[1a]
[1b]
[1b.1]༄༅༅། །སོ་སོར་ཐར་པའི་མདོའི་གཞུང་འགྲེལ་བམ་པོ་བཅུ་དགུ་པ། ད་ནི་སོ་སོར་བཤགས་པ་གདོན་པ་བཤད་པར་བྱ་སྟེ། དེའི་ཕྱིར། སྡོམ་ལ། གྲོང་དང་ཁྱིམ་གཞན་ཉིད་དང་ཡང་། །
[1b.2]བསླབ་པ་རྣམས་དང་དགོན་པ་ནི། །སངས་རྒྱས་ཕན་པ་གསུངས་པ་ཡིས། །སོ་སོར་བཤགས་པར་བྱ་བར་གསུངས། །ཞེས་བྱ་བ་གསུངས་ཏེ། སྡོམ་ལ་ཞེས་བྱ་བ་ནི། ཚིག་གི་དོན་དང་དགོས་པ་
[1b.3]ནི་སྔ་མ་བཞིན་ནོ། །སོ་སོར་བཤགས་པར་བྱ་བའི་ཆོས་ནི་བཞི་སྟེ། དགེ་སློང་མ་ལས་ཟས་ལེན་པའི་སོ་སོར་བཤགས་པར་བྱ་བ་དང་། གྲལ་རིམས་སུ་མ་ཕེབས་པར་(འདྲིམ་,འབྲིམ་)དུ་འཇུག་པ་མ་བཟློག་པར་ཟ་བའི་
[1b.4]སོ་སོར་བཤགས་པར་བྱ་བ་དང་། བསླབ་པ་དྲལ་ཏེ་ཁྱིམ་དུ་འཇུག་པའི་སོ་སོར་བཤགས་པར་བྱ་བ་དང་། ནགས་བརྟག་པ་ལས་གྱུར་པའི་སོ་སོར་བཤགས་པར་བྱ་བ་སྟེ། སྡོམ་གྱི་ཚིགས་སུ་བཅད་པ་
[1b.5]དང་གོ་རིམས་བཞིན་དུ་སྦྱར་རོ། །ཚེ་དང་ལྡན་པ་དག་སོ་སོར་བཤགས་པར་བྱ་བའི་ཆོས་བཞི་པོ་འདི་དག་ནི་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་ལས་འབྱུང་ངོ་ཞེས་བྱ་བ་ནི་སོ་སོར་བཤགས་པར་བྱ་བ་
[2a]
[2a.1]གདོན་པའི་ལུང་དབོག་པ་བསྟེན་ཏོ། །སོ་སོར་བཤགས་པའི་ཆོས་ཞེས་བྱ་བ་ནི། སྨྲེ་སྔགས་འདོན་པའི་རྣམ་པས་མཐོལ་བར་བྱ་བའོ། །དེ་ཉིད་ཁ་ན་མ་ཐོ་བའི་མཚན་ཉིད་འཛིན་པས་ཆོས་ཞེས་བྱའོ། །བཞི་པོ་
[2a.2]འདི་དག་ནི་ཞེས་བྱ་བ་ནི་འོག་ནས་འབྱུང་བའི་བཞི་པོ་འདི་དག་གོ། །ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་ལས་འབྱུང་ངོ་ཞེས་བྱ་བ་ནི་ཟླ་བ་ཕྱེད་ཕྱེད་ཅིང་གསོ་སྦྱོང་འདོན་པའི་ཚེ་འདུལ་བ་འཛིན་པའི་ཁ་ཏོན་ལས་འབྱུང་ངོ་ཞེས་བསྟན་པ་ཡིན
[2a.3]ནོ། །དེ་ལས་དགེ་སློང་མ་ལས་ཟས་ལེན་པའི་བར་སོ་སོར་བཤགས་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །ཡུལ་རྡོ་འཇོག་ན་ཁྱིམ་བདག་ཕྱུག་པ་ནོར་
[2a.4]མང་བ་ལོངས་སྤྱོད་ཆེ་བ། ཡོངས་སུ་གཟུང་བ་ཡངས་ཤིང་རྒྱ་ཆེ་བ་རྣམ་ཐོས་ཀྱི་བུའི་ནོར་དང་ལྡན་པ་རྣམ་ཐོས་ཀྱི་བུའི་ནོར་ལ་ནོར་གྱིས་འགྲན་པ་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་
[2a.5]བར་བྱེད། དགའ་མགུར་སྤྱོད་པར་བྱེད་དོ། །དེའི་ཆུང་མ་ལ་དུས་གཞན་ཞིག་ན་སེམས་ཅན་ཞུགས་པར་གྱུར་ནས། དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་བུ་མོ་གཟུགས་བཟང་བ། ལྟ་ན་སྡུག་པ་མཛེས་པ། མིག་ཨུཏྤལ་འདྲ་
[2b]
[2b.1]བ། ཨུཏྤ་ལའི་དྲི་དང་ལྡན་པ། ཨུཏྤ་ལའི་ཟེའུ་འབྲུའི་མདོག་འདྲ་བ་ཞིག་བྱུང་ངོ་། །དེའི་ཉེ་དུ་དག་འདུས་ཤིང་ལྷགས་ནས་ཞག་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས། བུ་མོ་འདིའི་མིང་ཅིར་གདགས་ཞེས་དེའི་མིང་འདོགས་པར་བྱེད་དོ། །དེའི་ཉེ་དུ་
[2b.2]དག་གིས་སྨྲས་པ། གང་གི་ཕྱིར་བུ་མོ་འདི་མིག་ཨུཏྤལ་འདྲ་བ། ཨུཏྤ་ལའི་དྲི་དང་ལྡན་པ། ཨུཏྤ་ལའི་ཟེའུ་འབྲུའི་མདོག་འདྲ་བ་དེའི་ཕྱིར། བུ་མོ་འདིའི་མིང་ཡང་ཨུཏྤ་ལའི་མདོག་ཅེས་བྱ་བར་གདགས་སོ་ཞེས་དེའི་མིང་ཨུཏྤ་ལའི་མདོག་ཅེས་བྱ་བར་བཏགས་སོ། །དེ་བསྲིངས་
[2b.3]ཤིང་བསྐྱེད་ནས་ཆེན་མོར་གྱུར་ཏེ། ཁྱིམ་སོ་བཟུང་བའི་ཚེ་རིམ་གྱིས་དུས་གཞན་ཞིག་ན། ཚེ་དང་ལྡན་པ་མཽད་གལ་གྱི་བུ་ཆེན་པོས་བཏུལ་ནས་རྒྱུན་དུ་ཞུགས་པའི་འབྲས་བུ་ཐོབ་པར་བྱས་ནས། བཅོམ་ལྡན་འདས་ལ་ཕུལ་བ་དང་། བཅོམ་ལྡན་འདས་ཀྱིས་སྐྱེ་དགུའི་བདག་མོ་གཽ་ཏ་
[2b.4]མཱི་ལ་གཏད་དེ། དེས་དེ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་ཏེ། གདམས་ངག་བྱིན་ནས་དེ་གཅིག་པུ་དབེན་པ་སྐྱབས་ཡོད་པར་བརྟུན་པ་དང་ལྡན་པས་བདག་ཉིད་བཏང་བར་གནས་པ་ན་དགྲ་བཅོམ་པ་ཉིད་མངོན་སུམ་དུ་བྱས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་
[2b.5]ལ་བཀའ་སྩལ་པ། དགེ་སློང་དག་ངའི་ཉན་ཐོས་རྣམས་རྫུ་འཕྲུལ་ཆེ་བ། མཐུ་ཆེ་བ་རྣམས་ཀྱི་ནང་ན་འདི་ལྟ་སྟེ། དགེ་སློང་མ་ཨུཏྤ་ལའི་མདོག་འདི་མཆོག་ཡིན་ནོ། །ཨུཏྤ་ལའི་བདག་གི་ཀུན་དུ་སྤྱོད་པ་ནི་བསོད་སྙོམས་བརྒྱུས་ནས། བསོད་སྙོམས་ཀྱི་ཕུད་དང་པོར་དགེ་འདུན་ལ་དབུལ་ཞིང་ཕྱིས་གཞན་དུ་
[2b.6]བརྒྱུས་ཏེ་བདག་ཉིད་ཟ་བར་བྱེད་དོ། །ཇི་ཙམ་དུ་དུས་གཞན་ཞིག་ན་བསོད་སྙོམས་ལ་ཞུགས་ནས་བསོད་སྙོམས་ཀྱི་ཕུད་དགེ་འདུན་ལ་ཕུལ་ནས་དེའི་འོག་ཏུ་བདག་ཉིད་ཀྱི་དོན་དུ་བརྒྱུས་པ་དང་། དགེ་སློང་གློ་བུར་དུ་འོངས་པ་ཞིག་བསོད་སྙོམས་ལ་ཞུགས་པ་དང་། དེ་སྤྱོད་ཡུལ་ལ་མི་མཁས་པས་ཅི་ཡང་མ་
[2b.7]རྙེད་པ་དེ་ཨུཏྤ་ལའི་མདོག་གིས་མཐོང་ནས་སྨྲས་པ། འཕགས་པ་ཅི་ཡང་མ་རྙེད་དམ། འཕགས་མ་ཅི་ཡང་མ་རྙེད་དོ། །དེས་བདག་ཉིད་ཀྱི་བསོད་སྙོམས་བསོད་སྙོམས་པ་དེ་ལ་ཕུལ་ནས་དེའི་ཟན་བཅད་པར་གྱུར་ཏོ། །ཉེ་དགས་དེ་མཐོང་ནས། དེས་བསམས་པ། སྲིང་མོ་འདི་ནི་དགེ་འདུན་ལ་མངོན་པར་
[3a]
[3a.1]དད་པ་འབའ་ཞིག་ཏུ་མ་ཟད་ཀྱི། གང་ཟག་ལ་ཡང་མངོན་པར་དད་པ་འདྲ་ན། འདི་བགོམ་པར་བྱའོ་སྙམ་ནས། དེའི་ཕྱི་དེ་ཉིན་བར་ཨུཏྤ་ལའི་མདོག་བསོད་སྙོམས་ལ་ཞུགས་ནས། དེས་བསོད་སྙོམས་གྱི་ཕུད་དེ་དགེ་འདུན་ལ་ཕུལ་ནས། བདག་ཉིད་ཀྱི་དོན་དུ་རྙེད་པ་སྒྲུབ་པ་དང་། ཉེ་དགའ་
[3a.2]ཡང་འོངས་ནས་སྨྲས་པ། འཕགས་མ་རྙེད་པ་ཅུང་ཟད་ཡོད་དམ། དེས་སྨྲས་པ། འཕགས་པ་མཆིས་ན་གསོལ་བཞེད་དམ། ལྷའི་གནས་ཀྱི་ལྷག་མ་ཇི་ལྟ་བ་བཞིན་ནོ། །འཕགས་པ་གལ་ཏེ་དེ་ལྟ་ན་ལྷུང་བཟེད་བཟེད་དུ་གསོལ། དེས་ལྷུང་བཟེད་བཟེད་པ་དང་། དེས་བསོད་སྙོམས་དེ་དེའི་ལྷུང་བཟེད་
[3a.3]དུ་ཕུལ་ལོ། །ཨུཏྤ་ལའི་མདོག་ཉི་མ་གཉིས་སུ་ཟན་ཆད་པས་ཉམ་ཆུང་བའི་སྦྱོར་བས་བརྒྱལ་ཏེ་ས་ལ་འགྱེལ་བ་དང་། མ་དད་པ་དག་གིས་གླགས་རྙེད་ནས། ཤེས་ལྡན་དག་ཨུཏྤ་ལའི་མདོག་འདི་འདོད་ཆགས་དང་བྲལ་ལོ་ཞེས་གྲག་ན། ཤཱཀྱ་གཞོན་ནུ་གཟུགས་བཟང་བ་འདི་མཐོང་ནས་འདོད་
[3a.4]ཆགས་ཀྱིས་བརྒྱལ་ཏེ་ས་ལ་འགྱེལ་བར་གྱུར་པ་དེ་ཇི་ལྟ་ཞེས་སྨོད་པ་ལ་ཞུགས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་སྔ་མ་བཞིན་དུ། ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལམ་པོ་ཆེ་ན་འདུག་པ་བསོད་སྙོམས་ཀྱི་ཕྱིར་གྲོང་དུ་འགྲོ་བ་
[3a.5]ལས་བཅའ་བ་དང་བཟའ་བ་རང་གི་ལག་གིས་བླངས་ཏེའམ་ཟ་ན། དགེ་སློང་དེས་ཕྱི་རོལ་དུ་ཀུན་དགའ་ར་བར་སོང་སྟེ། དགེ་སློང་རྣམས་ལ་ཚེ་དང་ལྡན་པ་དག་བདག་ལ་སྨད་པའི་གནས་མི་རིགས་པ་སོ་སོར་བཤགས་པར་བྱ་བ་བྱུང་གིས། ཆོས་དེ་སོ་སོར་འཆགས་སོ་ཞེས་སོ་སོར་བཤགས་པར་
[3a.6]བྱ་སྟེ། ཆོས་འདི་ནི་སོ་སོར་བཤགས་པར་བྱའོ་ཞེས་བཅའ་བ་མཛད་དེ། ཡུལ་ནི་རྒྱལ་པོའི་ཁབ། གང་ཟག་ནི་ཉེ་དགའ། ཉོན་མོངས་པ་ནི་བགམ་གཞུག་གིས་ཐོ་འཚམས་པ། ཉེས་པ་ནི་དགེ་སློང་མ་ཉེ་དུ་མ་ཡིན་པ་ལམ་པོ་ཆེ་ན་འདུག་པ་བསོད་སྙོམས་ཀྱི་ཕྱིར་གྲོང་དུ་འགྲོ་བ་ལས་བཅའ་བ་དང་
[3a.7]བཟའ་བ་རང་གི་ལག་གིས་བླངས་ནས་ཟ་བའོ། །དེ་ལ་ཡང་དགེ་སློང་གང་ཞེས་བྱ་བ་ནི་ཤཱཀྱའི་བུ་ཉེ་དགའ་འམ་གཞན་ཡང་དེ་ལྟ་བུ་གང་ཡིན་པའོ། །དགེ་སློང་མ་ཞེས་བྱ་བ་ནི་ཆོས་འདི་པའོ། །ཉེ་དུ་མ་ཡིན་པ་ཞེས་བྱ་བ་ནི། ཕྱི་མོ་དང་། མེས་པོ་དང་། ཕྲུགས་ལ་བརྟེན་པའི་བདུན་པ་
[3b]
[3b.1]ཚུན་ཆད་ནི་ཉེ་དུ་ཡིན་ལ། དེ་ཕན་ཆད་ནི་ཉེ་དུ་མ་ཡིན་ནོ། །ལམ་པོ་ཆེ་ན་འདུག་པ་ཞེས་བྱ་བ་ནི་སྲང་དུ་སོང་བའོ། །བསོད་སྙོམས་ཀྱི་ཕྱིར་གྲོང་དུ་འགྲོ་བ་ཞེས་བྱ་བ་ལ། གྲོང་ཞེས་བྱ་བ་ནི། གང་ན་ལམ་པོ་ཆེ་དང་སྲང་དང་། བཞི་མདོ་དང་སུམ་མདོ་དག་ཡོད་པའོ། །ལས་ཞེས་བྱ་བ་ནི་གན་ནས་སོ། །བཅའ་
[3b.2]བ་དང་བཟའ་བ་ཞེས་བྱ་བ་ནི་བཅའ་བ་ལྔ་དང་། བཟའ་བ་ལྔའོ། །རང་གི་ལག་གིས་ཞེས་བྱ་བ་ནི་ལག་གིས་ལག་ཏུའོ། །བླངས་ཏེ་ཞེས་བྱ་བ་ནི་བྱིན་ནས་སྟོབས་སུ་བཅུག་པའོ། །འཆའ་བའམ་ཟ་ན་ཞེས་བྱ་བ་ནི་མགུལ་དུ་མིད་ནའོ། །དགེ་སློང་དེས་ཞེས་བྱ་བ་ནི་དགེ་སློང་གང་ཡིན་པ་དེས་སོ། །
[3b.3]ཕྱི་རོལ་ཀུན་དགའ་ར་བར་སོང་སྟེ་ཞེས་བྱ་བ་ནི་གྲོང་གི་ཕྱི་རོལ་དུ་གཙུག་ལག་ཁང་དུ་སོང་སྟེའོ། །དགེ་སློང་རྣམས་ལ་ཞེས་བྱ་བ་ནི་དེ་ན་དགེ་སློང་གང་དག་འཁོད་པ་ལའོ། །ཚེ་དང་ལྡན་པ་དག་བདག་ལ་སྨད་པའི་གནས་ཞེས་བྱ་བ་ནི་སྨད་པར་བྱ་བའོ། །མི་རིགས་པ་ཞེས་བྱ་བ་ནི་ཚུལ་དང་མི་མཐུན་
[3b.4]པའོ། །སོ་སོར་བཤགས་པར་བྱ་བ་ཞེས་བྱ་བ་ནི། སྨྲེ་སྔགས་འདོན་པའི་རྣམ་པས་མཐོལ་བར་བྱ་བའོ། །བྱུང་གིས་ཞེས་བྱ་བ་ནི་ལྟུང་བ་བྱུང་བས་སོ། །ཆོས་དེ་ཞེས་བྱ་བ་ནི་ཆོས་མ་ཡིན་པ་ལ་ཆོས་ཀྱི་སྒྲར་གསུངས་པ་དེའོ། །སོ་སོར་འཆགས་སོ་ཞེས་བྱ་བ་ནི་མཐོལ་ལོ་ཞེས་སོ། །སོ་སོར་བཤགས་
[3b.5]པར་བྱ་སྟེ་ཞེས་བྱ་བ་ནི་མཐོལ་བར་བྱ་སྟེའོ། །ཆོས་འདི་ནི་སོ་སོར་བཤགས་པར་བྱའོ་ཞེས་བྱ་བ་ནི་ཆོས་འདི་ནི་མཐོལ་བར་བྱ་བ་སྟེ། དེས་ན་སོ་སོར་བཤགས་པར་བྱ་བའོ་ཞེས་གསུངས་སོ། །སོ་སོར་བཤགས་པར་བྱ་བའི་རྣམ་པར་གཞག་པ་ནི་གཙུག་ལག་ཁང་དེ་ན་དགེ་སློང་ཇི་སྙེད་འཁོད་པ་ལ་ཡང་རུང་།
[3b.6]ཇི་ཙམ་མིག་སྔར་སྣང་བ་དང་། ཐོས་པའི་ཉེ་འཁོར་ན་འདུག་པ་དག་ལ་ཡང་རུང་སྟེ། དེ་དག་ལ་ཚེ་དང་ལྡན་པ་དག་བདག་ལ་སྨད་པའི་གནས་མི་རིགས་པ་སོ་སོར་བཤགས་པར་བྱ་བ་དགེ་སློང་མ་ལས་ཟས་ལེན་པའམ། གཞན་ཡང་ཆེ་གེ་མོ་ཞིག་བྱུང་གིས། ཆོས་དེ་སོ་སོར་འཆགས་སོ་ཞེས་སྨྲེ་སྔགས་
[3b.7]འདོན་པའི་རྣམ་པས་ལན་ཅིག་དེ་སྐད་ཅེས་མཐོལ་བར་བྱ་ཞིང་དེའི་འོག་ཏུ་བཤགས་པ་ནི་དགེ་སློང་གི་མདུན་དུ་ལྟུང་བྱེད་བཤགས་པ་བཞིན་དུ་བཤགས་པར་བྱ་སྟེ། འདི་ནི་ལྟུང་བྱེད་པས་ཁ་ན་མ་ཐོ་བ་སྤང་བར་བཤད་དོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དགེ་སློང་བདག་ཉིད་ལམ་
[4a]
[4a.1]པོ་ཆེ་ན་འདུག་པས། དགེ་སློང་མ་ཉེ་དུ་མ་ཡིན་པ་ལ་དེར་འདུ་ཤེས་པས། དགེ་སློང་མ་དེ་རང་གི་ལག་གིས་མི་(འདྲིམ་,འབྲིམ་)པའི་རྣམ་པས་བསྒྲུབས་ཤིང་ཕུལ་བའི་བཅའ་བའམ། བཟའ་བ་དགེ་སློང་དེས་རང་གི་ལག་གིས་བླངས་ཏེ། གནས་གང་ཡང་རུང་བར་ཟོས་ན་དགེ་སློང་མ་ལས་
[4a.2]ཟས་ལེན་པའི་སོ་སོར་བཤགས་པར་བྱ་བའི་དངོས་གཞིར་འགྱུར་རོ། །འདིའི་བྱེད་པ་པོ་ནི་དགེ་སློང་མ་ཉེ་དུ་མ་ཡིན་པ་ཉིད་ལ་འདུ་ཤེས་གཙོ་ཆེར་བྱེད་པ་པོ་ཉིད་ཡིན་ནོ། །འདི་ལ་ཡན་ལག་ལྔས་དངོས་གཞིའི་ལྟུང་བར་འགྱུར་ཏེ། དགེ་སློང་མ་ཉེ་དུ་མ་ཡིན་པ་ཉིད་དང་། དེར་འདུ་ཤེས་པ་ཉིད་དང་། གཉི་ག་
[4a.3]ལམ་པོ་ཆེ་གྲོང་ན་འདུག་པ་ཉིད་དང་། ཟས་ཉིད་དང་། རང་གི་ལག་གིས་བླངས་ཏེ་ཟོས་པ་ཉིད་དོ། །དེ་དག་ལས་ཡན་ལག་མ་ཚང་ན་ཅི་རིགས་པར་ན་སྨད་དོ། །དགེ་སློང་མ་ལ་ཟས་ལེན་པའི་སོ་སོར་བཤགས་པར་བྱ་བ་སྟེ་དང་པོའོ།། །།གྲལ་རིམས་སུ་མ་ཕེབས་པར་འདྲིམ་དུ་འཇུག་
[4a.4]པ་མ་བཟློག་པར་ཟ་བའི་སོ་སོར་བཤགས་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་ཀུན་དགའ་ར་བ་ན་བཞུགས་སོ། །དེའི་ཚེ་ན་མུ་གེ་ཉམ་ང་བ། དགོན་པ་སློང་མོ་པས་ཟས་རྙེད་པར་དཀའ་ཞིང་ཕ་མ་དག་ཀྱང་རང་གི་བུ་དག་
[4a.5]ལ་ཁ་ཟས་སྦྱིན་པ་དང་བྱ་བར་སེམས་པ་དཀའ་ན་སློང་མོ་བ་དག་ལ་ལྟ་སྨོས་ཀྱང་ཅི་དགོས་པ་བྱུང་ངོ་། །དྲུག་སྡེ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་པ་དང་། ལ་ལ་ནས་ཐོབ་ལ་ལ་ནས་མ་ཐོབ་ནས་དེ་དག་བཀྲེས་པས་ཉེན་ནས།
[4a.6]བཅུ་གཉིས་སྡེ་དག་གི་གན་དུ་དོང་བ་དང་། དེ་དག་གིས་སྨྲས་པ། འཕགས་པ་དག་འཚོའམ། སྲིང་མོ་དག་འདི་ནི་ཇི་ལྟར་འཚོ། ཁོ་བོ་ཅག་བཀྲེས་པས་ཉེན་ཏོ། །འཕགས་པ་དག་གལ་ཏེ་དེ་ལྟར་ན་སང་སྤྱོན་ཅིག་དང་ཞལ་ཚུས་གསོལ་ལོ། །སྲིང་མོ་དག་སང་ཁྱེད་ཀྱིས་སྦྱིན་ན། གནངས་སུས་
[4a.7]སྦྱིན། འཕགས་པ་དག་བདག་ཅག་ཉིད་ཀྱིས་གསོལ་ལོ། །སྲིང་མོ་དག་དེ་ལྟར་འཚོ་བར་མི་ནུས་ཀྱིས། འདི་ལྟར་སངས་རྒྱས་ལ་སོགས་པ་དགེ་སློང་གི་དགེ་འདུན་གང་དུ་སྤྱན་དྲངས་པ་དེར་ཁྱེད་ཅག་གིས་ཞལ་ཏ་གྱིས་ལ། ཁོ་བོ་ཅག་ལ་ཡང་དང་ཡང་དུ་བྱིན་ཅིག་དང་། དེ་ལྟར་ན་ཁོ་བོ་ཅག་
[4b]
[4b.1]འཚོ་བར་འགྱུར་རོ། །སྦོམ་དགའ་མོས་སྨྲས་པ། གལ་ཏེ་རུང་ནམ་ནོངས་ཀྱིས་དེ་བཞིན་བགྱིའོ། །ཇི་ཙམ་ན་ཁྱིམ་བདག་གཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་དང་། དགེ་སློང་གི་དགེ་འདུན་ནི་བཞུགས་སོ། །བཅོམ་ལྡན་འདས་ནི་འདུལ་
[4b.2]བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་བཞེད་པས། རྫས་ལས་བྱུང་བ་ན་བཞུགས་ཤིང་། བསོད་སྙོམས་མངོན་པར་བསྒྲུབས་པ་ཁྱིམ་བདག་དེ་ནང་མི་དང་བཅས་པས། དགེ་སློང་གི་དགེ་འདུན་ལ་བྲིམ་པར་བརྩམས་པ་དང་། སྦོམ་དགའ་མོས་རྒན་པའི་མཐའ་ལོགས་སུ་འདུག་ནས་སྨྲས་པ།
[4b.3]ཁྱིམ་བདག་འདི་ནི་འཕགས་པ་དགའ་པོ་སྟེ། ཤཱཀྱ་རབ་ཏུ་བྱུང་བ་སྟེ། སྡེ་སྣོད་གསུམ་དང་ལྡན་པ་ཆོས་སྒྲོགས་པ། །རིགས་པ་དང་གྲོལ་བའི་སྤོབས་པ་ཅན་ཡིན་གྱི། འདི་ལ་ཡང་གསོལ་ཅིག་འདི་ནི་འཕགས་པ་ཉེ་དགའོ། །འདི་ནི་འཕགས་པ་འགྲོ་མགྱོགས་སོ། །འདི་ནི་ནབ་སོའོ། །འདི་ནི་འདུན་
[4b.4]པ་སྟེ་འདི་དག་ཀྱང་ཤཱཀྱ་རབ་ཏུ་བྱུང་བ་སྟེ། སྡེ་སྣོད་གསུམ་དང་ལྡན་པ། ཆོས་སྒྲོགས་པ། རིགས་པ་དང་གྲོལ་བའི་སྤོབས་པ་ཅན་ཡིན་གྱི་འདི་དག་ལ་ཡང་གསོལ་ཅིག །འདི་འཕགས་པ་འཆར་ཀ་སྟེ། བྲམ་ཟེ་མདུན་ན་འདོན་གྱི་བུ་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོགས་པ། རིགས་པ་
[4b.5]དང་གྲོལ་བའི་སྤོབས་པ་ཅན་ཡིན་གྱི་འདི་ལ་ཡང་དང་ཡང་གསོལ་ཅིག་ཁྱིམ་བདག་དེས་དེ་བཞིན་དུ་དེ་དག་ལ་ཡང་དང་ཡང་བྱིན་ནོ། །དེ་བཞིན་དུ་སྦོམ་དགའ་མོས་འདྲིམ་མཁན་དག་ལ་ཡང་སྨྲས་ནས། དེ་དག་གིས་ཀྱང་དེ་བཞིན་དུ་དེ་དག་ལ་ཡང་དང་ཡང་བྱིན་ནོ། །དེ་ན་དགེ་སློང་ཁ་ཅིག་ལ་ནི་འབྲས་ཆན་ཆད་ཁ་ཅིག་
[4b.6]ལ་ནི་ཚོད་མ་ཆད། ཁ་ཅིག་ལ་ནི་བཅའ་བ་ཆད། ཁ་ཅིག་ལ་ནི་ཟས་ཅུང་ཟད་ཐོབ་ནས་ཟན་ཆད་པར་གྱུར། ཁ་ཅིག་གིས་ནི་ཟན་མ་ཐོབ་པར་ཟན་ཆད་པར་གྱུར་ཏོ། །དེ་ན་དགེ་སློང་གང་དག་འཆིང་བ་མཐའ་དག་ཡོད་པ་དེ་དག་གིས་ཁྱིམ་བདག་དེ་མཐོ་བཙམས་པ། ཁྱིམ་བདག་གལ་
[4b.7]ཏེ་ཁྱོད་ལ་འབྱོར་པ་མེད་ན་ཅིའི་ཕྱིར། སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་འདྲེན་པར་བྱེད། དེས་སྨྲས་པ་འཕགས་པ་དག་བདག་གིས་ཞལ་ཟས་མང་པོ་སྟ་གོན་བགྱིས་ན། སྦོམ་དགའ་མོ་བགྲེས་པའི་མཐའ་ལོགས་སུ་མཆིས་པས་བགྲེས་པའི་མཐའ་ལོགས་འབའ་ཞིག་ཏུ་ཡང་དང་ཡང་དུ་
[5a]
[5a.1]སྟོབས་སུ་རྩོལ་བས། དེ་ལ་བདག་གིས་ཇི་ལྟར་བགྱི་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་སྔ་མ་བཞིན་དུ། དེ་དགེ་སློང་རབ་ཏུ་མང་པོ་ཁྱིམ་རྣམས་སུ་མགྲོན་དུ་བོས་ནས་ཟན་ཟ་བའི་ཚེ་ན་གལ་ཏེ་དགེ་སློང་མ་ཞིག་
[5a.2]འདི་ལ་བཅའ་བ་བྱིན་ཅིག །འདི་ལ་ནི་འབྲས་ཆན་བྱིན་ཅིག །འདི་ལ་ནི་སྲན་ཚོད་བྱིན་ཅིག །འདི་ལ་ནི་ཡང་བྱིན་ཅིག་ཅེས་བསྒོ་ཞིང་འདུག་ན་དགེ་སློང་མ་དེ་ལ་དགེ་སློང་དེ་རྣམས་ཀྱིས་འདི་སྐད་ཅེས་སྲིང་མོ་ཁྱོད་དགེ་སློང་རྣམས་ཟན་ཟ་བའི་བར་དུ་རེ་ཞིག་སྡོད་ཅིག་ཅེས་བསྒོ་བར་བྱའོ། །གལ་ཏེ་གཅིག་
[5a.3]གིས་ཀྱང་དགེ་སློང་མ་དེ་ལ་དེ་ཡང་སྨྲ་མ་སྤོབས་ན་དགེ་སློང་དེ་དག་ཐམས་ཅད་ཀྱི་ཕྱི་རོལ་ཀུན་དགའ་ར་བར་སོང་སྟེ། དགེ་སློང་རྣམས་ལ། ཚེ་དང་ལྡན་པ་དག་བདག་ཅག་ལ་སྨད་པའི་གནས་མི་རིགས་པའི་སོ་སོར་བཤགས་པར་བྱ་བ་བྱུང་གི་ཆོས་དེ་སོ་སོར་འཆགས་སོ་ཞེས་སོ་སོར་བཤགས་པར་བྱ་སྟེ།
[5a.4]ཆོས་འདི་ཡང་སོ་སོར་བཤགས་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དགེ་སློང་རབ་ཏུ་མང་པོ། །ཉོན་མོངས་པ་ནི་ངོ་ཟློག་མི་ཕོད་པ། ཉེས་པ་ནི་གྲལ་རིམས་སུ་མ་ཕེབས་པར་འདྲིམ་དུ་འཇུག་པའི་དགེ་སློང་མ་མ་བཟློག་པར་ཟ་བའོ། །དེ་ལ་དགེ་སློང་རབ་ཏུ་མང་པོ་ཞེས་བྱ་
[5a.5]བ་ནི། དགེ་སློང་གཉིས་ལས་ལྷག་པ་ནི་རབ་ཏུ་མང་པོའོ། །ཁྱིམ་རྣམས་སུ་ཞེས་བྱ་བ་ནི་བྲམ་ཟེ་དང་ཁྱིམ་བདག་གི་ཁྱིམ་རྣམས་སུའོ། །མགྲོན་དུ་བོས་ནས་ཞེས་བྱ་བ་ནི་ཟན་གྱི་ཕྱིར་རོ། །ཟན་ཟ་བའི་ཚེ་ཞེས་བྱ་བ་ནི་བཅའ་བ་ལྔ་དང་བཟའ་བ་ལྔ་པོ་དག་གོ། །དེ་དག་གལ་ཏེ་དགེ་སློང་མ་ཞིག་ཅེས་བྱ་བ་ནི་སྦོམ་
[5a.6]དགའ་མོའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་མ་དེ་ལ་ཞེས་བྱ་བ་ནི་སྦོམ་དགའ་མོའམ། གཞན་ཡང་དེ་ལྟ་བུ་གང་ཡིན་པ་ལའོ། །དགེ་སློང་དེ་རྣམས་ཀྱིས་ཞེས་བྱ་བ་ནི་དེ་ན་དགེ་སློང་གང་དག་འཁོད་པ་རྣམས་ཀྱིས་སོ། །འདི་སྐད་ཅེས་ཞེས་བྱ་བ་ནི་འདི་སྐད་ཅེས་བསྒོ་བར་བྱ་བའོ། །
[5a.7]སྲིང་མོ་ཁྱོད་དགེ་སློང་རྣམས་ཟན་ཟ་བའི་བར་དུ་རེ་ཞིག་སྡོད་ཅིག་ཅེས་བྱ་བ་བསྒོ་བར་བྱའོ་ཞེས་བྱ་བ་ནི་སྲིང་མོ་ཁྱོད་དགེ་སློང་རྣམས་ཟན་ཟ་བའི་བར་དུ་རེ་ཞིག་ཡུད་ཙམ་ཞིག་ཁ་རོག་པར་སྡོད་ཅེས་བརྗོད་པར་བྱའོ། །གལ་ཏེ་དགེ་སློང་གཅིག་གིས་ཀྱང་དགེ་སློང་མ་དེ་ལ་དེ་སྐད་སྨྲ་བ་མ་སྤོབས་ན་དགེ་
[5b]
[5b.1]སློང་ཞེས་བྱ་བ་ནི་གལ་ཏེ་དགེ་སློང་གཅིག་གིས་ཀྱང་དགེ་སློང་མ་དེ་ལ་མ་སྨྲས་ནའོ། །དགེ་སློང་དེ་དག་ཐམས་ཅད་ཀྱིས་ཞེས་བྱ་བ་ནི་དེ་ན་དགེ་སློང་གང་དག་འཁོད་པ་དེ་དག་ཐམས་ཅད་ཀྱིས་སོ། །ཕྱི་རོལ་ཀུན་དགའ་ར་བར་དོང་སྟེ། དགེ་སློང་རྣམས་ལ་ཚེ་དང་ལྡན་པ་དག་བདག་ཅག་ལ་སྨད་པའི་གནས་མི་རིགས་པ་
[5b.2]སོ་སོར་བཤགས་པར་བྱ་བ་བྱུང་གིས་ཆོས་དེ་སོ་སོར་བཤགས་ཞེས་སོ་སོར་བཤགས་པར་བྱ་སྟེ། ཆོས་འདི་ཡང་སོ་སོར་བཤགས་པར་བྱའོ་ཞེས་བྱ་བ་ནི་སྔ་མ་བཞིན་ནོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། ཁྱིམ་མམ་དགོན་པ་དང་། གཙུག་ལག་ཁང་ལ་སོགས་པར་སྦྱིན་བདག་
[5b.3]ཁྱིམ་གྱི་མི་ཐམས་ཅད་འདུས་པའམ། བསྐོས་པ་ལ་སོགས་པ་ཟན་སྦྱར་བར་དགེ་སློང་གསུམ་ལ་སོགས་པ་མགྲོན་དུ་བོས་ཏེ་ཟན་ཟ་བའི་ཚེ། དེ་ན་དགེ་སློང་མ་དེའི་ཚིག་གིས་སམ་དེའི་ཉེ་དུས་མགྲོན་དུ་བོས་པ་མ་ཡིན་པ་བྱུག་རིས་སྟོན་པ་དང་། མ་བྱིན་པ་ལ་སྦྱིན་དུ་འཇུག་པ་མ་གཏོགས་པ་ཞིག་དགེ་སློང་ལྟུང་
[5b.4]བ་འབྱིན་པ་པོ་དེ་འམ། དགེ་སློང་གཞན་ལ་འདི་ལ་བཅའ་བའམ། བཏུང་བ་དང་། སྲན་ཚོད་དམ། བཟའ་བའམ་ཡང་བྱིན་ཅིག་ཅེས་བྱ་བ་ལ་སོགས་པས་སྐོ་ཤམ་བྱེད་པ་ལ་ཞུགས་པ་དེ་ལ། དགེ་སློང་གང་ཡང་རུང་བ་ཟན་གཅིག་པ་ཉིད་ཡིན་ལ་ལྷན་ཅིག་ཟ་བའམ། ལྷན་ཅིག་མི་ཟ་བས་ཀྱང་
[5b.5]རུང་བས། སྲིང་མོ་ཁྱོད་དགེ་སློང་རྣམས་ཟན་ཟོས་ཀྱི་བར་དུ་རེ་ཞིག་སྡོད་ཅིག་ཅེས་མ་བསྒོ་བར། དགེ་སློང་གསུམ་ལ་སོགས་པར་མགྲོན་དུ་བོས་པས་ཟོས་ན་བསྒོ་བའི་ཚིག་དེ་ཉེ་བར་གདགས་སུ་མི་རུང་བ་ཙམ་དུ་ཐག་རིང་བ་མ་གཏོགས་པ་ཉིད་དང་། བསྒོ་བ་ཉིད་དུ་འདུ་ཤེས་མེད་ན། གྲལ་རིམས་སུ་མ་
[5b.6]ཕེབས་པ་འདྲིམ་དུ་འཇུག་པ་མ་བཟློག་པར་ཟ་བའི་བར་སོ་སོར་བཤགས་པར་བྱ་བའི་དངོས་གཞིར་འགྱུར་རོ། །འདིའི་བྱེད་པ་པོ་ནི་དགེ་སློང་ལྟུང་བ་འབྱིན་པ་པོ་དེའམ། དགེ་སློང་གཞན་འདི་ལ་བཅའ་བའམ། བཏུང་བའམ། སྲན་ཚོད་དམ། བཟའ་བའམ། ཡང་བྱིན་ཅིག་ཅེས་བྱ་བ་ལ་སོགས་
[5b.7]པས། སྐོ་ཤམ་བྱེད་པ་ལ་ཞུགས་པའི་དགེ་སློང་མ་དེའི་ཚིག་གིས་སམ། དེའི་ཉེ་དུས་མགྲོན་དུ་བོས་པ་མ་ཡིན་པ་བྱུག་རིས་སྟོན་པ་དང་། མ་བྱིན་པ་ལ་སྦྱིན་དུ་འཇུག་པ་མ་གཏོགས་པ་དང་། བསྒོ་བའི་ཚིག་ཉེ་བར་གདགས་སུ་མི་རུང་བར་ཐག་རིང་བ་མ་གཏོགས་པ་དེ་ན་འདུག་པ་ནི་བྱེད་པ་པོ་ཡིན་ནོ། །
[6a]
[6a.1]འདི་ལ་ཡན་ལག་ལྔས་དངོས་གཞིའི་ལྟུང་བར་འགྱུར་ཏེ། གང་ཞེ་ན། ཁྱིམ་དགོན་པ་དང་། གཙུག་ལག་ཁང་ལ་སོགས་པར་སྦྱིན་བདག་ཁྱིམ་གྱི་མི་ཐམས་ཅད་འདུས་པའམ་དེས་བསྐོས་པ་ལ་སོགས་པས་ཟན་སྦྱར་བ་ཉིད་དང་། དགེ་སློང་གསུམ་ཡན་ཆད་མགྲོན་དུ་བོས་པ་ཉིད་དང་།
[6a.2]དགེ་སློང་མ་དེའི་ཚིག་གིས་སམ་དེའི་ཉེ་དུས་མགྲོན་དུ་བོས་པ་མ་ཡིན་པ་བྱུག་རིས་སྟོན་པ་དང་། མ་བྱིན་པ་ལ་སྦྱིན་དུ་འཇུག་པ་མ་གཏོགས་པ་ཉིད་དང་། བསྒོ་བ་ཉིད་ཚིག་ཉེ་བར་གདགས་སུ་མི་རུང་བར་ཐག་རིང་བ་མ་ཡིན་པ་སྐོ་ཤམ་བྱེད་པ་ལ་ཞུགས་པ་ཉིད་དང་། དགེ་སློང་ཟན་གཅིག་པ་རྣམས་ཀྱིས་མ་བསྒོ་
[6a.3]བར་འདུ་ཤེས་པས་ཟོས་པ་ཉིད་དོ། །དེ་དག་ལས་ཡན་ལག་མ་ཚང་ན་ཅི་རིགས་པར་ན་སྨད་དོ། །གྲལ་རིམས་སུ་མ་ཕེབས་པར་འདྲིམ་དུ་འཇུག་པ་མ་བཟློག་པར་ཟ་བའི་སོ་སོར་བཤགས་པར་བྱ་བ་སྟེ་གཉིས་པའོ།། །།བསླབ་པ་དྲལ་ཏེ་ཁྱིམ་དུ་འཇུག་པའི་སོ་སོར་བཤགས་པར་བྱ་བའི་གླེང་
[6a.4]གཞི་ནི། སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ཁང་པ་བརྩེགས་པའི་ཁང་བཟངས་ན་བཞུགས་སོ། །གང་གི་ཚེ་དམག་དཔོན་སེང་གེས་བཅོམ་ལྡན་འདས་ཀྱི་སྤྱན་སྔ་ནས་བདེན་པ་དག་མཐོང་བ་དེའི་ཚེ་དེས་ཆ་གཅིག་བཟུང་ནས། འདི་ལྟར་ཁྱུ་མཆོག་རླབས་པོ་ཆེའི་ཚིག་
[6a.5]སྨྲས་ཤིང་འཁོར་གྱི་ནང་དུ་སེང་གེའི་སྒྲ་ཡང་དག་པར་བསྒྲགས་ཏེ། དེ་ཕྱིན་ཆད་གཅེར་བུ་པ་དག་དང་། གཅེར་བུ་མ་དག་དང་། གཅེར་བུ་པའི་ཉན་ཐོས་དག་དང་། གཅེར་བུ་མའི་ཉན་ཐོས་མ་དག་གི་སྒོ་ནི་བཅད་དོ། །བཅོམ་ལྡན་འདས་ཀྱི་ཉན་ཐོས་ཀྱི་དགེ་སློང་དག་དང་། དགེ་སློང་མ་དག་དང་། དགེ་
[6a.6]བསྙེན་དག་དང་། དགེ་བསྙེན་མ་དག་གི་སྒོ་ནི་ཕྱེའོ་ཞེས་བསྒྲགས་ཤིང་ཞིང་ལས་ཀྱི་མཐའ་དག་ཁ་ན་མ་ཐོ་བ་དང་བཅས་པ་ཡིན་ནོ་ཞེས་ཡོངས་སུ་གཏང་ངོ་། །དེ་དད་པ་དང་ལྡན་ཞིང་བཟང་ལ། དགེ་བའི་ལས་སེམས་པ་ཅན་ཡིན་ཏེ། དེས་སངས་རྒྱས་སམ། ཆོས་སམ། དགེ་འདུན་ནམ། ཡིད་དུ་འོང་
[6a.7]བའི་དགེ་སློང་རྣམས་ལ་མ་ཕུལ་བའམ། ཡོངས་སུ་མ་བཏང་བ་ཅི་ཡང་མེད་དེ། དེས་དེ་ལྟར་ཕུལ་ཞིང་ཡོངས་སུ་བཏང་བས། ལོངས་སྤྱོད་སྲབས་ཤིང་ཡོངས་སུ་ཟད་དེ། ཡོངས་སུ་མཐར་ཐུག་པར་གྱུར་ཏོ། །དེ་སྐབས་སུ་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་གཉིས་ལྗོངས་རྒྱུ་ཞིང་
[6b]
[6b.1]འདོང་བ་ན། ཡངས་པ་ཅན་དུ་ཕྱིན་པ་ན། དམག་དཔོན་སེང་གེས་དེ་གཉིས་ཁྱིམ་གཞན་དུ་ཟན་ལ་མགྲོན་དུ་བོས་ནས། དེ་དེ་གཉིས་ཀྱི་ཟན་སྦྱར་བའི་ཕྱིར་བདག་ཉིད་སྲོང་དུ་སོང་བ་དང་། གཅེར་བུ་བ་དག་གིས་མཐོང་ནས། དེ་དག་ཤེས་ལྡན་དག་གང་གི་ཚེ་དམག་དཔོན་སེང་གེ་བདག་ཅག་ལ་
[6b.2]མངོན་པར་དད་པ་དེའི་ཚེ་ན་འདི་ནི་ཐམས་ཅད་ཕུན་སུམ་ཚོགས་པར་གྱུར་ན། ད་ལྟར་ཤཱཀྱའི་བུ་དགེ་སྦྱོང་དག་ལ་མངོན་པར་དད་པ་འདི་ལ་བཅར་ཡང་མེད་བཅར་ཡང་མེད་དེ། བདག་ཉིད་ཁྱིམ་གྱི་ལས་བྱེད་དོ་ཞེས་སྨོད་པ་ལ་ཞུགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་།
[6b.3]བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དམག་དཔོན་སེང་གེ་དང་། གཞན་ཡང་དེ་ལྟ་བུ་གང་ཡིན་པ་གསོལ་བ་འབའ་ཞིག་གི་ལས་ཀྱིས་བསླབ་པའི་སྡོམ་པ་སྦྱིན་ཞིང་དེར་དགེ་སློང་གི་ཁྱིམ་དུ་འགྲོ་བར་མི་བྱ། སྟན་ལ་ལོངས་སྤྱོད་པར་མི་བྱ། བསོད་སྙོམས་བཟའ་བར་མི་བྱ། ཆོས་
[6b.4]བསྟན་པར་མི་བྱའོ། །དགེ་སློང་རྣམས་ཀྱིས་དེ་ལ་བསླབ་པའི་སྡོམ་པ་བྱིན་ནས། ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་སྔར་མགྲོན་དུ་བོས་པ། བཅོམ་ལྡན་འདས་ཀྱིས་གནང་སྟེ། དམག་དཔོན་སེང་གེའི་ཁྱིམ་དུ་འཕགས་པ་དྲུག་སྡེ་དག་གིས་དེ་གཉིས་མཐོང་ནས། དེ་དག་གིས་
[6b.5]སྨྲས་པ། ཁྱེད་གཉིས་གར་བཞུད། དམག་དཔོན་སེང་གེའི་ཁྱིམ་དུའོ། །དེ་ལ་དགེ་འདུན་གྱིས་བསླབ་པའི་སྡོམ་པ་མ་བྱིན་ནམ། གང་དག་བྱིན་པ་དེ་ལ་བྱིན་གྱི། ཁོ་བོ་ཅག་གཉིས་སྔར་མགྲོན་དུ་བོས་སོ། །དྲུག་སྡེ་དག་གིས་སྨྲས་པ། གལ་ཏེ་དེ་ལྟ་ན་ཁོ་བོ་ཅག་གང་གི་ཚེ་དམག་དཔོན་སེང་གེས་བཅོམ་
[6b.6]ལྡན་འདས་ཀྱི་སྤྱན་སྔ་ནས་བདེན་པ་དག་མཐོང་བ་དེའི་ཚེ་ན། ཆེས་སྔར་མགྲོན་དུ་བོས་སོ། །དེ་གཉིས་ཅང་མི་སྨྲ་བར་འདོད་པ་དང་། དེ་དག་ཀྱང་དེ་གཉིས་ཀྱི་ཕྱི་བཞིན་ཕྱི་བཞིན་དུ་རྗེས་སུ་འབྲང་བ་ན། དམག་དཔོན་སེང་གེས་དགེ་སློང་རབ་ཏུ་མང་པོ་དག་འོངས་པ་མཐོང་ནས་མཆོག་ཏུ་དགའ་བ་བསྐྱེད་དེ། ཁྱིམ་མི་ལ་
[6b.7]དགོས་པ་གང་ཡིན་པ་དེ་དག་དགེ་སློང་རྣམས་ལ་བྲིམས་སོ། །དེ་དག་གིས་ཟོས་ཏེ་དོང་བ་དང་། དེའི་བུ་དག་གིས་ཟས་ཟ་བར་བརྩམས་པ་དང་། དེས་སྨྲས་པ། བུ་དག་ཁྱིམ་མི་ལ་དགོས་པ་གང་དག་ཡིན་པ་དེ་དག་ཀྱང་། དགེ་སློང་རྣམས་ལ་བྲིམ་གྱིས། གཞན་བསྒྲུབ་ཀྱི་བར་དུ་རེ་ཞིག་སྡོད་ཅིག །དེ་
[7a]
[7a.1]དག་གི་དུ་བར་བརྩམས་པ་ཐོས་ནས། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་སློབ་པ་དག་གི་ཁྱིམ་གང་ཡིན་པ་དགེ་འདུན་གྱི་བསླབ་པའི་སྡོམ་པས་བསྡོམས་པ་དག་ཏུ་སྔར་མགྲོན་དུ་མ་བོས་པར་དོང་སྟེ་རང་གི་ལག་གིས་བཅའ་བ་དང་བཟའ་བ་བླངས་ནས་འཆའ་བར་བྱེད། ཟ་
[7a.2]བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་སྔ་མ་བཞིན་དུ་སློབ་པ་དག་གི་ཁྱིམ་གང་དག་དགེ་འདུན་གྱི་བསླབ་པའི་སྡོམ་པས་བསྡོམས་པར་གྱུར་ལ། ཡང་དགེ་སློང་
[7a.3]སློབ་པ་དག་གི་ཁྱིམ་གང་དག་དགེ་འདུན་གྱི་བསླབ་པའི་སྡོམ་པས་བསྡོམས་པ་དེ་ལྟ་བུ་དག་ཏུ་སྔར་མགྲོན་དུ་མ་བོས་པར་སོང་སྟེ། རང་གི་ལག་གིས་བཅའ་བ་དང་བཟའ་བ་བླངས་ནས་འཆའ་བའམ་ཟན། དགེ་སློང་དེས་ཕྱི་རོལ་ཀུན་དགའ་ར་བར་སོང་སྟེ། དགེ་སློང་རྣམས་ལ་ཚེ་དང་ལྡན་པ་དག་
[7a.4]བདག་ལ་སྨད་པའི་གནས་མི་རིགས་པ་སོ་སོར་བཤགས་པར་བྱ་བ་བྱུང་གིས་ཆོས་དེ་སོ་སོར་འཆགས་སོ་ཞེས་སོ་སོར་བཤགས་པར་བྱ་སྟེ། ཆོས་འདི་ཡང་སོ་སོར་བཤགས་པར་བྱ་བའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་མགྲོན་ཚོལ་བ། ཉེས་པ་ན་
[7a.5]བསླབ་པ་དྲལ་ཏེ་ཁྱིམ་གཞན་དུ་འཇུག་པའོ། །དེ་ལ་སློབ་པ་དག་གིས་ཞེས་བྱ་བ་ལ་སློབ་པ་དག་ཅེས་བྱ་བ་ནི་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དག་གོ། །ཁྱིམ་གང་དག་ཅེས་བྱ་བ་ནི་བྲམ་ཟེ་དང་ཁྱིམ་བདག་གི་ཁྱིམ་དག་གོ། །དགེ་འདུན་གྱི་ཞེས་བྱ་བ་ནི་དེ་བཞིན་
[7a.6]གཤེགས་པའི་ཉན་ཐོས་ཀྱི་དགེ་འདུན་གྱིའོ། །བསླབ་པའི་སྡོམ་པས་བསྡམས་པར་གྱུར་པ་ཞེས་བྱ་བ་ནི་གསོལ་བའི་ལས་ཀྱིས་སོ། །ཡང་དགེ་སློང་གང་ཞེས་བྱ་བ་ནི་དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །སློབ་པ་དག་གི་ཁྱིམ་གང་དག་དགེ་འདུན་གྱི་བསླབ་པའི་སྡོམ་པས་བསྡམས་པ་དེ་
[7a.7]ལྟ་བུ་དག་ཏུ་ཞེས་བྱ་བ་ནི་ཇི་སྐད་བསྟན་པ་དེ་ལྟ་བུ་དག་ཏུའོ། །སྔར་མགྲོན་དུ་མ་བོས་པར་ཞེས་བྱ་བ་ནི། གླེང་གཞི་ལས་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་གཉིས་དམག་དཔོན་སེང་གེས་སྔར་མགྲོན་དུ་བོས་པ་བཅོམ་ལྡན་འདས་ཀྱིས་གནང་ངོ་ཞེས་གསུངས་པ་ལྟར་སྔར་མ་བསྟབས་པར་
[7b]
[7b.1]རོ། །སོང་སྟེ་ཞེས་བྱ་བ་ནི་སོང་ནས་སོ། །རང་གི་ལག་གིས་ཞེས་བྱ་བ་ནི་ལག་པས་ལག་པར་རོ། །བཅའ་བ་དང་བཟའ་བ་ཞེས་བྱ་བ་ནི་བཅའ་བ་ལྔ་དང་བཟའ་བ་ལྔའོ། །བླངས་ཞེས་བྱ་བ་ནི་བྱིན་ལེན་སྟོབས་སུ་བཅུག་ནས་སོ། །འཆའ་བའམ་ཟ་ན་ཞེས་བྱ་བ་ནི་མགུལ་དུ་མིད་ནའོ། །དགེ་སློང་དེས་ཞེས་བྱ་
[7b.2]བ་ནི་དགེ་སློང་གང་ཡིན་པ་དེས་སོ། །ཕྱི་རོལ་ཀུན་དགའ་ར་བར་སོང་སྟེ། དགེ་སློང་རྣམས་ལ་ཚེ་དང་ལྡན་པ་དག་བདག་ལ་སྨད་པའི་གནས་མི་རིགས་པར་སོ་སོར་བཤགས་པར་བྱ་བ་བྱུང་གིས་ཆོས་དེ་སོ་སོར་འཆགས་སོ་ཞེས་སོ་སོར་བཤགས་པར་བྱ་སྟེ། ཆོས་འདི་ཡང་སོ་སོར་བཤགས་པར་བྱའོ་ཞེས་བྱ་
[7b.3]བ་ནི་སྔ་མ་བཞིན་ནོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དགེ་སློང་སྦྱིན་བདག་དད་པ་ཅན་ལོངས་སྤྱོད་འགྲིབས་པ་གང་ལ་དགེ་འདུན་གྱི་བསླབ་པའི་སྡོམ་པ་སྦྱིན་པའི་མདུན་རོལ་དུ་མགྲོན་དུ་མ་བོས་པས་བསླབ་པའི་སྡོམ་པ་བྱིན་པའི་ཁྱིམ་ནས། ག་གོན་དང་། ལ་ཕུག་
[7b.4]དང་། ལྡམ་ལྡུམ་དང་། མོད་པ་དག་མ་གཏོགས་པའི་བཅའ་བ་དང་བཟའ་བ་དག་བླངས་ཤིང་ཟོས་ན། བསླབ་པ་དྲལ་ཏེ་ཁྱིམ་དུ་འཇུག་པའི་སོ་སོར་བཤགས་པར་བྱ་བའི་དངོས་གཞིར་འགྱུར་རོ། །འདིའི་བྱེད་པ་པོ་ནི་སྔར་མགྲོན་དུ་མ་བོས་པ་དང་། དགེ་འདུན་གྱི་བསླབ་པའི་སྡོམ་པ་བྱིན་པའི་
[7b.5]ཁྱིམ་ཉིད་དོ། །འདི་ལ་ཡན་ལག་ལྔས་དངོས་གཞིའི་ལྟུང་བར་འགྱུར་ཏེ། ཁྱིམ་པའི་ཁྱིམ་ཉིད་དང་། སྔར་མགྲོན་དུ་མ་བོས་པ་ཉིད་དང་། དགེ་འདུན་གྱི་བསླབ་པའི་སྡོམ་པ་བྱིན་པ་ཉིད་དང་། དེའི་ཁྱིམ་ནས་ག་གོན་དང་ལ་ཕུག་དང་། ལྡམ་ལྡུམ་མོད་པ་དག་མ་གཏོགས་པའི་བཟའ་བ་དང་བཅའ་
[7b.6]བདག་རང་གི་ལག་གིས་བླངས་པ་ཉིད་དང་། ཟོས་པ་ཉིད་དོ། །དེ་དག་ལས་ཡན་ལག་མ་ཚང་ན་ཅི་རིགས་པར་ན་སྨད་དོ། །བསླབ་པ་དྲལ་ཏེ་ཁྱིམ་དུ་འཇུག་པའི་སོ་སོར་བཤགས་པར་བྱ་བ་སྟེ་གསུམ་པའོ།། །།ནགས་བརྟག་པ་ལས་གྱུར་པའི་སོ་སོར་བཤགས་པར་བྱ་བའི་གླེང་གཞི་ནི།
[7b.7]སངས་རྒྱས་བཅོམ་ལྡན་འདས་སེར་སྐྱའི་གནས་ཀྱི་གནས་སུ་དབྱར་གནས་པར་ཞལ་གྱིས་བཞེས་སོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཞག་བདུན་ནམ་བརྒྱད་ན་དགག་དབྱེ་འབྱུང་བར་འགྱུར་བ་ན་སྤྱོད་ཡུལ་གྱི་གྲོང་དག་ཏུ་ཞག་འདི་རྙེད་ན་དགག་དབྱེ་འབྱུང་བར་འགྱུར་རོ་ཞེས་བརྗོད་པར་བྱའོ་
[8a]
[8a.1]ཞེས་བཀའ་སྩལ་ནས་དགེ་སློང་རྣམས་ཀྱིས་སོང་སྟེ་བརྗོད་དོ། །དེ་ནས་སེར་སྐྱའི་གནས་ན་གནས་པའི་ཤཱཀྱ་དག་དེ་ཉིད་ཀྱི་དགག་དབྱེ་བཅོ་ལྔ་པ་ལ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་
[8a.2]དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་སེར་སྐྱའི་གནས་ན་གནས་པའི་ཤཱཀྱ་རྣམས་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །
[8a.3]རྣམ་གྲངས་དུ་མར་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་འཛིན་དུ་བཅུག །ཡང་དག་པར་གཟེངས་སྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་། །དེ་ནས་སེར་སྐྱའི་གནས་ན་གནས་པའི་ཤཱཀྱ་རྣམས་ཀྱིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་
[8a.4]དང་། རྗེས་སུ་ཡི་རང་བར་བྱས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པས་སང་འདི་ཉིད་དུ་བདག་ཅག་གི་གདུགས་ཚོད་གསོལ་བར་ཅི་གནང་། སང་དགེ་སློང་འགས་ཀྱང་བསོད་སྙོམས་ལ་འཇུག་པར་མི་བགྱི་སྟེ། བདག་ཅག་བསོད་
[8a.5]སྙོམས་འཚལ་ཏེ། མཆི་ཞིང་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་རང་གི་སུག་པ་ནས་ཚིམ་པར་བགྱི་ཞིང་སྟོབས་པར་བགྱིད་དོ། །བཅོམ་ལྡན་འདས་ཀྱིས་སེར་སྐྱའི་གནས་ན་གནས་པའི་ཤཱཀྱ་རྣམས་ལ་ཅང་མི་གསུང་བས་གནང་ངོ་། །དེ་ནས་དེ་དག་སེར་སྐྱའི་གནས་སུ་སོང་སྟེ། དེ་
[8a.6]ཉིད་ཀྱི་མཚན་མོ་བཅའ་བ་དང་བཟའ་བ་གཙང་ཞིང་བསོད་པ་དག་སྟ་གོན་བྱས་ནས། ནང་པར་སྔར་ལངས་ཏེ་བཅའ་བ་དང་བཟའ་བ་དག་གིས་ཤིང་རྟ་དག་བཀང་ནས་ཤཱཀྱའི་བུ་མོ་རྣམས་ལ་སྨྲས་པ། ཁྱེད་ཅག་ཇེ་ཤིང་རྟ་དག་ཞོན་ལ་དེང་ཤིག་དང་ཁོ་བོ་ཅག་ཕྱི་བཞིན་འོང་ངོ་། །དེ་དག་རྒྱན་ཐམས་ཅད་ཀྱིས་
[8a.7]བརྒྱན་ཏེ་ཤིང་རྟ་དག་ལ་ཞོན་ནས་འཕགས་སོ། །སེར་སྐྱའི་གནས་ཀྱི་ཉེན་ཀོར་ཐིབས་པོ་ཡིན་པས་དེ་དག་ལམ་ཁར་ཆོམ་རྐུན་པ་དག་གིས་མཐོང་ནས་དེས་སྨྲས་པ། ཤེས་ལྡན་དག་ཤཱཀྱའི་བུ་མོ་རྒྱན་ཐམས་ཅད་ཀྱིས་བརྒྱན་པ་འདི་དག་འདོང་གི་ཚུར་ཤེག་གཞོམ་མོ། །ཆོམ་རྐུན་པའི་དམག་དཔོན་གྱིས་
[8b]
[8b.1]སྨྲས་པ། ཤེས་ལྡན་དག་འདོང་དུ་ཟད་མོད། །ཁྱེད་ཅག་ལ་འདི་དག་གཞོམ་པས་ཅི་བྱ། ཤཱཀྱ་གདུག་པ་ཕ་རོལ་གནོན་པ་དག་གནོད་པར་བྱེད་པར་འགྱུར་གྱི་ཐོང་ཤིག །དེ་དག་གིས་སྨྲས་པ་དམག་དཔོན་ཟླའི་རྒྱབ་སུས་མཐོང་གཞོམ་མོ་ཞེས་དེ་དག་གི་ཚིག་ཚིག་མ་ཡིན་པ་བྱས་ཏེ། དེ་དག་བཅོམ་ནས་གོས་དང་
[8b.2]རྒྱན་ཐམས་ཅད་ཕྲོགས་ཏེ་དོང་ངོ་། །ཤཱཀྱའི་བུ་མོ་དེ་དག་ཀྱང་འཇིགས་ཤིང་སྐྲག་ནས་སྒྲེན་མོར་ཚང་ཚིང་ནགས་མ་དག་གི་ནང་དུ་ཡིབ་སྟེ་འཁོད་དོ། །ཤིང་རྟ་དེད་པ་དག་ཀྱང་སྐྲག་ནས་བྱེར་རོ། །གླང་དག་ཀྱང་ཆུ་ཐག་བཅད་ནས་ཅི་དགར་ཡན་ཅིང་འཁོད་དོ། །ཤིང་རྟ་དག་ཀྱང་ཤིང་རྟའི་མདའ་དང་བྲལ་ཏེ་
[8b.3]འདུག་གོ། །དྲུག་སྡེ་དག་གིས་ཕན་ཚུན་གྲོས་བྱ་བར་བརྩམས་པ། དགའ་བོ་ཉེ་དགའ་ཤཱཀྱ་བག་མེད་པ་དག་ཡུན་རིང་དུ་ཐོགས་པས་བདག་ཅག་གི་ཟན་གཅད་པར་བྱ་བའམ་ཅི། བསོད་སྙོམས་ལ་འདོང་ངོ་། །དེ་ལྟར་བྱའོ་ཞེས་དེ་དག་ལྷུང་བཟེད་དང་ཆོས་གོས་ཐོགས་ཏེ་འཕགས་པ་དང་། ཇི་ཙམ་ན་
[8b.4]ལམ་ཁ་ན་ཤིང་རྟ་བཅའ་བ་དང་བཟའ་བས་གང་བ་ཤིང་རྟ་མདའ་དང་བྲལ་བ་དག་འདུག་པ་དང་། གླང་དག་ཆུ་ཐག་བཅད་དེ་ཅི་དགར་ཡན་པ་དག་འཁོད་པ་མཐོང་ནས། དེ་དག་གིས་ཕན་ཚུན་རྣམ་པར་བལྟས་ནས་བོད་པར་བརྩམས་པ། ཤེས་ལྡན་དག་འདི་ན་སུ་འཁོད། དེ་དག་གིས་སྒྲ་ཕྱུང་བ་དང་། དྲུག་
[8b.5]སྡེ་དག་གིས་སྨྲས་པ། ཁྱེད་ཅག་སུ་ཡིན། འཕགས་པ་དག་བདག་ཅག་ཤཱཀྱའི་བུ་མོ་དག་གོ། །ཚུར་ཤེག་ཁོ་བོ་ཅག་ལ་བྲིམས་ཤིག །འཕགས་པ་བདག་ཅག་ཆོམ་རྐུན་པ་དག་གིས་བཅོམ་སྟེ་སྒྲེན་མོར་མཆིས་སོ། །ཁོ་བོ་ཅག་གདུགས་ཚོད་ཡོལ་གྱིས་ཚུར་ཤེག །ཁྱེད་ཅག་གི་ཡན་
[8b.6]ལག་དང་ཉིང་ལག་ཁོ་བོ་ཅག་གིས་སྔོན་མ་མཐོང་བ་གང་ཡོད་ཚུར་ཤེག་དེ་དག་ལོ་མ་དག་གིས་གཡོགས་ཏེ་བྱུང་ནས་བྲིམ་པར་བརྩམས་པ་དང་། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་ལྟོས་ཤིག་ལྟོས་ཤིག །ཤཱཀྱའི་བུ་མོ་འདི་དག་གི་མིག་ཅི་འདྲ། སྣ་ཅི་འདྲ། མཆུ་ཅི་འདྲ། ནུ་མ་ཅི་
[8b.7]འདྲ། ལག་པ་ཅི་འདྲ། རྐེད་པ་ཅི་འདྲ། རྐང་པ་ཅི་འདྲ། ལྟོས་ཤིག །དེ་དག་དེ་ལྟར་གཙེས་པ་ན། ངོ་ཚ་ནས་ནགས་ཚང་ཚིང་དང་། ནགས་མ་དེ་དག་ཉིད་ཀྱི་ནང་དུ་ཡིབ་སྟེ་འཁོད་དོ། །དྲུག་སྡེ་དག་གིས་ཤཱཀྱ་རྣམས་ལ་ཤཱཀྱའི་བུ་མོ་རྣམས་བཅོམ་མོ་ཞེས་སྨྲས་པ་དང་། དེ་ནས་ཤཱཀྱ་དག་
[9a]
[9a.1]མདའ་གཞུ་ལག་ན་ཐོགས་ཤིང་། མཚོན་གཟས་པ་དག་གིས་ལམ་ཁར་དོང་སྟེ། ལམ་འགགས་ནས་དེ་དག་གིས་ཆོམ་རྐུན་པ་དེ་དག་བཟུང་ངོ་། །དེ་ན་ཁ་ཅིག་གིས་སྨྲས་པ། འདི་དག་ལ་བཏང་སྙོམས་བྱར་ཅི་ཡོད། བསད་དོ། །ཁ་ཅིག་གིས་སྨྲས་པ། རེ་ཞིག་དེར་ཁྲིད་ལ་ཤཱཀྱའི་
[9a.2]བུ་མོ་རྣམས་ལ་དྲིས་ཏེ་བྱའོ། །དེ་དག་གིས་དེ་དག་ཁྲིད་ནས་ཤཱཀྱའི་བུ་མོ་རྣམས་ཀྱི་གན་དུ་དོང་སྟེ་དྲིས་པ། ཤཱཀྱའི་བུ་མོ་རྣམས་ཀྱིས་སྨྲས་པ། ཆོམ་རྐུན་པའི་དམག་དཔོན་འདི་ནི་ཉེས་པ་མེད་པར་གནོད་པ་མི་བྱེད་པ་ཡིན་ཏེ། འདིས་དེ་དག་བཟློག་ན་དེ་དག་མ་བཏུབ་པས་འདི་ནི་ཐོང་ཤིག །དེ་དག་གིས་
[9a.3]དེ་བཏང་ངོ་། །དེ་སྲོག་དེའུ་ཆད་པ་ལས་ཕྱིར་ཐོབ་ནས་དེས་དེ་དག་གི་རྐང་པ་ལ་གཏུགས་ཏེ་སྨྲས་པ། ཤེས་ལྡན་དག་ཁྱེད་ཅག་དད་པ་སྐྱེས་ཏེ་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་དུ་འགྲོ་བ་ཡིན་ན། འདི་དག་བསད་པས་ཁྱེད་ལ་ཅི་བྱ། ཉེས་པ་བྱས་པ་འདི་དག་ཀྱང་བཏང་
[9a.4]བར་གསོལ། དེ་དག་གིས་དེ་དག་ལ་བཅོམ་པའི་རྫས་དག་ཕྱིར་བསྐུར་ཏེ་བཏང་ངོ་། །དེ་ནས་ཤཱཀྱ་དེ་དག་གིས་ཤཱཀྱའི་བུ་མོ་དེ་དག་གོས་བསྐོན་ཅིང་རྒྱན་ཐོགས་སུ་བཅུག་ནས་ཤིང་རྟ་དག་ཀྱང་ཆུ་ཐག་བཏགས་ཏེ་ཤིང་རྟ་ལ་ཞོན་ནས་བཅོམ་ལྡན་འདས་ཀྱི་སྤྱན་སྔར་དོང་ངོ་། །བཅོམ་ལྡན་འདས་དགེ་སློང་གི་དགེ་
[9a.5]འདུན་གྱི་གུང་ལ་གདན་བཤམས་པ་ཉིད་ལ་བཞུགས་པ་དང་། ཤཱཀྱ་དང་ཤཱཀྱའི་བུ་མོ་རྣམས་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བྲིམ་པར་བརྩམས་སོ། །ཤཱཀྱའི་བུ་མོ་རྣམས་ཀྱིས་དྲུག་སྡེ་རྣམས་ལ་ཟས་མི་སྦྱིན་ནས་ཤཱཀྱ་རྣམས་ཀྱིས་སྨྲས་པ། ཅིའི་ཕྱིར་འཕགས་པ་དག་ལ་ཞལ་ཟས་མི་
[9a.6]གསོལ། དེ་དག་གིས་སྨྲས་པ། འདི་དག་གིས་ཟོས་ཟིན་ཏེ། གང་དུ་གསོལ། དེ་ཉིད་དུའོ། །སུས་བྲིམས་ཁོ་མོ་ཅག་གིས་སོ། །ཁྱེད་ཅག་སྒྲེན་མོ་དག་གིས་ཇི་ལྟར་བྲིམས། དེའི་ཕྱིར་དེ་དག་གིས་ཁོ་བོ་ཅག་ཐོ་བཙམས་ཏེ། ཇི་ལྟར་ཁོ་མོ་ཅག་ལོ་མ་དག་གིས་གཡོགས་ཏེ་ཚང་ཚིང་དང་ནགས་མ་
[9a.7]དག་གི་ནང་ནས་བྱུང་སྟེ་བྲིམ་པར་བརྩམས་པ་དང་། ཐོ་བཙམས་ཏེ། འདི་ལྟར་བརྗོད་པར་བྱ་བ་མང་དུ་ཡོད་དོ། །དེ་ནི་འཇལ་གྱིས་གནས་ངན་ལེན་ཀུན་དུ་སྤྱོད་པ་ཡིན་གྱིས་འདི་དག་ལ་ཟས་མི་སྦྱིན་ནོ། །དེ་དག་ཅང་མི་སྨྲ་བར་འཁོད་དོ། །དེ་ནས་དེ་དག་གིས་དགེ་སློང་གི་དགེ་འདུན་ལ་བྲིམས་ནས་སྨྲས་
[9b]
[9b.1]པ། འཕགས་པ་དག་ཀྱེ་མ་ཁྱེད་ཀྱི་ལམ་འདི་འཇིགས་པ་དང་བཅས་པ་ཡིན་ནོ་ཞེས་བཀའ་སྩལ་ནས། བདག་ཅག་བག་བགྱིད་ཅིང་འཆི་བ་ཞིག་ན་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་ཁྱེད་
[9b.2]ཀྱིས་དགེ་སློང་ནགས་ཉུལ་བ་ཆོས་ལྔ་དང་ལྡན་པ་སྤྲོ་བར་བྱ་སྟེ། གསོལ་བ་དང་གཉིས་ཀྱི་ལས་ཀྱིས་བསྐོ་བར་བྱའོ། །དེས་དཔག་ཚད་ཕྱེད་ཁོ་ར་ཁོར་ཡུག་ཏུ་བརྟག་པར་བྱའོ། །འཇིགས་པ་དང་བཅས་པ་ཉིད་ཡིན་ན་དུད་བརྡ་གཏུལ་བར་བྱའོ། །བ་དན་སྔོན་པོ་བསྒྲེང་བར་བྱའོ། །འདབ་མའི་ཆང་བུ་དག་ལམ་
[9b.3]ཁར་གཞག་པར་བྱའོ། །གལ་ཏེ་ནགས་འཇིགས་པ་མེད་པར་གྱུར་ན་བ་དན་དཀར་པོ་དག་བསྒྲེང་བར་བྱའོ། །དེ་གལ་ཏེ་འདོད་པ་ཉིད་ཡིན་ན་དེ་ལ་ཁྱེའུ་སུས་དང་གྲོས་ཀྱང་སྦྱིན་པར་བྱའོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ནགས་སྔར་མ་བྱུལ་བར་ཀུན་དགའ་ར་བའི་ཕྱི་རོལ་དུ་བཅའ་བ་དང་
[9b.4]བཟའ་བ་བླངས་ཏེ། འཆའ་ཞིང་ཟ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་སྔ་མ་བཞིན་དུ། དགེ་འདུན་གྱི་གནས་མལ་དགོན་པ་གང་དག་དོགས་པ་དང་བཅས་པར་གྲགས་
[9b.5]པ། འཇིགས་པ་དང་བཅས་པར་གྲགས་པ་འཇིགས་པ་ཐ་དད་པར་འཇིགས་སུ་རུང་བ་དང་བཅས་པར་གྲགས་པར་གྱུར་པ་ལ་ཡང་དགེ་སློང་གང་དགེ་འདུན་གྱི་གནས་མལ་དགོན་པ་གང་དག་དོགས་པ་དང་བཅས་པར་གྲགས་པ། འཇིགས་པ་དང་བཅས་པར་གྲགས་པ་འཇིགས་པ་ཐ་དད་པས་འཇིགས་
[9b.6]སུ་རུང་བ་དང་བཅས་པར་གྲགས་པ། དེ་ལྟ་བུ་དག་ཏུ་སྔར་མ་བྱུལ་བར་ཀུན་དགའ་ར་བའི་ཕྱི་རོལ་དུ་བཅའ་བ་དང་བཟའ་བ་བླངས་ཏེ་འཆའ་འམ་ཟ་ན་དགེ་སློང་དེས་ཕྱི་རོལ་ཀུན་དགའ་ར་བར་སོང་སྟེ། དགེ་སློང་རྣམས་ལ་ཚེ་དང་ལྡན་པ་དག་བདག་ལ་སྨད་པའི་གནས་མི་རིགས་པ་སོ་སོར་བཤགས་པར་
[9b.7]བྱ་བ་བྱུང་གིས། ཆོས་དེ་སོ་སོར་འཆགས་སོ་ཞེས་སོ་སོར་བཤགས་པར་བྱ་སྟེ། ཆོས་འདི་ཡང་སོ་སོར་བཤགས་པར་བྱའོ་ཞེས་བཅའ་བ་མཛད་དོ། །ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་བདག་ཉིད་འགྱེངས་ཤིང་དགེ་འདུན་གྱི་དོན་ཡལ་བར་དོར་བ། ཉེས་པ་
[10a]
[10a.1]ནི་ནགས་མ་བྱུལ་བར་ཀུན་དགའ་ར་བའི་ཕྱི་རོལ་དུ་བཅའ་བ་དང་བཟའ་བ་བླངས་ཏེ་ཟ་བའོ། །དེ་ལ་དགེ་འདུན་གྱི་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །གནས་མལ་དགོན་པ་གང་དག་ཅེས་བྱ་བ་ལ། དགོན་པ་ཞེས་བྱ་བ་ནི་རྡུལ་ཕྲ་རབ་དྲུག་ལ་རྡུལ་ཕྲ་མོ་
[10a.2]གཅིག་གོ། །རྡུལ་ཕྲ་མོ་དྲུག་ལ་ཆུ་རྡུལ་གཅིག་གོ། །ཆུ་རྡུལ་དྲུག་ལ་ལྕགས་རྡུལ་གཅིག་གོ། །ལྕགས་རྡུལ་དྲུག་ལ་རི་བོང་གི་རྡུལ་གཅིག་གོ། །རི་བོང་རྡུལ་དྲུག་ལ་ལུག་རྡུལ་གཅིག་གོ། །ལུག་རྡུལ་དྲུག་ལ་གླང་རྡུལ་གཅིག་གོ། །གླང་རྡུལ་དྲུག་ལ་ཉི་ཟེར་གྱི་རྡུལ་གཅིག་གོ། །ཉི་ཟེར་གྱི་རྡུལ་དྲུག་
[10a.3]ལ་སྲོ་མ་གཅིག་གོ། །སྲོ་མ་དྲུག་ལ་ཤིག་གཅིག་གོ། །ཤིག་དྲུག་ལ་ནས་གཅིག་གོ། །ནས་དྲུག་ལ་སོར་གཅིག་གོ། །སོར་བཞི་དྲུག་ལ་ཁྲུ་གང་ངོ་། །ཁྲུ་ཕྱེད་དང་བཞི་ལ་མིའི་སྲིད་དོ། །ཁྲུ་བཞི་ལ་གཞུའོ། །གཞུ་ལྔ་བརྒྱ་ལ་རྒྱང་གྲགས་གཅིག་སྟེ། གྲོང་ནས་རྒྱང་གྲགས་གཅིག་ནི་དགོན་པ་སྟེ།
[10a.4]དེ་ན་གཙུག་ལག་ཁང་གང་ཡོད་པ་དེ་ནི་གནས་མལ་དགོན་པ་ཡིན་ནོ། །དོགས་པ་དང་བཅས་པར་གྲགས་པ་ཞེས་བྱ་བ་ནི་ཆོམ་རྐུན་པ་དང་། གཡོན་ཅན་གྱིས་འཇིགས་པར་གྲགས་པའོ། །འཇིགས་པ་དང་བཅས་པར་གྲགས་པ་ཞེས་བྱ་བ་ནི། སེང་གེ་དང་། སྟག་དང་། གུང་གིས་འཇིགས་པར་
[10a.5]གྲགས་པའོ། །འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པར་འགྱུར་ལ་ཞེས་བྱ་བ་ནི་ཤ་སྦྲང་དང་། སྦྲང་བུ་མཆུ་རིངས་དང་། རླུང་དང་ཉི་མ་དང་། སྡིག་སྦྲུལ་གྱི་འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པར་འགྱུར་བའོ། །ཡང་དགེ་སློང་གང་ཞེས་བྱ་བ་ནི་དྲུག་
[10a.6]སྡེའམ་གཞན་ཡང་དེ་ལྟ་བུ་གང་ཡིན་པའོ། །དགེ་འདུན་གྱི་གནས་དགོན་པ་གང་དག་དོགས་པ་དང་བཅས་པར་གྲགས་པ། འཇིགས་པ་དང་བཅས་པར་གྲགས་པ། འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་དེ་ལྟ་ཞེས་བྱ་བ་ནི་ཇི་སྐད་བསྟན་པ་ལྟ་བུ་དག་གོ། །སྔར་མ་བྱུལ་བར་
[10a.7]ཞེས་བྱ་བ་ནི་ནགས་བྱུལ་བས་སྔར་མ་བྱུལ་བར་རོ། །ཀུན་དགའ་ར་བའི་ཕྱི་རོལ་དུ་ཞེས་བྱ་བ་ནི་གཙུག་ལག་ཁང་གི་ཕྱི་རོལ་དུའོ། །བཅའ་བ་དང་བཟའ་བ་ཞེས་བྱ་བ་ནི་བཅའ་བ་ལྔ་དང་བཟའ་བ་ལྔའོ། །བླངས་ཏེ་ཞེས་བྱ་བ་ནི་བྱིན་ལེན་སྟོབས་སུ་བཅུག་སྟེའོ། །འཆའ་བའམ་ཟ་ན་ཞེས་བྱ་བ་ནི་མགུལ་
[10b]
[10b.1]དུ་མིད་ནའོ། །དགེ་སློང་དེས་ཕྱི་རོལ་དུ་ཀུན་དགའ་ར་བར་སོང་སྟེ། དགེ་སློང་རྣམས་ལ་ཚེ་དང་ལྡན་པ་དག་བདག་ལ་སྨད་པའི་གནས་མི་རིགས་པ་སོ་སོར་བཤགས་པར་བྱ་བ་བྱུང་གིས་ཆོས་དེ་སོ་སོར་འཆགས་སོ་ཞེས་སོ་སོར་བཤགས་བར་བྱ་བ་སྟེ། ཆོས་འདི་ཡང་སོ་སོར་བཤགས་པར་བྱ་བའོ་ཞེས་བྱ་བ་
[10b.2]ནི་སྔ་མ་བཞིན་ནོ། །དེ་ལ་འདིའི་དངོས་གཞིའི་ལྟུང་བ་རྣམ་པར་གཞག་པ་ནི་དགེ་སློང་གིས་ནགས་སམ་དགོན་པ་རྒྱང་གྲགས་ཀྱི་མཐའ་འཇིགས་པ་དང་བཅས་པ་མ་བྱུལ་བ་ཉིད་ལ་དེར་འདུ་ཤེས་པས་ཀུན་དགའ་ར་བའི་ཕྱི་རོལ་གྱི་དགོན་པར་བཅའ་བ་དང་བཟའ་བ་བླངས་ཏེ་ཟོས་ན། ནགས་བརྟགས་པ་ལས་
[10b.3]གྱུར་པའི་སོ་སོར་བཤགས་པར་བྱ་བའི་དངོས་གཞིར་འགྱུར་རོ། །འདིའི་བྱེད་པ་པོ་ནི་ནགས་སམ་དགོན་པ་འཇིགས་པ་དང་བཅས་པ་བྱུལ་བ་ཉིད་ལ་འདུ་ཤེས་གཙོ་ཆེར་བྱེད་པ་པོ་ཉིད་ཡིན་ནོ། །འདི་ལ་ཡན་ལག་ལྔས་དངོས་གཞིའི་ལྟུང་བར་འགྱུར་ཏེ། གྲོང་གི་ཕྱི་རོལ་ནས་རྒྱང་གྲགས་གཅིག་ཕན་ཆད་ཀྱི་
[10b.4]མཐའ་ཉིད་དང་། ནགས་སམ་དགོན་པ་འཇིགས་པ་དང་བཅས་པར་གྱུར་པ་ཉིད་དང་། མ་བྱུལ་བ་ཉིད་དང་དེར་འདུ་ཤེས་པ་ཉིད་དང་། ཀུན་དགའ་ར་བའི་ཕྱི་རོལ་གྱི་དགོན་པར་བཟའ་བ་དང་བཅའ་བ་རང་ངམ། སྤྲིང་ཡིག་དང་བསྔགས་པ་ལ་སོགས་པ་གང་ཡང་རུང་བས་བླངས་ཏེ་ཟོས་པ་ཉིད་དོ། །
[10b.5]དེ་དག་ལས་ཡན་ལག་མ་ཚང་ན་ནི་ཅི་རིགས་པར་ན་སྨད་དོ། །ནགས་བརྟག་པ་ལས་གྱུར་པའི་སོ་སོར་བཤགས་པར་བྱ་བ་སྟེ་བཞི་པའོ།། །།ཚེ་དང་ལྡན་པ་དག་བདག་གིས་སོ་སོར་བཤགས་པར་བྱ་བའི་ཆོས་བཞི་པོ་དག་བཏོན་པ་ཟིན་ཏོ་ཞེས་བྱ་བ་ནི་སོ་སོར་བཤགས་པར་བྱ་བ་དག་གདོན་
[10b.6]པའི་མཇུག་བསྡུ་བ་དང་། སོ་སོར་བཤགས་པར་བྱ་བའི་ཆོས་བཞི་པོ་དག་ཅེས་བྱ་བ་ནི་སྔར་བསྟན་པ་བཞི་པོ་དག་གོ། །བཏོན་ཟིན་ཏོ་ཞེས་བྱ་བ་ནི་དམ་བཅའ་བའི་དོན་གྱི་མཇུག་བསྡུ་བའི་ཕྱིར་དང་། ཉན་པ་པོ་རྣམས་སྤྲོ་བར་བྱ་བའི་ཕྱིར་སྨོས་སོ། །དེ་ལ་བདག་གིས་ཚེ་དང་ལྡན་པ་དག་ལ་ཅི་འདི་ལ་ཁྱེད་
[10b.7]ཡོངས་སུ་དག་གམ་ཞེས་དྲིའོ། །ཅི་འདི་ལ་ཁྱེད་ཡོངས་སུ་དག་གམ་ཞེས་ལན་གཉིས་ལན་གསུམ་དུ་དྲིའོ། །འདི་ལ་ཚེ་དང་ལྡན་པ་དག་ཡོངས་སུ་དག་ན་འདི་ལྟར་ཅང་མི་སྨྲ་བས། དེ་དེ་བཞིན་དུ་འཛིན་ཏོ་ཞེས་བྱ་བ་ནི་སོ་སོར་བཤགས་པར་བྱ་བ་རྣམ་པར་གཞག་པ་བསྒྲགས་པར་བྱ་བ་ཡིན་ཏེ། དེ་ལ་
[11a]
[11a.1]ཞེས་བྱ་བ་ནི་སོ་སོར་བཤགས་པར་བྱ་བའི་ཆོས་བཞི་པོ་སྟོན་པ་དེ་ལའོ། །ལྷག་མ་ནི་སྔ་མ་བཞིན་ནོ། །སོ་སོར་བཤགས་པར་བྱ་བ་གདོན་པ་བཤད་ཟིན་ཏོ།། །།སོ་སོར་ཐར་པའི་མདོའི་གཞུང་འགྲེལ། བམ་པོ་ཉི་ཤུ་པ། ད་ནི་བསླབ་པའི་ཆོས་མང་པོ་རྣམས་གདོན་པ་
[11a.2]བཤད་པར་བྱ་སྟེ། དེའི་ཕྱིར། སྡོམ་ལ། ཤམ་ཐབས་ལ་ནི་རྣམ་བདུན་དང་། །སྟོད་གཡོགས་ལ་ཡང་རྣམ་གསུམ་དང་། །ཤིན་ཏུ་བསྡམས་ལ་སོགས་པ་ལྔ། །མགོ་གཡོགས་ལ་སོགས་རྣམ་པ་ལྔ། །མཆོད་ལ་སོགས་པ་རྣམ་པ་ལྔ། །ལུས་ལ་སོགས་པ་རྣམ་པ་ལྔ། །འདུག་པར་བྱ་བ་དགུ་དག་
[11a.3]དང་། །བྱིན་ལེན་བྱ་བ་བརྒྱད་རྣམས་སོ། །ཞེས་བྱ་བ་ལ་སོགས་པ་གསུངས་སོ། །སྡོམ་ལ་ཞེས་བྱ་བའི་ཚིག་གི་དོན་དང་དགོས་པ་ནི་སྔ་མ་བཞིན་ནོ། །ཤམ་ཐབས་ལ་ནི་རྣམ་བདུན་དང་། །ཞེས་བྱ་བ་ལ་སོགས་པ་སྡོམ་གྱི་ཚིགས་སུ་བཅད་པ་གོང་མ་གཉིས་ལ་བསླབ་པའི་ཆོས་བཞི་བཅུ་རྩ་བདུན་ཡོད་པ་
[11a.4]རྣམས་ནི་གོ་རིམས་བཞིན་དུ་འོག་ནས་གཞུང་ཉིད་ལས་སྟོན་ཏོ། །ཚེ་དང་ལྡན་པ་དག་བསླབ་པའི་ཆོས་མང་པོ་འདི་དག་ནི་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་ལས་འབྱུང་ངོ་ཞེས་བྱ་བ་ནི། བསླབ་པའི་ཆོས་མང་པོ་གདོན་པའི་ལུང་འབོགས་པ་ཡིན་ཏེ། བསླབ་པའི་ཆོས་ཞེས་བྱ་བ་ནི་འདུལ་
[11a.5]བ་དང་མི་འགལ་བ་དང་། འཇིག་རྟེན་དང་མི་འགལ་བར་ངེས་པར་འབྱུང་བའི་ཚུལ་ཁྲིམས་ཀྱི་རྗེས་སུ་མཐུན་པར་བསླབ་པའི་ཆོས་ཏེ། དེ་དག་ཉིད་རང་གི་མཚན་ཉིད་འཛིན་པའི་ཕྱིར་ཆོས་ཞེས་བྱའོ། །མང་པོ་འདི་དག་ནི་ཞེས་བྱ་བ་ནི་བསླབ་པའི་ཆོས་བརྒྱ་རྩ་བཅུ་གཉིས་འོག་ནས་འབྱུང་བ་དག་
[11a.6]སྟེ། འདི་དག་ལས་འདས་ན་དངོས་གཞི་ལ་ནི་བཤགས་པར་བྱ་བའི་ཉེས་བྱས་སུ་འགྱུར་ལ། སྦྱོར་བ་ལ་ནི་བསྡམ་པར་བྱ་བའི་ཉེས་བྱས་སུ་འགྱུར། སྦྱོར་བའི་སྦྱོར་བ་ལ་ནི་དེ་བས་ཀྱང་ན་སྨད་དེ་བསྡམ་པར་བྱ་བའི་ཉེས་བྱས་ཕྲ་མོར་འགྱུར་རོ། །ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་ལས་
[11a.7]འབྱུང་ངོ་ཞེས་བྱ་བ་ནི་ཟླ་བ་ཕྱེད་ཕྱེད་ཅིང་གསོ་སྦྱོང་འདོན་པའི་ཚེ་འདུལ་བ་འཛིན་པའི་ཁ་ཏོན་ལས་འབྱུང་ངོ་ཞེས་བྱ་བ་སྟོན་ཏེ། སྡོམ་ལ། ཤམ་ཐབས་ལ་ནི་རྣམ་བདུན་དང་། །ཞེས་བྱ་བ་གསུངས་པའི་བསླབ་པ་བསྡུ་བའི་མདོ་ནི་ཤམ་ཐབས་ཟླུམ་པོར་བགོ་བར་བསླབ་པར་བྱ། ཤམ་ཐབས་ཧ་ཅང་
[11b]
[11b.1]རྩེངས་པ་མ་ཡིན་པ་དང་། ཧ་ཅང་འཇོལ་བ་མ་ཡིན་པ་དང་། གླང་པོ་ཆེའི་སྣ་ལྟར་མ་ཡིན་པ་དང་། ཏ་ལའི་ལོ་མ་ལྟར་མ་ཡིན་པ་དང་། འབྲུའི་ཕུར་མ་ལྟར་མ་ཡིན་པ་དང་། སྦྲུལ་མགོའི་གདེངས་ཀ་ལྟར་མ་ཡིན་པར་བགོ་བར་བསླབ་པར་བྱའོ་ཞེས་བྱ་བ་དག་ཡིན་ནོ། །དེ་ལ་ཤམ་ཐབས་ཟླུམ་པོར་
[11b.2]བགོ་བར་བསླབ་པར་བྱ་བའི་གླེང་གཞི་ནི་སངས་རྒྱས་བཅོམ་ལྡན་འདས་བཱ་རཱ་ཎ་སཱི་ན་དྲང་སྲོང་སྨྲ་བ་རི་དགས་ཀྱི་ནགས་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་ལྔ་པོ་དག་སྐྱོན་མེད་པ་ལ་འཇུག་པས་དགེ་སློང་ཉིད་ལ་བཀོད་པ་དེའི་ཚེ་ན་དེ་དག་སྔོན་གོམས་པའི་སྦྱོར་བས་ཤམ་ཐབས་ཁྱིམ་པ་བཞིན་
[11b.3]དུ་གོན་པར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨྲས་པ། འཕགས་པ་དག་ཇི་ལྟར་ཁྱེད་ཤམ་ཐབས་གསོལ་བ་ནོར་ཅན་དག་དང་། ཚོང་དཔོན་དག་དང་། དེད་དབོན་དག་འཚལ་བར་བགྱིད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་།
[11b.4]བཅོམ་ལྡན་འདས་ཀྱིས་དགོངས་པ་དང་། ཁྱིམ་བདག་ཟེར་བ་བདེན་གྱིས་ངས་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱི་ཉན་ཐོས་དག་ཤམ་ཐབས་ཇི་ལྟར་གྱོན་པར་གྱུར་པ་བསམ་མོ་སྙམ་དུ་དགོངས་པ་དང་། ལྷ་རྣམས་ཀྱིས་བཅོམ་ལྡན་འདས་ལ་གསོལ་པ། བཙུན་པ་འདི་ལྟ་སྟེ། གནས་གཙང་
[11b.5]མའི་རིས་ཀྱི་ལྷ་རྣམས་ཀྱིས་ཇི་ལྟ་བ་བཞིན་ནོ། །བཅོམ་ལྡན་འདས་ཉིད་ལ་ཡང་འདི་ལྟ་སྟེ། གནས་གཙང་མའི་རིས་ཀྱི་ལྷ་རྣམས་ལྟ་བུར་མཁྱེན་པ་དང་གཟིགས་པ་བྱུང་ངོ་། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་ནས། དེ་ལྟ་བས་ན་ངའི་ཉན་ཐོས་རྣམས་ཀྱིས་འདུལ་བ་ལ་བསླབ་
[11b.6]པ་འདི་ལྟར་གདོན་པར་བྱ་སྟེ། ཤམ་ཐབས་ཟླུམ་པོར་བགོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་བཱ་རཱ་ཎ་སཱི། གང་ཟག་ནི་ལྔ་པོ་དག །ཉོན་མོངས་པ་ནི་བག་ཆགས་མ་བྱང་བས་སྔོན་གོམས་པའི་སྦྱོར་བ། ཉེས་པ་ནི་ཤམ་ཐབས་ཁྱིམ་པ་བཞིན་དུ་གྱོན་པའོ། །འདིར་དངོས་གཞིའི་
[11b.7]ལྟུང་བ་བསྟན་པ་ལ་དགག་པའི་ཚུལ་གྱིས་འདི་དང་འདི་ལྟར་མི་བྱའོ་ཞེས་དགག་པའི་སྒོ་ནས་བསྟན་ནམ། སྒྲུབ་པའི་ཚུལ་གྱིས་འདི་དང་འདི་ལྟར་བྱའོ་ཞེས་སྒྲུབ་པའི་སྒོ་ནས་བསྟན་ཅེ་ན། སྒྲུབ་པའི་སྒོ་ནས་བསྟན་ཏེ། ཤམ་ཐབས་ཅི་ནས་ཟླུམ་པོར་འདུག་པར་འགྱུར་བ་དེ་ལྟར་བགོ་བར་བསླབ་པར་བྱའོ་ཞེས་
[12a]
[12a.1]བྱ་བ་ལ་སོགས་པ་ལྟ་བུར་བསྒྲུབ་པའི་ཚུལ་གྱིས་བསྟན་ཏོ། །དེ་ལ་ཤམ་ཐབས་ཟླུམ་པོ་ཞེས་བྱ་བ་ནི་མཐའི་ཁ་མཉམ་པར་འདུག་པ་སྟེ། ཤམ་ཐབས་ནི་ཅི་ནས་ཀྱང་ཟླུམ་པོར་འདུག་པར་འགྱུར་བ་དེ་ལྟར་བགོ་བར་བསླབ་པར་བྱའོ། །ཤམ་ཐབས་ཟླུམ་པོར་བགོ་བར་
[12a.2]བསླབ་པར་བྱ་བ་འདི་ནི་མདོར་བསྟན་པ་ཡིན་ལ། འོག་ནས་ཤམ་ཐབས་ཧ་ཅང་རྩེངས་པ་མ་ཡིན་པར་བགོ་བར་བསླབ་པར་བྱ་བ་ལ་སོགས་པ་དྲུག་འབྱུང་བ་དག་ནི་འདིའི་སྤྲོས་པ་ཡིན་གྱི། རྣམ་པ་གཞན་བསྟན་པ་ནི་མ་ཡིན་ནོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་
[12a.3]སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདི་ནི་བྱེད་པ་པོ་ནི་ཤམ་ཐབས་སུ་རུང་བ་དང་། ཚད་དང་ལྡན་པ་ཉིད་དོ། །འདི་ལ་ཡན་ལག་ནི་གཅིག་སྟེ་དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་། སྦྱོར་བའི་སྒྲུབ་པ་ཉིད་དག་ལ་ཅི་རིགས་
[12a.4]པར་ན་སྨད་དོ། །བསླབ་པ་འོག་མ་ཐམས་ཅད་ལ་ཡང་དངོས་གཞི་དང་བྱེད་པ་པོ་དང་། ཡན་ལག་དང་སྦྱོར་བ་དང་། སྦྱོར་བའི་སྦྱོར་བ་འདི་བཞིན་ཅི་རིགས་པར་སྦྱར་རོ། །བསླབ་པ་དང་པོའོ།། །།ཤམ་ཐབས་ཧ་ཅང་རྩེངས་པ་མ་ཡིན་པར་བགོ་བར་བསླབ་པར་བྱ་བའི་གླེང་གཞི་
[12a.5]ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཤམ་ཐབས་ཟླུམ་པོར་བགོ་བར་བསླབ་པར་བྱའོ་ཞེས་བཀའ་སྩལ་ནས་དགེ་སློང་ལྔ་པོ་དག་གིས་ཤམ་ཐབས་ཟླུམ་པོར་བགོ་བར་བརྩམས་སོ། །དེ་བཞིན་དུ་ཉེར་ལྔ་དག་
[12a.6]དང་། མངོན་པར་མཐོ་བ་ལྔ་བཅུ་དང་། བཟད་སྡེའི་ཚོགས་དྲུག་ཅུ་དང་། གཞན་ཡང་བཅོམ་ལྡན་འདས་ཀྱིས་བརྒྱུད་པས་དགེ་སློང་དག་གིས་རབ་ཏུ་བྱུང་བ་གང་དག་ཡིན་པ་དེ་དག་གིས་ཀྱང་ཤམ་ཐབས་ཟླུམ་པོར་བགོ་བར་བརྩམས་སོ། །གང་གི་ཚེ་དྲུག་སྡེ་དག་རབ་ཏུ་བྱུང་བ་དེའི་ཚེ་ན། དེ་དག་
[12a.7]གིས་ཤམ་ཐབས་ཧ་ཅང་རྩེངས་པ་བགོ་བར་བརྩམས་པ་དང་། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་དྭ་དག་དང་རྒྱན་པོ་པ་དང་། ནལ་གྱི་བུ་དག་ཤམ་ཐབས་འདི་ལྟར་འཚལ་བས་འདི་ནི་ཚུལ་དང་མཐུན་པ་མ་ལགས་ཀྱིས། ཤམ་
[12b]
[12b.1]ཐབས་ཧ་ཅང་རྩངས་པར་མ་གསོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་དག་ལ་ཞུགས་པ་ཐོས་ནས་སྐབས་དེ་དགེ་སློང་
[12b.2]རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་དགོངས་པ་དང་། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། ཤམ་ཐབས་ཧ་ཅང་རྩེངས་པ་མ་ཡིན་པར་བགོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་
[12b.3]མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཤམ་ཐབས་ཧ་ཅང་རྩེངས་པར་གྱོན་པའོ། །དེ་ལ་ཤམ་ཐབས་ཧ་ཅང་རྩེངས་པ་ཞེས་བྱ་བ་པུས་མོ་གཉིས་ལས་གོང་དུ་ཐལ་བ་ཉིད་དེ། དེ་ལྟ་བུ་མ་ཡིན་པར་ཤམ་ཐབས་ཟླུམ་པོར་བགོ་བར་བསླབ་པར་བྱའོ། །དེ་ལ་དངོས་གཞིའི་ལྟུང་བ་རྣམ་པར་གཞག་
[12b.4]པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཤམ་ཐབས་རུང་བ་དང་། ཚད་དང་ལྡན་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་
[12b.5]དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་གཉིས་པའོ།། །།ཤམ་ཐབས་ཧ་ཅང་འཇོལ་བ་མ་ཡིན་པར་བགོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །བཅོམ་ལྡན་
[12b.6]འདས་ཀྱིས་ཤམ་ཐབས་ཧ་ཅང་རྩེངས་པ་མ་ཡིན་པར་བགོ་བར་བསླབ་པར་བྱའོ་ཞེས་བཀའ་སྩལ་ནས། དྲུག་སྡེ་དག་གིས་ཧ་ཅང་འཇོལ་བར་བགོ་བར་བརྩམས་པ་དང་། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དོ། འཕགས་པ་དག་ཏ་ག་ཀའི་ཡུལ་ན་གནས་པའི་བུད་
[12b.7]མེད་དག་དང་། རིགས་ཀྱི་མནའ་མ་དག་ཤམ་ཐབས་འདི་ལྟར་འཚལ་བས་འདིའི་ཚུལ་དང་མཐུན་པ་མ་ལགས་ཀྱི། ཤམ་ཐབས་ཧ་ཅང་འཇོལ་བར་མ་གསོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་
[13a]
[13a.1]ཁྱེད་ཅག་ཉིད་མི་ཤེས་པ་དང་བྲལ་བ་དང་བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་དགོངས་པ། ཁྱིམ་བདག་ཟེར་བ་བདེན་ནོ་སྙམ་ནས་སྔ་མ་བཞིན་
[13a.2]དུ། ཤམ་ཐབས་ཧ་ཅང་འཇོལ་བ་མ་ཡིན་པར་བགོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཤམ་ཐབས་ཧ་ཅང་འཇོལ་བར་གྱོན་པའོ། །དེ་ལ་ཧ་ཅང་འཇོལ་བ་ཞེས་བྱ་བ་ནི་ལོང་བུའི་
[13a.3]ཚིགས་ལ་རེག་པ་ཉིད་དོ། །དེ་ལྟ་བུ་མ་ཡིན་པར་ཤམ་ཐབས་ཟླུམ་པོར་བགོ་བར་བསླབ་པར་བྱའོ། །དེ་ལ་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཤམ་
[13a.4]ཐབས་སུ་རུང་བ་དང་། ཚད་དང་ལྡན་པ་ཉིད་དོ། །འདི་ལ་ཡན་ལག་ནི་གཅིག་སྟེ་དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ།། །།བསླབ་པ་གསུམ་པའོ།། །།ཤམ་ཐབས་གླང་པོ་ཆེའི་སྣ་ལྟར་མ་
[13a.5]ཡིན་པར་བགོ་བར་བསླབ་པར་བྱ་བའི་གླེང་གཞི་ནི་སངས་རྒྱས་བཅོམ་ལྡན་འདས་སེར་སྐྱའི་གནས་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཤམ་ཐབས་གྱོན་པ་ན་མདུན་འཕྱང་བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་བྱིས་པ་
[13a.6]ཁྱེའུ་དག་དང་། ཆང་གིས་ར་རོ་བ་དག་དང་། འབྱུང་པོ་དང་ཤ་ཟས་བརླམས་པ་དག་ཤམ་ཐབས་འདི་ལྟར་འཚལ་བས། འདི་ནི་ཚུལ་དང་མཐུན་པ་མ་ལགས་ཀྱིས་ཤམ་ཐབས་འདི་ལྟར་མ་གསོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་
[13a.7]ལགས། ཇེ་དང་པོ་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་འགྱུར་བའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་དུ་སྔ་མ་
[13b]
[13b.1]བཞིན་དུ། ཤམ་ཐབས་གླང་པོ་ཆེའི་སྣ་ལྟར་མ་ཡིན་པར་བགོ་བར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཤམ་ཐབས་གླང་པོ་ཆེའི་སྣ་ལྟར་གྱོན་པའོ། །དེ་ལ་གླང་པོ་ཆེའི་སྣ་ལྟར་ཞེས་བྱ་བ་ནི་
[13b.2]གླང་པོ་ཆེའི་སྣ་ལྟར་ནར་བ་སྟེ། འདིར་ཁ་ཚར་དང་ཕུན་ཚར་གྱི་མཐའ་མ་བཅད་པའི་གྲྭ་དག་ལ་གླང་པོ་ཆེའི་སྣ་ལྟར་ནར་བ་དག་ཡོད་པས། དེ་ལྟ་བུ་མ་ཡིན་པར་ཤམ་ཐབས་ཟླུམ་པོར་བགོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་
[13b.3]བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཤམ་ཐབས་རུང་བ་དང་། ཚད་དང་ལྡན་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ཅི་རིགས་པར་ན་
[13b.4]སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཞི་པའོ།། །།ཤམ་ཐབས་ཏ་ལའི་ལོ་མ་ལྟར་བལྟབ་པ་མ་ཡིན་པར་བགོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཤམ་ཐབས་གྱོན་
[13b.5]པ་ན་གློ་དག་ལྟེབས་པར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་གར་མཁན་དག་ཚོགས་ཀྱི་ནང་ན་ཤམ་ཐབས་འདི་ལྟར་འཚལ་བས་འདི་ནི་ཚུལ་དང་མཐུན་པ་མ་ལགས་ཀྱིས། ཤམ་ཐབས་འདི་ལྟར་མ་གསོལ་ཅིག །དེ་དག་གིས་སྨྲས་
[13b.6]པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་
[13b.7]ལྡན་འདས་ཀྱིས་དགོངས་པ་ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ་ཤམ་ཐབས་ཏེ་ལའི་ལོ་མ་ལྟར་བལྟབ་པ་མ་ཡིན་པར་བགོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་
[14a]
[14a.1]ནི་ཤམ་ཐབས་ཏ་ལའི་ལོ་མ་ལྟར་བལྟ་བ་སྟེ་གྱོན་པའོ། །དེ་ལྟ་ཏ་ལའི་ལོ་མ་ལྟར་བལྟབ་པ་ཞེས་བྱ་བ་ནི་གོང་དུ་ལྟེབས་པ་སྟེ། ཤམ་ཐབས་ཀྱི་སྟེང་གི་ཁ་ལོགས་ལྟེ་བའི་གོང་རོལ་དུ་ཏ་ལ་འི་ལོ་མ་ལྟར་ལྟེབས་ཤིང་འདུག་པ་དེ་ལྟ་བུ་མ་ཡིན་པར་ཤམ་ཐབས་ཟླུམ་པོར་བགོ་བར་
[14a.2]བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། །དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཤམ་ཐབས་སུ་རུང་བ་དང་། ཚད་དང་ལྡན་པ་ཉིད་དོ། །འདི་ལ་ཡན་ལག་
[14a.3]ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ལྔ་པའོ།། །།ཤམ་ཐབས་འབྲུའི་ཕུར་མ་ལྟར་མ་ཡིན་པར་བགོ་བར་བསླབ་པར་བྱ་བའི་གླེང་གཞི་ནི། སངས་
[14a.4]རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྲུའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཤམ་ཐབས་གྱོན་པ་ན་གློར་བལྟབ་སྟེ་ཕུར་མ་ལྟར་འཇོག་པར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་ནོར་ཅན་དག་དང་། ཚོང་དཔོན་
[14a.5]དག་དང་། བུད་མེད་དག་ཤམ་ཐབས་འདི་ལྟར་འཚལ་བས་འདི་ནི་ཚུལ་དང་མཐུན་པ་མ་ལགས་ཀྱིས། ཤམ་ཐབས་འདི་ལྟར་མ་གསོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་ནི་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་
[14a.6]དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་དགོངས་པ། ཁྱིམ་བདག་ཟེར་བ་བདེན་ནོ་སྙམ་ནས། སྔ་མ་བཞིན་དུ། ཤམ་ཐབས་འབྲུའི་ཕུར་མ་ལྟར་
[14a.7]མ་ཡིན་པར་བགོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཤམ་ཐབས་འབྲུའི་ཕུར་མ་ལྟར་འདུག་པར་གྱོན་པའོ། །དེ་ལ་འབྲུའི་ཕུར་མ་ལྟར་ཞེས་བྱ་བ་ནི་གློ་ནས་ཕྱི་རོལ་གྱི་རིམ་
[14b]
[14b.1]བའི་གྲྭ་ཕུར་མ་ལྟར་འདུག་པ་སྟེ། དེ་ལྟ་བུ་མ་ཡིན་པར་ཤམ་ཐབས་ཟླུམ་པོར་བགོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་བའོ། །འདིའི་བྱེད་པ་
[14b.2]པོ་ནི་ཤམ་ཐབས་རུང་བ་ཉིད་དང་། ཚད་དང་ལྡན་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་དྲུག་པའོ།། །།ཤམ་ཐབས་སྦྲུལ་
[14b.3]མགོའི་གདེངས་ཀ་ལྟར་མ་ཡིན་པར་བགོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཤམ་ཐབས་གྱོན་པ་ལྟེ་བའི་འོག་ཏུ་སྦྲུལ་མགོའི་གདེངས་ཀ་ལྟར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་
[14b.4]སྨོད་པར་བྱེད་དེ། འཕགས་པ་དག་རྒྱན་པོ་དག་ཤམ་ཐབས་འདི་ལྟར་འཚལ་བས་འདི་ནི་ཚུལ་དང་མཐུན་པ་མ་ལགས་ཀྱིས། ཤམ་ཐབས་འདི་ལྟར་མ་གསོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་།
[14b.5]བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ་ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་ནོ། །ཤམ་ཐབས་སྦྲུལ་མགོའི་གདེངས་ཀ་ལྟར་མ་ཡིན་པར་བགོ་བར་
[14b.6]བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས་གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཤམ་ཐབས་སྦྲུལ་མགོའི་གདེངས་ཀ་ལྟར་ཕྱིར་ཕྱུང་བ་གྱོན་པའོ། །དེ་ལ་སྦྲུལ་མགོའི་གདེངས་ཀ་ལྟར་ཞེས་བྱ་བ་ནི་ཤམ་ཐབས་ཀྱི་ནང་དང་འབྲེལ་པའི་ཁ་
[14b.7]ལོགས་མདུན་གྱི་ལྟེ་བའི་འོག་ཏུ་སྦྲུལ་མགོའི་གདེངས་ཀ་ལྟར་ཕྱིར་བྱུང་བ་སྟེ། དེ་ལྟ་བུ་མ་ཡིན་པ་ཤམ་ཐབས་ཟླུམ་པོར་བགོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་
[15a]
[15a.1]འགྱུར་རོ། །འདིའི་བྱེད་པ་པོ་ནི་ཤམ་ཐབས་སུ་རུང་བ་དང་། ཚད་དང་ལྡན་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བདུན་
[15a.2]པའོ།། །།སྡོམ་ལ། །སྟོད་གཡོགས་ལ་ཡང་རྣམ་གསུམ་དང་། །ཞེས་གསུངས་པའི་བསླབ་པ་བསྡུ་བའི་དོན་ནི། ཆོས་གོས་ཟླུམ་པོར་བགོ་བར་བསླབ་པར་བྱ་བ་ཆོས་གོས་ཧ་ཅང་རྩེངས་པ་མ་ཡིན་པ་དང་། ཧ་ཅང་འཇོལ་བ་ཡང་མ་ཡིན་པར་བགོ་བར་བསླབ་པར་བྱའོ་ཞེས་བྱ་བ་དག་ཡིན་ནོ། །
[15a.3]དེ་ལ་ཆོས་གོས་ཟླུམ་པོར་བགོ་བར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་ཤམ་ཐབས་ཟླུམ་པོར་བགོ་བར་བསླབ་པར་བྱའོ། །ཤམ་ཐབས་ཧ་ཅང་རྩེངས་པར་བྱ་བ་མ་ཡིན་པ་དང་།
[15a.4]ཧ་ཅང་འཇོལ་བར་བྱ་བ་མ་ཡིན་པ་དང་། གླང་པོ་ཆེའི་སྣ་ལྟར་མ་ཡིན་པ་དང་། ཏ་ལའི་ལོ་མ་ལྟར་མ་ཡིན་པ་དང་། འབྲུའི་ཕུར་མ་ལྟར་མ་ཡིན་པ་དང་། སྦྲུལ་མགོའི་གདེངས་ཀ་ལྟར་མ་ཡིན་པར་བགོ་བར་བསླབ་བར་བྱའོ་ཞེས་བཀའ་སྩལ་ནས། དགེ་སློང་དག་ཆོས་གོས་གྱོན་པ་ན། ཇི་ལྟར་
[15a.5]བགོ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་རྣམས་ཀྱིས་ཆོས་གོས་ཟླུམ་པོར་བགོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དགེ་སློང་རབ་ཏུ་མང་པོ་དག །ཉོན་མོངས་པ་ནི་བསླབ་བ་ལ་མ་བསླབས་པ་ཉེས་
[15a.6]བ་ནི་ཆོས་གོས་ཇི་ལྟར་བགོ་བར་བྱ་བ་མི་ཤེས་པའོ། །དེ་ལ་ཆོས་གོས་ཟླུམ་པོར་ཞེས་བྱ་བ་ལ། ཆོས་གོས་ཞེས་བྱ་བ་ནི་བླ་གོས་དང་སྣམ་སྦྱར་རོ། །ཤམ་ཐབས་བྱིན་གྱིས་མ་བརླབས་པ་ལ་སོགས་པ་དག་ལ་ཡང་རྣམ་པ་འདི་དག་རིག་པར་བྱའོ། །ཟླུམ་པོ་ཞེས་བྱ་བ་ནི་མཐའི་ཁ་མཉམ་པར་འདུག་པ་
[15a.7]སྟེ། ཆོས་གོས་ཅི་ནས་ཀྱང་ཟླུམ་པོར་འདུག་པར་འགྱུར་བ་དེ་ལྟར་བགོ་བར་བསླབ་པར་བྱའོ། །ཆོས་གོས་ཟླུམ་པོར་བགོ་བར་བསླབ་པར་བྱ་བ་འདི་ནི་མདོར་བསྟན་པ་ཡིན་ལ། འོག་ནས་ཆོས་གོས་ཧ་ཅང་རྩེངས་པ་མ་ཡིན་པ་དང་། ཧ་ཅང་འཇོལ་བ་མ་ཡིན་པར་བགོ་བར་བསླབ་པར་བྱ་བ་གཉིས་
[15b]
[15b.1]འབྱུང་བ་དག་ནི་འདིའི་སྤྲོས་པ་ཡིན་གྱི། རྣམ་པ་གཞན་བསྟན་པ་ནི་མ་ཡིན་ནོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཆོས་གོས་རུང་བ་དང་། ཚད་
[15b.2]དང་ལྡན་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་སྨད་དོ། །བསླབ་པ་བརྒྱད་པའོ།། །།ཆོས་གོས་ཧ་ཅང་རྩེངས་པ་མ་ཡིན་པར་བགོ་བར་བསླབ་པར་བྱ་བའི་གླེང་གཞི་ནི་
[15b.3]སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཆོས་གོས་ཟླུམ་པོར་བགོ་བར་བསླབ་པར་བྱའོ་ཞེས་བཀའ་སྩལ་ནས། དྲུག་སྡེ་དག་ཆོས་གོས་ཧ་ཅང་རྩེངས་པར་གྱོན་པར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་གྱིས་
[15b.4]མཐོང་ནས་སྨོད་པར་བྱེད་དེ། འཕགས་པ་དྭ་དག་དང་། རྒྱན་པོ་པ་དག་དང་། ནལ་གྱི་བུ་དག་སྟོད་གཡོགས་འདི་ལྟར་འཚལ་བས་འདི་ནི་ཚུལ་དང་མཐུན་པ་མ་ལགས་ཀྱིས། ཆོས་གོས་འདི་ལྟར་མ་གསོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་
[15b.5]པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་ཀྱང་རྒྱ་ཆེར་སྨོད་པ་ལ་ཞུགས་པ་ཐོས་ནས། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ་ཁྱིམ་བདག་ཟེར་བ་
[15b.6]བདེན་ནོ་སྙམ་ནས་སྔ་མ་བཞིན་དུ། ཆོས་གོས་ཧ་ཅང་རྩེངས་པ་མ་ཡིན་པར་བགོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ་དང་། ཉེས་པ་ནི་ཆོས་གོས་ཧ་ཅང་རྩེངས་པར་གྱོན་པའོ། །དེ་ལ་ཆོས་
[15b.7]གོས་ཧ་ཅང་རྩེངས་པ་ཞེས་བྱ་བ་ནི་པུས་མོ་གཉིས་ལས་གོང་དུ་ཐལ་བ་ཉིད་དེ། དེ་ལྟ་བུ་མ་ཡིན་པར་ཆོས་གོས་ཟླུམ་པོར་བགོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་
[16a]
[16a.1]གཞིར་འགྱུར་རོ། །འདིའི་བྱེད་པ་པོ་ནི་ཆོས་གོས་རུང་བ་དང་ཚད་དང་ལྡན་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་དགུ་
[16a.2]པའོ།། །།ཆོས་གོས་ཧ་ཅང་འཇོལ་བ་མ་ཡིན་པར་བགོ་བར་བསླབ་པའི་གླེང་གཞི་ནི་སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཆོས་གོས་ཧ་ཅང་འཇོལ་བ་མ་ཡིན་པར་བགོ་བར་བསླབ་པར་བྱའོ་ཞེས་བཀའ་སྩལ་ནས།
[16a.3]དྲུག་སྡེ་དག་ཧ་ཅང་འཇོལ་བར་གྱོན་པར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་ཏག་ཀའི་ཡུལ་ན་གནས་པའི་མི་དག་དང་རིགས་ཀྱི་མནའ་མ་དག་སྟོད་གཡོགས་འདི་ལྟར་འཚལ་བས་འདི་ནི་ཚུལ་དང་མཐུན་པ་མ་ལགས་ཀྱིས།
[16a.4]ཆོས་གོས་འདི་ལྟར་མ་གསོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་
[16a.5]དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། ཆོས་གོས་ཧ་ཅང་འཇོལ་བ་མ་ཡིན་པར་བགོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་
[16a.6]དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཆོས་གོས་ཧ་ཅང་འཇོལ་བར་གྱོན་པའོ། །དེ་ལ་ཧ་ཅང་འཇོལ་བར་ཞེས་བྱ་བ་ནི་ལོང་བུའི་ཚིགས་ལ་རེག་པ་ཉིད་དེ། དེ་ལྟ་བུ་མ་ཡིན་པར་ཆོས་གོས་ཟླུམ་པོར་བགོ་བར་བསླབ་པར་བྱ་བའོ། །དེ་ལ་འདིར་དངོས་གཞིའི་ལྟུང་
[16a.7]བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཆོས་གོས་རུང་བ་དང་ཚད་དང་ལྡན་པ་ཉིད་དོ། །འདི་ལ་ཡན་ལག་ནི་གཅག་སྟེ། དངོས་གཞིའི་བསྒྲུབ་པ་ཉིད་དོ། །
[16b]
[16b.1]སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཅུ་པའོ།། །།སྡོམ་ལ། ཤིན་ཏུ་བསྡམས་ལ་སོགས་པ་ལྔ། །ཞེས་གསུངས་པའི་བསླབ་པ་བསྡུ་བའི་མདོ་ནི་ཤིན་ཏུ་བསྡམས་པ་དང་། ལེགས་པར་
[16b.2]བགོས་པ་དང་། སྒྲ་བསྐྱུངས་པ་དང་། མིག་གཡེང་བར་མི་བྱ་བ་དང་། གཉའ་ཤིང་གང་ཙམ་དུ་བལྟ་ཞིང་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བྱ་བ་དག་ཡིན་ནི། །དེ་ལ་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་
[16b.3]སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ལག་པ་དང་རྐང་པ་དག་རྐྱོང་བར་བྱེད་ཅིང་ཁྱིམ་གཞན་དུ་འདོང་ནས་བྲམ་ཟེ་དང་། ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་བྱིས་པ་ཁྱེའུ་དག་དང་། ཆང་གིས་ར་རོ་བ་
[16b.4]དག་དང་། འབྱུང་པོ་དང་། ཤ་ཟས་བརླམས་པ་དག་ལག་པ་དང་རྐང་པ་འདི་ལྟར་རྐྱོང་བར་བགྱིད་ཅིང་མཆི་བས་འདི་ནི་ཚུལ་དང་མཐུན་པ་མ་ལགས་ཀྱིས། འདི་ལྟར་མ་བཞུད་ཅིག་དེ་དག་གིས་སྨྲས་པ་ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་
[16b.5]པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། ཤིན་
[16b.6]ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཤིན་ཏུ་མ་བསྡམས་པར་ཁྱིམ་གཞན་དུ་འགྲོ་བའོ། །དེ་ལ་ཤིན་ཏུ་བསྡམས་པ་ཞེས་བྱ་བ་ནི་རྣམ་
[16b.7]པར་རབ་ཏུ་བརྟག་པ་ལ་སྦྱར་བར་བྱ་སྟེ། ལག་པ་དང་རྐང་པ་རྐྱོང་བ་ལ་སོགས་པ་མི་བྱ་བར་མཉམ་པར་བཞག་པའི་རྣམ་པས་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བྱ་བའི་ཐ་ཚིག་གོ། །ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱ་བ་འདི་ནི་མདོར་བསྟན་པ་ཡིན་ལ། འོག་ནས་
[17a]
[17a.1]ལེགས་པར་བགོས་ཤིང་ཁྱིམ་གཞན་དུ་འགྲོ་བར་བསླབ་པར་བྱ་བ་ལ་སོགས་པ་བཅུ་དགུ་འབྱུང་བ་དག་ནི་འདིའི་སྤྲོས་པ་ཡིན་གྱི་རྣམ་པ་གཞན་བསྟན་པ་ནི་མ་ཡིན་ནོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་
[17a.2]ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཤིན་ཏུ་མ་བསྡམས་པ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་
[17a.3]དོ། །བསླབ་པ་བཅུ་གཅིག་པའོ།། །།ལེགས་པར་བགོས་ཤིང་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཆོས་གོས་བསྡུས་ཤིང་ཕྲག་པ་ལ་གཟར་ཏེ་ཁྱིམ་
[17a.4]གཞན་དུ་འགྲོ་བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་འགྱེད་པར་མཆིས་པ་དག་སྟོད་གཡོགས་འདི་ལྟར་འཚལ་བ་འདི་ནི་ཚུལ་དང་མཐུན་པ་མ་ལགས་ཀྱིས། ཆོས་གོས་འདི་ལྟར་མ་གསོལ་ཅིག །དེ་དག་གིས་སྨྲས་པ།
[17a.5]ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་འགྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་
[17a.6]ལྡན་འདས་ཀྱིས་དགོངས་པ་ཁྱིམ་པ་དག་ཟེར་བ་བདེན་ནོ་སྙམ་ནས་ཡང་སྔ་མ་བཞིན་དུ་ལེགས་པར་བགོས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་ལྡན་པ་མ་ཡིན་པ། ཉེས་པ་ནི་ལེགས་པར་
[17a.7]བགོས་པར་ཁྱིམ་གཞན་དུ་འགྲོ་བའོ། །དེ་ལ་ལེགས་པར་བགོས་ཞེས་བྱ་བ་ནི་ཤམ་ཐབས་དང་། སྟོད་གཡོགས་དག་གིས་གཡོགས་པར་བྱ་བའི་ལུས་ལ་མཉམ་པར་གཡོགས་ཤིང་ཞེས་བྱ་བའི་ཐ་ཚིག་སྟེ། དེ་ལྟ་བུའི་ཤིན་ཏུ་བསྡམས་ཤིང་ཁྱིམ་གཞན་དུ་ཡོངས་སུ་འགྲོ་བར་བསླབ་པར་བྱའོ། །
[17b]
[17b.1]དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་དག་མ་བྱས་ན། བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལེགས་པར་མ་བགོས་པ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་
[17b.2]བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཅུ་གཉིས་པའོ།། །།སྒྲ་བསྐྱུང་ཞིང་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་
[17b.3]གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་བྱུང་རྒྱལ་དུ་སྨྲ་བས་སྒྲ་འབྱིན་ཅིང་ཁྱིམ་གཞན་དུ་འདོང་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་ཐོས་ནས་སྨོད་པར་བྱེད་དེ། འཕགས་པ་དག་བྱིས་པ་ཁྱེའུ་དག་དང་། ཆང་གིས་ར་རོ་བ་དག་དང་། འབྱུང་པོ་དང་། ཤ
[17b.4]ཟས་བརླམས་པ་དག་འདི་ལྟར་བྱུང་རྒྱལ་དུ་སྨྲ་བས་སྒྲ་འབྱིན་ཅིང་མཆི་བས་འདི་ནི་ཚུལ་དང་མཐུན་པ་མ་ལགས་ཀྱིས། འདི་ལྟར་སྒྲ་འབྱིན་ཅིང་མ་བཞུད་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་
[17b.5]མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ་ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། སྒྲ་བསྒྱུང་ཞིང་ཁྱིམ་གཞན་
[17b.6]དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་སྒྲ་མ་བསྐྱུངས་པར་ཁྱིམ་གཞན་དུ་འགྲོ་བའོ། །དེ་ལ་སྒྲ་བསྐྱུང་ཞེས་བྱ་བ་ནི་ཅ་ཅོ་བསྐྱུང་བ་སྟེ། དེ་ལྟ་བུས་ཤིན་ཏུ་བསྡམས་
[17b.7]ཤིང་ཁྱིམ་གཞན་དུ་འགྲོ་བར་བསླབ་པར་བྱ་བའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་སྒྲ་མ་བསྐྱུངས་པ་དང་། ཁྱིམ་གཞན་ཉིད་དོ། །
[18a]
[18a.1]འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཅུ་གསུམ་པའོ།། །།མིག་གཡེང་བར་མི་བྱ་ཞིང་ཁྱིམ་གཞན་དུ་འགྲོ་བར་བསླབ་
[18a.2]བར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་མིག་གཡེངས་ཤིང་ཁྱིམ་གཞན་དུ་འདོང་བ་ན་དེ་དག་གླང་པོ་ཆེ་འཁྲུལ་པ་དང་ལྷན་ཅིག་འདོང་བ་དང་། རྟ་འཁྲུལ་པ་དང་། ཤིང་རྟ་འཁྲུལ་
[18a.3]པ་དང་། རྐང་ཐང་འཁྲུལ་པ་དང་། འདོམ་ཞིང་དེ་དག་གིས་རྡོས་ཤིང་ཕུལ་བ་ན་མི་གཙང་བ་དང་། རྫབ་ཀྱི་ཁུང་དང་། ཕྱག་དར་གྱི་ཁྲོད་དུ་བསྒྱེལ་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་སྐར་མ་ལ་རྟོག་པ་དང་། མིག་བཙུམས་པ་དག་བཞིན་ཅིའི་ཕྱིར་གཟིགས་
[18a.4]པ་ལ་གཟིགས་ན་ཅི་ནོངས། འདི་ནི་ཚུལ་དང་མཐུན་བ་མ་ལགས་ཀྱིས། འདི་ལྟར་གཡེངས་ཤིང་མ་བཞུད་ཅིང་། དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་
[18a.5]གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། མིག་གཡེང་བར་མི་བྱ་ཞིང་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་
[18a.6]བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་མིག་ཡེངས་ཤིང་ཁྱིམ་གཞན་དུ་འགྲོ་བའོ། །དེ་ལ་མིག་གཡེང་བར་མི་བྱ་ཞེས་བྱ་བ་ནི་མིག་འཁྲུལ་པ་མེད་པ་སྟེ། དེ་ལྟར་ཤིན་ཏུ་བསྡམས་ཤིང་ཁྱིམ་གཞན་
[18a.7]དུ་འགྲོ་བར་བསླབ་པར་བྱའོ། །དེ་ལ་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན། བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་མིག་གཡེངས་པ་དང་ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་
[18b]
[18b.1]སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་བསྒྲུབ་པ་ཉིད་དག་ལ་ནི་ཅི་རིགས་པར་ནི་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཅུ་བཞི་པའོ།། །།གཉའ་ཤིང་གང་ཙམ་དུ་བལྟ་ཞིང་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་
[18b.2]བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་མིག་རྒྱང་རིང་པོར་བལྟ་ཞིང་ཁྱིམ་གཞན་དུ་ལྟ་བ་ན་དེ་དག་སྤྱོད་ལམ་ཉམས་ཤིང་ལམ་ཤོར་བ་ལ་སོགས་པར་གྱུར་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་
[18b.3]དག་སྐར་མ་ལ་རྟོག་པ་དང་། བྱ་ར་བ་དག་གིས་འདི་ལྟར་བལྟ་བར་བགྱིད་པས་འདི་ནི་ཚུལ་དང་མཐུན་པ་མ་ལགས་ཀྱིས་འདི་ལྟར་གཟིགས་ཤིང་མ་བཞུད་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་
[18b.4]མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། གཉའ་ཤིང་གང་ཙམ་དུ་
[18b.5]བལྟ་བར་བྱ་ཞིང་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་གཉའ་ཤིང་གང་ཙམ་དུ་མི་ལྟ་བར་ཁྱིམ་གཞན་དུ་འགྲོ་བའོ། །དེ་ལ་གཉའ་ཤིང་གང་ཙམ་དུ་བལྟ་
[18b.6]བར་བྱ་བ་ནི། གང་ལ་གཉའ་ཤིང་གང་ཙམ་དུ་བལྟ་བའི་ངང་ཚུལ་ཅན་ཡོད་པ་དེ་ནི་གཉའ་ཤིང་གང་ཙམ་དུ་ལྟ་བ་སྟེ། དེ་ལྟར་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་
[18b.7]བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་གཉའ་ཤིང་གང་ཙམ་དུ་མི་ལྟ་བ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་
[19a]
[19a.1]སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཅོ་ལྔ་པའོ།། །།སྡོམ་ལ། མགོ་གཡོགས་ལ་སོགས་རྣམ་པ་ལྔ། །ཞེས་གསུངས་པའི་བསླབ་པ་བསྡུ་བའི་མདོ་ནི་མགོ་མི་གཡོགས་པ་དང་། མི་བརྫེ་བ་དང་། མི་གཟར་བ་དང་། གཉའ་གོང་དུ་མི་
[19a.2]བསྣོལ་བ་དང་། ལྷག་པར་མི་བསྣོལ་བར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བྱ་བ་དག་ཡིན་ནོ། །དེ་ལ་མགོ་མི་གཡོགས་པར་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། དྲུག་སྡེ་
[19a.3]དག་མགོ་གཡོགས་ཤིང་ཁྱིམ་གཞན་དུ་འདོང་བར་བྱེད་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་རིགས་ཀྱི་མནའ་མ་དག་དང་། མིག་ན་བ་དག་དང་། སྦྲང་རྩིའི་སྦྲང་བུས་འཇིགས་པ་དག་འདི་ལྟར་བགྱིད་པས། འདི་ནི་ཚུལ་དང་མཐུན་པ་མ་
[19a.4]ལགས་ཀྱིས། འདི་ལྟར་མགོ་མ་གཡོགས་ཤིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་
[19a.5]ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམས་ནས་སྔ་མ་བཞིན་དུ། མགོ་མི་གཡོགས་པར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས།
[19a.6]གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་མགོ་གཡོགས་ཤིང་ཁྱིམ་གཞན་དུ་འགྲོ་བའོ། །དེ་ལ་མགོ་མི་གཡོགས་པ་ཞེས་བྱ་བ་ནི་རས་ལ་སོགས་པས་མགོ་གཡོགས་པ་དེའི་རྣམ་པ་དེ་ལྟ་བུས་མགོ་མི་གཡོགས་པ་སྟེ། དེ་ལྟ་བུས་ཤིན་ཏུ་བསྡམས་ཤིང་ཁྱིམ་གཞན་
[19a.7]དུ་འགྲོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་མགོ་གཡོགས་པ་དང་། ཁྱིམ་གཞན་ཉིད་དོ། །འདི་ལ་
[19b]
[19b.1]ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཅུ་དྲུག་པའོ།། །།མི་བརྫེ་བར་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི་སངས་རྒྱས་བཅོམ་ལྡན་
[19b.2]འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཤམ་ཐབས་བརྫེས་ཏེ་ཁྱིམ་གཞན་དུ་འགྲོ་བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་བཤང་བ་དང་གཅི་བ་བགྱིད་པའི་མི་དག་འདི་ལྟར་བགྱིད་པས།
[19b.3]འདི་ནི་ཚུལ་དང་མཐུན་པ་མ་ལགས་ཀྱིས། འདི་ལྟར་མ་བརྫེ་ཤིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་
[19b.4]ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ་དང་། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ་མི་བརྫེ་བར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་
[19b.5]དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཤམ་ཐབས་བརྫེས་ཏེ་ཁྱིམ་གཞན་དུ་འགྲོ་བའོ། །དེ་ལ་མི་བརྫེ་བ་ཞེས་བྱ་བ་ནི་ཅི་ཙམ་གྱི་མདོམས་ཀྱི་ཕྱོགས་སྣང་བར་འགྱུར་བ་དེ་ཙམ་གྱི་ཤམ་ཐབས་མི་བརྫེ་བ་སྟེ། དེ་ལྟ་བུས་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་
[19b.6]བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཤམ་ཐབས་བརྫེས་པ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་
[19b.7]གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ན་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཅུ་བདུན་པའོ།། །།མི་གཟར་བར་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་
[20a]
[20a.1]ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཆོས་གོས་ཕྲག་པ་ལ་གཟར་ཏེ་ཁྱིམ་གཞན་དུ་འདོད་བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་དྭ་དག་
[20a.2]དང་། རྒྱན་པ་པོ་དག་དང་། ནལ་གྱི་བུ་དག་འདི་ལྟར་བགྱིད་པས་འདི་ནི་ཚུལ་དང་མཐུན་པ་མ་ལགས་ཀྱིས། འདི་ལྟར་མ་མཛད་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་
[20a.3]བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། མི་གཟར་བར་ཁྱིམ་གཞན་དུ་འགྲོ་
[20a.4]བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཆོས་གོས་ཕྲག་པ་ལ་གཟར་ཏེ། ཁྱིམ་གཞན་དུ་འགྲོ་བའོ། །དེ་ལ་མི་གཟར་བ་ཞེས་བྱ་བ་ནི་ཆོས་གོས་ཕྲག་པའི་ཕྱོགས་གཅིག་ཏུ་
[20a.5]གཟར་ཏེ་བཞག་པ་ཉིད་ཀྱིས་གཟར་བ་དེ་ལྟར་མི་གཟར་བ་སྟེ། དགེ་སློང་དག་ལ་ནི་ཕྲག་པ་གཡོན་པར་གཟར་བར་གྲགས་པ་ཉིད་ཡིན་ལ། ཡུལ་ནི་ཛ་ལ་ཏ་དག་ན་ནི། ངོས་གཉིས་ཀར་གཟར་བར་གྲགས་པ་དེ་ལྟ་བུ་མ་ཡིན་པར་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་
[20a.6]བྱའོ། །དེ་ལ་འདིར་དངོས་གཞིའི་བསྒྲུབ་པ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཆོས་གོས་ཕྲག་པ་ལ་གཟར་བ་དང་། ཁྱིམ་གཞན་ཉིད་དོ། །འདི་ལ་ཡན་
[20a.7]ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཅོ་བརྒྱད་པའོ།། །།གཉའ་གོང་དུ་མི་བསྣོལ་བར་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་
[20b]
[20b.1]གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ལག་པ་གཉའ་གོང་དུ་བསྣོལ་ཏེ། ཁྱིམ་གཞན་དུ་འདོང་བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་དྭ་དག་དང་།
[20b.2]རྒྱན་པོ་པ་དག་དང་། ནལ་གྱི་བུ་དག་འདི་ལྟར་བྱེད་པས་འདི་ཚུལ་དང་མཐུན་པ་མ་ལགས་ཀྱིས། འདི་ལྟར་གཉའ་གོང་དུ་མ་བསྣོལ་ཅིག་དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་།
[20b.3]བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། གཉའ་གོང་དུ་མི་བསྣོལ་བར་ཁྱིམ་གཞན་
[20b.4]དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ལག་པ་གཉའ་གོང་དུ་བསྣོལ་ཏེ་ཁྱིམ་གཞན་དུ་འགྲོ་བའོ། །དེ་ལ་གཉའ་གོང་དུ་མི་བསྣོལ་བ་ཞེས་བྱ་བ་ནི་ལག་པ་
[20b.5]གཡས་པ་མདུན་དུ་བཏང་སྟེ། དཔུང་པའམ། ཕྲག་པའམ། གཉའ་བའི་ཕྱོགས་སུ་བཞག་ལ། གཡོན་པ་ཡང་གཡས་པ་བཞིན་དུ་བྱས་པ་དེ་ནི་གཉའ་གོང་དུ་བསྣོལ་བ་སྟེ། དེ་ལྟར་མི་བསྣོལ་བར་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ། །དེ་ལ་འདིར་དངོས་
[20b.6]གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལག་པ་གཉའ་གོང་དུ་བསྣོལ་བ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་
[20b.7]བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཅུ་དགུ་པའོ།། །།ལྟག་པར་མི་བསྣོལ་བར་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་
[21a]
[21a.1]སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ལག་པ་ལྟག་པར་བསྣོལ་ཏེ། ཁྱིམ་གཞན་དུ་འདོང་བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། །འཕགས་པ་དག་གཡོག་དག་འདི་ལྟར་
[21a.2]བགྱིད་པས་འདི་ནི་ཚུལ་དང་མཐུན་པ་ཡང་མ་ལགས་ཀྱིས། འདི་ལྟར་ལྟག་པར་མ་བསྣོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་བསླབས་པར་གྱུར་བའོ། །
[21a.3]དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། ལྟག་པར་མི་བསྣོལ་བར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་
[21a.4]བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ལག་པ་ལྟག་པར་བསྣོལ་ཏེ་ཁྱིམ་གཞན་དུ་འགྲོ་བའོ། །དེ་ལ་ལྟག་པར་མི་བསྣོལ་བ་ཞེས་བྱ་བ་ནི་ལག་པ་ཅུང་ཟད་དམ་པོར་བརྐྱང་སྟེ་ལྟག་པའམ། དཔུང་
[21a.5]མགོར་ལག་པ་གཉིས་ཕན་ཚུན་ནས་སྤྲད་ཅིང་བསྣོལ་བ་ནི་ལྟག་པར་བསྣོལ་བ་ཞེས་བྱ་སྟེ་དེ་ལྟར་ལྟག་པའི་ཕྱོགས་སུ་ལག་པ་ཕན་ཚུན་ནས་སྤྲད་པ་དེ། སོར་མོ་བསྣོལ་བ་དང་དེ་ལྟར་ལྟག་པར་མི་བསྣོལ་བར་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ། །དེ་ལ་འདིར་དངོས་
[21a.6]གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལག་པ་ལྟག་པར་བསྣོལ་བ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་
[21a.7]བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ཉི་ཤུ་པའོ།། །།སོ་སོར་ཐར་པའི་མདོའི་གཞུང་འགྲེལ་བམ་པོ་ཉི་ཤུ་གཅིག་པ། སྡོམ་ལ། མཆོང་ལ་སོགས་པ་རྣམ་
[21b]
[21b.1]ལྔ་དང་། །ཞེས་གསུངས་པའི་བསླབ་པ་བསྡུ་བའི་མདོ་ནི་མི་མཆོང་བ་དང་། མི་བརྐྱང་བ་དང་། ཙོག་པུས་མ་ཡིན་པ་དང་། བྲང་བས་མ་ཡིན་པ་དང་། དཀུར་མི་བརྟེན་པར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བྱ་བ་དག་ཡིན་ནོ། །དེ་ལ་མི་མཆོང་བར་གཞན་གྱི་ཁྱིམ་
[21b.2]དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་རིབ་མ་ལ་མཆོང་ཞིང་ཁྱིམ་གཞན་དུ་འདོད་བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་
[21b.3]སྨོད་པར་བྱེད་དེ། འཕགས་པ་དག་འཇིགས་པས་སྐྲག་ཅིང་འབྲོས་པ་དག་འདི་ལྟར་བགྱིད་པས་འདི་ནི་ཚུལ་དང་མཐུན་པ་མ་ལགས་ཀྱིས། འདི་ལྟར་མ་མཆོང་ཤིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་
[21b.4]གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་ཕྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་
[21b.5]ཟེར་བ་བདེན་ནོ་སྙམ་ནས་སྔ་མ་བཞིན་ནོ། །མི་མཆོང་བར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་མཆོང་ཞིང་ཁྱིམ་གཞན་དུ་འགྲོ་བའོ། །དེ་ལ་
[21b.6]མི་མཆོང་བ་ཞེས་བྱ་བ་ནི་མཆོང་ཞིང་འགྲོ་བར་མི་བྱ་བ་སྟེ། དེ་ལྟ་བུས་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་
[21b.7]གཞེར་འགྱུར་རོ། །འདིའི་བྱེད་པ་པོ་ནི་མཆོང་བ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ཉི་ཤུ་
[22a]
[22a.1]གཅིག་པའོ།། །།མི་བརྐྱང་བར་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གོམ་པ་ཧ་ཅང་ཆེན་པོ་དག་གིས་ཁྱིམ་གཞན་དུ་འདོང་ནས། བྲམ་
[22a.2]ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་ཆང་གིས་ར་རོ་བ་དག་དང་། འབྱུང་པོ་དང་ཤ་ཟས་བརླམས་པ་དག་འདི་ལྟར་བགྱིད་པས་འདི་ནི་ཚུལ་དང་མཐུན་པ་མ་ལགས་ཀྱིས་འདི་ལྟར་མ་བཞུད་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་
[22a.3]པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་
[22a.4]པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ་མི་བརྐྱང་བར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་སྒྱིད་པ་བརྐྱང་ཞིང་ཁྱིམ་གཞན་དུ་འགྲོ་
[22a.5]བའོ། །དེ་ལ་མི་བརྐྱང་བ་ཞེས་བྱ་བ་ནི་སྒྱིད་པ་རྐྱོང་སྐུམ་བྱེད་ཅིང་འགྲོ་བར་མི་བྱ་བ་སྟེ། དེ་ལྟ་བུས་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་
[22a.6]པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་སྒྱིད་པ་བརྐྱང་བ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་
[22a.7]བཞིན་ནོ། །བསླབ་པ་ཉི་ཤུ་གཉིས་པའོ།། །།ཙོག་པུས་མ་ཡིན་པར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཙོག་པུས་ཁྱིམ་གཞན་དུ་འདོང་ནས། བྲམ་ཟེ་དང་ཁྱིམ་བདག་
[22b]
[22b.1]དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་འགྲོས་ཉམས་པ་དག་དང་། རྐང་བམ་ཅན་དག་དང་། བྱིས་པ་ཁྱེའུ་དག་འགྲོས་འདི་ལྟར་བགྱིད་པས་འདི་ནི་ཚུལ་དང་མཐུན་པ་མ་ལགས་གྱིས། འདི་ལྟར་མ་མཛད་ཅིག་དེ་དག་གིས་སྨྲས་པ། ཤེས་ལྡན་དག་འདི་ལ་དགོས་
[22b.2]པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་
[22b.3]དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། ཙོག་པུས་མ་ཡིན་པར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ།ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཙོག་པུས་
[22b.4]ཁྱིམ་གཞན་དུ་འགྲོ་བའོ། །དེ་ལ་ཙོག་པུས་མ་ཡིན་པ་ཞེས་བྱ་བ་ནི་ཙོག་པུས་འགྲོ་བར་མི་བྱ་བ་སྟེ། དེ་ལྟ་བུས་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་
[22b.5]ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པོ་པོ་ནི་ཙོག་པུས་འགྲོ་བ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་
[22b.6]བཞིན་ནོ། །བསླབ་པ་ཉི་ཤུ་གསུམ་པའོ།། །།བྲང་བས་མ་ཡིན་པར་ཁྱིམ་གཞན་ཉིད་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་རྐང་པའི་བྲང་བ་དག་གིས་ཁྱིམ་གཞན་དུ་འདོང་
[22b.7]བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་བྱིས་པ་ཁྱེའུ་སྨྱིག་མ་བཞིན་དུ་རྩེ་བར་བྱེད་པ་དག་དང་། རྐང་མཐིལ་རྨས་པ་དག་འདི་ལྟར་རྩེ་བར་བགྱིད་པས་འདི་ནི་ཚུལ་དང་མཐུན་པ་མ་ལགས་ཀྱིས། འདི་ལྟར་མ་བཞུད་ཅིག །དེ་དག་
[23a]
[23a.1]གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་
[23a.2]ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ་བྲང་བས་མ་ཡིན་པར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་
[23a.3]པ་མ་ཡིན་པ། ཉེས་པ་ནི་རྐང་པའི་བྲང་བས་ཁྱིམ་གཞན་དུ་འགྲོ་བའོ། །དེ་ལ་བྲང་བས་འགྲོ་བ་མ་ཡིན་པ་ཞེས་བྱ་བ་ནི་རྐང་པའི་རྟིང་པ་བཏེག་སྟེ། སོར་མོའི་བྲང་བ་ས་ལ་ཕབ་སྟེ་འགྲོ་བར་མི་བྱ་བ་སྟེ། དེ་ལྟ་བུས་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ། །དེ་ལ་
[23a.4]འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་རྐང་པའི་བྲང་བས་འགྲོ་བ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་
[23a.5]གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ཉི་ཤུ་བཞི་པའོ།། །།དཀུར་མི་བརྟེན་པར་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་
[23a.6]སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ལག་པ་གཉིས་དཀུར་བརྟེན་ཏེ། ཁྱིམ་གཞན་དུ་འདོང་བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དོ། །འཕགས་པ་དག་ནོར་ཅན་དག་དང་། ཚོང་དཔོན་དག་དང་། དེད་
[23a.7]དཔོན་དག་འདི་ལྟར་བགྱིད་པས་འདི་ནི་ཚུལ་དང་མཐུན་པ་མ་ལགས་གྱིས། འདི་ལྟར་མ་བཞུད་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །
[23b]
[23b.1]དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱེམ་བདག་ཟེར་བ་སབདེན་ནོ་སྙམ་ནས་སྔ་མ་བཞིན་དུ། དཀུར་མི་བརྟེན་པར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་
[23b.2]ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ལག་པ་གཉིས་དཀུར་བརྟེན་ཏེ་ཁྱིམ་གཞན་དུ་འགྲོ་བའོ། །དེ་ལ་བཀུར་མི་བརྟེན་པ་ཞེས་བྱ་བ་ནི་ལག་པ་གཉིས་ཏེ། རྐེད་པའི་ཕྱོགས་སུ་བརྟན་ཏེ། གྲུ་མོའི་ཕྱོགས་སྨྱུང་སྨྱུང་པོར་བྱས་ཤིང་འགྲོ་
[23b.3]བར་མི་བྱ་བ་སྟེ། དེ་ལྟ་བུས་ཤིན་ཏུ་བསྡམས་པས་ཁྱིམ་གཞན་དུ་འགྲོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལག་པ་
[23b.4]གཉིས་དཀུར་བརྟེན་པ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་བསྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ཉི་ཤུ་ལྔ་པའོ།། །།སྡོམ་ལ། ལུས་ལ་
[23b.5]སོགས་པ་རྣམ་པ་ལྔ། །ཞེས་གསུངས་པའི་བསླབ་པ་བསྡུས་པའི་མདོ་ནི་ལུས་མི་བསྒྱུར་བ་དང་། ལག་པ་མི་ཀྱོག་པ་དང་། མགོ་མི་བསྒྱུར་བ་དང་། ཕྲག་པ་མི་སྤྲད་པ་དང་། ལག་པ་མི་སྦྲེལ་བར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བྱ་བ་དག་ཡིན་ནོ། །དེ་ལ་ལུས་མི་བསྒྱུར་བར་ཁྱིམ་
[23b.6]གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ལུས་བསྒྱུར་ཞིང་ཁྱིམ་གཞན་དུ་འགྲོ་བར་བྱེད་དེ། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ།
[23b.7]འཕགས་པ་དག་གཟུགས་འཚོད་དང་གླང་པོ་ཆེ་དག་དང་། བ་ལང་མོ་དག་འདི་ལྟར་མཆི་བས། འདི་ནི་ཚུལ་དང་མཐུན་པ་མ་ལགས་ཀྱིས། འདི་ལྟར་མ་བཞུད་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་
[24a]
[24a.1]པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་
[24a.2]ནས་སྔ་མ་བཞིན་དུ། ལུས་མི་བསྒྱུར་བར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ལུས་བསྒྱུར་ཞིང་གཞན་དུ་འགྲོ་བའོ། །དེ་ལ་ལུས་མི་བསྒྱུར་བ་ཞེས་
[24a.3]བྱ་བ་ནི་གོང་དུ་འགྲོ་བ་དེར་ལུས་བསྒྱུར་ཞིང་འགྲོ་བ་ནི་ལུས་བསྒྱུར་ཞིང་འགྲོ་བ་ཞེས་བྱ་བ་སྟེ། དེ་ནི་བྱ་བའི་བྱེ་བྲག་ཡིན་པས་དེའི་ཕྱིར་ལུས་བསྒྱུར་བ་ཞེས་བྱ་བའི་བྱ་བ་དེ་མི་བྱ་བར་དེ་ལྟ་བུས་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་
[24a.4]རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལུས་མི་བསྒྱུར་བ་ནས། ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་
[24a.5]སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ཉི་ཤུ་དྲུག་པའོ།། །།ལག་པ་མི་ཀྱོག་པར་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་
[24a.6]དགའ་ར་བ་ན་བཞུགས་སོ། །དྲུག་སྡེ་དག་ལག་པ་ཀྱོག་ཅིང་ཁྱིམ་དུ་འདོང་བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་དྭ་དག་དང་། རྒྱན་པོ་པ་དག་དང་། ནལ་གྱི་བུ་དག་འདི་ལྟར་མཆི་བས་འདི་ནི་ཚུལ་དང་མཐུན་པ་མ་
[24a.7]ལགས་ཀྱིས་འདི་ལྟར་མ་བཞུད་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་
[24b]
[24b.1]སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། ལག་པ་མི་ཀྱོག་པར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་
[24b.2]ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ལག་པ་ཀྱོག་ཅིང་ཁྱིམ་གཞན་དུ་འགྲོ་བའོ། །དེ་ལ་ལག་པ་མི་ཀྱོག་པ་ཞེས་བྱ་བ་ཡང་བྱ་བའི་བྱེ་བྲག་ཡིན་ཏེ། ལག་པ་ཀྱོག་ཅིང་འགྲོ་བར་མི་བྱ་བ་དེ་ལྟ་བུས་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་
[24b.3]བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལག་པ་ཀྱོག་པ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་
[24b.4]གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ཉི་ཤུ་བདུན་པའོ།། །།མགོ་མི་བསྒྱུར་བར་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་ནི། སངས་
[24b.5]རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་མགོ་བསྒྱུར་ཞིང་ཁྱིམ་གཞན་དུ་འདོང་བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་གླང་པོ་ཆེ་དག་དང་། སྲོག་ཆགས་རྩངས་པ་
[24b.6]དག་འདི་ལྟར་མཆི་བས་འདི་ནི་ཚུལ་དང་མཐུན་པ་མ་ལགས་ཀྱིས་འདི་ལྟར་མ་བཞུད་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་
[24b.7]དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། མགོ་མི་བསྒྱུར་བར་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བཅའ་
[25a]
[25a.1]བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་མགོ་བསྒྱུར་ཞིང་ཁྱིམ་གཞན་དུ་འགྲོ་བའོ། །དེ་ལ་མགོ་མི་བསྒྱུར་བ་ཞེས་བྱ་བ་ཡང་བྱ་བའི་བྱེ་བྲག་ཡིན་ཏེ། མགོ་བསྒྱུར་ཞིང་འགྲོ་བར་མི་བྱ་བ་
[25a.2]དེ་ལྟ་བུའི་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་མགོ་བསྒྱུར་བ་དང་།
[25a.3]ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ཉི་ཤུ་བརྒྱད་པའོ།། །།ཕྲག་པ་མི་སྤྲད་པར་ཁྱིམ་གཞན་དུ་འགྲོ་བར་
[25a.4]བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཕྲག་པ་སྤྲོད་ཅིང་ཁྱིམ་གཞན་དུ་འདོང་བ་ན། ཇི་ཙམ་ན་མི་ཞིག་སྤོས་དང་མེ་ཏོག་གིས་བརྒྱན་ཏེ། འཇིག་རྟེན་ལ་བུ་ཙམ་དུ་སེམས་ཤིང་འགྲོ་ནས་
[25a.5]དྲུག་སྡེ་དག་གིས་སྨྲས་པ། དགའ་བོ་དང་ཉེ་དགའ་འདི་བཀྲན་པ་འདི་འཇིག་རྟེན་ལ་བུ་ཙམ་དུ་སེམས་ཤིང་འགྲོ་ན་ཇི་འདིའི་སྙིང་ལམ་ན་དྲུག་སྡེ་དག་གིས་སྔོན་ལན་འགའ་ཡང་དྲི་དང་མེ་ཏོག་ཐོགས་པ་མ་མྱོང་བ་འདྲས། ཚུར་ཤོག་འདི་ནི་མི་དགའ་བར་བྱའོ། །དེ་ལྟར་བྱའོ་ཞེས་དེ་ན་དེ་དག་གཅིག་དང་གཅིག་ཕྲག་
[25a.6]པ་སྤྲད་ཅིང་། གཞན་དང་གཞན་ཡང་ཕྲག་པ་སྤྲད་ཅིང་དེ་ཕུལ་བ་དང་ས་ལ་འགྱེལ་ནས། དེས་སྨྲས་པ། བདག་གིས་ཁྱེད་ཅག་ལ་ནོངས་པ་ཅི་བགྱིས། བཀྲེན་པ་ཁྱོད་ཀྱི་སྙིང་ལམ་ན་དྲུག་སྡེ་དག་གིས་སྔོན་ལན་འགའ་ཡང་སྤོས་དང་མེ་ཏོག་ཐོགས་མ་མྱོང་སྙམ་པས་ཁྱེད་དེ་ལྟར་མི་དགའ་བར་བྱའོ། །དེས་
[25a.7]སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་དགོངས་པ་ཁྱིམ་བདག་དེ་གནས་སུ་སྨོད་པར་བྱེད་དོ་སྙམ་ནས་སྔ་མ་བཞིན་དུ། ཕྲག་པ་མི་སྤྲད་པར་ཁྱིམ་གཞན་དུ་འགྲོ་བ་ལ་བསླབ་པར་བྱའོ་ཞེས་བཅའ་བ་
[25b]
[25b.1]མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཕྲག་པ་སྤྲོད་ཅིང་ཁྱིམ་གཞན་དུ་འགྲོ་བའོ། །དེ་ལ་ཕྲག་པ་མི་སྤྲོད་པ་ཞེས་བྱ་བ་ནི་གཞན་དག་དང་ཕྲག་པ་གཉིས་མི་སྤྲོད་པ་སྟེ། དེ་ལྟ་བུས་ཤིན་ཏུ་བསྡམས་ཤིང་ཁྱིམ་གཞན་
[25b.2]དུ་འགྲོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཕྲག་པ་སྤྲོད་པ་དང་། ཁྱིམ་གཞན་ཉིད་དོ། །འདི་ལ་ཡན་ལག་
[25b.3]ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ཉི་ཤུ་དགུ་པའོ།། །།ལག་པ་མི་སྦྲེལ་བར་ཁྱིམ་གཞན་དུ་འགྲོ་བར་བསླབ་པར་བྱ་བའི་གླེང་གཞི་
[25b.4]ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གིས་ལག་པ་སྦྲེལ་ཅིང་ཁྱིམ་གཞན་དུ་འདོང་ནས་ཅི་ཙམ་དུ་མི་ཞིག་སྤོས་དང་མེ་ཏོག་གིས་བརྒྱན་ཏེ། འཇིག་རྟེན་ལ་བུ་ཙམ་དུ་སེམས་ཤིང་འགྲོ་ནས་དྲུག་སྡེ་དག་གིས་སྨྲས་པ།
[25b.5]དགའ་བོ་ཉེ་དགའ་བཀྲེན་པ་འདི་འཇིག་རྟེན་ལ་བུ་ཙམ་དུ་སེམས་ཤིང་འགྲོ་ན། ཇི་འདིའི་སྙིང་ལམ་ན། དྲུག་སྡེ་དག་གིས་སྔོན་ལན་འགའ་ཡང་དྲི་དང་མེ་ཏོག་ཐོགས་མ་མྱོང་སྙམ་པ་འདྲས། ཚུར་ཤེག་འདི་མི་དགའ་བར་བྱེད་པ། དེ་ལྟར་བྱའོ་ཞེས་དེ་ན་དེ་དག་གཅིག་དང་གཅིག་ལག་པ་སྦྲེལ་ཅིང་
[25b.6]གཞན་དང་གཞན་ཡང་ལག་པ་སྦྲལ་ཏེ། དེ་ཕུལ་བ་དང་ས་ལ་འགྱེལ་ནས་དེས་སྨྲས་པ། བདག་གིས་ཁྱེད་ཅག་ལ་ནོངས་པ་ཅི་བགྱིས། བཀྲེན་པ་ཁྱོད་ཀྱི་སྙིང་ལམ་ན་དྲུག་སྡེ་དག་གིས་སྔོན་ལན་འགའ་ཡང་སྤོས་དང་མེ་ཏོག་ཐོགས་མ་མྱོང་སྙམ་པས་ཁྱོད་དེ་ལྟར་མི་དགའ་བར་བྱའོ། །དེས་སྨོད་
[25b.7]པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་བདག་དེ་གནས་སུ་སྨོད་པར་བྱེད་དོ་སྙམ་ནས་སྔ་མ་བཞིན་དུ་ལག་པ་མི་སྦྲེལ་པར་ཁྱིམ་གཞན་དུ་འགྲོ་བར་བསླབ་པར་
[26a]
[26a.1]བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ལག་པ་སྦྲེལ་ཏེ་ཁྱིམ་གཞན་དུ་འགྲོ་བའོ། །དེ་ལ་ལག་པ་མི་སྦྲེལ་བར་ཞེས་བྱ་བ་ནི་གཞན་དག་དང་ལག་པ་སྦྲེལ་ཏེ་འགྲོ་བར་མི་བྱ་བ་
[26a.2]སྟེ། དེ་ལྟ་བུས་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལག་པ་སྦྲེལ་བ་དང་།
[26a.3]ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ་ཞེས་བྱ་བ་མན་ཆད། འདི་ཡན་
[26a.4]ཆད་ཐམས་ཅད་ནི་ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བར་བསླབ་པར་བྱ་བ་དེའི་སྤྲོས་པ་ཡིན་པར་སྦྱར་རོ། །དེ་དག་གི་གླེང་གཞི་ནི་སེར་སྐྱའི་གནས་ཞེས་སྨོས་པ་ནི་གཞུང་གཞན་ལས་སེར་སྐྱའི་གནས་སུ་ཡབ་དང་སྲས་མཇལ་ནས་ཤཱཀྱ་རྣམས་རབ་ཏུ་བྱུང་བའི་ཚེ། དྲུག་སྡེ་དག་གསར་དུ་རབ་
[26a.5]ཏུ་བྱུང་བ་ལས་བཅས་སོ་ཞེས་གསུངས་པ་ལས་ཤེས་པར་བྱའོ། །བསླབ་པ་སུམ་ཅུ་པའོ།། །།སྡོམ་ལ། འདུག་པར་བྱ་བ་དགུ་དག་དང་། །ཞེས་གསུངས་པའི་བསླབ་པ་བསྡུ་བའི་མདོ་ནི་མ་བསྒོ་བར་ཁྱིམ་གཞན་དུ་སྟན་ལ་མི་འདུག་པར་བསླབ་པར་བྱ། སྟན་ལ་མ་བརྟགས་པ་
[26a.6]དང་། ལུས་ཐམས་ཅད་ཀྱི་ལྗིད་ཀྱིས་མི་དབབ་པ་དང་། རྐང་པ་མི་བསྣོལ་བ་དང་། བརླ་མི་བསྣོལ་བ་དང་། ལོང་བུའི་སྟེང་དུ་ལོང་བུ་མི་གཞག་པ་དང་། རྐང་པ་མི་དགུག་པ་དང་། རྐང་པ་མི་གདང་བ་དང་། མདོམས་མི་སྣང་བར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ་ཞེས་བྱ་བ་དེ་དག་
[26a.7]ཡིན་ནོ། །དེ་ལ་མ་བསྒོ་བར་ཁྱིམ་གཞན་དུ་སྟན་ལ་མི་འདུག་པར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་གཙང་སྟན་འདོད་པ་ཞིག་འདུག་པ་དེས་སྒོ་
[26b]
[26b.1]ཁང་དུ་མལ་བཤམས་ནས་དེ་ནས་བུ་མོ་ཞིག་བསིལ་ཡབ་ཐོགས་ཏེ་སྦྲང་བུ་སྐྱོབ་ཅིང་འདུག་གོ། །ཚེ་དང་ལྡན་པ་ཉེ་དགའ་དེའི་ཁྱིམ་དུ་བསོད་སྙོམས་ལ་ཞུགས་ནས་དེས་སྨྲས་པ། བུ་མོ་བྲམ་ཟེའི་གན་དུ་སོང་ལ་ཉེ་དགའ་སྒོ་ན་སྡོད་དོ་ཞེས་གྱིས་ཤིག །འཕགས་པ་དག་འདི་ན་
[26b.2]སྦྲང་མ་སྐྱོབ་ཅིང་མཆིས་པས་མི་མཆིའོ། །དེས་སྨྲས་པ། གལ་ཏེ་དེ་ལྟ་ན་ཁོ་བོས་རེ་ཞིག་བསྲུང་གིས་ཁྱོད་སོང་ལ་སྨྲོས་ཤིག །དེ་སོང་བ་དང་ཉེ་དགས་རྐང་པ་དང་བཅས་པར་འཛེགས་ཏེ་མལ་དེའི་སྟེང་དུ་འདུག་གོ། །བྲམ་ཟེ་དེ་ཕྱིར་བྱུང་བ་དང་ཉེ་དགའ་རྐང་པ་དང་བཅས་པར་མལ་གྱི་
[26b.3]སྟེང་དུ་འཛེགས་ཏེ་འདུག་པར་མཐོང་ངོ་། །མཐོང་ནས་ཀྱང་སྨྲས་པ། འཇིག་རྟེན་གྱི་གཙང་སྦྲ་ནི་ཐ་དད་པ་ཡིན་ན། ཅིའི་ཕྱིར་ཁྱོད་འདིར་རྐང་པ་དང་བཅས་པར་འཛེགས་ཏེ་འདུག །དེས་སྨྲས་པ། བྲམ་ཟེ་དགེ་སློང་གིས་མལ་ལོངས་སྤྱོད་པ་གང་ཡིན་པ་ནི་ཁྱོད་ཀྱི་ཁྱིམ་བདུན་པ་ཚུན་ཆད་ལ་
[26b.4]ཕན་བཏགས་པ་ཡིན་ནོ། །དེས་སྨོད་པར་བྱེད་ཕྱར་ཀ་གཏོང་བར་བྱེད་ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་དགོངས་པ། བྲམ་ཟེ་དེ་གནས་སུ་སྨོད་པར་བྱེད་དོ་སྙམ་ནས་སྔ་མ་བཞིན་དུ། མ་བསྒོ་བར་ཁྱིམ་གཞན་དུ་
[26b.5]སྟན་ལ་མི་འདུག་པར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་ཉེ་དགའ། ཉོན་མོངས་པ་ནི་ཐུག་ཐུབ། ཉེས་པ་ནི་མ་བསྒོ་བར་ཁྱིམ་གཞན་དུ་སྟན་ལ་འདུག་པའོ། །དེ་ལ་མ་བསྒོ་བར་ཁྱིམ་གཞན་དུ་སྟན་ལ་མི་འདུག་པར་བསླབ་པར་བྱ་ཞེས་བྱ་བ་ནི་ཁྱིམ་གཞན་
[26b.6]དེར་ཁྱིམ་བདག་གིས་མ་བསྒོ་བར་དགེ་སློང་སྟན་ལ་མི་འདུག་པར་བསླབ་པར་བྱའོ། །མ་བསྒོ་བར་ཁྱིམ་གཞན་དུ་སྟན་ལ་མི་འདུག་པར་བསླབ་པར་བྱའོ་ཞེས་བྱ་བ་འདི་ནི་མདོར་བསྟན་པ་ཡིན་ལ། འོག་ནས་སྟན་ལ་མ་བརྟགས་པར་ཁྱིམ་གཞན་དུ་སྟན་ལ་འདུག་པར་མི་བྱ་བར་བསླབ་པར་བྱ་བ་ལ་སོགས་པ་བརྒྱད་
[26b.7]འབྱུང་བ་དག་ནི་འདིའི་སྤྲོས་པ་ཡིན་ཏེ། རྣམ་པ་གཞན་བསྟན་པ་ནི་མ་ཡིན་ནོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་མ་བསྒོ་བ་དང་འདུག་པ་ཉིད་དོ། །
[27a]
[27a.1]འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་སུམ་ཅུ་གཅིག་པའོ།། །།སྟན་ལ་མ་བརྟགས་པར་ཁྱིམ་གཞན་དུ་
[27a.2]སྟན་ལ་འདུག་པར་མི་བྱ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱིས་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་འཆར་ཀས་གཏུམ་མོ་བཏུལ་པ་དེའི་ཚེ་དེའི་དྲང་སྲོང་གི་སྟན་བཤམས་ནས། ཚེ་
[27a.3]དང་ལྡན་པ་འཆར་ཀས་ལོངས་སྤྱད་ཅིང་སྤྱད་ཅིང་འགྲོའོ། །ཅི་ཙམ་དུས་གཞན་ཞིག་ན་དེས་གཏུམ་མོ་ལ་སྨྲས་པ། སྲིང་མོ་ཁྱོད་བལྟས་ཀྱིས་ལྗོངས་རྒྱུར་འགྲོའོ། །དེས་སྨྲས་པ། འཕགས་པ་མྱུར་དུ་སླར་སྦྱོར་ཅིག །བདག་སྐྱོ་བ་སྐྱེད་པར་མ་མཛད་ཅིག །དེས་སྨྲས་པ། སྲིང་མོ་མཉེས་
[27a.4]ཀྱིས་དེ་བཞིན་དུ་བྱས་སོ། །དེ་དེ་བལྟས་ཏེ་རྒྱལ་བྱེད་ཀྱི་ཚལ་དུ་སོང་བ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་བཅོམ་ལྡན་འདས་ཉི་མ་བདུན་ལ་ལྗོངས་རྒྱུར་གཤེགས་ཀྱིས། ཁྱེད་ཅག་ལས་གང་བཅོམ་ལྡན་འདས་
[27a.5]དང་ཐབས་ཅིག་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་བསྒོ་ཤིག །ཚེ་དང་ལྡན་པ་ཀུན་དགའ་བོས་དགེ་སློང་རྣམས་ལ་དེ་སྐད་ཅེས་བསྒོ་བ་ན་ཚེ་དང་ལྡན་པ་འཆར་ཀས་བསམས་པ། སངས་རྒྱས་ལྗོངས་རྒྱུར་གཤེགས་པ་ལ་ཕན་ཡོན་བཅོ་བརྒྱད་ཡོད་ཀྱིས་བཅོམ་
[27a.6]ལྡན་འདས་ཉིད་དང་ཐབས་ཅིག་འགྲོའོ། །སྙམ་ནས་དེ་མ་འཕགས་སོ། །དེའི་ཚེ་ན་གཏུམ་མོའི་ཁྱིམ་ན་ཁྱེའུ་བཙས་ནས་རིང་པོ་མ་ལོན་པ་ཞིག་ཡོད་ནས་དེས་བུ་མོ་ལ་སྨྲས་པ། བུ་མོ་ཁྱེའུ་འདི་དྲང་སྲོང་གི་གདན་ལ་བསྙོལ་ཅིག་དང་ཡུན་རིང་དུ་འཚོ་ཞིང་ཚེ་རིང་དུ་སོང་བར་འགྱུར་རོ། །དེས་དེ་
[27a.7]གོས་དཀར་པོ་བསྐོན་ཏེ་བསྙལ་བ་དང་། ཚེ་དང་ལྡན་པ་འཆར་ཀ་མཉན་ཡོད་དུ་བསོད་སྙོམས་ལ་ཞུགས་ནས་དེས་བསམས་པ། ཇེ་གཏུམ་མོའི་ཁྱིམ་དུ་སྟན་ལ་ལོངས་སྤྱོད་དུ་འགྲོ་ཞིང་ཕྱིས་བསོད་སྙོམས་བརྒྱུས་ཏེ་འགྲོའོ་སྙམ་ནས་དེ་དེར་སོང་ངོ་། །དགྲ་བཅོམ་པ་དག་ནི་མ་བསམས་པར་ཤེས་པ་དང་།
[27b]
[27b.1]མཐོང་བ་མི་འཇུག་པས་དེ་སྟན་དེ་ཉིད་ལ་གྱ་ཚོམ་དུ་འདུག་པ་དང་། ནང་མི་བརྟད་པ་དང་བཅས་པར་འཕགས་པ་ཁྱེའུ་ཁྱེའུ་བྱས་པ་དང་། དེ་མྱུར་བ་མྱུར་བར་ལངས་ནས་ཇི་ཙམ་ན་དེ་དག་གིས་དེ་དུས་ལ་བབ་པར་མཐོང་ནས་དེ་དག་དུ་བར་བརྩམས་པ་དང་། དེས་སྨྲས་པ། སྲིང་མོ་དག་འདི་ལ་
[27b.2]ཅི་འདུ་བྱེད་ཐམས་ཅད་ཀྱི་ཆོས་ཉིད་འདི་ལྟ་བུ་ཡིན་ནོ། །འོན་ཀྱང་ཁོ་བོ་ལ་བརྟེན་ཏེ། བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་འགྱུར་བས་འདི་ལ་ཁོ་བོས་འདུད་པར་བྱ་བ་ཡིན་ནོ། །འཁོར་བ་ན་སེམས་ཅན་རྣམས་ཉེ་དུ་ལ་བྱམས་པ་ནི་ཐོག་མ་མེད་པའི་
[27b.3]དུས་ནས་གོམས་པ་ཡིན་པས་དེ་དག་དེ་བཞིན་དུ་ངུ་ཞིང་མི་སྡོད་པ་ཐོས་ནས། དགེ་སློང་རྣམས་ཀྱིས་སྐབས་དེ་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་བས་ན་ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ།
[27b.4]སྟན་ལ་མ་བརྟགས་པར་ཁྱིམ་གཞན་དུ་སྟན་ལ་འདུག་པར་མི་བྱ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་ཚེ་དང་ལྡན་པ་འཆར་ཀ །ཉོན་མོངས་པ་ནི་བག་ཆགས་མ་བྱང་པས་མ་བསམས་པར་ཤེས་པ་དང་མཐོང་བ་མི་འཇུག་པ་དང་། ཉེས་པ་ནི་
[27b.5]སྟན་ལ་མ་བརྟགས་པར་ཁྱིམ་གཞན་དུ་སྟན་ལ་འདུག་པའོ། །དེ་ལ་སྟན་ལ་མ་བརྟགས་པ་ཞེས་བྱ་བ་ནི་ཁྱིམ་གཞན་དེར་སྟན་ལ་མ་བརྟགས་པ་སྟེ། དེ་ལྟར་ཁྱིམ་གཞན་དུ་སྟན་ལ་འདུག་པར་མི་བྱ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་
[27b.6]གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱས་པའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་མ་བརྟགས་པ་དང་། འདུག་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་
[27b.7]རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་སུམ་ཅུ་རྩ་གཉིས་པའོ།། །།ལུས་ཐམས་ཅད་ཀྱི་ལྗིད་ཀྱིས་མི་དབབ་པར་ཁྱིམ་གཞན་དུ་སྟན་ལ་འདུག་པར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་
[28a]
[28a.1]བ་ན་བཞུགས་སོ། །གང་གི་ཚེ་བཅོམ་ལྡན་འདས་མངོན་པར་བྱུང་ནས་ལོ་བཅུ་གཉིས་ལོན་ཞིང་མངོན་པར་རྫོགས་པར་སངས་རྒྱས་ནས་ལོ་དྲུག་ལོན་ནས་སེར་སྐྱའི་གནས་སུ་བྱོན་པ་དེའི་ཚེ་ན་ཉི་མ་གཅིག་ནི་ཡབ་ཀྱི་ཐད་དུ་གདུགས་ཚོད་གསོལ། ཉི་མ་གཉིས་པ་ལ་ནི་རང་གི་
[28a.2]བཙུན་མོའི་འཁོར་དུ་གདུགས་ཚོད་གསོལ་བ་ན་ཚེ་དང་ལྡན་པ་འཆར་ཀས་བཙུན་མོ་གྲགས་འཛིན་བཤོས་འདྲིམ་པ་ལ་རྐང་པས་རྐང་པ་ལ་ཕུལ་བ་དང་། དེ་སྟོབས་དང་ལྡན་པས་མ་འགྱེལ་ནས། དེས་བཙུན་མོ་ས་འཚོ་མ་ལ་སྨྲས་པ། ས་འཚོ་མ་འཕགས་པ་འཆར་ཀས་བདག་སངས་
[28a.3]རྒྱས་ལ་སོགས་པ་དགེ་སློང་གི་དགེ་འདུན་གྱི་སྤྱན་སྔར་མཐོ་བཙམས་སོ། །ཇི་བྱས། དེས་ཇི་ལྟར་གྱུར་པ་བརྗོད་པ་དང་། དེས་སྨྲས་པ། ཅི་ནས་ཀྱང་ད་ཕྱིན་ཆད་དེ་ལྟར་བྱེད་པར་མི་འགྱུར་བ་དེ་ལྟར་མི་དགའ་བར་བྱའོ། །ཇི་ཙམ་ཉི་མ་གཞན་ཞིག་ལ་བཙུན་མོ་གྲགས་འཛིན་གྱིས་ཁྲིའུ་མ་བརྒྱུས་པ་ཞིག་
[28a.4]རས་ཀྱིས་གཡོགས་ནས་བུ་མོ་མངག་གཞུག་མ་ཚེ་དང་ལྡན་པ་འཆར་ཀ་བྲམ་ཟེའི་མིང་གིས་འབོད་དུ་བཏང་བ་དང་། དེས་བསམ་པ་དེར་གོར་མ་ཆག་པར་སྦྱིན་པ་བྱེད་ཀྱིས་འགྲོའོ་སྙམ་ནས་དེ་མྱུར་བ་མྱུར་བར་སོང་ནས་སྨྲས་པ། ཇེ་སློང་མོ་པ་དག་ལ་ཅི་ཞིག་སྦྱིན་པར་བྱ་བ་དེ་བལྟའོ། །གྲགས་
[28a.5]འཛིན་གྱིས་སྨྲས་པ། འཕགས་པ་ཞོའི་ཁམ་ཕོར་འདི་དང་ཕྱེའི་ཁམ་ཕོར་དེ་འགྲེང་སྟེ་ལོངས་ལ་ཁྲིའུ་འདི་ལ་བཞུགས་ཤིག །ཇེ་ཁྲིའུ་འདི་ཡང་ཁོ་བོ་ལ་སྦྱིན་ནམ། འཕགས་པ་ཁྲིའུ་ནི་མི་གསོལ་ལོ། །དེས་བསམས་པ། གལ་ཏེ་ཁྲིའུ་མི་སྟེར་ན་ཁྲིའུ་འདི་བཅག་པར་བྱའོ་སྙམ་ནས་དེས་
[28a.6]ཞོའི་ཁམ་ཕོར་དང་ཕྱེའི་ཁམ་ཕོར་དེ་གཉིས་འགྲེང་སྟེ་བླངས་ནས་ཁྲིའུ་དེ་ཉིད་ལ་ལུས་ཐམས་ཅད་ཀྱི་ལྗིད་ཀྱིས་ཕབ་སྟེ་འདུག་པར་བརྩམས་པ་དང་། ཁྲིའུ་ཞིག་སྟེ་འགྱེལ་ནས་ཞོའི་ཁམ་ཕོར་དང་ཕྱེའི་ཁམ་ཕོར་དེ་མགོར་བོ་བ་དང་། དེ་དག་གིས་རྟ་གད་ཀྱིས་བཏབ་སྟེ། ལག་པ་དང་རྐང་པ་
[28a.7]དག་ནས་བཟུང་ནས་བྱང་ཆུབ་སེམས་དཔའ་རོལ་པའི་རྫིང་དུ་འཕངས་སོ། །དེ་ལངས་ཏེ་གོས་དག་འཚིར་བ་དགེ་སློང་རྣམས་ཀྱིས་མཐང་ནས་སྨྲས་པ། ཚེ་དང་ལྡན་པ་འཆར་ཀ་འདི་ཅི་ཉེས། དེས་སྨྲས་པ། ཁོ་བོས་ཀུ་རེ་ཅུང་ཞིག་བྱས་ན་ཉེས་དམིགས་འདི་ལྟ་བུ་འདི་བྱུང་ངོ་། །དེ་དག་སྨོད་
[28b]
[28b.1]པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་ཐོས་ནས། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། དེ་དག་གནས་སུ་སྨད་དོ་སྙམ་ནས་སྔ་མ་བཞིན་དུ་ལུས་ཐམས་ཅད་ཀྱི་ལྗིད་ཀྱིས་མི་དབབ་པར་ཁྱིམ་གཞན་
[28b.2]དུ་སྟན་ལ་འདུག་པར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་ཚེ་དང་ལྡན་པ་འཆར་ཀ །ཉོན་མོངས་པ་ནི་མཐོ་བཙམས་པ། ཉེས་པ་ནི་ལུས་ཐམས་ཅད་ཀྱི་ལྗིད་ཀྱིས་ཕབ་སྟེ་ཁྱིམ་གཞན་དུ་སྟན་ལ་འདུག་པའོ། །དེ་ལ་ལུས་ཐམས་ཅད་ཀྱི་ལྗིད་
[28b.3]ཀྱིས་མི་དབབ་པ་ཞེས་བྱ་བ་ནི་ཁྱིམ་གཞན་དེར་སྟན་ལ་གྱ་ཚོམ་དུ་ལུས་ཐམས་ཅད་ཀྱིས་ཕབ་སྟེ། ཏྲིགས་ཞེས་འདུག་པར་མི་བྱ་སྟེ། དེ་ལྟར་ཁྱིམ་གཞན་ལ་འདུག་པར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་
[28b.4]བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལུས་ཐམས་ཅད་ཀྱི་ལྗིད་ཀྱིས་འབེབས་པ་དང་འདུག་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་
[28b.5]ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་སུམ་ཅུ་གསུམ་པའོ།། །།རྐང་པ་མི་བསྣོལ་བར་ཁྱིམ་གཞན་དུ་སྟན་ལ་འདུག་པར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་
[28b.6]དག་ཁྱིམ་གཞན་དུ་རྐང་པ་བསྣོལ་ཏེ་འདུག་པར་བྱེད་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་དྭ་དག་དང་། རྒྱན་པོ་པ་དག་དང་། ནལ་གྱི་བུ་དག་འདི་ལྟར་མཆིས་པས་འདི་ནི་ཚུལ་དང་མཐུན་པ་མ་ལགས་ཀྱིས་འདི་ལྟར་མ་
[28b.7]བཞུགས་ཤིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་
[29a]
[29a.1]ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། རྐང་པ་མི་བསྣོལ་བར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས།
[29a.2]གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་རྐང་པ་བསྣོལ་ཏེ་ཁྱིམ་གཞན་དུ་སྟན་ལ་འདུག་པའོ། །དེ་ལ་རྐང་པ་མི་བསྣོལ་བ་ཞེས་བྱ་བ་ནི་རྐང་པའི་སྟེང་དུ་རྐང་པ་བཞག་སྟེ་འདུག་པར་མི་བྱ་བ་སྟེ། དེ་ལྟར་ཁྱིམ་གཞན་དུ་སྟན་ལ་འདུག་པར་བསླབ་པར་བྱ་བའོ།
[29a.3]དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་རྐང་པ་བསྣོལ་བ་དང་འདུག་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་
[29a.4]བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་སུམ་ཅུ་བཞི་པའོ།། །།བརླ་མི་བསྣོལ་བར་ཁྱིམ་གཞན་དུ་འདུག་པར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་
[29a.5]གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་བརླ་བསྣོལ་ཏེ་ཁྱིམ་གཞན་དུ་འདུག་པར་བྱེད་པ་ན་བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་དྭ་དག་དང་། རྒྱན་པོ་པ་དག་དང་། ནལ་གྱི་བུ་དག་འདི་ལྟར་མཆིས་པས་འདི་ནི་
[29a.6]ཚུལ་དང་མཐུན་པ་མ་ལགས་ཀྱིས་འདི་ལྟར་མ་བཞུགས་ཤིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་
[29a.7]པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས། སྔ་མ་བཞིན་དུ་བརླ་མི་བསྣོལ་བར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་
[29b]
[29b.1]གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་བརླ་བསྣོལ་ཏེ་ཁྱིམ་གཞན་དུ་སྟན་ལ་འདུག་པའོ། །དེ་ལ་བརླ་མི་བསྣོལ་བ་ཞེས་བྱ་བ་ནི་བརླའི་སྟེང་དུ་བརླ་བཞག་སྟེ་འདུག་པར་མི་བྱ་བ་སྟེ། དེ་ལྟར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ། །དེ་ལ་
[29b.2]འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་བརླ་བསྣོལ་བ་དང་འདུག་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །
[29b.3]སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་སུམ་ཅུ་ལྔ་པའོ།། །།ལོང་བུའི་སྟེང་དུ་ལོང་བུ་མི་བཞག་པར་ཁྱིམ་གཞན་དུ་སྟན་ལ་འདུག་པར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་
[29b.4]གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ལོང་བུའི་སྟེང་དུ་ལོང་བུ་བཞག་སྟེ། ཁྱིམ་གཞན་དུ་འདུག་པར་བྱེད་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་དྭ་དག་དང་། རྒྱན་པོ་པ་དག་དང་། ནལ་གྱི་བུ་དག་འདི་ལྟར་
[29b.5]མཆིས་པས་འདི་ནི་ཚུལ་དང་མཐུན་པ་མ་ལགས་ཀྱིས། འདི་ལྟར་མ་བཞུགས་ཤིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་བསླབས་པར་གྱུར་པའོ། །དེ་དག་
[29b.6]རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། ལོང་བུའི་སྟེང་དུ་ལོང་བུ་མི་བཞག་པར་ཁྱིམ་གཞན་དུ་སྟན་ལ་འདུག་པར་བསླབ་པར་བྱ་
[29b.7]བའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ལོང་བུའི་སྟེང་དུ་ལོང་བུ་བཞག་སྟེ་ཁྱིམ་གཞན་དུ་སྟན་ལ་འདུག་པའོ། །དེ་ལ་ལོང་བུ་མི་གཞག་པར་ཞེས་བྱ་བ་ནི་ལོང་བུའི་སྟེང་དུ་ལོང་བུ་
[30a]
[30a.1]གཞག་སྟེ་འདུག་པར་མི་བྱ་བ་སྟེ། དེ་ལྟར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །
[30a.2]འདིའི་བྱེད་པ་པོ་ནི་ལོང་བུའི་སྟེང་དུ་ལོང་བུ་གཞག་པ་དང་འདུག་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་སུམ་ཅུ་དྲུག་པའོ།། །།
[30a.3]རྐང་པ་མི་དགུག་པར་ཁྱིམ་གཞན་དུ་སྟན་ལ་འདུག་པར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་རྐང་པ་དགུག་སྟེ་ཁྱིམ་གཞན་དུ་འདུག་པར་བྱེད་ནས། དགེ་བསྙེན་མ་དག་ལྷགས་ཏེ། ཕྱག་འཚལ་
[30a.4]ནས་དེ་དག་ཨ་རོག་གྱ་མི་ཟེར་ནས། དེ་དག་གིས་སྨྲས་པ། འཕགས་པ་དག་ཅིའི་སླད་དུ་ཨ་རོག་གྱ་མི་གསུང་། དེ་དག་གིས་སྨྲས་པ། ཁྱེད་ཅག་གིས་ཁོ་བོ་ཅག་གི་རྐང་པ་ལ་ཕྱག་མ་བྱས་སོ། །དེ་དག་དེ་དག་གི་རྐང་པ་ལ་ཕྱག་འཚལ་བ་ན་རྐུབ་ཚོས་འཇལ་བར་བྱེད་ཅིང་། དགའ་བོ་ཉེ་དགའ་འདི་
[30a.5]དག་གི་རྐུབ་ཚོས་ཆེ་ཁྱད་ལ་ལྟོས་ཞེས་སྨྲས་པ་དང་། དེ་དག་ངོ་ཚ་ནས་ཅང་མི་སྨྲ་བར་འཁོད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ་རྐང་པ་མི་དགུག་པར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ་ཞེས་བཅའ་བ་མཛད་དེ།
[30a.6]ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་མཐོ་བཙམས་པ། ཉེས་པ་ནི་རྐང་པ་དགུག་སྟེ་ཁྱིམ་གཞན་དུ་སྟན་ལ་འདུག་པའོ། །དེ་ལ་རྐང་པ་མི་དགུག་པར་ཞེས་བྱ་བ་ནི་རྐང་པ་གཉིས་འགབ་ཀུང་དུ་བཞག་སྟེ་འདུག་པར་མི་བྱ་བ་སྟེ། དེ་ལྟར་ཁྱིམ་གཞན་དུ་སྟན་ལ་འདུག་
[30a.7]པར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་རྐང་པ་བཀུག་པ་དང་འདུག་པ་ཉིད་དོ། །འདི་ལ་ཡན་ལག་ནི་གཅིག་སྟེ།
[30b]
[30b.1]དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་སུམ་ཅུ་བདུན་པའོ།། །།རྐང་པ་མི་གདང་བར་ཁྱིམ་གཞན་དུ་འདུག་པར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་
[30b.2]གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་རྐང་པ་གདངས་ཏེ་ཁྱིམ་གཞན་དུ་འདུག་པར་བྱེད་ནས། དགེ་བསྙེན་མ་དག་ལྷགས་ཏེ་ཕྱག་འཚལ་བར་བྱེད་པ་ན་དེ་དག་ཨ་རོག་གྱ་ལྷག་མ་དང་བཅས་པར་ཟེར་ནས་དེ་དག་གིས་སྨྲས་པ། འཕགས་པ་དག་ཅིའི་སླད་དུ་ཨ་རོག་གྱ་ལྷག་མ་
[30b.3]དང་བཅས་པ་གསུང་། དེ་དག་གིས་སྨྲས་པ། ཁྱེད་ཅག་གིས་ཁོ་བོ་ཅག་གི་རྐང་པ་ལ་ཕྱག་མ་བྱས་སོ། །དེ་དག་དེ་དག་གི་རྐང་པ་ལ་ཕྱག་འཚལ་བ་ན་རྐུབ་ཚོས་འཇལ་བར་བྱེད་ཅིང་། དགའ་བོ་ཉེ་དགའ་འདི་དག་གི་རྐུབ་ཚོས་ཆེ་ཁྱད་ལ་ལྟོས་ཞེས་སྨྲས་པ་དང་། དེ་དག་ངོ་ཚ་ནས་ཅང་མི་སྨྲ་བར་
[30b.4]འཁོད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ། རྐང་པ་མི་གདང་བར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་མཐོ་
[30b.5]བཙམས་པ། ཉེས་པ་ནི་རྐང་པ་གདངས་ཏེ་ཁྱིམ་གཞན་དུ་སྟན་ལ་འདུག་པའོ། །དེ་ལ་རྐང་པ་མི་གདང་བ་ཞེས་བྱ་བ་ནི་བརླ་གཉིས་གཤིབས་ཏེ་བྱིན་པ་དང་། རྐང་པ་གཉིས་བར་དག་སོ་སོར་ཕྱེ་སྟེ་འདུག་པར་མི་བྱ་བ་སྟེ། དེ་ལྟར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ། །དེ་ལ་
[30b.6]འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་རྐང་པ་གདངས་པ་དང་འདུག་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་
[30b.7]ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་སུམ་ཅུ་བརྒྱད་པའོ།། །།མདོམས་མི་སྣང་བར་ཁྱིམ་གཞན་དུ་སྟན་ལ་འདུག་པར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་
[31a]
[31a.1]གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་མདོམས་སྣང་བར་སྟན་ལ་འཁོད་ཅིང་སྒྲེན་མོར་སྣང་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་བྱིས་པ་ཁྱེའུ་དག་དང་། ཆང་གིས་ར་རོ་བ་དག་དང་། འབྱུང་
[31a.2]པོ་དང་ཤ་ཟས་བརླམས་པ་དག་འདི་ལྟར་མཆིས་པས། འདི་ནི་ཚུལ་དང་མཐུན་པ་མ་ལགས་ཀྱིས། འདི་ལྟར་མ་བཞུགས་ཤིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་
[31a.3]བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། མདོམས་མི་སྣང་བར་ཁྱིམ་གཞན་དུ་སྟན་ལ་འདུག་པར་
[31a.4]བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་མདོམས་སྣང་བར་ཁྱིམ་གཞན་དུ་སྟན་ལ་འདུག་པའོ། །དེ་ལ་མདོམས་མི་སྣང་བར་ཞེས་བྱ་བ་ནི་བརླ་གཉིས་སམ། བྱིན་པ་གཉིས་སམ།
[31a.5]རྐང་པ་གཉིས་སམ། ཡང་ན་ཐམས་ཅད་ཀྱང་རུང་བ་ཐད་ཀར་གདངས་ཏེ་འདུག་པར་མི་བྱ་བ་སྟེ། དེ་ལྟར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་
[31a.6]ཉེས་བྱས་དངོས་གཞིར་འགྱུར་རོ། །འདིའི་བྱེད་པ་པོ་ནི་མདོམས་སྣང་བ་དང་འདུག་པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །མ་བསྒོ་བར་ཁྱིམ་གཞན་
[31a.7]དུ་སྟན་ལ་མི་འདུག་པར་བསླབ་པར་བྱ་བ་མན་ཆད་འདི་ཡན་ཆད་ཐམས་ཅད་ནི་ཁྱིམ་གཞན་དུ་སྟན་ལ་འདུག་པར་བསླབ་པར་བྱ་བའི་སྤྲོས་པ་ཡིན་པར་སྦྱར་རོ། །བསླབ་པ་སུམ་ཅུ་དགུ་པའོ།། །།སོ་སོར་ཐར་པའི་མདོའི་གཞུང་འགྲེལ་བམ་པོ་ཉི་ཤུ་གཉིས་པ། སྡོམ་ལ། བྱིན་ལེན་བྱ་བ་བརྒྱད་
[31b]
[31b.1]རྣམས་སོ། །ཞེས་གསུངས་པའི་བསླབ་པ་བསྡུ་བའི་མདོ་ནི་ལེགས་པར་ཟས་བླང་བར་བསླབ་པར་བྱ། མུ་དང་ཁ་ད་ཆང་དུ་མ་ཡིན་པ་དང་། ཚོད་མ་དང་མཉམ་པར་མ་ཡིན་པ་དང་། མཐར་ཆགས་སུ་དང་། ལྷུང་བཟེད་ལ་ལྟ་བ་དང་བཅའ་བ་དང་བཟའ་བ་མ་འོངས་པར་ལྷུང་བཟེད་མི་བཟེད་བ་དང་། ཡང་
[31b.2]འདོད་པའི་ཕྱིར་འབྲས་ཆན་གྱིས་ཚོད་མ་མི་དགབ་པ་དང་། ཚོད་མས་འབྲས་ཆན་མི་དགབ་པ་དང་། བཟའ་བ་དང་བཅའ་བའི་སྟེང་དུ་ལྷུང་བཟེད་མི་གཟུང་བར་བསླབ་པར་བྱའོ་ཞེས་བྱ་བ་དག་ཡིན་ནོ། །དེ་ལ་ལེགས་པར་ཟས་བླང་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་
[31b.3]འདས་ཆུ་སྲིན་བྱིན་པ་གསོད་ཀྱི་རི་ལ་འཇིགས་སུ་རུང་གི་ཚལ་རི་དགས་ཀྱི་ནགས་ན་བཞུགས་སོ། །རྒྱལ་བུ་རྟོགས་ལྡན་གྱི་ཁང་བཟངས་པདྨ་ཅན་ཚོན་བརྒྱ་རྩ་གཅིག་གིས་བྲིས་པ་དེར་དགེ་སློང་གི་དགེ་འདུན་སྤྱན་དྲངས་ཏེ་བཤོས་གསོལ་བ་ན་རྒྱལ་བུ་རྟོགས་ལྡན་ནི་དད་པ་དང་ལྡན་པ་ཡིན་ལ། འཁོར་ནི་མ་དད་
[31b.4]པས་འདྲིམ་མཁན་རྣམས་ཀྱིས་ལ་དུ་དག་གིས་དགེ་སློང་རྣམས་ཀྱི་ལྷུང་བཟེད་དག་གཅོག་པར་བྱེད་ནས་དྲུག་སྡེ་དག་གིས་གྲོས་བྱས་པ་འདི་དག་མི་དགའ་བར་བྱའོ་ཞེས་དེ་དག་འབྲས་ཆན་དང་ཚོད་མ་འདྲིམ་པ་ན། དྲུག་སྡེ་དག་གིས་ལྷུང་བཟེད་ཕྱིར་བྱེད་པ་དང་དེ་དག་ས་ལ་བོ་ནས། དེ་དག་གིས་སྨྲས་པ།
[31b.5]འཕགས་པ་དག་རྒྱལ་བུ་རྟོགས་ལྡན་གྱི་ཁང་བཟངས་པདྨ་ཅན་ཚོན་བརྒྱ་རྩ་གཅིག་གིས་བྲིས་པའི་ས་གཞི་ཁྱེད་ཀྱིས་མ་རུང་བར་བྱས་སོ། །དེ་དག་གིས་སྨྲས་པ། བཀྲེན་པ་དག་ཁྱེད་ཅག་ས་གཞི་མ་རུང་བ་ན་མི་དགའ་བར་བྱེད་ན། དགེ་སློང་གང་དག་གི་ལྷུང་བཟེད་དག་ཆག་པ་དེ་དག་ཇི་ལྟར་བྱེད་ཅེས་
[31b.6]ཟེར་བ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་སྔ་མ་བཞིན་དུ། ལེགས་པར་ཟས་བླང་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་ཆུ་སྲིན་བྱིས་པ་གསོད་ཀྱི་རི། གང་ཟག་ནི་དྲུག་སྡེ། ཉོན་མོངས་པ་ནི་ང་རྒྱལ། ཉེས་
[31b.7]པ་ནི་ཟས་ལེགས་པར་མི་ལེན་པའོ། །དེ་ལ་ལེགས་པར་ཟས་བླང་བར་ཞེས་བྱ་བ་ནི་གྲོང་འབའ་ཞིག་ཏུ་མ་ཟད་ཀྱི་གཞན་དུ་ཡང་རུང་བ་སྟེ། ལེགས་པར་ཟས་ཀྱི་བྱིན་ལེན་བླང་བར་བསླབ་པར་བྱའོ། །ལེགས་པར་ཟས་བླང་བར་བསླབ་པར་བྱ་ཞེས་བྱ་བ་འདི་ནི་མདོར་བསྟན་པ་ཡིན་ལ། འོག་ནས་མུ་
[32a]
[32a.1]དང་ཁད་ཆད་དུ་མ་ཡིན་པར་ཟས་བླང་བར་བསླབ་པར་བྱ་བ་ལ་སོགས་པ་བདུན་འབྱུང་བ་དག་ནི་འདིའི་སྤྲོས་པ་ཡིན་ཏེ། རྣམ་པ་གཞན་བསྟན་པ་ནི་མ་ཡིན་ནོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་
[32a.2]བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལེགས་པར་མི་ལེན་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་
[32a.3]ནོ། །བསླབ་པ་བཞི་བཅུ་པའོ།། །།མུ་དང་ཁ་ད་ཆད་དུ་མ་ཡིན་པར་ཟས་བླང་བར་བྱ་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ཆུ་སྲིན་བྱིས་པ་གསོད་ཀྱི་རི་ལ། འཇིགས་སུ་རུང་གི་ཚལ་རི་དགས་ཀྱི་ནགས་ན་བཞུགས་སོ། །དྲུག་སྡེ་དག་རྒྱལ་བུ་རྟོགས་
[32a.4]ལྡན་གྱི་ཁྱིམ་དུ་བསོད་སྙོམས་ལ་ཞུགས་ནས། དེ་དག་དང་པོར་འབྲས་ཆན་ཇི་ཙམ་གྱིས་ལྷུང་བཟེད་གང་བ་དེ་ཙམ་ལེན་པར་བྱེད་པ་ན་བསོད་སྙོམས་འབུལ་བ་དག་གིས་སྨྲས་པ། འཕགས་པ་དག་སྐྱུ་རུམ་གང་དུ་སྩལ། དེ་དག་གིས་སྨྲས་པ། འདི་ཉིད་དུ་ལྷུག་ཅིག །དེ་དག་གིས་དེར་བླུགས་པ་དང་།
[32a.5]དེ་སྟེང་དུ་ལུད་དེ་ས་ལ་བོ་ནས་དེ་དག་གིས་སྨྲས་པ། འཕགས་པ་དག་རྒྱལ་བུ་རྟོགས་ལྡན་གྱི་ཁང་བཟངས་པདྨ་ཅན་ཚོན་བརྒྱ་རྩ་གཅིག་གིས་བྲིས་པའི་ས་གཞི་ཁྱོད་ཀྱིས་མ་རུང་བར་བྱས་སོ། །དེ་དག་གིས་སྨྲས་པ། བཀྲེན་པ་དག་རེ་ཞིག་རྒྱལ་བུ་རྟོགས་ལྡན་གྱིས་འདི་ལ་ལྷག་པར་
[32a.6]མ་ཆགས་པར་བྱས་ནས། གང་དུ་སྐྱེ་བར་འགྱུར་བ་ནི་མི་ཤེས་ཀྱི། ཁྱེད་ཅག་ནི་འདི་ལ་ལྷག་པར་ཆགས་པར་བྱས་ནས། ཡི་དགས་ལྦ་བ་ཅན་རྣམས་ཀྱི་ནང་དུ་སྐྱེ་བར་འགྱུར་རོ་ཞེས་བྱ་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ། མུ་དང་
[32a.7]ཁ་ད་ཆད་དུ་མ་ཡིན་པར་ཟས་བླང་བར་བསླབ་པར་བྱའོ་ཞེས་བཅའ་བ་མཛད་དོ། །ཡུལ་ནི་ཆུ་སྲིན་བྱིས་པ་གསོད་ཀྱི་རི། གང་ཟག་ནི་དྲུག་སྡེ། ཉོན་མོངས་པ་ནི་བྱེ་བྲག་མི་ཤེས་པ། ཉེས་པ་ནི་མུ་དང་ཁ་ད་ཆད་དུ་ཟས་ལེན་པའོ། །དེ་ལ་མུ་དང་ཁ་ད་ཆད་དུ་མ་ཡིན་པ་ཞེས་བྱ་བ་ལ་མུ་ཞེས་བྱ་བའི་
[32b]
[32b.1]སྒྲ་ནི་ལྷུང་བཟེད་ཀྱི་ཁ་ལོགས་ཀྱི་མུ་ལ་བྱ་སྟེ། ཅི་ནས་ཀྱང་མུ་དང་ཁ་ད་ཆད་དུ་གང་བར་འགྱུར་བ་དེ་ལྟར་མ་ཡིན་པར་ཟས་བླང་བར་བྱ་སྟེ། དེ་ལྟར་ལེགས་པར་ཟས་བླང་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པར་དེ་ལྟར་མ་
[32b.2]བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་མུ་དང་ཁ་ད་ཆད་དུ་ལེན་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་
[32b.3]སྔ་མ་བཞིན་ནོ། །བསླབ་པ་བཞི་བཅུ་གཅིག་པའོ།། །།ཚོད་མ་དང་མཉམ་པ་མ་ཡིན་པར་ཁ་ཟས་བླང་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་ཆུ་སྲིན་བྱིས་པ་གསོད་ཀྱི་རི་ལ། འཇིགས་སུ་རུང་གི་ཚལ་རི་དགས་ཀྱི་ནགས་ན་བཞུགས་སོ། །དྲུག་སྡེ་དག་
[32b.4]རྒྱལ་བུ་རྟོགས་ལྡན་གྱི་ཁྱིམ་དུ་བསོད་སྙོམས་ལ་ཞུགས་ནས། དེ་དག་དང་པོར་ཚོད་མ་ཇི་ཙམ་གྱིས་ལྷུང་བཟེད་གང་བ་དེ་ཙམ་གྱིས་ལེན་པར་བྱེད་པ་ན་བསོད་སྙོམས་འབུལ་བ་དག་གིས་སྨྲས་པ། འཕགས་པ་དག་འབྲས་ཆན་གང་དུ་སྩལ། དེ་དག་གིས་སྨྲས་པ། འདི་ཉིད་དུ་ལྷུག་ཤིག །དེ་དག་
[32b.5]གིས་དེར་བླུགས་པ་དང་། སྟེང་དུ་ལུད་དེ་བོ་ནས་དེ་དག་གིས་སྨྲས་པ། འཕགས་པ་དག་རྒྱལ་བུ་རྟོགས་ལྡན་གྱི་ཁང་བཟངས་པདྨ་ཅན་ཚོན་བརྒྱ་རྩ་གཅིག་གིས་བྲིས་པའི་ས་གཞི་ཁྱེད་ཀྱིས་མ་རུང་བར་བྱས་སོ། །དེ་དག་གིས་སྨྲས་པ། བཀྲེན་པ་དག་རེ་ཞིག་རྒྱལ་བུ་རྟོགས་ལྡན་གྱིས་
[32b.6]འདི་ལ་ལྷག་པར་ཆགས་པར་བྱེད་ཅིང་བྱས་ནས། གང་དུ་སྐྱེ་བར་འགྱུར་བ་ནི་མ་ཤེས་ཀྱི། ཁྱེད་ཅག་ནི་འདི་ལས་ལྷག་པར་ཆགས་པར་བྱས་ནས། ཡི་དགས་ལྦ་བ་ཅན་རྣམས་ཀྱི་ནང་དུ་སྐྱེ་བར་འགྱུར་བའོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་
[32b.7]ལྡན་འདས་ཀྱིས་སྔ་མ་བཞིན་དུ་ཚོད་མ་དང་མཉམ་པ་མ་ཡིན་པས་ཟས་བླང་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་ཆུ་སྲིན་བྱིས་པ་གསོད་ཀྱི་རི། གང་ཟག་ནི་དྲུག་སྡེ། ཉོན་མོངས་པ་ནི་བྱེ་བྲག་མི་ཤེས་པ། ཉེས་པ་ནི་ཚོད་མ་དང་མཉམ་པར་ཟས་ལེན་པའོ། །དེ་ལ་ཚོད་མ་དང་
[33a]
[33a.1]མཉམ་པ་མ་ཡིན་པ་ཞེས་བྱ་བ་ནི་བཟའ་བ་གང་ལ་ཚོད་མ་དང་མཉམ་པ་དེ་ལྟར་ཚོད་མ་དང་མཉམ་པ་མ་ཡིན་པ་སྟེ། གང་གི་ཕྱིར་བཟའ་བར་བྱ་བའི་ཟས་གཡོས་སུ་བྱས་ཟིན་པ་ཐམས་ཅད་བསོད་སྙོམས་ཉིད་དུ་བསྟན་པ་ཡིན་པ་དེའི་ཕྱིར་རང་ལ་ཚོད་མའམ་བྱ་ན་ཇི་ཙམ་གྱིས་
[33a.2]ཟས་བརྡེགས་པའམ། འབྲུས་ལེགས་པར་དགོས་པའི་ཚད་ལས་མ་ལྷག་པ། དེ་ལྟར་ལེགས་པར་ཟས་བླང་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་
[33a.3]འགྱུར་རོ། །འདིའི་བྱེད་པ་པོ་ནི་ཚོད་མ་དང་མཉམ་པར་ལེན་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཞི་བཅུ་གཉིས་
[33a.4]པའོ།། །།མཐར་ཆགས་སུ་ཟས་བླང་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་ཆུ་སྲིན་བྱིས་པ་གསོད་ཀྱི་རི་ལ། འཇིགས་སུ་རུང་གི་ཚལ་རི་དགས་ཀྱི་ནགས་ན་བཞུགས་སོ། །དྲུག་སྡེ་དག་ཟན་ཟ་བ་དང་། ཚོད་མ་མི་ལེན་པར་ཕྱིས་ཐག་རིང་དུ་སོང་བ་དང་འབོད་
[33a.5]པར་བྱེད་ནས། འདིར་མ་མཁན་དག་བྲེལ་བར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ། མཐར་ཆགས་སུ་ཟས་བླང་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་ཆུ་སྲིན་བྱིས་པ་གསོད་ཀྱི་རི་གང་ཟག་ནི་
[33a.6]དྲུག་སྡེ། ཉོན་མོངས་པ་ནི་ཕྲལ་གྱི་བྱ་བ་མི་ཤེས་པ། ཉེས་པ་ནི་མཐར་ཆགས་མ་ཡིན་པར་ཟས་ལེན་པའོ། །དེ་ལ་མཐར་ཆགས་སུ་ཞེས་བྱ་བ་ནི་རྒན་རིམས་ཀྱང་རུང་། རྒན་གཞོན་འཆོལ་བར་བཀད་ཀྱང་རུང་སྟེ། སྟན་ལ་འདུག་པའི་རིམ་པ་བཞིན་དུ་མཐར་ཆགས་སུ་ཟས་བླང་བར་བྱ་
[33a.7]སྟེ། དེ་ལྟར་ལེགས་པར་ཟས་བླང་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་མཐར་ཆགས་པ་མ་ཡིན་པར་ལེན་པ་དང་
[33b]
[33b.1]ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཞི་བཅུ་གསུམ་པའོ།། །།ལྷུང་བཟེད་ལ་བལྟ་ཞིང་ཟས་བླང་བར་བསླབ་
[33b.2]པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་བྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས།
[33b.3]དེས་ཞལ་ཟས་བསོད་པ་སྟ་གོན་བྱས་ནས་དེས་དང་པོར་ཟན་བྲིམ་པར་བརྩམས་པ་དང་། དགེ་སློང་རྣམས་ཀྱིས་ཡང་དང་ཡང་དུ་བླང་བར་བརྩམས་པ་དང་། དེས་སྨྲས་པ། འཕགས་པ་དག་བདག་གིས་ཞལ་ཟས་བསོད་པ་དག་སྟ་གོན་བགྱིས་ཀྱི་འདི་མང་དུ་མ་བཞེས་ཤིག །དྲུག་སྡེ་དང་།
[33b.4]གིས་སྨྲས་པ། དགའ་བོ་ཉེ་དགའ་ཁྱིམ་བདག་བཀྲེན་པ་འདི་རྣམ་པ་འདིས་ཟན་ཡང་འགོག་པར་བྱེད་ཀྱིས་མང་དུ་བླང་ངོ་ཞེས་དེ་དག་གིས་མང་དུ་བླངས་སོ། །ཇི་ཙམ་ན་རྒན་པའི་མཐའ་ལོགས་སུ་བཅའ་བ་བསོད་པ་དག་འདྲིམ་པ་དྲུག་སྡེ་དག་གིས་མཐོང་ནས། དེ་དག་གི་འོག་ན་དགེ་སློང་རྒན་
[33b.5]ཞུགས་ཞིག་འདུག་པ་དེ་རྒན་པའི་མཐའ་ལོགས་སུ་རྣམ་པར་ལྟ་བའི་ཚེ་དྲུག་སྡེ་དག་གིས་དེའི་ལྷུང་བཟེད་ཟན་གྱི་ཆང་བུས་བཀང་ངོ་། །ཁྱིམ་བདག་དེས་བཅའ་བ་བསོད་པ་བྲིམ་པ་ན་རྒན་ཞུགས་དེ་ལ་བཅའ་བ་བྱིན་པ་ན། དེ་ལྷུང་བཟེད་ཀྱི་གཞིར་ལྷུང་ནས། དེས་ཁྱིམ་བདག་གི་གདོང་དུ་ལྟ་བར་
[33b.6]བརྩམས་པ་དང་། དེས་སྨྲས་པ། འཕགས་པ་ཅིའི་སླད་དུ་ཁྱོད་ཀྱིས་ཟན་མང་པོ་དག་བླངས་ཁྱིམ་བདག་བདག་གིས་མ་བླངས་སོ། །འོ་ན་འདི་དག་ག་ལས་མཆིས། མ་ཤེས་སོ་དྲུག་སྡེ་དག་གིས་སྨྲས་པ། དེས་ཁྱིམ་བདག་རྒྱལ་པོ་ང་ལས་ནུ་ལ་ཉི་མ་བདུན་དུ་དབྱིག་གི་ཆར་འབབ་ཅེས་གྲགས་པས།
[33b.7]རྒན་ཞུགས་འདི་ལ་ཡང་དེ་དང་འདྲ་བར་ཟན་གྱི་ཆང་བུའི་ཆར་འབབ་བོ། །དེ་ཅང་མི་སྨྲ་བར་འདུག་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ། ལྷུང་བཟེད་ལ་བལྟ་ཞིང་ཟས་བླང་བར་བསླབ་པར་བྱའོ་ཞེས་བཅའ་བ་མཛད་དེ།
[34a]
[34a.1]ཡུལ་ནི་མཉན་ཡོད། གང་ཟག་ནི་དགེ་སློང་རྒན་ཞུགས། ཉོན་མོངས་པ་ནི་ཡེངས་པ། ཉེས་པ་ནི་ལྷུང་བཟེད་ལ་མི་ལྟ་བར་ཟས་ལེན་པའོ། །དེ་ལ་ལྷུང་བཟེད་ལ་ལྟ་བ་ཞེས་བྱ་བ་ནི་སྣོད་ཤེས་པ་དང་བླང་བ་སྟེ། གང་ཟག་ལྷུང་བཟེད་ལ་ལྟ་བའི་འདུ་ཤེས་ཡོད་པའི་དགེ་སློང་
[34a.2]དེ་ནི་ལྷུང་བཟེད་ལ་བལྟ་བའོ། །འདིར་ལྷུང་བཟེད་ལ་བལྟ་བ་ཞེས་བྱ་བ་དེ་ནི་ཡིད་ཀྱིས་ལྟ་བ་ལ་བྱའི། མིག་གི་དབང་པོས་བལྟ་བ་ནི་སྔར་གཉའ་ཤིང་གང་ཙམ་དུ་ལྟ་བའི་སྐབས་ཉིད་ཀྱིས་བསྡུས་ཟིན་ཏེ། དེ་ལྟར་བལྟ་ཞིང་ལེགས་པར་ཟས་བླང་བར་བསླབ་པར་བྱའོ། །དེ་ལ་འདིར་དངོས་
[34a.3]གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལྷུང་བཟེད་ལ་མི་ལྟ་བར་ལེན་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །
[34a.4]སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཞི་བཅུ་བཞི་པའོ།། །།བཅའ་བ་དང་བཟའ་བ་མ་འོངས་པར་ལྷུང་བཟེད་མི་བཟེད་པར་བསླབ་པར་བྱ་བའི་གླེང་གཞི་ནི། །སངས་རྒྱས་བཅོམ་ལྡན་འདས་མཉན་ཡོད་ན་
[34a.5]རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་བསོད་སྙོམས་ལ་ཞུགས་པ་ན་ཇི་སྲིད་བསོད་སྙོམས་མི་སྦྱིན་པ་དེ་སྲིད་དུ་ལྷུང་བཟེད་བཟེད་དེ་སྡོད་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་ཅིའི་སླད་དུ་བཅའ་
[34a.6]བ་དང་བཟའ་བ་མ་མཆིས་པར་ལྷུང་བཟེད་བཟེད་དེ་གཞེས་པར་མཛད། འདི་ནི་ཚུལ་དང་མཐུན་པ་མ་ལགས་ཀྱིས་འདི་ལྟར་མ་མཛད་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་
[34a.7]དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ་བཅའ་བ་དང་བཟའ་བ་མ་འོངས་པར་
[34b]
[34b.1]ལྷུང་བཟེད་མི་བཟེད་པར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་བཅའ་བ་དང་བཟའ་བ་མ་འོངས་པར་ལྷུང་བཟེད་བཟེད་པའོ། །དེ་ལ་བཅའ་བ་དང་བཟའ་བ་མ་འོངས་པར་ལྷུང་བཟེད་
[34b.2]མི་བཟེད་བ་ཞེས་བྱ་བ་ནི་ཇི་སྲིད་དུ་བཟའ་བ་དང་བཅའ་བ་མངོན་སུམ་དུ་མ་འོངས་པ་དེ་སྲིད་དུ་ལྷུང་བཟེད་མི་བཟེད་པ་སྟེ། དེ་ལྟར་ལེགས་པར་ཟས་བླང་བར་བསླབ་པར་བྱའོ། །འདི་ལ་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་
[34b.3]བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་བཅའ་བ་དང་བཟའ་བ་མ་འོངས་པར་ལྷུང་བཟེད་བཟེད་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་
[34b.4]ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཞི་བཅུ་ལྔ་པའོ།། །།ཡང་འདོད་པའི་ཕྱིར་འབྲས་ཆན་གྱིས་ཚོད་མ་མི་དགབ། ཚོད་མས་འབྲས་ཆན་མི་དགབ་པར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་
[34b.5]སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་ཁྱིམ་བདག་དེ་ལ་འབྲས་ཆན་ནི་མང་ཚོད་མ་ནི་ཉུང་ནས། དྲུག་སྡེ་དག་གིས་འབྲས་ཆན་གྱིས་ཚོད་མ་བཀབ་པ་དང་།
[34b.6]ཁྱིམ་བདག་དེས་འབྲས་ཆན་མཐོང་ནས་སྨྲས་པ། འཕགས་པ་དག་སྐྱུ་རུམ་མ་མཆིས་སམ་ཅི། དེ་དག་གིས་སྨྲས་པ། ཁྱིམ་བདག་འདིར་ལྟོས་ཤིག །དེས་ཚོད་མ་གཞན་ཡང་བྱིན་ནོ། །ཡང་མཉན་ཡོད་ན་ཁྱིམ་བདག་ཅིག་གིས། སངས་རྒྱས་ལ་སོགས་པ་དགེ་སློང་གི་དགེ་འདུན་
[34b.7]ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས། ཁྱིམ་བདག་དེ་ལ་ཚོད་མ་ནི་མང་། འབྲས་ཆན་ནི་ཉུང་ནས་དྲུག་སྡེ་དག་གིས་ཚོད་མས་འབྲས་ཆན་བཀབ་པ་དང་། ཁྱིམ་བདག་དེས་ཚོད་མ་མཐོང་ནས་སྨྲས་པ། འཕགས་པ་དག་འབྲས་ཆན་མ་མཆིས་སམ་ཅི། དེ་དག་གིས་སྨྲས་པ།
[35a]
[35a.1]ཁྱིམ་བདག་འདིར་ལྟོས་ཤིག །དེས་འབྲས་ཆན་གཞན་ཡང་བྱིན་ནོ། །དགེ་སློང་རྣམས་གཙུག་ལག་ཁང་དུ་དོང་སྟེ་སྨྲས་པ། ཚེ་དང་ལྡན་པ་དག་ཁྱིམ་བདག་སྔ་མ་དེས་འབྲས་ཆན་བཟང་པོ་བྱས་ནས་འདི་ལྟར་ཚོད་མ་ཉུང་ངོ་། །ཁྱིམ་བདག་ཕྱི་མ་དེས། ཚོད་མ་བཟང་པོ་བྱས་ནས་འདི་
[35a.2]ལྟར་འབྲས་ཆན་ཉུང་ངོ་། །དྲུག་སྡེ་དག་གིས་སྨྲས་པ། ཁོ་བོ་ཅག་གིས་ནི་སྔ་མར་ཡང་ཚོད་མ་མང་དུ་ཐོབ་ལ་ཕྱི་མར་ཡང་འབྲས་ཆན་མང་དུ་ཐོབ་པོ། །ཇི་ལྟར་དེ་དག་གིས་ཇི་ལྟར་གྱུར་པ་བརྗོད་པ་དང་དགེ་སློང་རྣམས་ཀྱིས་སྨྲས་པ། ཁྱེད་ཅག་དེ་ལྟར་རུང་ངམ། རུང་ཡང་སྲིད་མི་རུང་ཡང་སྲིད་དེ་
[35a.3]ཁོ་བོ་ཅག་གིས་དེ་ལྟར་བྱས་སོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ་ཡང་འདོད་པའི་ཕྱིར་འབྲས་ཆན་གྱིས་ཚོད་མ་མི་དགབ། ཚོད་མས་འབྲས་ཆན་མི་དགབ་པར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་
[35a.4]མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་ཡེབ་རྔམ། ཉེས་པ་ནི་ཡང་འདོད་པའི་ཕྱིར་འབྲས་ཆེན་གྱིས་ཚོད་མ་འགེབས་བ་དང་། ཚོད་མས་འབྲས་ཆན་འགེབས་པའོ། །དེ་ལ་ཡང་འདོད་པའི་ཕྱིར་འབྲས་ཆན་གྱིས་ཚོད་མ་མི་དགབ། ཚོད་མས་འབྲས་ཆན་མི་དགབ་ཅེས་བྱ་བ་ནི་ཡང་ཐོབ་
[35a.5]པར་བྱའོ་སྙམ་པའི་བསམ་པས་འབྲས་ཆན་གྱིས་ཚོད་མ་མི་དགབ། ཚོད་མས་འབྲས་ཆན་མི་དགབ་པ་སྟེ། དེ་ལྟར་ལེགས་པར་ཟས་བླང་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་
[35a.6]བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཡང་འདོད་པའི་བསམ་པ་དང་། གཅིག་གིས་གཅིག་འགེབས་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་
[35a.7]ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཞི་བཅུ་དྲུག་པའོ།། །།བཅའ་བ་དང་བཟའ་བའི་སྟེང་དུ་ལྷུང་བཟེད་མི་གཟུང་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་
[35b]
[35b.1]དག་བཅའ་བ་དང་བཟའ་བའི་སྟེང་དུ་ལྷུང་བཟེད་འཛིན་པར་བྱེད་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་གཙང་སྤྲ་ནི་ཐ་དད་པ་ལགས་ནི་ཅིའི་སླད་དུ་བཅའ་བ་དང་བཟའ་བའི་སྟེང་དུ་ལྷུང་བཟེད་འཛིན་པར་མཛད། འདི་ནི་ཚུལ་དང་མཐུན་པ་མ་
[35b.2]ལགས་ཀྱིས་འདི་ལྟར་མ་མཛད་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས།
[35b.3]སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ་ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ། བཅའ་བ་དང་བཟའ་བའི་སྟེང་དུ་ལྷུང་བཟེད་མི་གཟུང་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད།
[35b.4]གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་བཟའ་བ་དང་བཅའ་བའི་སྟེང་དུ་ལྷུང་བཟེད་འཛིན་པའོ། །དེ་ལ་བཅའ་བ་དང་བཟའ་བའི་སྟེང་དུ་ལྷུང་བཟེད་མི་གཟུང་བར་བསླབ་པར་བྱའོ་ཞེས་བྱ་བ་ནི་བཅའ་བ་དང་བཟའ་བའི་སྟེང་དུ་ལྷུང་བཟེད་གཟུང་བར་མི་
[35b.5]བྱ་བ་སྟེ། དེ་ལྟར་ལེགས་པར་ཟས་བླང་བར་བསླབ་པར་བྱའོ། །དེ་ལ་འདིར་དངོས་གཞིའི་ལྷུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་བཅའ་བ་དང་བཟའ་བའི་སྟེང་
[35b.6]དུ་ལྷུང་བཟེད་འཛིན་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །ལེགས་པར་ཟས་བླང་བར་བསླབ་པར་བྱ་ཞེས་བྱ་བ་མན་ཆད་འདི་ཡན་ཆད་
[35b.7]ཐམས་ཅད་ནི་གྲང་དང་གཙུག་ལག་ཁང་ལ་སོགས་པའི་གནས་སྐབས་ཐམས་ཅད་དུ་ལེགས་པར་ཟས་བླང་བར་བསླབ་པར་བྱ་བའི་སྤྱོད་པ་ཡིན་པར་སྦྱར་རོ། །བསླབ་པ་བཞི་བཅུ་བདུན་པའོ།། །།སྡོམ་ལ། ཟས་ལ་ལེགས་པར་བྱ་བ་དྲུག །ཙུག་ཙུག་ལ་སོགས་རྣམ་པ་ལྔ། །འབྲུ་
[36a]
[36a.1]ནས་ཐ་དད་བྱེད་པ་ལྔ། །ལག་པ་ལྡག་ལ་སོགས་པ་ལྔ། །ཞེས་གསུངས་པ་ལ། སྡོམ་ལ་ཞེས་བྱ་བའི་ཚིག་གི་དོན་དང་། དགོས་པ་ནི་སྔ་མ་བཞིན་ནོ། །སྡོམ་གྱི་ཚིགས་སུ་བཅད་པ་འདིས་བསླབ་པ་ཉི་ཤུ་རྩ་གཅིག་བསྟན་པ་དག་ཀྱང་འོག་ནས་གཞུང་ཉིད་ལས་གོ་
[36a.2]རིམས་བཞིན་དུ་སྟོན་ཏོ། །སྡོམ་ལ། ཟས་ལ་ལེགས་པར་བྱ་བ་དྲུག །ཅེས་གསུངས་པའི་བསླབ་པ་བསྡུ་བའི་མདོ་ནི། ལེགས་པར་ཟས་བཟའ་བར་བསླབ་པར་བྱ། ཁམ་ཧ་ཅང་ཆུང་བ་མ་ཡིན་པ་དང་། ཁམ་ཧ་ཅང་ཆེན་པོར་མ་ཡིན་པ་དང་། ཁམ་རན་པ་དང་། ཁམ་
[36a.3]མ་གཟས་པར་ཁ་མི་གདང་བ་དང་། ཁ་ཁམ་གྱིས་བཀང་སྟེ་མི་སྨྲ་བར་བསླབ་པར་བྱ་བའོ་ཞེས་བྱ་བ་དག་ཡིན་ནོ། །དེ་ལ་ལེགས་པར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་
[36a.4]ན་བཞུགས་སོ། །དྲུག་སྡེ་དག་རྣམ་པར་འགྱུར་བ་དག་གིས་ཟས་ཟ་བར་བྱེད་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་བྱིས་པ་ཁྱེའུ་དག་དང་། གཟུགས་འཚོང་མ་དག་འདི་ལྟར་འཚལ་བར་བགྱིད་པས་འདི་ནི་ཚུལ་དང་མཐུན་པ་མ་ལགས་
[36a.5]ཀྱིས་འདི་ལྟར་མ་གསོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་
[36a.6]དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ་ལེགས་པར་ཟས་ཟ་བར་བསླབ་པར་བྱ་བའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་
[36a.7]མཐུན་པ་མ་ཡིན་པ། ཉེས་པ་ནི་རྣམ་པར་འགྱུར་བ་དག་གིས་ལེགས་པར་ཟས་ཟ་བར་མི་བྱེད་པའོ། །དེ་ལ་ལེགས་པར་ཟས་བཟའ་བར་བསླབ་པར་བྱ་ཞེས་བྱ་བ་ནི་གྲང་འབའ་ཞིག་ཏུ་མ་ཟད་ཀྱི་གཞན་དུ་ཡང་རུང་བ་སྟེ། ཁམ་ཧ་ཅང་ཆུང་བ་ལ་སོགས་པ་རྣམ་པར་འགྱུར་བ་དག་མི་བྱ་བར་ལེགས་པར་
[36b]
[36b.1]བཟའ་བར་བསླབ་པར་བྱའོ། །ལེགས་པར་ཟས་བཟའ་བར་བསླབ་པར་བྱ་ཞེས་བྱ་བ་འདི་ནི་མདོར་བསྟན་པ་ཡིན་ལ། འོག་ནས་ཁམ་ཧ་ཅང་ཆུང་བ་མ་ཡིན་པར་ཟས་བཟའ་བར་བྱ་བ་ལ་སོགས་པ་ཉི་ཤུ་འབྱུང་བ་དག་ནི་འདིའི་སྤྲོས་པ་ཡིན་ཏེ། རྣམ་པ་གཞན་བསྟན་པ་ནི་མ་ཡིན་ནོ། །དེ་ལ་འདིར་
[36b.2]དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལེགས་པར་མི་བཟའ་བ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་
[36b.3]དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཞི་བཅུ་བརྒྱད་པའོ།། །།ཁམ་ཧ་ཅང་ཆུང་བ་མ་ཡིན་པར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་
[36b.4]ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཁྱིམ་གཞན་དུ་ཟས་བཟའ་བ་ན་ཁམ་ཧ་ཅང་ཆུང་ངུར་ཟ་བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་བྱིས་པ་ཁྱེའུ་དག་དང་། རིགས་ཀྱི་
[36b.5]མནའ་མ་དག་དང་། གཟུགས་འཚོ་མ་དག་དང་འདི་ལྟར་འཚལ་བས་འདི་ནི་ཚུལ་དང་མཐུན་པ་མ་ལགས་ཀྱིས། དེ་ལྟར་མ་གསོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་
[36b.6]པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ་ཁམ་ཧ་ཅང་ཆུང་བ་མ་ཡིན་
[36b.7]པར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཁམ་ཧ་ཅང་ཆུང་ངུར་ཟས་ཟ་བའོ། །དེ་ལ་ཁམ་ཧ་ཅང་ཆུང་ངུ་མ་ཡིན་པ་ཞེས་བྱ་བ་ལ། ཁམ་ཞེས་བྱ་བ་ནི་ཁར་
[37a]
[37a.1]ཁམ་ཚད་དུ་གཞུག་ཅིང་མིད་པར་བྱ་བ་ནི་ཁམ་ཞེས་བྱའོ། །དེ་ལ་ཧ་ཅང་ཆུང་བ་མ་ཡིན་པ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་
[37a.2]པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཁམ་ཧ་ཅང་ཆུང་བ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་པའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་
[37a.3]ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཞི་བཅུ་དགུ་པའོ།། །།ཁམ་ཧ་ཅང་ཆེན་པོ་མ་ཡིན་པར་ཟས་བཟའ་བར་བསླབ་པར་བྱ་བའི་གླེང་གཞི་ནི་སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་
[37a.4]ཁྱིམ་གཞན་དུ་ཟན་ཟ་བ་ན། ཁམ་ཧ་ཅང་ཆེན་པོར་ཟས་ཟ་བར་བྱེད་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་མུ་ཏོ་བ་དག་འདི་ལྟར་འཚལ་བས་འདི་ནི་ཚུལ་དང་མཐུན་པ་མ་ལགས་ཀྱིས། འདི་ལྟར་མ་གསོལ་ཅིག །དེ་དག་གིས་སྨྲས་པ།
[37a.5]ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་
[37a.6]ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ་ཁམ་ཧ་ཅང་ཆེན་པོ་མ་ཡིན་པར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཁམ་
[37a.7]ཧ་ཅང་ཆེན་པོར་ཟ་བའོ། །དེ་ལ་ཁམ་ཧ་ཅང་ཆེན་པོར་མ་ཡིན་པ་ཞེས་བྱ་བ་ནི་ཁམ་ཧ་ཅང་ཆེན་པོ་ཡང་མ་ཡིན་པ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་
[37b]
[37b.1]བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཁམ་ཧ་ཅང་ཆེ་བ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་
[37b.2]ལྔ་བཅུ་པའོ།། །།ཁམ་རན་པར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཁྱིམ་གཞན་དུ་ཟས་ཟ་བ་ན་ཁམ་རན་པ་མ་ཡིན་པར་ཟ་ནས་བྲམ་ཟེ་
[37b.3]དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་བྱིས་པ་ཁྱེའུ་དང་མུ་ཏོ་བ་དག་འདི་ལྟར་འཚལ་བས་འདི་ནི་ཚུལ་དང་མཐུན་པ་མ་ལགས་ཀྱིས་འདི་ལྟར་མ་གསོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་
[37b.4]དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་
[37b.5]བདེན་ནོ་སྙམ་ནས་སྔ་མ་བཞིན་དུ་ཁམ་རན་པར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཁམ་རན་པ་མ་ཡིན་པར་ཟ་བའོ། །དེ་ལ་ཁམ་རན་པ་ཞེས་བྱ་བ་ནི་རང་དང་
[37b.6]མཐུན་པ་དང་། འཇིག་རྟེན་དང་མཐུན་པའི་ཁམ་རན་པ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །
[37b.7]འདིའི་བྱེད་པ་པོ་ནི་ཁམ་རན་པར་མ་ཡིན་པ་དང་། ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ལྔ་བཅུ་གཅིག་པའོ།། །།
[38a]
[38a.1]ཁམ་མ་གཟས་པར་ཁ་མི་གདང་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་རབ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་
[38a.2]སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་དང་། ཇི་ཙམ་ན་དྲུག་སྡེ་དག་གི་འོག་ན་དགེ་སློང་རྒན་ཞུགས་ཞིག་འདུག་པ་དེ་ཁ་གདངས་ཏེ་རྒན་པའི་མཐའ་ལོགས་སུ་ལྟ་བར་བྱེད་པ་དང་། ཉེ་དགས་དེའི་ཁར་བོང་བ་བཅུག་སྟེ། ཇེ་དང་པོར་འདི་ཟོ་ཤིག་ཅེས་སྨྲས་པ་ཐོས་ནས་
[38a.3]སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པབ་དང་། བཅོམ་ལྡན་འདས་ཀྱིས་སྔ་མ་བཞིན་དུ། ཁམ་མ་གཟས་པར་ཁ་མི་གདང་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་རྒན་ཞུགས། ཉོན་མོངས་བ་ནི་རྔམ་ཆེ་བ། ཉེས་བ་ནི་ཁམ་
[38a.4]མ་གཟས་པར་ཁ་གདངས་བའོ། །དེ་ལ་ཁམ་མ་གཟས་པར་ཁ་མེ་གདང་བཞེས་བྱ་བ་ནི་ཇི་སྲིད་དུ་ཁམ་ཁའི་སྒོར་ཉེ་བར་མ་འོངས་བ་དེ་སྲིད་དུ་ཁའི་སྒོ་གདང་བར་མི་བྱ་བ་སྟེ། དེ་ལྟར་ལེགས་པར་ཟས་བཟའ་བར་བསླབ་བར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་བར་གཞག་པ་ནི་དངོས་
[38a.5]གཞིའི་ལྟུང་བ་རྣམ་བར་གཞག་པ་ནི་དངོས་གཞིའི་གནས་སྐབས་སུ་བསླབ་བ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱེས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཁམ་མ་གཟས་པར་ཁ་གདངས་བ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་
[38a.6]དག་ལ་ནི་ཅི་རིགས་བར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ལྔ་བཅུ་གཉིས་པའོ།། །།ཁ་ཁམ་ཀྱིས་བཀང་སྟེ་མི་སྨྲ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །
[38a.7]དྲུག་སྡེ་དག་ཁ་ཁམ་གྱིསབཀང་སྟེ་སྨྲ་བར་བྱེད་བ་ན། སྐད་ཉམས་བར་གྱུར་བའི་སྐབས་དེ་དགེ་སློབ་རྣམས་ཀྱིས་བཅོམ་ལྡན་འདས་ལ་སོགས་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ། ཁ་ཁམ་གྱིས་བཀང་སྟེ་མི་སྨྲ་བར་བསླབ་བར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད་
[38b]
[38b.1]གང་ཟག་ནི་རྒན་ཞུགས། ཉོན་མོངས་པ་ནི་རྔམ་ཆེ་བ། ཉེས་པ་ནི་ཁམ་མ་གཟས་པར་ཁ་གདངས་པའོ། །དེ་ལ་ཁམ་མ་གཟས་པར་ཁ་མི་གདང་བ་ཞེས་བྱ་བ་ནི་ཇི་སྲིད་དུ་ཁམ་ཁའི་སྒོར་ཉེ་བར་མ་འོངས་པ་དེ་སྲིད་དུ་ཁའི་སྒོ་གདང་བར་མི་བྱ་བ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་
[38b.2]ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཁམ་མ་གཟས་པར་ཁ་གདངས་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་
[38b.3]དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ལྔ་བཅུ་གཉིས་པའོ།། །།སྡོམ་ལ། ཙུག་ཙུག་ལ་སོགས་རྣམ་པ་ལྔ། །ཞེས་བྱ་བ་གསུངས་པའི་བསླབ་པ་བསྡུ་བའི་མདོ་ནི་ཙུག་ཙུག་མི་བྱ་བ་དང་།
[38b.4]བལྕག་བལྕག་མི་བྱ་བ་དང་། ཧུ་ཧུ་མི་བྱ་པ་དང་། ཕུ་ཕུ་མི་བྱ་བ་དང་། ལྕེ་ཕྱུར་སྟེ་ཟས་མི་བཟའ་བར་བསླབ་པར་བྱ་བའོ་ཞེས་བྱ་བ་དག་ཡིན་ནོ། །དེ་ལ་ཙུག་ཙུག་མི་བྱ་བར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་
[38b.5]མེད་ཟས་སྦྱིན་གྱི་ཀུན་དགའ་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་དེས་མཆོད་མ་ཏེ་པོར་མངར་བདག་སྟ་གོན་བྱས་པ་དང་། དྲུག་སྟེ་དག་གིས་ཁས་སྒྲ་ཕྱུང་སྟེ་སྨྲས་པ་དགའ་བོ་ཉེ་དགའ་ཚོད་མ་
[38b.6]ཏེ་པོར་སྐྱུར་རོ། །ཁྱིམ་བདག་དེས་པྲོས་ནས་དེ་སྐྱེངས་ནས་ཅང་མི་སྨྲ་བར་འདུག་པའི་སྟབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་སོགས་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ་ཙུག་ཙུག་མི་བྱ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉ་ཡོད། གང་ཟག་ནི་དྲུག་སྡེ།
[38b.7]ཉོན་མོངས་པ་ནི་མཐིང་སླད་ཀྱི་བསམ་པ། ཉེས་པ་ནི་ཟས་མྱོང་བ་ནི་མཐིང་སླད་ཀྱི་བསམ་པ། ཉེས་པ་ནི་ཟས་མྱོང་བ་ན་ཁའི་སྒྲ་ཙུག་ཙུག་ཟེར་བའོ། །དེ་ལ་ཙུག་ཙུག་མི་བྱ་བ་ཞེས་བྱ་བ་ནི་ཙུག་ཙུག་ཟེར་ཞིང་ཟ་བ་བར་མི་བྱ་བ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་བཞག་པ་ནི་དངོསདངོས་
[39a]
[39a.1]གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཁའི་རྣམ་པར་འགྱུར་བའི་སྒྲ་ཙུག་ཙུག་ཟེར་བ་དང་ཁ་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །
[39a.2]སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ལྔ་བཅུ་བཞི་པའོ།། །།བལྕག་བལྕག་མི་བྱ་བར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་
[39a.3]མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་གི་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས། དེས་ཚོད་མ་ཏེ་པོར་སྐུར་བ་དག་སྟེ་གོན་བྱས་པ་དང་། དྲུག་སྡེ་དག་དག་གི་ཁས་སྒྲ་ཕྱུང་སྟེ་སྨྲས་པ། དགའ་
[39a.4]བོ་ཉེ་དགའ་ཚོད་མ་ཏེ་པོར་མངར་རོ། །ཁྱིམ་བདག་དེས་ཐོས་ནས་དེ་སྐྱེངས་ཏེ་ཅང་མི་སྨྲ་བར་འདུག་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་སྔ་མ་བཞིན་དུ་བལྕག་བལྕག་མི་བྱ་བར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་
[39a.5]ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་མཐིང་སླད་ཀྱི་བསམ་པ། ཉེས་བ་ནི་ཟས་མྱོང་བ་ན་ཁའི་སྒྲ་བལྕག་བལྕག་ཟེར་བའོ། །དེ་ལ་བལྕག་བལྕག་མི་བྱ་བར་ཞེས་བྱ་བ་ནི། བལྕག་བལྕག་ཟེར་ཞིང་ཟ་བར་མི་བྱ་བ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་
[39a.6]བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཁའི་རྣམ་པར་འགྱུར་བའི་སྒྲ་བལྕག་བལྕག་ཟེར་བ་དང་ཟས་ཉིད་དོ། །
[39a.7]འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་བ་ལྔ་བཅུ་ལྔ་པའོ།། །།ཧུ་ཧུ་མི་བྱ་བར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་
[39b]
[39b.1]བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་བཅོམ་ལྡན་འདས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས། ཁྱིམ་བདག་དེ་ལ་སྣོད་སྤྱད་མེད་པས་
[39b.2]དེས་འབྲས་ཆན་བཙོས་ཏེ་སྒྲོམ་དུ་བླུགས་པ་དང་། དེ་ཚ་ནས་དྲུག་སྡེ་དག་གིས་ཁས་སྒྲ་ཕྱུང་སྟེ་སྨྲས་པ། དགའ་བོ་ཉེ་དགའ་འབྲས་ཆན་ཏེ་པོར་འདི་གྲང་གིས་ཁའི་ཧུའི་དབུགས་ཀྱིས་བསྲེས་ཏེ་བཟའ་བའོ། །ཁྱིམ་བདག་དེས་ཐོས་ནས། དེ་སྐྱེངས་ཏེ་ཅང་མི་སྨྲ་བར་འདུག་པའི་སྐབས་དེ་དགེ་སློང་རྣམས་ཀྱིས་
[39b.3]བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ། ཧུ་ཧུ་མི་བྱ་བར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་མཐིང་སླད་ཀྱི་བསམ་པ། ཉེས་པ་ནི་ཟས་མྱོང་བ་ན་ཁའི་སྒྲ་ཧུ་ཧུ་ཟེར་བའོ། །དེ་ལ་
[39b.4]ཧུ་ཧུ་མི་བྱ་བ་ཞེས་བྱ་བ་ནི་ཧུ་ཧུ་ཟེར་ཞིང་ཟ་བར་མི་བྱ་བ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་
[39b.5]པ་པོ་ནི་ཁའི་རྣམ་པར་འགྱུར་བའི་སྒྲ་ཧུ་ཧུ་ཟེར་བ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ལྔ་བཅུ་དྲུག་པའོ།། །།ཕུ་ཕུ་
[39b.6]མི་བྱ་བར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་བཅོམ་ལྡན་འདས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་
[39b.7]གདུགས་ཚོད་ལ་སྤྱན་དྲངས་ནས་དེས་འབྲས་ཆན་བཙོས་ཏེ་རེ་ལྡེར་བདལ་བ་དང་། དེ་གྲང་བར་གྱུར་པ་ནས་དྲུག་སྡེ་དག་གིས་ཁས་སྒྲ་ཕྱུང་སྟེ་སྨྲས་པ། དགའ་བོ་ཉེ་དགའ་འབྲས་ཆེན་ཏེ་པོར་ཚ་བས། ཁའི་དབུགས་ཀྱིས་བསྒྲངས་ཏེ་བཟའ་འོ། །ཁྱིམ་བདག་དེས་ཐོས་ནས་སྐྱེངས་ཏེ་ཅང་མི་སྨྲ་བར་
[40a]
[40a.1]འདུག་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ་ཕུ་ཕུ་མི་བྱ་བར་ཟས་བཟའ་བར་བསླབ་པར་བྱ་བའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་མཐིང་
[40a.2]སླད་ཀྱི་བསམ་པ། ཉེས་པ་ནི་ཟས་མྱོང་བ་ན་ཁའི་སྒྲ་ཕུ་ཕུ་ཟེར་བའོ། །དེ་ལ་ཕུ་ཕུ་མི་བྱ་བར་ཞེས་བྱ་བ་ནི་ཕུ་ཕུ་ཟེར་ཞིང་ཟ་བར་མི་བྱ་བ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱ་བའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་
[40a.3]པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཁའི་རྣམ་པར་འགྱུར་བའི་སྒྲ་ཕུ་ཕུ་ཟེར་བ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་བསྒྲུབ་པ་ཉིད་དག་ལ་ནི་ཅི་
[40a.4]རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ལྔ་བཅུ་བདུན་པའོ།། །།ལྕེ་ཕྱུང་སྟེ་ཟས་མི་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་
[40a.5]གིས་ཁྱིམ་གཞན་དུ་ཟན་ཟ་བ་ན་ལྕེ་ཕྱུང་སྟེ་ལྟ་ཞིང་མཆུ་གཉིས་ལས་ལྡག་པར་བྱེད་ནས་དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་ཅིའི་སླད་དུ་ལྕེ་ཕྱུང་སྟེ་བལྟ་དེ་དག་གིས་སྨྲས་པ། ཚེ་དང་ལྡན་པ་དག་མ་བཅས་པར་མིད་ན་མི་རུང་བས་དེ་བལྟའོ། །དེ་དག་སྨོད་པར་བྱེད་པའི་སྐབས་དེ་
[40a.6]དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ་ལྕེ་ཕྱུང་སྟེ་ཟས་མི་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་མི་དགོས་པ་བྱེད་པ། ཉེས་པ་ནི་ལྕེ་ཕྱུང་སྟེ་ཟས་ཟ་བའོ། །དེ་ལ་ལྕེ་ཕྱུང་
[40a.7]སྟེ་ཟས་མི་བཟའ་བར་བསླབ་པར་བྱའོ་ཞེས་བྱ་བ་ནི་ཟས་བཟའ་བ་ན་ལྕེ་ཕྱུང་སྟེ་ཟ་བར་མི་བྱ་བར་བསླབ་པར་བྱ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་
[40b]
[40b.1]པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལྕེ་ཕྱུང་སྟེ་ཟ་བ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ལྔ་
[40b.2]བཅུ་བརྒྱད་པའོ།། །།སོ་སོར་ཐར་པའི་མདོའི་གཞུང་འགྲེལ། བམ་པོ་ཉི་ཤུ་གསུམ་པ། སྡོམ་ལ། འབྲུ་ནས་ཐ་དད་བྱེད་པ་ལྔ། །ཞེས་གསུངས་པའི་བསླབ་པ་བསྡུ་བའི་མདོ་ནི། འབྲུའི་ནས་ཐ་དད་དུ་མི་བྱ་བ་དང་། འཕྱས་མི་གདགས་པ་དང་། མཁུར་བ་མི་སྤོ་བ་དང་། རྐན་མི་གཏོགས་པ་དང་།
[40b.3]ཁམ་འཕྲོར་མི་གཅད་པར་ཟས་བཟའ་བར་བསླབ་པར་བྱའོ་ཞེས་བྱ་བ་དག་ཡིན་ནོ། །དེ་ལ་འབྲུ་ནས་ཐ་དད་དུ་མི་བྱ་བར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་
[40b.4]ཁྱིམ་གཞན་དུ་ཟས་བཟའ་བ་ན་འབྲས་ཆན་འབྲུ་རེ་རེ་ནས་ཐུ་ཞིང་ཟ་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་བྱིས་པ་ཁྱེའུ་དག་དང་། དྲ་དག་དང་། རྒྱན་པོ་པ་དག་དང་། ནལ་གྱི་བུ་དག་འདི་ལྟར་འཚལ་བས་འདི་ནི་ཚུལ་དང་མཐུན་པ་མ་
[40b.5]ལགས་ཀྱིས། དེ་ལྟར་མ་གསོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་
[40b.6]དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་བདག་ཟེར་བ་བདེན་ནོ་སྙམ་ནས་སྔ་མ་བཞིན་དུ་འབྲུ་ནས་ཐ་དད་དུ་མི་བྱ་བར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་
[40b.7]ནི་ཚུལ་དང་མཐུན་པ་མ་ཡིན་པ། ཉེས་པ་ནི་འབྲས་འབྲུ་རེ་ནས་ཐུ་ཞིང་ཟ་བའོ། །དེ་ལ་འབྲུ་ནས་ཐ་དད་དུ་མི་བྱ་བར་ཞེས་བྱ་བ་ལ། འབྲུ་ཞེས་བྱ་བ་ནི་འབྲས་ཆན་ལ་སོགས་པའི་འབྲུ་སྟེ། དེ་གང་ལ་འབྲུ་དེ་ལྟ་བུ་ཡོད་པ་དེ་དག་རེ་རེ་ནས་ཐུ་ཞིང་ཟ་བར་མི་བྱ་བ་སྟེ། དེ་ལྟར་ལེགས་པར་ཟས་
[41a]
[41a.1]བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་འབྲུ་ནས་ཐ་དད་པར་བྱེད་པ་དང་ཟས་ཉིད་དོ། །
[41a.2]འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་ལྔ་བཅུ་དགུ་པའོ།། །།འཕྱས་མི་གདགས་པར་ཟས་བཟའ་བར་བསླབ་པར་བྱ་བའི་གླེང་
[41a.3]གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་དང་། དགའ་བོ་ཉེ་དགའ་ཚོད་མ་འདི་དག་ཧ་ཅང་ཁའོ། །ཧ་ཅང་སྐྱུར་རོ་ཞེས་ཟེར་བའི་སྐབས་དེ་དགེ་སློང་རྣམས་
[41a.4]ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ་འཕྱས་མི་གདགས་པར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། །ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་གཞན་གྱི་ཡིད་མི་བསྲུང་བ། ཉེས་པ་ནི་ཟས་ལ་འཕྱས་
[41a.5]འདོགས་པའོ། །དེ་ལ་འཕྱས་མི་གདགས་པ་ཞེས་བྱ་བ་ནི་ཟས་ལ་འཕྱ་སྨོད་པར་བྱེད་པ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་
[41a.6]ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་འཕྱས་འདོགས་པ་དང་། ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། བསླབ་པ་དྲུག་
[41a.7]ཅུ་པའོ།། །།མཁུར་བ་མི་སྤོ་བར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཁྱིམ་གཞན་དུ་ཟས་བཟའ་བ་ན་མཁུར་བ་ནས་མཁུར་བར་ཁམ་སྤོ་ཞིང་ཟ་
[41b]
[41b.1]བར་བྱེད་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་བྱིས་པ་ཁྱེའུ་དག་དང་མུ་ཏོ་བྱེ་བ་དག་འདི་ལྟར་འཚལ་བས་འདི་ནི་ཚུལ་དང་མཐུན་པ་མ་ལགས་ཀྱིས། འདི་ལྟར་མ་གསོལ་ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་
[41b.2]ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་ལ་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ།
[41b.3]ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ་མཁུར་བ་མི་སྤོ་བར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་མཁུར་བ་ནས་མཁུར་བར་ཁམ་སྤོ་ཞིང་ཟ་བར་བྱེད་པའོ། །
[41b.4]དེ་ལ་མཁུར་བར་མི་སྤོ་བ་ཞེས་བྱ་བ་ནི་མཁུར་བ་གཉིས་གལ་བཞིན་བུ་བཀང་སྟེ། གཡས་གཡོན་སྤོ་བར་མི་བྱ་བའི་ཐ་ཚིག་གོ། །དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་
[41b.5]མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་མཁུར་བ་སྤོ་བ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་
[41b.6]ནོ། །བསླབ་པ་དྲུག་ཅུ་གཅིག་པའོ།། །།སྐན་མི་གཏོགས་པར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཁྱིམ་གཞན་དུ་ཟན་བཟའ་
[41b.7]བན་རྐན་སྒྲ་གཏོགས་པར་བྱེད་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་བྱིས་པ་ཁྱེའུ་དང་། མུ་ཏོ་བ་དག་འདི་ལྟར་འཚལ་བས། འདི་ནི་ཚུལ་དང་མཐུན་པ་མ་ལགས་ཀྱིས་འདི་ལྟར་མ་གསོལ་ཅིག །དེ་དག་གིས་སྨྲས་པ། བཞིན་
[42a]
[42a.1]བཟང་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་
[42a.2]གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ་རྐན་མི་གཏོགས་པར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་
[42a.3]པ་ནི་ཟས་བཟའ་བ་ན་རྐན་སྒྲ་གཏོགས་པར་བྱེད་པའོ། །དེ་ལ་སྐན་སྒྲ་མི་གཏོགས་པར་ཞེས་བྱ་བ་ནི་ལྕེས་རྐན་གཏོགས་ཤིང་ཟས་བཟའ་བར་མི་བྱ་བ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་
[42a.4]བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་རྐན་གཏོགས་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་
[42a.5]བཞིན་ནོ། །བསླབ་པ་དྲུག་ཅུ་གཉིས་པའོ།། །།ཁམ་འཕྲོར་མི་གཅད་པར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཁྱིམ་གཞན་དུ་ཟས་ཟ་བ་ན།
[42a.6]ཁམ་ཕྱེད་བླངས་ཏེ་ཁར་འཇུག་ཅིང་ཕྱེད་ལྷུང་བཟེད་དུ་ལྟུང་བར་བྱེད་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་བྱིས་པ་ཁྱེའུ་དག་དང་། གཟུགས་འཚོ་མ་དག་འདི་ལྟར་འཚལ་བས་འདི་ནི་ཚུལ་དང་མཐུན་པ་མ་ལགས་ཀྱིས། འདི་ལྟར་མ་གསོལ་
[42a.7]ཅིག །དེ་དག་གིས་སྨྲས་པ། ཤེས་ལྡན་དག་འདི་ལ་དགོས་པ་ཡོད་དོ། །འཕགས་པ་དག་དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང་། བསླབས་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་
[42b]
[42b.1]ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ་སྙམ་ནས་སྔ་མ་བཞིན་དུ་ཁམ་འཕྲོར་མི་གཅད་པར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་ཚུལ་དང་མཐུན་པ་མ་ཡིན་པ། ཉེས་པ་ནི་ཁམ་
[42b.2]འཕྲོར་གཅོད་ཅིང་ཟ་བའོ། །དེ་ལ་ཁམ་འཕྲོར་མི་གཅད་པར་ཟས་བཟའ་བར་བྱའོ་ཞེས་བྱ་བ་ནི། ཁམ་འཕྲོར་གཅད་ཅིང་ཟན་བཟའ་བར་མི་བྱ་བ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་
[42b.3]སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཁམ་འཕྲོར་གཅོད་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་
[42b.4]རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་དྲུག་ཅུ་གསུམ་པའོ།། །།སྡོམ་ལ། ལག་པ་བལྡག་ལ་སོགས་པ་ལྔ། །ཞེས་གསུངས་པ་བསྡུ་བའི་མདོ་ནི་ལག་པ་མི་བལྡག་པ་དང་། ལྷུང་བཟེད་མི་བྱོག་པ་དང་། ལག་པ་མི་སྤྲུག་པ་དང་། ལྷུང་བཟེད་མི་
[42b.5]བསྐྱམས་པ་དང་། མཆོད་རྟེན་འདྲ་བ་བཅོམ་སྟེ་ཟས་མི་བཟའ་བར་བསླབ་པར་བྱའོ་ཞེས་བྱ་བ་དག་ཡིན་ནོ། །དེ་ལ་ལག་པ་མི་བལྡག་པར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་
[42b.6]བཞུགས་སོ། །དྲུག་སྡེ་དག་ཁྱིམ་གཞན་དུ་ཟན་བཟའ་བ་ན་ལག་པ་ལྡག་པར་བྱེད་ནས། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་ཅིའི་ཕྱིར་མི་མཛེས་པ་འདི་ལྟ་བུ་བྱེད། དེ་དག་གིས་སྨྲས་པ། ཚེ་དང་ལྡན་པ་དག་སྙིང་པོ་གང་ཡིན་པ་འདི་ལ་ཆགས་སོ། །དེ་དག་སྨོད་པར་བྱེད་པའི་
[42b.7]སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ་ལག་པ་མི་བལྡག་པར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་མི་མཛེས་པ། ཉེས་པ་ནི་
[43a]
[43a.1]ཟན་བཟའ་བ་ན་ལག་པ་བལྡག་པའོ། །དེ་ལ་ལག་པ་མི་བལྡག་པ་ཞེས་བྱ་བ་ལ་སོགས་པ་ནི་གང་ལ་ལྷག་པ་ཡོད་པ་དེ་ལ་མི་བལྡག་པ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་
[43a.2]སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལག་པ་བལྡག་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་
[43a.3]པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་དྲུག་ཅུ་བཞི་པའོ།། །།ལྷུང་བཟེད་མི་བྱོག་པར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་
[43a.4]ཁྱིམ་གཞན་དུ་ཟས་བཟའ་བ་ན་ལྷུང་བཟེད་དག་འབྱོག་པར་བྱེད་ནས། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་ཅིའི་ཕྱིར་མི་མཛེས་པ་འདི་ལྟ་བུ་བྱེད། དེ་དག་གིས་སྨྲས་པ། ཚེ་དང་ལྡན་པ་དག་སྙིང་པོ་གང་ཡིན་པ་དེ་འདི་ལ་ཆགས་སོ། །དེ་དག་སྨོད་པར་བྱེད་པའི་སྐབས་དེ་དགེ་
[43a.5]སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ། ལྷུང་བཟེད་མི་བྱོག་པར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་མི་མཛེས་པ། ཉེས་པ་ནི་ལྷུང་བཟེད་བྱོག་པའོ། །
[43a.6]དེ་ལ་ལྷུང་བཟེད་མི་བྱོག་པ་ཞེས་བྱ་བ་ནི་ལྷུང་བཟེད་གང་ལ་བྱོག་པར་བྱ་བ་ཡོད་པ་དེ་སོར་མོས་མི་བྱོག་པ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་
[43a.7]བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལྷུང་བཟེད་འབྱོག་པ་དང་། ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །
[43b]
[43b.1]བསླབ་པ་དྲུག་ཅུ་ལྔ་པའོ།། །།ལག་པ་མི་སྤྲུག་པར་ཟས་བཟའ་བར་བསླབ་པར་བྱ་བའི་གླེང་གཞི་ནི་སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཁྱིམ་གཞན་དུ་ཟས་བཟའ་བ་ན། ལག་པ་སྤྲུག་པར་
[43b.2]བྱེད་པས་དགེ་སློང་རྣམས་ལ་ལག་པའི་ཆུ་ཕོག་ནས་དེ་དག་སྨོད་པར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ་ལག་པ་མི་སྤྲུག་པར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་
[43b.3]ནི་དྲུག་སྡེ། ཉོན་མོངས་པ་ནི་བག་མེད་པ། དེ་ལ་ཉེས་པ་ནི་ཟས་བཟའ་བ་ན་ལག་པ་སྤྲུག་པའོ། །དེ་ལ་ལག་པ་མི་སྤྲུག་པ་ཞེས་བྱ་བ་ནི་ལག་པ་ལ་ཟས་ཆགས་པ་སྤྲུག་པར་མི་བྱ་བ་དང་། ཡང་ན་ལག་པ་ལ་ཟས་ཆགས་པ་ལྕེའི་སྟེང་དུ་སྤྲུག་པར་མི་བྱ་བ་སྟེ། དེ་ལྟར་ལེགས་པར་ཟས་བཟའ་བར་
[43b.4]བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལག་པ་སྤྲུག་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་
[43b.5]གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་དྲུག་ཅུ་དྲུག་པའོ།། །།ལྷུང་བཟེད་མི་བསྐྱམས་པར་ཟས་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་
[43b.6]མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཁྱིམ་གཞན་དུ་ཟན་བཟའ་བ་ན་དེ་དག་གི་འོག་ན་དགེ་སློང་སྣམ་སྦྱར་དམར་སེར་ཅན་ཞིག་འདུག་ནས་དྲུག་སྡེ་དག་གིས་སྨྲས་པ། དགའ་བོ་ཉེ་དགའ་བཀྲེན་པ་འདིའི་སྙིང་ལམ་ན་ཡུ་བུ་ཅག་
[43b.7]གིས་སྔོན་ལན་འགའ་ཡང་སྣམ་སྦྱར་འདི་ལྟ་བུ་གྱོན་མ་མྱོང་སྙམ་གྱིས། འདི་མི་དགའ་བར་བྱའོ་ཞེས་དེ་དག་གི་ལྷུང་བཟེད་བསྐྱམས་པ་དང་། དགེ་སློང་དེའི་སྣམ་སྦྱར་ལྷུང་བཟེད་ཀྱི་ཆུས་མ་རུང་བར་གྱུར་ནས་དེ་སྨོད་པ་ལ་ཞུགས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་
[44a]
[44a.1]དང་། བཅོམ་ལྡན་འདས་ཀྱིས་སྔ་མ་བཞིན་དུ་ལྷུང་བཟེད་མི་བསྐྱམས་པར་ཟས་བཟའ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་ཕྲག་དོག །ཉེས་པ་ནི་ཟན་ཟ་བ་ན་ལྷུང་བཟེད་བསྐྱམ་པའོ། །དེ་ལ་ལྷུང་བཟེད་མི་བསྐྱམས་པ་ཞེས་བྱ་བ་ནི་ལྷུང་བཟེད་ཀྱི་ནང་དུ་
[44a.2]ཟས་ལ་སོགས་པ་བླུགས་ཏེ་བསྐྱམ་པར་མི་བྱ་བ་དང་། ཡང་ན་ལྷུང་བཟེད་ཀྱི་ནང་དུ་ཟས་བླུགས་ཏེ། ལྕི་ཡང་ཅི་ཡོད་པ་ལག་སྲང་ལ་མི་གདབ་པ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་
[44a.3]མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལྷུང་བཟེད་བསྐྱམས་པ་དང་ཟས་ཉིད་དོ། །དེ་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་
[44a.4]བཞིན་ནོ། །བསླབ་པ་དྲུག་ཅུ་བདུན་པའོ།། །།མཆོད་རྟེན་འདྲ་བ་བཅོམ་པ་སྟེ་ཟས་མི་བཟའ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེ་གཅེར་
[44a.5]བུ་པ་དག་ལ་མངོན་པར་དད་དོ། །དེ་དུས་གཞན་ཞིག་ན་བཅོམ་ལྡན་འདས་ལ་མངོན་པར་དད་པར་གྱུར་ནས། དེས་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས། དེས་ཕྱེ་དག་བྲིམས་པ་དང་། དྲུག་སྡེ་དག་གིས་དེ་དག་སྦྲུས་ཏེ། མཆོད་རྟེན་འདྲ་བ་རྣམ་པར་གཞག་གོ། །
[44a.6]ལ་ཕུག་གི་ཕྱེ་ཚལ་དག་བྲིམས་པ་ན། དེ་ཡང་དེ་ཉིད་ལ་བཙུགས་ཏེ། སྲོག་ཤིང་འདྲ་བའི་རྣམ་པར་གཞག་གོ། །ཁུར་བ་དག་བྲིམས་པ་དང་། དེ་ཡང་ལ་ཕུག་དེ་ཉིད་ཀྱི་སྟེང་དུ་གདུགས་འདྲ་བར་གཞག་གོ། །དེ་ནས་སྨྲས་པ། དགའ་བོ་ཉེ་དགའ་མཆོད་རྟེན་འདི་ནི་ངན་འགྲོ་རྫོགས་པར་བྱེད་པ་
[44a.7]རྫོགས་བྱེད་ཀྱི་མཆོད་རྟེན་ཡིན་ནོ་ཞེས་ཟེར་རོ། །ཡང་བཅོམ་སྟེ་ཟ་ཞིང་སྨྲས་པ། དགའ་བོ་ཉེ་དགའ་ངན་འགྲོ་རྫོགས་པར་བྱེད་པ་རྫོགས་བྱེད་ཀྱི་མཆོད་རྟེན་རྡིབ་པོ་ཞེས་ཟེར་བ་ཁྱིམ་བདག་དེས་ཐོས་ནས་དེས་སྨྲས་པ། འཕགས་པ་དག་བདག་ནི་སྡིག་པ་ཅན་གྱི་ལྟ་བའི་རྣམ་པ་དེ་དང་བྲལ་བ་ལགས་ན།
[44b]
[44b.1]ཁྱེད་ཅག་ད་དུང་དུ་ཞེ་སྡང་དང་མ་བྲལ་ལོ། །དེ་དག་ཅང་མི་སྨྲ་བར་འཁོད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ་མཆོད་རྟེན་འདྲ་བ་བཅོམ་སྟེ་ཟས་མི་བཟའ་པར་བསླབ་པར་བྱ་བའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་
[44b.2]ཟག་ནི་དྲུག་སྡེ། ཉོན་མོངས་པ་ནི་ཞེ་སྡང་དང་མ་བྲལ་བ། ཉེས་པ་ནི་ཟས་ལ་མཆོད་རྟེན་འདྲ་བར་རྣམ་པར་གཞག་པ་བཅོམ་སྟེ་ཟ་བའོ། །དེ་ལ་མཆོད་རྟེན་འདྲ་བར་བཅོམ་སྟེ་ཟས་མི་བཟའ་བར་བསླབ་པར་བྱའོ་ཞེས་བྱ་བ་ནི་ཟན་ལ་མཆོད་རྟེན་གྱི་དབྱིབས་འདྲ་བ་བྱས་ཏེ་གཞོམ་ཞིང་བཟའ་བར་མི་བྱ་བར་བསླབ་པར་
[44b.3]བྱ་བ་སྟེ། དེ་ལྟར་ལེགས་པར་ཟས་བཟའ་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་མཆོད་རྟེན་འདྲ་བར་རྣམ་པར་
[44b.4]གཞག་པ་བཅོམ་པ་དང་ཟས་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །ལེགས་པར་ཟས་བཟའ་བར་བསླབ་པར་བྱ་ཞེས་བྱ་བ་མན་ཆད་འདི་ཡན་ཆད་ཐམས་
[44b.5]ཅད་ནི་གྲོང་དང་གཙུག་ལག་ཁང་ལ་སོགས་པ་གནས་སྐབས་ཐམས་ཅད་དུ་ལེགས་པར་ཟས་བཟའ་བར་བསླབ་པར་བྱ་བ་དེའི་སྤྲོས་པ་ཡིན་པར་སྦྱར་རོ། །བསླབ་པ་དྲུག་ཅུ་བརྒྱད་པའོ།། །།སྡོམ་ལ། འཕྱ་ལ་སོགས་པ་རྣམ་པ་བཞི། །ལྷུང་བཟེད་ལ་ཡང་རྣམ་པ་བཅུ། །འགྲེང་པར་བྱེད་ལ་
[44b.6]སོགས་པ་ལྔ། །མགོ་གཡོགས་ལ་སོགས་རྣམ་པ་ལྔ། །དོ་ཀེར་ཅན་ལ་སོགས་པ་ལྔ། །གླང་ཆེན་ལ་སོགས་ཞོན་པ་ལྔ། །ལག་ན་འཁར་བ་ལ་སོགས་དྲུག །ན་བ་རྣམ་པ་བཞི་རྣམས་སོ། །ཞེས་གསུངས་པ་ལ། སྡོམ་ལ། ཞེས་བྱ་བའི་ཚིག་གིས་དོན་དང་དགོས་པ་ནི་སྔ་མ་བཞིན་ནོ། །
[44b.7]སྡོམ་གྱི་ཚིགས་སུ་བཅད་པ་འདི་དག་གིས་བསླབ་པ་བཞི་བཅུ་རྩ་བཞི་བསྟན་པ་དག་ཀྱང་འོག་ནས་གཞུང་ཉིད་ལས་གོ་རིམས་བཞིན་དུ་སྟོན་ཏོ། །སྡོམ་ལ། འཕྱ་ལ་སོགས་པ་རྣམ་པ་བཞི། །ཞེས་གསུངས་པའི་བསླབ་པ་བསྡུ་བའི་མདོ་ནི། དྲུང་ན་འདུག་པའི་དགེ་སློང་གི་ལྷུང་བཟེད་ལ་ཕྱས་གདགས་
[45a]
[45a.1]པར་བྱ་བའི་ཕྱིར་མི་བལྟ་བར་བསླབ་པར་བྱ། ལག་པ་ཟས་དང་འབགས་པས་ཆུ་སྣོད་ལ་མི་གཟུང་བར་བྱ། དྲུང་ན་འདུག་པའི་དགེ་སློང་ལ་ཟས་དང་འབགས་པའི་ཆུས་མི་གཏོར་བར་བསླབ་པར་བྱ། ཁྱིམ་པ་འདུག་པ་ལ་མ་དྲིས་པར་ཆུ་ཟས་དང་འབགས་པ་ཁྱིམ་གཞན་
[45a.2]དུ་མི་དབོ་བར་བསླབ་པར་བྱའོ་ཞེས་བྱ་བ་དག་ཡིན་ནོ། །དེ་ལ་དྲུང་ན་འདུག་པའི་དགེ་སློང་གི་ལྷུང་བཟེད་ལ་འཕྱས་གདགས་པའི་ཕྱིར་མི་བལྟ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །
[45a.3]དྲུག་སྡེ་དག་ཁྱིམ་གཞན་དུ་ཟན་ཟ་བ་ན་དེ་དག་གི་དྲུང་ན་འདུག་པའི་དགེ་སློང་མང་དུ་ཟན་ཟ་བ་དང་འཕྱས་འདོགས་ཤིང་དགའ་བོ་ཉེ་དགའ་རྒན་ཞུགས། འདི་མང་པོ་འདི་སྙེད་ཟ་བ་ལ་ལྟོས་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་
[45a.4]བཞིན་དུ། དྲུང་ན་འདུག་པའི་དགེ་སློང་གི་ལྷུང་བཟེད་ལ་འཕྱས་གདགས་པའི་ཕྱིར་མི་བལྟ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་འཕྱ་སྨོད་ཀྱི་ཉེས་རྩོམ། ཉེས་པ་ནི་དགེ་སློང་གི་ལྷུང་བཟེད་ལ་འཕྱས་གདགས་པའི་ཕྱིར་ལྟ་བའོ། །
[45a.5]དེ་ལ་དྲུང་ན་འདུག་པའི་དགེ་སློང་གི་ལྷུང་བཟེད་ལ་འཕྱས་གདགས་པའི་ཕྱིར་མི་བལྟ་བ་ཞེས་བྱ་བ་ནི་གང་ལ་འཕྱས་གདགས་པའི་ཕྱིར་མི་བལྟ་བ་སྟེ་དེ་ལྟར་འཕྱ་ཞིང་སྨོད་ཀྱི་ཉེས་རྩོམ་མི་བྱ་བར་བསླབ་པར་བྱའོ། །དྲུང་ན་འདུག་པ་ཞེས་བྱ་བ་ནི་མཚོན་པ་ཙམ་དུ་ཟད་དེ། ཐག་རིང་པོར་འདུག་པ་ཡང་འདིར་
[45a.6]བསྡུས་པར་རིག་པར་བྱའོ། །བསླབ་པ་འདི་དང་འོག་མ་གསུམ་ནི་ཉེས་རྩོམ་མི་བྱ་བར་བསླབ་པར་བྱ་བ་སྟེ། འདི་ནི་མདོར་བསྟན་པ་ཡིན་ལ་འོག་མ་གསུམ་ནི་དེའི་སྤྲོས་པ་ཡིན་ཏེ། རྣམ་པ་གཞན་དུ་བསྟན་པ་ནི་མ་ཡིན་ནོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་
[45a.7]གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་དགེ་སློང་གི་ལྷུང་བཟེད་ལ་འཕྱས་འདོགས་པ་དང་། ལྟ་བ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་
[45b]
[45b.1]སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་དྲུག་ཅུ་དགུ་པའོ།། །།ལག་པ་ཟས་དང་འབགས་པས་ཆུ་སྣོད་ལ་མི་གཟུང་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་
[45b.2]ཀུན་དགའ་ར་བ་ན་བཞུགས་སོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན་ལག་པ་ཟས་དང་འབགས་པས་ཆུ་སྣོད་ལ་འཛིན་པར་བྱེད་ནས། མ་དད་པ་དག་ཤཱཀྱའི་བུའི་དགེ་སྦྱོང་དག་ནི་ལག་པ་ཟས་དང་འབགས་པས་ཆུ་སྣོད་ལ་འཛིན་པས། གཙང་སྦྲ་མེད་པ་ཡིན་ནོ་ཞེས་ཅོ་འདྲི་བར་བྱེད་པའི་སྐབས་དེ་དགེ་
[45b.3]སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ། ལག་པ་ཟས་དང་འབགས་པས་ཆུ་སྣོད་ལ་མི་གཟུང་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་གཙང་སྦྲ་མེད་པའི་ཉེས་རྩོམ།
[45b.4]ཉེས་པ་ནི་ལག་པ་ཟས་དང་ཆུ་འབགས་པས་སྣོད་ལ་འཛིན་པའོ། །དེ་ལ་ལག་པ་ཟས་དང་འབགས་པས་ཆུ་སྣོད་ལ་མི་གཟུང་བ་ཞེས་བྱ་བ་ནི་ལག་པ་དང་ཟས་འབགས་པས་བྱ་མ་བུམ་ལ་སོགས་པའི་ཆུ་སྣོད་ལ་མི་བཟུང་བ་སྟེ། དེ་ལྟར་གཙང་སྦྲ་མེད་པའི་ཉེས་ཙམ་མི་བྱ་བར་བསླབ་པར་བྱའོ། །དེ་ལ་
[45b.5]འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལག་པ་ཟས་དང་། འབགས་པ་དང་། ཆུ་སྣོད་ལ་འཛིན་པ་ཉིད་དོ། །འདི་ལ་ཡན་ལག་ནི་གཅིག་
[45b.6]སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བདུན་ཅུ་བའོ།། །།དྲུང་ན་འདུག་པའི་དགེ་སློང་ལ་ཟས་དང་འབགས་པའི་ཆུས་མི་གཏོར་བར་བསླབ་པར་བྱ་བའི་གླེང་གཞི་ནི།
[45b.7]སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན་དེ་དག་གི་འོག་ན་དགེ་སློང་སྣམ་སྦྱར་དམར་སེར་ཅན་ཞིག་འདུག་ནས་དྲུག་སྡེ་དག་གིས་སྨྲས་པ། དགའ་བོ་ཉེ་དགའ་བཀྲེན་པ་འདིའི་སྙིང་
[46a]
[46a.1]ལམ་ན། ཡུ་བུ་ཅག་གིས་སྔོན་ལན་འགའ་ཡང་སྣམ་སྦྱར་འདི་ལྟ་བུ་གྱོན་མ་མྱོང་སྙམ་གྱིས། འདི་མི་དགའ་བར་བྱའོ་ཞེས་དེ་དག་གིས་ཟས་འབགས་པའི་ཆུ་གཏོར་བ་དང་། དེ་སྨོད་པ་ལ་ཞུགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་
[46a.2]ལྡན་འདས་ཀྱིས་སྔ་མ་བཞིན་དུ། དྲུང་ན་འདུག་པའི་དགེ་སློང་ལ་ཟས་དང་འབགས་པའི་ཆུས་མི་གཏོར་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་གནོད་པར་བྱེད་པའི་ཉེས་རྩོམ། ཉེས་པ་ནི་དགེ་སློང་ལ་ཟས་
[46a.3]དང་འབགས་པའི་ཆུས་འཐོར་བའོ། །དེ་ལ་དྲུང་ན་འདུག་པའི་དགེ་སློང་ལ་ཟས་དང་འབགས་པའི་ཆུས་མི་གཏོར་བ་ཞེས་བྱ་བ་ནི་དགེ་སློང་ལ་ཟས་དང་འབགས་པའི་ཆུས་གཏོར་བར་མི་བྱ་བ་སྟེ། དེ་ལྟར་གནོད་པར་བྱེད་པའི་ཉེས་རྩོམ་མི་བྱ་བར་བསླབ་པར་བྱ་བའོ། །འདིར་ཡང་དྲུང་ན་འདུག་པ་ཞེས་བྱ་བ་
[46a.4]ནི་མཚོན་པ་ཙམ་དུ་ཟད་དོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཟས་དང་འབགས་པའི་ཆུ་དང་། དགེ་སློང་ལ་འཐོར་བ་ཉིད་དོ། །
[46a.5]འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བདུན་ཅུ་གཅིག་པའོ།། །།ཁྱིམ་པ་འདུག་པ་ལ་མ་དྲིས་པ་ཆུ་ཟས་དང་འབགས་པ་ཁྱིམ་གཞན་དུ་མི་
[46a.6]དབོ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་ཆུ་སྲིན་བྱིས་པ་གསོད་ཀྱི་རི་ལ། འཇིགས་སུ་རུང་གི་གནས་སུ་དགེ་སློང་གི་དགེ་འདུན་སྤྱན་དྲངས་ཏེ་བཤོས་གསོལ་བ་ན། རྒྱལ་བུ་རྟོགས་ལྡན་གྱི་ཁང་བཟངས་པདྨ་ཅན་ཚོན་བརྒྱ་རྩ་གཅིག་གིས་བྲིས་པ་དེར་དྲུག་སྡེ་དག་གིས་
[46a.7]ལྷུང་བཟེད་ཀྱི་ཆུ་དེ་ཉིད་དུ་འཕོ་བ་དང་། འདྲིམ་མཁན་དག་འཕགས་པ་དག་རྒྱལ་བུ་རྟོགས་ལྡན་གྱི་ཁང་བཟངས་པདྨ་ཅན་ཚོན་བརྒྱ་རྩ་གཅིག་གིས་བྲིས་པའི་ས་གཞི་ཁྱེད་ཀྱིས་མ་རུང་བར་བྱས་སོ་ཞེས་སྨོད་པར་བྱེད་པ་དང་། དྲུག་སྡེ་དག་གིས་སྨྲས་པ་རྒྱལ་བུ་རྟོགས་ལྡན་གྱིས་རེ་ཞིག་འདི་ལ་ཆགས་པར་
[46b]
[46b.1]བྱས་ནས། གང་དུ་སྐྱེ་བར་འགྱུར་བ་ནི་མ་ཤེས་ཀྱི་ཁྱེད་ཅག་ནི་འདི་ལ་ལྷག་པར་ཆགས་པར་བྱས་ནས་ཡི་དགས་ལ་བ་ཅན་གྱི་ནང་དུ་སྐྱེ་བར་འགྱུར་རོ། །དེ་དག་སྨོད་པ་ལ་ཞུགས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ། ཁྱིམ་པ་འདུག་པ་
[46b.2]ལ་མ་དྲིས་པར་ཆུ་ཟས་དང་འབགས་པ་ཁྱིམ་གཞན་དུ་མི་དབོ་བར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་ཆུ་སྲིན་བྱིས་པ་གསོད་ཀྱི་རི། གང་ཟག་ནི་དྲུག་སྡེ། ཉོན་མོངས་པ་ནི་ས་གཞི་མ་རུང་བར་བྱེད་པའི་ཉེས་རྩོམ། ཉེས་པ་ནི་ཆུ་ཟས་དང་འབགས་པ་ཁྱིམ་གཞན་དུ་འཕོ་བའོ། །དེ་ལ་ཁྱིམ་
[46b.3]པ་འདུག་པ་ལ་མ་དྲིས་པར་ཆུ་ཟས་དང་འབགས་པ་ཁྱིམ་གཞན་དུ་མི་དབོ་བ་ཞེས་བྱ་བ་ནི། ཁྱིམ་བདག་ལ་མ་དྲིས་པར་ཆུ་ཟས་དང་འབགས་པ་ཁྱིམ་དུ་དབོ་བར་མི་བྱ་བ་སྟེ། དེ་ལྟར་ས་གཞི་མ་རུང་བར་འགྱུར་བའི་ཉེས་རྩོམ་མི་བྱ་བ་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་པ་རྣམ་པར་གཞག་
[46b.4]པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཆུ་ཟས་དང་འབགས་པ་དང་། ཁྱིམ་གཞན་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་
[46b.5]སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བཞི་པོ་དག་ནི་ཉེས་བྱས་རྩོམ་མི་བྱ་བར་བསླབ་པ་མདོར་བསྟན་པ། དེའི་སྤྲོས་པ་ཡིན་པར་སྦྱར་རོ། །བསླབ་པ་བདུན་ཅུ་གཉིས་པའོ།། །།སྡོམ་ལ། ལྷུང་བཟེད་ལ་ཡང་རྣམ་པ་
[46b.6]བཅུ། །ཞེས་གསུངས་པའི་བསླབ་པ། བསྡུ་བའི་མདོ་ནི་ལྷུང་བཟེད་ཀྱི་ནང་དུ་ཟས་ཀྱི་ལྷག་མ་བླུགས་ཏེ་མི་དོར་བར་བསླབ་པར་བྱའོ། །འོག་གཞི་མེད་པའི་ས་ཕྱོགས་སུ་ལྷུང་བཟེད་མི་གཞག་པར་བསླབ་པར་བྱ། གད་ཀ་མ་ཡིན་པ་དང་། གཡང་ས་མ་ཡིན་པ་དང་། དཀན་གཟར་པོ་མ་
[46b.7]ཡིན་པར་ལྷུང་བཟེད་གཞག་པར་བསླབ་པར་བྱའོ། །འགྲེང་སྟེ་ལྷུང་བཟེད་མི་བཀྲུ་བར་བསླབ་པར་བྱ། གད་ཀ་མ་ཡིན་པ་དང་། གཡང་ས་མ་ཡིན་པ་དང་། དཀན་གཟར་པོ་མ་ཡིན་པར་ལྷུང་བཟེད་བཀྲུ་བར་བསླབ་པར་བྱའོ། །འབབ་ཆུ་དྲག་པོའི་རྒྱུན་ལས་བཟློག་སྟེ་ལྷུང་བཟེད་ཀྱིས་ཆུ་མི་བཅུ་
[47a]
[47a.1]བར་བསླབ་པར་བྱའོ་ཞེས་བྱ་བ་དག་ཡིན་ནོ། །དེ་ལ་ལྷུང་བཟེད་ཀྱི་ནང་དུ་ཟས་ཀྱི་ལྷག་མ་བླུགས་ཏེ་མི་དོར་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་
[47a.2]བྲམ་ཟེ་ཞིག་འདུག་པ་དེའི་བུ་ན་བར་གྱུར་ནས། དེ་སྨན་པའི་གན་དུ་སོང་སྟེ། སྨྲས་པ། བཞིན་བཟངས་ཁོ་བོའི་བུ་ན་བས་སྨན་སྟོན་ཅིག །སྨན་པ་དེ་དད་པ་ཅན་ཞིག་ཡིན་པས། དེས་སྨྲས་པ། བྲམ་ཟེ་འཕགས་པ་རྣམས་ཀྱི་ལྷུང་བཟེད་ཆུས་ཁྲུས་ཤིག །དེ་རྒྱལ་བྱེད་ཀྱི་ཚལ་མགོན་
[47a.3]མེད་ཟས་སྦྱིན་གྱི་ཚལ་དུ་སོང་སྟེ་ཉེ་དགའ་ལ་སྨྲས་པ། འཁྲུ་བས་བདག་གི་བུ་བྲོ་འཚལ་ཏེ། དེ་ལ་འཕགས་པ་དག་གི་ལྷུང་བཟེད་ཀྱི་ཆབ་ཅིག་འཚལ་ན་སྩལ་བར་གསོལ། དེས་སྨྲས་པ། བྲམ་ཟེ་དེ་ཉིད་དུ་རེ་ཞིག་སྡོད་ཅིག་དང་། ལྷུང་བཟེད་ཀྱི་ཆུ་ཁྱེར་ཏེ་འོང་ངོ་། །དེས་
[47a.4]གཙུག་ལག་ཁང་དུ་སོང་སྟེ་ལྷུང་བཟེད་ཕྱེ་ཉུང་ཤས་ཅིག་དང་། འབྲས་ཆན་ཉུང་ཤས་ཅིག་དང་ཁུར་བ་ཉུང་ཤས་ཅིག་དང་། ཤ་ཉུང་ཤས་ཅིག་དང་། རུས་པ་ཉུང་ཤས་ཅིག་བླུགས་ཏེ་ཆུ་བླུགས་ནས་ཕྱིར་བྱུང་སྟེ་སྨྲས་པ། བྲམ་ཟེ་ལོང་ཤིག །བྲམ་ཟེ་དེས་མཐོང་ནས་སྨྲས་པ། འཕགས་པ་ཁྱེད་ཀྱི་
[47a.5]ལྷུང་བཟེད་ཀྱི་ཆབ་འདི་ལྟ་བུའམ། བྲམ་ཟེ་འདི་ལྟ་བུའོ། །འཕགས་པ་བདག་གི་བུ་གུམ་པ་ནི་ལེགས་ཀྱིས། འདི་ལྟ་བུ་མི་གཙང་བས་བཀྲུ་བ་ནི་མི་རུང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ། ལྷུང་བཟེད་ཀྱི་
[47a.6]ནང་དུ་ཟས་ཀྱི་ལྷག་མ་བླུགས་ཏེ། མི་དོར་བར་བསླབ་པར་བྱའོ། །འདི་ལྟར་གང་ལྷུང་བཟེད་ཀྱི་ཆུ་སློང་བ་དེ་ལ་ལྷུང་བཟེད་ལན་གསུམ་བཀྲུས་ཏེ། གཙུག་ལག་གི་ཚིགས་སུ་བཅད་པ་དག་གི་བཟླས་བརྗོད་བྱས་པའི་ཆུ་སྦྱིན་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་
[47a.7]སྡེ། ཉོན་མོངས་པ་ནི་བརྙས་ཐབས་ཉེས་པ་ནི་ལྷུང་བཟེད་ཀྱི་ནང་དུ་ཟས་ཀྱི་ལྷག་མ་བླུགས་པའོ། །དེ་ལ་ལྷུང་བཟེད་ཀྱི་ནང་དུ་ཟས་ཀྱི་ལྷག་མ་བླུགས་ཏེ་མི་དོར་བ་ཞེས་བྱ་བ་ནི་ཤིང་ཐོག་ལ་སོགས་པ་ཕྱེད་ཕྱེད་ཟོས་པ་ངན་པར་གྱུར་པ་ལྷུང་བཟེད་ཀྱིས་མི་དོར་བར་བསླབ་པར་བྱའོ། །འདི་ནི་ལྷུང་བཟེད་མིག་
[47b]
[47b.1]བཞིན་དུ་ཡོངས་སུ་བསྐྱང་བར་བྱའོ་ཞེས་གསུངས་པའི་བསླབ་པ་བསྡུ་བའི་མདོར་བསྟན་པ་ཡིན་ལ། འོག་ནས་འོག་གཞི་མེད་པའི་ས་ཕྱོགས་སུ་ལྷུང་བཟེད་མི་གཞག་པར་བྱ་བ་ལ་སོགས་པ་དགུ་བྱུང་བ་དག་ནི་འདིའི་སྤྲོས་པ་ཡིན་གྱི་རྣམ་པ་གཞན་བསྟན་པ་ནི་མ་ཡིན་ནོ། །དེ་ལ་འདིར་དངོས་གཞིའི་ལྟུང་བ་
[47b.2]རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལྷུང་བཟེད་དང་ཟས་ཀྱི་ལྷག་མ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་
[47b.3]སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བདུན་ཅུ་གསུམ་པའོ།། །།སོ་སོར་ཐར་པའི་མདོའི་གཞུང་འགྲེལ། བམ་པོ་བཞི་པ། འོག་གཞི་མེད་པའི་ས་ཕྱོགས་སུ་ལྷུང་བཟེད་མི་གཞག་པར་བསླབ་པར་བྱ་བ་དང་། གད་ཀ་མ་ཡིན་པ་དང་།
[47b.4]གཡང་ས་མ་ཡིན་པ་དང་། དཀན་གཟར་པོ་མ་ཡིན་པར་ལྷུང་བཟེད་གཞག་པར་བསླབ་པར་བྱ་བ་དང་། འགྲེང་སྟེ་ལྷུང་བཟེད་མི་བཀྲུ་བར་བསླབ་པར་བྱ་བ་དང་། གད་ཀ་མ་ཡིན་པ་དང་། གཡང་ས་མ་ཡིན་པ་དང་། དཀན་གཟར་པོ་མ་ཡིན་པར་ལྷུང་བཟེད་བཀྲུ་བར་བསླབ་པར་བྱ་བ་དང་། འབབ་
[47b.5]ཆུ་དྲག་པོའི་རྒྱུན་ལས་བཟློག་སྟེ་ལྷུང་བཟེད་ཀྱིས་ཆུ་མི་བཅུ་བར་བསླབ་པར་བྱ་བ་དགུའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་འོག་གཞི་མེད་པའི་ས་ཕྱོགས་སུ་ལྷུང་བཟེད་འཇོག་
[47b.6]པར་བྱེད་ནས། དེ་བཙས་ཟོས་པ་དང་། གད་ཀ་དང་གཡང་ས་དང་། དཀན་གཟར་པོར་ལྷུང་བཟེད་འཇོག་པར་བྱེད་ནས། དེ་འདྲིལ་ཏེ་ཆག་པ་དང་། འགྲེང་སྟེ་ལྷུང་བཟེད་འཁྲུ་ནས་དེ་ཤོར་ཏེ་ཆག་པ་དང་། གད་ཀ་དང་། གཡང་ས་དང་། དཀན་གཟར་པོར་ལྷུང་བཟེད་འཁྲུ་བར་བྱེད་ནས། དེ་
[47b.7]ཤོར་ཏེ་འདྲིལ་ནས་ཆག་པ་དང་། འབབ་ཆུ་དྲག་པོའི་རྒྱུན་ལས་བཟློག་སྟེ་ལྷུང་བཟེད་ཀྱིས་ཆུ་འཆུ་བར་བྱེད་ནས། དེ་ཤོར་ཏེ་ཆུས་ཁྱེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྔ་མ་བཞིན་དུ། འོག་གཞི་མེད་པའི་ས་ཕྱོགས་སུ་ལྷུང་བཟེད་
[48a]
[48a.1]མི་གཞག་པར་བསླབ་པར་བྱའོ། །གད་ཀ་མ་ཡིན་པ་དང་། གཡང་ས་མ་ཡིན་པ་དང་། དཀན་གཟར་པོ་མ་ཡིན་པར་ལྷུང་བཟེད་གཞག་པར་བསླབ་པར་བྱ། འགྲེང་སྟེ་ལྷུང་བཟེད་མི་བཀྲུ་བར་བསླབ་པར་བྱ། གད་ཀ་མ་ཡིན་པ་དང་། གཡང་ས་མ་ཡིན་པ་དང་། དཀན་གཟར་
[48a.2]པོ་མ་ཡིན་པར་ལྷུང་བཟེད་བཀྲུ་བར་བསླབ་པར་བྱ། འབབ་ཆུ་དྲག་པོའི་རྒྱུན་ལས་བཟློག་སྟེ་ལྷུང་བཟེད་ཀྱིས་ཆུ་མི་བཅུ་བར་བསླབ་པར་བྱ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དགེ་སློང་ཆོས་འདི་པ་དག །ཉོན་མོངས་པ་ནི་ཤེས་བཞིན་མ་ཡིན་པ། ཉེས་པ་ནི་འོག་གཞི་མེད་
[48a.3]པའི་ས་ཕྱོགས་དང་། གད་ཀ་དང་། གཡང་ས་དང་། དཀན་གཟར་པོར་ལྷུང་བཟེད་འཇོག་པ་དང་། འགྲེང་བཞིན་དུ་དང་། གད་ཀ་དང་། གཡང་ས་དང་། དཀན་གཟར་པོར་ལྷུང་བཟེད་འཁྲུ་བ་དང་། འབབ་ཆུ་དྲག་པོའི་རྒྱུན་ལས་བཟློག་སྟེ་ལྷུང་བཟེད་ཀྱིས་ཆུ་འཆུ་བའོ། །དེ་ལ་འོག་གཞི་མེད་པའི་
[48a.4]ས་ཕྱོགས་སུ་ལྷུང་བཟེད་མི་གཞག་པ་ཞེས་བྱ་བ་ནི་ལོ་མ་ལ་སོགས་པ་དག་གིས་མ་གཡོགས་པ། འོག་གཞི་མེད་པའི་ས་ཕྱོགས་སུ་ལྷུང་བཟེད་མི་གཞག་པའོ། །གད་ཀ་མ་ཡིན་པ་ཞེས་བྱ་བ་ནི་དོས་ཆད་པའི་ངམ་གྲོག་གི་ཁ་མ་ཡིན་པའོ། །གཡང་ས་མ་ཡིན་པ་ཞེས་བྱ་བ་ནི་བྱིན་གྱིས་གཞོལ་བའི་གཡང་
[48a.5]ས་ཡིན་པའོ། །དཀན་གཟར་པོ་མ་ཡིན་པ་ཞེས་བྱ་བ་ནི་བང་རིམ་བཞི་པ་མ་ཡིན་པའོ། །འགྲེང་སྟེ་ཞེས་བྱ་བ་ནི་འགྲེང་བཞིན་དུའོ། །འབབ་ཆུ་དྲག་པོའི་རྒྱུན་ལས་བཟློག་སྟེ་ལྷུང་བཟེད་ཀྱིས་ཆུ་མི་བཅུ་བ་ཞེས་བྱ་བ་ནི་ལྷུང་བཟེད་དེས་འབབ་ཆུ་དྲག་པོའི་རྒྱུན་ལས་བཟློག་སྟེ་ཆུ་མི་བཅུ་བ་སྟེ། དེ་ལྟར་ལྷུང་བཟེད་
[48a.6]ཀྱིས་ཉེས་པ་དེ་དག་མི་བྱ་བར་ལྷུང་བཟེད་མིག་བཞིན་དུ་ཡོངས་སུ་བསྐྱང་བ་དང་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ལྷུང་
[48a.7]བཟེད་འོག་གཞི་མེད་པའི་ས་ཕྱོགས་དང་། གད་ཀ་དང་། གཡང་ས་དང་། དཀན་གཟར་པོ་དང་། འགྲེང་བ་དང་། འབབ་ཆུ་དྲག་པོའི་རྒྱུན་ལས་བཟློག་པ་ཉིད་དོ། །འདི་ལ་ཡན་ལག་ནི་རེ་རེ་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་
[48b]
[48b.1]པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །ལྷུང་བཟེད་ཀྱི་ནང་དུ་ཟས་ཀྱི་ལྷག་མ་བླུགས་ཏེ་མི་དོར་བར་བསླབ་པར་བྱ་ཞེས་བྱ་བ་མན་ཆད། འདི་ཡན་ཆད་ཐམས་ཅད་ནི་ལྷུང་བཟེད་མིག་བཞིན་དུ་ཡོངས་སུ་བསྐྱང་བར་བྱའོ་ཞེས་གསུངས་པའི་བསླབ་པ་མདོར་བསྟན་པ་དང་། དེའི་སྤྲོས་པ་
[48b.2]དག་ཡིན་པར་སྦྱར་རོ། །བསླབ་པ་སྔར་བདུན་ཅུ་གསུམ་གྱི་སྟེང་དུ་འདི་དགུས་བསྣན་ཏེ་བརྒྱད་ཅུ་གཉིས་པའོ།། །།སྡོམ་ལ། འགྲེང་བར་བྱེད་ལ་སོགས་པ་ལྔ། །ཞེས་གསུངས་པའི་བསླབ་པ་བསྡུ་པའི་མདོ་ནི། མི་ན་བར་འདུག་པ་ལ་འགྲེང་སྟེ་ཆོས་མི་བཤད་པར་བསླབ་པར་བྱ། མི་ན་
[48b.3]བར་ཉལ་བ་ལ་འདུག་སྟེ་ཆོས་མི་བཤད་པར་བསླབ་པར་བྱ། མི་ན་བར་སྟན་མཐོན་པོ་ལ་འདུག་པ་ལ་སྟན་དམའ་བ་ལ་འདུག་པས་ཆོས་མི་བཤད་པར་བསླབ་པར་བྱ། མི་ན་བར་མདུན་དུ་འགྲོ་བ་ལ་ཕྱི་ནས་འགྲོ་ཞིང་ཆོས་མི་བཤད་པར་བསླབ་པར་བྱ། མི་ན་བར་ལམ་ནས་འགྲོ་བ་ལ་ལམ་གྱི་འགྲམ་ནས་
[48b.4]འགྲོ་ཞིང་ཆོས་མི་བཤད་པར་བསླབ་པར་བྱའོ་ཞེས་བྱ་བ་དག་ཡིན་ནོ། །སྡོམ་ལ། མགོ་གཡོགས་ལ་སོགས་རྣམ་པ་ལྔ། །ཞེས་གསུངས་པའི་བསླབ་པ་བསྡུ་བའི་མདོ་ནི། མི་ན་བར་མགོ་གཡོགས་པ་དང་། བརྫེས་པ་དང་། གཟར་བ་དང་། གཉའ་གོང་དུ་བསྣོལ་བ་དང་། ལྟག་པར་
[48b.5]བསྣོལ་བ་ལ་ཆོས་མི་བཤད་པར་བསླབ་པར་བྱའོ་ཞེས་བྱ་བ་དག་ཡིན་ནོ། །སྡོམ་ལ། དོ་ཀེར་ཅན་ལ་སོགས་པ་ལྔ། །ཞེས་གསུངས་པའི་བསླབ་པ་བསྡུ་བའི་མདོ་ནི། མི་ན་བར་སྐྲ་དོ་ཀེར་ཅན་དང་། ཞྭ་གྱོན་པ་དང་། མགོ་ཅོད་པན་ཅན་དང་། མགོ་ཕྲེང་བ་ཅན་དང་། མགོ་དཀྲིས་པ་ལ་ཆོས་མི་
[48b.6]བཤད་པར་བསླབ་པར་བྱ་བའོ་ཞེས་བྱ་བ་དག་ཡིན་ནོ། །སྡོམ་ལ། གླང་ཆེན་ལ་སོགས་ཞོན་པ་ལྔ། །ཞེས་གསུངས་པའི་བསླབ་པ་བསྡུ་བའི་མདོ་ནི། མི་ན་བར་གླང་པོ་ཆེ་ཞོན་པ་དང་། རྟ་ཞོན་པ་དང་། ཁྱོགས་ན་འདུག་པ་དང་། བཞོན་པའི་སྟེང་དུ་འདུག་པ་དང་། མཆིལ་ལྷམ་གྱོན་པ་
[48b.7]ལ་ཆོས་མི་བཤད་པར་བསླབ་པར་བྱའོ་ཞེས་བྱ་བ་དག་ཡིན་ནོ། །སྡོམ་ལ། ལག་ན་འཁར་བ་ལ་སོགས་དྲུག །ཅེས་གསུངས་པའི་བསླབ་པ་བསྡུ་བའི་མདོ་ནི། མི་ན་བར་ལག་པ་ན་འཁར་བ་ཐོགས་པ་དང་། ལག་ན་གདུགས་ཐོགས་པ་དང་། ལག་ན་མཚོན་ཆ་ཐོགས་པ་དང་། ལག་ན་རལ་གྲི་ཐོགས་པ་དང་། ལག་
[49a]
[49a.1]ན་དགྲ་ཆ་ཐོགས་པ་དང་། གོ་ཆ་གྱོན་པ་ལ་ཆོས་མི་བཤད་པར་བསླབ་པར་བྱའོ་ཞེས་བྱ་བ་དག་ཡིན་ནོ། །དེ་ལ་བསླབ་པ་ཉི་ཤུ་དྲུག་པོ་དེ་དག་གི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་
[49a.2]ན་བཞུགས་སོ། །དྲུག་སྡེ་དག་ཉན་པ་པོ་མི་ན་བར་འདུག་པ་ལ་བདག་ཉིད་འགྲེང་སྟེ་ཆོས་འཆད་པ་དང་། ཉན་པ་པོ་མི་ན་བར་ཉལ་བ་ལ་བདག་ཉིད་འདུག་སྟེ་ཆོས་འཆད་པ་དང་། ཉན་པ་པོ་མི་ན་བར་སྟན་མཐོན་པོ་ལ་འདུག་པ་ལ་བདག་ཉིད་སྟན་དམའ་བ་ལ་འདུག་སྟེ་ཆོས་འཆད་པ་དང་། ཉན་པ་པོ་མི་ན་བར་
[49a.3]མདུན་དུ་འགྲོ་བ་ལ་བདག་ཉིད་ཕྱི་ནས་འགྲོ་ཞིང་ཆོས་འཆད་པ་དང་། ཉན་པ་པོ་མི་ན་བར་ལམ་ནས་འགྲོ་བ་ལ་བདག་ཉིད་ལམ་གྱི་འགྲམ་ནས་འགྲོ་ཞིང་ཆོས་འཆད་པ་དང་། ཉན་པ་པོ་མི་ན་བར་མགོ་གཡོགས་པ་དང་། བརྫེས་པ་དང་། གཟར་བ་དང་། གཉའ་གོང་དུ་བསྣོལ་བ་དང་། ལྟག་པར་
[49a.4]བསྣོལ་བ་ལ་ཆོས་འཆད་པ་དང་། ཉན་པ་པོ་མི་ན་བར་སྐྲ་དོ་ཀེར་ཅན་དང་། ཞྭ་གྱོན་པ་དང་། མགོ་ཅོད་པན་ཅན་དང་། མགོ་ཕྲེང་བ་ཅན་དང་། མགོ་དཀྲིས་པ་ལ་སོགས་པ་ལ་ཆོས་འཆད་པ་དང་། ཉན་པ་པོ་མི་ན་བར་གླང་པོ་ཆེ་ཞོན་པ་དང་། རྟ་ཞོན་པ་དང་། ཁྱོགས་ན་འདུག་པ་དང་།
[49a.5]བཞོན་པའི་སྟེང་དུ་འདུག་པ་དང་། མཆིལ་ལྷ་མ་གྱོན་པ་ལ་ཆོས་འཆད་པ་དང་། ཉན་པ་པོ་མི་ན་བར་ལག་ན་འཁར་བ་ཐོགས་པ་དང་། ལག་ན་གདུགས་ཐོགས་པ་དང་། ལག་ན་མཚོན་ཐོགས་པ་དང་། ལག་ན་རལ་གྲི་ཐོགས་པ་དང་། ལག་ན་དགྲ་ཆ་ཐོགས་པ་དང་། གོ་ཆ་གྱོན་པ་ལ་ཆོས་
[49a.6]འཆད་པར་བྱེད་ནས་བྲམ་ཟེ་དང་ཁྱིམ་བདག་དད་པ་ཅན་དག །འཕགས་པ་དག་བཅོམ་ལྡན་འདས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས། བླ་ན་མེད་པའི་ཡེ་ཤེས་བརྙེས་ནས། ཁྱེད་ཅག་ཉན་པ་པོ་མི་ན་
[49a.7]བར་རྗེས་མེད་པ་དང་། གུས་པ་མེད་པར་འདུག་པ་ལ་སོགས་པ་ལ་བདག་ཉིད་འགྲོ་བ་ལ་སོགས་པས་ཆོས་འཆད་པར་བྱེད་དམ་ཞེས་སྨོད་པར་བྱེད་ནས། དེ་དག་ཅང་མི་སྨྲ་བར་འཁོད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་
[49b]
[49b.1]ན་ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་འདུག་པ་ལ་འགྲེང་སྟེ་ཆོས་མི་བཤད་པར་བསླབ་པར་བྱ། མི་ན་བར་ཉལ་བ་ལ་འདུག་སྟེ་ཆོས་མི་བཤད་པར་བསླབ་པར་བྱ། མི་ན་བར་སྟན་མཐོན་པོ་ལ་འདུག་པ་ལ་སྟན་དམའ་བ་ལ་འདུག་སྟེ་ཆོས་མི་བཤད་པར་
[49b.2]བསླབ་པར་བྱ། མི་ན་བར་མདུན་དུ་འགྲོ་བ་ལ་ཕྱི་ནས་འགྲོ་ཞིང་ཆོས་མི་བཤད་པར་བསླབ་པར་བྱ། མི་ན་བར་ལམ་ནས་འགྲོ་བ་ལ་ལམ་གྱི་འགྲམ་ནས་འགྲོ་ཞིང་ཆོས་མི་བཤད་པར་བསླབ་པར་བྱ། མི་ན་བར་མགོ་གཡོགས་པ་དང་། བརྫེས་པ་དང་། གཟར་བ་དང་། གཉའ་གོང་དུ་བསྣོལ་
[49b.3]བ་དང་། ལྟག་པར་བསྣོལ་བ་ལ་ཆོས་མི་བཤད་པར་བསླབ་པར་བྱའོ། །མི་ན་བར་སྐྲ་དོ་ཀེར་ཅན་དང་། ཞྭ་གྱོན་པ་དང་། མགོ་ཅོད་པན་ཅན་དང་། མགོ་ཕྲེང་བ་ཅན་དང་། མགོ་དཀྲིས་པ་ལ་ཆོས་མི་བཤད་པར་བསླབ་པར་བྱའོ། །མི་ན་བར་གླང་པོ་ཆེ་ལ་ཞོན་པ་དང་། རྟ་ལ་ཞོན་
[49b.4]པ་དང་། ཁྱོགས་པ་ལ་འདུག་པ་དང་། བཞོན་པའི་སྟེང་ན་འདུག་པ་དང་། མཆིལ་ལྷམ་གྱོན་པ་ལ་ཆོས་མི་བཤད་པར་བསླབ་པར་བྱའོ། །མི་ན་བར་ལག་ན་འཁར་བ་ཐོགས་པ་དང་། ལག་ན་གདུགས་ཐོགས་པ་དང་། ལག་ན་མཚོན་ཐོགས་པ་དང་། ལག་ན་རལ་གྲི་ཐོགས་པ་
[49b.5]དང་། ལག་ན་དགྲ་ཆ་ཐོགས་པ་དང་། གོ་ཆ་གྱོན་པ་ལ་ཆོས་མི་བཤད་པར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་དྲུག་སྡེ། ཉོན་མོངས་པ་ནི་བསྟན་བཅོས་དང་འཇིག་རྟེན་མི་ཤེས་པ། ཉེས་པ་ནི་ཉན་པ་པོ་མི་ན་བར་འདུག་པ་ལ་བདག་ཉིད་འགྲེང་
[49b.6]སྟེ་ཆོས་འཆད་པ་ལ་སོགས་པ་བསླབ་པ་ཉི་ཤུ་དྲུག་ལ་འདི་ཉིད་ལ་དེ་ལྟར་མ་བྱས་པའི་ཉེས་པ་རྣམས་སོ་སོར་ཅི་རིགས་པར་སྦྱར་བའོ། །དེ་ལ་མིན་བར་འདུག་པ་ལ་འགྲེང་སྟེ་ཆོས་མི་བཤད་པར་བསླབ་པར་བྱའོ་ཞེས་བྱ་བ་ནི་ཉན་པ་པོ་མི་ན་བར་འདུག་པ་ལ་དགེ་སློང་འགྲེང་སྟེ་ཆོས་མི་བཤད་པར་བསླབ་
[49b.7]པར་བྱའོ། །མི་ན་བར་འདུག་པ་ལ་དགེ་སློང་འགྲེང་སྟེ་ཆོས་མི་བཤད་པར་བསླབ་པར་བྱ་བ་འདི་མན་ཆད་བསླབ་པ་ཉི་ཤུ་རྩ་དྲུག་ནི་དགེ་སློང་གི་བསྟན་བཅོས་ཤེས་པ་དང་། འཇིག་རྟེན་ཤེས་པའི་སྒོ་ནས་སངས་རྒྱས་བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་
[50a]
[50a.1]ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་མཁྱེན་པ་བརྙེས་ཏེ། དེ་ཁོ་ན་ཉིད་ཐུགས་སུ་ཆུད་པའི་དཔལ་གྱི་མགུར་ནས་གསུངས་པའི་ཆོས་ལ་གུས་པར་བྱ་བའི་བསླབ་པ་མདོར་བསྟན་པ་དང་། དེའི་སྤྲོས་པ་ཡིན་ཏེ། རྣམ་པ་
[50a.2]གཞན་བསྟན་པ་ནི་མ་ཡིན་ནོ། །མི་ན་བར་ཉལ་བ་ལ་འདུག་སྟེ་ཆོས་མི་བཤད་པར་བསླབ་པར་བྱ་ཞེས་བྱ་བ་ནི་ཉན་པ་པོ་མི་ན་བར་ཉལ་བ་ལ་དགེ་སློང་འདུག་སྟེ་ཆོས་མི་བཤད་པར་བསླབ་པར་བྱའོ། །མི་ན་བར་སྟན་མཐོན་པོ་ལ་འདུག་པ་ལ་སྟན་དམའ་བ་ལ་འདུག་སྟེ་ཆོས་མི་བཤད་པར་བསླབ་
[50a.3]པར་བྱ་ཞེས་བྱ་བ་ནི་ཉན་པ་པོ་མི་ན་བར་སྟན་མཐོན་པོ་ལ་འདུག་པ་ལ། དགེ་སློང་སྟན་དམའ་བ་ལ་འདུག་སྟེ་ཆོས་མི་བཤད་པར་བསླབ་པར་བྱའོ། །འདིར་སྟན་ཞེས་བྱ་བ་ནི་འདུག་པའི་ས་ཕྱོགས་ཀྱང་གཟུང་བར་རིག་པར་བྱའོ། །སྟན་ངན་པ་དང་བཟང་པོ་ཡང་དེ་ཡིན་ཏེ། གང་གི་ཚེ་སྟན་ཚད་
[50a.4]མཉམ་པ་དེའི་ཚེ། ངན་པ་ནི་དམའ་བ་ཉིད་ཡིན་ལ་བཟང་པོ་ནི་མཐོན་པོ་ཉིད་ཡིན་པར་ཤེས་པར་བྱའོ། །འདིར་གཞུང་ནི་སྒུར་མཆོག་གིས་དེ་དག་སྟན་བཟང་པོ་ལ་མཆིས་ཏེ་ཆོས་ཉན་ལ། བདག་ནི་སྟན་ངན་པ་ལ་མཆིས་ཏེ་ཆོས་སྟོན་ཏོ་ཞེས་གསོལ་བ་དང་། བཅོམ་ལྡན་འདས་ཀྱིས་བཀའ་
[50a.5]སྩལ་པ། དེ་ལྟར་ཆོས་བསྟན་པར་མི་བྱ་བའོ་ཞེས་གསུངས་པ་ཡིན་ནོ། །མི་ན་བར་མདུན་དུ་འགྲོ་བ་ལ་ཕྱི་ནས་འགྲོ་ཞིང་ཆོས་མི་བཤད་པར་བསླབ་པར་བྱ་ཞེས་བྱ་བ་ནི་ཉན་པ་པོ་མི་ན་བར་མདུན་དུ་འགྲོ་བ་ལ། དགེ་སློང་ཕྱི་ནས་འགྲོ་ཞིང་ཆོས་མི་བཤད་པར་བསླབ་པར་བྱའོ། །མི་ན་བར་ལམ་ནས་
[50a.6]འགྲོ་བ་ལ་ལམ་གྱི་འགྲམ་ནས་འགྲོ་ཞིང་ཆོས་མི་བཤད་པར་བསླབ་པར་བྱའོ་ཞེས་བྱ་བ་ནི་ཉན་པ་པོ་མི་ན་བར་ལམ་ནས་འགྲོ་བ་ལ། དགེ་སློང་ལམ་གྱི་འགྲམ་ནས་འགྲོ་ཞིང་ཆོས་མི་བཤད་པར་བསླབ་པར་བྱའོ། །མི་ན་བར་མགོ་གཡོགས་པ་དང་། བརྫེས་པ་དང་། གཟར་བ་དང་།
[50a.7]གཉའ་གོང་དུ་བསྣོལ་བ་དང་ལྟག་པར་བསྣོལ་བ་ལ་ཆོས་མི་བཤད་པར་བསླབ་པར་བྱའོ་ཞེས་བྱ་བ་ནི་ཉན་པ་པོ་མི་ན་བར་མགོ་གཡོགས་པ་དང་། བརྫེས་པ་དང་། གཟར་བ་དང་། གཉའ་གོང་དུ་བསྣོལ་བ་དང་ལྟག་པར་བསྣོལ་བ་ལ་དགེ་སློང་གིས་ཆོས་མི་བཤད་པར་བསླབ་པར་བྱ་བའོ། །འདི་ལྟ་
[50b]
[50b.1]བུའི་མཚན་ཉིད་ནི་སྔར། མགོ་གཡོགས་ལ་སོགས་རྣམ་པ་ལྔ། །ཞེས་བྱ་བ་སྔ་མའི་རིམ་གྱིས་བཤད་ཟིན་ཏོ། །མི་ན་བར་སྐྲ་དོ་ཀེར་ཅན་དང་། ཞྭ་གྱོན་པ་དང་། མགོ་བོ་ཅོད་པན་ཅན་དང་། མགོ་ཕྲེང་བ་ཅན་དང་། མགོ་དཀྲིས་པ་ལ་ཆོས་མི་བཤད་པར་བསླབ་པར་བྱའོ་ཞེས་བྱ་བ་ནི་ཉན་པ་པོ་མི་ན་
[50b.2]བར་མགོ་དོ་ཀེར་ཅན་དང་། ཞྭ་གྱོན་པ་དང་། མགོ་ཅོད་པན་ཅན་དང་། མགོ་ཕྲེང་བ་ཅན་དང་། མགོ་ཐོད་བཅིངས་པ་ལ་དགེ་སློང་གིས་ཆོས་མི་བཤད་པར་བསླབ་པར་བྱའོ། །མི་ན་བར་གླང་པོ་ཆེ་ཞོན་པ་དང་། རྟ་ཞོན་པ་དང་། ཁྱོགས་ན་འདུག་པ་དང་། བཞོན་པའི་སྟེང་ན་འདུག་པ་
[50b.3]དང་། མཆིལ་ལྷམ་གྱོན་པ་ལ་ཆོས་མི་བཤད་པར་བསླབ་པར་བྱའོ་ཞེས་བྱ་བ་ནི། ཉན་པ་པོ་མི་ན་བར་གླང་པོ་ཆེ་ཞོན་པ་དང་། རྟ་ཞོན་པ་དང་། ཁྱོགས་ན་འདུག་པ་དང་། བཞོན་པའི་སྟེང་ན་འདུག་པ་དང་། མཆིལ་ལྷམ་གྱོན་པ་ལ་དགེ་སློང་གིས་ཆོས་མི་བཤད་པར་བསླབ་པར་བྱའོ། །མི་ན་
[50b.4]བར་ལག་ན་འཁར་བ་ཐོགས་པ་དང་། ལག་ན་གདུགས་ཐོགས་པ་དང་། ལག་ན་མཚོན་ཐོགས་པ་དང་། ལག་ན་རལ་གྲི་ཐོགས་པ་དང་། ལག་ན་དགྲ་ཆ་ཐོགས་པ་དང་། གོ་ཆ་གྱོན་པ་ལ་ཆོས་མི་བཤད་པར་བསླབ་པར་བྱའོ་ཞེས་བྱ་བ་ནི་ཉན་པ་པོ་མིན་བར་ལག་ན་འཁར་བ་ཐོགས་པ་
[50b.5]དང་། ལག་ན་གདུགས་ཐོགས་པ་དང་། ལག་ན་མཚོན་ཐོགས་པ་དང་། ལག་ན་རལ་གྲི་ཐོགས་པ་དང་། ལག་ན་དགྲ་ཆ་ཐོགས་པ་དང་། གོ་ཆ་གྱོན་པ་ལ་དགེ་སློང་གིས་ཆོས་མི་བཤད་པར་བསླབ་པར་བྱའོ། །དེ་ལ་འདིར་དེ་དག་གི་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་
[50b.6]གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་ཉན་པ་པོ་དང་། དགེ་སློང་དང་ཆོས་ཉིད་དོ། །འདི་ལ་ཡན་ལག་ནི་རེ་རེ་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་
[50b.7]རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །མི་ན་བར་འདུག་པ་ལ་འགྲེང་སྟེ་ཆོས་མི་བཤད་པར་བསླབ་པར་བྱ་བ་མན་ཆད། འདི་ཡན་ཆད་ཐམས་ཅད་ནི་ཆོས་ལ་གུས་པས་བསླབ་པར་བྱ་བ་མདོར་བསྟན་པ་དང་། འདིའི་སྤྲོས་པ་དག་ཡིན་པར་སྦྱར་རོ། །བསླབ་པ་སྔར་བརྒྱད་ཅུ་རྩ་གཉིས་
[51a]
[51a.1]ཀྱི་སྟེང་དུ་འདིར་ཉི་ཤུ་རྩ་དྲུག་གིས་བསྣན་ཏེ་བརྒྱ་རྩ་བརྒྱད་པའོ།། །།སྡོམ་ལ། ན་བ་རྣམ་པ་བཞི་རྣམས་སོ། །ཞེས་གསུངས་པའི་བསླབ་པ་བསྡུ་བའི་མདོ་ནི། མི་ན་བར་འགྲེང་སྟེ་བཤང་གཅི་མི་བྱ་བར་བསླབ་པར་བྱའོ། །མི་ན་བར་ཆུའི་ནང་དུ་བཤང་གཅི་དང་
[51a.2]མཆིལ་མ་དང་། སྣབས་དང་། སྐྱུགས་པ་དང་། རླུགས་པ་མི་དོར་བར་བསླབ་པར་བྱ། མི་ན་བར་རྩྭ་སྔོན་པོ་ཡོད་པའི་ཕྱོགས་སུ་བཤང་གཅི་དང་། མཆིལ་མ་དང་། སྣབས་དང་། སྐྱུགས་པ་དང་། རླུགས་པ་མི་དོར་བར་བསླབ་པར་བྱ་གནོད་པ་བྱུང་བ་མ་གཏོགས་པར་ཤིང་ལ་མི་གང་ཙམ་ལས་མཐོ་བར་མི་འཛེག་པར་
[51a.3]བསླབ་པར་བྱ་བའོ་ཞེས་བྱ་བ་དག་ཡིན་ནོ། །དེ་ལ་མི་ན་བར་འགྲེང་སྟེ་བཤང་གཅི་མི་བྱ་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་དགའ་འགྲེང་བཞིན་དུ་བཤང་
[51a.4]གཅི་བྱེད་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་སྟོན་པའི་ཉན་ཐོས་ནི་ངོ་ཚ་དང་ལྡན་པ་ལགས་ན། ཉན་ཐོས་ངོ་ཚ་བ་དང་ཁྲེལ་མེད་པ་འདི་འགྲེང་བཞིན་དུ་བཤང་གཅི་བགྱིད་པ་ག་ལ་གདའ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་
[51a.5]ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ངའི་ཉན་ཐོས་རྣམས་ཀྱིས་འདུལ་བ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་འགྲེང་སྟེ་བཤང་གཅི་མི་བྱ་བར་བསླབ་པར་བྱ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་ཉེ་དགའ།
[51a.6]ཉོན་མོངས་པ་ནི་ངོ་ཚ་དང་ཁྲེལ་མེད་པ། ཉེས་པ་ནི་མི་ན་བར་འགྲེང་སྟེ་བཤང་གཅི་བྱེད་པའོ། །དེ་ལ་མི་ན་བར་འགྲེང་སྟེ་བཤང་གཅི་མི་བྱ་བར་བསླབ་པར་བྱ་ཞེས་བྱ་བ་ནི་དགེ་སློང་མི་ན་བར་འགྲེང་སྟེ་བཤང་བ་དང་གཅི་བ་མི་བྱ་བར་བསླབ་པར་བྱའོ། །བསླབ་པ་འདི་དང་འོག་ནས་ཆུ་དང་རྩྭ་སྔོན་པོའི་
[51a.7]ཕྱོགས་སུ་བཤང་གཅི་ལ་སོགས་པ་མི་དོར་བར་བསླབ་པར་བྱ་བ་ནི། དགེ་སློང་གི་སྨན་དང་ཁ་ཟས་ཀྱི་རྒྱུ་མཐུན་པ་དག་འཇིག་རྟེན་དང་མི་འགལ་བ་དང་། འདུལ་བ་དང་མི་འགལ་བར་བག་ཡངས་སུ་བསྒྲུབ་པའི་ཚུལ་མདོར་བསྟན་པ་དང་། སྤྲོས་པ་དང་བཅས་པ་ཡིན་ཏེ། རྣམ་པ་གཞན་བསྟན་
[51b]
[51b.1]པ་ནི་མ་ཡིན་ནོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན། བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་ནི་དགེ་སློང་མི་ན་བ་དང་། འགྲེང་སྟེ་བཤང་གཅི་བྱེད་པ་ཉིད་དོ། །འདི་ལ་ཡན་
[51b.2]ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བརྒྱ་རྩ་དགུ་པའོ།། །།མི་ན་བར་ཆུའི་ནང་དུ་བཤང་གཅི་དང་། མཆིལ་མ་དང་། སྣབས་དང་། སྐྱུགས་པ་དང་།
[51b.3]རླུགས་པ་མི་དོར་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་དགའ་བཙོ་བླག་མཁན་གྱི་གན་དུ་སོང་སྟེ་སྨྲས་པ། བཞིན་བཟངས་གོས་འདི་ཁྲུས་ཏེ་བྱིན་ཅིག །དེས་སྨྲས་
[51b.4]པ། འཕགས་པ་ཁྱོད་ཀྱིས་སྔོན་ནི་བདག་ཅག་བསྲུང་བར་བྱས་པར་གྱུར་ན། དེང་སང་མི་བྱེད་པས་ཅིའི་ཕྱིར་ཁྱེད་ཅག་གི་གོས་བཀྲུས་ཏེ་སྦྱིན། དེས་སྡོད་ཅིག་ཅེས་བྱས་ཏེ་སོང་ནས་དེས་བསམས་པ། བཀྲེན་པ་དེ་མི་དགའ་བར་བྱའོ་སྙམ་ནས། དེས་བཀྲུ་སྨན་ཟོས་ཏེ་མི་གཙང་བས་གྱོ་མོ་བཀང་
[51b.5]ནས། བཙོ་བླག་མཁན་དེའི་བཀྲུ་བཤལ་སར་བླུགས་སོ། །དེ་ནས་བཙོ་བླག་མཁན་དེ་ནང་པར་སྔར་ལངས་ཏེ་གོས་བཀྲུ་བར་བརྩམས་པ་དང་། ཇི་ཙམ་ནས་མི་གཙང་བའི་དྲི་བྲོ་ནས། དེས་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་པ་དང་། ཉེ་དགས་ཆེད་དུ་བསམས་ཏེ།
[51b.6]ཕྱོགས་དེར་སོང་ནས་སྨྲས་པ། བཞིན་བཟངས་ཁྱོད་ཅིའི་ཕྱིར་སེམས་ཁོང་དུ་ཆུད་ཅིང་འདུག །དེས་སྨྲས་པ། འཕགས་པ་བཀྲུ་བཤལ་ས་འདིར་གཅིག་གིས་མི་གཙང་བ་བླུགས་ཏེ་ལས་བགྱིར་མ་མཆིས་པས་ད་ཇི་ལྟར་འཚོ་བ་སྦྱར་བར་བགྱི་མ་འཚལ་ཏོ། །བཀྲེན་པ་ཁྱོད་འདི་ལྟར་མི་དགའ་བར་
[51b.7]བྱའོ། །དེ་སྨོད་པ་ལ་ཞུགས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་ཆུའི་ནང་དུ་བཤང་གཅི་མི་བྱ་བར་
[52a]
[52a.1]བསླབ་པར་བྱའོ། །ཐམས་ཅད་ཆུས་གང་སྟེ་གོ་སྐབས་མེད་པ་ནི་མ་གཏོགས་སོ། །བཤང་གཅི་ཇི་ལྟ་བ་བཞིན་དུ་ཆུའི་ནང་དུ་མཆིལ་མ་དང་། སྣབས་དང་། སྐྱུགས་པ་དང་། རླུགས་པ་མི་དོར་བར་བསླབ་པར་བྱ་བ་ཡང་དེ་བཞིན་ནོ་ཞེས་བཅའ་བ་མཛད་དེ། ཡུལ་ནི་མཉན་
[52a.2]ཡོད། གང་ཟག་ནི་ཉེ་དགའ། ཉོན་མོངས་པ་ནི་མི་བཟོད་པ། ཉེས་པ་ནི་ཆུའི་ནང་དུ་བཤང་གཅི་ལ་སོགས་པ་འདོར་བའོ། །དེ་ལ་མི་ན་བར་ཆུའི་ནང་དུ་བཤང་གཅི་དང་། མཆིལ་མ་དང་། སྣབས་དང་། སྐྱུགས་པ་དང་། རླུགས་པ་མི་དོར་བར་བསླབ་པར་བྱའོ་ཞེས་བྱ་བ་ནི། དགེ་སློང་མི་ན་བར་
[52a.3]ཆུའི་ནང་དུ་བཤང་གཅི་ལ་སོགས་པ་མི་བྱ་བ་དང་། བྱས་ཟིན་པ་ཡང་མི་དོར་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་དགེ་སློང་མི་ན་
[52a.4]བ་དང་། ཆུའི་ནང་དུ་བཤང་གཅི་ལ་སོགས་པ་བྱེད་པ་དང་། བྱས་པ་འདོར་བ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བརྒྱད་རྩ་བཅུ་
[52a.5]པའོ།། །།མི་ན་བར་རྩྭ་སྔོན་པོ་ཡོད་པའི་ས་ཕྱོགས་སུ་བཤང་གཅི་དང་མཆིལ་མ་དང་། སྣབས་དང་། སྐྱུགས་པ་དང་། རླུགས་པ་མི་དོར་བར་བསླབ་པར་བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་
[52a.6]དགའ་ལྡུམ་པའི་གན་དུ་སོང་སྟེ་སྨྲས་པ། བཞིན་བཟང་ལྡུམ་ཅུང་ཞིག་བྱིན་ཅིག །དེས་སྨྲས་པ། འཕགས་པ་ཁྱོད་ཀྱིས་སྔོན་ནི་བདག་ཅག་བསྲུང་བ་བྱས་པར་གྱུར་ན། དེང་སང་མི་བྱེད་པས་ཅིའི་ཕྱིར་ཁྱོད་ལ་ལྡུམ་སྦྱིན། དེས་སྡོད་ཅིག་བྱས་ཏེ་སོང་ནས་དེས་བསམས་པ། བཀྲེན་པ་དེ་མི་དགའ་བར་
[52a.7]བྱའོ་སྙམ་ནས། དེས་བཀྲུ་སྨན་ཟོས་ཏེ། མི་གཙང་བས་གྱོ་མོ་བཀང་ནས་ཕྱགས་མ་ཐོགས་ཏེ། ལྡུམ་ཞིང་གི་སྟེང་དུ་ཐམས་ཅད་དུ་མི་གཙང་བས་གཏོར་ནས། ལྡུམ་ཐམས་ཅད་མ་རུང་བར་བྱས་སོ། །མི་གཙང་བའི་དྲི་ཡིས་དེར་ཝ་དག་འདུས་ནས། དེ་དག་གིས་ཀྱང་ལྡུམ་ཐམས་ཅད་མ་
[52b]
[52b.1]རུང་བར་བྱས་སོ། །དེ་ནས་སྡུམ་པ་དེ་ལྡུམ་བཙོང་བའི་ཕྱིར། ནང་པར་སྔར་ལངས་ཏེ་ལྡུམ་རར་སོང་བ་དང་། ཇི་ཙམ་ན་ལྡུམ་ཐམས་ཅད་མི་གཙང་བས་གཏོར་ཞིང་། ལྡུམ་ཝས་ཀྱང་ཟོས་ཏེ། ཟོང་དུ་མི་རུང་བར་མཐོང་སྟེ། དེ་ལག་པ་འགྲམ་པ་ལ་གཏད་དེ། སེམས་ཁོང་དུ་ཆུད་དེ་འདུག་
[52b.2]པ་དང་། ཉེ་དགས་དེའི་ཆེད་དུ་བསམས་ཏེ་ཕྱོགས་དེར་སོང་ནས་སྨྲས་པ། བཞིན་བཟངས་ཁྱོད་ཅིའི་ཕྱིར་སེམས་ཁོང་དུ་ཆུད་ཅིང་འདུག །དེས་སྨྲས་པ། འཕགས་པ་དག་ལྡུམ་ཞིང་འདིར་གཅིག་གིས་མི་གཙང་བ་གཏོར་ཞིང་ཝས་ཀྱང་ཟོས་ཏེ། ཟོང་དུ་མ་རུང་བས་ད་ཇི་ལྟར་འཚོ་བ་སྦྱར་བར་བགྱི་
[52b.3]མ་འཚལ་ཏོ། །ཉེ་དགས་སྨྲས་པ། བཀྲེན་པ་ཁྱོད་དེ་ལྟར་མི་དགའ་བར་བྱའོ། །དེ་སྨོད་པ་ལ་ཞུགས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་
[52b.4]འདི་ལྟར་གདོན་པར་བྱ་སྟེ། མི་ན་བར་རྩྭ་སྔོན་པོ་ཡོད་པའི་ས་ཕྱོགས་སུ་བཤང་གཅི་མི་བྱ་བར་བསླབ་པར་བྱའོ། །ཐམས་ཅད་སྔོས་གང་སྟེ། གོ་སྐབས་མེད་པ་མ་གཏོགས་སོ། །བཤང་གཅི་ཇི་ལྟ་བ་བཞིན་དུ། རྩྭ་སྔོན་པོ་ཡོད་པའི་ས་ཕྱོགས་སུ་མཆིལ་མ་དང་། སྣབས་དང་། སྐྱུགས་པ་དང་།
[52b.5]རླུགས་པ་མི་དོར་བར་བསླབ་པར་བྱ་བ་ཡང་དེ་བཞིན་ནོ་ཞེས་བཅའ་བ་མཛད་དེ། ཡུལ་ནི་སེར་སྐྱའི་གནས། གང་ཟག་ནི་ཉེ་དགའ། ཉོན་མོངས་པ་ནི་མི་བཟོད་པ། ཉེས་པ་ནི་མི་ན་བར་རྩྭ་སྔོན་པོ་ཡོད་པའི་ས་ཕྱོགས་སུ་བཤང་གཅི་ལ་སོགས་པ་འདོར་བའོ། །དེ་ལ་མི་ན་བར་རྩྭ་སྔོན་པོ་ཡོད་པའི་
[52b.6]ས་ཕྱོགས་སུ་བཤང་གཅི་དང་མཆིལ་མ་དང་། སྣབས་དང་། སྐྱུགས་པ་དང་། རླུགས་པ་མི་དོར་བར་བསླབ་པར་བྱ་བ་ནི་དགེ་སློང་མི་ན་བར་རྩྭ་སྔོན་བོ་ཡོད་པའི་ས་ཕྱོགས་སུ་བཤང་གཅི་ལ་སོགས་པ་མི་བྱ་བ་དང་། བྱས་པ་མི་དོར་བར་བསླབ་པར་བྱའོ། །དེ་ལ་འདིར་དངོས་གཞིའི་ལྟུང་བ་རྣམ་པར་
[52b.7]གཞག་པ་ནི། དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་དགེ་སློང་མི་ན་བ་དང་། རྩྭ་སྔོན་པོ་ཡོད་པའི་ས་ཕྱོགས་སུ་བཤང་གཅི་ལ་སོགས་པ་འདོར་བ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་
[53a]
[53a.1]གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བརྒྱ་རྩ་བཅུ་གཅིག་པའོ།། །།གནོད་པ་བྱུང་བ་མ་གཏོགས་པར་ཤིང་ལ་མི་གང་ཙམ་ལས་མཐོར་མི་འཛེག་པར་བསླབ་པར་
[53a.2]བྱ་བའི་གླེང་གཞི་ནི། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་ན། ཚེ་དང་ལྡན་པ་ཉེ་དགའ་
[53a.3]ལ་དགེ་སྐོས་ཀྱི་བསོད་སྙོམས་ནོད་པའི་རེས་བབ་པ་ནས། དེས་བསམས་པ། གང་གིས་དགེ་བསྐོས་འདི་ཟན་གཅད་པར་བྱ་བ་དེ་ལྟ་བུའི་ཐབས་ཅི་ཡོད་སྙམ་ནས་དེ་འདི་སྙམ་དུ་སེམས་ཏེ། གལ་ཏེ་འགའ་ཞིག་བདག་མཉན་ཡོད་ནས་རྒྱལ་བྱེད་ཀྱི་ཚལ་ཐག་ཇི་སྲིད་ཅིག་ཡོད་ཅེས་འདྲི་ན། བདག་
[53a.4]གིས་དེ་ལ་ཇི་སྐད་བརྗོད་པར་བྱས་རྣམ་པ་ཐམས་ཅད་དུ་གོམ་པ་དག་གིས་ས་གཞི་གཞལ་བར་བྱའོ་སྙམ་ནས། དེ་གོམ་པ་དག་གིས་ས་གཞི་འཇལ་ཞིང་དལ་བུས་འོང་བ་དང་། དགེ་སྐོས་ཀྱིས་བསམས་པ། དེ་ཡུན་རིང་དུ་ཐོགས་པས་བདག་ཟན་ཆད་ན་མི་རུང་གིས་བལྟའོ་སྙམ་ནས། དེ་ཤིང་
[53a.5]ལྗོན་པ་ཞིག་ལ་འཛེགས་ཏེ་བལྟ་བར་བརྩམས་པ་དང་། ཇི་ཙམ་ན་ཚེ་དང་ལྡན་པ་ཉེ་དགའ་དལ་བུས་འོང་བ་མཐོང་ནས་དེས་བསམས་པ། འདི་ཇི་ལྟར་འོང་བའི་སྟངས་ལས་ནི་འདིས་བདག་ཟན་གཅོད་པར་བྱེད་དོ་སྙམ་དུ་རིག་ནས། དེ་ལྗོན་ཤིང་དེ་ལས་བབས་ཏེ་འདུག་གོ། །ཚེ་དང་ལྡན་པ་ཉེ་
[53a.6]དགའ་ཡང་འོང་བ་དང་། ཇི་ཙམ་ན་གདུགས་ཚོད་ཡོལ་ནས་དགེ་སྐོས་ཀྱིས་སྨྲས་པ། ཚེ་དང་ལྡན་པ་ཁྱོད་འགྲོས་དེ་ལྟ་བུར་འོང་བ་ལས་ན། དོན་གྱིས་ན་ཁྱོད་ཀྱིས་ཆེད་དུ་བསམས་ཏེ་ཁོ་བོ་ཟན་བཅད་དུ་བཅུག་གོ། །དེས་སྨྲས་པ། ཁྱོད་ཀྱིས་ཁོ་བོ་ཇི་ལྟར་མཐོང་ཁོ་བོས་ཤིང་ལྗོན་པ་ལ་
[53a.7]འཛེགས་ཏེ་བལྟས་སོ། །ཁྱོད་ཤིང་ལྗོན་པ་ལ་འཛེག་ཏུ་རུང་ངམ། རུང་ཡང་སྲིད་མི་རུང་ཡང་སྲིད་དེ་ཁོ་བོས་ནི་འཛེགས་སོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་ཤིང་ལ་མི་
[53b]
[53b.1]འཛེག་པར་བསླབ་པར་བྱའོ། །བཅོམ་ལྡན་འདས་ཀྱིས་དགེ་སློང་གིས་ཤིང་ལ་མི་འཛེག་པར་བསླབ་པར་བྱའོ་ཞེས་བཀའ་སྩལ་པ་དང་། དགེ་སློང་དག་ཚོན་གྱི་ལས་བྱེད་པར་འདོད་པས་གཟར་ཐག་གང་དུ་གདགས་པར་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཤིང་ལ་མི་གང་ཙམ་དུ་
[53b.2]འཛེག་པར་བྱ་སྟེ། དེ་ལྟ་བས་ན་དགེ་སློང་གིས་ཤིང་ལ་མི་གང་ཙམ་ལས་མཐོར་མི་འཛེག་པར་བསླབ་པར་བྱའོ། །བཅོམ་ལྡན་འདས་ཀྱིས་དགེ་སློང་གིས་ཤིང་ལ་མི་གང་ཙམ་ལས་མཐོར་མི་འཛེག་པར་བསླབ་པར་བྱའོ་ཞེས་བཀའ་སྩལ་ནས། དགེ་སློང་ཞིག་དོན་མཐུན་པ་དང་། ལྷན་ཅིག་ལྗོངས་རྒྱུར་འཕགས་པ་དང་། དོན་མཐུན་པ་དགོན་པའི་ལམ་དུ་
[53b.3]མཚན་མོ་བཏབ་པ་ན་དེ་ལྟར་སྟག་གི་འཇིགས་པ་བྱུང་ནས། དོན་མཐུན་པ་དག་ནི་ཤིང་ལྗོན་པ་ལ་མཐོར་འཛེགས་ཏེ་འཁོད་དོ། །དགེ་སློང་དེ་ཤིང་ལྗོན་པ་ལ་མི་གང་ཙམ་དུ་འཛེགས་ཏེ་འདུག་པ་དང་། ཇི་ཙམ་ན་སྟག་འོངས་ནས་དོན་མཐུན་རྣམས་ཀྱིས་སྨྲས་པ། འཕགས་པ་སྟག་མཆིས་ཀྱིས་མྱུར་དུ་མཐོར་འཛེགས་ཤིག །དེས་བསམས་པ།
[53b.4]བཅོམ་ལྡན་འདས་ཀྱིས་ཤིང་ལ་མི་གང་ཙམ་ལས་མཐོར་འཛེག་པར་མ་གནང་བས། ཇི་ལྟར་མཐོར་འཛེག་སྙམ་ནས། དེ་ཉིད་དུ་འདུག་ནས། སྟག་གིས་མཆོངས་པ་བྱས་པས་བསད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་
[53b.5]སྩལ་པ། དེ་ལྟ་བས་ན་ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། གནོད་པ་བྱུང་བ་མ་གཏོགས་པར་ཤིང་ལ་མི་གང་ཙམ་ལས་མཐོར་མི་འཛེག་པར་བསླབ་པར་བྱའོ་ཞེས་བཅའ་བ་མཛད་དེ། ཡུལ་ནི་མཉན་ཡོད། གང་ཟག་ནི་ཆོས་འདི་པ། ཉོན་མོངས་པ་ནི་
[53b.6]དུས་དང་བྱ་བ་མི་ཤེས་པ། ཉེས་པ་ནི་གནོད་པ་བྱུང་བ་མ་གཏོགས་པར་ཤིང་ལ་མི་གང་ཙམ་ལས་མཐོར་མི་འཛེགས་པའོ། །དེ་ལ་གནོད་པ་བྱུང་བ་མ་གཏོགས་པར་ཤིང་ལ་མི་གང་ཙམ་ལས་མཐོར་མི་འཛེག་པར་བསླབ་པར་བྱའོ་ཞེས་བྱ་བ་ནི། དགེ་སློང་གནོད་པ་བྱུང་བ་མ་གཏོགས་པར་ཤིང་ལ་མི་གང་
[53b.7]ཙམ་ལས་མཐོར་མི་འཛེག་པར་བསླབ་པར་བྱའོ། །འདིའི་རྒྱུ་ནི་མི་མཛེས་པར་སྣང་བ་དང་། སྣད་པ་ལ་སོགས་པའི་ཉེས་དམིགས་སྤོང་བའི་སྒོ་ནས་འཇིག་རྟེན་དང་མི་འགལ་བ་དང་། འདུལ་བ་དང་མི་འགལ་བར་ངེས་པར་འབྱུང་བའི་ཚུལ་ཁྲིམས་ཀྱི་རྗེས་སུ་མཐུན་པར་བསླབ་པར་བྱ་བ་ཉིད་དོ། །
[54a]
[54a.1]དེ་ལ་འདིར་དངོས་གཞིའི་ལྟུང་བ་རྣམ་པར་གཞག་པ་ནི་དངོས་གཞིའི་གནས་སྐབས་སུ་བསླབ་པ་དེ་ལྟར་མ་བྱས་ན་བཤགས་པར་བྱ་བའི་ཉེས་བྱས་ཀྱི་དངོས་གཞིར་འགྱུར་རོ། །འདིའི་བྱེད་པ་པོ་ནི་དགེ་སློང་གནོད་པ་བྱུང་བ་མ་གཏོགས་པ་དང་ཤིང་ལ་མི་གང་ཙམ་ལས་མཐོར་འཛེགས་
[54a.2]པ་ཉིད་དོ། །འདི་ལ་ཡན་ལག་ནི་གཅིག་སྟེ། དངོས་གཞིའི་བསྒྲུབ་པ་ཉིད་དོ། །སྦྱོར་བ་དང་སྦྱོར་བའི་སྦྱོར་བའི་སྒྲུབ་པ་ཉིད་དག་ལ་ནི་ཅི་རིགས་པར་ན་སྨད་དོ་ཞེས་བྱ་བ་ཡང་སྔ་མ་བཞིན་ནོ། །བསླབ་པ་བརྒྱ་རྩ་བཅུ་གཉིས་པའོ།། །།བསླབ་པ་རྣམས་ཀྱི་ཡུལ་རབ་ཏུ་དབྱེ་བ་ནི་མདོར་བསྡུ་ན་རྣམ་
[54a.3]པ་དགུ་སྟེ། གོས་བགོ་བ་དང་། སྤྱོད་ཡུལ་དུ་འགྲོ་བ་དང་། དེར་སྟན་ལ་འདུག་པ་དང་། ཟས་བླང་བ་དང་། ཟན་བཟའ་བ་དང་། ལྷུང་བཟེད་ཀྱི་སྤྱོད་པ་དང་། ཆོས་བསྟན་པ་དང་། སྒྲུབ་པའི་ཚུལ་དང་རྒྱུ་བའོ། །དེ་དག་ནི་ཤམ་ཐབས་ཟླུམ་པོར་བགོ་བར་བསླབ་པར་ཞེས་བྱ་བ་ནས། གནོད་
[54a.4]པ་བྱུང་བ་མ་གཏོགས་པར་ཤིང་ལ་མི་གང་ཙམ་ལས་མཐོར་མི་འཛེག་པར་བསླབ་པར་བྱའོ་ཞེས་བྱ་བའི་བར་དང་གོ་རིམས་བཞིན་དུ་སྦྱར་རོ། །ཚེ་དང་ལྡན་པ་དག་བདག་གིས་བསྒྲུབ་པའི་ཆོས་མང་པོ་རྣམས་བཏོན་ཟིན་ཏོ་ཞེས་བྱ་བ་ནི་བསླབ་པར་བྱ་བའི་ཆོས་མང་པོ་རྣམས་གདོན་པའི་མཇུག་བསྡུ་བ་སྟེ། བསླབ་
[54a.5]པའི་ཆོས་མང་པོ་རྣམས་ཞེས་བྱ་བ་ནི། སྔར་བསྟན་པ་བསླབ་པའི་ཆོས་ཀྱི་དངོས་གཞི་བརྒྱ་རྩ་བཅུ་གཉིས་པ་དག་གོ། །བཏོན་ཟིན་ཏོ་ཞེས་བྱ་བ་ནི་དམ་བཅའ་བའི་དོན་གྱི་མཇུག་བསྡུ་བའི་ཕྱིར་དང་། ཉན་པ་པོ་རྣམས་སྤྲོ་བར་བྱ་བའི་ཕྱིར་སྨོས་སོ། །དེ་ལ་བདག་གིས་ཚེ་དང་ལྡན་པ་དག་ལ་ཅི་འདི་ལ་ཁྱེད་
[54a.6]ཡོངས་སུ་དག་གམ་ཞེས་དྲིའོ། །ཅི་འདི་ལ་ཁྱེད་ཡོངས་སུ་དག་གམ་ཞེས་ལན་གཉིས་ལན་གསུམ་དུ་དྲིའོ། །འདི་ལ་ཚེ་དང་ལྡན་པ་དག་ཡོངས་སུ་དག་ནས་འདི་ལྟར་ཅང་མི་སྨྲ་བས་དེ་དེ་བཞིན་དུ་འཛིན་ཏོ་ཞེས་བྱ་བ་ནི་བསླབ་པའི་ཆོས་མང་པོ་རྣམས་རྣམ་པར་གཞག་པ་རྣམས་བསྒྲག་པར་བྱ་བ་ཡིན་ཏེ།
[54a.7]དེ་ལ་ཞེས་བྱ་བ་ནི་བསླབ་པའི་ཆོས་མང་པོ་བཏོན་པ་དེ་ལའོ། །ལྷག་མ་ནི་སྔ་མ་བཞིན་ནོ། །བསླབ་པའི་ཆོས་མང་པོ་རྣམས་གདོན་པ་བཤད་ཟིན་ཏོ།། །།སོ་སོར་ཐར་པའི་མདོའི་གཞུང་འགྲེལ། བམ་པོ་ཉི་ཤུ་ལྔ་པ། ད་ནི་རྩོད་པ་ཞི་བར་བྱ་བ་གདོན་པར་བྱ་སྟེ། དེའི་
[54b]
[54b.1]ཕྱིར་སྡོམ་ལ། མངོན་སུམ་དྲན་པ་མ་སྨྱོས་པ། །དེ་བཞིན་གང་མང་ངོ་བོ་ཉིད། །རྩྭ་རྣམས་བཀྲམ་པ་ལྟ་བུ་དང་། །ཁས་བླང་བར་ཡང་བྱ་བའོ། །ཞེས་བྱ་བ་གསུངས་ཏེ། སྡོམ་ལ་ཞེས་བྱ་བའི་ཚིག་གི་དོན་དང་དགོས་པ་ནི་སྔ་མ་བཞིན་ནོ། །རྩོད་པ་ཞི་བར་བྱ་བའི་ཆོས་ནི་བདུན་ཏེ། མངོན་སུམ་གྱིས་
[54b.2]འདུལ་བ་དང་། དྲན་པས་འདུལ་བ་དང་། མ་སྨྱོས་པས་འདུལ་བ་དང་། ཚུལ་ཤིང་མང་པོ་སྦྱིན་པ་དང་། དེའི་ངོ་བོ་ཉིད་ཚོལ་དུ་གཞུག་པ་དང་། རྩྭ་བཀྲམ་པ་ལྟ་བུ་དང་། ཁས་བླང་བར་བྱ་བ་སྟེ། སྡོམ་གྱི་ཚིགས་སུ་བཅད་པ་དག་གོ་རིམས་བཞིན་དུ་སྦྱར་རོ། །ཚེ་དང་ལྡན་པ་དག་རྩོད་པ་ཞི་བར་
[54b.3]བྱ་བའི་ཆོས་བདུན་པོ་འདི་དག་ནི་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་ལས་འབྱུང་ངོ་ཞེས་བྱ་བ་ནི་རྩོད་པ་ཞི་བར་བྱ་བ་གདོན་པའི་ལུང་དབོག་པ་བསྟན་ཏོ། །རྩོད་པ་ཞི་བར་བྱ་བའི་ཆོས་ཞེས་བྱ་བ་ནི་འཁྲུག་ལོང་གི་རྩོད་པ་བཞི་པོ་དག་རྒྱུད་གཅིག་ཏུ་བྱ་བ་དེ་ཉིད་ཁ་ན་མ་ཐོ་བའི་མཚན་ཉིད་འཛིན་པས་ཆོས་ཞེས་བྱའོ། །
[54b.4]བདུན་པོ་འདི་དག་ནི་ཞེས་བྱ་བ་ནི་འོག་ནས་འབྱུང་བ་བདུན་པོ་དག་གོ། །ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་འདོན་པ་ལས་བྱུང་ངོ་ཞེས་བྱ་བ་ནི་ཟླ་བ་ཕྱེད་ཕྱེད་ཅིང་གསོ་སྦྱོང་འདོན་པའི་ཚེ། འདུལ་བ་འཛིན་པའི་ཁ་ཏོན་ལས་འབྱུང་ངོ་ཞེས་བསྟན་པ་ཡིན་ནོ། །མངོན་སུམ་གྱིས་འདུལ་བར་འོས་པ་ལ་མངོན་
[54b.5]སུམ་གྱིས་འདུལ་བ་སྦྱིན་ནོ། །དྲན་པས་འདུལ་བར་འོས་པ་ལ་དྲན་པས་འདུལ་བ་སྦྱིན་ནོ། །མ་སྨྱོས་པས་འདུལ་བར་འོས་པ་ལ་མ་སྨྱོས་པས་འདུལ་བ་སྦྱིན་ནོ། །གང་ཚུལ་ཤིང་མང་པོ་སྦྱིན་པར་འོས་པ་ལ་ཚུལ་ཤིང་མང་པོ་སྦྱིན་ནོ། །དེའི་ངོ་བོ་ཉིད་ཚོལ་དུ་གཞུག་པར་འོས་པ་ལ་དེའི་ངོ་བོ་ཉིད་ཚོལ་བ་སྦྱིན་
[54b.6]ནོ། །རྩྭ་བཀྲམ་པར་འོས་པ་ལ་རྩྭ་བཀྲམ་པ་ལྟ་བུ་སྦྱིན་ནོ། །གང་ཁས་བླང་བར་འོས་པ་ལ་ཁས་བླང་བར་བྱའོ་ཞེས་བྱ་བ་ནི་འཁྲུག་ལོང་གི་རྒྱུ་བཞི་ལས་བྱུང་བའི་འཁྲུག་ལོང་གི་རྩོད་པ་ཞི་བར་བྱ་བའི་ཆོས་བདུན་གྱིས་རྒྱུད་གཅིག་ཏུ་བྱ་བ་དང་། དག་པ་སྦྱིན་པ་དང་། ཕྱིར་བཅོས་པ་དང་། ངེས་
[54b.7]པར་འཛིན་པ་ལ་སྦྱོར་བ་ཉིད་སྦྱིན་པ་དང་། ལས་ལ་མཐུན་པ་སྦྱིན་དུ་གཞུག་པས་ཅི་རིགས་པར་ཞི་བར་བྱ་བ་བསྟན་ཏོ། །དེ་ལ་འཁྲུག་ལོང་གི་རྒྱུ་བཞི་གང་ཞེ་ན། དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་དང་། གདམས་ངག་ལ་སོགས་པ་འཇོག་པས་གཞན་སྤོང་བ་དང་། ལྟུང་བ་དང་
[55a]
[55a.1]བཅས་པ་ཉིད་དང་། ལས་ལ་མཐུན་པ་མི་སྦྱིན་པའོ། །འཁྲུག་ལོང་གི་རྩོད་པ་བཞི་གང་ཞེ་ན། འགྱེད་པའི་ཕྱིར་རྩོད་པ་དང་། མི་གདམས་པའི་ཕྱིར་རྩོད་པ་དང་། ལྟུང་བའི་ཕྱིར་རྩོད་པ་དང་། བྱ་བའི་ཕྱིར་རྩོད་པའོ། །རྩོད་པ་ཞི་བར་བྱ་བའི་ཆོས་བདུན་གང་ཞེ་ན། མངོན་སུམ་
[55a.2]གྱིས་འདུལ་བ་དང་། དྲན་པས་འདུལ་བ་དང་། མ་སྨྱོས་པས་འདུལ་བ་དང་། ཚུལ་ཤིང་མང་པོ་སྦྱིན་པ་དང་། དེའི་ངོ་བོ་ཉིད་ཚོལ་དུ་གཞུག་པ་དང་། རྩྭ་བཀྲམ་པ་ལྟ་བུ་དང་། ཁས་བླང་བར་བྱའོ། །དེ་ལ་འཁྲུག་ལོང་གི་རྒྱུ་དང་པོ་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་ལས་འབྱུང་བའི་
[55a.3]འཁྲུག་ལོང་འགྱེད་པའི་ཕྱིར་རྩོད་པ་ནི་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱའོ། །འཁྲུག་ལོང་གི་རྒྱུ་གཉིས་པ་གདམས་ངག་ལ་སོགས་པ་འཇོག་པས་གཞན་སྤོང་བ་ལས་བྱུང་བའི་འཁྲུག་ལོང་མི་གདམས་པའི་ཕྱིར་རྩོད་པ་ནི་མངོན་སུམ་གྱིས་འདུལ་བ་དང་།
[55a.4]ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བ་ཉིད་དང་། དྲན་པས་འདུལ་བ་དང་། མ་སྨྱོས་པས་འདུལ་བས་དག་པ་སྦྱིན་པས་ཞི་བར་བྱའོ། །འཁྲུག་ལོང་གི་རྒྱུ་གསུམ་པ་ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་ལྟུང་བའི་ཕྱིར་རྩོད་པ་ནི་ཁས་བླང་བར་བྱ་བ་དང་། མངོན་སུམ་གྱིས་འདུལ་
[55a.5]བ་དང་། རྩྭ་བཀྲམ་པ་ལྟ་བུས་ཕྱིར་བཅོས་པ་དང་། དེའི་ངོ་བོ་ཉིད་ཚོལ་དུ་གཞུག་པས་ངེས་པར་འཛིན་པ་ལ་སྦྱར་བ་ཉིད་སྦྱིན་པས་ཞི་བར་བྱའོ། །འཁྲུག་ལོང་གི་རྒྱུ་བཞི་པ་ལས་ལ་མཐུན་པ་མི་སྦྱིན་པ་ལས་བྱུང་བའི་འཁྲུག་ལོང་བྱ་བའི་ཕྱིར་རྩོད་པ་ནི། རྩོད་པ་ཞི་བར་བྱ་བའི་ཆོས་བདུན་པོ་ཐམས་ཅད་
[55a.6]ཀྱིས་སྔ་མ་བཞིན་དུ་ཅི་རིགས་པར་རྒྱུད་གཅིག་ཏུ་བྱ་བ་དང་། དག་པ་སྦྱིན་པ་དང་། ཕྱིར་བཅོས་པ་དང་། ངེས་པར་འཛིན་པ་ལ་སྦྱར་བ་ཉིད་སྦྱིན་པའི་རིམ་གྱིས་ལས་ལ་མཐུན་པ་སྦྱིན་དུ་གཞུག་པས་ཞི་བར་བྱའོ། །དེ་ལྟར་ན་མངོན་སུམ་གྱིས་འདུལ་བར་འོས་པ་དང་། ཚུལ་ཤིང་མང་པོ་སྦྱིན་པར་འོས་པ་ནི།
[55a.7]འཁྲུག་ལོང་གི་རྒྱུ་དང་པོའི་དེ་བཞིན་ཉིད་ལས་ལོག་པར་སྒྲུབ་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་ཡིན་ཏེ། དེ་ལ་ནི་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་བྱའོ། །ཡང་མངོན་སུམ་གྱིས་འདུལ་བར་འོས་པ་དང་། ཚུལ་
[55b]
[55b.1]ཤིང་མང་པོ་སྦྱིན་པར་འོས་པ་ནི། འཁྲུག་ལོང་གི་རྒྱུ་གཉིས་པ་གདམས་ངག་ལ་སོགས་པ་འཇོག་པས་གཞན་སྤོང་བ་ལས་བྱུང་བའི་འཁྲུག་ལོང་མི་གདམས་པའི་ཕྱིར་རྩོད་པ་རྒྱུ་དང་བཅས་པ་ཉིད་ཀྱང་ཡིན་ཏེ། དེ་ཡང་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་བྱའོ། །
[55b.2]དྲན་པས་འདུལ་བར་འོས་པ་དང་། མ་སྨྱོས་པར་འདུལ་བར་འོས་པ་ཡང་འཁྲུག་ལོང་གི་རྒྱུ་གཉིས་པ་གདམས་ངག་ལ་སོགས་པ་འཇོག་པས་གཞན་སྤོང་བ་ལས་བྱུང་བའི་འཁྲུག་ལོང་མི་གདམས་པའི་ཕྱིར་རྩོད་པ་རྒྱུ་མེད་པ་ཉིད་ཡིན་ཏེ། དེ་ལ་ནི་དྲན་པས་འདུལ་བ་དང་། མ་སྨྱོས་པས་འདུལ་བ་སྦྱིན་པས་དག་པ་
[55b.3]སྦྱིན་པས་ཞི་བར་བྱའོ། །ཁས་བླང་བར་འོས་པ་དང་། མངོན་སུམ་གྱིས་འདུལ་བར་འོས་པ་དང་། རྩྭ་བཀྲམ་པ་ལྟ་བུར་འོས་པ་ནི། འཁྲུག་ལོང་གི་རྒྱུ་གསུམ་པ་ལྟུང་བ་དང་བཅས་པ་རྣམ་པར་ཤེས་པ་ན་རང་གི་ངོ་བོ་ཉིད་ལས་ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་གི་ལྟུང་བའི་ཕྱིར་རྩོད་པ་
[55b.4]ཡིན་ཏེ། དེ་ལ་ནི་ཁས་བླང་བར་བྱ་བ་དང་། མངོན་སུམ་གྱིས་འདུལ་བ་དང་། རྩ་བཀྲམ་པ་ལྟ་བུ་སྦྱིན་པས་ཕྱིར་བཅོས་པས་ཞི་བར་བྱའོ། །དེའི་ངོ་བོ་ཉིད་ཚོལ་དུ་གཞུག་པར་འོས་པ་ནི། འཁྲུག་ལོང་གི་རྒྱུ་གསུམ་པ་ལྟུང་བ་དང་བཅས་པ་རྣམ་པར་མི་ཤེས་པ་ན། རང་གི་ངོ་བོ་ཉིད་ལས་ལྟུང་བ་
[55b.5]དང་བཅས་པ་ཉིད་ལས་བྱུང་བའི་འཁྲུག་ལོང་ལྟུང་བའི་ཕྱིར་རྩོད་པ་ཡིན་ཏེ། དེ་ལ་ནི་དེའི་ངོ་བོ་ཉིད་བཙལ་བ་སྦྱིན་པས་ངེས་པར་འཛིན་པ་ལ་སྦྱར་བ་ཉིད་སྦྱིན་པས་ཞི་བར་བྱའོ། །མངོན་སུམ་ལ་སོགས་པ་རྩོད་པ་ཞི་བར་བྱ་བའི་ཆོས་བདུན་པོ་ཐམས་ཅད་ཀྱིས་འདུལ་བར་འོས་པ་ནི་འཁྲུག་ལོང་གི་རྒྱུ་བཞི་
[55b.6]པ་ལས་ལ་མཐུན་པ་མི་སྦྱིན་པ་ལས་བྱུང་བའི་འཁྲུག་ལོང་བྱ་བའི་རྩོད་པ་ཡིན་ཏེ། དེ་ལ་ནི་མངོན་སུམ་གྱིས་འདུལ་བ་ལ་སོགས་པ་རྩོད་པ་ཞི་བར་བྱ་བའི་ཆོས་བདུན་པོ་ཐམས་ཅད་ཀྱིས་སྔ་མ་བཞིན་དུ་ཅི་རིགས་པར་རྒྱུད་གཅིག་ཏུ་བྱ་བ་དང་། དག་པ་སྦྱིན་པ་དང་། ཕྱིར་བཅོས་པ་དང་། ངེས་པར་
[55b.7]འཛིན་པ་ལ་སྦྱར་བ་ཉིད་སྦྱིན་པའི་རིམ་གྱིས་ལས་ལ་མཐུན་པ་སྦྱིན་དུ་གཞུག་པས་ཞི་བར་བྱ་བ་སྟེ། འདིར་གཞུང་ནི་ཞུ་བ་ལས། ཞི་བ་ཐམས་ཅད་ནི་བྱ་བའི་ཕྱིར་རྩོད་པར་འཇུག་གོ་ཞེས་གསུངས་པ་ཡིན་ནོ། །རྩོད་པ་བྱུང་བར་གྱུར་པ་རྣམས་རྩོད་པ་ཞི་བར་བྱ་བའི་ཆོས་བདུན་པོ་དག་གིས་ཆོས་དང་། འདུལ་
[56a]
[56a.1]བ་དང་། སྟོན་པའི་བསྟན་པ་བཞིན་དུ་དུལ་བར་བྱ། ཞི་བར་བྱ། རྣམ་པར་ཞི་བར་བྱའོ་ཞེས་བྱ་བ་ནི་རྩོད་པའི་གཞིར་སྤྱིར་བསྟན་པ་ཡིན་ཏེ། རྩོད་པ་བྱུང་བར་གྱུར་པ་རྣམས་ཞེས་བྱ་བ་ནི་འཁྲུག་ལོང་གི་རྒྱུ་བཞི་ལས་བྱུང་བའི་འཁྲུག་ལོང་གི་རྩོད་པ་བཞི་པོ་རྣམས་སོ། །རྩོད་པ་ཞི་བར་བྱ་བའི་
[56a.2]ཆོས་བདུན་པོ་འདི་དག་གིས་ཞེས་བྱ་བ་ནི་མངོན་སུམ་གྱིས་འདུལ་བ་ལ་སོགས་པ་བདུན་པོ་དག་གིས་སོ། །ཆོས་དང་འདུལ་བ་དང་། སྟོན་པའི་བསྟན་པ་བཞིན་དུ་ཞེས་བྱ་བ་ནི་ཤེས་བྱ་རྣམ་པར་གཞག་པའི་ཆོས་དང་། ཚུལ་ཁྲིམས་རྣམ་པར་གཞག་པའི་འདུལ་བ་དང་། ཆེན་པོ་བསྟན་པ་དང་ནག་པོ་
[56a.3]བསྟན་པ་སྟོན་པའི་བསྟན་པ་བཞིན་དུའོ། །དུལ་བར་བྱ། ཞི་བར་བྱ། རྣམ་པར་ཞི་བར་བྱའོ་ཞེས་བྱ་བ་ནི་ཆུང་ངུ་དང་། འབྲིང་དང་ཆེན་པོའི་གནས་སྐབས་སམ། སྦྱོར་བ་དང་དངོས་དང་། མཇུག་གི་གནས་སྐབས་སམ། ཆོས་དང་འདུལ་བ་དང་། སྟོན་པའི་བསྟན་པའི་གནས་སྐབས་ཀྱི་གོ་རིམས་
[56a.4]བཞིན་དུ་ཤེས་པར་བྱའོ། །ཚེ་དང་ལྡན་པ་དག་བདག་གིས་རྩོད་པ་ཞི་བར་བྱ་བའི་ཆོས་བདུན་པོ་དག་བཏོན་ཟིན་ཏོ་ཞེས་བྱ་བ་ནི་རྩོད་པ་ཞི་བར་བྱ་བ་གདོན་པའི་མཇུག་བསྡུ་བ་སྟེ། རྩོད་པ་ཞི་བར་བྱ་བའི་ཆོས་བདུན་པོ་དག་ཅེས་བྱ་བ་ནི་སྔར་བསྟན་པ་བདུན་པོ་དག་གོ། །བཏོན་ཟིན་ཏོ་ཞེས་བྱ་བ་ནི་དམ་བཅའ་བའི་དོན་
[56a.5]གྱི་མཇུག་བསྡུ་བའི་ཕྱིར་དང་། ཉན་པ་པོ་སྤྲོ་བར་བྱ་བའི་ཕྱིར་སྨོས་སོ། །དེ་ལ་བདག་གིས་ཚེ་དང་ལྡན་པ་དག་ལ་ཅི་འདི་ལ་ཁྱེད་ཡོངས་སུ་དག་གམ་ཞེས་ལན་གཉིས་ལན་གསུམ་དུ་དྲིའོ། །འདི་ལ་ཚེ་དང་ལྡན་པ་དག་ཡོངས་སུ་དག་ན་འདི་ལྟར་ཅང་མི་སྨྲ་བས་དེ་དེ་བཞིན་དུ་འཛིན་ཏོ་ཞེས་བྱ་བ་ནི་རྩོད་པ་ཞི་བར་བྱ་བ་རྣམ་
[56a.6]པར་གཞག་པ་བསྒྲག་པར་བྱ་བ་ཡིན་ཏེ། དེ་ལ་ཞེས་བྱ་བ་ནི་རྩོད་པ་ཞི་བར་བྱ་བའི་ཆོས་བདུན་པོ་བཏོན་པ་དེ་ལའོ། །ལྷག་མ་ནི་སྔ་མ་བཞིན་ནོ། །དེ་ལྟར་རྩོད་པ་ཞི་བར་བྱ་བའི་ཆོས་བདུན་པོ་རྣམ་པར་འབྱེད་པ་དང་། སོ་སོར་ཐར་པའི་མདོར་གཏོགས་པའི་གཞུང་འགྲེལ་པ་ཉི་ཚེ་མདོར་བསྟན་ནས། ད་ནི་
[56a.7]རྩོད་པའི་གཞི་ཞུ་བ་དང་བཅས་པའི་སྐབས་བརྗོད་པར་བྱ་སྟེ། རྩོད་པ་ཞི་བར་བྱ་བའི་ཆོས་བདུན་ཞེས་གསུངས་པ་ལ། རྩོད་པ་ཞེས་བྱ་བ་ནི་འཁྲུག་ལོང་སྟེ། དགྲ་བོས་མི་མཐུན་པར་སྨྲས་པའི་ཚིག་གི་ཕྱིར་སེམས་གཞོལ་བ་ཡིན་གྱི་ཁྲོ་བ་ནི་མ་ཡིན་ནོ། །གལ་ཏེ་དགྲ་བོས་མི་མཐུན་པར་སྨྲས་པའི་ཚིག་གི་ཕྱིར་
[56b]
[56b.1]སེམས་གཞོལ་བ་འཁྲུག་ལོང་ཡིན་པ་ལ་དེ་ཉིད་རྩོད་པ་ཡིན་ན། འོ་ན་ཇི་ལྟར་གཙུག་ལག་ཁང་ལས་དེ་ལ་བརྟེན་ཏེ་འཐབ་པ་དང་། མཚང་འདྲུ་བ་དང་། རྩོད་པའི་འགྱེད་པ་བྱུང་བ་གང་ཡིན་པ་དེ་འགྱེད་པའི་ཕྱིར་རྩོད་པ་ཞེས་བྱ་བའོ་ཞེས་གསུངས་ཤེ་ན། འདི་ལྟར་འཐབ་པ་ལ་སོགས་པ་ནི་དགྲ་བོས་མི་མཐུན་པར་སྨྲས་
[56b.2]པའི་ཚིག་གི་ཕྱིར་སེམས་གཞོལ་བའི་ཕྱིར་འཁྲུག་ལོང་འདིའི་འཁོར་ཡིན་ཏེ། དེ་དང་འབྲེལ་པ་ལས་འབྱུང་བའི་ཕྱིར་དེ་དག་ཀྱང་འདིར་བསྡུས་པར་ཤེས་པར་བྱའོ། །དེ་ལ་རྩོད་པ་ནི་རྣམ་པ་བཞི་སྟེ། འགྱེད་པའི་ཕྱིར་རྩོད་པ་དང་། མི་གདམས་པའི་ཕྱིར་རྩོད་པ་དང་། ལྟུང་བའི་ཕྱིར་རྩོད་པ་དང་། བྱ་བའི་
[56b.3]ཕྱིར་རྩོད་པ་སྟེ། འགྱེད་པའི་རྒྱུ་ལས་རྩོད་པ་ནི་འགྱེད་པའི་ཕྱིར་རྩོད་པའོ། །མི་གདམས་པའི་རྒྱུ་ལས་རྩོད་པ་ནི་མི་གདམས་པའི་ཕྱིར་རྩོད་པའོ། །ལྟུང་བའི་རྒྱུ་ལས་རྩོད་པ་ནི་ལྟུང་བའི་ཕྱིར་རྩོད་པའོ། །བྱ་བའི་རྒྱུ་ལས་རྩོད་པ་ནི་བྱ་བའི་ཕྱིར་རྩོད་པའོ་ཞེས་གསུངས་པ་ལས། རྩོད་པ་བཞི་པོ་གང་དག་ཡིན་པ་
[56b.4]དེ་དག་གི་རང་གི་ངོ་བོ་ངེས་པར་བཟུང་བའི་ཕྱིར། འཁྲུག་ལོང་གི་རྒྱུ་བཞི་ལས། འཁྲུག་ལོང་གི་རྩོད་པ་བཞི་གོ་རིམས་བཞིན་དུ་འབྱུང་སྟེ་ཞེས་བྱ་བ་གསུངས་སོ། །འཁྲུག་ལོང་གི་རྒྱུ་བཞི་གང་ཞེ་ན། དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་དང་། གདམས་ངག་ལ་སོགས་པ་འཇོག་པས་གཞན་
[56b.5]སྤོང་བ་དང་། ལྟུང་བ་དང་བཅས་པ་ཉིད་དང་། ལས་ལ་མཐུན་པ་མི་སྦྱིན་པའོ། །དེ་ལ་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་ཇི་ལྟ་བུ་ཞེ་ན། དངོས་པོ་ཞེས་བྱ་བ་ནི་ཆོས་རྣམ་པར་གཞག་པ་དང་། ཚུལ་ཁྲིམས་རྣམ་པར་གཞག་པའི་དངོས་པོ་ཆོས་འདུལ་བ་དང་། སྟོན་པའི་བསྟན་པ་དང་། ལྟུང་
[56b.6]བ་སྡེ་ལྔར་གཏོགས་པ་དག་གོ། །དེ་བཞིན་ཉིད་ཅེས་བྱ་བ་ནི་ཆོས་རྣམ་པར་གཞག་པ་ཇི་ལྟ་བུ་དང་། ཚུལ་ཁྲིམས་རྣམ་པར་གཞག་པ་ཇི་ལྟ་བ་ཉིད་དེ། ཆོས་དང་ཆོས་མ་ཡིན་པ་དང་། འདུལ་བ་དང་། འདུལ་བ་མ་ཡིན་པ་དང་། སྟོན་པའི་བསྟན་པ་དང་། སྟོན་པའི་བསྟན་པ་མ་ཡིན་
[56b.7]པ་དང་། ལྟུང་བ་དང་། ལྟུང་བ་མ་ཡིན་པ་ལ་སོགས་པ་དངོས་པོ་འདིའི་རང་བཞིན་ཉིད་དེ་རང་གི་ངོ་བོ་ཉིད་ཅེས་བྱ་བའི་ཐ་ཚིག་གོ། །དེ་ལ་ལོག་པར་སྒྲུབ་པ་ཞེས་བྱ་བ་ནི་མ་ངེས་པ་ཉིད་དེ། ཆོས་རྣམ་པར་གཞག་པ་ཡིན་ནོ་ཞེའམ། མ་ཡིན་ནོ་ཞེས་བྱ་བ་དང་། ཚུལ་ཁྲིམས་རྣམ་པར་
[57a]
[57a.1]གཞག་པ་ཡིན་ནོ་ཞེའམ། མ་ཡིན་ནོ་ཞེས་བྱ་བ་ལ་སོགས་པ་གཉིས་སུ་འདྲེན་པའོ། །དེ་ལྟར་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་དེས་དངོས་པོའི་རྣམ་པ་ལ་དཔྱོད་པ་དག་ཀྱང་བསྡུས་ཏེ། དངོས་པོའི་རྣམ་པ་ཞེས་བྱ་བ་ནི་བྱ་བ་དང་བྱ་བ་མ་ཡིན་པ་ཉིད་དང་། བླང་བ་དང་དོར་བ་ཉིད་
[57a.2]དང་། སྦྱིན་པར་བྱ་བ་དང་། སྦྱིན་པར་མི་བྱ་བ་ཉིད་དང་། ལས་སུ་བསྐོ་བ་དང་། ལས་སུ་མི་བསྐོ་བ་ཉིད་ཅེས་བྱ་བ་ལ་སོགས་པ་ལྟ་བུའོ། །དེ་ལ་དཔྱོད་པ་ཞེས་བྱ་བ་ནི་ཅིའི་ཕྱིར་ཁྱོད་ཀྱི་བྱ་བ་འདི་མ་བྱས་ལ། བྱ་བ་མ་ཡིན་པ་འདི་ནི་བྱས་ཤེ་འམ། བླང་བ་ནི་བོར་ལ་དོར་བ་འདི་ནི་བླངས་ཤེའམ། སྦྱིན་
[57a.3]པར་བྱ་བ་ནི་མ་བྱིན་ལ། སྦྱིན་པར་མི་བྱ་བ་འདི་ནི་བྱིན་ཞེའམ། ལས་སུ་བསྐོ་བ་འདི་ནི་མ་བསྐོས་ལ། ལས་སུ་མི་བསྐོ་བ་ནི་བསྐོས་སོ་ཞེས་བྱ་བ་ལ་སོགས་པ་ལྟ་བུར་དཔྱོད་པའོ། །དེ་ལྟར་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་དང་། དངོས་པོའི་རྣམ་པ་ལ་དཔྱོད་པ་དེ་ནི་འཁྲུག་ལོང་
[57a.4]གི་རྒྱུ་དང་པོ་ཡིན་ནོ། །དེ་ལས་འཁྲུག་ལོང་གི་རྒྱུ་དང་པོ་འགྱེད་པའི་ཕྱིར་རྩོད་པ་འབྱུང་སྟེ། འགྱེད་པའི་ཕྱིར་རྩོད་པ་ཞེས་བྱ་བ་ནི་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་དང་། དངོས་པོའི་རྣམ་པ་ལ་དཔྱོད་པ་དེ་ལ་བརྟེན་ཏེ། དགྲ་བོས་མི་མཐུན་པར་སྨྲས་པའི་ཚིག་གི་ཕྱིར་སེམས་གཞོལ་བའི་འཁྲུག་
[57a.5]ལོང་འཐབ་པ་དང་། མཚང་འདྲུ་བ་དང་། རྩོད་པ་དང་། འགྱེད་པ་ལ་སོགས་པའི་འཁོར་དང་བཅས་པ་འགྱེད་པའི་རྒྱུ་ལས་རྩོད་པ་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་བྱ་བ་གང་བྱུང་བ་སྟེ། དེ་ནི་འགྱེད་པའི་ཕྱིར་རྩོད་པ་ཞེས་བྱའོ། །དེ་ལྟར་ན་འཁྲུག་
[57a.6]ལོང་གི་རྒྱུ་དང་པོ་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་ལ་འཁྲུག་ལོང་དང་པོ་འགྱེད་པའི་ཕྱིར་རྩོད་པ་འབྱུང་བར་ཤེས་པར་བྱའོ། །གདམས་ངག་ལ་སོགས་པ་འཇོག་པས་གཞན་སྤོང་བ་ཇི་ལྟ་བུ་ཞེ་ན། གདམས་ངག་ལ་སོགས་པ་ཞེས་བྱ་བ་ནི། དགེ་སློང་ལྟུང་བ་འབྱིན་པ་ལ་དགེ་འདུན་གྱིས་གང་ཟག་
[57a.7]གླེང་བ་པོ་ཆོས་གསུམ་མམ་ལྔ་དང་ལྡན་པ་གསོལ་བ་དང་། གཉིས་ཀྱི་ལས་ཀྱིས་བསྐོས་ཏེ། དེས་དེ་ལ་སྐབས་འབྱེད་དུ་བཅུག་ནས། དུས་སུ་དབེན་པའི་མཐར་དྲན་པ་དང་། ཤེས་བཞིན་ཉེ་བར་གཞག་སྟེ། མཐོང་བའམ། ཐོས་པའམ། དོགས་པའི་གཞི་དང་བཅས་པས་གླེང་བར་བྱའོ། །དེ་ལྟར་གཞི་
[57b]
[57b.1]དང་བཅས་པས་གླེངས་པ་ན་མི་དྲན་ན། ཡུལ་དང་། དུས་དང་གཞི་གང་ལས་ལྟུང་བ་བྱུང་བ་གླེང་པ་པོས་ཇི་ལྟར་མཐོང་བའམ། ཐོས་པའམ། དོགས་པའི་སྒོ་ནས་དྲན་པར་བྱའོ། །དེ་ལྟར་གླེང་ཞིང་དྲན་པར་བྱས་པ་ན་དེས་ལྟུང་བ་མཐོང་ན་སྐབས་ཕྱེ་སྟེ། གླེང་བ་པོས་གཞི་གང་གི་གླེང་བའི་ལྟུང་བ་རྒྱུ་དང་བཅས་པ་ཉིད་ཡིན་ན།
[57b.2]རྒྱུད་གཅིག་ཏུ་བྱ་བས་ཕྱིར་བཅོས་པར་བྱ་བའོ། །རྒྱུ་མེད་པ་ཉིད་ཡིན་ན་དག་པ་སྦྱིན་པས་རང་བཞིན་དུ་གནས་པར་བྱའོ། །དེ་ལྟར་བྱས་པ་དེ་ལ་དགེ་འདུན་གྱིས་གདམས་ངག་དང་། རྗེས་སུ་བསྟན་པ་དང་། གཏམ་འདྲེ་བ་དང་། ཕེབས་པར་སྨྲ་བ་དང་། སོ་སོར་ཀུན་དགའ་བར་བྱ་བ་དང་། རྟག་ཏུ་ལྷན་ཅིག་
[57b.3]གནས་པར་བྱ་བ་དང་། གསོ་སྦྱོང་དང་། དགག་དབྱེ་ལ་སོགས་པ་ལྷན་ཅིག་བྱ་བ་སྟེ། གདམས་ངག་ལ་སོགས་པ་ཞེས་བྱ་བའོ། །འཇོག་པས་ཞེས་བྱ་བ་ནི་དགེ་སློང་ལྟུང་བ་འབྱིན་པ་ལ། དགེ་འདུན་གྱིས་གང་ཟག་གླེང་བ་པོ་དེ་ལྟ་བུ་དེ་ལྟར་བསྐོས་ཏེ། དེས་དེ་ལྟར་གླེངས་ཤིང་དྲན་པར་བྱས་པ་ན།
[57b.4]སྐབས་འབྱེད་པར་མི་བྱེད་ན། དེ་ལ་བརྗོད་པ་དང་བཅས་པ་ཉིད་བྱ་སྟེ། ཚེ་དང་ལྡན་པ་ཁྱོད་ལ་བརྗོད་པ་དང་བཅས་པ་ཉིད་བྱས་ཀྱིས། གནས་འདི་ནས་མ་ཞུས་པར་འགྲོ་བར་མི་བྱའོ། །ཁོ་བོ་ལ་ཚེ་དང་ལྡན་པ་ལ་བརྗོད་པར་བྱ་བའི་ཕྱིར་བསྔགས་པ་ཡོད་དོ་ཞེས་བརྗོད་པ་དང་བཅས་པ་ཉིད་དུ་བྱའོ། །དེས་སྐབས་
[57b.5]འབྱེད་པར་མི་བྱེད་ན་མི་གདམས་པ་ཉིད་དུ་བྱ་སྟེ། དེ་ལ་གདམས་ངག་དང་རྗེས་སུ་བསྟན་པས་ཕན་གདགས་པར་མི་བྱའོ། །དེས་ཀྱང་སྐབས་མི་འབྱེད་ན་དེ་ལ་གཏམ་འདྲེ་བ་ལ་སོགས་པ་ཡང་བཟློག་པར་བྱ་སྟེ། དེ་ལ་གཏམ་འདྲེ་བ་དང་། ཕེབ་པར་སྨྲ་བ་དང་། སོ་སོར་ཀུན་དགའ་བར་བྱ་བ་དང་། རྟག་ཏུ་ལྷན་
[57b.6]ཅིག་གནས་པར་བྱ་བའི་ཐ་སྙད་ཀྱི་ཚིག་སྦྱིན་པར་ཡང་མི་བྱའོ། །དེ་ལྟ་ན་ཡང་སྐབས་འབྱེད་པར་མི་བྱེད་ན་དེ་ལ་གསོ་སྦྱོང་གཞག་པར་བྱ་བ་སྟེ། གསོ་སྦྱོང་གི་དུས་སུ་དེ་ལ་གསོལ་བ་དང་བཞིའི་ལས་ཀྱིས་དེའི་གསོ་སྦྱོང་གཞག་པར་བྱའོ། །གསོ་སྦྱོང་གཞག་པ་ཞེས་བྱ་བ་ནི་གང་ཟག་འདི་འདུག་པ་དང་ལྷན་ཅིག་དགེ་
[57b.7]འདུན་གྱི་གསོ་སྦྱོང་མི་བྱའོ་ཞེས་བྱ་བ་ཡིན་པར་རིག་པར་བྱའོ། །དེ་ལྟ་ན་ཡང་སྐབས་འབྱེད་པར་མི་བྱེད་ན། དེ་ལ་དགག་དབྱེ་གཞག་པར་བྱ་སྟེ། དགག་དབྱེའི་དུས་སུ་གསོལ་བ་དང་བཞིའི་ལས་ཀྱིས་དེའི་དགག་དབྱེ་བཞག་པར་བྱའོ། །དགག་དབྱེ་གཞག་པ་ཞེས་བྱ་བ་ནི་གང་ཟག་འདུག་པ་དང་ལྷན་
[58a]
[58a.1]ཅིག་དགེ་འདུན་གྱིས་དགག་དབྱེ་མི་བྱའོ་ཞེས་བྱ་བ་ཡིན་པར་རིག་པར་བྱའོ། །སྐབས་ཕྱེ་བ་ཉིད་ན་མཉེན་པ་ཉིད་མ་ཡིན་ན་ཕུར་བ་དང་བཅས་པར་བྱ་སྟེ། གནས་འདིའམ་གཞན་དུའམ། གཞི་འདིའམ་གང་ཡང་རུང་བ་ལ་ཅི་འདོད་པ་སྨྲ་བར་བྱའོ་ཞེས་བྱ་བ་དང་དེ་ལ་ལྟུང་བ་བཀལ་ཞིང་ཉེས་པ་བསྟན་
[58a.2]ཏེ་བཏང་བས། རྟ་དམུ་རྒོད་ཕུར་བ་ལ་བཏགས་པ་བཞིན་དུ་ཕུར་པ་དང་བཅས་པ་བྱ་སྟེ། དེ་དག་ནི་གདམས་ངག་ལ་སོགས་པ་འཇོག་པས་ཞེས་བྱ་བ་ཡིན་ནོ། །དེས་གཞན་སྤོང་བ་ཞེས་བྱ་བ་ནི་གདམས་ངག་ལ་སོགས་པ་འཇོག་པའི་རིམ་པ་དེས་གང་ཟག་ལྟུང་བ་འབྱིན་པ་པོ་གཞན་ཏེ། དགེ་འདུན་རང་བཞིན་
[58a.3]དུ་གནས་པ་ལས་ལོགས་ཤིག་ཏུ་སྤོང་བར་བྱེད་པའོ། །དེ་གཞན་སྤོང་བ་དེ་ནི་རྒྱུ་དང་བཅས་པ་ཡོད་པ། རྒྱུ་མེད་པ་ཡོད་དེ། རྒྱུ་དང་བཅས་པ་ནི་ཡུལ་དང་དུས་དང་། གཞི་གང་ལས་ལྟུང་བ་བྱུང་བའི་རྒྱུ་ཡོད་པ་ཉིད་ཀྱིས་སྤོང་བའོ། །རྒྱུ་མེད་པ་ནི་གླེང་བའི་ཁ་ན་མ་ཐོ་བ་མེད་པ་ལ་གཞི་མེད་པས་གླེང་བ་དང་།
[58a.4]གཞན་རྗེས་སུ་བསྒྲུབ་པའི་དབང་གིས་གླེང་བ་དང་། ཕྱིར་བཅོས་པ་ལ་མི་ལྟོས་པར་གླེང་བ་དང་། སྨྱོན་པས་བྱས་པས་གླེང་བ་དག་གིས་སྤོང་བའོ། །དེ་ལྟར་གདམས་ངག་ལ་སོགས་པ་འཇོག་པས་གཞན་སྤོང་བ་དེ་ནི་འཁྲུག་ལོང་གི་རྒྱུ་གཉིས་པ་ཡིན་ནོ། །དེ་ལས་འཁྲུག་ལོང་གི་རྒྱུ་གཉིས་པ་མི་གདམས་
[58a.5]པའི་ཕྱིར་རྩོད་པ་འབྱུང་སྟེ་མི་གདམས་པའི་ཕྱིར་རྩོད་པ་ཞེས་བྱ་བ་ནི། གདམས་ངག་ལ་སོགས་པ་འཇོག་པས་གཞན་སྤོང་བ་རྒྱུ་དང་བཅས་པ་དང་། རྒྱུ་མེད་པ་དེ་ལ་བརྟེན་ཏེ་དགྲ་བོས་མི་མཐུན་པར་སྨྲས་པའི་ཚིག་གི་ཕྱིར་སེམས་གཞོལ་བའི་འཁྲུག་ལོང་གཞན་སྤོང་བ་རྒྱུ་དང་བཅས་པ་ལ་དགེ་སློང་ལྟུང་བ་དང་
[58a.6]བཅས་པ་ལ་དགེ་འདུན་གྱིས་གང་ཟག་གླེང་བ་པོ་བསྐོ་བ་དང་། དེས་དེ་ལ་སྐབས་འབྱེད་དུ་གཞུག་པ་དང་། དུས་སུ་དབེན་པའི་མཐར་དྲན་པ་དང་ཤེས་བཞིན་གྱིས་རྒྱུ་དང་བཅས་པས་གླེང་བ་དང་། ཡུལ་དང་དུས་དང་། གཞི་གང་ལས་ལྟུང་བ་བྱུང་བའི་སྒོ་ནས་དྲན་པར་བྱ་བ་དང་། སྐབས་མི་འབྱེད་ན་བརྗོད་
[58a.7]པ་དང་བཅས་པ་ཉིད་དང་། མི་གདམས་པ་ཉིད་དང་། གཏམ་འདྲེ་བ་ལ་སོགས་པ་བརྗོད་པ་དང་། གསོ་སྦྱོང་གཞག་པ་དང་། དགག་དབྱེ་གཞག་པ་དང་། ཕུར་བ་དང་བཅས་པ་ཉིད་ལ་སོགས་པ་འཁོར་དང་བཅས་པ་ཉིད་དང་། མི་གདམས་པའི་རྒྱུ་ལས་རྩོད་པ་མངོན་སུམ་གྱིས་འདུལ་བ་དང་།
[58b]
[58b.1]ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱས་པས་ཞི་བར་བྱ་བ་དང་། གཞན་སྤོང་བ་དང་རྒྱུ་མེད་པ་ལས། དགེ་སློང་ལྟུང་བ་མེད་པ་གཞི་མེད་པས་གླེང་བ་དང་། གཞན་རྗེས་སུ་བསྒྲུབ་པའི་དབང་གིས་གླེང་བ་དང་། ཕྱིར་བཅོས་པ་ལ་མི་ལྟོས་པས་གླེང་བ་དང་། སྐྱོན་པས་བྱས་པས་གླེང་བ་ལ་སོགས་པའི་འཁོར་
[58b.2]དང་བཅས་པ་དང་། མི་གདམས་པའི་རྒྱུད་ལས་རྩོད་པ་དྲན་པས་འདུལ་བ་དང་། མ་སྨྱོས་པས་འདུལ་བས་དག་པ་སྦྱིན་པས་ཞི་བར་བྱ་བ་གང་བྱུང་བ་སྟེ། དེ་ནི་མི་གདམས་པའི་ཕྱིར་རྩོད་པ་ཞེས་བྱའོ། །དེ་ལྟར་ན་འཁྲུག་ལོང་གི་རྒྱུ་གཉིས་པ་གདམས་ངག་ལ་སོགས་པ་འཇོག་པས་གཞན་སྤོང་བ་ལས་
[58b.3]འཁྲུག་ལོང་གཉིས་པ་མི་གདམས་པའི་ཕྱིར་རྩོད་པ་བྱུང་བར་ཤེས་པར་བྱའོ། །ལྟུང་བ་དང་བཅས་པ་ཉིད་ཇི་ལྟ་བུ་ཞེ་ན། ལྟུང་བ་ཞེས་བྱ་བ་ནི་ལྟུང་བ་སྡེ་ལྔ་ལས་ལྷག་མ་དང་བཅས་པ་གང་ཡང་རུང་བའོ། །ལྟུང་བ་དང་བཅས་པ་ཉིད་ནི་རྣམ་པ་གཉིས་ཏེ། རྣམ་པར་ཤེས་པ་ནི་རང་གི་ངོ་བོ་ཉིད་ཉེས་
[58b.4]པས་ལྟུང་བ་དང་བཅས་པ་ཉིད་དང་། རྣམ་པར་མི་ཤེས་པ་ནི་རང་གི་ངོ་བོ་ཉེས་བྱས་ལྟུང་བ་དང་བཅས་པ་ཉིད་དོ། །དེ་ལ་རྣམ་པར་ཤེས་པ་ནི་རང་གི་ངོ་བོ་ཉེས་པས་ལྟུང་བ་དང་བཅས་པ་ཉིད་ཅེས་བྱ་བ་ནི། གང་ཟག་ནི་ལྟུང་བ་དང་བཅས་པ་ལ་གླེང་བ་པོས་གླེང་ནས་དངོས་པོ་དང་ཕྱོགས་དང་། བསམས་
[58b.5]པ་དང་། ཆེ་བཞི་དང་། ཁས་བླངས་པ་ལ་སོགས་པའི་སྒོ་ནས་ལྟུང་བ་རྣམ་པར་ཤེས་པ་ནི་ལྟུང་བ་སྡེ་ལྔ་གང་ཡང་རུང་བ་དག་གི་དངོས་གཞིའམ། སྦྱོར་བའམ་སྦྱོར་བའི་སྦྱོར་བ་ཞེས་བྱ་བའི་རང་གི་ངོ་བོའི་ཉེས་པ་ལྟུང་བ་དང་བཅས་པ་ཉིད་དོ། །རྣམ་པར་མི་ཤེས་པ་ན་རང་གི་ངོ་བོའི་ཉེས་པས་ལྟུང་བ་
[58b.6]དང་བཅས་པ་ཉིད་ཅེས་བྱ་བ་ནི་གང་ཟག་ལྟུང་བ་དང་བཅས་པ་ལ་གླེང་བ་པོས་གླེང་ནས་ལྟུང་བ་དྲན་པ་དགེ་འདུན་ལ་ཁས་བླངས་ནས་དེའི་འོག་ཏུ་བརྗེད་པས་དངོས་པོ་དང་། ཕྱོགས་དང་། བསམ་པ་དང་། ཆེ་བཞི་དང་། ཁས་བླངས་པ་ལ་སོགས་པའི་སྒོ་ནས་ལྟུང་བ་རྣམ་པར་མི་ཤེས་པ་ནི། ལྟུང་
[58b.7]བ་སྡེ་ལྔ་གང་ཡང་རུང་བ་དག་གི་དངོས་གཞིའམ། སྦྱོར་བའམ། སྦྱོར་བའི་སྦྱོར་བ་ཞེས་བྱ་བའི་རང་གི་ངོ་བོའི་ཉེས་པ་ལྟུང་བ་དང་བཅས་པ་ཉིད་དོ། །དེ་ལྟར་ལྟུང་བ་དང་བཅས་པ་ཉིད་དེ་ནི་འཁྲུག་ལོང་གི་རྒྱུ་གསུམ་པ་ཡིན་ནོ། །དེ་ལ་འཁྲུག་ལོང་གསུམ་པ་ལྟུང་བའི་ཕྱིར་རྩོད་པ་འབྱུང་སྟེ། ལྟུང་བའི་
[59a]
[59a.1]ཕྱིར་རྩོད་པ་ཞེས་བྱ་བ་ནི་ལྟུང་བ་དང་བཅས་པ་རྣམ་པར་ཤེས་པ་ནི་རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་དང་། རྣམ་པར་ཤེས་པ་ན་རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ལ་བརྟེན་ཏེ། དགྲ་བོས་མི་མཐུན་པར་སྨྲས་པའི་ཚིག་གི་ཕྱིར་སེམས་གཞོལ་བའི་འཁྲུག་ལོང་
[59a.2]རྣམ་པར་ཤེས་པ་ན་རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ལས་ཕྱིར་འཕྲོས་པ་མེད་པའི་ཉེས་པའི་འཁྲུག་ལོང་དང་། ཕྱིར་འཕྲོད་པ་དང་བཅས་པ་རྣམ་པ་གཉིས་པོ་ཉི་ཚེ་བའི་འཁྲུག་ལོང་དང་། དགེ་འདུན་མཐའ་དག་དང་འབྲེལ་པའི་འཁྲུག་ལོང་ལ་སོགས་པའི་འཁོར་དང་བཅས་པ་ལྟུང་བའི་
[59a.3]རྒྱུ་ལས་རྩོད་པ་ཁས་བླང་བར་བྱ་བ་དང་། མངོན་སུམ་གྱིས་འདུལ་བ་དང་། རྩྭ་བཀྲམ་པ་ལྟ་བུས་ཕྱིར་བཅོས་པས་ཞི་བར་བྱ་བ་དང་། རྣམ་པར་མི་ཤེས་པ་ན་རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ལ་སོགས་པ་དེའི་ངོ་བོ་ཉིད་ཚོལ་བ་དང་མཐུན་པ་སྦྱིན་ཞིང་། ས་གཞན་ན་གནས་པའི་
[59a.4]སྤྱོད་པ་སྤྱད་པར་བྱ་བ་ལ་སོགས་པའི་འཁོར་དང་བཅས་པ་ལྟུང་བའི་རྒྱུད་ལས་རྩོད་པ་དེའི་ངོ་བོ་ཉིད་ཚོལ་དུ་གཞུག་པས་ངེས་པར་འཛིན་པ་ལ་སྦྱོར་བ་ཉིད་སྦྱིན་པས་ཞི་བར་བྱ་བ་གང་བྱུང་བ་སྟེ། དེ་ནི་ལྟུང་བའི་ཕྱིར་རྩོད་པ་ཞེས་བྱའོ། །དེ་ལྟར་ན་འཁྲུག་ལོང་གི་རྒྱུ་གསུམ་པ་ལྟུང་བ་དང་བཅས་པས་ལྟུང་བ་ཉིད་ལས་
[59a.5]འཁྲུག་ལོང་གསུམ་པ་ལྟུང་བའི་ཕྱིར་རྩོད་པ་འབྱུང་བར་ཤེས་པར་བྱའོ། །ལས་ལ་མཐུན་པ་མི་སྦྱིན་པ་ཇི་ལྟ་བུ་ཞེ་ན། ལས་ལ་ཞེས་བྱ་བ་ནི་གསོལ་བ་ལ་སོགས་པའི་ལས་བརྒྱ་རྩ་གཅིག་པོ་གསོ་སྦྱོང་དང་དགག་དབྱེ་ལ་སོགས་པའི་བདག་ཉིད་ཀྱི་ལས་དག་གོ། །དེ་ལ་མཐུན་པ་མི་སྦྱིན་པ་ནི་རྣམ་པ་གཉིས་ཏེ།
[59a.6]འདུས་པར་རྗེས་སུ་མ་ཞུགས་པ་ཉིད་དང་། ཕྱིར་ཟློག་པར་བྱེད་པ་ཉིད་དོ། །དེ་ལ་འདུས་པར་རྗེས་སུ་མ་ཞུགས་པ་ཉིད་ནི་དགེ་སློང་ལས་དེའི་མཚམས་ཀྱི་ཁོངས་སུ་གཏོགས་པ་ཚོགས་ཀྱི་ཁ་སྐོང་བར་འོས་པ། ལུས་སམ་འདུན་པས་དགེ་འདུན་འདུས་པའི་ནང་དུ་རྗེས་སུ་མ་ཞུགས་པ་ཉིད་ཀྱིས་མཐུན་པ་
[59a.7]མི་སྦྱིན་པའོ། །ཕྱིར་བཟློག་པར་བྱ་བ་ཉིད་ནི་དགེ་སློང་ལས་དེའི་མཚམས་ཀྱི་ཁོངས་སུ་གཏོགས་པ་རང་བཞིན་དུ་གནས་པ་སྤྱོད་ལམ་ལས་མ་ཉམས་པ། ངག་ཡང་དག་པར་བསྡམས་པ་འདུལ་བའི་བྱ་བ་མངོན་པར་ཤེས་པ། ཞེ་འགྲས་པ་མེད་པས་ལས་གཞན་ལ་བྱེད་པ་ཆོས་དང་མི་ལྡན་པའི་ཕྱིར་བཟློག་པ་ཉིད་
[59b]
[59b.1]ཀྱིས་མཐུན་པ་མི་སྦྱིན་པའོ། །དེ་ལྟར་གསོལ་བ་ལ་སོགས་པའི་ལས་ལ་འདུས་པར་རྗེས་སུ་མ་ཞུགས་པ་ཉིད་དང་ཕྱིར་ཟློག་པར་བྱེད་པ་ཉིད་ཀྱིས་མཐུན་པ་མི་སྦྱིན་པ་དེ་ནི་འཁྲུག་ལོང་གི་རྒྱུ་བཞི་པ་ཡིན་ནོ། །དེ་ལ་འཁྲུག་ལོང་བཞི་པ་བྱ་བའི་ཕྱིར་རྩོད་པ་འབྱུང་སྟེ། བྱ་བའི་ཕྱིར་རྩོད་པ་ཞེས་བྱ་བ་ནི་གསོལ་བ་ལ་
[59b.2]སོགས་པའི་ལས་ལ་འདུས་པར་རྗེས་སུ་མ་ཞུགས་པ་ཉིད་ཕྱིར་ཟློག་པར་བྱེད་པ་ཉིད་ཀྱིས་མི་མཐུན་པ་སྦྱིན་པ་དེ་ལ་བརྟེན་ཏེ་དགྲ་བོས་མི་མཐུན་པར་སྨྲས་པའི་ཚིག་གི་ཕྱིར། སེམས་གཞོལ་བའི་འཁྲུག་ལོང་འཐབ་པ་དང་། མཚང་འདྲུ་བ་དང་། རྩོད་པ་འགྱེད་པ་ལ་སོགས་པའི་འཁོར་དང་བཅས་པ་
[59b.3]བྱ་བའི་རྒྱུ་ལས་རྩོད་པ་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་བྱ་བ་གང་བྱུང་བ་དེ་དང་། གཞན་སྤོང་བ་རྒྱུ་དང་བཅས་པ་ལས་དགེ་སློང་ལྟུང་བ་དང་བཅས་པ་ལ་དགེ་འདུན་གྱིས་གང་ཟག་གླེང་བ་པོ་བསྐོ་བ་དང་། དེས་དེ་ལ་སྐབས་འབྱེད་དུ་
[59b.4]གཞུག་པ་དང་། དུས་དབེན་པའི་མཐར་དྲན་པ་དང་ཤེས་བཞིན་གྱིས་གཞི་དང་བཅས་པས་གླེང་བ་དང་། ཡུལ་དང་དུས་དང་གཞི་གང་ལས་ལྟུང་བ་བྱུང་བའི་སྒོ་ནས་དྲན་པར་བྱ་བ་དང་། སྐབས་མི་འབྱེད་ན་བརྗོད་པ་དང་བཅས་པ་ཉིད་དང་། མི་གདམས་པ་ཉིད་དང་། གཏམ་འདྲེ་བ་ལ་སོགས་པ་
[59b.5]བཟློག་པ་དང་། གསོ་སྦྱོང་གཞག་པ་དང་། དགག་དབྱེ་གཞག་པ་དང་། ཕུར་པ་དང་བཅས་པ་ཉིད་ལ་སོགས་པའི་འཁོར་དང་བཅས་པར་བྱ་བའི་རྒྱུ་ལས་རྩོད་པ་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་བྱ་བ་དང་ཞི་བར་གཞན་སྤོང་བ་རྒྱུ་མེད་པ་
[59b.6]ལ་དགེ་སློང་ལྟུང་བ་མེད་པ་ལ་གཞི་མེད་པས་གླེང་བ་དང་། གཞན་རྗེས་སུ་བསྒྲུབ་པའི་དབང་གིས་གླེང་བ་དང་། ཕྱིར་བཅོས་པ་ལ་མི་ལྟོས་པར་གླེང་བ་དང་། སྨྱོན་པས་བྱས་པས་གླེང་བ་ལ་སོགས་པའི་འཁོར་དང་བཅས་པ་བྱ་བའི་རྒྱུད་ལས་རྩོད་པ་དྲན་པར་འདུལ་བ་དང་། མ་སྨྱོས་
[59b.7]པས་འདུལ་བས་དག་པ་སྦྱིན་པས་ཞི་བར་བྱ་བ་གང་བྱུང་བ་དེ་དང་། ལྟུང་བ་དང་བཅས་པ་རྣམ་པར་ཤེས་པ་ན་རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ལས་ཕྱིར་འཕྲོས་པ་མེད་པའི་འཁྲུག་ལོང་དང་། ཕྱིར་འཕྲོས་པ་དང་བཅས་པ་རྣམ་པ་གཉིས་པོ་ཉི་ཚེ་བའི་འཁྲུག་
[60a]
[60a.1]ལོང་དང་། དགེ་འདུན་མཐའ་དག་དག་འབྲེལ་པའི་འཁྲུག་ལོང་ལ་སོགས་པ་འཁོར་དང་བཅས་པ་བྱ་བའི་རྒྱུ་ལས་རྩོད་པ་ཁས་བླང་བར་བྱ་བ་དང་། མངོན་སུམ་གྱིས་འདུལ་བ་དང་། རྩྭ་བཀྲམ་པ་ལྟ་བུས་ཕྱིར་བཅོས་པས་ཞི་བར་བྱ་བ་གང་བྱུང་བ་དེ་དང་། རྣམ་པར་ཤེས་པ་ན་
[60a.2]རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ལས། དེའི་ངོ་བོ་ཉིད་ཚོལ་བ་དང་། མཐུན་པ་སྦྱིན་ཞིང་ས་གཞན་ན་གནས་པའི་སྤྱོད་པ་སྤྱད་པར་བྱ་བ་ལ་སོགས་པའི་འཁོར་དང་བཅས་པ་བྱ་བའི་རྒྱུ་ལས་རྩོད་པ། དེའི་ངོ་བོ་ཉིད་ཚོལ་དུ་གཞུག་པས་ངེས་པར་འཛིན་པ་ལ་སྦྱར་བ་ཉིད་སྦྱིན་པས་ཞི་
[60a.3]བར་བྱ་བ་གང་བྱུང་བ་སྟེ། དེ་དག་ནི་བྱ་བའི་ཕྱིར་རྩོད་པ་ཞེས་བྱའོ། །དེ་ལྟར་ན་ལས་ལ་མཐུན་པ་མི་སྦྱིན་པ་ལས་བྱུང་བའི་འཁྲུག་ལོང་བྱ་བའི་རྩོད་པ་འདི་ནི་འགྱེད་པའི་ཕྱིར་རྩོད་པ་དང་། མི་གདམས་པའི་ཕྱིར་རྩོད་པ་དང་། ལྟུང་བའི་ཕྱིར་རྩོད་པ་ཐམས་ཅད་ནི་ཡུལ་ལ་ཡང་རྒྱུ་དེ་དག་ཉིད་ཀྱི་སྒོ་བཞི་
[60a.4]ནས་འབྱུང་བ་ཞི་བར་བྱ་བའི་ཆོས་བདུན་པོ་ཐམས་ཅད་གོང་དུ་བསྟན་པ་བཞིན་ཅི་རིགས་པར་རྒྱུད་གཅིག་ཏུ་བྱ་བ་དང་། དག་པ་སྦྱིན་པ་དང་། ཕྱིར་བཅོས་པ་དང་། ངེས་པར་འཛིན་པ་ལ་སྦྱར་བ་ཉིད་སྦྱིན་པའི་རིམ་གྱིས་ལས་ལ་མཐུན་པ་སྦྱིན་དུ་གཞུག་པས་ཞི་བར་བྱ་བ་ཡིན་ཏེ། འདིར་གཞུང་ནི་ཞུ་
[60a.5]བ་ལས་ཞི་བ་ཐམས་ཅད་ནི་བྱ་བའི་ཕྱིར་རྩོད་པར་འཇུག་གོ་ཞེས་གསུངས་པ་ཡིན་ནོ། །དེ་ལྟར་ན་འཁྲུག་ལོང་གི་རྒྱུ་བཞི་པ་ལས་ལ་མཐུན་པ་མི་སྦྱིན་པ་ལས་འཁྲུག་ལོང་བཞི་པ་ཞི་བར་བྱ་བའི་ཕྱིར་རྩོད་པ་འབྱུང་བར་ཤེས་པར་བྱའོ། །དེ་ལྟར་འཁྲུག་ལོང་གི་རྒྱུ་བཞི་པ་ལས་བྱུང་བའི་འཁྲུག་
[60a.6]ལོང་གི་རྩོད་པ་བཞི་པོ་དེ་དག་ཞི་བར་བྱ་བའི་ཆོས་ནི་བདུན་ཏེ། མངོན་སུམ་གྱིས་འདུལ་བ་དང་། དྲན་པས་འདུལ་བ་དང་། མ་སྨྱོས་པས་འདུལ་བ་དང་། ཚུལ་ཤིང་མང་པོ་སྦྱིན་པ་དང་། དེའི་ངོ་བོ་ཉིད་ཚོལ་དུ་གཞུག་པ་དང་། རྩྭ་བཀྲམ་པ་ལྟ་བུ་དང་། ཁས་བླང་བར་བྱའོ། །དེ་ལ་མངོན་སུམ་གྱིས་
[60a.7]འདུལ་བ་ཞེས་བྱ་བ་ནི་གཟུ་བོའི་མདུན་དུ་གླེང་བར་བྱ་བ་དང་། གླེང་བ་པོ་དང་། དེ་དག་གི་རྗེས་སུ་འབྲང་བ་རྣམས་ཀྱི་རྒོལ་བ་དང་། ལན་གྱི་ཚིག་གམ་མངོན་སུམ་དུ་བྱུང་བ་གང་ཡིན་པ་དེ་འདུལ་བར་འོས་པ་མངོན་སུམ་གྱིས་འདུལ་བ་སྦྱིན་ཞིང་རྒྱུད་གཅིག་ཏུ་བྱ་བས་རྩོད་པ་དེ་ནི་ཞི་བར་གྱུར་པའོ། །
[60b]
[60b.1]དྲན་པས་འདུལ་བ་ཞེས་བྱ་བ་ནི་དགེ་སློང་དྲན་པ་དང་ལྡན་པ་གང་ལ་གླེང་བའི་ཁ་ན་མ་ཐོ་བ་མེད་པ་ལ། དགེ་འདུན་གྱིས་གསོལ་བ་དང་། བཞིའི་ལས་ཀྱིས་དྲན་པས་འདུལ་བ་སྦྱིན་ཞིང་དེ་བྱིན་ན་དགེ་སློང་དེ་ལ་དགེ་སློང་གཞན་དག་གིས་དྲན་པ་དང་ལྡན་པ་ཉིད་དུ་འཛིན་གྱི་ལྟུང་བ་དང་བཅས་པར་མི་
[60b.2]འཛིན་ཏེ། དེས་འདུལ་བར་འོས་པ་ལ་དྲན་པས་འདུལ་བར་སྦྱིན་ཞིང་དག་པ་སྦྱིན་པས་རྩོད་པ་དེ་ཞི་བར་འགྱུར་བའོ། །མ་སྨྱོས་པས་འདུལ་བ་ཞེས་བྱ་བ་ནི་དགེ་སློང་སྨྱོས་པ་གང་ལ་གླེང་བའི་ཁ་ན་མ་ཐོ་བ་མེད་པ་དེ་ལ་དགེ་འདུན་གྱིས་གསོལ་བ་དང་བཞིའི་ལས་ཀྱིས་མ་སྨྱོས་པའི་འདུལ་བ་སྦྱིན་
[60b.3]ཞིང་། དེ་བྱིན་ནས་དགེ་སློང་དེ་ལ་དགེ་སློང་གཞན་དག་གིས་རང་བཞིན་དུ་གནས་པ་ཉིད་དུ། འདི་ནི་ལྟུང་བ་དང་བཅས་པར་མི་འཛིན་ཏེ། དེས་འདུལ་བར་འོས་པ་ལ་མ་སྨྱོས་པར་འདུལ་བ་སྦྱིན་ཞིང་དག་པ་སྦྱིན་པས་རྩོད་པ་དེ་ཞི་བར་འགྱུར་བའོ། །ཚུལ་ཤིང་མང་པོ་སྦྱིན་པ་ཞེས་བྱ་བ་ནི་ཆོས་རྣམ་པར་
[60b.4]གཏན་ལ་དབབ་པ་ལ་སྲིད་ཀྱི། ཚུལ་ཁྲིམས་རྣམ་པར་གཏན་ལ་དབབ་པ་ནི་མི་སྲིད་དེ། ཆོས་དང་། འདུལ་བ་དང་། སྟོན་པའི་བསྟན་པའི་ཆོས་རྣམ་པར་གཏན་ལ་དབབ་པའི་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་མངོན་སུམ་དུ་
[60b.5]འདུལ་བས་རྒྱུད་གཅིག་ཏུ་བྱ་བས་ཞི་བར་བྱ་བར་མ་ནུས་པ་ཉིད་ཡིན་ཞིང་རྒོལ་བ་དང་། ཕྱིར་རྒོལ་བ་དག་གི་རྩོད་པ་དེ་གཅེས་པར་བཟུང་བ་ཉིད་དང་། རབ་ཏུ་དམ་པ་ཉིད་དང་། མི་བཟད་པ་ཉིད་དང་། བསྡམ་པར་བྱ་བ་མ་ཡིན་པའི་དོན་ཉིད་ཡིན་ན། དེ་ལ་དགེ་འདུན་བཞི་པོས་ཚུལ་ཤིང་
[60b.6]འདྲིམ་པའི་དགེ་སློང་བསྐོས་ཏེ་ཆོས་དང་ཆོས་མ་ཡིན་པའི་ཚུལ་ཤིང་མང་པོ་བྲིམ་ཞིང་རྒྱུད་གང་མང་བའི་ཕྱོགས་ལ་སྐྱོ་སྡོགས་མི་བྱ་བར་དེས་འདུལ་བར་འོས་པ་ལ་ཚུལ་ཤིང་མང་པོ་སྦྱིན་ཞིང་རྒྱུད་གཅིག་ཏུ་བྱ་བས་རྩོད་པ་དེ་ཞི་བར་འགྱུར་བའོ། །དེའི་ངོ་བོ་ཉིད་ཚོལ་དུ་གཞུག་པ་ཞེས་བྱ་བ་ནི་གང་
[60b.7]ཟག་ལྟུང་བ་དང་བཅས་པ་ལ་གླེང་བ་པོས་གླེངས་ནས་ལྟུང་བ་དྲན་པ་དགེ་འདུན་ལ་ཁས་བླངས་ན་དེའི་འོག་ཏུ་བརྗེད་དེ་རྣམ་པར་མི་ཤེས་པ་ན་རང་གི་ངོ་བོའི་ཉེས་པས་ལྟུང་བ་དང་བཅས་པ་དེ་ལ། དགེ་འདུན་གྱིས་གསོལ་བ་དང་བཞིའི་ལས་ཀྱིས་དེའི་ངོ་བོ་ཉིད་ཚོལ་བ་དང་མཐུན་པ་སྦྱིན་ཞིང་
[61a]
[61a.1]ས་གཞན་ན་གནས་པའི་སྤྱོད་པ་དེས། འདུལ་བ་དེའི་ངོ་བོ་ཉིད་ཚོལ་དུ་གཞུག་པར་འོས་པ་ལ་དེའི་ངོ་བོ་ཉིད་ཚོལ་དུ་གཞུག་པ་སྦྱིན་ཞིང་ངེས་པར་འཛིན་པ་ལ་སྦྱར་བ་ཉིད་ཡིན་པས་རྩོད་པ་དེ་ཞི་བར་འགྱུར་བའོ། །རྩྭ་བཀྲམ་པ་ལྟ་བུ་ཞེས་བྱ་བ་ནི་ལྟུང་བའི་ཕྱིར་རྩོད་
[61a.2]པའི་འཁྲུག་ལོང་དགེ་འདུན་མཐའ་དག་དང་འབྲེལ་པ་གང་ལ་ཡང་དགེ་སློང་གི་ཚོགས་གཅིག་ཀྱང་མ་ལུས་པར་དགེ་སློང་མཐའ་དག་ཕྱོགས་དང་གཞན་གྱི་ཕྱོགས་སུ་རྣམ་པར་གནས་པས་འཁྲུག་ལོང་དུ་གྱུར་ན། དེ་ལ་དགེ་འདུན་གྱིས་ཕྱོགས་གཉི་ག་ནས་དཔེར་ན་རྩྭ་བཀྲམ་པ་སྟེ། མགོ་སྤྲད་
[61a.3]པ་ལྟ་བུར་སེམས་བཏུད་དེ། གཞི་འདི་ལས་ཁྱེད་ལ་ལྟུང་བ་བྱུང་བ་གང་ཡིན་པ་དང་། ཁོ་བོ་ཅག་ལས་ལྟུང་བ་བྱུང་བ་གང་ཡིན་པ་དེ་དག་ཚེ་དང་ལྡན་པ་དག་གི་མདུན་དུ་བཤགས་པ་དང་། མི་འཆབ་པར་ཁོ་བོ་ཅག་སྤྲོའོ་ཞེས་བྱ་བ་དང་། ལྟུང་བའི་མིང་དང་རིགས་སྨོས་པས་གཞན་ལ་ལྟུང་བའི་ངོ་བོ་
[61a.4]ཉིད་ཤེས་པ་སྣང་བར་བྱ་བ་ལ་སོགས་པས་བློ་གཅིག་ཏུ་བྱ་བར་འོས་པ་ལ་རྩྭ་བཀྲམ་པ་ལྟ་བུ་སྦྱིན་ཞིང་ཕྱིར་བཅོས་པས་རྩོད་པ་དེ་ཞི་བར་འགྱུར་བའོ། །ཁས་བླང་བར་བྱ་བ་ཞེས་བྱ་བ་ནི་ལྟུང་བའི་ཕྱིར་རྩོད་པ་དེ་ཞི་བར་འཁྲུག་ལོང་ཕྱིར་འཕྲོས་པ་མེད་པ་གང་ལ་དགེ་སློང་ཕྱོགས་དང་གཞན་གྱི་
[61a.5]ཕྱོགས་སུ་རྣམ་པར་གནས་པ་དང་བྲལ་བ་གླེང་བར་བྱ་བ་དང་། གླེང་བ་པོ་འབའ་ཞིག་ཁོ་ན་ལ་འཁྲུག་ལོང་ཡོད་ཀྱི་གཞན་གང་ལ་ཡང་འཁྲུག་ལོང་མེད་པར་གྱུར་ན། དེ་ལ་གླེང་བ་པོས་ཇི་སྐད་གླེངས་པ་དེ་གླེང་བར་བྱ་བས་ཁས་བླང་བར་འོས་པ་ལ་ཁས་བླང་བར་བྱ་ཞིང་ཕྱིར་བཅོས་པས་རྩོད་
[61a.6]པ་དེ་ཞི་བར་འགྱུར་བའོ། །དེ་ནི་འཁྲུག་ལོང་གི་རྒྱུ་བཞི་ལས་བྱུང་བའོ། །འཁྲུག་ལོང་གི་རྩོད་པ་བཞི་པོ་དེ་དག་རྩོད་པ་ཞི་བར་བྱ་བའི་ཆོས་བདུན་པོ་དེ་ལས་གང་དང་གང་དུས་ཞི་བར་བྱ་བ་བཤད་པར་བྱ་སྟེ་དེ་ལ་འཁྲུག་ལོང་གི་རྒྱུ་དང་པོ་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་ལས་བྱུང་བའི་
[61a.7]འཁྲུག་ལོང་འགྱེད་པའི་ཕྱིར་རྩོད་པ་ནི་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་བྱའོ། །འཁྲུག་ལོང་གི་རྒྱུ་གཉིས་པ་གདམས་ངག་ལ་སོགས་པ་རྒྱུ་འཇོག་པས་གཞན་སྤོང་བ་ལས་བྱུང་བའི་འཁྲུག་ལོང་མི་གདམས་པའི་ཕྱིར་རྩོད་པ་ནི་མངོན་
[61b]
[61b.1]སུམ་གྱིས་འདུལ་བ་དང་། ཚུལ་ཤིང་མང་བོ་སྦྱིན་པས་རྒྱུད་གཅིག་ཏུ་བྱ་བ་དེ་ཉིད་དང་། དྲན་པས་འདུལ་བ་དང་། མ་སྨྱོས་པས་འདུལ་བས་དག་པ་སྦྱིན་པས་ཞི་བར་བྱ་བའོ། །འཁྲུག་ལོང་གི་རྒྱུ་གསུམ་པ་ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་ལྟུང་བའི་ཕྱིར་རྩོད་པ་ནི་ཁས་བླང་
[61b.2]བར་བྱ་བ་དང་། མངོན་སུམ་གྱིས་འདུལ་བ་དང་། རྩྭ་བཀྲམ་པ་ལྟ་བུས་ཕྱིར་བཅོས་པ་དང་། དེའི་ངོ་བོ་ཉིད་ཚོལ་དུ་གཞུག་པས་ངེས་པར་འཛིན་པ་ལ་སྦྱར་བ་ཉིད་སྦྱིན་པས་ཞི་བར་བྱའོ། །འཁྲུག་ལོང་གི་རྒྱུ་བཞི་པ་ལས་ལ་མཐུན་པ་མི་སྦྱིན་པ་ལས་བྱུང་བའི་འཁྲུག་ལོང་བྱ་བའི་ཕྱིར་རྩོད་པ་ནི་
[61b.3]རྩོད་པ་ཞི་བར་བྱ་བའི་ཆོས་བདུན་པོ་ཐམས་ཅད་ཀྱིས་སྔ་མ་བཞིན་དུ་ཅི་རིགས་པར་རྒྱུད་གཅིག་ཏུ་བྱ་བ་དང་། དག་པ་སྦྱིན་པ་དང་། ཕྱིར་བཅོས་པ་དང་། ངེས་པར་འཛིན་པ་ལ་སྦྱར་བ་ཉིད་སྦྱིན་པའི་རིམ་གྱིས། ལས་ལ་མཐུན་པ་སྦྱིན་དུ་གཞུག་པས་ཞི་བར་བྱའོ། །དེ་ལ་དང་པོར་འགྱེད་པའི་
[61b.4]ཕྱིར་རྩོད་པ་ཉེ་བར་ཞི་བར་བྱ་བ་བཤད་པར་བྱ་སྟེ། འཁྲུག་ལོང་གི་རྒྱུ་དང་པོ་དངོས་པོའི་དེ་བཞིན་ཉིད་ལ་ལོག་པར་བསྒྲུབ་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་ནི་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་བྱའོ་ཞེས་གསུངས་པ་ལ།
[61b.5]འཁྲུག་ལོང་གི་རྒྱུ་དང་པོ་དངོས་པོའི་དེ་བཞིན་ཉིད་ལ་ལོག་པར་བསྒྲུབས་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་ནི་ཆོས་རྣམ་པར་གཏན་ལ་དབབ་པ་དང་། ཚུལ་ཁྲིམས་རྣམ་པར་གཏན་ལ་དབབ་པའི་དངོས་པོའི་དེ་བཞིན་ཉིད་ལ་ལོག་པར་བསྒྲུབས་པ་ལས་བྱུང་བ་ཡང་ཡོད། ཆོས་རྣམ་པར་
[61b.6]གཏན་ལ་དབབ་པའི་ཉི་ཚེའི་དངོས་པོའི་དེ་བཞིན་ཉིད་ལ་ལོག་པར་བསྒྲུབས་པ་ལས་བྱུང་བ་ཡང་ཡོད་དེ། སྔ་མ་ནི་མངོན་སུམ་གྱིས་འདུལ་བས་རྒྱུད་གཅིག་ཏུ་བྱ་བས་ཞི་བར་འགྱུར་ལ། ཕྱི་མ་ནི་ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་འགྱུར་རོ། །དེ་ལ་ཆོས་རྣམ་པར་གཏན་ལ་དབབ་
[61b.7]པའི་དངོས་པོའི་དེ་བཞིན་ཉིད་ལ་ལོག་པར་བསྒྲུབས་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་མངོན་སུམ་གྱིས་འདུལ་བས། རྒྱུད་གཅིག་ཏུ་བྱ་བས་ཞི་བར་འགྱུར་བ་ནི། འགྱེད་པའི་ཕྱིར་གཉིས་རང་གིས་མི་ནུས་ན་ཚོགས་པར་དབྱུང་བ་དག་གིས་ལེགས་པར་བསྒྲུབ་པས་ཞི་བར་བྱའོ། །
[62a]
[62a.1]ཆོས་རྣམ་པར་གཏན་ལ་དབབ་པ་ཉི་ཚེའི་དངོས་པོའི་དེ་བཞིན་ཉིད་ལ་ལོག་པར་བསྒྲུབས་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་མ་གྱུར་པ་ནི་ཆེས་མང་བའི་བློས་ལེགས་པར་གཞག་པ་ཞེས་བྱ་བའི་ལེགས་
[62a.2]པར་བསྒྲུབ་པའི་རྣམ་པ་གཞན་གྱིས་ཞི་བར་བྱ་བའོ། །དེ་ལ་རེ་ཞིག་ཆོས་རྣམ་པར་གཏན་ལ་དབབ་པ་དང་། ཚུལ་ཁྲིམས་རྣམ་པར་གཏན་ལ་དབབ་པའི་དངོས་པོའི་དེ་བཞིན་ཉིད་ལ་ལོག་པར་བསྒྲུབས་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་མངོན་སུམ་གྱིས་འདུལ་བས་རྒྱུད་གཅིག་ཏུ་
[62a.3]བྱ་བས་ཞི་བར་བྱ་བའི་གོ་རིམས་རྣམ་པར་གཞག་པ་ནི་འདི་ཡིན་ཏེ། དགེ་འདུན་གྱིས་གནས་དེར་གཟུ་བོ་དག་གཏན་དུ་བསྐོ་བ་དང་། གཟུ་བོ་དེ་དག་གིས་དོན་ལེགས་པར་བསྒྲུབ་པ་དང་། དེ་དག་གིས་ཉེ་བར་མ་ཞི་ན་དགེ་འདུན་ལ་དབུལ་བ་དང་། དགེ་འདུན་དེས་རྩོད་པ་དེ་ཉེ་བར་ཞི་བར་བྱེད་མ་
[62a.4]ནུས་ན་གསལ་བ་དག་བསྐོ་བ་དང་། སྡེ་ཚན་དེས་མ་ནུས་ན་རང་གིས་གསལ་བའི་ཡང་གསལ་བ་དག་བསྐོ་བ་དང་། དེ་དག་གིས་མ་ནུས་ཤིང་གཞན་མི་བྱེད་ན་གང་ལས་བླངས་པ་དེ་ལ་དབུལ་བ་དང་། ཕྱིར་འོངས་ནས་དགེ་འདུན་བཞི་པོས་རྩོད་པ་སྦེད་པ་བསྐོ་བ་དང་། དེ་ནས་གནས་བརྟན་
[62a.5]དང་བཅས། སོ་སོར་ཐར་པ་དང་བཅས་པའི་དགེ་འདུན་ལ་སྔར་བྱུང་བ་བརྗོད་དེ། དུས་ཟླ་བ་གསུམ་དུ་དབུལ་བ་དང་། དེས་མ་ནུས་ན་དེ་ཕྱིར་དབུལ་བ་དང་། ཕྱིར་ཕུལ་ན་མདོ་སྡེ་དང་འདུལ་བ་དང་། མ་མོ་འཛིན་པ་དག་ལ་སྔར་བྱུང་བ་བརྗོད་དེ། དུས་ཟླ་བ་དྲུག་དུ་དབུལ་བ་དང་། དེ་དག་གིས་
[62a.6]མ་ནུས་ན་གནས་བརྟན་མཐུ་དང་ལྡན་པ་ལ་སྔར་བྱུང་བ་བརྗོད་དེ། དུས་ཐུག་པ་མེད་པར་དབུལ་བའི་རིམ་གྱིས་འདུལ་བས་རྒྱུད་གཅིག་ཏུ་བྱ་བས་འགྱེད་པའི་ཕྱིར་རྩོད་པ་ཞི་བར་བྱའོ། །དགེ་འདུན་གྱིས་གནས་དེར་གཟུ་བོ་དག་རྟག་ཏུ་བསྐོ་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། གླེང་
[62a.7]བར་བྱ་བ་དང་། གླེང་བ་པོའི་གང་ཟག་འགྱེད་པ་གཉིས་རང་གི་རྩོད་པ་དེ་ཉེ་བར་ཞི་བར་བྱེད་མི་ནུས་པ་ན། དགེ་འདུན་གྱིས་གནས་དེར་དགེ་སློང་གཟུ་བོ་ཚོགས་པར་དབྱུང་བ་ཕྱོགས་གཉི་ག་འདྲ་བ་འཐབ་མོ་མི་སྐྱེད་པ་ངོ་ཚ་ཤེས་ཤིང་བསླབ་པ་འདོད་པ། འདུལ་བ་ལ་ཤིན་ཏུ་རྣམ་པར་ངེས་པ། རྩོད་
[62b]
[62b.1]པ་བྱུང་བ་དཔྱོད་པ་ལ་མཁས་པ། རྣམ་པར་ཞེན་པ་བརྟན་ཞིང་ཉེས་རྩོམ་མེད་པར་འཇུག་པ་སྙོམས་པར་བརྡ་སྤྲོད་པ། བརྡ་སྤྲོད་པར་བྱེད་པ། མཁས་པ་ཆོས་ཉི་ཤུ་རྩ་གཉིས་དང་ལྡན་པ་གཅིག་ཡན་ཆད་དང་པོར་སྤྲོ་བར་བྱ་སྟེ། གསོལ་བ་དང་གཉིས་ཀྱི་ལས་ཀྱིས་བསྐོ་ཞིང་དགེ་འདུན་གྱི་གནས་
[62b.2]དེར་གཟུ་བོ་དེ་དག་གཏན་དུ་དགེ་འདུན་གྱི་རྩོད་པ་བྱུང་ངོ་ཅོག་རྣམ་པར་ཞི་བར་བྱ་བའི་ཕྱིར་བསྐོ་བར་བྱའི་རྩོད་པ་གཅིག་གི་ཕྱིར་འཕྲལ་ལ་བསྐོ་བར་བྱ་བ་ནི་མ་ཡིན་ནོ། །ཆོས་ཉི་ཤུ་རྩ་གཉིས་གང་ཞེ་ན། མ་མོ་ལས་དགེ་སློང་ཆོས་ཉི་ཤུ་རྩ་གཉིས་དང་ལྡན་པ་བསྐོ་བར་བྱ་སྟེ། ཉི་ཤུ་རྩ་གཉིས་གང་
[62b.3]ཞེ་ན། ཅི་ཚེ་དང་ལྡན་པ་དེ་ཚུལ་ཁྲིམས་དང་ལྡན་ཞིང་དང་པོ་ནས་ཕུན་སུམ་ཚོགས་པ་དང་། ངོ་ཚ་ཤེས་ཤིང་འགྱོད་པ་དང་ལྡན་པ་ལ་བསྡམས་པ་དང་། བསླབ་པར་འདོད་པ་ལ་བསྡམས་པ་དང་། འདུལ་བ་ཤིན་ཏུ་རྣམ་པར་ངེས་ཤིང་ཐོས་པ་འཛིན་ལ་ཐོས་པ་བསགས་པ་དང་། ལུང་ནོད་པ་
[62b.4]དང་རྩོད་པ་ལ་མཁས་པ་དང་། རྩོད་པ་ཀུན་ནས་སློང་བ་ལ་མཁས་པ་དང་། རྩོད་པའི་བྱེ་བྲག་ལ་མཁས་པ་དང་། རྩོད་པ་འགོག་པ་ལ་མཁས་པ་དང་། རྩོད་པ་འགགས་ནས་ཕྱིར་མི་འབྱུང་བ་ལ་མཁས་པ་དང་། བསྟན་བཅོས་ལ་མཁས་པ་དང་། གཞི་ལྷག་པར་སྤྱོད་པ་ལ་མཁས་ཤིང་ཉེས་
[62b.5]རྩོམ་མེད་པར་སྨྲ་བ་དང་། ཉེས་རྩམ་བྱེད་དུ་མི་འཇུག་པ་དང་། ལུས་དང་ངག་གིས་མི་འཇུག་པ་དང་། སྨྲ་བར་བྱེད་ཅིང་སྨྲས་པ་བརྡ་ཕྲད་པར་བྱེད་པ་དང་། གོ་བར་བྱེད་ཅིང་གོ་བས་བརྡ་སྤྲོད་པར་བྱེད་པ་དང་། རྣམ་པར་རིག་པར་བྱེད་ཅིང་རྣམ་པར་རིག་པས་བརྡ་ཕྲད་པར་བྱེད་པ་དང་། ངེས་པར་
[62b.6]རྟོགས་པར་བྱེད་ཅིང་ངེས་པར་རྟོགས་པས་བརྡ་ཕྲད་པར་བྱེད་པ་དང་། འདུན་པས་འགྲོ་བ་མ་ཡིན་པ་དང་། ཞེ་སྡང་གིས་འགྲོ་བ་མ་ཡིན་པ་དང་། གཏི་མུག་གིས་འགྲོ་བ་མ་ཡིན་པ་དང་། འཇིགས་པས་འགྲོ་བ་མ་ཡིན་པ་སྟེ། གཟུ་བོ་ཆོས་ཉི་ཤུ་རྩ་གཉིས་དང་ལྡན་པ་ནི་ཆོས་ཀྱི་ལོངས་སྤྱོད་དམ།
[62b.7]ཟང་ཟིང་གི་ལོངས་སྤྱོད་ཀྱིས་ཕྱོགས་གཉི་ག་ལ་མི་བརྟེན་པ་ཡིན་ནོ་ཞེས་གསུངས་པ་ཡིན་ནོ། །དགེ་འདུན་གྱིས་དེ་དང་པོར་སྤྲོ་བར་བྱ་ཞིང་། གསོལ་བ་དང་གཉིས་ཀྱི་ལས་ཀྱིས་བསྐོ་བའི་ཆོ་ག་དང་ལས་ནི་འདི་ལྟར་བྱ་སྟེ། གནས་མལ་བཤམ་པ་བྱས་ནས་གཅི་བརྡུངས་ཏེ་དྲིས་པའི་
[63a]
[63a.1]ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན། ཇེ་དང་པོར་སྤྲོ་བར་བྱ་སྟེ། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །འདིའི་སྔགས་ནི་འདི་ཡིན་ཏེ། མིང་འདི་ཞེས་བགྱི་བ་ཁྱོད་
[63a.2]དགེ་འདུན་ལ་རྩོད་པ་བྱུང་བ་རྣམས་མངོན་སུམ་གྱིས་འདུལ་བས་རྣམ་པར་ཞི་བར་བྱེད་པར་སྤྲོའམ། སྤྲོའོ། །དགེ་འདུན་བཙུན་པ་རྣམས་གསན་དུ་གསོལ། གཟུ་བོ་མིང་འདི་ཞེས་བགྱི་བ་འདི་དགེ་འདུན་ལ་རྩོད་པ་བྱུང་བ་རྣམས་མངོན་སུམ་གྱིས་འདུལ་བས་རྣམ་པར་ཞི་བར་བགྱིད་པར་སྤྲོ་ན། གལ་ཏེ་དགེ་
[63a.3]འདུན་གྱི་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་མིང་འདི་ཞེས་བགྱི་བ་འདི་རྩོད་པ་ཞི་བར་བགྱི་བར་བསྐོ་བར་བགྱི་སྟེ། གཟུ་བོ་མིང་འདི་ཞེས་བགྱི་བ་འདི་དགེ་འདུན་ལ་རྩོད་པ་བྱུང་བ་རྣམས། མངོན་སུམ་གྱིས་འདུལ་བས་རྩོད་པ་རྣམ་པར་ཞི་བར་བགྱིད་དོ། །
[63a.4]འདི་ནི་གསོལ་བའོ། །དགེ་འདུན་བཙུན་པ་རྣམས་གསན་དུ་གསོལ། གཟུ་བོ་མིང་འདི་ཞེས་བགྱི་བ་འདི་དགེ་འདུན་ལ་རྩོད་པ་བྱུང་བ་རྣམ་པར་ཞི་བར་བགྱིད་པར་སྤྲོ་སྟེ། དེའི་སླད་དུ་དགེ་འདུན་གྱིས་གཟུ་བོ་མིང་འདི་ཞེས་བགྱི་བ་འདི་རྩོད་པ་རྣམ་པར་ཞི་བར་བགྱིད་པར་བསྐོ་ན། ཚེ་དང་ལྡན་པ་གང་
[63a.5]དག་གཟུ་བོ་མིང་འདི་ཞེས་བགྱི་བ་འདི་རྩོད་པ་རྣམ་པར་ཞི་བར་བགྱིད་པར་བསྐོ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་གཟུ་བོ་མིང་འདི་ཞེས་བགྱི་བ་འདི་རྩོད་པ་རྣམ་པར་ཞི་བར་བགྱིད་པར་
[63a.6]བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་གསུངས་པ་ཡིན་ནོ། །དེའི་འོག་ཏུ་གཟུ་བོ་དེ་དག་གིས་དོན་དེ་ལེགས་པར་བསྒྲུབ་པའི་གོ་རིམས་རྣམ་པར་བཞག་པ་ནི་འདི་ལྟར་བྱ་སྟེ། འགྱེད་པ་གཉིས་ཆོས་རྣམ་པར་གཏན་ལ་དབབ་པ་དང་། ཚུལ་ཁྲིམས་རྣམ་པར་གཏན་ལ་
[63a.7]དབབ་པའི་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་དང་། དངོས་པོའི་རྣམ་པར་དཔྱོད་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་དེ་ལ། གཟུ་བོ་དེ་དག་གིས་ཆེན་པོ་བསྟན་པ་དང་། ནག་པོ་བསྟན་པ་དང་མདོ་སྡེའི་ཚུལ་གྱིས་གང་མདོ་སྡེ་ལ་འཇུག་པ་དང་འདུལ་བ་ལ་སྣང་བ་དང་། ཆོས་ཉིད་
[63b]
[63b.1]དང་མི་འགལ་བ་དེ་ནི་ཆེན་པོ་བསྟན་པ་དང་མཐུན་པས་ཡང་དག་པའི་དེ་བཞིན་ཉིད་ཡིན་ནོ། །གང་མདོ་སྡེ་ལ་མི་འཇུག་པ་དང་། འདུལ་བ་ལ་མི་སྣང་བ་དང་། ཆོས་ཉིད་དང་འགལ་བ་ལ་དེ་ནི་ནག་པོ་བསྟན་པ་དང་མཐུན་པས་ལོག་པའི་དེ་བཞིན་ཉིད་ཡིན་ནོ་ཞེས་ཆོས་རྣམ་པར་གཏན་ལ་དབབ་པ་རྣམ་པར་
[63b.2]ངེས་པར་བྱ་བ་དང་། བསླབ་པ་བཅས་པ་དང་། ལྟུང་བ་རྣམ་པར་གཞག་པ་བསྟན་པ་འདུལ་བའི་ཚུལ་གྱི་ཡུལ་དང་། གང་ཟག་དང་ཉོན་མོངས་པ་དང་། ཉེས་པའི་གཞིའི་བྱེ་བྲག་གིས་བསླབ་པ་བཅས་པ་དང་། རྗེས་སུ་བཅས་པ་དང་། བཅས་པ་ལས་གནང་བ་དང་། གནང་བ་ལས་བཀག་པ་དང་།
[63b.3]རང་བཞིན་གྱི་ཁ་ན་མ་ཐོ་བ་དང་བཅས་པ་བཀག་པ་དང་། གནང་བའི་ལྟུང་བ་སྡེ་ལྔ་བསམ་པ་དང་སྦྱོར་བའི་སྒོ་ནས་རྣམ་པར་གཞག་པའི་དངོས་གཞི་དང་། སྦྱོར་བ་དང་སྦྱོར་བའི་སྦྱོར་བའི་ལྟུང་བ་དང་བཅས་པའི་འཇིག་རྟེན་དང་མི་འགལ་བ་དང་། འདུལ་བ་དང་མི་འགལ་བར་བསྒྲུབ་པ་ལ་ཚུལ་ཁྲིམས་ཉམས་པ་དང་།
[63b.4]ལྟ་བ་ཉམས་པ་དང་། ཆོ་ག་ཉམས་པ་དང་། འཚོ་བ་ཉམས་པ་དང་། ལྟུང་བ་དང་ལྟུང་བ་མེད་པ་དང་། བསླབ་པར་བྱ་བས་ཕྱིར་བཅོས་པ་གང་ཡིན་ཞེ་ན། ཚུལ་ཁྲིམས་རྣམ་པར་གཏན་ལ་དབབ་པ་དང་། རྣམ་པར་ངེས་པར་བྱ་བ་དང་། གཟུ་བོས་མདུན་དུ་གླེང་བར་བྱ་བ་དང་། གླེང་བ་པོ་དང་། དེ་དག་གི་རྗེས་
[63b.5]སུ་འབྲང་བ་རྣམས་ཀྱི་རྒོལ་བ་དང་། ལན་གྱི་ཚིག་དག་མངོན་སུམ་དུ་བྱུང་བ་གང་ཡིན་པ་དེས་འདུལ་བར་འོས་པ་ལ་མངོན་སུམ་གྱིས་འདུལ་བ་སྦྱིན་ཞིང་། རྒྱུད་གཅིག་ཏུ་བྱ་བས་འགྱེད་པའི་ཕྱིར་རྩོད་པའི་དོན་དེ་ལེགས་པར་བསྒྲུབ་ཅིང་མཐའ་གཅིག་ཏུ་ངེས་པར་བྱ་བས་ངེས་པར་ཞི་བར་བྱའོ། །རྒྱུད་གཅིག་
[63b.6]ཏུ་བྱ་བ་ཞེས་བྱ་བ་ནི་ངེས་པར་རྟོགས་པར་བྱ་བ་སྟེ། ཆོས་དང་ཚུལ་ཁྲིམས་ཀྱི་དངོས་པོ་གང་ལ་ངེས་པར་རྟོགས་པ་གཅིག་ཡོད་པའི་དངོས་པོའི་རྒྱུད་གང་ཡིན་པ་དེ་མཐའ་གཅིག་ཏུ་ངེས་པར་བྱ་བ་ནི་རྒྱུད་གཅིག་ཏུ་བྱ་བ་ཞེས་བྱའོ། །འདི་ལྟར་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་ནི་ཐེ་ཚོམ་
[63b.7]ཞེས་བྱའོ། །ཐེ་ཚོམ་ནི་ངེས་པར་བསྐྱེད་པས་ལྡོག་པས། དེས་ན་མངོན་སུམ་གྱིས་འདུལ་བར་འོས་པ་ལ། མངོན་སུམ་གྱིས་འདུལ་བ་སྦྱིན་པས་རྒྱུད་གཅིག་ཏུ་བྱས་ན་ཆོས་དང་ཚུལ་ཁྲིམས་ཀྱི་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་
[64a]
[64a.1]དེ་ཞི་བར་འགྱུར་རོ། །དེའི་འོག་ཏུ་དེ་དག་གིས་ཉེ་བར་མ་ཞི་ན་དགེ་འདུན་ལ་དབུལ་བའི་གོ་རིམས་བཞིན་དུ་རྣམ་པར་གཞག་པ་ནི་འདི་ལྟར་བྱ་སྟེ། གཟུ་བོ་དེ་དག་གིས་རྩོད་པ་དེ་ཉེ་བར་མ་ཞི་ན་མཚམས་དེའི་དགེ་འདུན་ཉིད་ལ་བདག་ཅག་གིས་རྩོད་པ་དེ་མངོན་སུམ་གྱིས་འདུལ་
[64a.2]བ་སྦྱིན་ཞིང་རྒྱུད་གཅིག་ཏུ་བྱ་བས་ཉེ་བར་ཞི་བ་མ་ནུས་ཀྱིས། དགེ་འདུན་གྱིས་ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་པའི་བསྟན་པ་ཇི་ལྟ་བ་དང་། ལྟུང་བ་རྣམ་པར་གཞག་པ་ཇི་ལྟ་བས་གླེང་བར་བྱ་བ་དང་། གླེང་བ་པོ་དང་། དེ་དག་གི་རྗེས་སུ་འབྲང་བ་རྣམས་ཀྱིས་རྒོལ་བ་དང་།
[64a.3]ལན་གྱི་ཚིག་དག་མངོན་དུ་བྱ་བ་གང་ཡིན་པ་དེས་འདུལ་བར་འོས་པ་ལ་མངོན་སུམ་གྱིས་འདུལ་བ་སྦྱིན་ཞིང་རྒྱུད་གཅིག་ཏུ་བྱ་བས་རྩོད་པ་དེ་ཞི་བར་མཛོད་ཅིག་ཅེས་དབུལ་བར་བྱའོ། །དེའི་འོག་ཏུ་དགེ་འདུན་དེས་རྩོད་པ་ཉེ་བར་ཞི་བར་བྱེད་མ་ནུས་ན། གསོལ་བ་དག་བསྐོ་བའི་གོ་རིམས་རྣམ་
[64a.4]པར་གཞག་པ་ནི་འདི་ལྟར་བྱ་སྟེ། དགེ་འདུན་གྱིས་དེའི་རྩོད་པ་དེ་ཉེ་བར་ཞི་བར་བྱེད་མ་ནུས་ན། དགེ་སློང་གཟུ་བོ་སྔ་མ་དག་པས་གསལ་བའི་དགེ་སློང་གི་དགེ་འདུན་གྱི་ཚད་ལས་མི་ཉུང་བ་དག་དང་པོར་སྤྲོ་བར་བྱ་སྟེ། གསོལ་བ་དང་གཉིས་ཀྱི་ལས་ཀྱིས་བསྐོ་ཞིང་། དེ་དག་གི་རྩོད་པ་དེ་ཉེ་བར་ཞི་བར་
[64a.5]བྱའོ། །དགེ་འདུན་གྱིས་དེ་དག་དང་པོར་སྤྲོ་བར་བྱ་ཞིང་གསོལ་བ་དང་གཉིས་ཀྱི་ལས་ཀྱིས་བསྐོ་བའི་ཆོ་ག་དང་། ལས་ནི་འདི་ལྟར་བྱ་སྟེ་གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས། དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་
[64a.6]པར་གྱུར་པ་ན། ཇེ་དང་པོར་སྤྲོ་བར་བྱ་སྟེ། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དེའི་སྔགས་ནི་འདི་ཡིན་ཏེ། མིང་འདི་ཞེས་བྱ་བ་ཁྱོད་དགེ་འདུན་ལ་རྩོད་པ་བྱུང་བ་རྣམ་པར་ཞི་བར་བྱེད་པ་སྤྲོའམ། སྤྲོའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་
[64a.7]གསལ་བ་མིང་འདི་ཞེས་བགྱི་བ་འདི་དགེ་འདུན་ལ་རྩོད་པ་བྱུང་བ་རྣམ་པར་ཞི་བར་བགྱིད་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་མིང་འདི་ཞེས་བགྱི་བ་འདི་གསལ་བར་བསྐོ་བར་བགྱི་སྟེ། གསལ་བ་མིང་འདི་
[64b]
[64b.1]ཞེས་བགྱི་བ་འདི་དགེ་འདུན་ལ་རྩོད་པ་བྱུང་བ་རྣམ་པར་ཞི་བར་བགྱིད་དོ། །འདི་ནི་གསོལ་བའོ། །དགེ་འདུན་བཙུན་པ་རྣམས་གསན་དུ་གསོལ། གསལ་བ་མིང་འདི་ཞེས་བགྱི་བ་འདི་དགེ་འདུན་ལ་རྩོད་པ་བྱུང་བ་རྣམ་པར་ཞི་བར་བགྱིད་པར་སྤྲོ་སྟེ། དེའི་སླད་དུ་དགེ་འདུན་གྱིས་མིང་འདི་ཞེས་བགྱི་བ་འདི་རྩོད་པ་
[64b.2]རྣམ་པར་ཞི་བར་བགྱིད་པར་བསྐོ་ན། ཚེ་དང་ལྡན་པ་གང་དག་གསལ་བ་མིང་འདི་ཞེས་བགྱི་བ་འདི་རྩོད་པ་རྣམ་པར་ཞི་བར་བགྱིད་པར་བསྐོ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱི་གསལ་བ་མིང་
[64b.3]འདི་ཞེས་བགྱི་བ་འདི་རྩོད་པ་རྣམ་པར་ཞི་བར་བགྱིད་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །ཞེས་གསུངས་པ་ཡིན་ནོ། །དེའི་འོག་ཏུ་སྡེ་ཚན་དེས་མ་ནུས་ན་རང་གི་གསལ་བའི་ཡང་གསལ་བ་དག་བསྐོ་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། གཟུ་བོའི་
[64b.4]སྡེ་ཚན་གང་ཡང་རུང་བ་དེས་རྩོད་པ་དེ་ཉེ་བར་ཞི་བར་མ་ནུས་ན། གཟུ་བོ་རྣམས་སམ། དགེ་འདུན་རང་གིས་དགེ་སློང་གསལ་བ་སྔ་མ་བཞིན་དག་པས་ཀྱང་ཆེས་གསལ་བའི་དགེ་སློང་གསལ་བའི་ཡང་གསལ་བ་དག་དང་པོར་སྤྲོ་བར་བྱ་སྟེ། གསོལ་བ་དང་གཉིས་ཀྱི་ལས་ཀྱིས་བསྐོ་ཞིང་དེ་དག་གིས་རྩོད་པ་
[64b.5]དེ་ཉེ་བར་ཞི་བར་བྱའོ། །གཟུ་བོ་རྣམས་རང་གིས་སམ། དགེ་འདུན་གྱིས་དེ་དག་དང་པོར་སྤྲོ་བར་བྱ་སྟེ། གསོལ་བ་དང་གཉིས་ཀྱི་ལས་ཀྱིས་བསྐོ་བའི་ཆོ་ག་དང་། ལས་ནི་འདི་ལྟར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྐོ་ན། དགེ་
[64b.6]འདུན་ཐམས་ཅད་འདུག་ཅིང་མཐུན་པར་གྱུར་པ་ན། ཇེ་དང་པོར་སྤྲོ་བར་བྱ་སྟེ། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དེའི་སྔགས་ནི་འདི་ཡིན་ཏེ། མིང་འདི་ཞེས་བྱ་བ་ཁྱོད་དགེ་འདུན་ལ་རྩོད་པ་བྱུང་བ་རྣམ་པར་ཞི་བར་བྱེད་པ་ཁྱོད་སྤྲོའམ། སྤྲོའོ། །དགེ་འདུན་བཙུན་པ་རྣམས་གསན་དུ་
[64b.7]གསོལ། དགེ་སློང་གསལ་བའི་ཡང་གསལ་བ་མིང་འདི་ཞེས་བགྱི་བ་འདི་དགེ་འདུན་ལ་རྩོད་པ་བྱུང་བ་རྣམ་པར་ཞི་བར་བགྱིད་པར་སྤྲོ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་མིང་འདི་ཞེས་བགྱི་བ་འདི་གསལ་བའི་ཡང་གསལ་བར་
[65a]
[65a.1]བསྐོ་བར་བགྱི་སྟེ། གསལ་བའི་ཡང་གསལ་བ་མིང་འདི་ཞེས་བགྱི་བ་འདི་དགེ་འདུན་ལ་རྩོད་པ་བྱུང་བ་རྣམ་པར་ཞི་བར་བགྱིད་དོ། །འདི་ནི་གསོལ་བའོ། །དགེ་འདུན་བཙུན་པ་རྣམས་གསན་དུ་གསོལ། །གསལ་བའི་ཡང་གསལ་བ་མིང་འདི་ཞེས་བགྱི་བ་འདི་དགེ་འདུན་ལ་རྩོད་པ་བྱུང་བ་
[65a.2]རྣམ་པར་ཞི་བར་བགྱིད་པར་སྤྲོ་སྟེ། དེའི་སླད་དུ་དགེ་འདུན་གྱིས་མིང་འདི་ཞེས་བགྱི་བ་འདི་རྩོད་པ་རྣམ་པར་ཞི་བར་བགྱིད་པར་བསྐོ་ན། ཚེ་དང་ལྡན་པ་གང་དག་གསལ་བའི་ཡང་གསལ་བ་མིང་འདི་ཞེས་བགྱི་བ་འདི་རྩོད་པ་རྣམ་པར་ཞི་བར་བགྱིད་པར་བསྐོ་བར་བཟོད་པ་དེ་དག་ནི་ཅང་མ་གསུང་ཤིག །གང་
[65a.3]དག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་གསལ་བའི་ཡང་གསལ་བ་མིང་འདི་ཞེས་བགྱི་བ་འདི་རྩོད་པ་རྣམ་པར་ཞི་བར་བགྱིད་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་གསུངས་པ་ཡིན་ནོ། །དེའི་འོག་
[65a.4]ཏུ་དེ་དག་གིས་མ་ནུས་ཤིང་གཞན་མི་བྱེད་ན་གང་ལས་བླངས་པ་དེ་ལ་དབུལ་བའི་གོ་རིམས་བཞིན་རྣམ་པར་གཞག་པ་ནི་འདི་ལྟར་བྱ་སྟེ། གསལ་བ་དང་གསལ་བའི་ཡང་གསལ་བ་གང་དག་ཡིན་པ་དེ་དག་གིས་རྩོད་པ་དེ་ཉེ་བར་ཞི་བར་བྱེད་མ་ནུས་ཤིང་རང་གི་སྡེ་ཚན་ལས། སྡེ་ཚན་གཞན་བསྐོ་བར་ཡང་
[65a.5]མི་བྱེད་ན། དེའི་ཚེ་དང་པོ་རྩོད་པ་དེ་གང་ལས་བླངས་པ་དེ་ཉིད་ལས་ཕྱིར་དབུལ་བར་བྱ་སྟེ། གསལ་བའི་ཡང་གསལ་བ་དག་གིས་ནི་གཟུ་བོ་དག་གམ་དགེ་འདུན་ལ་དབུལ་ལོ། །གཟུ་བོ་དག་གིས་ནི་རྒོལ་བ་དང་ཕྱིར་རྒོལ་བ་དག་ལ་དབུལ་ལོ། །དེ་དག་གིས་ནི་དགེ་འདུན་ལ་དབུལ་ཏེ། བདག་ཅག་ལ་ཁྱེད་ཀྱིས་གཏད་
[65a.6]པ་ནི་རྩོད་པ་འདི་བདག་ཅག་གིས་མངོན་སུམ་གྱིས་འདུལ་བ་སྦྱིན་ཞིང་རྒྱུད་གཅིག་ཏུ་བྱ་བས་ཞི་བར་བྱེད་མ་ནུས་ཀྱིས། ཁྱེད་ཉིད་ལ་ཕྱིར་དབུལ་ལོ་ཞེས་ཕྱིར་ཁུངས་ཁུངས་སུ་ཕུལ་ནས། དགེ་འདུན་བཞི་པོས་ཉམས་སུ་བླང་བར་བྱ་སྟེ། དེའི་འོག་ཏུ་ཕྱིར་འོངས་ནས། དགེ་འདུན་བཞི་པོས་རྩོད་པ་དེ་སྦེད་པ་བསྐོ་བའི་གོ་རིམས་རྣམ་
[65a.7]པར་གཞག་པ་ནི་འདི་ལྟར་བྱ་སྟེ། གསལ་བའི་ཡང་གསལ་བ་དག་ལས་རྩོད་པ་དེ་ཕྱིར་འོངས་ན། དགེ་འདུན་བཞི་བོས་རྩོད་པ་ཞི་བར་མ་ནུས་པ་དེ་མཚམས་གཞན་གྱི་དགེ་འདུན་ལ་ཞི་བར་བྱ་བར་བཅོལ་བའི་ཕྱིར་རྩོད་པ་མཚམས་གཞན་དུ་སྦེད་པའི་དགེ་སློང་དང་པོར་སྤྲོ་བར་བྱ་སྟེ། གསོལ་བ་དང་གཉིས་ཀྱི་ལས་ཀྱིས་
[65b]
[65b.1]བསྐོ་བར་བྱའོ། །དགེ་འདུན་བཞི་པོས་དགེ་སློང་རྩོད་པ་སྦེད་པ་དང་པོར་སྤྲོ་བར་བྱ་བ་སྟེ། གསོལ་བ་དང་གཉིས་ཀྱི་ལས་ཀྱིས་བསྐོ་བའི་ཆོ་ག་དང་ལས་ནི་འདི་ལྟར་བྱ་སྟེ། གནས་མལ་བཤམ་པ་བྱས་ནས། གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་
[65b.2]མཐུན་པར་གྱུར་པ་ན། ཇེ་དང་པོར་སྤྲོ་བར་བྱ་སྟེ། དེའི་འོག་ཏུ་དགེ་སློང་གཅིག་གིས་གསོལ་བ་བྱ་སྟེ་ལས་བྱའོ། །དེའི་སྔགས་ནི་འདི་ཡིན་ཏེ། མིང་འདི་ཞེས་བྱ་བ་ཁྱོད་དགེ་འདུན་གྱི་རྩོད་པ་སྦེད་པར་སྤྲོའམ། སྤྲོའོ། །འདུལ་བ་དང་མ་མོ་འཛིན་པ་དག་ལ་སྔར་བྱུང་བ་བརྗོད་དེ། དུས་ཟླ་བ་དྲུག་ཏུ་དབུལ་བའི་གོ་རིམས་
[65b.3]རྣམ་པར་གཞག་པ་ནི་འདི་ལྟར་བྱ་སྟེ། མཚམས་གཞན་གྱི་དགེ་འདུན་གནས་བརྟན་དང་བཅས། སོ་སོར་ཐར་པ་དང་བཅས་པས་རྩོད་པ་དེ་རྣམ་པར་ཞི་བར་བྱེད་མ་ནུས་ཏེ། རྩོད་པ་སྦེད་པའི་དགེ་སློང་དེ་ཉིད་ལ་ཕུལ་བ་ན། རྩོད་པ་སྦེད་པའི་དགེ་སློང་དེས། མཚམས་སྔ་མའི་དགེ་འདུན་བཞི་པོའི་དགེ་སློང་
[65b.4]མདོ་སྡེ་དང་། འདུལ་བ་དང་། མ་མོ་འཛིན་པ་དག་ལ་རྩོད་པ་དེ་སྔར་ཇི་ལྟར་བྱུང་བའི་ལོ་རྒྱུས་བརྗོད་དེ། དུས་ཟླ་བ་དྲུག་ཚུན་ཆད་ཀྱིས་ཁྱོད་ཀྱིས་རྩོད་པ་འདི་རྣམ་པར་ཞི་བར་མཛད་དུ་གསོལ་ཞེས་སྔགས་ཀྱི་ཚིག་ལན་ཅིག་བརྗོད་པས་དབུལ་བར་བྱའོ། །དེའི་སྔགས་ནི་འདི་ཡིན་ཏེ། ཚེ་དང་ལྡན་པ་
[65b.5]མདོ་སྡེ་འཛིན་པ་དང་། འདུལ་བ་འཛིན་པ་དང་། མ་མོ་འཛིན་པ་དག་གསན་དུ་གསོལ། རྩོད་པ་འདི་ནི་གནས་ཆེ་གེ་མོ་ཞེས་བགྱི་བར། གང་ཟག་ཆེ་གེ་མོ་དང་། མིང་ཆེ་གེ་མོ་ཞེས་བགྱི་བ་ལས་གཞི་འདིའི་སླད་དུ་བྱུང་ནས་ཡུན་འདི་སྲིད་ཅིག་ལགས་ཏེ། རྩོད་པ་འདི་གཟུ་བོ་རྣམས་ལ་ཕུལ་ན་གཟུ་བོ་
[65b.6]རྣམས་ཀྱིས་ཀྱང་རྣམ་པར་ཞི་བར་བགྱིད་རྔོ་མ་ཐོགས་ཏེ། དེ་དག་གིས་དགེ་འདུན་ལ་ཕུལ་ནས། དགེ་འདུན་གྱིས་ཀྱང་རྣམ་པར་ཞི་བར་བགྱིད་རྔོ་མ་ཐོགས་ཏེ། དགེ་འདུན་གྱིས་དགེ་སློང་གསལ་བ་དག་བསྐོས་ན། དགེ་སློང་གསལ་བ་རྣམས་ཀྱིས་ཀྱང་རྣམ་པར་ཞི་བར་བགྱིད་རྔོ་མ་ཐོགས་ཏེ། དེ་དག་གིས་དགེ་སློང་
[65b.7]གསལ་བའི་ཡང་གསལ་བ་དག་བསྐོས་ན། དགེ་སློང་གསལ་བའི་ཡང་གསལ་བ་དག་གིས་ཀྱང་རྣམ་པར་ཞི་བར་བགྱིད་རྔོ་མ་ཐོགས་ཏེ། དེ་དག་གིས་གསལ་བ་རྣམས་ལ་ཕུལ་བ་ལས་གསལ་བ་རྣམས་ཀྱིས་དགེ་འདུན་ལ་ཕུལ་ནས། དགེ་འདུན་གྱིས་བདག་དགེ་སློང་མིང་འདི་ཞེས་བགྱི་བ་རྩོད་པ་སྦེད་
[66a]
[66a.1]པར་བསྐོས་ཏེ། བདག་རྩོད་པ་སྦེད་པ་དགེ་སློང་མིང་འདི་ཞེས་བགྱི་བས་རྩོད་པ་འདི་གནས་བརྟན་དང་བཅས་སོ་སོར་ཐར་པ་དང་བཅས་པའི་དགེ་འདུན་ལ་ཟླ་བ་གསུམ་གྱི་མཐའ་ཚུན་ཆད་དུ་ཕུལ་ན། གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་འདུན་གྱིས་ཀྱང་རྣམ་པར་ཞི་བར་
[66a.2]བགྱིད་རྔོ་མ་ཐོགས་ཏེ། དེས་ཀྱང་བདག་རྩོད་པ་སྦེད་པ་མིང་འདི་ཞེས་བགྱི་བ་ལ་སྩལ་ནས། བདག་རྩོད་པ་སྦེད་པ་མིང་འདི་ཞེས་བགྱི་བས་རྩོད་པ་འདི་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་མོ་འཛིན་པ་རྣམས་ལ་དབུལ་ལོ། །མདོ་སྡེ་འཛིན་པ་དང་། འདུལ་བ་འཛིན་པ་དང་། མ་མོ་འཛིན་པ་རྣམས་ཀྱིས་རྩོད་པ་
[66a.3]ནི་ཟླ་བ་དྲུག་གི་མཐའ་ཚུན་ཆད་ཀྱི་རྣམ་པར་ཞི་བར་མཛད་དུ་གསོལ་ཞེས་གསུངས་པ་ཡིན་ནོ། །དེའི་འོག་ཏུ་དེ་དག་གིས་མ་ནུས་ན་གནས་བརྟན་མཐུ་དང་ལྡན་པ་ལ་སྔར་བྱུང་བ་བརྗོད་དོ། །དུས་ཐུག་པ་མེད་པར་དབུལ་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དགེ་སློང་མདོ་སྡེ་དང་། འདུལ་བ་དང་།
[66a.4]མ་མོ་འཛིན་པ་འདི་དག་གིས་རྩོད་པ་དེ་རྣམ་པར་ཞི་བར་བྱེད་མ་ནུས་ན་དེ་དག་གིས་གནས་བརྟན་གྲགས་པ་བས་ཀྱང་ཆེས་གྲགས་པ། དེའི་གཙོ་བོ་བས་ཀྱང་ཆེས་གཙོ་བོ་གང་ཡིན་པ་དེ་ལ་རྩོད་པ་དེ་སྔར་ཇི་ལྟར་བྱུང་བའི་ལོ་རྒྱུས་བརྗོད་དེ། དུས་ནི་གནས་དེ་ལས་གཞན་ན་མེད་པའི་ཕྱིར་ཐུག་པ་མེད་པ་ལ་བརྟེན་ཏེ།
[66a.5]སྔགས་ཀྱི་ཚིག་ལན་ཅིག་བརྗོད་པས་དབུལ་བར་བྱའོ། །དེའི་སྔགས་ནི་འདི་ཡིན་ཏེ། གནས་བརྟན་གསན་དུ་གསོལ། རྩོད་པ་འདི་གནས་ཆེ་གེ་མོ་ཞེས་བགྱི་བར། གང་ཟག་ཆེ་གེ་མོ་ཞེས་བགྱི་བ་དང་། མིང་ཆེ་གེ་མོ་ཞེས་བགྱི་བ་ལས་གཞི་འདིའི་སླད་དུ་བྱུང་ནས་ཡུན་ཇི་སྲིད་ཅིག་ལགས་ཏེ། རྩོད་པ་
[66a.6]འདི་གཟུ་བོ་རྣམས་ལ་ཕུལ་ན། གཟུ་བོ་རྣམས་ཀྱིས་ཀྱང་རྣམ་པར་ཞི་བར་བགྱིད་རྔོ་མ་ཐོགས་ཏེ། དེ་དག་གིས་དགེ་འདུན་ལ་ཕུལ་ནས་དགེ་འདུན་གྱིས་ཀྱང་རྣམ་པར་ཞི་བར་བགྱིད་པར་རྔོ་མ་ཐོགས་ཏེ། དགེ་འདུན་གྱིས་དགེ་སློང་གསལ་བ་དག་བསྐོས་ན་དགེ་སློང་གསལ་བ་རྣམས་ཀྱིས་ཀྱང་རྣམ་པར་ཞི་བར་
[66a.7]བགྱིད་རྔོ་མ་ཐོགས་ཏེ། དེ་དག་གིས་དགེ་སློང་གསལ་བའི་ཡང་གསལ་བ་དག་བསྐོས་ནས། དགེ་སློང་གསལ་བའི་ཡང་གསལ་བ་དེ་དག་གིས་ཀྱང་རྣམ་པར་ཞི་བར་བགྱིད་རྔོ་མ་ཐོགས་ཏེ། དགེ་འདུན་གྱིས་དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་
[66b]
[66b.1]རྩོད་པ་སྦེད་པར་སྤྲོ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་མིང་འདི་ཞེས་བགྱི་བ་འདི་རྩོད་པ་སྦེད་པར་བསྐོ་བར་བགྱིད་དེ། རྩོད་པ་སྦེད་པ་མིང་འདི་ཞེས་བྱ་བ་འདི་དགེ་འདུན་ལ་རྩོད་པ་སྦེད་དོ། །འདི་ནི་གསོལ་བའོ། །དགེ་འདུན་
[66b.2]བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་རྩོད་པ་སྦེད་པར་སྤྲོ་སྟེ། དེའི་སླད་དུ་དགེ་འདུན་གྱིས་མིང་འདི་ཞེས་བགྱི་བ་འདི་རྩོད་པ་སྦེད་པར་བསྐོ་ན། ཚེ་དང་ལྡན་པ་གང་དག་མིང་འདི་ཞེས་བགྱི་བ་འདི་རྩོད་པ་སྦེད་པར་བསྐོ་བར་བཟོད་པ་དེ་དག་ནི་ཅང་མ་གསུང་ཤིག །
[66b.3]གང་དག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་མིང་འདི་ཞེས་བགྱི་བ་འདི་རྩོད་པ་སྦེད་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་གསུངས་པ་ཡིན་ནོ། །དེའི་འོག་ཏུ་དེས་གནས་བརྟན་དང་བཅས། སོ་སོར་
[66b.4]ཐར་པ་དང་བཅས་པའི་དགེ་འདུན་ལ་སྔར་བྱུང་བ་བརྗོད་དེ། དུས་ཟླ་བ་གསུམ་དུ་དབུལ་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། རྩོད་པ་སྦེད་པ་དེས་རྩོད་པའི་གཞི་ཁྱེར་ཏེ། མཚམས་གཞན་གྱི་དགེ་འདུན་གནས་བརྟན་དང་བཅས། སོ་སོར་ཐར་པ་དང་བཅས་པའི་གནས་སུ་སོང་སྟེ། རྩོད་པ་དེ་
[66b.5]སྔར་ཇི་ལྟར་བྱུང་བའི་ལོ་རྒྱུས་བརྗོད་དེ། དུས་ཟླ་བ་གསུམ་ཚུན་ཆད་ཀྱིས་ཁྱེད་ཀྱིས་རྩོད་པ་འདི་རྣམ་པར་ཞི་བར་མཛད་དུ་གསོལ་ཞེས་དབུལ་བར་བྱའོ། །རྩོད་པ་སྦེད་པ་དེས་རྩོད་པ་དེ་དེར་དབུལ་བའི་ཆོ་ག་ནི་འདི་ཡིན་ཏེ། དེས་དེར་གནས་མལ་བཤམ་པ་བྱས་ནས་གཎྜཱི་བརྡུངས་ཏེ། དྲིས་པའི་ཚིག་གིས་དགེ་
[66b.6]སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན་དེས་མཆིལ་ལྷམ་གཉིས་ཕུད་དེ། རྒན་པའི་མཐའ་ལོགས་སུ་ཕྱག་འཚལ་ནས། ཙོག་ཙོག་པོར་འདུག་སྟེ་ཐལ་མོ་སྦྱར་བ་ནས་སྔགས་ཀྱི་ཚིག་ལན་ཅིག་བརྗོད་པས་དབུལ་བར་བྱའོ། །དེའི་སྔགས་ནི་འདི་ཡིན་ཏེ། དགེ་
[66b.7]འདུན་བཙུན་པ་རྣམས་གསན་དུ་གསོལ། རྩོད་པ་འདི་གནས་ཆེ་གེ་མོ་ཞེས་བགྱི་བ་དང་། གང་ཟག་ཆེ་གེ་མོ་ཞེས་བགྱི་བ་དང་། མིང་ཆེ་གེ་མོ་ཞེས་བགྱི་བ་ལས་གཞི་འདིའི་སླད་དུ་བྱུང་ནས་ཡུན་འདི་སྲིད་ཅིག་ལགས་ཏེ། རྩོད་པ་འདི་གཟུ་བོ་རྣམས་ལ་ཕུལ་ནས། གཟུ་བོ་རྣམས་ཀྱིས་ཀྱང་རྣམ་པར་ཞི་
[67a]
[67a.1]བར་བགྱིད་རྔོ་མ་ཐོགས་ཏེ། དེ་དག་གིས་ཕུལ་ནས། དགེ་འདུན་གྱིས་ཀྱང་རྣམ་པར་ཞི་བར་རྔོ་མ་ཐོགས་ཏེ། དགེ་འདུན་གྱིས་དགེ་སློང་གསལ་བདག་བསྐོས་ན། དགེ་སློང་གསལ་བ་རྣམས་ཀྱིས་ཀྱང་རྣམ་པར་ཞི་བར་བགྱིད་རྔོ་མ་ཐོགས་ཏེ། དེ་དག་གིས་ཀྱང་དགེ་སློང་གསལ་བའི་ཡང་གསལ་བ་དག་
[67a.2]བསྐོས་ན་དགེ་སློང་གསལ་བའི་ཡང་གསལ་བ་དེ་དག་གིས་ཀྱང་རྣམ་པར་ཞི་བར་བགྱིད་རྔོ་མ་ཐོགས་ཏེ། དེ་དག་གིས་གསལ་བ་རྣམས་ལ་ཕུལ་བ་ལས་གསལ་བ་རྣམས་ཀྱིས་དགེ་འདུན་ལ་ཕུལ་ནས་དགེ་འདུན་གྱིས་བདག་དགེ་སློང་མིང་འདི་ཞེས་བགྱི་བ་རྩོད་པ་སྦེད་པར་བསྐོས་ཏེ། བདག་རྩོད་པ་སྦེད་པར་དགེ་སློང་མིང་འདི་ཞེས་བགྱི་
[67a.3]བས། རྩོད་པ་འདི་གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་འདུན་ལ་དབུལ་ལོ། །དགེ་འདུན་བཙུན་པ་རྣམས་ཀྱིས་རྩོད་པ་འདི་ཟླ་བ་གསུམ་གྱི་མཐའ་ཚུན་ཆད་ཀྱིས་རྣམ་པར་ཞི་བར་མཛད་དུ་གསོལ་ཞེས་གསུངས་པ་ཡིན་ནོ། །དེའི་འོག་ཏུ་དེས་མ་ནུས་ན། དེ་ལ་ཕྱིར་དབུལ་བའི་གོ་
[67a.4]རིམས་རྣམ་པར་གཞག་པ་ནི་འདི་ལྟར་བྱ་སྟེ། མཚམས་གཞན་གྱི་དགེ་འདུན་གནས་བརྟན་དང་བཅས་པ་དེས་རྩོད་པ་དེ་རྣམ་པར་ཞི་བར་མ་ནུས་ན། རྩོད་པ་སྦེད་པའི་དགེ་སློང་དེ་ལ་ཕྱིར་དབུལ་བར་བྱ་སྟེ། དགེ་འདུན་བཞི་པོས་རྩོད་པ་བདག་ཅག་ལ་སྤོས་པ་འདི་བདག་ཅག་གིས་མངོན་སུམ་གྱིས་འདུལ་བ་
[67a.5]སྦྱིན་ཞིང་རྒྱུད་གཅིག་ཏུ་བྱ་བས་ཞི་བར་མ་ནུས་ཀྱིས་ཁྱེད་ཉིད་ལ་ཕྱིར་དབུལ་ལོ་ཞེས་བྱ་བའི་ཚིག་གིས་དབུལ་བར་བྱའོ།། །།སོ་སོར་ཐར་པའི་མདོའི་གཞུང་འགྲེལ། བམ་པོ་ཉི་ཤུ་དྲུག་པ། དེའི་འོག་ཏུ་ཕྱིར་ཕུལ་བ་ན། དེས་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་མོ་འཛིན་པ་
[67a.6]དང་། དགེ་སློང་གསལ་བ་རྣམས་ལ་ཕུལ་བ་ལས། གསལ་བ་རྣམས་ཀྱིས་དགེ་འདུན་ལ་ཕུལ་ནས། དགེ་འདུན་གྱིས་བདག་དགེ་སློང་མིང་འདི་ཞེས་བགྱི་བ་རྩོད་པ་སྦེད་པར་བསྐོས་ཏེ། བདག་རྩོད་པ་སྦེད་པར་དགེ་སློང་མིང་འདི་ཞེས་བགྱི་བས་རྩོད་པ་འདི་གནས་བརྟན་དང་བཅས་པ། སོ་སོར་ཐར་པ་དང་
[67a.7]བཅས་པའི་དགེ་འདུན་ལ་ཟླ་བ་གསུམ་གྱི་མཐའ་ཚུན་ཆད་དུ་ཕུལ་ན། དེས་ཀྱང་རྣམ་པར་ཞི་བར་བགྱིད་རྔོ་མ་ཐོགས་ཏེ། དེས་བདག་རྩོད་པ་སྦེད་པ་མིང་འདི་ཞེས་བགྱི་བ་ལ་སྩལ་ནས། བདག་རྩོད་པ་སྦེད་པ་མིང་འདི་ཞེས་བགྱི་བས་རྩོད་པ་འདི་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་མོ་འཛིན་པ་
[67b]
[67b.1]བ་རྣམས་ལ་ཟླ་བ་དྲུག་གི་མཐའ་ཚུན་ཆད་དུ་ཕུལ་ནས། དེ་དག་གིས་ཀྱང་རྣམ་པར་ཞི་བར་བགྱིད་རྔོ་མ་ཐོགས་ནས། དེ་དག་གིས་ཀྱང་བདག་རྩོད་པ་སྦེད་པ་མིང་འདི་ཞེས་བགྱི་བ་ལ་སྩལ་ཏེ། བདག་རྩོད་པ་སྦེད་པ་མིང་འདི་ཞེས་བགྱི་བས་རྩོད་པ་འདི་གནས་བརྟན་ལ་དབུལ་ལོ། །གནས་བརྟན་གྱིས་རྩོད་པ་འདི་ཐུག་པ་
[67b.2]མ་མཆིས་པ་ཚུན་ཆད་ཀྱི་རྣམ་པར་ཞི་བར་མཛད་དུ་གསོལ་ཞེས་གསུངས་པ་ཡིན་ནོ། །གནས་བརྟན་དེས་གདུལ་བར་བྱ་བ་དེ་ཉིད་ལ་ཇི་ལྟར་བསྒྲུབ་པར་བྱ་ཞེ་ན། དེས་དེ་གཉིས་ལ་ཇི་ལྟར་བདག་གིར་བྱ་བ་ཐ་ན་འདག་རྫས་དང་སོ་ཤིང་ཡན་ཆད་ཅུང་ཟད་ཀྱང་སྤང་བར་བྱའོ། །ལྷན་ཅིག་འགྲེང་བ་དང་། འདུག་པ་དང་།
[67b.3]ལྷན་ཅིག་འཆག་སར་འཆག་པ་དང་། གཏམ་འདྲེ་བ་དང་། ཕེབས་པར་སྨྲ་བ་ཡང་སྤང་བར་བྱའོ། །རྗེས་སུ་འབྲང་ན་དེ་དག་ལ་འདི་སྐད་ཅེས་ཚེ་དང་ལྡན་པ་ཁྱེད་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་འཐབ་པར་གྱུར། མཚང་འདྲུ་བར་གྱུར་རྩོད་པར་གྱུར། འགྱེད་པར་གྱུར་
[67b.4]ཅིང་གནས་པ་ནི་མ་རྙེད་དེ། རྙེད་པ་ནི་མ་ཡིན་ནོ། །ཉེས་པ་ནི་རྙེད་ཀྱིས་ལེགས་པར་རྙེད་པ་མ་ཡིན་གྱིས། ཚེ་དང་ལྡན་པ་དག་མ་འཐབ་ཅིག །མཚང་མ་འདྲུ་ཞིག །མ་རྩོད་ཅིག །མ་འགྱེད་ཅིག །འགྱེད་པ་གཉི་ག་རྒྱལ་བ་མེད་དོ། །རྒྱུག་པ་གཉི་ག་མགྱོགས་པ་མེད་དོ། །གཅིག་རྒྱལ་གཅིག་ཕམ་
[67b.5]དུ་འགྱུར་རོ་ཞེས་བརྗོད་པར་བྱའོ། །དེ་ཙམ་གྱིས་ན་ཆོས་རྣམ་པར་གཏན་ལ་དབབ་པ་དང་། ཚུལ་ཁྲིམས་རྣམ་པར་གཏན་ལ་དབབ་པའི་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་མངོན་སུམ་གྱིས་འདུལ་བས་རྒྱུད་གཅིག་ཏུ་བྱ་བས་ཞི་བར་འགྱུར་བ་འགྱེད་པ་
[67b.6]གཉིས་རང་གིས་མི་ནུས་ན་ཚོགས་པར་དབྱུང་བ་དག་གིས་ལེགས་པར་བསྒྲུབ་པས་ཞི་བར་བྱ་བ་དེ་ཞི་བར་འགྱུར་རོ། །རེ་ཞིག་དེ་ལྟར་ན་འགྱེད་པའི་ཕྱིར་རྩོད་པ་མངོན་སུམ་གྱིས་འདུལ་བས་རྒྱུད་གཅིག་ཏུ་བྱ་བས་ཞི་བ་ཡིན་ནོ། །ད་ནི་ཆོས་རྣམ་པར་གཏན་ལ་དབབ་པ་ཉི་ཚེའི་དངོས་པོའི་དེ་བཞིན་ཉིད་ལ་ལོག་
[67b.7]པར་སྒྲུབ་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བ་ཞི་བར་འགྱུར་བ་ཆེས་མང་བའི་བློས་ལེགས་པར་གཞག་པ་ཞེས་བྱ་བ་ལེགས་པར་བསྒྲུབ་པའི་རྣམ་པ་གཞན་གྱིས་ཞི་བར་བྱ་བ་བཤད་པར་བྱ་སྟེ། འདི་ནི་ཆོས་རྣམ་པར་གཏན་ལ་དབབ་པ་
[68a]
[68a.1]ལ་སྲིད་ཀྱི། ཚུལ་ཁྲིམས་རྣམ་པར་གཏན་ལ་དབབ་པ་ལ་མི་སྲིད་དེ། དེའི་སྐབས་ཀྱི་ཤེས་པ་ནི་འགྱེད་པ་གཉིས་དང་འབྲེལ་པ་ཡིན་པའི་ཕྱིར་རོ། །དེའི་རྣམ་པར་གཞག་པ་ནི་འགྱེད་པ་གཉིས་རང་གིས་མི་ནུས་ན་ཚོགས་པར་དབྱུང་བ་དག་གིས་ལེགས་པར་བསྒྲུབ་པས་ཞི་བར་མ་ནུས་པའི་
[68a.2]ཉིད་ཡིན་ཞིང་རྒོལ་བ་དང་། ཕྱིར་རྒོལ་བ་དག་གིས་རྩོད་པ་དེ་གཅེས་པར་གཟུང་བ་ཉིད་དང་། རབ་ཏུ་དམ་པ་ཉིད་དང་། མི་ཟད་པ་ཉིད་དང་། བསྡམ་པར་བྱ་བ་ཉིད་མ་ཡིན་པའི་དོན་དང་། གནས་བརྟན་མཐུ་དང་ལྡན་པ་ལ་སྔར་བྱུང་བ་བརྗོད་དེ། དུས་ཐུག་པ་མེད་པར་དབུལ་བའི་མཐར་ཐུག་པ་དག་ཡོངས་སུ་ཉོན་
[68a.3]མོངས་པར་གྱུར་པ་ཉིད་ཡིན་ན། དེ་དག་དགེ་འདུན་བཞི་པོས་ཚུལ་ཤིང་འདྲིམ་པའི་དགེ་སློང་བསྐོས་ཏེ། ཆོས་དང་ཆོས་མ་ཡིན་པའི་ཚུལ་ཤིང་མང་པོ་བྲིམ་ཞིང་གང་མང་བའི་ཕྱོགས་སུ་སྐྱོ་སྡོགས་མི་བྱ་བ་ཞེས་འདུལ་བར་འོས་པ་ལ་ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་རྩོད་པ་དེ་ཞི་བར་བྱ་བ་གང་ཡིན་ནོ། །
[68a.4]དེའི་གོ་རིམས་རྣམ་པར་གཞག་པ་ནི་འདི་ཡིན་ཏེ། དགེ་འདུན་གྱིས་ཚུལ་ཤིང་མང་པོ་འདྲིམ་པ་བསྐོ་བ་དང་། ཚུལ་ཤིང་འདྲིམ་པའི་ཀུན་དུ་སྤྱད་པའི་ཆོས་བསྟན་པ་དང་། དེ་ལ་ཆོས་མང་བའི་བློས་ལེགས་པར་གཞག་པ་ཞེས་བྱ་བ་ལེགས་པར་བསྒྲུབ་པའི་རྣམ་པ་གཞན་
[68a.5]གྱིས་རྒྱུད་གཅིག་ཏུ་བྱ་བས་ཞི་བར་བྱ་བའོ། །དེ་ལ་དགེ་སློང་ཚུལ་ཤིང་མང་པོ་འདྲིམ་པ་བསྐོ་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དགེ་འདུན་བཞི་པོ་རྒོལ་བ་དང་། ཕྱིར་རྒོལ་བའི་ཕྱོགས་སུ་རྣམ་པར་གནས་པ་དང་གཉིས་ཀས་ཕྱིར་བློ་མཐུན་པར་བྱས་ཏེ། ཚུལ་ཤིང་འདྲིམ་པའི་དགེ་སློང་ཆོས་དང་ལྡན་པ་
[68a.6]གཅིག་དང་པོར་སྤྲོ་བར་བྱ་སྟེ། གསོལ་བ་དང་གཉིས་ཀྱི་ལས་ཀྱིས་བསྐོ་བར་བྱའོ། །དགེ་འདུན་གྱིས་དང་པོར་དེ་སྤྲོ་བར་བྱ་ཞིང་གསོལ་བ་དང་གཉིས་ཀྱི་ལས་ཀྱིས་བསྐོ་བའི་ཆོ་ག་དང་ལས་ནི་འདི་ལྟར་བྱ་སྟེ། གནས་མལ་བཤམ་པ་བྱས་ནས། གཎྜཱི་བརྡུངས་ཏེ། དྲིས་པའི་ཚིག་གིས་དགེ་སློང་རྣམས་ལ་ཡང་དག་
[68a.7]པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན། ཇེ་དང་པོར་སྤྲོ་བར་བྱ་སྟེ། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དེའི་སྔགས་ནི་འདི་ཡིན་ཏེ། མིང་འདི་ཞེས་བྱ་བ་ཁྱོད་དགེ་འདུན་ལ་ཚུལ་ཤིང་འདྲིམ་པར་སྤྲོའམ། སྤྲོའོ། །དགེ་འདུན་བཙུན་པ་རྣམས་གསན་དུ་
[68b]
[68b.1]གསོལ། དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་ཚུལ་ཤིང་འདྲིམ་པར་སྤྲོ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་ཚུལ་ཤིང་འདྲིམ་པར་བསྐོ་བར་བགྱི་སྟེ། དགེ་སློང་ཚུལ་ཤིང་འདྲིམ་པ་མིང་འདི་
[68b.2]ཞེས་བགྱི་བ་ཚུལ་ཤིང་འདྲིམ་མོ། །འདི་ནི་གསོལ་པའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་ཚུལ་ཤིང་འདྲིམ་པར་སྤྲོ་སྟེ། དེའི་སླད་དུ་དགེ་འདུན་གྱིས་མིང་འདི་ཞེས་བགྱི་བ་འདི་ཚུལ་ཤིང་འདྲིམ་པ་བསྐོ་ན། ཚེ་དང་ལྡན་པ་གང་དག་མིང་འདི་ཞེས་
[68b.3]བགྱི་བ་འདི་ཚུལ་ཤིང་འདྲིམ་པར་བསྐོ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་ཚུལ་ཤིང་འདྲིམ་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ་
[68b.4]ཞེས་གསུངས་པ་ཡིན་ནོ། །དེའི་འོག་ཏུ་ཚུལ་ཤིང་འདྲིམ་པའི་ཀུན་དུ་སྤྱོད་པའི་ཆོས་བསྟན་པའི་གཽ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དགེ་སློང་ཚུལ་ཤིང་འདྲིམ་པ་དེས་ཆོས་དང་ཆོས་མ་ཡིན་པའི་ཕྱོགས་ཀྱི་ཚུལ་ཤིང་རྣམ་པ་གཉིས་ཉེ་བར་གཞག་པར་བྱ་སྟེ། ཆོས་ཀྱི་ཚུལ་ཤིང་དག་ནི་ཡ་ཡོ་མེད་པ་
[68b.5]དང་། ཁྱར་ཁྱོར་མེད་པ་དང་། ཆས་ཆུས་མེད་པ་དང་། ཁ་དོག་བཟང་བ་དང་། དྲི་ཞིམ་པ་དང་། རེག་པ་འཇམ་པ་ཉིད་དུ་བྱའོ། །ཆོས་མ་ཡིན་པའི་ཚུལ་ཤིང་དེ་དག་ནི་དེ་ལས་བཟློག་པར་བྱའོ། །དེས་དགེ་འདུན་ལ་དེང་ཚུལ་ཤིང་འདྲམ་པར་འགྱུར་གྱིས་ཐམས་ཅད་ཀྱིས་འདུ་བར་བྱའོ་ཞེས་གསོལ་ལོ། །གལ་ཏེ་
[68b.6]དེ་ལྟར་འདུ་བ་སྦྱིན་པས་ཚོགས་པ་ན་ཆོས་མ་ཡིན་པའི་ཚུལ་ཤིང་ལྷག་པར་འགྱུར་བར་སེམས་ན་བྲིམ་པར་མི་བྱའོ། །འདྲིམ་པའི་ཚེ་ན་ལག་པ་གཡས་པས་ཆོས་ཀྱི་ཚུལ་ཤིང་དག་བཟུང་ཞིང་གཡོན་པས་ཆོས་མ་ཡིན་པའི་ཚུལ་ཤིང་དག་བཟུང་ངོ་། །ཆོས་མ་ཡིན་པའི་ཚུལ་ཤིང་དག་གཡོགས་ཏེ། ཆོས་ཀྱི་ཚུལ་
[68b.7]ཤིང་དག་སྣང་བར་བྱས་ནས། དགེ་འདུན་ལ་འདི་སྐད་ཅེས་གནས་བརྟན་འདི་དག་ནི་ཆོས་ཀྱི་ཚུལ་ཤིང་ཡ་ཡོ་མེད་པ། ཁྱར་ཁྱོར་མེད་པ། ཆས་ཆུས་མེད་པ། ཁ་དོག་བཟང་བ། དྲི་ཞིམ་པ། རེག་པ་འཇམ་པ་དག་ཡིན་གྱི་ལང་ཤིག་ཅེས་བརྗོད་པར་བྱའོ། །གལ་ཏེ་ལན་པ་དག་ཆོས་མ་ཡིན་པའི་ཚུལ་ཤིང་ཚོལ་ན་ཚིག་
[69a]
[69a.1]གཉིས་ཀྱི་བར་དུ་མི་དབུལ་ལོ། །གཡོགས་སམ་ཕྱེ་བ་གང་གི་ཆོས་ཀྱི་ཚུལ་ཤིང་མང་བར་གྱུར་པ་དེ་ལྟར་བྲིམ་པར་བྱའོ། །ཆོས་ཀྱི་ཚུལ་ཤིང་བླངས་པ་དག་གིས་སློབ་མ་ལ་སོགས་པ་གང་ཆོས་མ་ཡིན་པའི་ཚུལ་ཤིང་ལེན་པར་རྩོལ་བ་ལྟར་ན། དེ་དག་ལ་འདི་སྐད་ཅེས་ཚེ་དང་ལྡན་པ་ཁྱོད་
[69a.2]ཀྱི་མཁན་པོ་དང་། སློབ་དཔོན་དང་མཁན་པོ་གཅིག་པ་དང་། སློབ་དཔོན་གཅིག་པ་དང་། གཏམ་འདྲེ་བ་དང་། ཕེབས་པར་སྨྲ་བ་དང་། སྨོས་འདྲིན་པ་དང་། འགྲོགས་བཤེས་དག་གིས་ཆོས་ཀྱི་ཚུལ་ཤིང་བླངས་ཀྱིས། ཁྱོད་ཀྱིས་ཀྱང་ཆོས་ཀྱི་ཚུལ་ཤིང་ལོང་ཤིག། །ཁྱོད་དེ་དག་དང་ལྷན་ཅིག་རྩོད་
[69a.3]པར་གྱུར་ན་མ་ལེགས་སོ་ཞེས་རྣ་དྲུང་དུ་གཤུབ་པོ། །དེའི་འོག་ཏུ་ཚུལ་ཤིང་ལེན་པའི་ཀུན་དུ་སྤྱོད་པའི་ཆོས་བསྟན་པའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དགེ་སློང་ཚུལ་ཤིང་ལེན་པ་དག་གིས་ཆོས་མ་ཡིན་པའི་ཚུལ་ཤིང་བླང་བར་མི་བྱའོ། །ལེན་ན་འདུལ་བ་དང་འགལ་བའི་ཉེས་བྱས་ཀྱི་
[69a.4]ལྟུང་བ་བཤགས་པར་བྱའོ། །དགེ་སློང་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་མོ་འཛིན་པ་དག་བླང་བར་མ་དྲིས་པར་ཚུལ་ཤིང་བླང་བར་མི་བྱའོ། །དབྱེན་དུ་འགྱུར་བའི་བཟོད་པས་ཨེ་མའོ། །དབྱེ་བར་གྱུར་ན་ཅི་མ་རུང་སྙམ་པའི་མངོན་པར་འདོད་པས་ཚུལ་ཤིང་བླང་བར་མི་བྱའོ། །ཆོས་མ་
[69a.5]ཡིན་པས་ཨེ་མའོ་ཆོས་མ་ཡིན་པར་བྱུང་བར་གྱུར་ན་ཅི་མ་རུང་སྙམ་པས་ཚུལ་ཤིང་བླང་བར་མི་བྱའོ། །འདི་ལྟར་ཨེ་མའོ་བྱེ་བར་གྱུར་ན་ཅི་མ་རུང་སྙམ་པ་དང་། ཨེ་མའོ་ཆོས་མ་ཡིན་པ་བྱུང་བར་གྱུར་ན་ཅི་མ་རུང་སྙམ་པ་མེད་དུ་ཟིན་ཀྱང་བྱེ་བའི་དོན་འདི་ལྟ་བུ་དང་། འདི་ན་དགེ་སློང་དག་དབྱེན་ལ་མངོན་པར་
[69a.6]ཞེན་པར་བྱེད་པ་དེ་ལྟ་བུ་དག་ཡོད་པས། སྟོན་པ་ཉིད་ཀྱང་འགའ་ཞིག་འབྱུང་བར་འགྱུར་རོ་སྙམ་པ་ཤེས་ན་དེ་ལྟར་ཡང་ཚུལ་ཤིང་བླང་བར་མི་བྱའོ། །དེའི་འོག་ཏུ་དེ་ལ་ཆེས་མང་པོའི་བློས་ལེགས་པར་གཞག་པ་ཞེས་བྱ་བ་ལེགས་པར་བསྒྲུབ་པའི་རྣམ་པ་གཞན་གྱིས་རྒྱུད་གཅིག་ཏུ་བྱ་བས་ཞི་བར་བྱ་བའི་གོ་
[69a.7]རིམས་རྣམ་པར་གཞག་པ་ནི་འདི་ལྟར་བྱ་སྟེ། དགེ་འདུན་རྒོལ་བ་དང་། ཕྱིར་རྒོལ་བའི་ཕྱོགས་སུ་རྣམ་པར་གནས་པ་གཉིས་ཀས་བློ་མཐུན་པར་བྱ་སྟེ། ཆོས་དང་ཆོས་མ་ཡིན་པའི་ཚུལ་ཤིང་བྲིམ་པར་དྲི་མ་ཟིན་པའི་འོག་ཏུ་བགྲངས་ཏེ་མཉམ་པ་ཉིད་ཡིན་ན། ཉན་ཐོས་ཆེན་པོ་བཙུན་པ་ཀུན་ཤེས་ཀཽ་ཎྜི་ནྱ་ལ་
[69b]
[69b.1]བསྔོ་སྟེ། ཆོས་ཀྱི་ཚུལ་ཤིང་གཅིག་བླང་བར་བྱ་ཞིང་ཆོས་སྨྲ་བ་རྒྱལ་བར་བྱའོ། །དེ་ལྟར་རྩོད་པ་དེ་ཆོས་ཀྱི་ཉེ་བར་ཞི་བར་གྱུར་པ་ཡིན་ནོ། །ཆོས་མ་ཡིན་པའི་ཚུལ་ཤིང་ལྷག་ན་ནི་རྩོད་པ་དེས་ཆོས་མ་ཡིན་པས་ཉེ་བར་ཞི་བར་གྱུར་པ་ཡིན་ནོ། །ཆོས་མ་ཡིན་པས་ཞི་བ་ལ་སྐྱོ་
[69b.2]སྡོགས་མི་བྱའོ། །ཆོས་ཀྱིས་ཞི་བ་ལ་སྐྱོ་སྡོགས་བྱེད་ན་ལྟུང་བྱེད་དུ་འགྱུར་རོ། །ཆོས་མ་ཡིན་པས་ཞི་བ་ལ་སྐྱོ་སྡོགས་བྱེད་ན་ཉེས་བྱས་སུ་འགྱུར་རོ། །འདིར་རྩོད་པ་དེ་ཉེ་བར་ཞི་བར་བྱ་བ་གཙོ་ཆེ་བའི་ཆོས་དང་ཆོས་མ་ཡིན་པ་ནི་ཆོས་རྣམ་པར་གཏན་ལ་དབབ་པའི་སྐབས་གཞན་ཡང་ཡོད་པས་དེ་ལ་དམ་དུ་གཟུང་བར་མི་བྱའོ། །དེ་ཙམ་གྱིས་ན་ཆོས་རྣམ་
[69b.3]པར་གཏན་ལ་དབབ་པ་ཉི་ཚེའི་དངོས་པོའི་དེ་བཞིན་ཉིད་ལ་ལོག་པར་བསྒྲུབས་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་འགྱུར་བ་ཆེས་མང་པོའི་བློས་ལེགས་པར་གཞག་པ་ཞེས་བྱ་བ་ལེགས་པར་བསྒྲུབ་པའི་རྣམ་པ་གཞན་གྱིས་ཞི་བར་བྱ་བ་དེ་ཞི་བར་འགྱུར་
[69b.4]རོ། །རྒྱུད་གཅིག་ཏུ་བྱ་བས་ཞེས་བྱ་བ་ནི་ངེས་པར་རྟོགས་པར་བྱ་བ་སྟེ། འདིར་ནི་ཆོས་ཉི་ཚེའི་དངོས་པོ་གང་ལ་ངེས་པར་རྟོགས་པ་གཅིག་ཡོད་པའི་དངོས་པོའི་རྒྱུད་གང་ཡིན་པ་དེ་མཐའ་གཅིག་ཏུ་ངེས་པར་བྱ་བ་ནི་རྒྱུད་གཅིག་ཏུ་བྱ་བ་ཞེས་བྱའོ། །འདི་ལྟར་དངོས་པོའི་དེ་བཞིན་ཉིད་ལ་ལོག་པར་སྒྲུབ་པ་ནི་ཐེ་ཚོམ་
[69b.5]ཞེས་བྱ་བ་སྟེ། ཐེ་ཚོམ་ནི་ངེས་པ་བསྐྱེད་པས་ལྡོག་པས་དེས་ནི་ཚུལ་ཤིང་མང་པོ་སྦྱིན་པར་འོས་པ་ལ། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ན་ཆོས་ཀྱི་དངོས་པོའི་དེ་བཞིན་ཉིད་ལ་ལོག་པར་བསྒྲུབས་པ་ལས་བྱུང་བ་དེའི་འཁྲུག་ལོང་འགྱོད་པའི་ཕྱིར་རྩོད་པ་དེ་ཞི་བར་འགྱུར་རོ། །དེ་ལྟར་ན་འགྱེད་པའི་ཕྱིར་རྩོད་པ་
[69b.6]ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བ་ཡིན་ནོ། །འགྱེད་པའི་ཕྱིར་རྩོད་པ་ཞི་བར་བྱ་བ་བཤད་ཟིན་ཏོ།། །།ད་ནི་མི་གདམས་པའི་ཕྱིར་རྩོད་པ་ཞི་བར་བྱ་བ་བཤད་པར་བྱ་སྟེ། འཁྲུག་ལོང་གི་རྒྱུ་གཉིས་པ་གདམས་ངག་ལ་སོགས་པ་འཇོག་པས་གཞན་སྤོང་བ་ལས་བྱུང་བའི་འཁྲུག་ལོང་མི་
[69b.7]གདམས་པའི་ཕྱིར་རྩོད་པ་ནི་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བ་དེ་ཉིད་དང་། དྲན་པས་འདུལ་བ་དང་། མ་སྨྱོས་པས་འདུལ་བས་དག་པ་སྦྱིན་པས་ཞི་བར་བྱའོ་ཞེས་གསུངས་པ་ལ། འཁྲུག་ལོང་གི་རྒྱུ་གཉིས་པ་གདམས་ངག་ལ་སོགས་པ་འཇོག་པས་གཞན་སྤོང་བ་ལས་བྱུང་བའི་
[70a]
[70a.1]འཁྲུག་ལོང་མི་གདམས་པའི་ཕྱིར་རྩོད་པ་ནི་གདམས་ངག་ལ་སོགས་པ་འཇོག་པས་གཞན་སྤོང་བ་རྒྱུ་དང་བཅས་པ་ཉིད་ལས་བྱུང་བ་ཡང་ཡོད། རྒྱུ་མེད་པ་ལས་བྱུང་བ་ཡང་ཡོད། དེ་ལ་རྒྱུ་དང་བཅས་པ་ནི་ཡུལ་དང་དུས་དང་གཞི་གང་ལས་བྱུང་བའི་རྒྱུ་ཡོད་པ་ཉིད་ཀྱིས་སྤོང་བའོ། །རྒྱུ་
[70a.2]མེད་པ་ནི་གླེང་བའི་ཁ་ན་མ་ཐོ་བ་མེད་པ་ལ་གཞི་མེད་པས་གླེང་བ་ལ་སོགས་པས་སྤོང་བའོ། །དེ་ལ་རྒྱུ་དང་བཅས་པ་ཉིད་ལས་བྱུང་བ་ནི་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་འགྱུར་ལ། རྒྱུ་མེད་པ་ལས་བྱུང་བ་ནི་དྲན་པས་འདུལ་བ་དང་། མ་སྨྱོས་པས་
[70a.3]འདུལ་བས་དག་པ་སྦྱིན་པས་ཞི་བར་འགྱུར་རོ། །དེ་ལ་རེ་ཞིག་གདམས་ངག་ལ་སོགས་པ་འཇོག་པས་གཞན་སྤོང་བ་རྒྱུ་དང་བཅས་པ་ཉིད་ལས་བྱུང་བའི་འཁྲུག་ལོང་མི་གདམས་པའི་ཕྱིར་རྩོད་པ་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་འགྱུར་བ་ཇེ་བཤད་པར་བྱ་
[70a.4]སྟེ། དེ་ལ་འདིར་ཡང་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་འགྱུར་བའི་ཚུལ་གཞན་ནི་སྔ་མ་བཞིན་ནོ། །ཁྱད་པར་ནི་སྔར་འཁྲུག་ལོང་གི་རྒྱུ་དང་པོ་ཆོས་རྣམ་པར་གཏན་ལ་དབབ་པ་དང་། ཚུལ་ཁྲིམས་རྣམ་པར་གཏན་ལ་དབབ་པའི་དངོས་པོའི་དེ་བཞིན་
[70a.5]ཉིད་ལ་ལོག་པར་བསྒྲུབས་པ་ལས་བྱུང་བའི་འཁྲུག་ལོང་འགྱོད་པའི་ཕྱིར་རྩོད་པ་ནི་མངོན་སུམ་གྱིས་འདུལ་བས་རྒྱུད་གཅིག་ཏུ་བྱ་བས་ཞི་བར་བསྟན་ལ། ཆོས་རྣམ་པར་གཏན་ལ་དབབ་པ་ཉི་ཚེའི་དངོས་པོའི་དེ་བཞིན་ཉིད་ལས་ལོག་པར་བསྒྲུབས་པ་ལས་བྱུང་བའི་འཁྲུག་ལོང་འགྱེད་པའི་ཕྱིར་རྩོད་པ་ནི་ཚུལ་ཤིང་མང་པོ་སྦྱིན་པས་
[70a.6]རྒྱུད་གཅིག་ཏུ་བྱ་བས་ཞི་བར་བསྟན་ཏོ། །འདིར་ནི་འཁྲུག་ལོང་གི་རྒྱུ་གཉིས་པ་གདམས་ངག་ལ་སོགས་པ་འཇོག་པས་གཞན་སྤོང་བ་རྒྱུ་དང་བཅས་པ་ཆོས་དང་ཚུལ་ཁྲིམས་གཉི་གས་གདམས་ངག་ལ་སོགས་པ་འཇོག་པས་གཞན་སྤོང་བ་རྒྱུ་དང་བཅས་པ་ཉིད་ལས་བྱུང་བའི་འཁྲུག་ལོང་མི་གདམས་པའི་ཕྱིར་རྩོད་པ་ནི་
[70a.7]མངོན་སུམ་གྱིས་འདུལ་བས་རྒྱུད་གཅིག་ཏུ་བྱ་བས་ཞི་བར་འགྱུར་ལ་ཆོས་ཉི་ཚེའི་གདམས་ངག་ལ་སོགས་པ་འཇོག་པས་གཞན་སྤོང་བ་རྒྱུ་དང་བཅས་པ་ཉིད་ལས་བྱུང་བའི་འཁྲུག་ལོང་མི་གདམས་པའི་ཕྱིར་རྩོད་པ་ནི་ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་འགྱུར་རོ་ཞེས་བྱ་བར་སྦྱར་རོ། །དེ་
[70b]
[70b.1]ལ་རེ་ཞིག་གདམས་ངག་ལ་སོགས་པ་འཇོག་པས་གཞན་སྤོང་བ་རྒྱུ་དང་བཅས་པ་ཉིད་ལས་བྱུང་བའི་འཁྲུག་ལོང་མི་གདམས་པའི་ཕྱིར་རྩོད་པ་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བ་ཡིན་ནོ། །ད་ནི་གདམས་ངག་ལ་སོགས་པ་འཇོག་པས་གཞན་སྤོང་བ་རྒྱུ་མེད་པ་
[70b.2]ཉིད་ལས་བྱུང་བའི་འཁྲུག་ལོང་མི་གདམས་པའི་ཕྱིར་རྩོད་པ་དྲན་པས་འདུལ་བ་དང་། མ་སྨྱོས་པས་འདུལ་བས་དག་པ་སྦྱིན་པས་ཞི་བར་འགྱུར་བ་བཤད་པར་བྱ་སྟེ། དེ་ནི་གལ་ཏེ་དགེ་སློང་དེ་ལ་ལྟུང་བ་གང་གིས་གླེང་བར་བྱ་བའི་ལྟུང་བ་དེའི་ཁ་ན་མ་ཐོ་བ་མེད་པར་གྱུར་ན་དེའི་ཕྱིར་དེ་ལ་དྲན་པས་འདུལ་བ་དང་། མ་
[70b.3]སྨྱོས་པས་འདུལ་བས་དག་པ་སྦྱིན་པས་ཞི་བར་བྱའོ། །དེ་ལ་གདམས་ངག་ལ་སོགས་པ་འཇོག་པས་གཞན་སྤོང་བ་རྒྱུ་མེད་པ་ཉིད་ནི་རྣམ་པ་བཞི་སྟེ། གཞི་མེད་པས་གླེང་བ་དང་། གཞན་རྗེས་སུ་བསྒྲུབ་པའི་དབང་གིས་གླེང་བ་དང་། ཕྱིར་བཅོས་པ་ལ་མི་ལྟོས་པས་གླེང་བ་དང་། སྨྱོན་པས་བྱས་པས་གླེང་
[70b.4]བའོ། །དེ་ལ་གཞི་མེད་པས་གླེང་བ་ནི་གང་ཟག་དག་པ་ལྟུང་བ་མེད་པ་ཉིད་ལ་མཐོང་བ་དང་ཐོས་པ་དང་དོགས་པའི་གཞི་མེད་པས་གླེང་བའོ། །གཞན་རྗེས་སུ་བསྒྲུབ་པའི་དབང་གིས་གླེང་བ་ནི་དེས་ལྟུང་བ་གཞན་རྗེས་སུ་བསྒྲུབས་ལ་གཞན་གྱིས་གླེང་བར་བྱེད་པས་ཏེ། ལྟུང་བྱེད་རྗེས་སུ་བསྒྲུབ་པའི་དབང་གིས་
[70b.5]དེ་ལ་དགེ་འདུན་ལྷག་མ་ལ་སོགས་པས་གླེང་བ་ལྟ་བུའོ། །ཕྱིར་བཅོས་པ་ལ་མི་ལྟོས་པར་གླེང་བ་ནི་འདི་ལ་ལྟུང་བ་བྱུང་བར་གྱུར་ཏོ་ཞེས་བྱ་བ་དེ་དེས་ཆོས་བཞིན་དུ་ཕྱིར་བཅོས་པ་ཉིད་ལ་མི་ལྟོས་པར་ཡང་གླེང་བའོ། །སྨྱོན་པས་བྱས་པས་གླེང་བ་ནི་སྨྱོན་པའི་གནས་སྐབས་སུ་དེས་རུང་བ་མ་ཡིན་པ་ཀུན་དུ་སྤྱད་པ་དེས་
[70b.6]མ་སྨྱོས་པའི་དུས་སུ་གླེང་བར་བྱེད་པའོ། །དང་པོ་གསུམ་ལ་ནི་དྲན་པས་འདུལ་བས་དག་པ་སྦྱིན་པས་ཞི་བར་བྱའོ། །ཐ་མ་ལ་ནི་མ་སྨྱོས་པས་འདུལ་བས་དག་པ་སྦྱིན་པས་ཞི་བར་བྱའོ། །དེ་ལ་དྲན་པས་འདུལ་བ་སྦྱིན་པའི་གོ་རིམས་རྣམ་པར་གཞག་པ་ནི་འདི་ཡིན་ཏེ། དེ་ལ་རང་གིས་དགེ་འདུན་ལ་གསོལ་བ་
[70b.7]དང་། དགེ་འདུན་གྱིས་གསོལ་བ་དང་བཞིའི་ལས་ཀྱིས་སྦྱིན་པར་བྱའོ། །དེ་ནས་དགེ་སློང་གཞན་དག་གིས་དྲན་པ་དང་ལྡན་པ་ཉིད་དུ་འཛིན་གྱི་ལྟུང་བ་དང་བཅས་པར་མི་འཛིན་ཏེ། དེས་འདུལ་བར་འོས་པ་ལ་དྲན་པས་འདུལ་བ་སྦྱིན་ཞིང་དག་པ་སྦྱིན་པས་རྩོད་པ་དེ་ཞི་བར་འགྱུར་རོ། །དེ་རང་གིས་དགེ་འདུན་ལ་
[71a]
[71a.1]གསོལ་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དེ་རང་གིས་གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་མཆིལ་ལྷམ་གཉིས་ཕུད་ནས་རྒན་པའི་མཐའ་
[71a.2]ལོགས་སུ་ཙོག་པུར་འདུག་སྟེ། ཐལ་མོ་སྦྱར་བ་བཏུད་ནས་རང་གི་དྲན་པས་འདུལ་བ་གསོལ་བའི་སྔགས་ལན་གསུམ་བཟླས་པས་གསོལ་ལོ། །དེའི་སྔགས་ནི་འདི་ཡིན་ཏེ། དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་གྱད་བུ་ནོར་ལ་དགེ་སློང་མ་མཛའ་མོས་ཡང་དག་པ་མ་ལགས་པ་
[71a.3]གསོབ་གསོག་བརྫུན་གྱིས་སྐུར་ཏེ། བདག་ལ་དགེ་སློང་དག་གིས་གཞི་དེ་གླེང་བས་བདག་དགེ་སློང་གྱད་བུ་ནོར། དགེ་འདུན་ལས་དྲན་པས་འདུལ་བ་གསོལ་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས། ཐུགས་བརྩེ་བའི་སླད་དུ་བདག་དགེ་སློང་གྱད་བུ་ནོར་ལ་དྲན་པས་འདུལ་བ་སྩལ་དུ་གསོལ། ལན་
[71a.4]གསུམ་དུ་བཟླས་ཞེས་གསུང་བ་པ་ཡིན་ན། །དེའི་འོག་ཏུ་དགེ་འདུན་གྱིས་གསོལ་བ་དང་བཞིའི་ལས་ཀྱིས་སྦྱིན་པར་བྱ་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དེའི་སྔགས་ནི་འདི་ཡིན་ཏེ། དགེ་འདུན་བཙུན་པ་རྣམས་གསན་དུ་
[71a.5]གསོལ། དགེ་སློང་གྱད་བུ་ནོར་འདི་ལ་དགེ་སློང་མ་མཛའ་མོས་ཡང་དག་པ་མ་ལགས་པ་གསོབ། གསོག་བརྫུན་གྱིས་སྐུར་ཏེ། འདི་ལ་དགེ་སློང་གཅིག་གིས་གཞི་དེས་གླེངས་པས། དགེ་སློང་གྱད་བུ་ནོར་འདི་དགེ་འདུན་ལ་དྲན་པས་འདུལ་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་
[71a.6]འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་གྱད་བུ་ནོར་འདི་ལ་དྲན་པས་འདུལ་བ་སྩལ་ཏོ། །འདི་ནི་གསོལ་བའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་གྱད་བུ་ནོར་འདི་ལ་དགེ་སློང་མ་མཛའ་མོས་ཡང་དག་པ་མ་ལགས་པ་གསོལ། གསོག་བརྫུན་གྱིས་སྐུར་ཏེ། འདི་ལ་
[71a.7]དགེ་སློང་དག་གིས་གཞི་དེས་གླེངས་བས་དགེ་སློང་གྱད་བུ་ནོར་འདི་དགེ་འདུན་ལ་དྲན་པས་འདུལ་བ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་གྱད་བུ་ནོར་འདི་ལ་དྲན་པས་འདུལ་བ་སྩལ་ན། ཚེ་དང་ལྡན་པ་གང་དག་དགེ་སློང་གྱད་བུ་ནོར་འདི་ལ་དྲན་པས་འདུལ་བ་སྩལ་བར་བཟོད་པ་དེ་དག་ནི་ཅང་མ་གསུང་ཤིག །གང་
[71b]
[71b.1]དག་མི་བཟོད་པ་དེ་དག་ནི་གསུངས་ཤིག །འདི་ནི་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས་དགེ་སློང་གྱད་བུ་ནོར་འདི་ལ་དྲན་པས་འདུལ་བ་སྩལ་ལགས་ཏེ། ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་གསུངས་པ་ཡིན་ནོ། །དེ་ལྟར་གདམས་
[71b.2]དག་ལ་སོགས་པ་འཇོག་པས་གཞན་སྤོང་བ་རྒྱུ་མེད་པ་དང་། གཞི་མེད་པར་གླེང་བ་དང་། གཞན་རྗེས་སུ་བསྒྲུབ་པའི་དབང་གིས་གླེང་བ་དང་། ཕྱིར་བཅོས་པ་ལ་མི་ལྟོས་པར་གླེང་བ་ཉིད་ལ་བྱུང་བའི་འཁྲུག་ལོང་མི་གདམས་པའི་ཕྱིར་རྩོད་པ་དྲན་པས་འདུལ་བས་དག་པ་སྦྱིན་པས་ཞི་བ་ཡིན་ནོ། །དེ་ལ་མ་སྨྱོས་པས་
[71b.3]འདུལ་བ་སྦྱིན་པའི་གོ་རིམས་རྣམ་པར་གཞག་པ་ནི་འདི་ཡིན་ཏེ། དེ་རང་གིས་དགེ་འདུན་ལ་གསོལ་བ་དང་། དགེ་འདུན་གྱིས་གསོལ་བ་དང་། བཞིའི་ལས་ཀྱིས་སྦྱིན་པར་བྱའོ། །དེ་བྱིན་ན་དགེ་སློང་དེ་ལ་དགེ་སློང་དེ་དག་གིས་རང་བཞིན་དུ་གནས་པར་འཛིན་གྱིས་ལྟུང་བ་དང་བཅས་པར་མི་འཛིན་
[71b.4]ཏོ། །དེས་འདུལ་བར་འོས་པ་ལ་མ་སྨྱོས་པས་འདུལ་བ་སྦྱིན་ཞིང་དག་པ་སྦྱིན་པས་རྩོད་པ་དེ་ཞི་བར་འགྱུར་རོ། །དེ་རང་གིས་དགེ་འདུན་ལ་གསོལ་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དེ་རང་གིས་གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་
[71b.5]པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན། མཆིལ་ལྷམ་གཉིས་ཕུད་ནས་རྒན་པའི་མཐའ་ལོགས་སུ་ཙོག་པུར་འདུག་སྟེ། ཐལ་མོ་སྦྱར་བ་བཏུད་ནས་རང་གིས་མ་སྨྱོས་པས་འདུལ་བའི་གོ་རིམས་ཀྱི་སྔགས་ལན་གསུམ་བཟླས་པས་གསོལ་ལོ། །དེའི་སྔགས་ནི་འདི་ཡིན་ཏེ། དགེ་འདུན་
[71b.6]བཙུན་པ་རྣམས་གསན་དུ་གསོལ། བདག་དགེ་སློང་བྱེ་མ་སྐྱེས་སྨྱོས་པ། སེམས་འཁྲུགས་པ་སྡུག་བསྔལ་གྱི་ཚོར་བས་གཟིར་བ། དགེ་སློང་གི་ཚུལ་མ་ལགས་པ། རྗེས་སུ་མཐུན་པ་མ་ལགས་པ། རུང་བ་མ་ལགས་པ། ཚུལ་དང་མཐུན་པ་མ་ལགས་པ། མང་དུ་སྤྱོད་ཅིང་སྨྲས་ཏེ་སྩལ་ན། མིག་
[71b.7]གྱུར། ཁ་ཆུ་ཟགས། བཞིན་བསྒྱུར། ས་ལ་འགྲེས་ལྡོག །གཉིད་ཀྱིས་མ་ལོག་ཀྱང་གཉིད་ཀྱིས་ལོག་པ་ལྟར་བཅོས། མ་སྨྱོས་ཀྱང་སྨྱོས་པ་ལྟར་བཅོས། སྨྲ་བར་མ་བསམས་ཀྱང་སྨྲས་ཏེ་བདག་གི་དྲན་པ་རྙེད་ན། བདག་ལ་དགེ་སློང་རྣམས་ཀྱིས་གཞི་དེས་གླེང་བས། བདག་དགེ་སློང་བྱེ་མ་སྐྱེས་དགེ་
[72a]
[72a.1]འདུན་ལས་མ་སྨྱོས་པས་འདུལ་བ་གསོལ་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་དགེ་སློང་བྱེ་མ་སྐྱེས་ལ་མ་སྨྱོས་པས་འདུལ་བ་སྩལ་དུ་གསོལ། ལན་གསུམ་དུ་བཟླས་ཞེས་གསུངས་པ་ཡིན་ནོ། །དེའི་འོག་ཏུ་དགེ་འདུན་གྱིས་གསོལ་བ་དང་། བཞིའི་
[72a.2]ལས་སྦྱིན་པར་བྱ་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དེའི་སྔགས་ནི་འདི་ཡིན་ཏེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་བྱེ་མ་སྐྱེས་སྨྱོས་པ། སེམས་འཁྲུགས་པ། སྡུག་བསྔལ་གྱི་ཚོར་བས་གཟེར་
[72a.3]བ་འདི་དགེ་སློང་གི་ཚུལ་མ་ལགས་པ། རྗེས་སུ་མཐུན་པ་མ་ལགས་པ། རུང་བ་མ་ལགས་པ། ཚུལ་དང་མཐུན་པ་མ་ལགས་པ། མང་དུ་སྤྱད་ཅིང་སྨྲས་ཏེ། སྩལ་ནས་མིག་གྱུར། ཁ་ཆུ་ཟགས། བཞིན་བསྒྱུར། ས་ལ་འགྲེས་ལྡོག །གཉིད་ཀྱིས་མ་ལོག་ཀྱང་གཉིད་ཀྱིས་ལོག་པ་ལྟར་བཅོས། མ་
[72a.4]སྨྱོས་ཀྱང་སྨྱོས་པ་ལྟར་བཅོས། སྨྲ་བར་མ་བསམས་ཀྱང་སྨྲས་ཏེ། འདིས་དྲན་པ་རྙེད་ན། འདི་ལ་དགེ་སློང་རྣམས་གཞི་དེས་གླེངས་པས། དགེ་སློང་བྱེ་མ་སྐྱེས་འདི་དགེ་འདུན་ལས་མ་སྨྱོས་པས་འདུལ་བ་གསོལ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་
[72a.5]དང་། དགེ་འདུན་གྱིས་དགེ་སློང་བྱེ་མ་སྐྱེས་ལ་མ་སྨྱོས་པས་འདུལ་བ་སྩལ་ཏོ། །འདི་ནི་གསོལ་བའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་བྱེ་མ་སྐྱེས་སྨྱོས་པ། སེམས་འཁྲུགས་པ། སྡུག་བསྔལ་གྱི་ཚོར་བས་གཟིར་བ་འདིས། དགེ་སློང་གི་ཚུལ་མ་ལགས་པ། རྗེས་སུ་མཐུན་
[72a.6]པ་མ་ལགས་པ། རུང་བ་མ་ལགས་པ། ཚུལ་དང་མཐུན་པ་མ་ལགས་པ། མང་དུ་སྤྱད་ཅིང་སྨྲས་པ་སྟེ་སྩལ་ནས། མིག་གྱུར། ཁ་ཆུ་ཟགས། བཞིན་བསྒྱུར། ས་ལ་འགྲེས་ལྡོག །གཉིད་ཀྱིས་མ་ལོག་ཀྱང་གཉིད་ཀྱིས་ལོག་པ་ལྟར་བཅོས། མ་སྨྱོས་ཀྱང་སྨྱོས་པ་ལྟར་བཅོས། སྨྲ་
[72a.7]བར་མ་བསམས་ཀྱང་སྨྲས་ཏེ། འདིས་དྲན་པ་རྙེད་ན། འདི་ལ་དགེ་སློང་རྣམས་ཀྱིས། གཞི་དེས་གླེངས་བས་དགེ་སློང་བྱེ་མ་སྐྱེས་འདི་དགེ་འདུན་ལས་མ་སྨྱོས་པས་འདུལ་བ་གསོལ་ཏེ། དེའི་སླད་དུ་དགེ་འདུན་གྱིས། དགེ་སློང་བྱེ་མ་སྐྱེས་ལ་མ་སྨྱོས་པས་འདུལ་བ་སྩལ་ན། ཚེ་དང་ལྡན་པ་
[72b]
[72b.1]གང་དག་དགེ་སློང་བྱེ་མ་སྐྱེས་ལ་མ་སྨྱོས་པས་འདུལ་བ་སྩལ་དུ་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུངས་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས་དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་བྱེ་མ་
[72b.2]སྐྱེས་ལ་མ་སྨྱོས་པས་འདུལ་བ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་གསུངས་པ་ཡིན་ནོ། །དེ་ལྟར་གདམས་ངག་ལ་སོགས་པ་འཇོག་པས་གཞན་སྤོང་བ་རྒྱུ་མེད་པ་སྨྱོན་པས་བྱས་པས་གླེང་བ་ཉིད་ལས་བྱུང་བའི་འཁྲུག་ལོང་མི་གདམས་པའི་ཕྱིར་རྩོད་པ་མ་སྨྱོས་པས་
[72b.3]འདུལ་བས་དག་པ་སྦྱིན་པས་ཞི་བ་ཡིན་ནོ། །མི་གདམས་པའི་ཕྱིར་རྩོད་པ་ཞི་བར་བྱ་བ་བཤད་ཟིན་ཏོ།། །།ད་ནི་ལྟུང་བའི་ཕྱིར་རྩོད་པ་ཞི་བར་བྱ་བ་བཤད་པར་བྱ་སྟེ། འཁྲུག་ལོང་གི་རྒྱུ་གསུམ་པ་ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་ལྟུང་བའི་ཕྱིར་རྩོད་པ་ནི་ཁས་བླང་བར་བྱ་བ་དང་།
[72b.4]མངོན་སུམ་གྱིས་འདུལ་བ་དང་། རྩྭ་བཀྲམ་པ་ལྟ་བུས་ཕྱིར་བཅོས་པ་དང་། དེའི་ངོ་བོ་ཉིད་ཚོལ་དུ་གཞུག་པས་ངེས་པར་འཛིན་པ་ལ་སྦྱར་བར་བྱ་བ་ཉིད་སྦྱིན་པར་བྱའོ་ཞེས་གསུངས་པ་ལ། འཁྲུག་ལོང་གི་རྒྱུ་གསུམ་པ་ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་ལྟུང་བ་ཕྱིར་རྩོད་པ་ལ་ཁས་
[72b.5]བླང་བར་བྱ་བ་ཉིད་ནི་རྣམ་པ་གཉིས་ཏེ། རྣམ་པར་ཤེས་པ་ནི་རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་དང་། རྣམ་པར་མི་ཤེས་པ་རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་དོ། །དེ་ལ་རྣམ་པར་ཤེས་པ་ནི་རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ཅེས་བྱ་བ་ནི་གང་ཟག་ལྟུང་
[72b.6]བ་དང་བཅས་པ་གླེང་བ་གླེངས་ནས་དངོས་པོ་དང་། ཕྱོགས་དང་བསམ་པ་དང་། ཆེ་བཞི་དང་། ཁས་བླངས་པ་ལ་སོགས་པའི་སྒོ་ནས་ལྟུང་བ་རྣམ་པར་ཤེས་པ་ནི་ལྟུང་བ་སྡེ་ལྔ་གང་ཡང་རུང་བ་དག་གི་དངོས་གཞིའམ། སྦྱོར་བའམ་སྦྱོར་བའི་སྦྱོར་བ་ཞེས་བྱ་བ་ནི་རང་གི་ངོ་བོའི་ཉེས་པས་ལྟུང་བ་
[72b.7]དང་བཅས་པ་ཉིད་དོ། །རྣམ་པར་མི་ཤེས་པ་ན་རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ཅེས་བྱ་བ་ནི་གང་ཟག་ལྟུང་བ་དང་བཅས་པ་གླེང་བ་པོས་གླེངས་ནས། ལྟུང་བ་དྲན་པ་དགེ་འདུན་ལ་ཁས་བླངས་ནས། དེའི་འོག་ཏུ་བརྗེད་པས་དངོས་པོ་དང་། ཕྱོགས་དང་། བསམ་པ་དང་། ཆེ་
[73a]
[73a.1]བཞི་དང་། ཁས་བླངས་པ་ལ་སོགས་པའི་སྒོ་ནས་ལྟུང་བ་རྣམ་པར་མི་ཤེས་པ་ན། ལྟུང་བ་སྡེ་ལྔ་གང་ཡང་རུང་བ་དག་གི་དངོས་གཞིའམ་སྦྱོར་བའམ། སྦྱོར་བའི་སྦྱོར་བ་ཞེས་བྱ་བའི་རང་གི་ངོ་བོའི་ཉེས་པ་ལྟུང་བ་དང་བཅས་པ་ཉིད་དོ། །དེ་ལ་ལྟུང་བ་དང་བཅས་པ་རྣམ་པར་ཤེས་པ་ན།
[73a.2]རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་ལྟུང་བའི་ཕྱིར་རྩོད་པ་ནི་ཁས་བླང་བར་བྱ་བ་དང་། མངོན་སུམ་གྱིས་འདུལ་བ་དང་། རྩྭ་བཀྲམ་པ་ལྟ་བུས་ཕྱིར་བཅོས་པས་ཞི་བར་འགྱུར་ལ། རྣམ་པར་མི་ཤེས་པ་ན་རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་ལྟུང་
[73a.3]བའི་ཕྱིར་རྩོད་པ་ནི། དེའི་ངོ་བོ་ཉིད་ཚོལ་དུ་གཞུག་པས་ངེས་པར་འཛིན་པ་ལ་སྦྱར་བ་ཉིད་སྦྱིན་པས་ཞི་བར་འགྱུར་རོ། །དེ་ལ་རེ་ཞིག་བ་དང་བཅས་པ་རྣམ་པར་ཤེས་པ་ན། རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་ལྟུང་བའི་ཕྱིར་རྩོད་པ་ཁས་བླང་བར་བྱ་བ་
[73a.4]དང་། མངོན་སུམ་གྱིས་འདུལ་བ་དང་། རྩྭ་བཀྲམ་པ་ལྟ་བུས་ཕྱིར་བཅོས་པས་ཞི་བར་འགྱུར་བ་ཇེ་བཤད་པར་བྱ་སྟེ། དེ་ནི་ལྟུང་བ་དང་བཅས་པ་རྣམ་པར་ཤེས་པ་ན་རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་རྣམ་པ་གསུམ་སྟེ། ཕྱིར་འཕྲོས་པ་མེད་པའི་འཁྲུག་ལོང་དང་། ཕྱིར་འཕྲོས་པ་དང་
[73a.5]བཅས་པ་རྣམ་པ་གཉིས་པོ་ཉི་ཚེ་བའི་འཁྲུག་ལོང་དང་། དགེ་འདུན་མཐའ་དག་དང་འབྲེལ་བའི་འཁྲུག་ལོང་ངོ་། །དེ་ལ་ཕྱིར་འཕྲོས་པ་མེད་པའི་འཁྲུག་ལོང་ནི་ཕྱོགས་དང་གཞན་གྱི་ཕྱོགས་སུ་རྣམ་པར་གནས་པ་དང་བྲལ་བ་སྟེ། གང་ལ་གླེང་བར་བྱ་བ་དང་། གླེང་བ་པོ་གཉིས་འབའ་ཞིག་ཁོ་ན་
[73a.6]ལ་འཁྲུག་ལོང་ཡོད་ཀྱི། གཞན་གང་ལ་ཡང་འཁྲུག་ལོང་མེད་པའོ། །ཕྱིར་འཕྲོས་པ་དང་བཅས་པ་གཉིས་པོ་ཉི་ཚེ་བའི་འཁྲུག་ལོང་ནི་གང་ལ་གླེང་བར་བྱ་བ་དང་། གླེང་བ་པོ་འབའ་ཞིག་གཉིས་ཁོ་ནར་མ་ཟད་ཀྱི། དགེ་འདུན་གྱི་ཁོངས་སུ་གཏོགས་པ་ཁ་ཅིག་ལ་ཡང་འཁྲུག་ལོང་བྱུང་བའོ། །
[73a.7]དགེ་འདུ་མཐའ་དག་དང་འབྲེལ་པའི་འཁྲུག་ལོང་ནི་གང་ལ་དགེ་སློང་གི་ཚོགས་གཅིག་ཀྱང་མ་ལུས་པར་དགེ་སློང་མཐའ་དག་ཕྱོགས་དང་གཞན་གྱི་ཕྱོགས་སུ་རྣམ་པར་གནས་པས་འཁྲུག་ལོང་དུ་གྱུར་པའོ། །དེ་དག་ལས་ཕྱིར་འཕྲོས་པ་མེད་པའི་འཁྲུག་ལོང་ཞེས་བྱ་བ་ནི་ཁས་བླང་བར་བྱ་བས་ཕྱིར་
[73b]
[73b.1]བཅོས་པས་ཞི་བར་འགྱུར་ཏེ། དེ་ནི་ཁས་བླངས་པ་ཙམ་གྱི་དབང་གིས་ཕྱིར་བཅོས་པར་བྱ་བ་ཡིན་པའི་ཕྱིར་རོ། །དེ་ཡང་འདི་ལྟར་དེ་ལ་གླེང་བ་པོས་ཚེ་དང་ལྡན་པ་ཁྱོད་ལ་ལྟུང་བ་བྱུང་གིས་ཆོས་བཞིན་དུ་ཕྱིར་གྱིས་ཤིག་ཅེས་ཚུལ་དེ་ལྟར་གླེངས་པ་ལ་གླེང་བར་བྱ་བས་ཀྱང་ཁས་བླང་བ་འབའ་ཞིག་གི་ཕྱིར་
[73b.2]བཅོས་པར་བྱས་ན་འཁྲུག་ལོང་དེ་ཕྱིར་བཅོས་པ་གཞན་ལ་ལྟོས་མི་དགོས་པར་ཞི་བར་འགྱུར་བས། དེའི་ཕྱིར་འཕྲོས་པ་མེད་པའི་འཁྲུག་ལོང་ནི་ཁས་བླང་བར་བྱ་བས་ཕྱིར་བཅོས་པས་ཞི་བར་འགྱུར་རོ། །ཕྱིར་འཕྲོས་པ་དང་བཅས་པ་རྣམ་པ་གཉིས་པོ་ཉི་ཚེ་བའི་འཁྲུག་ལོང་ཞེས་བྱ་བ་ནི་མངོན་སུམ་གྱིས་
[73b.3]འདུལ་བས་ཕྱིར་བཅོས་པས་ཞི་བར་འགྱུར་ཏེ། དེ་ནི་མངོན་སུམ་དུ་བྱ་བས་ཕྱིར་བཅོས་པར་བྱ་བ་ཡིན་པའི་ཕྱིར་རོ། །དེ་ཡང་འདི་ལྟར་དེ་ལ་གཟུ་བོའི་མངོན་དུ་གླེང་བར་བྱ་བ་དང་། གླེང་བ་པོ་དང་། དེ་དག་གིས་རྗེས་སུ་འབྲང་བ་རྣམས་ཀྱིས་རྒོལ་བ་དང་། ལན་གྱི་ཚིག་དག་མངོན་སུམ་དུ་བྱུང་བ་གང་
[73b.4]ཡིན་པ་དེས་འདུལ་བར་འོས་པ་ལ་མངོན་སུམ་གྱིས་འདུལ་བ་སྦྱིན་པས་ཕྱིར་བཅོས་པས་རྩོད་པ་དེ་ཞི་བར་འགྱུར་བས། དེའི་ཕྱིར་ཕྱིར་འཕྲོས་པ་དང་བཅས་པ་རྣམ་པ་གཉིས་པོ་ཉི་ཚེ་བའི་འཁྲུག་ལོང་ནི། མངོན་སུམ་གྱིས་འདུལ་བས་ཕྱིར་བཅོས་པས་ཞི་བར་འགྱུར་རོ། །སྐབས་འདི་ནི་མངོན་སུམ་
[73b.5]གྱིས་འདུལ་བ་ཚུལ་ཁྲིམས་ཀྱི་དངོས་པོ་ཉི་ཚེའི་ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་ལྟུང་བའི་ཕྱིར་རྩོད་པ་གཟུ་བོའི་མངོན་དུ་གླེང་བར་བྱ་བ་དང་། གླེང་བ་པོ་དང་། དེ་དག་གི་རྗེས་སུ་འབྲང་བ་རྣམས་ཀྱིས་རྒོལ་བ་དང་། ལན་གྱི་ཚིག་དག་མངོན་སུམ་དུ་བྱུང་བ་གང་ཡིན་པ་དེས་འདུལ་བར་འོས་པ་ལ་མངོན་
[73b.6]སུམ་གྱིས་སྦྱིན་པས་ཕྱིར་བཅོས་པས་རྩོད་པ་དེ་ཞི་བར་འགྱུར་བ་ཡིན་པར་ཤེས་པར་བྱའོ། །དགེ་འདུན་མཐའ་དག་དང་འབྲེལ་བའི་འཁྲུག་ལོང་ཞེས་བྱ་བ་ནི་རྩྭ་བཀྲམ་པ་ལྟ་བུས་ཕྱིར་བཅོས་པས་ཞི་བར་འགྱུར་ཏེ། དེ་ནི་དགེ་འདུན་མཐའ་དག་གིས་རྩྭ་བཀྲམ་པ་ལྟ་བུས་ཕྱིར་བཅོས་པར་བྱ་བ་ཡིན་
[73b.7]པའི་ཕྱིར་རོ། །དེ་ཡང་འདི་ལྟར་དེ་ལ་དགེ་འདུན་གྱིས་ཕྱོགས་གཉི་ག་ནས་དཔེར་ན་རྩྭ་བཀྲམ་སྟེ་མགོ་སྤྲད་པ་ལྟ་བུར་སེམས་བཏུད་དེ་གཞི་དེ་ལས་ཁྱེད་ལ་ལྟུང་བ་བྱུང་བ་གང་ཡིན་པ་དང་། ཁོ་བོ་ཅག་ལ་ལྟུང་བ་བྱུང་བ་གང་ཡིན་པ་དེ་དག་ཚེ་དང་ལྡན་པ་དག་གི་མདུན་དུ་བཤགས་པ་དང་། མི་བཅབ་པར་
[74a]
[74a.1]ཁོ་བོ་ཅག་སྤྲོའོ་ཞེས་བྱ་བ་དང་། ལྟུང་བའི་མིང་དང་རིགས་སྨོས་པས་གཞན་ལ་ལྟུང་བའི་ངོ་བོ་ཉིད་ཤེས་པ་སྣང་བར་བྱ་བ་ལ་སོགས་པས། བློ་གཅིག་ཏུ་བྱ་བར་འོས་པ་ལ་རྩྭ་བཀྲམ་པ་ལྟ་བུ་སྦྱིན་པས་ཕྱིར་བཅོས་པས་རྩོད་པ་དེ་ཞི་བར་འགྱུར་བས། དེའི་ཕྱིར་དགེ་འདུན་མཐའ་དག་དང་
[74a.2]འབྲེལ་པའི་འཁྲུག་ལོང་ནི་རྩྭ་བཀྲམ་པ་ལྟ་བུས་ཕྱིར་བཅོས་པས་ཞི་བར་འགྱུར་རོ། །འདིའི་རྣམ་པར་གཞག་པ་ནི་འདི་ལྟར་བྱ་སྟེ། དགེ་སློང་མཐའ་དག་ཕྱོགས་དང་། གཞན་གྱི་ཕྱོགས་སུ་རྣམ་པར་གནས་པས་འཁྲུག་ལོང་དུ་གྱུར་པའི་དགེ་འདུན་གྱིས་ཕྱོགས་གཉི་ག་ནས་དཔེར་ན་རྩྭ་བཀྲམ་སྟེ་མགོ་སྤྲད་པ་ལྟ་བུ་
[74a.3]སེམས་བཏུད་དེ་གཞི་དེ་ལས་ཁྱེད་ལ་ལྟུང་བ་བྱུང་བ་གང་ཡིན་པ་དང་། ཁོ་བོ་ཅག་ལ་ལྟུང་བ་བྱུང་བ་གང་ཡིན་པ་དེ་དག་ཚེ་དང་ལྡན་པ་དག་གི་མདུན་དུ་བཤགས་པ་དང་། མི་བཅབ་པར་བདག་ཅག་སྤྲོའོ་ཞེས་བྱ་བ་དང་། ལྟུང་བའི་མིང་དང་རིགས་སྨོས་པས་གཞན་ལ་ལྟུང་བའི་ངོ་བོ་ཉིད་ཤེས་པ་སྣང་བར་བྱ་
[74a.4]བ་ལ་སོགས་པས་བློ་གཅིག་ཏུ་བྱ་བར་འོས་པ་ལ་རྩྭ་བཀྲམ་པ་ལྟ་བུ་སྦྱིན་པས་ཕྱིར་བཅོས་པའི་སྔགས་ཕན་ཚུན་གཉི་ག་ནས་ལན་གསུམ་གསུམ་བརྗོད་པས་ཕྱིར་བརྗོད་པར་བྱའོ། །དེའི་སྔགས་ནི་འདི་ཡིན་ཏེ། ཚེ་དང་ལྡན་པ་དག་བདག་ཅག་ལེགས་པར་གསུངས་པའི་ཆོས་འདུལ་བ་ལས་རབ་ཏུ་བྱུང་ནས་
[74a.5]འཐབ་པར་གྱུར། མཚང་འདྲུ་བར་གྱུར། རྩོད་པར་གྱུར། འགྱེད་པར་གྱུར་ཅིང་གནས་པ་སྟེ། ཕྱོགས་དང་གཞན་གྱི་ཕྱོགས་སུ་རྣམ་པར་གནས་པ་ནི་བདག་ཅག་གིས་མ་རྙེད་དེ་རྙེད་པ་མ་ཡིན་ནོ། །ཉེས་པ་རྙེད་ཀྱིས་ལེགས་པ་རྙེད་པ་མ་ཡིན་ནོ། །ཁ་ན་མ་ཐོ་བ་སྦོམ་པོ་དང་། ཁྱིམ་ན་གནས་པ་ལ་
[74a.6]བརྟེན་པ་མ་གཏོགས་པར་གཞི་འདི་ལས་ཁྱེད་ལ་ལྟུང་བ་བྱུང་བ་གང་ཡིན་པ་དང་། བདག་ཅག་ལ་ལྟུང་བ་བྱུང་བ་གང་ཡིན་པ་དེ་དག་ཚེ་དང་ལྡན་པ་དག་གི་མདུན་དུ་མཐོལ་བ་དང་། འཆགས་པ་དང་། མི་འཆབ་པར་བདག་ཅག་སྤྲོའོ། །ཚེ་དང་ལྡན་པ་དག་བདག་ཅག་ལེགས་པར་གསུངས་པའི་ཆོས་འདུལ་
[74a.7]བ་ལ་རབ་ཏུ་བྱུང་ནས་འཐབ་པར་གྱུར། མཚང་འདྲུ་བར་གྱུར། རྩོད་པར་གྱུར། འགྱེད་པར་གྱུར་ཅིང་གནས་ཏེ། ཕྱོགས་དང་གཞན་གྱི་ཕྱོགས་སུ་རྣམ་པར་གནས་པ་ནི་བདག་ཅག་གིས་མ་རྙེད་དེ། རྙེད་པ་མ་ཡིན་ནོ། །ཉེས་པ་རྙེད་ཀྱིས་ལེགས་པ་རྙེད་པ་མ་ཡིན་ནོ། །ཁ་ན་མ་ཐོ་བ་སྦོམ་པོ་དང་། ཁྱིམ་ན་
[74b]
[74b.1]གནས་པ་ལ་བརྟེན་པ་མ་གཏོགས་པར་གཞི་འདི་ལས་ཁྱེད་ལ་ལྟུང་བ་བྱུང་བ་གང་ཡིན་པ་དང་། བདག་ཅག་ལ་ལྟུང་བ་བྱུང་བ་གང་ཡིན་པ་དེ་དག་ཚེ་དང་ལྡན་པ་དག་གི་མདུན་དུ་བདག་མཐོལ་ལོ། །འཆགས་སོ། །མི་འཆབ་བོ། །མཐོལ་ཞིང་བཤགས་ན་བདག་བདེ་བ་ལ་རེག་པར་གནས་པར་འགྱུར་རོ། །མ་མཐོལ་མ་
[74b.2]བཤགས་ན་ནི་མི་འགྱུར་རོ། །ལན་གསུམ་དུ་བཟླས། ལྟུང་བ་མཐོང་ངམ། མཐོང་ངོ་། །ཕྱིན་ཆད་སྡོམ་མམ། སྡོམ་མོ། །ལན་གསུམ་དུ་བཟླས་ཞེས་གསུངས་པ་ཡིན་ནོ། །འདི་ལ་ཕྱོགས་གཅིག་གིས་དེ་ལྟར་བྱས་ན། ཕྱོགས་གཞན་གྱིས་ཀྱང་དེ་དག་ལ་དེ་ལྟར་བྱའོ། །འདི་ལ་གང་ཟག་མང་པོ་དག་གི་དོན་དུ་ཉེས་པ་སྦོམ་པོ་དང་། དགེ་འདུན་
[74b.3]ལྷག་མ་དང་། དགེ་འདུན་ལྷག་མར་གཏོགས་པའི་ཉེས་པ་སྦོམ་པོ་ལྕི་བ་དགེ་འདུན་ལ་བཤགས་པར་བྱ་བ་དེ་དག་མ་གཏོགས་པའི་ལྟུང་བ་དགེ་འདུན་མ་ཡིན་པ་གང་ཟག་ལ་བཤགས་པར་བྱ་བ་དག་ནི་གང་ཟག་གཅིག་གིས་གང་ཟག་གཅིག་ལ་རྩྭ་བཀྲམ་པ་ལྟ་བུས་ཕྱིར་བཅོས་སུ་ཡང་རུང་ངོ་། །འདིར་གང་ཟག་མང་པོ་དག་
[74b.4]གི་དོན་དུ་ལྟུང་བ་དུ་མ་དག་ཅིག་ཅར་ཕྱིར་བཅོས་སུ་ཡང་རུང་ངོ་། །ལྟུང་བ་བྱུང་བ་ལ་བདག་ལ་ལྟུང་བ་བྱུང་ངོ་ཞེས་ཁས་མི་ལེན་པ་དང་། ལྟུང་བ་མ་བྱུང་བ་ལ་བདག་ལ་ལྟུང་བ་བྱུང་ངོ་ཞེས་ཁས་ལེན་པར་བྱེད་པ་ནི་ཆོས་མ་ཡིན་པར་བྱེད་པ་ཡིན་པས་མི་འཆགས་སོ། །དེ་ལྟར་ན་ལྟུང་བ་དང་བཅས་པ་རྣམ་པར་ཤེས་པ་ན་
[74b.5]རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་རྣམ་པ་གསུམ་པོ། ཕྱིར་འཕྲོས་པ་མེད་པའི་འཁྲུག་ལོང་དང་། ཕྱིར་འཕྲོས་པ་དང་བཅས་པ་རྣམ་པ་གཉིས་པོ་ཉི་ཚེ་བའི་འཁྲུག་ལོང་དང་། དགེ་འདུན་མཐའ་དག་དང་འབྲེལ་པའི་འཁྲུག་ལོང་ཞེས་བྱ་བ་དག་ཁས་བླང་བར་བྱ་བ་དང་།
[74b.6]མངོན་སུམ་གྱིས་འདུལ་བ་དང་། རྩྭ་བཀྲམ་པ་ལྟ་བུས་ཕྱིར་བཅོས་པ་ཞི་བ་ཡིན་ནོ།། །།སོ་སོར་ཐར་པའི་མདོའི་གཞུང་འགྲེལ། བམ་པོ་ཉི་ཤུ་བདུན་པ་སྟེ་ཐ་མའོ། །ད་ནི་ལྟུང་བ་བཅས་པ་རྣམ་པར་མི་ཤེས་པ་ན་རང་གི་ངོ་བོའི་ཉེས་པས། ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་ལྟུང་བའི་ཕྱིར་རྩོད་
[74b.7]པ། དེའི་ངོ་བོ་ཉིད་ཚོལ་དུ་གཞུག་པས་ངེས་པར་འཛིན་པ་ལ་སྦྱར་བ་ཉིད་སྦྱིན་པས་ཞི་བར་འགྱུར་བ་བཤད་པར་བྱ་སྟེ། དེའི་གོ་རིམས་རྣམ་པར་གཞག་པ་ནི་འདི་ཡིན་ཏེ། གླེང་བ་པོའི་སྤུ་བདམས་པ་དང་། གླེང་བ་པོས་བསྐོ་བ་དང་། གླེང་བ་པོས་གླེང་བ་དང་། ཆེ་བཞི་དྲི་བ་དང་། ཁས་བླང་བ་དང་། ཁས་བླངས་
[75a]
[75a.1]པ་བརྗོད་པ་ལ་དེའི་ངོ་བོ་ཉིད་ཚོལ་དུ་གཞུག་པས་ངེས་པར་འཛིན་པ་ལ་སྦྱར་བ་ཉིད་སྦྱིན་པའོ། །དེ་གླེང་བ་པོའི་སྤུ་བདམས་པའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། གླེང་བར་བྱ་བ་དང་། གླེང་བ་པོའི་བྱ་བ་འདི་ལ་གླེང་བར་བྱ་བ་ཇི་སྙེད་ཁོ་ནའི་གླེང་བ་པོ་དག་གིས་བྱ་བ་ནི་མ་ངེས་
[75a.2]པའོ། །གླེང་བ་པོ་ཚུལ་ཁྲིམས་འཆལ་པ་དང་། ལོག་པར་སྟོན་པ་ནི་མཐུན་པར་མི་བྱའོ། །གླེང་བ་པོ་ཚུལ་ཁྲིམས་འཆལ་བ་དང་། ལོག་པར་སྟོན་པ་མ་ཡིན་པ་སྡེ་སྣོད་དག་ཚིག་གི་སྒོ་ནས་འཛིན་ལ། དོན་གྱི་སྒོ་ནས་མི་ཤེས་པས་གླེང་བར་བྱེད་པ་ལ་ནི་དགེ་འདུན་བཟློག་པར་བློན་གདབ་པར་བྱའོ། །གླེང་
[75a.3]བ་པོས་ལུས་དང་ངག་གིས་བསྡམས་པ་ཉིད་དང་། སྡེ་སྣོད་དག་ཤེས་པ་ཉིད་དང་། དགེ་འདུན་གྱི་ནང་དུ་བསམས་བཞིན་དུ་ཆོས་དང་འདུལ་བ་ལོག་པ་དང་། དེ་ལ་བཟློག་པ་དག་མི་སྟོན་པ་ཉིད་ཅེས་བྱ་བའི་ཡོན་ཏན་གསུམ་དང་ལྡན་པ་ལ་གུས་པར་བྱའོ། །གླེང་བ་པོ་ཡོན་ཏན་གསུམ་དང་ལྡན་པ་ཉིད་ཡིན་ཡང་སེམས་
[75a.4]ཀྱི་སྤྱོད་པ་ནི་གཡོ་བ་ཉིད་ཡིན་པས་སྔར་སྡིག་པ་ལས་མ་ཞུགས་སུ་ཟིན་ཀྱང་ཕྱིས་འཇུག་པར་འགྱུར་སྲིད་པས་དེའི་སེམས་ཀྱི་སྤྱོད་པ་བགམ་པའི་ཕྱིར་དུས་དང་ཡུལ་དང་སྤྱོད་ལམ་དང་རྗེས་སུ་བསྒྲུབ་པ་གནས་སུ་མི་གཞག་པས་བརྒལ་ཞིང་བརྟག་པར་བྱའོ། །དེ་དག་ལས་གཞན་དུ་འཕོ་བ་དང་། རྙོག་པ་ཅན་དུ་གྱུར་པ་ན་
[75a.5]གླེང་བ་ནི་འཆགས་སོ། །དེའི་འོག་ཏུ་གླེང་བ་པོ་བསྐོ་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། གླེང་བ་པོ་ཡོན་ཏན་གསུམ་དང་ལྡན་པ་དེ་ལྟ་བུ་དང་པོར་སྤྲོ་བར་བྱ་སྟེ། གསོལ་བ་དང་གཉིས་ཀྱི་ལས་ཀྱིས་བསྐོ་བར་བྱའོ། །དགེ་འདུན་གྱིས་གླེང་བ་པོ་དང་པོར་སྤྲོ་བར་བྱ་ཞིང་གསོལ་བ་དང་གཉིས་ཀྱི་ལས་ཀྱིས་བསྐོ་
[75a.6]བའི་ཆོ་ག་དང་ལས་ནི་འདི་ལྟར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན། ཇེ་དང་པོར་སྤྲོ་བར་བྱ་སྟེ། དེའི་འོག་ཏུ་གསོལ་བ་བྱས་ཏེ་ལས་བྱའོ། །དེའི་སྔགས་ནི་འདི་ཡིན་ཏེ།
[75a.7]མིང་འདི་ཞེས་བྱ་བ་ཁྱོད་རེ་ལྡེའི་རི་ལ་དགེ་སློང་འགྲོ་མགྱོགས་དང་ནབ་སོ་ལ་དགེ་སྦྱོང་གི་ཆོས་མ་ཡིན་པ་རྣམ་པ་མང་པོས་གླེང་བར་སྤྲོའམ། སྤྲོའོ། །དགེ་འདུན་བཙུན་པ་རྣམས་གསན་དུ་གསོལ། །དགེ་སློང་གླེང་བ་པོ་མིང་འདི་ཞེས་བྱ་བ་འདི་རེ་ལྡེའི་རི་ལ་མཆིས་ཏེ། དགེ་སློང་འགྲོ་མགྱོགས་དང་། ནབ་སོ་
[75b]
[75b.1]ལ་དགེ་སྦྱོང་གི་ཆོས་མ་ལགས་པ་རྣམ་པ་མང་པོས་གླེང་བར་སྤྲོ་ན་གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་གླེང་བ་པོ་མིང་འདི་ཞེས་བགྱི་བ་དགེ་སློང་འགྲོ་མགྱོགས་དང་ནབ་སོ་ལ་གླེང་བར་བསྐོའོ། །འདི་ནི་གསོལ་བའོ། །དགེ་འདུན་
[75b.2]བཙུན་པ་རྣམས་གསན་དུ་གསོལ། དགེ་སློང་གླེང་པ་པོ་མིང་འདི་ཞེས་བགྱི་བ་རེ་ལྡེའི་རི་ལ་མཆིས་ནས། དགེ་སློང་འགྲོ་མགྱོགས་དང་ནབ་སོ་ལ་དགེ་སྦྱོང་གྱི་ཆོས་མ་ལགས་པ་རྣམ་པ་མང་པོས་གླེང་བར་སྤྲོ་སྟེ། དེའི་སླད་དུ་དགེ་འདུན་གྱིས་དགེ་སློང་གླེང་བ་པོ་མིང་འདི་ཞེས་བགྱི་བ་དགེ་སློང་འགྲོ་མགྱོགས་དང་། ནབ་
[75b.3]སོ་ལ་གླེང་བར་བསྐོ་ན། ཚེ་དང་ལྡན་པ་གང་དག་དགེ་སློང་གླེང་བ་པོ་མིང་འདི་ཞེས་བགྱི་བ་དགེ་སློང་འགྲོ་མགྱོགས་དང་། ནབ་སོ་ལ་གླེང་བར་བསྐོ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་
[75b.4]དགེ་སློང་གླེང་བ་པོ་མིང་འདི་ཞེས་བགྱི་བ་དགེ་སློང་འགྲོ་མགྱོགས་དང་ནབ་སོ་ལ་གླེང་བར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་གསུངས་པ་ཡིན་ནོ། །དེའི་འོག་ཏུ་དགེ་སློང་གླེང་བ་པོས་གླེང་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། འདི་ལྟར་ལྷན་ཅིག་གི་
[75b.5]དངོས་པོས་ཀྱང་གླེང་བ་ཉིད་དུ་རུང་སྟེ། གང་ཟག་གིས་གང་ཟག་ལ་གླེང་བར་བྱེད་པ་དང་། གང་ཟག་གིས་གང་ཟག་གཉིས་ལ་དང་། གང་ཟག་གིས་གང་ཟག་མང་པོ་ལ་དང་། གང་ཟག་གིས་དགེ་འདུན་ལ་དང་། གང་ཟག་གཉིས་ཀྱིས་གང་ཟག་ལ་དང་། གང་ཟག་གཉིས་ཀྱིས་གང་ཟག་གཉིས་ལ་དང་། གང་
[75b.6]ཟག་གཉིས་ཀྱིས་གང་ཟག་མང་པོ་ལ་དང་། གང་ཟག་གཉིས་ཀྱིས་དགེ་འདུན་ལ་དང་། གང་ཟག་མང་པོས་གང་ཟག་ལ་དང་། གང་ཟག་མང་པོས་གང་ཟག་གཉིས་ལ་དང་། གང་ཟག་མང་པོས་གང་ཟག་མང་པོ་ལ་དང་། གང་ཟག་མང་པོས་དགེ་འདུན་ལ་དང་། དགེ་འདུན་གྱིས་གང་ཟག་ལ་དང་། དགེ་
[75b.7]འདུན་གྱིས་གང་ཟག་གཉིས་ལ་དང་། དགེ་འདུན་གྱིས་གང་ཟག་མང་པོ་ལ་དང་། དགེ་འདུན་གྱིས་དགེ་འདུན་ལ་གླེང་བར་བྱེད་ན། གླེང་བར་བྱ་བ་དང་། གླེང་བར་བྱེད་པའི་སྐབས་ལྷན་ཅིག་གིས་དངོས་པོས་དེ་ལྟར་གླེང་བ་ཉིད་དུ་རུང་ངོ་། །གླེང་བ་པོས་དེ་བཞིན་དུ་ལྷན་ཅིག་གི་དངོས་པོས་རུང་
[76a]
[76a.1]ངོ་། །དེས་དེ་ལ་སྐབས་འབྱེད་དུ་བཅུག་སྟེ་དུས་དབེན་པའི་མཐར་དྲན་པ་དང་ཤེས་བཞིན་ཉེ་བར་གཞག་སྟེ་མཐོང་བའམ། ཐོས་པའམ། དོགས་པའི་གཞི་དང་བཅས་བས་གླེང་བར་བྱའོ། །དེ་ལྟར་གཞི་དང་བཅས་པས་གླེངས་པ་ན་མ་དྲན་ན་ཡུལ་དང་། དུས་དང་། གཞི་གང་ནས་ལྟུང་བ་བྱུང་བ་
[76a.2]གླེང་བ་པོས་ཇི་ལྟར་མཐོང་བའམ། ཐོས་པའམ། དོགས་པའི་སྒོ་ནས་དྲན་པར་བྱའོ། །དེ་ལྟར་གླེངས་ཤིང་དྲན་པར་བྱས་པ་ན་སྐབས་འབྱེད་པར་མི་བྱེད་ན། དེ་ལ་བརྗོད་པ་དང་བཅས་པ་ཉིད་དང་། མི་གདམས་པ་ཉིད་དང་། གཏམ་འདྲེ་བ་ལ་སོགས་པ་བཟློག་པ་དང་། གསོ་སྦྱོང་གཞག་པ་དང་། དགག་དབྱེ་
[76a.3]གཞག་པ་དང་། ཕུར་པ་དང་བཅས་པ་ཉིད་དག་བྱའོ། །དེ་ནས་སྐབས་ཕྱེ་ཞིང་གཉེན་པ་ཉིད་དུ་གྱུར་ཏེ། གླེང་བས་ཁས་བླངས་ན་མཐར་ཐུག་པ་ཉིད་ཡིན་ཏེ། ཁས་བླངས་ན་རྩོད་པ་ཉེ་བར་ཞི་བ་ཡིན་པའི་ཕྱིར་རོ། །དེའི་འོག་ཏུ་ཆེ་བཞི་དྲི་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དེ་ལྟར་གླེང་བ་པོས་
[76a.4]གླེངས་པ་ན་གླེང་བར་བྱ་བ་དེས་སྐབས་ཕྱེ་ཡང་དུས་དང་། ཡུལ་དང་། སྤྱོད་ལམ་དང་། རྗེས་སུ་བསྒྲུབ་པ་དག་ཁས་མི་ལེན་ན། དེའི་ཚེ་ཆེ་བཞི་དྲི་བར་བྱ་སྟེ། ཆེ་བཞི་ནི་སྨྲ་བ་པོ་བདེན་པ་མཐོང་བ་ཉིད་དང་། ཡོན་ཏན་ལས་ཆེས་མཆོག་ཏུ་གྱུར་པ་ཁྱིམ་པ་ཡང་རུང་བ་གཞན་ཚད་མར་བྱའོ། །གཞན་དང་
[76a.5]བཅས་པ་ཉིད་ཡིན་ན་ཚིག་བསྟུན་པར་བྱའོ། །ཐེ་ཚོམ་དུ་གྱུར་པ་ནི་ཤེས་པ་མ་ཡིན་ཏེ་མི་བརྩན་ནོ། །ཆེ་བཞི་བདེན་པ་མཐོང་བ་དང་། ཡོན་ཏན་ལས་ཆེས་མཆོག་ཏུ་གྱུར་པ་ལས་ངེས་པར་གྱུར་ན་རང་གིས་ཁས་བླངས་པ་དང་འདྲའོ། །དེའི་འོག་ཏུ་ཁས་བླངས་པའི་གོ་རིམས་རྣམ་པར་གཞག་པ་ནི་འདི་ལྟར་
[76a.6]བྱ་སྟེ། དེ་ལྟར་གླེང་བ་པོས་གླེངས་ཤིང་ཆེ་བཞི་དྲིས་པ་ལ་སོགས་པའི་སྒྲུབ་པ་ལ་ལྟོས་ཀྱང་རུང་མ་ལྟོས་ཀྱང་རུང་སྟེ། དགེ་སློང་གིས་ལྟུང་བ་དང་བཅས་པར་མི་བྱ་བས་རྒྱུ་ཡོད་པ་དང་། ལྟུང་བ་དང་བཅས་པ་དྲན་ན་དགེ་འདུན་ལས་ཁས་བླང་བར་བྱ་ཞིང་ལྟུང་བ་ཤེས་པ་དེ་ཆོས་བཞིན་དུ་ཕྱིར་བྱས་ན་ལྟུང་བ་དང་
[76a.7]བཅས་པ་ཉིད་ལས་བྱུང་བའི་རྩོད་པ་དེ་ཉེ་བར་ཞི་བར་འགྱུར་རོ། །དེའི་འོག་ཏུ་ཁས་བླངས་པ་བརྗོད་པ་ལ་དེའི་ངོ་བོ་ཉིད་ཚོལ་དུ་གཞུག་པས་ངེས་པར་འཛིན་པ་ལ་སྦྱར་བ་ཉིད་སྦྱིན་པའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། གང་ཟག་ལྟུང་བ་དང་བཅས་པ་ལ་གླེང་བ་པོས་གླེངས་ན་ལྟུང་བ་དྲན་པ་
[76b]
[76b.1]དགེ་འདུན་ལ་ཁས་བླངས་ནས། དེའི་འོག་ཏུ་བརྗེད་པས་ཁྱད་དུ་གསོད་པར་བྱེད་ན། དེའི་རྣམ་པར་མི་ཤེས་ན་རང་གི་ངོ་བོའི་ཉེས་པ་ལྟུང་བ་དང་བཅས་པ་ཉིད་ཡིན་པས། དེ་ལ་ནི་དགེ་འདུན་གྱིས་དེའི་ངོ་བོ་ཉིད་ཚོལ་དུ་གཞུག་པས་ངེས་པར་འཛིན་པ་ལ་སྦྱར་བ་ཉིད་སྦྱིན་པར་བྱ་སྟེ། དེས་ནི་རང་གི་ངོ་བོ་ཉིད་
[76b.2]བཙལ་ནས་བཙལ་བར་ནུས་པས་དེ་ལ་ངེས་པར་འཛིན་པ་ལ་སྦྱར་བ་ཉིད་སྦྱིན་ན་ལྟུང་བ་དང་བཅས་པ་ལས་བྱུང་བའི་རྩོད་པ་དེ་ཉེ་བར་ཞི་བར་འགྱུར་རོ། །དེའི་ངོ་བོ་ཉིད་ཚོལ་དུ་གཞུག་པ་ཞེས་བྱ་བ་ནི་གང་ཟག་ལྟུང་བ་དང་བཅས་པ་ལ་གླེང་བ་པོས་གླེངས་ནས། ལྟུང་བ་དྲན་པ་དགེ་འདུན་ལ་ཁས་བླངས་ནས།
[76b.3]དེའི་འོག་ཏུ་བརྗེད་དེ་རྣམ་པར་མི་ཤེས་པ་ན་རང་གི་ངོ་བོའི་ཉེས་བས་ལྟུང་བ་དང་བཅས་པ་ཉིད་ལ་དགེ་འདུན་གྱིས་གསོལ་བ་དང་བཞིའི་ལས་ཀྱིས་དེའི་ངོ་བོ་ཉིད་ཚོལ་བ་དང་མཐུན་པ་སྦྱིན་ཞིང་ས་གཞན་ན་གནས་པའི་སྤྱོད་པ་སྦྱར་བ་དེས་ལྟུང་བ་དེའི་ངོ་བོ་ཉིད་ཚོལ་དུ་གཞུག་པར་འོས་པ་ལ། དེའི་ངོ་བོ་ཉིད་
[76b.4]ཚོལ་དུ་གཞུག་པ་སྦྱིན་ཞིང་ངེས་པར་འཛིན་པ་ལ་སྦྱོར་བ་ཉིད་སྦྱིན་པས་རྩོད་པ་དེ་ཞི་བར་འགྱུར་བའོ། །དེའི་ངོ་བོ་ཉིད་ཚོལ་དུ་གཞུག་པ་སྦྱིན་པ་འདི་ནི་བསླབ་པ་བྱིན་པ་དང་། སྤོ་བ་དང་མགུ་བར་བྱ་བ་སྦྱིན་པ་ལ་སོགས་པས་གཞན་གནས་པའི་ཚུལ་དང་འདྲ་བ་ཡིན་པར་བལྟ་བར་བྱ་སྟེ། འདི་བླངས་པས་
[76b.5]དེའི་ངོ་བོ་ཉིད་ཚོལ་བར་བྱེད་ལ། ལྟུང་བའི་ངོ་བོ་ཉིད་ཡོངས་སུ་ཤེས་ན་དགེ་འདུན་གྱིས་དེ་ལ་བཟོད་པར་བྱ་ཞིང་དེའི་འོག་ཏུ་རང་བཞིན་དུ་གནས་པ་ཉིད་དུ་འགྱུར་རོ། །ཁ་ཅིག་གིས་ནན་ཏུར་གྱི་ཚུལ་དུ་བསྟན་པ་ནི་མདོ་སྡེ་ལས། དེ་རང་གིས་དགེ་འདུན་ལ་གསོལ་བར་བྱའོ་ཞེས་གསུངས་པ་དང་འགལ་བའི་
[76b.6]ཕྱིར་མི་རུང་ངོ་། །དེ་ལ་དེའི་ངོ་བོ་ཉིད་ཚོལ་དུ་གཞུག་པ་སྦྱིན་པའི་གོ་རིམས་རྣམ་པར་གཞག་པ་ནི་འདི་ཡིན་ཏེ། དེ་རང་གིས་དགེ་འདུན་ལ་གསོལ་བ་དང་། དགེ་འདུན་གྱིས་དེ་ལ་གསོལ་བ་དང་བཞིའི་ལས་ཀྱིས་དེའི་ངོ་བོ་ཉིད་ཚོལ་དུ་གཞུག་པ་སྦྱིན་པ་དང་། དེས་ཇི་སྲིད་དུ་ཁས་མ་བླངས་ཀྱི་བར་དུ་ས་གཞན་
[76b.7]ན་གནས་པའི་སྤྱོད་པ་སྤྱད་པར་བྱ་བ་དང་། དེས་ལྟུང་བ་མཐོང་ནས་བཟོད་པར་གསོལ་བ་ན་རང་བཞིན་དུ་གནས་པ་འཐོབ་པར་འགྱུར་རོ། །དེ་ལ་རང་གིས་དགེ་འདུན་ལ་གསོལ་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དེ་རང་གིས་གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་
[77a]
[77a.1]གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། མཆིལ་ལྷམ་གཉིས་ཕུད་ནས་རྒན་པའི་མཐའ་ལོགས་སུ་ཙོག་པུར་འདུག་སྟེ། ཐལ་མོ་སྦྱར་བ་བཏུད་ནས། རང་གིས་དེའི་ངོ་བོ་ཉིད་ཆོལ་དུ་གཞུག་པ་གསོལ་བའི་སྔགས་ལན་གསུམ་
[77a.2]བཟླས་པས་གསོལ་ལོ། །དེའི་སྔགས་ནི་འདི་ཡིན་ཏེ། དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་འཆར་ཀ་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་དང་། འགྲེང་བ་དང་། འདུག་པ་དང་། ཉལ་བ་མཆིད་ཀྱིས་འཚལ་བ་ལས་བསྐྱུད་དེ་མ་དྲན་པས་བདག་ལ་དགེ་
[77a.3]སློང་དག་གིས་གཞི་དེས་གླེངས་པས། བདག་དགེ་སློང་འཆར་ཀ་དགེ་འདུན་ལས་དེའི་ངོ་བོ་ཉིད་ཚོལ་དུ་གཞུག་པ་གསོལ་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་དགེ་སློང་འཆར་ཀ་ལ་དེའི་ངོ་བོ་ཉིད་ཚོལ་དུ་གཞུག་པ་སྩལ་དུ་གསོལ། ལན་གསུམ་དུ་བཟླས། དེའི་
[77a.4]སྔགས་ནི་འདི་ཡིན་ཏེ། དེ་རང་གིས་གསོལ་བའི་ཆོ་ག་དང་སྔགས་འདི་དེང་སང་འདུལ་བའི་གཞུང་ལས་ནི་མི་སྣང་བས། དེའི་ཕྱིར་ཁ་ཅིག་གིས་ནི་ནན་ཏུར་གྱི་ཚུལ་དུ་བསྟན་ཏེ། འདི་བྲིས་པ་ནི་མདོ་སྡེ་ལས་བཏུས་པ་ཡིན་ནོ། །དེའི་འོག་ཏུ་དེ་ལ་དགེ་འདུན་གྱིས་གསོལ་བ་དང་བཞིའི་ལས་ཀྱིས་དེའི་ངོ་བོ་ཉིད་ཚོལ་
[77a.5]དུ་གཞུག་པ་སྦྱིན་པའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དེའི་སྔགས་ནི་འདི་ཡིན་ཏེ། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འཆར་ཀ་འདི་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་
[77a.6]ཚིག་གིས་འགྲོ་བར་ཡང་མཆིད་ཀྱིས་མི་འཚལ་འགྲེང་བར་ཡང་མི་འཚལ། འདུག་པར་ཡང་མི་འཚལ། ཉལ་བར་ཡང་མི་འཚལ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་ཚེ་དང་ལྡན་པ་འཆར་ཀ་ལ་དགེ་བསྙེན་མ་ཡིད་ཆེས་པའི་ཚིག་
[77a.7]དང་ལྡན་པའི་ཚིག་གིས་དེའི་ངོ་བོ་ཉིད་ཚོལ་དུ་གཞུག་པ་སྩལ་ཏོ། །འདི་ནི་གསོལ་བའོ། །དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འཆར་ཀ་འདི་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་ཡང་མཆིད་ཀྱིས་མི་འཚལ། འགྲེང་བ་ཡང་མི་
[77b]
[77b.1]འཚལ། འདུག་པ་ཡང་མི་འཚལ། ཉལ་བ་ཡང་མི་འཚལ་ཏེ། དེའི་སླད་དུ་དགེ་འདུན་གྱིས་ཚེ་དང་ལྡན་པ་འཆར་ཀ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་དེའི་ངོ་བོ་ཉིད་ཚོལ་དུ་གཞུག་པ་སྩོལ་ན། ཚེ་དང་ལྡན་པ་གང་དག་ཚེ་དང་ལྡན་པ་འཆར་ཀ་ལ་དགེ་བསྙེན་མ་ཡིད་ཆེས་པའི་ཚིག་
[77b.2]དང་ལྡན་པའི་ཚིག་གིས་དེའི་ངོ་བོ་ཉིད་ཚོལ་དུ་གཞུག་པ་སྩལ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུངས་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་ཚེ་དང་ལྡན་པ་
[77b.3]འཆར་ཀ་ལ་དགེ་བསྙེན་མ་ཡིད་ཆེས་པའི་ཚིག་གིས་དེའི་ངོ་བོ་ཉིད་ཚོལ་དུ་གཞུག་པ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་གསུངས་པ་ཡིན་ནོ། །དེའི་འོག་ཏུ་དེས་ཇི་སྲིད་དུ་ཁས་མ་བླངས་པའི་བར་དུ་ས་གཞན་ན་གནས་པའི་སྤྱོད་པ་སྤྱད་པར་བྱ་བའི་གོ་རིམས་རྣམ་
[77b.4]པར་གཞག་པ་ནི་འདི་ལྟར་བྱ་སྟེ། ཇི་ལྟར་བསླབ་པ་བྱིན་པས་དགྲ་བཅོམ་པ་ཉིད་ཐོབ་ཀྱི་བར་དུ་ཀུན་དུ་སྤྱོད་པའི་ཆོས་ཇི་ལྟར་བཅས་པ་དེ་དག་ཐམས་ཅད་འདིའི་ཀུན་དུ་སྤྱོད་པའི་ཆོས་ཀྱང་ཡིན་ཏེ། དེས་དགེ་སློང་རང་བཞིན་དུ་གནས་པ་ལ་མངོན་པར་སྨྲ་བ་དང་། ཕྱག་དང་། མངོན་དུ་ལྡང་བ་དང་། ཐལ་མོ་
[77b.5]སྦྱར་བ་དང་། གུས་པའི་ལས་དག་བདག་གིར་མི་བྱའོ། །དགེ་སློང་རང་བཞིན་དུ་གནས་པ་དང་ལྷན་ཅིག་གོམ་པ་བསྲི་བ་ཉིད་ལས་གཞན་པས་བཅག་པར་མི་བྱའོ། །སྟན་ཆེས་དམའ་བ་ཉིད་ལས་གཞན་ལ་འདུག་པར་མི་བྱའོ། །ཕྱི་བཞིན་འབྲང་བའི་དགེ་སྦྱོང་གི་བདག་ཉིད་ལས་གཞན་པས་ཁྱིམ་གཞན་
[77b.6]དུ་འགྲོ་བར་མི་བྱའོ། །གཡོགས་མ་གཅིག་པར་མལ་བཤམ་པར་བྱའོ། །རབ་ཏུ་བྱུང་བ་དང་། བསྙེན་པར་རྫོགས་པ་དང་། གནས་སྦྱིན་པ་དང་། དགེ་ཚུལ་ཉེ་བར་གཞག་པར་མི་བྱའོ། །གསོལ་བ་དང་། ལས་བརྗོད་པ་དག་བྱ་བ་ཁས་མི་བླང་ངོ་། །ལས་བྱེད་པ་དང་། དགེ་སློང་མའི་སྟོན་
[77b.7]པ་དང་། དགེ་འདུན་གྱིས་ཡིད་བརྟན་པར་བསྐོ་བར་ཁས་མི་བླང་ངོ་། །དེ་དག་ཏུ་སྔར་བསྐོས་པས་ཀྱང་མི་བྱའོ། །དགེ་སློང་མ་ལ་སྟོན་པས་སྔར་བསྐོས་པས་ཀྱང་བསྟན་པར་མི་བྱའོ། །འདོན་པ་གཞན་མེད་ན་ཡང་གསོ་སྦྱོང་ལ་སོ་སོར་ཐར་པ་གདོན་པར་མི་བྱའོ། །དགེ་སློང་དགེ་འདུན་ལས་བཀར་བ་
[78a]
[78a.1]ལ་ཚུལ་ཁྲིམས་དང་ལྟ་བ་དང་། ཆོ་ག་དང་འཚོ་བ་ཉམས་པས་གླེང་བར་མི་བྱའོ། །བརྗོད་པ་དང་བཅས་པ་ཉིད་དང་། ཕུར་པ་དང་བཅས་པ་ཉིད་དག་མི་བྱའོ། །གདམས་ངག་དང་གསོ་སྦྱོང་དང་དགག་དབྱེ་དང་། གསོལ་བ་དང་བརྗོད་པ་དག་གཞག་པར་མི་བྱའོ། །རང་བཞིན་དུ་
[78a.2]གནས་པ་དང་། མགོ་མཉམ་དུ་རྟེན་པར་མི་བྱའོ། །དེའི་ངོ་བོ་ཉིད་ཚོལ་དུ་གཞུག་པར་བྱིན་པ་དེའི་རྒྱུ་གང་ཡིན་པའི་ཉེས་པ་དེ་སྤོང་ངོ་། །ཉེས་པ་གཞན་ཡང་སྤང་ངོ་། །ཚངས་པ་མཚུངས་པར་སྤྱོད་པ་རྣམས་ལ་ཉེས་པ་དང་མཐུན་པ་ཉིད་མི་བྱའོ། །ཀུན་དུ་སྤྱད་པའི་ཆོས་ཇི་ལྟར་བཅས་པ་དག་ཉམས་
[78a.3]སུ་མ་བླངས་ན་བརྟུལ་ཞུགས་སྙིང་པོ་མེད་པར་འགྱུར་རོ་སྙམ་དུ་ཡིད་ལ་བྱའོ། །ནང་པར་སྔར་ལངས་ཏེ་གཙུག་ལག་ཁང་སྒོ་དབྱེ་བ་དང་། མར་མེའི་ཀོང་བུ་བསལ་བར་བྱའོ། །གཙུག་ལག་ཁང་དུ་ཆག་ཆག་དང་། ཕྱག་དར་དང་། ལྕི་བ་འཇམ་པོའི་བྱུག་པས་བསྐུ་བ་དག་བྱའོ། །དགེ་འདུན་གྱི་བཤང་བ་
[78a.4]དང་གཅི་བའི་སྐྱབས་དག་སྦྱང་ངོ་། །དེ་ལྟར་ས་ཕྱག་དར་དང་དུས་དང་མཐུན་པའི་ཆུ་དག་གཞག་པར་བྱའོ། །གཙུག་ལག་ཁང་གི་ཝ་ཁ་དག་བསལ་ལོ། །དགེ་འདུན་གྱི་གདན་བཤམ་པར་བྱའོ། །མཆོད་པའི་དུས་ཤེས་པར་བྱས་ཏེ། བདུག་སྤོས་དང་དེའི་པོག་པོར་དག་ཉེ་བར་གཞག་པར་བྱའོ། །གལ་
[78a.5]ཏེ་ནུས་པ་ཉིད་ཡིན་ན་སྟོན་པའི་ཡོན་ཏན་བསྒྲག་གོ། །གལ་ཏེ་མི་ནུས་ན་སྨྲ་བ་པོ་ལ་བཅོལ་ལོ། །དགེ་འདུན་ལ་བཤོས་ཀྱི་སྤྱི་བུངས་བཤམས་ནས་གཎྜཱི་བརྡུངས་ཏེ། གལ་ཏེ་དགེ་སློང་རྣམས་ལ་ཚ་ན་བསིལ་ཡབ་བྱའོ། །དེའི་འདུག་པ་ལ་སོགས་པ་ནི་བསྙེན་པར་རྫོགས་པ་ཐམས་ཅད་ཀྱི་མཐའ་ཉིད་དུའོ། །
[78a.6]ཟས་ཀྱི་བྱ་བ་བྱས་ནས་གདན་ཆ་དབེན་པར་བརྟུལ་ལོ། །ལྷུང་བཟེད་ཀྱི་གཞི་དོར་རོ། །དུས་ཤེས་པར་བྱས་ཏེ་མཆོད་རྟེན་དག་གི་ཕྱག་དར་བྱའོ། །ལྕི་བ་འཇམ་པོའི་བྱུག་པས་བསྐུའོ། །དགེ་འདུན་འདུ་བའི་དུས་སུ་ཡང་གདན་བཤམ་པ་ནས། སྟོན་པའི་ཡོན་ཏན་ཡང་དག་པར་བསྒྲགས་པའི་བར་དག་བྱའོ། །
[78a.7]གལ་ཏེ་ནུས་པ་ཉིད་ཡིན་ན་ཚེས་གྲངས་ཀྱི་ཉི་མ་དག་བརྗོད་པར་བྱའོ། །གལ་ཏེ་མི་ནུས་ན་དགེ་སློང་གཞན་ལ་བཅོལ་ལོ། །དགོངས་ཀར་དུས་དང་མཐུན་པའི་ཆུས་དགེ་སློང་རྣམས་ཀྱི་རྐང་པ་བཀྲུའོ། །དགེ་སློང་དག་རྐང་པ་བཀྲུ་བ་མི་འདོད་ན་སྣུམ་དབུལ་ལོ། །དེའི་གཙུག་ལག་ཁང་ཐ་མར་འོས་
[78b]
[78b.1]ཉིད་ཡིན་ནོ། །ཐམས་ཅད་དུ་རྙེད་པ་དབང་བ་ཉིད་ཡིན་ནོ། །དགེ་བའི་ཕྱོགས་ལ་མི་གཡེལ་བར་བྱའོ། །དེའི་ངོ་བོ་ཉིད་ཚོལ་དུ་གཞུག་པ་བྱིན་པས་དགེ་སློང་རང་བཞིན་དུ་གནས་པ་ཉིད་མ་ཡིན་པ་དང་། དགེ་འདུན་དུ་མ་ལངས་པ་དང་། གནས་དེ་ནས་དགེ་སློང་ཡོངས་སུ་སྤྱད་པ་ཀུན་དུ་སྤྱོད་པ་དག་ལ་ཀུན་དུ་སྤྱོད་པ་མི་འཆགས་སོ། །
[78b.2]དགེ་སློང་མང་པོ་ཉིད་ཡོངས་སུ་སྤང་བར་མི་བྱའོ། །གནས་བརྟན་དང་བཅས་པ་སོ་སོར་ཐར་བ་དང་བཅས་པ་ཉིད་དུ་སྦྱང་བར་འབད་པར་བྱའོ། །མཚམས་གཞན་དུ་ཞག་ལོན་པ་ལ་ནི་ཉེས་པ་མེད་དོ། །དགེ་འདུན་གྱིས་བཀད་པའི་གྲངས་ལ་མ་གཏོགས་སོ། །དེའི་ཀུན་དུ་སྤྱད་པ་དགེ་འདུན་ལ་སྤྱད་པར་
[78b.3]བྱའོ། །དེའི་ངོ་བོ་ཉིད་ཚོལ་དུ་གཞུག་པ་བྱིན་པ་བཞི་ཡན་ཆད་མཚམས་གཅིག་གི་དགེ་འདུན་ལ་སྤྱོད་ཡུལ་དུ་མི་གནང་ངོ་། །ལས་བརྒྱ་རྩ་གཅིག་ནི་དགེ་འདུན་དང་མཐུན་པར་བྱའོ། །བསླབ་པ་ལས་འདས་པའི་ལྟུང་བ་ཐམས་ཅད་ནི་དགེ་སློང་རང་བཞིན་དུ་གནས་པ་དང་འདྲའོ། །དེ་ལ་འདུན་པ་དབུལ་
[78b.4]དུ་མི་རུང་ངོ་། །དེའི་འདུན་པ་བླང་དུ་མི་རུང་ངོ་། །དེ་ལ་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མས་གཏུགས་ཏེ་ཕྱག་མི་བྱའོ། །དེའི་ངོ་བོ་ཉིད་ཚོལ་དུ་གཞུག་པ་བྱིན་པ་དེ་ནི་ནམ་བཟོད་པ་གསོལ་བ་ན་རང་བཞིན་དུ་གནས་པ་ཐོབ་པར་འགྱུར་རོ། །བཟོད་
[78b.5]པ་མ་གསོལ་ན་ཇི་སྲིད་འཚོའི་བར་དུ་དེའི་ངོ་བོ་ཉིད་ཚོལ་དུ་གཞུག་པ་སྦྱིན་པ་སྤྱད་པའི་ཆོ་ག་ཇི་སྐད་བསྟན་པ་དེ་དག་ལ་དེ་བཞིན་དུ་བསླབ་པར་བྱའོ། །དེ་ཙམ་གྱིས་ན་དེའི་ངོ་བོ་ཉིད་ཚོལ་བ་དང་མཐུན་པ་བྱིན་པ་དེས་ལྟུང་བ་མཐོང་ཞིང་ཁས་ལེན་པ་ཉིད་དུ་འགྱུར་རོ། །དེའི་འོག་ཏུ་དེས་ལྟུང་བ་མཐོང་ནས་བཟོད་པ་
[78b.6]གསོལ་ན་རང་བཞིན་དུ་གནས་པ་འཐོབ་པར་གྱུར་པའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དེས་ལྟུང་བ་མཐོང་ནས་རང་གིས་དགེ་འདུན་ལ་བཟོད་པ་མཛད་པར་གསོལ་བ་དང་། དགེ་འདུན་གྱིས་དེ་ལ་གསོལ་བ་དང་། བཞིའི་ལས་ཀྱིས་བཟོད་པ་མཛད་པའོ། །དེས་ལྟུང་བ་མཐོང་ནས་རང་གིས་
[78b.7]དགེ་འདུན་ལ་བཟོད་པ་མཛད་པར་གསོལ་བའི་གོ་རིམས་རྣམ་པར་གཞག་པ་ནི་འདི་ལྟར་བྱ་སྟེ། དེ་རང་གིས་གནས་མལ་བཤམ་པ་བྱས་ནས། གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་མཆིལ་ལྷམ་གཉིས་
[79a]
[79a.1]ཕུད་དེ། བླ་གོས་ཕྲག་པ་གཅིག་ཏུ་བྱས་ནས་རྒན་རིམས་ལ་ཕྱག་འཚལ་ཏེ། རྒན་པའི་མཐའ་ལོགས་སུ་ཙོག་པུར་འདུག་ནས་ཐལ་མོ་སྦྱར་བ་བཏུད་དེ། སྔགས་ལན་གསུམ་བཟླས་པས་གསོལ་བར་བྱའོ། །དེའི་སྔགས་ནི་འདི་ཡིན་ཏེ། དགེ་འདུན་བཙུན་པ་རྣམས་གསན་དུ་གསོལ།
[79a.2]བདག་དགེ་སློང་འཆར་ཀ་དེའི་ངོ་བོ་ཉིད་ཚོལ་དུ་སྩལ་པ། སྐྲ་འགྲེང་བར་གྱུར། སྐྲ་འཕྱར་བར་གྱུར་ཅིང་དགེ་འདུན་ལ་སྤུ་སྙོལ་བར་བགྱིད། འབྱུང་བར་བསྐྱོད། མཚུངས་པར་ཉེ་བར་སྟོན་ལ་མཚམས་ཀྱི་ནང་དུ་མཆིས་ཏེ། བཟོད་པ་གསོལ་ཞིང་གཞི་གང་ནས་སྨད་བབ་པའི་ཕྲིན་ལས་མཛད་པའི་གཞི་
[79a.3]དེ་ལས་སླར་ལྡོག་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་དགེ་སློང་འཆར་ཀ་དེའི་ངོ་བོ་ཉིད་ཚོལ་དུ་སྩལ་བ་ལ་བཟོད་པ་མཛད་དུ་གསོལ། ལན་གསུམ་བཟླས་ཞེས་གསུངས་པ་ཡིན་ནོ། །དེའི་འོག་ཏུ་དགེ་འདུན་གྱིས་དེ་ལ་གསོལ་བ་དང་བཞིའི་ལས་ཀྱིས་བསྒོ་ནས་བཟོད་
[79a.4]པ་མཛད་པ་རྣམ་པར་གཞག་པ་ནི་འདི་ལྟར་བྱ་སྟེ། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དེའི་སྔགས་ནི་འདི་ཡིན་ཏེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆར་ཀ་ངོ་བོ་ཉིད་ཚོལ་དུ་སྩལ་བ་འདི་སྤུ་འགྲེང་བར་གྱུར། སྤུ་འཕྱར་བར་གྱུར་ཅིང་དགེ་
[79a.5]འདུན་ལ་སྤུ་སྙོལ་བར་བགྱིད། འབྱུང་བར་བསྐྱོད། མཚུངས་པར་ཉེ་བར་སྟོན་ལ་མཚམས་ཀྱི་ནང་དུ་མཆིས་ཏེ། བཟོད་པ་གསོལ་ཞིང་གཞི་གང་ལས་སྨ་དབབ་པའི་ཕྲིན་ལས་མཛད་པའི་གཞི་དེ་ལས་སླར་ལྡོག་པར་གསོལ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་
[79a.6]གྱིས་གནང་བར་མཛོད་ཅིག་དང་། དགེ་འདུན་གྱིས་ཚེ་དང་ལྡན་པ་འཆར་ཀའི་ངོ་བོ་ཉིད་ཚོལ་དུ་སྩལ་བ་ལ་བཟོད་པ་མཛད་དོ། །འདི་ནི་གསོལ་བའོ། །དགེ་འདུན་བཙུན་པ་རྣམས་གསན་དུ་གསོལ། །དགེ་སློང་འཆར་ཀ་དེའི་ངོ་བོ་ཉིད་ཚོལ་དུ་སྩལ་བ་འདི་སྐྲ་འགྲེང་བར་གྱུར། སྐྲ་འཕྱར་བར་གྱུར་
[79a.7]ཅིང་དགེ་འདུན་ལ་སྤུ་སྙོལ་བར་བགྱིད། འབྱུང་བར་བསྐྱོད། མཚུངས་པར་ཉེ་བར་སྟོན། མཚམས་ཀྱི་ནང་དུ་མཆིས་ཏེ། བཟོད་པ་གསོལ་ཞིང་གཞི་གང་ལ་སྨ་དབབ་པའི་ཕྲིན་ལས་མཛད་པའི་གཞི་དེ་ལས་སླར་ལྡོག་སྟེ། དེའི་སླད་དུ་དགེ་འདུན་གྱིས་དགེ་སློང་འཆར་ཀ་དེའི་ངོ་བོ་ཉིད་ཚོལ་དུ་སྩལ་བ་ལ་
[79b]
[79b.1]བཟོད་པ་མཛད་ན། ཚེ་དང་ལྡན་པ་གང་དག་དགེ་སློང་འཆར་ཀ་དེའི་ངོ་བོ་ཉིད་ཚོལ་དུ་སྩལ་བ་ལ་བཟོད་པ་མཛད་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུངས་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་
[79b.2]བཟོད་ཅིང་གནང་ནས། དགེ་འདུན་གྱིས་དགེ་སློང་འཆར་ཀ་དེའི་ངོ་བོ་ཉིད་ཚོལ་དུ་སྩལ་བ་ལ་བཟོད་པར་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་གསུངས་པ་ཡིན་ནོ། །དེ་ལྟར་དེས་ལྟུང་བ་མཐོང་ནས། བཟོད་པ་གསོལ་ཏེ་རང་བཞིན་དུ་གནས་པ་ཐོབ་ན་ལྟུང་བ་དེ་ཆོས་
[79b.3]བཞིན་དུ་ཕྱིར་བཅོས་པར་བྱ་སྟེ། དེ་ཙམ་གྱིས་ན་ལྟུང་བ་དང་བཅས་པ་རྣམ་པར་མི་ཤེས་པ་ན་རང་གི་ངོ་བོའི་ཉེས་པས་ལྟུང་བ་དང་བཅས་པ་ཉིད་ལས་བྱུང་བའི་འཁྲུག་ལོང་ལྟུང་བའི་ཕྱིར་རྩོད་པ་དེ་ཉིད་ཞི་བར་འགྱུར་རོ། །དེ་ལྟར་ན་ལྟུང་བ་དང་བཅས་པ་རྣམ་པར་མི་ཤེས་པ་ན། རང་གི་ངོ་བོའི་ཉེས་པས་ལྟུང་བ་དང་
[79b.4]བཅས་པ་ཉིད་ལས་བྱུང་བའི་འཁྲུག་ལོང་ལྟུང་བའི་ཕྱིར་རྩོད་པ་དེའི་ངོ་བོ་ཉིད་ཚོལ་དུ་གཞུག་པས། ངེས་པར་འཛིན་པ་ལ་སྦྱར་བ་ཉིད་སྦྱིན་པས་ཞི་བ་ཡིན་ནོ། །ལྟུང་བའི་ཕྱིར་རྩོད་པ་ཞི་བར་བྱ་བ་བཤད་ཟིན་ཏོ།། །།ད་ནི་བྱ་བའི་ཕྱིར་རྩོད་པ་ཞི་བར་བྱ་བ་བཤད་པར་བྱ་སྟེ། འཁྲུག་ལོང་གི་རྒྱུ་བཞི་པ་ལས་
[79b.5]ལ་མཐུན་པ་མི་སྦྱིན་པ་ལས་བྱུང་བའི་འཁྲུག་ལོང་བྱ་བའི་ཕྱིར་རྩོད་པ་ཞི་བར་བྱ་བའི་ཆོས་བདུན་པོ་ཐམས་ཅད་ཀྱིས་སྔ་མ་བཞིན་དུ་ཅི་རིགས་པར་རྒྱུད་གཅིག་ཏུ་བྱ་བ་དང་། དག་པ་སྦྱིན་པ་དང་། ཕྱིར་བཅོས་པ་དང་། ངེས་པར་འཛིན་པ་སྦྱར་བ་ཉིད་སྦྱིན་པའི་རིམ་གྱིས་ལས་ལ་མཐུན་པ་སྦྱིན་དུ་གཞུག་པས་ཞི་བར་བྱའོ་ཞེས་
[79b.6]གསུངས་པ་ལ། འཁྲུག་ལོང་གི་རྒྱུ་བཞི་པ་ལས་ལ་མཐུན་པ་མི་སྦྱིན་པ་ལས་བྱུང་བའི་འཁྲུག་ལོང་བྱ་བའི་ཕྱིར་རྩོད་པ་ནི་རྩོད་པ་ཞི་བར་བྱ་བའི་ཆོས་བདུན་པོ་ཐམས་ཅད་ཀྱིས་ཅི་རིགས་པར་ཞི་བར་བྱ་བ་ཡིན་ཏེ། དེའི་ཕྱིར་ཞི་བ་ཐམས་ཅད་ནི་བྱ་བའི་ཕྱིར་རྩོད་པར་འཇུག་གོ་ཞེས་གསུངས་སོ། །རྣམ་
[79b.7]པ་གང་གིས་རྩོད་པ་ཞི་བར་བྱ་བ་ཐམས་ཅད་བྱ་བའི་ཕྱིར་རྩོད་པར་འཇུག་ཅེ་ན། རྒྱུའི་སྒོ་ནས་ཏེ་རྒྱུ་གང་དང་གང་གིས་རྩོད་པ་ཞི་བར་བྱ་བ་བདུན་དག་འཇུག་པར་འགྱུར་བའི་རྒྱུ་དེ་དང་དེ་ནི་བྱ་བའི་ཕྱིར་རྩོད་པ་ལ་ཡོད་དེ། །ཇི་ལྟར་དངོས་པོའི་དེ་བཞིན་ཉིད་ལ་ལོག་པར་སྒྲུབ་པའི་རྒྱུ་ལས་འགྱེད་པའི་ཕྱིར་རྩོད་
[80a]
[80a.1]པ་འབྱུང་ཞིང་། དེ་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ཞི་བར་འགྱུར་བ་དེ་བཞིན་དུ་དངོས་པོའི་དེ་བཞིན་ཉིད་ལ་ལོག་པར་སྒྲུབ་པའི་རྒྱུས་ལས་ལ་མཐུན་པ་མི་སྦྱིན་པ་ལས་བྱ་བའི་ཕྱིར་རྩོད་པ་ཡང་འབྱུང་ཞིང་དེ་ཡང་མངོན་སུམ་གྱིས་འདུལ་
[80a.2]བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བ་ལས་ལ་མཐུན་པ་སྦྱིན་དུ་གཞུག་པས་ཞི་བར་འགྱུར་ཏེ། དེ་ལྟར་ན་རྒྱུ་གང་གིས་འགྱེད་པའི་ཕྱིར་རྩོད་པ་ཀུན་ནས་སློང་ཞིང་། ཆོས་གང་དག་གིས་ཐབས་ཇི་ལྟར་བྱ་བས་དེ་ཞི་བར་འགྱུར་བའི་རྒྱུ་དེ་ཉིད་ཀྱིས་བྱ་བའི་ཕྱིར་རྩོད་པ་ཡང་ཀུན་ནས་སློང་ཞིང་
[80a.3]ཆོས་དེ་དག་ཐབས་དེ་ཉིད་ལས་ལ་མཐུན་པ་སྦྱིན་དུ་གཞུག་པས་དེ་ཞི་བར་འགྱུར་བས་རྒྱུ་གང་གིས་འགྱེད་པའི་ཕྱིར་རྩོད་པ་ཞི་བར་བྱ་བ་འཇུག་པར་འགྱུར་བའི་རྒྱུ་དེ་ནི་བྱ་བའི་ཕྱིར་རྩོད་པ་ལ་ཡང་འཇུག་གོ །ཇི་ལྟར་གདམས་ངག་ལ་སོགས་པ་འཇོག་པས་གཞན་སྤོང་བའི་རྒྱུ་ལས་མི་གདམས་པའི་ཕྱིར་
[80a.4]རྩོད་པ་འབྱུང་ཞིང་། དེ་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བ་དང་། དྲན་པས་འདུལ་བ་དང་། མ་སྨྱོས་པས་འདུལ་བས་དག་པ་སྦྱིན་པས་ཞི་བར་འགྱུར་བ་དེ་བཞིན་དུ་གདམས་ངག་ལ་སོགས་པ་འཇོག་པས་གཞན་སྤོང་བའི་རྒྱུ་ལས་ལ་མཐུན་པ་མི་སྦྱིན་པ་ལས་བྱ་
[80a.5]བའི་ཕྱིར་རྩོད་པ་ཡང་འབྱུང་ཞིང་། དེ་ཡང་མངོན་སུམ་གྱིས་འདུལ་བ་དང་། ཚུལ་ཤིང་མང་པོ་སྦྱིན་པས་རྒྱུད་གཅིག་ཏུ་བྱ་བས་ལས་ལ་མཐུན་པ་སྦྱིན་དུ་གཞུག་པ་དང་། དྲན་པས་འདུལ་བ་དང་། མ་སྨྱོས་པས་འདུལ་བས་དག་པ་སྦྱིན་པས་ལས་ལ་མཐུན་པ་སྦྱིན་དུ་གཞུག་པས་ཞི་བར་འགྱུར་ཏེ། དེ་ལྟར་
[80a.6]ན་རྒྱུ་གང་གིས་མི་གདམས་པའི་ཕྱིར་རྩོད་པ་ཀུན་ནས་སློང་ཞིང་ཆོས་གང་དག་གིས་ཐབས་ཇི་ལྟར་བྱ་བས་དེ་ཞི་བར་འགྱུར་བའི་རྒྱུ་དེ་ཉིད་ཀྱིས་བྱ་བའི་ཕྱིར་རྩོད་པ་ཡང་ཀུན་ནས་སློང་ཞིང་། ཆོས་དེ་དག་དང་ཐབས་དེ་ཉིད་ཀྱིས་ལས་ལ་མཐུན་པ་སྦྱིན་དུ་གཞུག་པ་དེ་ཞི་བར་འགྱུར་བས་རྒྱུ་གང་གིས་མི་གདམས་
[80a.7]པའི་ཕྱིར་རྩོད་པ་ཞི་བར་བྱ་བ་འཇུག་པར་འགྱུར་བའི་རྒྱུ་དེ་ནི་བྱ་བའི་ཕྱིར་རྩོད་པ་ལ་ཡང་འཇུག་གོ། །ཇི་ལྟར་ལྟུང་བ་དང་བཅས་པ་ཉིད་ཀྱི་རྒྱུ་ལས་ལྟུང་བའི་ཕྱིར་རྩོད་པ་འབྱུང་ཞིང་། དེ་ཁས་བླང་བར་བྱ་བ་དང་། མངོན་སུམ་གྱིས་འདུལ་བ་དང་། རྩྭ་བཀྲམ་པ་ལྟ་བུས་ཕྱིར་བཅོས་པ་དང་། ལས་ལ་
[80b]
[80b.1]མཐུན་པ་སྦྱིན་དུ་གཞུག་པ་དང་། དེའི་ངོ་བོ་ཉིད་ཚོལ་དུ་གཞུག་པས་ངེས་པར་འཛིན་པ་ལ་སྦྱར་བ་ཉིད་སྦྱིན་པས་ཞི་བར་འགྱུར་བ་དེ་བཞིན་དུ་ལྟུང་བ་དང་བཅས་པ་ཉིད་ཀྱི་རྒྱུ་ལས་ལ་མཐུན་པ་མི་སྦྱིན་པ་ལས་བྱ་བའི་ཕྱིར་རྩོད་པ་ཡང་འབྱུང་ཞིང་དེ་ཡང་ཁས་བླང་བར་བྱ་བ་དང་། མངོན་སུམ་གྱིས་འདུལ་བ་དང་། རྩྭ་
[80b.2]བཀྲམ་པ་ལྟ་བུས་ཕྱིར་བཅོས་པས་ལས་ལ་མཐུན་པ་སྦྱིན་དུ་གཞུག་པ་དང་། དེའི་ངོ་བོ་ཉིད་ཚོལ་དུ་གཞུག་པས་ངེས་པར་འཛིན་པ་ལ་སྦྱར་བ་ཉིད་སྦྱིན་པས་ལས་ལ་མཐུན་པ་སྦྱིན་དུ་གཞུག་པས་ཞི་བར་འགྱུར་ཏེ། དེ་ལྟར་ན་རྒྱུ་གང་གིས་ལྟུང་བའི་ཕྱིར་རྩོད་པ་ཀུན་ནས་སློང་ཞིང་ཆོས་གང་དག་གིས་ཐབས་ཇི་
[80b.3]ལྟར་བྱ་བས་དེ་ཞི་བར་འགྱུར་བའི་རྒྱུ་དེ་ཉིད་ཀྱི་བྱ་བའི་ཕྱིར་རྩོད་པ་ཀུན་ནས་སློང་ཞིང་ཆོས་དེ་དག་དང་ཐབས་དེ་ཉིད་ཀྱིས་ལས་ལ་མཐུན་པ་སྦྱིན་དུ་གཞུག་པས་དེ་ཞི་བར་འགྱུར་བའམ། རྒྱུ་གང་གིས་ལྟུང་བའི་ཕྱིར་རྩོད་པ་ཞི་བར་བྱ་བ་འཇུག་པར་འགྱུར་བའི་རྒྱུ་དེ་ནི་བྱ་བའི་ཕྱིར་རྩོད་པ་ལ་ཡང་འཇུག་
[80b.4]སྟེ། དེའི་ཕྱིར་ཞི་བ་ཐམས་ཅད་ནི་བྱ་བའི་ཕྱིར་རྩོད་པ་འཇུག་གོ་ཞེས་གསུངས་སོ། །འདིར་གཞུང་ནི་བཙུན་པ་བཅོམ་ལྡན་འདས་ཀྱིས་རྩོད་པ་བཞི་པོ་གང་གསུངས་པ་དང་། རྩོད་པ་ཞི་བར་བགྱི་བ་བདུན་པོ་གང་དག་གསུངས་པ་དེ་དག་ལ་བཙུན་པ་དགེ་སློང་གིས་རྩོད་པ་བཞི་པོ་དག་རྩོད་པ་ཞི་བར་བགྱི་བ་
[80b.5]བདུན་པོ་གང་ཡང་རུང་བས་ཉེ་བར་ཞི་བར་བགྱི་བ་དང་། ཉེ་བར་ཞི་བར་རུང་ངམ། ཉེ་བ་འཁོར་བྱ་བའི་ཕྱིར་རྩོད་པ་མ་གཏོགས་པ་མི་རུང་ངོ་ཞེས་གང་གསུངས་པ་ཡིན་ནོ། །བྱ་བའི་ཕྱིར་རྩོད་པ་ཞི་བར་བྱ་བ་བཤད་ཟིན་ཏོ།། །།ད་ནི་རྩོད་པ་གཞིའི་ཞུ་བ་སྤྱིར་བསྟན་པའི་སྐབས་ཅུང་ཞིག་བརྗོད་
[80b.6]བར་བྱ་སྟེ། ཁ་སྐོང་བར་འོས་པ་མ་ཡིན་པ་ནི་དགེ་འདུན་གྱིས་ཐ་སྙད་ལ་ཚོགས་པར་དབྱུང་བ་ཉིད་མ་ཡིན་ནོ། །བསྙེན་པར་མ་རྫོགས་པ་གཞན་གྱི་རྩོད་པ་དག་ནི་བསྙེན་པར་མ་རྫོགས་པ་དང་བཅས་པ་རྣམས་ཀྱི་དབང་དུ་བྱས་ཏེ་དེ་དག་གིས་དེ་ཞི་བར་བྱའོ། །བུད་མེད་རྣམས་ཀྱི་རྩོད་པ་ནི་སྐྱེས་པས་ཞི་བར་
[80b.7]བྱའོ། །གླེང་བ་པོ་དང་། གླེང་བར་བྱ་བ་གཉི་གའམ། གང་ཡང་རུང་བ་ཤིའམ་ཉམས་སམ། གཞན་དུ་སོང་ངམ། ནད་ཀྱི་རྣམ་པ་ཡུན་རིང་པོས་བཏབ་ན་རྩོད་པ་ཉེ་བར་ཞི་བ་གཉི་ག་ཡིན་ནོ། །རྩོད་པ་ཞི་བར་བྱ་བ་གདོན་པ་བཤད་ཟིན་ཏོ།། །།སྔར་སོ་སོར་ཐར་པའི་མདོ་འདིའི་བསྡུས་པའི་
[81a]
[81a.1]དོན་ནི་མཚན་ཉིད་རྣམ་པ་ལྔས་སྟོན་ཏེ། མཆོད་པ་དང་། གླེང་བསླང་བ་དང་། ཡང་དག་པར་བརྩམས་པ་དང་། གཞུང་རྒྱས་པ་དང་། བསྡུས་པའི་མཚན་ཉིད་ཀྱིས་སོ་ཞེས་སྨོས་པ་ལ། མཆོད་པ་དང་། གླེང་བསླང་བ་དང་། ཡང་དག་པར་བརྩམས་པའི་མཚན་ཉིད་ནི་སྔར་
[81a.2]གནས་སྐབས་ཇི་ལྟ་བ་བཞིན་དུ་བཤད་ཟིན་ཏོ། །གཞུང་རྒྱས་པའི་མཚན་ཉིད་ཀྱིས་བསྡུས་པའི་དོན་ནི་རྣམ་པ་གཉིས་ཏེ། དང་པོར་བྱ་བ་དང་། མདོ་གདོན་པའོ། །དེ་ལ་དུས་དང་པོར་བྱ་བ་ནི་མདོ་གདོན་པའི་སྔོན་རོལ་དུ་བྱ་བ་སྟེ་ཆོ་གའོ། །མདོ་གདོན་པ་ནི་གསོལ་བ་བྱས་ནས་སོ་སོར་ཐར་པའི་མདོའི་
[81a.3]གདོན་པ་རྣམ་པ་ལྔ་པོ་དག་གདོན་པ་སྟེ་ལས་སོ། །དེ་ལ་དུས་དང་པོར་བྱ་བ་བསྡུས་པའི་དོན་ནི་རྣམ་པ་དྲུག་སྟེ། སོ་སོར་ཐར་པ་མཉན་པ་ལ་རྣ་བ་མི་གཏོད་པའི་ཉེས་དམིགས་དང་། མི་འདུ་བ་དགག་པ་དང་། མཆོད་ཅིང་ལུང་དབོག་པ་དང་། ཡང་དག་པར་སྒྲུབ་ཏུ་གཞུག་པ་དང་། དེའི་ཕན་ཡོན་
[81a.4]དང་། ཡང་དག་པར་མི་བསྒྲུབ་པའི་ཉེས་དམིགས་བསྟན་པའོ། །མདོ་གདོན་པའི་བསྡུས་པའི་དོན་ཡང་རྣམ་པ་དྲུག་སྟེ། གསོལ་བ་དང་། གླེང་གཞི་གདོན་པ་དང་། ཕམ་པར་འགྱུར་བ་གདོན་པ་དང་། དགེ་འདུན་ལྷག་མ་གདོན་པ་དང་། མ་ངེས་པ་གདོན་པ་དང་། རིལ་གྱིས་གདོན་
[81a.5]པའི་མཚན་ཉིད་བསྟན་པའོ་ཞེས་སྨོས་པ་ལས། དུས་དང་པོར་བྱ་བའི་བསྡུས་པའི་དོན་ནི་རྣམ་པ་དྲུག་དང་། མདོ་གདོན་པའི་བསྡུས་པའི་དོན་རྣམ་པ་དྲུག་ལས་གསོལ་བ་གདོན་པ་ཡན་ཆད་ཀྱང་སྔར་གནས་སྐབས་ཇི་ལྟ་བ་བཞིན་དུ་བཤད་ཟིན་ཏོ། །གླེང་གཞི་གདོན་པ་ལ་སོགས་པ་སོ་སོར་ཐར་པའི་
[81a.6]མདོ་གདོན་པ་ལ་རྣམ་པ་ལྔ་པོ་དག་ཀྱང་སྔར་གནས་སྐབས་ཇི་ལྟ་བ་བཞིན་དུ་གོ་རིམས་བསྟན་ནས། ད་འདིར་དེ་དག་གི་མཇུག་བསྡུ་བ་བསྟན་པའི་ཕྱིར་ཚེ་དང་ལྡན་པ་དག་བདག་གིས་སོ་སོར་ཐར་པའི་མདོ་གདོན་པའི་གླེང་གཞི་ནི་བཏོན་ཟིན་ཏོ། །ཕམ་པར་འགྱུར་བ་ལ་ཆོས་བཞི་དང་། དགེ་འདུན་ལྷག་མའི་
[81a.7]ཆོས་བཅུ་གསུམ་དང་། མ་ངེས་པའི་ཆོས་གཉིས་དང་། སྤང་བའི་ལྟུང་བྱེད་ཀྱི་ཆོས་སུམ་ཅུ་དང་། ལྟུང་བྱེད་ཀྱི་ཆོས་དགུ་བཅུ་དང་། སོ་སོར་བཤགས་པར་བྱ་བའི་ཆོས་བཞི་དང་། བསླབ་པའི་ཆོས་མང་པོ་དང་། རྩོད་པ་ཞི་བར་བྱ་བའི་ཆོས་བདུན་པོ་བཏོན་ཟིན་ཏོ་ཞེས་བྱ་བ་གསུངས་སོ། །སོ་སོར་
[81b]
[81b.1]ཐར་པའི་མདོ་གདོན་པ་རྣམ་པ་ལྔའི་གླེང་གཞི་གདོན་པ་དང་། ཕམ་པར་འགྱུར་བ་གདོན་པ་དང་། དགེ་འདུན་ལྷག་མ་གདོན་པ་དང་། མ་ངེས་པ་གདོན་པ་དང་། རིལ་གྱིས་གདོན་པ་སྟེ། གླེང་གཞི་དང་། ཕམ་པར་འགྱུར་བ་དང་། དགེ་འདུན་ལྷག་མ་དང་། མ་ངེས་པ་ཡན་ཆད་བཞི་དང་། སྤང་བའི་
[81b.2]ལྟུང་བྱེད་མན་ཆད་རིལ་གཅིག་ཏུ་བསྡུས་པ་དང་གོ་རིམས་བཞིན་ནོ། །སོ་སོར་ཐར་པའི་མདོ་གདོན་པ་རྣམ་པ་ལྔ་པོ་དེ་དག་ལ་དགེ་སློང་རྣམས་ཀྱིས་སྦྱོར་བ་དང་། དངོས་གཞི་དང་། མཇུག་གི་སྒོ་ནས་འཇིག་རྟེན་དང་མི་འགལ་བ་དང་། འདུལ་བ་དང་མི་འགལ་བར་མངོན་པར་མཐོ་བའི་ལམ་དང་།
[81b.3]ངེས་པར་ལེགས་པའི་ལམ་ལ་ནན་ཏན་བྱ་ཞིང་ངེས་པར་འབྱུང་བའི་ཚུལ་ཁྲིམས་ཀྱི་རྒྱུ་དང་འབྲས་བུ་ལ་ཉེ་བར་སྦྱར་བ་བསྟན་པའི་ཕྱིར། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་མདོར་གཏོགས་ཤིང་མདོར་བསྡུས་པ་ནི་འདི་དག་གོ། །གང་
[81b.4]གཞན་ནས་འབྱུང་བ་ཆོས་ཀྱི་རྗེས་སུ་མཐུན་པའི་ཆོས་དེ་ལ་ཡང་ཁྱེད་རྣམས་འདུམ་པ་དང་། མཐུན་པ་དང་། དགའ་བ་དང་། མི་རྩོད་པས་སེམས་ཀུན་དུ་བསྲུང་བ་དང་། དྲན་པ་དང་བག་ཡོད་པས་རྣལ་འབྱོར་དུ་བྱའོ་ཞེས་བྱ་བ་གསུངས་སོ། །དེ་ལ་བཅོམ་ལྡན་འདས་དེ་བཞིན་གཤེགས་པ་
[81b.5]དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་ཞེས་བྱ་བ་ནི་སྟོན་པའི་ཆེ་བ་ཉིད་བསྟན་ཏེ། བཅོམ་ལྡན་འདས་ཞེས་བྱ་བ་ནི་བདུད་བཞི་བཅོམ་པ་དང་། ལེགས་པ་དྲུག་དང་ལྡན་པའི་ཕྱིར་རོ། །དེ་བཞིན་གཤེགས་པ་ཞེས་བྱ་བ་ནི་ཡང་དག་པ་ཇི་ལྟ་བ་བཞིན་དུ་རྟོགས་པ་དང་གསུངས་
[81b.6]པའི་ཕྱིར་རོ། །དགྲ་བཅོམ་པ་ཞེས་བྱ་བ་ནི་ཉོན་མོངས་པའི་དགྲ་རྣམས་བཅོམ་པ་དང་། མཆོད་པར་འོས་པའི་ཕྱིར་རོ། །ཡང་དག་པར་རྫོགས་པའི་སངས་རྒྱས་ཞེས་བྱ་བ་ནི་ཤེས་བྱ་ཐམས་ཅད་ཇི་སྙེད་ཡོད་པ་ཉིད་དང་། ཇི་ལྟ་བ་བཞིན་དུ་ཡོད་པ་ཉིད་ཡང་དག་པའི་ཡེ་ཤེས་ཀྱིས་མ་ལུས་པ་དང་།
[81b.7]ཕྱིན་ཅི་མ་ལོག་པར་ཐུགས་སུ་ཆུད་པས་གཉིད་སངས་པ་དང་པདྨ་རྒྱས་པ་བཞིན་དུ་གྱུར་པའི་ཕྱིར་རོ། །དེའི་ཞེས་བྱ་བ་ནི་སོ་སོར་ཐར་པའི་མདོ་འདི་སྟོན་པ་དེའི་ཡིན་ནོ་ཞེས་བྱ་བར་སྦྱར་ཏེ། དེས་ནི་སངས་རྒྱས་འདུལ་བའི་གཙོ། །ཞེས་བྱ་བ་དང་། སངས་རྒྱས་འདུལ་བ་གང་ཆེན་མཚོ། །ཞེས་
[82a]
[82a.1]གསུངས་པའི་དོན་མཆོད་ཅིང་སྟོན་པ་དང་། བསྟན་པའི་ཆེ་བ་ཉིད་ཀྱང་བསྟན་ཏོ། །མདོར་གཏོགས་ཤིང་མདོར་བསྡུས་པ་ནི་འདི་དག་གོ་ཞེས་བྱ་བས་ནི་བསྟན་པའི་ཆེ་བ་ཉིད་བསྟན་ཏེ། མདོར་གཏོགས་ཤིང་ཞེས་བྱ་བ་ནི་འདུལ་བའི་སྣེ་སྡོད་སྤྱིའི་མདོར་གཏོགས་པའོ། །མདོར་བསྡུས་པ་
[82a.2]ནི་ཞེས་བྱ་བ་ནི་སོ་སོར་ཐར་པའི་མདོར་བསྡུས་པའོ། །འདི་དག་གོ་ཞེས་བྱ་བ་ནི་སོ་སོར་ཐར་པའི་མདོར་བསྡུས་པ་ལྟུང་བའི་སྡེ་ལྔ་པོ་དེ་དག་སྟེ། ལྟུང་བ་སྡེ་ལྔ་ནི་ཕམ་པར་འགྱུར་བ་དང་། དགེ་འདུན་ལྷག་མ་དང་། ལྟུང་བྱེད་དང་སོ་སོར་བཤགས་པར་བྱ་བ་དང་། བསླབ་པའི་ཆོས་མང་པོ་དག་གོ། །གང་
[82a.3]གཞན་ནས་འབྱུང་བ་ཞེས་བྱ་བ་ནི་སྡེ་སྣོད་གསུམ་གྱི་གཞུང་གཞན་ནས་འབྱུང་བ་གང་ཡིན་པའོ། །ཆོས་ཀྱི་རྗེས་སུ་མཐུན་པའི་ཆོས་དེ་ལ་ཡང་ཞེས་བྱ་བ་ནི་མྱ་ངན་ལས་འདས་པའི་ཆོས་ཀྱི་རྗེས་སུ་མཐུན་པའི་ཆོས་མྱ་ངན་ལས་འདས་པའི་ཆོས་འཐོབ་པའི་ཐབས་སུ་འགྱུར་བ་ངེས་པར་འབྱུང་བའི་ཚུལ་ཁྲིམས་དང་།
[82a.4]སེམས་དང་། ཤེས་རབ་དེ་ཡང་ངོ་། །ཁྱེད་རྣམས་ཞེས་བྱ་བ་ནི་དགེ་སློང་རྣམས་སོ། །འདུམ་པ་དང་ཞེས་བྱ་བ་ནི་སྦྱོར་བའི་སྒོ་ནས་སོ། །མཐུན་པ་དང་ཞེས་བྱ་བ་ནི་དངོས་ཀྱི་སྒོ་ནས་སོ། །དགའ་བ་དང་ཞེས་བྱ་བ་ནི་མཇུག་གི་སྒོ་ནས་སོ། །མི་རྩོད་པ་དང་སེམས་ཀུན་དུ་བསྲུང་བ་དང་ཞེས་བྱ་བ་ནི་
[82a.5]འཇིག་རྟེན་དང་མི་འགལ་བར་མངོན་པར་མཐོ་བའི་ལམ་ལ་ནན་ཏན་བྱ་ཞིང་ངེས་པར་འབྱུང་བའི་ཚུལ་ཁྲིམས་ཀྱི་རྒྱུ་ལ་ཉེ་བར་སྦྱར་བ་བསྟན་ཏོ། །དྲན་པ་དང་བག་ཡོད་པས་རྣལ་འབྱོར་དུ་བྱའོ་ཞེས་བྱ་བས་ནི་འདུལ་བ་དང་མི་འགལ་བར་ལེགས་པའི་ལམ་ལ་ནན་ཏན་བྱ་ཞིང་ངེས་པར་འབྱུང་བའི་ཚུལ་
[82a.6]ཁྲིམས་ཀྱི་འབྲས་བུ་ཉེ་བར་སྦྱར་བར་བསྟན་ཏོ། །གཞུང་རྒྱས་པའི་མཚན་ཉིད་བཤད་ཟིན་ཏོ་།། །།དེའི་འོག་ཏུ་བསྡུས་པའི་མཚན་ཉིད་བཤད་པར་བྱ་སྟེ། བསྡུས་པའི་མཚན་ཉིད་ཅེས་བྱ་བ་ནི་སོ་སོར་ཐར་པའི་མདོ་མདོར་བསྡུས་ཏེ་གདོན་པའི་སྒོ་ནས་དེ་བཞིན་གཤེགས་པ་རིགས་བདུན་གྱིས་འདུལ་
[82a.7]མདོར་བསྡུས་ཏེ་བསྟན་པའོ། །དེ་ལ་བཅོམ་ལྡན་འདས་དེ་བཞིན་གཤེགས་པ་རྣམ་པར་གཟིགས་ཀྱི་སློབ་མ་རྣམས་ནི་ཉེས་པ་ཆུང་བར་འགྱུར་ཏེ། ཆོས་ལ་དགའ་བའི་གནས་དང་། དམ་པ་མ་ཡིན་པའི་ཆོས་ལ་ཞུགས་པའི་མུ་སྟེགས་ཅན་རྣམས་ལ་འཚེ་བ་ལ་མངོན་པར་དགའ་བ་ཙམ་ཞིག་ཡོད་པས་དེ་དག་
[82b]
[82b.1]དག་གི་ཉེས་པ་དེ་ཡོངས་སུ་སྤོང་བའི་ཕྱིར་བཅོམ་ལྡན་འདས་དེས་སོ་སོར་ཐར་པའི་མདོ་འདི་ལྟར་མདོར་བསྡུས་ཏེ། ཟླ་བ་ཕྱེད་ཕྱེད་ཅིང་བཏོན་པར་གྱུར་ཏེ། བཟོད་པ་དཀའ་ཐུབ་དམ་པ་བཟོད་པ་ཡི། །མྱ་ངན་འདས་པ་མཆོག་ཅེས་སངས་རྒྱས་གསུངས། །རབ་ཏུ་བྱུང་བ་གཞན་ལ་གནོད་པ་དང་། །གཞན་ལ་
[82b.2]འཚེ་བ་དགེ་སྦྱོང་མ་ཡིན་ནོ། །ཞེས་བྱ་བའོ། །དེ་ལ་བཟོད་པ་ཞེས་བྱ་བ་ནི་བཟོད་པར་བྱེད་པ་སྟེ། གཞན་གྱི་ཉེས་པ་དང་དུ་ལེན་པ་དང་། གཞན་ལ་ཞེ་སྡང་བྱ་བ་མེད་པའོ། །དེ་ཉིད་དཀའ་ཐུབ་དམ་པ་ཡིན་ཏེ་སེམས་ཀྱི་ཞེ་སྡང་སྦྱོང་བར་བྱེད་པའི་ཕྱིར་དང་། སྙིང་རྗེ་བསྐྱེད་པའི་ཕྱིར་རོ། །བཟོད་པའི་མྱ་
[82b.3]ངན་ལས་འདས་ཞེས་བྱ་བ་ལ། བཟོད་པ་ཞེས་བྱ་བ་ནི་བཟོད་པར་བྱེད་པ་སྟེ། སྡུག་བསྔལ་གྱི་བདེན་པའི་ཡུལ་གྱི་རྣམ་པ་མི་རྟག་པ་དང་། སྡུག་བསྔལ་བ་དང་སྟོང་པ་དང་། བདག་མེད་པ་དག་བཟོད་པའི་ཤེས་རབ་སྡུག་བསྔལ་དཔག་ཏུ་མེད་པ་ལ་ཆོས་ཤེས་པའི་བཟོད་པའོ། །དེ་སྔོན་དུ་བཏང་བའམ།
[82b.4]དེས་ཉེ་བར་བསྟན་པའི་མྱ་ངན་ལས་འདས་པ་ནི་བཟོད་པའི་མྱ་ངན་ལས་འདས་པ་སྟེ། ཟག་པ་མེད་པའི་ལམ་གྱིས་ཐོབ་པའི་མྱ་ངན་ལས་འདས་པའོ། །དེ་ལ་མྱ་ངན་ལས་འདས་པ་མཆོག་ཅེས་གསུངས་ཞེས་བྱ་བ་ནི་བཟོད་པའི་མྱ་ངན་ལས་འདས་པ་དེ་དངོས་པོ་ཐམས་ཅད་ཀྱི་མཆོག་ཡིན་ནོ་ཞེས་སངས་རྒྱས་བཅོམ་
[82b.5]ལྡན་འདས་རྣམས་ཀྱིས་བསྔགས་པ་སྟེ། འཇིག་རྟེན་པའི་ལམ་གྱིས་ཐོབ་པའི་མྱ་ངན་ལས་འདས་པ་ནི་གཏན་དུ་བ་མ་ཡིན་ལ། ཟག་པ་མེད་པའི་ལམ་གྱིས་ཐོབ་པའི་མྱ་ངན་ལས་འདས་པ་ནི་གཏན་དུ་བ་ཡིན་ཏེ། ཞི་བའི་ངོ་བོ་ཉིད་ཡིན་པའི་ཕྱིར་རོ། །ཇི་ལྟར་ན་བཟོད་པ་དཀའ་ཐུབ་དམ་པ་ཡིན་ཞེ་ན། དེའི་ཕྱིར།
[82b.6]རབ་ཏུ་བྱུང་བ་གཞན་ལ་གནོད་པ་དང་། །གཞན་ལ་འཚེ་བ་དགེ་སྦྱོང་མ་ཡིན་ནོ། །ཞེས་བྱ་བ་གསུངས་ཏེ། གཞན་ལ་གནོད་པར་ཞེས་བྱ་བ་ནི་ཡིད་ཀྱིས་གནོད་པ་བྱེད་པའོ། །གཞན་ལ་འཚེ་བ་ཞེས་བྱ་བ་ནི་ལུས་དང་། ངག་གཉིས་ཀྱིས་འཚེ་བའོ། །དགེ་སློང་ཞེས་བྱ་བ་ནི་ཞི་བའི་བདག་ཉིད་དོ། །འདི་སྐད་
[82b.7]བསྟན་ཏེ། དེའི་ཕྱིར་གཞན་ལ་གནོད་པ་དང་། གཞན་ལ་འཚེ་བ་དང་རབ་ཏུ་བྱུང་བའི་དགེ་སྦྱོང་རྫོགས་པ་མ་ཡིན་པ་དེའི་ཕྱིར་བཟོད་པ་ནི་དཀའ་ཐུབ་དམ་པ་ཡིན་པ་དེ་ནི་འབྲས་བུ་བཟོད་པས་ཐོབ་པའི་མྱ་ངན་ལས་འདས་པའི་ཡང་མཆོག་ཡིན་པས་དེའི་ཕྱིར་རབ་ཏུ་བྱུང་བས་བཟོད་པ་བསྟན་པར་བྱའོ་ཞེས་བསྟན་
[83a]
[83a.1]ཏོ། །བཅོམ་ལྡན་འདས་དེ་བཞིན་གཤེགས་པ་གཙུག་ཏོར་ཅན་གྱི་སློབ་མ་རྣམས་ཀྱང་ཉེས་པ་ཆུང་བར་འགྱུར་ཏེ། གཞན་གྱི་ཉེས་པ་སྒྲོགས་པ་མང་བ་ཙམ་ཞིག་ཡོད་པས་དེ་དག་གི་ཉེས་པ་དེ་ཡོངས་སུ་སྤོང་བའི་ཕྱིར་སངས་རྒྱས་བཅོམ་ལྡན་འདས་དེས་སོ་སོར་ཐར་པའི་མདོའི་
[83a.2]གཞུང་འགྲེལ་འདི་ལྟར་མདོར་བསྡུས་ཏེ་ཟླ་བ་ཕྱེད་ཕྱེད་ཅིང་བཏོན་པར་གྱུར་ཏེ། མིག་ལྡན་འགྲོ་བ་ཡོད་པ་ཡིས། །ཉམ་ང་པ་དག་ཇི་བཞིན་དུ། །མཁས་པ་འཚོ་བའི་འཇིག་རྟེན་འདིར། །སྡིག་པ་དག་ནི་ཡོངས་སུ་སྤོང་། །སྐུར་པ་མི་གདབ་གནོད་མི་བྱ། །སོ་སོར་ཐར་པའང་བསྡམ་པར་བྱ། །
[83a.3]ཟས་འདི་ཚོད་ཀྱང་རིག་པར་བྱ། །རབ་མཐའི་གནས་སུ་གནས་པར་ནི། །ལྷག་མའི་སེམས་ལ་ཡང་དག་སྦྱོར། །འདི་ནི་སངས་རྒྱས་བསྟན་པ་ཡིན། །ཞེས་བྱ་བའོ། །དེ་ལ་མིག་ལྡན་འགྲོ་བ་ཡོད་པ་ཡིས། །ཉམ་ང་བ་དག་ཇི་བཞིན་དུ། །ཞེས་བྱ་བ་ནི་ཇི་ལྟར་མིག་དང་ལྡན་པ་ལོང་བ་མ་ཡིན་པ་
[83a.4]འགྲོ་བ་ཡོད་པ་འགྲོ་ཤེས་པས་ངམ་གྲོག་དང་ཚེར་མ་དང་སྡིག་སྦྲུལ་ལ་སོགས་པ་ཉམ་ང་བ་སྡུག་བསྔལ་གྱི་རྒྱུར་གྱུར་པའི་གནས་མི་མཉམ་པ་དག་ཡོངས་སུ་སྤོང་བར་བྱེད་པ་དེ་བཞིན་དུ། མཁས་པ་འཚོ་བའི་འཇིག་རྟེན་འདིར། །སྡིག་པ་དག་ནི་ཡོངས་སུ་སྤོང་། །ཞེས་བྱ་བ་གསུངས་ཏེ།
[83a.5]མཁས་པ་བློ་དང་ལྡན་པ། རྟོག་པ་དང་། སེལ་ནུས་པ་ཡང་འཚོ་བའི་འཇིག་རྟེན་འཁོར་བ་འདི་ན་སྡིག་པ་གང་དག་ཡིན་པ་དེ་དག་ཡོངས་སུ་སྤོང་བར་བྱེད་པའོ། །ཇི་ལྟར་སྡིག་པ་དེ་དག་ཡོངས་སུ་སྤང་བར་བྱ་ཞེ་ན། དེའི་ཕྱིར། སྐུར་བ་མི་གདབ་གནོད་མི་བྱ། །ཞེས་བྱ་བ་ལ་སོགས་པ་
[83a.6]གསུངས་ཏེ། སྐུར་པ་མི་གདབ་ཅེས་བྱ་བ་ནི་གཞན་ལ་ཡང་དག་པ་དང་། ཡང་དག་པ་མ་ཡིན་པ་ཡང་རུང་བས་སྐུར་པ་མི་གདབ་པའོ། །གནོད་མི་བྱ་བ་ཞེས་བྱ་བ་ནི་གཞན་ལ་རྡེག་པ་དང་། ཚིག་རྩུབ་པོ་ལ་སོགས་པས་གནོད་པ་མི་བྱ་བའོ། །སོ་སོར་ཐར་པའང་བསྡམ་པར་བྱ། །ཞེས་
[83a.7]བྱ་བ་ལ། སོ་སོར་ཐར་པ་ཞེས་བྱ་བ་ནི་སྲོག་གཅོད་པ་དང་། མ་བྱིན་པར་ལེན་པ་དང་། མི་ཚངས་པར་སྤྱོད་པ་དང་། བརྫུན་དུ་སྨྲ་བ་དང་། ཕྲ་མ་དང་། ཚིག་འཁྱལ་པ་དང་། ངག་རྩུབ་པོ་དག་སྤོང་བའི་སྡོམ་པ་དགེ་སློང་ལ་སོགས་པའི་རིས་བདུན་པོ་དག་གོ། །དེ་བསྡམ་པར་བྱ་བ་ནི་ཡོངས་
[83b]
[83b.1]སུ་གཟུང་བར་བྱ་བ་སྟེ། དེས་ནི་བཟློག་པའི་མཚན་ཉིད་དང་། སྤྱད་པའི་མཚན་ཉིད་རྣམ་པ་གཉིས་ཀྱི་ཚུལ་ཁྲིམས་ཀྱིས་ལྷག་པའི་ཚུལ་ཁྲིམས་བསྟན་པར་ཤེས་པར་བྱའོ། །ཟས་འདི་ཚོད་ཀྱང་རིག་པར་བྱ། །ཞེས་བྱ་བ་ནི་འདི་ལྟར་དགེ་སློང་རྣམས་ཀྱིས་ཟས་སུ་རུང་བ་འདི་ལ་ཟས་ཀྱི་ཚོད་ཀྱང་ཤེས་པར་བྱ་བ་སྟེ། ཇི་
[83b.2]ཙམ་གྱིས་ལུས་ལྕི་བ་དང་རྨྱ་བར་མི་འགྱུར་བ་དེ་ཙམ་གྱི་ཚོད་ཡོངས་སུ་ཤེས་པར་བྱའོ། །རབ་མཐའི་གནས་སུ་གནས་པར་ཞེས་བྱ་བ་ནི་རབ་ཀྱི་མཐར་གྱུར་པའི་གནས་དབེན་པར་གནས་པར་བྱ་བ་སྟེ། འདིས་ནི་ལུས་དང་ཡུལ་ལེགས་པར་མཐུན་པ་དག་གི་ལས་བསྒོམ་པའི་ཚོགས་བསྟན་པར་ཤེས་
[83b.3]པར་བྱ་བའོ། །ལྷག་པའི་སེམས་ལ་ཡང་དག་སྦྱོར། །ཞེས་བྱ་བ་ལ། ལྷག་པའི་སེམས་ཞེས་བྱ་བ་ནི་སེམས་ཡོངས་སུ་སྦྱོང་བར་བྱེད་པ་སྟེ། གང་གིས་འདོད་ཆགས་ཀྱི་སྒྲིབ་པ་དང་། གཏི་མུག་གི་སྒྲིབ་པ་ལ་སེམས་རྣམ་པར་བྱང་བ་སྟེ། དེ་ཡང་ཟག་པ་དང་བཅས་པ་དང་། ཟག་པ་མེད་
[83b.4]པའི་བསམ་གཏན་ནོ། །དེ་ལ་ཡང་དག་པར་སྦྱོར་བ་ནི་ཡང་དག་པར་རྣལ་འབྱོར་དུ་བྱ་བ་སྟེ། འདིས་ནི་ལྷག་པའི་སེམས་ཀྱི་བསླབ་པ་དང་། ལྷག་པའི་ཤེས་རབ་ཀྱི་བསླབ་པ་བསྟན་པར་ཤེས་པར་བྱའོ། །འདི་ནི་སངས་རྒྱས་བསྟན་པ་ཡིན། །ཞེས་བྱ་བ་ནི་དེ་བཞིན་གཤེགས་པའི་མདོར་བསྟན་པ་
[83b.5]འདི་ནི་ཚོགས་དང་བཅས་པའི་ལམ་བསྟན་པ་ཡིན་ཏེ་དེ་ཉིད་སངས་རྒྱས་ཀྱི་བསྟན་པ་ཡིན་ནོ་ཞེས་བྱ་བའི་ཐ་ཚིག་གོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་སྐྱོབ་ཀྱི་སློབ་མ་རྣམས་ཀྱང་ཉེས་པ་ཆུང་བར་གྱུར་ཏེ། འདི་ལྟར་ཁྱིམ་པའི་སྐྱེ་བོ་དང་འགྲོགས་པར་དགའ་བ་ཙམ་ཞིག་ཡོད་པས་
[83b.6]དེ་དག་གི་ཉེས་པ་དེ་ཡོངས་སུ་སྤོང་བའི་ཕྱིར་བཅོམ་ལྡན་འདས་དེས་སོ་སོར་ཐར་པའི་མདོ་འདི་ལྟར་མདོར་བསྡུས་ཏེ། ཟླ་བ་ཕྱེད་ཕྱེད་ཅིང་བཏོན་པར་གྱུར་ཏེ། ཇི་ལྟར་བུང་བ་མེ་ཏོག་ལས། །ཁ་དོག་དྲི་ལ་མི་གནོད་པར། །ཁུ་བ་གཞིབས་ནས་འཕུར་བ་ལྟར། །དེ་བཞིན་ཐུབ་པ་གྲོང་དུ་
[83b.7]རྒྱུ། །ཞེས་བྱ་བའོ། །དེ་ལ་ཇི་ལྟར་སྲོག་ཆགས་བུང་བ་མེ་ཏོག་ལས་ཁ་དོག་དང་དྲི་ལ་མི་གནོད་པར་ཁུ་བ་གཞིབས་ཏེ་འཕུར་བ་དེ་བཞིན་དུ། ཐུབ་པ་རབ་ཏུ་བྱུང་བ་བསོད་སྙོམས་ཀྱི་ཕྱིར་གྲོང་དུ་རྒྱུ་བས་ཀྱང་། གྲོང་ནས་ཁ་དོག་དང་དྲི་ལྟ་བུ་སེམས་དང་ཚུལ་ཁྲིམས་ལ་མི་གནོད་པ་ཁུ་བ་ལྟ་བུ་ཟས་
[84a]
[84a.1]བླངས་ཏེ་འགྲོ་བར་བྱའོ་ཞེས་བྱ་བའི་ཐ་ཚིག་གོ། །བཅོམ་ལྡན་འདས་དེ་བཞིན་གཤེགས་པ་འཁོར་བ་འཇིག་གི་སློབ་མ་རྣམས་ཀྱང་ཉེས་པ་ཆུང་བར་གྱུར་ཏེ། གཞན་གྱི་སྐྱོན་དང་ཡོན་ཏན་ལ་རྟོགས་པ་ཙམ་ཞིག་ཡོད་པས་དེ་དག་གི་སྐྱོན་དེ་ཡོངས་སུ་སྤང་བའི་ཕྱིར་བཅོམ་ལྡན་
[84a.2]འདས་ཀྱིས་སོ་སོར་ཐར་པའི་མདོ་འདི་ལྟར་མདོར་བསྡུས་ཏེ་ཟླ་བ་ཕྱེད་ཕྱེད་ཅིང་བཏོན་པར་གྱུར་ཏེ། བདག་གི་རིགས་དང་མི་རིགས་ལ། །བརྟག་པར་བྱ་སྟེ་གཞན་རྣམས་ཀྱི། །མི་མཐུན་པ་དང་གཞན་དག་གི ། བྱས་དང་མ་བྱས་རྣམས་ལ་མིན། །ཞེས་བྱ་བའོ། །དེ་ལ། བདག་གི་
[84a.3]རིགས་དང་མི་རིགས་ལ། བརྟག་པར་བྱ་སྟེ་ཞེས་བྱ་བ་ནི་བདག་ཉིད་ཀྱི་རིགས་པ་དང་། མི་རིགས་པ་ལ་སོ་སོར་བརྟག་པར་བྱ་བའོ། །གཞན་རྣམས་ཀྱི་མི་མཐུན་པ་ཞེས་བྱ་བ་ནི་གཞན་རྣམས་ཀྱི་མི་རིགས་པའོ། །གཞན་དག་གི །བྱས་དང་མ་བྱས་རྣམས་ལ་མིན། །ཞེས་བྱ་བ་ནི་
[84a.4]གཞན་དག་གི་རྫོགས་པ་དང་། མ་རྫོགས་པ་རྣམས་ལ་བརྟག་པར་མི་བྱའོ། །དེ་སྐད་བསྟན་ཏེ་གཞན་དག་གི་ཡོན་ཏན་དང་སྐྱོན་ལ་རྟོག་པ་ལ་རྗེས་སུ་ཆགས་པ་དང་། ཁོང་ཁྲོ་བ་འབྱུང་བས་དེའི་ཕྱིར་གཞན་ལ་རྟོག་པ་སྤངས་ཏེ། བདག་ཉིད་ལ་བརྟག་ཅིང་བདག་ཉིད་ལ་ལེགས་པར་འདོད་པར་བྱས་ན་
[84a.5]ཕྱིས་གཞན་དག་ལ་བརྟག་པའི་སྐབས་ཡོད་པར་འགྱུར་རོ་ཞེས་བསྟན་ཏོ། །བཅོམ་ལྡན་འདས་དེ་བཞིན་གཤེགས་པ་གསེར་ཐུབ་ཀྱི་སློས་མ་རྣམས་ཀྱང་ཉེས་པ་ཆུང་བར་གྱུར་ཏེ། སྲེད་པ་དང་བཅས་པས་བསམ་གཏན་སྐྱེད་པར་བྱེད་པ་ཙམ་ཞིག་ཡོད་པས་དེ་དག་གི་ཉེས་པ་དེ་ཡོངས་སུ་སྤང་བའི་ཕྱིར་
[84a.6]བཅོམ་ལྡན་འདས་དེས་སོ་སོར་ཐར་པའི་མདོ་འདི་ལྟར་མདོར་བསྡུས་ཏེ། ཟླ་བ་ཕྱེད་ཕྱེད་ཅིང་བཏོན་པར་གྱུར་ཏེ། ལྷག་པའི་སེམས་ལ་བག་བྱ་སྟེ། །ཐུབ་པའི་ཐུབ་བཞི་རྣམས་ལ་བསླབ། །ཉེར་ཞི་རྟག་ཏུ་དྲན་ལྡན་པའི། །སྐྱོབ་པ་མྱ་ངན་མེད་པ་ཡིན། །ཞེས་བྱ་བའོ། །དེ་ལ་ལྷག་པའི་སེམས་ཞེས་
[84a.7]བྱ་བ་ནི་བསམ་གཏན་བཞི་པོ་དག་གོ། །བག་བྱ་བ་སྟེ་ཞེས་བྱ་བ་ནི། སྲེད་པ་དང་ང་རྒྱལ་དང་། ལྟ་བའི་མཆོག་ཏུ་འཛིན་པ་སྤང་ཞིང་བག་གྱིས་ཤིག་ཅེས་བྱ་བའོ། །སྤང་བ་བསྟན་ནས་བླང་བ་བསྟན་པའི་ཕྱིར་ཐུབ་བཞི་རྣམས་ལ་བསླབ་ཅེས་བྱ་བ་གསུངས་ཏེ། ཐུབ་པ་ཞེས་བྱ་བ་ནི་མཁྱེན་པ་དང་
[84b]
[84b.1]ལྡན་པ་སྟེ། ཡང་དང་ཡང་དུ་མཛད་པའི་ཕྱིར་ཐུབ་པ་ནི་སངས་རྒྱས་བཅོམ་ལྡན་འདས་སོ། །ཐུབ་པ་དེའི་ཐུབ་བཞི་ནི་འཕགས་པའི་བདེན་པ་བཞི་པོ་སྟེ། གང་དག་གིས་ཐུབ་པ་བསྐྱེད་པའོ། །དེ་རྣམས་ལ་བསླབ་པ་ནི་མཆོག་ཏུ་བསླབ་ཅིང་ནན་ཏན་གྱིས་ཤིག་ཅེས་བྱ་བའི་ཐ་ཚིག་གོ། །དེ་ལ་བསླབ་ན་ཅིར་
[84b.2]འགྱུར་ཞེ་ན། འབྲས་བུ་བསྟན་པའི་ཕྱིར། ཉེར་ཞི་རྟག་ཏུ་དྲན་ལྡན་པའི། །ཞེས་བྱ་བ་གསུངས་ཏེ། ཉེ་བར་ཞི་བ་དང་། རྟག་ཏུ་དྲན་པ་དང་ལྡན་པ་གཉིས་ཀྱིས་སྐྱོབ་པ་ཉིད་དུ་བསྟན་པར་ཤེས་པར་བྱའོ། །དེ་ལ་ཉེ་བར་ཞི་བ་ཞེས་བྱ་བ་ནི་མཉམ་པར་གཞག་པ་སྟེ། ལུས་དང་ངག་གཉིས་བསྡམས་པའོ། །
[84b.3]རྟག་ཏུ་དྲན་ལྡན་པ་ཞེས་བྱ་བ་ནི་རྟག་ཏུ་དྲན་པ་ཉེ་བར་གཞག་པའོ། །སྐྱོབ་པ་ཞེས་བྱ་བ་ནི་རང་གི་སེམས་རྗེས་སུ་བསྲུང་བའོ། །མྱ་ངན་མེད་པ་ཡིན་ཞེས་བྱ་བ་འདིས་ནི་བཟང་བ་བསྟན་ཏེ། མྱ་ངན་ལས་འདས་པས་ཤེས་བར་བྱའོ། །བཅོམ་ལྡན་འདས་དེ་བཞིན་གཤེགས་པ་འོད་སྲུངས་ཀྱི་སློབ་མ་
[84b.4]རྣམས་ཀྱང་ཉེས་པ་ཆུང་བར་གྱུར་ཏེ། སྦྱིན་པ་ལ་གུས་པ་དང་། དགྲ་མང་བར་བལྟ་བ་ཙམ་ཞིག་ཡོད་པས་དེ་དག་གི་ཉེས་པ་དེ་ཡོངས་སུ་སྤོང་བའི་ཕྱིར་བཅོམ་ལྡན་འདས་དེས་མཐར་ཐུག་པའི་ཆོས་བསྟན་པས་སོ་སོར་ཐར་པའི་མདོ་འདི་ལྟར་མདོར་བསྡུས་ཏེ། ཟླ་བ་ཕྱེད་ཕྱེད་ཅིང་བཏོན་པར་གྱུར་ཏེ། སྦྱིན་པས་བསོད་
[84b.5]ནམས་རབ་ཏུ་འཕེལ། །ལེགས་བསྡམས་དགྲ་སོགས་མི་འགྱུར་རོ། །དགེ་དང་ལྡན་པས་སྡིག་པ་སྤོང་། །ཉོན་མོངས་ཟད་པས་མྱ་ངན་འདས། །ཞེས་བྱ་བའོ། །དེ་ལ་སྦྱིན་པས་ཞེས་བྱ་བ་ནི་སྦྱིན་པར་བྱེད་པའི་མི་སྟེ། དེས་ནི་ལོངས་སྤྱོད་ཀྱི་འབྲས་བུ་ཅན་གྱི་བསོད་ནམས་ཀྱིས་ལས་རབ་ཏུ་
[84b.6]འཕེལ་བར་འགྱུར་རོ། །ཚུལ་ཁྲིམས་ལེགས་པར་བསྡམས་བས་ནི་དགྲ་སོགས་པར་མི་འགྱུར་ཏེ། ཚུལ་ཁྲིམས་ཀྱིས་དགྲའི་རྒྱུ་གསོད་པ་དང་། རྐུ་བ་དང་། བུད་མེད་ལ་ཆགས་པ་ལ་སོགས་པ་མི་སྐྱེད་པའི་ཕྱིར་རོ། །དགེ་དང་ལྡན་པས་ཞེས་བྱ་བ་ནི་བསམ་གཏན་བཞི་ཐོབ་པ་སྟེ། དེས་ནི་
[84b.7]འདོད་པ་ན་སྤྱོད་པའི་སྡིག་པ་ཁོང་ཁྲོ་བ་དང་། ཕྲག་དོག་དང་། ཁྲོ་བ་ལ་སོགས་པ་རྣམ་པར་སྨིན་པ་མི་འདོད་པར་གྱུར་པ་དག་ཡོངས་སུ་སྤོང་བར་འགྱུར་རོ། །འཕགས་པའི་ལམ་གྱིས་ཉོན་མོངས་པ་ཐམས་ཅད་ཡོངས་སུ་ཟད་པས་ནི་ཕུང་པོ་ལྷག་མ་དང་བཅས་པ་དང་། ལྷག་མ་མེད་པའི་མྱ་ངན་
[85a]
[85a.1]ལས་འདས་པ་འཐོབ་པར་འགྱུར་རོ། །དེ་ལྟ་བས་ན་སྦྱིན་པ་ནི་འཁོར་བའི་འབྲས་བུ་ཅན་ཡིན་པས་དེའི་ཕྱིར་མི་བྱ་ཞིང་། དགྲ་མང་པོ་ནི་སྡོམ་བརྩོན་དང་མི་མཐུན་པ་ཡིན་པས་དེ་མི་བྱའོ་ཞེས་བྱ་བའི་ཐ་ཚིག་གོ། །བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་བསྟན་
[85a.2]པ་ལ་ཆུ་བུར་མ་བྱུང་བའི་ཚེ་ན། དེའི་སློབ་མ་རྣམས་ཀྱང་ཉེས་པ་ཆུང་བར་གྱུར་པས། བཅོམ་ལྡན་འདས་ཀྱིས་དེ་དག་ལ་སོ་སོར་ཐར་པའི་མདོ་འདི་ལྟར་མདོར་བསྡུས་ཏེ། ཚིགས་སུ་བཅད་པ་གསུམ་གྱིས་བཏོན་པར་གྱུར་ཏེ། སྡིག་པ་ཐམས་ཅད་མི་བྱ་སྟེ། །དགེ་བ་ཕུན་སུམ་ཚོགས་
[85a.3]པར་བྱ། །རང་གི་སེམས་ནི་ཡོངས་སུ་གདུལ། །འདི་ནི་སངས་རྒྱས་བསྟན་པ་ཡིན། །ལུས་ཀྱི་སྡོམ་པ་ལེགས་པ་སྟེ། །ངག་གི་སྡོམ་པའང་ལེགས་པ་ཡིན། །ཡིད་ཀྱི་སྡོམ་པའང་ལེགས་པ་སྟེ། །ཐམས་ཅད་དུ་ནི་སྡོམ་པ་ལེགས། །ཀུན་དུ་བསྡམས་པའི་དགེ་སློང་ནི། །སྡུག་
[85a.4]བསྔལ་ཀུན་ལས་རབ་ཏུ་གྲོལ། །ངག་རྣམས་བསྲུང་ཞིང་ཡིད་ཀྱིས་རབ་བསྡམས་ཏེ། །ལུས་ཀྱིས་མི་དགེ་བ་དག་མི་བྱེད་ཅིང་། །ལས་ལམ་གསུམ་པོ་འདི་དག་རབ་སྦྱངས་ཏེ། །དྲང་སྲོང་གསུངས་པའི་ལམ་ནི་ཐོབ་པར་འགྱུར། །ཞེས་བྱ་བའོ། །སྡིག་པ་ཐམས་ཅད་མི་བྱ་སྟེ། །ཞེས་བྱ་བ་
[85a.5]འདིས་ནི་ལྷག་པའི་ཚུལ་ཁྲིམས་ཀྱི་བསླབ་པ་བསྟན་ཏོ། །དགེ་བ་ཕུན་སུམ་ཚོགས་པར་བྱ། །ཞེས་བྱ་བ་འདིས་ནི་ལྷག་པའི་ཤེས་རབ་ཀྱི་བསླབ་པ་བསྟན་ཏོ། །ཉོན་མོངས་པ་ཐམས་ཅད་སྤངས་པ་ནི་དོན་དམ་པའི་དགེ་བ་ཡིན་པའི་ཕྱིར་རོ། །རང་གི་སེམས་ནི་ཡོངས་སུ་གདུལ། །ཞེས་བྱ་བ་འདིས་ནི་ལྷག་
[85a.6]པའི་སེམས་ཀྱི་བསླབ་པ་བསྟན་ཏོ། །ལུས་ཀྱི་སྡོམ་པ་ལེགས་པ་སྟེ། །ཞེས་བྱ་བ་འདིས་ནི་སྡོམ་པ་རྣམ་པ་བཞིས་ནི་ཚུལ་ཁྲིམས་ཕུན་སུམ་ཚོགས་པ་བསྟན་ཏོ། །སྡུག་བསྔལ་ཀུན་ལས་རབ་ཏུ་གྲོལ། །ཞེས་བྱ་བ་འདིས་ནི་ཚུལ་ཁྲིམས་ཀྱི་སྐྱེས་བུའི་རྩལ་གྱི་འབྲས་བུ་ཐག་རིང་བ་བསྟན་ཏོ། །ཇི་ལྟར་ན་
[85a.7]ཚུལ་ཁྲིམས་ཀྱིས་སྡུག་བསྔལ་ཀུན་ལས་རབ་ཏུ་གྲོལ་བར་འགྱུར་ཞེ་ན། དེའི་ཕྱིར། ངག་རྣམས་བསྲུང་ཞིང་ཡིད་ཀྱིས་རབ་བསྡམས་ཏེ། །ཞེས་བྱ་བ་ལ་སོགས་པ་གསུངས་ཏེ། གང་གི་ཕྱིར་ཚུལ་ཁྲིམས་ཕུན་སུམ་ཚོགས་པས་ངན་སོང་སྦྱོང་ཞིང་། འཕགས་པའི་ལམ་ཐོབ་པ་དེས་སྡུག་བསྔལ་ཐམས་ཅད་
[85b]
[85b.1]ལས་འགྲོལ་བ་དེའི་ཕྱིར། ཚུལ་ཁྲིམས་ཀྱི་སྐྱེས་བུའི་རྩལ་གྱི་འབྲས་བུ་ཐག་རིང་བ་ཡིན་ནོ། །དེ་ལྟར་མདོར་བསྡུས་པ་དང་། རྒྱས་པར་བསྟན་པ་དེ་དག་གིས་སངས་རྒྱས་བདུན་གྱི་སོ་སོར་ཐར་པ་གདོན་པ་བསྟན་ནས། ད་ནི་མཇུག་བསྡུ་བའི་སྒོ་ནས་ནན་ཏན་བྱ་བ་བསྟན་པའི་ཕྱིར། སངས་རྒྱས་རྣམ་གཟིགས་
[85b.2]གཙུག་ཏོར་ཐམས་ཅད་སྐྱོབ། །འཁོར་བ་འཇིག་དང་གསེར་ཐུབ་འོད་སྲུངས་དང་། །ཤཱཀྱ་ཐུབ་པ་གཽ་ཏམ་ལྷ་ཡི་ལྷ། །མི་འདུལ་ཁ་ལོ་སྒྱུར་བ་བླ་ན་མེད། །འཇིག་རྟེན་མགོན་པོ་སྐྱོབ་བ་མཆོག །སངས་རྒྱས་དཔའ་བོ་བདུན་པོ་དག །གྲགས་ལྡན་རྣམས་ཀྱིས་སོ་སོར་ཐར། །འདི་ནི་རབ་ཏུ་རྒྱས་པར་
[85b.3]སྟོན། །འདི་ལ་སངས་རྒྱས་རྣམས་དང་གང་། །སངས་རྒྱས་ཉན་ཐོས་རྣམས་ཀྱང་གུས། །འདི་ལ་གུས་དང་བཅས་གྱུར་པས། །འདུས་མ་བྱས་པ་ཐོབ་པར་གྱིས། །ཞེས་བྱ་བ་ཚིགས་སུ་བཅད་པ་གསུམ་པ་ཡང་དག་པར་སྡུད་པར་བྱེད་པ་སྨྲས་སོ། །དེ་ལ་སངས་རྒྱས་རྣམ་གཟིགས་གཙུག་ཏོར་ཐམས་
[85b.4]ཅད་སྐྱོབ། །འཁོར་བ་འཇིག་དང་གསེར་ཐུབ་འོད་སྲུངས་དང་། །ཤཱཀྱ་ཐུབ་པ་གཽ་ཏམ་ལྷ་ཡི་ལྷ། །ཞེས་བྱ་བ་ནི་སངས་རྒྱས་བདུན་གྱི་མཚན་ཏེ་གོ་རིམས་བཞིན་ནོ། །གཽ་ཏམ་ལྷ་ཡི་ལྷ། མི་འདུལ་ཁ་ལོ་སྒྱུར་བ་བླ་ན་མེད། །ཅེས་བྱ་བ་དག་ནི་བཅོམ་ལྡན་འདས་ཤཱཀྱ་ཐུབ་པའི་གདུང་གི་ཡོན་ཏན་ཏན་ཏེ།
[85b.5]གཽ་ཏམ་ཞེས་བྱ་བ་ནི་གདུང་སྟེ། དྲང་སྲོང་གཽ་ཏ་མའི་རྒྱུད་ཡིན་པའི་ཕྱིར་རོ། །ལྷ་ཡི་ལྷ་ཞེས་བྱ་བ་ནི་ཆོས་ཉིད་ཀྱིས་གྲགས་པའི་སྒོ་ནས་ནི་སྙིགས་མ་ལྔ་ཤས་ཆེ་བའི་དུས་ན་སེམས་ཅན་ལ་ཕན་པ་རྫོགས་པའི་ཕྱིར་རོ། །འཇིག་རྟེན་ལ་གྲགས་པའི་སྒོ་ནས་ནི་ལྷ་རྣམས་ཀྱིས་ཀྱང་ཞབས་ལ་བཏུད་དེ་ཕྱག་བྱས་
[85b.6]པའི་ཕྱིར་རོ། །མི་འདུལ་ཁོ་ལོ་སྒྱུར་བ་བླ་ན་མེད། །ཅེས་བྱ་བ་ནི་འཇམ་པ་དང་རྩུབ་པ་གཉིས་ཀའི་རང་བཞིན་གྱི་འདུལ་བ་རྣམ་པ་གསུམ་གྱིས་འདུལ་བ་སྐྱེས་བུ་དེ་ལྟ་བུ་དག་ཕྱིན་ཅི་མ་ལོག་པར་འདུལ་བར་མཛད་པའི་ཕྱིར་རོ། །འཇིག་རྟེན་མགོན་པོ་ཞེས་བྱ་བ་ནི་ཁམས་གསུམ་པའི་མགོན་པོ་སྟེ། ཕན་པ་དཔག་
[85b.7]ཏུ་མེད་པ་མཛད་པས་ཡོངས་སུ་སྐྱོབ་པར་མཛད་པའི་ཕྱིར་རོ། །སྐྱོབ་པ་ཞེས་བྱ་བ་ནི་མངའ་དབང་གི་ཆོས་ཐམས་ཅད་ལ་དབང་ཕྱུག་བརྙེས་པའི་ཕྱིར་རམ། གདུལ་བའི་སྐྱེ་བོ་དུས་ལས་མི་ཡོལ་བས་ཡོངས་སུ་སྐྱོབ་པར་མཛད་པའི་ཕྱིར་རོ། །མཆོག་ཅེས་བྱ་བ་ནི་གཙོ་བོ་སྟེ། །བླ་ན་མེད་པའི་མཁྱེན་པ་
[86a]
[86a.1]དང་ལྡན་པའི་ཕྱིར་རམ། རྗེས་སུ་མཐུན་པའི་ཕན་པ་མཛད་པ་ཡོངས་སུ་མཁྱེན་པའི་ཕྱིར་རོ། །སངས་རྒྱས་དཔའ་བོ་ཞེས་བྱ་བ་ནི་ཡེ་ཤེས་ལ་སོགས་པ་དག་གིས་འགྲོ་བ་ཐམས་ཅད་པས་དཔའ་བའི་སངས་རྒྱས་ཞེས་བྱ་བའི་ཐ་ཚིག་གོ། །གྲགས་ལྡན་ཞེས་བྱ་བ་ནི་
[86a.2]སྙན་པ་དང་ལྡན་པ་སྟེ། །འཇིག་རྟེན་གསུམ་ལས་ཤིན་ཏུ་འདས་པའི་སྙན་པའི་ཚོགས་དང་ལྡན་པ་ཞེས་བྱ་བའི་ཐ་ཚིག་གོ། །རབ་ཏུ་རྒྱས་པར་བཏོན་ཞེས་བྱ་བ་ནི་དུས་དང་པོར་བྱ་བ་དང་། གསོལ་བ་བྱས་ནས་གདོན་པ་ལྔ་བོ་དག་བཏོན་པའོ། །འདི་ལ་སངས་རྒྱས་རྣམས་དང་གང་། །སངས་
[86a.3]རྒྱས་ཉན་ཐོས་རྣམས་ཀྱང་གུས། །ཞེས་བྱ་བ་ནི་སངས་རྒྱས་བཅོམ་ལྡན་འདས་རྣམས་ཀྱིས་ཆོས་འདུལ་བ་གཙོ་བོར་མཛད་པ་དང་། སངས་རྒྱས་ཀྱི་ཉན་ཐོས་རྣམས་ཀྱང་འདུལ་བ་ལ་གུས་པའི་ཕྱིར་རོ། །འདི་ལ་གུས་དང་བཅས་གྱུར་པས། །འདུས་མ་བྱས་པ་ཐོབ་པར་གྱིས། །ཞེས་བྱ་བ་ནི་སོ་སོར་
[86a.4]ཐར་པ་འདི་ལ་གུས་པ་དང་བཅས་པས་མྱ་ངན་ལས་འདས་པ་འདུས་མ་བྱས་པ་ཐོབ་པར་གྱིས་ཤིག་ཅེས་བྱ་བའི་ཐ་ཚིག་གོ། །ཇི་ལྟར་འདི་ལ་གུས་པ་དང་བཅས་པས་འདུས་མ་བྱས་པ་ཐོབ་པར་བྱ་ཞེ་ན། དེའི་ཕྱིར། བརྩམ་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་
[86a.5]ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྱ་བ་གསུངས་ཏེ། བརྩམ་པར་བྱ་ཞིང་ཞེས་བྱ་བ་ནི་བརྩོན་པར་གྱིས་ཤིག་
[86a.6]པའོ། །འབྱུང་བར་བྱ་ཞེས་བྱ་བ་ནི་འཁོར་བ་ལས་ངེས་པར་འབྱུང་བའི་ཕྱིར་དགོན་པ་ལ་སོགས་པ་དབེན་པར་སོང་ཤིག་ཅེས་བྱ་བའི་ཐ་ཚིག་གོ། །སངས་རྒྱས་བསྟན་ལ་ཞེས་བྱ་བ་ནི་བདེན་པ་བཞི་བསྟན་པ་ལའོ། །འཇུག་པར་བྱ་ཞེས་བྱ་བ་ནི་མགོ་དང་གོས་ལ་མེ་འབར་བ་ལྟར་མངོན་པར་བརྩོན་པར་གྱིས་
[86a.7]ཤིག་པའོ། །འདམ་བུའི་ཁྱིམ་ལ་གླང་ཆེན་བཞིན། །ཞེས་བྱ་བ་ནི། འཆི་བདག་སྡེ་ནི་གཞོམ་པར་བྱ། ཞེས་བྱ་བ་འདིའི་དཔེ་ཡིན་ཏེ། འདམ་བུའི་ཁྱིམ་གླང་པོ་ཆེས་གཞོམ་པ་བཞིན་དུའོ། །འཆི་བདག་ཅེས་བྱ་བ་ནི་འཆི་བའོ། །སྡེ་ཞེས་བྱ་བ་ནི་སྲེད་པ་ལ་སོགས་པ་འཁོར་ཏོ། །གཞོམ་པར་བྱ་
[86b]
[86b.1]ཞེས་བྱ་བ་ནི་གཞིག་པར་གྱིས་ཤིག་ཅེས་བྱ་བའོ། །ཕན་ཡོན་བསྟན་པའི་ཕྱིར་རོ། །གང་ཞིག་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྱ་བ་གསུངས་ཏེ། རབ་ཏུ་བག་ཡོད་པར་ཞེས་བྱ་བ་
[86b.2]ནི་རབ་ཏུ་བག་མེད་པ་སྤངས་པས་སོ། །ཆོས་ཞེས་བྱ་བ་ནི་འཕགས་པའི་ལམ་ཡན་ལག་བརྒྱད་པའོ། །འདུལ་བ་ཞེས་བྱ་བ་ནི་ཡང་དག་པའི་སྒྲུབ་པའི་མཚན་ཉིད་དོ། །སྤྱོད་འགྱུར་བ་ཞེས་བྱ་བ་ནི་རྗེས་སུ་སྒྲུབ་པར་འགྱུར་བའོ། །སྐྱེ་བའི་འཁོར་བ་ཞེས་བྱ་བ་ནི་སྐྱེ་བ་འཁོར་བའི་གཙོ་བོ་ཡིན་
[86b.3]པས་འཁོར་བ་སྟེ། འཁོར་བའི་སྡུག་བསྔལ་གྱི་རྩ་བ་ནི་སྐྱེ་བ་ཡིན་པའི་ཕྱིར་རོ། །དེ་ལྟར་ཡང་། སྐྱེ་འདི་དོན་མེད་གང་ཕྱིར་སྐྱེ་བ་ཡོད་ན་རྒ་ཤི་དང་། །ན་དང་སྡུག་བསྔལ་བསད་དང་བཅིང་ལ་སོགས་པའི་དགྲ་དག་ཡོད། །གལ་ཏེ་འཇིགས་མང་སྐྱེ་བ་མེད་ལ་དོན་མེད་དེ་མི་འབྱུང་། །ཤིང་
[86b.4]སྐྱེས་མེད་ན་ནགས་མེ་རླུང་གིས་སྒྱེལ་བར་མི་འགྱུར་བཞིན། །ཞེས་གསུངས་པའི་ཕྱིར་རོ། །ཡང་ན་སྐྱེ་བའི་འཁོར་བ་ཞེས་བྱ་བ་ནི་སྐྱེ་བ་དག་ཏུ་འཁོར་བའི་ཕྱིར་རོ། །རབ་སྤངས་ནས་ཞེས་བྱ་བ་ནི་གཏན་དུ་སྤངས་ནས་སོ། །སྡུག་བསྔལ་ཞེས་བྱ་བ་ནི་སྐྱེ་བ་ལ་སོགས་པའོ། །ཐ་མར་བྱེད་པར་
[86b.5]འགྱུར་ཞེས་བྱ་བ་ནི་རྒྱུན་གཅོད་པར་བྱེད་པར་འགྱུར་རོ་ཞེས་བྱ་བའི་ཐ་ཚིག་གོ། །སོ་སོར་ཐར་པའི་མདོ་གདོན་པའི་མཇུག་བསྡུ་བའི་ཕྱིར་ཡང་དག་པར་སྡུད་པར་བྱེད་པས་ཕན་ཚུན་ཚུལ་ཁྲིམས་སྲུང་བ་དང་། བསྟན་པ་འཕེལ་བར་བྱ་བའི་ཕྱིར། །སོ་སོར་ཐར་པ་འདི་བཏོན་པས། དགེ་འདུན་
[86b.6]གྱིས་ནི་གསོ་སྦྱོང་བྱས། །ཞེས་བྱ་བ་སྨྲས་ཏེ། དེ་ལ། ཕན་ཚུན་ཚུལ་ཁྲིམས་སྲུང་བ་དང་། །ཞེས་བྱ་བ་ནི་གཅིག་གིས་གཅིག་ལ་འདོམས་ཤིང་རྗེས་སུ་སྟོན་པ་དང་། གཅིག་གིས་གཅིག་ལྟུང་བ་ལས་སློང་བའོ། །བསྟན་པ་འཕེལ་བར་བྱ་བའི་ཕྱིར། །ཞེས་བྱ་བ་ནི་ཕན་ཚུན་ཚུལ་ཁྲིམས་སྲུང་
[86b.7]བ་ཉིད་དེ། དེ་ལྟ་བུས་བཅོམ་ལྡན་འདས་དེ་བཞིན་གཤེགས་པ་དེའི་འཁོར་འདི་འཕེལ་བར་འགྱུར་བའི་རིམ་གྱིས་སྟོན་པའི་བསྟན་པ་འཕེལ་ཞིང་ཡུན་རིང་དུ་གནས་པར་བྱ་བའི་ཕྱིར་རོ། །སོ་སོར་ཐར་པ་འདི་བཏོན་པས། །ཞེས་བྱ་བ་ནི་སེམས་དྲང་པོར་བསྒྲུབ་པ་དང་འགལ་བ་
[87a]
[87a.1]བཟློག་པ་ལ་སོགས་པའི་རྣམ་པ་གཞན་གྱིས་ཀྱང་གསོ་སྦྱོང་བྱ་བའི་གནས་སྐབས་འདིར་ནི་སོ་སོར་ཐར་པའི་མདོ་གདོན་པ་རྣམ་པ་ལྔ་པོ་གླེང་གཞི་གདོན་པ་དང་། ཕམ་པར་འགྱུར་བ་གདོན་པ་དང་། དགེ་འདུན་ལྷག་མ་གདོན་པ་དང་། མ་ངེས་པ་གདོན་པ་དང་། རིལ་གྱིས་
[87a.2]གདོན་པ་དག་གིས་གསོ་སྦྱོང་བྱ་དགོས་པས་སོ་སོར་ཐར་པ་འདི་བཏོན་པས་ཞེས་བྱ་བ་གསུངས་སོ། །དགེ་འདུན་གྱིས་ནི་གསོ་སྦྱོང་བྱས། །ཞེས་བྱ་བ་ནི་ཞི་གནས་ཀྱི་གསོ་སྦྱོང་དང་མཐུན་པའི་གསོ་སྦྱོང་ལས་འདིར་ནི་མཐུན་པའི་གསོ་སྦྱོང་དང་སྦྱར་རོ། །མཐུན་པའི་གསོ་སྦྱོང་རྣམ་པ་ལྔ་པོ་བཅུ་བཞི་བ་དང་བཅོ་ལྔ་པ་དང་། བཀྲ་
[87a.3]ཤིས་ཀྱི་གསོ་སྦྱོང་དང་། གནོད་པ་བྱུང་བའི་གསོ་སྦྱོང་དང་། བསྡུམ་པའི་གསོ་སྦྱོང་དག་ལ་འདིར་ཅི་རིགས་པར་སྦྱར་ཏེ། གཙོ་ཆེར་བཅུ་བཞི་པའམ། བཅོ་ལྔ་པ་དང་སྦྱར་རོ། །དེའི་འོག་ཏུ་མཇུག་བསྡུ་བའི་སྒོ་ནས། ནན་ཏན་དུ་བྱ་བ་བསྟན་པའི་ཕྱིར། གང་གི་ཕྱིར་ནི་འདི་སྟོན་དང་། །
[87a.4]གང་ཕྱིར་གསོ་སྦྱོང་བྱས་གྱུར་པ། །ཚུལ་ཁྲིམས་དེ་ནི་བསྲུང་བྱ་སྟེ། གཡག་རྔའི་རྩེ་མོ་ཇི་བཞིན་ནོ། །ཞེས་གསུངས་ཏེ། དེ་ལ། གང་གི་ཕྱིར་ནི་འདི་བཏོན་དང་། གང་ཕྱིར་གསོ་སྦྱོང་བྱས་གྱུར་པ། །ཞེས་བྱ་བ་ནི་ཕན་ཚུན་ཚུལ་ཁྲིམས་བསྲུང་བ་དང་། བསྟན་པ་འཕེལ་བར་བྱ་བའི་ཕྱིར། །
[87a.5]ཞེས་གོང་དུ་སྨོས་པ་དེའི་ཕྱིར་རོ། །ཚུལ་ཁྲིམས་དེ་ནི་བསྲུང་བྱ་སྟེ། །ཞེས་བྱ་བ་ནི་སོ་སོར་ཐར་པའི་སྡོམ་པས་བསྡུས་པའི་ཚུལ་ཁྲིམས་རྣམ་པ་དྲུག་པོ་རྣམ་པར་དབྱེ་བ་དང་། བསྡུ་བ་དང་། ཕུན་སུམ་ཚོགས་པ་དང་རྣམ་གྲངས་དང་། རྣམ་པར་དག་པ་དང་། ཡོན་ཏན་དེ་དག་སྦྱོར་བ་དང་། དངོས་དང་།
[87a.6]མཇུག་གི་སྒོ་ནས་བག་ཡོད་པས་བསྲུང་བར་གྱིས་ཤིག་ཅེས་བྱ་བའི་ཐ་ཚིག་གོ། །གཡག་རྔའི་རྩེ་མོ་ཇི་བཞིན་ནོ། །ཞེས་བྱ་བ་ནི་བག་ཡོད་པས་བསྲུང་བར་བྱ་བའི་དཔེ་ཡིན་ཏེ། ཇི་ལྟར་བསིལ་རུམ་གངས་ཁྲོད་ན་གནས་པའི་གཡག་རྔ་མ་བག་ཡོད་པས་བསྲུང་རྔ་མ་ཝ་མཇུག་ལྟར་མི་རྐྱོང་བར་རྩེ་མོ་ལྡང་
[87a.7]དུ་གཟར་ཏེ་འགྲོ་བ་དེ་བཞིན་དུ། ཚུལ་ཁྲིམས་འདི་ཡང་བག་ཡོད་པས་བསྲུང་བར་གྱིས་ཤིག་ཅེས་བྱ་བའི་ཐ་ཚིག་གོ། །ད་ནི་ཡང་དག་པར་སྡུད་པར་བྱེད་པས་འདུལ་བའི་སྡེ་སྣོད་ཡང་དག་པར་བསྡུས་པ་མཐར་ཕྱིན་ནས་དགེ་བའི་རྩ་བ་བསྔོ་བའི་ཕྱིར། སོ་སོར་ཐར་པ་བཏོན་པ་ཡི། །བསོད་ནམས་
[87b]
[87b.1]གྲུབ་པ་གང་ཡོད་པ། །དེས་ནི་འཇིག་རྟེན་མ་ལུས་པ། །ཐུབ་དབང་གོ་འཕང་ཐོབ་པར་ཤོག། །ཅེས་གསུངས་ཏེ། ཐུབ་པ་ནི་ཉན་ཐོས་དང་རང་སངས་རྒྱས་སོ། །དེའི་དབང་པོ་ནི་དེ་བཞིན་གཤེགས་པའོ། །སོ་སོར་ཐར་པ་འདི་བཏོན་པའི། །བསོད་ནམས་གྲུབ་པ་གང་ཡོད་པ། །དེས་ནི་འཇིག་རྟེན་མ་ལུས་པ། །
[87b.2]ཐམས་ཅད་ཐུབ་པའི་དབང་པོ་སངས་རྒྱས་བཅོམ་ལྡན་འདས་ཀྱི་གོ་འཕང་ཐོབ་པར་ཤོག་ཅིག་ཅེས་བྱ་བའི་ཐ་ཚིག་སྟེ། ཐམས་ཅད་ཀྱིས་དེ་ལྟར་སངས་རྒྱས་སུ་བསྔོ་བར་བྱའོ། །བསྡུ་བའི་མཚན་ཉིད་བཤད་ཟིན་ཏོ།། །།དེ་ལྟར་ཡང་དག་པར་སྡུད་པར་བྱེད་པས་སོ་སོར་ཐར་པའི་མདོ་ཡང་
[87b.3]དག་པར་བསྡུ་བ་འདི་ཡང་རྒྱུད་ཆགས་གསུམ་པའི་ཚུལ་དུ་བརྩམས་པ་ཡིན་ཏེ། དང་པོར་སྙན་པའི་བ་དན་འཇིག་རྟེན་གསུམ་དུ་གྲགས། །དམ་པའི་ཆོས་སྒྲ་སེང་གེའི་སྒྲ་བསྒྲགས་པ། །ཐམས་ཅད་མཁྱེན་པ་དཀོན་མཆོག་མཛོད་བརྙེས་པ། །ཞབས་ལ་ཚངས་དབང་གཙུག་གི་ནོར་བུས་གཏུགས། །
[87b.4]སྡུག་བསྔལ་རྒྱ་མཚོ་གཏིང་མཐའ་མེད་རྒལ་བ། །འགྲོ་བའི་གཙོ་ལ་སྤྱི་བོས་ཕྱག་འཚལ་ཏེ། །ཞེས་སྨོས་པས་ནི་ཕྱག་འཚལ་བའི་རྒྱུད་བསྟན་ཏོ། །དེའི་འོག་ཏུ། ཐམས་ཅད་མཁྱེན་པའི་བསླབ་གཞི་དཀོན་མཆོག་སྣོད། །འཕགས་པའི་ཚོགས་ཀྱི་དབུས་སུ་དབྱེ་བར་བྱ། །ཞེས་བྱ་བ་ནས། ཚུལ་ཁྲིམས་
[87b.5]དེ་ནི་བསྲུང་བྱ་སྟེ། །གཡག་རྔའི་རྩེ་མོ་ཇི་བཞིན་ནོ། །ཞེས་གསུངས་པའི་བར་གྱིས་ནི་མདོ་གདོན་པའི་རྒྱུད་བསྟན་ཏོ། །སོ་སོར་ཐར་པ་བཏོན་པ་ཡི། །བསོད་ནམས་གྲུབ་པ་གང་ཡོད་པ། །དེས་ནི་འཇིག་རྟེན་མ་ལུས་པ། །ཐུབ་དབང་གོ་འཕང་ཐོབ་པར་ཤོག། །ཅེས་གསུངས་པས་ནི་བསྔོ་བའི་རྒྱུད་
[87b.6]བསྟན་ཏོ། །སོ་སོར་ཐར་པའི་མདོའི་གཞུང་འགྲེལ་འདུལ་བའི་གཞུང་ཉིད་ལས་འབྱུང་བ་ཉི་ཚེའི་སྐབས་བསྒྱུར་བ་རྫོགས་སོ།། །།དབང་ཕྱུག་དམ་པའི་མངའ་བདག་རྒྱལ་པོ་ཆེན་པོ་དཔལ་ལྷ་བཙན་པོའི་བཀའ་ལུང་གིས། འཕགས་པ་གཞི་ཐམས་ཅད་ཡོད་པར་སྨྲ་བའི་འདུལ་བ་འཛིན་པ་
[87b.7]ཁ་ཆེ་བྱེ་བྲག་ཏུ་སྨྲ་བའི་སློབ་དཔོན་སརྦ་ཛྙཱ་དེ་ཝ་དང་། ཞུ་ཆེན་གྱི་ལོ་ཙཱ་བ་བནྡེ་ཀླུའི་རྒྱལ་མཚན་གྱིས་བསྒྱུར་ཅིང་ཞུ་ཆེན་བགྱིས་ཏེ་གཏན་ལ་ཕབ་པ།། །།འདི་ལ་ཤློ་ཀ་ནི་དགུ་སྟོང་ཡོད། བམ་པོ་ནི་ཉི་ཤུ་རྩ་བདུན་དུ་བྱས་སོ།། །།
[88a]
[88a.1]{T4105}༄༅༅། །རྒྱ་གར་སྐད་དུ། བི་ན་ཡ་སཾ་གྲ་ཧ། བོད་སྐད་དུ། འདུལ་བ་བསྡུས་པ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་དང་འཕགས་པ་ཉན་ཐོས་ཐམས་ཅད་ལ་ཕྱག་འཚལ་ལོ། །གང་གིས་མཆོག་ཏུ་འདུལ་བ་མེད་རྒྱུ་སེམས་ཅན་འདུས་པ་སྨད་པ་ཡི། །སེམས་
[88a.2]ཀྱི་ཐིབས་པོའི་ནང་དུ་རྣམ་པར་རྒྱུ་བ་ནུབ་པར་གྱུར་པ་ཡི། །མུན་པ་དེ་ཡི་སྟོབས་ཀྱིས་མ་ལུས་པ་ལ་ཁྱབ་པར་འཇུག་པ་དག །འདུལ་བ་ཉི་མའི་འོད་ཟེར་ལག་པས་རྣམ་གསལ་དེ་ལ་ཕྱག་འཚལ་ལོ། །དོན་གང་གཞི་དང་ཕྲན་ཚོགས་གླེང་གཞི་སིལ་བུ་ལ་ཡོད་རྣམ་པར་འབྱེད་ལས་གང་གསུངས་
[88a.3]དང་། །གང་དག་ལྔ་པ་དང་ནི་བཅུ་དྲུག་པ་དང་ཉེ་བ་འཁོར་གྱིས་ཞུས་ལས་བཤད་པ་དང་། །གང་དག་བྲམ་ཟེའི་བུ་མོ་དང་ནི་འདུལ་བྱེད་དེ་བཞིན་གང་དག་མ་མོ་ལས་བཤད་པ། །རིན་ཆེན་ཡོན་ཏན་འོད་འབར་བཞིན་དུ་ཡོན་ཏན་འབར་བ་དེ་དག་འདིར་ནི་རིམ་བཞིན་བཞག །སོ་སོར་ཐར་པ་ཞེས་བྱ་
[88a.4]བ་ནི་ཉོན་མོངས་པ་ཡོངས་སུ་མ་ཉམས་པ་ཆུང་ངུའི་ཡང་ཆུང་ངུ་ལ་སོགས་པའི་རྣམ་པ་ལས་ཤིན་ཏུ་ཐར་པར་བྱེད་པས་སོ་སོར་ཐར་པའོ། །ཐོས་པ་ཞེས་བྱ་བ་ནི་ཚིག་དང་དོན་རྣ་བའི་རྣམ་པར་ཤེས་པ་དང་། དེའི་རྗེས་ལས་བྱུང་བའི་ཡིད་ཀྱི་རྣམ་པར་ཤེས་པས་ཡོངས་སུ་བཅད་པའོ། །རྙེད་པར་དཀའ་
[88a.5]ཞེས་བྱ་བ་ནི་སངས་རྒྱས་བརྒྱ་ལམ་བརྒྱ་ལམ་ན་འབྱུང་བ་དང་བདེ་འགྲོ་ལ་སོགས་པ་རྙེད་པར་དཀའ་བའི་ཕྱིར་རོ། །བསྐལ་པ་བྱེ་བ་རྣམས་སུ་ཞེས་བྱ་བ་ནི་བསྐལ་བ་ཆེན་པོ་བྱེ་བར་ཡང་མི་རྙེད་ལ་བརྒྱ་ལམ་ན་ལྷག་པར་ཡང་མི་རྙེད་པས་མང་དུ་བསྟན་པའི་ཕྱིར་འདི་གསུངས་སོ། །གཟུང་བ་ཞེས་བྱ་བ་ནི་
[88a.6]ཚིག་དང་དོན་ཤེས་རབ་ཀྱིས་རྟོགས་པའོ། །འཛིན་པའང་ཞེས་བྱ་བ་ནི་དྲན་པས་དེ་ཉིད་ཁ་ཏོན་བྱ་བ་ལ་སོགས་པའི་ཚུལ་གྱིས་ཡུན་རིང་དུ་མི་བརྗེད་པར་བྱེད་པའོ། །བསྒྲུབ་པ་ཞེས་བྱ་བ་ནི་དེའི་དོན་ལུས་དང་ངག་དང་ཡིད་རྣམས་ཀྱི་ནན་ཏན་དུ་བྱེད་པའོ། །ཤིན་ཏུ་རྙེད་པར་དཀའ་ཞེས་བྱ་བ་ནི་ནན་ཏན་
[88a.7]ཅན་གྱིས་ཀྱང་ཚོགས་ཆེན་པོས་རྙེད་པའི་ཕྱིར་རོ། །དེའི་ཕྱིར་ཚིགས་སུ་བཅད་པ་འདིས་ལུང་དང་རྟོགས་པ་ལས་སོ་སོར་ཐར་པའི་རྙེད་པར་དཀའ་བ་བསྟན་ཏེ། ཐོས་པ་དང་གཟུང་བ་དང་འཛིན་པ་ནི་ལུང་ལས་སོ། །སྒྲུབ་པ་ནི་རྟོགས་པ་ལས་སོ། །སངས་རྒྱས་རྣམས་ནི་འབྱུང་བ་བདེ། །ཞེས་བྱ་
[88b]
[88b.1]བྱ་བ་ནི་ལྷུམས་སུ་ཞུགས་པའི་དུས་སམ་བལྟམ་པའི་དུས་ན་སངས་རྒྱས་འབྱུང་བའོ། །ཕྱིས་འབྱུང་བའི་ཚུལ་གྱིས་བྱང་ཆུབ་སེམས་དཔའ་ལ་སངས་རྒྱས་ཞེས་བྱའོ། །ཡང་ན་མངོན་པར་རྫོགས་པར་བྱང་ཆུབ་པའི་དུས་ན་སངས་རྒྱས་འབྱུང་བ་སྟེ། དེའི་ཚེ་སངས་རྒྱས་ཞེས་བྱ་བའི་རྒྱུ་ཐམས་ཅད་མཁྱེན་
[88b.2]པ་ཉིད་ཐོབ་པའི་ཕྱིར་རོ། །རྣམ་པར་གྲོལ་ན་དགའ་བ་དང་བདེ་བའི་རྒྱུར་འགྱུར་བའི་ཕྱིར་གཙོར་ནི་དེ་བདེ་བ་སྟེ། མི་བདེའོ་ཞེས་བྱ་བ་བཞིན་ནོ། །ཆོས་བསྟན་པ་ཞེས་བྱ་བ་ནི་མདོ་ལ་སོགས་པ་གསུང་རབ་ཡན་ལག་བཅུ་གཉིས་བཤད་པའོ། །དགེ་འདུན་ཞེས་བྱ་བ་ནི་སྐྱེས་བུ་ཆེན་པོ་གང་
[88b.3]ཟག་བརྒྱད་དོ། །མཐུན་པ་ཞེས་བྱ་བ་ནི་ཚུལ་ཁྲིམས་དང་། ལྟ་བ་དང་། ཆོ་ག་དང་། འཚོ་བ་མཚུངས་པ་སྟེ། བྱ་བ་གཅིག་པ་དང་། ཐ་མི་དད་པ་ཞེས་བྱ་བའི་བར་དུའོ། །མཐུན་པ་རྣམས་ཀྱིས་ཞེས་བྱ་བ་ནི་ཚུལ་ཁྲིམས་ཡོངས་སུ་སྦྱོང་བའི་ཕྱིར་རོ། །དཀའ་ཐུབ་ཅེས་བྱ་བ་ནི་
[88b.4]བསླབ་པ་གསུམ་བསྒྲུབ་པ་སྟེ་ཉོན་མོངས་པ་གདུང་བར་བྱེད་པས་དཀའ་ཐུབ་བོ། །དེ་བས་ན་ཚིགས་སུ་བཅད་པ་འདིས་དཀོན་མཆོག་གསུམ་འབྱུང་བ་དེ་ནི་བདེ་བའི་རྒྱུར་བསྟན་ཏོ། །ཚིགས་སུ་བཅད་པ་གསུམ་པས་ནི་དགེ་བའི་བཤེས་གཉེན་བསྟེན་པ་དང་། མི་དགེ་བའི་གྲོགས་པོ་སྤོང་བ་བདེ་
[88b.5]བའི་རྒྱུར་སྟོན་ཏོ། །ཕྱེད་གོང་མ་དང་ཕྱེད་འོག་མ་དང་གོ་རིམས་བཞིན་ནོ། །སྡིག་པ་རྣམས་ལས་རིང་དུ་སོང་བས་འཕགས་པ་ཞེས་བྱ་བའོ། །དམ་པ་དག་ཅེས་བྱ་བ་ནི་འཕགས་པ་དེ་ཉིད་དེ་ལེགས་སོ་ཞེས་སྟོན་པའོ། །བྱིས་པ་རྣམས་ཞེས་བྱ་བ་ནི་འཕགས་པ་མ་ཡིན་པ་སྟེ་སྡིག་པ་བྱེད་པ་
[88b.6]རྣམས་སོ། །ཚིགས་སུ་བཅད་པ་བཞི་པས་ནི་དགེ་བའི་བཤེས་གཉེན་གྱི་རབ་ཏུ་དབྱེ་བ་སྟོན་ཏོ། །འཕགས་པ་ནི་རྣམ་པ་གཉིས་ཏེ་བརྡར་བཏགས་པ་དང་དོན་དམ་པའོ། །ཀུན་རྫོབ་ཀྱི་ཡང་རྣམ་པ་གཉིས་ཏེ། ཞི་གནས་ཀྱི་ཡན་ལག་ལ་གནས་པ་དང་། ལྷག་མཐོང་གི་ཡན་ལག་ལ་གནས་པའོ། །
[88b.7]དེ་ལ། ཚུལ་ཁྲིམས་ལྡན་པ་མཐོང་བས་བད། །ཞེས་བྱ་བ་ནི་ཞི་གནས་ཀྱི་ཡན་ལག་ལ་གནས་པ་སྟེ། ཀུན་འབྱུང་བ་སྤངས་པས་སྡིག་པ་རྣམས་ལས་རིང་དུ་སོང་བའི་ཕྱིར་ཀུན་རྫོབ་ཀྱི་འཕགས་པའོ། །མང་དུ་ཐོས་པ་མཐོང་བ་བདེ། །ཞེས་བྱ་བ་ནི་ལྷག་མཐོང་གི་ཡན་ལག་ལ་གནས་པའོ། །ཕྱེད་འོག་
[89a]
[89a.1]མས་ནི་ཞི་གནས་དང་ལྷག་མཐོང་གི་མཐའ་ལ་གནས་པ་དོན་དམ་པའི་འཕགས་པ་སྟེ་དགེ་བའི་བཤེས་གཉེན་དུ་སྟོན་ཏོ། །དགྲ་བཅོམ་པ་ནི་འཁོར་བར་མི་འབྱུང་བའི་ཆོས་ཀྱི་མཚན་ཉིད་དེ་ཡང་སྲིད་པ་ལས་རྣམ་པར་གྲོལ་བར་སྟོན་ཏོ། །གཞན་ལས་རྣམ་པར་གྲོལ་བ་ནི་ཕུང་པོའི་ལྷག་མ་མེད་པའོ། །
[89a.2]ཞེས་འབྱུང་བ་ནི་སྡུག་བསྔལ་གྱི་བདེན་པའི་རང་བཞིན་ཕུང་པོ་དང་བཅས་པས་ཉོན་མོངས་པའི་འཆིང་བ་ལས་རྣམ་པར་གྲོལ་ལོ་ཞེས་བྱ་བའི་བར་དུའོ། །འཇུག་དོགས་བདེ་བའི་ཆུ་ཀླུང་བདེ། །ཞེས་བྱ་བ་ལ་རྣམ་པར་གྲོལ་བ་ནི། ཆུ་ཀླུང་སྟེ་དེ་མཐའ་གཉིས་རྣམ་པར་སྤངས་པའི་ལམ་གྱིས་ཐོབ་པའི་ཕྱིར།
[89a.3]འཇུག་ངོགས་བདེ་ཞེས་བྱ་བ་དཔེ་ཉེ་བར་བསྟན་པའི་ཚིག་འདི་བསྟན་ཏེ། ཇི་ལྟར་ཆུ་ཀླུང་བདེ་བའི་རྒྱུ་ཡིན་པས་བདེ་བ་དེ་བཞིན་དུ་སངས་རྒྱས་འབྱུང་བ་ལ་སོགས་པའོ། །དེ་བས་ན་འདིས་གོང་དུ་བཤད་པའི་དབང་གིས་ཐོབ་པར་བྱ་བ་ནི་བདེ་བའི་རྒྱུར་བསྟན་ཏོ། །ཆོས་ཀྱིས་རྒྱལ་བའི་སྐྱེ་བོ་བདེ། །
[89a.4]ཞེས་བྱ་བ་ནི་བསྒྲུབ་པ་དང་བདེན་པ་བདེ་བའི་རྒྱུར་བཤད་དེ་བསྒྲུབ་པའི་ཆོས་འདིས་མི་མཐུན་པའི་ཕྱོགས་ཕམ་པར་བྱས་པས་ཆོས་ཀྱིས་རྒྱལ་བ་ཞེས་བྱའོ། །དོན་འདི་ཉིད་ཕྱེད་འོག་མ་ལ་སྟོན་ཏེ། ཤེས་རབ་ཀྱི་རལ་གྲིས་ང་རྒྱལ་གྱི་རྒྱལ་མཚན་བཅད་པའི་ཕྱིར་རོ། །ཚིགས་སུ་བཅད་པ་དྲུག་པ་ལས་
[89a.5]ནི་སྒྲུབ་པ་དང་ལྡན་པ་དེ་ཉིད་སྦྱངས་པའི་ཡོན་ཏན་ཕུན་སུམ་ཚོགས་པ་དང་ལྡན་པས་བདེ་བའི་རྒྱུར་བསྟན་ཏོ། །ངེས་པར་བྱས་ཞེས་བྱ་བ་ནི་བསམ་པ་ངེས་པར་འཛིན་པའི་ཕྱིར་སྦྱངས་པའི་ཡོན་ཏན་གྱི་ཐོག་མའི་དག་པ་སྟོན་ཏོ། །མང་དུ་ཐོས་པ་ཞེས་བྱ་བ་འདིས་ནི་འབྲས་བུ་དང་བཅས་པར་སྟོན་ཏེ།
[89a.6]མང་དུ་ཐོས་པ་ནི་དེའི་འབྲས་བུ་དང་ལྡན་པ་ཡིན་གྱི་གཞན་ནི་མ་ཡིན་ནོ། །དབང་པོ་དུལ་བ་དག་ཅེས་བྱ་བ་ནི་ཡོངས་སུ་སྤྱོད་པ་གཙང་བ་སྟེ། དབང་པོ་སྡོམ་པ་དང་ལྡན་པའི་ཕྱིར་རོ། །ཞི་བ་རྣམས་སུ་ཞེས་བྱ་བ་ནི་གནས་ཕུན་སུམ་ཚོགས་པ་རྣམས་སོ། །དགོན་པ་རྣམས་སུ་ཞེས་བྱ་བ་ནི་
[89a.7]གནས་པ་བདེ་ཞེས་བྱ་བ་དེ་དང་འབྲེལ་ཏོ། །རྒས་གྱུར་རྣམས་ཀྱིས་ཞེས་བྱ་བ་ནི། གང་དུ་ཞེ་ན་ནགས་རྣམས་སུ། །ཞེས་བྱ་བ་འདི་དང་འབྲེལ་ཏོ། །དེ་བས་ན་འདིས་ནི་ཡོངས་སུ་མ་ཉམས་པའི་དངོས་པོར་བསྟན་ཏོ། །རྒས་གྱུར་རྣམས་ཀྱིས་ཞེས་བྱ་བ་དེ་ཉིད་ཀྱི་དོན་ནི། །དར་ལ་བབས་པ་ཡོལ་རྣམས་ཀྱི། །
[89b]
[89b.1]ཞེས་བྱ་བར་བསྟན་ཏོ། །གླེང་གཞིའི་བསྡུས་པའི་དོན་ནི་ལུང་དབོག་པ་དང་མི་འདུ་བ་དགག་པ་དང་། མི་འདུར་གནང་བ་དང་། མཆོད་པའི་ཆོ་ག་དང་། ཡང་དག་པར་འཛིན་དུ་གཞུག་པ་དང་། ཡང་དག་པར་འཛིན་པའི་ཕན་ཡོན་དང་། ཡང་དག་པར་མི་འཛིན་པའི་ཉེས་དམིགས་དང་། ཡང་
[89b.2]དག་པར་བསྒོ་བ་དང་། འཁོར་རྣམ་པར་དག་པའོ། །དེ་ལ་ལུང་དབོག་པའི་དབང་དུ་མཛད་ནས། འདས་པ་ཞེས་བྱ་བ་ལ་སོགས་པ་གསུངས་ཏེ། ཐལ་བ་ཞེས་བྱ་བའི་ཐ་ཚིག་གོ། །སོ་ག་རྣམས་ཀྱི་ཞེས་བྱ་བ་ནི་དུས་གསུམ་ལས་གང་ཡང་རུང་སྟེ་གཅིག་ཅིག་སོ་སོར་ཐར་པ་འདོན་པའི་ཆེ་བརྗོད་
[89b.3]དོ། །གྲང་བ་དང་། དྲོ་བ་དང་། གྲང་བ་ཡང་མ་ཡིན། དྲོ་བ་ཡང་མ་ཡིན་པ་ལས་དུས་གསུམ་དུ་རྣམ་པར་གཞག་གོ། །ཇི་ཙམ་གྱི་སྒྲ་ནི་ཚད་ཙམ་སྟོན་ཏེ། དུས་དེ་དང་མཐུན་པར་བརྗོད་པར་བྱའོ། །ལྷག་མ་ཞེས་བྱ་བ་ནི་དུས་དེའི་ལྷག་མ་ཇི་ཙམ་དུ་ལུས་པ་དེའི་ཚད་བརྗོད་པར་བྱ་བ་སྟེ། ཐམས་ཅད་ཀྱི་
[89b.4]མིང་སྤྱིའི་སྒྲས་ཚད་ཀྱི་སྤྱི་བརྗོད་དོ། །མངོན་པར་འོང་ཞེས་བྱ་བ་ནི་འོང་བའོ། །རྒ་བ་དང་འཆི་བ་ནི་རྒ་ཤིའོ། །ཅིའི་ཕྱིར་སྲིད་པའི་ཡན་ལག་གཅིག་པུ་གསུངས་ཀྱི་སྲིད་པའི་ཡན་ལག་མྱ་ངན་ལ་སོགས་པ་ཉེས་དམིགས་གཞན་རྣམས་ནི་མ་ཡིན་ཞེ་ན། ཚངས་པར་སྤྱོད་པ་ཕུན་སུམ་ཚོགས་པར་
[89b.5]འགྱུར་བའི་རྒྱུའི་གཙོ་བོ་ཡོངས་སུ་ཉམས་པ་བརྗོད་པའི་དབང་དུ་མཛད་པ་ཡིན་པའི་ཕྱིར་རོ། །གཉིས་ཀྱིས་ན་ཚངས་པར་སྤྱོད་པ་ཕུན་སུམ་ཚོགས་པར་འགྱུར་ཏེ། ལུས་དང་སྐྱེ་བའི་གནས་སོ། །དེ་ལ་རྒ་བ་དང་འཆི་བ་གཉིས་ཀྱིས་ནི་ལུས་ཡོངས་སུ་ཉམས་པ་སྟོན་ཏེ། སྦྱོར་བ་མི་བཟོད་པ་དང་།
[89b.6]རྒྱུན་ཆད་པ་གོ་རིམས་བཞིན་ནོ། །སྐྱེ་བའི་གནས་ཡོངས་སུ་ཉམས་པ་ནི་སྟོན་པའི་བསྟན་པ་འཇིག་པར་བསྟན་པའོ། །བསྟན་པ་འཇིག་པ་ཇི་ལྟ་བུ་ཞེ་ན། སྒྲུབ་པ་ལ་ཡོངས་སུ་ཉམས་པའོ། །དོན་ཕྱིན་ཅི་མ་ལོག་པར་སྟོན་པས་སྟོན་པ་སྟེ་དེ་བཞིན་གཤེགས་པའོ། །བསྟན་པ་ནི་གསུང་
[89b.7]རབ་ཡན་ལག་བཅུ་གཉིས་ཏེ། དེས་བཅོམ་ལྡན་འདས་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ལ་སྟོན་ཏོ། །གང་གི་ཕྱིར་དེ་ལྟར་གཉི་ག་ཡོངས་སུ་ཉམས་པ་དེའི་ཕྱིར་བག་ཡོད་པ་ལ་གཟུད་པར་བཞེད་པས། ཚེ་དང་ལྡན་པ་དག་གིས་བག་ཡོད་པས་རྣལ་འབྱོར་དུ་བྱའོ་ཞེས་གསུངས་སོ། །
[90a]
[90a.1]བག་ཡོད་པར་ཞེས་གསུངས་པའི་དོན་ནི་དགེ་བའི་ཆོས་ཐམས་ཅད་བསྒོམ་པ་བསྡུ་བའི་དོན་ཏོ། །རྣལ་འབྱོར་ཅེས་གསུངས་པ་ནི་འཇིག་རྟེན་ལས་འདས་པའི་ལམ་ལ་སྦྱོར་བར་གཟུད་པའི་དོན་ཏེ། ཞི་གནས་དང་། ལྷག་མཐོང་ཟུང་དུ་འབྲེལ་བར་འགྲོ་བའི་ལམ་ནི་རྣལ་འབྱོར་ཅེས་བྱའོ། །
[90a.2]བག་ཡོད་པས་འཐོབ་བོ་ཞེས་བྱ་བ་ནི་བཅོམ་ལྡན་འདས་ཀྱིས་ཐུགས་སུ་ཆུད་ནས་བསླབ་པའི་ཚོགས་བཅས་ཏེ་ཞེས་བྱ་བ་གཞན་ཡང་ཐུགས་སུ་ཆུད་ནས་བསྟན་ཏོ་དེ་བཞིན་གཤེགས་པ་ཞེས་བྱ་བ་ནི་ཇི་ལྟར་འགྲོ་བར་བྱ་བ་དེ་བཞིན་དུ་གཤེགས་པས་དེ་བཞིན་གཤེགས་པའོ། །གང་ཟག་ཐམས་ཅད་
[90a.3]ཀྱིས་མཆོད་པར་འོས་པས་དགྲ་བཅོམ་པའོ། །ཡང་དག་པར་རྫོགས་པའི་སངས་རྒྱས་རྣམས་ཀྱིས་ཞེས་བྱ་བ་ནི་ཕྱིན་ཅི་མ་ལོག་པར་ཀུན་ནས་ཐུགས་སུ་ཆུད་པའི་ཕྱིར་རོ། །བྱང་ཆུབ་ཀྱི་ཕྱོགས་རྣམས་ཞེས་བྱ་བ་ནི་དེ་དག་ཀྱང་བག་ཡོད་པས་འཐོབ་བོ་ཞེས་བྱ་བ་དང་འབྲེལ་ཏོ། །བྱང་ཆུབ་
[90a.4]སྐྱེད་པར་བྱེད་པའི་དགེ་བའི་ཆོས་གང་ཡིན་པ་དེ་དག་ཐམས་ཅད་ནི་འདིར་བྱང་ཆུབ་ཀྱི་ཕྱོགས་རྣམས་སུ་འདོད་དོ། །མི་འདུ་བ་དགག་པའི་དབང་དུ་མཛད་ནས། དགེ་འདུན་གྱི་ཇི་ཞེས་བྱ་བ་ལ་སོགས་པ་གསུངས་ཏེ་མེད་དོ་ཞེས་བྱ་བའི་ཚིག་གི་དོན་ཏོ། །སྔར་ཅི་ཞིག་བྱ་ཞེ་ན། གང་
[90a.5]མ་བྱས་པ་དེས་མི་མཐུན་པས་མི་འདུའོ། །དེ་བས་ན་དོན་ཉུང་བ་ཞེས་བྱ་བ་གསུངས་སོ། །གཞན་དག་ན་རེ་གསོ་སྦྱིན་བྱེད་པས་ཐོག་མར་བྱ་དགོས་པའི་ཕྱིར་གསོ་སྦྱིན་བྱ་བའི་གནས་སུ་སྐྱང་ནུལ་དང་ཕྱག་དར་བྱ་བ་ལ་སོགས་པ་ནི་ཐོག་མར་བྱ་བའོ་ཞེའོ། །དོན་ཉུང་བ་བྱ་བ་ཉུང་བ་ཞེས་བྱ་བ་ལ་
[90a.6]འདོད་པ་ཆུང་བའི་རྒྱུ་མཐུན་པ་ནི་དོན་ཉུང་བའོ། །དེ་ལ་ཡིད་ནི་དོན་ཉུང་བའོ། །ལུས་དང་ངག་ནི་བྱ་བ་ཉུང་བའོ། །བཅོམ་ལྡན་འདས་ཞེས་བྱ་བ་ནི་བདུད་བཞི་བཅོམ་པའི་ཕྱིར་བཅོམ་ལྡན་འདས་ཞེས་བྱའོ། །གཞན་གྱི་སྒྲའི་རྗེས་སུ་འགྲོ་བས་གཞན་ལས་ཐོས་པ་ནི་ཉན་ཐོས་སོ། །
[90a.7]དེ་དག་འདུས་པ་མི་ཕྱེད་པས་ཉན་ཐོས་ཀྱི་དགེ་འདུན་ནོ། །མི་འདུར་གནང་བའི་དབང་དུ་མཛད་ནས། མ་ལྷག་པ་རྣམས་ཞེས་བྱ་བ་ལ་སོགས་པ་གསུངས་ཏེ། གསོ་སྦྱིན་བྱ་བའི་གནས་སུ་མ་ཕྱིན་པ་རྣམས་སོ། །ཚེ་དང་ལྡན་པ་དག་ཅེས་བྱ་བ་ནི་ཡང་ན་གཞོན་པ་ཡང་ན་
[90b]
[90b.1]རྒན་པའོ། །བཅོམ་ལྡན་འདས་ཀྱིས་ནི་གཞོན་ནུས་དགེ་སློང་རྒན་པ་ལ་མིང་ངམ་རུས་ནས་དབྱུང་བར་མི་བྱའོ། །ཚེ་དང་ལྡན་པ་ཞེའམ། བཙུན་པ་ཞེས་བརྗོད་པར་བྱའོ་ཞེས་གསུངས་སོ། །དེ་བཞིན་གཤེགས་པ་ནི་ཡོན་ཏན་གྱི་ཚིག་ཏུ་བརྗོད་པར་བྱའོ། །འདུན་པ་ཞེས་བྱ་བ་ནི་དགེ་སློང་གང་ན་བར་འགྱུར་
[90b.2]པའམ། དགེ་བའི་ཕྱོགས་ཁྱད་པར་ཅན་ལ་སྦྱོར་བ་དེས་བླ་གོས་ཕྲག་པ་གཅིག་ཏུ་གཟར་ཏེ། མཆིལ་ལྷམ་གཉིས་ཕུད་ལ་ཅི་རིགས་སུ་བྱས་ནས་ཙོག་ཙོག་པོར་འདུག་སྟེ། ཐལ་མོ་སྦྱར་བ་བཏུད་ནས་འདི་སྐད་དུ། ཚེ་དང་ལྡན་པ་དགོངས་སུ་གསོལ། བདག་དགེ་སློང་མིང་འདི་ཞེས་བགྱི་བ་ནད་
[90b.3]ཚབས་ཆེ་བའམ། དགེ་བའི་ཕྱོགས་ལ་སྦྱོར་ཏེ། དགེ་འདུན་ཆོས་བཞིན་དུ་མཛད་པ་འདུན་པ་དབུལ་ལོ། །འདུན་པ་ཡང་བརྗོད་དོ། །བརྗོད་པ་ཡང་རིག་པར་བགྱིད་དོ་ཞེས་བརྗོད་པར་བྱ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། ལུས་ཀྱིས་གོ་བར་བྱེད་པའམ། ངག་གིས་
[90b.4]གོ་བར་བྱེད་པ་བྱིན་ན་འདུན་པ་ཕུལ་བ་ཡིན་ནོ། །ཇི་སྟེ་འདུན་པ་མ་ཕུལ་ན་དགེ་འདུན་དེར་འདོང་བར་བྱའོ། །ཡང་ན་དགེ་སློང་གི་དགེ་འདུན་གྱི་ནང་དུ་དགུག་པར་བྱའོ། །རྣམ་པ་གཞན་དུ་ན་འགལ་ཚབས་ཅན་དུ་འགྱུར་རོ། །ཡོངས་སུ་དག་པ་ཞེས་བྱ་བ་ནི་འདུན་པ་བཞིན་དུ་བརྗོད་པར་བྱ་སྟེ། དེ་
[90b.5]ལ་བྱེ་བྲག་ནི་དེང་དགེ་འདུན་གྱི་གསོ་སྦྱོང་བཅོ་ལྔ་པ་ལགས་ལ། བདག་དགེ་སློང་མིང་འདི་ཞེས་བགྱི་བའི་གསོ་སྦྱོང་ཡང་བཅོ་ལྔ་པ་ལགས་ཏེ། བདག་དགེ་སློང་མིང་འདི་ཞེས་བགྱི་བ་བར་ཆད་ཀྱི་ཆོས་རྣམས་ཡོངས་སུ་དག་གོ་ཞེས་བདག་ཉིད་མཆིའོ། །བདག་གིས་གསོ་སྦྱིན་དང་ཡོངས་སུ་
[90b.6]དག་པ་ཡང་བརྗོད་དོ། །བརྗོད་པ་ཡང་རིག་པར་བགྱིད་དོ་ཞེས་ལན་གསུམ་དུ་བཟླ་བར་བྱའོ། །འདུན་པ་ཕུལ་བས་ནི་དགེ་འདུན་དང་མཐུན་པར་འགྱུར་རོ། །ཡོངས་སུ་དག་པ་ཕུལ་བས་ནི་གསོ་སྦྱིན་བྱ་བའི་ཚེ་བདག་ཉིད་སྣོད་དུ་གྱུར་པར་བསྟན་པ་ཡིན་ཏེ། གཉི་ག་དབུལ་བར་བྱའོ། །དྲིས་ཤིག་
[90b.7]ཅེས་བྱ་བ་ནི་གང་གིས་འདུན་པ་དང་ཡོངས་སུ་དག་པ་དབུལ་བར་བྱ་བ་དེ་དབུལ་དུ་གཞུག་པ་སྟེ་དེ་སྦྱིན་པར་བྱ་བའི་ཕྱིར་རོ་ཞེས་བྱ་བའི་ཐ་ཚིག་གོ། །བརྗོད་པར་བྱའོ་ཞེས་བྱ་བ་ནི་གང་གིས་འདུན་པ་དང་ཡོངས་སུ་དག་པ་བླངས་པ་དེ་ཟློས་སུ་གཞུག་པ་སྟེ། དེ་ཤེས་པར་བྱ་བའི་ཕྱིར་རོ། །འདུན་པ་དང་
[91a]
[91a.1]ཡོངས་སུ་དག་པ་ལེན་པའི་དགེ་སློང་གིས་དགེ་སློང་དྲུང་དུ་འདུག་པ་ལ། ཚེ་དང་ལྡན་པ་དགོངས་སུ་གསོལ། དེང་དགེ་འདུན་གྱི་གསོ་སྦྱིན་བཅོ་ལྔ་པ་ལགས་ལ། གནས་ག་གེ་མོ་ཞིག་ན་དགེ་སློང་བྲོ་འཚལ་བ་མིང་འདི་ཞེས་བགྱི་བའི་གསོ་སྦྱིན་ཡང་བཅོ་ལྔ་པ་ལགས་ཏེ། གནས་
[91a.2]ག་གེ་མོ་ཞིག་ན་དགེ་སློང་བྲོ་འཚལ་བ་མིང་འདི་ཞེས་བགྱི་བ་བར་ཆད་ཀྱི་ཆོས་རྣམས་ཡོངས་སུ་དག་གོ་ཞེས་བདག་ཉིད་མཆིའོ། །གསོ་སྦྱིན་དང་ཡོངས་སུ་དག་པ་ཡང་བརྗོད་དོ། །བརྗོད་པ་ཡང་རིག་པར་བགྱིད་དོ་ཞེས་བརྗོད་པར་བྱའོ། །འདུན་པ་དང་ཡོངས་སུ་དག་པ་ཅིའི་ཕྱིར་གང་ཟག་ལ་
[91a.3]བཟླས་ཀྱི་དགེ་འདུན་ལ་མ་ཡིན་ཞེ་ན། རིང་དུ་ཐོགས་པ་ལ་སོགས་པའི་ཉེས་པ་སྤངས་པའི་ཕྱིར་རོ། །ལེ་ལོའི་ཕྱིར་རམ་ལས་ངན་པས་བྲེལ་ཏེ་འདུན་པ་ལ་ཕུལ་ན་ཉེས་བྱསོ། །གནས་པར་གྱུར་ཏམ། ནའམ། ནར་དོགས་སམ། ནད་སོས་ནས་རིང་པོར་མ་ལོན་ནམ། ནད་གཡོག་བྱེད་དམ།
[91a.4]ངལ་ལམ། ཞིགས་སམ། བཀྲེས་སམ། སྐོམ་མམ། རླུང་དང་ཉི་མས་ཉེན་ཏམ། རྨུགས་པ་ཆེན་པོ་དང་། གཉིད་སྟུག་པོས་ཀུན་ནས་དཀྲིས་པ་སེལ་ཅིང་དགེ་བའི་ཕྱོགས་བྱེད་ན་ལྟུང་བ་མེད་དོ། །སོ་སོར་ཐར་པའི་མདོ་གདོན་པ་ལ་ཞུགས་པར་གྱུར་ཏམ། དེ་ཉིད་ཀྱི་དོན་ཉན་ན་ལྟུང་བ་མེད་
[91a.5]དོ། །དེ་མི་བརྗེད་པར་བྱ་བའི་ཕྱིར་ཚིག་གཙོར་བྱེད་པ་དང་། དེའི་དོན་མི་བརྗེད་པར་བྱ་བའི་ཕྱིར་ཚུལ་བཞིན་སེམས་ན་ལྟུང་བ་མེད་དོ། །ཡིད་ལ་བྱེད་པ་གོམས་པ་ཐོབ་ནས་རིང་པོར་མ་ལོན་ཏེ། དེའི་རྗེས་སུ་བསྲུང་ན་ལྟུང་བ་མེད་དོ། །བྱང་ཆུབ་ཀྱི་ཕྱོགས་ཀྱི་ཆོས་རྣམས་ལ་རྒྱུན་དུ་བརྩོན་འགྲུས་རྩོམ་པ་ལ་
[91a.6]བརྩོན་པར་གྱུར་ན་ལྟུང་བ་མེད་དོ། །བདེན་པ་མཐོང་བར་གྱུར་ན་ལྟུང་བ་མེད་དོ། །གལ་ཏེ་འདུན་པ་དབུལ་བ་ནི་མང་། འདུ་བ་ནི་ཉུང་ན་དེའི་ཚེ་དགེ་སློང་རྒན་པ་རྣམས་ཀྱིས་ཀྱང་དགེ་བའི་ཕྱོགས་གཞག་སྟེ་འདུ་བར་བྱའོ། །འདུན་པ་དང་པོ་ཡོངས་སུ་དག་པ་ལེན་པས་དེ་དག་བླངས་ནས་
[91a.7]བརྒྱུག་པར་མི་བྱ། ངམ་གྲོག་དང་། བང་རིམ་ལ་མཆོང་བར་མི་བྱ། ནམ་མཁའ་ལ་གནས་པར་མི་བྱ། མཚམས་ཀྱི་ཕྱི་རོལ་དུ་འགྲོ་བར་མི་བྱ། གོམ་པ་གཅིག་གིས་སྐས་ཀྱི་གདང་བུ་གཉིས་དང་ཐེམ་སྐས་ཀྱི་ཐེམ་པ་གཉིས་ལ་ཐོད་རྒལ་དུ་འཇོག་པར་མི་བྱ། གཉིད་ལོག་པར་མི་བྱ། སྙོམས་
[91b]
[91b.1]པར་འཇུག་པར་མི་བྱའོ། །འདུན་བ་དང་ཡོངས་སུ་དག་པ་བླངས་ནས་གལ་ཏེ་ལམ་གྱི་དབུས་སུ་ཕྱིན་པའམ། དགེ་འདུན་གྱི་ནང་དུ་མ་ཕྱིན་པར་དུས་ལ་བབ་བམ། འཁྲུལ་ལམ། དགེ་ཚུལ་ལ་སོགས་པར་དམ་བཅས་ན་འདུན་པ་དང་། ཡོངས་སུ་དག་པ་བླངས་པ་མ་ཡིན་ནོ། །བརྗོད་པ་དག་ནུས་
[91b.2]ན་གཅིག་གིས་ཀྱང་དུ་མ་དག་གི་འདུན་པ་དང་ཡོངས་སུ་དག་པ་བླང་བར་བྱའོ། །ས་ལ་འདུག་པས་ནམ་མཁའ་ལ་འདུག་པ་ལ་འམ། བཟློག་པས་ཀྱང་སྦྱིན་པའམ་བླང་བར་མི་བྱའོ། །འདུན་པ་དང་ཡོངས་སུ་དག་པ་གཅིག་ནས་གཅིག་ཏུ་བརྒྱུད་དེ་ཕུལ་ན་ཕུལ་བ་མ་ཡིན་པར་བརྗོད་པར་བྱའོ། །
[91b.3]བསླབ་པ་བྱིན་པས་འདུན་པ་བླང་བར་མི་བྱའོ། །དགེ་སློང་མ་ཡིན་པས་དབུལ་བར་མི་བྱའོ། །མཚམས་ཀྱི་ནང་ན་གནས་པས་མཚམས་ཀྱི་ནང་ན་གནས་པ་ལ་འདུན་པ་དབུལ་བར་བྱའོ། །དེ་ལ་མཚམས་རྣམ་པ་གཉིས་ཏེ། ཆེན་པོ་དང་། ཆུང་ངུའོ། །དེ་ལ་ཆེན་པོ་ནི་གལ་ཏེ་ཆུ་མེད་
[91b.4]པ་ཞིག་ན་ནི་སྟེང་ལོགས་སུ་དཔག་ཚད་ཕྱེད་དང་གསུམ་མོ། །འོག་ལོགས་སུ་འང་དེ་ཙམ་ཁོ་ནའོ། །ཆུ་འཁྱིལ་བ་ཡོད་ཀྱང་སྟེང་ལོགས་སུ་འང་དེ་ཙམ་ཁོ་ནའོ། །གལ་ཏེ་དེའི་ཚད་ཙམ་གྱི་ཤིང་དང་། རི་ཞིག་ཡོད་པར་གྱུར་ན་ཡང་ཡོད་དོ། །གལ་ཏེ་མེད་ན་ཤིང་དང་རིའི་རྩེ་མོའི་བར་དུའོ། །
[91b.5]མཚམས་བུ་ཆུང་ནི་དེ་ཚུན་ཆད་ནས་དཀྱིལ་འཁོར་བའི་བར་དུའོ། །དེ་ལ་མཚམས་ཆེན་པོ་གཅད་པ་ནི་འདི་ལྟར་བྱ་སྟེ། དགེ་སློང་གཉུག་མར་གནས་པ་རྣམས་ཀྱིས་སྔར་ཕྱོགས་བཞིའི་མཚན་མ་བཙུགས་ལ་དགེ་འདུན་ཐམས་ཅད་ལ་བརྗོད་པར་བྱའོ། །མཚམས་ཀྱི་ལས་ཀྱི་ཚེ་ནི་
[91b.6]འདུན་པ་དབུལ་བ་མེད་དོ། །དེ་ནས་གསོལ་བ་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ་གནས་འདི་ནི་དགེ་སློང་རྣམས་གནས་པ་དང་། གཉུག་མར་གནས་པ་རྣམས་ཀྱི་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོ་ཡོངས་སུ་བརྗོད་ལགས་ན། གལ་ཏེ་དགེ་
[91b.7]འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་མཚན་མ་བརྟན་པོ་འདི་རྣམས་ཀྱི་ནང་དུ་གསོ་སྦྱིན་གཅིག་པའི་གནས་ཀྱི་སྡོམ་པས་གྲོང་དང་གྲོང་གི་ཉེ་འཁོར་མ་གཏོགས་པ་དགོན་པ་ལ་ཐུག་པ་ནས་གནས་མལ་ལ་ཐུག་པའི་བར་དུ་དགེ་འདུན་གྱིས་
[92a]
[92a.1]མཚམས་ཆེན་པོ་བཅད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། གནས་འདི་ན་ཞེས་བྱ་བ་ནས། གྲོང་དང་གྲོང་གི་ཉེན་འཁོར་ཞེས་བྱ་བའི་བར་དུ་སྔ་མ་བཞིན་ནོ། །ཚེ་དང་ལྡན་པ་གང་དག་མཚན་མ་འདི་རྣམས་ཀྱི་ནང་
[92a.2]དུ་གསོ་སྦྱིན་གཅིག་པའི་གནས་ཀྱི་སྡོམ་པས་གྲོང་དང་གྲོང་གི་ཉེན་འཁོར་མ་གཏོགས་པ་དགོན་པ་ལ་ཐུག་པ་ནས་གནས་མལ་ལ་ཐུག་པའི་བར་དུ་དགེ་འདུན་གྱིས་མཚམས་ཆེན་པོར་གཅད་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་
[92a.3]བཟོད་ཅིང་གནང་ནས་དགེ་འདུན་གྱིས་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པས་གྲོང་དང་གྲོང་གི་ཉེན་འཁོར་མ་གཏོགས་པ། དགོན་པ་ལ་ཐུག་པ་ནས་གནས་མལ་ལ་ཐུག་པའི་བར་དུ་དགེ་འདུན་གྱི་མཚམས་ཆེན་པོ་བཅད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་
[92a.4]འཛིན་ཏོ། །དེའི་འོག་ཏུ་འདོད་ན་ཆོས་གོས་དང་འབྲལ་བར་མི་འགྱུར་བའི་གནང་བ་ཡང་སྦྱིན་པར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། གནས་འདིར་དགེ་འདུན་མཐུན་པས་གསོ་སྦྱིན་གཅིག་པའི་གནས་ཀྱི་སྡོམ་པས་དགེ་འདུན་གྱི་མཚམས་ཆེན་པོ་བཅད་ལགས་ན། གལ་ཏེ་དགེ་འདུན་གྱི་
[92a.5]དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་མཚམས་ཆེན་པོ་བཅད་པའི་ནང་དུ་དགེ་སློང་དག་གིས་ཆོས་གོས་རྣམས་དང་འབྲལ་བར་མི་འགྱུར་བའི་སྡོམ་པ་སྩོལ་ཏོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་
[92a.6]གསན་དུ་གསོལ། གནས་འདིར་དགེ་འདུན་མཐུན་པས། གསོ་སྦྱིན་གཅིག་པའི་གནས་ཀྱི་སྡོམ་པས་མཚམས་ཆེན་པོ་བཅད་ལགས་ཏེ། དེའི་སླད་དུ་དགེ་འདུན་གྱི་མཚམས་ཆེན་པོའི་ནང་དུ་དགེ་སློང་དག་གིས་ཆོས་གོས་རྣམས་དང་འབྲལ་བར་མི་འགྱུར་བའི་སྡོམ་པ་སྩོལ་ན། ཚེ་དང་ལྡན་
[92a.7]པ་གང་དག་མཚམས་ཆེན་པོའི་ནང་དུ་དགེ་སློང་དག་གིས་ཆོས་གོས་རྣམས་དང་འབྲལ་བར་མི་འགྱུར་བའི་སྡོམ་བ་སྩལ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱི་མཚམས་ཆེན་པོའི་ནང་དུ་
[92b]
[92b.1]དགེ་སློང་དག་གིས་ཆོས་གོས་རྣམས་དང་འབྲལ་བར་མི་འགྱུར་བའི་སྡོམ་པ་སྩལ་ལགས་ཏེ། འདི་ལྟར་ཅང་མི་གསུང་བས་དེ་བཞིན་དུ་འཛིན་ཏོ། །མཚམས་བུ་ཆུང་ཇི་ལྟར་གཅད་པར་བྱ་ཞེ་ན། མཚམས་ཆེན་པོ་གཞིག་གོ། །དེ་ཡང་འདི་ལྟར་གཞིག་པར་བྱ་སྟེ། དགེ་འདུན་བཙུན་པ་རྣམས་གསན་
[92b.2]དུ་གསོལ། གནས་འདིར་དགེ་འདུན་མཐུན་པས་གསོ་སྦྱིན་གཅིག་པའི་གནས་པའི་སྡོམ་པས་དགེ་འདུན་གྱིས་མཚམས་ཆེན་པོ་བཅད་ལགས་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བ་མཛོད་ཅིག་དང་། དགེ་འདུན་གྱིས་མཚམས་ཆེན་པོ་གཞིག་གོ། །
[92b.3]འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། གནས་འདིར་དགེ་འདུན་མཐུན་པས་གསོ་སྦྱིན་གཅིག་པའི་གནས་ཀྱི་སྡོམ་པས་དགེ་འདུན་གྱིས་མཚམས་ཆེན་པོ་བཅད་པ་དེའི་སླད་དུ་དགེ་འདུན་གྱིས་མཚམས་ཆེན་པོ་གཞིག་པར་མཛད་ན། ཚེ་
[92b.4]དང་ལྡན་པ་གང་དག་མཚམས་ཆེན་པོ་གཞིག་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུངས་ཤིག །འདི་ནི་ལས་བརྗོད་པ་དང་པོའོ། །དེ་བཞིན་དུ་ལན་གཉིས་ལན་གསུམ་མོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱི་མཚམས་ཆེན་པོ་བཤིག་
[92b.5]ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དེའི་འོག་ཏུ་འཚམས་བུ་ཆུང་གཅད་པར་བྱ། ཡང་ན་དཀྱིལ་འཁོར་བ་གཅད་པར་བྱ་སྟེ། གཞན་ནི་སྔ་མ་བཞིན་ནོ། །བྱེ་བྲག་ཏུ་ནི་མཚམས་བུ་ཆུང་དང་དཀྱིལ་འཁོར་བ་བཅད་དོ་ཞེས་འབའ་ཞིག་བརྗོད་པར་བྱའོ། །
[92b.6]དེའི་འོག་ཏུ་ཡང་སྔ་མ་བཞིན་དུ་གསོ་སྦྱིན་གཅིག་པའི་གནས་ཀྱི་སྡོམ་པས་མཚམས་ཆེན་པོ་བཅད་ནས་ཆོས་གོས་དང་མི་འབྲལ་བའི་གནང་བ་སྦྱིན་པར་བྱའོ། །མཚམས་བུ་ཆུང་དང་མཚམས་ཆེན་པོ་གཉི་གར་ཡང་མཚམས་གཉི་གར་ཚོགས་ཁ་གཉིས་སུ་བཞག་ནས་ལས་བྱེད་པ་གཅིག་གིས་
[92b.7]གསོལ་བ་གཅིག་དང་ལས་གཅིག་གིས་གཅད་ཅིང་དགྲོལ་ཏེ། །མཚམས་གཉིས་ཀྱི་ཚིགས་སུ་རེ་ལྡེ་ལ་སོགས་པ་བཏིང་ལ་དེའི་སྟེང་དུ་ལས་བྱེད་པ་འདུག་སྟེ། གསོལ་བ་ལ་སོགས་པ་བརྗོད་པར་བྱའོ། །མཚམས་སྔ་མ་མ་བཤིག་པར་མཚམས་ཕྱི་མ་གཅོད་པར་ཉེས་བྱས་སོ། །སྔ་མའི་གནས་ཉིད་
[93a]
[93a.1]མཚམས་ཡིན་ཏེ། མཚམས་སུ་མཚམས་ཀྱིས་བསྐོར་བར་མི་བྱའོ། །ཁྲོན་པའི་ཆུ་དང་། དཀྱིལ་འཁོར་བ་དང་། དགེ་སློང་མའི་དབྱར་ཁང་རྣམས་མ་གཏོགས་པར་མཚམས་སུ་མཚམས་ཀྱིས་གཞན་བསྐོར་བར་མི་བྱའོ། །ཤིང་གི་མཚན་མ་བཟང་པོ་གཅིག་གིས་ཀྱང་གནས་
[93a.2]མང་པོའི་མཚམས་གཅད་པར་བྱའོ། །མཚན་མ་རྣམས་བརྗོད་ནས་ལས་ཕལ་ཆེར་བྱས་པའི་འོག་ཏུ་གལ་ཏེ་ལས་བྱེད་པ་ཤི་ན་ཡང་མཚམས་བཅད་པ་ཉིད་ཡིན་པར་བརྗོད་པར་བྱའོ། །ཟླ་བ་དང་ཉི་མས་མཚམས་གཅད་པར་མི་བྱའོ། །སྒྱུ་མས་མཚམས་གཅད་པར་མི་བྱའོ། །རྫུ་འཕྲུལ་
[93a.3]གྱིས་མ་ཡིན། སྐར་མ་རྣམས་ཀྱིས་མ་ཡིན། ཆུ་རླབས་རྣམས་ཀྱིས་མ་ཡིན་ནོ། །གནས་སྟོང་པར་དགེ་སློང་གློ་བུར་དུ་ལྷགས་པ་དག་གིས་ཉི་མ་བདུན་ནམ་བརྒྱད་གཉུག་མར་གནས་པ་ལ་མ་བསྡད་པར་མཚམས་གཅོད་ན་ཉེས་བྱས་སོ། །དེ་ལ་སྔ་མ་ཉིད་མཚམས་ཡིན་ཏེ། ཕྱི་མ་ནི་མ་ཡིན་ནོ། །
[93a.4]ཀླུང་དང་ཡུར་བ་ཟམ་པ་དང་བཅས་པ་མ་གཏོགས་པར་ཀླུང་དང་ཡུར་བ་གཞན་གྱི་ཕ་རོལ་ནི་གཅད་པའི་མི་རིགས་སོ། །ཟམ་པ་ཆད་ན་ཟམ་བ་སླར་ཡང་གདགས་པར་འདོད་ན་ཞག་བདུན་གྱི་བར་དུ་མཚམས་གཅད་པ་བཞིན་དུ་གནས་སོ། །ཉི་མ་བརྒྱད་པ་ལ་ནི་ཞིག་པར་འགྱུར་རོ། །ཟམ་པ་གདགས་
[93a.5]པར་མི་འདོད་ན་ནི་ཆད་མ་ཐག་ཏུ་ཞིག་པར་འགྱུར་རོ། །ལྔས་ནི་མཚམས་ཞིག་པར་འགྱུར་ཏེ། དགེ་འདུན་ཐམས་ཅད་མཚན་གྱུར་པ་དང་། དགེ་འདུན་ཐམས་ཅད་དོང་བ་དང་། རབ་ཏུ་བྱུང་བ་ལས་བབ་པ་དང་། ཤི་བ་དང་། གསོལ་བའི་ལས་ཉིད་ནི་ལྔ་པའོ། །མཚམས་ལས་མི་འདའ་བར་བྱ་བའི་
[93a.6]གནས་ལྔ་སྟེ། དགེ་སློང་གི་མཚམས་དང་དཀྱིལ་འཁོར་བ་དང་། ཆུའི་ལྟེང་ཀ་དང་། མཚམས་གཞན་དང་། དགེ་སློང་མའི་དབྱར་ཁང་ངོ་། །དགོན་པའི་གནས་མཚམས་མ་བཅད་པ་ཞིག་ཡིན་ན་རྒྱང་གྲག་གཅིག་ཚུན་ཆད་མཚམས་ཡིན་ནོ། །གྲོང་ལ་ནི་རྩིག་པའི་ནང་ཚུན་ཆད་མཚམས་ཡིན་
[93a.7]ནོ། །དེ་ལ་བལྟར་སྣང་བའི་གནས་ན་འཁོད་པ་རྣམས་གཅིག་ཏུ་འདུས་པ་ལས་རྣམས་བྱའོ། །ཇི་ལྟར་གོང་དུ་རྒྱས་པར་བཤད་པ་དེ་ལ་ཐམས་ཅད་དུ་ཇི་སྐད་བརྗོད་པ་བཞིན་དུ་མ་བྱས་ན་འགལ་ཚབས་ཅན་དུ་འགྱུར་རོ། །མཆོད་པའི་ཆོ་གའི་དབང་དུ་མཛད་ནས། སེན་མོ་བཅུ་ཡི་ཐལ་སྦྱར་ཏེ། །ཞེས་བྱ་བ་ལ་སོགས་པ་
[93b]
[93b.1]གསུངས་སོ། །དེ་ལ་སྟོན་པ་ལ་བཀུར་སྟི་བྱ་བར་སྦྱོར་བ་དང་། ཕྱག་འཚལ་བ་དང་། བསྟོད་པའོ། །དེ་ལ་ཐལ་མོ་གཉི་ག་སྦྱར་བ་ནི་ཕྱག་འཚལ་བའོ། །ཤཱཀྱ་སེང་གེ་ཞེས་བྱ་བ་ནི་བསྟོད་པའོ། །ཤཱཀྱ་ཞེས་བྱ་བས་ནི་ཁྱིམ་པའི་ཕྱོགས་སུ་རིགས་ཡོངས་སུ་དག་པར་བརྗོད་པ་ཡིན་ནོ། །སེང་གེ་ཞེས་
[93b.2]བྱ་བས་ནི་རབ་ཏུ་བྱུང་བའི་ཕྱོགས་སུ་མི་འཇིགས་པ་རྣམས་ཀྱི་མུ་སྟེགས་ཅན་གྱི་ཚོགས་ཐམས་ཅད་སྐྲག་པར་མཛད་པའོ། །སོ་སོར་ཐར་པ་ཞེས་བྱ་བ་ལ་སོགས་པ་ནི་སྟོན་པ་ལ་བཀུར་སྟི་བྱ་བར་སྦྱོར་བའོ། །སོ་སོར་ཐར་པ་ཞེས་བྱ་བའི་སྒྲས་ཉོན་མོངས་པ་ལས་ཐར་པ་ཐོབ་པར་བྱེད་པའི་ཡོན་ཏན་བརྗོད་
[93b.3]པ་ཡིན་ནོ། །འཕྲལ་དུ་འདོད་ཆགས་ལ་སོགས་པ་ཀུན་ནས་དཀྲིས་པ་འདུལ་བའི་ཕྱིར་འདུལ་བའོ། །ཡང་དག་པར་འཛིན་དུ་གཞུག་པའི་དབང་དུ་མཛད་ནས། དེ་ནི་ཉོན་ཞེས་བྱ་བ་ལ་སོགས་པ་གསུངས་ཏེ། ཉན་པ་དང་། ཕྱིན་ཅི་མ་ལོག་པར་བསྒྲུབ་པ་དང་། མི་གཡེལ་བར་སྦྱོར་བ་དང་།
[93b.4]ལྟ་བ་ལ་ཆགས་སུ་མི་གཞུག་པར་སྦྱོར་བའོ། །ཉོན་ཞེས་བྱ་བ་ནི་འདིས་ཉན་དུ་གཞུག་པའོ། །ཐོས་ནས་ཀྱང་བསྒྲུབ་པར་བྱ་ཞེས་བྱ་བ་ནི་ཕྱིན་ཅི་མ་ལོག་པར་བསྒྲུབ་པ་ལས་ཏེ། དེ་བཞིན་གཤེགས་པས་ཇི་སྐད་གསུངས་པ་དེ་བཞིན་དུ་སྒྲུབ་པའི་ཕྱིར་རོ། །དྲང་སྲོང་ཆེན་པོ་ནི་བཅོམ་ལྡན་འདས་
[93b.5]ཏེ། ཚུལ་ཁྲིམས་ཀྱི་ངང་ཚུལ་ཅན་ཡིན་པའི་ཕྱིར་རོ། །འཇིག་རྟེན་པ་དང་། དགྲ་བཅོམ་པ་དང་། རང་སངས་རྒྱས་ཀྱི་དྲང་སྲོང་རྣམས་ལས་ཁྱད་པར་འཕགས་པས་ཆེན་པོའོ། །ཕྲ་རྣམས་ལས་ཞེས་བྱ་བ་ནི་བཅས་པའི་ཁ་ན་མ་ཐོ་བ་རྣམས་ལ་སྟེ། དེ་དག་ལ་བརྟུན་ཅིང་བྱེད་པ་ཉིད་དུ་གྱིས་ཞེས་
[93b.6]བྱ་བ་བསྟན་པས་རང་བཞིན་གྱིས་ཁ་ན་མ་ཐོ་བ་རྣམས་ལ་ཡང་བསྟན་པ་ཡིན་ནོ། །ཡང་ཞེས་བྱ་བའི་སྒྲ་མི་མངོན་པར་བསྟན་པར་བལྟ་བར་བྱའོ། །དམ་པ་རྣམས་ཀྱིས་སྨད་པའི་ཕྱིར། ཁ་ན་མ་ཐོ་བ་ནི་སྡིག་པའོ། །བརྟུན་ཅིང་ཞེས་བྱ་བ་ནི་གུས་པར་བྱེད་པའོ། །གྱིས་ཞེས་བྱ་བ་ནི་ཡང་དག་པར་
[93b.7]འཛིན་དུ་གཞུག་པའོ། །འདིས་ནི་མི་གཡེལ་བར་སྦྱོར་བ་ལ་གཟུད་པ་བསྟན་ཏོ། །འབད་པ་ཞེས་བྱ་བ་ནི་ངེས་དགེ་པའི་ཆོས་རྣམས་ལ་བརྩོན་འགྲུས་བརྩམས་པ་གང་ཡིན་པའོ། །དེ་ལྟ་བས་ན་འདའ་བ་ཞེས་བྱ་བ་ནི་འཇིགས་པའོ། །རྟག་ཏུ་ཞེས་བྱ་བ་ནི་ཁ་བླ་ན་དཀའ་བ་ཞེས་བྱ་བ་འདི་
[94a]
[94a.1]དང་འབྲེལ་ཏེ། དུས་ཐམས་ཅད་དུ་ཡུལ་ལ་རབ་ཏུ་ཆགས་པ་ལས་སྡུག་བསྔལ་གྱིས་བཟློག་དགོས་ཞེས་བྱ་བའི་བར་དུའོ། །འདིས་ནི་སེམས་གདུལ་དཀའ་བར་བསྟན་ཏོ། །སེམས་སྨོས་པས་ནི་སེམས་འབའ་ཞིག་འདུལ་བའི་དོན་ཏོ། །དེ་ནི་ཀུན་ནས་ཉོན་མོངས་པའི་ཕྱིར་རྣམ་པར་སྦྱང་
[94a.2]གི། བདག་ནི་མ་ཡིན་གྱི་དེ་ནི་ཀུན་ནས་ཉོན་མོངས་པ་དང་། རྣམ་པར་དག་པ་དང་མི་ལྡན་པའི་ཕྱིར་ནམ་མཁའ་བཞིན་དུ་འགྱུར་བ་མེད་པའོ། །སྲབ་ཅེས་བྱ་བ་ནི་ཚུལ་ཁྲིམས་འཆལ་བ་འདུལ་བ་མ་ཡིན་པ་ལ་ཞུགས་པས་ཁ་དེ་བླན་པར་བྱ་བའི་དོན་ཏོ། །མཐུན་པ་ཞེས་བྱ་བ་ནི་རིག་པའི་རྣམ་
[94a.3]པ་སྟེ། ཧ་ཅང་དོག་པ་དང་། ཧ་ཅང་ཡངས་པ་མ་ཡིན་པའོ། །བདག་དུབ་པ་ལ་སྦྱོར་བའི་མཐའ་ཡོངས་སུ་སྤང་བའི་ཕྱིར་ཧ་ཅང་དོག་པ་ཡང་མ་ཡིན་ནོ། །འདོད་པ་བསོད་ཉམས་ལ་སྦྱོར་བའི་མཐའ་ཡོངས་སུ་སྤང་བའི་ཕྱིར་ཧ་ཅང་ཡངས་པ་ཡང་མ་ཡིན་ནོ། །ཡང་ན་གང་ཟག་བླུན་པོའི་འཇུག་པ་ལ་སོགས་
[94a.4]པ་དང་མཐུན་པར་བསྟན་པས་མཐུན་པའོ། །གཟེར་བུ་བརྒྱ་པ་ཞེས་བྱ་བ་ནི་དེ་ལས་འདའ་བ་རྣམས་མཐོང་བའི་ཆོས་འདི་ཉིད་ལ་སྒོ་མང་པོ་ནས་འགྱོད་ཅིང་མི་བདེ་བའི་ཕྱིར་རོ། །རྣོན་པོ་ཞེས་བྱ་བ་ནི། ཚེ་གཞན་ན་ཁ་ན་མ་ཐོ་བ་འབྱུང་བ་གཅོད་པའི་དོན་ཏེ། རྣམ་པ་འདི་ཉིད་ཀྱིས་དེ་ཉིད་སྲབ་ཏུ་བསྟན་ཏོ། །
[94a.5]འདིས་ནི་ལྟ་བ་ལ་ཆགས་སུ་མི་གཞུག་པ་ཡང་བསྟན་ཏོ། །ཡང་དག་པར་འཛིན་པའི་ཕན་ཡོན་གྱི་དབང་དུ་མཛད་ནས། གང་དག་མི་འདའ་བ་ཞེས་བྱ་བ་ལ་སོགས་པ་གསུངས་ཏེ། འདའ་བར་མི་བྱེད་པའོ། །མཚམས་ཞེས་བྱ་བ་ནི་བསླབ་པའོ། །ངག་ཙམ་གྱིས་ལྡོག་ཅེས་བྱ་བ་ནི་དབྱིག་
[94a.6]པ་དང་མཚོན་ཆས་མ་ཡིན་ནོ། །ཆེ་བ་ཞེས་བྱ་བ་ནི་བསླབ་པ་འདོད་པ་རྣམས་སོ། །དེ་དག་ནི་རྟ་བཟང་པོ་ཞེས་བྱ་བ་ནི་སྐྱེས་བུ་ཅང་ཤེས་པ་རྣམས་སོ། །ཉོན་མོངས་པའི་གཡུལ་ཞེས་བྱ་བ་ནི་ཉོན་མོངས་པ་དང་འཐབ་པའོ། །དེས་རྒལ་འགྱུར་ཞེས་བྱ་བ་ནི་དགྲ་བཅོམ་པའི་དུས་ནའོ། །ཡང་དག་
[94a.7]པར་མི་འཛིན་པའི་ཉེས་དམིགས་ཀྱི་དབང་དུ་མཛད་ནས། སུ་དག་ལ་འདི་མེད་དང་ཞེས་བྱ་བ་གསུངས་ཏེ། མུ་སྟེགས་ཅན་རྣམས་དང་། འདོད་པ་ལ་ལོངས་སྤྱོད་པ་རྣམས་སོ། །མི་འདོད་པའང་ཞེས་བྱ་བ་ནི་ཡོངས་སུ་མྱ་ངན་ལས་མི་འདའ་བའི་ཆོས་ཅན་རྣམས་སོ། །ཉོན་མོངས་གཡུལ་གྱིས་
[94b]
[94b.1]དཀྲུགས་ཞེས་བྱ་བ་ནི། ཉོན་མོངས་པའི་གཡུལ་ལས་ཕམ་པར་གྱུར་པའོ། །འཇོག་བྲལ་ཞེས་བྱ་བ་ནི་སོ་སོར་ཐར་པའི་སྲབ་རྣམ་པར་སྤངས་པའི་ཕྱིར་རོ། །རྣམ་པར་འཁྱམ་པར་འགྱུར་ཞེས་བྱ་བ་ནི་འགྲོ་བ་ལྔའི་འཁོར་བར་སྣ་ཚོགས་སུ་འཁྱམ་པའོ། །ཡང་དག་པར་བསྒོ་བའི་དབང་དུ་མཛད་
[94b.2]ནས། གསན་དུ་གསོལ་ཞེས་བྱ་བ་ལ་སོགས་པ་གསུངས་ཏེ། སེམས་གཞན་ལས་ཉན་པ་མངོན་དུ་བྱེད་དུ་གཞུག་པའི་ཐ་ཚིག་གོ། །གསན་དུ་གསོལ་ཞེས་བྱ་བ་ནི། གུས་པར་བྱེད་དུ་གཞུག་མའོ། །དགེ་འདུན་ཞེས་བྱ་བ་ནི་དགེ་འདུན་རྣམ་པ་ལྔ་སྟེ། བཞི་འདུས་པ་དང་། ལྔ་འདུས་པ་དང་། བཅུ་
[94b.3]འདུས་པ་དང་། ཉི་ཤུ་འདུས་པ་དང་། ཉི་ཤུ་ལས་ལྷག་པར་འདུས་པའོ། །དེ་ལ་བཞི་འདུས་པས་ནི་དགག་དབྱེ་དང་། བསྙེན་པར་རྫོགས་པར་བྱ་བ་དང་། དབྱུང་བ་མ་གཏོགས་པའི་ལས་ཐམས་ཅད་བྱའོ། །ལྔ་འདུས་པས་ནི་བསྙེན་པར་རྫོགས་པར་བྱ་བ་དང་། དབྱུང་བ་མ་གཏོགས་
[94b.4]པའོ། །མཐའ་ཁོབ་ཏུ་ནི་བསྙེན་པར་རྫོགས་པ་ཡང་བྱའོ། །བཅུ་འདུས་པས་ནི་དབྱུང་བ་མ་གཏོགས་པའོ། །ཉི་ཤུ་འདུས་པ་དང་། ཉི་ཤུ་ལས་ལྷག་པར་འདུས་པས་ནི་ལས་ཐམས་ཅད་བྱའོ། །བཅུ་བཞི་པ་ཞེས་བྱ་བ་ནི། གསོ་སྦྱིན་གྱི་དུས་ཤེས་པར་བྱེད་པའོ། །དེ་ལ་དགུན་དང་དཔྱིད་
[94b.5]དང་། དབྱར་རྣམས་ཀྱི་ཟླ་བ་ཕྱེད་པ་གསུམ་པ་དང་། བདུན་པ་ནི་གསོ་སྦྱིན་བཅུ་བཞི་པའོ། །དེ་ལས་གཞན་པ་ནི་བཅོ་ལྔ་པའོ། །ལོ་གཅིག་ལ་གསོ་སྦྱིན་བཅུ་བཞི་པ་ནི་དྲུག་གོ། །བཅོ་ལྔ་པ་ནི་བཅོ་བརྒྱད་དོ། །གསོ་སྦྱིན་གྱི་ཉི་མ་ཡོངས་སུ་ཤེས་པར་བྱ་བ་དང་། འཇིག་རྟེན་ལས་བསྙད་པའི་
[94b.6]ཕྱིར་དེང་ནི་ཟླ་བ་ཕྱེད་ཀྱི་ཚེས་འདི་ཡིན་ནོ་ཞེས་དགེ་འདུན་ལ་ཚེས་གྲངས་བརྗོད་ཅིང་གཙུག་ལག་ཁང་གི་བདག་པོ་དང་གཙུག་ལག་ཁང་གི་ལྷ་རྣམས་ཀྱི་ཕྱིར་ཚིགས་སུ་བཅད་པ་རེ་རེ་བརྗོད་ཅིག་ཅེས་བྱའོ། །ཉི་མ་དང་ཟླ་བ་དང་སྐར་མ་ནི་རྒྱལ་པོ་དང་མཐུན་པར་བྱའོ། །དུས་ལ་བབ་ཅེས་བྱ་བ་ནི་གསོ་སྦྱིན་
[94b.7]གྱི་དུས་སོ། །བཟོད་ཅེས་བྱ་བ་ནི་འཁོར་དེར་གསོ་སྦྱིན་བྱ་བ་འདོན་པའོ། །གནང་བར་མཛོད་ཅིག་ཅེས་བྱ་བ་ནི་དགེ་འདུན་གྱིས་བདག་འདོན་དུ་གནང་བར་མཛོད་ཅིག་ཅེས་བྱ་བའོ། །འདི་ནི་གསོལ་བའོ་ཞེས་བྱ་བ་ནི་དགེ་འདུན་ཐམས་ཅད་ཤེས་པར་བྱ་བའི་མཐའ་སྟོན་ཏོ། །ཅིའི་ཕྱིར་
[95a]
[95a.1]ཐམས་ཅད་ཀྱིས་མི་འདོན་ཅེ་ན། ཐམས་ཅད་ཀྱིས་གདོན་པར་མི་བྱ་སྟེ། ཐམས་ཅད་མཐུན་པར་ཐོན་པ་མ་ཡིན་ལ་ཆོས་ཉན་པའི་ཚུལ་དུ་ཡང་མི་རུང་ངོ་། །རང་རང་གི་གནས་སུ་སོ་སོ་ནས་འདོན་ན་ནི། དེ་ལྟ་ན་ཡང་གསོ་སྦྱིན་བྱས་པ་མ་ཡིན་པའི་ཉེས་པ་དང་། དམ་པའི་ཆོས་
[95a.2]མཉན་པའི་བྱ་བ་མ་ཡིན་པའི་ཉེས་པར་འགྱུར་རོ། །མ་ཞི་བ་དུས་རིང་དུ་ཐོགས་པའི་ཉེས་པ་དག་ཏུ་ཡང་འགྱུར་རོ། །དགེ་སློང་ཡོད་པའི་གནས་ན་བསླབ་པ་བྱིན་པས་སོ་སོར་ཐར་པ་གདོན་པར་མི་བྱའོ། །ཚེ་དང་ལྡན་པ་དག་བདག་ཅག་གསོ་སྦྱིན་བྱས་ཏེ་ཞེས་བྱ་བ་ལ། ཅིའི་ཕྱིར་གསོ་
[95a.3]སྦྱིན་ཞེས་བྱ། དེ་བྱ་བ་ནི་ཅི་ལྟ་བུ་ཞེ་ན། སེམས་ལ་དགེ་བ་གསོ་བ་སྦྱིན་པས་གསོ་སྦྱིན་ནོ། །གང་དུ་ཐ་ན་བཞི་ཚོགས་པ་དེར་མཐུན་པ་རྣམས་ཀྱིས་སོ་སོར་ཐར་པའི་མདོ་འདོན་པར་བྱ་བ་ནི་གསོ་སྦྱིན་བྱ་བའོ། །གང་ན་དགེ་སློང་བཞི་གནས་པ་དེར་ནི་འདུན་པ་མི་བླང་ངོ་། །ཕྱོགས་གང་ན་མཆོད་
[95a.4]རྟེན་བསྲུང་བ་མ་ཡིན་པ་དང་། འཇིག་རྟེན་དང་ཧ་ཅང་སྣང་ཡལ་ཆེ་བ་དང་། མི་གཙང་བའི་གནས་དང་། དོག་པ་དེར་གསོ་སྦྱིན་བྱེད་ན་ཉེས་བྱས་སོ། །བཞི་པོ་དེ་དག་ལས་ཕྱོགས་གཞན་མེད་ན་ལྟུང་བ་མེད་དོ། །ཉལ་བ་དང་ནང་དུ་ཡང་དག་འཇོག་པ་དང་། བསོད་སྙོམས་ལེན་པ་དང་། ཟས་
[95a.5]ཟོས་ནས་སྐོམ་པ་སེལ་བ་དང་། དེ་ལྟ་བུ་བྱེད་པ་དང་། བླ་མ་ལ་བསྙེན་བཀུར་བྱེད་པའི་དུས་ན་གསོ་སྦྱིན་བྱེད་ན་ཉེས་བྱས་སོ། །གལ་ཏེ་དུས་གཞན་ན་བར་ཆད་བྱུང་བ་ལྟ་ན་ཉེས་པ་མེད་དོ། །རྒྱལ་པོ་ལ་སོགས་པས་བཟུང་སྟེ། མཚམས་ཀྱི་ནང་ན་གནས་ན་མི་མཐུན་པས་གསོ་སྦྱིན་མི་བྱའོ།
[95a.6]དེ་ཐར་པར་བྱ་བའི་ཕྱིར་མེ་སྦྱོར་ན་ཉེས་བྱས་སོ། །མི་མཐུན་པའི་ཉེས་པ་ཡོངས་སུ་སྤད་པའི་ཕྱིར་སྨྱོས་པ་ལ་སྨྱོས་པའི་སྡོམ་པ་སྦྱིན་ནོ། །གསོ་སྦྱིན་བྱེད་པའི་ཉིན་མོ་བདག་ལ་ཟླ་ཕྱེད་ཚུན་ཆད་ལྟུང་བ་བྱུང་ངམ་མ་བྱུང་སྙམ་དུ་སེམས་ལ་བརྟག་པར་བྱའོ། །གང་ཟླ་བ་ཕྱེད་ཀྱི་ནང་དུ་སུ་ཉེས་པ་བྱུང་
[95a.7]བར་དྲན་པ་དེས་ཆོས་བཞིན་དུ་བྱ་སྟེ། སྟན་ལས་ལངས་ཏེ་མཆིལ་ལྷམ་དག་ཕུད་དེ། བློ་གོས་ཕྲག་པ་གཅིག་ཏུ་གཟར་ཏེ། ཕྱག་འཚལ་ནས་ཙོག་ཙོག་བོར་འདུག་སྟེ། ཐལ་མོ་སྦྱར་བ་བཏུད་ནས་བདག་དང་ལྟུང་བའི་མིང་ནས་སྨོས་ཏེ། ལྟུང་བ་བཤགས་པར་བྱའོ། །ཚེ་དང་ལྡན་པ་
[95b]
[95b.1]དགོངས་སུ་གསོལ། །བདག་དགེ་སློང་མིང་འདི་ཞེས་བགྱི་བ་ལ་ལྟུང་བ་འདི་དང་འདི་ལྟ་བུ་བྱུང་སྟེ། དེ་བདག་གིས་ཚེ་དང་ལྡན་པའི་མདུན་དུ་དག་པའི་མཐའ་ནས་བཟུང་སྟེ། མཐོལ་ལོ། །འཆགས་སོ། །མི་འཆབ་བོ། །མཐོལ་ཞིང་བཤགས་ནས་བདག་བདེ་བ་ལ་རེག་པར་གནས་པར་འགྱུར་གྱི། མ་
[95b.2]མཐོལ་མ་བཤགས་ན་ནི་མི་འགྱུར་རོ། །དེས་འདི་སྐད་དུ་ལྟུང་བར་མཐོང་ངམ། མཐོང་ངོ་། །ཕྱིན་ཆད་སྡོམ་མམ། མི་བགྱིད་དོ་ཞེས་ལན་གཉིས་ལན་གསུམ་དུ་བཟླས་བར་བྱའོ། །ཡིད་གཉིས་ཟ་བས་ནི་འདུལ་བ་འཛིན་པ་ལ་སོགས་པ་རྣམས་ལ་ཡིད་གཉིས་བསལ་ཏེ་ཕྱིས་
[95b.3]བཤགས་པར་བྱའོ། །དགེ་སློང་གི་མདུན་དུ་ལྟུང་བ་བཤགས་པར་བྱའོ། །དགེ་སློང་མ་ལ་སོགས་པ་ལ་ནི་མ་ཡིན་ཏེ། འཆགས་ན་འགལ་ཚབས་ཅན་དུ་འགྱུར་རོ། །ལྟུང་བ་འདྲ་བའི་མདུན་དུ་བཤགས་པར་མི་བྱའོ། །ཕམ་པར་འགྱུར་བ་དང་ཕམ་པར་འགྱུར་པར་ནི་
[95b.4]འདྲ་སྟེ་ཞེས་བྱ་བ་ནས་ཉེས་བྱས་དང་ཉེས་བྱས་ཞེས་བྱ་བའི་བར་དུའོ། །གལ་ཏེ་དགེ་འདུན་གྱི་ནང་དུ་དྲན་ན་དེས་བྱིན་གྱིས་བརླབ་པར་བྱ་སྟེ། དེང་དགེ་འདུན་གྱི་གསོ་སྦྱིན་བཅོ་ལྔ་པ་ཡིན་ཏེ། བདག་དགེ་སློང་མིང་འདི་ཞེས་བྱ་བ་དགེ་འདུན་གྱི་ནང་དུ་ལྟུང་བ་དྲན་ན་བདག་མིང་འདི་ཞེས་བགྱི་
[95b.5]དགེ་འདུན་གྱི་ནང་དུ་ལྟུང་བ་འདི་རང་གི་སེམས་ཀྱིས་བྱིན་གྱིས་བརླབས་ལ་དེང་གསོ་སྦྱིན་བྱའོ། །ཕྱིས་དགེ་སློང་གི་མདུན་དུ་ལྟུང་བ་དེ་ཆོས་བཞིན་དུ་བྱའོ་ཞེས་བྱས་ལ་དེའི་འོག་ཏུ་གསོ་སྦྱིན་བྱ་བའོ། །དེ་བཞིན་དུ་སོ་སོར་ཐར་པའི་མདོ་འདོན་པས་ཀྱང་བྱིན་གྱིས་བརླབ་པར་བྱའོ། །ཐེ་ཚོམ་
[95b.6]ཟ་བས་ཀྱང་བྱིན་གྱིས་བརླབ་པར་བྱའོ། །དགེ་འདུན་ཐམས་ཅད་ལྟུང་བ་དང་བཅས་པར་གྱུར་ན། གང་གནས་གཞན་དུ་ཕྱིར་བཅོས་པ་བྱས་ནས་འོང་བར་དགེ་སློང་གཅིག་སྤྲོ་བར་བྱའོ། །ཅི་སྟེ་མ་གྲུབ་ན་དགྲོལ་བའི་གསོལ་བ་འབའ་ཞིག་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ།
[95b.7]དེང་དགེ་འདུན་གྱི་གསོ་སྦྱིན་བཅོ་ལྔ་པ་ལགས་ལ། བདག་ཅག་དགེ་འདུན་ཐམས་ཅད་ནི་ལྟུང་བ་དང་བཅས་པར་གྱུར་ན་གང་གི་མདུན་དུ་ལྟུང་བ་དེ་ཆོས་བཞིན་དུ་སླར་བགྱི་བ་བདག་ཅག་ལས་དགེ་སློང་གནས་གཞན་དུ་མཆིས་ལ་དགེ་སློང་གི་མདུན་དུ་ལྟུང་བ་དེ་ཆོས་བཞིན་དུ་བགྱིད་པར་སྤྲོ་བ་སུ་ཡང་
[96a]
[96a.1]མ་མཆིས་སོ། །འདི་ནི་གསོལ་བའོ། །དེའི་འོག་ཏུ་གསོ་སྦྱིན་བྱའོ། །དེ་བཞིན་དུ་ལྟུང་བ་ལ་ཡིད་གཉིས་ཟ་བས་ཀྱང་བྱའོ། །དགེ་འདུན་ཐམས་ཅད་ལྟུང་བ་དང་བཅས་པར་མི་དྲན་ལ་གལ་ཏེ་དགེ་སློང་གཅིག་ཅིག་ལྟུང་བ་མེད་པར་གྱུར་ན། དེས་དགེ་སློང་བཤེས་པ་
[96a.2]བསྐུལ་ཏེ་ཅི་ནས་ཀྱང་དེ་དག་ཐོས་ནས་འཆག་པར་འགྱུར་བ་དེ་ལྟ་བུར་དགེ་སློང་རྣམས་ཀྱི་མདུན་དུ་ལྟུང་བ་འཆགས་སུ་གཞུག་གོ། །བཤེས་པ་མེད་ན་མི་སྨྲ་བར་འདུག་པར་བྱའོ། །དགེ་སློང་མི་འདོད་བཞིན་དུ་གླེང་ཞིང་དྲན་པར་བྱེད་ན་འགལ་ཚབས་ཅན་དུ་འགྱུར་རོ། །བརྟགས་པ་ཙམ་གྱིས་
[96a.3]འདུ་ཤེས་སམ། མི་མཐུན་པའི་འདུ་ཤེས་སམ། ཡིད་གཉིས་ཟ་བཞིན་གསོ་སྦྱིན་བྱེད་ན་འགལ་ཚབས་ཅན་དུ་འགྱུར་རོ། །ཐ་དད་དུ་བྱེད་འདོད་པས་བྱེད་ན་དགེ་འདུན་གྱི་དབྱེན་དུ་གཏོགས་པའི་ལྟུང་བ་སྦོམ་པོར་འགྱུར་རོ། །མ་ལྷགས་པ་རྣམས་དང་ཡང་ཡང་གསོལ་བ་བྱས་ལ་
[96a.4]གསོ་སྦྱིན་བྱའོ། །མཐུན་པའི་འདུ་ཤེས་ཀྱིས་ན་ཉེས་པ་མེད་དོ། །གསོ་སྦྱིན་བྱེད་པའི་ཚེ་གལ་ཏེ་གང་དག་མ་འདུས་པ་དེ་ནི་ཉུང་ན་དེ་དག་དོང་ལ་གལ་ཏེ་དགེ་འདུན་ཚོགས་པར་གྱུར་ན་དེ་ཉིད་དུ་གསོ་སྦྱིན་བྱའོ། །གལ་ཏེ་དེ་ལྟར་མ་གྱུར་ན། དཀྱིལ་འཁོར་བར་འདོང་བར་བྱའོ། །
[96a.5]ཇི་སྟེ་མང་བར་གྱུར་ན་དེ་དག་གིས་ཀྱང་གསོལ་བ་བྱས་ལ་ཡང་གསོ་སྦྱིན་བྱའོ། །དགག་དབྱེ་བའི་ཚེ་ནི་གསོ་སྦྱིན་བྱས་པར་འགྱུར་རོ། །དགེ་སློང་རྣམས་ཀྱང་ལོགས་ཤིག །དགེ་སློང་མ་རྣམས་ཀྱང་ལོགས་ཤིག་ཏུ་གསོ་སྦྱིན་བྱའོ། །དགེ་སློང་མ་རྣམས་སྟོན་པ་ལ་གསོལ་བ་འདེབས་
[96a.6]ན་ལན་གདབ་ཀྱིས་འབྲོས་པར་མི་བྱའོ། །གསོ་སྦྱིན་བྱ་བའི་ཉིན་བར་དགེ་སློང་མ་ལ་སྟོན་པ་སྒོ་གང་དུ་འདུག་པར་བྱའོ། །གློ་བུར་དུ་ལྷགས་པ་རྣམས་ཀྱིས་གཉུག་མར་གནས་པ་རྣམས་དང་གྲངས་མཉམ་པ་དང་། གློ་བུར་དུ་ལྷགས་པ་མང་བ་རྣམས་དང་ཉི་མ་མཐུན་པར་བྱའོ། །
[96a.7]ཉུང་ངུ་རྣམས་ཀྱིས་ནི་མ་ཡིན་ནོ། །གང་ན་ལས་ཐམས་ཅད་བྱ་བར་ཤེས་པ་ནི་གནས་ཡིན་ནོ། །གང་ན་མི་ཤེས་པ་ནི་གནས་མ་ཡིན་ནོ། །གང་ན་ཁ་ཅིག་ནི་ཤེས་ལ་ཁ་ཅིག་ནི་མི་ཤེས་པ་ནི་གནས་ཀྱང་ཡིན་ལ་གནས་ཀྱང་མ་ཡིན་པའོ། །དགེ་སློང་ཡོད་པ་དེ་ལྟ་བུ་ལས་དགེ་སློང་མཐུན་
[96b]
[96b.1]པར་གནས་པ་ཡོད་པ་དེར་གསོ་སྦྱིན་བྱ་བའི་ཉིན་པར་སོང་ཡང་ལྟུང་བ་མེད་དོ། །དགེ་སློང་རྩོད་པ་ཡོད་པར་སོང་ན་ཉེས་བྱས་སོ། །གལ་ཏེ་དེར་སོང་ན་བདེ་བ་ལ་རེག་པར་འགྱུར་བ་ལྟ་ན་དགེ་སློང་མེད་པར་སོང་ཡང་ལྟུང་བ་མེད་དོ། །ཇི་སྟེ་བདེ་བ་ལ་རེག་པར་མི་འགྱུར་ན་འགྲོ་བར་མི་བྱའོ། །དགེ་
[96b.2]འདུན་ཐམས་ཅད་སོང་ངམ་བར་ཆད་ཉེ་བར་གནས་པར་འགྱུར་ན་ལྟུང་བ་མེད་དོ། །གནས་པར་བྱེད་པ་གསོ་སྦྱིན་གྱི་ཉིན་མོ་ཡུལ་གཞན་དུ་འགྲོ་ན་མི་གཏང་ངོ་། །ཡང་ན་གསོ་སྦྱིན་བྱེད་པ་དང་བཅས་པའི་གནས་སུ་སོང་ཤིག་ཅེས་བསྒོ་བར་བྱའོ། །དེར་མ་སོང་ན་འགལ་ཚབས་ཅན་དུ་འགྱུར་རོ། །
[96b.3]དགེ་སློང་གི་གསོ་སྦྱིན་བྱ་བའི་ཉིན་མོ་མདོ་འདོན་པ་མེད་པའི་གནས་སུ་བསྡད་ཅིང་འདུག་པར་མི་བྱའོ། །དབྱར་སྔ་མར་འཇུག་པར་མི་བྱའོ། །ཉེ་བར་ཞུགས་ན་ཡང་གཉིས་པར་ཉེ་བར་འཇུག་པར་མི་བྱའོ། །ཁྱིམ་པ་ལ་སོགས་པ་གནས་དང་གསོ་སྦྱིན་མི་བྱའོ། །མཐུན་པར་གནས་པ་
[96b.4]ཡོངས་སུ་དག་པ་ལྟ་བ་མཚུངས་པ་རྣམས་དང་གསོ་སྦྱིན་བྱའོ། །འོན་པ་དང་མཐའ་འཁོབ་པ་གྲངས་ཚང་ཡང་གསོ་སྦྱིན་མི་བྱའོ། །གང་གཅིག་པུར་གྱུར་པ་དེས། སྐྱང་ནུལ་དང་། ཕྱག་དར་བྱ་བ་དང་སྟན་བཤམ་བ་ལ་སོགས་པ་ནས་བྱས་ཏེ། ཆོས་མཉན་པ་བྱིན་ལ། གློ་བུར་དུ་འོངས་
[96b.5]པའི་དགེ་སློང་བལྟ་བར་བྱའོ། །གལ་ཏེ་མེད་ན་དེས་བདག་ཉིད་སྟན་ལ་འདུག་སྟེ། འདི་ལྟར་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ། དེ་ཡང་དགེ་འདུན་གྱི་གསོ་སྦྱིན་བཅོ་ལྔ་པ་ཡང་ཡིན་ལ། བདག་དགེ་སློང་མིང་འདི་ཞེས་བྱ་བའི་གསོ་སྦྱིན་ཡང་བཅོ་ལྔ་པ་ཡིན་ཏེ། བདག་དགེ་སློང་མིང་
[96b.6]འདི་ཞེས་བྱ་བ་བར་ཆད་ཀྱི་ཆོས་རྣམས་ཡོངས་སུ་དག་གོ་ཞེས་ཀྱང་བདག་ཉིད་སྨྲ་སྟེ། བདག་དགེ་སློང་མིང་འདི་ཞེས་བྱ་བས་ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་པར་བྱ་བའི་ཕྱིར་དེང་གསོ་སྦྱིན་གྱིས་བྱིན་གྱིས་བརླབ་པོ། །གང་གི་ཚེ་དགེ་འདུན་ཚོགས་ལ་རྙེད་པ་དེའི་ཚེ། དགེ་འདུན་མཐུན་པ་
[96b.7]དང་གསོ་སྦྱིན་བྱའོ་ཞེས་དེ་བཞིན་དུ་ལན་གཉིས་ལན་གསུམ་དུ་བཟླས། དེ་བཞིན་དུ་གང་ན་གཉིས་སམ་གསུམ་འཁོད་པ་དེར་ཡང་ཚུལ་འདི་ལྟ་བུས་གཅིག་ལ་གཅིག་བརྗོད་པར་བྱའོ། །ལམ་དུ་ཞུགས་པ་ལས་ཁ་ཅིག་གྲོང་དུ་དོང་། ཁ་ཅིག་ཕྱི་རོལ་ན་འཁོད་ལ་གསོ་སྦྱིན་བྱ་བའི་དུས་
[97a]
[97a.1]ལས་འདས་ན་དེ་དག་གིས་སོ་སོར་གསོ་སྦྱིན་བྱའོ། །ཕྱི་རོལ་ན་གནས་པ་རྣམས་ཀྱིས་ནི་གྲོང་དང་ཉེ་བའི་གནས་སྤང་བར་བྱའོ། །གལ་ཏེ་མགྲོན་པོ་ཕལ་པོ་ཆེ་མི་སྡོད་པ་ལྟ་ན་འགྲོ་བཞིན་དུ་གསོ་སྦྱིན་བྱའོ། །ཅི་སྟེ་སྨོད་ན་ཡིད་ཀྱིས་བྱིན་གྱིས་བརླབ་པར་བྱའོ། །སེམས་བསྐྱེད་
[97a.2]པ་ཙམ་གྱིས་གྲུབ་པ་ནི་དྲུག་སྟེ། ཆོས་གོས་བྱིན་གྱིས་བརླབ་པ་དང་། ཆོས་གོས་དབྱུང་བ་དང་། ཆོས་གོས་བརྟག་པ་དང་། གང་ཟག་གིས་མགྲོན་དུ་བོས་པ་དང་། གསོ་སྦྱིན་དང་། དགག་དབྱེ་བྱའོ། །གསོ་སྦྱིན་བྱ་བའི་དུས་སུ་གསོ་སྦྱིན་མི་བྱེད་ན་འགལ་ཚབས་ཅན་དུ་འགྱུར་རོ། །
[97a.3]གསོ་སྦྱིན་བྱ་བའི་དུས་མ་ཡིན་པར་གསོ་སྦྱིན་བྱེད་ན་ཡང་འགལ་ཚབས་ཅན་དུ་འགྱུར་རོ། །བཀྲ་ཤིས་ཀྱི་གསོ་སྦྱིན་ནི་མ་གཏོགས་ཏེ། དགེ་འདུན་དབྱེ་བའི་སྡུམས་བྱ་བའི་དོན་ཏོ། །མཐུན་པར་བགྱི་བའི་གསོ་སྦྱིན་ཏེ། གནས་ནས་ཕྱུང་བའི་ལས་བྱས་པ་ལ་དག་པར་བྱ་ཞིང་མཐུན་པར་
[97a.4]བྱ་བའི་གསོ་སྦྱིན་བྱ་བར་གསོལ་བ་འདེབས་པའོ། །སོ་སོར་ཐར་པའི་མདོ་གདོན་པ་ཞེས་བྱ་བ་ལ་སོ་སོར་ཐར་པའི་མདོ་གདོན་པ་ནི་རྣམ་པ་ལྔ་སྟེ། གླེང་གཞི་བརྗོད་ནས་ལྷག་མ་གསན་པ་ལགས་སོ་ཞེས་གོ་བར་བྱེད་པ་དང་། ཇི་ལྟར་གླེང་གཞི་དང་། ཕམ་པར་འགྱུར་བ་བརྗོད་པ་དང་། དེ་
[97a.5]བཞིན་དུ་དགེ་འདུན་ལྷག་མའི་བར་དང་། དེ་བཞིན་དུ་མ་ངེས་པའི་བར་དུ་བརྗོད་ལ། ལྷག་མ་ནི་གསན་པ་ལགས་སོ་ཞེས་གོ་བར་བྱེད་པ་དང་། བཞི་པོ་འདི་དག་དང་ཐམས་ཅད་གདོན་པ་ནི་ལྔ་པའོ། །སུས་གདོན་ཞེ་ན། དགེ་འདུན་གྱི་གནས་བརྟན་གྱིས་སོ། །དེས་མི་ནུས་ན་གནས་
[97a.6]བརྟན་གཉིས་པ་ལ་སོགས་པ་སྟེ། རེས་ཀྱིས་གདོན་པར་བྱའོ། །ཡང་ན་གསོལ་བ་བཏབ་པས་སོ། །གལ་ཏེ་དགེ་འདུན་གྱི་གནས་བརྟན་གྱིས་གླེང་གཞི་ནི་ཐོན་ལ་ལྷག་མ་ནི་མ་ཐོན་ན་དེ་མ་ཡིན་པ་དག་གིས་ཕམ་པར་འགྱུར་བ་ལ་སོགས་པ་བརྗོད་པར་བྱའོ། །སྨྱོན་པས་བཏོན་པ་ཡང་
[97a.7]སོ་སོར་ཐར་པ་བཏོན་པ་ཡིན་ནོ། །འཁོར་རྣམ་པར་དག་པའི་དབང་དུ་མཛད་ནས་ཁྱེད་ཅག་སུ་ལ་ལྟུང་བ་ཡོད་པ་ཞེས་བྱ་བ་ལ་སོགས་པ་གསུངས་ཏེ། ལྟུང་བ་བྱུང་བ་གང་ཡིན་པ་དེ་ཕྱིར་བཅོས་པ་མ་བྱས་པ་ནི་ཡོད་པ་ཞེས་བྱའོ། །དགེ་སློང་གི་འཁོར་འདི་ལྟ་བུར་ཞེས་བྱ་བ་འདི་ནི་བསྟོད་པ་
[97b]
[97b.1]བརྗོད་པའོ། །དྲན་ཞེས་བྱ་བ་ནི་ལྟུང་བ་ཡོད་ཀྱང་མི་དྲན་ན་བརྫུན་དུ་མི་འགྱུར་རོ། །ཚིག་གིས་གོ་བར་བྱ་བའི་དོན་མཚན་མས་གོ་བའི་ཕྱིར་ཅད་མི་སྨྲ་བས་ཀྱང་བརྫུན་དུ་འགྱུར་རོ། །བར་དུ་གཅོད་པ་ཞེས་བྱ་བ་ནི་དུས་གཉིས་སུ་སྟེ། མཐོང་བའི་ཆོས་འདི་ཉིད་ལ་དགེ་བའི་ཆོས་རྣམས་དང་། ཚེ་རབས་
[97b.2]གཞན་ན་བདེ་འགྲོར་འགྲོ་བ་ལའོ། །རྣམ་པར་དག་པར་འདོད་པས་ཞེས་བྱ་བ་ནི་མྱ་ངན་ལས་འདས་པར་འདོད་པས་སོ། །བསྐུལ་བ་དང་། སྨ་དབབ་པ་དང་། བསྐྲད་པ་འདོད་པས་ནི་མ་ཡིན་ནོ། །ལན་གསུམ་ཞེས་བྱ་བ་ནི་ཧ་ཅང་ཉུང་བ་ཡང་མ་ཡིན། ཧ་ཅང་མང་བ་ཡང་མ་ཡིན་ནོ། །ཧ་
[97b.3]ཅང་ཉུང་ཆེས་ན་ནི་གཡེངས་པ་ཁ་ཅིག་གིས་ཉེ་བར་མཚོན་པར་མི་འགྱུར་རོ། །མང་ན་ནི་དུས་ཡུན་རིང་དུ་ཐོགས་པར་འགྱུར་རོ། །མཐོལ་ན་བདེ་བ་ལ་རེག་པར་གནས་པར་འགྱུར་རོ་ཞེས་བྱ་བ་ནི་རྣམ་པ་ལྔ་སྟེ། ལེ་ལོའི་གཉེན་པོར་བརྩོན་འགྲུས་རྩོམ་པ་དང་། ཁ་ན་མ་ཐོ་བ་བྱུང་བའི་
[97b.4]གཉེན་པོར་ཁ་ན་མ་ཐོ་བ་མེད་པ་སྐྱེད་པ་དང་བསླབ་པ་ཁྱད་དུ་གསོད་པའི་གཉེན་པོར་གུས་པ་དང་བཅས་པ་དང་། འགྱོད་པའི་གཉེན་པོར་འགྱོད་པ་མེད་པ་དང་། རྣམ་པར་མ་དག་པའི་གཉེན་པོར་ཏིང་ངེ་འཛིན་དང་། ཡང་དག་པ་ཇི་ལྟ་བ་བཞིན་དུ་ཤེས་པ་རྣམས་ཀྱིས་རྣམ་པར་དག་པའོ། །གླེང་
[97b.5]གཞི་ཞེས་བྱ་བ་ནི་སོ་སོར་ཐར་པའི་མདོ་གདོན་པར་གྱུར་པའི་ཕྱིར་ཏེ། དེའི་འོག་ཏུ་དེའི་འདོན་པ་བྱུང་ངོ་། །སོ་སོར་ཐར་པའི་མདོ་འདོན་པ་དང་པོ་རྫོགས་སོ།། །།དེའི་འོག་ཏུ་བསླབ་པའི་གཞི་རེ་རེ་ལ་འང་རྣམ་པ་ཉི་ཤུ་རྩ་གཅིག་གིས་བཤད་པར་བྱའོ། །རྣམ་པ་ཉི་ཤུ་རྩ་གཅིག་ནི་འདི་ལྟ་སྟེ།
[97b.6]གླེང་གཞི་དང་། གང་ཟག་དང་། ཉེས་པ་དང་། གཞི་དང་། ཉོན་མོངས་པ་དང་། ཚིག་གི་དོན་དང་། ལྟུང་བར་འགྱུར་བ་དང་། ལྟུང་བར་མི་འགྱུར་བ་དང་། ཡན་ལག་རྣམས་དང་། ཀུན་ནས་སློང་བ་དང་། བརྡ་དང་། རྒྱུན་ཆད་པ་དང་། རྒྱུན་མ་ཆད་པ་དང་། ཁ་ན་མ་ཐོ་བ་དང་། བྱ་བ་
[97b.7]དང་། མི་བྱ་བ་དང་། སྤྱད་པ་དང་། མ་སྤྱད་པ་དང་། ལྕི་བ་དང་། ཡང་བ་ཉིད་དང་། སྤྱིའི་མཚན་ཉིད་དང་། ལྡང་བར་བྱེད་པ་དང་། ཉོན་མོངས་པ་ཅན་དང་། ཉོན་མོངས་པ་ཅན་མ་ཡིན་པ་དང་། ལྟུང་བ་འབྱུང་བའི་རྒྱུའོ། །གྲོང་ཁྱེར་གང་དུ་བཅས་པ་དེ་ནི་གླེང་གཞིའོ། །གང་
[98a]
[98a.1]ལ་བརྟེན་ཏེ་བསླབ་པ་བཅས་པ་དེ་ནི་གང་ཟག་གོ། །ཉེས་པ་ནི་གང་ཟག་གི་ལུས་དང་ངག་གིས་གང་ཡིན་པ་དེ་ནི་ཉེས་པའོ། །གཞི་ནི་རྣམ་པ་གཉིས་ཏེ། སེམས་ཅན་དང་སེམས་ཅན་མ་ཡིན་པར་བརྗོད་པའོ། །རྒྱས་པར་བྱས་ན་རྣམ་པ་དྲུག་ཅུ་རྩ་ལྔའོ། །འདི་ལྟ་སྟེ།
[98a.2]འཁྲིག་པའི་གཞི་དང་། ཡོངས་སུ་ལེན་པའི་གཞི་དང་། མི་བཟོད་པའི་གཞི་དང་། ཡིད་ཆེས་ཤིང་རྙེད་པ་དང་བཀུར་སྟིའི་གཞི་དང་། གནས་ཀྱི་གཞི་དང་། ཚངས་པ་མཚུངས་པར་སྤྱོད་པའི་གཞི་དང་། དགེ་འདུན་གྱི་གཞི་དང་། ཟང་ཟིང་ལ་ལོངས་སྤྱོད་པའི་གཞི་དང་། ཆོས་ལ་ལོངས་
[98a.3]སྤྱོད་པའི་གཞི་དང་། དགེ་བསྙེན་མའི་གཞི་དང་། ཀུན་དུ་དགབ་པའི་གཞི་དང་། ཉེ་བར་དགབ་པའི་གཞི་དང་། བསྐང་བའི་གཞི་དང་། མཚན་མའི་གཞི་དང་། ལྷུང་བཟེད་ཀྱི་གཞི་དང་། ཆོས་གོས་ཀྱི་གཞི་དང་། ལྡང་བར་བྱེད་པའི་གཞི་དང་། སྦྱིན་པ་དང་མི་སྦྱིན་པའི་གཞི་དང་། དུས་མ་
[98a.4]ཡིན་པར་ལེན་པའི་གཞི་དང་། ཉེས་པར་གཞག་པའི་གཞི་དང་། བསྔོས་པ་སྒྱུར་བའི་གཞི་དང་། ན་བའི་སྨན་གྱི་གཞི་དང་། ལྟུང་བའི་གཞི་དང་། རབ་ཏུ་བྱུང་བའི་གཞི་དང་། འཁོར་བའི་གཞི་དང་། རྩོད་པའི་གཞི་དང་། སྟོན་པའི་གཞི་དང་། གང་ཟག་བསྙེན་པར་རྫོགས་
[98a.5]པའི་གཞི་དང་། སོ་སོར་ཐར་པའི་གཞི་དང་། སྡོམ་པའི་གཞི་དང་། ས་བོན་དང་འབྱུང་པོའི་གནས་ཀྱི་གཞི་དང་། ལྗིད་ཀྱི་གཞི་དང་། མི་གུས་པའི་གཞི་དང་། གནས་ལམ་གྱི་གཞི་དང་། དགེ་སློང་མའི་གཞི་དང་། བསོད་སྙོམས་ཡོངས་སུ་ལོངས་སྤྱོད་པའི་གཞི་དང་། ཆུ་ཡོངས་
[98a.6]སུ་འཛིན་པའི་གཞི་དང་། ཁྱིམ་དུ་ཉེ་བར་འགྲོ་བའི་གཞི་དང་། མུ་སྟེགས་ཅན་གྱི་གཞི་དང་། དམག་གི་གཞི་དང་། གྲོགས་པོའི་གཞི་དང་། མེའི་གཞི་དང་། འདུན་པའི་གཞི་དང་། ཉལ་བའི་གཞི་དང་། ཚུལ་བཞིན་མ་ཡིན་པ་ལ་ཉེ་བར་རྟོག་པའི་གཞི་དང་། མཚོན་གྱི་
[98a.7]གཞི་དང་། རུང་བ་མ་ཡིན་པ་ལེན་པའི་གཞི་དང་། རང་དབང་མེད་པའི་གཞི་དང་། དུད་འགྲོའི་སྐྱེ་གནས་ཀྱི་གཞི་དང་། རྩེ་བའི་གཞི་དང་། བུད་མེད་ཀྱི་ཡུལ་གྱི་གཞི་དང་། ལམ་དུ་འཇུག་པའི་གཞི་དང་། བསྙེན་པར་རྫོགས་པར་བྱེད་པའི་གཞི་དང་། ས་ལེན་པའི་གཞི་དང་། སྟོབས་
[98b]
[98b.1]པའི་གཞི་དང་། བསླབ་པའི་གཞི་དང་། སྨོད་པའི་གཞི་དང་། འཐབ་པའི་གཞི་དང་། འབེལ་བའི་གཏམ་རྣམ་པར་ངེས་པའི་གཞི་དང་། མགྲོན་དུ་བོས་པའི་གཞི་དང་། གྲོང་དུ་འཇུག་པའི་གཞི་དང་། ཁ་བ་རལ་གྱི་གཞི་དང་། གནས་མལ་གྱི་ཚད་ཀྱི་གཞི་དང་།
[98b.2]ཆོས་གོས་ཀྱི་ཚད་ཀྱི་གཞི་དང་། ཆོ་གའི་གཞི་དང་། གླེང་བའི་གཞིའོ། །ཉོན་མོངས་པ་ནི་རྣམ་པ་གཉིས་ཏེ། ལྷན་ཅིག་སྐྱེས་པ་དང་། ཀུན་དུ་བརྟགས་པའོ། །རྒྱས་པར་བྱེད་ན་རྣམ་པ་ཉི་ཤུ་རྩ་ལྔའོ། །འདི་ལྟ་སྟེ། འདོད་ཆགས་དང་། ཞེ་སྡང་དང་། གཏི་མུག་དང་། འཁྲིག་པའི་ཉོན་
[98b.3]མོངས་པ་དང་། ཡོངས་སུ་ལེན་པའི་ཉོན་མོངས་པ་དང་། མི་བཟོད་པའི་ཉོན་མོངས་པ་དང་། ཡིད་ཆེས་ཤིང་རྙེད་པ་དང་། བཀུར་སྟིའི་ཉོན་མོངས་པ་དང་། རྩོད་པ་ལས་བྱུང་བའི་ཉོན་མོངས་པ་དང་། ལས་ངན་པ་ལ་དགའ་བའི་ཉོན་མོངས་པ་དང་། ཤེས་བྱ་ལ་རྟོག་པའི་ཉོན་མོངས་པ་དང་། ཁྱིམ་
[98b.4]ལ་སར་སྣ་བྱེད་པའི་ཉོན་མོངས་པ་དང་། རང་དབང་མེད་པ་མི་བཟོད་པའི་ཉོན་མོངས་པ་དང་། འགལ་ཚབས་ཅན་གྱི་ཉོན་མོངས་པ་དང་། ཕོངས་པའི་ཉོན་མོངས་པ་དང་། རྐྱེན་ལ་ལྟོས་པའི་ཉོན་མོངས་པ་དང་། མ་དད་པའི་ཉོན་མོངས་པ་དང་། འཆབ་པའི་ཉོན་མོངས་པ་དང་། འཁོར་འཛིན་
[98b.5]པའི་ཉོན་མོངས་པ་དང་། ལྗིད་ཀྱི་ཉོན་མོངས་པ་དང་། མི་གུས་པའི་ཉོན་མོངས་པ་དང་། སྨོད་པའི་ཉོན་མོངས་པ་དང་། སྙིང་རྗེ་མེད་པའི་ཉོན་མོངས་པ་དང་། ལེ་ལོའི་ཉོན་མོངས་པ་དང་། ཉེ་བར་མ་ཞི་བའི་ཉོན་མོངས་པ་དང་། ཚོར་བ་མི་བཟོད་པའི་ཉོན་མོངས་པ་དང་། ཚིག་གི་དོན་ནི་བསླབ་
[98b.6]པའི་དངོས་པོ་རྣམས་ཀྱི་མཚན་ཉིད་བསྟན་པ་སྟེ། ཡང་ཞེས་བྱ་བའི་སྒྲ་ནི་ལས་དང་པོ་ལ་ལྟུང་བ་མེད་པར་སྟོན་ཏོ་ཞེས་བཤད་པ་ལྟ་བུའོ། །ལྟུང་བར་འགྱུར་བ་འདི་ལྟར་བྱས་ན་ལྟུང་བར་འགྱུར་རོ་ཞེས་བསྟན་པའོ། །ལྟུང་བར་མི་འགྱུར་བ་ནི་འདི་ལྟར་བྱས་ན་ལྟུང་བར་མི་འགྱུར་རོ་ཞེས་བསྟན་པ་རྣམས་
[98b.7]སོ། །ཡན་ལག་ནི་ཡན་ལག་འདི་རྣམས་དང་ལྡན་ན་ལྟུང་བར་འགྱུར། འདི་རྣམས་དང་མི་ལྡན་ན་ལྟུང་བར་མི་འགྱུར་རོ་ཞེས་བསྟན་པ་རྣམས་སོ། །ཀུན་ནས་སློང་བ་ནི་རྣམ་པ་དྲུག་སྟེ། ལུས་དང་ངག་དང་། ལུས་དང་སེམས་དང་། ངག་དང་། ངག་དང་སེམས་དང་། ལུས་དང་ངག་དང་སེམས་
[99a]
[99a.1]སོ། །བརྡ་ནི་ཕམ་པར་འགྱུར་བ་ལ་སོགས་པ་རྣམས་སོ། །རྒྱུན་ཆད་པ་དང་། རྒྱུན་མ་ཆད་པ་ལ་གཉེན་པོ་ལ་བརྟེན་པ་ནི་ཉེས་པའི་རྒྱུན་ཆད་པའི་ཕྱིར་རྒྱུན་ཆད་པ་ཞེས་བྱའོ། །དེ་ལས་བཟློག་པ་ནི་རྒྱུན་མ་ཆད་པའོ། །ཁ་ན་མ་ཐོ་བ་ནི་འདིར་རང་བཞིན་གྱི་ཁ་ན་མ་ཐོ་བའམ།
[99a.2]བཅས་པའི་ཁ་ན་མ་ཐོ་བའམ། ཅི་ཞིག་སྟེ། ཉོན་མོངས་པས་ལྷག་པར་སྤྱད་པ་གང་ཡིན་པ་དེ་ནི་རང་བཞིན་གྱི་ཁ་ན་མ་ཐོ་བའོ། །ཉོན་མོངས་པ་མ་ཡིན་པས་གང་ཡིན་པ་དེ་ནི་བཅས་པའི་ཁ་ན་མ་ཐོ་བའོ། །བྱ་བ་དང་མི་བྱ་བ་ནི་གང་ཅི་བྱས་ན་ལྟུང་བ་འབྱུང་བ་དང་། སྦྱོར་བ་མ་བྱས་ཀྱང་འབྱུང་
[99a.3]བའོ། །སྤྱད་པ་ནི་ཉེས་པར་མ་གྱུར་ནས་བཅས་པ་གང་ཡིན་པའོ། །མ་སྤྱད་པ་ནི་ཉེས་པར་མ་གྱུར་ཀྱང་བཅས་པ་གང་ཡིན་པའོ། །ལྕི་བ་དང་ཡང་བ་ཉིད་ནི་རྣམ་པ་དྲུག་སྟེ། བཅས་པ་དང་གཞི་དང་། ཉོན་མོངས་པ་དང་། བསྒྲུབ་པ་དང་། གང་ཟག་དང་། དུས་སོ། །དེ་ལ་བཅས་པ་ནི་བསླབ་
[99a.4]པ་བཅས་ནས། རང་བཞིན་དང་སྤངས་པའི་ཁ་ན་མ་ཐོ་བ་བྱུང་བའོ། །གཞི་ནི་འདི་ལྟ་སྟེ། དཔེར་ན་དུད་འགྲོའི་སྲོག་བཅད་པའི་ལྟུང་བ་ནི་ལྕིའི། དགེ་འདུན་ལྷག་མ་ནི་དེ་ལྟ་མ་ཡིན་ནོ། །ཉོན་མོངས་པ་ནི་བརྟག་པ་མ་ཡིན་པའི་ཉོན་མོངས་པ་ལས་བྱུང་བའི་ལྕི་བའོ། །བསྒྲུབ་པ་ནི་རྒྱུན་དུ་
[99a.5]བྱུང་བ་གང་ཡིན་པའོ། །གང་ཟག་ནི་དགེ་བའི་རྩ་བས་མ་བརྟན་པ་བླུན་པོའི་རྒྱུད་དེ་ལྕི་བའོ། །དེ་ཉིད་ལས་གཞན་པ་ནི་ཡང་བའོ། །འདི་ལྟ་སྟེ་དཔེར་ན་ཆུའི་རྒྱུན་ཆུང་ངུའི་རྩྭས་ཀྱང་ཟློགས་སོ། །ཆེན་པོས་ནི་ཤིང་གི་ཕུང་པོ་ཆེན་པོ་ཡང་ཁྱེར་རོ། །དུས་ནི་ཡུན་རིང་པོར་བཅས་པ་ནི་ལྕི་བའོ། །
[99a.6]དེ་དག་ལས་ལྡོག་པ་ནི་རྣམ་པ་དྲུག་སྟེ་ཡང་བའོ། །སྤྱིའི་མཚན་ཉིད་ནི་ཐམས་ཅད་ཀྱང་གང་ལུས་དང་ངག་གི་མཚན་ཉིད་དོ། །ལྡང་བ་ནི་རྣམ་པ་བཞི་སྟེ། ཆད་པའི་ལས་ཆེན་པོའི་ལྡང་བ་ནི་ཕམ་པར་འགྱུར་བའོ། །ཆད་པའི་ལས་འབྲིང་གིས་ལྡང་བ་ནི་དགེ་འདུན་ལྷག་མའོ། །
[99a.7]ཆད་པའི་ལས་ཆུང་ངུའི་ལྡང་བ་ནི་སྤང་བའོ། །ཆད་པའི་ལས་མེད་པས་ལྡང་བ་ནི་དེ་མ་ཡིན་པ་གཞན་དག་གོ། །འདོད་ཆགས་ལ་སོགས་པའི་ཉོན་མོངས་པ་ཅན་གྱི་ཀུན་ནས་བསླང་བ་གང་ཡིན་པ་དེ་ནི་ཀུན་ནས་ཉོན་མོངས་པ་ཅན་ཡིན་ནོ། །དེ་མ་ཡིན་པ་གཞན་དག་ནི་ཉོན་
[99b]
[99b.1]མོངས་པ་ཅན་མ་ཡིན་པའོ། །རྣམ་པ་ལྔས་ལྟུང་བ་བྱུང་སྟེ། ངོ་ཚ་མི་ཤེས་པ་ཉིད་དང་། མི་གུས་པ་དང་། བག་མེད་པ་དང་། གཏི་མུག་མི་ཆུང་བ་དང་། དྲན་པ་ཉམས་པའོ། །དེ་ལ་ལོ་བཅུ་གཉིས་ཀྱི་བར་དུ་དགེ་སློང་དགེ་འདུན་སྐྱོན་མེད་པར་གྱུར་ཏོ། །ལོ་བཅུ་གསུམ་པ་ལ་བབ་པ་ན་བཅོམ་
[99b.2]ལྡན་འདས་ཡུལ་སྤོང་བྱེད་དག་ན་ཀ་ལན་ད་ཀའི་གྲོང་ན་བཞུགས་སོ། །ཀ་ལན་ད་ཀའི་བུ་བཟང་སྦྱིན་མས་ས་བོན་གྱི་ཕྱིར་ཉེས་པ་ཅི་ཡང་མེད་དོ་ཞེས་བསླུས་ཏེ། འཁྲིག་པ་བསྟན་ཏོ། །འཁྲིག་པའི་གཞིའི་དབང་དུ་མཛད་དེ། ཕན་ཡོན་བཅུ་ཡང་དག་པར་གཟིག་ནས། འཁྲིག་པའི་ཉོན་མོངས་པས་
[99b.3]ཕམ་པར་འགྱུར་བ་དང་པོ་བཅས་སོ། །འདི་ལྟ་སྟེ། དགེ་འདུན་བསྡུ་བར་བྱ་བའི་ཕྱིར་ཞེས་བྱ་བ་ནི་རྒྱལ་རིགས་ནས་དམངས་རིགས་ཀྱི་བར་གྱི་རིགས་ཀྱི་བུ་དང་རིགས་ཀྱི་བུ་མོ་དག་ཀྱང་གཟུད་པའོ། །དགེ་འདུན་ལེགས་པར་བྱ་བའི་ཕྱིར་ཞེས་བྱ་བ་ནི་ཞུགས་པ་རྣམས་ལེགས་པར་གསུངས་པའི་ཆོས་འདུལ་
[99b.4]བ་ལ་ལེགས་པར་བརྟེན་ནས། དགེ་བའི་ཆོས་རྣམས་མངོན་པར་འཕེལ་བར་བྱའོ། །དགེ་འདུན་བདེ་བ་ལ་རེག་པར་གནས་པར་བྱ་བའི་ཕྱིར་ཞེས་བྱ་བ་ནི། དགེ་བའི་ཆོས་རྣམས་ལ་བརྟེན་ནས་དད་པས་བྱིན་པ་ཡོངས་སུ་སྤྱོད་པར་བྱེད་པའོ། །མ་དད་པ་རྣམས་དད་པར་བྱ་བའི་ཕྱིར་ཞེས་བྱ་བ་ནི་ཁྱིམ་པ་
[99b.5]དད་པ་མ་རྙེད་པ་རྣམས་དད་པ་རྙེད་པར་བྱ་བའོ། །དད་པ་རྣམས་ཕྱིར་ཞིང་འཕེལ་བར་བྱ་བའི་ཕྱིར་ཞེས་བྱ་བ་ནི། དད་པ་རྙེད་པ་རྣམས་ཀྱི་སེམས་སྲུང་བར་བྱེད་པའོ། །གནོད་མི་བཀུར་བའི་གང་ཟག་རྣམས་ཚར་གཅད་པའི་ཕྱིར་ཞེས་བྱ་བ་ནི་ཚུལ་ཁྲིམས་འཆལ་བ་རྣམས་བསླབ་པ་ལ་རྗེས་སུ་མི་སློབ་པའི་
[99b.6]གང་ཟག་རྣམས་ནན་ཏུར་གྱི་ལས་ཀྱིས་ཕྱིར་བསྐྲད་པར་བྱའོ། །ངོ་ཚ་ཤེས་པ་རྣམས་བདེ་བ་ལ་རེག་པར་གནས་པར་བྱ་བའི་ཕྱིར་ཞེས་བྱ་བ་ནི་ངོ་ཚ་ཤེས་པ་ཞེས་བྱ་བ་ནི་སོ་སོའི་སྐྱེ་བོའི་དགེ་བ་རྣམས་ཏེ། དེ་དག་མི་འཐབ་པ་དང་། མཚང་མི་འདྲུ་བ་དང་། མི་རྩོད་པ་དང་། མི་འགྱེད་པར་བྱ་བའོ།
[99b.7]མཐོང་བའི་ཆོས་ཀྱི་ཟག་པ་རྣམས་བསྡམ་པར་བྱ་བའི་ཕྱིར་ཞེས་བྱ་བ་ལ། མཐོང་བའི་ཆོས་ཀྱི་ཟག་པ་རྣམས་ཞེས་བྱ་བ་ནི་ཀུན་ནས་དཀྲིས་པ་སྟེ་དེ་སྤང་བར་བྱ་བའོ། །ཚེ་རབས་ཕྱི་མའི་ཟག་པ་རྣམས་བཟློག་པར་བྱ་བའི་ཕྱིར་ཞེས་བྱ་བ་ལ་ཚེ་རབས་ཕྱི་མའི་ཟག་པ་རྣམས་ཞེས་བྱ་བ་ནི་བག་ལ་ཉལ་
[100a]
[100a.1]ཏེ་དེ་སྤང་བར་བྱ་བའོ། །ངའི་ཚངས་པར་སྤྱོད་པ་སྐྱེ་བོ་མང་པོ་ལ་ཕན་པ་ཡངས་པར་གྱུར་པ། ལྷ་དང་མིའི་བར་དག་ལ་ཡང་དག་པར་རབ་ཏུ་བསྟན་པ་ཡུན་རིང་དུ་གནས་པར་གྱུར་པ་ཞེས་བྱ་བ་ནི། སྡེ་སྣོད་གཅིག་ནས་གཅིག་ཏུ་བརྒྱུད་པའི་ཚུལ་གྱིས་བསྟན་པ་ཡུན་རིང་དུ་གནས་
[100a.2]པའོ། །ཡང་དགེ་སློང་གང་ཞེས་བྱ་བ་ནི་དགེ་སློང་རྣམ་པ་ལྔ་སྟེ། མིང་གི་དགེ་སློང་ནི་གང་ཐ་སྙད་དུ་དགེ་སློང་ཞེས་མིང་བཏགས་པའོ། །ཁས་འཆེ་བའི་དགེ་སློང་ནི་གང་དགེ་སློང་མ་ཡིན་པར་དགེ་སློང་ཞེས་ཁས་འཆེས་པའོ། །སློང་བའི་ཕྱིར་དགེ་སློང་ནི་གང་ཆོས་ཀྱིས་སློང་མོ་བྱེད་ཅིང་འཚོ་བའོ། །ཉོན་
[100a.3]མོངས་པ་བཅོམ་པའི་ཕྱིར་དགེ་སློང་དང་། གསོལ་བ་དང་བཞིའི་ལས་ཀྱིས་བསྙེན་པར་རྫོགས་པའི་དགེ་སློང་ནི་ལྔ་པའོ། །འདི་ནི་ལྔ་པར་འདོད་དེ། དགེ་སློང་དུ་འགྱུར་བའི་རྒྱུ་རྣམས་རྒྱས་པར་འཆད་དོ། །དེ་ནི་དགེ་སློང་དང་ལྡན་པ་ཐམས་ཅད་ལ་བརྗོད་པར་བྱ་སྟེ། ཡང་བརྗོད་
[100a.4]པར་མི་བྱའོ། །བསླབ་པ་མཚུངས་པར་གྱུར་པ་ཞེས་བྱ་བ་ནི་བསླབ་པ་མཉམ་པ་ཐོབ་པ་སྟེ། བསྙེན་པར་རྫོགས་ནས་ལོ་བརྒྱ་ལོན་པས་གང་ལ་བསླབ་པར་བྱ་བ་དེ་ལ་དེའི་ཉིན་མོ་བསྙེན་པར་རྫོགས་པས་ཀྱང་བསླབ་པའོ། །བསླབ་པ་མ་ཕུལ་བ་ཞེས་བྱ་བ་ནི་སྐད་བརྡ་མི་ཕྲད་པ་དང་།
[100a.5]སྨྱོས་པ་དང་། སེམས་འཁྲུགས་པ་དང་ཚོར་བས་ཉེན་པ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ཀྱིས་ལོག་པ་དང་། སྙོམས་པར་ཞུགས་པ་དང་། མི་མ་ཡིན་པ་དང་། ལྷ་དང་། སྤྲུལ་པ་དང་། དུད་འགྲོར་གཏོགས་པ་དང་། གཟུགས་བརྙན་ལ་སོགས་པའི་མདུན་དུ་ཕུལ་ན་
[100a.6]བསླབ་པ་ཕུལ་བ་མ་ཡིན་ནོ། །ཁྲོས་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བས་ཉེན་པ་དང་། མི་དབེན་པ་ལ་དབེན་པར་འདུ་ཤེས་པ་དང་། དབེན་པ་ལ་མི་དབེན་པར་འདུ་ཤེས་པ་དང་། ཅ་ཅོ་འདོན་པའི་ཁྲོད་དང་། རང་བཞིན་དུ་གནས་པ་གང་ལ་ཡང་གོ་བར་མ་བྱས་
[100a.7]པ་ནི་ཕུལ་བ་མ་ཡིན་ནོ། །དགེ་སློང་དགེ་སློང་རྣམས་དང་། ལྷན་ཅིག་ཏུ་བསླབ་པ་མཚུངས་པར་འགྱུར་བ་ལས་བསླབ་པ་མ་ཕུལ་ཞེས་བྱ་བ་ལ་མུ་བཞི་ཡོད་དེ། མུ་དང་པོ་ནི་མངོན་པར་དགའ་བའི་དགེ་སློང་ངོ་། །གཉིས་པ་ནི་གསོ་སྦྱིན་དང་མུ་སྟེགས་ཅན་དང་རིགས་དྲུག་ལ་མངོན་པར་མི་དགའ་བའོ།
[100b]
[100b.1]གསུམ་པ་ནི་མངོན་པར་མི་དགའ་བའི་དགེ་སློང་ངོ་། །བཞི་པ་ནི་རྣམ་པ་འདི་དག་མ་གཏོགས་པའོ། །བསླབ་པ་ཉམས་པར་མ་བྱས་ཞེས་བྱ་བ་ལ་བསླབ་པ་ཕུལ་ཡང་བསླབ་པ་ཉམས་པར་མ་བྱས་པ་ཡོད་དེ། མུ་བཞིའོ། །མུ་དང་པོ་ནི་གང་དབུལ་བར་འདོད་པས་སྐྱེས་བུ་བརྡ་ཕྲད་པའི་མདུན་དུ་འདི་
[100b.2]སྐད་ཅེས་ཚེ་དང་ལྡན་པ་དགོངས་སུ་གསོལ། བདག་མིང་འདི་ཞེས་བགྱི་བ་བསླབ་པ་འབུལ་ཏེ། དེ་བཞིན་དུ་དཀོན་མཆོག་རྣམས་དང་། སྡེ་སྣོད་གསུམ་དང་། སློབ་དཔོན་དང་། མཁན་པོ་ཡང་ངོ་ཞེས་ཟེར་ན། གཅིག་གམ་ཐམས་ཅད་ཀྱང་རུང་སྟེ་བསླབ་པ་ཕུལ་བ་ཞེས་བྱའོ། །དེ་བཞིན་དུ་བདག་
[100b.3]ཁྱིམ་པ་དང་། དགེ་ཚུལ་ལམ། ཟ་མའམ། མ་ནིང་ངམ། དགེ་སློང་མ་སུན་ཕྱུང་བའམ། མཚམས་མེད་པ་ལྔ་བྱེད་པའམ། མུ་སྟེགས་ཅན་ནམ། མུ་སྟེགས་ཅན་ཞུགས་པའམ། རྐུ་ཐབས་སུ་གནས་པའམ། ཐ་དད་དུ་གནས་པའམ། གནས་པར་མི་བྱ་བར་གཟུང་དུ་གསོལ་
[100b.4]ཞེའམ། ཐ་ན་འདི་སྐད་ཅེས་ཆོས་མཐུན་པ་ཚངས་པ་མཚུངས་པར་སྤྱོད་པ་ཁྱེད་ཅག་ལྟ་བུ་མི་དགོས་སོ་ཞེས་ཟེར་ན་ཕུལ་བ་ཡིན་ནོ། །གང་ཁྲོས་སམ། གློ་བུར་དུ་གཟུགས་ལ་ཆགས་པའི་སེམས་ཀྱིས་བསླབ་པ་ཕུལ་བས། དེས་གལ་ཏེ་མི་ཚངས་པར་སྤྱོད་པ་མ་བསྟེན་གྱིས་རྟས་པར་གྱུར་ན་དགེ་སློང་
[100b.5]ཉིད་དོ། །བསྟེན་ན་ནི་དགེ་སློང་ཡང་མ་ཡིན་ལ་ཕམ་པར་འགྱུར་བ་ཡང་མ་ཡིན་ནོ། །དབུལ་བའི་བསམ་པས་མི་ཚངས་པར་སྤྱོད་པ་བྱེད་པ་དང་། མི་འཇིགས་པ་དང་། རྐུ་བའི་སེམས་མེད་པའི་ཕྱིར་གོ་རིམས་བཞིན་ཏེ། བསླབ་པ་བྱིན་པ་བཞིན་ནོ། །མུ་གཉིས་པ་ནི་བབས་པ་འདོད་ནས་རྟགས་
[100b.6]རྣམས་སྨྲ་ཞིང་དགེ་སློང་གི་བྱ་བ་ནི་བྱ་དཀའ་བའོ་ཞེས་ཟེར་ལ་བསླབ་པ་འབུལ་ལོ་ཞེས་ནི་མི་ཟེར་བའོ། །ལ་ལ་ན་རེ་སུ་བདག་ཉིད་ཀྱིས་བདག་བསླབ་པ་རྣམས་ཁོང་དུ་ཆུད་པར་བྱེད་མི་ནུས་ཏེ། དབུལ་བར་ཡང་འདོད་ལ། དེ་གལ་ཏེ་བསླབ་པ་མ་ཕུལ་བར་བག་མེད་པས་མི་ཚངས་པར་སྤྱོད་པ་བསྟེན་
[100b.7]ན། བསླབ་པ་མ་ཕུལ་ཡང་ཕམ་པར་འགྱུར་བ་མ་ཡིན་ཏེ། ཇི་ལྟར་བསླབ་པ་ཕུལ་བ་བཞིན་དུ་དེ་ཡང་རབ་ཏུ་དབྱུང་དུ་རུང་ངོ་། །ཅིའི་ཕྱིར་ཞེ་ན་ལེགས་པར་གསུངས་པའི་ཆོས་འདུལ་བ་ལ་བསླབ་པ་དང་། བསླབ་པར་བཅས་པ་ལ་ཀླན་ཀས་ཐ་སྙད་མ་བཏགས་པའི་ཕྱིར་རོ་ཞེའོ། །
[101a]
[101a.1]གསུམ་པ་ནི་གལ་ཏེ་གཉིག་བྱེད་པའོ། །བཞི་པ་ནི་དགེ་སློང་མངོན་པར་དགའ་བའོ། །བསྟན་ན་ཞེས་བྱ་བ་ནི་བསླབ་པ་ཡང་ཕུལ་ལ་ཉམས་པར་ཡང་བྱས་ལ་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ན་ཞེས་བྱ་བ་མུ་བཞི་སྟེ། དང་པོ་ནི་སློང་མོ་སྤྱོད་པ་དང་། ངན་ངོན་ལ་སྤྱོད་པ་དང་།
[101a.2]རང་དབང་མེད་པར་སྤྱོད་པ་དང་། མི་བཟོད་ཅིང་བསླབ་པའི་གནས་ལྔ་པ་ཚངས་པར་སྤྱོད་པ་དང་ཡང་དག་པར་འཛིན་འདོད་པས། མི་ཚངས་པར་སྤྱོད་པ་ནི་མི་བསྟེན་ལ་བསླབ་པ་ཕུལ་བའོ། །མུ་གཉིས་པ་ནི་འཇིགས་པ་མེད་པའི་སེམས་དང་། རྐུ་བའི་སེམས་ཀྱིས་མི་ཚངས་བར་སྤྱོད་པ་བྱེད་པའོ། །གསུམ་
[101a.3]པ་ནི་ཚུལ་བཞིན་དུ་བསླབ་པ་ཕུལ་ནས་མི་ཚངས་པར་སྤྱོད་པ་བྱེད་པའོ། །བཞི་པ་ནི་དགེ་སློང་མངོན་པར་དགའ་བའོ། །ཐ་ན་དུད་འགྲོའི་སྐྱེ་གནས་སུ་སྐྱེས་པ་ཞེས་བྱ་བ་ནི་སྤྲ་མོ་དང་། སྤྲ་མོ་དང་འདྲ་བར་གྱུར་པའོ། །ཕམ་པར་གྱུར་པ་ཞེས་བྱ་བ་ནི་གྲུབ་པར་བྱས་མ་ཐག་ཏུ་ལྟུང་བ་དང་སྨད་པ་སྟེ། དགེ་
[101a.4]སློང་གི་དངོས་པོ་ཕམ་པར་འགྱུར་བའི་ཕྱིར་ཡང་ངོ་། །གནས་པར་མི་བྱའོ་ཞེས་བྱ་བ་ནི་དེ་དགེ་སློང་དག་གསོ་སྦྱིན་ལ་སོགས་པའི་ནང་དུ་མི་གནས་པའོ། །ཕམ་པར་གྱུར་ན་ཡང་གནས་པར་མི་བྱ་བ་མ་ཡིན་པ་ཡང་ཡོད་དེ། མུ་བཞིའོ། །མུ་དང་པོ་ནི་ཕྱིར་མི་འོང་བ་དེ་ཕམ་པར་གྱུར་པ་ཡིན་ཏེ། གཞི་ཉོན་མོངས་
[101a.5]པ་ཕམ་པར་བྱས་པས་ཕམ་པར་གྱུར་པའོ། །གཉིས་པ་ནི་གང་གནས་ནས་ཕྱུང་བའི་ལས་བྱས་པའོ། །གསུམ་པ་ནི་ལྟུང་བར་གྱུར་པའོ། །བཞི་པ་ནི་དགེ་སློང་རང་བཞིན་དུ་གནས་པའོ། །རྣམ་གྲངས་གཞན་དུ་ན་གང་ཞེས་བྱ་བ་སྤྱིའི་སྒྲས་ནི་དགེ་སློང་ལས་གཞན་པ་རྣམས་ལ་ཡང་རྗེས་སུ་འབྲེལ་པར་
[101a.6]འཇུག་པ་ཡིན་མོད་ཀྱི་ཕམ་པར་འགྱུར་བ་ཉིད་སྟོན་ཏེ། དགེ་སློང་ཞེས་བྱ་བའི་སྒྲས་ནི་གཞི་མཐུན་པའི་དབང་དུ་མ་བྱས་པའི་ཕྱིར་རོ། །ཡང་ཞེས་བྱ་བ་ནི་དེ་ལས་གཞན་པ་སྟེ། འདིས་ནི་ལས་དང་པོ་པ་ལ་ལྟུང་བ་མེད་པར་སྟོན་ཏེ། དགེ་སློང་ཞེས་བྱ་བ་ནི་དགེ་སློང་གི་སོ་སོར་ཐར་པའི་དབང་དུ་བྱས་པ་ཡིན་པས་
[101a.7]དགེ་སློང་མ་ལ་སོགས་པ་ནི་མ་གཏོགས་སོ་ཞེས་བྱ་བའི་ཐ་ཚིག་གོ། །དེ་ཡང་གང་དགེ་འདུན་དང་། མཚམས་དང་། ལས་དང་། གང་ཟག་གི་ཉེས་པ་མེད་པར་དགེ་སློང་གི་ལམ་སམ། དགེ་སློང་མའི་ལས་ཀྱིས་བསྙེན་པར་རྫོགས་པའོ། །རང་བྱུང་ལ་སོགས་པའི་རྒྱུ་དང་ལྡན་པས་བསྙེན་པར་རྫོགས་
[101b]
[101b.1]པ་རྣམས་ནི་བསླབ་པ་བཅས་པའི་དབང་དུ་མ་བྱས་པའི་ཕྱིར་རོ། །འདུལ་བའི་རིགས་ཉོན་མོངས་པའི་དབང་དུ་སོང་ནས་བརྩམས་ཏེ་བཅས་སོ། །དགེ་སློང་ཞེས་བྱ་བའི་སྒྲས་ནི་སྔོན་ལྟུང་བ་བྱུང་བ་ལ་སོགས་པ་ལ་ཡང་གྲགས་པས་དེ་རྣམ་པར་བཅད་པའི་ཕྱིར། དགེ་སློང་རྣམས་དང་ཞེས་བྱ་བ་ལ་སོགས་
[101b.2]པ་གསུངས་སོ། །འདི་ལྟ་སྟེ་དགེ་སློང་མི་ཚངས་པར་སྤྱོད་པ་བགྱིས་ཀྱང་ཕམ་པར་འགྱུར་བའི་ལྟུང་བར་མི་འགྱུར་བ་མཆིས་སམ་ཞེས་གསོལ་པ་དང་། ཡོད་དེ། སྔོན་ལྟུང་བ་བྱུང་བའོ་ཞེས་གསུངས་སོ། །དགེ་སློང་རྣམས་དང་ཞེས་བྱ་བ་ནི། དགེ་སློང་མ་ལ་སོགས་པ་གཞན་དང་ནི་མ་ཡིན་ཏེ།
[101b.3]དེ་དག་དང་བསླབ་པ་མང་ཉུང་ཡོད་པའི་ཕྱིར་རོ། །དགེ་སློང་མ་མཚན་གྱུར་ཏེ། དགེ་སློང་དུ་གྱུར་པ་དེ་ཅི་ལྟར་དེ་དག་དང་བསླབ་པ་མཚུངས་པ་མ་ཡིན་ཞེ་ན། གྱུར་ནས་ནི་བསླབ་པ་ཐུན་མོང་མ་ཡིན་པ་རྒྱུན་ཆད་པའི་ཕྱིར་རོ། །ལྷན་ཅིག་ཅེས་བྱ་བ་ནི་དེ་ལས་གཞན་པའི་དོན་རྣམས་ལས་བཟློག་ནས་
[101b.4]ལྷན་ཅིག་པའི་དོན་ནི་གསུམ་པའི་དོན་དུ་བསྟན་ཏོ། །བསླབ་པ་ཞེས་བྱ་བ་ནི་བསླབ་པ་གསུམ་སྟེ། ལྷག་པའི་ཚུལ་ཁྲིམས་དང་། ལྷག་པའི་སེམས་དང་། ལྷག་པའི་ཤེས་རབ་བོ། །འདིར་ནི་ལྷག་པའི་ཚུལ་ཁྲིམས་ལ་བསླབ་པ་ཞེས་གཟུང་ངོ་། །གྱུར་ཅེས་བྱ་བ་ནི་སུ་ལྷུང་བ་བྱེད་པ་
[101b.5]ནི་གསོལ་བའི་ལས་མ་རྫོགས་པ་སྟེ་ཕམ་པར་གྱུར་པ་ཞེས་མི་བརྗོད་དེ། གང་དགེ་ཚུལ་གྱི་དངོས་པོར་ཡང་མ་བྱས་པར་བསྙེན་པར་རྫོགས་པར་བྱེད་པའོ། །བསླབ་པ་མ་ཕུལ་ཞེས་བྱ་བ་ནི། སྡོམ་པ་གཏོང་བར་འགྱུར་བའི་རྒྱུ་རྣམས་ཀྱིས་སྡོམ་པ་མ་གཏང་བ་ཞེས་བྱ་བའི་ཐ་ཚིག་གོ། །
[101b.6]དེའི་རྒྱུ་ནི་བཞི་སྟེ། བསླབ་པ་ཕུལ་བ་དང་། མཚན་གཉིས་བྱུང་བ་དང་། དགེ་བའི་རྩ་བ་ཆད་པ་དང་། ཤི་འཕོས་པའོ། །སྡོམ་པ་རྒྱུན་བཅད་པ་ནི་བསླབ་པ་མཚུངས་པ་མ་ཡིན་ནོ་ཞེས་བྱ་བའི་དོན་ནི་སྔར་ཡང་མ་བསྟན་ཏམ་ཞེ་ན། གྱུར་ཅེས་གསུངས་པས་གང་གིས་གྱུར་ནས་ཕུལ་བ་དེ་ནི་གྱུར་པ་ཉིད་
[101b.7]དོ་ཞེས་བརྗོད་ནུས་ཏེ། འདི་ལ་ཉེས་པ་མེད་དོ། །བསླབ་པ་ཉམས་པར་མ་བྱས་ཞེས་བྱ་བ་ནི་བསླབ་པ་རྣམས་ལ་མི་ནུས་པར་ངེས་པར་མ་བྱས་པའོ། །འདི་ཡང་ཅིའི་ཕྱིར་ཞེ་ན། གཞན་དག་ལ་ནི་བསླབ་པ་འབུལ་བའི་རྒྱུ་རབ་ཏུ་བསྟན་པའི་ཕྱིར་རོ། །གང་བསླབ་པ་མ་ཕུལ་ཡང་བསླབ་པ་རྣམས་
[102a]
[102a.1]ལ་མི་ནུས་པར་ངེས་པར་བྱས་ལ་བསམ་པས་ཀྱང་གཏོང་འདོད་པས་བྱས་ན་དེ་ཕམ་པར་འགྱུར་བ་མ་ཡིན་པར་བསྟན་པའི་ཕྱིར་རོ་ཞེས་འཆད་དོ། །མི་ཚངས་པར་སྤྱོད་ཅེས་བྱ་བ་ལ་ཚངས་པར་སྤྱོད་པ་ནི་འཕགས་པའི་ལམ་མོ། །མྱ་ངན་ལས་འདས་པའི་མཚན་ཉིད་ནི་ཚངས་པ་སྟེ།
[102a.2]དེས་ཚངས་པར་བྱེད་པའི་ཕྱིར་རོ། །དེའི་མི་མཐུན་པའི་ཕྱོགས་སུ་གྱུར་པས་མི་ཚངས་པར་སྤྱོད་པ་སྟེ། བསོད་ནམས་མ་ཡིན་པ་དང་། མི་སྙན་པ་བཞིན་ནོ། །འཁྲིག་པ་ཞེས་བྱ་བ་ནི་བུད་མེད་དང་སྐྱེས་པ་སྦྱོར་བ་སྟེ། དེ་ལས་ལས་སུ་གྱུར་པ་དེ་ནི་འཁྲག་པའོ་ཞེས་ཕལ་ཆེར་སྨྲ་སྟེ། རང་གི་ཁ་ལ་
[102a.3]སོགས་པར་ཡང་ཕམ་པར་འགྱུར་རོ། །ཚིག་འདི་གཉིས་ཀྱིས་ནི་གཉིས་ཀྱིས་གཉིས་ཕྲད་པ་ཉེས་དམིགས་དང་བཅས་པར་སྟོན་ཏོ། །ཡང་ན་བསླབ་པ་མ་བཟུང་བས་འཁྲིག་པ་བྱས་པ་ལས་བྱེ་བྲག་ཏུ་བསྟན་པའི་ཕྱིར་མི་ཚངས་པར་སྤྱོད་པའི་ཚིག་གཟུང་ངོ་། །རྣམ་གྲངས་གཞན་དུ་རང་གི་ཁ་དང་བཤད་
[102a.4]པའི་ལམ་དུ་བྱེད་པ་ནི་མི་ཚངས་པར་སྤྱོད་པའོ། །གཞན་ལ་བྱེད་པ་ནི་འཁྲིག་པའོ། །ཆོས་ཞེས་བྱ་བ་ནི་རང་གི་མཚན་ཉིད་འཛིན་པའི་ཕྱིར་ཏེ། འདིས་ནི་དངོས་པོ་མེད་པའི་རྨི་ལམ་གྱི་འཁྲིག་པ་རྣམ་པར་གཅོད་དོ། །བསྟེན་ན་ཞེས་བྱ་བ་ནི་མྱོང་བ་དང་བཅས་པར་བྱས་པའོ། །ཐ་ན་ཞེས་བྱ་བ་ནི་དུད་
[102a.5]འགྲོའི་སྐྱེ་གནས་སུ་སོང་བ་དམན་པའི་ཕྱིར་རོ། །ཤ་ཟ་མོ་དང་སེམས་ཅན་དམྱལ་བའི་བུད་མེད་ནི་འབྲིང་ངོ་། །ལྷ་དང་མིའི་བུད་མེད་ནི་མཆོག་གོ། །དུད་འགྲོའི་སྐྱེ་གནས་སུ་གཏོགས་པ་ཞེས་བྱ་བ་ནི་ཕལ་ཆེར་དུད་དེ་འགྲོ་བས་དུད་འགྲོའི་སྐྱེ་གནས་ཏེ་དེར་གཏོགས་པ་ལའོ། །མོ་རྟགས་ནི་
[102a.6]འདིར་མངོན་པར་བརྗོད་པ་ཙམ་སྟེ། སྐྱེས་པ་ལ་ཡང་ཕམ་པར་འགྱུར་བའི་ཕྱིར་རོ། །ཀྱང་ཞེས་བྱ་བ་ནི་འབྲིང་དང་མཆོག་ཀྱང་ངོ་ཞེས་བྱ་བའི་ཐ་ཚིག་གོ། །དེ་ཞེས་བྱ་བ་ནི་མཚན་ཉིད་ཀྱིས་མངོན་སུམ་དུ་གྱུར་པའི་ཕྱིར་རོ། །དགེ་སློང་ཞེས་བྱ་བ་ནི་སྔོན་གྱུར་པར་ཤེས་པའམ་གྲགས་པའོ། །
[102a.7]ཕམ་པར་གྱུར་པ་ཞེས་བྱ་བ་ནི་བདུད་ཀྱི་སྡེས་དམ་པའི་ཆོས་ཀྱི་རྒྱལ་པོའི་སྲས་ལས་ཉམས་པར་བྱས་པའི་ཕྱིར་ཏེ། ཇི་ལྟར་དགེ་སྦྱོང་དུ་མི་རུང་བར་འགྱུར། ཤཱཀྱའི་སྲས་ཀྱིར་མི་རུང་ཞེས་གསུངས་སོ། །གནས་པར་མི་བྱའོ་ཞེས་བྱ་བ་ནི་ཚངས་པ་མཚུངས་པར་སྤྱོད་པ་རྣམས་ཀྱིས་བསྐྲད་པའི་ཕྱིར་འདི་ནི་
[102b]
[102b.1]མཐོང་བའི་ཆོས་ཀྱི་ཉེས་དམིགས་སྟོན་ཏོ། །ཕྱོགས་འདིས་བསླབ་པའི་གཞི་ཐམས་ཅད་ཀྱི་ཚིག་གི་ནུས་པ་བརྗོད་པར་བྱའོ། །མངས་ཀྱིས་དོགས་ནས་ཐམས་ཅད་ལ་ནི་མ་བརྗོད་དོ། །དེ་ལ་ལྟུང་བ་ཅི་ལྟར་འགྱུར་ཞེ་ན། དགེ་སློང་གིས་བུད་མེད་དང་སྐྱེས་པ་དང་མ་ནིང་རྣམས་ཀྱི་ཟག་བྱེད་དང་། ཁ་
[102b.2]དང་། བཤང་བའི་ལམ་རྣམས་སུ་ཟག་བྱེད་བཅུག་ལ། བཅུག་ནས་ཉམས་སུ་མྱོང་ནས་དངོས་གཞིའི་ལྟུང་བའོ། །ཟག་བྱེད་དུ་པགས་པ་ལས་ནོར་བུ་འདས་ན་བཅུག་པ་ཞེས་བྱའོ། །ཁར་ནི་ནོར་བུ་སོ་ལས་འདས་ནའོ། །བཤང་བའི་ལམ་དུ་ནི་འཛུམ་པ་ལས་འདས་ནའོ། །ཉམས་སུ་མྱོང་
[102b.3]བ་ནི་འདོད་ཆགས་སྐྱེས་ནས་ལུས་ཀྱི་རྣམ་པར་ཤེས་པ་དང་། ཡིད་ཀྱི་རྣམ་པར་ཤེས་པས་སོ། །མིའི་བུད་མེད་དང་། སྐྱེས་པ་དང་། མ་ནིང་གསོན་པོའམ། ཤི་བའམ། གཉིད་ཀྱིས་ལོག་པའམ། གཉིད་ཀྱིས་མ་ལོག་པའམ། སྙོམས་པར་ཞུགས་པའམ། སྨྱོས་པའམ། སེམས་འཁྲུགས་པའམ། ཚོར་བས་
[102b.4]ཉན་པ་འམ། རང་བཞིན་དུ་གནས་པ་རྣམས་ལ་བར་དང་བཅས་པས་བར་ཆད་དང་བཅས་པ་དང་། བར་དང་བཅས་པས་བར་ཆད་མེད་པ་དང་། བར་མེད་པས་བར་ཆད་དང་བཅས་པ་དང་། བར་མེད་པས་བར་ཆད་མེད་པ་དང་། རྨ་གསུམ་དང་། རྨ་གཉིས་ཀྱང་རུང་སྟེ། རྣམ་པར་མ་ཉམས་པ་
[102b.5]ལ་བཅུག་མ་ཐག་ཏུ་བསྟེན་པར་གཞོལ་བ་ལ་དངོས་གཞིར་འགྱུར་རོ། །རྣམ་པར་ཉམས་པ་ལ་ནི་ཉེས་པ་སྦོམ་པོའོ། །དེ་བཞིན་དུ་མི་མ་ཡིན་པའི་བུད་མེད་དང་། སྐྱེས་པ་དང་། མ་ནིང་རྣམས་དང་། དེ་བཞིན་དུ་དུད་འགྲོའི་སྐྱེ་གནས་སུ་གཏོགས་པ་རྣམས་ལའོ། །བུད་མེད་ཀྱི་དབང་པོ་གང་
[102b.6]གཉི་ག་གཟུང་དུ་མཐུན་པ་དེ་རྣམ་པར་མ་ཉམས་པའོ། །ཕྱིའམ་ནང་རུལ་པའམ། སྲིན་བུས་ཟོས་པ་གང་ཡིན་པ་དེ་ནི་རྣམ་པར་ཉམས་པའོ། །ཁ་དང་འོག་མ་ནི་ཀུན་དུ་ཞིག་ན་རྣམ་པར་ཉམས་སོ། །བཟློག་པ་ནི་རྣམ་པར་མ་ཉམས་པའོ། །དགེ་སློང་ལ་སོགས་པ་དང་། དགེ་སློང་མ་ལ་
[102b.7]སོགས་པ་ཉལ་བའམ། ཆང་གིས་མྱོས་པ་ལ་རྩོལ་བར་བྱེད་ན་བསྙིལ་བར་བྱའོ། །གལ་ཏེ་དང་པོ་དང་། བར་མ་དང་། ཐ་མར་མི་ཤེས་སམ། ཉམས་སུ་མ་མྱོང་ན་བསྙིལ་བར་མི་བྱའོ། །ཉམས་སུ་མྱོང་ན་བསྙིལ་བར་བྱའོ། །གྱ་ཚོམ་དུ་བཟུང་སྟེ་རྩོལ་བར་བྱེད་ན་ཡང་བསྙིལ་བར་བྱའོ། །
[103a]
[103a.1]རྩོལ་བར་བྱེད་ཅིང་གལ་ཏེ་འཇུག་པ་ན་བདག་གིས་བྱེད་དམ། འབྱིན་པ་ན་ཉམས་སུ་མྱོང་ན་བསྙིལ་བར་བྱའོ། །རིག་སྔགས་དང་གསང་སྔགས་ཀྱིས་བདག་དུད་འགྲོའི་སྐྱེ་གནས་སུ་བསྒྱུར་ཡང་རུང་མ་བསྒྱུར་ཡང་རུང་ལོག་པར་ཞུགས་པའོ། །གལ་ཏེ་དགེ་སློང་གི་འདུ་ཤེས་ཀྱིས་མི་
[103a.2]བྱ་བ་བྱེད་དོ་སྙམ་ན་ཕམ་པར་འགྱུར་རོ། །ཟློག་པ་ནི་ཉེས་པ་སྦོམ་པོའོ། །རྐེད་དུ་བཅད་པའམ། མགོ་བཅད་པའི་བཤང་བའི་ལམ་དང་། ཟག་བྱེད་ཀྱི་ལམ་དུ་ཡང་ཕམ་པར་འགྱུར་རོ། །ཁར་ནི་སྤོམ་པོའོ། །ལུས་ཀྱི་རྨའམ། སོའི་ཕྱི་རོལ་ལམ། མཆུའི་བར་རམ། སྒྱེའུ་འམ། མ་རེག་
[103a.3]པའམ། གོས་སྟུག་པའམ། གྲོ་བའམ། པགས་པས་གཡོགས་པའམ། འདབ་མའམ། འོད་མའི་སྦུ་གུར་བཅུག་པའམ། ཉིས་ལྟབ་ཏུ་བྱས་པའམ། ནོར་བུའི་པགས་པ་བཅུག་ན་ཉེས་པ་སྦོམ་པོའོ། །བཀས་པའི་མཚམས་སྦྱར་ཏེ་བྱས་ན། གལ་ཏེ་མཚམས་མངོན་པ་ནི་སྦོམ་པོའོ། །
[103a.4]མཚམས་མི་མངོན་ན་ནི་ཕམ་པར་འགྱུར་བའོ། །གཉིད་ཀྱིས་ལོག་པ་ལ་ཕན་ཚུན་ལོག་པར་འཇུག་ལ་དགེ་སློང་གི་འདུ་ཤེས་ཐོབ་ན་ཕམ་པར་འགྱུར་རོ། །གཞན་དུ་ན་ཉེས་པ་སྦོམ་པོའོ། །གླང་པོ་ཆེའི་ཕྲུ་གུ་མོ་འབྲངས་མ་ཐག་པ་ལ་མ་ཆུད་པ་ན་སྦོམ་པོའོ། །གླང་པོ་ཆེ་མོ་དང་། ཝ་མོ་དང་། རོ་
[103a.5]དང་། ཀླུའི་བུ་མོ་དང་། གནོད་སྦྱིན་གྱི་བུ་མོ་ལ་བྱེད་པ་ན། འཇིགས་པ་སྐྱེས་པ་ན་སྦོམ་པོ་སྟེ། འཇིགས་ན་ཆགས་པ་མེད་དོ། །དེ་བཞིན་དུ་མ་ལ་ངོ་ཚ་བར་གྱུར་ན་སྦོམ་པོ་སྟེ། ངོ་ཚ་ན་ཆགས་པ་མེད་དོ། །ཤིང་ལ་སོགས་པ་ལས་བྱས་པའི་གཟུགས་བརྙན་གལ་ཏེ་མི་མ་ཡིན་པས་གཟུང་བ་
[103a.6]ལ་ཡན་ལག་ཐམས་ཅད་ཀྱིས་རེག་པར་གྱུར་ནའོ། །ཅི་སྟེ་དབང་པོ་ཉི་ཚེ་སྤྲོད་ན་སྦོམ་པོའོ། །ལྷ་མ་ཡིན་གྱི་བུ་མོའི་ལམ་དུ་རྐང་པ་བཅུག་པ་དང་། དེ་བཞིན་དུ་གཞན་དུ་ན་གཞན་གྱི་ཡན་ལག་གི་རྣམ་པ་བཅུག་པ་དང་། དགེ་སློང་མི་ཚངས་པར་སྤྱོད་པ་སྦྱོར་བ་ན་ལས་སུ་མ་རུང་ནས་ཡན་ལག་གི་
[103a.7]རྣམ་པ་བཅུག་པ་དང་། ཡན་ལག་གི་རྣམ་པས་ཡན་ལག་གི་རྣམ་པ་ལ་རེག་པར་བྱས་པ་དང་རོའི་མཚན་བཅད་པ་དང་། མཚན་སྲིན་བུས་གང་བར་ལོག་པར་འཇུད་ན་སྦོམ་པོའོ། །ཁ་གདངས་ཏེ་གླལ་བའི་ཁར་གཞན་གྱི་ཡན་ལག་གི་རྣམ་པ་བཅུག་པ་དང་། ནམ་མཁའ་གསལ་བ་ལ་སྒྲེན་མོར་
[103b]
[103b.1]ཡོངས་སུ་ལས་བྱེད་པ་ལས་གཞན་གྱིས་རང་གི་ཁར་བཅུག་པའི་ཕྱིར་དགའ་བར་ཉམས་སུ་མ་མྱོང་ན་ལྟུང་བ་མེད་དོ་ཞེས་གསུངས་སོ། །གླལ་ན་དེ་ལྟར་མི་བྱའི་ཆོས་གོས་ཀྱི་ཐ་མའམ། ལག་པས་དགབ་པར་བྱའོ། །ནམ་མཁའ་གསལ་བ་ལ་སྒྲེན་མོར་ལས་མི་བྱའོ། །རྒྱབ་མཉེན་དང་
[103b.2]མཚན་རིངས་ཀྱིས་རང་གི་ཁའམ་བཤད་པའི་ལམ་ལ་ཡང་ངོ་། །མཛེས་དགའི་ཕྱིར་ནང་དུ་སྨྱུགས་ཏེ་ཕྱི་རོལ་དུ་ཕོ་བ་དང་། ཕྱི་རོལ་ཏུ་སྨྱུགས་ཏེ་ནང་དུ་ཕོ་ན་ཡན་ལག་གི་རྣམ་པས་ཡན་ལག་གི་རྣམ་པ་ལ་བཅུག་མ་ཐག་ཏུ་ཕམ་པར་འགྱུར་བའོ། །མདུན་ལོགས་སུ་ལས་བྱས་ལ་རྒྱབ་ལོགས་སུ་
[103b.3]ཕོ་བ་ཡང་དེ་བཞིན་ནོ། །ཕོའི་ནད་ཀྱིས་བཏབ་སྟེ། བུད་མེད་ཀྱི་ཁར་བཅུག་ན་ཕན་ནོ་ཞེས་བུད་མེད་ཀྱི་ཁར་བཅུག་ན་ཡང་ཕམ་པར་འགྱུར་བའོ། །དེ་བཞིན་དུ་ཕམ་པར་འགྱུར་བ་མ་ཡིན་པ་ཕམ་པར་འགྱུར་བར་འདུ་ཤེས་ནའོ། །སྒྲེན་མོར་ཉལ་བ་ལ་ཚོགས་ཅན་མོ་རྒན་མོས་མནན་པ་ལས་
[103b.4]དེ་གཉིད་ཀྱིས་ནོན་པས་རེག་པས་ཉམས་སུ་མ་མྱོང་བས་ལྟུང་བ་མེད་དོ། །གལ་ཏེ་ཉམས་པར་གྱུར་ན་སྦོམ་པོའོ། །གྲོང་གི་མཐའ་ན་གནས་པ་གློས་ཕབ་སྟེ་ཉལ་ན་སྒོ་གཏན་གཞུག་པར་བྱའོ། །ཡང་ན་དགེ་སློང་གཞག་གོ། །ཡང་ན་མདུད་པ་བོར་བར་བྱའོ། །དགོན་པ་པས་བསམ་གཏན་
[103b.5]ཐོབ་པ་དབང་པོ་ལས་སུ་རུང་བ་ལ་ལྕི་ཐུན་མས་མནན་པའི་ཕྱིར་འདོད་ཆགས་དང་བྲལ་བ་ལ་ལྟུང་བ་མེད་དོ་ཞེས་གསུངས་སོ། །དགོན་པ་པ་སྒོ་མེད་པར་ཡལ་ག་ལ་སོགས་པས་ས་ཕྱོགས་དེ་དེའི་རིམ་པས་བསྐོ་བར་བྱའོ། །འདོད་ཆགས་དང་མ་བྲལ་བ་ནི་ལྔས་དབང་པོ་ལས་སུ་རུང་བར་འགྱུར་ཏེ།
[103b.6]བཤད་བ་དང་། གཅི་བ་དང་། རླུང་གིས་ཉེ་བར་ནོན་པ་དང་། སྲོག་ཆགས་ཨུ་ཅ་ཏིང་གས་ཟིན་པ་དང་། འདོད་པའི་འདོད་ཆགས་སོ། །འདོད་ཆགས་དང་བྲལ་བས་ནི་རྣམ་པ་བཞིས་སོ། །དགེ་སློང་གིས་དགེ་སློང་མ་ལ་སོགས་པ་ལ་བཏུས་པ་ལ་ཁས་བླངས་ཀྱི་འོག་ཏུ་འགྱོད་དེ་མི་འདོད་བཞིན་དུ་
[103b.7]ཁུ་བ་ཕྱུང་བ་དང་། ཉམས་སུ་མ་མྱོང་ན་ཉེས་བྱས་སོ། །དགེ་སློང་གིས་ཁས་བླངས་པ་ལས་ཕྱིས་མི་འདོད་བཞིན་དུ་བྱས་ན་སྦོམ་པོའོ། །མིའམ་ཅི་མོས་རང་གི་གནས་སུ་ཉེ་བར་ཁྲིད་དེ་མནན་པ་དང་། འདུ་ཤེས་དང་བྲལ་བ་འགྱུར་ན་ལྟུང་བ་མེད་དོ། །དེ་འདྲ་བའི་ཕྱོགས་སུ་གནས་པར་མི་
[104a]
[104a.1]བྱའོ། །གཅིག་གཅི་བའི་ཚེ་ཁྱིས་ཟིན་ན་སྐྲག་པས་ལྟུང་བ་མེད་དོ། །དེའི་མདུན་དུ་གཅི་བར་མི་བྱའོ། །ཆུ་འབོག་པའི་ཚེ་ཉས་ཟིན་པ་ཡང་དེ་བཞིན་ནོ། །གང་ན་དེ་ལྟ་བུའི་འཇིགས་པ་ཡོད་པ་དེར་སྒྲེན་མོར་ཆུ་འབོག་པར་མི་བྱའོ། །ལམ་ལ་ལམ་མ་ཡིན་པར་འདུ་ཤེས་པ་དང་ཡིད་
[104a.2]གཉིས་ཟ་བ་དང་། ལམ་ཡིན་པ་ལ་ལམ་དུ་འདུ་ཤེས་པར་བྱས་ན་ཕམ་པར་འགྱུར་བའོ། །ལམ་མ་ཡིན་པ་ལ་ལམ་དང་ཡིད་གཉིས་ཟ་ན་སྦོམ་པོའོ། །མི་ཚངས་པར་སྤྱད་པར་སེམས་བསྐྱེད་ན་བསྡམ་པར་བྱ་བའི་ཉེས་བྱས་སོ། །ཤམ་ཐབས་གྱོན་ཏེ་འགྲོ་བ་ན་ལུས་ཀྱི་གནས་ངན་ལེན་རྣམ་
[104a.3]པར་གྱུར་པའི་བར་དག་ལ་སོགས་པ་བྱེད་ན་བཤགས་པར་བྱ་བའོ། །བྱ་བར་བརྩམས་ཏེ་ནོར་བུས་ནོར་བུ་ལ་མ་རེག་པའི་བར་དུ་སྦོམ་པོའོ། །སྤུའམ་ཡོ་བྱད་འགའ་ཞིག་གམ་ཡན་ལག་གི་རྣམ་པའམ་ཡན་ལག་གམ་ཉིང་ལག་ལ་བྱུགས་པ་ལས་བགས་ཀྱིས་དགའ་བ་ཉམས་སུ་མྱོང་ན་ཡང་དེ་བཞིན་
[104a.4]ནོ། །གལ་ཏེ་རེག་པའི་བདེ་བར་ནི་མ་བསམས་ཀྱི་མི་ཚངས་པར་སྤྱོད་པའི་བསམ་པས་རེག་ན་ཕམ་པར་འགྱུར་བའི་ཉེས་པ་སྦོམ་པོའོ། །གལ་ཏེ་རེག་པའི་བདེ་བར་བསམས་ན་དགེ་འདུན་ལྷག་མའོ། །ལུས་ཀྱི་བུ་གའམ་དེ་ལས་གཞན་པར་མི་ཚངས་པར་སྤྱོད་པར་བསམས་ཏེ་གལ་ཏེ་ཁུ་བ་ཕྱུང་ན་
[104a.5]ཡང་དགེ་འདུན་ལྷག་མའོ། །སྦོམ་པོ་ཉིད་དོ། །ནོར་བུས་ནོར་བུ་ལས་འདས་ན་ཕམ་པར་འགྱུར་རོ། །བསམས་ཏེ་གཉིད་ཀྱིས་ལོག་ནས་བུད་མེད་པར་མི་ཚངས་པར་སྤྱོད་པ་བསྟེན་ན་བསྡམ་པར་བྱ་བའི་ཉེས་བྱས་སོ། །གསང་སྔགས་དང་། སྨན་དང་། སྒྱུ་མས་སེམས་ཅན་གྱི་གཟུགས་
[104a.6]བྱས་པ་རྣམས་ལ་ནི་སྦོམ་པོའོ། །གང་བསླབ་པ་རྣམས་དང་འགལ་བ་ལ་འཇིགས་པ་མེད་པ་དང་། དད་པས་བྱིན་པ་ལ་རྐུ་བའི་སེམས་ཡོད་དེ། སེམས་རྣམ་པ་གཉིས་མ་རྙེད་པ་དེ་ནི་གསོལ་བ་དང་བཞིའི་ལས་ཀྱིས་བསླབ་པ་སྦྱིན་པར་བྱའོ། །ཁ་ཅིག་ན་རེ་དེ་བཞིན་དུ་བུད་མེད་ག་གེ་མོ་ཞེས་བྱ་བ་ལ་
[104a.7]ལོག་པར་འཇུག་གོ་སྙམ་པ་ལས་གལ་ཏེ་སྐྱེས་པའམ། མ་ནིང་ངམ་བུད་མེད་གཞན་ཞིག་ལ་ལོག་པར་ཞུགས་ན་དེ་ལ་ཡང་བསླབ་པ་སྦྱིན་པར་བྱ་སྟེ། གལ་ཏེ་གཞན་མ་ཡིན་པ་ལ་ལོག་པར་འཇུག་གོ་སྙམ་དུ་བསམ་པའི་ཕྱིར་ན་ཕམ་པར་འགྱུར་བའི་ལྟུང་བ་སྦོམ་པོ་ལ་བསླབ་པ་བྱིན་པ་ཡིན་ནོ་ཞེས་
[104b]
[104b.1]འཆད་དོ། །དེའི་ཆད་པའི་ལས་ནི་འདི་ཡིན་ཏེ། ཆད་པ་བྱེད་པས་བྱ་བ་ཐམས་ཅད་བྱ་སྟེ། ཇི་སྲིད་འཚོའི་བར་དུ་བྱིན་ལེན་སྦྱིན་པར་བྱ་བ་དང་། དེས་ཀྱང་བྱིན་ལེན་བྱིན་ནས་བཟའ་བར་བྱ་སྟེ། དེ་ནི་བྱེ་བྲག་གོ། །དགྲ་བཅོམ་ཐོབ་ན་གྲལ་རིམས་གང་དུ་བབ་པར་འདུག་པར་བྱ་སྟེ། གཞན་དག་ན་རེ་ཟླ་
[104b.2]བ་དྲུག་གི་བར་དུ་གདོན་མི་ཟ་བར་དགེ་འདུན་ལ་བསྙེན་བཀུར་བྱའོ། །གནས་བརྟན་ལ་བསྙེན་བཀུར་བྱའོ། །ལྷུང་བཟེད་དང་ཆོས་གོས་ཀྱི་ལས་ལ་སོགས་པའི་གྲོགས་བྱའོ། །དེའི་འོག་ཏུ་གང་གི་ཚེ་དགེ་འདུན་མཉེས་པར་གྱུར་པ་ན་བསམ་པ་ཕུན་སུམ་ཚོགས་པར་རྟོགས་ནས་རྗེས་སུ་གཟུང་
[104b.3]བར་བྱ་སྟེ། དེ་ལྟར་དེ་གསོ་བ་ཡིན་ནོ་ཞེས་འཆད་དོ། །སྔོན་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། དང་པོར་འཁྲུགས་པ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བས་ཉམས་པར་བྱེད་ན་ཉེས་བྱས་སོ། །བསྙེན་པར་མ་རྫོགས་པས་ན་ཡང་ཕམ་པར་འགྱུར་
[104b.4]ཏེ། འདི་ལྟ་སྟེ། བསླབ་པ་བྱིན་པའོ། །སྨན་པས་ལུང་ཕོག་པས་སྨན་མས་གཏོང་བ་ན་ཉམས་སུ་མྱོང་ན་ལྟུང་བ་མེད་དོ། །ལས་དང་པོ་པ་ལ་ལྟུང་བ་མེད་དོ། །དེ་ལ་བསྡམ་པར་བྱ་བའི་ཉེས་བྱས་ཡོད་དོ། །སྨྱོས་པ་ལ་ལྟུང་བ་མེད་དོ། །ཉེ་དུ་ལ་སོགས་པ་ཟད་པ་ལྔས་སྨྱོས་པའོ། །སེམས་
[104b.5]འཁྲུགས་པ་ནི་མི་མ་ཡིན་པ་རྣམས་ཀྱིས་གང་གི་སེམས་དཀྲུགས་པའོ། །ཚོར་བས་ཉེན་པ་ནི་གལ་ཏེ་དགེ་སློང་གི་འདུ་ཤེས་མེད་པའོ། །དེ་དག་ལས་གླེང་གཞི་ལ་སོགས་པ་རྣམས་ལ་བརྒྱད་ནི་བཤད་ཟིན་ཏོ། །ལྷག་མ་རྣམས་བརྗོད་པར་བྱའོ། །བསླབ་པ་བླངས་པ་དང་། དེ་མ་བཏང་བ་དང་།
[104b.6]ལམ་མ་ཉམས་པ་དང་། དབང་པོ་འཇུག་པ་དང་། ཉམས་སུ་མྱོང་བ་དང་། སེམས་ཐ་མལ་པ་དང་། སེམས་གཉིས་ཉེ་བར་མི་གནས་པ་སྟེ། ཡན་ལག་བདུན་ནོ། །ཀུན་ནས་སློང་བ་ནི་གཉིས་ཏེ། ལུས་དང་སེམས་དང་། ལུས་དང་ངག་དང་སེམས་སོ། །གལ་ཏེ་ཚིག་བཞམས་ཏེ་བྱེད་ན་ཡང་ངོ་། །དགེ་
[104b.7]བའི་ཆོས་ཀྱི་ནུས་པ་ཕོངས་པར་བྱེད་པ་དང་། ངན་སོང་བའི་ཁ་ན་མ་ཐོ་བ་བསྐྱེད་པའི་ཕྱིར་ཕམ་པར་འགྱུར་བ་ཡིན་ནོ། །དགེ་འདུན་གྱིས་བསྐྲད་པའི་ཕྱིར་དགེ་འདུན་ལྷག་མ་ཡང་ཡིན་ཏེ། དེ་ལྟར་ཉེས་པ་དེ་བྱུང་ན་དགེ་འདུན་གྱིས་བསྙིགས་ཏེ་བསྒོ་བའི་ཕྱིར་རོ། །ངན་སོང་རྣམས་སུ་སྲེག་པ་དང་། འཆེད་
[105a]
[105a.1]པ་དང་། ལྟུང་བར་བྱེད་པའི་ཕྱིར་ལྟུང་བྱེད་ཀྱང་ཡིན་ནོ། །མ་བཤགས་ན་ཁ་ན་མ་ཐོ་བ་ཤིན་ཏུ་མང་དུ་བསྐྱེད་དེ། བཤགས་པར་བྱ་བའི་ཕྱིར་སོ་སོར་བཤགས་པ་ཡང་ཡིན་ནོ། །ངན་པར་བྱས་པས་སྨད་པའི་ཕྱིར་ཉེས་བྱས་ཀྱང་ཡིན་ནོ། །རྒྱུན་མ་ཆད་པ་ཡང་ཡིན་ནོ། །བསླབ་
[105a.2]པ་བྱིན་པའི་ལྟུང་བ་གྱུར་པ་གང་ཡིན་པ་ནི་རྒྱུན་ཆད་པའོ། །རང་བཞིན་གྱི་ཁ་ན་མ་ཐོ་བའོ། །གལ་ཏེ་ཆེད་དུ་བྱེད་པ་ནི་བྱ་བར་སྦྱོར་བའོ། །གལ་ཏེ་བརྩལ་བ་ན་བཏང་སྙོམས་སུ་འཇོག་པ་ནི་མི་བྱ་བར་སྦྱོར་བའོ། །སྤྱད་པ་དང་མ་སྤྱད་པ་དང་། ལྕི་བ་དང་། ཡང་བ་ནི་སྔ་མ་བཞིན་ནོ། །དངོས་སུ་ནམ་
[105a.3]ལ་སོགས་པ་ལ་བྱེད་པ་ནི་ལྕི་བའོ། །ལུས་ཀྱི་ལས་སོ། །ལྡང་བ་ནི་བསླབ་པ་བྱིན་པ་ཇི་སྐད་བསྟན་པ་བཞིན་ནོ། །ཉེས་པ་སྦོམ་པོའི་ལྕི་བ་ནི་གང་དགེ་འདུན་ཐམས་ཅད་ཀྱི་མདུན་དུ་བཤགས་པར་བྱ་བའོ། །ཡང་བ་གང་ཡིན་པ་ནི་ཐ་ན་བཞི་འདུས་པ་ལའོ། །དེ་བཞིན་དུ་དེ་ལས་གཞན་པའི་
[105a.4]ཕམ་པར་འགྱུར་བདག་གིས་ཉེས་པ་སྦོམ་པོ་ཡང་བརྗོད་པར་བྱའོ། །དགེ་འདུན་ལྷག་མའི་ཉེས་པ་སྦོམ་པོ་ལྕི་བ་ནི་ཐ་ན་བཞི་འདུས་པ་ལའོ། །ཡང་བ་ནི་གང་ཟག་གཅིག་ལའོ། །རང་བཞིན་གྱི་ཁ་ན་མ་ཐོ་བ་དང་བཅས་པ་ཡིན་པས་ཉོན་མོངས་པ་ཅན་ཉིད་དོ། །བཅས་པའི་ཁ་ན་
[105a.5]མ་ཐོ་བ་དང་བཅས་པ་ནི་རྣམ་པ་གཉིས་སུ་འགྱུར་རོ། །རྣམ་པ་ལྔས་ལྟུང་བ་འབྱུང་སྟེ། འདིར་ཕྱོགས་བསྟན་པའི་ཕྱིར་རྣམ་པ་ཐམས་ཅད་སྦྱར་རོ། །དེ་ལས་གཞན་པའི་བསླབ་པའི་གཞི་རེ་རེ་ལ་ཡང་དང་པོའི་རྣམ་པ་བརྒྱད་བརྗོད་པར་བྱའོ། །ལྷག་མ་རྣམས་ཀྱང་སྦྱར་བར་བྱའོ། །གླེང་གཞི་
[105a.6]གང་ཟག་ཉེས་པ་དང་། །གཞི་དང་ཉོན་མོངས་དོན་ཉིད་དང་། ལྟུང་བར་འགྱུར་དང་ལྟུང་མིན་དང་། །ཡན་ལག་རྣམ་གཞན་ཀུན་སློང་དང་། དེ་བཞིན་བརྡ་དང་རྒྱུན་ཆད་དང་། །ཁ་ན་མ་ཐོ་མི་བྱ་དང་། སྤྱད་དང་སྤྱད་མིན་ལྕི་ཡང་དང་། །མཚན་ཉིད་དང་ནི་ལྡང་བ་དང་། །ཉོན་མོངས་འགྱུར་
[105a.7]དང་ཉོན་མོངས་མིན། །རྒྱུ་དང་རྣམ་པ་ཉི་ཤུ་གཅིག །བསླབ་པ་ཀུན་ལ་བརྗོད་པར་བྱ། །མཚན་ཉིད་བློ་ལྡན་རྣམ་པར་དབྱེ། །ཕམ་པར་འགྱུར་བ་དང་པོའོ།། །།འདུལ་བ་བསྡུས་པ་བམ་པོ་གཉིས་པ། རྒྱལ་པོའི་ཁབ་ན་ནོར་ཅན་གྱིས་མ་སྐྱེས་དགྲའི་ཤིང་ཁྱེར་བ་དང་། དེས་དེ་ལ་
[105b]
[105b.1]བསད་པའི་རིགས་སོ་ཞེས་གྱོད་དུ་རྨས་སོ། །དེ་ནས་ཇི་ཙམ་གྱིས་རྒྱལ་པོས་རྐུན་པོ་ཆད་པས་གཅོད་ཅེས་འཕགས་པ་ཀུན་དགའ་བོས་སྨྲས་ཏེ། ཡོངས་སུ་ལེན་པའི་གཞིའི་དབང་དུ་མཛད་ནས་ཡོངས་སུ་ལེན་པའི་ཉོན་མོངས་པས་གཉིས་པ་བཅས་སོ། །གྲོང་དུ་འདུག་པའམ་ཞེས་བྱ་བ་ནི།
[105b.2]མཐའ་ར་བས་བསྐོར་བའོ། །དགོན་པ་ན་འདུག་པ་ཞེས་བྱ་བ་ནི་ར་བའི་ཕྱི་རོལ་ལོ། །གཞན་དག་གི་ཞེས་བྱ་བ་ནི། མི་ཡིད་གཅུགས་པ་མ་ཡིན་པ་རྣམས་ཀྱིའོ། །མ་བྱིན་པ་ཞེས་བྱ་བ་ནི་གང་དེས་གཞན་ལ་མ་བྱིན་པ་དང་། གཞན་གྱིས་ཀྱང་དེ་ལ་མ་བྱིན་པའོ། །རྐུ་བའི་གྲངས་སུ་གཏོགས་པ་
[105b.3]ཞེས་བྱ་བ་ནི་རྐུ་བའི་སེམས་སོ། །ཡིད་གཅུགས་པ་མ་ཡིན་པའི་སེམས་སམ། ཕྱིར་སྦྱིན་པར་མི་འདོད་པའོ། །བླངས་ན་ཞེས་བྱ་བ་ནི་བདག་གམ་གཞན་གྱིས་བདག་གིར་བྱས་པའོ། །ཇི་ཙམ་ཞེས་བྱ་བ་ནི་མ་ཤ་ཀ་ལྔའམ་དེ་ལས་ལྷག་པའོ། །ན་ན་ཀ་ཅི་འདྲ་བས་ཤེ་ན། ཚིགས་ཉི་ཤུ་ཡོད་
[105b.4]པའོ། །མ་ཤ་ཀ་ཅི་འདྲ་བས་ཤེ་ན། འགྲོན་བུ་ཉི་ཤུ་ཕྲག་བཞིའོ། །དེ་ལྟར་ན་ཀཱཪྵཱ་པ་ཎའི་བཞི་ཆ་གཅིག་ལ་ནི་མ་ཤ་ཀ་ལྔའོ། །ཡུལ་དང་དུས་གང་ན་ཀཱཪྵཱ་པ་ཎར་འགྱུར་བ་གང་ཡིན་པ་དེའི་གཞི་བཅས་ལྟུང་བར་འགྱུར་རོ། །གལ་ཏེ་ན་ན་ཀ་ཚིགས་བཅུ་གཉིས་སུ་འགྱུར་ན་མ་ཤ་ཀ་གསུམ་གྱི་ལྟུང་
[105b.5]བར་འགྱུར་རོ། །གལ་ཏེ་ཚིགས་བཞི་བཅུར་གྱུར་ན་མ་ཤ་ཀ་ལྔ་ལས་ལྷག་ཀྱང་དངོས་གཞིར་མི་འགྱུར་རོ། །རྒྱལ་པོའམ་ཞེས་བྱ་བ་ནི་འདི་ལྟ་སྟེ། བུད་མེད་རྒྱལ་སྲིད་ལ་དབང་བསྐུར་བས་དབང་བསྐུར་བར་གྱུར་ན་དེ་ཡང་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ཡིན་ནོ། །བློན་པོ་ཞེས་བྱ་བ་ནི་
[105b.6]རྒྱལ་པོ་དང་། ལྷན་ཅིག་བློ་གྲོས་ཀྱིས་འཚོ་བའོ། །གསོད་དམ་ཞེས་བྱ་བ་ནི་མ་དད་པའམ་གཏུམ་པས་གསོད་པའོ། །འཆིང་ངམ་སྤྱུགས་ཀྱང་རུང་ཞེས་བྱ་བ་ནི་མ་དད་པ་དང་གཏུམ་པ་ཉིད་ཀྱིས་སོ། །དེ་ལ་འདི་སྐད་ཅེས་ཟེར་ན་ཞེས་བྱ་བ་དད་པས་སོ། །ཀྱེ་མི་ཁྱོད་ཅེས་བྱ་བ་ནི་བརྙས་པའི་ཚིག་གོ། །
[105b.7]རྐུན་མའོ་ཞེས་བྱ་བ་ནི་བསྟན་པའོ། །དེ་ལས་གཞན་པ་རྣམས་ནི་དེའི་རྣམ་གྲངས་ཏེ། གླེང་གཞི་དང་བཅས་པའི་ལས་ཀྱིས་རྐུན་པོར་བསྟན་པའི་ཕྱིར་བཤད་པའོ། །གླེང་གཞི་ནི་མཐོང་བའི་ཆོས་ཀྱི་འཇིགས་པ་མ་མཐོང་བ་དང་། ཚེ་ཕྱི་མའི་འཇིགས་པ་མ་མཐོང་བ་སྟེ། དེ་ནི་བྱིས་པ་ཞེས་བྱ་བ་དང་། བླུན་
[106a]
[106a.1]པ་ཞེས་བྱ་བ་གོ་རིམས་བཞིན་དུ་སྟོན་ཏོ། །རྐུབ་ནི་ལས་དེ་གང་གི་ཕྱིར་རྐུ་བའོ་ཞེས་ཟེར་ཞིང་ཞེས་བྱ་བའོ། །དེ་ཡང་ཞེས་བྱ་བ་ལ་ཡང་གི་སྒྲ་ནི་བསྡུ་བའི་དོན་ཏོ། །བསླབ་པ་མ་ཕུལ་བསླབ་པ་ཉམས་པར་མ་བྱས་ཞེས་བྱ་བ་ནི། དེ་ཐམས་ཅད་བསླབ་པའི་གནས་རྣམས་སུ་རྗེས་སུ་འཇུག་པར་
[106a.2]རིག་པར་བྱ་སྟེ། སྐབས་ཡིན་པས་བཅོམ་ལྡན་འདས་ཀྱིས་ཡང་མ་གསུངས་སོ། །དེ་ལ་ལྟུང་བ་ཅིར་འགྱུར་ཞེ་ན། བདག་གམ། ཕོ་ཉ་གཏོང་བའམ། བྱིན་གྱིས་བརླབས་ཏེ་དང་། རྐུ་སེམས་དང་། དེར་སྦྱོར་བ་དང་། གཞན་གྱིས་ཡོངས་སུ་གཟུང་བ་དང་། དེར་འདུ་ཤེས་པ་དང་། རིན་ཐང་
[106a.3]ཚང་བ་དང་། གནས་ནས་སྤོས་ན་ཕམ་པར་འགྱུར་རོ། །སེམས་བསྐྱེད་པ་ནི་བསྡམ་པར་བྱ་བའི་ཉེས་བྱས་སོ། །སོང་ནས་མ་རེག་གི་བར་དུ་ནི་བཤགས་པར་བྱས་པའི་ཉེས་བྱས་སོ། །རེག་ལ་གནས་ནས་མ་སྤགས་ན་ཉེས་པ་སྦོམ་པོའོ། །སྤགས་ན་ཕམ་པར་འགྱུར་བའོ། །མ་ཚང་བ་ནི་སྦོམ་པོའོ། །
[106a.4]དེར་སྦྱོར་པ་ནི་ཉེས་བྱས་ཏེ། །ཉེས་པ་སྦོམ་པོ་མ་ཡིན་ནོ། །གནས་གང་ནས་བླངས་པའི་ས་དེའི་རིན་ཐང་གིས་སོ། །སྦྱོར་བའི་དབང་གིས་ཀྱང་འགྱུར་ཏེ། གལ་ཏེ་སྦྱོར་བ་གཅིག་གིས་ཚང་ནའོ། །ཅི་སྟེ་མང་པོ་ཞིག་གིས་ཚང་བ་ནི་སྦྱོར་བའི་གྲངས་སྙེད་ཀྱི་སྦོམ་པོའོ། །དངོས་པོ་དེ་ཡང་སྣོད་དུ་
[106a.5]བཅུག་པ་ལ་སོགས་པ་ཐ་དད་པས་རྣམ་པ་དུ་མའོ། །དེ་ལ་ས་དང་། སྣོད་དང་། རྡོ་དང་། སྤང་ལེབ་དང་། རྩིག་རྨང་དང་། རྩིག་པ་དང་། སྟེང་དང་། གཡོགས་མ་དང་། རིམ་པ་དང་། ཆོས་གོས་དང་། གདང་དང་། ཆོས་གོས་ཀྱི་གདང་ཁུང་དང་། ཟུང་དང་། ཁྲི་དང་། ཁྲིའུ་དང་།
[106a.6]ཨན་ཁྲིའུ་དང་། སྒོ་སྐྱེས་ལ་གཞག་པའོ། །གལ་ཏེ་ས་ལ་སོགས་པ་དེ་དག་འཇམ་ལ་མུ་གཅིག་པ་ཡིན་ན་གནས་གཅིག་པའོ། །གལ་ཏེ་གྱོང་གྲུགས་སམ། གས་པའམ་མཚམས་ཅན་ནམ། ཡི་གེ་བྲིས་པ་ཞིག་ན་གནས་ཐ་དད་པའོ། །གཡུལ་ན་ཡོད་པའི་འབྲས་བུ་ནི་ཁ་དོག་ཐད་དད་པས་གནས་ཐ་
[106a.7]དད་པའོ། །དོང་དུ་བཅུག་པའི་ནི་གལ་ཏེ་ཁ་ད་ཆད་དུ་གང་ན་ཐམས་ཅད་ཀྱང་གནས་གཅིག་པའོ། །གལ་ཏེ་གང་ན་ཤིང་ངམ་ར་ལྡེ་འམ། སེག་ལ་སོགས་པ་བར་ཆད་བྱས་པ་ཞིག་ན་གནས་ཐ་དད་པའོ། །བཀྲམ་པའི་ས་ལ་ཡོད་པའི་ནི་རྩྭའི་ཁ་དོག་ཐ་དད་ནའོ། །བཞོན་
[106b]
[106b.1]པ་ལ་ཡོད་པ་ནི་གོས་ཀྱི་ཁ་དོག་ཐ་དད་ནའོ། །སྲང་གི་ཁར་བཟངས་ཀྱང་དེ་བཞིན་ནོ། །གླང་པོ་ཆེ་ལ་ཡོད་པ་ནི་གལ་ཏེ་གླང་པོ་ཆེ་ཆོན་པོ་ཞིག་ན་ནི་ཐམས་ཅད་ཀྱང་གནས་གཅིག་པའོ། །ཅི་སྟེ་རིད་པ་ཞིག་ན་ཕྱོགས་ཀྱི་དབང་གིས་གནས་ཐ་དད་པའོ། །དེ་ལ་གནས་པའི་ཁང་པ་བརྩེགས་པ་དང་། རྟའི་བཞོན་
[106b.2]པ་དང་། ཤིང་རྟའི་བཞོན་པ་དང་། རྐང་གིས་འགྲོ་བ་དང་། ཟུང་ཁྱོགས་དང་། ཤིང་རྟ་ཆུང་ངུ་དང་། ཁྱོགས་སྤྱིལ་དང་། བྱིས་པའི་བཞོན་པ་ལ་ཡོད་པ་རྣམས་ཀྱང་དེ་བཞིན་ཏེ། ཇི་སྐད་བསྟན་པ་བཞིན་དུ་མཐུན་མཐུན་དུ་བརྗོད་པར་བྱའོ། །གྲུ་ཕུར་པ་ལ་བརྟོད་པ་བསྐྱོད་ན་ཉེས་བྱས་སོ། །རྒྱུན་བཞིན་དུ་
[106b.3]ཁྲིད་དམ་ཐང་ལ་ཡང་རུང་སྟེ་མི་སྣང་བར་གྱུར་ན་ལྟུང་བའོ། །རྒྱུན་ལས་བཟློག་ན་གྲུ་ཚུམས་འདས་ནའོ། །སློབ་དཔོན་དང་མཁན་པོས་ཆོས་གོས་གཏད་པ་རྣམས་རྐུ་སེམས་ཀྱིས་གཙུག་ལག་ཁང་ནས་གནས་ཁང་དུ་ཞུགས་སམ། །གནས་ཁང་ནས་ཁྱམས་སུའམ། ཁྱམས་ནས་སྒོ་ཁང་དུའམ། དེ་ནས་ཕྱི་རོལ་
[106b.4]གྱི་བང་རིམ་དུའམ། དེ་ནས་གཤོང་དུའམ། གཤོང་ནས་ཐང་ལའམ། ཐང་ནས་ཐིབས་པོར་རམ། དེ་ནས་བླ་གབ་མེད་པར་རམ། ལམ་དུ་འགྲོ་ན་གོམ་པ་བསྲི་ཞིང་འགྲོའམ། གཏོད་དེ་འགྲོ་ཡང་རུང་སྟེ་མི་སྣང་བར་གྱུར་ན་ལྟུང་བའོ། །ཁང་སྟེང་ན་ཡོད་པའམ། བཙོ་བླག་མཁན་གྱི་གོས་རླུང་གིས་
[106b.5]བརྡས་པ་ཁྱེར་ན་ལྟུང་བའོ། །ཁང་པ་བརྩེགས་པ་དང་། དེའི་བ་གམ་ལ་ཡོད་པ་ཡང་ངོ་། །གླ་སྒང་ལ་སོགས་པའམ། ཤིང་ལྗོན་པ་ཕྱུང་ན་ཡང་ངོ་། །གླེགས་བམ་ཡང་ངོ་། །དཔེ་བྲི་བའི་ཕྱིར་ནི་ལྟུང་བ་མེད་དོ། །སྐུ་གདུང་ཡོངས་སུ་གཟུང་བ་དང་བཅས་པ་ཞིག་འཚོ་བའི་ཕྱིར་རྐུས་ན་མཐར་
[106b.6]འགྱུར་རོ། །ཞེ་སྡང་གི་ཕྱིར་ན་ཉེས་བ་སྡོམ་པོའོ། །མཆོད་པའི་དོན་དུ་འདི་ནི་བདག་གི་སྟོན་པ་ཡིན་ཏེ་མཆོད་དོ་སྙམ་པའི་འདུ་ཤེས་ཉིད་ཀྱིས་མཆོད་པར་བྱས་པའི་ཕྱིར་ན་ཉེས་བྱས་སོ། །ལྷ་ཁང་དང་མཆོད་རྟེན་དང་། དྲི་གཙང་ཁང་རྣམས་ཀྱི་རྒྱན་མིའི་བསྲུངས་པ་ཞིག་རྐུན་ལྟུང་བའོ། །མི་མ་
[106b.7]ཡིན་པས་བསྲུངས་ན་སྦོམ་པོའོ། །དེ་དག་གིས་བསྲུངས་པ་མ་ཡིན་པ་ཞིག་ལ་ལྷའམ་གནོད་སྦྱིན་ལ་སོགས་པ་མེད་དོ་སྙམ་པའི་འདུ་ཤེས་ཀྱིས་ན་ཉེས་པ་མེད་དོ། །དུད་འགྲོའི་སྐྱེ་གནས་པས་ཡོངས་སུ་གཟུང་བ་ཞིག་ན་སྦོམ་པོའོ། །མིའི་རྫས་ཞིག་དེས་ཁྱེར་ཏེ་འོང་ལ། གལ་ཏེ་
[107a]
[107a.1]མིའི་ཡིན་པའི་འདུ་ཤེས་ཀྱིས་བརྐུས་ན་དངོས་གཞིའོ། །གལ་ཏེ་བྱའི་ཡིན་པའི་འདུ་ཤེས་ཀྱིས་ན་སྦོམ་པོའོ། །རྐང་པ་མེད་པ་དང་། རྐང་གཉིས་པ་དང་། རྐང་བཞི་པ་དང་། རྐང་མངས་སོ། །རྐང་པ་མེད་པ་ནི་སྦྲུལ་དང་པད་པ་ལ་སོགས་པའོ། །རྐང་གཉིས་པ་ནི་མི་དང་བྱའོ། །
[107a.2]དེ་ལ་མི་ནི་ཡུལ་ཕྱོགས་དང་བརྡ་དང་མཚན་མས་རྐུ་བའོ། །བྱ་རྐུ་བ་ལ་ནི་རྣམ་པ་གཉིས་ཏེ། བདག་དང་སྤུར་བ་སྟེ། དེ་དག་ཉིད་ཀྱང་འཆག་ས་ལ་སོགས་པར་འོངས་ཏེ་བབས་པའོ། །ཆོམ་རྐུན་པ་རྣམས་ཀྱིས་ལྷན་ཅིག་གནས་པ་དབང་དུ་བྱས་པ་བརྐུས་ན་དངོས་པོ་ཅི་ལྟ་བ་བཞིན་དུ་ལྟུང་བར་འགྱུར་
[107a.3]རོ། །བདག་ལ་རྐུ་བ་མེད་དོ། །རྐང་བཞི་པ་ནི་གླང་པོ་ཆེ་ལ་སོགས་པ་སྟེ། དེ་དག་ཁྱུ་ལས་བཀར་ཏམ། བརྟོད་པ་ལས་རྐུ་བ་སྟེ་ད་ལྟར་སྣང་གི་བར་དུ་ཉེན་ཀོར་རོ། །རྐང་མངས་ནི་སྡིག་པ་ལ་སོགས་པ་སྟེ། དེ་དག་ཀྱང་གནོད་པ་བྱེད་པ་དག་དང་། གྲོང་ཁྱེར་སྲུང་བའི་སྣ་ཆེན་པོ་ལ་གཏོགས་པ་དག་དང་། རྒྱ་
[107a.4]མཚོར་འཇུག་པའི་ཚོང་པ་དག་གིས་ཡོངས་སུ་གཟུང་བ་རྣམས་སོ། །བདག་པོ་དང་བཅས་པའི་གཏེར་ཞིག་གསང་སྔགས་ཀྱིས་བཀུག་ལ། གལ་ཏེ་དེ་ཉིད་ཐོབ་ལ་དངོས་གཞིའོ། །རྣམ་པ་གཞན་དུ་ན་སྦོམ་པོའོ། །བདག་པོ་མེད་པའི་ནོར་ཞིག་ལ་སྦྱོར་ལ་གཉིས་ཀ་ཐོབ་ན་ཡང་སྦོམ་པོའོ། །ལྟར་སྣང་
[107a.5]བར་གྱུར་ན་བརྐུས་པ་ཞེས་བྱའོ། །ཆར་མི་འབབ་པའི་ཚེ་བདག་གི་ཞིང་དུ་ཆུ་བཏང་སྟེ། གཞན་གྱི་བཅད་ལ་ལོ་ལེགས་པར་གྱུར་ན་རིན་ཐང་བརྩི་བར་བྱའོ། །ཆར་ཆེན་པོའི་ཚེ་བསྣོལ་ཏེ་བྱས་ན་ཡང་དེ་བཞིན་དུ་བརྗོད་དོ། །གང་ན་ཆུ་བསྔོས་ཏེ་སྦྱིན་པ་དེར་གལ་ཏེ་མིའི་སྐལ་བ་བརྐུས་ན་དེ་ཉིད་ཀྱི་རིན་
[107a.6]ཐང་གིས་དངོས་གཞིར་འགྱུར་རོ། །ཅི་སྟེ་མི་མ་ཡིན་པ་བཞིན་ན་སྦོམ་པོའོ། །ཆུ་བཅད་དེ་བརྐུས་ན་ཆུའི་ཕུང་པོ་དང་པོ་ཕབ་པ་ནས་བཟུང་སྟེ། ཐ་མའི་བར་དུ་རིན་ཐང་བརྩི་བར་བྱའོ། །དེ་བཞིན་དུ་མེ་ཏོག་ཆུ་ལས་སྐྱེས་པ་དང་། ཐང་ལས་སྐྱེས་པ་ཡང་ངོ་། །ཀོག་ཙེ་དང་། ཞགས་པ་
[107a.7]དང་། རྒྱ་དང་རྙེས་བཟུང་བའི་སྲོག་ཆགས་དང་། ཆོམ་རྐུན་གྱིས་བཏགས་པའི་བ་ལང་ལ་སོགས་པ་བཀྲོལ་ན་དངོས་གཞིའོ། །གཉི་ག་ལ་མ་ཕན་ན་ཡང་བླ་སྙམ་ན་སྦོམ་པོའོ། །སྙིང་རྗེས་ན་ཉེས་བྱས་སོ། །རྔོན་པས་འདས་པའི་རི་དགས་སྨས་ཀྱང་རུང་མ་སྨས་ཀྱང་རུང་། གལ་ཏེ་གཙུག་ལག་
[107b]
[107b.1]ཁང་དུ་འོངས་ན་མ་བྱིན་ཡང་ཉེས་པ་མེད་དོ། །གལ་ཏེ་སྨས་པ་ཞིག་འོངས་ཏེ་ཤི་ན་དེ་དག་ལ་སྦྱིན་པར་བྱའོ། །ཀླུང་ལ་སོགས་པའི་ནང་དུ་བྱིང་བའམ། སྟེང་ན་འདུག་པའམ་གནས་བསྐྱོད་པ་དང་། འདམ་བརྐོས་ན་བརྐུས་པ་ཞེས་བྱའོ། །གཞན་གྱི་ཞིང་གཅིག་གཙུག་ལག་ཁང་དང་
[107b.2]བདག་གི་ཕྱིར་བརྐོས་པ་འདུ་བའི་སར་ཤགས་བཀྱེ་སྟེ། གལ་ཏེ་ཁྱིམ་པ་རྒྱལ་ན་སྦོམ་པོའོ། །གལ་ཏེ་དགེ་སློང་རྒྱལ་ན་ཁྱིམ་པས་སྦྱོར་བའི་རྒྱུན་མ་བཅད་ན་སྦོམ་པོའོ། །སྦྱོར་བའི་རྒྱུན་བཅད་ན་དངོས་གཞིའོ། །རྒྱལ་པོའི་ཕོ་བྲང་དུ་ཤགས་བཀྱེ་ན་རྒྱལ་མ་ཐག་ཏུ་ཕམ་པར་འགྱུར་བའི་
[107b.3]ལྟུང་བར་འགྱུར་ཏེ། རྒྱལ་པོ་ནི་རྩོད་པ་ཐམས་ཅད་ལ་དབང་བའི་ཕྱིར་རོ། །ཡལ་ག་ལ་སོགས་པའི་རིབ་མས་བསྐོར་བའམ། ཕུར་བུ་བསྣུར་ན་མཚམས་ཀྱི་སྒོ་དང་སྒོར་མ་ཕྲད་ཀྱི་བར་དུ་སྦོམ་པོའོ། །སྣ་ཕྲད་ན་ཕམ་པར་འགྱུར་བའོ། །ཆོམ་རྐུན་པ་རྣམས་ལ་ཁྱིམ་བསྟན་ལ་བགོ་སྐལ་ལ་རེ་བས་ཀྱང་བགོ་
[107b.4]སྐལ་བདག་གིར་བྱེད་ན་སོ་སོའི་སྐལ་པའི་ཚད་ཀྱིས་ལྟུང་བའོ། །གལ་ཏེ་འགྱོད་དེ་ཁྱིམ་དེར་སོང་ནས་བག་ཡོད་པར་སྒྲུབས་ཤིག་ཅེས་བསྒོའམ། དེ་དག་ཀྱང་བཟློག་ན་བརྐུས་ཀྱང་སྦོམ་པོའོ། །བསྒོ་སྐལ་བདག་གིར་མ་བྱས་ན་ཡང་དེ་བཞིན་ནོ། །རྐུན་པོ་ལ་ཆས་
[107b.5]པ་ལས་ལམ་ནས་ཕྱིར་ལོག་ན་ཉེས་བྱས་སོ། །དོན་གཅིག་ལ་ལམ་བསྲུངས་ཏེ་དེ་དག་གིས་བརྐུས་ན་ཡང་ལྟུང་བའོ། །གལ་ཏེ་ལམ་དུ་འཇིགས་ཤིང་འགྲོ་ལ། བདག་གསོད་དུ་འོང་ངོ་སྙམ་ནས་རྐུ་སེམས་ཀྱང་མེད། བདག་གིར་བྱ་བའི་བསམ་པ་ཡང་མེད་ན་ལྟུང་བ་མེད་དོ། །གང་གིས་ཅི་རྙེད་པ་དེ་
[107b.6]དབང་བར་བྱས་ཏེ་བརྐུས་ན་བདག་གིས་བླངས་པའི་དངོས་པོའི་ཚད་ཀྱིས་ལྟུང་བའོ། །རྣམ་པ་གཞན་དུ་ན་རྐུ་བའི་ཚེ་དེས་གྲོགས་པོ་རྣམས་ལས་དེ་ཙམ་མམ་ཆུང་བའམ་མ་ཐོབ་ཀྱང་རུང་སྟེ། བགོ་སྐལ་གྱི་དངོས་པོའི་དབང་གིས་ལྟུང་བའོ། །དགེ་སློང་རྣམས་ཀྱིས་བདག་གིས་གཞན་ལ་བཅོལ་ཏམ།
[107b.7]གཞན་གྱི་སྣོད་ཤོ་གམ་གཞལ་དགོས་པ་ཤོ་གམ་གྱི་གནས་ལས་བཟླས་ན་དེ་དག་ལ་ལྟུང་བ་མེད་དོ། །དེ་ལྟར་མི་བྱའོ། །གང་གིས་བྱས་པ་དེ་ནི་འགལ་ཚབས་ཅན་དུ་འགྱུར་རོ་ཞེས་གསུངས་སོ། །ཤོ་གམ་ལས་བྱོལ་བ་རྣམས་ལ་ཚེ་དང་ལྡན་པ་དག་ཚུར་ཤོག་འདོང་ཞེས་སྨྲས་ན་སྦོམ་པོའོ། །ཐབས་ཀྱིས་སྨྲས་ན་
[108a]
[108a.1]ཉེས་པར་སྨྲས་པའི་ཉེས་བྱས་སོ། །གང་དག་གིས་ཤོ་གམ་གཞལ་དགོས་པ་ཤོ་གམ་གྱི་སར། མ་ཕྱིན་པར་དེ་དག་གི་ཤོ་གམ་དེ་ལས་བྱོལ་བར་བྱ་བའི་ཕྱིར་ལམ་གཞན་བསྟན་ན་སྦོམ་པོའོ། །དེ་དག་གི་བདག་གིས་སྐལ་བ་མ་བླངས་པར་བཟླས་ན་སྦོམ་པོའོ། །སར་མ་ཕྱིན་ན་
[108a.2]སྐལ་བའམ། སྐལ་པ་ཕྱེད་དམ་སྐལ་བ་ཚང་བར་བླངས་ཏེ་བཟླས་ན་སྦོམ་པོའོ། །སར་ཕྱིན་ན་ཤོ་གམ་ཕྱེད་དམ། ཤོ་གམ་ཐམས་ཅད་ཀྱང་རུང་སྟེ། གལ་ཏེ་དེ་སྐལ་བ་ཚང་བར་གྱུར་ན་ཕམ་པར་འགྱུར་བའོ། །བདག་གི་སྣོད་ཤོ་གམ་གཞལ་དགོས་པ་ཁྱེར་རམ་ཁྱེར་དུ་བཅུག་ན་དངོས་པོ་ཇི་ལྟ་བ་
[108a.3]བཞིན་ནོ། །བདག་གི་འདི་ནི་མ་ལ་སོགས་པའི་ཡིན་ནོ་སྙམ་དུ་བསྔོས་ལམ་སྨྲས་པར་ནམ་མཁའ་འམ། ཁའི་ནང་ངམ། ཚེམ་བུའི་ཕྲག་པའམ། ལམ་གོལ་བ་ནས་བཟླས་ན་སྦོམ་པོའོ། །དེ་བཞིན་དུ་གང་ཆུང་བ་ཉིད་ཀྱིས་རིན་ཐང་གདབ་པར་བྱ་བར་མི་ནུས་པའོ། །གང་ཆེ་བ་ཉིད་ཀྱིས་རིན་ཐང་གདབ་
[108a.4]པར་བྱ་བར་མི་ནུས་ཏེ། གཞལ་དུ་མེད་པ་ནི་དངོས་གཞིའོ། །སྣོད་ཤོ་གམ་གཞལ་དགོས་པ་ཚོང་པ་རྣམས་ཀྱིས་ལྐོག་ཏུ་གཏུར་བུ་ལ་སོགས་པའི་ནང་དུ་བཅུག་པ་ལ་ནི་ལྟུང་བ་མེད་དོ། །རྫས་ཀྱི་སྣོད་རྣམས་ཡལ་བར་གཞག་པར་མི་བྱའི། དགེ་སློང་གཉིས་བཞག་སྟེ་དེ་གཉིས་ལ་བསོད་སྙོམས་སྦྱིན་ནོ། །
[108a.5]གལ་ཏེ་བཟློག་ཀྱང་བཅུག་ན་བསྙེན་པར་མ་རྫོགས་པ་མེད་ན་བདག་ཉིད་ཀྱིས་ཕྱུང་སྟེ་གཞག་པར་བྱའོ། །ཁྱེར་རང་གི་ནོར་ཤེས་པར་གྱིས་ཤིག་ཅེས་བྱའོ། །གཅིག་པུ་འགྲོ་ལ་བསོད་སྙོམས་ལ་སོགས་པའི་ཕྱིར་འགྲོ་དགོས་ན་མཚན་མ་གདབ་པར་བྱའོ། །སླར་འོངས་ནས་ཀྱང་དེ་བརྟག་པར་
[108a.6]བྱའོ། །མ་དང་ཕ་དང་། དཀོན་མཆོག་གསུམ་གྱི་ཕྱིར་ཁྱེར་ན་དེ་དག་གི་བསྔགས་པ་བརྗོད་པར་བྱའོ། །མི་འདོད་ན་བྱིན་ཏེ་འགྲོ་བར་བྱའོ། །གནོད་པ་འབྱུང་དུ་དོགས་ན་དཀོན་མཆོག་གསུམ་གྱི་སྐུ་སྐལ་ལས་གཅིག་ལས་སྦྱིན་པར་བྱ་སྟེ། ཕྱིས་མཉམ་པར་བགོའོ། །ལམ་དུ་ཞུགས་པ་ན་དགེ་
[108a.7]སློང་གཞན་ལ་སྣོད་ཤོ་གམ་གཞལ་དགོས་པ་མེད་གྲང་ཞེས་དྲིས་ཏེ་བླང་བར་བྱའོ། །རྣམ་པ་གཞན་དུ་ན་ཉེས་བྱས་སོ། །སྣོད་ཤོ་གམ་གཞལ་དགོས་པ་ལ་ལམ་དུ་བསྐུར་བར་མི་བྱའོ། །རས་སར་པ་ཞིག་ན་ནི་ཐ་ན་ཁ་ཚར་དང་ཕུན་ཚར་བཅད་དེ་བ་ལང་གི་ལྕི་བ་བཙིར་བས་ཁ་བསྒྱུར་ལ་བསྐུར་བར་བྱའོ། །
[108b]
[108b.1]ཡོ་བྱད་གྱི་གོས་ནི་ལྟུང་བ་མེད་དོ། །དེ་ནི་ཁ་ཚར་དང་བཅས་སམ་ཁ་མ་བསྒྱུར་ཡང་ནད་པའི་སྨན་ཟོང་དུ་བསྐུར་བར་བྱ། བཙོང་བར་བྱའོ་ཞེས་གནང་དོ། །གལ་ཏེ་གཞན་ལ་རུང་བར་བྱེད་དུ་བཅོལ་ན་བྱས་སམ་མ་བྱས་ཞེས་དྲི་བར་བྱའོ། །རྣམ་པ་གཞན་དུ་ན་ཉེས་བྱས་སོ། །ཤོ་གམ་ལ་བྱོལ་བ་ཤོ་
[108b.2]གམ་བ་ལ་གཏད་ན་འགལ་ཚབས་ཅན་དུ་འགྱུར་རོ། །ཁྱིམ་པས་མ་བསྒོ་བར་དེའི་ཚིག་གིས་དེའི་ཆུང་མ་ལ་བསླངས་ན། དངོས་པོ་ཅི་ལྟ་བ་བཞིན་དུ་ལྟུང་བར་འགྱུར་རོ། །མང་པོ་ཞིག་གིས་ཆོས་གོས་གཅིག་བརྐུས་ན་རང་གི་སྐལ་པའི་ཚད་ཀྱིས་ལྟུང་བའོ། །ཆོས་གོས་ཀྱི་གཏུར་བུ་ལས་རྐུ་བར་འདོད་
[108b.3]ན་འདམ་པའི་ཚེ་སྦོམ་པོའོ། །གང་འདོད་པ་དེ་ཕྱུང་བའི་ཚེ་དངོས་པོ་ཅི་ལྟ་བ་བཞིན་ནོ། །ཟུང་དང་བཅས་ཏེ་བརྐུས་ན་སྦོམ་པོའོ། །གང་གི་ཚེ་ཟུང་དང་བྲལ་བར་གྱུར་པ་དེའི་ཚེ་དངོས་གཞིའོ། །ཆོས་གོས་ཀྱི་གདང་ལ་སོགས་པ་ལ་ཡང་དེ་ལྟར་བརྗོད་པར་བྱའོ། །གཞན་གྱིས་བསྒོ་བ་ལ་ཡང་རྐུ་
[108b.4]སེམས་ཀྱིས་བླངས་ན་དངོས་པོ་ཇི་ལྟ་བ་བཞིན་ནོ། །འདི་ནི་དེའི་ཡིན་གྱིས་བདག་གི་མ་ཡིན་ནོ་སྙམ་ན་ལྟུང་བ་མེད་དོ། །མ་བསྒོ་བར་གཞན་གྱི་ཕྱིར་བརྐུས་ན་སྦོམ་པོའོ། །འདི་ནི་དེའི་ཡིན་ནམ་མ་ཡིན་སྙམ་དུ་ཐེ་ཚོམ་ཟ་བཞིན་དུ་བརྐུས་ན་སྦོམ་པོའོ། །བསྙེན་པར་རྫོགས་པའི་ཕྱིར་སྦྱོར་བ་བྱེད་ལ་བསྙེན་
[108b.5]པར་རྫོགས་པ་ན་རྐུ་ན་སྦོམ་པོའོ། །བཟློག་པ་ན་ཡང་སྦོམ་པོའོ། །གསུམ་པ་ནི་ཉེས་བྱས་སོ། །བཞི་པ་ནི་དངོས་གཞིའོ། །དེ་བཞིན་དུ་བསྙེན་པར་རྫོགས་པར་བྱེད་པའི་ཚེ་ཡང་མུ་བཞི་སྟེ། བསྙེན་པར་རྫོགས་པའི་ཕྱིར་གཟུང་ལ། བསྙེན་པར་རྫོགས་པ་ན་གནས་ནས་སྤགས་ན་སྦོམ་པོའོ། །
[108b.6]དེ་བཞིན་དུ་བཟློག་པ་ན་ཡང་ངོ་། །གསུམ་པ་ནི་ཉེས་བྱས་སོ། །བཞི་པ་ནི་དངོས་གཞིའོ། །རྐུ་བ་ལྔས་ལྟུང་བར་འགྱུར་ཏེ། འདི་ལྟ་སྟེ། མཐུས་རྐུ་བ་དང་། དོར་བྱས་ཏེ་རྐུ་བ་དང་། གཏམས་པ་རྐུ་བའམ། སྒྱུས་རྐུ་བ་དང་། ཕྱིར་སྦྱིན་པ་རྐུ་བའོ། །དྲུག་པ་ཆོས་རྐུ་བ་ལ་ནི་ལྟུང་བ་
[108b.7]མེད་དོ། །ཤིང་ཏོག་ལ་གློག་ཅིང་རྐུ་ན་སྦྱོར་བ་གཅིག་གི་ཚད་དུ་གྱུར་ན་ལྟུང་བའོ། །ཤར་གྱི་ལུས་འཕགས་དང་། ནུབ་ཀྱི་བ་ལང་སྤྱོད་ཀྱང་ས་དེ་ཉིད་ཀྱི་ཀཱཪྵཱ་པ་ཎས་ལྟུང་བར་འགྱུར་རོ། །བྱང་གི་སྒྲ་མི་སྙན་ན་ནི་ཡོངས་སུ་འཛིན་པ་མེད་པས་མ་བྱིན་པར་ལེན་པ་མེད་དོ། །སྦྱོར་བ་ན་རྐུ་བའི་འདུ་
[109a]
[109a.1]ཤེས་ཡོད་ན་སྦོམ་པོའོ། །རང་གི་འདུ་ཤེས་ཀྱིས་ལྟུང་བ་མེད་དོ། །རྐུ་སེམས་ཀྱིས་ན་དངོས་གཞིའོ། །བཟློག་པ་ནི་སྦོམ་པོའོ། །འབྲས་ཀྱི་ཕུང་པོ་ལ་འབྲུ་ཞིང་རྐུ་ན་སྦྱོར་བ་གཅིག་གིས་དངོས་གཞིའི་ཚད་དུ་གྱུར་ན་ལྟུང་བའོ། །སྐྱེ་བོ་མང་པོའི་ནོར་རྐུ་ན་གཅིག་གི་སྐལ་བ་གང་ཡིན་
[109a.2]པ་དེའི་ཚད་ཀྱིས་སོ། །ཀཱཪྵཱ་པ་ཎ་ལྕགས་ལས་བྱས་ཀྱང་གལ་ཏེ་རིན་ཆེན་དངོས་གཞིའོ། །མ་ཤ་ཀ་བཞིའི་སྦྱོར་བས་བརྐུས་ན། ཀཱཪྵཱ་པ་ཎ་སྟོང་ཡང་དངོས་གཞིར་མི་འགྱུར་རོ། །ཉེས་པ་སྦོམ་པོ་ནི་མང་ངོ་། །རྐུ་སེམས་ཀྱིས་གཟུང་ལ་བདག་གི་འདུ་ཤེས་ཀྱིས་སྤྱད་ན་སྦོམ་པོའོ། །
[109a.3]བཟློག་པ་ནི་དངོས་གཞིའོ། །རིན་པོ་ཆེ་ལ་སོགས་པ་སའི་འོག་ཏུ་བཅུག་པ་ཆུད་གཟོན་ན་སྦོམ་པོའོ། །འདི་ནི་ཐམས་ཅད་དུ་བརྗོད་པར་བྱའོ། །གློ་བུར་གྱི་ཐོབ་པ་མི་དབང་བར་དབང་ངོ་ཞེས་སྨྲས་ན་སྦོམ་པོའོ། །ཐོབ་ནས་དངོས་པོ་ཇི་ལྟ་བ་བཞིན་དུ་ལྟུང་བར་འགྱུར་རོ། །གཞི་མེད་པའི་
[109a.4]བསོད་སྙོམས་ལེན་ན་སྦོམ་པོའོ། །མགྲོན་དུ་མ་བོས་པར་ཟ་ན་ཉེས་བྱས་སོ། །མཁན་པོ་གྲོང་གཞན་དུ་སོང་བའི་ཐོབ་པ་ལེན་ཀྱང་ལེན་པའི་ཚེ་གཞན་ལ་ཤེས་པར་བྱས་ན་ལྟུང་བ་མེད་དོ། །དེ་བཞིན་དུ་མཛའ་བོའི་ཡང་ངོ་། །མ་བཅོལ་བར་མི་བླང་ངོ་ཞེས་གསུངས་སོ། །འདི་ནི་
[109a.5]ངེས་པའོ། །ནད་པའི་ཕྱིར་བླངས་ལ་གལ་ཏེ་ནད་པ་ཤི་བའི་གནས་སྐབས་ན་ནི་སྦྱིན་བདག་ཉིད་ལ་སྦྱིན་པར་བྱའོ། །ཅི་སྟེ་འཚོ་བའི་གནས་སྐབས་ཀྱི་ནི་ཤི་བའི་ཡོ་བྱད་དོ། །ཆོམ་རྐུན་པའམ་བང་མཛོད་ལ་སོགས་པའི་སྲུང་མས་གལ་ཏེ་བྱིན་ན། དེ་ལ་སྦྱིན་བདག་གི་སེམས་ཉེ་
[109a.6]བར་གཞག་པར་བྱའོ། །ཆོམ་རྐུན་པ་དག་གནོད་པས་འཇིགས་ཏེ་བྲོས་པའི་ཚེ་བྱིན་ན་མི་བླང་ངོ་། །བླངས་ཀྱང་བརྐུས་པའི་རྐྱེན་གྱི་ལྟུང་བ་མེད་དོ། །ཆོམ་རྐུན་གྱི་རྒྱལ་མཚན་ཅན་གྱི་ཡང་ལྟུང་བ་མེད་དོ། །མཚོན་གྱིས་དྲས་པ་ཁ་དོག་ངན་པར་བྱས་ཏེ་བཅང་བར་བྱའོ། །གལ་ཏེ་ནོར་
[109a.7]བདག་ཉིད་སློང་ན་སྦྱིན་པར་བྱའོ། །སྤྲིང་ཡིག་དང་ལག་ཡིག་དང་ལག་པའི་ཕྱག་རྒྱ་ལ་སོགས་པའི་ཐ་སྙད་རྣམས་ཀྱིས་ཀྱང་དངོས་པོ་ཇི་ལྟ་བ་བཞིན་ནོ། །ཀཱཪྵཱ་པ་ཎའི་ཐ་སྙད་དུ་མི་བྱེད་པ་ཞིག་བརྐུས་ན་རང་གི་དངོས་པོའི་རིན་ཐང་བཞིན་དུ་བྱའོ། །དེ་བཞིན་དུ་ཀཱཪྵཱ་པ་ཎ་རྔོ་རྔོ་དང་། ཐ་སྙད་མི་
[109b]
[109b.1]བྱེད་པ་དང་། ལྕགས་ལས་བྱས་པ་བརྐུས་ན་ཡང་རིན་ཐང་གི་དབང་གིས་ལྟུང་བའོ། །དེ་བཞིན་དུ་ཀཱཪྵ་པ་ཎ་བཟང་པོ་དང་མཐུན་པ་ཞིག་རྐུ་བར་སྦྱོར་བ་བྱེད་པ་ན་གལ་ཏེ་བདག་པོས་འདི་ནི་ངས་ཁྱོད་ལ་སྦྱིན་ནོ་ཞེས་སྨྲས་ལ། བཏང་བའི་འདུ་ཤེས་སུ་གྱུར་ན་སྦོམ་པོའོ། །གསེར་རམ་དངུལ་ལ་ལྕགས་སུ་
[109b.2]བསྒྱུར་ཏེ་ཤོ་གམ་གྱི་གནས་ནས་འདས་ན་སྦོམ་པོའོ། །རིན་པོ་ཆེའམ་རིན་པོ་ཆེར་སྨོས་པ་ཆུད་གསན་ཏེ་བརྐུས་ན་རིན་ཐང་བརྩིས་ལ་དངོས་པོ་ཅི་ལྟ་བ་བཞིན་དུ་ལྟུང་བའོ། །གཏམས་པ་བརྣོགས་ཏེ་ངེས་པར་བྱས་པའི་དུས་སུ་གལ་ཏེ་དངོས་པོ་ཡོད་པ་གཞན་དག་གི་མཉམ་པ་མེད་ན་དེས་པ་སྟེ་དངོས་
[109b.3]གཞིའོ། །གཏམས་པ་སྔར་ངེས་པ་བྱས་ལ་ཕྱིས་གནས་ནས་ན་སྤག་མ་སྦོམ་པོའོ། །གལ་ཏེ་ཐོག་མ་ནས་སྤགས་ན་དངོས་གཞིའོ། །འཚོ་བའི་ཕྱིར་གླང་པོ་ཆེ་ལ་སོགས་པ་བསད་ན་དངོས་གཞིའོ། །གཉིས་ཀ་ལ་མ་ཕན་ཡང་བླའོ་སྙམ་ན་སྦོམ་པོའོ། །རྒྱན་པོ་འགྱེད་པའི་ཚེ་གྲངས་བཏབ་
[109b.4]ནས་སྦེད་པ་ལ་སོགས་པས་བརྐུས་ན་དངོས་པོ་ཅི་ལྟ་བ་བཞིན་དུ་ལྟུང་བའོ། །གཞན་རྐུའོ་སྙམ་པ་ལས་གཞན་དང་གཞན་གྱི་ན་སྦོམ་པོའོ། །སྦྱར་མའི་ནང་ནས་དར་རིན་ཐང་ཆེན་པོ་བྱུང་སྟེ། ཕྱིས་མཐོང་ན་སྦྱར་མའི་དངོས་པོ་ཁོ་ནས་ལྟུང་བའོ། །ཡན་ལག་གི་ཁྲུས་བྱེད་པ་ནི་རིན་པོ་ཆེའི་ཟ་མ་
[109b.5]ཏོག་མཐོང་བ་ལ་ལྟུང་བ་མེད་དོ། །དེའི་བདག་པོ་འདོད་ན་སྦྱིན་པར་བྱའོ། །རྐུ་སེམས་ཀྱིས་ཕྱོགས་བཞིའི་དགེ་འདུན་གྱི་གནས་ནས་གནས་གཞན་དུ་སྤོད་ན་ཉེས་བྱས་སོ། །བྱ་ཚང་བཅས་ཏེ་ཡོངས་སུ་བཟུང་བ་སྲེག་གམ། བཙོ་བླག་ལ་སོགས་པའི་ཕྱིར་བླངས་ན་ཉེས་བྱས་སོ། །བྱི་བས་ཁྱེར་
[109b.6]བ་བདག་གི་གང་ཡིན་པ་དེ་བླང་གི་དེའི་མ་ཡིན་ནོ། །བྱི་བས་ཁྱེར་ཏེ་འོངས་ན་དེས་བྱིན་པའི་དབང་གིས་སྤྱད་པར་བྱའོ། །ཅི་ཡང་རུང་བ་ཞིག་ལ་འདི་ནི་འདི་ལྟར་བརྐུའོ་སྙམ་སྟེ་ལུས་བསྒྱུར་ན་སྦོམ་པོའོ། །ནད་པས་ཀཱཪྵཱ་པ་ཎ་གཏད་དེ་འདི་དང་འདི་ལྟ་བུ་གྱིས་ལ་དགེ་འདུན་ལ་ཕུལ་ཅིག་ཅེས་བསྒོ་བ་
[109b.7]ལ་དེ་ལྟར་མ་བྱས་པར་རང་དགར་བགོས་ན་སྦོམ་པོའོ། །ཤི་བའི་རྙེད་པ་མ་བགོས་པ་སངས་རྒྱས་ཀྱི་སློབ་མ་རྣམས་མཚམས་ཀྱི་ནང་དུ་ལྷགས་པ་ཐམས་ཅད་དབང་བ་བརྐུས་ཏེ་ཡོངས་སུ་ཚང་ན་ཕམ་པར་འགྱུར་རོ། །དེའི་འདི་བགོ་བར་བྱ་བ་ནི་དུས་ལྔའི་ཚེ་མཚམས་ཀྱི་ནང་དུ་ལྷགས་ན་ཤི་བ་
[110a]
[110a.1]དེའི་རྙེད་པ་དབང་བར་འགྱུར་ཏེ། ཤེ་བའི་གཎྜཱི་བརྡུང་བ་དང་། རྒྱུན་ཆགས་གསུམ་པ་འདོན་པ་དང་། མཆོད་རྟེན་ལ་ཕྱག་འཚལ་བ་དང་། ཚུལ་བཞིན་འདྲིམ་པ་དང་། གསོལ་བ་བྱེད་པའི་ཚེའོ། །དེ་ཡང་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། །གནས་
[110a.2]འདི་ན་དགེ་སློང་མིང་འདི་ཞེས་བགྱི་བ་དུས་ལས་འདས་ཏེ་གུམ་པ་འདིའི་ཡོ་བྱད་སྣང་བ་དང་མི་སྣང་བ་ཡོད་པ་འདི་གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་གུམ་པ་མིང་འདི་ཞེས་བྱ་བ་གུམ་པའི་ཡོ་བྱད་སྣང་བ་དང་མི་སྣང་
[110a.3]བ་བྱིན་གྱིས་བརླབ་བོ། །འདི་ནི་གསོལ་བའོ། །གང་ན་དགེ་འདུན་བྲེལ་ཏམ་ལས་བྱེད་པ་མེད་པ་དེར་དང་པོ་དང་ཐ་མ་བྱ་སྟེ། དགེ་འདུན་ལ་རྒན་པ་ཅིག་དང་གཞོན་པ་ཅིག་ལ་ཅུང་ཟད་ཅིག་བྱིན་ལ་ལྟག་མ་ནི་ནམ་བདེ་བ་ན་བགོའོ། །དང་པོ་དང་ཐ་མ་འདས་ཟིན་པའི་འོག་ཏུ་འོངས་པ་ལ་ནི་མི་
[110a.4]སྦྱིན་ནོ། །ཤི་བའི་རྙེད་པ་ཁྱིམ་གཞན་ན་ཡོད་པ་ནི་གང་སྔར་འོངས་པ་དེ་དབང་ངོ་། །མཉམ་དུ་འོངས་ན་གང་དང་པོར་སློང་བ་དབང་ངོ་། །དེ་ལ་མཉམ་ན་ཁྱིམ་པས་གང་ལ་སྦྱིན་པ་དེ་དབང་སྟེ། གང་ལ་དད་པས་བྱིན་པའི་དབང་དུ་བྱས་པའི་ཕྱིར་རོ་ཞེས་བྱ་བའོ། །དགེ་སློང་གི་རྫས་དགེ་སློང་ཡོད་
[110a.5]ན་དགེ་སློང་མ་དང་མི་བགོའོ། །དགེ་སློང་མའི་རྫས་ཀྱང་དེ་དག་ཡོད་ན་དགེ་སློང་རྣམས་དང་མི་བགོའོ། །མཚམས་ཀྱི་བར་དུ་ཤི་ན་མགོ་གང་དུ་བལྟས་པའི་མཚམས་ན་གནས་པ་རྣམས་དབང་ངོ་། །གཉི་གར་བལྟས་ན་གཉི་ག་དབང་ངོ་། །གང་ན་བཅུ་ལ་སོགས་པའི་སྤྱིར་རྙེད་པ་སྦྱིན་
[110a.6]པར་བྱས་ལ་དེར་གལ་ཏེ་མ་བགོས་པར་དགེ་སློང་ཤི་ན་སྡེ་ཚེན་དེ་དག་ཉིད་དོ། །གལ་ཏེ་བགོས་ན་དགེ་འདུན་ཐམས་ཅད་དབང་ངོ་། །གནས་ནས་ཕྱུང་བའམ་རང་བཞིན་དུ་གནས་པ་རྣམས་ཀྱི་ཤི་བའི་རྫས་ནི་རང་བཞིན་དུ་གནས་པ་རྣམས་དབང་ངོ་། །དེ་མེད་ན་གནས་ནས་ཕྱུང་བ་རྣམས་དབང་ངོ་། །
[110a.7]དེ་ན་ནི་སུས་སྔར་ལྟ་བ་བཏང་བ་དབང་ངོ་། །ཁས་བླངས་པའི་གནས་སུ་དགེ་སློང་ཁས་མ་བླངས་པའམ། དགེ་ཚུལ་ལམ། སྐྲ་བྲེགས་པའི་ཤི་བའི་རྙེད་པ་ཁས་བླངས་པས་བགོས་ན་བགོས་པར་མི་ཆུད་དོ། །ཕྱོགས་བཞིའི་དགེ་འདུན་ལ་བསྔོས་ན་ནི་ལེགས་པར་བསྔོས་པ་ཡིན་ནོ། །ཁས་མ་
[110b]
[110b.1]བླངས་པའི་གནས་སུ་ཁས་བླངས་པའི་ཡང་དེ་བཞིན་དུ་བརྗོད་པར་བྱའོ། །ལྷ་སྦྱིན་གྱིས་གཞི་ལྔ་པོ་བཅས་པ་ཁས་བླངས་པ་ནི་ཁས་བླངས་པ་ཞེས་བའོ། །ནད་གཡོག་བྱེད་པ་དགེ་སློང་ངམ་ཁྱིམ་པའི་བར་དུ་ཡང་རུང་སྟེ་གཞན་དུ་གཡར་གནས་པ་དེའི་ཆེད་ལ་མཚམས་ཀྱི་ཕྱི་རོལ་དུ་སོང་ན་ནི་འདི་ལྟ་སྟེ། ཡོ་བྱད་དྲུག་པོ་
[110b.2]ཆོས་གོས་གསུམ་དང་། ལྷུང་བཟེད་དང་། ཆུ་ཚགས་དང་། གདིང་བ་སྟེ་འབྲིང་ལས་སྦྱིན་པར་བྱའོ། །དགེ་སློང་གིས་ང་ཤི་ན་འདི་ནི་འདི་དབང་ཞེས་བྱིན་པ་དེ་ནི་བྱིན་པ་མ་ཡིན་ཏེ། ཤི་བའི་རྙེད་པ་ཡིན་གྱིས་བགོ་བར་བྱའོ། །ཁྱིམ་པས་དེ་ནི་བྱིན་པར་ཆུད་དེ། ཁྱིམ་པ་དེ་ནི་ལྟོས་པ་དང་བཅས་ཏེ་
[110b.3]འཆིའོ། །རབ་ཏུ་བྱུང་བ་ནི་ལྟོས་པ་མེད་པའོ། །ཤི་བའི་རོ་ཕྱུང་སྟེ་མཆོད་ལ་ཆོས་བཤད་ནས་ཤི་བའི་རྙེད་པ་བགོ་བར་བྱའོ། །རྣམ་པ་གཞན་དུ་ན་ཉེས་བྱས་སོ། །དངོས་པོ་དང་འདྲ་བའི་དབང་གིས་བྱིན་གྱིས་བརླབ་བོ། །གང་ཟག་གང་རྫས་གཞག་པ་དེ་ནི་དངོས་པོ་དང་འདྲ་བ་ཞེས་བྱའོ། །ལག་
[110b.4]གི་བླ་ཤི་བའི་རྫས་འཆོལ་བར་བྱས་པ་ཞིག་ན་དཀོན་མཆོག་གསུམ་བགོའོ། །མཚམས་ཀྱི་ཕྱི་རོལ་ལ་མཚམས་ཀྱི་ནང་དུ་འདུ་ཤེས་སམ། ཡིད་གཉིས་ཟ་བཞིན་དུ་བགོས་ན་འགལ་ཚབས་ཅན་དུ་འགྱུར་རོ། །ཕྱིས་ཡང་མཚམས་ཀྱི་ནང་དུ་ལྷགས་པ་རྣམས་དང་ལྷན་ཅིག་བགོ་བར་བྱའོ། །སྐྱེས་
[110b.5]བསྐུར་བ་གཉི་གས་མ་བསྐུར་བར་གཉི་ག་ཤི་བའི་དུས་བྱས་ན། གང་ལ་བསྐུར་བའི་ཤི་བའི་རྙེད་པར་བྱིན་གྱིས་བརླབ་བོ། །གཞན་གྱིས་ཡོངས་སུ་བཏང་ན་གང་གིས་ཡོངས་སུ་མ་བཏང་བ་དེའི་ཡིན་པར་བྱིན་གྱིས་བརླབ་བོ། །གཉི་ག་དག་གིས་ཡོངས་སུ་བཏང་ན་སྦྱིན་བདག་གི་ཡིན་ནོ། །སྦྱིན་
[110b.6]བདག་ཤི་ཡང་དེའི་འཕྲིན་གྱི་དབང་གིས་ནོར་བླང་བར་བྱའོ། །དེང་ནོར་བདག་སློང་ན་ཡང་དེའི་ནང་ནས་དེ་ཉིད་སྦྱིན་པར་བྱའོ། །ཉུང་ན་ཡང་དགེ་འདུན་ལ་སོགས་པ་ལ་མངའ་བ་ལས་ནི་མི་སྦྱིན་ནོ། །དེའི་བདག་པོ་ཤི་ན་ཕ་རོལ་གྱིས་རས་ཅི་འདྲ་བ་བྱིན་ཀྱང་བླང་ངོ་། །ལག་གི་བླས་དགེ་འདུན་གྱི་
[110b.7]ཕྱིར་སྐྱིན་པོ་བྱས་པ་ལས་དེ་ཤི་ན་དགེ་འདུན་གྱིས་གཞལ་བར་བྱའོ། །རྒན་རིམས་རྒན་རིམས་སུ་དྲིས་ལ་དེ་བླང་བར་བྱ་སྟེ་འདབ་མ་ཡི་གེ་བྲི་བར་བྱའོ། །ཆོས་རྐུན་པས་ཕྲོགས་པ་ནན་ཁུགས་ཀྱིས་འགུགས་པར་བྱེད་ན་གཞི་ཇི་ལྟ་བ་བཞིན་དུ་ལྟུང་བའོ། །འདི་ལྟ་སྟེ། དེ་གང་གིས་ཕྲོགས་པ་
[111a]
[111a.1]དེའི་ཡིན་ནོ་ཞེས་གསུངས་པ་ཡིན་ནོ། །འཕྲལ་དུ་ནན་ཁུགས་ཀྱིས་དགུག་པར་མི་བྱ་མོད་ཀྱི། འོན་ཀྱང་ཚིག་གིས་བསྡིགས་པར་བྱའོ། །ཆོམ་རྐུན་རྒྱལ་པོའི་ཕོ་བྲང་འཁོར་རྣམས་སུ་མི་དབུལ་ལོ། །སྔར་ཆོས་བཤད་པས་བསླང་བར་བྱའོ། །གལ་ཏེ་མི་སྟེར་ན་རིན་ཕྱེད་
[111a.2]ཀྱིས་སོ། །ལྷུང་བཟེད་དང་ཆོས་གོས་བྱས་ཟིན་པ་ནི་རྙེད་པར་དཀའ་བའི་ཕྱིར་ཐ་ན་རི་བའི་རིན་གྱིས་སོ། །རྨ་མ་ཕྱུང་བར་བདག་གིས་རྨ་ཕྱུང་ངམ། གཞན་རྨ་འབྱིན་དུ་བཅུག་སྟེ་ཕྱག་དར་ཁྲོད་བླང་བར་མི་བྱ་མོད་ཀྱི་འོན་ཀྱང་གང་ཐ་ན་གྲོག་མས་རྨ་ཕྱུང་བ་ཡིན་ནོ། །ཡོངས་སུ་གཟུང་བ་དང་
[111a.3]བཅས་པའི་དུར་ཁྲོད་ནས་ཕྱག་དར་ཁྲོད་བླངས་ན་སྦོམ་པོའོ། །ཆོམ་རྐུན་པས་ཁྱེར་བ་མ་ཐེག་ནས་ལམ་བར་དུ་བོར་བ་མི་བླང་ངོ་། །གལ་ཏེ་ཅི་བདེར་བྱས་པ་ཡིན་ན་ནི་ལྟུང་བ་མེད་དོ། །ཕག་ཤ་དང་། བུ་རམ་ཤིང་དང་། ཏ་ལའི་འབྲས་བུ་ལ་སོགས་པ་ཆོམ་རྐུན་པས་ཁྱེར་བ་སྙིགས་ཏེ་བོར་
[111a.4]བ་ཞིག་ན་སྐྱེ་བོའི་མངོན་སུམ་དུ་བླང་ངོ་། །མདོར་ན་ཕྱག་དར་ཁྲོད་ཐམས་ཅད་ནི་ཤིན་ཏུ་བརྟགས་ཏེ་བླང་ངོ་། །ཕྱག་དར་ཁྲོད་ཀྱི་འདུ་ཤེས་ཡོད་པའི་ཕྱིར་རྐུ་བའི་རྐྱེན་གྱིས་ལྟུང་བ་མེད་དོ། །ཕྱག་དར་ཁྲོད་ཀྱི་གོས་མི་གཙང་བས་རེག་པ་མི་བསྲེལ་གྱི་ལེགས་པར་བཀྲུ་བ་དང་། ལེགས་
[111a.5]པར་འཆེད་པ་དང་། ལེགས་པར་ཁ་དོག་བསྒྱུར་བར་བྱའོ། །རོའི་གོས་ནི་ཉི་མ་བདུན་ནམ་བརྒྱད་ཚང་ཚིང་ལ་སོགས་པའི་ནང་དུ་བཞག་ལ་དེའི་འོག་ཏུ་ཉི་མས་གདུངས་པ་བཀྲུས་ཏེ་བགོ་བར་བྱའོ། །སློང་བ་སླར་འོངས་པ་རྙེད་པ་ལ་སླར་ཡང་སླཽང་བ་ལ་མ་བྱིན་ན་འགལ་ཚབས་ཅན་དུ་
[111a.6]འགྱུར་རོ། །གལ་ཏེ་ཡང་བྱིན་ན་བླང་ངོ་། །གློ་བུར་དུ་ལྷགས་པ་དང་། གཉུག་མར་གནས་པ་དག་གིས་འགའ་ཞིག་འོངས་ན་སྦྱིན་པར་བྱའམ་ཞེས་དྲི་བར་བྱའོ། །བྱིན་ཅིག་ཅེས་ཟེར་བ་ལས་གལ་ཏེ་བྱིན་ནམ་ཁྱེར་ན་ལེགས་པར་ཁྱེར་བ་ཡིན་ནོ། །རྣམ་པ་གཞན་དུ་ཚང་བར་སྦྱིན་
[111a.7]པར་བྱའོ། །དགེ་སློང་རྒྱུས་མི་ཤེས་པར་ངལ་སོར་གཞུག་པར་བྱའོ། །ཆུ་རྒལ་བ་ལ་སོགས་པའི་ཚེ། ལེགས་པར་གཟུང་ངམ་ཞེས་སྨྲས་ན། བྱིན་པ་ལ་ཤོར་བ་འགལ་ཚབས་ཅན་དུ་འགྱུར་རོ། །བཟློག་པ་ནི་ལྟུང་བ་མེད་དོ། །ཅི་སྲིད་གནམ་གཟེར་དང་། སྒོ་ལྕགས་དང་། སྒོ་ལྕགས་སྒྲིལ་མ་
[111b]
[111b.1]དང་། འཕྲེད་གཏན་དང་། འཁོར་གཏན་ཡོད་ལ། གཙུག་ལག་ཁང་སྐྱོང་གིས་སྒོ་གཏན་མ་བཅུག་སྟེ། །སྟོར་ན་ནི་ཇི་སྙེད་པ་དེ་སྙེད་ཀྱི་སྐྱིན་པ་གཞལ་བར་བྱའོ། །སུ་འདི་ན་གནས་པ་དེ་ལ་ངས་སྦྱིན་ནོ་ཞེས་ངེས་པར་བྱས་པ་ལས་གཞན་དུ་ཁྱེར་ཏེ་ཟས་ལ་སོགས་པ་ལོངས་སྤྱོད་ན་རིན་ཐང་ཚང་བར་བྱས་
[111b.2]ཏེ་སྦྱིན་པར་བྱའོ། །བདག་གི་ལྷུང་བཟེད་དང་ཆོས་གོས་ལ་སོགས་པ་རྐུ་སེམས་ཀྱིས་བླངས་ན་སྡོམ་པོའོ། །དགེ་སློང་ལ་སོགས་པའི་ཆོས་གོས་ལྷུང་བ་སུའི་ཡིན་པ་དེ་ལན་གྲང་ཞེས་ཀ་བའི་བར་དུ་བཀལ་ཏེ་གཞག་གོ། །ནད་པ་ལ་མ་དྲིས་པར་དེའི་ཚིག་གིས་འགའ་ཞིག་ནས་སྨན་བླང་བར་མི་བྱའོ། །
[111b.3]མཚན་བཟང་གིས་ནོར་གྱིས་བྱིན་ལ་ལྷུང་བཟེད་ཆུང་ངུ་སླར་སྦྱིན་པར་བྱས་པ་དེའི་ཚེ་ནི་དེའི་བྱ་བ་བྱ་བར་ཁས་མ་བླངས་ཀྱི་བདག་གི་དགོས་པའི་ཕྱིར་སོང་སྟེ། དེ་ཡང་བྱས་ནས་དེའི་ལྷུང་བཟེད་ཆུང་ངུ་བདག་གི་ཡིན་པའི་འདུ་ཤེས་ཀྱིས་བླངས་པས། བདག་གི་ཡིན་པའི་འདུ་ཤེས་ཀྱིས་ན་དེ་ལ་ལྟུང་བ་མེད་དོ་
[111b.4]ཞེས་གསུངས་ཏེ། གླ་རྔན་གྱི་ཕྱིར་ལས་མི་བྱ་མོད་ཀྱི། འོན་ཀྱང་ལག་པོད་ཀྱི་ལས་བྱ་བའམ་ཡང་ན་བསོད་ནམས་ཀྱི་བློས་ཀྱང་ངོ་། །མགོན་མེད་ཟས་སྦྱིན་གྱི་བུ་ཆོམ་རྐུན་གྱིས་ཁྱེར་བ་འཕགས་པ་མཽད་གལ་གྱི་བུས་བཏང་བ་དང་། འཕགས་པ་པི་ལིང་ད་བད་སའི་བུས་སྲིང་མོའི་བུ་དང་ལྷ་འབངས་
[111b.5]བཏང་བ་ལྟ་བུའི་སྙིང་རྗེའི་བསམ་པས་རྫུ་འཕྲུལ་བསྟན་པ་ལ་ལྟུང་བ་མེད་དོ། །སྔགས་སད་དོ་སྙམ་པའི་བསམ་པས་ཀྱང་དེ་བཞིན་ནོ། །གཞན་གྱིས་ཡོངས་སུ་ཟིན་པ་ལ་གཞན་གྱིས་ཡོངས་སུ་ཟིན་པར་འདུ་ཤེས་སམ་ཡིད་གཉིས་ཟ་ན་ཡང་ཕམ་པར་འགྱུར་རོ། །གཞན་གྱིས་ཡོངས་སུ་
[111b.6]མ་བཟུང་བ་ལ་གཞན་གྱིས་ཡོངས་སུ་བཟུང་བར་འདུ་ཤེས་སམ་ཡིད་གཉིས་ཟ་བ་ཡང་སྦོམ་པོའོ། །གཞན་གྱིས་ཡོངས་སུ་མ་བཟུང་བ་ལ་གཞན་གྱིས་ཡོངས་སུ་མ་བཟུང་བར་འདུ་ཤེས་པ་ལ་ལྟུང་བ་མེད་དོ། །བདག་གི་ཡིན་པའི་འདུ་ཤེས་དང་རེ་ཞིག་པའི་འདུ་ཤེས་དང་། ཡིད་གཅུགས་པའི་འདུ་
[111b.7]ཤེས་དང་། ལེན་པ་ན་གཞན་ལ་ཤེས་པར་བྱེད་པ་དང་། རྐུ་སེམས་མེད་པ་ལ་ནི་ལྟུང་བ་མེད་དོ། །ཡིད་གཅུགས་པ་ལྔའི་བླང་བར་བྱ་སྟེ། སྡུག་པ་དང་ཡིད་དུ་འཐད་པ་དང་། མཆོད་པར་འོས་པ་དང་། བསྟོད་པར་འོས་པ་དང་། བླ་མའི་དང་། བསྒྲུབ་པར་འོས་པ་དང་། དྲན་པར་བྱ་བ་དང་
[112a]
[112a.1]ཐོས་ནས་ཡང་དགའ་བར་འགྱུར་རོ། །གྲོགས་པོ་ནི་གསུམ་སྟེ། ཐ་མ་དང་། འབྲིང་དང་། རབ་པོ། །དེ་ལ་གོ་རིམས་བཞིན་དུ་ཐ་མ་དང་། འབྲིང་དང་རབ་ཏུ་ཡིད་བརྟན་པར་བྱའོ། །རྣམ་པ་གཞན་དུ་བྱས་ན་འགལ་ཚབས་ཅན་དུ་འགྱུར་རོ། །ལས་དང་པོ་པ་ལ་སོགས་པ་ལ་
[112a.2]ལྟུང་བ་མེད་དོ། །དེ་ནི་ཐམས་ཅད་ལ་ཡང་བརྗོད་པར་བྱ་སྟེ། ཡང་མི་འཆད་དོ། །སུ་གློ་བུར་དུ་འོངས་ཏེ་ངལ་སོར་བཅུག་པ་ལ་དེས་བ་ལང་གི་ལྕི་བ་དང་། འདག་རྫས་དང་། ཆུ་དང་སོ་ཤིང་དང་ས་ཅི་བདེར་བྱས་པ་ཡིན་པས་དེས་དེ་བླང་བ་ལ་ལྟུང་བ་མེད་དོ། །མི་གཞན་གྱི་ཡིན་པ་དང་། རྐུ་
[112a.3]བའི་བློ་དང་། ཚང་བ་དང་། སྦྱོར་བ་གཅིག་པ་དང་། སྤགས་པ་དང་། བདག་གི་མ་ཡིན་པ་དང་། བསླབ་པ་བླངས་པ་ནི་ཕམ་པར་འགྱུར་བའི་རྒྱུ་ཡིན་ནོ། །ཕམ་པར་འགྱུར་བ་གཉིས་པའོ།། །།ཡུལ་སྤོང་བྱེད་དག་ན་དགེ་སློང་དག་གིས་མི་སྡུག་བཤད་པ་ཐོས་ནས། ལུས་རུལ་བས་
[112a.4]ཤིན་ཏུ་ངོ་ཚ་སྟེ། རི་དགས་ཟློག་དགེ་སློང་སྦེད་ཀྱིས་བདག་དང་གཞན་གཅིག་གིས་གཅིག་བསད་པས་མི་བཟོད་པའི་གཞིའི་དབང་དུ་མཛད་ནས་མི་བཟོད་པའི་ཉོན་མོངས་པས་གསུམ་པ་བཅས་སོ། །གཞི་དང་སེམས་དང་། སྦྱོར་བ་དང་། མཐའ་དང་། འདི་དག་ནི་ལྟུང་བ་ཞེས་བརྗོད་དོ། །དེ་
[112a.5]ལ་གཞི་ནི་མིའམ་མིར་ཆགས་པ་ཞེས་གསུངས་པ་སྟེ། མི་ནི་གང་སྐྱེ་མཆེད་དྲུག་ཡོངས་སུ་རྫོགས་པའོ། །མིར་ཆགས་པ་ནི་མའི་མངལ་ན་ལུས་དང་སྲོག་དང་ཡིད་ཀྱི་དབང་པོ་ཐོབ་པ་རྣམས་སོ། །འདི་ལྟ་སྟེ་མིའི་རིགས་སུ་བསྡུས་པ་བུད་མེད་དང་། སྐྱེས་པ་དང་། མ་ནིང་དབང་པོ་ཚང་བ་
[112a.6]དང་། མ་ཚང་བ་ཡང་རུང་སྟེ་འདི་དག་ནི་གཞིའོ། །སེམས་ནི་བསམས་བཞིན་དུ་ཞེས་བྱ་བ་གསུངས་པ་སྟེ་བསད་པའི་སེམས་སོ། །སྦྱོར་བ་ནི་རྣམ་པ་གཉིས་སུ་སྟེ་ལུས་དང་ངག་གོ། །དེ་ལ་ལུས་ནི་རང་གི་ལག་དར་ཏེ་ཞེས་གསུངས་པ་ལ་སོགས་པའོ། །དེ་ལ་རང་གི་ལག་དར་བ་ནི་
[112a.7]བདག་གིས་བསད་པའོ། །དེ་ལ་མཚོན་བྱིན་ནམ་ཞེས་བྱ་བ་ནི་སུ་བདག་གིས་བདག་གསོད་པར་འདོད་པ་ལ་མཚོན་སྦྱིན་པར་བྱེད་པ་དང་། བདག་ཉིད་མཚོན་འདེབས་མི་ནུས་ནས་མཚོན་ཡོད་པ་དེའི་ལག་པ་ནས་གཟུང་སྟེ་འདེབས་པའོ། །དེ་ལ་མཚོན་ཐོགས་པ་གཉེར་ཏམ་ཞེས་
[112b]
[112b.1]བྱ་བ་ནི། གཞན་དེ་ལ་མཚོན་སྦྱིན་དུ་བཅུག་པའོ། །དེ་ལ་ངག་གི་སྦྱོར་བ་ནི་དེར་འཆིར་བཅུག་གམ་ཞེས་གསུངས་པ་ལ་སོགས་པ་སྟེ་དེ་ལ་མི་འདོད་བཞིན་དུ་འཆིར་བཅུག་པ་དང་། འདོད་པ་ལ་བསྔགས་པ་བརྗོད་པའོ། །རྣམ་གྲངས་གང་གིས་ཤེ་ན། ཁྱོད་འདིས་ཅི་ཞིག་བྱ་ཞེས་བྱ་བ་གསུངས་པ་ལ་
[112b.2]སོགས་པ་སྟེ། འཚོ་བའི་ཉེས་དམིགས་བསྟན་པ་དང་། ཤི་བའི་ལེགས་པ་བསྟན་པའོ། །མི་གཙང་བ་ཞེས་བྱ་བ་ནི་ལུས་མི་གཙང་བ་དང་ལྡན་པའི་ཕྱིར་རོ། །རྣམ་གྲང་དུ་མས་ཞེས་བྱ་བ་ནི། རྣམ་གྲངས་འདིས་སམ་རྣམ་གྲངས་གཞན་གྱིས་ཀྱང་ཞེས་བྱ་བའི་ཐ་ཚིག་གོ། །སེམས་ཀྱི་
[112b.3]འདོད་པ་ཞེས་བྱ་བ་ནི་ཤི་ཡང་བླ་སྙམ་དུ་དེ་ལྟར་མངོན་པར་འདུ་བྱེད་པའོ། །སེམས་ཀྱི་ཀུན་དུ་རྟོག་པ་ཞེས་བྱ་བ་ནི། འདི་ཤི་ན་བདག་གི་ཡོན་ཏན་འདིར་འགྱུར་བའོ། །སྙམ་དུ་མངོན་པར་འདུ་བྱེད་པའོ། །འདིས་ནི་གསོད་སེམས་གཞི་དང་བཅས་པ་སྟོན་ཏོ། །དེ་ལ་དགེ་སློང་གིས་ཡོ་བྱད་ཀྱི་
[112b.4]ཕྱིར་ཚུལ་ཁྲིམས་དང་ལྡན་པའམ། ཚུལ་ཁྲིམས་འཆལ་པའམ། ནད་པ་གསད་པའི་ཕྱིར་ཇི་ལྟར་མཐུན་པར་བསྟན་ཏམ། འཆིར་བཅུག་གམ། བསྔགས་པ་བརྗོད་ཀྱང་རུང་སྟེ། ཤི་ན་ཕམ་པར་འགྱུར་རོ། །གལ་ཏེ་མ་ཤིན་སྦོམ་པོའོ། །གལ་ཏེ་འགྱོད་དེ་བཟློག་པ་ལས་ཤིན་ཡང་
[112b.5]སྔར་སྦྱོར་བས་སྦོམ་པོའོ། །དེ་ལ་མཐའ་ནི་དེ་ཡང་རྩོམ་པ་དེས་དུས་བྱས་ན་ཞེས་གསུངས་པའོ། །དེ་ལ་ལྟུང་བ་ཅི་ལྟར་འགྱུར་ཞེ་ན། དགེ་སློང་གིས་ཟིན་པ་ཡན་ལག་དང་། ཉིང་ལག་དང་། མ་ཟིན་པ་འཕངས་པ་མདའ་ལ་སོགས་པ་དང་། དེ་གཉི་ག་དང་ལྡན་པ་རལ་གྲི་ལ་སོགས་པ་དང་དུག་སྦྱོར་བ་
[112b.6]དང་། ས་ལ་འཆིང་བ་དང་། ཤིང་ལ་འཆིང་བ་དང་། འབྲུའི་ཆང་དང་། བཅོས་པའི་ཆང་མྱོས་པར་འགྱུར་བ་དང་། སྨན་དང་། སེམས་འཁྲུགས་པ་དང་། ས་མདའ་དང་། འཁྲུལ་འཁོར་གྱི་ཕུང་པོ་དང་། གསང་སྔགས་དང་། སྦྱར་དུག་དང་། གཡང་ས་དང་། ཁང་ཐོག་ལ་སོགས་
[112b.7]པ་ནས་ལྟུང་བར་བྱེད་པ་དང་། ཆུ་དང་། མེ་དང་། འཇིགས་པ་དང་བཅས་པའི་ས་ཕྱོགས་སུ་གཏོང་བ་དང་། གྲང་བ་དང་། ཚ་བའི་དུས་ནས་མཚན་མོ་བླ་གབ་མེད་པ་དང་། གཡོགས་པར་གཞག་པ་དང་། མིའི་བུད་མེད་དང་། སྐྱེས་པ་དང་། མ་ནིང་ལ་སྲོག་ཆགས་སུ་འདུ་ཤེས་སམ། ཡིད་
[113a]
[113a.1]ཡིད་གཉིས་ཟའམ། དེས་ཀྱང་རུང་སྟེ་བསད་པའི་སེམས་ཀྱིས་དེ་གསད་པའི་ཕྱིར་བརྩམས་པ་ལས་གལ་ཏེ་རྩོམ་པ་དེས་དེའི་ཚེའམ། གཞན་གྱི་ཚེ་ཡང་རུང་སྟེ། ཤི་ན་ཕམ་པར་འགྱུར་བའོ། །གལ་ཏེ་མ་ཤི་ན་སྦོམ་པོའོ། །དེ་བཞིན་དུ་རོ་ལངས་དང་། རོ་ལངས་ཕྱེད་པ་ཡང་
[113a.2]བརྗོད་པར་བྱའོ། །འདི་ནི་བྱེ་བྲག་སྟེ་དེ་ལ་གལ་ཏེ་དེ་གཉིས་ཀྱིས་དགེ་སློང་བསད་ན་ཡང་སྔར་སྦྱོར་བས་སྦོམ་པོའོ། །ཅི་སྟེ་དགེ་སློང་གིས་རོ་ལངས་བསད་ནས་སྤྲུལ་པ་བསད་པ་དང་། སྔར་སྦྱོར་བས་སྦོམ་པོ་གཉིས་སོ། །མངལ་ན་འདུག་པ་བསད་ཀྱི་བུད་མེད་ནི་མ་ཡིན་ནོ་སྙམ་པའི་སེམས་
[113a.3]ཀྱིས་བུད་མེད་ཀྱི་ལྟོ་མཉེས་ན་གལ་ཏེ་མངལ་ན་འདུག་པ་ཤི་ལ་བུད་མེད་མ་ཤི་ན་དངོས་གཞིའོ། །བུད་མེད་ཤི་ལ་མངལ་ན་འདུག་པ་མ་ཤི་ན་སྦོམ་པོའོ། །གཉིས་ཀ་ཤི་ན་དངོས་གཞིའོ། །གཉིས་ཀ་མ་ཤི་ན་སྦོམ་པོའོ། །དེ་བཞིན་དུ་བུད་མེད་གསད་པའི་སེམས་ཀྱིས་མངལ་ན་འདུག་པ་མ་
[113a.4]ཡིན་པ་ཡང་བརྗོད་པར་བྱའོ། །མིའི་བུད་མེད་དང་དུད་འགྲོའི་སྐྱེ་གནས་མོའི་མངལ་ན་མི་མ་ཡིན་པ་ཡོད་པ་རླུགས་པར་བྱས་ན་སྦོམ་པོའོ། །དུད་འགྲོའི་སྐྱེ་གནས་མོའི་མངལ་ན་མི་ཡོད་པ་ནི་དངོས་གཞིའོ། །དུད་འགྲོའི་སྐྱེ་གནས་སུ་གཏོགས་པ་བསྒྱུར་བ་བསད་ན་དངོས་གཞིའོ། །བདག་
[113a.5]དུད་འགྲོའི་སྐྱེ་གནས་སུ་གཏོགས་པར་བསྒྱུར་ན་གལ་ཏེ་དགེ་སློང་གི་འདུ་ཤེས་ཡོད་ན་ཡང་ངོ་། །མང་ཞིག་ལ་གཞན་ཞིག་བསད་དོ་སྙམ་པ་ལས་གཞན་ཤི་ན་སྦོམ་པོའོ། །གཞན་བསད་པའི་སེམས་ཀྱིས་མ་དང་ཕ་དང་དགྲ་བཅོམ་པ་གསད་པ་དང་། མ་ལ་སོགས་པ་གསད་པར་སྦྱོར་བ་ལས་
[113a.6]གཞན་དང་། དགྲ་བཅོམ་པ་མ་ཡིན་པ་ལ་དགྲ་བཅོམ་པར་འདུ་ཤེས་པ་དང་། དགྲ་བཅོམ་པ་ལ་དགྲ་བཅོམ་པ་མ་ཡིན་པར་འདུ་ཤེས་པ་དང་། མ་ལ་སོགས་པ་གསོད་དུ་བཅུག་པ་ལས་སྔར་ཤི་བ་དང་། མ་ཡིན་ནམ་མ་ཡིན་སྙམ་པ་ནས། དགྲ་བཅོམ་པ་ཡིན་ནམ་མ་ཡིན་སྙམ་པའི་བར་
[113a.7]དུ་ཐེ་ཚོམ་ཟ་བ་ཉིད་ཀྱིས་མ་ལ་སོགས་པ་གསད་པ་དང་། མ་ལ་མ་མ་ཡིན་པར་འདུ་ཤེས་པ་དང་། མ་མ་ཡིན་པ་ལ་མར་འདུ་ཤེས་པ་ལ་སྦོམ་པོ་སྟེ། མཚམས་མེད་པར་མི་འགྱུར་རོ། །རྩིག་པ་ལ་སོགས་པ་ལ་གདབ་པར་འདོད་པ་ལས་མ་ལ་སོགས་པ་ལ་ཕོག་པ་དང་། ནད་པ་བསྐྱོད་པ་ལས་
[113b]
[113b.1]འཁྲུལ་ཏེ་འགྱེལ་བ་དང་། ནད་པ་དེ་དག་གི་སྟེང་དུ་འདྲེས་ཏེ་དེ་དག་ཀྱང་རྐྱེན་དེས་ཤི་བ་ནི་ལྟུང་བ་མེད་དོ། །བུད་མེད་གཞན་གྱི་མངལ་ནས་རླུགས་པ་གཞན་གྱིས་བཅུག་པ་ནི་གཞན་གྱི་མངལ་ན་རླུགས་པ་དེའི་མཚམས་མེད་པའོ། །གང་གིས་བཅུག་པ་དེ་བསད་ན་མཚམས་མེད་པ་མ་ཡིན་ནོ། །རབ་ཏུ་
[113b.2]བྱུང་བའི་ཚེ་ནི་དེ་ཉིད་ལ་དྲིའོ། །མི་ཡིན་ནམ་མ་ཡིན་སྙམ་པ་དང་། དེ་ཡིན་ནམ་མ་ཡིན་སྙམ་དུ་ཡིད་གཉིས་ཟ་བས་མི་བསད་ན་སྦོམ་པོའོ། །ཇི་སྟེ་སུ་ཡང་རུང་སྙམ་ན་དངོས་གཞིའོ། །འདི་ལྟ་སྟེ་མི་ལ་མིར་འདུ་ཤེས་སམ་ཡིད་གཉིས་ཟ་ན་ཡང་དངོས་གཞིའོ། །མི་མ་ཡིན་པ་ལ་མིར་འདུ་
[113b.3]ཤེས་སམ་ཡིད་གཉིས་ཟ་ན་ཡང་སྦོམ་པོའོ། །མི་ལ་དུད་འགྲོའི་སྐྱེ་གནས་སུ་འདུ་ཤེས་པ་ལ་ཉེས་བྱས་སོ། །མི་མ་ཡིན་པར་འདུ་ཤེས་པ་ལ་སྦོམ་པོའོ་ཞེས་གསུངས་པ་ཡིན་ནོ། །གསད་པ་བྲོས་པ་ལ་གཤེད་མས་དྲིས་པ་ན་གསོད་པའི་སེམས་ཀྱིས་བསྟན་ན་གཞི་ཇི་ལྟ་བ་བཞིན་ནོ། །མང་
[113b.4]པོའི་ནང་ནས་གལ་ཏེ་གཅིག་བསད་པའི་སེམས་ཀྱིས་གཞན་སྟོན་ན་སྦོམ་པོའོ། །ལུང་དུ་མ་བསྟན་པའི་སེམས་ལ་ཉེས་བྱས་སོ། །བཞད་གད་བྱ་བར་བསམས་ཏེ་བསྣུན་པ་ལས་དེ་ཤི་ན་ཉེས་བྱས་སོ། །བསྙེན་པར་མ་རྫོགས་པ་སྦྱོར་ལ་བསྙེན་པར་རྫོགས་ནས་ཤི་ན་མུ་བཞི་པ་གཉིས་ཏེ།
[113b.5]སྔ་མ་བཞིན་ནོ། །མི་མཁས་པ་ལས་དང་པོ་པ་མ་ཡིན་པ་ཞིག་གལ་ཏེ་ཁ་ན་མ་ཐོ་བ་ལ་མི་འཇིགས་པའི་སེམས་དང་། དད་པས་བྱིན་པ་ལ་རྐུ་བའི་སེམས་དང་སེམས་རྣམ་པ་གཉིས་མ་བྱུང་ན་བསླབ་པ་སྦྱིན་པར་བྱའོ། །ཆུས་ཁྱེར་བའམ། མེས་ཚིག་པའམ། ཤིན་ཏུ་སྐོམ་པ་ལ་གལ་
[113b.6]ཏེ་ལག་གིས་མ་བསྙབས་སམ། ཤི་བར་དགའ་བས་ཤི་ལ་ཐུག་པ་བསྐྱབ་པའི་ཕྱིར། ཆུའམ། གཞན་ཡང་རུང་སྟེ་སྦྱོར་ནུས་བཞིན་དུ་མི་བྱེད་དམ། ཡལ་བར་འདོར་ལ་ལྟུང་བའོ། །གཞན་གྱིས་གསད་པར་བྱ་བ་གདོན་མི་ཟ་བར་འཆི་བར་བྱས་པ་གསད་ན་སྦོམ་པོའོ། །གདོན་མི་ཟ་བར་
[113b.7]བྱས་པ་མ་ཡིན་ན་ནི་ཕམ་པར་འགྱུར་བའོ། །གནོད་པ་སྤང་པའི་ཕྱིར་གལ་ཏེ་བྱེ་བྲག་མེད་པར་བསྣུན་ཏེ། གསད་པའི་བསམ་པ་ནི་མེད་ལ་ཤི་ན་ནི་སྦོམ་པོའོ། །མ་ཤི་ན་ཉེས་བྱས་སོ། །གསད་པར་བསམ་པ་ལ་དངོས་གཞིའོ། །དགེ་སློང་བསད་པའི་སེམས་ནི་མེད་ལ་གང་གི་ཕྱིར་ནད་པ་
[114a]
[114a.1]འཆི་བར་སེམས་པ་ལ་དེ་དང་མཐུན་པའི་གཏམ་བྱེད་པ་དང་མ་བརྟགས་པར་གྲིའམ་ཐག་པ་བྱིན་ན་ཉེས་བྱས་སོ། །དུག་ཉེ་བར་གཞག་ན་ཉེས་བྱས་སོ། །མི་མཁས་པ་ནད་པའི་རིམ་གྲོ་བར་མི་གཞག་གོ། །དེ་ལྟ་བུའི་རྐྱེན་ཞིག་བྱུང་ན་ཁོང་དུ་ཆུད་པར་བསྒོའོ། །ནད་པ་
[114a.2]སློང་བ་ན་དེས་མ་བསླང་ཞིག་ཤིར་འོང་ངོ་ཞེས་སྨྲས་པ་ལ། དེས་ཀྱང་ལོངས་ཤིག་ཅེས་སྨྲས་ཏེ་དུས་བྱས་ན་སྦོམ་པོའོ། །དེ་བཞིན་དུ་སྤྱོད་ལམ་གཞན་ལ་ཡང་བརྗོད་པར་བྱའོ། །ནད་པ་ལ་ཁྲུས་བྱོས་ཤིག་ཅེས་སམ། ལོངས་ཤིག་ཅེས་དེ་ལ་སོགས་པ་བསྒོ་བ་ལས་དེས་ངལ་ཏེ་ཤི་ན་ལྟུང་བ་
[114a.3]མེད་དོ། །སྤོང་བ་པ་ཡུར་བའི་ཚེ་དབྱི་གུས་རེག་པར་བྱས་པ་ལས་ཤི་བ་ཡང་དེ་བཞིན་ནོ། །ནད་ཚབས་ཆེ་བའི་ནད་གཡོག་ཤི་ན་ཡང་བླ་སྙམ་ནས་གྲོང་དུ་སོང་བ་དང་། ནད་གཡོག་སྐྱོའམ། དེའི་ཡོ་བྱད་འདོད་པའི་ཕྱིར་ནད་གཡོག་མ་བྱས་ན་མྱུར་དུ་འཆིའོ་སྙམ་ནས་ནད་གཡོག་མ་
[114a.4]བྱས་ཏེ་དེ་ཡང་ཤི་ན་སྦོམ་པོའོ། །ཁ་ཟས་ཕན་པ་ཡོད་བཞིན་དུ་མི་ཕན་པ་སྦྱིན་ན་སྦོམ་པོའོ། །མེད་དམ་ཕན་པས་ཀྱང་ཤི་ན་ལྟུང་བ་མེད་དོ། །འབྲུམ་བུ་མ་སྨིན་པ་བརྟོལ་ཏེ་ཤི་ན་སྦོམ་པོའོ། །སྨིན་པ་ལ་ལྟུང་བ་མེད་དོ། །གཏར་ག་བཏབ་པ་ལས་མཚོན་ཁ་ཟབས་པ་ལ་
[114a.5]ལྟུང་བ་མེད་དོ། །མ་བསླབས་པར་གཏར་ག་གདབ་པར་མི་བྱའོ། །དགེ་སློང་ཆེ་གེ་མོ་ཞེས་བྱ་བ་ཤི་ན་དེའི་ལྷུང་བཟེད་དམ་ཆོས་གོས་བདག་གིར་འགྱུར་རོ་ཞེས་ལྷུང་བཟེད་དང་ཆོས་གོས་ཀྱི་ལས་མི་བྱེད་པའི་ཕྱིར་གདོལ་པ་ལྟ་བུའི་སེམས་བསྐྱེད་ན་འགལ་ཚབས་ཅན་དུ་འགྱུར་རོ། །འོན་
[114a.6]ཀྱང་དགེ་སློང་གིས་ལྷུང་བཟེད་མིག་བཞིན་དུ་བསྐྱང་བར་བྱའོ། །བསྲེག་པར་འོས་པ་མི་སྲེག་གམ། གླན་པར་འོས་པ་མི་གློན་ན་འགལ་ཚབས་ཅན་དུ་འགྱུར་རོ། །དེ་བཞིན་དུ་ཆོས་གོས་ཀྱང་པགས་པ་བཞིན་དུ་བསྐྱང་བར་བྱའོ། །བཀྲུ་བ་དང་བཙེམ་པ་དང་། ཁ་བསྒྱུར་བར་འོས་པ་དེ་
[114a.7]ལྟར་མི་བྱེད་ན་ཉེས་བྱས་སོ། །གཞན་གྱི་མངལ་ལས་རླུགས་པར་འགྱུར་བ་བྱིན་པ་ལ་རྗེས་སུ་ཡི་རང་ན་འགལ་ཚབས་ཅན་དུ་འགྱུར་རོ། །རྩིག་པ་རྩིག་པའི་ཚེ་སོ་ཕག་ལག་ནས་ལག་ཏུ་འཕངས་པ་ལས་དགེ་སློང་གིས་སོ་ཕག་བོར་བ་དགེ་སློང་གི་གླད་པར་ཕོག་ནས་དུས་འདས་པ་ལ་ལྟུང་བ་
[114b]
[114b.1]མེད་མོད་ཀྱི་འོན་ཀྱང་སོ་ཕག་ལག་ནས་ལག་ཏུ་སྦྱིན་པར་བྱ་སྟེ། དོར་བར་ནི་མི་བྱའོ། །གལ་ཏེ་གས་པ་ཞིག་ཡོད་ན་བསྒོ་བར་བྱའོ། །སྐས་ལ་འཛེགས་ན་མདུད་པ་དོར་བར་བྱའོ། །སྟེང་ན་ལས་བྱེད་ན་ཡང་ངོ་། །འོག་ཏུ་ནི་མི་དགོས་སོ། །རྩིག་པའི་གྲོགས་བྱེད་ན་དུས་གཅིག་ཅིག་བྱའི་
[114b.2]ཉི་མ་རངས་པར་ནི་མི་བྱའོ། དགུན་ནི་ཕྱི་དྲོའོ། །དཔྱིད་ནི་སྔ་དྲོའོ། །དུས་ཀྱང་ཤེས་པར་བྱ་སྟེ་བཏང་ངོ་། །འདི་ལྟ་སྟེ་ལག་པ་དང་རྐང་པ་དག་བཀྲུས་ལ་བསོད་སྙོམས་པ་ནི་བསོད་སྙོམས་ལ་འགྲོའོ། །དགེ་འདུན་ལས་ཐོབ་པ་ནི་དགེ་འདུན་གྱི་ནང་དུའོ། །རྩིག་པའི་གྲོགས་བྱེད་པའི་ཀུན་དུ་སྤྱོད་
[114b.3]པ་ནི་དགེ་འདུན་ལ་སྣུམ་བག་གི་རྙེད་པ་དང་། ཞལ་སུས་དང་། བཏུང་བ་དང་། ལག་པ་དག་གི་སྐུད་དང་། རྐང་པ་དག་གི་སྐུད་སྦྱིན་དུ་གཞུག་གོ། །རྣམ་པ་གཞན་དུ་ན་ཉེས་བྱས་སོ། །དགེ་སློང་གིས་གདུང་མ་ལྕི་ཆེས་པས་ཤོར་ཏེ་ཤིང་མཁན་ཤི་བ་ལ་ལྟུང་བ་མེད་དོ། །ཁུར་ལྕི་བ་མེ་
[114b.4]བཏེག་གོ། །དེ་ལྟ་བུའི་རྐྱེན་ཞིག་བྱུང་ན་བར་དུ་ཁྱིམ་པ་བཞག་སྟེ། དེ་ནས་མཉམ་དུ་གདེག་ཅིང་མཉམ་དུ་གཞག་ཅིང་། ཁུར་མི་ཐེག་པ་བཏེག་ན་འགལ་ཚབས་ཅན་དུ་འགྱུར་རོ། །མི་ཐ་མལ་པའི་ཁུར་གཅིག་ལ་དགེ་སློང་གི་ཁུར་གཉིས་ཏེ། དེ་ལས་ལྷག་པ་མི་གདེག་པའོ། །དགེ་
[114b.5]སློང་གི་མགོ་དང་ཕྲག་པ་དང་། རྐེད་པ་ལ་ཁུར་མི་བསྐུར་རོ་དེ་བཞིན་དུ་དགེ་སློང་མ་ལ་ཡང་ངོ་། །ཁྱེའུ་སྟན་ལ་འདུག་པའི་སྟེང་དུ་གནས་བརྟན་འཆར་ཀས་འདུག་སྟེ་ཤི་བ་ནི་མ་ཚོར་བས་ལྟུང་བ་མེད་དོ། །མ་བརྟགས་པར་སྟན་ལ་འདུག་ན་ཉེས་བྱས་སོ། །སྨན་པ་ལ་མ་དྲིས་པར་ནད་པ་ལ་སྨན་སྦྱིན་ན་
[114b.6]ཉེས་བྱས་སོ། །སྨན་པ་ལ་དྲིའོ། །དེ་མེད་ན་སྨན་པ་ལས་རབ་ཏུ་བྱུང་བ་ལའོ། །དེ་མེད་ན་སྨན་པས་བཀོལ་བ་ལའོ། །དེ་ཡང་མེད་ན་ནད་ཀྱིས་བཀོལ་བ་ལའོ། །དེ་ཡང་མེད་ན་ནད་ཀྱིས་བཀོལ་བ་ལའོ། །དེ་ཡང་མེད་ན་གནས་བརྟན་གནས་བརྟན་ལ་དྲིའོ། །བཀྲུ་སྨན་བླུད་ནས་གཞན་དུ་འགྲོ་བར་མི་བྱའོ། །གཉེན་པོ་བསྟེན་ན་
[114b.7]ལྟུང་བ་མེད་དོ། །གསད་པའི་བསམ་པས་ནད་པ་ལ་སྨན་གང་ཡང་སྦྱིན་པར་མི་བྱ་མོད་ཀྱི་འོན་ཀྱང་ཅི་ནས་ཀྱང་ནད་པ་ནད་སོས་པར་བྱ་བར་བསམ་མོ། །བསྡིགས་པ་ན་མི་ཕོག་པར་བྱ་བའི་བསམ་པས་གཎྜཱི་ལ་སོགས་པ་འཕང་བར་བྱའོ། །ལོགས་དང་སྟེང་ནས་འདིར་འཕོངས་ཤིག་ཅེས་བསྒོ་
[115a]
[115a.1]བ་ལས་གལ་ཏེ་འགའ་ཞིག་ཕོག་ན་ལྟུང་བ་མེད་དོ། །བསྒོ་བ་ནི་ཉེས་བྱས་སོ། །དགེ་སློང་ལམ་དུ་ངལ་བ་ཕུལ་བར་མི་བྱ་མོད་ཀྱི་འོན་ཀྱང་ངལ་སོར་གཞུག་གོ། །སྣོད་སྤྱད་ཀྱང་བླང་ངོ་། །དུས་ཤེས་ནས་གལ་ཏེ་ནུས་ན་ནི་འགྲོགས་ཏེ་འགྲོ་བར་བྱའོ། །ཅི་སྟེ་མི་ནུས་ན་སྔོན་དུ་སྟེ་
[115a.2]ལྷུང་བཟེད་བཀྲུས་ལ་བྱུག་རིས་གཞག་པར་བྱའོ། །ཡང་ན་ཟས་མནོས་ཏེ་བསུ་བར་བྱའོ། །ཅི་སྟེ་རྣམ་པ་གཞན་དུ་ན་ཉེས་བྱས་སོ། །དགེ་འདུན་ལ་སྨན་རྩབས་ལན་ཚྭ་ཅན་བྲིམས་པ་དང་། དེ་བཞིན་དུ་ནད་པ་དང་། གསལ་ཤིང་བཙུགས་པ་ལ་ཡང་ལྟུང་བ་མེད་དོ། །བ་ལང་གིས་
[115a.3]འཇིགས་ནས་ཁྱེའུ་ཞིག་གི་སྟེང་དུ་རྡེག་འཆོས་ཏེ་དེ་ཡང་ཤི་བ་ལས་ལྟུང་བ་མེད་དོ། །བ་ལང་གི་ནང་དུ་ཤེས་བཞིན་དུ་འགྲོ་བར་བྱའོ། །དེ་བཞིན་དུ་སྟོབས་དང་ལྡན་པ་དབྱུག་པ་ཐོགས་པ་ལངས་པ་ན་བྱ་བ་དེས་ཤི་བ་དང་། ཆོས་གོས་ཀྱི་གྲས་གཏུན་ཤིང་འཕངས་ཏེ་མི་ཤི་བ་དང་། དེ་བཞིན་
[115a.4]དུ་ཐལ་མོ་དང་། བརྣངས་པ་བསྣུན་པ་ཡང་ངོ་། །ཤེས་བཞིན་དུ་བསྣུན་པར་བྱའོ། །སྟག་གི་འཇིགས་པ་དང་བཅས་པའི་ས་ཕྱོགས་སུ་འདུག་ཤིག་ཅེས་བློ་གྲོས་བྱིན་པས་ཟོས་པ་ལ་ལྟུང་བ་མེད་དོ། །ཤི་རི་ཀ་དེས་ལག་འགྲོས་བྱ་སྟེ། འགྲོ་བ་ན་ཤི་བ་ལ་ལྟུང་བ་མེད་དོ། །དེ་
[115a.5]ལྟ་བུར་འགྲོ་བར་མི་བྱའོ། །དེ་བཞིན་དུ་ནད་སོས་ནས་རིང་པོ་མ་ལོན་པ་གྲོགས་སུ་ཁྲིད་ནས་ངལ་ཏེ་ཤི་བ་ཡང་ངོ་། །དེ་ལྟ་བུ་དཀྲི་བར་མི་བྱའོ། །གནོད་པར་བྱ་བའི་བསམ་པས་མནན་ཏེ་ཤི་ན་ཉེས་པ་སྦོམ་པོ་སྟེ། དངོས་གཞི་ནི་མ་ཡིན་ནོ། །བདག་གསོད་པར་སེམས་ན་སྦོམ་པོའོ། །ཁྲོས་ནས་
[115a.6]ཐག་པས་བཅིངས་པ་ལ་སོགས་པ་དང་། གཞན་གྱི་ཡན་ལག་དང་ཉིང་ལག་བཅད་ན་སྦོམ་པོའོ། །སྨན་པ་མི་མཁས་པས་གདོང་དུ་མཚོན་གྱི་ལས་བྱེད་དུ་བཅུག་ན་སྦོམ་པོའོ། །སྨན་པ་ཆེན་པོ་མེད་ན་རྩར་བཏབ་པ་ལ་ལྟུང་བ་མེད་དོ། །བརྡེག་པར་བྱ་བ་གཞན་ཡིན་ལ་གཞན་རྡེག་ན་འགལ་
[115a.7]ཚབས་ཅན་དུ་འགྱུར་རོ། །དེ་བཞིན་དུ་གཞང་འབྲུམ་བཅད་པ་ཡང་ངོ་། །འོན་ཀྱང་སྨན་དང་སྔགས་ཀྱིས་དེ་གསོ་བར་བྱའོ། །གསད་བར་སྦྱོར་བར་བྱས་བུད་མེད་བུ་མཚན་གྱུར་ཀྱང་ཕམ་པར་འགྱུར་རོ། །མཚན་གཉིས་པར་གྱུར་པ་དང་། དགེ་ཚུལ་གྱི་སར་བབས་པ་ལ་ནི་སྦོམ་པོའོ། །ཕམ་
[115b]
[115b.1]པར་འགྱུར་བ་གསུམ་པའོ།། །།གྲོང་ཁྱེར་ཡངས་པ་ཅན་ན་ཆུ་ཀླུང་ཡིད་འོང་ལྡན་གྱི་འགྲམ་གྱི་དགེ་སློང་དག་གིས་ཟང་ཟིང་ཅུང་ཟད་ཙམ་གྱི་ཕྱིར་ཉེ་དུ་རྣམས་ཀྱི་མདུན་དུ་མིའི་ཆོས་ལས་བླ་མར་གྱུར་པ་མེད་བཞིན་དུ་བརྗོད་དེ། ལྡན་པ་དང་རྙེད་པ་དང་བཀུར་སྟིའི་གཞིའི་དབང་དུ་མཛད་ནས་ཉོན་
[115b.2]མོངས་པ་དེ་དག་གིས་བཞི་པ་བཅས་སོ། །མངོན་པར་མི་ཤེས་ཞེས་བྱ་བ་ནི་ཤེས་བྱ་དེ་ཇི་ལྟར་རྟག་པ་ལ་སོགས་པར་མེད་ན། དེ་དང་བྲལ་བར་ཡོངས་སུ་མི་སྤྱོད་པའི་ཕྱིར་རོ། །ཡོངས་སུ་མི་ཤེས་ཞེས་བྱ་བ་ནི་ཤེས་བྱ་དེ་ཇི་ལྟར་མི་རྟག་པ་ལ་སོགས་པ་ཡོད་པ་དེ་ལྟར་ཡོངས་སུ་མི་གཅོད་པའི་ཕྱིར་
[115b.3]ཏེ། །ཡོད་པ་ལ་ཡོད་པར་ཡང་དག་པ་ཅི་ལྟ་བ་བཞིན་དུ་མི་ཤེས་པ་དང་། མེད་པ་ལ་མེད་པར་ཡང་དག་པར་ཇི་ལྟ་བ་བཞིན་དུ་ཁོང་དུ་ཆུད་པ་ལས་བཟློག་པར་བརྗོད་པ་ཡིན་ནོ། །མེད་ལ་ཞེས་བྱ་བ་ནི་མིའི་ཆོས་ལས་བླ་མར་གྱུར་པ་དེ་ཉིད་རང་གི་མཚན་ཉིད་ཀྱིས་མེད་པའོ། །མེད་བཞིན་དུ་ཞེས་བྱ་བ་ནི་མིའི་
[115b.4]ཆོས་ལས་བླ་མར་གྱུར་པ་དེ་ཉིད་བདག་ལ་མེད་པའོ། །མིའི་ཆོས་ལས་བླ་མར་གྱུར་པ་ཞེས་བྱ་བ་ནི་མི་སྤྱིའི་སྒྲིབ་པ་ལྔ་པོ་དག་ལས་ཁྱད་པར་དུ་འཕགས་པའོ། །ཚིག་གི་ལྷག་མ་ནི་དེ་ཉིད་ཀྱིས་སྤྲོས་པའོ། །མཐའ་ཞེས་བྱ་བ་ནི་མཆོག་གོ། །འཕགས་པ་ཞེས་བྱ་བ་ནི་བདག་ཉིད་སྡིག་པ་
[115b.5]རྣམས་ལས་རིང་དུ་གྱུར་པའི་ཕྱིར་རོ། །ཡང་ན་འཕགས་པ་རྣམས་ཀྱི་ནི་འཕགས་པའོ། །འཕགས་པའི་བྱེ་བྲག་ཐོབ་པ་ཞེས་བྱ་བ་ནི། སྟོབས་དང་ཡིད་གཞུངས་པ་ལ་སོགས་པ་ལ་ནི་མ་ཡིན་ནོ། །རྣམ་གྲངས་གཞན་དུ་མཐའ་ཞེས་བྱ་བ་ནི་མྱ་ངན་ལས་འདས་པས་ཏེ། དེ་ལ་སྲེད་པ་
[115b.6]ཐམས་ཅད་ཟད་པའི་ཕྱིར་རོ། །བྱེ་བྲག་ཐོབ་པ་ཞེས་བྱ་བ་ནི་དགེ་སྦྱོང་གི་འབྲས་བུ་བཞིའོ། །ཤེས་པ་དང་མཐོང་བ་ཞེས་བྱ་བ་ནི་སྡུག་བསྔལ་ལ་སོགས་པ་ཆོས་ཤེས་པ་དང་། སྡུག་བསྔལ་ལ་སོགས་པ་ལ་ཆོས་ཤེས་པའི་བཟོད་པ་སྟེ་གོ་རིམས་བཞིན་ནོ། །རྣམ་གྲངས་གཞན་དུ་ཤེས་པ་ནི་སྡུག་
[115b.7]བསྔལ་ལ་སོགས་པ་ཤེས་པ་དང་། མི་རྟག་པ་ལ་སོགས་པའི་འདུ་ཤེས་སོ། །མཐོང་བ་ཞེས་བྱ་བ་ནི་ལྷ་ལ་སོགས་པ་མཐོང་བ་ལ་སོགས་པའོ། །རེག་པར་སྤྱོད་པ་ཞེས་བྱ་བ་ནི་བསམ་གཏན་ནས་བཟུང་སྟེ་མཉམ་པར་གཞག་པའི་སོ་སོའི་ཡོན་ཏན་ཐམས་ཅད་དོ། །འདི་ཤེས་སོ་ཞེས་བྱ་བ་
[116a]
[116a.1]ནི་བདེན་པ་ལ་སོགས་པའོ། །འདི་མཐོང་ངོ་ཞེས་བྱ་བ་ནི་ལྷ་ལ་སོགས་པའོ། །བདག་ཉིད་ཀྱིས་བརྫུན་དུ་སྨྲས་སོ་ཞེས་བྱ་བ་ལ་སོགས་པ་ལ་མ་སྨྲས་ན་ཕམ་པར་མི་འགྱུར་རམ་ཞེ་ན། གང་གི་ཕྱིར་དེ་དུས་གཞན་ཞེས་བྱ་བ་ལ་སོགས་པ་སྨོས་ཤེ་ན། བདེན་ཏེ་མ་སྨྲས་ཀྱང་ཕམ་
[116a.2]པར་འགྱུར་བ་ཡིན་མོད་ཀྱི། དགོས་པ་ཙམ་གྱིས་གནས་པར་མི་བྱ་བར་མི་ནུས་ཏེ། དེའི་ཕྱིར་འདི་སྨོས་སོ། །དྲིས་ཀྱང་རུང་ཞེས་བྱ་བ་ནི་གཞན་དག་གིས་སོ། །མ་དྲིས་ཀྱང་རུང་ཞེས་བྱ་བ་ནི་བདག་ཉིད་འགྱོད་པ་སྐྱེས་བར་གྱུར་པའོ། །སྨྲས་སོ་ཞེས་ཟེར་ན་ཞེས་བྱ་བ་ནི་ཀྱལ་པའི་ཚིག་ཉིད་
[116a.3]དོ། །མངོན་པའི་ང་རྒྱལ་མ་གཏོགས་ཞེས་བྱ་བ་ནི་མངོན་པའི་ང་རྒྱལ་བཞག་སྟེའོ། །དེ་ཡང་ཞེས་བྱ་བ་ནི་སྔ་མ་བཞིན་ནོ། །གསོ་བ་ཅེས་བྱ་བ་ནི་དེའི་ཚིག་བརྗོད་པར་བྱ་བའི་དོན་གྱིས་སྟོད་པའི་ཕྱིར་རོ། །གསོག་ཅེས་བྱ་བ་ནི་དེའི་ཟང་ཟིང་ཙམ་གྱི་ཕྱིར་དགོས་པའི་སྙིང་པོ་མེད་པའོ། །
[116a.4]བརྫུན་ཞེས་བྱ་བ་ནི་འདུ་ཤེས་བསྒྱུར་ཏེ་སྨྲས་སོ། །བྱུང་བ་ཞེས་བྱ་བ་ནི་དེའི་དངོས་པོའོ། །རྣམ་པར་དག་པར་འདོད་ནས་ཞེས་བྱ་བ་ནི་ལྡང་བར་འདོད་པའོ། །འདི་སྐད་ཅེས་བྱ་བ་ནི་བརྗོད་པའོ། །ཚེ་དང་ལྡན་པ་དག་བདག་གིས་ནི་མི་ཤེས་པ་ཤེས་སོ་ཞེས་བྱ་བ་ནི་ཡིད་ཀྱི་རྣམ་པར་ཤེས་པས་སོ། །
[116a.5]མ་མཐོང་བས་མཐོང་ངོ་ཞེས་སྨྲས་ཏེ་ཞེས་བྱ་བ་ནི། མིག་གི་རྣམ་པར་ཤེས་པས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། ལུས་སྲུལ་པོ་དང་།
[116a.6]གྲུལ་བུམ་དང་། ཡི་དགས་དང་། ཤ་ཟ་མཐོང་ངོ་། །བལྟ་བའི་ཕྱིར་འགྲོའོ། །དེ་དག་གི་སྒྲ་ཡང་ཐོས་སོ། །དེ་དག་ཀྱང་བདག་བལྟ་བའི་ཕྱིར་འོང་ངོ་། །གཏམ་འདྲེའོ། །བདག་ཀྱང་དེ་དག་དང་གཏམ་འདྲེའོ་ཞེས་མི་དེའམ་གཞན་དག་ལ་གང་ལུང་བསྟན་པར་འདོད་དེ། འདུ་ཤེས་
[116a.7]བསྒྱུར་ནས་ཕ་རོལ་ལ་གོ་བར་བྱེད་ན་དགེ་སློང་ཕམ་པར་འགྱུར་རོ། །རྡུལ་ཁྲོད་ཀྱི་ཤ་ཟ་དང་། རྣམ་པ་དེ་དང་དེ་ལྟ་བུའོ་ཞེ་ན་སྦོམ་པོའོ། །དེ་བཞིན་དུ་བདག་གིས་མི་རྟག་པ་ལ་སོགས་པའི་འདུ་ཤེས་ཉི་ཤུ་སྟེ། མི་རྟག་པའི་འདུ་ཤེས་དང་། མི་རྟག་པ་ལ་སྡུག་བསྔལ་བའི་འདུ་ཤེས་དང་། སྡུག་
[116b]
[116b.1]བསྔལ་བ་ལ་བདག་མེད་པའི་འདུ་ཤེས་དང་། ཟས་ལ་མི་མཐུན་པའི་འདུ་ཤེས་དང་། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང་། ཉེས་དམིགས་དང་། སྤོང་བ་དང་། འདོད་ཆགས་དང་བྲལ་བ་དང་། འགོག་པ་དང་། འཆི་བ་དང་། མི་སྡུག་པ་དང་། རྣམ་པར་བསྔོས་པ་དང་།
[116b.2]རྣམ་པར་རྣགས་པ་དང་། རྣམ་པར་བམ་པ་དང་། རྣམ་པར་འབུས་གཞིག་པ་དང་། རྣམ་པར་ཟོས་པ་དང་། རྣམ་པར་དམར་བ་དང་། རྣམ་པར་འཐོར་བ་དང་། རུས་གོང་དང་། སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཐོབ་བོ་ཞེས་རེ་རེ་ལ་ཡང་བརྗོད་པར་བྱའོ། །བསམ་གཏན་བཞི་དང་། ཚད་
[116b.3]མེད་པ་རྣམས་དང་། གཟུགས་མེད་པ་རྣམས་དང་། འབྲས་བུ་རྣམས་དང་། མངོན་པར་ཤེས་པ་དྲུག་པོ་རྣམས་བདག་གིས་ཐོབ་བོ་ཞེའམ། དགོན་པའི་གནས་ན་མི་མ་ཡིན་པ་རྣམས་ཀྱིས་དགེ་སློང་དག་གཙེས་ན། དེ་ན་འཕགས་པ་གང་ཡིན་པ་དེ་ལ་ནི་མི་འཚེ་སྟེ། དེར་བདག་ལ་ཡང་མི་
[116b.4]འཚེའོ་ཞེའམ། དེ་བཞིན་དུ་འཕགས་པ་གང་ཡིན་པ་དེ་ནི་སྟན་ཁྲ་བོ་ཐོབ་སྟེ། བདག་གིས་ཀྱང་ཐོབ་བོ་ཞེས་སྨྲས་པ་ན་ཐམས་ཅད་ཀྱང་ཕམ་པར་འགྱུར་བའོ། །རང་གི་མཚན་ཉིད་འཛིན་པའི་ཡིད་ལ་བྱེད་པས་བདག་གི་ཉོན་མོངས་པ་བསྲབས་སོ་ཞེས་སྨྲས་ན་སྦོམ་པོའོ། །མ་ཐོབ་པའི་ཡོངས་
[116b.5]སུ་ཉམས་པ་ལས་བསམས་ཏེ། ལན་ཅིག་ཕྱིར་འོང་བ་ལ་སོགས་པའི་འབྲས་བུ་གསུམ་ལས་བདག་ཡོངས་སུ་ཉམས་སོ་ཞེས་སྨྲས་སམ། དེ་བཞིན་དུ་སོ་སོར་ཐར་པའི་སྡོམ་པ་ལ་སློབ་པའོ། །འདུལ་བ་ལ་སོགས་པ་བསླབས་པས་མི་སློབ་པའོ། །ལྷུང་བཟེད་ལྷག་མ་ལ་སོགས་པ་
[116b.6]ཅུང་ཟད་ལ་ཅུང་ཟད་མེད་པའོ། །འདས་པ་ལ་ལྟོས་ཏེ་སྐྱེ་བ་ཐ་མ་ལ་འདི་ནི་བདག་གི་ཐ་མའོ། །ཀླག་པ་དང་ཁ་དོན་བྱ་བ་ལ་སོགས་པའི་འབྲས་བུ་དང་། ཤིང་ཨ་མྲ་ལ་སོགས་པའི་འབྲས་བུ་རྙེད་པ་ལས་རིམ་གྲོ་ལ་སོགས་པར་རྒྱུན་དུ་ཞུགས་པའི་འབྲས་བུ་ལ་སོགས་པའོ། །དེ་བཞིན་དུ་འདས་
[116b.7]པ་རྣམས་ལས་བདག་འཇིགས་པ་མེད་དོ། །འཇིགས་པ་ལྔ་སྤངས་པའོ། །དེ་བཞིན་དུ་འདས་པ་རྣམས་སྤངས་པ་ལས། བདག་ཀུན་དུ་སྦྱོར་བ་ལ་སོགས་པ་ལས་གྲོལ་བའོ། །ལུང་ཀུན་ཆུབ་པ་དང་། དེ་བཞིན་དུ་དབང་པོའི་སྒོ་བསྡམས་པ་ལས་ཉན་ཐོས་ཀྱི་ཐོབ་པར་བྱ་བ་གང་ཡིན་པ་དེ་
[117a]
[117a.1]ཐོབ་པའོ། །ཆོས་འཆད་པ་ལས་བདག་ནི་སྟོན་པའོ། །སྡིག་པའི་ཆོས་ནི་ཁོང་དུ་ཆུད་པ་ལས་བདག་ནི་སངས་རྒྱས་སོ། །སངས་རྒྱས་ཐམས་ཅད་ལས་སྐྱབས་སུ་སོང་བ་ལས་བསམས་ཏེ། བདག་ནི་རྣམ་པར་གཟིགས་ཀྱི་ཉན་ཐོས་སོ་ཞེས་སྨྲ་ན་ཐམས་ཅད་དུ་སྦོམ་པོའོ། །
[117a.2]གལ་ཏེ་སྒྲ་ཇི་བཞིན་དུ་མིའི་ཆོས་ལས་བླ་མར་གྱུར་པ་ལས་བསམས་ན་ཐམས་ཅད་དུ་དངོས་གཞིའོ། །བདག་ནི་དགེ་སྦྱོང་གི་འབྲས་བུ་བཞི་ལས་ཡོངས་སུ་ཉམས་སོ་ཞེའམ། དེ་བཞིན་དུ་གཞན་དག་གིས་མདུན་ན་ང་རྒྱུན་དུ་ཞུགས་པ་ཡིན་ནོ་ཞེས་སུ་ཟེར་ཞེའོ། །འབྲས་བུ་གཞན་ལུང་
[117a.3]བསྟན་སྙམ་པ་ལས་གཞན་ལུང་སྟོན་པ་དང་། འཕགས་པ་རྣམས་ཀྱི་ཁྱིམ་ཆེ་གེ་མོ་ཞེས་བྱ་བ་དེ་ནི་བདག་གི་ཁྱིམ་ཡང་ཡིན་ཏེ། བདག་ནི་འཕགས་པ་མ་ཡིན་ནོ་ཞེའམ། དེ་བཞིན་དུ་རྣམ་གྲངས་གཞན་དུ་རྒྱུན་དུ་ཞུགས་པ་རྣམས་ཀྱིས་ཕྱིར་ཕུལ་བའི་ཆོས་གོས་ལ་སོགས་པ་བདག་ལེན་
[117a.4]ཏེ། བདག་ནི་དེ་ལྟ་མ་ཡིན་ནོ་ཞེའམ། དེ་བཞིན་དུ་རྒྱུན་དུ་ཞུགས་པའི་འབྲས་བུར་ལུང་སྟོན་པར་འགྱུར་མོད་ཀྱི། བདག་ནི་རྒྱུན་དུ་ཞུགས་པ་མ་ཡིན་ནོ་ཞེའམ། འབྲས་བུ་ཐམས་ཅད་ལ་ཡང་ངོ་། །བདག་དེང་འཇིག་རྟེན་པའི་བསམ་གཏན་ལ་སྙོམས་པར་ཞུགས་སོ་ཞེའམ། ཕྱིན་ཆད་ཀྱང་ནམ་ཡང་
[117a.5]སྙོམས་པར་མི་འཇུག་གོ་ཞེའམ། བདག་ནི་རྒྱུན་དུ་ཞུགས་པའི་འབྲས་བུས་བདེ་སྟེ། བདག་རྒྱུན་དུ་ཞུགས་པ་མ་ཡིན་ནོ་ཞེའམ། གནས་མལ་ཆེ་གེ་མོ་ཞེས་བྱ་བར་བསམ་གཏན་དང་པོ་བསྐྱེད་དེ་བྱང་ཆུབ་ཀྱི་ཡན་ལག་དང་ལྡན་པ་ནི་མ་ཡིན་ནོ། །བདག་གིས་ཡི་གེ་བྲིས་ནས་ཡི་གེར་བྲིས་པ་འདི་
[117a.6]ལས་བདག་ལ་ཁྱོད་ནི་རྒྱུན་དུ་ཞུགས་པའོ་ཞེས་འབྱུང་ཞེས་ཟེར་ན་ཐམས་ཅད་དུ་སྦོམ་པོའོ། །ཇི་སྐད་དུ་སྨྲས་པ་བཞིན་ནི་ཕམ་པར་འགྱུར་བའོ། །དངོས་པོ་དག་ལ་བདག་བསྟན་པའི་ཕྱིར་གང་འདི་དང་འདི་འདྲ་བའི་དགེ་སློང་ཡོད་དོ་ཞེས་སྨྲས་ལ། བདག་ནི་མ་ཡིན་ནོ་ཞེས་སྨྲས་ན་སྦོམ་པོའོ། །ཉེས་
[117a.7]པ་སྦོམ་པོའི་དངོས་པོ་ནི་ཉེས་བྱས་སོ། །དེ་བཞིན་དུ་ཕ་རོལ་གོ་བར་མི་བྱེད་པ་ཡང་རྣམ་པ་གཉིས་སུ་དབྱེ་བར་བྱའོ། །ཁྱོད་ནི་དགྲ་བཅོམ་པ་སྟེ་མཆོག་རྣམས་འོས་སོ་ཞེས་སྨྲས་ན། མི་སྨྲ་བས་ཁས་ལེན་ན་སྦོམ་པོའོ། །དེ་བཞིན་དུ་ཁྱོད་ནི་ཚངས་པ་སྟེ། སྡིག་པ་བསལ་བའོ་ཞེའམ། ཁྱོད་
[117b]
[117b.1]ནི་དབང་པོ་དྲུག་པོ་སྦས་པ་ཡིན་ནོ་ཞེའམ། གལ་ཏེ་ཁྱོད་དགྲ་བཅོམ་པ་ཡིན་ན་བསོད་སྙོམས་ལོངས་ཤིག་ཅེས་བྱས་ན། ཅང་མི་སྨྲ་བར་གྱུར་ཏེ་ལེན་ན་སྦོམ་པོའོ། །དེ་བཞིན་དུ་གནས་མལ་ལ་སོགས་པ་ཐམས་ཅད་ལ་ཡང་བརྗོད་པར་བྱའོ། །ཁ་ཅིག་ན་རེ་ཚིག་གིས་གོ་བར་བྱེད་པའི་དོན་ལུས་ཀྱིས་གོ་
[117b.2]བར་བྱེད་དམ། དྲིས་ན་ཅང་མི་སྨྲ་ན་ཕམ་པར་འགྱུར་བའོ་ཞེའམ། མི་ལ་མིར་འདུ་ཤེས་པ་དང་། ཡིད་གཉིས་ཟ་བ་ལ་ཡང་དངོས་གཞིའོ། །མི་མ་ཡིན་པ་ལས་མིར་འདུ་ཤེས་པའམ། མིར་ཡིད་གཉིས་ཟ་བ་ལ་སྦོམ་པོའོ། །ཉན་པ་མེད་པ་ལ་ཡོད་པར་འདུ་ཤེས་པའམ། ཉལ་
[117b.3]བའམ་མི་མཁས་པའམ། མ་བརྟགས་པའི་སེམས་ཀྱིས་གློ་བུར་དུ་སྨྲས་ན་སྦོམ་པོའོ། །མི་མཁས་པས་ལས་དང་པོ་པ་ཡིན་ན་ནི་སྔ་མ་བཞིན་དུ་བསླབ་པ་སྦྱིན་པར་བྱའོ། །འཕགས་པ་མཽད་གལ་གྱི་བུས་འདི་ལྟ་བུའི་འདུ་ཤེས་ཀྱིས་གྲོང་ཁྱེར་ཡངས་པ་ཅན་པ་རྣམས་རྒྱལ་ལོ་ཞེས་ལུང་བསྟན་པ་དང་།
[117b.4]ཆར་མི་འབབ་པར་འབབ་པ་དང་། གཅེར་བུ་པའི་ཉན་ཐོས་ཀྱི་ཆུང་མ་ལས་བུ་བྱུང་བ་དང་། དེ་བཞིན་དུ་རྒྱལ་པོའི་ཁབ་ཀྱི་ཆུ་དྲོན་མཚོ་ཆེན་པོ་མ་དྲོས་པ་ལས་འོངས་སོ་ཞེས་བྱ་བ་དང་། བདག་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་ནས་རྫིང་བུ་དལ་གྱིས་འབབ་ཀྱི་འགྲམ་ན་གླང་པོ་ཆེའི་
[117b.5]སྒྲ་སྐད་ཐོས་སོ་ཞེས་ལུང་བསྟན་པ་ལ་དེ་ལྟ་བུའི་འདུ་ཤེས་ཀྱིས་ལུང་སྟོན་པ་ལ་ལྟུང་བ་མེད་དོ་ཞེས་གསུངས་སོ། །མིའི་ཆོས་ལས་བླ་མར་གྱུར་པ་དང་། དེར་འདུ་ཤེས་པ་དང་། སྨྲས་པ་དང་། མི་དང་དེར་འདུ་ཤེས་པ་དང་། དེ་ཁོང་དུ་ཆུད་པ་དང་། དེ་དང་གཞན་ཡང་རུང་སྟེ་ཡན་ལག་བདུན་ནོ། །
[117b.6]ཕམ་པར་འགྱུར་བ་བཞི་པའོ།། །།སྲོག་གཅོད་པ་དང་། མ་བྱིན་པར་ལེན་པ་དང་། མི་ཚངས་པར་སྤྱོད་པ་དང་། བརྫུན་དུ་སྨྲ་བ་འདི་ནི་གོ་རིམས་ཡིན་ན་ཅིའི་ཕྱིར་ན་ཕམ་པར་འགྱུར་བ་དང་པོ་གསུམ་མི་མཐུན་པར་བསྟན་ཏེ། དེ་བཞིན་དུ་བྱུང་བས་གོ་རིམས་སོ། །ཅིའི་ཕྱིར་དེ་བཞིན་
[117b.7]དུ་བྱུང་ཞེ་ན། རབ་ཏུ་གནོད་པའི་ཉོན་མོངས་པ་གང་ཡིན་པ་དེ་ཐོག་མ་ཉིད་དུ་ཆུ་བུར་དུ་བྱུང་བས་ཀྱང་གནོད་པའོ། །སྔ་མས་ཕྱི་མ་བསྐྱེད་པའི་ཕྱིར་ཡང་གོ་རིམས་ཏེ། དེ་ལྟར་མི་ཚངས་པར་སྤྱོད་པའི་ཕྱིར་མ་བྱིན་པར་རྐུའོ། །རྐུ་བས་དེ་དང་མི་མཐུན་པ་གསོད་དོ། །གསོད་པས་བརྫུན་དུ་སྨྲའོ། །
[118a]
[118a.1]ལྡོག་པ་དང་། མི་བཟོད་པ་དང་། ཁོང་དུ་མི་ཆུད་པ་ནི་ཕམ་པར་འགྱུར་བ་རྣམས་ཀྱི་ལུས་ཡིན་ནོ། །ལྡོག་པ་དེ་ཡང་འཁྲིག་པ་གཙོ་བོ་དང་། ཡོངས་སུ་ལེན་པ་ལས་སོ། །སོ་སོར་ཐར་པའི་མདོ་གདོན་པ་གཉིས་པ་རྫོགས་སོ།། །།འདུལ་བ་བསྡུས་པ་བམ་པོ་གསུམ་པ། མཉན་
[118a.2]ཡོད་ན་འཆར་ཀས་འདོད་ཆགས་ཀྱི་དབང་གིས་རང་གི་ཡན་ལག་གི་རྣམ་པ་ལས་སུ་རུང་བར་བྱས་ཏེ། ཁུ་བ་ཕྱུང་བས་འཁྲིག་པའི་གཞིའི་དབང་དུ་མཛད་དེ། ཉོན་མོངས་པ་དེས་དགེ་འདུན་ལྷག་མ་དང་པོའོ། །གཞི་དང་ཉོན་མོངས་པ་དག་སྟེ། དེ་དག་ཉིད་ནི་དེ་མ་ཐག་པ་བཞི་པོ་
[118a.3]རྣམས་ཀྱི་ནང་དུ་ཡང་འཆད་དོ། །འཁྲིག་པའི་ཉོན་མོངས་པ་ནི་རྣམ་པ་བཞི་ལས་ཏེ། འདི་ལྟ་སྟེ་དཔེར་ན་གཞི་མེད་པར་ཁུ་བ་འབྱིན་པ་ཡོངས་སུ་ལོངས་སྤྱོད་པའི་ཉོན་མོངས་པ་ནི་བུད་མེད་ཀྱི་གཞི་ལ་མི་ལྟོས་པས་དང་པོ་ཁོ་ན་ཡིན་ནོ། །ཁུ་བ་འབྱིན་པའི་གཞི་ལས་ཡོངས་སུ་ལོངས་སྤྱོད་པའི་ཉོན་
[118a.4]མོངས་པ་གཉིས་པོ་ནི་བུད་མེད་དེ་དེའི་གཞི་དེ་ལ་ལུས་དང་ངག་གིས་ཡོངས་སུ་ལོངས་སྤྱོད་པ་ཞེས་བྱ་བའོ། །དེའི་གཞི་ལ་ཡོངས་སུ་ལོངས་སྤྱོད་པ་གླེང་གཞིའི་སྦྱོར་བའི་ཉོན་མོངས་པ་ནི་བཞི་སྟེ། དེ་ནི་ཁུ་བ་འབྱིན་པའི་གཞི་ཚོལ་བའོ། །ལྔ་པ་དེ་ནི་གཞན་གྱི་ཕྱིར་སྦྱོར་བའི་ཉོན་མོངས་པ་སྟེ།
[118a.5]དེ་ནི་གཞན་འཁྲིག་པ་ཡོངས་སུ་ལོངས་སྤྱོད་པའི་ཕྱིར་སྦྱོར་བའོ། །ཁུ་བ་ཞེས་བྱ་བ་ནི་རྣམ་པ་ལྔ་སྟེ། འཁོར་ལོས་སྒྱུར་བ་དང་དེའི་བུ་དབང་བསྐུར་བའི་ནི་སྔོན་པོའོ། །དེའི་བུ་དེ་ལས་གཞན་པ་རྣམས་ཀྱི་ནི་སེར་པོའོ། །སྣ་ཆེན་པོ་ལ་གཏོགས་པའི་འཁོར་ལོའི་མཐའ་པ་རྣམས་ཀྱི་ནི་དམར་པོའོ། །
[118a.6]དབང་པོ་ཡོངས་སུ་སྨིན་པ་རྣམས་ཀྱི་ནི་བསྐ་བའོ། །དབང་པོ་ཡོངས་སུ་མ་སྨིན་པ་རྣམས་ནི་སླ་བ་སྟེ། སྤྱིར་ཐ་མལ་པའི་དབང་དུ་བྱས་ནས་འདི་བརྗོད་དོ། །བུད་མེད་ཀྱིས་དུབ་པ་ལ་སོགས་པ་ལ་ཡང་ཁུ་བ་རྣམ་པ་ལྔ་ཡོད་དོ། །རྨི་ལམ་གྱི་མ་གཏོགས་པ་ཞེས་བྱ་བ་ནི། རྨི་ལམ་ལས་གཞན་པ་འདི་
[118a.7]ནི་ཆོ་གའོ་ཞེས་བྱ་བའི་ཐ་ཚིག་གོ། །དེ་ན་སེམས་པ་ཡོད་མོད་ཀྱི། ཐ་སྙད་མ་ཡིན་ཏེ། འདིས་ནི་འབྱིན་པའི་བསམ་པས་གཉིད་ཀྱིས་ལོག་ནས་བྱུང་བ་དེ་ལ་དངོས་གཞིའི་ཉེས་པ་མེད་པར་སྟོན་ཏོ། །དགེ་འདུན་ལྷག་མ་ཞེས་བྱ་བ་ནི་དགེ་འདུན་ལ་རག་ལས་པ་དང་། ལྷག་མ་དང་བཅས་པའི་ཕྱིར་རོ། །དེ་
[118b]
[118b.1]ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་བདེ་བར་བྱ་བའི་ཕྱིར་དང་ས་བོན་གྱི་ཕྱིར་དང་། རིག་སྔགས་ཀྱི་ཕྱིར་དང་། སྨན་གྱི་ཕྱིར་དང་། བརྟག་པའི་ཕྱིར་ནང་གི་གཟུགས་ཉེ་བར་ལེན་ཅིང་། ཕྱི་རོལ་སེམས་ཅན་དུ་བགྲང་བས་སོ། །ཁ་ཅིག་ན་རེ་སེམས་ཅན་དུ་བགྲང་བ་མ་ཡིན་པ་ཡང་ཞེའོ། །སེམས་
[118b.2]པར་བྱེད། རྩོལ་བར་བྱེད། རིལ་གྱིས་འཆད་པར་བྱེད། དམ་དུ་འཆང་བར་བྱེད། འབྱུང་ལ་ཐུག་པའི་བདེ་བའམ། བྱེ་བྲག་ངེས་པར་མྱོང་བའི་བདེ་བ་མྱོང་བར་ཁུ་བ་ཕྱུང་ན་དགེ་འདུན་ལྷག་མའོ། །མ་ཕྱུང་ན་སྦོམ་པོའོ། །གཉིད་ཀྱིས་མ་ལོག་པ་ན་བརྩལ་ལ་གཉིད་ཀྱིས་ལོག་ནས་བྱུང་བ་དང་།
[118b.3]བཟློག་པ་ཡང་རུང་སྟེ། གལ་ཏེ་འགྱུར་བ་བསྟན་པ་དང་། བརྩལ་མ་ཐག་ཏུ་བཏང་བ་དང་། གནས་ནས་འཕགས་ནས་བཏང་བ་སྟེ། གནས་ནས་འཕགས་མ་ཐག་ཏུ་རྒྱུ་བ་དང་། སྦུབས་སུ་ཞུགས་པ་འབྱིན་པ་དང་། གར་བྱེད་པ་དང་། རབ་ཏུ་གར་བྱེད་པ་དང་། ནམ་མཁའ་ལ་རྐེད་པ་བསྐྱོད་པ་
[118b.4]དང་། ཤུགས་བཏང་བ་དང་། ཀུན་དུ་ཉེད་པ་དང་། བྱེ་བྲག་ངེས་པར་མྱོང་བ་དང་། སྨན་དང་། གཡན་པ་ཕྲུགས་པ་དང་། ཕྱིས་པ་དང་། མཚན་གཟུང་བ་དང་། རྒྱུན་ལས་བཟློག་སྟེ་རྩོལ་བ་དང་། ལ་བ་དང་། ཕྱིད་པ་ལ་སོགས་པ་དང་། རྡོ་བ་ལ་སོགས་པ་དང་། བུམ་པའི་
[118b.5]ཁ་ལ་སོགས་པ་དང་། ཤའི་དུམ་བུས་ཕྱུང་ན་ཐམས་ཅད་དུ་སྦོམ་པོའོ། །མ་ཕྱུང་ན་ཉེས་བྱས་སོ། །གཉིད་ཀྱིས་ལོག་པ་ན་བརྩལ་ལ་སད་པ་ན་ཕྱུང་སྟེ་འགྱུར་བ་མི་བརྟེན་ན་ལྟུང་བ་མེད་དོ། །བསྙེན་པར་མ་རྫོགས་པ་ན་སྦྱོར་ལ་བསྙེན་པར་རྫོགས་པ་ན་ཕྱུང་བ་ཡང་མུ་བཞི་སྟེ། གཅིག་ནི་དགེ་
[118b.6]འདུན་ལྷག་མའོ། །གཉིས་ནི་སྦོམ་པོའོ། །གཅིག་ནི་ཉེས་བྱས་སོ། །བསྙེན་པར་རྫོགས་པར་བྱེད་པའི་ཚེ་ཡང་དེ་བཞིན་དུ་མུ་བཞིར་བརྗོད་པར་བྱའོ། །མགོ་བོ་དང་། ཕྲག་པ་དང་། རྣ་བ་དང་། སྣ་ལ་སོགས་པ་ཡན་ལག་དང་། ཉིང་ལག་ཐམས་ཅད་ཀྱིས་ན་དངོས་གཞིའོ། །རྣམ་པར་
[118b.7]བསྔོས་པ་དང་རྣམ་པར་རྣགས་པ་ཡང་དེ་བཞིན་ནོ། །ཇི་ཙམ་གྱིས་ཁུ་བ་ཕྱུང་བ་ཞེས་བྱ་ཞེ་ན། གང་གི་ཕྱིར་སྦུབས་སུ་འོངས་པའོ། །གཞན་གྱི་ཡན་ལག་གི་རྣམ་པ་ལས་འབྱིན་པ་དང་། རང་གི་ཡན་ལག་གི་རྣམ་པ་ལས་འཇལ་བ་དང་། བཅངས་པས་སམ་མཉེས་སམ་བྱེ་བྲག་ངེས་པར་མྱོང་
[119a]
[119a.1]ངམ། ཡན་ལག་གི་རྣམ་པ་ལས་སུ་རུང་བ་ལ་ལག་པས་མནམས་ན་སྦོམ་པོའོ། །ཆགས་པའི་སེམས་ཀྱིས་ཡན་ལག་གི་རྣམ་པ་ལ་ལྟ་ན་ཉེས་བྱས་སོ། །གཡན་པ་ལ་སོགས་པ་ཕྲུགས་པ་དང་། འོབས་ལ་མཆོང་བ་དང་། བརྒྱུག་པ་ན་བརླ་དང་། གོས་ལ་རེག་
[119a.2]པ་དང་། ཆགས་པར་འགྱུར་བའི་གཟུགས་རྣམས་མཐོང་བ་དང་། སྔོན་སྤྱད་པའི་ཡུལ་རྗེས་སུ་དྲན་པ་དང་། ཉེད་པའི་ལས་བདག་གིར་བྱེད་པ་དང་། གློ་བུར་དུ་བུད་མེད་ལ་རེག་པས་བྱུང་བ་དགའ་བ་ལྟ་བུ་ལ་ལྟུང་བ་མེད་དོ། །ཉོན་མོངས་པ་དྲག་པ་དག་གིས་ར་དང་རི་དགས་དང་ཕག་རྣམས་ཀྱི་
[119a.3]རྐྱལ་བུ་བཅང་བར་བྱའོ། །མཉེས་པ་སྐབས་ཞེན་པ་ལ་ཐལ་བའམ། བྱེ་མས་བླུགས་པར་བྱའོ། །དེ་ཐོགས་པའི་ཚེ་དགེ་འདུན་གྱི་ནང་དུ་འཇུག་པར་མི་བྱའོ། །མཆོད་རྟེན་ལ་ཡང་ཕྱག་མི་བྱ་མོད་ཀྱི་འོན་ཀྱང་ཆུས་བཀྲུ་བའི་བྱ་བ་ཉིད་ཀྱིས་སོ། །གཉིས་པ་བཅངས་ཏེ་དུས་དུས་སུ་
[119a.4]བཀྲུ་བར་བྱ་བ་སྐམ་པར་བྱའོ། །གཉིད་ཀྱིས་ལོག་པ་ལ་རྩོལ་བ་དང་། གཉིད་ཀྱིས་ལོག་པ་ན་ཕྱུང་བ་དང་། མ་ལ་སོགས་པས་འཁྱུད་པ་དང་། གློ་བུར་དུ་བྱུང་བ་ལ་ལྟུང་བ་མེད་དོ། །སྔོན་ལྟུང་བ་བྱུང་བ་ལ་སོགས་པའི་བསླབ་པའི་གནས་ཐམས་ཅད་ལ་ནི་ཉེས་བྱས་སུ་བརྗོད་པར་བྱའོ། །བསླབ་
[119a.5]པ་བྱིན་པ་ནི་དགེ་སློང་དང་འདྲའོ། །དགེ་འདུན་ལྷག་མ་དང་པོའོ།། །།མཉན་ཡོད་ན་འཆར་ཀས་གཙུག་ལག་ཁང་བལྟར་འོངས་པའི་བུད་མེད་ཀྱི་ཡུལ་ལ་ཆོས་བཤད་པ་དང་། ཀུན་དུ་ཆགས་པའི་སེམས་ཀྱིས་ཡན་ལག་དང་ཉིང་ལག་ནས་མནམས་པས་གཉིས་པ་བཅས་སོ། །དྲལ་ཅིང་
[119a.6]གྱུར་པས་ཞེས་བྱ་བ་ནི་དྲལ་ཅིང་གྱུར་པ་མ་ཡིན་པ་ཡང་ཡོད་དེ་མུ་བཞིའོ། །མུ་དང་པོ་ནི་ཀུན་ནས་དཀྲིས་པའི་སེམས་གང་ཡིན་པའོ། །གཉིས་བ་ནི་སེམས་ལྟོས་པ་དང་བཅས་པའོ། །གསུམ་པ་ནི་གཉི་ག་དང་ལྡན་པའོ། །བཞི་པ་ནི་དེ་དག་མ་གཏོགས་པའོ། །རྣམ་གྲངས་གཞན་དུ་ན་དྲལ་བ་ནི་
[119a.7]ཚོལ་བར་བྱས་པའོ། །གྱུར་པ་ནི་འདོད་ཆགས་ཀྱིས་ཀུན་ནས་དཀྲིས་པའོ། །བུད་མེད་ཀྱི་ཡུལ་ཞེས་བྱ་བ་ནི་མིའི་བུད་མེད་འཁྲིག་པ་བསྟེན་པར་བཟོད་པ། ལུས་མ་ཉམས་པའོ། །ལག་པ་ནས་བཟུང་ཞེས་བྱ་བ་ནི་མཁྲིག་མ་མན་ཆད་དོ། །དཔུང་པ་ནས་གཟུང་ཞེས་བྱ་བ་ནི་མཁྲིག་མ་ཡན་ཆད་
[119b]
[119b.1]དོ། །ལེན་བུ་ནས་གཟུང་ཞེས་བྱ་བ་ནི་ལེན་བུ་ནི་སྐྲ་དང་དེ་དང་འབྲེལ་པའི་གོས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། གཞི་དགུའི་ལྟུང་བར་འགྱུར་ཏེ། ཆགས་པའི་སེམས་ཀྱིས་མིའི་བུད་མེད་བསྟན་བཟོད་པ་གང་ཡང་རུང་བའི་ཡན་ལག་དང་། ཉིང་ལག་གོས་ཀྱིས་བར་དུ་མ་ཆོད་པ་ལ་ནོམ་པ་དང་། རབ་ཏུ་ནོམ་པ་དང་།
[119b.2]སྤྲོད་པར་བྱེད་པ་དང་། འཛིན་པར་བྱེད་པ་དང་། འདྲེན་པར་བྱེད་པ་དང་། ཀུན་དུ་འདྲེན་པར་བྱེད་པ་དང་། འོག་ནས་འཁྱུད་པར་བྱེད་པ་དང་། སྟེང་ནས་འཁྱུད་པར་བྱེད་པ་དང་། དམ་དུ་སྦྱོར་བར་བྱེད་པས་སོ། །ནོམ་པ་ནི་ཐོག་མ་ལན་ཅིག་ལུས་ཀྱི་ཉོན་མོངས་པས་སོ། །རབ་ཏུ་ནོམ་པ་ནི་ཡང་
[119b.3]དང་ཡང་ལུས་ཀྱིས་ཉོན་མོངས་པས་སོ། །སྤྲོད་པ་ནི་འཁྱུད་པའི་བསམ་པས་བར་དུ་ཆོད་པར་སྤྲོད་པའོ། །འཛིན་པ་ནི་འཁྱུད་ཅིང་ལག་པ་ནས་འཛིན་པའོ། །འདྲེན་པ་ནི་ཐག་རིང་པོ་ནས་འདྲེན་པ་སྟེ། བསྐལ་པའི་ཕྱོགས་ནས་འདྲེན་པའོ། །ཡོངས་སུ་འདྲེན་པ་ནི་ཉེ་བའི་ཕྱོགས་ནས་ཡོངས་སུ་
[119b.4]འདྲེན་པའོ། །འོག་ནས་འཁྱུད་པར་བྱེད་པ་ནི་འོག་ནས་འདུག་པ་ལས་སྟེང་ལོགས་སུ་འདུག་པའོ། །སྟེང་ནས་འཁྱུད་པར་བྱེད་པ་ནི་གོང་ནས་འོག་ཏུ་འབེབས་པའོ། །དམ་དུ་སྦྱོར་བར་བྱེད་པ་ནི་དམ་དུ་འཁྱུད་པ་ལ་སོགས་པ་བྱེད་པའོ། །བུད་མེད་ཀྱིས་དགེ་སློང་ལ་གཞི་དགུ་པོ་འདི་དག་བྱེད་པ་ལ། དེ་
[119b.5]ཡང་ཉམས་སུ་མྱོང་ཞིང་དེར་ལུས་བཏུད་ན་དགེ་འདུན་ལྷག་མའོ། །གོས་ཀྱིས་ཆོད་ན་སྦོམ་པོའོ། །མི་ཚངས་པར་སྤྱོད་པར་བསམས་པ་ལ་ཕམ་པར་འགྱུར་བའི་སྦོམ་པོའོ། །གཉིས་ཀའམ་གང་ཡང་རུང་བའི་ལུས་ཀྱི་དབང་ཉམས་པ་ཡིན་ཏེ། ཤུ་བ་དང་གཡན་པ་དང་ཁྱི་རྔོས་སོ། །གཞན་ལ་
[119b.6]ཆགས་ལ་གཞན་ལ་རེག་པ་དང་། སེན་མོ་དང་། སོ་དང་། སྤུ་རྣམས་ཀྱིས་སེན་མོ་དང་སོ་དང་སྤུ་དང་། རུས་པ་སྐམ་པོ་རྣམས་དང་། གང་ལ་ཆགས་པ་དེ་འདི་ཡིན་ནམ། མ་ཡིན་ཞེས་ཡིད་གཉིས་ཟ་བ་དང་། དེ་བཞིན་དུ་གཉིས་ལ་ཆགས་ལ་གཞན་ལ་རེག་པར་བྱའོ་སྙམ་པ་ལས། གཞན་
[119b.7]ལ་རེག་པ་དང་། དགེ་སློང་མ་འགོག་པའི་སྙོམས་པར་ཞུགས་པ་དང་། རྣམ་པར་བསྔོས་པ་ནས་ཀེང་རུས་ཀྱི་བར་དག་ལ་རེག་པ་དང་། རེག་པར་བྱེད་པའི་ཚེ་བུད་མེད་དམ་དགེ་སློང་ངམ། གཉི་ག་ཡང་རུང་སྟེ་མཚན་གྱུར་ནས། སྐྱེས་པར་གྱུར་པ་དེ་ལ་རེག་པ་དང་། བདག་བུད་མེད་དུ་གྱུར་ཀྱང་
[120a]
[120a.1]རུང་སྟེ། ཐམས་ཅད་དུ་སྦོམ་པོའོ། །དེ་བཞིན་དུ་བསྟན་པར་མི་ནུས་པ་ལ་བར་དུ་མ་ཆོད་པ་དང་། སྐྱེས་པ་དང་། མ་ནིང་བསྟེན་པར་ནུས་པ་ལ་བར་དུ་མ་ཆོད་པ་རྣམས་ལ་སྦོམ་པོའོ། །བར་དུ་ཆོད་པ་རྣམས་ལ་ནི་ཉེས་བྱས་སོ། །སྐྱེས་པ་དང་མ་ནིང་བསྟེན་པར་མི་ནུས་པ་ལ་ཡང་བར་དུ་
[120a.2]ཆོད་པ་དང་བར་དུ་མ་ཆོད་པ་དང་། དུད་འགྲོའི་སྐྱེ་གནས་སུ་སོང་བ་ཐམས་ཅད་ལ་ཡང་ཉེས་བྱས་ཉིད་དོ། །སྐྱེས་པ་དང་རེག་པ་ལས་དེ་མཚན་གྱུར་ཏེ། བུད་མེད་དུ་གྱུར་པ་ལ་རེག་ན་དགེ་འདུན་ལྷག་མའོ། །བདག་མཚན་གྱུར་ན་ཕམ་པར་འགྱུར་བའོ། །དགེ་སློང་མ་དེ་གཞན་དང་ལྷན་ཅིག་
[120a.3]པ་ལ་ཡང་རྒྱ་ཆེར་བརྗོད་པར་བྱའོ། །མི་ལ་དེར་འདུ་ཤེས་པའམ་ཡིད་གཉིས་ཟ་ཡང་རུང་སྟེ། རེག་ན་དགེ་འདུན་ལྷག་མའོ། །མི་མ་ཡིན་པ་ལ་མིར་འདུ་ཤེས་སམ་ཡིད་གཉིས་ཟའམ་མི་ཡིན་པར་འདུ་ཤེས་པ་ལ་ཡང་སྦོམ་པོའོ། །མཚན་གཉིས་ཡོད་པ་བུད་མེད་ཀྱི་ཤས་ཆེ་བ་ལ་དགེ་འདུན་
[120a.4]ལྷག་མའོ། །དེ་ལས་གཞན་དུ་ན་སྦོམ་པོའོ། །མ་དང་སྲིང་མོ་ལ་རེག་པའི་བདེ་བ་འདོད་དེ་རེག་ན་སྦོམ་པོའོ། །ཁ་ཅིག་ན་རེ་ལས་དང་པོ་པ་མ་ཡིན་པ་ལ་མི་ཤེས་པས་རེག་ན་ཉེས་པ་སྦོམ་པོའོ་ཞེའོ། །དེ་ཅིའི་ཕྱིར་ཞེ་ན། གང་བསླབ་པ་བཅས་པ་མི་ཚོལ་བ་དེ་ལ་ཉེས་པར་ག་ལ་འགྱུར། བསླབ་
[120a.5]པ་ལ་གུས་པར་མི་བྱེད་པས་ཉེས་པ་ཆེན་པོ་མ་ཡིན་ནམ། དེ་ཤེས་པར་མ་བྱས་པས་དེའི་སློབ་དཔོན་དང་མཁན་པོ་ལ་བསྡམ་པར་བྱ་བའི་ཉེས་བྱས་སོ། །ལས་དང་པོ་པའི་ཡང་དེ་བཞིན་ནོ། །མུན་པའི་ནང་དུ་བུད་མེད་འདུག་པ་ལ་མེད་པར་འདུ་ཤེས་ཏེ་རེག་ན་སྦོམ་པོའོ། །ཆགས་པ་མེད་པའི་སེམས་
[120a.6]ཀྱིས་མུན་པའི་ནང་དུ་རེག་པར་བྱའོ་སྙམ་པ་ལས། མ་རེག་ན་ཉེས་བྱས་སོ། །ཡིད་གཉིས་ཟ་བ་ལ་ཉེས་བྱས་སོ། །བུད་མེད་ལ་རྐང་པའམ་ཕྲག་པས་བསྒུལ་ལམ་སོར་མོས་སམ། འགྱེལ་བ་སློང་ངམ། དེའི་སྟེན་ལ་ཡན་ལག་གིས་ཕུལ་ལ་ཆགས་པའི་སེམས་མེད་ན་ཉེས་བྱས་སོ། །བུད་
[120a.7]མེད་ཀྱིས་དགེ་སློང་ལ་དེ་བྱེད་པ་ལ་ནི་ལྟུང་བ་མེད་དོ། །བུད་མེད་ཀྱི་ཡན་ལག་གི་རྣམ་པར་བོང་དུམ་མམ་མཐེ་བོ་བཅུག་ན་སྦོམ་པོའོ། །བུད་མེད་ཀྱི་རི་མོ་འདྲི་ན་ཉེས་བྱས་སོ། །སེམས་ཅན་གྱི་ཚུལ་གཞན་ཡང་དེ་བཞིན་ནོ། །རོའི་གཟུགས་སམ་མགོའི་ཐོད་པ་འདྲི་བ་དང་། སྤོས་ལ་སོགས་
[120b]
[120b.1]ཉུག་ན་ལྟུང་བ་མེད་དོ། །མ་དང་སྲིང་མོ་དང་བུ་མོ་རྣམས་ལ་དེ་དག་ཏུ་འདུ་ཤེས་པ་དང་། ས་ལྟ་བུའི་སེམས་ཀྱིས་དྲོ་བའམ། འཇམ་པའམ་མཉེན་སྙམ་སེམས་པ་དང་། མེར་ལྟུང་བ་དང་། དུག་ཟོས་པ་དང་། མཚོན་གྱིས་འདེབས་པ་དང་། གཡང་དུ་ལྟུང་བ་དང་། ཆུས་ཁྱེར་བ་འཛིན་པ་ལ་ལྟུང་བ་མེད་དོ། །
[120b.2]ཀུན་དུ་སྤྱད་པར་བྱ་བ་ནི་འདི་སྐད་དུ་ཐོང་ཤིག་ཅེས་ཟེར་ན། གལ་ཏེ་མཐུ་ཡོད་པ་ཡིན་ན་གཏང་བར་བྱའོ། །ཆགས་པ་མི་བསྐྱེད་དོ། །མ་ལ་སོགས་པའི་འདུ་ཤེས་བསྐྱེད་དེ་དབྱུང་བར་བྱའོ། །གལ་ཏེ་གཡོ་བ་མེད་པར་གྱུར་ན་བྱེ་མ་ལ་ཁ་སྦུབ་ཏུ་གཞག་གོ། བསྲུང་བར་ཡང་བྱའོ། །བོར་ཏེ་
[120b.3]འགྲོ་བར་མི་བྱའོ། །ཧ་ཅང་ཉེ་བར་ཡང་འདུག་པར་མི་བྱའོ། །ཁ་ཏོན་བྱེད་པ་དག་གིས་ནི་ཁ་ཏོན་བྱའོ། །བསམ་གཏན་པ་དག་གིས་ནི་ཡིད་ལ་བྱ་ཞིང་འདུག་པར་བྱའོ། །བ་ལང་རྫི་བོ་ལ་སོགས་པ་ལ་བཅོལ་ཏེ་བསོད་སྙོམས་ལ་འགྲོ་བར་བྱའོ། །ཡང་འཆིའམ་འཚོ་ཞེས་བལྟ་བར་བྱའོ། །
[120b.4]བའི་མཇུག་མ་ལ་འཇུས་ཏེ་རྒལ་བར་མི་བྱའོ། །གླང་པོ་ཆེ་དང་། རྟ་དང་། ཁྱུ་མཆོག་དང་། མ་ཧེ་དང་། གཡག་དང་ལྔའི་མཇུག་མ་ལ་འཇུས་ཏེ་རྒལ་བར་བྱའོ། །ཡང་ན་བ་མ་གཏོགས་པ་སྲོག་ཆགས་ཐམས་ཅད་ཀྱིའོ། །རྐྱལ་པ་ཁ་དོག་ངུར་སྨྲིག་གམ་མོན་སྲན་སྡེ་འུའི་ཁ་དོག་ལྟ་བུ་
[120b.5]བཅད་པར་བྱ་སྟེ། ཁྲ་ཁྲ་བོར་ནི་མ་ཡིན་ནོ། །དེ་བཞིན་དུ་སྲོག་གི་བར་ཆད་དུ་འགྱུར་བ་ཐམས་ཅད་ལས་ཕྱུང་བ་ལ་ལྟུང་བ་མེད་དོ། །དེ་བཞིན་དུ་མས་འཁྱུད་པ་དང་། བུ་མོ་པང་ན་གཞག་པ་དང་། འཁྲུལ་ཏེ་བུད་མེད་ཀྱི་སྟེང་དུ་འགྱེལ་བ་དང་། ལམ་དུ་འདམ་སྟེ་མཆུ་དང་མཆུར་ཕྲད་པ་ཡང་ངོ་། །
[120b.6]ཤེས་བཞིན་མེད་པར་བསོད་སྙོམས་ལ་འཇུག་པར་མི་བྱའོ། །བུད་མེད་ཆགས་པ་ལ་རང་གི་ལག་ནས་ཆུ་བླུད་ན་རྒྱུན་གཅད་ཅིང་གཅད་ཅིང་བླུད་དོ། །སྙིམ་པ་ཁོང་ལ་འཐུང་ཤིག་ཅེས་བསྒོ་བར་བྱའོ། །རྣམ་པ་གཞན་དུ་ན་ཉེས་བྱས་སོ། །ཆགས་པའི་སེམས་མེད་པ་ནི་ལྟུང་བ་མེད་དོ། །དགེ་
[120b.7]འདུན་ལྷག་མ་གཉིས་པའོ།། །།མཉན་ཡོད་ན་འཆར་ཀས་བུད་མེད་གཙུག་ལག་ཁང་དུ་འོངས་པ་ལ་ཆགས་པའི་སེམས་ཀྱིས་གནས་ངན་ལེན་དང་ལྡན་པའི་ཚིག་སྨྲས་པས་གསུམ་པ་བཅས་སོ། །བུད་མེད་ཀྱི་ཡུལ་ཞེས་བྱ་བ་ནི། མིའི་བུད་མེད་ལེགས་པར་སྨྲས་པ་དང་ཉེས་པར་སྨྲས་པའི་
[121a]
[121a.1]དོན་ཀུན་ཤེས་པར་ནུས་པ་ལ་ཉེས་པ་དང་། སྤྱིའི་མཚན་ཉིད་དང་རང་གི་མཚན་ཉིད་དང་དཔེའི་ཚིག་ཡོངས་སུ་བརྗོད་པའོ། །དེ་ལ་ཉེས་པ་ནི་གནས་ངན་ལེན་གྱི་ཚིག་སྡིག་པ་ཅན་ཞེས་གསུངས་པ་སྟེ། ངོ་བོ་ཉིད་ལས་དང་། ཀུན་ནས་སློང་བ་ལས་ཉོན་མོངས་པའི་ཕྱིར་གནས་ངན་
[121a.2]ལེན་ཏོ། །ངན་འགྲོར་ལྟུང་བའི་ཕྱིར་སྡིག་པ་ཅན་ནོ། །དེ་ལྟར་ན་མཐོང་བའི་ཆོས་ཀྱི་དང་། ཚེ་ཕྱི་མའི་ཉེས་དམིགས་ཡོངས་སུ་བརྗོད་པ་ཡིན་ནོ། །སྤྱིའི་མཚན་ཉིད་ནི་ཚོགས་པར་མི་འབྱུང་བ་ཞེས་བྱ་བ་གསུངས་པ་སྟེ། ཚུལ་དང་མི་མཐུན་པའི་ཚིག་ཐམས་ཅད་ནི་ཚོགས་པར་མི་འབྱུང་བ་ཞེས་བྱའོ། །
[121a.3]རང་གི་མཚན་ཉིད་ནི་འཁྲིག་པ་དང་ལྡན་པ་ཞེས་གསུངས་སོ། །དཔེ་ནི་སྐྱེས་བུས་ན་ཆུང་ལ་ཇི་ལྟ་བ་བཞིན་དུ་ཞེས་བྱ་བར་གསུངས་པའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། བཞི་དགུས་ལྟུང་བར་འགྱུར་ཏེ། དགེ་སློང་ཆགས་པའི་སེམས་ཀྱིས་མིའི་བུད་མེད་དོན་ཀུན་ཤེས་པར་ནུས་པ་ལ།
[121a.4]བསྔགས་པ་དང་བསྔགས་པ་མ་ཡིན་པ་དང་། གསོལ་པ་དང་། ཉེ་བར་གསོལ་པ་དང་། འདྲི་བ་དང་ཡོངས་སུ་འདྲི་བ་དང་། བརྗོད་པ་དང་། སྨོན་པ་དང་། གཤེ་བའོ། །གཞི་དགུ་པོ་འདི་དག་ལས་གཞི་རེ་རེ་དང་། རྒྱ་རྣ་རུ་ཞེས་བྱ་བ་སྨོས་ན་དགེ་འདུན་ལྷག་མའོ། །དེ་མ་སྨོས་ན་སྦོམ་
[121a.5]པོའོ། །ཆེན་མོ་ཡིན་ཡང་དོན་ཀུན་ཤེས་པར་མི་ནུས་པ་དང་། མི་ཉན་པ་ལ་སྦོམ་པོའོ། །དེ་བཞིན་དུ་བུད་མེད་ཀྱིས་དགེ་སློང་ལ་གཞི་དགུ་པོ་འདི་དག་གིས་ལྷག་པར་སྤྱད་ལ། དེ་ཡང་ཆགས་པའི་སེམས་ཀྱིས་དེ་ལྟ་དེ་ལྟ་བུར་ལན་འདེབས་ན་དགེ་འདུན་ལྷག་མའོ། །དེ་ལ་བསྔགས་པ་ཞེས་
[121a.6]བྱ་བ་ནི་ཁྱོད་ཀྱིས་རྨའི་སྒོ་གསུམ་པོ་ནི་ལེགས་པར་དོད་པའོ་ཞེས་ཟེར་བའོ། །བསྔགས་པ་མ་ཡིན་པ་ཞེས་བྱ་བ་ནི་ཁྱོད་ཀྱི་རྨའི་སྒོ་གསུམ་པོ་ནི་ལེགས་པར་དོད་པ་མ་ཡིན་ནོ་ཞེས་ཟེར་བའོ། །གསོལ་བ་ཞེས་བྱ་བ་ནི་ཚུར་ཤོག་དང་། ལྷན་ཅིག་དེ་དང་དེ་བྱའོ་ཞེས་ཟེར་བའོ། །ཉེ་བར་གསོལ་བ་ཞེས་
[121a.7]བྱ་བ་ནི། བདག་གི་དགའ་བ་དང་ཡིད་དུ་འོང་ངམ་ཞེས་དགའ་བ་སྟོན་པ་སྟེ། བསྙེན་པར་ཉེ་བར་སྟོན་པའི་ཐ་ཚིག་གོ། །འདྲི་བ་ནི་བུད་མེད་ལ་གང་འདི་བྱེད་པ་དེ་ལ་དེ་དགའ་སྟེ། བདག་ཀྱང་བྱས་ན་དགའ་བར་འགྱུར་བ་སྙམ་ཞེས་ཟེར་བའོ། །ཡོངས་སུ་འདྲི་བ་ཞེས་བྱ་བ་ནི་བུད་མེད་ལ་གང་
[121b]
[121b.1]འདི་བྱེད་པ་དེ་དགའ་བར་འགྱུར་ཏེ། བདག་གིས་ཀྱང་བྱས་ན་དགའ་བར་འགྱུར་རམ་མི་འགྱུར་ཞིག་གུ། འདི་ལ་ཁྱོད་ཅི་སྙམ་དུ་སེམས་ཞེས་ཟེར་བའོ། །ཡོངས་སུ་འདྲི་བ་ནི་ཡོངས་སུ་ཤེས་པར་བྱ་བའི་ཕྱིར་འདྲི་བའོ། །འདྲི་བ་སྔ་མ་ནི་ངེས་པའོ། །བརྗོད་པ་ནི་ག་གེ་མོ་ཞེས་བྱ་བ་ཞིག་བདག་དང་
[121b.2]འདི་ལྟ་བུ་བྱས་སོ། །དེར་གལ་ཏེ་ཁྱོད་ཀྱང་འོང་བ་ལྟ་ན་ཁྱོད་དང་ཡང་བྱའོ་ཞེས་ཟེར་བའོ། །སྨོན་པ་ནི་སྲིང་མོ་དང་ལྷན་ཅིག་གལ་ཏེ་འདི་བྱས་ན་བདེ་བར་འགྱུར་ཞིང་མཐོ་རིས་ཐོབ་པར་འགྱུར་ཞེས་ཟེར་བའོ། །གཤེ་བ་ཞེས་བྱ་བ་ནི་མགལ་དུམ་དང་བོང་བུ་དང་རྟོལ་མོ་ཞེས་བྱ་བ་ལ་སོགས་པ་ནི་གཤེ་
[121b.3]བའོ། །རྣམ་པ་འདི་དགུས་ཉེ་བར་སྟོན་པའི་ཕྱིར་རྣམ་པ་དགུས་སྨོས་སོ། །འཁྲིག་པ་དང་ལྡན་པའི་རྣམ་པ་གཞན་དག་གིས་ཀྱང་ལྟུང་བར་འགྱུར་རོ། །གཞན་གྱི་ཕྱིར་ཀུན་དུ་སྨྲ་བ་དང་། ཕོ་ཉས་དང་། གཅིག་ནས་གཅིག་ཏུ་བརྒྱུད་པས་དང་། གཞན་གྱིས་ཉེ་བར་སྟོན་པ་དང་། སྤྲིང་
[121b.4]ཡིག་གིས་དང་། ལག་ཡིག་གིས་དང་། ལག་རྩིས་ཀྱིས་དང་། ཁྱོད་ཀྱི་རྨའི་སྒོ་བཅད་པ་ཞེའམ། སྡིག་པ་ཅན་ནོ་ཞེའམ།ང་དང་ཕྲད་པར་གྱིས་ཤིག་ཅེའམ། ཉལ་ལོ་ཞེའམ། ང་ལ་བརྟེན་ཅིག་ཅེའམ། ནས་ཞེས་བྱ་བ་ལ་སྨོས་པ་དང་། དགེ་སློང་མ་འགོག་པའི་སྙོམས་པར་འཇུག་
[121b.5]པ་དང་། དེ་བཞིན་དུ་སྲིང་མོ་ནས་བྱིན་ཅིག་ཅེས་བྱས་ལ་དེས་ཀྱང་བརྡ་ཕྲད་པ་དང་། དགེ་སློང་མ་ལ་འདོད་པ་དང་རྗེས་སུ་མཐུན་པའི་ཆ་བྱད་ཅན་ཞིག་མཐོང་ནས་སྲིང་མོ་སྐྱེས་པ་རྣམས་ལ་བརྟེན་པའི་ཚུལ་དུ་སྤྱད་པ་སྤྱོད་དུ་སོང་ཞེས་ཟེར་བ་དང་། བུ་མོ་ལོག་པར་སྤྱོད་པ་གལ་ཏེ་སྲུང་མི་ནུས་ན་མགལ་དུམ་
[121b.6]གྱིས་བསྣུན་ན་ཅི་ཉེས་ཞེས་ཟེར་བ་དང་། གསོལ་བ་འདེབས་པ་ན་ཁྱོད་བོང་བུ་དང་། དེ་ལྟ་བུ་གྱིས་ཤིག་ཅེས་ཟེར་བ་དང་། སྲིང་མོ་ཁྱོད་ཀྱི་མདུན་ན་མོ་གང་ཡིན་པ་དེ་བྱིན་ཅིག་ཅེས་ཟེར་བ་དང་། ཁྱོད་ཀྱི་ཡིད་དུ་འོང་བ་གང་ཡིན་པ་དེ་བྱིན་ཅིག་ཅེས་ཟེར་བ་དང་། སྲིང་མོ་བྱིན་ཅེས་བྱས་པ་དང་། དེས་ཀྱང་བརྡ་ཕྲད་
[121b.7]དེ་སྟ་གོན་འཚལ་ལོ་ཞེས་ཟེར་བ་དང་། བདག་ལ་ཆུ་བྱིན་ཅིག་ཁྱོད་ཉིད་བདག་གི་ཆུའོ་ཞེས་བྱ་བ་ནས་བཅའ་བའོ་ཞེས་བྱ་བའི་བར་དུ་དེ་བཞིན་ཏེ། དེས་ཀྱང་བརྡ་ཕྲད་པ་དང་བུད་མེད་ཀྱིས་ཁྱོད་ཀྱི་ཡིད་དུ་འོང་བ་ཅི་ཡིན་ཞེས་དྲིས་ན་ཁྱོད་ཉིད་ང་ལ་སྡུག་གོ་ཞེས་ཟེར་བ་དང་། རང་བཞིན་གྱིས་གནས་ངན་ལེན་གྱི་
[122a]
[122a.1]ཆག་སྨྲ་བ་དང་། སྐྱེས་པ་དང་། མ་ནིང་བསྟན་པར་ནུས་པ་དང་། བུད་མེད་མེད་པར་བུད་མེད་དུ་འདུ་ཤེས་ཏེ་སྨྲ་བ་ནི་ཐམས་ཅད་དུ་སྦོམ་པོའོ། །སྐྱེས་པ་དང་མ་ནིང་བསྟེན་པར་མི་ནུས་པ་དང་། དུད་འགྲོར་གྱུར་པ་ཐམས་ཅད་ལ་ནི་ཉེས་བྱས་སོ། །བུད་མེད་ཡོད་པ་ལ་མེད་པར་འདུ་ཤེས་
[122a.2]པ་ལ་ཡང་ཉེས་བྱས་སོ། །འདི་ལ་སྨྲའོ་ཞེས་ངེས་པར་མ་བྱས་པར་གཞན་ལ་སྨྲ་ན་དངོས་གཞིའོ། །གཞན་ལ་སྨྲ་བར་བསམས་པ་ལས་གཞན་ལ་ན་སྦོམ་པོའོ། །གནས་ངན་ལེན་ལ་གནས་ངན་ལེན་མ་ཡིན་པར་འདུ་ཤེས་པ་ལ་ལྟུང་བ་མེད་དོ། །གནས་ངན་ལེན་ལ་གནས་ངན་ལེན་དུ་འདུ་ཤེས་
[122a.3]པ་ལ་དངོས་གཞིའོ། །གལ་ཏེ་དངོས་པོ་ཡོད་པ་ལ་རྟོགས་པ་དང་། གནས་ངན་ལེན་ལ་གནས་ངན་ལེན་ཡིན་ནམ། མ་ཡན་སྙམ་དུ་ཡིད་གཉིས་ཟ་བའི་འདུ་ཤེས་པ་ལ་ཡང་དངོས་གཞིའོ། །མེད་ན་སྦོམ་པོའོ། །མི་མོ་ལ་དེར་འདུ་ཤེས་སམ་ཡིད་གཉིས་ཟ་བ་ལ་ཡང་དངོས་གཞིའོ། །
[122a.4]མི་མ་ཡིན་པ་ལ་མིར་འདུ་ཤེས་པ་དང་། ཡིད་གཉིས་ཟ་བ་དང་། དེར་འདུ་ཤེས་པ་ལ་སྦོམ་པོའོ། །ལ་ལ་ན་རེ་མི་བྱེད་པ་ལ་སྦྱོར་བ་ཡང་དངོས་གཞིའོ་ཞེའོ། །གལ་ཏེ་གཞན་ཟར་དུ་བཅུག་ལ་ལན་འདེབས་པ་ན་ཉམས་སུ་མྱོང་ནའོ། །ནས་དང་རྩྭའི་མིང་འཛིན་པ་དང་། ལྗོངས་ཀྱི་ངེས་པའི་
[122a.5]ཚིག་ལ་ནི་ལྟུང་བ་མེད་དོ། །དགེ་འདུན་ལྷག་མ་གསུམ་པའོ།། །།མཉན་ཡོད་ན་དེ་བཞིན་དུ་འཆར་ཀ་ལས་བརྩམས་ཏེ། དགེ་འདུན་ལྷག་མ་བཞི་པ་བཅས་སོ། །ལུས་ཀྱིས་བསྙེན་བཀུར་བྱ་བའི་ཕྱིར་ཞེས་བྱ་བ་ནི། ལུས་ཀྱིས་རིམ་གྲོ་བྱ་བའོ། །ཚུལ་ཁྲིམས་དང་ལྡན་པ་
[122a.6]ཞེས་བྱ་བ་ནི་ཚུལ་ཁྲིམས་ཀྱི་ཕུང་པོ་དང་ལྡན་པའོ། །དགེ་བའི་ཆོས་ཅན་ཞེས་བྱ་བ་ནི་ཏིང་ངེ་འཛིན་གྱི་ཕུང་པོ་དང་ལྡན་པ་སྟེ། དེ་ཡོངས་སུ་དག་པའི་ཕྱིར་ཡོན་ཏན་ཐམས་ཅད་སྒྱུར་བར་བྱེད་པ་སྟེ། གསེར་བཟང་པོ་བཞིན་དུ་དགེ་བའི་ཆོས་དང་ལྡན་པའོ། །ཚངས་པར་སྤྱོད་པ་ཞེས་བྱ་བ་ནི་ཤེས་རབ་ཀྱི་
[122a.7]ཕུང་པོ་དང་ལྡན་པའོ། །དེས་ན་མྱ་ངན་ལས་འདས་པའི་འདུ་ཤེས་ཀྱིས་ཚངས་པར་སྤྱོད་པ་སྟེ་འགྲོ་བའོ། །ཁ་ཅིག་ན་རེ་འདོད་པ་ཆུང་བ་ལ་སོགས་པའི་ཡོན་ཏན་དང་ལྡན་པའི་ཕྱིར་དགེ་བའི་ཆོས་ཅན་ནོ་ཞེའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། གཞི་རྣམ་པ་བཅོ་བརྒྱད་ཀྱིས་ལྟུང་བར་འགྱུར་ཏེ། མཆོག་
[122b]
[122b.1]དང་། ཕུལ་དང་། ཁྱད་པར་དུ་འཕགས་པ་དང་། བཟང་བ་དང་། མཛེས་པ་དང་། དགེ་བ་དང་། མཆོད་པར་འོས་པ་དང་། བསྟོད་པར་འོས་པ་དང་རྒྱ་ཆེ་བ་དང་། ཆེས་མཆོག་དང་། ཆེས་ཕུལ་དང་། ཆེས་ཁྱད་པར་དུ་འཕགས་པ་དང་། ཆེས་བཟང་བ་དང་། ཆེས་མཛེས་པ་དང་།
[122b.2]ཆེས་དགེ་བ་དང་། ཆེས་མཆོད་པར་འོས་པ་དང་། ཆེས་བསྟོད་པར་འོས་པ་དང་། ཆེས་རྒྱ་ཆེ་བ་སྟེ། དེ་ལ་རང་བཞིན་གྱིས་ཕུན་སུམ་ཚོགས་པའི་ཕྱིར་ཀུན་དུ་སྤྱད་པ་གཞན་དག་ལས་མཆོག་ཏུ་གྱུར་པ་དང་། དེ་བཞིན་གཤེགས་པ་ལ་སོགས་པས་ཡོན་ཏན་ཀུན་དུ་བསྒྲག་པ་དང་། དེ་མ་གཏོགས་
[122b.3]པ་དགེ་སློང་གི་ཀུན་དུ་སྤྱོད་པ་ཐམས་ཅད་ལས་ཁྱད་ཞུགས་པ་དང་། བསམ་པ་དྲག་པོས་བསྐྱེད་པ་དང་། བསམ་པ་གསལ་བས་བསྐྱེད་པ་དང་། ཆོས་འདོད་པས་ཀུན་ནས་བསླང་བ་དང་། དེ་དང་ལྡན་པ་ནི་རྒྱལ་པོ་ལ་སོགས་པ་ལས་མཆོད་པ་ཐོབ་པ་དང་། ཕྱོགས་སུ་གྲགས་པ་འབྱུང་བ་དང་།
[122b.4]ཡོན་ཏན་དང་ལྡན་པ་ནི་དངོས་པོ་གྱ་ནོམ་པའི་གནས་ཡིན་པའི་ཕྱིར་ཏེ། རྣམ་གྲངས་དགུ་དང་གོ་རིམས་བཞིན་ནོ། །དོན་དགུ་པོ་འདི་དག་ཉིད་ཤས་ཆེ་བའི་ཕྱིར། རྣམ་གྲངས་དགུར་རིག་པར་བྱའོ། །གཞི་རྣམ་པ་བཅོ་བརྒྱད་པོ་འདི་དག་ལས་རེ་རེ་དང་། མདོ་ལས་གསུངས་པའི་སྒྲ་དང་ལྷན་ཅིག་
[122b.5]སྨྲས་ན་དགེ་འདུན་ལྷག་མའོ། །ཚུལ་ཁྲིམས་དང་ལྡན་པའོ་ཞེས་བྱ་བ་ལ་སོགས་པ་གསུམ་ལས་གང་ཡང་རུང་བ་དང་། ཇི་སྐད་གསུངས་པའི་སྒྲ་དང་ལྷན་ཅིག་ཏུ་སྨྲས་ན་དངོས་གཞིའོ། །འཁྲིག་པ་དང་ལྡན་པ་ཞེས་བྱ་བའི་ཚིག་དེས་སྟོང་ན་ཐམས་ཅད་ཀྱང་སྦོམ་པོའོ། །ང་ལྟ་བུ་ཞེས་བྱ་བའི་ཚིག་
[122b.6]གིས་སྟོང་ན་ཡང་སྦོམ་པོའོ། །འཁྲིག་པ་དང་ལྡན་པ་དང་ང་ལྟ་བུ་ཞེས་བྱ་བའི་ཚིག་དེ་གཉི་གས་སྟོང་ན་ཉེས་བྱས་སོ། །བསྟེན་པར་ནུས་པ་ལས་དངོས་གཞིར་འགྱུར་བ་གང་ཡིན་པ་དེ་ནི་བསྟེན་པར་མི་ནུས་པ་དང་། སྐྱེས་པ་དང་མ་ནིང་བསྟན་པར་ནུས་པ་ལ་སྦོམ་པོའོ། །སྐྱེས་བུ་དང་མ་ནིང་བསྟེན་
[122b.7]པར་མི་ནུས་པ་དང་། དུད་འགྲོའི་སྐྱེ་གནས་སུ་སོང་བ་ཐམས་ཅད་ལ་ཡང་ཉེས་བྱས་སོ། །བསྟེན་པར་ནུས་པ་ལ་སྦོམ་པོར་འགྱུར་བ་གང་ཡིན་པ་དེ་མ་ཡིན་པ་གཞན་ཐམས་ཅད་ལ་ཉེས་བྱས་སོ། །བསྟེན་པར་ནུས་པ་ལ་ཉེས་བྱས་སུ་འགྱུར་བ་གང་ཡིན་པ་དེ་ཐམས་ཅད་དུ་ཉེས་བྱས་ཉིད་
[123a]
[123a.1]དོ། །ལྷག་མ་ནི་གསུམ་པ་དང་འདྲའོ། །དགེ་འདུན་ལྷག་མ་བཞི་པའོ།། །།མཉན་ཡོད་ན་རི་དགས་འཛིན་གྱི་བུ་ནག་པོ་སྔོན་འདྲིས་པས་སྨྱན་བྱེད་དེ། དེའི་ཚེ་དེ་ལ་སྙན་པ་དང་མི་སྙན་པ་ཅིག་ཅར་གྲགས་པས་མུ་སྟེགས་ཅན་རྣམས་འཕྱ་སྟེ། རྩོད་པ་བྱུང་བའི་ཉོན་མོངས་པ་
[123a.2]ལྔ་པའོ། །བདག་པོ་ངེས་པ་དང་། དངོས་པོ་ངེས་པ་དང་། དུས་ངེས་པས་སྨྱན་དུ་གྱུར་པ་བརྗོད་ནའོ། །དེ་ལ་བུད་མེད་ལ་སྐྱེས་པའི་ཚིག་དང་སྐྱེས་པ་ལ་བུད་མེད་ཀྱི་ཚིག་གིས་ཞེས་བྱ་བ་ནི། སྐྱེས་པ་དང་བུད་མེད་ཕྲིན་སྐྱེལ་བའི་བདག་པོར་གྱུར་པས་བདག་པོ་ངེས་པའོ། །ཆུང་མ་དང་མཛའ་
[123a.3]ན་མོ་ཞེས་བྱ་བ་ནི་དངོས་པོ་ངེས་པའོ། །ཐང་འགའ་ཕྲད་པ་ལ་ཡང་ཞེས་པ་ནི་དུས་ངེས་པའོ། །སྨྱན་བྱེད་ཅེས་བྱ་བ་ནི་ཕྲིན་སྐྱེལ་པའོ། །ཆུང་མ་ནི་བདུན་ནོ། །མཛའ་ན་མོ་ནི་བཅུའོ། །ཆུང་མ་ནི་བདུན་གང་ཞེ་ན། ཆུ་ཚིགས་ཀྱིས་བྱིན་པ་སྟེ། གང་ཕ་མས་ཆུ་ཚིགས་ཀྱིས་བཏང་བ་
[123a.4]དང་། རིན་ཆས་ཉོས་པ་སྟེ། གང་ཕ་མས་རིན་ཆས་བཏང་བ་དང་། རྒྱལ་མཚན་གྱིས་ཕྲོགས་པ་སྟེ། རྒྱལ་པོ་རྒྱལ་མཚན་དུ་བྱས་ནས་གཞན་གྱི་ཡུལ་འཁོར་བཅོམ་སྟེ་ཁྱེར་བ་དང་། ཆོམ་རྐུན་པ་དག་གིས་རང་གི་མགོ་རྒྱལ་མཚན་དུ་བྱས་ཏེ་གྲོང་བཅོམ་ནས་ཕྲོགས་པ་དང་། དངས་སམ་
[123a.5]འདུས་པ་སྟེ། གང་བདག་ཉིད་དགའ་ནས་གཞན་ལ་བཏུད་པ་དང་གོས་ཟས་ཀྱིས་འཚོ་བ་སྟེ། གང་བཟའ་བ་དང་བགོ་བར་ཆུང་མར་ཁས་ལེན་པ་དང་། ཁ་དུམ་པ་སྟེ། གང་བདག་ཅག་གཉིས་ཀྱིས་ནོར་གང་ཡིན་པ་དེས་ལྷན་ཅིག་འཚོའོ་ཞེས་ཁྱོར་ཁས་ལེན་པའོ། །ཐང་འགའ་ཕྲད་པ་ནི་
[123a.6]གང་ཡུད་ཙམ་པའོ། །མཛའ་ན་མོ་བཅུ་གང་ཞེ་ན། མ་དང་། ཕ་དང་། མིང་པོ་དང་། ཕུ་ནུ་མོ་དང་། སྒྱུག་མོ་དང་། གྱོས་པོས་བསྲུངས་པ་སྟེ་དྲུག་དང་། དེ་མ་ཡིན་པ་མེད་དེ། རེ་རེས་བསྲུངས་པའོ། །ཉེ་དུས་བསྲུངས་པ་ནི་གོང་མ་ལ་སོགས་པ་མེད་དེ། ཉེ་དུ་ལྷག་མ་རྣམས་ཀྱིས་
[123a.7]བསྲུངས་པའོ། །རིགས་ཀྱིས་བསྲུངས་པ་ནི་གང་རང་རང་གི་རིགས་གཅིག་པ་བྲམ་ཟེ་ལ་སོགས་པའོ། །རུས་ཀྱིས་བསྲུངས་པ་ནི་བྷ་ར་དྭ་ཛ་ལ་སོགས་པའི་རུས་རྣམས་སོ། །རྣམ་པར་འཁྲུག་པ་མེད་པ་ནི་དགེ་སློང་མ་དང་། སྤྱོད་པ་ཅན་མོ་དང་། ཀུན་དུ་རྒྱུ་མོ་དང་། ཆོས་དང་མཐུན་པར་
[123b]
[123b.1]སྤྱོད་པ་སྟེ། སྡོམ་པས་བསྡམས་པའི་ཕྱིར་རོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་བུད་མེད་དང་སྐྱེས་པའི་ཕྲིན་ནོད་པ་དང་། སྐྱེལ་བ་དང་། ཕྱིར་སྐྱེལ་བ་དང་གསུམ་གལ་ཏེ་བདག་ཉིད་བྱེད་དམ། ཕོ་ཉ་དང་། ཕོ་ཉས་ཀྱང་ཕོ་ཉ་ཡང་རུང་སྟེ། གཅིག་བདག་གིས་བྱས་ལ། གཉིས་གཞན་གྱིས་
[123b.2]བྱས་སམ། གཉིས་བདག་གིས་བྱས་ལ། གཅིག་གཞན་དུ་བྱེད་ཀྱང་རུང་། ཐམས་ཅད་དུ་གསུམ་ཆར་བདག་གིས་བྱས་ན་དགེ་འདུན་ལྷག་མའོ། །གཅིག་བདག་གིས་བྱས་ཀྱང་རུང་། གཞན་བྱེད་དུ་བཅུག་ཀྱང་རུང་སྟེ་སྦོམ་པོ་གཅིག་གོ། །གཉིས་བྱེད་ཀྱང་རུང་བྱེད་དུ་བཅུག་ཀྱང་རུང་སྦོམ་པོ་
[123b.3]གཉིས་སོ། །གལ་ཏེ་ཕོ་ཉ་དང་ཕོ་ཉས་ཡང་ཕོ་ཉ་བྱེད་པ་དགེ་སློང་ཡིན་ན་གཉིས་ཀ་ལ་ལྟུང་བའོ། །དབང་ཕྱུག་ནི་བུ་མོ་གང་གཏོང་བ་དང་། མི་གཏོང་བའི་དབང་ཡོད་པ་ཕོ་བྲང་འཁོར་ལ་སོགས་པ་ན་ཡང་ཚིག་མཉན་པ་དང་། དབང་པོ་མ་ཡིན་པ་ནི་བཟློག་པའོ། །གལ་ཏེ་གསུམ་ཆར་
[123b.4]བདག་པོ་ལ་བྱེད་ན་དངོས་གཞིའོ། །ཅི་སྟེ་གཅིག་བདག་པོ་ལ་གཉིས་བདག་པོ་མ་ཡིན་པ་ལའམ། གཉིས་བདག་པོ་ལ་གཅིག་བདག་པོ་མ་ཡིན་པའམ། ཐམས་ཅད་ཀྱང་རུང་སྟེ། བདག་པོ་ལ་ཇི་སྙེད་བྱས་པ་སྦོམ་པོ་ཡང་དེ་སྙེད་དོ། །བདག་པོ་མ་ཡིན་པ་ལ་ཇི་སྙེད་བྱས་པ་ཉེས་བྱས་ཀྱང་དེ་སྙེད་དོ། །
[123b.5]བདག་པོ་མ་ཡིན་པ་ལས་མ་ཐོབ་སྟེ། བདག་པོ་ལ་སྟོན་ན་སྦོམ་པོའོ། །འདི་ལྟ་སྟེ། དགེ་སློང་དང་། ཁྱིམ་པ་དང་། བུད་མེད་འགྲོགས་པ་ལས་དེ་གཉིས་ཀྱི་ཚིག་སྐྱེལ་ཏམ། ཕྱིར་སྐྱེལ་ན་དངོས་གཞིའོ། །གསུམ་གྱིས་ན་ཕྱིར་སྐྱེལ་བ་ཡིན་གྱི། སྐྱེལ་བ་མ་ཡིན་ཏེ། ཡུལ་ཕྱོགས་དང་། བརྡ་དང་།
[123b.6]མཚན་མའོ། །གང་གི་ཚེ་བདག་ཡུལ་ཕྱོགས་དེ་ལྟ་བུ་ཞིག་ན་འདུག་པ་མཐོང་བ་དང་། བྱ་བ་བྱས་པར་ཤེས་པར་གྱིས་ཤིག་ཅེས་བྱ་བ་ནི་ཡུལ་ཕྱོགས་སོ། །དུས་ཇི་ཙམ་ན་ཞེས་བྱ་བ་ནི་བརྡའོ། །གང་གི་ཚེ་བདག་སྐྲ་བྲེགས་ཏེ་ལག་ན་ལྷུང་བཟེད་ཐོགས་པ་མཐོང་ཞེས་བྱ་བ་ནི་མཚན་
[123b.7]མའོ། །ཚིག་དང་། སྤྲིང་ཡིག་དང་། ལག་རྩིས་རྣམས་ཀྱིས་ནོད་པ་དང་། སྐྱེལ་བ་དང་། ཕྱིར་སྐྱེལ་བ་སྟེ། གལ་ཏེ་རེ་རེས་གསུམ་ཆར་བྱེད་དམ་འདྲེན་མར་ཡང་རུང་སྟེ་ཐམས་ཅད་དུ་དངོས་གཞིའོ། །ཆུང་མ་དང་པོ་གསུམ་པོ་འཐབས་མ་ཐག་པ་རྡེའུ་གསུམ་མ་གཏོར་བ་དང་། ཆོ་ག་མ་བཏང་
[124a]
[124a.1]བ་དང་། དུམ་པ་མ་བཅད་པ་དང་། ཆུང་མ་མ་ཡིན་པར་མ་བསྒྲགས་པ་དང་། དྲིལ་མ་བསྒྲགས་པ་དེ་དག་གིས་བསྡུམས་བྱས་ན་ཉེས་བྱས་སོ། །དོར་བའི་རྒྱུ་དང་པོ་བྱས་པ་ལ་བྱས་ན་སྦོམ་པོ་གཅིག་གོ། །གཉིས་པོ་དག་ལ་གཉིས་སོ། །གསུམ་པ་རྣམས་དང་བཞི་པ་རྣམས་ལ་དགེ་འདུན་
[124a.2]ལྷག་མའོ། །དེ་ལས་གཞན་བཅུ་བཞི་ནི་འཐབས་མ་ཐག་ཏུ་བསྡུམས་བྱས་ན་དངོས་གཞིའོ། །མངལ་ན་འདུག་པའི་ཁྱེའུ་དང་བུ་མོའི་ཆེད་དང་། གཉི་ག་བུད་མེད་དང་། མ་ནིང་གཉིས་དང་། མ་ནིང་གང་ཡང་རུང་བ་དང་། གཉི་ག་མི་མ་ཡིན་པ་དང་། གཅིག་ཀྱང་རུང་བ་དང་།
[124a.3]དུད་འགྲོའི་སྐྱེ་གནས་དང་། མིར་ཡང་རུང་བ་དང་། དགེ་སློང་མ་དང་། དེ་ལས་གཞན་པ་ཚངས་པར་སྤྱོད་པ་ཐམས་ཅད་དང་། བདག་གི་ཕྱིར་སྨྱན་བྱེད་པ་དང་། གཞོན་ནུ་མ་དང་། གཉི་ག་ལ་བྱེད་པ་ན་གཉི་གའམ། གང་ཡང་རུང་བ་ཞིག་མཚན་གྱུར་པ་དང་། ཕྲིན་ནོད་པ་ལ་སོགས་པ་
[124a.4]གཅིག་གམ། གཉིས་བྱས་ནས་དགེ་སློང་མཚན་གྱུར་པ་དང་། གཅིག་གི་ཚེ་རང་བཞིན་དུ་གནས་པ་དང་། གཉིས་ཀྱི་ཚེ་སེམས་འཁྲུགས་པ་དང་། གསུམ་ཆར་གྱི་ཚེ་རང་བཞིན་དུ་གནས་པ་མ་གཏོགས་པ་རྣམ་པ་ཐམས་ཅད་དུ་སྦོམ་པོའོ། །ཁྱིམ་པས་དགེ་འདུན་ཐམས་ཅད་ལ་
[124a.5]གསོལ་པ་དང་། དེ་རྣམས་ཀྱིས་ཀྱང་རང་ངམ་བསྐོས་བས་བསྒྲུབས་ཀྱང་རུང་སྟེ། དགེ་འདུན་ཐམས་ཅད་ལ་དངོས་གཞིའོ། །གལ་ཏེ་གཅིག་ཅིག་འདོད་དེ་བྱེད་ན་དེ་ཉིད་ལའོ། །བསྙེན་པར་རྫོགས་པ་དང་། བསྙེན་པར་རྫོགས་པར་བྱེད་པའི་ཚེ་ཕྲིན་ནོད་པ་ལ་སོགས་པ་མུ་བཞིའོ། །
[124a.6]གལ་ཏེ་གསུམ་ཆར་བསྙེན་པར་རྫོགས་པར་བྱེད་ན་དངོས་གཞིའོ། །གཞན་དག་ནི་གང་བསྙེན་པར་རྫོགས་པ་ན་བྱས་པ་དེ་ལ་སྦོམ་པོའོ། །གང་དེ་ལས་གཞན་པ་ལ་ཉེས་བྱས་སོ། །བུད་མེད་ཉོས་ཞེས་སྨྲ་ན་ཉེས་བྱས་སོ། །མིང་ནས་ཕྱུང་སྟེ་ཉོས་ཞེས་སམ། ཉོས་ཟིན་པའི་སྨྱན་བྱེད་
[124a.7]ན་སྦོམ་པོའོ། །ཁ་ཅིག་ན་རེ་ལས་དང་པོ་པ་མ་ཡིན་ལ་མི་ཤེས་པ་ལ་ཉེས་པ་སྦོམ་པོའོ་ཞེའོ། །བུད་མེད་གསོལ་བ་བཏབ་པ་ལས་མ་གྲུབ་པ་དང་། གཟུགས་འཚོད་མ་ལ་གསོལ་བ་བཏབ་པ་ལ་གཡོ་འགའ་ཞིག་བྱས་ཏེ་མ་འོངས་པ་དང་། ཕ་མས་མངལ་དུ་འདུག་པའི་ཚེ་བྱིན་ལ་ཕྱིས་
[124b]
[124b.1]མི་སྟེར་བ་ལ་སྦྱོར་བ་དང་། ཕྲིན་དང་ཕྲིན་ལན་སྐྱོལ་བའི་འོག་ཏུ་གཅིག་གམ་གཉི་གཤེ་པ་ལ་སོགས་པས་བག་མ་མ་བླངས་པ་དང་། གནོད་པ་བྱས་པ་དང་། དགེ་སློང་ལ་བཞུད་པ་འདི་ནི་ཁྱོད་ཀྱི་ཁྱིམ་མོ། །འདི་ནི་ཁྱོད་ཀྱི་མིའོ་ཞེས་གསུངས་ཤིག་ཅེས་བྱས་པ་དང་། དེས་ཀྱང་དགེ་
[124b.2]འདུན་ལ་ཆོས་སྟོན་གསོལ་བའི་ཕྱིར་སྨྲས་པ་དང་། སྐྱེས་པས་དུས་བཏབ་པ་ཞིག་གིས་དྲིས་པ་དང་། རྩིག་དྲུང་ཞིག་ན་འདུག་པ་མཐོང་ངོ་ཞེས་སྨྲས་ན་ཐམས་ཅད་དུ་སྦོམ་པོའོ། །སྔར་དུས་བཏབ་ཟིན་པ་ལས་བཅོལ་བ་ཞིག་གི་ཕྱིར་སྐྱེས་པ་ལ་ཁུ་ཚུར་བསྣུན་ན་ཉེས་བྱས་སོ། །ལས་དང་
[124b.3]པོ་པ་ལ་བསྡམས་པར་བྱས་པའི་ཉེས་བྱས་སོ། །དེ་བཞིན་དུ་སློབ་དཔོན་དང་མཁན་པོ་ལ་ཡང་ངོ་། །བུ་མོ་འདི་ཅིའི་ཕྱིར་བག་མར་མི་བཏང་། ཁྱེའུ་འདི་ཅིའི་ཕྱིར་ཁྱིམ་མི་དབུབ་ཅེས་ཟེར་ན་ཉེས་བྱས་སོ། །བུ་མོ་དང་ཁྱེའུ་འདི་ཅིའི་ཕྱིར་གྱོས་པོའི་ཁྱིམ་དུ་མི་བཀྲི་ཞེས་བྱ་བ་ནས་ཅུང་
[124b.4]ཟད་དེ་དང་རྗེས་སུ་མཐུན་པའི་བར་གྱི་ཚིག་ངེས་པར་སྤྱོད་དུ་འཇུག་པ་ཅི་སྨྲས་ན་ཐམས་ཅད་དུ་ཉེས་བྱས་སོ། །མི་བྱེད་པ་ལ་སྦྱོར་བ་འདི་ཡང་ལྟུང་བ་སྟེ། དེ་བོས་ནས་སློབ་མ་ལ་ཅང་མ་བྱས་པར་གཞག་པ་དང་། མཁན་པོ་བཞུགས་ཤིག་བདག་མཆིས་ཏེ་བགྱིའོ་ཞེས་ཟེར་བ་ཡང་
[124b.5]དེ་བཞིན་ནོ། །སྐྱེས་པ་དང་མ་ནིང་ལ་སོགས་པ་ལ་ནི་སྔ་མ་བཞིན་དུ་ལྟུང་བ་རྣམ་པར་དབྱེ་བར་བྱའོ། །བརྡ་བྱས་པར་མ་ཤེས་པ་ལ་ལྟུང་བ་མེད་དོ། །བུད་མེད་ཆེ་གེ་མོ་ཞེས་བྱ་བ་འབྲས་ཆན་འཚེད་དུ་ཁུག་ཅིག་ཅེས་ཟེར་བ་དང་། དེ་བཞིན་དུ་དགེ་འདུན་ལ་སྔ་མ་
[124b.6]བཞིན་དུ་བསྙེན་བཀུར་བྱེད་ན་བྱའོ་ཞེས་སྨྲས་ཏེ། ཕྲད་པར་གྱུར་ཀྱང་ལྟུང་བ་མེད་དོ། །བུད་མེད་ཀྱིས་ལས་བྱེད་པ་འགུགས་སུ་བཅོལ་བ་ཡང་དེ་བཞིན་ནོ། །བཞི་པོ་དག་གོ་རིམས་བཞིན་ཏེ་རེ་ཞིག་དང་པོ་ནི་གལ་ཏེ་བུད་མེད་སྐྱེས་པ་འདོད་པར་རྟོགས་ནས་ལག་པ་ནས་བཟུང་
[124b.7]བ་དང་གལ་ཏེ་བཟོད་ནས་དཔུང་པ་ནས་འཛིན་པ་དང་། དེ་ནས་ལག་པས་མགུལ་ནས་འཁྱུད་པ་དང་། ལེན་བུ་ནས་འཛིན་པ་དང་། དེ་ནས་མཆུ་དང་ནུ་མ་དང་། རྐེད་པ་ལ་སོགས་པའི་ཡན་ལག་རྣམས་ལ་ནོམ་པ་དང་། གལ་ཏེ་མི་བཟོད་ན་འཁྲིག་པ་དང་ལྡན་པའི་ཚིག་གིས་
[125a]
[125a.1]བཞད་གད་བྱེད་པའོ། །བུད་མེད་ཀྱི་ཡུལ་མ་དད་པ་ལ་ཞེས་བྱ་བའི་བར་དུ་ཡང་དེ་བཞིན་ནོ། །དད་པ་ལ་ནི་བསོད་ནམས་འདོད་པར་རིག་ནས་ཀུན་དུ་སྤྱད་པའི་བསྔགས་པ་བརྗོད་པ་བདག་གི་དོན་དུ་ཞེས་བྱ་བའི་བར་དུ་ཡང་དེ་བཞིན་ནོ། །གཞན་གྱི་ཟང་ཟིང་ཅུང་ཟད་ཙམ་གྱི་ཕྱིར་གཞན་གྱི་དོན་དུ་འདུན་པར་བྱེད་པ་ཡང་དེ་
[125a.2]བཞིན་ནོ། །དགེ་འདུན་ལྷག་མ་ལྔ་པའོ།། །།མཉན་ཡོད་ན་དགེ་སློང་དག་ཁང་པའི་ལས་ངན་པས་གཡེངས་ཏེ་དགེ་བའི་ཕྱོགས་བཏང་ནས་ཁྱིམ་པ་རྣམས་ཕྱིར་ཞིང་འཕྱ་བར་གྱུར་ནས་གནས་ཀྱི་གཞིའི་དབང་དུ་མཛད་དེ། ལས་ངན་པ་ལ་དགའ་བ་དང་། རྩོད་པ་བྱུང་བའི་ཉོན་མོངས་པ་དག་གིས་དྲུག་པའོ། །
[125a.3]བདག་གིས་བླངས་པ་ཞེས་བྱ་བ་ནི་འདོད་པས་ལ་ལ་ལས་ནི་ཤིང་། ལ་ལ་ལས་ནི་རྩྭ་ལ་སོགས་པའོ། །དེས་ན་སྦྱིན་བདག་ལས་བླངས་པ་ཡིན་ནོ། །ཁ་ཅིག་ན་རེ་སྦྱིན་བདག་མ་ཡིན་ནོ་ཞེའོ། །གང་གི་ཕྱིར་རྒྱུ་དང་གཞི་རྙེད་པས་དེ་ཙམ་གྱིས་ན་བདག་གིས་བླངས་པ་ཡིན་ནོ་ཞེའོ། །རྩིག་ན་ཞེས་
[125a.4]བྱ་བ་ནི་བདག་གམ་གཞན་གྱིས་སོ། །བདག་པོ་མེད་པ་ཞེས་བྱ་བ་ནི་གང་གི་བདག་པོ་མེད་པའོ། །ཁ་ཅིག་ན་རེ་བདག་པོ་གཞན་མེད་པ་ཞེའོ། །བདག་གི་ཕྱིར་ཞེས་བྱ་བ་ནི་དགེ་འདུན་གྱི་ཕྱིར་མ་ཡིན་པའོ། །ཚད་བཞིན་དུ་ཞེས་བྱ་བ་ནི་ལས་ངན་པ་ལ་དགའ་བ་སྤང་བའི་ཕྱིར་ལྷག་མ་ཡང་མ་ཡིན་ནོ། །
[125a.5]ཉམ་ང་བ་སྤང་བའི་ཕྱིར་གང་གི་ཧ་ཅང་ཆུང་བ་ཡང་མ་ཡིན་ནོ། །བདེ་བར་གཤེགས་པའི་མཐོ་ཞེས་བྱ་བ་ནི་སུམ་འགྱུར་ཡིན་པས་ཁྲུ་ཚད་མ་བཅོ་བརྒྱད་དེ་དེ་ནི་ཚད་དོ། །ཞེང་དུ་མཐོ་བདུན་ཞེས་བྱ་བ་ནི་བདེ་བར་གཤེགས་པའི་མཐོ་ཉིད་དེ། དེ་དག་ཀྱང་ཁྲུ་ཚད་མ་ཕྱེད་དང་བཅུ་གཅིག་གོ། །དགེ་སློང་
[125a.6]དག་བཀྲི་བར་བྱའོ་ཞེས་བྱ་བ་ནི་རྩོད་པ་འབྱུང་བ་སྤང་བའི་ཕྱིར་རོ། །ཁ་ཅིག་ན་རེ་དགེ་འདུན་གྱི་ཡིན་ནོ་ཞེས་རྩོད་པ་གང་ཡང་མི་འབྱུང་བར་བྱ་བའི་ཕྱིར་རོ་ཞེའོ། །ཇི་སྲིད་དུ་དངོས་པོ་དེ་བདག་གི་མིག་གིས་མ་བརྟགས་པ་དེ་སྲིད་དུ་བཀྲི་བར་མི་བྱའོ། །གལ་ཏེ་ཡང་སྦྲུལ་དང་། སྡིག་པ་དང་། རྩངས་
[125a.7]བ་དང་། གྲོག་མོའི་ཚད་ཡོད་ན་རུང་བ་མ་ཡིན་པས་བསྟན་པར་མི་བྱའོ། །ཡང་བརྟག་པར་བྱ་སྟེ། གལ་ཏེ་རྒྱལ་པོ་དང་། ཁྱིམ་བདག་དང་། མུ་སྟེགས་ཅན་གྱི་གཞི་དང་། དགེ་སློང་མའི་དབྱར་ཁང་ཡོད་དམ། དེར་ཤིང་ལྗོན་པ་བཅད་དུ་མི་རུང་བ་ཞིག་ན། རྩོད་པ་དང་བཅས་པ་
[125b]
[125b.1]ཡིན་པས་བསྟན་པར་མི་བྱའོ། །ཡང་བརྟག་པར་བྱ་སྟེ། གལ་ཏེ་འདོམ་གང་ཚུན་ཆད་ན་ཁྲོན་པ་ཡོད་དམ། ལམ་མམ། ངན་གྲོག་ཡོད་ན་རྩོམ་དུ་རུང་བ་མ་ཡིན་པས་བསྟན་པར་མི་བྱའོ། །དེ་ནས་གཙུག་ལག་ཁང་དུ་སོང་སྟེ་གསོལ་བ་བྱའོ། །ཡང་ན་དགེ་འདུན་ཐམས་ཅད་འདོང་བར་བྱའོ། །ཡང་ན་
[125b.2]བསྐོས་པ་རྣམས་སོ། །དེ་ལ་དད་པས་འགྲོ་བར་མི་བྱའོ། །དེ་ནས་མཐོང་ནས་གལ་ཏེ་དག་པ་ཡིན་ན་རྒན་རབས་ཀྱི་མདུན་དུ་འདུག་སྟེ། གནས་བརྟན་དག་གཞི་དེ་ནི་རུང་བ་ལགས་ཀྱིས། ད་དེའི་དུས་ལ་བབ་པར་མཁྱེན་པར་མཛོད་ཅིག་ཅེས་བརྗོད་པར་བྱའོ། །དེ་ནས་གསོལ་བ་བྱས་ཏེ་ལས་བྱའོ། །རྩོད་
[125b.3]པ་མེད་པ་ཞེས་བྱ་བ་ནི་ཁ་ཅིག་ན་རེ་བརྩམས་པ་མ་བྱས་པའོ། །དེ་ཉིད་རྣམ་པར་སྤྲོས་པ་སྟེ། བརྩམ་དུ་རུང་བ་ཞེས་བྱ་བ་ནི་རྩིག་པ་མ་བརྩིགས་པའོ། །རྩིག་པ་བརྩིགས་པ་ན་ཕ་རོལ་དུ་འགྲོར་མི་རུང་བས་བརྩམ་དུ་མི་རུང་བ་ཡིན་ནོ་ཞེའོ། དེ་ལ་ལྟུང་བ་ཅི་ལྟར་འགྱུར་ཞེ་ན། ཐམས་ཅད་
[125b.4]ལས་འདས་པར་བྱས་སམ། གང་གི་ཚེ་གནས་ཀྱི་འོས་པ་མ་ཡིན་པ་དེའི་ཚེ་དགེ་འདུན་ལྷག་མའོ། །རྩོད་པ་དང་བཅས་པ་དང་། བརྩམ་དུ་མི་རུང་བ་དང་། མ་བསྟན་པ་དང་། ཚད་ལས་འདས་པར་བྱས་པ་ཉེས་པ་རྣམ་པ་བཞི་ལས་གང་ཡང་རུང་བ་གཅིག་ལས་འདས་པར་བྱེད་ན་སྦོམ་པོའོ། །
[125b.5]གཞི་བསླངས་ལ་མི་བྱེད་པ་དང་། བསྟན་པ་དང་། བརྩམས་ནས་འཕྲོ་བོར་བ་དང་། གཞན་ལ་ཕྲོགས་ཏེ་འཕྲོ་ནས་བྱེད་པ་དང་། ཐོག་མ་ཕུབ་པ་དང་། བརྩམས་ནས་བདག་ཤི་བ་དང་། འཁྲུལ་པ་དང་། དགེ་ཚུལ་ལ་སོགས་པར་དམ་བཅས་པ་དང་། གཉིས་ཀྱིས་གཅིག་བྱེད་པ་དང་། བར་
[125b.6]མ་གཟུང་སྟེ་བྱེད་པ་དང་། གཞི་གང་ཟག་གི་ཡིན་པ་སྟེ། ཐམས་ཅད་དུ་སྦོམ་པོའོ། །དགེ་སློང་གིས་དགེ་སློང་ལ་བདག་ནི་སྐྱོན་བཞི་སྤངས་པའི་ཁང་པ་བརྩིག་གོ་ཞེས་སྨྲས་ལ། སྐྱོན་དང་བཅས་པ་བྱེད་པ་ལ་ལྟུང་བར་འགྱུར་གྱི། བྱེད་དུ་བཅུག་པ་ལ་ནི་མ་ཡིན་ནོ། །གལ་ཏེ་བྱེད་དུ་བཅུག་པས་
[125b.7]འདི་སྐད་དུ་ངས་བསྐོས་པ་བཞིན་དུ་ཁྱོད་ཀྱིས་ལེགས་པར་བྱས་སོ་ཞེས་སྨྲས་པ་དང་། དེར་ཤིང་ལ་སོགས་བྱིན་ན་གཉི་ག་ལ་ལྟུང་བར་འགྱུར་རོ། །སྦྱོར་བ་གཅིག་པུས་བཅུ་བྱེད་ན་ལྟུང་བ་བཅུའོ། །བྱེད་དུ་གཞུག་གམ་མི་གཞུག་སྙམ་དུ་སོམ་ཉི་ཟ་བཞིན་དུ་བསྐོས་པ་ལས་གཞན་
[126a]
[126a.1]གྱིས་བྱས་ན་སྦོམ་པོའོ། །བྱས་ཟིན་པ་རྙེད་པ་དང་། ལོངས་སྤྱོད་པ་དང་། སྦྲང་བུ་མཆུ་རིངས་ཀྱི་ཕྱིར་ཁང་པ་རྩིག་པ་ལ་ལྟུང་བ་མེད་དོ། །དགེ་འདུན་ལྷག་མ་དྲུག་པའོ།། །།གྲོང་ཁྱེར་ཀཽ་ཤཱམྦྷཱི་ན་དྲུག་སྡེ་རྣམས་ཀྱིས་འདུག་པའི་ཤིང་ལྗོན་པ་གཅོད་དུ་བཅུག་སྟེ། དེར་
[126a.2]གཙུག་ལག་ཁང་རྩིག་ཏུ་བཅུག་པས་གནས་ཀྱི་གཞིའི་དབང་དུ་མཛད་དེ། རྩོད་པ་བྱུང་བའི་ཉོན་མོངས་པས་བདུན་པའོ། །ཆེན་པོ་ཞེས་བྱ་བ་ལ་ཆེན་པོ་ནི་གཉིས་ཏེ། སྦྱིན་པར་བྱ་བ་དང་ཚད་ཀྱིས་སོ། །ལ་ལ་ན་རེ་འདིར་ནི་སྦྱིན་པར་བྱ་བས་ཆེ་བ་ལ་བྱའི། །ཚད་ཀྱིས་ནི་མ་ཡིན་ནོ་ཞེའོ། །ཅིའི་ཕྱིར་འདི་
[126a.3]ཆེན་པོར་གནང་ཞེ་ན། འདི་ལ་ནི་ལས་ངན་པ་ལ་དགའ་བའི་ཉེས་པ་མེད་དེ། དེ་ཉིད་དེའི་དགེ་བའི་ཕྱོགས་ཡིན་ནོ། །གཙུག་ལག་ཁང་ཞེས་བྱ་བ་ནི་སྔོན་གྱི་སངས་རྒྱས་རྣམས་ཀྱི་ཉན་ཐོས་རྣམས་ཀྱང་གཙུག་ལག་ཁང་རྣམས་སུ་གནས་པར་གྱུར་བས་སངས་རྒྱས་ཀྱིས་རྗེས་སུ་གནང་སྟེ། དགེ་བ་བཟང་པོས་ཐོག་
[126a.4]མར་གཙུག་ལག་ཁང་བྱས་སོ། །དགེ་སློང་རྣམས་ཀྱི་གཙུག་ལག་ཁང་ནི་སུམ་རྩེག་གོ། །དྲི་གཙང་ཁང་དང་སྒོ་ཁང་ནི་ལྔ་རྩེག་གོ། །དགེ་སློང་མའི་གཙུག་ལག་ཁང་ནི་ཉིས་རྩེག་གོ། །དེ་ལས་གཞན་པ་ནི་སུམ་རྩེག་གོ་ཞེས་དེ་སྐད་བཀའ་སྩལ་ཏོ། །དེ་ནས་མགོན་མེད་ཟས་སྦྱིན་གྱིས་རྒྱལ་བུ་རྒྱལ་བྱེད་
[126a.5]ལས་རྒྱལ་བྱེད་ཀྱི་ཚལ་བྱེ་བ་བཀྲ་བ་ཉོས་ཏེ། དགེ་འདུན་ལ་ཕུལ་ལོ། །སྦྱིན་བདག་གཞན་གྱིས་དགེ་འདུན་གྱི་ཕྱིར་བྱེད་དུ་བཅུག་ན་ཁང་པ་ལ་སོགས་པའི་ས་སྦྱིན་ནོ། །གང་ཟག་གི་དོན་དུ་ནི་སྦྱིན་བདག་ལ་དྲིའོ། །མ་འདྲིས་པ་གློ་བུར་དུ་འོངས་པ་ཕོངས་པའི་ཕྱིར་གཙུག་ལག་ཁང་གི་ནང་དུ་གནས་
[126a.6]ཤིག་མི་བསྒོ་བར་གཞག་གོ། །གནས་པ་གོས་ཟིན་པའི་འོག་ཏུ་འོངས་ན་དབྱར་ཕྱི་མར་དབྱར་ཉེ་བར་གནས་པར་བྱའོ། །གསུམ་པར་མ་ཡིན་ནོ། །གང་དག་གཉིས་པར་ཞུགས་པའི་འོག་ཏུ་ལྷགས་པ་དེ་དག་ནི་འདྲིས་པ་རྣམས་ཀྱིས་ངལ་སོར་གཞུག་པར་བྱའོ། །དེ་དག་ལ་ཁ་ཟས་ཀྱི་རྙེད་པ་སྦྱིན་གྱི།
[126a.7]ནོར་གྱི་རྙེད་པ་ནི་མ་ཡིན་ནོ། །དེ་དག་ལས་སུ་བསྐོ་བར་མི་བྱའོ། །གཞན་ཡང་ལས་སུ་བསྐོ་བར་མི་བྱ་བ་ལྔ་སྟེ། མདོ་སྡེ་དང་། འདུལ་བ་དང་། མ་མོ་འཛིན་པ་དང་། དགེ་འདུན་གྱི་གནས་བརྟན་དང་། འདུས་ཤིང་ཀློག་པའོ། །གང་ན་གནས་ཁང་མང་བ་དེར་གྲངས་ཀྱིས་བཅད་དེ། རེ་
[126b]
[126b.1]རེ་ལ་ཡང་ཚད་ཇི་ལྟ་བ་བཞིན་དུ་གཉིས་གཉིས་སམ་གསུམ་གསུམ་བགོས་པ་ཐམས་ཅད་གཅད་པར་བྱ་སྟེ། ཁ་ཅིག་ཏུ་སྔ་དྲོ་གནས་པར་བྱའོ་ཞེས་བྱ་བ་ལ་སོགས་པའོ། །བྱེད་དུ་བཅུག་གམ། དགེ་འདུན་གྱི་ཡང་རུང་སྟེ། ཅི་ནུས་ཀྱིས་བཅོས་པར་བྱའོ། །ཡལ་བར་མི་དོར་རོ། །གང་ན་གནས་ཉུང་བར་
[126b.2]དེར་ནི་ཆུ་སྣོད་བུམ་པ་དང་། བ་ལང་གི་ལྕི་བ་དང་། སྨན་དང་ལྷུང་བཟེད་དང་། སོ་ཤིང་གཞག་པའི་གནས་མ་གཏོགས་པར་གདིང་བའི་ཚད་ཀྱིས་བགོ་བར་བྱའོ། །འདུ་བའི་གནས་སུ་ནི་བགོ་བར་མི་བྱའོ། །དགོན་པ་པ་རྣམས་ཀྱི་སྣོད་སྤྱད་གཞག་པ་གསལ་བའི་ཕྱོགས་སུ་གནས་དཔོག་
[126b.3]གོ། །གང་ཟག་གི་གཙུག་ལག་ཁང་གི་རྙེད་པ་གང་གིས་བླངས་པ་དེ་ཉིད་ཀྱིས་བཅོས་པར་བྱའོ། །དགེ་འདུན་ནམ་མཆོད་རྟེན་གྱི་བྱ་བ་ལ་སོང་བ་ལ་ནི་གནས་རྒན་རིམས་བཞིན་དུ་སྦྱིན་ནོ། །གཞན་ནི་གང་ཇི་ལྟར་འོངས་པའི་གྲལ་རིམས་བཞིན་ནོ། །སྦྱིན་བདག་གིས་རྙེད་པ་ངེས་པར་བྱས་པ་གཙུག་
[126b.4]ལག་ཁང་གི་དབྱར་གྱི་རྙེད་པ་ནི་གང་གི་གནས་སུ་བསྐོས་པ་དེ་དབང་ངོ་། །དེ་ན་གནས་པ་དེ་ལ་སྦྱིན་བདག་དད་དེ་བྱིན་པ་གང་ཡིན་པ་དེ་ཡང་དེ་དབང་ངོ་། །གང་ཟག་གི་ཕྱིར་ཁང་པ་བྱས་པའི་རྙེད་པ་ཡང་དེ་ཉིད་དབང་ངོ་། །དགེ་འདུན་གྱི་རྙེད་པ་ཡང་སྦྱིན་པར་བྱའོ། །དེ་བཞིན་དུ་སྦྱིན་བདག་གིས་
[126b.5]བྱས་པའི་གནས་ཁང་གི་རྙེད་པ་ནི་དེ་ན་གནས་པ་དག་དབང་ངོ་། །རྒན་རིམས་བཞིན་དུ་ཐམས་ཅད་ཀྱིས་གནས་ཁང་བགོ་བར་བྱའོ། །དགོན་པ་པ་རྣམས་ཀྱིས་ནི་གཙུག་ལག་ཁང་སྲུང་བའི་དགེ་སློང་གཞག་ལ་བསོད་སྙོམས་ལ་འཇུག་པར་བྱའོ། །དེ་ལ་ཡང་བསོད་སྙོམས་སྦྱིན་ནོ། །
[126b.6]བརྡས་སྒོ་དབྱེ་བར་བྱའོ། །ཁྱི་ཡང་གསོ་བར་བྱའོ། །ཁྱི་གསོ་བའི་ཀུན་དུ་སྤྱད་པ་ནི། མཆོད་རྟེན་གྱི་འཁོར་ས་དང་། གཙུག་ལག་ཁང་ལ་སེན་མོའི་རྗེས་ཕྱུང་བ་དེས་མཉམ་པར་བྱའོ། །གཅིན་དང་རྟུག་པ་ཡང་ཕྱག་པར་བྱའོ། །རྣམ་པ་གཞན་དུ་ན་ཉེས་བྱས་སོ། །གཅན་གཟན་ཁྲོ་བོ་
[126b.7]དང་གནོད་སྦྱིན་མང་བའི་གནས་སུ་གནས་པར་མི་བྱའོ། །གཙུག་ལག་ཁང་གཉིས་སུ་ཉེ་བར་གནས་པར་མི་བྱའོ། །གལ་ཏེ་དབྱར་ཉེ་བར་གནས་པ་གཉི་ག་བསྡམས་ཏེ། དེ་ལས་གཞན་པའི་དགེ་སློང་དང་རྙེད་པ་མཉམ་པར་སྦྱིན་ནོ། །རྙེད་པ་ལ་ལྷག་པར་ཆགས་པར་མི་བྱའོ། །ཐབ་ཀྲོལ་བྱེད་
[127a]
[127a.1]པར་འོང་བར་རིག་ན་གནས་མལ་བསྐོ་བར་བྱ་བ་ནི་གསུམ་སྟེ། དགུན་གྱི་དང་། དཔྱིད་ཀྱི་དང་། དབྱར་གྱིའོ། །གནས་མལ་གཟུང་བ་ནི་དྲུག་སྟེ། གཙུག་ལག་ཁང་ཐམས་ཅད་དང་། དེའི་ཉེ་འཁོར་དང་། ཁང་ཕྲན་དང་། དེའི་ཉེ་འཁོར་དང་། ཀུན་དགའ་ར་བ་དང་། དེའི་
[127a.2]ཉེ་འཁོར་རོ། །གལ་ཏེ་ཐབ་ཀྲོལ་བྱེད་པ་ན་རེ་གཙུག་ལག་ཁང་བསྐོས་ཤིག་ཅེས་ཟེར་ན། ཐམས་ཅད་བསྒོས་ཟིན་ཏོ་ཞེས་སོ། །དེ་སླར་སོང་བ་དང་། དེ་དག་རྒན་རིམས་བཞིན་དུ་བགོ་བར་བྱའོ། །ཐབ་ཀྲོལ་བྱེད་པ་མ་ཡིན་པ་ལ་དེ་ལྟར་བྱེད་ན་ཉས་བྱས་སོ། །དེ་བཞིན་དུ་གནས་བསྔོས་ཏེ། འདི་ནི་
[127a.3]དེང་གི་འདི་ནི་སང་གི་ཞེས་བྱ་བ་ནས། འདི་ནི་སྔ་དྲོ་པ་ཞེས་བྱ་བ་ལ་སོགས་པ་སྐད་ཅིག་པ་དང་། འདུ་བའི་དུས་ཀྱི་འདི་ནི་སློབ་དཔོན་གྱིའོ་ཞེས་བགོས་ན་ཉེས་བྱས་སོ། །གཙུག་ལག་ཁང་དུ་དགེ་སློང་ནད་པའི་གནས་མི་དབྲོག་པར་སྦྱིན་ནོ། སྒྱུ་བྱེད་པ་ལ་ནི་མ་ཡིན་ནོ། །རྒན་རིམས་ཀྱིས་
[127a.4]དེའི་གནས་མི་དབྲོག་གོ་ཞེས་བྱ་བའི་ཐ་ཚིག་གོ། །གཙུག་ལག་ཁང་དུ་མཚན་མོ་གནས་མལ་བགོ་བར་མི་བྱའོ། །གང་གི་ཕྱིར་བགོ་བ་དང་། གང་དག་འགོད་པ་གཉི་ག་ལ་ཡང་ཉེས་བྱས་སོ། །གལ་ཏེ་མཚན་མོ་ལྷགས་ན་འདྲིས་པའི་འདྲིས་པ་དག་གིས་ངལ་གསོ་བར་བྱའོ། །དེ་བཞིན་
[127a.5]དུ་ནུབ་གཅིག་གནས་པའི་ཕྱིར་ན་གཉི་ག་ལ་ཉེས་པའོ། །མགོན་མེད་ཟས་སྦྱིན་གྱིས་ངལ་བསོ་བའི་གནས་བྱས་པ་རྣམས་སུ་བསོད་སྙོམས་པའི་ཕྱིར་བྱིན་པ་རྙེད་པའི་ནང་དུ་དྲུག་སྡེ་ཞུགས་པས་གཞན་གྱི་རྙེད་པའི་ནང་དུ་འཇུག་ན་འགལ་ཚབས་ཅན་དུ་འགྱུར་རོ། །དོན་གཞན་ཞིག་གི་ཕྱིར་
[127a.6]གཙུག་ལག་ཁང་གཞན་དུ་སོང་བ་ལས་གལ་ཏེ་དུས་ལ་བབ་ན་ཟས་བཟའ་བར་བྱའོ། །ཟོས་ཏེ་འོངས་ནས་ཡང་འདོད་ལ་གལ་ཏེ་ཚད་ལས་ལྷག་པར་འདྲིམ་ནི་སྔར་མ་བླངས་པ་གང་ཡིན་པ་དེ་བཟའ་བར་བྱའོ། །ཅི་སྟེ་དགེ་སློང་དག་གི་ཚད་ཀྱིས་བྱས་པ་ཡིན་པ་དེ་བཟའ་བར་མི་བྱའོ། །ཇི་ལྟར་གཙུག་
[127a.7]ལག་ཁང་རྒན་རིམས་སུ་བསྐོ་བ་བཞིན་དུ་འགྱེད་པས་ཤིང་ལྗོན་པ་དང་། སྒང་པུ་དང་གསིང་མ་ཡོད་པའི་ཕྱོགས་ཀྱང་དེ་བཞིན་ནོ། །དེ་ཡང་ཆོས་ལྔ་དང་ལྡན་པ་གསོལ་བ་དང་གཉིས་ཀྱིས་བསྐོ་བར་བྱའོ། །གནས་ཁང་བསྐོ་བ་དང་དེ་བཞིན་དུ་ཟས་ལ་བསྐོ་བ་དང་། ནས་ཐུག་འདྲིམ་པ་དང་།
[127b]
[127b.1]བཅའ་བ་འདྲིམ་པ་དང་། ཕྲན་ཚེགས་འདྲེམ་པ་དང་། སྣོད་སྤྱད་སྦེད་པ་དང་། གོས་སྦེད་པ་དང་། གོས་འགེད་པ་དང་། དབྱར་གྱི་གོས་རས་ཆེན་སྦེད་པ་དང་། དབྱར་གྱི་གོས་རས་ཆེན་འགེད་པ་དང་། མངག་གཞུག་པ་དང་། མཛེས་ཆོས་པ་དང་། གང་ཟག་བཅུ་གཉིས་པོ་འདི་དག་ཀྱང་ངོ་། །
[127b.2]ཟས་མེད་པའི་ཕྱིར་གཙུག་ལག་ཁང་སྟོང་པར་བོར་ཏེ་ཐམས་ཅད་འདོང་བར་མི་བྱའོ། །བསོད་སྙོམས་ལ་སོགས་པས་ལོ་ལྔའི་བར་དུ་འདུག་པར་བྱའོ། །གལ་ཏེ་ཡང་མ་འོངས་ན་མཚམས་ཐ་དད་པའི་གཙུག་ལག་ཁང་རྣམས་དང་རྙེད་པ་གཅིག་ཏུ་བྱའོ། །གསོ་སྦྱོང་ནི་ཐ་དད་པར་རོ། །འོང་ན་
[127b.3]ནི་སྦྱིན་བདག་ཅི་དགར་བྱའོ། །གཙུག་ལག་ཁང་བཤིགས་ནས་སྔ་མཁོ་ཙམ་མམ་ཆེ་བར་བྱའི་ཆུང་བ་ནི་མ་ཡིན་ནོ། །སྦྱིན་བདག་ནུས་པ་མེད་ན་ཆུང་ངུ་བྱའོ། །མཆོད་རྟེན་དང་། དྲི་གཙང་ཁང་ལ་སོགས་པ་ནི་མཉམ་པའམ་ཆེ་བར་བྱའི་ཆུང་བར་ནི་མ་ཡིན་ནོ། །རི་མོ་བྱེད་པར་འདུས་བྱས་པར་འདོད་
[127b.4]པས་སྐྱེས་པའི་རབས་དེ་ཉིད་ལ་སོགས་པ་བྲི་བར་བྱའོ། །དེ་བཞིན་དུ་སངས་རྒྱས་ཀྱི་གསུང་གི་གླེགས་བམ་བྲི་བ་ཡང་ངོ་། །དུས་དེ་སྲིད་ཁང་པ་བྱས་པ་འགྲོ་ཁར་མི་གཞིག་གོ། །གཙུག་ལག་ཁང་དུ་ནི་རུང་བའི་ཁང་པ་བསྐོ་བར་བྱའོ། །དེ་ཡང་ལྔ་སྟེ། བཏེག་པའི་མཐའ་ལས་བྱུང་བ་དང་།
[127b.5]སེམས་བསྡུས་པའི་མཐའ་ལས་བྱུང་བ་དང་། བ་ལང་གི་ལྷས་ལྟ་བུ་དང་། འཕྲལ་ལ་བྱུང་བ་དང་། བསྐོས་པ་སྟེ་ལྔ་པའོ། །བཏེག་པའི་མཐའ་ལས་བྱུང་བ་ཞེས་བྱ་བ་ནི། གང་དུ་དགེ་སློང་ལག་གི་བླའམ་ཁྱིམ་བདག་ཀྱང་རུང་སྟེ། ཐོག་མར་སོ་ཕག་བཏེག་པ་ན། སེམས་བསྐྱེད་ནས་ཚིག་ཏུ་ཡང་
[127b.6]བརྗོད་པར་བྱ་སྟེ། གཞི་འདི་ནི་དགེ་འདུན་གྱི་རུང་བའི་ཁང་པར་འགྱུར་བའོ་ཞེས་བྱ་བས་སོ། །སེམས་བསྡུས་པའི་མཐའ་ལས་བྱུང་བ་ནི་གང་དུ་དེ་ཉིད་ཀྱིས་གཞན་ལ་སེམས་བསྡུས་ཤིག་ཅེས་བྱ་བར་བྱིན་གྱིས་བརླབ་པར་བྱའོ། །བ་ལང་གི་གནས་ལྟ་བུ་ནི་གང་སྒོ་ཐ་དད་དུ་གནས་པའོ། །འཕྲལ་ལ་བྱུང་
[127b.7]བ་ནི་གནས་གང་སྤངས་པའོ། །བསྐོས་པ་ནི་གསོལ་བ་དང་གཉིས་ཀྱི་ལས་ཀྱིས་བསྐོས་པ་སྟེ། གནས་ཐམས་ཅད་གྲུབ་པ་ནང་མཚམས་དང་ཕྱི་རོལ་ཉེ་འཁོར་འདོམ་གང་བཅས་པ་འདི་ཞེས་དེ་སྐད་བརྗོད་པས་ལས་བྱས་པའོ། །གང་འོག་མ་བསྐོས་པ་དེའི་སྟེང་མ་དང་ངོས་ཀྱང་ངོ་། །གང་ལག་
[128a]
[128a.1]གི་བླའམ་དགེ་འདུན་གྱིས་བྱིན་གྱིས་མ་བརླབས་པར་དེ་དང་པོར་གནས་པ་རྣམས་ཀྱིས་བརྗོད་པར་བྱའོ། །དེ་དག་གིས་མ་བརྗོད་ན་གཉུག་མར་གནས་པ་རྣམས་ཀྱིས་སོ། །དེ་རྣམས་ཀྱིས་མ་བརྗོད་ན་གློ་བུར་དུ་ལྷགས་པ་རྣམས་ཀྱིས་སོ། །དགེ་འདུན་མེད་ན་གང་ཟག་གིས་ཤེས་པ་ཆུང་ངུས་རུང་བར་
[128a.2]བྱ་བ་དང་། འཇུག་པ་མི་ཞན་པས་རུང་བར་བྱ་བ་ཉེ་བར་གཟུང་སྟེ་སྤྱད་པར་བྱའོ། །དེ་ལ་ཤེས་པ་ཉུང་ངུས་རུང་བར་བྱ་བ་ནི་འདི་ཡིན་ཏེ། སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ། བདག་ནི་བསླབ་པ་རྣམས་ལ་མི་གུས་པ་མ་ཡིན་ནོ། །ཇི་ལྟར་སངས་རྒྱས་བཅོམ་ལྡན་འདས་མཁྱེན་པ་
[128a.3]དང་ལྡན་པ། གཟིགས་པ་དང་ལྡན་པ་དག་གིས་རུང་བའི་ཁང་པ་དང་། ཟས་ཀྱི་ཁང་པ་ཡོངས་སུ་སྤྱོད་པ་ན་མཁྱེན་ཅིང་གཟིགས་པ་དེ་ལྟར་འདི་བདག་གི་ཕྱིར་དྲན་པ་ཉེ་བར་འཇོག་གོ། །ད་བདག་གི་ཚངས་པར་སྤྱོད་པ་རྗེས་སུ་འཛིན་པར་གྱུར་ཅིག་ཅེས་བྱ་བས་སོ། །དེས་འཇུག་པ་མི་ཞན་བས་
[128a.4]རུང་བར་བྱ་བ་ནི་འདི་ཡིན་ཏེ། བདག་ནི་བསླབ་པ་རྣམས་ལ་མི་གུས་པ་མ་ཡིན་ནོ་ཞེས་བྱ་བའི་བར་དུ་སྔ་མ་བཞིན་ནོ། །འཇུག་པ་མི་ཞན་པ་རང་དབང་མེད་པ་རྣམས་ཀྱིས་རྗེས་སུ་མཐུན་པ་དང་བསླབ་པ་རྗེས་སུ་བསྲུང་བར་བྱ་བའི་ཕྱིར། སངས་རྒྱས་བཅོམ་ལྡན་འདས་ཀྱིས་ཇི་ཙམ་དུ་བསླབ་པ་རུང་བ་
[128a.5]གང་ཅུང་ཟད་བཅས་སོ། །བདག་ནི་རང་དབང་མེད་པ་སྟེ། ཅི་ལྟར་སངས་རྒྱས་ཞེས་བྱ་བའི་བར་དུ་སྔ་མ་བཞིན་ནོ། །རུང་བའི་གནས་ཀྱི་ནང་དུ་བཙོས་པ་དང་། ཞག་ལོན་པ་ཡང་ཅི་བདེར་སྤྱད་པར་བྱ་སྟེ། རུང་བ་མ་ཡིན་པའི་དངོས་པོ་བསྒྲུབས་པའི་ཉེས་པར་མི་འགྱུར་རོ། །རུང་བ་མ་
[128a.6]ཡིན་པའི་གཞི་བཅུ་སྟེ། བླག་བ་མེད་པ་དང་། སྒོ་ཁང་དང་། ཁྱམས་དང་བསྲོ་ཁང་དང་། ཁྲུས་ཁང་དང་། རྒྱལ་པོའི་གཞི་དང་། མཆོད་རྟེན་གྱི་གཞི་དང་། མུ་སྟེགས་ཅན་གྱི་གཞི་དང་། ཁྱིམ་བདག་གི་གཞི་དང་། དགེ་སློང་མའི་དབྱར་ཁང་དང་། འདི་རྣམས་སུ་ཟས་བཅོས་ན་ཉེས་བྱས་
[128a.7]སོ། །གཙུག་ལག་ཁང་གི་སྐབས་སུ་རྒྱ་ཆེར་བརྗོད་པ་དག་ཇི་སྐད་བརྗོད་པ་བཞིན་དུ་མ་བྱས་ན་ཐམས་ཅད་དུ་ཉེས་བྱས་སོ། །ཞར་ལ་བརྗོད་པ་རྣམས་ནི་རྫོགས་ཏེ། དཀྱུས་མ་བརྗོད་པར་བྱའོ། །དགེ་སློང་དག་བཀྲི་བར་བྱའོ་ཞེས་བྱ་བ་ནི་འདི་གང་ཟག་གི་ཡིན་གྱི་དགེ་འདུན་གྱི་ནི་མ་ཡིན་ཞེས་དུས་
[128b]
[128b.1]གཞན་ན་རྩོད་པའི་ཉོན་མོངས་འབྱུང་བ་སྤང་བའི་ཕྱིར་རོ། །དེ་ལ་ལྟུང་བ་ཇི་ལྟར་འགྱུར་ཞེ་ན། ཚད་མ་གཏོགས་པར་ལྟུང་བ་གཞན་ནི་སྔ་མ་བཞིན་དུ་ནི་རྣམ་པར་དབྱེའོ། །སོ་སོར་ངེས་པའི་དགེ་འདུན་གྱི་ཕྱིར་གཙུག་ལག་ཁང་རྩིག་པའི་ཡོ་བྱད་སྦྱར་བ་དང་དགེ་སློང་དག་བཀྲི་བར་བྱའོ། །མ་ཁྲིད་ན་སྤོམ་
[128b.2]པོའོ། །སྦྱིན་བདག་གིས་དགེ་སློང་འཐབ་ཀྲོལ་ཅན་དང་། ཁྱིམ་སུན་ཕྱུང་བ་དང་། བྱ་བ་དང་མི་ལྡན་པའི་དགེ་སློང་རྣམས་རང་གི་གཙུག་ལག་ཁང་ནས་བསྐྲད་པར་བྱའོ། །བྱ་བ་དང་ལྡན་པ་གཞན་དགུག་པར་བྱའོ། །གལ་ཏེ་མི་འོང་ན་གང་ན་གནས་པ་དེ་ཉིད་དུ་དེ་དག་གིས་ཡོ་བྱད་སྦྱར་བར་བྱའོ། །
[128b.3]གལ་ཏེ་དགེ་བ་དག་བཀྲིར་མེད་ན་དེར་མི་སྲིད་པར་བརྟག་པའི་རྣམ་གྲངས་ཀྱིས་མ་བསྟན་པར་བྱས་ན་ལྟུང་བ་མེད་དེ། ཤེས་པ་ཆུང་བ་དང་། བླུན་པོའི་རྒྱུད་ཀྱིས་རུང་བར་བྱ་བ་ནི་དགེ་འདུན་ལ་བསྟན་པ་མ་བྱས་ཀྱང་ལྟུང་བ་མེད་དོ། །ཁ་ཅིག་ན་རེ་དགེ་སློང་དག་བཀྲི་བར་འདོད་ལ། གལ་ཏེ་བག་མེད་པ་དང་།
[128b.4]བརྗེད་དེ་མ་ཁྲིད་ན་བསྡམ་པར་བྱ་བའི་ཉེས་བྱས་སོ་ཞེའོ། དགེ་འདུན་ལྷག་མ་བདུན་པའོ།། །།རྒྱལ་པོའི་ཁབ་ན་མཛའ་བོ་དང་ས་ལས་སྐྱེས་དག་གྱད་བུ་ནོར་དང་ཚེ་རབས་ནས་ཚེ་རབས་ཀྱི་ཁོན་ཡོད་པས་དགེ་སློང་མ་མཛའ་མོས་དགེ་སློང་གྱད་བུ་ནོར་ལ་ཕམ་པར་འགྱུར་བས་གླེངས་ཏེ། རང་
[128b.5]གི་ཆེ་བཞི་ཕུལ་ནས་ཚངས་བ་མཚུངས་པར་སྤྱོད་པའི་གཞིའི་དབང་དུ་མཛད་དེ། མི་བཟོད་པའི་ཉོན་མོངས་པས་བརྒྱད་པའོ། །ཞེ་སྡང་པར་ཞེས་བྱ་བ་ནི་ཞེ་སྡང་མ་སྤངས་པའོ། །ཁྲོས་ཤིང་ཞེས་བྱ་བ་ནི་ཞེ་སྡང་གིས་ཀུན་ནས་དཀྲིས་པའོ། །གྱུར་ནས་ཞེས་བྱ་བ་ནི་དེ་གཞན་ལ་གནོད་པར་བྱ་
[128b.6]པར་བསམས་པའོ། །གཞི་མེད་པར་ཞེས་བྱ་བ་ལ་གཞི་ནི་རྣམ་པ་གསུམ་སྟེ། མཐོང་བ་དང་། ཐོས་པ་དང་། དོགས་པའོ། །དེ་མེད་པ་ནི་གཞི་མེད་པའོ། །སྐུར་ཅེས་བྱ་བ་ནི་སྐུར་བ་བཏབ་པའོ། །རྩོད་པ་དེ་ཡང་གཞི་མེད་པ་ཡིན་ལ་ཞེས་བྱ་བ་ནི། གལ་ཏེ་གཞི་དང་བཅས་པར་གྱུར་ན་
[128b.7]ནི་དགེ་འདུན་ལྷག་མར་མི་འགྱུར་རོ། །རྩོད་པ་ཞེས་བྱ་བ་ནི་འདིར་ལྟུང་བའི་རྩོད་པར་གཟུང་ངོ་། །དགེ་སློང་ཡང་ཞེ་སྡང་ལ་གནས་པ་ཞེས་བྱ་བ་ནི་འདུ་ཤེས་དེ་བཞིན་དུ་མ་ཡིན་པའོ། །འདུ་ཤེས་དེ་བཞིན་དུ་གྱུར་བ་ལ་ནི་ཁྲོས་ཏེ་སྨྲས་སོ་ཞེས་བྱ་བར་མི་འགྱུར་རོ། །དེ་ལ་ལྟུང་བ་ཇི་ལྟར་
[129a]
[129a.1]འགྱུར་ཞེ་ན། གང་ཟག་རྣམ་པ་བཞི་སྟེ། དག་པ་དང་། དག་པ་ལ་མ་དག་པ་ལྟ་བུའི་གཞི་དང་། མ་དག་པ་དང་མ་དག་པ་ལས་དག་པ་ལྟ་བུའི་གཞིའོ། །དེ་ལ་དང་པོ་གཉིས་ལ་སྐུར་པ་བཏབ་ན་བཞི་བཅུས་ལྟུང་བར་འགྱུར་ཏེ་མ་མཐོང་བ་དང་། མ་ཐོས་པ་དང་། མི་དོགས་པ་ལ་མ་
[129a.2]མཐོང་བ་ལ་སོགས་པར་འདུ་ཤེས་ཀྱང་མཐོང་ངོ་ཞེས་བྱ་བ་ལ་སོགས་པ་སྨྲས་ན་ཚིག་དང་ཚིག་གིས་དགེ་འདུན་ལྷག་མའོ། །འདི་དག་ནི་གཞི་གསུམ་མོ། །ཐོས་ཀྱང་བརྗེད་པ་དང་། དོགས་ཀྱང་བརྗེད་ལ། བརྗེད་པར་འདུ་ཤེས་བཞིན་དུ་མ་བརྗེད་དོ་ཞེས་ཟེར་བ་དེ་དག་ནི་གཉིས་སོ། །ཐོས་པ་ལ་
[129a.3]ཡིད་ཆེས་པ་དང་ཐོས་པ་ལ་ཡིད་མ་ཆེས་ཀྱང་མཐོང་ངོ་ཞེས་ཟེར་བ་དེ་དག་ནི་གཞི་གཉིས་སོ། །ཐོས་པ་ལ་དོགས་པ་དང་། ཐོས་པ་ལ་མི་དོགས་པ་དང་། དེ་བཞིན་དུ་དོགས་པ་ལ་མཐོང་ངོ་ཞེས་ཟེར་ན་ཚིག་དང་ཚིག་གི་དངོས་གཞི་སྟེ། དེ་དག་ནི་གཞི་གསུམ་མོ། །གཞི་ལྔས་ལྟུང་བ་མེད་དེ། མ་མེ་ཐོང་བ་དང་།
[129a.4]མ་ཐོས་པ་དང་། མི་དོགས་པ་ལ་མི་མཐོང་བ་ལ་སོགས་པར་འདུ་ཤེས་པས་གོ་རིམས་བཞིན་དུ་མ་མཐོང་ངོ་ཞེས་བྱ་བ་ལ་སོགས་པས་ན་ལྟུང་བ་མེད་དོ། །དེ་དག་ནི་གཞི་གསུམ་མོ། །ཐོས་ལ་བརྗེད་པ་དང་། དོགས་ལ་བརྗེད་པ་ལས་མ་བརྗེད་པར་འདུ་ཤེས་ཏེ། མ་བརྗོད་དོ་ཞེས་ཟེར་བ་འདི་དག་ནི་
[129a.5]གཞི་གཉིས་སོ། །གཞན་ཡང་གང་ཟག་གཉིས་སྐུར་པ་བཏབ་ན། བཞི་བཅུ་གཅིག་གིས་ལྟུང་བར་འགྱུར་རོ། །ལྟུང་བར་མི་འགྱུར་བ་ནི་གཞི་དྲུག་གོ། །མཐོང་བ་ལ་བརྗེད་པ་ཞེས་བྱ་བ་འདི་ནི་བཞི་པའི་འོག་ཏུ་བརྗོད་པར་བྱའོ། །གཞན་ནི་དེ་དག་ཉིད་དོ། །གང་ཟག་དང་པོ་གཉིས་ལ་ནི་ལྟུང་བ་མེད་
[129a.6]བས་མཐོང་བ་མེད་དོ། །ཁ་ཅིག་ན་རེ་མ་སྨྲས་ཀྱང་འདི་ལྟུང་བར་འགྱུར་ཏེ། འདི་ལྟ་སྟེ། ཆེ་བཞི་ལ་སྨྲས་པར་ཞེ་སྡང་གིས་ཅང་མི་སྨྲ་བར་དོན་དེ་སྟོན་པ་ལྟ་བུའོ་ཞེའོ། །སྤྲིང་ཡིག་གིས་དང་ལག་ཡིག་རྣམས་ཀྱིས་དང་། ལག་རྩིས་ཀྱིས་དང་། ཕོ་ཉ་དང་། གཅིག་ནས་གཅིག་ཏུ་བརྒྱུད་པ་དང་། གཞན་
[129a.7]གྱིས་ཉེ་བར་སྟོན་པ་དང་། ཡི་གེར་བྲིས་ལ་ཡི་གེར་བྲིས་པ་འདི་ལས་འདི་སྐད་འབྱུང་ངོ་ཞེས་ཟེར་བ་དང་། སྨྱོན་པ་ལ་སོགས་པ་དང་། གླེན་པ་ལ་སོགས་པ་དང་། གཉིད་ཀྱིས་ལོག་པ་དང་། སྙོམས་པར་ཞུགས་པ་དང་། སྔོན་དུ་ལྟུང་བ་བྱུང་བ་ལ་སོགས་པ་དང་། བསླབ་པ་བྱིན་པ་དང་། དགེ་སློང་མ་
[129b]
[129b.1]ལ་སྐུར་པ་བཏབ་པ་དང་། དགེ་འདུན་གྱི་དབུས་སུ་ཕམ་པའི་ཆོས་སུ་གྱུར་ཏོ་ཞེས་སྨྲས་ལ། གང་ཟག་གི་མིང་མ་ཕྱུང་བ་དང་། སྐུར་པ་བཏབ་ལ་སྐུར་པ་མ་བཏབ་པར་འདུ་ཤེས་སམ། ཐེ་ཚོམ་ཟ་བ་དང་། འདི་ལྟ་སྟེ། ཁྲོས་ནས་འདི་སྐད་ཅེས་ཁྱོད་ཕྱོགས་འདི་ལྟ་བུ་ཞིག་ན་འདི་ཞེས་བྱ་བ་ཞིག་དང་ལོག་
[129b.2]པར་ཞུགས་ཏེ་མི་ཚངས་པར་སྤྱད་དོ་ཞེས་ཇི་ང་སྨྲའམ་ཞེས་ཟེར་བ་ལྟ་བུ་དང་། སྐུར་པ་མ་བཏབ་པར་སྐུར་པའི་འདུ་ཤེས་སམ། ཐེ་ཚོམ་ཟ་འམ། འདི་ལྟ་སྟེ་ཁྲོས་ནས་ཁྱོད་ཚངས་པར་སྤྱོད་པའོ། །ཁྱོད་དགེ་སློང་ལས་ཡོངས་སུ་མ་ཉམས་སོ་ཞེས་བྱ་བ་ལྟ་བུ་དང་། མ་ནིང་གིས་སམ། མ་ནིང་
[129b.3]ལའམ། མ་ནིང་མོས་སོ་ཞེས་ལྷན་ཅིག་སྐུར་པ་བཏབ་ན་ཐམས་ཅད་དུ་སྦོམ་པོའོ། །དགེ་སློང་མ་ལ་སོགས་པ་ལ་ནི་ཉེས་བྱས་སོ། །དགེ་སློང་མ་ལ་དངོས་གཞིའོ། །ཁ་ཅིག་ན་རེ་དགེ་སློང་མ་ལ་སོགས་པ་ལ་ནི་ཉེས་པ་སྦོམ་པོའོ་ཞེའོ། །དགེ་སློང་གིས་མཚམས་མེད་པ་ལྔས་སྐུར་པ་བཏབ་ན་དེ་
[129b.4]དག་ཐམས་ཅད་དགེ་སློང་མ་ཡིན་པར་འགྱུར་བས་དངོས་གཞིའོ། །དེ་བཞིན་དུ་ཉེས་པ་སྦོམ་པོའི་ལྟུང་བས་ན་ཡང་དགེ་སློང་མ་ཡིན་པས་གླེངས་ན་དགེ་འདུན་ན་ལྷག་མའོ། །དགེ་སློང་མ་ལ་ཡང་དགེ་སློང་བཞིན་དུ་ལྟུང་བར་འགྱུར་རོ། །དགེ་སློབ་མ་ལ་སོགས་པ་ལ་ནི་ཐམས་ཅད་དུ་ཉེས་བྱས་སོ། །
[129b.5]དགེ་བསྙེན་གྱིས་སྐུར་པ་བཏབ་ན་གསོལ་བའི་ལས་ཀྱིས་ལྷུང་བཟེད་ཁས་སྦུབ་པར་བྱའོ། །དེ་བཞིན་དུ་གཤེ་ཞིང་སྐྱོབ་ལ་ཡང་ངོ་། །དེ་དག་གི་ཁྱིམ་དུ་འགྲོ་བར་མི་བྱའོ། །སྟན་ལ་ལོངས་སྤྱད་པར་མི་བྱའོ། །བསོད་སྙོམས་ལ་ལོངས་སྤྱད་པར་མི་བྱའོ། །ཆོས་བཤད་པར་མི་བྱའོ། །གསོལ་བ་
[129b.6]བཏབ་སྟེ་སེམས་མགུ་བར་བྱས་ན། གསོལ་བའི་ལས་ཀྱིས་ལྷུང་བཟེད་སླར་བཟློག་པར་བྱའོ། །ཁས་བླངས་པས་ཁས་མ་བླངས་པའི་ཁྱིམ་དུ་ལྷུང་བཟེད་ཁས་ཕུབ་པ་ནི་ཁས་ཕུབ་པར་མི་ཆུད་དེ། དེ་བཞིན་དུ་བཟློག་པ་ལ་ཡང་ངོ་། །དེ་བཞིན་དུ་གནས་ནས་ཕྱུང་བ་ལ་སོགས་པ་ཐ་དད་པར་གནས་པའི་
[129b.7]ཁྱིམ་རྣམས་སུ་ཁས་ཕུབ་པ་ཡང་ངོ་། །མཚམས་སུ་ཁྲི་ལ་སོགས་པ་གཞག་སྟེ། གསོལ་བ་གཅིག་གིས་ཀྱང་ཁས་ཕུབ་པ་མང་དུ་བྱའོ། །དགེ་འདུན་ལྷག་མ་བརྒྱད་པའོ།། །།རྒྱལ་པོའི་ཁབ་ཏུ་མཛའ་པོ་དང་ས་ལས་སྐྱེས་དག་གིས་རི་དགས་གཉིས་འཁྲིག་པ་བྱེད་པ་མཐོང་ནས་བག་
[130a]
[130a.1]ཙམ་གྱིས་དགེ་སློང་གྱད་བུ་ནོར་ལ་སྐུར་པ་བཏབ་སྟེ། ཚངས་པ་མཚུངས་པར་སྤྱོད་པའི་གཞིའི་དབང་དུ་མཛད་ནས་མི་བཟོད་པའི་ཉོན་མོངས་པས་དགུ་པའོ། །གཞན་གྱི་ཆ་མ་ཡིན་པ་ཞེས་བྱ་བ་ལ་གཞན་ཞེས་བྱ་བ་ནི་མྱ་ངན་ལས་འདས་པའོ། །དེའི་ཆ་མ་ཡིན་པ་ནི་ཕམ་པར་
[130a.2]འགྱུར་བ་བཞིའོ། །འདིས་ནི་གང་གི་ཕྱིར་རྣམ་པ་གཞན་གྱི་རྩོད་པ་དེ་སྟོན་ཏོ། །དེ་ཅིའི་ཕྱིར་ཞེ་ན། རྣམ་པ་གཞན་དུ་འགྱུར་བའི་ཕྱིར་རོ། །དགེ་སློང་གིས་དགེ་སློང་ཕམ་པའི་ལྟུང་བ་བྱུང་བ་མཐོང་ལ་དེས་དེ་ལྟུང་བ་མེད་པར་མཐོང་བ་དང་། དེ་ལས་གཞན་པའི་ལྟུང་བ་མཐོང་བ་དང་དེ་བཞིན་དུ་དགེ་
[130a.3]འདུན་ལྷག་མ་ལ་དེས་དེ་ལ་ལྟུང་བ་མེད་པར་མཐོང་བ་དང་། ལྟུང་བ་དེར་མཐོང་བ་དང་། ལྟུང་བ་དེ་མ་ཡིན་པར་མཐོང་བ་དང་། དེ་བཞིན་དུ་ལྟུང་བ་དང་སོ་སོར་བཤགས་པར་བྱ་བ་དང་། ཉེས་བྱས་རྣམས་དང་། ཐམས་ཅད་ལ་འདུ་ཤེས་བསྒྱུར་ཏེ། བདག་གིས་དགེ་སློང་ཕམ་པའི་ལྟུང་བ་མཐོང་
[130a.4]དོ་ཞེས་སྨྲས་ན་ཐམས་ཅད་དུ་དགེ་འདུན་ལྷག་མའོ། །ཕམ་པ་བྱུང་བ་བདེན་པ་ལ་ནི་ལྟུང་བ་མེད་དོ། །དགེ་འདུན་ལྷག་མ་དགུ་པའོ།། །།རྒྱལ་པོའི་ཁབ་ཏུ་ལྷ་སྦྱིན་གྱིས་ཟང་ཟིང་ཅུང་ཟད་ཙམ་གྱི་ཕྱིར་རྫུ་འཕྲུལ་མངོན་པར་བསྒྲུབས་ནས་མ་སྐྱེས་དགྲ་མགུ་བར་བྱ་སྟེ། དེ་བཞིན་གཤེགས་པའི་
[130a.5]ཉན་ཐོས་ཀྱི་དགེ་འདུན་གསོལ་པ་དང་མ་ཐོབ་བོ། །གྲོགས་ཀོ་ཀ་ལི་ཀ་དང་། ཁཎྜ་དྲབ་བྱ་དང་ཀ་ཌ་མོ་ར་ཀ་ཏི་ཤྱ་དང་། རྒྱ་མཚོས་བྱིན་དང་བསྡོངས་ན་བཟློག་ཀྱང་དགེ་འདུན་གྱི་དབྱེན་བྱེད་པར་བརྩམས་པས་དགེ་འདུན་གྱི་གཞིའི་དབང་དུ་མཛད་དེ་ཞེས་བྱ་བ་ལོག་པར་རྟོགས་པའི་ཉོན་མོངས་པ་བཅུ་དང་བཅུ་གཅིག་
[130a.6]པ་བཅས་སོ། །མཐུན་པ་ཞེས་བྱ་བ་ནི་རྟགས་དང་། ལས་དང་། ཚུལ་ཁྲིམས་དང་། ལྟ་བ་དང་། ཆོ་ག་དང་། འཚོ་བ་དང་། རྣམ་པ་དྲུག་མཐུན་པས་རོ་གཅིག་ཏུ་གྱུར་པའོ། །དགེ་འདུན་ཞེས་བྱ་བ་ནི་དགེ་འདུན་དགུ་སྟེ་ངོ་ཚ་མེད་པའི་དགེ་འདུན་དང་། ངོ་ཚ་ཤེས་པའི་དགེ་འདུན་དང་། ངོ་ཚ་མེད་པ་
[130a.7]པ་དང་ངོ་ཚ་ཤེས་པའི་དགེ་འདུན་དང་། རིགས་པའི་དགེ་འདུན་དང་། མི་རིགས་པའི་དགེ་འདུན་དང་། རིགས་པ་དང་མི་རིགས་པའི་དགེ་འདུན་དང་། མ་གྲོལ་བའི་དགེ་འདུན་དང་། གྲོལ་བའི་དགེ་འདུན་དང་། གྲོལ་བ་དང་མ་གྲོལ་བའི་དགེ་འདུན་ནོ། །གང་དབྱེ་བའི་ཕྱིར་ཞེ་ན། དང་པོ་དང་ཐ་མ་
[130b]
[130b.1]གཉིས་མ་གཏོགས་ཏེ། ལྷག་མ་རྣམས་སོ། །དང་པོ་པ་ནི་བྱེ་ཟིན་པ་ཉིད་དོ། །ཐ་མ་གཉིས་ནི་མི་ཕྱེད་དོ། །དབྱེ་བའི་ཕྱིར་ཞེས་བྱ་བ་ནི་རྟགས་དང་འཚོ་བའི་བར་དུ་ཐ་དད་དུ་བྱ་བའི་ཕྱིར་རོ། །འདི་ལྟར་དེས་འབྱེད་པར་བྱེད་པའི་བསླབ་པའི་གཞི་ལྔ་བཅས་ཏེ། ཞོ་དང་འོ་མ་མི་བཏུང་སྟེ་བེེའུ་ལ་གནོད་པའི་ཕྱིར་རོ་ཞེས་
[130b.2]བྱ་བ་ལ། ཤ་མི་བཟའ་སྟེ། དེའི་གཞི་ལས་སྲོག་ཆགས་གསད་དོགས་པའི་ཕྱིར་རོ། །ལན་ཚྭ་མི་བཟའ་སྟེ། ཁུ་བ་ལས་གྱུར་པའི་ཕྱིར་རོ། །རས་ཁ་ཚར་བཅད་པ་མི་བགོ་སྟེ། སྐྱེས་བུའི་རྩལ་བཅོམ་པའི་ཕྱིར་རོ། །དགོན་པར་གནས་པར་མི་བྱ་སྟེ། དེ་ལྟར་བྱས་ན་སྦྱིན་པའི་ཆོས་ལ་ལོངས་སྤྱོད་པ་
[130b.3]མ་ཡིན་པའི་ཕྱིར་རོ་ཞེས་བྱ་བའོ། །རྟུལ་བ་ཞེས་བྱ་བ་ནི་དབྱེ་བར་བྱ་བའི་ཕྱིར་བརྩོན་པའོ། །འབྱེད་བར་གྱུར་པའི་རྩོད་པ་ཞེས་བྱ་བ་ནི་གང་གི་ཚེ་དབྱེ་བར་གྲོས་བྱེད་པ་དང་། གྲོགས་ཀྱང་སྡུད་པའོ། །དེས་ནི་དགེ་འདུན་ཅི་འདྲ་བ་བྱེ་བ་དང་། ཇི་ལྟར་བྱེ་བའི་ལྟུང་བ་དེ་ཡོངས་སུ་བསྟན་ཏོ། །ཅི་འདྲ་བ་
[130b.4]ཞེས་བྱ་བ་ནི་མཐུན་པའོ། །ཇི་ལྟར་ཞེས་བྱ་བ་ནི་དབྱེ་བར་བྱ་བའི་ཕྱིར་རྩོད་པ་ལ་ཞུགས་པ་རྣམས་སོ། །འདི་སྐད་ཅེས་བགོ་བར་བྱའོ་ཞེས་བྱ་བ་ནི་བཞམས་ཏེ་བསྒོ་བར་བྱ་བ་སྟེ། དགེ་འདུན་ནམ་དགེ་འདུན་གྱིས་བསྐོས་པའི་དགེ་སློང་ཐམས་ཅད་ཀྱིས་གསོལ་བའི་ལས་མི་དགོས་པར་གཅིག་གིས་
[130b.5]གཅིག་བསྟན་པའི་ཚིག་གིས་བཟློག་པར་བྱའོ་ཞེས་བྱ་བའི་ཐ་ཚིག་གོ། །དགེ་འདུན་མཐུན་པ་ཞེས་བྱ་བ་ནི་མཐུན་པ་རྣམ་པ་དྲུག་གིས་སོ། །མི་ཕྱེད་ཅེས་བྱ་བ་ནི་ཟང་ཟིང་ལ་ལོངས་སྤྱོད་མཐུན་པའོ། །ཀུན་དུ་དགའ་ཞེས་བྱ་བ་ནི་དགེ་བའི་ཕྱོགས་མངོན་པར་འཕེལ་བ་ལ་དགའ་བའོ། །མི་རྩོད་ཅེས་བྱ་
[130b.6]བ་ནི་ཕན་ཚུན་ལྟ་བ་དང་། འདོད་པ་མི་མཐུན་པའི་རྩོད་པ་ཡོངས་སུ་སྤངས་པའོ། །མཆོག་གཅིག་ཅེས་བྱ་བ་ནི་སེམས་མཉམ་པར་མ་བཞག་པ་ལ་མཉམ་པར་གཞག་པར་བྱ་བ་དང་། མཉམ་པར་བཞག་པ་རྣམ་པར་གྲོལ་བར་བྱ་བར་སྦྱོར་བའོ། །འདོན་པ་གཅིག་ཅེས་བྱ་བ་ནི་མདོ་དང་། དབྱངས་
[130b.7]ཀྱིས་བསྙད་པ་ལ་སོགས་པ་ཡན་ལག་བཅུ་གཉིས་འདོན་པ་མཐུན་པ་དང་། གཅིག་ལ་གཅིག་འདམས་པའོ། །ཆུ་དང་འོ་མ་གཅིག་ཏུ་འདྲེས་པ་ཞེས་བྱ་བ་ནི་གཞན་དུ་བཀྲིར་མི་བཏུབ་པའོ། །སྟོན་པའི་བསྟན་པ་གསལ་བར་བྱེད་པ་ཞེས་བྱ་བ་ནི་འདོད་ཆགས་དང་། ཞེ་སྡང་དང་། གཏི་མུག་
[131a]
[131a.1]འདུལ་བ་རབ་ཏུ་སྟོན་པའོ། །བདེ་བ་ལ་རེག་པར་གནས་པར་འགྱུར་ཞེས་བྱ་བ་ལ། དེ་ལ་བདེ་བ་ཞེས་བྱ་བ་ནི་མཐོང་བའི་ཆོས་ལ་བདེ་བར་གནས་པ་རྣམ་པ་བཞིས་སོ། །རེག་པ་ཞེས་བྱ་བ་ནི་དེ་ལ་བརྟེན་པའི་ཡོན་ཏན་འབྲས་བུ་ལ་སོགས་པའོ། །ལན་གཉིས་ལན་གསུམ་དུ་ཞེས་བྱ་བ་ནི་
[131a.2]གསོལ་བ་དང་བཞིའི་ལས་སོ། །དུས་གཞན་གྱི་ཚེ་བྱའི་དུས་དེ་ཉིད་ཀྱི་ཚེ་ནི་མ་ཡིན་ནོ། །ཧ་ཅང་བསྡུས་པ་དང་རྒྱས་པ་མ་ཡིན་པའི་ཕྱིར་ལན་གཉིས་ལན་གསུམ་མོ། །ཡང་དག་པར་བསྒོ་བར་བྱ་ཞེས་བྱ་བ་ནི་ཀུན་འདྲི་བའོ། །ཡང་དག་པར་བསྟན་པར་བྱའོ་ཞེས་བྱ་བ་ནི་བཟློག་པར་བྱ་བའོ། །དགེ་
[131a.3]འདུན་ལྷག་མ་བཅུ་པའོ། །གཉིས་པ་ལ་ནི་ཡི་གེའི་དོན་ཉི་ཚེའོ། །དགེ་ཡང་རུང་ཞེས་བྱ་བ་ནི་འདི་ཕན་པའོ། །སྡིག་ཀྱང་རུང་ཞེས་བྱ་བ་ནི་འདི་མི་ཕན་པའོ། །ཆོས་སྨྲ་བ་ཞེས་བྱ་བ་ནི་ཡི་གེ་ཕུན་སུམ་ཚོགས་པ་སྨྲ་བའོ། །འདུལ་བ་སྨྲ་བ་ཞེས་བྱ་བ་ནི་དོན་ཕུན་སུམ་ཚོགས་པར་སྨྲ་བའོ། །རྣམ་གྲངས་
[131a.4]གཞན་དུ་ན་ཡང་དག་པའི་དོན་དང་ལྡན་བར་སྨྲ་བས་ན། ཆོས་སྨྲ་བའོ། །འཇམ་ཞིང་མཛའ་བ་ལྟར་སྨྲ་བའི་ཕྱིར་འདུལ་བ་སྨྲ་བའོ། །འདི་ནི་ཤེས་བཞིན་དུ་སྨྲ་ཞེས་བྱ་བ་ནི་རྟོགས་ནས་ཡིན་གྱིས་མ་རྟོགས་པར་མ་ཡིན་ནོ། །དེ་ལ་བདག་ཅག་འདོད་ཅིང་ཞེས་བྱ་བའི་བར་གྱིས་ནི་དགག་པ་དང་། གཞག་པ་
[131a.5]དང་། བློ་གཅིག་པ་ཡང་བསྟན་ཏོ། །ཚེ་དང་ལྡན་པ་དག་ཁྱེད་ཅག་མ་སྨྲ་ཅིག་ཅེས་བྱ་བ་ནི་དགག་པའོ། །ཆོས་སྨྲ་བ་ཞེས་བྱ་བ་ནི་གཞག་པའོ། །བདག་ཅག་ཀྱང་ཞེས་བྱ་བ་ནི་བློ་གཅིག་པའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། ཇི་ཙམ་དུ་ཅུང་ཟད་རྟུལ་བ་ཐམས་ཅད་དུ་ཉེས་བྱས་སོ། །བཞམས་
[131a.6]ཏེ་བགོ་བའི་ཚེ་མི་གཏོང་ན་ཉེས་བྱས་སོ། །གསོལ་བ་བྱེད་པ་དང་། ལས་བརྗོད་པ་དང་པོ་དང་གཉིས་པའི་ཚིག་རྫོགས་ནས་སྦོམ་པོ་སྟེ་རེ་རེའོ། །གསུམ་པོ་རྣམས་རྫོགས་ཏེ་ཆོས་ཇི་ལྟ་བ་དང་། འདུལ་བ་ཇི་ལྟ་བ་བཞིན་དུ་བསྒོ་ན་དངོས་གཞིའོ། །གལ་ཏེ་མཐུན་པ་རྣམས་དང་ཆོས་མ་ཡིན་པས་
[131a.7]བསྒོ་བར་བྱེད་ན་ལྟུང་བ་མེད་དོ། །མི་མཐུན་བ་རྣམས་དང་ཆོས་ཀྱིས་བསྒོ་བར་བྱེད་ན་ལྟུང་བ་མེད་དོ། །ཆོས་མ་ཡིན་པས་མི་མཐུན་པ་རྣམས་དང་། ཆོས་མ་ཡིན་པ་ལྟར་བཅོས་པས་མཐུན་པ་རྣམས་དང་། ཆོས་ལྟར་བཅོས་པས་མི་མཐུན་པ་རྣམས་དང་། བཞམས་ཏེ་བསྒོ་བས་བསྒོ་བར་མི་
[131b]
[131b.1]བྱེད་ན་ལྟུང་བ་མེད་དོ། །ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་པའི་བསྟན་པ་ཇི་ལྟ་བ་དེ་ལྟར་བསྒོ་བར་མི་བྱེད་ན་ལྟུང་བ་མེད་དོ། །དེས་དེ་ཉིད་དུ་ལྟུང་བ་དེ་མཐོལ་བར་བྱའོ། །རྣམ་པ་གཞན་ན་དེའི་འོག་ཏུ་གསོལ་བ་ལ་སོགས་པའི་ལས་ཉམས་སུ་མྱོང་ན་ཐམས་ཅད་དུ་ཉེས་བྱས་སོ། །
[131b.2]ཚིག་ཏུ་མི་སྨྲ་ན་ཡང་འདི་ལྟུང་བ་སྟེ། གལ་ཏེ་ཐམས་ཅད་འདོད་དོ་ཞེས་སྨྲས་ན་ཁས་ལེན་པའོ། །དབྱེ་བར་མ་ཞུགས་པ་ལས་དབྱེ་བར་འདུ་ཤེས་པ་ལ་སྦོམ་པོའོ། །འདི་ལྟ་སྟེ་དཔེར་ན་དབྱེ་བར་འདོད་ལ་དབྱེ་བ་དང་རྗེས་སུ་མཐུན་པར་སྨྲས་པ་ལྟ་བུའོ། །དབྱེ་བར་ཞུགས་པ་ལ་དབྱེ་བར་ཞུགས་
[131b.3]པར་འདུ་ཤེས་པ་ལ་དངོས་གཞིའོ། །དབྱེ་བར་ཞུགས་པ་ལ་དབྱེ་བར་མི་ཞུགས་པར་འདུ་ཤེས་པ་ལ་ལྟུང་བ་མེད་དེ། །འདི་ལྟ་སྟེ་དཔེར་ན་དབྱེ་བར་མི་འདོད་ལ། དབྱེ་བ་དང་རྗེས་སུ་མཐུན་པར་སྨྲས་པ་ལྟ་བུའོ། །དབྱེ་བར་མ་ཞུགས་པ་ལ་དབྱེ་བར་མ་ཞུགས་པར་འདུ་ཤེས་པ་ལ་ལྟུང་བ་མེད་
[131b.4]དོ། །ཐེ་ཚོམ་ཟ་བ་ལ་སྦོམ་པོའོ། །ཅིའི་ཕྱིར་སྦྱོར་བ་མ་བཏང་བར་ལྟུང་བར་བཞག་ལ། དགེ་འདུན་བྱེ་ཟིན་ནས་མ་ཡིན། དགེ་འདུན་དབྱེ་ཟིན་ནས་ནི་གང་ཟག་དེ་མཚམས་མེད་པ་བྱེད་པ་ཡིན་པས་བསྙིལ་བར་འོས་པ་ཡིན་ནོ་ཞེས་གསུངས་སོ། །དེ་བས་ན་དུས་དེ་ལ་དགེ་འདུན་ལྷག་མར་མི་
[131b.5]གཞག་གོ། །ལྟུང་བ་བྱུང་གི་འོག་ཏུ་གཟུགས་ཅན་སྙིང་པོ་གསོད་དུ་བཅུག་ཅེས་གྲག་གོ། །དགེ་འདུན་བྱེ་ལ་དགེ་འདུན་ཐ་དད་པ་མ་ཡིན་པ་ཡང་ཡོད་དེ་མུ་བཞིའོ། །དབྱེ་བར་བྱེད་པའི་གཞི་ཉེ་བར་གཞག་པ་ནི་ཐ་དད་པའོ། །དགེ་འདུན་བྱེ་བ་ལ་དགེ་འདུན་རྣམ་པར་གནས་པ་མ་ཡིན་པ་ཡང་
[131b.6]ཡོད་དེ་མུ་བཞིའོ། །མཚམས་ཐ་དད་དུ་གནས་པའི་ཕྱིར་དགེ་འདུན་རྣམ་པར་གནས་པའོ། །དགེ་འདུན་བྱེ་བ་ལ་དགེ་འདུན་གནས་ཐ་དད་པ་ཡང་མ་ཡིན་པ་ཡང་ཡོད་དེ་མུ་བཞིའོ། །གནས་ཐ་དད་པ་ནི་ཐ་དད་པའོ། །གང་ན་རང་བཞིན་དུ་གནས་པའི་དགེ་སློང་དགུ་ཡོད་པ་དེར་དགེ་འདུན་གྱི་དབྱེན་
[131b.7]འབྱུང་ངོ་། །གང་ན་གཅིག་ཡོད་པ་ནས་བརྒྱད་ཀྱི་བར་དུ་འཁོད་པ་དེར་ནི་མི་འབྱུང་ངོ་། །ཇི་ཙམ་གྱིས་དགེ་འདུན་དབྱེ་བར་འགྱུར་ཞེ་ན། གང་གི་ཕྱིར་དགེ་སློང་བཞི་དགེ་འདུན་གྱིས་དབྱེན་བྱེད་པའི་རྗེས་སུ་ཕྱོགས་པའོ། །བསླབ་པ་བྱིན་པ་ལ་སོགས་པས་ཚུལ་ཤིང་བྲིམས་པ་དང་། དང་པོ་འཁྲུགས་
[132a]
[132a.1]པ་ལ་ནི་དགེ་འདུན་གྱི་དབྱེན་དུ་མི་འགྱུར་རོ། །བཞད་གད་དབྱེ་བའི་ཕྱིར་ཚུལ་ཤིང་ལེན་དུ་བཅུག་གམ་གསོལ་བ་བྱེད་ན་སྦོམ་པོའོ། །གལ་ཏེ་དགེ་འདུན་ཐམས་ཅད་ཀྱི་ལས་བྱེད་པ་ལ་གནང་བ་བྱིན་ན་ཐམས་ཅད་དུ་སྦོམ་པོ་སྟེ། དགེ་འདུན་བྱེ་བ་ནི་མ་ཡིན་ནོ། །དགེ་འདུན་བྱེ་བ་གཞན་གྱི་
[132a.2]ཕྱོགས་རྣམས་མཚམས་ན་གནས་ཀྱང་མི་མཐུན་པ་མེད་དེ། གསོ་སྦྱོང་བྱ་བ་ལ་སོགས་པ་གཞན་དང་ཐ་དད་དུ་གནས་པའི་ཕྱིར་ཆོས་སྨྲ་བས་མཚམས་བཤིག་ན་བཤིག་པ་ཡིན་ནོ། །སྐམ་ལ་གནས་པ་རྣམས་ནི་བདག་ཉིད་ཀྱི་ཕྱོགས་རྣམས་སུ་ཡང་འགྲོ་བར་མི་བྱ། ཆོས་མ་ཡིན་པའི་ཕྱོགས་སུ་ཡང་མ་ཡིན་ཏེ།
[132a.3]མཚམས་ཀྱི་ཕྱི་རོལ་དུ་དོང་སྟེ་གསོ་སྦྱོང་ལ་སོགས་པ་བྱའོ། །ཆོས་སྨྲ་པ་རྣམས་ཀྱིས་དགེ་སློང་མ་རྣམས་ལ་གདམས་པར་བྱའོ། །དེ་མེད་ན་གཟུ་བོ་སྐམ་ལ་གནས་པ་རྣམས་ཀྱིས་མཚམས་ཀྱི་ཕྱི་རོལ་དུ་དོང་སྟེའོ། །གཟུ་བོ་སྟེ་ཕྱོགས་གཉི་གར་མ་ལྷུང་བ་ནི་སྐམ་ལ་གནས་པ་ཞེས་བྱའོ། །
[132a.4]དགེ་སློང་མའི་དགེ་འདུན་བྱེ་ན་རྗེས་སུ་བསྟན་པར་མི་བྱ་སྟེ། སྲིང་མོ་དག་རེ་ཞིག་མཐུན་པར་གྱིས་ཤིག་ཅེས་བསྒོ་བར་བྱའོ། །དགེ་སློང་མ་རྣམས་ལོགས་ཤིག་ཏུ་འཁོར་ལོ་འཛུགས་ན་སྦོམ་པའོ། །དགེ་ཚུལ་ལ་སོགས་པ་སྨ་ཕབ་པ་ལ་ཕན་འདོགས་སམ་སྡུད་ན་འཁོར་འབྱེད་པས་སྦོམ་པོའོ། །གྲོང་
[132a.5]ཁྱེར་ཀཽ་ཤཱམྦཱི་པ་རྣམས་ཕྱོགས་གཉིས་སུ་གནས་ཀྱང་དེ་ལ་མི་གནས་པས་དགེ་འདུན་བྱེ་བ་མ་ཡིན་ནོ། །དགེ་འདུན་ལྷག་མ་བཅུ་གཅིག་པའོ།། །།འདུལ་བ་བསྡུས་པ། བམ་པོ་བཞི་པ། གླེང་གཞི་ནི་མཉན་ཡོད་ན་སྟེ། བཅོམ་ལྡན་འདས་ཀྱིས་དགེ་སློང་དང་དགེ་སློང་མ་ཁྱིམ་སུན་ཕྱུང་བ་རྣམས་
[132a.6]ལ་གསོལ་བ་དང་བཞིའི་ལས་ཀྱིས་བསྐྲད་པའི་ལས་བྱའོ་ཞེས་གསུངས་སོ། །མི་གནས་པ་ནི་བསྐྲད་པའོ། །དགེ་སློང་དང་དགེ་སློང་མ་འཐབ་ཀྲོལ་བྱེད་པ་འདིས་བསྡིགས་པས་གལ་ཏེ་ཕྱིར་མི་ལྡོག་ན་ཁྱོད་ད་དགེ་འདུན་གྱིས་རྟོག་ཏུ་གཞུག་སྟེ། དེ་ལྟར་བསྡིགས་པར་བྱའོ། །གང་ལྟུང་བ་བྱེད་པ་དེ་ལ་ཁྱོད་
[132a.7]ནི་དགེ་འདུན་གྱིས་ཆོས་ཇི་ལྟ་བ་བཞིན་དུ་བྱེད་དུ་གཞུག་གོ་ཞེས་བྱ་བའི་ཐ་ཚིག་གོ། །རྣམ་པར་གཏན་ལ་འབེབས་པར་བྱེད་པས་བྱུང་བའི་རྩོད་པ་རྣམས་ལ་ནི་མི་བྱ་སྟེ། སློབ་དཔོན་ལ་སོགས་པས་བཟློག་པར་བྱའོ། །ཡང་ན་རྩོད་པ་ཞི་བར་བྱ་བས་ཞི་བར་བྱའོ། །དགེ་སློང་ལྟུང་བ་རྒྱུན་དུ་འབྱུང་བ་
[132b]
[132b.1]དང་། དེ་ལས་གཞན་པ་དག་ལ་ཡང་འདིས་སྨད་པའི་ཕྱིར་ཇི་སྲིད་དུ་མི་ལྡོག་པ་དེ་སྲིད་དུ་གནས་བཅའ་བར་བྱའོ་ཞེས་སྨད་པར་བྱའོ། །དགེ་སློང་ཁྱིམ་བདག་ལ་བརྙས་ཐབས་བྱེད་པ་དང་། དགེ་སློང་དང་། དེ་ལས་གཞན་པ་དག་ལ་བརྙས་ཐབས་བྱེད་པ་ལ་ནི་ཕྱིར་འགྱེད་པར་བྱའོ། །དེས་ཁྱིམ་བདག་གམ་གཞན་
[132b.2]ཡང་རུང་བ་བཟོད་པར་གསོལ་བར་བྱའོ། །དེ་ཉིད་ཕྱིར་འགྱེད་པ་བྱས་ནས་དེ་ཉིད་ཀྱི་ཚེའོ། །ལྟུང་བ་མ་མཐོང་བ་དང་། ཕྱིར་བཅོས་པའི་ལས་མི་བྱེད་པ་དང་། ལྟ་བ་མི་སྟོང་བ་ནི་དགེ་འདུན་གྱི་ནང་ནས་ཐ་དད་དུ་བྱ་བའི་ཕྱིར་གནས་ནས་དབྱུང་བར་བྱའོ། །གནས་ནས་ཕྱུང་བས་གནས་ནས་འབྱིན་པར་
[132b.3]བྱེད་པའི་མཐུ་དང་གྲོགས་ཀྱི་མཐུ་ཤེས་ནས་དགེ་འདུན་དང་འཐབ་པར་གྱུར་པ་སྤང་བའི་ཕྱིར་ལྟུང་བ་ཆོས་བཞིན་དུ་ཕྱིར་བཅོས་པར་བྱའོ། །གནས་ནས་འབྱིན་པར་བྱེད་པས་གནས་ནས་ཕྱུང་བའི་རྣམ་པ་དེ་ལྟ་བུར་རིག་ནས་མི་འདོད་ན་གླེང་བར་མི་བྱ། དྲན་པར་མི་བྱའོ། །དེ་ལྟ་བུ་གནས་ནས་འབྱིན་བར་
[132b.4]བྱེད་ན་སྦོམ་པོའོ། །དེ་དག་ཀྱང་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་མོ་འཛིན་པ་དང་། མང་དུ་ཐོས་པ་དང་། ཕྱོགས་མང་བ་དང་། གཡོག་འཁོར་མང་བ་ཤེས་པ་དང་། བསོད་ནམས་ཆེ་བའོ། །རྒོལ་བ་དང་། ཕྱིར་རྒོལ་བ་ཁྱིམ་གྱི་ནང་དུ་སྟན་པར་མ་བཞག་པ་ལ་འདུག་པར་
[132b.5]བྱའོ། །བར་མ་ལ་གཟུ་བོ་གཞག་པར་བྱའོ། །དེའི་ཚེ་གཟུ་བོས་མཚམས་ཀྱི་ཕྱི་རོལ་དུ་གསོ་སྦྱོང་བྱའོ། །ཕྱོགས་གཞན་དང་གལ་ཏེ་གསོ་སྦྱོང་བྱས་ན་བྱས་པ་ཉིད་དེ། དེ་ལ་ཉེས་བྱས་ཀྱི་ལྟུང་བ་ཡོད་དོ། །ཕྱོགས་གཞན་གྱིས་ཕྱོགས་གཞན་ལ་བྱས་ན་བྱས་པ་མ་ཡིན་ནོ། །ལས་འདི་དག་ནི་གླེང་བར་མ་བྱས་པ་
[132b.6]དང་། དྲན་པར་མ་བྱས་པ་དང་། གཞི་མེད་པ་དང་། ལྟུང་བ་མ་བྱུང་བ་དང་། ཁས་མི་ལེན་པ་དང་། དགེ་འདུན་གྱི་ནང་དུ་ཁས་མི་ལེན་པ་དང་། མངོན་སུམ་དུ་མ་གྱུར་པར་བྱས་ན་ཆོས་མ་ཡིན་པ་སྟེ། དགེ་འདུན་ལ་ཉེས་བྱས་སོ། །བཟློག་པ་ནི་ཆོས་དང་ལྡན་པའོ། །དགེ་འདུན་གྱི་ནང་དུ་ལན་གསུམ་གྱི་
[132b.7]བར་དུ་ཁས་ལེན་ན་ཁས་བླངས་པར་བལྟ་བར་བྱའོ། །ཇི་སྐད་བསྟན་པའི་ལས་བྱས་པ་རྣམས་ཀྱིས་ཀུན་དུ་སྤྱོད་པ་ནི་རབ་ཏུ་དབྱུང་བར་མི་བྱའོ། །བསྙེན་པར་རྫོགས་པར་མི་བྱའོ། །གནས་སྦྱིན་པ་དང་། དགེ་ཚུལ་ཉེ་བར་གཞག་པར་མི་བྱའོ། །དགེ་སློང་མ་ལ་གདམས་ངག་དཔོག་པར་མི་
[133a]
[133a.1]འོ། །དེས་གདམས་ངག་དབོག་པ་བསྐོ་བར་མི་བྱའོ། །དགེ་སློང་མ་ལ་གླེང་བར་མི་བྱའོ། །གདམས་ངག་ལ་སོགས་པ་གཞག་པར་མི་བྱའོ། །དེ་ཆོས་ཉི་ཤུ་དང་ལྡན་ན་མི་གཏོང་སྟེ། ང་རྒྱལ་མི་གཏོང་བས་དགེ་འདུན་ལ་སྤུ་མི་སྙོལ་བ་དང་། ཆད་པའི་ལས་ཇི་སྐད་བསྟན་པ་
[133a.2]རྣམས་མི་གཏོང་བས་འབྱུང་བར་མི་བསྐྱོད་པ་དང་། ཅི་ལྟར་འོས་པ་བཞིན་དུ་མཆོད་པའི་ཆོ་གས་སྡུད་པར་མི་སྟོན་པ་དང་། །མཚམས་ཀྱི་ནང་དུ་གནས་ལ་དབྱུང་བར་གསོལ་བ་མི་འདེབས་པ་དང་། ཇི་ལྟར་བྱས་པའི་ཉེས་པ་ལས་མི་ལྡོག་པ་དང་། རྒྱལ་པོ་དང་། བསྐོས་པ་འདུ་བའི་ས་དང་། མུ་
[133a.3]སྟེགས་ཅན་དང་། གང་ཟག་ལ་རྟོན་པ་དང་། དགེ་འདུན་ལ་མི་རྟོན་པ་དང་། ཁྱིམ་པ་དང་། མུ་སྟེགས་ཅན་གྱི་རྒྱལ་མཚན་ཐོགས་པ་དང་། མུ་སྟེགས་ཅན་ལ་བརྟེན་པ་དང་། ལྟུང་བ་ཀུན་དུ་སྤྱོད་པ་དང་། དགེ་སློང་གི་བསླབ་པ་ལ་མི་སློབ་པ་དང་། དགེ་སློང་རྣམས་ལ་གཤེ་བ་དང་། ཁྲོ་བ་དང་།
[133a.4]མཚང་འདྲུ་བ་དང་། དགེ་འདུན་གྱི་རྙེད་པ་མེད་པར་བྱེད་པ་དང་། གནས་མེད་པར་བྱེད་པ་སེམས་ཏེ། འདི་དག་ལས་བཟློག་པ་ཉི་ཤུ་དང་ལྡན་ན་བཟོད་པ་གསོལ་བར་བྱ་སྟེ། འདི་ལྟར་རྣམ་པར་གནས་སོ། །དེ་བཞིན་གཤེགས་པའི་བཀས་འཕགས་པ་ཀུན་དགའ་བོ་དང་། གྲོགས་དགེ་སློང་གནས་
[133a.5]བརྟན་གྱིས་ལམ་གྱི་བར་དུ་གླེང་བ་པོ་ཆོས་ལྔ་དང་ལྡན་པ་བསྐོས་ཏེ། རེ་ལྡེ་རི་ལ་འགྲོ་མགྱོགས་དང་། ནབས་སོ་ཁྱིམ་སུན་ཕྱུང་སྟེ་བསྐྲད་པའི་ལས་བྱས་པ་དང་། དེ་དག་དང་མཉམ་དུ་སྤྱོད་པ་དམར་སེར་ཅན་དག་གིས་ལམ་དུ་ཐོས་ནས་མཉན་ཡོད་དུ་དང་སྟེ་ལྟུང་བ་ཆོས་བཞིན་དུ་བྱས་སོ། །དེ་དག་
[133a.6]གིས་དེ་དག་མཐོང་ནས་ཚེ་དང་ལྡན་པ་ལས་བྱེད་པ་ནི་འདུན་པས་འགྲོ་བ་སྟེ། ལྟུང་བ་འདྲ་བ་ལས་ངེད་ལ་ནི་བྱས། འདི་དག་ལ་ནི་མ་བྱས་སོ་ཞེས་ཟེར་རོ། །དེ་དག་ལ་དགེ་སློང་རྣམས་ཀྱིས་བཟློག་པའི་ཕྱིར་བཞམས་ཏེ་བསྒོ་བ་དང་། གསོལ་བ་དང་བཞིའི་ལས་ཀྱིས་ནི་མ་བཟློག་པས་ཟང་ཟིང་ལ་ལོངས་
[133a.7]སྤྱོད་པའི་གཞིའི་དབང་དུ་མཛད་ནས་ཁྱིམ་ལ་སེར་སྣ་བྱེད་པའི་ཉོན་མོངས་པས་བཅུ་གཉིས་པ་བཅས་སོ། །གྲོང་ཞེས་བྱ་བ་ནི་གང་ན་ཚོང་ཁང་དང་ར་བས་བསྐོར་བ་ལ་སོགས་པ་མེད་པའོ། །གང་ན་ར་བ་ལ་སོགས་པ་མེད་པ་དེ་ནི་གྲོང་རྡལ་ལོ། །རྣམ་པའི་དོན་གྱིས་སམ་ཞེས་བྱ་བའི་སྒྲས་ནི་གྲོང་
[133b]
[133b.1]ཁྱེར་ཡང་གཟུང་སྟེ། གང་ན་ར་བ་ལ་སོགས་པ་ཡོད་པའོ། །ཁྱིམ་སུན་འབྱིན་པ་ཞེས་བྱ་བ་ནི་གཉིས་ཀྱི་ཕྱིར་ཁྱིམ་རྣམས་སུན་འབྱིན་སྟེ། བདག་ཀྱང་སྡིག་པ་ལ་སྤྱོད་པ་དང་། གཞན་དག་ལ་ཡང་མི་སྙན་པར་བརྗོད་པའི་ཕྱིར་རོ། །སྡིག་པ་ཀུན་དུ་སྤྱོད་པ་ཇི་ལྟ་བུ་ཞེ་ན་བུད་མེད་ཀྱི་ཡུལ་དང་། ལྷན་ཅིག་
[133b.2]སྟན་གཅིག་ལ་སོགས་པ་ལ་བརྟེན་པ་སྟེ་འདྲེ་བ་དང་། མེ་ཏོག་དང་འབྲས་བུ་ལ་སོགས་པ་སྦྱིན་པ་སྟེ། ལོངས་སྤྱོད་པས་སོ། །མི་སྙན་པ་སྒྲོགས་པ་ཇི་ལྟ་བུ་ཞེ་ན། དགེ་སློང་རྣམས་ཀྱི་ཚུལ་ཁྲིམས་ལ་སོགས་པ་ལོག་པར་ཞུགས་པ་རྣམ་པ་བཞི་པོ་ཐམས་ཅད་ཀྱིས་ཏེ་མི་སྙན་པར་སྒྲོགས་པའོ། །
[133b.3]སྡིག་པའི་ཆོས་ཀུན་དུ་སྤྱོད་པ་ཞེས་བྱ་བ་ནི་ཁྱིམ་སུན་འབྱིན་པར་བྱེད་པས་ཁ་ན་མ་ཐོ་བ་འཕེལ་བའོ། །མཐོང་ཞེས་བྱ་བ་ནི་མིག་གི་རྣམ་པར་ཤེས་པས་སོ། །ཐོས་ཞེས་བྱ་བ་ནི་རྣ་བའི་རྣམ་པར་ཤེས་པས་སོ། །རབ་ཏུ་ཤེས་ཞེས་བྱ་བ་ནི་རྣམ་པར་ཤེས་པའི་ཚོགས་དེ་ལས་གཞན་པ་རྣམས་ཀྱིས་སོ། །
[133b.4]དེ་རྣམས་ཀྱིས་ནི་མཐོང་བ་དང་ཐོས་པ་དང་། དོགས་པ་བསྟན་ཏོ། །དེད་ཤིག་ཅེས་བྱ་བ་ནི་བསྐྲད་བར་བྱ་བའི་ལས་སྟོན་ཏོ། །འདུན་པས་འགྲོ་ཞེས་བྱ་བ་ནི་གང་དག་མ་བསྐྲད་པ་དེ་དག་ལ་ཆགས་པས་འགྲོ་བའི་ཕྱིར་རོ། །ཞེ་སྡང་གིས་འགྲོ་བ་ཞེས་བྱ་བ་ནི་གང་དག་བསྐྲད་པ་དེ་དག་ལ་ཞེ་སྡང་གིས་
[133b.5]ཀུན་ནས་དཀྲིས་པའི་ཕྱིར་རོ། །གཏི་མུག་གིས་འགྲོ་བ་ཞེས་བྱ་བ་ནི་གང་དག་མ་བསྐྲད་པ་དེ་དག་ལ་ཁྱིམ་སུན་ཕྱུང་བར་མི་ཤེས་པ་སྟེ་རྨོངས་པའི་ཕྱིར་རོ། །འཇིགས་པས་འགྲོ་བ་ཞེས་བྱ་བ་ནི་མ་དོང་པ་དེ་དག་ཉིད་ལ་འཇིགས་པས་ལན་མི་བྱེད་པའི་ཕྱིར་རོ། །ཁ་ཅིག་ནི་སྐྲོད་པར་མི་བྱེད་ཅེས་བྱ་
[133b.6]བ་ནི་དམར་སེར་ཅན་ལ་སོགས་པའོ། །བསྒོ་བར་བྱའོ་ཞེས་བྱ་བ་ནི་བཞམས་ཏེ་བསྒོ་བར་བྱའོ། །ལན་གཉིས་ལན་གསུམ་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་སོ། །ས་ལ་འདུག་པས་ནམ་མཁའ་ལ་འདུག་པའམ། །བཟློག་པའམ། མཚམས་ཀྱི་ཕྱི་རོལ་ན་འདུག་སྟེ་བསྒོ་ན་བསྒོ་བ་མ་
[133b.7]ཡིན་པའོ་ཞེས་བརྗོད་པར་བྱའོ། །གསོལ་བ་མ་བྱས་པར་ལས་བྱེད་ན་བསྒོ་བ་མ་ཡིན་ནོ། །ཐོག་མ་ཉིད་དུ་འདུན་པས་འགྲོ་བ་ཞེས་བྱ་བ་ལ་སོགས་པ་སྨྲས་ན་ཉེས་བྱས་སོ། །བཞམས་ཏེ་བསྒོ་བའི་ཚེ་མ་བཏང་ན་ཡང་ཉེས་བྱས་ཉིད་དོ། །གསོལ་བའི་ཚེ་སྦོམ་པོའོ། །དེ་བཞིན་དུ་ལས་བརྗོད་པ་དང་པོ་རྫོགས་
[134a]
[134a.1]པ་དང་། གཉིས་པ་དག་དང་། གསུམ་པ་རྣམས་རྫོགས་ལ་གལ་ཏེ་ཆོས་བཞིན་དུ་བསྒོ་ན་དགེ་འདུན་ལྷག་མའོ། །རྣམ་པ་གཞན་དུ་དགེ་འདུན་ལྷག་མའི་ལྟུང་བར་མི་འགྱུར་རོ། །འདུན་པས་འགྲོ་བ་རྣམས་ལ་འདུན་པས་འགྲོ་བ་མ་ཡིན་པར་འདུ་ཤེས་སམ་ཡིད་གཉིས་ཟ་བའི་འདུ་ཤེས་
[134a.2]ན་ཡང་སྦོམ་པོའོ། །འདུན་པས་འགྲོ་བར་འདུ་ཤེས་པ་ལ་ལྟུང་བ་མེད་དོ། །འདུན་པས་འགྲོ་བ་མ་ཡིན་པ་རྣམས་ལ་དེར་འདུ་ཤེས་སམ་ཡིད་གཉིས་ཟ་ན་ཡང་དགེ་འདུན་ལྷག་མའོ། །འདུན་པས་འགྲོ་བར་འདུ་ཤེས་པ་ལ་ཉེས་བྱས་སོ། །བསྐྲད་པའི་ལས་མ་བྱས་པར་འདུན་པས་འགྲོ་བ་ཞེས་སྨྲས་ན་ཉེས་བྱས་
[134a.3]སོ། །དགེ་འདུན་སུན་འབྱིན་པ་ལ་ལྟུང་བ་འདི་རྣམ་པར་གཞག་གི། རིགས་སུན་འབྱིན་པ་ལས་མི་ལྡོག་པ་ལས་ནི་མ་ཡིན་ནོ། །ཁྱིམ་སུན་ཕྱུང་བ་ཞེས་བྱ་བ་ནི་འདིར་རྣམ་པ་གཅིག་ལ་ཡང་ལྟུང་བ་གཞི་ཇི་ལྟ་བ་བཞིན་ནོ། །གཉིས་པ་ལ་ནི་ཡང་དག་པར་འདུ་ཤེས་ནའོ། །ཉོན་མོངས་པའི་སེམས་
[134a.4]ཀྱིས་དགེ་སློང་ཕྲ་མ་བྱེད་ན་ལྟུང་བའོ། །ཡང་དག་པ་མ་ཡིན་པར་འདུ་ཤེས་པ་ལ་ནི་བརྫུན་དང་ཕྲ་མའོ། །དགེ་འདུན་ལྷག་མ་བཅུ་གཉིས་པའོ།། །།གྲོང་ཁྱེར་ཀཽ་ཤཱམྦཱིར་འདུན་པའི་ཕྱིར་ཆོས་ལ་ལོངས་སྤྱོད་པར་གཞིའི་དབང་དུ་མཛད་ནས། རང་དབང་མེད་པར་མི་བཟོད་པའི་ཉོན་མོངས་པས་བཅུ་
[134a.5]གསུམ་པ་བཅས་སོ། །བཀའ་བློ་མི་བདེ་བའི་རང་བཞིན་ཅན་ཞེས་བྱ་བ་ནི་ཚིག་མི་བཟོད་པའོ། །གདོན་པར་གཏོགས་པ་ཞེས་བྱ་བ་ནི་ཟླ་བ་ཕྱེད་ཕྱེད་ཅིད་བརྗོད་པའོ། །བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཞེས་བྱ་བ་ནི་སངས་རྒྱས་ཀྱིས་བཅས་པ་རྣམས་ཀྱིས་སོ། །ཆོས་དང་མཐུན་
[134a.6]བ་ཞེས་བྱ་བ་ནི་མཐོང་བ་དང་། ཐོས་པ་དང་། དོགས་པའི་ཚིག་གི་ལམ་གསུམ་གྱིས་སོ། །འདུལ་བ་དང་མཐུན་པ་ཞེས་བྱ་བ་ནི་དུས་དང་། ཡང་དག་པ་དང་། དོན་དང་ལྡན་པ་དང་། འཇམ་པོ་དང་། མཛའ་བ་ལྟ་བུས་སོ། དགེ་ཡང་རུང་། སྡིག་ཀྱང་རུང་ཞེས་བྱ་བ་ནི་འདི་ཕན་པ་དང་མི་ཕན་པ་སྟེ་གོ་རིམས་
[134a.7]བཞིན་ནོ། །ཁྱེད་ལ་ཡང་བདག་གིས་སྨྲས་པས་ཅི་ཞིག་བྱ་ཞེས་བྱ་བ་ནི་ཚིག་གི་ལམ་བྱུང་བ་བཟློག་པའོ། །ཚེ་དང་ལྡན་པ་དག་གིས་བདག་ལ་ཚིག་གི་ལམ་ཐོང་ཞིག་ཅེས་བྱ་བ་ནི་མ་འོངས་པའི་དུས་ཀྱི་ཚིག་འགོག་པར་བྱེད་པའོ། །བདག་ལ་མ་སྨྲ་ཤིག་ཅེས་བྱ་བ་ནི་སྨྲས་པ་ཙམ་གང་ཡིན་པ་དེ་བཟོད་དོ་ཞེས་
[134b]
[134b.1]བྱ་བར་སྟོན་ཏོ། །གཅིག་ལ་གཅིག་བརྗོད་པར་བྱ་བ་ཞེས་བྱ་བ་ནི་སྐབས་དབྱེ་བའི་ཕྱིར་ཏེ། དེ་ལྟར་ན་སྨྲ་བར་འོས་པ་ཡིན་ནོ། །གཅིག་ལ་གཅིག་འདོམས་ཤིང་རྗེས་སུ་སྟོན་ཅེས་བྱ་བ་ནི་ལྟུང་བ་ལས་གླེང་བའོ། །དེ་ཡང་ལྷའི་མིག་དང་རྣ་བས་མཐོང་ངམ་ཐོས་ནས་གླེང་བར་བྱ་བ་ནི་མ་ཡིན་ནོ། །མ་
[134b.2]བསྐོས་པར་མ་ཡིན་ནོ། །དགེ་འདུན་གྱི་དབུས་སུ་མ་ཡིན་ནོ། །དགེ་འདུན་གྱི་དབུས་སུ་ལྟུང་བ་བྱེད་པ་ལ་གླེང་བ་ནི་ལྟུང་བ་མེད་དོ། །སུ་ལ་དབེན་པར་གླེངས་པ་ནི་མི་དྲན་ན་དེ་དྲན་པར་བྱའོ། །དྲན་ན་འཁྲུགས་པ་ལྟ་ན་སྐབས་ཕྱེ་ཤིག་ཅེས་བྱའོ། །གལ་ཏེ་མི་ཕྱེད་ན་མི་སྨྲ་བར་བྱའོ། །དེ་བཞིན་དུ་ཡང་
[134b.3]གཞན་ནས་གཞན་དུ་བྱེད་ན་གདམས་ངག་གཞན་པར་བྱའོ། །གསོ་སྦྱོང་དང་དགག་དབྱེ་བྱ་བ་ཡང་ངོ་། །དེང་གི་ཉི་མ་ལ་བདག་གིས་མིང་འདི་ཞེས་བགྱི་བའི་གསོ་སྦྱོང་དགག་པར་བགྱི་སྟེ། མིང་འདི་ཞེས་བྱ་བ་མཆིས་ན་དགེ་འདུན་གསོ་སྦྱོང་མི་མཛད་དོ་ཞེས་བྱ་བའོ། །དེ་བཞིན་དུ་དགག་དབྱེ་བྱ་བ་ལ་ཡང་ངོ་། །
[134b.4]གལ་ཏེ་གཞི་མེད་པའི་ལྟུང་བའི་གནས་བྱས་ཀྱང་རུང་། མ་བྱས་ཀྱང་རུང་། གཉི་ག་ཡང་རུང་། ལྷག་མ་དང་བཅས་པ་ཡང་རུང་། ལྷག་མ་མེད་པ་ཡང་རུང་སྟེ། བཞག་ན་ཆོས་མ་ཡིན་པས་གཞག་པ་ཡིན་ནོ། །ལྷའི་མིག་གིས་སམ། རྣ་བས་སམ། འོན་པ་ལའམ། མཐའ་འཁོབ་པ་ལའམ།
[134b.5]ཁས་བླངས་པས་ཁས་མ་བླངས་པའམ། བཟློག་པའམ། ས་ལ་འདུག་པས་ནམ་མཁའ་ལ་འདུག་པ་ལའམ། བཟློག་པ་ལ་བཞག་ན་བཞག་པ་མ་ཡིན་པའོ། །ལྷག་མ་མེད་པའི་བར་དུ་གཞི་དང་བཅས་བས་ན་ཆོས་བཞིན་ནོ། །ལེགས་པར་མ་མཐོང་བ་དང་། མ་ཐོས་པ་དང་། མི་དོགས་པར་བཞག་
[134b.6]ན་ཉེས་བྱས་སོ། །མཚམས་མནན་ཏེ་གནས་མང་པོ་ཞིག་ཏུ་གཅིག་གིས་མང་པོ་བཞག་ནའོ། །དགེ་འདུན་གྱིས་བསྐོས་པའི་གླེང་བ་པོའི་ཆོ་ག་ནི་དེས་གནས་ལྔ་ལ་གནས་པར་བྱའོ། །སྟན་ལས་ལངས་ལ་མཆིལ་ལྷམ་དག་ཕུད་དེ། བླ་གོས་ཕྲག་པ་གཅིག་ཏུ་བྱས་ལ། རྒན་རིམས་བཞིན་དུ་
[134b.7]ཕྱག་འཚལ་ཏེ། དགེ་འདུན་ལ་ཐལ་མོ་སྦྱར་བ་བཏུད་ནས་རྣམ་པ་ལྔས་བརྟག་པར་བྱ་སྟེ། ཅི་བདག་ཚུལ་ཁྲིམས་དང་ལྡན་ནམ། ངོ་ཚར་ཤེས་སམ། འགྱོད་པ་དང་ལྡན་ནམ། བསྡམས་སམ། བསླབ་པ་འདོད་དམ་སྙམ་དུ་རྣམ་པ་ལྔས་སོ། །ཡང་དག་པ་ཡིན་ནམ་ཡང་དག་པ་མ་ཡིན་སྙམ་པ་ལ་
[135a]
[135a.1]སོགས་པ་རྣམ་པ་ལྔ་དྲན་པར་བྱའོ། །ད་ནས་ཁྱོད་ལ་འདི་ལྟ་བུ་གླེང་ན་སྐབས་ཕྱེ་ཤིག་ཅེས་བརྗོད་པར་བྱའོ། །དེས་ཀྱང་བདག་ལ་གང་གིས་གླེང་ཞེས་ལྟུང་བའི་དབྱེ་བ་རྒྱ་ཆེར་བརྗོད་པར་བྱའོ། །གླེང་བར་བྱ་བས་ཀྱང་གནས་ལྔ་ལ་གནས་ནས་ཚུལ་ཁྲིམས་ལ་སོགས་པ་ལ་བརྟགས་ཏེ་སྐབས་
[135a.2]དབྱེ་བར་བྱའོ། །གཞན་ལས་ཡང་དག་པས་གླེངས་པ་ལ་སོགས་པ་འདི་དག་ག་ལ་རྙེད་སྙམ་དུ་དེ་ལྟར་དྲན་པར་བྱའོ། །དེ་ནས་བདག་ལ་གང་གིས་གླེངས། རྣམ་པ་ཅི་ལྟ་བུ་ཞེས་དབྱེ་བ་དུ་མ་སྨྲས་ལ། ཁྱོད་ལ་སྐབས་དབྱེའོ་ཞེས་བྱའོ། །དེ་ནས་གླེང་བ་པོས་ཁྱོད་ཀྱིས་འཁྲུལ་པ་འམ། ལྐོག་ནས་སྨྲས་
[135a.3]པའམ། གློ་བུར་དུ་སྨྲ་བའམ། རྟབས་ཏེ་སྨྲ་བ་མི་གཟུང་གི། །ཁྱོད་ཀྱིས་སྨྲས་པ་གང་ཡིན་པ་དེ་དག་གིས་ཁྱོད་ལ་ལན་གསུམ་བཟླས་སོ་ཞེས་དེའི་བག་ཕབ་སྟེ། དེའི་འོག་ཏུ་མིང་འདི་ཞེས་བྱ་བ་ཁྱོད་ཉོན་ཅིག་བདག་ནི་དགེ་འདུན་གྱིས་ཁྱོད་ལ་བསྒོ་བར་བསྐོས་ཏེ། ལས་གང་བྱ་བར་འོས་པའི་ལས་
[135a.4]དེ་བྱེད་དུ་གཞུག་གོ། །ཇི་ལྟར་བདག་ལ་གནོད་པར་མི་འགྱུར་བ་དང་། གཞན་ལ་གནོད་པར་མི་འགྱུར་པ་དང་། དག་པ་རྣམས་ལ་སྐུར་པ་མི་གདབ་པ་དང་། སོ་སོར་ཐར་པ་ལ་གནས་པའི་དགེ་སློང་རྣམས་མི་སྤང་བ་དང་། གནས་བརྟན་རྣམས་ལ་བརྙས་ཐབས་མི་བྱ་བ་དེ་ལྟར་གྱིས་ཤིག་ཅེས་བསྒོ་བར་
[135a.5]བྱའོ། །ཆོ་ག་བཞིན་དུ་མ་བྱས་ན་ཐམས་ཅད་དུ་ཉེས་བྱས་སོ། །གཅིག་གིས་གཅིག་ལྟུང་བ་ལས་སློང་བ་ཞེས་བྱ་བ་ནི་ལྟུང་བ་རྟོགས་ནས་འབྱིན་པར་འདོད་པ་རྣམས་སོ། །དེ་ལྟུང་བ་ཇི་ལྟར་འགྱུར་ཞེ་ན། ཅི་ཙམ་དུ་བདག་གིས་མི་སྨྲ་བར་ཆུང་ཟད་བྱས་ན་ཉེས་བྱས་སོ། །དེ་བཞིན་དུ་བཞམས་ཏེ་བསྒོ་
[135a.6]བའི་ཚེ་མི་གཏོང་ན་ཡང་ངོ་། །གསོལ་བའམ་ལས་བརྗོད་པ་དང་པོའམ་གཉིས་པ་དག་རྫོགས་ན་སྦོམ་པོའོ། །གསུམ་པ་རྣམས་རྫོགས་ན་དགེ་འདུན་ལྷག་མའོ། །མ་གླེངས་པར་བཀའ་བློ་མི་བདེ་བས་བདག་གིས་འཇོག་ན་ཉེས་བྱས་སོ། །ལྷག་མ་ནི་སྔ་མ་བཞིན་ནོ། །བཏོན་ཟིན་ཏོ་ཞེས་བྱ་བ་ནི་ཉན་
[135a.7]པ་རྣམས་དབུགས་དབྱུང་བའི་ཕྱིར་ཡོངས་སུ་རྫོགས་པར་སྟོན་ཏོ། །དགུ་ནི་ལྟུང་བ་དང་པོ་དག་ཉིད་ཀྱིས་སོ་ཞེས་བྱ་བ་ནི་བཟློག་ཀྱང་རུང་། མ་བཟློག་ཀྱང་རུང་བྱས་པ་ཙམ་ཉིད་ཀྱིས་ལྟུང་བ་རྣམ་པར་གནས་པའོ། །གཞི་ནི་ཞེས་བྱ་བ་ནི་དགེ་འདུན་གྱི་དབྱེན་ནས་བརྩམས་ཏེའོ། །ལན་གསུམ་གྱི་
[135b]
[135b.1]བར་དུ་ཞེས་བྱ་བ་ནི་བཟློག་སྟེ་མི་ལྡོག་ན་ལས་བརྗོད་པ་གསུམ་རྫོགས་ན་ལྟུང་བ་རྣམ་པར་གནས་སོ། །དེ་དག་ལས་ཞེས་བྱ་བ་ལ་སོགས་པ་ནི་རྣམ་པ་ལྔས་ལྟུང་བ་ལས་ལྡང་བར་ཡོངས་སུ་སྟོན་ཏེ་ཉེས་པ་སྟེ། ལྟུང་བ་གང་ཡང་རུང་བ་ཞིག་བྱས་ལ་ཞེས་བཀའ་སྩལ་པ་གང་ཡིན་པའོ། །བསམས་པ་སྟེ་ཅི་སྲིད་དུ་ཤེས་
[135b.2]བཞིན་དུ་འཆབ་པ་ཞེས་བཀའ་སྩལ་པ་གང་ཡིན་པའོ། །ཉེས་པའི་ཆད་པའི་ལས་ནི། ཞག་དྲུག་གི་བར་དུ་ཞེས་བཀའ་སྩལ་པ་གང་ཡིན་པའོ། །སྤྱད་པ་སྟེ་དགེ་འདུན་གྱི་སེམས་མགུ་བར་བྱས་ཞེས་བཀའ་སྩལ་པ་གང་ཡིན་པའོ། །གང་ཟག་སྟེ། གང་ན་ཉི་ཤུའི་ཚོགས་ཡོད་པ་ཞེས་བཀའ་
[135b.3]སྩལ་པ་གང་ཡིན་པ་སྟེ། །ཚུན་ཆད་ཀྱི་གྲངས་བཅད་པའི་ཕྱིར་གྲངས་ཉི་ཤུ་གཟུང་ངོ་། །དེ་ལ་ཡོངས་སུ་སྤོ་བ་ནི་བཅབས་པའི་ལྟུང་བ་ལས་མཚན་མོའི་མཐའ་དང་སེམས་ཀྱིས་བཅབས་པ་སྟེ། བཅབས་པར་སེམས་བསྐྱེད་ནས་སྐྱ་རེངས་ཤར་ན་མཚན་མོ་གཅིག་བཅབས་པར་འགྱུར་རོ། །གང་འདི་
[135b.4]ལྟུང་བར་མི་ཤེས་སམ་བརྗེད་པར་ཡང་རུང་སྟེ། བཅབས་པའི་སེམས་མེད་པས་དེ་ལ་མཚན་མོ་འདས་པའི་བཅབས་པའི་ལྟུང་བ་མེད་དོ། །འཆགས་པར་འདོད་པ་ལས་བརྗེད་དེ་མ་བཤགས་ན་ཉེས་བྱས་མང་པོ་བཤགས་པར་བྱའོ། །འོན་པ་དང་སྐད་བརྡ་མི་ཕྲད་པ་དང་། རང་བཞིན་དུ་གནས་པ་
[135b.5]མ་ཡིན་པ་ལ་ནི་བརྗོད་པ་མ་ཡིན་ཏེ་ཉེས་བྱས་ཀྱང་ངོ་། །ནམ་མཁའ་ལ་གནས་པས་ས་ལ་འདུག་པ་ལ་བརྗོད་ན་བརྗོད་པ་མ་ཡིན་ཏེ་ཉེས་བྱས་ཀྱང་ངོ་། །རང་བཞིན་དུ་གནས་པ་མཚམས་ཀྱི་ནང་དུ་འདུག་པ་ལས་བཅབས་པར་འབྱུང་ངོ་། །འོན་པ་ལ་སོགས་པ་དང་སྐད་མི་ཤེས་པ་དང་། མཚམས་
[135b.6]ཀྱི་ཕྱི་རོལ་ན་གནས་པ་དང་། འཁྲུགས་པ་དང་། གནས་པར་མི་བྱ་བ་ལ་སོགས་པ་དང་། ཁྱིམ་པ་རྣམས་ལ་ནི་མ་ཡིན་ནོ། །གང་ཉིན་མོ་དགེ་སློང་དང་ལྷན་ཅིག་གནས་ལ། མཚན་མོ་དགེ་སློང་མེད་པའི་གནས་སུ་གནས་པ་དེ་ཇི་སྲིད་འཚོའི་བར་དུ་གནས་ཀྱང་བཅབས་པར་མི་འགྱུར་རོ། །ལྟུང་
[135b.7]བ་གཉིས་བྱུང་བ་ལ་ཟླ་བ་གཉིས་བཅབས་ཏེ་གཅིག་སྤོ་བ་བྱེད་པ་ན་གཉིས་པ་བཅབས་པ་ཁས་ལེན་ན་ནི་ཟླ་བ་དེ་གཉིས་ཀྱིས་སྤོ་བ་སྦྱིན་པར་བྱའོ། །བཅབས་པ་ལས་བཅབས་པར་ཁས་ལེན་ན་དེ་ལྷག་པར་ཟླ་བ་གཉིས་སོ། །བཅབས་པའི་ཆགས་པར་འདོད་པ་དྲན་པ་ཉམས་ནས་དུས་
[136a]
[136a.1]གཞན་གྱིས་ཆོད་དེ་དྲན་པ་ལས་ཡང་བཅབས་ན་དྲན་པ་ཉམས་པ་མ་གཏོགས་པ་རྒྱུན་གཉི་གའི་སྤོ་བ་བྱེད་དུ་གཞུག་གོ། །མ་བཅབས་པ་ལ་བཅབས་པ་ནི་རྒྱུད་ཕྱི་མའོ། །བཅབས་པ་ལ་མི་འཆབ་པ་ནི་རྒྱུད་སྔ་མའོ། །བཅབས་པ་ལ་མི་འཆབ་པ་ནི་མགུ་བར་བྱ་བར་ཟད་དེ་
[136a.2]སྤོ་བ་མེད་དོ། །དེ་ལྟར་དཔག་ཏུ་ཡོད་པ་དང་ལྡན་ནམ། དཔག་ཏུ་མེད་པ་དང་ལྡན་པ་སྟེ། ལྟུང་བ་གཅིག་གམ། གཉིས་སམ། མང་པོ་ཡང་རུང་བཅབས་སམ་མ་བཅབས་ཀྱང་རུང་སྟེ། བབས་སམ་དགེ་ཚུལ་ལ་སོགས་པའི་དངོས་པོར་ཁས་བླངས་ནས་ཡང་བསྙེན་པར་རྫོགས་པ་དང་།
[136a.3]བཟོད་པ་གསོལ་བ་ཡང་རུང་སྟེ། བཅབས་པ་དང་མ་བཅབས་པ་བརྗོད་ཅེས་བྱ་བ་ནི་མུ་བཞིར་བརྗོད་པར་བྱའོ། །གང་མཚན་མོའི་མཐའ་དང་ལྟུང་བའི་མཐའ་མི་ཤེས་པ་དེ་ནི་དཔག་ཏུ་མེད་པ་དང་ལྡན་པའོ། །གང་སྤོ་བ་སྤྱོད་པ་དང་། མགུ་བར་བྱ་བར་སྤྱོད་པ་དང་། མགུ་བ་བྱས་ཟིན་ནས་
[136a.4]དགེ་འདུན་ལྷག་མ་ལས་དབྱུང་བ་དང་བབ་པ་དང་། དགེ་ཚུལ་ལ་སོགས་པའི་དངོས་པོར་ཁས་བླང་བ་ནི་མ་བྱས་པ་བྱེད་དུ་གཞུག་གོ། །གང་མཚན་མོའི་མཐའ་མི་ཤེས་པ་དེ་ནི་དག་པའི་མཐའ་ནས་ཉེ་བར་བཟུང་སྟེ་སྤོ་བ་བྱེད་དུ་གཞུག་སྟེ་གཞི་ནས་བརྩམ་ཞེས་བྱ་བའི་ཐ་ཚིག་གོ། །གཞན་
[136a.5]ནི་ཇི་ལྟར་བཅབས་པ་བཞིན་ནོ། །གང་སྤོ་བ་བྱེད་པ་ལས་ལྟུང་བ་སྔ་མ་དང་འདྲ་བ་གཉིས་པ་བྱུང་བ་དེ་ཚར་བཅད་པའི་ཕྱིར་གསོལ་བ་དང་བཞིའི་ལས་ཀྱིས་གཞི་ནས་བསླང་སྟེ་སྤོ་བ་བྱེད་དུ་གཞུག་གོ། །གཞི་ནས་བརྩམས་ཏེ་ཡང་གནས་པར་བྱ་བ་ནི་གཞི་ནས་བསླང་སྟེ་སྤོ་བ་ཞེས་བྱའོ། །ལན་གཉིས་གསུམ་
[136a.6]དུ་བཟླས་པ་དེ་ཡང་གཞི་ནས་བསླང་སྟེ་སྤོ་བ་སྟེ། གཞི་ནས་བྱེད་པ་ལ་ཡང་གཞི་ནས་བསླངས་ཏེ་བྱེད་པའོ། །གང་ཟག་སྤོབས་པ་དྲུག་སྟེ། ཐམས་ཅད་གནག་པ་ནི་གང་ཐམས་ཅད་ཆོས་མ་ཡིན་པ་བྱས་པའོ། །ཕལ་ཆེར་གནག་པ་ནི་གང་སྤོ་བ་ནི་ཆོས་བཞིན་ལ། གཞན་ཐམས་ཅད་ནི་ཆོས་མ་
[136a.7]ཡིན་པའོ། །ཕྱེད་གནག་པ་ནི་གང་གཞི་ནས་བསླང་བའི་སྤོ་བ་ནི་ཆོས་བཞིན་ལ་གཞན་ཐམས་ཅད་ནི་ཆོས་མ་ཡིན་པའོ། །ཕྱོགས་གཅིག་གནག་པ་ནི་གང་ཡང་གཞི་ནས་བསླང་བ་ཡང་ཆོས་བཞིན་ལ། གཞན་ཆོས་མ་ཡིན་པའོ། །ཕྱོགས་གནག་པ་ནི་མགུ་བར་བྱ་བ་ཡང་ཆོས་
[136b]
[136b.1]བཞིན་ལ། ཕྱོགས་གཅིག་ཆོས་མ་ཡིན་པའོ། །ནག་པོ་མེད་པ་ནི་དབྱུང་བ་ཡང་ཆོས་བཞིན་པ་སྟེ། འདི་ནི་ལྟུང་བ་ལས་བྱུང་བ་ཡིན་གྱི། སྔ་མ་ནི་མ་ཡིན་ནོ། །སྤོ་བ་སྤྱད་ཟིན་པ་ནི་མགུ་བར་བྱ་བ་བྱེད་དུ་གཞུག་པར་བྱའོ། །གང་མ་བཅབས་པ་དེ་ནི་ཐོག་མ་ཉིད་ནས་མགུ་བར་བྱ་བ་བྱེད་དུ་
[136b.2]གཞུག་སྟེ། དེས་དགེ་སློང་རྣམས་ཀྱི་ཡིད་དགའ་བར་བྱེད་པས་མགུ་བར་བྱ་བའོ། །གང་དེ་ནས་གནས་པ་ལས་གཉིས་པ་དེ་དང་རིགས་མཐུན་པ་ཡང་བྱུང་ན་དེ་གཞི་ནས་མགུ་བར་བྱ་བ་བྱེད་དུ་གཞུག་གོ། །གང་ལན་གསུམ་བྱུང་བ་དེ་ནི་ཡང་གཞི་ནས་བསླང་སྟེ་མགུ་བར་བྱ་བ་བྱེད་དུ་གཞུག་གོ། །
[136b.3]སྤོང་བ་དང་། མགུ་བར་བྱ་བ་སྤྱད་པ་གལ་ཏེ་དགེ་འདུན་ལྷག་མ་བྱུང་ཡང་། མི་འདྲ་བ་ཡིན་ན་ནི་དངོས་པོ་སྦྱངས་ལ་ཉེས་བྱས་བཤགས་པར་བྱ་སྟེ། དེ་དག་ནི་སྤོ་བ་བྱེད་པ་དང་མགུ་བ་བྱེད་པ་ཉིད་དོ། །དགེ་འདུན་ལྷག་མ་དང་པོ་གལ་ཏེ་ཞག་གཅིག་བཅབས་པ་ལས་ཞག་བཅུ་གསུམ་པ་བཅབས་
[136b.4]པའི་བར་དུ་གྱུར་ན་དེ་ལ་གང་མ་རུངས་པ་དང་། ལྕི་བ་དང་། དྲག་པོ་དང་། མི་བཟད་པས་བྱས་པ་དེའི་དབང་གིས་སྤོ་བའོ། །སྤོ་བ་སྤྱོད་པ་དང་། མགུ་བར་བྱ་བ་སྤྱོད་པའི་ཀུན་དུ་སྤྱད་པ་ནི། རང་བཞིན་དུ་གནས་པ་ལས་ཕྱག་བྱ་བ་བདག་གིར་མི་བྱའོ། །སྟན་གཅིག་ལ་འདུག་པར་མི་བྱའོ། །
[136b.5]སྟན་མཐོ་བའམ་མཉམ་པ་ལ་མ་ཡིན་ནོ། །ལྷན་ཅིག་གམ་མདུན་དུ་འཆགས་པར་མི་བྱའོ། །ཕྱི་བཞིན་འབྲང་པའི་དགེ་སློང་གི་ཚུལ་གྱིས་འགྲོ་བར་བྱའོ། །གཡོགས་པ་གཅིག་གི་ནང་དུ་གནས་པར་མི་བྱའོ། །རབ་ཏུ་བྱུང་བ་དང་། བསྙེན་པར་རྫོགས་པར་བྱ་བ་དང་། གནས་
[136b.6]བཅའ་བ་སྦྱིན་པ་དང་། དགེ་ཚུལ་ཉེ་བར་བསྡུ་བའི་ལས་རྣམས་མི་བྱའོ། །ལས་བྱེད་པར་བསྐོ་བར་མི་བྱའོ། །བསྐོས་ཀྱང་དགེ་སློང་མ་ལ་གདམས་ངག་དབོག་པར་མི་བྱའོ། །དེ་གདམས་ངག་དབོག་པར་བསྐོ་བར་མི་བྱའོ། །དགེ་སློང་ལ་གླེང་བར་མི་བྱའོ། །གདམས་ངག་ལ་
[136b.7]སོགས་པར་གཞག་པར་མི་བྱའོ། །སྒོ་དབྱེ་བ་དང་མར་མེ་དབྱུང་བ་དང་། གཙུག་ལག་ཁང་སྐྱང་ནུལ་བྱ་བ་དང་། ཕྱག་དར་བྱ་བ་དང་། བཤང་གཅི་སའི་ཝ་བཀྲུ་བ་དང་། ས་དང་ལོ་མ་དང་། གྲང་བ་དང་། དྲོ་བ་བསལ་བ་དང་། བདུག་པ་དབུལ་བ་དང་། བསྟོད་པ་དང་། གཎྜཱི་
[137a]
[137a.1]བརྡུང་བ་དང་། རླུང་གཡབ་ཀྱིས་གཡབ་པ་ལ་སོགས་པ་བྱའོ། །བསྙེན་པར་རྫོགས་པ་ཐམས་ཅད་ཀྱི་འོག །བསྙེན་པར་མ་རྫོགས་པ་རྣམས་ཀྱི་ནི་གང་དུ་བཟའ་བར་བྱའོ། །མལ་ཆ་དང་སྟན་བླ་གབ་ཡོད་པར་སྤོ་བར་བྱའོ། །ལྷུང་བཟེད་ཀྱི་གཞི་བསལ་བར་བྱའོ། །
[137a.2]མཆོད་རྟེན་དང་དྲི་གཙང་ཁང་གི་ཕྱག་དར་ཕྱགས་པ་ལ་སོགས་པ་ཚོགས་པར་བྱའོ། །ཉི་མ་བརྗོད་པར་བྱའོ། །དེ་ནས་ཇི་ལྟར་འདུས་པ་རྣམས་ཀྱི་ནང་དུ་སྤོ་བ་དང་། མགུ་བར་བྱ་བ་བྱས་པ་བརྗོད་པར་བྱའོ། །རེ་རེའི་དྲུང་དུ་ནི་མ་ཡིན་ནོ། །གློ་བུར་དུ་ལྷགས་པ་ལྷུང་བཟེད་དང་ཆོས་
[137a.3]གོས་མཁོས་སུ་མ་ཕབ་པ་ལ་ནི་མ་ཡིན་ནོ། །དགེ་སློང་མེད་པའི་གཙུག་ལག་ཁང་དུ་འགྲོ་བར་མི་བྱའོ། །འགྲོ་ན་ཡང་གནས་པར་མི་བྱའོ། །དུས་ཤེས་ནས་ཆུ་གྲང་མོའམ། དྲོན་མོས་དགེ་སློང་རྣམས་ཀྱི་རྐང་བ་རྣམས་བཀྲུ་བར་བྱའོ། །འདོད་ན་འབྲུ་མར་ཡང་སྦྱིན་པར་བྱའོ། །
[137a.4]གཙུག་ལག་ཁང་དང་རྙེད་པ་ཐ་མར་བསྐོ་བར་བྱའོ། །སྤོ་བ་སྤྱོད་པའམ། མགུ་བར་བྱ་བ་སྤྱོད་པའམ། སྤོ་བ་བྱས་ཟིན་པའམ། ཡིད་མགུ་བར་བྱ་བ་བྱས་ཟིན་པའམ། བསླབ་པ་བྱིན་པ་ལ་སོགས་པའི་ཚོགས་སམ། དེས་ཚངས་པར་མི་འགྱུར་བའི་ཚོགས་ཀྱི་ནང་དུ་གནས་པར་མི་
[137a.5]བྱའོ། །མགུ་བར་བྱ་བ་སྤྱད་པར་མི་བྱའོ། །གཙུག་ལག་ཁང་སྟོང་པ་དང་། གཅིག་དང་གཉིས་དང་། གསུམ་ལ་མ་ཡིན་གྱི། ཡོངས་སུ་དག་པ་བཞིའི་མདུན་དུ་ཇི་སྐད་བསྟན་པའི་ཚུལ་དུ་མ་བྱས་ན་ཉེས་བྱས་སོ། །གང་ན་ལས་མ་བྱས་ཀྱང་འཐབ་ཀྲོལ་བྱེད་པ་འོང་བ་ཐོས་ན་དགེ་སློང་
[137a.6]གི་མདུན་དུ་གཏང་བར་བྱའོ། །རང་བཞིན་དུ་གནས་པ་ཉིད་དུ་གནས་པར་བྱའོ། །སོང་བའི་འོག་ཏུ་དགེ་སློང་གི་མདུན་དུ་བླང་བར་བྱའོ། །མགུ་བར་བྱ་བ་བྱས་ཟིན་པས་ནི་སྤོ་བ་ལ་སོགས་པ་བྱེད་དུ་མི་གཞུག་སྟེ། མགུ་བར་བྱ་བ་བྱས་པའི་འོག་ཏུ་དབྱུང་བར་བྱའོ། །དེ་ཉིད་སྤོ་
[137a.7]བ་སྤྱོད་པ་དང་། སྤོ་བ་སྤྱད་ལགས་པ་དང་། མགུ་བར་བགྱི་བ་སྤྱོད་པ་དང་། མགུ་བར་བགྱི་བ་སྤྱད་ལགས་པ་མཆིས་སམ། ཡོད་དེ། དཔེར་ན་མགུ་བར་བྱ་བ་སྤྱད་ལ་ལྟུང་བ་མ་བཅབས་པའི་མགུ་བར་བྱ་བ་སྤྱོད་པ་དང་། མགུ་བར་བྱ་བ་སྤྱོད་པ་ཕལ་ཆེར་སྤྱད་ལ། ལྟུང་བ་བྱུང་བ་གཅིག་
[137b]
[137b.1]ཞག་གཅིག་བཅབས་པ་དང་། གཉིས་པ་ཞག་གཉིས་བཅབས་པ་དེ་གཉིས་ཀའི་སྤོ་བ་མནོས་ནས་ཞག་གཅིག་འདས་པ་ལ་བཞི་ཅར་རྣམ་པར་གཞག་གོ། །གང་ཟག་རྣམ་པ་དྲུག་གིས་ནི་དགེ་སློང་གཅིག་གི་མདུན་དུ་བཤགས་པར་བྱ་སྟེ། མདོ་སྡེ་ཟད་པར་འཛིན་པ་དང་། འདུལ་བ་ཟད་པར་འཛིན་
[137b.2]པ་དང་། མ་མོ་ཟད་པར་འཛིན་པ་དང་། ཤིན་ཏུ་ངོ་ཚ་བ་ཡོད་པ་སྟེ། གང་རྐྱེན་དེས་འཆི་བར་འགྱུར་བ་དང་། དགེ་འདུན་གྱི་གནས་བརྟན་དང་། ཤེས་པ་དང་། བསོད་ནམས་ཆེ་བའོ། །བསམ་པས་ལྟུང་བ་ལ་ལྡང་གི་ཆད་པའི་ལས་ཀྱིས་ནི་མ་ཡིན་ནོ། །དགེ་འདུན་ལྷག་མ་ཐུན་མོང་མ་ཡིན་པ་ནི་
[137b.3]མཚན་གྱུར་པས་ཀྱང་ལྡང་ངོ་། །སོ་སོར་ཐར་པའི་མདོ་གདོན་པ་གསུམ་པ་རྫོགས་སོ།། །།མཉན་ཡོད་ན་འཆར་ཀས་སྦེད་མ་དང་། སྐྱབས་ཡོད་པར་བརླ་དང་བརླ་དག་སྤྲད་དེ་འདུག་ནས་ཆོས་སྟོན་པ་ས་གས་མཐོང་སྟེ། སྨྲས་ནས་དགེ་བསྙེན་མའི་དབང་དུ་མཛད་དེ། འཁྲིག་པའི་ཉོན་
[137b.4]མོངས་པས་མ་ངེས་པ་དང་པོ་བཅས་སོ། །དངོས་པོ་དང་། ཕྱོགས་དང་། བསམ་པ་དང་། ཆེ་བཞིའི་ཕྱེ་བ་ལས་ལུས་རྣམ་པར་གཞག་གོ། །ཡང་དགེ་སློང་གང་བུད་མེད་ཀྱི་ཡུལ་དང་ལྷན་ཅིག་འདུག་ཅེས་བྱ་བ་ནི་དངོས་པོའོ། །གཅིག་པུ་གཅིག་དང་དབེན་པ་སྐྱབས་ཡོད་པ་ན་ཞེས་བྱ་བ་
[137b.5]ནི་ཕྱོགས་སོ། །འདོད་པ་བྱར་རུང་བ་ཞེས་བྱ་བ་ནི་བསམས་པའོ། །དེ་ལ་གལ་ཏེ་ཡིད་ཆེས་པའི་ཚིག་གིས་ཞེས་བྱ་བ་ནི་ཆེ་བཞི་བསྟན་པའོ། །དགེ་སློང་ཞེས་བྱ་བ་ནི་འདོད་པའི་འདོད་ཆགས་ཀྱིས་ཀུན་ནས་དཀྲིས་པའོ། །བུད་མེད་ཀྱི་ཡུལ་ཞེས་བྱ་བ་ནི་མིའི་བུད་མེད་འཁྲིག་པ་བསྟེན་པར་ནུས་
[137b.6]པའོ། །གཅིག་པུ་ཞེས་བྱ་བ་ནི་དགེ་སློང་མའམ། སྐྱེས་པའམ་ཁྱེའུ་མེད་པའོ། །གཅིག་དང་ཞེས་བྱ་བ་ནི་བུད་མེད་གཞན་ནམ་བུ་མོ་མེད་པའོ། །དབེན་པ་ཞེས་བྱ་བ་ནི་སྐྱེ་བོའི་རྒྱུན་ལུགས་མེད་པའི་ཕྱོགས་སོ། །སྐྱབས་ཡོད་པ་ཞེས་བྱ་བ་ནི་བསྐོར་བ་དང་བཅས་པའོ། །དེ་ཡང་རྣམ་པ་
[137b.7]གསུམ་སྟེ། རྩིག་པ་དང་། སབ་མོ་དང་ཡོལ་བས་བསྐྱབས་པའོ། །དེ་བཞིན་དུ་སྒྲིབ་པ་བསྟན་པ་ཐམས་ཅད་ལ་ཡང་བརྗོད་པར་བྱའོ། །དེ་ཡང་དེ་དང་ཉེ་བར་འགྲོ་ལ། དེ་ཡང་དེའི་མདུན་དུ་འོངས་པ་ཡིན་ནོ། །སྟན་ལ་འདུག་པ་ལས་ཞེས་བྱ་བ་ནི་འདོམ་གང་གི་ནང་ལོགས་སུ་རྐུབ་བཙོས་
[138a]
[138a.1]གཞག་པའོ། །ཁ་ཅིག་ན་རེ་དོན་ཡོད་པ་དང་། དོན་མེད་པ་དང་། དོན་མེད་པ་མི་འདོད་བཞིན་དུ་སྟན་ཅིག་ལ་ལྷན་ཅིག་འདུག་པའོ་ཞེའོ། །ཡིད་ཆེས་པའི་ཚིག་ཅེས་བྱ་བ་ནི་བདེན་པ་མཐོང་བའོ། །སོ་སོའི་སྐྱེ་བོར་གྱུར་ཀྱང་དགེ་ཞིང་སྤྱོད་པ་ལས་མ་ཉམས་པ་གང་ཡིན་
[138a.2]པ་དེས་ཀྱང་མཐོང་ནས་སྨྲས་པའོ། །གང་དེ་དང་ལྷན་ཅིག་འདུག་པར་བྱེད་པ་དེ་ཉིད་ཁ་ཅིག་ན་རེ་དེ་ནི་ལྷན་ཅིག་མི་བཟོད་པས་མ་དྲིས་ཀྱང་བདག་ཉིད་སྨྲ་བའི་ཕྱིར་རོ་ཞེའོ། །ལ་ལ་ནི་དགེ་སློང་ལ་རྗེས་སུ་བསྲུང་བས་དྲིས་ན་བདག་ཉིད་མི་སྨྲ་ཡང་ཆེ་བཞི་དྲིས་ན་སྨྲའོ། །ཕམ་པར་འགྱུར་བ་ཞེས་
[138a.3]བྱ་བ་ནི་བཞི་པོ་རྣམས་ལས་གང་ཡང་རུང་བ་སྟེ། གལ་ཏེ་གཉིས་དག་གམ། གསུམ་རྣམས་སམ། བཞི་པོ་རྣམས་ཀྱིས་ཀྱང་རུང་སྨྲ་ན་བྱེད་དུ་གཞུག་པར་མི་བྱའོ། །ཁ་ཅིག་ན་རེ་གལ་ཏེ་ནན་གྱིས་སུན་ཕྱུང་བ་ཡིན་ནོ་ཞེའོ། །དགེ་འདུན་ལྷག་མའམ་ཞེས་བྱ་བ་ནི་གལ་ཏེ་ཀུན་དུ་ནོམ་པ་དང་། མི་
[138a.4]ཚངས་པར་སྤྱོད་པ་བྱ་བར་བསམས་པ་དང་བཅུ་གསུམ་ལས་གང་ཡང་རུང་བ་སྟེ། གལ་ཏེ་གཉིས་ནས་བཅུ་གསུམ་གྱི་བར་དུ་སྨྲ་ན་བྱེད་དུ་གཞུག་གོ། །ལྟུང་བྱེད་དམ་ཞེས་བྱ་བ་ནི་སྤང་བ་དང་། ལྟུང་བ་འབའ་ཞིག་ལས་གང་ཡང་རུང་བའོ། །ཁ་ཅིག་ན་རེ་གཅིག་པུ་གཅིག་དང་གནས་དབེན་པ་ན་གལ་
[138a.5]ཏེ་སྟན་གཅིག་ལ་དེ་ནི་འདུག་ལ་དེ་ནི་ལངས་སོ་ཞེའོ། །འདུག་པར་ཁས་བླངས་ན་ཞེས་བྱ་བ་ནི་མི་ཚངས་པར་སྤྱོད་པའི་བསྒོམ་པས་སོ། །གང་ཡང་རུང་ཞེས་བྱ་བ་ནི་ལྷག་པར་ཉེས་པ་སྦོམ་པོའི་ཆོས་ཀྱིས་སམ། སོ་སོར་བཤགས་པར་བྱ་བའི་ཆོས་ཀྱིས་སམ། ཉེས་བྱས་ཀྱི་ཆོས་ཀྱིས་སོ། །
[138a.6]འམ་ཞེས་བྱ་བའི་སྒྲ་ནི་རྣམ་པར་བརྟག་པའི་དོན་ཏོ། །གལ་ཏེ་རིས་འོག་མ་བཞི་པོ་རྣམས་སྨྲ་ན་བྱེད་དུ་གཞུག་གོ། །མི་ཚངས་པར་སྤྱོད་པར་བྱ་བར་སྦྱོར་བ་དང་ལྷན་ཅིག་འདུག་པར་ཡང་སྦྱོར་བ་ནི་སྤོམ་པོའོ། །ལྷན་ཅིག་ཏུ་འདུག་པ་ཙམ་དུ་སྦྱོར་བ་ནི་ཉེས་བྱས་སོ། །ཆགས་པ་མེད་པའི་
[138a.7]སེམས་ཀྱིས་བསྙེན་པར་མ་རྫོགས་པ་དང་སྟན་གཅིག་པ་ལ་ལྷན་ཅིག་ན་ཉེས་བྱས་ཉིད་དོ། །ཡང་ན་ཆོས་གང་ཡང་རུང་བ་ཞེས་བྱ་བ་ནི་གལ་ཏེ་དགེ་བསྙེན་མ་ལྟུང་བའི་ངོ་བོ་ཉིད་དང་། གླེང་གཞི་ལ་མཁས་པ་མ་ཡིན་ན་ཡང་དེས་དགེ་སློང་སྟན་གཅིག་ལ་འདུག་པ་དང་། སྣོད་གཅིག་གི་ནང་
[138b]
[138b.1]དུ་ཟ་བ་དང་། ཕོར་བུ་གཅིག་གི་ནང་དུ་ཆང་འཐུང་བ་ལ་སོགས་པ་མཐོང་བ་སྟེ། དེ་དང་དེས་བྱེད་དུ་གཞུག་གོ། །དེ་ནི་མ་ངེས་པའི་ཆོས་སོ་ཞེས་བྱ་བ་ནི་གནས་སྐབས་ཏེ། འདིར་ལྟུང་བ་འདི་ཉིད་དོ་ཞེས་བྱ་བར་ངེས་པ་མེད་པའི་ཕྱིར། དེ་ལ་ལྟུང་བ་ཇི་ལྟར་འགྱུར་ཞེ་ན། འགྲོ་བ་དང་འགྲེང་བ་དང་། འདུག་པ་
[138b.2]གང་ཁས་ལེན་པ་དེ་བྱེད་དུ་གཞུག་གོ། །གསུམ་ཆར་ཁས་མི་ལེན་ན་གསོལ་བ་དང་། བཞིའི་ལས་ཀྱིས་དེའི་ངོ་བོ་ཉིད་ཚོལ་དུ་གཞུག་པར་བྱའོ། །དེས་རབ་ཏུ་དབྱུང་བར་མི་བྱ་བ་ནས་གདམས་ངག་ལ་སོགས་པར་གཞག་པའི་བར་དུ་མི་བྱའོ། །འདུལ་བ་འཛིན་པ་ཡོད་པའི་དགེ་འདུན་གྱི་དབུས་
[138b.3]སུ་འདུལ་བ་བསྟན་པར་མི་བྱའོ། །ཇི་སྐད་བསྟན་པའི་ཚུལ་དུ་མ་བྱས་ན་ཐམས་ཅད་དུ་ཉེས་བྱས་སོ། །ཁ་དོག་དང་། དབྱིབས་དང་། སྤྱོད་ལམ་དང་ལམ་ཐ་དད་པས་སྨྲ་ན་དེ་ན་གཉིས་པ་ཡོད་དམ་ཞེས་དྲི་བར་བྱའོ། །གལ་ཏེ་གཉི་ག་མཐུན་ན་དེའི་ཚིག་གིས་བྱེད་དུ་གཞུག་གོ། །རྣམ་པ་གཞན་དུ་
[138b.4]ཁས་ལེན་ན་ཁས་ལེན་པ་བྱེད་དུ་གཞུག་གོ། །ལྟུང་བ་གཞན་ནམ། ལྟུང་བ་མེད་པ་ལ་ལྟུང་བ་གཞན་དུ་འདུ་ཤེས་ན་རང་གི་ཁས་བླངས་པ་བྱེད་དུ་གཞུག་གོ། །མ་ངེས་པ་དང་པོའོ། །མ་ངེས་པ་གཉིས་པའི་བྱེ་བྲག་ནི་རྒྱལ་པོའི་ཁབ་ཏུ་དགེ་སློང་ཤི་རི་ཀ་གསོ་སྦྱོང་འཕགས་དང་ལྷན་ཅིག་ཏུ་
[138b.5]འདུག་པ་ལེགས་སྐྱེས་མས་མཐོང་སྟེ། ཕྱོགས་དེར་འདོད་པ་བྱར་རུང་བ་མ་ཡིན་པས་ཕམ་པར་འགྱུར་བ་མི་སྲིད་པའི་ཕྱིར་རོ། །མ་ངེས་པ་གཉིས་པའོ། །སོ་སོར་ཐར་པའི་མདོ་གདོན་པ་བཞི་པ་རྫོགས་སོ།། །།མཉན་ཡོད་ན་དགེ་སློང་མང་པོ་ལ་བརྟེན་ཏེ། ཆོས་གོས་མང་
[138b.6]པོས་དགེ་བའི་ཕྱོགས་གཏང་བས་དགབ་པ་བཞིའི་དབང་དུ་མཛད་དེ། འགལ་ཚབས་ཅན་དང་། ཕོངས་པའི་ཉོན་མོངས་པ་དག་གིས་ཆོས་གོས་ཀྱི་ཚོགས་སྤང་བ་དང་པོ་བཅས་སོ། །ཆོས་གོས་ཟིན་པ་ཞེས་བྱ་བ་ནི་འཚོ་བྱེད་ལ་བརྟེན་ཏེ་ཁྱིམ་བདག་གི་གོས་རྣམས་རྗེས་སུ་
[138b.7]གནང་ངོ་། །ང་མཆོག་ཏུ་རབ་ཏུ་གཞོན་ན་ཡང་ཆོས་གོས་གསུམ་གྱིས་ཆོག་ན་ངའི་ཉན་ཐོས་རྣམས་ལ་ཅིའི་ཕྱིར་མི་ཆོག་ཅེས་ཆོས་གོས་གསུམ་ཁོ་ནར་བཅས་སོ། །རུང་བ་མ་ཡིན་པ་ཡང་བཀག་སྟེ། འདི་ལྟ་སྟེ། གསོ་མའི་ཆོས་གོས་དང་། རྔ་བལ་གྱི་དང་། ལ་བ་དང་ལོ་མའི་ཆོས་གོས་
[139a]
[139a.1]དང་། རི་དགས་ཀྱི་པགས་པ་དང་། གསོ་རས་སེང་བ་སྟེ། ཨ་ས་པ་ཏྲའི་རྣམ་གྲངས་སུ་གཏོགས་པ་དང་། ཡན་ལག་གི་སྦུབས་དང་། ཐམས་ཅད་སྔོན་པོ་དང་། མུ་སྟེགས་ཅན་གྱི་རྒྱལ་མཚན་སྒྲེན་མོ་དང་། སྐྲ་འབལ་བ་དང་། འུག་པའི་གཤོག་པ་དང་། སྒྲའི་
[139a.2]ལ་བ་དང་། མི་སྨྲ་བ་ཡང་དག་པར་ལེན་ན་སྦོམ་པོའོ། །འདིར་མུ་སྟེགས་ཅན་གྱི་རྒྱལ་མཚན་གཞན་ནི་ཉེས་བྱས་སོ། །ཁ་ཚར་རིང་པོ་དང་། གདེངས་ཀ་དང་། རལ་ཀ་དང་། གཙུག་ཏོར་དང་། ཐོད་དང་། སྟོད་གཡོགས་དང་། སྨད་གཡོགས་ནི་ཁྱིམ་པའི་རྒྱལ་མཚན་ཡིན་
[139a.3]པས་ཉེས་བྱས་སོ། །གོས་ཁྲ་བོ་དང་། རྒྱན་ཐོགས་པ་དང་། མཆོད་སྦྱིན་གྱི་དག་བྱེད་ཐོགས་པ་དང་། ལག་པ་ལ་སྲད་བུ་འཆིང་བ་ཡང་དེ་བཞིན་ནོ། །སྨན་པས་ལུང་ཕོག་པས་སྔགས་རྣམས་ཀྱིས་བཏབ་པ་ནི་མི་མངོན་པའི་ཕྱོགས་སུ་བཏགས་ཏེ། སོས་ནས་ཀྱང་གར་བབ་བབ་ཏུ་མི་དོར་གྱིས།
[139a.4]ག་བ་དང་རྩིག་པའི་གསེབ་ཏུ་གཞག་གོ། །ཅིའི་ཕྱིར་ཆོས་གོས་གསུམ་ཁོ་ན་ཞེན། གཅིག་ནི་གཙུག་ལག་ཁང་དུ་སྤྱད་པའོ། །གཅིག་ནི་གྲོང་དུ་ཀུན་དུ་སྤྱད་པའོ། །སྣམ་སྦྱར་ནི་གཉི་གར་ཀུན་དུ་སྤྱད་པའོ། །ཆོས་གོས་གསུམ་པས་ནི་ཐ་མ་གཉིས་གདོན་མི་ཟ་བར་དྲས་ནས་བཅང་བར་བྱའོ། །གཞན་གྱིས་
[139a.5]ནི་གདོན་མི་ཟ་བར་ཐ་མའོ། །གཅིག་ནི་སྣམ་ཕྲན་ལྔ་པ་དང་། གླེགས་བུ་ཕྱེད་དང་གཉིས་པའོ། །གཉིས་པ་ནི་སྣམ་ཕྲན་བདུན་པ་དང་། གླེགས་བུ་ཕྱེད་དང་གསུམ་པའོ། །གསུམ་པ་ནི་སྣམ་ཕྲན་དགུ་པ་སྟེ། དེ་ཡན་ཆད་ཇི་སྙེད་བྱས་ཀྱང་མཉམ་པར་འགྱུར་རོ། །གླེགས་བུའི་ཚད་ངེས་པ་
[139a.6]ནི་ཕྱིས་བརྗོད་པར་བྱའོ། །ཅིའི་ཕྱིར་མ་དྲས་པར་གྲོང་དུ་ཀུན་དུ་སྤྱད་པ་མ་ཡིན་ཞེ་ན། རབ་ཏུ་བྱུང་བ་དང་ཁྱིམ་པའི་ཆ་ལུགས་མི་འདྲ་བའི་ཆོས་རྣམ་པ་གཉིས་ཀྱིས་དགེ་སློང་དུ་རྣམ་པར་གནས་ཏེ། ཁ་དོག་དང་དབྱིབས་ཀྱིས་སོ། །དེ་དག་གིས་གོས་དཀར་བ་དང་། འཇམ་པའོ། །དེ་ལས་
[139a.7]བཟློག་པ་ནི་དགེ་སློང་རྣམས་གྱི་ཆོས་གོས་དྲས་པ་དང་། ཁ་དོག་ངན་པ་བྱས་པ་དང་བཅས་ཏེ། ཆོས་གོས་ནི་དེ་སྐད་གསུངས་སོ། །དེ་ཟིན་པ་ནི་བཀྲུ་བ་དང་། ཁ་བསྒྱུར་བ་དང་། བཙེམ་པས་སོ། །དེ་ལ་བཀྲུ་བའི་ཀུན་དུ་སྤྱད་པ་ནི་བཙོ་བླག་མཁན་ལ་གོས་རྣམས་འཁྲུར་གཞུག་པར་མི་བྱའོ། །
[139b]
[139b.1]བཙོ་བླག་མཁན་གྱི་འཆག་སར་སོང་སྟེ་རང་གིས་ཤིང་དང་རྩིག་པ་ལ་སོགས་པ་ལ་གདབ་པར་མི་བྱ་སྟེ། གཞོང་པའི་ནང་དུ་ཆུ་བདེ་བས་ལག་པ་རྣམས་ཀྱིས་དང་རྐང་པ་རྣམས་ཀྱིས་མཐར་གྱིས་དལ་བུས་བཀྲུ་བར་བྱའོ། །གང་སྤོས་དང་ཕྱེ་མ་རྣམས་བསྐུས་པ་དེ་སྤྲུགས་པ་སྟེ་སྤྱད་པར་བྱའོ། །གང་མཆན་ཁུང་
[139b.2]གི་སྣུམ་གྱིས་གོས་པ་དེ་ནི་སྲན་ཕྱེ་ལ་སོགས་པས་དབྱུང་ངོ་། །བཙོ་བླག་བྱ་བའི་ཀུན་དུ་སྤྱད་པ་ནི། གཏུན་ལ་སོགས་པར་ཆམ་ཆོམ་དུ་བརྡུངས་ལ་བསྐམས་ཏེ་བསྐོལ་ན་ཚོན་འབྱུང་གི་གཤེར་བ་ལས་ནི་མ་ཡིན་ནོ། །ཚོན་ཡང་བུམ་པ་ལ་སོགས་པར་དང་པོ་དང་། འབྲིང་དང་ཐ་མ་སོ་སོར་གཞག་གོ། །
[139b.3]ཐོག་མར་ནི་དང་པོའི་ནང་དུ་གཞུག་གོ། །བར་དུ་ནི་འབྲིང་པོའོ། །ཐ་མ་ནི་ཐ་མའི་ནང་དུའོ། །གཞོང་པར་བྱས་པའི་ནང་དུ་ཚོན་མི་མང་པར་རན་ཙམ་གྱི་ནང་དུ་གཞུག་པར་བྱ་སྟེ། ཚོན་ཐམས་ཅད་ཀྱི་ནང་དུ་ནི་གཞུག་པར་མི་བྱའོ། །སྲད་བུ་བྲེས་པ་ལ་དབང་དུ་གཞུག་པར་བྱའོ། །ཡང་
[139b.4]དང་ཡང་དུ་བཟློག་པར་བྱའོ། །སྣམ་སྦྱར་ཆེན་པོ་ནི་ཤིང་བཀྲམ་པའི་སྟེང་དུ་བཟློག་ཅིང་བསྐམ་པར་བྱའོ། །གོས་སར་པ་ནི་ཚོན་སར་པའི་ནང་དུ་བཙོ་བར་བྱ་སྟེ། ཉི་མ་ལ་བསྐམ་པར་བྱའོ། །རྙིང་པ་ནི་རྙིང་པའི་ནང་དུ་སྟེ། གྲིབ་མ་ལ་བསྐམ་མོ། །ཐ་མར་ཆུའི་ནང་དུ་གཞུག་པར་བྱའོ། །གཙུག་
[139b.5]ལག་ཁང་དུ་བཙོ་བླག་བྱ་སྟེ། ས་ཚོན་གྱིས་མ་རུང་བར་འགྱུར་བ་ནི་སྐྱང་ནུལ་བྱའོ། །རྡོ་ཐལ་ཅན་གྱི་ཕྱོགས་ནི་བཀྲུ་བར་བྱའོ། །བཙེམ་པའི་ཀུན་དུ་སྤྱད་པ་ནི་ཞིང་གི་སྣང་བཞིན་དུ་དྲ་བར་བྱའོ། །སྣོལ་མའི་ཐོག་མ་ནི་ངོས་གཉིས་ཀྱི་མཐའ་སྐོར་གྱི་འོག་ཏུ་གཞུག་གོ། །མཐའ་སྐོར་ནི་གསུམ་
[139b.6]སྟེ། ཆེན་པོ་དང་། འབྲིང་དང་། ཆུང་ངུའོ། །ཆེན་པོ་ནི་སོར་བཞིའམ། བྱ་རོག་གི་མཐོ་གང་ངོ་། །ཆུང་ངུ་ནི་སོར་གཉིས་སོ། །འབྲིང་ནི་དེའི་བར་མའོ། །གང་གི་མཆོག་པ་དེས་ཚལ་བུས་གླན་པར་བྱའོ། །གླེགས་བུ་ཕྱེད་པ་དང་། གླེགས་བུ་ཆེན་པོ་རྣམས་མཉམ་པར་གཅད་པར་བྱའོ། །
[139b.7]མི་མཉམ་པར་མ་ཡིན་ནོ། །དེའི་ཚད་ནི་ཤིང་བུས་གཞལ་ལོ། །མཐའ་རྣམས་ཀྱང་བསྐོར་བར་བྱ་སྟེ། རླུང་དང་རྗེས་སུ་མཐུན་པའི་རྣམ་གྲངས་སུ་གཏོགས་སོ། །མཐའ་སྐོར་སོར་བཞིའི་འོག་ཏུ་སྒྲོག་རྟེན་གླན་ཏེ་ངོས་གཉིས་ཀར་སྒྲོག་གཟུངས་གདགས་པར་བྱའོ། །མཐའ་སྒོང་གྱི་དྲུང་དུ་སྒྲོག་
[140a]
[140a.1]རྟེན་གླན་ཏེ་ངོས་གཉི་གར་སྒྲོ་གུ་གདགས་སོ། །སྒྲོ་གུའི་མདུད་པ་གསུམ་སྟེ། ཤིང་ཏོག་ཀ་ཏ་གའི་འབྲས་བུ་ལྟ་བུ་དང་། ལྕམ་པའི་འབྲས་བུ་ལྟ་བུ་དང་། ཀ་ཏམ་པའི་མེ་ཏོག་ལྟ་བུའོ། །མི་དྲ་བ་ལྔ་སྟེ། བེའུ་རས་ཐམས་ཅད་དང་། ལ་བ་ཐམས་ཅད་དང་། ཕྱིང་པ་ཐམས་
[140a.2]ཅད་དང་། ལྷམ་ཐམས་ཅད་དང་། སེང་བ་ཐམས་ཅད་དོ། །ཚལ་བུས་གླན་ཏེ་བཅང་བར་བྱའོ། །ཤིང་ལེབ་མེད་པའི་སར་ནི་བ་ལང་གི་ལྕི་བས་བྱུག་གམ་ལོ་མས་བསྐུའོ། །དེ་མེད་ན་ཆག་ཆག་བཏབ་སྟེ། ཕྱག་དར་བྱས་ལ་དྲ་བ་དང་དྲུབ་པར་བྱའོ། །སྣམ་སྦྱར་ནི་ཤིང་ངམ་འོད་མའི་གྲུ་བཞི་
[140a.3]བརྟན་པོ་ལ་བརྒྱངས་ཏེ་ཉི་རིམ་ལ་སོགས་པ་དྲུབ་པོ། །གཏན་པ་དེ་ཡང་ཆོས་གོས་གསུམ་དང་མཐུན་པར་རྣམ་པ་གསུམ་དུ་བྱའོ། །ཇི་སྐད་བསྟན་པ་རྣམས་མ་བྱས་ན་ཐམས་ཅད་དུ་ཉེས་བྱས་སོ། །ལྷག་མ་བརྗོད་པར་བྱ་སྟེ། སྲ་བརྐྱང་བྱུང་ན་ཞེས་བྱ་བ་ནི་ཅི་ལྟར་གདིང་བ་དང་། ཆོས་གོས་ཅི་
[140a.4]འདྲ་བ་དང་། གང་ཟག་གང་ཡིན་པ་དང་། ཕན་ཡོན་གང་ཡིན་པ་དང་། ཅི་ལྟར་ཕྱུང་བ་དེ་ཙམ་ཞིག་སྲ་བརྐྱང་ལ་བརྗོད་པར་བྱའོ། །དེ་ལ་ཅི་ལྟར་གདིང་ཞེ་ན། ཐོག་མར་འདུས་པ་ན་བརྗོད་པར་བྱའོ། །ཉི་མ་གཞན་ལ་དགེ་འདུན་ཐམས་ཅད་འདུས་ཏེ། གསོལ་བ་དང་གཉིས་ཀྱི་ལས་ཀྱིས་
[140a.5]བྱའོ། །དེའི་འོག་ཏུ་སྲ་བརྐྱང་གདིང་བ་ཆོས་ལྔ་དང་ལྡན་པ་ལ་གསོལ་བ་དང་གཉིས་ཀྱི་ལས་ཀྱིས་བསྐོ་བར་བྱའོ། །དེ་ལ་ཡང་སྲ་བརྐྱང་གསོལ་བ་བྱ་སྟེ། གཏང་བར་བྱའོ། །དེས་ཐམས་ཅད་དུ་བཀྲུ་བ་ལ་སོགས་པ་སྔོན་དུ་འགྲོ་བར་བྱའོ། །ཐ་ན་ཁབ་སྲུབས་གཉིས་སམ་གསུམ་ཞིག་ཀྱང་དྲུབ་
[140a.6]པར་བྱའོ། །སེམས་གཉིས་སམ་གསུམ་བསྐྱེད་པར་བྱ་སྟེ། ཆོས་གོས་འདི་དགེ་འདུན་གྱི་སྲ་བརྐྱང་དུ་འདིང་བར་འགྱུར་རོ། །འདིང་ངོ་བཏིང་ངོ་། །སྙམ་དུ་སེམས་གསུམ་མོ། །ཐ་མ་གཉིས་ཀྱིས་ཀྱང་བཏིང་བ་ཡིན་ཏེ། འདིང་བ་ལ་ཉེས་བྱས་སོ། །དབྱར་གཞན་དུ་གནས་ལ་བཏིང་ན་བཏིང་བ་
[140a.7]ཡིན་ནོ། །དེ་ནས་སྲ་བརྐྱང་འདིང་བས་སྟོན་ཟླ་འབྲིང་པོ་ཡར་གྱི་ངོའི་ཚེས་བཅོ་ལྔ་ལ། ཚེ་དང་ལྡན་པ་དག་སང་བདག་སྲ་བརྐྱང་འདིང་བར་འགྱུར་གྱིས། །དིར་ཁྱེད་ཅག་གིས་རང་རང་གི་ཆོས་གོས་རྣམས་སོ་སོར་ཕྱུང་ལ། དགེ་འདུན་གྱི་ནང་དུ་གཤེགས་ཤིག་ཅེས་བརྗོད་པར་བྱའོ། །དེ་ནས་སྤོས་
[140b]
[140b.1]དང་མེ་ཏོག་དང་། བདུག་བས་སྲ་བརྐྱང་མཆོད་དེ་རྒན་པའི་མཐར་ཁྱེར་ལ་གཟུང་སྟེ། དགེ་འདུན་བཙུན་པ་རྣམས་གསན་དུ་གསོལ། ཆོས་གོས་འདི་ནི་དགེ་འདུན་གྱི་སྲ་བརྐྱང་དུ་བཞེད་དེ། བདག་མིང་འདི་ཞེས་བགྱི་བ་ཡང་སྲ་བརྐྱང་འདིང་བར་བསྐོས་ལགས་ཏེ། སྲ་བརྐྱང་འདིང་བ་བདག་མིང་
[140b.2]འདི་ཞེས་བགྱི་བས་ཆོས་གོས་འདི་དགེ་འདུན་གྱི་སྲ་བརྐྱང་དུ་འདིང་བར་འགྱུར་རོ་ཞེས་དེ་བཞིན་དུ་ལན་གཉིས་ལན་གསུམ་དུ་བརྗོད་པར་བྱའོ། །དེ་ནས་དགེ་འདུན་གྱིས་གནས་བརྟན་གྱི་མདུན་དུ་བཏིང་ལགས་སོ་ཞེས་བརྗོད་པར་བྱའོ། །དེས་ཀྱང་ལེགས་པར་བཏིང་ངོ་། །ཤིན་ཏུ་བཏིང་ངོ་། །འདི་ལ་
[140b.3]རྙེད་པ་དང་ཕན་ཡོན་གང་ཡིན་པ་དེ་བདག་གི་ཡིན་ནོ་ཞེས་བརྗོད་པར་བྱའོ། །དེ་བཞིན་དུ་དགེ་འདུན་གསར་བུའི་བར་དུའོ། །སྲ་བརྐྱང་འདིང་བས་སྲ་བརྐྱང་ཐོགས་ཏེ། བཤང་གཅི་ས་དང་། ཁྱིམ་དུ་བ་ཅན་དུ་འཇུག་པར་མི་བྱའོ། །བླ་གབ་མེད་པ་ལ་གཞག་པར་མི་བྱའོ། །
[140b.4]མཚམས་ཀྱི་ཕྱི་རོལ་དུ་འགྲོ་བར་མི་བྱའོ། །གལ་ཏེ་འགྲོ་ན་ཡང་གནས་པར་མི་བྱའོ། །དགག་དབྱེ་བྱས་པའི་འོག་ཏུ་གལ་ཏེ་རྒྱལ་པོས་དབྱར་ཤོལ་བོར་ན། དབྱར་ཇི་ལྟར་གནས་པ་བཞིན་དུ་སྲ་བརྐྱང་འདིང་བར་བྱའོ། །དགེ་འདུན་བྱེ་ན་ཆོས་སྨྲ་བ་རྣམས་ཀྱིས་སོ། །གལ་ཏེ་གཉི་གས་བཏིང་ན་གནས་ཀྱིས་རྙེད་པ་ནི་
[140b.5]ཆོས་སྨྲ་བ་རྣམས་དབང་ངོ་། །ཆོས་གོས་ཅི་འདྲ་བ་གདིང་བར་བྱ་ཞེ་ན། དགེ་འདུན་གྱི་དབྱར་གྱི་ནང་ལོགས་ཀྱི་རྙེད་པ་གང་ཡིན་པའོ། །གལ་ཏེ་གོས་མང་ཞིག་རྙེད་ན། གཅིག་གདིང་བར་བྱའོ། །ལྷག་མ་ནི་དགེ་འདུན་གྱི་རྙེད་པར་འགྱུར་བའོ། །གོས་མ་སྤྱད་པ་སྟེ་སར་པ་གང་ཡིན་པའོ། །མ་སྤྱད་པ་རུང་བ་སྟེ། ཁ་དོག་
[140b.6]ངན་པར་བྱས་པ་གང་ཡིན་པའོ། །སར་པ་ཐོག་མར་བཏིང་བ་ནི་ཕྱིས་མི་གདིང་ངོ་། །གོས་གང་ཞག་བཅུ་མ་འདས་པའོ། །སྣམ་སྦྱར་དང་། བླ་གོས་དང་མཐང་གོས་རྣམ་པ་ཐམས་ཅད་དུ་ཟིན་པའོ། །མ་ཟིན་པ་ནི་བཏིང་བ་ཉིད་མ་ཡིན་ནོ། །ལྔའམ་ལྔ་ལས་ལྷག་པ་ནི་རུང་ངོ་། །ཚད་པས་ཆུང་བ་ནི་བཏིང་བ་ཉིད་མ་ཡིན་ནོ། །
[140b.7]བྲལ་ཕྲད་དང་ལྷན་པ་ཅན་མི་རུང་ངོ་། །སོང་ནས་འོངས་པ་མི་རུང་སྟེ། །དུར་ཁྲོད་དུ་ཁྱེར་ནས་སླར་བླངས་པ་གང་ཡིན་པའོ། །མཐུད་མ་ཅན་མི་རུང་སྟེ། གོས་རིགས་མི་མཐུན་པ་ལས་བྱས་པ་གང་ཡིན་པའོ། །གོས་ལྷན་པ་ཆུ་བུར་ཅན་མི་རུང་སྟེ། གོས་ལྷུང་བཟེད་ཀྱི་སྣོད་ལྟ་བུ་གང་ཡིན་པའོ། །གོས་སྣམ་ཕྲན་
[141a]
[141a.1]ཅན་མི་རུང་སྟེ། གོས་སྣམ་ཕྲན་དུ་བྱས་པ་ལ་གླེགས་བུ་མེད་པ་གང་ཡིན་པའོ། །གོས་མཐའ་མ་བསྐོར་བ་མི་རུང་སྟེ། གང་རངས་པར་མ་བསྐོར་བའོ། །རྙིང་པ་མི་རུང་སྟེ། གང་སྔོན་བཏིང་བའོ། །བཞག་པ་མི་རུང་སྟེ། ཞག་བཅུ་ལས་འདས་པའམ། ཞག་གཅིག་བྲལ་བའམ། སྤང་བའི་
[141a.2]གོས་ཐམས་ཅད་དོ། །ཤི་བའི་ཆོས་གོས་མི་རུང་སྟེ། ཤི་བའི་བྱིན་པ་གང་ཡིན་པའོ། །བླིངས་པ་མི་རུང་ངོ་། །ཆོས་གོས་ལྔ་པོ་རྣམས་རྙེད་པ་དང་། ཕན་ཡོན་མེད་དོ། །དུས་མ་ཡིན་པའི་གོས་མི་རུང་སྟེ་ཟླ་བ་གསུམ་ཚུན་ཆད་ཀྱིའོ། །གང་ཟག་གི་སྣམ་སྦྱར་དང་། བླ་གོས་དང་། མཐོང་གོས་མི་རུང་ངོ་། །དགེ་
[141a.3]འདུན་ལ་མ་ཕུལ་བ་གཞན་ཡང་མི་རུང་ངོ་། །རུང་བ་མ་ཡིན་པ་མི་རུང་སྟེ། གང་རང་བཞིན་གྱིས་མི་འོས་པའོ། །མ་བསྔོས་པ་མི་རུང་ངོ་། །མཚམས་ཀྱི་ཕྱི་རོལ་དུ་བསྔོས་པ་མི་རུང་ངོ་། །སེང་བ་མི་རུང་ངོ་། །དབྱར་འདས་ནས་རྙེད་པ་མི་རུང་ངོ་། །གལ་ཏེ་ཚེས་བཅོ་ལྔ་ལ་རྙེད་པ་གློ་བུར་དུ་མང་ཞིག་ལྷགས་པ་དེ་དག་ཚེས་བཅུ་
[141a.4]བཞིར་བརྩི་བ་ལ་རྙེད་པ་གདིང་དུ་རུང་ངོ་། །དུ་མ་རྙེད་པ་ཡང་རུང་སྟེ། ཟླ་བ་ལྷག་མ་ལ་རྙེད་པའོ། །གང་གི་གདིང་བ་ཡིན་ཞེ་ན། གང་སྲ་བརྐྱང་བཏིང་བ་ན་འདུག་པའམ། འདུན་པ་ཕུལ་བའོ། །རང་བཞིན་དུ་གནས་པ་དེ་དག་གིས་བཏིང་བ་ལ་རྗེས་སུ་ཡི་རང་བར་བྱའི། གནས་ནས་ཕྱུང་བས་ནི་མ་ཡིན་ནོ། །གལ་ཏེ་
[141a.5]རྗེས་སུ་ཡི་རང་ན་ཡང་རྗེས་སུ་ཡི་རང་བ་མ་ཡིན་ནོ། །སྤངས་པ་རྣམས་ཀྱིས་རང་བཞིན་དུ་གནས་པའི་གནས་སུ་གདིང་བ་བཏིང་བ་མ་ཡིན་ནོ། །གང་ཟག་བཅུ་པོ་རྣམས་ཀྱིས་བཏིང་བ་མ་ཡིན་ཏེ། དབྱར་མེད་པ་དང་། དབྱར་རལ་བ་དང་། དབྱར་ཕྱི་མར་ཞུགས་པ་དང་། དབྱར་གཞན་དུ་གནས་པ་དང་། སྲ་བརྐྱང་བཏིང་བ་
[141a.6]ན་མེད་པ་དང་། སྤོ་བ་སྤྱོད་པ་དང་། སྤོ་བ་སྤྱད་ཟིན་པ་དང་། མགུ་བར་བྱ་བ་བྱེད་པ་དང་། མགུ་བར་བྱ་བ་བྱས་པ་དང་། བསླབ་པ་བྱིན་པའོ། །དབྱར་གཞན་དུ་གནས་པའི་གནས་སུ་དགེ་ཚུལ་བཅུག་སྟེ། བཅུ་པོ་འདི་དག་ཡོད་ཀྱི་ཕན་ཡོན་མེད་དོ། །ལྔ་པོ་ནི་རྙེད་པ་ཡང་མེད་ཕན་ཡོན་ཡང་མེད་དོ། །གནས་
[141a.7]ནས་ཕྱུང་བ་གསུམ་དང་། དབྱར་གཞན་དུ་གནས་པ་དང་། དགེ་འདུན་བྱེ་ནས་ཆོས་མ་ཡིན་པའི་ཕྱོགས་སོ། །ཕན་ཡོན་ཅི་ཡོད་ཅེ་ན། ཞག་བཅུ་ལས་འདས་པ་མེད་དོ། །ཟླ་བ་གཅིག་ལས་འདས་པ་མེད་དོ། །མཚན་མོ་འབྲལ་བ་མེད་དོ། །སྟོད་གཡོགས་དང་སྨད་གཡོགས་ཉི་ཚེས་ལྗོངས་རྒྱུ་ཞིང་
[141b]
[141b.1]འགྲོ་བ་དང་། གོས་རྣམས་མ་བརྟགས་པ་ཅི་ཙམ་རྙེད་པ་འཆང་བ་དང་འདུས་ཤིང་ཟ་བ་མེད་དོ། །ཡང་ཡང་ཟ་བ་མེད་དོ། །ཁྱིམ་གྱི་གནས་སུ་འགྲོ་བ་ཉིད་དང་། རྒྱུ་བ་ལ་ལྟུང་བ་མེད་དོ། །གོས་ཇི་ཙམ་དུ་རྙེད་པ་བཙལ་དུ་རུང་ངོ་། །སྟོན་ཟླ་ཐ་ཆུངས་ནས་བརྩམས་ཏེ། དཔྱིད་ཟླ་ར་བའི་བར་གྱི་རྙེད་པ་ནི་
[141b.2]སྲ་བརྐྱང་བཏིང་བ་རྣམས་ཀྱིའོ། །འདིར་བསླབ་པར་གཞག་པ་ནི་མ་ཡིན་གྱི་འདི་ནི་གནང་བའོ། །དབྱུང་བ་ཇི་ལྟ་བུ་ཞེ་ན། ཐོག་མར་དཔྱིད་ཟླ་ར་བ་ཡར་གྱི་ངོའི་ཚེས་བཅོ་ལྔ་ལ་སྲ་བརྐྱང་འདིང་བས་ཚེ་དང་ལྡན་པ་དག །སང་སྲ་བརྐྱང་འབྱིན་པར་འགྱུར་གྱི། ཁྱེད་ཅག་གིས་ཆོས་གོས་རྣམས་བྱིན་གྱིས་རློབས་
[141b.3]ཤིག་ཅེས་བསྒོ་བར་བྱའོ། །ཉི་མ་གཞན་ལ་དགེ་འདུན་ཐམས་ཅད་ཀྱིས་གསོལ་བ་དང་གཉིས་ཀྱི་ལས་ཀྱིས་དབྱུང་བར་བྱའོ། །ཆོམ་རྐུན་གྱིས་བཅོམ་པ་རྣམས་ཀྱི་ཕྱིར་ནི་སྔར་དབྱུང་བར་བྱའོ། །རྙེད་པ་ཡང་བགོས་ལ་བདག་གི་སྐལ་བ་ལས་ཅི་དགར་བགོ་བར་བྱའོ། །མ་མོ་བརྒྱད་ཀྱི་བཞིས་སྲ་བརྐྱང་
[141b.4]ཕྱུང་བར་འགྱུར་ཏེ། སོང་བ་དང་། རྫོགས་པ་དང་། ངེས་པ་དང་། ཉམས་པ་དང་། ཐོས་པ་དང་། མཚམས་ལས་འདས་པ་དང་། རེ་ཐག་ཆད་པ་དང་། ཕྱུང་བའོ། །དེ་ལ་སོང་བའི་མཐའ་ཅན་གང་ཞེ་ན། ཆོས་གོས་ཟིན་པ་དང་། ལྟོས་པ་མེད་པ་དང་། ཡུལ་རྗེས་སུ་ལྟ་བའམ། གནས་གཞན་
[141b.5]ལྟར་མཚམས་ཀྱི་ཕྱི་རོལ་དུ་འགྲོ་བའོ། །རྫོགས་པའི་མཐའ་ཅན་གང་ཞེ་ན། ཆོས་གོས་མ་བྱས་པའམ། ཆོས་གོས་མ་ཟིན་པར་ཆོས་གོས་ཀྱི་རྙེད་པ་ཆགས་པའི་རྒྱུད་དུ་གནས་པས་ཆགས་པས་སམ། ཆགས་པ་མེད་པའི་རྒྱུད་ཀྱང་རུང་། རེ་བ་ཡོད་དམ་རེ་བ་མེད་པའི་བྱ་བ་ཞིག་གི་ཕྱིར་རམ། ཚོལ་
[141b.6]བའི་ཕྱིར་མཚམས་ཀྱི་ཕྱི་རོལ་དུ་སོང་སྟེ་སླར་མི་འོང་ངོ་། །ཆོས་གོས་བྱའོ་སྙམ་དུ་ངེས་སམ་ཐེ་ཚོམ་ཟ་ཡང་རུང་སྟེ་འདི་ནའམ། དེར་སོན་པ་ན་འདི་སྙམ་དུ་སླར་མི་འོང་སྟེ། འོན་ཀྱང་ཆོས་གོས་བྱའོ་སྙམ་པའོ། །ངེས་པའི་མཐའ་ཅན་གང་ཞེ་ན། འདས་མ་ཐག་པ་བཞིན་དུ་ཐམས་ཅད་སྨོས་ལ་དེ་འདི་སྙམ་དུ་
[141b.7]སླར་ཡང་མི་འོང་ཞིང་ཆོས་གོས་ཀྱང་མི་བྱའོ་སྙམ་དུ་སེམས་པའོ། །ཉམས་པའི་མཐའ་ཅན་གང་ཞེ་ན། །ཐམས་ཅད་སྨོས་ལ་དེའི་དུས་སུ་རྩོམ་ཞིང་སྟེ་བརྩམས་པ་ཡང་ཉམས་པའོ། །ཐོས་པའི་མཐའ་ཅན་གང་ཞེ་ན། ཐམས་ཅད་སྨོས་ལ་དགེ་འདུན་གྱི་སྲ་བརྐྱང་ཕྱུང་བ་ཐོས་ནས་རྗེས་སུ་ཡི་རང་བའོ། །
[142a]
[142a.1]མཚམས་ལས་འདས་པའི་མཐའ་ཅན་གང་ཞེ་ན། ཆོས་གོས་མ་ཟིན་པ་ལས་སླར་འོང་བ་ལ་སོམ་ཉི་ཟ་བཞིན་མཚམས་ཀྱི་ཕྱི་རོལ་དུ་སོང་བ་ལས་མཚམས་དེ་མཚམས་ལས་འདས་པ་ཉིད་ནི་ཕྱུང་བའོ། །རེ་ཐག་ཆད་པ་གང་ཞེ་ན། སླར་མི་འོང་ཞིང་ཆོས་གོས་བྱའོ་སྙམ་སྟེ་སོང་བ་ལས་ཆོས་གོས་ཀྱི་
[142a.2]རེ་བ་ཐམས་ཅད་དུ་ཆད་པའོ། །སྲ་བརྐྱང་ཕྱུང་བ་ཉིད་ནི་བརྒྱད་པ་སྟེ། གལ་ཏེ་འོངས་ནས་སྲ་བརྐྱང་ཕྱུང་བ་ན་ཉམས་སུ་མྱོང་བའོ། །དགེ་འདུན་བྱེ་བ་ན་ཕྱོགས་གང་གིས་ཕྱུང་བ་དེ་ཉིད་ཀྱི་སྲ་བརྐྱང་ཕྱུང་གིས་གཉིས་པ་ནི་མ་ཡིན་ནོ། །དེ་ཉིད་ཀྱི་ཚེ་བཏང་བ་དེ་ཉིད་ཀྱི་ཚེ་གསོལ་བ་དང་། ལས་མ་བགྱིས་
[142a.3]པར་ཕྱུང་བ་མཆིས་ལགས་སམ། བཀའ་སྩལ་པ། ཡོད་དེ་གལ་ཏེ་ཚེས་གཅིག་ལ་གློ་བུར་དུ་མང་ཞིང་ལྷགས་པ་རྣམས་ཀྱིས་ཚེས་གྲངས་བརྩན་པར་གསོ་སྤྱོང་བྱེད་ན་སྲ་བརྐྱང་ཕྱུང་བར་བརྗོད་པར་བྱའོ། །ཐོས་པའི་མཐའ་ཅན་ནི་གལ་ཏེ་ཆག་པ་མེད་ན་དེ་ལྟར་དབྱུང་ངོ་། །གལ་ཏེ་རེ་བ་ཡོད་དེ་ཆོས་གོས་ཀྱང་བྱེད་
[142a.4]པའི་འཕྲོ་ཡིན་ན་རྒྱུན་ཆགས་པ་ཡོད་པ་ཞེས་བྱ་སྟེ། དེ་ཉིད་དེ་ལ་གནང་བའོ། །ཅིའི་ཕྱིར་སྲ་བརྐྱང་ཞེས་བྱ་ཞེ་ན། སྙིང་པོ་ཡོད་པ་དང་། བརྟེན་པའི་ཕྱིར་ཏེ། དེ་ལྟར་ཆོས་གོས་དེ་དགེ་འདུན་གྱིས་ཆོས་གོས་བྱིན་གྱིས་བརླབ་པ་འཛིན་པར་ནུས་པའོ། །ཞར་ལ་བྱུང་བ་རྫོགས་སོ།། །།ཞག་བཅུའི་བར་དུ་ཞེས་བྱ་བ་ནི་
[142a.5]ཞག་བཅུའི་མཐའོ། །གོས་ལྷག་པ་ཞེས་བྱ་བ་ནི་བྱིན་གྱིས་བརླབས་པ་དང་། དེ་མ་ཡིན་པ་རྗེས་སུ་གནང་བ་ལས་གཞན་པ་རུང་བ་བརྟག་པར་འོངས་པ་གང་ཡིན་པའོ། །རུང་བ་ནི་བཅོམ་ལྡན་འདས་ཀྱིས་མ་བཀག་པའོ། །དེ་ལ་ཡོ་བྱད་བཅུ་གསུམ་ནི་བྱིན་གྱིས་བརླབས་པ་སྟེ། སྣམ་སྦྱར་དང་།
[142a.6]བློ་གོས་དང་། མཐོང་གོས་དང་། གདིང་བ་དང་། ཤམ་ཐབས་དང་། ཤམ་ཐབས་ཀྱི་གཟན་དང་། རྔུལ་གཟན་དང་། རྔུལ་གཟན་གྱི་གཟན་དང་། གདོང་ཕྱིས་དང་། གཡན་པ་དགབ་པ་དང་། དབྱར་གྱི་གོས་རས་ཆེན་དང་། ཡོ་བྱད་ཀྱི་གོས་སོ། །དེ་དག་ནི་རང་རང་གི་སྔགས་ཀྱིས་བྱིན་གྱིས་
[142a.7]བརླབ་པར་བྱ་སྟེ། ཆོས་གོས་བགྱིས་ལགས་པ་རུང་བ་ཀུན་དུ་སྤྱད་པར་འོས་པ་འདི་ཆོས་གོས་སྣམ་སྦྱར་དུ་བྱིན་གྱིས་བརླབ་པོ་ཞེས་དེ་བཞིན་དུ་ལན་གཉིས་ལན་གསུམ་དུ་བཟླས་སོ། །དེ་བཞིན་ཡོ་བྱད་ཀྱི་གོས་ཀྱི་བར་དུ་བརྗོད་པར་བྱའོ། །མ་དྲས་པ་ནི་འདི་ལྟར་བྱིན་གྱིས་བརླབ་པར་བྱ་སྟེ། མིང་འདི་ཞེས་
[142b]
[142b.1]བགྱི་བ་དགོངས་སུ་གསོལ། བདག་མིང་འདི་ཞེས་བགྱི་བ་འདི་ཆོས་གོས་ཆེན་པོར་བྱིན་གྱིས་བརླབས་ཏེ། འཚལ་ན་སྣམ་ཕྲན་དགུ་པར་བགྱིས་ཏེ། གླེགས་བུ་ཕྱེད་དང་གསུམ་པར་བགྱིའོ། །བར་ཆད་མ་བྱུང་ན་བཀྲུའོ། །དྲའོ། །བརྡེབ་པོ། །ཁ་བསྒྱུར་རོ། །གཟུངས་གདབ་བོ། །བསྐྱང་
[142b.2]ངོ་། །དྲུབ་པོ། །ཡང་ན་འདི་ལ་ལྷན་ཐབས་སུ་གླན་ནོ། །རྐྱེན་ཇི་ལྟ་བ་བཞིན་དུ་བགྱིས་ཏེ་ཆོས་གོས་འདི་རུང་བ་ཀུན་དུ་སྤྱད་པར་འོས་པའོ་ཞེས་ལན་གཉིས་ལན་གསུམ་དུ་བཟླས་སོ། །ཆོས་གོས་འདི་བླ་གོས་སུ་བྱིན་གྱིས་བརླབས་ཏེ་འཚལ་ན་སྣམ་ཕྲན་བདུན་པ་དང་། གླེགས་བུ་ཕྱེད་དང་
[142b.3]གསུམ་པར་བགྱིའོ། །བར་ཆད་མ་བྱུང་ན་ཞེས་བྱ་བ་ནས་ཆོས་གོས་འདི་རུང་བ་ཀུན་དུ་སྤྱད་པར་འོས་པའོ་ཞེས་བྱ་བའི་བར་དུ་དེ་བཞིན་དུ་ལན་གཉིས་ལན་གསུམ་དུ་བཟླས་སོ། །ཆོས་གོས་འདི་མཐང་གོས་སུ་བྱིན་གྱིས་བརླབས་ཏེ། འཚལ་ན་སྣམ་ཕྲན་ལྔ་པ་དང་། གླེགས་བུ་ཕྱེད་དང་གཉིས་
[142b.4]པར་བགྱིའོ་ཞེས་བྱ་བ་ནས་ལྷག་མ་ནི་སྔ་མ་བཞིན་ནོ། །རིགས་ལྔ་དང་ལྷན་ཅིག་བྱིན་གྱིས་བརླབ་པར་བྱའོ། །སྤུ་ཅན་དང་སྟུག་པོ་བྱིན་གྱིས་བརླབ་པར་མི་བྱའོ། །སྤུ་ཆུང་བ་གང་ཡིན་པ་དེ་དག་བྱིན་གྱིས་བརླབ་པར་བྱའོ། །སྟུག་པོ་གང་ཡིན་པ་དེ་དག་ནི་སྦྱིན་བདག་ལ་ཡིད་བརྟན་ཏེ་བཅང་
[142b.5]བར་བྱའོ། །དེ་ལས་གཞན་པ་རྗེས་སུ་གནང་བ་གང་ཞེ་ན། འདི་ལྟ་སྟེ། རྔུལ་བསལ་བའི་ཕྱིར་བལ་དང་། ཟར་མ་དང་། རྩྭ་དུ་གུ་ལ་དང་། རས་བལ་ལས་བྱས་པ་རྗེས་སུ་གནང་ངོ་། །པར་ཏང་ཁྲ་བོ་ནི་སྐུད་པ་སྣ་བདུན་པའོ། །དེ་བཞིན་དུ་སྤུས་འཁྱུད་དང་རྣག་ཟག་པའི་ལུས་ཕྱི་བ་སྟེ། དེ་
[142b.6]ཡང་དུས་དུས་སུ་བཀྲུ་བར་བྱ། ཁ་བསྒྱུར་བར་བྱའོ། །སྐྲ་བཟེད་པ་ཡང་ངོ་། །གཏུར་བུ་ནི་སྲིད་དུ་ཁྲུ་གསུམ་ཞེང་དུ་ཁྲུ་ཕྱེད་དང་དོ་པ་ལས་ཉིས་བལྟབ་ཏུ་བྱས་ཏེ་མཐའ་གཉིས་ནས་བཙེམས་ལ། དབུས་སུ་ཁ་བཏོད་དེ་མིག་ཁར་རྐུད་པས་དྲ་བར་བརྒྱུའོ། །གོས་གང་ཡོངས་སུ་སྤྱད་
[142b.7]དགོས་པ་དེ་དག་ནི་ཁ་ལོགས་སུ་གཞག་གོ། །གཞན་ནི་ཞབས་སུ་གཞག་གོ། །སྔས་ནང་ཚངས་ཅན་ནི་སྲིད་དུ་ཁྲུ་བཞི་ཞེང་དུ་ཁྲུ་དོ་པ་ལས་ཉིས་བལྟབ་ཏུ་བྱས་ཏེ་བཙེམས་ལ་ཤིང་བལ་རུང་བས་དགོང་ངོ་། །ཆོས་གོས་ཕྲག་པའི་ཕྱོགས་སུ་དྲི་མ་ཆགས་པར་གྱུར་ན་ཕྲག་པའི་ངོས་ལྟོས་ཉི་གར་ལྷན་
[143a]
[143a.1]ཐབས་སུ་སྲིད་དུ་ཁྲུ་ཕྱེད་དང་དོ་ཞེང་དུ་མཐོ་གང་གི་ཚད་ཙམ་སྐུད་པའི་གཟུངས་ཀྱིས་སྦྱར་བར་བྱའོ། །དེ་ཡང་དུས་དུས་སུ་བཀྲུ་བར་བྱའོ། །ཁ་བསྒྱུར་བར་བྱའོ། །སྦྲང་སྐྱབས་ཀྱི་རས་ནི་བཞི་དང་གཉིས་པའོ། །ངོས་ཐུང་ངུ་གཉིས་ཤིང་ལས་བརྒྱངས་ཏེ། རས་ཁྲུ་བཅུ་གཉིས་
[143a.2]པས་ཀུན་དུས་དཀྲི་བར་བྱའོ། །ཆོས་གོས་གསུམ་པས་ཀྱང་ཁྲུས་རས་བྱིན་གྱིས་བརླབས་ཏེ་བཅང་བར་བྱའོ་ཞེས་རྗེས་སུ་གནང་ངོ་། །འདི་དག་ལས་གཞན་པ་ནི་ཟིན་ཀྱང་རུང་། མ་ཟིན་ཀྱང་རུང་བརྟག་པར་འོས་པ་སྟེ་དེ་ནི་སློབ་དཔོན་དང་བླ་མ་དང་མཁན་པོ་སྟེ། དེ་དག་གི་བླ་མ་གང་ཡིན་པ་དང་།
[143a.3]བླ་མའི་གནས་ལྟ་བུ་སྟེ། བསྐུར་སྟེ་བྱ་བ་གང་ཡིན་པ་རྣམས་ཀྱིའོ། །གལ་ཏེ་དེའི་ཚུལ་ཁྲིམས་དང་། ཐོས་པ་དང་། དང་བ་ལ་སོགས་པ་ཡོན་ཏན་ཆུང་བར་མ་གྱུར་ན་ཚངས་པ་མཚུངས་པར་སྤྱོད་པ་གཞན་གྱི་མིང་གིས་བརྟག་པར་བྱའོ། །མ་མོ་ལས་ཀྱང་རིས་བདུན་ལ་ཡང་བརྟག་པར་
[143a.4]བྱའོ་ཞེས་གསུངས་སོ། །ཚེ་དང་ལྡན་པ་དགོངས་སུ་གསོལ། བདག་མིང་འདི་ཞེས་བགྱི་བའི་གོས་ལྷག་པ་རུང་བར་མ་བགྱིས་པ་རུང་བར་བགྱི་བར་འོས་པ་འདི་མཁན་པོའི་ལགས་པར་རུང་བར་བགྱིའོ། །མཁན་པོ་ལ་ཡིད་བརྟན་ཏེ་བཅང་བར་བགྱིའོ་ཞེས་དེ་བཞིན་དུ་ལན་གཉིས་ལན་གསུམ་དུ་བཟླས་
[143a.5]སོ། །ཡིད་བརྟན་པ་ནི་རྒྱ་མཚོའི་ཕ་རོལ་ན་འདུག་པ་ལ་ཡང་བརྟག་པར་བྱའོ། །གང་ལ་གོས་བརྟག་པ་དེས་མི་བསྐུར་རོ། །ཡིད་བརྟན་པ་ཤི་ན་ཤི་བའི་ཡོ་བྱད་ཅེས་དགེ་འདུན་གྱིས་བྱིན་གྱིས་བརླབ་པར་མི་བྱའོ། །རུང་བར་བྱ་བའི་ཕྱིར་བརྟག་གི་སྦྱིན་པར་བྱ་བའི་ཕྱིར་ནི་མ་ཡིན་ནོ། །ཡིད་བརྟན་
[143a.6]པ་ཤི་ན་ཇི་སྲིད་མ་ཐོས་པ་དེ་སྲིད་དུ་བརྟག་པ་དེ་ཉིད་དོ། །ཐོས་ནས་གཞན་ལ་བརྟག་པར་བྱའོ། །ལྔ་པ་དང་བདུན་པ་ཡང་བརྟག་པར་བྱའོ། །སྣམ་སྦྱར་ནི་མ་ཡིན་ཏེ། གཞན་གྱི་ཕྱིར་ནི་བཅང་བར་བྱའོ། །བརྟག་པ་ཡང་ཉོན་མོངས་པ་གཉིས་ཀྱི་གཉེན་པོར་སྣང་སྟེ། མ་བརྟགས་པ་
[143a.7]བསྲེལ་ན་འགལ་ཚབས་ཅན་གྱི་ཉོན་མོངས་པར་འགྱུར་བ་དང་། མི་འཆང་ན་ཕོངས་པའི་ཉོན་མོངས་པར་འགྱུར་བའོ། །དེ་གཉིས་ཀྱིས་འདོད་པའི་བདེ་བ་དང་། བདག་དུབ་པ་ལ་སྦྱོར་བས་ལྟུང་བར་འགྱུར་རོ། །ཆོས་གོས་ཀྱི་ཀུན་དུ་སྤྱོད་པ་ནི་གང་ཟག་དང་བླང་བ་དང་། སྤང་བ་དང་།
[143b]
[143b.1]ཡོངས་སུ་སྤང་བ་དང་། དྲན་པ་ཉེ་བར་གཞག་པའོ། །གང་ཟག་ཅི་འདྲ་བས་ཆོས་གོས་ལྷག་པ་བཅང་བར་བྱ་ཞེ་ན། འཐོབ་པ་ཉུང་བ་དང་། བདེ་བ་བསྐྱེད་པ་དང་། ལྷ་ལས་འཆི་འཕོས་པས་ཡིད་དུ་འོང་བ་འདོད་པ་དང་། ན་བ་དང་། དྲི་མ་དང་། ཤིག་དང་། སྲོ་མ་མང་བ་དང་།
[143b.2]འཁྲུག་པ་མང་བའི་ཡུལ་ན་གནས་པ་དང་། ཞལ་ཏ་བྱེད་པ་ལས་ཀྱི་མཐའ་མང་བ་དང་། ཆོས་གོས་དེ་ལ་ཉོན་མོངས་པ་ཆུང་བ་དང་། ཉོན་མོངས་པ་འབྲིང་དང་། ཆེ་བ་སོ་སོར་རྟོག་པའི་སྟོབས་ཅན་གྱིས་སོ། །གང་ལ་བླང་བར་བྱ་ཞེ་ན། དབུལ་པོ་གཏོང་ཕོད་པས་ནི་བསྟབས་ཀྱང་བླང་
[143b.3]བར་མི་བྱ་སྟེ། གང་བྱིན་པ་དེས་དེ་ཕོངས་པར་འགྱུར་རོ། །བྱིན་ཡང་རྟེན་ཡོད་ན་མི་བླང་ངོ་། །ཁྱིམ་པ་ལ་ཅི་ལྟ་བ་བཞིན་དུ་དགེ་སློང་རྙེད་པ་ཆུང་ངུ་ལས་ཀྱང་དེ་བཞིན་ནོ། །སྨྱོས་པ་གང་མ་ལ་སོགས་པས་ནི་ཤེས་པ་ལས་ཀྱང་མི་བླང་ངོ་། །གོང་མ་ལ་སོགས་པས་ཤེས་པའམ། རང་གི་
[143b.4]ཁྱིམ་ནས་བྱིན་པ་ལས་ནི་བླང་ངོ་། །ཆོམ་རྐུན་པ་གཡོན་ཅན་དང་། རབ་ཏུ་ཆགས་པ་དང་། འཐབ་མོ་ལ་སྲེད་པ་དང་། འཐབ་མོ་སེམས་པ་དང་། རྟག་ཏུ་གནོད་པའི་ལས་བྱེད་པ་དང་། རྟག་ཏུ་གནོད་པའི་ལས་སེམས་པ་དང་། རྐུན་མ་དང་། གཤེད་མ་དང་། འཇིག་རྟེན་ན་ཤིན་ཏུ་སྨད་པ་
[143b.5]གདོལ་བ་དང་། གཡུང་པོ་ལ་སོགས་པ་ལས་བླང་བར་མི་བྱ་སྟེ། དེ་ལས་གནོད་པའི་ཉེས་པ་འབྱུང་ཞིང་མ་དད་པའི་ཉེས་པར་ཡང་འགྱུར་རོ། །དགེ་འདུན་ལ་སོགས་པས་བདག་གིར་བྱས་པ་ཞིག་ན་ཞལ་ཏ་བྱེད་པ་ལས་བླང་བར་མི་བྱའོ། །ཅི་འདྲ་བ་བླང་བར་བྱ་ཞེ་ན། པར་སིག་གི་ཡུལ་
[143b.6]གྱི་ལ་བ་ནི་དགེ་འདུན་གྱིས་བླང་གི །གང་ཟག་གིས་ནི་མ་ཡིན་ནོ། །ལ་བ་དང་བེའུ་རས་ནི་གཉི་གས་སོ། །རས་བལ་གྱི་གོས་མི་བླང་ངོ་། །དེ་བཞིན་དུ་བ་ལང་གི་སྤུ་དང་། ཀོ་ལྤགས་ཀྱི་གོས་ཀྱང་མི་བླང་ངོ་། །དོམ་ལ་སོགས་པའི་པགས་པ་འཆང་བ་ལ་ལྟུང་བ་མེད་དོ། །གཞན་
[143b.7]གྱི་ལ་སྤྱོད་པ་ལ་ནི་ལྟུང་བ་མེད་དོ། །ཁ་ཅིག་ན་རེ་གནས་མལ་རྗེས་སུ་བསྲུང་བ་མི་སྤང་བའི་ཕྱིར་པགས་པའི་གོས་དང་། རྐེད་ཆིངས་བཅང་བ་ཅི་བདེར་ལོངས་སྤྱད་པར་བྱའོ་ཞེའོ། །མཐའ་འཁོབ་ཏུ་ཀོ་ལྤགས་བཅང་སྟེ། མཆིལ་ལྷམ་རིམ་པ་གཅིག་པ་བྱའི། ཉིས་རིམ་དང་སུམ་རིམ་
[144a]
[144a.1]ནི་མ་ཡིན་ནོ། །གལ་ཏེ་རྡོལ་ན་རྡོགས་པས་གླན་ཏེ་བཅང་བར་བྱའོ། །ལི་ཁར་ཚང་ཚིང་ཨུ་ཤི་ར། །དེ་བཞིན་གྲོང་དང་ཉེ་བའི་གྲོང་། །ཆུ་ཀླུང་འདམ་བུ་མདའ་རྒྱུ་སྟེ། །ཤར་དང་བྱང་ཕྱོགས་སོགས་རྣམས་སུ། །འདི་ནི་མཐའ་འཁོབ་མཚན་ཉིད་དོ། །ཡུལ་
[144a.2]གྱི་དབུས་སུ་ནི་ཀོ་ལྤགས་མིག་ནང་སྟེ། ཉེ་བར་གཞག་པར་མི་བྱ། བྱིན་གྱིས་བརླབ་པར་མི་བྱ། བརྟག་པར་མི་བྱའོ། །རྔོན་པ་ལས་དོམ་ལྤགས་བླང་བ་ལ་ལྟུང་བ་མེད་དོ། །བླངས་ནས་ཀྱང་དྲི་གཙང་ཁང་གི་སྒོར་བཅའ་བའམ། རྐང་པའི་མཐར་རོ། །དོམ་ལྤགས་ཐམས་ཅད་ནི་མིག་ལ་ཕན་ནོ། །
[144a.3]ཁྱིམ་པའི་ཁྱིམ་དུ་བཏིང་བ་ལ་འདུག་པར་བྱའོ། །ཉལ་བར་ནི་མི་བྱའོ། །གཙུག་ལག་ཁང་དུ་ནི་གཉི་ག་མི་བྱའོ། །གཞང་འབྲུམ་ན་བ་དོམ་ལྤགས་སྤུ་གྱེན་དུ་བསྟན་ཏེ་འདུག་པ་ལ་ལྟུང་བ་མེད་དོ། །གྲོ་བཞིན་སྐྱེས་བྱེ་བ་ཉི་ཤུ་པ་ལ་བརྟེན་ཏེ། ཡུལ་གྱི་དབུས་སུ་མཆིལ་ལྷམ་རིམ་པ་གཅིག་པ་
[144a.4]འཆང་དུ་གནང་ངོ་། །རྒན་ཞུགས་ཀྱི་ཕྱིར་མ་གནང་སྟེ། མལ་ཆ་དང་སྟན་རྗེས་སུ་བསྲུང་བའི་ཕྱིར་ཕྱིས་ཡང་རྗེས་སུ་གནང་ངོ་། །རིམ་པ་མང་ཡང་ཁྱིམ་པས་ལོངས་སྤྱད་པ་ཡིན་ན་བཅང་བར་བྱ་སྟེ། གང་གོམ་པ་བདུན་ནམ་བརྒྱད་བོར་བ་ནི་ཁྱིམ་པས་ལོངས་སྤྱད་པ་ཡིན་ནོ། །ཀྲོག་ཀྲོག་དང་། ཁྲིག་
[144a.5]ཁྲིག་ཟེར་བ་དང་། ལུག་རུ་ལྟ་བུ་དང་། བྱང་ཆུབ་ཤིང་དང་། ཤིང་པ་ཏ་ལའི་ལོ་མ་ལྟ་བུ་དང་། གཞན་ཡང་ཁྲ་ཁྲ་བོ་དང་། ཉེ་བར་བཀྲ་བ་བཅང་བར་མི་བྱའོ། །གླང་པོ་ཆེ་ཐམས་ཅད་དང་། རྟ་ཐམས་ཅད་དང་། མཆེ་བ་ཅན་ཐམས་ཅད་དང་། སེང་གེ་དང་། སྟག་དང་། གཟིག་གི་པགས་པ་བཅང་བར་
[144a.6]མི་བྱའོ། །དེ་དག་གི་རྒྱུས་པས་བཅོམ་པར་མི་བྱའོ། །གོང་གཟུངས་སུ་གཏང་བར་མི་བྱའོ། །སྣ་སྦུབས་ཅན་དང་། རྟིང་སྦུབས་ཅན་མ་ཡིན་ནོ། །མགུལ་ཆད་དུ་མ་ཡིན། ཡུའུ་ཐུང་དུ་མ་ཡིན། སྒྲོ་གུ་ཅན་དུ་མི་བྱའོ། །མིག་བརྟུལ་བའི་ཕྱིར་དོམ་ལྤགས་ཀྱི་མཆིལ་ལྷམ་རྗེས་སུ་གནང་
[144a.7]སྟེ། སྤུ་གྱེན་དུ་བསྟན་པར་བྱའོ། །གསེགས་སུ་བཅིང་པ་རྗེས་སུ་གནང་སྟེ། སྣ་སྦུབས་ཅན་དང་། རྟིང་སྦུབས་ཅན་དང་། མགུལ་ཆད་དང་། ཡུའུ་ཐུང་ཡང་དེ་བཞིན་ནོ། །ཡུལ་ཁ་བ་ཅན་དུ་ནི་ལྷམ་སྒྲོ་གུ་ཅན་རྗེས་སུ་གནང་སྟེ། གང་ན་ཆུ་སྣོད་དུ་ཆུ་འཁྱག་པ་དེ་ཡུལ་ཁ་བ་ཅན་ཞེས་
[144b]
[144b.1]བྱའོ། །ཤིང་གི་མཆིལ་ལྷམ་བཅང་བར་མི་བྱའོ། །རྙེད་པ་བླངས་ཏེ་བཤང་བ་དང་། གཅི་བའི་སར་གཞག་པར་བྱའོ། །ཁྱིམ་གཞན་དུ་ནི་ལྟུང་བ་མེད་དོ། །འོད་མའི་ལོ་མ་དང་། །རྩྭ་མུཉྫའི་མཆིལ་ལྷམ་བཅང་བར་མི་བྱའོ། །ཐ་གུའི་མཆིལ་ལྷམ་མ་ཡིན་ནོ། །དྲེག་ནད་ཅན་
[144b.2]ལ་ནི་ལྟུང་བ་མེད་དོ། །མཆིལ་ལྷམ་ལ་མཁས་ན་ཡང་དེ་དབེན་པའི་ཕྱོགས་སུ་བྱའོ། །བསྙུང་དང་། གྲི་གུ་བཅང་བར་བྱའོ། །ཞར་ལ་འོངས་པ་རྫོགས་ཏེ་བླང་བ་ནི་དེ་ལྟ་བུའོ། །སྤང་བ་ནི་ཅི་ལྟ་བུ་ཞེ་ན། གོང་ན་སྲོག་ཆགས་རྣམས་སྲིལ་རྣམས་སམ། བེའུས་མི་ཟ་བ་དང་། གཡང་དུ་མི་
[144b.3]ལྟུང་བ་དང་། མེ་དང་ཆུ་དང་། རླུང་གིས་མ་རུང་བར་མི་འགྱུར་བ་དང་། ཆོམ་རྐུན་པས་མི་རྐུ་བ་དེར་གོས་གཞག་པར་བྱའོ། །ཇི་སྐད་དུ་བ་ལ་རིན་པོ་ཆེ་བགོས་ཏེ། དགོན་པར་འགྲོ་བར་མི་བྱའོ། །གྲོང་དུ་ཉེ་བར་གཞག་གོ་ཞེས་གསུངས་པ་ལྟ་བུའོ། །བ་ཤ་ཀའི་ལོ་མ་ལ་སོགས་པ་བཏིང་སྟེ་གདབ་
[144b.4]བར་བྱའོ། །དུས་དུས་སུ་བསྐམ་པར་བྱའོ། །སྒོ་གླེགས་མེད་པ་དང་། དགེ་སློང་མེད་པའི་གནས་སུ་དབྱར་ཉེ་བར་གནས་པར་མི་བྱའོ། །ཉེ་བར་གནས་ན་སྣམ་སྦྱར་མེད་པར་གོང་དུ་ཡང་འགྲོ་བར་མི་བྱའོ། །སྣམ་སྦྱར་ཉེ་བར་གཞག་པར་རུང་བ་རྣམ་པ་ལྔ་སྟེ། དགེ་སློང་དང་བཅས་ཤིང་སྒོ་
[144b.5]གླེགས་དང་བཅས་པའི་གནས་དང་། ཆར་འབབ་བམ། བབ་ཏུ་དོགས་པ་དང་། ཆུ་ཀླུང་རྒལ་བ་དང་། སྲ་བརྐྱང་བཏིང་བའི་གནས་དང་། སྣམ་སྦྱར་གྱི་གནང་བ་ཐོབ་པའོ། །མཐའ་ཟེགས་ན་མཐའ་སྐོར་གྱིས་གླན་ཞིང་ཕྱིར་བཅོས་སོ། །བསྙུང་ཚེམས་ལྟ་བུ་དག་གིས་གཟུངས་གདབ་བོ། །
[144b.6]འདུག་པའི་ཚེ་ཤིང་དང་། རྡོ་རྩུབ་པོ་དང་། ས་རྡུལ་ཅན་གྱི་ཕྱོགས་སུ་ཟོན་ཡོད་པར་འདུག་ཅིང་བསྲུང་བར་བྱའོ། །གཞི་མེད་པར་ས་ལ་འདུག་པར་མི་བྱའོ། །སྟན་ཡང་བྱའོ། །རྩྭ་ལ་སོགས་པའི་ཆུན་པོ་བྱས་ཏེ་རས་ཀྱི་དུམ་བུས་དཀྲི་བར་བྱའོ། །ལས་བྱེད་པ་ན་རྫབ་དང་རྡུལ་གྱིས་མི་ཕོག་
[144b.7]པར་བསྲུང་ངོ་། །འགྲོ་བ་ན་ཚེར་མ་དང་། ཚང་ཚིང་ལས་བག་བྱ་ཞིང་ཤམ་ཐབས་ཀྱང་ཧ་ཅང་མི་འཇོལ། ཧ་ཅང་མི་དཀྲི་བར་བསྲུང་བར་བྱའོ། །དྲི་མ་ཆགས་སམ། སྣུམ་གྱིས་ཕོག་གམ། མི་གཙང་བས་ཕོག་བཀྲུ་བར་འོས་ན་བཀྲུའོ། །དྲུབ་བམ་ཁ་བསྒྱུར་བར་འོས་ན་དྲུབ་བོ། །ཁ་བསྒྱུར་
[145a]
[145a.1]རོ། །ལས་བྱེད་པའི་ཚེ་སྣམ་སྦྱར་མི་བགོའོ། །རྩྭ་ལ་སོགས་པ་མི་གཞུག་གོ། །ཉེ་བར་མནན་ནས་འདུག་པར་མི་བྱའོ། །ཉལ་བར་མི་བྱའོ། །ཤ་མཐང་ལ་རེག་པར་མི་བྱའོ། །དུས་གསུམ་དུ་བགོ་བར་བྱ་སྟེ། བསོད་སྙོམས་ལ་འཇུག་པ་དང་། ཟན་ཟ་བའི་གནས་དང་། མཆོད་རྟེན་ལ་ཕྱག་འཚལ་བའི་
[145a.2]དུས་སུའོ། །བླ་གོས་ནི་ཅི་བདེར་སྤྱད་དེ། །འོན་ཀྱང་དེའི་སྟེང་དུ་འདུག་པར་མི་བྱ། ཉལ་བར་མི་བྱའོ། །སོ་སོར་གདིང་བ་མེད་ན་ཡུན་རིང་དུ་མི་ཉལ་བར་བྱ་སྟེ། ཅུང་ཞིག་ཉལ་བར་བྱའོ། །གར་བབ་ཏུ་ཉལ་བར་མི་བྱའོ། །གང་རྨི་ལམ་གནོད་པ་མང་བ་དེས་ནི་རས་ཀྱི་འོག་ཏུ་རས་མས་དཀྲི་
[145a.3]པར་བྱའོ། །ཆོས་གོས་རྣམས་མི་གཙང་བའི་ཕྱོགས་སུ་གཞག་པར་མི་བྱའོ། །ཐབས་གཞན་ཡོད་ན་ཁུར་ལྕི་བ་མནན་པར་མི་བྱའོ། །བེའུ་རས་དང་། ལ་བ་སྤུ་ཅན་ནང་དུ་བསྟན་ཏེ་བགོ་བར་བྱའོ། །གཞན་དུ་ན་དེ་བཞིན་དུ་སྤྱད་དོ། །དེ་བཞིན་དུ་ཤིག་ལ་སོགས་པའི་ཉེ་བར་འཚེ་བ་
[145a.4]སྤང་བའི་ཕྱིར་ནི་རུང་ངོ་། །སྤྱད་པ་མ་ཡིན་པས་ཅུང་ཟད་ཀྱང་སྤྱད་པར་མི་བྱའོ། །ཆོས་གོས་གསུམ་ནི་དེའི་རང་གིས་སྤྱད་པས་སྤྱད་པར་བྱའོ། །དུས་དུས་སུ་ཆོས་གོས་བལྟ་བར་བྱའོ། །གང་ཡིད་བརྟན་པ་དེ་ལ་གཞག་པར་བྱའོ། །སྤང་བ་ནི་དེ་ལྟ་བུའོ། །ཡོངས་སུ་སྤང་བར་བྱ་བ་མི་ལྟ་བུ་ཞེ་ན།
[145a.5]དེའི་ངོ་བོས་ཆོས་གོས་ལ་ཆགས་པས་སེམས་གཡེངས་པར་འགྱུར་བས། ཆོས་གོས་མང་པོ་ལ་ཆགས་པས་གོས་ལྷག་པ་སྤང་བར་བྱའོ། །ཆོས་གོས་བཟང་པོ་ལ་ཆགས་པས་ཕྱག་དར་ཁྲོད་བགོ་བར་བྱ་སྟེ། གཞན་ནི་དོར་བར་བྱའོ། །གོས་འཇམ་པོ་རེག་པ་ལ་ཆགས་པས་བལ་གོས་
[145a.6]བགོ་བར་བྱའོ། །གཞན་དོར་བར་བྱའོ། །ཕྱག་དར་ཁྲོད་པ་དང་། དུར་ཁྲོད་པས་ཀྱང་གོས་དགེ་འདུན་གྱི་དངོས་པོ་བཟང་པོ་སྤང་བར་བྱ་སྟེ། དར་དང་ཟ་འོག་གི་སྟན་ལ་སོགས་པ་སྤྱད་པར་མི་བྱའོ། །དུར་ཁྲོད་ཀྱི་གོས་གྱོན་ཏེ་གཙུག་ལག་ཁང་དུ་འཇུག་པར་མི་བྱའོ། །མཆོད་རྟེན་ལ་ཕྱག་
[145a.7]མི་བྱའོ། །གལ་ཏེ་ཕྱག་འཚལ་ན་འདོམ་གང་ཁོར་ཡུག་ཕ་ཟད་ནས་བྱའོ། །དགེ་འདུན་གྱི་གཙུག་ལག་ཁང་གི་མལ་ཆ་དང་སྟན་ལ་སྤྱད་པར་མི་བྱའོ། །དགེ་འདུན་གྱི་ནང་དུ་འདུག་པར་མི་བྱའོ། །ཁྱིམ་པ་ལྷགས་པ་རྣམས་ལ་ཆོས་བསྟན་པར་མི་བྱའོ། །ཁྱིམ་རྣམས་སུ་འགྲོ་བར་མི་
[145b]
[145b.1]བྱའོ། །གལ་ཏེ་འགྲོ་ན་སྒོ་ཁར་བསྡད་པར་བྱའོ། །གལ་ཏེ་ནང་དུ་ཞུགས་ཤིག་ཅེས་ཟེར་ན་བདག་ནི་དུར་ཁྲོད་པའོ་ཞེས་བརྗོད་པར་བྱའོ། །གལ་ཏེ་ནང་དུ་སོང་ཞེས་ཟེར་ན་འགྲོ་བར་བྱའོ། །མ་བསྒོ་བར་སྟན་ལ་འདུག་པར་མི་བྱའོ། །དོན་གྱི་དབང་གསུམ་མཐོང་ནས་སྦྱངས་པའི་
[145b.2]ཡོན་ཏན་ཡང་དག་པར་བླང་བར་བྱ་སྟེ། གང་ཉོན་མོངས་པ་དེས་གནོད་པས་ཀུན་ནས་ཉོན་མོངས་པ་སྤང་བའི་ཕྱིར་དང་། ཡོ་བྱད་བསྙུངས་པའི་དོན་དང་། སྐྱེ་བོ་ཕྱི་མ་རྣམས་ལ་སྣང་བ་བྱས་པར་འགྱུར་བའོ། །དང་པོ་ནི་གདོན་མི་ཟ་བར་བྱའོ། །ཆོས་གོས་མ་དྲས་པར་གྲོང་དུ་འཇུག་པར་མི་
[145b.3]བྱའོ། །མ་མདུད་པར་མ་ཡིན་ནོ། །དེ་འདྲ་བའི་རྐྱེན་ཅིག་བྱུང་ན་མ་གཏོགས་སོ། །མ་དྲས་པར་ཁྱིམ་གྱི་ནང་དུ་འདུག་པར་མི་བྱའོ། །དེ་འདྲ་བའི་རྐྱེན་ཅིག་བྱུང་ན་མ་གཏོགས་སོ། །དེ་བཞིན་དུ་ཀུན་དུ་རྒྱུ་བའི་ཁྱིམ་དུ་ཡང་ངོ་། །ཀུན་དུ་རྒྱུ་རྣམས་ཕྱི་རོལ་དུ་བྱུང་ཟིན་པ་ལ་ནི་ལྟུང་བ་མེད་དོ། །
[145b.4]ཤམ་ཐབས་སྐ་རགས་ཀྱིས་མ་བཅིངས་པར་གྲོང་དུ་འཇུག་པར་མི་བྱའོ། །ཡོངས་སུ་སྤང་བར་བྱ་བ་ནི་དེ་ལྟ་བུའོ། །དྲན་པ་ཉེ་བར་གཞག་པ་ཅི་ལྟ་བུ་ཞེ་ན། ཉེ་བར་གཞག་པ་དང་། ཡོངས་སུ་སྤྱད་པ་དང་། དྲན་པས་གཞན་གྱི་ལ་ཡོངས་སུ་སྤྱད་དེ། བདག་གོས་རྣམས་ལ་ཡོ་བྱད་བསྙུངས་པར་
[145b.5]བྱའོ་སྙམ་དུ། དུས་དུས་སུ་དེ་ལྟར་དྲན་པ་ཉེ་བར་གཞག་པར་བྱའོ། །ཐམས་ཅད་དུ་ཅི་སྐད་བསྟན་པའི་ཚུལ་དུ་མ་བྱས་ན་ཐམས་ཅད་ལ་ཉེས་བྱས་སོ། །དེ་ལས་འདས་པར་ཞེས་བྱ་བས་ནི་ཞག་བཅུའི་སྐྱ་རེངས་ཤར་བའི་དུས་ལས་གཞན་དུའོ། །འཆང་ན་ཞེས་བྱ་བ་ནི་མ་བརྟགས་པའམ། བྱིན་
[145b.6]གྱིས་མ་བརླབས་པའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བ་བཤགས་པར་བྱ་བའོ། །དེ་ལ་ལྟུང་བ་ཅི་ལྟར་འགྱུར་ཞེ་ན། ཚེས་གཅིག་ལ་གོས་གཅིག་གམ་མང་པོ་ཞིག་རྙེད་ཀྱང་རུང་ཞག་བཅུ་ཚུན་ཆད་དུ་བྱིན་གྱིས་བརླབ་པར་བྱ། གཏད་པར་བྱ། རྣམ་པར་
[145b.7]བརྟག་པར་བྱའོ། །གཞན་དུ་ཞག་བཅུ་གཅིག་བའི་ཉིན་པར་སྤང་བར་འགྱུར་རོ། །ཚེས་གཅིག་ལ་རྙེད་ལ། ཚེས་བཅུའི་བར་དུ་དུས་ཀྱིས་ཆོད་ནས་གཞན་ཡང་གཅིག་གམ་མང་པོ་ཞིག་རྙེད་ཀྱང་རུང་། སྔ་མའམ། ཕྱི་མ་གཅིག་ནི་བྱིན་གྱིས་བརླབ་པར་བྱའོ། །གཞན་དུ་ནི་རྐྱེན་ཇི་ལྟ་
[146a]
[146a.1]བ་བཞིན་དུ་བྱའོ། །རྣམ་པ་གཞན་དུ་ཞག་བཅུ་གཅིག་པའི་ཉིན་པར་སྔ་མའི་རྒྱུད་ཀྱིས་སྤང་བར་འགྱུར་རོ། །བརྟགས་པ་ལ་མ་བརྟགས་པར་འདུ་ཤེས་ན་ལྟུང་བར་འགྱུར་རོ། །སྤང་བར་ནི་མ་ཡིན་ཏེ། ཆད་པའི་ལས་མེད་དོ་ཞེས་བྱ་བའི་ཐ་ཚིག་གོ། །གཞན་གྱི་
[146a.2]ལ་བདག་གིར་འདུ་ཤེས་ཏེ་མ་བརྟགས་པ་ཡང་དེ་བཞིན་ནོ། །མ་བརྟགས་པ་ལ་བརྟགས་པར་འདུ་ཤེས་པ་ལ་ལྟུང་བ་མེད་དོ། །དེ་བཞིན་དུ་བརྟགས་པ་ལ་བརྟགས་པར་འདུ་ཤེས་པ་ལ་ཡང་ངོ་། །མ་བརྟགས་པ་ལ་མ་བརྟགས་པར་འདུ་ཤེས་སམ། ཡིད་གཉིས་ཟ་ན་ཡང་
[146a.3]སྤང་བར་འགྱུར་རོ། །བརྟགས་པ་ལ་ཡིད་གཉིས་ཟ་ན་ཉེས་བྱས་སོ། །མེད་པ་ལ་ཡོད་པར་འདུ་ཤེས་ན་ཉེས་བྱས་སོ། །ཡོད་པ་ལ་མེད་པར་འདུ་ཤེས་ན་ལྟུང་བ་མེད་དོ། །དཀོན་མཆོག་གསུམ་ལ་སོགས་པའི་རྒྱུ་མཚན་དུ་འཆང་བ་ལ་ལྟུང་བ་མེད་དོ། །སྦྱིན་བདག་
[146a.4]གིས་འདི་ངའི་ཡིན་གྱིས་ཅི་དགར་གྱིས་ཞེས་བསྒོ་སྟེ་མ་བརྟགས་པ་དང་། ཞག་འདི་སྙེད་ཅིག་ན་བྱིན་གྱིས་བརླབ་བོ་སྙམ་དུ་བསམས་ན་དེ་ཚུན་ཆད་དུ་ལྟུང་བ་མེད་དོ། །མ་བསམས་ན་ཉིན་རེ་ཉིན་རེར་ཉེས་བྱས་རེ་རེའོ། །བརྗེད་དེ་ཞག་བཅུར་མ་ལོན་པར་བཅངས་པ་དང་། རྐྱེན་ཇི་ལྟ་
[146a.5]བ་བཞིན་དུ་བྱའོ་སྙམ་དུ་མངོན་པར་འདུས་བྱས་ནས་ཞག་བཅུ་ཚུན་ཆད་དུ་འཆང་བ་ལ་ལྟུང་བ་མེད་དོ། །འགའ་ཞིག་ལ་བསྔོས་པ་ལས་བདག་གིར་བྱས་ལ། ཉོན་མོངས་པ་མང་བ་ཆགས་པའམ་ཞེ་སྡང་བའམ། འགའ་ཞིག་ལ་གཏི་མུག་པའམ། བསྟན་བཅོས་ངན་པ་ལ་སོགས་པ་
[146a.6]སེམས་པའི་སྐྱོན་དང་། ཉོན་མོངས་པས་དྲངས་པས་བརྗོད་དེ། མ་བརྟགས་ན་དངོས་གཞིའོ། །དེ་བཞིན་དུ་ཉོན་མོངས་པས་ཟིལ་གྱིས་ནོན་པས་དྲངས་པའི་མ་གུས་པ་ལ་ཡང་ངོ་། །ཁ་ཅིག་ན་རེ་ལས་དང་པོ་མ་ཡིན་པའི་མི་ཤེས་པ་ལ་ཉེས་བྱས་སོ། །བླ་མ་ལ་ནི་བསྡམ་པར་བྱའོ། །
[146a.7]དེ་བཞིན་དུ་དེ་ལས་གཞན་པའི་བག་མེད་པ་ལ་ཡང་ངོ་ཞེའོ། །གང་ཟག་བརྟགས་པར་མི་འོས་པ་དང་། དང་བ་དང་ལྡན་པའི་སེམས་ཉེ་བར་མ་བཞག་པ་ལ་ཉེས་བྱས་སོ། །གང་ཅིག་ཁོ་ནར་བསླབ་པ་ལ་མི་གུས་པ་ལ་སོགས་པའི་ལྟུང་བ་སུ་ལ་ཡོད་པ་དེ་ལ་གནང་བ་མེད་དོ། །རྒྱུའམ་
[146b]
[146b.1]སྤུན་ནམ་གཉི་གའམ། རྔ་མོའི་བལ་ལ་སོགས་པ་དང་བསྲེས་པ་དང་། རུང་བ་མ་ཡིན་པའམ། ཐགས་སུ་མ་བཏགས་པ་ནི་ཞག་བཅུ་ལས་འདས་ན་ཉེས་བྱས་སོ། །དེ་ཐམས་ཅད་ནི་ཆོས་གོས་དང་། མལ་ཆ་དང་། སྟན་དང་ལྡན་པ་རྣམས་ལ་ཡང་བརྗོད་པར་བྱའོ། །གང་གིས་སྤང་བ་
[146b.2]སྲིལ་ལ་སོགས་པས་ཟོས་སམ་ཚིག་གམ་བརླག་པ་དེས་ལྟུང་བ་འབའ་ཞིག་བཤགས་པར་བྱའོ། །དེའི་དུམ་བུ་གང་ཡིན་པ་དེ་དག་ནི་སྤང་བ་མི་འཐོབ་པའོ། །དེ་ཉིད་དེ་དག་གིས་བྱིན་གྱིས་བརླབ་པའོ། །འདི་ཐམས་ཅད་ནི་སྤང་བ་རྣམས་ལ་བརྗོད་པར་བྱའོ། །གལ་ཏེ་ཞག་བཅུ་མ་ལོན་པ་
[146b.3]ཚུན་ཆད་དུ་བརླག་གམ་ཆུད་ཟོས་ན་སྤང་བ་མེད་དོ། །དེ་བཞིན་དུ་ཆུང་བ་ཡང་ངོ་། །ལོང་བས་ཐོས་སམ། །ལག་པའམ། པང་བར་གཞག་ལ་འདི་བདག་གི་ཡིན་ནོ་སྙམ་པའི་འདུ་ཤེས་བྱུང་ན་རྙེད་པ་ཞེས་བྱ་སྟེ། དེ་ནས་བགྲང་བར་བྱའོ། །འོན་པ་ནི་མཐོང་ནས་ཏེ། དེ་ནི་བྱེ་བྲག་གོ། །
[146b.4]སྨྱོས་པ་ནི་ནམ་རང་གི་སེམས་རྙེད་པ་ནས་སོ། །རྙེད་ན་ཞག་ལྔ་ལོན་ཏེ། སེམས་འཁྲུགས་ན་རང་གི་སེམས་རྙེད་པ་ནས་ཞག་བཅུར་བགྲང་ངོ་། །གོས་ལྷག་པ་ཞག་བཅུ་ལས་འདས་པར་འཆང་ཡང་སྤང་བའི་ལྟུང་བར་མི་འགྱུར་བ་ཡོད་དམ། །ཡོད་དེ་མུ་བཞིའོ། །མུ་དང་པོ་ནི་བརྟགས་པར་
[146b.5]འདུ་ཤེས་པའོ། །མུ་གཉིས་པ་ནི་དེ་མ་ཡིན་པ་ཡང་སྤང་བ་ཐོབ་པའོ། །གསུམ་པ་ནི་ཉོན་མོངས་པས་དྲངས་པའི་མ་གུས་པ་དང་། དྲན་པ་ཉམས་པས་སོ། །བཞི་པ་ནི་ཞག་བཅུ་ཉིད་ན་བརྟག་པར་བྱེད་པའོ། །མུ་བཞི་པོ་དེ་དག་ནི་བསླབ་པའི་གཞི་ཐམས་ཅད་ལ་མཚན་ཉིད་བརྟག་ཅིང་
[146b.6]བརྗོད་པར་བྱའོ། །སྤང་བ་དང་པོའོ།། །།འདུལ་བ་བསྡུས་པ། བམ་པོ་ལྔ་པ། མཉན་ཡོད་ན་དགེ་སློང་མང་པོ་ལ་བརྟེན་ཏེ་སྟོད་གཡོགས་དང་། སྨད་གཡོགས་དང་བཅས་པས་འགྲོ་ཞིང་མ་སྦས་ལ། སུ་དག་ལ་གཞག་པ་དེ་དག་ཀྱང་བྱ་བ་མང་དུ་གྱུར་པས་དགབ་པའི་
[146b.7]གཞིའི་དབང་དུ་མཛད་ནས་འགལ་ཚབས་ཅན་དང་ཕོངས་པའི་ཉོན་མོངས་པ་དག་གིས་གཉིས་པ་བཅས་པའོ། །གཞི་དང་ཉོན་མོངས་པ་འདི་དག་ནི་བརྒྱད་པོ་རྣམས་ལ་ཡང་བལྟ་བར་བྱའོ། །དགེ་སློང་ཆོས་གོས་ཟིན་པ་སྲ་བརྐྱང་ཕྱུང་ན་ཞེས་བྱ་བ་ནི་དགེ་སློང་ཆོས་གོས་ཟིན་ལ་
[147a]
[147a.1]སྲ་བརྐྱང་མ་ཕྱུང་བ་ཡོད་དེ་ཞེས་མུ་བཞིའོ། །གསུམ་ལས་ཞེས་བྱ་བ་ནི་སྣམ་སྦྱར་དང་། བླ་གོས་དང་། མཐོང་གོས་བྱིན་གྱིས་བརླབས་པ་ལས་སོ། །དེ་ལས་གཞན་པ་བྱིན་གྱིས་བརླབས་པ་བདག་ལ་ནི་འབྲལ་བ་མེད་དོ། །གདིང་བ་ལ་འབྲལ་བ་མེད་དུ་ཟིན་ཀྱང་དེ་མེད་
[147a.2]པར་གཙུག་ལག་ཁང་གཞན་དུ་འགྲོ་བར་མི་བྱའོ། །ཉིན་མོ་གནས་པ་དང་། སྤྱོད་ཡུལ་ལ་ནི་ལྟུང་བ་མེད་དོ། །དེ་ཉིད་སླར་ལྡོག་གོ་སྙམ་སྟེ་སོང་བ་ལས་གལ་ཏེ་སོན་པ་དང་། བྱ་བ་ཞིག་གིས་ཐོགས་པར་གྱུར་ན་བརྙས་ཏེ་ཉལ་བར་བྱའོ། །བླ་གོས་གདིང་བ་ནི་ཆོ་ག་ཇི་ལྟ་བ་བཞིན་ནོ། །
[147a.3]མཚམས་ཀྱི་ཕྱི་རོལ་དུ་འབྲལ་བར་བྱེད་ན་ཞེས་བྱ་བ་ནི་གཞན་དུ་སྐྱ་རེངས་ཤར་བ་སྟེ། དེ་སོང་ངམ་ཆོས་གོས་གཞན་དུ་ཁྱེར་བའོ། །འབྲལ་བ་ནི་རྣམ་པ་གསུམ་སྟེ། བཞག་པ་དང་འབྲལ་བ་དང་། བརྗེད་དེ་འབྲལ་བ་དང་། སྤྱད་པ་དང་བྲལ་བའོ། །དེ་ལ་དང་པོ་ནི་ཕྱོགས་དེ་ལྟ་བུ་
[147a.4]ཞིག་ཏུ་བཞག་པ་ལས་མི་སྣང་བར་གྱུར་པའམ། དེ་ནས་རྐུན་པོས་ཁྱེར་བའོ། །གཉིས་པ་ནི་དེར་བཞག་པ་ལས་བསམས་ཀྱང་གར་བཞག་མི་དྲན་པའོ། །གསུམ་པ་ནི་ཕྱོགས་དེ་ལྟ་བུ་ཞིག་ཏུ་སོང་བ་ལས་གང་དུ་སྐྱ་རེངས་ཀྱིས་ཆོད་དེ་དེའི་ཉིན་མོ་གོས་སྤྱད་མ་ནུས་པའོ། །
[147a.5]ཕྱོགས་དེ་ལྟ་བུ་ཞིག་ཏུ་འགྲོ་ལ། དེར་ཆོས་གོས་རྙེད་གྲང་སྙམ་དུ་བསམས་ནས་བྲལ་བ་ལ་ནི་ལྟུང་བ་མེད་དོ། །དེ་ནས་རྙེད་དུ་ཟིན་ཀྱང་ཆོས་གོས་དྲས་པ་གཅིག་ངེས་པར་ཁྱེར་བར་བྱའོ། །གལ་ཏེ་གྲོང་དུ་མི་འཇུག་ན་མ་ཁྱེར་ན་ཡང་ལྟུང་བ་མེད་དོ། །དགེ་འདུན་གྱིས་གནང་བ་མ་གཏོགས་ཏེ་ཞེས་
[147a.6]བྱ་བ་ནི་འཕགས་པ་ཤཱ་རིའི་བུ་དང་། འོད་སྲུངས་ཆེན་པོ་ལས་བརྩམས་ཏེ། སྣམ་སྦྱར་གྱི་གནང་བ་རྗེས་སུ་གནང་བའོ། །རྒན་པོ་རྒས་སམ་རིད་པ་དང་། ནད་པ་སྦྱོར་མི་ནུས་པ་ལའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། ཆོས་གོས་ཀྱི་གནས་ཁྱིམ་གཅིག་པ་ལ་སོགས་པ་ལྔ་བཅུ་རྩ་བརྒྱད་དོ། །
[147a.7]བར་སྡོམ་ནི། ཁྱིམ་གཅིག་པ་དང་ཁྱིམ་གཉིས་དང་། ཚོགས་དང་རྩིག་པ་རིབ་མ་དང་། འོབས་ཀྱི་ཉེར་ཀོར་དག་དང་ནི། །གྲོང་ཁྱིམ་ཚོང་ཁང་ཚོང་རྡལ་དང་། །དགྲ་གང་གཡུལ་དང་གཡུལ་ཚོམས་དང་། །མུ་སྟེགས་འཁོར་ལོ་ཤིང་རྟ་དང་། །གྲུ་དང་ཀུན་དགའ་ཤིང་
[147b]
[147b.1]ལྗོན་དང་། །ཉེ་བ་འཁོར་གྱིས་ཞུས་པའོ། །དེ་རེ་རེ་ཡང་རྣམ་པ་བཞིར་སྦྱར་བར་བྱ་སྟེ། དེ་ལས་ཉེ་བ་འཁོར་གྱིས་ཞུས་པའི་གནས་གསུམ་ནི་མ་གཏོགས་སོ། །དེ་ལ་ཁྱིམ་གཅིག་པའི་གྲོང་ནི་རི་ཁྲོད་པ་ལ་སོགས་ཏེ། དེའི་ཉེན་ཀོར་ནི་ནང་ཐམས་ཅད་དང་། ཕྱི་རོལ་
[147b.2]འདོམ་གང་དང་གང་དུ་ངེས་པར་རྟག་ཏུ་བྱ་བ་རྣམས་བྱེད་པའོ། །ཐམས་ཅད་དུ་ཡང་ཁྱད་པར་མེད་དེ་ཚུལ་དེ་བཞིན་ནོ། །གང་ལ་ཁྱད་པར་ཡོད་པ་དེ་ནི་བརྗོད་པར་བྱའོ། །དེ་བཞིན་དུ་ཁྱིམ་གཉིས་དང་། ཁྱིམ་གྱི་ཚོགས་ཀྱང་ངོ་། །གང་སྒོ་ཐ་དད་དུ་འདུག་པ་དེ་ཉེ་
[147b.3]འཁོར་སོ་སོ་བ་སྟེ། ཐུན་མོང་བ་ཅི་ཡང་མེད་པའོ། །རྩིག་པས་བསྐོར་བའི་ཉེ་འཁོར་ནི་བྱ་གག་སྦུར་བ་ལས་གང་དུ་བབས་པ་འམ། །སྐྱེས་བུ་རང་བཞིན་གྱིས་ངོ་ཚ་དང་ལྡན་པ་ཕྱི་རོལ་དུ་བཤང་བའི་སར་འགྲོ་བའོ། །རིབ་མས་བསྐོར་བ་ནི་སྐས་ཁྲུ་བཅུ་གཉིས་པས་གང་དུ་ཕྱིན་
[147b.4]ཅིང་སླེབས་པའམ། སྨྱིག་མའི་ཤར་བས་བཀང་བའི་ཤིང་རྟས་བསྐོར་བའོ། །འོབས་ཀྱིས་བསྐོར་བ་ལ་ནི་གང་དུ་བ་ལང་དང་། ར་ལུག་གི་རྨིག་པས་བསླང་བའི་རྡུལ་གང་དུ་བབས་པའམ། ཕྱག་དར་གྱི་ཕུང་པོའི་སྟེང་དུ་ཕོ་བ་ལས་བང་བ་རགས་པ་འདྲིལ་བ་གང་དུ་
[147b.5]ཆགས་པའོ། །གྲོང་ཉེ་འཁོར་གཅིག་པ་ནི་གང་ན་སྐྱེད་མོས་ཚལ་གཅིག་པ་དང་། འདུན་ས་དང་། ལྷའི་གནས་ཐ་མི་དད་པའོ། །དེ་བཞིན་དུ་གྲོང་རབ་ཏུ་མང་པོ་ཉེ་འཁོར་གཅིག་པ་ཡང་ངོ་། །གྲོང་ཉེ་འཁོར་ཐ་དད་པ་ནི་གང་ན་སྐྱེད་མོས་ཚལ་མང་པོ་ཡོད་ལ་སྒོ་ཐུན་
[147b.6]མོང་བའོ། །དེ་བཞིན་དུ་གྲོང་རབ་ཏུ་མང་པོ་ཉེ་འཁོར་ཐ་དད་པ་ཡང་ངོ་། །དེ་ལ་ཐུན་མོང་ཅུང་ཟད་ཀྱང་མེད་དོ། །དེ་བཞིན་དུ་ཁྱིམ་གྱི་སྦྱར་བ་ཡང་ངོ་། །དེ་བཞིན་དུ་ཚོང་ཁང་དང་། ཚོལ་རྡལ་དང་། དགྲ་གང་དང་། གཡུལ་དང་གཡུལ་ཚོམས་དང་། མུ་སྟེགས་ཅན་གྱི་ཁྱིམ་
[147b.7]དང་། འཁོར་ལོ་བྱེད་པའི་ཁྱིམ་སྟེ། གང་དུ་གདུགས་ལ་སོགས་པ་བྱེད་པའོ། །ཤིང་རྟ་དང་། གྲུ་དང་། ཀུན་དགའ་ར་བ་དང་། ཤིང་ལྗོན་པ་ཡང་ངོ་། །མུ་བཞིར་བརྗོད་པར་བྱ་སྟེ། སྒོ་དང་། སྟན་བཟང་པོ་དང་། ཡ་གད་དང་། གཡུལ་གྱི་ལྟེ་བ་དང་།
[148a]
[148a.1]སྒོ་དང་། ལྷའི་གནས་དང་། རྒྱལ་མཚན་དང་། ཁ་ལོ་བསྒྱུར་བའི་སྟན་དང་། གྲུ་གདོང་དང་། ཁྲོན་པ་དང་། རྩ་བ་ཡང་ཐུན་མོང་བ་སྟེ། གོ་རིམས་བཞིན་དུ་བརྗོད་པར་བྱའོ། །གང་མི་གཅིག་གིའམ། སྤུན་རྣམས་ནོར་མ་བགོས་པ་ནི་ཉེ་འཁོར་གཅིག་པའོ། །
[148a.2]བཟློག་པ་ནི་ཉེ་འཁོར་ཐ་དད་པའོ། །མུ་སྟེགས་ཅན་གྱི་ཁྱིམ་ན་གང་ལྟ་བ་ཐ་དད་པ་དང་། སླར་བཟློག་པའོ། །ཤིང་ལྗོན་པ་ཡལ་ག་དང་། འདབ་མ་འབྲེལ་བ་དང་། བཟློག་པའོ། །གཡུལ་དང་ཤིང་ལྗོན་པའི་ཉེ་འཁོར་གྱི་ཁྱད་པར་ནི་གང་དུ་འབྲུ་འཕྱར་བ་ལས་རླུང་གིས་ཁྱེར་
[148a.3]བའི་ཕུབ་མ་གར་ལྷུང་བའོ། །དཔྱིད་ཀྱི་ཟླ་བ་ཐ་མའི་ཉི་མ་ཕྱེད་པའི་གྲིབ་མ་དང་། རླུང་གིས་མ་བསྐྱོད་པའི་འདབ་མ་དང་། ཆར་པ་ཆད་ནས་ཐིགས་པ་ཆེན་པོ་ས་ལ་གར་ལྷུང་བའོ། །སྤོས་ཀྱི་ཚོང་ཁང་མ་གཏོགས་པ་གཞན་ཐམས་ཅད་ནི་ཚོང་ཁང་དུ་བལྟ་བར་བྱའོ། །གནས་
[148a.4]དེ་དག་ལས་དགེ་སློང་གི་ནང་ངམ། ཉེ་འཁོར་དུ་ཆོས་གོས་བཞག་ལ། གཉི་ག་ལས་གཞན་དུ་སྐྱ་རེངས་ཤར་ན་སྤང་བའོ། །སྐྱ་རེངས་མ་ཤར་གྱི་བར་དུ་ཉེས་བྱས་སོ། །གཉི་ག་ལས་གང་དུ་ཡང་རུང་སྐྱ་རེངས་ཤར་ན་ཉེས་པ་མེད་དོ། །མཚམས་མ་བཅད་པ་ལ་འགྲོ་ན་
[148a.5]འདོམ་བཞི་བཅུ་རྩ་དགུའི་བར་དུ་ཉེ་འཁོར་རོ། །འགྲེང་བ་དང་། འདུག་པ་དང་། ཉལ་བ་ལ་ནི་འདོམ་གང་ངོ་། །མཚམས་གཉིས་ཀྱིས་མཚམས་སུ་ཉལ་བར་བྱེད་ན་ཆོས་གོས་ཀྱི་མཐའ་ལུས་ལས་མ་བྲལ་བའོ། །ཆོས་གོས་དང་མི་འབྲལ་བའི་མཚམས་སམ།
[148a.6]ཕྱི་རོལ་གྱི་ས་ལ་བཞག་སྟེ་ནམ་མཁའ་ལ་འདུག་གམ། །གོ་བཟློག་ཀྱང་རུང་སྟེ་བྲལ་བ་ཞེས་བྱའོ། །མཚམས་མ་བཅད་པའི་གནས་སུ་རྩིག་པས་བསྐོར་བ་དང་། འོབས་ཀྱིས་བསྐོར་བ་ལས་འདས་ན་འབྲལ་བའོ། །རྣམ་པར་ངེས་པ་ནི་ཉོན་མོངས་པ་མང་ཞིང་
[148a.7]དེས་མ་གུས་པ་ལས་སྤང་བའོ། །མི་ཤེས་ན་ཉེས་བྱས་སོ། །དེའི་མཁན་པོ་ལ་སོགས་པ་རྣམས་ཀྱིའང་ཉེས་བྱས་སོ། །ལུང་དུ་མི་སྟོན་པའི་སེམས་ཀྱིས་བག་མེད་པར་བྱས་པ་ནི་ཉེས་བྱས་ཉིད་དོ། །དགེ་བ་ལ་སྦྱོར་བས་བྲེལ་ཏེ་བྱུང་ན་ལྟུང་བ་མེད་དོ། །མེད་པ་དང་
[148b]
[148b.1]ཕྲོགས་པ་ཡིན་པ་ལ་བྲལ་ལོ་སྙམ་དུ་ཤེས་ན་ཉེས་བྱས་སོ། །ཡོད་པ་ལ་མ་བྲལ་བར་འདུ་ཤེས་ན་ལྟུང་བ་མེད་དོ། །གཞན་བསྐུར་རོ་སྙམ་པ་ལས་གཞན་ཁྱེར་ན་ལྟུང་བ་མེད་དོ། །རང་གི་སྙམ་པ་ལས་གཞན་གྱི་ཁྱེར་བ་ལ་ལྟུང་བ་མེད་དོ། །མ་ཁྱེར་བ་ལས་ཁྱེར་རོ་སྙམ་པ་
[148b.2]དང་། བྲལ་བ་ལས་མ་བྲལ་བར་འདུ་ཤེས་པ་ལ་ལྟུང་བ་མེད་དོ། །མ་བྲལ་བ་ལ་བྲལ་བར་འདུ་ཤེས་པ་དང་། བླངས་པ་ལས་མ་བླངས་པར་འདུ་ཤེས་ན་ལྟུང་བ་སྟེ། སྤང་བ་ནི་མ་ཡིན་ནོ། །མ་བླངས་པ་ལ་མ་བླངས་པར་འདུ་ཤེས་པ་དང་། བྲལ་བ་ལ་བྲལ་བར་
[148b.3]འདུ་ཤེས་ན་སྤང་བའོ། །མ་བྲལ་བ་ལས་ཡིད་གཉིས་ཟ་ན་ཉེས་བྱས་སོ། །སངས་རྒྱས་དང་ཆོས་དང་དགེ་འདུན་དང་བླ་མ་དང་། བླ་མའི་གནས་ལྟ་བུ་རྣམས་ཀྱི་དོན་ལྷག་པ་ཞིག་གི་ཕྱིར་བྲེལ་ཏེ། བྲལ་བ་ལ་ལྟུང་བ་མེད་དོ། །དེ་བཞིན་དུ་ཁ་ཅིག་ལ་སྙིང་རྗེ་སྟེ། སྡུག་བསྔལ་
[148b.4]ཆེན་པོ་ལས་ཐར་བར་བྱེད་དམ། ཁ་ཅིག་ལ་ཉོན་མོངས་པ་ཆེན་པོ་ལས་བྲལ་བར་བྱེད་པའང་དེ་བཞིན་ཏེ། དེ་དག་ནི་ཁ་ཅིག་གིས་འདོད་དོ། །འཕྲོག་པར་རིག་གམ་བར་ཆད་བརྒྱད་པོ་རྣམས་ལ་བྲལ་བ་ལ་ལྟུང་བ་མེད་དོ། །གང་དུ་དེང་ཉིད་དུ་ཕྱིར་ལྡོག་གོ་སྙམ་སྟེ་སོང་ན་གལ་ཏེ་
[148b.5]སོང་བ་ལས་དེ་འདྲ་བའི་དོན་ཞིག་བྱུང་ན་སྔ་མ་སེམས་ཀྱིས་བཏང་ལ་བརྙས་ཏེ་ཆོས་གོས་གསུམ་དུ་བྱིན་གྱིས་བརླབ་པོ། །ཅི་སྟེ་ཁ་དོག་བསྒྱུར་བའམ་དྲས་པ་མེད་ན་ཡང་དེ་ལས་གཞན་པ་ལ་ཡང་བྱིན་གྱིས་བརླབ་པར་བྱའོ། །གང་ཕོངས་པའི་རྗེས་སུ་གནང་བ་དེ་བདེ་བར་གནས་སྐབས་སུ་
[148b.6]མི་བྱའོ། །དགེ་འདུན་གྱི་ཡང་བྱིན་གྱིས་བརླབ་ཏུ་རུང་སྟེ་གལ་ཏེ་དེ་དང་བྲལ་ན་ལྟུང་བ་འབའ་ཞིག་བཤགས་པར་བྱའོ། །ལམ་གྱི་མཚམས་ནོན་ཏེ་སྐྱ་རེངས་ཤར་བ་ལ་ལྟུང་བ་མེད་དོ། །དེ་ཉིད་ཞག་བཅུ་འདས་ལ་དེ་ཉིད་མཚན་མོ་འབྲལ་བར་འགྱུར་བ་མཆིས་སམ། ཡོད་དེ་རྒྱུན་
[148b.7]རྗེས་སུ་འབྲལ་བ་ཡོད་པ་དང་། ཞག་བཅུ་པའི་ཉིན་པར་རྙེད་པ་བྱིན་གྱིས་བརླབས་པ་ནི་བྲལ་བའོ། །དགེ་སློང་མ་ལ་ནི་ཆོས་གོས་ལྔའི་འབྲལ་བའོ། །གལ་ཏེ་ཤིང་ཡལ་ག་རྣམས་འདབ་འབྲེལ་ན་རྒྱང་གྲགས་གཅིག་གི་བར་དུ་ཡང་ལྟུང་བ་མེད་དོ། །སྤང་བ་གཉིས་བའོ།། །།
[149a]
[149a.1]མཉན་ཡོད་དུ་དགེ་སློང་མང་པོ་ལ་བརྟེན་ཏེ་ཟླ་བ་གཅིག་ལས་འདས་ཀྱང་ཆོས་གོས་རྣམས་འཆང་བས་ན་གསུམ་པ་བཅས་སོ། །རྙེད་ལ་ཞེས་བྱ་བ་ནི་གཞན་ལས་སོ། །དུས་མ་ཡིན་པའི་གོས་ཞེས་བྱ་བ་ནི་སྲ་བརྐྱང་བཏིང་བའི་གནས་ན་སྟོན་ཟླ་ཐ་ཆུངས་ནས་
[149a.2]བརྩམས་ཏེ་དཔྱིད་ཟླ་ར་བའི་བར་དང་། སྲ་བརྐྱང་མ་བཏིང་བ་ནི་སྟོན་ཟླ་ཐ་ཆུངས་ཉིད་གོས་ཀྱི་དུས་སོ། །དེ་ལས་གཞན་པ་དུས་མ་ཡིན་ནོ། །ཆོས་གོས་ལྷག་པ་ཡོངས་སུ་ཁ་མི་ལངས་པ་འགའ་ཞིག་རྙེད་པ་དེ་ནི་དུས་མ་ཡིན་པའི་གོས་སོ། །འདོད་ན་ཞེས་བྱ་བ་ནི་གལ་ཏེ་
[149a.3]དེ་ལས་བླང་ངོ་སྙམ་དུ་སེམས་པའོ། །གཞག་པར་བྱའོ་ཞེས་བྱ་བ་ནི་བཅང་བར་བྱའོ། །གོས་ལ་རེ་བ་ཡོད་ན་ཞེས་བྱ་བ་ནི་མ་ལ་སོགས་པའམ། སློབ་དཔོན་ལ་སོགས་པའམ། ལོ་ལྔ་པ་ལ་སོགས་པ་ལས་རྙེད་དུ་རེ་བའོ། །ཁ་ཅིག་ནི་མི་ལངས་
[149a.4]བ་འདིས་ལངས་པར་བརྗེའོ་ཞེས་སེམས་སོ། །མི་ལངས་ལ་ཁ་མ་ལངས་པ་ཞེས་བྱ་བ་ནི་ལྷག་མ་བསྒྲུབས་ནས་ལངས་པར་བྱའོ་སྙམ་པའོ། །དགེ་སློང་གིས་གོས་སྔོན་པོའམ། སེར་པོའམ། དམར་པོའམ། སྟུག་པོའམ་སྲབ་མོའང་རུང་ཚེས་གཅིག་ལ་རྙེད་ལ། དེས་དེའི་མི་
[149a.5]ལངས་ཏེ། རེ་བ་མེད་ཀྱང་རུང་སྟེ། འདི་དང་འདྲ་བ་ཞིག་རྙེད་ན་བྱའོ་སྙམ་ནས་དེས་དེ་གཞག་གོ། །ཚེས་བཅུ་ཚུན་ཆད་རེ་བ་ལས་གལ་ཏེ་རྙེད་དེ་བཅུ་ལས་ན་སྤང་བའོ། །ཟླ་བ་གཅིག་ཚུན་ཆད་རྙེད་པའི་ཉི་མ་ལས་འདས་ན་སྤང་བའོ། །གཞག་པར་བསམས་པ་
[149a.6]དེའི་བསམ་པ་དེ་ཉམས་པར་གྱུར་པ་དང་། འགྱངས་པ་དང་། ཉམ་ཆུང་བར་གྱུར་ཏམ། མ་ཐོབ་བམ། མེད་པར་གྱུར་པ་ཡང་མ་ཡིན་ཏེ། ཟླ་བ་གཅིག་ཚུན་ཆད་དུ་རྙེད་པ་འདས་ན་སྤང་བའོ། །གལ་ཏེ་རེ་བ་དེ་ཡོངས་སུ་ཆད་ན་ཞག་བཅུ་ལས་འདས་པ་དང་ལྟུང་བའོ། །མ་
[149a.7]ཆད་ན་ཡང་གལ་ཏེ་ཟླ་བ་གཅིག་ཚུན་ཆད་དུ་རྙེད་ནའོ། །གལ་ཏེ་ཟླ་བ་གཅིག་ཚུན་ཆད་མ་རྙེད་ལ། རྙེད་ན་ཡང་ཟླ་བ་གཅིག་ལས་འདས་ན་སྤང་བའོ། །གང་ལ་ཆོས་གོས་གསུམ་ཡོངས་སུ་རྫོགས་པར་མེད་པ་དེས་ནི་རིང་ན་ཟླ་བ་གཅིག་ཏུ་གཞག་པར་བྱའོ། །གཞན་གྱིས་ནི་
[149b]
[149b.1]མ་ཡིན་ནོ། །གོས་ལ་རྣམ་པ་གཉིས་ཏེ་གང་རྒྱུད་བརྟགས་པ་མ་བགོས་པ་སར་པ་དང་། གང་དུས་གསུམ་དུ་གང་ཡང་རུང་བའི་ཟླ་བ་དེ་དག་ཏུ་གཞན་ལོངས་སྤྱད་པའོ། །གོས་ལ་རྣམ་པ་ལྔ་སྟེ། སྦྱིན་བདག་ཡོད་པ་སྟེ། གང་གིས་སྦྱིན་བདག་ཏུ་ཤེས་པ་དང་། སྦྱིན་བདག་མེད་པ་
[149b.2]དང་། གང་གིས་མི་ཤེས་པ་དང་། ཁྱེར་ནས་སླར་འོངས་པ་སྟེ། གོང་དུར་ཁྲོད་དུ་ཁྱེར་ནས་སླར་ཁྱེར་ཏེ་འོངས་པ་དང་། དུར་ཁྲོད་ཀྱི་སྟེང་གང་དུར་ཁྲོད་དུ་བོར་བ་ཡོངས་སུ་འཛིན་པ་མེད་པ་དང་། ཕྱག་དར་ཁྲོད་དང་ལྔ་སྟེ། དེ་ལ་ཡང་རྣམ་པ་ལྔའོ། །ལམ་པོ་ཆེའི་ཕྱག་དར་ཁྲོད་དང་།
[149b.3]ཆུ་ངོགས་ཀྱི་དང་། དགོན་པར་བོར་བ་དང་། མི་གཙང་བའི་ཕྱག་དར་ཁྲོད་དང་། ཞིགས་པ་དང་ལྔ་སྟེ་ཞིགས་པ་ནི་གང་ཤིན་ཏུ་རྙིངས་པའོ། །གཞན་ཡང་ལྔ་སྟེ། བེའུ་དང་། བྱི་བ་དང་། སྲིལ་གྱིས་ཟོས་པ་དང་། མེས་ཚིག་པ་དང་། མ་མའི་གོས་དང་ལྔའོ། །ཅི་སྟེ་མ་
[149b.4]བགོས་པ་རྙེད་ལ་ནུས་ན་བཀྲུ་བ་ལ་སོགས་པ་བྱས་ཏེ་སྣམ་སྦྱར་ནི་ཉིས་རིམ་དང་གདིང་བའང་ཉིས་རིམ་དུ་བྱའོ། །བླ་གོས་ནི་ཆིག་རྐྱང་དང་། མཐང་གོས་ཀྱང་ཆིག་རྐྱང་དུ་བྱའོ། །མ་བགོས་པ་ལས་སྣམ་སྦྱར་དང་། གདིང་བ་སུམ་རིམ་དང་། བླ་གོས་དང་། མཐང་གོས་ཉིས་རིམ་དུ་བྱའོ་
[149b.5]སྙམ་ན་ཉེས་བྱས་སོ། །ཞག་བཅུ་གཅིག་ལོན་ན་སྤང་བའོ། །གཞན་དུ་སྦྱར་རོ་སྙམ་ནས་རིམ་པ་གཉིས་པ་ཕྱིན་ཉེས་བྱས་སོ། །ཞག་བཅུ་གཅིག་འདས་ན་སྤང་བའོ། །ཅི་སྟེ་བཀྲུས་ཤིང་བཙོས་ཏེ་འདི་ཉིད་དུ་སླར་སྦྱར་རོ་སྙམ་དུ་བསམས་ནས་ཕྱེ་ན་ནི་ལྟུང་བ་མེད་དོ། །ཕྱེ་བས་དེ་ཞག་
[149b.6]བཅུ་གཅིག་པ་ལས་འདས་ན་སྤང་བའོ། །དེས་དགོས་པ་ཞིག་རྙེད་ན་སྣམ་སྦྱར་དང་གདིང་བ་ནི་བཞི་རིམ་དུ་བྱའོ། །བླ་གོས་ནི་ཉིས་རིམ་དང་། མཐང་གོས་ཀྱང་ཉིས་རིམ་སྟེ། དེ་ལ་ཡང་སྦྱར་བ་དང་། ཕྱེ་བ་ཡང་སྔ་མ་བཞིན་ཏེ། ཅི་ལྟར་རིགས་པ་བཞིན་དུ་སྦྱར་
[149b.7]རོ། །ཆོས་གོས་ལ་ངེས་པར་བྱས་པ་རྣམ་དེ་བཞིའོ། །ཕྱག་དར་ཁྲོད་ཀྱི་ནི་ཅི་ཙམ་ཆོག་པར་བྱའོ། །ཆོས་གོས་ངན་པ་དང་། ཆུང་བ་ལ་ནི་ལྷག་པར་གླན་ནོ། །སྣམ་སྦྱར་གྱི་རྣམ་པ་ནི་དགུ་སྟེ། དགུ་པ་དང་། བཅུ་གཅིག་པ་དང་། བཅུ་གསུམ་པ་དང་། བཅོ་
[150a]
[150a.1]ལྔ་པ་དང་། བཅུ་བདུན་པ་དང་། བཅུ་དགུ་པ་དང་། ཉི་ཤུ་རྩ་གཅིག་པ་དང་། ཉི་ཤུ་རྩ་གསུམ་པ་དང་། ཉི་ཤུ་རྩ་ལྔ་པའོ། །དང་པོ་གསུམ་ནི་གླེགས་བུ་ཕྱེད་དང་གསུམ་པའོ། །གཉིས་པའི་གསུམ་ནི་གླེགས་བུ་ཕྱེད་དང་བཞི་བའོ། །གསུམ་པའི་གསུམ་ནི་གླེགས་
[150a.2]བུ་ཕྱེད་དང་ལྔ་པར་བྱའོ། །སྣམ་སྦྱར་ཡང་དེ་བཞིན་དུ་སྦྱར་བར་བྱའོ། །དེ་ཕན་ཆད་ནི་ཚེམ་བུའོ། །ཆོས་གོས་སྣམ་སྦྱར་ལ་རྣམ་པ་གསུམ་སྟེ། ཆེན་པོ་ནི་ལྔ་དང་གསུམ་པའོ། །ཆུང་ངུ་ནི་ཕྱེད་དང་ལྔ་དང་ཕྱེད་དང་གསུམ་པའོ། །འབྲིང་ནི་དེ་གཉིས་ཀྱི་བར་རོ། །བླ་གོས་
[150a.3]ནི་རྣམ་པ་གསུམ་སྟེ། ཆེན་པོ་ལ་ནི་ལྔ་དང་གསུམ་པའོ། །ཆུང་ངུ་ནི་ཕྱེད་དང་ལྔ་དང་གསུམ་པའོ། །ཆུང་ངུ་ནི་ཕྱེད་དང་ལྔ་དང་གསུམ་པའོ། །འབྲིང་ནི་དེ་གཉིས་ཀྱི་བར་རོ། །དེ་བཞིན་དུ་མཐང་གོས་ལ་ཡང་རྣམ་པ་གཉིས་ཏེ། ལྔ་དང་གཉིས་དང་བཞི་དང་གཉིས་སོ། །བྱིན་གྱིས་བརླབས་པའི་ནང་ན་ཐ་
[150a.4]མ་གང་ཞེ་ན། གང་འཁོར་གསུམ་ཁེབས་པའོ། །སྤང་བའི་ནང་ན་ཐ་མ་གང་ཞེ་ན། གང་ཁྲུ་གང་ཁོར་ཡུག་པའོ། །ལུས་ཆེ་ལ་ཁྲུ་ཐུང་ན་ལུས་ཀྱི་ཚད་དུ་ཆོས་གོས་བྱའི། ཁྲུའི་ཚད་དུ་ནི་མ་ཡིན་ནོ། །སླར་བཟློག་པ་ཡང་དེ་བཞིན་ནོ། །གང་ལ་ཚད་བཞིན་གྱིས་མི་ལང་
[150a.5]ན། དེས་རལ་ཁ་དཔུང་ཆད་དུ་བྱས་ལ་བཅང་བར་བྱའོ། །ཇི་སྐད་གསུངས་པའི་ཚད་ལས་ཆེའམ་ཆུང་ངུས་བྱས་ཏེ་འཆང་ན་ཉེས་བྱས་སོ། །ཚད་ལས་ཆུང་བ་ཞིག་ཟླ་བ་གཅིག་ལས་འདས་པར་བཞག་ན་ཉེས་བྱས་སོ། །གསུམ་པའོ།། །།མཉན་ཡོད་ན་
[150a.6]སྟེ། འཆར་ཀས་ཁུ་བས་མ་རུང་པའི་གོས་རྙིང་པ་དགེ་སློང་མ་སྦེད་མ་ལ་འཁྲུར་བཅུག་པའི་ཕྱིར་ཕྱིན་པ་དང་། དེས་ཀྱང་ཁུ་བ་དེ་བླུགས་པ་ན་འགལ་ཚབས་ཅན་གྱི་ཉོན་མོངས་པ་དག་ཡོངས་སུ་སྤང་བའི་ཕྱིར་དང་། འདི་ལྟར་སྒོ་དེ་ནས་ཤིན་ཏུ་འཇུག་པར་མཐོང་བ་དང་།
[150a.7]ཕོངས་པའི་ཉོན་མོངས་པ་ཡོངས་སུ་སྤང་བའི་ཕྱིར་ཡང་འདི་ལྟར་ཉེ་དུ་ལ་རྗེས་སུ་གནང་བ་དང་། གཞན་དག་མ་དད་པའི་ཉོན་མོངས་པས་ཉེས་པར་འགྱུར་བ་ཡོངས་སུ་སྤང་བ་དང་། རྐྱེན་ལ་བརྟན་པའི་ཉོན་མོངས་པ་དག་ལ་ཡོངས་སུ་སྤང་བའི་ཕྱིར་དང་། ཕྱི་ཕྱིར་
[150b]
[150b.1]ཕྲད་པའི་རྐྱེན་གྱིས་འདོད་ཆགས་འབྱུང་བར་མ་གྱུར་ཅིག་ཅེས་བྱ་བའི་ཕྱིར་བཞི་པ་བཅས་སོ། །ཉེ་དུ་མ་ཡིན་པ་ཞེས་བྱ་བ་ནི་མའི་ཕ་དང་། མའི་ཕ་ཟུང་རྒྱུད་ལས་བདུན་པ་ཚུན་ཆད་ནི་ཉེ་དུའོ། །ཕན་ཆད་ནི་ཉེ་དུ་མ་ཡིན་ནོ། །འདི་ལྟ་སྟེ་དཔེར་ན་མ་དང་། བུ་མོ་དང་། མ་དང་།
[150b.2]ཕའི་རྒྱུད་དམ། སྲུ་མོའམ། སྲིང་མོའམ། ཚ་མོའམ། ནེ་ནེ་མོའམ། གང་ཁྱོད་ངའི་མའོ་ཞེས་མར་གཟུང་བ་དང་། ཁྱོད་ངའི་སྲིང་མོའོ་ཞེས་བྱ་བ་ལ་སོགས་པ་དང་། གང་རྒན་པའམ། ནད་ཀྱིས་ཡུན་རིང་དུ་ཉེན་ཏེ་རིད་ཅིང་ཁ་དོག་གྱུར་པའམ་ཤེས་པའམ་ཡོན་ཏན་དུ་ལྡན་
[150b.3]པ་ཡང་རུང་དེས་ཀྱང་དགེ་སློང་དེ་ཡོན་ཏན་དུ་ལྡན་པའམ། སློབ་དཔོན་ནམ། དེའི་མཁན་པོའམ། བླ་མའི་གནས་ལྟ་བུའམ། ལྷན་ཅིག་གནས་པའི་ཉེ་དུ་མ་འམ། སློབ་མར་གྱུར་པའམ། དགེ་འདུན་གྱིས་དེ་ལ་ཁྱེད་ཅག་གི་འདི་ལྟར་བྱའོ་ཞེས་ཆད་པའི་ལས་བྱེད་དུ་བཅུག་ཀྱང་
[150b.4]རུང་བ་དེ་ཉིད་དེ་འདྲ་བའི་བཟོ་བསླབ་པར་གྱུར་ཏམ། རྒན་པ་ནས་བརྩམས་ནས་ཅི་ལྟར་འདི་དག་གིས་ཀྱང་ཉེ་དུ་བཞིན་དུ་དེ་ལ་ལྟུང་བ་མེད་དོ། །དགེ་སློང་མ་ཞེས་བྱ་བ་ནི་བསྙེན་པར་རྫོགས་པའོ། །དགེ་སློང་མར་གཏོགས་པ་ཐམས་ཅད་ལ་ཡང་བརྗོད་པར་བྱའོ། །གོས་རྙིང་པ་ཞེས་བྱ་བ་ནི་
[150b.5]བདག་གི་སྟེ། རུང་བ་དུས་སུ་བྱིན་གྱིས་བརླབས་པ་སྟེ། བལ་དང་། ཟར་མ་དང་། ལྡུམ་བུ་ཤ་ན་དང་། རས་བལ་དང་། རྩྭ་དུ་གུ་ལ་དང་། རྩྭ་ཀོ་ཏམ་པ་དང་། ཉི་འོག་གི་གོས་ཏེ། སོ་སོར་ཕྱེ་བའོ། །ཁྲ་ཁྲ་བོ་ལ་སོགས་པ་ཡང་དེ་བཞིན་ཏེ་ཉེས་བྱས་སོ། །འཁྲུར་ཞེས་བྱ་བ་ནི་ཐ་ན་ཆུའི་ནང་དུ་བཅལ་
[150b.6]བའོ། །དེ་བཞིན་དུ་འཇི་བ་ལ་སོགས་པས་རེག་པ་བཀྲུས་ན་ཡོང་ངོ་། །འཚེད་ཅེས་བྱ་བ་ནི་ཐ་ན་ཚོན་གྱི་ནང་དུ་ལྷན་ཅིག་བཅལ་བའོ། །བཅག་ཅེས་བྱ་བ་ནི་ཐ་ན་ལག་མཐིལ་དུ་བརྡབས་པའོ། །ཉེ་དུ་མ་ཡིན་པ་ལ་ཉེ་དུ་མ་ཡིན་པར་འདུ་ཤེས་སམ་ཡིད་གཉིས་ཟ་ན་ཡང་འཁྲུ་བ་ལ་སོགས་པ་གང་ཡང་
[150b.7]རུང་བ་བྱེད་དུ་བཅུག་ན་སྤང་བའི་ལྟུང་བྱེད་དོ། །ཉེ་དུ་ལ་ཉེ་དུ་མ་ཡིན་པར་འདུ་ཤེས་སམ་ཡིད་གཉིས་ཟ་ནའང་རུང་བྱེད་དུ་བཅུག་ན་ཉེས་བྱས་སོ། །ཅི་ལྟར་འཁྲུར་བཅུག་པའི་ལྟུང་བ་དེ་བཞིན་དུ་བརྐྱང་དུ་བཅུག་པ་དང་། འདྲུབ་ཏུ་བཅུག་པའོ། །ཁ་ཅིག་ན་རེ་ཆོས་གོས་སྣོད་དང་མཛོད་པ་ལ་གཞག་པ་
[151a]
[151a.1]དགེ་སློང་མ་ལ་བཅོལ་བ་ལས་གལ་ཏེ་མཚན་གྱུར་ཏམ། རྣམ་པར་འཁྱམས་ནས་བྱེད་པའམ། དགེ་སློང་དེ་ལྟ་བུར་གྱུར་ན་ཡང་སྦྱོར་བའི་ཕྱིར་ཉེས་བྱས་ཏེ་སྤང་བ་ནི་མ་ཡིན་ཏོ། །ཉེ་དུ་མ་ཡིན་པ་ལ་བཅོལ་བ་ལས་ཉེ་དུས་བྱས་སམ། གཞན་འཁྲུ་བ་ལ་སོགས་པ་འཁུར་བཅུག་
[151a.2]ན་ལྟུང་བ་སྟེ་སྤང་བ་ནི་མ་ཡིན་ནོ། །དེ་བཞིན་དུ་གཞན་གྱི་ཡང་ངོ་ཞེའོ། །སྦྱོར་བ་ནས་ཅི་སྲིད་འཁྲུ་བ་ལ་སོགས་པ་མ་ཟིན་གྱི་བར་དེ་སྲིད་དུ་ནི་ཉེས་བྱས་སོ། །སློབ་མ་ལ་བཅོལ་ན་མཁན་པོས་དེ་ཡང་བཏང་སྙོམས་བྱས་ན་བསྒོ་བ་མ་བྱས་པར་སྦྱར་བས་ན་ལྟུང་བའོ། །བདག་དང་
[151a.3]གཞན་གྱིའམ་དགེ་འདུན་གྱིའང་རུང་བཀྲུས་ཟིན་པའམ། སྤང་བ་བྱུང་བའམ། སེང་རས་སམ། སྤྲིང་ཡིག་ལ་སོགས་པ་རྣམས་ཀྱིས་བཅོལ་ན་ཐམས་ཅད་ལ་ཡང་ཉེས་བྱས་སོ། །སྔོན་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། དབང་པོ་འཁྲུགས་པ་དང་། མ་ནིང་མོ་དང་།
[151a.4]དགེ་སློང་མ་སུན་ཕྱུང་བ་ལ་བཅོལ་ན་ཉེས་བྱས་སོ། །ལྔ་པོ་དེ་དག་ནི་དགེ་སློང་མ་དང་ལྡན་པར་བརྗོད་པ་ཐམས་ཅད་ལ་ཡང་ཉེས་བྱས་སོ་བརྗོད་པར་བྱའོ། །སངས་རྒྱས་ལ་སོགས་པའི་ཕྱིར་རམ་ཆད་པའི་ལས་སུ་བྱེད་དམ། མཚུངས་པར་བྱེད་པ་ཞིག་ན་ནི་ལྟུང་བ་མེད་དོ། །བདག་
[151a.5]གི་ཉེ་དུའམ། མཁན་པོ་ལ་སོགས་པའམ། ལྷན་ཅིག་གནས་བ་འམ། དགེ་འདུན་གྱིས་རུང་བར་གནང་བ་བྱིན་ནམ་དགེ་སློང་མའམ། དགེ་ཚུལ་མའམ། དགེ་བསྙེན་མ་ཡང་རུང་། འཁྲུ་བ་ལ་སོགས་པའི་ཕྱིར་བཅོལ་བ་ལས་དེ་དག་ཀྱང་བསྙེན་པར་རྫོགས་ཏེ་བྱས་པ་དང་། དགེ་ཚུལ་ལམ། དགེ་བསྙེན་
[151a.6]ལ་བཅོལ་བ་ལས་དེ་གཉིས་མཚན་གྱུར་ཏེ་བསྙེན་པར་རྫོགས་ནས་བྱས་པ་དང་། དགེ་སློང་གཞོན་ནུ་ལ་བཅོལ་ཏེ། དེ་ཡང་མཚན་གྱུར་ཏེ་བྱས་པ་དང་། ཉེ་དུ་ལ་བཅོལ་བ་ལས་ཉེ་དུ་མ་ཡིན་པས་བྱས་ཀྱང་རུང་སྟེ། ལྟུང་བ་མེད་དོ། །བཀྲུ་བ་ལ་སོགས་པའི་ལྷག་མ་ཀུན་དུ་སྤྱད་པ་ནི་གོས་
[151a.7]ལ་རྣམ་པ་བཞི་སྟེ། མ་བཀྲུས་པ་དང་། ཅུང་ཟད་ཅིག་བཀྲུས་པ་དང་། ལགས་པར་བཀྲུས་པ་དང་། ཤིན་ཏུ་ལེགས་པར་བཀྲུས་པའོ། །དེ་བཞིན་དུ་འཚེད་པ་དང་། བཅགས་པ་ཡང་ངོ་། །ཚོན་ལ་རྣམ་པ་ལྔ་སྟེ། རྩ་བ་དང་། ཤུན་ལྤགས་དང་ལོ་མ་དང་། མེ་ཏོག་དང་། འབྲས་བུའི་ཚོན་ནོ། །དེ་ལ་
[151b]
[151b.1]ཁ་དོག་མ་བསྒྱུར་བ་ནི་མི་རུང་བའོ། །སྒེག་པའི་ཕྱིར་ཅུང་ཟད་ཅིག་ཁ་བསྒྱུར་བ་ཡང་མི་བྱའོ། །ཚོན་མེད་ན་ནི་རུང་བའོ། །ཤིན་ཏུ་ཁ་བསྒྱུར་བ་ལ་རྣམ་པ་གཉིས་སོ། །ཚོན་ཆེན་པོ་རྣམ་པ་བརྒྱད་ཀྱིས་ཏེ། མཐིང་ཤིང་དང་སྤང་ལི་ཁྲི་དང་། །ལེ་བརྒན་རྩི་དང་གུར་གུམ་དང་། །རྒྱ་སྐྱེགས་དང་ནི་རྨ་ཤིང་
[151b.2]བཙོད། །མཚལ་དང་འདི་དག་མི་རུང་བའོ། །ཚོན་ཤིན་ཏུ་མང་བས་ལན་བཅུ་ལས་ལྷག་པར་བསྙུགས་པས་ཁེངས་ཤིང་ཁ་དོག་ནག་པོར་གྱུར་པའོ། །གཉིས་ཀས་ཀྱང་ལྷག་བར་ཁ་བསྒྱུར་ན་ཉེས་བྱས་སོ། །གལ་ཏེ་སྦྱིན་བདག་དགའ་བའི་ཕྱིར་ངུར་སྨྲིག་གི་ཚོན་མང་དུ་བྱས་ལ་ཚོན་ཆེན་པོ་བསྲེས་ཏེ་ཁ་
[151b.3]བསྒྱུར་བ་ལ་ལྟུང་བ་མེད་དོ། །དེ་བཞིན་དུ་མ་བཀྲུས་པ་དང་། ཅུང་ཟད་བཀྲུས་པ་དང་། ཤིན་ཏུ་བཀྲུས་པ་ལྟུང་བའོ། །གཞན་ཡང་བཅགས་པ་ཡང་ངོ་། །བཀྲུ་བ་ལ་སོགས་པ་ཐམས་ཅད་ལ་སེམས་རྣམ་པ་གསུམ་སྤང་བར་བྱ་སྟེ། སྒེག་པའི་སེམས་དང་། ཤིན་ཏུ་བཀྲུས་པ་དང་། ཤིན་ཏུ་ཁ་བསྒྱུར་ཏེ།
[151b.4]ཅི་ཞིག་བྱ་ཞེས་མ་གུས་པའི་སེམས་དང་། ཆོས་གོས་ཁ་དོག་མི་བཟང་ན་བདག་ལ་དུལ་ཞིང་ཡོན་ཏན་དུ་ལྡན་པར་འཛིན་ཏོ་སྙམ་དུ་ཚུལ་འཆོས་པར་སེམས་པའོ། །དེ་ལ་གོས་བདག་ཉིད་ཀྱིས་བཀྲུ་བ་ཞེས་བྱ་བ་ནས་བཅག་པའི་བར་དུའོ། །ལྷན་ཅིག་གནས་པའམ། ཉེ་གནས་སམ་ཚངས་པ་
[151b.5]མཚུངས་པར་སྤྱོད་པའམ། ཁྱིམ་བདག་གམ། ཁྲུས་མཁན་གལ་ཏེ་དགེ་བསྙན་ཡིན་ནམ། སྦྱིན་བདག་གིས་བསྒོ་བའམ། ཡིད་གཅུགས་པ་སྟེ། གང་ཤིན་ཏུ་ཞིགས་པར་མི་བྱེད་པ་དང་། ཤིན་ཏུ་མི་རྡོབ་བ་དང་། མི་གྱོན་པ་ལའོ། །རྔན་པས་མ་ཡིན། གལ་ཏེ་བེའུ་ཕྲུག་དང་། ལ་བ་ལ་སོགས་པ་ལྕི་བ་ཞིག་
[151b.6]ཡིན་ན་རྔན་པས་ཀྱང་ལྟུང་བ་མེད་དོ། །མཁན་པོའམ་སློབ་དཔོན་བདག་ཉིད་བཀྲུ་བ་ལ་སོགས་པ་བྱེད་པ་ལ་གལ་ཏེ། ལྷན་ཅིག་གནས་པའམ། ཉེ་གནས་ཀྱང་རུང་ཐ་དད་དུ་སོང་ནས་སྐབས་མ་འབྱེད་ན་ཉེས་བྱས་སོ། །དེ་ཉིད་མི་དགོས་སོ་ཞེས་ཟེར་རམ་སྦྱོར་མི་ནུས་པ་ལ་ལྟུང་བ་མེད་དོ། །བཀྲུས་པ་ལ་ཡོན་ཏན་ལྔ་སྟེ།
[151b.7]དྲི་མི་ཞིམ་པ་མེད་པར་འགྱུར་བ་དང་། ཤིག་དང་སྲོ་མའི་ཉེས་པ་དང་། དྲི་མ་དང་གཡན་བའི་ཉེས་པ་མེད་པ་དང་། ཚོན་འཇེན་པར་འགྱུར་བ་དང་། ལོངས་སྤྱད་དུ་བཟོད་པའོ། །ཁ་བསྒྱུར་བ་ལ་ཡོན་ཏན་ལྔ་སྟེ། འཕགས་པ་དང་མཐུན་པའི་ཆ་ལུགས་སུ་བྱས་པ་ཡིན། རྒོད་ཅིང་དྲེགས་པ་འདུལ་བའི་
[152a]
[152a.1]རྒྱུར་བྱས་པ་ཡིན། དྲི་མ་མི་འགོ་བར་འགྱུར་བ་དང་། ཤིག་དང་སྲོ་མ་མི་ཆགས་ཤིང་བདེ་བར་རེག་པ་དང་། བདེ་བར་སྤྱད་པའོ། །ཤིན་ཏུ་བཀྲུས་པ་ལ་ཉེས་དམིགས་ལྔ་སྟེ། མྱུར་དུ་དེངས་པའི་ཆོས་སུ་འགྱུར་བ་དང་། བསྲུབ་ཏུ་མི་བཟོད་པར་འགྱུར་བ་དང་། ལོངས་སྤྱད་དུ་མི་
[152a.2]བཟོད་པ་དང་། ངལ་ཞེང་སྡུག་བསྔལ་པ་དོན་མེད་པར་འགྱུར་བ་དང་། དགེ་བའི་ཕྱོགས་ཀྱི་བར་ཆད་དུ་འགྱུར་བའོ། །ཤིན་ཏུ་ཁ་བསྒྱུར་ན་ཡང་ཉེས་དམིགས་ལྔ་སྟེ། ནང་གི་རྒོད་ཅིང་དྲེགས་པའི་རྒྱུར་འགྱུར་བ་ཡིན། ཕྱིའི་རྟོག་པ་བྱུང་བར་འགྱུར་བ་དང་། དགོས་པའི་དོན་མེད་ཅིང་ངལ་
[152a.3]བས་སྡུག་བསྔལ་བར་འགྱུར་བ་དང་། དགེ་བའི་ཕྱོགས་ཀྱི་བར་ཆད་དུ་གཅོད་པར་བྱེད་པ་དང་། ཚོན་གྱིས་ཟོས་པས་གསོ་སྤྱད་དུ་མི་བཟོད་པར་འགྱུར་བའོ། །ཤིན་ཏུ་བཅགས་པ་ལ་ཡང་ཉེས་པ་རྣམ་པ་ལྔ་སྟེ། ཁ་བསྒྱུར་བའི་དང་པོ་བཞི་བཞིན་ནོ། །ལྔ་པ་ནི་ལོངས་སྤྱད་དུ་མི་བཟོད་པ་ཡིན་ནོ། །
[152a.4]ཁ་ཅིག་ན་རེ་ཤིན་ཏུ་བཅགས་པ་སོ་སོར་བཀག་པར་འགྱུར་ཏེ། དགའ་བོའི་དབང་དུ་མཛད་དེ་གོས་བཅགས་པ་བཟློག་ཅིང་བཅགས་པ་བཅང་བར་མི་བྱའོ་ཞེས་གསུངས་སོ། །གལ་ཏེ་སྦྱིན་པ་པོ་ལས་རྙེད་ན་འཚོར་བ་མེད་པར་བྱའོ། །དེར་མི་ནུས་ན་ཟིལ་པ་ལ་བཞག་སྟེ་མེད་པར་བྱའོ། །དེར་
[152a.5]ཡང་མི་ནུས་ན་ཆུའི་ནང་དུ་བཅུག་ལ་མེད་པར་བྱའོ། །དགེ་འདུན་གྱིས་རྙེད་ཀྱང་རིམ་པ་དེ་བཞིན་དུ་བྱའོ། །དེ་ནས་རིན་བསྐྱེད་པར་བྱའོ། །རྣམ་པ་གཞན་དུ་ན་གལ་ཏེ་འདིར་བཅགས་པ་ཙམ་བཀག་ན། བཟློག་ཅིང་བཅགས་པར་གསུངས་པའི་འབྲས་བུ་ཅིར་འགྱུར། གལ་ཏེ་སྦྱིན་པ་པོ་
[152a.6]ལས་རྙེད་ལ། དེ་ཡང་གལ་ཏེ་འཚེར་བ་མ་ཡིན་ན། བགོ་བར་བྱའོ་ཞེས་གསུངས་པ་ཡིན་ཏེ། གྱི་ན་ཐོག་མ་ཉིད་དུ་འཚེར་བ་མེད་པར་བྱའོ་ཞེས་གསུང་བ་མི་རིགས་སོ། །ཤིན་ཏུ་བཅགས་པ་ཉིད་དགག་པ་དེ་ལ་གོ་རིམས་དེ་བཞིན་དུ་བརྟག་པ་བསྟན་ཏོ་ཞེས་གདོན་ཏོ། །ཁ་ཅིག་ན་རེ་མ་
[152a.7]བཅགས་པ་ཉིད་ཇི་སྐད་བྱས་པའི་གཞུང་ཚད་མ་ཡིན་ཏེ། གང་ནས་ཀྱང་བཅགས་པ་རྗེས་སུ་གནང་བར་མི་འབྱུང་ངོ་ཞེས་ཟེར་རོ། །ཀུན་དུ་སྤྱད་པ་ཇི་ལྟར་གསུངས་པ་བཞིན་མ་བྱས་ན། ཉོན་མོངས་པས་ཞེན་པས་ཐམས་ཅད་ཉེས་བྱས་སུ་འགྱུར་ཏེ་བཤགས་པར་བྱའོ། །གཞན་
[152b]
[152b.1]དུ་ན་བསྡམ་པར་བྱའོ། །བཞི་པའོ།། །།མཉན་ཡོད་ན་སྟེ། ཉེ་དགས་དགེ་སློང་མ་ཨུཏྤལའི་མདོག་ལ་ཆོམ་རྐུན་པ་རྣམས་ཀྱིས་བྱིན་པའི་རས་བླངས་པ་ན་དེའི་རྐྱེན་ལ་བརྟེན་པ་དང་། མ་དད་པ་དག་གིས་ཉོན་མོངས་པའི་ཕྱིར་ལྔ་པ་བཅས་སོ། །ཉེ་དུ་མ་ཡིན་པ་ཞེས་བྱ་བ་ལ་ཉེ་དུ་མ་ཡིན་
[152b.2]པ་ནི་དགེ་སློང་མ་ལས་གོས་ཚང་བར་ཡོད་དམ་ཞེས་མི་རྟོག་གི །ཉེ་དུ་ནི་བྱིན་ཡང་མི་ལེན་ཏོ། །བརྗེས་པ་མ་གཏོགས་ཏེ་ཞེས་བྱ་བ་ལ། དེ་བརྗེས་པ་ནི་ཅི་སྙེད་བླངས་བ་དེ་སྙེད་བྱིན་པ་དང་། དངོས་པོའམ། རིན་ནམ། འདྲ་བའམ། མི་འདྲ་བའམ། མི་ལངས་བ་འམ། ལངས་པའམ། ཉུང་
[152b.3]དུའམ། མང་དུའམ། ངན་པའམ། བར་མའམ། གྱ་ནོམ་པའམ་གོ་བཟློག་པ་ཡང་རུང་། གལ་ཏེ་དགེ་སློང་མའི་སེམས་ཅི་ཙམ་གྱིས་མགུ་བའམ། ཕན་བཏགས་པའམ། ཆོས་ཀྱིས་སམ། བྱ་བ་བསྒྲུབ་པའི་ཕྱིར་བླངས་པ་དེ་ཡང་བརྗེས་པའོ། །དེའི་ཚེ་ཉིད་ངེས་པར་ལན་བྱ་བ་མ་ཡིན་མོད་ཀྱི་འོན་
[152b.4]ཀྱང་ལན་བྱའོ་ཞེས་པ་ཡང་བརྗེས་པའོ། །སྒེག་པ་དང་སྙེ། མ་གུས་པ་དང་། སླུ་བའི་སེམས་ཀྱིས་བརྗེས་ཏེ་བླངས་སམ་མ་བླངས་ཀྱང་རུང་ཉེས་བྱས་སོ། །སྟོད་གཡོགས་དང་སྨད་གཡོགས་མི་བླང་གི་ལྷག་པར་བླངས་ན་སྤང་བའོ། །ཉེ་དུ་མ་ཡིན་པ་ལ་ཉེ་དུ་མ་ཡིན་པར་འདུ་ཤེས་སམ་ཡིད་
[152b.5]གཉིས་ཟ་ན་ཡང་རུང་སྟེ། བླངས་ན་སྤང་བའི་ལྟུང་བྱེད་དོ། །ཉེ་དུ་ལ་ཉེ་དུ་མ་ཡིན་པར་འདུ་ཤེས་སམ་ཡིད་གཉིས་ཟ་ཡང་རུང་བླངས་ན་ཉེས་བྱས་སོ། །སྤྲིང་ཡིག་ལ་སོགས་པ་རྣམས་ཀྱིས་སམ་གྲོང་འདི་ཞེས་བྱ་བ་ན་གོས་ཡོད་པ་དེ་སྦྱིན་ནོ་ཞེས་ཟེར་ཏེ་མངོན་སུམ་དུ་མ་གྱུར་ཀྱང་ཉེས་བྱས་སོ། །དགེ་སློབ་
[152b.6]མའམ། དགེ་ཚུལ་མས་དགེ་འདུན་ལ་རས་ཡུག་ཆེན་ཕུལ་བ་དང་། རྗེས་སུ་མཐུན་པར་སྦྱིན་པ་དང་། ལེགས་པར་སྨྲ་བ་དང་། བསྙེན་པར་རྫོགས་པར་བྱེད་པ་དང་། རིན་ནམ་བརྗེས་པ་ཡང་རུང་བྱིན་ན་ལྟུང་བ་མེད་དོ། །དགེ་སློང་མ་བསོད་ནམས་ཆེ་བའམ། ཤེས་པ་ཡང་རུང་སྟེ། མདུན་དུ་
[152b.7]བཞག་ནས་འདི་སྐད་དུ་བདག་ལ་དངོས་པོ་འདི་ལྟ་བུ་ཞིག་མཆིས་ཀྱིས་ཐུགས་བརྩེ་བས་ཉེ་བར་བཟུང་ནས་བཞེས་ཤིག་ཅེས་སྨྲས་ནས་ལྟོས་པ་མེད་པར་སོང་ན་ལྟུང་བ་མེད་དོ། །དེ་བཞིན་དུ་ཡིད་གཅུགས་པ་ལ་རེ་ཞིག་གི་དུས་སུ་བླངས་པ་ལ་ལྟུང་བ་མེད་དོ། །ལྔ་པའོ།། །།
[153a]
[153a.1]མཉན་ཡོད་ན་སྟེ། ཉེ་དགས་ཆོས་ལེགས་པར་མཉན་དུ་བཅུག་པ་ལས་ཁྱིམ་བདག་གི་ཆུང་མས་རས་ཟུང་དུ་བྱིན་པའི་ཡ་གཅིག་སྟོབས་ཀྱིས་ཕྲོགས་པས་ན་ཉོན་མོངས་པ་གསུམ་གྱི་ཕྱིར་དྲུག་པ་བཅས་སོ། །རྐྱེན་ལ་བརྟེན་པའི་ཉོན་མོངས་པ་མ་གཏོགས་ཏེ།
[153a.2]ཉོན་མོངས་པ་གཞན་ནི་གང་བཞི་པ་ལས་ཁུ་བས་མ་རུང་བ་འཁྲུ་བའི་བསླབ་པའི་གཞིའི་ལྟུང་བ་ལས་འབྱུང་སྟེ། འགལ་ཚབས་ཅན་དང་། ཕོངས་པ་དང་། མ་དད་པའི་ཉོན་མོངས་པའོ། །ལྟུང་བ་འདི་ཡང་སློང་བར་མི་རིགས་པ་ལས་སློང་པ་དང་། གློ་བུར་དུ་སློང་བའི་
[153a.3]ཕྱིར་བཅས་སོ། །ཁྱིམ་བདག་ཅེས་བྱ་བ་ནི་སྐྱེས་པའོ། །མ་ནིང་ངམ། མཚན་གཉིས་པ་ནི་ཉེས་བྱས་སོ། །ཁྱིམ་བདག་གི་ཆུང་མ་ཞེས་བྱ་བ་ནི་བུད་མེད་དེ། མ་ནིང་མོ་དང་། མཚན་གཉིས་མོ་ནི་ཉེས་བྱས་སོ། །མུ་སྟེགས་ཅན་གྱི་སྐྱེས་བ་དང་། བུད་མེད་ནི་མི་
[153a.4]གཟུང་སྟེ། དེ་ལ་ཡང་ཉེས་བྱས་སོ། །ཚུལ་འདི་ལྟ་བུ་ནི་གཞན་དུ་ཡང་རིག་པར་བྱ་སྟེ། ཡང་མི་བརྗོད་དོ། །བླངས་ན་ཞེས་བྱ་བ་ནི་བདག་གིས་སམ་གཞན་གྱིས་སོ། །གོས་ཕྲོགས་སམ་ཞེས་བྱ་བ་ནི་ཆོམ་རྐུན་པའམ། གང་གིས་བྱིན་པ་དེ་ཉིད་ཀྱིས་ཕྲོགས་པའོ། །གོས་
[153a.5]བརླག་ཅེས་བྱ་བ་ནི་གང་གིས་བརྗེད་ནས་ལྟུང་བའམ། སྲིལ་ལ་སོགས་པས་ཟོས་པའོ། །གོས་ཚིག་ཅེས་བྱ་བ་ནི་མེས་སོ། །གོས་རླུང་གིས་ཁྱེར་ཞེས་བྱ་བ་ནི་རླུང་གིས་ཁྱེར་བའོ། །གོས་ཆུས་ཁྱེར་ཞེས་བྱ་བ་ནི་ཆུས་ཁྱེར་བའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། རིན་
[153a.6]ཐང་དང་། ཁ་དོག་དང་ཁྲུ་ཚད་དོ། །ཀཱཪྵཱ་པ་ཎ་ལྔ་ལ་སོགས་པ་རི་བའམ་སྔོན་པོའམ། སེར་པོའམ། དམར་པོའམ། དཀར་པོའམ། སྟུག་པོ་དང་། སྲབ་མོ་ལས་གང་ཡང་རུང་བ་དང་། ཁྲུ་ལྔ་ལ་སོགས་པ་གང་ཡང་རུང་བ་སླང་བ་ལས་གལ་ཏེ་དེ་ཉིད་ཐོབ་ན་སློང་བའི་
[153a.7]ཚེ་ཉེས་བྱས་སོ། །མ་ཐོབ་ན་སྤང་བའོ། །འོན་ཏེ་གཞན་ཐོབ་བམ་ཉུང་བའམ་ལྷག་པར་ཡང་རུང་སྟེ། སློང་བའི་ཚེ་ཉེས་བྱས་སོ། །ཐོབ་པ་ལ་ལྟུང་བ་མེད་དོ། །ཉེ་དུ་མ་ཡིན་པ་ལ་ཉེ་དུ་ཡིན་པར་འདུ་ཤེས་པ་ལ་སོགས་པ་སྔ་མ་བཞིན་ཏེ། མུ་བཞིར་བརྗོད་པར་བྱའོ། །
[153b]
[153b.1]ལུས་ཀྱི་རྣམ་པར་ཤེས་པར་བྱེད་དམ། སྤྲིང་ཡིག་ལ་སོགས་པ་རྣམས་ཀྱིས་སམ། ཚད་ལས་ཆུང་པའམ། རྒྱུའམ་སྤུན་ཞིག་བསླང་སམ། ལེན་པ་ལས་དེའི་མཚན་གྱུར་ན་ཉེས་བྱས་སོ། །བསྙེན་པར་རྫོགས་པས་བསླངས་པ་ལ་མུ་བཞི་སྟེ། གཅིག་ནི་སྤང་བའོ། །གཉིས་ནི་ཉེས་བྱས་སོ། །གཅིག་ནི་ལྟུང་
[153b.2]བ་མེད་དོ། །དེ་བཞིན་དུ་བསླབ་པའི་གཞི་ཐམས་ཅད་ལ་ཡང་བརྗེད་པར་བྱའོ། །དུས་སུ་སློང་བ་ནི་ལྟུང་བ་མེད་དོ། །དེ་ཚུལ་འཆོས་དང་ཁ་གསག་དང་། གཞོགས་སློང་དང་། ཐོབ་ཀྱིས་འཇལ་གྱིས་སློང་ན་ཉེས་བྱས་
[153b.3]སོ། །གལ་ཏེ་དགེ་སློང་རྣམས་ལ་གོས་སྦྱིན་པར་ཞུགས་པ་ལ་ནི་ལྟུང་བ་མེད་དོ། །ཁ་ཚར་བསླངས་པ་ལས་རས་མ་ཐོབ་པ་དང་། རས་མ་བསླངས་པ་ལས་རས་སམ། རས་ཡུག་ཆེན་ཐོབ་པ་ལ་ཡང་ལྟུང་བ་མེད་དོ། །སྤྲང་སྐྱབས་ཀྱི་གོས་སམ། དབྱར་གྱི་གོས་རས་
[153b.4]ཆེན་ནམ། དགེ་འདུན་གྱི་ཕྱིར་བསླངས་སམ། མི་མ་ཡིན་པ་དང་། དུད་འགྲོ་ལས་བསླངས་ན་ལྟུང་བ་མེད་དོ། །དྲུག་པའོ།། །།མཉན་ཡོད་ན་སྟེ། དྲུག་སྡེ་རྣམས་ཀྱིས་གྲོང་ཁྱེར་ཕྲེང་བ་ཅན་པའི་བཞི་བཅུ་བཅོས་པའི་ཕྱིར་སྟོད་གཡོགས་དང་སྨད་གཡོགས་ལས་ལྷག་པར་
[153b.5]བསླངས་པས་ན། དེའི་ཉོན་མོངས་པས་སྤང་པ་བདུན་པ་བཅས་ཏེ། ཚད་མི་འཛིན་པར་ལེན་པས་སོ། །སྤང་བ་ལྟག་མ་རྣམས་ལ་ཡང་ཉོན་མོངས་བ་དེ་ཉིད་དོ། །སྟོབས་པ་ཞེས་བྱ་བ་ནི་ཡང་ཡང་དུ་སྟོབས་པ་དང་། ཤིན་ཏུ་སྟོབས་པ་དང་། ཆུང་ངུ་སྟོབས་པ་དང་། སྙིང་ནས་སྟོབས་པ་དང་། སྙིང་
[153b.6]ནས་མི་སྟོབས་པ་དང་། མཆོག་ཏུ་ཁྱད་པར་མེད་པར་སྟོབས་པ་དང་ཁྱད་པར་དུ་སྟོབས་པ་དང་། རྗེས་སུ་མཐུན་པར་སྟོབས་པ་དང་། འཇིག་རྟེན་གྱི་ཐ་སྙད་དུ་སྟོབས་པ་དང་། བཏུད་དེ་སྟོབས་པ་དང་། མ་བཏུད་བར་སྟོབས་པ་དང་། རང་གི་རྫས་ལ་སྟོབས་
[153b.7]པ་དང་། གཞན་གྱིས་བསྟན་པ་ལས་སྟོབས་པ་དང་། སོང་བ་ལས་སྟོབས་པ་དང་། འོངས་པ་ལས་སྟོབས་པ་དང་། ཚིག་མང་པོས་སྟོབས་པ་དང་། ཚིག་གཅིག་གིས་སྟོབས་པ་དང་། ཁྲོས་ནས་སྟོབས་པ་དང་། དགའ་ནས་སྟོབས་པ་དང་། རྒྱུན་དུ་སྟོབས་པ་དང་། རྒྱུན་
[154a]
[154a.1]དུ་མ་ཡིན་པར་སྟོབས་པ་དང་། མཚན་མ་ཙམ་དུ་སྟོབས་པ་དང་། རང་གི་སྒྲས་སྟོབས་པའོ། །རྗེས་སུ་མཐུན་པ་དང་། འཇིག་རྟེན་གྱི་ཐ་སྙད་དང་། ཁྲོས་པ་དང་། སྙིང་ནས་མི་སྟོབས་པ་ལས་མི་བླང་བ་སྟེ། བླངས་ན་ཡང་ཉེས་བྱས་སོ། །སྟོད་
[154a.2]གཡོགས་དང་། སྨད་གཡོགས་ཞེས་བྱ་བ་ནི་སྟོད་གཡོགས་དང་སྨད་གཡོགས་ལ་རྣམ་པ་གཉིས་ཏེ། དགེ་སློང་གི་སྟོད་གཡོགས་དང་སྨད་གཡོགས་ནི་མ་བགོས་པ་ཞིག་ན་སྣམ་སྦྱར་ཉིས་རིམ་དང་། རས་ལྔ་དང་གཉིས་པའོ། །ཁྱིམ་པའི་སྟོད་གཡོགས་དང་སྨད་གཡོགས་ནི་རས་ཡུག་
[154a.3]ཆེན་ཁྲུ་བཅུ་གཉིས་པ་དང་། །རས་བདུན་པ་དང་། གཉིས་པའོ། །ཁ་ཅིག་ན་རེ་མཐང་གོས་ཞེས་བརྗོད་པ་ནི་ཤམ་ཐབས་དང་རྡུལ་གཟན་ནོ། །བླ་གོས་ཞེས་བྱ་བ་ནི་ཆོས་གོས་ལ་བྱ་བ་སྟེ། བླ་གོས་དང་མཐང་གོས་ནི་གསུམ་པ་དང་ལྡན་པའི་བསྡུ་བ་སྟེ། བླ་གོས་དང་མཐང་གོས་ཞེས་བྱའོ་
[154a.4]ཞེས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་སྟོད་གཡོགས་དང་སྨད་གཡོགས་བླངས་པ་ལས་དེ་ཉིད་ཐོབ་བམ། ཁྱིམ་པའི་སྟོད་གཡོགས་དང་སྨད་གཡོགས་ཀྱང་རུང་ལྷག་པར་བླངས་ན་ཉེས་བྱས་སོ། །ཐོབ་ན་སྤང་བའོ། །དེ་བཞིན་དུ་ཁྱིམ་པའི་སྟོད་གཡོགས་དང་
[154a.5]སྨད་གཡོགས་ཐོབ་པ་ལ་ཡང་བརྗོད་པར་བྱའོ། །ཁྱིམ་པའི་སྟོད་གཡོགས་དང་སྨད་གཡོགས་བླངས་པ་ལས་དེ་ཉིད་དེ་མ་ལངས་ན་ཡང་བསླང་བར་མི་བྱའོ། །གལ་ཏེ་བླངས་ན་སྤང་བའོ། །ལྷག་མ་སྦྱིན་པར་མི་བྱའོ། །དགེ་སློང་གིས་སྟོད་གཡོགས་དང་སྨད་གཡོགས་བསླངས་
[154a.6]པ་ལས་དེ་ཉིད་ཐོབ་སྟེ། མ་བླངས་ན་བསླང་བར་བྱའོ། །ལྷག་པ་སྦྱིན་པར་བྱའོ། །སླར་མ་བྱིན་ན་སྤང་བའོ། །བདུན་པའོ།། །།མཉན་ཡོད་ན་སྟེ། ཉེ་དགས་ནན་གྱིས་སྐྱིན་པོ་བྱེད་དུ་བཅུག་སྟེ། གོས་རིན་ཐང་ཆེན་པོ་ཁྱེར་བའི་ཕྱིར་ཁྱིམ་བདག་ལ་ཕབ་སྟེ། དེ་ཡང་
[154a.7]དེའི་ཕྱིར་གཟུང་བས་ན། དེ་ན་འཇིག་རྟེན་པ་རྣམས་མ་དད་པ་དང་། ཁྱད་པར་ཅན་མ་ཡིན་པ་ཁྱད་པར་ཅན་དུ་བྱེད་པའི་ཕྱིར་བརྒྱད་པ་བཅས་སོ། །གོས་ཀྱི་རིན་དག་ཅེས་བྱ་བ་ལ་ནི་གོས་ཀྱི་རིན་དབྱིག་གམ་གསེར་རོ། །འདི་ལྟ་བུ་དང་འདི་ལྟ་བུ་ཞིག་ཅེས་བྱ་བ་ནི་ཀཱཪྵཱ་པ་ཎ་ལྔ་རི་བའམ།
[154b]
[154b.1]ཀཱཪྵཱ་པ་ཎ་ལྔ་བཅུ་རི་བ་ཡང་རུང་། སྔོན་པོ་ལ་སོགས་པ་ཁྲུ་ལྔ་པ་ནས། ཁྲུ་ལྔ་བཅུ་པའི་བར་དུའོ། །ཉོས་ལ་ཞེས་བྱ་བ་ནི་ཉོ་བའོ། །དུས་སུ་ཞེས་བྱ་བ་ནི་གང་གི་ཚེ་འདོད་པ་དང་། ལེན་དུ་གནང་བའི་དུས་གང་ཡིན་པའོ། །རུང་བ་ཞེས་བྱ་བ་ནི་རྔ་མོའི་བལ་གྱི་སྣམ་བུ་ལ་སོགས་པ་
[154b.2]མ་གཏོགས་པ་ལོངས་སྤྱོད་དུ་བཟོད་པའོ། །སྔར་མ་བསྟབས་པར་ཞེས་བྱ་བ་ནི་སྔར་མགྲོན་དུ་གཉེར་བ་མ་བྱས་པའོ། །རྣམ་པར་རྟོག་པ་འགའ་ཞིག་བྱུང་སྟེ་ཞེས་བྱ་བ་ནི། ཚོལ་བའམ། ཁྱད་པར་དུ་རྟོགས་པ་ནི་རྣམ་པར་རྟོག་པའོ། །བཟང་པོ་འདོད་པའི་ཕྱིར་ཞེས་བྱ་བ་ནི། ཡང་
[154b.3]ལྷག་པར་འདོད་པའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། རིན་ཐང་དང་། ནན་གྱིས་དང་། མཉམ་པ་དང་། ཁ་དོག་དང་། ཁྲུ་ཚད་ཀྱང་རུང་། ཇི་ལྟ་བུ་ཐོབ་པ་དེ་ལས་ལྷག་པར་བླངས་ན་ཉེས་བྱས་སོ། །ཐོབ་ན་སྤང་བའི་ལྟུང་བྱེད་དོ། །སྔ་མ་ལ་ནི་ལྟུང་བ་མེད་དོ། །གཞན་སུ་ཡང་
[154b.4]རུང་བའི་ཕྱིར་རམ། གཉིས་ལ་བསམས་ཏེ་གཞག་པའམ། ཡོ་བྱད་གཞན་ཡང་རུང་སྟེ། ཁྱིམ་པ་དང་བསྙེན་པར་མ་རྫོགས་པའི་ཕྱིར་མངོན་པར་འདུས་བྱས་པ་ལས་རབ་ཏུ་འབྱུང་ངམ། བསྙེན་པར་རྫོགས་པར་སློང་བར་བསམས་ན་ཉེས་བྱས་སོ། །ལྷ་ལ་སོགས་པ་རྣམས་ཀྱི་ཕྱིར་ནི་ལྟུང་བ་མེད་དོ། །
[154b.5]ཁ་ཚར་ལ་སོགས་པ་བསླངས་པ་ལས། རས་མ་ལ་སོགས་པ་ཐོབ་པ་ལ་ཡང་ལྟུང་བ་མེད་དོ། །བརྒྱད་པའོ།། །།དགུ་པ་གླེང་གཞི་ཡང་དེ་ཉིད་དེ། ལྟུང་བའི་རྣམ་པར་དབྱེ་བ་ཡང་དེ་བཞིན་ཏེ། ཁྱད་པར་ནི་གོས་ཀྱི་རིན་གཉིས་ཀྱིས་སོ་སོ་ནས་སྤགས་པའོ།། །།དགུ་པའོ། །མཉན་
[154b.6]ཡོད་ན་སྟེ། ཉེ་དགས། དབྱར་ཚུལ་གྱིས་གོས་ཀྱི་རིན་བྱིན་པ། ཚོང་པའི་ལག་ཏུ་བཞག་ནས། ཚོང་པ་དེས་མྱུར་དུ་མ་ཕྱིན་པའི་ཕྱིར། ཀཱཪྵཱ་བ་ཎ་དྲུག་ཅུ་ཆད་པས་བཅད་པ་ན། མི་རུང་བའི་གཞི་ལེན་ལ། གཞན་གྱི་སེམས་རྗེས་སུ་མི་བསྲུང་ཞིང་། རྙེད་པ་ཐོབ་ན་ཡང་བཏང་སྙོམས་བྱེད་
[154b.7]པ་སྤང་བའི་ཕྱིར་བཅུ་པ་བཅས་སོ། །རྒྱལ་པོ་ཞེས་བྱ་བ་ནི། གང་རྒྱལ་པོའི་དབང་བསྐུར་བས་དབང་བསྐུར་བའོ། །རྒྱལ་པོའི་བློན་པོ་ཞེས་བྱ་བ་ནི། དེ་དང་ལྷན་ཅིག་གྲོས་ཀྱིས་འཚོ་བའོ། །བྲམ་ཟེ་ཞེས་བྱ་བ་ནི། གཙང་སྦྲ་ཅན་ནོ། །ཁྱིམ་བདག་ཅེས་བྱ་བ་ནི་ཕྱུག་པོའོ། །གྲོང་རྡལ་གྱི་མི་འདི་ཞེས་བྱ་
[155a]
[155a.1]བ་ནི་གྲོང་ཁྱེར་གྱི་མིའོ། །ཡུལ་མི་ཞེས་བྱ་བ་ནི་ཡུལ་གྱི་མིའོ། །ནོར་ཅན་ཞེས་བྱ་བ་ནི་ནོར་བྱེ་བས་ཕྱུག་པའོ། །ཚོང་དཔོན་ཞེས་བྱ་བ་ནི་ཅོད་པན་བཅིངས་པའོ། །དེད་དཔོན་ཞེས་བྱ་བ་ནི་གང་གིས་ལན་གཉིས་ལན་གསུམ་ཡང་རུང་འདྲོན་པ་མང་པོ་བསྒྲལ་བའོ། །
[155a.2]ཚེ་དང་ལྡན་པ་དགེ་སློང་དག་ལ་ནི་ཆོས་གོས་ཀྱི་རིན་དག་མི་རུང་སྟེ་ཞེས་བྱ་བ་ནི་གང་བླང་དུ་རུང་། གང་བླང་དུ་མི་རུང་ཞེ་ན། ས་ལེ་སྦྲམ་དང་། དངུལ་ནི་མི་རུང་ངོ་། །རྒྱལ་སྲིད་དང་། རྒྱལ་སྲིད་ཀྱི་ཕྱེད་དང་ཉེ་བ་དང་། འདོད་པ་དང་ལྡན་པ་ཐམས་ཅད་མི་བླང་ངོ་། །དགེ་འདུན་གྱི་ཕྱིར་ཡང་མི་
[155a.3]རུང་ངོ་། །འབྲུ་རྗེན་པ་ལེན་པ་དང་། ཞིང་བླང་བ་དང་། གྲོང་བླང་བ་དང་། བ་ལང་ལ་སོགས་པ་བླང་བ་བདག་གི་ཕྱིར་ནི་མི་རུང་གི །དགེ་འདུན་གྱི་ཕྱིར་ནི་རུང་ངོ་། །ཞིང་བླངས་ན་ནི་ཐོག་ཤས་སུ་རྗེས་སུ་སྦྱིན་པར་བྱའོ། །བྲན་མོ་དང་། བྲན་ཕོ་གང་ཟག་གི་ཕྱིར་ནི་མི་བླང་མོད་ཀྱི།
[155a.4]འོན་ཀྱང་དགེ་འདུན་གྱི་ཕྱིར་ནི་བླང་ངོ་། །སྣོད་སྤྱད་རྣམས་ནི་དགེ་འདུན་ལ་རུང་གི་གང་ཟག་ལ་ནི་མ་ཡིན་ནོ། །དེ་ལ་ཀུན་དུ་སྤྱད་པར་བྱ་བ་ནི་སྣོད་སྤྱད་སྦེད་པ་བསྐོ་བར་བྱ་སྟེ། གང་མ་འབགས་པ་དེ་དག་བཀྲུ་བ་དང་། འཕྱི་བར་བྱེད་པའོ། །འབགས་པ་ནི་ཉེ་གནས་ཀྱིས་སོ། །འཁོར་
[155a.5]མེད་པ་ནི་དགེ་བསྐོས་ཉིད་ཀྱིས་སོ། །དགེ་སློང་ཁར་བའི་སྣོད་འཆང་ན་ཉེས་བྱས་སོ། །ལྟུང་བ་མེད་པ་ནི་ཁ་གཟར་དང་། ཕུལ་བའི་བཏུང་ཕོར་དང་། ཚྭ་ཁུག་འཆང་བའོ། །རུང་བའི་ལྷུང་བཟེད་དང་། ཆོས་གོས་དང་། མལ་ཆ་དང་། སྟན་དང་། ན་བའི་སྨན་རྣམས་ནི་བླང་བར་
[155a.6]བྱའོ། །ཞལ་ཏ་བྱེད་པ་ཞེས་བྱ་བ་ནི་བསྟན་པའི་ཚིག་སྟེ། དེ་གང་ཞེ་ན། སྨྲས་པ། ཀུན་དགའ་ར་བ་པ་སྟེ། གང་རུང་བར་བྱེད་པའོ། །དགེ་བསྙེན་ཞེས་བྱ་བ་ནི་གསུམ་ལ་སྐྱབས་སུ་སོང་བའམ། བསླབ་པའི་གཞི་ལྔ་ལ་གནས་པའོ། །ཅང་མི་སྨྲ་བར་ཕྱོགས་སུ་བསྡད་པར་བྱའོ་ཞེས་བྱ་བ་ནི་
[155a.7]ཕྱོགས་བཞི་དང་། བསྐུལ་བའི་སྒོ་དྲུག་གོ། །ཕྱོགས་བཞི་པོ་དག་གང་ཞེ་ན། འབོད་གནས་ནི་རྫ་མཁན་གྱི་གནས་སམ། འདྲེག་མཁན་གྱི་གནས་སོ། །ཁྱིམ་གནས་ནི་ཁྱིམ་ཉིད་དམ། ཆུའི་གནས་སོ། །ལས་ཀྱི་མཐའ་ནི་བུ་རམ་ཤིང་གི་ལས་ཀྱི་མཐའ་དང་། སཱ་ལུའི་
[155b]
[155b.1]དང་། ལན་ཚྭའི་ལས་ཀྱི་མཐའོ། །ལས་ཀྱི་གནས་ནི་ཚོང་ཁང་དང་། ཚོང་རྡལ་ལོ། །བསྐུལ་བའི་སྒོ་དྲུག་པོ་དག་གང་ཞེ་ན། འོངས་སམ། ལེགས་པར་འོངས་སམ། ཁྱོད་སྟན་འདི་ལ་འདུག་ཤིགཿ །བཅའ་བ་འཆོ་ཤིག །བཟའ་བ་ཟོ་ཤིག །བཏུང་བ་འཐུང་ཤིག་ཅེས་
[155b.2]ཟེར་ན་ཐམས་ཅད་དུ་ཡང་དོན་དེའི་ཕྱིར་རོ་ཞེས་བརྗོད་པར་བྱའོ། །དེ་ནི་བསྐུལ་བའི་སྒོ་དྲུག་གོ། །གལ་ཏེ་ཧ་ཅང་མྱུར་དུ་སྨྲས་པས་ཕ་རོལ་པོའི་ཚིག་གི་སྐབས་མེད་པར་བྱེད་ན་མ་རྫོགས་པ་ཞེས་བྱ་སྟེ། གོ་བཟློག་པ་ནི་རྫོགས་པའོ། །ཡིད་བརྟན་པའི་ཕོ་ཉ་ཞེས་བྱ་བ་ནི་ལྷན་ཅིག་གནས་པ་
[155b.3]དང་ཉེ་གནས་སྟེ། །དེ་ལ་ལྟུང་བ་ཇི་ལྟར་འགྱུར་ཞེ་ན། བསྐུལ་བར་འདོད་དེ་འགྲོ་བ་ལ་སོགས་པའི་ཉེས་བྱས་སོ། །བསྐུལ་བ་རྣམ་པ་དྲུག་ལས་འདས་ནས་ལྟུང་བའོ། །གྲུབ་ན་སྤང་བའོ། །ཁ་ཅིག་ན་རེ་མི་བྱེད་པར་སྦྱོར་ན་ཡང་ལྟུང་བ་སྟེ། དེ་འདི་སྐད་ཟེར་རོ་ཞེས་གཞན་ཞིག་
[155b.4]སྨྲས་པ་དེས་བཏང་སྙོམས་སུ་བཞག་ན་ལྟུང་བར་འགྱུར་རོ་ཞེའོ། །ཞལ་ཏ་བྱེད་པས་འཕགས་པ་གོས་སྣོམས་ཤིག་ཅེས་ཟེར་ན་དེ་ལ་དེས་ངས་ནི་བཏང་ཟིན་གྱིས་དེ་ཉིད་ལ་བྱིན་ཅིག་ཅེས་བསྒོའོ། །དེ་ཡང་བདག་གིས་དེའི་སེམས་བསྡུ་བར་གྱིས། སྣོམས་ཤིག་ཅེས་ཟེར་ན་ཡང་
[155b.5]གོ་རིམས་དེ་ལྟ་བུ་མ་བྱས་པར་གོས་ཀྱི་རིན་བླངས་ན་ཐམས་ཅད་དུ་ཡང་སྤང་བའི་ལྟུང་བའོ། །བརྫུན་པ་ལ་སོགས་པའི་ཚིག་གི་ལམ་གྱིས་བསྐུལ་ན་ཉེས་བྱས་སོ། །སྦྱིན་བདག་ལ་མ་སྦྲན་ན་ཡང་ཉེས་བྱས་སོ། །མིས་བྱིན་ལ། ཕོ་ཉ་ཡང་མི་རུང་པར་བྱེད་པས་ཀྱང་མིས་ཏེ་
[155b.6]འདི་ལྟ་བུ་ལ་སོགས་པ་རྣམས་དྲུག་གི་བར་དུ་བསྐུལ་བ་ལ་ནི་ཐམས་ཅད་དུ་ལྟུང་བ་མེད་དོ། །རྣམ་པ་གཞན་དུ་དགེ་སློང་གིས་མི་ལ་གོས་ཀྱི་རིན་རྣམ་པར་ཤེས་པར་བྱེད་དམ། མི་མ་ཡིན་པ་དང་། ཀླུ་ཡང་རུང་སྟེ། རྣམ་པར་ཤེས་པར་བྱེད་ན་ཉེས་བྱས་སོ། །ཐོབ་ན་སྤང་བའོ་
[155b.7]ཕོ་ཉ་དང་། ལག་རྩིས་དང་། སྤྲིང་ཡིག་གིས་རྣམ་པར་རྟོགས་པར་བྱེད་ན་ལྟུང་བ་སྟེ། ཉེས་བྱས་སོ། །ཐོབ་ན་སྤང་བའོ། །སྦྱིན་པ་མི་མ་ཡིན། ཕོ་ཉ་ཡང་མི་མ་ཡིན་ལ། མི་མ་ཡིན་པས་རུང་བར་བྱེད་ན་ཉེས་བྱས་གསུམ་མོ། །སྦྱིན་པ་ཡང་མི་མ་ཡིན། ཕོ་ཉ་ཡང་མི་
[156a]
[156a.1]མ་ཡིན་ལ། རུང་བར་བྱེད་པ་མི་ཡིན་ན་ཉེས་བྱས་གཉིས་སོ། །སྦྱིན་པ་མི་ཡིན། ཕོ་ཉ་ཡང་མི་ཡིན། རུང་བར་བྱེད་པ་མི་མ་ཡིན་ན་ནི་ཉེས་བྱས་གཅིག་པའོ། །ཁྱིམ་པས་མི་མ་ཡིན་པའམ། མུ་སྟེགས་ཅན་ལ་བཅོལ་ལམ་མུ་སྟེགས་ཅན་ནམ། མི་
[156a.2]མ་ཡིན་པས་ཁྱིམ་པ་ལས་བཅོལ་བ་ལས་དེ་ལས་ལྷག་པར་སྦྱོར་ན་ཉེས་བྱས་སོ། །ཁ་ཅིག་ན་རེ་གལ་ཏེ་གཞན་ཞིག་གིས་དེའི་ཕྱིར་བླངས་པ་དང་། དེ་ན་རེ་ཡང་སྦྱིན་ནོ་ཞེས་ཟེར་བ་ལས། དེས་ཀྱང་ང་ཕོངས་ཀྱིས་བྱིན་ཅིག་ཅེས་སྨྲས་ཀྱང་བྱས་ཟིན་པའི་རྗེས་སུ་བྱེད་པར་ཟད་པས་ལྟུང་བ་
[156a.3]མེད་དོ་ཞེའོ། །གོས་ཀྱི་ཚོགས་དང་པོ་རྫོགས་སོ།། །།བཅུ་པ་གཉིས་པ་ལ་ཉེ་བར་དགབ་པའི་གཞིའི་དབང་དུ་མཛད་པ་ལྔ་དང་། གཉིས་ནི་མངོན་པར་འདུས་བྱས་པ་གཞིའི་དབང་དུ་མཛད་དེ། ཉེ་བར་འཇོག་པ་དང་། མངོན་པར་འདུས་བྱས་པའོ། །གསུམ་ནི་དེ་དག་གི་
[156a.4]མཚན་མའི་གཞིའི་དབང་དུ་མཛད་དེ། རྙེད་པ་དང་། སྦྱོར་བ་དང་། ཉོ་ཞིང་འཚོང་བ་དང་གསུམ་ཏེ། ཐམས་ཅད་ཀྱང་འགལ་ཚབས་ཅན་ལ་སོགས་པའི་ཉོན་མོངས་པ་གསུམ་པོ་རྣམས་ཡོངས་སུ་སྤང་བའི་ཕྱིར་རོ། །བདུན་པ་ནི་རྐྱེན་ལ་བརྟེན་པའི་ཉོན་མོངས་པ་སྤང་བའི་ཕྱིར། མཉན་
[156a.5]ཡོད་ན་སྟེ། དགེ་སློང་མང་པོ་ལ་བརྟེན་ཏེ། སྲོག་ཆགས་མང་པོ་གསོད་དོ་ཞེས་མུ་སྟེགས་ཅན་དག་སྨོད་ཅིང་མི་སྙན་པར་ཟེར་བ་དང་། བཟང་པོ་ལ་ཆགས་ཤིང་ཚོལ་བའི་ཉེས་པ་སྤང་བའི་ཕྱིར་སྟན་གྱི་ཚོགས་དང་པོ་བཅས་སོ། །སར་པ་ཞེས་བྱ་བ་ནི་སར་པ་ལ་གཉིས་ཏེ། བྱས་པ་དང་རྙེད་
[156a.6]པའོ། །དེ་ལ་འདིར་བྱས་པ་ལ་བྱའོ། །སྲིན་བལ་གྱི་སྟན་ཞེས་བྱ་བ་ནི་སྲིན་བལ་འབའ་ཞིག་ལས་བྱས་པའི་སྟན་ཏེ་སོ་སོར་གདིང་བ་ཞེས་བྱ་བའི་ཐ་ཚིག་གོ། །སྟན་ལ་རྣམ་པ་གཉིས་ཏེ། བཏགས་པ་དང་བླངས་པའོ། །དེ་ལ་འདིར་ནི་བཏགས་པ་ལས་བྱ་བར་འདོད་དེ་རྒྱུ་ལས་བཏགས་པའི་
[156a.7]ཞེས་བྱ་བའི་བར་དུའོ། །དེ་ལས་གཞན་པ་བསླབ་པའི་གཞི་བཞི་པོ་ནི་བླིངས་པ་སྟེ། ཕྱིང་བའི་རྣམ་གྲངས་སོ། །བྱེད་ཅེས་བྱ་བ་ནི་བདག་གམ་གཞན་གྱིས་ཀྱང་རུང་སྟེ། བཟང་པོ་ལ་ཆགས་པའམ། ཇི་ལྟ་བུ་རྙེད་པའམ་རུང་བའམ། ཡོ་བྱད་ཀྱི་མཆོག་གི་ཕྱིར་རམ།
[156b]
[156b.1]སྒེག་བའི་ཕྱིར་རམ། རྙེད་པའི་ཕྱིར་རམ། ཆུན་པོའམ། འདའ་བའམ་ཕུང་པོ་ལས་ཏེ། འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང་ཅི་སྲིད་མ་ཟིན་གྱི་བར་དུ་ནི་ཉེས་བྱས་སོ། །ཟིན་ན་སྤང་བའོ། །སྲིན་བལ་ལ་སྲིན་བལ་དུ་འདུ་ཤེས་སམ་ཡིད་གཉིས་ཟ་ཡང་རུང་
[156b.2]སྟེ་སྤང་བའོ། །སྲིན་བལ་མ་ཡིན་པ་ལ་སྲིན་བལ་དུ་འདུ་ཤེས་སམ། ཡིད་གཉིས་ཟ་ན་ལྟུང་བ་སྟེ། སྤང་བ་ནི་མ་ཡིན་ནོ། །སྲིན་བལ་ལ་སྲིན་བལ་མ་ཡིན་པར་འདུ་ཤེས་ན་ལྟུང་བ་མེད་དོ། །མ་ཟིན་བ་ཟིན་པར་བྱས་སམ། མ་ཟིན་པར་བོར་རམ། གཞན་གྱི་ཕྱིར་
[156b.3]རམ། ཆེད་དུའམ། བལ་དང་། གསོ་མ་དང་། ཟར་མ་དང་། ཤིང་བལ་དང་། རྩྭ་དུ་གུ་ལ་དང་བསྲེས་སམ། མི་རུང་བ་དང་བསྲེས་སམ། བདེ་བར་གཤེགས་པའི་ཚད་བཞིན་བྱས་ན་ཉེས་བྱས་སོ། །བྱས་ཟིན་པ་རྙེད་དམ། བྱས་ཟིན་པ་ལ་ཡོངས་སུ་ལོངས་
[156b.4]སྤྱོད་དམ། རྙིད་པ་མངོན་པར་འདུ་བྱེད་པ་ལ་ལྟུང་བ་མེད་དོ། །གོས་ཀྱི་རིན་དུ་སྲིན་བལ་རྙེད་པ་དེ་ལས་བྱས་ན་ཡང་ལྟུང་བ་མེད་དོ། །གལ་ཏེ་ཡུལ་གྱི་མིའི་བསམ་པས་དེ་ལ་དེར་དགོས་པ་ཡོད་པ་ལས་རིན་ཐང་ཆེ་ཆུང་ཞིག་ཏུ་རྟོག་པར་འགྱུར་ཏེ། སྲིན་བལ་རྙེད་སླ་ལ། གཞན་
[156b.5]རྙེད་དཀའ་ན་ལྟུང་བ་མེད་དོ། །བཏང་སྙོམས་སུ་འཇོག་པས་ལྟུང་བའོ། །གལ་ཏེ་གཞན་ཞིག་དེའི་ཕྱིར་འདི་ལྟ་བུ་འདོད་དོ་ཞེས་སློང་བ་ལས། དེ་ཡང་འདོད་པའི་ཕྱིར་བཏང་སྙོམས་སུ་འཇོག་པར་བྱེད་ན་ཡང་ངོ་། །དང་པོའོ།། །།མཉན་ཡོད་དུ་དགེ་སློང་མང་པོ་ལ་བརྟེན་ཏེ།
[156b.6]བྱ་བ་མང་པོ་ལས་བཟློག་པ་དང་། བཟང་པོ་ལ་ཆགས་ཤིང་ཚོལ་བའི་ཉེས་པ་སྤང་བའི་ཕྱིར་སྤང་བ་གཉིས་པའོ། །ནག་པོ་འབའ་ཞིག་ཅེས་བྱ་བ་ནི་འཚེར་བ་དང་། འཇམ་པའི་ཕྱིར་རོ། །ནག་པོ་འབའ་ཞིག་ཅེས་བྱ་བ་ནི་ནག་པོ་ལ་བཞི་སྟེ། རང་བཞིན་གྱིས་གནག་པ་དང་། སྔོན་
[156b.7]པོ་དང་། འདམ་ཁ་དང་། ཁམ་པའོ། །སར་པ་ཞེས་བྱ་བ་ནི་བྱེད་པ་ལས་བྱའི། རྙེད་བ་ལས་ནི་མ་ཡིན་ནོ། །སྟན་ཞེས་བྱ་བ་ནི་བླིངས་པ་སྟེ། ཕྱིད་པའི་རྣམས་གྲངས་སོ། །བྱེད་ན་ཞེས་བྱ་བ་ནི་སྔ་མ་བཞིན་ནོ། །བལ་ནག་པོ་འབའ་ཞིག་གི་ཆུན་པོའམ། འདབ་མའམ། ཕུང་
[157a]
[157a.1]པོ་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང་ཅི་སྲིད་མ་ཟིན་གྱི་བར་དུ་ནི་ཉེས་བྱས་སོ། །ཟིན་ན་སྤང་བའོ། །ལྷག་མ་རྣམས་ནི་ལྟུང་བ་སྔ་མ་བཞིན་ནོ། །གཉིས་པའོ།། །།མཉན་ཡོད་ན་སྟེ། དགེ་སློང་མང་པོ་ལ་བརྟེན་ཏེ། བཟང་པོ་ལ་
[157a.2]ཆགས་ཤིང་ཚོལ་བའི་ཉེས་པ་ཡོངས་སུ་སྤང་བའི་ཕྱིར་གསུམ་པ་བཅས་སོ། །དཀར་པོ་ཞེས་བྱ་བ་ནི་རྩིབ་ལོགས་ཀྱི་བལ་དང་། རྒྱབ་ཀྱི་བལ་དང་། གཉའ་བའི་བལ་ཏེ། ཁ་དོག་གི་རྣམ་གྲངས་སུ་ནི་འདྲ་མོད་ཀྱི། གསུང་རབ་ལ་མིང་གཞན་དུ་བྱས་སོ། །འཁོབ་བལ་ཞེས་
[157a.3]བྱ་བ་ནི་མགོ་དང་། རྐང་པ་དང་། ལྟོ་བའི་བལ་ཏེ། ཡུལ་ན་སྤྱོད་པའི་ཕྱིར་དེ་སྐད་དུ་བྱའོ། །མ་བཅུག་ན་ཞེས་བྱ་བ་ནི་མ་བྱིན་པའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། སྟན་སྲང་བཅུ་པ་ཞིག་བྱེད་ན་བལ་ནག་པོ་འབའ་ཞིག་ལས་སྲང་ལྔ་ལས་གཞུག་པར་བྱའོ། །དཀར་པོ་ལས་སྲང་ཕྱེད་
[157a.4]དང་གསུམ་དང་། འཁོབ་བལ་ལས་སྲང་ཕྱེད་དང་གསུམ་དང་། ཚད་རྣམ་པར་དབྱེ་བ་ནི་ཕྱོགས་འདིས་རིག་པར་བྱའོ། །དེ་ཇི་ཙམ་དུ་བྱེད་ཀྱང་ཆ་བཞིར་བརྗོད་པར་བྱའོ། །ཆ་གཉིས་ནི་ཞེས་བྱ་བ་ལ་སོགས་པ་ཇི་སྲིད་ཅུང་ཟད་དཀར་པོ་དང་། འཁོབ་བལ་སྲང་གཅིག་གམ། སྲང་ཕྱེད་ཀྱང་རུང་།
[157a.5]བསྐྱངས་སམ། ནག་པོ་འབའ་ཞིག་ལས་སྟན་དུ་བྱས་ན་སྤང་བའོ། །སྦྱོར་བའི་ཚེ་ཉེས་བྱས་སོ། །གལ་ཏེ་ནག་པོ་འབའ་ཞིག་བྱེད་ན་དེ་ལ་ནི་ཚད་འདི་ངེས་པ་ཡིན་གྱི། དཀར་པོ་དང་འཁོབ་བལ་ལས་བྱེད་ན་ནི་ཚད་འདི་ངེས་པ་ནི་མ་ཡིན་ནོ། །གཞན་གྱི་ཕྱིར་ནི་ཐམས་ཅད་གོང་མ་བཞིན་ནོ། །
[157a.6]ནག་པོ་འབའ་ཞིག་རྙེད་པར་སླ་ལ་གཞན་ནི་རྙེད་པར་དཀའ་ན་ལྟུང་བ་མེད་དོ། །གསུམ་པའོ།། །།མཉན་ཡོད་ན་སྟེ། དགེ་སློང་མང་པོ་ལ་བརྟེན་ཏེ། བྱ་བ་མང་བ་ལས་དབྲལ་བ་དང་། མི་འདོད་བཞིན་ཡོངས་སུ་ལོངས་སྤྱད་པའི་ཉེས་པ་སྤང་བའི་ཕྱིར་བཞི་པ་བཅས་སོ། །མི་འདོད་བཞིན་
[157a.7]ཞེས་བྱ་བ་ནི་མི་འདོད་ཀྱང་ངོ་། །ལོ་གང་ལ་སྟན་བྱས་པ་ནས་གཉིས་པ་ཡང་དེ་ནས་ལོ་ལྔའི་བར་དུ་བྱེད་ན་བརྩམས་སམ། ཟིན་ཡང་རུང་སྟེ། རྩོམ་པའི་ཚེ་ན་ཉེས་བྱས་སོ། །ཟིན་ན་སྤང་བའོ། །སྔ་མ་ལ་ནི་ལྟུང་བ་མེད་དོ། །ལོ་ལྔ་ཚུན་ཆད་དུ་གཉིས་པ་ཞིག་བྱས་ན་སྔ་མ་ཤོས་བྱིན་གྱིས་
[157b]
[157b.1]བརླབས་ན་ཕྱི་མ་ཤོས་གཏང་བར་བྱའོ། །ཕྱི་མ་ཤོས་བྱིན་གྱིས་བརླབས་ན་སྔ་མ་ཤོས་གཏང་བར་བྱའོ། །གཉིས་པ་དེ་བྱེད་པའི་ཚེ་ནི་ཉེས་བྱས་སོ། །ཟིན་ན་སྤང་བའོ། །སྔ་མ་ལ་ལྟུང་བ་མེད་དོ། །ལོ་གང་གི་ཚེ་སྟན་བྱས་པ་དེའི་ཚེ་གཉིས་པ་བྱས་བ་ལས་མ་ཟིན་ཏེ་བོར་བ་དང་། དེ་
[157b.2]བཞིན་དུ་ལྔའི་བར་དུ་ཡང་ཉེས་བྱས་ལྔ་སྟེ། སྔ་མ་ལ་ལྟུང་བ་མེད་དོ། །གཞན་གྱི་ཕྱིར་བྱེད་པ་ལ་སོགས་པ་སྔ་མ་བཞིན་ནོ། །བརྩམས་པ་ལས་བབས་ཏེ། སླར་ཡང་བསྙེན་པར་རྫོགས་པར་བྱེད་དམ། མཚན་གྱུར་པ་ལས་སླར་ཡང་གྱུར་ཏམ། དེའི་གནས་སྐབས་སུ་ལས་
[157b.3]བྱས་ཏེ། ཟིན་ན་ཉེས་བྱས་སོ། །ལོ་དྲུག་པའི་ངོ་ལས་བྱེད་པ་དང་། ལག་གི་བླ་ལ་དགེ་འདུན་གྱིས་གནང་བ་བྱིན་པ་དང་། དེ་ཡང་ལན་གསུམ་གྱི་བར་དུ་གསོལ་ན་དད་པས་འགྲོ་བར་མི་བྱའི་དགེ་འདུན་ཐམས་ཅད་དེར་འགྲོ་བར་བྱའོ། །ཡང་ན་སྟན་དེ་དགེ་འདུན་གྱི་ནང་དུ་བླངས་ལ་
[157b.4]གལ་ཏེ་ཤིན་ཏུ་རིང་ངམ་ཞེང་ཆེ་བ་ཞིག་ཏུ་གྱུར་ན་གཅད་པར་བྱའོ། །གལ་ཏེ་ཤིན་ཏུ་ཞེང་ཆུང་ངམ། ཐུང་ངམ། ཆད་དམ། རྡོལ་ན་བལ་སྦྱིན་པར་བྱའོ། །གལ་ཏེ་ཞིགས་སམ། སླར་འདུས་བྱ་བར་མི་བཟོད་ན་ལྟུང་བ་མེད་དོ། །གསོལ་བ་དང་གཉིས་ཀྱི་ལས་ཀྱིས་བྱའོ། །
[157b.5]བཞི་པའོ།། །།མཉན་ཡོད་དུ་གནས་བརྟན་རྣམས་ལ་བྱང་ལམ་ནས་ལྷགས་པའི་ཚོད་བ་རྣམས་ཀྱིས་གདིང་བའི་ཕྱིར་རས་ཡུག་ལྔ་བརྒྱ་བྱིན་པ་དང་། གདིང་བ་རྙིང་བ་རྣམས་བོར་བ་བཅོམ་ལྡན་འདས་ཀྱིས་གཟིགས་ནས་མ་གུས་པའི་ཉེས་པ་སྤང་བ་དང་། སླར་འདུས་བྱ་བའི་ཕྱིར་
[157b.6]ལྔ་བ་བཅས་སོ། །གདིང་བ་ཞེས་བྱ་བ་ནི་སོ་སོར་གདིང་བའོ། །གདིང་བ་རྙིད་བ་ཀུན་ནས་འཁོར་བར་ཞེས་བྱ་བ་ནི་གལ་ཏེ་དེ་ལ་གཉིས་པ་ཡོད་ནའོ། །ཀུན་ནས་ཞེས་བྱ་བ་ནི་མཐའ་འཁོར་བར་ཏེ། དེ་ལ་ནི་སྲ་བར་བྱ་བ་ཡིན་ཏེ། དེ་ཡང་དེ་བཞིན་དུ་དྲས་ལ་སྦྱར་བར་བྱའོ། །བདེ་བར་
[157b.7]གཤེགས་པའི་མཐོ་གང་ཞེས་བྱ་བ་ནི་མི་ཚད་མའི་ཁྲུ་ཕྱེད་དང་དོའོ། །གླན་པར་བྱའོ་ཞེས་བྱ་བ་ནི་སྦྱར་བར་བྱའོ། །སར་པ་ཁ་དོག་མི་སྡུག་པར་བྱ་བའི་ཕྱིར་ཞེས་བྱ་བ་ནི་སྲ་བར་བྱ་བའི་ཕྱིར་རོ། །དེ་ལྟར་ན་དེ་སྲ་ཞིང་བརྟན་ལ་ལོངས་སྤྱོད་བཟོད་པར་འགྱུར་རོ། །དགེ་སློང་གིས་གལ་ཏེ་རྙིང་
[158a]
[158a.1]པས་ཁ་དོག་ངན་པར་མ་བྱས་སམ། བདེ་བར་གཤེགས་བའི་མཐོ་གང་ལས་ཅི་ཙམ་ཅུང་ཟད་སོར་གཅིག་གམ། སོར་ཕྱེད་ལས་ཆུང་ངུ་གླན་ནམ་མ་གླན་ཀྱང་རུང་། དེ་ཐམས་ཅད་ལ་ཡང་སྤང་བའི་ལྟུང་བར་འགྱུར་རོ། །རྙིང་པ་ལ་རྙིང་པར་འདུ་ཤེས་པ་སྔ་མ་
[158a.2]བཞིན་ཏེ། མུ་བཞིར་སྦྱར་རོ། །གདིང་བ་རྙིང་པ་ཅི་ནས་སླར་ཐམས་ཅད་དུ་འདུས་བྱར་མི་བཏུབ་བམ། དེ་ཙམ་ཞིག་ལས་མེད་དམ། གལ་ཏེ་མེད་ན་ལྟུང་བ་མེད་དོ། །གདིང་བའི་ཀུན་དུ་སྤྱད་པ་ནི་གདིང་བ་ལ་ཉིས་རིམ་དུ་བྱས་ཏེ། སྔོན་པོའམ། བཙག་གམ། ངུར་སྨྲིག་ཏུ་
[158a.3]བྱའོ། །ཁྲ་བོ་ཉེ་བར་བཀྲ་བར་མི་བྱའོ། །འོག་ཕྱོགས་སུ་སུམ་ཆ་གཅིག་ལ་གླེགས་བུའི་འཕྲོ་བྱའོ། །རྣམ་པ་གཞན་དུ་ན་འགལ་ཚབས་ཅན་དུ་འགྱུར་རོ། །ལྔ་པའོ།། །།མཉན་ཡོད་ན་སྟེ། དྲུག་སྡེ་རྣམས་བལ་ཡུལ་གྱི་ལམ་དུ་ཤིང་རྟའི་སྲོག་ཤིང་ཆག་པའི་བལ་དག་རྙེད་དེ།
[158a.4]བལ་ཁུར་ཆེན་པོ་བྱས་ཏེ་ཁྱེར་བས་མཆོད་འོས་རྣམས་སོ་ཞེས་འཇིག་རྟེན་པ་རྣམས་མ་དད་པར་གྱུར་པས་ན་དྲུག་པ་བཅས་སོ། །ལམ་དུ་ཞུགས་པས་ཞེས་བྱ་བ་ནི་དགོན་པའི་ལམ་དུ་ཞུགས་པའོ། །རྙེད་ལ་ཞེས་བྱ་བ་ནི་གཞན་ལས་རྙེད་པའོ། །འདོད་ན་ཞེས་བྱ་བ་ནི་གལ་ཏེ་དགོས་པར་གྱུར་པའོ། །
[158a.5]བླང་བར་བྱའོ་ཞེས་བྱ་བ་ནི་བླང་བར་བྱ་བའོ། །བཀུར་བར་བྱའོ་ཞེས་བྱ་བ་ནི་བཀུར་བའོ། །ཁྱེར་བ་མེད་ན་ཞེས་བྱ་བ་ནི་རུང་བར་བྱེད་པ་མེད་ནའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། རྡུལ་ཕྲ་རབ་དྲུག་ལ་རྡུལ་ཕྲ་མོའོ། །དེ་དྲུག་ལ་ཆུ་རྡུལ་ལོ། །དེ་དྲུག་ལ་ལྕགས་རྡུལ་ལོ། །དེ་དྲུག་ལ་
[158a.6]རི་བོང་གི་རྡུལ་ལོ། །དེ་དྲུག་ལ་ལུག་གི་རྡུལ་ལོ། །དེ་དྲུག་ལ་བ་ལང་གི་རྡུལ་ལོ། །དེ་དྲུག་ལ་སྐར་ཁུང་གི་ཉི་ཟེར་གྱི་རྡུལ་ལོ། །དེ་དྲུག་ལ་སྲོ་མའོ། །དེ་དྲུག་ལ་ཤིག་གོ། །དེ་དྲུག་ལ་ནས་སོ། །དེ་དྲུག་ལ་སོང་གཅིག་གོ། །སོར་བཞི་པ་དྲུག་ལ་ཁྲུ་གང་ངོ་། །ཁྲུ་བཞི་ལ་གཞུ་གང་
[158a.7]ངོ་། །གཞུ་ལྔ་བརྒྱ་ལ་རྒྱང་གྲགས་ཏེ། དེ་ནི་དགོན་པའོ། །དགེ་སློང་ལུག་གི་བལ་ཁྱོར་ནས་ལམ་དུ་ཞུགས་ཤིང་འགྲོ་ན། རྒྱང་གྲགས་རེ་རེས་བར་དུ་ཆོད་པའི་གྲོང་བདུན་ཏེ། གྲོང་བར་ཕྱེད་ཕྱེད་ཅིང་ཉེས་བྱས་སོ། །གྲོང་རེ་རེ་ཞིང་སྤང་བའི་ལྟུང་བའོ། །གྲོང་ནས་དགོན་པའི་ལམ་
[158b]
[158b.1]དུ་ཞུགས་ན་རྒྱང་གྲགས་ཕྱེད་ཕྱེད་ཅིང་ཉེས་བྱས་སོ། །རྒྱང་གྲགས་རེ་རེ་ཞིང་ལྟུང་བའོ། །ནམ་མཁའ་ལས་སམ། སྤྲུལ་པ་ཞིག་གིས་ཁྱེར་ན་ཉེས་བྱས་སོ། །ཞྭ་དང་ལྷམ་སྒྲོག་གུ་ཅན་དང་། སྟོད་ཀོར་ནང་ཚངས་ཅན་དང་། ལྕག་པོད་དང་། ཤུར་བུ་ཕྲའུ་ལ་སོགས་པའི་ཕྱིར་སྦས་ཏེ། ཁྱེར་བ་
[158b.2]ལ་ལྟུང་བ་མེད་དོ། །དྲུག་པའོ། །མཉན་ཡོད་ན་སྟེ། འཆར་ཀས་སྐྱེ་དགུའི་བདག་མོ་ཆེན་མོ་གཽ་ཏ་མ་ལ་བལ་གྱི་ལས་བྱེད་དུ་བཅུག་པ་ན་བདུན་བདུན་པའོ། །འཁྲུ་ཞེས་བྱ་བ་ནི་ཐ་ན་ཆུའི་ནང་དུ་ལན་ཅིག་བཅལ་བའོ། །འཚེད་ཅེས་བྱ་བ་ནི་ཐ་ན་ཚོན་གྱི་ནང་དུ་ལན་ཅིག་བཅུག་པའོ། །
[158b.3]རྨེལ་ཞེས་བྱ་བ་ནི་ཐ་ན་འདབ་མ་གཅིག་གོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་ཉེ་དུ་མ་ཡིན་པའི་དགེ་སློང་མ་ལ་ཉེ་དུ་མ་ཡིན་པར་འདུ་ཤེས་སམ། ཡིད་གཉིས་ཟ་ན་ཡང་རུང་སྟེ། གསུམ་ལས་གང་ཡང་རུང་བྱེད་དུ་བཅུག་ན་སྤང་བར་འགྱུར་ལ་ཉེ་དུ་ལ་ཉེ་དུ་མ་ཡིན་པར་འདུ་
[158b.4]ཤེས་སམ་ཡིད་གཉིས་ཟ་ཡང་རུང་སྟེ། བྱེད་དུ་བཅུག་ན་ཉེས་བྱས་སོ། །ཉེ་དུའམ་ཉེ་དུ་མ་ཡིན་པར་ཡང་རུང་ཉེ་དུ་ཡིན་པར་འདུ་ཤེས་ན་ལྟུང་བ་མེད་དོ། །བཀྲུས་པའམ་འཁྲུ་བའམ། སྤྲིང་ཡིག་ལ་སོགས་པ་རྣམས་ཀྱིས་སམ། གཞན་གྱི་ཕྱིར་རམ། བདག་དང་གཞན་གྱི་ཡང་རུང་།
[158b.5]དགེ་འདུན་གྱིའམ། སྤང་བ་བྱུང་བའམ། རྔ་མོའི་བལ་ལམ། རི་དགས་ཀྱི་བལ་ལམ། འདྲེས་པ་ཡང་རུང་། འཁྲུར་བཅུག་ན་ཉེས་བྱས་སོ། །ལྷག་མ་རྣམས་ནི་ཇི་ལྟར་ཆོས་གོས་རྙིང་པ་འཁྲུར་བཅུག་པའི་བསླབ་པའི་གཞིའི་བཞིན་ནོ། །བདུན་པའོ།། །།རྒྱལ་པོའི་ཁབ་
[158b.6]ན་སྟེ། གྲོང་དཔོན་གཙུག་ན་ནོར་བུ་ཞེས་བྱ་བས་གསོལ་པ། ཤཱཀྱའི་སྲས་ཀྱི་དགེ་སྦྱོང་རྣམས་ས་ལེ་སྦྲམ་དང་། དངུལ་ལེན་ཏེ་གང་དེ་ལ་རུང་བ་དེ་དག་ལ་འདོད་པའི་ཡོན་ཏན་ལྔ་ཡང་རུང་བར་འགྱུར་རོ། །ཤིང་དང་། རྩྭ་དང་། ཤིང་རྟའི་ལས་དང་། མི་བླས་ལ་སོགས་པས་འདོད་བ་
[158b.7]རྣམས་ཀྱིས་རྩྭ་ལ་སོགས་པ་ཉིད་ཡོངས་སུ་བཙལ་བར་བྱའོ་ཞེས་སྨྲའི། འདི་སྐད་ཅེས་རྣམ་གྲངས་གང་གིས་ཀྱང་ས་ལེ་སྦྲམ་དང་། དངུལ་ལ་སོགས་པ་བདག་གིར་བྱ་བར་ནི་མི་སྨྲའོ་ཞེས་སོ་སོར་བཀག་པ་དང་། མཉན་ཡོད་དུ་དྲུག་སྡེ་རྣམས་ཀྱིས་རང་གི་ལག་གིས་གཞན་ལེན་དུ་བཅུག་བས་
[159a]
[159a.1]མུ་སྟེགས་ཅན་མི་སྙན་པ་ཟེར་བའི་ཕྱིར་བརྒྱད་བ་བཅས་སོ། །རང་གི་ལག་གིས་ཞེས་བྱ་བ་ནི་ལག་པས་ལག་པར་ཏེ། བདག་ཉིད་ཀྱིས་ཞེས་བྱ་བའི་ཐ་ཚིག་གོ། །ལེན་པ་ཞེས་བྱ་བ་ནི་ཁྱད་པར་ཡིན་གྱི་འདིར་ལེན་དུ་བཅུག་པ་ནི་མ་ཡིན་ནོ། །དེ་ལ་གསེར་རམ།
[159a.2]དངུལ་ཞེས་བྱ་བ་ནི་གསེར་དང་དབྱིག་གོ། །གལ་ཏེ་མཚན་མ་བཏབ་ན་དེ་ཡང་དོན་འདིར་ནི་ས་ལེ་སྦྲམ་དང་དངུལ་ཞེས་བྱའོ། །ལེན་ཏམ་ཞེས་བྱ་བ་ནི་བདག་ཉིད་ཀྱིས་སོ། །ལེན་དུ་བཅུག་ན་ཞེས་བྱ་བ་ནི་གཞན་ནོ། །དེ་ལ་ལྟུང་བ་ཇི་ལྟར་འགྱུར་ཞེ་ན། གསེར་དང་དངུལ་གཏེར་
[159a.3]རམ། ལྟུང་བའམ། སྔ་ནས་རྙེད་པའམ། སྦྱིན་བདག་ལས་ཐོབ་ཀྱང་རུང་བ་མ་བྱས་བར་རང་གིས་བླངས་སམ། གཞན་ལེན་དུ་བཅུག་ན་སྤང་བའོ། །གཞན་གྱིས་བཞག་པ་ལས་བདག་གིར་བྱས་ཀྱང་རང་གིས་མ་བླངས་ཀྱི་བར་དུ་སྤང་བར་མི་འགྱུར་རོ། །ལུས་ཀྱི་ལས་ཏེ་ཕ་རོལ་པོ་ལེན་
[159a.4]དུ་བཅུག་ན་ལྟུང་བའི་གཞི་བཅོ་བརྒྱད་དུ་འགྱུར་ཏེ། འདི་ལོངས་ཤིག་འདི་ནས་ལོངས་ཤིག་འདི་ཙམ་ལོངས་ཤིག །འདི་ཁྱེར་ཤོག །འདི་ནི་ཁྱེར་ཤོག །འདི་ཙམ་ཁྱེར་ཤོག །འདི་ཞོག་ཤིག །འདིར་ཞོག་ཤིག །འདི་ཙམ་ཞོག་ཤིག །འདི་དག་ནི་མངོན་སུམ་དུ་འགྱུར་བའི་དོན་སྒྲས་ཐོག་
[159a.5]མར་བྱེད་པའི་གཞི་དགུ་སྟེ། བྱ་བ་རྣམ་པ་གསུམ་ལས་བྱ་བ་རེ་རེ་ལ་ཡང་དངོས་པོ་དང་། སྣོད་དང་། ཚད་ཀྱིས་ཕྱེ་བའོ། །ཡང་མངོན་སུམ་དུ་མ་ཡིན་པ་རྣམ་པ་གསུམ་དང་། སྒྲོག་ལ་དེ་ཞེས་བྱ་བའི་སྒྲ་ཐོག་མར་བྱས་ན་དེ་ལས་གཞན་ཡང་དོན་རྣམ་པ་དགུར་འགྱུར་ཏེ། དེ་ལྟར་ན་གཞི་བཅོ་
[159a.6]བརྒྱད་དུ་འགྱུར་རོ། །གཞི་བཅོ་བརྒྱད་པོ་དེ་དག་མངོན་སུམ་དུ་གྱུར་པའི་ཕྱོགས་ཤིག་ཏུ་བསྒོ་ན་ཉེས་བྱས་སོ། །བླངས་ན་སྤང་བར་འགྱུར་རོ། །མངོན་སུམ་དུ་མི་འགྱུར་བ་ཞིག་ན་གཉི་ག་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གསེར་རམ། དབྱིག་གམ། དེ་གཉིས་གའམ།
[159a.7]བརྡུངས་བའམ། མ་བརྡུངས་པ་ཡང་རུང་། གསེར་དང་། དབྱིག་དང་། ནོར་བུ་དང་། མུ་ཏིག་དང་། བཻ་ཌཱུརྱ་སྟེ་གསུམ་ལ་རེག་ན་སྤང་བའོ། །ཡུལ་གྱི་ཐ་སྙད་ཅན་ལ་རེག་ན་སྤང་བའོ། །སྙད་གདགས་སུ་རུང་བ་སྟེ། གས་པ་དང་། ཆགས་པ་དང་། དུམ་བུ་དང་། ཚིག་པ་དང་། བཅོས་
[159b]
[159b.1]པ་དང་། གཡུལ་གྱི་ཐ་སྙད་ཅན་མ་ཡིན་པ་དང་། མཚན་དང་མི་ལྡན་པ་ཉེ་བར་ལེན་ན་ཉེས་བྱས་སོ། །ར་གན་ནམ། རྣོ་བའི་ར་གན་ནམ། ཟངས་སམ། རྣོ་ཟངས་སམ། ལྕགས་སམ། རོ་ཉེའམ། ཚོན་མོ་སྟེང་ངམ། ཁྲོ་ཆུ་ལ་རེག་ན་ལྟུང་བ་མེད་དོ། །རུང་བའི་དངོས་པོར་མ་བསྔོས་པར་
[159b.2]ངེས་བར་ཁྱིམ་པ་ལེན་དུ་བཅུག་ནའང་སྤང་བའོ། །བདག་གིས་བླངས་སམ། དགེ་སློང་གཞན་ལེན་དུ་བཅུག་ན་ངེས་ཀྱང་རུང་མ་ངེས་ཀྱང་རུང་ཐམས་ཅད་སྤང་བའོ། །གཞན་གྱི་ཕྱིར་ནི་ལྟུང་བར་འགྱུར་གྱི། སྤང་བ་ནི་མ་ཡིན་ནོ། །གལ་ཏེ་རིམ་གྲོ་བྱེད་པ་ལ་སོགས་པའི་རྣམ་གྲངས་ཀྱིས་གཞན་གྱི་
[159b.3]ཕྱིར་བསྐོས་པ་དེས་བླངས་ན་གཉིས་ཀ་ལ་ཡང་ལྟུང་བ་མེད་དོ། །ཐང་ངམ། ཆུ་ལ་གསེར་དང་དངུལ་ལྷུང་བ་གང་གི་ཡིན་པ་དེ་ཉིད་ཁྱེར་གྲང་སྙམ་དུ་དེ་ལྟ་བུར་བསམས་ལ་བླང་བར་བྱའོ། །བདག་པོ་མེད་པའི་གཏེར་བླངས་ན་དཀོན་མཆོག་གསུམ་ལ་དབུལ་བར་བྱའོ། །ཇི་སྟེ་བདག་པོ་ཡོད་པའི་གཏེར་
[159b.4]རམ། གཞན་ཅི་ཡང་རུང་བ་ལྷུང་བ་ཞིག་རྙེད་ན་དེ་གཞན་ལ་རྣམ་གྲངས་ཀྱིས་གྲགས་པར་བྱའོ། །གལ་ཏེ་དན་རྟགས་ལ་བབ་པར་སྨྲ་ན་སྦྱིན་པར་བྱའོ། །གལ་ཏེ་མེད་ན་དཀོན་མཆོག་གསུམ་གྱིར་ཉེ་བར་སྦྱར་བར་བྱའོ། །མ་གུས་པའི་སེམས་ཀྱིས་བླངས་ན་ཉེས་བྱས་སོ། །ས་ལེ་
[159b.5]སྦྲམ་ལས་ས་ལེ་སྦྲམ་དུ་འདུ་ཤེས་སམ་ཡིད་གཉིས་ཟ་འང་རུང་སྟེ་སྤང་པའོ། །ཁ་ཅིག་ན་རེ་ཡིད་གཉིས་ཟ་བ་ལ་ཉེས་བྱས་སོ་ཞེའོ། །ས་ལེ་སྦྲམ་མ་ཡིན་པ་ལས་ལེ་སྦྲམ་དུ་འདུ་ཤེས་ན་ལྟུང་བྱེད་དུ་འགྱུར་གྱི་སྤང་བར་ནི་མ་ཡིན་ནོ། །ཡིད་གཉིས་ཟ་ན་ཉེས་བྱས་སོ། །ས་ལེ་སྦྲམ་དང་ས་ལེ་སྦྲམ་མ་
[159b.6]ཡིན་ཡང་ས་ལེ་སྦྲམ་མ་ཡིན་པར་འདུ་ཤེས་ན་ལྟུང་བ་མེད་དོ། །བདག་གི་ལ་ནི་ལྟུང་བ་འདིར་འགྱུར་གྱི། །གཞན་གྱི་ལ་ནི་མ་ཡིན་ནོ། །བདག་དང་གཞན་གྱི་ལ་ཡང་མ་ཡིན་ཏེ། དེ་ལ་ལྟུང་བར་འགྱུར། སྤང་བར་མ་ཡིན་ནོ། །རྣམ་གྲངས་ཀྱིས་རྣམ་གྲངས་སུ་གྱུར་པ་དང་། གང་བདག་གི་གཞན་
[159b.7]གྱིས་ཕྲོགས་པ་ལས་སླར་ཕྲོགས་པ་དང་། བྱིན་གྱིས་བརླབས་པར་བརྟགས་པ་སྟེ། གལ་ཏེ་བསྟེན་པར་མ་རྫོགས་པ་གཞན་གྱིས་བརླབས་པ་དང་། རྟག་ཏུ་སྦྱོར་བའི་ཡོ་བྱད་དུ་ཉེ་བར་སྦྱར་བར་གཞག་པ་ལ་བརྟགས་པ་དང་། གལ་ཏེ་གླེགས་བམ་ལ་སོགས་པར་སྦྱར་བར་གྱུར་
[160a]
[160a.1]པ་དང་། ལྕི་བ་ཡང་ཡང་བ་ལྟར་རུང་བར་བྱས་པ་ཡང་རུང་སྟེ། ལྟུང་བ་མེད་དོ། །རུང་བར་བྱ་བ་འདི་ནི་ཀུན་ཏུ་ཁྱབ་པ་ཡིན་ཏེ། གང་དུ་མ་བརྗོད་པར་དེར་ཡང་རིག་པར་བྱའོ། །ཐབས་མེད་པ་ན་རུང་བར་བྱ་བ་ཡིན་ཏེ། གལ་ཏེ་རིངས་པ་ཞིག་ཡིན་ན། གཞན་ཁྱེར་དུ་
[160a.2]བཅུག་པ་མེད་ན་ལྟུང་བ་མེད་དེ། ཅི་སྐད་དུ་དགེ་འདུན་གྱིའམ། མཆོད་རྟེན་གྱི་ཡང་རུང་སྟེ། གསེར་དང་། དབྱིག་ཆོམ་རྐུན་གྱི་འཇིགས་པའི་རྐྱེན་གྱིས་བསྙེན་པར་མ་རྫོགས་པ་མེད་ན་བདག་ཉིད་ཀྱིས་ཁུང་བརྐོས་ལ་སྦས་ཏེ་འགྲོ་བར་བྱའོ། །ཕྱིར་འོངས་ནས་སྔར་བཞིན་དུ་སླར་དབྱུང་
[160a.3]བར་བྱའོ། །ཕོངས་པའི་རྗེས་སུ་གནང་བ་གཞན་དུ་བྱེད་ན་འགལ་ཚབས་ཅན་དུ་འགྱུར་རོ་ཞེས་གསུངས་སོ། །ལྟུང་བ་མེད་པ་ནི་སྦྱིན་བདག་གིས་རུང་བ་སྟེ། ཅི་ལྟར་དབྱར་གནས་པའི་དགེ་སློང་གི་དགེ་འདུན་རྣམས་ལ་ཆོས་གོས་ལ་སོགས་པའི་རིན་བྱིན་ན་དེ་བླང་བར་བྱའོ། །བླངས་
[160a.4]ནས་སྦྱིན་བདག་དེ་ཉིད་ལ་ཡིད་བརྟན་ཏེ་བཅང་བར་བྱའོ། །གཞན་ཡང་དགེ་སློང་གིས་ཀུན་དགའ་ར་བ་པ་འམ། དགེ་བསྙེན་ཡང་རུང་ཐམས་ཅད་སྤྲོ་བར་བྱའོ། །དེ་ལ་བརྟེན་ནས་མི་རུང་བ་ཐམས་ཅད་ཀྱང་བླང་བར་བྱའོ། །དགེ་སློང་གིས་འདིར་དེ་རིང་དུ་སོང་ཡང་མི་རུང་བ་གང་ཅི་སྙེད་ཀྱང་
[160a.5]དེ་ལ་ཡིད་བརྟན་ཏེ། དེ་ཅི་སྲིད་འཚོའི་བར་དུ་བླང་ཞིང་བཅང་བར་བྱའོ། །གལ་ཏེ་སྦྱོར་མི་བཏུབ་ནས་ལེ་སྦྲམ་དང་དངུལ་བླང་བ་ཉིད་ཀྱིས་དགེ་སློང་གི་མདུན་དུ་འདུག་སྟེ་བརྗོད་པར་བྱའོ། །ཚེ་དང་ལྡན་པ་དགོངས་སུ་གསོལ། བདག་དགེ་སློང་མིང་འདི་ཞེས་བགྱི་བས་དངོས་པོ་རུང་བ་
[160a.6]མ་ལགས་པ་འདི་རྙེད་དེ། དངོས་པོ་རུང་བ་མ་ལགས་པ་འདིས་བདག་གིས་དངོས་པོ་རུང་བ་བསྒྲུབ་པར་བགྱིའོ་ཞེས་དེ་ལྟར་ལན་གཉིས་ལན་གསུམ་དུའོ། །ས་ལེ་སྦྲམ་རྙེད་ལ་གལ་ཏེ་དགོས་པར་གྱུར་ན་བཞག་པའི་རུང་བར་བྱའོ། །དེ་ཡང་རྣམ་པ་གཉིས་ཀྱི་ཕྱིར་ཡོངས་སུ་དག་པ་མ་
[160a.7]ཡིན་ཏེ། གང་ཟག་མ་བརྟགས་པ་ལ་གཞག་པ་དང་། མི་རུང་བའི་དངོས་པོ་ལ་སེམས་ཆགས་པའོ། །དང་པོ་ལ་ནི་ཉེས་བྱས་སོ། །གཉིས་པ་ལ་ནི་སྤང་བའོ། །གལ་ཏེ་ས་ལེ་སྦྲམ་དེ་ཉིད་ལ་སེམས་ཆགས་པར་གྱུར་ཏམ། གཞན་དུ་ན་རུང་བ་མ་ཡིན་པ་སྟེ། རུང་བའི་དངོས་པོ་
[160b]
[160b.1]འགའ་ཞིག་ཏུ་མ་ངེས་ན་འོན་ཀྱང་རུང་བའི་དངོས་པོར་དེས་བར་བྱའོ། །ཇི་སྐད་དུ་ས་ལེ་སྦྲམ་དང་། དངུལ་ཅི་ལྟ་བུར་རུང་བར་བྱ་ཞེ་ན། མེ་རུང་བའི་དངོས་པོ་འདིས་གང་ཡང་རུང་བ་རྙེད་པར་འགྱུར་བ་དེ་བདག་གིར་བྱ་སྟེ། མིང་འདི་ཞེས་བྱ་བའི་ཡིན་ནོ་ཞེས་གསུངས་པ་ལྟ་བུའོ། །
[160b.2]དགེ་སློང་གི་དགེ་འདུན་ལ་སྨན་རྣམས་བསྟབས་ཏེ། སྦྱིན་པ་པོས་ཀཱཪྵ་པ་ཎ་ཚོང་དུས་སུ་བཞག་པ་དང་། ངེས་ཚོང་པ་དེ་ཉིད་ལ་ཡིད་བརྟན་ཏེ། གང་འདོད་པ་དེ་སྦྱར་བ་ལ་ལོངས་སྤྱད་པར་བྱའོ། །ལམ་དུ་ཞུགས་པ་ལས་དབྱིག་ལ་སོགས་པ་ལམ་བརྒྱགས་རྙེད་པ་བླང་བར་བྱའོ། །
[160b.3]རུང་བར་བྱེད་པས་ཁྱེར་བར་བྱའོ། །དེ་མེད་ན་དགེ་ཚུལ་གྱིས་སོ། དེ་ལ་ས་ལེ་སྦྲམ་བདག་གིར་བྱེད་པ་སྤང་གི། ལེན་པ་ནི་མ་ཡིན་ནོ། །བརྒྱད་པའོ།། །།མཉན་ཡོད་ན་སྟེ། ཉེ་དགས་གཅེར་བུ་པ་ལས་ལ་བ་བཟང་པོ་བླངས་པ་དང་། དྲུག་སྡེ་དག་མངོན་མཚན་ཅན་གྱི་
[160b.4]སྤྱོད་པ་རྣམ་པ་སྣ་ཚོགས་སྒྲུབ་པས་དགུ་པ་བཅས་སོ། །རྣམ་པ་སྣ་ཚོགས་ཞེས་བྱ་བ་ནི་ཀུན་དུ་སྦྱོར་བར་བྱེད་པ་ལ་སོགས་པ་རྣམ་པ་སྣ་ཚོགས་སོ། །མངོན་མཚན་ཅན་གྱི་སྤྱོད་པ་ཞེས་བྱ་བ་ནི་སྒྱུར་བར་བྱེད་པ་སྟེ། མངོན་མཚན་གྱི་སྤྱོད་པས་ཡོངས་སུ་སྒྱུར་བར་བྱེད་པའོ། །བྱེད་ཅེས་བྱ་བ་
[160b.5]ནི་ལྷག་པར་སྒྲུབ་པའོ། །འགྲོན་བུའམ། བ་ནའམ། དི་ན་རའམ། རས་བལ་ལམ། སྐུད་པའམ། འབྲས་སམ། དངོས་པོ་ཅི་དང་ཅིས་ཀྱང་རུང་། རྙེད་པ་ཀུན་དུ་སྦྱོར་བར་བྱེད་པ་འདི་ནི་མངོན་མཚན་ཅན་གྱི་སྤྱོད་པ་བྱེད་པ་ཡིན་ནོ། །དེ་ལ་ལྟུང་བ་ཅི་ལྟར་འགྱུར་ཞེ་ན། དགེ་སློང་གིས་རྙེད་
[160b.6]པའི་ཕྱིར་ཡུལ་གྱི་ཐ་སྙད་གདགས་སུ་རུང་བ་ཀུན་ཏུ་སྦྱོར་བའོ། །ཤིང་རྟ་ལ་སོགས་པ་ཚོལ་བ་དང་དབྱིག་དང་གསེར་སྦྱོར་བ་དང་། དབང་པོ་ལ་སོགས་པ་ཚོལ་བ་དང་། ནས་སམ་འབྲས་སྐྱེད་དུ་གཏོང་བ་སྟེ། བྱེ་དང་བྲེའུ་ཆུང་ལ་སོགས་པ་ཚོལ་བ་དང་། དུང་གི་ཚོགས་ཀྱི་ཕྱིར་ནོར་བུའི་ཚོགས་གཏོང་བར་བྱེད་
[160b.7]པ་དང་། ནོར་བུའི་ཚོགས་ཀྱི་ཕྱིར་མུ་ཏིག་གི་ཚོགས་གཏོང་བར་བྱེད་ཅིང་དབང་པོ་ལ་སོགས་པ་ཚོལ་བ་དང་། དབྱིག་དང་། གསེར་མ་བརྡུངས་པས་བརྡུངས་པ་དང་། བརྡུངས་པས་མ་བརྡུངས་པ་གཏོང་བར་བྱེད་པ་དང་། བརྡུངས་པས་བརྡུངས་པ་དང་། མ་བརྡུངས་པས་མ་བརྡུངས་པ་ལེན་ན་སྟེ། ཇི་སྲིད་རྙེད་
[161a]
[161a.1]པ་བདག་གིར་མི་བྱེད་ཀྱི་བར་དུ་ཉེས་བྱས་སོ། །རྙེད་ན་སྤང་བའོ། །དགེ་སློང་སྐྱེད་ཀྱི་ཕྱིར་དབྱིག་ལ་སོགས་པ་གཏོང་བར་བྱེད་ན་ཇི་སྲིད་སྐྱེད་དམ། རྩ་བ་མ་རྙེད་ཀྱི་བར་དུ་ནི་ཉེས་བྱས་སོ། །རྙེད་ན་གཉི་ག་ཡང་སྤང་བའོ། །དེ་མ་རྟོགས་ཀྱང་རྙེད་པ་སྤང་བའོ། །
[161a.2]གལ་ཏེ་དངོས་པོ་ཕྱིར་བྱིན་ནས་སྐྱེད་ཕྱིས་སྦྱིན་ནོ་ཞེས་ཁས་ལེན་པ་ལ་དེར་མི་འགྱུར་རོ། །དགེ་སློང་གི་ཕྱིར་མིང་གིས་གཞན་སྤེལ་བར་བྱེད་ལ། དེ་ཉིད་བཏང་སྙོམས་བྱེད་ཅིང་། དེ་ཡང་འདོད་ལ་རྙེད་པ་དེ་ཡང་བདག་གིར་བྱེད་ན་སྤང་བའོ། །ང་ལ་ཕན་པར་འགྱུར་གྲང་སྙམ་ཏེ་སྐྱིན་པོར་བྱིན་པ་དང་། །
[161a.3]གཞན་དུ་སྤེལ་བ་དང་། གཞན་དུ་སྤེལ་བ་ལས་གཞན་དུ་སྤེལ་བ་དང་། གཞན་གྱི་ཡང་རུང་སྟེ། ལྟུང་བའི་དངོས་གཞིར་ནི་མི་འགྱུར་རོ། །མངོན་མཚན་ཅན་གྱི་སྤྱོད་པ་ལ་དེའི་འདུ་ཤེས་སམ་ཡིད་གཉིས་ཟ་ཡང་རུང་སྤང་བའོ། །ཁ་ཅིག་ན་རེ་ཡིད་གཉིས་ཟ་བ་ལ་ཉེས་བྱས་ཤེའོ། །དེར་འདུ་ཤེས་མེད་ན་ལྟུང་
[161a.4]བ་མེད་དོ། །མངོན་མཚན་ཅན་གྱི་སྤྱོད་པ་མ་ཡིན་པ་ལ་མངོན་མཚན་གྱི་སྤྱོད་པར་འདུ་ཤེས་ན་ལྟུང་བྱེད་དུ་འགྱུར་གྱི་སྤང་བར་ནི་མ་ཡིན་ནོ། །དེར་འདུ་ཤེས་ན་ལྟུང་བ་མེད་དོ། །སྔོན་མ་སྤྱད་པའམ་མི་མ་ཡིན་པའམ་དུད་འགྲོར་གྱུར་པའམ་ཉེ་དུའམ། སྨྱོས་པ་ལ་སོགས་པའམ། སྔོན་ལྟུང་བ་བྱུང་བའམ། གཡོ་
[161a.5]བྱེད་པ་ལ་ཡང་རུང་། དེ་དག་དང་ལྷན་ཅིག་བྱེད་དམ། མཚན་གཞན་པ་ལས་བརྩམས་ཏེ། མཚན་གཞན་དུ་གྱུར་པ་ན་གྲུབ་ན་ཉེས་བྱས་སོ། །ཉོ་ཞིང་འཚོང་བ་ལ་ཡང་དེ་སྐད་བརྗོད་པར་བྱ་སྟེ། ཡང་ནི་མི་སྟོན་ཏོ། །དཀོན་མཆོག་གསུམ་ལ་སྦྱིན་བདག་གིས་མི་ཟད་པར་བྱ་བའི་ཕྱིར་བྱིན་པ་དེའི་ཚིག་གིས་
[161a.6]སྤེལ་ཡང་ལྟུང་བ་མེད་དོ། །དེ་ཡང་དེའི་གཏའ་ཉི་རིར་བླང་བར་བྱའོ། །དབང་རྒྱ་བྲི་བར་བྱའོ། །དེ་ལ་ལོ་ཚིགས་ཀྱི་རིམ་པ་དང་། ཉི་མ་དང་། དགེ་འདུན་གྱི་གནས་བརྟན་དང་། དགེ་སློང་གི་མིང་ཡང་བྲིའོ། །དགེ་བསྙེན་ལ་ཡང་དེ་བཞིན་དུ་བྱའོ། །གལ་ཏེ་ཁྱིམ་པའི་ལག་ཏུ་འདི་ཁྱོད་ལ་གཏམས་
[161a.7]སོ་ཞེས་བྱས་པ་ལས་དེ་ཡང་དེའི་ཕྱིར་རང་ཉམ་སྤེལ་བ་ལ་ལྟུང་བ་མེད་དོ། །གལ་ཏེ་སྤེལ་བ་ལས་ཕྱིར་འགྱོད་པར་གྱུར་ན་རྙེད་པ་ནི་མི་བླང་གི་རྩ་བ་ནི་མ་ཡིན་ནོ། །འགའ་ཞིག་གི་ཕྱིར་བླངས་ཏེ་ཐོབ་པ་དེ་དགེ་སློང་ངམ་ཁྱིམ་བ་བཅུགས་པའི་ལག་གཏན་དུ་སྦྱིན་པར་ནི་མ་ཡིན་གྱི། རུང་བར་བྱ་བའི་ཕྱིར་སྤང་
[161b]
[161b.1]བར་བྱའོ། །གལ་ཏེ་ཡིད་གཅུགས་པར་གྱུར་ན་གང་ལས་བླངས་པ་དེ་ཉིད་ལ་སྤང་བར་བྱའོ། །བརྗེད་དེ་མ་བྱིན་ན་བསྐུལ་བར་བྱའོ། །གང་གིས་ཀྱང་རྙེད་པ་ཉིད་ནི་མི་བླང་ངོ་། །གལ་ཏེ་བླངས་ན་རྩ་བ་ཉིད་ཀྱང་གཅུགས་པ་ལ་སྤང་བར་བྱའོ། །དགུ་པའོ།། །།འདུལ་བ་བསྡུས་པ།
[161b.2]བམ་པོ་དྲུག་པ། མཉན་ཡོད་ན་སྟེ། དྲུག་སྡེ་རྣམས་ཉོ་ཚོང་བྱེད་པས་ན་བཅུ་པ་བཅས་སོ། །རྣམ་པ་སྣ་ཚོགས་ཞེས་བྱ་བ་ནི། རྣམ་པ་དུ་མ་སྟེ། འདི་ལྟ་སྟེ། ཡུལ་གང་ན་རིན་ཆུང་བ་ལས་ཁྱེར་ཏེ་འོང་བ་ལ་གནས་རིན་ཐང་ཆུང་ངུ་ནས་འབྱིན་པར་བྱེད། ལོ་ལེགས་པ་ན་ཉོལ། ལོ་ཉེས་པ་
[161b.3]ན་འཚོང་ངོ་། །ཉོ་ཚོང་ཞེས་བྱ་བ་ཅི་ཞེ་ན། རས་བལ་དང་སྐུད་པ་དང་། གོས་དང་། མར་དང་། འབྲུ་མར་དང་། སྦྲང་རྩི་དང་། བུ་རམ་གྱི་དབུ་བ་ལ་སོགས་པའི་ཁུ་བ་རྣམས་དང་། འབྲས་དང་། ལྕགས་དང་། དངུལ་དང་། གསེར་དང་། ནོར་བུ་དང་། རིན་པོ་ཆེ་ལ་སོགས་པའོ། །
[161b.4]མཚོན་དང་། དུག་དང་། ཆང་དང་། སེམས་ཅན་དང་། རྒྱ་སྐྱེགས་ལ་སོགས་པ་རྣམས་འཚོང་ན་ཁ་ན་མ་ཐོ་བ་བཅས་པ་ཆེན་པོར་འགྱུར་བ་སྟེ། དེའི་དངོས་པོ་ནི་གཏན་དུ་སྤང་བར་བྱའི། རུང་བར་བྱ་བའི་ཕྱིར་ནི་མ་ཡིན་ནོ། །བྱེད་ན་ཞེས་བྱ་བ་ནི་སྒྲུབ་པར་བྱེད་པའོ། །གང་རྙེད་པའི་ཕྱིར་ཉོ་ཞིང་
[161b.5]འཚོང་ན་དེ་ཉོ་བའི་ཚེ་ཉེས་བྱས་སོ། །འཚོང་བ་ན་སྤང་བའོ། །དེ་རྙེད་པའི་ཕྱིར་ཉོས་ལ་རྙེད་པ་མེད་པར་ཉོས་ལ་རྙེད་པའི་ཕྱིར་འཚོང་ན། ཉོ་བ་ལ་ལྟུང་བ་མེད་དེ། བཙོངས་ན་སྤང་བའོ། །རྙེད་པའི་ཕྱིར་མ་ཡིན་ན་གཉི་ག་བྱས་ཀྱང་ལྟུང་བ་མེད་དོ། །རྣམ་པ་གཞན་དུ་ན་ཉོ་པར་སྦྱོར་བ་དང་། འཚོང་
[161b.6]བར་སྦྱོར་བ་ཡང་ཉེས་བྱས་ཏེ། དེ་ཉོ་བའི་དུས་ཉིད་ན་ལྟུང་བའི་མཐར་འགྱུར་རོ། །དངོས་པོ་དེ་ཡང་སྤང་བར་བྱ་བ་ཡིན་ཏེ། ལྟུང་བྱེད་ཀྱི་ལྟུང་བའོ། །བཙོངས་ན་རྙེད་པ་དང་དངོས་པོ་གཉི་ག་སྤང་བར་བྱ་སྟེ། ལྟུང་བྱེད་ནི་དེ་ཉིད་དེ་ཉོས་པ་ལས་ལྷག་པ་ནི་མེད་དོ། །ཉོ་ཚོང་ལ་ཉོ་ཚོང་མ་ཡིན་པར་
[161b.7]འདུ་ཤེས་ན་ཉེས་བྱས་སོ། །ཉོ་ཚོང་མ་ཡིན་པ་ལ་ཉོ་ཚོང་དུ་འདུ་ཤེས་ན་ལྟུང་བར་འགྱུར་གྱི་སྤང་བར་ནི་མ་ཡིན་ནོ། །འདི་ལྟ་སྟེ། བདག་གི་ཡིན་ལ་གཞན་གྱིར་འདུ་ཤེས་ཤིང་འཚོང་བའོ། །ཉོ་ཚོང་ལ་ཉོ་ཚོང་དུ་འདུ་ཤེས་ན་སྤང་བའི་ལྟུང་བྱེད་དོ། །ཉོ་ཚོང་མ་ཡིན་པ་ལ་ཉོ་ཚོང་མ་ཡིན་པར་
[162a]
[162a.1]འདུ་ཤེས་པ་ལ་ལྟུང་བ་མེད་དོ། །གལ་ཏེ་དེའི་མིང་ནས་སྨོས་ཤིང་དེ་འདི་སྐད་ཟེར་རོ་ཞེས་ཏེ། ཉོ་ཚོང་ནི་གཞན་བྱེད་ལ་དེ་ཡང་དེ་ལ་འདོད་པས་བཏང་སྙོམས་སུ་བྱས་ན་སྦྱོར་བར་མི་བྱེད་ཀྱང་ལྟུང་བའོ། །ཉོ་བའམ་འཚོང་བ་ཡང་རུང་གལ་ཏེ་བྲེ་དང་། སྲང་ཡང་རུང་གཞལ་བ་
[162a.2]ལ་གཡོ་བྱེད་ན་རིན་ཐང་བརྩི་བར་བྱའོ། །གལ་ཏེ་ཚང་ན་ཕམ་པར་འགྱུར་བའོ། །མ་ཚང་ན་སྦོམ་པོའོ། །དེ་བཞིན་དུ་བརྫུན་དུ་སྨྲ་བས་བརྐུས་ན་བརྫུན་དུ་སྨྲ་བའི་ལྟུང་བ་ལག་པར་ཡང་འགྱུར་ཏེ། རྙེད་པའི་དངོས་པོའི་རིན་ཐང་ཚང་ན་ཕམ་པར་འགྱུར་བའོ། །མ་ཐོབ་ན་ཡང་བརྫུན་དུ་སྨྲ་བ་དང་། གཡོ་
[162a.3]བྱས་པས་སྦྱོར་བ་སྦོམ་པོའོ། །ལྷག་མ་ནི་སྔ་མ་བཞིན་ནོ། །གལ་ཏེ་རྙེད་པའི་ཕྱིར་མ་ཡིན་པར་ཉོས་ཏེ་རིན་ཐང་ཆེར་བཙོངས་ལ། རིན་དེས་རིན་གྱི་དགོས་པ་རྣམས་སུ་སྦྱར་གྱི། རྙེད་པའི་ཕྱིར་མ་ཡིན་ན་ལྟུང་བ་མེད་དོ། །ཡུལ་གཞན་དུ་སྦྱོར་ཞིང་སྔོན་གྱི་ཆགས་པ་གཞལ་ལོ་སྙམ་པ་ལ་ཉེས་པ་མེད་དོ། །དགེ་
[162a.4]སློང་གིས་རྙེད་པའི་ཕྱིར་མ་ཡིན་ཡང་གོས་ལ་སོགས་པའི་རིན་ཐང་གཅད་པར་མི་བྱའོ། །ཁྱིམ་པའི་ཐ་སྙད་ཀྱི་ནང་དུ་ལག་གཞུག་པར་མི་བྱའོ། །གལ་ཏེ་བདག་གི་ཕྱིར་ཉོ་པ་ཞིག་ཡིན་ན། ཁྱིམ་པ་དད་པ་ཅན་ནམ། དགེ་ཚུལ་ལས་ཉོ་བར་བྱའོ། །དེ་ལྟ་བུ་ཡང་མེད་ན། ལན་གཉིས་
[162a.5]ལན་གསུམ་དུ་ཚིག་ངེས་པར་སྨྲ་བར་བྱའོ། །རང་ཉོ་ཞིང་འཚོང་ལ་རིན་ཐང་ཆེ་ཆུང་དུ་གཅད་ན་ཉེས་བྱས་སོ། །དགེ་འདུན་གྱི་ནི་བསྐྱེད་པར་བྱ་སྟེ། ཐོག་མར་དགེ་འདུན་གྱི་གནས་བརྟན་གྱིས་བསྐྱེད་པར་བྱའི། དེ་ལ་དབབ་པར་ནི་མི་བྱའོ། །གཞན་དག་གིས་བསྐྱེད་པ་ལ་ནི་དབབ་མོད་ཀྱི།
[162a.6]འོན་ཀྱང་ཉོ་བར་མི་འདོད་པ་ལ་བསྐྱེད་ན་ཉེས་བྱས་སོ། །བསྐྱེད་པའི་དངོས་པོ་རིན་མ་བྱིན་པར་སྤྱད་ན་ཉེས་བྱས་སོ། །སྦྱིན་བདག་གི་བུ་དང་ཆུང་མ་ཕུལ་ན་ཅི་ལྟར་བྱ་བའི་རིགས་ཞེས་དེ་ཉིད་ལ་དྲི་བར་བྱའོ། །གལ་ཏེ་སྐྱེད་ཅིག་དང་རིན་ཐང་བདག་གིས་དབུལ་ལོ་ཞེས་ཟེར་ན། བསྐྱེད་
[162a.7]པར་བྱའོ། །དེ་ལ་དགེ་སློང་གིས་བསྐྱེད་ན་ཉེས་བྱས་སོ། །དགེ་འདུན་གྱིས་ཀྱང་རིན་ཐང་བཞིན་དུ་བདའ་བར་མི་བྱ་མོད་ཀྱི། འོན་ཀྱང་དེ་དགའ་ནས་ཅི་བྱིན་པ་དེ་བླང་བར་བྱའོ། །མ་ལ་སོགས་པས་བུ་དང་བུ་མོ་བྱིན་ན་བླང་ངོ་། །སླར་སློང་ན་སྦྱིན་པར་བྱའོ། །གལ་ཏེ་གོད་པ་རྣམས་ཀྱི་རིན་
[162b]
[162b.1]དབུལ་ན་ཡང་བླང་བར་བྱའོ། །གོད་པ་བཞིན་དུ་བླང་བར་མི་བྱ་མོད་ཀྱི་འོན་ཀྱང་དགའ་ནས་ཅི་བྱིན་པ་དེ་བླང་བར་བྱའོ། །བྱིས་པ་དེ་ཡང་དགེ་སློང་གིས་ཆོས་གོས་ཀྱི་ཚལ་བུས་རྐེད་པ་དང་མགུལ་བར་བཅིངས་ལ་བསྐྱང་བར་བྱའོ། །དེ་དག་ཆེར་གྱུར་ཏེ་བྱས་པ་ཤེས་པའི་ཕྱིར་འབུལ་ན་ཉེ་གནས་ལྟ་བུ་ཡིན་
[162b.2]པས་ན་བླང་བར་བྱའོ། །བཅུ་པའོ། །གདིང་བའི་ཚོགས་རྫོགས་སོ།། །།ལྷུང་བཟེད་ཀྱི་གཞི་ལས་བརྩམས་ནས་ལྟུང་བ་གཉིས་པ་སྟེ། འགལ་ཚབས་ཅན་དུ་འགྱུར་བ་ལ་སོགས་པའི་ཉོན་མོངས་པ་གསུམ་ཡོངས་སུ་སྤང་བའི་ཕྱིར་རིག་པར་བྱ་སྟེ། དེ་ལ་མཉན་ཡོད་དུ་ཉེ་དགས་འདུན་པ་དྲུག་ཅུ་
[162b.3]ལ་སོ་སོར་ཀཱཪྵཱ་པ་ཎ་དྲུག་ཅུ་ཕབ་པ་དང་། དྲུག་སྡེ་རྣམས་ཀྱང་ལྷུང་བཟེད་ཐོབ་ཅིང་རྙེད་པ་རྣམས་བསགས། བདག་ཉིད་ཀྱང་མི་སྤྱོད་གཞན་ལ་ཡང་མི་སྟེར་ཏེ། སོགས་པའི་ཉོན་མོངས་པ་སྤང་བའི་ཕྱིར་ལྷུང་བཟེད་ཀྱི་སྤང་བ་དང་པོ་བཅས་སོ། །ལྷུང་བཟེད་ལྷག་པ་ཞེས་བྱ་བ་ནི་བྱིན་གྱིས་བརླབས་
[162b.4]པ་ཡོད་བཞིན་དུ་བྱིན་གྱིས་བརླབས་པ་གཅིག་ལས་ལྷག་པའོ། །མེད་ན་ཡང་བྱིན་གྱིས་མ་བརླབས་སམ་རུང་བར་མ་བྱས་པ་གང་ཡིན་པ་དེ་ནི་དེར་མ་གཏོགས་པའི་ཕྱིར་ལྷག་པ་ཞེས་བྱའོ། ལྷུང་བཟེད་རྣམ་བ་གཉིས་ཏེ། ལྕགས་ལས་བྱུང་བ་དང་། ས་ལས་བྱུང་བ་དག་ཀྱང་ངོ་། །རྡོ་ལས་བྱུང་
[162b.5]བ་ནི་ས་ལས་བྱུང་བའི་ནང་དུ་བསྡུའོ། །མ་བསྡུས་ཏེ་རྣམ་པ་གཞན་དུ་ན་ཅིའི་ཕྱིར་བཅོམ་ལྡན་འདས་ཀྱིས་མི་རུང་བ་འཆང་། ཡང་ལྷུང་བཟེད་རྣམ་པ་བཞི་སྟེ། གསེར་དང་། དངུལ་དང་། བཻ་ཌཱུརྱ་སདང་། ཤེལ་གྱིའོ། །དེ་རྣམས་མ་བླངས་པ་ནི་བླང་བར་མི་བྱ། བླངས་པ་ནི་སྤང་བར་བྱའོ། །
[162b.6]ཡང་རྣམ་པ་བཞི་སྟེ། ར་གན་དང་། ཟངས་དང་། འཁར་བ་དང་། ཤིང་གིའོ། །དེ་དག་མ་བླངས་པ་ནི་བླང་བར་མི་བྱའོ། །བླངས་པ་ནི་སྨན་པོར་དུ་བྱས་ལ་ལོངས་སྤྱད་པར་བྱའོ། །གཞན་ཡང་ལྷུང་བཟེད་ལ་རྣམ་པ་ཉི་ཤུ་རྩ་གཅིག་ཏེ། མངོན་པར་སར་པ་དང་རྙིང་པ་དང་། རྡོལ་བ་དང་
[162b.7]བཅས་པ་དང་། མ་རྡོལ་བ་དང་། མ་གླན་པ་དང་། ཕྱེད་གླན་པ་དང་། མང་དུ་གླན་པ་དང་། དྲི་མ་མི་ཆགས་པ་དང་། ཆུང་བ་དང་། རན་པ་དང་། ཆེ་བའོ། །ཆུང་བ་དང་། ཆེ་བ་ནི་བྱིན་གྱིས་བརླབ་པར་མི་བྱའོ། །དགེ་འདུན་གྱིས་བགོས་པ་དང་། དགེ་འདུན་གྱི་ནང་ནས་ཉོས་པ་དང་།
[163a]
[163a.1]རང་གི་རིན་གྱིས་ཉོས་པ་དང་། སྔར་བླངས་པ་སྟེ། གང་ཁྱིམ་པ་ཉིད་ཀྱི་ཚེ་རབ་ཏུ་བྱུང་བའི་ཕྱིར་ཉེ་བར་གཞག་པའོ། །སྦྱིན་བདག་ལས་རྙེད་པ་དང་། ཚངས་པ་མཚུངས་པར་སྤྱོད་པ་ལས་ཐོབ་པ་དང་། ལྷུང་བ་རྙེད་པ་སྟེ། དེ་ཡང་བསྟན་ལ་གལ་ཏེ་བདག་པོར་ཉེ་བར་
[163a.2]མ་རྙེད་ན། ཕྱག་དར་ཁྲོད་བྱིན་གྱིས་བརླབ་པར་བྱའོ། །རྣམ་པ་གཞན་དུ་ནི་མ་ཡིན་ནོ། །ཆོམ་རྐུན་པས་བརྐུས་པ་དེ་མི་བླང་ངོ་། །གལ་ཏེ་ཕ་རོལ་པོ་ཕམ་པར་གྲགས་པར་གྱུར་ན་ཕ་རོལ་གྱི་སྡེ་ལས་རྙེད་པ་བླང་བར་བྱའོ། །བཅད་བར་བྱའོ་ཞེས་བྱ་བ་ནི་བདག་གིར་བྱ་བའོ། །དེ་ལ་ལྟུང་བའི་རྣམ་
[163a.3]པར་དབྱེ་བ་ནི་ཡང་འདིར་ཅི་ལྟར་གོས་ཀྱི་དང་པོའི་བསླབ་པའི་གཞི་ལ་རུང་བར་མ་བྱས་པ་བྱའོ་ཞེས་བྱ་བ་འདི་ཉི་ཚེ་ནི་བརྗོད་པར་མི་བྱའོ། དེ་འདི་ལྟར་བྱིན་གྱིས་བརླབ་པར་བྱ་སྟེ། ལྷུང་བཟེད་ལག་པ་གཡོན་པའི་སྟེང་དུ་བཞག་ལ། ལག་པ་གཡས་པས་སྟེང་ནས་བཀབ་སྟེ། འདི་སྐད་བརྗོད་
[163a.4]པར་བྱའོ། །མིང་འདི་ཞེས་བྱ་བ་དགོངས་སུ་གསོལ། །བདག་མིང་འདི་ཞེས་བྱ་བའི་ལྷུང་བཟེད་ཟས་ལ་སྤྱད་པར་འོས་པ་དྲང་སྲོང་གི་སྣོད་འདི་བླང་བའི་སྣོད་དུ་བྱིན་གྱིས་བརླབ་པོ་ཞེས་དེ་བཞིན་དུ་ལན་གཉིས་ལན་གསུམ་དུ་བརྗོད་པར་བྱའོ། །ཆེ་བའམ་ཆུང་བ་ལ་ནི་ལྟུང་བ་མེད་དོ། །ལྷུང་བཟེད་ཀྱི་ཚད་ནི་ལྷུང་
[163a.5]བཟེད་བཀང་བའི་གཞི་ལས་བརྗོད་པར་བྱའོ། །དགེ་སློང་གི་ལྷུང་བཟེད་གང་ཆུང་བ་དེ་ནི་དགེ་སློང་མའི་ཐམས་ཅད་ཀྱི་ནང་ན་ཚ་བའོ། །རབ་ཏུ་བྱུང་བའི་ཕྱིར་དང་། །ལྷུང་བཟེད་སྐྱ་བོ་འཆང་བ་ལ་ལྟུང་བ་མེད་དོ། །ཞུས་པ་ལས་གསུངས་པ། ལྷུང་བཟེད་སོ་མ་བཏང་བ་དང་། དཀར་པོ་ལྷག་པར་
[163a.6]འཆང་ན་ཉེས་བྱས་སོ། །དེ་ནི་དངོས་གཞི་ལས་བརྩམས་ཏེ། ལྟུང་བ་མེད་དོ་ཞེས་གསུངས་པར་རིག་པར་བྱའོ། །ཕོ་ཉས་ཁྱེར་ཏེ་འོངས་པ་ཇི་སྲིད་འཚོའི་བར་དུ་བཅང་བའམ། ཕོ་ཉ་བཏང་བ་ལས་དེའི་ཕོ་ཉ་ཡང་རིང་ཞིག་ལོན་ཏེ། ཁྱེར་ཏེ་འོངས་ན་ཡང་ལྟུང་བ་མེད་དོ། །མི་གང་ཉོན་མོངས་པ་ཅུང་
[163a.7]ཞིག་ལོངས་སྤྱད་པར་བཟོད་དམ་ཞེས་བརྟག་པའི་ཕྱིར་ཞག་བཅུ་ཚུན་ཆད་དུ་བཞག་པ་ལ་ལྟུང་བ་མེད་དོ། །གང་མངོན་པར་འདོད་པ་དེ་ནི་བྱིན་གྱིས་བརླབ་པར་བྱའོ། །གཉིས་པ་ནི་བརྟག་པའི་ཕྱིར་བཅང་བར་བྱའོ། །དེ་རུང་བར་བྱ་བའི་ཕྱིར་བརྟག་པ་མ་ཡིན་གྱི་དེ་ལྟ་མོད་ཀྱི་འོན་ཀྱང་གཞན་གྱི་ཕྱིར་ཉིད་དུའོ། །
[163b]
[163b.1]རྣམ་པ་གཞན་དུ་བཅངས་ན་ཉིན་རེ་ཉིན་རེ་ཞིང་ཉེས་བྱས་སོ། །ཞག་བཅུ་ལོན་ན་སྤང་བའོ། །ཚོད་མ་དང་བཏུང་བ་ཉེ་བར་དགོས་པའི་ཕྱིར་ལྷུང་བཟེད་ཆུང་ངུ་གཉིས་བཅད་པར་བྱའོ། །དེ་བཞིན་དུ་ཚྭ་སྣོད་དང་། ཁ་གཟར་ཡང་ངོ་། །བསོད་སྙོམས་པས་ནི་ལྷུང་བཟེད་ཀྱི་ནང་དུ་ཅི་སྙེད་ཤོང་བ་དེ་སྙེད་དུ་སྣོད་
[163b.2]དགོས་པ་ལྷག་པར་བཅད་བར་བྱའོ། །གཞན་གྱིས་ནི་མིང་ཡང་བླ། ཐམས་ཅད་བདག་གིར་མི་བྱེད་ན་ལོངས་སྤྱོད་པར་རྗེས་སུ་གནང་ངོ་། །ཀུན་གྱིས་ཀྱང་ལྷུང་བཟེད་གཅིག་བཅང་བར་བྱ་སྟེ། དེ་ཡང་ཅིའི་ཕྱིར་ཞེ་ན། དེ་ཡང་མི་ཕོངས་པ་དང་། གཞན་མུ་སྟེགས་ཅན་གྱི་ཆོ་ག་སྤང་བའི་ཕྱིར་ཏེ། དེ་དག་ནི་
[163b.3]ལོ་མ་དང་། ལག་པའི་སྙིམ་པར་ཟ་སྟེ། དེ་ལས་བཟློག་པའི་ཕྱིར་རོ། །གསོ་དཀའ་བ་དང་དགང་དཀའ་བར་མི་གྱུར་ཅིག་ཅེས་གཅིག་པུ་བཅང་བར་བྱའོ། །ཕོངས་པས་རུང་བ་ནི་གལ་ཏེ་དེ་འདྲ་བའི་ཕོངས་པ་ཞིག་གིས་མ་བརྟགས་ན་ཡང་ལྟུང་བ་མེད་དོ། །བརྟགས་པ་གཞན་ནི་གོས་ལྷག་པའི་ལས་རིག་
[163b.4]པར་བྱའོ། །ཞག་གཅིག་ལས་འདས་པར་བཅངས་ན་སྤང་བར་འགྱུར་བ་མཆིས་སམ། ཡོད་དེ་ཐམས་ཅད་དུ་གང་རྙེད་མ་ཐག་ཏུ་མཚན་གྱུར་ནས་དགེ་སློང་མས་བཅངས་པའོ་ཞེས་གསུངས་སོ། །ལྷུང་བཟེད་ཀྱི་ཀུན་དུ་སྤྱད་པ་ནི་བསྙེན་པར་མ་རྫོགས་པས་ལྷུང་བཟེད་བཀྲུ་བར་མི་བྱ་སྟེ། དྲན་པ་བརྟན་པ་
[163b.5]ཡིན་ན་ལྟུང་བ་མེད་དོ། །ལྷུང་བཟེད་ལ་མིང་བྲི་བར་མི་བྱའོ། །མཚན་མ་བྱེད་པ་ལ་ནི་ལྟུང་བ་མེད་དོ། །འདི་ནི་གང་ཟག་གི་དངོས་པོ་གཞན་ལ་ཡང་ངོ་། །དཀོན་མཆོག་གསུམ་གྱི་ནི་ཆེ་གེ་མོ་ཞེས་བྱ་བའི་སྦྱིན་པར་བྱ་བའི་ཆོས་སོ་ཞེས་བྱ་བར་བྲི་བར་བྱའོ། །གང་ཟག་གི་མལ་ཆ་དང་། སྟན་ལ་ཡང་བྱེ་
[163b.6]བྲག་བྱའོ། །འགྲེང་བཞིན་དུ་ལྷུང་བཟེད་སྣོད་དུ་གཞུག་པར་མི་བྱ་དེ་ནས་འགྲེང་བཞིན་དུ་དབྱུང་བར་མི་བྱ། ལྷུང་བཟེད་ཀྱིས་ཕྱག་དར་དོར་བར་མི་བྱའོ། །མི་གཙང་བའི་ཕྱོགས་སུ་གཞག་པར་མི་བྱ། བྱེ་མ་དང་བཅས་པའི་ལྕི་བས་བཀྲུ་བར་མི་བྱ། ཤིན་ཏུ་གཤེར་བར་མི་གཞུག །ཤིན་ཏུ་བསྐམས་པར་ཡང་
[163b.7]བཏང་སྙོམས་སུ་མི་བྱ། བགས་ཀྱིས་རན་པར་སྤྱད་པར་བྱའོ། །ལམ་དུ་ཞུགས་ན་ལག་པ་དང་། ཆོས་གོས་ཀྱི་གྲྭར་ཐུམ་པོར་བྱས་ཏེ། བསྐུར་བར་མི་བྱ་མོད་ཀྱི་འོན་ཀྱང་ལྷུང་བཟེད་ཀྱི་སྣོད་དུ་གཞུག་པར་བྱའོ། །དེ་ཡང་ལག་པས་བསྐུར་བར་མི་བྱ་མོད་ཀྱི། འོན་ཀྱང་ཕྲག་པ་ལ་གདགས་སོ། །སྣོད་
[164a]
[164a.1]ནི་གསུམ་སྟེ། ལྷུང་བཟེད་ཀྱི་སྣོད་དང་། སྨན་གྱི་སྣོད་དང་། བར་བུར་གྱི་སྣོད་དོ། །དེའི་ལུང་ཐག་ཀྱང་མཉམ་པར་མི་བྱའོ། །གཞན་དུ་ན་འོན་ཀྱང་རིང་ཐུང་སྤེལ་ཏེ་ཅི་ལྟར་རྫ་རྫ་ལྟ་བུར་མི་འགྱུར་བར་བྱའོ། །ལུང་ཐག་དེ་ཅིའི་ལྟ་བུ་བྱ་ཞེ་ན། སྣམ་བུའི་ནང་དུ་ཕྱིན་པ་བཅུག་ལ་
[164a.2]དྲུབ་པར་བྱའོ། །ལྷུང་བཟེད་གང་དུ་གཞག་པར་བྱ་ཞེ་ན། ལྷུང་བཟེད་ཀྱི་ངོས་ཁུང་དུ་སྟེ། དེ་ཡང་གཙུག་ལག་ཁང་བརྩིག་པའི་ཚེ་བྱའོ། །དགོན་པ་པ་དག་གིས་ནི་ལྕུག་མ་ལས་སྐོན་བུར་བྱས་ཏེ་བ་ལང་གི་ལྕི་བ་དང་སས་བྱུགས་ལ་དེར་ལྷུང་བཟེད་གཞག་པར་བྱའོ། །གཉིས་པ་ཁ་གབ་ཀྱང་དེ་འདྲ་
[164a.3]བར་བྱའོ། །གཞན་དུ་འགྲོ་ན་དེ་ཁྱེར་ཏེ་འགྲོ་བར་མི་བྱ་མོད་ཀྱི། འོན་ཀྱང་གཞན་བྱའོ། །མཁས་པས་ས་ཕྱོགས་དབེན་པར་འདུག་སྟེ། ལྷུང་བཟེད་ཀྱི་ལས་བྱའོ། །ལྷུང་བཟེད་ཀྱི་ལས་མི་དབེན་པར་མི་བྱའོ། །ལས་ཅི་ལྟར་བྱ་ཞེ་ན། རྫ་བོ་གཉིས་ཏེ། རང་གིས་བྱས་པ་དང་། སློབ་དཔོན་
[164a.4]གྱིས་བྱས་པའོ། །རང་གིས་བྱས་པ་ནི་འདི་ལྟ་སྟེ། བུམ་པ་ཐལ་བས་བཀང་སྟེ་རྫ་གཟོང་གིས་གཙབ་པར་བྱའོ། །སློབ་དཔོན་གྱིས་བྱས་པ་ནི་རྫ་མཁན་གྱིས་བྱས་སོ། །རྫ་བོ་དེའི་ཕྱི་རོལ་ས་དང་ཕུབ་མས་བསྲེས་པའི་འཇིམ་པས་བྱུག་པར་བྱའོ། །ནང་ནི་ཏིལ་གྱི་ཚིགས་མ་དང་། བ་ལང་གི་ལྕི་བས་
[164a.5]སོ། །བསྐམ་པར་བྱའོ། །འོག་གི་གཞིར་ཕུབ་མ་གདིང་བར་བྱའོ། །དེར་བོང་རྡོག་རྣམས་ལ་ལྷུང་བཟེད་གཞག་པར་བྱའོ། །རྫ་བོའི་སྟེང་ནས་མེ་བཏང་བར་བྱའོ། །དུ་བ་མི་འཆོར་བར་བྱའོ། །སྲོག་ཆགས་སྤང་པའི་ཕྱིར་བ་ལང་གི་ལྕི་བ་ལ་སོགས་པ་དང་། ཆུས་ཆག་ཆག་གདབ་པར་བྱའོ། །བར་དུ་ཆོད་ལ་
[164a.6]ལྷུང་བཟེད་གཉིས་པ་ཡང་དེར་གཞག་པར་བྱའོ། །ལྷུང་བཟེད་ཆུང་ངུ་ནི་བར་དུ་ཤིང་ལེབ་གཅིག་གིས་གཅད་པར་བྱའོ། །བསྲེག་པ་ཡང་ཤིན་ཏུ་མི་དྲག །ཤིན་ཏུ་ཡང་མི་ཆུང་བར་རན་པར་བྱའོ། །ལྷུང་བཟེད་ཀྱི་ལས་བྱེད་པ་ཉམས་པར་མི་འགྱུར་བར་བྱ་བའི་ཕྱིར། གཞན་དུ་འགྲོ་བར་མི་བྱའོ། །ཚོགས་
[164a.7]གསུམ་པའི་སྤང་བའི་ལྟུང་བ་དང་པོའོ།། །།མཉན་ཡོད་ན་སྟེ། ཉེ་དགས་བསོད་སྙོམས་པ་ལས་ཐོས་ནས་ཚོང་པའི་ཐད་ནས་སྦྱིན་པ་པོ་སྦྱིན་དུ་བཅུག་ནས་ལྷུང་བཟེད་གཉིས་པ་བཟང་པོ་ཞེས་ཏེ། བཙལ་བ་དེའི་ཕྱིར་སྤང་བ་གཉིས་པ་བཅས་སོ། ལྷན་པ་ལྔ་མེད་པ་ཞེས་བྱ་བ་ནི། ལྷན་པ་ལྔར་
[164b]
[164b.1]མ་ཚང་བ་ཡིན་ཏེ། གང་ལྷན་པ་མེད་པ་དེ་ཡང་ཐམས་ཅད་དུ་ལྷན་པ་མེད་པ་ནས། ལྷན་པ་ལྔ་མེད་པ་ཞེས་བྱ་བ་སྟེ། དེ་ལྟ་བུར་གྱུར་པའི་མཚན་ཉིད་ཀྱི་གསུམ་པའོ། །དགེ་སློང་གིས་ལྷུང་བཟེད་དུམ་བུ་རྣམ་པ་ལྔ་པ་བཙེམས་ཤིང་བསོད་སྙོམས་ལ་བརྒྱུས་ཏེ། དེ་ཡང་ཁ་ཟས་མེད་པར་བྱེད་པས་ལས་
[164b.2]སུ་གྱུར་ཏེ། ལྷན་པ་ལྔར་ཚང་ངམ་ལྷན་པ་ལྔ་ལས་ལྷག་པ་ཡང་རུང་སྟེ། ལྷུང་བཟེད་གཞན་བྱའོ་ཞེས་རྗེས་སུ་གནང་ངོ་། །ལྷན་པ་འཇུ་བ་ལྔ་སྤངས་ཏེ། ཐང་ཆུ་དང་། སྤྲ་ཚིལ་དང་། ཚོན་མོ་སྟེང་དང་། རོ་ཉེ་དང་། སརྫ་ར་ས་རྣམས་སོ། །གླན་པ་སྐམ་པོ་ལྔས་ལྷན་པར་བྱ་སྟེ། ལྔ་པོ་དག་
[164b.3]གང་ཞེ་ན། ལྷན་རིངས་དང་། ཐམ་ཕྲན་དང་། ལྷན་པ་དང་། ཆུ་སྲིན་གྱི་སོ་ལྟ་བུ་དང་། ཕྱེ་མའོ། །ཕྱེ་མ་ལ་རྣམ་པ་གཉིས་ཏེ། ལྕགས་ཀྱི་ཕྱེ་མ་དང་། རྡོའི་ཕྱེ་མའོ། །དང་པོ་ནི་ལྕགས་ཀྱི་ལྷུང་བཟེད་ལའོ། །གཉིས་པ་ནི་སའི་ལྷུང་བཟེད་ལ་སྟེ། འབྲུ་མར་གྱིས་བདར་བར་བྱ་ཞིང་ཅི་རན་དུ་བསྲེག་
[164b.4]པར་བྱའོ། །གལ་ཏེ་རྩུབ་པར་གྱུར་ན་འབྲུ་མར་གྱིས་བསྐུས་ལ་བདར་བར་བྱའོ། །ལྷུང་བཟེད་ནག་པོ་ལ་བུ་ག་བྱུང་ན། ས་དང་བུ་རམ་དུ་བསྲེས་ལ་གླན་ཏེ་བསྲེག་པར་བྱའོ། །ཡོངས་སུ་ལོངས་སྤྱོད་པ་ཅན་ཞེས་བྱ་བ་ནི་ཡོངས་སུ་ལོངས་སྤྱད་དུ་བཟོད་པའོ། །གང་བུ་ག་གཅིག་པོ་ཤིན་ཏུ་ཆེ་སྟེ། ཡོངས་
[164b.5]སུ་ལོངས་སྤྱད་དུ་མི་བཟོད་ན་དེས་ཡོད་ཀྱང་གཞན་ཚོལ་དུ་གནང་ངོ་། །བཟང་པོ་འདོད་པ་ཉེ་བར་བཟུང་བའི་ཕྱིར་ཞེས་བྱ་བ་ནི་མཆོག་འདོད་པ་སྟེ། ཉེ་བར་བཟུང་བ་བརྩེ་བའི་དངོས་པོའི་སེམས་ཀྱིས་བཟང་པོ་འདོད་པའི་ཕྱིར་རོ། །ཉོན་མོངས་པ་མ་ཡིན་པའི་ཕྱིར་ཚོལ་བ་ལ་ཉེས་པ་མེད་དོ། །རིགས་
[164b.6]ལ་སོགས་པ་ཕུན་སུམ་ཚོགས་པ་རྣམ་པ་བཞི་ནི། ལྷུང་བཟེད་བཟང་པོ་ཞེས་བྱ་སྟེ། དེ་ལ་རིགས་ཕུན་སུམ་ཚོགས་པ་ནི་ལྕགས་ཡིན་ནོ། །མཚན་ཕུན་སུམ་ཚོགས་པ་ནི་རྙིང་པ་དང་། །རྡོལ་བ་མ་ཡིན་པ་དང་། གླན་པ་མེད་པར་དྲི་མ་མི་ཆགས་པ་ཡིན་ནོ། །ཚད་ཕུན་སུམ་ཚོགས་པ་ནི་ཆེན་པོ་ཡིན་ནོ། །
[164b.7]ཐོབ་པ་ཕུན་སུམ་ཚོགས་པ་ནི་དགེ་འདུན་ལས་བགོས་པ་དང་སྔར་བླངས་པ་དང་། སྦྱིན་བདག་ལས་ཐོས་པ་ཡིན་ནོ། །ལྷུང་བཟེད་གྲུབ་ན་སྤང་བའོ་ཞེས་བྱ་བ་ནི་ལྷུང་བཟེད་བཟང་པོ་ཐོབ་མ་ཐག་ཏུ་སྤང་བའོ། །གཞན་དག་ན་རེ་བྱིན་གྱིས་བརླབས་ཀྱང་སྤང་བར་འགྱུར་རོ་ཞེའོ། ལྷུང་བཟེད་དེ་ཞེས་བྱ་བ་ནི་གང་ལྷུང་
[165a]
[165a.1]བཟེད་བཟང་པོ་དེའོ། །དགེ་སློང་གི་འཁོར་ཞེས་བྱ་བ་ནི་དགེ་འདུན་ལའོ། །དབུལ་བར་བྱའོ་ཞེས་བྱ་བ་ནི་སྔར་ལྷུང་བཟེད་འབྲེལ་པ་མེད་པ་དེ་འདྲིམ་པའི་དགེ་སློང་སྤྲོ་བར་བྱས་ལ། ཆོས་ལྔ་དང་ལྡན་པ་བསྐོ་བར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། །དགེ་སློང་
[165a.2]མིང་འདི་ཞེས་བྱ་བ་འདི་དགེ་འདུན་ལ་ལྷུང་བཟེད་འབྲེལ་པ་མེད་པ་འདྲིམ་པར་སྤྲོ་ན་གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་ལྷུང་བཟེད་འབྲེལ་པ་མེད་པ་འདྲིམ་པར་བསྐོ་སྟེ། ལྷུང་བཟེད་
[165a.3]འབྲེལ་པ་མེད་པར་འདྲིམ་པ་མིང་འདི་ཞེས་བགྱི་བ་དགེ་འདུན་ལ་ལྷུང་བཟེད་འབྲེལ་པ་མེད་པ་འདྲིམ་མོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། །དགེ་འདུན་མིང་འདི་ཞེས་བགྱི་བ་འདི་དགེ་འདུན་ལ་ལྷུང་བཟེད་འབྲེལ་བ་མེད་པ་འདྲིམ་པར་སྤྲོ་
[165a.4]ཏེ། དེའི་སླད་དུ་དགེ་འདུན་གྱིས་མིང་འདི་ཞེས་བགྱི་བ་ལྷུང་བཟེད་འབྲེལ་པ་མེད་པར་འདྲིམ་པར་བསྐོ་ན་ཚེ་དང་ལྡན་པ་གང་དག་མིང་འདི་ཞེས་བགྱི་བ་ལྷུང་བཟེད་འབྲེལ་པ་མེད་པ་འདྲིམ་པར་བསྐོ་བར་གང་དག་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུངས་ཤིག །དགེ་འདུན་
[165a.5]གྱིས་བཟོད་ཅིང་གནང་ནས་དགེ་འདུན་གྱིས་མིང་འདི་ཞེས་བགྱི་བ་ལྷུང་བཟེད་འབྲེལ་པ་མེད་པར་འདྲིམ་པར་བསྐོ་སྟེ་ལྷུང་བཟེད་འབྲེལ་པ་མེད་པ་འདྲིམ་པ་མིང་འདི་ཞེས་བགྱི་བ་ནི། དགེ་འདུན་ལ་ལྷུང་བཟེད་འབྲེལ་བ་མེད་པ་འདྲིམ་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་
[165a.6]ཏོ། །དེས་ཀུན་དུ་སྤྱད་པ་ནི་དགེ་འདུན་རྣམས་ཚོགས་པའི་དུས་སུ་དེས་དགེ་འདུན་བཙུན་པ་རྣམས་བདག་སང་ལྷུང་བཟེད་འབྲེལ་པ་མེད་པ་འདྲིམ་པར་འགྱུར་གྱི་ཚེ་དང་ལྡན་པ་དག་ཁྱེད་ཅག་རང་རང་གི་ལྷུང་བཟེད་ཐོགས་ལ་དགེ་འདུན་གྱི་ནང་དུ་གཤེགས་པར་མཛོད་ཅིག་ཅེས་བརྗོད་པར་བྱའོ། །
[165a.7]དེ་ནས་ཉི་མ་གཞན་ལ་དགེ་འདུན་ཚོགས་པ་དང་། དགེ་འདུན་གྱི་གནས་བརྟན་གྱི་མདུན་དུ་བཞག་སྟེ། ལྷུང་བཟེད་ཀྱི་ཡོན་ཏན་བརྗོད་པར་བྱས་ལ། གལ་ཏེ་གནས་བརྟན་བཞེད་ན་སྙོམས་ཤིག་ཅེས་བྱས་ལ་གལ་ཏེ་དེས་ཁྱེར་ན་དེའི་ལྷུང་བཟེད་གནས་བརྟན་གཉིས་པ་ལ་སྦྱིན་ནོ། །དེ་བཞིན་དུ་དགེ་འདུན་
[165b]
[165b.1]གྱིས་གསར་བུའི་བར་དུའོ། །གསུམ་པའི་ཐད་དུ་སོན་པ་ལས་དང་པོ་སློང་ན་ཚིག་གཉིས་ཀྱི་བར་དུ་སྦྱིན་པར་མི་བྱའོ། །ཚིག་གསུམ་པ་ལ་སྦྱིན་ཏེ་དེ་ལྟུང་བ་ཡང་བཤགས་པ་ཐོབ་བོ། །དེ་དག་ཐམས་ཅད་ཀྱིས་གང་སྤངས་པ་དགེ་སློང་དེ་ལ་བྱིན་ལ་འདི་སྐད་ཅེས་བསྒོ་བར་བྱའོ། །ཁྱོད་ཀྱིས་ལྷུང་བཟེད་འདི་བྱིན་
[165b.2]གྱིས་བརླབ་པར་མི་བྱ། གཏད་བར་མི་བྱ། གཞན་ལ་སྦྱིན་པར་མི་བྱ། ཐ་མ་ཆག་པ་ལ་ཐུག་གི་བར་དུ་བགས་ཀྱིས་ཡོངས་སུ་ལོངས་སྤྱད་པར་བྱའོ། །ཀུན་དུ་སྤྱད་པ་ཇི་སྐད་བསྟན་པ་བཞིན་མ་བྱས་ན། ཐམས་ཅད་དུ་ཡང་འགལ་ཚབས་ཅན་དུ་འགྱུར་རོ། །ལྷུང་བཟེད་འབྲེལ་པ་མེད་པ་འཆང་བས་
[165b.3]ཀུན་དུ་སྤྱད་པ་ནི་ལྷུང་བཟེད་ཀྱི་སྣོད་གཉིས་ཉེ་བར་གཞག་པར་བྱའོ། །བཟང་པོ་ནི་དེར་གཞུག་པར་བྱའོ། །གཞན་ལ་ནི་བྱིན་གྱིས་བརླབ་པའོ། །གཉི་ག་ཡང་ཁྱེར་ཏེ་བསོད་སྙོམས་ལ་འཇུག་པར་བྱའོ། །འབྲས་ཆན་སྐམ་པོ་ནི་དེར་གཞུག་པར་བྱའོ། །གཤེར་བ་ནི་བདག་གི་ལའོ། །དེ་བཞག་ལ་
[165b.4]བདག་གི་ལ་བཟའ་བར་བྱའོ། །བ་ལང་གི་ལྕི་བསྐམ་པོས་བཀྲུ་ཞིང་སྐབས་པ་ཡང་དེ་ལ་ཐོག་མར་བྱས་ཏེ། དེའི་འོག་ཏུ་བདག་གི་ལའོ། །སྦ་བའི་ཚེ་ན་གནས་བཟང་པོར་ནི་དེ་གཞག་བར་བྱའོ། །གཞན་དུ་ནི་གཞན་ནོ། །གལ་ཏེ་ལྷུང་བཟེད་ཀྱི་གནས་གཅིག་ཏུ་ཟད་ན། སྟེང་ངམ་འོག་ཇི་ལྟ་བ་ལེགས་
[165b.5]པར་འདུག་པ་དེར་གཞག་པར་བྱའོ། །བསྲེག་པའི་རྫ་བོ་བཟང་པོ་ནི་དེ་བསྲེག་པར་བྱའོ། །གལ་ཏེ་རྫ་བོ་ཅིག་པུར་ཟད་ན་ཇི་ལྟར་ཁ་དོག་བཟང་པོར་འགྱུར་བ་དེར་གཞག་བར་བྱའོ། །འགྲོ་ན་ཡང་ལྷུང་བཟེད་ཀྱི་སྣོད་བཟང་པོར་དེ་གཞུག་པར་བྱའོ། །ཁྱེར་བ་ཡོད་ན་བྱིན་གྱིས་བརླབ་པ་དེ་ལ་བསྐུར་
[165b.6]བར་བྱའོ། །དེ་ནི་བདག་གིས་བསྐུར་བར་བྱའོ། །དེ་མེད་ན་ཕྲག་པ་གཡོན་པར་ནི་དེ་གདགས་པར་བྱའོ། །གཡས་པར་ནི་བྱིན་གྱིས་བརླབས་པའོ། །དེ་དག་ཅི་སྐད་བསྟན་པ་བཞིན་མ་བྱས་ན་འགལ་ཚབས་ཅན་དུ་འགྱུར་རོ། །བྱིན་གྱིས་བརླབ་བར་མི་བྱ་བ་ཞེས་བྱ་བ་ནི་དེ་ལ་གང་སྔ་ན་ཡོད་པ་དེ་ཉིད་
[165b.7]བྱིན་གྱིས་བརླབ་པའོ། །འདི་ནི་ཆད་པའི་ལས་ཀྱི་ཕྱིར་རོ། །གཞན་དག་ན་རེ་ནི་དེ་གཉིས་པ་བྱིན་གྱིས་བརླབས་ན་སྔ་མ་སྤངས་པར་འགྱུར་ལ། རྣམ་པ་གཞན་དུ་ན་ལྷག་པ་འཆང་བས་སྔ་མའི་ལྟུང་བས་ཀྱང་ལྷག་པར་འགྱུར་བས་ན། དེས་དེ་ཉིད་བྱིན་གྱིས་བརླབ་པར་བྱའོ། །མི་ཕོངས་པར་བྱ་བའི་
[166a]
[166a.1]ཕྱིར་དེ་དེ་ལ་སྦྱིན་ནོ་ཞེས་ཟེར་རོ། །གཏང་བར་མི་བྱ་ཞེས་བྱ་བ་ནི་གཞན་གྱི་ཕྱིར་བརྟགས་ཏེ་བཅང་བར་མི་བྱའོ་ཞེས་བྱ་བའི་ཐ་ཚིག་གོ། །གཞན་ལ་སྦྱིན་པར་མི་བྱ་ཞེས་བྱ་བ་ནི་གཞན་གྱི་དབང་དུ་མི་བྱ་ཞེས་བྱ་བའི་ཐ་ཚིག་གོ། །ཁད་ཀྱིས་དལ་བུས་ཞེས་བྱ་བ་ནི་དེའི་ཆད་པའི་ལས་འདི་ཡིན་
[166a.2]ཏེ། སྐྱོ་སྟེ་ཅི་ནས་མྱུར་དུ་ཆག་པར་འགྱུར་བ་དེ་ལྟར་མི་བྱའོ། །དེ་ལྟར་བྱས་ན་ཉེས་བྱས་སོ། །གལ་ཏེ་མང་དུ་ཚོལ་ན་ལྟུང་བ་ཡང་དེ་སྙེད་དུ་འགྱུར་ཏེ། ཅི་ལྟར་མངོན་པར་འདོད་པ་གཅིག་ནི་དགེ་འདུན་ལ་དབུལ་བར་བྱའོ། །གཞན་དག་ནི་མཛའ་བོ་རྣམས་ལ་བགོས་སྟེ་སྦྱིན་པར་བྱའོ། །དེ་ལ་ལྟུང་
[166a.3]བ་ཇི་ལྟར་འགྱུར་ཞེ་ན་ལྷུང་བཟེད་རྡོལ་པར་གྱུར་ལ། དེས་དེ་ལྷན་པ་གཅིག་གམ། གཉིས་སམ། གསུམ་མམ། བཞི་གླན་པར་འོས་པ་ལས་གླན་ཏམ་མ་གླན་ཀྱང་རུང་ཡོངས་སུ་ལོངས་སྤྱད་པར་བཟོད་ན་བཟང་པོ་འདོད་པའི་ཕྱིར་གཉིས་པ་ཚོལ་ན་སྦྱོར་བའི་ཚེ་ཉེས་བྱས་སོ། །ཐོབ་ན་སྤང་བའོ། །
[166a.4]དེ་བཞིན་དུ་ལྔས་གླན་པར་འོས་པ་ལས་མ་གླན་ཅིང་ཡོངས་སུ་ལོངས་སྤྱད་དུ་བཟོད་པ་ལ་ཡང་བརྗོད་པར་བྱའོ། །ལྔས་གླན་པར་འོས་པ་ལས་གླན་ཏམ། མ་གླན་ཏམ་ཚོལ་ན་ལོངས་སྤྱད་དུ་མི་བཟོད་ན་ལྟུང་བ་མེད་དོ། །བཟང་པོ་ལ་བཟང་པོར་འདུ་ཤེས་ན་སྤང་བའོ། །མི་བཟང་བ་ལ་བཟང་པོར་འདུ་ཤེས་ན་ལྟུང་བར་
[166a.5]འགྱུར་གྱི། སྤང་བར་མ་ཡིན་ནོ། །བཟང་པོའམ་མི་བཟང་བ་ཡང་རུང་། མི་བཟང་བར་འདུ་ཤེས་ན་ལྟུང་བ་མེད་དོ། །གཉིས་ཡོད་པ་ལ་གཅིག་འདུ་ཞིང་ཚོལ་ལམ། སྤྲིང་ཡིག་ལ་སོགས་པ་རྣམས་ཀྱིས་སམ། གཞན་གྱི་ཕྱིར་རམ་རང་གི་ཡོ་བྱད་ཀྱིས་སམ། མུ་སྟེགས་ཅན་ལས་བཙལ་ན་ཉེས་བྱས་སོ། །
[166a.6]རང་གི་རིན་གྱིས་ཉེས་སམ། གཞན་ལས་མ་བསླངས་སམ། བརྗེས་ཏེ་བླངས་ན་ལྟུང་བ་མེད་དོ། །གཉིས་པའོ།། །།གསུམ་པ་དང་བཞི་པ་ལ་ནི་ཆོས་གོས་ཀྱི་རྒྱུས་ཀུན་ནས་བསླང་བ་ཡོངས་སུ་ལེན་པའི་གཞིའི་དབང་དུ་མཛད་དེ། འགལ་ཚབས་ཅན་དུ་འགྱུར་བ་དང་། ཕོངས་པ་དང་མ་དད་པའི་
[166a.7]ཉོན་མོངས་པ་སྤོང་བ་དང་། ཉེ་དུ་ལ་རྗེས་སུ་གནང་བ་དང་། ཐག་པ་དང་། ཡོན་བདག་གི་སེམས་རྗེས་སུ་མ་བསྲུངས་པའི་ཕྱིར་རོ། །དེ་ལ་མཉན་ཡོད་ན་སྟེ་ཉེ་དགས་དོག་པ་འཁལ་བ་རྣམས་ལས་དོག་པ་བསླངས་ཏེ། ཐག་པ་སྤྱི་ཅེར་ལ་ཆོས་ཀྱི་སྒོ་ནས་རས་ཡུག་ཅིག་འཐག་ཏུ་བཅུག་གོ། །གཉིས་པ་རྒྱལ་
[166b]
[166b.1]མོའི་སྐྱེས་བུ་ལ་བརྟེན་པས་ནི་གསུམ་པ་བཅས་སོ། །རང་གིས་བསླངས་ཞེས་བྱ་བ་ནི་ཁ་ཅིག་ལས་སྲང་གཅིག །ཁ་ཅིག་ལས་སྲང་ཕྱེད་དོ། །དོག་པ་ཞེས་བྱ་བ་ནི་སྲིན་བལ་གྱི་དོག་པ་ཡང་རུང་སྟེ། དེ་གཟུང་བས་དར་གྱི་ཡང་གཟུང་བར་འགྱུར་རོ། །བལ་ལམ་རྟུལ་བུམ་ཤན་ཀའི་འམ། ཟར་མའིའམ། གསོ་མའི
[166b.2]འམ། རྩྭ་དུ་གུ་ལའི་དོག་པའམ། རྩྭ་ཀོ་ཏམ་བའི་འམ། རས་བལ་གྱིའམ། ཉི་འོག་གི་དོག་པའོ། །དེ་ལ་སྲིན་བལ་གྱི་དོག་པ་འཐག་ཏུ་བཅུག་ན་ལྟུང་བ་གཉིས་ཏེ། གདིང་བ་སྲིན་བལ་སར་པ་ལས་བྱས་པ་དང་། ཐ་ག་པ་ཉེ་དུ་མ་ཡིན་པ་ལས་འཐག་ཏུ་བཅུག་པའི་ཕྱིར་ཏེ། དངོས་པོ་གཅིག་ཡིན་པས་ན་སྤང་
[166b.3]བ་ནི་གཅིག་ཏེ། དངོས་པོ་གཅིག་པོ་སྤང་བར་བྱའོ་ཞེས་བྱ་བའི་ཐ་ཚིག་གོ། །ཉེ་དུ་མ་ཡིན་པ་ལས་གོས་ཀྱི་ཕྱིར་དོག་པ་བསླངས་ན་ཉེས་བྱས་སོ། །བུས་འཁྱུད་ཀྱི་ཕྱིར་ནི་ལྟུང་བ་མེད་དོ། །དོག་པ་གང་ཡང་རུང་བ་བདག་ཉིད་ཀྱིས་བཏགས་ན་ཉེས་བྱས་སོ། །ཉེ་དུ་ལས་བསླངས་པ་འམ། ཉེ་དུ་མ་ཡིན་པ་ལས་བསླངས་པའམ།
[166b.4]བདག་གི་རིན་གྱིས་ཉོས་པ་ཡང་རུང་སྟེ། མདོར་ན་དོག་པ་གང་ཡང་རུང་། ཐ་ག་པ་ཉེ་དུ་མ་ཡིན་པ་གཅིག་གམ། གཉིས་སམ། མང་པོ་ཡང་རུང་། ཐག་པ་ཉེ་དུས་གྲོགས་བྱས་སམ། བདག་ཉིད་ཀྱིས་གྲོགས་བྱས་ཏེ། བཏགས་ཀྱང་རུང་སྟེ་སྤང་བའོ། །ཉེ་དུ་ལས་བསླངས་སམ། ཉེ་དུ་ལ་འཐག་ཏུ་བཅུག་
[166b.5]པ་ལ་སྤང་བ་མེད་དོ། །ཉེ་དུ་ལ་ཉེ་དུར་འདུ་ཤེས་པ་ལ་སོགས་པ་མུ་བཞིར་སྦྱར་བ་ནི་དགེ་སློང་མའི་བསླབ་པའི་གཞི་བཞིན་དུ་རིག་པར་བྱའོ། །རང་དགའའམ་རྔན་པས་འཐག་ཏུ་བཅུག་པ་ལ་ལྟུང་བ་མེད་དོ། །མཐུས་འཐག་ཏུ་བཅུག་ན་ལྟུང་བྱེད་དུ་འགྱུར་གྱི་སྤང་བར་ནི་མ་ཡིན་ནོ། །གལ་ཏེ་བདག་ཉིད་ལ་ཡང་དག་པ་མ་
[166b.6]ཡིན་པའི་ཡོན་ཏན་བསྔགས་པ་བརྗོད་ཅིང་དོག་པ་བསླངས་ན་ཉེས་བྱས་དང་ཕམ་པར་འགྱུར་བ་སྟེ། རྣམ་པ་གཉིས་སུ་འགྱུར་རོ། །གལ་ཏེ་བདེན་ན་ཉེས་བྱས་དང་ལྟུང་བྱེད་འབའ་ཞིག་གོ། །ཡང་དག་པ་མ་ཡིན་པའི་ཡོན་ཏན་བསྔགས་པ་བརྗོད་ཅིང་འཐག་ཏུ་བཅུག་ན་ཕམ་པར་འགྱུར་བ་དང་སྤང་བའོ། །
[166b.7]གལ་ཏེ་བདེན་ན་ལྟུང་བྱེད་འབའ་ཞིག་དང་སྤང་བའོ། །དེ་ལ་དུས་མ་ཡིན་པར་ཉེ་དུ་ལ་ཡང་ཉེས་བྱས་སོ། །དེ་ལ་དུས་མ་ཡིན་པ་ནི་གང་རུང་བ་མ་ཡིན་པར་འགྱུར་བ་དང་། དེ་ལ་ཚུལ་འཆོས་པ་ལ་སོགས་པ་རྣམས་ཏེ། །དོན་མ་ཡིན་པ་སྒྲུབ་པ་དང་། དེ་ལ་ཞེ་སྡང་གིས་ཁྱིམ་དུ་ཉེ་བར་འགྲོ་བ་གཞན་ལ་
[167a]
[167a.1]མི་དགའ་བར་བྱ་བའི་ཕྱིར་དང་། སྦྱིན་བདག་ཉེ་དུ་མ་ཡིན་པར་གྱུར་ན་ཉེས་བྱས་སོ། །རྒྱུའམ་སྤུན་ནམ། གཉི་ག་ཡང་རུང་། མི་རུང་བ་རྔ་མོ་ལ་སོགས་པའི་བལ་དང་། བསྲེག་པའམ། སྣམ་བུ་མ་བྱས་པའམ། བལ་ཡང་རུང་བ། རས་བལ་ཡང་རུང་། བསླངས་སམ་ཚད་
[167a.2]ལས་ཆུང་ངམ། བར་མའམ། གཞན་གྱི་ཕྱིར་ཡང་འཐག་ཏུ་བཅུག་ན་ཉེས་བྱས་སོ། །གསུམ་པའོ།། །།མཉན་ཡོད་ན་སྟེ། །ཉེ་དགས་བདག་ཉིད་ཀྱི་ཕྱིར་རས་འཐག་ཏུ་བཅུག་པ་ཐ་ག་བལ་ཧྭགས་ཀྱི་ལ་དུས་ལྷུང་བཟེད་བཀང་སྟེ་བྱིན་བས་ན་དེའི་ཕྱིར་དེ་བཞི་པ་བཅས་སོ། །དེ་ན་ཞེས་བྱ་བ་ནི་ཐ་ག་པ་དེ་
[167a.3]གྲོང་ངམ་གྲོང་ཁྱེར་གང་ན་བའོ། །སྔར་མ་བསྟབས་པར་ཞེས་བྱ་བ་ནི། ཅི་ལྟ་བུར་འདོད་པ་དེ་ལྟ་བུར་འཐག་ཏུ་ཆུག་ཅིག་ཅེས་གོས་ཀྱི་བདག་པོས་སྔར་མགྲོན་དུ་མ་གཉེར་བའོ། །རྣམ་པར་རྟོག་པ་འགའ་ཞིག་ཅེས་བྱ་བ་ནི་རྣམ་པར་རྟོག་པ་རྣམ་པ་བཞི་སྟེ། སྟུག་པོ་ཉིད་དུ་རྣམ་པར་རྟོག་ནས། གང་ལེགས་པ་
[167a.4]བརྟགས་པར་གྱིས་ཤིག་ཅེས་སྨྲ་བ་དང་། དཀར་པོ་རྣམ་པར་རྟོག་ནས་ཤིན་ཏུ་དཀར་བ་གང་ཞེང་ཆེ་བ་དང་། ཁྲུན་རིང་བར་བྱོས་ཤིག་ཅེས་སྨྲ་བ་དང་། ཕྲ་མོར་རྣམ་པར་རྟོག་ནས་ཐར་གྱིས་ཞག་པར་བྱོས་ཤིག་ཅེས་སྨྲས་པ་དང་། འཇམ་པོར་རྣམ་པར་རྟོག་ནས་ཐགས་རན་བཟང་བར་གྱིས་ཤིག་ཅེས་སྨྲས་
[167a.5]པའོ། །ལེགས་པར་བརྟགས་པར་ཞེས་བྱ་བ་འདིས་ཚད་རྣམ་པར་རྟོག་པར་ཡང་བལྟ་བར་བྱའོ། །གཞན་དག་ནི་ཞེང་ཆེ་བ་དང་ཁྲུན་རིང་བ་ལ་སྨྱིག་གུས་ལེགས་པར་སྦྱངས་པའམ། ཕྲུག་ཤད་ཀྱིས་ཤིན་ཏུ་བཤད་པ་ལ་ཡང་བྱའོ་ཞེའོ། །བཟའ་བ་ཞེས་བྱ་བ་ནི་བཅའ་བ་ལྔ་དང་། བཟའ་བ་ལྔའོ། །བཟའ་བ་ཙམ་ཞེས་བྱ་བ་ནི་འབྲས་
[167a.6]རྗེན་པའོ། །བཟའ་བའི་རིན་ཞེས་བྱ་བ་ནི་ཟས་ཀྱི་རིན་ནོ། །བཟའ་བ་བྱིན་པ་ཙམ་གྱིས་འདིར་ལྟུང་བ་མེད་མོད་ཀྱི་ཅི་ལྟ་བུར་རྣམ་པར་རྟོག་པ་སྨྲ་བའི་ཕྱིར་རོ། །དགེ་སློང་དེ་ལ་སྦྱོར་ཞིང་ཁྲི་ལ་ལྡང་བ་ནས་དེ་ལ་སྟོབས་པ་དང་། གོས་མ་ཐོབ་པའི་བར་དེ་སྲིད་དུ་ཉེས་བྱས་སོ། །ཐོབ་ན་སྤད་བའོ། །གོས་རུང་བ་མ་
[167a.7]མ་ཡིན་ནམ། མ་ནིང་ཕོའམ། མ་ནིང་མོའམ། མཚན་གཉིས་པའམ། མཚན་གཉིས་མ་ལ་ཡང་རུང་། གོས་ཀྱི་ཕྱིར་རྣམ་པར་རྟོག་པར་བྱེད་ན་ཉེས་བྱས་སོ། །བཞི་པའོ།། །།མཉན་ཡོད་ན་སྟེ། དགའ་བོས་ལྷན་ཅིག་གནས་པ་ཆོས་ལ་སྣམ་སྦྱར་བྱིན་པ་ལས་ཁྲོས་ཏེ། སླར་ཕྲོགས་པ་ན་སྦྱིན་པ་
[167b]
[167b.1]དང་མི་སྦྱིན་པ་ཡོངས་སུ་ལེན་པའི་གཞིའི་དབང་དུ་མཛད་དེ་མི་བཟོད་པའི་ཉོན་མོངས་པ་དང་། འགལ་ཚབས་ཅན་དུ་འགྱུར་བ་དང་། མ་དད་པའི་ཉོན་མོངས་པ་སྤང་བའི་ཕྱིར་ལྔ་པ་བཅས་སོ། །དགེ་སློང་ཞེས་བྱ་བ་ནི་གསོལ་བ་དང་། བཞིའི་ལས་ཀྱིས་བསྙེན་པར་རྫོགས་པའོ། །དེ་བཞིན་དུ་དགེ་སློང་
[167b.2]མ་ལ་སོགས་པ་ལ་ལྟུང་བ་མེད་དོ། །བྱིན་ནས་ཞེས་བྱ་བ་ནི་གཏན་དུ་བྱིན་པའོ། །གལ་ཏེ་སྐད་ཅིག་གཅིག་བྱིན་ནམ། ཁྱོད་ལ་ངས་འདི་བྱིན་གྱིས་ཁྱོད་ཀྱིས་ངའི་འདི་ལྟ་བུ་ཞིག་བྱའོ་ཞེས་བསྒོ་བ་ལ་སྤང་བ་མེད་དོ། །དེའི་འོག་ཏུ་ཞེས་བྱ་བ་ནི་དུས་ཕྱི་ཞིག་ནའོ། །ཁྲོས་ཞེས་བྱ་བ་ལ་སོགས་པ་དེ་འགྲོས་
[167b.3]ཞེས་བྱ་བ་ནི། ལུས་ཀྱིས་ཁྲོས་པར་སྟོན་ཏོ། །འཁྲུགས་ཞེས་བྱ་བ་ནི་ཡིད་ལ་ཁྲོས་པར་མངོན་པར་འདུ་བྱེད་པའོ། །རྔམས་ཏེ་ཞེས་བྱ་བ་ནི་ཁྲོས་པའི་ཚིག་ཏུ་བརྗོད་པའོ། །ཡི་མ་རངས་པར་གྱུར་ཅེས་བྱ་བ་ནི་ཁྲོས་པའི་མཚན་མ་གནོད་པའི་དངོས་པོར་སྟོན་པའོ། །འཕྲོགས་ཞེས་བྱ་བ་ནི་
[167b.4]གྲོགས་ལ་སོགས་པ་བྱེད་དུ་རེ་བར་བསམས་ནས་བྱིན་པ་ལས་དེ་མ་བྱས་ཏེ་རང་གི་འདུ་ཤེས་ཀྱིས་ཕྲོགས་པའོ། །རྣམ་པ་གཞན་དུ་ནི་ཕམ་པར་འགྱུར་རོ། །དེའི་ལྷག་མ་ཡོད་པ་ཕྱིར་སྦྱིན་པར་བྱ་ཞིང་ཞེས་བྱ་བ་ནི་གང་དེར་ཡོངས་སུ་ལོངས་སྤྱོད་པའི་ལྷག་མ་ལུས་པར་གྱུར་ན་དགེ་སློང་དེ་ཉིད་ལ་ཕྱིར་སྦྱིན་པར་བྱའོ། །
[167b.5]སྤྱོད་ན་སྤང་བའོ་ཞེས་བྱ་བ་ནི་བདག་གིར་བྱས་པ་དང་། ཡོངས་སུ་ལོངས་སྤྱད་པའོ། །གཞན་དག་ནི་ཉེ་བར་ལོངས་སྤྱོད་པ་དང་། ཡོངས་སུ་ལོངས་སྤྱོད་པ་ཁོ་ནའོ་ཞེའོ། །དེ་ལ་ལྟུང་བ་ཅི་ལྟར་འགྱུར་ཞེ་ན། དགེ་སློང་ལུས་ཀྱིས་སམ་དག་གམ་དེ་གཉིས་ཀས་ཀྱང་རུང་ངོ་། །དགེ་སློང་ལ་སོགས་པ་གཞན་
[167b.6]རྣམས་ཀྱིས་ཀྱང་རུང་། གཞན་ལ་གནོད་པར་ཆོས་གོས་ཕྲོགས་སམ། ཕྲོག་ཏུ་བཅུག་ཀྱང་རུང་སྟེ། གོས་ཀྱི་གྲྭ་ལུས་དང་མ་བྲལ་གྱི་བར་དུ་ནི་ཉེས་བྱས་སོ། །ལུས་དང་བྲལ་ན་དགེ་སློང་ལ་སྤང་བའོ། །དགེ་སློང་གཞན་དང་། དགེ་སློང་མ་ལ་ནི་ལྟུང་བའོ། །དགེ་ཚུལ་ལ་སོགས་པ་ནི་ཉེས་
[167b.7]བྱས་སོ། །ཁྱིམ་པའམ་ཁྱིམ་པ་མོས་ནི་བསོད་ནམས་མ་ཡིན་པ་ཆེན་པོར་འགྱུར་རོ། །ཡོངས་སུ་སྤྱད་པ་ལ་ཡོངས་སུ་མ་སྤྱད་པར་འདུ་ཤེས་སམ། ཡོངས་སུ་མ་སྤྱད་པ་ལ་ཡོངས་སུ་མ་སྤྱད་པར་འདུ་ཤེས་ན་ལྟུང་བར་འགྱུར་གྱི་སྤང་བར་ནི་མ་ཡིན་ནོ། །ཡོངས་སུ་སྤྱད་པ་ལ་ཡོངས་སུ་སྤྱད་པར་
[168a]
[168a.1]འདུ་ཤེས་ན་ལང་པ་དང་སྤང་བའོ། །ཁས་བླངས་པས་ཁས་མ་བདས་པ་དང་། གོ་བཟློག་པ་དང་། སྔོན་ཉམས་པ་ལ་སོགས་པའམ་ཚད་ལས་ཆུང་བ་བྱིན་དེ། འཕྲོག་གམ། སྦྱིན་པའམ། ཕྲོགས་པ་ཡང་རུང་། གཞན་ཡང་རུང་། གཉི་ག་ཡང་མཚན་གྱུར་ན་ཉེས་
[168a.2]བྱས་སོ། དོན་གཞན་ལས་ནི་ལྟུང་བ་མེད་དེ། དེ་ཇི་ལྟར་འཇིགས་པ་དང་བཅས་པའི་ཡུལ་ཕྱོགས་སུ་འགྲོ་བ་དང་། དུས་མ་ཡིན་པ་འགྲོ་བ་ལས་བླ་མས་གོས་ཕྲོགས་པ་དང་། འདི་ལ་གནོད་པའི་དོན་དུ་མ་གྱུར་ཅིག་ཅེས་བྱ་བ་དང་། འདུལ་བའི་ཡོ་བྱད་དུ་གྱུར་པ་དང་། ཅི་ལྟར་ཡང་སྡིག་པའི་
[168a.3]གྲོགས་པོ་དང་བྲལ་བའི་ཕྱིར། ཕྲོགས་པ་དང་། དེ་བཞིན་དུ་གཞན་ཡང་ཁྲོས་པ་མེད་ཅིང་ཕྲོགས་པ་ལ་ལྟུང་བ་མེད་པར་བརྗོད་པར་བྱའོ། །གལ་ཏེ་རེ་ཞིག་པའི་དུས་ཀྱི་འདུ་ཤེས་སམ། ཕོངས་པའམ། སྙན་པའི་ཆོས་ཀྱིས་བླངས་པ་ནི་ལྟུང་བ་མེད་དོ། །ལྔ་པའོ།། །།མཉན་ཡོད་ན་སྟེ།
[168a.4]དྲུག་སྡེ་དག་གིས་དབྱར་གྱི་རྙེད་པ། དབྱར་གྱི་ནང་ལོགས་སུ་བགོས་པས་ན། བཅོམ་ལྡན་འདས་ཀྱིས་འགོད་ན་འགལ་ཚབས་ཅན་དུ་འགྱུར་རོ་ཞེས་གསུངས་སོ། །གསལ་རྒྱལ་གྱིས་རལ་གྲི་མཐུ་ཅན་གྱི་ཁྲོམ་ལ་འཐབ་མོ་ལ་སོང་ཤིག་ཅེས་བཀའ་སྩལ་པ་དང་། དེ་ཤི་བར་དོགས་ཏེ་
[168a.5]དབྱར་གྱི་གོས་དབྱར་གྱི་ནང་དུ་ཕུལ་བ་དེ་དག་དགེ་སློང་དག་གིས་ཉམས་སུ་མ་བླངས་པས་སྲིལ་ལ་སོགས་པས་ཟོས་པས་ན་ཆོས་ལྔ་དང་ལྡན་པ་གསོལ་བ་དང་། གཉིས་ཀྱི་ལས་ཀྱིས་གོས་སྦེད་པ་བསྐོ་བར་བྱའོ་ཞེས་གསུངས་སོ། །བསླབ་པ་འདོད་པའི་ཡོན་ཏན་བསྔགས་ཏེ། དྲུག་པ་བཅས་སོ།
[168a.6]འདི་ཡང་དུས་མ་ཡིན་པར་ལེན་པའི་གཞིའི་དབང་དུ་མཛད་ནས་འགལ་ཚབས་ཅན་དུ་འགྱུར་བ་ལ་སོགས་པའི་ཉོན་མོངས་པ་གསུམ་ཡོངས་སུ་སྤང་བའི་ཕྱིར་རིག་པར་བྱའོ། །ཞག་བཅུས་མ་ཚང་བ་ཚུན་ཆད་དུ་ཞེས་བྱ་བ་ནི། ཉི་མ་བཅུ་པོ་ལ་ཞག་བཅུ་ཞེས་བྱ་བ་སྟེ། ཞག་བཅུ་མ་ལོན་པ་ལས་ཞག་བཅུ་ཚུན་ཆད་
[168a.7]ཅེས་བྱའོ། །སྟོན་ཟླ་ཐ་ཆུངས་ཞེས་བྱ་བ་ནི་སྟོན་ཟླ་ཐ་ཆུངས་ཉལ་རྣམ་པ་གཉིས་ཏེ། དང་པོ་ནི་སྟོན་ཟླ་འབྲིང་པོ་ཉལ་ཡང་བྱ་སྟེ། དེ་དང་ཉེ་བར་གྱུར་བས་བརྗོད་དེ། ཅི་ལྟར་དབྱར་ཟླ་འབྲིང་པོ་ཉ་ལ་དབྱར་ཉེ་བར་འཇུག་གི་ཞེས་བྱ་བ་བཞིན་ནོ། །ཕྱི་མ་ནི་སྟོན་ཟླ་ཐ་ཆུངས་ཀྱི་ཟླ་བ་ཉིད་ལ་སྟེ། འདིར་ནི་དང་པོར་གཟུང་
[168b]
[168b.1]ངོ་། །བརྟད་པ་ལས་བྱུང་བའི་གོས་ཞེས་བྱ་བ་ལ་བརྟད་པ་ལས་བྱུང་བའི་གོས་ནི་ལྔ་སྟེ། ནད་པ་ལ་སྦྱིན་པ་དང་། ནད་པའི་ཕྱིར་སྦྱིན་པ་དང་། འཆི་བ་ལ་སྦྱིན་པ་དང་། ཤི་བའི་ཕྱིར་སྦྱིན་པ་དང་། འགྲོ་བར་ཆས་པ་ལ་སྦྱིན་པའོ། །གཞན་དག་ན་རེ་དུས་མ་ཡིན་པའི་གོས་སོ་ཞེས་ཀྱང་བརྗོད་དེ། གང་དགག་
[168b.2]དབྱེའི་དུས་སུ་འཐོབ་པའི་རིག་པ་ལས་དབྱར་གྱི་ནང་ལོགས་ཉིད་དུ་ཐོབ་པའོ། །བླང་བར་བྱའོ་ཞེས་བྱ་བ་ནི་བདག་ཉིད་ཀྱིར་བྱ་བའོ། །གོས་སྦྱིན་པའི་དུས་ཀྱི་བར་དུ་ཞེས་བྱ་བ་ནི་སྲ་བརྐྱང་མ་བཏིང་བའི་གནས་ན་ནི་སྟོན་ཟླ་ཐ་ཆུངས་ཀྱི་བར་དུའོ། །སྲ་བརྐྱང་བཏིང་བའི་གནས་ན་ནི་དཔྱིད་ཟླ་ར་བའི་བར་དུའོ། །
[168b.3]དེ་ནི་བཅོམ་ལྡན་འདས་ཀྱིས་དབྱར་གྱི་ནང་ལོགས་སུ་གོས་རྙེད་པ་ལ་རྗེས་སུ་གཟུང་བར་མཛད་ནས་གསུངས་པའོ། །ཟླ་བ་དེ་ལས་འདས་ཀྱང་བཅང་བར་བྱ་སྟེ། རྙེད་པ་གཞན་ནི་རིང་ན་ཟླ་བ་གཅིག་གི་བར་དུའོ། །དབྱར་གྱི་རྙེད་པ་ཅུང་ཟད་ཅི་ཡང་རུང་སྟེ། དབྱར་གྱི་ནང་ལོགས་སུ་བགོས་པ་དང་། གོས་
[168b.4]བགོ་བའི་དུས་ལས་འདས་བ་འཆང་ན་ཐམས་ཅད་ལ་ཡང་སྤང་བར་འགྱུར་རོ། །བརྟད་པ་ལས་བྱུང་བའི་གོས་ལྔ་པོ་བགོས་པ་དང་། སྦྱིན་བདག་གིས་རང་གི་ལག་ནས་བྱིན་པ་ནི་འདི་ལྟར་དེ་ཚུན་ཆད་བགོས་ཀྱང་ལྟུང་བ་མེད་དོ་ཞེས་གསུངས་སོ། །གོས་སྦེད་བའི་དགེ་སློང་བསྐོས་པ་ཡོད་པ་ལ་ཡང་
[168b.5]ལྟུང་བ་མེད་དོ། །སྦྱིན་བདག་གིས་བདག་ཉིད་མཆིས་ལ། ལག་ནས་དབུལ་གྱིས་དེའི་བར་དུ་གཞེས་ཤིག་ཅེས་ཟེར་ན། དེ་ལས་རིང་དུ་གཞག་ཀྱང་ལྟུང་བ་མེད་དོ་ཞེས་གསུངས་སོ། །རུང་བར་མ་བྱས་པ་ལ་རུང་བར་མ་བྱས་བར་འདུ་ཤེས་ན་སྔ་མ་བཞིན་ཏེ། །མུ་བཞིར་སྦྱར་རོ། །དགག་དབྱེ་ནི་རྒྱལ་
[168b.6]པོས་ཤོལ་བོར་ན་ཅི་ལྟར་དབྱར་ཉེ་བར་གནས་པའི་དུས་བཞིན་དུ་སྦྱར་བར་བྱའོ། །དྲུག་པའོ།། །།མཉན་ཡོད་ན་སྟེ་དགོན་པའི་གཙུག་ལག་ཁང་ན་གནས་པའི་དགེ་སློང་རྣམས་རྐུན་པོས་བཅོམ་པ་ལ་བརྟེན་ནས། བཅོམ་ལྡན་འདས་ཀྱིས་དགོན་པ་པ་ལ་ཆོས་གོས་གསུམ་ལས་གཅིག་ཁྱིམ་
[168b.7]གཞན་དུ་གཞག་པར་བྱའོ། །ཁྱིམ་དེར་དང་ལ་ཉལ་བར་མི་བྱ། སྐྱ་རེངས་འཆར་བར་མི་བྱ། གྲོང་གི་ཉེ་འཁོར་དུ་ཡང་འདུག་པར་མི་བྱ་མོད་ཀྱི། འོན་ཀྱང་གཙུག་ལག་ཁང་ཉིད་དུའོ་ཞེས་གསུངས་སོ། །གལ་ཏེ་དགེ་འདུན་གྱིའམ་མཆོད་རྟེན་གྱི་འམ། གང་ཟག་གི་དོན་ཅིག་ལ་དགོན་
[169a]
[169a.1]པའི་གནས་མལ་དེ་ནས་ཕྱི་རོལ་དུ་འགྲོ་ན་ཞག་དྲུག་ཏུ་འབྲལ་བར་བྱའོ། །དེ་ལས་རིང་དུ་མ་གནས་ཤིག་ཅེས་གསུངས་ན། དྲུག་སྡེ་དག་ཞག་བདུན་དུ་གནས་ཏེ་བདུན་པ་བཅས་སོ། །ཉེ་བར་གཞག་པའི་གཞིའི་དབང་དུ་མཛད་དེ། འགལ་ཚབས་ཅན་དུ་འགྱུར་བ་ལ་སོགས་
[169a.2]པའི་ཉོན་མོངས་པ་གསུམ་ཡོངས་སུ་སྤང་བའི་ཕྱིར་ཡང་ངོ་། །དགོན་པ་ཞེས་བྱ་བ་ནི། གྲོང་ནས་རྒྱང་གྲགས་གཅིག་ན་གཙུག་ལག་ཁང་ཡོད་པའོ། །དབྱར་ཕྱི་མ་ཞེས་བྱ་བ་ནི་དབྱར་ཕྱི་མར་ཉེ་བར་གནས་པ་སྟེ། དེ་དག་དབྱར་དང་པོ་ཉེ་བར་གནས་པའི་དགེ་སློང་རྣམས་ཀྱིས་གཙུག་ལག་ཁང་དུ་གནོད་པ་
[169a.3]སྤང་བའི་ཕྱིར་དགོན་པར་དབྱར་ཕྱི་མར་ཉེ་བར་གནས་པའོ། །དོགས་པ་དང་བཅས་པ་ཞེས་བྱ་བ་ནི་དེ་ནི་དོགས་པ་དང་བཅས་པར་ཤེས་པ་སྟེ། གང་ཆོམ་རྐུན་པས་འཇིགས་པས་མ་བྱུང་ཡང་དོགས་པ་དང་གནས་པ་དང་། ཟ་བའི་སྐབས་དག་སྣང་བའི་ཕྱིར་རོ། །འཇིགས་པ་དང་བཅས་པར་གྲགས་པ་ཞེས་བྱ་བ་ནི།
[169a.4]གང་དུ་ཆོམ་རྐུན་པས་འཇིགས་པ་ལན་ཅིག་བྱུང་བ་དེ་ཡང་ཤེས་ལ་མི་རྣམས་སྟབས་ཤིང་བྲོས་པར་སྣང་བའོ། །འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པར་ཞེས་བྱ་བ་ནི། གང་ཆོམ་རྐུན་པའི་འཇིགས་པ་ལན་མང་དུ་བྱུང་བ་དང་། སེང་གེ་དང་། སྟག་དང་། མི་མ་ཡིན་
[169a.5]པས་འཇིགས་པ་དང་། ད་གཉིས་དང་པོ་ནས་གོ་རིམས་ཅི་ལྟ་བ་བཞིན་དུ་འཇིགས་པ་དང་། འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པའོ། །རྣམ་གྲངས་གཞན་དུ་ན་ཆོམ་རྐུན་པས་འཇིགས་པ་དང་། སེང་གེ་དང་། སྟག་གིས་འཇིགས་པ་དང་། སྦྲང་རྒོད་དང་། སྦྲང་བུ་
[169a.6]མཆུ་རིངས་དང་། རླུང་དང་ཚ་བ་དང་། སྡིག་སྤྲུལ་གྱི་འཇིགས་པ་སྟེ། ཚིག་གསུམ་དང་གོ་རིམས་ཅི་ལྟ་བ་བཞིན་དུའོ། །སྟག་ལ་སོགས་པས་འཇིགས་པ་ན་ཆོམ་རྐུན་པས་གནས་པར་ཡང་རིག་པར་བྱའོ། །ཆོས་གོས་གསུམ་ལས་ཞེས་བྱ་བ་ནི་བྱིན་གྱིས་བརླབས་པ་རྣམས་ཏེ། གང་དང་བྲལ་ཡང་
[169a.7]ལྟུང་བར་འགྱུར་རོ། །ཁྱིམ་གཞན་དུ་ཞེས་བྱ་བར་ནི་གང་ན་སྲང་དང་བཞི་མདོ་དང་། སུམ་མདོ་ཡོད་པའོ། །གཞག་པར་བྱའོ་ཞེས་བྱ་བ་ནི་ཉེ་བར་གཞག་པར་བྱའོ། །དེ་ལྟ་བུའི་རྐྱེན་ཅེས་བྱ་བ་ནི་དགེ་འདུན་གྱིའམ། མཆོད་རྟེན་གྱིའམ། གང་ཟག་གི་བྱ་བ་ལའོ། །མཚམས་ཀྱི་ཕྱི་རོལ་ཞེས་བྱ་བ་
[169b]
[169b.1]ནི་དགོན་པའི་གཙུག་ལག་ཁང་དེའི་ཉེ་འཁོར་དུ་སྤྱད་པ་ལས་འདའ་བའོ། །དགོན་པའི་གནས་མལ་ན་འདུག་པ་དེ་ལ་ནི་དེ་ལྟར་སྣང་གི་མཚམས་གྱི་ཕྱི་རོལ་དུ་སོང་བ་དེ་ལ་ནི་མ་ཡིན་ནོ། །ཕྱིས་ཀྱང་བྱ་བ་ལ་ནི་རྗེས་སུ་གནང་ངོ་། །དེ་ལ་ལྟུང་བ་ཅི་ལྟར་འགྱུར་ཞེ་ན། ཞག་དྲུག་ལས་འདས་པར་གནས་
[169b.2]ན་སྤང་བའོ། །ཞག་བདུན་པའི་མཚན་མོ་སྐྱ་རེངས་མ་ཤར་གྱི་བར་དུ་ཉེས་བྱས་སོ། །ཤར་ན་སྤང་བའོ། །དེ་ཉིད་སླར་འོང་ངོ་ཞེས་བྱ་བ་ལ་སོགས་པ་ལས་བར་ཆད་ཀྱི་སླར་མ་འོངས་པ་ལ་འབྲལ་བའི་ལྟུང་བ་མེད་དོ། །མི་རུང་བ་དང་ཐགས་སུ་མ་བཏགས་པ་ནི་ཞག་དྲུག་འདས་ཀྱང་ཉེས་བྱས་སོ། །
[169b.3]སོང་བ་ལས་བར་བརྒྱད་པོ་དག་བྱུང་སྟེ། མ་འོངས་པ་དང་། དེ་བཞིན་དུ་དགེ་འདུན་གྱི་གནང་བ་བྱིན་པ་ལ་ནི་ལྟུང་བ་མེད་དོ། །ཞག་དྲུག་ལ་ཞག་དྲུག་ཏུ་འདུ་ཤེས་པ་མུ་བཞིར་སྦྱར་རོ། །བདུན་པའོ།། །།མཉན་ཡོད་ན་སྟེ། དགེ་སློང་མང་པོ་ལ་བརྟེན་ནས་དུས་མ་ཡིན་པར་ལེན་པའི་གཞིའི་
[169b.4]དབང་དུ་མཛད་དེ། འགལ་ཚབས་ཅན་དུ་འགྱུར་བ་དང་། ཕོངས་པ་དང་། མ་དད་པའི་ཉོན་མོངས་པས་བརྒྱད་པ་བཅས་སོ། །སོ་ག་རྣམས་ཀྱི་ཟླ་བ་གཅིག་ལུས་པ་ན་ཞེས་བྱ་བ་ནི་ཟླ་བ་གཅིག་ན་དབྱར་ཉེ་བར་སྒྲུབ་པར་འགྱུར་བ་ཞེས་བྱའོ། །གང་དབྱར་ཉེ་བར་གནས་པ་ཞེས་བྱ་བ་དེའི་
[169b.5]ཀུན་དུ་སྤྱད་པ་ནི་གང་ཞེ་ན། ཚེས་བཅོ་ལྔ་ལ་གཙུག་ལག་ཁང་རྣམས་ཆག་ཆག་གདབ་པ་དང་། སྐྱང་ནུལ་གྱིས་བྱུག་པ་དང་། མལ་ཆ་དང་། སྟན་རྣམས་མི་སྦ་བར་ཐ་ན་རྐང་པའི་ཆོལ་ཟངས་ཀྱང་དགེ་འདུན་ལ་བགོ་བར་བྱའོ། །ཐོག་མར་མལ་ཆ་དང་། སྟན་རྣམས་སྡུད་པ་ཆོས་
[169b.6]ལྔ་དང་ལྡན་པར་སྤྲོ་བར་བྱས་ལ་གསོལ་བ་དང་། གཉིས་ཀྱི་ལས་ཀྱིས་བསྐོ་བར་བྱའོ། །དེས་ཀྱང་དྲི་དང་མེ་ཏོག་གིས་བརྒྱན་པའི་ཚུལ་ཤིང་གཟེབ་ཀྱི་སྤྲོག་མར་རས་དཀར་པོ་བཏིང་བས་དཀྲིས་པར་བཞག་སྟེ། གནས་མལ་བཤམ་པར་བྱས་ཏེ། གཎྜཱི་བརྡུངས་ཏེ། དགེ་
[169b.7]འདུན་ཐམས་ཅད་འདུས་ཤིང་འཁོད་པ་དང་། རྒན་པའི་མཐའ་ལོགས་སུ་བཞག་ལ་དེ་ནས་ཁྲིམས་སུ་བྱ་བ་བསྒྲག་པར་བྱ་སྟེ། ཁྲིམས་སུ་བྱ་བར་བཅས་པ་ནི་འདི་ཡིན་ཏེ། གང་སྤྲོ་བ་དེ་ནི་དབྱར་ཉེ་བར་གནས་ནས་འདི་ལྟ་སྟེ། དབྱར་གྱི་ནང་དུ་དགེ་སློང་ལ་གླེང་བར་མི་བྱའོ། །དགེ་འདུན་
[170a]
[170a.1]གྱིས་དགེ་སློང་ལ་བདེ་བ་ལ་རེག་པར་གནས་པར་མི་འགྱུར་བའི་བྱ་བ་བཅས་ན་འགལ་ཚབས་ཅན་དུ་འགྱུར་རོ། །དེ་ནས་ཚུལ་ཤིང་བྲིམས་ཏེ། ཐོག་མར་སྟོན་པའི་ཕྱིར་བླངས་ལ་དེའི་འོག་ཏུ་དགེ་འདུན་གྱི་གནས་བརྟན་གྱིས་སྟན་ལས་ཕྱེད་འཕགས་ཏེ་བླངས་ནས་ཡང་དལ་
[170a.2]གྱིས་བཞག་གོ། །དགེ་ཚུལ་རྣམས་ཀྱི་སློབ་དཔོན་དང་མཁན་པོས་བླང་ངོ་། །དེ་ནས་གཉུག་མར་གནས་པ་རྣམས་ཀྱི་བླང་ངོ་། །དེའི་འོག་ཏུ་བགྲངས་ལ་བསྒྲག་པར་བྱའོ། །དེ་ནས་གནས་ཁང་བསྒོ་སྟེ། གནས་ཁང་འདི་ནི་རྙེད་པ་དང་བཅས་པ་གོས་སུ་བཅས་པ་ལགས་ན། གལ་ཏེ་བཞེད་
[170a.3]ན་སྣོམས་ཤིག་ཅེས་བྱའོ། །གསུམ་པའི་ཐད་དུ་སོན་པ་ལས་སློང་ན་ཚིག་གསུམ་པ་བརྗོད་པ་ན། གཟོད་སྦྱིན་པར་བྱའོ། །ཉེས་བྱས་ཀྱང་བཤགས་པར་བྱའོ། །སྒོ་གང་དང་། ཁྱམས་དང་། ཐེམ་སྐས་ཀྱི་ཁང་པ་བསྒོ་བར་མི་བྱའོ། །དབྱུག་གུ་ཐོགས་པ་ཡང་བསྒོ་བར་བྱའོ། །དེས་བྱིའུ་
[170a.4]ལ་སོགས་པའི་ཚང་སྒོ་ང་དང་བཅས་པ་མ་ཡིན་གྱི་སྒོ་ང་མེད་པར་ཡིན་ན་བསལ་ཞིང་བསྐྲད་པར་བྱའོ། །ཏྭམ་བུ་ཀའི་ཚང་སྒོ་ང་དང་བཅས་ན་འཕེལ་ཞིང་སྐྱེ་བར་མི་འགྱུར་བའི་ཕྱིར་སྐུད་པས་དཀྲི་བར་བྱའོ། །དེ་ནས་མལ་ཆ་དང་། སྟན་རྣམས་བསྒོ་སྟེ་ཉུང་ན་དངོས་པོ་རེ་རེའོ། །མང་ན་མང་དུའོ། །
[170a.5]ལྕི་ཞིང་ལས་ཡོངས་སུ་དཀའ་བ་རྣམས་ནི་གནས་པ་རྣམས་ལ་སྦྱིན་པར་བྱའོ། །རྒན་པ་རྣམས་ལ་ནི་ཁྲིའུ་དང་། སྟན་བཟང་པོ་རྣམས་སོ། །ཡང་རྒན་རིམས་ཇི་ལྟ་བ་བཞིན་དུ་སྦྱིན་པར་བྱའོ། །བཟང་པོ་རྣམས་ནི་དགེ་སློང་ལ་བྲིམས་ནས། ལྷག་མ་དགེ་སློང་མ་རྣམས་ལ་བྲིམ་པར་བྱའོ། །
[170a.6]དེ་ནས་གང་རུང་བ་ཙམ་མམ། གདིང་བ་དྲི་མ་ཅན་གྱིས་གནས་མལ་ལ་སྤྱོད་པར་བྱེད་ན་དེ་ལ་དགེ་འདུན་གྱིས་ཉེ་བར་བརྟག་པར་དགོངས་སོ་ཞེས་བརྗོད་པར་བྱའོ། ཟླ་བ་ཕྱེད་ཕྱེད་ཅིང་མལ་ཆ་དང་། སྟན་རྣམས་བརྟག་པར་བྱའོ། །རྒན་པོ་དང་གནས་པ་རྣམས་ཀྱིས་ཡོངས་སུ་ལོངས་
[170a.7]སྤྱད་པ་དེ་གང་ངན་པར་སྤྱོད་པར་མཐོང་ནས། དགེ་འདུན་དང་། སློབ་དཔོན་དང་། མཁན་པོ་ལ་བརྗོད་དེ། སླར་དཔྲོག་པར་བྱའོ། །འདི་ནི་གནས་མལ་སྡུད་པར་བྱེད་པས་ཀུན་དུ་སྤྱད་པ་རྣམས་སོ། །གཙུག་ལག་ཁང་སྐྱོང་གིས་དགོངས་ཀར་ཚོགས་པའི་དུས་སུ་དགེ་སློང་གི་དགེ་
[170b]
[170b.1]འདུན་རྣམས་ལ་སྦྱིན་བདག་འདི་ཞེས་བྱ་བ་དང་། ཞལ་ཏ་བ་འདི་ཞེས་བྱ་བ་དང་། སྤྱོད་ཡུལ་གྱི་གྲོང་འདི་དག་གིས་སང་དབྱར་ཉེ་བར་གནས་པར་བྱའོ་ཞེས་བརྗོད་པར་བྱའོ། །དེ་ནས་ཚེས་བཅུ་དྲུག་ལ་སོ་སོ་ནས་གནས་ཁང་དང་སྤྱོད་ཡུལ་རྣམས་བལྟས་ཏེ། གནས་འདི་ན་བདག་ལ་སྡུག་
[170b.2]བསྔལ་མི་སྐྱེད་པ་དང་། སྐྱེས་ན་མེད་པར་བྱེད་པའམ། ན་ན་ནད་གཡོག་བྱེད་པ་ལྟ་ཡོད་དམ། སྤྱོད་ཡུལ་འདི་ན་བསོད་སྙོམས་དང་། སྨན་སྦྱོར་བའི་སྦྱིན་པ་པོ་ལྟ་ཡོད་དམ་ཞེས་བརྟགས་ཏེ་གཡོགས་པར་ནང་དུ་ཞུགས་ལ། དགེ་སློང་གི་མདུན་དུ་ཕྱག་བྱས་ཏེ། འདི་སྐད་ཅེས་བརྗོད་
[170b.3]པར་བྱའོ། །ཚེ་དང་ལྡན་པ་དགོངས་སུ་གསོལ། །དེང་ནི་དགེ་འདུན་གྱི་དབྱར་ཉེ་བར་སྒྲུབ་པ་དབྱར་ཟླ་འབྲིང་པོའི་ཚེས་གཅིག་ལགས་ལ། བདག་དགེ་སློང་མིང་འདི་ཞེས་བགྱི་བའི་ཡང་དབྱར་ཟླ་འབྲིང་པོའི་ཚེས་གཅིག་ལགས་ཏེ། བདག་དགེ་སློང་མིང་འདི་ཞེས་བགྱི་བས་མཚམས་ཀྱི་
[170b.4]ནང་དང་བཅས་པའི་གནས་འདི་ལྟ་སྟེ། གནས་རལ་བ་དང་། འདྲུམ་པ་བཅོས་པའི་སླད་དུ་སྦྱིན་བདག་ཆེ་གེ་མོ་ཞེས་བགྱི་བ་དང་། ཞལ་ཏ་བྱེད་པ་ཆེ་གེ་མོ་ཞེས་བགྱི་བ་དང་། སྤྱོད་ཡུལ་གྱི་གྲོང་ཆེ་གེ་མོ་ཞེས་བགྱི་བ་དང་། བྲོ་གཡོག་ཆེ་གེ་མོ་ཞེས་བགྱི་བས་དབྱར་སྔ་མ་ཟླ་བ་གསུམ་གནས་པར་ཁས་
[170b.5]བླང་ངོ་། །བདག་དབྱར་འདི་ན་མཆིས་ཤིང་། བདག་གི་དབྱར་གྱི་གནས་ནི་འདི་ལགས་སོ་ཞེས་དེ་བཞིན་དུ་ལན་གཉིས་ལན་གསུམ་དུའོ། །གང་ཡང་དེ་བཞིན་དུ་གཉིས་པར་སྒྲུབ་པས་ཀྱང་བྱའོ། །རྣམ་པ་གཉིས་སུ་ནི་མ་ཡིན་ནོ། །འདོད་ན་སྔ་མའམ། ཕྱི་མར་ངེས་པར་དབྱར་ཉེ་བར་གནས་པར་
[170b.6]བྱའོ། །ཕྱི་མར་དབྱར་ཉེ་བར་གནས་ན། སྟོན་ཟླ་ཐ་ཆུངས་ཀྱི་བར་དུ་གནས་པར་བྱའོ། །ཤིང་ལ་སོགས་པས་གནས་གཞིའི་མཚམས་ཀྱི་མདོར་མནན་ཏེ། དབྱར་གནས་པར་ཁས་བླངས་ན་བཞི་ཆར་དུ་ཡང་དབྱར་གནས་པར་ཁས་བླངས་པ་ཞེས་བྱ་བ་ཡིན་ནོ། །དབྱར་གནས་
[170b.7]པར་ཁས་བླངས་པས་མཚམས་ཀྱི་ཕྱི་རོལ་དུ་གནས་པར་མི་བྱའོ། །དགེ་སློང་ནས་དགེ་བསྙེན་གྱི་བར་དུ་སྟེ། ཉེ་དུའི་དོན་ནམ། མུ་སྟེགས་ཅན་ནམ་ལྟ་བ་ངན་པ་དང་དབྲལ་བའམ། བདག་ཉིད་མ་ཐོབ་པ་ཐོབ་པར་བྱ་བའི་ཕྱིར་རམ། མདོ་སྡེ་ལ་སོགས་པ་ལ་ཐེ་ཚོམ་སྤང་བའི་ཕྱིར་
[171a]
[171a.1]ཡང་རུང་སྟེ། ཞག་བདུན་དུ་བྱིན་གྱིས་བརླབས་ལ་འགྲོ་བར་བྱའོ། །ཚེ་དང་ལྡན་པ་དགོངས་སུ་གསོལ། བདག་མིང་འདི་ཞེས་བགྱི་བ་མཚམས་ཀྱི་ནང་དང་བཅས་པའི་གནས་འདིར་དབྱར་སྔ་མ་ཟླ་བ་གསུམ་གནས་པར་ཁས་བླངས་པ་ལས་བདག་མིང་
[171a.2]འདི་ཞེས་བགྱི་བ་བགྱི་བ་ཞིག་གི་སླད་དུ་དགུང་བདུན་ཚུན་ཆད་མཚམས་ཀྱི་སླད་རོལ་དུ་མཆི་བ་དང་། བར་ཆད་མ་བྱུང་ན་དེ་ཚུན་ཆད་ཀྱིས་སླར་མཆི་བར་བྱིན་གྱིས་བརླབ་བོ། །བདག་དབྱར་འདི་ན་མཆིས་ཤིང་བདག་གི་དབྱར་གྱི་གནས་ནི་འདི་ལགས་སོ། །དེ་བཞིན་དུ་ལན་གཉིས་ལན་
[171a.3]གསུམ་དུའོ། །ཉེ་བར་གནས་པ་པ་ལ་བདག་ཉེ་བར་གནས་སམ་མ་གནས་ཞེས་ཡིད་གཉིས་ཟ་བ་མཚམས་ཀྱི་ཕྱི་རོལ་དུ་གནས་ཀྱང་དབྱར་རལ་པ་མ་ཡིན་ནོ། །དབྱར་གྱི་ནང་དུ་སྤངས་པ་དང་། ཡང་ཟླ་བ་གསུམ་དུ་ལྷན་ཅིག་འདུག་པར་བྱའོ། །དགག་དབྱེ་བྱས་ནས་ནི་མ་ཡིན་ནོ།
[171a.4]ནམ་མཁའ་ལ་འདུག་སྟེ་སྐྱ་རེངས་ཤར་ན་དབྱར་རལ་བའོ། །དབྱར་གྱི་ནང་དུ་གྲུ་བསྐྱོད་པར་ཤེས་བཞིན་དུ་དེར་དབྱར་གནས་ན་དབྱར་རལ་པའོ། །མི་ཤེས་ན་མ་ཡིན་ནོ། །སྡེ་ལྔ་ཆར་གྱི་ཞག་བདུན་དུ་བྱིན་གྱིས་བརླབ་པར་བྱའོ། །དེ་དག་གིས་ཀྱང་ཉེ་བར་གནས་པར་བྱའོ། །དགེ་འདུན་
[171a.5]གྱིས་གནང་བ་མེད་ཀྱང་གཅིག་གི་མདུན་དུ་བྱིན་གྱིས་བརླབ་པར་བྱའོ། །ཅི་ལྟར་འདུན་པ་དེ་བཞིན་དུ་གཅིག་ནས་དྲུག་གི་བར་དུའོ། །དགེ་འདུན་གྱི་དོན་གྱི་ཕྱིར་ནི་བརྒྱད་ནས་ཞག་བཞི་བཅུའི་བར་དུ་སྟེ། དགེ་འདུན་ལ་གསོལ་ལ། གཅིག་གི་མདུན་དུ་དེ་བྱིན་གྱིས་བརླབ་པར་བྱའོ། །དེ་ལས་འདས་
[171a.6]པ་ནི་མ་ཡིན་ནོ། །མཚམས་ཀྱི་ནང་དུ་ཡུན་རིང་དུ་གནས་པར་བྱའོ། །མཚམས་ཀྱི་ཕྱི་རོལ་དུ་ནི་ཡུན་ཐུང་ངུ་གནས་པར་བྱའོ། །དེར་སྔར་སྤྲོ་བར་བྱོས་ལ་གསོལ་བ་བྱས་ནས་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་མཚམས་
[171a.7]ཀྱི་ནང་དང་བཅས་པའི་གནས་འདིར་དབྱར་སྔ་མའམ་ཕྱི་མ་ཡང་རུང་། ཟླ་བ་གསུམ་གནས་པར་ཁས་བླངས་ཏེ། འདི་དབྱར་འདི་མཆིས་ཤིང་འདིའི་དབྱར་གྱི་གནས་ནི་འདི་ལགས་པ་ལས། དགེ་སློང་མིང་འདི་ཞེས་བགྱི་བ། ཞག་བཞི་བཅུ་བྱིན་གྱིས་བརླབས་ནས་དགེ་འདུན་གྱི་ཆེད་ལ་
[171b]
[171b.1]མཚམས་ཀྱི་སླད་རོལ་དུ་མཆི་བ་དང་། དེ་ཚུན་ཆད་ཀྱིས་སླར་མཆི་བར་སྤྲོ་ན་གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། འདི་དབྱར་འདི་ན་མཆིས་ཤིང་འདིའི་དབྱར་གྱི་གནས་ནི་འདི་ལགས་པས་དེ་སློང་མིང་འདི་ཞེས་བགྱི་བ་ཞག་
[171b.2]བཞི་བཅུ་བྱིན་གྱིས་བརླབས་ནས་དགེ་འདུན་གྱི་ཆེད་དུ་མཚམས་ཀྱི་སླད་རོལ་དུ་མཆི་བ་དང་། འདི་ཚུན་ཆད་ཀྱིས་སླར་མཆི་བར་སྤྲོ་སྟེ། དགེ་སློང་མིང་འདི་ཞེས་བགྱི་བ་ལ་ཞག་བཞི་བཅུའི་གནང་བ་སྩོལ་ཏོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དབྱར་གནས་པར་
[171b.3]ཁས་བླངས་ཏེ་ཞེས་བྱ་བའི་བར་དུ་སྔ་མ་བཞིན་ཏེ། དེའི་སླད་དུ་འདི་དབྱར་འདི་ན་མཆིས་ཤིང་འདིའི་དབྱར་གྱི་གནས་ནི་འདི་ལགས་པ་ལས་དགེ་སློང་མིང་འདི་ཞེས་བགྱི་བ་ཞག་བཞི་བཅུ་བྱིན་གྱིས་བརླབས་ནས་དགེ་འདུན་གྱི་ཆེད་ལ་མཚམས་ཀྱི་སླད་རོལ་དུ་མཆི་བ་དང་། དེ་ཚུན་ཆད་ཀྱིས་
[171b.4]སླར་མཆི་བར་དགེ་སློང་མིང་འདི་ཞེས་བགྱི་བ་ལ་ཞག་བཞི་བཅུའི་གནང་བ་གསོལ་ན། དགེ་སློང་མིང་འདི་ཞེས་བགྱི་བ་ལ་ཞག་བཞི་བཅུའི་གནང་བ་སྩལ་བར་ཚེ་དང་ལྡན་པ་གང་དག་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་བཟོད་
[171b.5]ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་ལ་ཞག་བཞི་བཅུའི་གནང་བ་བསྩལ་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དེ་ནས་བསྐོས་པ་དེས་དགེ་སློང་གཅིག་གི་མདུན་དུ་འདི་སྐད་ཅེས་བརྗོད་པར་བྱའོ། །ཚེ་དང་ལྡན་པ་དགོངས་སུ་གསོལ།
[171b.6]བདག་མིང་འདི་ཞེས་བགྱི་བ་མཚམས་ཀྱི་ནང་དང་བཅས་པའི་གནས་འདིར་དབྱར་སྔ་མའམ། ཕྱི་མ་ཟླ་བ་གསུམ་གནས་པར་ཁས་བླངས་པ་ལས། བདག་དགེ་སློང་མིང་འདི་ཞེས་བགྱི་བ་དགེ་འདུན་གྱིས་ཞག་བཞི་བཅུ་གནང་བ་སྩལ་ལགས་ཏེ། བདག་མིང་འདི་ཞེས་བགྱི་བའི་དགེ་འདུན་
[171b.7]གྱི་བགྱི་བ་ཞིག་གི་སླད་དུ་དགུང་བཞི་བཅུ་མཚམས་ཀྱི་སླད་རོལ་དུ་མཆི་བ་དང་། དེ་ཚུན་ཆད་ཀྱིས་སླར་མཆི་བར་བྱིན་གྱིས་བརླབ་བོ། བདག་དབྱར་འདི་ན་མཆིས་ཤིང་། བདག་གི་དབྱར་གྱི་གནས་ནི་འདི་ལགས་སོ། །དེ་བཞིན་དུ་ལན་གཉིས་ལན་གསུམ་དུའོ། །ཐ་མ་ཞག་བརྒྱད་ཀྱི་བར་
[172a]
[172a.1]ཡང་དེ་བཞིན་དུ་བརྗོད་པར་བྱའོ། །སྟོན་ཟླ་ཐ་ཆུངས་ལ་ཡང་ཞག་གཅིག་ལ་སོགས་པ་ལ་ཡང་བྱིན་གྱིས་བརླབ་པར་བྱའོ། །སྲོག་དང་ཚངས་པར་སྤྱོད་པའི་བར་ཆད་དུ་འགྱུར་ན། དབྱར་རལ་བ་ལ་ལྟུང་བ་མེད་དོ། །འདི་ལྟ་སྟེ། བསོད་སྙོམས་བྱིན་པ་དང་། སྨན་
[172a.2]དང་། ནད་གཡོག་མེད་པ་དང་། བུད་མེད་དང་། སྐྱེས་པ་དང་། མ་ནིང་དང་། ཉེ་དུ་ཡང་རུང་། མི་རིགས་པ་ལས་མགྲོན་དུ་གཉེར་བ་དང་། གཏེར་གྱི་སྒོ་མཐོང་བ་དང་། བུད་མེད་ཀྱི་ཡུལ་ཆགས་པར་བྱེད་པས། ཚུལ་བཞིན་མ་ཡིན་པའི་མཚན་མར་འཛིན་པའོ། །དགེ་སློང་
[172a.3]ངམ། སྦྱིན་བདག་ལ་ཡང་རུང་བར་ཆད་བརྒྱད་པོ་དག་ཏུ་གྱུར་པ་སྟེ། འདི་ལྟ་སྟེ། ཆོམ་རྐུན་གྱིས་འཇིག་པ་དང་། རྒྱལ་པོས་འཇིག་པ་དང་། མིས་འཇིག་པ་དང་། རྒྱལ་པོ་དང་། ཆོམ་རྐུན་མ་གཏོགས་པའི་མི་ལས་གང་བྱུང་བའོ། །མི་མ་ཡིན་པས་འཇིག་པ་དང་། ཀླུས་
[172a.4]འཇིགས་པ་དང་། གཅན་གཟན་གྱིས་འཇིགས་པ་དང་། ཀླུ་དང་མི་མ་ཡིན་པ་དག་མ་གཏོགས་པའི་འཚེ་བར་བྱེད་པ་རྣམས་སོ། །མེས་འཇིགས་པ་དང་། ཆུས་འཇིགས་པ་དང་། གནས་དེ་ནི་དགེ་འདུན་འདུབ་བྱེ་བར་འགྱུར་བ་ལ་ལྟུང་བ་མེད་དོ། །ཆོས་ཀྱི་ཕྱོགས་ནས་ཆོས་མ་ཡིན་པ་
[172a.5]ཕྱོགས་སུ་སྐྱ་རེངས་ཤར་བར་བྱེད་ན་དབྱར་རལ་བའོ། །གཙུག་ལག་ཁང་གཞན་ཞིག་ན་དགེ་སློང་མཛའ་བོ་ཞིག་དགེ་འདུན་ལ་དབྱེན་བྱེད་དུ་འདོད་པ་དེ་བཟློག་པའི་ཕྱིར་སོང་བ་དང་ཞག་བདུན་འདས་ཀྱང་ལྟུང་བ་མེད་དོ། །དེར་མི་འགྲོ་ན་ཡང་འགལ་ཚབས་ཅན་དུ་འགྱུར་རོ། །
[172a.6]གཙུག་ལག་ཁང་དུ་དབྱར་གནས་པ་དེར་ཕྱག་དར་དང་། ཆག་ཆག་ལ་སོགས་པར་བྱའོ། །དབྱར་གནས་པར་ཁས་བླངས་པས་རྣམ་པ་གསུམ་སྟེ། མཁར་ལེན་དང་། གོས་བགོ་བ་དང་། སྲ་བརྐྱང་གི་གོས་སོ། །དགེ་འདུན་གྱིས་གནས་བརྟན་ལ་དགེ་སློང་རྣམས་
[172a.7]མཁར་ལེན་བྱེད་དུ་གཞུག་པར་བྱའོ། །གནས་འདིར་དབྱར་གནས་པར་བྱའོ་ཞེས་དམ་བཅས་པ་ལས། དེར་དབྱར་ཉེ་བར་མ་གནས་ན་ཉེས་བྱས་སོ། །ཞར་ལ་འོངས་པ་རྣམས་བརྗོད་ནས་དཀྱུས་ཉིད་བརྗོད་པར་བྱའོ། དབྱར་གྱི་གོས་རས་ཆེན་ཞེས་བྱ་བ་ནི། དབྱར་གནས་པར་འཁྲུས་
[172b]
[172b.1]ཀྱི་ཕྱིར་ནི་གོས་རས་ཆེན་ནོ། །ཡུལ་གང་ན་ཁྲོན་པའི་ཆུ་ལས་ཁྲུས་བྱེད་པ་དེ་ན་དབྱར་ཁྲུས་བྱེད་པའི་ཕྱིར་ནི་གནང་བའོ། །བཙལ་བར་བྱའོ་ཞེས་བྱ་བ་ལ། གང་ནས་བཙལ་བར་བྱ་ཞེ་ན། ཉེ་དུའམ། ཉེ་དུ་མ་ཡིན་པར་བསྟབས་པའམ། བདག་གི་རིན་གྱིས་ཉོས་པ་དང་། ལུས་
[172b.2]སམ་ངག་གིས་བསྒྱུར་ཅིང་ཚོལ་བའོ། །དེ་ཚུན་ཆད་རྙེད་ན་རུང་བར་བྱས་ལ་བཅང་བར་བྱའོ། །དབྱར་ཟླ་འབྲིང་པོ་ལ་བྱིན་གྱིས་བརླབ་པར་བྱའོ། །དབྱར་ཟད་ནས་འོག་ཏུ་ཟླ་བ་ཕྱེད་ཀྱི་བར་དུ་བཅང་བར་བྱའོ་ཞེས་བྱ་བ་ནི་དགག་དབྱེ་བྱས་ནས་ཟླ་བ་ཕྱེད་ཀྱི་བར་དུའོ། །དགག་དབྱེ་བྱ་བ་ཅི་
[172b.3]ལྟ་ཞེ་ན། ཉི་མ་བདུན་ནམ་བརྒྱད་ན་དགག་དབྱེ་བྱེད་པ་ན་སྤྱོད་ཡུལ་གྱི་གྲོང་རྣམས་སུ་བརྗོད་པར་བྱའོ། །འཁོར་མེད་ན་གཞོན་ནུ་དང་། རྒན་པ་རྣམས་ཀྱིས་མཆོད་པའི་ཆོ་ག་ལེགས་པར་བྱའོ། །མདོ་སྡེ་ལ་སོགས་པ་འཛིན་པས་མཚན་ཐོག་ཐག་ཆོས་མཉན་པ་སྦྱིན་པར་བྱའོ། །དུས་ཤེས་པར་བྱས་
[172b.4]ནས་དགག་དབྱེ་བྱེད་པ་བསྐོ་བར་བྱའོ། །དེ་ཡང་སྔར་སྤྲོ་བར་བྱའོ། །དགེ་འདུན་བཙུན་པ་རྣམས་གསན་དུ་གསོལ། །དགེ་སློང་མིང་འདི་ཞེས་བགྱི་བ་དབྱར་གནས་པའི་དགེ་འདུན་ལ་དགག་དབྱེ་བགྱིད་པར་སྤྲོ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་
[172b.5]མཛོད་ཅིག་དང་། དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགག་དབྱེ་བགྱིད་པར་བསྐོས་ཏེ། དགེ་སློང་དགག་དབྱེ་བགྱིད་པ་མིང་འདི་ཞེས་བགྱི་བ་འདི་དབྱར་གནས་པའི་དགེ་འདུན་ལ་དགག་དབྱེ་བགྱིད་པར་འགྱུར་རོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་
[172b.6]བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དབྱར་གནས་པའི་དགེ་འདུན་ལ་དགག་དབྱེ་བགྱིད་པར་སྤྲོ་སྟེ། དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགག་དབྱེ་བགྱིད་པར་བསྐོན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་
[172b.7]བ་དགག་དབྱེ་བགྱིད་པར་བསྐོ་བར་བཟོད་པ་དེ་དག་ནི་ཅང་མ་གསུང་ཤིག་གང་དག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགག་དབྱེ་བགྱིད་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་
[173a]
[173a.1]འཛིན་ཏོ། །དེས་རྩ་ཀུ་ཤ་རྣམས་ཁྱེར་ཏེ་བྲིམ་པར་བྱའོ། །དགེ་འདུན་གྱི་གནས་བརྟན་གྱིས་གསོལ་བ་འབའ་ཞིག་གི་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དེང་དགེ་འདུན་གྱི་དགག་དབྱེ་བཅོ་ལྔ་པ་སྟེ། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་
[173a.2]ན། དགེ་འདུན་གྱིས་གནང་བར་མཛོད་ཅིག་དང་། དེང་དགེ་འདུན་དགག་དབྱེ་མཛད་དོ། །འདི་ནི་གསོལ་བའོ། །དགག་དབྱེ་བྱེད་པ་གནས་བརྟན་གྱི་མདུན་དུ་འདུག་ལ་དེས་ཀྱང་ཀུ་ཤ་ཅུང་ཟད་ལག་པས་གཟུང་བར་བྱའོ། །ཁ་ཤར་ཕྱོགས་དང་བྱང་ཕྱོགས་སུ་བསྟན་ཏེ། བཏིང་ལ་
[173a.3]རྐང་པས་མནན་ཏེ་འདི་སྐད་དུ་སྨྲ་བར་བྱའོ། །དགེ་འདུན་བཙུན་པ་རྣམས་གསན་དུ་གསོལ། །དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ལ། བདག་དགེ་སློང་མིང་འདི་ཞེས་བགྱི་བའི་ཡང་། དགག་དབྱེ་བཅོ་ལྔ་པ་ལགས་ཏེ། བདག་དགེ་སློང་མིང་འདི་ཞེས་བགྱི་བ་མཐོང་བ་དང་།
[173a.4]ཐོས་པ་དང་། དོགས་པའི་གནས་གསུམ་གྱིས་དབྱར་གནས་པའི་དགེ་འདུན་ལ་དགག་དབྱེ་བགྱིད་ཀྱིས། དགེ་འདུན་བཙུན་པ་རྣམས་ཀྱིས་བདག་ལ་གདམས་སུ་གསོལ། དགེ་འདུན་བཙུན་པ་རྣམས་ཀྱིས་བདག་ལ་རྗེས་སུ་བསྟན་དུ་གསོལ། དགེ་འདུན་བཙུན་པ་རྣམས་ཀྱིས་བདག་
[173a.5]ལ་རྗེས་སུ་གཟུང་དུ་གསོལ། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་ལ་ཐུགས་བརྩེ་བར་མཛད་དུ་གསོལ། ལྟུང་བ་ཤེས་ཤིང་མཐོང་ན། ཆོས་བཞིན་འདུལ་བ་བཞིན་དུ་སླར་བགྱིའོ། །དེ་བཞིན་དུ་ལན་གཉིས་ལན་གསུམ་དུའོ། །དེ་བཞིན་
[173a.6]དུ་གསར་བུའི་བར་དུ་ཀུན་གྱིས་བྱའོ། །དགག་དབྱེ་བྱེད་པ་གཅིག་ཡོད་ན། དེས་དགེ་འདུན་གྱི་མདུན་དུའོ། །གལ་ཏེ་གཉིས་གསུམ་ན། གཅིག་ལ་གཅིག་དགག་དབྱེ་བྱའོ། །དེའི་འོག་ཏུ་དགེ་སློང་མ་རྣམས་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་རྣམས་ཀྱི་
[173a.7]དགག་དབྱེ་བྱའོ། །དེ་ནས་དགག་དབྱེ་བྱེད་པ་རྒན་རིམས་ཀྱི་མདུན་དུ་འགྲེང་སྟེ། དགེ་འདུན་བཙུན་པ་རྣམས་ཀྱི་དགག་དབྱེ་མཛད་པ་ལགས་སོ་ཞེས་བརྗོད་པར་བྱའོ། །ཐམས་ཅད་ཀྱིས་ཀྱང་དགག་དབྱེ་མཛད་དོ། །ལེགས་པར་དགག་དབྱེ་མཛད་དོ་ཞེས་བརྗོད་པར་བྱའོ། །རྣམ་པ་གཞན་དུ་
[173b]
[173b.1]ན་འགལ་ཚབས་ཅན་དུ་འགྱུར་རོ། །དེ་ནས་དགག་དབྱེ་བྱེད་པས་ཁབ་བམ་གྱི་གྲིའུ་ཐོགས་ལ་འདི་སྐད་དུ་བརྗོད་པར་བྱའོ། །བཙུན་པ་རྣམས་རྙེད་པའི་དངོས་པོ་འདི་ལྟ་བུས་ཀྱང་དབྱར་གནས་པའི་དགེ་སློང་གི་དགེ་འདུན་རྣམས་དགག་དབྱེ་བྱ་ཞིང་། འདིར་གང་ཅི་རྙེད་པ་དགེ་འདུན་ཚོགས་ནས་
[173b.2]བགོ་བར་བྱའོ། །ཐམས་ཅད་ཀྱིས་རྙེད་དོ་ཞེས་བརྗོད་པར་བྱའོ། །རྣམ་པ་གཞན་དུ་ན་དགག་དབྱེ་བྱེད་པ་དང་། དེ་དག་ཀྱང་འགལ་ཆབས་ཅན་དུ་འགྱུར་རོ། གཅིག་པུ་ཞིག་འདུག་ན་ཆོས་མཉན་པ་ཅི་ནུས་སུ་སྦྱིན་པར་བྱའོ། །གསོ་སྦྱོང་བཞིན་དུ་བྱིན་གྱིས་བརླབ་པར་བྱ་སྟེ། གསོ་སྦྱོང་
[173b.3]གི་སྐབས་སུ་དགག་དབྱེའི་སྨྲས་བརྗོད་པར་བྱའོ། །དེ་བཞིན་དུ་གཉིས་དག་གམ། གསུམ་པོ་རྣམས་ཀྱིས་ཀྱང་ངོ་། །གང་ན་གཞི་འཁོད་པ་དེ་དག་གིས་དགག་དབྱེ་ནི་བྱའོ། །དགག་དབྱེ་བྱེད་པར་བསྐོ་བར་ནི་མི་བྱའོ། །གང་ན་ལྔ་འཁོད་པ་དེར་ནི་དགག་དབྱེ་བྱེད་པ་བསྐོ་བར་བྱའོ། །
[173b.4]འདུན་པ་བླང་བར་མི་བྱའོ། །དགག་དབྱེ་བྱ་བ་རྣམ་པ་བཞི་སྟེ། ཚིག་གཅིག་པ་དང་། ཚིག་གཉིས་པ་དང་། ཚིག་གསུམ་པ་དང་། མང་པོའི་དགག་དབྱེ་བྱའོ། །དེ་ལ་ཚིག་གཅིག་པ་ནི་གལ་ཏེ་གཞང་འབྲུམ་གྱེ་ནདགཞུང་འབུམ་གྱི་ནང་ཡོད་པའམ། བླ་གབ་མེད་པ་ན་མལ་ཆེ་དང་སྟན་རྣམས་
[173b.5]བཞག་པ་ལས་ཆར་བབ་བམ། ཆར་བབ་ཏུ་དོགས་པའམ། རྒྱལ་པོའམ། ཁྱིམ་པས་རྙེད་པ་ཞིག་ཁྱེར་ཏེ་འོངས་སམ། ཆོས་མཉན་པ་སྒྲོགས་སམ། ཆོས་མཉན་པ་སྒྲོགས་པའི་གཏམ་གཏན་ལ་འབེབས་སམ་རྩོད་པ་ཞི་བར་བྱེད་དམ། མཚན་མོ་ཉུང་ངུ་ཙམ་ལུས་སམ། རྒྱལ་པོ་
[173b.6]ལ་སོགས་པ་འཇིགས་པ་བརྒྱད་པོ་དང་ལྡན་པའོ། །དེ་ལ་ཚིག་གཉིས་པ་ནི་ཚིག་གང་གསུམ་པོའི་སྐབས་མེད་པའོ། །ཚིག་གསུམ་པོ་ནི་མཉམ་པའི་གནས་སྐབས་སོ། །དེ་ལ་ཚོགས་ཀྱི་དགག་དབྱེ་བྱ་བ་ནི་འཇིགས་པ་ཆེན་པོ་བྱུང་ན་རྣམ་པར་བལྟས་ལ། ཕན་ཚུན་བརྗོད་པར་བྱ་སྟེ།
[173b.7]ཚེ་དང་ལྡན་པ་དག་དེང་དགེ་འདུན་གྱི་དགག་དབྱེ་བཅོ་ལྔ་པ་སྟེ། འདི་དང་འདི་ལྟ་བུའི་འཇིག་པ་བྱུང་སྟེ། གང་གི་ཚེ་དགེ་འདུན་ཚོགས་པ་རྙེད་པ་དག་དེའི་ཚེ་དགེ་འདུན་དང་ལྷན་ཅིག་དགག་དབྱེ་བགྱིའོ། །ལྟུང་བ་ཁས་ལེན་ཏེ་གལ་ཏེ་ཕམ་པར་འགྱུར་བར་ཁས་ལེན་ན་ཕྱུང་ལ་དགག་དབྱེ་བྱའོ། །གལ་ཏེ་
[174a]
[174a.1]དེ་ལས་གཞན་པ་ནི་ལྟ་བ་མཐུན་པའི་མདུན་དུ་བཤགས་པར་བྱའོ། །ལྟ་བ་མཐུན་པ་ཇི་སྲིད་ལྟ་བུ་ཞེ་ན། གང་ལྟུང་བ་བྱུང་བ་དེ་དང་དེའི་དངོས་པོ་ལ་ལྟ་བ་མཚུངས་པར་གྱུར་པའོ། །ཁས་བླངས་པས་ཁས་མ་བླངས་པ་མང་པོའི་ཚོགས་སུ་ཁ་བསྐང་བ་དང་། གོ་བཟློག་པ་དང་།
[174a.2]དགག་དབྱེ་བྱེད་པ་མཚན་གྱུར་ན་དགག་དབྱེ་མ་བྱས་པའོ། །ཐེ་ཚོམ་ཟོས་པ་ནི་གང་ཅི་ལྟ་བུར་འདུ་ཤེས་པ་དེ་དག་གིས་དེ་ལྟར་དགག་དབྱེ་བྱའོ། །གང་ལྟུང་བའི་ཕྱིར་རྩོད་པ་ནི་ལྟུང་བ་ཅི་ལྟ་བུ་གང་བརྗོད་པ་དེ་དག་གིས་དེ་ལྟར་དགག་དབྱེ་བྱའོ། །གླེང་བར་བྱེད་པ་གང་ལུས་མི་སྡོམ་པ་དང་། ངག་
[174a.3]མི་སྡོམ་པར་ཚར་གཅོད་ལ་གཉི་ག་སྡོམ་པ་བསྐོ་བར་བྱའོ། །དེ་བཞིན་དུ་མདོ་སྡེ་ལ་སོགས་པ་འཛིན་པ་ལ་ཡང་ངོ་། །དེ་ལ་གསལ་བ་དང་། དེ་ལ་མཁས་པའོ། །གཞི་དང་མདོ་སྡེ་ལ་སོགས་པ་ལ་མཁས་སུ་ཟིན་ཀྱང་གང་ཆོས་མ་ཡིན་པའི་ཆོས་སུ་སྒྲོག་པ་དང་། དེ་ལ་བདག་གིས་དྲི་བར་
[174a.4]བྱའོ། །ལྟུང་བའི་རིས་ནི་གང་ཡིན། སྤྱོད་ལམ་ནི་གང་ཡིན། མཚན་མོའམ། དེ་བཞིན་དུ་ཉིན་མོའམ། མིང་གིས་ཕྱེ་ན་གང་ཉེས་པའི་ཡན་ལག་ཐམས་ཅད་དུ་རྣམ་པར་འཁྲུགས་པའམ། གནས་དང་གནས་མ་ཡིན་པའམ། འགྲོ་བའམ། མི་འགྲོའམ། ཕོ་ཉའམ། དགག་
[174a.5]དབྱེ་འཇོག་ཅིང་དེར་མི་འགྲོ་ན་ཡང་གླེང་བར་བྱེད་པ་མ་ཡིན་ཏེ། དེ་ལ་གླེང་བ་མི་འཆགས་སོ། །གལ་ཏེ་འགྱུར་བ་མེད་ན་གླེང་བར་བྱེད་པ་ཡིན་ན། དེས་ཁས་ལེན་དུ་བཅུག་ལ་ཆོས་བཞིན་བྱེད་དུ་གཞུག་པར་བྱའོ། །འཐབ་ཀྲོལ་ཅན་རྣམས་ལྷགས་ཤིང་མི་འགྲོ་ན་མགུ་བར་བྱས་ལ་དགག་དབྱེ་བྱའོ། །
[174a.6]ཡང་ན་དཀྱིལ་འཁོར་བ་གཉིས་སམ། གསུམ་དུ་འདོང་བར་བྱའོ། །དགག་དབྱེའི་ལས་མ་ཟིན་པར་དགག་དབྱེ་བཞག་ན་ཆོས་དང་མཐུན་པར་དགག་དབྱེ་བཞག་བའོ། །ཟིན་ན་ཆོས་དང་མཐུན་པ་མ་ཡིན་པའོ། །ནད་པ་བདག་ཉིད་དམ་ཕོ་ཉ་དགག་དབྱེ་གཞག་པར་མི་བྱའོ། །ནད་པ་ལ་ཡང་མི་བྱའོ། །ལྷག་
[174a.7]མ་གཞན་ནི་གསོ་སྦྱོང་བཞིན་ཏེ་དགག་དབྱེ་ནི་འདི་ལྟ་བུའོ། །ཞར་ལ་འོངས་པ་རྣམས་རྫོགས་ཏེ། དཀྱུས་མ་བརྗོད་པར་བྱའོ། །སྔོན་རོལ་དུ་ཞེས་བྱ་བ་ནི་བདག་དབྱར་ཟླ་འབྲིང་པོ་ལས་སྔ་མའི་དུས་ལའོ། །དེ་ཉིད་བསྟན་པ་ནི། སོ་ག་རྣམས་ཀྱི་ཟླ་བ་གཅིག་ལུས་པ་ཞེས་བྱ་བ་དེའི་སྔོན་རོལ་དུ་
[174b]
[174b.1]ཞེས་བྱ་བར་མངོན་པར་བསམས་པའོ། །འདས་པར་ཞེས་བྱ་བ་ནི། འཆང་ན་ཞེས་བྱ་བ་འདི་དང་འབྲེལ་ཏོ། །གང་ལས་འདས་ཤེ་ན། སྨྲས་པ། དབྱར་འདས་ནས་ཟླ་བ་ཕྱེད་ལུས་པའོ། །དེ་བས་ན་འདི་ལྟར་དེ་སྔར་བཙལ་ན་ལྟུང་བ་གཅིག་གོ། །དེ་ཉིད་མ་བཏང་ན་སྟེ། འདས་པར་བཅངས་ན་
[174b.2]ལྟུང་བྱེད་གཉིས་དང་། སྤང་བའི་དངོས་པོ་གཅིག་གོ། །དེ་ལ་ལྟུང་བ་ཇི་ལྟར་འགྱུར་ཞེ་ན། སྔ་མ་དང་ཕྱི་མ་སྟེ། གང་དབྱར་སྔ་མ་ལ་ཁས་ལེན་པར་འདོད་ན། དེ་དག་རང་གི་དུས་སུ་བྱས་ནས་ཚོལ་བ་ལ་ལྟུང་བ་མེད་དོ། །གང་ཕྱི་མ་ལ་ཁས་ལེན་པར་འདོད་པ་དེ་དག་ལ་བལྟས་ཏེ། བཙལ་ནས་འཆང་ན་སྔ་མ་ལ་ཉེས་བྱས་སུ་འགྱུར་ཏེ།
[174b.3]སྤང་བར་ནི་མི་འགྱུར་རོ། །སྔོན་རོལ་དུ་འཆད་པ་ལ་ལྟུང་བ་མེད་དོ། །སྟོན་ཟླ་ཐ་ཆུངས་ཉའི་ཟླ་བ་ཕྱེད་ལ་གཉིས་པའི་བར་དུ་འཆང་བ་ལའོ། །ཕྱི་མ་ལ་ནི་ལྟུང་བ་མེད་དོ། །དུས་མ་ཡིན་པ་ལ་ནི་དུས་མ་ཡིན་པར་འདུ་ཤེས་སམ་ཡིད་གཉིས་ཟ་ན་སྤང་
[174b.4]བའོ། །དུས་ལས་དུས་མ་ཡིན་པར་འདུ་ཤེས་སམ་ཡིད་གཉིས་ཟ་ན་ཉེས་བྱས་སོ། །དུས་མ་ཡིན་ནམ་དུས་ལ་བབ་ཀྱང་རུང་དུས་སུ་འདུ་ཤེས་ན་ལྟུང་བ་མེད་དོ། །མི་རུང་བ་དང་། ཐགས་སུ་མ་བཏགས་པ་དང་། བུག་རྡོལ་དུ་གྱུར་པ་དང་། རྙང་རྙིང་དུ་གྱུར་པ་ཡང་རུང་། ཚོལ་བ་དང་འཆང་ན་
[174b.5]ཉེས་བྱས་སོ། །ཁས་ལེན་པར་འདོད་ན་ཞེས་བྱ་བའི་ཚིག་ནི་གལ་ཏེ་དབྱར་ཟླ་འབྲིང་པོ་ལ་ཆོས་གོས་བཙལ་བ་ལས། དབྱར་ཟླ་འབྲིང་པོ་གཉིས་སུ་གྱུར་ན་སྔ་མའི་འདིར་ལྟུང་བ་མེད་དོ། །བརྒྱད་པའོ། །འདུལ་བ་བསྡུས་པ་བམ་པོ་བདུན་པ། མཉན་ཡོད་ན་སྟེ། ཉེ་དགས་དགེ་འདུན་ལ་
[174b.6]དབུལ་བ་ལས་རས་ཡུག་བདག་ཉིད་ལ་བསྔོས་པས་ན། ལོག་པར་བསྔོས་པ་ཡོངས་སུ་ལེན་པའི་གཞིའི་དབང་དུ་མཛད་དེ་འགལ་ཚབས་ཅན་དུ་འགྱུར་བ་དང་། མ་དད་པ་ལ་སོགས་པས་ཉོན་མོངས་པ་དག་གི་ཕྱིར་སྤང་བ་དགུ་པའོ། །ཤེས་བཞིན་དུ་ཞེས་བྱ་བ་ནི་རང་གིས་རིག་གམ་ཕ་རོལ་པོས་བརྗོད་
[174b.7]པའོ། །དགེ་འདུན་ལ་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ནོ། །དགེ་འདུན་གྱི་ལག་ཏུ་མ་ཐོབ་ཀྱང་བསྔོས་པའི་དབང་གིས་ནི་དགེ་འདུན་གྱི་ཞེས་གསུངས་སོ། །དགེ་འདུན་དེ་ཡང་རྣམ་པ་ལྔ་སྟེ། ངོ་ཚ་མེད་པའི་དགེ་འདུན་ཏེ། གང་ཐམས་ཅད་ཀྱང་ཚུལ་ཁྲིམས་འཆལ་པ་
[175a]
[175a.1]ཅན་དང་། ལུག་ལྟར་ལྐུགས་པའི་དགེ་འདུན་ཏེ། གང་མདོ་སྡེ་དང་འདུལ་བ་དང་། མ་མོ་མི་འཛིན་པ་དང་། ཚོགས་ཀྱི་དགེ་འདུན་ཏེ། གང་ལ་ལས་རྣམས་བྱེད་པ་དང་། ཀུན་རྫོབ་ཀྱི་དགེ་འདུན་ཏེ། གང་ན་སོ་སོའི་སྐྱེ་བོ་དགེ་བ་ཅན་ཐམས་ཅད་དང་། དོན་དམ་པའི་དགེ་
[175a.2]འདུན་ཏེ། གང་ན་སློབ་པ་དང་། མི་སློབ་པ་རྣམས་སོ། །རྙེད་པ་ཞེས་བྱ་བ་ནི་རྙེད་པ་ལ་རྣམ་པ་གཉིས་ཏེ། གོས་ཀྱི་རྙེད་པ་དང་། ཟས་ཀྱི་རྙེད་པའོ། །དོན་འདི་ལ་ནི་གོས་ཀྱི་རྙེད་པ་ལ་བྱ་བར་དགོངས་སོ། །ཁ་ཅིག་ནི་གོས་དང་། ཟས་དང་། མལ་ཆུ་དང་། སྟན་དང་། ནད་ཀྱི་རྐྱེན་སྨན་
[175a.3]དང་། གོས་ཀྱི་རིན་ལ་སོགས་པ་རྙེད་པ་དང་། གཞན་ཅི་རྙེད་ཀྱང་རུང་སྟེ། རྙེད་པ་ཞེས་བྱའོ་ཞེའོ། །བསྔོས་པ་ཞེས་བྱ་བ་ནི་གྲུབ་པ་སྟེ། དགེ་འདུན་ལ་འབུལ་ལོ་ཞེས་བྱ་བ་དང་ངེས་པར་ཞེས་བྱ་བའི་བར་དུའོ། །གཞན་དག་ནི་དགེ་འདུན་ལ་འབུལ་ལོ་ཞེས་ལུས་རྣམ་པར་འགྱུར་བའམ། ངག་
[175a.4]གིས་ཕྱེའམ། དེ་ལ་མངོན་དུ་བྱེད་པ་ཞེའོ། །ཕུལ་བ་ནི་ཡང་མི་བསྐུར་བར་དགེ་འདུན་ཉིད་ལ་དབུལ་བར་བྱའོ། །གང་ཟག་བདག་ཉིད་ལ་ཞེས་བྱ་བ་ནི་བདག་ཉིད་ལ་བརྟེན་ནས་སོ། །དེ་ལ་ལྟུང་བ་ཅི་ལྟར་འགྱུར་ཞེ་ན།གང་ཟག་གཞན་གཅིག་གམ། གཉིས་དག་ལའམ། མང་པོ་
[175a.5]རྣམས་ལའམ། དགེ་འདུན་ལ་བསྔོས་ཀྱང་རུང་། བདག་གིར་བསྔོས་ཀྱང་སྦྱོར་བ་ནི་ཉེས་བྱས་སོ། །རྙེད་ན་སྤང་བའོ། །ཁ་ཅིག་ན་རེ་གང་ཟག་གཞན་གཅིག་ལ་བསྔོས་པ་ལས་བདག་ཉིད་ལ་བསྒྱུར་ན་ཉེས་བྱས་སོ་ཞེའོ། །གང་ཟག་གཅིག་ལ་འདིར་བསྔོས་པ་ལས། གང་ཟག་གཞན་གཅིག་
[175a.6]གམ། གཉིས་དག་ལའམ། མང་པོ་རྣམས་ལའམ། དགེ་འདུན་ལ་བསྔོས་གྱུར་རུང་། སྦྱོར་བ་དང་། རྙེད་པ་ཡང་ཉེས་བྱས་སོ། །དེ་བཞིན་དུ་གཉིས་སམ། མང་པོའམ། དགེ་འདུན་ལ་བསྔོས་པ་དག་མ་གཏོགས་པ་གཞན་ལ་བསྔོས་པ་དག་བསྒྱུར་ན། སྦྱོར་བ་དང་། རྙེད་པ་ན་ཡང་ཉེས་
[175a.7]བྱས་སོ། །དགེ་སློང་འདུན་གཅིག་ལ་བསྔོས་པ་ལས་དགེ་སློང་གི་དགེ་འདུན་གཞན་ནམ། དགེ་སློང་མའི་དགེ་འདུན་ལ་བསྔོས་པ་བསྒྱུར་རམ། དེ་བཞིན་དུ་དགེ་སློང་མའི་དགེ་འདུན་ལ་བསྔོས་པ་ལས། དགེ་སློང་གི་དགེ་འདུན་ལའམ། གཉིས་གའི་དགེ་འདུན་ལ་བསྔོས་པ་དང་། གཅིག་
[175b]
[175b.1]ལའམ། དགེ་འདུན་བྱེ་བ་ལས་ཕྱོགས་གཅིག་ལ་བསྔོས་པ་ཕྱོགས་གཅིག་ལ་བསྒྱུར་བ་ཡང་རུང་སྟེ། ཐམས་ཅད་ལ་ཡང་ཉེས་བྱས་སོ། །གནས་ཁང་དང་། ཁང་བཟངས་དང་། ཀ་བའི་བར་དང་། སྒོ་ཁང་དང་། ཁྱམས་གཞན་ལ་བསྔོས་པ་
[175b.2]ལས་གཞན་དེ་དག་ཉིད་དུའམ། གཞན་དུ་བསྔོས་པ་ལས་བསྒྱུར་ན་ཉེས་བྱས་སོ། །དེ་བཞིན་དུ་སྐུ་གཟུགས་ཀྱི་ལས་སྐུ་གཟུགས་གཞན་ཏེ་གཡར་པོའི་ཆོས་ལ་ལྟུང་བ་མེད་དོ། །དེ་བཞིན་དུ་མཆོད་རྟེན་ལ་ཡང་ངོ་། །དེ་བཞིན་དུ་མཆོད་རྟེན་གྱི་ཐིམ་སྐས་རིམ་པ་དང་པོ་དང་། གཉིས་པ་ལ་སོགས་པའམ། མེ་ཏོག་ཁང་ངམ། བ་གམ་བཞི་བ་
[175b.3]འམ། བུམ་པའམ། པུ་ཤུའམ།གདུགས་དང་པོའམ། ཐམས་ཅད་ཀྱི་སྟེང་གི་བར་དང་། ཆར་ཁབ་ཀྱང་རུང་སྟེ། ཕན་ཚུན་དུ་བརྗོད་པར་བྱའོ། །མུ་ཏོ་པའམ། དུད་འགྲོའི་སྐྱེ་གནས་སུ་གཏོགས་པ་གཞན་ལ་བསྔོས་པ་ལས། གཞན་ལ་བསྔོས་པ་བསྒྱུར་ན་ཉེས་བྱས་
[175b.4]སོ། །བཙལ་ཏེ་མ་རྙེད་པ་ལ་ལྟུང་བ་མེད་དོ། །དེ་བཞིན་དུ་མི་དང་དུད་འགྲོའི་སྐྱེ་གནས་སུ་གཏོགས་པ་རྣམས་ཀྱང་ཕན་ཚུན་དུ་བརྗོད་པར་བྱའོ། །བསྔོས་པ་ལས་བསྔོས་པར་འདུ་ཤེས་སམ་ཡིད་གཉིས་ཟ་ན་སྤང་བའོ། །མ་བསྔོས་པ་ལ་བསྔོས་པར་འདུ་ཤེས་ན་ཉེས་བྱས་སོ། །ཁ་
[175b.5]གཅིག་ན་ན་རེ་ལྟུང་བར་འགྱུར་གྱི། སྤང་བར་ནི་མ་ཡིན་ཏེ། དེ་བཞིན་དུ་ཡིད་གཉིས་ཟ་བ་ཡང་ངོ་ཞེའོ། །མ་བསྔོས་སམ། བསྔོས་ཀྱང་རུང་མ་བསྔོས་ཀྱང་འདུ་ཤེས་ན་ལྟུང་བ་མེད་དོ། །དགེ་འདུན་ལ་བསྔོས་པ་བདག་ཉིད་ལ་བསྔོས་པར་བསྒྱུར་ན། ཆོས་གོས་གང་ལ་དེས་ལྷན་པ་ཙམ་དུ་
[175b.6]བཏབ་ཀྱང་ཆོས་གོས་དེ་མཐའ་དག་གཏང་བར་བྱའོ། །ཁ་ཅིག་ན་རེ་ངོ་ཚ་མེད་པའི་དགེ་འདུན་ལ་བསྔོས་པ་བདག་ཉིད་ལ་སྦྱིན་གནས་སུ་བསམས་ཤིང་སྙིང་རྗེའི་ཕྱིར་བསྔོས་པ་བསྒྱུར་ན་ལྟུང་བ་མེད་ཅེའོ། །དེ་ཡང་དགེ་འདུན་ལ་བསྔོས་པར་བསམས་པ་ལ་བྱའོ། །ཁྱིམ་ན་མ་དང་ཕའི་གོས་དང་།
[175b.7]ཡོ་བྱད་བདག་ཉིད་ལ་བསྔོས་པ་བསྒྱུར་ན་ཉེས་བྱས་སོ། །དགེ་འདུན་གྱི་རྙེད་པ་ལ་གཅིག་གམ། མང་པོ་ཡང་རུང་། མཚམས་ཀྱི་ཕྱི་རོལ་ཏུ་སོང་སྟེ། བདག་གིར་བྱས་ནི་ཉེས་བྱས་སོ། །རྙེད་པའི་ཀུན་དུ་སྤྱད་པ་ནི་རྙེད་པ་ཞིག་འོངས་དང་། དགེ་འདུན་ལ་བསྒོ་སྟེ། གཎྡྷི་བརྡུངས་
[176a]
[176a.1]ནས། ཚུལ་ཤིང་བྲིམས་ལ་དེ་ནས་བགོ་བར་བྱའོ། །བདག་གིར་མ་ཁྱེར་བ་དེ་ཡང་། ཁྱེར་ཅིག་ཅེས་དེའི་བགོ་སྐལ་བསྐྱལ་བར་བྱའོ། །སྐལ་བའང་བསྐྱལ་བའི་འོག་ཏུ་གཞན་འོངས་ན་དེ་ལ་རྙེད་པ་མི་སྦྱིན་ནོ། །དབྱར་གནས་པས་རྙེད་པ་གཞན་ལ་བཅོལ་ཏེ་
[176a.2]འགྲོ་བར་བྱའོ། །མ་བཅོལ་ན་བླང་བར་མི་བྱའོ། །བཅོལ་བ་མ་བླངས་ན་རིན་ཐང་བཞིན་དུ་བྱས་ནས་སྦྱིན་པར་བྱའོ། །རྙེད་པ་ཆུང་ངུ་ལ་ཡང་གཎྜཱི་བརྡུངས་ལ་བར་བྱའོ། །དེ་ལ་ཡང་བཅོལ་བས་མ་བླངས་པ་ན་ལྔ་ཡན་ཆད་བླང་བར་བྱའོ། །རྙེད་པ་ནི་རྣམ་པ་བརྒྱད་དེ། མཚམས་
[176a.3]ཀྱིས་ཐོབ་པ་ལ་སོགས་པའོ། །དེ་ལ་མཚམས་ཀྱིས་ཐོབ་པ་གང་ཞེ་ན། གཙུག་ལག་ཁང་གཉིས་གསོ་སྦྱོང་གཅིག་པ་ལས་སོ་སོར་གསོ་སྦྱོང་བྱས་ཏེ། ཉེ་བར་ཞུགས་ན་གཙུག་ལག་ཁང་གང་དུ་རྙེད་པ་འོངས་པ་དེ་ཉིད་དུའོ། །ཁྲིམས་ཀྱིས་ཐོབ་པའི་རྙེད་པ་གང་ཞེ་ན། གང་ཁྲིམས་
[176a.4]སུ་བྱས་ནས་ཉེ་བར་ཞུགས་ཏེ་ཁྱིམ་འདི་དག་ནི་ཁྱེད་ཀྱིའོ། །འདི་དག་ནི་ངེད་ཀྱིའོ་ཞེས་བྱ་བ་དང་། དེ་བཞིན་དུ་ལམ་པོ་ཆེ་དང་། ཚོང་དུས་དང་། བཞི་མདོ་དང་། སུམ་མདོ་ཡོད་པ་དེ་ལ་དེ་གལ་ཏེ་ཁས་བླངས་པ་རྣམས་ཀྱི་ཁས་བླངས་པ་རྣམས་དང་། ཁས་མ་བླངས་པ་རྣམས་ཟན་བྱིན་
[176a.5]ཏེ་གང་དུ་དེ་ལ་རྙེད་པ་དང་། ཆུ་སྦྲེངས་ཏེ་སྦྱིན་པ་རྣམས་ནི་རྙེད་པ་དེ་ཁས་བླངས་པ་རྣམས་ཁོ་ནའོ། །ཇི་སྟེ་ཁས་མ་བླངས་པ་རྣམས་ཀྱི་གནས་སུ་རྙེད་པ་ཁས་མ་བླངས་པ་རྣམས་ཁོ་ནའོ། །ལམ་པོ་ཆེ་ལ་སོགས་པ་རྣམས་ལ་ནི་གཉི་ག་ཟན་བྱིན་ཏེ། གང་དུ་དེ་ལ་རྙེད་པ་དང་། ཆུ་སྦྲེངས་ཏེ་
[176a.6]བྱིན་པ་རྣམས་ནི་གཉི་གའི་རྙེད་པའོ། །རྟེན་གྱིས་ཐོབ་པའི་རྙེད་པ་གང་ཞེ་ན། གང་ལ་བརྟེན་ཏེ། དབྱར་ཉེ་བར་གནས་པ་དེས་བྱིན་པ་གང་ཡིན་པ་དེ་ཁོ་ན་ཡིན་ནོ། །དགེ་འདུན་གྱིས་མ་བརྟགས་པའི་རྙེད་པ་གང་ཞེ་ན། རྙེད་པ་གང་ཞིག་ངེས་ལ་དམིགས་ཀྱིས་མ་ཕྱེ་བ་རྣམས་ཀྱང་ངོ་། །
[176a.7]དགེ་སློང་གིས་བརྟགས་པའི་རྙེད་པ་གང་ཞེ་ན། རྙེད་པ་གང་ཞིག་ངེས་ལ་དམིགས་ཀྱིས་ཕྱེ་ནས་གནས་ཁང་ལ་སོགས་པ་རྣམས་ལ་དེ་ན་གནས་པ་གང་ཡིན་པའོ། །དེ་ཁོ་ནའོ། །དབྱར་གྱི་རྙེད་པ་གང་ཞེ་ན། གང་ཞིག་དབྱར་གནས་པའི་དགེ་འདུན་ལ་སྦྱིན་པ་པོ་རྣམས་ཀྱིས་བསྔོས་
[176b]
[176b.1]པའོ། །མངོན་སུམ་གྱིས་རྙེད་པ་གང་ཞེ་ན། རྙེད་པ་གང་ཞིག་མ་ངེས་པ་རྣམས་ལ་དམིགས་ཀྱིས་མ་ཕྱེ་བའོ། །སོ་སོར་བསྟན་པའི་རྙེད་པ་གང་ཞེ་ན། གང་ཡང་མཆོད་རྟེན་ཆེན་པོ་བཞི་པོ་རྣམ་པ་ལ་བསྔོས་པ་ཡིན་ཏེ། གང་ལ་དངོས་པོ་དེ་ཉིད་ལ་དབུལ་བར་བྱའོ། །ཇི་སྟེ་སོ་སོར་སྐྱེལ་
[176b.2]མི་ནུས་ན་དེ་དག་གི་ནང་ནས་གང་ཡང་རུང་བ་གཅིག་ལ་དབུལ་བར་བྱའོ། །དེ་ལས་མཆོད་རྟེན་གཞན་དག་གི་རྙེད་པ་ནི་གང་དུ་སོན་པ་དེ་དག་ཉིད་དུ་དབུལ་བར་བྱའོ། །གལ་ཏེ་དབྱར་གྱི་ནང་དུ་དགེ་འདུན་རྣམས་བྱེ་ན། ཆོས་ཀྱི་ཕྱོགས་པའི་དགེ་འདུན་རྣམས་ལ་རྙེད་པ་སྦྱིན་གྱི། ཆོས་མ་
[176b.3]ཡིན་པའི་ཕྱོགས་པ་རྣམས་ལ་ནི་མ་ཡིན་ནོ། །གང་དབྱར་གྱི་ནང་དུ་ཡུན་རིང་དུ་གནས་པ་ལས་བསླབ་པ་ཕུལ་ཡང་རྙེད་ན་སྦྱིན་གྱི་གཞན་ལ་མ་ཡིན་ནོ། །དེ་བཞིན་དུ་དུས་ལས་འདས་ན་ཡང་ངོ་། །ཟས་ཀྱི་རྙེད་པ་ཞིག་གྲུབ་ན། ཆུང་ངུ་ན་ཤིང་བུ་ལ་སའི་ལོ་མ་ཙམ་དུ་ཡང་སྙོམས་
[176b.4]པར་བྱས་ལ་བགོ་བར་བྱའོ། །དེ་བཞིན་དུ་གོས་ཤིག་རྙེད་ན་ཡང་ཐ་ན་མར་མེའི་སྙིང་པོ་ཙམ་དུའང་བྱའོ། །གང་རིན་ཐང་ཆེན་པོའི་གོས་ཤིག་རྙེད་ན་མི་དྲ་བར་ཀཱཪྵཱ་པ་ཎར་བསྒྱུར་ཏེ། དེ་ཉིད་ལ་ཡིད་བརྟེན་ཏེ་བཅང་བར་བྱའོ། །གཉི་གའི་དགེ་འདུན་གྱིས་གོས་ཤིག་རྙེད་ན། དགེ་སློང་དང་དགེ་
[176b.5]སློང་མའི་གོས་ཀྱི་རྙེད་པ་དེ་མཉམ་པར་བྱའོ། །དགེ་ཚུལ་དང་དགེ་ཚུལ་མ་ལ་ནི་སུམ་ཆའོ། །དགེ་སློབ་མ་ལ་ནི་སུམ་གཉིས་སོ། །དགེ་ཚུལ་བསྙེན་པར་རྫོགས་པར་འདོད་པ་ཞིག་ན་ཡང་ངོ་། །ཟས་ཀྱི་རྙེད་པ་ནི་ཐམས་ཅད་ལ་མཉམ་པར་བྱའོ། །གང་ལ་དགེ་སློང་མང་ལ་དགེ་སློང་མ་ཉུང་ན་དེ་ནི་མགོ་
[176b.6]གྲངས་བཞིན་དུ་བགོ་བར་བྱའོ། །སླར་བཟློག་པ་ལ་ནི་ཕྱེད་ཕྱེད་དུ་བྱའོ། །སངས་རྒྱས་ཀྱི་དུས་སྟོན་ཆེན་པོ་ལ་སོགས་པའི་ཚེ། རྙེད་པ་ནི་སྡེ་ལྔ་ཆར་ལ་བགོ་བར་བྱའོ། །དགེ་སློང་གཅིག་པུ་ཞིག་ཉེ་བར་གནས་ན་ཡང་དགེ་འདུན་གྱི་དབྱར་གྱི་རྙེད་པ་བདག་གིར་བྱས་ཏེ་འགྱོད་པར་མི་བྱའོ། །རྙེད་པ་
[176b.7]མངོན་སུམ་དུ་རྙེད་པར་འགྱུར་ན། དགེ་འདུན་ལ་གོས་འདི་བྱུང་བས་བགོ་བར་བྱ་བ་མངོན་སུམ་དུ་གྱུར་པའི་དགེ་འདུན་གྱིས་བགོ་བར་བྱ་བ་འདི་དག་གཅིག་པུས་ཐོབ་སྟེ། བདག་གིར་བྱའོ་ཞེས་ཚིག་ཏུ་ཡང་བརྗོད་དེ། བྱིན་གྱིས་བརླབ་པ་ཡིན་ནོ། །གཞན་དག་ལྷགས་ན་ཡང་སྐལ་བ་སྦྱིན་
[177a]
[177a.1]པར་བྱའོ། །རྣམ་པ་གཞན་དུ་ན་ཉེས་བྱས་སོ། །མཚམས་ཀྱི་ཕྱི་རོལ་དུ་ཁྱེར་ཏེ་འགོད་ན་ཉེས་བྱས་སོ། །རྐུ་སེམས་དང་ལྡན་ན་འགལ་ཚབས་ཅན་དུ་འགྱུར་རོ། །དབྱར་གནས་པའི་རྙེད་པ་དབྱར་འདས་པ་དང་། མ་འོངས་པ་དང་། རལ་བས་བླང་བར་མི་བྱའོ། །གོས་བགོས་
[177a.2]པའི་དུས་ལས་འདས་ཀྱང་དབྱར་གནས་པས་རྙེད་པ་བླང་བར་བྱའོ། །གལ་ཏེ་གོས་ཀྱི་རྙེད་པ་འགོད་པའི་ཚེ་མངོན་སུམ་དུ་གྱུར་ན། དབྱར་མ་གནས་ཀྱང་བླང་བར་བྱའོ། །གཉི་གའི་དགེ་འདུན་བཤོས་གསོལ་ཏེ། རྙེད་པ་ཞིག་ཕུལ་ན། སྦྱིན་བདག་ལ་དྲིས་ཏེ་བགོ་བར་བྱའོ། །དགེ་སློང་གི་ཕྱིར་
[177a.3]བཞག་ལ། གཉི་གའི་དགེ་འདུན་གྱི་ཟས་ཟོས་ཏེ། རྒན་པའི་མཐར་བཞག་ན་ཕྱེད་ཕྱེད་དུ་བགོ་བར་བྱའོ། །དགེ་འདུན་གྱི་གནས་བརྟན་གྱིས་ཐ་ན་ལན་ཚྭ་འདྲིམ་པ་ལ་ཡང་སྙོམས་པར་བྲིམས་ཤིག་ཅེས་བརྗོད་བར་བྱའོ། །གང་དགེ་འདུན་གྱི་བྱ་བའི་ཕྱིར་དབྱར་གྱི་ནང་དུ་སོང་ངམ། གང་གི་དོན་
[177a.4]གྱི་ཕྱིར་སོང་ཡང་རུང་དེ་ལ་དབྱར་གྱི་རྙེད་པ་སྦྱིན་པར་བྱའོ། །གང་ལ་དབྱར་སྔ་མའམ། ཕྱི་མར་ཉེ་བར་གནས་པར་ཤེས་ན་གང་ཡུན་རིང་དུ་གནས་པ་དེ་ལ་སྦྱིན་པར་བྱའོ། །གཞན་ལ་ནི་མ་ཡིན་ནོ། །ཀཽ་ཤཱམཱིའི་ཕྱོགས་གཉིས་སུ་འདུས་ཏེ་འཁོད་ན་གང་གི་གནས་བརྟན་ཡིན་པ་དེ་དག་རྙེད་པ་དབང་
[177a.5]ངོ་། །གལ་ཏེ་གཅིག་གི་གནས་བརྟན་དང་གཉིས་པའི་གནས་བརྟན་གཉི་ག་ལ་ཡང་ཕུལ་ན་གཉི་གས་ཐོབ་བོ། །འཁྲུག་པའི་ཕྱིར་ཚིག་གིས་དྲིས་ལ་བགོ་བར་བྱའོ། །སྦྱིན་བདག་གིས་གལ་ཏེ་ཀུན་དགའ་ར་བའི་རྒྱན་དུ་བྱེད་ན་དེ་ནི་ཤིང་ལྗོན་པའི་རྒྱན་རྣམས་ཏེ། དེ་ནི་ཐུམ་པོར་བཅིངས་ལ་
[177a.6]བཞག་སྟེ་མཆོད་པའི་ཚེ་བརྒྱན་པར་བྱའོ། །གང་རྩིག་པ་ལ་ན་དེས་ནི་རི་མོར་བྲི་བར་བྱའོ། །གང་མེ་གང་ལ་ན་དེས་ནི་བསྲོ་གང་གིར་བྱའོ། །གང་ཆུ་གང་ལ་ནི་དེས་ནི་ལྟུང་བར་བྱའོ། །གང་བཀད་ས་ལ་ན་དེས་ནི་སྣུམ་བག་གི་ཉེད་པར་རོ། །གང་འཁོར་གྱི་ཁྱམས་དང་། དཔོང་སའི་ར་བ་
[177a.7]དང་། འཆགས་དང་། ཁང་བཟངས་དང་། སྒོ་གང་ལ་ན་དེ་ནི་དགེ་སློང་རྣམས་ཀྱིས་བགོ་བར་བྱའོ། །གང་གཙུག་ལག་ཁང་གི་རྫིང་བུ་ལ་སོགས་བཞི་པའི་དགེ་སློང་གི་དགེ་འདུན་ལའོ། །མི་བགོ་བ་རྣམ་པ་ལྔ་སྟེ། ཕྱོགས་བཞི་པའི་དགེ་འདུན་ཐམས་ཅད་ཀྱི་དང་། མཆོད་རྟེན་གྱི་དང་།
[177b]
[177b.1]ནད་པའི་རུང་བའི་ཁང་པའིའམ། རྩ་བ་ལས་བྱུང་བ་ཐམས་ཅད་དང་། ཁའི་སྒོར་འདུ་བའོ། །རྩ་བ་དང་འབྲས་བུ་དང་། བུ་རམ་ཤིང་གི་སྡོང་བུ་ལ་སོགས་པ་ཁའི་སྒོར་འདུ་བ་ནི་བགོ་སྟེ། ཇི་སྐད་དུ་ཤིང་ཏོག་ཨ་མྲ་དགེ་འདུན་ལ་བྲིམ་པར་བྱའོ། །དེ་བསྲུང་བ་ཡང་བསྐོ་བར་བྱའོ་ཞེས་
[177b.2]གསུངས་པ་ཡིན་ནོ། །ཅང་མི་སྨྲ་བས་རུང་བར་བྱས་ཏེ། སྲོག་ཆགས་བརྟགས་ལ་བསྙེན་པར་མ་རྫོགས་པ་མེད་ན་བྱིན་ལེན་བྱས་ཏེ་དགེ་སློང་རྣམས་ཉིད་ཀྱིས་བྲིམ་བར་བྱའོ། །ཅ་ཅོ་དང་ག་ཞ་བྱས་ནས་སོ། །ཉན་ཐོས་ཀྱི་མཆོད་རྟེན་རྣམས་ལ་སྟེ། ཉན་ཐོས་ཀྱི་མཆོད་རྟེན་གྱི་རྙེད་པ་ནི་ལས་སར་
[177b.3]བའི་རིན་ཙམ་གཞག་ལ་འདུས་པའི་དགེ་འདུན་གྱིས་བགོ་བར་བྱའོ། །དེ་བཞིན་གཤེགས་པའི་མཆོད་རྟེན་ནི་རྣམ་པ་ཐམས་ཅད་དུ་ཡོངས་སུ་རྫོགས་པར་བྱའོ། །རང་སངས་རྒྱས་ཀྱི་ཆར་ཁབ་མེད་པར་བྱའོ། །དགྲ་བཅོམ་པའི་ནི་གདུགས་བཞི་པ་རྣམས་ཀྱིས་བྱའོ་ཞེས་བྱ་བའོ། །ཕྱིར་མི་
[177b.4]འོང་བ་རྣམས་ཀྱི་གསུམ་བའོ། །ལན་ཅིག་ཕྱིར་འོང་བ་དག་གི་ནི་གཉིས་པའོ། །རྒྱུན་དུ་ཞུགས་པ་ཡི་ནི་གཅིག་གོ། །སོ་སོའི་སྐྱེ་བོ་དགེ་བ་ཅན་རྣམས་ཀྱི་ནི་བྱི་བོར་བྱའོ། །གཙུག་ལག་ཁང་བྱ་བའི་ཕྱིར་ཕུལ་བ་རྣམས་ཀྱི་ཀཱཪྵཱ་པ་ཎི་རྣམས་ལ་སྦྱིན་བདག་གིས་རྗེས་སུ་གནང་བ་མཁར་ལེན་
[177b.5]གྱི་ཆ་སྤྱད་དང་། མཁར་ལེན་བྱེད་པའི་ཟན་དང་། རྐང་པ་བསྐུ་བ་དང་། མར་མེ་ལ་སོགས་པ་ཀུན་དུ་སྦྱར་བར་བྱའོ། །གང་ཟག་གཅིག་ལ་བྱིན་པ་ལས་གང་ཟག་གཞན་ལའམ། གཉིས་སམ། གསུམ་མམ། ཚོགས་ལའམ། དགེ་འདུན་ལ་ཕུལ་ན་ཆོས་བཞིན་བྱིན་པ་མ་ཡིན་ལ།
[177b.6]ལེན་པ་དང་སྤྱོད་པ་ཡང་རུང་བ་མ་ཡིན་ནོ། །དེ་བཞིན་དུ་ཅི་སྲིད་དུ་དགེ་འདུན་ལ་ཕུལ་བ་དགེ་འདུན་གཞན་ལ་ཕུལ་ལམ། དགེ་སློང་གི་དགེ་འདུན་ནམ། དགེ་སློང་མའི་དགེ་འདུན་ལ་ཕུལ་བ་དགེ་འདུན་གཞན་ལ་ཕུལ་ན་སྔར་ཕུལ་བར་ཟད་ཀྱི་ཕྱི་མ་ལ་ནི་བྱིན་པ་མ་ཡིན་ནོ། །སྦྱིན་བདག་ནི་རང་གི་
[177b.7]གཙུག་ལག་ཁང་འཆོས་པ་ལ་དབང་གི་སྦྱིན་པ་ལ་མ་ཡིན་ནོ། །ལྕགས་ཀྱི་སྤྱད་རྣམས་ལས་ལྷུང་བཟེད་དང་། ལྷུང་བཟེད་ཆུང་ངུ་དང་། ཁར་ཕོར་དང་། ལྡེ་མིག་ཀྱོག་པོ་དང་། གྲིའུ་དང་། ཁབ་དང་། སེན་མོ་གཅོད་པ་དང་། པོག་ཕོར་དང་། ཞུགས་ལིངས་དང་སྟ་རེ་དང་། བུམ་ཚགས་
[178a]
[178a.1]གཅེའུ་ཅན་དང་། བཏུང་ཕོར་རྣམས་ནི་བགོའོ། །དེ་ལས་གཞན་པ་ནི་མི་བགོའོ། །སའི་སྣོད་ལས་ལྷུང་བཟེད་དང་། ལྷུང་བཟེད་ཆུང་ངུ་དང་། ཆུ་ཚོད་ཀྱི་སྣོད་དང་། རིལ་བ་སྤྱི་བླུགས་དང་། བྱ་མ་བུམ་དང་། ཆུ་སྣོད་རྣམས་ནི་བགོའོ། །དེ་ལས་གཞན་པ་ནི་མི་
[178a.2]བགོའོ། །ཚོན་བསྐོལ་བ་ནི་མི་བགོའོ། །དེ་ལས་གཞན་པ་ནི་བགོའོ། །རིན་པོ་ཆེ་ལ་སོགས་པ་ལས་བྱུང་བའི་ཁྲི་ནི་བཙོངས་ལ་བགོའོ། །ཤིང་གི་རང་བཞིན་ལ་སོགས་པ་ནི་ཕྱོགས་བཞི་པའི་ཕྱིར་བཞག་གོ། །ཀུན་དགའ་ར་བའི་གཞི་དང་། གཙུག་ལག་ཁང་གི་གཞི་དང་། དེའི་མལ་
[178a.3]ཆ་དང་། སྟན་རྣམས་མི་བགོའོ། །གཏར་མི་གཞག །མི་བཙོང་ངོ་། །ཡོངས་སུ་ལོངས་སྤྱོད་པ་ལྔ་སྟེ། བདག་པོ་ཡོངས་སུ་ལོངས་སྤྱོད་པ་ནི་མི་སློབ་པ་རྣམས་ཀྱིའོ། །བྱིན་པ་ཡོངས་སུ་ལོངས་སྤྱོད་པ་ནི་སློབ་པ་རྣམས་ཀྱིའོ། །རྗེས་སུ་གནང་བ་ཡོངས་སུ་ལོངས་སྤྱོད་པ་ནི་བསླབ་པ་འདོད་
[178a.4]པ་རྣམས་ཀྱིའོ། །སྐྱིན་པོ་ཡོངས་སུ་ལོངས་སྤྱོད་བ་ནི་ལེ་ལོ་ཅན་རྣམས་ཀྱིའོ། །རྐུན་པོ་ཡོངས་སུ་ལོངས་སྤྱོད་པ་ནི་ཚུལ་ཁྲིམས་འཆལ་བ་རྣམས་ཀྱིའོ། །ཁ་ཅིག་ཀྱང་རྗེས་སུ་གནང་བ་མེད་དོ། །ཀུན་དུ་སྤྱད་པ་ཇི་སྐད་བསྟན་པ་བཞིན་ཐམས་ཅད་མ་བྱས་ན་འགལ་ཚབས་ཅན་དུ་འགྱུར་རོ། །
[178a.5]དགུ་པའོ།། །།རྒྱལ་པོའི་ཁབ་ན་སྟེ། པི་ལིན་ད་བད་སས་གནས་པར་བྱེད་པ་རྣམས་དེ་ནས་ཉེ་བར་བླངས་པ་དང་། དེ་ལས་སོ་སོར་བླངས་པ་དང་། ཟས་ཀྱི་ཕྱེ་མ་དང་འདྲེ་བ་དང་། ཕན་ཚུན་འདྲེས་པ་དང་། རང་གི་རྒྱུད་ཀྱིས་མྱངས་པ་གང་རྣམ་པར་དབྱེར་ཡང་མི་མངོན་པའི་སྨན་དེ་ལྟ་
[178a.6]བུ་དུས་དང་དུས་མ་ཡིན་པར་ཡང་ཟ་བས་ན་སྨན་གྱི་གཞིའི་དབང་དུ་མཛད་དེ་འགལ་ཚབས་ཅན་དུ་འགྱུར་བའི་ཉོན་མོངས་པ་ལ་སོགས་པ་གསུམ་པོ་རྣམས་ཡོངས་སུ་སྤང་བའི་ཕྱིར་བཅུ་པ་བཅས་སོ། །གང་དག་དེ་དག་ལས་ཞེས་བྱ་བ་ནི་ཡུལ་དེ་དང་དེར་གསུངས་པའོ། །བཅོམ་ལྡན་
[178a.7]འདས་ཞེས་བྱ་བ་ནི་དེ་བཞིན་གཤེགས་པའི་མཚན་ཡོན་ཏན་ལས་བརྗོད་པའོ། །ན་བ་རྣམས་ལ་ཞེས་བྱ་བ་ནི་ནད་ཀྱིས་བཏབ་པ་རྣམས་སོ། །ནད་པའི་ཀུན་དུ་སྤྱོད་པ་ནི་མཁན་པོ་དང་སློབ་དཔོན་གྱིས་དང་། སློབ་མ་དང་། ཉེ་གནས་ཀྱིས་དང་། སློབ་དཔོན་དང་མཁན་པོ་དག་གཅིག་པ་
[178b]
[178b.1]དང་། གཏམ་འདྲེས་པ་དག་གིས་ནད་པ་ལ་ནད་པའི་རིམ་གྲོ་བྱའོ། །མགོན་མེད་པ་ལ་དགེ་འདུན་དང་བསྐོས་པས་བྱའོ། །མཚམས་ཀྱི་ནང་དུ་འཁོད་པ་ཐམས་ཅད་ཀྱིས་དུས་གསུམ་དུ་ནད་པ་བལྟ་བར་བྱའོ། །ནད་གཡོག་གིས་ནི་དེ་དག་གི་ཕྱིར་སྟན་རྣམས་བཤམ་པར་བྱའོ། །དེ་དག་ཀྱང་
[178b.2]ཡུན་རིང་དུ་གནས་པར་མི་བྱའོ། །གལ་ཏེ་སྨན་གྱི་རིན་མེད་ན་སྦྱིན་པ་པོ་ལས་བཙལ་ཞིང་སྦྱིན་པར་བྱའོ། །ཡང་ན་དགེ་འདུན་གྱིས་སྦྱིན་པར་བྱའོ། །ཡང་ན་མཆོད་རྟེན་གྱི་བ་དན་ལ་སོགས་པ་བཙོངས་ལ་སྨན་དུ་སྦྱར་བར་བྱའོ། །ནད་སོས་ནས་སླར་དབུལ་བར་བྱའོ། །གལ་ཏེ་མི་འབྱོར་ན་
[178b.3]ཕའི་ནོར་བུ་ལ་འོས་པས་ན་ཉེས་པ་ཡོད་པ་མ་ཡིན་ནོ། །རང་བཞིན་གྱི་ཁ་ན་མ་ཐོ་བ་མ་གཏོགས་པ་ཐམས་ཅད་ཀྱིས་རིམ་གྲོ་བྱའོ། །ཤིར་ཉེ་བ་ལ་མངོན་དུ་ཕྱོགས་ན་ནད་གཡོག་གིས་ཐབས་ཀྱིས་ཅི་ལྟར་མི་འཁྲུགས་པའོ་ཞེས་བྱ་སྟེ། གང་ཟག་གི་མལ་དང་། སྟན་གྱི་སྟེང་དུ་གཞག་པར་
[178b.4]བྱའོ། །ལྷུང་བཟེད་ལ་སོགས་པ་སློང་ན་མྱུར་དུ་ཉེ་བར་བསྟེན་པར་བྱའོ། །མཆོད་པར་བྱེད་པ་ན་ཐ་ན་དགེ་འདུན་གྱི་ལས་ཀྱང་བྱའོ། །ནད་གཡོག་གིས་སྦྱིན་པར་བྱ་བ་བསྐུལ་བར་བྱའོ། །ཆོས་གོས་གསུམ་ཙམ་དུ་ཟད་ན་དགེ་འདུན་ལ་དབུལ་བར་བསྐུལ་བར་མི་བྱའོ། །ཕུལ་ན་ཡང་མ་
[178b.5]ཤིའི་བར་དུ་མི་བགོའོ། །ནད་པ་དང་ནད་གཡོག་གཅིག་ལ་གཅིག་གིས་མཉན་པར་བྱའོ། །ཇི་སྐད་བསྟན་པ་བཞིན་མ་བྱས་ན་ཐམས་ཅད་དུ་ཡང་ཉེས་བྱས་སོ། །ཕན་པ་ཞེས་བྱ་བ་ནི་རྗེས་སུ་མཐུན་པའོ། །སོ་སོར་བསྟེན་པ་ཞེས་བྱ་བ་ནི་ཁའི་ཐ་སྙད་དོ། །གང་ཡང་ཐ་སྙད་དུ་བྱ་བར་མི་
[178b.6]འོས་པ་དེ་འདས་ཀྱང་ལྟུང་བ་མེད་དོ། །སྨན་ཞེས་བྱ་བ་ནི་སྨན་ལ་རྣམ་པ་བཞི་སྟེ། དུས་སུ་རུང་བ་དང་། ཐུན་ཚོད་དུ་རུང་བ་དང་། ཞག་བདུན་པ་དང་། ཇི་སྲིད་འཚོའི་བར་དུ་བཅང་བ་སྟེ། སྨན་གྱི་བྱེ་བྲག་བྱེད་དུ་མི་བྱེད་ཀྱང་རུང་ཐ་སྙད་ཀྱི་ཚིག་ཏུ་ནི་འདི་དག་ནད་པ་ཉིད་ལ་རུང་གི་གཞན་
[178b.7]ནི་མ་ཡིན་ནོ། །སྨན་བཞི་པོ་ཡང་ནད་པར་འདུ་ཤེས་ཉེ་བར་གཞག་ལ་ཡོངས་སུ་ལོངས་སྤྱད་པར་བྱའོ། །དེ་ལ་དུས་སུ་རུང་བ་ནི་སྐྱོ་མ་དང་། འབྲས་ཆན་དང་། ཟན་དྲོན་དང་། ཤ་དང་ཁུར་བའོ། །ཐུན་ཚོད་དུ་རུང་བ་ནི་བཏུང་བ་བརྒྱད་དེ། ཤིང་ཏོག་ཙོ་ཙ་དང་། ཆུ་ཤིང་གི་
[179a]
[179a.1]འབྲས་བུ་དང་། གོ་ལ་དང་། ཨ་ཤྭད་ཐ་དང་། ཨུ་དུམ་བཱ་ར་དང་། རྩུབ་འགྱུར་དང་། རྒུན་འབྲུ་དང་། འབྲ་གོ་ལ་སོགས་པ་ལས་བྱས་པའི་བཏུང་བའོ། །ཤིང་ཏོག་པི་ཛ་པཱུ་ར་ཀ་ལ་སོགས་པའི་བཏུང་བའང་རྗེས་སུ་གནང་ངོ་། །འདི་ཇི་སྐད་དུ་གསུངས་པ་གལ་
[179a.2]ཏེ་གང་ཤིན་ཏུ་དང་བ་དེ་པི་ཛ་པཱུ་ར་ཀ་ལ་སོགས་པ་དང་བསྲེ་བར་བྱའོ། །དེ་བཞིན་དུ་རྒུན་འབྲུའི་ཁུ་བ་དང་། དྲོ་འཛའ་དང་། བུ་རམ་གྱི་བཏུང་བ་དང་དེ་བཞིན་དུ་བུ་རམ་ཤིང་གི་ཁུ་བའི་བཏུང་བ་ཡང་ངོ་། །ཞག་བདུན་པ་ནི། ཇི་ལྟར་མདོ་ལས་བྱུང་བ་བཞིན་ནོ། །ཇི་སྲིད་འཚོའི་བར་
[179a.3]དུ་ཡང་བཅང་བ་ནི་རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུའི་སྨན་ནོ། །དེ་ལ་རྩ་བའི་སྨན་ནི་ཤུ་དག་དང་། ཡུང་བ་དང་། སྒེའུ་གཤེར་དང་། བོང་ང་ལ་སོགས་པ་སྟེ། གང་རྩ་བའི་སྨན་དུ་ནི་འགྱུར་གྱི་ཟས་ཀྱི་དོན་དུ་ཁྱབ་པར་བྱེད་པ་མ་ཡིན་ནོ། །དེ་བཞིན་དུ་
[179a.4]གཞན་དག་ལའང་བརྗོད་པར་བྱའོ། །སྡོང་བུའི་སྨན་ནི་ཙན་དན་དང་། དབྱི་མོ་དང་། ཤུག་པ་དང་། ཐང་ཤིང་དང་། སླེ་ཏྲེས་དང་། སྐྱེར་པ་ལ་སོགས་པའོ། །ལོ་མའི་སྨན་ནི་ཤིང་པ་ཏོ་ལའི་ལོ་མ་དང་། བ་ཤ་ཀའི་ལོ་མ་དང་། ནིམ་པའི་དང་། ཀོ་ཤ་ཏ་ཀའི་དང་། འདབ་མ་
[179a.5]བདུན་པོའི་ལོ་མ་ལ་སོགས་པའོ། །མེ་ཏོག་གི་སྨན་ནི་ད་ཏ་ཀི་དང་། ན་ག་པུཥྤ་དང་། པདྨའི་གེ་སར་ལ་སོགས་པའོ། །འབྲས་བུའི་སྨན་ནི་སྐྱུ་རུ་ར་དང་། ཨ་རུ་ར་དང་། ན་ལེ་ཤམ་དང་། པི་པི་ལིང་ལ་སོགས་པའོ། །འདི་ལྟར་ཐང་ཆུ་ལྔ་སྟེ། ཤིང་ཀུན་དང་། ས་རྫར་ས་དང་། རྒྱ་སྐྱེགས་
[179a.6]དང་། སྤྲ་ཚིལ་དང་། དེ་དག་ལས་གཞན་པའི་ཡང་ཤིང་ལས་ཐང་ཆུ་འབྱུང་བ་རྣམས་སོ། །འགྱུར་བྱེད་ནི་ཏིལ་གྱི་འགྱུར་བྱེད་དང་། ནས་ཀྱི་འགྱུར་བྱེད་དང་། ནས་ཀྱི་འགྱུར་བྱེད་ཀྱི་གྲ་མ་དང་། སརྫི་ཀའི་འགྱུར་བྱེད་དང་། ཤིང་བ་ཤ་ཀ་དང་རྣམས་ཀྱི་ཡང་ངོ་། །ལན་ཚྭ་ལྔ་སྟེ། སིན་
[179a.7]དྷ་དང་། རྩ་ལ་རུ་ཚ་དང་། ཁ་རུ་ཚ་དང་། བ་ཚ་དང་། རྒྱ་མཚོའི་ཚའོ། བསྐ་བ་ལྔ་སྟེ། ཤིང་ཨ་མྲ་དང་། ནིམ་པ་དང་། འཛམ་བུ་དང་། ཤི་རི་ཤའི་དང་། ཀོ་ཤམ་པའི་བསྐ་བའོ། །འདིར་ནི་རིགས་ཙམ་ཉེ་བར་མཚོན་པའི་དོན་དུ་བསྟན་པ་ཡིན་གྱི་ངེས་པར་གཟུང་བའི་དོན་དུ་ནི་མ་ཡིན་ནོ། །དེ་ལ་
[179b]
[179b.1]དུས་སུ་རུང་བ་རྣམ་པར་ངེས་པ་ནི་དུས་མ་ཡིན་པ་སྤང་བའི་ཕྱིར་དུས་སུ་རུང་བ་ཉིད་དུ་རྗེས་སུ་གནང་བས་ན་དུས་སུ་རུང་བའོ། །ནད་ཚབས་ཆེ་ན་ནི་གལ་ཏེ་དེ་མེད་ན་ནད་དབྱུང་དུ་མི་བཏུབ་ན་དུས་མ་ཡིན་པར་རུང་བ་སྟེ། ཡང་རྗེས་སུ་གནང་ངོ་། །ཐུན་ཚོད་དུ་རུང་བ་ལ་སོགས་པ་ལ་ཡང་དེ་དང་
[179b.2]འདྲེས་ན་དུས་སུ་རུང་བ་ཉིད་ཅེས་བྱའོ། །བྱ་རོག་དང་། བྱ་གར་དང་། སྦལ་བ་དང་། སྲིན་བུ་པདྨ་དང་། བྱ་རྒོད་དང་། ཆུ་སྐྱར་དང་། བྱ་འོལ་བ་དང་། འུག་པ་རྣམས་ཀྱི་སྟེ། གང་གི་པགས་པ་མི་རུང་བ་དེའི་ཤ་དང་། རུས་པ་དང་། རྒྱུས་པ་ཡང་མི་རུང་ངོ་། །དེ་བཞིན་
[179b.3]དུ་གླང་པོ་ཆེ་དང་། རྟ་དང་། ཝ་དང་། སྤྲེའུ་དང་། ཀླུ་དང་། བྱ་གང་མི་ཤ་ཟ་བ་རྣམས་ཀྱི་ཡང་ངོ་། །སྟག་གི་གོང་ཀྱི་ཤ་མི་ཟའོ། །མིའི་ཤ་ནི་སྦོམ་པོའོ། །དགེ་འདུན་གྱི་གནས་བརྟན་གྱིས་ཤ་འདྲིམ་པའི་ཚེ་འདི་ཅིའི་ཤ་ཡིན་ཞེས་དྲི་བར་བྱའོ། །དེས་མ་དྲིས་ན་འོག་མ་གཉིས་པ་ལ་
[179b.4]སོགས་པས་ཀྱང་སྟེ། མ་དྲིས་ན་ལྟུང་བའོ། །བདག་གི་ཆེད་དུ་བྱས་པ་མཐོང་ངམ། ཡིད་ཆེས་པ་དང་ལས་ཐོས་སམ། དེའི་བྱེད་པ་ལས་ཡོངས་སུ་རྣམ་པར་བརྟགས་ནས་ཀྱང་ཤེས་པ་ཉིད་ཀྱི་ཆེད་དུ་བྱས་པ་མི་བཟའོ། །སྨན་པས་ལུང་ཕོག་ན་ནད་པ་ལ་ཤ་རྗེན་ཡང་རུང་
[179b.5]རྗེས་སུ་གནང་སྟེ། རས་ཀྱིས་མིག་དག་བཀབ་ལ་ཟས་སྦྱིན་ནོ། །ཟས་གྱ་ནོམ་པ་རྣམས་མདུན་དུ་གཞག་པ་ཉིད་ཀྱིས་རས་དགྲོལ་ལོ། །དེ་ལ་ཤ་འཚོང་བའི་གནས་ཆེན་པོ་ལྔ་རྣམས་ལས་དད་པ་ཅན་ཉིད་ཀྱིས་བླངས་ནས་ཁྱེར་བར་བྱའོ། །མིའི་འོ་མ་བཏུང་བར་མི་བྱ་སྟེ། མིག་ལ་སྐུད་པ་ལ་ནི་
[179b.6]ལྟུང་བ་མེད་དོ། །བརྟད་པའི་བསོད་སྙོམས་ལྔ་ཟ་བར་རྗེས་སུ་གནང་སྟེ། ནད་པ་དང་ནད་གཡོག་དང་གློ་བུར་དུ་འོངས་པ་དང་། ལམ་དུ་ཞུགས་པ་དང་། དགེ་སྐོས་སོ། །ནང་དུ་བཙོས་པ་དང་། ནང་དུ་ཞག་ལོན་པ་དང་། དེ་གཉི་གའང་བཟའ་བར་མི་བྱའོ། །ནང་དུ་ཞག་ལོན་པ་ནི་ཀུན་
[179b.7]དགའ་ར་བའི་ནང་དུ་ས་མ་བརྐོས་པ་རུང་བ་མ་ཡིན་པར་གང་ཞག་ལོན་པའོ། །ཐམས་ཅད་དུ་དགེ་སློང་གིས་བཙོས་པ་བཟའ་བར་མི་བྱ་སྟེ། མུ་གེ་བྱུང་བ་མ་གཏོགས་སོ། །འབྲས་སུམ་ཆ་ཚོས་པ་དང་། ལྡམ་ལྡུམ་དང་མེ་ཏོག་དང་འབྲས་བུ་དང་ཤ་དང་ཉ་ཁ་དོག་ཡོངས་སུ་གྱུར་པ་དང་། འོ་མ་ལ་
[180a]
[180a.1]སོགས་པ་ལན་གསུམ་ཁོལ་བ་དེ་དག་རང་གིས་བཙོས་ཏེ་ཟོས་ཀྱང་ལྟུང་བ་མེད་དོ། །ཟ་བའི་ཚེ་ཐོག་མར་མུ་ཏོ་བ་རྣམས་ལ་མི་སྦྱིན་ནོ། །གཞན་གྱི་དེ་ཟ་བ་ལས་སྦྱིན་བདག་གཞན་ཞིག་གིས་བཅའ་བ་ལ་སོགས་པ་བསྐུར་བ་ན་སྦྱིན་བདག་ལ་སྔར་ཀུན་དུ་བལྟས་ཏེ་བླང་ངོ་། །དཀོན་
[180a.2]མཆོག་གསུམ་གྱི་མཚན་ནས་བོས་ཏེ་བྱིན་ན་གང་རྐང་གཉིས་རྣམས་ཀྱི་མཆོག་དེ་ལ་སོགས་པ་ལའམ་ཞེས་དྲིས་ཏེ་གལ་ཏེ་དེ་ལ་ཞེས་ཟེར་ན་མི་བླང་ངོ་། །ཇི་སྟེ་ཁྱོད་ཉིད་བདག་ཅག་གི་སངས་རྒྱས་སོ་ཞེས་ཟེར་ན་བླང་བར་བྱའོ། །ནད་པའི་ཕྱིར་ནི་ནས་ཐུག་ཐམས་ཅད་ཀྱང་རྗེས་སུ་གནང་ངོ་། །
[180a.3]ཁ་ཟས་འཕོ་བའི་སར་རྡོག་པས་བརྫི་བར་མི་བྱའོ། །ཆུ་མེད་ན་བ་བཞོན་མང་པོའི་སར་ནི་ཞོ་ག་ཆུ་དང་དར་བའི་དངས་མ་རྣམས་ཀྱིས་རྐང་པ་བཀྲུས་ཀྱང་ལྟུང་བ་མེད་དོ། །མུ་གེ་བྱུང་བའི་ཚེ་ཁྱེའུ་སུས་རྗེས་སུ་གནང་ངོ་། །དེ་ལྟར་བསོད་སྙོམས་རྙེད་དེ་བླངས་ལ་ཁྱིམ་གཞན་དུ་ཟོས་ཏེ་སྤང་བར་བྱས་ཀྱང་
[180a.4]ཕྱིས་འདོད་ན་སྔར་བླངས་པ་བྱས་པ་བཟའ་བར་བྱའོ། །དེ་བཞིན་དུ་རང་གིས་མནོས་ཏེ་ཟོས་པའི་ལྷག་མ་དང་། སྤྱི་བུངས་སུ་འོངས་པའི་ལྷག་མ་ཁྱིམ་པ་དག་གིས་ཁྱེར་ཏེ་འོངས་ནས་བྱིན་ན་སྔར་བཏང་བ་ཡིན་ནོ་ཞེས་བྱ་སྟེ། ལོངས་སྤྱད་པར་བྱའོ། །ཤིང་ཏོག་ཨ་མྲ་བཟའ་བར་མི་བྱ་སྟེ། ཚི་
[180a.5]གུ་ཆགས་སམ་ཤ་ཞུགས་པ་ཟོས་ན་ལྟུང་བ་མེད་དོ། །ཐུན་ཚོད་དུ་རུང་བའི་རྣམ་པར་ངེས་པ་ནི་བཞི་ཆར་ཡང་རང་གི་དུས་ཀྱི་དབང་གིས་བཟའ་བར་བྱའོ། །ཕྱི་དྲོ་བྱིན་ལེན་བྱས་ནས་མཚན་མོའི་ཐུན་དང་པོའི་བར་དུ་རུང་བས་ན་ཐུན་ཚོད་དུ་རུང་བ་ཞེས་མཆོག་ཏུའོ། །ཞག་བདུན་པའམ། ཇི་སྲིད་
[180a.6]འཚོའི་བར་དུ་བཅང་བ་ཡང་ཐུན་ཚོད་དུ་རུང་བ་དང་། འདྲེས་ན་ཐུན་ཚོད་དུ་རུང་བ་ཉིད་དོ། །དེ་བཞིན་དུ་ཚྭ་དང་། དགུན་ཆང་གི་ཚྭ་དང་། སྐྱུར་བོའི་ཁུ་བ་དང་། རྩབ་མོ་དང་། །ཞོ་ག་ཆུ་དང་། དར་བའི་དངས་མ་དང་འདི་རྣམས་ཆུས་བཏབ་སྟེ་རས་ཚགས་ཀྱིས་བཙགས་པ་འདམ་བུའི་ཉག་
[180a.7]མའི་ཁ་དོག་ལྟ་བུ་ནི་དུས་ཡིན་ཡང་རུང་། དུས་མ་ཡིན་ཡང་རུང་། ན་ཡང་རུང་མི་ན་ཡང་རུང་། དེ་ལྟ་བུ་ནི་བཏུང་བར་བྱའོ། །དེ་ལ་ཚྭ་ནི་རྫས་བཏགས་པ་དང་ཆུ་དང་ཡང་སྦྱར་བའོ། །སྐྱུར་པོའི་ཁུ་བ་ཞེས་བྱ་བ་ནི་རྒྱུ་ཤུག་དང་ཆུ་དང་ཡང་སྦྱར་བའོ། །གཞན་དག་ནི་སྐྱུར་པོའི་ཁུ་བ་ཞེས་
[180b]
[180b.1]བྱ་བ་ནི་རྩ་བའི་སྨན་ལ་སོགས་པ་ལས་གྱུར་པའོ་ཞེའོ། །རྩབ་མོ་ཞེས་བྱ་བ་ནི་འབྲུ་རྣམས་བརྔོས་པ་དང་། ཆུ་དང་ཡང་སྦྱར་བའོ། །རྣམ་པ་གཞན་དུ་ན་འབྲས་ཐུག་པོ་ཆེའི་བཙོས་པའི་ཁུ་ལེ་དང་། འབྲས་ཐུག་པོ་ཆེའི་བཀྲུས་པའི་ཁུ་ལེའམ་ཆུ་དྲོན་པོའི་ནང་དུ་འབྲས་ཆན་ཚིག་པ་རྣམས་བླུགས་ཏེ་
[180b.2]ནམ་སྐྱུར་བར་གྱུར་པ་དེ་ནི་བཏུང་བའོ། །ཞོ་ག་ཆུས་ཞེས་བྱ་བ་ནི་ཞོ་ལས་འཁུས་པའི་ཁུ་བའོ། །ཇི་ལྟར་བུ་རམ་གྱི་བཏུང་བ་བརྗོད་པ་དེ་བཞིན་དུ་ཤ་ཁ་ར་ལ་སོགས་པ་ལ་ཡང་སྦྱར་ཏེ། རྒྱ་ཤུག་ལ་སོགས་པའི་འབྲས་བུའི་ཁུ་བ་དང་འདྲེས་པར་བྱའོ། །བུ་རམ་འབའ་ཞིག་གི་ཁུ་བ་ནི་ནམ་མྱོས་
[180b.3]པར་མི་འགྱུར་བ་དང་། ཟས་སུ་མ་གྱུར་པ་དང་། སྐྱུར་བར་མ་གྱུར་པ་དང་། བསྐ་བར་མ་གྱུར་པ་དང་། དང་བ་དང་རང་བཞིན་མི་གཏོང་བའི་བར་དུ་ཞག་བདུན་དུ་བྱིན་གྱིས་བརླབས་ཏེ་ཚུན་ཆད་དུ་བཏུང་ངོ་། །བཏུང་བ་བརྒྱད་པོ་དག་ནི་འབྲས་བུ་དུས་སུ་བླངས་ནས་མཉེས་ཏེ་བཙགས་ལ་དུས་ཉིད་དུ་
[180b.4]བྱིན་ལེན་བྱས་ཏེ་དུས་ཉིད་དུ་ལོངས་སྤྱད་པར་བྱའོ། །ཁྱིམ་པས་བྱས་ཟིན་པ་ཞིག་ལ་གང་དུས་སམ་དུས་མ་ཡིན་ཡང་རུང་བྱིན་ལེན་བྱས་ལ་བྱིན་གྱིས་བརླབས་ནས་ཕྱིས་ལོངས་སྤྱད་པར་བརྗོད་པར་བྱ་སྟེ། མཚན་མོའི་ཐུན་དང་པོའི་ཐུན་ཚོད་ལས་མ་འདས་པ་ཚུན་ཆད་དུའོ། །དུས་མ་ཡིན་ཡང་
[180b.5]བཏུང་བར་རུང་བ་ཡོད་དེ་གང་ཆུས་བཏབ་ཅིང་རས་ཀྱི་ཚགས་ཀྱིས་བཙགས་པའོ། །དུས་སུ་རུང་བ་ཡང་ཡོད་དེ་སླར་བཟློག་པའོ། །ཞག་བདུན་པའི་རྣམ་པར་ངེས་པ་ནི་ལྷན་ཅིག་བླངས་ཏེ་བྱིན་གྱིས་བརླབས་ནས་ཞག་བདུན་དུ་བཟོད་པ་དེ་ནི་ཞག་བདུན་པའོ། །ཇི་སྲིད་འཚོའི་བར་དུ་
[180b.6]བཅང་བ་ཡང་འདྲེས་ན་ཞག་བདུན་པར་འགྱུར་རོ། །དུས་མ་ཡིན་པའི་བཟའ་བ་བུ་རམ་དང་མར་ལ་སོགས་པ་བསྙེན་པར་མ་རྫོགས་པ་མེད་ན་ཞག་བདུན་དུ་བྱིན་གྱིས་བརླབས་ལ་ལམ་དུ་འགྲོ་ན་དགེ་སློང་ཉིད་ཀྱིས་ཁྱེར་བར་བྱའོ། །ཞག་བདུན་དུ་བྱིན་གྱིས་བརླབས་པ་ལ་ལྔ་པོ་྅རྣམས་ཀྱིས་
[180b.7]ལོངས་སྤྱད་པར་བྱ་སྟེ། ལམ་ལས་འོངས་པ་དང་། ཟན་ཆད་པ་དང་། ན་བ་དང་། དགེ་སྐོས་ཀྱིས་དང་། ལག་གི་བླས་སོ། །བུ་རམ་གྱི་གཟུངས་སུ་བྱ་བའི་ཕྱིར་བག་ཕྱེ་དང་། འབྲས་ཀྱི་ཚིགས་མ་ལ་སོགས་པ་དུས་སུ་རུང་བ་བླུགས་ཀྱང་གཞི་ཡོངས་སུ་དག་པའི་ཕྱིར་དུས་
[181a]
[181a.1]མ་ཡིན་པར་ཡང་ལོངས་སྤྱད་པར་བྱའོ། །དེ་བཞིན་དུ་ལམ་དུ་གང་འབྲས་ཐུག་པོ་ཆེའི་ནང་དུ་བཅུག་ན་དེ་ཡང་སྤྲུག་པར་བྱའོ། །གང་ཕྱིའི་ནང་དུ་བཅུག་པ་དེ་ནི་བཀྲུའོ། །གལ་ཏེ་ཞུ་བ་ཞིག་ན་འོད་མའི་ཚལ་པས་བཞར་ལ་ཆུས་བཀྲུའོ། །གལ་ཏེ་ཁ་ཟས་དང་དབྱེར་མི་ནུས་
[181a.2]ན་དག་པར་བྱས་ཏེ། ཆུ་དང་ལྷན་ཅིག་མཉེས་ལ་རས་ཀྱིས་བཙགས་ཏེ་བཏུང་བར་བྱའོ། །དེ་ཟས་ཀྱི་བྱ་བ་བྱེད་མི་ནུས་སོ་ཞེས་བྱའོ། །བུ་རམ་ལ་སོགས་པ་ནི་ནའམ་མི་ན་ཡང་རུང་། དུས་སམ་དུས་མ་ཡིན་པར་ཡང་རུང་བཟའ་བར་བྱ་སྟེ། དེ་བཞིན་དུ་ཐུན་ཚོད་དུ་རུང་བ་དང་། ཇི་སྲིད་
[181a.3]འཚོའི་བར་དུ་བཅང་བར་ཡང་ངོ་། །ཞག་ལྔ་པོ་དུས་མ་ཡིན་པར་བཙོས་ཤིང་བཙགས་ནས་བྱིན་ལེན་བྱས་ཏེ་བྱིན་གྱིས་བརླབས་པ་གང་ཟག་གིས་ཡོངས་སུ་ལོངས་སྤྱད་པར་མི་བྱའོ། །ཉ་དང་ཆུ་སྲིན་དང་། ཆུ་སྲིན་བྱིས་པ་གསོད་དང་། དོམ་དང་། ཕག་རྣམས་ཀྱི་དུས་སུ་བཙོས་ཤིང་
[181a.4](བརྩགས་,བརྩེགས་)ནས་བྱིན་ལེན་བྱས་ཏེ་བྱིན་གྱིས་བརླབས་པ་འབྲུ་མར་ཡོངས་སུ་ལོངས་སྤྱོད་པ་བཞིན་དུ་ཡོངས་སུ་ལོངས་སྤྱད་པར་བྱའོ། །སླར་བཟློག་པ་ནི་མ་ཡིན་ནོ། །ནད་ལས་སོས་ནས་ཡང་གཞན་གྱི་ཕྱིར་བཅང་བར་བྱའོ། །སློང་བ་ཡོད་ན་ཡང་སློང་མོར་སྦྱིན་ནོ། །ཡང་ནད་པའི་རུང་
[181a.5]བའི་ཁང་པར་གཞག་ལ། གང་ལ་ཅི་དགོས་པ་དེ་བསྐུར་གྲང་ཞེས་སོ། །རྣམ་པ་གཞན་དུ་ན་འགལ་ཚབས་ཅན་དུ་འགྱུར་རོ། །མི་རུང་བའི་སྨན་དང་། ལྷན་ཅིག་བཙོས་པའི་འབྲུ་མར་ཐ་སྙད་དུ་མི་བྱའོ། །ཡན་ལག་གི་རྨ་སྐུད་པ་དང་། སྣའི་ལས་བྱེད་པ་ལ་ལྟུང་བ་མེད་དོ། །འབྲུ་
[181a.6]མར་ཤིང་དང་། འོ་མ་དང་། ཏིལ་དང་། ཤ་དུས་མ་ཡིན་པར་བྱིན་ལེན་བྱ་སྟེ། བཙིར་ཏེ་བཙགས་ནས་བྱིན་གྱིས་བརླབས་པ་ལ་སོགས་ལོངས་སྤྱད་པར་མི་བྱའོ། །སྦྲང་རྩི་ཆུས་བཏབ་ན་དུས་མ་ཡིན་པར་ཡང་རུང་བཟའ་བར་བྱ་སྟེ། འདིར་ཤེས་པར་བྱེད་པ་ནི་སྤྲེའུ་ཅང་ཤེས་ཀྱི་དཔེ་
[181a.7]ལས་སོ། །གླང་པོ་ཆེ་དང་། རྟ་ཅང་ཤེས་དང་། སེང་གེ་དང་། སྟག་དང་། གཟིག་རྣམས་ཀྱི་ཞག་གིས་རྐང་པ་བྱུགས་ན་ཉེས་བྱས་སོ། །ཇི་སྲིད་འཚོའི་བར་དུ་བཅང་བའི་རྣམ་པར་ངེས་པ་ནི་ཤུ་བའི་ནད་ཀྱིས་བཏབ་པ་ལ་བསྐ་བ་རྣམ་པ་ལྔ་ཉི་གྲིབ་ལ་བསྐམས་ཏེ་ཕྱེ་མའི་མིག་སྨན་
[181b]
[181b.1]བྱས་ཏེ་ལག་པས་དྲིལ་ནས་ཡང་བསྐབས་བཏབ་སྟེ་གཞག་པར་བྱའོ་ཞེས་བྱ་བར་རྗེས་སུ་གནང་ངོ་། །ནད་སོས་ནས་ཡང་བཞག་བཞིན་ཏེ། དོར་བར་མི་བྱའོ། །མི་རུང་བའི་ཞག་ལས་བཙོས་པའི་ལན་ཚ་མི་བཟའོ། །སྨན་པས་ལུང་ཕོག་པས་མིག་སྨན་ལྔ་བསྟེན་པར་བྱ་སྟེ། མེ་ཏོག་གི་མིག་སྨན་
[181b.2]དང་། ཁུ་བའི་མིག་སྨན་དང་། ཕྱེ་མའི་མིག་སྨན་དང་། རི་ལུའི་མིག་སྨན་དང་། རྒྱ་ཤུག་གི་མིག་སྨན་ནོ། །ནད་སོས་ན་ཡང་གཞན་གྱི་ཕྱིར་མེ་ཏོག་གི་མིག་སྨན་ནི་སྣོད་ཀྱི་ནང་དུ་གཞག་གོ། །ཁུ་བའི་མིག་སྨན་ནི་ཟ་མ་ཏོག་ཆུང་ངུའི་ནང་དུའོ། །ཕྱེ་མའི་མིག་སྨན་ནི་སྦུ་གུའི་ནང་དུའོ། །
[181b.3]རི་ལུའི་མིག་སྨན་དང་། སེའུ་བི་རའི་མིག་སྨན་ནི་སྒྱེའུའམ་ཐུམ་པོར་བཅིང་ངོ་། །རྣམ་པ་གཞན་དུ་ན་འགལ་ཚབས་ཅན་དུ་འགྱུར་རོ། །རྒྱན་དུ་བྱས་པའི་མིག་སྨན་གྱིས་མིག་སྨན་མི་བྱ་མོད་ཀྱི་འོན་ཀྱང་སྨན་གྱི་མིག་སྨན་གྱིས་སོ། །མིག་སྨན་བསྐུ་བའི་ཐུར་མ་ནི་གཉིས་ཏེ། ལྕགས་དང་། ཟངས་ཀྱི་རང་
[181b.4]བཞིན་ནོ། །སྨན་རྣམས་ཉི་གྲིབ་ལ་སྐམས་སུ་བཅུག་པ་ལས་ཆར་འབབ་བམ་འབབ་དུ་དོགས་ཀྱང་རུང་། བསྙེན་པར་མ་རྫོགས་པ་མེད་ན་བདག་ཉིད་ཀྱིས་ནང་དུ་བཅུག་ལ་ལག་ཉར་བླངས་པའི་ལྟུང་བ་མེེད་དོ། །འདྲེས་ན་ཡང་བཏུས་ལ་བཟའོ། །གང་ན་བའི་དུས་སུ་རྗེས་སུ་གནང་
[181b.5]བ་བདེ་བར་གནས་པའི་གནས་སྐབས་སུ་མི་བྱའོ། །དུས་སུ་རུང་བ་དང་ལྷན་ཅིག་འདྲེས་པའི་ཅི་སྲིད་འཚོའི་བར་དུ་བཅང་བ་བྱིན་གྱིས་བརླབས་པ་རྙེད་ན་མི་བཟའོ། །དེ་བཞིན་དུ་ཐམས་ཅད་ཀྱང་ཕན་ཚུན་འདྲེས་ལ། དེ་ཉིན་མོ་བྱིན་ལེན་བྱས་ལ་སྨན་རྣམ་པ་བཞི་པོ་རང་གི་རིགས་དང་མཐུན་པའམ།
[181b.6]རང་གི་རིགས་དང་མཐུན་པ་མ་ཡིན་པ་དང་འདྲེས་ཀྱང་བཟའ་བར་བྱའོ། །དེའི་ཉིན་མོ་བྱིན་ལེན་བྱས་ལ། ཕན་ཚུན་འདྲེས་ན་དུས་སུ་བཟའ་བར་བྱའོ་ཞེས་མ་མོ་ལས་འབྱུང་ངོ་། །སྨན་བཞི་པོ་གསོག་འཇོག་དང་། ལག་ཉར་བླངས་པ་དང་། ནང་དུ་ཞག་ལོན་པ་བྱིན་གྱིས་བརླབ་པར་མི་བྱའོ། །
[181b.7]སྨན་པས་ལུང་ཕོག་ན་རྣམ་པར་གྱུར་པ་བཟའ་བར་བྱའོ། །དད་པ་ཅན་གྱིས་དེ་བྱིན་ལེན་བྱས་པ་ཡང་ངོ་། །དེ་ཡང་རྣམ་པ་བཞི་སྟེ། བེའུ་འབྲངས་ནས་རིང་པོ་མ་ལོན་པའི་ལྕི་བ་དང་། དེ་ཉིད་ཀྱི་གཅིན་དང་། ཤིང་ཀན་ཚ་ན་དང་། ཀ་པི་ཏ་ལ་དང་། ཨ་ཤྭད་ཐ་དང་། ཨུ་དུམ་བཱ་ར་དང་།
[182a]
[182a.1]ནྱ་གྲོ་དྷའི་ཤིང་དེ་རྣམས་ཀྱི་ཐལ་བ་དང་། སའི་སྟེང་ནས་སོར་བཞིའི་འོག་ནས་བླངས་པའི་སའོ། །སྒོག་སྐྱ་དང་། བཙོང་དང་། ཀེའུ་བཟའ་བར་མི་བྱའོ། །ན་བ་ལ་ནི་ལྟུང་བ་མེད་དོ། །དེ་ལ་ཀུན་དུ་སྤྱད་པ་ནི་དགེ་འདུན་གྱི་གཙུག་ལག་ཁང་དང་། མལ་ཆ་དང་
[182a.2]སྟན་དང་། སྣམ་ཕྱིས་དང་། ཆབ་ཀུང་སར་འདུག་པར་མི་བྱའོ། །དགེ་འདུན་གྱི་ནང་དུ་ཡང་འཇུག་པར་མི་བྱའོ། །མཆོད་རྟེན་ལ་ཡང་ཕྱག་མི་བྱའོ། །ཁྱིམ་པ་ལྷགས་པ་རྣམས་ལ་ཡང་ཆོས་མི་བཤད་དོ། །ཁྱིམ་པའི་ཁྱིམ་དུ་ཡང་འགྲོ་བར་མི་བྱའོ། །དེ་ལ་ཡོངས་སུ་ལོངས་སྤྱད་ན་ཞག་
[182a.3]བདུན་གྱི་བར་དུ་ཆོ་ག་བཞིན་དུ་འདུག་ལ། དྲི་མེད་པར་བྱས་ཏེ། དེའི་ཕྱོགས་ཀྱང་སྐྱང་ནུལ་གྱིས་བྱུགས་ལ། ཁྲུས་བྱས་ནས་ཆོས་གོས་རྣམས་བཀྲུ་བར་བྱའོ། །བཙོང་གི་བྱ་བ་ནི་ཞག་གསུམ་གྱི་བར་དུ་འདུག་པར་བྱའོ། །ཀེའུ་ནི་ཉིན་ཞག་གཅིག་ཏུའོ། །ནད་པས་སེ་དྷ་བ་ནི་རྭའི་
[182a.4]ནང་དུ་བཅུག་ལ། རྭ་གཉིས་པས་ཁ་བཅད་དེ་གཞག་པར་བྱའོ། །དངོས་པོ་གཅིག་གིས་སྨན་རྣམ་པ་བཞིར་འགྱུར་བ་མཆིས་སམ་ཡོད་དེ། འདི་ལྟ་སྟེ་བུ་རམ་ཤིང་ནི་དུས་སུ་རུང་བའོ། །ཁུ་བ་ནི་ཐུན་ཚོད་དུ་རུང་བའོ། །བུ་རམ་ལ་སོགས་པ་ནི་ཞག་བདུན་པའོ། །བསྲེགས་པ་ནི་ཇི་སྲིད་
[182a.5]འཚོའི་བར་དུ་བཅང་བའོ། །དེ་བཞིན་དུ་གཞན་དག་ཀྱང་རྗེས་སུ་དཔག་པར་བྱའོ། །སྨན་རྣམ་པ་བཞི་པོ་བྱིན་ལེན་མ་བྱས་པར་བྱིན་གྱིས་བརླབས་པའམ། བྱིན་ལེན་བྱས་ལ་བྱིན་གྱིས་མ་བརླབས་པ་ཡང་རུང་སྟེ། བཟར་མི་རུང་ངོ་། །བྱིན་ལེན་བྱས་ལ་བྱིན་གྱིས་བརླབས་པ་ནི་ན་བ་ལ་ཡང་
[182a.6]རུང་མི་ན་བ་ལ་ཡང་རུང་ངོ་། །ནད་པ་ལ་རྣམ་པ་གཉིས་ཏེ་ལྷན་ཅིག་སྐྱེས་པ་དང་། གློ་བུར་དུ་འོངས་པའོ། །དེ་ལྟ་བས་ན་ན་བར་འདུ་ཤེས་ཉེ་བར་བཞག་སྟེ་ཐམས་ཅད་ཀྱང་བཟའ་བར་བྱའོ། །མི་རུང་བའི་སར་སྐྱེས་པའི་ཤིང་གི་འབྲས་བུ་ལ་སོགས་པ་ཐམས་ཅད་དུ་བཟའ་བར་མི་བྱའོ། །
[182a.7]རུང་བའི་སར་སྐྱེས་ཀྱང་། གལ་ཏེ་མི་རུང་བའི་སར་ལྷུང་བ་ནི་ཞག་ལོན་པ་ཡིན་ན་བཟའ་བར་མི་བྱའོ། །རུང་བའི་སར་ལྷུང་བ་ནི་ཞག་ལོན་ཀྱང་བྱིན་ན་བཟའ་བར་བྱའོ། །ཐམས་ཅད་ཀྱང་ཆོ་ག་བཞིན་དུ་མི་བྱས་ན་ཅི་ལྟར་རིགས་པར་སྦྱར་ཏེ། ཉེས་བྱས་ཀྱི་ལྟུང་བར་རིག་པར་བྱའོ། །ཡོ་བྱད་ཀྱི་
[182b]
[182b.1]དངོས་པོའི་དབང་གིས་དེའི་ཡོངས་སུ་བསྲུང་བ་རྣམས་ཀྱང་རྗེས་སུ་གནང་ངོ་། །འདི་ལྟ་སྟེ། མཚན་ཁུག་དང་སྨན་གྱི་ནལ་ཟེ་དང་། སྨན་གྱི་ཕོར་བུ་དང་། དུད་བ་བཏང་བའི་སྦུ་གུ་ལྕགས་ལས་བྱས་པ་སྲིད་སོར་བཅུ་གཉིས་ཀྱི་ཚད་དང་། སྣར་བླུགས་པ་མཆུ་གཉིས་པ་དང་། ཕུལ་བའི་བཏུང་ཕོར་དང་།
[182b.2]ཟ་མ་ཏོག་དང་། རྐང་རྟེན་དང་། རྐང་བརྙན་དང་། འདི་དག་རིན་པོ་ཆེའི་རང་བཞིན་ལས་བྱས་པ་སྤང་ཞིང་བཅང་བར་མི་བྱའོ། །ལྕགས་ཀྱི་གར་བུ་ལྕགས་ཐག་བཏགས་པ་བཅང་བར་བྱའོ། །དེས་ཐོག་མར་རུང་བའི་ཆུ་བསྲོས་ལ་དེའི་འོག་ཏུ་སྤྱད་པའི་ཆུ་བསྲོའོ། །ནད་པ་ལ་ལྕགས་ཀྱི་གཞོང་
[182b.3]རིང་རྗེས་སུ་གནང་ངོ་། །སྨན་བཙོ་བའི་ལྕགས་ཀྱི་གཞོང་པ་དང་། ལྕགས་སྐྱེད་དང་། འཇོར་དང་། སྟ་རེ་དང་། སྟེའུ་དང་། མཆིག་མཆིག་གུ་དང་བཅས་པ་རྗེས་སུ་གནང་ངོ་། །རྐང་པ་ལ་སོགས་པ་བཀྲུ་བའི་དོན་དུ་ཏིལ་མར་བླང་པའི་སྣོད་དང་། ཏིལ་མར་གྱི་སྣོད་དེ་ཡང་རྣམ་པ་
[182b.4]གསུམ་སྟེ། ཆེན་པོ་ནི་ཕུལ་གང་ཤོང་བའོ། །ཆུང་ངུ་ནི་ཕུལ་ཕྱེད་ཤོང་བའོ། །འབྲིང་ནི་དེ་གཉིས་ཀྱི་བར་རོ། །དེ་ཉིད་ཀྱི་རིགས་ཀྱི་ཆ་སྤྱད་བཅང་བར་མི་བྱའོ། །སྔོན་སྨན་པ་བྱས་པས་ཚོན་ལ་སོགས་པའི་སྣོད་འཆང་བ་དང་། སྔོན་ཡི་གེ་བྱེད་པར་རམ་ཕྱིས་འཆང་བ་དང་། བཟོ་མཁན་
[182b.5]ཁབ་འཆང་བ་ནི་མ་གཏོགས་པ་སྟེ། རང་གི་བཟོ་ཉེ་བར་བསྟན་པར་མི་བྱའོ། །ཆར་པ་དང་ཉི་མ་ཚ་བ་བསྐྱབ་པའི་ཕྱིར་གདུགས་རྗེས་སུ་གནང་སྟེ། དེ་ཡང་སྨྱིག་མ་དང་། རྩྭ་དང་། ལོ་མ་དང་གོས་ཀྱི་རང་བཞིན་ལས་བྱའོ། །དཀར་པོ་མ་ཡིན། ཁྲའོ་ཉེ་བར་བཀྲ་བ་མ་ཡིན། རྨ་བྱའི་
[182b.6]སྒྲོ་རྩ་སྦུ་མེད་པ་བཅང་བར་མི་བྱའོ། །ཡུ་བ་ཡང་གསེར་དང་། དངུལ་དང་། བཻ་ཌཱུརྱ་དང་། ཤེལ་གྱི་རང་བཞིན་ལས་བྱས་པ་ཡང་མི་བྱ་བས་རྩིས་མི་བྱུག །ཤིན་ཏུ་རིང་པོ་ཡང་ངོ་། །གདུགས་ཀྱི་ཚད་དུའོ། །གདུགས་སར་པ་ཐོགས་བཞིན་གྲོང་དུ་འཇུག་པར་མི་བྱའོ། །གལ་ཏེ་
[182b.7]དེའི་དབུས་སུ་ལམ་བྱུང་ན་ཡང་ལོགས་བསྙལ་ཏེ་འགྲོ་བར་བྱའོ། །བསོད་སྙོམས་པས་ཀྱང་གོས་བསྲུང་བའི་ཕྱིར་ཡུ་བ་རུང་བར་བྱས་པའི་གདུགས་ཐོགས་ཏེ། བསོད་སྙོམས་ལ་འཇུག་པར་བྱའོ། །ཁྱིམ་དང་པོར་ནི་དེ་བཞག་ལ་སླར་འགྲོ་བའི་ཚེ་ཁྱེར་བར་བྱའོ། །གྲང་བ་དང་།
[183a]
[183a.1]ཚ་བ་དང་། ཚེར་མ་དང་། ས་རྡུལ་ཅན་སྤང་བ་དང་། སེར་ག་སྤང་བ་དང་རྐང་པ་འཇམ་པོ་ལ་གནོད་པ་སྤང་བར་བྱ་བའི་ཕྱིར་མཆིལ་ལྷམ་རིམ་པ་དྲུག་པའི་བར་དུའོ། །དེ་ལས་འདའ་བར་མི་བྱའོ། །ལྷམ་སྒྲོ་གུ་ཅན་ཡང་བཅང་བར་བྱའོ། །གྲང་བས་གནོད་པ་སྤང་བའི་
[183a.2]ཕྱིར་ཞྭ་དང་སྟོད་ཁོར་ནང་ཚངས་ཅན་དང་། གདིང་བ་དང་། སྟན་ཏེ་དེ་རྣམས་ཀྱང་ངོ་། །གྲང་བས་གནོད་པ་སྤང་བའི་ཕྱིར་བགོ་བར་བྱའོ། །སྟེང་གཡོགས་སྟན་ཁྲ་བོ་ཡིན་ལ་དེའི་སྟེང་ཁྲ་བོ་མ་ཡིན་ན་བཅང་བར་བྱའོ། །ཚ་བ་སྤང་བའི་ཕྱིར་བསིལ་ཡབ་རྣམ་པ་གཉིས་རྗེས་སུ་གནང་སྟེ། ཏ་ལའི་
[183a.3]ལོ་མ་དང་། གོས་ལས་བྱས་པའོ། །དེའི་ཡུ་བ་གསེར་དང་། དངུལ་དང་། བཻ་ཌཱུརྱ་དང་། ཤེལ་དང་། ཁྲ་བོ་ཉེ་བར་བཀྲ་བ་དང་། བསེ་རྩིས་བྱུག་པ་མི་བྱའོ། །དེ་བཞིན་དུ་སྦྲང་ཡབ་ཀྱང་ངོ་། །དེ་ཡང་བལ་དང་། ལྡུམ་བུ་ཤ་ན་ཀ་དང་། རས་བལ་ལམ། རས་མའམ། འདབ་
[183a.4]མ་ནི་ཆང་བུ་ལས་བྱའི། །རྟའི་རྔ་མ་ལ་སོགས་པའི་རང་བཞིན་ལས་བྱས་པ་ནི་མ་ཡིན་ནོ། །ཡུ་བ་དང་། བསིལ་ཡབ་ལ་སོགས་པ་དགེ་འདུན་གྱི་ཕྱིར་བླང་བར་བྱའོ། །བདག་གི་ཕྱིར་ནི་མ་ཡིན་ནོ། །རིལ་བ་བསྐུར་དཀའ་བ་སྤང་བའི་ཕྱིར་དྲ་བ་དང་ཁར་བ་ཡང་བཅང་བར་བྱའོ། །བཞོན་པས་
[183a.5]འགྲོ་བར་རྗེས་སུ་གནང་སྟེ། ཤིང་རྟ་དང་། ཤིང་རྟ་ཆུང་ངུ་དང་། ཁྱོགས་སྤྱིལ་དང་། ཟུང་ཁྱོགས་དང་། གླང་པོ་ཆེ་དང་། རྟ་དང་། རྔ་མོ་དང་། བ་ལང་དང་། ཐ་ན་བོང་བུ་ལ་ཡང་རུང་སྟེ། གླང་པོ་ཆེ་མོ་ནས་བོང་མོའི་བར་དུ་ཡང་མོ་ལ་རེག་པའི་ཉེས་པར་མི་འགྱུར་རོ། །དེ་ཡང་གང་ལ་རྗེས་སུ་
[183a.6]གནང་ཞེ་ན་བའམ། ནར་དོགས་པའམ། ན་བའི་མཚན་མ་བྱུང་བའམ། དེ་སྟོབས་ཆུང་བའམ། བཀྲུ་སྨན་གསར་བུ་རྩོམ་པའམ། བཀྲུ་སྨན་བཏང་ན་རིང་པོ་མ་ལོན་པའམ། །ཤིན་ཏུ་གཞོན་ཤ་ཅན་གྱི་རིགས་སམ། གང་ལམ་གྱིས་ངལ་བ་ལྟ་བུའམ། རིང་པོར་འགྲོ་བ
[183a.7]འམ། ཅི་ལྟར་བྱང་ཕྱོགས་ནས་ཤར་ཕྱོགས་སུ་འགྲོ་བའམ། ཤར་ཕྱོགས་ནས་ཏ་ལའི་ཡུལ་དུ་འམ། འདྲོན་པའི་དབང་གིས་ཀྱང་ལམ་དུ་འགྲོ་བའམ། ཤིན་ཏུ་རིང་བར་འགྲོ་བའམ། དགེ་བའི་ཕྱོགས་མངོན་པར་འཕེལ་བར་བྱེད་པ་དེ་ལས་མི་ཉམས་པའི་ཕྱིར་དགེ་བའི་ཕྱོགས་
[183b]
[183b.1]བྱེད་བཞིན་འགྲོ་སྙམ་པའམ། སྦྱིན་བདག་གལ་གྱིས་འཆུ་ན་དེའི་སེམས་བསྲུང་བར་བྱ་བའི་ཕྱིར་རོ། །དེ་ཅིའི་ཕྱིར་ཞེ་ན་ལེགས་པར་གསུངས་པའི་ཆོས་འདུལ་བ་ལ་ཚིག་དོར་གྱི་ཐ་སྙད་བྱ་བའི་ཕྱིར་བསླབ་པར་བཅས་པ་ནི་མ་ཡིན་ནོ། །མདོ་སྡེ་ལས་ཀྱང་འདི་གཉིས་ཀྱིས་ཁྱོགས་
[183b.2]ལ་འགྲོ་བར་བྱ་སྟེ། རྒས་ཤིང་འཁོགས་པས་སྟོབས་ཆུང་བའམ། ན་བས་སྦྱོར་མི་བཟོད་པ་ཞེས་གསུངས་སོ། །ནད་པ་ལ་སྤོས་ཀྱང་རྗེས་སུ་གནང་སྟེ། དེས་སྤོས་ཀྱིས་བྱུགས་བཞིན་དུ་དགེ་འདུན་གྱི་ནང་དུ་འགྲོ་བར་མི་བྱའོ། །ཁྱིམ་པ་རྣམས་ལ་ཆོས་བཤད་པར་མི་བྱའོ། །ཁྱིམ་
[183b.3]གཞན་དུ་འགྲོ་བ་སྤང་བར་བྱའོ། །ནད་སོས་ནས་ཁྲུས་བྱས་ལ་ཆོས་གོས་རྣམས་ལ་ཡང་སྤོས་མེད་པར་བྱའོ། །མིན་བར་སྤོས་ཀྱིས་བྱུགས་ན་ཉེས་བྱས་སོ། །གལ་ཏེ་དད་པ་ཅན་རྣམས་ཀྱིས་བྱིན་ན་ལོང་ལ་མགོ་དང་། རྐང་པའི་མཐའ་ལོགས་སུ་ལག་མཐིལ་གྱིས་བྱུག་པར་བྱའོ། །
[183b.4]དེ་མིག་ལ་ཕན་པའི་ཕྱིར་དུས་དུས་སུ་བསྣམ་པར་བྱའོ། །མེ་ཏོག་ཀྱང་དེ་བཞིན་ནོ། །ཟན་ཟོས་ནས་དད་པ་ཅན་དག་གིས་རྐང་པ་ལ་སྤོས་ཉུག་པ་སྤང་བར་མི་བྱའོ། །དེ་དག་ལྐོག་ཏུ་དོར་བར་བྱའོ། །སེང་གེའི་ཁྲིའི་རྐང་རྟེན་ལ་སྤོས་ཀྱིས་བྱུགས་སམ། སྤོས་ཀྱིས་ཡན་ལག་བྱིན་བྱས་པ་དང་།
[183b.5]རྡོ་ལེབ་བམ་ལོ་མ་གཞག་པ་ལ་རྐང་པ་གཞག་པར་བྱའོ། །གི་ཝང་གིས་ཐིག་ལེ་བྱས་ན་ཉེས་བྱས་སོ། །རྨའི་མཐའ་འཁོར་དུ་བྱུགས་པ་ལ་ལྟུང་བ་མེད་དོ། །སྨན་དེ་ལྟ་བུ་རྣམ་པ་དུ་མ་སྟེ། སྐབས་འདིར་ནི་ཞག་བདུན་པ་ལ་བྱ་སྟེ། ཞུན་མར་ལ་སོགས་པ་བསྟན་པའི་ཕྱིར་རོ།
[183b.6]བཀའ་སྩལ་པ་ཞེས་བྱ་བ་ནི་རྒྱས་པར་བསྟན་པའོ། །འདི་ལྟ་སྟེ་ཞེས་བྱ་བ་ནི་ཉེ་བར་བསྟན་པའི་དོན་གྱི་ཚིག་གི་ཕྲད་དོ། །ཞུན་མར་ཞེས་བྱ་བ་ནི་བ་ལ་སོགས་པ་སྟེ། གང་དག་གི་ཤ་རུང་བའོ། །འབྲུ་མར་ཞེས་བྱ་བ་ནི་ཡུངས་ཀར་དང་ཏིལ་དང་། ཤིང་མ་དུ་ཀའི་འབྲས་བུ་ལ་སོགས་
[183b.7]པའིའོ། །དེ་བཞིན་དུ་ཚིལ་བུ་ཡང་འབྲུ་མར་དང་འདྲ་སྟེ། ཚིལ་བུ་ལས་བཙོས་ཤིང་གང་ཟང་ཟིང་མེད་པའོ། །སྦྲང་རྩི་ཞེས་བྱ་བ་ནི་སྦྲང་མའིའོ། །བུ་རམ་གྱི་དབུ་བ་ཞེས་བྱ་བ་ནི་བུ་རམ་སྟེ། ཁ་ཅིག་ན་རེ་བུ་རམ་ཤིང་གི་ཁུ་བ་དཀར་པོ་ལ་ཡང་བྱའོ་ཞེའོ། །ཞུན་མར་བཟུང་
[184a]
[184a.1]བས་ནི་མར་སར་ཤིན་ཏུ་བཀྲུས་པ་དེ་ཡང་བཟུང་བའོ། །བུ་རམ་གྱི་དབུ་བ་བཟུང་བས་ནི་ལི་ཁ་ར་ལ་སོགས་པའི་ཁུ་བ་སྤང་སྟེ་བུ་རམ་ཤིང་ལས་བྱུང་བའི་རྣམ་པ་ཐམས་ཅད་ལ་ཡང་བྱའོ། །ཞུན་མར་ལ་སོགས་པ་བཟུང་བས་ནི་བཟའ་བ་དང་བཏུང་བ་ཉེ་བར་སྤྱད་པར་
[184a.2]བྱའོ། །མཁྲིས་པ་དང་། རླུང་དང་། བད་ཀན་གསུམ་ཞི་བར་བྱ་བའི་ཕྱིར་ཏེ། སྦྲང་རྩི་རྙིང་པ་དང་། བུ་རམ་རྙིང་པས་ནི་བད་ཀན་ཞི་བར་འགྱུར་རོ། །ཞུན་མར་དང་། ལི་ཁ་རས་ནི་མཁྲིས་པ་ཞི་བར་འགྱུར་རོ། །འབྲུ་མར་གྱིས་ནི་རླུང་ཞི་བར་བྱེད་དོ། །བུ་རམ་གྱི་དབུ་བས་
[184a.3]ནི་གསུམ་ཀ་ཞི་བར་འགྱུར་རོ། །དེ་དག་ལས་ཞེས་བྱ་བ་ནི་ཞོ་ལ་སོགས་པའི་དངོས་པོ་དེ་དག་མ་ཡིན་ནོ། །ཞག་བདུན་པ་ཞེས་བྱ་བ་ནི་མང་བ་ངེས་པར་གཅད་པའོ། །དེ་ཚུན་ཆད་དུ་འཆང་བ་ལ་ལྟུང་བ་མེད་དོ། །རང་གིས་བྱིན་གྱིས་བརླབས་ཏེ་ཞེས་བྱ་བ་ནི་ལག་པ་དག་བཀྲུས་ཏེ།
[184a.4]བྱིན་ལེན་བྱས་ནས་དགེ་སློང་གི་མདུན་དུ་འདུག་ནས་ལག་པ་གཡོན་པའི་སྟེང་དུ་གཞག་ལ་ལག་པ་གཡས་པས་བཀབ་སྟེ། འདི་སྐད་བརྗོད་པར་བྱའོ། །ཚེ་དང་ལྡན་པ་དགོངས་སུ་གསོལ། །བདག་མིང་འདི་ཞེས་བགྱི་བའི་སྨན་ཞག་བདུན་པ་འདི་དག་བདག་དང་ཚངས་པ་མཚུངས་
[184a.5]པར་སྤྱོད་པ་རྣམས་ཀྱིར་བགྱི་བར་ཞག་བདུན་པར་བྱིན་གྱིས་བརླབ་པོ། །དེ་བཞིན་དུ་ལན་གཉིས་ལན་གསུམ་དུའོ། །ཇི་སྲིད་འཚོའི་བར་དུ་བཅང་བ་དང་། དེ་བཞིན་དུ་ཐུན་ཚོད་དུ་རུང་བ་ཡང་བྱིན་གྱིས་བརླབ་པར་བྱའོ། །གསོག་འཇོག་གི་ཡོངས་སུ་ལོངས་སྤྱོད་པས་ལོངས་སྤྱད་
[184a.6]པར་བྱའོ་ཞེས་བྱ་བ་ནི་རང་གིས་བླངས་ལ་བཟའ་བར་བྱ་སྟེ། ཕྱིས་བྱིན་ལེན་བྱ་བ་ནི་མི་དགོས་སོ། །ཇི་སྲིད་འཚོའི་བར་དུ་སྤྱད་པ་ནི་ཇི་སྲིད་འཚོའི་བར་དུའོ། །དུས་སུ་རུང་བ་ཡང་དུས་སུ་རུང་བའོ། །ཐུན་ཚོད་དུ་རུང་བ་ཡང་ཐུན་ཚོད་དུ་རུང་བ་སྟེ། གསོག་འཇོག་གི་ཡོངས་སུ་ལོངས་སྤྱོད་པས་
[184a.7]ཡོངས་སུ་ལོངས་སྤྱད་པར་བྱའོ་ཞེས་བསྟན་པ་ཡིན་ནོ། །མདོར་ན་སྨན་རྣམ་པ་གཉིས་ཏེ། དུས་སུ་རུང་བ་དང་། དུས་མ་ཡིན་པར་རུང་བའོ། །གང་དུས་མ་ཡིན་པར་བཀག་པ་མེད་པ་དེ་ནི་དུས་མ་ཡིན་པར་བྱིན་ལེན་བྱས་ལ་དུས་དང་དུས་མ་ཡིན་པར་ཡང་རུང་བས་ཡོངས་སུ་ལོངས་སྤྱད་པར་བྱའོ། །
[184b]
[184b.1]ལོངས་སྤྱད་པར་བྱའོ་ཞེས་བྱ་བ་ནི་བཟའ་ཞིང་མིད་པའོ། །རྐང་པ་ལ་བསྐུ་བ་ལ་སོགས་པའི་རྒྱུ་མཚན་ལ་ནི་གཞན་གྱིས་ཀྱང་རྙེད་པ་འཆང་དུ་མི་རུང་ངོ་ཞེས་བྱ་བར་བསྟན་ཏོ། །དེ་ལས་འདས་ན་ཞེས་བྱ་བ་ནི་ཞག་བརྒྱད་པ་ལ་སོགས་པར་བསྟན་པའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་
[184b.2]སྨན་གཅིག་གམ་མང་དུ་ཡང་རུང་སྟེ། ཚེས་གཅིག་གམ། གཞན་དུ་རྙེད་ཀྱང་རུང་། ཞག་བདུན་ཚུན་ཆད་དུ་བྱིན་གྱིས་བརླབས་ལ་བཟའ་བར་བྱའོ། །ཡང་ན་གཞན་དུ་གཏང་བར་བྱའོ། །རྐང་པ་ལ་སོགས་པའི་བསྐུ་མཉེའི་རྒྱུ་མཚན་ལ་ཡང་དག་པར་བརྟགས་ནས་སོ། །གཞན་ལ་སྦྱིན་བར་
[184b.3]བྱའོ། །རྣམ་པ་གཞན་དུ་ན་གང་ཅུང་ཟད་ཅིག་ལུས་ཀྱང་ཞག་བརྒྱད་ལོན་ན་སྤང་བའོ། །གཅིག་གམ་མང་དུ་ཡང་རུང་ཚེས་གཅིག་ལ་བྱིན་གྱིས་བརླབས་པ་ལས། གཅིག་གམ་མང་ཞིག་ཚེས་གཉིས་ལ་རྙེད་པ་དེས་གཞན་ནི་བཟའ་བར་བྱའོ། །གཞན་ནི་གཏང་བར་བྱའོ། །ཡང་ན་སྦྱིན་པར་
[184b.4]བྱའོ། །རྣམ་པ་གཞན་དུ་ན་སྔ་མའི་དབང་གིས་ཉི་མ་བརྒྱད་པ་སྟེ་སྤང་བའོ། །དེ་བཞིན་དུ་ཞག་དྲུག་གམ་བདུན་གྱི་བར་དུ་ཡང་ངོ་། །གལ་ཏེ་ཕྱིས་བྱིན་གྱིས་བརླབས་པ་ལྷན་ཅིག་འདྲེས་ན་སྔ་མའི་ཉི་མ་ནས་བཟུང་སྟེ། ཞག་བདུན་དུ་ཡོངས་སུ་ལོངས་སྤྱད་པར་བྱའོ། །ཞག་བདུན་གྱི་
[184b.5]བར་དུ་ཡོངས་སུ་ལོངས་སྤྱད་པར་བྱའོ་ཞེས་མ་བསམས་པར་ཡོངས་སུ་ལོངས་སྤྱད་ན་ཉི་མ་རེ་རེ་ལ་ཁམ་རེ་རེ་ཡང་ཉེས་བྱས་སོ། །ཉི་མ་སྔ་མ་ལ་བྱིན་ལེན་བྱས་ལ་ཕྱི་དེ་ཉིན་པར་བྱིན་གྱིས་རློབ་པར་བྱེད་ན་ལྟུང་བ་མ་ཡིན་ཏེ། ཉི་མ་སྔ་མ་ནས་ཞག་བདུན་དུ་བགྲང་ངོ་། །ཞག་གྲངས་ཉུང་ངུ་བྱིན་གྱིས་
[184b.6]རློབ་པ་ནི་ལྟུང་བ་མེད་དོ། །ཚད་ལས་མི་འདའ་བར་བྱ་བའི་ཕྱིར་མཚམས་སུ་ངེས་པར་བྱ་བ་ནི་བདུན་དུའོ། །ཞག་བདུན་ལོན་པ་ལ་ལོན་པར་འདུ་ཤེས་སམ་ཡིད་གཉིས་ཟ་ན་ཡང་སྤང་བའོ། །མ་ལོན་པ་ལ་ལོན་པར་འདུ་ཤེས་སམ་ཡིད་གཉིས་ཟ་ན་ཡང་ཉེས་བྱས་སོ། །མ་ལོན་པ་ལ་མ་ལོན་
[184b.7]པར་འདུ་ཤེས་སམ་ལོན་པ་ལ་ལོན་པར་འདུ་ཤེས་ན་ལྟུང་བ་མེད་དོ། །སྒེག་པའི་སེམས་ཀྱིས་སམ། རོ་མྱང་བའི་སེམས་ཀྱིས་སམ། རྒྱས་པའམ། ཁ་དོག་གི་བྱེ་བྲག་གམ་གཡོ་དང་ཚུལ་འཆོས་པར་བསམས་ཏེ། ཟ་ན་ཐམས་ཅད་ལ་ཡང་ཉེས་བྱས་སོ། །ཞག་བདུན་བྱིན་གྱིས་
[185a]
[185a.1]བརླབས་ཤིང་ཟ་ན་ཚངས་པ་མཚུངས་པར་སྤྱོད་པ་ལ་ཉི་མ་བརྗོད་པར་བྱ་སྟེ། དེང་བདག་གིས་ཉི་མ་གཅིག་ཟོས་ཏེ། དེ་བཞིན་དུ་ལྷག་མ་ཡང་བཟའོ་ཞེས་བྱ་བས་སོ། །ཞག་བདུན་ཚང་གི་བར་དུ་ཡང་དེ་བཞིན་དུ་བརྗོད་པར་བྱའོ། །ཅི་ལྷག་པ་དེ་ཀུན་དགའ་ར་བ་པའམ། དགེ་
[185a.2]ཚུལ་ལ་སྦྱིན་པར་བྱའོ། །ཞག་བདུན་པ་གང་དེ་ནས་ཉེ་བར་བླངས་པ་དང་། དེ་ལས་སོ་སོ་བླངས་པ་ཞེས་བྱ་བ་ནི་ལག་ཉར་བླངས་པ་དང་། བྱིན་ལེན་བྱས་པ་ཞེས་བྱ་བའི་ཐ་ཚིག་གོ། །ཟས་ཀྱི་ཕྱེ་མ་དང་འདྲེས་པ་ཞེས་བྱ་བ་ནི་དུས་སུ་རུང་བ་དང་འདྲེས་པ་ཞེས་བྱ་བའི་ཐ་ཚིག་གོ། །ཕན་ཚུན་
[185a.3]འདྲེས་པ་ཞེས་བྱ་བ་ནི་ཉི་མ་གཞན་དུ་བྱིན་གྱིས་བརླབས་པ་དང་། དུས་ཕྱི་མའི་དབང་དུ་བཅངས་པ་ནི་འདྲེས་པ་ཞེས་བྱ་བའི་ཐ་ཚིག་གོ། །རང་གི་རྒྱུད་ཀྱིས་མྱགས་པ་ཞེས་བྱ་བ་ནི་གང་མཚམས་མེད་པ་སྟེ། ཞག་ལོན་པར་མ་བྱས་ཤིང་རྙེད་པའོ། །དེ་ཐམས་ཅད་ཀྱི་ཀུན་དགའ་ར་བ་པ་
[185a.4]དང་། དགེ་ཚུལ་ལ་ཡང་སྤང་བར་བྱའོ། །ལྷུང་བཟེད་ཀྱི་སྡེ་ཚན་རྫོགས་སོ།། །།སྤང་བ་ཐམས་ཅད་ལས་བརྩམས་ཏེ། རྣམ་པར་ངེས་པར་བྱ་བ་ནི། དགེ་སློང་གིས་སྤང་བའི་དངོས་པོ་མ་སྤངས་ལ། ཞག་ལོན་པར་མ་བྱས་སམ། ལྟུང་བ་མ་བཤགས་སམ། སྤངས་ཀྱང་
[185a.5]ཞག་ལོན་པར་མ་བྱས་སམ། ལྟུང་བ་བཤགས་སམ་སྤང་བ་ཐམས་ཅད་ལས་ཞག་ལོན་པར་བྱས་ཀྱང་ལྟུང་བ་མ་བཤགས་པར་དེ་དང་རིགས་མཐུན་པའམ། རིགས་མི་མཐུན་པའང་རུང་། གཞན་ཞིག་རྙེད་པ་འདི་ལྟ་སྟེ། ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་
[185a.6]སྐ་རགས་ལ་སོགས་པ་དགེ་སྦྱོང་གི་འཚོ་བའི་ཡོ་བྱད་ཅིག་རྙེད་ན། དེ་དག་ཀྱང་སྔ་མའི་རྒྱུད་ཀྱིས་སྤང་བའོ། །སྤངས་པར་གྱུར་པ་ལ་ཞག་ལོན་པར་བྱས་ནས། ལྟུང་བ་བཤགས་པ་ལ་ལྟུང་བ་མེད་དོ། །ཞག་ལོན་པར་ཞེས་བྱ་བ་ནི། གང་གི་ཉིན་མོ་སྤངས་པ་དེའི་ཉི་མ་གཉིས་པའི་ཞག་
[185a.7]གིས་བར་དུ་བཅད་དེ། ཉི་མ་གསུམ་པ་ལ་ལྟུང་བ་བཤགས་ནས་བླང་ངོ་། །སྤང་བ་ཐམས་ཅད་ཀྱང་གང་ཟག་ལ་སྤང་གི། དགེ་འདུན་མ་ཡིན་ནོ། །སྤངས་པའི་དངོས་པོ་དགེ་འདུན་གྱིས་བགོ་བར་མི་བྱའོ། །ལྷུང་བཟེད་གཉིས་པ་སྤང་བ་ནི་མ་གཏོགས་ཏེ། དེ་ནི་དགེ་འདུན་ལ་སྤང་ངོ་ཞེས་གསུངས་
[185b]
[185b.1]སོ། །ཆོས་གོས་དང་གདིང་བ་ནི་བསྙེན་པར་རྫོགས་པ་ལ་སྤང་ངོ་། །དབྱིག་ལ་སོགས་པ་ནི་བསྙེན་པར་རྫོགས་པའམ། མ་རྫོགས་པའམ། རབ་ཏུ་བྱུང་བའམ་མ་བྱུང་བ་ལ་ཡང་རུང་ངོ་། །ཞག་བདུན་པ་ནི་བསྙེན་པར་མ་རྫོགས་པ་ལ་སྤང་ངོ་། །ཁྲོས་ནས་ཆོས་གོས་ཕྲོགས་པ་ནི་གང་ཁོ་ན་
[185b.2]ཕྲོགས་པ་ཉིད་ལ་སྤང་བར་བྱ་སྟེ། སྦྱིན་པར་བྱ་བའི་ཕྱིར་ཡིན་གྱི། རུང་བར་བྱ་བའི་ཕྱིར་ནི་མ་ཡིན་ནོ། །གང་ཟག་གསལ་ཞིང་ཡིད་གཅུགས་པ་ལ་སྤང་བར་བྱ་བའི་མི་གསལ་བ་དང་། །ཡིད་མི་གཅུགས་པ་ལ་མ་ཡིན་ནོ། །མི་གསལ་བ་ལ་སྤངས་པ་ལས་གལ་ཏེ་མི་གསལ་བ་སྟེ་
[185b.3]སླར་མི་སྟེར་ན་མཐུས་ཀྱང་དབྲོག་པར་བྱའོ། །སྤང་བར་གྱུར་པ་རུང་བར་བྱ་བའི་ཕྱིར་སྤང་གི། གཏན་དུ་སྦྱིན་པའི་ཕྱིར་མ་ཡིན་ནོ། །དེ་བཞིན་དུ་རེ་བ་དང་བཅས་པའི་སེམས་ཀྱིས་ཀྱང་སྤང་བ་ནི་སྤངས་པ་མ་ཡིན་ནོ། །སྤངས་པ་སུམ་ཅུ་རྫོགས་སོ།། །།འདུལ་བ་བསྡུས་པ་
[185b.4]བམ་པོ་བརྒྱད་པ། རྒྱལ་པོའི་ཁབ་ན་སྟེ། སྒྲ་གཅན་འཛིན་ལ་དྲིས་ན་ཐོ་འཚམས་པའི་ཕྱིར་དེ་བཞིན་གཤེགས་པ་གཞན་ན་བཞུགས་ན་གཞན་དུ་བསྟན་པ་དང་། མཉན་ཡོད་ན་དགེ་སློང་ལག་རྒྱུད་ཀྱིས་ལྷོ་ལམ་ནས་འོངས་པའི་རྒོལ་བ་དང་། དུས་བྱས་པ་ལས་བརྫུན་གྱིས་བསླུས་པས་ན་ལྟུང་བའི་
[185b.5]གཞིའི་དབང་དུ་མཛད་དེ། བཅབ་པའི་ཉོན་མོངས་པའི་ཕྱིར། བརྫུན་དུ་སྨྲས་པའི་ཚོགས་ཀྱི་ལྟུང་བྱེད་དང་པོར་བཅས་སོ། །ཤེས་བཞིན་དུ་ཞེས་བྱ་བ་ནི་འདུ་ཤེས་སྦས་ཞེས་བྱ་བའི་ཐ་ཚིག་གོ། །བརྫུན་དུ་སྨྲ་ན་ཞེས་བྱ་བ་ནི་དོན་གཞན་དུ་འདུག་པ་ལས་ཤེས་པའི་སྐྱེས་བུ་ལ་སླུ་བའི་
[185b.6]ཕྱིར་གཞན་དུ་སྨྲ་བ་ནི་བརྫུན་དུ་སྨྲབའོ། །དེ་ཡང་རྣམ་པ་དགུ་ནས་རྣམ་པ་གཉིས་ཀྱི་བར་དུ་སྟེ་དེ་ལ་རྣམ་པ་དགུ་ནི་ལྟུང་བ་སྡེ་ལྔ་དང་། ཉམས་པ་བཞིའོ། །རྣམ་པ་བརྒྱད་ནི་ལྟུང་བ་སྡེ་ལྔ་དང་། གཞི་མེད་པ་གསུམ་མོ། །རྣམ་པ་བདུན་ནི་ཉམས་པ་བཞི་དང་། གཞི་མེད་པ་གསུམ་མོ། །
[185b.7]རྣམ་པ་དྲུག་ནི་སྦྱོར་བ་དང་། དངོས་གཞི་དང་མཇུག་སྟེ། བརྫུན་དུ་སྨྲ་བར་བསམས་པ་གསུམ་དང་། གཞི་མེད་པ་གསུམ་མོ། །རྣམ་པ་ལྔ་ནི་ལྟུང་བ་སྡེ་ལྔའོ། །རྣམ་པ་བཞི་ནི་ཉམས་པ་བཞིའོ། །རྣམ་པ་གསུམ་ནི་གཞི་མེད་པ་གསུམ་མོ། །ཡང་རྣམ་པ་གསུམ་སྟེ། བརྫུན་
[186a]
[186a.1]དུ་སྨྲ་བར་འདོད་ནས། བརྫུན་དུ་སྨྲའོ་སྙམ་དུ་བསམས་པ་དང་། དེ་བཞིན་དུ་སྨྲ་བ་དང་། དེ་བཞིན་དུ་སྨྲས་ཟིན་པའོ། །རྣམ་པ་གཉིས་ནི་བརྫུན་དུ་སྨྲ་བར་བསམས་པ་གཉིས་ཏེ། སྨྲ་བ་དང་། སྨྲས་ཟིན་པའོ། །བརྫུན་དུ་སྨྲ་བ་རྣམ་པ་གཅིག་ནི་མེད་དོ། །ལྟུང་
[186a.2]བའི་དབྱེ་བ་ནི་རྣམ་པ་ལྔ་སྟེ། དེ་ལ་ནི་མིའི་ཆོས་ལས་བླ་མར་གྱུར་པ་སྨྲས་པས་ཕམ་པར་འགྱུར་བ་དང་། སྐུར་བ་བཏབ་པས་དགེ་འདུན་ལྷག་མར་འགྱུར་བ་དང་། དགེ་འདུན་གྱི་ནང་དུ་ཆོས་མ་ཡིན་པ་ཆོས་སུ་སྟོན་པས་ན་སྦོམ་པོར་འགྱུར་བ་དང་། སོ་སོར་ཐར་པ་འདོན་པའི་ཚེ་ལྟུང་བ་ཅང་མི་
[186a.3]སྨྲ་བར་བཅབས་པས་ན་ཉེས་བྱས་སུ་འགྱུར་བ་དང་། ཇི་སྐད་བསྟན་པ་རྣམ་པ་བཞི་པོ་དེ་དག་མ་གཏོགས་པའི་བརྫུན་དུ་སྨྲས་པ་གཞན་ཐམས་ཅད་ནི་ལྟུང་བྱེད་དུ་འགྱུར་རོ། །ལྟུང་བྱེད་དོ་ཞེས་བྱ་བ་ནི་སྲེག་པ་དང་། འཚེད་པ་དང་། ངན་སོང་རྣམས་སུ་ལྟུང་བར་བྱེད་པས་ན་ལྟུང་བྱེད་དོ། །ངེས་
[186a.4]པའི་ཚིག་གི་ཚུལ་གྱིས་ན་ལྟུང་བར་བྱེད་པའི་སྒྲས་ནི་ངེས་པའི་ཚིག་གི་དོན་བསྟན་པ་ཡིན་ནོ། །སྲེག་པ་དང་འཚེད་པ་ཞེས་བྱ་བ་ནི། ལྟུང་བར་བྱེད་ཅེས་བྱ་བའི་སྒྲའི་དོན་དུ་བསྟན་ཏོ། །ལྟུང་བ་གཞན་ཡང་ལྟུང་བར་བྱེད་མོད་ཀྱི། འོན་ཀྱང་མིང་དུ་ཆགས་པའི་སྒྲས་འགྲོ་བས་ན་བ་ལང་ཞེས་
[186a.5]བྱ་བ་བཞིན་ཏེ། ཡུལ་ཉེ་བར་འཕྲོག་པར་བྱེད་པས་ཉེས་པ་མེད་དོ། །སྦྱོར་བས་ནི་ཐམས་ཅད་ཀྱང་ལྟུང་བྱེད་དུ་འདོད་མོད་ཀྱི། སྔར་སྨྲས་པ་བཞིན་ཏེ་ཉེས་པ་མེད་དོ། །མ་མཐོང་བ་ལ་སོགས་ལ་མཐོང་ངོ་ཞེས་བྱ་བ་ལ་སོགས་པར་སྨྲས་ན། ཚིག་རེ་རེ་ལ་ཡང་ལྟུང་བྱེད་དུ་འགྱུར་རོ། །
[186a.6]དེ་བཞིན་དུ་མ་བརྗེད་པའམ། བརྗེད་ཀྱང་རུང་། གོ་བཟློག་སྟེ་སྨྲས་པ་དང་། ཡིད་གཉིས་ཟའམ་ཡིད་གཉིས་མི་ཟ་ན་ཡང་རུང་། མ་མཐོང་བ་ལ་སོགས་པ་ཡང་རུང་སྟེ་མཐོང་ངོ་ཞེས་བྱ་བ་ལ་སོགས་པའི་འདུ་ཤེས་དང་། མཐོང་བ་ལ་སོགས་པ་ཡང་རུང་སྟེ། མ་མཐོང་ངོ་ཞེས་
[186a.7]བྱ་བ་ལ་སོགས་པའི་འདུ་ཤེས་དང་། འདུ་ཤེས་བཅབས་ནས་ཅི་ལྟར་བསམས་པ་བཞིན་གོ་བཟློག་པར་སྨྲས་པ་དང་། མཐོང་བ་ལ་སོགས་པ་རྣམ་པ་བཞི་པོ་ཕན་ཚུན་གོ་བཟློག་པར་སྨྲས་ཀྱང་རུང་། དེ་བཞིན་དུ་གཅིག་བརྗེད་ལ། གཞན་མ་བརྗེད་དམ། གཅིག་ལ་ཡིད་གཉིས་ཟ་སྟེ། གཞན་
[186b]
[186b.1]ལ་ཡིད་གཉིས་མི་ཟ་ན་ཡང་རུང་། རྣམ་པ་དེ་ལྟ་བུར་ཕན་ཚུན་སྤེལ་ཞིང་སྨྲས་ན། ཚིག་རེ་རེ་ཡང་ལྟུང་བྱེད་དུ་འགྱུར་རོ། །སེམས་བསྐྱེད་པ་དེ་ནི་བསྡམ་པར་བྱ་བའི་ཉེས་བྱས་སུ་འགྱུར་རོ། །ཕ་རོལ་པོ་ལ་ཇི་སྲིད་དུ་གོ་བར་མ་གྱུར་པ་དེ་སྲིད་དུ་བཤགས་པར་བྱ་བའི་ཉེས་བྱས་སོ། །
[186b.2]ཕ་རོལ་པོ་བརྡ་མ་ཕྲད་པར་བརྫུན་དུ་སྨྲས་ན་ཉེས་བྱས་སོ། །ཁ་ཅིག་ན་རེ་ངག་གི་རིག་པར་བྱ་བའི་དོན་ལུས་ཀྱི་རིག་པར་བྱས་ན་ཡང་ལྟུང་བྱེད་དུ་འགྱུར་རོ་ཞེས་ཟེར་རོ། །མཐོང་བ་ལ་མཐོང་བར་འདུ་ཤེས་བཞིན་དུ་མ་མཐོང་ངོ་ཞེས་སྨྲས་ན་ལྟུང་བྱེད་དོ། །མཐོང་བ་ལ་ཡིད་
[186b.3]གཉིས་ཟ་སྟེ། མཐོང་ངོ་ཞེས་སྨྲས་ན་ལྟུང་བྱེད་དོ། །མ་མཐོང་ངོ་ཞེས་སྨྲས་ན་ཉེས་བྱས་སོ། །མ་མཐོང་བ་ལ་མཐོང་བར་འདུ་ཤེས་ཏེ། མཐོང་ངོ་ཞེས་སྨྲས་ན་ལྟུང་བ་མེད་དོ། །མ་མཐོང་བ་ལ་ཡིད་གཉིས་ཟ་སྟེ། མ་མཐོང་ངོ་ཞེས་སྨྲས་སམ་མ་མཐོང་བ་ཞེས་ཀྱང་རུང་སྟེ།
[186b.4]སྨྲས་ན་ཉེས་བྱས་སོ། །དེ་ལྟ་བས་ན་འདི་ལ་ནི་འདུ་ཤེས་ཀྱི་དབྱེ་བ་འབའ་ཞིག་ལས་ལྟུང་བར་འགྱུར་གྱི། དངོས་པོ་ནི་དེ་བཞིན་ཡིན་ཡང་རུང་མ་ཡིན་ཡང་རུང་ངོ་། །ཁྱིམ་པའི་ཆ་ལུགས་སམ་མུ་སྟེགས་ཅན་གྱི་ཆ་ལུགས་སུ་བྱས་ཏེ། སོང་བ་ལ་དྲིས་ན་ང་ཁྱིམ་པའམ་མུ་སྟེགས་
[186b.5]ཅན་ནོ་ཞེས་སྨྲས་ན་ལྟུང་བྱེད་དོ། །ཁྱིམ་པའམ་གཞན་མུ་སྟེགས་ཅན་གྱི་ཆ་ལུགས་སུ་བསྒྱུར་ན་ཉེས་བྱས་སོ། །ཀུན་དུ་འཚོ་བའི་ཆ་ལུགས་སུ་བྱས་ན་ཉེས་པ་སྦོམ་པོར་འགྱུར་རོ། །དེ་ལྟར་བྱས་ཀྱང་བསླབ་པ་ཕུལ་བ་ནི་མ་ཡིན་ནོ། །དེ་བཞིན་དུ་བྲམ་ཟེ་ལ་སོགས་པ་རབ་ཏུ་བྱུང་བ་ལ་ཁྱོད་
[186b.6]འདྲེན་མཁན་ཡིན་ནོ་ཞེས་སྨྲས་པ་དང་། དེ་བཞིན་དུ་བཟོ་ལ་སོགས་པ་ཡང་ངོ་། །བསླབ་པ་མ་ཉམས་པ་ལ་དགེ་འདུན་ན་རེ་ཁྱོད་བསླབ་པ་ཉམས་པའོ་ཞེས་སྨྲས་པ་དང་། མཁན་པོ་གཞན་ཡིན་ལ་གཞན་དུ་བསྟན་པས་ནི་བསླབ་པ་ཕུལ་བར་མི་འགྱུར་རོ། །མ་ཆགས་པ་ལ་ཁྱོད་ལ་ངའི་
[186b.7]བུ་ལོན་ཆགས་སོ་ཞེས་སྨྲས་པ་དང་། བསླབ་པ་ཕུལ་ལོ་ཞེས་སྨྲས་པ་དང་། ཁྱོད་ལོ་མ་ལོན་ནོ་ཞེས་བྱ་བ་དང་། བསླབ་པ་བྱིན་པའོ་ཞེས་སྨྲས་པ་དང་། དགེ་སློང་ལ་ཁྱོད་སུ་ཡིན་ཞེས་དྲིས་པ་དང་། དགེ་སློང་མ་དང་ལྷ་ལ་སོགས་པ་ཡིན་ནོ་ཞེས་སྨྲས་པ་དང་། དགེ་ཚུལ་ལ་སོགས་
[187a]
[187a.1]པར་ཁས་ལེན་པ་ཙམ་གྱིས་ནི་དེ་ལྟར་མི་སེམས་པའི་ཕྱིར། བསླབ་པ་ཕུལ་བར་མི་འགྱུར་ཏེ། ཐམས་ཅད་ལ་ཡང་ལྟུང་བྱེད་དུ་འགྱུར་རོ། །བྲམ་ཟེ་ལ་སོགས་པ་རབ་ཏུ་བྱུང་བ་ལ་ཁྱོད་འདྲེག་མཁན་གྱི་ལས་བྱེད་དམ་ཞེས་སྨྲས་ན་ཉེས་བྱས་སུ་འགྱུར་རོ། །མི་ཤེས་
[187a.2]པར་སྨྲས་པ་དང་། འདུ་ཤེས་གཞན་དུ་མ་ཡིན་པ་དང་། བསྐལ་པའི་རྣམ་གྲངས་དང་། སྟོང་པ་ཉིད་དུ་དང་། འདས་པ་མ་མཐོང་བ་ལས་བསམས་ནས་སྨྲས་ན་ལྟུང་བ་མེད་དོ། །བསམས་པ་མེད་པར་ཁས་བླངས་ནས་མ་བྱས་ན། ཐམས་ཅད་ལ་ཡང་ཉེས་བྱས་སུ་འགྱུར་རོ། །
[187a.3]རྣམ་པ་གཞན་དུ་འདུ་ཤེས་པ་དང་། དེ་ནས་སྨྲས་པ་དང་། ཕ་རོལ་པོས་བརྡ་ཕྲད་པར་གྱུར་ན་འདི་གསུམ་ནི་ཡན་ལག་ཏུ་འགྱུར་ཏེ། ངག་གིས་དང་། སེམས་ཀྱིས་ཀུན་ནས་བསླང་བའོ། །དེ་བཞིན་དུ་ངག་ལས་བྱུང་བ་ཐམས་ཅད་ལ་ཡང་རིག་པར་བྱའོ། །དང་པོའོ།། །།
[187a.4]མཉན་ཡོད་ན་སྟེ། དྲུག་སྡེ་རྣམས་དགེ་སློང་རྣམས་ལ་ཐེང་པོ་ལ་སོགས་པར་སྨྲས་ཤིང་ཀུན་དུ་སྤྱོ་བ་དང་། རབ་ཏུ་སྤྱོ་བ་དང་། རབ་ཏུ་བྱུང་བའི་གཞིའི་དབང་དུ་མཛད་དེ། མི་བཟོད་པའི་ཉོན་མོངས་པས་གཉིས་པ་བཅས་སོ། །མིའི་སྐྱོན་ནས་སྨྲ་ན་ཞེས་བྱ་བ་ནི་ཉེས་པར་སྨྲ་བ་
[187a.5]ཡིན་ཏེ། རྒྱུའི་དོན་གྱི་ལྔ་པ་སྟེ། དེ་ཉིད་རྒྱུར་གྱུར་པས་ན་ལྟུང་བྱེད་དུ་འགྱུར་ཏེ་དེ་བཞིན་དུ་གཞན་ཡང་ངོ་། །དགེ་སློང་གིས་མིའི་སྐྱོན་ནས་སྨྲ་བར་བསམས་ཏེ། ཁྲོས་སམ་ང་རྒྱལ་གྱིས་ཀྱང་རུང་། དགེ་སློང་ལ་རིགས་ལ་སོགས་པ་གཞི་བརྒྱད་པོ་རྣམས་ཀྱིས་སྨྲས་ན་དགེ་
[187a.6]སློང་མི་དགའ་བར་གྱུར་ཀྱང་རུང་མ་གྱུར་ཀྱང་རུང་སྟེ། ལྟུང་བྱེད་དུ་འགྱུར་རོ། །དེ་ལ་རིགས་ནི་བྲམ་ཟེ་ལ་སོགས་པ་སྟེ། སྐུད་རིས་མཁན་ལ་སོགས་པར་དབྱེ་ན་རྣམ་པ་དུ་མའོ། །བྲམ་ཟེ་དང་རྒྱལ་རིགས་དག་ལ་ནི་ཉེས་བྱས་སོ། །དེ་ལ་མིའི་སྐྱོན་ནས་སྨྲ་བར་ནི་བསམས་མོད་
[187a.7]ཀྱི་སྐྱོན་ནས་སྨྲས་པ་ནི་མ་ཡིན་ནོ། །དེ་བཞིན་དུ་བྲམ་ཟེ་དང་། རྒྱལ་རིགས་ལ་བཟོ་དང་ལས་ཀྱང་བརྗོད་པར་བྱའོ། །བཟོ་ནི་བྲམ་ཟེ་ལ་སོགས་པ་དང་། ཁབ་རིས་མཁན་དང་། ཟངས་མཁན་དང་། ལྕགས་མགར་དང་། ཁར་བ་མཁན་དང་། ལྷམ་མཁན་དང་། རྫ་མཁན་དང་། འདྲེག་
[187b]
[187b.1]མཁན་དང་། ཤིང་མཁན་དང་། རེ་ལྡེ་མཁན་དང་། བྲན་ལ་སྟེ། བཟོ་ལ་སོགས་པ་རྣམ་པ་དུ་མར་དབྱེའོ། །ལས་ནི་བྲམ་ཟེའི་ལས་སུ་བྱ་བ་ལ་སོགས་པ་རྣམ་པ་དུ་མར་དབྱེ་བ་ཡིན་ནོ། །བཟོ་མ་བསླབས་པ་ལས་བརྩམས་ཏེ། བསླབ་པར་བྱའོ་ཞེས་སྨྲས་པའོ། །བསླབས་པ་
[187b.2]ལས་བརྩམས་ཏེ་ཁྱོད་ཀྱིས་ལས་འདི་བྱའོ་ཞེས་སྨྲ་བ་ཡིན་ཏེ། ཁྱད་པར་ནི་དེ་ཡོད་དོ། །རྟགས་ཏེ་ཐེང་པོ་དང་། ལག་བཞི་བ་དང་། མིའུ་ཐུང་ལ་སོགས་པར་དབྱེ་བར་བྱའོ། །ནད་དེ་མཛེ་ལ་སོགས་པར་དབྱེ་བའོ། །ལྟུང་བ་སྟེ་ལྟུང་བ་སྡེ་ལྔའོ། །ལྟུང་བ་སྦོམ་པོ་ཡང་དེའི་ཕྱོགས་ཉིད་
[187b.3]དོ། །ཉེ་བའི་ཉོན་མོངས་པ་སྟེ་ཁྲོ་བ་དང་། ཁོན་དུ་འཛིན་པ་དང་། འཆབ་པ་དང་། འཚིག་པ་དང་། ཕྲག་དོག་དང་། སེར་སྣ་དང་། གཡོ་དང་། སྒྱུ་ལ་སོགས་པ་རྣམ་པ་དུ་མར་དབྱེའོ། །སྤྱོ་བ་སྟེ་ཁྱོད་ནི་ཚོགས་ཆེན་མའི་བུའོ་ཞེས་སྨྲ་བ་ལ་སོགས་པ་ལྟ་བུ་སྟེ། གང་དང་
[187b.4]གང་ལ་བརྟེན་ནས་བདེན་ནམ་མི་བདེན་པས་ཀྱང་རུང་སྟེ། ཁྲོས་སམ་ང་རྒྱལ་གྱིས་ཀུན་དུ་དཀྲིས་ནས་སྨྲས་ན། ཐམས་ཅད་ཀྱང་ལྟུང་བར་འགྱུར་རོ། །མི་བདེན་ན་ལྟུང་བྱེད་གཉིས་སུ་འགྱུར་རོ། །སྔོན་ལྟུང་བ་བྱུང་བ་དང་། དང་པོ་འཁྲུགས་པ་དང་། རྐུ་ཐབས་སུ་གནས་
[187b.5]པ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མི་མ་ཡིན་པ་ལས་རབ་ཏུ་བྱུང་ཞིང་བསྙེན་པར་རྫོགས་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བས་ཉེན་པ་དང་། གླེན་པ་དང་། ལྐུགས་པ་དང་། འོན་བ་དང་། དགེ་སློང་དང་། དགེ་སློང་མ་དང་། དགེ་
[187b.6]ཚུལ་དང་། དགེ་ཚུལ་མ་ལ་སྨྲས་ན་ཉེས་བྱས་སོ། །དགེ་སློང་མས་དགེ་སློང་མ་ལ་སྨྲས་ན་ལྟུང་བྱེད་དོ། །དགེ་སློང་ལ་སོགས་པ་ལ་སྨྲས་ན་ཉེས་བྱས་སོ། །ཚུལ་དེ་བཞིན་དུ་དགེ་སློང་གི་བསླབ་པའི་གཞིར་གཏོགས་པ་ཐམས་ཅད་ལའོ། །དགེ་ཚུལ་ལ་སོགས་པས་ཉོན་མོངས་པའི་སེམས་
[187b.7]ཀྱིས་ལྷག་མ་དང་བཅས་པ་ཐམས་ཅད་ཀྱང་ཉེས་བྱས་སོ། །སྔོན་ལྟུང་བ་བྱུང་བ་ལ་སོགས་པ་བཅུ་པོ་རྣམས་ཀྱིས་ཀྱང་དགེ་སློང་ལ་སྨྲས་ན་ཉེས་བྱས་ཉིད་ཀྱི་ལྟུང་བའོ། །དེ་བཞིན་དུ་བསླབ་པའི་གཞི་ཐམས་ཅད་ལ་ཡང་ངོ་། །འཕགས་པས་མཐའ་འཁོབ་པ་ལའམ། འཐབ་འཁོབ་པས་
[188a]
[188a.1]འཕགས་པ་ལ་ཡང་རུང་། སྐད་གཞན་གྱིས་སྨྲས་ཏེ་དེས་ཀྱང་བརྡ་མ་ཕྲད་ན་ཉེས་བྱས་སོ། །སྤྲིང་ཡིག་ལ་སོགས་པ་རྣམས་ཀྱིས་ཉེས་བྱས་སོ། །དེ་བཞིན་དུ་ངག་དང་ལྡན་པར་ཕྱིས་འབྱུང་བ་ཐམས་ཅད་ལ་ཡང་སྦྱར་བར་བྱའོ། །ཁྱིམ་པ་ལ་སྨྲས་ན་ཉེས་བྱས་སོ། །
[188a.2]དེའི་རང་བཞིན་ཉིད་ལ་དེའི་རང་བཞིན་ཉིད་དུ་འདུ་ཤེས་པ་དྲུག་ཏུ་སྦྱར་ཏེ། ལྔ་ལ་ནི་ལྟུང་བར་འགྱུར་ལ། གཅིག་ལ་ནི་ལྟུང་བ་མེད་དོ། །མིང་མཐུན་པ་མང་བ་ལ་ནི་དེར་རྣམ་གྲངས་སུ་བརྗོད་ན་ལྟུང་བ་མེད་དོ། །སངས་རྒྱས་སྐྱོང་གང་ཡིན་པ་ཞེས་ཟེར་བ་ལ། བྲམ་ཟེ་ལས་རབ་ཏུ་
[188a.3]བྱུང་བ་གང་ཡིན་པ་དེའོ་ཞེས་བྱ་བ་རྒྱས་པར་རོ། །སྔར་མ་བསམས་པར་སྨྲས་སམ། སྟོན་ནམ། ཆོས་བཤད་པར་བསམས་སམ། ཕན་པར་བསམས་ན་ལྟུང་བ་མེད་དོ། །ཡན་ལག་བཞི་སྟེ། གཞན་དགེ་སློང་དང་། སྐྱོན་ནས་སྨྲ་བར་བསམས་པ་དང་། དེ་ནས་
[188a.4]སྨྲས་པ་དང་། ཕ་རོལ་པོས་ཁོང་དུ་ཆུད་པའོ། །རིགས་དང་། བཟོ་དང་། ལས་རྣམས་དང་། རྟགས་དང་། ནད་ཀྱིས་ཉེན་པ་དང་། ལྟུང་བ་སྡེ་ལྔ་དང་། ཉེ་བའི་ཉོན་མོངས་པ་རྣམས་དང་ནི་སྤྱོ་བར་བྱེད་པ་ཐ་མར་དྲན་ཞེས་བྱ་བ་ནི་བསྡུས་པའི་དོན་ཏོ། །གཉིས་
[188a.5]པའོ།། །།མཉན་ཡོད་ན་སྟེ། དྲུག་སྡེ་རྣམས་ལས་བརྩམས་ཏེ། འཁོར་གྱི་གཞིའི་དབང་དུ་མཛད་ནས། འཁོར་འཛིན་པའི་ཉོན་མོངས་པས་ན་གསུམ་པ་བཅས་སོ། །དགེ་སློང་ཕྲ་མ་བྱེད་ན་ཞེས་བྱ་བ་ནི་དགེ་སློང་གཉིས་ལ་ཕྲ་མ་བྱེད་ཅེས་ཚིག་རྣམ་པར་སྦྱར་རོ། །དགེ་སློང་
[188a.6]བཟུང་བས་ནི། དགེ་སློང་མ་རྣམས་རྣམ་པར་གཅད་པར་བྱ་བའི་ཕྱིར་རོ། །དབྱེ་བར་བསམས་ཤིང་ཉོན་མོངས་པའི་སེམས་ཀྱིས་སྨྲ་བ་ནི་ཕྲ་མའོ། །ཡོ་བྱད་ཀྱི་ཕྱིར་རམ། གནོད་པར་བྱེད་པའི་མཚན་མ་དྲན་པའི་ཕྱིར་རམ། ཕྲག་དོག་ཏུ་གྱུར་པའམ། ཐ་ན་ཆོས་ཀྱི་ཕྱིར་རམ། སྟོན་
[188a.7]པའམ། ཁ་ཏོན་དུ་བྱེད་པའམ། གནས་འཆའ་བ་ལ་སོགས་པའི་ཕྱིར་ཡང་རུང་སྟེ། གཅིག་གིས་གཅིག་ལའམ། གཉིས་དག་ལའམ། མང་པོ་རྣམས་ལའམ། དགེ་འདུན་ལའམ། དེ་བཞིན་དུ་གཉིས་ཀྱིས་གཅིག་ལའམ། དགེ་འདུན་ལ་བྱེད་པའི་བར་དུ་སྟེ། དེ་བཞིན་དུ་
[188b]
[188b.1]མང་པོས་སམ། དེ་བཞིན་དུ་དགེ་འདུན་གྱིས་གཅིག་ལའམ། དགེ་འདུན་ལ་བྱེད་པའི་བར་དུའོ། །དེ་ལ་ལྟུང་བ་བྱེད་པའི་ཁྱད་པར་ནི་ཡོད་ཀྱི་ལྟུང་བའི་ཁྱད་པར་ནི་མེད་དོ། །དགེ་སློང་དབྱེ་བར་བསམས་ནས་དགེ་སློང་གཞན་གྱི་མིའི་སྐྱོན་དུ་སྨྲས་པ་དེ་དག་གཞན་ལ་ཆེ་གེ་མོ་ཞེས་བྱ་བ་ཁྱོད་ལ་འདི་
[188b.2]སྐད་ཅེས་ཟེར་རོ་ཞེས་སྨྲ་བའོ། །དེ་ལ་དེས་གང་སྨྲས་པའི་མིང་ཉི་ཚེ་སྨོས་ན་ཐམས་ཅད་ལ་ཡང་ཉེས་བྱས་སུ་འགྱུར་རོ། །རིགས་ལ་སོགས་པ་རྣམ་པ་བརྒྱད་ཀྱི་གཞི་མ་སྨོས་ན་ཉེས་བྱས་སུ་འགྱུར་གྱི་ལྟུང་བྱེད་ནི་མ་ཡིན་ནོ། །གཞི་སྨོས་ན་ལྟུང་བྱེད་དོ། །ཕ་རོལ་པོ་བྱེ་ཡང་རུང་མ་བྱེ་ཡང་རུང་ཚིག་
[188b.3]ཏུ་སྨྲས་པ་ཙམ་གྱིས་ལྟུང་བར་འགྱུར་རོ། །ས་ལ་འདུག་པས་ནམ་མཁའ་ལ་འདུག་པ་ལ་བྱེད་དམ། ནམ་མཁའ་ལ་འདུག་པས་ས་ལ་འདུག་པ་དང་། མཚམས་ཀྱི་ནང་དུ་འདུག་པས་མཚམས་ཀྱི་ཕྱི་རོལ་ན་འདུག་པ་ལའམ། གོ་བཟློག་པའམ། གཉི་ག་མཚུངས་པའམ། མཚམས་
[188b.4]མནན་ཏེའམ། རྒལ་ཀྱང་ངོ་། །བསླབ་པ་བྱིན་པ་ལ་ཡང་ལྟུང་བ་དགེ་སློང་དང་འདྲ་བར་ཐམས་ཅད་དུ་རིག་པར་བྱའོ། །སྔོན་ལྟུང་བ་བྱུང་བ་ལ་སོགས་པ་ནས། དགེ་ཚུལ་མ་རྣམས་ཀྱི་མཐའི་བར་དུ་འབྱེད་པ་དང་། དེ་དག་གི་དགེ་སློང་ཕྱེ་ན་ཡང་ཉེས་བྱས་སུ་འགྱུར་རོ། །དབྱེ་བར་གྱུར་པའི་
[188b.5]ཚིག་ཏུ་སྨྲས་ལ་ཕ་རོལ་པོས་ཁོང་དུ་ཆུད་པར་མི་བྱེད་ན་ཉེས་བྱས་སོ། །དེ་ལའང་དེའི་རང་བཞིན་ཉིད་ཡིན་ལ། དེའི་རང་བཞིན་ཉིད་དུ་འདུ་ཤེས་པ་རྣམ་པ་དྲུག་ཏུ་སྦྱར་ཏེ་སྔ་མ་བཞིན་ཏེ། ཐམས་ཅད་ཀྱང་ལྟུང་བྱེད་དོ། །ཕན་པར་བསམས་པ་དང་སྡིག་པའི་གྲོགས་བོ་ལས་ཕྱེ་ན་ལྟུང་བ་མེད་
[188b.6]དོ། །དབྱེ་བར་བསམས་པ་དང་། དེ་སྐད་དུ་སྨྲས་པ་དང་། ཕ་རོལ་པོས་ཁོང་དུ་ཆུད་པ་སྟེ། ཡན་ལག་གསུམ་གྱིས་སོ། །གསུམ་པའོ།། །།མཉན་ཡོད་ན་སྟེ། དྲུག་སྡེ་རྣམས་ཆོས་བཞིན་དུ་ལས་བྱས་པ་ལས་སྐྱོ་སྔོགས་བྱེད་པས་ན། རྩོད་པའི་གཞིའི་དབང་དུ་མཛད་དེ།
[188b.7]མི་བཟོད་པའི་ཉོན་མོངས་པས་བཞི་པ་བཅས་སོ། །ཤེས་བཞིན་དུ་ཞེས་བྱ་བ་ནི། བདག་ཉིད་ཀྱིས་རིག་པའམ། གཞན་གྱིས་བསྟན་པར་གྱུར་པ་སྟེ། གསལ་བ་རྣམས་ཀྱིས་ལས་དེ་ཚུལ་བཞིན་དུ་བྱས་པར་རོ། །ཅི་སྟེ་ཆོས་བཞིན་མ་ཡིན་པར་བྱས་པར་ཤེས་པ་ལ་ཉེས་པ་
[189a]
[189a.1]མེད་དོ། །མཐུན་པ་ཞེས་བྱ་བ་ནི། ཐམས་ཅད་མཚམས་ཀྱི་ནང་དུ་ཕྱིན་པ་ལ་བྱ་བའང་ཐོབ། །མངོན་སུམ་དུའང་གྱུར། འདུན་པ་བླང་བར་འོས་པ་རྣམས་ལས་འདུན་པ་བླངས་པའམ། དེ་དག་མངོན་སུམ་དུ་གྱུར་ཀྱང་སླར་བཟློག་པ་མི་འཆགས་པ་ནི། གང་དག་གིས་
[189a.2]སླར་བཟློག་ཀྱང་བརྟན་པ་རྣམས་ཀྱིའོ། །བྱ་བའང་ཐོབ་ཅེས་བྱ་བ་ནི། གང་གི་ལས་བྱ་བར་འོས་པའམ། ཇི་སྙེད་ཀྱི་ལས་གང་བྱ་བ་དེ་སྙེད་རྣམས་བྱ་བ་ཐོབ་པའོ། །གང་གིས་མི་འཆགས་ཤེ་ན། གང་ཟག་བཅུ་བཞི་རྣམས་ཀྱིའོ། །འདི་ལྟ་སྟེ། བུས་པའི་སྟེ། ཉེས་པར་བསམས་པ་སེམས་པ་
[189a.3]དང་། ཉེས་པར་སྨྲ་བ་སྨྲས་པ་དང་། ཉེས་པར་བྱ་བ་བྱེད་པ་དང་། གླེན་པའི་སྟེ། གང་མདོ་སྡེ་ལ་སོགས་པ་མི་འཛིན་པ་དང་། མི་གསལ་བའི་སྟེ། གང་དེའི་དོན་ཁོང་དུ་མ་ཆུད་པ་དང་། མི་མཁས་པའི་སྟེ། གང་དེའི་ཚིག་གི་དོན་ངེས་པར་མི་མཁས་པ་དང་། ངོ་ཚ་མེད་པའི་སྟེ། གང་ཕམ་པར་འགྱུར་
[189a.4]བ་བྱུང་བ་དང་། ནང་དང་བཅས་པའི་སྟེ། གང་འཐབ་མོ་བྱེད་པ་དང་། མཚམས་ཀྱི་ཕྱི་རོལ་ན་འདུག་པའི་སྟེ། གང་ཐོས་པའི་ཉེ་འཁོར་སྤངས་པ་དང་། མཚམས་ཀྱི་ནང་ན་འདུག་པའི་སྟེ། གང་ནམ་མཁའ་ལ་གནས་པ་དང་། མཚམས་ཀྱི་ནང་ན་འདུག་ཀྱང་གནས་ནས་ཕྱུང་བ་དང་། ངག་ཡང་
[189a.5]དག་པར་མི་སྡོམ་པའི་སྟེ། གང་བརྫུན་དུ་སྨྲ་བ་ནས་ཚིག་འཁྱལ་པ་སྨྲ་བའི་བར་དུ་དང་། །སྤྱོད་ལམ་ལས་ཉམས་པའི་སྟེ། གང་སྟན་གང་ལ་འདུག་པ་དེ་ལས་ལངས་པར་གྱུར་པ་དང་། རང་བཞིན་དུ་མི་གནས་པའི་སྟེ། གང་སྤྱད་པར་བྱ་བ་ཡིན་པ་ཀུན་དུ་སྤྱོད་ཅིང་དགེ་སློང་གི་བསླབ་པ་ལ་
[189a.6]མི་སློབ་པ་དང་། བསླབ་པ་བྱིན་པའི་དང་། གང་ལ་ཆོས་བཞིན་དུ་ལས་བྱེད་པའོ། །གང་ལ་མ་དག་པའོ་ཞེས་གསུངས་པའང་མི་འཆགས་སོ་ཞེས་བྱ་བ་ནི་དེ་ཡང་ངོ་ཚ་མེད་པ་ཞེས་བྱ་བ་ལས་ལྷག་པ་མ་ཡིན་ནོ། །གང་གིས་འཆགས་ཤེ་ན། རང་བཞིན་དུ་གནས་པ་དང་། ངག་ཡང་དག་
[189a.7]པར་སྡོམ་པ་དང་། མཚམས་ཀྱི་ནང་དུ་འདུག་པར་གྱུར་པ་དང་། སྤྱོད་ལམ་ལས་མ་ཉམས་པ་དང་། དེ་བཞིན་དུ་གང་ལ་ཆོས་བཞིན་དུ་ལས་མ་བྱས་པ་དང་། རང་བཞིན་དུ་གནས་པ་མ་ཡིན་པ་ལས་རང་བཞིན་དུ་གནས་པར་འགྱུར་བའིའོ། །ལས་བྱེད་པའི་ཚེ་ཡང་གང་གིས་འཆགས་ཤེ་ན།
[189b]
[189b.1]འདི་ལྟ་སྟེ། གང་ཟག་བཅུ་གཉིས་བསྐོ་བའི་ཚེ་མི་འདོད་པ་དང་། དེ་བཞིན་དུ་དགེ་ཚུལ་དང་། དགེ་སློང་མ་བསྙེན་པར་རྫོགས་པར་བྱེད་པའི་ཚེ་དང་། དགེ་ཚུལ་མ་ལ་བསླབ་པ་བྱིན་པའི་ཚེ་ཡང་ངོ་། །སྤོ་བར་བྱེད་པར་འོས་པ་ལ་སོགས་པ་ལ་སྤོ་བ་བྱེད་དུ་གཞུག་པ་སྦྱིན་པའི་ཚེའོ། །འདིས་
[189b.2]ནི་འདི་ལྟར་མི་མཐུན་པའི་ལས་ནི་སྤང་བ་དང་། མཐུན་པའི་ལས་བསྟན་པར་འགྱུར་རོ། །དགེ་འདུན་ཞེས་བྱ་བ་ནི་གཞི་ཚོགས་པ་ལ་སོགས་པ་སྟེ། དེ་ལས་ཉུང་བས་བྱས་ན་བྱས་པ་མ་ཡིན་ཏེ། དེ་ལྟར་འདུ་ཤེས་ཤིང་དེ་ལ་སྐྱོ་སྔོགས་བྱས་ན་ལྟུང་བ་མེད་དོ། །དེ་བཞིན་བསླབ་པ་བྱིན་པས་
[189b.3]གྲངས་སུ་བསྐང་བ་དང་། ཁྱིམ་པ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མཚམས་མེད་པ་བྱས་པ་དང་། མུ་སྟེགས་ཅན་དང་། མུ་སྟེགས་ཅན་ཞུགས་པ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་དང་། གནས་པར་མི་བྱ་བ་དང་། སྤོ་བ་བྱེད་པ་
[189b.4]དང་། འོན་པ་གང་གིས་གསོལ་བ་མི་ཐོས་པ་དང་། སྐད་མི་ཤེས་པ་དང་། ཁས་བླངས་པས་ཁས་མ་བླངས་པའམ། གོ་བཟློག་པའང་རུང་། ས་ལ་འདུག་པས་ནམ་མཁའ་ལ་གནས་པའམ། གོ་བཟློག་པ་ཡང་རུང་སྟེ། གྲངས་སུ་བསྐང་ཞིང་ལས་བྱས་ན་བྱས་པ་མ་ཡིན་ནོ། །
[189b.5]དེ་ལྟར་བྱས་ན་ཉེས་བྱས་སོ། །གཅིག་གིས་གཅིག་ལ་བྱེད་པ་དང་། གཉིས་སམ། མང་པོ་ལའམ། བཞི་ལའམ། གཉིས་ཀྱིས་གཅིག་ལའམ། གཉིས་སམ། མང་པོའམ། བཞི་ལ་ལས་བྱས་ན་ཉེས་བྱས་སོ། །མང་པོས་གཅིག་ལའམ། གཉིས་ལའམ། མང་པོ་ལ
[189b.6]འམ། བཞི་ལ་ལས་བྱས་ན་ཉེས་བྱས་སོ། །ཚོགས་ཀྱིས་ཚོགས་ལ་ལས་བྱས་ན་དབྱེན་དུ་གཏོགས་པའི་སྦོམ་པོར་འགྱུར་རོ། །ཆོས་བཞིན་དུ་ཞེས་བྱ་བ་ནི་ཅི་ལྟར་བཅོམ་ལྡན་འདས་ཀྱིས་ལས་བྱས་པའི་ཆོ་ག་གསུངས་པ་ལྟར་ཏེ། འདི་ལྟ་སྟེ། དབྱུང་བར་མི་འོས་པ་ལ་
[189b.7]དབྱུང་བའི་ལས་བྱེད་ན་ཆོས་བཞིན་གྱི་ལས་མ་ཡིན་ཏེ། དེ་བཞིན་དུ་ལས་ཐམས་ཅད་ལ་ཡང་བརྗོད་པར་བྱའོ། །གསོལ་བའི་ལས་དང་། གསོལ་བ་དང་། གཉིས་སམ། གསོལ་བ་དང་བཞི་ལ། གསོལ་བ་མ་བྱས་སམ། ལས་ཀྱི་ཚིག་མ་བརྗོད་ཀྱང་རུང་སྟེ། བྱས་ན་
[190a]
[190a.1]ཆོས་བཞིན་གྱི་ལས་མ་ཡིན་ནོ། །ལྷག་པ་ལ་ནི་ཉེས་པ་མེད་དེ་མ་ཚང་ན་མ་བྱས་པའོ། །གལ་ཏེ་ལས་བྱེད་པའི་ཚེ་དགེ་འདུན་རྣམས་དོན་གཅིག་གི་ཕྱིར་ལངས་ན། གཅིག་གིས་དཀྲུགས་པ་ཡང་གསོལ་བ་བགྱིའོ་ཞེས་བརྗོད་ལ་ཡང་གསོལ་བ་བྱའོ། །གལ་ཏེ་ཐམས་ཅད་ཀྱིས་
[190a.2]ཕྱེད་བྱས་པ་ལས་ལངས་ན་དེ་བཞིན་དུ་དཀྲུག་གོ། །དེ་ལྟར་ལས་གཞན་གྱི་གསོལ་བ་བྱས་ལ། ལས་གཞན་དུ་འོས་པ་ལ་ལས་གཞན་བྱེད་ན་ཆོས་མ་ཡིན་པའི་ལས་ཡིན་ཏེ། སླར་བཟློག་པ་ནི་ཆོས་ཀྱི་ལས་སོ། །ཆོས་དང་ལྡན་པ་མ་ཡིན་པའི་ལས་རྣམ་པ་ལྔ་སྟེ། ཆོས་མ་ཡིན་པས་མི་
[190a.3]མཐུན་པར་བྱེད་པ་རྣམས་དང་། ཆོས་མ་ཡིན་པས་མཐུན་པར་བྱེད་པ་རྣམས་དང་། ཆོས་ཀྱིས་མི་མཐུན་པར་བྱེད་པ་རྣམས་དང་། ཆོས་ལྟར་བཅོས་པས་མི་མཐུན་པར་བྱེད་པ་རྣམས་སོ། །ལས་བྱ་བར་འོས་པ་ལས་བྱས་ན་ཆོས་བཞིན་ནོ། །ལས་བྱ་བར་མི་འོས་པ་བསྒོ་སྟེ། གསོལ་བ་བྱས་ན་
[190a.4]ལས་བྱེད་པ་ནི་ཆོས་ལྟར་བཅོས་པའོ། །དེ་བཞིན་དུ་གང་ཆོས་ཀྱིས་མཐུན་པར་བྱེད་པ་རྣམས་ནི་ཆོས་དང་ལྡན་པའོ། །བསླབ་པ་འབྱིན་པ་ལ་སོགས་པས་ཚུལ་ཤིང་བྲིམས་ཏེ། ལས་བྱས་ན་མ་བྱས་པར་བལྟ་བར་བྱའོ། །གཉིད་ཀྱིས་ལོག་པ་ལ་གནས་ནས་འབྱིན་པར་བྱེད་ན་གལ་ཏེ་གསོལ་བ་
[190a.5]བྱས་ནས་གནས་ནས་དབྱུང་བ་ཡིན་ཏེ། དེ་བཞིན་དུ་སྙོམས་པར་ཞུགས་པ་ལ་ཡང་ངོ་། །གྲངས་སུ་བསྐང་བའམ། དགེ་འདུན་ཐམས་ཅད་ཀྱང་རུང་གསོལ་བ་ཐོས་ནས་གཉིད་ལོག་ན་གནས་ནས་ཕྱུང་བ་ཡིན་ནོ། །ཇི་སྟེ་ཉལ་བའི་འོག་ཏུ་གསོལ་བ་བྱས་ན་གནས་ནས་ཕྱུང་བ་མ་ཡིན་ནོ། །གནས་
[190a.6]ནས་འབྱིན་པའི་ཚེ་གལ་ཏེ་ཅ་ཅོ་མང་པོ་འཛེར་བར་བྱེད་པས་ཐ་ན་གཅིག་གིས་ཁོང་དུ་ཆུད་ན་ཡང་གནས་ནས་ཕྱུང་བ་ཡིན་ནོ། །ལས་གཞན་གྱིས་གླེངས་ལ་གནས་ནས་འབྱིན་པར་བྱེད་ན་དེ་ཡང་གནས་ནས་ཕྱུང་བ་མ་ཡིན་ལ། ལས་བྱེད་པ་ལ་སྦོམ་པོའོ། །དགེ་འདུན་གྱི་དབུས་སུ་ལས་བྱེད་པས་
[190a.7]ཆོ་ག་བཞིན་མ་ཡིན་པ་ལ་ཆོས་སུ་སྟོན་ན་སྦོམ་པོའོ། །དགེ་འདུན་ཐམས་ཅད་ཀྱིས་རྗེས་སུ་གནང་ན། དགེ་འདུན་ཐམས་ཅད་ལ་ཡང་འགལ་ཚབས་ཅན་དུ་འགྱུར་རོ། །དགེ་འདུན་བྱེ་བ་ལས་ཕན་ཚུན་གྱི་ཕྱོགས་སུ་གནས་ནས་འབྱིན་པར་བྱེད་ན་གནས་ནས་ཕྱུང་བ་མ་ཡིན་ནོ། །སྐམ་ལ་གནས་པས་
[190b]
[190b.1]གྲངས་སུ་བསྐང་སྟེ། གནས་ནས་འབྱིན་པར་བྱེད་ལ། གལ་ཏེ་དེས་ཀྱང་རྗེས་སུ་གནང་ན་གནས་ནས་ཕྱུང་བ་ཡིན་ནོ། །མ་བསྒོ་བར་གནས་ནས་འབྱིན་པར་བྱེད་ལ། གལ་ཏེ་དགེ་འདུན་གྱིས་ཀྱང་རྗེས་སུ་གནང་བར་མ་གྱུར་ན། ལས་བྱེད་པ་ལ་སྦོམ་པོའོ། །ཇི་སྟེ་དགེ་འདུན་ཐམས་ཅད་ཀྱིས་
[190b.2]རྗེས་སུ་གནང་ན་ལྟུང་བ་མེད་དེ། དགེ་འདུན་ལ་ནི་ཉེས་བྱས་ཏེ། དེ་ཡང་གནས་ནས་ཕྱུང་བ་ཡིན་ནོ། །རྣམ་པ་གཉིས་ཀར་ཡང་ཚུལ་ཤིང་འདྲིམ་པ་དང་བཞིས་གནས་ནས་འབྱིན་པར་བྱེད་ན། གནས་ནས་ཕྱུང་བ་མ་ཡིན་ནོ། །གནས་ནས་འབྱིན་པའི་ལས་ཀྱི་ཆོ་ག་ཇི་སྙེད་བསྟན་པ་བཞིན་དུ་
[190b.3]གཞན་ལ་ཡང་ཅི་རིགས་པར་བལྟ་བར་བྱའོ། །བསྡིགས་པའི་ལས་བྱས་པ་ལ་སྨད་པའི་ལས་བྱས་ན་བྱས་པ་ཞེས་བྱ་སྟེ། སྔ་མ་ནི་ཉམས་སོ། །དེ་བཞིན་དུ་ཕྱིར་འགྱེད་པ་དང་། བསྐྲད་པ་ལས་གནས་ནས་ཕྱུང་བའི་ལས་བྱས་པ་ལ། ཕྱིར་འགྱེད་པ་ལ་སོགས་པའི་ལས་བྱས་པ་ཡང་
[190b.4]ངོ་། །གནས་ནས་དབྱུང་བར་བྱ་བ་ལ། བསྡིགས་པའི་ལས་བྱས་ན། དེ་མཚུངས་པར་སྤྱོད་པའི་འོས་མ་ཡིན་པས་ན། བྱས་པ་མ་ཡིན་པར་བརྗོད་པར་བྱའོ། །ལས་ཀྱི་ཚིག་གཅིག་གིས་གནས་གཉིས་སམ་གནས་མང་པོའམ། བཞི་ལ་ཡང་རུང་སྟེ། རེ་ལྡེ་ལ་སོགས་པས་
[190b.5]མཚམས་མནན་ནས་ལས་བྱས་ན་ལྟུང་བ་མེད་དོ། །ས་ལ་འདུག་པ་དང་། ནམ་མཁའ་ལ་གནས་པ་ལ་ལས་བྱས་ན་མ་བྱས་པའོ། །དེ་བཞིན་དུ་སླར་ལྡོག་པ་ཡང་ངོ་། །དགེ་སློང་དང་དགེ་སློང་མ་རྣམས་ཀྱི་ལས་ནི་ཐ་དད་དེ་ཐུན་མོང་བ་ནི་མ་གཏོགས་སོ། །རྣམ་པར་ངེས་པ་ལྷག་མ་
[190b.6]ཁ་ཅིག་ནི་སྨྲས་ཟིན་ཏོ། །ཁ་ཅིག་ནི་གདོད་སྨྲའོ། །དེ་ལྟ་བས་ན་ཆོས་བཞིན་དུ་བྱས་པ་ལས་དང་ཆོས་བཞིན་དུ་བྱ་བ་མ་ཡིན་པའི་ལས་སྤང་བར་བྱ་བ་བརྗོད་པའོ། །རྩོད་པ་ཞེས་བྱ་བ་ནི། འཁྲུག་པའི་དངོས་པོའམ་གཞི་ཞེས་བྱ་བའི་བར་དུའོ། །དེའི་དབང་དུ་བྱས་ནས་འདི་རྣམས་འབྱུང་བར་འགྱུར་རོ།
[190b.7]ཞེས་ཀྱང་བྱའོ། །དེ་ཡང་མདོར་ན་རྣམ་པ་བཞི་སྟེ། འགྱེད་པའི་ཕྱིར་རྩོད་པ་དང་། མི་གདམས་པའི་ཕྱིར་རྩོད་པ་དང་། ལྟུང་བའི་ཕྱིར་རྩོད་པ་དང་། བྱ་བའི་ཕྱིར་རྩོད་པའོ། །དེ་དག་ཀྱང་རྣམ་པར་དབྱེ་བའོ། །རྒྱ་ཆེར་ནི་རྣམ་པ་མང་དུའོ། །སྦྱངས་པ་ཞེས་བྱ་བ་ནི་ཉེ་བར་ཞི་བའོ། །ཡང་
[191a]
[191a.1]ལས་ཀྱི་ཞེས་བྱ་བ་ནི་དེ་ཡང་ལས་བྱེད་པའོ། །སྐྱོ་སྔོགས་ཞེས་བྱ་བ་ནི་མི་ལྟོས་པའོ། །དེ་ལ་ལྟུང་བ་ཅི་ལྟར་འགྱུར་ཞེ་ན། དགེ་སློང་འགྱེད་པའི་ཕྱིར་རྩོད་པ་ལ་རྩོད་པ་དེ་ཉིད་དུ་འདུ་ཤེས་སམ་རྩོད་པ་གཞན་དུ་འདུ་ཤེས་ཀྱང་རུང་། ཆོས་བཞིན་དུ་ཉེ་བར་ཞི་བར་བྱས་པ་ལ་
[191a.2]དེར་འདུ་ཤེས་སམ་ཡིད་གཉིས་ཟ་ན་ཡང་རུང་སྟེ། སྐྱོ་སྔོགས་བྱེད་ན་ལྟུང་བྱེད་དོ། །ཆོས་མ་ཡིན་པས་ཉེ་བར་ཞི་བར་བྱས་པ་ལ། ཆོས་བཞིན་དུ་ཉེ་བར་ཞི་བར་བྱས་པར་འདུ་ཤེས་སམ། ཡིད་གཉིས་ཟ་ན་ཡང་རུང་བས་སྐྱོ་སྔོགས་བྱས་ན་ཉེས་བྱས་སོ། །རྩོད་པ་བཞི་པོ་རེ་རེར་སྦྱར་བར་བྱའོ། །ཆོས་
[191a.3]བཞིན་དུ་བྱས་པ་ལ་ཆོས་བཞིན་མ་ཡིན་པར་འདུ་ཤེས་པ་དང་། ཆོས་བཞིན་མ་ཡིན་པ་ལ་ཆོས་བཞིན་དུ་མ་ཡིན་པར་འདུ་ཤེས་ཏེ། སྐྱོ་སྔོགས་བྱས་ན་གཉི་ག་ལ་ཡང་ལྟུང་བ་མེད་དོ། །གང་ཟག་ལྔ་སྟེ། གཉུག་མར་གནས་པ་སྟེ། གང་རྩོད་པའི་ཐོག་མ་དང་། བར་དང་། ཐ་མ་ཤེས་པ་དང་། ལས་
[191a.4]བྱེད་པ་སྟེ། གང་གིས་རྩོད་པ་དེའི་ལས་བྱེད་པ་དང་། འདུན་པ་ཕུལ་བ་སྟེ། གང་གིས་མཚམས་སུ་ཕྱིན་ལ་མངོན་སུམ་དུ་མ་གྱུར་པས་རྗེས་སུ་གནང་བ་བྱིན་པ་དང་། ལྟ་བ་སྨྲ་བ་སྟེ། གང་གིས་དེར་རང་གི་ལྟ་བ་མངོན་དུ་བྱེད་པ་དང་། ལྟ་བ་སྨྲ་བ་ལ་ཆོས་བཞིན་མ་ཡིན་པ་ལྔ་སྟེ། ཐ་དད་པར་གནས་པ་དང་།
[191a.5]བསྙེན་པར་མ་རྫོགས་པ་དང་། གནས་པར་མི་བྱ་བ་དང་། ཚོགས་ཀྱི་དང་། དངོས་པོ་ལྷག་མ་མ་ལུས་པས་ལྟ་བ་སྨྲ་བའོ། །གོ་བཟློག་པ་ནི་ཆོས་བཞིན་དུའོ། །གློ་བུར་དུ་འོངས་པ་སྟེ། གང་ཐོག་མ་དང་། བར་མ་དང་། ཐ་མ་མི་ཤེས་པའོ། །སྔ་མ་གསུམ་པོས་སྐྱོ་སྔོགས་བྱས་ན་ལྟུང་བྱེད་དོ། །ཕྱི་
[191a.6]མ་གཉིས་པོས་ནི་ཉེས་བྱས་སོ། །གཉི་ག་ལ་ཡང་དགེ་སློང་ཡིན་ལ་རྩོད་པ་ལ་སྐྱོ་སྔོགས་བྱས་ན་ལྟུང་བྱེད་དོ། །དགེ་སློང་གིས་དགེ་སློང་མ་ལ་སྐྱོ་སྔོགས་བྱས་ན་ཉེས་བྱས་ཏེ། དེ་བཞིན་དུ་ཐམས་ཅད་ཀྱི་ལྷན་ཅིག་པས་རྒྱུན་ཆགས་སུ་སྦྱར་རོ། །དགེ་སློང་གཉིས་ཀྱིས་རྩོད་པ་མ་གཏོགས་པར་དེ་
[191a.7]ལས་གཞན་པའི་རྩོད་པ་ཐམས་ཅད་ལ་སྐྱོ་སྔོགས་བྱས་ན་ཉེས་བྱས་སོ་ཞེས་བྱ་བ་ནི་བསྡུས་པའི་དོན་ཏོ། །དགེ་སློང་གིས་བསླབ་པ་བྱིན་པ་ལ་ཁྱོད་བསླབ་པ་བྱིན་པ་མ་ཡིན་ནོ་ཞེས་སྨྲས་ན་ཉེས་བྱས་སོ། །ཁྱོད་བསླབ་པ་བྱིན་པ་མ་ཡིན་ནོ་ཞེས་སྨྲས་ན། ཡན་ལག་ལྔ་སྟེ། ཕ་རོལ་པོ་དགེ་སློང་
[191b]
[191b.1]གི་རྩོད་པ་ཡིན་པ་དང་། ཆོས་བཞིན་དུ་ཞི་བར་གྱུར་པ་དང་། དེར་འདུ་ཤེས་སམ། ཐེ་ཚོམ་ཟའང་རུང་བ་དང་། དེས་སྨྲས་པ་དང་། ཕ་རོལ་བོས་གོ་བའོ། །བཞི་པའོ།། །།མཉན་ཡོད་ན་སྟེ། འཆར་ཀས་ཡན་ལག་གི་ནོར་བུ་ཞེས་བྱ་བའི་རིག་པས་བུད་མེད་ཀྱི་ཡུལ་ལ་བུད་མེད་ཀྱི་མཚན་ཉིད་གསང་
[191b.2]བའི་གནས་ལ་སོགས་པ་སྟོན་པས་ན། བུད་མེད་ཀྱི་ཡུལ་ལ་ཆོས་བཤད་པ་བཀག་སྟེ། ཕྱིས་ཀྱང་སྐྱེ་བོ་རྣམས་ལ་དགོངས་པའི་ཕྱིར་ཚིག་ལྔ་དང་དྲུག་ཏུ་རྗེས་སུ་གནང་བ་ལས། དྲུག་སྡེ་བསམས་བཞིན་དུ་ཚིག་ལྷག་པར་སྟོན་ཅིང་། སྤྲེའུ་ལ་སོགས་པས་རིག་པའི་སྐྱེས་པར་བྱས་པ་ན། སྟོན་པའི་གང་
[191b.3]གཞིའི་དབང་དུ་མཛད་དེ། འཁྲིག་པ་དང་། འགལ་ཚབས་ཅན་དང་། མ་གུས་པ་དང་། རྐྱེན་ལ་ལྟོས་པའི་ཉོན་མོངས་པ་རྣམས་ཡོངས་སུ་སྤང་བའི་ཕྱིར་ལྔ་པ་བཅས་སོ། །བུད་མེད་ཀྱི་ཡུལ་ལ་ཞེས་བྱ་བ་ནི། ལེགས་པར་སྨྲས་པ་དང་། ཉེས་པར་སྨྲས་པའི་ཆོས་རྣམས་ཀྱི་དོན་མངོན་པར་
[191b.4]ཤེས་པའོ། །ལྷག་པར་ཞེས་བྱ་བ་ནི་ཆོས་སྟོན་ནའོ་ཞེས་བྱ་བ་དང་འབྲེལ་ཏོ། །གང་ལས་ལྷག་པ་ཞེས་བྱ་ཞེ་ན། ཉེ་བ་ན་འདུག་པའི་ཚིག་ལྔའམ་དྲུག་ལས་ཞེས་བྱ་བར་རིག་པར་བྱའོ། །ཚིག་ལྔའམ་དྲུག་ལས་ཞེས་བྱ་བ་ལ། ཆོས་སྟོན་ན་ཞེས་བྱ་བ་ནི་ཚིག་གི་ལྷག་མའོ། །ཆོས་ཞེས་བྱ་བའི་
[191b.5]སྒྲ་ནི་གཉི་ག་དང་འབྲེལ་ཏེ། བྱ་བའི་སྒྲ་ཡང་མེད་ན་མི་འབྱུང་བའི་ཕྱིར་རོ། །འདི་སྐད་དུ་ཚིག་ལྔའམ་དྲུག་ཏུ་སྟོན་ཅིང་། དེ་ལས་ལྷག་པར་སྟོན་ནའོ་ཞེས་བསྟན་པར་འགྱུར་རོ། །ཆོས་ཞེས་བྱ་བ་ནི། དེ་བཞིན་གཤེགས་པས་གསུངས་པའམ། ཉན་ཐོས་ཀྱིས་བཤད་པའོ། །ཚིག་ལྔའམ་
[191b.6]དྲུག་ཅེས་བྱ་བ་ནི་གང་ལ་ཚིག་ལྔའམ་དྲུག་ཏུ་འགྱུར་བ་སྟེ། གཟུགས་མི་རྟག་པ་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་མི་རྟག་གོ་ཞེས་བྱ་བ་ནི་ཚིག་ལྔའོ། །མིག་མི་རྟག་ཏོ་ཞེས་བྱ་བ་ནས་ཡིད་མི་རྟག་གོ་ཞེས་བྱ་བའི་བར་དུ་ནི་ཚིག་དྲུག་པའོ། །ཚིག་ལྔའམ་
[191b.7]དྲུག་གི་ཐབས་ནི་ཚིག་ལྔའམ་དྲུག་ཅེས་བྱ་བའོ། །གཞན་དག་ནི་ལྷག་པ་ཞེས་བྱ་བ་ནི་སངས་རྒྱས་ཀྱིས་རྗེས་སུ་གནང་བའི་ཆོས་ལས་ལྷག་པར་གལ་ཏེ་སྟེག་པའི་ཚིག་དྲུག་རྣམས་སམ། ཉེ་བར་འཇལ་བའི་དངོས་པོའི་ཚིག་ལྔ་རྣམས་དང་ལྡན་པར་ཆོས་སྟོན་པ་ལ་བྱའོ་ཞེས་ཟེར་ཏེ་རུས་དང་ཤིན་ཏུ་
[192a]
[192a.1]མཛེས་པ་དང་། ཆ་ལུགས་གཞོན་ནུ་ལས་རྣམས་དང་། །མཉམ་པར་ཕྲད་པའི་སྟེག་ཚིག་སྟེ། །ཚིག་དྲུག་ཅེས་བྱ་དེ་ལ་འདོད། །གང་གིས་བུད་མེད་ལ་རུས་དང་། ཤིན་ཏུ་མཛེས་པ་དང་། ཆ་ལུགས་དང་། གཞོན་པ་དང་། ལས་རྣམས་ལ་བྱ་སྟེ། བསྙེན་བཀུར་
[192a.2]བྱེད་པ་དང་བཟོའམ། བརྩོན་ནོ་ཞེས་བྱ་བའམ། སྐྱེས་པ་དང་། བུད་མེད་མཉམ་པར་ཕྲད་པ་ལ་སྟེ། དེས་འདི་ལྟ་བུར་ལྐུགས་པ་མོ་ཡང་འདི་ལྟ་བུར་འདོད་དེ། དེ་བཞིན་དུ་སོང་ངོ་ཞེས་བྱ་བ་ལ་སོགས་པ་བུད་མེད་དེ་ལའམ། གཞན་ལ་ཡང་རུང་བསྔགས་ན་ལྟུང་བྱེད་ཀྱི་ལྟུང་བར་འགྱུར་
[192a.3]རོ། །གལ་ཏེ་མདོ་སྡེ་ལ་སོགས་པའི་ནང་དུ་གཏོགས་པ་ཁ་ཏོན་དུ་བྱས་པ་བརྗོད་པ་ནི་མ་གཏོགས་སོ། །རིག་པའི་སྐྱེས་པ་མེད་པར་ཚུལ་བཞིན་དུ་ཆོས་སྟོན་ཀྱང་ལྟུང་བྱེད་དོ། །ཉེ་བར་འཇལ་བའི་དངོས་པོའི་ཚིག་ལྔ་ཞེས་བྱ་བ་ནི་སྐྱེས་པའི་རབས་དང་། བྱུང་བ་དང་། འདྲ་པ་དང་།
[192a.4]སྦྱར་བ་དང་། རྟོགས་པ་བརྗོད་པའོ་ཞེས་སོ། །རིག་པའི་སྐྱེས་པ་མ་གཏོགས་ཏེ། །ཞེས་བྱ་བ་ལ་སོགས་པ་ནི་རིག་པའི་སྐྱེས་པ་མེད་པ་སྟེ། མིའི་རིགས་སྐྱེས་པ་ཡིན་ལ། གནས་ངན་ལེན་གྱི་ཚིག་རྟོགས་པ་ནི་རིག་པའི་སྐྱེས་པ་ཞེས་བརྗོད་པར་བྱའོ། །ཡང་ན་རུང་བའི་སྐྱེས་པ་ལ་
[192a.5]ཡང་རིག་པའི་སྐྱེས་པ་ཞེས་བྱ་སྟེ། ཁྱིམ་པ་འམ་རབ་ཏུ་བྱུང་བ་ལ་ཡང་རུང་། གང་རྣམ་པར་འགྱུར་བ་མི་བསྟེན་པའོ། །ཁ་ཅིག་ན་རེ་བུད་མེད་ཀྱི་ཡུལ་ཡང་རིག་པའི་སྐྱེས་པ་སྟེ། བསླབ་པ་འབུལ་བ་ལ་རིག་པའི་སྐྱེས་པ་བཞིན་དུ། དེའི་མདུན་དུ་ངོ་ཚ་དང་བཅས་པས་ན་མི་སྨྲ་
[192a.6]བའི་ཕྱིར་རོ་ཞེས་ཟེར་རོ། །དེ་ལ་ལྟུང་བ་ཇི་ལྟར་འགྱུར་ཞེ་ན། སྟེང་གི་ཡང་ཏོག་ཏུ་ཆོས་ཚིག་ལྔར་སྟོན་པ་ལས་བསམས་བཞིན་དུ་ཚིག་དྲུག་ཏུ་འདས་སམ། ཚིག་དྲུག་ཏུ་སྟོན་པ་ལས་ཚིག་བདུན་དུ་འདས་ན་ལྟུང་བྱེད་དོ། །བར་ཁང་དུ་བབས་ནས་དེར་ཚིག་ལྔའམ་དྲུག་ཏུ་སྟོན་ན་ལྟུང་བ་
[192a.7]མེད་དོ། །དེ་བཞིན་དུ་འོག་གཞིའི་སར་བབས་པ་དང་། སྒོ་ཁང་དང་། ཕྱི་རོལ་གྱི་བང་རིམ་དུ་ཡང་ལྟུང་བ་མེད་པར་བརྗོད་པར་བྱའོ། །གསོ་སྦྱིན་སྦྱིན་པ་དང་། སྟོང་བ་དང་། ཁ་ཏོན་ཞུ་བ་དང་། དམིགས་ཀྱིས་འདྲི་བ་དང་། བུད་མེད་ཀྱི་ཡུལ་མཁས་པའི་རང་བཞིན་ཅན་གྱིས་གོང་
[192b]
[192b.1]ནས་གོང་དུ་དྲིས་པ་དེ་ཇི་སྲིད་གཏན་ལ་དབབ་པར་བྱས་པ་ལ་ལྟུང་བ་མེད་དོ། །ལྡབ་ལྡིབ་ཅན་དང་། མྱུར་དུ་སྨྲ་བ་དང་། རིག་པའི་སྐྱེས་པ་ཡོད་པ་ལ་ཡང་ལྟུང་བ་མེད་དོ། །རིག་པའི་སྐྱེས་པ་མེད་ལ་མེད་པར་ཡང་འདུ་ཤེས་སམ། ཡིད་གཉིས་ཟ་ན་ཡང་ལྟུང་བྱེད་དོ། །ཡོད་པ་
[192b.2]ལ་མེད་པར་འདུ་ཤེས་སམ། ཡིད་གཉིས་ཟ་ན་ཉེས་བྱས་སོ། །དེ་བཞིན་དུ་བུད་མེད་ཡིན་ལ་བུད་མེད་དུ་འདུ་ཤེས་པ་མུ་བཞིར་བརྗོད་པར་བྱའོ། །དེ་བཞིན་དུ་ཚིག་ལྔའམ་དྲུག་ལ་ཚིག་ལྔའམ་དྲུག་ཏུ་འདུ་ཤེས་པ་ཡང་ངོ་། །རིག་པའི་སྐྱེས་པ་མ་ནིང་ངམ། མཐའ་འཁོབ་པ
[192b.3]འམ། ཀླ་ཀློའམ། ཉལ་བའམ། ར་རོ་བའམ། སྨྱོས་པའམ། སྙོམས་པར་ཞུགས་པའམ། གླེན་པའམ། མི་མ་ཡིན་པའམ། བུད་མེད་རུང་བ་མ་ཡིན་ལ་རིག་པའི་སྐྱེས་པ་རུང་བ་ཡིན་ལ། རིག་པའི་སྐྱེས་པ་རུང་བ་མ་ཡིན་པ་ཡང་རུང་སྟེ་སྟོན་ན་ཉེས་བྱས་སོ། །རུང་བ་མ་
[192b.4]ཡིན་པ་རུང་བའི་ཐད་དུ་ན་ཡང་ཉེས་བྱས་སོ། །མ་ནིང་མོ་ལ་སྟོན་ན་ཡང་ཉེས་བྱས་སོ། །དེ་བཞིན་དུ་མཚན་གཉིས་མ་ལ་ཡང་ངོ་། །དེ་བཞིན་དུ་ཉལ་བུ་ཡང་ངོ་། །ཡན་ལག་བཞི་སྟེ། གང་ལ་བསྟན་པ་དེ་ཡང་བུད་མེད་ཡིན་པ་དང་། ཚིག་ལྷག་མར་སྨྲས་པ་དང་། རིག་པའི་སྐྱེས་པ་མེད་
[192b.5]པ་དང་། ཉེ་འཁོར་གྱི་ཁྱད་པར་མེད་པ་སྟེ། ངག་དང་སེམས་ཀྱིས་ཀུན་ནས་བསླང་བའོ། །ལྔ་པའོ།། །།མཉན་ཡོད་ན་སྟེ། བྲམ་ཟེ་བཞིན་དྲུག་སྡེ་རྣམས་བསྙེན་པར་མ་རྫོགས་པ་ལ་ཀློག་ཏུ་འཇུག་ཅིང་ཅ་ཅོ་དང་གཞན་དག་བྱས་པས་ན། སྟེན་པས་གཞིའི་དབང་དུ་མཛད་དེ། མགུས་
[192b.6]པའི་ཉོན་མོངས་པའི་ཕྱིར་དྲུག་པ་བཅས་སོ། །བསྙེན་པར་མ་རྫོགས་པ་ཞེས་བྱ་བ་ནི། དགེ་སློང་དང་དགེ་སློང་མ་མ་གཏོགས་པ་ཐམས་ཅད་བསྙེན་པར་མ་རྫོགས་པའོ། །གང་ཟག་ཅེས་བྱ་བ་ནི་དོན་དམ་པར་གང་ཟག་མེད་མོད་ཀྱི་རྣམ་པ་བཞིའི་ཕྱིར་གང་ཟག་རྣམ་པར་གཞག་སྟེ། འཇིག་རྟེན་
[192b.7]གྱི་རྗེས་སུ་འཇུག་པའི་ཕྱིར་དང་། ཡང་དག་པའི་ཐ་སྙད་དུ་བདེ་བའི་ཕྱིར་དང་། ཐམས་ཅད་དུ་སེམས་ཅན་མེད་ན་སྐྲག་པར་འགྱུར་བའི་ཕྱིར་དང་། བདག་དང་ཕ་རོལ་པོའི་ཡོན་ཏན་དང་ཉེས་པ་ཐར་པ་དང་། བཅིངས་པ་བརྗོད་པའི་ཕྱིར་རོ། །ཚིག་དང་ཚིག་ཅེས་བྱ་བ་ནི་ཚིག་མཉམ་པ་དང་། ཚིག་
[193a]
[193a.1]ལྷག་པ་དང་། ཡི་གེ་མཉམ་པ་དང་། ཡི་གེ་ལྷག་པའོ། །ཚིག་ཅེས་བྱ་བ་ནི་ཚིགས་སུ་བཅད་པའི་བཞི་ཆའོ། །མཉམ་པ་ཞེས་བྱ་བ་ནི་ཅིག་ཅར་བརྗོད་པའོ། །ཚིག་ལྷག་པ་ཞེས་བྱ་བ་ནི་སློབ་དཔོན་གྱིས་མ་སྨྲས་པར་ཉེ་གནས་ཀྱིས་སྔོན་དུ་བརྗོད་པ་ནི་ཚིག་ལྷག་པའོ། །
[193a.2]ཆོས་ཞེས་བྱ་བ་ནི་གསུང་རབ་ཡན་ལག་བཅུ་གཉིས་སུ་གཏོགས་པའོ། །ཁ་ཅིག་ན་རེ་འདིར་འདུལ་བ་དང་རབ་ཏུ་ལྡན་པའི་ཆོས་ཀྱི་དོན་ལ་བྱ་བར་འདོད་དོ་ཞེས་ཟེར་རོ། །འདོད་ན་ཞེས་བྱ་བ་ནི་བསྟན་པ་སྦྱིན་པའི་ཚུལ་གྱིས་ལེན་དུ་བཅུག་པ་ཡིན་ཏེ། དེས་ནི་འདི་ལྟར་བསྙེན་པར་རྫོགས་པ་དང་
[193a.3]ལྷན་ཅིག་ཏུ་འདོན་པ་ལ་ཉེས་པ་མེད་དོ་ཞེས་བྱ་བར་སྟོན་ཏོ། །དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་སམ། བསྙེན་པར་མ་རྫོགས་པར་ཡིད་གཉིས་ཟ་ན་ཡང་རུང་སྟེ། ཚིག་མཉམ་པ་དང་། ཚིག་ལྷག་པ་དང་། ཡི་གེ་མཉམ་པ་དང་། ཡི་གེ་ལྷག་
[193a.4]པས་འདོན་ན་ལྟུང་བྱེད་དོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་སམ་ཡིད་གཉིས་ཟ་ནའང་རུང་སྟེ། འདོན་ན་ཉེས་བྱས་སོ། །དུད་འགྲོའི་སྐྱེ་གནས་སུ་གཏོགས་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བས་གཟིར་བ་དང་། མི་མ་ཡིན་
[193a.5]པ་དང་། གླེན་པ་དང་། ལྐུགས་པ་དང་། འོན་པ་དང་། ཚིག་གིས་ཆོས་འདོན་ན་ཉེས་བྱས་སོ། །ཇི་ལྟར་བསྙེན་པར་མ་རྫོགས་པ་དང་། མུ་བཞིར་སྦྱར་བ་ལྟར་ཚིག་མཉམ་པ་ལ་སོགས་པ་དང་། དེ་བཞིན་དུ་ཆོས་ལ་ཆོས་སུ་འདུ་ཤེས་པ་ཡང་ངོ་ཞེས་བྱ་བའི་བར་རོ། །ཁྱིམ་པ་
[193a.6]གླགས་ཚོལ་བའམ། ཆོས་རྐུ་བར་འདོད་པའམ། མ་དད་པའམ། རྒྱུས་མི་ཤེས་པའམ། མུ་སྟེགས་ཅན་ཡང་རུང་སྟེ། དེར་མ་བཀླགས་ཀྱང་འདུལ་བ་དང་ལྡན་པའི་ཆོས་བཤད་པ་ཙམ་གྱིས་ཀྱང་ལྟུང་བྱེད་དོ། །ཇི་སྐད་བསྟན་པ་གོ་བཟློག་སྟེ། ཁྱིམ་པ་རྣམས་དང་ཚིག་དང་ཚིག་གིས་
[193a.7]གླག་ན་ལྟུང་བྱེད་དོ། །དགེ་ཚུལ་ལ་ཉེས་བྱས་སོ། །ཆོམ་རྐུན་པ་རྣམས་ལ་ལྟུང་བ་སྟོན་པ་དང་། དེ་བཞིན་དུ་སོ་སོར་ཐར་པར་བསྟན་པ་ལ་ནི་ལྟུང་བ་མེད་དོ། །ཇི་ལྟར་རྒྱལ་པོ་དང་། དད་པ་ཅན་དང་། གཙོ་བོ་རྣམས་ལ་སོ་སོར་ཐར་པ་བསྒྲགས་ནའང་ལྟུང་བ་མེད་དོ། །གང་མ་དད་པའམ། ཕུལ་
[193b]
[193b.1]བ་དེ་ལ་ནི་བསྒྲགས་པར་མི་བྱའོ། །རྣམ་པ་ལྔ་ལ་འདུལ་བ་བརྗོད་པར་མི་བྱའོ། །ཤེས་པར་འདུན་དུ་བྱས་ནས་མི་འདྲི་བ་དང་། འགྱོད་པ་མེད་པ་འཕེལ་བར་མི་འདྲི་བ་དང་། བརྟག་གོ་སྙམ་དུ་བསམས་ཤིང་འདྲི་བ་དང་། དབྱས་བྱའོ་སྙམ་པ་དང་། ཀླན་ཀར་སྦྱར་རོ་སྙམ་
[193b.2]ནས་འདྲི་བའོ། །སླར་བཟློག་པ་རྣམས་ལ་ནི་བརྗོད་པར་བྱའོ། །ལྡབ་ལྡིབ་ཅན་དང་མྱུར་དུ་སྨྲ་བ་ལ་ནི་ལྟུང་བ་མེད་དོ། །ཁ་ཏོན་དུ་བྱ་བའམ་དམིགས་ཀྱིས་འདྲི་བ་སྦྱིན་པ་ལ་ནི་ལྟུང་བ་མེད་དོ། །རྗེས་སུ་ཉན་པ་སྟེ། ཁྱོད་ཁོ་བོ་དང་མཉམ་པའམ། སྔོན་དུ་མ་ཀློག་ཅིག་ཅེས་བསྒོ་བ་ལས་ཀློག་པ་
[193b.3]ནི་ལྟུང་བ་མེད་དོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་པ་དང་། ཚིག་ཉུང་བར་འདུ་ཤེས་པ་དང་། ཆོས་མ་ཡིན་པར་འདུ་ཤེས་པ་ལྟུང་བ་མེད་དོ། །སྟོན་པ་དང་ལེན་པས་ཀུན་དུ་སྤྱད་པར་བྱ་བ་ནི་སྤྱོད་ལམ་བཞི་པོ་དག་གིས་སྦྱིན་པར་བྱ་སྟེ། ཉལ་བ་མ་
[193b.4]གཏོགས་ཏེ་གསུམ་པོས་ནོད་པར་བྱའོ། །རྒན་ནམ་གཞོན་ཡང་རུང་ཁམས་མཉམ་མམ་ཞེས་དྲིས་ལ་ལུས་བཏུད་དེ་དྲང་པོར་གུས་པ་དང་བཅས་པས་ལེགས་པར་ཡོངས་སུ་དྲིས་ཏེ། ལེགས་པར་གཟུང་བ་དང་། སོམ་ཉི་མེད་པར་ཡང་བྱས་ནས་བསྟན་པ་བརྗོད་པར་བྱའོ། །འཆག་
[193b.5]པའི་ཚེ་ནི་གོམ་པ་བསྲི་བར་བྱའོ། །ལུས་ཀྱིས་འདུག་ན་ཙོག་ཙོག་པོའམ། སྟན་དམའ་བ་བྱས་ལ་ཁྱད་པར་དུ་ཕྱག་བྱའོ། །སྟོན་པས་ཀྱང་ལེགས་པར་དྲིས་ཏེ་ལེགས་པར་ཟིན་པ་དང་། སོམ་ཉི་མེད་པར་བྱས་ནས་ཀྱང་སྦྱིན་པར་བྱའོ། །བསྟན་པར་བསྙེན་བཀུར་བྱེད་པ་རྣམས་
[193b.6]དྲུང་ན་འདུག་པའམ། དྲུང་ན་འདུག་པ་མ་ཡིན་པ་ལ་བསྟན་པ་སྦྱིན་པར་བྱ་སྟེ། གྲལ་རིམས་སུ་བརྟག་པར་མི་བྱ་བར་ལོགས་ཤིག་ཏུ་བསྟན་པ་སྦྱིན་པར་བྱའོ། །དེ་བཞིན་དུ་འཛིན་མི་ནུས་པ་རྣམས་ལའོ། །ཚིག་ལ་སོགས་པའི་དབང་དུ་བྱས་ནས་འདི་ཡང་བརྗོད་དེ། དབྱངས་ཀྱིས་
[193b.7]སྟོན་ཏམ། ཀློག་གམ། ཁ་ཏོན་དུ་བྱེད་པ་དང་། འདྲི་བའི་ལེན་བྱིན་ན་ཉེས་བྱས་སོ། །ཆོས་འཆད་པ་དང་། བསྟོད་པ་བརྗོད་པ་ལ་ལྟུང་བ་མེད་དོ། །དབེན་པའི་ཕྱོགས་སུ་དབྱངས་གོམས་པར་བྱེད་པ་ལ་ལྟུང་བ་མེད་དོ། །ཕྱི་རོལ་པོའི་བསྟན་བཅོས་བཀླག་པར་མི་བྱའོ། །ཕས་ཀྱི་རྒོལ་
[194a]
[194a.1]བ་ཚར་བཅད་པར་ནུས་ན་དེས་ནི་ཉིན་གཅིག་ལ་དུས་གསུམ་དུ་བགོས་ཏེ་གྱ་ནོམ་པའི་ཆ་གཉིས་སུ་ནི་སངས་རྒྱས་ཀྱི་གསུང་བཀླག་པར་བྱའོ། །གསུམ་པ་ལ་ནི་ཕྱི་རོལ་པའི་བསྟེན་བཅོས་བཀླག་པར་བྱའོ། །ལོ་གྲངས་ལས་ཆར་དབྱེ་བར་མི་བྱའོ། །དེ་བཞིན་
[194a.2]དུ་ཁ་ཏོན་བྱ་བ་ཡང་ངོ་། །མཚན་མོ་ལ་ཡང་རྣམ་པ་གསུམ་དུ་བྱའོ། །སངས་རྒྱས་ཀྱི་བཀའ་སྡེབ་སྦྱོར་དང་། ཚིག་དང་། རིམ་པ་དེ་ལ་གཞོལ་བ་ཉིད་ཀྱིས་སྦྱར་ཏེ་བཀླགས་ན་འགལ་ཚབས་ཅན་དུ་འགྱུར་རོ། །ངེས་པའི་ཚིག་སྨྲ་བའམ། ཡུལ་གྱི་ངེས་པའི་ཚིག་སྨྲ་
[194a.3]བ་ལ་ནི་ལྟུང་བ་མེད་དོ། །དགེ་སློང་གིས་དགེ་སློང་མའི་འདུལ་བ་བཟུང་བ་བྱས་ལ་དགེ་སློང་མ་ལ་ཀླག་པ་དང་། ཁ་ཏོན་བྱ་བ་དང་། དམིགས་ཀྱིས་འདྲི་བ་སྦྱིན་པར་རྗེས་སུ་གནང་བ་ཡིན་ནོ། །ཆོས་འཆད་པའི་ཚེ་གླེང་གཞི་བརྗེད་ན་གྲོང་ཁྱེར་ཆེན་པོ་དྲུག་པོ་དག་ལས་
[194a.4]གང་ཡང་རུང་བ་བརྗོད་པར་བྱའོ། །རྒྱལ་པོ་དང་། ཁྱིམ་བདག་དང་། དགེ་བསྙེན་མ་བརྗེད་ན་གསལ་རྒྱལ་དང་། མགོན་མེད་ཟས་སྦྱིན་དང་། ས་ག་ཞེས་བརྗོད་པར་བྱའོ། །སྔོན་གྱི་བྱུང་བ་བརྗེད་ན་གོ་རིམས་བཞིན་དུ་སྟེ། ཡུལ་བཱ་རཱ་ཎ་སཱིར་ན་རྒྱལ་པོ་ཚངས་བྱིན་
[194a.5]དང་། ཁྱིམ་བདག་སྡུམས་བྱེད་དང་། དགེ་བསྙེན་མ་གསོ་སྦྱོང་འཕགས་ཞེས་བརྗོད་པར་བྱའོ། །ཚེས་བརྒྱད་དང་བཅུ་བཞི་ལ་ཀུན་འདུས་ཤིང་ཆོས་བསྒྲག་པར་བྱའོ། །མུ་སྟེགས་ཅན་འོངས་ན་ཚར་གཅད་པར་བྱའོ། །བཀུར་སྟི་དང་བཅས་པ་དང་། སྤྱོད་ལམ་ཞི་བ་དང་།
[194a.6]སེམས་ཟང་ཟིང་མེད་པར་བྱས་ན་ཆོས་བསྟན་པར་བྱའོ། །གལ་ཏེ་ཆོས་མ་ཡིན་པ་ཞིག་ཏུ་སྨྲ་ན་གནས་བརྟན་གྱིས་དགག་པར་བྱའོ། །ཆོས་སྨྲ་བས་འཁོར་ཁྲིད་དེ་འགྲོ་བར་མི་བྱའོ། །བདག་ཉིད་འོང་བ་ལ་ནི་ལྟུང་བ་མེད་དོ། །ཆོས་བཙོངས་པས་འཚོ་བར་མི་བྱའོ། །ཆོས་སྨྲ་བ་བདག་ཉིད་མི་
[194a.7]འཆད་དམ་གཞན་ལ་མ་བཅོལ་ན་ཉེས་བྱས་སོ། །གཎྜཱི་བརྡུངས་ན་ཐམས་ཅད་ཀྱིས་ཀུན་དུ་མྱུར་དུ་འདུ་བར་བྱའོ། །གར་དང་གླུ་དང་རོལ་མོ་སློབ་པ་དང་ཐབས་སྟོན་ཏམ། བལྟར་འགྲོ་ན་ཉེས་བྱས་སོ། །སྨན་པ་མཁས་པས་སྙིང་བརྩེ་བའི་ཕྱིར་ཁྱིམ་པ་འདྲིར་འོངས་པ་ལ་སྨན་གྱི་
[194b]
[194b.1]ཐབས་སྟོན་པར་རྗེས་སུ་གནང་ངོ་། །ཟང་ཟིང་གི་སེམས་ཀྱིས་ནི་མ་གནང་སྟེ། དེ་བཞིན་དུ་ཐ་ན་དགེ་སློང་ལ་ཡང་ངོ་། །མས་གཏོང་བའི་དཔྱད་ནི་ཕྱོགས་དབེན་པར་གཞག་པར་བྱའོ། །མནའ་དོར་ན་ཉེས་བྱས་སོ། །ཡལ་འཛུགས་འཁྲན་ཉེས་བྱས་སོ། །དྲུག་པའོ།། །།
[194b.2]མཉན་ཡོད་ན་སྟེ། དྲུག་སྡེ་རྣམས་གནས་བརྟན་གྱི་དགེ་འདུན་ལྷག་མའི་ལྟུང་བ་བསྙེན་པར་མ་རྫོགས་པ་རྣམས་ལ་བརྗོད་དེ། དེ་དག་ཀྱང་དེ་དག་ལ་འཕྱ་བར་གྱུར་པས་ན། བསྙེན་པར་མ་རྫོགས་པའི་གང་ཟག་གི་གཞི་ལས་བརྩམས་ཏེ། མི་བཟོད་པའི་ཉོན་མོངས་པས་བདུན་
[194b.3]པ་བཅས་སོ། །བསྙེན་པར་མ་རྫོགས་པ་ཞེས་བྱ་བ་ནི་ཇི་ལྟར་འདོན་པའི་བསླབ་པའི་གཞི་བཞིན་ནོ། །གནས་ངན་ལེན་ཅེས་བྱ་བ་ནི་ཕམ་པར་འགྱུར་བས་ཀུན་ནས་བསླང་བ་དང་། དགེ་འདུན་ལྷག་མས་ཀུན་ནས་བསླང་བའོ། །དོན་འདི་ནི་འཁྲིག་པ་དང་ལྡན་པ་ལ་བྱ་སྟེ། ངོ་བོ་ཉིད་
[194b.4]དང་ཀུན་ནས་བསླང་བས་ཉོན་མོངས་པས་ན་གནས་ངན་ལེན་ཅེས་ནི་མི་བྱའོ། །དགེ་འདུན་གྱིས་གནང་བ་མ་གཏོགས་ཏེ་ཞེས་བྱ་བ་ནི། དགེ་སློང་འཕྲལ་བ་དང་། དགེ་སློང་མ་གསལ་མའི་དབང་དུ་མཛད་དེ། བཅོམ་ལྡན་འདས་ཀྱིས་ཚིག་འདི་ཁོལ་དུ་ཕྱུང་བའོ། །ཁྱིམ་པ་རྣམས་ལ་
[194b.5]སོ་སོར་རིག་པར་བྱེད་པ་གཅིག་ལ་སྤྲོ་བར་བྱ་སྟེ། གསོལ་བ་བྱས་ལ་ལས་བྱའོ། །དེ་ནས་དེས་སོ་སོར་རིག་པར་བྱའོ། །ཇི་སྟེ་དེ་འཇིགས་པས་སོ་སོར་རིག་པར་བྱེད་མི་ནུས་ན། དགེ་འདུན་ཐམས་ཅད་ཀྱིས་གསོལ་བ་འབའ་ཞིག་གི་ལས་བྱས་ལ་སོ་སོར་རིག་པར་བྱ་སྟེ། དེ་གང་
[194b.6]ཟག་ལ་གནོད་པར་ནུས་ཀྱི་དགེ་འདུན་ལ་མ་ཡིན་པའི་ཕྱིར་རོ། །སོ་སོར་རིག་པར་བྱེད་དུ་གནང་བ་ནི་དཀོན་མཆོག་གསུམ་ལ་གནོད་པ་དང་། ཉེ་བར་འཕྲོག་པ་ལ་སྤང་བར་བྱ་བ་དང་། ཚུལ་ཁྲིམས་ལ་སོགས་པ་ཉམས་པའི་ཕྱོགས་འཕེལ་བར་འགྱུར་བ་སྤང་བར་བྱ་བ་དང་།
[194b.7]ཚུལ་ཁྲིམས་ལ་སོགས་པ་ཉམས་པ་རྣམས་མི་དགེ་བའི་གནས་ནས་ཕྱུང་སྟེ། དགེ་བ་ལ་གཞག་པར་བྱ་བ་དང་། དགེ་སློང་རྣམས་གཅིག་ལ་གཅིག་ཚུལ་ཁྲིམས་ལ་སོགས་པ་ཉམས་པ་འཆབ་པོ་ཞེས་གཞན་གྱིས་དེ་ལྟར་ཤེས་པར་མི་འགྱུར་ཞིང་ཕ་རོལ་པོ་དག་གི་སེམས་བསྲུང་བ་དང་
[195a]
[195a.1]ཁྱིམ་པའི་ཁྱིམ་དུ་འཇུག་པ་ལ་གནོད་པ་བྱུང་བ་སྤང་བར་བྱ་བའི་ཕྱིར་རོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་སོ་སོར་རིག་པར་མ་གྱུར་པ་ལ་རིག་པར་མ་གྱུར་པར་འདུ་ཤེས་སམ་ཡིད་གཉིས་ཟ་ན་ཡང་རུང་སྟེ། དགེ་སློང་གིས་གནས་ངན་
[195a.2]ལེན་སོ་སོར་རིག་པར་བྱས་ན་ལྟུང་བྱེད་དོ། །སོ་སོར་རིག་པར་གྱུར་པ་ལ་སོ་སོར་རིག་པར་མ་གྱུར་ཏོ་སྙམ་དུ་ཤེས་སམ། ཡིད་གཉིས་ཟ་ན་ཡང་རུང་སྟེ། སོ་སོར་རིག་པར་བྱས་ན་ཉེས་བྱས་སོ། །སོ་སོར་རིག་པར་བྱེད་པའི་གནང་བ་བྱིན་པའི་དབང་དུ་བྱས་ཏེ་མུ་བཞིར་སྦྱར་རོ། །
[195a.3]གཞན་གྱིས་ནི་རིག་པར་གྱུར་ཏམ། རིག་པར་མ་གྱུར་ཀྱང་རུང་སྟེ་ལྟུང་བ་འདྲའོ། །འཁྲིག་པ་དང་ལྡན་པ་མ་གཏོགས་པ་གཞན་ཚུལ་ཁྲིམས་དང་ལྟ་བ་ཉམས་པ་ལ་ནི་གོ་བར་བྱས་ན་ཉེས་བྱས་སོ། །བདག་ཉིད་ཀྱི་གནས་ངན་ལེན་བསྙེན་པར་མ་རྫོགས་པ་ལ་བརྗོད་ན་ཉེས་བྱས་སོ། །
[195a.4]བརྗོད་པ་ལས་ཕ་རོལ་པོས་མ་རིག་ན་ཡང་ཉེས་བྱས་སོ། །དགེ་སློང་མས་བདག་གི་གནས་ངན་ལེན་བརྗོད་ན་ཉེས་བྱས་སོ། །གང་ལ་བརྗོད་པ་དེའི་རིམ་པར་དབྱེ་བའི་རྒྱུད་ཆག་པའི་ཉེས་པ་ནི། བསླབ་པའི་གཞི་གོང་དུ་སྨོས་པ་བཞིན་ནོ། །དགེ་འདུན་གྱིས་སོ་སོར་རིག་པར་བྱེད་
[195a.5]པའི་གནང་བ་བྱིན་པ་ལ་ནི་ལྟུང་བ་མེད་དོ། །དེ་ཡང་གནོད་སེམས་དང་ལྡན་ན་ཉེས་བྱས་སོ། །དྲིལ་བསྒྲགས་པའམ། རི་མོ་ལ་སོགས་པ་བྲིས་པ་ཅི་ལྟར་བདག་གིས་ཤེས་པ་བཞིན་དུ་འཇིག་རྟེན་ཀུན་གྱིས་ཀྱང་ཤེས་སོ་སྙམ་པ་ལ་ལྟུང་བ་མེད་དོ། །སོ་སོར་རིག་པར་མ་གྱུར་
[195a.6]པ་ལ་རིག་གོ་སྙམ་དུ་འདུ་ཤེས་པ་ནི་ལྟུང་བ་མེད་དོ། །བདེན་པ་མཐོང་བ་ལ་བརྗོད་པ་ལ་ཡང་ལྟུང་བ་མེད་དོ། །བདུན་པའོ།། །།ཡངས་པ་ཅན་ན་སྟེ། ཆུ་ཀླུང་ཡིད་འོང་ལྡན་གྱི་འགྲམ་ན་འཁོད་པ་དག་གིས་སྔོན་མུ་གེ་བྱུང་བའི་ཚེ་ནི་མི་བདེན་ལ་ད་ནི་བདེན་ཏེ། མིའི་ཆོས་
[195a.7]ལས་བླ་མར་གྱུར་པ་བརྗོད་པས་ན། བསྙེན་པར་མ་རྫོགས་པའི་གང་ཟག་གི་གཞིའི་དབང་དུ་མཛད་དེ། ཡིད་ཆེས་པ་དང་། རྙེད་པ་དང་། བཀུར་སྟིས་ཉོན་མོངས་པའི་ཕྱིར་ལྟུང་བྱེད་བརྒྱད་པ་བཅས་སོ། །མིའི་ཆོས་ལས་བླ་མར་གྱུར་པ་ནི་ཕམ་པར་འགྱུར་བའི་གཞི་ལ་རྣམ་
[195b]
[195b.1]པར་ཕྱེ་བའོ། །དེར་ནི་མི་བདེན་གྱི་འདིར་ནི་བདེན་ཏེ། ཁྱད་པར་དུ་ཡོད་པའོ། །དེར་ནི་ཕམ་པར་འགྱུར་བར་སྨོས་ཀྱི་འདིར་ནི་ལྟུང་བྱེད་དོ། །གང་དུ་ཉེས་པ་སྦོམ་པོར་སྨོས་པ་འདིར་ནི་ཉེས་བྱས་སུ་རིག་པར་བྱའོ། །གང་དུ་ཉེས་བྱས་དེར་ནི་ཉེས་བྱས་ཉིད་དོ། །མི་མ་ཡིན་པ་དང་།
[195b.2]སྨྱོས་པ་ལ་སོགས་པ་དང་། གླེན་པ་ལ་སོགས་པ་དང་། སྔར་ལྟུང་བ་བྱུང་བ་ལ་སོགས་པ་རྣམས་ལ་བརྗོད་ན་ཉེས་བྱས་སོ། །སྤྲིང་ཡིག་ལ་སོགས་པ་རྣམས་ཀྱིས་ཀྱང་ཉེས་བྱས་སོ། །འབྲས་བུ་ཐོབ་པ་ལས། ལག་ཏུ་ཤིང་ཐོག་ཨ་མྲའི་འབྲས་བུ་ལ་སོགས་པ་བཞག་སྟེ། ཁྱོད་
[195b.3]ཀྱིས་འབྲས་བུ་ཐོབ་བམ་ཞེས་དྲིས་པ་ལས་འབྲས་བུ་ལས་བསམས་ཏེ་ཅང་མི་སྨྲ་བ་ན་ཉེས་བྱས་སོ། །ཅི་སྟེ་མིའི་ཆོས་ལས་བླ་མར་གྱུར་པ་བཞིན་དུ་ན་ནི་ལྟུང་བྱེད་དོ། །དེ་བཞིན་དུ་ལྷག་མའི་རྣམ་གྲངས་ཀྱང་བརྗོད་པར་བྱའོ། །བསྟན་པ་ལ་མང་པོ་ཡིད་ཆེས་པར་གྱུར་པ་ཞིག་གི་ཕྱིར་
[195b.4]སྨྲས་ན་ལྟུང་བ་མེད་དོ། །ཁྱིམ་པའི་མདུན་དུ་རྫུ་འཕྲུལ་བསྟན་ན་ཉས་བྱས་སོ། །གདུལ་བར་བསམས་པ་ལ་ནི་ལྟུང་བ་མེད་དོ། །དགེ་སློང་མས་སྟོན་པའི་སྤྱན་སྔར་རྫུ་འཕྲུལ་བྱེད་ན་ཉེས་བྱས་སོ། །བརྒྱད་པའོ།། །།རྒྱལ་པོའི་ཁབ་ན་སྟེ། གྱད་བུ་ནོར་གྱི་ཆོས་གོས་གསུམ་
[195b.5]ངན་ཏེ། དགེ་འདུན་གྱིས་མི་འཁྲུག་པར་འགྱུར་བའི་ཕྱིར་གསོལ་བ་བྱས་ཏེ། རས་བྱིན་པ་དང་། མཛའ་བོ་དང་། ས་ལས་སྐྱེས་པ་དག་ཕྱིས་དགེ་སློང་དག་ལ་སྨོས་པས་ན། རྩོད་པའི་གཞིའི་དབང་དུ་མཛད་དེ། མི་བཟོད་པའི་ཉོན་མོངས་པས་ལྟུང་བྱེད་དགུ་པ་བཅས་སོ། །སྔར་
[195b.6]ལེགས་པར་རུང་བར་བྱས་ནས་ཞེས་བྱ་བ་ནི་སྔར་འདུན་པ་བྱིན་པའོ། །འདི་ལྟར་བཤེས་ངོར་བྱས་ཏེ་ཞེས་བྱ་བ་ནི་དགེ་སློང་གི་བཤེས་པ་གང་ཞེ་ན་མཁན་པོ་ཡི་ནི་ལྷན་ཅིག་གནས་པ་ནས་འགྲོགས་བཤེས་ཀྱི་བར་དུའོ། །རྙེད་པ་ཞེས་བྱ་བ་ནི་འདིར་ནི་གོས་ཀྱི་རྙེད་པ་ལ་བྱ་བར་དགོངས་
[195b.7]སོ། །དེ་ཡང་འདི་ལྟར་དོན་གྱི་བྱུང་བའི་དབང་གིས་བརྗོད་ཀྱི། ཐམས་ཅད་ལ་ཡང་རྙེད་པ་ཞེས་བྱ་བར་གཟུང་ངོ་། །བདག་གི་གང་ཟག་ཅེས་བྱ་བ་ནི་བདག་གི་གང་ཟག་ལ་སྟེ། བདག་ཉིད་ཀྱི་དེ་དག་ལའོ་ཞེས་བྱ་བའི་ཐ་ཚིག་གོ། །གཞན་དག་ལས་ནི་བདག་གི་རྣམས་ཀྱི་ཕྱིར་རོ་
[196a]
[196a.1]ཞེས་ཀྱང་འབྱུང་ངོ་། །རྣམ་པ་གཞན་དུ་ན་སྔར་ལེགས་པར་རུང་བར་གྱུར་པ་ཞེས་བྱ་བ་ནི་དགེ་འདུན་གྱི་རྙེད་པ་འདི་ཡིན་ཏེ། འདིའི་ཆ་ཤས་བདག་ཅག་དབང་ངོ་སྙམ་པའོ། །ཕྱི་ཞིག་ནས་ཁྲུས་བྱས་ནས་འོངས་པ་དང་། སྦྱིན་བདག་གིས་གང་ཟག་གང་གི་ཕྱིར་
[196a.2]འོངས་ཏེ་འོངས་པ་གང་ཟག་དེ་ལ་བྱིན་པ་དང་། ཁྱེད་ཀྱིས་འདི་རང་གི་གང་ཟག་ལ་བསྔོས་སོ་ཞེས་ཟེར་བ་དེ་ལ་ལྟུང་བའོ། །མ་བསྔོས་པ་ལ་མ་བསྔོས་པར་འདུ་ཤེས་སམ་ཡིད་གཉིས་ཟ་ན་ཡང་རུང་སྟེ་ལྟུང་བྱེད་དོ། །བསྔོས་པ་ལས་མ་བསྔོས་པར་འདུ་ཤེས་སམ་ཡིད་གཉིས་ཟ་ན་ཡང་རུང་སྟེ་
[196a.3]ཉེས་བྱས་སོ། །བསྔོས་སམ་མ་བསྔོས་ཀྱང་རུང་སྟེ། བསྔོས་པར་འདུ་ཤེས་ལ་གལ་ཏེ་ཉོན་མོངས་པའི་སེམས་མེད་ན་ལྟུང་བ་མེད་དོ། །ཉོན་མོངས་པའི་བསམ་པས་ནི་ཉེས་བྱས་སོ། །དགེ་སློང་མའི་དགེ་འདུན་གྱི་རྙེད་པར་གྱུར་པ་ལ་དེ་སྨྲས་ན་ཉེས་བྱས་སོ། །དེ་བཞིན་དུ་མི་མ་ཡིན་པ་ལས་
[196a.4]རབ་ཏུ་བྱུང་ཞིང་བསྙེན་པར་རྫོགས་པ་དང་། སྨྱོས་པ་ལ་སོགས་པ་རྣམས་དང་། གླེན་པ་ལ་སོགས་པ་རྣམས་དང་། སྔོན་ལྟུང་བ་བྱུང་བ་ལ་སོགས་པ་རྣམས་ཀྱི་རྙེད་པར་གྱུར་པ་དེ་ཡང་ངོ་། །དེ་བཞིན་དུ་གང་ལ་བྱིན་པ་དེ་དགེ་སློང་མ་ལ་སོགས་པ་རྣམས་ལས་གང་ཡང་རུང་བར་
[196a.5]གྱུར་པ་ལ་དེ་སྐད་དུ་བརྗོད་པར་བྱའོ། །སྨྲས་པ་ལས་ཕ་རོལ་བོས་མ་ཤེས་ན་ཉེས་བྱས་སོ། །གང་ཟག་གིར་བསྔོས་པ་ཉིད་ན་ལྟུང་བ་མེད་དོ། །དགུ་པའོ།། །།མཉན་ཡོད་ན་སྟེ། དྲུག་སྡེ་རྣམས་ཕམ་པར་འགྱུར་བ་རྣམས་འདོན་པའི་ཚེ་ནི་ཅང་མི་སྨྲ་བར་དགེ་འདུན་ལྷག་མ་ལ་
[196a.6]སོགས་པ་འདོན་པའི་ཚེ་འགོག་པར་བྱེད་དེ། སོ་སོར་ཐར་པའི་གཞི་ལ་མ་གུས་པའི་ཉོན་མོངས་པའི་ཕྱིར་བཅུ་པ་བཅས་སོ། །ཟླ་བ་ཕྱེད་ཕྱེད་ཅེས་བྱ་བ་ནི་ཟླ་བ་ཕྱེད་ཕྱེད་ལ་བྱའོ། །སོ་སོར་ཐར་པའི་མདོ་འདོན་པ་ན་ཞེས་བྱ་བ་ནི་ཕམ་པར་གྱུར་པ་གཞི་ནས་རྩོད་པ་ཞི་བར་བྱ་བ་བདུན་གྱི་
[196a.7]བར་དུ་ནི་སོ་སོར་ཐར་པའོ། །གཞི་དང་ཕྲན་ཚེགས་ལ་སོགས་པའི་བསླབ་པའི་གཞི་འདི་རྣམས་ཀྱང་དེར་འདུས་པའོ། །ཡང་འདི་དག་གིས་ཅི་བྱ་ཞེས་བྱ་བ་ནི་ཁྱད་དུ་གསོད་པའི་མཚན་ཉིད་དོ། །གང་ཟག་ལྟུང་བ་རྒྱུན་མ་ཆད་པར་བྱུང་ལ་ལྟུང་བ་རྣམས་ཐོས་ནས་ཡིད་མི་བདེ་བས་ན་ཁྱད་དུ་
[196b]
[196b.1]གསོད་པ་ཞེས་བྱའོ། །ཕྲན་ཚེགས་རབ་ཏུ་ཕྲ་བ་ཞེས་བྱ་བ་ནི་ལྟུང་བའི་ཚོགས་ཕྱི་མ་གསུམ་སྟེ། ཕྲན་ཚེགས་རབ་ཏུ་ཕྲ་བ་ནི་རྗེས་སུ་ཕྲ་བ་ཞེས་བྱ་བའི་ཐ་ཚིག་གོ། །བསླབ་པའི་གཞི་ཞེས་བྱ་བ་ནི་བསླབ་གསུམ་གྱི་གཞིའི་དོན་ཏོ། །འགྱོད་པ་ཞེས་བྱ་བ་ནི་མངོན་པར་དགའ་བ་
[196b.2]དང་། མངོན་པར་མི་དགའ་བ་དང་། བྱ་བ་དང་། མི་བྱ་བའི་ལམ་ལ་ཁྱད་པར་རྗེས་སུ་སེམས་རྣམ་པར་འགྱུར་བ་ནི་འགྱོད་པའོ། །དེ་ཉིད་ཡིད་ལ་གཅགས་པ་སྟེ། སྡུག་བསྔལ་བའི་དོན་དུ་འགྱུར་བའོ། །གནོད་པར་གྱུར་པ་ཞེས་བྱ་བ་ནི་ཡིད་གཉིས་ཀུན་ནས་སློང་བའི་ཕྱིར་
[196b.3]རོ། །གཞན་དག་ནི་གནོད་པར་གྱུར་པ་ཞེས་བྱ་བའི་གནས་སུ་རྣམ་པར་འགྱུར་བ་ཞེས་འདོན་ཏེ། དེ་དག་གི་དོན་ནི་དེའོ། །དེ་ལ་ལྟུང་བ་ཅི་ལྟར་འགྱུར་ཞེ་ན། དགེ་སློང་ཕམ་པར་གྱུར་པ་གཞི་ནས་རྩོད་པ་ཞི་བ་བདུན་གྱི་བར་དུ་འདོན་པའི་ཚེ་གནོད་པར་འགྱུར་བ་དེ་དག་གིས་སམ། དུས་
[196b.4]རིང་པོ་མ་ཡིན་པར་གཞན་དག་གིས་ཀྱང་དེ་ལྟ་བུའི་རིགས་ཀྱི་ཁྱད་དུ་གསོད་ན་ལྟུང་བྱེད་དོ། །དེ་བཞིན་དུ་གཞི་དང་ཕྲན་ཚེགས་དང་། གླེང་གཞི་དང་། སིལ་བུ་དང་། འདུལ་བ་ལྔ་པ་དང་། འདུལ་བ་བཅུ་དྲུག་པ་དང་། འདུལ་བ་བྲམ་ཟེའི་བུ་མོ་དང་། དེ་དག་ལས་གཞན་པ་ལས་
[196b.5]འདུལ་བ་དང་ལྡན་པའི་མདོ་སྡེ་རྣམས་ལ་ཡང་ལྟུང་བྱེད་དོ། །དེ་ལྡན་པ་མ་ཡིན་པའི་མདོ་སྡེ་རྣམས་ལ་ནི་ཉེས་བྱས་སོ། །དགེ་སློང་མ་ལ་སོགས་པ་རྣམས་ལ་འགྱོད་པ་ལ་སོགས་པའི་ཚུལ་ནི་སྔ་མ་བཞིན་ཏེ་ཉེས་བྱས་སོ། །འགྱོད་པ་བྱེད་པ་ལ་འགྱོད་པར་འདུ་ཤེས་པ་རྣམས་དྲུག་ཏུ་
[196b.6]སྦྱར་ཏེ་ཐམས་ཅད་ལ་ཡང་ལྟུང་བར་འགྱུར་རོ། །ལམ་ངན་པ་འཕེལ་བ་དང་། ཡང་དག་པ་མ་ཡིན་པ་ཉིད་དུ་ཤེས་ན་ལྟུང་བ་མེད་དོ། །བཅུ་པའོ། །ཚོགས་དང་པོ་རྫོགས་སོ།། །།མཉན་ཡོད་ན་སྟེ། སྔོན་ཤིང་མཁན་དགེ་སློང་ཞིག་གིས་ལྷའི་གནས་ཀྱི་ཤིང་ལྗོན་པ་ཞིག་
[196b.7]བཅད་པ་དང་། དེས་བཅོམ་ལྡན་འདས་ལ་གསོལ་ཏེ། བཅོམ་ལྡན་འདས་ཀྱིས་གང་གིས་ཤིང་ལྗོན་པ་བཅད་པ་དེ་འགལ་ཚབས་ཅན་དུ་འགྱུར་རོ་ཞེས་བཀའ་སྩལ་ཏོ། །ལག་གི་བླས་ནི་ཡང་ཉི་མ་བདུན་ནམ་བརྒྱད་རྣམས་ན་བཅད་དོ་སྙམ་པ་དང་། ཤིང་དེའི་དྲུང་དུ་དཀྱིལ་འཁོར་
[197a]
[197a.1]བྱས་ཏེ། དྲི་ལ་སོགས་པ་ལས་གཏོར་མ་བྱས་ཏེ། རྒྱུན་ཆགས་གསུམ་པ་ཀླག་པ་དང་། ཡོན་བཤད་པ་ཡང་བྱའོ། །དགེ་བ་བཅུའི་ལས་ཀྱི་ལམ་དང་། མི་དགེ་བ་བཅུའི་ལས་ཀྱི་ལམ་ཡང་བཤད་པར་བྱའོ། །དེའི་འོག་ཏུ་ཤིང་ལྗོན་པ་འདི་ན་ལྷ་གང་དག་
[197a.2]གནས་པ་དེ་གནས་གཞན་ཚོལ་ཅིག །ཤིང་ལྗོན་པ་འདིས་དགེ་འདུན་གྱི་འམ། མཆོད་རྟེན་གྱི་བྱ་བ་བྱེད་པར་འགྱུར་ཞེས་བརྗོད་ལ། དེ་ནས་གདོད་གཅད་པར་བྱའོ། །གལ་ཏེ་འགྱུར་བ་བསྟན་ན། སྦྱིན་པའི་བསྔགས་པ་དང་། །སེར་སྣའི་བསྔགས་པ་མ་ཡིན་པ་བརྗོད་པར་བྱའོ། །
[197a.3]གལ་ཏེ་ཡང་འགྱུར་བ་བསྟན་ན་གཅད་པར་མི་བྱའོ། །དེ་ནི་བྱུང་བ་ཡིན་ཏེ། དྲུག་སྡེ་ཡང་རང་གི་ལག་གིས་རྩྭ་སྔོན་པོ་གཅོད་དེ། མུ་སྟེགས་ཅན་ལ་སོགས་པ་རྣམས་ཀྱང་སྨོད་པར་བྱེད་ནས། ས་བོན་དང་། འབྱུང་པོའི་གཞིའི་དབང་དུ་མཛད་དེ། མ་དད་པ་དང་རྐྱེན་གྱིས་བཏང་
[197a.4]སྙོམས་པའི་ཉོན་མོངས་པ་དག་དང་། སྙིང་རྗེ་མེད་པའི་ཉོན་མོངས་པའི་ཕྱིར་ཡང་། ས་བོན་གྱི་ཚོགས་ཀྱི་བསླབ་པའི་གཞི་དང་པོར་བཅས་སོ། །ས་བོན་གྱི་ཚོགས་ཞེས་བྱ་བ་ནི་ས་བོན་གྱི་རང་བཞིན་ལྔ་སྟེ། ས་བོན་རྣམས་ཀྱི་ཚོགས་ནི་ས་བོན་གྱི་ཚོགས་ཞེས་བྱ་སྟེ། ཀུན་ནས་
[197a.5]བསྡུས་པས་ཕུང་པོ་ཞེས་བྱ་བའི་ཐ་ཚིག་གོ། །དེ་ལ་རྩ་བའི་ས་བོན་ནི་གླ་སྒང་ལ་སོགས་པ་གང་རྩ་བ་བཏབ་པ་ལས་སྐྱེ་བའོ། །སྡོང་བུའི་ས་བོན་ནི་ཤིང་ཨ་ཤྭད་ཐ་ལ་སོགས་པ་སྟེ། སྡོང་བུ་ལས་སྐྱེས་པའོ། །ཐོ་གུའི་ས་བོན་ནི་གང་ཐོ་གུ་ལས་སྐྱེ་བ་ཡིན་ཏེ། བུ་རམ་ཤིང་དང་
[197a.6]འོད་མ་ལ་སོགས་པའོ། །འགས་པའི་ས་བོན་ནི་ཤིང་ཏོག་ཨརྫ་ཀ་ལ་སོགས་པའི་ལོ་མ་ནི་འགས་པ་ཞེས་བྱའོ། །ས་བོན་གྱི་ས་བོན་ནི་ནས་ལ་སོགས་པའི་ས་བོན་ཡིན་ཞིང་དེར་བགྲང་བའོ། །ཁ་ཅིག་ན་རེ་དགས་པའི་ས་བོན་ནི་གང་བཀས་པས་སྐྱེ་བའོ། །འབྲུ་ནི་ས་བོན་གྱི་
[197a.7]ས་བོན་ཏེ་ནས་ལ་སོགས་པ་སྟེ། ཁ་ཅིག་གང་མི་འདྲ་བ་ལས་མི་འདྲ་བ་སྐྱེ་བ་ཡིན་ཏེ། རྭ་ལས་སྨྱིག་མ་དང་། བ་ལང་གི་སྤུ་དང་། ལུག་གི་བལ་ལས་རྩྭ་དཱུར་བ་ཞེས་བྱ་བ་ལ་སོགས་པར་འགྱུར་རོ་ཞེས་ཟེར་རོ། །འབྱུང་པོའི་གནས་ཞེས་བྱ་བ་ལ། འབྱུང་པོ་ནི་སྲིན་བུ་དང་། ཕྱི་བྱི་
[197b]
[197b.1]ཞོལ་ལ་སོགས་པའི་གནས་ཡིན་པས་ན་ཤིང་ལ་གནས་ཞེས་བྱའོ། །གཞན་དག་ནི་མིའི་གྲོང་བཞིན་དུ་འབྱུང་པོའི་གནས་ཞེས་བྱ་སྟེ། རྣམ་པ་ལྔ་པོ་ཞེས་ཀྱང་ཟེར་ཏེ། རྩྭ་ལ་སོགས་པ་ནི་དེ་ལྟ་བུའི་རྒྱུ་ཡིན་པས་ན་ས་བོན་ལྟ་བུ་ཞེས་བྱ་སྟེ། གཅན་གཟན་གྱི་གནས་དང་། རི་དགས་ཀྱི་
[197b.2]གནས་དང་། བྱའི་གནས་དང་། རྗེས་སུ་འབྲང་བའི་གནས་དང་། ཤ་སྦྲང་གི་གནས་སོ། །རྗེས་སུ་འབྲང་བ་ཞེས་བྱ་བ་ནི་བྱི་བ་དང་། ནེའུ་ལེ་དང་། སྦྲུལ་ལ་སོགས་པའོ། །འཇིག་གམ་འཇིག་ཏུ་བཅུག་ཅེས་བྱ་བ་ནི་འབྱིན་པ་དང་། བཀས་པ་དང་། གཅོད་པ་དང་། འབིགས་
[197b.3]པ་ལ་སོགས་པའི་ཚིག་བླ་དགས་སོ། །གཅིག་ནི་རང་གི་དོན་ཏེ། ནི་ཀ་ཙའི་རྐྱེན་ཏོ། །གཉིས་པ་ནི་རྒྱུའི་བྱེད་པའོ། །དེ་ལ་ལྟུང་བ་ཅི་ལྟར་འགྱུར་ཞེ་ན། དགེ་སློང་གིས་ས་བོན་ནམ་རྩྭ་ལ་སོགས་པ་ལ་ས་བོན་དེ་ཉིད་དུ་འདུ་ཤེས་སམ། ས་བོན་གཞན་དུ་འདུ་ཤེས་སམ། སྔོན་པོ་ལ་སོགས་
[197b.4]པར་འདུ་ཤེས་སམ། ཡིད་གཉིས་ཟ་ན་ཡང་རུང་། སེན་མོའམ། མཚོན་ནམ། བོང་བ་ལ་སོགས་པ་རྣམས་ཀྱི་ས་དང་། མེ་དང་། ཆུ་དང་གཏུན་ཤིང་གིས་བསྣུན་ཏམ། ས་སྐམ་པོ་ལ་གཞག་གམ། འགྱུར་བྱེད་དང་། ཚ་སྒོ་ལ་སོགས་པས་སྦགས་སམ། འུ་ཤ་ལ་སོགས་པ་དང་། འཆག་པ་དང་། རེ་
[197b.5]ལྡེ་ལ་སོགས་བཤལ་ཏམ་ཐབས་ཅི་དང་ཅིར་ཡང་རུང་སྟེ། ཉམས་པར་བྱ་བར་བསམས་ནས་བདག་རང་ངམ། ཕ་རོལ་པོས་ཉམས་པར་བྱས་པ་ལས་རྣམ་པར་ཉམས་པར་གྱུར་ན་ལྟུང་བྱེད་དོ། །དེ་ལྟར་མ་གྱུར་ན་ཉེས་བྱས་སོ། །ས་བོན་མ་ཡིན་པ་ལ་ས་བོན་དུ་འདུ་ཤེས་སམ།
[197b.6]ཡིད་གཉིས་ཟ་ན་ཡང་རུང་ཉེས་བྱས་སོ། །དེ་ཡང་དངོས་པོ་ཇི་སྙེད་པ་དེ་སྙིད་ཀྱི་ལྟུང་བྱེད་དུ་འགྱུར་རོ། །སྦྱོར་བ་ཅི་སྙེད་པ་དེ་སྙེད་ལས་ཉེས་བྱས་སོ། །གལ་ཏེ་སྦྱོར་བ་གཅིག་གིས་མང་པོ་ཉམས་པར་གྱུར་ན་ཉེས་བྱས་གཅིག་དང་། ལྟུང་བྱེད་མང་པོར་འགྱུར་རོ། །གལ་ཏེ་སྦྱོར་བ་མང་
[197b.7]པོས་གཅིག་ཉམས་པར་གྱུར་ན་ལྟུང་བྱེད་གཅིག་སྟེ། ཉེས་བྱས་མང་པོར་འགྱུར་རོ། །སྦྱོར་བ་དང་དངོས་གཞིའི་གྲངས་ཀྱི་ལྟུང་བའི་གྲངས་བཞིན་དུ་བསླབ་པའི་གཞི་ཐམས་ཅད་ལ་ཡང་རིག་པར་བྱའོ། །ཤིང་ལྗོན་པའི་སྦུ་བུ་དང་། ཤུན་ཕྲགས་དང་། ཕྲི་དང་། འདབ་མ་སྐྱ་བོ་དང་།
[198a]
[198a.1]མེ་ཏོག་རྒྱས་ཟིན་པ་དང་། འབྲས་བུ་སྨིན་ཟིན་པ་བཤུས་སམ་བླགས་ན་ཉེས་བྱས་སོ། །རྩ་བ་དང་། སྙིང་པོ་དང་། འདབ་མ་སྔོན་པོ་དང་། མེ་ཏོག་ཁ་མ་བྱེ་བ་དང་། འབྲས་བུ་མ་སྨིན་པ་ཉམས་པར་བྱས་ན་ལྟུང་བྱེད་དོ། །ཉ་ལྕིབས་དང་། ཉ་ཚང་ཆུ་ལས་
[198a.2]ཇི་སྲིད་ཕྱིར་མ་བྱུང་མ་བསྐྱོད་པ་དེ་སྲིད་དུ་ཉེས་བྱས་སོ། །ཕྱུང་ན་ལྟུང་བྱེད་དོ། །ཕ་བོང་གི་དྲེགས་པ་དང་། ཕ་བ་དགོ་དགོ་དང་། ཤ་མོ་ཉམས་པར་བྱས་སམ་ཕྱུང་བ་དང་། དེ་བཞིན་དུ་བུམ་པ་དང་གོས་ཀྱི་གདང་ལ་སོགས་པ་གླམ་ཅན་བཅད་ན་ཉེས་བྱས་སོ། །རུང་བར་བྱས་པ་
[198a.3]ལ་ནི་ལྟུང་བ་མེད་དོ། །ཤིང་ཏོག་ཀོ་ལའི་ཚི་གུ་རིལ་མིད་བྱས་ན་ཉེས་བྱས་སོ། །སྤྲིང་ཡིག་ལ་སོགས་པ་རྣམས་ཀྱིས་སམ། ལུས་ཀྱི་རྣམ་པར་རིག་བྱེད་དམ། རྫུ་འཕྲུལ་གྱིས་སམ། རྣམ་པར་ཐར་པས་ཤིང་ལྗོན་པ་བཅད་ན་ལེགས་སོ་ཞེས་སྨྲས་པ་ལས་གལ་ཏེ་བཅད་
[198a.4]ན་ཉེས་བྱས་སོ། །པདྨའི་སྡོང་བུ་དང་། རྡོའི་ཟར་བུ་བཅད་ན་ཉེས་བྱས་སོ། །ཁ་ཅིག་གི་འདོད་པ་ནི་ལྟུང་བའི་རྣམ་པར་དབྱེ་བ་ལ། སྦྲང་ཚད་དགེ་སློང་གིས་འཆར་མི་གཞུག་པར་འབད་པར་བྱའོ། །མ་བྱས་ན་ཉེས་བྱས་སོ། །འབྱུང་པོའི་གནས་སྲོག་ཆགས་ཀྱིས་ཟིན་པ་
[198a.5]བཤིག་ན་ལྟུང་བྱེད་དོ། །སེམས་ཅན་གྱི་མ་ཟིན་པའམ། སྒོ་ང་མེད་པའི་ཚང་བ་ཤིག་གམ། སྒོ་ང་རུལ་པ་བཅག་ན་ལྟུང་བ་མེད་དོ། །བརྒྱ་གང་སྲོག་ཆགས་ལ་གནོད་པར་མི་འགྱུར་བ་ཐམས་ཅད་གཞིག་པར་བྱའོ་ཞེའོ། །ཐམས་ཅད་དུ་ཉམས་པར་བྱ་བར་མ་བསམས་ན་འཆག་གམ།
[198a.6]ཁུ་བ་ལ་སོགས་པ་ཕོའམ། སྐྱང་ནུལ་ལམ་བཤལ་ཀྱང་རུང་ལྟུང་བ་མེད་མོད་ཀྱི་འོན་ཀྱང་རྩ་བ་དང་འབྲས་བུ་དག་རུང་བར་བྱ་བ་བྱོས་ལ་བཟའ་བར་བྱའོ། །རུང་བར་བྱ་བ་ལྔ་སྟེ་མེས་རུང་བ་དང་། མཚོན་གྱིས་རུང་བ་དང་། རྙིངས་པས་རུང་བ་དང་། ནེ་ཚོས་རྨ་ཕྱུང་བས་རུང་བ་དང་།
[198a.7]སེན་མོས་རུང་བའོ། །ཡང་ལྔ་སྟེ། ཕྱུང་བ་དང་། བཅད་པ་དང་། བཀས་པ་དང་། ཕུག་པ་དང་། ས་བོན་གྱི་ཆོས་མེད་པ་ཉིད་དོ། །རྒུན་ལ་སོགས་པའི་འབྲས་བུ་ནི་ཕུང་པོར་བྱས་ཏེ། གནས་གསུམ་མམ་བཞིར་མེས་རེག་པར་བྱས་ཏེ་ཐམས་ཅད་ཀྱང་རུང་བའོ། །མཚོན་དང་།
[198b]
[198b.1]སེན་མོ་རྣམས་ཀྱིས་རེ་རེ་ནས་སོ། །རྣམ་པ་གཞན་དུ་གང་ཅི་དང་ཅིས་ཀྱང་རུང་སྣད་པ་དང་། ཐ་ན་ཁ་འཕྲོ་དང་། ཞག་ལོན་པའམ། སྣད་པར་གྱུར་པའང་རུང་བ་ཞེས་བརྗོད་པར་བྱའོ། །འབྲུའི་རིགས་མི་ཚོས་པ་ཞེས་བྱ་བ་ཡོད་དེ། རླངས་པས་རླན་པའོ་ཞེས་བྱས་ལ་ལོངས་སྤྱད་ན་
[198b.2]ལྟུང་བ་མེད་དོ། །དགེ་སློང་གིས་མཚོན་གྱིས་རུང་བར་བྱས་པ་ཡིན་ཏེ་བཟའ་བར་བྱའོ། །མེས་རུང་བར་བྱས་པ་ནི་རང་གིས་བཙོས་པར་གྱུར་པས་ན་བཟའ་བར་མི་བྱའོ། །ས་བོན་ཉམས་པར་བྱས་པས་ན་ལྟུང་བྱེད་དུ་ཡང་འགྱུར་རོ། །ས་རུང་བའམ། མི་རུང་བ་ན་རུང་བར་བྱེད་པ་
[198b.3]འདུག་སྟེ་རུང་བར་བྱེད་ན་བྱས་པ་ཡིན་ཏེ། མེས་རུང་བ་བྱས་པ་མ་གཏོགས་ཏེ་བཟའ་བར་བྱའོ། །དགོན་པར་ལམ་དུ་ཞུགས་པ་ལས་བསྙེན་པར་མ་རྫོགས་པ་མེད་དམ་མུ་གེའི་ཚེ་ནི་ལྟུང་བ་མེད་དོ། །དང་པོའོ།། །།མཉན་ཡོད་ན་སྟེ། མཛའ་བོ་དང་ས་ལས་སྐྱེས་དག་གྲངས་
[198b.4]སུ་བཅུག་ཀྱང་གྱད་བུ་ནོར་ལ་མངོན་སུམ་དུ་འཕྱ་ཞིང་ཁ་ཅིག་ཅེས་བྱ་བའི་ཚིག་གིས་གཞོགས་འཕྱས་བྱེད་དེ་མ་གུས་པའི་གཞིའི་དབང་དུ་མཛད་དེ། སྨོད་པའི་ཉོན་མོངས་པས་ན་གཉིས་པ་བཅས་སོ། །འཕྱའམ། གཞོགས་འཕྱས་བྱེད་ཅེས་བྱ་བ་ནི་འཕྱ་བ་དེས་གཞོགས་འཕྱས་བྱེད་ཅེས་བྱ་
[198b.5]བའི་ཚིག་དང་འབྲེལ་ཏོ། །དེ་ལ་འཕྱ་བ་ནི་ཚེ་དང་ལྡན་པ་འདིས་བསམས་བཞིན་དུ་མནར་ཏོ་ཞེས་བྱ་བ་ལ་སོགས་པ་མངོན་སུམ་དུ་སྨྲ་བའོ། །གཞོགས་འཕྱས་ནི་མངོན་སུམ་དུའམ། མངོན་སུམ་མ་ཡིན་ཡང་རུང་མིང་མི་སྨོས་ཤིང་ཁ་ཅིག་གོ་ཞེས་སྨྲ་བའོ། །འདི་གཉིས་གཅིག་གམ་
[198b.6]གཉིས་ཀ་ལ་ཡང་ལྟུང་བྱེད་དུ་འགྱུར་རོ། །དེ་ལ་གང་དགེ་འདུན་གྱིས་བསྐོས་པའི་དགེ་སློང་ལ་འཕྱའམ་གཞོགས་འཕྱས་བྱེད་ན་དེ་ལ་གསོལ་བ་དང་གཉིས་ཀྱི་ལས་ཀྱིས་གྲངས་སུ་གཞུག་པར་བྱའོ། །གྲངས་སུ་བཅུག་པའི་དགེ་སློང་གིས་གང་ཟག་བཅུ་གཉིས་མཉམ་དུ་སྦྱོར་བ་བཏང་
[198b.7]བའམ། སྦྱོར་བ་མ་གཏང་བའམ། མ་བསྐོས་པའམ། རྣམ་པ་གཉིས་ཀ་ལ་ཅི་ལྟར་ཡང་རུང་སྟེ། མངོན་སུམ་མམ་མངོན་སུམ་མ་ཡིན་པ་ཡང་རུང་། རང་བཞིན་དུ་གནས་པ་གཞན་གྱིས་མདུན་དུ་གཞོགས་འཕྱས་སམ། འཕྱ་བ་གཉི་ག་ཡང་བྱེད་ན་ལྟུང་བྱེད་དོ། །གལ་ཏེ་
[199a]
[199a.1]གྲངས་སུ་མ་བཅུག་པ་ནི་ཉེས་བྱས་སོ། །གང་ཟག་བཅུ་གཉིས་ནི་ཁང་ཆེན་ཏེ། གཙུག་ལག་ཁང་གི་བསླབ་པའི་གཞི་ལས་བསྟན་ཏོ། །གནས་ཡིན་པ་ལ་གནས་ཡིན་པར་འདུ་ཤེས་ཤིང་འཕྱ་ན་ལྟུང་བ་མེད་དོ། །གནས་ཡིན་པ་ལ་གནས་
[199a.2]མ་ཡིན་པར་འདུ་ཤེས་སམ་ཡིད་གཉིས་ཟ་ནའང་རུང་སྟེ་འཕྱ་བ་ན་ཉེས་བྱས་སོ། །གནས་མ་ཡིན་པ་ལ་གནས་མ་ཡིན་པར་འདུ་ཤེས་སམ། ཡིད་གཉིས་ཟ་ན་ཡང་རུང་འཕྱ་ན་ལྟུང་བྱེད་དོ། །གནས་མ་ཡིན་པ་ལ་ཡང་གནས་སུ་འདུ་ཤེས་ན་ཡང་ལྟུང་བ་མེད་དོ། །དུད་འགྲོའི་སྐྱེ་གནས་སུ་
[199a.3]གཏོགས་པ་དང་། གཞན་གྱིས་བསྒོ་བའམ། དེའི་སྐད་བརྡ་མི་ཕྲད་པ་དང་། མི་དབེན་པ་ལ་དབེན་པར་འདུ་ཤེས་ནས་འཕྱའམ། གོ་བཟློག་པ་ལ་ཡང་རུང་སྟེ། ཐམས་ཅད་དུ་ཅི་ནས་རང་བཞིན་དུ་གནས་པ་གང་ལ་ཡང་གོ་བར་མི་བྱེད་ན། ཐམས་ཅད་ལ་ཡང་ཉེས་བྱས་ཀྱི་
[199a.4]ལྟུང་བར་འགྱུར་རོ། །འཕྱ་བ་དེ་ལ་སླར་ལེན་གདབ་པར་བྱ་བ་ཡོད་དེ། གང་མ་དད་པས་གནས་ཡིན་པ་ལ་འཕྱ་བའོ། །དེ་ལ་བཏང་སྙོམས་སུ་བཞག་པ་ཡང་ཡོད་དེ། གང་དད་པས་གནས་མ་ཡིན་པ་ལ་ཁྲོས་ནས་འཕྱ་བ་ཡིན་ཏེ། འཁྲུགས་པའི་འདུ་ཤེས་ཀྱིས་ལན་གདབ་པར་མི་
[199a.5]རིགས་སོ། །དེར་འདུ་ཤེས་ནས་ལན་གདབ་པར་སྦྱིན་པར་བྱ་བ་ཡོད་དེ། གང་དད་པས་གནས་མ་ཡིན་པ་ལ་སྟེ། ཡང་དག་པ་མ་ཡིན་པ་ལ་སོགས་པ་རྣམས་སུ་འཕྱ་བའོ། །དེ་ལ་ཅི་ལྟར་ཆོས་བཞིན་དུ་སླར་བྱ་བ་ཡང་ཡོད་དེ། གང་དད་པས་གནས་ཡིན་ལ་ཡང་དག་པ་ལ་སོགས་
[199a.6]པས་འཕྱ་བའོ། །དེ་ལ་ཁས་བླང་བར་བྱ་བ་ཡང་ཡོད་དེ། གང་ནད་པ་ལ་ནད་གཡོག་བྱ་བ་དང་སྦྱིན་པ་ལ་སོགས་པར་ཁས་བླངས་པ་ལ་མ་བྱས་པ་སྟེ། གང་ལས་ཁས་བླངས་པ་དེ་ལ་འཕྱ་བའོ། །གཉིས་པའོ།། །།ཀཽ་ཤཱམྦཱི་ན་སྟེ། འདུན་པ་ལྟུང་བ་ཕྱིར་གྱིས་ཤིག་ཅེས་བསྒོ་
[199a.7]ན། གཞན་ནས་གཞན་དུ་རྗེས་སུ་འཇུག་པ་དགེ་སློང་དག་གིས་བསྒོ་བ་རྣ་ལ་གཟོན་པ་ཡིན་ནོ། །གསོལ་བ་དང་གཉིས་ཀྱི་ལས་ཀྱིས་བསྒོ་བ་རྣ་ལ་གཟོན་པའི་གྲངས་སུ་བཅུག་གོ། །ཕྱིས་ཡང་བསྒོ་བ་ན་ཅང་མི་སྨྲ་བར་འདུག་གོ་སྙམ་བསམས་ཏེ། རྣ་ལ་གཟོན་པས་ན་གསོལ་བ་དང་
[199b]
[199b.1]གཉིས་ཀྱི་ལས་ཀྱིས་ཅང་མི་སྨྲ་བས་ན་རྣ་ལ་གཟོན་པའི་གྲངས་སུ་བཅུག་གོ། །གྲངས་སུ་བཅུག་ཀྱང་གཉི་ག་བྱེད་པས་ན་མ་གུས་པའི་གཞིའི་དབང་དུ་མཛད་དེ་སྨོད་པའི་ཉོན་མོངས་པས་ན་གསུམ་པ་བཅས་སོ། །བསྒོ་བ་རྣལ་གཟོན་ན་ཞེས་བྱ་བ་ནི། འདི་ནི་གྱིས་ཤིག་འདི་ནི་མ་བྱེད་
[199b.2]ཅིག་ཅེས་ཚིག་གིས་བསྒོ་བ་སྟེ། དེ་ལས་འགལ་བར་བྱེད་པ་རྣ་ལ་གཟོན་པས་ན་རྣལ་གཟོན་པ་འདི་ཚིག་གིས་ཏེ། ཅང་མི་སྨྲ་བས་བྱེད་པ་དང་ཡང་འབྲེལ་ཏེ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་དགེ་སློང་ལ་ཁྱོད་ཀྱིས་དགེ་སློང་ངམ། ཁྱིམ་པ་མོ་ཡང་རུང་མཚན་མ་
[199b.3]འདི་ལྟ་བུ་དང་ལྡན་པ་མཐོང་ངམ་ཞེས་དྲིས་པ་ལས། དེས་བསྒོ་བ་རྣལ་གཟོན་པར་བསམས་ཏེ། མཚན་མ་དེ་ལྟ་བུ་དང་ལྡན་པ་ནི་མ་ཡིན་གྱི། རྐང་པས་འགྲོ་བ་མཐོང་ངོ་ཞེས་སམ། ཅང་མི་སྨྲ་བས་དང་དུ་ལེན་ན་ལྟུང་བྱེད་དོ། །དེ་ལྟ་བུ་ཅི་སྲིད་གང་ཅུང་ཟད་ཀྱང་རུང་བསམས་
[199b.4]ནས་གཞན་དུ་བྱ་བ་ལས་གཞན་དུ་རྗེས་སུ་འཇུག་གམ། ཅང་མི་སྨྲ་བར་བྱེད་ཀྱང་རུང་སྟེ། དགེ་འདུན་ནམ་རང་བཞིན་དུ་གནས་པའི་དགེ་སློང་གིས་བསྒོ་བ་རྣལ་གཟོན་ན་ཐམས་ཅད་ལ་ཡང་ལྟུང་བྱེད་དུ་འགྱུར་རོ། །ཞུས་པ་ལས་བཀའ་སྩལ་པ། ཅང་མི་སྨྲ་བར་འདུག་ན་ཉེས་
[199b.5]བྱས་སོ། །དགེ་འདུན་ནམ། བླ་མ་འམ། བླ་མའི་གནས་ལྟ་བུ་ཞིག་གིས་རིགས་པར་བསྒོ་བ་ལས། ཉོན་མོངས་པའི་སེམས་ཀྱིས་རིགས་པར་བསྒོ་བ་རྣ་ལ་གཟོན་ན་ལྟུང་བྱེད་དོ། །མི་རིགས་པ་ཞིག་ལ་བསྒོ་བ་རྣ་ལ་གཟོན་ན་ཉེས་བྱས་སོ། །ཆོམ་རྐུན་གྱིས་བསྒོ་བ་རྣ་ལ་གཟོན་ན་
[199b.6]ཉེས་བྱས་སོ། །ཅི་སྐད་དུ་དགོན་པ་ན་གནས་པ་ལ་ཆོམ་རྐུན་གྱིས་ངེད་ཀྱི་ཕྱིར་ཟས་དང་སྐོམ་གཞག་པར་བྱའོ་ཞེས་བསྒོ་བ་ན་གཞག་པར་བྱའོ། །ཡང་ན་དེར་འཁོད་པར་མི་བྱའོ། །འཁོད་ན་ཉེས་བྱས་སོ་ཞེས་གསུངས་པ་ལྟ་བུའོ། །བསྒོ་བ་རྣལ་གཟོན་པར་བྱ་བ་ཡང་ཡོད་དེ། གང་མི་
[199b.7]རིགས་པ་དང་། བརྫུན་ལ་སོགས་པ་སྨྲ་བའོ། །དེ་ལ་བཏང་སྙོམས་སུ་གཞག་པ་ཡང་ཡོད་དེ། གང་ཁྲོས་ནས་མི་རིགས་པ་དང་། བརྫུན་ལ་སོགས་པ་སྨྲ་བ་སྦྱིན་པའོ། །དེ་ལ་ལེན་གདབ་པ་སྦྱིན་པར་བྱ་བ་ཡང་ཡོད་དོ། །གང་མ་ཁྲོས་ན་མི་རིགས་པར་སྨྲ་བའོ། །དེ་ལ་ཅི་ལྟར་ཆོས་
[200a]
[200a.1]བཞིན་དུ་སླར་བྱ་བ་ཡང་ཡོད་དེ། གང་ཚུལ་ཁྲིམས་ལ་སོགས་པ་ཉམས་པའོ། །དེ་ལ་ཁས་བླང་བར་བྱ་བ་ཡང་ཡོད་དེ། དེ་ཚུལ་ཁྲིམས་ལ་སོགས་པ་ཕུན་ཚོགས་པར་གྱུར་པ་དང་། དགེ་འདུན་ལ་བསྙེན་བཀུར་བྱ་བ་ལ་སོགས་པའོ། །གཞན་དུ་བྱ་བ་ལས་
[200a.2]ཉོན་མོངས་པའི་སེམས་ཀྱིས་གཞན་དུ་བྱེད་ན་ལྟུང་བྱེད་དོ། །ཉོན་མོངས་པ་མེད་ན་ཉེས་བྱས་སོ། །ལུས་ཀྱིས་བྱས་ན་ཡང་ལྟུང་བའོ། །སོང་ཤིག་ཅེས་བྱས་པ་ལས་མི་འགྲོ་བ་ལ་སོགས་པ་ཡང་དེ་བཞིན་ནོ། །གནས་ཡིན་པས་བསྒོ་བ་ལས་གནས་ཡིན་པས་བསྒོ་བར་འདུ་ཤེས་སམ་ཡིད་
[200a.3]གཉིས་ཟ་ན་ཡང་ལྟུང་བྱེད་དོ། །གནས་མ་ཡིན་པས་བསྒོ་བ་ལ་གནས་ཡིན་པས་བསྒོ་བར་འདུ་ཤེས་པ་དང་ཡིད་གཉིས་ཟ་ན་ཡང་རུང་ཉེས་བྱས་སོ། །གནས་མ་ཡིན་པས་བསྒོ་བའམ། གནས་ཡིན་པས་བསྒོ་བ་ལ་གནས་མ་ཡིན་པས་བསྒོ་བར་འདུ་ཤེས་ན་ཡང་ལྟུང་བ་མེད་
[200a.4]དོ། །དགེ་འདུན་ནམ་བླ་མའམ། བླ་མའི་གནས་ལྟ་བུ་ཞིག་ན་ཉེས་བྱས་སོ། །དེ་ལས་གཞན་དུ་ན་ལྟུང་བ་མེད་དོ། །སྐད་མི་ཤེས་པ་ཞིག་ལ་བསྒོ་བ་རྣལ་གཟོན་ན་ཉེས་བྱས་སོ། །གསད་པ་ཞིག་བྲོས་པ་ལས་གསོད་པའི་གཤེད་མས་དྲིས་པ་ལ་ལྟུང་བ་མེད་པར་བརྗོད་པར་
[200a.5]བྱ་སྟེ། དེ་ལ་ངལ་སོ་ཤིག །མེ་གང་དུ་ཞུགས་ཤིག་ཆུ་འཐུང་ཤིག་ཅེའམ། ཅི་སྟེ་ཡང་འདུག་ཏུ་ཡང་མི་བཏུབ་ན་སེན་མོ་ལ་བལྟས་ལ་སེན་མོ་མཐོང་ངོ་ཞེས་བརྗོད་པར་བྱའོ། །ཡང་ན་ནམ་མཁའ་ལ་བལྟས་ལ་ནམ་མཁའ་མཐོང་ངོ་ཞེས་སོ། །གལ་ཏེ་ཡང་མི་བཏུབ་ན་ཕྱོགས་བཞིར་
[200a.6]རྣམ་པར་བལྟས་ལ། འདུས་བྱས་ཐམས་ཅད་བདག་མེད་པའོ་ཞེས་བྱ་བར་ཡིད་ལ་བྱ་སྟེ། ངས་སེམས་ཅན་གང་ཡང་མ་མཐོང་ངོ་ཞེས་བརྗོད་པ་ལ་ལྟུང་བ་མེད་དོ། །གནོད་པ་དེ་ལྟ་བུ་མ་གཏོགས་སོ། །ཁྱིམ་པས་བསྒོ་བ་ལས་རྒྱུ་གཞན་གྱི་བསྒོ་བ་རྣལ་གཟོན་ན་ཉེས་བྱས་སོ། །
[200a.7]ཁའི་ནད་ཡོད་པས་ཁ་ན་སྨན་འཆང་ཞིང་ཅང་མི་སྨྲ་བ་ནི་ལྟུང་བ་མེད་དོ། །གསུམ་པའོ།། །།འདུལ་བ་བསྡུས་པ་བམ་པོ་དགུ་པ། མཉན་ཡོད་ན་སྟེ། དགེ་སློང་རྣམས་བླ་གབ་མེད་པར་མལ་ཆ་དང་སྟན་རྣམས་བོར་ཏེ་ཁྱིམ་གཞན་དུ་དང་བ་དང་། བཅོམ་ལྡན་འདས་ཀྱིས་
[200b]
[200b.1]ཆར་པ་འབབ་པར་དོགས་ནས་ནང་དུ་བསྡུས་ཏེ། དེ་ལྟ་བས་ན་གནས་མལ་གྱི་གཞིའི་དབང་དུ་མཛད་དེ། སྨོད་པ་དང་ལེ་ལོའི་ཉོན་མོངས་པའི་ཕྱིར་ལྟུང་བྱེད་བཞི་པ་བཅས་སོ། །དགེ་འདུན་ཞེས་བྱ་བ་ནི་དགེ་འདུན་ལ་རྣམ་པ་དྲུག་སྟེ། གཞིའི་ཚོགས་ཀྱི་དགེ་འདུན་དང་། དེ་ལས་
[200b.2]ལྷག་པའི་དགེ་འདུན་དང་། མངོན་སུམ་དུ་ཉེ་བར་འཁོད་པའི་དགེ་འདུན་དང་། ཕྱོགས་བཞིའི་དགེ་འདུན་དང་། གཉུག་མར་གནས་པའི་དགེ་འདུན་དང་། གློ་བུར་དུ་ལྷགས་པའི་དགེ་འདུན་ནོ། །སྐབས་འདིར་ནི་ཕྱོགས་བཞིའི་དགེ་འདུན་ལ་བྱ་སྟེ། གང་དགེ་འདུན་གྱི་
[200b.3]ཡིན་པའོ། །ཁྲི་ཞེས་བྱ་བ་ནི་མལ་མཐོན་པོ་དང་། མལ་ཆེན་པོ་མ་གཏོགས་ཏེ། །དེ་ཡོད་དུ་ཟིན་ཀྱང་དགེ་སློང་གིས་དེ་ལ་ཡོངས་སུ་ལོངས་སྤྱོད་ཅིང་འདུག་གམ་ཉལ་དུ་རུང་བ་མ་ཡིན་ཏེ་ཉེས་བྱས་སོ། །ཁྱིམ་གཞན་དུ་མལ་མཐོན་པོ་ལ་འདུག་པ་ནི་ལྟུང་བྱེད་དོ། །ཁྲིའུ་ཞེས་བྱ་
[200b.4]བ་ནི་རྐང་རྟེན་ནམ། སྟན་བཟང་པོའམ། རྒྱབ་རྟེན་དུ་བཅས་པ་ལ་བྱ་སྟེ། དགེ་སློང་གིས་དེ་ལྟ་བུ་ཉེ་བར་གཞག་ཏུ་མི་རུང་ངོ་། །སྟན་ནང་ཚངས་ཅན་ཞེས་བྱ་བ་ནི་སྟན་ནང་ཚངས་ཡོད་པ་སྟེ། དེ་ཡང་ཉིས་བལྟབ་ཏུ་དྲུབ་ལ། སྲིད་དུ་ཁྲུ་བཞི། ཞེང་དུ་ཁྲུ་དོ་པར་བྱས་ལ། ནང་
[200b.5]ཤིང་བལ་བཅུ་པོ་རྣམས་ལས་གང་ཡང་རུང་བས་དགང་བར་བྱ་སྟེ། ཨརྐའི་ཤིང་བལ་དང་། ཀ་ཤའི་ཤིང་བལ་དང་། ཨེ་ར་ཀའི་ཤིང་བལ་དང་། ཤལ་མ་ལིའི་ཤིང་བལ་དང་། ན་མེ་རུ་ཀའི་ཤིང་བལ་དང་། བུ་གའི་ཤིང་བལ་དང་། ལུག་བལ་དང་། ཤ་ནའི་ཤིང་བལ་དང་།
[200b.6]ཟར་མའི་ཤུན་ཕྲགས་དང་། རས་མ་དང་། ཕྱག་དར་ཁྲོད་པ་སྟེ། བར་བར་དུ་བྱ་རོག་གི་རྐང་པ་ལྟ་བུས་དྲུབ་པར་བྱའོ། །ལ་བ་ཞེས་བྱ་བ་ནི་པར་ཏང་དང་། བེའུ་ཕྲུག་ལ་སོགས་པའོ། །སྔས་ཞེས་བྱ་བ་ནི་བཅོམ་ལྡན་འདས་ཀྱིས་ཁ་ཟས་མི་འཇུ་བ་དེའི་ཕྱིར་རྗེས་སུ་གནང་
[200b.7]སྟེ། ཁྲུ་བཞི་ཁོ་ར་ཁོར་ཡུག་ལ་སོགས་པའོ། །བླ་གབ་མེད་པ་ཞེས་བྱ་བ་ནི་སྟེང་མ་གཡོགས་པའོ། །བཏིང་བ་ཞེས་བྱ་བ་ནི་བདག་རང་གིས་སོ། །གདིང་དུ་བཅུག་པ་ཞེས་བྱ་བ་ནི་གཞན་གྱིས་སོ། །སོང་ན་ཞེས་བྱ་བ་ནི་ཉེ་འཁོར་ལས་རིང་དུ་འདས་ཞེས་བྱ་བའི་ཐ་ཚིག་
[201a]
[201a.1]གོ། །འདོམ་བཞི་བཅུ་རྩ་དགུའི་བར་དུ་ནི་ཉེ་འཁོར་རོ། །ཁ་ཅིག་ནི་གཙུག་ལག་ཁང་གི་ཉེ་འཁོར་དང་། ཁྱིམ་གྱི་ཉེ་འཁོར་ལ་བྱའོ་ཞེས་ཀྱང་ཟེར་རོ། །དགེ་སློང་འཁོད་པ་ལ་ཞེས་བྱ་བ་ལ། འཁོད་པ་ཞེས་བྱ་བས་ནི་མི་འཁོད་པའི་ཉེས་པ་སྤང་བའི་
[201a.2]ཕྱིར་རོ། །དེ་དག་མེད་ན་དགེ་ཚུལ་ལའོ། །དེ་ཡང་མེད་ན་ཁྱིམ་པ་ལའོ། །དེ་ཡང་མེད་ན་ཕྱོགས་བཞིར་བལྟས་ལ་ལྡེ་མིག་ཀྱོག་པོ་རྣམས་སྦས་ཏེ་སོང་བ་ལམ་དུ་དགེ་སློང་དང་ཕྲད་ན་ལྡེ་མིག་ཀྱོག་པོ་རྣམས་བསྟན་པར་བྱའོ། །མ་བཅོལ་བར་ཞེས་བྱ་བ་ལ། བཅོལ་བ་ནི་རྣམ་
[201a.3]པ་ལྔ་སྟེ། གཙུག་ལག་ཁང་འདི་རེ་ཞེས་བྱ་བ་དང་། གཙུག་ལག་ཁང་ལྟོས་ཤིག་ཅེས་བྱ་བ་དང་། གནས་མལ་འདི་རེ་ཞེས་བྱ་བ་དང་། གནས་མལ་ལོང་ཤིག་ཅེས་བྱ་བ་དང་། ལྡེ་མིག་ཀྱོག་པོ་སྦྱིན་པའོ། །བཅོལ་བར་མི་བྱ་བ་རྣམ་པ་ལྔ་སྟེ། ངོ་ཚ་མེད་པ་དང་། ནད་དང་
[201a.4]བཅས་པ་དང་། རྒས་འཁོགས་ཤིང་སྟོབས་ཆུང་བ་དང་། ནད་པ་སྦྱོར་མི་བཟོད་པ་དང་། བསྙེན་པར་མ་རྫོགས་པ་ཐམས་ཅད་ལའོ། །སྔ་མ་ནི་གཙུག་ལག་ཁང་གི་དབང་དུ་བྱས་ཀྱི་འདིར་ནི་བླ་གབ་མེད་པའི་གནས་མལ་གྱི་དབང་དུ་བྱས་པའོ། །དེ་འདྲ་བའི་རྐྱེན་མ་གཏོགས་
[201a.5]ཞེས་བྱ་བ་ནི་སྲོག་གི་བར་ཆད་དམ། ཚངས་པར་སྤྱོད་པའི་བར་ཆད་དུ་འགྱུར་བའོ། །བླ་གབ་མེད་པ་ལ་དགེ་འདུན་གྱིས་ཁྲི་ལ་སོགས་པ་ཉེ་བར་གཞག་ནས། ཉོན་མོངས་པས་དྲངས་བས་སམ། མ་གུས་པའམ། དྲན་པ་བརྗེད་ཀྱང་རུང་། ཡུལ་གཞན་དུ་སོང་ན་ཉེ་འཁོར་
[201a.6]ལས་འདས་ན་ལྟུང་བྱེད་དོ། །དེ་ཚུན་ཆད་དུ་ཉེས་བྱས་སོ། །ལམ་གྱི་བར་དུ་དྲན་ན་ཕྱིན་ཆད་འདི་ལྟ་བུ་མི་བྱའོ་ཞེས་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱའོ། །བདག་གི་ཚངས་པ་མཚུངས་པར་སྤྱོད་པ་དག་བརྟུལ་གྲང་སྙམ་དུའོ། །གལ་ཏེ་དགེ་སློང་མཐོང་ན་
[201a.7]བརྟུལ་ཅིག་ཅེས་གསོལ་བ་གདབ་པར་བྱའོ། །དེས་ཀྱང་ཁས་བླངས་ནས་མ་བརྟུལ་ན་འགལ་ཚབས་ཅན་དུ་འགྱུར་རོ། །གལ་ཏེ་བཞིར་སོན་ཏེ་དྲན་ན་དེར་ཡང་དེ་སྐད་དུ་བརྗོད་ལ། ལྟུང་བ་གཉིས་ཀ་ཆོས་བཞིན་དུ་བྱའོ། །ཅི་སྟེ་གཙུག་ལག་ཁང་གི་ནང་དུ་ཞུགས་པ་ལས་དེ་ཐུན་
[201b]
[201b.1]དང་པོ་ནས་ནམ་ལངས་ཀྱི་བར་དུའམ། ཉི་མ་ཕྱེད་དམ་སྐར་མ་ཤར་ཡང་རུང་སྟེ། གདོད་དྲན་ལ་ཕན་ཕུན་དུ་མ་གྱུར་པར་བརྟུལ་ན་ཉེས་བྱས་སོ། །ཕན་ཕུན་དུ་གྱུར་པ་ལས་བརྟུལ་ན་ལྟུང་བྱེད་དོ། །ཕན་ཕུན་དུ་གྱུར་པ་ལ་རྣམ་པ་གཉིས་ཏེ། རླུང་གིས་ཕན་ཕུན་དུ་གྱུར་པ་དང་། ཆར་པས་
[201b.2]ཕན་ཕུན་དུ་གྱུར་པའོ། །རླུང་གིས་ཕན་ཕུན་དུ་གྱུར་པ་ནི་གལ་ཏེ་རིམ་པ་གཅིག་ལས་རིམ་པ་གཉིས་སུ་བཟློག་པའོ། །ཆར་བས་ཕན་ཕུན་དུ་གྱུར་པ་ནི་རིམ་པ་གཅིག་ལས་རིམ་པ་གཉིས་སུ་ཐལ་བ་ཡིན་ནོ། །དྲན་པ་བརྗེད་པ་ཉིད་དུ་ཟད་ན་ཉེས་བྱས་སོ། །དེ་ཡང་ལུང་དུ་མ་བསྟན་པའོ། །དགེ་བ་ལ་
[201b.3]སྦྱོར་བ་ཞིག་ཏུ་ཞུགས་ན་ལྟུང་བ་མེད་དོ། །གང་ལ་རྒྱུ་དང་སྤུན་གཉིས་ཀ་རུང་བ་མ་ཡིན་ཏེ། རྔ་མོའི་བལ་ལམ་བ་ལང་གི་སྤུའམ། རི་དགས་ཀྱི་བལ་ལམ ར་བལ་དང་འདྲེས་པའི་རང་བཞིན་ནམ། ཐགས་སུ་མ་བཏགས་པ་ཡིན་ནམ། བདེ་བར་གཤེགས་པའི་སོར་བརྒྱད་ཀྱི་
[201b.4]ཚད་ལས་ཐུང་བའམ། རིན་པོ་ཆེ་ཡང་རུང་སྔོན་ལྟུང་བ་བྱུང་བ་ལ་སོགས་པའམ། དགེ་སློང་མའི་གཙུག་ལག་ཁང་དུའམ། དེ་ལས་གཞན་པའི་དགེ་སློང་དང་བྲམ་ཟེ་རྣམས་ཀྱི་གཙུག་ལག་ཁང་དེའི་མལ་ཆ་དང་། སྟན་ཡིན་ནམ། ཁྱིམ་པའིའམ། གང་ཟག་གིའམ། སྦྱིན་བདག་གིས་བདག་
[201b.5]གམ་གཞན་ལ་བྱིན་པ་འམ། གང་ཟག་གིས་ཐོབ་པ་ཡོངས་སུ་ལོངས་སྤྱད་པའི་ཕྱིར་བྱིན་པ་དེ་དག་ཐམས་ཅད་ལ་ཡང་ཉེས་བྱས་སོ། །ཁྲིའུ་གཅིག་ལ་གཉིས་འཁོད་པ་ན་ཕྱི་ནས་གང་ལངས་པ་དེས་ནང་དུ་གཞུག་པར་བྱའོ། །གལ་ཏེ་ཡང་ལྷན་ཅིག་ལངས་ན་གསར་བུས་སོ། །གལ་ཏེ་ཡང་
[201b.6]གཉི་ག་གསར་བུ་མ་ཡིན་ན་གཉིས་ཀས་སོ། །མ་བརྟུལ་བ་ལ་མ་བརྟུལ་བ་ལ་སོགས་པར་འདུ་ཤེས་ན་ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་སོ། །གནས་མལ་གྱི་ཀུན་དུ་སྤྱད་པ་ནི་མལ་ཆ་དང་སྟན་མི་བླང་བར་བྱ་བ་ཡང་ཡོད་དེ། གལ་ཏེ་ཡང་མི་མཐུན་པ་བྱིན་
[201b.7]པའམ། འབྲུ་མར་ལ་སོགས་པས་ཉམས་པར་གྱུར་པའམ། གང་ཡང་བསྐྱང་བར་མི་ནུས་པ་སྟེ། གདིང་བ་དང་མི་ལྡན་པའོ། །གདིང་བ་བཏང་སྙོམས་སུ་གཞག་ནས་འགྲོ་བར་བྱ་བ་ཡང་ཡོད་དེ། གང་དུ་ཆུ་དང་ཆོམ་རྐུན་པ་དང་ཕ་རོལ་གྱི་དགྲས་འཇིགས་པ་མངོན་དུ་བྱུང་བའོ། །བཏང་
[202a]
[202a.1]སྙོམས་སུ་མི་བྱ་བ་ཡང་ཡོད་དེ། གལ་ཏེ་སེང་གེ་ལ་སོགས་པ་གཅན་གཞན་གྱི་འཇིགས་པ་མེད་པར་འགྱུར་བའོ། །བཅོལ་ནས་འགྲོ་བར་བྱ་བ་ཡང་ཡོད་དེ། གལ་ཏེ་འཇིགས་པ་མངོན་དུ་མ་བྱུང་བ་དང་། ཆེད་དུ་ནན་ཏན་དུ་བྱ་བའོ། །ཁ་ཅིག་ནི་ཉེས་པར་འགྱུར་བ་མི་
[202a.2]སྣང་བས་འགྲོ་བར་བྱ་བ་ཡོད་དེ། དེ་དག་བཏིང་བ་དང་། དེ་ཆར་པ་དང་རླུང་གིས་ཉེས་པ་འབྱུང་བ་ཡང་མེད། ཟིལ་གྱིས་ནོན་པ་དང་། འདྲལ་བ་དང་། སྲིལ་གྱིས་ཟ་བ་ཡང་མེད། ཆོམ་རྐུན་པས་ཕྲོགས་པའི་ཉེས་པ་འབྱུང་བ་གང་སྤང་བར་བྱ་བའི་ཕྱིར་བཅོམ་ལྡན་འདས་ཀྱིས་བསླབ་
[202a.3]པ་འདི་བཅས་ཏེ། ལྟུང་བ་མེད་དོ་ཞེས་ཀྱང་ཟེར་རོ། །པར་ཏང་ཁྲ་བོ་དགེ་འདུན་གྱིས་ནི་བླང་བར་བྱའོ། །གང་ཟག་གིས་ནི་མ་ཡིན་ཏེ། སྦྱིན་བདག་ལ་ཡིད་བརྟན་ཏེ་སྤྱོད་པ་ལ་ལྟུང་བ་མེད་དོ། །གདིང་བ་མེད་པར་སྟན་ཁྲ་བོ་ལ་འདུག་པར་མི་བྱ་ཉལ་བར་མི་བྱའོ། །ཕལ་ཆེར་ཉམས་པར་གྱུར་པ་ལ་ནི་ལྟུང་
[202a.4]བ་མེད་དོ། །ཐམས་ཅད་ཀྱི་སྟན་ཁྲ་བོ་ཉེ་བར་བཀྲ་བ་ལ་གདིང་བ་མེད་པར་སྤྱད་པར་མི་བྱའོ། །དགེ་འདུན་གྱི་མལ་ཆ་དང་། སྟན་བགོས་ནས་བླ་གབ་མེད་པར་ཆར་པ་འབབ་པར་འདུག་གམ་འགྲོ་བར་མི་བྱའོ། །དེ་བགོས་ལ་བཀྲུ་བ་དང་། བརྩོ་བླག་དང་། ལྷུང་བཟེད་ཀྱི་ལས་མི་བྱ།
[202a.5]བཤང་བ་དང་གཅི་བའི་ཁང་པ་དང་། ཚང་མང་དུ་འགྲོ་བར་མི་བྱ། ལུས་དང་འབྲེལ་བའི་བར་ཆད་བཅུག་ནས་གོན་ལ་དལ་བུས་བགས་ཀྱིས་སྤྱད་པར་བྱའོ། །དམན་བར་ཡོངས་སུ་ལོངས་མི་སྤྱད་པ་ལ་རྣམ་པ་ལྔ་སྟེ། བཤལ་བ་དང་། དྲག་ཏུ་འདྲེན་པ་དང་། དུ་བ་དང་། དྲི་མ་དང་། རྡུལ་ལོ། །
[202a.6]དགེ་འདུན་གྱིས་བགོ་བ་ལ་སར་པས་རིམ་པ་གཅིག་ཏུ་བྱ། སྤྱད་པ་སྲབ་མོ་ནི་རིམ་པ་གཉིས་སུ་བྱས་ལ་སྤྱད་པར་བྱའོ། །མི་གཙང་བ་གཅིག་གིས་རེག་ན་དེ་མ་ཐག་ཏུ་སྦྱང་བར་བྱའོ། །མཛེའི་ནད་ཀྱིས་བཏབ་པ་ཞིག་ན། མཐའ་འཁོབ་ཏུ་མལ་ཆ་དང་སྟན་སྦྱིན་པར་བྱའོ། །རིམ་གྲོ་བ་ཡང་ངོ་། །དགེ་
[202a.7]འདུན་གྱི་མལ་ཆ་དང་། སྟན་ཉམས་པ་ལ་བཏང་སྙོམས་སུ་མི་བྱའོ། །གང་རལ་བ་དེ་ལ་ནི་དྲུབ་པ་སྦྱིན་པར་བྱའོ། །གང་རྡོལ་བ་དེ་ལ་ནི་ལྷན་པས་གླན་པར་བྱའོ། །གང་དབུས་སུ་དེངས་པ་དེ་མཐའ་དང་གཉིས་སྦྱར་བར་བྱའོ། །གང་སྡུག་བསྔལ་བས་སོ་སོར་འདུས་བྱ་བ་དེ་ནི་མར་མེའི་སྙིང་
[202b]
[202b.1]པོར་བྱའོ། །ཡང་ན་བརྡུངས་ཏེ་ས་དང་བ་ལང་གི་ལྕི་བར་བསྲེས་ནས་ཀ་བ་དང་རྩིག་པའི་བུ་ག་ཡོད་པར་གླན་པའམ། སྐྱང་ནུལ་བྱའོ། །ལྷན་ཅིག་གནས་པ་དང་། ཉེ་གནས་རྣམས་ཀྱིས་ཚེས་བརྒྱད་དང་བཅུ་བཞི་ལ་མལ་ཆ་དང་སྟན་རྣམས་སོ་སོར་བརྟག་པར་བྱ་བ་དང་། བསྐམ་པར་ཡང་བྱའོ། །
[202b.2]ཆོམ་རྐུན་པ་ལ་སོགས་པས་འཇིགས་ན་དགེ་འདུན་གྱིས་མལ་ཆ་དང་སྟན་འཕྲོག་པར་མི་བྱ་མོད་ཀྱི། འོན་ཀྱང་ཁྱེར་ལ་འགྲོ་བར་བྱའོ། །གང་གིས་ཁྱེར་བ་དེའི་ཚེ་དེས་སྤྱད་པར་བྱའོ། །ཅི་ལྟར་རྒན་རིམས་དག་གིས་འཕྲོག་པར་མི་བྱའོ། །དེ་ལ་འཇིགས་པ་མེད་པར་གྱུར་བ་དང་། དགེ་འདུན་
[202b.3]ཉིད་ལ་དབུལ་བར་བྱའོ། །ཆག་ཆག་དང་ཕྱག་དར་བྱས་ལ་དེའི་འོག་ཏུ་གོས་ངན་པ་གཅིག་གིས་སྟན་རྣམས་སྤྲུག་པར་བྱའོ། །མལ་ཆ་དང་སྟན་བཤམ་པར་བྱའོ། །གང་དེ་ནས་གཅིག་ཏུ་ཤ་ཟད་པར་གྱུར་བ་དེ་ནི་སྨྱིག་མ་ལ་བཅིངས་ཏེ་དེ་ཉིད་ཀྱིས་སྤྲུག་པར་བྱའོ། །པར་ཏང་ཁྲ་བོ་བཏིང་བ་ལ་
[202b.4]ཐམས་ཅད་ལ་ཡང་བཅག་པར་བྱའོ། །དུས་དུས་སུ་ཡང་བཅོས་པར་བྱའོ། །དེ་ལ་བསྲུང་བའི་ཕྱིར་ཡང་བསམ་གཏན་པ་རྣམས་ཀྱི་རྐང་པ་དག་ཉི་མ་གསུམ་ཞིང་བསྐུ་བར་བྱའོ། །ཉིན་གཅིག་བཞིན་དུ་ནི་མ་ཡིན་ནོ། །དགེ་འདུན་གྱི་ཁྲིའུ་ལ་འདུག་ཅིང་བཙོ་བླག་གི་ལས་ཀྱིས་བྲེལ་པ་
[202b.5]བསླང་བར་མི་བྱའོ། །གྲལ་ནས་སྤགས་པ་ཡང་མི་བླང་ངོ་། །ཐ་ན་ལན་ཚྭའམ་ལྡམ་ལྡུམ་ཡང་རུང་བྱིན་ལེན་བྱས་ནས་སྤགས་པ་ཞེས་བརྗོད་པར་བྱའོ། །གྲལ་མ་ཡིན་པར་སྤགས་པར་མི་བྱའོ། །འདུག་པའི་སྔར་འདུགོ་པ་ལ་ཇི་ལྟར་རྒན་རིམས་བཞིན་དུ་མི་བསླང་ངོ་། །གང་ལངས་ནས་
[202b.6]འཆག་པ་དེའི་སྟན་ལ་འདུག་པར་མི་བྱའོ། །དེས་ཀྱང་དེར་མི་བྲལ་བར་བྱ་བའི་ཕྱིར་རྡུལ་གཟན་ནམ་པུས་འཁྱུད་གཞག་པར་བྱའོ། །དགེ་འདུན་གྱི་ཁྲིའུ་ཐག་མས་བརྒྱུས་པ་དགེ་ཚུལ་ལ་འདུག་པ་སྦྱིན་པར་མི་བྱའོ། །དྲན་པ་ཤིན་དུ་ཉེ་བར་འཇོག་པ་ཞིག་ཡིན་ན་ལྟུང་བ་མེད་དོ། །ཆོས་མཉན་
[202b.7]པའི་ཚེ་དགེ་སློང་མ་རྣམས་ལ་ཁྲིའུ་ཐག་མས་བརྒྱུས་པ་སྦྱིན་པར་མི་བྱའོ། །འདོད་ཆགས་དང་བྲལ་བ་རྣམས་ལ་ནི་མཚན་མོ་ཡང་སྦྱིན་པར་བྱའོ། །སྟན་ནང་ཚངས་ཅན་གཅིག་གམ། པར་ཏང་ཁྲ་བོ་གཅིག་གི་སྟེང་དུ་ཁྱིམ་པའམ། དགེ་ཚུལ་ལམ་རང་བཞིན་དུ་མི་གནས་པའི་དགེ་སློང་
[203a]
[203a.1]དང་ལྷན་ཅིག་ཏུ་འདུག་པར་མི་བྱའོ། །དེ་འདྲ་བའི་རྐྱེན་བྱུང་བ་ནི་མ་གཏོགས་སོ། །འདི་ལྟར་སྟེགས་བུ་ལ་གལ་ཏེ་སྟན་པར་ཏང་ཁྲ་བོ་བརྟུལ་བར་གྱུར་པ་ལ་ནི་ལྟུང་བ་མེད་དོ། །དེ་བཞིན་དུ་བསླབ་པ་བྱིན་པ་དང་གཉིས་སྟན་གཅིག་ལའམ། སྟན་ནང་ཚངས་ཅན་གཅིག་
[203a.2]གམ། ཁྲིའུ་འམ། སྟན་པར་ཏང་ཁྲ་བོ་གཅིག་ལ་འདུག་པར་མི་བྱའོ། །གསར་བུ་དང་རྒན་པ་གཉིས་ཀྱིས་ཀྱང་སྟན་གཅིག་ལ་འདུག་པར་མི་བྱའོ། །ལོ་གསུམ་གྱི་བར་དུ་ཆོད་པ་དང་ལྷན་ཅིག་གམ། ལོ་གཅིག་མ་ལོན་པ་ལོ་གསུམ་ལོན་པ་དང་ལྷན་ཅིག་གམ།
[203a.3]ལོ་གཅིག་ལོན་པ་ལོ་བཞི་ལོན་པ་དང་ལྷན་ཅིག་པ་ལ་ནི་ལྟུང་བ་མེད་དོ། །ཁྱིམ་གཞན་དུ་ནི་མཁན་པོ་དང་ལྷན་ཅིག་འདུག་ཀྱང་ལྟུང་བ་མེད་དོ། །ཁྲི་གཅིག་ལ་གསུམ་གྱི་བར་དུ་འདུག་པར་བྱའོ། །ཁྲིའུ་ལ་ནི་གཉིས་ཀྱི་བར་དུའོ། །ཁྲིའུ་ཆུང་ལ་ནི་གཅིག་པུའོ། །ལམ་དུ་གོས་བརྙས་པ་ནི་གཅིག་
[203a.4]པུས་མི་བགོ་བར་ཐམས་ཅད་པ་རྣམས་ལ་སྦྱིན་པར་བྱའོ། །གལ་ཏེ་མང་དུ་ཡོད་ན་རེ་རེ་སྦྱིན་པར་བྱའོ། །ཅི་སྟེ་གཅིག་པུ་ཞིག་ན་ཉལ་བ་རྣམས་ཀྱི་སྟེང་ནས་དགབ་པར་བྱའོ། །སྐྱེ་བོ་མང་པོའི་བགོ་བ་གྱོན་ཏེ་འཆག་པར་མི་བྱའོ། །གང་ཟག་གི་དང་བཅག་པར་ཡང་བྱའོ། །ཁྲི་གཅིག་ལ་
[203a.5]གཉིས་དག་ཉལ་བར་མི་བྱའོ། །ལམ་དུ་ཞུགས་པ་ལས་ངོ་ཚ་བ་ཅན་ཞིག་ཡིན་ལ་ཁྲི་ཡང་ཆེ་ན་གདིང་བ་སོ་སོར་བཏིང་སྟེ། བར་དུ་གཏུར་བུས་བཅད་དེ་ཉལ་བ་ལ་ལྟུང་བ་མེད་དོ། །ཁྲིའུའི་སྟེང་དུ་ཁྲིའུ་བཞག་པ་ལ་འདུག་པར་མི་བྱའོ། །ལམ་ཕྲན་ལ་སོགས་པར་གོས་སར་པ་ཁ་ཚར་
[203a.6]རིང་པོ་དག་གིས་བཀབ་ན་ཡོན་བདག་གི་ངོར་མི་རྟག་པ་ཡིད་ལ་བྱེད་པས་གཞན་ཉམས་པ་དང་། མུ་སྟེགས་ཅན་རྣམས་ཟིལ་གྱིས་མནན་པའི་ཕྱིར་སྟེང་དུ་སོང་ཡང་ལྟུང་བ་མེད་དོ། །ཆོས་མཉན་པའི་ཕྱིར་དགེ་འདུན་གྱི་སྟན་གདིང་བ་རྗེས་སུ་གནང་སྟེ། དེ་བཞིན་དུ་སེང་གེའི་ཁྲི་ཡང་ངོ་། །
[203a.7]གང་གསོལ་བ་བཏབ་པས་ཆོས་བཤད་ཀྱི་གཞན་གྱིས་ནི་མ་ཡིན་ནོ། །དེའི་ངོར་ལྷགས་པ་ལ་ནི་ལྟུང་བ་མེད་དོ། །དགེ་འདུན་གྱིས་གནས་བརྟན་ནས་བཟུང་ནས། གསར་བུའི་བར་དུ་ཆོས་བཤད་པར་བྱའོ། །སེང་གེའི་ཁྲི་ལ་ཐེམ་སྐས་གཟུགས་པར་བྱའོ། །མཆིལ་མའི་སྣོད་དུ་གཞི་
[203b]
[203b.1]བླུགས་ལ་གཞག་པར་བྱའོ། །དུས་དུས་སུ་སྦྱང་བར་བྱའོ། །བསྐམ་པར་བྱའོ། །ཆོས་མཉན་པའི་སྟན་རྣམས་རྫིང་བུའི་རྣམ་པའམ། ཟླ་གམ་གྱི་རྣམ་པ་ལྟ་བུར་བཤམ་པར་བྱའོ། །སྦྱིན་བདག་རྣམས་དགེ་སློང་གི་ཕྱིར་སྟན་རྙེད་ན་སྦྱིན་པར་བྱའོ། །གལ་ཏེ་དེ་དག་ཉིད་ཀྱིས་
[203b.2]བསྐྱལ་ན་དེ་ལྟ་ན་ལེགས། གལ་ཏེ་མ་བསྐྱལ་ན་གཎྜཱི་ཆུང་ངུ་བརྡུངས་ལ་གནས་པར་བྱེད་པ་རྣམས་ཀྱིས་བླང་བར་བྱའོ། །དེ་བདག་ཉིད་ཀྱི་ཕྱིར་རྙེད་ན་ཡང་སྦྱིན་ལ་བསྲུང་བའི་དགེ་སློང་གཞག་པར་བྱའོ། །ཕྱོགས་གཅིག་ཏུ་འདུག་ཏེ་ཁ་ཏོན་དང་ཡིད་ལ་བྱེད་པ་བྱའོ། །གང་གི་ཚེ་དོང་བའི་
[203b.3]ཚེ་བླང་བར་བྱའོ། །གང་ཆང་གི་སྙིགས་མས་མ་རུང་བར་གྱུར་བ་དེ་ནི་བཀྲུ་བར་བྱའོ། །སྣུམ་གྱིས་གོས་པ་ལ་སྲན་ཕྱེས་སོ། །མི་གཙང་བ་ལ་སོགས་པ་ལ་ནི་སས་སོ། །བླ་གབ་མེད་པས་ཆོས་སྒྲོགས་པའི་ཚེ་གལ་ཏེ་ཆར་བ་འབབ་ན་སྟན་རྣམས་བོར་ཏེ་མ་དོང་བར་གང་དང་གང་ལ་
[203b.4]འདུག་པ་དེ་དང་དེས་ནང་དུ་གཞུག་པར་བྱའོ། །ཇི་སྟེ་རྒན་པ་རྣམས་ཀྱི་ལྕི་ན་དེ་རྗེས་ལ་སོ་སོར་གཞག་པར་བྱའོ། །སེང་གེའི་ཁྲིའི་སྟེང་དུ་ཁྱིམ་པས་གསེར་དང་དངུལ་གྱིས་སྤྲས་པའི་གོས་ཤིག་བཏིང་ན་ཁྱིམ་པའི་གོས་སོ་ཞེས་བྱ་སྟེ། མི་རྟག་པ་ཡིད་ལ་བྱེད་པར་འདུག་པར་བྱའོ། །
[203b.5]དགོན་པའི་གཙུག་ལག་ཁང་ཡང་ཡོན་བདག་དེ་ཉིད་ཀྱིས་བྱས་པ་ཞིག་ཏུ་མལ་ཆ་དང་སྟན་རྙེད་ན་སྦྱིན་པར་བྱའོ། །ཁྱེར་བའི་ཚེ་གལ་ཏེ་ཆར་པ་བྱུང་ན་ཤིང་ལྗོན་པ་ལ་སོགས་པའི་དྲུང་དུ་བཞག་ལ་གོས་ངན་པས་གཡོགས་པར་བྱའོ། །དུས་སྟོན་ཟིན་ནས་སླར་མཐུས་ཀྱང་དགུག་པར་བྱའོ། །གནས་
[203b.6]མལ་རྣམས་ཅི་ལྟར་ངེས་པར་ཡོངས་སུ་ལོངས་སྤྱད་པར་བྱའོ། །བླ་གབ་མེད་པ་ལ་ཆར་པ་འབབ་པ་དང་། འཛམ་བུའི་གྲིབ་མར་བཞུགས་པའི་སྐུ་གཟུགས་བསྙེན་བར་མ་རྫོགས་པ་མེད་ན་སྟོན་པའི་འདུ་ཤེས་ཉེ་བར་བཞག་ལ་གཞུག་པར་བྱའོ། །སློབ་དཔོན་དང་མཁན་པོ་ཉིན་མོ་སྤྱོད་
[203b.7]པའི་སར་འགྲོ་ན་གནས་པ་དག་གིས་སྟན་བླངས་ལ་འགྲོ་བར་བྱའོ། །སློབ་དཔོན་དང་མཁན་པོ་ཕྱག་དར་རམ་ཁབ་ཀྱི་ལས་ཤིག་བྱེད་ན་ཡང་སྙིང་ལས་ཆུང་བར་བྱའོ། །གལ་ཏེ་ཕྱག་དར་བྱེད་པའམ་ཆོས་གོས་འདྲུབ་པར་བསྐོས་ན་ལྟུང་བ་མེད་དོ། །ཁ་ཏོན་བྱེད་པའི་ཚེ་ཐོས་པའི་ཉེ་འཁོར་
[204a]
[204a.1]སྤངས་ལ་གདོན་བར་བྱའོ། །སྤོང་བ་བྱེད་པས་ཀྱང་གདམས་ངག་མནོས་ནས་དབེན་པའི་ཕྱོགས་གཅིག་ཏུ་འདུག་པར་བྱའོ། །ལས་རེས་ཤིག་བབ་ན་ཞུས་ནས་འགྲོ་བར་བྱའོ། །གལ་ཏེ་དེ་ལ་དེ་ཉིད་དུ་ཡང་ལས་གཞན་བྱ་དགོས་ན་སླར་འོང་ཞིང་ཞུ་མི་དགོས་སོ། །
[204a.2]སྟན་དེ་རྣམས་ཀྱང་དེ་དག་ཉིད་ཀྱིས་བླང་བར་བྱའོ། །ཁྱེར་བ་དང་སླར་ལེན་པའི་ཚེ་ཡང་ཞུ་བར་བྱའོ། །ཁྱིམ་གཞན་དུ་འདོང་བ་ན་རྗེས་སུ་མཐུན་པ་དང་བཅས་པའི་དུས་སུ་གཎྜཱི་བརྡུང་བར་བྱའོ། །རང་རང་གི་འཁོར་རྣམས་ལ་ཡང་བརྟག་པར་བྱའོ། །དགེ་འདུན་གྱི་གནས་བརྟན་གྱིས་ནི་
[204a.3]གློ་བུར་ལགས་པ་རྣམས་ལ་བརྟག་པར་བྱའོ། །གང་གཙུག་ལག་ཁང་གི་སྒོ་བཅད་ནས་འོངས་པ་དེས་ཤིང་ལྗོན་པའི་དྲུང་ངམ། རྩིག་པའི་དྲུང་དུ་སྟན་བཞག་སྟེ་འགྲོ་བར་བྱའོ། །གྱ་ཚོམ་དུ་ཟན་གཅོད་པར་བྱེད་ན་འགལ་ཚབས་ཅན་དུ་འགྱུར་རོ། །ཁྱིམ་པ་དགེ་འདུན་གྱི་སྟན་ལ་འདུག་
[204a.4]པ་ལས་ལངས་ཏེ་བོར་ནས་འགྲོ་བ་དེ་དག་གང་གིས་མཐོང་བ་དེས་ནང་དུ་གཞུག་པར་བྱའོ། །གལ་ཏེ་མི་ནུས་ན་དགེ་སྐོས་ལ་བརྗོད་པར་བྱའོ། །བླ་གབ་མེད་པ་ལ་གནས་མལ་མང་པོ་རྣམས་སོ་སོར་སྐམ་དུ་བཅུག་སྟེ། གཅིག་པུ་ལ་བཅོལ་ནས་འགྲོ་བར་མི་བྱའོ། །གལ་ཏེ་དེ་འདྲ་བའི་རྐྱེན་
[204a.5]ཞིག་བྱུང་བར་འགྱུར་ན་དེས་གཎྜཱི་བརྡུང་བར་བྱའོ། །གང་དེ་ལ་ཆགས་པར་འགྱུར་ནས་མ་གུས་པར་བྱས་ཏེ་བརྟུལ་བར་མི་བྱའོ། །དགེ་སློང་དེ་ན་འཁོད་པ་དེ་དག་གིས་གུས་པར་བྱས་ལ་བརྟུལ་ཏེ་ནང་དུ་གཞུག་པར་བྱའོ། །དེ་དག་གིས་ཀྱང་གཎྜཱི་ཐོས་ན་གུས་པར་བྱས་ལ་འགྲོ་བར་བྱའོ། །མེ་
[204a.6]ཤོར་ན་སྔར་བདག་ཉིད་ཀྱི་ལྷུང་བཟེད་དང་ཆོས་གོས་ཕྱིར་ཕྱུང་ལ། ཕྱིས་དགེ་འདུན་གྱིའོ། །སྟོབས་ཆུང་བ་ཞིག་སྲུང་བར་གཞག་པར་བྱའོ། །མེ་མི་བཟོད་པའི་ནང་དུ་འཇུག་པར་མི་བྱའོ། །ཚིག་པ་ལ་ཡང་འགྱོད་པར་མི་བྱའོ། །དེ་བཞིན་དུ་ཆུ་བྲུག་བ་ལ་ཡང་བརྗོད་པར་
[204a.7]བྱའོ། །གང་ཟག་ལ་ནི་གནོད་ཀྱི་དགེ་འདུན་ལ་ནི་མ་ཡིན་ནོ། །ཐམས་ཅད་ལ་ཡང་ཀུན་དུ་སྤྱད་པ་ཅི་སྐད་བསྟན་པ་བཞིན་དུ་མ་བྱས་ན་འགལ་ཚབས་ཅན་དུ་འགྱུར་རོ། །བཞི་པའོ།། །།མཉན་ཡོད་ན་སྟེ། ལྷོ་ལམ་རྣམས་ནས་དགེ་སློང་དག་འོངས་པས་རྩྭ་སྟན་དུ་བཏིང་ནས་སྲིལ་
[204b]
[204b.1]གྱིས་གཙུག་ལག་ཁང་གང་བར་གྱུར་ཏེ། གནས་མལ་གྱི་གཞིའི་དབང་དུ་མཛད་དེ། སྨོད་པ་དང་ལེ་ལོའི་ཉོན་མོངས་པས་ན་ལྔ་པ་བཅས་སོ། །དགེ་འདུན་གྱི་ཞེས་བྱ་བ་ནི་ཕྱོགས་བཞིའི་དགེ་འདུན་གྱིའོ། །གཙུག་ལག་ཁང་གཞན་ནི་ཉེས་བྱས་སོ། །གཙུག་ལག་ཁང་ཞེས་བྱ་བ་ནི་གང་ལ་
[204b.2]སྤྱོད་ལམ་བཞི་ཤོང་བ་ཡོད་པའོ། །སོང་ན་ཞེས་བྱ་བ་ནི་ཉེ་འཁོར་སྤངས་ནའོ། །ཉེ་འཁོར་ནི་སྔ་མ་བཞིན་ནོ། །དགེ་སློང་འཁོད་པ་ལ་མ་བཅོལ་ཞེས་བྱ་བ་ནི་གང་ལ་བཅོལ་ནས་ཁས་བླངས་པ་དེས་ཁས་བླངས་ལ་མ་བྱས་ན་ཉེས་བྱས་སོ། །རྒྱུན་དུ་བཏིང་བ་ལ་གལ་ཏེ་གཉུག་མར་གནས་པའི་དགེ་
[204b.3]སློང་དག་གིས་བཀག་ན་འབྱུང་བར་མི་འགྱུར་རོ། །དེ་ལ་ལྟུང་བའི་རྣམ་པར་དབྱེ་བ་ནི་བསླབ་པའི་གཞི་འདས་མ་ཐག་པ་བཞིན་ནོ། །འདི་ལ་ཕན་ཕུན་དུ་གྱུར་པ་ནི་རྣམ་པ་གཉིས་ཏེ། རླུང་གིས་ཕན་ཕུན་དུ་གྱུར་པ་དང་། སྲིལ་གྱིས་ཕན་ཕུན་དུ་གྱུར་པ་ཡིན་ཏེ། སྲིལ་གྱིས་ཅི་སྲིད་རིམ་པ་གཅིག་
[204b.4]ལས་རིམ་པ་གཉིས་སུ་ཐལ་བའོ། །ཁྱིམ་པ་རྣམས་ལ་ནི་དྲིས་ཏེ་དབྱུང་བར་བྱའོ། །མ་བྱུང་ན་ཉེས་བྱས་སོ། །མ་དྲིས་པར་གྱུར་ན་ཡང་ཉེས་བྱས་སོ། །དགོན་པར་ནི་བཟློག་ལ་འགྲོ་བར་བྱའོ། །རྣམ་པ་གཞན་དུ་ན་ཉེས་བྱས་སོ། །བཙོ་བླག་གི་ལས་ཀྱི་ཕྱིར་རྩྭ་བཏིང་བ་ལས་གང་ངས་དོར་རོ་
[204b.5]ཞེས་གཞན་ཟེར་བ་ལ་ལྟུང་བ་མེད་དོ། །འཆག་སར་རྩྭ་བཏིང་བ་ནི་ཉིན་གཅིག་བཞིན་དུ་དོར་བར་མི་བྱའོ། །གཞན་དུ་ན་འོན་ཀྱང་ལྟོས་པ་མེད་པར་འགྲོ་བ་ནི་རྩྭའི་ཆུན་པོ་དག་ཐག་པས་བཅིངས་ཏེ། ཤིང་ལྗོན་པ་ལ་དཔྱངས་ཤིང་གཞག་པར་བྱའོ། །དུས་སྟོན་ཆེན་པོའི་ཚེ་རྩྭའི་ཕུང་པོ་བརྟུལ་ལ་
[204b.6]གཞག་པར་བྱའོ། །ནམ་དུས་སྟོན་ཟིན་ན་དོར་བར་བྱའོ། །དགེ་སློང་ཞིག་གུད་དུ་འགྲོ་ན་མལ་དང་སྟན་བཅིངས་ལ་འགྲོ་བར་བྱའོ། །བ་ལང་གི་ལྕི་བ་ས་ལ་མི་གཞག་མོད་ཀྱི་གཞན་དུ་ན་འོན་ཀྱང་གྱོ་མོའི་ནང་དུ་གཞག་པར་བྱའོ། །ལྔ་པའོ།། །།མཉན་ཡོད་ན་སྟེ། འཆར་ཀ་ཁྲོས་ནས་
[204b.7]གྲོགས་པོ་གནས་འཆའ་བར་བྱེད་པ་རྣམས་མཚན་མོ་གཙུག་ལག་ཁང་ནས་ཕྱིར་ཕྱུང་བས་གནས་མལ་གྱི་གཞིའི་དབང་དུ་མཛད་དེ། ཡོངས་སུ་འཛིན་པའི་ཉོན་མོངས་པས་ན་དྲུག་པ་བཅས་སོ། །དེ་འདྲ་བའི་རྐྱེན་མ་གཏོགས་ཞེས་བྱ་བ་ནི་དགེ་སློང་ན་བ་གཞག་སྟེ་གཙུག་ལག་ཁང་ནས་མ་བསྐྲད་པ་
[205a]
[205a.1]ཞེས་བྱ་བ་སླར་མ་བྱུང་བའི་ཕྱིར་བཅོམ་ལྡན་འདས་ཀྱིས་ཚིག་འདི་གསུངས་སོ། །གཞན་དག་ནི་ཕྱི་རོལ་གྱི་རྐྱེན་ལ་དེ་འདྲ་བའི་རྐྱེན་ཅེས་བྱ་བའོ་ཞེས་ཀྱང་ཟེར་སྟེ། འདི་ལྟ་སྟེ། འཐབ་མོ་བྱེད་པར་འགྱུར་བའམ། རྩོད་པ་མ་བྱུང་བ་འབྱིན་བའམ། འབྱུང་བ་འཕེལ་
[205a.2]བར་བྱེད་པའམ། ཉེ་བར་ཞི་བར་བྱེད་པའི་ཚེ་བགེགས་སུ་བྱེད་པ་འམ། ཚུལ་ཁྲིམས་དང་ལྟ་བ་དང་ཆོ་ག་དང་འཚོ་བ་ཉམས་པར་འགྱུར་བ་ཡིན་ཏེ། དེ་དག་ཀྱང་ཁྲོས་ཏེ་ཕྱིར་བྱུང་ན་ཉེས་བྱས་སོ་ཞེའོ། །དེ་ལ་ལྟུང་བ་ཅི་ལྟར་འགྱུར་ཞེ་ན། དགེ་སློང་གི་ཡོ་བྱད་ཀྱི་ཕྱིར་རམ། འདས་པའི་ཁོན་
[205a.3]དྲན་ནས་སམ། མ་འོངས་པའི་ཁོན་འབྱུང་དུ་དོགས་པའམ། ད་ལྟར་གནོད་པར་འགྱུར་བའམ། རྙེད་པ་དང་བཀུར་སྟིའི་ཕྲག་དོག་གམ། བསྟོད་པ་དང་། སྨད་པའམ། ཆོས་ཀྱི་ཕྱིར་རམ། སློབ་དཔོན་གྱི་ཕྱིར་རམ། མཁན་པོའི་ཕྱིར་རམ། ལྷན་ཅིག་གནས་པའམ། ཉེ་གནས་
[205a.4]སམ། མཛའ་བོའི་ཕྱིར་ཡང་རུང་སྟེ། ཕྱོགས་བཞིའི་དགེ་འདུན་གྱི་གཙུག་ལག་ཁང་ནས་དགེ་སློང་བདག་གིས་སམ། གཞན་གྱིས་འབྱིན་དུ་བཅུག་ན་ལྟུང་བྱེད་དོ། །དེའི་ལྷུང་བཟེད་དང་ཆོས་གོས་དགེ་འདུན་གྱི་གཙུག་ལག་ཁང་ནས་ཕྱིར་ཕྱུང་ན་ཉེས་བྱས་སོ། །དགེ་འདུན་གྱིས་ཕྱིར་ཕྱུང་
[205a.5]ལ་ཉེས་བྱས་སུ་འགྱུར་བ་མཆིས་སམ། ཡོད་དེ་བསླབ་པ་འབྱིན་པའི་དགེ་འདུན་གང་ཡིན་པའོ། །སྤྲིང་ཡིག་ལ་སོགས་པ་རྣམས་ཀྱིས་ཀྱང་ཕྱིར་ཕྱུང་ན་ཉེས་བྱས་སོ། །དགེ་སློང་མའི་གཙུག་ལག་ཁང་དང་། ཕྱོགས་བཞིའི་དགེ་འདུན་གྱི་མ་གཏོགས་པ་དེ་ལས་གཞན་པའི་དགེ་འདུན་གྱི་གཙུག་
[205a.6]ལག་ཁང་དང་། སྔོན་ལྟུང་བ་འབྱུང་བ་ལ་སོགས་པ་དང་། མི་མ་ཡིན་པ་ལས་རབ་ཏུ་བྱུང་ཞིང་བསྙེན་བར་རྫོགས་པའི་གཙུག་ལག་ཁང་དང་། གང་ཟག་གི་གཙུག་ལག་ཁང་དང་། དགེ་ཚུལ་ལ་སོགས་པའི་གཙུག་ལག་ཁང་དང་། བླ་གབ་མེད་པ་ལ་སོགས་པ་དང་། མུ་སྟེགས་ཅན་
[205a.7]གྱི་གཙུག་ལག་ཁང་ནས་རང་བཞིན་དུ་གནས་པ་ཕྱིར་ཕྱུང་ན་ཉེས་བྱས་སོ། །དགེ་འདུན་གྱི་ལ་དགེ་འདུན་གྱིར་འདུ་ཤེས་པ་རྣམ་པ་དྲུག་ཏུ་སྟེ། གཉིས་ནི་ལྟུང་བྱེད་དོ། །བཞི་ནི་ཉེས་བྱས་སོ། །དེ་ལྟར་ཉེས་པ་མེད་པ་ལ་ཉེས་པ་མེད་པར་འདུ་ཤེས་པའང་རྣམ་པ་དྲུག་ཏུ་བརྗོད་པར་བྱའོ། །ཚུལ་ཁྲིམས་
[205b]
[205b.1]འཆལ་བ་ནི་དགེ་འདུན་གྱི་ཕྱིར་དབྱུང་བར་བྱའོ། །གལ་ཏེ་འགྱུར་བ་རྟེན་པར་བྱེད་ན་ཡོ་བྱད་མེད་པར་བྱའོ། །ཀ་བ་ལ་སོགས་པ་ལ་འཛིན་ན་གཅད་པར་བྱའོ། །དེ་ཡང་དགེ་འདུན་གྱི་འདུས་སར་བྱའོ། །སྨ་དབབ་པར་བསམས་ཏེ་གནས་ཁང་ནས་ཕྱུང་བར་ལ་ལྟུང་བ་མེད་དོ། །དེ་ཡང་གཙུག་
[205b.2]ལག་ཁང་ནས་ནི་ཕྱིར་དབྱུང་བར་མི་བྱའོ། །སྨ་དབབ་པ་ལ་རྣམ་པ་ལྔ་སྟེ། གཏམ་འདྲེ་བར་མི་བྱ་བ་དང་། མི་གདམས་པ་དང་། ལོངས་མི་སྤྱད་པ་དང་། བསྙེན་བཀུར་བདག་གིར་མི་བྱ་བ་དང་། དགེ་བའི་ཕྱོགས་ཀུན་ནས་སྤྱད་པ་དང་། གནས་བཅས་པའི་རྒྱུན་དགག་པའོ། །ཆོས་
[205b.3]ལྔ་དང་ལྡན་ན་སྨ་དབབ་པར་བྱ་སྟེ། མ་དད་པ་དང་། ལེ་ལོ་ཅན་དང་། བཀའ་བློ་མི་བདེ་བ་དང་། སྡིག་པའི་གྲོགས་པོ་དང་། མ་གུས་པའོ། །སྨ་དབབ་པ་སྦྱིན་པར་འོས་པ་ལས་སྨ་ཕབ་ན་ཉེས་བྱས་སོ། །ཤིན་དུ་བསྡིགས་པར་བྱའོ། །དགེ་སློང་མཁས་པ་གཅིག་ལ་བཅོལ་བར་བྱའོ། །
[205b.4]གང་བདག་ཉིད་ཀྱིས་བཟོད་པ་བྱེད་པར་འགྱུར་བར་བཅོལ་ལོ། །ཅི་སྐད་བསྟན་པའི་ཆོས་རྣམ་པ་ལྔ་པོ་སླར་བཟློག་པ་དང་ལྡན་པ་ལ་ནི་བཟོད་པར་བྱའོ། །བཟོད་པར་བྱ་བར་མི་འོས་པ་ལ་བཟོད་པ་བྱས་ན་ཉེས་བྱས་སོ། །གང་མ་དད་པ་བསྙེན་པར་རྫོགས་པ་དང་། བསྙེན་པར་རྫོགས་
[205b.5]པར་འདོད་པའི་དགེ་ཚུལ་ལ་ནི་ཡོ་བྱད་དྲུག་སྦྱིན་ཏེ། གཙུག་ལག་ཁང་ནས་ཕྱིར་དབྱུང་བར་བྱའོ། །དགེ་ཚུལ་ལ་ནི་བླ་གོས་དང་བཅས་པའི་མཐང་གོས་ཀྱང་སྦྱིན་པར་བྱའོ། །གཙུག་ལག་ཁང་དུ་ཀླུ་གཞོན་ནུ་མ་སེ་གོལ་གྱི་སྒྲ་བྱས་ཏེ། བཞིན་བཟང་དགེ་སློང་ལ་གནོད་པར་མ་བྱེད་
[205b.6]ཅིག་ཅེས་བརྗོད་པར་བྱའོ། །གལ་ཏེ་འགྲོར་མ་བཏུབ་ན་ཤུར་བུ་ལ་སོགས་པ་རྣམས་སམ། ཤུར་བུ་གཉིས་པའམ། ཐ་གུ་རས་མས་དཀྲིས་པས་བཅིངས་ཏེ་ཕྱིར་དབྱུང་བར་བྱའོ། །སྐྲ་ལ་སོགས་པའི་ཐ་གུས་ནི་མ་ཡིན་ནོ། །ས་སྒྲེ་བོ་མ་ཡིན་པ་ལ་གཞག་པར་བྱའོ། །མེས་
[205b.7]ཚིག་པའི་གནས་སུ་གཞག་པར་མི་བྱའོ། །ཇི་སྲིད་གནས་སུ་མ་སོན་གྱི་བར་དུ་འདུག་པར་བྱའོ། །ཤིག་དང་མད་ཀུན་ཀ་དག་ནི་གར་བབ་བབ་དུ་དོར་བར་མི་བྱའི་རས་མའི་ནང་དུ་དཀྲིས་ཏེ་བསིལ་བའི་ཕྱོགས་སུ་གཞག་གོ། །དེ་ལྟ་བུ་མེད་ན་ཡང་ཀ་བའམ། རྩིག་པའི་བུ་གུ་བསིལ་བར་
[206a]
[206a.1]གཞག་པར་བྱའོ། །ཇི་སྐད་དུ་བསྟན་པའི་ཚུལ་དུ་མ་བྱས་ན་ཉེས་བྱས་སོ། །དྲུག་པའོ།། །།མཉན་ཡོད་ན་སྟེ། འཆར་ཀ་གཏམ་ཟེར་ཞིང་ཡུན་རིང་དུ་འདུག་ནས་ཐབས་ཀྱིས་སྒོ་ཕྱེ་སྟེ། ཉལ་ཟིན་པ་དག་གི་ཐོག་ཏུ་མནན་ནས་གནོད་པར་བྱེད་པས་གནས་མལ་གྱི་གཞིའི་
[206a.2]དབང་དུ་མཛད་དེ། མི་བཟོད་པའི་ཉོན་མོངས་པས་ན་བདུན་པ་བཅས་སོ། །ཤེས་བཞིན་དུ་ཞེས་བྱ་བ་ནི་སྔ་ནས་ཉེ་བར་འཁོད་པ་ཡིན་ཏེ། རང་གིས་རིག་པའམ། དེ་ལས་གཞན་གྱིས་བསྒོ་བའོ། །དགེ་འདུན་གྱིས་ཞེས་བྱ་བ་ནི་ཕྱོགས་བཞིའི་དགེ་འདུན་གྱིའོ། །སྔ་ན་འཁོད་པ་རྣམས་ལ་ཞེས་
[206a.3]བྱ་བ་ནི་སྔ་ན་འཁོད་པའི་རྣམས་ལའོ། །ཕྱིས་གནོན་ཞེས་བྱ་བ་ནི་མཐུས་གཞན་ལ་གནོད་ལར་བྱེད་པའོ། །སྟན་ཞེས་བྱ་བ་ནི་ཁྲིའམ། ཁྲིའུ་འམ། གདིང་བའོ། །གནོད་ཅེས་བྱ་བ་ནི་ཕྱག་འཚལ་བས་གནོད་པ་དང་། བསྙེན་བཀུར་བྱེད་པས་གནོད་པ་དང་། བླ་མ་ལ་རིམ་གྲོ་བྱེད་པས་
[206a.4]གནོད་པ་དང་། ནད་པའི་རིམ་གྲོ་བྱེད་པས་གནོད་པ་དང་། སྟོན་པ་དང་། ཁ་ཏོན་བྱེད་པ་དང་། མཉན་པ་དང་། ཀུན་དུ་འདྲི་བས་གནོད་པ་དང་། འདུན་པ་སྦྱིན་པས་གནོད་པ་དང་། ཟས་དང་སྐོམ་གྱིས་གནོད་པ་དང་། རྙེད་པ་ལེན་པས་གནོད་པ་དང་། འདུག་པས་གནོད་པ་དང་།
[206a.5]ཉལ་བས་གནོད་པ་དང་། གནས་ཀྱིས་གནོད་པ་སྟེ། དེ་དག་ཐམས་ཅད་ལ་ཡང་ལྟུང་བའོ། །དེ་ཉིད་དུ་ཞེས་བྱ་བ་ནི་གནོད་པར་བསམས་པའོ། །དགེ་འདུན་གཞན་གྱི་གཙུག་ལག་ཁང་ནས་གནོད་པར་བསམས་ན་ཉེས་བྱས་སོ། །རྐྱེན་ཅེས་བྱ་བ་ནི་རྒྱུ་སྟེ་གང་ལ་ཞེ་ན་ལྟུང་བའོ། །དེ་ལ་
[206a.6]ལྟུང་བ་ཅི་ལྟར་འགྱུར་ཞེ་ན། སྔ་མ་ནས་ཉེ་བར་འཁོད་པ་ལ་དེར་འདུ་ཤེས་སམ། ཡིད་གཉིས་ཟ་ན་ཡང་རུང་སྟེ། གནོད་པར་བྱེད་ན་ལྟུང་བྱེད་དོ། །སྔ་ནས་ཉེ་བར་འཁོད་པ་མ་ཡིན་པ་ལ། སྔ་ནས་ཉེ་བར་འཁོད་པར་འདུ་ཤེས་སམ་ཡིད་གཉིས་ཟའམ། སྔ་ནས་ཉེ་བར་འཁོད་པ་ལ་སྔ་ནས་
[206a.7]ཉེ་བར་འཁོད་པ་མ་ཡིན་པར་འདུ་ཤེས་སམ་ཡིད་གཉིས་ཟ་ན་ཡང་རུང་སྟེ། གནོད་པར་བྱས་ན་ཉེས་བྱས་སོ། །བསྙེན་པར་མ་རྫོགས་པ་དང་། དགེ་སློང་མའི་དགེ་འདུན་གྱི་གཙུག་ལག་ཁང་ལ་སོགས་པ་ལ་ནི་ཉེས་བྱས་སོ། །འཆར་ཀས་མཐོ་བཙམས་པར་བསམས་ཏེ། ཟས་ངན་པ་
[206b]
[206b.1]ཟོས་པ་གཉིས་བསྡེབས་ཏེ། བསྐོས་ནས་མཚན་མོ་ཐོག་ཐག་ཁ་ཏོན་བྱེད་དུ་བཅུག་བ་དང་། ཁ་ཟས་གྱ་ནོམ་པ་ཟོས་པ་རྣམས་ནི་མཚན་ཐོག་ཐག་ཡིད་ལ་བྱེད་པ་བསྒོམ་དུ་བཅུག་པ་དང་། གྲང་བའི་དུས་ཀྱི་ཚེ་ན་བླ་གབ་མད་པར་ཆུས་བཏབ་སྟེ། མཚན་ཐོག་ཐག་བསིལ་ཡབ་
[206b.2]ཀྱིས་གཡབ་པ་དང་། དྲོ་བའི་དུས་ཀྱི་ཚེ་ན་ནི་ཁང་པའི་སྐར་ཁུང་ལ་སོགས་པ་བཅད་དེ། མེ་བུས་ནས་ལ་བས་གཡོགས་ཏེ། སྟེང་དུ་བདག་ཉིད་ཀྱིས་མནན་ཏེ་འདུག་པ་དང་། དེ་བཞིན་དུ་གཙུག་ལག་ཁང་སྣམ་ཕྱིས་མེད་པ་དང་། མི་གཙང་བའི་གྱོ་མོ་བཅག་ནས་དགེ་སློང་ཁ་ཅིག་
[206b.3]ཝ་ཁར་བཤང་གཅི་བྱས་པ་དང་། དེ་ཁྱིམ་པ་རྣམས་ལ་སྦྲན་པ་དང་། བཀྲུ་སྨན་འཐུངས་ནས་ན་བའི་ཐབས་སུ་བྱ་སྟེ། གང་ནད་པ་ལ་ལྟར་ལྷགས་པ་དེ་ཡུན་རིང་དུ་གཞག་པ་དང་། རྣལ་འབྱོར་དང་རྗེས་སུ་མཐུན་པ་དང་། ཀློག་པ་དང་རྗེས་སུ་མཐུན་པའི་གཙུག་ལག་ཁང་དེར་ཉིན་
[206b.4]ཐོག་ཐག་ལས་བྱེད་དུ་བཅུག་པ་དང་། འཇིགས་པ་དང་། བཅས་པའི་གཙུག་ལག་ཁང་དུ་སྒོ་ཕྱེ་སྟེ་ཅི་ནས་ཀྱང་འཇིགས་པས་བདེ་བར་ཉལ་དུ་མི་གཞུག་གོ་སྙམ་པ་དང་། སྣམ་ཕྱིས་གཙུག་ལག་ཁང་གི་ཕྱི་རོལ་ན་འདུག་པའི་སྒོ་གང་དུ་ཉལ་ཏེ་འདུག་པ་དང་། བཅོམ་ལྡན་འདས་
[206b.5]ཀྱིས་བཀའ་སྩལ་པ། དགེ་སློང་གིས་ཅི་ཙམ་དུ་དགེ་སློང་ལ་བསམས་བཞིན་དུ་མཐོ་བཙམས་ན་ལྟུང་བྱེད་དོ། །འདི་ཡང་གནོད་པར་བྱེད་པ་ཞེས་བྱ་བའོ། །སྟན་བཟུང་བ་ནི་ཉེ་བར་མཚོན་པའི་དོན་ཏོ། །བཤང་བ་དང་། གཅི་བའི་ཁང་བར་འཆག་པར་མི་བྱའོ། །ཇི་ལྟར་རྒན་རིམས་ཀྱིས་མཐོ་
[206b.6]བཙམས་བར་མི་བྱ་སྟེ། དེ་ལ་ཅི་ལྟར་རྒན་རིམས་མེད་ཀྱི་ཇི་ལྟར་འོངས་པ་བཞིན་ནོ། །ཆུ་གཞག་པའི་ས་དང་། རྐང་པ་དག་བཀྲུ་བའི་སར་དགེ་འདུན་གྱིས་སྣོད་མི་མཐུན་པ་གཞག་པར་མི་བྱའོ། །ཅི་ལྟར་རྒན་རིམས་སུ་མི་བླང་སྟེ། དེ་ལ་ཅི་ལྟར་རྒན་རིམས་སུ་བྱ་བ་མེད་པ་ནི་གང་གིས་དེ་ཐོག་མར་བླངས་བ་དེས་རྫོགས་པར་བྱའོ། །
[206b.7]ཚན་ལ་སོགས་པའི་ཁུ་བ་ཉུང་ངུ་མས་སྣོད་བྲེལ་བར་མི་བྱའོ། །ཆོས་དང་མཐུན་པའི་ལས་ཀྱིས་བྲེལ་བའི་ཚེ་ཇི་ལྟར་རྒན་རིམས་ཀྱིས་སོ་ཞེས་སྟན་ལས་མི་བསླང་ངོ་། །དགེ་འདུན་གྱི་སྤུ་གྲིའི་སྣོད་བྱ་བ་བྱས་པ་དང་། ཡང་བྱའོ་ཞེས་མི་གཞག་གོ། །བཤང་བ་དང་གཅི་བའི་ཁང་པར་
[207a]
[207a.1]བྱ་བ་དང་བྱས་ན་འདུག་པར་མི་བྱའོ། །ཇི་སྐད་བསྟན་པ་བཞིན་དུ་མ་བྱས་ན་ཐམས་ཅད་དུ་འགལ་ཚབས་ཅན་དུ་འགྱུར་རོ། །བདུན་པའོ།། །།མཉན་ཡོད་ན་སྟེ། ཉེ་དགའ་ཁྲོས་ནས་ཁྲིའུའི་རྐང་བ་ལྷུང་བས་བསོད་སྙོམས་པའི་དཔྲལ་བ་བརྟོལ་བས་ན་གནས་མལ་གྱི་གཞིའི་
[207a.2]དབང་དུ་མཛད་དེ། མི་བཟོད་པའི་ཉོན་མོངས་པས་ན་བརྒྱད་པ་བཅས་སོ། །དགེ་འདུན་གྱི་ཞེས་བྱ་བ་ནི་ཕྱོགས་བཞིའི་དགེ་འདུན་གྱི་སྟེ། དེ་ལས་གཞན་པའི་ཉེས་བྱས་སོ། །སྟེང་གི་ནམ་མཁའ་ལ་ཐོག་བོར་བར་ཞེས་བྱ་བ་ནི་གཡོགས་པའི་སྟེང་ངོ་། །གཙུག་ལག་ཁང་ཞེས་བྱ་བ་ནི་རྩྭའི་
[207a.3]ཁྱིམ་མི་བརྟན་པ་སླར་བཅོས་པ་མ་བྱས་པ་ལ་ལྟུང་བར་འགྱུར་རོ། །རྩ་བ་འབྱུང་བ་ཞེས་བྱ་བ་ནི་རྐང་པ་ཕུར་བུ་ལྟ་བུ་སྟེ། གཟེར་བུས་བཏབ་པ་ལ་ནི་ལྟུང་བ་མེད་དོ། །ཁྲིའུ་ཞེས་བྱ་བ་ལ་ནི་ཁྲིའུ་ལའོ། །འདུག་གམ་ཞེས་བྱ་བ་ལ་སོགས་པ་ནི་རྒོད་བག་གིས་ལུས་ཐམས་ཅད་ཀྱི་ལྕིད་
[207a.4]ཀྱིས་ཕབ་ན་ལྟུང་བའོ། །རྒོད་བག་མེད་པར་ལུས་ཐམས་ཅད་ཀྱི་ལྕིད་ཀྱིས་ཕབ་ཀྱང་ལྟུང་བ་མེད་དོ། །རྐང་པ་འབྱུང་བ་ལ་རྐང་པ་འབྱུང་བར་འདུ་ཤེས་པ་རྣམ་པ་ཡང་དྲུག་ཏུ་སྦྱར་ཏེ་གཉིས་ནི་ལྟུང་བྱེད་དོ། །གཉིས་ནི་ཉེས་བྱས་སོ། །གཉིས་ནི་ལྟུང་བ་མེད་པའོ། །དེ་བཞིན་དུ་དགེ་འདུན་གྱི་
[207a.5]གཙུག་ལག་ཁང་ལ་དགེ་འདུན་གྱི་གཙུག་ལག་ཁང་འདུ་ཤེས་པ་ཡང་དྲུག་ཏུ་སྦྱར་ཏེ། །གཉིས་ནི་ལྟུང་བྱེད་དོ། །བཞི་ནི་ཉེས་བྱས་སོ། །སའི་རང་བཞིན་གྱི་གཞི་ལ་ནི་ཉེས་བྱས་སོ། །ལྟུང་བ་མེད་པ་ནི་སྤང་ལེབ་ཀྱིས་གཡོགས་པ་དང་། སྤང་ལེབ་ཆུང་ངུས་གཡོགས་པ་དང་། ཤིང་ལེབ་
[207a.6]ཀྱིས་གསོགས་པ་དང་། ཤིང་ལེབ་འབུར་ཅན་གྱིས་གཡོགས་པ་དང་། བྱིན་གྱིས་གཞོལ་བ་དང་། གན་རྐྱལ་དུ་བྱས་པའོ། །དེ་བཞིན་དུ་རྐང་རྟེན་སོ་སོར་བཅུག་པའོ། །བརྒྱད་པའོ།། །།ཀཽ་ཤཱ་མྦཱི་ན་སྟེ། འདུན་པ་ལས་བརྩམས་ནས་ཆུའི་གཞིའི་དབང་དུ་མཛད་དེ། སྙིང་རྗེ་མེད་
[207a.7]པའི་ཉོན་མོངས་པས་དགུ་པ་བཅས་སོ། །ཤེས་བཞིན་ཞེས་བྱ་བ་ནི་སྲོག་ཆགས་དང་བཅས་སུ་ཟིན་ཀྱང་མི་ཤེས་པ་ལ་ནི་ཉེས་པ་མེད་དོ་ཞེས་བསྟན་པའི་ཐ་ཚིག་གོ། །སྲོག་ཆགས་དང་བཅས་པ་ཞེས་བྱ་བ་ནི་སོ་སོར་བརྟགས་པའི་སྲོགས་ཆགས་དང་བཅས་པ་དང་། སོ་སོར་མ་བརྟགས་
[207b]
[207b.1]པའི་སྲོག་ཆགས་དང་བཅས་པ་དང་། མཐོང་བའི་སྲོག་ཆགས་དང་བཅས་པ་དང་། མ་མཐོང་བའི་སྲོག་ཆགས་དང་བཅས་པ་དང་། གློ་བུར་དུ་འོངས་པའི་སྲོག་ཆགས་དང་བཅས་པ་དང་། ལྷན་ཅིག་སྐྱེས་པའི་སྲོག་ཆགས་དང་བཅས་པ་དང་། སྐྱེས་པའི་སྲོག་ཆགས་དང་བཅས་པ་དང་། མ་
[207b.2]སྐྱེས་པའི་སྲོག་ཆགས་དང་བཅས་པ་དང་། གཞན་གྱིས་བརྟགས་པའི་སྲོག་ཆགས་དང་བཅས་པའོ། །སྲོག་ཆགས་ལ་རྣམ་པ་གཉིས་ཏེ། མིག་ལམ་དུ་སྣང་བ་དང་། ཆུ་ཚགས་ཀྱིས་ཟིན་པའོ། །དེ་ལ་དང་པོ་གསུམ་དང་། དྲུག་པ་ནི་བཙགས་ན་ལྟུང་བ་མེད་དོ། །བཞི་པའང་ཆོ་ག་བྱ་
[207b.3]བས་སོ། །ལྔ་པ་དང་བདུན་པ་དང་བརྒྱད་པ་ནི་སྟེང་དང་ཞབས་ཕོ་ན་ལྟུང་བ་མེད་དོ། །དགུ་པ་ནི་གཞན་ལ་ཡིད་ཆེས་པས་ན་ལྟུང་བ་མེད་དོ། །སོ་སོར་མ་བརྟགས་པའི་སྲོག་ཆགས་དང་བཅས་པ་ལ་གཞན་གྱིས་མིག་གིས་བརྟགས་པས་ལྟུང་བ་མེད་དོ། །རང་གིས་སྦྱོར་བས་ཉེས་པ་མ་མཐོང་བ་
[207b.4]དང་། ཇི་ལྟར་ཕ་རོལ་པོ་ལ་བྱེད་དུ་བཅུག་པའི་སྐྱེས་བུ་ལ་ཅིའི་ཕྱིར་འཇི་བ་མ་བྱས་སམ། རྩྭ་ལ་ཆག་ཆག་མ་བཏབ་ཅེས་བསྐོ་བའོ། །ཆུ་ཞེས་བྱ་བ་ནི་རྩབ་མོ་ལ་སོགས་པ་ཡང་ཆུ་ཞེས་བྱ་བས་བཟུང་ངོ་། །རྩྭ་ཞེས་བྱ་བ་ནི་གཡོགས་པའི་དོན་ཏོ། །ལྕི་བ་ཞེས་བྱ་བ་ནི་སྐྱང་ནུལ་དང་བྱུག་པའི་དོན་ཏོ། །
[207b.5]ས་ཞེས་བྱ་བ་ནི་གཙུག་ལག་ཁང་བྱ་བ་ལ་སོགས་པའི་དོན་ཏོ། །སྲོག་ཆགས་དང་བཅས་པ་ལ་སྲོག་ཆགས་དང་བཅས་པར་འདུ་ཤེས་སམ། ཡིད་གཉིས་ཟ་ན་ཡང་སྟེ། འདེབས་སམ་འདེབས་སུ་བཅུག་ན་ལྟུང་བྱེད་དོ། །སྲོག་ཆགས་མེད་པ་ལ་སྲོག་ཆགས་དང་བཅས་པར་འདུ་ཤེས་སམ།
[207b.6]ཡིད་གཉིས་ཟ་ན་ཉེས་བྱས་སོ། །སྲོག་ཆགས་དང་བཅས་པའི་ཡུར་བ་སེལ་བར་བྱེད་དམ། འགོག་པར་བྱེད་ན་སྲོག་ཆགས་ཇི་སྙེད་ཤི་བ་ལྟུང་བྱེད་ཀྱང་དེ་སྙེད་དོ། །སྲོག་ཆགས་ཇི་སྙེད་མ་ཤིན་ཉེས་བྱས་ཀྱང་དེ་སྙེད་དོ། །སྤྲིང་ཡིག་ལ་སོགས་པ་རྣམས་ཀྱིས་ཀྱང་འདེབས་སུ་བཅུག་གམ།
[207b.7]འོ་མ་ལ་སོགས་པ་རྣམས་ཀྱིས་ཀྱང་། རྩྭ་ལ་སོགས་པ་སྲོག་ཆགས་དང་བཅས་པ་ལ་ཆག་ཆག་བཏབ་ན་ཉེས་བྱས་སོ། །སྲོག་ཆགས་དང་བཅས་སམ། སྲོག་ཆགས་མེད་ཀྱང་རུང་སྟེ། སྲོག་ཆགས་མེད་པར་འདུ་ཤེས་ན་ལྟུང་བ་མེད་དོ། །སྲོག་ཆགས་མེད་པའི་ཆུ་ཡང་གར་བབ་བབ་ཏུ་
[208a]
[208a.1]ཕོག་ན་ཉེས་བྱས་སོ། །དོར་ན་ཡང་ཝ་ཁར་དབོ་བར་བྱའོ། །ཝ་ཁའི་ཉེ་འཁོར་ནི་ཁྲུ་གང་ངོ་། །རྐང་པ་དག་བཀྲུ་བའི་གནས་ནི་གཙུག་ལག་ཁང་གི་ལྷོ་ཕྱོགས་སུ་རུས་སྦལ་གྱི་རྒྱབ་ལྟ་བུར་རྩུབ་པར་བྱའོ། །གང་རྒན་པོ་དང་ནད་པ་རྣམས་ཀྱིས་ནི་འཇམ་པོ་སྟེ། གླང་པོའི་ཆེའི་
[208a.2]རྨིག་མཐིལ་ལྟ་བུ་ས་ལས་བྱས་པའི་ཆོལ་ཟངས་དབུས་ན་ཡང་རྩུབ་པོ་རྒྱ་ཤུག་ལྟ་བུའམ། ཤིང་ཀ་ཏམ་པའི་མེ་ཏོག་ལྟ་བུར་བྱས་ལ་ཉེ་བར་གཞག་པར་བྱའོ། །གལ་ཏེ་དགེ་འདུན་གྱི་ཡིན་ན་ནི་བླ་གབ་མེད་པའམ། ཝ་ཁར་ཁས་ཕུབ་ལ་གཞག་པར་བྱའོ། །གང་ཟག་གི་ནི་སྒོ་གླེགས་ཀྱི་
[208a.3]རྒྱབ་བམ་ཁྲིའི་འོག་ཏུའོ། །གསེར་ལ་སོགས་པའི་ནི་མི་བྱའོ། །གང་དུ་ལྷུང་བཟེད་དམ་རྐང་པ་དག་བཀྲུས་པ་དེར་དཀྱིལ་འཁོར་མདུང་རྩེའི་རྣམ་པ་ལྟ་བུའམ། རྫ་རྔའི་རྣམ་པ་ལྟ་བུར་བྱའོ། །ཆུ་ཅི་ཙམ་ཡོད་པ་བྱུག་པར་བྱའོ། །གྲུ་བཞི་ལ་སོགས་པར་བྱས་ན་ཉེས་བྱས་སོ། །དཀོན་མཆོག་
[208a.4]གསུམ་གྱི་ཕྱིར་ནི་ལྟུང་བ་མེད་དོ། །དགུ་པའོ།། །།ཀཽ་ཤཱ་མྦཱི་ན་སྟེ། དྲུག་སྡེས་ཆུ་ཁུང་ལ་སོགས་པ་མ་བཏོད་པར་སྦྱང་གི་ཚུལ་ལྟ་བུར་གཙུག་ལག་ཁང་ཉིན་གཅིག་གིས་ཟིན་པར་བྱས་པས་ན། གནས་མལ་གྱི་གཞིའི་དབང་དུ་མཛད་དེ་སྨོད་པ་དང་། ལེ་ལོའི་ཉོན་མོངས་པ་
[208a.5]རྣམས་ཀྱིས་བཅུ་པ་བཅས་སོ། །ཆེན་པོ་ཞེས་བྱ་བ་ནི་སྦྱིན་པར་བྱ་བ་ཉིད་དང་། ཚད་ཉིད་ཀྱིས་ཏེ། དེ་ཡང་བདག་པོ་དང་བཅས་པའོ། །རྩིག་ཏུ་འཇུག་ན་བྱ་བ་ནི་བདག་ཉིད་དམ་གཞན་ལའོ། །སྒོའི་སྦུབས་དང་གཏན་པའི་གནས་ཞེས་བྱ་བ་ནི་སྒོའི་སྦུབས་དང་གཏན་པ་གཞུག་པར་བྱའོ། །
[208a.6]ལུགས་བཞིན་དུ་གསུངས་པ་དེ་ལྟར་རྗེས་སུ་གནང་བ་བཞིན་དུ་བྱས་ན་བསྒོ་བ་བཞིན་དུ་བྱས་པར་གྱུར་པ་ཞེས་བྱ་བའི་ཐ་ཚིག་གོ། །དེ་ཐོབ་པ་ཡང་འདི་སྐད་དུ་བརྗོད་དེ། འདིར་ཡང་དོན་ནི་འདི་ཡིན་ཏེ། སྦུབས་དང་གཏན་པ་ཞེས་བྱ་བ་ནི་སྦུབས་དང་གཏན་པའོ། །གང་སྦུབས་དང་
[208a.7]གཏན་པ་ནི་འདི་ལྟར་སྒོའི་སྦུབས་དང་སྒོའི་གཏན་པ་སྟེ། དེའི་གནས་ནི་སྒོའོ། །གཞན་དག་ནི་སྒོ་སྐྱེས་ལ་སྦུབས་དང་། སྒོ་གླེགས་ལ་སྒོའི་གཏན་པ་ཞེས་བྱའོ་ཞེས་ཟེར་རོ། །དེ་ཡང་འདི་ནི་ཚད་བཞིན་ཏེ། དེ་ལྟ་བས་ན་གནས་ཡན་ཆད་ཆོ་ག་འདི་བཞིན་དུ་བྱའོ། །སྣང་བའི་འདུ་
[208b]
[208b.1]ཤེས་ཞེས་བྱ་བར་སྐར་ཁུང་ལ་སོགས་པ་དང་། ཆུ་ཁུང་བཏོད་པའོ། །དེ་བཞིན་དུ་འདུ་ཤེས་ཀྱིས་ས་བརྟག་པ་ཞེས་བྱ་བ་ནི་རྩིག་པའི་ལས་སུ་བྱས་པའོ། །རིམ་པའི་གྲངས་ཞེས་བྱ་བ་ནི་ཕ་གུའི་གྲངས་སོ། །འཇིམ་པ་དང་བཅས་པ་ཞེས་བྱ་བ་ནི་འཇིམ་པ་དང་བཅས་པ་སྟེ། གཤེར་བ་
[208b.2]ཞེས་བྱ་བའི་ཐ་ཚིག་གོ། །མི་སྲ་བ་དང་། སྲ་བ་དང་། ལས་སུ་མ་བྱས་པ་དང་། ལས་སུ་བྱས་པ་དང་། རྩྭ་དང་མ་བསྲེས་པ་དང་། རྩྭ་དང་བསྲེས་པ་དང་། མ་སྤངས་པ་དང་། སྤངས་པ་དང་། མ་བརྫིས་པ་དང་། བརྫིས་པ་དང་། མི་སྲ་བའི་རྫས་སྙིང་པོར་འགྱུར་བ་དང་། སྲ་བའི་རྫས་སྙིང་པོར་མ་
[208b.3]གྱུར་པའམ། ས་རྣམས་སོ། །དེ་ལས་ཁ་ཅིག་ནི་རིམ་པ་ཕྲི་བ་ལ་ལྟུང་བ་མེད་དོ། །ཁ་ཅིག་ནི་གཉེན་པོར་སྦྱར་བས་སོ། །ཁ་ཅིག་ནི་གཞན་གྱི་རྐྱེན་ལས་ཏེ། གལ་ཏེ་ཕ་རོལ་པོ་ན་རེ་ཅི་ནས་ཀྱང་མི་གཞན་ཞིག་པ་དེ་ལྟ་བུར་ངས་བྱའོ་ཞེས་ཟེར་རོ། །ཁ་ཅིག་ནི་གཞན་གྱི་ཁར་འདོར་བ་སྟེ། ང་ནི་
[208b.4]འདི་ལྟར་མི་བྱེད་དོ། །ཁྱོད་ཀྱིས་བྱ་བར་ཤེས་པ་ནི་བྱོས་ཤིག་ཅེས་བྱ་བའོ། །ཁ་ཅིག་ནི་ཉེས་པ་མི་སྣང་བའི་ཕྱིར་ཏེ། གལ་ཏེ་འཇིག་པར་ཉེས་པ་མ་མཐོང་བའོ། །བརྩིག་པར་བྱའོ་ཞེས་བྱ་བ་ནི་བརྩིག་པར་བྱ་བའོ། །སྒོ་སྦུབས་དང་། སྒོ་གཏན་གྱི་གནས་ཀྱི་སྟེང་དུ་འཇི་བའི་གོང་བུ་རིམ་པ་གཉིས་
[208b.5]སམ། གསུམ་དུ་གཞག་པ་སྟེ། དེ་ཡང་གོང་བུ་སྔ་མ་སྐམས་ནས་གཞག་པར་བྱ་སྟེ། དེ་ཡང་བསྐམས་ན་ཡང་དེ་ཙམ་ཡང་གཞག་པར་བྱའོ། །གཤེར་པ་ལ་རིམ་པ་གཅིག་བརྩིགས་ན་ཡང་ལྟུང་བྱེད་དོ། །འཇི་བའི་གོང་བུ་སྔ་མ་ལེགས་པར་མ་ཟིན་པའི་སྟེང་དུ་བོར་ན་ཉེས་བྱས་སོ། །གཤེར་
[208b.6]བ་དང་བཅས་པ་ལ་གཤེར་བ་དང་བཅས་པར་འདུ་ཤེས་པ་རྣམ་པ་དྲུག་ཏུ་སྦྱར་ཏེ། ལྟུང་བྱེད་གཉིས་དང་ཉེས་བྱས་གཉིས་དང་། ལྟུང་བ་མེད་པ་གཉིས་སོ། །སྤྲིང་ཡིག་ལ་སོགས་པ་རྣམས་ཀྱིས་འཇོག་ཏུ་བཅུག་ན་ཉེས་བྱས་སོ། །རྩས་གཡོགས་སམ། སྤང་ལེབ་ཀྱིས་གཡོགས་སམ།
[208b.7]སྤང་ལེབ་ཆུང་ངུས་གཡོགས་ན་ལྟུང་བ་མེད་དོ། །རྡོ་བ་འབའ་ཞིག་གིའམ། སོ་ཕག་གིའམ། ཐམས་ཅད་ཤིང་གི་རང་བཞིན་ནམ། སྦྱིན་བདག་ན་རེ་ཟིན་ནས་བལྟའོ་ཞེས་ཟེར་བ་ལ་ལྟུང་བ་མེད་དོ། །ས་བོན་གྱི་ཚོགས་དེ་གཉིས་པའོ།། །།མཉན་ཡོད་ན་སྟེ། དྲུག་སྡེ་
[209a]
[209a.1]རྣམས་རང་གིས་བསྒོ་ཞིང་མཚམས་ཀྱི་ཕྱི་རོལ་དུ་གཅིག་ལ་གཅིག་གིས་བསྒོས། མཚམས་ཀྱི་ནང་དུ་ཡང་ནད་པ་དག་ལ་བཅོལ་ནས་དེ་དག་ལས་གཞན་ནི་བྲེལ་བར་ཤེས་ནས་གཅིག་ལ་གཅིག་བསྐོས་ཏེ། དགེ་སློང་མ་ལ་སྟོན་པར་བྱེད་པས་ན། དགེ་སློང་མའི་
[209a.2]གཞིའི་དབང་དུ་མཛད་དོ། །མ་དད་པ་དང་རྐྱེན་ལ་ལྟོས་པའི་ཉོན་མོངས་པ་དག་གིས་དགེ་སློང་མའི་ཚོགས་དང་པོར་བཅས་སོ། །གཞི་དང་ཉོན་མོངས་པ་དག་ནི་འདི་ལས་གཞན་དགུ་པོ་ཡང་དེ་བཞིན་ཏེ། ཕྱིས་ཡང་བརྗོད་པར་མི་བྱའོ། །གསུམ་པ་ལ་ནི་མི་བཟོད་པའི་ཉོན་མོངས་
[209a.3]པའོ། །བརྒྱད་པ་ལ་ནི་དགེ་བསྙེན་མའི་གཞིའི་དབང་སྟེ། ཁྱད་པར་ནི་དེ་ཡོད་དོ། །མ་བསྐོས་པར་ཞེས་བྱ་བ་ནི་གང་གསོལ་བ་དང་གཉིས་ཀྱིས་བསྐོ་བའི་ལས་མ་བྱས་སམ། བྱས་པ་ལ་ཡང་ཉེས་པ་བཞི་དང་ལྡན་པ་སྟེ། མཚམས་དང་། ཉི་མ་དང་། ཚོགས་དང་། གང་
[209a.4]ཟག་གི་ཉེས་པའོ། །མཚམས་ཀྱི་ཕྱི་རོལ་དུ་བསྐོས་པར་གྱུར་པ་དང་། གསོ་སྐྱོང་གི་ཉིན་པར་མ་ཡིན་པ་དང་། དགེ་འདུན་ཐམས་ཅད་ཀྱིས་མ་ཡིན་པ་དང་། ཡན་ལག་བདུན་ལས་གང་ཡང་རུང་བའམ། ཐམས་ཅད་དང་ཡང་མི་ལྡན་པའི་གང་ཟག་ཏུ་གྱུར་པ་ཡིན་ནོ། །ཡན་ལག་
[209a.5]བདུན་པོ་ནི་ཚུལ་ཁྲིམས་དང་ལྡན་པ་དང་། མང་དུ་ཐོས་པ་སྟེ། སོ་སོར་ཐར་པའི་མདོ་གདོན་པ་རྒྱ་ཆེན་ཐོས་པའི་ཕྱིར་གནས་བརྟན་དེ་བསྙེན་པར་རྫོགས་ནས་ལོ་ཉི་ཤུ་ལ་སོགས་པར་ལོན་པའི་ཕྱིར་རོ། །ཕོ་བྲང་འཁོར་རམ། གྲོང་ཁྱེར་གྱི་སྐད་དང་། ལུས་ཀྱིས་རིག་པས་དགེ་
[209a.6]སློང་མ་སུན་ཕྱུང་བ་ཡང་ལྟུང་བ་ཕྱིར་བཅོས་པ་བྱས་པ་དང་། ཕམ་པར་གྱུར་པ་བརྒྱད་སྟོན་པར་ནུས་པ་དང་། ལྕི་བའི་ཆོས་བརྒྱད་བསྟེན་ནུས་པའོ། །ཕམ་པར་འགྱུར་བ་བཞི་ནི་ཅི་ལྟར་དགེ་སློང་གི་བཞིན་ནོ། །དེ་ལས་གཞན་ཡང་བཞི་སྟེ། མིག་མན་ཆད་པུས་མོ་ཡན་ཆད་ཀྱི་བར་སྐབས་
[209a.7]དེར་ཆགས་པས། ཆགས་པའི་སྐྱེས་པས་རེག་པ་བདག་གིར་བྱས་པ་དང་། མི་ཚངས་པར་སྤྱོད་པར་སྦྱོར་བར་བརྡ་ལ་སོགས་པ་བྱེད་པ་དང་། དགེ་སློང་མའི་ཁ་ན་མཐོ་བ་འཆབ་པ་དང་། གནས་ནས་ཕྱུང་བའི་རྗེས་སུ་ཕྱོགས་པའོ། །ལྕི་བའི་ཆོས་བརྒྱད་པོ་དག་གང་ཞེ་ན། དགེ་སློང་རྣམས་
[209b]
[209b.1]ལས་བསྙེན་པར་རྫོགས། །ཟླ་བ་ཕྱེད་ཅིང་གདམ་ངག་གསོལ། །དགེ་སློང་མེད་པའི་གནས་གར་ཡང་། །དབྱར་ནི་ཉེ་བར་གནས་མི་བྱ། །དགེ་སློང་ཉམས་པ་གླེང་མི་བྱ། །སྤྱོ་བར་མི་བྱ་གསར་བུ་ཕྱག་བྱ་དང་། །གཉི་གའི་ཚོགས་རྣམས་མགུ་བྱ་དང་། །དགག་དབྱེ་ཞེས་བྱ་ལྕི་
[209b.2]བའི་ཆོས། །གང་དེ་ལྟ་བུ་བསྐོས་ན་ཉེས་བྱས་ཏེ་དེ་ཡང་བསྐོས་པ་མ་ཡིན་ནོ། །དགེ་འདུན་ཞེས་བྱ་བ་ནི་རོ་གཅིག་པ་དང་། ཐ་དད་པ་མ་ཡིན་པའོ། །དགེ་སློང་མ་ཞེས་བྱ་བ་ནི་བསྙེན་པར་རྫོགས་པའོ། །སྟོན་ན་ཞེས་བྱ་བ་ནི་ཐ་ན་ཆོས་བརྒྱད་པོ་དག་སྟོན་པ་ཡང་ཡིན་ཏེ། ཕྱི་མ་ཉིད་དགེ་སློང་མ་
[209b.3]ལ་སྟོན་པས། སྲིང་མོ་དག་ཅི་ཁྱེད་ཅག་དགེ་སློང་མའི་དགེ་འདུན་རྣམས་ཚོགས་སམ། ཡོངས་སུ་དག་གམ། མཐུན་ནམ། ཁ་ན་མ་ཐོ་བ་མེད་དམ། ཁྱེད་ཅག་ལ་དགེ་སློང་འགའ་ཡང་སྟོན་པར་མི་སྤྲོའོ། །ཁྱེད་ཅག་གི་གདམས་ངག་རྗེས་སུ་བསྟན་པ་ནི་དགེ་འདུན་ལས་སོ། །སྲིང་
[209b.4]མོ་དག་ནི་བག་ཡོད་པར་སྒྲུབས་ཤིག་ཅེས་བྱའོ། །ཆོས་འདི་ལྟ་བུ་དང་ལྡན་པ་མ་གཏོགས་ཞེས་བྱ་བ་ནི་ལམ་ཕྲན་བསྟེན་ལས་བརྩམས་ཏེ། འཇིག་རྟེན་དད་པར་བྱ་བར་བསམས་ནས། དགྲ་བཅོམ་པ་ལ་ཡང་ལྟུང་བ་མེད་པར་བསྟན་པའི་ཕྱིར་རོ། །བསྙེན་པར་རྫོགས་པ་ལ་བསྙེན་
[209b.5]པར་རྫོགས་པར་འདུ་ཤེས་པ་ནི་རྣམ་པ་དྲུག་སྟེ། ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་སོ། །སྔོན་ལྟུང་བ་བྱུང་བ་དང་། བསླབ་པ་བྱིན་པ་དང་། ཁས་བླངས་པ་དང་ཁས་མ་བླངས་པ་དང་། གོ་བཟློག་ཀྱང་རུང་སྟེ་བསྟན་ན་ཉེས་བྱས་སོ། །འདི་
[209b.6]ནི་དེ་བཞིན་དུ་དགེ་སློང་མ་རྣམས་དང་ལྡན་པའི་ཚུལ་ཐམས་ཅད་ལའང་འདིས་ཤེས་པར་བྱའོ། །གང་དེ་ལ་དེ་སྐད་གཞན་གྱི་བརྡ་མ་ཕྲད་ན་ཉེས་བྱས་སོ། །འདིར་སྔོན་བྱུང་བ་གདམས་ངག་མེད་པའི་དབང་དུ་མཛད་དེ་གསུངས་པས། གདམས་ངག་མེད་པར་བསམ་གཏན་བྱེད་ན་ཉེས་བྱས་
[209b.7]སོ། །དང་པོའོ།། །།མཉན་ཡོད་ན་སྟེ། དགའ་བྱེད་ཀྱིས་དུས་མ་ཡིན་པའི་བར་དུ་དགེ་སློང་མ་རྣམས་ལ་ཆོས་བསྟན་པས་ན་དེ་དག་ཀྱང་གྲོང་ཁྱེར་གྱི་ཕྱི་རོལ་དུ་གནས་པར་གྱུར་ཏེ། ནད་པར་ནང་དུ་ཞུགས་པ་ན་ཤཱཀྱའི་བུ་འདི་དག་ནི་འདྲེ་བ་དང་། ལྷག་པར་འདྲེ་ཞིང་ཚངས་པར་སྤྱད་པ་སྤྱོད་དོ་
[210a]
[210a.1]ཞེས་འཕྱའ་བས་ན་གཉིས་པ་བཅས་སོ། །ཉི་མ་ནུས་པའི་དུས་དང་། དུས་ཚོད་ཀྱི་བར་དུ་ཞེས་བྱ་བ་ནི་དུས་ཚོད་ཅེས་བྱ་བའི་སྒྲས་ནི་མཚམས་བརྗོད་པའམ། དུས་བརྗོད་པའོ། །དུས་དེ་སྲིད་དུ་བསྟན་པ་ལ་ལྟུང་བར་འགྱུར་རོ། །དེ་ལ་ཡང་འདི་ནི་དུས་མ་ཡིན་
[210a.2]པ་སྟེ། སྤྱོད་ལམ་མ་ཡིན་པར་འདུག་གམ། བྱ་བ་ཞིག་གིས་བྲེལ་ཏམ། ལུས་མི་བདེ་བའོ། །ཉི་མ་ནུབ་པ་ལ་ནུབ་པར་འདུ་ཤེས་སམ། ཡིད་གཉིས་ཟའང་རུང་སྟེ། བསྟན་ན་ལྟུང་བྱེད་དོ། །ཉི་མ་ནུབ་པ་ལ་ཉི་མ་ནུབ་པར་འདུ་ཤེས་སམ་ཡིད་གཉིས་ཟན་ཡང་རུང་སྟེ། ཉེས་བྱས་
[210a.3]སོ། །ལྷག་མ་རྣམས་ནི་སྔ་མ་བཞིན་ནོ། །མཚན་ཐོག་ཐག་ཆོས་བསྒྲགས་པ་དང་། སྒོ་དྲུང་ན་གཙུག་ལག་ཁང་འདུག་པ་དང་། གྲོང་ཁྱེར་གྱི་སྒོ་མ་བཅད་པ་དང་། གྲོང་ཁྱེར་གྱི་ནང་ན་གཙུག་ལག་ཁང་འདུག་པ་དང་། དགེ་སློང་མའི་དབྱར་ཁང་དུ་སྟོན་ནམ། ཁྱིམ་གཞན་དུ་ཡང་
[210a.4]རུང་སྟེ། ལྟུང་བ་མེད་དོ། །ལྷན་ཅིག་བསྐོས་པས་ཅི་སྲིད་འཚོའི་བར་དུ་བསྟན་པར་བྱའོ། །གཉིས་པའོ།། །།མཉན་ཡོད་ན་སྟེ། མི་འཇིགས་པར་བྱ་བ་ནི་སྦྱིན་པ་ཡིན་པས་དགེ་སློང་མས་དགའ་བྱེད་ལ་མགུ་བར་བྱ་བ་བྱེད་པ་ལ་ཉེ་དགས་འདི་སྐད་དུ་སྨྲས་སོ་ཞེས་བྱ་བས་ན་གསུམ་
[210a.5]པ་བཅས་སོ། །ཟས་ཅུང་ཟད་ཙམ་གྱི་ཕྱིར་ཞེས་བྱ་བ་ནི་བཅའ་བ་ལྔ་དང་། བཟའ་བ་ལྔའི་ཕྱིར་རོ། །ཟས་ཅུང་ཟད་ཙམ་གྱི་ཕྱིར་དེར་འདུ་ཤེས་པ་ཞེས་བྱ་བ་དྲུག་ཏུ་སྦྱར་ཏེ། ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་ཏེ། ཉོན་མོངས་པ་མེད་པས་བསམས་
[210a.6]ནའོ། །གལ་ཏེ་ཉོན་མོངས་པས་བསམས་ན་དེ་ལ་ཡང་ཉེས་བྱས་སོ། །སྐད་མི་ཤེས་པ་ལ་སྨྲས་པ་དང་། ཁས་བླངས་པས་ཁས་མ་བླངས་པ་ལའམ། ཁས་མ་བླངས་པས་ཁས་བླངས་པ་ལ་ཡང་རུང་སྟེ་ཉེས་བྱས་སོ། །གསུམ་པའོ།། །།མཉན་ཡོད་ན་སྟེ། ཆུང་མ་
[210a.7]རྙིང་པའི་དགེ་སློང་མ་ལ་དགེ་སློང་གང་ཡང་རུང་བ་ཞིག་སྣམ་སྦྱར་བྱིན་པས་ན་བཞི་པ་བཅས་སོ། །ཉེ་དུ་མ་ཡིན་པ་ཞེས་བྱ་བ་ནི་ཅི་འདི་ལ་ཆོས་གོས་གསུམ་ཚང་བར་ཡོད་དམ་མེད་ཅེས་དེ་ལ་བུ་དེ་མི་སེམས་སོ། །ཉེ་དུ་ནི་སྦྱིན་པར་བྱེད་དེ། མི་ལེན་མོད་ཀྱི་འོན་ཀྱང་། བཅོམ་ལྡན་འདས་
[210b]
[210b.1]ཀྱིས་ནི་མ་དང་ཕ་ལ་བསོད་སྙོམས་ཀྱི་ཕྱེད་སྦྱིན་པར་བྱའོ། །སྦྱིན་བདག་ལས་ཀྱང་བླང་བར་བྱའོ། །རྣམ་པ་གཞན་དུ་ན་ཉེས་བྱས་སོ་ཞེས་གསུངས་སོ། །ཆོས་གོས་ཞེས་བྱ་བ་ནི་རུང་བའི་རྗེས་སུ་འགྲོ་བའོ། །ཉེ་དུ་མ་ཡིན་པ་ལ་ཉེ་དུ་མ་ཡིན་པར་འདུ་ཤེས་པ་རྣམ་པ་དྲུག་ཏུ་སྦྱར་རོ། །
[210b.2]དེ་བཞིན་དུ་དགེ་སློང་མ་ཡང་དགེ་སློང་མར་འདུ་ཤེས་པ་སྟེ། ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་སོ། །བཞི་པའོ།། །།མཉན་ཡོད་ན་སྟེ། འཆར་ཀས་སྤེང་མའི་སྣམ་སྦྱར་དྲུབས་ཏེ། ཚོན་སྣ་ལྔའི་སྐུད་པས་བདག་ཉིད་མགུལ་ནས་
[210b.3]འཁྱུད་པ་དྲུབས་པས་ན་ལྔ་པ་བཅས་སོ། །བྱེད་ན་ཞེས་བྱ་བ་ནི་འདྲ་བ་དང་། འདྲུབ་པ་དང་། འཁྲུ་བ་དང་། འཚེད་པ་དང་། ཉེ་དུ་མ་ཡིན་པ་ལ་ཉེ་དུ་མ་ཡིན་པར་འདུ་ཤེས་པ་དྲུག་སྟེ། ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་སོ། །ལྔ་པའོ།། །།
[210b.4]མཉན་ཡོད་ན་སྟེ། དྲུག་སྡེ་རྣམས་དགེ་སློང་མ་བཅུ་གཉིས་སྡེ་རྣམས་དང་ལྷན་ཅིག་ལམ་དུ་ཞུགས་ཏེ། འགྲོ་བ་ལ་འཇིག་རྟེན་པས་འདི་ནི་འདིའི་ཆུང་མའོ། །འདི་ནི་འདིའི་མནའ་མའོ་ཞེས་བྱ་བ་ལ་སོགས་པ་དཔྱད་པས་ན། དེ་དག་ཀྱང་དེ་བཞིན་ནོ་ཞེས་ཁས་བླངས་པས་
[210b.5]ན་དྲུག་པ་བཅས་སོ། །དགེ་སློང་མའི་དོན་མཐུན་དང་ཞེས་བྱ་བ་ནི་ལྷན་ཅིག་པ་ལ་དོན་མཐུན་ཞེས་བྱའོ་ཞེས་བརྗོད་དོ། །ཇི་སྐད་དུ་དགེ་སློང་མ་རྣམས་དང་གྲོགས་སུ་གྱུར་ཏོ་ཞེས་བསྟན་པར་འགྱུར་རོ། །དགེ་སློང་མ་གཅིག་དང་འགྲོགས་ན་ཡང་ལྟུང་བའོ། །ལྷན་ཅིག་ཅེས་བྱ་བ་
[210b.6]ནི་ལྷན་ཅིག་པའོ། །འཐམས་ནས་ཞེས་བྱ་བ་ནི་ཚུར་ཤོག་ལྷན་ཅིག་འདོང་ཞེས་བྱ་བའོ། །ལམ་དུ་འཇུག་ཅེས་བྱ་བ་ནི་གཙུག་ལག་ཁང་དང་གྲོང་གཞན་དུ་འགྲོ་བའི་བར་གྱི་ལམ་དུ་བགྲང་བ་ལ་ལམ་ཞེས་བྱའོ། །ལམ་དུ་འཇུག་པས་ཀུན་དུ་སྤྱད་པ་ནི་སང་འགྲོའོ་སྙམ་པས་སློབ་
[210b.7]དཔོན་དང་མཁན་པོ་ལ་གནས་འདིར་མཆིའོ་ཞེས་ཞུ་བར་བྱའོ། །གལ་ཏེ་རྗེས་སུ་གནང་ན་འགྲོ་བར་བྱའོ། །དེ་ལ་དགེ་འདུན་གྱི་གནས་བརྟན་ནི་ཕྱི་ནས་འགྲོ་བར་བྱའོ། །མལ་ཆ་དང་སྟན་རྣམས་ལའང་བརྟག་པར་བྱའོ། བདག་ན་བ་བོར་ཏེ་སུ་ཡང་མི་འགྲོ་གྲང་སྙམ་པའི་ཕྱིར་
[211a]
[211a.1]གྲོགས་རྣམས་ལ་ཡང་བརྟག་པར་བྱའོ། །དེའི་གྲོགས་ཀྱི་ཐད་དུ་སོང་ལ་ལ་ལའི་ཅུང་ཟད་མ་བརྗེད་དམ་ཞེས་དྲི་བར་བྱའོ། །དེས་འགྲོན་པ་ལ་སོགས་པ་ལ་ཡང་བརྟག་པར་བྱའོ། །ཕན་ཚུན་བསྡད་པར་བྱའོ། །ནད་དང་བཅས་པས་ལྷན་ཅིག་འགྲོ་བར་མི་བྱའོ། །དེ་འདྲ་བའི་
[211a.2]རྐྱེན་གྱིས་བཟོད་པར་བྱས་པ་ལ་ནི་ལྟུང་བ་མེད་དོ། །མི་རིགས་པའི་གཏམ་གྱིས་མ་ཡིན་མོད་ཀྱི་འོན་ཀྱང་ཆོས་ཀྱི་གཏམ་མམ་འཕགས་པའི་མི་སྨྲ་བས་སོ། །ལྷའི་གནས་དག་ཏུ་སེ་གོལ་བརྡབ་པ་ཉིད་ཀྱིས་གཙུག་ལག་ཁང་གི་ཚིགས་སུ་བཅད་པ་བཀླག་པར་བྱའོ། །ལྷ་རྣམས་
[211a.3]ལ་ནི་མཆོད་པར་མི་བྱའོ། །གཞན་ཡང་ངོ་། །གང་དུ་ངལ་བསོ་བའམ། ཆུ་བླངས་པའམ། བྱ་བ་དེར་ཡང་ཚིགས་སུ་བཅད་པ་བཀླག་པར་བྱའོ། །གང་དུ་གནས་པ་དེར་རྒྱུད་ཆགས་གསུམ་པ་བརྗོད་པར་བྱའོ། །དཔྱང་ཐག་བསྐུར་བར་བྱ་སྟེ། དེ་ཡང་རྣམ་པ་གསུམ་
[211a.4]མོ། །ཆེན་པོ་ནི་ཁྲུ་བརྒྱ་ལྔ་བཅུའོ། །ཐུང་ངུ་ནི་ཁྲུ་བརྒྱའོ། །འབྲིང་ནི་དེ་གཉིས་ཀྱི་བར་ཏེ། ཡུལ་གྱི་རྗེས་སུ་མཐུན་པའི་ཚད་ཀྱང་ངོ་། །ཆོས་གོས་སྤྲུགས་ལ་རྐང་པ་དག་བཀྲུ་སྟེ། ཆུ་བཙགས་ནས་མཆི་ལྷམ་དག་རས་མས་ཕྱི་བར་བྱའོ། །རྩིག་པ་ལ་སོགས་པ་ལ་
[211a.5]བརྡབ་བར་མི་བྱ། བཀྲུ་བར་མི་བྱའོ། །ལག་པ་གཉིས་བཀྲུས་ཏེ་ཆོས་གོས་གྱོན་ལ་ཆོ་ག་བཞིན་དུ་གཙུག་ལག་ཁང་གི་ནང་དུ་འཇུག་པར་བྱའོ། །གནས་ཁང་དང་གཙུག་ལག་ཁང་དུ་འདུག་པ་དེར་ཡང་ཕྱི་བདར་བྱའོ། །གསར་བུ་རྣམས་ཀྱིས་རྒན་པ་རྣམས་ཀྱི་ལས་སུ་བྱ་
[211a.6]བ་ལ་སོགས་དང་། གནས་མལ་བཤམ་པ་དང་། དགའ་བ་ལ་སོགས་པ་གཡོགས་པར་བྱའོ། །གཙུག་ལག་ཁང་དུ་ཕྱིན་པ་མོད་ལ་གནས་མལ་གསོལ་བར་མི་བྱའོ། །ཐ་མལ་པའི་ཕྱོགས་དབེན་པར་སྒྲ་བསྐྱུངས་ལ་ལེགས་པར་བསྡམས་ཏེ་སྤྱོད་ལམ་མཛེས་པས་
[211a.7]འདུག་པར་མི་བྱའོ། །གཉུག་མར་གནས་པའི་རྒན་པ་རྒན་པ་རྣམས་ཀྱིས་ཀྱང་གློ་བུར་དུ་ལྷགས་པ་རྣམས་ངལ་སོར་གཞུག་པར་བྱའོ། །དེ་དག་ཀྱང་དགེ་འདུན་གྱི་གནས་བརྟན་གྱི་ཐད་དུ་འགྲོ་བར་བྱའོ། །དེས་ཚུར་ཤོག་འོངས་པ་ལེགས་སོ་ཞེས་བྱ་བའི་སྙན་པའི་ཚིག་
[211b]
[211b.1]གིས་བསུ་བར་བྱའོ། །ཆེས་རྒན་པ་རྣམས་ལ་ནི་ལངས་ནས་ཕྱག་བྱའོ། །ལྷུང་བཟེད་དང་ཆོས་གོས་བླང་བར་བྱའོ། །སྟན་བཤམ་པར་བྱ། རྐང་བ་དག་བཀྲུ་བས་མགྲོན་དུ་གཉེར་བར་བྱའོ། །ཅི་ནུས་པས་བཟའ་བ་དང་བཏུང་བ་ཡང་སྦྱར་བར་བྱའོ། །ཇི་ལྟར་རྗེས་སུ་མཐུན་པར་
[211b.2]མལ་ཆ་དང་། སྟན་རྣམས་སྦྱར་བར་བྱའོ། །ཆོ་ག་ཇི་སྐད་བསྟན་པའི་ཚུལ་དུ་མ་བྱས་ན་ཐམས་ཅད་དུ་ཡང་ཉེས་བྱས་སོ། །འགྲོན་ལམ་དུ་ཞུགས་ན་ཞེས་བྱ་བ་ནི་གང་ན་འགྲོན་པ་མེད་པར་འགྲོ་མི་ནུས་པའོ། །འདི་ཡང་དགེ་སློང་དང་བཅས་པའི་འགྲོན་པ་ཞེས་བྱ་བ་རྒྱང་རིང་
[211b.3]བ་ནས་འདོང་བ་བཅོམ་པའི་ཕྱིར་ཚིག་འདི་ཡང་བཅོམ་ལྡན་འདས་ཀྱིས་བཀོལ་པའོ། །དེ་ལ་ཀུན་དུ་སྤྱད་པ་ནི་བསྙེན་པར་མ་རྫོགས་པ་མེད་ན་དགེ་སློང་རྣམས་ཀྱིས་ནི་དགེ་སློང་མའི་ལམ་བརྒྱགས་ཁྱེར་བར་བྱའོ། །དགེ་སློང་མ་རྣམས་ཀྱིས་ནི་དགེ་སློང་རྣམས་ཀྱིའོ། །བྱིན་ལེན་
[211b.4]ནི་ཕན་ཚུན་དུ་བྱའོ། །དགེ་སློང་ན་བ་བསྐུར་བར་བྱའོ། །གལ་ཏེ་ཉུང་ན་དགེ་སློང་མ་དག་གིས་ཀྱང་གྲོགས་བྱ་སྟེ། མགོ་ནས་ནི་དེ་དག་གིས་གདེག་པར་བྱའོ། །གྲོང་དུ་ཕྱིན་ན་ན་བའི་སྨན་དང་བསོད་སྙོམས་བླང་བར་བྱའོ། །དགེ་སློང་གཅིག་ནད་གཡོག་ཏུ་བཞག་ནས་ལྷག་མ་འགྲོ་བར་
[211b.5]བྱའོ། །དགེ་སློང་མ་ལ་ཡང་དེ་ལྟ་བུར་བྱའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། རྒྱང་གྲག་ཕྱེད་ཕྱེད་ཅིང་ཉེས་བྱས་སོ། །རྒྱང་གྲག་རེ་རེ་ཞིང་ལྟུང་བྱེད་དོ། །དགེ་སློང་མ་ལ་དགེ་སློང་མར་འདུ་ཤེས་པ་རྣམ་པ་དྲུག་སྟེ། དེ་བཞིན་དུ་འགྲོན་པ་འདོད་པ་མ་ཡིན་པ་ལ་འགྲོན་པ་
[211b.6]འདོང་བར་འདུ་ཤེས་ན་ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་སོ། །ས་ལ་འདོད་པར་འཐམས་པ་ལས་ནམ་མཁའ་ལ་འདོང་ངམ། མི་སྣང་བར་བྱས་ཀྱང་རུང་སྟེ། ཉེས་བྱས་སོ། །དེ་བཞིན་དུ་གྲུའི་ནང་དུ་ཞུགས་པ་ལ་ཡང་བརྗོད་པར་བྱའོ། །
[211b.7]དྲུག་པའོ།། །།མཉན་ཡོད་ན་སྟེ། དྲུག་སྡེ་ལས་བརྩམས་ནས་སྔ་མ་བཞིན་ཏེ། བདུན་པ་བཅས་སོ། །འཐམས་ནས་གྲུ་གཅིག་ཏུ་འཇུག་ཅེས་བྱ་བ་ནི་ཤོ་གམ་དང་། ལ་གཅན་དང་། གྲུ་བཙས་གཅིག་པའོ། །གྱེན་དུ་འགྲོ་བའམ་ཞེས་བྱ་བ་ནི་རྒྱུན་ལས་བཟློག་
[212a]
[212a.1]ཕྱོགས་སུ་འགྲོ་བའོ། །ཐུར་དུ་འགྲོན་ཞེས་བྱ་བ་ནི་རྒྱུན་ཕྱོགས་སུ་འགྲོ་བའོ། །མ་གཏོགས་ཞེས་བྱ་བ་ནི་ཐད་ཀར་ཕ་རོལ་དུ་འགྲོ་བ་བཞག་སྟེའོ། །དེ་ལས་གཞན་པ་ལྟུང་བར་བསམས་པའོ། །འདི་ཡང་ཆུ་ཀླུང་གནས་ཅན་གྱི་ཕ་རོལ་དུ་དགེ་འདུན་གཉི་ག་ཟན་གྱི་ཕྱིར་
[212a.2]འདོང་བ་ལས། དགེ་སློང་མ་ཟན་ཆད་པར་འགྱུར་བའི་ཕྱིར་འདི་ཡང་བཀོལ་པ་ཡིན་ཏེ། རྒྱང་གྲགས་ཕྱེད་ཕྱེད་ཅིང་ཉེས་བྱས་སོ། །རྒྱང་གྲགས་རེ་རེ་ཞིང་ལྟུང་བྱེད་དོ། །དགེ་སློང་མ་ལ་དགེ་སློང་མར་འདུ་ཤེས་བས་མ་བཞིན་དུ་རྣམ་པ་དྲུག་ཏུའོ། །བསྙེན་པར་མ་རྫོགས་པ་དང་།
[212a.3]འཐམས་པ་ལ་བསྙེན་པར་རྫོགས་པ་དང་ངམ། སླར་བཟློག་ཀྱང་རུང་སྟེ་སོང་ན་ཉེས་བྱས་སོ། །ཡོ་བ་དང་གཏིབ་ཆད་པ་སྤང་བ་དང་། དབའ་གློང་ལས་གཟུར་བ་དང་། རུ་སྐྱ་དང་། གདོས་པ་ཆག་གམ། རུ་སྐྱ་འཛིན་པ་མི་ཉན་པ་ལ་ལྟུང་བ་མེད་དོ། །འགྲམ་གཉིས་
[212a.4]ན་བར་ཆད་བརྒྱད་པོ་དག་ལས་གང་ཡང་རུང་བ་ཉེ་བར་གནས་ན་ལྟུང་བ་མེད་དོ། །བདུན་པའོ།། །།མཉན་ཡོད་ན་སྟེ། འཆར་ཀས་ཁྱིམ་བདག་གི་ཆུང་མ་སྦེད་མ་དང་། སྔོན་རྩེས་པ་དྲན་ཞིང་དབེན་པར་ས་ལ་འཁོད་པས་ན། དགེ་བསྙེན་མའི་གཞིའི་དབང་དུ་
[212a.5]མཛད་དེ་བརྒྱད་པ་བཅས་སོ། །བུད་མེད་ཀྱི་ལ་ཞེས་བྱ་བ་ནི་མི་ཚངས་པར་སྤྱོད་པ་བསྟེན་པར་བཟོད་པའི་བུད་མེད་དོ། །གཅིག་པུ་གཅིག་དང་ཞེས་བྱ་བ་ནི་དེ་དང་དེ་ལྷན་ཅིག་པའོ། །དབེན་པར་ཞེས་བྱ་བ་ནི་གང་གཞན་སུ་ཡང་མེད་པའོ། །འདུག་ཅེས་བྱ་བ་ནི་འདོམ་གང་གི་ནང་
[212a.6]དུ་སྟན་ལ་རྐུབ་ཚོས་བཞག་པའོ། །དབེན་པ་ལ་དབེན་པར་འདུ་ཤེས་སམ། ཡིད་གཉིས་ཟ་ན་ཡང་རུང་སྟེ་དབེན་པར་སྐྱབས་ཡོད་པར་འདུག་ནས་ལྟུང་བྱེད་དོ། །མི་དབེན་པ་ལ་དབེན་པར་འདུ་ཤེས་སམ། ཡིད་གཉིས་ཟན་ཡང་རུང་སྟེ། ཉེས་བྱས་སོ། །ཀླུའི་བུ་མོ་ལ་
[212a.7]སོགས་པ་ནི་ལྷ་དང་། གནོད་སྦྱིན་དང་། དྲི་ཟ་དང་། མིའམ་ཅི་དང་། ལྷ་མ་ཡིན་དང་། ཡི་དགས་དང་། ཤ་ཟའི་བུ་མོ་རྣམས་དང་། མ་ནིང་དང་། མཐུ་མེད་པ་དང་། གླེན་པ་ལ་སོགས་པ་དང་། སྨྱོས་པ་ལ་སོགས་པ་རྣམས་ལ་ནི་ཉེས་བྱས་སོ། །ཁ་ཅིག་ནི་གཟུང་དུ་རུང་ན་ལྷ་མོ་ལ་
[212b]
[212b.1]ཡང་ལྟུང་བྱེད་དོ། །དེ་ལས་གཞན་པ་དག་ནི་ཉེས་བྱས་སོ་ཞེས་ཀྱང་ཟེར་རོ། །དེ་མ་ཐག་ཏུ་འབྱུང་བ་ལ་ཡང་ཇི་ལྟར་སྲིད་པ་བཞིན་དུ་བརྗོད་པར་བྱའོ། །སྒོ་ཁང་དུ་འདུག་པ་དང་། སྨན་འཐག་ཏུ་བཅུག་པ་དང་། སྒོ་མ་གཅད་བར་འདུག་པ་དང་། གཞན་དག་ནི་ཕྱིར་འབྱུང་། གཞན་དག་
[212b.2]ནི་ནང་དུ་འཇུག་པ་ལ་ལྟུང་བ་མེད་དོ། །དབེན་པ་ཡང་རུང་མི་དབེན་བ་ཡང་རུང་སྟེ། མི་དབེན་པར་འདུ་ཤེས་ན་ལྟུང་བ་མེད་དོ། །བརྒྱད་པའོ།། །།མཉན་ཡོད་ན་སྟེ། འཆར་ཀ་ལས་བརྩམས་ནས། དགེ་སློང་མ་སྦེད་མ་དང་། སྔོན་རྩེས་པ་དྲན་ཞིང་དབེན་པ་ན་འགྲེང་སྟེ་
[212b.3]འདུག་པས་ན་དགུ་པ་བཅས་སོ། །འགྲེང་ན་ཞེས་བྱ་བ་ནི་འདོམ་གང་གི་ནང་དུ་སྟེ། སྔ་མ་ལ་ནི་ས་ལ་འདུག་པས་ལྟུང་བའོ། །འདིར་ནི་འགྲེང་བའི་སྤྱོད་ལམ་གྱི་ཕྱིར་ཏེ། འདིར་ཡང་བྱུང་བའི་དབང་དུ་མཛད་པ་ལས་དེ་སྐད་གསུངས་ཀྱི་གཉིས་ག་ལ་ཡང་ལྟུང་བ་གཉིས་སུ་འགྱུར་
[212b.4]རོ། །ཉལ་བ་དང་། འཆག་པའི་སྤྱོད་ལམ་ལ་ཡང་ལྟུང་བར་འགྱུར་རོ། །མ་ནིང་མ་གཏོགས་ཏེ། སྔོན་ལྟུང་བ་བྱུང་བ་དང་། དེ་བཞིན་དུ་དགེ་སློང་མ་རྣམས་ལ་ཡང་ངོ་། །སྔར་གྱི་བསླབ་པའི་གཞི་ཡིས་ནི་ལྟུང་བྱེད་དོ། །མ་ནིང་མོ་ལ་ཉེས་བྱས་སོ། །ཇི་ལྟར་དེ་མ་ཐག་ཏུ་
[212b.5]བསྟན་པ་ལ་ནི་ལྟུང་བ་མེད་དོ། །དགུ་པའོ།། །།མཉན་ཡོད་ན་སྟེ། སྦོམ་དགའ་མོས་འཕགས་པ་ཀུན་ཤེས་ཀཽ་ཎྞི་ནྱ་ལ་སོགས་པའི་གནས་བརྟན་རྣམས་ལ་ཟས་སྦྱར་བ་དྲུག་སྡེ་རྣམས་ཀྱིས་ཡོན་ཏན་བརྗོད་ན་བྱིན། དེ་དག་གིས་ཀྱང་བླངས་པས་ན་བཅུ་པ་བཅས་སོ། །
[212b.6]སྦྱོར་དུ་བཅུག་ཅེས་བྱ་བ་ནི་དེ་དག་གི་ཡོན་ཏན་བརྗོད་པར་སྦྱིན་བདག་རྣམས་ལ་དགའ་བར་བྱས་པར་སྦྱར་རོ་ཞེས་བྱ་བའི་ཐ་ཚིག་གོ། །སྦྱོར་དུ་བཅུག་པ་ནི་རྣམ་པ་གཉིས་ཀྱི་སྟེ། ཚུལ་ཁྲིམས་ཀྱིས་སྦྱོར་དུ་བཅུག་པ་དང་། ཐོས་པས་སྦྱོར་དུ་བཅུག་པའོ། །ཟས་ཞེས་བྱ་བ་ནི་
[212b.7]བཅའ་བ་ལྔ་དང་། བཟའ་བ་ལའོ། །ཟ་ན་ཞེས་བྱ་བ་ནི་མགུལ་དུ་མིང་ནའོ། །མ་གཏོགས་ཞེས་བྱ་བ་ནི་འདི་ལྟ་བུ་མ་གཏོགས་པའོ། །སྔར་ཁྱིམ་དུ་བོས་པ་ཞེས་བྱ་བ་ནི་སྔར་མགྲོན་དུ་བོས་པའོ། །སྔར་མགྲོན་དུ་བོས་པའི་བསོད་སྙོམས་པ་ལས་བརྩམས་ནས་འདི་ཡང་
[213a]
[213a.1]བཀོལ་བ་ཡིན་ཏེ། དེས་སྦོམ་དགའ་མོ་ལས་ཁོ་མོས་ཁྱོད་ཀྱི་ཡོན་ཏན་བརྗོད་དོ་ཞེས་ཐོས་པས་ན། དེས་ཀྱང་ཟན་ཆད་པར་བྱས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་མས་ཁྱིམ་གང་དུ་དགེ་སློང་རྣམས་ལ་མགྲོན་དུ་བོས་པ་དེར་སོང་ནས།
[213a.2]དགེ་སློང་ཇི་ལྟ་བུ་དག་མགྲོན་དུ་བོས། ཟས་དང་སྐོམ་ཇི་ལྟ་བུ་དག་སྦྱིན་པར་བྱེད་ཅེས་དྲིས་པ་ལས། དེ་དག་གིས་ངན་པ་ཞིག་གོ་ཞེས་སྨྲས་པ་དང་། དེ་ནས་དེས་གྱ་ནོམ་པ་སྦྱོར་དུ་བཅུག་གོ། །རྒྱུན་དུ་ཞུགས་པ་ནས་དགྲ་བཅོམ་པའི་བར་དུ་ཞེས་བྱ་བ་དང་། དགེ་སློང་དེ་དག་
[213a.3]ཀྱང་མདོ་སྡེ་དང་། འདུལ་བ་དང་། མ་མོ་འཛིན་པའོ་ཞེས་དེ་དག་ལ་གྱ་ནོམ་པ་སྦྱོར་དུ་བཅུག་ལ་དགེ་སློང་དེ་དག་གིས་ཀྱང་ཤེས་བཞིན་དུ་ཟོས་ན་ལྟུང་བྱེད་དོ། །ཡོན་ཏན་རྣམས་ཇི་ལྟར་སྨྲས་པ་བཞིན་དུ་ཡང་དག་པ་ཡིན་ན་ལྟུང་བ་མེད་དོ། །སྦྱོར་དུ་བཅུག་པ་ལ་སྦྱོར་དུ་བཅུག་
[213a.4]པར་འདུ་ཤེས་པ་རྣམ་པ་དྲུག་སྟེ། ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་སོ། །སྤྲིང་ཡིག་ལ་སོགས་པ་རྣམས་ཀྱིས་སྦྱོར་དུ་བཅུག་པ་དང་། གཞན་གྱི་ཕྱིར་སྦྱོར་བར་ཤེས་ན་ཉེས་བྱས་སོ། །དགེ་སློང་མ་ལ་དད་པའི་ཁྱིམ་མམ། ཉེ་དུའི་
[213a.5]ཁྱིམ་ཡིན་ན་ལྟུང་བ་མེད་དོ། །བཅུ་པོ་འདི་ནི་སྟོན་པ་དང་། ཟས་ལ་སྤྱོད་པ་དང་། བྱེད་པ་དང་། ཕྱོགས་སུ་འགྲོ་བ་དང་། དབེན་པའི་གནས་རྣམས་སུ་རིག་པར་བྱ་སྟེ། བསྡུས་པའི་དོན་ཏེ། དགེ་སློང་མའི་ཚོགས་ཏེ་གསུམ་པའོ།། །།ཡངས་པ་ཅན་ན་སྟེ། དྲུག་
[213a.6]སྡེ་རྣམས་ཁྱིམ་བདག་དྲག་ཤུལ་ཅན་གྱིས་མགྲོན་དུ་བོས་པ་ལས་ཁྱིམ་དུ་ཉེ་བར་འགྲོ་བའི་ཁྱིམ་དུ་ཤིང་ཏོག་ཨ་མྲའི་ཁུར་བཟོས་པས་ན། ཁྱིམ་བདག་དེ་ཡང་མ་དད་པར་གྱུར་པའི་བསོད་སྙོམས་ཀྱི་གཞིའི་དབང་དུ་མཛད་དེ། འགལ་ཚབས་ཅན་དང་། ཕོངས་པའི་དང་།
[213a.7]མ་དད་པ་དང་། ཉེ་བར་མ་ཞི་བའི་ཉོན་མོངས་པ་རྣམས་ཡོངས་སུ་སྤང་བའི་ཕྱིར་ཟས་ཀྱི་ཚོགས་དང་པོར་བཅས་སོ། །དེ་བཞིན་དུ་དགུ་པོ་ལ་ཡང་གཞི་དང་ཉོན་མོངས་པ་ཡང་བརྗོད་པར་བྱའོ། །ཡང་ཡང་ཟ་ན་ཞེས་བྱ་བ་ལ་སོགས་པ་ནི། གང་ཁྱིམ་གཞན་དུ་ཟོས་ནས་ཡང་
[213b]
[213b.1]གཞན་དུ་ཟ་བའོ། །ན་བ་དུས་སོ་ཞེས་བྱ་བ་ནི་ཟས་ལན་ཅིག་གིས་འཚོ་བར་མི་ནུས་པའོ། །ཁ་ཅིག་ནི་རྣམ་པ་གཞན་དུ་ན་ཤིན་ཏུ་བྲུ་བ་ཚ་བར་གྱུར་པ་ཡང་དེ་བཞིན་ནོ་ཞེས་ཟེར་རོ། །ལས་དུས་སོ་ཞེས་བྱ་བ་ནི་དགེ་འདུན་གྱིའམ། མཆོད་རྟེན་གྱི་ཡང་རུང་སྟེ། ཐ་ན་ཕྱག་དར་རེ་
[213b.2]ལྡེ་ཙམ་མམ། བྱུག་པ་བ་མལ་ཙམ་ཡང་རུང་སྟེ། ཕྱགས་ནས་བ་ལང་གི་ལྕི་བས་སྐྱང་ནུལ་བྱས་པ་ཡིན་ནོ། །ལམ་དུས་སོ་ཞེས་བྱ་བ་ནི་དཔག་ཚད་གཅིག་གམ། དཔག་ཚད་ཕྱེད་དུ་སོང་ཞིང་འོངས་པ་ཡིན་ནོ། །གོས་སྦྱིན་པའི་ཚེ་དུས་ཏེ་ཞེས་བྱ་བ་ནི། གང་གི་ཚེའམ་
[213b.3]དེའི་རས་ཡུག་ཕྲན་ནམ། རས་ཡུག་ཆེན་རྙེད་པའོ། །དུས་ཞེས་བྱ་བ་ནི། རྗེས་སུ་མཐུན་པའི་ཆོས་སོ། །གོས་དང་བཅས་པའི་ཟན་ལ་མགྲོན་དུ་བོས་པ་ལས། གཉིས་པ་ལ་ཡང་གོས་དང་བཅས་པའམ། གོས་མེད་པའམ། གོས་དང་བཅས་ཤིང་གོས་ཀྱི་རིན་
[213b.4]དང་བཅས་པའམ། གོས་མེད་པ་དང་། གོས་ཀྱི་རིན་མེད་ཀྱང་རུང་། རྣམ་པ་བཞི་པོ་དེ་བཞིན་དུ་རྣམ་པ་བཞིར་སྦྱར་རོ། །གོས་མེད་པར་མགྲོན་དུ་བོས་པ་ལས་གཉིས་པར་ཡང་དེ་བཞིན་ཏེ་རྣམ་པ་བཞི་པོ་རྣམ་པ་བཞིར་སྦྱར་རོ། །དེ་ལ་གོས་དང་བཅས་ཤིང་གོས་ཀྱི་རིན་
[213b.5]དང་བཅས་པར་མགྲོན་དུ་བོས་པ་ལས་གཉིས་པར་ཡང་དེ་བཞིན་ཏེ། རྣམ་པ་བཞི་པོ་རྣམ་པ་བཞིར་སྦྱར་རོ། །གོས་མེད་པ་དང་། གོས་ཀྱི་རིན་མེད་པར་མགྲོན་དུ་བོས་པ་ལས་གཉིས་པར་ཡང་དེ་བཞིན་དེ། རྣམ་པ་བཞི་པོ་རྣམ་པ་བཞིར་སྦྱར་རོ། །དེ་ལ་གོས་དང་
[213b.6]བཅས་པར་མགྲོན་དུ་བོས་པ་ལས་གཉིས་པར་གོས་དང་། གོས་ཀྱི་རིན་དུ་བཅས་པ་བཞིན་དུ་མགྲོན་དུ་བོས་ན་ཁས་བླངས་ལ་བཟའ་བར་བྱའོ། །དེ་མ་ཡིན་པའི་གཉིས་པར་ཁས་བླངས་ན་ཉེས་བྱས་སོ། །ཟོས་ན་ལྟུང་བྱེད་དོ། །སྔ་མ་ལ་ལྟུང་བ་མེད་དོ། །གལ་ཏེ་
[213b.7]གང་ཟག་ནི་དེར་མགྲོན་དུ་བོས་པ་ལས་ཡང་དགེ་འདུན་དང་ལྷན་ཅིག་མགྲོན་དུ་བོས་ན་སྔ་མ་སེམས་ཀྱི་དགེ་སློང་གཞན་ལ་སྦྱིན་པར་བྱའོ། །གལ་ཏེ་འདི་སྐད་ཅེས་ཟེར་ན་འདི་ཡང་ཡོད་མོད་ཀྱི་གཞན་ཡང་ཚོལ་ཅིག་ཅེས་བྱ་བ་དང་། འདིར་ཟོ་ལ་གཞན་དུ་ཡང་ཚོལ་ཅིག་ཅེས་
[214a]
[214a.1]བྱ་བ་དང་། ལྷུང་བཟེད་དུ་བླངས་པ་ཙམ་ཞིག་ཟོ་ལ་ལྷག་མ་གཞན་དུ་ཟོ་ཞིག་ཅེས་བྱ་བ་དང་། དེ་བཞིན་དུ་ཡང་བཙུན་པ་གཞན་ནས་ཀྱང་ཟན་རྙེད་པར་གྱུར་གྱིས་ཞེས་ཟེར་བ་དང་། བཙུན་པ་བདག་ནི་ཁྱོད་ལ་མགྲོན་དུ་མི་གཉེར་རོ་ཞེས་ཟེར་བ་དང་། ཟས་ནི་སྦྱིན་
[214a.2]མོད་ཀྱི་བདག་ནི་མགྲོན་དུ་མི་འབོད་དོ་ཞེས་ཟེར་བ་དང་། བཙུན་པ་ཟས་གྱ་ནོམ་མོད་ཀྱི་བདག་མགྲོན་དུ་མི་འབོད་དོ་ཞེས་ཟེར་བ་དང་། བཙུན་པ་ཚུར་ཤོག་བདག་མགྲོན་དུ་མི་འབོད་དོ་ཞེས་ཟེར་བ་དང་། ཁྱེའུ་སུས་དང་བཟའ་བ་ལྔ་ནི་མ་གཏོགས་ཏེ་གཞན་གྱིས་སོ། །གཉིས་ཀྱིས་
[214a.3]མངོན་སུམ་དུ་མགྲོན་དུ་འབོད་པར་འགྱུར་བ་དང་། བདག་གི་དེར་གསོལ་ལ་དེ་ནས་དེར་གསོལ་ཅིག་ཅེས་ཟེར་བ་སྟེ། ཉེས་པ་མེད་པ་དང་། རུང་བར་མཐོང་བ་ལ་ལྟུང་བ་མེད་དོ། །ཁ་ཅིག་ནི་གལ་ཏེ་སྦྱིན་བདག་དེས་མཚན་མ་དེ་ལ་མི་དགའ་བར་མི་འགྱུར་ན་ལྟུང་བ་མེད་
[214a.4]དོ་ཞེས་ཀྱང་ཟེར་རོ། །མུ་གེའི་ཚེ་མགྲོན་དུ་འབོད་པ་མང་ན་ཡང་ཚངས་པ་མཚུངས་པར་སྤྱོད་པའི་ཕྱིར་ཁས་བླངས་ལ་དེ་དག་ཀྱང་དེར་དོང་སྟེ། བཟའ་བར་བྱའོ། །ཅི་སྟེ་མི་སྟེར་ན་བདག་ཉིད་ཀྱི་ཅུང་ཟད་ཅིག་ཟ་ཞིང་འདི་དག་ཕོངས་པ་ཡིན་གྱི་ཞེས་བྱོས་ལ་རྗེས་སུ་གནང་བ་སྦྱིན་
[214a.5]དུ་གཞུག་པར་བྱའོ། །ཕྱི་མ་ནི་བདག་ཉིད་ཚིམ་པར་བཟའ་བར་བྱའོ། །སྤྲིང་ཡིག་དང་ལག་རྩིས་དག་གིས་ཁས་ལེན་ན་ཉེས་བྱས་སོ། །གང་ཟག་གཅིག་པུའི་གཙུག་ལག་ཁང་ངམ། དགོན་པ་ཡང་རུང་སྟེ། སྒེག་པའི་སེམས་སམ། གྱ་ནོམ་པ་འདོད་པའི་ཕྱིར་
[214a.6]ཡང་ཡང་ཟན་ཉེས་བྱས་སོ། །མ་གུས་པའམ། གཡོ་རྣམས་ཀྱི་ཡོངས་སུ་ལོངས་མི་སྤྱོད་ན་ཉེས་བྱས་སོ། །མགྲོན་དུ་བོས་པ་ལ་མགྲོན་དུ་བོས་པར་འདུ་ཤེས་པ་རྣམ་པ་དྲུག་སྟེ། ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་སོ། །དང་པོའོ།། །།
[214a.7]མཉན་ཡོད་ན་སྟེ། དྲུག་སྡེ་རྣམས་ཕྱོགས་བཞིའི་དགེ་སྦྱོང་དང་བྲམ་ཟེ་རྣམས་ཀྱི་དོན་དུ་འདུག་གནས་བྱས་པ་ན་འཁོད་ཅིང་། དེའི་བདག་པོའི་ཁྱིམ་དུ་ཟན་ཟ་བའི་ཚེ་བུད་མེད་རྣམས་ཀྱིས་ཡན་ལག་དང་ཉིང་ལག་བསྟན་པས་མ་དད་པར་གྱུར་ཏེ། དེ་དག་གིས་གཅེར་བུ་བ་རྣམས་
[214b]
[214b.1]བོས་པ་དེ་རྣམས་ཀྱིས་དེ་དག་ཀྱང་ཤིན་ཏུ་བརྡེགས་པས་ན་གཉིས་པ་བཅས་སོ། །མིན་བས་ཞེས་བྱ་བ་ནི་འཕགས་པ་ཤཱ་རིའི་བུ་ལས་བརྩམས་ཏེ་རྗེས་སུ་གནང་བའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། །དེ་ཉིད་དུ་གནས་ལ་དེ་ཉིད་དུ་ཟོས་ན་ཉེས་བྱས་དང་ལྟུང་བྱེད་དོ། །
[214b.2]དེ་ཉིད་དུ་གནས་ལ་གཞན་དུ་ཟོས་ན་ཉེས་བྱས་ཉིད་དོ། །གཞན་དུ་གནས་ལ་དེར་ཟོས་པ་ལྟུང་བྱེད་ཉིད་དོ། །གཞན་དུ་གནས་ལ་གཞན་དུ་ཟོས་ན་ལྟུང་བ་མེད་དོ། །ཟས་མང་པོ་ལ་མང་པོར་འདུ་ཤེས་པ་རྣམ་པ་དྲུག་ཏུ་སྟེ། ལྟུང་བྱེད་གཉིས་དང་། ཉེས་བྱས་གཉིས་དང་།
[214b.3]ལྟུང་བ་མེད་པ་གཉིས་སོ། །ཚོགས་ཀྱི་ཕྱིར་བྱས་པའམ། ཉེས་དུས་སམ། སྦྱིན་བདག་ན་རེ་འདི་ཉིད་དུ་འདུག་ཤིག་ཅེས་བསྒོ་བ་ལ་ལྟུང་བ་མེད་དོ། །ལྷ་ལ་སོགས་པས་འདུག་གནས་བྱས་པའམ། དགེ་སློང་གི་འདུག་གནས་སམ། ཀུན་དུ་རྒྱུ་བའི་འདུག་གནས་མ་ཡིན་
[214b.4]ན་ལྟུང་བ་མེད་དོ། །གཉིས་པའོ།། །།མཉན་ཡོད་ན་སྟེ། དྲུག་སྡེ་ལ་དུས་ཀྱིས་བསྟབས་པ་ལས་བག་མ་ལན་པའི་ཕྱིར་བཅའ་བ་རྣམས་བྱས་པས་ཐམས་ཅད་བསླངས་ནས་ལྷུང་བཟེད་ཆེན་པོ་རྣམས་བཀང་སྟེ་ཁྱེར་བའི་རྒྱུ་མཚན་གྱིས་གཡས་ཞར་མོ་དེ་བག་མར་འགྲོ་བའི་ཆད་
[214b.5]དུ་གྱུར་པས་ན་གསུམ་པ་བཅས་སོ། །ཁྱིམ་རྣམས་སུ་འདོང་བ་ལ་ཞེས་བྱ་བའི་ནི་ཁྱིམ་རྣམས་སུ་དོང་བ་བདག་གིས་ཀུན་དུ་སྤྱད་པ་ནི་བསོད་སྙོམས་པས་སྒོ་ཁར་ཁར་གསིལ་གྱི་སྒྲ་བྱས་ལ་ནང་དུ་འགྲོ་བར་བྱའོ། །གང་ན་ཁྱིམ་སྒོ་མང་བ་དེར་ཕྱེ་ལ་སོགས་པས་སྒོར་མཚན་མ་
[214b.6]གདབ་པར་བྱའོ། །སྤྱོད་ཡུལ་མ་ཡིན་པར་ལྔ་པོ་དག་ཏུ་འགྲོ་བར་མི་བྱའོ། །འདི་ལྟ་སྟེ། རོལ་མོ་མཁན་གྱི་ཁྱིམ་དང་། སྨད་འཚོང་མའི་ཁྱིམ་དང་། ཆང་འཚོང་མའི་ཁྱིམ་དང་། རྒྱལ་པོའི་ཕོ་བྲང་དང་། གདོལ་པའི་ཁྱིམ་མོ། །གང་ན་བུད་མེད་འདོད་ཆགས་
[214b.7]དྲག་པ་དེ་ཤི་བ་ལ་སོགས་པའི་ཉེས་པ་ཡོངས་སུ་སྤང་བར་བྱ་བའི་ཕྱིར་དེ་འགྲོ་བར་མི་བྱའོ། །དད་པ་ཞེས་བྱ་བ་ནི་སངས་རྒྱས་ལ་སོགས་པ་ལ་མངོན་པར་དང་པའོ། །ཕྱེ་ཞེས་བྱ་བ་ནི་ཕྱེ་རྣམས་སོ། །ཁུར་བ་ཞེས་བྱ་བ་ནི་བག་ཆོས་རྣམས་སོ། །ལྷུང་བཟེད་གང་བ་
[215a]
[215a.1]གཉིས་སམ་གསུམ་ཞེས་བྱ་བ་ནི་ལྷུང་བཟེད་ལ་རྣམ་པ་གསུམ་སྟེ། ཆེན་པོ་དང་། བར་མ་དང་། ཆུང་ངུའོ། །དེ་ལས་ཆེན་པོ་ནི་འབྲས་ཐུག་པོ་ཆེའི་ཡུལ་ལ་མ་ག་དྷཱའི་བྲེ་ཆུང་ངུ་དོ་བཙོས་པའི་ཆན་སྲན་ཚོད་དང་ཚོད་མ་དང་བཅས་པ་ཤོང་ཞིང་མཐེ་བོའི་
[215a.2]ལྟོ་གང་གིས་མུར་མཐུག་པའོ། །ཆུང་ངུ་ནི་འབྲས་ཐུག་པོ་ཆེ་ཡུལ་མ་ག་དྷཱའི་བྲེའུ་ཆུང་གང་གི་ཆན་ལ་སོགས་པ་སྟེ། ལྷག་མ་ནི་སྔ་མ་བཞིན་ནོ། །དེའི་འབྲིང་པོ་ནི་བར་མའོ། །ཕྱི་རོལ་ཀུན་དགའ་ར་བ་ཞེས་བྱ་བ་ནི་གཙུག་ལག་ཁང་དུ་སོང་བ་ནས་དགེ་སློང་རྣམས་དང་བགོ་བཤའ་
[215a.3]བྱའོ། །མ་བགོས་ན་ཉེས་བྱས་སོ། མི་འཁོད་ན་ལྟུང་བ་མེད་དོ། མི་འཁོད་ན་ལྟུང་བ་མེད་དོ། །དེའི་ཕྱིར་འཁོད་པ་ཞེས་བརྗོད་དོ། །དེ་ལས་ལྷག་པར་ཞེས་བྱ་བ་ནི་ལྷུང་བཟེད་གང་བ་གསུམ་ལས་ལྷག་པར་ལེན་ན་ལྟུང་བྱེད་དོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཆེན་པོ་གསུམ་རྣམས་
[215a.4]སམ་ཆེན་པོ་གཉིས་དག་དང་། འབྲིང་པོ་གཅིག་གམ་ཆེན་པོ་གཉིས་དག་དང་། ཆུང་ངུ་གཅིག་གམ་འབྲིང་པོ་གཉིས་དག་དང་། ཆེན་པོ་གཅིག་ཀྱང་རུང་སྟེ། མདོར་བསྡུ་ན་ཇི་སྲིད་བྲེའུ་ཆུང་ཕྱེད་དང་ལྔ་ལས་ལྷག་པར་ལེན་དུ་འགྲོ་ན་ལེན་པའི་ཚེ་ཉེས་བྱས་སོ། །ཟོས་
[215a.5]ན་ལྟུང་བྱེད་དོ། །ལྷ་དང་། ཀླུ་དང་། གནོད་སྦྱིན་དང་། ཡི་དགས་དང་། མུ་སྟེགས་ཅན་དང་། ཀུན་དུ་རྒྱུ་བའི་ཁྱིམ་ནས་བླངས་སམ། གཞན་ལེན་དུ་གོ་བར་བྱས་ཏེ་གསུམ་ལས་ལྷག་པར་བླངས་པ་དང་། ཁས་བླངས་པས་ཁས་མ་བླངས་པའི་ཕྱིར་ཁྱིམ་དུའམ།
[215a.6]ཁས་མ་བླངས་པས་ཁས་བླངས་པའི་ཁྱིམ་དུ་དུས་ཀྱིས་བསྟབས་པ་ལས་བླངས་ན་ཉེས་བྱས་སོ། །སྤྲིང་ཡིག་ལ་སོགས་པ་རྣམས་ཀྱིས་བསྟབས་པར་བླངས་སམ། གཞན་ལེན་དུ་བཅུག་ན་ཉེས་བྱས་སོ། །ལྷག་པར་བླངས་པ་ལ་ལྷག་པར་བླངས་པར་འདུ་ཤེས་པ་རྣམ་པ་
[215a.7]དྲུག་ཏུ་སྦྱར་རོ། །དེ་ཉིད་དུ་འདུག་ནས་ལྷག་པར་ཟོས་ཀྱང་ལྟུང་བ་མེད་དོ། །འདི་ལྟར་ཕྱེ་དང་ཁུར་བ་མ་གཏོགས་པར་གཞན་བླངས་པ་དང་། སྦྱིན་བདག་གིས་ཅི་བདེ་བར་ཞེས་སྨྲས་པ་ལ་ཡང་ལྟུང་བ་མེད་དོ། །དད་པས་སྦྱིན་པ་ལ་ལྟུང་བར་འགྱུར་བ་གསུམ་སྟེ། ཚུལ་ཁྲིམས་
[215b]
[215b.1]དང་ལྡན་པའམ། ལྟ་བ་ཕུན་སུམ་ཚོགས་པས་བྱིན་པ་ལ་ཡང་ཚུལ་ཁྲིམས་འཆལ་པའམ། ལྟ་བ་ཉམས་པ་ལ་བྱིན་པ་དང་། གང་དུ་ལྷག་པར་བླངས་ནས་མ་ཟོས་པ་དང་། ཐ་ན་ཁམ་གཅིག་ཟོས་ཀྱང་ལྟུང་བར་འགྱུར་བའོ། །གསུམ་པའོ།། །།འདུལ་བ་བསྡུས་
[215b.2]པ་བམ་པོ་བཅུ་པ། །མཉན་ཡོད་ན་སྟེ། བཅོམ་ལྡན་འདས་ཀྱིས་ང་སྟན་གཅིག་པར་ཟ་བས་ན་སྙིང་ལས་ཆུང་བ་ལ་སོགས་པའི་ཡོན་ཏན་དུ་ཚོར་རོ། །ཁྱེད་ཅག་ཀྱང་སྟན་གཅིག་པར་ཟོ་ཤིག་ཅེས་བཀའ་སྩལ་ཏོ། །དགེ་སློང་དག་ཟ་བའི་ཚེ་བླ་མའི་གནས་ལྟ་བུ་མཐོང་སྟེ་
[215b.3]སྟན་ལས་ལངས་ནས་བདག་ཅག་གིས་སྤངས་སོ་ཞེས་མི་ཟའོ། དེ་ལ་ཅི་ཙམ་ཆོག་གི་བར་དུ་སྤང་བར་མི་བྱའོ། །ཟས་བརྩམས་ནས་ལྡང་བར་མི་བྱའོ་ཞེས་བཀའ་སྩལ་ཏོ། །དྲུག་སྡེ་རྣམས་སྤངས་ཀྱང་རུང་མ་སྤངས་ཀྱང་རུང་ཟ་བས་ན་བཞི་པ་བཅས་སོ། །ཟོས་ཟིན་
[215b.4]ཞེས་བྱ་བ་ནི་བཟའ་བར་བྱ་བའི་སེམས་ཡོངས་སུ་བཏང་བ་ཡིན་ནོ། །འདི་ལྟར་ཟས་འདོད་པ་ལ་ནི་ཚིག་གིས་མ་ལུས་པར་ཡང་སྤངས་པ་ཡོད་པ་མ་ཡིན་ནོ། །ཡང་ན་ཟོས་ཟིན་ཞེས་བྱ་བ་དེས་ཟ་བ་ལ་སྤངས་པ་ཞེས་བྱའོ། །མི་ཟ་བ་ལས་གལ་ཏེ་ཆོག་གོ་ཞེས་ཟེར་བ་ཡང་སྤངས་
[215b.5]པ་མ་ཡིན་པར་སྟོན་ཏོ། །སྤངས་པ་ཞེས་བྱ་བ་ནི་རྣམ་པ་ལྔ་པོ་རྣམས་ཀྱིས་སྤངས་པར་འགྱུར་ཏེ། ཟས་སུ་རྣམ་པར་ཤེས་པ་སྟེ། བཅའ་བ་དང་། བཟའ་བའི་ངོ་བོ་ཉིད་ཀྱིས་ཟས་རྣམས་ཡོད་པ་དང་། ཟས་འདྲིམ་པའི་བུད་མེད་དང་། སྐྱེས་པ་དང་། མ་ནིང་ཡང་
[215b.6]ཡོད་པར་རྣམ་པར་ཤེས་པ་དང་། ཟས་ལ་ཟ་བར་ཡང་རྣམ་པར་ཤེས་པ་དང་། ཟས་ཀྱི་རང་བཞིན་ལྔ་ལ་ཡང་སྤང་བར་རྣམ་པར་ཤེས་པ་དང་། སྟན་གང་ལ་འདུག་པ་དེ་ལས་འཕགས་པ་སྟེ། དེ་ལྟ་བས་ན་ལངས་པར་གྱུར་པའོ། །གོ་བཟློག་པ་རྣམ་པ་ལྔ་པོ་རྣམས་ཉིད་
[215b.7]ཀྱིས་ནི་མ་སྤངས་པའོ། །ཡང་རྣམ་པ་ལྔ་སྟེ། ཟས་རུང་བ་སྤངས་པ་དང་། ཟས་རུང་བ་དང་འདྲེས་པའི་ལྡམ་ལྡུམ་ལ་སོགས་པ་དང་། སོག་འཇོག་མ་ཡིན་པ་དང་། སོག་འཇོག་མ་ཡིན་པ་དང་འདྲེས་པ་དང་། སྤྱོད་ལམ་ལས་ལངས་པར་གྱུར་པའོ། །གོ་བཟློག་པ་ལྔ་
[216a]
[216a.1]པོ་རྣམས་ཉིད་ཀྱིས་ནི་སྤངས་པ་མ་ཡིན་ཏེ། གང་ལ་ཟས་དང་འདྲེས་པར་རྣམ་པར་མི་ཤེས་པ་དེས་ནི་སྤངས་པ་མ་ཡིན་ནོ། །ལྔ་སྟེ། འབྲས་ཆན་དང་། ཟན་དྲོན་དང་། འདི་གུ་དང་། ཤ་དང་། སྣུམ་ཁུར་གྱིས་སྤངས་པར་འགྱུར་ཏེ། ལྡམ་ལྡུམ་
[216a.2]ལ་སོགས་པ་རྣམས་ཀྱིས་ནི་མ་ཡིན་ཏེ། ཉ་ནི་ཤ་ཉིད་དུ་འདུས་སོ། །དེ་ལྟ་བས་ན་རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུའི་རང་བཞིན་གྱི་བཅའ་བ་ལྔ་འཆོས་ནས་བཟའ་བ་ལྔ་བཟའ་བར་བྱ་སྟེ། སླར་བཟློག་པས་དེ་ནི་སྤངས་པ་ཡིན་ནོ། །ལྷག་
[216a.3]མ་དང་བཅས་པའི་ཚིག་ལྔ་སྟེ། རེ་ཞིག་ཐོང་ཤིག་ཅེས་བྱ་བ་དང་། རེ་ཞིག་བྱིན་ཅིག་ཅེས་བྱ་བ་དང་། རེ་ཞིག་སོང་ཤིག་ཅེས་བྱ་བ་དང་། རེ་ཞིག་ཟོས་ཟིན་ཏོ་ཞེས་བྱ་བ་དང་། རེ་ཞིག་ཆོག་གོ་ཞེས་བྱ་བའོ། །རེ་ཞིག་ཅེས་བྱ་བའི་སྒྲ་དེ་ལྟ་བུ་མེད་དམ་ཚིག་ལྔ་པོ་
[216a.4]ལྷག་མ་ལུས་པ་ནི་ཟ་མི་འདོད་པའོ། །ཟས་འདོད་པས་ཀྱང་སྐབས་ཁ་ཅིག་ཏུ་ལྷག་མ་མ་ལུས་པའི་ཚིག་སྨྲས་ཀྱང་སྤངས་པར་མི་འགྱུར་བ་ཡོད་དོ། །གང་ན་ཡོན་བདག་གི་དངོས་པོ་རྣམས་ཟད་པར་མཐོང་ངམ། གཞན་ལ་སྦྱིན་པའི་སེམས་ཀྱིས་བྱིན་ཅིག་ཅེས་
[216a.5]བྱའོ། །ལྷག་བོར་མ་བྱས་པར་ཞེས་བྱ་བ་ནི་ནད་པའི་ལྷག་མ་འདོར་བར་བྱེད་པ་ལས། དེས་དེ་བདེ་བ་ལ་རེག་པར་གནས་པར་འགྱུར་བ་དང་། སྦྱིན་པར་བྱ་བའི་ཆོས་ཡོངས་སུ་ལོངས་སྤྱད་པར་བྱ་བའི་ཕྱིར་རྗེས་སུ་གནང་བ་ཡིན་ནོ། །ལག་པ་དག་བསྙལ་ཏེ་བྱིན་
[216a.6]ལན་བྱས་ལ། དགེ་སློང་གང་ཟོས་ནས་སྤངས་པ་མ་བྱས་པའམ། སྤངས་པ་བྱས་ཀྱང་སྤྱོད་ལམ་ལས་མ་ལངས་པ་དེའི་ཚེ། མདུན་དུ་ཙོག་ཙོག་པོར་འདུག་ལ། ཚེ་དང་ལྡན་པ་དགོངས་སུ་གསོལ། བདག་དགེ་སློང་མིང་འདི་ཞེས་བགྱི་བ་འཚལ་མ་འཚལ་ལགས་
[216a.7]ཤིང་སྤངས་ཏེ་ཡོངས་སུ་རྫོགས་ཤིང་མཐར་ཐུག་པར་བགྱིས་པ་ལས་བཅའ་བ་དང་། བཟའ་བ་འདི་རྙེད་ཅིང་འཚལ་བར་འཚལ་ན། བདག་ལ་ལྷག་པོར་བགྱིས་ཏེ་སྩལ་དུ་གསོལ་ཞེས་བརྗོད་པར་བྱའོ། །དེས་ཀྱང་ཁམ་གཉིས་སམ་གསུམ་ཞིག་བཟའ་ཞིང་། འདི་ཁྱོད་
[216b]
[216b.1]ཀྱིར་གྱུར་གྱིས་སོང་ཤིག་ཅེས་བརྗོད་པར་བྱའོ། །དེ་ལ་གང་ཡང་སྤངས་པར་མ་བྱས་པ་དེས་བཟའ་བར་བྱའོ། །ལྷག་པོར་ཡང་བྱའོ། །དེ་ལས་གཞན་པས་ནི་ལྷག་པར་བྱིན་པ་ཉིད་ཀྱིས་འདི་ཁྱོད་ཀྱིར་གྱུར་གྱིས་སོང་ཤིག་ཅེས་སྨྲས་ལ་བཟའ་བར་མི་བྱའོ། །གལ་ཏེ་ཟོས་ན་འགལ་
[216b.2]ཚབས་ཅན་དུ་འགྱུར་རོ། །རྣམ་པ་ལྔ་ནི་ལྷག་པོར་བྱས་པ་མ་ཡིན་ཏེ། མཚམས་ཀྱི་ཕྱི་རོལ་དུ་བྱེད་པ་དང་། མི་ཐོབ་པའི་ཕྱོགས་སུ་འདུག་པའམ། རྒྱབ་ནས་བྱེད་པ་དང་། གློ་ནས་བྱེད་པ་དང་། སྤྱོད་ལམ་ལས་ཉམས་པའོ། །དེ་ལས་བཟློག་པ་ལྔས་ནི་བྱས་པའོ། །ཡང་
[216b.3]རྣམ་པ་ལྔ་སྟེ། ཐུ་བར་མ་ཡིན་པ་དང་། ལྷུང་བཟེད་ཀྱི་གཞིར་མ་ཡིན་པ་དང་། སྔར་བསྟན་པའི་དང་པོ་དག་དང་ཐ་མའོ། །སླར་བཟློག་པ་ལྔས་ནི་བྱས་པའོ། །གཅིག་གིས་ལྷག་བོར་བྱས་ན་ཐམས་ཅད་ཀྱིས་ཀྱང་བཟའ་བར་བྱའོ། །ལྷག་པོར་མ་བྱས་པར་ཞེས་བྱ་བ་ནི་ལྷག་
[216b.4]པོར་མ་བྱས་པ་ཅན་ཞེས་བྱ་བ་སྟེ། ལྷག་པོར་མ་བྱས་ཤིང་མཐར་ཐུག་པར་མ་བྱས་ཞེས་བྱ་བའི་ཐ་ཚིག་གོ། །བཅའ་བ་ཞེས་བྱ་བ་ནི་བཅའ་བ་ལྔའོ། །བཟའ་བ་ཞེས་བྱ་བ་ནི་བཟའ་བ་ལྔ་སྟེ། མགུལ་དུ་མིད་ནའོ། །སྤངས་པ་ལ་སྤངས་པར་འདུ་ཤེས་སམ། ཡིད་
[216b.5]གཉིས་ཟན་ཡང་རུང་སྟེ། ལྷག་པོར་མ་བྱས་པ་མགུལ་དུ་མིད་ན་ལྟུང་བྱེད་དོ། །མ་སྤངས་པ་ལ་སྤངས་པར་འདུ་ཤེས་སམ་ཡིད་གཉིས་ཟ་ན་ཡང་རུང་སྟེ་ཉེས་བྱས་སོ། །མི་རུང་བ་ཞིག་ཟོས་ཟིན་པ་ལ་ལྷག་པོར་མ་བྱས་པར་ཟོས་ན་ལྟུང་བྱེད་དོ། །ནད་པ་ལ་ནི་ལྷག་པོར་མ་
[216b.6]བྱས་པ་ཟའམ། མི་རུང་བ་ཟའམ། ཞག་བདུན་པ་ཟའམ། མི་རུང་བ་ལས་སྤངས་ཀྱང་རུང་སྟེ། ལྟུང་བ་མེད་དོ། །བཟའ་བ་ལྔ་མ་གཏོགས་པ་གཞན་ལ་ནི་སྤངས་པ་མ་ཡིན་པས་ལྟུང་བ་མེད་དོ། །ཨུཏྤལ་ལ་སོགས་པའི་རྩ་བ་དང་། བྱང་ཕྱོགས་ཀྱི་ཤིང་ཏོག་
[216b.7]དང་། ལྷའི་པད་མའི་སྡོང་བུ་ལ་སོགས་པ་ནི་དཀོན་པའི་ཕྱིར་ཟོས་ཀྱང་ལྟུང་བ་མེད་དོ། །ཁ་ཅིག་ན་རེ་དེ་ནི་མུ་གེ་བྱུང་བའི་ཚེའོ་ཞེས་ཀྱང་ཟེར་རོ། །དེ་བཞིན་དུ་སྤངས་སམ་མ་སྤངས་ཀྱང་རུང་སྟེ། མ་སྤངས་པར་འདུ་ཤེས་པ་ཡང་ངོ་། །ནས་ཐུག་ཇི་ལྟ་བུས་ན་སྤངས་པར་
[217a]
[217a.1]འགྱུར་ཞེ་ན། གང་ལ་ཁ་གཟར་གྱེན་དུ་འགྲེང་བའོ། །སྐྱོ་མ་ཇི་ལྟ་བུས་སྤངས་པར་འགྱུར་ཞེ་ན། གང་ལ་སོར་མོ་ལྔའི་རི་མོ་སྟེང་ན་སྣང་བ་ཡིན་ཏེ། མགུལ་དུ་མིད་པ་ལ་ནི་ལྟུང་བ་མེད་དོ། །བཞི་པའོ།། །།མཉན་ཡོད་ན་སྟེ། རྒན་ཞུགས་
[217a.2]རབ་ཏུ་བྱུང་བས་རྒྱུན་མ་ཆད་པར་ལྟུང་བ་བྱུང་བ་གླེངས་བས་ན་ཁྲོས་ཏེ་སློབ་དཔོན་ལ་ལྷག་བོར་མ་བྱས་པའི་བཟའ་བ་ཟར་བཅུག་པས་ན་ལྔ་པ་བཅས་སོ། །དུས་ཀྱིས་སྟོབས་ཞེས་བྱ་བ་ནི་ཡང་ཡང་མགྲོན་དུ་བྱེད་པའོ། །སྐབས་ཚོལ་ཞིང་ཞེས་བྱ་བ་ནི་བསྟན་པའོ། །འདི་ཉིད་
[217a.3]རྣམ་པར་དབྱེ་བ་ནི་ཅི་ནས་ཀྱང་དགེ་སློང་འདི་ཉེས་པ་འབྱུང་བར་བྱའོ་སྙམ་པའི་ཞེས་བྱ་བ་ནི། ལྟུང་བ་དང་བཅས་པར་བྱས་པ་ཞེས་བྱ་བའི་ཐ་ཚིག་གོ། །དེ་ལྟར་ནི་དབང་དུ་བྱས་པར་འགྱུར་རོ། །དེ་ཉིད་ཅེས་བྱ་བ་ནི་གཞན་དུ་བསམས་ཏེ་ཟར་བཅུག་པ་ལ་ལྟུང་བ་མེད་དོ། །སྤངས་
[217a.4]པ་ལ་ཡང་སྤངས་པར་འདུ་ཤེས་པ་རྣམ་པ་དྲུག་ཏུ་སྦྱར་རོ། །དེ་བཞིན་དུ་ལྷག་པོར་མ་བྱས་པ་ལྷག་པོར་མ་བྱས་པར་འདུ་ཤེས་པ་རྣམ་པ་དྲུག་ཏུ་སྦྱར་ཏེ། ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་སོ། །ལྔ་པའོ།། །།རྒྱལ་པོའི་ཁབ་ན་སྟེ།
[217a.5]ལྷ་སྦྱིན་ལས་བརྩམས་ནས་དྲུག་པ་བཅས་སོ། །འདུས་ཤིང་ཟ་ན་ཞེས་བྱ་བ་ནི་མི་མཐུན་པར་ཟ་བའོ། །མཚམས་ཀྱི་ནང་དུ་གཅིག་གིས་ཀྱང་མི་མཐུན་པ་མ་ཡིན་གྱི། བཞི་ལ་སོགས་པ་རྣམས་དང་གང་ཟ་བའོ། །ཇི་ལྟར་ན་མཉམ་པའི་དབང་དུ་བྱས་ཤེ་ན། གང་དང་
[217a.6]གང་ལུས་ཀྱིས་གོ་བར་བྱེད་པས་ཟ་བ་དེ་ཉིད་ལྟུང་བྱེད་དོ། །ལུས་ཀྱིས་ལས་ཀྱི་མཚན་ཉིད་ལས་ན་དེའི་ལྟུང་བའོ། །ཟས་ཀྱི་ཚིག་ལས་བཅའ་བ་རྣམས་ལས་ལྟུང་བ་མེད་ཀྱི། དེ་དག་ནི་བཟའ་བ་རྣམས་སོ། །ན་བ་དུས་སོ་ཞེས་བྱ་བ་ནི་ནད་པ་རྣམས་ལ་ཁྱེའུ་སུས་བྱིན་གྱིས་དགེ་སློང་
[217a.7]ཐམས་ཅད་ལ་མ་བྱིན་པས་ན། ནད་པ་ཁྱེའུ་སུས་མ་བླངས་མ་ལས་རྗེས་སུ་གནང་བ་སྟེ། གང་ཟག་གཅིག་གིས་འཚོ་བར་མི་ནུས་པ་དེ་ཡང་ནད་པའོ། །ལས་དུས་སོ་ཞེས་བྱ་བ་ནི་ཐ་ན་ཕྱག་དར་རེ་ལྡེ་ཙམ་མམ། དཀྱིལ་འཁོར་བ་མལ་ཙམ་ཕྱགས་ནས་བ་ལང་གི་ལྕི་བས་སྐྱང་ནུལ་
[217b]
[217b.1]བྱས་པའོ། །ལམ་དུས་སོ་ཞེས་བྱ་བ་ནི་དཔག་ཚད་གཅིག་གམ་དཔག་ཚད་ཕྱེད་དུ་སོང་ཞིང་སླར་འོངས་པ་ཡིན་ནོ། །གྲུར་ཞུགས་པ་དུས་སོ་ཞེས་བྱ་བ་ནི་ལམ་བཞིན་ནོ། །འདུས་པ་ཆེན་པོ་ཞེས་བྱ་བ་ནི་གཙུག་ཕུད་ཀྱི་དུས་སྟོན་ཆེན་པོའམ། ལོ་ལྔ་པའམ། ལོ་དྲུག་པའི་
[217b.2]ཚེ་མང་པོ་ཚོགས་པ་ལ་ཁ་ཅིག་གིས་ནི་ལྔ་ལ་བྱིན། ཁ་ཅིག་གིས་ནི་བཞི་ལ་བྱིན་པའོ། །དགེ་སྦྱོང་གི་ཟས་དུས་སོ་ཞེས་བྱ་བ་ནི་ཀུན་དུ་འཚོ་བ་ལ་སོགས་པ་ལས་བརྩམས་ཏེ། འདི་ལས་ཕྱི་རོལ་གྱི་ལ་རབ་ཏུ་བྱུང་བ་དེ་དག་ཀྱང་དགེ་སྦྱོང་ཞེས་བྱ་བའི་གྲངས་སུ་འགྲོའོ། །མཚམས་
[217b.3]ཀྱི་ནང་ལ་དེར་འདུ་ཤེས་སམ་ཡིད་གཉིས་ཟ་ན་ཡང་རུང་སྟེ། འདུས་ཤིང་ཟས་ཟོས་ན་ལྟུང་བྱེད་དོ། །མཚམས་ཀྱི་ཕྱི་རོལ་ལ་མཚམས་ཀྱི་ནང་དུ་འདུ་ཤེས་སམ་ཡིད་གཉིས་ཟ་ན་ཡང་རུང་སྟེ། ཟོས་ན་ཉེས་བྱས་སོ། །མཚམས་ཀྱི་ཕྱི་རོལ་ལམ་མཚམས་ཀྱི་ནང་ཡང་རུང་སྟེ། མཚམས་
[217b.4]ཀྱི་ཕྱི་རོལ་དུ་འདུ་ཤེས་ན་ལྟུང་བ་མེད་དོ། །དེ་བཞིན་དུ་སོ་སོར་ཟ་བ་ལ་སོ་སོར་ཟ་བར་འདུ་ཤེས་པ་ཡང་རྣམ་པ་དྲུག་ཏུ་བརྗོད་པར་བྱའོ། །གནས་ཁང་ལ་རྣམ་པ་གཉིས་ཏེ། གཞིའི་འདུག་གནས་དང་། ཁང་ཁྱིམ་གྱི་འདུག་གནས་སོ། །གཞིའི་འདུག་གནས་ན་ཟ་བ་དག་གི་
[217b.5]ཁང་ཁྱིམ་གྱི་འདུག་གནས་ནས་འདིར་གང་ཡང་འོངས་སམ་ཞེས་དྲི་བར་བྱའོ། །རྣམ་པ་གཞན་དུ་ན་ཉེས་བྱས་སོ། །ཁང་ཁྱིམ་གྱི་གནས་ན་འཁོད་པས་ཀྱང་མ་དྲིས་པར་མི་མཐུན་པར་ཟོས་ན་ལྟུང་བྱེད་དོ། །གསུམ་མཚུངས་ལ་གཅིག་མི་མཚུངས་པ་དང་། གསུམ་བསྙེན་
[217b.6]པར་རྫོགས་ལ། གཅིག་བསྙེན་པར་མ་རྫོགས་པ་དང་། ཁ་ཟས་ཕན་ཚུན་དུ་བྲིམས་པ་དང་། ཐ་ན་ལན་ཚྭ་ལས་ཚུམ་གང་ངམ། ལྡམ་ལྡུམ་ལས་སྲན་གཅིག་བྲིམས་པ་དང་། གནས་སོ་སོར་ངེས་པ་དང་གང་དག་འདི་ན་འཁོད་པ་དེ་དག་ལ་སྦྱིན་ནོ་ཞེས་ཟེར་བ་དང་། ནམ་
[217b.7]མཁའ་ལ་ཟ་བ་ལ་ནི་ལྟུང་བ་མེད་དོ། །དྲུག་པའོ།། །།མཉན་ཡོད་ན་སྟེ། བཅུ་བདུན་སྡེས་ཟན་མ་ཟོས་པར་ཕྱིར་ཕྱུང་ནས་ཁྱིམ་པ་རྣམས་ལས་བླངས་ཏེ་དུས་ལས་ཡོལ་བར་ཟོས་པས་ན་བདུན་པ་བཅས་སོ། །དུས་མ་ཡིན་པར་ཞེས་བྱ་བ་ནི་དུས་མ་ཡིན་པ་རྣམ་པ་
[218a]
[218a.1]གཉིས་ཏེ། སྐྱ་རེངས་མ་ཤར་བ་དང་། ཉི་མ་ཕྱེད་ཡོལ་བའོ། །བཅའ་བ་དང་བཟའ་བ་ཞེས་བྱ་བ་ནི་དུས་སུ་རུང་བའི་སྨན་ནོ། །ཟ་ན་ཞེས་བྱ་བ་ནི་བདག་ཉིད་མགུལ་དུ་མིད་པའོ། །དུས་ལས་ཡོལ་བ་ལ་དུས་ལས་ཡོལ་བར་འདུ་ཤེས་སམ།
[218a.2]ཡིད་གཉིས་ཟ་ན་རུང་ཟོས་ན་ལྟུང་བྱེད་དོ། །དུས་ལས་མ་ཡོལ་བ་ལ་དུས་ལས་མ་ཡོལ་བར་འདུ་ཤེས་སམ། ཡིད་གཉིས་ཟ་ན་ཡང་རུང་སྟེ་ཉེས་བྱས་སོ། །དུས་ལས་མ་ཡོལ་ལམ་དུས་ལས་ཡོལ་ཡང་རུང་སྟེ། དུས་ལས་མ་ཡོལ་བར་འདུ་ཤེས་ན་ལྟུང་བ་མེད་དོ། །
[218a.3]དེ་བཞིན་དུ་དུས་སུ་རུང་བའི་སྨན་ལ་དུས་སུ་རུང་བའི་སྨན་དུ་འདུ་ཤེས་པ་རྣམ་པ་དྲུག་ཏུ་སྦྱར་རོ། །ནད་པ་ལ་སྨན་པའི་ཚོགས་བ་ལང་གི་ལྕི་བའི་ནང་ནས་བྱུང་བའི་ཕྱེའི་སྐྱོ་མ་དང་། འཕར་བས་ཟོས་པའི་མི་གཙང་བ་ནས་བྱུང་བའི་ཤ་ཟོས་པ་ལ་ལྟུང་བ་མེད་དོ། །གལ་ཏེ་དེ་དག་རང་
[218a.4]བཞིན་གྱིས་ཀྱང་ནད་མ་སོས་ན་དུས་སུ་རུང་བ་ཐམས་ཅད་སྦྱིན་པར་བྱའོ། །གང་དེས་ཀྱང་སོས་པར་མི་འགྱུར་ནའོ། །གླིང་གསུམ་པོ་རྣམས་དང་། ལྷའི་ཡུལ་དུ་རྣམས་སུ་ཡང་རུང་། འཛམ་བུའི་གླིང་གི་དུས་སུ་བཟའ་བར་བྱའོ། །འཛམ་བུའི་གླིང་གི་དུས་མ་ལགས་པར་
[218a.5]བྲོ་མི་འཚལ་བར་འཚལ་ན་ལྟུང་བར་མི་འགྱུར་བ་མཆིས་སམ། ཡོད་དེ། ཤར་གྱི་ལུས་འཕགས་པོ་དང་། ནུབ་ཀྱི་བ་ལང་སྤྱོད་ཀྱི་གླིང་གི་དགེ་སློང་རང་གི་དུས་སུ་ཟའོ། །དེ་ལ་ཀུན་དུ་སྤྱད་པ་ནི་དགེ་སློང་སྐྱེ་བོ་མང་པོ་ཚོགས་པ་དང་། དུས་ཡོངས་སུ་ཤེས་པར་བྱས་ལ།
[218a.6]ཐོག་མར་གཎྜཱི་ཆུང་ངུ་བརྡུངས་ཏེ། དེ་ནས་ནད་པ་རྣམས་ཀྱི་ཟས་ཕོག་ལ་ལས་སུ་བསྐོས་པ་རྣམས་ཟན་ཟོས་ཟིན་པ་དང་། གཎྜཱི་བརྡུངས་པར་བྱའོ། །གལ་ཏེ་མི་ཐོས་ན་དུང་བསྒྲིལ་མ་བུད་པ་དང་། ལྷན་ཅིག་པའི་རྔ་བརྡུང་བར་བྱའོ། །གཎྜཱི་ལ་རྣམ་པ་ལྔ་སྟེ། དགེ་
[218a.7]འདུན་ཐམས་ཅད་ཀྱི་ནི་རྒྱུད་གསུམ་དང་ཏོག་གསུམ་མོ། །ལས་ཀྱི་གཎྜཱི་སྟེ། རྒྱུད་གསུམ་དང་ཏོག་གཉིས་སོ། །ཤི་བའི་གཎྜཱི་སྟེ་བྱི་བའོ། །སྤོང་བ་ལས་ཞུགས་པའི་གཎྜཱི་ཁར་གསིལ་ལོ། །གནོད་པ་བྱུང་བའི་གཎྜཱི་སྟེ་ཅི་ནུས་སུ་བྱ་བའོ། །འདུས་པ་ཆེན་པོའི་ཚེ་གྲལ་སོ་སོར་
[218b]
[218b.1]བྱའོ། །རྒན་རིམས་ཇི་ལྟ་བ་བཞིན་དུ་སྤྱི་སྤུངས་སུ་བཤམ་པར་བྱའོ། །རྒན་རིམས་ཇི་ལྟ་བ་བཞིན་དུ་འཁོད་པར་བྱེད་པ་བསྐོ་བར་བྱའོ། །རྙེད་པ་མི་སྙོམས་པ་སྤངས་པའི་ཕྱིར་དེ་དག་གིས་ཀྱང་བྱིན་ལེན་གྱིས་བྱིན་གྱིས་བརླབས་པ་བྲིམ་པར་བྱའོ། །ཡང་ན་སྤྱན་བྱའོ། །དེ་དག་
[218b.2]གིས་ཀྱང་དང་པོར་བཟའ་བར་བྱའོ། །གཉི་སྣོད་གཅིག་གི་ནང་དུ་བཟའ་བར་མི་བྱའོ། །ལམ་དུ་ཞུགས་པ་ནས་སྣོད་མེད་པ་ལ་ལྟུང་བ་མེད་དོ། །དེ་ལ་ནི་དགེ་ཚུལ་དང་ཡང་བྱིན་གྱིས་བརླབས་ལ་ལྷན་ཅིག་བཟའ་བར་བྱའོ། །རུང་བར་བྱེད་པ་རྣམས་ལ་ནི་བཅངས་ཏེ་སྦྱིན་པར་
[218b.3]བྱའོ། ཉེ་དུ་རྣམས་ལྷན་ཅིག་ཟ་བར་འདོད་ནས་དབེན་པའི་ཕྱོགས་སུ་ཟོས་ན་ལྟུང་བ་མེད་དོ། །གོས་གཅིག་པར་བྱས་ཏེ་བཟའ་བར་མི་བྱའོ། །ན་བ་དང་། རྒས་པ་དང་། སྟོབས་ཆུང་བས་རྔུལ་གཟན་སྲབ་མོའམ་པུས་འཁྱུད་གྱོན་ཏེ། དབེན་པའི་ཕྱོགས་སུ་བཟའ་བར་བྱ་
[218b.4]སྟེ། ལྟུང་བ་མེད་དོ། །གལ་ཏེ་དེ་ལྟར་ཡང་མི་ནུས་ན་གོས་གཅིག་པ་ཉིད་ཀྱིས་སོ། །གསེར་དང་། དངུལ་དང་། བཻ་ཌཱུརྱ་དང་། ཤེལ་གྱི་རང་བཞིན་གྱི་སྣོད་དུ་མ་ཡིན་ནོ། །ལྷ་དང་། ཀླུ་དང་། གནོད་སྦྱིན་གྱི་གནས་སུ་གལ་ཏེ་སྣོད་གཞན་ཐོབ་པ་མེད་ན་ལྟུང་བ་མེད་དོ། །ས་མ་
[218b.5]པྲ་བ་ཏ་ཞེས་མ་བརྗོད་ཀྱི་བར་དུ་དེས་ཐ་ན་ལན་ཚྭ་ཙམ་ཡང་མི་བླང་ངོ་། །འདི་བྱིན་ཅིག་འདི་མི་འདོད་དོ་ཞེས་བསྒོ་ཞིང་བཟའ་བར་མི་བྱའོ། །མེ་དྲོད་ཆུང་བས་ཚོས་པ་དང་། མེ་དྲོད་ཆེ་བས་རྗེན་པ་སློང་བ་ལ་ལྟུང་བ་མེད་དོ། །སྒྲ་ཆུང་བ་དང་། དང་བར་འགྱུར་བ་དང་།
[218b.6]སྤྱོད་ལམ་ཤིན་ཏུ་བསྡམས་པ་དང་ལྡན་པས་ཟས་ཀྱི་དོན་དུ་འཁོད་པར་བྱའོ། །ཟས་ལ་མི་མཐུན་པའི་འདུ་ཤེས་ཉེ་བར་གཞག་ཅིང་དྲན་པར་བརྟེན་པར་བྱས་ཏེ་སེམས་རྣམ་པར་མ་གཡེངས་པར་བཟའ་བར་བྱའོ། །ལྷུང་བཟེད་ཟས་བླངས་ནས་དོར་བར་མི་བྱའོ། །ཡང་
[218b.7]ན་མ་ལ་སོགས་པ་ལ་སྦྱིན་ནོ། །ལྷག་པ་ཀུན་དགའ་ར་བར་ཁྱིམ་པའམ། བུད་མེད་འོངས་པའང་སོ་སོར་འགྲང་སྟེའོ། །དུད་འགྲོའི་སྐྱེ་གནས་སུ་གཏོགས་པ་ལའང་བསམས་བཞིན་དུ་ཆངས་པ་གཅིག་སྦྱིན་པར་བྱའོ། །ལྷུང་བཟེད་ཀྱི་གཞི་ལ་རྐང་པས་རེག་པར་མི་བྱའོ། །
[219a]
[219a.1]མཆིལ་ལྷམ་དང་བཅས་པས་ཟས་བཟའ་བར་མི་བྱའོ། །ནད་པས་ནི་དེའི་སྟེང་དུ་རྐང་པ་དག་བཞག་སྟེའོ། །ཏུག་ཏུག་ཟེར་བ་དང་། ཀྲུམ་ཀྲུམ་ཟེར་བ་ལ་སོགས་པ་སྒྲ་འབྱུང་བ་དང་བཅས་པའི་ཟས་ཟ་བར་མི་བྱ་མོད་ཀྱི། འོན་ཀྱང་ཆུར་སྤངས་ཏེ་
[219a.2]བཟའ་བར་བྱའོ། །ནས་ཐུག་སྒྲ་འབྱུང་བར་མི་བཏུབ་བོ། །ལ་ཕུག་ཆེན་པོ་བཀས་ལ་བཟའ་བར་བྱའོ། །ཡོན་བཤད་པ་བྱེད་པའི་ཚེ་བཟའ་བར་མི་བྱའོ། །གང་གིས་མ་ཐོས་པ་ལས་ལྟུང་བ་མེད་དོ། །དུས་ཡོལ་ན་ཚིགས་སུ་བཅད་པ་ལ་གཉིས་མཉན་པར་བྱའོ། །དགེ་
[219a.3]འདུན་གྱི་གནས་བརྟན་གྱིས་ཀྱང་ཀུན་དུ་ལྟ་བར་བྱའོ། །དུད་འགྲོ་ལ་ཆངས་པ་གཅིག་སྦྱིན་པར་ཡང་གཤེར་བར་བྱས་ལ་ཅི་ལྟར་བདེ་བ་སྦྱིན་པར་བྱའོ། །གང་ལ་ཡང་བརྗོད་པར་མི་བྱའོ། །མགྲོན་དུ་བོས་ན་ཡང་ཚུལ་ཤིང་རྣམས་ལ་བགྲང་ངོ་། །སྦྱིན་བདག་གིས་དྲིས་པ་
[219a.4]དང་། དགེ་སློང་གིས་བརྗོད་པར་བྱའོ། །གལ་ཏེ་གློ་བུར་དུ་ལྷགས་པའི་དགེ་སློང་རྣམས་གདུགས་ཚོད་ལ་བབ་པར་འོངས་ན་བརྗོད་པར་བྱའོ། །གལ་ཏེ་བགྲང་བ་རྣམས་ཡུལ་གཞན་དུ་འགྲོ་ན་ཡང་བརྗོད་པར་བྱའོ། །གལ་ཏེ་གདུགས་ཚོད་ལ་བབ་ཏུ་བྱེད་ལ་དོང་ན་
[219a.5]ཡང་ཇེ་ཟན་ཟོས་ལ་དེ་ནས་དེངས་ཤིག་ཅེས་བརྗོད་པར་བྱའོ། །གཎྜཱི་བརྡུངས་ལ་འདུས་ཏེ་ཅི་བ་བདེར་འཇུག་པར་བྱའོ། །དགེ་འདུན་གྱི་གནས་བརྟན་གྱིས་གལ་ཏེ་དགེ་སློང་མང་བར་གྱུར་ལ་ཁ་ཟས་ཉུང་ན་སྙོམས་པར་རིམས་ཤིག་ཅེས་བརྗོད་པར་བྱའོ། །གལ་ཏེ་བཟློག་
[219a.6]པ་ཞིག་ན་ཅི་འབྱོར་པས་རིམས་ཤིག་ཅེས་བརྗོད་པར་བྱའོ། །དེ་ནས་ཡོན་བཤད་པ་བྱེད་པ་ན་ཡུད་ཙམ་ཞིག་ངལ་སོ་ལ། འདོད་ན་ཆོས་བཤད་ནས་འགྲོ་བར་བྱའོ། །ཐམས་ཅད་དུ་ཟོས་ནས་ཀྱང་སྨོན་ལམ་ལོག་པར་མི་འགྲུབ་པར་བྱ་བའི་ཕྱིར་ཚིགས་སུ་བཅད་པ་རེ་
[219a.7]རེ་བཀླག་པར་བྱའོ། །བདུན་པའོ།། །།མཉན་ཡོད་ན་སྟེ། དགེ་སློང་ནག་པོ་བསོད་སྙོམས་ཀྱི་འབྲས་ཆན་སྐམས་ཤིང་འཇོག་ལ། ནམ་ཆར་འབབ་པའམ་ཡུལ་ངན་པ་ལ་སོགས་པ་བྱུང་བའི་ཚེ་ཆུ་དྲོན་མོས་སྤངས་ཤིང་ཟ་བས་ན་བརྒྱད་པ་བཅས་སྟེ། །
[219b]
[219b.1]སོག་འཇོག་ཅེས་བྱ་བ་ནི་གང་བདག་གི་ལག་ཏུ་བྱིན་ལེན་བྱས་ལ། མཚན་མོ་ཞིག་ལོན་པ་བདག་ཕྱིར་བཟའ་བར་གཞག་པའོ། །རྣམ་པ་གཞན་དུ་ན་སོག་འཇོག་ལ་རྣམ་པ་གཉིས་ཏེ། སྔ་དྲོ་བའི་ཟས་བྱིན་ལེན་བྱས་པ་ཕྱི་དྲོ་བའི་ཟས་སུ་དང་། ཕྱི་དྲོ་བའི་ཟས་བྱིན་
[219b.2]ལེན་བྱས་པ་ཉིད་ཐུན་ཚོད་ལས་འདས་པའོ། །གང་བྱིན་ལེན་མ་བྱས་པར་རེག་པ་ནི་དེ་དག་དུས་ཅི་སྲིད་ལག་ཉར་བླངས་པའི་ཉེས་པར་འགྱུར་གྱི་སོག་འཇོག་གི་ཉེས་པ་ནི་མ་ཡིན་ནོ། །དུས་ལས་འདས་ན་སོག་འཇོག་གི་ཉེས་པར་འགྱུར་རོ། །སོག་འཇོག་ལ་སོག་
[219b.3]འཇོག་ཏུ་འདུ་ཤེས་སམ། ཡིད་གཉིས་ཟ་ན་ཡང་རུང་སྟེ། མགུལ་དུ་མིད་ན་ལྟུང་བྱེད་དོ། །སོག་འཇོག་མ་ཡིན་པ་ལ་སོག་འཇོག་ཡིན་པར་འདུ་ཤེས་སམ། ཡིད་གཉིས་ཟ་ན་ཡང་རུང་སྟེ་ཉེས་བྱས་སོ། །སོག་འཇོག་མ་ཡིན་པའམ། སོག་འཇོག་ཡིན་
[219b.4]པར་ཡང་རུང་སྟེ། སོག་འཇོག་མ་ཡིན་པར་འདུ་ཤེས་ན་ལྟུང་བ་མེད་དོ། །བྱང་གི་སྒྲ་མི་སྙན་དུ་སོག་འཇོག་བྱས་པ་དང་། ལག་ཉར་བླངས་པ་དང་བྱིན་ལེན་མ་བྱས་པ་ལ་ལྟུང་བ་མེད་དོ། །གལ་ཏེ་འདི་ནས་བླངས་ཏེ་དེར་སོང་ན་ལྟུང་བའོ། །དགེ་སློང་ལ་སོག་
[219b.5]འཇོག་རྣམ་པ་གསུམ་པོ་རྣམས་ཀྱིས་ཏེ། དགེ་འདུན་གྱིས་དང་། དགེ་སློང་གིས་དང་། བསླབ་པ་འབྱིན་པས་ཀྱང་ངོ་། །དགེ་སློང་མ་ལ་བཞི་པོ་རྣམས་ཀྱིས་ཏེ། དགེ་སློང་མས་ལྷག་པར་བྱས་པའོ། །གཉིས་པོ་དེ་དག་གིས་སོག་འཇོག་ཏུ་མི་འགྱུར་
[219b.6]ཏེ། ངོ་ཚ་མེད་པས་རི་མོར་མི་བྱེད་པ་དང་། ངོ་ཚ་ཡོད་ཀྱང་དྲན་པ་ཉམས་པའོ། །དགེ་ཚུལ་ལ་སོགས་པ་རྣམས་ལ་ལྟོས་པ་དང་དང་བཅས་པས་བྱིན་ལ་ལྟོས་པ་དང་བཅས་བཞིན་དུ་ཟོས་ན་ཉེས་བྱས་དང་ལྟུང་བྱེད་དོ། །ལྟོས་པ་དང་བཅས་བཞིན་དུ་བྱིན་ལ་ལྟོས་པ་མེད་
[219b.7]པར་ཟོས་ན་ཉེས་བྱས་ཉིད་དོ། །ལྟོས་པ་མེད་པར་བྱིན་ལ་ལྟོས་པ་དང་བཅས་པས་ཟོས་ན་ལྟུང་བྱེད་ཉིད་དོ། །གཉི་ག་ལ་ལྟོས་པ་མེད་ན་གཉི་ག་ལ་ལྟུང་བ་མེད་དོ། །སོག་འཇོག་གིས་འབགས་པའི་ལྷུང་བཟེད་དང་། ལྷུང་བཟེད་ཆུང་ངུ་དང་། ཁ་གཟར་དང་།
[220a]
[220a.1]ཁམ་ཕོར་དང་། ལྷུང་བཟེད་ཀྱི་སྣོད་དང་། ཆོས་གོས་ཀྱི་གདང་ཤིང་དང་། ཁར་གསིལ་དང་། ཐ་ན་སྡེ་མིག་ཀྱོག་པོ་སྤྱོད་པ་དང་། ཁ་སོག་འཇོག་དང་བཅས་པ་དང་། ལག་པ་དག་སོག་འཇོག་དང་བཅས་པས་ཟོས་ན་ཐམས་ཅད་དུ་ཡང་
[220a.2]ལྟུང་བྱེད་དོ། །ཁ་སོག་འཇོག་དང་བཅས་བཞིན་དུ་ཆུང་ངུ་འཐུངས་ན་ཉེས་བྱས་སོ། །ཁ་བསལ་ཏེ་བོར་བ་ལ་ལྟུང་བ་མེད་དོ། །དེ་ལས་གཞན་པ་མེད་ན་ནད་པ་ལ་ནི་སོག་འཇོག་བྱས་པའི་མར་ལ་སོགས་པ་ཡང་སྦྱིན་པར་བྱའོ། །ཆུ་དང་འོ་མ་ལ་སོགས་པའི་རྒྱུན་ལྷུང་
[220a.3]བཟེད་ཀྱི་ནང་དུ་ལྟུང་བ་རྣམས་ཀྱིས་སོག་འཇོག་ཏུ་མི་འགྱུར་ཏེ། ཞུ་བ་ཐམས་ཅད་ནི་འོག་ཏུ་འགྲོ་བའོ་ཞེས་གསུངས་པའི་ཕྱིར་རོ། །དགེ་ཚུལ་ལ་སོགས་པས་ལམ་བརྒྱགས་བསྐུར་བར་བྱའོ། །དབབ་པར་བྱ་བ་ཡང་ངོ་། །དེས་བྱིན་གྱིས་བརླབ་པ་བྱས་ལ་ངལ་
[220a.4]སོར་གཞུག་གོ། །ཆོམ་རྐུན་ལ་སོགས་པས་འཇིགས་ཏེ་དེ་དག་གིས་བོར་ན་རང་ཉིད་ཀྱིས་ཁྱེར་ན་སོག་འཇོག་གི་ཉེས་པར་མི་འགྱུར་རོ། །ཆུ་རྒལ་བའི་ཕྱིར་བྱིན་གྱིས་བརླབས་ལ་བརྒལ་བར་བྱའོ། །ཇི་ལྟར་གཉིས་ཀར་མི་ནུས་ན་བྱིན་གྱིས་བརླབས་ཀྱང་ཉེས་པ་མེད་དོ། །དགེ་
[220a.5]འདུན་གྱི་གསང་ཤིང་རྟ་ལས་སྐྱེད་པའི་གྲོགས་བྱའོ། །ཤིང་རྟ་ལ་ཁ་ལོ་བའི་སྟན་མ་གཏོགས་པར་ནད་པ་ཞོན་པར་བྱའོ། །དེ་བཞིན་དུ་གྲུལ་ནི་རུ་སྐྱ་འཛིན་པའི་སྟན་མ་གཏོགས་པའི་འདུག་པའོ། །དེ་བཞིན་དུ་ཁུར་བཏེག་ཅིང་དབབ་པ་ཡང་ངོ་། །བྱིན་གྱིས་བརླབས་པ་
[220a.6]གཉིས་རེས་ཀྱིས་ཁྱེར་བར་བྱའོ། །འོན་ཀྱང་འབྲུ་རྣམས་ཕྱི་རོལ་དུ་བོར་བ་ལ་གཞན་མེད་ན་རང་གིས་ནང་དུ་གཞུག་པར་བྱའོ། །གཞན་མེད་ན་བདག་ཉིད་ཀྱིས་ལམ་བརྒྱགས་བསྐུར་བར་བྱའོ། །དེ་ནས་ཡོངས་སུ་བརྗེས་ལ་བཟའ་བར་བྱའོ། །དེ་ཡང་མེད་ན་གཉིས་སུ་
[220a.7]བགོས་ལ་གཅིག་ལ་བསྙེན་པར་མ་རྫོགས་པ་ལ་བྱིན་ཏེ། དེ་ནས་བརྗོས་པ་བཟའ་བར་བྱའོ། །དེ་ཡང་མེད་ན་ཉི་མ་གཅིག་ཟན་གཅད་པར་བྱའོ། །ཉི་མ་གཉིས་པ་ལ་སྟག་པར་གང་བཟའ་བར་བྱའོ། །གསུམ་པ་ལ་ནི་གཉིས་སོ། །བཞི་པ་ལ་ནི་སྲིད་ཆོག་གི་བར་དུའོ། །
[220b]
[220b.1]ལམ་བརྒྱགས་མེད་དམ་སྦྱིན་པ་ཡང་མེད་པ་དང་། རུང་བ་བྱེད་པ་མེད་ན་བྱིན་ལེན་མ་བྱས་ཀྱང་ཤིང་ལྗོན་པ་ལ་འཛེགས་ཏེ་འབྲས་བུ་བླགས་ལ་བཟའ་བར་བྱའོ། །དགེ་འདུན་གྱི་མར་ལ་སོགས་པ་ཟངས་ནས་ལུད་ཅིང་འབོ་ལ་གཞན་མེད་ན་ཐབས་ཅིས་ཀྱང་རུང་བ་བཟའ་
[220b.2]བར་བྱའོ། །དེ་བཞིན་དུ་གང་ཟག་གིས་སྨན་ལ་སོགས་པས་གཞན་མེད་ན་སོག་འཇོག་གི་ཉེས་པ་ཡོད་པ་མ་ཡིན་ནོ། །གང་ཕོངས་པའི་ཚེ་རྗེས་སུ་གནང་བ་རྣམས་ཏེ། དེ་ནི་མི་ཕོངས་པའི་གནས་སྐབས་སུ་མི་བྱའོ། །མར་གྱི་བུམ་པ་ལ་སོགས་པ་ལ་མི་ཤེས་ཏེ།
[220b.3]ཚོན་གྱི་ཡིན་ནོ་སྙམ་དུ་ཤེས་ནས་རེས་ཀྱང་སོག་འཇོག་མ་ཡིན་ནོ། །གལ་ཏེ་ཐེམ་སྐས་ལ་རིམ་པ་ཉུང་བར་འཛེགས་པ་ན་སླར་བབས་ལ་ས་ལ་ལེགས་པར་གཞག་པར་བྱའོ། །གལ་ཏེ་རིམ་པ་མང་དུ་འཛེགས་ན་སྟེང་དུ་གཞག་གོ། །ལག་པ་དག་དང་ཁ་བཀྲུས་ལ་
[220b.4]བཏུང་བ་བཏུང་བར་བྱའོ། །ཁ་ནི་རྟག་ཏུ་ཟང་ཟིང་དང་བཅས་པ་ཡིན་པས་དེ་ལ་ཟང་ཟིང་མེད་པར་སུས་ཀྱང་ཇི་ལྟར་མི་ནུས་མོད་ཀྱི་འོན་ཀྱང་བ་ལང་གི་ལྕི་བས་སྦྱངས་ཏེ། ཆུ་མཁུར་བ་གཉིས་སམ། གསུམ་ཙམ་གྱིས་བཤལ་ཏེ་བོར་ལ་བཏུང་བར་བྱའོ། །ལྷུང་བཟེད་
[220b.5]ལའང་བསམས་ནས་ལན་གཉིས་ལན་གསུམ་དུ་བཀྲུ་བར་བྱའོ། །གལ་ཏེ་དེ་ལྟ་ན་ཡང་སྣུམ་ན་གང་དེའི་ཁའི་ཡང་དག་པའི་ཐ་སྙད་དུ་བྱ་བ་ཉིད་ཡིན་གྱི་བཟའ་བར་བྱའོ། །ལྷུང་བཟོད་ཀྱི་བུ་གར་འབྲས་ཆན་ལ་སོགས་པ་སོག་འཇོག་མཐོང་ཤིང་བུས་བྲུད་དེ་བོར་བ་ལ་ཆུ་གསུམ་
[220b.6]གྱིས་བཤལ་བ་བཟའ་བར་བྱའོ། །ལྷུང་བཟེད་འཕྲན་འཕྲོ་ནས་ཁུ་བ་ཚབ་བླུགས་པས་སྔོན་གོས་པའི་སྣུམ་ལངས་ཤིང་ཀུན་དུ་སྣང་ན་མེད་པར་བྱས་ལ་བཟའ་བར་བྱའོ། །རུང་བར་བྱས་ཀྱང་གལ་ཏེ་ཉི་མ་གཉིས་པ་ལ་སྣུམ་ལངས་ན་ཉེས་པ་མེད་དོ། །དགེ་
[220b.7]སློང་དང་དགེ་སློང་མ་རྣམས་ཀྱིས་སོག་འཇོག་བྱས་པ་ཕན་ཚུན་བྱིན་ལེན་བྱས་ལ་བཟའ་བར་བྱའོ། །དགེ་སློང་མ་ལ་སོགས་པའི་ཟས་ལ་སོགས་པ་དགེ་སློང་གིས་སྦས་པ་ལས། དེ་དག་གིས་དེ་ལ་བདར་ཏེ་བྱིན་ན་སོག་འཇོག་མ་ཡིན་ཏེ། ལྟུང་བ་མེད་དོ། །བརྒྱད་པའོ།། །།
[221a]
[221a.1]མཉན་ཡོད་ན་སྟེ། དགེ་སློང་ནག་པོ་ཆེན་པོ་ཐམས་ཅད་ཀྱང་དུར་ཁྲོད་པ་ཡིན་ཏེ། ཟས་ལྔ་པོ་དག་རང་གིས་བླངས་ཤིང་ཟ་བ་དང་། དེ་ལ་མི་ཤ་ཟའོ་ཞེས་མི་སྙན་པའི་སྒྲ་གྲགས་ཏེ། བཅོམ་ལྡན་འདས་ཀྱིས་བཀའ་སྩལ་བ། བྱིན་ལེན་བྱེད་དུ་
[221a.2]བཅུག་ནས་བཟའ་བར་བྱའོ། །ཟ་ན་དེ་ཉིད་དཔང་པོར་འགྱུར་རོ་ཞེས་བྱའོ། །དྲུག་སྡེ་རྣམས་བྱིན་ལེན་བྱས་ཀྱང་རུང་བྱིན་ལེན་མ་བྱས་ཀྱང་རུང་ཟ་བས་ན་དགུ་པ་བཅས་སོ། །མ་བྱིན་ཞེས་བྱ་བ་ནི་བྱིན་ལེན་མ་བྱས་པ་ཡིན་ཏེ། ཆོས་མཐུན་པ་རྣམས་དང་། བསླབ་པ་བྱིན་པ་དང་། དགེ་སློང་མ་དང་
[221a.3]དགེ་སློབ་མ་དང་དགེ་ཚུལ་དང་དགེ་ཚུལ་མ་རྣམས་སམ། དེ་ལས་གཞན་གང་ཡང་རུང་བ་ཐ་ན་སྤྲེའུ་དང་། དོམ་ནས་གླང་པོ་ཆེ་ཅང་ཤེས་ཀྱིས་ཀྱང་རུང་སྟེ། གང་ལ་ཉེར་ལེན་ཤེས་པ་ཡོད་ན་བྱིན་ལེན་བྱེད་པའང་དེ་དག་ལ་ཡོད་དོ། །ཁས་བླངས་པའི་བསླབ་པ་བྱིན་པས་དེ་རྣམས་ཉིད་ལ་བྱིན་
[221a.4]ལེན་བྱས་པར་འགྱུར་གྱི། གཞན་རྣམས་ལ་ནི་མ་ཡིན་ནོ། །དེ་བཞིན་དུ་ཁས་མ་བླངས་པའི་བསླབ་པ་བྱིན་པས་སོ། །ཁས་བླངས་པས་བྱིན་ལེན་བྱས་པ་དེ་རྣམས་ཉིད་ཟ་བ་རུང་གི་གཞན་ལ་ནི་མ་ཡིན་ནོ། །དེ་བཞིན་དུ་ཁས་མ་བླངས་པས་བྱིན་ལེན་བྱས་པ་ཡང་
[221a.5]ངོ་། །རྣམ་པ་བཞིས་ན་བྱིན་ལེན་བྱས་པར་འགྱུར་ཏེ། སེམས་ཀྱིས་བསམ་པར་གྱུར་པ་དང་། བྱིན་པར་བྱེད་པ་ཡང་སོ་སོར་ཉེ་བར་གནས་པར་གྱུར་པ་དང་། རང་གི་ལག་གིས་བླངས་པ་དང་། གནས་ཉེ་བར་བསྟན་པའོ། །ལུས་ཀྱི་འབྲེལ་པ་ལའམ། ལུས་
[221a.6]ཀྱི་འབྲེལ་པས་འབྲེལ་པ་ལའམ། མ་འབྲེལ་པ་ལ་ཡང་ངོ་། །བྱིན་ལེན་བྱས་པ་ལྔ་སྟེ། ལུས་ཀྱིས་ལུས་ལ་དང་། ལུས་དང་འབྲེལ་པས་ལུས་ལ་དང་། ལུས་ཀྱིས་ལུས་དང་འབྲེལ་པ་ལ་དང་། ལུས་དང་འབྲེལ་པས་ལུས་དང་འབྲེལ་པ་ལ་དང་། འདིར་
[221a.7]ཉེ་བར་ཞོག་ཅེས་བྱ་བ་སྟེ། སྤོང་བའི་ཡུལ་ན་དཀྱིལ་འཁོར་བྱས་ན་ལྷུང་བཟེད་བཞག་ལ་འདིར་བོར་ཅིག་ཅེས་བྱ་བའི་རྣམ་པས་སོ། །གཞན་ཡང་ལག་པ་བཀན་པར་བྱིན་ལེན་རྣམ་པ་ལྔ་སྟེ། མན་ཤེལ་དང་། ཁྲི་དང་ཁྲིའུ་དང་། ཐུ་བ་དང་། ལྷུང་བཟེད་ཀྱི་
[221b]
[221b.1]གཞིའོ། །རྒྱུ་ལྔ་པོ་རྣམས་ཀྱི་ནི་བྱིན་ལེན་མ་བྱས་པ་ཡིན་ཏེ། མཚམས་ཀྱི་ཕྱི་རོལ་དུ་འདུག་པ་དང་། མི་ཐོབ་པའི་ཕྱོགས་ན་འདུག་པ་དང་། གློ་ནས་བྱེད་པ་དང་། རྒྱབ་ནས་བྱེད་པ་དང་། ལག་པ་ཁས་བུབ་པ་ལ་སོགས་པ་རྣམས་ཀྱིས་ཀྱང་བྱིན་ལེན་བྱེད་པའོ། །ལྔ་པོ་དེ་སླར་བཟློག་
[221b.2]པ་ནི་བྱིན་ལེན་བྱས་པའོ། །ཁ་ཅིག་ན་རེ་ཆོ་ག་མ་ཡིན་པས་བྱིན་ལེན་བྱས་ན་ཉེས་བྱས་སོ་ཞེས་ཟེར་རོ། །བྱང་གི་སྒྲ་མི་སྙན་དུ་བྱིན་ལེན་མ་བྱས་པར་བཟའ་བར་བྱའོ། །སྤྱི་བུངས་སུ་ཟས་བསྐྱས་པ་ལས་མེ་ཤོར་ཏེ་བོར་ནས་དོད་ཡང་སྦྱིན་བདག་གི་སེམས་ཀྱིས་བཏང་བ་ཡིན་
[221b.3]གྱི་གདུགས་ཚོད་ཡོལ་དུ་བྱེད་ན་བྱང་གི་སྒྲ་མི་སྙན་གྱི་དུས་ཉིད་དུ་བཟའོ། །བྱིན་ལེན་བྱས་པར་གང་བྱིན་ལེན་མ་བྱས་པ་ལྟུང་ན་བྱིན་ལེན་བྱེད་པ་ཡོད་ན་སླར་བྱིན་ལེན་བྱའོ། །མེད་ན་དེ་ཉིད་དབྱུང་བར་བྱའོ། །འབྲས་ཆན་གྱི་ནང་དུ་ཁུ་བའམ། ཁུ་བ་མ་ཡིན་
[221b.4]པ་ཡང་རུང་ལྟུང་ན་མང་དུ་བཞམས་ཏེ་དབྱུང་ངོ་། །བྱིན་ལེན་བྱས་པ་ཁྱིམ་པས་རེག་ན་སླར་ཡང་བྱིན་ལེན་བྱའོ། །བྱིན་ལེན་བྱས་པའི་སྟེང་དུ་གང་བྱིན་ལེན་མ་བྱས་པ་གཞག་ན་དེས་མང་དུ་བསལ་ལ་ལོངས་སྤྱད་པར་བྱའོ། །རྡུལ་རྣམ་པ་ལྔ་སྟེ། སོག་འཇོག་དང་།
[221b.5]སོག་འཇོག་མ་ཡིན་པ་དང་། རུང་བ་དང་། མི་རུང་བ་དང་། རྡུལ་ཉིད་རྡུལ་ཡིན་ཏེ་མི་སྣང་ན་དེ་ཐམས་ཅད་རུང་བ་ཡིན་གྱི་བྱིན་ལེན་མ་བྱས་ཀྱང་ཐམས་ཅད་སྤྱད་པར་བྱའོ། །རྣམ་པ་གཞན་དུ་ན་ཡང་ལྔ་སྟེ། ཟས་དང་། བཏུང་བ་དང་། གོས་དང་། མེ་ཏོག་དང་། འབྲས་བུའི་
[221b.6]རྡུལ་ལོ། །བྱིན་ལེན་བྱ་བའི་སེམས་ཉེ་བར་བཞག་ནས་ལྷུང་བཟེད་དང་། ལྷུང་བཟེད་ཀྱི་གཞི་གཞན་དུ་བོར་ཅིག་ཅེས་བྱ་བ་ལས། གཞན་དུ་ལྟུང་ན་བྱིན་ལེན་བྱས་པ་ཉིད་དོ། །རང་གིས་ཉེ་བར་བླངས་ནས་ནི་བྱིན་ལེན་མི་བྱའོ། །ནད་པ་ལ་ནི་བྱིན་ལེན་མ་བྱས་ཀྱང་མར་དང་། འབྲུ་མར་
[221b.7]བྱིན་པ་པོ་མེད་ན་སྦྱིན་པར་བྱའོ། །ནད་པ་སྦྱོར་མི་བཟོད་ན་བསྙེན་པར་མ་རྫོགས་པས་བསྙོད་པར་བྱའོ། །ཁ་ནས་མིད་པ་ཞེས་བྱ་བ་ནི་མགུལ་དུ་མིད་པའོ། །དེ་ལྟ་བས་ན་དེ་ཉིད་ཀྱི་ཕྱིར་གསུངས་པ་དང་། ལག་པ་དག་བསྙལ་ལ་བྱིན་ལེན་མ་བྱས་ཀྱང་སྣར་བླུགས་པའི་ལས་
[222a]
[222a.1]བྱའོ་ཞེས་བྱ་བའོ། །ཆུ་དང་སོ་ཤིང་མ་གཏོགས་ཏེ་ཞེས་བྱ་བ་ནི་དེ་ལ་ཆུ་ལ་གཏན་ལ་དབབ་པར་བྱ་སྟེ། གང་རྙོག་པ་ཅན་དེར་གདོང་མི་སྣང་བ་དེ་ལ་བྱིན་ལེན་བྱའོ། །ཀ་ཏ་ཀའི་འབྲས་བུའམ། ཟན་གྱི་ཆང་བུ་སྣུམ་གྱིས་བསྐུས་པ་བཅུག་ལ་སོ་སོར་བརྟག་
[222a.2]པར་བྱའོ། །དེ་བཞིན་དུ་ཆུ་གང་ལན་ཚྭ་ཅན་ནམ། བ་ཚྭ་ཅན་ནམ། རྐྱེན་གང་གིས་ནུས་པས་ཀྱང་རུང་སྟེ། དེ་གང་གིས་བྱ་བར་རུང་བར་འགྱུར་བ་ཡང་ངོ་། །གང་རྫིང་བུ་ན་འབྲས་ཆན་གྱི་ཚིགས་མ་ལ་སོགས་པའི་ཁ་ཟས་ཡོད་པ་དེས་ཆུ་ཚགས་དང་། བུམ་པ་ལ་སོགས་པ་
[222a.3]རེག་ཀྱང་མི་རུང་བ་མ་ཡིན་ནོ། །གང་ལ་ཞོའི་ཚིགས་མའམ། སྟེང་ཞག་ཏུ་ཆགས་པའི་ཆུ་དེ་ལ་ཕན་ཚུན་དཀྲུགས་ལ་བླང་བར་བྱ་སྟེ། ཁ་ཟས་དེས་ནི་ཁ་ཟས་ཀྱི་བྱ་བ་བྱེད་མི་ནུས་སོ། །ལམ་གྱི་བགྲོད་པར་ཞུགས་པ་ལས་ཁྲོན་པ་ནས་ཟོ་ཆུན་རྣམས་ཀྱིས་བཅུས་པའི་ཆུ་སོ་སོར་
[222a.4]བརྟགས་པ་ནི་བྱིན་ལེན་མ་བྱས་ཀྱང་རུང་སྟེ། དུས་དང་དུས་མ་ཡིན་པར་བཏུང་བར་བྱའོ། །དེ་ནི་གཙང་བའི་སྒོ་ཡིན་ནོ་ཞེས་བྱས་ལ། བྱ་མ་བུམ་གྱི་ནང་དུ་ཡང་བླུགས་པར་བྱའོ། །དེ་བཞིན་དུ་བསྟི་གནས་དང་། ཆུ་མིག་འབགས་པ་ནས་ཀྱང་ཞོའི་ཚིགས་མ་དང་ལྡན་པ་དང་། ལམ་གྱི་
[222a.5]བསྟི་གནས་དང་། བྲག་ལ་སོགས་པ་ནས་ཀྱང་དེ་བཞིན་ནོ། །དེ་དག་ཐམས་ཅད་ཀྱང་ཕོངས་པའི་ཚེ་རྗེས་སུ་གནང་ངོ་། །བུམ་པ་ལྔ་སྟེ། དེ་ལ་བཤང་བ་དང་། གཅིག་བ་དང་། ཆང་གི་བུམ་པ་ནི་ཉེ་བར་གཞག་པར་མི་བྱའོ། །ཉེ་བར་གཞག་ན་ཡང་ཐག་རིང་པོར་དོར་བར་བྱའོ། །
[222a.6]འབྲུ་མར་དང་མར་གྱི་བུམ་པ་ནི་མེར་བསྲེགས་ན་བ་ལང་གི་ལྕི་བས་རུང་བར་བྱས་ནས་ཆུ་བཅུས་ཏེ་དུས་དང་དུས་མ་ཡིན་པར་ཡང་བཏུང་ངོ་། །ཡང་ན་ཆུའི་རྫིང་བུའི་ནང་དུ་གཞུག་གོ། །ལྷུང་བཟེད་དམ་དེ་ལས་གཞན་དུའང་རུང་སྟེ། ཟས་ལ་བྱ་རོག་གིས་ཀྱང་རེག་པ་དང་། མཆུའི་
[222a.7]ཐན་ཀོར་ཉི་ཚེ་བསལ་ཏེ་ལོངས་སྤྱད་པར་བྱའོ། །མི་གཙང་བའི་སྦྲང་བུས་རེག་པ་ལ་ཉེས་པ་མེད་པ་བཞིན་ནོ། །བྱ་མ་བུམ་ནས་ཆུ་བཏུང་བར་མི་བྱ་མོད་ཀྱི་འོན་ཀྱང་ལག་པ་དག་དང་ཁ་བཀྲུས་པས་སོ། །བྱ་མ་བུམ་གྱི་དགབ་པའི་ཤིང་ངམ། རྡོ་ལས་བྱས་པའི་རང་བཞིན་བཅད་
[222b]
[222b.1]བར་བྱའོ། །གལ་ཏེ་ཉུང་ན་ལོ་མར་ཆུ་བཏུང་བར་བྱའོ། །བྱིན་ལེན་བྱེད་པ་མེད་ན་ལོ་མ་ལྷགས་པར་རོ། །དེ་ཡང་མེད་ན་ཡལ་ག་ལ་ཆགས་པ་ཉིད་ཀྱི་ལོ་མ་ལས་སོ། །དེ་ཡང་མེད་ན་ཕྱོགས་གཅིག་ཏུ་སོང་ལ་བྱ་མ་བུམ་གྱིས་སོ། །སོ་ཤིང་གཏན་ལ་དབབ་པར་བྱ་སྟེ། སོ་ཤིང་
[222b.2]ལ་ཕན་ཡོན་ལྔ་ཡོད་དེ། མཁྲིས་པ་འདྲེན་པར་བྱེད་པ་དང་། བད་ཀན་འདྲེན་པར་བྱེད་པ་དང་། ཁ་སྦྱོང་བར་བྱེད་པ་དང་། ཟས་ཡི་ག་འབྱེད་པར་བྱེད་པ་དང་། མིག་ལ་ཕན་པའོ། །སོ་ཤིང་ལ་རྣམ་པ་གསུམ་སྟེ། ཆེན་པོ་ནི་སོར་བཅུ་གཉིས་སོ། །ཆུང་ངུ་ནི་སོར་བརྒྱད་
[222b.3]དོ། །འབྲིང་ནི་འདིར་བར་མའོ། །ལག་པ་དག་བཀྲུས་ལ་སོ་ཤིང་བཀྲུས་ཏེ་བཟའ་བར་སོ་བྲུད་ནས་ཀྱང་བཀྲུས་ཏེ་དོར་བར་བྱའོ། །ཆུ་མེད་ན་བྱེ་མ་ལ་སོགས་པས་དྲུད་དོ། །ཅི་ལྟར་དགེ་སློང་སྔོན་སྦྲུལ་གདུག་པ་ཅན་དུ་གྱུར་པའི་གཏམ་རྒྱུད་བལྟ་བར་བྱའོ། །དགེ་སློང་དེ་
[222b.4]ཡང་མང་པོ་རྒྱུ་བའི་ཕྱོགས་སུ་མ་ཡིན། རྩིག་པ་དང་། ཤིང་ལྗོན་པའི་དྲུང་ཀུན་དུ་སྟེ། ཡོངས་སུ་ལོངས་སྤྱོད་པའི་སར་མ་ཡིན། གཞོན་ནུ་དག་གིས་གནས་བརྟན་གྱི་དྲུང་དུ་སོ་ཤིང་དོར་བར་མི་བྱའོ། །དབེན་པར་བྱ་བ་རྣམ་པ་གསུམ་སྟེ། བཤད་བ་དང་། གཅི་བ་དང་།
[222b.5]སོ་ཤིང་ངོ་། །གནས་བརྟན་རྣམས་ཀྱིས་ནི་ཆོལ་ཟངས་བཅང་ངོ་། །དེ་མེད་ན་ཝ་ཁའི་ཁྲུ་གང་ཁོར་ཡུག་ཏུ་འདུག་ལ་བགས་ཀྱིས་དལ་བུས་སོ་བྲུད་ཅིང་དེ་བཞིན་དུ་ལྕེ་ཡང་བཞར་བར་བྱའོ། །རྣོན་པོས་ནི་མ་ཡིན་ནོ། །ལྕེ་བཞར་བ་ར་གན་དང་། ཟངས་དང་། ཁར་བ་དང་། ལྕགས་
[222b.6]ཀྱི་རང་བཞིན་ལས་བྱའི་གསེར་ལ་སོགས་པའི་རང་བཞིན་ནི་མ་ཡིན་ནོ། །དེ་ཡང་མེད་ན་སོ་ཤིང་བཀས་ལ་ཕན་ཚུན་ཟུར་ནང་དུ་དྲུད་དེ་ལྕེ་བཞར་བར་བྱའོ། །སེ་གོལ་བརྡབས་ལ་སོ་ཤིང་དོར་བར་བྱའོ། །དེ་བཞིན་དུ་མཆིལ་མ་ཡང་ངོ་། །སོ་ཤིང་མེད་ན་རི་ལུའམ། བ་ལང་གི་ལྕི་
[222b.7]བས་ཁ་རུང་བར་བྱས་ལ་ལོངས་སྤྱད་པར་བྱའོ། །འདི་ལ་ཡང་འགྱོད་པར་མི་བྱའོ། །དེ་ལ་ལྟུང་བ་ཅི་ལྟར་འགྱུར་ཞེ་ན། བྱིན་ལེན་མ་བྱས་པ་ལ་བྱིན་ལེན་མ་བྱས་པར་འདུ་ཤེས་སམ། ཡིད་གཉིས་ཟ་ན་ཡང་རུང་སྟེ་ཟོས་ན་ལྟུང་བྱེད་དོ། །བྱིན་ལེན་བྱས་པ་ལ་བྱིན་ལེན་མ་བྱས་
[223a]
[223a.1]པར་འདུ་ཤེས་སམ། ཡིད་གཉིས་ཟ་ན་ཡང་རུང་སྟེ་ཉེས་བྱས་སོ། །བྱིན་ལེན་མ་བྱས་སམ། བྱིན་ལེན་བྱས་ཀྱང་རུང་སྟེ། བྱིན་ལེན་མ་བྱས་པ་ལ་བྱས་པར་འདུ་ཤེས་ན་ལྟུང་བ་མེད་དོ། །མར་ལ་སོགས་པའི་བུམ་པ་བྱིན་ལེན་བྱས་ལ་དགེ་སློང་གིས་ཀྱང་བྲིམ་
[223a.2]པར་བྱའོ། །དེ་བཞིན་དུ་ཤིང་ཏོག་ཀྱང་ངོ་། །གལ་ཏེ་ཁྱིམ་པ་འདྲིམ་ན་ཡང་དགེ་སློང་རྣམས་ཀྱིས་སྔར་བཟུང་ངོ་། །ཕྱིས་ནི་ཁྱིམ་པས་སོ། །བཏང་བའི་ཚེ་ནི་སླར་བཟློག་པའོ། །དགེ་སློང་རྣམས་ཀྱིས་གང་བྱིན་པ་དེ་ནི་དེ་དག་ལ་དེ་ཉིད་བྱིན་ལེན་བྱས་པ་ཡིན་ནོ། །གང་གཞན་
[223a.3]ཁྱིམ་པས་བྱིན་པ་དེ་ལ་ནི་བྱིན་ལེན་བྱའོ། །ཤིང་ཐོག་ལ་ཡང་རྣམ་པ་གསུམ་སྟེ། གཅེས་པ་དང་། བར་མ་དང་ཐ་མ་སྟེ། རྙེད་པ་མི་སྙོམས་པ་ཡོད་པའི་ཕྱིར་རོ། །གང་འདྲིམ་པ་དེ་དག་གི་དྲུང་དུ་འདུག་བསམ་ནོད་པར་བྱའོ། །སྟན་ལས་མ་འཕགས་པས་ཅི་སྲིད་དུ་ལེན་པར་
[223a.4]ནུས་པ་དེ་ནི་བྱིན་ལེན་བྱས་པ་ཉིད་ཡིན་ནོ། །དེ་ལས་གཞན་དུ་ན་ནི་བྱིན་ལེན་བྱའོ། །དགུ་པའོ།། །།སེར་སྐྱའི་གཞི་ན་སྟེ། དྲུག་སྡེ་རྣམས་མིང་ཆེན་གྱི་ཁྱིམ་དུ་ཟ་བ་ལས་དེ་ན་ཅི་ཡང་མེད་དོ་ཞེས་ཏེ། ཁྱིམ་གཞན་རྣམས་ནས་འོ་མ་ལ་སོགས་པ་ཁྱེར་ཏེ་འོངས་ནས་ཟོས་པའི་
[223a.5]ཕྱིར་བཅུ་པ་བཅས་སོ། །ཤ་སྐམ་ཞེས་བྱ་བ་ནི་ཤའི་ཁྱད་པར་རོ། །བདག་ཉིད་ཀྱི་ཕྱིར་ཞེས་བྱ་བ་ནི་གཞན་གྱི་ཕྱིར་བླངས་པ་ལ་ཉེས་པ་མེད་དོ། །གཞན་གྱི་ཁྱིམ་རྣམས་ནས་ཞེས་བྱ་བ་ནི་ཉེ་དུའི་ཁྱིམ་རྣམས་ནས་ལྟུང་བ་མེད་པར་བསྟན་ཏོ། །བསླངས་ཏེ་ཞེས་བྱ་བ་ནི་མ་བསྟབས་
[223a.6]པར་ཡང་བདག་གམ་གཞན་རྣམས་ཀྱིས་སོ། །དེ་ལ་ལྟུང་བ་ཅི་ལྟར་འགྱུར་ཞེ་ན། མིན་བས་བསླངས་ལ་མི་ན་བས་ཟོས་ན་ཉེས་བྱས་དང་ལྟུང་བྱེད་དོ། །མིན་བས་བསླངས་ལ་ན་བས་ཡོངས་སུ་ལོངས་སྤྱོད་ན་ཉེས་བྱས་ཉིད་དོ། །ན་བས་བསླངས་ལ་མིན་བས་ཟོས་ན་ལྟུང་བྱེད་དོ། །
[223a.7]བཞི་པ་ནི་ལྟུང་བ་མེད་པའོ། །བསོད་སྙོམས་ཁྱེར་ཏེ་འོངས་པ་ལས་སྲིང་མོ་ཆོག་གོ་ཞེས་སྨྲས་ན་འོ་ན་ཅི་བཞེད་ཅེས་ཟེར་བ་དང་། བསྟབས་པ་ཡིན་པར་བརྗོད་པར་བྱའོ། །དེ་ན་གང་འདོད་པ་དེ་བསླང་བར་བྱའོ། །སྦྱིན་བདག་གིས་ཅི་ལྟར་བདེ་བར་བྱས་པ་ཡིན་པས་ལྟུང་བ་མེད་
[223b]
[223b.1]དོ། །དེ་བཞིན་དུ་ཞོ་བྱིན་པ་ལས་སྙིགས་མའམ། དར་བ་སློང་བ་ཡང་ངོ་། །དེ་བཞིན་དུ་ལྷ་དང་ཀླུ་དང་། གནོད་སྦྱིན་ལ་སོགས་པའི་ཁྱིམ་དུ་ཡང་ངོ་། །བཅུ་པའོ།། །།བཅུ་པོ་ནི་ཁྱིམ་དང་། ལམ་དང་། བླངས་པ་དང་། ཡོངས་སུ་ལོངས་སྤྱོད་པ་དང་། བཙལ་བ་ལས་
[223b.2]རིག་པར་བྱའོ། །གཅིག་དང་། གཅིག་དང་དྲུག་པོ་རྣམས་དང་། གཅིག་དང་གོ་རིམས་བཞིན་དུའོ། །ཡོངས་སུ་ལོངས་སྤྱོད་པ་ནི་རྣམ་པ་དྲུག་སྟེ། སྤངས་ནས་ཡོངས་སུ་ལོངས་སྤྱོད་པ་དང་བསྟབས་པ་ལས་ཡོངས་སུ་ལོངས་སྤྱོད་པ་དང་། སོ་སོར་ཡོངས་སུ་ལོངས་སྤྱོད་པ་
[223b.3]དང་། དུས་མ་ཡིན་པར་ཡོངས་སུ་ལོངས་སྤྱོད་པ་དང་། སོག་འཇོག་ཡོངས་སུ་ལོངས་སྤྱོད་པ་དང་། བྱིན་ལེན་མ་བྱས་པར་ཡོངས་སུ་ལོངས་སྤྱོད་པའོ། །ཚོགས་བཞི་པའོ།། །།ཀཽ་ཤཱམྦཱིར་འདུན་པ་ལས་བརྩམས་ཏེ་ཆུ་ཡོངས་སུ་འཛིན་པའི་གཞིའི་དབང་དུ་མཛད་དེ། སྙིང་རྗེ་
[223b.4]མེད་པའི་ཉོན་མོངས་པ་ན་ཆུའི་ཚོགས་དང་པོར་བཅས་སོ། །ཡོངས་སུ་ལོངས་སྤྱོད་ན་ཞེས་བྱ་བ་ནི་ཡོངས་སུ་ལོངས་སྤྱོད་པ་རྣམ་པ་གཉིས་ཏེ་གང་ནང་གི་ལུས་དང་། ཕྱིའི་ལྷུང་བཟེད་བཀྲུ་བ་ལ་སོགས་པའོ། །འདི་སྐད་དུ་འདེབས་པའི་བསླབ་པའི་གཞི་ལས་ཁྱད་པར་དུ་བསྟན་
[223b.5]པར་འགྱུར་རོ། །དེར་ནི་ཁ་ལེན་བྱེད་པའི་དབང་དུ་བྱས་པ་ཡིན་གྱི་འདིར་ནི་ཡོངས་སུ་ལོངས་སྤྱོད་པའི་ཕྱིར་རོ་ཞེས་བྱ་བའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། ཆུ་ཡང་ཡོངས་སུ་ལོངས་སྤྱད་པར་མངོན་སུམ་དུ་གྱུར། དགེ་སློང་ཡང་འདོད་ཆགས་དང་། ཞེ་སྡང་དང་། གཏི་མུག་
[223b.6]དང་། དྲན་པ་ཉམས་པའམ། གང་ཅིས་ཀྱང་རུང་སྟེ། ལྟུང་བ་འབྱུང་བར་འགྱུར་བས་ཀུན་ནས་དཀྲིས་པར་འགྱུར་བ་དང་ད་ལྟར་བྱུང་བ་ལ་ངལ་བའམ། ཚ་བ་ལ་སོགས་པའི་རྐྱེན་གྱིས་ཀྱང་རུང་སྟེ། ཆུ་ལ་སྲེད་པར་འགྱུར་བ་དང་། ཆུ་དེ་ཡང་མང་པོ་ཞིག་གིས་རྙོགས་
[223b.7]པར་འགྱུར་བའམ། ཅུང་ཞིག་རྙོགས་པའང་རུང་སྲོག་ཆགས་དང་བཅས་སམ། སྲོག་ཆགས་མེད་ཀྱང་རུང་བརྟགས་སམ་མ་བརྟགས་ཀྱང་རུང་སྟེ། དགེ་སློང་ཡང་འདི་སྲོག་ཆགས་དང་བཅས་པའོ་སྙམ་དུ་རྟོགས་ལ་དེ་སྤྱོད་པ་ལ་ཡང་ངོ་ཚ་བཏང་བས་གང་གིས་འབྱུང་
[224a]
[224a.1]བས་འགྱུར་བ་ཡང་མི་ཚོལ་ཞིང་གཉེན་པོ་ཡང་མི་འཛིན་ལ། བུམ་པ་ལ་སོགས་པར་འཁུར་བ་གང་འཐུངས་ཀྱང་ལྟུང་བྱེད་དོ། །ཁ་ཅིག་ན་རེ་ཅི་སྲིད་ཅི་ལྟར་བླངས་ཏེ་ཐམས་ཅད་འཐུངས་པ་ལས་ལྟུང་བྱེད་གཅིག་ཉིད་དུ་འགྱུར་རོ་ཞེས་ཀྱང་ཟེར་རོ། །སེམས་
[224a.2]བསྐྱེད་པ་ནི་ཉེས་བྱས་ཏེ་བསྡམ་པར་བྱའོ། །སྦྱོར་བ་ཡོངས་སུ་མ་རྫོགས་པའི་བར་དུ་ཉེས་བྱས་ཏེ་བཤགས་པར་བྱ་བ་ཡིན་ནོ། །དེ་བཞིན་དུ་ལྟུང་བྱེད་ཐམས་ཅད་ལ་ཡང་བརྗོད་པར་བྱའོ། །དྲན་པ་ཉམས་པར་མཐར་ཕྱིན་ན་ཡང་ཉེས་བྱས་སོ། །སྲོག་ཆགས་དང་བཅས་པ་ལ་སྲོག་
[224a.3]ཆགས་དང་བཅས་པར་འདུ་ཤེས་རྣམ་པ་དྲུག་སྟེ། ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་སོ། །ཁ་ཅིག་ན་རེ་སྲོག་ཆགས་མེད་པ་ལ་ཡང་སྲོག་ཆགས་དང་བཅས་པར་འདུ་ཤེས་ན་ལྟུང་བྱེད་དོ་ཞེས་ཀྱང་ཟེར་རོ། །འདི་སྐད་དུ་ཡང་དུད་འགྲོའི་སྐྱེ་
[224a.4]གནས་སུ་གྱུར་པ་གསོད་པའི་བསླབ་པའི་གཞི་དེ་ལས་ཁྱད་པར་དུ་བསྟན་པར་འགྱུར་རོ། །དེ་བཞིན་དུ་འོག་ནས་འབྱུང་བ་རྣམས་ཀྱིས་བསླབ་པའི་གཞི་རྣམས་བརྗོད་པའི་ཚོགས་དྲུག་པོ་རྣམས་ཡོངས་སུ་རྫོགས་པའི་བར་དུ་འདི་ལྟར་དངོས་པོ་དེ་མེད་ཀྱང་དེར་འདུ་ཤེས་སམ་
[224a.5]གཞན་ལ་ཡང་རུང་སྟེ། ལྟུང་བར་བལྟ་བར་བྱའོ། །དེ་ལས་ལྟ་བ་དང་རབ་ཏུ་ལྡན་པ་ནི་མ་གཏོགས་སོ། །སྲོག་ཆགས་དང་བཅས་ན་ཞག་བདུན་པའམ། འབྲས་བུ་རྣམས་སམ། བཟའ་བ་རྣམས་སམ། ཐུན་ཚོད་དུ་རུང་བའམ། དེ་ལས་གཞན་ཡང་རུང་སྟེ།
[224a.6]ཅུང་ཟད་ཅིག་ཟོས་སམ་འཐུངས་ན་ལྟུང་བྱེད་དོ། །དེ་ལ་ཀུན་དུ་སྤྱོད་པ་ནི་མིག་ལྔ་མ་གཏོགས་ཏེ། གཞན་གྱིས་ནི་ཆུ་བརྟག་པར་བྱའོ། །ལྔ་པོ་དག་གང་ཞེ་ན། ལིང་ཏོག་ལ་སོགས་པས་ཁེབས་པ་དང་། མིག་ནད་དང་ལྡན་པ་དང་། འཁྲུལ་པ་དང་། སྨྱོས་པ་ལ་
[224a.7]སོགས་པ་དང་། རྒས་པ་ལོ་བརྒྱད་ཅུ་བ་དང་། ལྷའི་མིག་སྟེ། ཐ་སྙད་དུ་བྱ་བ་མ་ཡིན་པའི་ཕྱིར་རོ། །ཇི་སྲིད་བ་ལང་དྲུག་དང་ལྡན་པའི་ཤིང་རྟ་སྨྱིག་མའི་ཤར་བས་བཀང་བ་གཡངས་ཀྱིས་འཁོར་བའི་བར་དུ་དེ་སྲིད་བརྟག་པར་བྱ་བའམ། ཇི་སྲིད་སེམས་དག་པར་
[224b]
[224b.1]གྱུར་པ་དེ་སྲིད་དུ་བརྟགས་ནས་ཡོངས་སུ་ལོངས་སྤྱད་བར་བྱའོ། །ཇི་སྲིད་ཉི་མ་མ་ཤར་བའི་གོང་དུ་མ་རྙེད་པ་དང་མ་བཙགས་ཀྱང་བརྟགས་ན་ནི་བཏུང་དུ་རུང་གི་མ་བརྟགས་ན་བཙགས་ཀྱང་མི་རུང་ངོ་། །ཆུ་ཚགས་ལ་རྣམ་པ་ལྔ་སྟེ། ཆུ་ཚགས་གྲུ་གསུམ་དང་། རིལ་པ་
[224b.2]ཞབས་ཚགས་ཅན་དང་། རིལ་ཚགས་དང་། བུམ་ཚགས་གཅེའུ་ཅན་དང་། ཆོས་གོས་ཀྱི་གྲྭ་སྟེ། བསལ་ཚགས་ཞེས་བྱ་བ་ནི་མིང་གི་རྣམ་གྲངས་སོ། །ཆུ་ཚགས་མེད་ཀྱི་བར་དུ་གྲོང་གཞན་དང་། གཙུག་ལག་ཁང་གཞན་དུ་འགྲོ་བར་མི་བྱ་སྟེ། རྒྱང་གྲགས་གསུམ་
[224b.3]གྱི་བར་དུ་ནི་ལྟུང་བ་མེད་དོ། །གལ་ཏེ་དེར་སོང་ན་ཡང་དེས་བྲེལ་བར་མི་འགྱུར་རམ། གཙུག་ལག་ཁང་ན་ཆུ་རུང་བ་དང་ལྡན་ནམ། འབབ་ཆུ་རུང་བ་ཞིག་ཡིན་ནམ། ཁྲོན་པའི་ཆུ་གཞན་དང་མ་འདྲེས་པ་ཞིག་ཡིན་ནའོ། །ཆུ་ཚགས་གཅིག་གིས་ཀྱང་ཅི་སྲིད་དགེ་འདུན་གྱི་བར་
[224b.4]དུ་ཡང་འགྲོ་བར་བྱའོ། །གལ་ཏེ་འགྲོ་བ་ཕོངས་པར་མི་འགྱུར་ནའོ། །ཆུ་ཚགས་མེད་པར་འགྲོ་ལ་གཉིས་པ་ལ་ཆུ་ཚགས་ཡོད་ལ། ཁྱོད་ལ་ཆུ་ཚགས་ཡོད་དམ། ང་ལའང་ཆུ་ཚགས་སུ་སྦྱིན་ནམ། གལ་ཏེ་སླར་ལོག་གམ་གཞན་དུ་འགྲོ་ན་དེ་ནས་ཐམས་ཅད་ཀྱི་ཐམས་
[224b.5]ཅད་དུ་ཞེས་མི་འདྲི་ན་འགལ་ཚབས་ཅན་དུ་འགྱུར་རོ། །འབབ་ཆུ་དྲག་པོ་ཞིག་ཡིན་ལ་གལ་ཏེ་བར་དུ་ཆུ་གཞན་དང་མ་འདྲེས་ན་རྒྱང་གྲགས་ལྔའི་བར་དུ་ཆུ་ཚགས་མེད་པར་འགྲོ་བར་བྱའོ། །ཆུ་མི་དྲག་པ་ཞིག་ཡིན་ན་ནི་རྒྱང་གྲགས་གསུམ་གྱི་བར་དུའོ། །ཆུ་དྲག་པོ་ལས་བརྟགས་ཏེ་ཆུ་རྒྱུན་
[224b.6]བཞིན་འགྲོ་ལ་གལ་ཏེ་ཆུ་གཞན་དང་འདྲེ་བ་མེད་ན་རྒྱང་གྲགས་རྗེས་སུ་བཏུང་བར་བྱའོ། །རྒྱུན་ལས་བཟློག་ཕྱོགས་སུ་འགོ་ན་འཇུག་ངོགས་སུ་འདོམ་གང་འཁོར་ཡུག་གོ། །ཆུ་མི་དྲག་ལ་ཆུ་གཞན་དང་འདྲེ་བ་མེད་ན་འཇུག་ངོགས་གར་ཕྱིན་ཕྱིན་དུ་བརྟག་པར་བྱའོ། །ཆུ་རུང་བ་རྣམ་པ་
[224b.7]ལྔ་སྟེ། དགེ་འདུན་གྱིས་རུང་བ་དང་། གང་ཟག་གིས་རུང་བ་དང་། ཆུ་ཚགས་ཀྱིས་རུང་བ་དང་། བཀོད་མས་རུང་བ་དང་། ཁྲོན་པས་རུང་བའོ། །གལ་ཏེ་དེ་དག་ལ་ཡིད་ཆེས་སམ། མ་བརྟགས་ཀྱང་རུང་བཏུང་བར་བྱའོ། །དེ་ལ་བརྟགས་ནས་ཇི་སྲིད་ཉི་མ་ཤར་བ་
[225a]
[225a.1]ཚུན་ཆད་ཀྱི་བར་དེ་སྲིད་དུ་ཡོངས་སུ་ལོངས་སྤྱད་པར་བྱའོ། །ཆུ་བླང་བའི་རིམ་པ་ནི་ལག་པས་འཛིན་ན་ནི་ངལ་བར་འགྱུར་བའི་ཕྱིར་ཤིང་བུ་གསུམ་པ་རྗེས་སུ་གནང་ངོ་། །གལ་ཏེ་ཆུ་ཚགས་ཀྱི་ནང་དུ་ཆུ་མི་ཆགས་ན་གཅལ་ཕྱི་མའམ། བ་ལང་གི་ལྕི་བའི་
[225a.2]ཕྱི་མ་དག་བླུག་པར་བྱའོ། །ཆུ་བཙགས་པའི་རྟེན་རྣམ་པ་གཉིས་ཏེ། ཟངས་ཀྱི་རང་བཞིན་ནམ། སའི་རང་བཞིན་ལས་བྱས་པ་ལས་བུ་ག་ཕུག་སྟེ། ལྕགས་ཀྱི་ལུ་གུ་རྒྱུད་དམ། སྲད་བུས་ཤིང་ལ་གདགས་པར་བྱའོ། །བུམ་པ་གང་བ་ལ་བརྟག་པར་བྱའི་མ་གང་བ་ལ་ནི་མ་
[225a.3]ཡིན་ནོ། །རྡུལ་མེད་པར་བྱའོ། །སྲོག་ཆགས་ལ་ཐུར་མ་ཕྲ་མོས་ཉེ་བར་བསྟན་པར་བྱའི་སོར་མོས་ནི་མ་ཡིན་ནོ། །ཁྲོན་པར་ཆུ་ཚགས་དྲག་ཏུ་བོར་ན་སྲོག་ཆགས་དག་སྣང་བར་གྱུར་པས་མི་དྲག་པར་བྱ་མོད་ཀྱི་འོན་ཀྱང་བསལ་ཚགས་ཀྱི་བུམ་པ་བྱ་སྟེ། གང་བཞིན་དུ་
[225a.4]གཞུག་ལ་སླར་སྟོང་པར་དབྱུང་བར་བྱའོ། །ཆུ་ཚགས་སྦྱར་བར་བྱ། བསྐམ་པར་བྱའོ། བསྐམ་པར་བྱའོ། །དགེར་འདུན་གྱིས་ནི་བུམ་ཚགས་གཅེའུ་ཅན་གྱིས་བླང་བར་བྱའོ། །ཆུ་གཞག་པའི་ཕྱིར་ལྷོ་ནུབ་མཚམས་ཀྱི་ཕྱོགས་སུ་ཆུའི་ཁང་པ་བྱའོ། །དེ་ཡང་བུམ་པ་རྣམས་ཤིང་གི་ཁྲིའུ་དག་
[225a.5]གམ། ཡང་ན་སོ་ཕག་གི་སྟེགས་བུ་ལ་གཞག་གོ། །བུམ་པ་དུས་དུས་སུ་བལ་བ་ཛའི་ཁྲུད་ཤིང་ངམ། པུ་ཤེལ་ཙིའི་ཁྲུ་ད་ཤིང་གིས་སྦྱང་བར་བྱའོ། །གལ་ཏེ་ཉོན་མོངས་ན་ཁས་བུ་བ་ལ་གྲིབ་མ་ལ་བསྐམ་མོ། །ལག་པ་མ་བཀྲུས་པར་བུམ་པ་ལ་རེག་པར་མི་བྱའོ། །གལ་
[225a.6]ཏེ་ཡང་དང་ཡང་དུ་དགོས་ན་ཤིང་ལེབ་བམ། ལོ་མས་ཁ་དགབ་པ་དབྱེ་བར་བྱའོ། །ཆོས་གོས་རུང་བས་ཆུ་བྲིམ་པར་བྱ་སྟེ། གནས་པར་བྱེད་པ་རྣམས་ཀྱིས་ཆུ་བླང་ངོ་། །དེ་ལྟ་བུའི་ཕྱིར་རྫ་མཁན་གྱི་སྣོད་སྤྱད་རྣམས་རྗེས་སུ་གནང་སྟེ། སྣོད་སྤྱད་སྦེད་པ་ཡང་བསྐོ་བར་བྱའོ། །དེས་
[225a.7]ཁྱིམ་པ་རྣམས་རྙེད་ན་རྙིང་པ་ལས་བྱིན་ལ་སླར་བླང་བར་བྱའོ། །དགེ་སློང་རྣམས་ལ་ནི་སར་པ་ལས་སྦྱིན་པར་བྱ་སྟེ། ཕྱིར་བླང་བར་ནི་མི་བྱའོ། །དེའི་ཕྱིར་གནས་ཁང་ཡང་སྦྱིན་པར་བྱའོ། །ཟངས་ཀྱི་སྣོད་སྤྱད་ཉུང་ན་དེའི་ཕྱོགས་གཅིག་ཏུ་གཞག་པར་བྱའོ། །གལ་ཏེ་མང་ན་
[225b]
[225b.1]གནས་ཁང་ཐ་དད་པར་སྦྱིན་པར་བྱའོ། །དང་པོའོ།། །།མཉན་ཡོད་ན་སྟེ། འཆར་ཀས་ཚོང་པ་མི་ཚངས་པར་སྤྱོད་པར་བྱ་བར་བསམས་པ་ལས་ཕོངས་པར་བྱ་བའི་ཕྱིར། དེའི་བུད་མེད་ལ་ཆོས་འཆད་ཅིང་འདུག་པས་ན་ཁྱིམ་དུ་ཉེ་བར་འགྲོ་བའི་གཞིའི་དབང་དུ་མཛད་དེ། འཁྲིག་པའི་
[225b.2]ཉོན་མོངས་པས་ན་གཉིས་པ་བཅས་སོ། །ཤེས་བཞིན་དུ་ཞེས་བྱ་བ་ནི་འཁྲིག་པ་བྱེད་འདོད་པར་ཤེས་པའོ། །ཉལ་པོ་བྱེད་པ་ཞེས་བྱ་བ་ནི་བུད་མེད་ནི་སྐྱེས་པས་ཡོངས་སུ་ལོངས་སྤྱད་པར་བྱ་བ་ཡིན་ལ་སྐྱེས་པ་ནི་བུད་མེད་ཀྱིས་སོ། །གང་ལ་འཁྲིག་པས་ཡོངས་སུ་ལོངས་སྤྱོད་པ་
[225b.3]དེ་ལ་ཉལ་པོ་བྱེད་པ་ཞེས་བྱའོ། །ཕྱིས་གནོན་ཞེས་བྱ་བ་ནི་གློ་བུར་དུ་སྟོབས་ཀྱིས་སོ། །དེ་ལ་ལྟུང་བ་ཅི་ལྟར་འགྱུར་ཞེ་ན། བུད་མེད་དང་སྐྱེས་པ་འཁྲིག་པ་སྤྱོད་པའི་ཕྱིར་མངོན་སུམ་དུ་གྱུར་པ་དང་། དགེ་སློང་ཡང་ཁྱིམ་དུ་ཉེ་བར་སོང་སྟེ། དེ་ལ་ཡང་ཁྱིམ་དུ་ཉོན་མོངས་པ་གཞན་
[225b.4]གྱིས་དྲན་པ་ཉམས་པར་འགྱུར་ཏེ། འཁྲིག་པ་ལ་ལྟ་བའི་འདོད་ཆགས་ཀྱིས་ཀུན་ནས་དཀྲིས་པར་གྱུར་པ་དང་། དེ་གཉིས་ཀྱང་འཁྲིག་པ་སྤྱད་པར་བྱེད་ཀྱང་རུང་མི་བྱེད་ཀྱང་རུང་བྱེད་དུ་འདོད་དམ་མི་འདོད་ཀྱང་རུང་དགེ་སློང་གིས་འདི་གཉིས་འཁྲིག་པ་སྤྱོད་པར་བྱེད་པར་ཤེས་ཏེ། དེ་ལྟ་བ་ལ་ངོ་
[225b.5]ཚ་སྤངས་ཏེ་སྟན་ལ་སྐད་ཅིག་འདུག་ཀྱང་ལྟུང་བྱེད་དོ། །ཉལ་པོ་བྱེད་པ་ལ་ཉལ་པོ་བྱེད་པར་འདུ་ཤེས་པ་རྣམ་པ་དྲུག་ཏུ་སྟེ། ལྟུང་བྱེད་གཉིས་དང་། ཉེས་བྱས་གཉིས་དང་ལྟུང་བ་མེད་པ་གཉིས་སོ། ལྷའི་བུ་མོ་དང་། མ་ནིང་མོ་ལ་སོགས་པ་རྣམས་ལ་ནི་ཉེས་བྱས་སོ། །གཉིས་པའོ།། །།
[225b.6]མཉན་ཡོད་ན་སྟེ། འཆར་ཀས་སྔ་མ་བཞིན་དུའོ། །སྔར་སྒོ་འཕར་གྱི་རྒྱབ་ཏུ་དེ་བཞིན་དུ་རང་བཞིན་ཉམས་པ་གཉིས་བལྟའོ་སྙམ་ནས་གབ་སྟེ་འདུག་པས་ན་ཁྱིམ་དུ་ཉེ་བར་འགྲོ་བའི་གཞིའི་དབང་དུ་མཛད་དེ། འཁྲིག་པའི་ཉོན་མོངས་པས་ན་གསུམ་པ་བཅས་སོ། །དབེན་པར་ཞེས་བྱ་
[225b.7]བ་ནི་གང་དག་དེ་དང་དེ་སྟེ། གཞན་སུ་ཡང་མེད་པའོ། །དེ་ལ་ཡང་ལྟུང་བ་སྔ་མ་བཞིན་ཏེ། སྔ་མ་ལ་ནི་སྐྱབས་ཡོད་ཀྱང་རུང་མེད་ཀྱང་རུང་། དབེན་ཡང་རུང་མི་དབེན་ཡང་རུང་གི་དེ་སྟན་ལ་འདུག་པའོ། །འདིར་ནི་འགྲེང་བ་ཙམ་ལ་བྱ་སྟེ། སྐད་ཅིག་གཅིག་ལ་ཁྱེའདུག་ཀྱང་ལྟུང་བྱེད་དོ། །
[226a]
[226a.1]འཇིགས་པས་འགྲེང་བ་ལ་ལྟུང་བ་མེད་དེ། སྔ་མ་ལ་ཡང་དེ་བཞིན་དུ་བརྗོད་པར་བྱའོ། །གསུམ་པའོ།། །།མཉན་ཡོད་ན་སྟེ། འཕགས་པ་ཀུན་དགའ་བོས་གཅེར་བུ་མ་གཉིས་ལམ་བསམས་པར་རྒན་མོ་ལ་ནི་ཁུར་བ་གཅིག་བྱིན། གཉིས་པ་ལ་
[226a.2]གཞོན་ནུ་མ་ལ་ནི་གཉིས་བྱིན་པ་དང་། དེས་དེ་ལ་ཁྱོད་ལ་འདིས་དོན་དུ་གཉེར་གྱིས་སྟ་གོན་གྱིས་ཤིག་ཅེས་བསྒོ་བས་ན་མུ་སྟེགས་ཅན་གྱི་གཞིའི་དབང་དུ་མཛད་དེ་མ་དད་པ་ལ་སོགས་པ་དང་། རྐྱེན་ལ་ལྟོས་པའི་ཉོན་མོངས་པ་དག་གིས་བཞི་པ་བཅས་སོ། །དེ་དག་དང་བསྟེན་པས་
[226a.3]དེ་དག་དེའི་རང་བཞིན་དུ་འགྱུར་རོ། །གཅེར་བུ་པ་ཞེས་བྱ་བ་ནི་བདག་གོས་མེད་པའོ། །ཀུན་དུ་རྒྱུ་བ་ཞེས་བྱ་བ་ནི་གཅེར་བུ་པ་མ་གཏོགས་པའི་མུ་སྟེགས་ཅན་ཐམས་ཅད་དོ། །འམ་ཞེས་བྱ་བའི་སྒྲ་ནི་རྣམ་པ་ཞེས་བྱ་བའི་ཐ་ཚིག་གོ། །རང་གི་ལག་ནས་ཞེས་བྱ་བ་ནི་ལུས་ཀྱིས་སོ། །
[226a.4]སྦྱིན་ཞེས་བྱ་བ་ནི་བྱིན་པའོ། །དེ་ལྟུང་བ་ཇི་ལྟར་འགྱུར་ཞེ་ན། གཅེར་བུ་པ་དང་། ཀུན་དུ་རྒྱུའི་ཆ་ལུགས་བཞིན་བྱས་པའི་སྐྱེས་པ་འམ། བུད་མེད་ཀྱང་རུང་སྟེ། ལེན་པ་སོ་སོར་ཉེ་བར་གནས་པར་གྱུར་པ་དང་། དགེ་སློང་ཡང་སྦྱིན་པར་བྱེད་པ་སྟེ། དེ་གཅེར་བུ་པ་ཡིན་
[226a.5]ཡང་རུང་མ་ཡིན་ཡང་རུང་ལ་དགེ་སློང་ནི་དེར་འདུ་ཤེས་པར་གྱུར་ཏེ། བདག་གིས་ལ་གནས་སྦྱིན་ཞིང་ངོ་ཚ་བ་སྤངས་ལ་བཅའ་བ་དང་། བཟའ་བ་ཡང་བླངས་ནས་སྦྱིན་ཞིང་གཞག་སྟེ། སྣོད་དམ་ལག་པས་ཀྱང་རུང་སྟེ། བཞག་མ་ཐག་ཏུ་ལྟུང་བྱེད་དོ། །དེ་ཚུན་ཆད་རྣམ་པ་
[226a.6]གཉིས་ནི་ཉེས་བྱས་སོ། །དེ་དག་ལྟར་བྱས་པ་ལ་དེར་འདུ་ཤེས་པ་རྣམ་པ་དྲུག་སྟེ། ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་སོ། །སོག་འཇོག་བྱས་པ་བྱིན་ནམ། ས་ལ་ཉེ་བར་བཞག་གམ། བགོས་ཏེ་ཟོས་ན་ཉེས་བྱས་སོ། །ཉེ་དུའམ་ནད་པ་ཡིན་
[226a.7]ནམ། དེ་ལྟ་བས་ན་ལྟ་བ་དང་དབྲལ་བར་འདོད་དམ། ལས་བྱས་པའམ། རབ་ཏུ་འབྱུང་བར་འདོད་པ་ཞིག་ལ་བྱིན་ན་ལྟུང་བ་མེད་དོ། །རྣམ་པ་གཞན་དུ་ན་གང་ཟག་སྦྱིན་དུ་བཅུག་ན་ཉེས་བྱས་སོ། །བཞི་པའོ།། །།མཉན་ཡོད་ན་སྟེ། དྲུག་སྡེ་རྣམས་གསལ་རྒྱལ་གྱི་དམག་འཐབ་
[226b]
[226b.1]མོ་ལ་ཆས་པ་རྣམས་ལ་ལྟ་ཞིང་དཔྱས་འདོགས་པ་ན་དམག་གི་གཞིའི་དབང་དུ་མཛད་དེ་ཉེ་བར་མ་ཞི་བའི་ཉོན་མོངས་པའི་ཕྱིར་ལྔ་པ་བཅས་སོ། །ཆས་ཞེས་བྱ་བ་ནི་གཡུལ་ལ་མངོན་པར་དགའ་བའོ། །དམག་ཅེས་བྱ་བ་ནི་ཡན་ལག་བཞི་པའི་ནང་ནས་གང་ཡང་རུང་བ་སྟེ། གླང་
[226b.2]པོ་ཆེའི་ཚོགས་དང་། རྟ་པའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་སོ། །དེ་ལ་ལྟུང་བ་ཅི་ལྟར་འགྱུར་ཞེ་ན་གཙུག་ལག་གི་ཉེན་འཁོར་ལ་ཕར་སྐྱེ་བོ་མང་པོའི་ཚོགས་འཐབ་པའི་ཕྱིར་ཉེ་བར་གྱུར་པ་དང་། དགེ་སློང་ཡང་ལྟ་འདོད་པར་གྱུར་ཏེ། དྲན་པ་
[226b.3]ཉམས་པ་ལྟ་བ་ལ་ཆགས་པས་ཀུན་ནས་དཀྲིས་པ་དང་། དམག་དེ་དག་ཀྱང་འཐབ་མོ་ལ་ཆས་པར་གྱུར་ཏམ། མ་ཆས་ཀྱང་རུང་། དགེ་སློང་གིས་འཐབ་པར་ཤེས་པ་ནས་སྔ་མ་བཞིན་ཏེ། ཇི་སྲིད་སོང་ནས་དམག་མཐོང་མ་ཐག་ཏུ་ལྟུང་བྱེད་དོ། །སྦྱོར་བའི་ཉེས་བྱས་ལ་ནི་གྲངས་
[226b.4]མེད་དོ། །ལྷ་དང་། ལྷ་མ་ཡིན་དང་། ཀླུ་ལ་སོགས་པའི་དམག་ལ་ཉེས་བྱས་སོ། །ཐ་ན་བྱ་འུར་པ་འཐབ་པ་ལ་ལྟ་ནའང་ཉེས་བྱས་སོ། །ཆོམ་རྐུན་གྱི་དམག་ལ་ཉེས་དམིགས་བརྟག་པའི་ཕྱིར་ལྟ་ཞིང་སོང་བ་དང་། །བསོད་སྙོམས་ལ་ཞུགས་པའི་ཚེ་མཐོང་བ་དང་། ལམ་ན་གཙུག་
[226b.5]ལག་ཁང་ན་འདུག་པ་དང་། དམག་གཙུག་ལག་ཁང་དུ་ལྷགས་པ་དང་། རྒྱལ་པོ་དང་། བཙུན་མོ་དང་། གཞོན་ནུ་དང་། བློན་པོ་དང་། ཁྲོམ་གྱི་རུ་སྣ་དང་། ཞང་བློན་དང་། གྲོང་རྡལ་དང་། ཡུལ་གྱི་མིས་བོས་པ་དང་། །བར་ཆད་བརྒྱད་པོ་རྣམས་ཀྱིས་ཀྱང་རུང་སྟེ་ལྟུང་བ་
[226b.6]མེད་དོ། །ལྔ་པའོ།། །།མཉན་ཡོད་ན་སྟེ། གསལ་རྒྱལ་གྱིས་བོས་ཏེ། དམག་གི་སར་དོང་བ་ལས། དྲུག་སྡེ་རྣམས་དེ་བཞིན་དུ་འཕྱས་འདོགས་པས་ན་དམག་གི་གཞིའི་དབང་དུ་མཛད་དེ། ཉེ་བར་མ་ཞི་བའི་ཉོན་མོངས་པའི་ཕྱིར་དྲུག་པ་བཅས་སོ། །དེ་ལ་ལྟུང་བ་ཇི་ལྟར་འགྱུར་
[226b.7]ཞེ་ན། ལམ་རིང་པོའི་ཡུལ་དུ་དམག་འཐབ་མོ་ལ་ཆས་པར་གྱུར་པ་དང་། དགེ་སློང་ཡང་བོས་པར་གྱུར་ཏམ། ཆོས་གོས་ལ་སོགས་པ་རྙེད་པའི་དབང་གིས་ཀྱང་རུང་། ཕྲད་པར་ཆས་སམ། རྙེད་པ་ལ་ཆགས་པས་ཀུན་ནས་དཀྲིས་པར་གྱུར་པ་དང་། དམག་དེ་ཡང་བཤམས་པར་གྱུར་
[227a]
[227a.1]ཏམ། མ་བཤམས་ཀྱང་རུང་སྟེ། དགེ་སློང་གིས་ནི་དེར་བཤམས་པར་ཤེས་ན་ཅི་སྲིད་ཞག་གསུམ་པའི་སྐྱ་རེངས་ཤར་བའི་བར་དུ་འདུག་ན་ལྟུང་བྱེད་དོ། །སྦྱོར་བའི་ཉེས་བྱས་ལ་གྲངས་མེད་དོ། །རྒྱལ་པོའི་དབང་གིས་སམ། བར་ཆད་ཞིག་ཏུ་གྱུར་པ་ལ་ནི་ལྟུང་
[227a.2]བ་མེད་དོ། །དྲུག་པའོ།། །།མཉན་ཡོད་ན་སྟེ། དྲུག་སྡེ་རྣམས་སྔ་མ་བཞིན་ཏེ། དོང་ནས་གཡུལ་བཤམས་པ་དཀྲུགས་ཤིང་ཅི་ནས་ཀྱང་དེ་དག་འབྲོས་པར་འགྱུར་བར་འཇིགས་པར་བྱེད་པས་ན། དམག་གི་གཞིའི་དབང་དུ་མཛད་དེ་ཉེ་བར་མ་ཞི་བའི་ཉོན་མོངས་པས་
[227a.3]བདུན་པ་བཅས་སོ། །རྒྱལ་པོ་ལ་སོགས་པའི་བཀས་བོས་ན་འགྲོ་བར་བྱའོ་ཞེས་བྱ་བ་སྔ་མ་བཞིན་ནོ། །ལྟ་བར་ཡང་རྗེས་སུ་གནང་ངོ་། །འདིས་ནི་སླར་བཀག་པ་ཡིན་ཏེ། འདི་ནི་ཉེ་ལ་འདི་ནི་རྒྱང་རིང་བའི་ཕྱིར་རོ་ཞེས་བྱ་བ་ལ་སོགས་པ་ནི་ཁྱད་པར་རོ། །བཤམས་པ་ཞེས་བྱ་
[227a.4]བ་ནི་འཐབ་མོ་བྱེད་པར་བཤམས་པའོ། །རྒྱལ་མཚན་གྱི་མཆོག་གམ་ཞེས་བྱ་བ་ནི་ལྟ་བ་ཉམས་སུ་མྱོང་བར་བྱེད་ན་ཞེས་བྱ་བ་དང་འབྲེལ་ཏེ། ལྟ་བ་དང་མཐོང་བར་གྱུར་པའོ། །རྒྱལ་མཚན་ལ་རྣམ་པ་གསུམ་སྟེ། སེང་གེ་དང་། ཁྱུ་མཆོག་དང་། ཆུ་སྲིན་གྱི་རྒྱལ་མཚན་ནོ། །དེ་དག་
[227a.5]གི་གང་མདུན་དུ་འགྲོ་བའོ། །དཔུང་གི་མཆོག་ཅེས་བྱ་བ་ནི་དཔུང་རྣམ་པ་བཞི་པོའི་གང་ཐོག་མར་འགྲོའོ། །གཡུལ་བཤམས་པ་ཞེས་བྱ་བ་ནི་རྣམ་པ་བཞིར་བཤམས་པ་སྟེ། འབྲུའི་ཁ་ལྟ་བུ་དང་། ཤིང་རྟའི་དབྱིབས་ལྟ་བུ་དང་། ཟླ་གམ་གྱི་རྣམ་པ་ལྟ་བུ་དང་། ནམ་མཁའ་ལྡིང་གི་
[227a.6]འདབ་མ་ལྟ་བུའོ། །ལྟ་བ་ཉམས་སུ་མྱོང་བར་བྱེད་པ་ཞེས་བྱ་བ་ནི་དེ་དག་ལ་ལྟ་བའམ་བཤམས་པའོ། །དམག་ལ་ལྟ་བ་ཞེས་བྱ་བ་ནི་དམག་གི་རྣམ་པ་ཅི་སྐད་བསྟན་པ་ལས་ལྷག་པའི་དམག་ལ་ལྟ་བའོ། །དེ་ལ་ལྟུང་བ་ཅི་ལྟར་འགྱུར་ཞེ་ན། གླང་པོ་ཆེ་ལ་སོགས་པ་གོ་ཆ་བསྐོན་
[227a.7]པ་རྣམས་ནི་དཀྲུགས་ན་ལྟུང་བྱེད་དོ། །གོ་ཆ་མ་བསྐོན་པ་དཀྲུགས་ན་ཉེས་བྱས་སོ། །བཤམས་པར་སོང་བ་ལས་དམག་ལ་ལྟ་བའི་བར་དུ་སྟེ། ལྟ་བ་ཉམས་སུ་མྱོང་བར་བྱེད་ན་ལྟུང་བྱེད་དོ། །བར་ཆད་དུ་གྱུར་པ་ལ་ལྟུང་བ་མེད་དོ། །བདུན་པའོ།། །།མཉན་ཡོད་ན་སྟེ།
[227b]
[227b.1]འཆར་ཀས་བཅུ་བདུན་སྡེ་རྣམས་ལ་བསྒོ་བ་ཉན་དུ་མི་བཏུབ་ཅེས་བརྡེགས་པས་ན་གྲོགས་པོའི་གཞིའི་དབང་དུ་མཛད་དེ་མི་བཟོད་པའི་ཉོན་མོངས་པས་ན་བརྒྱད་པ་བཅས་སོ། །དགེ་སློང་གི་ཆ་ལུགས་ཀྱི་རྟགས་འཆང་ན་དགེ་སློང་ཡིན་ནམ། དགེ་སློང་མ་ཡིན་ཡང་རུང་སྟེ། དེར་འདུ་ཤེས་
[227b.2]སམ་ཡིད་གཉིས་ཟ་ན་ཡང་རུང་སྟེ། བརྡེག་པར་བསམས་ཀྱི་བསད་པར་མ་བསམས་ན། སོར་མོ་ལ་སོགས་པ་རྣམས་ཏེ། ཐ་ན་རྐང་པའི་སོར་མོའི་བར་དུའམ། སོ་ཕག་ལ་སོགས་པ་རྣམས་ཏེ། ཇི་སྲིད་ཡུངས་ཀར་གྱི་འབྲུའམ། མདའ་ལ་སོགས་པ་ནས་ལྕུག་མའི་ཕྲེའུའི་
[227b.3]བར་དུ་སྟེ། དེས་བརྡེགས་ན་ལྟུང་བྱེད་དོ། །ཇི་སྲིད་སོར་མོ་ནས་ཇི་སྲིད་ཡུངས་ཀར་གྱི་འབྲུའམ། ལྕུག་མ་ཕྲེའུས་ཀྱང་རུང་སྟེ། དེ་སྙེད་ཀྱིས་ལྟུང་བར་འགྱུར་རོ། །ཇི་སྲིད་ཡུངས་ཀར་ལ་སོགས་པ་ལུས་ལམ་ཕོག་ཀྱང་ཉེས་བྱས་དེ་སྙེད་དུ་འགྱུར་རོ། །གསད་པར་
[227b.4]བསམས་ན་ཉེས་བ་སྦོམ་པོར་འགྱུར་རོ། །དགེ་སློང་མ་ཡིན་པར་འདུ་ཤེས་སམ་ཡིད་གཉིས་ཟ་ན་ཡང་རུང་སྟེ། ཀ་བའམ་རྩིག་པའམ། གཞན་ནམ། གང་ལ་ཡང་རུང་སྟེ། ཉེ་བར་བསམས་ཤིང་མངོན་པར་བསམས་ནས་བསྣུམ་ན་ཉེས་བྱས་སོ། །མ་ཁྲོས་སམ།
[227b.5]མངོན་དུ་བྱེད་པའི་དོན་ཞིག་ཡོད་ན་ལྟུང་བ་མེད་དོ། །བརྒྱད་པའོ།། །།དགུ་པ་ཉིད་ཀྱང་དེ་བཞིན་དུ་རིག་པར་བྱ་སྟེ། ཁྱད་པར་དུ་ན་གཟས་པའོ། །བརྡེག་པར་བསམས་ནས་ལག་པ་ལ་སོགས་པ་བརྡེག་པ་ནི་གཟས་པ་ཡིན་ནོ། །གཟས་མ་ཐག་ཏུ་ལྟུང་བྱེད་དོ། །
[227b.6]བརྡེག་པ་གཅིག་གིས་མང་པོ་ལ་གཟས་པ་དགེ་སློང་གི་གྲངས་བཞིན་དུ་ལྟུང་བའོ། །དགེ་སློང་ཁྲོས་པ་ལ་མྱུར་དུ་བཟོད་པར་བྱ་མོད་ཀྱི་འོན་ཀྱང་ཁྲོས་མ་ཐག་པ་ལ་ནི་མ་ཡིན་ནོ། །དེས་ཀྱང་སེང་གེ་ལྟར་གྱ་ཚོམ་མི་བྱ་མོད་ཀྱི་འོན་ཀྱང་མཁས་ཤིང་ཤེས་པས་སོ། །ཁྲོས་པ་ལ་ཡང་རབ་
[227b.7]ཏུ་ཉེ་བར་ཐོབ་པ་ན་ཕྱག་བྱའོ། །དེས་ཀྱང་ཨ་རོག་གྱ་ཞེས་བརྗོད་པར་བྱའོ། །འཐབ་མོ་བྱེད་པ་གཉིས་ལ་བཤུགས་པར་བྱའོ། །གང་ཆེ་བཞི་དབྱེ་དགོས་པའི་ཁྱིམ་པ་འཐབ་མོ་བྱེད་པའི་དྲུང་ན་འདུག་པར་མི་བྱའོ། །ཇི་སྐད་བསྟན་པ་བཞིན་དུ་མ་བྱས་ན་ཉེས་བྱས་སོ། །དགུ་པའོ།། །།
[228a]
[228a.1]མཉན་ཡོད་ན་སྟེ། ཉེ་དགའ་ལ་དགེ་འདུན་ལྷག་མའི་བར་དུ་ལྟུང་བ་བྱུང་བ་དེ་ཆོས་ཀྱིས་མཐོང་བ་དང་དེས་དེ་ལ་ངས་ཁྱོད་ཀྱི་མཁན་པོའི་བཅབས་ན་ཁྱོད་ཀྱིས་ཀྱང་ངའི་ཚོབས་ཤིག་ཅེས་གསོལ་བ་བཏབ་ན་དེས་ཁས་ལེན་བྱེད་དུ་མ་བཏུབ་ནས་དགེ་སློང་རྣམས་ལ་
[228a.2]སྨྲས་པས་ན་ཉེ་དགའི་ཕྱིར་གྲོགས་ཀྱི་གཞིའི་དབང་དུ་མཛད་དེ་འཆབ་པའི་ཉོན་མོངས་པས་ནི་དགེ་འདུན་བཅུ་བ་བཅས་སོ། །ཤེས་བཞིན་དུ་ཞེས་བྱ་བ་ནི་རང་གིས་རིག་པར་གྱུར་པའམ། གཞན་ལས་ཐོས་པའོ། །དགེ་སློང་ཞེས་བྱ་བ་ནི་ཚུལ་ཁྲིམས་དང་ལྡན་པའམ། ཚུལ་ཁྲིམས་
[228a.3]འཆལ་པ་སྟེ། དགེ་སློང་གི་ཆ་ལུགས་ཀྱི་རྟགས་སུ་འདུག་པའོ། །གནས་ངན་ལེན་ཅེས་བྱ་བ་ནི་ཕམ་པར་གྱུར་བས་ཀུན་ནས་བསླང་བའམ། དགེ་འདུན་ལྷག་མས་ཀུན་ནས་བསླང་བར་བྱའོ། །འཆབ་ཅེས་བྱ་བ་ནི་བཅབས་པའོ། །དེ་ལ་ལྟུང་བ་ཅི་ལྟར་འགྱུར་ཞེ་ན། མཐོང་
[228a.4]བའམ། ཐོས་ཀྱང་རུང་སྟེ། བཅབ་པར་སེམས་བསྐྱེད་པ་ན་སྐྱ་རེངས་ཤར་ན་ལྟུང་བྱེད་དོ། །སྔར་ནི་ཉེས་བྱས་སོ། །ཁ་ཅིག་ནི་དྲིས་པའི་ཚེ་ཅང་མི་སྨྲ་ན་ལྟུང་བར་འགྱུར་རོ་ཞེས་ཟེར་རོ། །འཁྲིག་པ་དང་ལྡན་པའི་གནས་ངན་ལེན་ཏོ་ཞེས་མངོན་པར་བསམས་པའོ། །དེ་ལྟར་ན་
[228a.5]ལུས་ཀྱི་ལས་བྱས་པ་ཡིན་པར་བསྟན་ཏོ། །ཕམ་པར་འགྱུར་བ་དང་། དགེ་འདུན་ལྷག་མ་རྣམ་དག་ལ་ནི་ལྟུང་བྱེད་དོ། །ལྟུང་བྱེད་དང་། སོ་སོར་བཤགས་པ་ལ་ནི་ཉེས་བྱས་སོ། །ཉོན་མོངས་པའི་སེམས་སུམ་གྱུར་ན་མཐར་ཕྱིན་ཀྱང་བསྡམ་པར་བྱས་པའི་ཉེས་བྱས་སོ། །རང་བཞིན་
[228a.6]དུ་གནས་པའི་ནང་ན་གནས་པ་རྣམས་ལ་བརྗོད་པར་བྱའི། རང་བཞིན་དུ་མི་གནས་པ་ལ་བརྗོད་ན་བརྗོད་པ་མ་ཡིན་པར་བརྗོད་པར་བྱའོ། །ཚངས་པར་སྤྱོད་པ་ལ་མི་བདེ་བའམ་གནོད་པ་འབྱུང་ངམ། །སྲོག་གི་བར་ཆད་དུ་འགྱུར་རམ། དགེ་འདུན་གྱི་དབྱེན་དུ་འགྱུར་ན་ལྟུང་བ་མེད་
[228a.7]དོ། །བཅུ་པའོ།། །།ལྟུང་བ་འདི་བཅུ་ལ་ཉེ་བར་མཁོ་བ་དང་། བགེགས་སུ་ཉེ་བར་སྤྱོད་པ་དང་། ལྟ་བར་ཉེ་བར་སྤྱོད་པ་དང་། ཉེ་བར་མི་སྤྱོད་པའི་དངོས་པོ་ལ་སྤྱོད་པ་དང་། ཉེ་བར་སྤྱད་པའི་དངོས་པོ་ལ་ལོག་པར་སྒྲུབ་པར་བྱེད་པའོ། །དང་པོ་དང་གསུམ་པོ་རྣམས་དང་། ལྔ་
[228b]
[228b.1]པ་དང་། དྲུག་པ་དང་། བདུན་པ་དང་། ལྷག་མ་རྣམས་ཀྱང་གོ་རིམས་བཞིན་ཏེ། གྲོགས་པོ་རྣམས་ལ་ཡང་ཉེ་བར་སྤྱོད་པའོ། །ཚོགས་ལྔ་པའོ།། །།མཉན་ཡོད་ན་སྟེ། ཉེ་དགས་འཁོན་ཡོད་པའི་རྒྱུ་མཚན་དྲན་པས་དགེ་སློང་ཆོས་ཁྱིམ་དུ་ཁྲིད་དེ་ཟན་བཅད་པར་བྱས་པས་ན།
[228b.2]གྲོགས་ཀྱི་གཞིའི་དབང་དུ་མཛད་དེ་མི་བཟོད་པའི་ཉོན་མོངས་པས་ན་ཁྱིམ་དུ་ཉེ་བར་འགྲོ་བའི་ཚོགས་དང་པོར་བཅས་སོ། །ཁྱིམ་དག་ཏུ་ཞེས་བྱ་བ་ནི་བྲམ་ཟེ་དང་ཁྱིམ་བདག་གི་ཁྱིམ་དག་ཏུའོ། །ཀླན་ཀ་བཙལ་བར་འགྱུར་རོ་ཞེས་བྱ་བ་ནི་ཟན་གཅོད་པར་བྱེད་པའོ། །དེ་ལ་ལྟུང་བ་ཅི་ལྟར་
[228b.3]འགྱུར་ཞེ་ན། དགེ་སློང་གིས་དགེ་སློང་ལ་འཁྲུག་པར་བྱ་བར་འདོད་པར་གྱུར་པ་དང་། དྲེགས་པས་ཀུན་ནས་དཀྲིས་པའི་ཀུན་ནས་དཀྲིས་པར་གྱུར་པ་དང་། དགེ་སློང་དེ་ལའམ་དགེ་སློང་གཞན་དུ་ཡང་རུང་གལ་ཏེ་འདི་ཡིན་ནོ་ཞེས་རྟོགས་པ་དང་། དེ་ཡང་ངོ་ཚ་བ་སྤངས་ཏེ་
[228b.4]དེ་འཁྲུག་པར་བྱ་བའི་ཕྱིར་གང་ཁོ་བོ་གཅིག་པུ་ཁོ་ན་དེས་ཤེས་ཀྱང་ཟེར་ན་དོན་རྟོགས་མ་ཐག་ཏུ་ལྟུང་བྱེད་དོ། །གྲོགས་པོའི་ཟན་གཅོད་པར་བྱེད་ནའོ་ཞེས་བྱ་བ་ནི་རྣམ་པར་འབྱེད་པ་ལས་འབྱུང་སྟེ། དེ་ཡང་དོན་གྱིས་འགྱུང་བའི་དབང་གིས་དེ་སྐད་གསུངས་སོ། །བསླབ་པ་བྱིན་པ་དང་།
[228b.5]སྐད་བརྡ་མི་ཕྲད་པ་དང་། དེ་ལས་གཞན་པའི་དགེ་སྦྱོང་དང་བྲམ་ཟེ་དང་། དགེ་སློང་མའི་དབྱར་ཁང་ངམ། མུ་སྟེགས་ཀྱི་ཁྱིམ་མམ་ལྷ་ཁང་ངམ། དེ་ལྟ་བུར་ཟན་གཅོད་ན་ཉེས་བྱས་སོ། །ནད་པའམ། སྨན་པས་ཐབས་བསྟན་པ་ལས་རང་གཅོད་པ་ནི་ལྟུང་བ་མེད་དོ། །དང་པོའོ།། །།
[228b.6]རྒྱལ་པོའི་ཁབ་ཏུ་སྟེ། ཤིང་ལྗོན་པ་ལ་མེ་བཏང་བས་དེ་ལ་དུ་བས་འཁྲུགས་པར་བྱས་པ་དང་། སྦྲུལ་གདུག་པས་ལྟུང་སྟེ། དེ་ལ་ཡང་སེང་གེ་ལ་རེག་པ་ནི་འགལ་ཚབས་ཅན་དུ་འགྱུར་རོ་ཞེས་གསུངས་པ་ཡིན་ནོ། །དྲུག་སྡེ་དག་ཀྱང་གཞན་ལ་གཏོང་བས་རྩེ་བར་བྱེད་ཅིང་མེའི་གཞིའི་དབང་དུ་མཛད་དེ། །ཉེ་བར་མ་ཞི་
[228b.7]བའི་ཉོན་མོངས་པས་གཉིས་པ་བཅས་སོ། །བདག་ཉིད་ཀྱི་ཕྱིར་ཞེས་བྱ་བ་ནི་བདག་ཉིད་ལ་བརྟེན་ནས་སོ། །མི་ན་བར་ཞེས་བྱ་བ་ནི་ན་བ་ལ་དུས་སོ་ཞེས་མ་བྱས་ཀྱང་རུང་བའོ། །མེ་ཞེས་བྱ་བ་ནི་མེའོ། །རེག་ཅེས་བྱ་བ་ནི་རེག་པར་བྱེད་པ་སྟེ། སྦོར་བ་དང་། སྡུད་པ་ལ་སོགས་པའོ། །རེག་ཏུ་བཅུག་ཅེས་བྱ་བ་ནི་གཞན་
[229a]
[229a.1]ལའོ། །གཞན་ལ་གཏོང་བས་རྩེ་བར་བྱེད་ཅིང་ཟླ་བ་ལྟ་བུར་བྱེད་པ་དང་། མགལ་མེའི་འཁོར་ལོ་བསྐོར་བ་དང་། དུས་བྱིན་གྱིས་མ་བརླབས་པར་མེ་སྦོར་རམ། གསོད་དམ། དྲན་པ་ཉམས་པས་སམ། དྲེགས་པས་སམ། རླུང་གཡབ་ཀྱིས་གཡོབ་བམ། བུད་
[229a.2]ཤིང་འཛུད་དམ། བུད་ཤིང་སྐུལ་བར་བྱེད་ཀྱང་རུང་སྟེ། བྱས་མ་ཐག་ཏུ་ལྟུང་བྱེད་དོ། །སྐད་མི་ཤེས་སམ། སྤྲིང་ཡིག་ལ་སོགས་པ་རྣམས་ཀྱིས་སམ། ལུས་ཀྱི་རྣམ་པར་ཤེས་པས་ཀྱང་འབུད་དུ་བཅུག་ན་ཉེས་བྱས་སོ། །མགལ་དུམ་བརྩིགས་སམ། མ་དག་མ་བྲུས་སམ། མེ་མ་
[229a.3]མུར་གློངས་སམ། བྲུས་སམ། མེ་མ་མུར་དུ་དུས་བརྗོད་པ་མེད་པར་ཁུར་བ་བསྲེགས་སམ། སྐྲ་དང་། སྤུ་དང་། སེན་མོ་དང་། རུས་པ་དང་། མཆིལ་མ་དང་། འབྲུ་མར་དང་། མར་དང་། མོན་སྲན་སྡེའུ་དང་། བལ་སྲན་གྲེའུ་ལ་སོགས་པ་བླུགས་ན་ཉེས་བྱས་སོ། །དུས་བྱིན་གྱིས་
[229a.4]བརླབས་པ་ལ། དཀོན་མཆོག་གསུམ་དང་། སློབ་དཔོན་དང་། མཁན་པོ་དང་། ཚངས་པ་མཚུངས་པར་སྤྱོད་པ་གཞན་དག་གི་ཕྱིར་ཡང་རུང་སྟེ། བྱེད་པ་ལ་ལྟུང་བ་མེད་དོ། །དེ་ལྟར་བདག་ཉིད་ཀྱི་ཕྱིར་བྱེད་དམ། ཁུར་བ་ལ་སོགས་པ་འཚེད་དམ། གཙོ་བླག་དང་། ལྷུང་བཟེད་ཀྱི་ལས་ཤིག་བྱེད་
[229a.5]ན་ཡང་དུས་རིང་པོར་བྱིན་གྱིས་བརླབ་པར་བྱའོ། །དེ་ལ་བར་དུ་དྲན་པ་བརྗེད་ཅིང་རེག་ཀྱང་ཉེས་པ་ཡོད་པ་མ་ཡིན་ནོ། །ཁ་ཅིག་ནི་མེ་ཡང་རུང་མེ་མ་ཡིན་པ་ཡང་རུང་མེར་འདུ་ཤེས་ན་འདིར་ལྟུང་བ་ཉིད་དོ་ཞེས་ཀྱང་ཟེར་རོ། །ཀུན་ནས་ནགས་ལ་མེ་བཏང་ན་ཕམ་པར་འགྱུར་བའི་འཁོར་གྱི་སྦོམ་པོའོ། །
[229a.6]བརྡུངས་པ་ལ་མེ་བུད་པར་མི་བྱ་མོད་ཀྱི། འོན་ཀྱང་འོག་གཞིར་སོ་ཕག་གཤིབ་པར་བྱའོ། །ཁྱམས་སུ་ཡང་མེ་བུད་པར་མི་བྱའི་དང་རར་བུས་ལ་དུད་པ་མེད་པར་བྱས་ཏེ། ནང་དུ་གཞུག་གོ། །ལས་གསར་པ་ལ་ཉེ་བར་ལོངས་སྤྱོད་པའི་ཤིང་བུས་ན་ཉེས་བྱས་སོ། །མེ་བསྡུ་བའི་ཕྱིར་ལྕགས་ཀྱི་
[229a.7]ཐལ་ཕྱགས་རྗེས་སུ་གནང་ངོ་། །ཆོས་བཤད་པའི་ཚེ་མར་མེའི་སྡོང་པོ་མར་མེ་དང་ལྡན་པ་ཉེ་བར་གཞག་པར་བྱའོ། །གང་ཟག་གི་ཕྱིར་ན་མར་མེའི་སྡོང་བུ་ཡལ་ག་གཅིག་པ་ཤིང་ལྗོན་པ་ལྟ་བུའོ། །དགེ་འདུན་གྱི་ཕྱིར་ནི་ཡལ་ག་མང་པོ་ཡང་ངོ་། །གཉིས་པའོ། །མཉན་ཡོད་ན་སྟེ། དགའ་བོས་
[229b]
[229b.1]ཉེ་དགའ་ལ་སྤང་བའི་ལས་བྱེད་པར་མ་ཤེས་ནས་འདུན་པ་ཕུལ་ཏེ། ཕྱིས་འདི་སྐད་དུ་ཁོ་བོས་འདུན་པ་ཉེ་བར་ཕུལ་ལོ་ཞེས་སྨྲས་ནས་འདུན་པའི་གཞིའི་དབང་དུ་མཛད་དེ། མ་གུས་པའི་ཉོན་མོངས་པས་ན་གསུམ་པ་བཅས་སོ། །འདུན་པ་ཕུལ་ཞེས་བྱ་བ་ནི་དགེ་འདུན་ཆོས་བཞིན་བྱ་བ་ལ་མཐུན་
[229b.2]པར་བྱ་བའོ། །དེའི་འོག་ཏུ་ཞེས་བྱ་བ་ནི་འགྱོད་པས་སོ། །སྤོང་བའི་ཆོས་སུ་བྱེད་ཅིང་ཞེས་བྱ་བ་ནི་སྤོང་བའི་ཆོས་དེ་ཉིད་སྟོན་ཏེ། འདུན་པ་ཕུལ་བ་ལ་རྩོད་པར་བྱེད་པས་སོ། །དགེ་སློང་ཕྱིར་བྱིན་ཅིག་ཅེས་བྱ་བ་ནི་དད་པ་ལེན་པ་ལ་དེ་སྐད་ཟེར་བའོ། །དེ་ཡང་མ་ཕུལ་ལོ་ཞེས་མི་ཉན་གྱི་བདག་
[229b.3]གིས་ཁྱེད་ཅག་ལ་འདི་ལྟ་བུ་བྱེད་པར་ནི་མ་ཤེས། ད་ནི་སླར་ཕྲོག་གོ་ཞེས་བྱ་བའོ། །སྐྱོ་སྔོགས་བྱེད་པའི་ལྟུང་བྱེད་དང་ཁྱད་པར་ཅི་ཡོད་ཅེ་ན། འདི་གསལ་བ་དག་གིས་བྱས་པའམ། མ་བྱས་ཞེས་ནི་མི་ཟེར་གྱིས་བདག་གི་དད་པ་བྱིན་པ་ཙམ་ལ་སྤོང་བར་བྱེད་པའོ། །དེ་ལ་ལྟུང་བ་ཅི་ལྟར་འགྱུར་ཞེ་ན།
[229b.4]དགེ་སློང་གིས་དགེ་སློང་ལ་འདུན་པ་ཕུལ་བར་གྱུར་ལ། དེ་ཡང་སླར་འགྱོད་པའི་རྗེས་ལ་སྔོན་ཞེ་སྡང་གིས་ཀུན་ནས་དཀྲིས་པས་སེམས་ཀུན་ནས་དཀྲིས་པར་གྱུར་ཏེ། དགེ་སློང་དེ་ལའམ། གཞན་ལ་ཡང་རུང་སྟེ། དགེ་སློང་དེ་ནི་དེར་འདུ་ཤེས་སམ་ངོ་ཚ་བ་སྤངས་ནས་སྨྲ་ན་དོན་ཁོ་ན་ཆུད་མ་ཐག་ཏུ་ལྟུང་བྱེད་དོ། །
[229b.5]རྗེས་སུ་ཁས་བླངས་པས་རྗེས་སུ་ཁས་མ་བླངས་པ་ལའམ། རྗེས་སུ་ཁས་མ་བླངས་པས་རྗེས་སུ་ཁས་བླངས་པ་ལའམ། བསླབ་པ་བྱིན་པ་ལ་དད་པ་བྱིན་ཏེ། སྤོང་བའི་ཆོས་སུ་བྱེད་ན་ཉེས་བྱས་སོ། །གསུམ་པའོ།། །།འདུལ་བ་བསྡུས་པ་བམ་པོ་བཅུ་གཅིག་པ། མཉན་ཡོད་ན་སྟེ།
[229b.6]བཅོམ་ལྡན་འདས་ཀྱིས་ཚེས་བརྒྱད་དང་བཅུ་བཞི་ལ་ཆོས་བཤད་པར་བྱའོ། །ནམ་ཕྱེད་ཀྱི་བར་དུ་ནི་མ་ཡིན་ནོ་ཞེས་བཀའ་སྩལ་པ་དང་། དེ་ནས་ཆོས་ཉན་པ་དག་ཅིག་ལྷགས་ཏེ། རྒན་ཞུགས་གཅིག་ཀྱང་མེ་མར་འབར་བ་བཞིན་དུ་རྨི་ལམ་ན་ཆུང་མ་དང་ལྷན་ཅིག་ཡོངས་སུ་སྤྱོད་པར་མཐོང་ནས་བརྟོལ་ཏེ།
[229b.7]བཅོམ་ལྡན་འདས་ཀྱིས་བཀའ་སྩལ་པ། བསྙེན་པར་མ་རྫོགས་པ་དང་ལྷན་ཅིག་གནས་གཅིག་ཏུ་ཉལ་བར་བྱེད་པ་རྣམས་བརྟག་པར་མི་བྱའོ། །སྣང་བར་ཡང་མ་ཡིན་ནོ། །སྒྲ་གཅན་ཟིན་ལ་བརྟེན་ནས་ནུབ་གཉིས་ཀྱི་བར་དུ་རྗེས་སུ་གནང་ངོ་། །ན་བའི་དབང་དུ་མཛད་དེ། དེའི་ནད་གཡོག་དང་། གཉི་ག་
[230a]
[230a.1]ལ་ཡང་རྗེས་སུ་གནང་ངོ་། །ཉི་མ་དང་ཟླ་བའི་འོད་ནི་ཐ་སྙད་དུ་བྱ་བ་མ་ཡིན་པས་ན་ཉེས་པ་མེད་དོ། །བསྙེན་པར་མ་རྫོགས་པ་རྣམས་གཙུག་ལག་ཁང་ངམ་ཁང་བཟངས་ནས་ནི་ཕྱིར་དབྱུང་བར་མི་བྱ་མོད་ཀྱི་འོན་ཀྱང་ཉེ་འཁོར་ནས་དབྱུང་བར་བྱའོ། །སྡིག་པ་ཅན་གྱི་དགེ་སློང་ལ་
[230a.2]འཇིགས་པས་ན། དགེ་ཚུལ་ཉི་མ་གསུམ་པའི་ཚེ་མཛའ་བོའི་གནས་ཁང་དུ་བསྙལ་བར་བྱའོ། །དེ་ལྟ་བུ་མེད་ན་དགེ་སློང་སྡིག་ཅན་ཕྱིར་ཕྱུང་བའམ། ཡང་ན་དགེ་ཚུལ་ཁྲིད་ལ་གཞན་དུ་འགྲོ་བར་བྱའོ། །དབྱར་ཉེ་བར་གནས་པར་གྱུར་ན་སོ་སོར་བརྟགས་ལ་ཟླ་བ་གསུམ་གྱི་བར་དུ་ཁྱིམ་གཅིག་གི་ནང་དུ་དེས་
[230a.3]ལྷན་ཅིག་ཉལ་ཡང་རུང་ཉེས་པ་མེད་དོ། །ལམ་དུ་ཞུགས་པ་ནི་ཕྱིར་བྱུང་བས་སྟག་ལ་སོགས་པས་གཙེས་པར་གྱུར་བས་ན་ཞག་གསུམ་པའི་མཚན་མོ་མི་ཉལ་བར་བྱའོ། །ཡང་ན་གཉིས་སམ། གསུམ་མམ། ཐུན་གཅིག་གམ། ཐ་ན་སྐྱ་རེངས་ཤར་བའོ། །གལ་ཏེ་དེ་ལྟར་ཡང་ངལ་ན་ཉལ་བར་བྱ་
[230a.4]པ་ཉིད་དོ། །གང་མི་བདེ་བའི་ཚེ་རྗེས་སུ་གནང་བ་བདེ་བར་གནས་པའི་ཚེ་མི་བྱའོ། །ཞར་ལ་འོངས་པ་བརྗོད་པར་བྱ་སྟེ། ལམ་དུ་ཞུགས་ན་དགེ་ཚུལ་རྣམས་མདུན་དུ་བཏང་ལ་འགྲོ་བར་བྱའོ། །དེ་དག་ལ་ཁྱེའུ་སུས་ཀྱང་སྦྱིན་པར་བྱའོ། །དེ་ཡང་སྔོན་བྱུང་བའི་ཕྱིར་རོ། །ཉེ་དགའ་ལ་དགེ་ཚུལ་ཚེར་མ་དང་།
[230a.5]ཆེན་པོ་གཉིས་དང་ཇི་སྲིད་ནུབ་གཉིས་ལས་ལྷག་པར་ཁང་པ་ན་ལྷན་ཅིག་གཉིད་ལོག་ཅིང་ཉལ་བའི་གཞིའི་དབང་དུ་མཛད་དེ། ཉེ་བར་མ་ཞི་བ་དང་། མ་དད་པའི་ཉོན་མོངས་པ་དག་གིས་བཞི་པ་བཅས་སོ། །བསྙེན་པར་མ་རྫོགས་པར་ཞེས་བྱ་བ་ལ་གཉིས་ནི་བསྙེན་པར་རྫོགས་པ་ཡིན་ཏེ། དགེ་སློང་
[230a.6]དང་། དགེ་སློང་མའོ། །དགེ་སློང་དང་། དགེ་སློང་མ་མ་གཏོགས་པ་དེ་ལས་གཞན་པའི་གང་ཟག་ཐམས་ཅད་དེ། མི་རིགས་ཀྱི་བསྙེན་པར་མ་རྫོགས་པ་སྟེ། མཚན་དང་གྲངས་ནི་མི་བརྗོད་དོ། །འདི་ལྟར་ནུབ་གསུམ་པའི་ཚེ་བུད་མེད་དང་ལྷན་ཅིག་ན་ལྟུང་བྱེད་གཉིས་ཏེ། དགེ་སློང་མ་དང་ནི་མ་ཡིན་ནོ། །ལྷན་
[230a.7]ཅིག་གནས་གཅིག་ཏུ་ཉལ་བར་བྱེད་ན་ཞེས་བྱ་བ་ནི་གནས་བཞི་པོ་དག་ཏུ་སྐྱ་རེངས་ཤར་བའོ། །ལྷན་ཅིག་གནས་ཅིག་ཅེས་བྱ་བ་ནི་ཁྱིམ་གྱི་རྣམ་གྲངས་སུ་རིག་པར་བྱའི་འདི་ལྷན་ཅིག་པའི་སྒྲ་མ་ཡིན་ཏེ། ལྷན་ཅིག་ཅེས་བྱ་བ་འདིས་རྟོགས་པའི་ཕྱིར་རོ། །སྐྱ་རེངས་མ་ཤར་ཚུན་ཆད་སྔོན་རོལ་དུ་ཉེས་བྱས་སོ། །
[230b]
[230b.1]གནས་ལ་རྣམ་པ་བཞི་སྟེ། ཐམས་ཅད་གཡོགས་ཤིང་ཐམས་ཅད་བསྐོར་བ་ནི་གནས་ཁང་ངམ་འཁོར་གྱི་ཁྱམས་སམ། ཁང་པ་བརྩེགས་པ་ལ་སོགས་པའོ། །ཐམས་ཅད་གཡོགས་ཤིང་ཕལ་ཆེར་བསྐོར་བ་ནི་སྒོ་བཅུ་པ་དང་། །སྒོ་བཅུ་གཉིས་པའོ། །ཕལ་ཆེར་གཡོགས་ཤིང་ཐམས་ཅད་བསྐོར་བ་
[230b.2]སྟེ། ཁྱམས་ངོས་བཞི་པ་དག་གོ། །གང་ཕལ་ཆེར་གཡོགས་ཤིང་ཕལ་ཆེར་བསྐོར་བ་སྟེ། ཁྱམས་ངོས་གསུམ་པ་དང་། འཁོར་གྱི་ཁྱམས་སོ། །ཕྱེད་གཡོགས་ཤིང་ཕྱེད་བསྐོར་བ་ལ་སོགས་པ་ནི་ཁྱིམ་གཞན་དང་། བ་གམ་ལྟ་བུར་ཕྱིར་བྱུང་བ་ལ་སོགས་པ་ལ་ནི་ལྟུང་བ་མེད་དོ་ཞེས་ཡང་དག་པར་
[230b.3]བསྟན་པའི་ཕྱིར་གཞིར་སྨོས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པ་རྣམ་པ་དྲུག་སྟེ། ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་སོ། །བསྙེན་པར་མ་རྫོགས་པ་དང་། ནུབ་གཉིས་ཉལ་ལ་ནུབ་གསུམ་པའི་ཚེ་ཟ་མའམ། མ་ནིང་ངམ། མཚན་
[230b.4]གཉིས་པའམ། སྦྲུལ་པའི་བུད་མེད་དང་ཉལ་ན་དག་པ་ཡོངས་སུ་འགྱུར་བ་ཡིན་པས་ན་ཉལ་ཡང་ཉེས་བྱས་ཀྱི་ལྟུང་བར་འགྱུར་རོ། །བསྙིལ་བ་དང་། རྣམ་པ་གཉིས་ཀྱིས་གནས་ནས་ཕྱུང་བའི་དགེ་ཚུལ་དང་ལྷན་ཅིག་ན་ལྟུང་བྱེད་དང་ཉེས་བྱས་ཏེ། རྣམ་པར་བསྙིལ་བ་ལ་སོགས་པའི་ཕྱིར་རོ། །བྱ་སྐྱིབས་དང་ཤིང་ལྗོན་
[230b.5]པ་ཁོང་སྟོང་གི་ནང་དུ་ནི་ལྟུང་བ་མེད་པ་འཐོབ་བོ། །བསླབ་པ་བྱིན་པ་དང་། རྗེ་ཞིང་ཉལ་བས་སྦྱང་བར་བྱའོ། །དེས་ཀྱང་བསྙེན་པར་མ་རྫོགས་པ་དང་དེ་བཞིན་ནོ། །བླ་གོས་བཞི་བལྟབ་ཏུ་བྱས་ཏེ་བཏིང་བ་ལ་སྣམ་སྦྱར་སྔས་སུ་བཅུག་སྟེ། གློ་གཡས་ཕྱོགས་ཀྱིས་ཕབ་ནས་རྐང་པའི་སྟེང་དུ་རྐང་པ་གཞག་སྟེ། ཡན་ལག་མི་འཕྱར་
[230b.6]བ་དང་། སེམས་མི་འཕྱར་བ་དང་། གོས་མི་འཕྱར་བ་དང་། སྣང་བའི་འདུ་ཤེས་དང་། དྲན་པ་དང་ལྡན་པ་དང་། ལྡང་བའི་འདུ་ཤེས་ཀྱིས་ཉལ་བ་ལ་རྟག་པར་བྱའོ། །མཚན་མོའི་ཐུན་དང་པོ་དང་། ཐ་མ་ལ་ཡང་དག་པའི་ཕྱོགས་བྱའོ། །མི་ན་བར་ཉིན་པར་ཉལ་བར་མི་བྱའོ། །ཉལ་ན་ཡང་གལ་ཏེ་གཉིས་པ་ལ་བདེ་བ་ལ་རེག་པར་མི་
[230b.7]འགྱུར་ན་གཞན་དུ་འགྲོ་བར་བྱའོ། །བཞི་པའོ།། །།མཉན་ཡོད་ན་སྟེ། དགེ་སློང་འཆི་ལྟས་ལྟ་བར་གྱུར་པ་བཟློག་པར་བྱ་བའི་ཕྱིར་གསོལ་བ་དང་བཞིའི་ལས་ཀྱིས་བསྒོ་ན་ཡང་ལྡོག་ཏུ་མ་བཏུབ་པས་ན། དེ་ལ་གནས་ནས་ཕྱུང་བའི་ལས་བྱས་ཀྱང་འོན་ཀྱང་ལྡོག་ཏུ་མ་བཏུབ་པས་ན། ཚུལ་བཞིན་མ་ཡིན་པ་ལ་ཉེ་
[231a]
[231a.1]བར་རྟོག་པའི་གཞིའི་དབང་དུ་མཛད་དེ། ཤེས་བྱ་ལ་རྟོག་པའི་ཉོན་མོངས་པས་ན་ལྔ་པ་བཅས་སོ། །འདི་སྐད་ཅེས་ཟེར་ན་ཞེས་བྱ་བ་ནི་བཅོམ་ལྡན་འདས་ཀྱིས་ཁྱིམ་ན་གནས་པས་ཀྱང་ཕྱིར་མི་འོང་བའི་འབྲས་བུའི་བར་དུ་ཡང་འཐོབ་པར་འགྱུར་རོ་ཞེས་དེ་སྐད་གསུངས་ན། འདིས་
[231a.2]ནི་བཟུང་བ་ལོག་པར་བཟུང་བས་དེ་སྐད་དུ་སྨྲའོ། །ཆོས་ཞེས་བྱ་བ་ནི། སངས་རྒྱས་ཀྱིས་གསུངས་པའམ། ཉན་ཐོས་ཀྱིས་བཤད་པ་ཡང་རུང་སྟེ། དེ་བཞིན་གཤེགས་པའི་མཐུ་ཉིད་ཀྱིས་ཉན་ཐོས་ཀྱིས་བཤད་དོ་ཞེས་བྱ་བ་ཡང་བཅོམ་ལྡན་འདས་སུ་བཟུང་ངོ་། །བར་དུ་གཅོད་པའི་ཆོས་ཞེས་བྱ་བ་ནི་ལྟུང་བ་སྡེ་
[231a.3]ལྔའོ། །བར་དུ་གཅོད་པར་མི་འགྱུར་རོ་ཞེས་བྱ་བ་ནི་དགེ་སྦྱོང་ཉིད་དུ་མི་འགྱུར་རོ་ཞེས་བྱ་བ་མ་ཡིན་པའོ། །དེ་ལ་ལྟུང་བ་ཇི་ལྟར་འགྱུར་ཞེ་ན་དགེ་སློང་ལྟ་བ་ངན་པ་ལ་མངོན་པའི་ང་རྒྱལ་དང་། ཆེ་བའི་ང་རྒྱལ་གྱིས་ཀུན་ནས་དཀྲིས་པར་འགྱུར་བ་དང་། ལོག་པར་འཛིན་པས་ངས་ལེགས་པར་བཟུང་ངོ་ཞེས་བྱ་བ་དང་།
[231a.4]དགེ་བར་ངས་བཟུང་ངོ་ཞེས་བྱ་བ་དང་གོ་རིམས་བཞིན་ནོ། །ཆོས་དེ་ཡང་དེས་དེ་བཞིན་གཤེགས་པའི་ཐད་ནས་ཡི་གེའམ། དོན་དུ་བླངས་སམ་མ་བླངས་ཀྱང་རུང་སྟེ་དོན་འདི་ཡང་འདིས་ཉེས་པ་བླངས་པ་ཡིན། དགེ་སློང་ཡང་བདག་གིས་ཐོས་སོ། །བདག་གིས་ལེགས་པར་ཟིན་ཏོ་སྙམ་ནས་རིག་པ་དང་།
[231a.5]དེ་བསྒྲགས་པའི་ཕྱིར་ངོ་ཚ་བ་ཡང་སྤངས་ན་སྨྲས་མ་ཐག་ཏུ་ཉེས་བྱས་སོ། །བཞམས་ཏེ་བསྒོ་བའི་ཚེ་མ་ལོག་ན་ཉེས་བྱས་སོ། །དེ་བཞིན་དུ་གསོལ་བ་དང་བརྗོད་པ་རྫོགས་པ་ནའོ། །ལས་བརྗོད་པ་དང་པོ་དང་། ལས་བརྗོད་པ་གཉིས་པ་ལ་ཡང་ཉེས་བྱས་ཉིད་དོ། །གསུམ་པ་རྫོགས་ན་ལྟུང་བྱེད་དོ། །གལ་ཏེ་ཆོས་དང་
[231a.6]མཐུན་ནའོ། །རྣམ་པ་གཞན་དུ་ན་ཉེས་བྱས་སོ། །དེས་ཀྱང་དགེ་འདུན་གྱི་ནང་དུ་ལྟུང་བ་དེ་མཐོལ་བར་བྱའོ། །རྣམ་པ་གཞན་དུ་ན་གསོལ་བ་དང་ལས་ཉམས་སུ་མྱོང་ན་ཐམས་ཅད་དུ་ཡང་ཉེས་བྱས་སུ་འགྱུར་རོ། །ལྔ་པའོ།། །།མཉན་ཡོད་ན་སྟེ། དེ་ཉིད་གནས་ནས་ཕྱུང་བ་དང་། ཉེ་དགས་ལོངས་སྤྱོད་པས་དྲུག་
[231a.7]པ་བཅས་སོ། །གཞི་དང་ཉོན་མོངས་པའི་དོན་ནི་དེ་བཞིན་ནོ། །དེ་སྐད་ཟེར་བའི་ཞེས་བྱ་བ་ནི་ཇི་སྐད་བསྟན་པའི་ལྟ་བ་སྨྲ་བ་རྣམས་ཀྱི་གནས་ནས་ཕྱུང་བ་ཐམས་ཅད་དོ། །ཆོས་བཞིན་དུ་མ་བྱས་པ་ཞེས་བྱ་བ་ནི་མ་ཕྱུང་བའོ། །མ་སྤངས་པ་ཞེས་བྱ་བ་ནི་གལ་ཏེ་མ་ཕྱུང་ཡང་ལྟ་བ་དང་བྲལ་བར་གྱུར་ན་ལྟུང་བ་
[231b]
[231b.1]མེད་དོ། །གཏམ་འདྲེ་བ་ཞེས་བྱ་བ་ནི་འདྲི་བ་སྦྱིན་པའོ། །ཕེབས་པར་སྨྲ་བ་ཞེས་བྱ་བ་ནི་ཡང་དག་པར་བརྗོད་པའོ། ཀུན་དུ་གནས་པར་བྱེད་ཅེས་བྱ་བ་ནི་གནས་སྦྱིན་པར་བྱེད་པའོ། །ཀུན་དུ་ལོངས་སྤྱོད་པར་བྱེད་ཅེས་བྱ་བ་ནི་བསྙེན་བཀུར་ཉམས་སུ་མྱོང་བ་ལེན་པའོ། །ལྷན་ཅིག་གནས་གཅིག་ཏུ་ཉལ་ན་
[231b.2]ཞེས་བྱ་བ་ནི་གནས་བཞི་པོ་དག་ཏུ་སྐྱ་རེངས་ཤར་བར་བྱེད་པའོ། །གཏམ་འདྲེ་བ་ནས་ཉལ་བའི་བར་དུ་ལྟུང་བྱེད་དོ། །སྦྱོར་བ་ལ་ཉེས་བྱས་སོ། །གང་གནས་ནས་ཕྱུང་བར་མི་ཤེས་པ་ལ་ནི་ལྟུང་བ་མེད་དོ། །ཁས་མ་བླངས་པས་ཁས་བླངས་པ་དང་ལོངས་སྤྱོད་ན་ཉེས་བྱས་སོ། །བཟློག་པ་ནི་ལྟུང་བ་མེད་དོ། །
[231b.3]ནད་པ་དང་སྡིག་པ་ཅན་གྱི་ལྟ་བར་གྱུར་པ་དེ་ལས་བཟློག་པར་འདོད་པ་ལ་ལྟུང་བ་མེད་དོ། འདི་ནི་དེ་མ་ཐག་པར་བརྗོད་པ་ལ་ཡང་རིག་པར་བྱའོ། །དྲུག་པའོ།། །།མཉན་ཡོད་ན་སྟེ། ཚེར་མ་དང་ཆེན་པོ་པ་གཉིས་གནས་ངན་ལེན་མཉམ་དུ་སྤྱོད་ཅིང་ལྷན་ཅིག་རྩེ་བདག་དགྲ་བཅོམ་པའི་འབྲས་བུ་ཐོབ་པ་མཐོང་
[231b.4]བ་དང་། དེ་གཉིས་ལྟ་བ་སྐྱེས་པས་སྣང་བའི་འདུ་ཤེས་གནས་སུ་བཞག་ལ་གསོལ་བ་དང་། བཞིའི་ལས་ཀྱིས་བསྒོའོ། །བསྙིལ་བ་ཡང་ངོ་། །དགེ་སློང་གིས་ཀྱང་སོང་སྟེ། དེ་དག་ལ་ལས་བརྗོད་པའི་ཚིག་གིས་བསྒོ་བར་བྱའོ། །ཉེ་དགས་ཉེ་བར་གཟུང་བས་ན་བདུན་པ་བཅས་ཏེ། བཞི་དང་ཉོན་
[231b.5]མོངས་པར་འགྱུར་བ་ཡང་ངོ་། །ལན་གཉིས་ལན་གསུམ་དུའོ་ཞེས་བྱ་བ་ནི་བསྒོ་བའི་ལས་སོ། །འདི་སྐད་ཅེས་བསྒོ་བར་བྱའོ་ཞེས་བྱ་བ་ནི་དེ་ལ་བསྙིལ་བའི་ལས་བྱའོ། །ཉེ་བར་འཇོག་པ་ཞེས་བྱ་བ་ནི་གནས་སྦྱིན་པར་བྱེད་པའོ། །ཉེ་བར་གཏོང་བར་བྱེད་ན་ཞེས་བྱ་བ་ནི་ལྷུང་བཟེད་ལ་སོགས་པ་ནས་སྟོན་
[231b.6]པ་ལ་སོགས་པ་སྡུད་པའོ། །ལྷན་ཅིག་གནས་གཅིག་ཏུ་ཉལ་ན་ཞེས་བྱ་བ་ནི་ཉི་མ་དང་པོ་ཉིད་ལ་ལྟུང་བྱེད་དོ། །ཉི་མ་གསུམ་ལོན་ན་ལྟུང་བྱེད་གཉིས་སོ། །ལྷན་ཅིག་གནས་པ་སྦྱིན་པ་ནས་བསྟན་པ་སྦྱིན་པའི་བར་དུ་དེ་མ་ཐག་ཏུ་ལྟུང་བྱེད་དོ། །ལྟུང་བ་མ་མཐོང་བ་དང་ཕྱིར་མི་འཆོས་པས་གནས་ནས་ཕྱུང་
[231b.7]བའི་དགེ་སློང་དང་ལོངས་སྤྱོད་ན་ཉེས་བྱས་སོ། །བདུན་པའོ།། །།རྒྱལ་པོའི་ཁབ་ན་སྟེ། རི་བོ་དང་ཡིད་འོང་གི་དུས་སྟོན་གྱི་ཚེ་གར་མཁན་གྱིས་དྲུག་སྡེ་ལ་འཕྱས་པ་དང་། དེ་དག་གིས་ཀྱང་དེ་དག་གི་ཆ་ལུགས་ལྟ་བུར་གར་མཁན་གྱི་གོས་སྦྱར་ཏེ་གར་བྱས་པ་དང་། འཇིག་རྟེན་པ་ཐམས་
[232a]
[232a.1]ཅད་དེར་ལྷགས་སོ། །དེ་ནས་གར་མཁན་དག་གིས་བྱ་དགར་ཅི་སྙེད་པ་ཐམས་ཅད་ཕྱིན་ཆད་ཀྱང་འཕྱས་སུ་མི་བྱེད་པའི་ཕྱིར་དེ་དག་ལ་སྦྱིན་ནོ། །ཚོན་གྱི་གཞིའི་དབང་དུ་མཛད་ནས། ཉེ་བར་མ་ཞི་བའི་ཉོན་མོངས་པས་ན་བརྒྱད་པ་བཅས་སོ། །སར་པ་ཞེས་བྱ་བ་ནི། སར་པ་
[232a.2]ཉིད་སར་པ་ལ་བྱའི། དེ་དག་རྙེད་པ་ལ་ནི་མ་ཡིན་ནོ། །ཆོས་གོས་ཞེས་བྱ་བ་ནི་རྣམ་པ་བདུན་ནོ། །སྔོན་པོ་ཞེས་བྱ་བ་ནི་རམས་སོ། །གཞན་དག་ནི་ཨ་རུ་རའི་སྐྱོ་མ་ལྕགས་ཀྱི་སྣོད་ཀྱི་ནང་དུ་བཞག་ན་སྔོན་པོར་འགྱུར་རོ་ཞེས་ཀྱང་ཟེར་རོ། །དེ་དག་ནི་སྔོན་པོ་ནི་རམས་ཉིད་དོ་ཞེས་ཀྱང་འདོན་ཏོ། །དམར་པོ་ཞེས་བྱ་བ་
[232a.3]ནི་བཙག་གོ། །དམར་པོ་ནི་དམར་པོ་ཉིད་དོ་ཞེས་བྱ་བ་ནི་ཉེ་བར་འདོན་ཏོ། །ངུར་སྨྲིག་ཅེས་བྱ་བ་ནི་ཤུན་ཕྲགས་ཏེ་རྩ་བ་ལ་སོགས་པ་རྣམ་པ་ལྔར་དབྱེའོ། །ཁ་ལོ་བསྒྱུར་བར་བྱའོ་ཞེས་བྱ་བ་ནི་ཁ་བསྒྱུར་བར་བྱའོ། །སྤྱོད་ན་ཞེས་བྱ་བ་ནི་གྱོན་པ་སྟེ་གྱོན་མ་ཐག་ཏུ་ལྟུང་བྱེད་དུ་འགྱུར་རོ། །ཚུན་ཆད་དུ་ཉེས་
[232a.4]བྱས་སོ། །ཐ་ན་ལྷུང་བཟེད་ཀྱི་ཁ་དགབ་པ་ཡང་རུང་བར་བྱས་སོ། །གཞན་དག་ལས་ནི་ཐ་ན་རྐང་པ་དཀྲི་བ་དང་། ཆུ་ཚགས་དང་ལྷུང་བཟེད་ཀྱི་སྣོད་དང་སྐ་རགས་ཀྱང་ངོ་ཞེས་འབྱུང་ངོ་། །གོས་ཀྱི་རྒྱུའམ་སྤུན་མི་རུང་བའམ། གཉི་ག་ཡང་རུང་སྟེ། རུང་བར་མ་བྱས་ཏེ་གྱོན་ན་ཉེས་བྱས་སོ། །རུང་བར་བྱས་པ་ཞིག་
[232a.5]རྒྱལ་པོ་ལ་སོགས་པས་ཕྲོགས་པ་སླར་ཐོབ་ན་ཡང་རུང་བ་དེ་ཉིད་ཀྱིས་སྤྱད་པར་བྱའོ། །ཁ་དོག་ངན་པར་མ་བསྒྱུར་བ་ལ་ཁ་དོག་ངན་པར་མ་བསྒྱུར་བར་འདུ་ཤེས་པ་རྣམ་པ་དྲུག་སྟེ། དེ་ཡང་བསླབ་པའི་གཞི་ཐམས་ཅད་དུ་བརྟག་པར་བྱའོ། །དགེ་འདུན་གྱི་མལ་ཆ་དང་། སྟན་མ་སྤྱད་པ་ཁ་ཚར་དང་
[232a.6]བཅས་པ་བཅང་བར་བྱའོ། །ཁ་བསྒྱུར་བར་མི་བྱའོ། །ཆ་ག་ཅན་ལ་སོགས་པར་མི་བྱའོ། །གོས་དཀར་པོ་ཁ་ཚར་དང་བཅས་པ་གྱོན་ཏེ་ཕྱིར་འབྱུང་བར་མི་བྱའོ། །གལ་ཏེ་ཕྱི་རོལ་དུ་འགྲོ་ན་ནང་དུ་བགོས་ལ་ཇི་ལྟར་མི་སྣང་བར་ཕྱི་རོལ་ནས་གོས་ཁ་བསྒྱུར་བ་བགོ་བར་བྱའོ། །གལ་ཏེ་གནང་ན་ཁ་ཚར་བསྣོལ་བར་
[232a.7]བྱའོ། །གང་སྦྱིན་པ་པོ་ལ་ཡིད་བརྟན་ཏེ་བཅང་བ་དེ་ཉིད་ནི་ཆོ་གའོ། །བརྒྱད་པའོ།། །།བཅོམ་ལྡན་འདས་ཀྱིས་གཏེར་གཟིགས་ཏེ། ཀུན་དགའ་བོ་སྦྲུལ་གྱི་དུག་གདུག་པའོ་ཞེས་བཀའ་སྩལ་པ་དང་། འཕགས་པ་ཀུན་དགའ་བོས་དུག་དྲག་པོའོ་ཞེས་གསོལ་པ་དེའི་ཕྱིར་ཞི་བ་ཞིག་གཟུང་བ་
[232b]
[232b.1]དང་། འཆར་ཀས་ཀྱང་འཕོང་སློབ་པ་དང་། གླུ་མཁན་གྱི་གནས་སུ་འོངས་ནས་ཁྱེའུ་རྣམས་གཙེས་པ་དང་། ཉེ་དགས་ཀྱང་ལིཙྪ་བཱིའི་ཁྱེའུ་རྣམས་ཀྱི་རྒྱན་གཞག་པ་གནོད་སྦྱིན་གྱི་ནོར་རོ་ཞེས་བྱས་ནས་བླངས་པ་དང་། དྲུག་སྡེ་རྣམས་ཀྱིས་ཀྱང་ལིཙྪ་བཱིའི་སྐྱེད་མོས་ཚལ་ན་འཐབ་མོའི་རོལ་མོའི་ཆ་བྱདབྱང་རྣམས་
[232b.2]བརྡུང་བས་ན་མི་རུང་བ་བླངས་པའི་གཞིའི་དབང་དུ་མཛད་དེ། འགལ་ཚབས་ཅན་དང་ཕོངས་པ་དང་མ་དད་པའི་ཉོན་མོངས་པ་ཡོངས་སུ་སྤང་བའི་ཕྱིར་ཡངས་པ་ཅན་དུ་དགུ་པ་བཅས་སོ། །རིན་པོ་ཆེ་ཞེས་བྱ་བ་ནི་ནོར་བུ་དང་། མུ་ཏིག་དང་། བཻ་ཌཱུརྱ་དང་། མན་ཤེལ་དང་། བྱི་རུ་དང་།
[232b.3]གསེར་དང་། དངུལ་དང་། ཨསྨ་གརྦྷ་དང་མུ་ས་ལ་གལ་བ་དང་སྡུག་དང་དམར་པོ་དང་། གཡས་སུ་འཁྱིལ་བའོ། །རིན་པོ་ཆེར་སྨོས་པ་ཞེས་བྱ་བ་ནི་གཡུལ་དོར་སྦྱད་པའི་ལག་ཆ་སྟེ། མཚོན་ཆ་དང་རོལ་མོར་སྤྱད་པའི་ལག་ཆ་ཐམས་ཅད་དོ། །རང་གི་ལག་གིས་ཞེས་བྱ་བ་ནི་ལུས་
[232b.4]ཀྱིས་ཞེས་བྱ་བའི་ཐ་ཚིག་གོ། །ལེན་དུ་འཇུག་ན་ཞེས་བྱ་བ་ནི་གཞན་གྱིས་སོ། །གནས་ཁང་དུ་གཏོགས་པ་ན་འདུག་པ་མ་གཏོགས་ཞེས་བྱ་བ་ནི་གཙུག་ལག་ཁང་གི་ནང་ན་འདུག་པ་སྟེ། དེ་ཡང་རི་དགས་འཛིན་གྱི་མ་ལས་བརྩམས་ནས་རྗེས་སུ་གནང་བའོ། །ཀུན་དགའི་ར་བར་གཏོགས་པ་ན་ཞེས་བྱ་བ་
[232b.5]ནི་གང་གཙུག་ལག་ཁང་གི་ཕྱི་རོལ་ཏེ་འདི་ཡང་དགེ་སློང་གིས་སྲེ་མོ་ལྟ་བུའི་རྐྱལ་བུ་མཐོང་ནས་གཞན་ལ་བྱིན་པའི་ཕྱིར་རྗེས་སུ་གནང་ངོ་། །དེ་ལ་ཡང་ཀུན་དུ་སྤྱད་བ་ནི་གལ་ཏེ་འགའ་ཞིག་སློང་ན་དན་རྟགས་དྲི་བར་བྱའོ། །གལ་ཏེ་མཐུན་ན་སྦྱིན་པར་བྱའོ། །རྣམ་པ་གཞན་དུ་ན་ལོ་མ་ལ་སོགས་པ་
[232b.6]རྣམས་ཀྱིས་ཀྱང་བཀག་སྟེ་འགྲོ་བར་བྱའོ། །ཡལ་བར་ཡང་མི་དོར་ཏེ་ཉི་མ་བདུན་ནམ་བརྒྱད་ཀྱི་བར་དུ་བསྲུང་བར་བྱའོ། །གལ་ཏེ་མ་འོངས་ན་དགེ་འདུན་གྱི་མཛོད་དུ་བཞག་ལ་ཟླ་བ་དྲུག་འདས་ནས་གལ་ཏེ་འོངས་ན་ཡང་སྦྱིན་པར་བྱའོ། །གལ་ཏེ་མ་འོངས་ན་དགེ་འདུན་གྱིས་དངོས་པོ་བརྟན་པོར་
[232b.7]བཙོང་བར་བྱའོ། །འོངས་ན་ཡང་རྗེས་སུ་ཡི་རང་བར་བྱེད་དུ་གཞུག་པར་བྱའོ། །གལ་ཏེ་མི་བཏུབ་ན་སྦྱིན་པར་བྱའོ། །སྐྱེད་ནི་སྦྱིན་པར་མི་བྱའོ། །ནོར་བུ་ལ་སོགས་བརྡུངས་པའམ། མགུལ་གདུབ་ལ་སོགས་པའི་རྒྱན་ནམ། པི་བང་ལ་སོགས་པ་རྒྱུད་དུ་ལྡན་པའམ། བུད་དུང་
[233a]
[233a.1]ངམ། གཞུ་རྒྱུད་དུ་བཅས་པའམ། ཨི་ལྱ་ལ་སོགས་པའི་རྔ་གཡོགས་པ་དང་བཅས་པའམ། མདའ་མདེའུ་དང་བཅས་པའམ། མདུང་ལ་སོགས་པ་མདུང་རྩེར་བཅས་པའམ། སྐུ་གཟུགས་སྐུ་གདུང་དང་བཅས་པ་བླངས་སམ། ལེན་དུ་བཅུག་ན་བླངས་མ་ཐག་ཏུ་
[233a.2]ལྟུང་བྱེད་དོ། །སྦྱོར་བ་ལ་ནི་ཉེས་བྱས་སོ། །ནོར་བུ་ལ་སོགས་པ་མ་བདར་བ་དང་། ཐ་ན་ནོར་བུ་མཆིང་བུའམ། རྔ་ལ་སོགས་པ་མ་སྦྱར་བའམ། དུང་བུད་དུ་མི་རུང་བའམ། ཐ་ན་སོག་མའི་རང་བཞིན་གྱི་ཕྲེང་བའམ། མདའ་མདེའུ་མེད་པའམ། སྐུ་གཟུགས་སྐུ་གདུང་མེད་པ་ལ་ཉེས་བྱས་སོ། །
[233a.3]ཀླུ་ལ་སོགས་པའི་ནོར་བུ་བླངས་སམ། སྤྲིང་ཡིག་ལ་སོགས་པ་རྣམས་ཀྱིས་སམ། རིན་པོ་ཆེའི་ཁྲིའུ་ལ་སོགས་པ་ལ་འདུག་ན་ཉེས་བྱས་སོ། །ལྷ་ལ་སོགས་པའི་གནས་སུ་ནི་ལྟུང་བ་མེད་དོ། །མཚོན་ཆ་མཚོན་དུ་མི་རུང་བར་བྱས་པ་ནི་བླང་བར་བྱའོ། །རྒྱན་གདགས་པར་མི་བྱའོ། །སྐུ་གཟུགས་
[233a.4]སྐུ་གདུང་དང་བཅས་སམ། མ་བཅས་ཀྱང་རུང་སྟེ། སྟོན་པའི་འདུ་ཤེས་ཉེ་བར་བཞག་ནས་བླངས་པ་ལ་ནི་ལྟུང་བ་མེད་དོ། །ཆུ་ཤེལ་དང་མེ་ཤེལ་འཆང་བ་ལ་ནི་ལྟུང་བ་མེད་དོ། །དེ་ཡང་ཆོམ་རྐུན་པ་རྣམས་ལ་བསྟན་པར་མི་བྱའོ། །ཆུ་དང་མེ་ཕྱུང་ཞིང་ཡོད་པ་དེ་ནི་བགོ་བར་བྱའོ། །རིན་པོ་ཆེ་སྣ་བདུན་
[233a.5]ལས་གཅིག་པུ་དགེ་འདུན་ལྷག་མའོ། །གཉིས་ལ་ནི་ཉེས་བྱས་སོ། །བཞི་ལ་ནི་ལྟུང་བ་མེད་དོ། །དགུ་པའོ།། །།རྒྱལ་པོའི་ཁབ་ཏུ་དྲུག་སྡེ་ས་ཆུ་དྲོན་ཅན་དུ་རྒྱལ་པོ་གཟུགས་ཅན་སྙིང་པོ་ལ་མཐོ་བཙམས་སོ། །ཁྲུས་བཀག་པ་ལས་དྲི་མི་ཞིམ་པ་དང་འཇིག་རྟེན་པ་ཡང་སྨོད་པས་ན་ཟླ་བ་
[233a.6]ཕྱེད་ཅིང་རྗེས་སུ་གནང་ངོ་། །དེ་ལས་གཞན་ཡང་དུས་ལ་བབ་པ་ནའོ། །དེ་ནས་བསླབ་པ་འདོད་པའི་བསྔགས་པ་བརྗོད་དེ། རང་དབང་མེད་པའི་གཞིའི་དབང་དུ་མཛད་ནས་འགལ་ཚབས་ཅན་གྱི་ཉོན་མོངས་པ་ཡོངས་སུ་སྤངས་པའི་ཕྱིར་བཅུ་པ་བཅས་སོ། །དེ་ཞེས་བྱ་བ་ནི་ཟླ་བ་ཕྱེད་ཕྱེད་ཅིང་
[233a.7]འཁྲུ་བའོ། །ཅི་ལྟ་བུའི་དེ་ཞེ་ན། དེ་ལས་འདུམས་པར་ཚུན་ཆད་དུ་འཁྲུ་བ་སྟེ། མཚམས་དེ་ལས་འདའ་བར་རོ། །ཟླ་བ་ལྷག་མ་ཕྱེད་དང་གཉིས་ཞེས་བྱ་བ་ནི་ཟླ་བ་ཕྱེད་དང་གཉིས་ན་དབྱར་ཉེ་བར་གནས་པར་འགྱུར་བའོ། །དང་པོའི་ཟླ་བ་ཞེས་བྱ་བ་ནི་ཉེ་བར་བཞུགས་པའི་ཟླ་བའོ། །ན་བ་
[233b]
[233b.1]དུས་སོ་ཞེས་བྱ་བ་ནི་ཅི་ལྟར་ཡང་མ་བཀྲུས་པའི་བར་དུ་འཚོ་བར་མི་ནུས་པའོ། །ལས་དང་ལམ་དུས་སོ་ཞེས་བྱ་བ་ནི་སྔ་མ་བཞིན་ནོ། །རླུང་དུས་སོ་ཞེས་བྱ་བ་ནི་ཐ་ན་ཆོས་གོས་ཀྱི་གྲྭ་རླུང་གིས་བསྐྱོད་པར་གྱུར་པའོ། །ཆར་དུས་སོ་ཞེས་བྱ་བ་ནི་ཐ་ན་ལུས་ལ་ཆར་གྱི་ཐིགས་པ་གཉིས་སམ་གསུམ་
[233b.2]འབབ་པའོ། །གང་ན་གཉིས་ཀར་གྱུར་པ་དེ་ནི་རྫི་ཆར་དུས་སོ། །དེ་ལ་ལྟུང་བ་ཅི་ལྟར་འགྱུར་ཞེ་ན། དབང་བསྐུར་བས་འཁྲུའམ། ནང་དུ་ཞུགས་ནས་འཁྲུའམ། ཆུ་གྲང་མོའམ། ཆུ་དྲོན་མོའམ། ཀླུང་དྲག་ཏུ་འབབ་པའམ། དལ་ནས་འབབ་པ་ལ་ཡང་རུང་སྟེ་དུས་བྱིན་གྱིས་མ་བརླབས་པར་
[233b.3]འཁྲུན་ཇི་སྲིད་ལྟེ་བར་ཆུས་མ་སོན་པ་དེ་སྲིད་དུ་ནི་ཉེས་བྱས་སོ། །ལྟེ་བར་སོན་ན་ལྟུང་བྱེད་དོ། །དབང་བསྐུར་བས་ཁྲུས་བྱས་ནས་ཆུའི་ནང་དུ་ཞུགས་ཏེ་འཁྲུར་འདོད་དམ། ཇི་སྲིད་དྲག་ཏུ་འབབ་པ་ལ་ཁྲུས་བྱས་ནས་དལ་གྱིས་འབབ་པ་ལས་འཁྲུར་འདོད་ན་ཡང་དུས་བྱིན་གྱིས་བརླབ་པར་བྱའོ། །རྣམ་
[233b.4]པ་གཞན་དུ་ན་ལྟུང་བ་དང་ལྟུང་བ་མེད་པ་སྔ་མ་བཞིན་ནོ། །ཆུ་ཀླུང་རྒལ་བ་དང་། སྐམ་སའོ་སྙམ་པ་ལས་ལྟུང་བའམ། ཟམ་པ་ལ་ལྟུང་བའམ། འདྲེད་དམ། བརྒྱལ་བ་ལས་ཆུས་བཏབ་པའམ། ཅུང་ཞིག་དབྱུང་བར་འདོད་པ་ལ་རྐྱལ་བསླབ་པར་འདོད་པ་ལ་ལྟུང་བ་མེད་དོ། །གལ་ཏེ་བཀྲུ་བར་
[233b.5]འདོད་ན་དུས་བྱིན་གྱིས་བརླབ་པར་བྱའོ། །ཆར་འབབ་པའི་ཚེ་ལུས་ཕྱུང་ནས་འདུག་པ་ལ་ལྟུང་བ་མེད་དོ། །དུས་སུ་བརྗོད་པ་ལ་ཡང་ལྟུང་བ་མེད་དོ། །དེ་ལ་ལས་དུས་སོ་ཞེས་བྱ་བ་གཏན་ལ་དབབ་སྟེ། །གཙུག་ལག་ཁང་སྐྱོང་གིས་ངེས་པར་ཕྱག་བྱའོ། །གལ་ཏེ་གཙུག་ལག་ཁང་རྒྱ་ཆེ་བ་
[233b.6]ཞིག་ཡིན་ན་ཇི་སྲིད་ཡོངས་སུ་སྤྱོད་པ་ཚུན་ཆད་དོ། །ཕྱི་ནས་ཚེས་བརྒྱད་དང་། བཅོ་ལྔ་ལ་ཡང་གཎྜཱི་བརྡུངས་ཏེ་ཆོས་ཀྱིས་རྣམ་པར་ངེས་པའི་གཏམ་མམ། འཕགས་པའི་ཅང་མི་སྨྲ་བ་ཉིད་ཀྱིས་སོ། །དགེ་འདུན་ཐམས་ཅད་ཀྱིས་ཕྱག་དར་བྱའོ། །དེའི་འོག་ཏུ་ཁྲུས་བྱའོ། །མཆོད་རྟེན་ལ་
[233b.7]བསྟོད་པ་དང་བཅས་པས་ཕྱག་བྱས་ཏེ་ནང་དུ་འཇུག་པར་བྱའོ། །ཆག་ཆག་བཏབ་པའམ། ཕྱག་དར་བྱས་པའམ། སྐྱོང་ནུལ་བྱས་པ་ལ་ཡང་གཙུག་ལག་ཁང་གི་ཚིགས་སུ་བཅད་པ་བཀླགས་ལ་བགོམ་པར་བྱའོ། །དེ་བཞིན་དུ་མཆོད་རྟེན་དང་། དྲི་གཙང་ཁང་གི་གྲིབ་མ་
[234a]
[234a.1]འམ། སྲོག་ཤིང་གི་གྲིབ་མ་ལ་ཡང་ངོ་། །ཇི་སྐད་བསྟན་པའི་དུས་མ་གཏོགས་པར་གཞན་མཐའ་འཁོབ་ཀྱི་རྐྱེན་གྱི་དུས་དེར་ནི་རྟག་ཏུ་འཁྲུ་བར་རྗེས་སུ་གནང་ངོ་ཞེས་བྱ་བའོ། །དུས་གཞན་ཡང་རོ་ལ་རེག་པ་སྟེ། ཇི་སྐད་དུ་དགེ་སློང་ཤི་བ་ལ་སྲོག་ཆགས་བརྟགས་ཏེ་མེར་
[234a.2]བསྲེག་པར་བྱའོ། །དེ་ཡང་མེད་ན་ཆུ་ཀླུང་ལ་བསྐུར་རོ། །ཡང་ན་ས་བརྐོ་བར་བྱའོ། །དབྱར་ཚང་ཚིང་གི་དབུས་སུ་མགོ་བོར་སྔས་བཅུག་ལ་ལྷོ་ཕྱོགས་སུ་ཁ་མངོན་དུ་ཕྱོགས་པ་ལ་ལོ་མ་ལྷགས་པས་གཡོགས་ལ་གཞག་གོ། །བར་མར་ཆོས་བསྒྲགས་ལ་ཡོན་བཤད་པ་ལ་ཡང་སྦྱིན་པར་བྱའོ། །གང་གིས་
[234a.3]རེག་པ་དེ་དག་གོས་དང་བཅས་པ་ཁྲུས་བྱའོ། །དེ་དག་ལས་གཞན་ནི་ལག་པ་དག་དང་རྐང་པ་དག་བཀྲུ་བར་བྱའོ་ཞེས་གསུངས་པ་ཡིན་ནོ། །བྲེག་པའི་ལས་བྱས་པའི་དབང་ཕྱིར་དུས་ཀྱང་གཞན་ནོ་ཞེས་ཅི་སྐད་གསུངས་པ་ཡིན་ཏེ། སྤུ་གྲིའི་སོའམ། སྟེའུ་འི་སོ་ལྟ་བུར་སེན་མོ་རྣམས་གཅད་པར་
[234a.4]བྱའོ། །འབྲུའི་ཁ་ལྟ་བུའམ། ར་བའི་ལྕོག་ལྟ་བུའམ། ཟླ་བ་ཕྱེད་པ་ལྟ་བུའམ། བྱིའུ་ཡི་མཆུ་ལྟ་བུར་མི་བྱའོ། །སེན་མོ་སྦྱིལ་བར་མི་བྱ་སྟེ། དྲི་མ་དབྱི་བ་ལ་ནི་ལྟུང་བ་མེད་དོ། གཙུག་ཕུད་མི་གཞག་གོ། །ཆན་པས་བྲེག་པར་མི་བྱའོ། །རྨའི་ཐན་འཁོར་གྱི་སྐྲ་བྲེག་པ་ལ་ནི་ལྟུང་བ་
[234a.5]མེད་དོ། །གསང་བའི་གནས་ཀྱི་ཕྱོགས་སུ་བྲེག་པའི་ལས་མི་བྱའོ། །གང་ལ་རྨའམ་སྲོག་ཆགས་ཞུགས་ན་དེས་དགེ་སློང་གནས་བརྟན་དག་ལ་དྲིས་ཏེ་བྲེག་པར་བྱའོ། །བྱིན་པ་ལ་ཡང་མི་བྲེག་སྟེ། རྨའི་ཐན་ཀོར་ལ་ནི་ལྟུང་བ་མེད་དོ། །དགོན་པ་པས་ནི་སྐྲ་སོར་གཉིས་འཁྲིས་པ་བྲེག་གོ། །
[234a.6]དེ་ལས་གཞན་པ་དག་གིས་ཀྱང་དེ་ཚུན་ཆད་དོ། །ཆོས་གོས་བགོས་ལ་སྐྲ་མི་བྲེག་མོད་ཀྱི་འོན་ཀྱང་སྐྲ་བཟེད་པའི་གོས་བགོས་ལའོ། །དེ་ཡང་མེད་ན་རྔུལ་གཟན་གྱིས་དཀྲིས་ཏེ་དགེ་སློང་གང་མཁས་པ་དེས་གང་ཕྱོགས་དབེན་པར་བྲེག་གོ། །དེའི་ཕྱིར་ཡང་དགེ་འདུན་ལ་འདྲེག་པའི་སྣོད་སྤྱད་རྗེས་སུ་
[234a.7]གནང་ངོ་། །གང་དུ་དགེ་འདུན་ཕྱག་དར་དོར་བ་དེར་སེན་མོའམ། སྐྲ་མི་འདོར་རོ། །ནད་པའམ་རྒན་པོའམ། ཆར་འབབ་པ་ལ་སོགས་པ་རྣམས་ཀྱིས་བྱི་དོར་བྱའོ། །སྐྲ་བྲེག་པ་དང་། དེའི་འོག་ཏུ་ཁྲུས་བྱའོ། །གང་ན་བའམ་རྒན་པའམ། ཡང་ན་ཆུ་མེད་ན་དེ་དག་གིས་ཡན་ལག་ལྔ་བཀྲུ་
[234b]
[234b.1]བར་བྱའོ། །བཀྲུ་བའི་ཀུན་དུ་སྤྱད་པ་ནི་དང་པོར་དེ་རེ་ཞིག་ཡོངས་སུ་ལས་བྱེད་དུ་རུང་བ་བཙལ་ལོ། །གོས་གཅིག་པས་གོས་གཅིག་པ་ལ་མ་ཡིན་སེང་གེ་ལྟ་བུས་ཝ་ལྟ་བུ་ལ་མ་ཡིན། དེ་ཚུལ་ཁྲིམས་དང་ལྡན་པས་ཚུལ་ཁྲིམས་འཆལ་པ་ལ་མ་ཡིན་ནོ་ཞེས་བྱ་བའི་ཐ་ཚིག་གོ། །མ་དང་། ཕ་
[234b.2]དང་། ནད་པ་དང་། སློབ་དཔོན་དང་། མཁན་པོ་ནི་མཆོག་ཏུ་ཚུལ་ཁྲིམས་འཆལ་བ་ཡིན་ན་ཡང་བྱའོ། །མ་དད་པའམ། གསར་དུ་དད་པ་ཀུན་དུ་བྱ་བའི་ལས་བྱེད་དུ་གཞུག་པར་མི་བྱའོ། །བསྲོ་གང་གི་ནང་དུ་ཞུགས་པའི་ཚེ་ཡང་དེ་དག་གན་དུ་བཞུགས་པར་མི་བྱའོ། །དེ་ནས་དུས་
[234b.3]སེམས་ལ་བྱས་ཏེ་ཁྲུས་བྱས་སོ། །སོ་ཕག་གམ། ཉ་ཕྱིས་ཀྱིས་རྐང་པའི་མཐིལ་དྲུད་ཀྱི་ལུས་དྲུད་པར་མི་བྱའོ། །སྒྲེན་མོར་ཁྲུས་མི་བྱའོ། །འོན་ཀྱང་ཁྲུས་རས་རིམ་པ་གཅིག་པ་བཅད་བར་བྱའོ། །གལ་ཏེ་རིམ་པ་གཉིས་པ་ཞིག་ཡིན་ན་ལག་པས་ཆུ་བརྟགས་ཏེ་ཁྲུས་བྱའོ། །གང་
[234b.4]ལ་མེད་པ་དེས་དབེན་པའི་ཕྱོགས་སུ་འདབ་མ་ལྷགས་པས་གཡོགས་ལ་བཀྲུའོ། །གང་དུ་སོན་ན་སྲོག་ཆགས་དུས་འདས་པར་འགྱུར་བ་དེར་ཁྲུས་མི་བྱའོ། །དེ་ནས་ལངས་ཏེ་ཡུད་ཙམ་ཙོག་ཙོག་པོར་འདུག་པར་བྱའོ། །རིམ་པ་གཅིག་པར་བྱ་སྟེ། སྲོག་ཆགས་མེད་པར་གྱུར་པས་
[234b.5]དེ་ཡང་བཀྲུ་བར་བྱའོ། །ལུས་སྐམས་ནས་གོས་རྣམས་བགོ་བར་བྱའོ། །ཡང་ན་ལུས་ཡོངས་སུ་ཕྱི་བས་ལུས་ཡོངས་སུ་ཕྱི་བར་བྱའོ། །དེ་ཡང་མེད་ན་ཁྲུས་རས་ཀྱིས་ཀྱང་ངོ་། །ཆོ་ག་ཇི་སྐད་བསྟན་པ་བཞིན་མ་བྱས་ན་ཐམས་ཅད་ཉེས་བྱས་སོ། །བཅུ་པའོ།། །།
[234b.6]བཅུ་པོ་འདི་དག་ནི་བསོད་སྙོམས་ལ་རྒྱུ་བ་ཡོངས་སུ་ལོངས་སྤྱོད་པ་དང་། མེ་ལ་ཡོངས་སུ་ལོངས་སྤྱོད་པ་དང་། ལས་ལ་ཡོངས་སུ་ལོངས་སྤྱོད་པ་དང་། ཉལ་བ་ལ་ཡོངས་སུ་ལོངས་སྤྱོད་པ་དང་། ཆོས་ཀྱི་ལོངས་སྤྱོད་ལ་ཡོངས་སུ་ལོངས་སྤྱོད་པ་དང་ཆོས་གོས་ལ་ཡོངས་སུ་ལོངས་སུ་སྤྱོད་པ་དང་།
[234b.7]ལྟུང་བ་མཐོང་བ་ལ་ཡོངས་སུ་ལོངས་སྤྱོད་པ་དང་། ཁྲུས་ལ་ཡོངས་སུ་ལོངས་སྤྱོད་པར་རིག་པར་བྱ་སྟེ། གཅིག་དང་། གཅིག་དང་། གཅིག་དང་གསུམ་པོ་རྣམས་དང་། གཅིག་དང་། གཅིག་དང་། གཅིག་དང་གོ་རིམས་བཞིན་ནོ། །ཚོགས་དྲུག་པའོ།། །།མཉན་ཡོད་ན་སྟེ། འཆར་ཀས་འཕོང་རྩལ་སློབ་པའི་གནས་སུ་
[235a]
[235a.1]སོང་ནས་མདའ་ལྔས་བསྒྲུབས་པས་ན་དུད་འགྲོའི་སྐྱེ་གནས་སུ་གཏོགས་པའི་སྲོག་ཆགས་ཀྱི་གཞིའི་དབང་དུ་མཛད་དེ། མི་བཟོད་པ་དང་། སྙིང་རྗེ་མེད་པའི་ཉོན་མོངས་པ་དག་གིས་དུད་འགྲོའི་ཚོགས་དང་པོར་བཅས་སོ། །བསམས་བཞིན་དུ་ཞེས་བྱ་བ་ནི་སྲོག་ཆགས་སུ་འདུ་ཤེས་པ་
[235a.2]དང་། གསད་པར་འདུ་ཤེས་པའོ། །དུད་འགྲོའི་སྐྱེ་གནས་སུ་གཏོགས་པ་ཞེས་བྱ་བ་ནི་བྱ་རོག་གམ། དེ་ལས་གཞན་སྦྲུལ་ལ་སོགས་པ་སྟེ། དེས་ནི་སྲོག་ཆགས་ཡིན་ནོ་ཞེས་བསྟན་པར་འགྱུར་རོ། །སྲོག་ཆགས་གསོད་ཅེས་བྱ་བ་ནི་སྲོག་དང་ཕྲལ་བའོ། །སྲོག་ཆགས་གསོད་པའི་ཕྱིར་
[235a.3]བསྣུན་མ་ཐག་ཏུ་ལྟུང་བྱེད་དོ། །ཁ་ཅིག་ནི་མ་ཤི་ན་ཡང་ངོ་ཞེས་ཟེར་རོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གི་ལུས་ཀྱིས་སམ་ལུས་དང་འབྲེལ་བས་སམ། ལུས་ཀྱིས་འཕགས་པས་ཀྱང་རུང་བསད་པར་སེམས་ལ་བསྣུན་ན་དེ་དེའི་ཚེའམ་དེ་ལས་གཞན་དུའང་རུང་སྟེ་དེ་ཉིད་ཀྱིས་ཤེན་ལྟུང་
[235a.4]བྱེད་དོ། །མ་ཤི་ན་ཉེས་བྱས་སོ། །གཞན་གྱིས་ཀྱང་ཐ་ན་སྨྱོ་བས་སམ། དུད་འགྲོའི་སྐྱེ་གནས་སུ་གཏོགས་པ་གང་ཡང་རུང་། བསད་ན་ལྟུང་བྱེད་ཉིད་དོ། །སྤྲིང་ཡིག་གམ། ལག་རྩིས་ཀྱི་ཉེས་བྱས་ཉིད་དོ། །གཞན་ཡང་བསད་དོ་སྙམ་པ་ལས་གཞན་བསད་དམ་སྲོག་ཆགས་མ་ཡིན་པ་
[235a.5]ལ་སྲོག་ཆགས་སུ་འདུ་ཤེས་ན་ཉེས་བྱས་ཉིད་དོ། །ཁ་ཅིག་ནི་ལྟུང་བྱེད་དོ་ཞེས་ཀྱང་ཟེར་རོ། །ཐག་པ་གཏུབ་པོ་སྙམ་པ་ལས་སྦྲུལ་གཏུབས་ན་ལྟུང་བ་མེད་དོ། །དུད་འགྲོའི་སྐྱེ་གནས་ལ་དུད་འགྲོའི་སྐྱེ་གནས་སུ་འདུ་ཤེས་པ་རྣམ་པ་དྲུག་ཏུ་སྦྱར་རོ། །དང་པོའོ།། །།མཉན་ཡོད་ན་སྟེ།
[235a.6]ཉེ་དགས་བཅུ་བདུན་སྡེ་རྣམས་ཐོས་པ་འཛིན་པ་ལས་དེ་བར་ཆད་དུ་བྱ་བའི་ཕྱིར་ཁྱེད་ཐོས་པས་ཅི་ཞིག་བྱ། ཁྱེད་ནི་བསྙེན་པར་མ་རྫོགས་པའོ་ཞེས་སྨྲས་པ་ན། རྩེད་མོའི་གཞིའི་དབང་དུ་མཛད་དེ། ཉེ་བར་མ་ཞི་བའི་ཉོན་མོངས་བས་ན་གཉིས་པ་བཅས་སོ། བསམས་བཞིན་དུ་ཞེས་བྱ་བ་ནི་འགྱོད་པ་
[235a.7]དབྱུང་བར་བསམ་པའོ། །བདེ་བ་ལ་མི་རེག་པར་ཞེས་བྱ་བ་ནི་ཡིད་དུ་མི་འོང་བའོ། །དེ་ཉིད་ཅེས་བྱ་བ་ནི་གཞན་བསམ་པ་ལ་ལྟུང་བ་མེད་དོ། །དགེ་སློང་གིས་དགེ་འདུན་གཞི་དེས་རིགས་པའམ་མི་རིགས་པར་ཡང་རུང་བ་བདེ་བ་ལ་མི་རེག་པར་བྱ་བར་བསམས་ནས། དུས་དང་། མཚམས་དང་།
[235b]
[235b.1]སློབ་དཔོན་དང་། མཁན་པོའི་ཉེས་པས་ཁྱོད་བསྙེན་པར་རྫོགས་པ་མ་ཡིན་ཏེ། ཡང་བསྙེན་པར་རྫོགས་པར་བྱ་དགོས་སོ་ཞེས་ཟེར་བ་དང་། ཁྱོད་གནས་ཆེ་གེ་མོ་ཞིག་ཏུ་སོང་ནས་སློབ་དཔོན་དང་མཁན་པོའི་ཆོས་གོས་ཕྲོགས་པ་དང་། ཁྱོད་ཀྱིས་ནི་འདུས་བྱས་ཐམས་ཅད་མི་རྟག་གོ་ཞེས་བྱ་བ་ལ་སོགས་
[235b.2]སྨྲས་པས་ན་ཁྱོད་ལ་ཕམ་པར་འགྱུར་བ་འབྱུང་ངོ་ཞེས་ཟེར་ན་གལ་ཏེ་དགེ་སློང་ལ་འགྱོད་པ་སྐྱེས་སམ་མ་སྐྱེས་ཀྱང་རུང་སྟེ་ལྟུང་བྱེད་དོ། །བསྙེན་པར་རྫོགས་པ་དང་ཕམ་པར་འགྱུར་བ་མ་གཏོགས་པར་དོན་གཞན་གྱི་ཕྱིར་ཟེར་བ་ན་ཉེས་བྱས་སོ། །བསླབ་པ་བྱིན་པ་དང་བརྡ་མ་ཕྲད་པ་ལ་འགྱོད་པ་སྐྱེད་
[235b.3]པར་བྱེད་ན་ཉེས་བྱས་སོ། །དོན་གཞན་ནམ་འདུལ་བའི་ཡོ་བྱད་ཀྱི་ཕྱིར་ཉིད་དེ། དུས་ལ་སོགས་པ་ཉེ་བར་བསྡུ་བའམ། ཁྱོད་ལེགས་པར་བསྙེན་པར་རྫོགས་ཀྱིས་སྤྱོད་ཡུལ་མ་ཡིན་པར་མ་འགྲོ་ཞིག །མ་རུང་བར་གྱུར་ཏ་རེ་ཞེས་བྱ་བ་ལ་སོགས་པ་ལ་ནི་ལྟུང་བ་མེད་དོ། །དགེ་སློང་ལ་དགེ་
[235b.4]སློང་དུ་འདུ་ཤེས་རྣམ་པ་དྲུག་ཏུ་སྦྱར་ཏེ་ལྟུང་བྱེད་གཉིས་དང་། ཉེས་བྱས་བཞིའོ། །ཁ་ཅིག་ནི་དགེ་སློང་མ་ཡིན་པ་ལ་དགེ་སློང་དུ་འདུ་ཤེས་སམ། དེ་ལས་གཞན་པ་ལ་དེར་འདུ་ཤེས་པ་ན་ལྟུང་བྱེད་དོ་ཞེས་ཀྱང་ཟེར་རོ། །འགྱོད་པར་གྱུར་ཏམ་མ་གྱུར་ཀྱང་རུང་སྟེ། གཞན་ཡང་རྣམ་པ་དྲུག་ཏུ་
[235b.5]སྦྱར་རོ། །གཉིས་པའོ།། །།མཉན་ཡོད་ན་སྟེ། བཅུ་བདུན་སྡེ་ལས་བཅུ་དྲུག་གིས་གཅིག་ལ་བཟོད་པར་བྱ་བ་འདོད་དེ་སོར་མོས་ག་ག་ཚིལ་བྱས་པ་དང་། དེ་ཤིན་ཏུ་དགོད་པ་ལས་ཤི་བའི་ཕྱིར་རྩེད་མོའི་གཞིའི་དབང་དུ་མཛད་དེ་ཉེ་བར་མ་ཞི་བའི་ཉོན་མོངས་པས་ན་གསུམ་པ་བཅས་སོ། །འདོད་ཆགས་
[235b.6]ལ་སོགས་པས་ཀུན་ནས་དཀྲིས་སམ། དྲེག་པར་སེམས་པས་དགེ་སློང་གིས་དགེ་སློང་ལ་སོར་མོ་གཅིག་གམ་རྐང་པའི་སེན་མོའི་བར་དུ་ཡང་རུང་སྟེ། ཇི་སྙེད་ཀྱིས་ག་ག་ཚིལ་བྱས་པ་ལ་ལྟུང་བྱེད་ཀྱང་དེ་སྙེད་དུ་འགྱུར་རོ། །གལ་ཏེ་གཅིག་གམ་གཉི་ག་ཡང་རུང་ལུས་ཀྱི་དབང་པོ་ཉམས་པ་ཞིག་ཡིན་ན་ཉེས་བྱས་
[235b.7]སོ། །རྨའམ་སྦྲང་བུ་ལ་སོགས་པའམ། རྡོ་འམ་ཤིག་གམ། མཛེར་པའམ། སྨེ་བའམ། སྤུ་འཁྱིལ་བ་སྟོན་བ་ལ་ནི་ལྟུང་བ་མེད་དོ། །དགེ་སློང་ལ་དགེ་སློང་དུ་འདུ་ཤེས་པ་རྣམ་པ་དྲུག་ཏུ་སྦྱར་ཏེ་ལྟུང་བྱེད་གཉིས་དང་། ཉེས་བྱས་བཞིའོ། །ག་ག་ཚིལ་ལ་ག་ག་ཚིལ་དུ་འདུ་ཤེས་པ་ཡང་རྣམ་པ་དྲུག་ཏུ་
[236a]
[236a.1]སྦྱར་རོ། །གསུམ་པའོ།། །།མཉན་ཡོད་ན་སྟེ། བཅུ་བདུན་སྡེ་རྣམས་ཆུ་ཀླུང་གནས་ཅན་གྱི་ནང་དུ་རྩེ་བ་གསལ་རྒྱལ་གྱིས་མཐོང་སྟེ་མ་དད་པར་གྱུར་པའི་ཕྱིར་རྩེད་མོའི་གཞིའི་དབང་དུ་མཛད་དེ། ཉེ་བར་མ་ཞི་བའི་ཉོན་མོངས་པས་ན་བཞི་པ་བཅས་སོ། །ཆུ་ལ་རྩེན་ཞེས་བྱ་བ་
[236a.2]ནི་ཆུ་ལ་དགའ་བའོ། །གཞི་དགུས་ལྟུང་བར་འགྱུར་ཏེ། རྩེ་བ་དང་། རྩེར་གཞུག་པ་དང་། རྩེད་མོ་དང་། རྩེད་མོ་བྱེད་དུ་གཞུག་པ་དང་། དགའ་བ་དང་། དགའ་བར་བྱེད་དུ་གཞུག་པ་དང་། རྒོད་བག་དང་། འཕྱར་གཡེང་དང་། ལུས་རྣམ་པར་འགྱུར་བར་བྱེད་པ་དང་། དེ་ལ་ཆུ་ཕན་ཚུན་འཐོར་བར་བྱེད་པ་
[236a.3]དང་། སྟེང་དུ་འབྱུང་བ་དང་། ནང་དུ་བྱིའུ་ཟུལ་བྱེད་པ་དང་། འགྲོ་བ་ལ་སོགས་པ་དང་། ཆུ་ལ་རྔ་བོ་ཆེ་ལ་སོགས་པ་ལྟ་བུར་བརྡུང་བ་སྟེ། རང་གིས་བྱེད་པ་དང་། གཞན་ལ་བྱེད་དུ་གཞུག་པའི་གཞི་དྲུག་དང་། དེ་དག་ལ་ཡིད་དང་། ངག་དང་། ལུས་ཀྱི་དབྱེ་བས་ཕྱེ་བ་ལ་ཡང་གཞི་རྣམ་པ་གསུམ་གྱིས་
[236a.4]བསྣན་ཏེ་དགུའོ། །དགེ་སློང་གིས་རྩེ་བར་བསམས་ནས། ཁྲི་ལས་ལྡང་བ་དང་། ཤམ་ཐབས་གྱོན་པ་དང་། བླ་གོས་གྱོན་པ་དང་། སོང་ནས་ཁྲུས་ཀྱི་རས་བགོས་ཏེ། ཆུའི་ནང་དུ་འཇུག་ན་ཆུ་ཆུང་ཡང་རུང་ཆེ་ཡང་རུང་། གཏིང་ཟབ་ཀྱང་རུང་མི་ཟབ་ཀྱང་རུང་། རྩེ་བར་རུང་ཡང་བླ། མི་རུང་ཡང་བླ་སྟེ། ནང་དུ་ཞུགས་ན་
[236a.5]ཉེས་བྱས་སོ། །དེ་ཡང་སྦྱོར་བའི་ཆོ་ག་ཡིན་ཏེ། བསླབ་པའི་གཞི་ཐམས་ཅད་དུ་ཡང་རིག་པར་བྱའོ། །གྱེན་དུ་འབྱུང་ངམ། བྱིའུ་ཟུལ་བྱས་སམ། ཕ་རོལ་དུ་འགྲོ་བ་འམ། ཚུ་རོལ་དུ་འོང་ངམ། ཆུའི་རྒྱུན་ནམ། སླར་གྱེན་དུ་རྐྱལ་ལམ། ཆུ་ལ་རྫ་རྔ་ལ་སོགས་པ་བྱེད་དམ། ཐ་ན་ཆུ་ལ་རི་མོ་འདྲི
[236a.6]འམ། བུམ་པ་ལ་སོགས་པ་ཆུས་གང་བའམ། འུ་ཤ་ལ་སོགས་པས་གང་བའམ། ཆུ་ལ་རྔ་བོ་ཆེ་ལྟ་བུར་བརྡུངས་ན་ལྟུང་བྱེད་དོ། །བེམ་ཏོལ་བསྣུན་ན་ཉེས་བྱས་སོ། །སིམ་པར་བྱ་བར་བསམས་པ་དང་། ཕ་རོལ་དུ་རྒལ་བར་བསམས་པ་དང་། རྐྱལ་བསླབ་པར་བསམས་པ་ལ་ལྟུང་བ་མེད་དོ། །དགེ་
[236a.7]སློང་གིས་རྐྱལ་པ་དེ་གོམ་པར་བྱའོ་ཞེས་གསུངས་སོ། །གཞན་ཡང་གཏོར་ན་ཆུའི་ཐིགས་པ་ཇི་སྙེད་ལ་ལྟུང་བྱེད་ཀྱང་དེ་སྙེད་པར་འགྱུར་རོ། །བསིལ་བར་བྱ་བར་བསམས་པ་ལ་ལྟུང་བ་མེད་དོ། །འབྲུ་མར་ལ་སོགས་པ་གཏོར་ན་ཉེས་བྱས་སོ། །ཆུ་ལ་མ་གཏོགས་པར་གཞན་གྱིས་དགའ་བར་བྱས་ན་
[236b]
[236b.1]ཉེས་བྱས་སོ། །ཆུ་ལ་ཆུར་འདུ་ཤེས་པ་རྣམ་པ་དྲུག་ཏུ་སྦྱར་རོ། །ཁ་ཅིག་ནི་ཆུ་མ་ཡིན་པ་ལ་ཆུར་ཉེ་བར་འདུ་ཤེས་ན་ལྟུང་བྱེད་དོ་ཞེས་ཀྱང་ཟེར་རོ། །བཞི་པའོ།། །།མཉན་ཡོད་ན་སྟེ། མ་འགགས་པ་སྐྱེས་བ་མེད་བའི་བུད་མེད་ཀྱི་ཁྱིམ་དུ་ཉལ་བ་ན་དེ་དེས་མི་རིགས་པས་མགྲོན་དུ་གཉེར་ཏེ།
[236b.2]མཐུས་ཀྱང་གཟུང་བར་བརྩམས་པ་དང་། བུད་མེད་ཀྱི་ཡུལ་གྱི་གཞིའི་དབང་དུ་མཛད་དེ། མ་དད་པའི་ཉོན་མོངས་པས་ན་ལྔ་པ་བཅས་སོ། །བུད་མེད་ཀྱི་ཡུལ་དང་ལྷན་ཅིག་ཅེས་བྱ་བ་ནི་མིའི་རིགས་མི་ཚངས་པར་སྤྱོད་པ་བསྟེན་པར་བཟོད་པའོ། །རྣམ་གྲངས་གཞན་དུ་ན་གལ་ཏེ་ཡན་ལག་ཐམས་
[236b.3]ཅད་གཟུང་དུ་རུང་བ་ལ་ཡང་བྱའོ། །ལྷན་ཅིག་གནས་གཅིག་ཏུ་ཉལ་ན་ཞེས་བྱ་བ་ནི་གནས་རྣམ་པ་བཞི་པོ་སྔར་སྨོས་པར་སྐྱ་རེངས་ཤར་བར་བྱེད་ན་ལྟུང་བའི་མཐའོ། །སྐྱ་རེངས་ཤར་ཚུན་ཆད་དུ་ནི་ཉེས་བྱས་སོ། །དེ་ལ་ལྟུང་བ་ཅི་ལྟར་འགྱུར་ཞེ་ན། དགེ་སློང་འོག་ཁང་དུ་ཉལ་ལ་བུད་མེད་ཀྱི་
[236b.4]ཡུལ་སྟེང་ཁང་དུ་ཉལ་ན་དེས་ཡ་གད་ཕོག་ལ་དྲུང་དུ་བཞག་གོ། །ཡང་ན་སྒོ་བཅད་དེ་སྒོ་གཏན་གཞུག་པར་བྱའོ། །ཡང་ན་དགེ་སློང་བསྲུང་བ་བཞག་གོ། །རྣམ་པ་གཞན་དུ་ན་སྐྱ་རེངས་ཤར་ན་ལྟུང་བྱེད་དོ། །སླར་བཟློག་པ་ཡི་ནི་སྐས་སྟེང་དུ་བརྟུལ་བར་བྱའོ། །དེ་བཞིན་དུ་གནས་ཁང་དང་།
[236b.5]ཁང་བཟངས་དང་། སྒོ་གང་དང་། བང་རིམ་ཁང་ཡང་རུང་སྟེ། ཁང་བཟངས་དང་ཁྱམས་ན་འདུག་ན་ཁྱད་པར་དུ་ནི་སྒོའི་ཕྱི་རོལ་དུ་བཅིང་བར་བྱའོ། །བ་ལང་གི་ལྷས་སམ་ཕྱུགས་ལྷས་སམ། ཇི་སྐད་བསྟན་བའི་ཁང་བཟངས་ཡང་རུང་སྟེ་རང་ཉལ་བའི་ས་རེ་སྡེ་དག་གམ་ཚེར་ཐག་དག་གམ། ཡལ་
[236b.6]ག་ལ་སོགས་པ་རྣམས་ཀྱིས་བསྐོར་བར་བྱའོ། །ཡང་ན་དགེ་སློང་གཞག་གོ། །རྣམ་པ་གཞན་དུ་སྐྱ་རེངས་ཤར་ན་ཉེས་བྱས་སོ། །ཚུན་ཆད་སྔར་ཡང་ཉེས་བྱས་ཉིད་དོ། །ལྷ་དང་ཀླུ་ལ་སོགས་པའི་བུ་མོ་རྣམས་ཀྱི་གཟུགས་སྣང་བ་ན་ཡང་ཉེས་བྱས་སོ། །དུད་འགྲོའི་སྐྱེ་གནས་སུ་གྱུར་པ་ནི་ཐ་ན་བྱ་
[236b.7]གག་མོ་དང་། དེས་ལྷན་ཅིག་ཉལ་ན་ཡང་ཉེས་བྱས་སོ། །དེ་ལས་ཆུང་བ་ལ་ནི་ལྟུང་བ་མེད་དོ། །རྩྭ་སྟུག་པོའམ། ནགས་སྟུག་པོའམ། འོང་མ་སྟུག་པོའམ། ཤིན་ལྗོན་པ་ཁོང་སྟོང་ངམ། བྱ་སྐྱིབས་སུ་བུད་མེད་དང་ལྷན་ཅིག་ཉལ་ན་ཉེས་བྱས་སོ། །སྟོབས་མེད་པའི་བུད་མེད་དང་ཡང་ཉེས་བྱས་ཉིད་
[237a]
[237a.1]དོ། །གཙུག་ལག་ཁང་དུ་མང་པོ་འབྲེལ་པ་ཞིག་ཡིན་ལ་སྒོ་ཐ་དད་པ་དེར་བུད་མེད་དང་ཉལ་ན་ལྟུང་བྱེད་དོ། །བསྙེན་པར་མ་རྫོགས་པ་དང་ཉལ་བ་ལ་མ་ཡིན་ནོ། །གལ་ཏེ་གང་དུ་བྱ་གག་མོ་གཅིག་ནས་གཉིས་པར་འགྲོ་ནའོ། །བུད་མེད་ལ་བུད་མེད་དུ་འདུ་ཤེས་པ་རྣམ་པ་དྲུག་ཏུ་སྟེ།
[237a.2]ལྟུང་བྱེད་གཉིས་དང་ཉེས་བྱས་གཉིས་དང་། ལྟུང་བ་མེད་པ་གཉིས་སོ། །གལ་ཏེ་ཉལ་བ་ལས་ཕྱིས་བུད་མེད་ཀྱི་ཡུལ་ཡང་ཉལ་ཏེ་དེ་ལ་འདུ་ཤེས་མེད་ཀྱང་ལྟུང་བའོ། །ཁ་ཅིག་ནི་གང་འདིར་ཡང་བུད་མེད་མ་ཡིན་ཀྱང་བུད་མེད་དུ་འདུ་ཤེས་ན་ལྟུང་བྱེད་ཉིད་དོ་ཞེས་ཟེར་རོ། །བདག་པོས་བསྲུངས་པ་ལ་
[237a.3]ལྟུང་བ་མེད་དོ། །ལྔ་པའོ།། །།མཉན་ཡོད་ན་སྟེ། འཆར་ཀས་བཅུ་བདུན་སྡེ་རྣམས་ཀློག་ཅིང་འཁོད་པ་ལ་ལབ་བཟློག་སྟེ་བགོས་ནས་འབྱུང་པོ་ཞེས་བསྡིགས་པས་ན་རྩེད་མོའི་གཞིའི་དབང་དུ་མཛད་དེ། ཉེ་བར་མ་ཞི་བའི་ཉོན་མོངས་པས་དྲུག་པ་བཅས་སོ། །བཞད་གད་བྱ་བར་བསམས་ཀྱང་
[237a.4]ཞེས་བྱ་བ་ནི་རྩེད་མོར་བསམས་པ་སྟེ། ཀྱང་ཞེས་བྱ་བའི་སྒྲ་ནི་གཙེ་བར་བསམས་པ་གཟུང་ངོ་། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་དགེ་སློང་སྡངས་པར་བྱ་བ་མངོན་པར་བསམས་ཏེ་ཤ་ཟ་ལ་སོགས་པ་གང་ཡིད་དུ་མི་འོང་བའི་གཟུགས་དང་། སྒྲ་དང་། དྲི་དང་། རེག་བྱ་རྣམས་ཉེ་བར་
[237a.5]བསྡུས་ནས་འདི་སྐད་ཅེས་ཀྱང་ཟེར་ཏེ། དེ་དག་ཁྱོད་ལ་གསོད་པར་བྱེད་དོ་ཞེ་ན། དགེ་སློང་འཇིགས་པར་འགྱུར་ཏམ་མ་གྱུར་ཀྱང་རུང་སྟེ། སྨྲས་མ་ཐག་ཏུ་ལྟུང་བྱེད་དོ། །རྒྱལ་པོ་ལ་སོགས་པ་གང་ཡིད་དུ་འོང་བའི་གཟུགས་ལ་སོགས་པ་བཟུང་ནས་འདི་སྐད་ཅེས་ཀྱང་ཟེར་ཏེ། དེ་ཁྱོད་ལ་གསོད་
[237a.6]པར་བྱེད་དོ་ཞེས་ཟེར་ན་ཉེས་བྱས་སོ། །བསླབ་པ་བྱིན་པ་དང་། དེ་ལས་གཞན་པའི་རབ་ཏུ་བྱུང་བ་རྣམས་ལ་སྡངས་པར་བྱེད་པ་ན་ཡང་ཉེས་བྱས་སོ། །སེམས་ཅན་དམྱལ་བ་ལ་སོགས་པའི་གཏམ་ཟེར་བ་ལ་ནི་ལྟུང་བ་མེད་དོ། །དགེ་སློང་ལ་དགེ་སློང་དུ་འདུ་ཤེས་པ་རྣམ་པ་དྲུག་སྟེ། ལྟུང་བྱེད་
[237a.7]གཉིས་དང་། ཉེས་བྱས་བཞིའོ། །ཡོད་པ་ལ་ཡོད་པར་འདུ་ཤེས་པ་ཞེས་བྱ་བ་ནི་གཞན་རྣམ་པ་དྲུག་གོ། །ཁ་ཅིག་ནི་དགེ་སློང་མ་ཡིན་པ་ལ་ཡང་དགེ་སློང་དུ་འདུ་ཤེས་ན་ལྟུང་བྱེད་ཉིད་དོ་ཞེས་ཟེར་རོ། །དྲུག་པའོ།། །།མཉན་ཡོད་ན་སྟེ། བཅུ་བདུན་སྡེ་དང་དྲུག་སྡེ་རྣམས་ཆུའི་ནང་དུ་རྩེ་བ་ལས་གཏིང་
[237b]
[237b.1]དུ་བྱིང་བར་ཤེས་ཏེ། དེ་དག་གིས་ཆོས་གོས་རྣམས་ཚང་ཚིག་གི་ནང་དུ་སྦས་ཏེ་དོང་བས་ན་རྩེད་མོའི་གཞིའི་དབང་དུ་མཛད་དེ་ཉེ་བར་མ་ཞི་བའི་ཉོན་མོངས་པས་བདུན་པ་བཅས་སོ། །དགེ་སློབ་མ་ཞེས་བྱ་བ་ནི་གང་ཁྱིམ་གཟུང་བ་ལོ་བཅུ་གཉིས་ལོན་པའམ། གཞོན་ནུ་མ་ལོ་བཅོ་བརྒྱད་ལོན་
[237b.2]པ་ལ་ཆོས་དྲུག་དང་། རྗེས་སུ་མཐུན་པའི་ཆོས་དྲུག་ལ་བསླབ་པའི་སྡོམ་པ་སྦྱིན་པར་བྱའོ། །ཆོས་དྲུག་ནི། གཅིག་པུ་ལམ་དུ་འགྲོ་མི་བྱ། །ཆུ་བོ་ཕ་རོལ་རྐྱལ་མི་བྱ། །སྐྱེས་པ་ལ་ནི་རེག་མི་བྱ། །སྐྱེས་པ་དང་ནི་འདུག་མི་བྱ། །སྨྱན་དུ་འགྱུར་བར་མི་བྱ་ཞིང་། །ཁ་ན་མ་ཐོ་འཆབ་མི་བྱ། །
[237b.3]རྗེས་སུ་མཐུན་པའི་ཆོས་དྲུག་ནི། །གསེར་ལ་གཟུང་བར་མི་བྱ་ཞིང་། །མདོམས་ཀྱི་སྤུ་ནི་བྲེག་མི་བྱ། ས་ནི་བརྐོ་བར་མི་བྱ་སྟེ། །རྩྭ་སྔོ་དག་ནི་གཅད་མི་བྱ། །བྱིན་ལེན་མ་བྱས་བཟའ་མི་བྱ། །ཡོངས་སུ་གནས་པར་མི་བཟའོ། །ལྷུང་བཟེད་ཅེས་བྱ་བ་ནི་གང་ཡང་རུང་བའོ། །ཆོས་གོས་ཞེས་བྱ་བ་ནི་
[237b.4]རྣམ་པར་བརྟགས་པར་གྱུར་པའོ། །དྲ་བ་ཞེས་བྱ་བ་ནི་ལྷུང་བཟེད་ཀྱི་སྣོད་སྒྱེའུའོ། །ཁ་ཅིག་ལས་དྲ་བ་ཞེས་བྱ་བ་ནི་དྲ་བ་ཉིད་དེ། ལྷུང་བཟེད་གཞན་གྱིའོ་ཞེས་ཀྱང་འབྱུང་ངོ་། །ལྷུང་བཟེད་ཀྱི་སྣོད་ནི་བརྒྱ་བྱིན་ལ་བརྟེན་ནས་རྗེས་སུ་གནང་བའོ། །དེ་ལས་གཞན་པའི་དྲ་བ་དང་། ཁར་བ་ནི་ནད་པ་དང་
[237b.5]རྒན་པོ་ལ་སྡོམ་པས་འཆང་དུ་རྗེས་སུ་གནང་བའོ། །ཕོར་བུ་ཅན་ཞེས་བྱ་བ་ནི་ཁ་ཕོར་རོ། །སྐ་རགས་ཞེས་བྱ་བ་ནི་སྐ་རགས་གསུམ་དུ་རྗེས་སུ་གནང་བ་སྟེ། ཤུར་བུ་དང་། ལྕག་ཕོད་དང་། ཤུར་བུ་ཕྲེའུ་འོ། །གཞན་ལས་ནི་དང་པོར་ལྷས་མ་ཡང་ཞེས་འདོན་ཏོ། །ཚོམ་བུ་ཅན་དང་། ཚར་ཚར་ཅན་དང་
[237b.6]ཟླ་གམ་ཅན་དང་། གསེར་སྐུད་དག་ནི་རུང་བ་མ་ཡིན་པའི་ཕྱིར་བཀག་གོ། །གང་ཡང་རུང་བ་ཞེས་བྱ་བ་ནི་ཁབ་རལ་ལ་སོགས་པའོ། །དགེ་སྦྱོང་ཞེས་བྱ་བ་ནི་དང་པོར་གང་དགེ་སྦྱོང་གི་རུང་བའོ། །མི་རུང་བ་ལ་ནི་དངོས་གཞིའི་ལྟུང་བར་མི་འགྱུར་རོ། །དེ་འདྲ་བའི་རྐྱེན་མ་གཏོགས་ཏེ་ཞེས་བྱ་བ་ནི་ཆོམ་
[237b.7]རྐུན་ལ་སོགས་པས་བརྐུ་བར་དོགས་ཏེ་སྦས་པ་ལ་ཉེས་པ་མེད་དོ། །དེ་ལ་ལྟུང་བ་ཅི་ལྟར་འགྱུར་ཞེ་ན། གནོད་པར་བྱ་བར་འདོད་དམ། རྩེད་མོ་བྱ་བར་འདོད་ཀྱང་རུང་སྟེ། གང་ཟག་དེའི་འམ་གཞན་གྱི་ཡང་རུང་། དེ་ཉིད་ཡིན་ནམ་དེ་མ་ཡིན་ཡང་རུང་། དེར་འདུ་ཤེས་པར་གྱུར་ཏེ་སྦས་ན་གཞན་
[238a]
[238a.1]ལ་གནོད་པར་གྱུར་ཏམ་མ་གྱུར་ཀྱང་རུང་སྟེ་སྦས་མ་ཐག་ཏུ་ལྟུང་བྱེད་དོ། །གསེར་ལ་སོགས་པའི་ལྷུང་བཟེད་དམ། ལྷུང་བཟེད་སྤངས་པ་ལ་སོགས་པའམ། ཆོས་གོས་མི་རུང་བའམ། ཐགས་སུ་མ་བཏགས་པའམ། ཚད་ལས་ཆུང་བའམ། བསླབ་པ་བྱིན་པའམ།
[238a.2]ཁས་བླངས་པས་ཁས་མ་བླངས་པའིའམ། སླར་བཟློག་པ་ཡང་རུང་དེ་ལས་གཞན་པའི་དགེ་སྦྱོང་དང་། བྲམ་ཟེའི་རྗེས་སུ་མཐུན་པའི་འཚོ་བའི་ཡོ་བྱད་གཅིག་སྦས་ཀྱང་རུང་སྟེ་ཉེས་བྱས་སོ། །བདུན་པའོ།། །།མཉན་ཡོད་ན་སྟེ། ཉེ་དགས་གནས་པར་བྱེད་པ་རྣམས་ལ་ཆོས་
[238a.3]གོས་རྣམས་སྦྱིན་པ་དང་། དེ་དག་གིས་བདག་ཉིད་ཀྱིའོ་སྙམ་པས་ལགས་པར་ཁ་བསྒྱུར་ཏེ་ཡུལ་གཞན་དུ་འགྲོ་བ་རྣམས་ཀྱིས་དེ་ཉིད་ཀྱི་ལག་ཏུ་གཞག་གོ། །དེས་ཀྱང་བགོས་ཏེ་དྲི་མ་ཅན་དུ་བྱས་ནས་དེ་བཞིན་དུ་སླར་བཞག་པས་ན་ཆོས་གོས་སྦྱིན་པ་དང་མི་སྦྱིན་པའི་གཞིའི་དབང་དུ་མཛད་དེ་ཕོངས་པ་
[238a.4]ལ་སོགས་པའི་ཉོན་མོངས་པས་ན་བརྒྱད་པ་བཅས་སོ། །ཆོས་གོས་ཞེས་བྱ་བ་ནི་སྣམ་སྦྱར་དང་། བླ་གོས་དང་། མཐང་གོས་སོ། །བྱིན་ནས་ཞེས་བྱ་བ་ནི་ངེས་པར་བྱིན་པའོ། །གདེང་མེད་པར་ཞེས་བྱ་བ་ནི་མ་བརྙས་པའོ། །སྤྱོད་ན་ཞེས་བྱ་བ་ནི་བགོས་པའོ། །དེ་ལ་ལྟུང་བ་ཅི་ལྟར་འགྱུར་ཞེ་ན།
[238a.5]དགེ་སློང་གིས་དགེ་སློང་ལ་གོས་བྱིན་ཏེ་དེས་མ་རིག་པ་དང་། མ་བརྙས་པར་བགོ་བར་འདོད་པ་ལ། མ་བརྙས་པར་འདུ་ཤེས་སམ་ཡིད་གཉིས་ཟ་ན་ཡང་རུང་བགོས་ན་བགོས་མ་ཐག་ཏུ་ལྟུང་བྱེད་དོ། །སྦྱོར་བ་ལ་ནི་ཉེས་བྱས་སོ། །བསླབ་པ་བྱིན་པ་ལ་སོགས་པའམ། མི་རུང་བ་ལ་སོགས་
[238a.6]པའི་གོས་མ་བརྙས་པར་བགོས་ན་ཉེས་བྱས་སོ། །དགའ་བ་དང་ཡིད་དུ་འོང་བ་དང་། གཅུགས་པ་དང་། ཐོས་ནས་མཆོག་ཏུ་དགའ་བ་བསྐྱེད་པར་གྱུར་ན་ལྟུང་བ་མེད་དོ། །མ་བརྙས་པར་འདུ་ཤེས་པ་རྣམ་པ་དྲུག་ཏུའོ། །ཁ་ཅིག་ནི་བརྙས་ཀྱང་མ་བརྙས་པར་འདུ་ཤེས་ན་ལྟུང་བྱེད་ཉིད་དོ་ཞེས་
[238a.7]ཀྱང་ཟེར་རོ། །བརྒྱད་པའོ།། །།རྒྱལ་པོའི་ཁབ་ཏུ་སྟེ། མཛའ་བོ་དང་ས་ལས་སྐྱེས་དག་དགེ་སློང་མ་ཨུཏྭལའི་མདོག་གི་མགོ་ལ་གྱད་བུ་ནོར་གྱི་ཆོས་གོས་རེག་པ་མཐོང་སྟེ། དགེ་འདུན་ལྷག་མ་གླེངས་པས་ན་ཚངས་པ་མཚུངས་པར་སྤྱོད་པའི་གཞིའི་དབང་དུ་མཛད་དེ་མི་བཟོད་པའི་ཉོན་
[238b]
[238b.1]མོངས་པས་ན་དགུ་པ་བཅས་སོ། །གཞི་མེད་པས་ཞེས་བྱ་བ་ནི་མ་མཐོང་བས་དང་། མ་ཐོས་པས་དང་། མི་དོགས་པས་སོ། །དགེ་འདུན་ལྷག་མ་ཞེས་བྱ་བ་ནི། བཅུ་གསུམ་ལས་གང་ཡང་རུང་བའོ། །སྐུར་པ་ན་ཞེས་བྱ་བ་ནི་སྐུར་པ་འདེབས་པ་ཡིན་ཏེ། དགེ་སློང་མ་དག་པ་ལ་གཞི་བཅུ་གཅིག་
[238b.2]གིས་ནི་ལྟུང་བ་སྟེ། གཞི་དྲུག་ནི་ལྟུང་བ་མེད་དོ། །དག་པ་ལ་ནི་གཞི་བཅུས་ལྟུང་བ་སྟེ། གཞི་ལྔས་ནི་ལྟུང་བ་མེད་དོ། །དེ་ཡང་དགེ་འདུན་ལྷག་མའི་རྗེས་སུ་འབྲངས་ནས་བལྟ་བར་བྱའོ། །གང་ལ་དགེ་འདུན་ལྷག་མ་དེ་ལ་ལྟུང་བྱེད་དོ། །གང་ལ་ཉེས་པ་སྦོམ་པོ་དེ་ལ་ཉེས་བྱས་སོ་ཞེས་བྱ་བ་ནི་ཁྱད་པར་
[238b.3]རོ། །བསླབ་པ་བྱིན་པའམ། སྐད་མི་ཤེས་པ་ལ་ཡང་རུང་སྟེ། སྐུར་པ་ན་ཉེས་བྱས་སོ། །དག་པའམ་མི་དག་པ་ཡང་རུང་དག་པར་འདུ་ཤེས་སམ་ཡིད་གཉིས་ཟན་ཡང་རུང་སྟེ་ལྟུང་བྱེད་དོ། །མི་དག་པར་འདུ་ཤེས་ན་ཉེས་བྱས་སོ། །ཁ་ཅིག་ནི་དགེ་སློང་མ་ཡིན་པ་ལ་ཡང་དགེ་སློང་དུ་འདུ་ཤེས་ན་ལྟུང་བྱེད་
[238b.4]ཉིད་དོ་ཞེས་ཟེར་རོ། །དགུ་པའོ།། །།གླེང་གཞི་ནི་མཉན་ཡོད་ན་སྟེ། དགེ་སློང་གཞན་ཞིག་རྒྱལ་པོའི་ཁབ་ནས་མཉན་ཡོད་ན་འགྲོ་བ་ལས་ཐ་ག་པའི་ཆུང་མ་ཁྱིམ་ཐབ་ལ་ཁྲོས་པ་ཡང་དེ་དང་ལྷན་ཅིག་སོང་བ་དང་ཐ་ག་པས་བདག་གི་ཆུང་མ་ཕྲོགས་སོ་ཞེས་རབ་མདའ་བཟློག་སྟེ། དགེ་
[238b.5]སློང་དེ་ཡང་ཤིན་ཏུ་བརྡེགས་པས་ན་ལམ་དུ་འགྲོ་བའི་གཞིའི་དབང་དུ་མཛད་ནས་མདང་པའི་ཉོན་མོངས་པས་བཅུ་པ་བཅས་སོ། །སྐྱེས་པ་མེད་པར་ཞེས་བྱ་བ་ནི་དེ་དང་དེའོ། །བུད་མེད་ཅེས་བྱ་བ་ནི་སྤྱད་དུ་བཟོད་པའོ། །འདྲོན་ལམ་དུ་འགྲོ་ན་ཞེས་བྱ་བ་ནི་དགོན་པའི་ལམ་མོ། །གྲོང་བར་དུ་
[238b.6]ཞེས་བྱ་བ་ནི་རྒྱང་གྲགས་གཅིག་གི་བར་དུ་ཡང་ངོ་། །རྒྱང་གྲགས་ཕྱེད་ཕྱེད་ཅིང་ཉེས་བྱས་སོ། །རྒྱང་གྲགས་རེ་རེ་ཞིང་ལྟུང་བྱེད་དོ། །སྐྱེས་པ་མེད་པ་ལ་སྐྱེས་པ་མེད་པར་འདུ་ཤེས་པ་རྣམ་པ་དྲུག་ཏུ་སྟེ། ལྟུང་བྱེད་གཉིས་དང་། ཉེས་བྱས་གཉིས་དང་། ལྟུང་བ་མེད་པ་གཉིས་སོ། །གཞན་བུད་མེད་ལ་བུད་
[238b.7]མེད་དུ་འདུ་ཤེས་པ་ཡང་རྣམ་པ་དྲུག་ཏུའོ། །སྤྲུལ་པ་མོའམ། ལྷའི་བུ་མོའམ། མ་ནིང་མོའམ། མཚན་གཉིས་མོའམ། སྦྱད་དུ་མི་རུང་བ་དང་ལྷན་ཅིག་ན་ཉེས་བྱས་སོ། །ཁ་ཅིག་ནི་སྐྱེས་པ་དང་ལྷན་ཅིག་གམ། སྐྱེས་པ་མེད་ཀྱང་རུང་། བུད་མེད་མེད་ཀྱང་རུང་དེར་འདུ་ཤེས་ན་ལྟུང་བ་ཉིད་དོ་ཞེས་ཀྱང་
[239a]
[239a.1]ཟེར་རོ། །བུད་མེད་ཀྱིས་བསེལ་བྱེད་དམ། ལམ་སྟོར་བ་ལས་བུད་མེད་ལམ་དུ་འཛུད་པ་ལ་ལྟུང་བ་མེད་དོ། །བཅུ་བའོ།། །།བཅུ་པོ་འདི་ཡང་ཤིག་ལ་སོགས་པ་སྤང་བར་ཡོངས་སུ་ལོངས་སྤྱོད་པ་དང་། ལྟུང་བ་དང་གླེང་བའི་ཡོངས་སུ་ལོངས་སྤྱོད་པ་དང་། རྩེད་
[239a.2]མོ་ལ་དགའ་བའི་ཡོངས་སུ་ལོངས་སྤྱོད་པ་དང་། དགེ་བསྙེན་མའི་ཡོངས་སུ་ལོངས་སྤྱོད་པ་དང་། ཆོས་གོས་ཀྱིས་ཡོངས་སུ་ལོངས་སྤྱོད་པ་དང་། ལམ་དུ་བགྲོད་པའི་ཡོངས་སུ་ལོངས་སྤྱོད་པ་སྟེ། དང་པོ་དང་། གཉིས་པ་དང་། དགུ་པ་དང་། གསུམ་པ་དང་། བཞི་པ་དང་། དྲུག་པ་དང་། ལྔ་པ་
[239a.3]དང་། བདུན་པ་དང་། བརྒྱད་པ་དང་། བཅུ་པ་དང་། གོ་རིམས་ཇི་ལྟ་བ་བཞིན་དུའོ། །བདུན་པའི་ཚོགས་སོ། །མཉན་ཡོད་ན་སྟེ། དགེ་སློང་གཞན་ཞིག་ཚོང་པ་ཤོ་གམ་འདྲལ་བ་རྣམས་དང་ལྷན་ཅིག་སོང་བ་ལས་ཤོ་གམ་བས་ཤིན་ཏུ་བརྡེགས་པས་ན་ལམ་དུ་འགྲོ་བའི་གཞིའི་དབང་དུ་མཛད་དེ་མ་དད་
[239a.4]པའི་ཉོན་མོངས་པས་བརྐུ་བའི་ཚོགས་དང་པོར་བཅས་སོ། །དོན་མཐུན་རྐུན་མ་དང་ཞེས་བྱ་བ་ནི་རྐུན་མ་ཞེས་བྱ་བའི་ཆོམ་རྐུན་པ་སྟེ། གྲོང་འཇོམས་པ་དང་། ཚོང་པ་ཤོ་གམ་འདྲལ་བའོ། །འདྲོན་ལམ་དུ་འགྲོ་ན་ཞེས་བྱ་བ་ནི་དགོན་པའི་ལམ་མོ། །གྲོང་བར་དུ་ཞེས་བྱ་བ་ནི་རྒྱང་གྲགས་རེ་རེ་ཞིང་
[239a.5]ལྟུང་བྱེད་དོ། །རྒྱང་གྲགས་ཕྱེད་ཕྱེད་ཅིང་ཉེས་བྱས་སོ། །ཁ་ཅིག་ནི་མདའ་རྒྱང་རེ་རེ་ཞིང་ལྟུང་བྱེད་ཉིད་དོ་ཞེས་ཀྱང་ཟེར་རོ། །དེ་ལྟར་ན་མདའ་རྒྱང་གང་བོར་ཞིང་འགྲོ་བ་ལ་ལྟུང་བ་མེད་དོ། །སྨྱོས་པ་དང་། སེམས་འཁྲུགས་པ་དང་། ཚོར་བས་ཉེན་པ་དང་། གཡོས་བརྐུ་བ་དང་། ཚོང་པ་རྐུན་མ་རྣམས་
[239a.6]དང་ལྷན་ཅིག་ན་ཉེས་བྱས་སོ། །དོན་མཐུན་རྐུན་ལ་དོན་མཐུན་དུ་འདུ་ཤེས་པ་རྣམ་པ་དྲུག་ཏུའོ། །ཁ་ཅིག་ནི་དེ་ལྟ་མ་ཡིན་ཡང་དེ་ལྟར་འདུ་ཤེས་ན་ལྟུང་བྱེད་ཉིད་དོ་ཞེས་ཀྱང་ཟེར་རོ། །དང་པོའོ།། །།མཉན་ཡོད་ན་སྟེ། མཽད་གལ་གྱི་བུས་བཅུ་བདུན་སྡེ་རྣམས་བསྙེན་པར་རྫོགས་པར་
[239a.7]བྱས་པས་བྲུ་བ་ཚ་བས་གཟིར་ཏེ་དུ་བས་ན་བསྙེན་པར་རྫོགས་པའི་གཞིའི་དབང་དུ་མཛད་དེ་འཁོར་འཛིན་པའི་ཉོན་མོངས་པས་གཉིས་པའོ། །ལོ་ཉི་ཤུ་མ་ལོན་པ་ཞེས་བྱ་བ་ནི་བྲུ་བ་ཚ་བ་དང་། སྐོམ་པ་ལ་སོགས་པའི་སྡུག་བསྔལ་རྣམས་མི་བཟོད་པའི་ཕྱིར་རོ། །བསྙེན་པར་རྫོགས་པར་བྱེད་ཅེས་
[239b]
[239b.1]བྱ་བ་ནི་གང་བསྙེན་པར་རྫོགས་པར་བྱེད་པ་དང་། གང་ལ་བསྙེན་པར་རྫོགས་པར་བྱ་བ་དང་། དེ་ཅི་ལྟར་བསྙེན་པར་རྫོགས་པར་འགྱུར་བ་དེ་བཞིན་དུ་བསྙེན་པར་རྫོགས་པའི་གང་ཀུན་དུ་སྤྱད་བ་དེ་བསྙེན་པར་རྫོགས་པའི་མཚན་ཉིད་ལས་རིག་པར་བྱའོ། །དེ་ལ་གང་བསྙེན་པར་རྫོགས་པར་བྱེད་པ་ནི་མཁན་པོ་དང་།
[239b.2]སློབ་དཔོན་དང་། དགེ་འདུན་ནོ། །མཁན་པོ་གཉིས་ཏེ། རབ་ཏུ་འབྱིན་པ་དང་། བསྙེན་པར་རྫོགས་པར་བྱེད་པའོ། །གང་ལོ་བཅུ་ལོན་ལགས་ལ་བ་སྟེ། ཆོས་ལྔ་དང་ལྡན་པ་ལྟུང་བ་ཤེས་པ་དང་། ལྟུང་བ་མེད་པ་དང་། ལྕི་བ་དང་། ཡང་བ་དང་སོ་སོར་ཐར་བའི་མདོ་ཐོན་པ་དང་། དེ་རྒྱས་པར་ཐོན་
[239b.3]བའོ། །རྗེས་སུ་བཅས་དང་རྗེས་གནང་དང་། །ལྟུང་བ་ལྕི་དང་ཡང་བ་དང་། །བཅས་དང་ལྟུང་བ་མེད་ཤེས་དང་། །སོ་སོར་ཐར་པ་འཛིན་པའོ། །ན་དང་འགྱོད་དང་ལྷ་རྣམས་དང་། །མི་དགའ་གྲོལ་བར་བྱེད་པ་དང་། །ཚུལ་ཁྲིམས་སྤྱོད་ལ་འཛུད་པ་དང་། །ཚུལ་ཁྲིམས་སྤྱོད་དང་ཐོས་ལྡན་ནོ། །མི་གསལ་ན་ལོ་དྲུག་ཅུ་ལོན་ཡང་
[239b.4]གཞན་ལ་གནས་ཏེ་འདུག་པར་བྱའོ། །རབ་ཏུ་འབྱུང་བར་མི་བྱ། བསྙེན་པར་རྫོགས་པར་མི་བྱ། གནས་སྦྱིན་པར་མི་བྱ། ཕྱག་བྱ་བ་མ་གཏོགས་ཏེ། གནས་པས་བྱ་བ་གཞན་ཐམས་ཅད་དེས་བྱའོ། །འདིའི་མིང་ཡང་གནས་བརྟན་བྱིས་པ་ཞེས་བྱའོ། །སློབ་དཔོན་ནི་ལྔའོ། །དགེ་
[239b.5]ཚུལ་གྱི་སློབ་དཔོན་ཏེ། སྐྱབས་སུ་འགྲོ་བ་དང་། བསླབ་པ་བྱིན་པའོ། །གསང་སྟེ་སྟོན་པ་སྟེ། གང་གིས་དབེན་པར་སྟོན་པའོ། །ལས་བྱེད་པ་སྟེ། གང་གིས་གསོལ་བ་དང་བཞིའི་ལས་བྱེད་པའོ། །གནས་ཀྱི་སློབ་དཔོན་ཏེ་གང་ནུབ་གཅིག་ཙམ་ཡང་གནས་བཅས་ཏེ་འདུག་པའོ། །
[239b.6]ཀློག་པའི་སློབ་དཔོན་ཏེ། གང་ལ་རྩ་བ་བཞི་པའི་ཚིགས་སུ་བཅད་པ་གཅིག་གཟུང་བའོ། །དགེ་འདུན་ལ་རྣམ་པ་གཉིས་ཏེ། ཡུལ་དབུས་སུ་ནི་བཅུ་འདུས་པ་དང་། མཐའ་འཁོབ་ཏུ་ནི་ལྔ་འདུས་པའོ། །གལ་ཏེ་མང་དུ་ཡོད་པ་ལས་ལྔས་བསྙེན་པར་རྫོགས་པར་བྱས་ན་དེ་ནི་བསྙེན་པར་
[239b.7]རྫོགས་པ་ཡིན་མོད་ཀྱི་དེ་དག་འགལ་ཚབས་ཅན་དུ་འགྱུར་རོ། །སེམས་ཅན་བསྙེན་པར་རྫོགས་པ་དེ་བཞིན་གཤེགས་པ་ནི་ཚོགས་ཀྱི་གྲངས་སུ་བསྐང་བར་མི་བྱའོ། །འོན་པ་དང་། སྨྱོན་པ་དང་། ཁས་བླངས་པ་ལ་སོགས་པས་ཚོགས་ཀྱི་གྲངས་སུ་བསྐང་བ་ན་བསྙེན་པར་རྫོགས་པ་མ་ཡིན་ནོ། །གང་ལ་
[240a]
[240a.1]བསྙེན་པར་རྫོགས་པར་བྱ་ཞེ་ན། བསམ་པ་ཉམས་པ་དང་། རྟེན་ཉམས་པ་དང་། སྐྱེས་པ་ཉམས་པ་དང་། དཀར་པོའི་ཆོས་ཉམས་པ་དང་། གཞན་གྱི་དབང་དུ་གྱུར་པ་དང་། མི་དད་པར་འགྱུར་བས་ཉམས་པ་མ་ཡིན་ནོ། །དེ་ལ་བསམ་པ་ཉམས་པ་ནི་བུ་ལོན་གྱིས་ཉེན་པ་དང་།
[240a.2]འཇིགས་པས་ཉེན་པ་དང་། འཚོ་བའི་འཇིགས་པས་ཉེན་པ་རབ་ཏུ་བྱུང་བའོ། །རྟེན་ཉམས་པས་ནི་གང་འབྲས་དང་ཕོལ་མིག་ལ་སོགས་པའི་ནད་དང་གནོད་པས་སོ། །སྐྱེས་པ་ཉམས་པ་ཞེས་བྱ་བ་ནི་མ་ནིང་ལྔ་སྟེ། སྐྱེས་ནས་མ་ནིང་ཡིན་པ་སྟེ། གང་བཙས་ནས་སྐྱེས་པའམ། བུད་མེད་
[240a.3]ཀྱང་མ་ཡིན་པའོ། །ཟླ་བ་ཕྱེད་ཕྱེད་པའི་མ་ནིང་སྟེ། ཟླ་བ་ཕྱེད་ནི་སྐྱེས་པ། ཟླ་བ་ཕྱེད་ནི་བུད་མེད་དུ་འགྱུར་བའོ། །འཁྱུད་པའི་མ་ནིང་སྟེ། གང་གཞན་གྱིས་འཁྱུད་ན་གདོད་དབང་པོ་ལྡོང་བའོ། །ཕྲག་དོག་ཅན་གྱི་མ་ནིང་སྟེ། གང་གཞན་དང་འཁྲིག་པ་མཐོང་ནས་སོ། །ཉམས་
[240a.4]པའི་མ་ནིང་སྟེ། གང་གི་དབང་པོ་ནད་དམ་མཚོན་གྱིས་བཅད་པའོ། །དང་པོ་བཞི་ནི་བསྙིལ་བར་བྱའོ། །ཐ་མ་རྣམ་པར་འགྱུར་བ་མི་བསྟེན་པ་ནི་བཏང་སྙོམས་སུའོ། །རྣམ་པ་གཞན་དུ་ན་བསྙིལ་བར་བྱ་བ་ཡིན་ནོ། །དཀར་པོའི་ཆོས་ཉམས་པ་ཞེས་བྱ་བ་ནི་ཉེ་དུ་ཤཱཀྱ་མ་མེ་པ་
[240a.5]རལ་པ་ཅན་མ་གཏོགས་པའི་མུ་སྟེགས་ཅན་ནོ། །གཞན་ནི་ཟླ་བ་བཞིའི་དབང་དུ་མཛད་ནས་གཞག་པར་བྱ་སྟེ། མཁན་པོས་ནི་གོས་ཀྱི་རིན་གྱི་གནས་པ་སྦྱིན་པར་བྱའོ། །དགེ་འདུན་གྱིས་ནི་ཟན་ནོ། །དགེ་ཚུལ་གྱིས་གྲལ་རིམ་བཞིན་ལས་བྱེད་དུ་གཞུག་པར་བྱའོ། །སེམས་མགུ་བར་བྱས་ནས་
[240a.6]རབ་ཏུ་དབྱུང་བར་བྱའོ། །དགེ་སློང་མ་སུན་ཕྱུང་བ་ཞེས་བྱ་བ་ནི་གང་གིས་ཕམ་པར་འགྱུར་པ་བརྒྱད་པོ་རྣམས་ལས་གང་ཡང་རུང་བ་རྣམས་མ་བྱུང་བའི་དགེ་སློང་མ་ལ་མི་ཚངས་པར་སྤྱོད་པས་སུན་ཕྱུང་བའོ། །གལ་ཏེ་སྔར་ལུས་ལ་རེག་པར་བྱས་ལ་ཕྱིས་མི་ཚངས་པར་སྤྱད་པ་ནི་དགེ་སློང་མ་སུན་
[240a.7]ཕྱུང་བ་མ་ཡིན་ནོ། །རྐུ་ཐབས་སུ་གནས་པ་ཞེས་བྱ་བ་ནི་གང་བདག་ཉིད་རབ་ཏུ་བྱུང་བ་ལ་རང་བཞིན་དུ་གནས་པ་དང་། ལྷན་ཅིག་གསོ་སྦྱིན་གྱི་ལས་ལན་གཉིས་སམ་ལན་གསུམ་ཉམས་སུ་མྱོང་བར་གྱུར་བའོ། །ཞུས་པ་བྲམ་ཟེའི་བུ་མོ་ལྟ་བུ་ལས་ནི་གསོལ་བ་དང་བཞིའི་ལས་ཀྱིས་སོ་ཞེས་འབྱུང་ངོ་། །
[240b]
[240b.1]ཞུ་བ་ལས་ནི་བསྙེན་པར་རྫོགས་པར་གསོལ་བ་དང་། གསོལ་བ་དང་གཉིས་སམ། གསོལ་བ་དང་བཞིའམ། གསོ་སྦྱིན་ནམ། དགག་དབྱེའམ། གང་ཟག་བཅུ་གཉིས་སུ་བསྐོ་བ་ཡང་རུང་སྟེ། ཉམས་སུ་མྱོང་བར་གྱུར་པའོ་ཞེས་འབྱུང་ངོ་། །མུ་སྟེགས་ཅན་ཞུགས་པ་ཞེས་བྱ་བ་ནི་མུ་སྟེགས་
[240b.2]ཅན་གང་འདིའི་རྒྱལ་མཚན་འཛིན་པ་དེ་དག་གི་ལྟ་བ་ལ་དགའ་ནས་དེར་གནས་ཤིང་བསླབ་པ་མ་ལུས་ལ་ངུར་སྨྲིག་དེ་བཞག་ནས་སྐྱ་རེངས་ཤར་བར་གྱུར་པའོ། །མ་བསད་པ་དང་། ཕ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་
[240b.3]དང་། དགེ་འདུན་གྱི་དབྱེན་བྱེད་པ་སྟེ། གང་གིས་ཆོས་མ་ཡིན་པའི་འདུ་ཤེས་ཀྱིས་དགེ་འདུན་ཕྱེ་བའོ། །ཕམ་པར་འགྱུར་བ་བྱུང་བ་དང་། བསྙིལ་བ་དང་། བསྙིལ་བར་འོས་པ་སྟེ། དགེ་སློང་མ་སུན་ཕྱུང་འབྱིན་པ་ལ་སོགས་པ་འདི་དག་ནི་བྱུང་ཡང་བསྙིལ་བར་བྱ་བ་ཡིན་ནོ། །ཐ་དད་
[240b.4]དུ་གནས་པ་ཞེས་བྱ་བ་ནི་དེ་ཡང་རྣམ་པ་གཉིས་ཏེ། གང་གིས་བསམས་བཞིན་དུ་ཆོས་ཀྱི་ཕྱོགས་ལས་ཆོས་མ་ཡིན་པའི་ཕྱོགས་སུ་འགྲོ་བ་དང་། གང་ལ་དགེ་འདུན་གྱིས་གསོལ་བ་དང་ལས་ཀྱིས་གནས་ནས་ཕྱུང་བ་སྟེ། དང་པོ་བབས་པ་ལས་གལ་ཏེ་བསྙེན་པར་རྫོགས་པར་བྱེད་པའི་ཚེ་
[240b.5]སླར་ཡང་སྒྲུབ་པར་བྱེད་ན། བསྙེན་པར་རྫོགས་པའོ། །བཟློག་པ་ནི་མ་ཡིན་ནོ། །བསྙེན་པར་རྫོགས་ནས་གལ་ཏེ་ཁས་མི་ལེན་ན་ལེགས་པར་བསྙེན་པར་རྫོགས་པ་མ་ཡིན་ནོ། །སླང་ཡང་གནས་ནས་དབྱུང་བར་བྱའོ། །བསྡིགས་པ་ལ་སོགས་པའི་ལས་བྱས་པ་ལས་བསྙེན་པར་
[240b.6]རྫོགས་པར་བྱེད་ན་འགལ་ཚབས་ཅན་དུ་འགྱུར་རོ། །དེ་ཡང་ཆད་པའི་ལས་ཉམས་པ་ཡིན་ནོ། །གཞན་གྱི་དབང་དུ་གྱུར་པ་ཞེས་བྱ་བ་ནི་བྲན་དང་རྒྱལ་པོས་བཀྲབས་པ་དང་། མ་དང་ཕ་དག་གིས་རྗེས་སུ་མ་གནང་ངོ་། །ཡུལ་ཐག་རིང་བ་ལ་ལྟུང་བ་མེད་དོ། །གང་བཙས་ནས་མས་
[240b.7]བོར་བ་དེ་ནི་གང་གིས་གསོས་པ་དེས་རྗེས་སུ་གནང་ནའོ། །མི་དད་པར་གྱུར་པ་ཞེས་བྱ་བ་ནི་འདི་ལྟ་སྟེ། སྤྲུལ་པ་དང་། གང་མི་མ་ཡིན་པ་དང་། དུད་འགྲོའི་སྐྱེ་གནས་སུ་གཏོགས་པ་དང་། ཆོམ་རྐུན་གྱི་རྒྱལ་མཚན་ཅན་དང་། ལོ་ཉི་ཤུ་མ་ལོན་པ་དང་། སྐྲ་སེར་བ་དང་། སྐྲ་
[241a]
[241a.1]ལྗང་གུ་དང་། སྐྲ་དཀར་བ་དང་། སྐྲ་གླང་པོ་ཆེའི་ལྟ་བུ་དང་། སྐྲ་མེད་པ་དང་། མགོ་འབར་འབུར་ཅན་དང་། གླང་པོ་ཆེའི་ལྟ་བུ་དང་། མགོ་སྦོམ་པ་དང་། ལུས་ལ་གླེབས་པ་འདྲ་བ་དང་། ཕག་གི་མགོ་ལྟ་བུ་དང་། མགོ་གཉིས་པ་དང་། མགོ་གསུམ་པ་དང་།
[241a.2]མིག་དམར་བ་དང་། མིག་པོ་ཆེ་དང་། མིག་ཆགས་པ་དང་། མིག་སེར་བ་དང་། མིག་མཆིང་བུ་ལྟ་བུ་དང་། མིག་ཆུ་བུར་ལྟ་བུ་དང་། མིག་མེད་པ་དང་། གླང་པོ་ཆེ་དང་། རྟ་དང་། བ་ལང་དང་། སྤྲེའུ་དང་། བོང་བུ་དང་། སྣ་ཕག་གི་ལྟ་བུ་དང་། སྣ་གཉིས་པ་དང་། སྣ་མེད་པ་དང་།
[241a.3]གླང་པོ་ཆེ་ལ་སོགས་པའི་སོ་ལྟ་བུ་དང་། སོ་མེད་པ་དང་། མཇིང་ནུབ་དང་། མགུལ་རིང་ཆེས་པ་དང་། ཕྲག་མིག་དང་། སྒུར་པོ་དང་། ཕོ་མཚན་ཆད་པ་དང་། རླིག་རླུགས་དང་། རླིག་པ་མེད་པ་དང་། གླང་པོ་ཆེ་ལ་སོགས་པ་ལྟ་བུའི་རྣ་བ་དང་། རྣ་བ་གཅིག་དང་། རྣ་བ་མེད་པ་དང་།
[241a.4]ལུས་ཤིན་ཏུ་རིང་བ་དང་། ལུས་ཤིན་ཏུ་ཐུང་བ་དང་། ཤིན་ཏུ་སྐེམ་པ་དང་། མ་འོས་པར་ངལ་སྐྱེན་པ་དང་། ཁ་དོག་ངན་པ་བཞི་དང་། ལག་པ་དང་། རྐང་པ་རྡུམ་པ་དང་། ལག་པའི་སོར་མོ་རྣམས་སྒུ་བ་དང་། མཆུ་མེད་པ་དང་། ལུས་རྨ་མཚན་ཅན་དང་། རྒན་ཆེས་པ་དང་། གཞོན་
[241a.5]ཆེས་པ་དང་། ཐེང་བོ་དང་། སྨད་འཆལ་དང་། ཞར་བ་དང་། ལག་སོར་རྡུམ་པོ་དང་། མིའུ་ཐུང་དང་། གླེན་པ་དང་། དིག་པ་དང་། ལྐུགས་པ་དང་། འོན་པ་དང་། རྟེན་འཕྱེ་དང་། མཚན་མས་བཏབ་པ་དང་། ལྕག་རྨ་ཅན་དང་། བུད་མེད་ཀྱིས་དུབ་པ་སྟེ། གང་ལ་གཞོན་ནུ་ནར་མ་
[241a.6]སོན་པར་འཁྲིག་པ་དྲགས་ཏེ་རྟེན་ཉམས་པས་ན། དགེ་བའི་ཕྱོགས་ལ་མི་བཟོད་པའོ། །ཁུར་གྱིས་དུབ་པ་དང་། ལམ་གྱིས་དུབ་པ་དང་། ཏ་གམ་པ་སྟེ། གང་གཞོན་ནུ་ནར་མ་སོན་པར་ནད་པ་ལ་སོགས་པས་ཉེན་པས་ན་རྟེན་ཉམས་པ་སྟེ། དགེ་བའི་ཕྱོགས་ལ་མི་བཟོད་པའོ། །དེ་ལ་ཡ་ཟ་མ་
[241a.7]ལུག་ནི་གང་ལྕགས་ཀྱིས་བཅིངས་པ་བཀྲོལ་བ་དང་། དམན་པའི་རིགས་སོ། །མཛེས་པ་རབ་ཏུ་དབྱུང་བ་དང་། ཡོངས་སུ་དག་པར་བསྙེན་རྫོགས་པར། །རྫོགས་སངས་རྒྱས་ཀྱིས་རབ་མཁྱེན་ཏེ། །བདེན་པའི་མཚན་ཀྱིས་བཀའ་སྩལ་ཏོ།། །།འདུལ་བ་བསྡུས་པ་བམ་པོ་བཅུ་གཉིས་
[241b]
[241b.1]པ། ཇི་ལྟར་བསྙེན་པར་རྫོགས་པར་བྱ་ཞེ་ན། རབ་ཏུ་འབྱུང་བར་འདོད་པ་ལ་བར་ཆད་ཀྱི་ཆོས་རྣམས་དྲིས་ཏེ་གཟུང་བར་བྱའོ། །སྐྱབས་སུ་འགྲོ་བ་དང་། བསླབ་པའི་གཞི་ལྔ་ཡང་སྦྱིན་པར་བྱའོ། །མཁན་པོར་གསོལ་བར་བྱའོ། །གང་དགེ་འདུན་ལ་ཞུ་བར་བྱེད་པའི་དགེ་སློང་ལ་
[241b.2]ཡང་གསོལ་བ་གདབ་པར་བྱའོ། །དེས་ཀྱང་ཁྱོད་ཀྱི་བར་ཆད་ཀྱི་ཆོས་རྣམས་ཡོད་པ་དྲིས་སམ་ཞེས་དྲི་བར་བྱའོ། །རྣམ་པ་གཞན་དུ་ན་ཉེས་བྱས་སོ། །མ་ཞུས་པར་རབ་ཏུ་ཕྱུང་ན་ཉེས་བྱས་སོ། །ཞུས་པའི་ཚེ་གལ་ཏེ་ཡོངས་སུ་དག་ནའོ་ཞེས། མ་སྨྲས་ན་ཉེས་བྱས་སོ། །
[241b.3]དེ་ནས་སྐྲ་འདྲེག་པའི་དགེ་སློང་ལ་གསོལ་བ་གདབ་པར་བྱའོ། །དེས་གཙུག་ཕུད་འདྲེག་པའི་ཚེ་བྲེག་གམ་ཞེས་དྲི་བར་བྱའོ། །ཤམ་ཐབས་བསྐོན་པ་ཉིད་ཀྱི་ཚེ། མཚན་མེད་པའམ། མཚན་གཉིས་པའམ། གླེ་འདམས་པ་མ་ཡིན་ནམ་ཞེས་མ་ཚོར་བར་མཚན་བརྟག་གོ། །དེའི་
[241b.4]འོག་ཏུ་དགེ་སློང་ལ་གསོལ་བ་གདབ་པར་བྱའོ། །དེས་ཀྱང་གང་སྐྱབས་སུ་འགྲོ་བ་སྦྱིན་པ་དང་། དགེ་ཚུལ་གྱི་བསླབ་པའི་གཞི་སྦྱིན་པར་བྱའོ། །དེའི་འོག་ཏུ་ཆོས་གོས་དང་ལྷུང་བཟེད་བཙལ་ལོ། །ཡང་ན་ཡོ་བྱད་དྲུག་པོ་རྣམས་བརྙས་ཏེ། རབ་ཏུ་དབྱུང་བ་དང་། བསྙེན་པར་རྫོགས་
[241b.5]པར་བྱའི་བཏང་སྙོམས་སུ་ནི་མི་བྱའོ། །ཁ་སྐོང་བའི་དགེ་སློང་རྣམས་སམ་དགེ་འདུན་ཐམས་ཅད་དམ། གསང་སྟེ་སྟོན་པ་དང་། ལས་བྱེད་པ་ལ་གསོལ་བ་གདབ་པར་བྱ་བའོ། །དེའི་འོག་ཏུ་ཕྱག་དག་འཚལ་དུ་བཅུག་ལ་མཁན་པོར་གསོལ་བར་བྱའོ། །ཆོས་གོས་རྣམས་དང་ལྷུང་བཟེད་
[241b.6]ནི་དགེ་འདུན་ལ་བརྟེན་ཏེ་བྱིན་གྱིས་བརླབ་པར་བྱའོ། །ལྷུང་བཟེད་མེད་པར་དགེ་ཚུལ་དུ་མི་བྱའོ། །ཡང་ན་དེ་ལ་ལྷུང་བཟེད་ཆུང་ངུའམ་ཁ་ཕོར་དག་སྦྱིན་པར་བྱའོ། །ཐོས་པའི་ཉེ་འཁོར་ནས་སྤངས་ཏེ། མཐོང་བའི་ཉེ་འཁོར་མི་རིང་བར་གཞག་གོ། །བསྙེན་པར་རྫོགས་པར་འདོད་པ་ཤིང་
[241b.7]ལ་འཛེག་ཏུ་མི་གཞུག་གོ། །དེ་ནས་གསང་སྟེ་སྟོན་ལ་གསོལ་བ་དང་བཞིའི་ལས་རྣམས་ཀྱིས་རྒྱས་པར་བྱའོ། །དེའི་འོག་ཏུ་གྲིབ་ཚོད་གཞལ་བར་བྱའོ། །ཐུར་མ་སོར་བཞི་པས་སོ། །ཐུར་མ་ཅི་ཙམ་ཡོད་པ་དེ་ཙམ་ལ་སྐྱེས་བུའོ། །ཉིན་མཚན་གྱི་ཆ་ཡང་བརྗོད་པར་བྱའོ། །
[242a]
[242a.1]དུས་ཚོད་རྣམས་ནི་ལྔའོ། །དེའི་འོག་ཏུ་གནས་རྣམས་བརྗོད་པར་བྱའོ། །དང་པོར་བརྗོད་ན་ཉེས་བྱས་སོ། །བསྙེན་པར་རྫོགས་མ་ཐག་ཏུ་ཕམ་པར་འགྱུར་བ་བཞི་པོ་རྣམས་སོ། །མ་བརྗོད་ན་འགལ་ཚབས་ཅན་དུ་འགྱུར་རོ། །རྣམ་པ་ལྔ་པོ་རྣམས་ཀྱིས་
[242a.2]བསྙེན་པར་རྫོགས་པར་མི་འགྱུར་ཏེ། མཁན་པོའི་མིང་མ་བརྗོད་ན་དང་། བདག་ཉིད་དང་། དགེ་སློང་གི་དགེ་འདུན་དང་། གསོལ་བ་མ་བྱས་པ་དང་། ལས་མ་རྫོགས་པའོ། །འདི་ལས་བཟློག་པ་ལྔ་པོ་རྣམས་ཀྱིས་ནི་བསྙེན་པར་རྫོགས་པར་བྱེད་པའོ། །བསྙེན་པར་རྫོགས་པར་
[242a.3]བྱེད་པའི་ཚེ་གལ་ཏེ་མཚན་གྱུར་ན་ལེགས་པར་བསྙེན་པར་རྫོགས་པ་ཡིན་གྱི། དགེ་སློང་མའི་དབྱར་ཁང་དུ་འགྲོ་བར་བྱའོ། །དེ་སྐད་དུ་ཡང་བཅོམ་ལྡན་འདས་ཀྱིས་དགེ་སློང་རྣམས་ལས་དགེ་སློང་མ་རབ་ཏུ་མང་པོ་རྣམས་ཀྱིས་བསྙེན་པར་རྫོགས་པ་དགེ་སློང་མའི་དངོས་པོ་བཙལ་བར་བྱའོ་ཞེས་འབྱུང་བ་ལྟ་བུའོ། །
[242a.4]དགེ་སློང་མའི་བསྙེན་པར་རྫོགས་པར་བྱ་བས། དགེ་སློང་དུ་བསྙེན་པར་རྫོགས་པར་བྱས་ན་བསྙེན་པར་རྫོགས་པའོ། །དགེ་སློང་རྣམས་ཀྱིས་བསྙེན་པར་རྫོགས་པར་བྱས་པས། དགེ་སློང་མར་བསྙེན་པར་རྫོགས་པར་བྱས་ན་དགེ་སློང་མའི་དངོས་པོར་རིག་པར་
[242a.5]བྱའོ། །ཞུ་བ་ལས་ནི་སྐྱེས་པ་བུད་མེད་ལྟ་བུའམ། བུད་མེད་སྐྱེས་པ་ལྟ་བུའམ། དགེ་སློང་མའི་ལས་ཀྱིས་དགེ་སློང་ངམ། དགེ་སློང་གི་ལས་ཀྱིས་དགེ་སློང་མའམ། མཁན་པོར་གསོལ་བ་མ་བཏབ་བམ། བར་ཆད་རྣམས་མ་དྲིས་སམ། དགེ་ཚུལ་མ་བྱས་སམ། མཁན་པོ་
[242a.6]མེད་དམ། ལས་བྱེད་དུ་མེད་པར་རམ། མཁན་པོ་བསྙེན་པར་རྫོགས་པ་མ་ཡིན་པ་ཡང་རུང་། བསྙེན་པར་རྫོགས་པར་བྱས་ན་དེ་ནི་བསྙེན་པར་རྫོགས་མོད་ཀྱི། གཞན་རྣམས་གཉིས་ལ་ནི་འགལ་ཚབས་ཅན་དུ་འགྱུར་རོ། །མཁན་པོ་ཚུལ་ཁྲིམས་འཆལ་པའོ་ཞེས་བྱ་བར་ཤེས་ན་
[242a.7]བསྙེན་པར་རྫོགས་པ་མ་ཡིན་ནོ། །དེ་ལས་གཞན་དུ་བསྙེན་པར་རྫོགས་པའོ་ཞེས་འབྱུང་ངོ་། །བར་ཆད་ཀྱི་ཆོས་དང་ལྡན་པ་དེ་བཞིན་དུ་སྨྲའམ། རྣམ་པ་གཞན་དུའང་རུང་སྟེ། བསྙེན་པར་རྫོགས་པར་བྱས་ན་བསྙེན་པར་རྫོགས་པ་ཡིན་ཏེ། སྔ་མས་ནི་དགེ་སློང་རྣམས་འགལ་
[242b]
[242b.1]ཚབས་ཅན་འགྱུར་རོ། །བར་ཆད་ཀྱི་ཆོས་དང་མི་ལྡན་པ་དེ་བཞིན་དུ་སྨྲའམ། རྣམ་པ་གཞན་དུའང་རུང་སྟེ། བསྙེན་པར་རྫོགས་པར་བྱས་ན་ལེགས་པར་བསྙེན་པར་རྫོགས་པ་ཡིན་ཏེ། ཕྱི་མས་ནི་དགེ་སློང་རྣམས་འགལ་ཚབས་ཅན་དུ་འགྱུར་རོ། །བསྙེན་པར་རྫོགས་པར་བྱེད་པའི་
[242b.2]ཚེ་བསླབ་པ་ཕུལ་ལམ། མི་བཏུབ་ན་བསྙེན་པར་རྫོགས་པ་མ་ཡིན་ནོ། །འོན་པའམ་མཐའ་འཁོབ་པ་གལ་ཏེ་ལས་ཐོས་སམ་ཤེས་ན་བསྙེན་པར་རྫོགས་པ་ཡིན་ནོ། །སླར་བཟློག་པ་ནི་མ་ཡིན་ནོ། །རྣམ་པ་གཞན་དུའང་མཐའ་འཁོབ་པས་བསྙེན་པར་རྫོགས་པ་ནི་མ་ཡིན་མོད་ཀྱི་བསྙེན་པར་
[242b.3]རྫོགས་པར་བྱེད་པ་རྣམས་ལ་ནི་འགལ་ཚབས་ཅན་དུ་འགྱུར་རོ། །རྣམ་པ་གཞན་དུ་ན་ཚོགས་ཀྱི་གྲངས་ཁ་སྐོང་བའམ་མཁན་པོ་མཚན་གྱུར་པ་ལས་གལ་ཏེ་མཚན་མ་གྱུར་པའི་ཚེ་གསོལ་བ་ཐོས་ན་བསྙེན་པར་རྫོགས་པའོ། །བཟློག་པ་ནི་བསྙེན་པར་མ་རྫོགས་པའོ། །ནམ་མཁའ་ལ་འདུག་སྟེ་ས་ལ་འདུག་
[242b.4]པའི་ལས་བྱེད་ན་བྱས་པ་མ་ཡིན་ཞེས་བརྗོད་པར་བྱའོ། །ཅི་ཙམ་གྱིས་ན་བསྙེན་པར་རྫོགས་པ་ཞེས་བརྗོད་པར་བྱ། གང་གསོལ་བ་དང་བཞིའི་ལས་རྟོགས་པའོ། །ཇི་སྲིད་བཅོ་བརྒྱད་པོ་གཞག་པའི་གནས་ཀྱི་མཚམས་རྣམས་མནན་ལ་གང་ཟག་བཅོ་བརྒྱད་གང་ལ་གསོལ་བ་གཅིག་གིས་བསྙེན་པར་
[242b.5]རྫོགས་པར་བྱར་རུང་བ་ཡོད་དོ། །རྣམ་པ་བཅུས་བསྙེན་པར་རྫོགས་པར་འགྱུར་ཏེ། སློབ་དཔོན་མེད་པར་དེ་བཞིན་གཤེགས་པ་རྣམས་དང་། རང་སངས་རྒྱས་རྣམས་སོ། །ཡེ་ཤེས་མངོན་པར་རྟོགས་པས་ལྔ་པ་རྣམས་དང་། དྲི་བས་མཉེས་པས་ནི་ལེགས་སྦྱིན་ནོ། །སྐྱབས་སུ་འགྲོ་
[242b.6]བས་ན་བརྗོད་པ་གསུམ་གྱིས་བཟང་སྡེའི་ཚོགས་དྲུག་ཅུ་པོ་རྣམས་ཀྱིའོ། །སྟོན་པར་ཁས་བླངས་པས་ནི། འོད་སྲུངས་ཆེན་པོའོ། །མཐའ་འཁོབ་ཏུ་ནི་འདུལ་བ་འཛིན་པ་དང་ལྔའོ། །ཡུལ་གྱི་དབུས་སུ་ནི་བཅུ་འདུས་པའོ། །ལྕི་བའི་ཆོས་ཁས་བླངས་པ་རྣམས་ཀྱི་ནི་སྐྱེ་དགུའི་བདག་མོ་
[242b.7]ཆེན་མོ་གཽ་ཏ་མཱིའོ། །ཕོ་ཉས་ནི་ཆོས་སྦྱིན་མའོ། །ད་ལྟར་ནི་ཚོགས་གཉིས་ཀ་འདུས་པས་སོ། །དགེ་སློང་ཚུར་ཤོག་ཅེས་བྱ་བ་ནི་བཅུ་པ་སྟེ། སྲིད་པ་ཐ་མ་པ་ཡིན་པའི་ཕྱིར་དགེ་སློང་ཚུར་ཤོག་ཅེས་བྱ་བ་མ་གཏོགས་པ་ལས་བཅས་ཚུན་ཆད་གཞན་གྱིས་བསྙེན་པར་རྫོགས་པར་བྱ་བ་མེད་དོ། །
[243a]
[243a.1]བསྙེན་པར་རྫོགས་པའི་ཀུན་དུ་སྤྱད་པ་ནི་གསར་བུས་ཆེས་རྒན་པ་ལ་ཕྱག་བྱའོ། །དང་པོ་ལོ་གྲངས་དྲི་བར་བྱའོ། །དུས་ཚོད་ཀྱང་ངོ་། །དུས་ཚོད་ནི་ལྔ་སྟེ། དགུན་གྱི་ཟླ་བ་བཞི་དང་། དཔྱིད་ཀྱི་ཟླ་བ་བཞི་དང་། དབྱར་གྱི་ཟླ་བ་གཅིག་དང་། ཤི་བའི་དབྱར་གྱི་ཉིན་
[243a.2]ཞག་གཅིག་དང་། དབྱར་རིང་པོ་ཉིན་ཞག་གཅིག་གིས་ཆུང་བའི་ཟླ་བ་གསུམ་བའོ། །བཞི་ལ་ཕྱག་བྱ་བཅུ་ལ་ཕྱག་མི་བྱ་སྟེ། བཞི་པོ་དག་ཀྱང་གང་ཞེ་ན། ལྷ་དང་བཅས་པའི་འཇིག་རྟེན་གྱིས་ཕྱག་བྱ་བ་དེ་བཞིན་གཤེགས་པ་དང་། ཁྱིམ་པ་ཐམས་ཅད་ཀྱིས་རབ་ཏུ་བྱུང་བ་ལ་བྱ་བ་དང་། བསྙེན་
[243a.3]པར་རྫོགས་པ་ཐམས་ཅད་ཀྱིས་སྔར་བསྙེན་པར་རྫོགས་པ་ལ་ཕྱག་བྱ་སྟེ། དགེ་སློང་མ་ནི་མ་གཏོགས་སོ། །བསྙེན་པར་མ་རྫོགས་པ་ཐམས་ཅད་ཀྱིས་བསྙེན་པར་རྫོགས་པ་ལའོ། །བཅུ་པོ་དག་གང་ལ་ཕྱག་མི་བྱ་ཞེ་ན། སྦོ་བ་སྤྱོད་པ་ལ་སོགས་པ་བཞི་དང་། བསླབ་པ་བྱིན་པ་དང་།
[243a.4]གནས་ནས་ཕྱུང་བ་གསུམ་སྟེ། ལྟུང་བ་མ་མཐོང་བ་དང་། ཕྱིར་མིའི་ཆོས་པ་དང་། ལྟ་བ་མི་གཏོང་བ་འདི་གསུམ་གནས་ནས་ཕྱུང་བ་དང་། ཁྱིམ་པ་དང་། བསྙེན་པར་མ་རྫོགས་པའོ། །གང་གསུམ་མམ་གཉིས་དག་ཀྱང་རུང་། གང་གསོལ་བ་གཅིག་གིས་བསྙེན་པར་རྫོགས་པ་དེ་དག་
[243a.5]ལ་ནི་གང་ཡང་རྒན་པ་མེད་དོ། །གཞན་དག་ན་རེ་རྒན་པ་དྲུག་གོ་ཞེས་ཟེར་ཏེ། ན་ཚོད་ཀྱིས་རྒན་པ་དང་། ཆོས་ཉིད་ཀྱིས་རྒན་པ་དང་། ཤེས་པས་རྒན་པ་དང་། ལས་ཀྱིས་རྒན་པ་དང་། དུས་ཀྱིས་རྒན་པ་དང་། རིགས་ཀྱིས་རྒན་པའོ། །ཆོས་ཉིད་ཀྱིས་རྒན་པ་དེ་ཡང་རྣམ་པ་གཉིས་ཏེ།
[243a.6]བསྙེན་པར་རྫོགས་པས་རིང་དུ་ལོན་བས་ན་དུས་ཀྱིས་རྒན་པ་དང་། རིགས་ཀྱིས་རྒན་པ་མེས་པོའམ། ཁུ་བོའམ། ཕུ་བོ་ཞེས་བྱ་བ་ལ་སོགས་པའོ། །ཤེས་པས་རྒན་པ་སྟེ་རྒྱལ་པོ་ལ་སོགས་པས་ཤེས་པའོ། །ལས་ཀྱིས་རྒན་པ་སྟེ། དེ་ཡང་རྣམ་པ་གསུམ་མོ། །ཞལ་ཏ་བྱེད་པ་བས་ནི་ཁ་ཐོན་བྱེད་པ་རྒན་ནོ། །
[243a.7]ཁ་ཏོན་བྱེད་པ་བས་ནི་སྤོང་བ་ལ་ཞུགས་པའོ། །དེ་ལས་ལུས་ཀྱིས་རྒན་པས་དུས་ཀྱིས་གཞན་པ་ལ་ཕྱག་མི་བྱ། མཉམ་པ་ལ་ཡང་ཕྱག་མི་བྱའོ། །གལ་ཏེ་རིགས་རྒྱུད་ལ་སོགས་པས་ཆེས་རྒན་པ་མ་ཡིན་ན། དེ་ལས་གང་ཡང་རུང་བ་འགའ་ཞིག་གིས་རྒན་ན་ཕྱག་བྱའོ། །དེ་བཞིན་དུ་རིགས་རྒྱུད་དང་། ཤེས་
[243b]
[243b.1]པ་དང་། ལས་སུ་མཉམ་ན་ཡང་དེ་དག་ལས་གཞན་གྱིས་རྒན་པ་ལ་ཕྱག་བྱའོ། །གལ་ཏེ་རིགས་རྒྱུད་དམ། རིགས་རྒྱུད་ཀྱིས་ཆེས་རྒན་པ་མ་ཡིན་ན་ཤེས་པ་བས་ཆེས་ཤེས་པ་ལའོ། །སྤོང་བ་བས་སྤོང་བའི་མཆོག་ལའོ་ཞེའོ། །ཕྱག་བྱ་བ་ནི་རྣམ་པ་གཉིས་ཏེ། དཀྱིལ་འཁོར་ལྔ་པའམ།
[243b.2]སྒྱིད་པ་ལས་འཁྱུད་པའོ། །ཕྱག་འཚལ་ཞེས་ཟེར་བ་ནི་མངོན་པར་སྨྲ་བའི་ཚིག་ཉིད་དོ། །ལུས་བཏུད་པ་དེ་ནི་མཆོད་པའོ། །གཞན་དག་ན་རེ་སྟོན་པ་ལས་དཀྱིལ་འཁོར་ཆེན་པོ་ལྔ་པས་ཕྱག་བྱའོ། །བླ་མ་དང་བླ་མའི་གནས་ལྟ་བུ་ལ་པུས་མོ་གཟུགས་པ་དང་། འདུད་པར་བཅས་པའམ། ཐལ་
[243b.3]མོ་སྦྱར་བ་བཅས་པའམ། སྒྱིད་པ་ནས་འཁྱུད་པའམ། དེ་བཞིན་དུ་ཙོག་པུས་འདུག་པའོ། །ཚངས་པ་མཚུངས་པར་སྤྱོད་པ་གཞན་རྣམས་ལ་ནི་མགོ་འདུད་དམ། ཐལ་མོ་སྦྱར་བའམ། ངག་ཡང་དག་པར་བརྗོད་པའོ་ཞེས་ཀྱང་ཟེར་བའོ། །སྦགས་པ་ལའམ་སྦགས་པས་ཀྱང་རུང་སྟེ་གཉིས་
[243b.4]ཀ་ལའང་ཉེས་བྱས་སོ། །སྦགས་པ་ལ་རྣམ་པ་གཉིས་ཏེ། ཟས་ཀྱིས་སྦགས་པ་དང་། མི་གཙང་བས་སྦགས་པའོ། །མི་མཐུན་པས་ཁོན་ཡོད་ཀྱང་རིམས་སུ་བབ་ན་ཕྱག་བྱའོ། །དེས་ཀྱང་ཨ་རོག་གྱ་ཞེས་བརྗོད་པར་བྱའོ། །རྣམ་པ་གཞན་དུ་ན་གཉི་ག་ལ་ཡང་ཉེས་བྱས་སོ། །ལོག་པར་ལྟུང་ཡང་
[243b.5]སྔོན་གྱི་རྒྱུད་ལ་དམིགས་ཏེ་ཕྱག་བྱའོ། །གོས་གཅིག་པས་ཕྱག་བདག་གིར་མི་བྱ། ཕྱག་ཀྱང་མི་བྱའོ། །རྒན་པ་སྦྲིང་པ་བྱུང་བ་ལ་ཡང་ཕྱག་འཚལ་ལོ་ཞེས་བརྗོད་པར་བྱའོ། །གཞོན་ནུ་ལ་བྱུང་ན་ཨ་རོག་གྱ་ཞེས་བརྗོད་པར་བྱའི་ཡང་སོས་ཞེས་བྱ་བ་ནི་མ་ཡིན་ནོ། །རྒན་ཞུགས་དང་། ཁྱིམ་པ་འདི་དག་ནི་
[243b.6]གསོན་པར་མངོན་པར་དགའ་བ་ཡིན་བས་ན་དེ་དག་ལ་ལྟུང་བ་མེད་དོ། །མུན་པའི་ནང་དུ་ཕྱག་བྱེད་ན་མགོ་ས་ལ་གཏུགས་པར་མི་བྱའོ། །ངག་ཏུ་ནི་བརྗོད་པར་བྱའོ། །གནས་མལ་བཅས་པར་གནས་པར་མི་བྱ་སྟེ། གང་མཛའ་བའམ། གང་གུས་བར་བྱ་བ་དང་། གང་ལ་ངོ་ཚ་བར་འགྱུར་བ་སྲིད་དོ་
[243b.7]སྙམ་དུ་སེམས་ཉེ་བར་གནས་སམ། ལྡན་པའོ་སྙམ་དུ་སེམས་མངོན་སུམ་དུ་གནས་སམ། དགེ་བའི་ཕྱོགས་སུ་འགྱུར་རོ་སྙམ་ནས་དེའི་འོག་ཏུ་གནས་གཟུང་བར་བྱ་སྟེ། ཆོས་གོས་ཕྲག་པ་གཅིག་ཏུ་བྱས་ལ། ལག་པ་གཉིས་ཀྱིས་རྐང་པ་གཉིས་ལ་བཅངས་ལ་འདི་སྐད་ཅེས་བརྗོད་པར་བྱའོ། །
[244a]
[244a.1]བཙུན་པ་དགོངས་སུ་གསོལ། །བདག་མིང་འདི་ཞེས་བགྱི་བ་བཙུན་པ་ལ་གནས་པར་གསོལ་གྱི་བཙུན་པས་བདག་ལ་གནས་སྩལ་ཏུ་གསོལ། །བཙུན་པ་གནས་ནས་མཆིས་པར་བགྱིའོ། །དེ་བཞིན་དུ་ལན་གཉིས་ལན་གསུམ་དུའོ། །དེས་ལེགས་སོ་དགེའོ་
[244a.2]ཞེས་བརྗོད་པར་བྱའོ། །དེས་ཀྱང་ཐབས་ཡིན་ནོ་ཞེས་བརྗོད་པར་བྱའོ། །གནས་མལ་བཅས་པ་ལྗོངས་རྒྱུ་བ་སྤྱད་པར་མི་བྱའོ། །ལོ་ལྔ་ལོན་ལ་གསལ་ན་ལྟུང་བ་མེད་དོ། །གསལ་བ་རྣམས་ནི་སྔ་མ་བཞིན་ནོ། །སོང་ནས་ངལ་གསོ་བའི་ཉི་མ་གཉིས་སམ་གསུམ་ཚུན་ཆད་དུ་ལེགས་པར་
[244a.3]བརྟགས་ཏེ་གནས་གཟུང་བར་བྱའོ། །དགྲ་བཅོམ་པ་ཉིད་ཀྱང་གཞན་ལ་གནས་བཅས་ཏེ་འདུག་པར་བྱའོ། །ཞག་ལྔ་གནས་མལ་བཅས་ཀྱང་དེ་ལ་རྙེད་པ་སྦྱིན་པར་བྱའོ། །དེ་མི་གཏོང་བའི་སྦྱོར་བས་གནས་ཚོལ་བ་ཆོས་ལྔ་དང་ལྡན་པ་རྣམས་ལ་གནས་སྦྱིན་པར་མི་བྱ་སྟེ། དད་པ་མེད་
[244a.4]པར་གྱུར་པ་དང་། བཀའ་བློ་མི་བདེ་བ་དང་། སྡིག་པའི་གྲོགས་པོ་དང་། ལེ་ལོ་ཅན་དང་། མ་གུས་པའོ། །དེ་ལྟ་བུའི་རིམ་པ་ལས་སླར་བཟློག་པ་ལྔ་པོ་རྣམས་དང་ལྡན་པ་ལ་ནི་གནས་བཅའ་བ་སྦྱིན་པར་བྱེད་དོ། །འདི་ཉིད་གོ་རིམས་ཇི་ལྟ་བ་བཞིན་དུ་བཏང་བ་དང་། མ་བཏང་བར་རིག་པར་
[244a.5]བྱའོ། །རྣམ་པ་གཞན་ལྔས་བཏང་བར་འགྱུར་ཏེ། མཚམས་ལས་འདས་ཏེ་འགྲོ་བ་དང་། བབས་པ་དང་། མཁན་པོ་གཞན་ནས་འོངས་པ་དང་། ཕྱོགས་ལས་ཕྱོགས་མ་ཡིན་པར་འགྲོ་བ་དང་། གནས་བཏང་བ་ཉིད་ནི་ལྔ་པའོ། །མཁན་པོ་མཐོང་མ་ཐག་ཏུ་གཞན་ལ་གནས་
[244a.6]བཅས་པ་བཏང་བར་འགྱུར་ཏེ། ལམ་དུ་ཞུགས་པ་དང་། འདུག་ཏུ་མི་འདོད་པ་ནི་མ་ཡིན་ནོ། །འོངས་ན་ཡང་ཇི་སྲིད་དུ་འདུག་གི་བར་དུ་དེ་ཐམས་ཅད་བྱ་སྟེ། གཉིས་ཀ་ཡང་བལྟའོ། །ཉེ་གནས་སམ་སློབ་དཔོན་ཡང་རུང་། གཅིག་ལྟོས་པ་དང་བཅས་སམ། ལམ་གྱིས་བགྲོད་པར་ཞུགས་
[244a.7]པ་ལས་དུས་གཞན་དུ་སླར་ལོག་ན་ཡང་གནས་བཅས་པ་དེ་ཉིད་ལའོ། །དུས་རེ་ཞིག་གཅིག་ཏུ་གནས་བཟུང་བས་སྔར་གྱི་གཏང་བར་མི་འགྱུར་རོ། །གནས་གང་དུ་གནས་སྦྱིན་པ་དེ་ཤི་ལ་གཞན་ཡང་མེད་ན། དེར་གསོ་སྦྱིན་གཉིས་པའི་བར་དུ་འདུག་པར་མི་བྱའོ། །དབྱར་སྔ་མའམ། ཕྱི་མ་
[244b]
[244b.1]གཉི་ག་ཡང་དབྱར་ཉེ་བར་གནས་པར་མི་བྱའོ། །དབྱར་ཕྱི་མར་ཉེ་བར་ཞུགས་ནས་ཡང་སོ་སོར་བརྟགས་ལ་ཟླ་བ་གཉིས་ཀྱི་བར་དུ་འདུག་པར་བྱའོ། །དེ་ཕན་ཆད་ནི་མ་ཡིན་ནོ། །སློབ་དཔོན་དང་མཁན་པོ་དཔག་ཚད་ཕྱེད་དང་གསུམ་ན་འདུག་ན་ཟླ་བ་ཕྱེད་ཕྱེད་ཅིང་འགྲོ་བར་བྱའོ། །རྒྱང་གྲགས་ལྡན་
[244b.2]འདུག་ན་ཉི་མ་དྲུག་གམ་བདུན་ཞིང་ངོ་། །རྒྱང་གྲགས་གཅིག་ན་ནི་ཉིན་རེའོ། །མཚམས་ཀྱི་ནང་ན་འདུག་ན་དུས་གསུམ་དུའོ། །ཐམས་ཅད་དུ་སློབ་དཔོན་དང་མཁན་པོ་ལ་ལྷུང་བཟེད་དང་ཆོས་གོས་ཀྱི་ལས་ཀྱིས་བསྙེན་བཀུར་ལ་སོགས་པ་བྱ་བ་རྣམས་ལ་སྔོན་དུ་འགྲོ་བར་བྱའོ། །དེ་ཉིད་ཀྱིས་ཀྱང་
[244b.3]དེའིའོ། །ཀློག་པའི་སློབ་དཔོན་ལ་ཡང་བསྙེན་བཀུར་བྱའོ། །གལ་ཏེ་ཀློག་པ་དང་། གནས་ཀྱི་སློབ་དཔོན་གཉི་ག་ནད་ཀྱིས་བཏབ་པར་གྱུར་ཏེ། ནུས་པ་ཡོད་ན་གཉི་ག་ལ་ཡང་བྱའོ། །ནུས་པ་མེད་ན་གནས་ཀྱི་སློབ་དཔོན་མི་ཕངས་པར་བྱས་ནས་ཀློག་པའི་སློབ་དཔོན་ལ་བྱའོ། །ཀློག་པ་
[244b.4]མ་རྙེད་ཀྱང་གནས་སུ་རུང་གི་གནས་མེད་པར་ནི་མི་རུང་ངོ་། །ཀློག་པའི་སློབ་དཔོན་ལ་གལ་ཏེ་ཉེ་གནས་མང་ན་གྲལ་རིམ་བཞིན་དུ་བསྙེན་བཀུར་བྱའོ། །དེ་དང་པོ་ནང་དང་བཅས་པ་ལས་འབྲེལ་བར་མི་བྱའོ། །དེ་གཉིས་ཀ་ལ་ཡང་གུས་པར་མཆོད་པར་བྱའོ། །ཆག་ཆག་ལ་སོགས་པ་དང་། ལྷུང་
[244b.5]བཟེད་ཀྱི་ལས་ལ་སོགས་པ་དང་ཆོས་བསྟན་པ་སྦྱིན་པ་ལ་སོགས་པ་མ་ཞུས་པར་མི་བྱའོ། །དེ་ལྟ་བུའི་རིགས་ཅན་གྱི་དགེ་སློང་ངལ་སོར་མི་གཞུག་གོ། །མདོར་བསྡུ་ན། ཆུ་དང་། སོ་ཤིང་དང་བཤང་བ་དང་། གཅི་བ་དང་། མཚམས་ཀྱི་ནང་དུ་མཆོད་རྟེན་ལ་ཕྱག་བྱེད་པ་མ་གཏོགས་ཏེ། གཞན་དུ་བྱ་
[244b.6]བ་ཐམས་ཅད་མི་བྱའོ། །ཀུན་དུ་སྤྱད་པ་ཇི་སྐད་བསྟན་པའི་ཚུལ་དུ་མ་བྱས་ན་ཐམས་ཅད་ཉེས་བྱས་སོ། །ཞར་ལ་འོངས་པས་ཆོག་གོ། །སྨད་པ་ཞེས་བྱ་བ་ནི་ལྟུང་བྱེད་ཀྱི་ལྟུང་བ་བྱུང་བ་ཞེས་བྱ་བའི་ཐ་ཚིག་གོ། །དེ་ལ་ལྟུང་བ་ཅི་ལྟར་འགྱུར་ཞེ་ན། གང་ཟག་འདི་བཅུ་ནི་འདི་ལྟ་སྟེ། ལོ་ཉི་ཤུ་མ་
[244b.7]ལོན་པ་ལ་དེར་འདུ་ཤེས་པ་དང་། ངེས་པ་དང་མ་ངེས་པ་ཡང་རུང་སྟེ། གཉི་ག་ལ་ཡང་བྲིས་ན། གཉི་ག་ལ་ཡང་ཅི་ལྟ་བུ་ཉིད་དུ་སྨྲ་བ་དེ་གཉིས་ནི་བསྙེན་པར་རྫོགས་པ་མ་ཡིན་ལ། དགེ་སློང་རྣམས་ཀྱང་འགལ་ཚབས་ཅན་དུ་འགྱུར་རོ། །འགྲོགས་པ་ལ་སོགས་པ་ལ་ཡང་ཉེས་པའོ། །ལོ་ཉི་
[245a]
[245a.1]ཤུ་མ་ལོན་པ་ལ་ལོ་ཉི་ཤུ་ལོན་པར་འདུ་ཤེས་པ་དང་། ངེས་པ་དང་མ་ངེས་པ་ཡང་རུང་སྟེ། ཅི་ལྟ་བུ་ཉིད་དུ་ཡང་གཉི་ག་སྨྲ་བའམ། ལོ་ཉི་ཤུ་མ་ལོན་པ་མི་ཤེས་སམ། ཡིད་གཉིས་ཟ་བར་འགྱུར་ནས་ཀྱང་དྲིས་པས་ལུང་མི་སྟོན་པ་སྟེ། འདི་ལྟ་བུ་གསུམ་ནི་
[245a.2]བསྙེན་པར་རྫོགས་པ་ཡིན་ལ། གཞན་བསྙེན་པར་རྫོགས་པར་བྱེད་པ་ཡང་འགལ་ཚབས་ཅན་དུ་འགྱུར་རོ། །ལོ་ཉི་ཤུ་ལོན་པ་ལ་མ་ལོན་པར་འདུ་ཤེས་པ་དང་། ངེས་པ་དང་མ་ངེས་པ་ཡང་རུང་སྟེ། ཅི་ལྟ་བུ་ཉིད་དུ་ཡང་གཉི་ག་སྨྲ་བ་དང་། དེ་བཞིན་དུ་གཉི་ག་ལོན་པར་འདུ་ཤེས་པ་
[245a.3]དང་། ངེས་པ་དང་། ལྔ་པ་ཉིད་ནི་མི་ཤེས་སམ་མི་དྲན་ནམ། ཡིད་གཉིས་ཟ་ན་ཡང་རུང་སྟེ། ལྔ་པོ་འདི་དག་ནི་བསྙེན་པར་རྫོགས་པ་ཡིན་ཏེ། དང་པོ་དང་། གཉིས་པ་དང་། ལྔ་པ་ལ་ནི་བསྙེན་པར་རྫོགས་པར་བྱེད་པ་རྣམས་ལ་འགལ་ཚབས་ཅན་དུ་འགྱུར་རོ། །རྣམ་པ་འདི་
[245a.4]བཅུ་ལས་ཐོག་མའི་བར་བཞི་པོས་ནི་དང་པོ་ཉིད་དུ་འཁྲུགས་པར་གྱུར་པ་ཡིན་ཏེ། རང་བཞིན་དུ་གནས་པ་དང་། གསོ་སྦྱིན་གྱི་ལས་ལན་གཉིས་ལན་གསུམ་དུ་མྱོང་ན་རྐུ་ཐབས་སུ་གནས་པར་འགྱུར་ཏེ། བསྙིལ་བར་བྱ་བར་འོས་པ་དག་ཡིན་ནོ། །ལོ་ཉི་ཤུ་ལོན་པར་འདུ་ཤེས་པ་གཉིས་ནི་
[245a.5]གལ་ཏེ་ཉེ་དུ་རྣམས་ཀྱིས་དྲན་པར་བྱས་ན་མངལ་གྱི་ཟླ་བ་དང་། ཤོལ་གྱི་ཟླ་བ་ཡང་བརྩི་བར་བྱའོ། །གལ་ཏེ་དེ་བཞིན་དུ་ཡང་མ་ལོན་ནས་སྤོ་བར་བྱའོ། །ཡང་བསྙེན་པར་རྫོགས་པར་རོ། །རྣམ་པ་གཞན་དུ་ན་སྔ་མ་བཞིན་དུ་སྟེ་རྐུ་ཐབས་སུ་གནས་པའོ། །ལོ་བཅུ་དགུ་ལོན་པར་བསྙེན་
[245a.6]པར་རྫོགས་པར་བྱས་པ་ལས། གལ་ཏེ་ལོ་གཅིག་ལོན་པ་ན་དྲན་པ་རྙེད་པར་འགྱུར་བའམ། ལོ་བཅོ་བརྒྱད་ལོན་པར་བསྙེན་པར་རྫོགས་པར་བྱས་ནས་དེ་བཞིན་དུ་ལོ་གཉིས་ལོན་པ་ལ་ཡང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་རྙེད་
[245a.7]དཀའ་བ་ན། དེ་གཉིས་ནི་ལེགས་པར་བསྙེན་པར་རྫོགས་པའོ། །ལྔ་པ་ནི་དྲན་པར་བྱའོ། །ཡིད་གཉིས་གསལ་བར་བྱའོ། །ཆོ་ག་བཞིན་དུ་ཡང་བྱའོ། །རྣམ་པ་གཞན་དུ་ན་རྐུ་ཐབས་སུ་གནས་པར་འགྱུར་རོ། །ལོ་ཉི་ཤུ་མ་ལོན་པ་ལ་ལོན་པར་འདུ་ཤེས་ན་དེ་བསྙེན་པར་རྫོགས་པར་
[245b]
[245b.1]བྱས་ན་ལྟུང་བ་མེད་དོ། །འགྲོགས་པ་དང་ལོངས་སྤྱོད་པ་ལ་ཡང་ལྟུང་བ་མེད་དོ། །དེ་བསྙེན་པར་རྫོགས་པ་ཇི་སྲིད་དུ་གནས་པར་གྱུར། ཇི་སྲིད་བདེན་པའི་འདུ་ཤེས་རྙེད་པའི་བར་དུ་སྟེ་ལོན་པ་ལ་ནི་ལྟུང་བ་མེད་དོ། །མ་ལོན་པ་ནི་གསོལ་བ་དང་བཞིའི་ལས་ལ་སོགས་པ་ཉམས་སུ་མྱོང་
[245b.2]ན་རྐུ་ཐབས་སུ་གནས་པར་འགྱུར་རོ། །ཁ་ཅིག་ན་རེ་གང་ཟག་ཡོངས་སུ་དག་པ་ཡིན་ཡང་རུང་། ཡོངས་སུ་དག་པ་མ་ཡིན་ཡང་རུང་སྟེ། དེས་ཡོངས་སུ་མ་དག་པར་འདུ་ཤེས་ཏེ། བསྙེན་པར་རྫོགས་པར་བྱས་ན་ལྟུང་བྱེད་དོ་ཞེས་ཟེར་རོ། །ན་ཚོད་རྫོགས་ལ་སྐྱེད་མ་རྫོགས་པ་ཡོད་དེ་མུ་
[245b.3]བཞིར་རོ། །དེ་ལ་ན་ཚོད་རྫོགས་པ་ནི་ལོ་ཉི་ཤུ་ལོན་པའོ། །སྐྱེད་རྫོགས་པ་ནི་ཆུ་ཞེང་དུ་ལྡན་པ་དང་། སྐྱེས་པ་དང་། ཡོངས་སུ་སྨིན་པར་རིག་པར་བྱའོ། །ཆུ་ཞེང་དུ་ལྡན་པ་ཅི་ལྟ་བུ་ཞེ་ན། གལ་ཏེ་བྱིས་པའི་བོང་ཚོད་ལྟ་བུའང་མ་ཡིན་པའོ། །བུས་པའི་སྐད་ལྟ་བུའང་མ་
[245b.4]ཡིན་པའོ། །སྐྱེས་པ་ཅི་ལྟ་བུ་ཞེ་ན། མདོམས་དང་མཆན་ཁུང་ལ་སོགས་པར་སྤུ་སྐྱེས་པར་གྱུར་པའོ། །ཡོངས་སུ་སྨིན་པ་ཅི་ལྟ་བུ་ཞེ་ན། དེས་བུས་པ་ལྟ་བུའི་བློ་མ་ཡིན་པ་ལ་བུས་པ་ལྟ་བུའི་རང་བཞིན་མ་ཡིན་པའོ། །གཉིས་པ་དང་བཞི་པ་ནི་ལྟུང་བྱེད་དོ། །དང་པོ་དང་
[245b.5]གསུམ་པ་ལ་ནི་ལྟུང་བ་མེད་དོ། །གང་དུས་མི་དྲན་པ་དེའི་ཚེ་མཚན་ཐབས་ཀྱིས་བརྟགས་ལ་བསྙེན་པར་རྫོགས་པར་བྱའོ། །ལོ་བཅོ་ལྔ་ལོན་ན་དགེ་ཚུལ་དུ་བྱའོ། །རྣམ་པ་གཞན་དུ་ཉེས་བྱས་སོ། །ལོ་བདུན་ལོན་པ་བྱ་རོག་སྐྲོད་ནུས་པ་ནི་དགེ་འདུན་གྱིས་བསྐོས་ནས་བྱ་རོག་སྐྲོད་ནུས་
[245b.6]པའོ། །མི་ནུས་པ་དང་ལོ་མ་ཚང་བ་ནི་མ་ཡིན་ནོ། །དགེ་ཚུལ་གཉིས་ཉེ་བར་གཞག་པར་མི་བྱའོ། །གལ་ཏེ་དེ་གཉིས་ངེས་པར་བྱས་ཏེ། འོངས་ན་གཉིས་ཀ་རབ་ཏུ་ཕྱུང་ལ་གཅིག་གཞན་ལ་སྦྱིན་པར་བྱའོ། །གང་ལ་སྦྱིན་པར་བྱ་བ་དེས་ཀྱང་བསྙེན་པར་རྫོགས་པར་མི་བྱའོ། །
[245b.7]གཉིས་པའོ།། །།མཉན་ཡོད་ན་སྟེ། དྲུག་སྡེ་རྣམས་བདག་ཉིད་རྣང་ལ་སོགས་པ་བྱེད་པ་ན་ས་ལེན་པའི་གཞིའི་དབང་དུ་མཛད་དེ། ལས་ངན་པ་ལ་དགའ་བའི་ཉོན་མོངས་པས་གསུམ་པ་བཅས་སོ། །ས་ཞེས་བྱ་བ་ནི་རྣམ་པ་གཉིས་ཏེ། རང་བཞིན་ཅན་དང་རང་བཞིན་ཅན་མ་
[246a]
[246a.1]ཡིན་པའོ། །ཆར་པ་ཆེ་ན་ཟླ་བ་གསུམ་པོ་རྣམས་ཀྱིས་རང་བཞིན་ཅན་ཞེས་བྱ་བའོ། །ཆར་པ་ཆུང་ན་ཟླ་བ་དྲུག་གོ། །དགེ་སློང་གིས་རང་བཞིན་ཅན་མི་ཚིག་གམ། ཉམས་པར་མ་གྱུར་བས་བརྐོས་པ་དང་། ས་ཞག་མ་ཉམས་པ་འགོགས་སམ། ཕུར་བ་
[246a.2]བཏབ་བམ། གད་པ་མ་ཉམས་པའམ། རྩིག་པ་མ་ཉམས་པ་གཏིབ་བམ། སྐྱང་ནུལ་མ་ཉམས་པར་འགོགས་སམ། གང་ནས་མང་གི་གྲམ་སེག་གམ། བྱེ་མ་ཉུང་བ་བརྐོས་ན་ལྟུང་བྱེད་དོ། །ས་ཞག་ལ་སོགས་པ་ཉམས་པ་ནི་ཉེས་བྱས་ཏེ། གོགས་པའོ་ཞེས་བྱ་བའི་ཐ་ཚིག་གོ། །ས་
[246a.3]ལས་ཕུར་པ་ཕྱུང་བ་དང་། ས་ལ་རི་མོ་འདྲི་བས་ཉམས་པ་མ་གཏོགས་པའི་ས་དང་འབྲེལ་པའི་བ་ལང་གི་ལྕི་བ་འགོགས་པ་དང་། འགྲོ་བར་མངོན་པར་སེམས་པས་བྱས་པ་འབའ་ཞིག་མ་གཏོགས་ཏེ། འདམ་བསྐྱོད་པའམ། དེ་དང་འབྲེལ་བའི་བུམ་པ་ལ་སོགས་པ་བཏེག་
[246a.4]པ་དང་། རྩིག་པ་ལ་ཕུར་པ་བཏབ་པ་འབྱིན་ཏམ། བ་ལང་གི་ལྕི་བ་འགོགས་སམ། རི་མོ་བྲིས་སམ། བ་ཚ་ཅན་འགོགས་སམ། ས་རང་བཞིན་ཅན་མ་ཡིན་པ་བརྐོས་སམ། ས་ཚིག་པའམ། ཉམས་པར་གྱུར་པ་བརྐོས་སམ། གྲམ་སེག་དང་བྱེ་མ་ནི་མང་། ས་ནི་ཉུང་བ་བརྐོས་
[246a.5]ན་ཉེས་བྱས་སོ། །གྲམ་པ་འབའ་ཞིག་གམ། བྱེ་མ་འབའ་ཞིག་གམ། མཁར་ལེན་ལ་འཇུག་ཅིང་རྒྱུ་སྐར་གྱི་སྦྱོར་བས་རུང་བར་བྱེད་པ་མེད་ན། ས་ལ་ཕུར་པ་མཐོ་བཞི་ཙམ་འདེབས་པ་ལ་ལྟུང་བ་མེད་དོ། །ཁ་ཅིག་ནི་གཞན་གྱིས་དེ་ལ་བསྣུན་ཞིང་ངམ། ཆུས་སྤངས་པ་འམ། ཆར་
[246a.6]གྱིས་བརླན་པའམ། ས་ཞིགས་པའམ། ཐག་ཟོས་པའམ། དོང་དུ་བྱས་པར་གྱུར་པ་དེ་ལྟ་བུ་ནི་ལྟུང་བ་མེད་དོ་ཞེས་ཟེར་རོ། །རང་བཞིན་ཅན་ལ་རང་བཞིན་ཅན་དུ་འདུ་ཤེས་པ་རྣམ་པ་དྲུག་ཏུའོ། །ས་ལ་སར་འདུ་ཤེས་པ་ལ་ཡང་ངོ་། །ཁ་ཅིག་ནི་རུང་བར་བྱས་སམ། རུང་བར་མ་བྱས་ཀྱང་རུང་།
[246a.7]རུང་བར་མ་བྱས་པར་འདུ་ཤེས་ན་ལྟུང་བྱེད་དོ་ཞེས་ཀྱང་ཟེར་རོ། །གསུམ་པའོ།། །།སེར་སྐྱའི་གཞི་ན་སྟེ། མིང་ཆེན་གྱིས་དགེ་འདུན་རྣམས་ཟླ་བ་བཞིར་བསྟབས་པ་ལས་དྲུག་སྡེ་རྣམས་དེ་ལས་འདས་ཀྱང་སློང་བས་ན་བསྟབས་པའི་གཞིའི་དབང་དུ་མཛད་དེ་འགལ་ཚབས་ཅན་དང་། ཕོངས་པའི་
[246b]
[246b.1]ཉོན་མོངས་པ་དག་གིས་བཞི་པ་བཅས་སོ། །ཟླ་བ་བཞི་ནི་རྗེས་སུ་གནང་གི་གཞན་དུ་ནི་གཏང་ངོ་། །ཟླ་བ་བཞི་ཞེས་བྱ་བ་ནི་ཟླ་བ་བཞི་ལས་གཞན་དུའོ། །བསྟབས་པ་ཞེས་བྱ་བ་ནི་མགྲོན་དུ་ཉེ་བར་བོས་པའོ། །བདག་གིར་བྱའོ་ཞེས་བྱ་བ་ནི་ཁས་བླངས་པའོ། །སོ་སོར་བསྟབས་པ་ཞེས་བྱ་
[246b.2]བ་ནི་ཐ་དད་ཐ་དད་དུ་དགེ་སློང་རེ་རེ་ནས་བསྟབས་པ་ཡིན་ཏེ། པི་ལིན་དབང་སའི་དབང་དུ་མཛད་དེ་རྗེས་སུ་གནང་ངོ་། །ཡང་དང་ཡང་དུ་བསྟབས་པ་ཞེས་བྱ་བ་ནི་བདག་ཅག་ཕྱིས་ལྷགས་སོ་ཞེས་བདག་གིར་མ་བྱས་པ་སྟེ། གཟུགས་ཅན་སྙིང་པོ་ཡང་དང་ཡང་དུ་སྟོབས་པའོ། །ལྷག་པར་དོན་དུ་
[246b.3]གཉེར་ནས་བསྟབས་པ་ཞེས་བྱ་བ་ནི་རྒྱལ་པོ་ལ་བྱ་བ་མང་ངོ་ཞེས་བདག་གིར་མི་བྱེད་པ་ལ་བསྟབས་པའོ། །རྟག་ཏུ་བསྟབས་པ་ཞེས་བྱ་བ་ནི་ཟླ་བ་བཞི་ལས་འདས་ནས་གཤེགས་སྟོན་བྱས་པ་དང་ཡང་བདག་གིར་མི་བྱེད་པས་ན་དུས་ཐམས་ཅད་དུ་བསྟབས་པའོ། །དགེ་སློང་ཟླ་བ་བཞི་མ་འདས་
[246b.4]པར་ཟས་ངན་པ་བསྟབས་པ་ལས་མངོན་པར་སྤྱད་པ་མ་བྱས་པ་ཟས་བསོད་པ་བླངས་ན་ཉེས་བྱས་སོ། །ཟོས་ན་ལྟུང་བྱེད་དོ། །བསོད་པ་བསྟབས་པ་ལས་ངན་པ་བླངས་ན་གཉི་ག་ལ་ཡང་ཉེས་བྱས་སོ། །ཟླ་བ་བཞི་འདས་ཏེ། གང་བསྟབས་པ་དེ་ཉིད་བླངས་ཏེ་ཟོས་ན་ལྟུང་བྱེད་དོ། །དེ་
[246b.5]ལས་གཞན་དུ་ན་ཉེས་བྱས་སོ། །ཟླ་བ་བཞི་ལས་འདས་སམ་མ་འདས་ཀྱང་རུང་། ན་བས་ཟས་བསོད་པ་བླངས་ཏེ་ཟོས་ན་ལྟུང་བ་མེད་དོ། །བུད་མེད་ཟས་ཁྱེར་ཏེ་འོངས་པ་ལས་ཅི་འདོད་ཅེས་འདྲི་ན་བསྟབས་པ་ཡིན་པས་ཅི་འདོད་པ་དེ་བླངས་ལ་ལོངས་སྤྱད་པར་བྱའོ། །བཞི་
[246b.6]པའོ།། །།རྒྱལ་པོའི་ཁབ་ན་སྟེ། གང་ཐུན་མོང་བའི་བསླབ་པ་བཅས་པ་དེ་ན་དེའི་ཚེ། གཉི་གའི་དགེ་འདུན་ཡང་འདུས་ཏེ། བསླབ་པའི་གཞིའི་སྐབས་འདིར་དགེ་སློང་མའི་དགེ་འདུན་མ་འདུས་པས་ན། ལམ་པ་དགེ་སློང་མ་རྣམས་ལ་བསྒོ་བའི་ཕྱིར་བཏང་བ་དང་། དེ་
[246b.7]འགྲོ་བ་ལས་དྲུག་སྡེ་རྣམས་ལ་ཡང་བསྒོ་ཡང་དེ་དག་གིས་མ་མཉན་པས་ན་བསླབ་པའི་གཞི་ལ་སྨོད་པའི་གཞིའི་དབང་དུ་མཛད་དེ། མ་གུས་པའི་ཉོན་མོངས་པས་ན་ལྔ་པ་བཅས་སོ། །བྱིས་པ་རྣམས་ཀྱིས་ཞེས་བྱ་བ་ནི་ཉེ་བར་བསམ་པར་སེམས་པ་ལ་སོགས་པའོ། །རྨོངས་
[247a]
[247a.1]པ་རྣམས་ཀྱིས་ཞེས་བྱ་བ་ནི་མདོ་སྡེ་ལ་སོགས་པ་མི་འཛིན་པའོ། །མི་གསལ་བ་རྣམས་ཀྱིས་ཞེས་བྱ་བ་ནི་དེ་དག་དོན་ལ་མི་གསལ་བའོ། །མི་མཁས་པ་རྣམས་ཀྱིས་ཞེས་བྱ་བ་ནི། དེ་དག་ལ་གཏན་ལ་འབེབས་པར་མི་མཁས་པ་རྣམས་སོ། །མདོ་སྡེ་འཛིན་
[247a.2]པ་དང་ཞེས་བྱ་བ་ནི་མདོ་སྡེ་མཐའ་དག་འཛིན་པ་སྟེ། དེ་བཞིན་དུ་གཞན་ཡང་ངོ་། །བྱིས་པ་ལ་སོགས་པའི་ཚིག་རྣམས་ལས་གང་ཡང་རུང་བ་ཅིག་སྨྲས་ན་ཡང་ལྟུང་བྱེད་དོ། །བྱིས་པ་ཡིན་པ་བདེན་པ་ཉིད་དམ། བསླབ་པ་དང་མི་མཐུན་པ་ཞིག་ཏུ་སྨྲས་ན་ལྟུང་བ་མེད་དོ། །རྗེས་སུ་ཁས་བླངས་པ་རྗེས་སུ་
[247a.3]ཁས་མ་བླངས་པ་ལ་སྨྲ་བ་དང་། ལྟུང་བ་བྱུང་བ་ལ་ཡང་ངོ་། །ལྔ་པའོ།། །།མཉན་ཡོད་ན་སྟེ། བཅུ་བདུན་སྡེ་རྣམས་དྲུག་སྡེ་རྣམས་གནས་ནས་ཕྱུང་བའི་ཕྱིར་གྲོས་བྱེད་པ་ལས་བཞབས་ཤིང་མཉན་པས་ན་འཐབ་པའི་གཞིའི་དབང་དུ་མཛད་དེ། མི་བཟོད་པའི་ཉོན་མོངས་པས་དྲུག་པའོ། །འཐབ་
[247a.4]པར་གྱུར་ཅེས་བྱ་བ་ལ་སོགས་པ་ལ། དེ་ལ་འཁྲུག་ནས་སྨྲས་པ་དང་། ཕྱིར་སྨྲ་བ་ནི་འཐབ་པའོ། །ཕན་ཚུན་གཅིག་ལ་གཅིག་ཉེས་པའི་དམིགས་བརྗོད་པ་ནི་མཚང་འབྲུ་བའོ། །དེ་ལ་མི་བཟོད་པ་ནི་མི་མཐུན་པའོ། །འཁྲུག་སྟེ་རྩོད་པ་ལས་ཕན་ཚུན་མི་འཕྲོད་པར་སྨྲ་བ་ནི་རྩོད་པའོ། །ཉན་ན་
[247a.5]ཞེས་བྱ་བ་ནི་ཉེ་བར་ཉན་པའོ། །དེ་ལྟ་དེ་ལྟར་རྗེས་སུ་ཐ་སྙད་གདགས་པ་ཞེས་བྱ་བ་ནི་དེ་ལྟ་དེ་ལྟ་བུར་གཞན་ཟིལ་གྱིས་གནོན་པའོ། །སྟེང་གི་ཡང་ཏོག་ན་གྲོས་བྱེད་པ་དང་། དགེ་སློང་ཡང་སྟེང་དུ་འཛེགས་པ་དང་། དེས་རྟིང་བའི་སྒྲའམ། སེ་གོལ་གྱི་སྒྲའམ། ལུང་བའི་སྒྲ་དབྱུང་བར་བྱའོ། །
[247a.6]མ་ཕྱུང་བ་ལ་སྒྲ་ཐོས་ཀྱི་དོན་མ་རྟོགས་ན་ཉེས་བྱས་སོ། །སྒྲ་དང་དོན་གཉི་ག་རྟོགས་ན་ལྟུང་བྱེད་དོ། །དེ་བཞིན་དུ་བར་ཁང་ངམ། ཇི་སྲིད་ཕྱི་རོལ་གྱི་བང་རིམ་མམ་འཆགས་དང་། ལམ་དུ་འགྲོ་བའོ། །ནང་དང་བཅས་པ་མ་ཡིན་པ་དང་། མ་བསམས་པར་ནང་དུ་འོངས་པ་དང་ཐོས་ཀྱང་ཞི་བར་
[247a.7]བྱའོ་སྙམ་པ་ལ་ནི་ལྟུང་བ་མེད་དོ། །འཐབ་མོ་བྱུང་བ་ལ་ནི་འཐབ་མོ་བྱུང་བར་འདུ་ཤེས་པ་ནི་རྣམ་པ་དྲུག་ཏུའོ། །ཁ་ཅིག་ན་འཐབ་མོ་མ་བྱུང་བ་ལ་འཐབ་མོ་བྱུང་བར་འདུ་ཤེས་ན་ལྟུང་བ་ཉིད་དོ་ཞེས་ཟེར་རོ། །དྲུག་པའོ།། །།མཉན་ཡོད་ན་སྟེ། བཅུ་བདུན་སྡེས་ཉེ་དགའ་གནས་ནས་ཕྱུང་བའི་ལས་
[247b]
[247b.1]བྱེད་པའི་ཚེ། དགའ་བོས་ཁྲིའུའི་སྟེང་དུ་ལ་བ་བཞག་སྟེ་ཅང་མི་སྨྲ་བར་སོང་བས་ན། འབེལ་བའི་གཏམ་རྣམ་པར་གཏན་ལ་འབེབས་པའི་གཞིའི་དབང་དུ་མཛད་དོ། ཉེ་བར་མ་ཞི་བའི་ཉོན་མོངས་པས་བདུན་པ་བཅས་སོ། །ཆོས་དང་མཐུན་པའི་གཏམ་རྣམ་པར་གཏན་ལ་འབེབས་པ་
[247b.2]ཞེས་བྱ་བ་ནི་གསོལ་བ་དང་། གསོལ་བ་དང་གཉིས་དང་། གསོལ་བ་དང་བཞིའི་ལས་རྣམས་སོ། །འགྲོ་ན་ཞེས་བྱ་བ་ནི་ཐོས་པའི་ཉེ་འཁོར་སྤང་བའོ། །དགེ་སློང་འདུག་པ་ལ་མི་སྨྲ་ན་ཞེས་བྱ་བ་ནི་ནད་པ་དང་། ནད་གཡོག་དང་། མཁར་ལེན་བྱེད་པ་རྣམས་ལ་བརྟེན་ནས་རྗེས་སུ་གནང་
[247b.3]བའོ། །ཇི་སྲིད་དུ་ཐོས་པའི་ཉེ་འཁོར་མ་སྤངས་པ་དེ་སྲིད་དུ་ཉེས་བྱས་སོ། །སྤངས་ན་ལྟུང་བྱེད་དོ། །གསོལ་པ་མ་ཟིན་པ་དང་། བཤང་བ་དང་། གཅི་བའི་སར་སོང་ནས་སླར་འོངས་པ་དང་། ཐོས་པའི་ཉེ་འཁོར་ན་འདུག་པ་ལ་ལྟུང་བ་མེད་དོ། །ཆོས་མ་ཡིན་པའི་ལས་ལ་ལྟུང་བ་
[247b.4]མོད་དོ། །ཆོས་མ་ཡིན་པའི་ལས་ལ་ཆོས་ཡིན་པའི་ལས་སུ་འདུ་ཤེས་པ་ཞེས་བྱ་བ་རྣམ་པ་དྲུག་ཏུའོ། །ཁ་ཅིག་ནི་ཆོས་མ་ཡིན་པ་ལའང་ཆོས་ཡིན་པར་འདུ་ཤེས་པ་ན་ལྟུང་བར་འགྱུར་བ་ཉིད་དོ་ཞེས་ཟེར་རོ། །བདུན་པའོ།། །།རྒྱལ་པོའི་ཁབ་ན་སྟེ། གླང་ཆེན་ལྷས་ཀྱི་བདག་པོའི་
[247b.5]བུ་ནག་པ་དགེ་འདུན་གྱི་རྩོད་པ་ཞི་བར་མཛད་པ་ལ། གཅིག་པུ་ཟློག་པར་བྱེད། ཁྲོ་བར་བྱེད། གཏམ་མཇུག་སྡོད་པར་མི་བྱེད། ཕྱིར་སྨྲ་བར་བྱེད་པར་སེམས་པས་ན། འབེལ་བའི་གཏམ་རྣམ་པར་གཏན་ལ་འབེབས་པའི་གཞིའི་དབང་དུ་མཛད་དེ་སྨོད་པའི་དང་། མ་དད་པའི་
[247b.6]ཉོན་མོངས་པ་དག་གིས་བརྒྱད་པའོ། །གུས་པར་མི་བྱེད་ན་ཞེས་བྱ་བ་ནི་མ་གུས་པ་ལ་རྣམ་པ་གཉིས་སོ། །དགེ་འདུན་གྱི་སྟེ། གང་དགེ་འདུན་གྱི་ཐ་སྙད་པ་དང་། གང་ཟག་གི་སྟེ། གང་སློབ་དཔོན་དང་མཁན་པོ་རྣམས་ཀྱིའོ། །དགེ་སློང་ལ་དགེ་འདུན་གྱི་ཐ་སྙད་པས་འདུག་ཤིག་ཅེའམ།
[247b.7]མ་འདུག་ཤིག་ཅེའམ། སོང་ཤིག་ཅེས་སམ། མ་འགྲོ་ཤིག་ཅེས་སམ། མལ་ཆ་དང་སྟན་དང་གཙུག་ལག་ཁང་ལོང་ཤིག་ཅེའམ། མ་ལེན་ཅིག་ཅེས་བསྒོ་བ་ལས་ཇི་སྐད་བསྟན་པ་རྣམས་མི་བྱེད་ན་ལྟུང་བྱེད་དོ། །སློབ་དཔོན་དང་མཁན་པོས་བསྒོ་བ་རྣམས་མི་བྱེད་ན་ཉེས་བྱས་སོ། །ཆོས་
[248a]
[248a.1]ཀྱིས་ལན་ལྡོན་པ་དང་། གནས་བརྟན་རྣམས་ཆོས་མ་ཡིན་པ་རྣམས་སྨྲ་བ་ལ་གཏམ་གྱིས་བརྗོད་པ་ལ་ལྟུང་བ་མེད་དོ། །རྣམ་པ་གཞན་དུ་ན་ཡང་དགེ་འདུན་གྱི་ཐ་སྙད་པ་དང་། ཆོས་དང་སངས་རྒྱས་དང་། བླ་མ་དང་། དེའི་གནས་ལྟ་བུ་དང་། སློབ་མ་དང་། བདག་
[248a.2]པོའམ། འཇིག་རྟེན་པ་ཡང་རུང་དེ་དག་གི་དབང་དུ་བྱས་ཏེ། མ་གུས་པ་ནི་གལ་ཏེ་ཇི་སྲིད་ལྟར་འགྲོ་བར་བྱ་བ་དང་། འདུག་པར་བྱ་བ་དང་། སྨྲ་བར་བྱ་བ་དང་། མི་སྨྲ་བར་བྱ་བ་དང་། གལ་ཏེ་དེ་ལྟར་ལུས་སམ། ངག་གམ་ཡིད་ཀྱིས་ཉོན་མོངས་པ་མངོན་དུ་བྱས་ཏེ། ཇི་ལྟར་རིགས་
[248a.3]པར་མི་བྱེད་པའོ། །དེ་ལ་ཆོས་ཀྱི་དབང་དུ་བྱས་ཏེ། ཚུལ་ཁྲིམས་ལ་སོ་སོར་བརྟགས་པ་དང་། ཀླག་གམ། ཁ་ཏོན་བྱ་བ་དང་བསྟན་པ་དང་། ཁ་ཏོན་བྱེད་པ་ནི་སྦྱིན་པ་དང་། དོན་འཛིན་དུ་གཞུག་པ་དང་། བསམ་པ་དང་། རྣལ་འབྱོར་དང་། གདམས་ངག་དང་། ཡིད་ལ་བྱེད་པ་ལ་
[248a.4]སོགས་པ་ཇི་ལྟར་ཡང་མ་བྱས་པ་དེ་ལྟར་དེ་ན་ཡང་དོན་མི་བྱེད་པ་དང་། འཇིག་རྟེན་རྒྱང་པན་དང་ལྡན་པ་ཀློག་པ་དང་། ཉན་པ་དུས་མ་ཡིན་པར་ཉན་པའམ། ཚད་མེད་པར་བྱེད་པའོ། །སངས་རྒྱས་ཞེས་བྱ་བ་ནི་སངས་རྒྱས་ལ་ཕྱག་མི་འཚལ་བ་དང་། དུས་དུས་སུ་མཆོད་རྟེན་ལ་ཕྱག་མི་འཚལ་
[248a.5]ཞིང་ཉེ་འཁོར་དུ་སྤྱད་པ་ལ་ཡོངས་སུ་སྤྱོད་ཅིང་མི་སྤང་བ་དང་། བཤུད་པ་དང་བརྙས་པ་ལ་སོགས་པའོ། །བླ་མ་དང་དེའི་གནས་ལྟ་བུ་ཞེས་བྱ་བ་ནི། ཇི་ལྟར་བླ་མའི་ཐད་དུ་འགྲོ་བར་བྱ་བ་དང་འགྲེང་བར་བྱ་བ་དང་། ཤིན་ཏུ་མ་གུས་པར་མི་བྱ་བ་དང་། ཤིན་ཏུ་ཞུམ་པར་ཡང་མི་བྱ་བ་
[248a.6]དང་། གང་མགོ་མི་གཡོགས་པ་ནས་ཕྲག་པ་མི་སྤྲད་པ་དང་། ལྟག་པར་མི་བསྣོལ་བ་ཞེས་བྱ་བའི་བར་དུ་དང་། མི་མཆོད་པ་ནས་དཀུར་མི་བརྟེན་པ་ཞེས་བྱ་བའི་བར་དུ་དང་། བརླ་མི་བསྣོལ་བ་དང་། རྐང་པའི་སྟེང་དུ་རྐང་པ་མི་གཞག་པ་དང་། ཇི་ལྟར་གཞན་དུ་ཕྱོགས་ཤིང་འདུག་པར་
[248a.7]མི་བྱ་བ་དང་། མ་བསྒོ་བའི་བར་དུ་མ་ཡིན་པ་དང་། སྟན་མཐོན་པོ་ལམ་ཡིན་པ་དང་། བྱིན་པའི་སྟེང་དུ་བྱིན་པ་མི་གཞག་པ་དང་། མ་གུས་པ་ལ་སོགས་པ་མ་ཡིན་པར་བྱའོ། །ཇི་ལྟར་སྨྲ་བར་བྱ་བ་སྟེ། མི་མཐུན་པའི་ཚིག་སྨྲ་བར་མི་བྱ་བ་དང་། བསྐྲད་པར་མི་བྱ་བ་དང་།
[248b]
[248b.1]སྤང་བར་མི་བྱ་བ་དང་། སྨད་པར་མི་བྱེད་པ་ལ་སོགས་པའོ། །ཅི་ལྟར་ཡང་ཅང་མི་སྨྲ་བར་བྱ་བ་སྟེ། ཁྲོ་བ་དང་། ཕྲག་དོག་དང་། ཞེ་སྡང་དང་། བརྙས་པ་ལ་སོགས་པ་དང་། སྡིག་པ་སྤང་བའི་སེམས་ཀྱིས་སོ། །སྡང་མིག་ཏུ་བལྟ་བར་མི་བྱ་བ་ལ་སོགས་པ་བསྙེན་བཀུར་བྱ་བར་ཞུགས་
[248b.2]པ་ཅི་ལྟར་བསྙེན་བཀུར་བྱ་བ་གལ་ཏོ་དེ་བཞིན་དུ་མི་བྱེད་པའོ། །སློབ་མ་ལ་ཡང་མ་གུས་པ་ལས་བརྩམས་ཏེ། གལ་ཏེ་གནས་མ་ཡིན་པར་སྨིན་པ་དང་། མི་བཟོད་པ་དང་། རྗེས་སུ་མི་སྟོན་པ་དང་། འགྱོད་པ་སེལ་བར་མི་བྱེད་པ་དང་། སྨོད་པ་དང་། འཕྱ་བ་དང་།
[248b.3]ཉོན་མོངས་པའི་སེམས་ཀྱིས་ཆོས་དང་ཟང་ཟིང་ལ་སོགས་པས་སྡུད་པར་མི་བྱེད་པ་དང་། མ་གུས་པས་དེ་ཐམས་ཅད་ལ་ཡང་ལྟུང་བྱེད་དོ། །བདག་པོ་ཞེས་བྱ་བ་ནི་རྒྱལ་པོ་དང་། རྒྱལ་པོའི་བློན་པོ་ལ་བརྟེན་ཏེ། ཇི་ལྟར་འགྲོ་བར་བྱ་བ་ལ་སོགས་པ་ལྟར་མི་བྱེད་དོ། །གང་གིས་མ་དང་
[248b.4]པར་བྱེད་དམ། ཁྲོ་བར་བྱེད་པས་ན། དེ་ནས་གནོད་པར་འགྱུར་བ་འཛིན་པའོ། །འཇིག་རྟེན་པ་ཞེས་བྱ་བ་ལ་ནི་གལ་ཏེ་འཇིག་རྟེན་ལ་མི་རྟོག་པར་དེ་ལྟ་བུས་མ་དད་པའི་ལུས་ཀྱི་ལས་ཀུན་དུ་སྤྱོད་པ་སྟེ། གནས་མ་ཡིན་པར་བཤང་གཅི་བྱེད་པ་དང་། ཡིད་དུ་མི་འོང་བར་སྨྲ་
[248b.5]བའོ། །གཞན་ཡང་འཇིག་རྟེན་གྱིས་སྨད་པ་སྤང་བར་ནུས་པ་མི་སྤོང་བ་དང་། བདག་དང་གཞན་གྱི་རིགས་ཀྱི་དགེ་བ་འགག་པར་འགྱུར་བ་དང་། འཇིག་རྟེན་པ་མ་དང་པ་མི་སྤོང་བ་དང་། ཉོན་མོངས་པ་སྔོན་དུ་བྱས་ནས་འཇིག་རྟེན་གྱིས་སྨྲས་པ་ང་ལ་ཅི་གནོད་ཅེས་བྱ་བ་རྣམས་ནི་
[248b.6]ཐམས་ཅད་ལ་ཡང་ལྟུང་བྱད་དོ། །ཆོས་ལ་ཐ་ན་གལ་ཏེ་ལེ་ལོ་ལ་བདེ་བ་ཉམས་སུ་མྱོང་ཞིང་ཅི་ལྟར་འཇུག་པར་བྱ་བའི་རིགས་པ་ལ་དེ་ལྟར་མི་འདུག་པའོ། །དྲན་པ་ཉམས་ན་ཡང་ཉེས་བྱས་སོ། །དགེ་འདུན་གྱི་ཐ་སྙད་པ་ལ་དེར་འདུ་ཤེས་པ་ལ་སོགས་པ་རྣམ་པ་དྲུག་ཏུ་སྟེ། ལྟུང་བྱེད་
[248b.7]གཉིས་དང་། ཉེས་བྱས་བཞིའོ། །ཁ་ཅིག་ནི་དེ་མ་ཡིན་པ་ལ་དེར་འདུ་ཤེས་ན་ཡང་ལྟུང་བྱེད་ཉིད་དོ་ཞེས་ཟེར་རོ། །བརྒྱད་པའོ།། །།མཉན་ཡོད་ན་སྟེ། ལེགས་འོངས་བྲམ་ཟེའི་ཁྱིམ་དུ་གླང་པོ་ཆེའི་ཆང་དང་བཏུང་བ་བསྲེས་པ་འཐུངས་པས་ར་རོ་སྟེ་ལམ་པོ་ཆེར་འགྱེལ་བས་ན།
[249a]
[249a.1]བསོད་སྙོམས་ཡོངས་སུ་ལེན་པའི་གཞིའི་དབང་དུ་མཛད་དེ། མ་དད་པ་ལ་སོགས་པའི་ཉོན་མོངས་པས་དགུ་པ་བཅས་སོ། །དེ་ལ་འབྲུའི་ཆང་ཞེས་བྱ་བ་ནི་ཆན་གྱི་ཆང་བཏུང་བ་དང་། ཕྱེའི་ཆང་བཏུང་བ་དང་། ཕབས་ཀྱི་བཏུང་བའོ། །བཅོས་པའི་ཆང་ཞེས་བྱ་བ་ནི་རྩ་བ་དང་།
[249a.2]སྡོང་བུ་དང་། ལོ་མ་དང་། མེ་ཏོག་དང་། འབྲས་བུའི་བཏུང་བའོ། །འཐུངས་ན་ཞེས་བྱ་བ་ནི་མགུལ་དུ་མིད་ནའོ། །མྱོས་པར་འགྱུར་བའི་ཁ་དོག་གམ། དྲིའམ། རོའམ། མྱོང་བ་ཡང་རུང་སྟེ། ཡན་ལག་ཐ་མ་གཅིག་པུ་མེད་དམ། ཡན་ལག་གཞན་གཉིས་པོ་མེད་ཀྱང་རུང་མྱོས་པར་
[249a.3]འགྱུར་བ་འཐུངས་ཀྱང་རུང་བ་ལས་གལ་ཏེ་མྱོས་པར་འགྱུར་བ་ན་ལྟུང་བྱེད་ཏུ་འགྱུར་ལ། མྱོས་པར་མ་གྱུར་པ་ན་ཉེས་བྱས་སོ། །མྱོས་པར་འགྱུར་བའི་ཁ་དོག་འབའ་ཞིག་འཐུངས་པ་ལ་ལྟུང་བ་མེད་དོ། །འབྲུའི་ཆང་དང་། བཅོས་པའི་ཆང་ངམ་གཉི་ག་བསྲེས་པ་ཡང་རུང་། མཁུར་བ་
[249a.4]གང་འཐུངས་སམ། སྤང་མའམ་ཚིགས་མ་ཡང་རུང་ཟ་ན་ལྟུང་བྱེད་དོ། །ཕབས་ཀྱི་རྡོ་གུ་ཟ་བ་དང་། མྱོས་པར་འགྱུར་བའི་མེ་ཏོག་དང་འབྲས་བུ་ཟ་ན་ཉེས་བྱས་སོ། །བསྐོལ་བ་འཐུངས་སམ། སྨན་པས་ལུང་ཕོག་པས་མཁུར་བར་འཆང་ངམ་ལུས་ལ་ཉུག་པ་ལ་ནི་ལྟུང་བ་མེད་དོ། །
[249a.5]ཆང་ལ་སྲེད་པའི་ཕྱིར་འཚོ་བར་མི་ནུས་ན་བཏུང་བའི་རྫས་གང་ཆང་དུ་གྱུར་པ་དེ་ཕྱེ་མར་གྱུར་པ་རས་དཀར་པོའི་དུམ་བུའི་ནང་དུ་ཐུམ་པོར་བཅིངས་ལ་ཆང་གི་སྣོད་མ་གང་བའི་ནང་དུ་ཅི་ནས་ཀྱང་ཆང་ལ་མ་རེག་པར་དཔྱངས་ཏེ་གཞག་པར་བྱའོ། །དེ་ནས་ཆུའི་ནང་དུ་དཀྲུགས་ཏེ་ཟས་ཀྱི་
[249a.6]སྔ་རོལ་དང་། ཟས་ཀྱི་འོག་རོལ་ངག་ཏུ་བཏུང་བར་བྱའོ། །དགེ་སློང་དག་ང་ལ་སྟོན་པར་སྨྲ་བ་རྣམས་ཀྱིས་མྱོས་པར་འགྱུར་བ་མི་སྦྱིན་ཞིང་། མི་བཏུང་མི་བླང་ངོ་། །མྱོས་པར་འགྱུར་བ་ལ་མྱོས་པར་འགྱུར་བར་འདུ་ཤེས་པ་རྣམ་པ་དྲུག་གོ། །ཁ་ཅིག་ནི་མྱོས་པར་འགྱུར་བ་མ་
[249a.7]ཡིན་ཡང་དེར་འདུ་ཤེས་ན་ལྟུང་བའོ་ཞེས་ཀྱང་ཟེར་རོ། །ཆང་ལས་ཚར་གྱུར་པ་དང་། བཞིན་སྣང་བ་དེ་ལ་ཆུས་བསླད་པ་བཙགས་ཏེ། ཐུན་ཚོད་དུ་རུང་བའི་དབང་དུ་བྱས་ནས་འཐུངས་པ་ལ་ལྟུང་བ་མེད་དོ། །དགུ་པའོ།། །།མཉན་ཡོད་ན་སྟེ། འཆར་ཀས་གཏུམ་མོའི་
[249b]
[249b.1]མནའི་མའི་ཁྱིམ་དུ་དུས་མ་ཡིན་པར་སོང་བ་ལས། ཆོམ་རྐུན་པའི་སྡེ་དཔོན་ལ་བྱས་ཏེ་བསད་པ་ལས། གྲོང་དུ་འགྲོ་བའི་གཞིའི་དབང་དུ་མཛད་དེ། རྐྱེན་ལས་མ་གཏོགས་པའི་ཉོན་མོངས་པས་བཅུ་པ་བཅས་སོ། །དུས་མ་ཡིན་པ་ཞེས་བྱ་བ་ནི་དུས་མ་ཡིན་པ་ལ་རྣམ་པ་གཉིས་
[249b.2]ཏེ། སྐྱ་རེངས་མ་ཤར་བ་དང་། ཉི་མ་ཕྱེད་ཡོལ་བའོ། །གྲོང་ཞེས་བྱ་བ་ནི་གང་ན་སྲང་དང་། སུམ་མདོ་དང་། བཞི་མདོ་ཡོད་པར་ཤེས་པའོ། །འདུག་པ་ཞེས་བྱ་བ་ནི་མི་འཁོད་པ་ལ་ལྟུང་བ་མེད་པར་བསྒྲགས་པ་སྟེ། དེ་ཡང་ནད་པ་ལ་སོགས་པ་ལ་བརྟེན་ནས་རྗེས་སུ་གནང་
[249b.3]བའོ། །དེ་འདྲ་བའི་རྐྱེན་མ་གཏོགས་ཞེས་བྱ་བ་ནི་ཁྱིམ་གཞན་དུ་ལྷུང་བཟེད་དམ། ཆོས་གོས་ཚིག་པ་དང་། སྲོག་གི་བར་ཆད་དུ་གྱུར་པའམ། ཚངས་པར་སྤྱད་པའི་བར་ཆད་དུ་གྱུར་པའོ། །དུས་མ་ཡིན་པ་ལ་དུས་མ་ཡིན་པར་འདུ་ཤེས་སམ་ཡིད་གཉིས་ཟ་ན་ཡང་རུང་སྟེ། འཇུག་
[249b.4]ན་ལྟུང་བྱེད་དུ་འགྱུར་རོ། །དུས་ལ་དུས་མ་ཡིན་པར་འདུ་ཤེས་སམ་ཡིད་གཉིས་ཟ་ན་ཡང་རུང་སྟེ་ཉེས་བྱས་སོ། །དུས་མ་ཡིན་པའམ།དུས་ལ་དུས་སུ་འདུ་ཤེས་ན་ལྟུང་བ་མེད་དོ། །རྣམ་པ་གསུམ་པོ་རྣམས་སུ་འགྲོ་བ་ལ་ལྟུང་བ་མེད་དོ། །དགོན་པ་དང་། ཀུན་དུ་འགྲོ་བ་དང་།
[249b.5]གྲོང་ནས་གྲོང་དུ་འགྲོ་བའོ། །རྫུ་འཕྲུལ་གྱིས་འཇུག་པ་ལ་ལྟུང་བ་མེད་དོ། །ནམ་མཁའ་ལ་འདུག་པས་ས་ལ་འདུག་པ་ལ་དང་། ས་ལ་འདུག་པས་ནམ་མཁའ་ལ་འདུག་པའམ། ཚངས་པར་སྤྱོད་པའི་བར་ཆད་དམ། མཚམས་ཀྱི་ནང་ན་འདུག་པས་མཚམས་
[249b.6]ཀྱི་ཕྱི་རོལ་ལ་འདུག་པ་འམ་སླར་ཟློག་པ་ཡང་རུང་སྟེ། མ་སྨྲས་སམ། སྐད་མི་ཤེས་པའམ། རང་བཞིན་དུ་གནས་པ་མ་ཡིན་པ་དང་ལྷན་ཅིག་པ་ལས་འཇུག་པ་དང་། འདི་ལས་གཞན་པའི་དགེ་སྦྱོང་དང་བྲམ་ཟེ་ལ་མ་སྨྲས་པར་འཇུག་པ་ལ་ཡང་ལྟུང་བ་མེད་དོ། །གྲོང་
[249b.7]ལ་གྲོང་དུ་འདུ་ཤེས་པ་ཡང་རྣམ་པ་དྲུག་ཏུའོ། །ཁ་ཅིག་ནི་གྲོང་མ་ཡིན་པ་དང་། དུས་ལ་དུས་མ་ཡིན་པར་འདུ་ཤེས་ན་ལྟུང་བ་ཉིད་དོ་ཞེས་ཟེར་རོ། །བཅུ་པའོ།། །།བརྒྱད་པའི་ཚོགས་རྫོགས་སོ།། །།མཉན་ཡོད་ན་སྟེ། ཉེ་དགས་ཁྱིམ་པ་གཞན་ཞིག་དད་པར་
[250a]
[250a.1]བྱས་པ་དང་། དེའི་ངོར་དགེ་སློང་གི་དགེ་འདུན་རྣམས་མགྲོན་དུ་བོས་ནས་ཁོ་བོ་མ་འོངས་པའི་བར་དུ་མ་བྲིམ་ཤིག་ཅེས་བསྒོ་ནས་ཁྱིམ་གཞན་དུ་སོང་སྟེ་འདུག་པ་དང་། དགེ་སློང་གི་དགེ་འདུན་རྣམས་ལས་ཕལ་ཆེར་ཟན་ཆད་པར་གྱུར་ཏེ། ཁྱིམ་དུ་ཉེ་བར་འགྲོ་
[250a.2]བའི་གཞིའི་དབང་དུ་མཛད་ནས་ཕོངས་པ་དང་། མ་དད་པའི་ཉོན་མོངས་པ་དག་གིས་ཟས་དང་བཅས་པ་ལ་སོགས་པའི་ཚོགས་དང་པོར་བཅས་སོ། །ཟས་དང་བཅས་པ་ཞེས་བྱ་བ་ནི་མགྲོན་དུ་བོས་པ་དང་བཅས་པའོ། །ཁྱིམ་ཞེས་བྱ་བ་ནི་བྲམ་ཟེའི་ཁྱིམ་མམ། ཁྱིམ་བདག་གི་
[250a.3]ཁྱིམ་མོ། །ཉེ་བར་མགྲོན་དུ་བོས་པས་ཞེས་བྱ་བ་ནི་ཟས་ལའོ། །ཟས་ཀྱི་སྔ་རོལ་ཞེས་བྱ་བ་ནི་སྔ་དྲོ་སྟེ་ཁྱིམ་དག་ཏུ་གཉིས་དག་ལས་ལྷག་པར་འགྲོ་བའོ། །ཟས་ཟོས་པའི་འོག་རོལ་ཞེས་བྱ་བ་ནི་ཕྱི་དྲོ་སྟེ། ཁྱིམ་རྣམས་སུ་གསུམ་པོ་རྣམས་ལས་ལྷག་པར་རོ། །རྒྱུ་ཞིང་འགྲོ་
[250a.4]ཞེས་བྱ་བ་ནི་འགྲོ་བ་ཞེས་བྱ་བའི་ཐ་ཚིག་གོ། །ཅི་ཙམ་དུ་ཟས་ཀྱི་སྔོན་རོལ་དུ་ཁྱིམ་གཉིས་ལས་ལྷག་པར་རམ། ཟས་ཟོས་པའི་འོག་རོལ་ཏུ་ཁྱིམ་གསུམ་ལས་ལྷག་པར་རྗེས་སུ་འཇུག་ན་ལྟུང་བྱེད་དོ། །གལ་ཏེ་ཁྱིམ་བདག་ལ་བདག་མ་འོངས་ཀྱང་བཤོས་གསོལ་ཅིག་ཅེས་བསྒོ་
[250a.5]སྟེ། འགྲོ་བ་དང་དེའི་ངོར་མགྲོན་དུ་མ་བོས་པ་དང་། བཟའ་བ་ལྔ་ལས་གཞན་ལ་མགྲོན་དུ་བོས་པ་དང་། གོས་སུ་བཅས་པ་ཡོད་པ་དང་། མགྲོན་དུ་བོས་པ་དེ་གཞག་སྟེ་གཞན་དུ་ཚོལ་བ་ལ་ལྟུང་བ་མེད་དོ། །དེ་ལ་ཀུན་དུ་སྤྱད་པ་ནི་མགྲོན་དུ་འབོད་པ་དྲུག་དང་། མགྲོན་དུ་བོས་པ་དགུ་
[250a.6]དང་། ལྷག་མ་ཟ་བ་ལྔའོ། །མགྲོན་དུ་བོས་པ་དྲུག་པོ་རྣམས་གང་ཞེ་ན། དབུལ་པོ་མི་དད་པ་དང་། དད་པ་དང་། ཕྱུག་པོ་མི་དད་པ་དང་། དད་པ་དང་། ཉེ་དུ་མ་ཡིན་པ་དང་། ཉེ་དུ་ཡིན་པའོ། །མགྲོན་དུ་བོས་པ་དྲུག་པོ་རྣམས་གང་ཞེ་ན། དགེ་འདུན་ལ་བརྟེན་ནས་མགྲོན་དུ་
[250a.7]བོས་པ་དང་། གང་ཟག་སོ་སོར་བོས་པ་དང་། གྲོགས་དང་ལྷན་ཅིག་བོས་པ་དང་། ཉིན་ཞག་ཏུ་མགྲོན་དུ་བོས་པ་དང་། ནར་མ་ལ་མགྲོན་དུ་བོས་པ་དང་། ཚད་བཙུགས་ཏེ་མགྲོན་དུ་བོས་པ་དང་། ཅི་ཡོད་པ་དེ་ཙམ་ཟོ་ཤིག་ཅེས་པ་འམ། བྱེ་བྲག་མ་ཕྱེ་བར་མགྲོན་དུ་བོས་པ་
[250b]
[250b.1]དང་། དུས་སྟོན་ལ་མགྲོན་དུ་བོས་པའོ། །ལྷག་མ་ཟ་བ་ལྔ་པོ་རྣམས་གང་ཞེ་ན། ལོག་པར་ལྟུང་བ་དུད་འགྲོའམ། ཡི་དགས་དང་། ནད་པ་དང་། ནད་པའི་རིམ་གྲོ་དང་། ས་དྭའི་གཡོག་དང་། བདག་གི་དང་། ཡོན་བདག་གི་སྦྱིན་བའམ། རང་ཉམས་སུ་འོངས་པ་དང་།
[250b.2]མུ་གེས་ཉན་ཏེ་ཡ་མཚན་ཅན་འོངས་པ་དང་། དགེ་བསྙེན་ནམ། དགེ་བསྙེན་མ་ལ་མེད་པར་འགྱུར་བའོ། །དེ་ལ་དགེ་སློང་མགྲོན་དུ་བོས་པས་ལོག་པར་ལྟུང་བ་ལ་ཆང་པ་གཅིག་ཙམ་སྦྱིན་པར་བྱའོ། །ལྷག་མ་རྣམས་ལ་སྦྱིན་པར་འདོད་ན་དབུལ་པོ་མི་དད་པའི་ཁྱིམ་དུ་ནི་
[250b.3]ཕྱེད་དང་ཉེ་བ་སྦྱིན་ནོ། །དད་པའི་ཁྱིམ་དུ་ནི་ཕྱེད་དོ། །ཕྱུག་པོ་མ་དད་པའི་ཁྱིམ་དུ་ནི་མཉམ་པར་རོ། །དུས་སྟོན་གྱི་ཚེ་ནི་ཅི་འདོད་པར་སྦྱིན་ནོ། །ལྔ་པོ་ལས་གཞན་ནི་སྦྱིན་བདག་གིས་རྗེས་སུ་གནང་ན་སྦྱིན་ནོ། །ཉེ་དུའི་ཁྱིམ་དུ་ནི་ཅི་འདོད་པ་སྦྱིན་ནོ། །ཚད་བཙུགས་ཏེ་
[250b.4]མགྲོན་དུ་བོས་པར་ནི་ལྷུང་བཟེད་དུ་འོངས་པ་ཙམ་བཟའ་བར་བྱའི། ཇི་སྲིད་འདོད་པའི་བར་དུ་དེ་ལ་སྦྱིན་དུ་ག་ལ་ཡོད། ཀུན་དུ་འབོད་པ་གཉིས་ན་དེ་ཉིད་ཀྱི་ཁར་བོར་བར་བྱའོ། །གལ་ཏེ་རང་དག་མི་འདུམ་ན། ལྕི་བ་དང་། ཡང་བ་དང་། གང་ཆེར་དད་པ་དང་། གང་ཆེར་འདྲིས་
[250b.5]པ་དང་བརྟགས་ལ། གང་ཆེར་བགོ་མི་དགོས་པ་ལ་དེ་ལ་ཁས་བླང་པར་བྱའོ། །དང་པོའོ།། །།མཉན་ཡོད་ན་སྟེ། འཆར་ཀས་བཙུན་མོ་ཕྲེང་ལྡན་མ་ལ་དུས་སྔ་མོ་ཞིག་ཏུ་བསྟན་པ་སྟོན་པར་ནང་དུ་འོངས་ཏེ། དེ་གཉིད་ལོག་པ་ལས་བསླངས་པ་དང་། དེ་ཡང་བཙུན་མོའི་
[250b.6]འཁོར་ལ་འོས་པའི་གོས་གྱོན་པས་ན། ཁྱིམ་དུ་ཉེ་བར་འགྲོ་བའི་གཞིའི་དབང་དུ་མཛད་དེ། མ་དད་པ་དང་། རྐྱེན་མ་གཏོགས་པ་ལ་སོགས་པའི་ཉོན་མོངས་པ་དག་གིས་གཉིས་པའོ། །རྒྱལ་རིགས་ཞེས་བྱ་བ་ནི་རིགས་གཞན་ལས་ཀྱང་རྒྱལ་སྲིད་ཀྱི་དབང་བསྐུར་བས་
[250b.7]དབང་བསྐུར་ན་དེ་ཡང་རྒྱལ་རིགས་ཉིད་ཅེས་བརྗོད་པར་བྱའོ། །སྐྱ་རེངས་མ་ཤར་ཞེས་བྱ་བ་ནི་སྐྱ་རེངས་ལ་གསུམ་མོ། །སྐྱ་རེངས་སྔོན་པོ་སྟེ། གང་སྔོན་པོར་སྣང་བ་དང་། སྐྱ་རེངས་སེར་པོ་སྟེ། གང་སེར་པོར་སྣང་བ་དང་། སྐྱ་རེངས་དམར་པོ་སྟེ། གང་དམར་པོར་སྣང་
[251a]
[251a.1]བའོ། །མ་བསྡུས་པ་རྣམས་ལ་ཞེས་བྱ་བ་ནི་མ་སྦས་པ་རྣམས་སོ། །སྒོ་གཏན་ཞེས་བྱ་བ་ནི་སྒོའི་གཏན་པ་རྣམ་པ་གསུམ་སྟེ། གྲོང་ཁྱེར་གྱི་སྒོའི་གཏན་པ་དང་། རྒྱལ་པོའི་ཕོ་བྲང་གི་སྒོའི་གཏན་པ་དང་། བཙུན་མོའི་འཁོར་གྱི་སྒོའི་གཏན་པའོ། །
[251a.2]དེ་འདྲ་བའི་རྐྱེན་མ་གཏོགས་ཞེས་བྱ་བ་ནི། ཅི་ལྟར་ཀཽ་ཤཱམྦཱི་ན་རྒྱལ་པོའི་བཀས་གདངས་ཅན་གྱི་ཁྱིམ་དང་། རྒྱལ་པོའི་ཁབ་དང་ཉེ་བ་གཅིག་ཏུ་བྱས་ཏེ་རྗེས་སུ་གནང་བའོ། །ལྔ་པོ་དག་གི་ཚིག་ནི་མི་གཅོག་པ་ཡིན་ཏེ་རྒྱལ་པོ་དང་། དེ་བཞིན་གཤེགས་པ་དང་། དགེ་འདུན་གྱི་
[251a.3]གནས་བརྟན་དང་། སློབ་དཔོན་དང་། མཁན་པོ་དང་དགེ་སྐོས་ཀྱིའོ། །གྲོང་ཁྱེར་གྱི་སྒོ་གཏན་ལས་འདས་པ་དང་། རྒྱལ་པོའི་ཕོ་བྲང་གི་སྒོ་གཏན་ལས་འདས་ན་ཉེས་བྱས་སོ། །བཙུན་མོའི་འཁོར་གྱི་སྒོ་གཏན་ལས་འདས་ན་ལྟུང་བྱེད་དོ། །ནམ་མ་ལངས་པ་ལ་ནམ་
[251a.4]ལངས་པར་འདུ་ཤེས་པ་རྣམ་པ་དྲུག་ཏུའོ། །རྒྱལ་པོ་ཆེན་པོ་བཞི་པོ་རྣམས་དང་། ནམ་མཁའ་ལྡིང་རྣམས་ཀྱི་སྒོ་གཏན་ལས་འདས་ན་ཉེས་བྱས་སོ། །རྒྱལ་པོའི་ཕོ་བྲང་དུ་འགྲོ་བ་ལ་ཉེས་དམིགས་བཅུར་འགྱུར་ཏེ། འཛུམ་པ་དང་། མངལ་ན་ཡོད་པ་ལས་མི་ཚངས་པར་
[251a.5]སྤྱོད་པར་དོགས་པ་དང་། མ་བྱིན་པར་བླང་བར་དོགས་པ་དང་། གསང་གྲགས་པར་དོགས་པ་དང་། གཞོན་ནུ་བསད་པ་དང་། དེས་ཀྱང་རྒྱལ་པོ་བསད་པ་དང་། བློན་པོ་བསྟོད་དམ། གནས་དམའ་མོར་འཇོག་པ་དང་། ཡུལ་རྣམས་མ་རུང་བར་བྱེད་པའམ། གཞན་
[251a.6]གྱི་ཡུལ་འཁོར་མ་རུང་བར་བྱེད་པར་དོགས་པའོ། །རྒྱལ་པོ་ལ་སོགས་པའི་བཀས་ནི་ལྟུང་བ་མེད་དོ། །གཉིས་པའོ།། །།མཉན་ཡོད་ན་སྟེ། དྲུག་སྡེ་རྣམས་མ་གུས་པར་སོ་སོར་ཐར་པ་ཉན་ཏེ། འདི་ལྟར་འདི་ཡང་བདེ་བར་གཤེགས་པས་གསུངས་པར་ད་གདོད་ཅིག་
[251a.7]འདི་ཐོས་སོ་ཞེས་སྨྲས་པས་ན་བསླབ་པའི་གཞིའི་དབང་དུ་མཛད་དེ། མ་གུས་པའི་ཉོན་མོངས་པས་གསུམ་པ་བཅས་སོ། །གུས་པར་མི་བྱེད་ཅེས་བྱ་བ་ནི་བསྟན་པའོ། །ལྷག་མ་རྣམས་ནི་བཤད་པའོ། །ཉེས་པ་དྲུག་ནི་གོ་རིམས་ཅི་ལྟ་བ་བཞིན་དུ་སྟོན་ཏེ། མ་དད་པས་ཉེས་པ་དང་། རིམ་གྲོ་
[251b]
[251b.1]མེད་པས་ཉེས་པ་དང་། མ་མོས་པས་ཉེས་པ་དང་། ཕྱི་རོལ་དུ་གཡེངས་པས་ཉེས་པ་དང་། ནང་དུ་མ་བསྡུས་པས་ཉེས་པ་དང་། སྐྱོ་བས་ཉེས་པ་དང་། དེ་ལ་ལྟུང་བ་ཇི་ལྟར་འགྱུར་ཞེ་ན། གསོ་སྦྱིན་གྱི་ལས་ཀྱི་ཚེ་དགེ་སློང་ལ་དགེ་སློང་གིས་གླེངས་ནས་དེ་ཡང་འདོད་ཆགས་ལ་
[251b.2]སོགས་པས་ཀུན་ནས་དཀྲིས་པར་གྱུར་ཏམ། དྲན་པ་ཉམས་པར་གྱུར་ཏམ། གཉིད་ཀྱིས་ཀུན་ནས་དཀྲིས་པར་གྱུར་ཏམ། གཡེངས་པས་ཀུན་ནས་དཀྲིས་པས་གྱུར་ཀྱང་རུང་། གལ་ཏེ་སྔོན་དུ་གསོ་སྦྱིན་གྱི་ལས་ལན་གཉིས་ལན་གསུམ་གྱི་ཚེ་འདུག་པར་གྱུར་ལ་དེས་ཀྱང་
[251b.3]ཆོས་དེ་ཐོས་སམ། མ་ཐོས་པར་འགྱུར་ཏམ། བརྗེད་དམ་མ་བརྟགས་ཏེ། དགེ་སློང་ཉིད་ཀྱང་བདག་གིས་མ་ཐོས་སོ། །མ་བརྟགས་སོ་སྙམ་དུ་རིག་ལ་དེ་ནས་ཀྱང་དེ་ལ་གཉིད་དམ་གཡེངས་པབ་ལ་སོགས་པ་སྦྱོར་བ་ཉམས་སུ་ལེན་ན་གལ་ཏེ་གསོ་སྦྱིན་གྱི་ཚེ་ལྟུང་བ་རྣམས་
[251b.4]བརྗོད་པ་མ་ཐོས་པར་མངོན་དུ་འདའ་བར་བྱེད་ན་འདས་མ་ཐག་ཏུ་ལྷན་ཅིག་བསྟན་པ་ཐམས་ཅད་ལ་ཡང་ལྟུང་བྱེད་གཅིག་གོ། །རྣམ་པ་གཞན་དུ་ན་མ་སྨྲས་ཀྱང་ལྟུང་བ་འདིར་འགྱུར་རོ་ཞེས་འབྱུང་ངོ་། །གལ་ཏེ་དགེ་སློང་མའི་འདུལ་བ་ལ་བསླབ་པ་ཐུན་མོང་མ་ཡིན་པ་ལ་བསམས་
[251b.5]ན་ཉེས་བྱས་སོ། །ཐུན་མོང་བ་ཡིན་ན་ལྟུང་བྱེད་ཉིད་དོ། །ལམ་གོལ་བར་སྐྱེས་ཤིང་རྒས་པ་དང་། མི་ཤེས་པ་བདེན་པ་ལ་ལྟུང་བ་མེད་དོ། །སོ་སོར་ཐར་པའི་མདོ་འདོན་པས་སོ་སོར་ཐར་པ་ལེགས་པར་གདོན་པར་བྱའོ། །གཎྜཱི་བརྡུངས་པ་དང་དགེ་སློང་རྣམས་
[251b.6]ཀྱིས་ལྟུང་བ་དྲན་པར་བྱོས་ལ་ཕྱིར་བཅོས་པར་བྱས་ཏེ་འདུག་པར་བྱའོ། །གསུམ་པའོ།། །།མཉན་ཡོད་ན་སྟེ། བ་སོ་མཁན་གྱིས་རང་གི་བཟོས་དགེ་སློང་གི་དགེ་འདུན་རྣམས་ལ་བསྟབས་པ་དང་། དགེ་སློང་དག་གིས་ཀྱང་དེ་ལ་ཇི་སྲིད་ལོངས་སྤྱོད་ཟད་པར་གྱུར་པའི་
[251b.7]དེའི་བར་དུ་བྱེད་དུ་བཅུག་པས་ན་ཁབ་རལ་གྱི་གཞིའི་དབང་དུ་མཛད་དོ། མ་དད་པ་ལ་སོགས་པའི་ཉོན་མོངས་པས་བཞི་པའོ། །ཁབ་རལ་ཞེས་བྱ་བ་ནི་ཁབ་རལ་གཉིས་རྗེས་སུ་གནང་སྟེ། སྦུབས་ཅན་གི་རྣམ་པ་དང་ཆང་བའོ། །བྱེད་དུ་བཅུག་ཅེས་བྱ་བ་ནི་བདག་
[252a]
[252a.1]གམ་གཞན་གྱིས་སོ། །བཅག་ནས་ཞེས་བྱ་བ་ནི་གལ་ཏེ་བྱས་ཟིན་བ་བདག་གིར་བྱེད་ན་བཅག་ལ་ལྟུང་བ་བཤགས་པར་བྱའོ། །མ་ཟིན་པར་བཏང་ན་ཉེས་བྱས་སོ། །གཞན་གྱི་ཕྱིར་བྱེད་ན་ཡང་ཉེས་བྱས་སོ། །བྱས་ཟིན་པ་རྙེད་པ་དང་། བྱས་པ་ལ་ལོངས་
[252a.2]སྤྱོད་པ་ནི་ལྟུང་བ་མེད་དོ། །གང་གི་མདུན་དུ་བཤགས་པ་དེས་ཀྱང་བཅག་གམ་ཞེས་དྲི་བར་བྱའོ། །རྣམ་པ་གཞན་དུ་ཉེས་བྱས་ཉིད་དོ། །དེ་བཞིན་དུ་བསྡུས་སམ་བཅད་དམ་ཞེས་བྱ་བ་ཡང་ངོ་། །ཁབ་རྣམ་པ་བཞི་རྗེས་སུ་གནང་སྟེ། ར་གན་དང་། ཟངས་དང་། ཁར་བ་དང་།
[252a.3]ལྕགས་ཀྱིའོ། །གྲིའུ་ཡང་རྣམ་པ་གཉིས་ཏེ། བྱ་རོག་གི་མཆུ་ལྟ་བུ་དང་། བྱ་གག་གི་གཤོག་པ་ལྟ་བུ་སྟེ། ཆེན་པོ་ནི་སོར་དྲུག་གོ། །ཆུང་ངུ་ནི་སོར་བཞིར་རོ། །འབྲིང་ནི་དེ་གཉིས་ཀྱི་བར་རོ། །གསེར་དང་། དངུལ་དང་། བཻ་ཌཱུརྱ་དང་། ཤེལ་གྱི་རང་བཞིན་དང་། ཡུ་བ་ཁྲ་བོ་ཉེ་བར་
[252a.4]བཀྲ་བ་དང་། བསེ་རྩིས་བྱུགས་པ་མ་ཡིན་ནོ། །ཁབ་རལ་ལེགས་པར་སྦ་བར་བྱ་བ་དང་། ངོ་ཚ་མེད་པ་དང་། བསྙེན་པར་མ་རྫོགས་པའི་ལག་ཏུ་མི་སྦྱིན་ནོ། །བདག་གིས་གཞག་པར་བྱ་བའམ། ངོ་ཚ་ཤེས་པའི་ལག་ཏུ་བྱིན་ལ་སྦའོ། །ཁབ་དང་གྲིའུ་བཙས་མི་
[252a.5]ཟོས་པར་བྱ་བའི་ཕྱིར་རས་མ་ལ་སྤྲ་ཚིལ་གྱིས་བསྐུས་ལ་དཀྲི་བ་ཉིད་ཀྱིས་དར་གཞག་པར་བྱའོ། །ཇི་སྐད་ཁབ་རལ་གྱི་གཞི་ལས་ངེས་པར་བསྟན་པ་བཞིན་དུ་ཡོ་བྱད་གཞན་རྣམས་ལ་ཡང་གནས་ཇི་ལྟ་བ་བཞིན་དུ་བརྟག་པར་བྱའོ། །ཇི་སྐད་དུ། གསེར་ལ་སོགས་པའི་རང་བཞིན་ལས་བྱས་
[252a.6]པའི་སོར་གདུབ་རྒྱ་བཅང་བར་མི་བྱའོ། །རྒྱལ་རྣམ་པ་བཞི་སྟེ། ར་གན་དང་། ཟངས་དང་། ཁར་བ་དང་། ཤིང་གིའོ། །དགེ་འདུན་གྱི་རྒྱ་ལ་གཙུག་ལག་ཁང་གི་བདག་པོའི་མིང་དང་། མངོན་མཚན་དུ་ཆོས་ཀྱི་འཁོར་ལོ་བྱའོ། །གང་ཟག་གི་མངོན་མཚན་དུ་ཀེང་རུས་སམ།
[252a.7]མགོའི་ཐོད་པ་བྲིའོ་ཞེས་གསུངས་སོ། །བཞི་པའོ།། །།མཉན་ཡོད་ན་སྟེ། བཅོམ་ལྡན་འདས་ཀྱིས་བཀའ་སྩལ་པ། ཁྲིའི་དྲུང་དུ་རྐང་པ་དག་བཀྲུ་བར་མི་བྱ་སྟེ། མགོ་ལོགས་སམ་རྐང་པ་ལོགས་སུའོ། །ན་བ་དང་། རྒས་པ་དང་། ཉམ་ཆུང་བ་དང་། ངལ་བས་
[252b]
[252b.1]ནི་བཀྲུ་བར་བྱའོ། །ཁྲིའི་རྐང་པ་ཤིན་ཏུ་ཐུང་བ་ལ་ཉལ་བར་མི་བྱའོ་ཞེས་དྲུག་སྡེ་རྣམས་ཀྱིས་ཐོས་ཏེ། ཁྲུ་བཅུ་གཉིས་པའི་ལྕུག་མ་རྣམས་ལས་ཁྲི་བྱས་ཏེ། ཡ་གད་བཙུགས་པས་ན་གནས་མལ་གྱི་གཞིའི་དབང་དུ་མཛད་དེ། འགལ་ཚབས་ཅན་དུ་འགྱུར་བ་དང་།
[252b.2]ཕོངས་པའི་ཉོན་མོངས་པ་ཡོངས་སུ་སྤང་བའི་ཕྱིར་ལྔ་པ་བཅས་ཏེ། ལྟུང་བྱེད་ལྷག་མ་རྣམས་ལ་ཡང་བཞི་དང་ཉོན་མོངས་པ་ནི་འདི་ཉིད་དོ། །བྱེད་དུ་བཅུག་ན་ཞེས་བྱ་བ་ནི་བདག་གམ་གཞན་ཡང་རུང་ངོ་། །བདེ་བར་གཤེགས་པའི་སོར་བརྒྱད་ཀྱི་ཚད་ཅེས་བྱ་བ་ནི་མི་ཐ་མལ་
[252b.3]པའི་ཁྲུ་གང་གི་ཚད་དོ། །བུ་གར་ཞུགས་པ་མ་གཏོགས་ཞེས་བྱ་བ་ན་འཆར་ཀའི་དབང་དུ་མཛད་དེ་རྗེས་སུ་གནང་བའོ། །བཅད་ན་ལྟུང་བྱེད་དོ་ཞེས་བྱ་བ་ནི་བཅད་ན་ལྟུང་བྱེད་བཤགས་པར་བྱའོ་ཞེས་བྱ་བའི་ཐ་ཚིག་གོ། །ལྷག་མ་རྣམས་ནི་སྔ་མ་བཞིན་ནོ། །ནོར་བུའམ་
[252b.4]བ་སོའི་རང་བཞིན་ལས་ལྷག་པར་བྱས་ན་ཉེས་བྱས་སོ། །ཁྲིའི་རྩ་བ་བྲེ་ཁ་བཞིན་དུ་ཐད་ཀར་གཅད་པར་བྱའི་གཞོ་བོར་མི་གཅད་དོ། །དེ་ལས་ཀྱང་ས་རྐོན་རྐང་པའི་རྟེན་གཞག་པར་བྱའོ། །ཡང་ན་ཕུབ་མའི་ཕུང་པོར་བྱའོ། །ལྔ་པའོ།། །།མཉན་ཡོད་ན་སྟེ། ཉེ་དགའ་
[252b.5]དགེ་འདུན་གྱི་ཁྲི་དེ་ཡང་གཞན་དབང་ངོ་སྙམ་ནས་དེ་ཤིང་བལ་བདལ་བས་དེ་ལ་དགེ་སློང་དེ་ཤིང་བལ་གྱིས་དཀར་པོར་གྱུར་པས་ན་དྲུག་པའོ། །ཤིང་བལ་ཞེས་བྱ་བ་ནི་རྣམ་པ་ལྔ་སྟེ། ཀ་ཤའི་ཤིང་བལ་དང་། ཨ་རྒའི་ཤིང་བལ་དང་། ཤལ་མ་ལིའི་ཤིང་བལ་དང་། རས་བལ་དང་།
[252b.6]ན་མེ་རུ་ཀའི་ཤིང་བལ་ལོ། །བདལ་ཞེས་བྱ་བ་ནི་ཁྲིའི་སྟེང་དུ་ཤིང་བལ་བདལ་ནས་སྟེང་དུ་གོས་ཀྱིས་གཡོགས་པའོ། །གོས་རུང་བའམ། ཤིང་བལ་རུང་བས་གཡོགས་པར་སྦྱོར་བ་ནི་ཉེས་བྱས་སོ། །གཡོགས་ཟིན་ན་ལྟུང་བྱེད་དོ། །གོས་སམ་ཤིང་བལ་མི་རུང་བས་གཡོགས་
[252b.7]ན་ཉེས་བྱས་སོ། །དྲུག་པའོ།། །།མཉན་ཡོད་ན་སྟེ། དགེ་སློང་མང་པོ་ལ་བརྟེན་ནས་བདུན་པ་བཅས་སོ། །མཐོ་དོ་ཞེས་བྱ་བ་ནི་མི་ཐ་མལ་པའི་ཁྲུ་གསུམ་གྱི་ཚད་དོ། །མཐོ་གང་གིས་སྲིངས་ཤིག་ཅེས་བྱ་བ་ནི་བདེ་བར་གཤེགས་པའི་མཐོ་གང་སྟེ། ཁྲུ་ཕྱེད་དང་དོའོ། །དེ་
[253a]
[253a.1]ལྟར་སྲིད་ཀྱི་ཚད་ཁྲུ་ཕྱེད་དང་ལྔའོ། །ཞེང་དུ་མཐོ་ཕྱེད་དང་དོ་ཞེས་བྱ་བ་ནི་མི་ཚད་མའི་ཁྲུ་དོ་དང་སོར་དྲུག་གོ། །གདིང་བ་དུམ་བུ་གཅིག་པ་ལ་ནི་བྱིན་གྱིས་བརླབ་པར་མི་བྱའོ། །བདུན་པའོ།། །།མཉན་ཡོད་ན་སྟེ། བཅོམ་ལྡན་འདས་ཀྱིས་གང་
[253a.2]གཡན་པའི་ནད་ཅན་རྣམས་ཀྱིས་གཡན་པ་དགབ་པ་བཅང་བར་བྱའོ། །དེ་ཡང་དུས་དུས་སུ་ཁྲུས་ཤིག །ཁ་བསྒྱུར་བར་བྱ་བ་ཡང་ངོ་། །ཚུར་བཙུག་ལག་ཤེར་བར་བྱས་ཏེ་དབྱུང་བར་བྱའོ་ཞེས་བཀའ་སྩལ་ན། དགེ་སློང་རྣམས་ཚད་ལས་འདས་པར་བྱེད་པས་ན་བརྒྱད་པ་བཅས་སོ། །བྱེད་
[253a.3]ཅེས་བྱ་བ་ནི་བདག་གམ་གཞན་ནོ། །མཐོ་བཞི་ཞེས་བྱ་བ་ནི་མི་ཚད་མའི་ཁྲུ་དྲུག་གོ། །མཐོ་དོ་ཞེས་བྱ་བ་ནི་ཁྲུ་གསུམ་མོ། །ལྷག་པར་བྱས་ན་ལྟུང་བྱེད་དོ། །ཆུང་བ་ལ་ནི་བྱིན་གྱིས་བརླབས་ན་ཉེས་བྱས་སོ། །གཞན་གྱི་ཕྱིར་བྱས་ན་ཉེས་བྱས་སོ། །བརྒྱད་པའོ།། །།མཉན་ཡོད་ན་སྟེ། དགེ་
[253a.4]སློང་རྣམས་སྒྲེན་མོར་ཁྲུས་བྱེད་པས་ན། རི་དགས་འཛིན་གྱི་མ་ས་ག་ལས་བརྩམས་ཏེ། དབྱར་གྱི་གོས་རས་ཆེན་གནང་ངོ་། །དགེ་སློང་རྣམས་ཚད་དེ་ལས་འདས་པར་བྱེད་པས་ན་དགུ་པའོ། །བྱེད་ཅེས་བྱ་བ་ནི་བདག་གམ་གཞན་གྱིས་ཀྱང་ངོ་། །ཚད་ནི་གསུམ་འགྱུར་དུ་སྟེ་གོ་རིམས་བཞིན་དུ་སྦྱར་རོ། །
[253a.5]དེ་ལས་ཆུང་བ་ལ་བྱིན་གྱིས་བརླབས་ན་ཉེས་བྱས་སོ། །དགུ་པའོ།། །།མཉན་ཡོད་ན་སྟེ། ཉེ་དགས་ཆོས་གོས་ཆེན་པོ་དྲུབས་ནས་ཅུང་ཟད་ཅིག་བསྒོས་ཀྱི་གཞན་ལྷག་མ་ཕྲག་པ་ལ་བཀལ་ཏེ། གཙུག་ལག་ཁང་གཞན་དུ་སོང་བས་ན་བཅུ་པ་བཅས་སོ། །བདེ་བར་གཤེགས་པའི་ཆོས་
[253a.6]གོས་ཀྱི་ཚད་ཅེས་བྱ་བ་ནི་ཚད་ལས་ལྷག་པར་ཉེ་བར་མཚོན་པའི་དོན་ཏོ། །དེ་ལས་བརྩམས་ནས་ལྟུང་བ་ཞེས་བྱ་བ་ཡིན་ནོ། །ཆོས་གོས་ཞེས་བྱ་བ་ནི་བྱིན་གྱིས་བརླབས་པའོ། །མཐོ་བཅུ་ཞེས་བྱ་བ་ནི་མི་ཚད་མའི་ཁྲུ་ཚད་ལས་ཁྲུ་བཅོ་ལྔའོ། །ཞེང་དུ་མཐོ་དྲུག་ཅེས་བྱ་བ་ནི་ཁྲུ་དགུའོ། །
[253a.7]དེ་ཚུན་ཆད་ཆུང་ངུ་བྱེད་པ་ནི་ལྟུང་བ་མེད་དོ། །ཁྲུ་ལྔ་ལས་ལྷག་པར་བྱེད་ན་ཉེས་བྱས་སོ། །བཅུ་པའོ། །ལྟུང་བྱེད་དགུ་བཅུ་རྫོགས་སོ།། །།ཉི་ཤུ་པ་འདི་རྣམས་ལས་རྣམ་པ་གཉིས་ཀྱི་གཞི་རིག་པར་བྱ་སྟེ། ལམ་གྱི་གཞི་དང་། འཁོར་ཡོངས་སུ་འཛིན་པར་བྱེད་པའི་གཞི་
[253b]
[253b.1]དང་། ས་ལེན་པའི་གཞི་དང་མཐོང་བ་དང་ཐོས་པ་དང་། དོགས་པས་ཕན་ཚུན་གླེང་བ་དག་གིས་རྗེས་སུ་ཤེས་པའི་གཞི་དང་། དགེ་བའི་ཕྱོགས་ལ་བསླབ་པའི་གཞི་དང་། འཕེལ་བའི་གཏམ་རྣམ་པར་གཏན་ལ་དབབ་པའི་གཞི་དང་། རྗེས་སུ་མི་མཐུན་པའི་གཞི་དང་། བཏུང་བའི་གཞི་
[253b.2]དང་། མགྲོན་དུ་བོས་པའི་གཞི་དང་། གྲོང་དུ་འཇུག་པའི་གཞི་དང་། ཁྱིམ་དུ་འཇུག་པའི་གཞི་དང་། གསོ་སྦྱིན་གྱི་གཞི་དང་། བྱེད་པ་སྦ་བའི་གཞི་དང་། གནས་མལ་བྱེད་པ་སྦ་བའི་གཞི་དང་། ཆོས་གོས་མངོན་པར་འདུ་བྱས་པ་སྦ་བའི་གཞི་སྟེ་གོ་རིམས་བཞིན་ནོ། །འདུལ་བ་
[253b.3]བསྡུས་པ་བམ་པོ་བཅུ་གསུམ་པ་སྟེ་ཐ་མ། རྒྱལ་པོའི་ཁབ་ན་སྟེ། ཨུཏྤལའི་མདོག་བསོད་སྙོམས་ཀྱི་ཐོག་མ་དགེ་འདུན་ལ་ཕུལ་ནས་བསོད་སྙོམས་གཉིས་པ་ནི་བསོད་སྙོམས་པ་གཅིག་ལ་བྱིན་ཏེ་ཟན་ཆད་པར་གྱུར་ལ། ཉི་མ་གཉིས་པར་ཡང་བསོད་སྙོམས་སྔ་མ་དགེ་འདུན་ལ་ཕུལ་
[253b.4]ལོ། །གཉིས་པ་ཉེ་དགས་བླངས་པས་ན་དེ་བརྒྱལ་ནས་སྲང་དུ་འགྱེལ་བ་དང་། འཇིག་རྟེན་པ་སྨོད་པར་བྱེད་ནས། དགེ་སློང་མའི་གཞིའི་དབང་དུ་མཛད་དེ། མ་དད་པ་ལ་སོགས་པའི་ཉོན་མོངས་པ་སོ་སོར་བཤགས་པར་བྱ་བ་དང་པོ་བཅས་སོ། །ཉེ་དུ་མ་ཡིན་པ་ཞེས་བྱ་བ་ནི་
[253b.5]ཉེ་དུ་ལ་ལྟུང་བ་མེད་པར་བསྟན་པའི་ཐ་ཚིག་གོ། །དགེ་སློང་མ་ཞེས་བྱ་བ་ནི་བསྙེན་པར་རྫོགས་པ་རང་བཞིན་དུ་གནས་པའོ། །ལམ་པོ་ཆེ་ན་འདུག་པ་ཞེས་བྱ་བ་ནི་གལ་ཏེ་དབྱར་ཁང་དུ་འོངས་པ་ལ་བྱིན་ན་ལྟུང་བ་མེད་དོ། །བསོད་སྙོམས་ཀྱི་ཕྱིར་གྲོང་དུ་འགྲོ་བ་ཞེས་བྱ་བ་ནི་དེའམ་དེ་
[253b.6]མ་ཡིན་པའི་ཟས་གལ་ཏེ་ལམ་པོ་ཆེའི་དབུས་སུ་མ་བྱིན་ན་ལྟུང་བ་མེད་དོ། །དེ་ལས་ཞེས་བྱ་བ་ནི་དེ་ཉིད་ལས་སོ། །རང་གི་ལག་གིས་ཞེས་བྱ་བ་ནི་གཞན་ལེན་དུ་མི་འཇུག་པའམ། གཞན་སྦྱིན་དུ་འཇུག་པ་ལ་བྱའོ། །བཅའ་བ་དང་བཟའ་བ་ཞེས་བྱ་བ་ནི་བཅའ་བ་ལྔ་དང་བཟའ་
[253b.7]བ་ལྔའོ། །བླངས་ཞེས་བྱ་བ་ནི་བླངས་པ་ཙམ་གྱིས་ལྟུང་བར་འགྱུར་རོ། །འཆའ་བའམ་ཟ་ན་ཞེས་བྱ་བ་ནི་དེའི་ཕྱིར་བླངས་པའོ། །དགེ་སློང་དེས་ཞེས་བྱ་བ་ནི་དགེ་སློང་མ་མ་ཡིན་ཏེ། དེས་བྱིན་ཡང་ལྟུང་བ་མེད་དོ་ཞེས་བྱ་བར་བསྒྲགས་པའོ། །ཕྱི་རོལ་ཀུན་དགའ་ར་བ་ཞེས་བྱ་བ་ནི་གྲོང་
[254a]
[254a.1]གི་ནང་ན་དགེ་སློང་རྣམས་ཡོད་དུ་ཟིན་ཀྱང་དེ་དག་གི་མདུན་དུ་བསྒྲགས་པར་བྱ་བ་ནི་མ་ཡིན་ནོ། །དགེ་སློང་རྣམས་ལ་ཞེས་བྱ་བ་ནི་རང་བཞིན་དུ་གནས་པའི་རྣམས་ལའོ། །སྨད་པ་ཞེས་བྱ་བ་ནི་དེ་བཞིན་གཤེགས་པས་བཀག་པའོ། །མི་རིགས་པ་ཞེས་བྱ་བ་ནི་དགེ་སློང་དང་རྗེས་སུ་
[254a.2]མཐུན་པ་མ་ཡིན་པས་རང་བཞིན་ལྟར་རྗེས་སུ་མི་འཇུག་པའོ། །སོ་སོར་བཤགས་པ་ཞེས་བྱ་བ་ནི་ལྟུང་བའི་མིང་བསྒྲགས་པའོ། །དེ་རྣམས་ལས་གཞན་པ་རྣམས་ལ་ཡང་སོ་སོར་བཤགས་པར་བྱ་བ་ཡིན་ན་ཅིའི་ཕྱིར་དེ་ཉིད་ཁོ་ན་ལ་སོ་སོར་བཤགས་པར་ཞེས་གསུངས་ཤེ་ན། ཅི་ལྟར་
[254a.3]དགེ་སློང་ཐམས་ཅད་པ་རྣམས་འདུས་པའི་མདུན་དུ་ངེས་པ་ཁོ་ནར་ཀུན་དུ་བྱ་བ་སྟེ། ཁྱད་པར་དང་ལྡན་པ་བསལ་བར་བྱེད་པ་ཞེས་བྱ་བའི་ཐ་ཚིག་གོ། །དེ་མ་ཐག་ཏུ་འདི་རིག་ཅིང་བཤགས་པར་བྱའོ། །བཅབ་བར་མི་བྱའོ་ཞེས་བྱ་བ་འདི་ཡང་ཁྱད་པར་གཞན་བརྗོད་པའོ། །ཁ་ཅིག་ནི་མང་
[254a.4]པོ་རྣམས་ལས་ཀྱང་མང་པོ་རྣམས་ཀྱི་མདུན་དུ་བཤགས་པར་བྱའོ་ཞེས་ཟེར་རོ། །གཞན་དག་ནི་ཇི་ལྟར་མདོ་ལས་འབྱུང་བ་བཞིན་དུ་བཤགས་པར་བྱའོ་ཞེས་ཀྱང་ཟེར་རོ། །ཁ་ཅིག་ནི་ལན་གཉིས་སུ་བཤགས་པར་བྱའོ་ཞེས་ཀྱང་ཟེར་རོ། །ཉེ་དུ་མ་ཡིན་པ་ལ་ཉེ་དུ་མ་ཡིན་པར་འདུ་ཤེས་
[254a.5]སམ། ཡིད་གཉིས་ཟ་ན་ཡང་རུང་སྟེ་བླངས་ན་སོ་སོར་བཤགས་པའོ། །ཉེ་དུ་ལ་ཉེ་དུ་མ་ཡིན་པར་འདུ་ཤེས་སམ། ཡིད་གཉིས་ཟ་ན་ཡང་རུང་སྟེ་བླངས་ན་ཉེས་བྱས་སོ། །ཉེ་དུའམ་ཉེ་དུ་མ་ཡིན་ཡང་རུང་བ་སྟེ། ཉེ་དུར་འདུ་ཤེས་ཏེ་བླངས་ན་ལྟུང་བ་མེད་དོ། །དང་པོའོ།། །།
[254a.6]མཉན་ཡོད་ན་སྟེ། དྲུག་སྡེ་རྣམས་ཀྱིས་སྦོམ་དགའ་མོ་ལ་གང་དུ་དགེ་འདུན་མགྲོན་དུ་བོས་པ་དེར་ཁྱོད་ཀྱིས་ངེད་ལ་མང་བ་དང་གྱ་ནོམ་པ་སྦྱིན་དུ་ཆུག་ཤིག་ཅེས་བསྒོ་སྟེ། དེས་ཀྱང་དེ་བཞིན་དུ་བྱས་པས་ན། ཟན་ཆད་པར་གྱུར་པའི་ཕྱིར། བསོད་སྙོམས་ཡོངས་སུ་ལོངས་སྤྱོད་
[254a.7]པའི་གཞིའི་དབང་དུ་མཛད་དེ། མ་དད་པ་ལ་སོགས་པའི་ཉོན་མོངས་པས་གཉིས་བཅས་སོ། །རབ་ཏུ་མང་པོ་ཞེས་བྱ་བ་ནི་གཉིས་དག་ལས་ལྷག་པའོ། །ཁྱིམ་གཞན་རྣམས་སུ་ཞེས་བྱ་བ་ནི་གང་ན་སྲང་ལ་སོགས་པ་ཡོད་པར་ཤེས་པ་ཡིན་ཏེ། དེས་ནི་གཙུག་ལག་ཁང་དུ་ལྟུང་བ་མེད་
[254b]
[254b.1]དོ་ཞེས་བསྟན་པར་འགྱུར་རོ། །ཟ་བ་ཞེས་བྱ་བ་ནི་བཅའ་བ་ལྔ་དང་། བཟའ་བ་ལྔའོ། །དགེ་སློང་མ་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་བསྙེན་པར་རྫོགས་པ་རང་བཞིན་དུ་གནས་པའོ། །འདི་ལ་ནི་བཅའ་བ་ཞེས་བྱ་བ་ལ་སོགས་པས་ནི་གྱ་ནོམ་པ་སྦྱིན་དུ་འཇུག་པའོ། །
[254b.2]འདི་ལ་ཡང་ཞེས་བྱ་བ་མང་པོ་སྦྱིན་དུ་འཇུག་པའོ། །སྡོད་ཅིག་ཅེས་བྱ་བ་ནི་ཅང་མ་སྨྲ་བར་འདུག་ཤིག་པའོ། །ཡུད་ཙམ་ཞེས་བྱ་བ་ནི་འདིར་ནི་ཟན་ཟ་བའི་དུས་ལ་བྱའི་ཚད་འཛིན་པའི་ཡུད་ཙམ་ལ་ནི་མ་ཡིན་ཏེ་དེ་ཉིད་ཀྱི་ཕྱིར་གསུངས་པ། དགེ་སློང་འདི་རྣམས་ཟན་ཟའི་བར་དུ་
[254b.3]ཞེས་བྱ་བའོ། །མ་སྤོབས་ཞེས་བྱ་བ་ནི་གཅིག་སྟེ་ཀྱང་སྨྲ་བར་མི་ནུས་པ་ཞེས་བྱ་བའི་ཐ་ཚིག་གོ། །འདི་ནི་དེ་སྐད་སྨྲས་ན་ཕྱིས་བསྒོ་ཡང་ལྟུང་བ་མེད་པར་སྟོན་པའོ། །དགེ་སློང་རྣམས་བར་ཁང་ན་ཟན་ཟ་བ་དང་། དེ་དག་གིས་དགེ་སློང་མ་ལ་བསྒོ་བ་སྟེ་ཟན་བཟའ་བར་བྱའོ། །
[254b.4]མ་བསྒོ་ན་སོ་སོར་བཤགས་པའི་ལྟུང་བའོ། །གཞན་ན་སྒོ་ཁང་ན་ཟན་ཟ་བ་དང་། དེ་དག་གིས་བསྒོ་འམ་མ་བསྒོ་ཞེས་དྲིས་ལ་བཟའ་བར་བྱའོ། །རྣམ་པ་གཞན་དུ་ན་ཉེས་བྱས་སོ། །གཞན་ནི་འགྲོ་ལ་གཞན་ནི་འཇུག་ན་དེས་ཀྱང་དྲི་བར་བྱའོ། །རྣམ་པ་གཞན་དུ་ན་ཉེས་བྱས་སོ། །
[254b.5]ཉེ་དུའི་ཁྱིམ་ནའམ། དེས་གཙོར་བྱས་ཏེ་མགྲོན་དུ་བོས་པ་ལ་ལྟུང་བ་མེད་དོ། །གཉིས་པའོ།། །།ཡངས་བ་ཅན་དུ་སྟེ། དམག་དཔོན་སེང་གེ་ཞེས་བྱ་བས་བདེན་པ་མཐོང་བ་རྒྱུན་དུ་གཏོང་བས་ན་ལོངས་སྤྱོད་ཡོངས་སུ་ཟད་པར་གྱུར་བས་ན། གསོལ་བ་དང་གཉིས་ཀྱི་ལས་ཀྱིས་སློབ་
[254b.6]པའི་སྡོམ་པ་བྱིན་ཏེ། དེ་ཡང་ཀུན་དུ་སྤྱད་པ་བཅས་པ་ནི་བསོད་སྙོམས་ཡོངས་སུ་ལོངས་སྤྱད་པར་མི་བྱ། སྟན་ལ་སོགས་པ་ལ་ཡོངས་སུ་ལོངས་སྤྱད་པར་ནི་བྱའོ། །ཤཱ་རིའི་བུ་དང་མཽད་གལ་གྱི་བུ་གཉིས་ནི་སྔར་མགྲོན་དུ་བོས་བས་ན་ཟན་ཟ་སྟེ། དྲུག་སྡེ་རྣམས་ཀྱང་ཁོ་བོས་ཤེས་ཏེ་ཟས་
[254b.7]ཟོས་པས་ན་ཁྱེའུ་དང་བུ་མོ་རྣམས་བཀྲེས་པས་དུས་པའི་ཕྱིར་བསོད་སྙོམས་ཡོངས་སུ་ལོངས་སྤྱོད་པའི་གཞིའི་དབང་དུ་མཛད་དེ། མ་དད་པ་ལ་སོགས་པའི་ཉོན་མོངས་པས་ན་གསུམ་པ་བཅས་སོ། །དགེ་འདུན་གྱི་ཞེས་བྱ་བ་ནི་དེ་སྲུང་བར་བྱེད་པའོ། །སློབ་པ་ཞེས་བྱ་བ་ནི་རྒྱུན་དུ་ཞུགས་པ་དང་།
[255a]
[255a.1]ལན་ཅིག་ཕྱིར་འོང་བ་དང་། ཕྱིར་མི་འོང་བའི་ཁྱིམ་མོ། །མི་སློབ་པ་རྣམས་ནི་ཁྱིམ་ན་མི་གནས་སོ། །སློབ་པའི་སྡོམ་པ་བཅས་པ་ནི་འཁྲུག་པ་མེད་པའི་ལས་ཀྱིས་སོ། །སྔར་མ་བསྟབས་པར་ཞེས་བྱ་བ་ནི་གང་སྡོམ་པ་བྱིན་པའི་སྔོན་ལོགས་སུ་མགྲོན་དུ་
[255a.2]བོས་པ་ཡིན་ཏེ། དེ་ལ་ནི་ལྟུང་བ་མེད་དོ། །རང་གི་ལག་གིས་ཞེས་བྱ་བ་ནི་ལག་ཏུའོ། །བཅའ་བ་དང་བཟའ་བ་ཞེས་བྱ་བ་ནི་ལྡམ་ལྡུམ་དང་སྲན་ཚོད་བླངས་པ་ལ་ལྟུང་བ་མེད་དོ། །འཆའ་འམ་ཟ་ན་བླངས་པ་ཙམ་གྱིས་ལྟུང་བར་འགྱུར་ཏེ། གང་གི་ཕྱིར་བླངས་པ་དེ་སྟོན་ཏེ། སྡོམ་པ་
[255a.3]སླར་བཏང་ན་ལྟུང་བ་མེད་དོ། །དེ་ཡང་ལོངས་སྤྱོད་འཕེལ་ནས་གསོལ་བ་འདེབས་ན་ལྟུང་བ་མེད་དོ། །གསོལ་བ་དང་གཉིས་ཀྱི་ལས་ཀྱིས་སོ། །གསུམ་པའོ།། །།སེར་སྐྱའི་གཞི་ན་སྟེ། གནས་མལ་དགོན་པ་ན་འདུག་སྟེ། དྲུག་སྡེ་རྣམས་ཀྱིས་བུད་མེད་རྣམས་ཟན་ཁྱེར་ཏེ་
[255a.4]འོངས་པ་ལས་ལམ་བར་དུ་བཅོམ་པ་སྒྲེན་མོར་འདྲིམ་དུ་བཅུག་པས་ན་བསོད་སྙོམས་ཀྱི་གཞིའི་དབང་དུ་མཛད་དེ་མ་དད་པ་ལ་སོགས་པའི་ཉོན་མོངས་པས་བཞི་པ་བཅས་སོ། །དགོན་པ་ཞེས་བྱ་བ་ནི་གྲོང་ནས་རྒྱང་གྲགས་གཅིག་ན་གནས་མལ་ཡོད་པའོ། །དེ་ཕན་ཆད་ནི་བས་མཐའོ། །
[255a.5]དེ་ཡང་གང་ན་བདུད་ཀྱི་རིས་ཀྱི་ལྷ་རྣམས་དང་། གནོད་སྦྱིན་མ་རུངས་པ་མེད་པ་དེར་གནས་པར་བྱའོ། །མ་བརྟགས་ཞེས་བྱ་བ་ནི་ཆོས་ལྔ་དང་ལྡན་པ་ནགས་ཉུལ་བ་བསྐོ་བར་བྱའོ། །དེ་ཡང་ནང་པར་སྔར་ལངས་ལ་ནགས་བརྟག་པར་བྱའོ། །གལ་ཏེ་ཆོམ་རྐུན་ཡོད་ན་དུད་བརྡ་གཏུལ་བར་
[255a.6]བྱའོ། །འདབ་མའི་ཆང་བུ་དག་ལམ་ཁར་གཞག་པར་བྱའོ། །གལ་ཏེ་མེད་ན་རྒྱལ་མཚན་བསྒྲེང་བར་བྱའོ། །གང་སྦྱིན་པ་པོ་རྣམས་བག་ཡོད་པར་འོང་ངམ་ཡང་ན་མི་འོང་ངོ་། །དེའི་གྲོགས་ཤིག་ཀྱང་སྦྱིན་པར་བྱའོ། །དེས་ཀྱང་ཁྱེའུ་སུས་ཀྱང་བྱའོ། །དེ་ཉིད་ཀྱིས་བརྟགས་
[255a.7]ནས་ཟན་ཟ་བ་ནི་ལྟུང་བ་མེད་དོ། །ཀུན་དགའ་ར་བའི་ཕྱི་རོལ་གྱི་ཞེས་བྱ་བ་ནི་གཙུག་ལག་ཁང་ལས་ཕྱི་རོལ་ལོ། །འཆའ་འམ་ཟ་ན་ཡང་ཞེས་བྱ་བ་ནི་མགུལ་དུ་མིད་ནའོ། །ནགས་མ་བརྟགས་པ་ལ་མ་བརྟགས་པར་འདུ་ཤེས་སམ་ཡིད་གཉིས་ཟ་ན་ཡང་རུང་། ཟོས་ན་སོ་སོར་བཤགས་
[255b]
[255b.1]པའོ། །བརྟགས་པ་ལ་མ་བརྟགས་པར་འདུ་ཤེས་སམ། ཡིད་གཉིས་ཟ་ན་ཡང་རུང་སྟེ་ཉེས་བྱས་སོ། །ནགས་སོ་སོར་རྟོགས་པར་བྱེད་པ་ཤི་བར་གྱུར་ཏམ་བྲོས་ན་ལྟུང་བ་མེད་དོ། །ཁ་ཅིག་ནི་མ་བརྟགས་པའི་གནས་ཁང་དུ་གཞན་དག་དོགས་པར་འགྱུར་བ་དེར་ཞུགས་མ་ཐག་ཏུ་
[255b.2]ལྟུང་བའོ་ཞེས་ཟེར་རོ། །དགོན་པ་པས་བྱ་བ་ནི་ས་དང་། རྒྱུ་སྐར་དང་། ཕྱོགས་དང་། ལམ་ལ་མཁས་པར་བྱའོ། །ཕྱེ་དང་། ཆུ་ལ་སོགས་པ་གཞག་པར་བྱའོ། །ཚུར་ཤོག་འོངས་པ་ལེགས་སོ་ཞེས་བྱ་བ་ལ་སོགས་པ་བཞིན་འཛུམ་སྔོན་དུ་འགྲོ་བས་ཁྲོ་གཉེར་མེད་པར་བྱའོ། །མ་མོ་ལ་སོགས་པ་ཤེས་པར་བྱ་བའོ། །
[255b.3]གཞན་ལ་ཡང་ངོ་། །སོ་སོར་བཤགས་པ་བཞིན་པའོ། །འདི་དག་ལ་ནི་ཡོངས་སུ་ལོངས་སྤྱོད་པ་རྣམ་པ་བཞི་ལས་འབྱུང་བ་རིག་པར་བྱ་སྟེ། ལག་པ་ཡོངས་སུ་ལོངས་སྤྱོད་པ་ངན་པ་དང་། བསྒོ་བས་ཡོངས་སུ་ལོངས་སྤྱོད་པ་ངན་པ་
[255b.4]དང་། ཆོ་ག་མ་ཡིན་པ་ཡོངས་སུ་ལོངས་སྤྱོད་པ་དང་། གནས་ངན་པར་ཡོངས་སུ་ལོངས་སྤྱོད་པར་རིག་པར་བྱའོ། །སོ་སོར་བཤགས་པ་རྫོགས་སོ།། །།རབ་ཏུ་མང་པོ་ཞེས་བྱ་བ་ནི་བཞི་ལ་སོགས་པའི་ནང་ནས་འབྱུང་བའི་ཉེས་བྱས་ཀྱི་ལྟུང་བ་ཐམས་ཅད་བསླབ་པ་འདིར་
[255b.5]བསྡུས་པས་ན་གྲངས་དཔག་ཏུ་མེད་པའོ། །འདི་ལྟ་སྟེ་རྔ་བརྡུང་བར་མི་བྱ་སྟེ། སྟོན་པ་ལ་མཆོད་པ་བྱོས་ཤིག་ཅེས་བསྒོ་བ་ནི་མ་གཏོགས་སོ། །བྱུག་རིས་གསུམ་མི་བྱའོ། །མེ་ལོང་དང་ཆུ་ལ་གདོང་པ་བལྟ་བར་མི་བྱ། ཆུ་བརྟག་པའི་ཚེ་རྨའམ་གཉེར་མའམ། སྐྲ་དཀར་
[255b.6]རམ། གདོང་སྔོན་དང་། ད་ལྟར་གྱི་ཁྱད་པར་དུ་ལྟ་བ་ལ་ལྟུང་བ་མེད་དོ། །སོ་མངས་དང་། པུ་ཤེལ་ཙེས་སྐྲ་བཤད་པར་མི་བྱའོ། །དགེ་བའི་ཕྱོགས་ལ་ལེ་ལོ་མི་བྱའོ། །སྐྱེད་མོས་ཚལ་བསྐྱེད་པས་མེ་ཏོག་མ་བྱུང་ངམ། འབྲས་བུ་མ་བྱུང་ངམ། དགེ་སློང་གཞན་ལ་མ་བཅོལ་
[255b.7]གྱི་བར་དུ་ཕྱོགས་གཞན་དུ་འགྲོ་བར་མི་བྱའོ། །སྒོ་གཏན་ལ་ཡུན་རིང་དུ་མི་བརྡུང་ངོ་། །ཤེས་བཞིན་དུ་བར་མའི་སྦྱོར་བས་སྒོ་དབྱེ་ཞིང་གཅད་པར་བྱའོ། །ཤེས་བཞིན་དུ་ཕྱིར་དབྱུང་བར་བྱ་ཞིང་ནང་དུ་འཇུག་པར་བྱའོ། །འཆག་པའི་ཚེ་དྲང་པོར་བྱས་ལ་དབང་པོ་རྣམས་ཕྱིར་མི་འགྲོ་
[256a]
[256a.1]ཞིང་མི་དྲག་མི་དལ་བར་བཅག་པར་བྱའོ། །རྐང་པ་དག་བཀྲུ་བའི་ཆུ་སྣོད་སྟོང་པར་མཐོང་ན་སླར་བཀང་སྟེ་གཞག་གོ། །མཆོད་རྟེན་ལ་ཕུར་བུ་གདབ་པར་མི་བྱ། འཛེགས་པར་མི་བྱའོ། །བསྙེན་པར་མ་རྫོགས་པ་མེད་ན་རྐང་པ་དག་སྤོས་ཆུས་བཀྲུས་ཏེ་དྲན་པ་ཉེ་
[256a.2]པར་བཞག་ནས་མཆོད་པའི་ཕྱིར་འཛེག་པ་ལ་ལྟུང་བ་མེད་དོ། །བྱང་ཆུབ་སེམས་དཔའི་སྐུ་གཟུགས་ལ་རྐང་རྒྱན་དང་། རྣ་རྒྱན་མ་གཏོགས་པའི་རྒྱན་གཞན་རྣམས་བྱའོ། །སངས་རྒྱས་ཀྱི་དུས་སྟོན་ལ་སོགས་པའི་ཚེ་འཁོར་ལྔ་པོ་རྣམས་ཀྱི་ཞབས་འབྲིང་བྱའོ། །རྒན་པོ་རྣམས་ཀྱིས་མཆོད་
[256a.3]ཡོན་བླངས་ལ་གཞོན་ནུའི་བཀྱེ་བར་བྱའོ། །ཆོས་གོས་སྦེད་པ་ཡང་བསྐོ་བར་བྱའོ། །འགེད་པ་ཡང་ངོ་། །དེ་ལས་གཞན་དག་ཀྱང་ཇི་སྐད་བསྟན་པ་བཞིན་དུ་བྱའོ། །བསླབ་པ་ཞེས་བྱ་བ་ནི་ཆོ་ག་བསྡུས་པའི་ཕྱིར་བསླབ་པ་མང་པོ་འདི་དག་ཅེས་བྱའོ། །གྲོང་ཁྱེར་བཱ་རཱ་ཎ་སཱི་ན་སྟེ་ལྔ་སྡེ་
[256a.4]རྣམས་ལས་བརྩམས་ཏེ་བསླབ་པ་བཅས་སོ། །གང་དུ་ཡང་གླེང་གཞི་དང་གང་ཟག་གི་ཁྱད་པར་དེ་དག་ནི་བརྗོད་པར་བྱའོ། །བཅོམ་ལྡན་འདས་ཀྱིས་སྔོན་དུ་ཡང་དག་པར་རྫོགས་པའི་སངས་རྒྱས་རྣམས་དང་། ཉན་ཐོས་རྣམས་ཤམ་ཐབས་ཅི་ལྟར་བགོས་ཞེས་དགོངས་པ་དང་། ལྷ་
[256a.5]རྣམས་ཀྱིས་གནས་གཙང་མའི་ལྷའི་བཞིན་ནོ་ཞེས་གསོལ་པ་དང་། བཅོམ་ལྡན་འདས་ཀྱི་ཡེ་ཤེས་ཀྱིས་མཁྱེན་ཅིང་གཟིགས་ན་དེ་བཞིན་དུ་གྱུར་ཏོ། །ཟླུམ་པོ་ཞེས་བྱ་བ་ནི་འཆད་པར་འགྱུར་བའི་ཉེས་པ་རྣམས་སྤང་བར་བྱ་བའི་ཕྱིར་རོ། །དྲུག་སྡེ་རྣམས་ལས་བརྩམས་ཏེ། ཧ་ཅང་རྩེངས་པ་
[256a.6]མ་ཡིན་ཞེས་བྱ་བ་ནི་པུས་མོ་ལས་མི་མཐོ་བའོ། །བསླབ་པར་བྱའོ་ཞེས་བྱ་བ་ནི་འདི་ལྟར་བསླབ་པར་བྱའོ་ཞེས་བྱ་བའི་ཐ་ཚིག་གོ། །དེ་ལ་ལྟུང་བ་ཅི་ལྟར་འགྱུར་ཞེ་ན། ཤམ་ཐབས་ཅི་ལྟར་བཅས་པ་དེ་ལྟ་བུར་བདག་བྱེད་དུ་མི་འདོད་ཅིང་ངོ་ཚ་བ་ཡང་སྤངས་ལ། དེ་ལྟ་བུའི་མི་བྱ་བའི་ཕྱིར་འབྱུང་
[256a.7]བར་ཡང་མི་ཚོལ། རྟེན་པར་ཡང་མི་ཚོལ་བའོ། །གོས་ཀྱང་བླངས་ནས་ཕྱེ་སྟེ་བསྙེན་ལ་ཇི་སྲིད་མ་བགོས་ཀྱི་བར་དུ་ནི་བསྡམ་པར་བྱ་བའི་ཉེས་བྱས་སོ། །བགོས་མ་ཐག་ཏུ་བཤགས་པར་བྱའོ། །བར་ཆད་གཅིག་བྱུང་ན་ལྟུང་བ་མེད་དོ། །གལ་ཏེ་འབྱུང་བ་ཚོལ་བར་མི་བྱེད་ན་བསྡམ་པར་བྱ་བའི་
[256b]
[256b.1]ཉེས་བྱས་སོ། །མི་ཤེས་སམ་དྲན་པ་ཉམས་བཞིན་དུ་སྤྱོད་ན་བསྡམ་པར་བྱའོ། །དེ་བཞིན་དུ་གཞན་རྣམས་ལ་ཡང་རིག་པར་བྱའོ། །ཧ་ཅང་འཇོལ་བ་མ་ཡིན་ཞེས་བྱ་བ་ནི་ཤིན་ཏུ་དམའ་བ་མ་ཡིན་ཏེ། ལོང་བུའི་གནས་ལས་བརྩམས་ཏེ་སོར་བཞི་པར་བྱའོ། །གླང་པོ་ཆེའི་སྣ་ལྟར་མ་ཡིན་
[256b.2]ཞེས་བྱ་བ་ནི་གོས་ཀྱི་མཐའ་མདུན་ནས་འཕྱང་བར་བྱ་བ་མ་ཡིན་པ་སྟེ། དེ་མདུན་ནས་འཕྱང་ན་གླང་པོ་ཆེའི་སྣ་དང་འདྲ་བར་འགྱུར་བའི་ཕྱིར་རོ། །ཏ་ལའི་ལོ་མ་ལྟར་མ་ཡིན་ཞེས་བྱ་བ་ནི་ལོགས་ལ་སྟེང་དུ་ཆ་མང་པོར་བྱས་ཏེ། མེ་ཏོག་ལྟ་བུར་བྱས་ཏེ་གྱོན་པའོ། །སྦྲུལ་མགོའི་ལྡེང་ཀ་ལྟར་མ་
[256b.3]ཡིན་ཞེས་བྱ་བ་ནི་སླར་དགུག་པར་མི་བྱའོ་ཞེས་བྱ་བའི་ཐ་ཚིག་གོ། །འབྲུའི་ཕུར་མ་ལྟར་མ་ཡིན་ཞེས་བྱ་བ་ནི་ཁྱིམ་པ་མོ་བཞིན་དུ་ལྟ་ཟུར་གྱི་སྟེང་དུ་བསྡུས་ནས་གཞག་པར་མི་བྱའོ། །ཆོས་གོས་ཟླུམ་པོར་ཞེས་བྱ་བ་ནི་ཅི་ལྟར་འཆད་པར་འགྱུར་བའི་ཉེས་པ་རྣམས་སྤང་བར་བྱ་བ་ཡིན་ཏེ།
[256b.4]དེ་ལ་སྟེང་དུ་བགོ་བ་ནི་ཆོས་གོས་སོ། །ཧ་ཅང་རྩེངས་པ་མ་ཡིན་ཞེས་བྱ་བ་ནི་པུས་མོ་ལས་མཐོ་བའོ། །གཞན་ནི་ལྟེ་བ་སྣང་བ་ལ་མཐོ་བར་བཟུང་ངོ་ཞེས་ཀྱང་ཟེར་རོ། །ཧ་ཅང་འཇོལ་བ་མ་ཡིན་ཞེས་བྱ་བ་ནི་ཤམ་ཐབས་ལས་དམའ་བའོ། །ཤིན་ཏུ་བསྡམས་པ་ཞེས་བྱ་བ་ནི་ལག་པ་དང་རྐང་པ་
[256b.5]མི་གཡོབ་པའོ། །ལེགས་པར་བགོས་པ་ཞེས་བྱ་བ་ནི་ཤམ་ཐབས་དང་བླ་གོས་ལེགས་པར་བགོས་པ་ལ་བྱ་སྟེ། ཆོས་གོས་བསྡུ་བར་བྱ་བ་མ་ཡིན་ནོ། །སྒྲ་བསྐྱུངས་པ་ཞེས་བྱ་བ་ནི་ཐ་མལ་པའི་ང་རོལ་བྱའི་བུས་པ་ཆུང་ངུ་ཁུར་བ་བཞིན་དུ་ཅ་ཅོ་དབྱུང་བ་མ་ཡིན་ནོ། །གལ་ཏེ་མི་ཐོས་ན་
[256b.6]ཡང་གཞན་ལས་བསྒོ་བར་བྱའོ། །མིག་གཡེང་བར་མི་བྱ་བ་ནི་མིག་གྱེན་དུ་གཡེང་བར་མི་བྱའོ། །གཉའ་ཤིང་གང་ཙམ་དུ་བལྟ་བ་ཞེས་བྱ་བ་ནི་ཁྲུ་བཞིའི་ཚད་ཙམ་གྱི་ཕྱོགས་སུ་བལྟ་བར་བྱའི། རྒྱབ་བམ་ཕན་ཚུན་དུ་བལྟ་བར་མི་བྱ་སྟེ། རྟ་ལ་སོགས་པ་འཁྲུལ་པ་དང་ཉམས་སུ་ཐུག་པར་
[256b.7]འགྱུར་བ་སྤང་བའི་ཕྱིར་རོ། །མགོ་མི་གཡོགས་ཞེས་བྱ་བ་ནི་རིགས་ཀྱི་མནའ་མ་ལ་སོགས་པ་བཞིན་ནོ། །མི་བརྗེ་ཞེས་བྱ་བ་ནི་ཤམ་ཐབས་བརྫེ་བར་མི་བྱའོ། །ཕྲག་བ་གཅིག་ལ་མི་གཟར་བ་ཞེས་བྱ་བ་ནི་ཆོས་གོས་བགོས་པ་ལ་སླར་བཟློག་སྟེ་ཕྲག་པར་གཟར་བར་མི་བྱའོ། །ཁ་ཅིག་ནི་འཛིན་པ་
[257a]
[257a.1]ལ་ཡང་གཟར་པ་ཞེས་བྱ་བ་སྟེ། འདུག་ཀྱང་ལག་བས་འཛིན་ལ་འགྲོ་ཡང་དེ་བཞིན་ནོ་ཞེས་ཟེར་རོ། །གཉའ་གོང་དུ་མི་བསྣོལ་ཞེས་བྱ་བ་ནི་བླ་གོས་བགོས་ནས་རྩིབ་ལོགས་གཉི་ག་ནས་གོང་དུ་བཟློག་སྟེ་གྱོན་པའོ། །ཕྲག་པ་གཉི་ག་ལ་མི་གཟར་བ་ཞེས་བྱ་བ་ནི་མཐའ་གཉི་ག་
[257a.2]ཕྲག་པའི་སྟེང་དུ་གཟར་བའོ། །བྲང་བས་མ་ཡིན་ཞེས་བྱ་བ་ནི་བྱིས་པ་ཁྱེའུ་དག་དང་སྨྱོན་པ་ལ་སོགས་པ་བཞིན་དུ་རྐང་པ་དག་གི་རྩེ་མོས་འགྲོ་བར་མི་བྱའོ། །མི་མཆོང་བ་ཞེས་བྱ་བ་ནི་རིམ་པ་མ་ཡིན་པར་སྟེང་དུ་མཆོང་བར་མི་བྱའོ་ཞེས་བྱའོ། །མི་མཆོང་བ་ཞེས་བྱ་བ་ནི་ཤིང་ཐགས་ལ་མཆོང་
[257a.3]ཞིང་འགྲོ་བར་མི་བྱ་སྟེ། ལམ་དུ་འགྲོ་བར་བྱའོ། །ཙོག་པུས་མ་ཡིན་པ་ཞེས་བྱ་བ་ནི་རྟ་ལྟར་མཐོན་པོར་བྱེད་པ་མ་ཡིན་པའོ། །དཀུར་མི་བརྟེན་པ་ཞེས་བྱ་བ་ནི་ལག་པས་དཀུར་བརྟེན་པར་མི་བྱའོ། །ལུས་མི་བསྒྱུར་བ་ཞེས་བྱ་བ་ནི་གཟུགས་འཚོང་མ་བཞིན་དུ་མི་བྱའོ། །ལག་པ་མི་
[257a.4]ཀྱོག་པ་ཞེས་བྱ་བ་ནི་བྱིས་པ་ཁྱེའུ་དག་དང་སྨྱོན་པ་ལ་སོགས་པ་བཞིན་དུའོ། །མགོ་མི་བསྒྱུར་ཞེས་བྱ་བ་ནི་གླང་པོ་ཆེའམ་རྩངས་པ་ལྟར་མ་ཡིན་ནོ། །ཕྲག་པ་མི་སྤྲད་ཅེས་བྱ་བ་ནི་སྐྱེས་བུས་དྲིས་བྱུགས་པ་ལས་ཕྲག་པས་བསྣུན་ཏེ་ལྟུང་བར་བྱས་པས་ཉེས་པའི་ཕྱིར་ཏེ། དེ་ནི་
[257a.5]གཞན་ལ་ཕྲག་པ་སྤྲད་དེ་འགྲོ་བར་མི་བྱ་བའི་དོན་ཏོ། །ལག་པ་མི་སྦྲེལ་ཞེས་བྱ་བ་ནི་ཕ་རོལ་པོའི་ལག་པ་དང་། ལག་པ་སྤྲེལ་ཏེ་བཟུང་བར་འགྲོ་བར་མི་བྱའོ། །མ་བསྒོ་བ་ཞེས་བྱ་བ་ནི་མཉན་ཡོད་ན་སྟེ། ཉེ་དགའ་ལས་བརྩམས་ནས་བྲམ་ཟེ་དང་གཙང་སྦྲ་འདོད་པའི་ཁྱིམ་དུ་ཁྲི་ལ་འདུག་པའི་
[257a.6]ཕྱིར་བཅས་སོ། །མ་བརྟགས་པར་ཞེས་བྱ་བ་ནི་མཉན་ཡོད་ན་སྟེ། འཕགས་པ་འཆར་ཀ་ལས་བརྩམས་ནས་ཁྱེའུ་བསད་པའི་ཕྱིར་རོ། །ལུས་ཐམས་ཅད་ཀྱི་ལྗིད་ཀྱིས་མི་དབབ་ཅེས་བྱ་བ་ནི་སེར་སྐྱའི་གནས་ན་སྟེ། འཆར་ཀ་ལས་བྱང་ཆུབ་སེམས་དཔའི་བཙུན་མོའི་འཁོར་དག་གིས་
[257a.7]སྨྲས་པ་དང་། སྟན་ལ་དྲག་ཏུ་འདུག་པས་ལྟུང་བའི་ཕྱིར་བཅས་སོ། །རྐང་བ་མི་བསྣོལ་ཞེས་བྱ་བ་ནི་རྐང་པའི་སྟེང་དུ་རྐང་པ་མི་གཞག་པའོ། །རྐང་པ་མི་དགུག་ཅེས་བྱ་བ་ནི་དགེ་བསྙེན་མ་ཕྱག་འཚལ་བའི་ཚེ་རྐེད་པ་བཅལ་ནས་སྦོམ་པ་ལ་ལྟོས་ཤིག་ཅེས་དེ་སྐད་སྨྲས་པའི་ཕྱིར་བཅས་སོ། །
[257b]
[257b.1]རྐང་པ་མི་གདངས་ཞེས་བྱ་བ་ནི་རྐང་པ་གཅིག་ལོགས་ཤིག་ཏུ་བརྐྱང་། གཉིས་པ་ཡང་ལོགས་ཤིག་ཏུ་བརྐྱང་བའོ། །མདོམས་མི་སྣང་བར་ཞེས་བྱ་བ་ནི་ཅི་ནས་སྒྲེན་མོར་མི་སྣང་བའོ། །རྒྱལ་བུ་གཞོན་ནུ་རྟོགས་ལྡན་ཞེས་བྱ་བའི་ཁང་བཟངས་སུ་སྲུང་མ་དག་གིས་ལྷུང་བཟེད་བཅག་པས་ན་འབྲས་ཆན་
[257b.2]འདྲིམ་པའི་ཚེ་ལྷུང་བཟེད་ལོགས་ཤིག་ཏུ་ཕྱུང་བས་འབྲས་ཆན་ས་ལ་བོ་བའི་ཕྱིར་འདི་སྐད་དུ་ལེགས་པར་ཞེས་གསུངས་སོ། །མུ་དང་ཁད་ཆད་དུ་མ་ཡིན་ཞེས་བྱ་བ་ནི་ཅི་ནས་སྟེང་ནས་བོ་བར་འགྱུར་བའི་ཕྱིར་མུ་དང་ཁད་ཆད་དུ་མི་བྱའོ། །སྲན་ཚོད་དང་མཉམ་པར་མ་ཡིན་ཞེས་བྱ་བ་ནི་ཚོད་མ་
[257b.3]དང་མཉམ་པ་མ་ཡིན་པ་སྟེ། ཅི་ནས་སྟེང་དུ་འབྲས་ཆན་བླུགས་ནས་འབོ་བའི་ཕྱིར་སྔར་ཚོད་མ་མང་དུ་བླང་བར་མི་བྱའོ། །མཐར་ཆགས་ཞེས་བྱ་བ་ནི་འབྲས་ཆན་དང་ཚོད་མ་ཇི་ལྟར་འོངས་པ་བཞིན་བླང་བར་བྱའི། རིང་དུ་སོང་བ་ལ་འབོད་པར་མི་བྱའོ། །མ་འོངས་པར་ཞེས་བྱ་བ་ནི་ཐང་དུ་མ་
[257b.4]བྱིན་བའོ། །སྟེང་དུ་མ་ཡིན་ཞེས་བྱ་བ་ནི་འཕགས་པ་དག་གཙང་སྦྲ་ནི་སོ་སོར་ཐ་དད་པ་ལགས་ན་ཞེས་འཇིག་རྟེན་པ་སྨོད་པའི་ཕྱིར་བཅས་སོ། །ལེགས་པར་ཟས་བཟའ་བར་བྱའོ་ཞེས་བྱ་བ་ནི་གཟུགས་འཚོང་མ་ལ་སོགས་པ་བཞིན་དུ་རྣམ་པར་འགྱུར་ཞིང་མ་ཡིན་ནོ། །ཧ་ཅང་ཆུང་བ་
[257b.5]མ་ཡིན་ཞེས་བྱ་བ་ནི་རིགས་ཀྱི་མནའ་མ་བཞིན་དུ་ཆུང་ངུ་མ་ཡིན་པའོ། །ཧ་ཅང་ཆེན་པོ་མ་ཡིན་ཞེས་བྱ་བ་རི་གང་མཁུར་བ་གང་བར་གྱུར་ནས་མུ་ཏོ་བ་བཞིན་དུ་མ་ཡིན་ནོ། །མ་གཟས་པར་ཞེས་བྱ་བ་ནི་མ་འོངས་པར་ཁ་གདགས་ཏེ་འདུག་པས་ན་ཁར་བོང་བ་བཅུག་ནས་ཉེས་པའི་ཕྱིར་རོ། །
[257b.6]འབྲས་ཆན་གྱིས་ཚོད་མ་མི་དགབ་ཅེས་བྱ་བ་ནི་གང་ན་འབྲས་ཆན་མང་ཚོད་མ་ཉུང་བའོ། །སྲན་ཚོད་ཀྱིས་འབྲས་ཆན་མི་དགབ་ཅེས་བྱ་བ་ནི་གང་འབྲས་ཆན་ཉུང་དུ་ཐོབ་ལ་སྲན་ཚོད་མང་བ་ན་ཕྱིས་ཀྱང་འདོད་དེ་ཡང་འཐོབ་ཏུ་རེ་བའོ། །ཙུག་ཙུག་མི་བྱ་ཞེས་བྱ་བ་ནི་མཉན་ཡོད་ན་ཚོད་མ་ཤིན་
[257b.7]ཏུ་མངར་བ་ལ་སྐྱུར་བ་བྲོ་བར་སྟོན་ཅིང་འཕྱ་བས་ཉེས་པའི་ཕྱིར་རོ། །བལྕག་བལྕག་མི་བྱ་ཞེས་བྱ་བ་ནི་ཚོད་མ་ཤིན་ཏུ་སྐྱུར་བ་ལ་མངར་བར་བྲོ་བར་སྟོན་ཅིང་འཕྱ་བས་ཉེས་པའི་ཕྱིར་རོ། །ཧུ་ཧུ་མི་བྱ་ཞེས་བྱ་བ་ནི་འབྲས་ཆན་ཚ་བ་ལ་ཁའི་དབུགས་ཀྱིས་བསྲོ་བར་བྱའོ་སྙམ་ནས་འཕྱ་བའི་ཕྱིར་
[258a]
[258a.1]རོ། །ཕུ་ཕུ་མི་བྱ་ཞེས་བྱ་བ་ནི་འབྲས་ཆན་ཤིན་ཏུ་གྲང་བ་ལ་ཕུ་ཕུ་ཞེས་བྱས་ལ་གྲང་བར་བྱའོ་སྙམ་ནས་འཕྱ་བའི་ཕྱིར་རོ། །ཁ་ཁམ་དང་བཅས་པས་མ་ཡིན་ཞེས་བྱ་བ་ནི་སྒྲ་མི་སྙན་པར་འབྱུང་བའི་ཉེས་པའི་ཕྱིར་རོ། །འབྲུ་ནས་ཐ་དད་དུ་མི་བྱ་ཞེས་བྱ་བ་ནི་འབྲས་ཆན་འབྲུ་ནས་སོ་
[258a.2]སོར་གཏོར་ཏེ་བྱ་གག་བཞིན་བཟའ་བར་མི་བྱའོ། །འཕྱས་མི་གདགས་ཞེས་བྱ་བ་ནི་ཁ་བའམ་སྐྱུར་བ་ལ་སོགས་པས་ཁ་ཟས་ལ་འཕྱས་གདགས་པར་མི་བྱའོ། །དྲིས་ནས་སྦྱིན་བདག་གིས་ནི་བྱིན་ནོ། །ལེན་པ་པོས་ནི་ཟོས་སོ། །འབྱུང་བ་ཆེན་པོ་རྣམས་ནི་ཚིམས་པར་བྱས་སོ། །ཉིན་ཞག་གཅིག་
[258a.3]གི་ལམ་བརྒྱགས་ཀྱི་ཟན་ནི་བླངས་སོ་ཞེས་སྨྲ་བར་བྱའོ། །མཁུར་བ་མི་སྤོ་ཞེས་བྱ་བ་ནི་ཡི་ག་འཆུས་པ་བཞིན་དུ་མཁུར་བ་ནས་མཁུར་བར་སྤོ་ཞིང་བཟའ་བར་མི་བྱའོ། །ཁམ་འཕྲོར་མི་བཅད་ཅེས་བྱ་བ་ནི་ཇི་ལྟར་ཕྱེད་ཁའི་ནང་དུ་བཅུག་ལ། ཕྱེད་ལྷུང་བཟེད་ཀྱི་ནང་དུ་ལྟུང་བར་མ་ཡིན་ནོ། །ལྕེ་མི་
[258a.4]དབྱུང་ཞེས་བྱ་བ་ནི་ལྕེས་མཆུ་བལྡག་པར་མི་བྱའོ། །མཆོད་རྟེན་འདྲ་བར་མ་ཡིན་ཞེས་བྱ་བ་ནི་ཕྱེ་སྦྲུས་ནས་སྟེང་དུལ་ཕུག་བཞག་སྟེ། དེའི་སྟེང་དུ་ཡང་ཁུར་བ་གཞག་ནས་ངན་འགྲོ་རྫོགས་བྱེད་ཀྱི་མཆོད་རྟེན་ནོ་ཞེས་འཕྱས་བྱེད་པའི་ཕྱིར་རོ། །ལག་པ་མི་བལྡག་ཅེས་བྱ་བ་ནི། མུ་ཏོ་བ་བཞིན་དུ་
[258a.5]མ་ཡིན་ནོ། །ལྷུང་བཟེད་མི་བྱོག་ཅེས་བྱ་བ་ནི་ལྷུང་བཟེད་ལ་ཅི་ཆགས་པ་དེ་ལག་པས་བྱོག་ནས་བལྡག་པའོ། །ལག་པ་མི་སྤྲུག་ཅེས་བྱ་བ་ནི་ཁ་ཟས་ལ་འབགས་པའི་ལག་བ་ཅི་ལྟར་ཕ་རོལ་པོ་ལམ་རུང་བར་འགྱུར་བའི་ཕྱིར་མི་སྤྲུག་པའོ། །ལྷུང་བཟེད་མི་བསྐྱམ་ཞེས་བྱ་བ་ནི་ལྷུང་བཟེད་འཁྲུ་བའི་
[258a.6]ཚེ་སྣམ་སྦྱར་བཟང་པོ་མ་རུང་བའི་ཕྱིར་རོ། །ལྷུང་བཟེད་ལ་འདུ་ཤེས་པ་ཞེས་བྱ་བ་ནི་ལྷུང་བཟེད་ལ་བལྟ་བར་བྱ་སྟེ། རྒན་ཞུགས་གཞན་ཞིག་ལ་བརྟེན་ཏེ་དྲུག་སྡེས་དེའི་ལྷུང་བཟེད་ཟན་གྱི་ཆང་པས་བཀང་བའི་ཕྱིར་རོ། །འཕྱས་གདགས་པའི་ཕྱིར་མི་ལྟ་ཞེས་བྱ་བ་ནི་འདི་ནི་ཤིན་ཏུ་མང་དུ་ཟའོ་སྙམ་
[258a.7]ནས་འཕྱས་བཙལ་བར་བསམས་ཏེ་གཞན་གྱི་ལྷུང་བཟེད་ལ་བལྟ་བར་མི་བྱའོ། །ཟས་དང་འབགས་པ་ཞེས་བྱ་བ་ནི་ཟས་ཀྱིས་གོས་པ་ཡིན་ནོ། །ཆུ་སྣོད་ཅེས་བྱ་བ་ནི་ཆུའི་རིལ་བ་སྤྱི་བླུགས་ཏེ། སྦྲང་མ་རྣམས་འདུ་བའི་ཕྱིར་རོ། །ཆུ་ཟས་དང་འབགས་པ་ཞེས་བྱ་བ་ནི་ཡུལ་འཇིགས་རུང་ན་
[258b]
[258b.1]ཁང་བཟངས་པདྨ་ཅན་ཞེས་བྱ་བ་ཚོན་སྣ་བརྒྱ་རྩ་གཅིག་གིས་རི་མོར་བྲིས་པ་དེར་ཕོ་བས་ནའོ། །ཁྱིམ་པ་འདུག་པ་ལ་མ་དྲིས་པར་ཞེས་བྱ་བ་ནི་ཁྱིམ་བདག་ལ་དྲི་བར་བྱའོ། །ལྷག་མ་ཞེས་བྱ་བ་ནི་ལྷུང་བཟེད་ཀྱི་ཆུ་སློང་བའི་ཚེ་དེར་འབྲས་ཆན་དང་། དེ་ཡང་རུས་པ་བཅུག་པའི་ཆུ་ཉེ་དགས་བྱིན་
[258b.2]པའི་ཕྱིར་མི་བྱ་བར་གསུངས་ཏེ། ལྷུང་བཟེད་ཀྱི་ཆུ་སྦྱིན་པའི་ཀུན་དུ་སྤྱད་པ་ནི་ལྷུང་བཟེད་ལན་གསུམ་བཀྲུས་ལ་གཙུག་ལག་གི་ཚིགས་སུ་བཅད་པའི་སྔགས་ཀྱིས་བཏབ་སྟེ་སྦྱིན་བར་བྱའོ། །འོག་གཞི་མེད་པ་ཞེས་བྱ་བ་ནི་འོག་གཞི་མེད་པར་ཐ་ན་ལྷུང་བཟེད་གཞག་པར་ཡང་མི་བྱའོ། །འགྲེངས་
[258b.3]ཏེ་མ་ཡིན་ཞེས་བྱ་བ་ནི་དགེ་སློང་གཞན་ཞིག་ལ་བརྟེན་ཏེ་ཆག་པ་སྤང་བའི་ཕྱིར་རོ། །གད་ཀ་མ་ཡིན་པ་ཞེས་བྱ་བ་ནི་མང་པོ་ལ་བརྟེན་ཏེ་ས་མི་བདེ་བ་སྤང་བའོ། །གཡང་ས་མ་ཡིན་པ་ཞེས་བྱ་བ་ནི་གཡང་ཟ་བ་དང་ཉེ་བའོ། །དཀན་གཟར་པོ་མ་ཡིན་ཞེས་བྱ་བ་ནི་གང་དུ་གཞག་པ་ལས་འདྲིལ་བའོ། །
[258b.4]འགྲེངས་ཏེ་ཞེས་བྱ་བ་ལ་སོགས་པ་ནི་མ་གུས་པར་བྱེད་པ་སྤང་བའི་ཕྱིར་རོ། ། འགྲེངས་ཏེ་བཤང་གཅི་མི་བྱ་ཞེས་བྱ་བ་ནི་ཉེ་དགའ་ལ་བརྟེན་ཏེའོ། །ཉེ་དགས་བཀྲུ་སྨན་འཐུངས་ནས་ལྡུམ་པའི་ལྡུམ་རར་ལྡུམ་རྣམས་ལ་ཕྱགས་མས་བྱུགས་པས་ན་རྩྭ་སྔོན་པོ་ལ་མི་བྱའོ་ཞེས་བྱ་བ་གསུངས་ཏེ།
[258b.5]དེ་ལ་ཀུན་དུ་སྤྱད་པ་ནི་མེ་ཏོག་དང་འབྲས་བུའི་ཤིང་ལྗོན་པའི་དྲུང་དུ་བཤང་གཅི་མི་བྱའོ། །ཤིང་ལྗོན་པ་ཚེར་མ་ཅན་གྱི་དྲུང་དང་། གང་ན་ཤིང་ལྗོན་པ་གཅིག་ཏུ་འབྲེལ་པར་འགྱུར་བའམ། གང་ན་རྩྭ་སྔོན་པོའི་འདབ་ཆགས་པར་འགྱུར་བ་དེར་འདབ་མ་ལྷགས་པའམ། རྩྭ་སྐམ་པོ་གཞིར་བཏིང་
[258b.6]སྟེ་བྱས་པ་ལ་ལྟུང་བ་མེད་དོ། །གལ་ཏེ་ཡང་མ་རྙེད་ན་དེ་ཉིད་དུ་ཡང་བྱའོ། །སྣམ་ཕྱིས་ནི་གཙུག་ལག་ཁང་གི་ནུབ་བྱང་གི་མཚམས་སུ་བྱའོ། །ཤིང་ལྗོན་པ་ཚེར་མ་ཅན་དག་བསྐྱེད་པར་བྱའོ། །འོག་ཏུ་རིབ་མས་བསྐོར་བར་བྱའོ། །རླུང་ཕྱོགས་མ་ཡིན་པར་ཆོས་གོས་གཞག་པར་བྱའོ། །ས་ཕུང་
[258b.7]བདུན་ཐ་དད་པར་བཞག་ལ། གཞན་ཡང་ཕུང་པོ་བདུན་ཐ་དད་པར་རོ། །གཅིག་གཞན་དུ་བཞག་ལ་བོང་རྡོག་གསུམ་ཁྱེར་ཏེ་ནང་དུ་འཇུག་པར་བྱའོ། །གཅིག་གིས་ནི་བཤང་བའི་ལམ་ཕྱི་བར་བྱའོ། །གཉིས་པས་ནི་སྦྱང་བར་བྱའོ། །གསུམ་པས་ནི་ལག་པ་བཀྲུའོ། །དེ་ནས་ཕྱིར་བྱུང་སྟེ། བདུན་
[259a]
[259a.1]པོས་ལག་པ་ཡ་གཅིག་བཀྲུའོ། །གཞན་བདུན་པོ་དག་གིས་ནི་ལག་པ་གཉིས་བཀྲུའོ། །གཅིག་གིས་ནི་ཆུའི་སྣོད་བཀྲུའོ། །ཐོག་མར་ཞུགས་པ་དང་འཇུག་པའི་ཚེ་ལུད་པའི་དང་སེ་གོལ་གྱི་སྒྲ་གཏོགས་པར་བྱའོ། །དགེ་སྐོས་ཀྱིས་སྣམ་ཕྱི་སའི་ནང་དུ་ཐལ་བ་གཏོར་ཅིང་གཅི་
[259a.2]པའི་སར་ནི་ཆུས་སྦྱང་བར་བྱའོ། །ཚད་པའི་ནད་ཀྱིས་བཏབ་པ་ལ་ནི་ཁྲི་བས་བཏགས་པ་ལ་དབུས་སུ་བུ་གུ་དབྱུང་བར་བྱའོ། །སྲད་བུས་བཏགས་པ་ཡིན་ན་དྲོངས་ལ་གཟུངས་གདགས་པར་བྱའོ། གལ་ཏེ་སྡུག་བསྔལ་བར་གྱུར་ན་རས་མའམ། ལོ་མ་གདིང་བར་བྱའོ། །གྱོ་མོ་གཉིས་
[259a.3]ཉེ་བར་གཞག་པར་བྱ་སྟེ་བཀྲུ་བར་བྱ། བསྐམ་པར་བྱ། འབྲུ་མར་གྱིས་བྱུག་པར་བྱའོ། །སྣམ་སྦྱར་བགོས་ནས་བཤང་བ་དང་གཅི་བ་མི་བྱའོ། །གོས་ལེགས་པར་བསྡུས་ཏེ་ནང་དུ་འཇུག་པར་བྱའོ། །ཤེས་བཞིན་དུ་ཡང་བཤང་བ་དང་གཅི་བ་གཏང་བར་བྱའོ། །འཐོར་འཐུང་མ་
[259a.4]བྱས་པར་ཕྱག་བྱེད་པ་བདག་གིར་མི་བྱའོ། །སྟན་ལ་འདུག་པར་མི་བྱ། སྨན་འཐུངས་སམ་ཆུ་མ་འབྱོར་བ་ལ་ལྟུང་བ་མེད་དོ། །སྨན་འཐུངས་ནས་མ་ལུས་པར་མ་འཁྲུས་ཀྱི་བར་དུ་དེ་སྲིད་དུ་ཁྲུས་མ་བྱེད་པར་བར་བར་དུ་བོང་བའི་དུམ་བུའམ། ཤིང་གི་གཞོག་མས་བཤང་བའི་ལམ་
[259a.5]ཕྱིས་ཤིང་མཇུག་ཏུ་གཙང་སྦྲ་བྱའོ། །ལྷམ་ལ་ཡང་མི་ཉམས་པར་གཙང་སྦྲ་ལ་སོགས་པ་བྱའོ། །ཕྱོགས་མ་ཡིན་པར་གཅི་བར་མི་བྱ་མོད་ཀྱི་འོན་ཀྱང་གནས་གཅིག་ཏུ་ཐམས་ཅད་བྱའོ། །བཤང་བ་དང་གཅི་བ་དང་། ཁྲུས་ཀྱི་སའི་ཉེ་འཁོར་དུ་དེ་ཉིད་ཀྱིས་མ་གཏོགས་པར་གཞན་
[259a.6]བྱ་བ་ཐམས་ཅད་མི་བྱའོ། །སྒྲ་དང་བཅས་པའི་རླུང་གི་ལས་མི་བྱའོ། །བཤང་བ་མ་འོངས་པ་ལ་ཆེད་དུ་མི་བྱའོ། །འོངས་པ་ལ་ནི་དགག་པར་མི་བྱའོ། །བྱ་བ་བྱས་པ་དང་བཤང་གཅིའི་ས་ལ་འདུག་པར་མི་བྱའོ། །སྣབས་དང་མཆིལ་མ་ལ་སོགས་པ་སྒྲ་དང་བཅས་པར་མི་དབྱུང་ངོ་། །
[259a.7]གནས་བརྟན་གྱི་མདུན་དུ་མ་ཡིན། ལས་ཡོངས་སུ་བྱང་བའི་སར་མ་ཡིན། ཟན་ཟ་བ་རྣམས་ཀྱི་མདུན་དུ་མ་ཡིན། མཆིལ་མ་ཡང་དང་ཡང་དུ་དོར་བར་མི་བྱ། གལ་ཏེ་ཕྱི་ཕྱིར་བྱུང་ན་ཕྱོགས་གཅིག་ཏུ་སོང་ལ་དོར་རོ། །ནད་པའི་ཕྱིར་མཆིལ་མའི་སྣོད་ཞོག་ཤིག །དེའི་ཞབས་སུ་ཕྱེ་
[259b]
[259b.1]མའམ། བྱེ་མའམ། ཐལ་བ་ལུགས་ཤིག །ཆུའི་ནང་དུ་མ་ཡིན་ཞེས་བྱ་བ་ནི་ཉེ་དགས་འཁྲུ་སྨན་འཐུངས་ཏེ། བཙོ་བླག་མཁན་གྱི་འཁྲུ་བཤལ་སར་བཤང་བ་བྱས་པའི་ཕྱིར་མངོན་ཏེ། གང་ན་ཆུས་ཁེབས་པ་དེར་ཤིང་ལ་སོགས་པ་བཞོག་སྟེ་དེར་བཤང་གཅི་བྱའོ། །མི་གང་ཙམ་
[259b.2]ལས་མཐོར་མི་བྱའོ་ཞེས་བྱ་བ་ནི་ལྷུང་བཟེད་དུ་ཁྱེར་བ་ལ་དགེ་སྐོས་ཀྱིས་ལྟ་བར་བྱེད་པའི་ཕྱིར་མངོན་པར་འཛེག་པ་ཞེས་བྱའོ། །གནོད་པ་འབྱུང་བ་མ་གཏོགས་ཞེས་བྱ་བ་ནི་མ་འཛེགས་ན་སྟག་གིས་ཟོས་པར་འགྱུར་བའི་ཕྱིར་རྗེས་སུ་གནང་བའོ། །བསླབ་པའི་ཆོས་དེ་རྣམས་ཀྱང་འདི་ལྟར་
[259b.3]དེ་དག་གཞི་རྣམ་པ་བརྒྱད་དུ་རིག་པར་བྱ་སྟེ། ཆོས་གོས་རྣམས་བགོ་བའི་དབང་དུ་བྱས་པ་དང་། གྲོང་དུ་འཇུག་པའི་དབང་དུ་བྱས་པ་དང་། འཇུག་པར་བྱ་བའི་དབང་དུ་བྱས་པ་དང་། བཟའ་བ་ཡོངས་སུ་ལོངས་སྤྱོད་པའི་དབང་དུ་བྱས་པ་དང་། ལྷུང་བཟེད་ཀྱི་ལས་ཀྱི་དབང་དུ་བྱས་པ་
[259b.4]དང་། ཆོས་སྟོན་པའི་དབང་དུ་བྱས་པ་དང་། མི་གཙང་བ་འདོར་བའི་དབང་དུ་བྱས་པ་དང་། མེ་ཏོག་དང་འབྲས་བུ་མ་རུང་བར་བྱེད་པའི་དབང་དུ་བྱས་པའོ། །བསླབ་པའི་ཆོས་རྣམས་རྫོགས་སོ།། །།རྩོད་པ་ཞི་བར་བྱེད་པ་བདུན་ཞེས་བྱ་བ་ནི་རྩོད་པ་བཞི་པོ་དག་འདི་རྣམས་
[259b.5]ཀྱིས་ཞི་བར་བྱེད་པའི་ཕྱིར་རོ། །དེ་ལ་གང་ཆོས་ཀྱི་རྙེད་པ་དེ་ཆོས་སྨྲ་བ་རྣམས་ལའོ་ཞེས་བྱ་བ་ལས་འཐབ་མོ་བྱུང་བའི་ཕྱིར་རྩོད་པའི་གཞིར་བཅས་སོ། །དེ་ལ་འགྱོད་པའི་ཕྱིར་རྩོད་པ་ནི་དགེ་འདུན་ལ་གང་འདི་ལྟར་རམ། འདི་ལྟར་མ་ཡིན་ནོ་ཞེས་བྱ་བ་ནི་མི་མཐུན་པར་སྨྲས་ནས་དེ་དག་
[259b.6]ཀུན་ནས་སློང་བའི་འཐབ་མོའོ། །འགྱེད་པ་ཡང་ཡིན་ལ་རྩོད་པ་ཡང་ཡིན་པས་ན་འགྱེད་པའི་རྩོད་པའོ། །འགྱེད་པ་དེའི་རྩ་བ་དྲུག་དང་། དབྱེན་དུ་གྱུར་བའི་གཞི་བཅུ་བཞིའོ། །འགྱེད་པའི་རྩ་བ་དྲུག་བོ་ནི་ཁྲོ་ཞིང་ཁོན་དུ་འཛིན་པ་དང་། འཆབ་ཅིང་འཚིག་པ་དང་། ཕྲག་དོག་
[259b.7]ཅིང་སེར་སྣ་དང་། གཡོ་བྱེད་ཅིང་སྒྱུ་ཅན་དང་། ངོ་ཚ་མེད་ཅིང་ཁྲེལ་མེད་པ་དང་། སྡིག་པ་ལ་འདོད་ཅིང་ལོག་པར་ལྟ་བ་དང་། རང་གི་ལྟ་བ་ལ་མཆོག་ཏུ་འཛིན་ཅིང་སྙེམས་པའོ། །དབྱེན་དུ་འགྱུར་བའི་གཞི་ནི་ཆོས་སོ་ཞེས་བྱ་བའམ། ཆོས་མ་ཡིན་ལ་ཞེས་བྱ་བའམ། དེ་བཞིན་དུ་
[260a]
[260a.1]འདུལ་བའོ། །འདུལ་བ་མ་ཡིན་ནོ། །ལྟུང་བའོ། །ལྟུང་བ་མེད་པའོ། །ལྕི་བའོ། །ཡང་བའོ། །ལྷག་མ་ལུས་པའོ། །ལྷག་མ་མ་ལུས་པའོ། །བསྡམ་པར་བྱ་བའོ། །བཤགས་པར་བྱ་བའོ། །འདུལ་བ་དང་འགལ་བའོ། །ཉེས་པ་བཤད་པར་གཏོགས་
[260a.2]པའོ། །དགེ་བ་དང་མི་དགེ་བ་དང་། ལུང་དུ་མ་བསྟན་པའི་དབྱེ་བ་ལས་རྣམ་པ་གསུམ་སྟེ། དགེ་བར་འདོད་པ་དང་། མི་དགེ་བར་འདོད་པ་དང་། དེ་གཉི་གར་མི་འདོད་པ་རྣམས་ལ་ཡང་གོ་རིམས་བཞིན་དུའོ། །གང་འགྱེད་པ་དེ་ཉིད་རྩོད་པ་སྟེ། མུ་བཞིར་སྦྱར་རོ། །མུ་དང་པོ་ནི་མི་
[260a.3]མཐུན་པར་སྨྲ་བ་ཙམ་མོ། །གཉིས་པ་ནི་དེ་ལས་གཞན་ལ་རྩོད་པ་གསུམ་མོ། །གསུམ་པ་ནི་དེ་དག་ལྷན་ཅིག་པའོ། །བཞི་པ་ནི་དེ་རྣམས་མ་གཏོགས་པའོ། །མི་བསྡམས་པའི་ཕྱིར་རྩོད་པ་ནི་གང་གླེང་བར་མི་འོས་པ་ལ་གླེངས་པ་སྟེ། ཉེས་པར་གླེངས་པས་ན་མི་བསྡམས་པ་ཞེས་
[260a.4]བྱ་སྟེ། ཅི་ལྟར་གྱད་བུ་ནོར་ལ་སོགས་པ་གསུམ་སྟེ། དེས་ཀུན་ནས་བསླང་བ་འགྱེད་པའོ། །དེའི་རྩ་བ་ནི་མི་བསྡམས་པའོ། །དེའི་ལྷག་མ་རྣམས་ནི་དང་པོ་བཞིན་ནོ། །ལྟུང་བའི་ཕྱིར་རྩོད་པ་ནི་ལྟུང་བ་སྡེ་ལྔ་པོ་རྣམས་ལས་འཐབ་མོའི་གླེང་གཞིར་གྱུར་པ་སྟེ། དེ་ཀུན་ནས་བསླང་
[260a.5]བའི་འཐབ་མོ་བྱུང་བའོ། །དེའི་རྩ་བ་ནི་ལུས་ལ་སོགས་པའོ། །ལུས་འབའ་ཞིག་པ་ཡང་ཡོད་དེ། ཇི་ལྟར་བསྙེན་པར་མ་རྫོགས་པའི་ཕྱིར་མ་བྱུང་བ་ལས་ཕྱིར་བྱུང་བར་འདུ་ཤེས་ཏེ་ཉལ་བ་དང་། གཉིད་ལོག་པ་ལ་བུད་མེད་ཀྱི་ཡུལ་ཕྱིས་འོངས་ཏེ་ཉལ་ལམ། གཉིད་ཀྱིས་
[260a.6]ལོག་པ་ལས་མལ་ཆེན་པོའི་སྟེང་དུ་གཞག་པའོ། །ངག་འབའ་ཞིག་པ་ཡང་ཡོད་དོ། །ཇི་ལྟར་བུད་མེད་ཀྱི་ཡུལ་ལ་མ་བསམས་པར་ཚིག་དྲུག་གམ་བདུན་དུ་ཐལ་བའོ། །ལུས་དང་སེམས་གཉི་གའི་བར་ཡང་ཡོད་དེ། ཇི་ལྟར་སྲོག་གཅོད་པ་དང་། ཆང་འཐུང་བ་སྟེ།
[260a.7]ཚིག་ཏུ་མི་སྨྲའོ། །ངག་དང་སེམས་གཉིས་ཀྱི་ཡང་ཡོད་དེ། ཇི་ལྟར་བསམས་བཞིན་དུ་ཚིག་དྲུག་གམ་བདུན་དུ་ཐལ་བའོ། །ལུས་དང་ངག་དང་སེམས་ཀྱི་ཡང་ཡོད་དེ། འདི་ལྟ་སྟེ། སྲོག་གཅོད་པ་དེ་ཉིད་ལ་ངག་གིས་ཀྱང་བསྔགས་པའོ། །བྱ་བའི་ཕྱིར་རྩོད་པ་ནི་གསོལ་བ་ལ་
[260b]
[260b.1]སོགས་པ་བྱ་བ་འཐབ་མོའི་གླེང་གཞིར་འགྱུར་བ་སྟེ། དེས་ཀུན་ནས་བསླང་བ་ལས་འཐབ་མོ་བྱུང་བའོ། །དེའི་རྩ་བ་ནི་གསོལ་བ་ལ་སོགས་པ་བྱ་བ་ཡིན་ཏེ། ལྷག་མ་རྣམས་ནི་སྔ་མ་བཞིན་ཏེ་རྩོད་པ་དག་ནི་སྨྲས་ཟིན་ཏོ། །ཞི་བར་བྱ་བ་བརྗོད་པར་བྱའོ། །འགྱེད་པའི་ཕྱིར་རྩོད་པ་ནི་མངོན་
[260b.2]སུམ་གྱིས་འདུལ་བ་དང་། གང་ཚུལ་ཤིང་མང་པོ་ལེན་པས་སོ། །གང་ཟག་གསུམ་སྟེ། དོན་སྦྱིན་པར་བྱེད་པ་དང་། དོན་སླར་སྦྱིན་པར་བྱེད་པ་དང་། སྐམ་ལ་གནས་པ་རྣམས་སོ། །དེ་ལ་དོན་སྦྱིན་པར་བྱེད་པས་དོན་རྣམ་པ་བཅུ་དྲུག་པོ་རྣམས་སུ་ཤིན་ཏུ་བསམས་ན་གཟུང་བར་
[260b.3]བྱ་སྟེ། བདེན་པ་དང་། དུས་དང་། ཚོད་དང་། དོན་དུ་ལྡན་པ་དང་། མཐོང་བ་དང་། ཐོས་པ་དང་། དོགས་པ་དང་། ལུས་དང་། ངག་དང་། གྲོང་དང་། དགོན་པ་དང་། མཚན་མོ་དང་། ཉིན་པར་བྱས་པ་དང་། ལྷག་མ་མ་ལུས་པ་དང་། བསླང་བར་ནུས་པའོ། །དེའི་ཚིག་གཟུང་
[260b.4]བར་མི་བྱ་བ་རྣམ་པ་ལྔ་སྟེ། དོན་གཏན་ལམ་ཕེབས་པ་དང་། གཅིག་ནས་གཅིག་ཏུ་བརྒྱུད་པའི་ཚིག་དང་། བསྙེན་པར་མ་རྫོགས་པའི་ཚིག་དག་ལས་དོན་དུ་འཛིན་པ་དང་། མདོ་སྡེ་དང་གནས་མི་ཤེས་པ་རྣམས་ཀྱིས་སོ། །སླར་བཟློག་པ་ལྔ་པོ་རྣམས་ཀྱིས་ནི་གཟུང་བར་བྱའོ། །
[260b.5]དོན་སླར་སྦྱིན་པར་བྱེད་པས་ཀྱང་རྣམ་པ་བཅུ་དྲུག་པོ་རྣམས་དང་ཉེ་བ་འདི་རྣམས་ཁོ་ན་ཤིན་ཏུ་བསམས་ལ་སྐབས་དབྱེ་བར་བྱའོ། །ཅི་འདི་ཚུལ་ཁྲིམས་དང་ལྡན་པ་ཡིན་ནམ། འགྱོད་པ་ཅན་ནམ། མང་དུ་ཐོས་པའམ། འདུལ་བ་གཏན་ལ་ཕེབས་པ་ཡིན་ནམ། ཅི་
[260b.6]མཐོང་བ་ལས་གླེང་བར་བྱེད་དམ་ཞེས་བྱ་བ་ལ་སོགས་པ་བཅུ་གཉིས་ནི་སྔ་མ་བཞིན་ནོ། །རྣམ་པ་ལྔས་ནི་ཚིག་གཟུང་བར་མི་བྱ་སྟེ། མཚམས་སྦྱོར་བར་ལུང་མི་སྟོན་པ་དང་། གཞན་ནས་གཞན་དུ་འཕོ་བ་དང་། ཕྱོགས་ལ་བརྟེན་ཏེ་ལྟུང་བ་ཁས་ལེན་པ་ལ་ཡང་རུང་བ་མེད་པར་
[260b.7]སྟོན་པ་དང་། དགེ་སློང་རྣམས་ལ་སྐུར་བ་འདེབས་པ་དང་། གུས་པ་མེད་པའོ། །སླར་བཟློག་པ་ནི་གཟུང་བར་བྱའོ། །དོན་སྦྱིན་པར་བྱེད་པ་དང་། དོན་སླར་སྦྱིན་པར་བྱེད་པ་དག་རྩོད་པའི་ཉེས་དམིགས་ཏེ་ཉེ་བར་ཞི་བའི་ཡོན་ཏན་དུ་མཐོང་བ་དག་གིས་སྐམ་ལ་གནས་པ་ཆོས་
[261a]
[261a.1]བཅུ་དྲུག་དང་ལྡན་པ་བཙལ་པར་བྱའོ། །ཚུལ་ཁྲིམས་དང་བསླབ་པ་འདོད་པ་དང་། ཐོས་པ་དང་། འདུལ་བ་ལ་མཁས་པ་དང་། སྐམ་ལ་གནས་པ་དང་། ཆོས་བཞིན་མ་འདྲེས་པ་དང་། འདུན་པ་ལ་སོགས་པས་མི་འགྲོ་བ་དང་། འདོད་ཆགས་
[261a.2]དང་། ཞེ་སྡང་གིས་མ་ཡིན་པ་དང་། རྒྱལ་བའི་བཀའ་ལས་མི་འདའ་བ་དང་། མ་བཅས་པ་ལས་མི་འཆའ་བ་དང་། བཅས་པ་ལས་ཀུན་དུ་མི་གཅོད་པ་དང་། ཆོས་དེ་ཉིད་ཉེ་བར་ཞི་བར་ནུས་པ་དང་། སློང་བར་ནུས་པའོ། །སྐམ་ལ་གནས་པ་ལ་གསུམ་སྟེ། གང་
[261a.3]ལུས་དང་ངག་གི་མི་བསྡམས་པ་སྟེ། ཕྱོགས་གཉི་གའི་ཐད་དུ་བྱ་བ་བདག་ཉིད་སོང་ནས་དཀྲུགས་པར་བྱེད་པ་དང་། གང་དག་མ་བསྡམས་པ་སྟེ། གང་ཕོ་ཉས་དང་། གཉི་གས་བསྡམས་པ་སྟེ། དེ་ལྟ་བུར་བསྐོ་བར་བྱའི་སྔ་མ་དག་ནི་མ་ཡིན་ནོ། །བྱིས་པ་རྣམས་ནི་ལྔ་སྟེ། ཆོས་མ་ཡིན་པའི་
[261a.4]ཕྱིར་འཇུག་པ་དང་། རྩོད་པར་གྱུར་པ་བཟུང་ནས་སྟོབས་པ་དང་། སྐམ་ལ་གནས་པ་གཞན་གྱི་མདོ་སྡེ་སུན་འབྱིན་པ་དང་། སོ་སོར་ཐར་པས་དགེ་སློང་རྣམས་གནས་ནས་འབྱིན་པ་དང་། མ་གུས་པའོ། །སླར་བཟློག་པ་ལྔ་པོ་རྣམས་ཀྱིས་ནི་གསལ་བའོ། །སྐམ་ལ་གནས་
[261a.5]པས་རྩོད་པ་གཟུང་བ་ཞི་བར་ཁས་བླངས་པ་དང་། བདག་ཉིད་ལ་རྣམ་པ་བརྒྱད་རྣམས་སུ་བརྟག་པར་བྱ་སྟེ། ཅི་བདག་གིས་ཐོག་མ་ཅི་ལས་བྱུང་ཤེས་སམ། བདག་གིས་གྲོགས་པོ་སྐམ་ལ་གནས་པ་ཡོད་དམ། སྔོན་འདྲིས་པར་གྱུར་པ་མ་ཡིན་ནམ། ཅི་བདག་གི་ཚིག་འཛིན་
[261a.6]ནམ། ལྟུང་བ་རྣམ་པར་སྦྱང་བར་ནུས་སམ། ཤེས་པར་ནུས་སམ། ཆོས་བཞིན་དུ་ཉེ་བར་ཞི་བར་ནུས་སམ། ཅི་མི་དགེ་བ་ལས་སློང་བ་ལ་མཁས་པར་ཡང་ངོ་། །གཞན་ལ་ཡང་རྣམ་པ་བརྒྱད་རྣམས་སུ་སྟེ། འདི་ན་འདི་ལྟར་རྒྱལ་བའི་གསུང་བརྟན་པར་བྱེད་པ་མདོ་སྡེ་ལ་
[261a.7]སོགས་པ་འཛིན་པ་ལྟ་ཡོད་དམ། གང་གླགས་ཚོལ་བ་ལ་སླར་བཟློག་པའི་གནས་བརྟན་ལ་སོགས་པ་ལྟ་ཡོད་དམ། རྒྱལ་པོ་ལ་བརྟེན་ཏམ། མཐུ་ཡོད་པ་ལ་བརྟེན་ཏམ། ཁྱིམ་པ་ལ་བརྟེན་ཏམ། གཞན་ལའམ། དགེ་འདུན་ཉིད་ལས་ཉེ་བར་ཞི་བར་བྱེད་དམ་ཆོལ་
[261b]
[261b.1]བའོ། །སྐམ་ལ་གནས་པ་དེ་དག་གིས་མངོན་སུམ་དུ་འདུལ་བས་རྩོད་པ་ཞི་བར་བྱའོ། །མངོན་སུམ་དུ་བྱ་བ་རྣམ་པ་གཉིས་ཏེ། གང་ཟག་མངོན་སུམ་དུ་བྱ་བ་ལ་གང་དག་ལ་ཉེ་བར་ཞི་བར་བྱ་བ་དང་། གང་དག་གིས་ཉེ་བར་ཞི་བར་བྱེད་པ་དེ་དག་མངོན་སུམ་དུ་གྱུར་པའོ། །ཆོས་མངོན་
[261b.2]སུམ་དུ་བྱ་བ་ནི་ཆོས་ཇི་ལྟ་བ་དང་། འདུལ་བ་ཇི་ལྟ་བ་བཞིན་ནོ། །དེས་དོན་སྦྱིན་པར་བྱེད་པ་རྣམས་ལ་ཡང་རྣམ་པ་བརྒྱད་དུ་བརྟག་པར་བྱ་སྟེ། ཆོ་ག་དང་། སྦྱོང་ཡུལ་དང་། གྲོགས་པོ་དང་། ཟླ་བོ་དང་། ལུས་ཀྱི་ལས་དང་། ངག་གི་ལས་དང་། འཚོ་བ་དང་། ཐོས་པ་སྟེ། འདི་
[261b.3]དག་སྡིག་པ་ཅན་དག་ཏུ་རིག་ན་མ་སྨྲ་ཤིག་ཅེས་བསྒོ་བར་བྱའོ། །དེ་བཞིན་དུ་དོན་སླར་སྦྱིན་པར་བྱེད་པ་ལ་ཡང་རྣམ་པ་བརྒྱད་དེ། ཅི་སྡིག་པ་ཅན་དུ་ཡིན་ན་ཁྱོད་ཀྱིས་དག་གི་ལས་ཐོག་མ་ཇི་ལྟ་བུ་ཡིན་ཞེ་ན་དྲི་བ་ཡང་ངོ་། །ཇི་སྐད་དུ་སྨྲ་བ་དེ་བཞིན་དུ་བྱའོ། །རྣམ་པ་བཅུ་
[261b.4]དྲུག་དག་ཏུ་རྗེས་སུ་སྦྱོར་བས་རབ་ཏུ་གནས་པར་བྱ་སྟེ། དོན་སྦྱིན་པར་བྱེད་པ་ཉིད་ནི་རིག་པར་བྱ་བ་དང་། བརྟག་པ་དང་། བཟོད་པ་གསོལ་བ་དང་། དྲི་བ་དང་། དམ་འཆར་གཞུག་པ་དང་། སྤྲོ་བར་བྱའོ། །དེ་བཞིན་དུ་དོན་སླར་སྦྱིན་པར་བྱེད་པ་ལ་ཡང་རྣམ་པ་བཅུ་
[261b.5]གཉིས་དང་། དོན་སླར་སྦྱིན་པར་བྱེད་པས་དམ་བཅས་པ་གཟུང་བ་དང་། མདོ་སྡེ་ཁས་ལེན་པ་དང་ཆོས་བཞིན་དང་འདུལ་བ་བཞིན་དུ་རྩོད་པ་ཚོལ་བའོ། །འདིར་རྣམ་པ་ལྔས་ནི་མི་ནུས་པར་འགྱུར་ཏེ། རྗེས་སུ་བསྟན་པའི་ཚིག་ལྔ་མངོན་དུ་མི་ཤེས་པའི་ཕྱིར་ཏེ། དོན་
[261b.6]སྦྱིན་བར་བྱེད་པ་དང་། དོན་སླར་སྦྱིན་པར་བྱེད་པ་དང་། ཆོས་དང་རྗེས་སུ་མཐུན་པར་སྦྱོར་བ་དང་། ཆོས་མ་ཡིན་པ་དང་རྗེས་སུ་མཐུན་པར་སྦྱོར་བ་དང་། དམ་འཆའ་བ་རྗེས་སུ་མི་འཛིན་པའོ། །རྣམ་པ་ལྔས་ཞི་བར་མི་ནུས་ཏེ། རྩོད་པའི་རང་བཞིན་དང་ཀུན་ནས་སློང་བ་དང་།
[261b.7]གཟུང་བ་དང་། ཚར་གཅད་པ་དང་། ཉེ་བར་ཞི་ནས་ཡང་མི་འབྱུང་བར་མི་ཤེས་པའོ། །གཞན་ཡང་རྣམ་པ་ལྔ་སྟེ། འཁྲུལ་བ་དང་། གསང་སྟེ་སྨྲས་པ་དང་། ནོར་བར་སྨྲས་པ་དང་། གློ་བུར་དུ་སྨྲས་པ་འཛིན་པ་དང་། སྨྲས་པ་ཡང་ཇི་སྲིད་ལན་གསུམ་གྱི་བར་དུ་དམ་
[262a]
[262a.1]འཆར་མི་གཞུག་པའོ། །གནས་བཅུ་དྲུག་ཏུ་ལྟུང་བ་བསྟན་པར་བྱ་བ་སྟེ། ལྕི་བ་དང་། ཡང་བ་དང་། ལྷག་མ་ལུས་པ་དང་། ལྷག་མ་མ་ལུས་པ་དང་། གནས་ངན་ལེན་པ་དང་། ལུས་ཀྱི་དང་། ངག་གི་དང་། དགེ་བ་དང་། མི་དགེ་བ་དང་།
[262a.2]ལུང་དུ་མ་བསྟན་པ་དང་། བཅབས་པ་དང་། མ་བཅབས་པ་དང་། བཤགས་པ་དང་། བསྡམ་པར་བྱ་བ་དང་། ཉེས་པར་བཤད་པར་གཏོགས་པ་དང་། །འདུལ་བ་དང་འགལ་བར་གྱུར་པའི་དབྱེ་བ་རྣམས་ཏེ། དེ་ལ་སྡིག་པ་ལ་སོགས་པའི་ཆད་པའི་ལས་བྱའོ། །ཡང་ཆང་
[262a.3]པའི་ལས་རྣམ་པ་བཅུ་དྲུག་སྟེ། ཚངས་པ་དང་། བསྐྲད་པ་དང་། ལོངས་སྤྱོད་དུ་མི་གཞུག་པ་དང་། བསྙིལ་བར་བྱ་བ་དང་། གང་ངོ་བོ་ཉིད་ཚོལ་དུ་གཞུག་པ་དང་། སྤྱོ་བར་བྱ་བ་དང་། སྨད་པར་བྱ་བ་དང་། གནས་ནས་དབྱུང་བར་བྱ་བ་དང་། ཕྱོགས་མེད་པར་བྱ་བ་དང་། ཞུམ་པ་དང་། སྨད་བབ་
[262a.4]པར་བྱ་བ་དང་། འགྱོད་པ་དང་། རྣམ་པར་འགྱོད་པ་དང་། རབ་ཏུ་རྣམ་པར་འགྱོད་པར་བྱེད་དུ་གཞུག་པ་དང་། ཉེ་བར་བསྡུ་བར་བྱ་བ་དང་། བརྗོད་པ་དང་བཅས་པ་དང་། ཕུར་པ་དང་བཅས་པ་དང་། རོ་བཞིན་དུ་བྱ་བའོ། །རྣམ་པ་བཅུ་དྲུག་གི་ལས་བྱས་ཏེ། མངོན་སུམ་དུ་
[262a.5]གྱུར་པ་དང་། བྱ་བའི་སྐབས་ཕྱེ་བ་དང་། གླེངས་པ་དང་། དྲན་པར་བྱས་པ་དང་། རང་གིས་ཁས་བླངས་པ་དང་། ཕ་རོལ་པོས་ཁས་བླངས་པ་དང་། རྗེས་སུ་མཐུན་པར་སྦྱོར་བ་བརྟགས་པ་དང་། རྗེས་སུ་མཐུན་པར་སྦྱོར་བ་བརྟག་མི་དགོས་པ་དང་། དྲིས་པ་དང་། དྲི་
[262a.6]མི་དགོས་པ་དང་། ཁས་ལེན་དུ་བཅུག་པ་དང་། ཁས་ལེན་དུ་མ་བཅུག་ཀྱང་རུང་ངོ་། །རྣམ་པ་བཅུ་དྲུག་གི་བར་ན་རྩོད་པ་ཞི་བར་འགྱུར་ཏེ། ཆོས་བཞིན་དང་། དགེ་འདུན་གྱིས་བསྒོ་བ་དང་། རྒྱལ་བའི་གསུང་བཞིན་རྗེས་སུ་མཐུན་པ་དང་། ཕྱོགས་དང་མི་མཐུན་པའི་
[262a.7]ཕྱོགས་ལ་བསྒོ་བ་དང་། དོན་སྦྱིན་པར་བྱེད་པ་འདུལ་བ་ལ་མི་འགལ་བ་དང་། མ་དག་པའི་ལྟུང་བ་མི་འཆབ་པ་དང་། བྱུང་བ་དང་། བཅས་པ་དང་། རྗེས་སུ་བཅས་པ་དང་། རྗེས་སུ་གནང་བ་དང་། རྗེས་སུ་མི་གནང་བ་སྦྱོར་བ་དང་། དོན་སྦྱིན་པར་བྱེད་པ་དང་། དོན་
[262b]
[262b.1]སླར་སྦྱིན་པར་བྱེད་པ་དག་གིས་དམ་འཆའ་བ་འཛིན་པར་བྱེད་པ་དང་། མདོ་སྡེ་སྟོན་པའམ། འདུལ་བ་དང་མཐུན་པ་དང་། ཆོས་ཀྱི་མིག་རྒྱས་པར་འགྱུར་བ་དང་། ཆོས་དང་འདུལ་བ་བཞིན་ཞི་བར་བྱེད་པའོ། །སླར་བཟློག་པ་ནི་ཞི་བའོ། །མི་ནུས་ནས་དགེ་
[262b.2]འདུན་རྣམས་ལ་སྤོ་བར་བྱ་སྟེ། དེ་ལ་མངོན་སུམ་སྟེ། དགེ་འདུན་ལ་མངོན་སུམ་དུ་སྤོས་པ་དང་། དེས་ཀྱང་མ་ནུས་ན་གསལ་བ་ལ་གཏད་པར་བྱའོ། །དེ་དག་གིས་ཀྱང་མ་ནུས་ན་གསལ་བའི་ཡང་གསལ་བ་ལ་གཏད་པར་བྱའོ། །དེ་དག་གིས་ཀྱང་མ་ནུས་ན་སླར་
[262b.3]ཡང་དགེ་འདུན་ལ་སྤོ་བར་བྱའོ། །དེ་དག་གིས་ཀྱང་གནས་གང་ན་གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་འདུན་ལ་སྤོ་བར་བྱེད་པའི་དགེ་སློང་བསྐོ་བར་བྱའོ། །དེས་ཀྱང་ཇི་ལྟར་གྱུར་པ་བརྗོད་པར་བྱའོ། །དེ་དག་གིས་ཀྱང་མ་ནུས་ན་རྩོད་པ་སྦེད་
[262b.4]པར་བྱེད་པ་དེ་གཉིས་ལ་གཏད་དོ། །དེས་མདོ་སྡེ་ལ་སོགས་པ་འཛིན་པ་ལ་སྤོའོ། །དེ་དག་གིས་ཀྱང་མ་ནུས་ན་དེ་ཉིད་ལའོ། །དེས་ཀྱང་མ་ནུས་ན་གང་ན་གནས་བརྟན་གཙོ་བོའམ། ཤེས་པ་དེ་ལ་མཐའ་ཉེ་བར་བཟུང་ནས་གཏད་པར་བྱའོ། །དེས་དེ་དག་ལ་ཅི་ཡང་
[262b.5]བདག་གིར་མི་བྱའོ། །ཁ་ཏོན་ལ་སོགས་པ་སྦྱིན་པར་མི་བྱའོ། །མདུན་ནམ་རྒྱབ་ཏུ་འདུག་ན་མ་འགྱེད་ཤིག་མ་འཐབ་ཤིག །གཉི་ག་རྒྱལ་བ་མེད་ཀྱི། འོན་ཀྱང་གཅིག་པུ་ལ་བྱའོ་ཞེས་དེ་སྐད་ཉི་ཚེ་སྨྲ་བར་བྱའོ། །དེས་ཞི་བར་གྱུར་ན་ལེགས་པར་ཞི་བ་ཞེས་བྱ་
[262b.6]བ་སྟེ། དེ་ལྟར་ན་མངོན་སུམ་གྱིས་འདུལ་བ་ཡིན་ནོ། །གལ་ཏེ་གནས་བརྟན་གྱིས་ཀྱང་མ་ནུས་ན་དེས་སྤོ་བར་བྱེད་པ་ཉིད་ལ་གཏད་པར་བྱའོ། །དེས་ཀྱང་དགེ་འདུན་ལའོ། །དགེ་འདུན་གྱིས་ཀྱང་ཚུལ་ཤིང་མང་པོ་ལེན་དུ་བཅུག་ནས་ཞི་བར་བྱའོ། །རྣམ་པ་ལྔར་
[262b.7]དོན་སྦྱིན་པར་བྱེད་པ་དང་། དོན་སླར་སྦྱིན་པར་བྱེད་པ་དག་གིས་རྩུབ་བར་གཟུང་བའི་ཕྱིར་དེ་ལྟར་ན་རྩུབ་པ་ཅན་དང་། གདུག་པར་བྱེད་པའི་ཕྱིར་དེ་ལྟར་གདུག་པ་ཅན་དང་། རབ་ཏུ་འཛིན་པའི་ཕྱིར་དེ་ལྟར་ན་དམ་པོ་ཅན་དང་། དབྱེ་བར་བྱེད་པའི་གཞི་བཅུ་བཞི་འཛིན་པའི་ཕྱིར་དབྱེ་བའི་
[263a]
[263a.1]བསམ་པ་ཅན་དང་གནས་བརྟན་གྱི་མཐར་ཐུག་གི་བར་དུ་ཕྱིན་ཀྱང་སྦྱོར་བ་གཞན་དུ་མི་འགྱུར་རོ། །ཚུལ་ཤིང་བྲིམ་པ་ལ་རྣམ་པ་བཞི་སྟེ། གང་ན་གནས་བརྟན་ཆོས་བཞིན་དུ་མི་སྨྲ་བ་མང་བ་དེར་ནི་དགབ་པར་བྱ་བ་དང་གོ་བཟློག་པ་དེར་ནི་གསལ་བར་བྱ་བ་དང་།
[263a.2]གང་ན་རྣ་དྲུང་དུ་ཁྱོད་ཀྱི་མཁན་པོ་དེས་ནི་ཆོས་ཀྱི་ཚུལ་ཤིང་བླངས་ཀྱི་ཁྱོད་ཀྱིས་ལོངས་ཤིག་ཅེས་བསྒོ་བ་དང་། གང་ན་ནད་པ་མང་ཞིང་དགེ་འདུན་ཐམས་ཅད་ཀྱི་དང་བཞི་པའོ། །ཚུལ་ཤིང་བྲིམ་པ་ཆོས་དང་ལྡན་པ་མ་ཡིན་པར་ལེན་པ་བཅུ་སྟེ། ཆོས་མ་ཡིན་པར་ལེན་པ་དང་། འདུལ་
[263a.3]བ་དང་རྗེས་སུ་མི་མཐུན་པ་དང་། མ་འདུས་པར་ལེན་པ་དང་། ཆུང་ཟད་ཙམ་གྱིས་ལྷུང་བ་ཆུང་ངུས་དབྱེ་བར་དོགས་པ་དང་། གནས་བརྟན་གྱི་མཐར་མ་ཕྱིན་པར་སྦྱོར་བ་གཞན་དུ་བཟློག་པ་དང་། རྟོག་པ་དང་མི་ལྡན་པ་ཁ་ལོ་སྒྱུར་བར་བྱེད་ཅིང་འདུལ་བ་འཛིན་པ་ལ་སོགས་པ་ལ་མི་འདྲི་བ་དང་
[263a.4]དགེ་འདུན་དབྱེ་བར་བྱ་བའི་ཕྱིར་རོ་སྙམ་དུ་འདུ་ཤེས་པ་དང་། དགེ་སློང་ཆེས་རབ་ཏུ་མང་པོ་དག་ཆོས་མ་ཡིན་པར་སྨྲ་བར་འགྱུར་བར་ཤེས་པ་དང་། དགེ་འདུན་དབྱེ་བར་འགྱུར་རོ་སྙམ་དུ་ཤེས་པ་དང་། ཆོས་མ་ཡིན་པར་སྨྲ་བར་གྱུར་ཀྱང་ཅི་མ་རུང་སྙམ་པའོ། །གོ་བཟློག་པ་བཅུ་ནི་ཆོས་ཡིན་ནོ། །
[263a.5]ཚུལ་ཤིང་བྲིམ་པས་ཚུལ་ཤིང་རྣམ་པ་གཉིས་སུ་བྱ་སྟེ། ཆོས་ཀྱི་ཚུལ་ཤིང་ནི་དབྱིབས་དང་ཁ་དོག་དང་གཟུགས་ཕུན་སུམ་ཚོགས་པ་དང་། ཆོས་མ་ཡིན་པའི་ཚུལ་ཤིང་ནི་སླར་བཟློག་པའོ། །ཆོས་ཀྱི་ཚུལ་ཤིང་ལག་པ་གཡས་པར་གཟུང་བར་བྱའོ། །ཆོས་མ་ཡིན་པའི་ཚུལ་ཤིང་ནི་
[263a.6]ལག་པ་གཡོན་པར་རོ། །དེ་ནས་མདུན་དུ་འདུག་ལ་བསྔགས་པ་དང་། མི་བསྔགས་པ་གཉིས་བརྗོད་པར་བྱའོ། །ཆོས་མ་ཡིན་པའི་ཚུལ་ཤིང་གི་ཕྱིར་ལག་པ་བརྐྱང་ན་ཚིག་དང་པོ་དང་གཉིས་ཀྱི་བར་དུ་སྦྱིན་པར་མི་བྱའོ། །གསུམ་པ་ལ་སྦྱིན་ཏེ་འདུལ་བ་དང་འགལ་བའི་ཉེས་བྱས་
[263a.7]བཤགས་པར་བྱའོ། །གལ་ཏེ་ཆོས་ཀྱི་ཚུལ་ཤིང་གཅིག་གིས་ཀྱང་ཉུལ་བར་འགྱུར་ན་ཀུན་ཤེས་ཀཽཎྜི་ནྱའི་ཕྱིར་གཅིག་བླང་བར་བྱའོ། །གལ་ཏེ་ཆོས་ཀྱི་ཚུལ་ཤིང་གཅིག་གིས་ལྷག་པར་གྱུར་ན་ཆོས་ཀྱིས་རྩོད་པ་ཞི་བ་ཡིན་ཏེ། གང་ཆོས་ཀྱིས་སྐྱོ་སྔོགས་བྱེད་ན་ལྟུང་བྱེད་དོ། །གལ་
[263b]
[263b.1]ཏེ་ཆོས་མ་ཡིན་པའི་ཚུལ་ཤིང་བླངས་པར་འགྱུར་ན་ཡང་ཆོས་མ་ཡིན་པས་ཞི་བ་ཡིན་ཏེ། དེ་ཡང་སྐྱོ་སྔོགས་བྱས་ན་ཉེས་བྱས་སོ། །དེ་ལྟར་ན་གང་ཚུལ་ཤིང་མང་པོ་བྲིམ་པས་ཞི་བར་གྱུར་བ་ཡིན་ནོ། །མི་བསྡམས་པའི་ཕྱིར་རྩོད་པ་ནི་ཞི་བ་རྣམ་པ་གསུམ་གྱིས་ཞི་བར་བྱ་སྟེ། འགྱེད་པའི་
[263b.2]ཕྱིར་རྩོད་པ་བཞིན་དུ་མངོན་སུམ་གྱིས་འདུལ་བ་དང་། དྲན་པས་འདུལ་བ་སྟེ། ཇི་ལྟར་གྱང་བུ་ནོར་ལ་དགེ་སློང་དག་གིས་གཞི་དེས་གླེངས་པས་ན། ངོ་ཚ་བའི་ཕྱིར་གསོལ་བ་དང་གཉིས་ཀྱི་ལས་ཀྱིས་དྲན་པས་འདུལ་བ་སྦྱིན་པ་དང་། དེ་བཞིན་དུ་དེ་ལ་ལྟུང་བ་གཞན་བྱུང་ན་གཞན་
[263b.3]གྱིས་གླེངས་པ་ན་ལྟུང་བ་ཕྱིར་བཅོས་པ་བྱས་པ་ཡང་ངོ་། །མ་སྨྱོས་པས་འདུལ་བ་སྟེ། ཅི་ལྟར་བྱེ་མ་སྐྱེས་ལ། སྨྱོས་པའི་ཚེ་བྱས་པ་གླེངས་པའི་ཕྱིར་གསོལ་བ་དང་། ལས་བརྗོད་པ་གསུམ་གྱིས་མ་སྨྱོས་པས་འདུལ་བ་སྦྱིན་པའོ། །ཆོས་མ་ཡིན་པར་དྲན་པས་འདུལ་བ་
[263b.4]སྦྱིན་པ་ལ་གསུམ་སྟེ། མཐར་འགྱུར་བའི་ལྟུང་བ་བྱུང་བ་དང་། སྨྱོས་པས་ཉེས་པ་བྱུང་བ་དང་། མེ་བཞི་ལྟུང་བ་འབྱུང་བ་ཤེས་བཞིན་དུ་ཁས་ལེན་པ་ལའོ། །དང་པོ་ནི་བསྙིལ་བར་བྱ་བར་འོས་པ་ཉིད་དོ། གཉིས་པ་ལ་ནི་མ་སྨྱོས་པར་འདུལ་བ་སྦྱིན་པར་འོས་སོ། །གསུམ་པ་ལ་ནི་དེའི་
[263b.5]ངོ་བོ་ཉིད་ཚོལ་དུ་གཞུག་པར་འོས་སོ། །ཆོས་མ་ཡིན་པར་མ་སྨྱོས་པས་འདུལ་བ་སྦྱིན་པར་འོས་པ་གཅིག་སྟེ། གང་སྨྱོས་པ་མ་ཡིན་པས་ན་བདག་སྨྱོས་སོ་ཞེས་ཁས་ལེན་པའོ། །ལྟུང་བའི་ཕྱིར་རྩོད་པ་ཞི་བར་འགྱུར་བ་རྣམ་པ་བཞིས་ཞི་བར་བྱས་ཏེ། དེ་ལ་ཁས་བླང་པར་བྱ་བ་ནི་ཅི་
[263b.6]ལྟར་ལྟུང་བ་བྱུང་བ་ལ་གླེངས་སམ་མ་གླེངས་ཀྱང་རུང་། དྲན་པར་བྱས་སམ་དྲན་པར་མ་བྱས་ཀྱང་རུང་སྟེ། དགེ་སློང་གི་མདུན་དུ་ཚུལ་བཞིན་དུ་འཆགས་པ་འདི་ནི་ཁས་བླངས་པའོ། །ཆོས་མ་ཡིན་པར་ཁས་ལེན་དུ་སྦྱིན་པ་བཅུ་སྟེ། ལྟུང་བ་སྡེ་ལྔ་བྱུང་བ་ལས་མ་བྱུང་ངོ་ཞེས་ཁས་ལེན་པ་དང་།
[263b.7]མ་བྱུང་བ་ལ་བྱུང་ངོ་ཞེས་ཁས་ལེན་པ་དང་། སླར་བཟློག་པ་བཅུ་ནི་ཆོས་དང་མཐུན་པ་ཉིད་དོ། །དེ་ལ་མངོན་སུམ་དུ་དུལ་བ་ནི་རི་དགས་འཛིན་གྱི་བུ་ནག་པོ་ལས་བརྩམས་ཏེ་གང་ཟག་ལ་གླེང་བ་དང་། དེ་བཞིན་དུ་ཆོས་བཞིན་འདུལ་བ་བཞིན་མངོན་སུམ་དུ་མིག་གཞིར་དགེ་འདུན་ལ་གླེང་བའི་བར་དུ་དང་།
[264a]
[264a.1]དེ་བཞིན་དུ་གཉིས་ཀྱིས་དགེ་འདུན་ལ་གླེང་བའི་བར་དུ་དང་། མང་པོས་དགེ་འདུན་ལ་གླེང་བའི་བར་དུ་དང་། དགེ་འདུན་གྱིས་དགེ་འདུན་ལ་གླེང་བའི་བར་དུའོ། །རྣམ་པ་བཅུ་དྲུག་པོ་དེ་དག་ཉིད་ལ་གཞན་ནི་ཆོས་བཞིན་གྱི་གླེང་བ་ཆོས་མ་ཡིན་ན་མངོན་སུམ་དུ་འདུལ་བ་སྦྱིན་པའི་
[264a.2]རྣམ་པ་བཅུ་དྲུག་ཀྱང་ཆོས་བཞིན་མ་ཡིན་པའོ། །གང་ལ་གླེང་པ་ཆོས་བཞིན་མ་ཡིན་པ་གླེང་བར་བྱེད་པ་ཆོས་བཞིན་ཡིན་ན་མངོན་སུམ་དུ་འདུལ་བ་སྦྱིན་པ་རྣམ་པ་བཅུ་དྲུག་ཀྱང་ཆོས་བཞིན་ནོ། །དེ་ལ་དེའི་ངོ་བོ་ཉིད་ཚོལ་དུ་གཞུག་པ་ནི་དགེ་འདུན་གྱི་ནང་དུ་གང་ལྟུང་བ་བསྙོན་ཏེ། བསྙོན་པ་ལ་ཁས་
[264a.3]ལེན་པ་དང་། ཁས་བླངས་པ་ལས་ཡང་བསྙོན་པ་དེ་ལ་ནི་གསོལ་བ་དང་། གཉིས་ཀྱི་ལས་ཀྱིས་སྦྱིན་པར་བྱ་བ་སྟེ། དེ་ནི་ཆོས་བཞིན་པའོ། །ཁས་བླངས་པ་ལས་བསྙོན་པ་ལས་ཡང་ཁས་ལེན་པ་འདི་ནི་ཆོས་བཞིན་མ་ཡིན་པའོ། །དེ་ལ་རྩྭ་བཀྲམ་པ་ལྟ་བུ་ནི་ཕྱོགས་གཉིས་སུ་ཆད་དེ་གནས་པ་
[264a.4]ལས་ཕྱོགས་ཀྱི་གཙོ་བོ་དག་གིས་རང་རང་གི་ཕྱོགས་ལ་བསྒོ་སྟེ། ཕྱོགས་ཕ་རོལ་པོ་ལ་བཟོད་པར་བྱས་ཏེ་ལྟུང་བའང་བཤགས་པར་བྱའོ། །བདག་དང་ཕྱོགས་ཀྱི་དོན་གྱི་ཕྱིར་གང་ཕྱོགས་གཅིག་གིས་ཕྱོགས་གཉིས་པ་ལ་སྤུ་སྙོལ་བར་བྱེད་འབྱུང་བར་བསྐྱོད། ཕྱག་འཚལ་བ་ཉེ་བར་སྟོན་
[264a.5]གཉིས་པ་ཡང་དེ་བཞིན་ཏེ། ཕན་ཚུན་ལྟུང་བ་གླེང་བར་མི་བྱེད་དོ། །དེ་ལྟར་ན་རྩོད་པ་དེ་རྩྭ་བཀྲམ་པ་ལྟ་བུའི་རྩོད་པ་ཞི་བར་བྱས་པས་ཞི་བ་ཡིན་ནོ། །བྱ་བའི་ཕྱིར་རྩོད་པ་ནི་དགེ་འདུན་འདུས་པས་ཞི་བར་བྱའོ། །ཚངས་པ་ཇི་བཞིན་གཅིག་དེ་བཞིན། །བརྒྱ་བྱིན་ཅི་བཞིན་གཉིས་དེ་བཞིན། །
[264a.6]རྒྱལ་པོ་ཇི་བཞིན་གསུམ་དེ་བཞིན། །དེ་ལ་ལྷག་པ་འཁྲུག་པར་འགྱུར། །ཞི་བར་བགྱི་བ་བདུན་མ་མཆིས་ཀྱང་རྩོད་པ་ཞི་བར་འགྱུར་བ་མཆིས་སམ་ཡོད་སྟེ། གལ་ཏེ་གཉིས་སམ་གསུམ་གང་ཡང་རུང་བ་དུས་བྱས་པའམ། ཁྱིམ་པ་ལ་སོགས་པར་ཤེས་པར་བྱེད་དམ། ནད་ཡུན་རིང་པོས་ཐེབས་
[264a.7]སམ། ཡུལ་གཞན་དུ་སོང་བས་སོ། །དེ་ལྟ་བས་ན་གང་གི་ཚིགས་སུ་བཅད་པ་གཅིག་བཀླག་ཀྱང་དེས་ཆོས་དཀོན་མཆོག་གི་རྙེད་པ་ཡོངས་སུ་ལོངས་སྤྱད་པར་བྱའོ། །འདི་ལ་འགྱོད་པར་མི་བྱའོ། །སློབ་དཔོན་གྱིས་ཀྱང་སྨྲས་པ། རྩོད་པ་རྣམ་པ་བདུན་ལ་ཞི་བར་བྱེད་པ་བདུན་དུ་གནས་ཏེ། རྩོད་
[264b]
[264b.1]པ་བདུན་པོ་ཇི་ལྟ་བུ་ཞེ་ན། ལྟུང་བ་ལས་བརྩམས་ཏེ་མཚན་ཉིད་ཁས་མི་ལེན་པས་ན་རྩོད་པ་དང་། བྱས་པ་ཁས་མི་ལེན་པས་རྩོད་པ་དང་། རང་དབང་མེད་པར་ཁས་མི་ལེན་པས་རྩོད་པ་དང་། བརྟགས་ནས་ཁས་བླངས་པ་ལ་ཁས་མི་ལེན་པས་རྩོད་པ་དང་ཁས་བླངས་ནས་སྨྱོན་པའི་ཕྱིར་རྩོད་པ་
[264b.2]དང་། མཚན་མ་ལས་རྩོད་པ་དང་། ང་རྒྱལ་གྱི་ཕྱོགས་ཀྱིས་རྩོད་པའོ། །དེ་ལ་དང་པོ་ནི་དགེ་སློང་མངོན་སུམ་དུ་ལྷག་པར་སྤྱོད་པ་མཐོང་བས་གླེངས་ན་དེས་བྱས་པ་དེ་ནི་ཁས་ལེན་ལ་ལྟུང་བའི་མཚན་ཉིད་ནི་ཁས་མི་ལེན་ཏེ། དེ་ལ་དགེ་འདུན་གྱིས་ལྟུང་བ་དང་ལྟུང་བ་མེད་པའི་མཚན་ཉིད་
[264b.3]བརྟགས་ཏེ་གླེངས་ནས་ཤོགས་ཤིག་ཅེས་བསྒོ་བར་བྱའོ། །ཡང་ན་གླེང་བ་དགག་པར་བྱ་སྟེ། དེ་ལྟར་ན་རྩོད་པ་མངོན་སུམ་དུ་འདུལ་བས་ཞི་བར་བྱའོ། །གཞན་ཡང་གང་དང་གང་བྱས་པ་མཐོང་བ་དང་། ཐོས་པ་དང་། དོགས་པས་གླེངས་ནས་བྱས་པ་དེ་རྣམས་མི་དྲན་ཞེས་སྨྲ་ན། དེ་དགེ་འདུན་
[264b.4]གྱིས་གླེང་བའི་དགེ་སློང་ཚུལ་ཁྲིམས་དང་ཆོ་ག་དང་འབྲེལ་བ་བརྟགས་ལ། གླེངས་པ་དེའི་དྲན་པ་ལ་དྲན་པས་འདུལ་བས་རྩོད་པ་དེ་ཞི་བར་བྱའོ། །གཞན་ཡང་རང་དབང་མེད་པར་བྱེད་པ་བྱས་པ་ཁས་མི་ལེན། དེ་ལ་དགེ་འདུན་གྱིས་རང་དབང་མེད་པར་བྱས་པ་བརྟགས་ལ། སྨྱོས་པ་ལ་སོགས་
[264b.5]པ་ལ་ལྟུང་བ་མེད་དོ་ཞེས་བྱ་བ་ནི། མ་སྨྱོས་པས་འདུལ་བས་རྩོད་པ་དེ་ཞི་བར་བྱའོ། །ཁ་ཅིག་ནི་ཡང་ལྟུང་བའམ། ལྟུང་བ་མ་ཡིན་ཞེས་རྟོགས་པ་རྣམས་འཁྲུག་པར་འགྱུར་ཏེ། དགེ་སློང་དག་གིས་རྩོད་པ་མདོ་སྡེ་དང་། འདུལ་བ་དང་། མ་མོ་འཛིན་པ་ལ་གཏད་པར་བྱའོ། །དེ་དག་གི་ལྟུང་
[264b.6]བའམ། ལྟུང་བ་མེད་པ་དེའི་ངོ་བོ་ཉིད་རྟོགས་ལ་གང་དེའི་ངོ་བོ་ཉིད་ཚོལ་དུ་གཞུག་པས་གང་རྩོད་པ་ཞི་བར་བྱས་པའོ། །གཞན་ཡང་ལྟུང་བ་ཁས་བླངས་ནས་ཡང་བསྙོན་ལ་བསྙོན་ནས་ཡང་ཁས་ལེན་ན་དེ་ལ་དགེ་འདུན་གྱིས་ཅི་འདི་མང་པོ་དེ་མང་པོ་རྣམས་ཀྱི་ཐད་དུ་ཁས་བླངས་སམ། འོན་
[264b.7]ཏེ་བསྙོན་ཞེས་བརྟག་པར་བྱའོ། །གང་རྣམ་པ་མང་དུ་འདོད་པས་རྩོད་པ་དེ་ཞི་བར་བྱའོ། །གཞན་ཡང་རྩོད་པའི་གནས་སུ་མི་འགྱུར་ཏེ། གང་བདག་ཉིད་ཀྱིས་ལྟུང་བ་མཐོང་ཞིང་བཤགས་ཏེ་རྩོད་པའི་མཚན་མ་ཉིད་ཞི་བར་བྱ་བའོ། །དེ་ལྟར་ཁས་བླངས་པས་རྩོད་པ་དེ་ཞི་བ་ཡིན་ནོ། །གཞན་
[265a]
[265a.1]ཡང་བདག་ཅག་གི་ཕྱོགས་ལ་གླེངས་སོ་ཞེས་ཏེ། ང་རྒྱལ་མངོན་དུ་བཟུང་ནས་ཕྱོགས་དང་ཕྱི་རོལ་པའི་ཕྱོགས་སུ་གནས་པར་འགྱུར་རོ། །དེ་ལ་ཕྱོགས་ཏེ་གཉི་གའི་གཙོ་བོ་དག་གིས་རང་གི་ཕྱོགས་ལ་བསྒོ་ལ། དེ་ལ་རྗེས་སུ་གནང་ན་ཕྱོགས་གཉིས་པ་ལ་ཡང་བསྒོ་བར་
[265a.2]བྱའོ། །དེ་ལྟར་ན་རྩོད་པ་དེ་རྩྭ་བཀྲམ་པ་ལྟ་བུས་ཞི་བར་བྱའོ། །དགེ་སློང་གི་སྤྱོད་པ་བཅུ་སྟེ། ལྡོག་པ་དང་། མི་བཟོད་པ་དང་། མ་རྟོགས་པ་དང་། དགེ་འདུན་ལ་རག་ལས་པ་དང་། དགེ་བསྙེན་མ་བསྟེན་པ་དང་། ཡོད་བྱད་ཡོངས་སུ་ལོངས་སྤྱོད་པ་དང་། དགེ་སློང་དང་། དགེ་སློང་མ་དང་། ཁྱིམ་པ་ཐ་སྙད་དང་།
[265a.3]བསོད་སྙོམས་ལ་མགྲོན་དུ་བོས་ཤིང་བདག་གིར་བྱེད་པ་དང་། དེར་ཡང་ཆོ་ག་བཞིན་དུ་སྤྱད་པ་དང་། ཕན་ཚུན་གླེང་བར་བྱེད་པ་སྟེ། འདི་དག་ནི་སོ་སོར་ཐར་པའི་ལུས་སོ། །དེ་རྣམ་པ་བཅུ་ལ་སྤྱོད་པའི་ཚེ། རྣམ་པ་གཉིས་ལས་ཉོན་མོངས་པའི་ལྟུང་བ་འབྱུང་ངོ་། །རིང་བ་ལས་ཏེ། གང་དྲན་པ་ཉམས་པར་གྱུར་པ་
[265a.4]ལས་ཁ་ན་མ་ཐོ་བ་དང་བཅས་པའི་ལྟུང་བ་འབྱུང་བར་བྱེད་པ་དང་། ཉེ་བ་ལས་ཏེ། གང་བདག་ཉིད་མངོན་སུམ་དུ་གྱུར་ཅིང་ལྟུང་བ་འབྱུང་བར་བྱེད་པའོ། །དེ་ལ་དགེ་སློང་གིས་གླེང་གཞི་ལས་བྱུང་བའི་མཚན་མོ་ཡོངས་སུ་སྤངས་པ་དེ་ཉེ་བར་ཞི་བར་བྱའོ། །དེས་ཀྱང་ཞི་བར་མི་འགྱུར་ན་གཉེན་པོ་ཡིད་ལ་བྱའོ། །
[265a.5]བདག་ཉིད་ཀྱིས་མི་ནུས་ན་བླ་མའི་གནས་ལྟ་བུ་དང་། མདོ་སྡེ་དང་། འདུལ་བ་དང་། མ་མོ་འཛིན་པ་རྣམས་ལས་གཉེན་པོ་རིག་པར་བྱ་བ་དང་ཡིད་ལ་བྱའོ། །གལ་ཏེ་ཡང་མི་ནུས་ན་ཀློག་པ་དང་། ཁ་ཏོན་བྱ་བ་དང་། དོན་མཉན་པ་དང་། བསམ་པ་དང་། དཀོན་མཆོག་གསུམ་ལ་མཆོད་པ་དང་། བླ་མའི་གནས་
[265a.6]ལྟ་བུ་ལ་ཞལ་ཏའི་ལས་བྱ་བ་དང་། ཡུལ་གཞན་དུ་འགྲོ་བ་དང་། ཟས་བསྐྱུང་བ་ལ་སོགས་པས་དབྲལ་བར་བྱའོ། །གལ་ཏེ་ཡང་མ་ནུས་ན་མ་དག་གཞིན་དུ་དད་པས་སྦྱིན་པ་བདག་གིས་སྤྱད་པར་མི་རིགས་སོ་སྙམ་དུ་ངོ་ཚ་བ་བསྐྱེད་པར་བྱའོ། །སྟོན་པ་གཟིགས་པ་དང་། ལྷ་རྣམས་ཀྱིས་ལྷའི་མིག་གིས་དང་།
[265a.7]ཚངས་པ་མཚུངས་པར་སྤྱོད་པ་རྣམས་ཀྱང་བདག་ལ་ལྟའོ་ཞེས་སོ། །ཅི་སྐད་བསྟན་པ་དེ་བཞིན་དུ་མི་བྱེད་ན་ཐམས་ཅད་ཉེས་བྱས་སོ། །དད་པས་བྱིན་པ་ཡོངས་སུ་ལོངས་སྤྱོད་ན་ཡང་ཉེས་བྱས་སོ། །དེ་བཞིན་དུ་བྱས་པ་ལས་ཀྱང་ཉོན་མོངས་པ་མང་ཞིང་འཁྲུལ་བར་གྱུར་ན་དད་པས་བྱིན་པ་ཡོངས་སུ་ལོངས་སྤྱོད་ཀྱང་ལྟུང་བ་
[265b]
[265b.1]མེད་དོ། །མཚན་མ་སྤངས་པ་ལ་སོགས་པ་ཐམས་ཅད་བྱས་ཀྱང་བདག་གིས་མི་ནུས་པར་མཐོང་ནས་བསླབ་པ་དབུལ་བར་བྱའོ། །དེའི་ཕྱིར་ཉོན་མོངས་པ་སྤང་བའི་ཕྱིར་སྦྱོར་བར་མི་བྱེད་ན་ལྟུང་བ་མང་དུ་འབྱུང་ངོ་། །དེའི་གླེང་གཞི་འབྱུང་བའི་ཕྱིར་དད་པས་བྱིན་པ་ཡོངས་སུ་ལོངས་སྤྱད་པར་བྱ་བར་མི་རིགས་སོ། །དེ་ལྟ་བས་
[265b.2]ན་དེས་དེ་ཡོངས་སུ་སྤྱོད་ན་ཉོན་མོངས་པ་མང་དུ་འགྱུར་རོ། །རྩོད་པ་ཞི་བར་བྱ་བ་རྫོགས་སོ།། །།བཅོམ་ལྡན་འདས་དེའི་འདི་དག་གོ་ཞེས་བྱ་བ་ནི་རྒྱ་ཆེར་དབྱེ་བའོ། །འདི་ཡང་རྒྱ་ཆེར་བརྗོད་ལ་མདོར་བསྡུས་པ་ཡིན་པ་སྟེ། རྗེས་སུ་གནང་བའང་མ་ལགས་བཀག་པའང་མ་ལགས་པ་དེ་ལ་ཅི་ལྟར་བསྒྲུབ་
[265b.3]པར་བགྱི། ཅི་སྐད་དུ་ཕྲན་ཚེགས་ལས་འབྱུང་བའི་འདུལ་བ་མདོར་བསྡུས་པ་རྗེས་སུ་དྲན་པར་བྱས་ཏེ། དགེ་སློང་རྣམས་ཅི་སྐད་དུ་སྨྲ་བ་ངས་ཐོག་མ་ནས་བཀག་པ་ཡང་མེད་ལ་རྗེས་སུ་གནང་བ་ཡང་མེད་པ་དེ་ནི་གལ་ཏེ་མི་རུང་བ་དང་། རྗེས་སུ་མི་མཐུན་པ་ལ་གལ་ཏེ་རུང་བ་དང་རྗེས་སུ་མཐུན་ན་རུང་བའོ་ཞེས་བྱས་
[265b.4]ལ་སྤྱད་པར་བྱའོ། །རུང་བ་དང་རྗེས་སུ་མི་མཐུན་མི་རུང་བ་དང་རྗེས་སུ་མཐུན་ན་མི་རུང་བའོ་ཞེས་བྱས་ཏེ་སྤྱད་པར་མི་བྱའོ་ཞེས་གསུངས་པ་ལྟ་བུའོ། །མདོར་གཏོགས་པ་ཞེས་བྱ་བ་ནི་ཚིག་ནང་དུ་འདུས་པའོ། །མདོར་བསྡུས་པ་ཞེས་བྱ་བ་ནི་དོན་ནང་དུ་འདུས་པའོ། །གཞན་
[265b.5]ཡང་ཞེས་བྱ་བ་ནི་གཞི་ལ་སོགས་པའི་གཞུང་ལས་འབྱུང་བའོ། །ཆོས་ཀྱི་རྗེས་སུ་མཐུན་པའི་ཆོས་ཞེས་བྱ་བ་ནི་མྱ་ངན་ལས་འདས་པའི་ཆོས་དང་མཐུན་པ་ནན་ཏན་དུ་བྱེད་པའི་ཆོས་ཞེས་བྱའོ། །ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་ཉན་ཐོས་རྣམས་ནི་དཀའ་ཐུབ་དཀའ་བ་ལ་ལྷག་པར་མོས་
[265b.6]པར་འགྱུར་ཏེ། དེ་དག་ཀྱང་དཀའ་ཐུབ་དཀའ་བ་ལ་ནན་ཏན་དུ་བྱེད་ཅིང་དེའི་འབྲས་བུ་དང་། དེ་སྟོན་པ་ལ་ལྷག་པར་མོས་ནས་དེ་ཡང་དེ་བཞིན་དུ་ལྷག་པར་མོས་ཏེ་གལ་ཏེ་ལས་རྙིང་པ་རྣམས་ནི་དཀའ་ཐུབ་ཀྱིས་ཟད་པར་འགྱུར། ལས་སར་བ་རྣམས་ནི་མ་བྱས་ནས་ཆུ་ལོན་བཞིན་ཏེ། དེ་ལྟར་ན་ཚེ་ཕྱི་མ་ཟག་པ་མེད་དོ། །ཟག་པ་
[265b.7]མེད་པས་ན་ལས་ཟད། ལས་ཟད་པས་ན་སྡུག་བསྔལ་ཟད། སྡུག་བསྔལ་ཟད་པས་ན་སྡུག་བསྔལ་མཐར་བྱེད་པར་འགྱུར་རོ། །གང་དེ་ལྟར་སྟོན་པ་དེ་ནི་དགེ་སྦྱོང་ཡིན་ནོ་ཞེས་དེ་ལྟ་བུར་ལྷག་པར་མོས་པའི་གཉེན་པོར་བཅོམ་ལྡན་འདས་དེས་ཉན་ཐོས་རྣམས་ལ་སོ་སོར་ཐར་པ་འདི་གསུངས་སོ། །བཟོད་པ་དཀའ་ཐུབ་
[266a]
[266a.1]དམ་པ་ཞེས་བྱ་བར་རྒྱ་ཆེར་རོ། །དེ་ལ་དཀའ་ཐུབ་དཀའ་བ་ལ་ལྷག་པར་མོས་པའི་གཉེན་པོར་གསུངས་པ་ནི་བཟོད་པ་དཀའ་ཐུབ་དམ་པའོ། །ལུས་གདུང་བ་ལས་མ་ཡིན་ནོ། །སེམས་གདུང་བ་དེ་ཉིད་གོམས་པར་བྱ་བར་མཆོག་ཏུ་དཀའ་བའི་ཕྱིར་རོ། །དེའི་འབྲས་བུ་ལ་ལྷག་པར་མོས་པའི་གཉེན་པོར་
[266a.2]བཟོད་པའི། མྱ་ངན་འདས་པ་མཆོག་ཅེས་སངས་རྒྱས་གསུངས། །ཞེས་བྱ་བ་གསུངས་ཏེ། ཆོས་ལ་ངེས་པར་རྟོག་པའི་བཟོད་པ་འདོད་པ་དེ་ནི་འདིར་བཟོད་པ་ཞེས་བྱ་བར་དགོངས་སོ། །གང་ལ་བརྟེན་ཏེ་མྱ་ངན་ལས་འདས་པའོ། །མཆོག་ཅེས་བྱ་བ་ནི་དམ་པ་སྟེ་རྟག་ཏུ་དགེ་བའི་ཕྱིར་རོ། །ཡེ་ཤེས་ཀྱིས་མྱ་ངན་ལས་
[266a.3]འདའ་བ་ཐོབ་ཀྱི་དཀའ་ཐུབ་དཀའ་བས་མ་ཡིན་པས་ན། དེ་དེ་ལྟར་ན་བཟོད་པས་འཐོབ་པའི་མྱ་ངན་ལས་འདའ་བ་ནི། བཟོད་པའི་མྱ་ངན་འདའ་བ་ཞེས་བྱ་བ་ཚིག་བར་མ་ཕྱི་མས་བསྟན་ཏོ། །དེ་སྐད་སྟོན་པའི་གཉེན་པོར། རབ་ཏུ་བྱུང་བ་མ་ཡིན་ཞེས་བྱ་བ་ལ་སོགས་པ་གསུངས་ཏེ། གང་ལུས་གདུང་བར་དོན་
[266a.4]མེད་པ་ལ་གཞན་ཉེ་བར་གདུང་དུ་འཇུག་པར་བྱེད་པ་དེ་ནི་གཞན་ལ་གནོད་པར་བྱེད་པ་དེ་དག་དགེ་སྦྱོང་མ་ཡིན་ཏེ། དེ་ལྟ་མོད་ཀྱི་འོན་ཀྱང་གཞན་ལ་ལོག་པར་སྦྱོར་བས་སྦྱོར་བ་བརྩམས་ཏེ་སྤྱོད་པར་བྱེད་པ་འཆེ་བ་ཡིན་ནོ། །ཡང་དག་པར་རྫོགས་པའི་སངས་རྒྱས་གཙུག་ཏོར་ཅན་གྱི་ཉན་ཐོས་རྣམས་ནི་ཕལ་ཆེར་
[266a.5]མཐོ་རིས་སུ་སྨོན་ལམ་འདེབས་ཤིང་ཚངས་པར་སྤྱད་པ་ལྷག་པར་མོས་པར་འགྱུར་ཏེ། དེ་ལྟར་ལྷག་པར་མོས་པའི་གཉེན་པོར་བཅོམ་ལྡན་འདས་དེས། སོ་སོར་ཐར་པའི་མིག་ལྡན་ཉམ་ང་བདག་ཇི་བཞིན་དུ། །ཞེས་བྱ་བ་འདི་རྒྱ་ཆེར་གསུངས་སོ། །དེ་ལ་ཤེས་རབ་ནི་མིག་གི་གནས་ལྟ་བུའོ། །དེ་དང་
[266a.6]ལྡན་པས་ན་མིག་ལྡན་ཞེས་བྱ་སྟེ། ཇི་བཞིན་ཞེས་བྱ་བའི་སྒྲ་ནི་གཉི་ག་དང་འབྲེལ་ཏོ། །ཉམ་ང་བ་དང་འདྲ་བ་ནི་མཐོ་རིས་ཡིན་ཏེ། དེར་སྤྱོད་པ་ནི་ངན་སོང་གི་འགྲོ་བར་ལྟུང་བར་འགྱུར་རོ། འགྲོ་བ་ཡོད་པའི་ཞེས་བྱ་བ་ནི་མྱ་ངན་ལས་འདས་བ་ནི་འགྲོ་བ་དང་འདྲ་བའོ། །མཁས་དང་ཞེས་བྱ་བ་ནི། ཐབས་ལ་མཁས་
[266a.7]པའོ། །སྡིག་པ་དག་ནི་ཡོངས་སུ་སྤང་། །ཞེས་བྱ་བ་ནི། མཐོ་རིས་སུ་སྨོན་པ་ལས་སླར་བཟློག་པའོ། །གང་སྡིག་པའི་བྱེད་པ་ཐོབ་པས་མཐོ་རིས་སུ་འདོད་པ་དེས་ནི་སྡིག་པ་སྤངས་པ་མ་ཡིན་ནོ། །ཡང་དག་པར་རྫོགས་པའི་སངས་རྒྱས་ཐམས་ཅད་སྐྱོབ་དེའི་ཉན་ཐོས་རྣམས་ནི་ཚུལ་ཁྲིམས་ཙམ་གྱིས་
[266b]
[266b.1]མགུ་བར་འགྱུར་ཏེ། གཞན་དག་ཀྱང་ཉེས་པར་བཤགས་པར་ཞུགས་པ་རྣམས་ལ་དེ་དག་སྐུར་པ་འདེབས་ཤིང་ངག་དང་ཡིད་ཀྱིས་དེ་དག་ལ་གནོད་པར་བྱེད་ལ། བདག་ཉིད་ཀྱང་ཚུལ་ཁྲིམས་ཙམ་གྱིས་མགུ་བས་ན་དགེ་སྦྱོང་གི་འབྲས་བུ་ཡང་ཐོབ་པར་མི་འགྱུར་ཏེ། བཅོམ་ལྡན་འདས་ཀྱིས་ཉེས་པ་དེའི་གཉེན་པོར་ཉན་
[266b.2]ཐོས་རྣམས་དང་སོ་སོར་ཐར་པ་འདི་གསུངས་སོ། །དེ་ལ་སྐུར་པ་འདེབས་པའི་གཉེན་པོར། སྐུར་པ་མི་འདེབས་ཞེས་གསུངས་སོ། །ཡིད་ཀྱིས་གནོད་པ་བྱེད་པའི་གཉེན་པོར་གནོད་མི་བྱ་ཞེས་བྱ་བ་གསུངས་སོ། །དགེ་སྦྱོང་གི་འབྲས་བུ་མི་འཐོབ་པའི་གཉེན་པོར་སོ་སོར་ཐར་པའང་ཞེས་བྱ་བ་རྒྱ་ཆེར་གསུངས་སོ། །
[266b.3]མྱ་ངན་ལས་འདའ་བའི་དབང་དུ་བྱས་པའི་ཚུལ་ཁྲིམས་ལ་བརྟེན་ནས་འདོད་པས་བསོད་ནམས་དང་། བདག་ཉིད་དུབ་པ་ལ་སྦྱོར་བའི་མཐའ་གཉིས་སྤོངས་ལ་ཞི་བའི་གནས་སུ་ཞུགས་ཏེ། ཞི་གནས་ལ་བརྟེན་ནས་ཐར་བར་འགྱུར་རོ་ཞེས་བྱ་བའོ། །ཡང་དག་པར་རྫོགས་པའི་སངས་རྒྱས་ལོག་པར་དད་སེལ་གྱི་ཉན་ཐོས་
[266b.4]རྣམས་ལ་ཕལ་ཆེར་རྙེད་པ་དང་བཀུར་སྟི་ལ་འདོད་པར་གྱུར་དེ་འདོད་པའི་གཉེན་པོར་བཅོམ་ལྡན་འདས་དེས་ཉན་ཐོས་རྣམས་ལ་སོ་སོར་ཐར་པ། ཇི་ལྟར་བུང་བ་ཞེས་བྱ་བ་ལ་སོགས་པ་འདི་གསུངས་སོ། །ཁ་དོག་ནི་དགེ་སྦྱོང་གི་ཚུལ་ཁྲིམས་ཡིན་ཏེ། དེས་ནི་མཛེས་བར་འགྱུར་རོ། །དྲི་ནི་ཏིང་ངེ་འཛིན་ཏེ་སྦྱོར་བ་
[266b.5]ཕྲ་མོས་ཚིམ་པར་འགྱུར་རོ། །ཡང་དག་པར་རྫོགས་པའི་སངས་རྒྱས་གསེར་ཐུབ་ཀྱི་ཉན་ཐོས་རྣམས་ལས་ཕལ་ཆེར་སྐྱེས་བུ་དམ་པ་མ་ཡིན་པའི་ཆོས་ལ་འཇུག་པར་འགྱུར་ཏེ། དེ་དག་བདག་ཉིད་ལ་ནི་བསྟོད། ཕ་རོལ་པོ་རྣམས་ལ་ཡང་སྨོད་པར་བྱེད་ཅིང་། དེ་རྣམས་ནི་ཐོས་པའི་ལོངས་སྤྱོད་ལ་བརྩམས་
[266b.6]ཏེ། འབེལ་བའི་གཏམ་རྣམ་པར་ངེས་པ་ལ་གཞན་དག་ལ་མི་མཐུན་པར་བརྗོད་པས་ན། བཅོམ་ལྡན་འདས་དེས་དེའི་གཉེན་པོར་གཞན་རྣམས་ཀྱི་མི་མཐུན་པ་མིན་ཞེས་བྱ་བ་གསུངས་སོ། །ཚུལ་ཁྲིམས་ཀྱི་ལོངས་སྤྱོད་ལས་བརྩམས་ཏེ། གཞན་རྣམས་ལ་བྱས་པ་དང་། མ་བྱས་པ་སྦྱོར་བའི་
[266b.7]ལྟུང་བ་ལ་རྟོག་པས་ན་གཞན་དག་གི །བྱས་དང་མ་བྱས་རྣམས་ལ་མིན། །ཞེས་བྱ་བ་གསུངས་སོ། །སྔ་མའི་གཉེན་པོ་ཡང་བདག་གི་ལས་རྟག་པར་བྱ་སྟེ་ཞེས་བྱ་བ་ལ་སོགས་པ་གསུངས་སོ། །རིགས་དང་མི་རིགས་རྣམས་ལ་ཡང་། །ཞེས་བྱ་བ་ནི་ལེགས་པར་བྱས་པ་དང་ཉེས་པར་བྱས་པ་ཞེས་བྱ་བའི་ཐ་ཚིག་གོ། །
[267a]
[267a.1]ཡང་དག་པར་རྫོགས་པའི་སངས་རྒྱས་འོད་སྲུངས་ཀྱི་ཉན་ཐོས་རྣམས་ལས་ཕལ་ཆེར་སྙོམས་པར་འཇུག་པའི་རོ་མྱང་བར་གྱུར་ནས། ཉེས་པ་དེའི་གཉེན་པོར་བཅོམ་ལྡན་འདས་དེས་སོ་སོར་ཐར་པ། ལྷག་པའི་སེམས་ལ་བག་བྱ་སྟེ། །ཞེས་བྱ་བ་འདི་གསུངས་སོ། །ལྷག་པའི་སེམས་ལ་བག་མེད་པ་མ་
[267a.2]བྱེད་ཅིག་ཅེས་བྱ་བ་ཡིན་ནོ། །ཏིང་ངེ་འཛིན་གྱི་རོ་མྱང་བ་ལས་བཟློག་པའོ། །ཐུབ་པའི་ཐུབ་གཞི་རྣམས་ལ་བསླབ། །ཅེས་བྱ་བ་ནི། བདེན་པ་རྣམས་མངོན་པར་རྟོགས་པ་ལས་འཇུག་པའོ། །བདེན་པ་དག་ནི་ཐུབ་པའི་གཞི་རྣམས་ཏེ། །ཐུབ་པའི་སྐྱེ་མཆེད་དུ་འགྱུར་བའོ། །སྐྱོབ་པ་མྱ་ངན་མེད་པ་ཡིན། །ཉེར་
[267a.3]ཞི་རྟག་ཏུ་དྲན་ལྡན་པའི། །ཞེས་བྱ་བ་ནི་བདེན་པ་མཐོང་བའི་ཕན་ཡོན་བསྟན་པའོ། །གང་ཏིང་ངེ་འཛིན་ཐོབ་ཏུ་ཟིན་ཀྱང་། དུས་དེ་སྲིད་དུ་མྱ་ངན་རྣམས་མེད་པར་གྱུར་ཏེ། ཏིང་ངེ་འཛིན་མ་ཉམས་པས་ཉོན་མོངས་པ་རྣམས་ཉེ་བར་ཞི་བར་འགྱུར་བ་དང་། དྲན་པ་དང་ལྡན་པར་ཡང་འགྱུར་མོད་ཀྱི་ཚེ་ཕྱི་མ་ལ་ནི་སླར་
[267a.4]ཡང་མྱ་ངན་དུ་འགྱུར་བ་དང་། སླར་ཡང་ཞི་བར་མི་འགྱུར་བ་དང་། ཡང་བརྗེད་པའི་ཆོས་ཡིན་པས་ན་དྲན་པ་དང་ལྡན་པར་ཡང་མི་འགྱུར་རོ། །མངོན་པར་རྟོགས་པར་འགྱུར་བའི་གང་ཟག་གོང་མའི་ཆ་དང་མཐུན་པའི་ཀུན་དུ་སྦྱོར་བའི་ལྷག་མ་སྤང་བའི་རིམ་པ་སྦྱིན་པས་ཞེས་བྱ་ལ་སོགས་པས་སྟོན་ཏེ། དེ་ལ་ཚིགས་
[267a.5]གསུམ་གྱིས་ནི་འདོད་པ་ན་སྤྱོད་པའི་ཀུན་དུ་སྦྱོར་བ་སྤང་བ་སྟེ། འདི་ལྟར་ཕོངས་པ་དང་། དྲི་མ་དང་། འཇུངས་བ་དང་བྲལ་བས་གཏོང་བ་བསྐྱེད་དེ། འཕགས་པ་རྣམས་དགྱེས་པའི་ཚུལ་ཁྲིམས་ལ་སློབ་པའི་ཚེ་སྙོམས་པར་འཇུག་པའི་དགེ་བའི་སྟོབས་ཀྱིས་སྡིག་པའི་མིང་དུ་བྱ་བ། འདོད་པ་ན་སྤྱོད་པའི་ཉོན་མོངས་
[267a.6]པའི་ལས་དང་། ཀུན་ནས་ཉོན་མོངས་པ་སྤོང་ངོ་། །ཉོན་མོངས་པ་རྣམས་ཟད་ནས་མྱ་ངན་ལས་འདས་ཏེ། ཁམས་གསུམ་གྱི་ཀུན་དུ་སྦྱོར་བ་ཐམས་ཅད་སྤངས་པའོ། །ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པའི་ཉན་ཐོས་རྣམས་ནི་ཕལ་ཆེར་ཉོན་མོངས་པ་མང་སྟེ། དེ་དག་སྡིག་པ་ཡང་བྱེད་པ་དང་། དགེ་
[267a.7]བ་ལ་ཕུན་སུམ་ཚོགས་པར་བྱེད་པ་དང་། དགེ་བའི་ཕྱོགས་ཅུང་ཟད་ཙམ་གྱིས་ཀྱང་མགུ་བར་འགྱུར་ཏེ། དེ་བཟློག་པར་བྱ་བའི་དོན་དང་། དེ་སྤང་བའི་ཐབས་སུ་བསྟན་པར་བྱ་བའི་དོན་དང་། དེ་ལ་སྦྱོར་བ་རྣམས་དྲན་པ་མི་བརྗེད་པའི་ཐབས་བསྟན་པའི་ཕྱིར། བཅོམ་ལྡན་འདས་དེས་དགེ་སློང་གི་དགེ་འདུན་ཆུ་བུར་མ་བྱུང་བ་ན་
[267b]
[267b.1]སོ་སོར་ཐར་པ་ཚིགས་སུ་བཅད་པ་གསུམ་གྱིས་ཏེ། དེ་ལ་ཚིགས་སུ་བཅད་པ་དང་པོའི་རྩ་བ་གསུམ་གྱིས་ནི་ཅི་ལྟར་གོ་རིམས་སུ་ལོག་པར་བྱེད་པ་རྣམ་པ་གསུམ་བཟློག་པ་སྟེ། རང་གི་སེམས་ནི་ཡོངས་སུ་གདུལ། །ཞེས་བྱའོ། །གཉིས་པ་ནི་དེ་སྤངས་པའི་ཐབས་བཤད་དེ། ལུས་ལ་སོགས་པ་རྣམས་ཏེ་ལས་ཀྱི་
[267b.2]ལམ་རྣམས་སོ། །སོ་སོར་སྡོམ་པ་འདི་ཡང་ལེགས་ན་འབའ་ཞིག་མ་ཡིན་པ་སྡོམ་བ་ལ་ལྟ་ཅི་སྨོས། གང་ཐམས་ཅད་སྡོམ་པ་དེ་ནི་སྡུག་བསྔལ་ཐམས་ཅད་ལས་ཐར་བར་འགྱུར་རོ། །དེ་ལྟ་བས་ན་གང་ལ་ཅི་ལྟར་ནུས་པ་དེའི་དེ་ལྟར་བསྡོམ་པར་བྱའོ། །གསུམ་པས་ནི་དྲན་པ་མི་བརྗེད་པར་བྱ་བའི་ཐབས་སྟོན་
[267b.3]ཏེ། དེས་གསུམ་དུ་དྲན་པ་བརྗེད་པ་མང་བར་གྱུར་ནས། ཕ་རོལ་པོས་ཁ་ན་མ་ཐོ་བ་གླེང་བ་ལ་སོགས་པ་དེ་ལ་ལན་བཏབ་པར་འདོད་ནས། ངག་རྣམས་རྗེས་སུ་བསྲུང་ཞིང་ཞེས་བྱ་བ་གསུངས་སོ། །ཉམས་སུ་མྱོང་བའི་ཡུལ་ལ་རྣམ་པར་རྟོག་པའི་དུས་སུ་ཡིད་ཀྱིས་རབ་བསྡམས་ཏེ་ཞེས་
[267b.4]བྱ་བ་གང་གསུངས་སོ། །སྤྱོད་ཡུལ་མ་ཡིན་པར་རྒྱུ་བ་ལ་སོགས་པའི་དུས་སུ་ཡང་། གང་སྤྱོད་ཡུལ་མ་ཡིན་པ་རྣམ་པ་ལྔ་ལ་རྒྱུ་ཞིང་སྤྱོད་པའི་ཚེ་བླང་བར་མི་བྱ་བ་ལེན་པ་དང་། བཟའ་བར་མི་བྱ་བ་ཟ་བ་དང་། གཞན་ལ་ཡང་ལུས་ཀྱི་རྣམ་པར་འཚེ་བའི་ཕྱིར་ལུས་ཀྱིས་མི་དགེ་བ་དག་མི་བྱེད་ཅིང་
[267b.5]ཞེས་བྱ་བ་གང་གསུངས་པའོ། །དེ་ལ་ངག་ཀྱང་རྗེས་སུ་བསྲུང་བར་བྱ། ཡིད་ཀྱང་ཤིན་ཏུ་བསྡམ་པར་བྱ། །ལུས་ཀྱི་མི་བྱེད་པར་དྲན་པ་ཉེ་བར་གཞག་གོ། །ལས་ལམ་གསུམ་པོ་འདི་དག་རབ་སྦྱངས་ན། །ཞེས་བྱ་བ་ནི། རང་གི་སེམས་ནི་ཡོངས་སུ་གདུལ། །ཞེས་བྱ་བ་སྔར་བསྟན་
[267b.6]པའི་ཐབས་སུ་གསུངས་པའོ། །སངས་རྒྱས་རྣམ་གཟིགས་ཞེས་བྱ་བ་ལ་སོགས་པ་ཚིགས་སུ་བཅད་པ་གསུམ་པོ་ནི། ཡང་དག་པར་སྡུད་པར་བྱེད་པའི་ཚིག་གོ། །ལྷ་ཡི་ལྷ་ཞེས་བྱ་བ་ནི་སངས་རྒྱས་ཐམས་ཅད་རང་བྱུང་བའི་ཕྱིར་རྣམ་པར་དག་པའི་ལྷའོ། །ཤཱཀྱ་ཐུབ་པ་ནི་ལྷའི་ཡང་ལྷ་སྟེ། དེས་ནི་འདི་ལྟར་སྙིགས་
[267b.7]མ་ལྔ་བདོ་བའི་དུས་སུ་གདུལ་དཀའ་བའི་མི་རྣམས་གདུལ་བ་ཁ་ལོ་སྒྱུར་བའི་ཕྱིར་གཞན་ནི་མ་ཡིན་ནོ། །གང་དེ་མ་ཐག་པ་ཉིད་དུ་བརྩམ་པར་བྱ་ཞེས་བྱ་བ་ལ་སོག་གབ་ཚིགས་སུ་བཅད་པ་གཉིས་གསུངས་པ་ནི། ཡང་དག་པར་སྡུད་པར་བྱེད་པ་དག་གིས་མདོ་སྡེའི་ནང་ནས་ཕྱུང་བའོ། །བརྩམ་ཞེས་བྱ་
[268a]
[268a.1]བ་ནི་རབ་ཏུ་བྱུང་བར་སྦྱོར་བའོ། །འབྱུང་བར་བྱ་ཞེས་བྱ་བ་ནི་རབ་ཏུ་འབྱུང་བའོ། །འཇུག་པར་བྱ་ཞེས་བྱ་བ་ནི་མཐོང་བའི་ལམ་བསྐྱེད་པའོ། །འཆི་བདག་སྡེ་ནི་གཞོམ་པར་བྱ། །ཞེས་བྱ་བ་ནི་བསྒོམ་པའི་ལམ་མོ། །བཅོམ་ལྡན་འདས་ཀྱིས་བཀའ་སྩལ་
[268a.2]པ་མ་ཡིན་ཏེ། གཉིས་པོ་ཅི་ལྟར་བཀའ་སྩལ་པའི་སྒྲུབ་པ་བྱེད་པའི་ཕན་ཡོན་བརྗོད་པའོ། །གང་གི་ཕྱིར་ནི་མདོ་བཏོན་དང་། །ཞེས་བྱ་བ་ནི་ཡང་དག་པར་སྡུད་པར་བྱེད་པའི་ཚིག་ཡིན་ཏེ། སྲོག་ལ་ལྟོས་པ་མེད་པར་ཚུལ་ཁྲིམས་ཡོངས་སུ་བསྲུང་བར་བྱ་བར་བསྟན་པའོ། །འཕགས་
[268a.3]པ་གཞི་ཐམས་ཅད་ཡོད་པར་སྨྲ་བའི་འདུལ་བ་བསྡུས་པ་རྫོགས་སོ།། །།སློབ་དཔོན་ཁྱད་པར་བཤེས་གཉེན་གྱིས་མཛད་པའོ།། །།རྒྱ་གར་གྱིས་མཁན་པོ་ཤཱི་ལེནྡྲ་བོ་དྷི་དང་། རྒྱ་གར་གྱི་མཁན་པོ་ཤཱཀྱ་པྲ་བྷ་དང་། ཞུ་ཆེན་གྱི་ལོ་ཙཱ་བ་བཻ་ཙ་ན་རཀྵི་ཏས་བསྒྱུར་བའོ། །སླད་ཀྱི་ཁ་
[268a.4]ཆེའི་མཁན་པོ་ཛྙཱན་ཤྲཱི་བྷ་དྲ་དང་། ལོ་ཙཱ་བ་ཤཱཀྱའི་དགེ་སློང་རྒྱལ་བ་ཤེས་རབ་དང་། ལོ་ཙཱ་བ་ཤཱཀྱའི་དགེ་སློང་ཤཱཀྱ་བཤེས་གཉེན་གྱིས་བཅོས་ཤིང་ཞུས་ཏེ་གཏན་ལ་ཕབ་པའོ།། །།དགེ་ལེགས་སྙན་པའི་འབྲུག་སྒྲས་འཛམ་གླིང་ཁྱབ་གྱུར་ཅིང་། །རིག་པའི་གནས་ལྔ་ཟླ་བས་
[268a.5]བློ་ཡི་ཀུ་མུད་རྒྱས། །རྒྱལ་བས་ལུང་བསྟན་ཁ་ཆེའི་གྲོང་ཁྱེར་དཔེ་མེད་ཀྱི། །ཛྙཱ་ན་ཤཱི་ལར་བོད་རྗེ་བཀྲ་ཤིས་རྩེ་ལྡེའི་བཀས། །རྒྱུད་བསྐུལ་བོད་ཀྱི་སྤྱི་མཐུན་བསོད་ནམས་དག་གིས་ནི། །ཐོ་ལིང་གཙུག་ལག་ཁང་དུ་ཆོས་ཀྱི་སྦྲང་རྩི་ཡིས། །འགྲོ་བ་ཚིམ་མཛད་དེ་ལ་ཤཱཀྱའི་དགེ་སློང་ནི། །
[268a.6]རྒྱལ་བའི་ཤེས་རབ་ཅེས་བྱ་ཚུལ་ཁྲིམས་གཡག་རྔ་དང་། །མིག་གི་འབྲས་བུ་བཞིན་དུ་བསྲུང་བའི་བདག་ཉིད་ཅན། །ཐུགས་རྗེའི་སྤྲིན་ལས་བྱུང་བ་འདུལ་བའི་བདུད་རྩི་ཡི། །ཆར་གྱི་རྒྱུན་འབེབས་ཚུལ་ཁྲིམས་ལོ་ཏོག་སྐྱེད་མཛད་པ། །སྐྱེས་ཆེན་དེ་ཡིས་འགྲོ་ལ་ཕན་ཕྱིར་ཛྙཱ་ན་ཤཱི་ལར་
[268a.7]ཞུས། །འདུལ་བ་འཛིན་པ་ཆེན་པོ་དེ་དང་ཤཱཀྱའི་བཤེས་གཉེན་གྱིས། །སྔར་འགྱུར་ཅུང་ཟད་མ་དག་པ་ཡི་རྟོགས་པར་དཀའ་བ་རྣམས། །ལེགས་པར་བཅོས་ནས་ཞུ་ཆེན་བྱས་པ་འདི་ལ་འཇུག་པར་རིགས།། །།