར་བསྒོམ་མོ། །གསང་བའི་གནས་མ་གཏོགས་པ་བུ་ག་བརྒྱད་ལ་ཁྭ་གདོང་མ་ལ་སོགས་པ་བརྒྱད། སྙིང་ག་ཆོས་ཀྱི་འཁོར་ལོའི་
[337b.3]རྩ་བཞི་ལ་མཁའ་འགྲོ་མ་ལ་སོགས་པ་བཞི་དང་བུམ་པ་བཞི་བསྒོམ་མོ། །བསྒོམ་པའི་འཁོར་ལོ་བདེ་མཆོག་ལུས་ཀྱི་སྐབས་སུ་སྦྱར་བ་ནི། སྐུ་གསུང་ཐུགས་ཀྱི་དབྱེ་བ་ཡིས། །ཡི་གེ་གསུམ་གྱི་ངོ་བོ་ཉིད། །ཅེས་པ་སྟེ་བསྐྱེད་པའི་དུས་སུ་ཉི་ཟླ་ཁ་སྦྱར་གྱི་སྟེང་འོག་ཏུ་བཀོད་
[337b.4]པའི་ཡི་གེའོ། །མཐོ་རིས་མི་ཡུལ་ས་འོག་ཏུ། །ཞེས་པ་ནི་གོ་རིམས་བཞིན་དུ་འཁོར་ལོ་གསུམ་གྱི་དབྱེ་བས་སོ། །སྐད་ཅིག་གཅིག་གིས་སྐུ་གཅིག་འགྱུར། །ཞེས་པ་ནི་རྫུས་སྐྱེས་སོ། །སྐད་ཅིག་ཙམ་གྱིས་རྣལ་འབྱོར་བདག །ཅེས་པ་ནི་ཐབས་དང་ཤེས་རབ་འཁྱུད་པའོ། །
[337b.5]སྐད་ཅིག་གིས་ནི་སྐུ་འཆར་ཞིང་། །ཞེས་པ་ནི་དཔའ་བོ་དང་དཔའ་མོ་ཕྱག་མཚན་དང་བཅས་པའོ། །ཀུན་ནས་ཀུན་དུ་སྐད་ཅིག་སྟེ། །ཞེས་པ་ནི་རྟེན་དང་བརྟེན་པའི་དཀྱིལ་འཁོར་དུས་གཅིག་ཏུ་བསྐྱེད་པའོ། །སྐད་ཅིག་གཅིག་ནི་གསང་སྔགས་འདོན། །ཞེས་པ་ནི་ཀུན་
[337b.6]ཀྱང་ཡི་གེ་ཧཱུཾ་འདོན་པའོ། །ཨོཾ་ཨཱཿཧཱུཾ་ལ་སོགས་པ་ནི་གང་གི་ཉི་ཟླ་ཁ་སྦྱོར་བྱིན་གྱིས་བརླབ་པའི་སྔགས་སོ། །བྱིན་གྱིས་བརླབ་པའི་རྣལ་འབྱོར་ནི། །དེས་ནི་གོ་ཆ་གཉིས་ཤེས་ནས། །ཞེས་བྱ་བ་ལས། ཨོཾ་ཧ་ལས་སྙིང་གར་རྡོ་རྗེ་སེམས་དཔའ་དཀར་པོ་རྡོ་རྗེ་དང་དྲིལ་
[337b.7]བུ་བསྣམས་པའོ། །ན་མཿཧི་ལས་རྡོ་རྗེ་མགོ་བོ་རྣམ་པར་སྣང་མཛད་སེར་པོ་འཁོར་ལོ་དང་དྲིལ་བུ་བསྣམས་པའོ། །སྭཱ་ཧཱ་ཧུ་ལས་སྤྱི་གཙུག་ཏུ་པདྨ་གར་གྱི་དབང་ཕྱུག་དམར་པོ་པདྨ་དང་དྲིལ་བུ་བསྣམས་པའོ། །བཽ་ཥ་ཊ་ཧེ་ལས་ཕྲག་པ་གཉིས་སུ་དཔལ་ཧེ་རུ་ཀ་
[338a]
[338a.1]ནག་པོ་ཁ་ཊྭཱཾ་ག་དང་དྲིལ་བུ་བསྣམས་པའོ། །ཧཱུཾ་ཧཱུཾ་ཧོ་ལས་མིག་གཉིས་སུ་རྡོ་རྗེ་ཉི་མ་སེར་པོ་རིན་པོ་ཆེ་དང་དྲིལ་བུ་བསྣམས་པའོ། །ཕཊ་ཧི་ལས་ཚིགས་མགོ་དྲུག་ཏུ་རྟ་མཆོག །སྐུ་མདོག་ལྗང་གུ་སྣ་ཚོགས་རྡོ་རྗེ་དང་དྲིལ་བུ་བསྣམས་པའོ། །ཡུམ་གྱི་ལྟེ་པར་ཨོཾ་
[338a.2]པཾ་ལས་བཱ་རཱ་ཧཱི་དམར་མོ་གྲི་གུག་དང་ཀ་པཱ་ལ་བསྣམས་པའོ། །སྙིང་གར་ཧཾ་ཡོཾ་ལས་གཤིན་རྗེ་མ་ནག་མོའོ། །ཁར་ཧིཾ་མཾ་ལས་རྨོངས་བྱེད་མ་དམར་མོ། མགོ་ལ་ཧྲིཾ་ཧྲིཾ་ལས་སྐྱོད་བྱེད་མ་ནག་མོའོ། །སྤྱི་གཙུག་ཏུ་ཧཱུཾ་ཧཱུཾ་ལས་སྐྲག་བྱེད་མ་སྔོན་མོའོ། །ཡན་ལག་ཐམས་ཅད་
[338a.3]ལ་ཕཊ་ཧཾ་ལས་ཙཎྜི་ཀ་དམར་མོ་སྟེ་ཀུན་ཀྱང་ཞལ་གཅིག་ཕྱག་གཉིས་པའོ། །ལག་པ་གཡས་པ་དང་གཡོན་པ་ལ་ལྷ་བཀོད་ལ་གནས་སུ་རེག་པས་རྒྱ་དང་རྒྱའི་འབུར་བཞིན་དུ་ཤེས་པར་བྱའོ། །དེ་ནས་ཡེ་ཤེས་སེམས་དཔའ་སྤྱན་དྲང་བ་ནི། སྙིང་གའི་ཡི་གེ་ཧཱུཾ་གི་འོད་ཟེར་དང་
[338a.4]མཛུབ་མོ་མདུད་བྱས་ཞེས་བྱ་བའི་ཕྱག་རྒྱས་སྤྱན་དྲངས་ཏེ་མཆོད་པ་བྱས་ལ། སྙིང་པོའི་ཕྱག་རྒྱས་རང་གི་སྤྱི་བོ་ནས་གཞུག་པར་བྱའོ། །རྡོ་རྗེའི་ཚིག་འདི་ལ་བཤད་པ་གསུམ་དུ་འགྱུར་ཏེ། ཆགས་ལམ་དང་། གྲོལ་ལམ་དང་། རང་ལྷག་པར་གནས་པའི་ལམ་མོ། །དེ་ལ་
[338a.5]ཆགས་ལམ་གྱི་དབང་དུ་བྱས་ནས་མཛུབ་མོ་མདུད་བྱས་ཞེས་བྱ་བ་ནི་སྐྱེས་པ་དང་བུད་མེད་འཁྱུད་པའོ། །གུང་མོ་ངེས་པར་སྦྱར་ཞེས་བྱ་བ་ནི་རྩ་དབུ་མ་གཉིས་ཁ་སྤྲད་པའོ། །མཐེ་བོ་རྡོ་རྗེ་རབ་ཏུ་སྦྱར། །ཞེས་བྱ་བ་ནི་གསང་བའི་རྡོ་རྗེའོ། །དེ་ནི་དཔྲལ་བའི་དབུས་སུ་རབ་
[338a.6]བཞག་ནས། །ཞེས་བྱ་བ་ནི་པདྨའི་དབུས་སུའོ། །བསྐོར་ཞིང་བསྐོར་བས་ཀུན་དུ་བསྐྱོད་པར་བྱ། །ཞེས་བྱ་བ་ནི་ཧཱུཾ་ཕཊ་ཀྱི་སྦྱོར་བས་སོ། །རྐང་པ་མནན་ཅིང་ཞེས་བྱ་བ་ནི་ཉི་མ་དང་ཟླ་བའི་རྩ་བཀག་པའོ། །སྟེང་དུ་བལྟ་ཞེས་བྱ་བ་ནི་འཁོར་ལོ་བཞི་ལ་དམིགས་པའོ། །གྱེན་དུ་
[338a.7]ཕེཾ་གྱི་སྒྲ་སྒྲོགས་ཤིང་། །ཞེས་བྱ་བ་ནི་གཏུམ་མོའི་དྲོད་སྤར་བའོ། །ཕྱོགས་བཅུའི་འཇིག་རྟེན་ཁམས་བཞུགས་པའི། །ཞེས་བྱ་བ་ནི་བདེ་བ་ཆེན་པོའི་འཁོར་ལོའི་རྩ་སུམ་ཅུ་རྩ་གཉིས་སོ། །དཔའ་བོ་རྣལ་འབྱོར་མ་རྣམས་འགུགས། །ཞེས་བྱ་བ་ནི་བྱང་ཆུབ་ཀྱི་སེམས་སོ། །གྲོལ་
[338b]
[338b.1]ལམ་གྱི་དབང་དུ་བྱས་ན་མཛུབ་མོ་མདུད་བྱས་ཏེ་ཞེས་བྱ་བ་ནི་གཡས་གཡོན་གྱི་རླུང་བཀག་པའོ། །གུང་མོ་ངེས་པར་སྦྱར་ཞེས་བྱ་བ་ནི་རླུང་རྩ་དབུ་མར་བཅུག་པའོ། །མཐེ་བོ་རྡོ་རྗེ་བརྟན་པོར་རབ་ཏུ་སྦྱར། །ཞེས་བྱ་བ་ནི་འཁོར་ལོ་བཞིའི་དང་པོ་སྤྲུལ་པའི་འཁོར་ལོའོ། །དེ་ནི་དཔྲལ་པའི་དབུས་
[338b.2]སུ་རབ་བཞག་ནས། །ཞེས་བྱ་བ་ནི་རྩ་གསུམ་གྱི་དབུ་མའོ། །བསྐོར་ཞིང་བསྐོར་བས་ཀུན་དུ་བསྐྱོད་པར་བྱ། །ཞེས་བྱ་བ་ནི། གཡས་གཡོན་གྱི་རླུང་བསྲུབ་པའོ། །ལྷག་མ་ནི་སྔ་མ་བཞིན་ནོ། །རང་ལྷག་པར་གནས་པའི་ལམ་གྱི་དབང་དུ་བྱས་ནས། མཛུབ་མོ་མདུད་བྱས་
[338b.3]ཞེས་བྱ་བ་ནི་རྟག་ཆད་ཀྱི་མཐའ་བཀག་པའོ། །གུང་མོ་ངེས་པར་སྦྱར་ཞེས་བྱ་བ་ནི་དབུ་མའི་ལམ་མོ། །མཐེ་བོ་རྡོ་རྗེ་བརྟན་པོ་རབ་ཏུ་སྦྱར། །ཞེས་བྱ་བ་ནི་སོ་སོར་རྟོག་པའི་ཤེས་རབ་བོ། །དེ་ནི་དཔྲལ་བའི་དབུས་སུ་རབ་བཞག་ནས། །ཞེས་བྱ་བ་ནི་ཆོས་ཀྱི་དབྱིངས་ལ་དམིགས་
[338b.4]པའོ། །བསྐོར་ཞིང་བསྐོར་བས་ཀུན་དུ་བསྐྱོད་པར་བྱ། །ཞེས་བྱ་བ་ནི། ཤེས་རབ་རྣམ་པ་གསུམ་ལ་སྦྱངས་པའོ། །རྐང་པ་མནན་ཞེས་བྱ་བ་ནི། འཁོར་བ་སྤངས་པའོ། །སྟེང་དུ་བལྟ་ཞེས་བྱ་བ་ནི། གསུང་རབ་ཡན་ལག་བཅུ་གཉིས་སམ་ལམ་རྣམ་པ་ལྔ་ལ་དམིགས་
[338b.5]པའོ། །གྱེན་དུ་ཕེཾ་གྱི་སྒྲ་སྒྲོགས་ཤིང་། ཞེས་བྱ་བ་ནི། སོ་སོར་རྟོག་པའི་ཤེས་རབ་ཀྱིས་ཡང་དང་ཡང་དུ་བསྒོམ་པའོ། །ཕྱོགས་བཅུའི་འཇིག་རྟེན་ཁམས་བཞུགས་པའི། །ཞེས་བྱ་བ་ནི། ས་བཅུ་གཅིག་པའི་དེ་བཞིན་གཤེགས་པའོ། །དཔའ་བོ་རྣལ་འབྱོར་མ་རྣམས་
[338b.6]འགུགས། ཞེས་བྱ་བ་ནི། ཡེ་ཤེས་ཀྱི་རང་བཞིན་རྒྱུད་ལ་སྐྱེས་པའོ། །ཨོཾ་ཡོ་ག་ཤུདྡྷཿ། ཞེས་བྱ་བའི་སྔགས་ནི། ཡེ་ཤེས་སེམས་དཔའ་ལུས་ལ་གཞུག་པའོ། །ལག་པ་གཡས་པ་དང་གཡོན་པ་བསྐོར་བ་ནི་རྩ་གཡས་གཡོན་གཉིས་བཀག་ནས་རླུང་རྩ་དབུ་མར་ཆུད་པའོ། །
[338b.7]མཁའ་འགྲོ་མའི་བདེ་བ་དམ་པ་ནི་བྱང་ཆུབ་ཀྱི་སེམས་སོ། །དབང་བསྐུར་བའི་རྣལ་འབྱོར་གྱི་སྙིང་གའི་ཡི་གེ་ཧཱུཾ་ལས་འོད་ཟེར་སྤྲོས་པས་དབང་བསྐུར་པའི་དཀྱིལ་འཁོར་ལྔ་སྤྱན་དྲངས་ལ། དཔའ་བོ་དང་དཔའ་མོའི་སྔགས་ཀྱིས་བཀོད་དེ། རྐང་པ་བརྒྱད་པས་མཆོད་པར་བྱའོ། །
[339a]
[339a.1]དེ་ལ་ཡབ་ཡུམ་གཉིས་ཀྱི་སྙིང་པོ་དང་ཉེ་བའི་སྙིང་པོ་ནི་ཞར་ལས་བྱུང་བའོ། །ཨོཾ་ཤྲཱི་བཛྲ་ནི་སྐུའི་སྐུ་གསུང་ཐུགས་སོ། །ཧེ་ཧེ་རུ་རུ་ཀཾ་ནི་གསུང་གི་སྐུ་གསུང་ཐུགས་སོ། །ཧཱུཾ་ཧཱུཾ་ཕཊ་ནི་ཐུགས་ཀྱི་སྐུ་གསུང་ཐུགས་སོ། །ཌཱ་ཀི་ནི་ཛཱ་ལ་སམྦར་ནི་ཡོན་ཏན་གྱི་རྒྱུ་
[339a.2]དང་ལྡན་པའི་མཁའ་འགྲོ་མའོ། །ཉེ་བའི་སྙིང་པོ་ནི་བྱང་ཆུབ་ཀྱི་ཡན་ལག་བདུན་ནོ། །ཡུམ་གྱི་སྙིང་པོ་ནི་ལྷ་མོ་གོས་དཀར་མོའི་རང་བཞིན་འོད་ཟེར་རྣམ་པར་སྣང་བྱེད་དོ། །ཉེ་བའི་སྙིང་པོ་ནི། །སངས་རྒྱས་ཀུན་གྱི་མཁའ་འགྲོ་མ། །རྒྱུད་བླ་མ་ནས་གསུངས་སོ། །དཔའ་
[339a.3]བོ་རྣམས་ཀྱི་སྙིང་པོ་ནི་བཅོམ་ལྡན་གྱི་སྔགས་སོ། །ཆ་ཉི་ཤུ་རྩ་བཞི་ནི་སྲོག་གི་སྙིང་པོ་བགོས་པའོ། །དཔའ་མོ་རྣམས་ཀྱི་ནི་རང་གི་མིང་ངོ་། །དེ་ཡང་ཐོག་མའི་མིང་ནི་སྐུ། བར་གྱི་ཧཱུཾ་གཉིས་ནི་ཐབས་དང་ཤེས་རབ་སྟེ་ཐུགས་སོ། །ཕཊ་ནི་གདུག་པ་འདུལ་བ་སྟེ་གསུང་ངོ་། །
[339a.4]བསྟོད་པའི་རྗེས་ལ་དབང་བསྐུར་བ་ནི་རང་གི་ལུས་ལ་འགྲོ་བ་དྲུག་གི་ས་བོན་དགོད་པ་སྟེ་མགོ་བོ་ལ་ལྷའི་ས་བོན་སུཾ། དཔྲལ་བར་ལྷ་མ་ཡིན་གྱི་ས་བོན་ཨ། ལྐོག་མར་མིའི་ས་བོན་ཎི། སྙིང་གར་ཡི་དགས་ཀྱི་ས་བོན་པྲེ། ལྟེ་བར་དུད་འགྲོའི་ས་བོན་ཏྲ། རྐང་མཐིལ་དུ་དམྱལ་བའི་
[339a.5]ས་བོན་དུཿབཀོད་ལ། ཡུམ་ལྔའི་ཐུགས་ཀ་ནས་ལྷ་མོ་ལྔ་ལག་ན་བདུད་རྩིའི་བུམ་པ་ཐོགས་ཏེ། གུར་ཀུམ་དང་མེ་ཏོག་གི་ཆར་འབེབས་ཤིང་། ཇི་ལྟར་བལྟམས་པ་ཙམ་གྱིས་ནི། །ཞེས་བྱ་བ་ལ་སོགས་པའི་ཚིགས་སུ་བཅད་པ་དང་། ཨོཾ་སརྦ་ཏ་ཐཱ་ག་ཏ། ཞེས་བྱ་བའི་
[339a.6]སྔགས་བརྗོད་ཅིང་དབང་བསྐུར་བས། ཐམས་ཅད་ཀྱི་སྤྱི་བོར་རྡོ་རྗེ་རྩེ་ལྔ་པ་བསམ་པ་ནི་དབང་རྟགས་སོ། །ཡབ་ཡུམ་གྱི་མཁའ་ལས་བྱང་ཆུབ་སེམས་དཔའ་དཀར་དམར་འཛགས་ནས། ལྕེ་ལ་ཕོག་པས་རྡོ་རྗེ་ལ་བདེ་བ་སྐྱེས་པ་ནི་གསང་བའི་དབང་སྟེ། སྨིན་མཚམས་ཀྱི་
[339a.7]མཛོད་སྤུ་རུ་འབར་བ་ནི་དབང་རྟགས་སོ། །དབང་བསྐུར་བའི་ཡུམ་རང་གི་ཡུམ་ལ་ཐིམ་ནས་སྙོམས་པར་ཞུགས་པ་ནི་ཤེས་རབ་ཡེ་ཤེས་ཀྱི་དབང་སྟེ་མདོམས་ཀྱི་སྦ་བ་སྦུབས་སུ་ནུབ་པ་དང་། དབུ་གཙུག་ཏོར་གྱེན་དུ་འབུར་བ་ནི་དབང་རྟགས་སོ། །དེ་ནས་དབང་བསྐུར་བར་
[339b]
[339b.1]བྱེད་པའི་ལྷ་རྣམས་གཤེགས་སུ་གསོལ་ལོ། །ཏིང་ངེ་འཛིན་གྱི་དཀྱིལ་འཁོར་ནི་དེ་ལྟར་ཅི་ནུས་ཀྱིས་ཡང་དང་ཡང་དུ་གསལ་བར་བསྒོམ་པ་དང་། སྐུ་ཡོངས་སུ་རྫོགས་པའམ་ཡན་ལག་གི་ཆ་ཤས་ཇི་སྲིད་མི་སྐྱོའི་བར་དུ་བསྒོམ་པ་དང་རྫོགས་པའི་རིམ་པའི་རྣལ་འབྱོར་
[339b.2]བསྒོམ་པ་དང་། བསྒོམ་པས་སྐྱོན་བཟླས་པ་ཇི་སྲིད་འདོད་ཀྱི་བར་དུ་བྱ་བ་ནི་བསྒོམ་པ་དང་བཟླས་པའོ། །དེ་ནས་ཕྱི་ནང་གི་མཆོད་པས་མཆོད་པ་དང་བསྟོད་པ་དང་བདུད་རྩི་མྱོང་བ་དང་། གཏོར་མ་དབུལ་བ་ལ་སོགས་པ་ནི་མཆོད་པའི་རྣལ་འབྱོར་རོ། །ཉེ་བར་བསྡུ་བའི་རྣལ་
[339b.3]འབྱོར་ནི། སྤྲུལ་པའི་འཁོར་ལོ་ལུས་ལ་བསྡུ་བ་སྟེ། སེན་མོ་དང་སོ་དག་ལ་ནི་ཐོད་པའི་དུམ་བུའོ་ཞེས་བྱ་བ་ལ་སོགས་པ་སྨོས་ཏེ། སྙིང་པོའི་ཕྱག་རྒྱ་དང་སྔགས་ཀྱིས་རང་གི་ལུས་ལ་གཞུག་པའོ། །དེ་ཡང་དཔའ་བོ་ཁམས་ལ། དཔའ་མོ་རྩ་ལའོ། །སྒོ་མཚམས་མ་
[339b.4]བརྒྱད་བུ་ག་བརྒྱད་ལ། ཡེ་ཤེས་ཀྱི་འཁོར་ལོ་སྙིང་གའི་རྩ་བརྒྱད་ལ། གཞལ་ཡས་ཁང་ལུས་ལ། རྡོ་རྗེའི་ར་བ་པགས་པ་ལ། མེ་འོད་ཀྱི་ཕྲེང་བ་ནི་བ་སྤུ་ལ་བསྡུ། དེ་ནས་རང་གི་སྙིང་གར་ཟླ་བའི་དཀྱིལ་འཁོར་གྱི་དབུས་སུ་ཡི་གེ་ཧཱུཾ་བཀོད་ལ་ཡབ་ཀྱི་སྙིང་པོ་དང་། ཉེ་བའི་
[339b.5]སྙིང་པོ་དང་། ཡུམ་གྱི་སྙིང་པོ་དང་། ཉེ་བའི་སྙིང་པོ་དང་། དཔའ་བོ་དང་། དཔའ་མོའི་སྔགས་དང་། གོ་ཆའི་སྔགས་གཉིས་དང་། ཡབ་ཡུམ་གྱི་རྐང་པ་བརྒྱད་པའི་སྔགས་རྣམས་ཀྱིས་རིམ་པ་དུ་མ་མགལ་མེའི་འཁོར་ལོ་ལྟར་བསྐོར་ལ། དཔའ་བོའི་སྙིང་པོའི་ནང་དུ་མཆོད་
[339b.6]ཕྱིར་ཐོགས་ལ་གཞུག་པ་དང་། གོ་ཆའི་སྔགས་ལ་གོ་ཆ་དྲུག་གཞུག་པ་དང་། ཡུམ་གྱི་རྐང་པ་བརྒྱད་པ་ལ་མགུལ་ཏོ་གཞུག་པ་དང་། ཡབ་ཀྱི་སྙིང་པོ་ལ་མི་མགོ་ལྔ་བཅུའི་དོ་ཤལ་གཞུག་པ་དང་། ཉེ་བའི་སྙིང་པོ་ལ་རྒྱན་གཞུག་པ་དང་། ཡུམ་གྱི་སྙིང་པོ་ལ་གླང་པོ་ཆེའི་
[339b.7]པགས་པ་གཞུག་པ་དང་། དཔའ་བོའི་གོ་ཆའི་སྔགས་ལ་སྐེ་རགས་གཞུག་པ་དང་། དཔའ་མོའི་སྔགས་ལ་རྡོ་རྗེ་དང་དྲིལ་བུ་མ་གཏོགས་པའི་ཕྱག་མཚན་གཞུག་པ་དང་། ཡུམ་གྱི་ཉེ་བའི་སྙིང་པོ་ལ་ཞལ་ལྷག་མ་གསུམ་དང་ཅོད་པན་གཞུག་པའོ། །དེ་ནས་རྐང་པ་བརྒྱད་
[340a]
[340a.1]པའི་སྔགས་ཀྱིས་མཆོད་ལ་ལྡང་བར་བྱའོ། །ཚམ་དམ་སྔགས་ཀྱིས་ཤིན་ཏུ་བསྲུང་། །ཞེས་བྱ་བ་ནི་ལྡང་བའི་ཚེ་སྤྱི་བོར་ཁཾ་ལས་ཁྲབ་བསྐྱེད། རྐང་པར་ཧཾ་ལས་རྒྱུན་བསྐྱེད་ལ་རྒྱུན་གྱིས་ཁྲབ་ཏུ་སིལ་གྱིས་བརྒྱུས་པ་ལ། ཨོཾ་སུམྦྷ་ནི་ཞེས་པའི་སྔགས་ཀྱིས་མདུན་
[340a.2]དུ་ཁྲོ་བོ་དཀར་པོ། ཨོཾ་གྲྀཧྞ་ཞེས་པས་གཡས་སུ་ཁྲོ་བོ་སེར་པོ། ཨོཾ་གྲྀཧྞཱ་པ་ཡ་ཞེས་པས་རྒྱབ་ཏུ་ཁྲོ་བོ་དམར་པོ། ཨོཾ་ཨཱ་ན་ཡ་ཧོ་ཞེས་པས་གཡོན་དུ་ཁྲོ་བོ་ལྗང་གུ་སྟེ། །ཀུན་ཀྱང་ཕྱག་གཡས་ན་རྡོ་རྗེ་གཡོན་ན་སྡིགས་མཛུབ་མཛད་པ་ཐམས་ཅད་རྫོགས་པར་བསྐྱེད་ལ་ལྡང་བར་
[340a.3]བྱའོ། །དེ་ལྟར་ཚམ་དམ་སྔགས་ཀྱིས་བསྲུངས་ནས་ཕར་སྤྲོ་བ་དང་ཚུར་བསྡུ་བ་ཤེས་པ་ནི་ཚངས་པར་སྤྱོད་པའི་རྟགས་བརྒྱད་དོ། །དེ་ནས་སྤྱོད་པ་བསྟན་པ་ནི། །འཇིགས་པ་ཐམས་ཅད་རྣམ་སྤངས་ཏེ། །དེ་ལྟར་རྣལ་འབྱོར་བདག་ཉིད་བསམ། །ཞེས་བྱ་བ་ནི། བག་ཚ་བ་མེད་
[340a.4]པའི་སྤྱོད་པ་སྟེ་དང་པོའོ། །འཁོར་ལོ་བདེ་མཆོག་བདེ་བའི་མཆོག །ཅེས་བྱ་བ་ནས། རིགས་གཅིག་ཏུ་ནི་རྣམ་པར་བརྟག །ཅེས་བྱ་བའི་བར་གྱིས་ནི་རིགས་མཉམ་པ་ཉིད་དུ་སྤྱོད་པ་བསྟན་པ་སྟེ་གཉིས་པའོ། །རྣམ་པར་མི་རྟོག་བདག་ཉིད་སེམས། །ཞེས་བྱ་བ་ནས། དཔའ་
[340a.5]བོ་སེང་གེ་བཞིན་དུ་སྤྱོད། །ཅེས་བྱ་བའི་བར་གྱིས་ནི་རྣམ་པར་མི་རྟོག་པ་ལ་སྤྱོད་པ་བསྟན་ཏེ་གསུམ་པའོ། །དེ་ནས་རྫོགས་པའི་རིམ་པ་བསྟན་པའི་ཕྱིར། །ཨཱ་ལི་ཀཱ་ལི་ཞེས་བྱ་བ་ལ་སོགས་པ་གསུངས་ཏེ། དེ་ཡང་རྣམ་པ་བཞི་སྟེ་བསྒོམ་པ་དངོས་དང་སྤྱོད་པ་དང་གཞན་དོན་དང་
[340a.6]འབྲས་བུ་ཕན་ཡོན་ནོ། །དེ་ནས་ཨཱ་ལི་ཀཱ་ལི་མདུན་བསམས་ནས། །ཞེས་བྱ་བ་ནི། ཆགས་ལམ་ལ་སྐྱེས་པ་དང་བུད་མེད་དོ། །གྲོལ་ལམ་ལ་སྙིང་ག་དང་ལྟེ་བའི་ཐིག་ལེའོ། །རྣལ་འབྱོར་ཆེན་པོ་ངལ་བསོ་སྟེ། །ཞེས་བྱ་བ་ནི། ཆགས་ལམ་ལ་བྱང་ཆུབ་ཀྱི་སེམས་སོ། །གྲོལ་
[340a.7]ལམ་ལ་ཐིག་ལེ་བསྒོམ་པའོ། །ཟླ་བའི་དཀྱིལ་འཁོར་རྫོགས་པའོ། །ཞེས་པ་ནི། ཆགས་ལམ་ལ་འཁོར་ལོ་བཞི་བྱང་ཆུབ་ཀྱི་སེམས་ཀྱིས་གང་བའོ། །གྲོལ་ལམ་ལ་སྤྲུལ་པའི་འཁོར་ལོའི་གནས་སུ་བྱང་ཆུབ་ཀྱི་སེམས་ཀྱི་ཐིག་ལེ་ཁ་སྦྱར་བསྒོམ་པའོ། །ལྟེ་བའི་རྩ་བར་
[340b]
[340b.1]གནས་པར་བསྒོམ། །ཞེས་བྱ་བ་ནི། ཆགས་ལམ་ལ་གསང་བའི་རྡོ་རྗེའི་ནོར་བུར་གཟུང་བའོ། །གྲོལ་ལམ་ལ་གཏུམ་མོའི་གནས་སུའོ། །ཡི་གེ་གནས་ཀྱི་མཆོག་གྱུར་པ། །ཞེས་བྱ་བ་ནི། ཆགས་ལམ་ལ་མི་འགྱུར་བའི་བྱང་ཆུབ་ཀྱི་སེམས་ཨཀྵ་ར་ཞེས་བྱའོ། །གྲོལ་ལམ་
[340b.2]ལ་ལྟེ་བའི་ཧཱུཾ་འཁྱིལ་པའོ། །དེ་ནི་དབུས་སུ་རྣམ་པར་བསམ། །ཞེས་བྱ་བ་ནི། ཆགས་ལམ་ལ་གསང་བའི་རྡོ་རྗེའི་དབུས་སུའོ། །གྲོལ་ལམ་ལ་ལྟེ་བའི་དབུས་སུའོ། །སྐུ་གསུང་ཐུགས་ཀྱི་རྡོ་རྗེ་ཅན། །ལྷ་ཡི་སྐུ་ནི་བསྒོམ་པར་བྱ། །ཞེས་བྱ་བ་ནི། ཆགས་ལམ་ལ་དགའ་བྲལ་
[340b.3]སྤངས་པའི་དགའ་བ་གསུམ་པོའོ། །གྲོལ་ལམ་ལ་བྱང་ཆུབ་ཀྱི་སེམས་ཁྲག་དང་རླུང་རོ་གཅིག་པའོ། །ལྟེ་བའི་རླུང་དང་ཐིག་ལེ་ཉིད་ལ་ལྷའི་སྐུ་ཞེས་བྱའོ། །རང་ལྷག་པར་གནས་པའི་ལམ་ནི། དེ་ནི་གཟུགས་ལས་འདས་གྱུར་ཀྱང་། །ཞེས་བྱ་བ་ནི། གཟུང་བ་བཀག་ནས་
[340b.4]རྣམ་པར་སྣང་མཛད་ཀྱིས་རྒྱས་བཏབ་པའོ། །སེམས་ཉིད་འབྱུང་བ་མ་ཡིན་ཉིད། །དེ་ཡང་བསམ་གྱིས་མི་ཁྱབ་བསམ། །ཞེས་བྱ་བ་ནི། འཛིན་པ་བཀག་ནས་མི་བསྐྱོད་པས་རྒྱས་བཏབ་པའོ། །སེམས་ཉིད་བརྟག་པར་མི་བྱའོ། །བསམ་གྱིས་མི་ཁྱབ་དེ་བསམ་ན། །ཞེས་བྱ་
[340b.5]བ་ནི། རྡོ་རྗེ་སེམས་དཔས་རྒྱས་བཏབ་པའོ། །དེ་ནས་འཛིན་པ་ཐོབ་པར་འགྱུར། །ཞེས་བྱ་བ་ནི། སྐུ་གསུང་ཐུགས་ཀྱི་རང་བཞིན་ཐོབ་པའོ། །ཁ་ཊྭཱཾ་ག་ནི་ལྷ་ཡི་སྐུ། །ཞེས་བྱ་བ་ནས། རྣལ་འབྱོར་མ་ནི་མཚན་མོར་བཤད། །ཅེས་བྱ་བའི་བར་གྱིས་རྫོགས་པའི་རིམ་པའི་སྤྱོད་པ་
[340b.6]བསྟན་པའོ། །སྤྲུལ་པ་ལས་བྱུང་དཔའ་བོ་རྣམས། །ཡན་ལག་དྲུག་ཅུ་སེམས་ཀྱིས་སྤྲུལ། །ཞེས་པ་ནི། ཐུན་བཞིར་དཀྱིལ་འཁོར་སེམས་ཀྱིས་སྤྲུལ་པའོ། །དེ་ཡང་ཐུན་ཕྱི་མ་ལ་དཀྱིལ་འཁོར་སྤྲུལ་ཙམ་ན། ཧཱུཾ་གི་སྒྲས་ཕྱི་རོལ་དུ་སྐད་ཅིག་ལ་རྟེན་དང་བརྟེན་པའི་དཀྱིལ་འཁོར་
[340b.7]ཐམས་ཅད་རྫོགས་པར་བསྒོམ་པས་ན། སྒྲ་ཡི་ཚུལ་ལ་ངེས་འབྱུང་རྣམས། །དམ་ཚིག་སྤྱད་པའི་སྤྱོད་ཚུལ་ཡིན། །ཞེས་གསུངས་སོ། །ཤྲཱི་ནི་གཉིས་མེད་ཡེ་ཤེས་ཏེ། །ཞེས་པ་ནས། མྱ་ངན་འདས་པ་མི་སྟོན་ཏོ། །ཞེས་བྱ་བའི་བར་གྱིས་ཧེ་རུ་ཀ་རྟོགས་པའི་འབྲས་བུའོ། །
[341a]
[341a.1]འཕོ་བའི་ཚེ་ན་རྣལ་འབྱོར་པ། །ཞེས་བྱ་བ་ནི། འཆི་བའི་ཚེ་རྣལ་འབྱོར་པས་ཕཊ་ཕེཾ་ཞེས་པའི་སྔགས་དང་ཕྱག་རྒྱས་ཡེ་ཤེས་སེམས་དཔའ་སྤྱན་དྲངས་ལ། སྙིང་པོའི་ཕྱག་རྒྱས་དེའི་ཐུགས་ཀར་ཞུགས་ནས་ལུས་འདིར་གནས་ཀྱང་། སེམས་མཁའ་སྤྱོད་ཀྱི་
[341a.2]གནས་སུ་འཁྲིད་པར་བྱེད་དོ། །དཔལ་བཅོམ་ལྡན་འདས་མངོན་པར་རྟོགས་པའི་དཀའ་འགྲེལ་སློབ་དཔོན་བཱི་ར་བཛྲས་མཛད་པ་རྫོགས་སོ།། ༅། །དཔལ་བདེ་མཆོག་འཁོར་ལོའི་ཆོ་ག་ཡིད་འོང་ཕྲེང་བ་བཞུགས། {T1513}༄༅༅། །དཔལ་ལྡན་རྡོ་རྗེ་མཁའ་འགྲོ་ལ། །ཀུན་
[341a.3]ནས་དང་བས་ཕྱག་འཚལ་ཏེ། །བདེ་མཆོག་འཁོར་ལོ་གསང་བ་ཡི། །དཀྱིལ་འཁོར་ཆོ་ག་བཤད་པར་བྱ། །དཔལ་ལྡན་འཁོར་ལོ་བདེ་མཆོག་གི་རྒྱུད་དང་དབང་བསྐུར་བ་ཐོབ་པའི་རྣལ་འབྱོར་པའི་དོན་དུ་དཀྱིལ་འཁོར་གྱི་ཆོ་ག་བསྡུ་བར་བྱའོ། །སྡོམ་ནི། བསྙེན་པ་དང་ནི་
[341a.4]དཀྱིལ་འཁོར་གཉིས། །བསྙེན་པ་ཡང་ནི་རྣམ་གསུམ་སྟེ། །གྲངས་དང་དུས་དང་མཚན་མའོ། །དཀྱིལ་འཁོར་ཡང་ནི་རྣམ་གཉིས་ཏེ། །ལྷག་པར་གནས་དང་མཆོད་པའོ། །གྲངས་བསྙེན་སོ་སོ་རྣམ་གསུམ་སྟེ། །སྔོན་འགྲོ་དངོས་དང་ལྡན་པའོ། །ལྷག་གནས་ལ་ཡང་
[341a.5]རྣམ་གཉིས་ཏེ། །རང་དོན་དང་ནི་གཞན་དོན་དང་། །མཆོད་པ་ལ་ཡང་རྣམ་གཉིས་ཏེ། །བདག་སྒྲུབ་དང་ནི་གཞན་སྒྲུབ་པོ། །སྔོན་འགྲོ་དངོས་དང་རྗེས་དང་ནི། །ཡན་ལག་ལ་སོགས་ཐུན་མོང་ངོ་། །རེ་ཞིག་སྒྲུབ་པར་འདོད་པའི་གང་ཟག་གནས་དབེེན་པའི་ས་ཕྱོགས་
[341a.6]སུ་སྟན་བདེ་བ་ལ་འདུག་སྟེ། མཆོད་པའི་རྫས་རྣམས་བསགས་ནས་བདུད་རྩི་ལྔས་བྱུགས་པའི་མཎྜལ་བྱས་ལ་དྲིའི་ཐིག་ལེ་དང་མེ་ཏོག་བཀྲམ་ནས་སྟོད་གཡོགས་དང་སྨད་གཡོགས་དང་རྡོ་རྗེ་དྲིལ་བུ་དང་། གསང་བའི་ཅོད་པན་དང་། རུས་པའི་རྒྱན་རྣམས་མདུན་དུ་
[341a.7]བཞག་སྟེ། རྡོ་རྗེ་ཧཱུཾ་མཛད་ཀྱི་ཆུས་བསངས་ལ་ཡི་གེ་ཧཱུཾ་ལས་མཆོད་ཡོན་དང་མཆོད་པ་རྣམ་པ་ལྔ་ལྷ་མོ་རེ་རེ་བསྐྱེད། ཡིག་འབྲུ་གསུམ་དུ་བྱིན་གྱིས་བརླབས་ལ་གཟི་བརྗིད་བསྐྱེད་པའི་ཕྱིར་ནང་ཕན་ཚུན་མཆོད་ལ་གཞག་པར་བྱའོ། །ཧཱུཾ་དང་ཨ་ལས་རྡོ་རྗེ་དང་དྲིལ་བུ་བསྐྱེད་ལ་
[341b]
[341b.1]ཡེ་ཤེས་ཀྱི་རྡོ་རྗེ་དང་དྲིལ་བུ་བཅུག་ལ་ཡི་གེ་གསུམ་གྱིས་གནས་གསུམ་དུ་བྱིན་གྱིས་བརླབས་ལ་མཆོད་པ་རྣམ་པ་ལྔས་མཆོད་པར་བྱའོ། །ཅོད་པན་ལ་སོགས་རྒྱན་རྣམས་རིགས་ལྔའི་ས་བོན་གྱིས་ལྷར་བསྐྱེད་པ་དང་། ཧཱུཾ་གིས་རྡོ་རྗེས་མཚན་པའི་ཕྱག་རྒྱ་སྤྱི་གཙུག་ཏུ་བསྐྱེད་ལ། ཅོད་
[341b.2]པན་ཡང་ཡི་གེ་གསུམ་གྱིས་གནས་གསུམ་དུ་བྱིན་གྱིས་བརླབས་ལ་ཅོད་པན་ལས་གཟི་བརྗིད་བསྐྱེད་པར་བྱའོ། །དེ་ནས་བདུད་རྩི་ལྔའི་རི་ལུ་ཁར་བཅུག་ལ་གཡས་བརྐྱང་བའི་གནས་པས་གནས་ཏེ། ཅོད་པན་དང་རྒྱན་བཏགས་ནས་སྙོམས་པར་འཇུག་པའི་ཕྱག་རྒྱས་རྡོ་རྗེ་
[341b.3]དང་དྲིལ་བུ་བཟུང་ལ་བསྒོམ་པར་བྱའོ། །དེ་ལྟར་སྔོན་དུ་འགྲོ་བའི་ཡན་ལག་བཤད་ནས། དངོས་གཞི་ནི། དེ་ནས་རྣལ་འབྱོར་དབང་ཕྱུག་གིས། །གནས་དང་ལྡང་བ་ཉིད་དང་ནི། །འཇུག་དང་ཡོངས་སུ་རྫོགས་པ་དང་། །བྱིན་གྱིས་བརླབ་དང་དབང་བསྐུར་དང་། །ཏིང་འཛིན་
[341b.4]མཆོད་དང་ཉེ་བར་བསྡུ། །ཞེས་བྱ་བའི་དོན་ལས་ཚད་མེད་པའི་རྣལ་འབྱོར་དང་། བྱིན་གྱིས་བརླབ་པའི་རྣལ་འབྱོར་དང་། སྲུང་པའི་རྣལ་འབྱོར་དང་། ཚོགས་སོགས་པའི་རྣལ་འབྱོར་ལ་སྤོས་སྣོད་ལག་ཏུ་བླངས་ཏེ། དྲིལ་བུ་དཀྲོལ་ནས་སྤྱན་དྲང་བར་བྱ་སྟེ། ཧཱུཾ་གཉིས་མེད་
[341b.5]མཁའ་ལྟར་དག་པ་ཁྱབ་པའི་སྐུ། །སྤྱན་འདྲེན་གཤེགས་སུ་གསོལ་བར་མི་དམིགས་ཀྱང་། །ལོངས་སྤྱོད་རྫོགས་སྐུ་ཐུགས་རྗེ་བདག་ཉིད་ལས། །ཡེ་ཤེས་སྒྱུ་མའི་ཚུལ་གྱིས་གཤེགས་སུ་གསོལ། །དེ་ནས་བར་སྣང་དུ་བྱོན་པར་བསམས་ལ། མཆོད་ཡོན་དང་ཞབས་བསིལ་
[341b.6]དང་། མཆོད་པ་རྣམ་པ་ལྔ་དང་། ཆང་ལ་སོགས་པ་ནང་གི་མཆོད་པས་མཆོད་པར་བྱ་སྟེ། ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བགྱིའོ། །ཨོཾ་ཤྲཱི་ཧེ་རུ་ཀ་པྲ་བ་ར་ས་ཏ་ཀཱ་ར་པྲ་ཏཱིཙྪ་སྭཱ་
[341b.7]ཧཱ་ཞེས་བྱ་བ་དང་། བདེ་བའི་ལོངས་སྤྱོད་ལས་བྱུང་བ། །དགྱེས་པ་རྣམས་ཀྱི་བདེ་བའི་མཆོག །ཐར་པའི་མཚན་ཉིད་དང་ལྡན་པའི། །ལོངས་སྤྱོད་རྒྱལ་པོ་གཤེགས་སུ་གསོལ། །ཨོཾ་ཤྲཱི་བཛྲ་ཧེ་རུ་ཀ་ཨརྒྷཾ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། རྫོགས་སངས་རྒྱས་ལ་
[342a]
[342a.1]སྤོས་ཕུལ་བས། །བརྟུལ་ཞུགས་བཟང་པོས་ལེགས་ཚིམ་ནས། །ལུས་ཅན་བདེ་གཤེགས་ཆ་ལུགས་སུ། །ཡེ་ཤེས་ཀྱིས་ནི་ཚིམ་གྱུར་ཅིག །ཨོཾ་ཤྲཱི་བཛྲ་ཧེ་རུ་ཀ་དྷཱུ་པ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། སྒེག་དང་བཅས་པའི་མེ་ཏོག་ཕྲེང་། །སངས་རྒྱས་ཀུན་སོགས་
[342a.2]རྣལ་འབྱོར་མ། །དེ་ནི་བྲལ་བར་མི་འགྱུར་ཏེ། །མེ་ཏོག་ཕྲེང་བས་རྒྱན་གྱུར་ཅིག །ཨོཾ་ཤྲཱི་བཛྲ་ཧེ་རུ་ཀ་པུཥྤེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཆོས་ཀྱི་མར་མེ་ལེགས་སྦར་བས། །པདྨ་གར་དབང་བདག་ཉིད་དེ། །སེམས་ཅན་མ་རིག་ལྡོངས་པ་ལ། །ཡེ་ཤེས་སྒྲོན་མས་སྣང་གྱུར་ཅིག །
[342a.3]ཨོཾ་ཤྲཱི་བཛྲ་ཧེ་རུ་ཀ་ཨཱ་ལོ་ཀེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཚུལ་ཁྲིམས་ཏིང་འཛིན་ཤེས་རབ་དང་། །རྣམ་གྲོལ་ཡེ་ཤེས་མཐོང་བ་ཡི། །དྲི་མེད་རྒྱལ་བ་རྣམས་ཀྱི་དྲི། །ལུས་ཅན་བྱང་ཆུབ་ཐོབ་གྱུར་ཅིག །ཨོཾ་ཤྲཱི་བཛྲ་ཧེ་རུ་ཀ་གནྡྷེ་པཱུ་ཛ་མེ་གྷ་ས་མུ་དྲ་སྤཎ་ས་མ་
[342a.4]ཡེ་ཧཱུཾ། ཆགས་པའི་འདམ་གྱིས་ཁྱོད་མ་གོས། །བདེ་བ་ཆེན་པོའི་ཞལ་ཟས་ཀྱིས། །པདྨ་རྒྱས་པའི་རོ་བཞིན་དུ། །བུང་བ་ལྟ་བུར་ཚིམ་པར་མཛོད། །ཨོཾ་ཤྲཱི་བཛྲ་ཧེ་རུ་ཀ་ནྱཻ་ཝཱི་དྱེ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུཾ། ཞེས་བྱ་བ་དང་། ཡོན་ཆབ་མ་དཀར་མོ།
[342a.5]ཞལ་བསིལ་མ་སྔོན་མོ། བདུག་པ་མ་དུད་ཀ །མེ་ཏོག་མ་དམར་མོ། །བྱུག་པ་མ་ལྗང་གུ། ཞལ་ཟས་ཀྱི་རོ་ཐོགས་པ་མཐིང་ག་རྣམས་ཏེ། ཕྱིའི་མཆོད་པ་སྤྲུལ་པ་དང་། ནང་གི་མཆོད་པ་སྤྲུལ་པ་དང་། བདུད་རྩི་ལྔ་དང་། གསང་བའི་མཆོད་པ་ལ་སོགས་པས་
[342a.6]མཆོད་ལ་བསྟོད་པ་དང་ཕྱག་འཚལ་བ་དང་། སྡིག་པ་བཤགས་པ་དང་། རྗེས་སུ་ཡི་རང་བ་དང་། བྱང་ཆུབ་ཏུ་སེམས་བསྐྱེད་པ་དང་། སྐྱབས་སུ་འགྲོ་བ་དང་བཅས་པ་བྱ་སྟེ། དེ་ནས་སྟོང་པ་ཉིད་ཀྱི་རྣལ་འབྱོར་པ་བསྟེན་པར་བྱའོ། །དེ་ལྟར་སྔོན་དུ་འགྲོ་བའི་རྣལ་འབྱོར་
[342a.7]བསྒོམས་ནས་དངོས་གཞི་ལ་དང་པོ་སྦྱོར་བ་དང་། དཀྱིལ་འཁོར་རྒྱལ་མཆོག་དང་། ལས་རྒྱལ་མཆོག་ལ་གོ་ཆ་བགོ་སྟེ་ཡེ་ཤེས་སེམས་དཔའ་སྤྱན་དྲངས་ཏེ་མཆོད་པ་དང་བསྟོད་པ་བྱའོ། །དེ་ནས་དབང་བསྐུར་བའི་ལྷ་སྤྱན་དྲངས་ལ་མཆོད་ཡོན་དང་། ཞལ་བསིལ་
[342b]
[342b.1]དང་། མཆོད་པ་རྣམ་པ་ལྔས་མཆོད་ལ། མཐར་ཡང་སྤོས་སྣོད་ལག་ཏུ་ཐོགས་ལ་བསྟོད་པ་བྱ་སྟེ། ཨ་ཤིན་ཏུ་དགྱེས་པ་དེ་ཡི་མཆོག་བརྙེས་པ། །གཉིས་སུ་མེད་པའི་བདེ་བའི་བདག་ཉིད་ཅན། །བདེ་གཤེགས་ཞི་བའི་བདག་ཉིད་མཉམ་པར་སྦྱོར། །བདེ་བར་གྲོལ་བ་ཁྱོད་ལ་ཕྱག་འཚལ་
[342b.2]ལོ། །བདེ་བ་ཆུ་སྐྱེས་དབུས་གནས་པའི། །ཆགས་པའི་འདམ་གྱིས་མ་གོས་པ། །བདེ་བ་ཆེན་པོས་གྲོལ་མཛད་པའི། །བདེ་མཆོག་སྐུ་ལ་ཕྱག་འཚལ་འདུད། །ཅེས་བརྗོད་ལ། གཞན་ཡང་པི་ཝང་མ་དང་། གླིང་བུ་མ་དང་། རྔ་རིངས་མ་དང་། རྫ་རྔ་མ་དང་།
[342b.3]སྔོ་བ་དང་། སེར་བ་དང་། དམར་བ་དང་། ལྗང་གུའོ། །བཞད་མ་དང་། སྒེག་མ་དང་། གླུ་མ་དང་། གར་མ་དང་། དམར་བ་དང་། སྔོ་བ་དང་། སེར་བ་དང་། ལྗང་གུའོ། །མེ་ཏོག་མ་དང་། བདུག་པ་མ་དང་། མར་མེ་མ་དང་། བྱུག་པ་མ་དང་།
[342b.4]སེར་བ་དང་། དུད་ཀ་དང་། དམར་བ་དང་། དཀར་བའོ། །གཟུགས་དང་། རོ་དང་། རེག་བྱ་དང་། ཆོས་ཀྱི་དབྱིངས་ཀྱི་རྡོ་རྗེ་མ་དང་། མེ་ལོང་དང་། ཞལ་ཟས་དང་། ན་བཟའ་ཐོགས་པ་དང་། ཆོས་ཀྱི་དབྱིངས་གྲུ་གསུམ་བསྣམས་པ་ཟླ་བའི་མདོག་
[342b.5]དང་། དམར་བ་དང་། ལྗང་བ་དང་། དཀར་བའོ། །ཀུན་ཀྱང་ཞལ་གཅིག་ཕྱག་གཉིས་པའོ། །དེ་རྣམས་ཀྱི་སྔགས་ནི་འདི་ཡིན་ཏེ། ཨོཾ་བཛྲ་བཱི་ཎེ་ཧཱུཾ་ཧཱུཾ་ཕཊ། ཨོཾ་བཛྲ་བཾ་ཤེ་ཧཱུཾ་ཧཱུཾ་ཕཊ། ཨོཾ་བཛྲ་མྲྀ་དཾ་གེ་ཧཱུཾ་ཧཱུཾ་ཕཊ། ཨོཾ་བཛྲ་མུརྫེ་ཧཱུཾ་ཧཱུཾ་ཕཊ། ཨོཾ་བཛྲ་ཧཱ་སེ་ཧཱུཾ་ཧཱུཾ་
[342b.6]ཕཊ། ཨོཾ་བཛྲ་ལཱ་སྱེ་ཧཱུཾ་ཧཱུཾ་ཕཊ། ཨོཾ་བཛྲ་གཱི་རྟི་ཧཱུཾ་ཧཱུཾ་ཕཊ། ཨོཾ་བཛྲ་ནི་རྟི་ཧཱུཾ་ཧཱུཾ་ཕཊ། ཨོཾ་བཛྲ་པུཥྤེ་ཧཱུཾ་ཧཱུཾ་ཕཊ། ཨོཾ་བཛྲ་ངྷཱུ་པེ་ཧཱུཾ་ཧཱུཾ་ཕཊ། ཨོཾ་བཛྲ་ཨཱ་ལོ་ཀེ་ཧཱུཾ་ཧཱུཾ་ཕཊ། ཨོཾ་བཛྲ་གནྡྷེ་ཧཱུཾ་ཧཱུཾ་ཕཊ། ཨོཾ་རཱུ་པ་བཛྲི་ཎི་ཧཱུཾ་ཧཱུཾ་ཕཊ། ཨོཾ་སྤྲྴེ་བཛྲི་ཎི་ཧཱུཾ་ཧཱུཾ་ཕཊ། ཨོཾ་བཛྲཱ་ས་བཛྲི་ཎི་ཧཱུཾ་ཧཱུཾ་
[342b.7]ཕཊ། ཨོཾ་བཛྲ་དྷརྨཱ་དྷཱ་ཏུ་བཛྲི་ཎི་ཧཱུཾ་ཧཱུཾ་ཕཊ། ཅེས་བྱ་བས་གྲོགས་དང་བཅས་པས་མཆོད། ཐོག་མར་འཇིག་རྟེན་པ་དང་འཇིག་རྟེན་ལས་འདས་པའི་མཁའ་འགྲོ་མ་ལ་ཐུན་མོང་དུ་གཏོར་མ་བྱིན་ལ་དེ་ནས་དཀྱིལ་འཁོར་ལྟེ་བར་བསྡུ་བར་བྱ་སྟེ། སྙིང་གར་ཡི་གེ་ཨ་ལས་
[343a]
[343a.1]ཟླ་བའི་དཀྱིལ་འཁོར་གྱི་དབུས་སུ་ཡི་གེ་ཧཱུཾ་བཞག་ལ་ཡབ་ཡུམ་གྱི་སྙིང་པོ་དང་ཉེ་བའི་སྙིང་པོ་སྟེ་བཞི་དང་། དཔའ་བོ་དང་དཔའ་མོའི་རྩ་བའི་སྔགས་དང་། གོ་ཆའི་སྔགས་དང་། རྐང་པ་བརྒྱད་པའི་སྔགས་ཏེ་ཡི་གེའི་ཕྲེང་བ་རིམ་པ་བདུན་གྱིས་
[343a.2]བསྐོར་ལ་བསྡུ་བར་བྱའོ། །དེ་ལྟར་ཐོ་རངས་ཀྱི་ཐུན་བསྒོམས་ནས་ཐུན་གསུམ་པ་ལ་ནི་སྙིང་གའི་གནས་ནས་ཧཱུཾ་གི་སྒྲས་བསྐུལ་ནས་དཀྱིལ་འཁོར་སྤྲུལ་ལ་བསྒོམ་པར་བྱའོ། །བཟླས་པ་ཅི་ནུས་བྱས་ལ་བཟླས་པའི་ཐོག་མ་དང་ཐ་མར་སྔར་བཤད་པའི་མཆོད་པ་དབུལ་
[343a.3]བར་བྱའོ། །ཐུན་ཐ་མར་ཡང་ཡེ་ཤེས་སེམས་དཔའ་གཤེགས་སུ་གསོལ་བའམ་ལུས་ལ་གཞུག་པ་ཅི་རིགས་པར་བྱའོ། །ལངས་པའི་ཚེ་རྗེས་ལ་ཚ་ཚ་གདབ་པའམ་རྒྱུན་ཆགས་ཀྱི་སྤྱོད་པ་དང་། ཆོས་སྤྱོད་པའི་སྤྱོད་པ་དང་། བསྐོར་བ་ལ་སོགས་པའི་ཉིན་མོའི་ཆའི་
[343a.4]སྤྱོད་པ་དང་། མཚན་མོའི་ཆའི་སྤྱོད་པ་སྒྱུ་མ་ལྟ་བུ་དང་། སྟོང་པ་ཉིད་འོད་གསལ་བར་ཐིམ་པས་གནས་པར་བྱའོ། །དེ་ལྟར་བསྙེན་པ་བྱེད་པར་འདོད་པས་དུ་བ་དང་སྨིག་རྒྱུ་ལ་སོགས་པའི་རྟགས་མཐོང་བའམ་ཆུ་སྲིན་གྱི་ཟླ་བ་ནས་བརྩམས་ཏེ་ལོའམ་ལོ་ཕྱེད་
[343a.5]དམ་ཟླ་བ་བཞིར་དུས་ཀྱི་བསྙེན་པ་བྱའོ། །ཡང་ན་གྲངས་ཀྱི་བསྙེན་པ་བྱེད་པར་འདོད་པས་ངེས་པར་བརྗོད་པ་ལས་སྔོན་དུ་བསྙེན་པ་བྱ་བ་ནི། ཆོ་ག་བཞིན་དུ་འབུམ་དུ་བཟླས། འཁོར་ལོའི་གསང་སྔགས་འབུམ་བཟླས་ཤིང་། །གཞན་དག་ཁྲི་རུ་བཟླས་ནས་ནི། །བཀའ་
[343a.6]ཡི་འཁོར་ལོ་བྲི་བར་བྱ། །ཞེས་འབྱུང་བའི་ཕྱིར་རོ། །ལྷ་མཉེས་པར་བྱ་བའི་ཕྱིར་སྔོན་དུ་བསྙེན་པ་གསུམ་ལས་གང་ཡང་རུང་བ་སྤྱད་པར་བྱའོ། །སྔོན་དུ་བསྙེན་པ་བྱ་བའི་ཆོ་གའོ། །དེ་ནས་དཀྱིལ་འཁོར་བྲི་བར་འདོད་པས་ཡིད་དང་མཐུན་པའི་གནས་ནི་རྩ་རྒྱུད་ལས། །
[343a.7]རི་དང་ནགས་ཚལ་སྨན་ལྗོངས་དང་། །རྒྱ་མཚོ་ཆེན་པོའི་འགྲམ་དང་ནི། །སྔོན་གྲུབ་པ་ཡི་དུར་ཁྲོད་དུ། །དཀྱིལ་འཁོར་ཆེན་པོ་བྲི་བར་བྱ། །ཞེས་གསུངས་སོ། །དེ་ནས་སློབ་མས་གསོལ་བ་གདབ་པར་བྱ་སྟེ། སྐྱེ་བ་མང་པོའི་སྡིག་པ་ནི། །བསགས་པ་རྣམ་པར་འཇིག་
[343b]
[343b.1]པའི་ཕྱིར། །སྡོམ་པ་སོ་སོར་གཟུང་བར་བགྱི། །དཔའ་བོ་འཁོར་ལོ་བདེ་མཆོག་མཛོད། །ཅེས་བརྗོད་པར་བྱའོ། །དེ་ནས་ས་བརྟག་པ་དང་། ས་བསླང་བ་དང་། ས་སྤྱད་པ་དང་། ས་གཟུང་བ་དང་། ས་སྤེལ་བ་དང་རྣམ་པ་ལྔ་སྟེ། བརྟག་པ་ནི་བྱང་དང་ཤར་དུ་གཞོལ་བ། དབུས་མཐོ་བ་ཞི་
[343b.2]བ་དང་རྒྱས་པའི་བྱེ་བྲག་གིས་དཀར་བ་དང་སེར་བ་དང་། ས་རྒོད་ལ་སོགས་སྤངས་པར་བརྩིག་པའམ་བྲི་བའི་དོན་དུ་མི་ལ་བསླང་བའམ། མི་སྣང་བ་སའི་ལྷ་མོ་ལ་སོགས་པ་ལ་བསླང་བར་བྱ་བའི་ཕྱིར་ཕྱོགས་དེར་མཎྜལ་བྱས་ལ་སའི་ལྷ་མོ་སྤྱན་དྲངས་ལ་དམ་ཚིག་གི་ཕྱག་རྒྱ་བསྟན་ནས་
[343b.3]མཆོད་པ་རྣམ་པ་ལྔས་བསྟབས་ཏེ་གཏོར་མ་དང་བཅས་པ་ཕུལ་ནས་ཆུའི་ས་བརྟག་པར་བྱའོ། །ས་བསླད་བའི་ཆོ་གའོ། །དེ་ནས་པུས་མོའམ་ལྟེ་བའམ་ལྐོག་མའམ་བརྐོས་ལ་བདུད་རྩི་རྣམ་པ་ལྔ་སྤོས་ཆུ་དང་བཅས་པས་དགང་བར་བྱས་ནས་དྲག་པོ་དང་ཞི་བའི་སྦྱིན་སྲེག་ཅི་རིགས་པར་བྱའོ། །
[343b.4]དེ་ཡང་ངེས་པར་བརྗོད་པ་ལས། །ས་ནི་ཡོངས་སུ་སྦྱངས་ནས་ཀྱང་། །བརྡུང་ཞིང་ལེགས་པར་བརྡུངས་ནས་ཀྱང་། །མཉམ་ཞིང་ཟུག་རྔུ་མེད་པར་ཡང་། །དེར་ནི་ཆུ་དང་ལྕི་བ་ཡིས། །དཀྱིལ་འཁོར་ས་ནི་ཉེ་བར་བྱུག །དུར་ཁྲོད་ཐལ་བ་ལྡན་པ་དང་། །མི་འཆི་བཅུ་ཕྱེད་བཅས་པ་ཡིས། །
[343b.5]དཀྱིལ་འཁོར་ས་ནི་ཉེར་བྱུགས་ཏེ། །དེར་ནི་དཀྱིལ་འཁོར་བརྩམ་པར་བྱ། །ཞེས་འབྱུང་ངོ་། །དེ་ནས་ཕྱོགས་བཅུའི་སངས་རྒྱས་ཀྱིས་གཟུང་བར་བྱ་བའི་ཕྱིར་བླ་རེ་ལ་སོགས་པ་བྲེས་ལ་ཐ་མར་སྤོས་ཆུས་བསྔགས་པའི་སྔགས་བརྗོད་ལ་ལག་པ་ས་ལ་རེག་པས་རྡོ་རྗེའི་རང་བཞིན་དུ་བསམ་པར་བྱའོ། །
[343b.6]ལྷག་པར་གནས་པའི་ཡན་ལག་གི་སའི་ཆོ་གའོ། །དེ་ནས་དཀྱིལ་འཁོར་བྱུག་བྱས་ལ་དགོངས་ཀའི་དུས་སུ་མཆོད་པ་སྔོན་དུ་འགྲོ་བའི་མཆོད་པ་ལྔ་ཡང་རེ་རེ་ཞིང་དྲུག་ཅུ་རྩ་གཉིས་དང་། དུར་ཁྲོད་བརྒྱད་དང་བཅས་པའི་འཇིག་རྟེན་པ་ལ་དབུལ་བའི་ཕྱིར་ཐུན་མོང་གི་གཏོར་མ་བདུན་
[343b.7]དང་། ཁྱད་པར་གྱི་མཆོད་པའི་རྫས་དང་། ཚོགས་འཁོར་གྱི་བཟའ་བ་དང་། མྱང་བ་དང་། བལྡག་པ་དང་། གཞིབ་པ་དང་། ཆང་ལ་སོགས་པ་དང་། ན་བཟའ་དྲུག་ཅུ་རྩ་གཉིས་དང་། བླ་རེ་བ་དན་ལ་སོགས་པས་བརྒྱན་ལ་མདུན་དུ་མཎྜལ་བྱས་ཏེ་དྲིའི་ཐིག་ལེ་བྱས་ལ་མེ་ཏོག་
[344a]
[344a.1]བཀྲམ་ནས་རྡོ་རྗེ་དང་དྲིལ་བུ་བླངས་ལ་ཅོད་པན་གོན་ནས་རྒྱན་བཏགས་ལ། ལས་ཀྱི་ཕྱག་རྒྱ་དང་བཅས་པའམ་ཆོས་ཀྱི་ཕྱག་རྒྱ་བསྒོམས་ནས། ཤེས་རབ་ཡན་ལག་ཕུར་བུ་དང་། །གོས་དང་ཕྱག་རྒྱ་ལྔ་ལ་སོགས། །ཞེས་འབྱུང་བའི་ཕྱིར་རོ། །ངེས་པར་བརྗོད་པ་
[344a.2]ལས་ཀྱང་། ཡེ་ཤེས་ལྔ་ཡི་བདུད་རྩི་ནི། །ས་ནི་བྱུག་པར་བྱས་ནས་ཀྱང་། །བཟོད་པའི་ཕ་རོལ་ཕྱིན་མིང་ཐོབ། །འབད་པ་ཡིས་ནི་གཏོར་མ་བྱ། །སྣ་ཚོགས་ཕྱག་རྒྱ་ཡིད་འོང་ལྡན། །རྒྱ་ཆེ་མཉམ་པར་གཞག་པ་ཡིས། །བསམ་གཏན་ཕ་རོལ་ཕྱིན་གསུང་ན། །རྩེ་གཅིག་པ་ཡི་
[344a.3]སེམས་ཀྱིས་ཀྱང་། །ཞེས་འབྱུང་བའི་ཕྱིར་རོ། །དེ་ནས་རྣལ་འབྱོར་བསྲུང་བ་དང་། བདག་བསྲུང་བ་དང་། གནས་བསྲུང་བ་དང་། བསོད་ནམས་ཀྱི་ཚོགས་དང་། སྟོང་པ་ཉིད་བསྒོམ་པ་ལ་གནས་པའི་རྣལ་འབྱོར་དང་། འབྱུང་བ་རིམ་བརྩེགས་བསྐྱེད་པ་ལྡང་བའི་རྣལ་འབྱོར་དང་།
[344a.4]ཉི་ཟླ་ཁ་སྦྱོར་གྱི་ནང་དུ་འཇུག་པའི་རྣལ་འབྱོར་དང་། དཀྱིལ་འཁོར་གྱི་འཁོར་ལོ་བསྐྱེད་པ་ཡོངས་སུ་རྫོགས་པའི་རྣལ་འབྱོར་དང་། ཆོ་ག་དང་ཡེ་ཤེས་སེམས་དཔའ་འཇུག་པ་བྱིན་གྱིས་རློབ་པའི་རྣལ་འབྱོར་དང་དབང་བསྐུར་བའི་རྣལ་འབྱོར་དང་བསྒོམ་པ་དང་བཟླས་པའི་ཏིང་ངེ་འཛིན་གྱི་བར་དུ་བྱས་
[344a.5]ལ། དེ་ནས་མཎྜལ་བྱས་དྲིས་ཐིག་ལེ་བྱས་ལ་མེ་ཏོག་གི་ཚོམ་བུ་བཀྲམ་ལ། ཁྲོ་བོ་འདོད་པའི་རྒྱལ་པོས་སའི་ལྷ་མོ་སྐུ་མདོག་སེར་མོ་ཕྱག་གཉིས་བདུད་རྩིས་གང་བའི་བུམ་པ་ཐོགས་པ་སྟ་ཟུར་མན་ཆད་འཐོན་པར་བསྐུལ་ལ། མཆོད་ཡོན་དང་ཞལ་བསིལ་ཕུལ་ལ་རྡོ་རྗེ་བསྡམས་པ་ལས་
[344a.6]མཛུབ་མོ་གཉིས་བརྐྱང་པ་ས་ལ་རེག་པར་བྱ་སྟེ། དམ་ཚིག་གི་ཕྱག་རྒྱ་བསྟན་ལ་སྤོས་སྣོད་ལག་ཏུ་ཐོགས་ཏེ་འདི་སྐད་བརྗོད་དོ། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་ལས། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དབང་དུ་གྱུར། །བཅོམ་ལྡན་
[344a.7]ཤཱཀྱ་སེང་གེ་ཡིས། །ཇི་ལྟར་བདུད་ཀྱི་སྡེ་བཅོམ་ལྟར། །དེ་བཞིན་བདག་གིས་བདུད་ཀྱི་སྡེ། །ཕམ་པར་བྱས་ཏེ་དཀྱིལ་འཁོར་བྲི། །ཞེས་བརྗོད་ལ་མཆོད་པ་རྣམ་པ་ལྔ་དང་གཏོར་མ་ཕུལ་ཏེ་གཤེགས་སུ་གསོལ་ལོ། །དེ་ནས་སྒྲུབ་པའི་གྲོགས་པོ་དཔལ་ཧེ་རུ་ཀའི་ང་རྒྱལ་དང་ལྡན་
[344b]
[344b.1]པས་མཚན་བརྒྱ་རྩ་བརྒྱད་པས་བསྟོད་པ་བྱའོ། །དེ་ནས་ཧཱུཾ་ལས་ཕུར་བུ་ཁྲོ་བོ་བདུད་རྩི་འཁྱིལ་པར་བསྐྱེད་ལ་སྲུང་སྐུད་དམར་པོ་བཏགས་ཏེ། གཟི་བརྗིད་བསྐྱེད་པའི་ཕྱིར། ཨོཾ་བཛྲ་ཀཱི་ལི་ཀཱི་ལཱ་ཡ་སརྦ་བིགྷྣ་བནྡྷ་ཧཱུཾ་ཕཊ། ཉི་ཤུ་རྩ་གཅིག་གམ་ལྔ་བཅུ་རྩ་བཞིའམ་བརྒྱ་རྩ་བརྒྱད་བརྩམས་ལ་
[344b.2]གཞག་པར་བྱའོ། །དེ་ནས་ཡོ་ག་ཤུདྷཿ་སརྦ་དྷརྨཱཿཡོ་ག་ཤུདྡྷོ྅ཧཾ་ཞེས་བྱ་བ་དང་། སྙིང་པོའི་ཕྱག་རྒྱས་དཀྱིལ་འཁོར་སྙིང་གར་བསྡུ་བར་བྱའོ། །རྐང་པ་གཉིས་སུ་ཧཱུཾ་ལས་རྡོ་རྗེ་རེ་རེ་བསམས་ལ། མིག་གཉིས་སུ་མ་དང་ཊ་ལས་ཉི་མ་དང་ཟླ་བ་བསྐྱེད་ལ། དེ་ནས་ལངས་ལ་དཀྱིལ་འཁོར་གྱི་ཁ་
[344b.3]རུ་བརྩེགས་ཏེ། ཧཱུཾ་ཡེ་ཤེས་ཞི་བའི་ངང་ལས་མ་གཡོས་ཀྱང་། །སྐུ་ཡི་ཆ་ལུགས་ཟ་བྱེད་རྔམ་སྟབས་ཅན། །གསུང་གི་ང་རོ་འབྲུག་སྟོང་ལྡིར་བའི་སྒྲ། མ་ལུས་དབང་དུ་སྡུད་ལ་ཕྱག་འཚལ་ལོ། །བསྐལ་པའི་མེ་དཔུང་འབར་བའི་ཀློང་དཀྱིལ་ནས། །དཔའ་བོ་ཆེན་པོ་བརྐྱང་བསྐུམ་
[344b.4]ཚུལ་དུ་བཞུགས། །ཉི་ཟླ་འབར་བའི་སྤྱན་གྱི་སྡང་མིག་གིས། །བགེགས་དཔུང་སྲེག་པར་མཛད་ལ་ཕྱག་འཚལ་ལོ། །དཀྱིལ་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་པའི་བགེགས་ཚོགས་ཀུན་ཉོན་ཅིག །ད་ནི་གནས་འདིར་དཀྱིལ་འཁོར་ཆེན་པོ་འདྲི། །བགེགས་ཀྱི་
[344b.5]ཚོགས་རྣམས་གང་ཡིན་བྱེར་བར་གྱིས། །ཅི་སྟེ་བཀའ་ལས་འདས་གྱུར་ན། །ཡེ་ཤེས་རྡོ་རྗེ་རབ་འབར་བས། །མགོ་བོ་ཚལ་པ་བརྒྱར་ནི་འགས་གྱུར་ཞིང་། །རྣམ་པར་འཇིག་པར་འགྱུར་བ་གདོན་མི་ཟ། །དེང་རྣལ་འབྱོར་གྱི་དབང་ཕྱུག་ཆེ་གེ་མོ་ཞེས་བྱ་བས་སློབ་མ་ཆེ་གེ་མོ་ཞེས་བྱ་བ་
[344b.6]རྫོགས་པའི་བྱང་ཆུབ་ལ་རྫོགས་པར་བྱ་བའི་ཕྱིར་དང་སེམས་ཅན་ཐམས་ཅད་མྱ་ངན་ལས་འདས་པ་ལ་དགོད་པར་བྱ་བའི་ཕྱིར་སའི་ཕྱོགས་འདིར་དཔལ་འཁོར་ལོ་བདེ་མཆོག་ཅེས་བྱ་བའི་དཀྱིལ་འཁོར་ཆེན་པོ་ཅིག་བརྩིག་གིས་འདིར་ལྷ་དང་། ཀླུ་དང་གདོན་གཞན་དང་དྲི་ཟ་དང་འབྱུང་པོ་དང་ཤ་
[344b.7]ཟ་དང་སྲིན་པོ་ལ་སོགས་པ་གང་དག་གནས་པའི་སའི་བདག་པོ་ཁྱོད་མྱུར་དུ་སོང་ཤིག་འདི་ལྟར་དཔལ་ཧེ་རུ་ཀའི་བཀའ་ཐོས་ནས་མྱུར་དུ་སོང་ཤིག །གང་དག་མི་འགྲོ་བ་དེ་དག་ལ་ངའི་ཡེ་ཤེས་ཀྱི་རྡོ་རྗེ་འབར་བ་དང་ཁ་ཊྭཱཾ་ག་འབར་བ་འདིས་སྤྱི་བོ་ཚལ་པ་བརྒྱར་འགས་པར་འགྱུར་རོ། །
[345a]
[345a.1]ལན་གསུམ་བརྗོད་ལ། བསྐལ་པའི་མེ་ལྟ་བུའི་འོད་ཟེར་རྐང་པའི་འོག་ནས་གདུག་པ་རྣམས་བསྲེགས་ཏེ་ཕན་ཚུན་བྱེར་བར་བསམ་མོ། །དེ་ལྟར་བཀའ་བསྒོ་བའི་རྗེས་ལ་ནམ་མཁའི་ཁམས་སུ་ཕྱོགས་བཅུའི་དེ་བཞིན་གཤེགས་པས་གང་བར་བསམས་ལ། དེ་རྣམས་ཀྱི་
[345a.2]ཐུགས་ཀ་ནས་འོད་ཟེར་བྱུང་ནས་ཡང་དེ་རྣམས་ཀྱི་ཐུགས་ཀར་སྤྱན་དྲངས་ནས་དེ་ནས་དེ་རྣམས་ཀྱི་ཐུགས་ཀ་ནས་འཐོན་ནས་དཀྱིལ་འཁོར་གྱི་འོད་ཟེར་རམ་ད་ལའི་སྟེང་དུ་པདྨའི་རྩ་བ་ལྟར་གཡོ་ཞིང་འགུལ་བའི་གར་གྱིས་བབས་པའི་རྗེས་ལ། དེ་ནས་དབུས་སུ་ཐབས་དང་ཤེས་རབ་གཉིས་ཀྱིས་
[345a.3]གཡས་བརྐྱང་གཡོན་བསྐུམ་རེ་རེ་བྱས་ནས་ཡུམ་བཞིའི་གནས་སུ་གཡས་བརྐྱང་རེ་རེ་བྱས་ལ། རྡོ་རྗེ་གསོར་ཞིང་དྲིལ་བུ་དཀྲོལ་བར་བྱས་ནས་གཡས་སྐོར་གཡོན་སྐོར་རྡོ་རྗེ་གོམ་པས་སོང་བ་དང་པོ་དང་གཉིས་པ་འཁྱུད་པའི་ཕྱག་རྒྱ་དང་། གསུམ་པས་ནུ་མ་འཚིར་བ་དང་། བཞི་པ་མགོ་
[345a.4]བསྒྱུར་བ་དང་། ལྔ་བ་དབུང་པ་གཡོ་བ་དང་། དྲུག་པ་རྐེད་པ་གཡོ་བ་དང་། བདུན་པ་རྐང་པ་གཡོ་བ་དང་། བརྒྱད་པ་རོལ་པའི་ཐབས་ཀྱི་གར་གྱིས་བགེགས་བསྐྲད་པ་དང་། རྐང་པ་བསྐྱོད་པ་དང་། ལག་པ་བསྐྱོད་པ་དང་། སྨིན་མ་འདེགས་པ་དང་། ཧ་ཧར་བཞད་པ་དང་། འཁྱུད་
[345a.5]པའི་ལྟ་བས་གར་བྱེད་པ་དང་། ཤེས་རབ་ཀྱི་གར་གྱིས་བསྐྲད་པ་དང་། དེ་ནས་ཕྱོགས་བཅིང་བར་བྱ་སྟེ། ཨོཾ་བཛྲ་པཉྩ་ར་ན་ཧཱུཾ་ལས་དྲ་བ་དང་། ཧཱུཾ་ཞེས་བརྗོད་པས་ཁྲོ་བོ་བསྐྱེད་ལ་ཞལ་བཞི་པའི་སྔགས་ཀྱིས་བཀའ་བསྒོ་བར་བྱས་ལ། ཨོཾ་བཛྲ་ཤ་ར་ཛྭ་ལ་ཏྲཾ་སཾ་ཏྲཾ་ཞེས་པས་སྟེང་དུ་མདའི་
[345a.6]དྲ་བ་དང་། ཨོཾ་བཛྲ་མེ་དི་ནཱི་བཛྲཱི་བྷ་ཝ་བཛྲ་བནྡྷ་ཧཱུཾ་ཞེས་པས་འོག་ཏུ་རྡོ་རྗེ་རྒྱ་གྲམ་དང་། ཨོཾ་བཛྲ་པྲ་ཀཱ་ར་ཧཱུཾ་བཾ་ཧཱུཾ་ཞེས་པས་རྡོ་རྗེ་ར་བ་དང་། ཨོཾ་བཛྲ་བི་དཱ་ན་ཧཱུཾ་ཞེས་པས་རྡོ་རྗེ་བླ་རེ་དང་། ཨོཾ་བཛྲ་ཛྭ་ལ་ཨ་ན་ལཱརྐ་ཧཱུཾ་ཞེས་པས་འབར་བའི་ཕྲེང་བ་བསམས་ལ། སྔར་བསྐྱེད་པའི་ཕུར་བུས་
[345a.7]ཕྱོགས་དང་མཚམས་དང་སྟེང་འོག་ཏུ་གདབ་པར་བྱའོ། །དེ་ནས་སྔགས་ནི་གྷ་གྷ་གྷཱ་ཏ་ཡ་ལ་སོགས་པ་དང་ཨོཾ་མུདྒ་ར་ཞེས་བྱ་བས་བརྡུང་བར་བྱའོ། །དེ་ནས་ཙནྡན་དམར་པོའི་དྲི་དང་མེ་ཏོག་དམར་པོའི་ཕྲེང་བ་དང་གུ་གུལ་གྱིས་བདུག་པར་བྱའོ། །དེ་ནས་བ་བྱུང་རྣམས་དང་ལྡན་
[345b]
[345b.1]པའི་ཆུས་ཀྱང་བྱུགས་ནས་ལྷ་ལྷག་པར་གནས་པའི་རྟེན་དྲིའི་ཐིག་ལེ་དྲུག་ཅུ་རྩ་གཉིས་ལ་སྐུ་མདོག་དང་མཐུན་པའི་མེ་ཏོག་གི་ཚོམ་བུ་བཀྲམ་ནས་མེ་ཏོག་སིལ་མས་གཏོར་ལ། དེ་ནས་རང་གི་གནས་ལ་གནས་པའི་རྣལ་འབྱོར་པས་ཧེ་རུ་ཀའི་ང་རྒྱལ་དང་ལྡན་པར་བསྒོམས་ལ་ཡི་གེ་ཧཱུཾ་གི་
[345b.2]སྒྲས་བསྐུལ་ཏེ་དཀྱིལ་འཁོར་གྱི་འཁོར་ལོ་སྤྲུལ་ལ་རང་གི་གནས་སུ་དགོད་པར་བྱའོ། །དེ་ནས་ལྷ་ཐམས་ཅད་ལ་གོ་བསྐོན་ལ་ཕྱེད་ཕྱིར་གྱི་ཕྱག་རྒྱ་དང་བཅས་པས་ཡེ་ཤེས་སེམས་དཔའ་སྤྱན་དྲངས་ལ་མཆོད་ཡོན་ཕུལ་ཏེ་མཆོད་པ་རྣམ་པ་ལྔ་ཡང་རེ་རེ་ཞིང་མཆོད་ལ་རྐང་པ་བརྒྱད་པའི་སྔགས་
[345b.3]ཀྱིས་བསྟོད་ལ་གཞུག་པར་བྱའོ། །དེ་ནས་དབང་བསྐུར་བའི་ལྷ་མདུན་དུ་སྤྱན་དྲངས་ལ་མཆོད་ཡོན་སྔོན་དུ་འགྲོ་བའི་མཆོད་པ་ལྔ་དང་མཉམ་ཉིད་མི་གཡོ་ཞེས་པ་ལ་སོགས་པས་བསྟོད་ལ། ཆུ་དང་གསང་བ་དང་ཤེས་རབ་ཡེ་ཤེས་ཀྱི་དབང་བསྐུར་བས་བདག་དང་ལྷ་ཐམས་ཅད་ལ་
[345b.4]དབང་བསྐུར་བར་བསམས་ལ་ཅི་ནུས་པས་མཆོད་པ་དང་བཟླས་པ་བྱའོ། །དེ་ནས་བདུད་རྩི་མྱང་བ་ཡང་བྱའོ། །དེ་ནས་དཀྱིལ་འཁོར་གྱི་ལྷ་དྲུག་ཅུ་རྩ་གཉིས་སོ་སོའི་སྙིང་པོ་དང་མཆོད་པའི་སྔགས་སྤེལ་ལ་སྔ་མ་རེ་རེ་ཞིང་མཆོད་ཡོན་དང་བདུད་རྩི་ལྔ་དང་མཆོད་པ་ལྔ་དང་ཆང་ལ་སོགས་
[345b.5]པ་ཡང་དབུལ་བར་བྱའོ། །དེ་བཞིན་དུ་མཚན་བརྒྱ་རྩ་བརྒྱད་པས་བསྟོད་པ་དང་མཆོད་པ་ཉི་ཤུ་དང་ན་བཟའ་དྲུག་ཅུ་རྩ་གཉིས་ཀྱང་དབུལ། ཐ་མར་གོ་ཆའི་སྔགས་ཀྱིས་བསྲུང་བར་བྱའོ། །དེ་ནས། གཉིས་མེད་ཡེ་ཤེས་ལས་བྱུང་བའི། །ཁྱབ་བདག་དངོས་ཀུན་བདག་ཉིད་ཅན། །
[345b.6]སྟོན་པའི་གཙོ་བོ་ཁྲག་འཐུང་དཔལ། །ཕག་མོ་དང་ཡང་ལྷན་ཅིག་འཁྱུད། །དཔའ་བོ་དང་ནི་དཔའ་མོ་ཀུན། །མ་ལུས་བདག་ལ་དགོངས་སུ་གསོལ། །སློབ་མ་ལ་ནི་ཕན་པ་དང་། ཁྱེད་རྣམས་ལ་ཡང་མཆོད་པའི་ཕྱིར། །རྡོ་རྗེ་ཅན་བདག་འདི་ཞེས་པ། །ནང་པར་དཀྱིལ་འཁོར་བྲི་
[345b.7]ལགས་ཀྱིས། །རྗེས་སུ་བརྩེ་བར་ཉེར་དགོངས་ཏེ། །ཀུན་གྱི་བྱིན་གྱིས་བརླབ་ཏུ་གསོལ། །ལྷ་ལྷག་པར་གནས་པའོ། །དེ་ནས་བུམ་པ་ལྷག་པར་གནས་པར་བྱ་སྟེ། ཁ་གྱེད་པ་གསུས་པ་ལྡིར་བ་མགྲིན་པ་རིང་བ་མཆུ་འཕྱང་བ་རྩ་བ་ནག་ནོག་མེད་པ་གསེར་དང་དངུལ་དང་
[346a]
[346a.1]ཟངས་ལ་སོགས་པ་ལས་བྱས་པའོ། །མུ་ཏིག་རིན་ཆེན་སྣ་ཚོགས་སྤྲས་ལྷའི་གྲངས་དང་མཉམ་པའམ་ཡང་ན་བཅུ་ཐམ་པ་ལ་གུ་གུལ་གྱིས་བདུག །བདུད་རྩི་ལྔའི་དྲིའི་ཐིག་ལེས་མཚན་མ་བཀོད་ལ། རིན་ཆེན་སྣ་ལྔ་དང་བདུད་རྩི་ལྔ་དང་སྨན་ལྔ་དང་འབྲུ་ལྔ་བཅུག་ལ་ཐབས་དང་
[346a.2]ཤེས་རབ་ཀྱི་རས་ཟུང་རེས་མགུལ་པ་བཅིངས་ལ་བུམ་པ་བཅུ་ཁ་དོག་སྣ་ལྔའི་གོས་ཀྱིས་དཀྲིས་ཏེ་འདབ་མས་ཁ་བརྒྱན་པ་བདུད་རྩི་ལྔས་གང་བའི་ཐོད་པ་སྟེང་དུ་བཞག་ལ། སྒྲུབ་པ་པོའི་གཡས་སུ་པདྨ་འདབ་མ་བརྒྱད་པའམ་སྣ་ཚོགས་རྡོ་རྗེ་བྲིས་ལ་གཞག་པར་བྱའོ། །དེ་ནས་ཨོཾ་སྭ་བྷཱ་
[346a.3]ཝ་ཤུདྡྷཿ་སརྦ་དྷརྨཱཿ་སྭ་བྷ་ཝ་ཤུདྡྷོ྅ཧཾ་ཞེས་བྱ་བས་སྟོང་པར་བསམས་ལ། བྷྲཱུཾ་ལས་གཞལ་ཡས་ཁང་རེ་རེ་བྱས་ལ་ནང་དུ་བཾ་ལས་འོ་མ་ཅན་གྱི་རྒྱ་མཚོ་བསྐྱེད་དེ། ཧྲཱིཿལས་པདྨ་འདབ་མ་བརྒྱད་པ་བསམས་ལ། ཧཱུཾ་ལས་ལྷ་ཐམས་ཅད་བསྐྱེད་པའམ་ཡང་ན་བཅུ་ལས་མེད་ན་དབུས་མ་ལ་ཉི་ཟླ་
[346a.4]ཁ་སྦྱོར་གྱི་དབུས་སུ་ཧཱུཾ་བསམས་ལ། དཀྱིལ་འཁོར་གྱི་འཁོར་ལོ་རྫོགས་པ་དང་། བརྒྱད་ལ་ཁྭ་གདོང་མ་ལ་སོགས་པ་བརྒྱད་བསྐྱེད་ལ། བཅུ་པ་ལས་ཐམས་ཅད་པ་ལ་རཾ་ལས་ཉི་མའི་དཀྱིལ་འཁོར་གྱི་དབུས་སུ་ཧཱུཾ་མཛད་སྐུ་མདོག་སྔོན་པོ་ཞལ་གསུམ་ཕྱག་དྲུག་པ་དང་པོ་གཉིས་ན་རྡོ་རྗེ་དང་དྲིལ་བུ་
[346a.5]གཉིས་པ་གཉིས་ན་ཁ་ཊྭཱཾ་ག་དང་ཐོད་པ། གསུམ་པ་གཉིས་ན་ལྕགས་ཀྱུ་དང་ཞགས་པ། ཞལ་གཡས་དཀར་པོ་གཡོན་དམར་པོ་དབུས་མཐིང་ག་གཡས་བརྐྱང་བའི་གནས་པས་བཞུགས་པར་བསྒོམས་ལ། ཕྱེད་ཕྱིར་གྱི་ཕྱག་རྒྱ་དང་བཅས་པས་ཡེ་ཤེས་སེམས་དཔའ་སྤྱན་དྲངས་ཏེ། གོ་ཆ་དྲུག་
[346a.6]བསྐོན་ནས་རང་གི་སྙིང་ག་ནས་ལྷ་མོ་དྲུག་སྤྲུལ་ཏེ་དབང་བསྐུར། ཡི་གེ་གསུམ་གྱིས་གནས་གསུམ་དུ་བྱིན་གྱིས་བརླབས་ཏེ་མཆོད་པ་ལྔ་ཕུལ་ཏེ། བཅོམ་ལྡན་ཕུང་པོ་ཀུན་ལས་རྣམ་གྲོལ་ཏེ། །ཆོས་སྐུ་གཉིས་མེད་ཡེ་ཤེས་བདེ་ཆེན་བརྙེས། །བླ་མེད་ཡེ་ཤེས་ལོངས་སྤྱོད་རྫོགས་སྐུ་ཅན། །
[346a.7]རྣལ་འབྱོར་སྤྲུལ་སྐུ་ཆེ་ལ་ཕྱག་འཚལ་བསྟོད། །ཅེས་བསྟོད་ལ་བུམ་པའི་སྟེང་གི་ཀ་པཱ་ལའི་ཐོག་ཏུ་རྡོ་རྗེ་རྩེ་ལྔ་པ་ཚོན་སྣ་ལྔའི་སྐུད་པས་བཅིངས་ལ་བཞག་ནས་སྙིང་གའི་ཡི་གེ་ཧཱུཾ་ལས་ཡེ་ཤེས་ལྔའི་འོད་ཟེར་དུ་བྱིན་གྱིས་བརླབས་ལ་གཙོ་བོ་ནས་སྒོ་མའི་བར་དུ་རང་རང་གི་སྔགས་བརྒྱ་རྩ་
[346b]
[346b.1]བརྒྱད་བཟླས་པར་བྱའོ། །དེ་ནས་ཧཱུཾ་མཛད་བཟླས་པའི་གོས་ཀྱིས་བཀབ་ལ་ཞལ་བཞི་པའི་སྔགས་ཀྱིས་བསྲུངས་ནས་གཞག་པར་བྱའོ། །བུམ་པ་ལྷག་པར་གནས་པའི་ཆོ་གའོ། །དེ་ནས་སྦྱིན་སྲེག་ལྷག་པར་གནས་པར་བྱ་སྟེ། སྒྲུབ་པ་པོའི་གཡས་ངོས་སུ་ལས་དང་རྗེས་སུ་མཐུན་པའི་ཐབ་ཁུང་བྱས་
[346b.2]ལ་དེ་དང་རྗེས་སུ་མཐུན་པའི་རྫས་བསགས་ལ་མཆོད་པ་བྱའོ། །དེ་ལ་ཁྱད་པར་དུ་ཞི་བར་བྱེད་པར་འདོད་པས་ཁྲུ་གང་ཟབས་སུ་ཁྲུ་ཕྱེད་བརྐོས་པ་ལ་ཁ་ཁྱེར་སོར་བཞི་དཔངས་སུ་བརྩིགས་ལ་སོར་བཞིས་དམའ་བའི་ཁ་ཁྱེར་གྱིས་བསྐོར་ལ་ཕྱི་རོལ་ཀུན་དུ་གྲུ་བཞི་པར་བྱའོ། །དེ་བྲི་བའི་ཚོན་དབུས་
[346b.3]སུ་ཡེ་ཤེས་ཀྱི་འཁོར་ལོ་དཀར་པོ་བྲི་སྟེ་རིམ་པ་གསུམ་ལ་ཐུགས་གསུང་སྐུའི་འཁོར་ལོ་བྲིས་ལ་མཚམས་རྣམས་སུ་ཟླ་བ་རྡོ་རྗེས་མཚན་པ་བྲི་སྟེ། གྲུ་བཞི་སྒོ་བཞི་སྒོ་ཁྱུད་དང་བཅས་པ་ལ་སྒོ་བཞི་དང་མཚམས་ཕྱེད་གཟུགས་མ་བཞི་བྲི་བར་བྱའོ། །དེ་ནས་མཆོད་པའི་རྫས་མཆོད་ཡོན་དང་ཞལ་
[346b.4]བསིལ་དང་མཆོད་པ་རྣམ་པ་ལྔ་དང་ཁྱད་པར་གྱི་རྫས་བདུད་རྩི་ལྔ་དང་དཔའ་བོ་ལྔ་དང་ཆང་དང་ལོངས་སྤྱོད་ཀྱི་རྫས་ཏིལ་དང་ཡུངས་ཀར་ལ་སོགས་པ་དང་འཚོ་བའི་རྫས་བིལ་བ་དང་སྟར་ག་ལ་སོགས་པ་དང་ཡོ་བྱད་ཀྱི་རྫས་ཤེལ་ཕྲེང་དང་དར་དཀར་པོ་ལ་སོགས་པ་དང་བསྲེག་ཤིང་དགང་
[346b.5]གཟར་ལ་སོགས་པ་མདུན་དུ་བཞག་ལ། དེ་ལྟར་ལྷ་བསྐྱེད་ལ་གནས་གསུམ་དུ་ཐལ་བ་དང་རཀྟ་བསྲེས་པའི་ཐིག་ལེ་བྱས་ལ་རུས་པའི་རྒྱན་དང་ཀུ་ཤའི་དག་བྱེད་ལག་པ་གཡོན་པའི་མིང་མེད་བཅུག་ལ། སྦྱིན་སྲེག་གི་ཆོ་ག་ལས་བྱུང་བ་བཞིན་དུ་མེ་ལྷ་བསྐྱེད་ལ་མཆོད་པ་བྱིན་གྱིས་བརླབས་
[346b.6]ལ་མཆོད་པར་བྱའོ། །མེ་ལྷ་འོད་དུ་ཞུ་བ་དང་དཀྱིལ་འཁོར་གྱི་འཁོར་ལོ་མེའི་དབུས་སུ་བཏེག་ལ་མཆོད་པར་བྱའོ། །མཆོད་པ་ནི་སྔ་མ་བཞིན་ནོ། །མེ་ལ་བགེགས་ཡོད་མེད་བརྟག་པ་ནི་ཨོཾ་བཛྲ་ཨ་ན་ལ་མ་ཧཱ་བྷཱུ་ཏ་ཛྭ་ལ་སརྦ་བྷསྨི་ཀུ་རུ་སརྦ་དུ་ཥྚཱན་ཕཊ་ཅེས་བརྗོད་དོ། །སྨན་ལ་སོགས་པ་སྲེག་
[346b.7]རྫས་རྣམས་ནི་རང་རང་གི་མིང་དང་ཡི་གེ་བདུན་པའི་སྔགས་ཀྱིས་དབུལ་ལོ། །ཡེ་ཤེས་ཀྱི་ལྷ་ལ་རང་རང་གི་སྔགས་ཀྱིས་དབུལ་ལོ། །དེ་ནས་བཟོད་པར་གསོལ་ལོ། །དཀྱིལ་འཁོར་དུ་རྫས་ལྷག་མ་བསྲེགས་ལ་མེ་ལྷའི་ཡེ་ཤེས་སེམས་དཔའ་གཤེགས་སུ་གསོལ་ལོ། །དམ་ཚིག་སེམས་
[347a]
[347a.1]དཔའ་རིམ་གྱིས་ཐ་མལ་པའི་མེ་ལ་ཐིམ་པར་བསམ་མོ། །རྒྱས་པར་ནི་སྦྱིན་སྲེག་གི་ཆོ་ག་ལས་ཤེས་པར་བྱའོ། །སྦྱིན་སྲེག་ལྷག་པར་གནས་པའོ། །དེ་ནས་ཅི་འབྱོར་པའི་གཏོར་མ་བདུན་ནམ་བཅུ་གཅིག་གམ་ཀུན་ཀྱང་ཧཱུཾ་མཛད་ཀྱི་ཆུས་བསངས་ལ། ཡཾ་ལས་རླུང་གི་
[347a.2]དཀྱིལ་འཁོར་གཞུ་ལྟ་བུ་དང་། དེའི་སྟེང་དུ་རཾ་ལས་མེའི་དཀྱིལ་འཁོར་གྲུ་གསུམ་པ་དང་། དེའི་སྟེང་དུ་ཀ་ལས་ཀ་པཱ་ལ་རྒྱ་ཆེ་བ་བསམས་ཏེ། ནང་དུ་བདུད་རྩི་ལྔའི་གོང་བུ་ཁ་དོག་ལྔ་དང་། དབུས་སུ་མུ་མུ་ཏྲ་དང་ཧཱུཾ་མཐིང་ག །ཤར་དུ་བི་བི་ཏྲ་དང་ཨོཾ་དཀར་པོ། ལྷོར་ར་རཀྚ་དང་
[347a.3]ཏྲཾ་སེར་པོ། ནུབ་ཏུ་ཤུ་ཤུ་ཀྲ་དང་ཧྲཱིཿདམར་པོ། བྱང་དུ་མ་མཱཾ་ས་དང་ཨ་ལྗང་གུ་བཀོད་ལ། དེའི་སྟེང་དུ་ཨོཾ། དེའི་སྟེང་དུ་ཨཱཿ། དེའི་སྟེང་དུ་ཧཱུཾ་བཀོད་ལ། ཨོཾ་ལྟུང་བས་དག །ཨཱཿ་ལྟུང་བས་ཞུ་ཧཱུཾ་གྱུར་པ་ལས་རྡོ་རྗེའི་དབུས་སུ་ཧཱུཾ་གིས་མཚན་པ་ལས་ཡེ་ཤེས་ཀྱི་བདུད་རྩི་དྲངས་པས་སྤེལ་
[347a.4]བར་བསམ་པ་དང་། རྡོ་རྗེས་དཀྲུག་ཅིང་ཞུ་བ་ལས་ཨོཾ་ཨཱཿཧཱུཾ་གསུམ་ལན་གསུམ་མམ་ལན་བདུན་བར་དུ་བརྗོད་པ་དང་། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤནྣ་ཏྭ་ཏ་ཅེས་བྱ་བ་དང་། པདྨ་ཁ་བྱེ་བའི་ཕྱག་རྒྱས་བྱིན་གྱིས་བརླབས་ལ། མཛུབ་མོ་མདུད་བྱས་གུང་མོ་ངེས་པར་སྦྱར།
[347a.5]མཐེ་བོང་རྡོ་རྗེ་བརྟན་པོར་རབ་སྦྱར་ནས། །དེ་ནི་དཔྲལ་བའི་དབུས་སུ་རབ་བཞག་ནས། །བསྐོར་ཞིང་བསྐོར་བས་ཀུན་དུ་བསྐོར་བར་བྱ། །རྐང་པ་མནན་ཞིང་གྱེན་དུ་བལྟ། །གྱེན་དུ་ཕེཾ་གྱི་སྒྲ་སྒྲོགས་ཤིང་། །ཕྱོགས་བཅུ་འཇིག་རྟེན་ཁམས་བཞུགས་པ། །དཔའ་བོ་རྣལ་འབྱོར་མ་
[347a.6]རྣམས་དགུག །ཅེས་བྱ་བའི་ཕྱག་རྒྱ་དང་ཨོཾ་ཨ་ར་ལླི་ཧོ་ཛཿཧཱུཾ་བཾ་ཧོཿབཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོཿ། །ཞེས་བྱ་བས་དུར་ཁྲོད་བརྒྱད་དང་ཕྱོགས་སྐྱོང་བ་དང་བཅས་པ་སྤྱན་དྲངས་ལ། ཆོས་འབྱུང་གྲུ་གསུམ་གྱི་སྟེང་དུ་པདྨ་འདབ་མ་བརྒྱད་པ་བཞག་ལ་རིམ་པ་གསུམ་བྱས་ལ་འཁོར་
[347a.7]ལོ་རིམ་གསུམ་གྱི་ལྷར་བསྐྱེད་ལ། གནས་གསུམ་དུ་ཡི་གེ་གསུམ་གྱིས་བྱིན་གྱིས་བརླབས་ལ། དཀྱིལ་འཁོར་མཁའ་འགྲོ་མ་ལ་སོགས་པས་དབང་བསྐུར་ལ་ལྕེ་ལ་རྡོ་རྗེ་དཀར་པོའི་སྦུ་གུ་བསམས་ཏེ་འཐུང་བར་དམིགས་ཤིང་ཁ་ཁའི་སྔགས་བརྗོད་པར་བྱའོ། །མི་མཆོག་གང་ཞིག་
[347b]
[347b.1]ཀུན་སྤྱོད་དང་། །སྡིག་པ་ཐམས་ཅད་རྣམ་པར་དག །སྐྱེ་ཞིང་སྐྱེ་བར་བདེ་གཤེགས་ཀྱི། །རིགས་མཆོག་སྐྱེས་ཆོས་རྒྱལ་པོར་ཤོག །ཇི་ལྟར་སྔོན་གྱི་སྡིག་པ་ཡིས། །བག་ཆགས་ཀུན་ཟད་མཚན་ཉིད་ལྡན། །གང་ཞིག་འདི་ན་རྟག་སྒོམ་པ། །ས་ལ་སྤྱོད་པའི་དབང་ཕྱུག་ཤོག། ཅེས་
[347b.2]སྨོན་ལམ་བཏབ་ལ་ཕྱོགས་བརྒྱད་དུ་དཔའ་བོ་བྱའོ། །གཏོར་མ་ལྷག་པར་གནས་པའི་ཆོ་གའོ། །དེ་ནས་སློབ་མ་ལྷག་པར་གནས་པ་ནི་སྣོད་དུ་རུང་བའི་སློབ་མས་མཎྜལ་བྱས་ནས་མེ་ཏོག་བཀྲམ་ནས་ལག་ན་མེ་ཏོག་ཐོགས་པ་དང་གསོལ་བ་གདབ་པར་བྱའོ། །དགའ་ཆེན་ཞེས་བྱ་བ་
[347b.3]ལ་སོགས་པའོ། །ཕྱག་འཚལ་བ་དང་སྡིག་པ་བཤགས་པ་ལ་སོགས་པ་རྒྱུན་ཆགས་བདུན་བྱས་པ་དང་། སློབ་མ་ཧེ་རུ་ཀ་དཔའ་བོ་གཅིག་པུའི་ལུས་སུ་བསྐྱེད་པ་དང་། ཡི་གེ་གསུམ་གྱི་བྱིན་གྱིས་བརླབ་པ་ལ་སོགས་པ་ལ་མཆོད་པ་ལྔས་མཆོད་པ་དང་། རྗེས་ལ་སོ་ཤིང་དོར་བ་དང་།
[347b.4]སྲུང་སྐུད་བཅིང་བ་དང་། བྱམས་པའི་གོ་ཆ་བསྐོན་པ་དང་། རྡོ་རྗེ་གཙུག་ཏོར་གྱི་སྔགས་ཀྱིས་དབུའི་གཙུག་ཏོར་བསྐྱེད་པ་དང་། རྨི་ལམ་བརྟག་པ་དང་། དབང་བསྐུར་བའི་དོན་དུ་གསོལ་བ་འདེབས་པ་རྣམས་སློབ་དཔོན་ལ་བ་པས་མཛད་པའི་ཆོ་ག་ལས་ཤེས་པར་བྱའོ། །དེ་ནས་དཀྱིལ་
[347b.5]འཁོར་སྙིང་གར་བསྡུས་ཏེ་ཁཾ་དང་ཧཾ་ལས་འོད་ཟེར་གྱི་ཡ་ལད་བསྐྱེད་ལ། ཚམ་ངམ་གྱི་སྔགས་ཀྱིས་ཕྱོགས་བཞིར་ཁ་དོག་བཞི་པའི་ཞལ་གཅིག་པ་རྡོ་རྗེ་དང་སྡིགས་མཛུབ་བསྣམས་པ་བསམ་པར་བྱའོ། །དེ་ནས་རྐང་པ་བརྒྱད་པའི་སྔགས་ཀྱིས་བསྟོད་ལ་ཅི་བདེ་བར་བྱའོ། །གཞན་གྱི་དོན་
[347b.6]སློབ་མ་ལྷག་པར་གནས་པའོ། །དེ་ནས་ཉི་མ་ཤར་ཀར་དཀྱིལ་འཁོར་བྱེད་པར་འདོད་པས་རྐང་པ་བརྒྱད་པ་བཟླས་པའི་དྲི་ཆུ་དང་བདུད་རྩི་ལྔས་ས་གཞི་བྱུགས་ལ་ཐིག་གདབ་བོ། །སར་པ་ལེགས་པར་བསལ་ཁ་དོག་ལྡར་བསྒྱུར་བ་དཀྱིལ་འཁོར་གྱི་ཉིས་འགྱུར་གྱི་ཚད་དང་ལྡན་པ། གསེར་
[347b.7]ལ་སོགས་པའི་སྣོད་དུ་བཞག་ལ་མཆོད་པ་རྣམ་པ་ལྔ་བཤམས་ནས་ཚོན་སྣ་ལྔ་ལ་ཧཱུཾ་ཨོཾ་བྷྲཱུཾ་ཛྲཱྀཾཁཾ་ལས་རིགས་ལྔའི་རང་བཞིན་དུ་བསྐྱེད་ལ་ཡེ་ཤེས་སེམས་དཔའི་ཐུགས་ཀ་ནས་འོད་ཟེར་སྤྱན་དྲངས་གཉིས་སུ་མེད་པར་བྱས་ཏེ་མཆོད་པ་ཡབ་ཡུམ་གྱི་སྙིང་པོ་ཉི་ཤུ་རྩ་གཅིག་བཟླས་
[348a]
[348a.1]ལ་ཐོད་པའི་ནང་དུ་གཞག་པར་བྱའོ། །ཐིག་བྱིན་གྱིས་བརླབ་པའོ། །དེ་ནས་སློབ་དཔོན་མཁས་པས་བདག་ཉིད་དང་སློབ་མ་ཧེ་རུ་ཀར་མོས་པ་བྱས་ལ། ཧཱུཾ་བཛྲ་ཞེས་བརྗོད་པས་ཐིག་སྐུད་ཀྱི་རྩེ་མོ་ལག་པ་གཡོན་པར་གཏད་པ་གཉིས་སུ་མེད་པའི་སྔགས་ཀྱིས་
[348a.2]བསྒྲིལ་ནས། འཇིག་རྟེན་ཁམས་འདི་མ་ལུས་པའི། །སངས་རྒྱས་ལ་སོགས་འགྲོ་དོན་གྱི། །ཁྱེད་ཀྱི་དུས་ནི་འདི་ལགས་ཀྱིས། །བཅོམ་ལྡན་རྡོ་རྗེའི་ཐིག་གདབ་གསོལ། །ཞེས་བསྐུལ་བ་དང་། བདག་དང་སློབ་མ་གཡས་ནས་བསྐོར་ནས་ཐིག་གདབ་པར་བྱའོ། །དེ་ལ་དང་པོ་
[348a.3]ཡེ་ཤེས་ཀྱི་དཀྱིལ་འཁོར་གྱི་རྟེན་ནས་ཐིག་གདབ་པར་བྱའོ། །སློབ་དཔོན་ནུབ་སྒོར་གནས་ནས་སློབ་མ་ཤར་སྒོར་གནས་ལ་ཚངས་ཐིག་དང་པོའོ། །སློབ་དཔོན་བྱང་ནས་སློབ་མ་ལྷོ་ནས་ཚངས་ཐིག་གཉིས་པ། སློབ་དཔོན་མེ་ནས་སློབ་མ་དབང་ལྡན་དུ་གནས་ནས་ཤར་གྱི་ཐིག་གདབ།
[348a.4]སློབ་དཔོན་དབང་ལྡན་དང་སློབ་མ་རླུང་དུ་གནས་ནས་བྱང་གི་ཐིག་གདབ། སློབ་དཔོན་རླུང་དང་སློབ་མ་བདེན་བྲལ་དུ་གནས་ནས་ནུབ་ཀྱི་ཐིག་གདབ། སློབ་དཔོན་བདེན་བྲལ་དང་སློབ་མ་མེར་གནས་ནས་ལྷོའི་ཐིག་གདབ། དེ་བཞིན་དུ་གང་དུ་བརྩིས་པ་ཐིག་བཞི་དང་། དེ་ནས་
[348a.5]ཚངས་ཐིག་གཡོན་སྐོར་གྱིས་སོང་ལ། སློབ་དཔོན་མེ་དང་སློབ་མ་རླུང་དུ་གནས་ནས་ཚངས་པའི་ཐིག་དང་པོ། སློབ་དཔོན་བདེན་བྲལ་དང་སློབ་མ་དབང་ལྡན་དུ་གནས་ནས་ཚངས་ཐིག་གཉིས་པ་གདབ་པར་བྱའོ། །དེ་ལྟར་སྟེང་དུ་བལྟས་ལ་བཅུ་དྲུག་གདབ་པ་ཡེ་ཤེས་ཀྱི་ཐིག་
[348a.6]དང་། ཁ་ཐུར་དུ་བལྟས་པ་བཅུ་དྲུག་གནམ་གྱི་ཐིག་གདབ་པར་བྱའོ། །དེ་ནས་བྱ་རོག་རྗེས་བཙལ་ནས་གཤེར་ཐིག་གདབ་པར་བྱ་སྟེ། ཕྱི་རོལ་དུ་རྡོ་རྗེ་ར་བ་མ་གཏོགས་པ་གྲུ་བཞི་ལ་ཆ་ཆེན་པོ་བཅུ་དྲུག་ཏུ་བགོས་ལ་དེ་རེ་རེ་ཡང་ཆ་ཆུང་བཞི་བཞིར་ཕྱེ་ལ་ནང་གི་ཆ་ཆེན་པོ་བཞི་མ་
[348a.7]གཏོགས་པ་ལ་ཚངས་ཐིག་ནས་བགྲང་པའི་གསུམ་ལ་སྒོ་ཁྱུད་བྱ། ལྔ་པ་ལ་སྒོ་ལོགས། བཅུ་འདུས་པ་ལ་སྒོ་ངོས། ཉི་ཤུ་ལ་སྒོ་འགྲམ། ཉི་ཤུ་གསུམ་པ་ལ་ཡས་ཕུབས། ཉི་ཤུ་བཞི་པ་ལ་མོན་པ་བ་ཏི། ཉི་ཤུ་རྩ་བརྒྱད་པའི་བར་དུ་ཆ་བཞི་པ་ལ་རྟ་བབས། ཉི་ཤུ་རྩ་དགུ་
[348b]
[348b.1]པ་ལ་པདྨ། སུམ་ཅུ་རྩ་གཅིག་པ་ལ་འཁོར་ལོ། སུམ་ཅུ་རྩ་གཉིས་པ་ལ་གདུགས་སུ་ཤེས་པར་བྱའོ། །དེའི་ཞིང་གི་ཚད་ནི་སྒོ་ཆ་ཆེན་པོ་གཅིག །འདོད་ཡོན་གྱི་གནས་ཆ་ཆུང་གཉིས། རིན་ཆེན་ཕ་གུ་ཆ་ཆུང་གཅིག །དྲ་བ་དྲ་ཕྱེད་ཆ་ཆུང་གཉིས། ཀ་བ་དང་མུ་ཏིག་གི་ཆུན་འཕྱང་
[348b.2]ལ་ཆ་ཆུང་ལྔ། ཞེང་ལ་ཆ་ཆུང་གཉིས། རྟ་བབས་གླང་པོ་ཆེའི་རྒྱབ་ལྟ་བུ། ཞེང་སྒོའི་སུམ་འགྱུར་དེ་ལྟར་ཐིག་གདབ་བོ། །དེ་ལ་རྡོ་རྗེ་རྩེ་གཅིག་པ་ལྟ་བུའི་ཕུར་བུ་གདབ་པར་བྱའོ། །ཡེ་ཤེས་ཀྱི་འཁོར་ལོ་ཆ་ཆེན་པོ་གཅིག །ཐུགས་གསུང་སྐུའི་འཁོར་ལོ་ཆ་རེ་རེ། ཀུན་
[348b.3]མཉམ་པར་གྲི་གུག་དང་རྡོ་རྗེ་དང་པདྨ་དང་འཁོར་ལོའི་ཕྲེང་བ་ཆ་ཆུང་རེ་རེས་བསྐོར་བར་བྱའོ། །ཐ་མར་པདྨའི་རེ་བ་དང་། རྡོ་རྗེའི་ར་བ་དང་། མེ་འོད་ཀྱི་ར་བ་གསུམ་ཆ་རེ་རེ་ཚད་དུ་བྱའོ། ཐིག་གི་ཆོ་གའོ། །དུར་ཁྲོད་ཀྱི་རྫས་དང་བསྲེས་པ་རིན་པོ་ཆེའི་ཚོན་ནམ་
[348b.4]འབྲས་ཀྱི་ཕྱེ་མ་ལ་སྔར་བཤད་པའི་རིགས་ལྔ་ལ་སོགས་བཀོད་ལ་ཡེ་ཤེས་སེམས་དཔའ་སྤྱན་དྲངས་ནས་ཡི་གེ་གསུམ་གྱི་བྱིན་གྱིས་བརླབས་ནས་ཡབ་ཡུམ་གྱི་སྔགས་ཉི་ཤུ་རྩ་གཅིག་བཟླས་ལ་མཆོད་པ་དབུལ་བར་བྱའོ། །ཚོན་བྱིན་གྱིས་བརླབ་བའོ། །ཚོན་དགྱེ་བའི་བྱང་ཤར་མཚམས་ཀྱི་ཕྱོགས་
[348b.5]མཚམས་སུ་མཐོ་གང་གི་ཚད་ལ་ཚོན་སྣ་ལྔའི་རི་མོ་མ་ཆད་པ་མ་ཡོ་བ་མཉམ་པར་སློབ་དཔོན་གྱིས་བྲི་བར་བྱའོ། ཚོན་གྱི་ལྟས་བརྟག་པའོ། །དེ་ནས་ཚོན་གྱི་གོ་རིམས་ནི་དབུས་སྣ་ཚོགས་པདྨ་ལྷ་མོའི་ཁ་དོག་དང་མཚུངས་བའོ། །མཚམས་སུ་ཕྱེད་གཟུགས་མ་བཞི་དང་བརྒྱད་བྲིས་ལ་འོག་
[348b.6]གི་པདྨའི་རྩེ་མོ་བརྒྱད་གསེར་མདོག་ཅན་གྲི་གུག་གི་ཕྲེང་བས་བསྐོར་བའོ། །ལྟེ་བར་ཉི་མའི་དཀྱིལ་འཁོར་གྱི་སྟེང་དུ་ཡབ་ཡུམ་ཕྱོགས་སུ་ལྷ་མོ་མཚམས་སུ་བུམ་པ་ཐོད་པས་མཚན་པ་ཕྱེད་གཟུགས་ཡེ་ཤེས་ཀྱི་འཁོར་ལོ་བྲི་བར་བྱའོ། །དེའི་ཕྱི་རོལ་དུ་ཐུགས་གསུང་སྐུའི་འཁོར་ལོས་
[348b.7]གཞི་བེཌཱུརྱའི་རང་བཞིན་ལ་འཁོར་ལོ་སྔོན་པོ་དང་། དམར་བ་དང་། དཀར་པོ་རྩིབས་བརྒྱད་པ་རྡོ་རྗེ་དང་། པདྨ་དང་འཁོར་ལོའི་ཕྲེང་བས་བསྐོར་བའོ། །དེ་ལ་སྐུ་གསུང་ཐུགས་ཀྱི་དཔའ་བོ་དང་དཔའ་མོ་ཉི་ཤུ་རྩ་བཞི་དགོད་པར་བྱའོ། །དམ་ཚིག་གི་འཁོར་ལོ་སྒོ་བཞི་
[349a]
[349a.1]དང་སྒོ་ཁྱུད་དང་བཅས་པ་ལ་ཤར་སྔོ། ལྷོ་སེར་ནུབ་དམར། བྱང་ལྗང་གུ་སྟེ་ཞལ་བཞི་པའི་སྣང་བ་མཐུན་པའོ། །མཁའ་འགྲོ་མ་བརྒྱད་ཁྭ་གདོང་མ་དང་། འུག་གདོང་མ་དང་། ཁྱི་གདོང་མ་དང་། ཕག་གདོང་མ་གཡོན་སྐོར་གྱིས་ས་གཞི་དང་ཁ་དོག་
[349a.2]མཐུན་པའོ། །མཚམས་སུ་གཤིན་རྗེ་བརྟན་མ་ལ་སོགས་པ་ཕྱེད་གཟུགས་མ་བཞི་དགོད་པར་བྱའོ། །སྐུར་དགོད་པའམ། ཡིག་འབྲུའམ། ཕྱག་མཚན་ནམ། ལག་པའི་ཕྱག་རྒྱའམ། མེ་ཏོག་དགྲམ་པའམ། དྲིའི་ཐིག་ལེ་བྱའོ། །དེ་ཡང་ངེས་བརྗོད་ལས། དཀྱིལ་འཁོར་བསྐྱེད་
[349a.3]པའི་མདོར་གསུངས་ནས། །མིང་གི་འཁོར་ལོ་དང་པོ་སྟེ། །གཉིས་པ་མཚན་མའི་འཁོར་ལོ་ནི། །གསུམ་པ་ལག་པའི་ཕྱག་རྒྱ་ལ། །བཞི་པ་གཟུགས་བརྙན་དགོད་པ་སྟེ། །ལྔ་པ་མེ་ཏོག་དགྲམ་པའོ། །དྲུག་པ་ཚོགས་ཀྱི་འཁོར་ལོ་ཡིན། །བདུན་པ་ཐིག་ལེ་དགོད་པར་བྱ། །ཞེས་
[349a.4]གསུངས་སོ། །དེའི་ཕྱི་རོལ་དུ་ཚོན་སྣ་ལྔ་ནི་སྔོན་པོ་དང་སེར་པོ་དང་དམར་པོ་དང་ལྗང་གུ་དང་དཀར་པོའོ། །དེའི་ཕྱི་རོལ་དུ་གསེར་གྱི་ས་གཞིའི་ཁྱམས་ལ་འདོད་ཡོན་ལྷ་མོའོ། །དེའི་ཕྱི་རོལ་དུ་ཤེལ་གྱི་ས་གཞིལ་རིན་པོ་ཆེ་སྣ་ཚོགས་ཀྱི་ཕ་གུས་མཛེས་པའོ། །དེའི་ཕྱི་རོལ་དུ་པདྨ་རཱ་གའི་ས་
[349a.5]གཞི་ལ་དར་དང་མུ་ཏིག་གི་ཕྲེང་བ་དང་། དྲིལ་བུ་གཡེར་ཀའི་ཕྲེང་བས་མཛེས་པའོ། །དེའི་ཕྱི་རོལ་དུ་ཕྱོགས་ཀུན་དུ་བཻ་ཌཱུརྱའི་ས་གཞི་ལ་ཀ་བ་དང་རྟ་བབས་དང་རི་དགས་དང་ཆོས་ཀྱི་འཁོར་ལོ་དང་གདུགས་ཅི་མཛེས་པར་བྲི་བར་བྱའོ། །དེའི་རྒྱབ་ཏུ་པདྨའི་ཕྲེང་བ་དང་། རྡོ་རྗེ་
[349a.6]དང་མེ་འོད་ཀྱི་ཕྲེང་བས་ཀུན་ནས་བསྐོར་བའོ། །ཤར་ལ་སོགས་པ་རྟ་བབས་ཀྱི་ངོས་གཉིས་སུ་གཏུམ་དྲག་ཅན་མ་དང་། ཐོད་པ་ཅན་པ་ཏ་ལ་དང་། ཨུ་དུ་མྺཱ་རའི་ཤིང་དང་། ཁྭ་དང་ཁྱི་གདོང་གི་ཞིང་སྐྱོང་ལས་ཁྭ་དང་ཁྱིའི་ཚོགས་ཀྱིས་བསྐོར་བའོ། །འོག་ཏུ་ཀླུ་གཉིས་དང་སྟེང་དུ་
[349a.7]སྤྲིན་གཉིས་དང་བཅས་པའོ། །བྱང་དུ་རྟ་བབས་ཀྱི་ངོས་གཉིས་སུ་དབྱིབས་ཅན་དང་ཡལ་ག་ཅན་དུ་པུཎྜ་རཱི་ཀ་དང་ནཱ་ག་གེ་སར་གྱི་ཤིང་བིལ་བ་དང་ཤ་ཟའི་གདོང་ཅན་གྱི་ཞིང་སྐྱོང་ལ་ཅེ་སྤྱང་དང་རོ་ལངས་ཀྱིས་བསྐོར་བའོ། །སྟེང་དུ་སྤྲིན་གཉིས་དང་འོག་ཏུ་ཀླུ་གཉིས་དང་བཅས་པའོ། །
[349b]
[349b.1]ནུབ་ཏུ་རྟ་བབས་ཀྱི་ངོས་གཉིས་སུ་ཚང་ཚིང་ཅན་དང་ཧ་ཧར་བཞད་པ་སྟེ་པ་ལཱ་ཤ་དང་ཨ་ཤྭདྠ་དང་འུག་པ་དང་ཁྱིའི་གདོང་ཅན་གྱི་ཞིང་སྐྱོང་ལ་འུག་པ་དང་ཕག་གི་ཚོགས་ཀྱིས་བསྐོར་བའོ། །འོག་ཏུ་ཀླུ་གཉིས་དང་སྟེང་དུ་སྤྲིན་གཉིས་དང་བཅས་པའོ། །ལྷོའི་རྟ་བབས་ཀྱི་ངོས་གཉིས་ལ་འབར་བ་ཅན་དང་མི་བཟད་
[349b.2]པའི་ཤིང་ཤག་དང་ནྱ་གྲོ་དྷ་དང་སྟག་དང་ཕག་རྒོད་ཀྱི་ཞིང་སྐྱོང་ལ་དཔའ་བོ་དང་སྲིན་པོའི་ཚོགས་ཀྱིས་བསྐོར་བའོ། །འོག་ཏུ་ཀླུ་གཉིས་དང་སྟེང་དུ་སྤྲིན་གཉིས་དང་བཅས་པའོ། །ཚོན་གྱི་ཆོ་གའོ། །དེ་ལྟར་ཚོན་གྱི་ཆོ་ག་རྫོགས་ནས་དགོངས་ཀའི་དུས་སུ་ཡོ་བྱད་བསག་པར་བྱ་སྟེ་བདུད་རྩི་
[349b.3]ལྔ་དང་མཆོད་ཡོན་མཆོད་པ་ལྔ་དང་བཅས་པ་དང་། བཅའ་བ་དང་། མྱང་བ་དང་། བལྡག་པ་དང་། ཆང་དང་ཤ་བརྒྱ་དང་། མེ་ཏོག་དང་། བདུག་པ་དང་། ལྷ་བཤོས་བརྒྱ་དང་། ཡང་མར་མེ་ལ་སོགས་པ་བརྒྱ་དང་། ན་བཟའ་དྲུག་ཅུ་རྩ་གཉིས་དང་། གཏོར་མ་བརྒྱ་དང་། དེ་ལ་
[349b.4]སོགས་པ་བསགས་ནས་རྡོ་རྗེ་དྲིལ་བུ་མདུན་དུ་བཞག་ནས་ཅོད་པན་དང་རྒྱན་རྣམས་སྔ་མ་བཞིན་དུ་བགོ་སྟེ་མཆོད་པ་བྱིན་གྱིས་བརླབས་ཏེ་ཧཱུཾ་གི་སྒྲས་བསྐུལ་ཏེ་སྙིང་གའི་ལྷག་པར་གནས་པའི་དཀྱིལ་འཁོར་སྦྲུལ་ལ་རྡུལ་ཚོན་གྱི་དཀྱིལ་འཁོར་དང་བསྲེས་ཏེ་ལྷག་པ་དང་། མ་ཚང་བ་བསྐང་
[349b.5]བའི་ཕྱིར་ཡབ་ཡུམ་གྱི་སྔགས་བཟླས་ཤིང་དཀྱིལ་འཁོར་ལན་གསུམ་བསྐོར་བ་བྱའོ། །དེ་ནས་རྣལ་འབྱོར་པས་ཤར་གྱི་སྒོར་ཁྭ་གདོང་མའི་རྒྱབ་ཏུ་བྱུང་ལ་དང་པོ་ཚད་མེད་པའི་རྣལ་འབྱོར་དང་བྱིན་གྱིས་བརླབ་པའི་རྣལ་འབྱོར་དང་། སྲུང་བའི་རྣལ་འབྱོར་བྱས་ལ་བདག་ཉིད་ཧཱུཾ་མཛད་ཀྱི་སྐུར་
[349b.6]བསྐྱེད་ནས་སྔ་མ་བཞིན་དུ་སྲུང་བའི་འཁོར་ལོ་བྱས་ལ། ཕུར་བུ་བཅུ་དང་མདའ་བཅུ་ཕྱོགས་དང་མཚམས་སུ་བཏབ་ལ་ཚོན་སྣ་ལྔའི་སྐུད་པས་མིག་མངས་རིས་སུ་བྲིས་ལ། རྐང་པ་བརྒྱད་པའི་སྔགས་ཀྱི་བྱིན་གྱིས་བརླབས་པའི་འོད་ཟེར་གྱིས་སྤྲོས་པས་བགེགས་མི་འཇུག་པར་བསམ་མོ། །སྔར་
[349b.7]བཤད་པ་བཞིན་དུ་ཚོགས་བསགས་པའི་རྣལ་འབྱོར་དང་། དཀྱིལ་འཁོར་གྱི་འཁོར་ལོ་བར་སྣང་དུ་བཞག་ལ་སྟོང་པ་ཉིད་ཀྱི་རྣལ་འབྱོར་བྱས་ནས་འབྱུང་བ་རིམ་བརྩེགས་རི་རབ་དང་བཅས་པ་བསྐྱེད་ནས་སྣ་ཚོགས་རྡོ་རྗེ་པདྨས་མཚན་པའི་སྟེང་དུ་ཉི་ཟླ་ཁ་སྦྱོར་གྱི་དབུས་སུ་གནས་པའི་ཧཱུཾ་ལས་
[350a]
[350a.1]ཡི་གེ་གསུམ་གྱི་བྱིན་གྱིས་བརླབས་ཏེ་དཀྱིལ་འཁོར་གྱི་འཁོར་ལོ་སྔ་མ་བཞིན་དུ་བསྐྱེད་ལ་ལྷག་པར་གནས་པའི་དཀྱིལ་འཁོར་གྱི་འཁོར་ལོ་དང་། རང་གིས་སྤྲུལ་པའི་འཁོར་ལོ་དང་གཅིག་ཏུ་བསྲེས་ལ་བྱང་ཆུབ་ཀྱི་ཕྱོགས་ཀྱི་ཆོས་སེམས་ཀྱི་འཁོར་ལོ་བདེ་མཆོག་དང་རྩ་དང་
[350a.2]ཁམས་དང་ལུས་ཀྱི་འཁོར་ལོ་ཤེས་པར་བྱས་ནས་གོ་ཆ་བསྐོན་ཏེ་སྔ་མ་བཞིན་དུ་ཡེ་ཤེས་ཀྱི་འཁོར་ལོ་སྤྱན་དྲངས་པ་དང་མཆོད་ཡོན་སྔོན་དུ་འགྲོ་བས་མཆོད་པ་རྣམ་པ་ལྔའོ། །དེ་སྐད་དུ། དཔའ་བོ་ཀུན་དང་རྣལ་འབྱོར་མ། །གོ་ཆ་གསུམ་གྱིས་བརྒྱན་པ་ཡི། །ཧེ་རུ་ཀ་དཔལ་རྣལ་འབྱོར་ཆེ། །
[350a.3]རང་གི་བདག་ཉིད་གཅིག་པུ་བྱས། །སྤྱན་དྲངས་ནས་ནི་མཆོད་པ་དང་། །བུམ་པ་ལ་གཞུག་དབང་བསྐུར་བའོ། །ཞེས་འབྱུང་བའོ། །དེ་ནས་བུམ་པ་གཞུག་པར་བྱ་སྟེ། དང་པོར་ཧཱུཾ་མཛད་བཟླས་པའི་ཡུངས་ཀར་གྱིས་བགེགས་བསྐྲད་དེ། བུམ་པ་ལ་ཡང་བསང་གཏོར་བྱས་
[350a.4]ནས་ཀུན་ལ་རང་རང་གི་སྔགས་ཉི་ཤུ་རྩ་གཅིག་བཟླས་པར་བྱས་ཏེ་མཆོད་པ་ལྔས་མཆོད་དེ་ཐ་མར་ཨོཾ་བཛྲ་ཨུ་ད་ཀ་ཧཱུཾ་ཕཊ། ཅེས་པས། ལྷ་རྣམས་འོ་མ་ཅན་གྱི་རྒྱ་མཚོར་ཞུ་བར་བསམ་མོ། །དེ་ནས་མེ་ལོང་ལ་དྲིའི་ཐིག་ལེ་བྱས་ལ་མེ་ཏོག་བཀྲམ་ནས་བག་ཕྱེ་དང་། ས་དཀར་དང་། སོ་ཤིང་
[350a.5]དང་བཅས་པས་ལྷ་ཐམས་ཅད་ལ་ཐོག་མར་སྐུ་ཁྲུས་གསོལ་ལོ། །ཐ་མར་ཡང་འབྲས་བུ་གསུམ་དང་། བིལ་བ་དང་། ག་པུར་དང་། གུར་ཀུམ་དང་། ཨ་ཀ་རུ་ལ་སོགས་པ་རྣམས་མེ་ལོང་གི་ངོས་ལ་བཞག་ནས། ཧཱུཾ་མཛད་ཀྱི་བུམ་པ་ནས་བཟུང་ནས་ཐ་མ་རྣམ་པར་རྒྱལ་
[350a.6]བའི་བུམ་པ་ལ་ཐུག་གི་བར་དུ་བུམ་པ་རྣམས་ཀྱི་ལྷ་དྲུག་ཅུ་རྩ་གཉིས་ལ་རེ་རེ་ཞིང་ཡང་གཙོ་བོ་ནས་སྒོ་བ་ལ་ཐུག་གི་བར་དུ་དབང་བསྐུར་བར་བྱའོ། །རྟགས་སུ་གཙོ་བོ་ཡབ་ཡུམ་ལ་མི་བསྐྱོད་པས་མཚན་པའི་རྡོ་རྗེ་རྩེ་ལྔ་པ་དང་། འཁོར་ཐམས་ཅད་ལ་རྡོ་རྗེ་རེ་རེ་དང་། དཔྲལ་བར་
[350a.7]རྡོ་རྗེ་ཕྲེང་བས་བརྒྱན་པར་བྱའོ། །དེ་ནས་རྣམ་པར་རྒྱལ་བའི་བུམ་པ་དབུས་སུ་བཞག་ལ། མཁའ་འགྲོ་མ་བརྒྱད་ཀྱི་བུམ་པ་སྒོ་བཞི་དང་མཚམས་བཞིར་གཞག །ཧཱུཾ་མཛད་ཀྱི་བུམ་པ་རང་དང་ཉེ་བའི་སྒོར་གཞག །མེ་ཏོག་གི་ཕྲེང་བ་གདགས་པར་བྱའོ། །དེ་ལྟར་བུམ་
[350b]
[350b.1]པའི་དབང་བསྐུར་ནས། གསང་བ་དང་ཤེས་རབ་ཡེ་ཤེས་ཀྱི་དབང་བསྐུར་བར་བྱའོ། །དབང་བསྐུར་བ་རྫོགས་པ་དང་མཆོད་པ་རྣམ་པ་ལྔ་རྒྱས་པ་ལ་མེ་ཏོག་སྣ་ཚོགས་པ་དང་། བདུག་པ་སྣ་ཚོགས་པ་དང་། ལྷ་བཤོས་རྒྱ་ཆེན་པོ་དུ་མ་དང་། སྣ་ཚོགས་པ་དང་། ན་བཟའ་
[350b.2]དྲུག་ཅུ་རྩ་གཉིས་དང་། རྒྱན་དང་། དྲ་བ་དང་། དྲ་བ་ཕྱེད་དང་། རོལ་མོའི་བྱེ་བྲག་ཐམས་ཅད་ཀྱང་དབུལ་བར་བྱའོ། །དེ་ཡང་། ངེས་པར་བརྗོད་པའི་བླ་མ་ལས། །སྣ་ཚོགས་རོ་དང་བཅུད་རྣམས་དང་། །སྣ་ཚོགས་མེ་ཏོག་དྲི་རྣམས་དང་། །སྣ་ཚོགས་སྣ་ཡི་ཚོགས་
[350b.3]རྣམས་དང་། །མྱོས་བྱེད་བཏུང་བའི་ཚོགས་རྣམས་དང་། །བུ་མོ་མཛེས་མའི་ཚོགས་རྣམས་དང་། །རོལ་མོ་སྒྲ་ཡི་སྣ་ཚོགས་དང་། །གདུ་བུ་དང་ནི་རྐང་གདུབ་དང་། །དབུ་རྒྱན་གོས་ཀྱི་བྱེ་བྲག་དང་། །སོར་གདུབ་དང་ནི་མཆོད་ཕྱིར་ཐོགས། །གདུགས་དང་མེ་ཏོག་
[350b.4]རྔ་ཡབ་དང་། །ཆུན་འཕྱང་དག་ནི་དབུལ་བར་བྱ། །ཞེས་གསུངས་སོ། །དེ་ནས་མཚན་བརྒྱ་རྩ་བརྒྱད་པ་དང་རྐང་པ་བརྒྱད་པས་བསྟོད་པ་སྔར་བཤད་པའི་མཆོད་པ་ཉི་ཤུ་གར་དང་བཅས་པའི་ཧེ་རུ་ཀའི་ཐུན་མཚམས་ཀྱི་དབྱངས་ཀྱིས་ཀྱང་བསྟོད་པར་བྱའོ། །སྔགས་
[350b.5]ནི་འདི་ཡིན་ཏེ། །ཨོཾ་ཤྲཱི་ཧེ་རུ་ཀ་ཡ་བིད་མ་ཧེ་བིདྱཱ་རཱ་ཛཱ་ཡ་དྷི་མ་ཧེ་ནོ་བཱི་ར་བྷ་ཛོ་དྷ་ཡ་མ་ཧཱུཾ། ཞེས་བྱ་བས་རིག་བྱེད་གདོན་པར་བྱའོ། །ཐ་མར་རྒྱུན་ཆགས་བཏོན་ལ་ཅི་འདོད་པའི་དངོས་གྲུབ་བླང་བར་བྱའོ། །དེ་ནས་ཚོགས་ཀྱི་འཁོར་ལོ་ནང་གི་སྦྱིན་སྲེག་བྱ་སྟེ། གཉིས་མེད་ཁ་
[350b.6]སྦྱོར་འཁོར་ལོ་ལ། །བྷ་ག་པདྨའི་དཀྱིལ་འཁོར་དུ། །ཕྱི་མའི་དཀྱིལ་འཁོར་ལས་འདས་པ། །དྲུག་ཅུ་རྩ་གཉིས་ལྷ་བདག་ཉིད། །རྣམ་པར་རྟོག་པ་རྣམ་སྤངས་ནས། །མཱཾ་ས་མྱོས་བྱེད་ལ་སོགས་ཚོགས། །བདུད་རྩི་ལྔ་དང་ལྡན་པ་ཡིས། །ནང་གི་དཀྱིལ་འཁོར་མཆོད་པར་
[350b.7]བྱ། །ཞེས་གསུངས་སོ། །ཡང་ན་སྔར་བསྟན་པ་བཞིན་དུ་ཕྱི་རོལ་དུ་སྦྱིན་སྲེག་བྱའོ། །གཏོར་མ་ཡང་སྔ་མ་བཞིན་དུ་བྱས་ལ་མཆོད་པར་བྱའོ། །བདག་ཉིད་སྒྲུབ་པའི་དཀྱིལ་འཁོར་རོ། །ད་ནི་གཞན་སྒྲུབ་པའི་ཕྱིར་དཀྱིལ་འཁོར་དུ་སློབ་མ་གཞུག་པ་དང་དབང་བསྐུར་
[351a]
[351a.1]བར་བྱའོ། །དེ་ཡང་རྟེན་གྱི་གང་ཟག་དང་། །ཐབས་འཇུག་པ་དང་། དབང་བསྐུར་བ་དང་། འབྲས་བུ་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་སྒྲུབ་པའོ། །རྟེན་གྱི་གང་ཟག་ནི་མཉེས་བྱེད་དང་། རྣམ་པར་དག་པ་དང་། གསལ་བྱེད་འདྲེས་
[351a.2]པའི་གང་ཟག་སྟེ། ཡོན་ཏན་དང་ལྡན་པའི་གང་ཟག་གསུམ་མོ། །འཇུག་པ་ནི་བདུན་ཏེ། གསོལ་བ་བཏབ་པའི་རྗེས་ལ། ཛཿཧཱུཾ་བཾ་ཧོཿ། ཞེས་བྱ་བས་སྒོ་བཞི་ནས་གཞུག་པ་དང་། རིགས་ལྔའི་ཕྱག་འཚལ་བ་ལ་སོགས་པ་དང་། རྒྱུན་བཤགས་བདུན་བྱ་བ་དང་། སྡོམ་པ་
[351a.3]བཟུང་ནས་བྱང་ཆུབ་ཏུ་སེམས་བསྐྱེད་པ་དང་། དེང་ཁྱོད་ཅེས་བྱ་བས་དཀྱིལ་འཁོར་གྱི་ལྷ་དང་། སློབ་དཔོན་གྱི་དམ་ཚིག་བསྒྲགས་པ་དང་། ཡེ་ཤེས་དབབ་པ་དང་། མེ་ཏོག་དོར་བ་དང་། གདོང་གཡོགས་དགྲོལ་བ་ནས་དཀྱིལ་འཁོར་བསྟན་པར་བྱའོ། །སློབ་མ་འཇུག་པའི་ཆོ་
[351a.4]གའོ། །དབང་བསྐུར་བ་ལ་རྣམ་པ་བཞི་སྟེ། ཆུ་དང་། ཅོད་པན་དང་། རྡོ་རྗེ་དང་། བདག་པོ་དང་། མིང་དང་། རིག་པའི་དབང་ནི། ཡན་ལག་རྡོ་རྗེ་བརྟུལ་ཞུགས་དང་། ཕྱག་མཚན་བཅུ་གཉིས་ཀྱི་དབང་སྤྱོད་པའི་བརྟུལ་ཞུགས་དང་། བརྟུལ་ཞུགས་མང་པོ་དང་བཅས་
[351a.5]པའི་རིག་པའི་དབང་གི་ཆོ་གའོ། །ཕྱིར་མི་ལྡོག་པའི་སྡོམ་པ་ཐོག་མར་བསྡུས་ལ་རྣམ་པར་རྒྱལ་བའི་བུམ་པའི་ཆུས་དབང་བསྐུར་ལ་ཅོད་པན་བསྐོན། རྡོ་རྗེ་དང་དྲིལ་བུ་གཏད་ལ་སེང་གེའི་ཁྲི་ལ་བཞག་ནས་བཀྲ་ཤིས་ཚིགས་བཅད་གདོན་པར་བྱའོ། །ཕྱིར་མི་ལྡོག་པའི་ཡན་ལག་
[351a.6]གི་དབང་དང་ལུང་བསྟན་པ་དང་། གཟེངས་བསྟོད་པ་དང་། དབུགས་དབྱུང་བ་དང་། རྗེས་སུ་གནང་བ་རྣམས་སྦྱིན་པར་བྱའོ། །སྤངས་པ་ནང་གི་ཡེ་ཤེས་གཉིས། །སྐུ་དང་གསུང་དང་ཐུགས་དང་ནི། །རྗེས་སུ་གནང་བ་རྣམ་པ་གཉིས། །དཀྱིལ་འཁོར་ལྷ་ཡི་དེ་ཉིད་དང་། །
[351a.7]སློབ་དཔོན་གྱི་ནི་ལས་རྣམས་སྦྱིན། །ཕྱིར་མི་ལྡོག་པའི་དབང་བསྐུར་བའོ། །དེ་ནས་གསང་བའི་དབང་བསྐུར་བ་ནི། གསང་བའི་སྡོམ་པ་འཛིན་པ་ནི། གང་ཟག་ལ་ཆོས་ཀྱི་ཕྱག་རྒྱ་དང་། བསྒོམ་པའི་དབང་བསྐུར་བ་དང་། ལས་ཀྱི་ཕྱག་རྒྱ་བསྟེན་པ་ལས་བྱུང་བའི་
[351b]
[351b.1]བདུད་རྩི་ལྔའི་དབང་བསྐུར་བར་བྱའོ། །གསང་བའི་དབང་བསྐུར་བའོ། །བཞི་པ་ཤེས་རབ་ཡེ་ཤེས་ནི་རྩ་བའི་རྒྱུད་ལས་འབྱུང་བའི་སྡོམ་པ་འཛིན་པར་ནུས་པ་རྣམས་ལ་བཞི་པའི་དབང་བསྐུར་བའོ། །སྣོད་དུ་གྱུར་པ་མཐོང་ནས་ཀྱང་། །ཡོན་དང་དད་པ་སྔོན་འགྲོ་བས། །ཐབས་དང་
[351b.2]ཤེས་རབ་བྱིན་ནས་ནི། །ཕྱག་རྒྱ་གདོད་ནས་བཞི་པ་བླང་། །འཁོར་ལོ་བཞི་ཡི་ཐ་མ་ནས། །དགའ་བ་བཞི་ལ་ཉམས་མྱོང་ནས། །ཨ་ཝ་དྷཱུ་ཏཱིའི་དབུས་སུ་ནི། །བསམ་གྱིས་མི་ཁྱབ་ཆགས་པ་འཇོམས། །ཡང་ན་གཏུམ་མོའམ་དབུས་མ་སྦྱར། །གྲོལ་ལམ་ཚིག་གི་དབང་བསྐུར་
[351b.3]བའོ། །དབང་བསྐུར་བ་བཞི་པ་དབང་བསྐུར་བའི་ཆོ་ག་རྒྱས་པར་ས་བརྒྱད་པའི་བྱང་ཆུབ་སེམས་དཔའ་ལ་བ་བས་མཛད་པའི་གསང་བ་འདུས་པའི་ཆོ་ག་ལས་ཤེས་པར་བྱའོ། །དེ་ལྟར་དབང་བསྐུར་བ་རྫོགས་ནས་མཆོད་ཡོན་ཕུལ། ཡི་གེ་བརྒྱ་པ་བཟླས་ནས་བཟོད་པར་གསོལ་
[351b.4]བ་ནི། ཆོ་ག་ལྷག་དང་མ་ཚང་དང་། །ཉེས་པའི་དངོས་པོ་ཅི་མཆིས་པ། །བདག་ནི་གནོང་འགྱོད་བསམ་པ་ཡིས། །འཁོར་ལོའི་ཚོགས་ལ་མཐོལ་བཤགས་ནས། །ནོངས་འགྱུར་ཉེས་པའི་སྒྲིབ་པ་རྣམས། །དག་ཅིང་ཐུགས་རྗེས་གཟུང་བར་མཛོད། །ཅེས་བྱ་བ་དང་། སྔར་
[351b.5]བསྟན་པ་བཞིན་སྨོན་ལམ་གདབ་པ་ཡང་བྱས་ནས། ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་གསོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །མུཿཞེས་པས་ཡེ་ཤེས་ཀྱི་འཁོར་ལོ་
[351b.6]གཤེགས་པ་དང་། དམ་ཚིག་གི་འཁོར་ལོ་ལུས་ལ་བཅུག་ལ་གོ་ཆ་བསྐོན་ལ་ཚམ་ངམ་གྱི་སྔགས་ཀྱིས་བསྲུངས་ལ་རྐང་པ་བརྒྱད་པས་བསྟོད་པར་བྱའོ། །ཞུགས་པའི་སློབ་མ་རྣམས་ཁ་ཟས་ཀྱིས་ཚིམ་པར་བྱས་ལ། ཧཱུཾ་མཛད་ཀྱི་སྔགས་ཀྱིས་བསྲུང་བར་བྱའོ། །དེ་ནས་མདའ་དང་ཕུར་
[351b.7]བུ་བཏོན་ལ་འོ་མས་བཀྲུ་བ་དང་། རྡུལ་ཚོན་གྱི་དཀྱིལ་འཁོར་བསྡུས་ལ་བུམ་པར་བཅུག་ལ་ཆུ་བོར་དོར་བ་དང་། དཀྱིལ་འཁོར་བ་བྱུང་ལྔས་བྱུག་པར་བྱའོ། །དཔལ་བདེ་མཆོག་འཁོར་ལོའི་ཆོ་ག་ཡིད་འོང་ཕྲེང་བ་ཞེས་བྱ་བ་སློབ་དཔོན་དཔའ་བོ་རྡོ་རྗེས་མཛད་པ་རྫོགས་སོ།། །།
[352a]
[352a.1]༄༅༅། །རྒྱ་གར་སྐད་དུ། ཧྲི་པ་ཏ་གརྦྷ་ནཱ་མ། བོད་སྐད་དུ། མཉེས་པའི་སྙིང་པོ་ཞེས་བྱ་བ། དཔལ་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། །ཨོཾ་དེ་ལ་དང་པོར་རེ་ཞིག་སློབ་མ་ཁྲུས་བྱས་ལ་གོས་གཙང་མ་བགོས་ཏེ། ལག་ན་མེ་ཏོག་ཐོགས་པའི་སློབ་མ་ལ། །ཡིད་
[352a.2]གཞུངས་སྤྲོ་བ་ཆེ་བ་དང་། །བྱས་པ་གཟོ་ཞིང་ང་རྒྱལ་མེད། །རིགས་མཐོ་ཡོན་ཏན་དང་ལྡན་ཞིང་། །གཟུགས་དང་ཁ་དོག་ལང་ཚོར་ལྡན། །བདེ་བར་གཤེགས་པའི་གསང་བ་ནི། །སྒྲུབ་པ་དོན་གཉེར་མངོན་བརྩོན་ན། །སློབ་མ་བཟང་པོའི་མཚན་ཉིད་དོ། །བདེ་གཤེགས་སྔགས་ཀྱི་སྒྲུབ་
[352a.3]པ་ལ། །དོན་དུ་གཉེར་ཞིང་མངོན་བརྩོན་ན། །གཟུགས་མེད་ཡོན་ཏན་མེད་པའམ། །དམན་པའང་ལྷག་པར་གནས་པར་བྱ། །སློབ་མ་ངན་པའི་མཚན་ཉིད་དོ། །ད་ནི་ཆོས་ཉན་དུ་གཞུག་པར་བྱ་སྟེ། དཀྱིལ་འཁོར་གྱི་ནི་ཆོ་ག་ལ། །འཁོར་རྣམས་བཞི་ཡང་རྗེས་སུ་གནང་། །རང་གི་བསླབ་
[352a.4]དང་ཤིན་དུ་ལྡན། །ཐེག་ཆེན་ལ་དགའི་མཚན་ཉིད་ལྡན། །ལ་ལ་གསང་སྔགས་གྲུབ་དོན་གཉེར། །འདི་ནི་དཀྱིལ་འཁོར་འཇུག་པར་འཚལ། །བསོད་ནམས་འདོད་པ་དེ་ལས་གཞན། །གཞན་དག་འཇིག་རྟེན་གཞན་དོན་གཉེར། །འཇིག་རྟེན་ཕ་རོལ་དོན་གཉེར་བའི། །དད་པ་མང་དུ་
[352a.5]བྱེད་པ་ཡིས། །བློ་ལྡན་དཀྱིལ་འཁོར་འཇུག་པ་ཡི། །ཚེ་འདིའི་འབྲས་བུ་འདོད་མི་བྱ། །ཚེ་འདིའི་འདོད་པར་གྱུར་པ་ལ། །འཇིག་རྟེན་ཕ་རོལ་དོན་མི་འབྱུང་། །འཇིག་རྟེན་ཕ་རོལ་དོན་གཉེར་སྐྱེས། །འཇིག་རྟེན་འདི་ཡི་འབྲས་བུ་རྒྱས། །ཞེས་འབྱུང་ངོ་། །དེ་ནས་སློབ་མ་ཡི་གེ་ཧཱུཾ་གིས་
[352a.6]རང་གི་སྙིང་གར་བཅུག་ལ། གསང་བའི་རྡོ་རྗེའི་ལམ་ནས་ཕྱུང་ནས་གཞལ་ཡས་ཁང་གི་སྒོར་བཞག་ལ་འདི་སྐད་ཅེས་གསོལ་བ་འདེབས་སུ་གཞུག་གོ། །དགའ་ཆེན་ཁྱོད་བདག་སྟོན་པ་བས། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པས། །མགོན་པོ་
[352a.7]ཆེན་པོ་བདག་ཕྱག་འཚལ། །དམ་ཚིག་དེ་ཉིད་སྩལ་དུ་གསོལ། །བྱང་ཆུབ་སེམས་ནི་བདག་ལ་གསོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ནི་བདག་ལ་གསོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་འཇུག་པར་འཚལ། །ཞེས་ལན་
[352b]
[352b.1]གསུམ་བརྗོད་དུ་གཞུག་གོ། །དེ་ལ་སློབ་མའི་སྙིང་གར་མ་ལས་ཟླ་བའི་དཀྱིལ་འཁོར་དེའི་སྟེང་དུ་ཡི་གེ་ཧཱུཾ་ཡིད་ཀྱིས་བྲིས་ལ་ཡི་གེ་བརྒྱ་པས་བརྟན་པར་བྱ་སྟེ་འདི་སྐད་བསྒོའོ། །ཁྱོད་ནི་ཚུལ་ཆེན་སྣོད་ཡིན་ཏེ། །བུ་ཚུར་ཐེག་པ་ཆེན་པོ་ཡི། །གསང་སྔགས་སྤྱོད་ཡུལ་ཆོ་ག་ནི། །ཁྱོད་ལ་ཡང་
[352b.2]དག་བསྟན་པར་བྱ། །རྫོགས་པའི་སངས་རྒྱས་གང་འདས་དང་། །དེ་བཞིན་གང་དག་མ་བྱོན་དང་། །ད་ལྟར་བྱུང་བའི་མགོན་པོ་རྣམས། །འགྲོ་ལ་ཕན་ཕྱིར་བཞུགས་པ་རྣམས། །དེ་དག་ཀུན་གྱིས་གསང་སྔགས་ཀྱི། །ཆོ་ག་བཟང་པོ་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ།
[352b.3]ཐམས་ཅད་མཁྱེན་པ་མཚན་མེད་བརྙེས། །གསང་སྔགས་སྦྱོར་བ་མཉམ་མེད་དེས། །སྐྱོབ་པ་དཔལ་ལྡན་ཧེ་རུ་ཀ །བདུད་སྡེ་ཤིན་ཏུ་མི་བཟད་པ། །དཔུང་ཆེན་དག་ཀྱང་འདི་ཡིས་བཅོམ། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །དེ་ནས་རྒྱུན་བཤགས་
[352b.4]བྱ་སྟེ། དཀོན་མཆོག་གསུམ་ལ་ཕྱག་འཚལ་ལོ། །དཀོན་མཆོག་གསུམ་ལ་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །བསོད་ནམས་ཀུན་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །བྱང་ཆུབ་མཐར་ཐུག་སྐྱབས་སུ་མཆི། །བྱང་ཆུབ་མཆོག་གི་
[352b.5]སེམས་ནི་བདག་གིས་བསྐྱེད། །སེམས་ཅན་ཐམས་ཅད་བདག་གིས་མགྲོན་དུ་གཉེར། །འདོད་ལ་སྤྱོད་པའང་བྱང་ཆུབ་སྤྱོད་མཆོག་འགྱུར། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གསུམ་བརྗོད་ལ་དེ་ནས་ཕྱག་འཚལ་བར་བྱ་སྟེ། ཤར་ཕྱོགས་ཀྱི་སྒོར་འདུག་
[352b.6]ལ་ཐལ་མོ་སྦྱར་ཏེ། ཨོཾ་ན་མ་སྟེ་ཧཱུཾ། ཨོཾ་ན་མ་མི་ཧཱུཾ། ཨོཾ་ན་མོ་ན་མ་ཧཱུཾ། ཞེས་སྐུ་གསུང་ཐུགས་ཀྱི་ཕྱག་བྱ་སྟེ། ཡང་ཕྱག་བཞི་བྱའོ། །ཐལ་མོ་སྤྱི་བོར་སྦྱར་བར་བྱས་ལ་སྙིང་ག་ས་ལ་གཏུགས་ནས་འདི་སྐད་དུ་གཞུག་པར་བྱའོ། །ཨོཾ་སརྦ་བཱི་ར་ཡོ་གི་ནཱི་ཨཱརྱ་པཱུ་ཛོ་པ་སྠ་ནཱ་ཡ་ཨཱཏྨ་ནཱཾ་ནི་རྱཱཏ་ཡཱ་
[352b.7]མི། སརྦ་ཏ་ཐཱ་ག་ཏ་བཱི་ར་ཡོ་གི་ནི་ཨཱཏྨ་ནཾ་ཌཱ་ཀི་ནཱི་ཨ་དྷི་ཏིཥྛ་སྭཱ་མཱཾ་ཞེས་པ་དང་། ཐལ་མོ་སྙིང་གར་སྦྱར་དཔྲལ་བས་ལ་གཏུགས་ནས་ཨོཾ་སརྦ་བཱི་ར་ཡོ་གི་ནི་པཱུ་ཛ་ཨ་བྷི་ཥེ་ཀ་ཏ་ཨཱཏྨ་ནཱཾ་ནི་རྱཱཏ་ཡཱ་མི་སརྦ་ཏ་ཐཱ་ག་ཏ་བཱི་ར་ཡོ་གི་ནཱི་ཨཱཏྨ་ལ་མེ་ཨ་བྷིཥིཉྩ་མཱཾ་ཞེས་པ་དང་། ཐལ་མོ་དཔྲལ་བར་སྦྱར་
[353a]
[353a.1]ལྐོག་མ་ས་ལ་རེག་པར་བྱ་སྟེ། ཨོཾ་སརྦ་བཱི་ར་ཡོ་གི་ནཱི་པཱུ་ཛ་པྲ་བརྟ་ན་ཡ་ཨཱཏྨ་ནཱཾ་ནི་རྱཱ་ཏ་ཡཱ་མི། སརྦ་ཏ་ཐཱ་ག་ཏ་བཱི་ར་ཡོ་གི་ཨཱཏྨ་ནཾ་བཎྜ་རོ་ཧེ་དྷརྨཱ་པྲ་བརྟ་ཡམཱཾ་ཞེས་པ་དང་། ཐལ་མོ་སྙིང་གར་སྦྱར་སྤྱི་གཙུག་ས་ལ་གཏུགས་ཏེ། ཨོཾ་སརྦ་བཱི་ར་ཡོ་གི་ནཱི་པཱུ་ཛ་ཀརྨ་ཀ་རཱ་ཡ་
[353a.2]ཨཱཏྨ་ནཱཾ་ནི་རྱཱཏ་ཡཱ་མི། སརྦ་ཏ་ཐཱ་ག་ཏ་བཱི་ར་ཡོ་གི་ནཱི་ཨཱཏྨ་རཱུ་པི་ཎི་ཀརྨ་ཀུ་རུ་མཱཾ་ཞེས་པ་དང་ཕྱག་བཞི་བྱའོ། །དེ་ནས་ལག་ན་མེ་ཏོག་ཐོགས་པ་སློབ་མས་མཆོད་པ་ལ་སོགས་པ་བྱས་ཏེ། བཅོམ་ལྡན་འདས་དཔལ་ཧེ་རུ་ཀ་ཡབ་ཡུམ་རྡོ་རྗེ་ཕག་མོ་རིགས་ལྔ་བདེ་བར་གཤེགས་པ་རིགས་
[353a.3]ཀྱི་ཡུམ་དང་། སེམས་དཔའ་དང་སེམས་མ་དཔའ་བོ་དང་དཔའ་མོ་ཡེ་ཤེས་དང་ལས་ལས་གྲུབ་པ་ཐམས་ཅད་ལ་བདག་མིང་འདི་ཞེས་བྱ་བས་ལུས་དང་ངག་དང་ཡིད་དད་པའི་སྒོ་ནས་མཆོད་པར་བགྱིའོ། །བཅོམ་ལྡན་འདས་དཔལ་ཧེ་རུ་ཀ་ཡུམ་རྡོ་རྗེ་ཕག་མོ་རིགས་ལྔ་བདེ་བར་
[353a.4]གཤེགས་པ་རིགས་ཀྱི་ཡུམ་དང་སེམས་དཔའ་དང་སེམས་མ་དཔའ་བོ་དང་དཔའ་མོ་ཡེ་ཤེས་དང་ལས་ལས་གྲུབ་པ་ཐམས་ཅད་ཀྱི་སྤྱན་སྔར་སྡིག་པ་ཐམས་ཅད་ནི་བླ་ན་མེད་པའི་སོ་སོར་བཤགས་པས་སོ་སོར་བཤགས་པར་བགྱིའོ། །བཅོམ་ལྡན་འདས་དཔལ་ཧེ་རུ་ཀ་ཡུམ་རྡོ་རྗེ་
[353a.5]ཕག་མོ་རིགས་ལྔ་བདེ་བར་གཤེགས་པའི་རིགས་ཀྱི་ཡུམ་དང་སེམས་དཔའི་དང་སེམས་མ་དཔའ་བོ་དང་དཔའ་མོ་ཡེ་ཤེས་དང་ལས་ལས་གྲུབ་པ་ཐམས་ཅད་ཀྱི་སྤྱན་སྔར་བསོད་ནམས་ཐམས་ཅད་ལ་རྒྱ་ཆེར་རྗེས་སུ་ཡི་རང་བར་བགྱིའོ། །བཅོམ་ལྡན་འདས་དཔལ་ཧེ་རུ་ཀ་ཡུམ་
[353a.6]རྡོ་རྗེ་ཕག་མོ་རིགས་ལྔ་བདེ་བར་གཤེགས་པའི་རིགས་ཀྱི་ཡུམ་དང་སེམས་དཔའ་དང་སེམས་མ་དཔའ་བོ་དང་དཔའ་མོ་ཡེ་ཤེས་དང་ལས་ལས་གྲུབ་པ་ཐམས་ཅད་ལ་ཆོས་ཀྱི་འཁོར་ལོ་བསྐོར་བའི་ཕྱིར་བསྐུལ་བར་བགྱིའོ། །བཅོམ་ལྡན་འདས་དཔལ་ཧེ་རུ་ཀ་ཡུམ་རྡོ་རྗེ་ཕག་མོ་
[353a.7]རིགས་ལྔ་བདེ་བར་གཤེགས་པ་རིགས་ཀྱི་ཡུམ་དང་སེམས་དཔའ་དང་སེམས་མ་དཔའ་བོ་དང་དཔའ་མོ་ཡེ་ཤེས་དང་ལས་ལས་གྲུབ་པ་ཐམས་ཅད་ཡོངས་སུ་མྱ་ངན་ལས་འདའ་བར་བཞེད་པ་གང་ཡིན་པ་དེ་དག་ཐམས་ཅད་ལ་མྱ་ངན་ལས་མི་འདའ་བར་གསོལ་བར་འཚལ་ལོ། །
[353b]
[353b.1]བཅོམ་ལྡན་འདས་དཔལ་ཧེ་རུ་ཀ་ཡུམ་རྡོ་རྗེ་ཕག་མོ་རིགས་ལྔ་བདེ་བར་གཤེགས་པ་རིགས་ཀྱི་ཡུམ་དང་སེམས་དཔའ་དང་སེམས་མ་དང་དཔའ་བོ་དང་དཔའ་མོ་ཡེ་ཤེས་དང་ལས་ལས་གྲུབ་པ་ཐམས་ཅད་ལ་དུས་ཐམས་ཅད་དང་རྣམ་པ་ཐམས་ཅད་དུ་བདག་འབུལ་གྱིས་སོ་སོར་
[353b.2]བཞེས་ཤིག། །བཅོམ་ལྡན་འདས་དཔལ་ཧེ་རུ་ཀ་ཡུམ་རྡོ་རྗེ་ཕག་མོ་རིགས་ལྔ་བདེ་བར་གཤེགས་པ་རིགས་ཀྱི་ཡུམ་སེམས་དཔའ་དང་སེམས་མ་དང་དཔའ་བོ་དང་དཔའ་མོ་ཡེ་ཤེས་དང་ལས་ལས་གྲུབ་པ་ཐམས་ཅད་ལ་བདག་མིང་འདི་ཞེས་བགྱི་བས་སྔོན་འཁོར་བ་ཐོག་མ་མེད་
[353b.3]པ་ནས་ཐ་མ་ད་ལྟར་གྱི་བར་དུ་ཉན་ཐོས་ཀྱི་སྡོམ་པ་དང་། བྱང་ཆུབ་སེམས་དཔའི་སྡོམ་པ་དང་། གསང་སྔགས་ཀྱི་དམ་ཚིག་བསྲུངས་པ་ཇི་སྙེད་པ་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དཔལ་ཧེ་རུ་ཀའི་གོ་འཕང་དུ་བསྔོ་བར་བགྱིའོ། །བདག་གི་དགེ་བའི་
[353b.4]ལས་རྣམས་འདི་དག་གིས། །འཇིག་རྟེན་དུ་ནི་མྱུར་དུ་སངས་རྒྱས་ཤོག །འགྲོ་ལ་ཕན་ཕྱིར་ཆོས་རྣམས་སྟོན་བགྱིད་ཅིང་། །སེམས་ཅན་སྡུག་བསྔལ་མང་པོས་གཟིར་ལས་སྒྲོལ། །དེ་ནས་སློབ་མ་བྱིན་གྱིས་བརླབ་པ་ནི་ཧཱུཾ་མཛད་ཀྱི་སྔགས་ཀྱིས་བསྲུངས་ལ། སྤྱི་བོ་དང་
[353b.5]ལྐོག་མ་དང་ལྟེ་བ་དང་རྐང་པར་ཨ་ལས་ཟླ་བའི་དཀྱིལ་འཁོར་ལྔ་བསྐྱེད་ལ་དེའི་སྟེང་དུ་ཨོཾ་དཀར་པོ་དང་། ཨཱཿདམར་པོ་དང་། སྭཱ་སེར་པོ་དང་། ཧཱ་ལྗང་གུ་དེ་རྣམས་ཡོངས་སུ་གྱུར་པ་ལས་འཁོར་ལོ་དང་པདྨ་དང་། རྡོ་རྗེ་དང་རིན་པོ་ཆེ་དང་རལ་གྲི་ལ་རང་རང་གི་ཡི་གེས་མཚན་
[353b.6]པར་བསམས་ལ། ཨོཾ་ཨཱཿཧཱུཾ། ཞེས་པས་བྱིན་གྱིས་བརླབ་པར་བྱའོ། །དེ་ནས་སློབ་མའི་སྤྱི་བོར་མེ་ཏོག །མདུན་དུ་སྤོས་དང་མར་མེ་སྙིང་གར་དྲི་སྦྱིན་པར་བྱའོ། །དེའི་རྗེས་ཨ་ཤྭདྠ་ལ་སོགས་པའི་སོ་ཤིང་སོར་བཅུ་གཉིས་པ་ཡོན་པོ་མ་ཡིན་པ་མ་གས་པ་སྲོག་ཆགས་མེད་པ་རྩེ་མོར་
[353b.7]མེ་ཏོག་གི་ཕྲེང་བ་བཅིངས་ལ་བདུད་རྩི་ཐབ་སྦྱོར་གྱི་སྔགས་བཟླས་ལ་སློབ་མ་ལ་སྦྱིན་པར་བྱའོ། །སློབ་མས་ཀྱང་བྱང་ངམ་ཤར་དུ་བལྟས་ཏེ་བཅས་ལ་བ་ལང་གི་ཀོ་བ་ཙམ་གྱི་སའི་ཆ་ལྕི་བས་བྱུགས་པར་དོར་བར་བྱའོ། །སོ་ཤིང་གི་རྩེ་མོ་ཤར་ལ་སོགས་པར་བལྟས་ན་ཞིང་ལ་སོགས་
[354a]
[354a.1]པའི་དངོས་གྲུབ་འབྱུང་བར་སྟོན་ཏོ། །དེ་ནས་ཁྱོར་བ་གསུམ་གྱི་འཐོར་འཐུང་བྱིན་ལ། ཨོཾ་ཧྲཱིཿབི་ཤུདྡྷ་སྶརྦ་དྷ་རྨཿསརྦ་པཱ་པཾ་ནི་སཾ་ཤོདྷ་ཡ་སརྦ་བི་ཀལྤ་ཨ་པ་ན་ཡ་ཧཱུཾ་ཞེས་བཟླས་པའི་ཆུས་ཁ་བཀྲུའོ། །དེ་ཡང་འདུག་པ་ལས་ཡི་གེ་བདུན་པ་བཟླས་པའི་ཀུ་ཤའི་སྔགས་
[354a.2]དང་། ཁྲོ་བོ་ཧཱུཾ་མཛད་བཟླས་པའི་ཀུ་ཤ་སྟན་གྱི་ཕྱིར་བྱིན་ལ། ཡི་གེ་གསུམ་དང་ཧཱུཾ་མཛད་བཟླས་པའི་སྲུང་སྐུད་དཔུང་པ་གཡོན་པར་བཅིངས་ལ། དཔྲལ་བར་ཡི་གེ་བདུན་པ་བཟླས་པའི་དྲིའི་ཐིག་ལེས་བསྲུངས་ལ། ཧཾ་ཁཾ་ལས་གོ་ཆ་བསྐྱེད་ལ་ཨོཾ་ཧཱུཾ་མི་ཏྲི་བཛྲ་ཀ་བ་ཙ་རཀྵ་ཧཾ་ཞེས་བྱ་བས་
[354a.3]གོ་ཆ་བསྐོན་ནས། ཨོཾ་བཛྲ་ཨུཥྞཱི་ཥ་ཧཱུཾ་ཞེས་བྱ་བའི་སྔགས་དང་རྡོ་རྗེ་བསྡམས་པ་ལས་གུང་མོ་མྱུ་གུ་ལྟར་བསྒྲེང་བའོ། །ཕྱག་རྒྱ་སྤྱི་བོར་བཞག་ལ་སྤྱི་བོའི་གཙུག་ཏོར་བསྐྱེད་པར་བྱའོ། །དེ་ནས་སྙིང་གར་ཡི་གེ་ཧཱུཾ་བསྒོམས་ལ་རྡོ་རྗེ་ཁུ་ཚུར་གྱིས་གཏུགས་ཏེ་ཡི་གེ་བརྒྱ་པས་བརྟན་པར་བྱའོ། །དེ་
[354a.4]ནས་ཆོས་བཤད་པར་བྱ་སྟེ། སྒྱུ་འཕྲུལ་དྲ་བའི་རྒྱུད་ལས་ནི། །གཡས་སུ་སྲུང་སྐུད་བཅིང་བ་དང་། །ཀུ་ཤའི་ལོ་མས་བརྟན་བྱས་ནས། །འཇིག་རྟེན་ན་ནི་ཀུན་མཁྱེན་རྣམས། །ཨུ་དུམ་བཱ་རའི་མེ་ཏོག་བཞིན། །བརྒྱ་ལམ་ན་ནི་རེས་འགའ་ཞིག །འབྱུང་འགྱུར་ཡང་ནི་མི་འབྱུང་ངོ་། །གསང་
[354a.5]སྔགས་སྤྱོད་པའི་ཚུལ་འབྱུང་བ། །དེ་བས་ཀྱང་ནི་དཀོན་པ་སྟེ། །གང་ཞིག་མཉམ་མེད་སེམས་ཅན་དོན། །མྱ་ངན་མི་འདའ་བྱེད་པར་ནུས། །བསྐལ་པ་བྱེ་བ་དུ་མ་རུ། །སྡིག་པ་བགྱིས་པར་གྱུར་པ་དག །དེ་ཀུན་དཀྱིལ་འཁོར་འདི་འདྲ་བ། །མཐོང་བས་བྱང་བར་འགྱུར་འདྲ་ན། །གྲགས་
[354a.6]པ་མཐའ་ཡས་སྔགས་སྤྱོད་པའི། །ཚུལ་ལ་གནས་པ་སྨོས་ཅི་དགོས། །སྐྱོབ་པ་གསང་སྔགས་བཟླས་ནས་ནི། །གོ་འཕང་བླ་ན་མེད་པར་འགྱུར། །གང་དག་སྤྱོད་པ་མཆོག་འདི་ལ། །བློ་གྲོས་ཤིན་ཏུ་མི་གཡོ་བ། །དེ་དག་གིས་ནི་ངན་འགྲོའི་རྒྱུན། །སྡུག་བསྔལ་ཀུན་འབྱུང་རབ་ཏུ་སྤྱོད། །
[354a.7]བདག་ཉིད་ཆེན་པོ་ཁྱེད་རྣམས་ཀྱིས། །རྙེད་པ་མཉམ་མེད་དེ་རིང་སྙེད། །གང་ཕྱིར་རྒྱལ་བ་སྲས་བཅས་པ། །བདག་ཉིད་ཆེན་པོ་ཁྱེད་རྣམས་ནི། །བསྟན་པ་འདི་ལ་ཁྱེད་རྣམས་ཀུན། །ཡོངས་སུ་གཟུང་སྟེ་སྐྱེ་བཞིན་པ། །དེ་ཕྱིར་ཁྱེད་རྣམས་ཐེག་ཆེན་ལ། །སང་ནི་རབ་ཏུ་སྐྱེ་བར་འགྱུར། །
[354b]
[354b.1]ཐེག་པ་ཆེན་པོ་འབྱུང་བ་ཡི། །ལམ་མཆོག་འདི་ནི་དཔལ་དང་ལྡན། །ཁྱེད་རྣམས་དེར་ནི་དོང་བ་ལགས། །རང་འབྱུང་སྐལ་བ་ཆེན་པོ་པ། །འཇིག་རྟེན་ཐམས་ཅད་མཁྱེན་པ་ཡི། །དེ་བཞིན་གཤེགས་པ་རྣམས་སུ་འགྱུར། །ཞེས་སྤྲོ་བ་བསྐྱེད་ལ། བཞིན་བཟངས་རྣམས་ལངས་ལ་དཀྱིལ་
[354b.2]འཁོར་ལ་ཕྱག་གྱིས་ཤིག་ནང་པར་དཀྱིལ་འཁོར་ཆེན་པོ་མཐོང་བར་འགྱུར་རོ། །དེ་ནས་རྨི་ལམ་དགེ་མི་དགེ་ང་ལ་སྨྲོས་ཤིག་ཅེས་བསྒོའོ། །རྨི་ལམ་ངན་ན་ཧཱུཾ་མཛད་བརྒྱ་རྩ་བརྒྱད་བཟླས་པར་བྱའོ། །སློབ་མ་ལྷག་པར་གནས་པའོ།། །།དེ་ནས་སློབ་མ་གཞུག་པར་བྱ་སྟེ། དང་པོར་ཧཱུཾ་མཛད་བཟླས་
[354b.3]པའི་སྟོད་གཡོགས་དང་སྨད་གཡོགས་བསྐོན་ལ་ཡི་གེ་བདུན་པ་བཟླས་པའི་དར་སེང་ཁས་གདོང་གཡོགས་བཅིངས་ལ་ཡོལ་བའི་རྒྱབ་ཏུ་བཞག་ལ་ཧཱུཾ་མཛད་ཀྱི་བུམ་པའི་ཆུས་བསངས་ནས་སྡུག་པ་ཁྱོད་སུ་ཡིན་ཞེས་དྲི་བར་བྱའོ། །སློབ་མས་ཀྱང་བདག་སྐལ་བ་བཟང་པོ་ཅན་ནོ་ཞེས་བརྗོད་པར་བྱའོ། །
[354b.4]དེ་ནས་ཛཿཧཱུཾ་བཾ་ཧོཿས་ནང་དུ་གཞུག་པར་བྱའོ། །གཞུག་པའི་ཆོ་ག་བདུན་ཏེ། དེ་ལ་དང་པོར་རེ་ཞིག་གསོལ་བ་གདབ་ཅིང་རྒྱུན་བཤགས་བྱ་བ་ནི། སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ལ་ནི་སྐྱབས་སུ་མཆི། །དཔའ་བོ་རྣལ་འབྱོར་མའི་འཁོར་ལོ། །རྣལ་འབྱོར་གནས་ལ་ཕྱག་
[354b.5]འཚལ་ལོ། །དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་ཁྱེར་མཆོག །སྙིང་པོའི་དཀྱིལ་འཁོར་འདི་རུ་ནི། །མགོན་པོ་བདག་ནི་གཞུག་པར་མཛོད། །ཅེས་སྨྲར་གཞུག་གོ། །དེ་ནས་མིག་ལམ་ན་ཅི་སྣང་ཞེས་དྲི་བར་བྱའོ། །ཁ་དོག་ལ་སོགས་པའི་བྱེ་བྲག་གིས་
[354b.6]ཞི་བ་ལ་སོགས་པའི་ལས་འགྲུབ་པར་བསྟན་པར་བྱའོ། །དེ་ནས་སྔར་བསྟན་པ་བཞིན་དུ་ཕྱག་བཙལ་བ་དང་མཆོད་པ་དང་སྡིག་པ་བཤགས་པ་དང་རྗེས་སུ་ཡི་རང་བ་དང་བསྐུལ་བ་དང་གསོལ་བ་གདབ་པ་དང་ལུས་དབུལ་བ་དང་བསྔོ་བ་དང་སྡོམ་པ་གཟུང་བར་བྱ་བ་ནི། ཇི་ལྟར་དུས་གསུམ་
[354b.7]མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་
[355a]
[355a.1]གིས་བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་གཟུང་བར་བགྱི། །ནམ་དུ་ཡང་ནི་མི་སྤོང་ངོ་། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་
[355a.2]གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ལ། །དམ་ཚིག་ཡིད་དུ་འོང་བ་ལ། །ཉིན་རེ་ཞིང་ནི་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་མཆོག་དག་པ་ལ། །ཕྱི་ནང་གསང་བའི་
[355a.3]ཐེག་པ་གསུམ། །དམ་པའི་ཆོས་ཀྱང་གཟུང་བར་བགྱི། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་བགྱིས་ནས། །སེམས་
[355a.4]ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་གཟུང་། །མ་གྲོལ་བ་ནི་དགྲོལ་བར་བགྱི། །མ་བསྒྲལ་བ་ནི་བསྒྲལ་བར་བགྱི། །དབུགས་མ་ཕྱིན་པ་དབུགས་ཕྱུང་ཞིང་། །སེམས་ཅན་མྱ་ངན་འདས་ལ་དགོད། །ཅེས་བརྗོད་དོ། །ཡང་འདི་སྐད་ཅེས་བརྗོད་པར་བྱའོ། །
[355a.5]གོང་ནས་གོང་གི་སྡོམ་པ་འདི། །བུ་ཁྱོད་ཀྱི་ནི་བསྲུང་བྱ་སྟེ། །གྲོལ་བའི་རྒྱུ་ནི་དེ་ལས་གཞན། །ཐབས་ནི་ཅི་ཡང་ཡོད་མ་ཡིན། །གཉིས་མེད་གཉིས་མེད་རྣལ་འབྱོར་བདག །བྱང་ཆུབ་ཡན་ལག་མེ་ཏོག་སྤྲུལ། །བདུད་རྩི་ལྔ་ཡི་དམ་ཚིག་ནི། །སྡིག་པ་འབྱིན་བྱེད་བུས་སྲུངས་ཤིག། ཅེས་
[355a.6]བརྗོད་དོ། །གཉིས་པ་བྱང་ཆུབ་ཏུ་སེམས་བསྐྱེད་པ་ནི་གནས་གསུམ་དུ་ནི་ཡི་གེ་བདུན་པ་དྲིའི་ཐིག་ལེ་བྱས་ལ་བྱང་ཆུབ་ཏུ་སེམས་བསྐྱེད་པར་བྱ་སྟེ། སྙིང་གར་ཟླ་བའི་དཀྱིལ་འཁོར་ལ་ཡི་གེ་ཧཱུཾ་ལས་རྡོ་རྗེ་རྩེ་ལྔ་པ་དཀར་པོ་བསྐྱེད་ལ་སྤོས་ཆུས་བརླན་པའི་ལག་པས་རྡོ་རྗེ་བཟུང་ལ་སློབ་མའི་སྙིང་
[355a.7]གར་བཞག་ནས། ཨོཾ་སརྦ་ཡོ་ག་ཙིཏྟ་ཨུཏྤཱ་ད་ཡཱ་མི་སུ་ར་ཏ་ས་མ་ཡ་སྟྭཾ། ཧོ་བཛྲ་སིདྡྷི་ཡ་ཐཱ་སུ་ཁཾ་ཞེས་བརྗོད་ལ་ཡི་གེ་བརྒྱ་བས་བརྟན་པར་བྱའོ། །དེ་ནས་གསུམ་པ་ལྷ་དང་སློབ་དཔོན་གྱི་དམ་ཚིག་བསྒྲག་པར་བྱ་སྟེ། དེང་ཁྱོད་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་ཀྱིས་དེ་
[355b]
[355b.1]བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་འདི། ཁྱོད་ཀྱིས་དཀྱིལ་འཁོར་མ་མཐོང་བ་རྣམས་ལ་སྨྲ་བར་མ་བྱེད་ཅིག །དད་པ་དང་མི་ལྡན་པ་རྣམས་ལ་ཡང་མ་ཡིན་ནོ་ཞེས་བརྗོད་དོ། །དེ་ནས་ཡང་ཛཿཧཱུཾ་བཾ་ཧོཿས་དཀྱིལ་འཁོར་དུ་གཞུག་པར་བསམས་ལ། ཨཱཿཁཾ་བཱི་ར་
[355b.2]ཧཱུཾ་ཞེས་པའི་སྔགས་དང་དཔའ་བོ་ནམ་མཁའ་དང་མཉམ་པའི་དཀྱིལ་འཁོར་དུ་བཞུགས་སོ་ཞེས་བརྗོད་པར་བྱའོ། །དེང་ཁྱོད་དཔའ་བོ་དང་རྣལ་འབྱོར་མ་ཐམས་ཅད་ཀྱི་རིགས་སུ་ཞུགས་ཀྱིས་ངས་ཁྱོད་ལ་ཡེ་ཤེས་གང་གིས་དཔལ་ཧེ་རུ་ཀ་དང་དེ་བཞིན་གཤེགས་པ་ཐམས་ཅད་དང་དཔའ་བོ་དང་
[355b.3]རྣལ་འབྱོར་མ་ཐམས་ཅད་ཀྱི་དངོས་གྲུབ་ཐོབ་པར་འགྱུར་ན། དངོས་གྲུབ་གཞན་ལྟ་ཅི་སྨོས་ཏེ་དེ་ལྟ་བུའི་ཡེ་ཤེས་བསྐྱེད་པར་བྱའོ། །ཁྱོད་ཀྱིས་དཀྱིལ་འཁོར་ཆེན་པོ་མ་མཐོང་བ་རྣམས་ལ་སྨྲ་བར་མ་བྱེད་ཅིག་དམ་ཚིག་ཉམས་པར་གྱུར་ཏ་རེ་ཞེས་བརྗོད་དོ། །སློབ་མའི་སྙིང་གར་རྡོ་རྗེ་བཞག་ལ། ཨོཾ་
[355b.4]ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་འགྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཞེས་བརྗོད་ནས་ཐོད་པའི་ནང་དུ་བདུད་རྩི་ལྔ་སྦྱར་ལ་ཡི་གེ་གསུམ་བཟླས་ལ་འཐུང་དུ་བཅུག་ལ་འདི་སྐད་བརྗོད་པར་བྱའོ། །འདི་ནི་མི་ཐོང་ཆུ་ཡིན་ཏེ། །དམ་
[355b.5]ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འཐུང་ཤིག །ཨོཾ་པཉྩ་ཨ་མྲྀ་ཏ་ཨུ་ད་ཀ་ཋཿཞེས་བརྗོད་དོ། །དེ་ནས་སློབ་དཔོན་གྱི་དམ་ཚིག་བསྒྲག་པར་བྱ་སྟེ། དེང་ཕྱིན་ཆད་ཁྱོད་ཀྱི་ཧེ་རུ་ཀ་ང་ཡིན་གྱིས་ངས་འདི་བྱོས་ཤིག་ཅེས་བསྒོ་བ་དེ་བྱ་དགོས་སོ། །
[355b.6]ཁྱོད་ཀྱིས་ང་ལ་བརྙས་པ་མ་བྱེད་ཅིག །མི་བདེ་བ་མ་སྤངས་པས་ཁྱོད་དུས་བྱས་ནས་དམྱལ་བར་གྱུར་ཏ་རེ་ཞེས་བརྗོད་དོ། །དེ་ནས་བཞི་པ་ཡེ་ཤེས་དབབ་པར་བྱ་སྟེ། དཔའ་བོ་དང་རྣལ་འབྱོར་མ་ཐམས་ཅད་ཀྱིས་བྱིན་གྱིས་རློབས་ལ། དཔལ་ཧེ་རུ་ཀའི་ཡེ་ཤེས་བདག་ལ་འབབ་པར་གྱུར་
[355b.7]ཅིག་ཅེས་སྨྲར་བཅུག་ལ། དེའི་ཐུགས་ཀར་ལཾ་ལས་བྱུང་བའི་དབང་ཆེན་གྱི་དཀྱིལ་འཁོར་ཁ་དོག་སེར་པོ་དབུས་སུ་རྡོ་རྗེས་མཚན་པ། ལྐོག་མར་བཾ་ལས་བྱུང་བའི་ཆུའི་དཀྱིལ་འཁོར་དཀར་པོ་བུམ་པས་མཚན་པ་ལ་དབུས་ན་ཡི་གེ་ཨ་གནས་པར་བསམ་མོ། །སློབ་མའི་སྤྱི་བོར་ཡི་གེ་
[356a]
[356a.1]ཡཾ་ལས་བྱུང་བ་རླུང་གི་དཀྱིལ་འཁོར་གཞུའི་དབྱིབས་ལྟ་བུ་ཁ་དོག་སྔོན་པོ་བ་དན་གྱིས་མཚན་པ་ལ་དབུས་སུ་ཡི་གེ་ཧཱུཾ་གནས་པར་བསམ་མོ། །སློབ་མའི་རྐང་པའི་འོག་ཏུ་ཛྷཻཾ་འོད་ཟེར་འབར་བ་དང་བཅས་པ་བསམས་ལ་དེའི་འོག་ཏུ་ཡང་རླུང་གི་དཀྱིལ་འཁོར་གྱི་སྟེང་དུ་རཾ་
[356a.2]ལས་བྱུང་བའི་མེའི་དཀྱིལ་འཁོར་གྲུ་གསུམ་པ་ཁ་དོག་དམར་པོ་བསྒོམས་ལ། དྲིལ་བུ་དཀྲོལ་ཞིང་། ཨཱ་བེ་ཤ་ཡ་ཨཱ་བེ་ཤ་ཡ། སྟྭཾ་བྷ་ཡ་སྟྭཾ་བྷ་ཡ། ར་ར་ར་ར། ཙ་ལ་ཡ་ཙ་ལ་ཡ། ཧཱུཾ་ཧ་ཨ་ཛྷཻཾ། ཞེས་བརྗོད་ཅིང་ཐང་ཆུ་ལྔ་སྦྱར་ལ་བསྐུས་པའི་གོས་ལེགས་པར་བརྡུངས་པ་དང་། བྱི་ལའི་
[356a.3]དང་གུ་གུལ་ལྷན་ཅིག་སྦྱར་བའི་ཐོད་པའི་ནང་དུ་དུར་ཁྲོད་ཀྱི་སོལ་བའི་མེ་ལ་ཡབ་ཡུམ་གྱི་སྔགས་དང་། དཔའ་བོ་དང་དཔའ་མོའི་སྔགས་དང་། ཨོཾ་ཏིཥྛ་མ་ཧཱ་ཀྲོ་དྷ་ཨཱ་བེེ་ཤ་ཡ་ཧཱུཾ། ཨོཾ་ཤྲཱི་ཧེ་རུ་ཀ་ཡ་བིད་མ་ཧེ་སྭ་ཧ་ཞེས་བྱ་བས་དབབ་པར་བྱའོ། །དེ་ནས་བབས་ཀྱང་རུང་སྟེ་ལྕེ་ལ་ཨ་ལས་ཟླ་བའི་
[356a.4]དཀྱིལ་འཁོར་གྱི་སྟེང་དུ་ཨཱཿ་དམར་པོ་གསུང་གི་རྡོ་རྗེའི་རང་བཞིན་དུ་བསམས་ལ། བྲུཾ་ཧི་བཛྲ་དགེ་བའམ་མི་དགེ་བ་སྨྲོས་ཤིག་ཅེས་བརྗོད་ལ། བབ་པར་གྱུར་ན་ཏིཥྛ་བཛྲ་ཞེས་པ་དང་། ཡི་གེ་བརྒྱ་པས་བརྟན་པར་བྱའོ། །དེ་ནས་ལྔ་བ་མེ་ཏོག་དོར་བར་བྱ་སྟེ་རིན་པོ་ཆེའམ་མེ་ཏོག་གི་ཕྲེང་བ་དོར་ལ་ལྷ་དང་ཉེ་
[356a.5]བ་དང་མི་ཉེ་བའི་གནས་བརྟགས་ལ། པྲ་ཏི་གྲྀཧྞ་སྭ་མི་མཱཾ་སཏྭ་མ་ཧཱ་བ་ལ་ཞེས་པས་བླངས་ལ་སློབ་མའི་མགོ་ལ་བཅིང་བར་བྱའོ། །དེ་ནས་དྲུག་པ་གདོང་གཡོགས་དགྲོལ་བར་བྱ་སྟེ། དེའི་མིག་གཉིས་སུ་ཡི་གེ་འོད་ཟེར་དང་བཅས་པ་བསམས་ལ་རྡོ་རྗེ་རྩེ་མོས་ཕྱི་ཞིང་། ཨོཾ་བཛྲ་ན་ཏྲ་ཨ་པ་ཧ་ར་པ་ཊ་
[356a.6]ལཾ་ཧྲཱིཿཞེས་པ་དང་། ཧེ་རུ་ཀ་དཔལ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། རྡོ་རྗེ་མིག་ནི་བླ་མེད་པ། །དེ་ཉིད་དུ་ནི་འབྱེད་པར་ཤོག །ཅེས་བརྗོད་ལ་གདོང་གཡོགས་དགྲོལ་བར་བྱའོ། །དེ་ནས་བདུན་པ་དཀྱིལ་འཁོར་བསྟན་པ་ནི། དཀྱིལ་འཁོར་བཟང་པོ་འདི་ལ་ལྟོས། །ད་ནི་དད་པ་
[356a.7]རབ་ཏུ་བསྐྱེད། །ཁྱོད་ནི་རྣལ་འབྱོར་རིགས་སུ་སྐྱེས། །གསང་སྔགས་ཕྱག་རྒྱ་བྱིན་གྱིས་བརླབས། །འགྲོ་བའི་ཕུན་སུམ་ཚོགས་ཀུན་དང་། །དངོས་གྲུབ་ཀུན་ཁྱོད་མངོན་དུ་གྱུར། །ཞེས་པ་དང་། གང་དུ་མེ་ཏོག་བབས་པའི་ལྷ་དང་དཀྱིལ་འཁོར་གྱི་དེ་ཉིད་བརྟན་པར་བྱའོ། །སྣ་ཚོགས་པདྨའི་
[356b]
[356b.1]ལྟེ་བར་བཞུགས། །གཉིས་མེད་གཉིས་མེད་ནང་ན་གནས། །བརྟན་གཡོ་ཀུན་གྱི་བདག་ཉིད་ཅན། །སྤྱོད་དང་གྲོལ་བའི་རབ་བརྩོན་བྱ། །ཀུན་མཁྱེན་ཀུན་མཁྱེན་གཙོ་བོ་སྟེ། །དཔའ་བོ་ཆེ་ལ་བུ་ཁྱོད་ལྟོས། །རྣལ་འབྱོར་མ་ལ་སོགས་པའི་ཚོགས། །གྲུབ་པའི་རྣལ་འབྱོར་མ་ལྔའོ། །ཐོད་པའི་
[356b.2]དུམ་བུ་ལ་སོགས་ཀུན། །འཁོར་ལོ་མཁའ་ལ་སྤྱོད་པས་བསྐོར། །རབ་ལ་སོགས་པས་ཡང་དག་འཁྱུད། །གཉིས་པོ་ཐུགས་ཀྱི་སྤྲུལ་པ་ཡིན། །མྱུ་གུ་ཅན་ལ་སོགས་པ་ཀུན། །རྣལ་འབྱོར་མ་བརྒྱད་གཉིས་སུ་མེད། །གསུམ་ནི་རྣམ་དག་ངོ་བོ་ཡིས། །མི་ཡི་འཇིག་རྟེན་དག་ཏུ་ཁྱབ། །
[356b.3]སྟོབས་པོ་ཆེ་ལ་སོགས་གནས་པ། །གྲུབ་པ་ས་འོག་པ་རྣམས་ཡིན། །སྐུ་ཡི་སྤྲུལ་པར་བཤད་པ་ཡི། །ཆགས་པ་ཀུན་གྱི་རྗེས་སུ་ཆགས། །ཧེ་རུ་ཀ་ལ་སོགས་འཁོར་ལོ། །གཡོན་ནས་འཁྱུད་ཅིང་ནུ་མ་འཛིན། །སྐུ་གསུམ་ཞེས་བྱའི་སྤྲུལ་པ་སྟེ། །འབྲིང་དང་མཆོག་དང་ཐ་མ་དང་། །ཁྭ་ལ་
[356b.4]སོགས་པ་བརྒྱད་པོ་ཡི། །གཟུགས་ནི་རྒྱུ་ཡིས་ཡང་དག་བསྟན། །ཁྲོ་བོ་རྣམ་རྒྱལ་ལ་སོགས་བརྒྱད། །བྱང་ཆུབ་སུམ་ཅུ་རྩ་བདུན་སྤྲུལ། །མཁའ་ལ་སྤྱོད་དང་ས་ལ་སྤྱོད། །ས་འོག་དག་ནི་སྤྱོད་པ་སྟེ། །བརྒྱད་གཉིས་མཆོད་པའི་ལྷ་མོ་སྟེ། །ལྷ་རྣམས་དེ་ཉིད་བསྟན་པ་ཡིན། །དཀྱིལ་འཁོར་
[356b.5]གྱི་ནི་དེ་ཉིད་དང་། །སློབ་མ་གཞུག་པའི་ཆོ་གའོ།། །།དེ་ནས་དབང་བསྐུར་བ་བཞི་བཤད་པར་བྱ། དེ་ལ་རེ་ཞིག་རིག་པའི་དབང་བསྐུར་བ་དང་པོར་བྱ་སྟེ། པདྨ་འདབ་མ་བརྒྱད་པ་བྲིས་ཏེ་དེའི་སྟེང་དུ་སློབ་མ་སྐྱིལ་ཀྲུང་དུ་བཞག་ལ། ཧཱུཾ་མཛད་ཀྱི་ཆུས་བསངས་ནས། ཡོན་གྱི་མཆོག་བླངས་ནས་གསོལ་
[356b.6]བ་གདབ་པ་ནི། མི་ལྡོག་འཁོར་ལོའི་དབང་བསྐུར་བ། །མགོན་པོ་ཆེན་པོ་བདག་ལ་སྩོལ། །དཀྱིལ་འཁོར་ལྷ་ཡི་དེ་ཉིད་དང་། །སློབ་དཔོན་གྱི་ནི་ལས་རྣམས་དང་། །ཧེ་རུ་ཀ་དཔལ་དམ་ཚིག་དང་། །སྡོམ་པ་གསང་བ་བླ་ན་མེད། །སེམས་ཅན་གྱི་ནི་དོན་གྱི་ཕྱིར། །དཔའ་བོ་སློབ་དཔོན་བདག་གྲུབ་མཛོད། །དེ་ལྟར་གསོལ་
[356b.7]བ་བཏབ་ནས་སྔར་བཤད་པའི་སྡོམ་པ་བྱིན་ལ་སྙིང་གར་ཧཱུཾ་བསམས་ལ། ཨོཾ་སྭ་བྷཱ་བ་ཤུདྡྷཿ་སརྦྦ་དྷརྨཱཿ་སྭ་ཤུདྡྷོ྅ཧཾཞེས་བྱ་བའི་སྔགས་ཀྱིས་སློབ་མ་སྟོང་པ་ཉིད་དུ་བསྒོམས་ལ། དེ་ནས་ཨཱ་ལི་ཀཱ་ལི་ལས་ཉི་ཟླ་ཁ་སྦྱོར། དེའི་དབུས་སུ་ཧཱུཾ་བཾ་གཉིས་ཏེ་དེ་ཡོངས་སུ་གྱུར་པ་ལས་རྡོ་རྗེ་དང་གྲི་གུག །
[357a]
[357a.1]དེའི་སྤྲོ་བསྡུ་ལས་བཅོམ་ལྡན་འདས་དཔལ་ཧེ་རུ་ཀ་སྐུ་མདོག་སྔོན་པོ་ཞལ་བཞི་པ་ཕྱག་བཅུ་གཉིས་པ། ཡུམ་སྐུ་མདོག་དམར་མོ་ཞལ་གཅིག་ཕྱག་གཉིས་པ་བསྒོམ་དུ་བཅུག་ལ། དེ་ལ་གོ་ཆ་བསྐོན་ནས་ཡེ་ཤེས་སེམས་དཔའ་བཅུག་ལ་དབང་བསྐུར་བར་བྱ་སྟེ། ཇི་ལྟར་བལྟམས་
[357a.2]པ་ཙམ་གྱིས་ནི། །དེ་བཞིན་གཤེགས་ཀུན་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བགྱིའོ། །བུམ་པ་ཐམས་ཅད་ཀྱི་ཆུ་བླངས་ལ། ཨོཾ་སརྦ་ཏ་ཐཱ་ག་ཏ་བཛྲ་ཨ་བྷི་ཥིཉྩ་ཧཱུཾ་ཞེས་བརྗོད་ལ་མེ་ཏོག་སྤྱི་བོར་དོར་ལ། དཔལ་ལྡན་རྡོ་རྗེ་ཐུགས་འཆང་བ། །རྡོ་རྗེ་མི་ཕྱེད་གསུམ་
[357a.3]བསྒོམས་པས། །དེང་བདག་བྱིན་གྱིས་བརླབས་ནས་སུ། །རྡོ་རྗེ་ཐུགས་སུ་མཛད་དུ་གསོལ། །ཕྱོགས་བཅུར་བཞུགས་པའི་སངས་རྒྱས་རྣམས། །རྡོ་རྗེ་མི་ཕྱེད་གསུམ་བསྒོམས་པས། །དེང་བདག་བྱིན་གྱིས་བརླབས་ནས་སུ། །རྡོ་རྗེ་ཐུགས་སུ་མཛད་དུ་གསོལ། །ཨོཾ་སརྦ་ཏ་ཐཱ་ག་ཏ་ཙིཏྟ་ནི་རྱཱ་ཏ་ན་
[357a.4]བཛྲ་སྭ་བྷཱ་བ་ཨཱཏྨ་ཀོ྅ཧཾ། རྣམ་ཤེས་ཕུང་པོ་རྣམ་དག་པས། །མེ་ལོང་ལྟ་བུའི་ཡེ་ཤེས་ཀྱི། །ཞེ་སྡང་རྣམ་དག་མི་བསྐྱོད་པའི། །དཔལ་ལྡན་ཆུ་ཡི་དབང་བསྐུར་བའོ། །དེ་ནས་གསེར་ལ་སོགས་པ་ལས་བྱས་པ་འབུར་དུ་བཏོད་པའམ་རས་ལ་སོགས་པ་ལ་བྲིས་པ་ལ་སོགས་པའི་ཅོད་པན་ལ། ཧཱུཾ་
[357a.5]མཛད་ལ་སོགས་པའི་སྔགས་ཀྱིས་བསངས་ནས་ཡི་གེ་ཧྲཱཾ་ལས་རིན་པོ་ཆེ་དེ་ཡོངས་སུ་གྱུར་པ་ལས་རིན་ཆེན་འབྱུང་ལྡན། དེ་ཡོངས་སུ་གྱུར་པ་ལས་རིགས་ལྔའི་དབུ་རྒྱན་དུ་བསམས་ལ་དྲིའི་ཐིག་ལེ་བྱས་ཏེ། མེ་ཏོག་ལ་སོགས་པས་ཡང་དག་པར་མཆོད་ནས་སློབ་མའི་མགོ་ལ་བཞག་སྟེ། འདི་སྐད་ཅེས་བརྗོད་དོ། །ཕལ་
[357a.6]པའི་མདངས་ནི་གཞོམ་པའི་ཕྱིར། །ང་རྒྱལ་རིན་ཆེན་འབྱུང་ལྡན་གྱི། །ཡོན་ཏན་གཟི་བརྗིད་བསྐྱེད་པའི་ཕྱིར། །ཅོད་པན་གྱིས་ནི་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་མུ་ཀུ་ཊ་ཨ་བྷི་ཥིཉྩ་ཧཱུཾ་ཞེས་བརྗོད་པ་དང་། རྡོ་རྗེ་མི་ཕྱེད་གསུམ་བསྒོམས་པས། །དེང་བདག་བྱིན་གྱིས་བརླབས་ནས་སུ། །
[357a.7]རྡོ་རྗེ་རིན་ཆེན་མཛད་དུ་གསོལ། །ཕྱོགས་བཅུ་ཡི་ནི་སངས་རྒྱས་རྣམས། །རྡོ་རྗེ་མི་ཕྱེད་གསུམ་བསྒོམས་པས། །དེང་བདག་བྱིན་གྱིས་བརླབས་ནས་སུ། །རྡོ་རྗེ་རིན་ཆེན་མཛད་དུ་གསོལ། །ཨོཾ་སརྦ་ཏ་ཐཱ་ག་ཏ་བཛྲ་རཏྣ་སྭ་བྷཱ་བ་ཨཱཏྨ་ཀོ྅ཧཾ། ཚོར་བའི་ཕུང་པོ་རྣམ་དག་པའི། །མཉམ་པ་
[357b]
[357b.1]ཉིད་ཀྱི་ཡེ་ཤེས་ཀྱི། །ང་རྒྱལ་རིན་ཆེན་འབྱུང་ལྡན་གྱི། །ཅོད་པན་གྱིས་ནི་དབང་བསྐུར་རོ། །ཅོད་པན་གྱི་དབང་སྟེ་གཉིས་པའོ། །དེ་ནས་རྡོ་རྗེའི་དབང་བསྐུར་བ་ནི། གསེར་རམ་རིན་པོ་ཆེ་ལས་བྱས་པའི་རྡོ་རྗེ་ཧཱུཾ་མཛད་ཀྱིས་བསངས་ཏེ་ཧྲཱིཿལས་པདྨ་དེ་ཡོངས་སུ་གྱུར་པ་ལས་སྣང་བ་མཐའ་ཡས་དེ་
[357b.2]ཡོངས་སུ་གྱུར་པ་ལས་རྡོ་རྗེ་བསམས་ལ། དྲིའི་ཐིག་ལེ་བྱས་ལ་མེ་ཏོག་ལ་སོགས་པས་ཡང་དག་པར་མཆོད་ལ། སངས་རྒྱས་ཀུན་གྱི་རྡོ་རྗེའི་དབང་། །དེ་རིང་ཁྱོད་ལ་བསྐུར་བར་བྱ། །ཧེ་རུ་ཀ་དཔལ་རབ་བསྒྲུབ་ཕྱིར། །རྡོ་རྗེ་འདི་ནི་ཁྱོད་ཀྱིས་ལོང་། །ཐོག་མཐའ་མེད་པའི་སེམས་དཔའ་ནི། །རྡོ་རྗེ་
[357b.3]སེམས་དཔའ་དགའ་བ་ཆེ། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་སྙེམས་ཚུལ་བདག་པོའི་བདག །ཨོཾ་སརྦ་ཏ་ཐཱ་ག་ཏ་ཧྲཱིཿཤྲཱི་ཧེ་རུ་ཀ་བཛྲ་ཨ་བྷི་ཥིཉྩཱ་མི། ཏིཥྛ་བཛྲ་བཛྲ་ས་མ་ཡ་སྟྭཾ་ཞེས་པས་ལག་པར་རྡོ་རྗེ་གཏད་ལ། ཆོས་ཀྱི་གསུང་ལམ་དཔལ་དང་ལྡན། །རྡོ་རྗེ་མི་ཕྱེད་གསུམ་བསྒོམས་པས། །དེང་
[357b.4]བདག་བྱིན་གྱིས་བརླབས་ནས་སུ། །རྡོ་རྗེ་གསུང་དུ་བདག་གིས་བསྒོམ། །ཕྱོགས་བཅུར་བཞུགས་པའི་སངས་རྒྱས་རྣམས། །རྡོ་རྗེ་མི་ཕྱེད་གསུམ་བསྒོམས་པས། །དེང་བདག་བྱིན་གྱིས་བརླབས་ནས་སུ། །རྡོ་རྗེ་གསུང་དུ་མཛད་དུ་གསོལ། །ཨོཾ་སརྦ་ཏ་ཐཱ་ག་ཏ་བཱཀ་བཛྲ་སྭ་བྷཱ་བ་ཨཱཏྨ་ཀོ྅ཧཾ།
[357b.5]འདུ་ཤེས་ཕུང་པོ་གནས་འགྱུར་པས། །སོ་སོར་རྟོག་པའི་ཡེ་ཤེས་ཀྱི། །འདོད་ཆགས་སྣང་བ་མཐའ་ཡས་ཀྱི། །རྡོ་རྗེ་ཡིས་ནི་དབང་བསྐུར་རོ། རྡོ་རྗེའི་དབང་སྟེ་གསུམ་པའོ། །དེ་ནས་དྲིལ་བུའི་དབང་བསྐུར་བ་ནི་གསེར་ལ་སོགས་པའི་དྲིལ་བུ་ཡང་ཧཱུཾ་མཛད་ཀྱིས་བསངས་ལ། ཁཾ་ལས་རལ་གྲི་དེ་
[357b.6]ལས་དོན་ཡོད་གྲུབ་པ་དེ་ཡོངས་སུ་གྱུར་པ་ལས་དྲིལ་བུར་བསམས་ལ། དྲིའི་ཐིག་ལེ་བྱས་ལ་མེ་ཏོག་ལ་སོགས་པས་མཆོད་ནས། འདི་ནི་སངས་རྒྱས་ཐམས་ཅད་ཀྱི། །ཤེས་རབ་དབྱངས་ཀྱི་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་བཅང་། །རྒྱལ་བས་བྱང་ཆུབ་མཆོག་ཏུ་བཞེད། །
[357b.7]སྲིད་པ་ངོ་བོ་ཉིད་ཀྱིས་བདག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་དཔའ་མཆོག །སྲིད་པའི་མཆོག་ཏུ་གྲུབ་པར་བྱེད། །ཨོཾ་ཤྲཱི་ཧེ་རུ་ཀ་ཨ་དྷི་པ་ཏི་སྟྭཾ། ཨ་བྷི་ཥིཉྩཱ་མི་ཏིཥྛ་བཛྲ་ས་མ་ཡ་སྟྭཾ་ཞེས་བྱ་བས་བྱིན་ལ། དཔལ་ལྡན་རྡོ་རྗེ་དོན་ཡོད་འཆང་། །རྡོ་རྗེ་མི་ཕྱེད་
[358a]
[358a.1]གསུམ་བསྒོམས་པས། །དེང་བདག་བྱིན་གྱིས་བརླབས་ནས་སུ། །རྡོ་རྗེ་ལས་སུ་མཛད་དུ་གསོལ། །ཨོཾ་སརྦ་ཏ་ཐཱ་ག་ཏ་ཨ་མོ་གྷ་བཛྲ་སྭ་བྷཱ་བ་ཨཱཏྨ་ཀོ྅ཧཾ། འདུ་བྱེད་ཕུང་པོ་རྣམ་དག་པའི། །བྱ་བ་ནན་ཏན་ཡེ་ཤེས་ཀྱི། །ཕྲག་དོག་དོན་ཡོད་གྲུབ་པ་ཡི། །དྲིལ་བུ་ཡིས་ནི་དབང་བསྐུར་
[358a.2]རོ། །དེ་ནས་མེ་ཏོག་གི་ཕྲེང་བ་བཟུང་ལ་མིང་གི་དབང་བསྐུར་བར་བྱ་སྟེ། ལུགས་མའི་སྐུ་སྤྱི་བོར་བཞག་ལ་ཨོཾ་ལས་འཁོར་ལོ། དེ་ལས་རྣམ་པར་སྣང་མཛད་དེ་ཡོངས་སུ་གྱུར་པ་ལས་དབུའི་གཙུག་ཏོར་དུ་བསམས་ལ། ཕྲེང་བ་སྤྱི་བོར་བཅིངས་ཏེ། སྲིད་པའི་བདེ་བ་ཤིན་ཏུ་ཆུང་། །སྡུག་བསྔལ་ཆེན་
[358a.3]པོ་དག་བྱའི་ཕྱིར། །ཤིན་ཏུ་བདེ་བ་དམ་པའི་ཐབས། །ཧེ་རུ་ཀ་དཔལ་དག་ཏུ་བསྐྱེད། །ཨོཾ་ཤྲཱི་ཧེ་རུ་ཀ་ཨ་བྷི་ཥིཉྩཱ་མི། ཤྲཱི་ཧེ་རུ་ཀ་ཆེ་གེ་མོ་ནཱ་མ་ཨ་བྷི་ཥེ་ཀ་ཏ། དཔལ་ལྡན་རྡོ་རྗེ་སྐུ་འཆང་བ། །རྡོ་རྗེ་མི་ཕྱེད་གསུམ་བསྒོམས་པས། །དེང་བདག་བྱིན་གྱིས་བརླབས་ནས་སུ། །རྡོ་རྗེ་སྐུར་ནི་མཛད་
[358a.4]དུ་གསོལ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་བ་ཨཱཏྨ་ཀོ྅ཧཾ། །གཟུགས་ཀྱི་ཕུང་པོ་རྣམ་དག་པས། །ཆོས་དབྱིངས་ཡེ་ཤེས་རྣམ་དག་པའི། །གཏི་མུག་རྣམ་པར་སྣང་མཛད་ཀྱི། །དཔལ་ལྡན་མིང་གི་དབང་བསྐུར་རོ། །དེ་ནས་མེ་ཏོག་གཏོར་བྱས་ནས། །ཕུང་པོ་ལྔ་ནི་རྣམ་དག་ཅིང་། །ཉོན་
[358a.5]མོངས་ལྔ་ནི་སྤངས་པས་ན། །མ་རིག་པ་ནི་རྣམ་དག་པས། །རིག་པ་ཡི་ནི་དབང་ཞེས་བཤད། །རིག་པའི་དབང་བསྐུར་རོ། །དེ་ནས་བརྟུལ་ཞུགས་མང་པོ་སྦྱིན་པར་བྱ་སྟེ་རྡོ་རྗེ་དྲིལ་བུ་བྱིན་ལ། པདྨ་ལྟར་སྐོར་བའི་ཕྱག་རྒྱས་ལན་གསུམ་བསྐོར་ལ། རྡོ་རྗེ་གསོར་ཞིང་དྲིལ་བུ་དཀྲོལ་དུ་བཅུག་ལ།
[358a.6]འདི་ནི་སངས་རྒྱས་ཐམས་ཅད་ཀྱི། །ཧེ་རུ་ཀ་དཔལ་ཕྱག་ན་བསྣམས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཧེ་རུ་ཀ་དཔལ་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་སྟྭཾ་དྷ་ར་ཡཱ་མི། ཧཱུཾ་ཧ་ཧ་ཧ་ཧ་ཧོ་ཞེས་བྱ་བས་རྡོ་རྗེ་བརྟུལ་ཞུགས་སོ། །དེ་ནས་ཕྱག་མཚན་བཅུ་གཉིས་
[358a.7]ལུགས་མ་འམ་འབུར་དུ་བརྐོས་པའམ་རི་མོར་བྲིས་པ་ཧཱུཾ་མཛད་ཀྱི་སྔགས་ཀྱིས་བསངས་ནས་སློབ་མ་ལ་སྦྱིན་པར་བྱ་སྟེ། རྡོ་རྗེ་དྲིལ་བུ་བཅངས་པ་ཡི། །ཤེས་རབ་ཕ་རོལ་ཕྱིན་པ་དང་། །བཟོད་པ་གླང་པོའི་པགས་པ་དང་། །སྨོན་ལམ་ཅང་ཏེའུ་བསྣམས་པ་དང་། །ཡེ་ཤེས་གྲི་གུག་ཉོན་
[358b]
[358b.1]མོངས་གཅོད། །དགྲ་སྟ་ཚུལ་ཁྲིམས་རྣམ་དག་དང་། །རྩེ་གསུམ་སྦྱིན་པའི་ཕ་རོལ་ཕྱིན། །ཐོད་པ་ཐབས་ལ་མཁས་པ་དང་། །བརྩོན་འགྲུས་རྡོ་རྗེ་ཞགས་པ་དང་། །ཁ་ཊྭཱཾ་བསམ་གཏན་རྣམ་དག་སྟེ། །ཚངས་པའི་མགོ་བོ་སྟོབས་སུ་བཤད། །ཕ་རོལ་ཕྱིན་པ་རྣམ་དག་པས། །བུ་
[358b.2]ཁྱོད་ཀྱིས་ནི་བཅང་བར་བྱ། །ཨོཾ་ཧྲཱིཿཧ་ཧ་ཧཱུཾ་ཧཱུཾ་ཕཊ་རེ་རེ་ཞིང་བཟླས་པར་བྱའོ། །དེ་ནས་མེ་ཏོག་གཏོར་ནས། དཔའ་བོ་ཆེན་པོའི་བརྟུལ་ཞུགས་བཟང་། །རྟེན་འབྲེལ་བཅུ་གཉིས་རྣམ་དག་པ། །ཕ་རོལ་ཕྱིན་པ་བཅུ་རྣམས་ཀྱི། །ཕྱག་རྒྱ་ཡིས་ནི་དབང་བསྐུར་རོ། །དབང་བདུན་པའོ།། །།
[358b.3]སངས་རྒྱས་ཀུན་གྱི་མིག་འབྱེད་པའི། །གསང་སྔགས་བླ་ན་མེད་པ་ཡི། །སྙིང་པོ་ཡིད་བཞིན་ནོར་བུ་འདི། །སྐྱོབ་པའི་སངས་རྒྱས་དབང་བསྐུར་རོ། །དེ་ནས་མེ་ཏོག་གཏོར་ལ་སྔགས་བཟླ་བའི་ཕྱིར་བཟླས་པའི་ཕྲེང་བ་སྦྱིན་པར་བྱའོ། །དེང་ནས་བརྩམས་ཏེ་རྫོགས་སངས་རྒྱས། །རྣལ་འབྱོར་མ་དང་
[358b.4]རྫོགས་སངས་རྒྱས། །ཤེས་རབ་ཐབས་ཀྱི་བསྙེམས་ཆེན་གྱིས། །གར་མཆོག་བདེ་བ་དགའ་སྟོན་གྱིས། །སྒེག་དང་བཅས་པའི་མེ་ཏོག་ཕྲེང་། །སངས་རྒྱས་ཀུན་སོགས་རྣལ་འབྱོར་མ། །དེས་ནི་བྲལ་བར་མི་འགྱུར་ཏེ། །མེ་ཏོག་ཕྲེང་བས་བརྒྱན་གྱུར་ཅིག །ཕྲེང་བའོ། །ལུས་ཅན་
[358b.5]ཀུན་གྱི་དམ་ཆོས་ཀྱི། །ཁྱོད་ཀྱིས་གླུ་ནི་བླངས་བྱས་ཏེ། །དེས་ན་རྣལ་འབྱོར་མ་དེ་དང་། །མྱུར་དུ་བདེ་བ་མྱོང་བར་འགྱུར། །གླུའོ། །ཁྱོད་ཀྱིས་རྒྱལ་ལ་དྲི་ཕུལ་བས། །ཚུལ་ཁྲིམས་ཏིང་འཛིན་ཤེས་རབ་དང་། །རྣམ་གྲོལ་ཡེ་ཤེས་མཐོང་བ་ཡི། །ལུས་ཅན་བྱང་ཆུབ་ཐོབ་གྱུར་ཅིག །དྲིའོ། །
[358b.6]རྫོགས་སངས་རྒྱས་ལ་སྤོས་ཕུལ་བས། །བརྟུལ་ཞུགས་བཟང་པོས་ལེགས་ཚིམ་ཞིང་། །ལུས་ཅན་བདེ་གཤེགས་ཆ་ལུགས་སུ། །ཡེ་ཤེས་ཀྱིས་ནི་ཚིམ་གྱུར་ཅིག །སྤོས་སོ། །ཆོས་ཀྱི་མར་མེ་ལེགས་སྦར་བས། །པདྨ་གར་དབང་བདག་ཉིད་དེ། །སེམས་ཅན་མ་རིག་
[358b.7]མདོངས་བྱས་ལ། །ཡེ་ཤེས་སྒྲོན་མ་སྣང་གྱུར་ཅིག །མར་མེའོ། །བརྟུལ་ཞུགས་མང་པོའོ། །དེ་ནས་ཕྱིར་མི་ལྡོག་པའི་དབང་བསྐུར་བའི་ཕྱིར་གསོལ་བ་གདབ་པར་བྱ་སྟེ། བྱང་ཆུབ་རྡོ་རྗེས་སངས་རྒྱས་ལ། །ཇི་ལྟར་མཆོད་སྦྱིན་གསོལ་བ་གདབ། །བདག་ཀྱང་བསྲུང་བའི་དོན་གྱི་ཕྱིར། །
[359a]
[359a.1]ནམ་མཁའི་རྡོ་རྗེ་བདག་ལ་གསོལ། །ཧེ་རུ་ཀ་དཔལ་དབང་བསྐུར་བ། །འགྲོ་བ་སྐྱོབ་པའི་གཟི་བརྗིད་ཅན། །ཇི་ལྟར་ཡོན་ཏན་འབྱུང་གནས་སྩོལ། །དེ་བཞིན་བདག་ལ་དེང་བདག་སྩོལ། །དཔའ་བོ་ཆེན་པོ་མི་ལྡོག་པའི། །དབང་བསྐུར་བ་ནི་བདག་ལ་སྩོལ། །སེམས་ཅན་
[359a.2]ཀུན་གྱི་དོན་གྱི་ཕྱིར། །བདག་ནི་རྟག་ཏུ་སློབ་དཔོན་གྱུར། །དེ་ལྟར་གསོལ་བ་བཏབ་པའི་རྗེས་ལ་སྡོམ་པ་སྦྱིན་པར་བྱ་སྟེ། ཇི་བཞིན་དོན་ལྡན་བཅུ་བཞི་ནི། །ཕས་ཕམ་པར་ནི་རབ་ཏུ་གྲགས། །སྤོང་ཞིང་དོར་བར་མི་བྱ་སྟེ། །རྩ་བའི་ལྟུང་བར་ཤེས་པར་བྱ། །སློབ་དཔོན་ལ་ནི་བརྙས་པ་དང་། །བདེ་གཤེགས་
[359a.3]བཀའ་ནི་གཅོག་པ་དང་། །སྡང་བས་སྤུན་ལ་བསྔགས་མི་བྱ། །བྱམས་པ་ཆེན་པོ་སྤོང་བར་བྱེད། །བྱང་ཆུབ་སེམས་ནི་འདོར་བར་བྱེད། །ཤེས་པ་གསུམ་ལ་སྨོད་པ་དང་། །སྐལ་མིན་གསང་བ་སྒྲོགས་པ་དང་། །རྒྱལ་བའི་བདག་ཉིད་ཕུང་པོ་སྨོད། །དག་པའི་ཆོས་ལ་ཡིད་གཉིས་དང་། །གདུག་
[359a.4]ལ་བྱམས་དང་ཆགས་བྲལ་དང་། །ཆོས་ལ་གཉིས་སུ་འབྱེད་པ་དང་། །དད་པའི་སེམས་ནི་རབ་ཏུ་སྨོད། །དམ་ཚིག་བསྟེན་ཚེ་ཇི་སྙེད་ཚེ། །རྟག་པའི་བུད་མེད་སྨོད་པ་སྟེ། །རྩ་བའི་ལྟུང་བར་འགྱུར་བ་ཡིན། །ཉིན་དང་མཚན་མོ་ལན་གསུམ་དུ། །ཉིན་རེ་ཞིང་ནི་བཟླ་བར་བྱ། །སྔགས་པས་འདི་
[359a.5]དག་བྱེད་པ་ནི། །ཁ་ན་མ་ཐོ་སྦོམ་པོར་འགྱུར། །ཡན་ལག་དམ་ཚིག་ཤེས་པར་བྱ། །དམ་ཚིག་མི་ལྡན་སྣོད་མིན་པའི། །རིག་མ་བསྟེན་པར་བྱ་བ་དང་། །ཚོགས་ཀྱི་འཁོར་ལོར་རྩོད་པ་དང་། །གསང་བའི་ཆོས་ནི་སྟོན་པ་དང་། །སེམས་ཅན་དད་དང་ལྡན་པ་ལ། །དམ་ཆོས་གཞན་དུ་སྟོན་པ་དང་། །
[359a.6]ཉན་ཐོས་དག་ཏུ་སློབ་བྱེད་པའི། །ནང་དུ་ཞག་བདུན་གནས་པ་དང་། །སྦྱོར་བ་ངེས་པར་མ་བྱས་པའི། །སྣོད་མིན་གསང་བ་སྟོན་པ་ཡི། །ཁ་ན་མ་ཐོ་སྦོམ་འགྱུར་ཏེ། །སྔགས་པ་དམ་ཚིག་ཟད་པར་འགྱུར། །ཟད་པས་དངོས་གྲུབ་མི་འགྱུར་ཞིང་། །བདུད་དང་སྡུག་བསྔལ་རབ་ཏུ་འཕེལ། །དེ་བས་
[359a.7]དམ་ཚིག་བུས་སྲུངས་ཤིག །ཅེས་བརྗོད་པར་བྱའོ། །སློབ་མས་ཀྱང་དེ་བཞིན་དུ་བགྱིད་དོ་ཞེས་བརྗོད་དོ། །དེ་ནས་སེང་གེའི་ཁྲི་ལ་དར་གྱིས་གཡོགས་ཏེ་དེའི་སྟེང་དུ་བཞག་ལ། །ཡི་གེ་མངོན་པར་བཟླས་པའི་གདུགས་དང་རྒྱལ་མཚན་དང་བ་དན་བསྒྲེང་ལ་སློབ་མ་ལྷར་བསྐྱེད་ལ། པུ་ཛཱ་ཨུ་ཨ་གོ་ར་དེ་
[359b]
[359b.1]མ་ལ་སོགས་པའི་ཡི་གེ་ཉི་ཤུ་རྩ་བཞི་ལུས་ལ་བཀོད་ལ། ཧཱུཾ་རིང་པོ་བརྒྱད་ལས་སྒོ་མཚམས་མ་བསྐྱེད་ལ་སྙིང་གའི་རྩ་བཞི་ལ་ཡུམ་བཞི་དང་། བདུད་རྩིའི་སྣོད་བཞི་བསྐྱེད་ལ་དཔའ་བོ་དཔའ་མོའི་གོ་ཆ་བསྐོན་ནས། ཕཻ་ཕཻཾ་གི་ཕྱག་རྒྱས་ཡེ་ཤེས་སེམས་དཔའ་སྤྱན་དྲངས་ལ་བཅུག་སྟེ། གནས་གསུམ་དུ་ཡི་
[359b.2]གེ་གསུམ་གྱི་བྱིན་གྱིས་བརླབ་པར་བྱའོ། །དེ་ནས་སློབ་དཔོན་གྱིས་ལྷ་ཐམས་ཅད་ཀྱི་རང་བཞིན་རྣམ་པར་རྒྱལ་བའི་བུམ་པ་བླངས་ནས་བཀྲ་ཤིས་ཚིགས་སུ་བཅད་པ་བརྗོད་ཅིང་དབང་བསྐུར་བར་བྱ་སྟེ། ལྷ་རྣམས་ཞུ་བ་ལས་ཡེ་ཤེས་ཀྱི་བདུད་རྩིར་བྱིན་གྱིས་བརླབས་ཏེ་སྤྱི་བོར་བླུགས་ནས་འདི་སྐད་
[359b.3]བརྗོད་དོ། །ཁམས་གསུམ་ཀུན་གྱིས་ཕྱག་བྱས་པ། གསང་བ་གསུམ་ནི་གནས་ལས་བྱུང་། །དབང་བསྐུར་བ་ནི་རྡོ་རྗེ་ཆེ། །སངས་རྒྱས་ཀུན་གྱི་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་ཨ་བྷི་བརྟི་ཀ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཞེས་བརྗོད་དོ། །དེ་ནས་ཅོད་པན་དང་། རྡོ་རྗེ་དྲིལ་བུ་དང་། མེ་
[359b.4]ཏོག་གི་ཕྲེང་བ་སྤྱི་བོར་བཅིངས་ལ་འདི་སྐད་བརྗོད་དོ། །ཁམས་གསུམ་ཀུན་གྱིས་ཕྱག་བྱས་པ། །ཕྱག་རྒྱ་ཆེན་པོའི་བྱིན་བརླབས་ལ། །གཟུགས་དོར་བ་ཡི་དམ་ཚིག་གིས། །གསང་སྔགས་མ་ཚང་མེད་པར་བཟླ། །རང་རང་རིག་པའི་ངོ་བོ་དེ། །ཕྱོགས་བཅུ་དུས་གསུམ་བཞུགས་པའོ། །
[359b.5]རང་གི་ལྷ་ཡི་སྦྱོར་བ་ཡིས། །བདག་དང་གཞན་ལ་མཆོད་པར་བྱ། །དཀའ་ཐུབ་སྡོམ་པ་མི་ཟད་པ། །བསྲུངས་ན་མི་སྣང་མངོན་ཤེས་དང་། །མཁའ་ལ་རྒྱུ་དང་ལུས་ངག་ཡིད། །ལས་འབྱུང་འདོད་གྲུབ་འགྲུབ་མི་འགྱུར། །དེ་བས་སངས་རྒྱས་སེམས་དཔའ་མཆོག །འདོད་པ་ཐམས་ཅད་བསྟེན་
[359b.6]པ་ཡིས། ཆོས་ཀྱི་ཡེ་ཤེས་མཆོག་བསྙེས་པའོ། །བདེ་དང་སྡུག་བསྔལ་དེ་དག་མིན། །འདོད་པའི་ཡོན་ཏན་ལྔ་རྣམས་བསྟེན། །ཡེ་ཤེས་དོན་གཉེར་འདོད་ཆགས་ཅན། །སྦྱོར་བས་བསྒྲུབས་ན་མྱུར་དུ་འགྲུབ། །སྐུ་གསུང་ཐུགས་ཀྱི་ཡང་དག་འགྲུབ། །གང་གཞན་དམན་པ་བཤད་པ་ཡིན། །
[359b.7]སྔགས་ཀྱི་བཟླས་པ་འགྲུབ་འགྱུར་བ། །སྐུ་གསུང་ཐུགས་ནི་བསྒོམས་པས་སོ། །དེ་ཉིད་ཀྱིས་ནི་རྡོ་རྗེ་གསུང་། །ཆོས་ཀྱི་དྲིལ་བུ་དཀྲོལ་བར་བྱ། །དམ་ཚིག་གིས་ནི་ཕྱག་རྒྱ་ཆེར། །བྱིན་གྱིས་བརླབས་ནས་སྙིང་པོ་བཟླ། །དེ་ནས་མིག་གཉིས་སུ་ཧཱུཾ་ལས་རྡོ་རྗེ་ནས་འབྲས་ཙམ་དཀར་པོར་བསམས་
[360a]
[360a.1]ལ། གསེར་རམ་རིན་པོ་ཆེ་ལས་བྱས་པའི་མིག་ཐུར་དང་བྲ་ཞེས་བྱ་བས་མིག་དབྱེ་བར་བྱ་སྟེ། ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་ལིང་ཏོག་བསལ་བ་ལྟར། །བུ་ཁྱོད་ཀྱི་ནི་མི་ཤེས་པའི། །རབ་རིབ་རྒྱལ་བ་རྣམས་ཀྱིས་བསལ། །ཨོཾ་བཛྲ་ནི་ཏྲ་ཨ་པ་ཧ་ར་བ་ཊ་ལཾ་ཧྲཱིཿ་ཞེས་
[360a.2]བརྗོད་པས་ནི་ཉོན་མོངས་པ་སྤངས་པའི་དབང་ངོ་། །དེ་ནས་མེ་ལོང་བསྟན་ལ། ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་བྱུང་། །ངོ་བོ་ཉིད་མེད་གནས་མེད་པར། །དེ་ལྟར་ཆོས་འདི་ཤེས་གྱིས་ལ། །སེམས་
[360a.3]ཅན་དོན་ནི་མཉམ་མེད་བྱོས། །འོན་ཀྱང་སངས་རྒྱས་སྲས་སུ་སྐྱེ། །ཡེ་ཤེས་ཀྱི་དབང་ངོ་། །དེ་ནས་སྐུ་གསུང་ཐུགས་ཀྱི་དབང་སྦྱིན་པར་བྱ་སྟེ། ཨ་ལས་བསྐྱེད་པའི་དྲིལ་བུ་བླངས་ཏེ། ཆོས་རྣམས་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའ་དང་མཉམ་
[360a.4]སྦྱོར་བ་ཡིས། །སྐུ་མཆོག་མཉམ་པ་ཉིད་དུ་གསལ། །གསུང་གི་དབང་ངོ་། །དེ་ནས་ཧོས་བསྐྱེད་པའི་མདའ་གཞུ་སྦྱིན་ལ་ཕྱོགས་བཞི་དང་སྟེང་འོག་ཏུ་ཧོ་ཞེས་པས་མདའ་འཕེན་དུ་གཞུག་གོ། །སྐུའི་དབང་ངོ་། །དེ་ནས་ཧཱུཾ་ལས་མེ་ལོང་བསྐྱེད་པ་བྱིན་ལ། རྡོ་རྗེ་སེམས་དཔའ་མེ་ལོང་བཞིན། །དག་
[360a.5]ཅིང་གསལ་ལ་མེ་ལོང་བཞིན། །བུ་ཁྱོད་ཀྱི་ནི་སྙིང་ལ་ཞུགས། །གང་འདི་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་བྱང་ཆུབ་ཀྱི་སེམས་ནི་འདི་ཡིན་པར་ཤེས་པར་གྱིས་ཤིག །ཅེས་བརྗོད་པར་བྱ་སྟེ། ཐུགས་ཀྱི་དབང་ངོ་། །དེ་ནས་རྐང་པ་གཉིས་ཀྱི་བར་དུ་ཆོས་ཀྱི་འཁོར་ལོ་བཞག་ལ།
[360a.6]ལག་པ་གཡས་པར་དུང་བྱིན་ཏེ་གཡོན་པར་པོ་ཏི་བྱིན་ལ་འདི་སྐད་ཅེས་བརྗོད་དོ། །དེང་ནས་བརྩམས་ཏེ་སེམས་བསྐྱེད་པ་ཙམ་གྱིས་ཆོས་ཀྱི་འཁོར་ལོ་སྐོར་ཅིག །དེ་རིང་ཕན་ཆད་འཇིག་རྟེན་ལ། །སྐྱོབ་པའི་ཆོས་ཀྱི་འཁོར་ལོ་བསྐོར། །ཆོས་ཀྱི་དུང་ནི་བླ་མེད་པ། །མ་ལུས་ཀུན་དུ་གང་བར་
[360a.7]གྱིས། །སོམ་ཉི་ཡིད་གཉིས་མི་བྱ་ཞིང་། །དོགས་པ་མེད་པའི་སེམས་ཀྱིས་སུ། །གསང་སྔགས་སྤྱོད་པའི་ཚུལ་གྱི་མཆོག །འཇིག་རྟེན་འདི་ལ་རབ་ཏུ་སྒྲོགས། །དེ་ལྟར་བྱས་ནས་སངས་རྒྱས་ལ། །ཕན་འདོགས་དྲིན་དུ་གཟོ་ཞེས་བྱ། །རྡོ་རྗེ་འཛིན་པ་དེ་ཀུན་ཡང་། །ཀུན་དུ་སྲུང་བ་
[360b]
[360b.1]ཁྱོད་ལ་མཛད། །ཅེས་བྱ་བས་སྦྱིན་པར་བྱའོ། །དེ་ནས་རྗེས་སུ་གནང་བའི་དབང་ལྔ་སྦྱིན་པར་བྱ་སྟེ། འཇིག་རྟེན་ཀུན་ལས་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་འགྱུར་བ། །ཆོས་ཀྱི་འཁོར་ལོ་རབ་ཏུ་བསྐོར། །དེ་བཞིན་དུ་རྡོ་རྗེ་དང་ཁྲོ་བོ་
[360b.2]དང་པདྨ་དང་ནོར་བུའི་འཁོར་ལོ་རབ་ཏུ་བསྐོར་ཞེས་བྱ་བའི་ཚིགས་སུ་བཅད་པ་ལྔས་རྗེས་སུ་གནང་བ་ལྔ་དབང་བསྐུར་བ་ལྔ་སྦྱིན་པར་བྱའོ། །དེ་ནས་སློབ་མ་ལ་མཆོད་པ་ལྔས་མཆོད་པར་བྱའོ། །མགོ་བོ་ལ་མེ་ཏོག་སྣ་ལ་བདུག་པ་མིག་ལ་མར་མེ་སྙིང་གར་བྱུག་པ། ཡང་ན་གནས་གསུམ་དུ་
[360b.3]དྲིའི་ཐིག་ལེ་བྱས་ལ། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལྷའི་དེ་ཉིད་དང་། གནས་ཉི་ཤུ་རྩ་བཞི་ལ་སོགས་པ་དཀྱིལ་འཁོར་གྱི་དེ་ཉིད་དང་། རྩ་དང་། ཁམས་དང་རང་བཞིན་ལུས་ཀྱི་དཀྱིལ་འཁོར་གྱི་དེ་ཉིད་དང་། བསྙེན་པ་དང་སྟ་གོན་དང་། དཀྱིལ་འཁོར་དང་སྦྱིན་སྲེག་དང་བུམ་པ་དང་
[360b.4]གཏོར་མ་དང་བདུད་རྩི་ལྔ་སྦྱང་བ་དང་། བསྒོམ་པ་དང་བཟླས་པ་དང་བཅས་པའི་ཕྲིན་ལས་བཞི་སློབ་དཔོན་གྱི་ལས་རྣམས་བསླབ་པར་བྱའོ། །དེ་ནས་ཡོན་དབུལ་བར་བྱ་སྟེ། གླང་པོ་རྟ་དང་ཤིང་རྟ་ནོར། །ནོར་བུ་བྱུ་རུ་ལ་སོགས་པ། །ཡོན་གྱི་མཆོག་ནི་བླངས་པ་རྣམས། །ཕྱག་བྱས་ནས་ནི་དབུལ་
[360b.5]བར་བྱ། །དེང་ནས་བརྩམས་ཏེ་བདག་བྲན་དུ། །ཁྱོད་ལ་བདག་ནི་འབུལ་ལགས་ཀྱིས། །མ་འོངས་མངོན་པར་འཚང་རྒྱ་བར། །ལུང་བསྟན་བྱ་དང་དབུགས་དབྱུང་མཛོད། །ཅེས་བརྗོད་དོ། །དེ་ནས་བདག་ཉིད་དེ་བཞིན་གཤེགས་པར་བསམས་ལ་གཟེངས་བསྟོད་པ་འདི་དང་ལུང་བསྟན་
[360b.6]པར་བྱ་སྟེ། གཡོན་པ་སྙིང་གར་ཁུ་ཚུར་བཅངས་པ་དང་ཆོས་གོས་འཛིན་པའི་ཚུལ་དུ་བྱས་ལ། ཨོཾ་ང་ཡིས་འདི་ལྟར་ལུང་བསྟན་ཏེ། །རྡོ་རྗེ་སེམས་དཔའི་དེ་བཞིན་གཤེགས། །སྲིད་པའི་མཆོག་ནི་གྲུབ་པ་ཡིན། །སྲིད་པའི་ངན་འགྲོ་རྣམས་ལས་བཏོན། །ཀྱེ་དེ་བཞིན་གཤེགས་པ་རྡོ་རྗེ་ཆེ་
[360b.7]གེ་མོ་ཞེས་བྱ་བ་དང་། བྷུར་བྷུ་བསྭ། འདི་ཡི་དབང་བསྐུར་གྱུར་པ་ཡིས། །སྔགས་པས་འགྲོ་བ་ཀུན་དང་བདག །བླ་ན་མེད་པའི་བྱང་ཆུབ་ཏུ། །བདེ་བར་གཤེགས་ཀྱིས་ལུང་བསྟན་མཛོད། །ངོ་བོ་ཉིད་ཀྱིས་སེམས་ཅན་རྣམས། །ཇི་ལྟ་ཇི་ལྟར་འདུལ་འགྱུར་བ། །དེ་ལྟ་དེ་ལྟར་ཆགས་
[361a]
[361a.1]ལ་སོགས། །གསང་བས་སེམས་ཅན་དོན་བྱའོ། །ཉིན་རེ་ཞིང་ནི་ཐུན་སྣ་རུ། །ཏིང་འཛིན་གསུམ་གྱི་སྦྱོར་ལྡན་པར། །གྱུར་ནས་ཐུན་མོང་གིས་ཤེས་ཀྱིས། །དངོས་གྲུབ་ཐོབ་པར་འགྱུར་བར་བྱ། །མི་སྣང་བ་ནི་སྟོང་ཡིན་ཏེ། །མངོན་ཤེས་སྣང་བ་ཉིས་སྟོང་ཡིན། །རིག་པ་
[361a.2]འཛིན་པ་སུམ་སྟོང་ཡིན། །རྡོ་རྗེ་ཅན་ནི་འགྲོ་ཀུན་བདག །ཞི་དང་རྒྱས་སོགས་ལས་གང་དང་། །དེ་ལས་གཞན་པ་ཅི་འདོད་པ། །འཁོར་ལོ་རྗེས་གཉིས་སྦྱོར་བ་ཡིས། །བསྒྲུབས་ན་མྱུར་དུ་འགྲུབ་པར་འགྱུར། །ཀུན་གྱི་གནང་བ་སྦྱིན་པའོ། །དེ་ནས་དབུགས་དབྱུང་བ་བཤད་པར་བྱ་སྟེ། །མཆོག་
[361a.3]གསང་དཀྱིལ་འཁོར་དམ་པ་འདིར། །མཐོང་བ་དང་ནི་ཞུགས་གྱུར་པས། །སྡིག་པ་ཀུན་ལས་ངེས་གྲོལ་བར། །ཁྱེད་རྣམས་དེ་ཉིད་ལེགས་པར་གནས། །བདེ་ཆེན་ཐེག་པ་འདི་ལས་ནི། །སླར་ཁྱོད་འཆི་བ་ཡོད་མིན་ཏེ། །མི་ཚུགས་པ་དང་མི་སོད་པས། །ཅིས་ཀྱང་མི་འཇིགས་དགའ་བར་གྱིས། །སྲིད་པ་ཤིན་ཏུ་
[361a.4]དག་པའི་ཕྱིར། །སྲིད་པའི་སྡུག་བསྔལ་ལས་ཁྱོད་འདས། །སྲིད་པ་ཤིན་ཏུ་གྲུབ་པའི་ཕྱིར། །སྟོན་པའི་མཆོག་ཏུ་གྱུར་པ་ཡིན། །རྟག་ཏུ་ཁྱོད་ཀྱིས་བསྲུང་བར་བྱ། །སངས་རྒྱས་ཀུན་གྱིས་མཐུན་པར་གསུངས། །དམ་པ་རྟག་པའི་བཀའ་ཡིན་ནོ། །གང་ཞིག་བསྐྱེད་པ་ཙམ་གྱིས་ནི། །སངས་རྒྱས་ཉིད་དུ་
[361a.5]དོགས་མེད་པའི། །བྱང་ཆུབ་སེམས་ནི་གཏང་མི་བྱ། །ཕྱག་ན་རྡོ་རྗེ་གང་ཡིན་པ། །དམ་པའི་ཆོས་ནི་མི་སྤང་ཞིང་། །ནམ་ཡང་དོར་བར་མི་བྱའོ། །མི་ཤེས་པའམ་རྨོངས་པ་ཡིས། །ཚུལ་ཆེན་བསྟན་པར་མི་བྱའོ། །བདག་ཉིད་ཡོངས་སུ་སྤངས་ནས་སུ། །དཀའ་ཐུབ་ཀྱིས་ནི་མ་བསྲུངས་ཤིང་། །
[361a.6]ཅི་བདེ་བར་ནི་བདེ་བར་བསམ། །འདི་ནི་མ་བྱོན་རྫོགས་སངས་རྒྱས། །རྡོ་རྗེ་དྲིལ་བུ་ཕྱག་རྒྱ་རྣམས། །ནམ་ཡང་ཡོངས་སུ་མི་དོར་ཞིང་། །སློབ་དཔོན་སྨད་པར་མི་བྱ་སྟེ། །འདི་ནི་སངས་རྒྱས་ཀུན་དང་འདྲ། །སངས་རྒྱས་ཀུན་དང་མཚུངས་སླའོ། །སློབ་དཔོན་ལ་ནི་གང་སྨོད་པ། །དེ་ཡིས་སངས་
[361a.7]རྒྱས་ཀུན་སྨད་པས། །རྟག་ཏུ་སྡུག་བསྔལ་ཐོབ་འགྱུར་ཏེ། །རིམས་དང་དུག་དང་དབྱིག་དུག་དང་། །མཁའ་འགྲོ་རྣམས་ཀྱིས་གཙེ་བ་དང་། །གདོན་དང་ལོག་འདྲེན་གཏུམ་པོ་ཡིས། །བསད་ནས་སེམས་ཅན་དམྱལ་ལྟུང་སྟེ། །དེ་བས་ནན་ཏན་ཐམས་ཅད་ཀྱིས། །རྡོ་རྗེ་སློབ་དཔོན་
[361b]
[361b.1]བློ་གྲོས་ཆེ། །དགེ་བ་རབ་ཏུ་མི་སྤྱོམ་བས། །ནམ་ཡང་སྨད་པར་མི་བྱའོ། །བླ་མ་ལ་ནི་གུས་བཅས་ཡོན། །རྗེས་མཐུན་ཁྱོད་ཀྱིས་སྦྱིན་པར་བྱ། །དེས་ནི་རིམས་སོགས་གནོད་པ་རྣམས། །ཕྱིར་ཞིང་འབྱུང་བར་མི་འགྱུར་རོ། །རྟག་ཏུ་རང་གི་དམ་ཚིག་བསྲུང་། །རྟག་ཏུ་དེ་བཞིན་གཤེགས་
[361b.2]པ་མཆོད། །རྟག་ཏུ་བླ་མ་ལ་ཡང་དབུལ། །འདི་ནི་སངས་རྒྱས་ཀུན་དང་འདྲ། །དེ་ཕྱིར་སངས་རྒྱས་ཐམས་ཅད་ལ། །རྟག་ཏུ་སྦྱིན་པ་ཉིད་དུ་འགྱུར། །དེ་བྱིན་བསོད་ནམས་ཚོགས་ཡིན་ཏེ། །ཚོགས་ལས་དངོས་གྲུབ་མཆོག་ཏུ་འགྱུར། །གང་ཕྱིར་འདི་ནི་ལེགས་གནས་པས། །དེང་ཁྱོད་སྐྱེ་བ་འབྲས་
[361b.3]བུར་བཅས། །དམ་ཚིག་ལྷ་རྣམས་ཀུན་མཉམ་པས། །དེང་ཁྱོད་གྱུར་པ་ཐེ་ཚོམ་མེད། །སངས་རྒྱས་རྡོ་རྗེ་འཛིན་བཅས་པས། །ཀུན་གྱིས་དེང་ཁྱོད་དབང་བསྐུར་བས། །ཁམས་གསུམ་ཀུན་གྱི་རྒྱལ་པོ་ཆེ། །རྒྱལ་བའི་དབང་པོ་བསྟེན་པ་ཡིན། །དེ་ནི་བདུད་ལས་རྣམ་རྒྱལ་ཏེ། །གྲོང་ཁྱེར་མཆོག་ཏུ་
[361b.4]རབ་ཏུ་ཞུགས། །ཁྱེད་རྣམས་ཀྱིས་ནི་སངས་རྒྱས་ཉིད། །དེ་ཉིད་ཐོབ་པར་ཐེ་ཚོམ་མེད། །དབུགས་དབྱུང་བའོ། །ཕྱིར་མི་ལྡོག་པའི་དབང་བསྐུར་བ་ཡན་ལག་དང་བཅས་པའོ། །དེ་ནས་གསང་བའི་དབང་བསྐུར་བའི་ཕྱིར་གསོལ་བ་གདབ་པར་བྱ་སྟེ། །སྐྱབས་མེད་པ་ཡི་སྐྱབས་གྱུར་པ། །མགོན་
[361b.5]མེད་པ་ཡི་མགོན་གྱུར་པ། །སྙིང་རྗེ་མེད་པའི་སྙིང་རྗེ་ཅན། །བཅོམ་ལྡན་བདེ་མཆོག་གཉིས་མེད་བདག །སྲིད་པའི་གདུང་བས་བསྒོམས་པ་ལས། །སྙིང་རྗེ་གསོལ་བའི་དབང་བསྐུར་གསོལ། །དེ་ནས་སློབ་མ་ལ་གནས་གསུམ་དུ་བདུད་རྩི་ལྔའི་ཐིག་ལེ་བྱས་ལ། །སྡོམ་པ་སྦྱིན་པར་བྱ་སྟེ།
[361b.6]ཁྱོད་ཀྱིས་སྲོག་ཆགས་བསྒྲལ་བར་བྱ། །མཆོག་གི་རྫས་རྣམས་བླང་བར་བྱ། །གཞན་གྱི་དཔལ་ལ་ལོངས་སྤྱོད་ཅིང་། །བརྫུན་པ་ལྟ་བུའི་ཚིག་རྣམས་སྨོས། །བླ་མེད་དམ་ཚིག་འདི་རྣམས་ནི། །བུ་ཁྱོད་ཀྱིས་ནི་བསྲུང་བར་བྱ། །དེ་ནས་བདག་ཉིད་དཔལ་ཧེ་རུ་ཀའི་ང་རྒྱལ་གྱིས་གནས་པས་ལས་ཀྱི་ཕྱག་རྒྱའམ་ཆོས་ཀྱི་ཕྱག་རྒྱ་ལ་
[361b.7]གནས་ཉི་ཤུ་རྩ་བཞི་ལ་ཡི་གེར་བཀོད་ནས། དཔའ་བོ་དང་དཔའ་མོ་བྱིན་གྱིས་བརླབས་ཏེ་བསྐྱེད་ལ། སྒོ་བརྒྱད་དུ་མཁའ་འགྲོ་མ་བརྒྱད་བཀོད་ནས། སྙིང་གའི་རྩ་བཞི་ལ་ཡུམ་བཞིར་བྱིན་གྱིས་བརླབས་ནས། ཧྲཱིཿལས་པདྨར་བསྐྱེད་ལ་གནས་གསུམ་དུ་བྱིན་གྱིས་བརླབས་ནས། ཧཱུཾ་
[362a]
[362a.1]ལས་ལིང་ག་རྡོ་རྗེར་བསྐྱེད་ལ། ནོར་བུའི་མཚམས་ཨཱཿལས་བྱང་ཆུབ་སེམས་ཕབ་ནས་འཁོར་ལོ་བཞིའི་རང་བཞིན་དུ་བསྒོམས་ལ་དགའ་བ་བཞི་བཞིར་བསྐྱེད་ནས། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭཱ་བྷ་བ་ཨཱཏྨ་ཀོ྅ཧཾ་ཞེས་བརྗོད་ལ་ཐིག་ལེ་གསུམ་པདྨའི་ནང་དུ་
[362a.2]ཕབ་ལ་ཐོད་པའི་ནང་དུ་བཞག་སྟེ། །ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ཨཱཏྨ་ཀོ྅ཧཾ་ཞེས་བརྗོད་ལ་ཡེ་ཤེས་ལྔའི་འོད་ཟེར་སློབ་མའི་ལྕེ་ལ་གཞག་པར་བྱའོ། །དེ་ནས་སློབ་མའི་ལྐོག་མར་ཧྲཱིཿ ལས་པདྨ་འདབ་མ་བརྒྱད་པ་བསམས་ལ་ལྕེའི་པདྨའི་ཆ་ལ་ཧཱུཾ་ལས་རྡོ་རྗེ་བསྐྱེད་ལ་རྩེ་མོའི་དབུས་ཀྱི་སྦུ་
[362a.3]གུས་འཐུང་བར་བསམ་མོ། །དེ་ནས། འཁོར་ལོ་ཀུན་དང་རྣལ་འབྱོར་མ། །སངས་རྒྱས་ཞུ་བའི་རང་བཞིན་ཅན། །ཁམས་ལྔ་དག་དང་ཡང་དག་འདྲེས། །གསང་བ་ཡི་ནི་དབང་བསྐུར་རོ། །དེ་ནས་ཤེས་རབ་ཡེ་ཤེས་ཀྱི་དབང་བསྐུར་བར་བྱ་སྟེ་གསོལ་བ་གདབ་པ་ནི། འཁོར་ལོ་བཞི་ཡི་རང་བཞིན་ཅན། །
[362a.4]ཡེ་ཤེས་བཞི་ཡི་རང་བཞིན་སྐུ། །དགའ་བ་བཞི་ཡི་རང་བཞིན་མཆོག །བདེ་བ་ཆེན་པོའི་དབང་བསྐུར་གསོལ། །དེ་ནས་འདི་སྐད་ཅེས་བརྗོད་པར་བྱ་སྟེ། །བྲམ་ཟེ་རྒྱལ་རིགས་རྗེའུ་རིགས་དང་། །དམངས་རིགས་མཐར་གནས་ཤེས་རབ་ཀུན། །གུས་དང་བཅས་པས་མཆོད་པ་དང་། །གཉིས་མེད་
[362a.5]ཚུལ་དང་འོ་བྱེད་པར། །དཔའ་བོ་ཆེན་པོ་སྤྲོ་གྱུར་ཏམ། །སྨྲོས་ཤིག་དཔའ་བོ་བདེ་བ་ཆེ། །ཅི་གསུང་དམ་ཚིག་བསྟེན་པར་གྱིས། །ལྷ་མོ་བདག་གིས་བྱེད་པར་ནུས། །པདྨ་ཁ་བྱེ་བྱས་ནས་ནི། །སྐྲ་གྲོལ་གཅེར་བུར་གནས་པ་ཡིས། །རྡོ་རྗེ་བཞད་པ་གར་བྱེད་པ། །མེ་ཏོག་ཆུ་ལྡན་དཔའ་བོ་ཡིས། །
[362a.6]རྣལ་འབྱོར་མ་ལ་རྡོ་རྗེ་ཡིས། །དེང་ནས་བརྩམས་ཏེ་བུ་ཁྱོད་ཀྱིས། །བརྟུལ་ཞུགས་བཟང་པོས་འགྲོ་དོན་གྱིས། ཞེས་བརྗོད་དོ། །དེ་ནས་འདི་སྐད་ཅེས་སྡོམ་པ་དབོག་པར་བྱ་སྟེ། གཉིས་མེད་ཡེ་ཤེས་སེམས་ལྡན་ལ། །མི་བྱ་བ་ནི་ཅི་ཡང་མེད། །ཚངས་པར་སྤྱོད་པ་བརྟན་མནོས་ལ། །
[362a.7]འདོད་པ་ལྔ་ནི་སྤྱད་པར་གྱིས། །གཉིས་མེད་ལ་གནས་ཟས་ལ་ནི། །རྡོ་རྗེ་སེམས་དཔའ་ལ་སོགས་བརྡ། །ལྷ་མོ་གཞན་དང་ཀུན་སྦྱོར་བ། །འདོད་པ་ཆགས་པར་གྱུར་པ་དང་། །གཉིས་སུ་མེད་ཐོགས་མེད་པའོ། །དམ་ཚིག་སྤྱོད་དང་སྤྱད་པ་དང་། །བུད་མེད་དབང་ཕྱུག་ཤིན་ཏུ་ཚོར། །
[362b]
[362b.1]ཚངས་སྤྱོད་དེ་བཞིན་རྣམ་བཞི་ཡི། །ཁྲོ་མེད་རྒྱུན་གྱི་ཀུན་སྤྱོད་པ། །སྒྲུབ་པ་པོ་ཡིས་ཡོངས་སུ་བསྲུངས། །རྟག་ཏུ་སྒྲུབ་པ་ལ་གནས་ནས། །ཡུལ་ཀུན་ལ་ནི་རྣམ་གྲོལ་ཞིང་། །གཉིས་མེད་གྲུབ་པའི་རྣལ་འབྱོར་མ། །མི་བསྟེན་སྲིད་པ་དེང་ཁྱོད་ཀྱི། །བུ་ཁྱོད་ཀྱིས་ནི་བསྒྲུབ་པར་བྱ། །དེ་ལྟར་
[362b.2]སྡོམ་པ་བྱིན་ནས་ཕྱག་རྒྱ་རྣམ་པ་བཞིའི་བྱེ་བྲག་གིས་དབང་བསྐུར་བ་རྣམ་པ་བཞིར་འགྱུར་ཏེ། ཆགས་པའི་ལམ་ལ་དགེ་བསྙེན་གྱི་སྡོམ་པ་དང་ལྡན་པའི་ཁྱིམ་པའི་བྱང་ཆུབ་སེམས་དཔའ་ཉོན་མོངས་པའི་སེམས་དང་མ་བྲལ་བས། ལས་ཀྱི་ཕྱག་རྒྱ་རིགས་ཅན་མ་བཞི་དང་། ལོ་ཚིགས་
[362b.3]མ་བཞི་དང་། ལས་དང་ལྡན་པ་བཞི་སྟེ་བཅུ་གཉིས་ལ། གཟུགས་བཟང་ཡན་ལག་མ་ཉམས་དང་། །རྒྱན་ནི་ཀུན་གྱིས་བརྒྱན་པ་དང་། །ཞེས་བྱ་བ་ལ་སོགས་པ་གསུངས་པའི་ཡོན་ཏན་དང་ལྡན་པ་ལ་བསྐྱེད་པའི་རིམ་པ་ལ་བསྙེན་སྒྲུབ་བཞིའི་རིམ་པ་དང་ལྡན་པའི་ལྷ་མོར་བསྐྱེད་ལ། རྫོགས་པའི་
[362b.4]རིམ་པའི་འཁོར་ལོ་བཞིའི་རིམ་པ་རྒྱུད་ཀྱི་རིམ་པ་དང་། ཙཎྜ་ལཱི་སྔགས་ཀྱི་རིམ་པ་དང་། བྱང་ཆུབ་ཀྱི་སེམས་ཕབ་པའི་ཡེ་ཤེས་ཀྱི་རིམ་པས་དགའ་བ་བཞི་བསྐྱེད་ལ། རྡོ་རྗེ་འཛིན་པའི་མཐར། རྐན་ལ་ལྕེ་སྦྱར་རྒྱུན་བཟློག་པས། །ལྷ་དང་ལྷ་མིན་བསྡིགས་ནས་ནི། །གཉིས་མེད་ལྷན་ཅིག་སྐྱེས་དགའ་
[362b.5]བསྒོམ། །ཞེས་པ་དང་། ཡང་ན་གྲོལ་བའི་ལམ་ལ་དགེ་སློང་དང་དགེ་ཚུལ་ལམ། རབ་ཏུ་བྱུང་བའི་བྱང་ཆུབ་སེམས་དཔའ་ཆོས་ཀྱི་ཕྱག་རྒྱའི་འདོད་པའི་ཡོན་ཏན་ལྔའི་ལྷ་མོའམ། ཕྱག་མཚན་ལས་བསྐྱེད་པའམ། དམ་ཚིག་གི་ཕྱག་རྒྱར་རྩའི་འཁོར་ལོའམ། རླུང་དབུས་མ་ལས་གཏུམ་མོ་དྲོད་ཀྱི་
[362b.6]རིམ་པ་ལས་བདེ་བ་བྱང་ཆུབ་ཀྱི་སེམས་བསྐྱེད་ནས་རླུང་གི་འཁྲུལ་འཁོར་དང་། ཡི་གེའི་འཁྲུལ་འཁོར་གྱི་དགའ་བྲལ་གྱིས་གནས་ནས་བཟློག །དེ་ནས་བསྒོམ་དུ་གཞུག་སྟེ་གཏུམ་མོ་སྲུབ་ཤིང་གི་འཁོར་ལོ་ལས། ལྷན་ཅིག་སྐྱེས་དགའི་མན་ངག་ནི། །རི་བོང་འཛིན་དང་བཟློག་པའི་མཐར། །དུ་བ་
[362b.7]སྨིག་རྒྱུའི་རྟགས་ལྡན་པས། །དེ་ལས་གཟུངས་ནི་ཐོབ་པར་འགྱུར། །ཞེས་བྱ་བའི་ཚིག་དབང་རིན་པོ་ཆེ་ཉིད་སློབ་མ་ལ་སྦྱིན་པར་བྱའོ། །དེ་ནས། །འདོད་ཆགས་བྲལ་བ་ལྟ་བུའི་སྡིག །ཁམས་གསུམ་ན་ནི་གཞན་མེད་དེ། །དེ་བས་འདོད་ལ་ཆགས་བྲལ་བར། །ཁྱོད་ནི་ནམ་ཡང་མ་བྱེད་ཅིག །ཅེས་
[363a]
[363a.1]བརྗོད་ལ་དམ་ཚིག་བསྒྲག་པར་བྱའོ། །ཡང་ན་བདག་བྱིན་གྱིས་བརླབ་པའི་ལམ་པས་ནི་ཕྱག་རྒྱ་ཆེན་པོ་སྟོང་པ་ཉིད་ལ་རིལ་པོར་འཛིན་པ་དང་རྗེས་སུ་གཞུག་པའི་མན་ངག་གིས་བསྒོམ་སྟེ། བསམ་གྱིས་མི་ཁྱབ་པའི་རང་བཞིན་བདེ་བ་ཆེན་པོའི་ངང་ལ་འབད་རྩོལ་བྲལ་བའི་
[363a.2]བློས་ལྷུན་གྱིས་གྲུབ་པའི་དབྱིངས་ལ་གནས་པས་རྒྱུད་དང་སྔགས་དང་ཡེ་ཤེས་ཀྱི་རིམ་པ་སྤངས་པ་གསང་བའི་རིམ་པ་འབའ་ཞིག་ལ་བརྟེན་ནས། རླུང་དབུ་མ་དང་། ཐིག་ལེ་ཕྲ་མོ་དང་། རྩ་ཨ་བ་དྷཱུ་ཏཱི་དང་། གཏུམ་མོ་དྲོད་དང་། ལྷན་ཅིག་སྐྱེས་པའི་དགའ་བ་སྟེ་དེ་རྣམས་ནི་མཚོན་བྱེད་བྱང་ཆུབ་ཀྱི་སེམས་
[363a.3]སོ། །མཚོན་བྱ་དོན་གྱི་བྱང་ཆུབ་ཀྱི་སེམས་ནི་ཟུང་འཇུག་བསམ་གྱིས་མི་ཁྱབ་པ་དང་། ཐབས་བདེ་བ་ཆེན་པོ་ཟུང་འཇུག་རྟོག་པ་དང་བྲལ་བས་འབྲས་བུ་གཉིས་སུ་མེད་པ་ཟུང་འཇུག་བདེ་བ་ཆེན་པོ་ལྷུན་གྱིས་གྲུབ་པ་འབྱུང་བར་འགྱུར་རོ། །བཅོས་མའི་ལམ་མཚན་མ་དང་བཅས་པ་རྣམ་པར་སྤངས་ནས།
[363a.4]མ་བཅོས་པ་མཚན་མ་མེད་པ་བདག་བྱིན་གྱིས་བརླབ་པའི་སློབ་མ་ལ་བརྟན་པ་ཤེས་རབ་ཡེ་ཤེས་ཀྱི་དབང་བསྐུར་བ་ནི། ཚིག་དབང་རིན་པོ་ཆེ་གཉིས་པའོ། །དེ་སྐད་དུ་ཡང་། དཔེར་ན་ཕ་རོལ་དོན་གཉེར་འགའ། །གཟིངས་ལ་བརྟེན་ནས་འགྲོ་བྱེད་པ། །ཕ་རོལ་ཕྱིན་ནས་དོར་བར་བྱེད། །བཅོས་མའི་
[363a.5]ལམ་ཡང་དེ་བཞིན་ནོ། །ཞེས་གསུངས་སོ། །དེ་ནས་རིག་པའི་དམ་ཚིག་སྦྱིན་པར་བྱ་སྟེ། དོན་དམ་པར་ཆོས་ཀྱི་དབྱིངས་བདེ་བ་ཆེན་པོའི་རང་བཞིན་དམིགས་ལ། ཤིན་ཏུ་རྣམ་པར་དག་པའི་ལྷའི་དེ་ཁོ་ན་ཉིད་བསྒོམ་པར་བྱ་སྟེ། འགྲོ་བ་འདི་ཀུན་སངས་རྒྱས་ལྔ་བདག་ཉིད། །གར་མཁན་དང་ནི་
[363a.6]སངས་རྒྱས་བཟང་ལྟར་སྣང་། །གང་དུ་བདེ་ཆེན་ཞེས་བྱ་གཅིག་པུ་ཉིད། །གཅིག་པུ་ཉམས་ཀྱིས་དུ་མའི་གར་ཡང་མཛད། །ཉིན་མོ་བཅོམ་ལྡན་རྡོ་རྗེ་ཅན། །རྣལ་འབྱོར་མ་ནི་མཚན་མོར་བཤད། །སྤྲུལ་པ་ལས་བྱུང་དཔའ་བོ་རྣམས། །ཡན་ལག་དྲུག་ཅུ་སེམས་ཀྱིས་སྤྲུལ། །དག་པའི་
[363a.7]ཆོས་ཀྱི་སྤྲུལ་པ་ནི། །པདྨའི་གཟུགས་སུ་སྤྲུལ་པ་ཡིན། །ཤྲཱི་ནི་གཉིས་མེད་ཡེ་ཤེས་ཏེ། །ཧེ་ནི་རྒྱུ་ལ་སོགས་པ་ཉིད། །རུ་ནི་བཀོད་པ་དང་བྲལ་བ། །ཀ་ནི་གང་དུའང་མི་གནས་པའོ། །སེམས་ལ་རྣམ་གནས་རྣལ་འབྱོར་པ། །མྱ་ངན་འདས་ལ་མི་བསྟན་ཏོ། །ཞེས་བརྗོད་ལ། །ཧཱུཾ་ལས་ཆོ་ག་
[363b]
[363b.1]བསྐྱེད་ནས་མཚམས་ཀྱི་སྔགས་ཀྱིས་བསྲུང་བར་བྱའོ། །དེ་ནས་མེ་ཏོག་གཏོར་ལ་རྐང་པ་བརྒྱད་པས་བསྟོད་ནས་སློབ་མ་ལྡང་བར་བྱའོ། །ཆུ་དང་དབུ་རྒྱན་ཅོད་པན་དང་། །རྡོ་རྗེ་དྲིལ་བུ་མིང་ལྔ་ནི། །རིག་པའི་དབང་སྟེ་དང་པོ་ཡིན། །རྡོ་རྗེ་བརྟུལ་ཞུགས་ཕྱག་མཚན་སྔགས། །གར་དང་ཕྲེང་བ་གླུ་དང་ནི། །
[363b.2]དྲི་དང་སྤོས་དང་མར་མེ་སྟེ། །བརྟུལ་ཞུགས་དགུ་པོ་འདི་དག་ནི། །རིག་པ་འཛིན་པའི་ཡན་ལག་ཡིན། །བརྟུལ་ཞུགས་མང་པོ་གཉིས་པའོ། །མདོར་ན་རིག་འཛིན་བཅུ་བཞིའོ། །མི་ལྡོག་དབང་བསྐུར་གསུམ་པའོ། །སྤངས་པ་དང་ནི་ཡེ་ཤེས་དང་། །སྐུ་དང་གསུང་དང་ཐུགས་དང་ནི། །རྗེས་སུ་
[363b.3]གནང་བ་རྣམ་པ་གཉིས། །དཀྱིལ་འཁོར་ལྷ་ཡི་དེ་ཉིད་དང་། །སློབ་དཔོན་གྱི་ནི་ལས་རྣམས་དང་། །ལུང་བསྟན་གཟེངས་བསྟོད་དབུགས་དབྱུང་དང་། །མི་ལྡོག་ཡན་ལག་བཅུ་པོ་ནི། །དབང་བསྐུར་བ་ནི་བཞི་པ་ཉིད། །གསང་བའི་དབང་བསྐུར་གསུམ་པའོ། །ཤེས་རབ་ཡེ་ཤེས་དྲུག་པའོ། །མདོར་
[363b.4]ན་དབང་བསྐུར་རྣམ་བཞི་སྟེ། །དབྱེ་བ་ཉི་ཤུ་རྩ་བདུན་ནོ། །དཔལ་མཆོག་དང་པོའི་དབང་བསྐུར་བའི་རྒྱུད་དང་ཆོ་ག་སྣ་ཚོགས་ལས་བཏུས་པ་མཉེས་པའི་སྙིང་པོ་ཞེས་བྱ་བ་སློབ་དཔོན་དཔའ་བོ་རྡོ་རྗེས་མཛད་པ་རྫོགས་སོ།། {T1514}༄༅༅། །རྒྱ་གར་སྐད་དུ། ཛྙཱ་ནོ་ད་ཡོ་པ་དེ་ཤ་ནཱ་
[363b.5]མ། བོད་སྐད་དུ། ཡེ་ཤེས་འབྱུང་བའི་མན་ངག་ཅེས་བྱ་བ། །རྡོ་རྗེ་མཁའ་འགྲོ་ལ་ཕྱག་འཚལ་ལོ། །འཁོར་ལོ་བཞི་དབུས་ཐམས་ཅད་ལུས་ལས་བྱུང་བའི་རྩ་རྣམས་དྲུག་ཅུ་ཕྲག་གཉིས་ཀུན། །སྣ་ཚོགས་གཟུགས་ཅན་ཡིད་སྐྱེས་ཡོན་ཏན་དུ་མ་ལྡན་ཞིང་སྒྲུབ་པོ་དངོས་གྲུབ་གསོལ། །འདི་རྣམས་
[363b.6]ནང་ནས་གཙོ་མོ་རྒྱ་མཚོ་ལྟ་བུར་ཡང་ནི་བྱང་ཆུབ་སེམས་འབབ་པའི། །ལྷ་མོ་བདེ་བའི་རང་བཞིན་དགའ་བའི་གནས་སོན་རྡོ་རྗེ་ཕག་མོ་དེ་ཕྱག་འཚལ། །ཨཱ་ཨཱི་ཊྛི་ཨ་བཻ་རོ་ཨ་ཎ་ཞེས་བྱ་བ་ནི་དང་པོ་སྟེ་ཐོག་མར་རྣམ་པར་སྣང་མཛད་ཀྱི་ས་བོན་ཨོཾ་གནས་པའོ། །ཨཱ་ཨཱི་ཊྛི་ཨ་ཞེས་བྱ་བ་ནི་ཨ་ལ་གནས་པའི་
[363b.7]ཡིད་དོ། བཻ་རོ་ཨ་ཎ་ཞེས་བྱ་བ་ནི་དེ་རྣམས་སྣ་ཚོགས་པས་སྣང་བར་བྱེད་པ་དང་གསལ་བར་བྱེད་པའོ། །ཏ་སུ་བགྒཱ་ནེ་ཏཱ་ཨི་ཞེས་བྱ་བ་ནི་དེར་སྡེ་ཚན་གྱི་མཐའ་ཧ་སྟེ། དེར་ལྟེ་བའི་མཐར་ཧ་ན་བདེ་བ་ཆེན་པོ་ཡིན་ནོ། །ཏ་ཧ་པ་ཧ་ནྟེ་ཞེས་བྱ་བ་ནི་ཏ་དང་པ་དག་གི་མཐའ་ན་ན་མ་སྟེ། ཏ་ཞེས་བྱ་བ་ནི་ཕྱེ་བ་དང་རྒྱས་
[364a]
[364a.1]པའོ། །པ་ཞེས་བྱ་བ་ནི་པདྨ་སྟེ། འདིའི་མཐར་ཧ་ནི་བདེ་བར་རྟོགས་པར་བྱའོ། །ས་བ་རཱ་དིཊྛ་མ་ཨི་ཞེས་བྱ་བ་ནི་སའི་ཕ་རོལ་ཏུ་ཧ་བདག་གིས་མཐོང་བ་སྟེ་ས་ཞེས་བྱ་བ་ནི་ཁུ་བའོ། །བཞེས་བྱ་བ་ནི་ལྟེ་བར་རོ། །རཱ་ཞེས་བྱ་བ་ནི་འདོད་ཆགས་ཆེན་པོའི་རང་བཞིན་གྱིས་ཡིད་སེམས་ཀྱི་རང་
[364a.2]གི་ངོ་བོས་མཐོང་བའོ། །ཏི་ཨ་སར་སི་ར་སི་བྷུ་ཥི་སོ་ཞེས་བྱ་བ་ནི་དབྱངས་ཀྱི་གསུམ་པ་ཨི་ཡིས་སྤྱི་བོ་བརྒྱན་པའོ། །ཏི་ཨ་ཞེས་བྱ་བ་ནི་གསུམ་པ་སྟེ་སྐུ་དང་གསུང་དང་ཐུགས་སོ། །ས་ར་ཞེས་བྱ་བ་ནི་འཛག་པ་སྟེ། དེས་སྤྱི་བོ་རྣམ་པར་བརྒྱན་པ་ནི་བདེ་བ་ཆེན་པོ་རང་གི་ངོ་བོ་སྟེ་ཧའོ། །ས་ཨཱ་ར་མནྟེ་ཞེས་བྱ་བ་ནི་སའི་
[364a.3]རྣམ་པ་མཐར་ཡིན་ནོ། །ས་ཞེས་བྱ་བ་ནི་ཁུ་བའོ། །ཨ་ཞེས་བྱ་བ་ནི་ཤེས་རབ་ཀྱི་པདྨའི་ཟེ་འབྲུ་ལའོ། །ར་ཞེས་བྱ་བ་ནི་འདོད་ཆགས་ཀྱི་རང་བཞིན་གྱིས་གཉིས་ཀྱི་མཐར་རྟོགས་པར་བྱའོ། །ལ་ཤ་མཛྫྷཱ་ས་ཎོ་ཞེས་བྱ་བ་ནི་ལ་དང་ཤ་དག་གི་དབུས་སུ་ཝ་སྟེ་དེས་གདན་དུ་བྱའོ། །ས་ཞེས་བྱ་བ་ནི་ཁུ་བས་ལྟེ་
[364a.4]བར་སྟན་དུ་བྱས་པ་སྟེ། དེས་བག་ཆགས་ལ་སོགས་པ་ནུབ་པར་འགྱུར་བའོ། །བེཎྞི་བཱ་ཎ་པ་རི་ཨོ་ཨི་ཨོ་ཞེས་བྱ་བ་ནི་མདའ་གཉིས་ཡོངས་སུ་དག་པའི་སྭཱའོ། །བེཎྞེ་ཞེས་བྱ་བ་ནི་ཐབས་དང་ཤེས་རབ་ཀྱིས་སོ། །བཱ་ན་ཞེས་བྱ་བ་ནི་མངའོ། །ཨཎྜ་ཞེས་བྱ་བ་ནི་སྒོ་ངའི་མཛོད་ལས་བྱུང་བའི་བྱང་ཆུབ་ཀྱི་
[364a.5]སེམས་སོ། །ཀ་ཞེས་བྱ་བ་ནི་བདེ་བ་སྟེ་དེས་སེམས་ཡོངས་སུ་དག་པ་ཡིན་ནོ། །ས་བ་རོ་ཞེས་བྱ་བ་ནི་སའི་ཕ་རོལ་གྱི་ཧའོ། །ཨཱ་ཨཱ་ར་ས་ར་བ་རི་སཎྛི་ཨོཾ་ཞེས་བྱ་བ་ནི་ཨའི་མདའ་ལ་ཡོངས་སུ་གནས་པ་ཡིན་ནོ། །ས་ཞེས་བྱ་བ་ནི་དབང་པོ་ལ་སོགས་པ་ཐམས་ཅད་དོ། །བ་ཞེས་བྱ་བ་ནི་ལྟེ་བར་རོ། །
[364a.6]ར་ཞེས་བྱ་བ་ནི་འདོད་ཆགས་ཀྱི་རང་བཞིན་གྱིས་གནས་པ་ཡིན་ནོ། །ཨ་ཞེས་བྱ་བ་ནི་ལྷ་མོའི་ཟེའུ་འབྲུ་ལའོ། །ར་ཞེས་བྱ་བ་ནི་འདོད་ཆགས་ཀྱི་རང་བཞིན་ལའོ། །ས་ར་ཞེས་བྱ་བ་ནི་ཁྲག་དང་ཁུ་བ་འདྲེས་པར་གྱུར་པར་གནས་པའོ། །པུ་ཎོ་བི་སར་བ་རོ་ཞེས་བྱ་བ་ནི་ཡང་སའི་ཕ་རོལ་གྱི་ཧའོ། །བུ་
[364a.7]ཞེས་བྱ་བ་ནི་པུལླཱི་རའི་གནས་སུ་ཁུ་བ་མཆོག་དམ་པ་གནས་པའོ། །པཉྩ་བཱ་ཎ་ས་ནོ་ཞེས་བྱ་བ་ནི་མདའ་ལྔ་པ་སྟེ་ཨུས་གདན་དུ་བྱས་པའོ། །དབང་པོ་ལྔའི་མདའི་རང་བཞིན་གྱི་ཁུ་བས་གདན་དུ་བྱས་པའོ། །ཁཎྜེ་ནྡུ་བིནྡུ་སོ་ཧི་ཨོ་ཞེས་བྱ་བ་ནི་ཟླ་བ་ཕྱེད་པའི་ཐིག་ལེས་རྒྱན་པའོ། །ཨིནྡུའི་རང་གི་ངོ་
[364b]
[364b.1]བོ་ནི་ཟླ་བ་སྟེ་ཐིག་ལེའི་རང་བཞིན་གྱིས་བག་ཆགས་ལ་སོགས་པ་བཅད་ཅིང་བཅོམ་པའོ། །འདིས་བྱང་ཆུབ་སེམས་བརྒྱན་པའོ། །ལ་ས་མཛྷ་ཊྛིའོ་ཞེས་བྱ་བ་ནི་ལ་དང་ཤ་དག་གི་དབུས་སུ་ཝའོ། །ས་ཞེས་བྱ་བ་ནི་སེམས་དཔའོ། །ལ་ཞེས་བྱ་བ་ནི་བག་ཆགས་ལ་སོགས་པ་ནུབ་པར་འགྱུར་བའོ། །
[364b.2]ད་ཧ་བཱ་ཎ་པ་རི་ཨོ་སི་ཨོ་ཞེས་བྱ་བ་ནི་མདའ་བཅུ་པ་སྟེ་ཨཽ་ཡིས་ཡོངས་སུ་དག་པའོ། །ད་ཧ་ཞེས་བྱ་བ་ནི་སྒོ་བཅུ་པོ་རྣམས་སོ། །བཱ་ཎཱ་ཞེས་བྱ་བ་ནི་མདའ་སྟེ་འཛག་པའོ། །དེས་ཡོངས་སུ་དག་པ་ནི་སེམས་སོ། །ས་ས་མཛྫྷཊྛི་ཞེས་བྱ་བ་ནི་ཤ་དང་སའི་དབུས་སུ་ཥའོ། །ས་ས་ཞེས་བྱ་བ་ནི་གཉིས་
[364b.3]ཀྱི་ཁུ་བ་འདུས་པ་དབུས་ཡིན་ནོ། །ཏི་ཨ་བ་ཨ་ཎ་ཞེས་བྱ་བ་ལ་ཞལ་གསུམ་པ་ནི་གདོང་སྟེ་ཊའོ། །དགའ་བ་གསུམ་གྱི་ནང་དུ་གདོང་ནི་གཙོ་བོ་སྟེ་ལྷན་ཅིག་སྐྱེས་པ་ཡིན་ནོ། །པ་བ་ན་བི་ཨ་རུངྡ་ཨཾ་ཞེས་བྱ་བ་ནི་རླུང་དང་འགལ་བ་ནི་ཧེའོ། །ཧ་དང་ཨེའི་སྦྱོར་བས་པ་བ་ནི་རླུང་སྟེ་ལྡོག་པར་འགྱུར་རོ། །
[364b.4]པ་ཌི་ཧཱ་ས་ཨི་ཞེས་བྱ་བ་ནི་དེ་ནི་མངོན་པར་འདོད་པ་དང་འདོད་པའོ། །ཧཱུཾ་ཧཱུཾ་ཧཱལླ་ཨི་ཞེས་བྱ་བ་ནི་ཧཱུཾ་ཧཱུཾ་བྱིན་ནས་ཕྱིས་ཧ་བླང་བར་བྱ་སྟེ་ཧཱུཾ་ཧཱུཾ་ཕཊ་ཀྱི་སྒྲས་ཧ་བདེ་བ་ཆེན་པོ་གཟུང་བར་བྱའོ། །ན་བ་ས་ར་པ་རི་པུ་རི་ཨ་ཨཾ་ཞེས་བྱ་བ་ནི་མདའ་དགུ་ཡིས་ཏེ་ཨོ་ཡིས་ཡོངས་སུ་དག་པའོ། །སྒོ་དགུར་
[364b.5]མདའ་ནི་འཛག་པ་སྟེ་བྱང་ཆུབ་ཀྱི་སེམས་དེས་ཡོངས་སུ་གང་བའོ། །ཕ་ལ་ཨ་ལ་ཨེ་བཱི་ཎྞཱ་སེ་ཞེས་བྱ་བ་ནི་ཕཊ་རྣམ་པར་དགོད་པར་བྱ་སྟེ། ཨ་ལ་གང་ཞིག་ནུབ་པ་དེའི་འབྲས་བུ་བསམ་གཏན་ལ་དགོད་པར་བྱའོ། །ས་ཧྞ་ཨ་ཞེས་བྱ་བ་ནི་ཕཊ་དང་ཡང་དག་པར་ལྡན་པ་ནི་ཧའོ། །ས་ཞེས་བྱ་བ་
[364b.6]ནི་ཁུ་བ་སྟེ་འདིའི་ས་བོན་ནི་ཧའོ། །ཨ་པ་རི་པཱུ་རི་ཨཱ་ཞེས་བྱ་བ་ནི་ཨཾ་གི་རང་བཞིན་གྱི་ཐིག་ལེས་ཡོངས་སུ་གང་བའོ། །ཨཾ་ཞེས་བྱ་བ་ནི་ཐིག་ལེས་ཐམས་ཅད་ཡོངས་སུ་གང་བའོ། །དཔའ་བོའི་སྔགས་བཏུས་པའོ། །པཉྩ་མཛྫྷ་ཊྛི་ཨོ་ཞེས་བ་ནི་ལྔ་པའི་དབུས་སུ་གནས་པ་ནི་བ་སྟེ། ཕུང་པོ་ལྔ་
[364b.7]ལ་སོགས་པ་བྱང་ཆུབ་སེམས་ཀྱི་ནང་དུ་གནས་པའོ། །ཏནྟོ་ཧཱ་ཡོ་ཨེ་ཨི་ཞེས་བྱ་བ་ནི་དེའི་མཐར་ཧཱ་དང་ཡོ་དང་ལྡན་པ་སྟེ། རིགས་ཀྱི་བདག་པོའི་མཐར་ཧ་བདེ་བ་ཆེན་པོ་རླུང་དང་ལྡན་པ་ཡིན་ནོ། །ས་བ་རོ་ར་བརྞྛ་ཏུ་ཌྷོ་ཞེས་བྱ་བ་ནི་སའི་ཕ་རོལ་ནི་ཧ་སྟེ། རའི་ཡིག་འབྲུ་བཏགས་པ་ཡིན་ནོ། །
[365a]
[365a.1]ཨི་ཨ་ར་ས་ར་ར་སཾ་ཊྛི་ཨོ་ཞེས་བྱ་བ་ནི་ཨིའི་དབྱངས་ཡང་དག་པར་གནས་པའོ། །ས་ཞེས་བྱ་བ་ནི་ཁུ་བ་མཆོག་དམ་པ་སྟེ་འདོད་ཆགས་ལ་ཞོན་པ་ཡིན་ནོ། །ཨིའི་དབྱངས་ཀྱི་དབང་པོ་ལ་སོགས་པ་འཛག་པ་འདི་རྣམས་ཀྱི་གནས་སུ་བདེ་བ་ཆེན་པོ་གནས་པའོ། །བ་ཧནྟོ་ཞེས་བྱ་བ་
[365a.2]ནི་མཐར་མ་ཡིན་ནོ། །པ་ཞེས་བྱ་བ་ནི་པདྨའི་མཐར་ཡིད་བྱང་ཆུབ་ཀྱི་སེམས་བསྒོམ་པར་བྱའོ། །ན་བ་ས་ར་པ་ནི་ཨོ་ཨི་ཨོ་ཞེས་བྱ་བ་ནི་མདའ་དགུ་པ་སྟེ། ཨོ་ཡིས་ཡོངས་སུ་དག་པའི་མ་ཡིན་ཏེ། རྩ་དགུའི་མདའ་འཛག་པ་དེས་ཡོངས་སུ་དག་པ་ནི་དཀྱིལ་འཁོར་ཡིན་ནོ། །ས་བ་རོ་ར་བཎྞཱ་རུ་ཊྷོ་ཞེས་
[365a.3]བྱ་བ་ནི་སའི་ཕ་རོལ་ནི་ཧ་སྟེ། ར་ལ་ཞོན་པ་ཡིན་ནོ། །ས་ཞེས་བྱ་བ་ནི་སེམས་ཅན་ནོ། །པ་ར་ཞེས་བྱ་བ་ནི་དམ་པ་སྟེ། གང་ཞིག་པདྨར་རྡོ་རྗེ་བཅུག་པ་དེ་ནི་འདོད་ཆགས་ལ་ཞོན་པ་ཡིན་ནོ། །ཨེ་ཨཱ་ར་ཀཎྞཱ་བྷ་ར་ཎོ་ཞེས་བྱ་བ་ནི་ཨེའི་དབྱིབས་ཀྱིས་རྣ་བ་ལ་རྒྱན་དུ་བྱས་པ་སྟེ། ཨེའི་དབྱིབས་ཀྱིས་པདྨའི་ཟེ་འབྲུ་
[365a.4]ལ་ཨ་ཡིན་ནོ། །ས་བ་རོ་ར་བརྞཱ་རུ་ཊྷོ་ཞེས་བྱ་བ་ནི་སའི་ཕ་རོལ་གྱི་ཧ་སྟེ་རའི་ཡིག་འབྲུ་ཞོན་པ་ཡིན་ནོ། །ལྟེ་བ་དང་ཉེ་བར་འདོད་ཆགས་ལ་ཞོན་པ་ནི་སེམས་ཆེན་པོ་ཡིན་ནོ། །ཨི་སར་ཁཎྞཱ་ནྡུ་བིནྡུ་བྷུ་སི་ཨོ་ཨོ་ཧ་ཨི་ཞེས་བྱ་བ་ནི་ཨིའི་མདའ་དང་ཟླ་བ་ཕྱེད་པ་དང་ཐིག་ལེས་བརྒྱན་པའི་ཧ་ནི་མཛེས་པ་ཡིན་
[365a.5]ནོ། །དབང་པོ་ལ་སོགས་པའི་མདའ་འཛག་པའི་ཟླ་བའི་རང་བཞིན་གྱི་ཐིག་ལེས་བག་ཆགས་ལ་སོགས་གང་གི་ཚེ་གཅད་པར་གྱུར་པ་དེའི་ཚེ་དཀྱིལ་འཁོར་ཆེན་པོ་མཛེས་པ་ཡིན་ནོ། །ས་བ་རོ་ཞེས་བྱ་བ་ནི་སའི་ཕ་རོལ་གྱི་ཧ་སྟེ། དོག་པའི་རྩའི་སྤྱི་བོ་མཛེས་པའི་ནམ་མཁའི་གནས་སུ་བཅུག་པའི་
[365a.6]བྱང་ཆུབ་ཀྱི་སེམས་ཆེན་པོའོ། །པཉྩ་ས་ར་ཛོ་ཨེ་ཨི་ཞེས་བྱ་བ་ནི་མདའ་ལྔའི་ཨུ་དང་ལྡན་པ་སྟེ། བྱང་ཆུབ་ཀྱི་སེམས་དེ་དབང་པོ་ལྔ་དཔལ་ལྡན་པའོ། །ཁཎྜེ་ནམ་ཨུ་ཌ་མཎྜི་ཨོ་ཞེས་བྱ་བ་ནི་ཟླ་བ་ཕྱེད་པ་དང་ཐིག་ལེས་ཅོད་པན་ལ་བརྒྱན་པ་སྟེ། རྡོ་རྗེའི་ཅོད་པན་གྱི་རྩེ་མོའི་ཆ་ལ་ཟླ་བའི་རང་བཞིན་གྱི་ཐིག་ལེའི་
[365a.7]གཟུགས་ཀྱི་བྱང་ཆུབ་སེམས་འདིས་ཉོན་མོངས་པ་ལ་སོགས་པ་ཀུན་གཅོད་ཅིང་འཇོམས་པ་ཇི་སྙེད་པའོ། །པུ་ཎོ་བིས་ཨ་ལ་ཏ་ནུབ་ར་ཎ་ཧོ་ཞེས་བྱ་བ་ནི་ཡང་ལུས་ཐམས་ཅད་ཀྱི་མཆོག་གི་མགོན་པོ་ཧཱུཾ་སྦྱིན་པར་བྱ་སྟེ། རྡོ་རྗེ་དང་པདྨ་མཉམ་པར་སྦྱོར་བ་ལས་མཚོན་པར་བྱས་ནས་ཕྱིས་ལུས་ཐམས་ཅད་ཀྱི་མགོན་
[365b]
[365b.1]པོ་མཆོག་བདེ་བ་ཆེན་པོ་བསྒོམ་པར་བྱའོ། །ཕ་ཎ་ར་ཨ་ཎ་བི་ཧཱུཾ་ས་ཎོ་ཤེ་སོ་ཞེས་བྱ་བ་ནི་ཕཊ་རིན་པོ་ཆེ་གཉིས་ཀྱིས་སྔགས་ཀྱི་མཐར་རྣ་བར་བརྒྱན་པ་སྟེ། རིགས་ཀྱི་བདག་པོའི་ནོར་བུའི་བུ་གར་ཕཊ་དགོད་པར་བྱའོ། །བྱས་པ་འདིས་མ་ལུས་པའི་བྱང་ཆུབ་ཀྱི་སེམས་ཐིམ་པར་འགྱུར་རོ། །བི་ཧི་ཎཱ་
[365b.2]ཞེས་བྱ་བ་ནི་གང་ཞིག་སྔགས་ཀྱི་དང་པོར་ཨོཾ་དང་བྲལ་བ་སྟེ་སྤངས་པའོ། །བཻ་རོ་ཨ་ཎ་བི་པི་ཧ་པ་རི་ཨཾ་ཞེས་བྱ་བ་ནི་རྣམ་པར་སྣང་མཛད་ཀྱི་ས་བོན་ཨོཾ་གྱིས་སྔགས་དེའི་ཚིག་རྐང་སྣ་ཚོགས་པར་དགང་བར་བྱ་སྟེ། སྣ་ཚོགས་ནི་རྣམ་པ་སྣ་ཚོགས་པའི་པདྨ་འདིའོ། །ཚིག་རྐང་ནི་གནས་སུ་སྟེ་བྱང་ཆུབ་ཀྱིས་དགང་བར་
[365b.3]བྱའོ། །ཨ་པ་ར་མ་ཤེ་ཥ་ཞེས་བྱ་བ་ནི། རིགས་ཀྱི་བདག་པོའི་ཁར་ཨོཾ་བསྒོམ་པར་བྱའོ། །རྣལ་འབྱོར་མ་དྲུག་གི་སྔགས་བཏུས་པའོ། །པུབྦ་ཙི་ཨ་ཀམྨཱནྟ་ཞེས་བྱ་བ་ནི་དང་པོ་ལས་ཀ་སྦྱིན་པར་བྱ་བའོ། །དང་པོ་ནི་དགའ་བའོ། །སེམས་ནི་བྱང་ཆུབ་ཀྱི་སེམས་ལས་བརྩམས་ཏེ་ཀཾ་ནི་བདེ་བ་ཡིན་ནོ། །བ་ཧཱི་ས་མ་
[365b.4]བེཎྞི་བྷ་ཎི་ཨ་ཞེས་བྱ་བ་ནི་མེའི་ས་བོན་ར་དང་མཉམ་ཞིང་མཚུངས་པར་ཉིས་འགྱུར་ཏེ། འདོད་ཆགས་ཀྱིས་མཉམ་པའི་བྱང་ཆུབ་ཀྱི་སེམས་ཐབས་དང་ཤེས་རབ་ཀྱི་བདག་ཉིད་ཅན་ཉིས་འགྱུར་ཡིན་ནོ། །ཀུ་རུ་ཀུ་རུ་སཏྟ་བི་ཨོ་ཨ་ཞེས་བྱ་བ་ནི་ཀུ་རུ་ཀུ་རུ་དམ་པའི་ས་བོན་སྦྱིན་པར་བྱ་སྟེ། འདོད་ཆགས་ཀྱིས་
[365b.5]ཤར་བའི་ཀ་བདེ་བ་དམ་པའི་ས་བོན་ཡིན་ནོ། །དྷེ་ཧི་ཛ་ཊ་ཀུ་ཌི་ལ་ཨུ་སྭཱ་ཧཱ་ཞེས་བྱ་བ་ནི་ཌྷའི་སྟེང་དུ་ནའི་རལ་པ་མཛེས་པ་ཡིན་ནོ། །བ་ཞེས་བྱ་བ་ནི་དང་འདྲ་བའི་ཆོས་ཀྱི་འཁོར་ལོ་ཡི་གེ་ཐམས་ཅད་ཀྱི་མགོ་བོར་ཐིག་ལེ་འདིས་བྱང་ཆུབ་ཀྱི་སེམས་འབབ་བོ། །ཨེ་ཨ་པུ་ཎོ་བི་བྷ་ཎི་ཨ་ཞེས་བྱ་བ་ནི་འདི་ཡང་བརྗོད་
[365b.6]པར་བྱ་སྟེ། བ་ལྟ་བུའི་འཁོར་ལོ་ཉིས་འགྱུར་ཡིན་ནོ། །ཨ་ལི་ཨ་ཏཱ་སི་ཨ་ལོ་ཨེ་ཞེས་བྱ་བ་ནི་འཇིག་རྟེན་གྱི་བརྫུན་པའི་སྐྲག་པ་ནི་ཏྲཱ་ས་ཡ་ཞེས་བྱ་བ་ཡིན་ཏེ། གང་གི་ཚེ་དེའི་ཁུ་བས་འཁོར་ལོ་བཞིས་འཇིག་རྟེན་ཁྱབ་པ་དེའི་ཚེ་བག་ཆགས་ལ་སོགས་པ་མ་ལུས་པ་འཇིག་པར་བྱེད་དོ། །རུ་ཨ་བི་
[365b.7]ག་ཨེ་ཞེས་བྱ་བ་ནི་བག་ཆགས་བཅོམ་ནས་འཇིག་རྟེན་གཟུགས་དང་བྲལ་བ་ཡིན་ནོ། །ཨེ་ཨ་སབྔྷ་བངྷ་ཎི་ཨ་ཞེས་བྱ་བ་ནི་ཡི་གེ་འདི་དག་གི་རང་བཞིན་ཡང་བརྗོད་པར་བྱ་སྟེ། འདོད་ཆགས་དང་འདོད་ཆགས་དང་བྲལ་བ་འདི་དག་འདྲེས་པར་གྱུར་པའི་ཁུ་བ་ཡང་དམ་པའི་དངོས་པོ་མཛེས་པའི་
[366a]
[366a.1]གནས་སུ་འོང་བར་འགྱུར་རོ། །འོངས་པར་གྱུར་ན་ཅིར་འགྱུར་ཞེ་ན། རྫོགས་པའི་སངས་རྒྱས་ཀྱི་སྐུ་འཐོབ་པར་འགྱུར་རོ། །ཀ་སཱཀྑ་ཨོ་ཨཱ་ར་ས་ར་ས་ཡུ་ཏ་ཞེས་བྱ་བ་གང་ཞིག་ཀ་དང་ཥའི་ཡི་གེ་དག་འདྲེས་པར་གྱུར་པ་དེ་ནི་ཨོ་མདའ་དང་ཡང་དག་པར་ལྡན་པར་བྱའོ། །ཨོ་ནི་
[366a.2]རྩ་དགུ་སྟེ་སྒོ་དགུ་རུ་ཁུ་བ་དང་བདེ་བ་དམ་པའི་དངོས་པོ་དག་དང་ལྡན་པ་ཡིན་ནོ། །བྷ་ཡ་ཡཱ་སཊྛི་ཨ་ཞེས་བྱ་བ་ནི་བྷ་ཡཱི་སྒྲས་ཡང་དག་པར་གནས་པར་བྱའོ། །བྷ་ཞེས་བྱ་བ་ནི་བྷ་ག་སྟེ་རྩའི་ནམ་མཁའི་གནས་སུའོ། །ཡ་ནི་རླུང་ཡང་དག་གནས་པའོ། །ཨ་ཥ་བྷ་ནི་ཨབྦཾ་ཞེས་བྱ་བ་ནི་འདིའི་སྒྲ་ཡང་བརྗོད་དེ།
[366a.3]ཨེ་ལྟ་བུའི་བདེ་བ་ཆེན་པོའི་འཁོར་ལོར་སོང་ནས་ཡང་འོང་བར་འགྱུར་རོ། །ར་བི་ཨ་ས་ཎ་སཊྛི་ཨོ་ས་བ་རོ་ཞེས་བྱ་བ་ནི་སའི་ཕ་རོལ་གྱི་ཧའི་ར་ནི་སྟན་ཡིན་ཏེ། རའི་སྟན་ལ་གནས་པར་ཧ་བདེ་བ་ཆེན་པོ་བསྒོམ་པར་བྱའོ། །ད་ཧ་བཱ་ན་ཁཎྜེནྡུ་བིནྡུ་པ་རི་པཱུ་རི་ཨཾ་ཞེས་བྱ་བ་ནི་མདའ་བཅུ་པ་ཨོ་དང་ཟླ་བ་ཕྱེད་པ་དང་
[366a.4]ཐིག་ལེས་ཡོངས་སུ་གང་བ་ནི་ཧྲ་སྟེ། སྒོ་བཅུ་རུ་གནས་པའི་རྩ་རྣམས་ཟླ་བའི་རང་བཞིན་ཐིག་ལེའི་བྱང་ཆུབ་ཀྱི་སེམས་ཀྱིས་གང་གི་ཚེ་གང་བར་གྱུར་པ་དེའི་ཚེ་བག་ཆགས་ལ་སོགས་པ་བཅོམ་པས་ས་བཅུ་ཐོབ་པ་ཡིན་ནོ། ཨེ་ཨཾ་པུ་ཎོ་བི་ཀ་ཧི་ཨ་ཞེས་བྱ་བ་ནི་འདི་ཡང་བརྗོད་པར་བྱ་སྟེ། གཞན་ཡང་ས་
[366a.5]བཅུ་གཅིག་ཀྱང་ཡིན་ནོ། །ས་བ་རོ་བ་སིགྒ་སཊྛི་ཨོ་ཞེས་བྱ་བ་ནི་སའི་ཕ་རོལ་གྱི་ཧ་ཐིག་ལེ་གཉིས་དང་ལྷན་ཅིག་པའོ། །ས་ཞེས་བྱ་བ་ནི་ཁུ་བའོ། །བ་རོ་ཞེས་བྱ་བ་ནི་སྤྲུལ་པའི་འཁོར་ལོའི་ལྟེ་བའི་དབུས་སུ་ཐབས་དང་ཤེས་རབ་ཀྱི་ཐིག་ལེ་འདུས་པའི་བདེ་བ་ཆེན་པོའི་རང་བཞིན་ཧའོ། དི་རྞ་ཨ་ར་ས་ཧཱ་ཨ་
[366a.6]པ་རི་ཨོ་སི་ཨོ་ཞེས་བྱ་བ་ནི་དེ་ཉིད་ཉིན་བྱེད་ཀྱི་ས་བོན་ར་དང་ལྷན་ཅིག་པས་ཡོངས་སུ་དག་པ་བྱ་སྟེ། དེའི་བདེ་བ་ཆེན་པོ་དང་ལྷན་ཅིག་འདོད་ཆགས་ཆེན་པོའི་རང་བཞིན་གྱིས་སྣང་བར་བྱེད་དེ། འདིས་ཡོངས་སུ་དག་པ་ཡིན་ནོ། །བེཎྞི་གུ་ཎི་ཨབྦཱ་ཞེས་བྱ་བ་ནི་ཧྲ་ལན་གཉིས་སུ་བགྲང་བར་བྱ་སྟེ། ཐབས་དང་ཤེས་
[366a.7]རབ་ཀྱི་རང་བཞིན་གྱི་ཐིག་ལེ་བཞིར་ཤེས་པར་བྱའོ། །ཕེ་ཀཱ་རོ་དྷཱ་ཏ་བཱ་ལེནྡུ་བིནྡུ་ཛོ་ཨི་ཨཾ་ཞེས་བྱ་བ་ནི་ཕེའི་ཡི་གེའི་སྟེང་དུ་བྱིས་པའི་ཟླ་བ་དང་ཐིག་ལེ་དང་ལྡན་པར་བྱའོ། །བྱིས་པའི་རང་བཞིན་ནི་ཤེས་རབ་སྟེ་ཕེའི་ཡི་གེ་ལས་རྫོགས་པའི་ཟེའུ་འབྲུར་ཕྱིས་བྱང་ཆུབ་སེམས་ཀྱི་ཐིག་ལེ་དང་ལྡན་པར་བྱའོ། །
[366b]
[366b.1]པུ་ཎོ་བི་བྷ་ཎི་ཨ་ཞེས་བྱ་བ་ནི་ཡི་གེ་འདི་ཡང་བརྗོད་པར་བྱ་སྟེ། ཡི་གེ་འདི་ཡང་རྡོ་རྗེའི་ལྟ་བར་བསྒོམ་པར་བྱའོ། །ཕཊ་ཕཊ་ཊོ་པ་ཊི་ཀཱ་ར་སོ་ཧི་ཨཾ་ཞེས་བྱ་བ་ནི་ཕཊ་ཕཊ་ཅེས་བྱ་བའི་དྲེགས་པ་སྟེ་ང་རྒྱལ་གྱིས་མཛེས་པའོ། །རྡོ་རྗེ་དང་པདྨའི་སྒྲའི་ཕཊ་ཀྱིས་འདོད་ཆགས་ཆེན་པོ་མཛེས་པའོ། །ས་ཨ་
[366b.2]ལ་བི་ཨཔྤ་ཏ་རུ་ད་ཧ་ད་ཧ་ཌ་ཨི་ཎི་སཾ་བ་རུ་ཞེས་བྱ་བ་ནི་རྣམ་པར་རྟོག་པ་ཐམས་ཅད་ཀྱི་ཤིང་མཁའ་འགྲོ་མའི་རཱ་བཱི་སྡོམ་པས་བསྲེགས་པར་བརྗོད་དེ་དེའི་ཕྱིར་ད་ཧ་ད་ཧ་ཞེས་བྱ་བའི་སྒྲ་ཡོངས་སུ་བརྟགས་པའོ། །མཁའ་འགྲོ་མའི་སྡོམ་པའི་ཆོས་ཀྱི་འབྱུང་གནས་ཀྱི་མཐར་གནས་པ་ཡང་མ་ཡིན་ཞིང་
[366b.3]འབྱུང་བའང་མ་ཡིན་པའི་བྱང་ཆུབ་ཀྱི་སེམས་ཀྱི་རྣམ་པར་རྟོག་པ་ལ་སོགས་པ་ཐམས་ཅད་བསྲེགས་པའོ། །པཉྩ་བགྒ་ཞེས་བྱ་བ་ནི་སྡེ་ཚན་ལྔ་པའི་པའོ། །པ་ཞེས་བྱ་བ་ནི་སྤྲུལ་པའི་པདྨར་སྡེ་ཚན་བརྒྱད་བསྒོམ་པར་བྱའོ། །པཎྞཱི་ས་ཨུཏྟོ་ཞེས་བྱ་བ་ནི་སྡེ་ཚན་གཉིས་པའི་དང་པོ་ཙ་དང་ལྡན་
[366b.4]པ་སྟེ། དེ་ལ་སྡེ་ཚན་བརྒྱད་ཀྱི་ནང་དུ་རླུང་གི་འགྲོ་བ་དང་འོང་བའི་བསྒོམ་པས་བྱང་ཆུབ་ཀྱི་སེམས་དང་ལྡན་པ་ཡིན་ནོ། །བྷཀྵ་བྷཀྵ་བ་ས་རུ་དྷི་རཱནྟྲ་མཱ་ལཱ་བ་ལམྦི་ནེ་གྲྀཧྞ་གྲྀཧྞ་སཔྟ་བཱ་ཏཱ་ལ་ག་ཏ་བྷུ་ཛངྒ་སརྦམྦཱ་ཏརྫ་ཡ། བི་གུ་ཎི་ཨ་ཞེས་བྱ་བ་ནི་ཏརྫ་ཡའི་སྒྲ་ཉིས་འགྱུར་དུ་བྱའོ། །དང་པོ་བྷ་ནས་རའི་
[366b.5]མཐའི་ཡི་གེས་དང་པོ་རྡོ་རྗེའི་རྩ་བ་ནས་ལྟེ་བའི་མཐར་ཐིག་ལེ་དགུ་ཡང་དག་བཤད་དོ། །དང་པོ་ཏྟ་ནས་ཧྞའི་ཡི་གེ་དང་པོ་ལྟེ་བ་ནས་སྙིང་གའི་མཐར་ཡང་དག་པར་བཤད་དོ། །དང་པོ་གྲྀ་ནས་ཐ་མ་ཏའི་ཡི་གེས་དང་པོ་སྙིང་ག་ནས་མགྲིན་པའི་མཐར་བལྟའོ། །དང་པོ་བྷུ་ནས་མཐའ་མ་ཡིའི་དང་པོ་མགྲིན་
[366b.6]པ་ནས་བདེ་བ་ཆེན་པོའི་མཐར་ཡང་དག་པར་བཤད་དོ། །འདི་དག་ཐབས་དང་ཤེས་རབ་ཀྱི་རང་བཞིན་གྱིས་ཉིས་འགྱུར་དུ་བྱས་ན་ཐིག་ལེ་བདུན་ཅུ་རྩ་གཉིས་སོ། །འདི་རྣམས་རྡོ་རྗེ་དང་པདྨ་མཉམ་པར་སྦྱོར་བས་གང་གི་ཚེ་གཡོ་བ་དེའི་ཚེ་རྡོ་རྗེའི་མཐར་བདེ་བ་ཆེན་པོར་འགྱུར་རོ། །ཨ་ཞེས་བྱ་བ་ནི་
[366b.7]ཨའོ། །ཀའི་ཡིག་འབྲུ་ཞེས་བྱ་བ་ནི་ཀ་སྦྱིན་པར་བྱ་སྟེ། ཨ་གཏུམ་མོའི་ས་བོན་ལ་ཀ་བདེ་བ་ཆེན་པོ་ཡིན་ནོ། །ཏྲི་ཨ་ཙ་ཨུཊྛ་ཞེས་བྱ་བ་ནི་གསུམ་པའི་བཞི་པ་ཌྷའོ། །བ་བ་སཾཊྛི་ཨ་ཞེས་བྱ་བ་ནི་རླུང་གི་ས་བོན་ཡ་ལ་ཌྷ་གནས་པ་ཡིན་ནོ། །ཙ་ཨུཊྛ་ཞེས་བྱ་བ་ནི་བཞི་པ་སྟེ། ལྷན་ཅིག་སྐྱེས་པ་ལ་བ་ན་སྟེ་
[367a]
[367a.1]རླུང་ཡང་དག་པར་གནས་པ་ཡིན་ནོ། །ཨེ་ཨཎྷེ་སཾ་ཛོ་ཨ་བྷི་ནི་ཨབྦ་ཞེས་བྱ་བ་ནི་འདི་སྦྱོར་བ་ཡང་བརྗོད་པར་བྱ་སྟེ། འདིའི་སྦྱོར་བ་ཡང་བླ་མའི་མན་ངག་ཤེས་པར་བྱས་ནས་བསྒོམ་པར་བྱའོ། །སོ་ཧ་ཨི་ར་བི་ཨ་ས་ཎ་སཊྛི་ཨོ་ས་བ་རོ་ཞེས་བྱ་བ་ནི་སའི་ཕ་རོལ་གྱི་ཧ་ཉི་མའི་ས་བོན་ར་ཡིས་
[367a.2]སྟན་དུ་བྱས་ན་ཧས་མཛེས་པ་ཡིན་ཏེ། དབང་པོ་ཐམས་ཅད་མཆོག་ཏུ་ཁྱད་པར་དུ་འཕགས་པ་འདོད་ཆགས་ཆེན་པོའི་པདྨའི་སྟན་གྱིས་མཛེས་པ་ཡིན་ནོ། ཅོ་ཨུ་བཱ་ཎ་པ་རི་པཱུ་རི་ཨ་ཞེས་བྱ་བ་ནི་མདའ་བཞི་པའི་ཨི་ཡིས་ཡོངས་སུ་གང་བ་སྟེ། བཞི་པ་ལྷན་ཅིག་སྐྱེས་པས་དབང་པོ་ཐམས་ཅད་
[367a.3]ཡོངས་སུ་གང་ཞིང་ཚིམ་པར་གནས་པས་གང་དུ་ཡང་འགྲོ་བར་མི་འགྱུར་རོ། །པུ་ཎོ་བ་བྷ་ཎི་ཨ་ཞེས་བྱ་བ་ནི་ཡི་གེ་འདི་ཡང་བརྗོད་པར་བྱ་སྟེ། ཡང་དབང་པོ་ལ་སོགས་པ་གང་བ་ཡིན་ནོ། །ཀ་སཱ་ཀྵ་ཞེས་བྱ་བ་ནི་ཀ་དང་ཥ་དག་མཉམ་པར་སྦྱོར་བས་ཀྵའོ། །ཀཥ་ཞེས་བྱ་བ་ནི་ཐབས་དང་ཤེས་རབ་
[367a.4]ཀྱི་བདག་ཉིད་ཅན་གྱི་བྱང་ཆུབ་ཀྱི་སེམས་ཡིན་ནོ། པཉྩ་བགྒཱནྷ་ཨ་ས་ཎཊྛ། ཨ་ཞེས་བྱ་བ་ནི་སྡེ་ཚན་ལྔ་མཐའ་མའི་ཡི་གེས་གདན་དུ་བྱས་པ་སྟེ། ཕུང་པོ་ལྔ་ལ་སོགས་པ་ལྟེ་བའི་མཐར་སོན་པས་འདིར་སྟན་མའི་རྣམ་པ་ཡིད་ཀྱི་རང་བཞིན་ལ་བདེ་བ་ཆེན་པོ་ལས་འཛག་པའི་བྱང་ཆུབ་ཀྱི་སེམས་བདེ་
[367a.5]བ་ཆེན་པོའི་རང་བཞིན་གྱིས་སྟན་དུ་བྱས་པའོ། ཨ་ཨཱ་ར་བིནྡུ་ས་ཡུཏྟོ་ཞེས་བྱ་བ་ནི་ཨཱ་ཐིག་ལེ་དག་དང་ཡང་དག་པར་ལྡན་པ་ཡིན་ཏེ། དེར་སྐད་ཅིག་ལ་ཨ་ནི་རྣམ་པ་སྟེ། དཀྱིལ་འཁོར་གྱི་འཁོར་ལོ་ལ་སོགས་པ་ཐིག་ལེ་དང་ཡང་དག་པར་ལྡན་པ་ཡིན་ནོ། ཨེ་ཨཾ་ཙི་ཨ་བྷ་ཎི་ཨབྦཱ་ཞེས་བྱ་བ་ནི་ཡི་གེ་འདི་
[367a.6]ཡང་བརྗོད་པར་བྱ་བ་སྟེ། སེམས་འདི་ཡང་ཤེས་པར་བྱ་བའོ། ས་བ་རེ་བཻཎྞི་བ་སགྒ་ཧི་ཨོ་ཞེས་བྱ་བ་ནི་སའི་ཕ་རོལ་གྱི་ཧ་ལ་མདའ་གཉིས་པའི་ཨ་བཟུང་བ་སྟེ། རྔོན་པ་མདའ་གཉིས་ཐོགས་ནས་དབང་པོ་ལ་སོགས་པའི་རི་དགས་ལ་བསྣུན་པར་བྱེད་དོ། །ས་བ་རོ་ཞེས་བྱ་བ་ནི་རྡོ་རྗེའོ། །བེཎྞི་བ་ཎ་ཞེས་བྱ་བ་ནི་
[367a.7]པདྨ་སྟེ་འདི་དག་གིས་བག་ཆགས་ལ་སོགས་པའི་རི་དགས་གསོད་པར་བྱེད་དོ། པུ་ཎོ་བི་ཏི་ཨ་བཱ་ན་པ་རི་ཨོ་སི་ཨ་ས་བ་རོ་ཞེས་བྱ་བ་ནི་ཡང་སའི་ཕ་རོལ་གྱི་ཧ་མདའ་གསུམ་པ་ཨི་ཐུང་ངུས་ཡོངས་སུ་དག་པ་ཡིན་ཏེ། སྐུ་དང་གསུང་དང་ཐུགས་ཀྱི་དཀྱིལ་འཁོར་ཐམས་ཅད་ཀྱི་འཁོར་ལོ་མཆོག་ཏུ་ཁྱད་
[367b]
[367b.1]པར་དུ་འཕགས་པ་ཡོངས་སུ་དག་པ་ཡིན་ནོ། །པུ་ཎོ་བི་ས་བ་རོ་པཉྩ་བཱ་ཎཱ་ས་ཎོ་ཀི་ཨོ་ཞེས་བྱ་བ་ནི་ཡ་སའི་ཕ་རོལ་གྱི་ཧ་སྟེ། འདིས་མདའ་ལྔ་པ་ཨུ་ཐུང་ངུ་སྟན་དུ་བྱས་པའོ། །རྣམ་པ་ཐམས་ཅད་ཀྱི་མཆོག་དང་ལྡན་པའི་ཨུའི་རྣམ་པས་བདེ་བ་ཆེན་པོའི་རང་བཞིན་གྱིས་དབང་པོ་ལྔ་སྟན་དུ་བྱས་པ་ཡིན་ནོ། །ཨེ་
[367b.2]ཧྱ་སབྦཱ་ཁཎྜེནྡུ་བིནྡུ་མ་ཨུ་ཌ་བྷུ་ཥི་ཨ་ཞེས་བྱ་བ་ནི་ཡི་གེ་གསུམ་པོ་འདི་དག་ཐམས་ཅད་ཀྱི་ཅོད་པན་ལ་ཟླ་བ་ཕྱེད་པ་དང་ཐིག་ལེས་རྣམ་པར་བརྒྱན་པ་སྟེ། སྐུ་དང་གསུང་དང་ཐུགས་ཀྱི་ཡི་གེའི་རྡོ་རྗེས་ཅོད་པན་ལ་གང་བརྒྱན་པ་དེ་ཟླ་བའི་རང་བཞིན་གྱི་བྱང་ཆུབ་ཀྱི་སེམས་ཀྱི་ཐིག་ལེས་བག་ཆགས་ལ་སོགས་པ་
[367b.3]བཅད་པའོ། ཨེསྶ་པུ་ཎ་པུ་ཎ་གུ་ཎི་ཨ་ཞེས་བྱ་བ་ནི་ཡི་གེ་འདི་དག་ཐམས་ཅད་ཡང་ནས་ཡང་དུ་ཉིས་འགྱུར་དུ་བྱས་ཏེ། སྐུ་དང་གསུང་དང་ཐུགས་འདི་དག་ཡང་ཉིས་འགྱུར་དུ་བྱས་ན་དབང་པོ་དྲུག་ཡིན་ནོ། ཀ་ས་ཙ་དྷི་ས་ར་ཝ་ར་དྷ་རོ་ཞེས་བྱ་བ་ནི་ཀ་ས་ཙ་དྷིའི་མདའ་མཆོག་འཛིན་པའོ། །དྷི་ནི་ཤེས་རབ་
[367b.4]བོ། །ས་ནི་ཐབས་སོ། །ཙ་ནི་བྱང་ཆུབ་ཀྱི་སེམས་སོ། །ཀ་ནི་བདེ་བའོ། །ས་ར་ནི་འཛག་པས་ལྟེ་བར་དགའ་བ་བཞིའི་རང་བཞིན་འཛིན་པའོ། །ཨེཀྐ་ཀལླི་ཨནྟེ་ཞེས་བྱ་བ་ནི་ཡི་གེ་རེ་རེའི་མཐའ་རུ་ལི་སྦྱིན་པར་བྱ་སྟེ། དགའ་བ་བཞི་གཅིག་ཏུ་གྱུར་པས་བག་ཆགས་ལ་སོགས་པ་ནུབ་པར་འགྱུར་
[367b.5]བའོ། །ཨེ་ཨ་སྶ་རུ་ཨ་པུ་ཎ་པུ་ཎ་བྷ་ཎི་ཨ་ཞེས་བྱ་བ་ནི་ཡི་གེ་འདིའི་རང་གི་ངོ་བོ་ཡང་ནས་ཡང་དུ་བརྗོད་པར་བྱ་སྟེ། མི་འགྱུར་བའི་རང་གི་ངོ་བོ་འདི་ཡང་ནས་ཡང་དུ་བསྒོམ་པར་བྱའོ། །ས་བ་རོ་ཨཱུ་བཱ་ར་ས་ར་ར་རུ་དྷོ་ཞེས་བྱ་བ་ནི་སའི་ཕ་རོལ་གྱི་ཧ་ཨུ་ལ་ཞོན་པ་ཡིན་ཏེ། གང་གི་ཚེ་བྱང་ཆུབ་ཀྱི་སེམས་
[367b.6]ཤར་བ་འདོད་ཆགས་ལ་ཞོན་པར་གྱུར་པ་དེའི་ཚེ་ཡན་ལག་ཐམས་ཅད་ཀྱི་མཚམས་སུ་འགྲོ་བར་བྱེད་དོ། ཁཎྜནྡུ་བིནྡུ་པ་རི་ཨོ་སི་ཨོ་ཞེས་བྱ་བ་ནི་ཟླ་བ་ཕྱེད་པ་དང་ཐིག་ལེས་ཡོངས་སུ་དག་པའི་ཧཱུཾ་ཡིན་ཏེ། ཁ་ཞེས་བྱ་བ་ནི་པདྨའོ། །ཎྜེ་ཞེས་བྱ་བ་ནི་རྡོ་རྗེ་སྟེ། འདི་དག་མཉམ་པར་སྦྱོར་བའི་ཟླ་བའི་རང་
[367b.7]བཞིན་གྱི་ཐིག་ལེ་འཛག་པར་འགྱུར་ཏེ། འདིས་ཡོངས་སུ་དག་པའི་དཀྱིལ་འཁོར་ཡིན་ནོ། །པུ་ཎོ་བི་ཞེས་བྱ་བ་ནི་ཡི་གེ་འདི་དག་ཀྱང་ཡིན་ཏེ། ཡང་ནས་ཡང་དུ་ཟླ་བའི་རང་བཞིན་ཐིག་ལེ་འཛག་པར་འགྱུར་རོ། །པ་ཎ་ར་ཨ་ཎནྷ་པ་སཱ་ཧི་ཨོ་ཞེས་བྱ་བ་ནི་སྔགས་ཀྱི་མཐར་ཕཊ་རིན་པོ་ཆེས་རབ་ཏུ་བསྒྲུབས་
[368a]
[368a.1]པ་སྟེ། ཕཊ་རིན་པོ་ཆེ་ཁ་དོག་སེར་པོས་རིགས་ཀྱི་བདག་པོའི་མཐར་བསྒོམ་པར་བྱའོ། །བ་ཧཱུ་བི་བི་ཧ་ཞེས་བྱ་བ་ནི་ཆེས་མང་ཞིང་རྣམ་པ་སྣ་ཚོགས་པའོ། །ཀཱ་ལཱ་ཀཱ་ལཱ་ཞེས་བྱ་བ་ནི་ཨཱ་ལི་ཀཱ་ལིའོ། །ཀུ་སུ་མ་ས་ག་སི་ཧི་ཨོ་ཞེས་བྱ་བ་ནི་ཨཱ་ལི་དང་ཀཱ་ལི་འདི་དག་གི་མེ་ཏོག་གི་སྙིང་
[368a.2]པོ་བླངས་པའོ། །བ་ཏུ་ཞེས་བྱ་བ་ནི་རྩ་བརྒྱ་ཕྲག་གཅིག་དང་ཉི་ཤུ་ལྷག་པའོ། །འདི་རྣམས་སུ་བི་བི་ཧ་ཞེས་བྱ་བ་ནི་རྣམ་པ་སྣ་ཚོགས་པའི་ཐིག་ལེ་ཨཱ་ལི་དང་ཀཱ་ལིའི་རང་བཞིན་མེ་ཏོག་དང་ལྡན་པའི་ཤེས་རབ་དང་སྦྱོར་བ་ལས་བླངས་པའོ། །རྩ་བའི་སྔགས་བཏུ་བ་རྫོགས་སོ།། །།ཀཔྤ་རི་ཞེས་བྱ་བ་ནི་
[368a.3]ཀ་ལས་ཕ་རོལ་གྱི་ཁ་སྟེ། དེ་ཡང་ཆོས་ཀྱི་འབྱུང་གནས་ཀྱི་རང་བཞིན་ནོ། །དཊྛི་ནི་ཀུམྨཱ་ས་ཎ་སཊྛི་ཨ་ཞེས་བྱ་བ་ནི་མཆེ་བ་མའི་ས་བོན་ས་ལ་རུས་སྦལ་ཏེ་ཨུ་སྟན་དུ་བྱས་པའོ། །ཁུ་བས་རུས་སྦལ་གྱི་དབྱིབས་ཀྱི་ཆོས་ཀྱི་འབྱུང་གནས་སྟན་དུ་བྱས་པའོ། །མཛྫནྟ་ཞེས་བྱ་བ་ནི་སྡེ་ཚན་དབུ་མའི་མཐར་ནི་མའོ། །ས་མཛྫི་
[368a.4]ཨ་ཞེས་བྱ་བ་ནི་དབུས་དང་ལྡན་པ་སྟེ་བྷ་དང་སྦྱར་བར་བྱའོ། །དབུས་ནི་དགའ་བྲལ་གྱི་དགའ་བ་སྟེ། འདིའི་མཐའ་ནི་ལྷན་ཅིག་སྐྱེས་པ་སྟེ་འདིར་དབུས་སུ་དབང་པོ་ཐམས་ཅད་ཡིན་ནོ། །པུ་ཎོ་བི་ཙ་ཨུཊྛཊྛི་ཨ་ཞེས་བྱ་བ་ནི་ཡང་བཞི་པར་གནས་པའི་ན་སྟེ། ཡང་བཞི་པ་ལྷན་ཅིག་སྐྱེས་པ་ལ་སེམས་བརྟན་པར་
[368a.5]བྱས་ནས་བསྒོམ་པར་བྱའོ། ཛ་མ་དི་ཨནྟོ་ཞེས་བྱ་བ་ནི་གཤིན་རྗེའི་ཕོ་ཉ་མའི་ས་བོན་ཥ་མཐར་སྦྱིན་པར་བྱ་སྟེ། ཡའི་སྒྲ་བདེ་པ་ཆེན་པོ་ཡིན་ནོ། །བྷ་དྷ་ཨུ་མ་རི་པ་རི་ཨོ་སི་ཨོ་ཞེས་བྱ་བ་ནི་བཟང་པོའི་ས་བོན་ཨིའི་སྟེང་དུ་ཡོངས་སུ་དག་པ་སྟེ། རྡོ་རྗེའི་སྟེང་དུ་གནས་པའི་བྱང་ཆུབ་ཀྱི་སེམས་བཟང་པོའི་
[368a.6]བསམ་གཏན་ཡིན་ནོ། །པུ་ཎོ་བི་ཀུམྨ་ཛ་མ་ད་ནས་བ་ས་ཧི་ཨོ་ཞེས་བྱ་བ་ནི་ཡང་རུས་སྦལ་གྱི་རང་བཞིན་ཨུ་གཤིན་རྗེ་མཆེ་བ་མའི་ས་བོན་སས་རབ་ཏུ་བརྒྱན་པའོ། །ཡང་རུས་སྦལ་གྱི་དབྱིབས་ཆོས་ཀྱི་འབྱུང་གནས་སུ་ཡང་རླུང་གི་རང་བཞིན་ཟོས་ཤིང་བཅོམ་པས་ཀྱང་སེམས་རབ་ཏུ་བརྒྱན་པ་ཡིན་ནོ། །
[368a.7]ཨཱམྟེ་ཙི་ཨ་ནིམྦྷཽ་བ་ཨ་ཎ་ས་ཛུ་ཏ་ཞེས་བྱ་བ་ནི་ངའི་ཞལ་དང་ཡང་དག་པར་ལྡན་པར་བྱ་སྟེ། ངའི་ཞལ་དགའ་བ་བཞི་པོ་དེ་དང་སེམས་ཡང་དག་པར་ལྡན་པའོ། །ཨགྒི་ཀུམྨཱ་ས་ཎོ་ཎཱ་ཧོ་ཞེས་བྱ་བ་ནི་མེའི་ས་བོན་ཏེ་ཧ་རའོ། །དེ་ཡང་རུས་སྦལ་ཏེ། ཨུ་སྟན་དུ་བྱས་པའི་མགོན་པོ་ཡིན་ནོ། །འདོད་ཆགས་
[368b]
[368b.1]ཀྱིས་གང་ཞིག་བྱང་ཆུབ་ཀྱི་སེམས་ཤར་པ་དེ་མགོན་པོ་ཡིན་ནོ། །བེཎྞི་རེ་ཧོ་ཛ་ལོ་སི་ཞེས་བྱ་བ་ནི་ཧུ་ར་གཉིས་ཀྱིས་ཉེ་བར་འབར་ཞིང་རབ་ཏུ་གསལ་བ་ཡིན་ཏེ། འདོད་ཆགས་དང་འདོད་ཆགས་དང་བྲལ་བ་འདྲེས་པར་གྱུར་པས་ཉེ་བར་འབར་ཞིང་རབ་ཏུ་གསལ་བ་བདེ་བ་ཆེན་པོ་ཡིན་ནོ། །ཕ་ཎི་ཕ་ཎ་བ་
[368b.2]ཨ་ནོ་ཛྭ་ལོ་ཎ་ཧོ་ཞེས་བྱ་བ་ནི་མགོ་བོ་དང་ལྡན་པའི་གདོང་གི་ཁའི་ཕཊ་དེ། དེས་ཉེ་བར་འབར་ཞིང་རབ་ཏུ་གསལ་བའི་མགོན་པོ་ཡིན་ཏེ། རྡོ་རྗེ་དང་ཆུ་སྐྱེས་ཀྱི་སྒྲས་འབར་ཞིང་རབ་ཏུ་གསལ་བའི་འདོད་ཆགས་ཆེན་པོ་ཡིན་ནོ། །ཀཱ་ཀི་མུ་ཁི་ཞེས་བྱ་བ་ནི་ཁྭ་གདོང་མའོ། །མུ་ཀ་ཀེ་ཤི་ཞེས་བྱ་བ་ནི་སྐྲ་གྲོལ་མའོ། །
[368b.3]བཱགྒི་ཞེས་བྱ་བ་ནི་ངག་དང་ལྡན་པའོ། །ཨིནྡུ་བྷཱ་གི་ཞེས་བྱ་བ་ནི་ཟླ་བའི་མ་མའོ། །ཀེ་ཊཱི་སཱ་ཞེས་བྱ་བ་ནི་དེ་བྱེ་མའོ། ཛྫ་བོ་ཏི་བ་ཊིཛྫ་ཞེས་བྱ་བ་ནི་སྲོག་འདོན་མའོ། །པ་རི་ཨོ་ཨི་ཨོ་ཞེས་བྱ་བ་ནི་རྣལ་འབྱོར་མ་དྲུག་ཡོངས་སུ་དག་པའོ། །ཀ་ཧ་ཀ་ཧིཛྫ་ཨི་ཞེས་བྱ་བ་ནི་འདི་རྣམས་ཀྱི་མཐུ་གང་དུ་བརྗོད་པར་བྱ་བ་
[368b.4]ཞེས་བྱ་བའོ། །ཀསྶཙྪ་ཨ་ཛ་ཨི་ཞེས་བྱ་བ་ནི་རིག་མ་འདི་རྣམས་ཀྱི་མཐུ་གང་ན་ཡོད་པར་འགྱུར་ཞེས་བྱ་བའོ། །ཨིནྡྲ་བྲཧྨ་བིཊྛ་མ་ཧེ་ས་རོ་ཞེས་བྱ་བ་ནི་དབང་པོ་དང་ཚངས་པ་དང་ཁྱབ་འཇུག་དང་དབང་ཕྱུག་ཆེན་པོ་སྟེ་དགའ་བའི་རང་བཞིན་ནོ། །པ་ཙེ་ཁེ་བི་ཞེས་བྱ་བ་ནི་མངོན་སུམ་པའོ། །ས་བ་
[368b.5]ལ་ཧ་ཎོ་བི་ཞེས་བྱ་བ་ནི་དཔུང་དང་བཞོན་པར་བཅས་པ་ཡིན་ཏེ། འདི་དག་ནི་དགའ་བ་བཞིའི་མངོན་སུམ་གྱིས་དཔུང་དང་བཞོན་པར་བཅས་པས་དགའ་བ་བཅུ་དྲུག་གོ། །ཎྞཱ་ས་ཏ་ཧ་ན་སེ་ཞེས་བྱ་བ་ནི་འཇིག་པར་འདོད་ན་འཇིག་པར་བྱེད་དེ། དགའ་བ་འདི་རྣམས་ཀྱིས་བག་ཆགས་ལ་སོགས་པ་འཇིག་
[368b.6]པར་འདོད་ན་བསྒོམས་པ་ཙམ་གྱིས་འཇིག་པར་བྱེད་དོ། །ཀཱ་ཀི་ཧི་ཨ་ཨཱ་སཎྛི་ཨ་ཞེས་བྱ་བ་ནི་གང་དུ་འདི་ལྟ་བུ་ཡང་དག་པར་གནས་པ་བསྒྲག་པར་བྱ་ཞེ་ན་བླ་མ་ལ་གུས་པའི་སློབ་མ་དམ་ཚིག་ཅན་ལ་བསྒྲག་པར་བྱའོ་ཞེས་པའི་དོན་ཏོ། །བྷི་དྷི་ཨ་བྷུ་ཨ་ཎེ་ས་ར་ཁཎྜནྡུ་སོ་ཧི་ཨཱ་ཞེས་བྱ་བ་ནི་དབྱེན་མ་སྟེ་
[368b.7]ཨོའོ། །སའི་དབང་ཕྱུག་ནི་ཨ་སྟེ་འདི་དག་ལ་ཟླ་བ་ཕྱེད་པ་དང་ཐིག་ལེས་བརྒྱན་པ་ནི་ཨོཾ་ཡིན་ནོ། །ས་ནི་རྡོ་རྗེའོ། །དབྱེན་མ་ནི་པདྨ་སྟེ་འདི་དག་མཉམ་པར་སྦྱོར་བས་ཟླ་བའི་རང་བཞིན་བྱང་ཆུབ་ཀྱི་སེམས་ཀྱི་ཐིག་ལེས་བག་ཆགས་ལ་སོགས་པ་བཅད་པ་སྟེ་ཐིག་ལེ་དང་པོའོ། །པུ་ཎ་
[369a]
[369a.1]མཛྫ་ས་ག་ཧི་ཨ་ཞེས་བྱ་བ་ནི་ཡང་སྡེ་ཚན་དབུ་མའི་མ་བཟུང་སྟེ། ཡང་གང་ཞིག་པདྨའི་ནང་དུ་རྡོ་རྗེ་འདི་ལྟེ་བའི་དབུས་སུ་དེ་བཟུང་བ་སྟེ་ཐིག་ལེ་གཉིས་པའོ། །ཨུཏྟ་ར་མཛྫ་ཞེས་བྱ་བ་ནི་བྱང་གི་དབུ་མ་སྟེ་ཛའོ། །གང་གི་ཚེ་རྩའི་དབུས་སུ་ཡ་སྟེ་རླུང་ཡིན་པ་དེའི་ཚེ་བྱང་ནི་བདེ་བ་
[369a.2]མཆོག་ཡིན་ནོ། །ར་བི་ཀི་ར་ཎ་ཀ་མ་ལ་ས་ཛུཏྟ་ཞེས་བྱ་བ་ནི་ཉི་མའི་འོད་ཟེར་གྱི་པདྨ་སྟེར་དང་ཡང་དག་པར་ལྡན་པར་བྱའོ། །ཉི་མའི་འོད་དང་ཡང་དག་པར་ལྡན་པའི་ཀ་མ་ལ་ནི་པདྨ་སྟེ། རྡོ་རྗེ་དང་ལྷན་ཅིག་མཉམ་པར་སྦྱོར་བར་བྱ་སྟེ་ཐིག་ལེ་གསུམ་པའོ། །ན་ཨི་རི་ཏི་ཨ་མི་ཀི་རི་ཨ་ཀ་སོ་ཧི་ཨ་
[369a.3]ཞེས་བྱ་བ་ནི་སྲིན་པོའི་ཕྱོགས་སུ་གནས་པའི་ཝ་སྟེ་ཐིག་ལེ་བཞི་པའོ། །འདི་ནི་མི་ཀི་རའི་མཚན་མ་ཨཻ་ས་བརྒྱན་པ་སྟེ་ཐིག་ལེ་ལྔ་པའོ། །མི་ཀི་ར་ཞེས་བྱ་བ་ནི་ཨེའི་དབྱིབས་ཀྱི་ཆོས་ཀྱི་འབྱུང་གནས་ཀྱི་ནང་དུ་སྒྲའི་རང་བཞིན་རྩ་སྟེང་དུ་གནས་པའོ། །ན་ཨི་རིཏྟ་ཞེས་བྱ་བ་ནི་ཆུ་བོའི་རང་བཞིན་
[369a.4]ཏེ་དེ་ནི་རྡོ་རྗེ་པདྨ་མཉམ་པར་སྦྱོར་བས་བྱང་ཆུབ་ཀྱི་སེམས་འབབ་པའོ། །ཛ་ལ་ཎ་ཧ་བྷི་དྷི་ཨ་པ་རི་ཨོ་སི་ཨོ་ཞེས་བྱ་བ་ལ་འབར་བ་ནི་ར་སྟེ་ཐིག་ལེ་དྲུག་པའོ། །དབྱེན་མ་ནི་ཨོ་ས་ཡོངས་སུ་དག་པ་སྟེ་ཐིག་ལེ་བདུན་པའོ། །ཨོའི་རང་བཞིན་གྱི་སྒོ་དགུར་འདོད་ཆགས་ཀྱིས་ཕྱེ་བའོ། །
[369a.5]ཨུཏྟ་རསྶ་པ་ཧི་ཨ་ཞེས་བྱ་བ་ནི་བྱང་གི་དང་པོ་ནི་ཙ་སྟེ་ཐིག་ལེ་བརྒྱད་པའོ། །ཤེས་རབ་དང་མཉམ་པར་སྦྱོར་བའི་དུས་སུ་དང་པོར་བྱང་ཆུབ་སེམས་བསྐྱེད་པ་སྟེ་བྱང་ནི་མཆོག་ཡིན་ནོ། །ཛ་མསྶ་ཨནྟ་ཞེས་བྱ་བ་གཤིན་རྗེ་སྲུབ་པའི་མཐའ་ནི་སྟེ་ཐིག་ལེ་དགུ་པའོ། །ཡང་རླུང་གི་རང་བཞིན་གྱི་མཐར་
[369a.6]ལྷན་ཅིག་སྐྱེས་པའོ། །བ་ས་ཧ་ཨུ་ཨ་རི་ཊྛི་ཨ་ཞེས་བྱ་བ་ནི་གླང་སྟེ་ཨཱི་རིང་པོ་ནའི་སྟེང་དུ་གནས་པ་ནི་ཐིག་ལེ་བཅུ་པའོ། །དངོས་པོ་ཐམས་ཅད་ཀྱི་སྟེང་དུ་ལྷན་ཅིག་སྐྱེས་པ་མཆོག་གནས་སོ། །པ་བ་ཎོ་རཎྚ་ཎི་ན་པ་སཱ་ཧི་ཨོ་ཞེས་བྱ་བས་ནི་རླུང་གི་ས་བོན་ཡ་སྟེ་ཐིག་ལེ་བཅུ་གཅིག་པའོ། །རཎྜ་ནི་ཨེས་རབ་
[369a.7]ཏུ་མཛེས་པ་སྟེ་ཐིག་ལེ་བཅུ་གཉིས་པའོ། །རླུང་གི་རང་བཞིན་གྱི་ཡ་ཨེའི་དབྱིབས་ཀྱི་ཆོས་ཀྱི་འབྱུང་གནས་སུ་སྒོ་ངའི་མཛོད་ལས་འདོད་ཆགས་ཀྱི་རབ་ཏུ་མཛེས་པ་ནི་མཆོག་ཏུ་དགའ་བ་ཡིན་ནོ། །ཛ་མ་དཊྛི་ཎི་ན་ཨི་རི་བ་ཨིཊྛི་ཞེས་བྱ་བ་ནི་གཤིན་རྗེ་མཆེ་བ་མའི་ས་བོན་ས་བདེན་བྲལ་དུ་ཝའི་སྟེང་དུ་གནས་པ་
[369b]
[369b.1]སྟེ་ཐིག་ལེ་བཅུ་གསུམ་པའོ། །སའི་རང་བཞིན་གྱི་ཁུ་བ་ལྟེ་བར་གནས་པའོ། །མོ་ཧཱ་བྷ་རི་ཨ་ཞེས་བྱ་བས་ནི་གཏི་མུག་གི་ས་བོན་ཨས་གང་བ་སྟེ་ཐིག་ལེ་བཅུ་བཞི་པའོ། །དེ་ལ་བག་ཆགས་ལ་སོགས་པ་ཐམས་ཅད་རྨོངས་པར་བྱེད་པའོ། །ཛ་མ་མ་ཧ་ནི་མོ་ཧ་པ་རི་ཨོ་སི་ཨ་ཞེས་བྱ་བ་ནི་གཤིན་རྗེ་སྲུབ་མའི་ས་
[369b.2]བོན་ཏེ་ཐིག་ལེ་བཅོ་ལྔ་པའོ། །གཏི་མུག་གི་རང་བཞིན་ཨས་ཡོངས་སུ་དག་པ་ནི་ཐིག་ལེ་བཅུ་དྲུག་པ་སྟེ། ཡའི་རང་བཞིན་གྱི་རླུང་སྲུབ་པ་དང་། འཇིག་པ་དང་བག་ཆགས་ལ་སོགས་པ་འཇོམས་པ་ཡིན་ནོ། །སྒྱུ་མ་ཆེན་མོ་བཅུ་དྲུག་ནི་རྡོ་རྗེ་མཁའ་འགྲོས་བཤད་པ་ཡིན། པ་ཧི་ཨཾ་ཀུམྨ་ཞེས་བྱ་བ་ནི་
[369b.3]དང་པོའི་རུས་སྦལ་ཏེ་ཨུ་དང་ལྡན་པ་ཡིན་ནོ། །དང་པོར་རུས་སྦལ་གྱི་དབྱིབས་ཆོས་ཀྱི་འབྱུང་གནས་ལ་རེག་པ་ལ་སོགས་པར་བྱེད་པའོ། །ཨུཏྟ་རསྶ་པ་ཌྷུ་མ་ཞེས་བྱ་བ་ནི་བྱང་གི་དང་པོ་སྟེ་རྩའོ། །དང་པོར་བྱང་ཆུབ་ཀྱི་སེམས་མཆོག་ཟགས་ནས་ཕྱིས་མཉམ་པར་སྦྱར་བར་བྱའོ། །ཧ་རེཎྞི་ས་ཛུཏྟ་
[369b.4]ཞེས་བྱ་བ་ནི་ཧ་དང་ར་མཉམ་པར་སྦྱོར་བར་བྱེད་པ་སྟེ་ཧ་བདེ་བ་ཆེན་པོ་འདོད་ཆགས་དང་ལྡན་པ་ཡིན་ནོ། །བྷ་དྷ་ཨ་ཨུ་ཨ་རི་སཾཊྛི་ཨ་ཞེས་བྱ་བ་ནི་བཟང་པོའི་རང་བཞིན་ཨི་ཐུང་ངུ་སྟེང་དུ་གནས་པ་སྟེ། ལྷན་ཅིག་སྐྱེས་པ་བཟང་པོ་སྟེང་དུ་གནས་པ་ཡིན་ནོ། །ཛ་མ་དུ་ཨ་བ་རུ་ཎཱ་ས་ཎ་ཞེས་བྱ་བ་ནི་
[369b.5]གཤིན་རྗེ་ཕོ་ཉ་མའི་རང་བཞིན་ཥ་སྟེ་དེ་ཡང་ཆུ་བདག་གི་ལ་གནས་པ་སྟེ་གཤིན་རྗེའི་ཕོ་ཉ་བྱང་ཆུབ་ཀྱི་སེམས་ལྟེ་བར་གནས་པའོ། །ར་ཨི་མོ་ཧ་བྷ་བི་ཨ་ཞེས་བྱ་བ་ནི་རྨོངས་པར་བྱེད་པའི་ས་བོན་ཨས་བསྒོམས་པ་སྟེ། ཨ་གཏུམ་མོའི་ས་བོན་ལ་འདོད་ཆགས་འབར་བས་དབང་པོ་ལ་སོགས་པ་
[369b.6]རྨོངས་པར་བྱེད་པའོ། །བུ་ཎུ་ཀསཀྵ་ཀ་ཧི་ཨ་ཞེས་བྱ་བ་ནི་ཡང་ཀ་དང་ཥ་དག་མཉམ་པར་སྦྱོར་བའི་ཀྵ་ཡིན་ཏེ་ཁུ་བ་དང་བདེ་བ་དག་གིས་རྣམ་པ་གཉིས་སུ་མེད་པར་འདི་རྟོགས་པར་བྱ་བ་ཡིན་ནོ། །ཛ་མ་དཊྛི་ཎི་བྷ་དྷ་སི་ར་སོ་ཧི་ཨཾ་ཞེས་བྱ་བས་ནི་གཤིན་རྗེ་མཆེ་བ་མའི་ས་བོན་ས་ལ་བཟང་པོའི་ས་
[369b.7]བོན་ཨི་ཐུང་ངུས་སྤྱི་བོ་བརྒྱན་པ་སྟེ། ས་ནི་བྱང་ཆུབ་ཀྱི་སེམས་ཏེ་བདེ་བ་ཆེན་པོས་བརྒྱན་པ་ཡིན་ནོ། །བུ་ཎོ་བི་ཛ་མ་དཥྜ་ཎི་ཎ་ཨི་རི་ཏི་ཨ་ས་ན་ཞེས་བྱ་བ་ནི་ཡང་གཤིན་རྗེ་མཆེ་བ་མའི་ས་བོན་ས་བདེན་བྲལ་གྱི་ཝ་ལ་གནས་པ་སྟེ། ཡང་ས་ནི་བྱང་ཆུབ་ཀྱི་སེམས་ལྟེ་བར་བསྒོམ་པར་བྱའོ། །
[370a]
[370a.1]མོ་ཧ་ས་ཡུཏྟ་ཞེས་བྱ་བ་ནི་གཏི་མུག་གི་ས་བོན་ཨ་དང་ལྡན་པ་སྟེ་གཏི་མུག་ནི་མིག་ལ་སོགས་པ་སྟེ། དེ་དང་ལྡན་པ་ཡིན་ནོ། །ཏ་ཧ་ས་བ་རོ་ཧ་ས་ཧ་པ་རི་ཨོ་སི་ཨོ་ཞེས་བྱ་བ་ནི་དེ་ལ་སའི་ཕ་རོལ་གྱི་ཧ་གཏི་མུག་གི་རྣམ་པ་དང་ལྷན་ཅིག་ཡོངས་སུ་དག་པ་རྣམ་པ་ཐམས་ཅད་ཀྱི་
[370a.2]མཆོག་དང་ལྡན་པ་རྨོངས་པར་བྱེད་པའི་རང་བཞིན་གྱི་དབང་པོ་དང་ལྷན་ཅིག་ལྷའི་རྣལ་འབྱོར་གྱི་རྣམ་པས་བུ་མོ་འགུགས་པར་བྱེད་པའི་མཆོག་གོ། །པུབྦསྶ་ཨཊྛ་ག་ཏི་ཨ་ཞེས་བྱ་བ་ནི་ཤར་གྱི་བརྒྱད་པ་བ་བཟུང་སྟེ་དང་པོ་དབང་བརྒྱད་བླང་བར་བྱའོ། །མཛྫ་ཙ་ཨུཏྛ་ནྟ་ཨཛྫུཏྟ་ཞེས་བྱ་བ་ནི་དབུ་མའི་དྷ་དང་
[370a.3]བཞི་པའི་མཐའ་ན་དང་ལྡན་པར་བྱ་སྟེ། དབུ་མའི་དགའ་བྲལ་གྱི་དགའ་བའི་མཐར་བཞི་པ་ཤེས་པར་བྱའོ། །ཏ་ཧ་རཎྜ་ཤི་ཥུ་ལགྒ་ཞེས་བྱ་བ་ནི། དེ་ལ་རཎྜའི་རང་བཞིན་ཨེ་སྤྱི་བོར་ཐོགས་པ་སྟེ། སྒོ་ངའི་མཛོད་ལས་འདོད་ཆགས་ཆེན་པོས་སྤྱི་བོའི་བར་དུ་གང་ཞིག་འོངས་པ་དེ་བསྒོམ་པར་བྱའོ། །
[370a.4]པུ་ཎི་བི་མཛྫཎྜ་གི་ཧི་ཨཾ་ཞེས་བྱ་བ་ནི་ཡང་དབུ་མའི་མཐར་མ་བླང་བ་སྟེ་བསྒོམ་པ་བྱས་པས་གལ་ཏེ་མ་གྲུབ་པ་དེའི་ཚེ། ཡང་དབུ་མའི་མཐའ་ལྷན་ཅིག་སྐྱེས་པ་བླངས་ཏེ་སྒོམ་པར་བྱེད་ན་འགྲུབ་པར་འགྱུར་རོ། །བྷི་དྷི་མ་ཨ་མཎྚོ་ཞེས་བྱ་བ་ནི་དབྱེན་མའི་རང་བཞིན་ཨོ་མཐར་སྦྱིན་པར་བྱ་སྟེ། མཐར་བསྒོམ་པ་
[370a.5]བྱས་པས་བྱང་ཆུབ་ཀྱི་སེམས་ཀྱི་གནས་འབྱེད་པས་ཕྱིས་དངོས་གྲུབ་དང་ཆོ་འཕྲུལ་སྤྲོ་བར་བྱེད་དོ། །ཛ་མ་མ་ཧ་ཎི་ས་ག་ཏེ་ཨཾ་ཞེས་པས་ནི་གཤིན་རྗེ་སྲུབ་མའི་ས་བོན་ཧ་བླང་བར་བྱ་སྟེ། གང་གིས་རླུང་འཇིག་པ་དང་སྲུབ་པར་བྱེད་པ་དེ་བླང་བར་བྱའོ། །རཎྜ་ཀཎྞ་བྷ་ར་ཎོ་ཞེས་བྱ་བ་ནི་ར་བྷའི་ས་བོན་
[370a.6]ཨེ་རྣ་བའི་རྒྱན་ཏེ་རྣ་ཆ་བྱས་པའོ། །རཎྜ་ཞེས་བྱ་བ་ནི་ཨེའི་དབྱིབས་བདེ་བ་ཆེན་པོའི་འཁོར་ལོ་ལས་བྱང་ཆུབ་ཀྱི་སེམས་གང་གི་ཚེ་རྣ་བར་འོངས་པ་དེའི་ཚེ་རྒྱན་ཡིན་ནོ། །ཨནྟ་ས་ཧ་ཨོཾ་ཞེས་བྱ་བ་ནི་མཐར་སྭཱ་ཧཱ་ཡིན་ཏེ། རྡོ་རྗེའི་མཐར་བདེ་བ་དང་ཁུ་བ་ཡིན་ནོ། །བི་ཧི་པ་རི་ཨོཾ་ཞེས་བྱ་བ་ནི་ལམ་
[370a.7]འདིས་བསྒོམ་པར་བྱས་ན། ཆོ་ག་ཡོངས་སུ་དག་པའི་བསམ་གཏན་ཡིན་ནོ། །ཀ་ལ་མཛྫཊྛ་ཨ་ཛ་ཨ་ཨུ་ཞེས་བྱ་བ་ནི་བྱང་ཆུབ་ཀྱི་སེམས་ཀྱི་ཆུ་རྡོ་རྗེའི་དབུས་སུ་གནས་པས་བག་ཆགས་ལ་སོགས་པ་ལས་རྒྱལ་བར་འགྱུར་རོ། །ཟུར་བཅག་པའི་སྐད་ཀྱིས་སྔགས་བཏུས་པ་རྫོགས་སོ།། །།
[370b]
[370b.1]ཐིག་ལེའི་རབ་ཏུ་དབྱེ་བ་བསྒྲག་པར་བྱ་སྟེ། རྐང་མཐིལ་དང་ནི་རྐང་པའི་སྟེ། །བརླ་དང་གསང་བ་པདྨའི་རྩར། །ལྟེ་བའི་དབུས་དང་ལྟེ་བའི་སྟེ། །སྙིང་དང་མགྲིན་པ་རྐན་དང་ནི། །ཁ་དང་སྣ་རྩེ་རྣ་བ་དག །དཔྲལ་བ་སྤྱི་བོ་རྒྱབ་ཏུ་ཡང་། །འདི་རྣམས་གནས་ནི་བཅུ་དྲུག་ཏུ། །ཐིག་ལེ་རྣམས་ནི་ངེས་པར་
[370b.2]གནས། །འདི་རྣམས་མན་ངག་བཤད་པར་བྱ། །རྐང་མཐིལ་ལ་སོགས་གསང་བར་ནི། །དགའ་བའི་རང་བཞིན་ཐིག་ལེ་རྣམས། །པདྨའི་རྩ་སོགས་སྙིང་གི་བར། །མཆོག་ཏུ་དགའ་བའི་རང་བཞིན་ཉིད། །མགྲིན་པ་ལ་སོགས་སྣ་ཡི་བར། །དགའ་བྲལ་དགའ་བའི་རང་བཞིན་ནོ། །རྣ་བ་ལ་སོགས་རྒྱབ་ཀྱི་བར། །
[370b.3]ལྷན་ཅིག་སྐྱེས་པའི་རང་བཞིན་ཉིད། །འདི་རྣམས་རེ་རེ་དག་གི་ཡང་། །སྤྲུལ་པ་ཡང་ནི་བརྗོད་པར་བྱ། །འབུམ་ཕྲག་ཉི་ཤུ་རྩ་གཅིག་དང་། །སྟོང་ཕྲག་བརྒྱད་ཅུ་རྩ་བདུན་རྣམས། །ལྔ་བརྒྱ་ཡང་དག་ལྡན་པར་ཡང་། །རེ་རེ་ཡི་ནི་སྤྲུལ་པ་རྣམས། །འདི་རྣམས་ཀྱིས་ནི་ལུས་ཁྱབ་པ། །བྱེ་བ་ཕྲག་གསུམ་ཕྱེད་
[370b.4]བཅས་པས། །ཐིག་ལེ་རྣམས་ཀྱིས་ལུས་ལ་ཁྱབ། །བསྒོམས་པས་ཅུང་ཟད་དྲོད་ཐོབ་པ། །རངས་པས་བ་སྤུའི་ཁུང་བུ་ནས། །འོད་ཟེར་དག་ནི་རྣམ་པར་བྱུང་། །ཉིན་མོ་དང་ནི་མཚན་མོའི་ཚད། །ད་ནི་བདག་གིས་བཤད་པར་བྱ། །ཆུ་ཚོད་སུམ་ཅུ་རྩ་གཉིས་རྣམས། །ཉིན་དང་མཚན་མོར་རབ་ཏུ་གྲགས། །
[370b.5]རླུང་གི་འཕོ་བ་བཅུ་དྲུག་ཉིད། །ཆུ་ཚོད་རྣམས་ནི་གཉིས་གཉིས་ལ། །རེ་རེ་དག་གི་ཐིག་ལེ་ཡང་། །མགོ་ཟུག་ལོངས་སྤྱོད་ནུབ་པ་ཡང་། །ཧེ་རུ་ཀ་ནི་འབྱུང་རྒྱུད་དུ། །བཅོམ་ལྡན་འདས་ཀྱིས་ཡང་དག་བཤད། །སྒོམ་པ་མཆོག་གི་དུས་སུ་ནི། །སྐད་ཅིག་སྐད་ཅིག་ལ་ནི་སྐྱེ། །ཕལ་པའི་དུས་སུ་ཇི་
[370b.6]ལྟར་རྟོགས་པར་བྱ། ཞེ་ན། རླུང་གི་དབྱེ་བས་ཤེས་པར་བྱའོ། །རླུང་གི་དབྱེ་བ་ཇི་ལྟར་ཡིན་ཞེ་ན་སྨྲས་པ། སྣའི་བུག་པ་ནས་བརྒྱ་ཕྲག་བཅུ་བཞི་དང་ལྷག་པ་ཕྱེད་དང་བཅུ་གཉིས་དང་བཅས་པ་འགྲོ་བ་དང་འོང་བས། ཐིག་ལེ་གཅིག་གི་མགོ་ཟུག་པ་དང་ལོངས་སྤྱོད་པ་དང་ནུབ་པ་རྟོགས་པར་བྱའོ། །ཐིག་
[370b.7]ལེའི་ཚད་བསྒྲག་པར་བྱ་སྟེ། ལྔ་ལས་ཞེས་བྱ་བ་ནི་དབང་པོ་ལྔའི་བདག་ཉིད་ཀྱི་བཅོམ་ལྡན་འདས་སྙིང་ལ་བཞུགས་པ་སྟེ་དེ་ཉིད་སེམས་ཅན་ཐམས་ཅད་ཀྱི་རྩའོ། །ཉི་ཤུ་རྩ་ལྔའི་ཞེས་བྱ་བ་ནི་དཔའ་བོ་དང་དཔའ་མོའི་དབང་ཕྱུག་མ་ཉི་ཤུ་རྩ་བཞིའི་དབུས་སུ་བཅོམ་ལྡན་འདས་བཞུགས་པ་སྟེ། འདི་
[371a]
[371a.1]དག་གིས་ཉི་མ་སུམ་ཅུས་འགྲོ་བ་ཕྱི་རོལ་དུ་བཤད་དོ། །དེའི་ཕྱིར་བརྒྱ་དང་རྩ་གཅིག་གི་སུམ་འགྱུར་བྱས་ནས་ཞེས་བྱ་བ་ནི་རྒྱུ་དེའི་ཕྱིར་བརྒྱ་ཕྲག་གཅིག་དང་ལྷག་མ་གཅིག་གིས་བརྩིས་ཤིང་རྩ་བ་སུམ་ཅུ་བཅུག་པས་སུམ་བརྒྱ་དང་དྲུག་ཅུ་ལྷག་པ་ཡིན་ནོ། །འདིས་བགྲངས་པས་ཕྱི་རོལ་
[371a.2]དུ་ལོ་ཡང་བཤད་དེ། ནང་དུ་རླུང་འདི་དག་གི་ཚད་ཀྱིས་ལྷན་ཅིག་སྐྱེས་པ་ཐ་མ་ཡིན་ནོ། །དགའ་བ་རེ་རེའི་རླུང་སུམ་ཅུ་འགྲོ་བ་དང་འོང་བས་བརྒྱ་ཕྲག་བཞི་དང་ལྷག་མ་བརྒྱད་ཅུས་ནི་ལྷན་ཅིག་སྐྱེས་པ་འབྲིང་པོ་ཡིན་ནོ། །མཆོག་དེ་ཇི་ལྟར་ཡིན་ཞེ་ན་སྨྲས་པ། བརྒྱ་རྩ་སུམ་བཅུ་འགྱུར་ཞེས་བྱ་བ་ནི་བརྒྱ་
[371a.3]དང་ལྷག་པ་སུམ་ཅུ་འགྱུར་དུ་བྱས་ན་སྟོང་ཕྲག་གཅིག་དང་ལྷག་མ་སུམ་ཅུ་ཡིན་ཏེ། དབང་བོ་དྲུག་གི་རང་བཞིན་བོར་ན་དགའ་བ་རེ་རེ་ལ་དྲུག་ཅུ་རྩ་བཞི་ཡིན་ནོ། །འདིས་ནི་ལྷན་ཅིག་སྐྱེས་པ་མཆོག་ཏུ་འགྱུར་རོ། །སློབ་དཔོན་ཁ་ཅིག་ན་རེ་རླུང་སུམ་ཅུ་འགྲོ་བ་དང་འོང་བས་ལྷན་ཅིག་སྐྱེས་པ་ཐ་མའོ། །སུམ་བརྒྱ་དང་དྲུག་
[371a.4]ཅུ་ལྷག་པས་ནི་ལྷན་ཅིག་སྐྱེས་པ་འབྲིང་པོ་ཡིན་ནོ། །སྟོང་ཕྲག་གཅིག་དང་ལྷག་མ་སུམ་ཅུས་ལྷན་ཅིག་སྐྱེས་པ་མཆོག་ཡིན་ནོ་ཞེས་ཟེར་རོ། །མིག་གསུམ་རི་བོང་ཅན། བཅུ་དྲུག་ཟུང་དང་ཞེས་བྱ་བ་ལ། མིག་གསུམ་ཞེས་བྱ་བ་ནི་ཐ་མའོ། རི་བོང་ཅན་ཞེས་བྱ་བ་ནི་འབྲིང་པོའོ། །བཅུ་དྲུག་ཟུང་དང་
[371a.5]ཞེས་བྱ་བ་ནི་མཆོག་ཡིན་ནོ། །གང་ཞིག་ལྷ་ཟླ་བ་ཞེས་བྱ་བ་ནི་རྩ་གཉིས་ཀྱི་རང་བཞིན་གྱིས་ལྷ་སྟེ་ཟླ་བའོ། །དེ་རྣམས་ཞེས་བྱ་བ་ནི་ཟླ་བ་བཅུ་གཉིས་རྣམས་སོ། །ཉི་མ་ཞེས་བྱ་བ་ནི་ཉིན་མོ་བཅུ་གཉིས་སོ། །ཚེས་ཞེས་བྱ་བ་ནི་ཚེས་བཅུ་གཉིས་རྣམས་སོ། །བཅུ་དང་ལྔ་ནི་ལྷག་མ་གང་། །ཞེས་བྱ་བ་ནི་
[371a.6]བཅུ་དང་ལྷག་མ་ལྔ་ནི་བཅོ་ལྔ་ཡིན་ནོ། །དེ་བཅོ་ལྔའི་ཕྱེད་ཀྱིས་བགྲངས་པས་བརྒྱ་ཕྲག་གཅིག་དང་ལྷག་མ་ཉི་ཤུ་ཡིན་ནོ། །བཅུའི་ཕྱེད་དང་ཞེས་བྱ་བ་ནི་ལྔའོ། །ཉི་ཤུ་ཕྱེད་ཀྱིས་སྦྱང་བ་སྟེ། །ཞེས་བྱ་བ་ནི་དེ་ཡང་བཅུས་བརྩིས་པས་ལྔ་བཅུ་ཡིན་ཏེ། འཁོར་ལོ་བཞིའི་རྩ་བརྒྱ་དང་ཉི་ཤུའི་ནང་དུ་ཡི་གེ་ལྔ་
[371a.7]བཅུ་ཐིག་ལེའི་གཟུགས་སུ་བསྒོམ་པར་བྱའོ། །འཚོ་བའི་ཞེས་བྱ་བ་ནི་སྐྱེས་བུ་འཚོ་བའི་ཐིག་ལེ་རྣམས་སོ། །དུ་ཡིན་ཞེ་ན། སྨྲས་པ་སུམ་བརྒྱ་དང་ལྷག་མ་དྲུག་ཅུས་སྟོང་ཕྲག་གཅིག་དང་ལྷག་མ་སུམ་ཅུ་བརྩིས་པས་ཐིག་ལེ་འབུམ་ཕྲག་གསུམ་དང་སྟོང་ཕྲག་བདུན་ཅུ་བརྒྱད་བརྒྱར་འགྱུར་རོ། །འདི་
[371b]
[371b.1]རྣམས་ནི་ཟས་ལོག་པ་དང་། སེམས་མི་དགའ་བ་དང་བུད་མེད་དང་འཕྲད་པས་ཟད་པར་འགྱུར་ཞིང་མི་སྣང་བར་འགྱུར་རོ། །ཡི་གེ་ལྔ་བཅུ་འཁོར་ལོའི་དབུས་སུ་བསྒོམས་པས་ཐིག་ལེ་འཕེལ་བར་འགྱུར་ཏེ། འཕེལ་བས་སྐྱེས་པ་རྣམས་ཀྱི་ཚེ་ཟད་པར་མི་འགྱུར་ཞིང་ཚེ་རིང་བར་འགྱུར་རོ། །དེ་ནས་བྱང་
[371b.2]ཆུབ་སེམས་ཀྱི་གནས་སྐབས་བཤད་པར་བྱའོ། །དང་པོར་སྐར་མ་བརྩི་བར་བྱ། །ཞེས་བྱ་བ་ནི་དང་པོར་རྒྱུ་སྐར་ཉི་ཤུ་རྩ་བདུན་བགྲང་བར་བྱ་སྟེ། བརྐྱང་མ་དང་རོ་མ་དང་ཀུན་འདར་མ་དང་ལྡན་པའི་རྒྱུ་སྐར་ཉི་ཤུ་རྩ་བདུན་རྣམ་པར་དག་པའི་རྩ་ཉི་ཤུ་རྩ་བདུན་ལ། ཉི་མ་ཉི་ཤུ་རྩ་བཞི་དབྱེ་བས་བྱང་ཆུབ་ཀྱི་
[371b.3]སེམས་མཚོན་པར་བྱའོ། །གང་ལ་ཟླ་བ་རྣམས་གནས་པའི། །ཞེས་བྱ་བ་ནི་གང་དུ་རྩ་རྣམས་ལ་ཟླ་བ་བྱང་ཆུབ་ཀྱི་སེམས་གནས་པ་དེ་རྣམས་ཀྱི་ཚེས་ཀྱི་དབྱེ་བས་ཤེས་པར་བྱའོ། །ཚེས་བཅུ་གཅིག་རྣམ་པར་དག་པའི་རྩ་ལ་གང་གི་ཚེ་བྱང་ཆུབ་སེམས་ཡིན་ན། དྲུག་ཏུ་བརྩི་བར་བྱ་ཞེས་བྱ་བ་ནི་དྲུག་
[371b.4]འགྱུར་དུ་བགྲངས་པས་དྲུག་ཅུ་རྩ་དྲུག་ཡིན་ནོ། །ཉི་མའི་ཆུ་ཚོད་བོར་ནས་ནི། །ཞེས་བྱ་བ་ནི་ཕུམ་བུ་སུམ་ཅུ་རྩ་གཉིས་གསལ་བས་སུམ་ཅུ་རྩ་བཞི་གནས་སོ། །དེ་ལ་ཟླ་བ་གཞུག་བྱ་སྟེ། །ཞེས་བྱ་བ་ནི་ཟླ་བ་བཅུ་དྲུག་བཅུག་པས་ལྔ་བཅུར་འགྱུར་རོ། །ཡང་ནི་དྲུག་ཅུས་བརྡུང་བར་བྱ། །ཞེས་བྱ་བ་ནི་དེ་རྣམས་
[371b.5]དྲུག་ཅུ་འགྱུར་དུ་བརྩིས་པས་སྟོང་ཕྲག་གསུམ་དུ་འགྱུར་རོ། །མདའ་ཞེས་བྱ་བ་ནི་ལྔའོ། །མེ་ནི་གསུམ་མོ། །བཅུད་ཀྱི་དབང་པོ་ཞེས་བྱ་བ་ནི་བརྒྱད་དེ་འདི་རྣམས་བཅུ་དྲུག་གི་ཆ་བོར་བར་བྱའོ། །ཕྱིས་ནི་ཆ་ལྷག་མ་བརྒྱད་གནས་པར་འགྱུར་ཏེ། དེ་ཡང་བརྒྱད་ཀྱི་གནས་སྐབས་ཀྱིས་བྱང་ཆུབ་ཀྱི་སེམས་སུ་
[371b.6]ཤེས་པར་བྱའོ། །བཅུ་གཉིས་རང་གི་ནང་དུ་ནི། །ཞེས་བྱ་བ་ནི་ཐབས་དང་ཤེས་རབ་ཀྱི་ཉི་མ་བཅུ་གཉིས་ཀྱི་དབྱེ་བས་ཤེས་པར་བྱ་སྟེ། དབྱེ་བ་འདིས་ཤེས་རབ་དང་ཕྲད་པའི་དུས་སུ་ཆོས་ཀྱི་འབྱུང་གནས་སུ་ཐིག་ལེ་ལྟུང་བར་ཤེས་པར་བྱ་སྟེ། ལྟུང་བར་གྱུར་ནས་བྱང་ཆུབ་ཀྱི་སེམས་གལ་ཏེ་མ་ཐོས་ན་དེའི་
[371b.7]ཚེ་རྫོགས་པའི་བྱང་ཆུབ་སྒྲུབ་པ་ལ་སྐྱོན་ཆེན་པོར་འགྱུར་རོ། །ཐབས་དང་ཤེས་རབ་ཕྲད་པའི་དུས་སུ་བྱང་ཆུབ་སེམས་ཀྱི་འགྲོ་བ་བཤད་པར་བྱའོ། །སྐྲ་ནས་འགུགས་པ་ལ་རའི་འགྲོ་བ་སྟེ་བྱང་ཆུབ་སེམས་འབོ་ཞིང་འགྲོ་བའི་ཕྱིར་ཙྪ་གའོ། །གོས་ཕུད་པ་ན་ཀླུའི་འགྲོ་བ་སྟེ་འགྲོ་ཞིང་འཇིགས་པའི་
[372a]
[372a.1]ཕྱིར་ནཱ་གའོ། །བྷ་ག་མཐོང་ན་ཁྱིའི་འགྲོ་བ་སྟེ་རང་གི་དོན་འགུགས་པའི་ཕྱིར་ཤྭ་ནའོ། །ལག་པ་དང་ལག་པ་ཕྲད་པ་ན་བྱི་བའི་འགྲོ་བ་སྟེ་བག་ཆགས་ལ་སོགས་པ་རྣམས་རྨོངས་པར་བྱེད་པའི་ཕྱིར་མཱུ་ཥི་ཀའོ། །འོ་བྱེད་པ་ན་བྱི་ལའི་འགྲོ་བ་སྟེ་ཡིད་བྱང་ཆུབ་སེམས་འཛག་
[372a.2]པའི་ཕྱིར་མརྫའོ། །འཁྱུད་པ་ན་སྟག་གི་འགྲོ་བ་སྟེ་དུས་འདིར་རྣམ་པར་རྟོག་པ་ཟོས་པའི་ཕྱིར་བྱཱ་གྷྲའོ། །ནུ་མ་ཉེད་པ་ན་གླང་གི་འགྲོ་བ་སྟེ། བྷ་གར་བདུད་རྩི་འབབ་པའི་ཕྱིར་བྲྀ་ཥ་བྷའོ། །མ་མཆུ་འཇིབ་པ་ན་བོང་བུའི་འགྲོ་བ་སྟེ་ཆགས་པར་འགྱུར་བའི་ཕྱིར་ཁ་རའོ། །དགའ་བའི་ཆ་ས་མ་ཧེའི་འགྲོ་
[372a.3]བ་སྟེ་བག་ཆགས་ལ་སོགས་པ་རྣམས་ལ་ཡིད་གསོད་པའི་ཕྱིར་མཧིཪྵའོ། །སྦང་རྩི་འཐུང་བ་ན་རྟ་ཅང་ཤེས་ཀྱི་འགྲོ་བ་སྟེ་དབང་པོ་ལ་སོགས་པ་རྣམས་ལ་བསྣུར་བའི་ཕྱིར་ཧ་ཡའོ། །རྡེག་པ་ནི་སྤྲེའུའི་འགྲོ་བ་སྟེ། ཡིད་ཀྱི་བདུད་རྩི་འདོད་ཆགས་ཀྱིས་སྐྱེད་པར་བྱུང་བའི་ཕྱིར་མརྐ་ཊའོ། །གོ་བར་
[372a.4]བྱེད་པ་ན་གླང་པོའི་འགྲོ་བ་སྟེ་བྱང་ཆུབ་སེམས་འགྲོ་བ་ན་ཤེད་སྐྱེ་བའི་ཕྱིར་ག་ཛའོ། །རྡོ་རྗེ་འཛུད་པ་ནི་མིའི་འགྲོ་བ་སྟེ་ཡིད་ལ་འདོད་པ་དང་ལྡན་པ་འབྱུང་བའི་ཕྱིར་མ་ནུ་ཥའོ། །བསྐྱོད་པ་ན་ནེ་འུ་ལེའི་འགྲོ་བ་སྟེ་རིགས་ལྔའི་རང་བཞིན་ཁྱེར་བར་བྱེད་པའི་ཕྱིར་ན་ཀུ་ལའོ། །རྣམ་པ་སྣ་ཚོགས་པ་བསྐྱོད་
[372a.5]པ་ན་རྟའི་འགྲོ་བ་སྟེ་བདེ་བ་ཆེན་པོའི་དབུགས་འབྱིན་པ་སྦྱིན་པའི་ཕྱིར་ཨ་ཤྭའོ། །དབང་པོ་ཐམས་ཅད་འགོག་པ་ན་རྡོ་རྗེའི་འགྲོ་བ་སྟེ་ལྷན་ཅིག་སྐྱེས་པ་ན་མི་ཕྱེད་པའི་ཕྱིར་རྡོ་རྗེའོ། །གཤིན་རྗེ་དང་འབྱུང་པོ་དང་ཡི་དགས་དང་སྲིན་པོའི་འགྲོ་བ་འདི་རྣམས་ཀྱི་རང་བཞིན་ནི་དགའ་བ་ཐམས་ཅད་ལ་ཡོད་དོ། །
[372a.6]གཤིན་རྗེའི་ཞེས་བྱ་བ་ནི་ཡའི་རང་བཞིན་གྱི་རླུང་སྲུབ་པའོ། །ཡང་དག་པའི་དོན་སྟེར་བའི་ཕྱིར་འབྱུང་བའོ། །རབ་ཏུ་འགྲོ་བའི་ཕྱིར་ཡི་དགས་སོ། །འདོད་ཆགས་ཟད་པར་བྱེད་པའི་ཕྱིར་སྲིན་པོའོ། །དེ་ལྟར་དགའ་བ་བཅུ་དྲུག་གི་འགྲོ་བ་ཤེས་པར་བྱ་སྟེ། གཞན་པའི་འགྲོ་བ་ནི་རེའུ་མིག་ཉི་ཤུ་རྩ་བཞིར་
[372a.7]བླ་མའི་མན་ངག་ལས་རྟོགས་པར་བྱའོ། །བྱང་ཆུབ་ཀྱི་སེམས་ཀྱི་གནས་ཀྱི་དབྱེ་བ་བཤད་པར་བྱའོ། །རྒྱབ་ཏུ་ཤར་བ་བཤད་པར་བྱ། །ངོས་སུ་རབ་ཏུ་དགའ་བ་ཡིན། །སྙིང་ལ་རྗེས་སུ་ཤར་བར་ངེས། །ལྟོ་བ་ལ་ནི་རང་བཞིན་ཉིད། །པུས་མོ་ལ་ནི་དེ་བཞིན་རིག །དཔྲལ་བ་ལ་ནི་འོད་ཡིན་ཏེ། །ལག་
[372b]
[372b.1]པ་གཡས་པར་ཤིན་ཏུ་འོད། །ལག་པ་གཡོན་པར་སྣ་ཚོགས་ཉིད། །རྣ་བ་གཡས་པར་བུ་ཉིད་དེ། །རྣ་བ་གཡོན་པར་མཛོད་སྤུ་སྟེ། །པད་རྩ་ར་སྤྱི་བོར་རྒྱལ་པོ་ཆེ། །འདི་དག་ནས་ལ་རེག་ཙམ་གྱིས། །རྟག་ཏུ་དགའ་བ་སྐྱེ་བར་འགྱུར། །གནས་རེ་རེ་སྒོ་བཅུ་རྣམ་པར་དག་པའི་རྩ་བཅུ་ལོངས་སྤྱོད་པར་བྱེད་
[372b.2]དོ། །དེ་བཞིན་དུ་ཡང་ཧེ་རུ་ཀ་འབྱུང་བའི་རྒྱུད་ལས་གསུངས་པ། ཕྲད་པའི་དུས་སུ་བྱང་ཆུབ་ཀྱི་སེམས་ལག་པ་དང་རྐང་པས་རེངས་པར་བྱ་སྟེ། ལག་པ་ཞེས་བྱ་བ་ནི་ལྟེ་བ་དང་གསང་བའི་པདྨའི་རྩ་བར་སོར་མོས་མནན་པས་བྱང་ཆུབ་སེམས་ཐེམས་པར་འགྱུར་རོ། །རྐང་པ་ཞེས་བྱ་བ་ནི་པུས་མོ་
[372b.3]གཡས་པ་ལ་གནས་པའི་ནས་རྐང་པ་གཡོན་པས་མནན་ཅིང་པུས་མོ་གཡོན་པའི་ནས་རྐང་པ་གཡས་པས་མནན་པས་བྱང་ཆུབ་སེམས་ཐེམས་པར་འགྱུར་ཏེ། དེ་ལྟར་དབང་དང་སྒོམ་པའི་དུས་སུ་བྱས་ན་བདེ་བ་མཆོག་ཏུ་འགྱུར་རོ། །སྡོམ་པ་འབྱུང་བ་ལས་གསུངས་པའི་རྩའི་མིང་རྣམས་བརྗོད་
[372b.4]པར་བྱ་སྟེ། ཁྱེར་བ་དང་། རྨོངས་མ་དང་། ལོངས་སྤྱོད་ཅན་དང་། འགྲོ་བ་ཅན་དང་། ཆུ་བདག་མ་ཞེས་བྱ་བ་དང་། གཟི་བརྗིད་དང་ལྡན་མ་དང་། དཔའ་བོའི་བློ་གྲོས་མ་དང་། རེ་བ་ཏི་ཉིད་དེ། རྩ་འདི་རྣམས་ནི་ཆོས་ཀྱི་འཁོར་ལོར་རྣམ་པར་གནས་པ་སྟེ། འདིར་རྩ་བཞི་ནི་བྱང་ཆུབ་ཀྱི་སེམས་འབབ་
[372b.5]པའོ། །སྙིང་པོ་ཅན་དང་། གྲགས་ལྡན་མ་དང་། སྒྱུ་མ་ཅན་དང་། བཞད་གད་ཅན་དང་། འདོད་པ་མ་དང་། ཡན་ལག་ཐུང་བ་དང་། མེ་ཞེས་བྱ་བ་དང་། ཐམས་ཅད་སྦྱིན་པ་དང་། མཚན་མོ་གནས་མ་དང་། སྣང་བྱེད་མ་དང་། མཆོད་སྦྱིན་མ་དང་། རལ་པ་ཅན་དང་། འཇོག་མ་དང་། ཡིད་སྦྱིན་མ་དང་།
[372b.6]ཀུ་མུ་དི་དང་། ང་རྒྱལ་གྱི་སྒྲ་དང་། རྩ་འདི་རྣམས་ལོངས་སྤྱོད་རྫོགས་པའི་འཁོར་ལོར་རྣམ་པར་གནས་ཏེ། རྩ་ལྔ་ནི་བྱང་ཆུབ་ཀྱི་སེམས་འབབ་པའོ། །རྟོག་དང་ལྡན་མ་དང་། བརྟན་མ་དང་། ལྐུགས་མ་དང་། ཞུ་མ་དང་། ཡན་ལག་བརྟན་མ་དང་། གསེར་གྱི་གདོང་མ་དང་། མཛེས་པའི་མིག་
[372b.7]དང་། གཟས་ཟིན་མ་དང་། འཇིགས་པའི་གདོང་མ་དང་། རི་བོང་ཅན་གྱི་རེ་ཁཱ་དང་། འཇིག་མ་དང་། རྒྱལ་མཚན་གྲོལ་མ་དང་། འདུ་མ་དང་། འགྲོ་བྱེད་མ་དང་། འཕྲད་མ་དང་། རྟ་མགྲིན་མ་དང་། འཛག་པ་དང་། ལྟོ་འཕྱེ་མ་དང་། རྒྱལ་བ་མ་དང་། ཆང་མྱང་མ་དང་། འདོད་ཆགས་ལྡན་མ་
[373a]
[373a.1]དང་། སྐྱེད་བྱེད་མ་དང་། པདྨ་ཅན་དང་། མཛེས་མ་དང་། སྐྱོང་མ་དང་། དབྱངས་ཅན་དང་། གཟུངས་དང་། རེངས་བྱེད་མ་དང་། རྩེ་མོ་ལས་སྐྱེས་མ་དང་།བརྐྱང་མ་དང་། རྩུབ་པའི་ཡན་ལག་མ་དང་། གནས་ལས་གཡོ་མའོ། །རྩ་འདི་རྣམས་ནི་བདེ་བ་ཆེན་པོའི་འཁོར་ལོར་
[373a.2]རྣམ་པར་གནས་པ་སྟེ། འདིར་བཅུ་གཅིག་ནི་བྱང་ཆུབ་ཀྱི་སེམས་འབབ་པའོ། །འགྲོ་བར་སྤྲོ་བ་དང་། རྒྱུ་འཛིན་མ་དང་། རོ་མ་དང་། འཇིག་མའི་ཞུ་མ་དང་། སྣ་རྒྱས་མ་དང་། དགྲ་ལས་རྒྱལ་མ་དང་། སྒྲ་ལྡན་མ་དང་། སྒྲ་མཆོག་མ་དང་། ཁྲག་མ་དང་། ནོར་སྦྱིན་མ་དང་། འདོད་ཆགས་ཀྱི་ཡན་
[373a.3]ལག་མ་དང་། ཆུ་སྦྱིན་མ་དང་། དྲི་མ་འཇིག་པར་བྱེད་མ་དང་། ཧ་ཧཱ་བྱེད་མ་དང་། འདར་མའི་ལུས་དང་། དྲི་མ་དང་ལྡན་མ་དང་། བློ་རྒྱས་མ་དང་། འོད་དང་། སྤྲས་པ་དང་། བུད་མེད་དང་། རྒྱས་སྦྱིན་མ་དང་། སཱ་རི་ཀ་དང་། འགྲོ་བ་གསོ་བ་ཅན་དང་། རྒོད་པ་དང་། ནི་ར་དཱ་དང་། ཕྲེང་ལྡན་མ་དང་།
[373a.4]ཡན་ལག་དམན་པ་དང་། མྱང་བ་ཅན་དང་། འཕྲོག་པ་མ་དང་། བྱིན་ཟ་དང་། ཤུགས་ཅན་མ་དང་། འབྲས་བུ་དང་བཅས་མ་དང་། ལུས་བརྟན་མ་དང་། རྩེ་བའི་རྣམ་མ་དང་། སྦྱིན་སྲེག་ཏུ་འགྲོ་བ་དང་། ཏི་རི་ཡན་ལག་མ་དང་། ཉིན་མཚན་གྱི་ལྷ་མོ་དང་། འབྲས་བུ་ཅན་དང་། ནང་གི་གནས་
[373a.5]དང་། སྡིག་པ་འཇོམས་དང་། ཕག་མོ་དང་། ཧཱ་རི་ཎི་དང་། འགྲོ་བྱེད་མ་དང་། ངོ་ཚ་བར་འགྲོ་བ་དང་། ཅོད་པན་དང་། སྐྱ་མོ་དང་། གཟུང་མ་དང་། ཡིད་སྐྱེས་མ་དང་། ཕུག་དང་། དྲི་མ་མེད་མ་དང་། འོད་ཟེར་བཟང་མོ་དང་། རབ་གཏུམ་དང་། གཡོ་བྱེད་མ་དང་། རྫུས་ཏེ་སྐྱེ་མ་དང་། སྡུག་པ་དང་། འགྲོ་
[373a.6]བ་ལ་ཕན་མ་དང་། སྟོབས་ལྡན་མ་དང་། འདོང་མ་དང་། བསྐྱོད་མ་དང་། ལུས་སྔོན་མོ་དང་། གཤིན་རྗེ་འཇིགས་མ་དང་། རང་གི་འབྱུང་གནས་མ་དང་། ཧ་ལ་ཧ་ལ་སྟེ་རྩ་འདི་རྣམས་སྤྲུལ་པའི་འཁོར་ལོར་ཡིན་ཞིང་། འདིར་བཅུ་གཉིས་ནི་བྱང་ཆུབ་ཀྱི་སེམས་འབབ་པའོ། །ཐིག་ལེའི་མིང་བརྗོད་པར་བྱ་
[373a.7]སྟེ། ཀ་མ་ལ་དང་། འདོད་ཆགས་ཀྱི་ལུས་དང་། བུམ་པའི་དབྱིབས་དང་། དགའ་བའི་ཡོན་ཏན་དང་། རིགས་ལྡན་དང་། གཟུངས་ཅན་དང་། ཐབ་ཁུང་གི་དབྱིབས་དང་། དུ་བ་ཅན་དང་། ཐིག་ལེ་འདི་རྣམས་ཆོས་ཀྱི་འཁོར་ལོར་གནས་པའོ། །རྣམ་པར་འཆིང་བ་དང་། གཞུའི་དབྱིབས་དང་།
[373b]
[373b.1]གནས་པ་དང་། དཀར་བའི་ཡན་ལག་སྦྱིན་པ་དང་། ལུས་མཆོག་དང་། འདོད་ཆགས་དང་བཅས་པའི་ལུས་དང་། འགྲོ་བའི་བདུད་རྩི་དང་། སྐྱོབ་པ་པོ་དང་། སྒེག་པ་པོ་དང་། རྒྱལ་བ་འཕེལ་བ་དང་། སའི་ནོར་བུ་དང་། ཟ་བ་པོ་དང་། རྒྱལ་བ་སྐྱེས་དང་། འདྲུ་བ་དང་། འཕྲུལ་པ་འཇིག་པ་དང་། སྐྱེ་བ་འཕྲོ་
[373b.2]བ་སྟེ་ཐིག་ལེ་འདི་རྣམས་ནི་ལོངས་སྤྱོད་རྫོགས་པའི་འཁོར་ལོར་ཡིན་ནོ། །འཕྲོག་པའི་བདག་པོ་དང་། འཕྲོག་པར་ཕྱིན་པ་དང་། འཕྲོག་པར་བྱེད་པ་དང་། ངོ་ཚ་ཞིང་གཡོ་བ་དང་། དབུ་མའི་ཕུང་པོ་དང་། སྤྲོས་པ་དང་། འབྲས་བུ་ཅན་དང་། སྟོབས་ལྡན་བརྟན་པ་དང་། ཕུའི་སྒྲ་དང་། ལུས་སྦོམ་དང་། སྙིང་
[373b.3]རྗེ་དང་ལྡན་པ་དང་། ཉོན་མོངས་པ་བཅོམ་པ་དང་། འབྲལ་བར་བྱེད་པ་དང་། ཐོད་པའི་དབྱིབས་དང་། རླུང་མེད་དང་། སེམས་ཞུམ་པ་དང་། པདྨའི་ཕུང་པོ་དང་། བསམ་གཏན་རིང་པོ་དང་། དངོས་པོ་འཕེལ་བ་དང་། འཚེ་བ་དང་། སྣང་བ་ཅན་དང་། སྐད་ཅིག་བཅོམ་པ་དང་། འཇིགས་སུ་རུང་བའི་
[373b.4]ནོར་བུ་དང་། ཀུན་དུ་བསྙེགས་པ་དང་། དུ་བར་བྱེད་པ་དང་། བློ་འབར་བ་དང་། སྟོབས་སྐྲག་པ་དང་། རླུང་ཆུང་བ་དང་། མཛེས་པའི་སྟོབས་དང་། དཔའ་བོའི་གནས་དང་། མཚན་ཉིད་ཉེ་བར་འབར་བ་དང་། འདུ་བ་འཕེལ་བ་སྟེ་ཐིག་ལེ་འདི་རྣམས་ནི་བདེ་བ་ཆེན་པོའི་འཁོར་ལོར་རོ། །ལུས་སྔོན་པོ་དང་།
[373b.5]བྱ་རྒོད་ཀྱི་གདོང་དང་། ཧུ་ལུའི་གདོང་དང་། མགྲིན་པའི་མིག་དང་། བསྲེག་དབུགས་ཀྱི་སྣག་ཚ་དང་། ཐམས་ཅད་ཀྱི་ལུས་དང་། རྐང་པའི་རྩ་བ་དང་། ནོར་བུའི་ཕུང་པོ་དང་། རྐན་གྱི་དཀྱིལ་འཁོར་དང་། རོལ་པའི་སྤྱན་དང་། ནམ་མཁའི་མཛོད་དང་། འགྲམ་གྱི་ནོར་བུ་དང་། ས་གཡོ་བ་དང་།
[373b.6]ཆུའི་མཛོད་དང་། ཚོགས་ཀྱི་གནས་དང་། འགོག་པ་དང་བཅས་པ་དང་། ཡོངས་དང་། རླུང་གི་སྒྲ་དང་། འཇོག་པོ་དང་། འགྲོ་བ་འཇིག་པ་དང་། གྲགས་པ་བཅོམ་པ་དང་། དཀའ་ཐུབ་འཇིག་པ་དང་། སྐྱེད་པར་བྱེད་པ་དང་། སྐྱེ་བ་ལ་གནས་པ་དང་། ཡོན་ཏན་མཐའ་ཡས་པ་དང་། ཁ་མ་བྱེ་བ་དང་།
[373b.7]འདུལ་བར་བྱེད་པ་དང་། གྲགས་པ་མཐའ་ཡས་དང་། ལུས་འཛིན་པ་དང་། ལུས་ཚ་བ་དང་། འཕྲོག་པ་དང་། འཕྲོག་པར་བྱེད་པ་ཅན་དང་། རྒྱན་གྱི་ཁམས་དང་། སའི་ཡོན་ཏན་དང་། ཧཱ་རི་ཎ་དང་། རྒོད་པར་བྱེད་པ་དང་། འདོད་པའི་ལུས་དང་། ཕན་པའི་བདག་པོ་དང་། སྲེག་བླུགས་སྙིང་པོ་དང་།
[374a]
[374a.1]སྲེག་བླུགས་ཀྱི་ཀ་མ་ལ་དང་། སྲིན་བུ་ཅན་དང་། ཁ་ཆུ་ཅན་དང་། ཅི་བྱེད་ཅེས་བྱ་བ་དང་། རོལ་པའི་གནས་དང་། ཡོན་ཏན་འདྲུ་བ་དང་། རྩེ་བའི་གཟི་བརྗིད་དང་། ཅོད་པན་བྱེད་པ་དང་། རེ་བ་དང་། གྲུབ་པའི་ལུས་དང་། རྟགས་ལས་སྐྱེས་པ་དང་། སྤྱི་བོའི་ཡོན་ཏན་དང་། རོལ་པའི་བཟའ་བ་དང་། དལ་བའི་
[374a.2]ཡན་ལག་དང་། རྫུ་འཕྲུལ་ལས་སྐྱེས་པ་དང་། དལ་བའི་སྟོབས་དང་། རྫུ་འཕྲུལ་སྦྱིན་པ་དང་། སེམས་ཀྱི་དྲི་མ་ཅན་དང་། རྟག་སྦྱིན་པ་དང་། རིང་བའི་གནས་དང་། ཡན་ལག་འདྲི་བ་དང་། ལོངས་སྤྱོད་སྦྱིན་པ་དང་། འཁོར་བ་ཅན་དང་། ཡོན་ཏན་འཛིན་པ་དང་། བསམ་གཏན་ལྷག་པ་སྟེ་ཐིག་ལེ་འདི་རྣམས་
[374a.3]ནི་སྤྲུལ་པའི་འཁོར་ལོར་རྣམ་པར་གནས་པའོ། འཁོར་ལོ་བཞིའི་ནང་དུ་ཐབས་དང་ཤེས་རབ་ཀྱི་བདག་ཉིད་ཅན་གྱི་བཅོམ་ལྡན་འདས་བྱང་ཆུབ་ཀྱི་སེམས་བཞུགས་ཏེ། དགའ་བ་ནི་སྤྲུལ་བའི་འཁོར་ལོར་ཏེ་འདིའི་ཤེས་རབ་ནི་ཡེ་ཤེས་སོ། །མཆོག་ཏུ་དགའ་བ་ནི་ལོངས་སྤྱོད་རྫོགས་པའི་འཁོར་ལོར་ཏེ་འདིའི་
[374a.4]ཤེས་རབ་ནི་ཡེ་ཤེས་ཀྱི་བདག་ཉིད་ཅན་ནོ། །དགའ་བྲལ་གྱི་དགའ་བ་ནི་ཆོས་ཀྱི་འཁོར་ལོར་ཏེ། འདིའི་ཤེས་རབ་ནི་ཡེ་ཤེས་གྲུབ་པར་བྱེད་མའོ། །བདེ་བ་ཆེན་པོའི་འཁོར་ལོར་ནི་ལྷན་ཅིག་སྐྱེས་པའི་དགའ་བ་སྟེ་འདིའི་ཤེས་རབ་ནི་ཡེ་ཤེས་འགོག་པའོ། །གནས་དང་ཉེ་བའི་གནས་རྣམས་སུ། །རྩ་ཡི་
[374a.5]ཀུན་སྤྱོད་རིམ་པ་ཡིས། །བྱང་སེམས་སོང་ནས་འོང་བ་དང་། །ཡན་ལག་ཐམས་ཅད་དགའ་ཐོབ་ཅིང་། །རླུང་ནི་སོར་གཉིས་འཆད་འགྱུར་ན། །ས་གཉིས་དག་ནི་འཐོབ་འགྱུར་ཞིང་། །སེམས་ཅན་ཀུན་གྱི་གཞན་གྱི་སེམས། །རྙེད་པར་དཀའ་བ་ཤེས་པར་འགྱུར། །ཞིང་དང་ཉེ་བའི་ཞིང་གནས་སུ། །རྩ་
[374a.6]ཡི་ཀུན་སྤྱོད་རིམ་པ་ཡིས། །བྱང་སེམས་སོང་ནས་འོང་གྱུར་ན། །དེ་ཚེ་མཆི་མ་ལྟུང་ཞིང་སྐྱེ། །རླུང་ནི་སོར་བརྒྱད་འགྲོ་བར་འགྱུར། །འདི་དག་མཚན་ཉིད་ཐོབ་གྱུར་ན། །ཁམས་གསུམ་དག་ཏུ་གང་ཞིག་གཟུགས། །དེ་ཀུན་སྐད་ཅིག་གིས་མཐོང་ཞིང་། །ས་ནི་བཞི་པ་འཐོབ་པར་འགྱུར། །ཚནྡོ་ཉེ་བའི་
[374a.7]ཚནྡོ་རུ། །གང་ཚེ་སེམས་ནི་ཀུན་སྤྱོད་ན། །སྣ་ཚོགས་གཟུགས་རྣམས་མཐོང་ནས་ནི། །རྣམ་པར་ཕྱེ་ནས་རྒོད་པ་དང་། །རླུང་ནི་སོ་དྲུག་རྒྱུ་བ་དང་། །ས་ནི་དྲུག་པ་ཐོབ་པ་ཡིན། །ཁམས་གསུམ་དག་ཏུ་གང་ཞིག་སྒྲ། །དེ་རྣམས་ཐམས་ཅད་ཐོས་པར་འགྱུར། །འདུ་བ་ཉེ་བའི་འདུ་གནས་སུ། །རྩ་ཡི་
[374b]
[374b.1]ཀུན་སྤྱོད་རིམ་པ་ཡིས། །རྟག་ཏུ་འགྲོ་དང་འོང་བར་ནི། །བྱང་ཆུབ་སེམས་ནི་བྱེད་པར་འགྱུར། །རླུང་ནི་སོར་གཉིས་ཆད་འགྱུར་ཞིང་། །མྱོས་པར་བྱེད་པས་རྒྱལ་བའི་ལུས། །བདག་གཞན་ཤེས་པར་མི་འགྱུར་ན། །ས་ནི་བརྒྱད་པ་འཐོབ་འགྱུར་ཞིང་། །རྟག་ཏུ་ལིངྒ་བརྟན་པ་ཡིན། །དེ་ཡི་ཚེ་ཡི་
[374b.2]དུས་སུ་ནི། །སྔོན་གྱི་གནས་ནི་རྗེས་དྲན་ཡིན། །དུར་ཁྲོད་ཉེ་བའི་དུར་ཁྲོད་དུ། །སེམས་ཀྱི་འགྲོ་དང་འོང་བ་ནི། །དུས་ནི་གང་ཚེ་ངེས་འགྱུར་བ། །རླུང་ནི་སོར་གཉིས་རྒྱུ་བ་ན། །ས་ནི་བཅུ་པ་འཐོབ་པར་འགྱུར། །ལུས་ནི་འདོད་ཆགས་ཆེན་པོ་ཡིས། །ཀུན་དུ་ཁྱབ་པར་འཐོར་འགྱུར་ཞིང་། །དེ་ཚེ་
[374b.3]རྫུ་འཕྲུལ་དྲ་བ་ནི། །དུ་མ་རྣམས་ནི་སྟོན་པར་འགྱུར། །དེ་ལྟར་ཀུན་སྤྱོད་རིམ་པ་ཡིས། །རྟག་ཏུ་ལྷ་མོ་རབ་གཏུམ་སོགས། །འཁོར་ལོ་ཀུན་དུ་སྤྱོད་པ་ཡིན། །ཡེ་ཤེས་འབྱུང་བའི་སྒྲུབ་པའི་ཐབས། །ག་ཡ་དྷ་རས་བྱས་པ་ཡིས། །གང་ཞིག་བསོད་ནམས་སྐྱེ་བ་ཡི། །བསོད་ནམས་དེས་ནི་འཇིག་
[374b.4]རྟེན་ཡང་། །ཧེ་རུ་ཀ་ཡི་སར་འགྲོ་ཤོག །ཡེ་ཤེས་འབྱུང་བའི་མན་ངག་ཅེས་བྱ་བ་ཀཱ་ཡ་སྠ་པ་ག་ཡ་དྷ་རས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཀཱ་ཡ་སྠ་པ་ག་ཡ་དྷ་རའི་ཞལ་སྔ་ནས་དང་བོད་ཀྱི་ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་བོ།། །།
[374b.5]{T1515}༄༅༅། །རྒྱ་གར་སྐད་དུ། ཤྲཱི་ས་མྦ་རོ་ད་ཡ་སཱ་དྷ་ནཾ། བོད་སྐད་དུ། དཔལ་སྡོམ་པ་འབྱུང་བའི་སྒྲུབ་ཐབས། དཔལ་སྡོམ་པ་འབྱུང་བ་ལ་ཕྱག་འཚལ་ལོ། །དག་ཞི་མཁའ་མཉམ་ཁྱབ་པ་པོ། །རྟོགས་དཀའ་རྣལ་འབྱོར་པ་སྤྱོད་ཡུལ། །མི་མཉམ་གཉིས་མེད་རྒྱུ་མེད་པ། །ཁྱེད་རྣམས་
[374b.6]ལ་སྲུངས་དཔལ་སྡོམ་འབྱུང་། །སྡོམ་པ་འབྱུང་རྒྱུད་གསུངས་པ་ཡི། །སྒྲུབ་ཐབས་རིམ་པ་ཡང་དག་བསྡུས། །སྒོམ་པས་གཏི་མུག་འཚེ་བ་ལས། །མི་རྣམས་གྲོལ་བའི་ཕྱིར་བྱའོ། །འདིར་ཐོག་མར་རེ་ཞིག་བསྒོམ་པའི་དབང་དུ་བྱས་ཏེ། ཁ་ལྷོར་བལྟས་ལ་མགོ་སྐྱེས་གྲོལ་བས་གཏོར་མ་
[374b.7]བྱིན་ཞིང་དམ་ཚིག་བརྟན་པས། སེམས་ཅན་གྱི་ཕུང་པོ་མཐའ་དག་བདེ་མཆོག་གི་སྐུ་ཐོབ་པར་བྱ་བའི་ཕྱིར། བདག་དཔལ་བདེ་མཆོག་གོ། །ཞེས་སྐད་ཅིག་ལ་སྟོང་པ་ཉིད་ཀྱིས་ཐ་མལ་པའི་ང་རྒྱལ་སྤངས་པར་གྱུར་ལ། བདེ་མཆོག་ཕྱག་གཉིས་པ་ཤེས་རབ་དང་བཅས་པའི་རྣལ་འབྱོར་དང་ལྡན་པའི་
[375a]
[375a.1]སྔགས་ལ། ཨོཾ་ཨ་ཡིག་ལ་སོགས་པ་ཀྵ་ཡིག་གི་མཐར་ཧཱུཾ་ཧཱུཾ་ཕཊ་ཅེས་བྱ་བ་ལན་གསུམ་བརྗོད་ཅིང་ཡི་གེའི་ཕྲེང་བ་གཡོན་སྐོར་གྱིས་གནས་པ་འོད་ཟེར་ལྔ་འཕྲོ་བའི་ལྷའི་ཚོགས་བགེགས་ཀྱི་ཚོགས་འཇོམས་པར་བསྒོམས་ནས་གཟུགས་ཀྱི་ཕུང་པོ་ལ་སོགས་པ་རྣམས་
[375a.2]ཀྱི་རྣམ་པར་དག་པ་རྣམ་པར་སྣང་མཛད་ལ་སོགས་པ་ལྷག་པར་མོས་ཏེ། ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞ་པ་ཡ་གྲྀཧྞཱ་པ་ཡ་ཧཱུཾ་ཧཱུཾ་ཕཊ། ཨོཾ་ཨཱན་ཡ་ཧོ་བྷ་ག་བཱན་བིངྱཱ་རཱ་ཛ་ཧཱུཾ་ཧཱུཾ་ཕཊ། སྔགས་བཞི་རྗེས་སུ་བརྗོད་ཅིང་། ནག་པོ་དང་ལྗང་གུ་དང་དམར་པོ་དང་སེར་པོ་དང་ཚངས་པའི་
[375a.3]སྒོ་ང་དང་། ས་འོག་གི་བར་དུ་ཁྱབ་པར་འབར་བའི་སྐུ་ཆེན་པོ་རྣམས་ཤར་དང་བྱང་དང་ནུབ་དང་ལྷོའོ་ཕྱོགས་རྣམས་སུ་རིམ་པས་གཞག་པར་བྱའོ། །དེའི་འོད་ཟེར་རྣམས་ཀྱིས་དེའི་ཁ་དོག་གི་ར་བ་བཞི་པོ་རྣམས་དང་། དེ་དང་དུས་མཉམ་པ་ཁོ་ནར་ཧཱུཾ་ལས་སྐྱེས་ཤིང་དེས་བྱིན་གྱིས་བརླབས་པའི་སྣ་
[375a.4]ཚོགས་རྡོ་རྗེའི་རང་བཞིན་གྱི་ས་བཞི་ས་འོག་གི་མཐར་ཐུག་པ་རྣམས་སོ། །རྡོ་རྗེ་དེའི་འོད་ཟེར་རྣམས་ཀྱིས་རྡོ་རྗེ་རྩེ་ལྔ་པའི་ར་བ་དང་སྟེང་དུ་མདའི་དྲ་བའོ། །དེའི་འོག་ཏུ་རྡོ་རྗེའི་གུར་རོ། །དེའི་འོག་ཏུ་རྡོ་རྗེའི་བླ་རེ་ཡང་བསམ་པར་བྱའོ། །དེ་ནས་སུམྦྷ་ལ་སོགས་པའི་སྔགས་བཞི་པོ་བརྗོད་ཅིང་ཕྱོགས་རྣམས་སུ་སེ་
[375a.5]གོལ་བརྡབས་པས་གདུག་པ་བདུན་རྣམས་བསྐྲད་དེ། རྣམ་པ་ཐམས་ཅད་དུ་འགྲོ་བ་བགེགས་དང་བྲལ་བར་ལྷག་པར་མོས་པར་བྱའོ། །དེ་ནས་རང་གི་སྙིང་གར་ཨོཾ་ལས་སྐྱེས་པའི་ཟླ་བ་ལ་གནས་པའི་ཧཱུཾ་ཡིག་སྔོན་པོ་བལྟ་ཞིང་དེ་ལས་འཕྲོས་པའི་ཕྱོགས་བཅུ་ཁྱབ་པར་ཡོངས་སུ་འཕྲོ་བའི་འོད་ཟེར་
[375a.6]གྱི་ལྕགས་ཀྱུ་རྣམས་ཀྱིས་མདུན་གྱི་ནམ་མཁར་ཡང་དག་པར་བཀུག་སྟེ། འཆད་པར་འགྱུར་བའི་དཀྱིལ་འཁོར་གྱི་འཁོར་ལོ་ལ། རང་གི་སྙིང་གའི་ས་བོན་ལས་འཐོན་པའི་མེ་ཏོག་མ་དང་། བདུག་པ་མ་དང་། མར་མེ་མ་དང་། དྲི་མ་དང་། པི་ཝང་མ་དང་། གླིང་བུ་མ་དང་། རྔ་ཟླུམ་མ་དང་།
[375a.7]རྫ་རྔ་མ་དང་། བཞད་མ་དང་། སྒེག་མ་དང་། གླུ་མ་དང་། གར་མ་དང་། མེ་ལོང་མ་དང་། རོ་མ་དང་། རེག་བྱ་མ་དང་། ཆོས་མ་རྣམས་ཏེ་ལྷ་མོ་བཅུ་དྲུག་པོ་རྣམས་ཀྱིས་མཆོད་པར་བྱའོ། །དེའི་རྗེས་ལ་རྐང་པ་བརྒྱད་པའི་སྔགས་རྣམས་ཀྱིས་བསྟོད་དེ། སྡིག་པ་བཤགས་པ་ལ་སོགས་པ་ཇི་
[375b]
[375b.1]སྲིད་བཏང་སྙོམས་ཀྱི་བར་རྣམས་བསྒྲུབས་ནས། ཨོཾ་སྭ་བྷཱ་བ་ཤུདྡྷཿསརྦ་དྷ་རྨྨཱཿསྭ་བྷཱ་བ་ཤུདྡྷོ྅ཧཾ། ཞེས་པའི་དོན་མངོན་དུ་བྱ་ཞིང་ཁམས་གསུམ་པ་སྟོང་པའི་རང་བཞིན་དུ་བལྟས་ཏེ་ཡི་གེ་གསུམ་གྱི་རང་བཞིན་ཨོཾ་ཨཱཿཧཱུཾ་ཨཱུ་ཧ་མགོ་ཟླ་བ་ཕྱེད་པ་ཐིག་ལེ་རྣམས་ལ་རིམ་པས་ནཱ་དའི་མཐར་བསྒོམས་ལ་
[375b.2]ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཞེས་པ་འདིའི་དོན་ནང་དུ་བརྗོད་པས་གསལ་བར་བྱ་ཞིང་ནཱ་ད་ཙམ་གྱི་རྣམ་པར་རྟོག་པ་ཡང་ཡོངས་སུ་དོར་བར་བྱའོ། །སྔོན་གྱི་སྨོན་ལམ་ལ་སོགས་པའི་མཐུས་རང་རང་གི་ས་བོན་ལྷག་པར་གནས་པའི་རང་གི་སེམས་ནཱ་དའི་གཟུགས་ཀྱིས་ནམ་མཁར་
[375b.3]གཞག་སྟེ། ཡཾ་ལས་སྐྱེས་པའི་རླུང་སྔོན་པོ་གཞུ་ལྟ་བུ་རྒྱལ་མཚན་དང་བཅས་པའོ། །རཾ་ལས་སྐྱེས་པའི་མེ་དམར་པོ་ཟུར་གསུམ་དུ་མེ་ལྕེ་བདུན་པ་དང་བཅས་པའོ། །བཾ་ལས་སྐྱེས་པའི་ཆུ་དཀར་པོ་ཟླུམ་པོ་བུམ་པ་དང་བཅས་པའོ། །ལཾ་ལས་སྐྱེས་པའི་སའི་དཀྱིལ་འཁོར་སེར་པོ་གྲུ་བཞི་པ་ཟུར་
[375b.4]དུ་རྡོ་རྗེ་ཕྱེད་པ་དང་བཅས་པའི་སྟེང་དུ་སུཾ་ལས་བྱུང་བའི་རི་རབ་རིན་པོ་ཆེ་སྣ་ཚོགས་པའི་རང་བཞིན་གྱི་སྟེང་དུ་བཾ་ལས་སྐྱེས་པའི་སྣ་ཚོགས་ཆུ་སྐྱེས་ཀྱི་ཟེའུ་འབྲུར་གནས་པའི་ཧཱུཾ་ལས་སྐྱེས་པའི་སྣ་ཚོགས་རྡོ་རྗེའི་ལྟེ་བ་ལ་གཡོན་དང་ཅིག་ཤོས་སུ་བསྐོར་བའི་ཨཱ་ལི་ཀཱ་ལི་ཉིས་འགྱུར་ལས་སྐྱེས་པའི་
[375b.5]གཟུགས་བརྙན་ལྟ་བུའི་ཟླ་བའི་དཀྱིལ་འཁོར་གཅིག་ལ་སྔར་གཞག་པའི་ནཱ་ད་ལས་རིམ་གྱིས་རྫོགས་པའི་འོད་ཟེར་སྤྲོ་བ་དང་། བསྡུ་བས་ལྷའི་འཁོར་ལོ་རྡོ་རྗེ་སེམས་དཔའི་རང་བཞིན་ཧཱུཾ་ཡིག་རྣམ་པར་བསྒོམ་པར་བྱའོ། །ཟླ་བ་དང་ས་བོན་དེ་ཡོངས་སུ་གྱུར་པ་ལས་དུར་ཁྲོད་བརྒྱད་དང་
[375b.6]གཞལ་ཡས་ཁང་དང་དཀྱིལ་འཁོར་གྱི་ལྷ་རྣམས་དང་ལྷན་ཅིག་པའི་བཅོམ་ལྡན་འདས་གཡས་བརྐྱང་བའི་ཞབས་གཉིས་ཀྱིས་སྣ་ཚོགས་ཆུ་སྐྱེས་དང་ཉི་མ་དང་འཇིགས་བྱེད་དང་དུས་མཚན་མོ་རྣམས་མནན་པ། རྩ་བ་དང་གཡས་པ་དང་ཅིག་ཤོས་ཀྱི་ཞལ་ནག་པོ་དང་དཀར་པོ་དང་དམར་པོ་དང་།
[375b.7]ཞལ་སོ་སོ་ལ་སྤྱན་གསུམ་པ། སྟག་གི་པགས་པའི་ཤམ་ཐམས་ཅན། ཕྱག་དྲུག་པ་རྡོ་རྗེ་དྲིལ་བུ་དང་བཅས་པའི་ཕྱག་ཟུང་གིས་རྡོ་རྗེ་རྣམ་སྣང་མཛད་མ་ལ་འཁྱུད་པ། གཉིས་པའི་ཕྱག་དག་གིས་གླང་པོ་ཆེའི་པགས་པ་དཀར་པོ་ཁྲག་དང་བཅས་པ་རྒྱབ་ཏུ་བརྒྱངས་ནས་འཛིན་པ། གསུམ་པའི་
[376a]
[376a.1]ཕྱག་གཡས་པ་དང་གཡོན་པ་དག་གིས་ཌ་མ་རུ་དང་ཁ་ཊྭཱཾ་ག་དང་ཐོད་པ་ཡང་འཛིན་པའོ། །མི་མགོ་རླན་དང་བཅས་པ་ལྔ་བཅུའི་ཕྲེང་བ་མགུལ་བ་ལ་འཕྱང་བ། མགུལ་རྒྱན་དང་རྣ་རྒྱན་དང་ལག་གདུབ་དང་། སྤྱི་བོ་ལ་འཁོར་ལོ་དང་། སྐེ་རགས་དང་། མིའི་རུས་པའི་རང་
[376a.2]བཞིན་གྱི་ཐལ་བ་སྟེ། ཕྱག་རྒྱ་དྲུག་དང་། མིའི་རྒྱུས་པའི་མཆོད་ཕྱིར་ཐོགས་པ་དཔྲལ་བའི་སྟེང་དུ་ཐོད་པ་ལྔའི་ཕྲེང་བས་བརྒྱན་པ། ནོར་བུའི་གཡོན་ཕྱོགས་སུ་ཟླ་བ་ཚེས་པ་དང་། རལ་པའི་ཅོད་པན་སྣ་ཚོགས་རྡོ་རྗེས་མནན་པ། རྣམ་པར་འགྱུར་བའི་ཞལ་ཅུང་ཟད་བྱེ་ཞིང་མཆེ་བ་གཙིགས་བ་
[376a.3]སྒེག་པ་དང་། དཔའ་བ་དང་། མི་སྡུག་པ་དང་། དྲག་པོ་དང་། བཞད་པ་དང་། འཇིགས་སུ་རུང་བ་དང་། སྙིང་རྗེ་དང་། ངོ་མཚར་དང་། ཞི་བ་སྟེ། གར་གྱི་ཉམ་དགུ་དང་ལྡན་པར་བདག་ཉིད་བསྒོམ་པར་བྱའོ། །བཅོམ་ལྡན་འདས་མ་རྣམ་པར་སྣང་མཛད་མ་ནི་དམར་མོ་སྤྱན་གསུམ་མ་ཞལ་
[376a.4]གཅིག་མ། སྐྲ་སིལ་བུར་གྲོལ་བ། གཅེར་བུ་ཐོད་པའི་དུམ་བུའི་ཕྲེང་བས་བརྒྱན་པ། ཕྱག་གཡོན་པ་ཐོད་པ་ཡོན་པོར་འཛིན་པས་འཁྱུད་པ། ཟླ་མཚན་དང་ལྡན་པས་གཙོ་བོ་ལ་སྟོབས་པ། གཡས་སྡིགས་མཛུབ་དང་བཅས་པའི་རྡོ་རྗེ་སྟེང་དུ་བརྐྱང་བས་གདུག་པ་རྣམས་ལ་ཀུན་དུ་བསྡིགས་པ།
[376a.5]ཁྲག་དང་བྲལ་བ་ཉིད་ཀྱིས་མི་མགོ་སྐམ་པོའི་ཕྲེང་བ་ཅན། ཉི་མའི་དཀྱིལ་འཁོར་གྱི་འོད་ཅན་ཕྱག་རྒྱ་ལྔ་དང་ལྡན་པ། དགའ་བའི་སྤུ་ལང་དང་ལྡན་པ་བྱིན་པ་གཉིས་ཀྱིས་བཅོམ་ལྡན་འདས་ཀྱི་བརླ་གཉིས་ལ་དཀྲིས་ཏེ་བཅུག་པས་འཁྱུད་ནས་བཞུགས་པའོ། །དེ་ནས་ཕྱོགས་ཀྱི་འདབ་མ་རྣམས་ལ་
[376a.6]མཁའ་འགྲོ་མ་དང་། ལཱ་མ་དང་། ཁཎྜ་རོ་ཧཱ་དང་། རཱུ་པི་ཎཱི་རྣམས་ནག་མོ་དང་། ལྗང་གུ་དང་། དམར་མོ་དང་། སེར་མོའི་མདོག་ཅན་སྤྱན་གསུམ་ཞལ་གཅིག་མ་སྐྲ་གྲོལ་བ་ཕྱག་གཉིས་མ་གཡོན་པས་ཁ་ཊྭཱཾ་ག་དང་ཐོད་པ། གཡས་པས་རྡོ་རྗེ་གྲི་གུག་འཛིན་པ་གཅེར་བུ་གཡས་བརྐྱང་བས་
[376a.7]གནས་པ་རྣམས་སོ། །ཕྱོགས་བྲལ་གྱི་འདབ་མ་རྣམས་ལ་བདུད་རྩི་ལྔས་གང་བའི་པདྨའི་སྣོད་རྣམས་སོ། །སྒོ་རྣམས་སུ་ཁྭ་གདོང་མ་དང་། འུག་གདོང་མ་དང་། ཁྱི་གདོང་མ་དང་། ཕག་གདོང་མ་རྣམས་མཁའ་འགྲོ་མ་ལ་སོགས་པ་བཞིན་ཏེ་ཞལ་གཞན་མིང་གི་རྗེས་སུ་འགྲོ་བ་རྣམས་སོ། །
[376b]
[376b.1]ཟུར་རྣམས་སུ་ཡ་མ་དཱ་དྷཱི་དང་། ཡ་མ་དུ་ཏཱི་དང་། ཡ་མ་དཾ་ཥྚྲཱི་ཎི་དང་། ཡ་མ་མ་ཐཱ་ནཱི་རྣམས་མིའི་ཞལ་ཅན་ཏེ་ཕྱེད་གཟུགས་མའོ། །བརྒྱད་པོ་འདི་རྣམས་ནི་རོའི་གདན་ལའོ། །མཁའ་འགྲོ་མ་ལ་སོགས་པའི་ལྷ་མོ་ཐམས་ཅད་ཀྱང་མི་མགོ་བརྒྱུས་པའི་ཕྲེང་བ་མགུལ་
[376b.2]བན་འཕྱང་བ། དཔྲལ་བ་རྡོ་རྗེའི་ཕྲེང་བས་མཚན་པ། ཕྱག་རྒྱ་ལྔ་དང་ལྡན་པ། སྐེ་རགས་ལ་སྒྲ་དང་བཅས་པའི་དྲིལ་ཆུང་གིས་རྣམ་པར་བརྒྱན་པ། དཔྲལ་བ་དང་མགྲིན་པ་དང་སྙིང་ག་རྣམས་སུ་ཡི་གེ་གསུམ་གྱི་བྱིན་གྱིས་བརླབས་པའི་བཅོམ་ལྡན་འདས་ཀྱི་
[376b.3]ཐུགས་ཀར་ཉི་མ་ལ་གནས་པའི་ཧཱུཾ་ཡིག་སྔོན་པོ་ཏིང་ངེ་འཛིན་སེམས་དཔའོ། །དེའི་ཐུགས་ཀར་ཐིག་ལེ་ནཱ་ད་དང་བཅས་པ་བདེ་བ་ཆེན་པོའི་བདུད་རྩིའི་རང་བཞིན་བསམ་པར་བྱའོ། །ཨོཾ་ཨཱཿཧཱུཾ་ཨོཾ་སརྦ་བཱི་ར་ཡོ་གི་ནཱི་ནཾ་ཀཱ་ཡ་བཱཀ་ཙིཏྟ་སྭ་བྷཱ་ཝ་ཨཱཏྨ་ཀོ྅ཧཾ།
[376b.4]ཨོཾ་བཛྲ་ཤུདྡྷཿསརྦ་དྡྷརྨྨཱ་བཛྲ་ཤུདྡྷོ྅ཧཾ་ཞེས་པ་བརྗོད་པར་བྱའོ། །དེའི་རྗེས་ལ་ཨོཾ་ཧ། ན་མ་ཧི། སྭཱ་ཧཱ་ཧུ། བཽ་ཥཊ་ཧེ། ཧཱུཾ་ཧཱུཾ་ཧོ། ཕཊ་ཧཾ་ཞེས་པ་འདིས་དེ་བཞིན་གཤེགས་པ་དྲུག་གི་ངོ་བོས་སྙིང་ག་དང་། སྤྱི་བོ་དང་། སྤྱི་གཙུག་དང་། ཕྲག་པ་གཉིས་དང་ཡན་ལག་ཐམས་
[376b.5]ཅད་ལ་བསྲུང་བ་བྱའོ། །ཨོཾ་བཾ་ཧཾ་ཡོཾ་ཧྲིཾ་མོཾ། ཧྲེཾ་ཧྲིཾ་ཧཱུཾ་ཧཱུཾ་ཕཊ་ཕཊ། ཅེས་པ་འདིས་དཔའ་མོ་དྲུག་གི་སྙིང་པོས་ལྟེ་བ་དང་སྙིང་ག་དང་། ཁ་དང་སྤྱི་གཙུག་དང་། ཡན་ལག་རྣམས་ཐམས་ཅད་ལ་ཡང་གོ་ཆ་བྱའོ། །དེའི་རྗེས་ལ་རྡོ་རྗེ་དང་པདྨ་རྣམ་པར་སྦྱངས་ཏེ་ལྷ་མོའི་
[376b.6]སྙིང་པོ་དང་ཉེ་བའི་སྙིང་པོའི་སྔགས་དག་གིས་ལྟེ་བ་དང་། སྙིང་ག་དང་། རང་གི་སྙིང་པོ་དང་ཉེ་བའི་སྙིང་པོ་དག་གིས་མགྲིན་པ་དང་དཔྲལ་བར་ཡང་བཅོམ་ལྡན་འདས་དང་བཅོམ་ལྡན་འདས་མ་དང་། བཅོམ་ལྡན་འདས་ཀྱི་སྙིང་པོ་དང་ཉེ་བའི་སྙིང་པོ་དག་གིས་
[376b.7]མགྲིན་པ་དང་དཔྲལ་བ་དག་ཏུའོ་བྱས་ཏེ། ཡི་གེ་གསུམ་གྱིས་དགའ་བ་བརྩམ་པར་བྱའོ། །དེ་ནས་རང་གི་སྙིང་གའི་ས་བོན་གྱི་འོད་ཟེར་དང་འབར་བའི་ཕྱག་རྒྱ་དང་། ཕཻཾ་ཡིག་གིས་ཀྱང་ཡེ་ཤེས་ཀྱི་འཁོར་ལོ་བཀུག་སྟེ། ལྷ་མོ་བཅུ་དྲུག་པོ་རྣམས་ཀྱིས་མཆོད་
[377a]
[377a.1]ནས་ཇི་ལྟར་རིགས་པར་བདག་ཉིད་ཀྱི་ལྷ་རྣམས་ལ་རབ་ཏུ་བཅུག་ལ་ཨོཾ་ཡོ་ག་ཤུདྡྷཿ་སརྦ་དྷརྨཱ་ཡོ་ག་ཤུདྡྷོ྅ཧཾ། ཞེས་བརྗོད་ཅིང་པད་སྐོར་དང་འཁྱུད་པའི་སྟངས་ཀ་ཡང་བྱའོ། །ཨོཾ་ཨཱཿཧཱུཾ་ཞེས་པ་ལ་སོགས་པའི་སྔགས་གསུམ་གྱིས་བྱིན་གྱིས་བརླབ་
[377a.2]པར་བྱའོ། དེ་ནས་ཡེ་ཤེས་ཀྱི་འཁོར་ལོས་ལྷན་ཅིག་བྱོན་པའི་རྡོ་རྗེ་རྣལ་འབྱོར་མ་ཡེ་ཤེས་ཀྱི་བདུད་རྩིས་གང་བའི་ཐོད་པ་དང་ཌ་མ་རུ་འཛིན་པ་རྣམས་དང་། སྙིང་གའི་ས་བོན་ལས་སྤྲོས་པའི་གླིང་བུ་ལ་སོགས་པའི་མཆོད་པའི་ལྷ་མོ་རྣམས་ཀྱིས། ཇི་ལྟར་བལྟམས་པ་
[377a.3]ཙམ་ཉིད་ནི། །དེ་བཞིན་གཤེགས་ཀུན་ཁྲུས་གསོལ་བ། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བགྱིའོ། །ཞེས་པ་བརྗོད་ཅིང་ཕྱག་གཡོན་པ་ན་ཡེ་ཤེས་ཀྱི་བདུད་རྩིས་གང་བའི་ཐོད་པ་ཅུང་ཟད་གཡོ་བ་འཛིན་པ་རྣམས་ཀྱིས་བདག་ལ་དབང་
[377a.4]བསྐུར་ཏེ་བདེ་བ་ཆེན་པོའི་རང་བཞིན་དུ་རྣམ་པར་བསྒོམ་པར་བྱའོ། །ཆུ་ལྷག་མ་ལས་གྲུབ་པའི་དེ་བཞིན་གཤེགས་པ་རྣམས་རང་དང་ལྷ་རྣམས་ཀྱི་སྤྱི་བོར་ཡང་ངོ་། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ་ཧཱུཾ་ཕཊ་ཅེས་པ་བརྗོད་པར་བྱའོ། །དེ་ལ་བཅོམ་
[377a.5]ལྡན་འདས་ཀྱི་སྣ་ཚོགས་རྡོ་རྗེར་གནས་པའི་མི་བསྐྱོད་པའོ། །བཅོམ་ལྡན་འདས་མའི་རྣམ་པར་སྣང་མཛད་དོ། །མཁའ་འགྲོ་མ་ལ་སོགས་པ་རྣམས་ཀྱི་རིན་ཆེན་དབང་པོའོ། །ཁྭ་གདོང་མ་ལ་སོགས་པ་རྣམས་ཀྱི་དོན་ཡོད་གྲུབ་པའོ། །དེ་ནས་རང་གི་སྙིང་
[377a.6]གའི་ས་བོན་ལས་སྤྲོས་པའི་ལྷ་མོ་རྣམས་ཀྱི་དམ་ཚིག་ལ་སོགས་པ་རྣམས་ཀྱིས་དཀྱིལ་འཁོར་པ་དང་བཅས་པའི་དཀྱིལ་འཁོར་གྱི་གཙོ་བོ་ལ་མཆོད་པ་བྱས་ནས། རོ་མར་བརྗོད་པས་དྲང་ཞིང་བདུད་རྩི་མྱངས་ཏེ། རྐང་པ་བརྒྱད་པའི་སྔགས་རྣམས་དང་།
[377a.7]སྤྲོས་པའི་ལྷ་མོ་རྣམས་ཀྱིས་བཅོམ་ལྡན་འདས་དང་བཅོམ་ལྡན་འདས་མ་ལ་བསྟོད་པར་བྱའོ། །གསུངས་པ་འདི་ཐམས་ཅད་དང་ཁམས་གསུམ་མཐའ་དག་ཀྱང་སྟོང་པ་ཉིད་དང་སྙིང་རྗེ་རོ་གཅིག་པ་ཉིད་རབ་ཏུ་རྟོགས་པའི་ཆེད་དུ་རབ་ཏུ་ཞུགས་ཏེ། དབུགས་
[377b]
[377b.1]ཀྱི་འོད་ཟེར་གྱིས་ཡང་དག་པར་བཀུག་པའི་འགྲོ་བ་དུར་ཁྲོད་དང་། ཁྭ་གདོང་མ་ལ་སོགས་པ་དང་། བདེ་བ་ཆེན་པོའི་འཁོར་ལོའི་མཁའ་འགྲོ་མ་ལ་སོགས་པ་དང་། བཅོམ་ལྡན་འདས་མ་དང་། བཅོམ་ལྡན་འདས་དང་། ཉི་མ་དང་། ཧཱུཾ་དང་། ཨཱུ་དང་། ཧ་
[377b.2]དང་། མགོ་དང་། ཟླ་བ་ཕྱེད་པ་དང་། ཐིག་ལེ་དང་། ནཱ་ད་རྣམས་མེ་ལོང་ལ་དབུགས་ཀྱི་རླངས་པ་ཕོག་པ་ལྟ་བུའི་དབྱེ་བའི་རིམ་པས་འོད་གསལ་ལ་རབ་ཏུ་གཞུག་པར་བྱའོ། །དེ་ནས་སྐད་ཅིག་ལ་ལངས་ཏེ། དོན་དམ་པ་སྟོང་པ་ཉིད་དང་སྙིང་རྗེ་གཉིས་སུ་
[377b.3]མེད་པའི་རང་བཞིན་ལྷའི་འཁོར་ལོར་མཐའ་དག་ཀྱང་བལྟ་བར་བྱའོ། །དེ་ནས་སྐྱོན་སྔགས་བཟླས་པར་བྱ་སྟེ། ལྟེ་བའི་པདྨ་དང་། ཟླ་བར་ནཱ་ད་དཀར་དམར་ལ་ལྷའི་འཁོར་ལོ་རྣམས་དང་ལྷན་ཅིག་པའི་རླུང་གི་འཇུག་པ་དང་། གནས་པ་དང་ལྡང་བ་རྣམས་ཀྱིས་
[377b.4]ཨོཾ་ཨཱཿཧཱུཾ་ཞེས་པ་ནང་དུ་བཟླས་པ་བརྗོད་པ་ནི་རྡོ་རྗེའི་བཟླས་པའོ། དེ་ཁོ་ན་ལྟར་དེ་ཉིད་ལས་ནཱ་ད་ལས་བརྗོད་ཅིང་ལྷའི་ཚོགས་སྤྲོ་བ་དང་བསྡུ་བ་སྔོན་དུ་འགྲོ་བའི་སྙིང་པོ་དང་ཉེ་བའི་སྙིང་པོའི་སྔགས་རྣམས་བཟླ་བར་བྱ་སྟེ། ལྷ་སོ་སོ་རེ་རེའི་སྔགས་བརྗོད་པ་ཡོངས་སུ་རྫོགས་པ་ན་
[377b.5]སོ་སོར་སྤྲོ་བ་དང་བསྡུ་བའོ། །ཞེས་པ་དམ་ཚིག་གི་བཟླས་པ་གོམས་པར་བྱའོ། །ཆོས་ཐམས་ཅད་མཉམ་པ་ཉིད་ཀྱི་རྣམ་པར་མོས་པས་སྔགས་ཀྱི་ཕྲེང་བ་རང་གི་ཞལ་དུ་ཞུགས་ཏེ། རྡོ་རྗེའི་ལམ་ནས་པདྨར་སོང་ནས་ཨ་བ་དྷཱུ་ཏཱིའི་ལམ་ནས་ལངས་ཏེ་བཅོམ་ལྡན་
[377b.6]འདས་མའི་ཞལ་ནས་ལ་ཐོན་ཏེ། རང་གི་ཞལ་གྱི་སྒོ་ནས་རབ་ཏུ་ཞུགས་པ་དེ་ཁོ་ན་ལྟར་འཁོར་བ་བསྒོམ་ཞིང་། ཕྲེང་བའི་སྔགས་བཟླས་པར་བྱའོ་ཞེས་པ་འདོ་ལིའི་བཟླས་པའོ། །དེ་ལ་ཨོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ་ཌཱ་ཀི་ནཱི་ཛཱ་ལ་སམྦ་ར་སྭཱ་ཧཱ། སྙིང་པོའོ། ཨོཾ་ཧྲཱིཿ
[377b.7]ཧ་ཧ་ཧཱུཾ་ཧཱུཾ་ཕཊ། ཉེ་བའི་སྙིང་པོ་སྟེ་བཅོམ་ལྡན་འདས་ཀྱིའོ། །བཅོམ་ལྡན་འདས་མའི་ནི། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། སྙིང་པོའོ། །ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་བརྞྞ་ནཱི་ཡེ་ཧཱུཾ་ཧཱུཾ་ཕཊ། ཉེ་བའི་སྙིང་པོའོ། །བཅོམ་ལྡན་འདས་དང་། བཅོམ་ལྡན་འདས་མའི་
[378a]
[378a.1]ཕྲེང་བའི་སྔགས་གཞན་དུ་གཟུང་བར་བྱའོ། །ཨོཾ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ། ཨོཾ་ལཱ་མེ་ཧཱུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧཱུཾ་ཧཱུཾ་ཕཊ། ཨོཾ་རཱུ་པི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ཀཱ་ཀཱ་སྱ་ཧཱུཾ་ཧཱུཾ་ཕཊ། ཨོཾ་ཨུ་ལཱུ་ཀཱ་སྱ་ཧཱུཾ་ཧཱུཾ་ཕཊ། ཨོཾ་ཤྭ་ནཱ་སྱ་ཧཱུཾ་ཧཱུཾ་ཕཊ། ཨོཾ་ཤཱུ་ཀ་རཱ་སྱ་ཧཱུཾ་
[378a.2]ཧཱུཾ་ཕཊ། ཨོཾ་ཡ་མ་དཱ་དྷཱི་ཧཱུཾ་ཧཱུཾ་ཕཊ། ཨོཾ་ཡ་མ་དུ་ཏཱི་ཧཱུཾ་ཧཱུཾ་ཕཊ། ཨོཾ་ཡ་མ་དཾཥྚི་ཎཱི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་མ་ཐཱ་ནཱི་ཡེ་ཧཱུཾ་ཧཱུཾ་ཕཊ། དཔའ་མོའི་སྔགས་རྣམས་སོ། །དེ་ནས་མདུན་དུ་ཡཾ་ལས་སྐྱེས་པའི་རླུང་གི་སྟེང་དུ་རཾ་ལས་སྐྱེས་པའི་མེ་ལ་མི་མགོ་གསུམ་གྱི་སྒྱེད་པུ་ལ་གནས་པའི་ཨ་
[378a.3]ཡིག་དཀར་པོ་ལས་སྐྱེས་པའི་པདྨའི་སྣོད་དེའི་དབུས་སུ་ཟན་ལ་སོགས་པ། ཨོཾ་ཨཱཿཏྲཾ་ཁཾ་ཧཱུཾ། ལཱཾ་མཱཾ་པཱཾ་ཏཱཾ་བཱཾ་གི་ཡི་གེ་དང་དེས་བྱིན་གྱིས་བརླབས་པའི་བདུད་རྩི་དང་སྒྲོན་མ་ལྔ་བསྐྱེད་དེ་རླུང་གཡོས་པས་མེ་སྦར་ཏེ་བསྲོས་པས་ས་བོན་ལ་སོགས་པ་ཞུ་ནས་ཉི་མ་འཆར་ཀའི་མདོག་དང་
[378a.4]ཁུ་བའི་གཟུགས་སུ་བལྟ་བར་བྱའོ། །དེའི་སྟེང་དུ་དངུལ་ཆུ་ལྟ་བུའི་ཧཱུཾ་ཡིག་ལས་བྱུང་བའི་ཁ་ཊྭཱཾ་ག་བདུད་རྩིའི་རང་བཞིན་འོག་ཏུ་ཁ་བལྟས་པ་སྣོད་དུ་ཞུ་བ་རྣམ་པར་བལྟ་ཞིང་རོ་མཉམ་དུ་གྱུར་པ་བསྒོམ་པར་བྱའོ། །ཨཱ་ལི་ཀཱ་ལི་ལས་སྐྱེས་པའི་ཨོཾ་ཨཱཿཧཱུཾ་གི་ཡི་གེ་སྟེང་ནས་སྟེང་དུ་
[378a.5]གནས་པ་རྣམས་རྣམ་པར་བསྒོམས་ཏེ། དེ་རྣམས་ལས་དཀྱིལ་འཁོར་གྱི་འཁོར་ལོའི་ལྷ་རྣམས་སྤྲོས་ཏེ། འགྲོ་བའི་དོན་བྱས་ནས་སྙོམས་པར་འཇུག་པ་སྔོན་དུ་འགྲོ་བས་ཞུ་བར་གྱུར་པ་ཇི་ལྟ་བར་དེ་རྣམས་དང་ཡི་གེ་གསུམ་པོ་རྣམས་ལ་བཅུག་ལ་དེ་རྣམས་ཀྱང་རིམ་གྱིས་
[378a.6]བདུད་རྩིར་ཞུ་བར་བལྟས་ཏེ། དེ་རྣམས་ཉིད་ཀྱིས་དེ་སྲིད་འདོད་པ་བྱིན་གྱིས་བརླབ་པར་བྱའོ། །དེའི་རྗེས་ལ་རྐང་པ་གཡོན་པས་རྐང་པ་གཡས་པ་མནན་ཏེ། གཡོན་པ་གཏོར་མའི་སྟེང་དུ་བལྟ་ཞིང་ལག་པ་དག་གི་ཁ་འོག་ཏུ་བྱས་ཏེ་མཐེ་བོང་གི་རྩེ་མོ་ཕན་ཚུན་སྤྲད་པའི་སྟེང་དུ་
[378a.7]མཛུབ་མོ་གཉིས་ཀྱི་རྩེ་མོར་ལྕགས་སྒྲོག་བཅིངས་ལ་གུང་མོ་ལ་རྩེ་མོར་བྱས་ནས་མིང་མེད་དང་མཐེའུ་ཆུང་བརྐྱང་བ་དང་དཔྲལ་བའི་སྟེང་དུ་གཡོན་དང་། ཅིག་ཤོས་སུ་བསྐོར་བདག་གིས་བསྐོར་བར་བྱའོ་ཞེས་པ་འབར་པའི་ཕྱག་རྒྱའོ། །དེ་ནས་ཕཻཾ་ཡིག་གིས་ཕྱོགས་བཅུ་ན་
[378b]
[378b.1]བཞུགས་པའི་དཔའ་བོ་དང་རྣལ་འབྱོར་མ་རྣམས་སྤྱན་དྲངས་པར་བལྟས་ཏེ། ལྷ་དེ་རྣམས་གཡོན་དང་ཅིག་ཤོས་ཀྱི་ཕྱག་དག་གིས། ས་མ་ཡ་སྟྭཾ་ས་མ་ཡ་ཧོཿཞེས་པ་བརྗོད་ཅིང་གཡོན་དང་ཅིག་ཤོས་སུ་བསྐོར་ཞིང་བསྐོར་བས་མཆོད་བྱ་དང་མཆོད་བྱེད་དང་མཆོད་པ་རྣམས་དབྱེར་
[378b.2]མེད་པར་ལྷག་པར་མོས་པ་སྔོན་དུ་འགྲོ་བའི་གཏོར་མས་མཉེས་པར་བྱའོ། །ཨིནྡྲ། ཡ་མ། བ་རུ་ཎ། ཀུ་བེ་ར། ཨཱི་ཤ། ཨགྣི། རཱཀྵ་ས། པཱ་ཡུ་ཙནྡྲ། སཱུཪྻ། བྲཧྨ། ཨཱ་དི། བེ་མ་ཙི་ཏྲ་པྲ་ཐི་བི་དེ་བ་ཏཱཿ། ས་པ་རི་ཝཱ་ར་ཨཱ་ཀཪྵ་ཡ་ཛཿ་ཧཱུཾ་བཾ་ཧོཿསཾ་ཏྲྀ་པ་ཏཿ་སརྦ་དེ་བ་ཏཱཿ། སཱ་དྷ་ཀ་ཤཱིནྟཾ་
[378b.3]ཀུ་རུ་སརྦ་ཀེ་ཪྻཾ་ཀུ་རུ་སིདྡྷིར་བྷ་བ་ཏུ་ཡ་ཐཱ་སུ་ཁཾ། ཨོཾ་ཀ་ར་ཀ་ར། ཀུ་རུ་ཀུ་རུ། བནྡྷ་བནྡྷ། ཏྲཱ་ས་ཡ་ཏྲཱ་ས་ཡ། ཀྵོ་བྷ་ཡ་ཀྵོ་བྷ་ཡ། ཧྲཽཾ་ཧྲཽཾ་ཧྲཿ་ཧྲཿ་ཕེཾ་ཕེཾ། ཕཊ་ཕཊ། ད་ཧ་ད་ཧ། པ་ཙ་པ་ཙ། བྷཀྵ་བྷཀྵ། བ་ས་རུ་དྷི་ར་ཨནྟྲ་མཱ་ལཱ་བ་ལ་མྦི་ནི་གྲྀཧྞ་གྲྀཧྞ་སཔྟ་པཱ་ཏཱ་ལ་ག་ཏ་བྷུ་ཛཾ་ག་སརྦམྦཱ། ཏརྫ་
[378b.4]ཡ་ཏ་རྫ་ཨཱ་ཀཌྜྷྱ་ཧྲིཾ་ཧྲིཾ། ཛྞཽཾ་ཛྞཽཾ། ཧཾ་ཧཾ། ཧིཾ་ཧིཾ། ཧཱུཾ་ཧཱུཾ། ཀི་ལི་ཀི་ལི། སི་ལི་སི་ལི། ཧི་ལི་ཧི་ལི། དྷི་ལི་དྷི་ལི། ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་པ་འདིས་ལན་ཅིག་བརྗོད་པས་བཅོམ་ལྡན་འདས་ཤེས་རབ་དང་བཅས་པ་དང་། མཁའ་འགྲོ་མ་ལ་སོགས་པ་གཤིན་རྗེ་
[378b.5]འཇོམས་པའི་མཐར་ཐུག་པ་རྣམས་ཀྱིས་ཇི་ལྟར་རིགས་པར་བསྐོར་བར་བྱའོ། །ཨོཾ་བཛྲ་ཨ་རལླི་ཧོཿ་ཛཿཧཱུཾ་བཾ་ཧོཿབཛྲ་ཌཱ་ཀི་ནཱི་ས་མ་ཡ་སྟཾ་དྲྀ་ཤྱ་ཧོཿཞེས་པ་འདིས་ལན་གཅིག་དང་གཉིས་དང་གསུམ་དང་བཞི་དང་ལྔར་བརྗོད་པས་དབུལ་བར་བྱའོ། །དེ་ནས་དུར་ཁྲོད་བརྒྱད་དང་ཕྱོགས་
[378b.6]སྐྱོང་བ་ལ་སོགས་པ་རྣམས་ཀྱིས་སྔར་བཞིན་བསྐོར་བར་བྱའོ། །ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཱཀྵ་ས་བྷཱུ་ཏ། པྲེ་ཏ། པི་ཤཱ་ཙ། ཨུན་མཾ་ད་ཨ་བསྨ་ར་ཌཱ་ཀ་ཌཱ་ཀི་ནྱ་ད་ཡ་ཨི་མཾ། བ་ལིཾ་གྲྀཧྞནྟུ་ས་མ་ཡཾ་རཀྵ་ནྟུ་སརྦ་སིདྡྷི་མྨེ་པྲ་ཡ་ཙྪ་ནྟུ་ཡ་ཐཻ་བཾ་ཡ་ཐེ་ཥྚཾ་བྷུཉྫ་ཐ། པི་བ་ཐ། ཛི་གྷྲ་ཐ་མཱ་ཏི་ཀྲ་མ་
[378b.7]ཐ་མ་མ་སརྦ་ཀཱ་རྟ་ཡ་སཏྶུ་ཁཾ་པྲྀདྡྷ་ཡེ་ས་ཧཱ་ཡི་ཀ་བྷ་བནྟུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་ཞེས་པས་དབུལ་བར་བྱའོ། །དེ་ནས་རྐང་པ་བརྒྱད་པའི་སྔགས་ཀྱིས་ཡང་དག་པར་བསྟོད་དེ་མངོན་པར་འདོད་པའི་དངོས་གྲུབ་གསོལ་བ་བཏབ་ནས་ཡི་གེ་བརྒྱ་པ་བཟླས་ལ་ཙྪོ་མའི་ལག་པས་བརྡ་བྱས་ལ། ཨོཾ་
[379a]
[379a.1]ཡོ་ག་ཤུདྡྷཿསརྦ་དྷརྨཱ་ཡོ་ག་ཤུདྡྷོ྅ཧཾ་ཞེས་པ་བརྗོད་ཅིང་པད་ཀོར་གྱི་ཕྱག་རྒྱས་མཉེས་པར་བྱའོ། །ཕྱག་རྒྱ་ཉེ་བར་སྡུད་པ་ན་ཡང་འཁྱུད་པའི་སྟངས་ཀ་སྔོན་དུ་འགྲོ་བར་མིང་མེད་དང་མཐེའུ་ཆུང་གིས་སེ་གོལ་བྱའོ། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །
[379a.2]ཇི་ལྟའི་རྗེས་མཐུན་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་པ་དང་། །ཇི་ལྟར་བདེ་བར་བཞུགས་པར་མཛོད། །ཨོཾ་བཛྲ་མུཿཞེས་བརྗོད་དེ་གཤེགས་པར་བྱ་ཞིང་འཁོར་ལོ་དེ་ཐམས་ཅད་བདག་ཉིད་ལ་རབ་ཏུ་གཞུག་པར་བྱའོ། །ལྡང་བར་འདོད་ན་སྙིང་ག་དང་། མགྲིན་
[379a.3]པ་དང་། ལྟེ་བ་དང་། དཔྲལ་བའི་པདྨའི་ཟེའུ་འབྲུ་རྣམས་ལ་མཁའ་འགྲོ་མ་ལ་སོགས་པ་བཞི་དང་། ཁ་དང་སྣ་བུག་གཡོན་པ་དང་བཤང་ལམ་དང་། སྣ་བུག་གཡས་པ་རྣམས་ལ་ཁ་གདོང་མ་ལ་སོགས་པ་བཞི་དང་། གཡས་པ་དང་གཡས་མིན་གྱི་རྣ་བ་དང་། མིག་
[379a.4]རྣམས་ལ་ཡ་མ་དཱ་དྷཱི་ལ་སོགས་པ་བཞི་རབ་ཏུ་བསྟིམས་ཏེ། ངག་གི་སྒོ་ལ་སོགས་པའི་གཟུགས་ཀྱིས་གནས་པར་ཤེས་པར་བྱས་ནས། འདིར་སྤྱི་བོའི་འོག་ན་བཞུགས་པའི་བཅོམ་ལྡན་འདས་བྱང་ཆུབ་སེམས་ཀྱི་རྡོ་རྗེ་ལྷ་རྣམས་ཐམས་ཅད་ཡང་དག་པར་འཁྱུད་པ། གསང་བའི་ཆུ་
[379a.5]སྐྱེས་ལས་སྐྱེས་པ་རྡོ་རྗེ་ཕག་མོ་དང་ཡང་དག་པར་འཁྱུད་པའི་དགའ་བ་ཡིད་ཀྱི་བདེ་བ་ཆེན་པོ་རང་བཞིན་འབྱུང་བར་འགྱུར་རོ་ཞེས་པ་གདམས་ངག་ལས་ཤེས་པར་བྱའོ། །ལུས་ཀྱི་དཀྱིལ་འཁོར་ཡང་དང་ཡང་ཤིན་ཏུ་བརྟན་པར་མོས་ཤིང་ཤེས་རབ་ཀྱི་བདག་ཉིད་སྟོང་པ་ཉིད་དང་། སྙིང་རྗེ་
[379a.6]རོ་གཅིག་པ་བདེ་བ་ཆེན་པོའི་རང་བཞིན་གྱི་སྐུ་དང་མཚུངས་པར་རང་ཉིད་ལྷག་པར་མོས་པས་ཇི་ལྟར་མཛེས་པར་རྣམ་པར་དཔྱད་པར་བྱའོ། །ཞེས་སོ། །བདེ་མཆོག་སྒྲུབ་ཐབས་བསྡུས་པ་ལས། །དྲི་མེད་བསོད་ནམས་འཁྲུངས་པ་དེས། །མཐའ་ཡས་སྐྱེ་བོ་འདི་རྣམས་ནི། །རྡོ་རྗེ་
[379a.7]དབང་ཕྱུག་མྱུར་ཐོབ་ཤོག །ཅེས་སོ། །དཔལ་སྡོམ་པ་འབྱུང་བའི་སྒྲུབ་ཐབས་རྫོགས་སོ།། །།བལ་པོའི་པཎྜི་ཏ་ཆེན་པོ་ཀྵཱནྟི་ཤྲཱིའི་ཞལ་སྔ་ནས་བོད་ཀྱི་ལོ་ཙཱ་བ་དགེ་སློང་ཤོང་བློ་བརྟན་གྱིས་བལ་བོའི་ཡུལ་གཽ་ཏ་མ་བྷི་ཧ་རིར་བསྒྱུར་བའོ།། །།