[1a]
[1a.1]{T4306}༄། །སྦྱོར་བ་བརྒྱ་བ་བཞུགས།#
[1b]
[1b.1]༄༅༅། །རྒྱ་གར་སྐད་དུ། ཡོ་ག་ཤ་ཏ་ཀ །བོད་སྐད་དུ། སྦྱོར་བ་བརྒྱ་པ། སངས་རྒྱས་སྨན་གྱི་བླ་བཻ་ཌཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །འཕགས་པ་ཀླུ་སྒྲུབ་ལ་
[1b.2]ཕྱག་འཚལ་ལོ། །རིང་དུ་གྲགས་པའི་གསོ་དཔྱད་#ནས། །མཐའ་ཡས་རྒྱུད་ཀྱི་གཅེས་པ་བླངས། །སྨན་པ་མཁས་པར་རབ་མཆོད་པའི། །སྦྱོར་བ་བརྒྱ་ཡིས་བཅིང་བར་#བྱ། །བདུད་
[1b.3]རྩི་ལྟ་བུའི་སྨན་སྦྱོར་གྱིས། །ལུས་ནི་ནད་མེད་འགྱུར་བ་ཡིན། །གསོ་དཔྱད་ཤེས་པའི་སྨན་པ་ཡིས། །ནད་རྒྱུ་མཚན་ཉིད་ཡོངས་སུ་བརྟག །སླེ་ཏྲེས་གླ་#སྒང་བྱི་ཚེར་བཅའ་སྒ་དང་། །བྱི་
[1b.4]ཚེར་གླ་སྒང་ཏིག་ཏ་པརྤ་ཏ། །བ་ཤཀ་#བྱི་ཚེར་བཅའ་སྒ་གླ་སྒང་རྣམས། །བསྐོལ་ཐང་རླུང་མཁྲིས་བད་ཀན་རིམས་ལ་བཏུང་། །ཀྵུ་ཏྲ་སླེ་ཏྲེས་བཅའ་སྒ་པུཥྐ་རཽ#། །བསྐོལ་བའི་ཐང་
[1b.5]བྱས་བད་ཀན་རླུང་མཆོག་ལ། །ལུད་པ་དབུགས་མི་བདེ་བཅས་དང་ག་#མེད། །གཞོགས་གཟེར་ཉེས་གསུམ་ལས་བྱུང་རིམས་#ལའང་བསྔགས། །དོང་ག་དྲོད་སྨན་ནར་རྩ་གླ་སྒང་དང་། །ཧོང་ལེན་
[2a]
[2a.1]ཨ་རུ་ར་རྣམས་བསྐོལ་བའི་ཐང་། །གཟེར་བཅས་ཚད་འཁྲུ་བད་རླུང་ལྡན་རིམས་ལ། །ཕན་ནོ་དྲོད་སྐྱེད་བཞུ་བ་བྱས་པས་ཀྱང་། །རྒུན་འབྲུམ་གླ་སྒང་ཧོང་ལེན་ཨ་རུ་ར། །དོང་ག་པརྤ་ཏ་ཀའི་
[2a.2]ཐང་བྱས་ལ། །མཁྲིས་བྱུང་རིམས་དང་བླ་འཆོལ་#བརྒྱལ་བ་དང་། །མགོ་འཁོར་ཚ་སྐམ་སྐོམ་དད་ལྡན་རྣམས་ཕན#། །ཀཎྜ་ཀ་#རི་བཅའ་སྒ་སླེ་ཏྲེས་བསྐོལ། །དྲོད་#སྨན་ནར་མོ་བསྲེས་པའི་ཐང་འཐུངས་པས། །
[2a.3]གསུས་གཟེར་ལུད་པ་ཚད་རྙིང་དང་ག་མེད། །ཕོ་བའི་ནད་ཆམ་#དབུགས་མི་བདེ་རྣམས་འཇོམས། །བྱི་ཚེར་པརྦ་ཏ་#ཀ་ཨ་རུ་ར། །བ་ཤ་ཧོང་ལེན་ཏིག་ཏ་#པྲི་ཡངྐུ། །ཀ་ར་ཆེར་བཏབ་བསྐོལ་བའི་ཐང་འཐུངས་
[2a.4]པས། །སྐོམ་དང་ཁྲག་མཁྲིས་རིམས་དང་ཚད་ལྡན་འཇོམས། །རིམས་#ནད་གསོ་བའི་དཔྱད་དོ། །#སྐྱེར་རྩ་འབྲས་བུ་གསུམ་དང་བཱི་ཤཱ་ལ#། །སྐྱེར་རྩ་ཕྱེ་མར་བྱས་ལ་ངེས་པར་བསྐོལ། །ཐང་ལ་སྦྲང་རྩི་
[2a.5]ལྡན་པ་འཐུངས་པ་ཡིས། །གཅིན་ཁ་སྙི་བའི་ནད་སྐྱེས་མ་ལུས་འཇོམས། །ཨུ་དི་#ཙྱ་དང་ཀ་པེད་#བོང་ང་དཀར། །གླ་སྒང་དུག་མོ་ཉུང་བཅས་ཐང་བྱས་པ། །ཚད་པ་གཟེར་#བཅས་ཁྲག་འཁྲུ་དང་བཅས་པ#།
[2b]
[2b.1]ཡུན་རིངས་#ཞུགས་པའི་འཁྲུ་བ་རྣམས་ལ་ཕན། །གླ་སྒང་བཅའ་སྒ་བོང་ང་དཀར་པོར་བཅས། །སླེ་ཏྲེས་ཆ་སྙོམས་#ཆུ་ལ་བསྐོལ་འཐུངས་པས། །མེ་དྲོད་ཞན་པའི་རྒྱུན་#གྱི་ནད་རྣམས་དང་། །ཚད་ཟིན་འཁྲུ་བའི་ནད་ཀྱང་སེལ་བར་འགྱུར། །ལྤགས་#ནད་ལྟོ་བ་ན་དང་
[2b.2]སྐྱ་རྦབ་ནད#། །སྦོས་དང་ཆམ་པ་བད་ཀན་མགུལ་#འགགས་ལ། །པུརྞ་རྣ་བ་#ཐང་ཤིང་ཨ་རུ་ར། །སླེ་ཏྲེས་བ་གཅིན་གུ་གུལ་ལྡན་པ་བཏུང་། །གླ་#སྒང་ཤི་ཀྲུ་#ཐང་ཤིང་དནྟཱི་#འབྲས། །བྱི་དང་དྲོད་#སྨན་ནར་ཕྱེ་བཅས་ཐང་གིས། །རྒྱུན་དུ་ཁ་རྐུབ་ནས་འབྱུང་
[2b.3]སྲིན་#བུ་དང་། །སྲིན་ལས་སྐྱེས་པའི་ནད་ཀྱང་འཇོམས་པར་འགྱུར། །སུཀྵྨེ་དྲོད་#སྨན་ཤིང་མངར་ན་ལེ་ཤམ། །ཨསྨ་བྷེ་དང་ཨེ་རཎ་བ་ཤ་#གཟེ། །བྲག་ཞུན་གཙོ་ཆེར་བསྐོལ་བའི་ཐང་འཐུངས་ན། །རྡེའུ་གསེག་མ་དང་བཅས་གཅིན་སྲི་སེལ། །བྲག་ཞུན་ཨསྨ་
[2b.4]བྷེ་དང་སུཀྵེ་དང་། །དྲོད་#སྨན་ཕྱེ་མ་འབྲས་བཀྲུས་ཆུ་བཏབ་བཏུང་། །ཡང་ན་བུ་རམ་དང་བཅས་འཐུངས་གྱུར་#ན། །གཅིན་སྲི་འཆི་ལ་ཐུག་པའང་འཆོ་བར་འགྱུར། །དོང་ག་དང་ནི་གཟེ་མ་ཨ་རུ་ར། །བྱི་ཚེར་ཨསྨ་བྷེ་ད་#བ་ཤ་ཀ །བསྐོལ་བའི་ཐང་ལ་སྦྲང་
[2b.5]རྩི་ལྡན་འཐུངས་ན། །ཚ་ཞིང་གཟེར་བཅས་གཅིན་སྲི་གྲོལ་བར་འགྱུར། །དོང་ག་དང་ནི་སླེ་ཏྲེས་བ་#ཤ་རྣམས། །ཨེ་རཎ་མར་ཁུ་ལ་བསྐོལ་ཐང་འཐུངས་ན། །རླུང་བྱུང་རྣམ་འགྱུར་མ་ལུས་ཁྲག་གི་ནད། །སྟེང་འོག་ལུས་ཀུན་ནས་འཛག་རིམ་པས་
[2b.6]འཇོམས། །ཏཎྜུ་ལི་#ཀའི་རྩ་བ་ལིག་བུ་མིག །འབྲས་ཀྱི་ཆུ་#ལ་སྦྲང་རྩི་ལྡན་འཐུངས་ན། །ཀུན་གྱིས་བསྐྱེད་པའི་ཁྲག་ནད་ངེས་པར་འཇོམས། །དབུགས་མི་བདེ་ལ་བྷཱརྒཱི་#བཅའ་སྒས་སོ། །བྲི་#ཧ་ཏི་གཉིས་ཨེ་རཎ་#ཀ་པེད་དང་། །མ་ཏུ་ཨསྨ་ཀྵ#ར་ཤིང་ཀུན་
[2b.7]གཟེ། །སན་དྷེ་#ཨེ་རཎ་མར་ཁུར་བསྲེས་བྱས་ཐང་། །རྐེད་པ་སྙིང་ནུ་ཕོ་མཚན་གཟེར་བས་གདུང་#། །ཤིང་ཀུན་ཤུ་དག་ཁ་རུ་བཅའ་སྒ་དང་། །གོ་སྙོད་ཨ་རུ་པུཥྐར་རུ་རྟ་རྣམས། །ཕྱི་མའི་ཆ་འཕེལ་ཕྱེ་མར་བྱས་རྣམས་ཀྱིས། །ལྟོ་སྐྲན་རིམས་རྙིང་གསུད་
[3a]
[3a.1]ནད་རྣམས་ལའོ། །བཅའ་སྒ་ཤིང་ཀུན་རུ་ཚ་ཆ་སྙོམས་ཕྱེ#། །སྒ་ཆུ་ལ་བསྐོལ་བད་ཀན་རླུང་བྱུང་དང་། །རྩིབ་ལོགས་སྙིང་རྒྱབ་གསུས་གཟེར་གསུད་རྣམས་ལ། །བཏུང་ངོ་དེ་བཞིན་ནས་ཁུས་#རྟུག་འགགས་ལའོ། །འཇམ་འབྲས་ལོ་མའི་བཱི་ཤཱ་ལཱ་ཙ་བྱ། །ཙི་
[3a.2]ཏྲ་ཚ་གསུམ་ལན་ཚྭ་གཙོ་ཆེར་བརྩེགས#། །བསྲེགས་པའི་ཐལ་བ་ཞོ་ལ་སྦྱར་འཐུངས་པས། །དམུ་སྐྲན་སྐྱ་རྦབ་རྐུབ་ཀྱི་ནད་རྣམས་སེལ། །ཤིང་ཀུན་ཤུ་དག་བཅའ་སྒ་སརྫི#ཀ །ཁ་རུ་ཕྱི་མ་ཉིས་འགྱུར་ཕྱེ་མར་བྱས། །ཆུ་དྲོན་བཏབ་འཐུངས་སྣ་ཚོགས་གསུད་གཟེར་དང་། །
[3a.3]སྙིང་ནད་སྐྲན་དང་སྟོད་དུ་རླུང་འཚངས་འཇོམས། །ཤྲིང་གི་#ཚ་གསུམ་འབྲས་གསུམ་ཀཎྜ་ཀ །བྷཱརྒཱི་པུཥྐར་ཛ་ཊཱ་ཚ་#སྣ་ལྔ། །ཕྱེ་མ་ཆུ་དྲོན་བཏབ་འཐུངས་སྐྱིགས་བུ་ལུད། །དང་ག་མེད་ཆམ་#སྟོད་རླུང་མི་བདེ་འཇོམས། །ཛམ་བུ་དུག་ཉུང་ཨརྐ་ཤིཀྲུ་#སྣུ་ཧ་བསེ་ཤིང་བྱ་
[3a.4]ཀྲི་བྲི་ཧ་ཏི། །པ་#རི་ཀ་པེད་ཚོས་ཤིང་ཛ་ཌ་ཨ་པ་#མརྒ་ནིམྦ་#ཙེ་ཏྲ་ཀ །བ་ཤ་#པུཥྐར་པ་ཊ་#ལ་དང་སེནྡྷེ་#ལྡན་པ་བསྲེགས་ཐལ་བསྐོལ་བ་ལ། །སྔར་བཤད་ཤིང་ཀུན་ལ་སོགས་བཏབ་#པའི་ཁུ་བ་ལྟོ་སྐྲན་བད་ཀན་ནད་ལ་བཏུང་། །ཙ་བྱ་#སྟར་བུ་ཚ་གསུམ་བསེ་ཡབ་བཅས། །
[3a.5]བ་ལུ་ཛཱི་ར་ཅུ་#གང་ཙི་ཏྲ་ཀ །ཕྱེ་མ་ཆ་མཉམ་བུར་བསྲེས་དྲི་གསུམ་ལྡན། །གྲེ་མཛེར་ཆམ་བད་དང་ག་མེད་ལ་བསྔགས། །བ་ལུ་ཙ་བྱན་ཤམ་མཚུངས་གཉིས་པ། །མཱུ་ལ་ཅུ་#གང་དྲོ་ཙའོ་སྒ་སུམ་#འགྱུར། །བུ་རམ་སུམ་འགྱུར་དྲི་བཟངས་རི་ལུ་བྱས#། །
[3a.6]གྲང་གཞི་གློ་རིམས་#གཟེར་བའི་གཞང་འབྲུམ་སེལ། །སྒ་དྲོས་#ནལ་ཤམ་ནཱ་ག་#འདབ་ཤིང་ཚ#། །སུཀྵྨེ་མཐའ་རིམས་གང་འཕེལ་ཕྱེ་མར་བྱས། །འདི་དག་ཆ་འདྲའི་ཀར་འགམ་གཞང་མེ་#ཞན། །དབུགས་དང་མི་བདེ་སྐྲན་འགུལ་#སྙིང་ནད་ལའོ། །སེནྡྷེ་ཤིང་ཀུན་
[3a.7]འབྲས་གསུམ་ལ་ལ་ཕུད། །ཚ་གསུམ་བུ་རམ་ཆ་རྣམས་རིལ་བུར་#བྱས། །དེ་རྣམས་མུར་ཞིང་མྱངས་པས་ཚིམ་ཐོབ་ཅིང་། །མེ་དྲོད་ཞན་ལས་རབ་ཏུ་བྱུང་བའང་སེལ། །ལྕགས་ཕྱེ་ཚ་གསུམ་རྒྱ་ཤུག་#ཆ་ཐམས་ཅད། །མཱཀྵི་ཕྱེ་མ་དང་མཉམ་དེ་རྣམས་བཟའ། །
[3b]
[3b.1]རྒུན་འབྲུམ་ལྡན་པའི་རྗེས་སུ་དར་འཐུངས་པས། །སྐྱ་རྦབ་ནད་ལ་ཕན་ཞིང་རིང་དུ་འགྲོ། །བུ་རམ་ལྡན་པའི་བཅའ་སྒའི་དྲོ་#སྨན་ནར། །གསུམ་པ་ཨ་རུ་རའམ་བལ་པོའི་སེའུ། །བད་ཀན་ཚད་རྙིང་#གཞང་འབྲུམ་ནད་རྣམས་དང་། །རྟུག་པ་འགགས་པ་རྣམས་ལའང་
[3b.2]རྟག་ཏུ་བྱ། །བཅའ་སྒ་གླ་སྒང་ཨ་རུ་ར་ཕྱེ་ལ། །བུ་རམ་ལྡན་པ་ལ་ནི་རི་ལུ་བྱ། །ལུད་པ་དབུགས་མི་བདེ་དང་ཚོ་ཆེས་རྣམས། །ཁ་རུ་རི་ལུ་མུར་བས་བཟློག་པར་འགྱུར། །ནྱ་གྲོ་ཨུཏྤལ་རུ་རྟམཱ་ཀྵི་#ཀ །ཕྱེ་མ་འབྲས་ཕྱེ་#བཅས་པ་རིལ་བུ་བྱ། །སྲ་བ་#ཁ་རུ་མུར་
[3b.3]པས་སྐོམ་དད་དང་། །རབ་ཏུ་འཕེལ་བ་མྱུར་དུ་འཇོམས་པར་འགྱུར། །ལྡོང་རོས་དྲོད་སྨན་ནར་མོ་ན་ལེ་ཤམ། །ཕྱེ་མ་ཀ་པིངྠ་སྐྱུར་ཁུ་བར་ལྡན། །འབྲས་ཕྱེ་ཆ་མཉམ་མཱཀྵི་#ཀ་བསྲེས་པའི། །ནུས་#པས་ལན་ཅིག་མ་ཡིན་སྐྱུག་པ་འཇོམས། །སྣ་ཁྲག་འཛག་
[3b.4]ལ་དཱུརྦའི་#ཁུ་བའམ། །བལ་སེའུ་མེ་ཏོག་ཁུ་སྦྱར་ངེས་པར་བསྟེན#། །བུད་མེད་ནུ་ཞོ་རྒྱ་སྐྱེགས་ཁུ་བའམ། །བི་ར་མཱཀྵི་#ཀས་ཀྱང་ཨི་ཀུ་འཇོམས། །སྐྱུ་རུ་སྤོས་དཀར་ཁུ་བ་ཁ་རུ་ཆ། །དེ་རྣམས་བསྲེས་པ་སཽ་#བི་རི་ལ་བཏགས། །དེས་འདིར་མྱུར་བར་གཞི་ནས་མེད་
[3b.5]བྱད་ཅིང་། །ཇི་ལྟའི་སྐྱིགས་བུ་སླར་མི་འབྱུང་བ་ཡིན། །དཱུརྦ་#སེནྡྷེ་ཐལ་ཀ་ཨ་རུ་ར། །ཀུ་ཐེ་ར་ཀཱ་ཀཉྫི་ཀ་དར་བཏགས། །གསུམ་པོས་བྱུགས་#པའམ་ནུ་མའི་འོག་བཏགས་པས། །ཤུ་བ་དང་ནི་གཡན་པ་རྣམ་པར་འཇོམས། །སྣུ་ཧ་ཙི་ཏྲ་བྲི་#ག་ཨརྐ་དང་། །མྱ་ངན་
[3b.6]མེད་ཤུན་རུ་རྟ་ཚ་བ་གཅིན། །བཅོས་པའི་མར་ཁུས་ཤུ་བ་མཛེ་གླང་ཤུ། །གདུག་པའི་རྨ་དང་ཟ་འབྲུམ་སེར་#ཁ་འཕྲོག །གུ་གུལ་མིག་སྨན་སྤྲ་#ཚིལ་སིནྡྷུ་ར། །སྤངས་#མ་ཆ་མཉམ་ཚ་བའི་མར་ཁུས་བཙོ། །ཁྱི་རྡོ་ཟ་ཙག་གིས་ནི་ལུས་སྐམས་ལ། །ལན་ཅིག་
[3b.7]བྱུགས་པའི་ནུས་པ་གཞི་ནས་འདོན། །པུ་རྩི་#ཀཱ་རུ་རྟ་མུརྦ་སྒ། །རྒྱ་སྐྱེགས་དང་ནི་བཙོད་#དང་ཡུང་བ་རྣམས། །དྲུག་འགྱུར་དར་བ་ལ་བསྐོལ་གྲུབ་པ་ན། །བྱུགས་པས་གྲང་དང་ཚ་བའི་རིམས་འཇོམས་སོ། །ཀཎྜ་ཀ་#རི་སླེ་ཏྲེས་བ་#ཤ་ཀ །ཕྱེ་མ་#ཞུན་མར་ལ་བསྐོལ་གྲུབ་པ་
[4a]
[4a.1]དེ། །འཐུངས་པས་ཚད་རྙིང་ལུད་གཟེར་དབུགས་མི་བདེ། །མེ་དྲོད་ཞན་པའི་ཕོ་བའི་ནད་ལ་ཕན། །བ་#ཤ་སེང་ལྡེང་པ་ཊ་#ལ་པ་ཏྲ། །ནིམྦ་ཤིང་ཚ་སླེ་ཏྲེས་ཏ་མ་ལ། །ཀི་ཕྱེ་མར་སར་ལ་བསྐོལ་མྱུར་གྲུབ་ན། །མེ་དབལ་མཁྲིས་སྐྲན་#
[4a.2]མཛེ་ལས་རྒྱལ་#བར་འགྱུར། །དྲུག་པས་ཁྲག་དང་བཅས་པ་བརྒྱ་ཡི་སྐྱོན། །རབ་འཁྲུགས་ལས་སྐྱེས་ཡན་ལག་ལུས་ཀུན་གཟེར། །བྱེ་བྲག་མེ་དབལ་ཆང་གིས་ར་རོ་བ། །རྨོངས་པ་ཆང་འཐུངས་ལས་སྐྱེས་རྣམ་འགྱུར་ལ། །ཀཎྜ་ཀ་རི་ནིམྤ་པ་ཊ་#ལ། །སླེ་ཏྲེས་
[4a.3]འབྲས་གསུམ་འཇམ་འབྲས་བ་ཤ་ཀ །ཕྱེ་ཆུ་མར་#རྙིང་ལ་ནི་ཆོ་གས་བཙོ#། །མྱུར་དུ་གྲུབ་འདིས་མཛེ་ལས་མྱུར་དུ་རྒྱལ། །ཀར་ཀུ་ཤྨཎྜ་#ཆོ་ག་བཞིན་དུ་བཙོས་སྐམས་ནས། །མར་བསྐོལ་ཀར་བཏབ་ཚ་གསུམ་དྲི་གསུམ་#ཟིར་ལྡན་པར་#བཙོ། །འདི་བསྟེན་བྱིས་རྒན་
[4a.4]ཁྲག་འཛག་རླུང་འཇོམས་བུད་མེད་ལ་ཕོད་ཅིང་། །ཟས་སྐོམ་ལུད་#ཁྲག་མཁྲིས་སྐྱུགས་དབུགས་མི་བདེ་དང་གཞང་འབྲུམ་འཇོམས། །བ་གཅིན་སྐྱུ་རུ་མཱ་ཀྵི་#ཀ་དྲོད་#སྨན། །ཁ་རུ་པོ་སོན་དུ་བ་དནྟཱི་#དང་། །རུ་རྟ་རྣམས་བཙོ་རེང་བུ་མཐེ་བོང་འདྲ། །མར་བསྐུས་རྐུབ་བཅུག་དེ་
[4a.5]ཡི་ནད་འཕྲོག་བྱེད། །ལུས་གསོ་བའི་དཔྱད་རྫོགས་སོ།། །།ཀར་བཅས་གུར་གུམ་ཆ་མཉམ་མར་ལ་བཙོས། །ཆོ་ག་བཞིན་བླུགས་#རླུང་ཁྲག་ལས་བྱུང་བའི། །སྨིན་མ་མུར་#འགྲམ་རྣ་མིག་མགོ་བོ་ཡི། །ཕྱེད་གཟེར་ཉི་འཁོར་ལས་བྱུང་ནད་འཇོམས་
[4a.6]སོ། །ཨ་རུ་བ་རུ་སྐྱུ་རུ་ནང་ས་བོན། །སུམ་#གཉིས་གཅིག་གམ་#ཆ་རྣམས་ཞོ་ལ་བཏགས། །མིག་སྨན་དེ་ཡིས་མཆི་མ་མང་འབྱུང་ཞིང་། །མིག་ཚ་རབ་ཏུ་འཁྲུགས་#པའང་འཇོམས་པར་འགྱུར། །ཨ་རུ་སེནྡྷེ་བ་དང་ལིག་བུ་མིག །བཙག་ཡུག་དང་བཅས་ཆུ་ལ་
[4a.7]བསེས་བཏགས་ཏེ། །མིག་གི་ཕྱི་རོལ་རབ་ཏུ་བྱུགས་བྱས་པས། །འདི་ཡིས་མིག་གི་#ནད་ཀུན་ཞི་བར་འགྱུར། །སཽ་བྷི་ལ་སེནྡྷེ་སེང་ཕྲོམ་བཏགས། །དེ་ནས་མར་བཙོས་རས་དཀར་པོ་ལ་བཙགས། །དེ་ཡིས་མིག་ལ་བྱུགས་#བྱས་མཁྲིས་སྐྱེད་#ནད། །དམར་ཚག་
[4b]
[4b.1]དང་ནི་ཤ་མཛེར་ངེས་པར་འཇོམས། །ཁྲག་སྐྱེད་#ཀ་ར་རྒྱ་མཚོའི་ལྦུ་#བས་འཇོམས། །བ་བྱུང་དྲོད་#སྨན་ནར་མོ་བྲོད་ལོང་ལའོ། །ལིག་#མིག་ཚ་བ་གསུམ་གྱིས་མིག་འགྲིབ་#ལ། །ལིང་ཏོག་དཀར་ལ་མཱ་ཀྵི་#སྦྲང་རྩིས་སོ། །ནག་ཚུར་ལིག་མིག་དཀར་བཅས་རྒྱ་
[4b.2]མཚོའི་#ལྦུ། །ནལ་ཤམ་སམ་ཁ་སཻནྡྷ་བཅག་ཡུག་དང་། །ལྡོང་རོས་ཆ་མཉམ་མཱཀྵི་ཀ་བསྲེས་བཏགས། །རབ་རིབ་ཁུས་བསྐྱེད་རྫི་ནད་ཚག་པོ་འཇོམས། །སླེ་ཏྲེས་པུ་ཤེལ་ལྕགས་ཕྱེ་དུག་ཉུང་ནལ་ཤམ་སེནྡྷེ་ཀངྤ་#ལ། །ལིག་མིག་རྡོ་དྲེག་སྤང་སྤོས་
[4b.3]ཡུང་བ་སྤངས་མ་སམ་#ཁ་རྒྱ་མཚོའི་ལྤུ། །མཚུངས་པ་ཕྱེ་མ་ལྕགས་སྣོད་དུ་བཞག་སྦྲང་རྩི་ལྡན་པས་ཤ་མཛེར་དང་། །རབ་རིབ་ལིང་ཏོག་ཁྲག་འབུར་མིག་ཤའི་ནད་ལ་ཉེ་བར་བྱུགས་#པའང་བསྔགས། །ཤིང་མངར་ཨུཏྤལ་རྒྱ་མཚོའི་ལྤུ་བ་ཤིང་ཚ་པུ་ཤེལ་གི་ཝང་#
[4b.4]བཙོད། །སྤང་སྤོས་#ཙནྡན་སམ་ཁ་བཙག་ཡུག་བ་ལུ་ལིག་མིག་ནག་ཆུར་འདབ#། །དེ་ལྟར་ཐམས་ཅད་ཆ་མཉམ་མིག་སྨན་འདི་ཡིས་མིག་འབྲུམ་མིག་ནག་ཚ། །མཆི་ཁྲག་སྐྱ་རིབ་མིག་ཤ་གཟེར་ནས་འཕྲོགས་#ལ་བསྔགས་པས་རྟག་ཏུ་བྱུག །མིག་གི་སྨན་
[4b.5]དཔྱད་དོ། །# ཐང་ཤིང་བོང་ང་དཀར་པོ་སླེ་ཏྲེས་བཅས། །དུག་ཉུང་ཧོང་ལེན་མ་ནུ་པ་ཐའི་ཐང་#། །བ་གཅིན་ལས་#གྲུབ་སྦྲང་རྩི་དང་ལྡན་པ། །མགྲིན་པའི་ནད་དང་ཀུན་ལ་བཏུང་བར་བྱ། །ཀྵར་ཏེ་ཛ་བ་ཏི་པ་ཐ་#དང་། །ལིག་མིག་སྐྱེར་རྩ་ཡུང་བ་དྲོད་#སྨན་ནར། །རིལ་བུ་སྦྲང་
[4b.6]རྩི་ལས་#བྱས་ཁ་ནང་དུ། །མུར་བར་བྱ་ཡི་#མགྲིན་པའི་ནད་ཀུན་ལ། །སྐྱེར་རྩ་གླ་སྒང་ཛཱ་ཏིའི་མེ་ཏོག་དང་#། །ལོ་གསར་རྒུན་འབྲུམ་དུག་ཉུང་འབྲས་གསུམ་བསྐོལ། །སྦྲང་རྩི་ལྡན་པས་ལུས་ཀྱི་ཁ་སྒོའི་ནད། །ལྕེ་ཡི་ནད་རྣམས་དུས་སུ་ཞི་བར་བྱེད། །རུ་རྟ་དང་ནི་སྐྱེར་པའི་
[4b.7]རྩ་བ་སེང་ཕྲོམ་བཅོད། །ཡུང་ཧོང་གླ་སྒང་པ་ཐ་#ཏེ་ཛ་ནི། །ཞིབ་བཏགས་སོ་རྣམས་ལྡེག་པར་བྱེད་པ་དང་། །གཟེར་ཞིང་འཁྱུགས་#ལ་ནང་ཁྲག་འབྱིན་པར་བྱེད། །སཽ་བི་#ར་ཅུ་ཀྲ་སྒེའུ་གཤེར་མ་ཏུ། །ཁུ་བ་ཤ་རྣམས་གུ་གུལ་སེནྡྷེ་རྣམས། །གང་ཞིག་ཚ་བའི་མར་
[5a]
[5a.1]ཁུ་ལ་བསྐོལ་ཏེ། །རྣ་བར་བླུགས་#པས་རྣ་བའི་ཟུག་རྔུ་སེལ། །བ་ཤ་ནིམྦ་པ་ཊོ་ལ་དང་#པརྦ་ཏ་ཀ་པེ་ཛྠ་#ཙ་བྱ་སྐྱེར་རྩ་དང་། །གླ་སྒང་ཏིག་ཏ་པུ་ཤེལ་བྱི་ཚེར་ཚ་གསུམ་ཏྲ་ཡནྟི་ཀ་#ཙནྡན་རྣམས། །ཞུན་མར་ལས་#གྲུབ་སྟེང་འོག་ནས་སྐྱེས་རྣམ་འགྱུར་སྣ་
[5a.2]དང་མིག་གི་གཟེར་ལ་སོགས། །ལྤགས་#ནད་རིམས་དང་ཁོང་འབྲས་རྨ་ཡི་ཟུག་རྔུ་མིག་ནད་སྐྱ་རིབ་རྣམས་ལ་བསྔགས། །སྐྱེར་རྩ་#དུག་ཉུང་ནིམྦ་པརྤ་ཏ་དང་དྲོད་#སྨན་བྱི་ཚེར་ཤིང་མངར་དང་། །ཏྲ་ཡནྟཱི་ཧོང་འབྲས་གསུམ་ཏིགྟ་བྲི་ཤ་པ་ཊོ་#ལ་དང་གླ་སྒང་དམར#། །དེ་
[5a.3]རྣམས་ཕྱེ་མར་བསྐོལ་བ་ཞུན་མར་ལས་#གྲུབ་འདི་ནི་མིག་ལ་ཕན་པ་ཡིན། །མཁྲིས་པ་ཁྲག་ལས་བྱུང་དང་སྐྱ་རིབ་རབ་རིབ་རྣམས་དང་སྟོད་ཀྱི་ནད་རྣམས་ལའོ། །ཨེ་རཎྜ་དཀར་པོ་ཡི་#རྩ་བ་དང་ནི་ཤུ་དག་དང་། །ཤ་ཏ་པུཥྤ་བྲི་ཧ་ཏིའི་འབྲས་བུ་གཞན་ཡང་། །སྟར་གའི་
[5a.4]འབྲས་བུ་#འོ་མར་བཅས་པ་#ལས་གྲུབ་པ#། །རབ་རིབ་སྟོད་དང་གཙོ་ཆེའི་ནད་དང་གཞན་པའང་འཇོམས། །ཟུག་རྔུ་ཟད་པར་བྱེད་པ་གཉིས་པ་རྫོགས་སོ།། །།དུང་དང་མུཤྐ་ཀ་དག་མེ་ལྕེས་བསྲེགས་པའི་ཐལ་བ་སྣོད་དུ་བླུགས་#བྱས་ཏེ། །དེ་ཉིད་དུ་#སླར་
[5a.5]ཆུ་ལ་བཙོ་ཞིང་བསྐོལ་བའི་ཐལ་བ་མར་ཁུའི་ཆོ་ག་རྣམས། །སྦྱོར་བ་དེ་ཡིས་བདུགས་པས་#རྨ་དང་རྨ་ཚ་སྐྲངས་འབུར་རྩ་#ཡི་ནད་རྣམས་དང་། །རྣམ་པ་སྣ་ཚོགས་མཚན་བར་རྡོལ་བའི་ལྤགས་#ནད་ཡུན་རིང་མགུལ་པའི་ནད་རྣམས་ལ། །ཤིང་མངར་དང་བཅས་སྐྱེར་རྩ་
[5a.6]ཤུག་པ་ཨུཏྤལ་དང་། །པྲེ་ཡངྐུ་དང་སེང་ཕྲོམ་དཀར་པོ་ཙནྡན་རྣམས། །མར་ཁུ་དང་ནི་འོ་མར་བཙོ་#ཞིང་སྦྱར་བར་བྱ། །རྨ་རྣམས་དང་ནི་གཟེར་དང་ཚ་བ་འཇོམས་པར་འགྱུར། །ཛཱ་ཏི་ནིམྤ་པ་ཊོ་ལ་དང་#པ་ཊ་ཧོང་ལེན་སྐྱེར་རྩ་ཡུང་བ་དང་། །བཙོད་དང་ཐལ་ཏྲེས་ཨ་རུ་པུ་ཤེལ་སྤྲ་
[5a.7]ཚིལ་སྤངས་#མ་ཤིང་མངར་འཇམ་འབྲས་རྣམས། །མར་ལས་#གྲུབ་པ་འདི་ཡིས་ཁ་ནད་ཕྲ་མོ་དང་ནི་གནད་གཟེར་#རྩ་ཡི་ནད། །ནད་དམ་གཟེར་བཅས་འཕོ་ཞིང་འབྱུང་བའི་རྨ་ཡི་ནད་རྣམས་དང་ནི་འབྱང་བ་འབྱིན། །ཟུག་རྔུ་ཟད་བྱེད་གསུམ་པ་རྫོགས་སོ།། །།ནལ་
[5b]
[5b.1]ཤམ་དཀར་པོར་ཤི་རི་ཥའི#། །མེ་ཏོག་ཁུ་བས་བརྒྱ་ཕྲག་བསྒོ་བར་བྱ། །སྦྲུལ་གྱི་#སོས་བཏབ་བརྒྱལ་བར་གྱུར་པ་ལ། །རབ་ཏུ་སྦྱར་བྱ་བཏུང་དང་མིག་སྨན་ལ། །རྨ་བྱའི་མཁྲིས་པ་ཏནྡུ་ལཱི་ཡ་#ཀ །ཀཱ་ཀཎྜ་#བཅས་མི་ཉུང་འཐུང་བྱས་པས། །འགྲོ་བའི་དུག་
[5b.2]དང་བརྟན་མཆོག་དུག་གི་ནི། །འཚེ་བ་དང་བཅས་མྱུར་དུ་འབྱིན་པར་བྱེད། །ཏིལ་བཏགས་མར་ཁུ་ལ་ནི་བུ་རམ་དང་། །དེ་བཞིན་ཨརྐའི་ལོ་མ་ཆ་མཉམ་བཏུང་། །སྤྲིན་གྱི་ཚོགས་ལ་འཕྲལ་དུ་རླུང་བྱུང་ལྟར། །ཁྱི་སྨྱོའི་དུག་མཆོག་མྱུར་དུ་འབྱིན་པར་འགྱུར། །
[5b.3]ཁང་པའི་དུ་བ་གུ་གུལ་དང་ལྡན་པ། །བཱ་ཛི་གནྡྷ་ཏནྡུ་ལཱི་#ཡ་བཅས། །བ་ཡི་གཅིན་ལ་བཏགས་བྱས་སྙིང་ནད་དང་། །བརྟན་མཆོག་འགྲོ་བའི་དུག་རྣམས་འཕྲོག་པར་འགྱུར། །སྤང་སྤོས་པུ་ཤེལ་བ་བླ་ཀཽནྟི་ཛ་ལ་སླེ་ཏྲེས་ལྡོང་རོས་གི་ཝང་པརྨ་#ཀེ་ཤི་དང་། །
[5b.4]སྤྲིཀྐཱ་ཙནྡན་#ཡུང་བ་རུ་རྟ་ཀ་ར་ལ་རྟ་རྡོ་དྲེག་སུཀྵྨེ་གུར་གུམ་#ཤིང་ཤུག་པ། །ཆ་མཉམ་ཉུངས་#ཀར་བརྒྱད་ཚ་#ནཱ་ག་གེ་སར་མེ་ཏོག་ཆ་བཞིའི་#ལྡེ་གུས་ཀུན་ཏུ་ལོངས་སྤྱོད་ཅིང་། །ཕུན་སུམ་ཚོགས་བྱ་ཤ་ཟ་རིམས་#དང་དུག་གི་ནད་རྣམས་འཇོམས་འགྱུར་ཟླ་བ་ཤར་བ་ལྟ་བུར་
[5b.5]གྲགས། །དུག་ནད་སེལ་བའི་རྒྱུད་བཞི་པ་#རྫོགས་སོ།། །།ཉུངས་ཀར་#འབྲས་གསུམ་ཤིཪྵ་ཀ་ཊ་#བྷཱི་ཤྭེ་འཇམ་འབྲས་སླེ་ཏྲེས་དང་། །བཙོད་དང་སེར་པོ་གཉིས་དང་ཚ་བ་གསུམ་དང་སྤང་སྤོས་ཤུ་དག་ཤིང་ཀུན་རྣམས། །ར་ཡི་གཅིན་ལ་བཏགས་
[5b.6]བྱས་འཐུངས་#སོགས་བརྟེན་#པས་སྦྲུལ་གྱི་#སོས་བཏབ་གདོན་ཀུན་དང་། །གཤེད་བྱེད་སྨྱོ་བྱེད་ཤ་ཟ་དང་ནི་སྲིན་པོ་འཇོམས་ཤིང་རླག་#པར་བྱེད་པར་འགྱུར། །ཀརྤ་པ་ཡི་#རུས་པ་དང་ནི་རྨ་བྱའི་འདབ་མ་བྲི་ཧ་ཏི་#རྣམས་དང་། །ནིརྨ་ལྱ་པོ་སོན་ཆ་ཤིང་ཚ་ཅུ་གང་བྱི་ལའི་རྟུག་
[5b.7]པ་བ་ཤ་ཀ་#དང་ཀེ་ཤ་སྦྲུལ་ལྤགས་དང་། །གླང་པོའི་སོ་དང་ཤྲིང་ག་ཤིང་ཀུན་ནལ་ཤམ་དཀར་པོ་ཆ་མཉམ་བདུག་བྱས་པས། །གཤེད་བྱེད་སྨྱོ་བྱེད་ཤ་ཟ་སྲིན་པོ་ལྷ་རྣམས་ཞུགས་པའི་རིམས་ནི་འཇོམས་པར་དྲན། །ཚ་བ་གསུམ་དང་ད་ལ་གུར་གུམ་དྲོད་#སྨན་ནར་མོའི་རྩ་བ་ཀྵཱ་#ར་སིང་ཧི་ཡུང་བ་#
[6a]
[6a.1]རུ་རྟ་ཉུངས་ཀར་གཉིས་དང་ཨམྦུ་དུག་ཉུང་ཀར་#སྒོག་སྐྱ་འབྲས་བུ་གསུམ་དང་པུ་ཤེལ་ཙེ་དང་ཧོང་ལེན་ཤུ་དག་#སྤངས་མ་ཤིང་མངར་བཱ་ལ་དམར་པོ་ལྡོང་རོས་ཤུག་པ་ཞེས་གྲགས་པ། །ད་དྷི་#རྒྱ་སྤོས་མ་དྷཱུ་#ཀ་སཱ་པྲི་ཡངྐུ་དང་བོང་ང་དཀར་པོ་ལིག་བུ་མིག་དང་ཙ་བྱ་
[6a.2]ཐང་ཤིང་བཅས་པ་ཕྱེ་མར་བྱས་པ་མར་དང་སྲོག་ཆགས་བརྒྱད་ཀྱི་གཅིན་གྱི་ཆུ་#ལ་བསྐོལ་#བཤད་འཐུངས་པས་འབྱུང་པོ་འབྲོས་ཤིང་དེ་ཡིས་#གདོན་རྣམས་མཆོག་ཏུ་འཇོམས་པར་འགྱུར། །རྒྱ་སྤོས་ཤིང་མངར་འཇམ་འབྲས་རྒྱ་སྐྱེགས་པ་ཊོ་ལ་ཡི་ལོ་མ་རཀྟ་པ་ཏྲིཀ་#ཤུ་དག་པ་
[6a.3]ཏྲ་ལ་དང་ཤིང་ཀུན་ཉུངས་#ཀར་སིཾ་ཧི་སེར་གཉིས་ལ་ཏཱ་ཧོང་ལེན་དང་། །པོ་སོན་ཚ་གསུམ་ཀཱ་ཀཎྜ་#ཐང་ཤིང་པི་དང་#ཨ་ང་གནྡྷ་#མ་རཱ། །ཨརྐོ་ཊ་དང་ཀོ་ཥ་ཏ་#ཀཱི་ན་ཤམ་ནིམྦ་སླེ་ཏྲེས་དུག་མོ་ཉུང་། །རུ་རྟ་ཤུ་ཀ་ཏ་རུ་པུཥྤབཱ་ལ་ཤིང་མངར་ཨ་པ་ར་ཛི་ཏ། །དནྡཱི་#ཙི་ཏྲ་ཀ་པེད་ཆ་མཉམ་
[6a.4]ཕྱེ་མ་#གཅིན་གྱི་སྡེ་དང་མར་ལ་བསྐོལ། །ཡུན་རིང་དུ་གཞག་ཀུན་གྱིས་#རིམ་པར་སྦྱོར་བས་མྱུར་དུ་འཇོམས་པར་འགྱུར་བ་ཡིན། །འབྱུང་པོ་ཆེན་པོའི་གདོན་ཀུན་དང་ནི་སྨྱོ་བྱེད་དེས་བྱས་མཛེ་རིམས་ཞི་བར་བཤད། །འབྱུང་པོ་ཞི་བར་བྱེད་པའི་རྒྱུད་ལྔ་པ་རྫོགས་སོ།། །།
[6a.5]སྐྱེར་ཡུངས་དུག་མོ་ཉུང་གི་ས་བོན་དང་། །སིང་#ཧི་དང་ནི་ཤིང་མངར་ཆ་མཉམ་པོ། །དེ་རྣམས་ཐང་བྱས་བུ་ཆུང་མ་ཡི་ནི། །བུ་ནད་དང་ནི་འཁྲུ་བ་ཀུན་ལ་ཕན། །ཀ་པེད་པུཥྤ་ད་ཏ་ཀི་#ཛ་ལ། །སེང་ཕྲོམ་དང་བཅས་ག་ཛ་པིཔྤ་#ལཱི། །ཐང་ལ་མཱཀྵི་ཀ་བསྲེས་བྱུགས་#པ་དང་། །
[6a.6]འཁྲུ་བ་རྣམས་ལ་བྱིས་པ་ལ་སྦྱར་བྱ། །ཤྲིང་ག་དྲོད་#ནར་བོང་ང་དཀར་པོ་ཕྱི་མར་བྱས། །གློ་རིམས་#སྐྱུག་པའི་ནད་རྣམས་འཇོམས་པ་ལ། །མཱཀྵི་ཀ་བཅས་བོང་དཀར་དེ་བཞིན་གཅིག །བྱིས་པའི་ནད་སེལ་བའི་རྒྱུད་དྲུག་པ་རྫོགས་སོ།། །།སྐྱུ་རུ་ར་ཕྱེ་དྲུག་ཅུ་རྩ་
[6a.7]བཞིའི་སྲང་ལ་རང་གི་ཁུ་བསྒོས་སྦྲང་རྩི་མར་དང་ཆ་མཉམ་ཞིང་། །དྲོད་སྨན་ནར་མོ་སྲང་བརྒྱད་ཀ་ར་ཉིས་འགྱུར་ཆ་ལྡན་ཐལ་བའི་ཕུང་པོའི་ནང་དུ་གཞག་པར་བྱ། །དབྱར་གྱི་མཐའ་རུ་དེ་བསྟེན་#སྐྲ་དཀར་དང་བྲལ་གཟུགས་དང་ཁ་དོག་དང་ནི་སྤོབས་པ་དང་ལྡན་ཞིང་། །ནད་མེད་བློ་དང་ཡིད་
[6b]
[6b.1]གཞུངས་དྲན་པ་ཚིག་གསལ་#སྟོབས་དང་ལྡན་ཞིང་སེམས་སྟོབས་ལྡན་པར་འགྱུར་བ་ཡིན། །ཤིང་མངར་དང་ནི་སྦྲང་རྩི་མར་དང་ནི། །འོ་མ་དང་སྦྱར་རྗེས་སུ་བསྟེན་པ་ཡིས། །ལུས་པོ་རྒྱགས་#པ་རབ་ཏུ་ཐོབ་གྱུར་ནས། །དགའ་ཞིང་འཁྲིགས་#པ་ཡང་ཡང་ནུས་པར་འགྱུར། །
[6b.2]ཤིང་མངར་ཅུ་#གང་སེནྡྷེ་དྲོད་#སྨན་ནར། །ཀ་ར་དང་ནི་འབྲས་བུ་གསུམ་རབ་ལྡན། །ཚེ་སྦྱིན་རོ་ཙ་ཤིན་ཏུ་ཡིད་གཞུངས་#ཤིང་། །རྒས་དང་ནད་རྣམས་རྣམ་པར་འཇོམས་པར་འགྱུར། །གཟེ་མ་སྐྱུ་རུ་སླེ་ཏྲེས་ཕྱེ་མར་བྱ#། །སྦྲང་རྩིའི་#མར་དང་ལྡན་པ་བསྟེན་པ་ཡིས། །རོ་ཙ་
[6b.3]བསྟེན་#ཞིང་སྡུག་བསྔལ་རྣམ་འགྱུར་ཞིང་། །སྐྲ་གནག་ཚེ་ལོ་བརྒྱར་ནི་འཚོ་བར་འགྱུར། །ནིམྦའི་མར་ཁུ་རང་བཞིན་གནས་བྱས་པ། །ཆོ་ག་ཇི་ལྟ་བ་#བཞིན་བཏུང་བ་དང་། །འོ་མ་མར་དང་རབ་སྦྱར་དེ་ཟླ་བས། །སྐྲ་དཀར་དང་ནི་རྒས་པ་རྣམ་པར་འབྱིན། །གཟེ་མ་
[6b.4]ཀྵུ་ར་དང་ནི་#རྩ་བ་བརྒྱད#། །བཱ་ན་རཱི་ནཱ་ག་བ་ལཱ་བ་ལཱ#། །ཕྱེ་མ་འོ་ཐུག་#བྱས་འདི་བཏུང་བར་བྱ། །དེ་ཡིས་འཁྲིག་པ་ལན་བརྒྱར་ནུས་པ་ཡིན། །རྟ་ལྟར་བྱེད་པ་བདུན་པ་རྫོགས་སོ།། །།ཤིང་མངར་ཐང་བསྐོལ་#སེནྡྷེ་བ་ལྡན་ཞིང་། །དུག་ཉུང་དྲོད་#ནར་པོ་སོན་
[6b.5]ཕྱེ་མར་བསྲེ། །སྦྲང་རྩི་བཅས་པ་འདི་དག་སློན་ལ་སྦྱར། །མགྲིན་ནད་ཁ་དང་གྲེ་འགགས་ནད་རྣམས་ལའོ#། །སཽ་བཱི་ར་ལ་ཨ་རུ་ར་ཐང་བསྐོལ། །དྲོད་ནར་ཁ་#རུ་དནྟི་ཕྱེད་#ཕྱེ་ལྡན། །ཨེ་རཎ་#མར་ཁུ་དང་བཅས་འཁྲུ་ལ་དེ། །བཤལ་གྱི་སྦྱོར་བས་ནད་རྣམས་འཇོམས་
[6b.6]པར་འགྱུར། །ར་སྣ་པོ་སོན་ཆ་དང་འབྲས་གསུམ་སླེ་ཏྲེས་རྩ་བ་བཅུ་དང་བཱ་ལཱ་དང་། །མར་ཁུ་སེནྡྷེ་བ་བཅས་པ་ལ་མམ་སི་བཙོས་ལྡན་སྦྲང་རྩི་བུར་མ་བཅས། །ཤ་ཏ་པུཥྤ་སླེ་ཏྲེས་རུ་རྟ་ཀ་བེད་པྲི་#ཡངྐུ་དང་དྲོད་#སྨན་ནར། །ཤུ་དག་ཕྱེ་མ་ཀཉྫི་བ་འོ་གཅིན་བཅས་མས་གཏོང་#རླུང་
[6b.7]ནད་རྣམས་ལ་ཕན། །བ་ལ་ཕྱེ་མ་མར་ཁུ་ལ་བསྐོལ་དྲི་བཟངས་#དང་། །བཅུད་གྲུབ་པ་དང་འོ་མ་ཞོ་དང་སྐྱུར་#ཆུ་རྣམས། །དེ་བཞིན་ས་ཧཱ་ར་ཛ་ར་སྣ་#སླེ་ཏྲེས་དང་། །བ་རི་རེ་རེར་བསྐོལ་བས་རླུང་འཇོམས་སོ། །སྦྱར་བར་བྱའོ་བཅའ་སྒའམ་བུ་རམ་ལ། །ཡང་ན་སེནྡྷེ་བ་བཅས་དྲོད་#
[7a]
[7a.1]ནར་ལའོ། །སྣ་ཁ་མཇིང་#པ་འགྲམ་པ་དཔུང་པ་དང་། །རྒྱབ་དང་མགོ་མིག་མགུལ་འགགས་ནད་རྣམས་ལ། །ལས་ལྔའི་ལེའུ་བརྒྱད་པ་རྫོགས་སོ།། །།རིམས་ལ་གཙོ་ཆེར་པརྤ་པ་ཊ་#སྦྱར་བྱ་སྐོམ་དད་ཆེ་ལ་སྐྱུ་རུ་ར་དང་སྐྱུགས་#པ་ལ། །ཚ་
[7a.2]བ་ལྔ་སྐྱེས་གཟེར་ལ་འཇམ་རྩི་རེངས་ལ་གི་རི་ཛ་དང་གཅིན་སྙི་སྐྱུ་རུའི་#ཁུ་བས་སོ། །རླུང་གི་ནད་ལ་ར་སྣ་#དམུ་རྫིང་མཆེར་པའི་ནད་ལ་བ་གཅིན་ཆམ་པ་ལ། །དྲོད་#ནར་འཕྱོ་ལ་བི་དང་#དུག་ལ་ཤུ་ཀ་རྟ་རུ་སྐྲངས་ལ་གུགྒུལ་#ལོ། །བ་ཤ་ཀ་ཡིས་ཁྲག་མཁྲིས་དུག་ཉུང་
[7a.3]གིས། །འཁྲུ་ལ་འོ་བསེ་#ཤིང་ཧེ་མམ་#ལྕི་གཟེར་ལ། །སྦོས་ལ་ཐང་ཤིང་སྲིན་ནད་བྱི་དང་གས#། །སྐྱ་རྦབ་ཨ་རུ་ར་དང་འབྲུ་གཞན་གྱིས། །ཟད་བྱེད་ནད་ལ་འབྲས་བུ་གསུམ་བཤད་གཟེར་བ་ཀུན་ལ་དེ་ལྟར་ཁུ་བས་སོ། །མཛེ་ལ་རྟག་ཏུ་སེང་ལྡེང་ཁུ་བ་གློ་ལ་ཀཎྜ་ཀ་རི་དང་། །
[7a.4]ཚིགས་བཅད་#གཟེ་མ་མུ་ར་གཤེད་བྱེད་ན་#ག་བཱ་ལཱ་བ་ལས་སོ། །བཅུད་ལེན་ཀུན་ལ་སྐྱུ་རུ་ལྷ་བཅས་གདོན་གྱི་#ནད་ལ་བྲག་ཞུན་བཤད། །རྒྱུད་ཕྱི་མའོ།། །།རབ་ཏུ་གྲུབ་པའི་སྦྱོར་བའི་ཆོ་ག་རྫོགས་པར་བྱས། །གྲུབ་པའི་དོན་རྣམས་རྟོགས་པའི་སྨན་པ་མཁས་རྣམས་
[7a.5]ཀྱིས། །རྟོགས་#པའི་སྨན་པ་མེད་པར་སུ་ཡིས་སྦྱོར་བ་མཐོང་། །འདི་དོན་སླར་ཡང་འདིར་ནི་ཅུང་ཟད་བཤད་པར་བྱ། །ཤུགས་བཀག་མ་ཟོས་གཉིད་ཆགས་#སྐད་ཆེས་རྩོལ་བ་དྲགས། །བཞོན་#པ་ལ་ཞོན་ཚབ་ཁ་བསྐ་#རྩུབ་པ་རྣམས། །སེམས་གཟུང་#འཁྲིག་དང་འཇིགས་
[7a.6]དང་སྨྱུང་#གནས་མྱ་ངན་དྲངས། །དབྱར་གྱི་དུས་སུ་རླུང་ནི་རབ་ཏུ་འཁྲུགས་#པར་འགྱུར། །ཚ་སྐྱུར་ཆང་དང་ལན་ཚྭ་རྣོ་དྲོ་ཏིལ་མར་ཁུ། །ཁྲོ་དང་གདུང་བ་ལོ་མ་སྐམ་པ་#འཇིགས་ངལ་རྣམས། །ཐལ་སྨན་ལ་སོགས་མ་ཞུ་མ་འཕྲོད་ཟས་ཟོས་པ། །སྟོན་གྱི་དུས་སུ་མཁྲིས་
[7a.7]པ་རབ་ཏུ་འཁྲུགས་པར་འགྱུར། །ཉིན་གཉིད་མངར་དང་གྲང་#ཆེས་ཉ་ཤ་ལྕི་བ་དང་། །ཤིང་ཏོག་འོ་མ་བུ་རམ་ཤིང་གི་རྣམ་འགྱུར་རྣམས། །སྣུམ་བག་འགྲངས་ཆེས་ཟོས་དང་ལན་ཚྭ་བུར་ཆུ་རྣམས། །དཔྱིད་ཀྱི་དུས་སུ་བད་ཀན་རབ་ཏུ་འཁྲུགས་པར་འགྱུར། །དེ་ལྟར་
[7b]
[7b.1]འདི་རྣམས་རིམ་པས་བྱེ་བྲག་སྐྱོན། །གདུག་#པ་ཀུན་ནི་ལྡན་པ་བརྒྱད་དུ་ཤེས། །སྣ་ཚོགས་ནད་ནི་ལུས་ཀྱི་གྲངས་བཞིན་དུ། །མིང་རྣམས་མ་ལུས་རྗེས་སུ་རྟོགས་པར་བྱ། །རྩུབ་འཁུམས་འཕོ་ཞིང་གཟེར་དང་སྔོ་བསངས་མདོག །ཡན་ལག་ཟུག་ཆེ་ཡན་ལག་
[7b.2]བརྐྱང་བསྐུམ་བྱེད། །ཤེས་རྨོངས་དྲང་#ཞིང་གྱོང་ལ་སྐོམ་པ་རྣམས། །རླུང་གི་ལས་སུ་མཁས་པས་རབ་ཏུ་བསྟན། །འཛག་ཅིང་རྡུལ་འབྱུང་ཚ་ཞིང་འདོད་ཆགས་སྐྱེ། །དྲི་ང་རྣག་#དང་འཇུ་དང་ཁྲོ་བ་དང་། །བླ་འཆོལ་#བརྒྱལ་དང་མགོ་འཁོར་ལུས་མདོག་སེར། །
[7b.3]མཁྲིས་པའི་ལས་སུ་མཁས་པས་རབ་ཏུ་བསྟན། །ཁ་མིག་སྣ་ཆུ་གྲང་ལྕི་ལུས་གཡའ་རྡུལ། །ཤེས་པ་རྨོངས་ཤིང་སྣ་ཚོགས་འགགས་པ་དང་། །ཚོ་ཆེས་མཆིལ་སྣབས་ཡུན་རིངས་#འབྱུང་བྱེད་རྣམས། །བད་ཀན་ལས་སུ་མཁས་པས་རབ་ཏུ་བསྟན། །དེ་རྣམས་
[7b.4]ཀྱིས་བྱས་འདི་དག་རྟོགས་རྣམས་ནི། །ནད་ཀུན་མིང་ནི་དུ་མའི་རྣམ་པ་ཡང་། །བྱེ་བྲག་ཁ་ཅིག་སྐྱེ་བའི་དབང་གིས་འགྱུར། །གང་གིས་#འདི་རྣམས་མིང་གཞན་ཀུན་དུ་འགྲོ། །རྒྱུད་ནི་ལེ་ལོ་ཡིད་ནི་རྣམ་མ་དག །སྐྱོན་ནི་རབ་འཇུག་བཀྲེས་དང་གཅིན་ཡང་འབྱུང་། །
[7b.5]གསུས་ལྕི་ཤེས་པ་རྨོངས་ཤིང་དང་ག་མེད། །དེ་རྣམས་ནད་ལྡན་དེ་ལ་ནད་འབྱུང་འགྱུར། །བཅུད་དང་དྲོད་དང་བརྟན་དང་རོ་ཙ་སྟོབས་སྐྱེད་ལན་ཚྭ་#མངར་སྐྱུར་མར་ཁུ་དང་། །ཁྲུས་དང་དྲོད་བསྟེན་མས་གཏོང་ཤ་དང་སྟན་#བསྟེན་ཡན་ལག་ཀུན་ལ་དྲིལ་ཕྱིས་དང་། །སྣུམ་གྱི་
[7b.6]དུགས་དང་འཇམ་རྩིས་ཞི་བྱས་བསྐུ་བྱུག་ཉེ་བར་བསྟེན་པ་ལ་སོགས་པ། །བཟའ་དང་བཏུང་བ་གནས་དང་སྨན་འདི་རྣམས་ཀྱིས་རླུང་ནི་རབ་ཏུ་ཞི་བར་འགྱུར། །ཁ་མངར་བསྐ་བ་གྲང་དང་རླུང་ཡབ་མཚན་མོ་ཟླ་བའི་ཟེར་#ལ་གནས་པ་དང་། །ས་ཡི་ཁང་པ་ཆུ་ཡི་འཁྲུལ་
[7b.7]འཁོར་ཆུ་ལ་རྩེ་#ཞིང་བུད་མེད་ལུས་ལ་རེག །མར་སར་ཀྵི་ར་དང་པོར་ལུས་ལ་བཀྲུ་སྨན་དང་ནི་ཁྲག་གི་གཏར་དཔྱད་#བྱ། །བཟའ་དང་བཏུང་བ་གནས་དང་སྨན་འདི་རྣམས་ཀྱིས་མཁྲིས་པ་རབ་ཏུ་ཞི་བར་འགྱུར། །རྩུབ་དང་ཀྵཱ་#ར་བསྐ་ཁ་ཚ་བ་དང་ནི་འབད་རྩོལ་དྲག་དང་
[8a]
[8a.1]ངར་སྣབས་སྦྱོང་#། །བུད་མེད་བསྟེན་ཞིང་ངལ་#དུབ་གཉིད་བཅག་ཆུ་ལ་རྩེ་ཞིང་རྐང་པ་འཆག་པར་བྱ། །རེང་བུའི་དུད་བསྟེན་མགོ་བསྲོ་ཁྲུས་དང་སྐྱུག་སྨན་དུགས་#དང་མས་གཏོང་#ལ་སོགས་པ། །བཟའ་དང་བཏུང་བ་གནས་དང་སྨན་འདི་རྣམས་ཀྱིས་
[8a.2]བད་ཀན་ཉེ་བར་ཞི་བར་འགྱུར། །འཕྲོད་ཟས་སྨྱུང་#དང་ཚ་བའི་ཆུ་བཏུང་ཞིང་། །ཟས་དང་བྱ་ན་ཡང་ཞིང་ཁ་བའི་བཅུད། །རྩུབ་བྲལ་དུགས་དང་འཇུ་བ་བསྟེན་པ་དང་། །དེ་བཞིན་ལུས་ཀྱི་སྟེང་འོག་སྦྱང་བར་བྱ། །དགུན་#སྟོད་དབྱར་དང་དགུན་#སྨད་རླུང་གི་དུས། །མཁྲིས་
[8a.3]པ་སྟོན་དང་སོ་ག་#ཚ་བའི་དུས། །བད་ཀན་དཔྱིད་ཀ་མེ་ཏོག་འོང་དུས་འཁྲུགས#། །དེ་ལ་དེ་བཞིན་ཕན་པའི་སྨན་བསྟེན་#བྱ། །བད་ཀན་འཁྲུགས་ལ་སྐྱུག་སྨན་སྦྱར་བར་བྱ། །མཁྲིས་པའི་རྣམ་འགྱུར་བྱུང་ལ་བཀྲུ་སྨན་གཏང་#། །རླུང་གི་བདག་ཉིད་འཇམ་རྩིས་འཇོམས་
[8a.4]པར་འགྱུར། །འདུ་འཕྲོད་སྐྱེས་ལའང་འདྲེས་མ་དེ་དག་གོ། །རླུང་ལ་#སྐྱུར་དང་མར་ཁུ་ལན་ཚྭ་དང་། །མངར་བའི་བཟའ་དང་བཏུང་བ་རྣམས་ཀྱིས་སོ། །མཁྲིས་པ་ལ་ནི་དེ་བཞིན་མངར་བ་དང་། །ཁ་དང་བསྐ་བ་གྲང་བ་རྣམས་ཀྱིས་སོ། །བད་ཀན་ལ་ཡང་ཁ་དང་ཚ་བ་
[8a.5]དང་། །རྩུབ་དང་བསྐ་བ་རྣོ་བའི་རོ་རྣམས་ཀྱིས། །དེ་རྣམས་བཟའ་བས་ཉེ་བར་འགྲོ་འགྱུར་བ། །ནད་ནི་རབ་ཏུ་ཞི་བར་འགྱུར་པ་ཡིན། །བློ་གཞན་ཉིད་ཀྱིས་གང་དེ་མ་བསྟན་གང་ཞིག་བསྟན། །ནད་རྣམས་རང་གིས་ཡང་དག་རྟོགས་#ནས་ཇི་ལྟའི་ཚུལ། །སྨན་རྣམས་རྗེས་སུ་
[8a.6]བློ་གྲོས་ཆུང་བ་རྣམས་ལ་བྱས། །བསྟན་བཅོས་སུ་ནི་ཅུང་ཟད་གཏན་#ཕབ་འབྲས་བུར་བྱས། །ཡོན་ཏན་ལྷག་ཅན་སྦྱོར་བ་བརྒྱ་པ་བརྗོད་པ་ཡིས། །བསོད་ནམས་བླ་ན་མེད་པ་བདག་གིས་གང་ཐོབ་པ། །དེ་ཡིས་རྣམ་པ་སྣ་ཚོགས་ནད་ཀྱིས་གཟིར་གྱུར་པ། །མཐའ་ཡས་
[8a.7]འགྲོ་བ་རྣམས་ཀྱི་ནད་ནི་མེད་གྱུར་ཅིག །སྦྱོར་བ་བརྒྱ་པ་ཞེས་བྱ་བའི་སྨན་གྱི་གཞུང་འཕགས་པ་ཀླུ་སྒྲུབ་ཞབས་ཀྱིས་མཛད་པ་རྫོགས་སོ།། །།བལ་པོའི་པཎྜི་ཏ་ཆེན་པོ་བྲམ་ཟེ་ཛེ་ཏ་ཀརྞའི་#ཞལ་སྔ་ནས་དང་པོ་རྩ་འགྲེལ་ལན་ཅིག་གསུངས་ཤིང་། །དུས་ཕྱིས་རྒྱ་གར་
[8b]
[8b.1]ཤར་ཕྱོགས་ཀྱི་པཎྜི་ཏ་བུདྡྷ་ཤྲི་#ཛྙཱ་ནའི་ཞལ་སྔ་ནས་སྟོད་ཅུང་ཟད་གསུངས་ནས། གྲུབ་པའི་ཞིང་སྐྱི་རོང་འཕགས་པ་འཇིག་རྟེན་དབང་པོའི་གཙུག་ལག་ཁང་ལ་ཅུང་ཟད་ལས་མི་རིང་བ། ཆེན་པོའི་ཆེན་པོ་རྣམས་ཀྱི་གདན་ས་དཔལ་ཤེལ་#གྱི་གཙུག་ལག་ཁང་དུ་
[8b.2]སྡོམ་བརྩོན་དམ་པ་སྡེ་སྣོད་གསུམ་དང་། རྒྱུད་དང་རྒྱུད་ཀྱི་ཡན་ལག་རྣམས་ལ་#ལེགས་པར་འདྲིས་ཤིང་། ཁྱད་པར་དུ་ཚེའི་རིག་བྱེད་ཡན་ལག་བརྒྱད་པའི་སྙིང་པོ་བསྡུས་པའི་གཞུང་དོན་ལེགས་པར་རྟོགས་པ་དགེ་སློང་ཨ་མོ་གྷའི་གསུང་གིས་བསྐུལ་ནས། མང་དུ་
[8b.3]ཐོས་པའི་ལོ་ཙྪ་བ་ཤཱཀྱའི་དགེ་སློང་དཔལ་ཉི་མ་རྒྱལ་མཚན་བཟང་པོས་འགྲེལ་པ་གསུམ་དང་བསྟུན་ཏེ་བསྒྱུར་ཞིང་ལེགས་པར་གཏན་ལ་ཕབ་པ།། །།#གསོ་དཔྱད་གཞུང་ལུགས་བརྒྱ་ཕྲག་དུ་མའི་གནས#། །སྣ་ཚོགས་མངོན་བརྗོད་ཐ་དད་སྡེབ་སྦྱོར་ཅན། །
[8b.4]ཡ་མཚན་བརྒྱན་#ལ་ལེགས་སྦྱར་#ཚིག་གིས་སྤེལ། །གང་འདི་བསྒྱུར་དགེས་ནད་རྣམས་ཞི་བར་ཤོག། {T4307}༄། །སྨན་འཚོ་བའི་མདོ་བཞུགས། #༄༅། །རྒྱ་གར་སྐད་དུ། ཛཱི་བ་སཱུ་ཏྲ། བོད་སྐད་དུ། སྨན་འཚོ་བའི་མདོ། །
[8b.5]བམ་པོ་གཅིག་པ། ཐམས་ཅད་མཁྱེན་པ་ལ་ཕྱག་འཚལ་ལོ། །སྨན་པའི་མཆོག་སྟེ་ཉོན་མོངས་ནད་སེལ་དེ་ལ་ཕྱག་འཚལ་#ནས། །འཕགས་པའི་བརྟུལ་ཞུགས་དྲང་སྲོང་མ་གཏོགས་སྐྱེས་བུ་བློ་ལྡན་པས། །རླུང་མཁྲིས་བད་ཀན་གསུམ་དང་འཕྲོད་སྤྱད་བག་བྱ་སྤྱོད་
[8b.6]ལམ་གྱིས། །མི་ལུས་འདི་ཐོབ་དོན་ཡོད་འཚོ་བའི་དོན་ཙམ་བསྟན་པར་བྱ། །འདོད་ཁྲོ་གཏི་མུག་གསུམ་ལས་རླུང་མཁྲིས་བད་ཀན་གསུམ་སྲིད་དེ། །ལུས་ཡུལ་དུས་ལ་སོགས་པ་ཀུན་དང་བདེ་བཅས་དབང་བསྒྱུར་#ཞེས། །དྲང་སྲོང་ཆེན་པོས་གསུངས་ཕྱིར་དེ་ཡི་ཁྱད་པར་
[8b.7]མདོར་བསྟུན་#ནས། །ཚུལ་རྟགས་#ཟས་དང་གནས་དཔྱད་#དགོངས་པ་ཉི་ཚེ་འདིར་བརྗོད་པ། །ལུས་རྩུབ་སྐེམས་སེམས་རྒོད་ཚིག་མང་གྲང་རླུང་གི་མི། །དམར་སེར་བློ་རྣོ་ཁྲོ་ལ་དྲོད་ཆེ་དྲི་ཅན་མཁྲིས་པའི་མི། །དཀར་སྣུམ་ཚིག་གཡུང་ལྕི་ལ་དྲོད་ཆུང་གཉིད་ཆུང་བད་ཀན་མི། །
[9a]
[9a.1]གཉིས་དང་གསུམ་དུ་འདྲེས་པ་ཡང་ནི་དེ་ལས་ཤེས་པར་བྱ། །རྒན་དང་དར་དང་བྱིས་པ་རིམ་གྱིས་ལྟ་#ཞིང་ཤེས་པར་བྱ། །ངད་ཅན་གྲང་བ་རླུང་གི་ཡུལ་ཏེ་ཚ་གདུང་མཁྲིས་པའི་ས། །རླན་ཅན་སྣུམ་བག་བད་ཀན་ཡུལ་ཏེ་འདྲེས་པ་དེ་ལས་བརྟག །
[9a.2]ནང་པར་སྲོད་ནི་བད་ཀན་ཐོ་རངས་ཕྱི་དྲོ་རླུང་གི་དུས། །ཉི་མ་ཕྱེད་དང་ནམ་ཕྱེད་མཁྲིས་པའི་དུས་ཡིན་ཤེས་པར་བྱ། །དཔྱིད་ན་བད་ཀན་ལྡང་སྟེ་#དབྱར་སྟོད་རླུང་སོགས་#སྟོན་མཁྲིས་ལྡང་། །དབྱར་སྨད་རླུང་ལྡང་མཁྲིས་སོགས་#དགུན་སྟོད་དགུན་སྨད་བད་ཀན་སོགས#། །
[9a.3]སྟོན་ནི་རླུང་ཞི་དགུན་སྟོད་མཁྲིས་ཞི་དབྱར་སྨད་བད་ཀན་ཞི། །ལུས་ཡུལ་དུས་དག་བརྗོད་ནས་བྲོ་#དྲུག་ཁྱད་པར་མདོར་བསྟན་པ། །མངར་ཀུན་བསིལ་ཏེ་བད་ཀན་སྐྱེད་#དེ་རླུང་མཁྲིས་སེལ་བྱེད་ན། །ཞུན་མར་བུ་རམ་སྙིང་གཟེར་གཟེ་མ་གྲོ་དང་སྟརྐ་དྲོ། །མུ་ཀ་སྦྲང་རྩི་སྐམ་
[9a.4]སའི་ཤ་དང་ནས་དང་བུ་རམ་རྙིང་#། །བད་ཀན་སེལ་ཏེ་ཉེ་ཤིང་རམ་ཉེ་བད་ཀན་མི་སྐྱེད་སྙོམས། །ཚ་བ་དྲོ་སྟེ་མཁྲིས་སྐྱེ་#རླུང་དང་བད་ཀན་སེལ་བྱེད་ན། །སྲོག་ཆགས་མཁྲིས་པ་མཁྲིས་སེལ་ན་ལེ་ཤམ་ནི་རླུང་ཡང་སྐྱེད#། །སྐྱུར་ཀུན་དྲོ་སྟེ་མཁྲིས་པ་སྐྱེད་#ཅིང་བད་ཀན་རླུང་
[9a.5]སེལ་ན། །སྐྱུ་རུ་ར་དང་བལ་པོ་སེའུ་ནི་མཁྲིས་པ་སེལ་བར་བྱེད། །ཀུ་ཤུ་མངར་ནི་བསིལ་ལ་དར་བ་ཆུས་བསླད་མཁྲིས་མི་སྐྱེད། །ཁ་བ་བསིལ་ཏེ་རླུང་སྐྱེད་#བད་ཀན་མཁྲིས་པ་སེལ་བྱེད་ན། །ཤུ་དག་སླེ་ཏྲེས་དྲོ་སྟེ་འཕྲོད་དང་སྦྱར་ན་རླུང་ཡང་སེལ། །བསྐ་བ་ཀུན་ནི་
[9a.6]བསིལ་ཏེ་རླུང་སྐྱེད་#བད་ཀན་མཁྲིས་སེལ་ན། །ཨ་རུ་ར་ནི་ཉེས་པ་གསུམ་པ་#གནོད་མི་བྱེད་དེ་སྙོམས། །ཆང་རན་བད་ཀན་རླུང་སེལ་མང་#ན་མཁྲིས་པ་སྐྱེད་པར་བྱེད། །ལན་ཚྭ་དྲོ་སྟེ་རླུང་སེལ་བད་ཀན་མཁྲིས་པ་སྐྱེ་#བྱེད་ན། །རྒྱམ་ཚ་ལྕེ་མྱང་ཚ་#ནི་མཁྲིས་པ་ལས་#ཡང་
[9a.7]གནོད་མི་བྱེད། །མངར་དང་བསྐ་དང་ལན་ཚྭ་གསུམ་ཡང་རིམ་#བཞིན་མས་ལྕི་སྟེ། །སྐྱུར་དང་ཚ་#དང་ཁ་བ་གསུམ་ནི་དེ་བཞིན་མར་ཞིང་#ཡང་། །ཁ་བ་བསྐ་དང་ལན་ཚྭ་གསུམ་ཡང་རིམ་བཞིན་མས་རྩུབ་སྟེ། །མངར་དང་སྐྱུར་དང་ཚ་#བ་གསུམ་ཡང་དེ་བཞིན་མར་#ཞིང་འཇམ། །
[9b]
[9b.1]རླུང་མཁྲིས་བད་ཀན་གསུམ་ཀ་འདྲ་སྟེ་ཉིད་ཀྱིས་ཉིད་སྐྱེས་#པས། །ལུས་དང་ཡུལ་དུས་ཟས་སྤྱོད་ཚུལ་གཅིག་འདོམ་ན་ནད་ལྡང་སྟེ། །ཇི་ལྟར་མཐུན་པར་འཕྲོད་སྦྱར་རླུང་མཁྲིས་བད་ཀན་མི་ལྡང་ཕན། །དེ་ཕྱིར་འཕྲོད་དང་མི་འཕྲོད་ལ་སོགས་ཚུལ་བཞིན་འདིར་བསྟན་པ། །རླུང་ནི་མངར་
[9b.2]སྣུམ་ལྕི་དྲོ་འཕྲོད་#དེ་རྩུབ་ཡང་བསིལ་མི་འཕྲོད། །མཁྲིས་པ་ཁ་མངར་བསིལ་དང་འཕྲོད་#དེ་ཚ་སྐྱུར་དྲོ་མི་འཕྲོད། །བད་ཀན་སྣུམ་ལྕི་བསིལ་དང་མི་འཕྲོད་རྩུབ་ཚ་སྤྱོད་#དང་འཕྲོད། །དེ་བས་རང་གི་ལུས་དང་དུས་གནས་ཟས་དང་འཕྲོད་སྤྱད་ཕྱིར། །དཔྱིད་ཟླ་གཉིས་ནི་བད་ཀན་
[9b.3]བསྐྱེད་དུས་ཡིན་ཏེ་ནད་ལྡང་བས#། །བད་ཀན་དྲང་ཞིང་བཀྲུ་སྨན་སྐྱུག་སྨན་བཏང་ཞིང་ཆུ་ཚན་བཏུང་། །གྲོ་ནས་བསྲེག་ཤ་སྦྲང་#རྩི་ལ་སོགས་རྩུབ་བསྐ་ཡང་བ་བཟའ། །སྦྲང་ཆང་རྒུན་ཆང་སྒ་ཆུ་སྦྲང་#ཆུ་བུ་རམ་ཆང་ཉིད་#བཏུང་། །མར་ཚིལ་ལ་སོགས་སྣུམ་ལྕི་ཁ་ར་སྐྱུར་པོ་ཚ་ཕྲོམ་
[9b.4]དག། །མངར་འཇམ་སྐྱུར་ན་བསིལ་བག་ཡང་ཞིང་ཉིན་པར་ལོག་མི་བྱ། །ཆུ་#ཚས་ལུས་བཀྲུ་མཉེ་ཞིང་ལས་བསྐྱོད་བཅག་བྱ་ཅི་རན་བྱ། །གནས་ཀྱང་ཧ་ཅང་མི་ཚ་མི་གྲང་རན་དྲོ་གྲིབ་མར་འདུག །དབྱར་སྟོད་ཟླ་གཉིས་མ་#འབྲི་དུས་ཡིན་ཉལ་པོ་དྲག་ཤུལ་སྤང་། །ངལ་དུབ་མི་བྱ་
[9b.5]བག་འབྲས་འོ་མ་མར་སར་ཤ་དག་བཟའ། །བུ་རམ་ཚིལ་ནི་ཅུང་ཟད་བཟའ་སྟེ་ཆང་ཉུང་ཡང་བ་བཏུང་། །འོ་མ་བསྐོལ་གྲང་#ཁ་རས་བཏབ་དང་དར་བ་འཐུངས་ན་ཕན། །ལན་ཚ་#སྐྱུར་ཞིང་ན་ལེ་ཤམ་ལ་སོགས་པ་ཚ་སྐྱུར་སྤང་། །ཆུ་འཇམ་ཙམ་གྱིས་ལུས་བཀྲུ་སྒྲ་སྙན་མཉན་ཞིང་
[9b.6]གདགས། །ཆར་པར་རེག་བྱ་ཉིན་པར་ཙོག་བུར་གཉིད་ཀྱིས་ལོག་ན་ཕན། །གནས་ཀྱང་སེར་#བུ་དྲག་པོའི་ངད་མེད་དྲོ་མིན་བསིལ་བར་འདུག །དབྱར་སྨད་ཟླ་བ་གཉིས་ན་མཁྲིས་པ་སོགས་ཤིང་#རླུང་ལྡང་སྟེ། །ཕྱི་རོལ་ཚ་ལ་ལུས་ཀྱི་ནང་གྲང་ནད་གསུམ་གཡོས་པས་#ན། །
[9b.7]རླུང་ནད་བསལ་ཕྱིར་ལུས་མཉེ་སྣུམ་བསྐུ་སྨན་ཆུ་བསྐོལ་བས་བཀྲུ། །རླུང་ནད་སེལ་དེས་ཏིལ་མར་མས་གཏོང་#དུགས་དང་ལུམས་ཀྱང་བྱ། །ཟས་ཀྱང་ཧ་ཅང་ཚ་མིན་མངར་སྐྱུར་མེད་པར་རན་པར་སྦྱར། །ཕོ་བ་དྲོད་སྐྱེད་#བག་དང་མར་ཚིལ་སྦྲང་རྩི་བར་འགའ་བཟའ། །ཡོས་དང་
[10a]
[10a.1]འབྲས་ཆན་མར་ཁུས་བླུགས་#དང་ཟན་དྲོན་ཤ་དག་བཟའ། །ཆང་ཡང་ཅུང་ཟད་བཏུང་སྟེ་ཆུ་དང་ཆུ་གྲོག་#སྤང་བར་བྱ། །རླན་ལ་མི་འདུག་མི་འགྲོ་ལུས་ལ་ཆར་པས་གཤེར་མི་བྱ། །སྟོབས་དང་དྲག་ཤུལ་ངལ་ཞིང་དུབ་པར་གྱུར་པའི་བག་དང་ཡང་། །
[10a.2]ཉིན་མཚན་མི་བདེ་ཉིན་པར་མི་ལོག་ཉལ་པོ་བརྟུན་བྱེད་སྤང་། །གནས་ཀྱང་རླན་མེད་རླུང་མི་ལྡང་ལ་བསིལ་བར་སྟན་བཏིང་#འདུག །སྟོན་ཟླ་གཉིས་ནི་མཁྲིས་པ་སྐྱེ་བའི་དུས་ཡིན་ནད་ལྡང་བས། །བསིལ་མངར་བཀྲུ་སྨན་གཏང་ཞིང་གཏར་ཀས་ཁྲག་ཀྱང་ཅི་རན་དབྱུང་། །
[10a.3]ཁ་ཞིང་མངར་ལ་བསིལ་བའི་སྨན་ཡང་རྟག་ཏུ་བཟའ་བར་བྱ། །དུས་འདིའི་ཆུ་ནི་དུག་མེད་གཙང་དང་བཀྲུས་ཤིང་འཐུངས་ན་ཕན། །ཟས་ཀྱང་འབྲས་ནས་སྲན་མ་སྦྲང་རྩི་ཁ་ར་ཤ་ལ་སོགས། །མངར་ཞིང་ཁ་ལ་ཡང་བ་མར་སར་འོ་མ་བཟའ་ཞིང་བཏུང་། །ཆང་ལྕི་དྲག་
[10a.4]པོའི་རོ་ཡོད་མི་བཏུང་ར་རོར་མི་བྱ་སྟེ། ཚིལ་དང་ཏིལ་མར་མི་བཟའ་ཟིལ་པར་མི་འགྲོ་འདུག་མི་བྱ། །ཚ་བའི་ཟས་དང་ཡུལ་ཡང་ཟླ་གྲོགས་ཡིད་དུ་འོང་བ་བསྟེན། །ཆུ་འཇམ་ཙམ་གྱིས་ལུས་བཀྲུ་གོས་ཀྱང་དྲི་མ་མེད་པ་བགོ། །རྒྱན་དང་དྲི་ཞིམ་ལུས་ལ་གདགས་ཤིང་
[10a.5]ཉིན་མཚན་མི་བདེ་#སྟེ། །གནས་ཀྱང་དྲོ་མིན་སེར་#བུས་མི་ཕོག་བསིལ་བག་ཅན་ལ་འདུག །དགུན་སྟོད་དགུན་སྨད་ཟླ་བཞི་ཕྱི་གྲང་ནང་ཚ་བད་ཀན་སོགས#། །གོས་དྲོར་བགོ་ཞིང་རླན་དང་ལྷགས་པ་#བག་བྱ་ཉི་མའང་འདེ#། །ཟས་ཀྱང་ཤ་ཚོན་རུས་ཁུ་མར་ཚིལ་#སྣུམ་བག་
[10a.6]འགྲངས་པར་བཟའ། །མངར་སྐྱུར་ལན་ཚྭ་དྲོད་བག་ཆེར་བཟའ་གསར་ཏོག་འབྲུ་དག་བཟའ། །རན་པར་སྣ་ཚོགས་ཆང་བཏུང་ངལ་བའི་ལས་དག་བྱས་ཀྱང་སླ། །རྩེལ་#བཅག་ལུས་སྦྱང་སྐབས་སྐབས་མགོ་ལུས་ཏིལ་མར་བསྐུ་ཞིང་མཉེ། །དེ་རྗེས་སྐྱུ་རུ་ར་ལ་སོགས་པ་སྨན་
[10a.7]བསྐོལ་ཆུས་ཀྱང་བཀྲུ། །གནས་ཀྱང་བསྲོ་ཁང་དྲོན་པོར་མེ་དང་སྟན་སྟུག་ལྡན་པར་འདུག །དབྱར་སྟོད་ཚ་དུས་དབྱར་སྨད་རླུང་དུས་བཀྲུ་སྨན་མི་གཏང་#སྟེ། །དགུན་སྟོད་དགུན་སྨད་གྲང་དང་རྒས་ལ་སྐྱུག་སྨན་གཏར་ག་སྤང་། །དགུན་གཉིས་དབྱར་སྟོད་ལུམས་དུགས་མི་བྱ་
[10b]
[10b.1]ནད་ཀྱིས་གཟིར་ཀྱང་སླ། །དེ་ལྟར་ཡིན་ཡང་ལུས་དང་ནད་དུ་གར་མཐུན་བརྩམ་#པར་བྱ། །རླུང་མཁྲིས་བད་ཀན་གསུམ་དང་འཕྲོད་པས་འཚོ་བའི་མདོ་བརྗོད་ནས། །བག་བྱེད་སྤྱོད་ལམ་ཅན་དག་རིང་དུ་འཚོ་ཕྱིར་ཡང་བསྟན་པ། །མེད་སྨྲ་ཅིར་ཡང་ཆོས་དང་རིགས་པ་གཞན་
[10b.2]དག་གསུམ་ལ་འཛེམ། །སྔར་བྱས་ནང་ནུབ་བསམ་ཞིང་སྐྱོར་#དོར་ཕྱིན་ཆག་#བག་ཆེར་བྱ། །བྱེད་པ་གང་ལ་རྡུལ་མེད་རང་ཉམ་མེད་ཅིང་འདོད་ཆེན་སྤང་། །ང་རྒྱལ་ལང་ཚོས་#སྤྱི་བརྟོལ་ཆེ་མིན་ཤེས་དམན་ཁུམ་#མི་བྱ། །སྡིག་གྲོགས་སྤང་ཞིང་དགེ་བཤེས་#བསྟེན་ཏེ་གཏོང་
[10b.3]སྨོས་དགེ་བཅུ་སྤྱད། །གསོང་དེས་ཚུལ་ཆགས་གཞན་ལ་གནོད་མིན་མི་ལ་བྱམས་པར་བྱ། །ལྷ་དང་རྒྱལ་པོར་ཉེར་བསམ་ལུང་མཉན་#ཡིད་དང་མཐུན་པར་སྒྲུབ#། །རྒྱལ་པོའི་སྲས་དང་རྨ་ནི་ཆུང་ཡང་མི་བརྙས་#བག་ཆེར་བྱ། །སྤྱོད་ལམ་སྒྱུ་མས་མི་བསླུ་བཀའ་ཁྲིམས་
[10b.4]ཡུལ་ཆོས་བསྲུང་། །གཞན་གྱི་དཔྱས་#སྐྱོན་མི་བརྗོད་རྟོག་#འདོད་གཏུམ་ཆོས་འགྲན་མི་བྱ། །དགེ་སློང་སློབ་དཔོན་ཕ་མའི་གོང་དུ་མི་འགྲོ་སྲི་ཞུ་སྐྱེད། །དགེ་སྦྱོང་དྲང་སྲོང་སྲོག་ཆགས་ཡ་མཚན་མཉན་#གཏོད་སྦྲུལ་མི་རྩེ#། །མ་རྟོགས་ཤིང་ཆེན་མཆོད་རྟེན་དྲུང་དང་ལམ་
[10b.5]མདོ་ཕུག་སྟོང་དང་། །སེམས་ཅན་མང་དུ་བསད་པའི་#སློ་ས་དུར་ཁྲོད་ཉལ་མི་བྱ། །གཉན་པའི་མཚོ་དང་ཆུ་མིག་བཟང་པོར་མི་བཀྲུ་མི་བཤལ་ཏེ། །རྡོ་ཤིང་དགོན་པའི་ཤིང་ཆེན་མི་བཅད་ཕ་བོང་གཞོམ་མི་བྱ། །མཆོད་རྟེན་རྒྱལ་མཚན་ཨརྒའི་#གྲིབ་མ་མཎྜལ་མི་འགོང་#
[10b.6]ཞིང་། །མི་རོ་གཏོར་མ་ཡས་སྟགས་#ཧོམ་ཁུང་ཐལ་ཁུང་བཅག་མི་བྱ། །ནམ་མཁའ་བན་བུན་ཉི་མ་ཕྱེད་དང་དམར་ཐག་ཆད་པའི་ཚེ། །མི་བཟའ་མི་བཏུང་ཡི་གེ་ཀློག་མིན་ཉལ་པོ་ལས་དང་ཡང་#། །ཉི་མ་ལ་སོགས་འོད་ཟེར་ཕྲ་སྔགས་མི་རིང་རིང་མི་བལྟ། །ལྷ་
[10b.7]ཁང་སྒོར་མི་ཉལ་ཏེ་རི་སྣ་གྲོག་སྣར་གནས་མི་བཅའ། །ཡ་མཚན་ཤེས་དྲག་མི་བསྟེན་བུད་མེད་ངག་མི་མཉན། །བུད་མེད་རྒན་ལ་མི་རྒྱོ་རྩལ་རྒྱོས་#སྨྲ་འགྲོས་དུབ་མི་བྱ། །གད་མོ་ཆེ་ཞིང་རིང་དུ་དགོད་#དང་ངུད་མོ་དྲག་པོ་སྤང་། །རྟག་ཏུ་མི་འདུག་རིང་དུ་མི་འགྲེང་
[11a]
[11a.1]ཅི་ནུས་རན་པར་བཅག །སྦྲིད་པ་ལུད་པ་ཁུ་#ཆུ་མཆི་མ་སྣབས་འཕྱེན་#བཤང་གཅི་དབྱལ#། །མི་དགག་མ་བསྒྲུས་བཀྲེས་སྐོམ་ནད་གཉིད་གནག་མིན་མྱུར་དུ་བསལ། །ཉལ་པོ་སྐིགས་པ་ལུད་པ་ལ་སོགས་ཚེ་ལུས་མཇིང་#མི་གཅུ། །གླལ་ན་ཁ་
[11a.2]དགབ་སྦྲིད་པ་སྨྲ་ཚེ་ཧ་ཅང་ཁ་མི་བགྲད། །སེན་མོ་རིང་དུ་མི་བཞག་བྲེགས་ཏེ་ཕན་ཚུན་བྲུད་མི་བྱ། །མགོ་ལུས་ལག་པས་མི་བརྡབ་མགོ་བོ་#དྲག་ཏུ་མི་སྤྲུགས་ཏེ#། །དོན་མེད་ས་མི་བྲི་ཞིང་ལག་པ་མི་བརྡབ་མཆུ་#མི་བྲི། །མི་ནུས་#བཞིན་དུ་ཅི་མི་གདགས་#ཏེ་མྱ་ངན་གནན་#མི་
[11a.3]བྱ། །དཔྱིད་དང་དབྱར་སྟོད་སྟོན་ནི་ཕྱུགས་མར་དུས་བཞིན་#ཏིལ་མར་གྱིས། །རྟག་ཏུ་མགོ་དང་རྐང་མཐིལ་བསྐུ་ཞིང་བར་བར་ལུས་ཀྱང་བསྐུ། །སྟོན་དཔྱིད་མ་ཡིན་དུས་གཞན་#རེས་འགའ་སྣ་དང་རྣ་བར་ཏིལ་མར་བླུགས#། །སྐྱེར་པའི་ཁཎྜ་སྟང་ཟིལ་དག་གིས་བར་བར་མིག་
[11a.4]ཀྱང་བསྐུ། །རྟག་ཏུ་ལུས་ཀྱི་བྱི་དོར་བྱ་ཞིང་སྨན་སྔགས་རིན་ཆེན་གདགས། །སེར་#བུ་དྲག་པོ་མི་རོའི་དྲི་དང་དུད་པས་ཕོག་མི་བྱ། །ཆུ་ཚས་མགོ་ལུས་མི་བཀྲུ་བཀྲུ་སྨན་སྐྱུག་སྨན་གཏང་བ་དང་#། །ཆམ་པ་མ་ཞུས་བཏབ་སྟེ་མགོ་ལུས་མི་བཀྲུ་སྣུམ་མི་བསྐུ། །སྐྱ་རེངས་#ཤར་
[11a.5]ནས་ཙོག་པུར་#འདུག་སྟེ་དེ་རིང་ཅི་བྱ་བསམ། །ལངས་ནས་སོ་ཤིང་བཅའ་ཞིང་ཁ་ཡི་སྐྱོན་བསལ་ལག་གདོང་བཀྲུ། །དེ་ནས་སྨན་མཆོག་ཨ་རུ་ར་ནི་རྟག་ཟོས་བདུད་རྩི་ཡིན། །ལུག་གི་མར་མིན་མར་སར་ཞུན་མར་རྒས་སྲ་ཚེ་རིང་སྟེ། །འདི་ལ་སོགས་པ་ལུས་དང་ཚེ་ལ་ཕན་པའི་
[11a.6]སྨན་ཟོས་ན། །བྱུག་པ་རྒྱན་དང་གོས་ཀྱིས་ཤིན་དུ་མཛེས་བྱས་ལྷ་ཡང་མཆོད། །དེ་ནས་སྲི་ཞུའི་གནས་དང་འཁོར་ལ་སྙན་བརྗོད་འཛུམ་བསྟན་ནས། །རྗེ་དཔོན་ལས་དང་བདག་གཞན་དོན་ལ་ནན་ཏན་བརྩོན་འགྲུས་སྐྱེད#། །དུས་བཞིར་དྲོ་བབ་#རན་པར་ཟས་བཟའ་ངོམས་པར་
[11a.7]སྐོམ་འཐུང་#སྟེ། །ཐུག་པ་ཁུ་ཚན་ལ་སོགས་སྣུམ་ལྕི་དྲོད་ཀུན་སྔར་བཟའ་ཞིང་། །འབྲས་ལ་སོགས་པ་བསིལ་ཡང་ཕྱིས་བཟའ་འཕྲད་#མེད་ཕྱེ་མ་འགམ#། །བབ་ཆོལ་ཧ་ཅང་འགྲངས་པར་བཟའ་མིན་མྱོས་པར་ཆང་མི་བཏུང་། །འབྲས་ཀྱིས་འགྲངས་རྗེས་ཕྱེ་ཟན་མི་བཟའ་
[11b]
[11b.1]དྲོད་རྗེས་སྐོམ་མི་བཏུང་། །སྐྱོ་མ་རན་པར་འཐུངས་ན་ལུས་བརྟ་#ནང་ན་རྒན་ལ་བསོད། །བྲོ་#དྲུག་གང་ཡང་གཅིག་ལ་ཆེར་ཟོས་#ནད་ལྡང་རན་པར་སྦྱར། །འགྲངས་པའི་རྗེས་ལ་ཉལ་པོ་བང་སྟོབས་རྟ་རྒྱུག་ལ་སོགས་སྤང་། །ཤིང་ཏོག་ལྡམ་ལྡུམ་#མང་ན་ནད་ལྡང་བ་
[11b.2]མོས་ཕོག་པ་གནོད། །དབྱར་ཟླ་འབྲིང་པོའི་#ཚེས་ལ་ལྡམ་ལྡུམ་བཟའ་དྲག་#ནད་དུ་འགྱུར། །ནད་ཅན་ལུམས་ཀྱིས་དྲངས་ཏེ་མགྱོགས་ན་ནད་ལྡང་སྐྲན་དུ་འོང་། །མཆིན་པ་གཡེར་མ་སྤངས་ཏེ་ཟོས་ན་ཅུང་ཟད་སྙིང་ལ་གནོད། །ཟས་མཆོག་སྦྲང་རྩི་མར་རྙིང་ཆ་མཉམ་ཟོས་
[11b.3]ན་དུག་བཞིན་གནོད། །མི་མཉམ་ཆེ་ཆུང་བྱས་ཀྱང་ཟོས་རྗེས་ཆང་དུ་#འཐུངས་ན་གནོད། །མ་ལངས་ཞོ་དང་ལངས་མ་ཐག་གི་ཞོ་དྲོན་ནད་ཀུན་སློང་#། །ཆུ་བྱ་དབྱར་སྤང་ལྡུམ་མཆོག་ཀེའུ་ནི་#དབྱར་ཟླ་འབྲིང་པོའི་སྨན། །སྨན་འཐུངས་ཤ་པའི་ཤ་གནོད་ག་གོན་ཞོ་འདྲེར་#རིམས་
[11b.4]སུ་འགྱུར། །བཙོང་བསྲེགས་#སྦྲང་རྩིར་མི་འཕྲོད་ལྷན་ཅིག་ཟོས་ན་འཆི་བར་འགྱུར། །ཀེའུ་འམ་གནག་ཤ་ལྷན་ཅིག་ཟོས་ན་སྐྲན་དུ་འགྱུར། །དགུན་སྟོད་རྒྱ་གཡེར་ཟོས་ན་སྙིང་ནི་#དྲགས་ན་མིག་ཀྱང་མདོངས#། །མར་ཚིལ་ཟོས་དང་མི་འཕྲོད་ལྷ་བ་བཟའ་དྲགས་ན་སོ་འབྱུང་། །
[11b.5]བྲ་བོ་#མང་དུ་ཟོས་ན་རླུང་དང་ལུས་གཡའ་སྟེ། །ནུབ་མོ་ཆུ་འཐུང་ཆང་#གནོན་ལ་ཕུག་རྙིད་#དང་ཤ་སྐམ་སྤང་། །ཉ་དང་ཁ་ཚ་མར་ཚིལ་མི་འཕྲོད་སྣོད་ཀྱང་གཅིག་མི་བྱ། །ཉ་དང་འོ་མ་ལྷན་ཅིག་མང་ཟོས་ནང་ན་ཟེར་མ་གནོད། །ཤིང་ཏོག་ཆང་ལ་སོགས་ཏེ་སྐྱུར་དང་ཤང་ཚེ་ལ་ཕུག་
[11b.6]རློན། །ཉུངས་རྙིང་#འདི་རྣམས་གང་ཡང་འོ་མར་འཕྲོད་མིན་མང་ཟོས་གནོད། །འོ་ཚན་འཐུངས་རྗེས་ཆུ་གྲོག་#འཐུངས་དང་རྒྱ་སྲན་ནག་པོ་གནོད། །ཟླ་བ་སྤྱང་ཀིས་ཟིན་ཚེ་ཟན་ཟོས་སོ་ན་ཤུ་བ་འབྱུང་། །གནག་ཤ་རྟ་ཤ་#ལྷན་ཅིག་ཟོས་ན་ལུས་ལ་གཡན་པ་འོང་། །གནག་
[11b.7]ཤ་ཕག་ཤ་ལྷན་ཅིག་ཟོས་ན་ལྟོ་ཡི་སྲིན་བུར་འགྱུར། །ཉ་དང་ཁྱིམ་བྱའི་ཤ་གཉིས་ལྷན་ཅིག་ཟོས་ན་སྐྲན་དུ་འགྱུར། །ཁྱིམ་བྱའི་སྒོ་ངའི་སྤྲི་དང་སྒོག་སྐྱ་ཟོས་ན་དབུགས་མི་བདེ། །ཁྱིམ་བྱའི་ཤ་དང་རི་བོང་ཤ་གཉིས་ལྷན་ཅིག་ཟོས་ན་ཅུང་#ཟད་འཁྲུ། །ཤ་མོ་ཡུངས་མར་
[12a]
[12a.1]ནང་དུ་བརྡོས་པ་ཟོས་ན་ལུས་ལ་གནོད། །མ་ནུའི་ས་བོན་ཀ་ཙམ་#སྦྲང་རྩིར་འཕྲད་མ་ཡིན། །ལ་ཕུག་བུ་རམ་མི་འཕྲོད་ཞོ་དང་བྱ་གག་ཤར་མི་འཕྲོད། །དེ་ལྟར་འཕྲོད་ཟས་གོམས་དང་རྟག་ཏུ་ཆགས་#པ་དང་། །ལང་ཚོ་འཇུ་སླས་ཟོས་དང་ཉུང་ན་
[12a.2]གནོད་པ་མེད་དང་བསྲེ། །འཕྲོད་པའི་ཟས་ཟོས་ཕྱི་དྲོའི་ལས་བྱས་ནམ་སྲོས་བདེ་བར་ཉལ། །དེ་ལྟར་ནན་ཏན་བག་བྱས་མི་ཚེ་ཚད་བཞིན་འཚོ་ངེས་པས། །སྐྱེས་ནས་ལོ་བཅུའི་བར་དུ་སྨ་མི་དབབ་ཅིང་རང་དགར་གཞག# །དེ་ནས་ཉི་ཤུ་ལོན་ཏེ་ལོ་བཅུར་བསླབ་དང་བརྩལ་#
[12a.3]བར་བྱ། །དེ་ནས་ལྔ་བཅུ་ལྔ་ལོན་སུམ་ཅུ་རྩ་ལྔ་ཁྱུད་འཁོར་#དུ། །ལོངས་སྤྱོད་གྲགས་པའི་ཡུལ་སྲིད་གཏམ་བྱས་ནས། །ལྔ་བཅུ་ལྔ་ལོན་ཕྱིན་ཆད་ཆོས་ལམ་ཡུམ་གྱི་ཆེད་བསྒྲུབ་ཕྱིར། །དགེ་ལ་བརྩོན་བསྐྱེད་ཐོས་རིག་གོམས་བྱེད་ལུས་སེམས་ཅི་བདེར་གནས། །
[12a.4]དེ་ལྟར་སུས་ནུས་མི་ལུས་ཐོབ་པའི་དོན་ཡོད་སྐྱིད་ཅིང་དགེ །སློབ་དཔོན་འཕགས་པ་ཀླུ་སྒྲུབ་སྙིང་པོས་སྨན་པ་རྣམས་ལ་བརྫངས་པ། སྨན་འཚོ་བའི་མདོ་ཚིགས་སུ་བཅད་པ་རྫོགས་སོ།། །།།{T4308}༄༅། །སློབ་དཔོན་ཀླུ་སྒྲུབ་ཀྱིས་བཤད་པ་སྨན་ཨ་བའི་ཆོ་ག# །
[12a.5]སྨན་ཨ་བ་འདི་ནི་ལུས་ཀྱི་རུས་པ་ཆག་པ་དང་། རྐང་ལག་གི་རུས་པ་ཆག་པ་དང་། འཕྲེས་པ་དང་། ཁ་བྱེ་བ་དང་། ཚིགས་འབུར་བ་དང་། སྨས་ཏེ་རྨ་ཆེན་པོ་བྱུང་བ་དང་། རླུང་དང་། བད་ཀན་དང་། མཁྲིས་པ་དང་། དྲེག་ནད་དང་། ད་སྒལ་#དང་། རོ་སྨད་
[12a.6]མན་ཆད་འཇས་པ་དང་། ན་སྟེ་མི་བདེ་ན་ཡང་ནད་ཀྱི་ངོས་མ་ཟིན་ཏེ་ཅི་ན་གཏོལ་མེད་པ་དང་། མིག་ནད་སྣ་ཚོགས་པ་དང་། རྒས་སྲ་བར་བྱ་བ་དང་། རོ་ཙ་བར་བྱ་བ་ལ་སོགས་པའི་དཔྱད། ལྷ་ཆེན་པོ་གུ་ལང་གིས་གུ་ལང་གི་བཙུན་མོ་ཞེས་བཤད་དེ། ཨ་བ་ཡིན་ནོ། །ཨ་
[12a.7]བ་གཏང་བའི་ཚེས་གྲངས་འདམ་པ་ནི། ཚེས་བདུན་དང་། བརྒྱད་དང་། བཅུ་གསུམ་ལ་བཟང་ངོ་། །སྐར་མ་འདམ་པ་ནི། བ་རུ་ཎའི་དུས་ལ་བབ་པའི་ཆུ་ལྷ་སྟེ། བདུད་རྩི་དང་སྦྱོར་#བའི་སྐར་མ་ལ་བཟང་སྟེ་སྨན་གཏང་#ངོ་། །སྨན་གཏང་བའི་ཐབས་ནི་ནད་ཅི་ན་
[12b]
[12b.1]ཡང་རུང་སྟེ། དང་པོར་སྦྲང་རྩི་ལ་#སྦྱར་ཏེ་གཏང་། དེའི་འོག་ཏུ་ཞུན་མར་ལ་སྦྱར་ཏེ་གཏང་། དེའི་འོག་ཏུ་འབྲུ་མར་ལ་སྦྱར་ཏེ་གཏང་ངོ་། །སྦྲང་རྩི་ལ་སོགས་པ་སྣ་རེ་རེ་འདྲ་སྟེ། ཞག་བདུན་བདུན་སྦྱར་ཞིང་ཕུལ་#ཏེ་འཚལ་ལོ། །ཕན་པའི་སྣ་གྲངས་ནི། ལུས་ཀྱི་རུས་པ་ཆག་པ་དང་།
[12b.2]རྐང་ལག་ཆག་གྲུགས་#བྱུང་ངོ་ཅོག་དང་། ལུས་ལ་རྨ་བྱུང་ངོ་ཅོག་དང་། སྙིང་ན་བ་དང་། རྩིབ་ལོགས་ན་བ་དང་། རོ་སྟོད་གཟེར་བ་དང་། གློ་ན་བ་དང་། རུས་པ་ཆག་གོ་ཅོག་ལ་ལྷག་པར་ཕན་ནོ། །རླུང་ལས་གྱུར་པའི་ནད་བརྒྱད་ཅུ་སྙེད་ཡོད་པ་དང་། མཁྲིས་པ་ལས་གྱུར་པའི་
[12b.3]ནད་ཀྱི་རྣམ་གྲངས་ཉི་ཤུ་དང་། བད་ཀན་གྱི་ནད་ཉི་ཤུ་རྩ་བཞི་སྟེ། སྤྱིར་ནད་བརྒྱ་ཉི་ཤུ་རྩ་བཞི་ཡོད་པ་རིལ་འབྱང་ངོ་། །དྲེག་ནད་དང་། #ཚ་གྲང་འདྲེས་པ་ལས་གྱུར་པའི་ནད་དང་། མདོར་ན་ནད་ཅི་ཡང་རུང་སྟེ། སྨན་ཨ་བ་བཏང་ན་ནད་དོ་ཅོག་འབྱང་ངོ་ཞེས་ལྷ་ཆེན་པོ་ཚངས་པ་དང་།
[12b.4]གུ་ལང་གིས་བཤད་པ་ལས་ཐོས་སོ། །མིག་རབ་རིབ་ཡོད་པ་དང་། ལིང་ཏོག་དང་། སྤྲིས་གཡོགས་པ་དང་། མདོངས་#པ་དང་། མིག་གཡའ་བ་དང་། ན་བ་དང་། མིག་ནད་ཡོད་དོ་ཅོག་དང་། མགུལ་པ་མན་ཆད་ན་བ་དང་། སྣ་ནད་དང་། རྣ་ནད་དང་།# རྣ་བ་མི་གསང་བ་དང་།
[12b.5]ཀླད་པ་མི་བདེ་བ་དང་། མཆིན་ནད་དང་། སྙིང་ནད་དང་། རོ་སྟོད་མི་བདེ་བ་དང་། འདི་རྣམས་ལ་འབྲས་བུ་གསུམ་ལས་སྣ་གཅིག་ཀྱང་ཞོ་རེ་རེ། ལྕགས་ཕྱེ་ཞོ་གསུམ་ལྕགས་དོག་གི་ནང་དུ་ཆབ་ཅན་རྩེ་གསུམ་ལས་བསྐོལ་#ཏེ། གང་ལུས་པ་དང་བཙགས་ལ་#ཆུ་དྲོན་འཇམ་ཙམ་གྱི་ནང་དུ་
[12b.6]སྨན་ཨ་བ་ཞིབ་ཏུ་བཏགས་པ་ཞོ་གསུམ་བཏབ་སྟེ་འཇམ་ཙམ་ལ་ནུབ་མོ་ཉལ་ཀར་#འཚལ་ལོ། །དགོངས་འཚལ་མ་#མི་འཚལ་ན། དྲོ་འཚལ་བའི་རྗེས་ལ་འཚལ་ལོ། །སྨན་འདི་ཉིན་ཞག་ཉི་ཤུ་ཙམ་བཏང་ན། མདོངས་#པ་ཡང་མིག་གིས་མཐོང་བར་འགྱུར་རོ། །ཡང་སྦྱོར་པ་རྣམ་གཅིག་ལ།
[12b.7]འབྲས་བུ་གསུམ་ལས་སྣ་གཅིག་ཀྱང་ཞོ་རེ་རེ། ལྕགས་ཕྱེ་ཞོ་གསུམ། བ་#མར་སྲང་གཉིས། ཆབ་ཅན་རྩེ་གསུམ་གྱི་ནང་དུ་བསྐོལ་ཏེ། དོ་ནི་དུ། གང་ནི་ལུས་བ་དང་། བཙགས་ཏེ་དྲོ་འཇམ་ཙམ་གྱི་ནང་དུ་ཨ་བ་བཏགས་པ་ཞོ་གསུམ་བཏབ་ལ་ཉལ་ཁར་#འཚལ་ལོ། །དགོངས་འཚལ་མི་འཚལ་
[13a]
[13a.1]བ་ལྟ་ཞིག་ན། དྲོ་འཚལ་བའི་རྗེས་ལ་འཚལ་ལོ། །འདི་བཞིན་དུ་ཞག་བཞི་བཅུ་རྩ་ལྔའི་བར་དུ་འཚལ་ན། མིག་ཕྱུང་བ་མ་གཏོགས་པ། དམུས་ལོང་དང་མདོངས་པ་ཡང་མཐོང་བར་འགྱུར་རོ། །ལོ་བཅུ་དྲུག་པ་གཞོན་ནུའི་ཚད་དུ་འགྱུར་རོ། །ཨ་བ་ཕྱེ་མ་མར་ལྡན་པས#། །རུས་པ་ཆག་ལ་#ནུབ་གསུམ་
[13a.2]དུ། །འཐུངས་ན་དེ་ཡི་རུས་པ་ནི། །རྡོ་རྗེ་ལྟ་བུར་སྲ་བར་འགྱུར། །ཨ་བ་ཚབ་#གསུམ་དེ་བཞིན། །ཚ་ནག་ཉེའུ་#ཤིང་རྩ་བ་ཡིས། །དུག་#སྐམ་རུས་པ་ན་བ་དང་། །ལུད་པ་དེ་བཞིན་དབུགས་མི་བདེ། །སྙིང་ན་བ་དང་ཤ་ཆོད་ལ། །དེ་རྣམས་ཆ་ནི་མཉམ་བྱས་ཏེ། །ཕྱེ་མར་བྱས་ནས་ནུབ་གསུམ་དུ། །ཆུ་དྲོན་ལྷན་
[13a.3]ཅིག་མྱུར་དུ་བཏུང་། །འབྲས་བུ་གསུམ་ནི་འོ་མ་དང་། །མཁས་པས་དེ་བཞིན་བསྐོལ་བྱས་ནས། །མར་ནི་སུམ་ཆ་གཅིག་དང་ལྡན། །དེ་བཞིན་ཨ་བ་བཞི་#ཆ་གཅིག །ཟན་#ཟོས་འོག་ཏུ་ནུབ་གསུམ་དུ། །འཐུངས་ནས་འུ་ཤ་ཟས་དང་ཟན#། །གྱེན་དུ་ཟ་བའི་ནད་ལས་རྒྱལ། །རབ་རིབ་རྫི་བོར་མིག་སེར་
[13a.4]དང་། །ཚད་རྙིང་གཡན་པ་ཚོར་#བཅས་དང་། །མིག་གི་ནད་ནི་ཐམས་ཅད་དང་། །གཞན་ཡང་དེ་བཞིན་ཀླད་ནད་དང་། །ལྟོ་ནད་དང་ནི་སྙིང་ནད་དང་། །དེ་བཞིན་ཡན་ལག་ཆག་པ་དང་། །ཞག་གསུམ་དུ་ནི་རབ་སྦྱར་ན། །ལོང་བ་དག་ནི་མཐོང་བར་འགྱུར། །ཨ་བ་སོ་མ་ར་ཛ་དང་། །ར་ཡི་འོ་མར་བསྐོལ་#ཏེ་
[13a.5]བཏུང་། །འཐུངས་ན་རླུང་ལྟར་མགྱོགས་པར་འགྱུར། །ཨ་བ་ཕྱེ་མ་མར་སར་དང་། །ཁ་ར་དེ་བཞིན་པི་པི་ལིང་། །གཞང་གི་ནད་ནི་ཐམས་ཅད་ལ། །འདི་ལས་དྲག་པ་གང་ཡང་མེད། །གླང་པོ་བ་ལང་ཁྱུ་མཆོག་དང་། །ར་དང་ལུག་དང་མི་རྣམས་ལ། །ཨ་བ་མར་དང་འོ་མ་དང་། །འཐུངས་ན་དེ་དག་ཤིས་
[13a.6]འགྱུར་ཏེ། །ཤ་ཆོད་རུས་#པ་ཆག་པ་དང་། །སྐོམ་#དང་སྙིང་ནད་མགོ་འཁོར་དང་། །ཐམས་ཅད་ནད་ལས་རྣམ་པར་གྲོལ། །གང་གི་ལུས་ནི་སྐེམ་པ་དང་། །གང་ཞིག་ཤ་བཀྲར་གྱུར་པ་དང་། །གང་གི་ལུས་ནི་འཇིག་པ་དང་། །གལ་ཏེ་རུས་#པ་ནར་གྱུར་ཅིང་། །གསོ་དཀའ་བ་ཡི་ནད་ལ་ཕན། །ཨ་བ་དང་ནི་ཉེའུ་#ཤིང་དང་། །
[13a.7]སོ་མ་ར་ཛ་དེ་བཞིན་ཏེ། །སྦྲང་རྩི་པི་པི་ལིང་དེ་བཞིན#། །མར་དང་འོ་མར་ལྷན་ཅིག་བཏུང་། །ཞག་བདུན་བར་དུ་སྦྱར་#བར་བྱ། །འདོད་ཆགས་རྣམ་པར་སྤང་#བྱས་ཏེ། །ཞག་བདུན་བར་དུ་སྦྱར་བ་ཡིས། །དེ་ནི་རླུང་དང་ཁྲག་ལས་རྒྱལ། །དེ་བཞིན་ནད་རྣམས་ཀུན་ལས་རྒྱལ། །སློབ་དཔོན་ཀླུ་སྒྲུབ་ཀྱིས་མཛད་པ་སྨན་ཨ་བའི་ཆོ་ག་རྫོགས་སོ།།
[13b]
[13b.1]{T4309}༄། །སྨན་དཔྱད་ཡན་ལག་བརྒྱད་པའི་སྙིང་པོའི་འགྲེལ་པ་བཞུགས། ༄༅། །སྨན་དཔྱད་ཡན་ལག་བརྒྱད་པའི་སྙིང་པོའི་འགྲེལ་པ་ལས། སྨན་གྱི་མིང་གི་རྣམ་གྲངས་ཞེས་བྱ་བ། བཅོམ་ལྡན་འདས་སྨན་གྱི་བླ་ལ་ཕྱག་འཚལ་ལོ། །
[13b.2]ཆགས་ལ་མངོན་པར་དགའ་བའི་བུ། །ཟླ་བ་དགའ་བ་ཞེས་བྱ་བ། །ཐམས་ཅད་མཁྱེན་ལ་ཕྱག་འཚལ་ཏེ། །ཡན་ལག་བརྒྱད་པ་ལས་བསྟན་པའི། །སྨན་སྡེ་པོ་སོན་ཆ་ལ་སོགས། །དེ་ལས་གཞན་པའི་སྨན་རྣམས་དང་། །གཞུང་གཞན་ལས་བཤད་སྨན་གྱི་མིང་། །སྒྲ་སྦྱོར་ངེས་པར་བཤད་པར་བྱ། །
[13b.3]མ་དྷ་ན་དང་། ཤྭ་ས་ན་དང་། རཱ་ཐ་དང་། པིཎྜི་དང་། ཏ་ཀ་ར་དང་། ག་ཏ་ག་དང་། ག་ལཱ་ཕ་ལ་དང་། ག་ག་ལ་དང་། ཙ་ལ་དང་། ཤ་ལཱརྡུ་དང་། དེ་དག་ནི་པོ་སོན་ཆའི་མིང་གི་བྱེ་བྲག་ཡིན་ནོ། །མ་དུ་ཡ་ཤ་དང་། ཡ་ཤི་མ་དུ་དང་། མ་དུ་དྷུ་ཀ་དང་། ཨཥྚ་ཧཱ་དང་། མ་དྷུ་ཡཥྚི་ག་དང་། གཱི་
[13b.4]ཏི་ཀ་ཏ་དང་། སྟ་ལ་ཛ་མ་དང་། དེ་དག་ནི་ཤིང་མངར་གྱི་མིང་གི་རྣམ་གྲངས་ཡིན་ནོ། །ཀ་དྷྱ་ཀ་ལཱན་བུ་ནི་དང་། ལམ་ཅ་དང་། ཏུ་མ་བྱི་དང་། ཨཱིཤྐཱ་ཀུ་དང་། མཧཱ་ཙ་ལཱ་དང་། རཱ་ཛ་པུ་ཏི་དང་། པཎྜི་ཕ་ལ་དང་། ཕ་ཏིག་ཏ་ལམྦུ་དང་། བྲི་ཧད་ཕ་ལཱ་དང་། དེ་དག་ནི་ཀུ་པ་ཁ་བོའི་མིང་ཡིན་
[13b.5]ནོ། །ནིམྤ་དང་། ཨ་རི་ཤ་དང་། སུབྷ་ཏྟྲ་དང་། པི་ཙུ་མརྡ་དང་། ཤ་ཁ་པྲི་ཡ་དང་། སུ་ཏིག་ཏ་དང་། སརྦ་ཏོ་བྷཏྟྲ་དང་། པ་བྷུཏྟ་དང་། བ་རི་ཏིག་ཏ་ཀ་དང་དེ་རྣམས་ནི་ནིམྤའི་མིང་ཡིན་ནོ། །མ་ཧཱ་ནིམྤ་དང་། གོ་རི་ཀ་དང་། ཤུ་ཀ་མ་ལཱ་ཀ་དང་། བྲི་ཧད་ནིམྤ་ཀ་དང་། ནེམ་ཀ་ར་དང་། །
[13b.6]ར་མུ་ཀ་དང་། བྲི་ཤྭ་མུ་ཤྭི་ཀ་དང་། དེ་དག་ནི་ནིམྤ་ཆེན་པོའི་མིང་ཡིན་ནོ། །བྱིམ་བྱི་དང་། རཀྟ་པ་ཏ་ཕ་ལཱ་དང་། གོ་ཧ་དང་། ཏུཎྜི་གི་རི་དང་། ཏུནྡི་དང་། ཨོ་ཤ་པ་ཕ་ལཱ་དང་། དཎྜི་དང་། རཀྟ་པ་ཏྲ་ལ་དང་། དེ་དག་ནི་ཅིམ་པའི་མིང་ཡིན་ནོ། །ཅི་ཤཱལཱ་དང་། མྲི་གེར་ཅུ་རུ་དང་། ག་བཀྵ་དང་། ག་
[13b.7]ཙ་ཙར་བྷི་ཏྲི་དང་། གྷ་བ་ད་ནི་དང་། སྟུ་ལ་ཕཱ་ལཱ་དང་། མྲི་ག་ཅག་ཀྵི་དང་། ཨིཏྲ་བ་རུ་ནི་དང་། དེ་དག་ནི་བྱི་ཤ་ལའི་མིང་ཡིན་ནོ། །ཙིཏྲ་པ་ལ་དང་། ཏུམ་པ་སི་དང་། མ་དྷུ་སབ་བྷ་བཱ་དང་། ཨིནྟྲེ་བ་རུ་དང་། ཧ་ཏི་དནྟི་དང་། ཙི་ཏྲ་དེ་བྲི་དང་། མ་ཧཱ་ཕ་ལ་དང་། དེ་དག་ཀྱང་བྱི་ཤ་ལ་གཅིག་གི་མིང་གི་
[14a]
[14a.1]བྱེ་བྲག་ཡིན་ནོ། །པྲ་པུ་ས་དང་། ཀུ་ཏུ་ཀ་དང་། ཏིག་ཏ་དང་། མུ་ཏྲ་ལ་དང་། ཧ་ཏི་པ་རྞི་དང་། ཚར་དང་པཎི་དང་། མུཏྲཱ་ཕ་ལ་དང་། པན་དུ་པ་ཏྲ་དང་། མུ་ཁ་ཕྲི་ཡང་དང་། དེ་དག་ནི་ག་གོན་གྱི་མིང་ཡིན་ནོ། །ཀུཏ་ཛ་དང་། ཙད་ཙ་ཀ་དང་། ཏུད་ཚ་དང་། བྲྀཀྵ་ཀ་དང་།
[14a.2]ག་རིམ་ལ་ལི་ཀ་དང་། བ་རི་ཏིག་ཏ་དང་། ཤང་ཀ་བྲྀཀྵ་དང་། ཀུ་ཏ་ཙི་དང་། ནི་ལ་ཡཥྚི་ཀ་དང་། དེ་དག་ནི་དུག་མོ་ཉུང་གི་ཤིང་གི་མིང་ངོ་། །བད་ཚ་ཀ་དང་། ཀོ་ཏ་ཛ་དང་། ཀ་ལི་ག་ཀ་དང་། ཤ་ཀུ་པཱ་ཧྭ་དང་། ཨིནྡྲ་ཡ་བ་དང་། ཨ་བཱ་ཧྭ་ཡ་དང་། དེ་དག་ནི་དུག་མོ་ཉུང་གི་ས་བོན་གྱི་
[14a.3]མིང་ངོ་། །མུརྦ་དང་། མ་དྷུ་ར་ས་དང་། དེ་བི་དང་། པཱི་ལུ་པརྞི་དང་། མ་དྷུ་པྲ་བ་དང་། སཥྚོ་ན་དང་། མ་དྷུ་པ་ཏི་དང་། ལ་ཀུ་པརྞ་དང་། པྲིཐག་ཏྭ་ཙ་དང་། དེ་དག་ནི་མུར་བའི་མིང་དུ་བཤད་དོ། །ཛི་མུ་ཏ་ཀ་དང་། དེ་བར་ལི་དང་། བྲིད་ཏྲ་ཀོ་ཤ་དང་། གྷ་རྭ་ག་རི་དང་། ཅེ་ནི་དང་། ལོ་
[14a.4]མ་ཤ་པ་ཏྲ་དང་། ཀརྐོ་ཏི་དང་། ཨ་ཀུ་བི་ཤ་པ་ཧ་དང་། དེ་དག་ནི་ཛིམུ་ཏ་ཀའི་མིང་ངོ་། །བྱི་དང་ག་དང་། ཀྲ་མིང་ཛིད་དང་། ཅེ་ལ་ཀ་དང་། ཨ་ལམྦ་དང་། ཙིཏྟ་ཏན་དུ་ལ་དང་། ཀྲི་མི་ཧར་དང་། ཛན་དུག་ན་དང་། ཀྲི་མིན་ཤ་ན་དང་། དེ་དག་ནི་བྱི་དང་གའི་མིང་ཡིན་ནོ། །བེ་ཧ་ས་དང་། བྱི་དུ་
[14a.5]ལ་དང་། ཏཱ་མ་མྲ་དང་། བཉྫུ་ལ་དང་། དིརྒྷ་པ་ཏྲ་ཀ་དང་། ནཏི་ཡ་དང་། གནྦྷ་པུཥྤ་དང་། ཛ་ལོ་ཀཱ་སཱ་མ་ཏྲི་ཏཱ་དང་། དེ་དག་ནི་ལྕང་མའི་མིང་ཡིན་ནོ། །ན་དི་གུ་ལ་པྲི་ཡ་དང་། སུ་ཤི་ཏ་དང་། མེ་གྷ་པུཥྤ་དང་། ཛ་ལེ་ཛ་ཏུ་དང་། ཏོ་ཡ་ཀ་མ་དང་། ནི་ཙུ་ལ་དང་། ཛ་ལེ་པེ་ཏ་པ་དང་། དེ་དག་ནི་
[14a.6]ཆུ་ལྕང་གི་མིང་གི་རྣམ་གྲངས་སོ། །ཙི་ཏྲ་ཀ་དང་། ད་ཧ་ན་དང་། ཅན་ནི་དང་། པཱ་ཅ་ཀ་དང་། ཨ་ན་ལ་དང་། ཛོ་ཏི་དང་། བྱ་མ་དང་། དྭི་པ་དང་། པཱ་ཐིན་དང་། ད་རུ་ན་དང་། དེ་དག་རྣམས་ནི་ཀྲུ་ཏྲུག་ཏྲེས་ཀྱི་མིང་ཡིན་ནོ། །དནྟི་དང་། བུ་ཀ་ལ་ཀ་
[14a.7]དང་། ཙིཏྟྲ་དང་། ནི་ཀུམྤ་དང་། ཨུ་པ་ཙ་ཏྲ་ཀ་དང་། ཀུ་ལ་དང་། ཨུ་དུ་མྦཱར་པ་རྞི་དང་། བྱི་ཤ་ལི་དང་། གྷུ་ན་པྲི་ཡ་དང་། དེ་དག་ནི་དནྟིའི་མིང་གི་རྣམ་གྲངས་སོ། །ཏྲ་བནྟི་ན་དང་། ཤམྤ་རི་དང་། ཙིཏྟྲ་དང་། ནི་ཀུན་པ་དང་། ཉ་གྲོ་ཀྲོ་ཏྲ་བདྷ་ན་དང་། མུ་ཤཱི་ཀཱ་ཡཱ་དང་། པྲ་ཏྱན་ཤྲི་ནི་དང་། བྲེ་ཤེ་རཎྜ་དང་། སུ་ཏ་ཤྲི་ནི་དང་། ཨ་ཀུ་ཀརྞི་ཀ་དང་།
[14b]
[14b.1]དེ་དག་ནི་ཏྲ་བན་ཏིའི་མིང་གི་རྣམ་གྲངས་སོ། །ཀོ་ཤ་ཏ་ཀི་དང་། ཀྲི་ཏ་ཙིཏྟྲ་དང་། ཛ་ལ་ནི་དང་། ཀྲི་ཏ་བ་དྷ་ན་དང་། ཀྴྭེ་དཾ་དང་། སྦ་ཏིག་ཏ་དང་། ཧ་གྷཎྜོ་ལིད་དང་། མིང་དང་ག་ཕ་ལི་ཀ་དང་དེ་དང་ནི་ཀོ་ཤ་ཏ་ཀིའི་མིང་ཡིན་ནོ། །རཱ་ཛ་ཀོ་ཤཏ་ཀི་དང་། ཀར་ཀི་ཏི་དང་། ཧས་ཏི་པརྐ་དང་། དྭ་མརྐ་
[14b.2]དང་། ཀོ་ཤ་ཏ་ཕ་ལཱ་དང་། མཧཱ་ཛ་ལི་ནི་དང་། དེ་དག་ནི་རཱ་ཛ་ཀོ་ཤ་ཏཀིའི་མིང་ཡིན་ནོ། །ཀ་རཉྫ་དང་། ནག་ཏ་མ་ལ་བྲ་དང་། པྲ་ཀིར་ཏྱ་དང་། པུས་ཤུ་མཉྫ་རཱི་དང་། གྲི་པ་ཏཔུ་ར་དང་། གུང་ཚ་པུཥྤ་དང་། སྣིག་དྷ་ཀ་རཉྫ་ཀ་དང་། དེ་དག་ནི་ཤྭེ་ཏ་ཀ་རཉྫའི་མིང་ཡིན་ནོ། །ཨུད་ཀིརྱ་དང་། ཀེ་རི་མྱ་
[14b.3]དང་། མི་ཏྲི་ནནྡ་ན་དང་། ཙི་རི་བྱིལ་བ་དང་། པུ་ཏི་ས་ཧཱ་དང་། པུ་ཏི་ཀ་དང་། དནྟ་དྷ་བ་ན་དང་། དེ་དག་ནི་པུ་ཀ་རཉྫ་ཞེས་བྱ་བ་སྲིན་སྨན་མེ་རུའི་མིང་ཡིན་ནོ། །པི་པི་ལིང་དང་། མ་ག་བྷ་དང་། ཀྲྀཥྞ་དང་། བཻ་དེ་ཧཱི་དང་། ཙ་པ་ལ་དང་། ཀ་ན་དང་། ཨ་པ་གུལ་ལྱ་དང་། མ་ག་ཏི་ཀ་དང་། ཤེན་ཏྱི་དང་
[14b.4]ཀ་ལོ་དང་། ཨོ་ན་དང་། ཀ་ཊུ་དང་། དེ་དག་ནི་པི་པི་ལིང་གི་རྣམ་གྲངས་སོ། །མ་ལ་དང་། པི་པི་ལིང་མཱུལ་དང་། ཀ་ལ་མུ་པ་དང་། གྲནྠིག་དང་། ཚ་ཕ་ལ་མཱུ་ལ་དང་། ཀྲྀཥྞ་མཱུ་ལ་དང་། ཤོ་ཌི་ཛ་དང་། དེ་དག་ནི་པི་པི་ལིང་གི་རྩ་བའི་མིང་ཡིན་ནོ། །སེན་ད་བ་དང་། མི་ནི་བྷན་དང་། ན་དེ་ཡ་
[14b.5]དང་། བ་ལ་ནོཏྟ་བ་མ་དང་། སིནྡུ་ད་ཐ་དང་། སིནྡུ་ད་ཛ་དང་། ཤྲེཥྚ་ལ་བ་ན་དང་། བ་མ་ལ་དང་། བ་ར་དང་། དེ་དག་ནི་ལན་ཚྭའི་མིང་གི་རྣམ་གྲངས་སོ། །སཽ་བར་ཚལ་དང་། རུ་ར་ཀ་དང་། སུ་གནད་བྱི་དང་། ཨནྡྷ་ག་ད་ཀ་དང་། ཨཀྵ་དང་། ཀ་ལ་ལ་བ་ན་དང་། ཀྲྀཥྞ་དང་དེ་དག་ནི་
[14b.6]ཁ་རུ་ཚའི་མིང་གི་རྣམ་གྲངས་སོ། །བི་ཏ་བྲ་དང་། ཀྲི་ཏི་ལམ་དང་། མནྣྱ་དང་། གཌི་ལ་བན་དང་། དྲ་བ་དམ་དང་། ཁན་ད་ལ་བ་ན་དང་། ཀྲི་ཏ་ཀ་དང་། དུརྟ་ཨ་སུ་ར་དང་། དེ་དག་ནི་རྩལ་རུ་ཚའི་མིང་ཡིན་ནོ། །སུ་མུཏྟ་བ་ལ་ན་དང་། ཏྲི་ཀུ་སྲ་དང་། ཅ་རི་ཅཾ་བྷ་དང་། ས་མུཏྟྲ་ཛ་དང་། ས་
[14b.7]ག་ར་ཛ་དང་། ལ་བ་ནོ་ད་དྷི་སམ་བྷ་དང་། དེ་དག་ནི་རྒྱ་མཚོའི་ཚའི་མིང་ཡིན་ནོ། །ཨུ་བྷི་ད་དང་། ཕར་ཐིས་དང་། ཅཽ་མཾ་དང་། བྷུ་མྱུ་ཅ་དང་། པྲ་ཐི་བི་བྷ་མ་དང་། དེ་དག་ནི་ལན་ཚྭ་ཁྲོལ་བུའི་མིང་ཡིན་ནོ། །ལན་ཚྭ་རྣམ་པ་ལྔ་པོ་དེ་དག་ནི་ལན་ཚྭ་རྣམས་ཀྱི་ནང་ནས་གཙོ་གཙོར་བསྟན་པ་ཡིན་ནོ། །པཊུ་དང་
[15a]
[15a.1]ལ་ཙ་ནི་ཞེས་སྨོས་པ་ནི་ལན་ཚྭ་སྤྱིའི་མིང་ཡིན་ནོ། །ལན་ཚྭ་ཐམས་ཅད་ཀྱི་གོར་ནི་རྒྱམ་ཚ་གཏང་དུ་རུང་སྟེ། ཚ་གཞན་མེད་ན་ཡང་དེའི་སྐྱིན་པར་སྦྱོར་བ་ཀུན་གྱི་ནང་དུ་རྒྱམ་ཚ་གང་གཏང་ངོ་། །ཡ་པ་ས་ཀྵ་ར་དང་། ཡ་བ་ཤུ་ཀ་དང་། ཡ་བ་ཛ་དང་། ཡ་བ་ཛ་ཤུ་ག་ཛ་དང་། དེ་དག་
[15a.2]ནི་ནས་ཚིག་འཁུས་པ་ཐལ་བའི་མིང་ཡིན་ནོ། །སརྫི་ཀྵ་ར་དང་། ཤྲོག་གྷཱི་ནི་དང་། པཱ་ཀི་དང་། སརྫི་ཀ་དང་། དེ་དག་ནི་སརྫི་ཀའི་ཐལ་བའི་མིང་ཡིན་ནོ། །བ་ཙ་དང་། བུ་གྲ་གན་དང་། ཛ་ཌི་ལ་དང་། ཤཌ་གྲནྠི་དང་། ཧེ་མ་ཙན་ཏི་དང་། དེ་དག་ནི་ཤུ་དག་གི་མིང་ཡིན་ནོ། །ཤུཀླ་དང་།
[15a.3]ཏིཀྐཱ་གནྡྷ་དང་། ཨུ་གྲ་དང་། རཀྵོ་གྷ་དང་། ལོ་མ་ཤ་དང་། ཛ་ཡ་དང་། དེ་དག་ནི་ཤུ་དག་དཀར་པོའི་མིང་ཡིན་ནོ། །ཏྲ་པྱི་དི་དང་། ཏུ་ཚ་དང་། བཱ་ལེ་ལ་དང་། བ་པུ་ལ་དང་། ཏུ་ཏི་ད་དང་། ཀྵུ་ཏྲའི་ལ་དང་། ནི་ཀྵུ་ཊི་དང་། ཙནྟྲ་དང་། གྷརྦ་བི་སྔ་བ་ནི་དང་དེ་དག་ནི་སུག་སྨེལ་གྱི་མིང་ཡིན་ནོ། །
[15a.4]པད་ཏྲེ་ལ་དང་། བྲི་ཧད་ཨེ་ལ་དང་། སྠུ་ལེ་ལ་དང་། ཏྲག་སུ་གནྡྷེ་ཀ་དང་། ཏྲི་དེ་བ་དང་། ཏྲི་དེ་ཅོ་ད་བྷུཏྟ་དང་། ཏྲིད་ཐ་ག་དང་། ཀནུ་ཀ་དང་། པ་ཏྲ་དང་། དེ་དག་ནི་སུག་སྨེལ་པ་ཏྲ་ཨེ་ལ་ཞེས་བྱ་བ་རྣམ་པ་གཅིག་གི་མིང་ངོ་། །ཧ་ར་ནྱ་དང་། རེ་ཎུ་ཀ་དང་། ཀོན་ཏིར་དང་། པནྡུ་པརྞི་དང་། བྲི་ཧདྡུ་ཏི་
[15a.5]དང་། ཀ་པི་ལ་དང་། ར་ཛ་པུ་ཏི་དང་། གནྡི་ནི་ཞེས་ཀྱང་ཁ་ཅིག་འདོད་དེ་དེ་དག་ནི་ཧ་རེ་ཎུ་ཀའི་མིང་ཡིན་ནོ། །ས་ར་ཤ་པ་དང་། དུམ་དུ་བྷ་དང་། ག་འུ་ར་དང་། སིདྡྷ་རྠ་དང་། བྷུ་ཏ་ནཱ་ཤ་ན་དང་། གྲ་ཧགྣན་དང་། ཀ་ཊྱ་ཀ་དང་། ཤྭེཏ་དང་། རཀྵ་ན་དང་། བྱི་ཛ་ཡ་བ་ཧ་དང་། དེ་དག་ནི་ཡུངས་ཀར་གྱི་
[15a.6]མིང་གི་རྣམ་གྲངས་སོ། །ཨ་སུ་རི་དང་། རཱ་ཛ་ཀ་དང་། ཏྲིཥྚི་ཀ་དང་། རཀྟ་སཱ་ར་ཤ་བ་དང་། ཀྱ་བྱ་ཀ་དང་། ཏིཥྞ་གནྡྷ་དང་། སུ་ཏི་བཥྞ་དང་། ཀྐ་བ་ཀ་དང་། ཀྴུ་ར་དང་། དེ་དག་ནི་སྐྱེ་ཚེའི་མིང་གི་རྣམ་གྲངས་སོ། །ཏྲི་ཙིད་དང་། ཏྲི་ཙིཏྟྲི་དང་། ཏྲི་ཏི་ཏ་དང་། ཀུམྦྷ་དང་། ཀུ་ཏ་ར་ན་དང་། སརྦ་ནུ་
[15a.7]བྷུ་ཏི་ཏ་དང་། ཏྲི་བུ་ཏ་དང་། ཤཱ་མཱ་དང་། ཀོ་ཤཕ་ལ་དང་། དེ་དག་ནི་ཤིང་ཉེ་རོང་སྟེ་རུ་དུར་བྱིད་ཀྱི་མིང་ངོ་། །མ་ལ་བྱི་ཀ་དང་། པ་ལིནྡྷི་དང་། ཀ་ལ་མེ་ཤི་དང་། ཀཱ་ལཱ་དང་། མ་ཏུ་ར་ར་བྱི་ད་ལ་དང་། ཏམྨུ་པུཥྤི་དང་། ཨརྟ་ཙནྟྲི་ཀ་དང་། དེ་དག་ནི་བ་ལ་དུར་བྱིད་ཀྱི་མིང་ངོ་། །འབྲས་བུ་གསུམ་ཞེས་བྱ་བ་
[15b]
[15b.1]ནི། ཨ་རུ་ར་དང་། སྐྱུ་རུ་ར་དང་། བ་རུ་ར་རྣམས་ཡིན་ཏེ། དེའི་མིང་ནི། ཨུ་དྷ་མ་དང་། བར་མ་དང་། ཤྲེཤྟ་དང་། ཕ་ལ་ནྲི་ཀ་དང་། ཕ་ལ་ཏྲི་ཡ་དང་། དེ་དག་ནི་འབྲས་བུ་གསུམ་གྱི་སྤྱིའི་མིང་ཡིན་ནོ། །ཧ་རི་ཏ་ཀ་དང་། ཨ་བྷ་ཡ་དང་། པད་ཐྱ་དང་། སྲན་མ་དཏྟ་དང་། བྱི་ཙ་དང་། ཤི་བ་དང་།
[15b.2]ཨ་བྱ་ཐ་དང་། སྟུ་ཏ་ན་དང་། ཨ་མོ་གྷ་དང་། ཙེ་ཏ་ཀི་དང་། མྲི་ཏ་ན་དང་། ཨ་མྲྀ་ཏ་དང་། དེ་དག་ནི་ཨ་རུ་རའི་མིང་ཡིན་ནོ། །ཏྲ་ཏི་ཕ་དང་། ཨ་མ་ལ་ཀ་དང་། ཛ་ཏིར་ས་ཕ་ལ་དང་། ཤི་བ་དང་། ཀོ་རང་ཀ་ཀ་དང་། ཨ་མྲྀ་ཏ་དང་། ཕ་ལ་དང་། ཤྲཱི་ཕ་ལ་དང་། ཨ་མྲྀ་ཏོངྦྷ་བྲ་དང་། དེ་དག་ནི་སྐྱུ་རུ་
[15b.3]རའི་མིང་གི་བྱེ་བྲག་གོ །བི་ཏ་ཤ་དང་། ཀར་ཤ་ཕ་ལ་དང་། ཀ་ལི་བྷྲྀ་ཀྵ་དང་། ཀ་ལོ་ཏུ་མ་དང་། བ་པནྟ་ཀ་དང་། བུ་ཏ་ཙ་ས་དང་། ཧ་རྱཀྵོ་དང་། ཡ་མན་པྲིར་ཡ་དང་། དེ་དག་ནི་བ་རུ་རའི་མིང་གི་དབྱེ་བའོ། །སུ་ད་དང་། ནྱ་ཌ་དང་། མ་བྲྀཀྵ་དང་། གན་དྲི་བ་དང་། བཛྲ་ཀར་མུ་ཀ་དང་། སྣུ་ཧ་དང་།
[15b.4]ས་མནྟ་དུ་གཏ་དང་། སྦུག་དང་། བཛྲི་རི་དང་། ནི་ཤྲི་ཤ་པཏྟ་ཀ་དང་། དེ་དག་ནི་ཤི་རི་ཁ་ཎྜའི་རྣམ་གྲངས་སོ། །ཤཾ་ཁི་ནི་དང་། ཏིག་ཏ་ལ་དང་། ཙིད་ཙ་དང་། ཡ་པ་ཏིག་ཏ་དང་། ཨ་ཀྵ་པཱི་ད་ཀ་དང་། བ་ཡུ་ཕེ་ཕབ་དང་། བ་ཡུ་ར་ས་དང་། ཌ་ད་པཱ་ད་དང་། ཅི་སར་པི་ནི་དང་། དེ་དག་ནི་ཤཾ་ཁི་ནིའི་མིང་ཡིན་
[15b.5]ནོ། །ཀ་ལི་ཀ་དང་། ཀ་ལ་དང་། ནཱི་ལ་དང་། རུ་ནི་བི་ཤོད་ནི་དང་། གྲཱ་མྱ་དང་། ཏུད་ཚ་དང་། ནཱི་ལ་པུས་ཤྱི་དང་། ཙི་ར་བི་ར་དང་། བཱ་ཧི་བྱི་དང་། དེ་དག་ནི་ནི་ལིའི་མིང་ཡིན་ནོ། །རོ་ཏྲ་དང་། ག་ཏི་རི་ཏ་དང་། ཤི་བེ་རི་དང་། ཏི་པལྦ་ཀ་པ་དང་། ཤཱ་བ་ར་དང་། གྷ་ན་ཏྭག་ཀ་དང་། བྲི་ཧ་ར་དྷ་ད་དང་། པ་
[15b.6]ཏི་དང་ཤ་བར་པ་དང་། དེ་དག་ནི་ཤ་བ་དང་རིག་སེར་ཕྲོམ་གྱི་མིང་ང་། །ཤ་བ་ར་ཀ་དང་། ཤྭེ་ཏ་རོདྡཱ་དང་། ཨ་ཀྵི་བེ་ཤ་ཛ་དང་། ཛིར་ན་བུདྡྷ་ན་དང་། བྲི་ཧད་པཏྟྲ་དང་། ཀྲ་མུ་ཀ་དང་། སྠུ་ལ་བ་ཀ་དང་། དེ་དག་ནི་སེང་ཕྲོམ་དཀར་པོའི་མིང་གི་བྱེ་བྲག་ཡིན་ནོ། །ཨ་རག་གྭ་དང་། རཱ་ཛ་པྲྀགྵ་དང་། ཤ་མྱ་
[15b.7]ཀ་དང་། ཙ་རུས་ཨངྒ་ལི་དང་། ཀརྞི་ཀ་དང་། བྱ་དི་ག་ཏི་དང་། གྲི་ཏ་མ་ལ་དང་། རེའི་ཏ་དང་། དེ་དག་ནི་དང་ཀའི་མིང་གི་རྣམ་གྲངས་སོ། །ཀཾ་བི་ལྱ་ཀ་དང་། རཱུ་ཙ་ན་ཀ་དང་། རཀྟ་ཙཱུར་ན་ཀ་དང་། རཀྟ་གཱ་དང་། རཀྟ་ཤམ་དང་། ཙི་རེ་ཀི་དང་། བྲན་ཤོད་ན་དང་། དེ་དག་ནི་ཀཾའི་ལྱ་གའི་མིང་ཡིན་
[16a]
[16a.1]ནོ། །སྭ་ར་ན་ཀྵི་རི་དང་། ཧེ་མ་དུག་དྷ་དང་། ཧེ་མ་ཀྵི་རི་དང་། ཀ་ཙ་ནི་དང་། ཧེ་མཱ་བ་ཏཱི་དང་། སརྦ་སྦ་ན་དུག་དྷ་དང་། མ་ཧེ་མཱ་ཧཱ་དང་། ཏིག་ཏུ་དུག་ཏི་ག་དང་དེ་དག་ནི་རྩང་སྨན་ཁྲོལ་བུའི་མིང་ངོ་། །ཀྵི་ར་དང་། དུག་དྷ་དང་། པ་ཡ་ས་དང་། དེ་དག་ནི་བུད་མེད་ཀྱི་ནུ་
[16a.2]ཞོའི་མིང་ངོ་། །འོ་མ་ཞེས་བྱ་བ་གང་དུ་འབྱུང་བ་དེར་ནི་བའི་འོ་མ་ཡིན་པར་ཤེས་པར་བྱའོ། །འོ་མ་གྱུར་པ་ནི་ཞོ་ཞེས་བྱའོ། །བརྗོད་དོ། །ཤར་ཞེས་བྱ་བ་ནི་ཞོའི་སྦྲིས་མ་ཡིན་པར་རིག་པར་བྱའོ། །ད་དྷི་ན་ན་ཏཱ་ཞེས་བྱ་བ་ནི་ཞོ་ག་ཆུ་ལ་ཟེར་རོ། །ཞོ་བསྡུས་པ་ལས་མར་བྱུང་བ་ནི་མར་སར་ཞེས་
[16a.3]བརྗོད་དོ། །མིང་རྣམས་གཅིག་ཧ་ཡང་ག་བྱིན་ཞེས་ཀྱང་བྱའོ། །སར་པི་དང་། ཨད་ཛ་དང་། གྲི་ཏ་དང་། ཧ་བྱི་དང་། དེ་དག་ནི་མར་གྱི་མིང་ངོ་། །ན་ཨུད་ཤྭི་དང་། མ་ཐི་ཐ་དང་། ཏག་ཀྲ་དང་། ཀྲ་ལ་ཤ་ཡམ་དང་། བི་ལི་ཌི་ཏ་དང་། དནྟ་ཧ་ཏ་དང་། གོ་རས་དང་། དེ་དག་ནི་དར་བའི་མིང་
[16a.4]གི་རྣམ་གྲངས་སོ། །དེ་བསྡུས་པའི་དབུ་བ་ནི་ཀ་དྷ་བ་ཞེས་བྱའོ། །གོ་མུདྡ་ཏྲ་དང་། གོ་ཛ་ལ་དང་། གམ་བུ་དང་། བྲ་ཧྨ་ཨམྦོ་དང་། དེ་དག་ནི་བ་གཅིན་གྱི་མིང་གི་དབྱེ་བའོ། །གཅིན་ལྷག་མ་བདུན་པོ་ནི་སོ་སོའི་བྱེ་བྲག་གིས་རྟོགས་པར་བྱའོ། །བ་ལང་ལ་སོགས་པ་རྣམ་པ་བརྒྱད་ཀྱི་རྟུག་པའི་མིང་ནི་
[16a.5]ཤ་ཀྲི་ད་དང་། ཀ་རི་ཤ་དང་། ཚག་ན་དང་། བ་གི་ཤ་དང་། དེ་རྣམས་ཡིན་ནོ། །ཀུ་ཤ་དང་། མུད་པ་ལ་ཀུ་ན་དང་། པ་ཀ་ལ་ཀ་དང་། པ་རི་བ་ཀྱང་སྱ་ཀ་དང་། ཨ་མ་ཡ་དང་། གྷ་ད་དང་། རོག་དང་། ཏྭ་ག་ཏོ་ཤ་དང་། བྱ་དི་དང་། དེ་དག་ནི་རུ་རྟའི་མིང་ཡིན་ནོ། །ཤཱལ་ཊུ་དང་། ཤན་ཏིལྑྱཀ་
[16a.6]དང་། པུ་ཏི་བ་ཏ་དང་། མ་ཧཱ་བ་ལ་དང་། ཤྲཱི་ཕ་ལ་དང་། ཤྲི་ཨ་ཧཱ་དང་། གནྡྷ་དང་ཤྲི་དང་དེ་ལས་ཀྱང་བིལ་བ་གཞོན་ནུ་ནི་ཅིལ་པ་ཀར་བ་ཀ་ཏི་ཞེས་བྱ་སྟེ། དེ་དག་ནི་བིལ་བའི་མིང་གི་བྱེ་བྲག་གོ །ཀསྨ་རི་དང་། ཤྲི་བརྞི་ཧི་ར་དང་། ཀརྨི་རྱ་དང་། ཀད་པ་ལ་དང་། ཀ་ཧྨ་རི་དང་། སརྦ་བ་ཏོ་བཏྲ་དང་།
[16a.7]ཀྲི་སྣ་མི་ཏི་ཀ་དང་། དེ་དག་ནི་ཏད་པལ་གྱི་མིང་གི་རྣམ་གྲངས་སོ། །ཨགྣི་མནྠ་དང་། ཨགྷི་ས་བྷ་ན་དང་། ཏད་ཀ་རཱི་དང་། བི་ཛ་ཡ་ཏི་ཀ་དང་། བྷ་ནི་མནྠ་དང་། ཨར་ནི་དང་། ཀེ་ཏ་དང་། ཛ་ཡ་དང་། པ་བ་ཀ་དང་། མནྠ་ན་དང་། དེ་དག་ནི་ཨགྣི་མནྠའི་མིང་གི་བྱེ་བྲག་ཡིན་ནོ། །པཻ་ཛ་ཨནྟི་དང་།
[16b]
[16b.1]བྷནྣ་ནིརྨ་ཐ་ནི་དང་། ཛ་ཡ་དང་། ཨ་ར་ནི་ཀ་དང་། ཛ་ཡནྟི་དང་། བི་ཛ་ཡ་དང་། ཛ་ཡ་བྷ་དང་། དེ་དག་ནི་ཏད་ཀ་རི་ཞེས་བྱ་བ་ཨགྣི་མནྠའི་མིང་གི་རྣམ་གཅིག་གོ །པཱ་ཏ་ལི་དང་། ཀྲྀཥྞ་བྲྀཏྟ་དང་། སྟ་ལི་དང་། ཨ་མོ་ག་དང་། ཨམྦུ་པ་སན་དང་། ཏཱམྨྲ་པུ་ཤི་དང་། ཀུན་བྱི་ཀ་དང་། ཀུ་སུ་མ་
[16b.2]ཨ་ག་མ་དུ་ཏི་ཀ་དང་། དེ་དག་ནི་པཱ་ཏ་ལིའི་མིང་ཡིན་ནོ། །ཤྭེ་ཏ་པྲ་ན་དང་། ཀཥྚ་པ་ཏ་ལ་དང་། ཤ་ཏ་ཀུབ་བི་ཀ་དང་། ཀུ་བེེ་ད་ར་ཀྵ་དང་། ཕ་ལེ་རུ་ཧ་དང་། དེ་དག་ནི་པ་ཏ་ལི་དཀར་པོ་རྣམ་གཅིག་གི་མིང་ཡིན་ནོ། །བྷུ་ཏ་བྲྀཀྵ་དང་། ཏུནྡུ་ཀ་དང་། དར་ག་བྲིད་ད་ཀ་དང་། མ་ཡུ་ར་ཛ་ག་དང་།
[16b.3]བ་ལུ་ཀ་དང་། ཀ་དྭང་ཀ་དང་། ར་ལུ་ཀ་དང་། དེ་དག་ནི་སོ་ན་ཀའི་མིང་ཡིན་ནོ། །སྟི་ར་དང་། ས་ཕུ་མྱ་དང་། ཏྲི་ཕུ་ན་དྷུ་བྷ་བ་དང་། བི་ད་རི་གནྡྷ་དང་། ཨང་ཤུ་མ་ཏི་དང་། དིརྒྷ་མཱུ་ལ་དང་། པཱི་ཏི་ཀ་དང་། དེ་དག་ནི་སཱ་ལ་པརྞིའི་མིང་ཡིན་ནོ། །པྲི་ཐག་པརྞི་དང་། ཀཱ་ལ་ཤི་དང་།
[16b.4]དྷ་བ་ན་དང་། གུ་ཧ་དང་། མྲྀ་ག་དང་། ཅིན་ན་ཏུ་དང་། གྲི་ཏི་ལི་དང་། པརྞི་དང་། ཤ་ཀ་པུད་ཚི་ག་དང་། དེ་དག་ནི་ཀྲྀཥྞ་པརྞིའི་མིང་ཡིན་ནོ། །པ་བ་པུ་པུ་ཏྲ་དང་། ཀནྠ་ཀི་དང་། སྠུ་ལ་ཀནྟ་ཀ་དང་། མ་ཧཱ་བརྟ་ཀི་ནི་དང་། མ་ཧཱ་ཏི་དང་། ཧོ་ཏི་ཀ་དང་། ཀནྠ་ཀ་རི་དང་། ཀནྟ་ཀི་ནི་དང་། དྷ་བ་ནི་དང་། དྷུ་
[16b.5]པྲ་བར་ཤི་ནི་དང་། ནི་དིགྡྷི་ཀ་དང་། ཀྴུ་ཏྲ་དང་། བཱརྟ་གི་དང་། ཀྴུཏྲ་ཀ་ཎ་ཧ་ཀི་དང་། དེ་དག་ནི་ཤྲི་ཧ་ཏིའི་མིང་དུ་བཤད་དོ། །གོ་ཀྵུ་ར་དང་། གོ་ཀྵུ་ར་ཀ་དང་། ཤྭོ་དང་། ཥྚ་དང་། ཀྲི་ཀནྟ་དང་། གོཀནྟ་ཀ་དང་། བླག་ཤ་ཏ་ཀ་དང་། གོ་ཀནྡྷ་དང་། སྭཱ་དུ་ཀནྠ་ཀ་དང་། དེ་དག་ནི་གཟེ་
[16b.6]མའི་མིང་ཡིན་ནོ། །དེ་ལྟར་རྩ་བ་ཆེན་པོ་ལྔ་དང་། ཆུང་ངུ་ལྔ་སྟེ་བཅུ་པོ་དེ་དག་ནི་རྩ་བ་བཅུ་ཞེས་བྱའོ། །གོང་དུ་བཤད་པའི་རྩ་བ་ལྔ་པ་གཉིས་པོ་ནི་སྤྱིར་བསྟན་པ་ཡིན་ནོ། །རྩ་བ་ལྔ་པ་ལྷག་མ་ནི་སོ་སོར་བཤད་པ་ཡིན་ནོ། །དེ་བ་ད་རུ་དང་། བྷད་ཏྲ་ཏྲ་རུ་དང་། སུ་དང་། རུ་དང་། དེ་བཱ་
[16b.7]ཀཱཥྚ་དང་། བྷ་ཏྲཱ་ཤྭ་དང་། སུ་ར་ད་རུ་དང་། ཨིནྡྲ་ད་རུ་དང་། དེ་དག་ནི་ཐང་ཤིང་གི་མིང་ངོ་། །ཡུགྟ་དང་། གན་ཏ་མཱུལ་དང་། སུ་བ་ཧ་དང་། ར་ས་དང་། སུ་གནྡྷ་དང་། ཨ་ཏི་ར་ས་དང་། ར་ས་དང་། ར་ས་ནི་དང་། གནྡྷ་ན་ཀུ་ལི་དང་། དེ་དག་ནི་ར་སྣའི་མིང་གི་རྣམ་གྲངས་སོ། །སྔོ་བ་དང་།
[17a]
[17a.1]ཏྲིཥྞ་ཤཱུ་ཀ་དང་། བ་བྱིད་ཏྲི་དང་། བཱ་ཛ་ནམ་པྲི་ཡ་དང་། ཨ་ཤ་ཀྵ་ཏ་དང་། བྷ་རུ་ཛ་དང་དེ་དག་ནི་ནས་ཀྱི་མིང་སྟེ། དེ་བརྔོས་པ་ནི་ཡོས་ཞེས་བྱའོ། །ཤ་ཏ་པུཥྤ་དང་། མི་སི་དང་། གྷོ་ཤ་དང་། ཥ་ཏཱ་ཧཱ་དང་། ཀ་ར་བི་དང་། ཤ་ཕ་དང་། ཨ་བ་མ་དུཥྤ་དང་། མ་དྷུ་
[17a.2]ར་ག་དང་། ཆད་ཏྲ་དང་། སིམ་ཧ་ཏ་ལ་པ་ཏྲ་དང་། དེ་དག་ནི་མེ་ཏོག་བརྒྱ་པ་སྟེ། ཤུ་ཏིའི་མིང་དུ་བསྟན་པ་ཡིན་ནོ། །ཀུ་ལངྠ་དང་། ཏམྨ་བརྞ་དང་། ཀ་ལ་བྲྀཏྟ་དང་། ཙ་ལ་བ་ཀ་དང་། ཀྵོཏ་དང་། བྲ་བྷྲ་མ་ར་དང་། མ་དུ་ཛ་ཏི་དང་། དེ་དག་ནི་རྒྱ་སྲན་གྱི་མིང་ངོ་། །དེ་ལས་ཀྱང་མ་ཀྵིཀ་
[17a.3]ཞེས་བྱ་བ་ནི་འབྲུ་མར་གྱི་མདོག་ལྟ་བུའོ། །བྷྲ་མར་ཞེས་བྱ་བ་ནི་སྦྲང་རྩི་དཀར་པོ་ལ་བྱའོ། །ཀྵ་ཏྲ་ཞེས་བྱ་བ་ནི་སྦྲང་རྩིའི་མདོག་སེར་སྐྱར་སྣང་བའོ། །པོ་ཏི་ཞེས་བྱ་བ་ནི་ཞུན་མར་གྱི་མདོག་ལྟ་བུའོ། །དེ་དག་ནི་སྦྲང་རྩིའི་བྱེ་བྲག་གོ། །སིད་ཐ་ཀ་དང་། བྷི་ག་ས་དང་། སིད་ཐ་དང་། མ་དྷུ་ཚིཤྟ་
[17a.4]དང་། མདྷུ་ན་ཤུ་ཏ་དང་། མ་དྷ་ཤེ་ཤ་ས་དང་། པ་ཙན་ག་ན་དང་། མདྷུ་ཛཱ་དང་། མཀྵི་ཀ་ས་ཡ་དང་། དེ་དག་ནི་སྤྲ་ཚིལ་གྱི་མིང་ངོ་། །ཤརྐ་ར་དང་། སི་ཀ་ཏ་དང་། ཤཱུ་བྷྲ་དང་། ཤུ་ལ་དང་། ཤྭེ་ཏེ་དང་། པོ་ཏོ་བ་ལ་དང་། དེ་དག་ནི་ཁ་ར་དཀར་པོའི་མིང་ངོ་། །མར་ཚརྔ་དྷི་ཀ་དང་།
[17a.5]ཨ་པ་གལ་བ་དང་། དེ་གཉིས་ནི་ཁ་རའི་མདོག་སེར་པོའི་མིང་ངོ་། །དེ་ལས་གཞན་པ་ནི་སྦྲང་རྩིའི་ཁར་ཞེས་བྱའོ། །ཤེ་ཁརི་དང་། པྲ་ཏག་པུ་ན་ཤ་དང་། ཡུ་ཏ་ཀ་དང་། ཁ་ར་མར་ཛ་རི་དང་། ཨད་ཤལ་བ་དང་། ཀྵུ་པོ་དང་། དྷ་མརྒ་དང་། དེ་དག་ནི་ཨ་བ་མརྒའི་མིང་ངོ་། །པི་པི་ལིང་དང་།
[17a.6]བཅའ་སྒ་དང་། ན་ལེ་ཤམ་དང་། དྲ་ཡུ་ཤན་དང་། བྱོ་ཤ་དང་། ཀ་དྱ་ཏྲ་ཡ་དང་། དེ་དག་ནི་ཚབ་གསུམ་གྱི་མིང་གི་རྣམ་གྲངས་སོ། །ཤིང་ཚ་དང་། སུག་སྨེལ་དང་། གནྡྷ་བྷ་དྲ་དང་། དེ་གསུམ་སྤྱིའི་མིང་ཡིན་ནོ། །ནི་ཏྲི་ཀ་ཏ་དང་། ཏྲི་ཛ་ཏ་དང་། དེ་གཉིས་ནི་དྲི་གསུམ་ཞེས་བྱའོ། །
[17a.7]དེའི་སྟེང་དུ་ནཱ་ག་གེ་སར་གྱིས་བསྣན་ན་དྲི་སྣ་བཞི་ཞེས་བྱའོ། །ཧོ་ཤ་དང་། ན་གར་དང་། བི་ཤྭ་བེེ་ཤ་ཛ་དང་། བི་ཤྭོའུ་དང་། ཤྲིག་བེེ་ར་དང་། ར་ཧུད་ཚ་ཏྲ་དང་། ཀ་ཏ་ཤ་དང་། དེ་དག་ནི་བཅའ་སྒའི་མིང་ངོ་། །མ་རི་ཙ་དང་། བལ་ཛ་དང་། ཀྲྀཥྞ་དང་། ཨུ་ཤ་ན་དང་། ཀུཉྫི་ཏ་དང་། ཀ་ཊུ་
[17b]
[17b.1]དང་། ཡབ་ནི་ཤ་དང་། དྷརྨ་པར་ཏ་དང་། ཏིཀྵྞ་དང་། བི་བ་ཤ་པྲི་ཡ་དང་། གྷན་དང་། དེ་དག་ནི་ན་ལེ་ཤམ་གྱི་མིང་ངོ་། །དེ་བི་དང་། ད་རུ་ཧ་རི་ཏ་དང་། སརྫ་ནི་དང་། པ་ཙ་མ་པ་ཙ་དང་། ཀ་ཊ་ཀ་ཏ་རི་དང་། ར་ཛ་ནི་དང་། ར་ཏྲི་དང་། མ་ཧ་དང་། ནི་ཤ་དང་། ཀྵ་པ་དང་། དེ་དག་ནི་སྐྱེར་
[17b.2]པའི་མིང་གི་རྣམ་གྲངས་སོ། །པིཎྜ་ཧ་རི་ཏ་དང་། ག་པུ་རི་དང་། བརྞ་བ་ཏི་དང་། ནི་ཤ་དང་། པི་ཏི་ཀ་དང་། ར་ཛ་ནི་དང་། བི་ཏ་དང་། ཧ་རི་ཏི་དང་། བ་ར་བད་ཕ་ནི་དང་། དེ་དག་ནི་ཡུང་བ་སྟེ། རྩི་སེར་པོའི་མིང་ངོ་། །སརྫ་ར་ས་དང་། དེ་བ་བྷུ་པ་དང་། བ་རུ་དྷུ་པ་དང་། ཨག་ནི་བ་ལ་
[17b.3]བྷ་དང་། སུ་རལ་དང་། ས་ར་ནི་རྫ་ས་པ་དང་། སུ་དྷུ་པ་དང་། ཡཀྵ་དུ་པ་ཀ་དང་། སྲ་རྩི་བོག་གི་མིང་ངོ་། །མ་དྷུ་པུ་ཤ་དང་། བྲིདྡྷ་པུ་ཤ་དང་། ཤུ་ཀ་བྲི་ཡ་དང་། བྷན་དི་དང་། ཤུ་ཀ་བ་པུ་ཤྱ་དང་། མྲི་དུ་པུ་ཤྭ་དང་། བི་ཤ་བ་དྷ་དང་། ད་དག་ནི་ཤྲི་ཤའི་མིང་ངོ་། །ཤི་ཀྲུ་དང་།
[17b.4]ཤེ་ཏ་མ་རི་ཙ་དང་། མུ་ཁ་བྷཉྫ་དང་། ཨ་དིག་ཤྣ་ཀ་དང་། སཽ་བྷཉྫ་ན་དང་། ཀྲྀཥྞ་གནྡྷ་དང་། སུ་ཏི་བ་ཤན་དང་། གྷན་ཕལ་བ་དང་། དེ་དག་ནི་ན་ལེ་ཤམ་དཀར་པོའི་མིང་ངོ་། །ཤི་ཀྲུ་དང་། ཧ་རིང་ཀྲ་ཤ་ཀ་དང་། མཱུ་ལ་ཀ་བཏྟྲ་ཀ་དང་། གྷན་ཚ་ད་དང་། ཏི་ཤན་གནྡྷ་དང་། མུ་རུང་གཱི་དང་།
[17b.5]ས་ལ་ན་དང་། ཀྵ་མ་དང་། དེ་དག་ནི་ཤི་ཀྲུ་རྣམ་གཅིག་ཧ་རི་ཤ་ཀའི་མིང་ཡིན་ནོ། །མ་དུ་ཤི་ཀྲུ་དང་། མ་དྷུ་ར་དང་། སིཾ་ཧ་ཀེ་ས་རི་དང་། ཤི་ཀྲུ་དང་། ཤི་ཀྲུཀ་དང་། དེ་དག་ནི་ཤི་ཀྲུ་དཀར་པོའི་མིང་སྟེ། ཤི་ཀྲུ་གསུམ་པ་ཡིན་ནོ། །མ་དྷུ་ཀ་དང་། ཏིཤྣ་ས་ར་དང་། མདྷུ་པུཥྤ་དང་། མ་ཧ་ད་དུ་
[17b.6]མ་དང་། དོ་ལ་ཕ་ལ་དང་། མ་དྷུཥྚལ་དང་། མ་དྷུ་ར་དང་། གྷུ་དང་དུ་ཤ་ཀ་དང་། དེ་དག་ནི་ཤིང་ཏོག་མ་དུ་ཀའི་མིང་ཡིན་ནོ། །མ་དུ་ཀའི་རྣམ་གཅིག་ནི་གོང་མ་བས་ཤིང་ཆུང་ལ་མེ་ཏོག་ཀྱང་ཆུང་ཞིང་། རོ་དང་ནུས་པ་ནི་མཉམ་པ་ཞིག་ཡོད་དེ་དེ་ཡང་མ་དུ་ཀ་ཞེས་བྱའོ། །ར་སཉྫ་ན་དང་། ཏ་ར་ཀ་ཤེ་
[17b.7]ལ་དང་། དརྦི་ཀྭ་ཐ་སུ་མུདྡྷ་བ་དང་། ཏི་ར་ཀྵ་དང་། བལ་བཻ་དང་། བལ་བཻ་དང་། ཏིར་ཀྵ་དང་། བལ་བཻ་དང་། མྲི་ཏ་ལ་དང་། དེ་དག་ནི་སྐྱེར་ཁཎྜའི་མིང་ངོ་། །ཧི་གུ་པཏྟྲི་དང་། པྲིང་ཐྭི་གེ་དང་། པིར་ཐུལ་དང་། པྭི་ཐུ་ལ་དང་། ཀ་བ་རི་དང་། དིར་ཀེ་ཀ་དང་། ཏནྟི་དང་། ནཱ་དཱི་དང་། ཏིཾ་གུ་ཤི་
[18a]
[18a.1]བ་ཀ་དང་། དེ་དག་ནི་སིབས་ཀྱི་མིང་གི་རྣམ་གྲངས་སོ། །ཏ་ག་ར་དང་། ཀུ་ཏ་ལ་དང་། བ་ཏྲ་དང་། ན་ཏྲ་དང་། ཀ་ལ་ནུས་རི་དང་། ཛྙིམ་ཧྲི་དང་། བར་ཧི་ན་དང་། བཾ་ཀད་དང་། ཤི་ཐ་དང་། ཙ་ན་ཧཱུ་ན་དང་། དེ་དག་ནི་རྒྱ་སྤོས་ཀྱི་མིང་ཡིན་ནོ། །བྷོད་དྷོད་ནི་དང་། ཀྲུར་
[18a.2]དང་། ས་མན་ས་དང་། ཤིཏ་ཀྵུར་དང་། ཡོད་ན་ཧ་དང་། པྲད་རི་ཤི་དང་། བེེ་ད་ལ་དང་། དེ་དག་ནི་བ་ལའི་མིང་ངོ་། །རཾ་ཤ་སྲོག་ཏ་དང་། བ་ར་དྭ་ཙ་དང་། སྭ་བརྞི་དང་། བྷལླྱ་གྷ་ནི་དང་། བྷུ་རིབ་ལ་དང་། པ་ལི་ནི་དང་། པུ་ཤ་ཀ་དང་། དེ་དག་ནི་ཨ་ཏི་བ་ལའི་མིང་ཡིན་ནོ། ཤར་
[18a.3]དྭ་ལ་དང་། ནཱི་ལ་དཱུར་བ་དང་། གོ་ལོ་མི་དང་། ཤ་ཏ་བར་པ་དང་། ཧ་རི་ཏ་དང་། སརྦ་བྱི་རྱ་དང་། ཤི་ཏ་བལ་ལིཾ་དང་། ཨུ་སིཏ་ལ་ཏ་དང་། དེ་དག་ནི་དཱུར་བ་སྔོན་པོའི་མིང་ངོ་། །ཤེ་ཏ་དཱུར་བ་དང་། གོ་ལོ་མི་དང་། ཤྭེ་གནད་དང་། སོ་ཏལ་ཏ་དང་། ས་ཧ་སྲ་བིདྱཱ་དང་། ཨ་ནནྟ་
[18a.4]དང་། དུར་དྷར་དང་། བར་གྷ་བི་དང་། རུ་ཧ་དང་། དེ་དག་ནི་དཱུར་བ་དཀར་པོའི་མིང་ངོ་། །གན་ད་དཱུར་བ་དང་། གན་ད་ལ་དང་། ཏི་བྷྲ་དང་། མ་ཚ་ཀྵ་དང་། བི་ལི་དྲ་དང་། ན་དི་ཀ་ཏ་ཡ་དང་། ད་ར་ནི་དང་། ཤ་ཀུ་ལ་ཀྵུ་དང་། དེ་དག་ནི་དཱུར་བའི་སྡོང་བུའི་མིང་ངོ་། །ཡ་བ་ཤ་ཀ་དང་། དིརྒ་མཱུ་
[18a.5]ལ་དང་། ས་མུ་ཏྟྲནྟ་དང་། མ་རུད་བྷ་བ་དང་། ཨ་ནནྟ་དང་། དུ་ར་ཆུ་ལ་དང་། བ་ལ་རད་ཏྲེ་དང་། ཙི་ཀནྟ་ཀ་དང་། དེ་དག་ནི་བྱི་ཚེར་མའི་མིང་གི་རྣམ་གྲངས་སོ། །དུ་ར་ལ་བྷ་བ་དང་། ད་ན་ཡ་ཤོ་དྡང་། ཡ་ཤ་དང་། དན་ནྭོ་ཡ་བ་ཤ་ཀ་དང་། ཀད་ཚུར་དང་། ཏམ་མྲ་མུ་ལི་དང་། དུར་ཤར་ཤ་དང་། དུ་
[18a.6]རབི་གྲཧ་དང་། དེ་དག་ཀྱང་བྱི་ཚེར་བ་རྣམ་གཅིག་གི་མིང་ངོ་། །བ་ཤི་དང་། བྲི་ཤ་དང་། སིཾ་ཧ་མུ་ཁི་དང་། བྷྲི་ཤ་ག་མ་ཏ་དང་། ཨ་ཏ་རུ་ཤ་ཀ་དང་། སིཾ་ཧི་ག་དང་། སིཾ་ཧ་པརྞི་དང་། རཀྟ་པིང་ཏ་པྲ་ས་ད་ནི་དང་། དེ་དག་ནི་བ་ཤ་ཀའི་མིང་ངོ་། །ཀཔི་ཀད་ཚུ་དང་། ཨད་མ་གུབྷ་དང་། སྭ་
[18a.7]ཡང་གུབྟ་དང་། མར་ཀ་ཏི་དང་། ཀན་དྱ་ཀ་རི་དང་། ཇ་ཧ་དང་། གུབ་ཏ་དང་། ཀ་པི་རོམ་དང་། ཕ་ལ་རི་ཤ་བི་དང་། གུན་ཏྲ་དང་། སི་རི་དང་། གུད་ཚ་མཱུ་ལ་དང་། པ་ནི་ར་པིར་ཐུལ་ཁ་ར་དང་། དེ་དག་ནི་ཁ་སྲལ་གྱི་མིང་ཡིན་ནོ། །ཤཏ་བ་རི་དང་། སུ་སྨ་པ་ཏྲ་དང་། སུ་བ་རི་དང་།
[18b]
[18b.1]ཨནྟི་བ་རི་དང་། བ་རི་དང་། ཤ་ཏ་མཱུ་ལ་དང་། རྦི་བི་ཤད་ཏྲུ་དང་། བ་ཧུ་མཱུ་ལ་དང་། ཨ་ཧི་ཛ་ཧི་ཀ་དང་། ཅུ་ཌ་མ་ཎི་དང་། ཤི་ཏ་པ་པ་ཀི་དང་། ཤི་ཀ་ཕརྡི་དང་། ཀྲྀཥྞ་ལ་དང་། ཨ་ར་ཏ་དང་། དེ་དག་ནི་ཉེའུ་ཤིང་གི་མིང་ཡིན་ནོ། །ཨུད་ཛ་ད་དང་། དམ་མྲི་ག་ག་དང་། ཀུན་ཛ་
[18b.2]དང་། ཙ་ཏྲ་སྲ་དང་། ཀ་ཀ་ས་ཧྭ་ཀ་དང་། མཱུ་ལ་ཀ་དང་། ཧ་རི་པ་རྞི་དང་། སུ་ཤི་ཀ་ཀྵི་ར་མེ་ཏི་དང་། ཀྲྀཥྞ་ཀམྦུ་ཛི་ཀ་དང་། གུམ་ཛ་དང་། རིག་ཏི་ཀི་དང་། ཀ་ཀ་ནན་ཏི་ཀ་དང་། དེ་དག་ནི་འོལ་མ་སེ་དམར་པོའི་མིང་ཡིན་ནོ། །ཤྭེ་ཏ་ཀམྦོ་ཛི་དང་། དུར་ད་ཤ་དང་། ཀ་ལ་ཙི་ལུ་
[18b.3]ཀ་དང་། ཀ་ཀ་ང་ནི་དང་། ཀ་ཀ་ཙིཎྜི་དང་། ཤག་ཀྲ་ཤལླྱ་དང་། བི་རི་ཎ་ཌི་ཀ་དང་། དེ་དག་ནི་འོལ་མ་སེ་དཀར་པོའི་མིང་ཡིན་ནོ། །པྲི་ཡངྐུ་དང་། ཕ་ལི་ནི་དང་། ཤ་མ་དང་། བ་ནི་ཏ་བལ་ལ་བྷ་དང་། ལཱ་ཏ་དང་། བྷང་གུར་དང་། བེལ་གེང་རི་ཀ་དང་། པྲི་ཡ་ཧ་དང་། བར་ན་བྷེ་
[18b.4]དེ་ནི་དང་། དེ་དག་ནི་གན་དྷ་པྲི་ཡངྐུའི་མིང་ཡིན་ནོ། །པདྨ་ཤྭེ་ཏ་དང་། པུཎྜ་རཱི་ཀ་དང་། ཤཏ་པཏྲ་དང་། ས་རོ་རུ་ཧ་དང་། ཏ་མ་ར་ས་དང་། ས་རོ་ཛ་དང་། ཨམྦུ་ཛ་དང་། བཾ་ཀ་ཛ་དང་། དེ་དག་ནི་པདྨ་དཀར་པོའི་མིང་ཡིན་ནོ། །པུཤྐར་དང་། རཀྟ་དང་། ར་བྲིན་དང་། ཀུ་ཤེ་ཤེ་ཡ་
[18b.5]དང་། ཀ་མ་ལ་དང་། ནི་ལི་ནི་དང་། ཤྲི་ནི་ཀེ་ཏ་ན་དང་། ན་རོར་མ་དང་། དེ་དག་ནི་པདྨ་དམར་པོའི་མིང་ངོ་། །ནཱི་ལོཏྤ་ལ་དང་། ཀུ་པ་ལ་ཡ་དང་། ནལྦ་བཛ་དང་། ཨ་སི་ཏོ་པ་ལ་དང་། ཨིནྡྲི་བ་དང་། ཀ་ཀ་ལོ་དང་། ཀད་ཛ་ལ་དང་། ཀ་ཀ་ཀུད་མལ་དང་། དེ་དག་ནི་ཨུཏྤ་ལ་སྔོན་པོའི་
[18b.6]མིང་ངོ་། །ས་དུ་གནྡི་ཀ་དང་། རཀྟ་ནི་ད་ཀ་དང་། ཀརྞ་པུ་ར་དང་། པ་རོད་ཕ་ལ་དང་། ཛ་ཏྱ་པ་ལ་དང་། གོ་ད་ན་ད་དང་། ཀ་ལྷར་དང་། གནྡྷ་སོ་མ་ཀ་ཀ་དང་། དེ་དག་ནི་ཨུཏྤ་ལ་དམར་པོའི་མིང་ངོ་། །ཀུ་མུད་དང་། ཤྭེ་ཏ་ཛ་ལ་ཛ་དང་། ཙནྡྲ་ཀནྟ་དང་། ཤ་ཤི་པིར་ཡ་དང་། སི་
[18b.7]ཏོཏྤ་ལ་དང་། གནྡྷ་བྷ་ག་དང་། ཤ་མ་བྲྀཏྟི་དང་། ཛ་ལེ་རུ་ཧ་དང་། དེ་དག་ནི་ཨུཏྤ་ལ་དཀར་པོ་སྟེ། ཀུ་མུ་ཏའི་མིང་ངོ་། །པདྨ་ནི་པུད་ཏྲ་ཀི་ནི་དང་། ན་ལི་ནི་དང་། ཀུ་མད་པ་ཏི་དང་། བལ་ཤ་ནི་དང་། པརྞ་བ་ཏི་དང་། བ་ན་ཤ་ད་དང་། ས་ཙ་ཀ་ར་དང་། དེ་དག་ནི་པདྨའི་ཐོག་མའི་ས་བོན་
[19a]
[19a.1]གྱི་མིང་ངོ་། །ཀེ་སར་ད་དང་། པདྨ་ཀིཉྫ་ལ་ཀ་དང་། ཨ་པི་ཏ་དང་། པདྨ་ཀེ་སར་དང་། མ་ག་རན་ད་དང་། པར་ག་དང་། རུང་ག་དང་། གའུ་ར་དང་། གན་ཚན་དང་། དེ་དག་ནི་པདྨ་གེ་སར་གྱི་མིང་ངོ་། །ཀ་ར་ནི་ཀ་དང་། བི་ཤོ་ཀོ་ཤ་དང་། ཀརྐ་ཏི་དང་། པདྨ་ཀརྞི།
[19a.2]ཀ་དང་། པདྨ་བི་ཚ་དང་། པདྨ་ཀྵ་དང་། དེ་དག་ནི་པདྨའི་སྙིང་པོའི་མིང་ཡིན་ནོ། །མྲི་ན་ལ་དང་། ཏན་ཏྱ་ལ་དང་། བི་ས་དང་། པདྨའི་དི་མཱུ་ལ་དང་། ཤ་ལུ་ཀ་དང་། དེ་དག་ནི་པདྨའི་རྩ་བའི་མིང་ངོ་། །དིར་ཀི་ཀ་དང་། དེ་དག་ནི་པདྨའི་སྐྱེས་གནས་གྱི་མིང་ཡིན་ནོ། །པདྨ་ནི་ཀང་དམ་
[19a.3]དང་། པད་ཀ་དང་། ར་ཛ་དང་། པདྨ་དི་ཛ་དང་། མ་དྷེ་དང་། དེ་དག་ནི་འདམ་གྱི་མིང་ངོ་། །ཀུ་ཌན་ན་ཌ་དང་། སླ་མ་དང་། དནྣྱ་དང་། ཤུ་ཀཱ་ཧཱ་དང་། པ་རེ་བེེ་ལ་ལ་དང་། ཛིརྣ་བྷཱུད་ད་ཎ་དང་། ད་ཤ་པུ་ར་དང་། བི་རུནྣ་དང་། བེ་ལ་རྩི་དང་། པུ་ཏ་དང་། དེ་དག་ནི་སླ་བའི་མིང་ངོ་། །ཛི་
[19a.4]བནྟི་དང་། ཛི་བ་ནི་དང་། ཛི་བ་དང་། ཤ་ཁ་ཤེཥྚ་དང་། ཡ་ཤ་ཀ་རི་དང་། ཛོ་བ་ནི་ཕ་དང་། མ་ག་ལྱ་དང་། ཤྲི་ཀ་རི་ཏི་ཀ་དང་། དེ་དག་ནི་སྨན་འཚོ་བྱེད་ཀྱི་མིང་ཡིན་ནོ། །ཀ་ཀོ་ལི་དང་། ཀ་པ་དི་དང་། ཀན་དང་། དྷྭད་ཀྵ་དི་དང་། ཀྵི་ར་ཤུ་ཀི་ཀ་དང་། ཤུ་ཀླ་ཀྵུ་ར་དང་། བ་ཡ་ས་ལི་དང་
[19a.5]བིར་དང་། དྷ་ར་དང་། པས་སྭི་ནི་དང་། དེ་དག་ནི་ར་མཉེ་བ་སེར་པོ་སྟེ། བུང་ཚང་རྡོའི་མིང་ངོ་། །ཀྵི་ར་ཀ་ཀོ་ལི་དང་། བ་རི་དང་། ཤུ་ར་དང་། བི་ཀྲནི་ཀ་དང་། པ་ཡ་སྭི་ནི་དང་། ཀྵི་རི་ནི་དང་། ཤུ་ཀླ་དང་། ཀྵིར་བི་ནི་ཀ་དང་། དེ་དག་ནི་རམ་ཉེ་བའོ་མ་ཅན་གྱི་མིང་ངོ་། །མེ་ད་དང་། མེ་
[19a.6]ད་ས་མུད་བུད་ཏ་དང་། ཤལ་ལྱ་བརྣི་དང་། མ་ཨང་ར་དང་། མ་ནི་ཚིད་ཏྲ་དང་། དེ་བམ་ན་དང་། སུར་མེད་ས་མུད་བྷ་བ་དང་། དེ་དག་ནི་མེ་དའི་མིང་ངོ་། །བྲྀཀྵ་ཤ་རུ་ཧ་དང་། མ་ཧཱ་པུ་རུ་ཥ་ད་ནི་དང་། བྷི་བ་མིན་པ་དང་། དེ་དག་ནི་མོན་སྲན་སྡེའུའི་མིང་ངོ་། །མ་ཧཱ་མེ་དའི་མིང་དུ་བཤད་
[19a.7]པ་ཡིན་ནོ། །མུངྒ་པརྞི་དང་། སུ་པྱ་པརྞི་དང་། མ་ཧཱ་མརྫར་གནྡྷི་ཀ་དང་། ཀཱ་ཀ་མུངྒ་དང་། ཀྵུ་ཏྲ་ས་ཧ་དང་། བ་ན་ཛ་དང་། ཤིམྦི་རིང་གི་ནི་དང་། དེ་དག་ནི་མོན་སྲན་སྡེའུའི་འདབ་མའི་མིང་ངོ་། །མ་ཤ་པརྞི་དང་། སིཾ་ཧ་བིན་ག་དང་། སུ་བྱ་པརྞི་དང་། མ་ཧཱ་ས་ཧ་དང་། པན་རྱ་
[19b]
[19b.1]ལ་དང་། མ་ཤ་པརྞ་དང་། ཀམྦུ་ཛི་དང་། ཀྲི་ཤིན་བྲི་ཏི་ཀ་དང་། དེ་དག་ནི་མོན་སྲན་གྲེའུའི་འདབ་མའི་མིང་ངོ་། །རི་ཤ་བ་དང་། ཀ་ཀུ་དང་། ཤི་མན་དང་། བ་ཤ་ནི་དང་། གོ་བ་ཏི་དང་། བྲི་ཤ་དང་། བྲི་ཤ་ན་དང་། དུར་ད་དང་། དི་ར་དང་། བྷན་དུར་བ་དང་། བྲི་ཤ་ཏི་
[19b.2]པ་ཏི་དང་། དེ་བཞིན་ཟངས་རྩི་བའི་མིང་ཡིན་ནོ། །ཇ་བ་ཀ་དང་། ཀུར་ཙ་ཤིར་ཤ་དང་། དྷི་གྷ་ཡུ་དང་། ཙི་ར་ཛི་ཧ་དང་། མང་གལླྱ་ན་མ་དང་། པྲ་ས་ག་དང་། བིར་པ་དང་། དེ་དག་ནི་ཛི་བ་ཀའི་མིང་ངོ་། །འཚོ་བྱེད་སྡེ་བཅུར་བཤད་པ་དེ་དག་སྤྱིའི་མིང་ནི། ཀ་ཛི་བནྟི་དང་། ཛི་བ་ནི་དང་
[19b.3]ཛི་བ་དང་། ཤ་ཁ་ཤེཥྚ་དང་། ཡ་ཤ་ཀ་རི་དང་། ཛོ་བ་ནི་ཕ་དང་། མང་གྱ་སྭ་ད་དང་། མདུ་ར་དང་། དེ་དག་ནི་ཛི་བ་ནི་ཞེས་བྱ་བར་གྲགས་སོ། །བི་ད་རི་དང་། ཨི་ནུ་ཙི་རི་དང་། བྲི་ཤ་ཀནྡ་དང་། པ་ལ་ཤ་ཀན་དང་། གྷན་ཛི་པ་ཏི་པྲི་ཡ་དང་། པྲི་ཤྱ་དང་། སྭ་དུ་གན་དང་། བི་
[19b.4]གནྡ་རིག་དང་། དེ་དག་ནི་བི་དི་རའི་མིང་ཡིན་ནོ། །གཞན་ཡང་། ཀྵི་ར་བིད་ནི་དང་། ཨེ་ཀྵུ་ཀན་ད་དང་། ཨི་ཀྵུ་བལླྱ་དང་། ཀཱ་ར་བལླི་དང་། ཀྵ་ར་ཀནྡ་དང་། ཀྵུ་ར་ཤུ་ཀུ་ལ་དང་། པ་ཡས་སི་ནི་དང་། དེ་དག་ནི་ཀྵི་ར་བི་ད་རི་ཞེས་བྱ་བ་བི་ད་རི་རྣམ་གཅིག་གི་མིང་ངོ་། །ཨེ་རཎྜ་དང་།
[19b.5]ཨུ་རུ་བུ་ཀ་དང་། བི་ཏྲ་དང་། གནྡ་ར་བ་ཧ་སྟ་དང་། བར་སྣ་མ་མ་ན་དང་། ཤུ་ཀླ་དང་། པཉྩ་ཨགུ་ལ་དང་། དེ་དག་ནི་ཨེ་རཎྜའི་མིང་ངོ་། །རནྡ་དང་། ཧསྟི་པརྞི་དང་། བྱགྷ་ཏ་ལ་དང་། རུ་བུ་དང་། ཨུ་བུ་དང་། ཧ་སྟི་ཀརྞ་དང་། ཙུད་ཙུ་དང་། ཨུ་ཏ་ན་པ་ཏྲ་ཀ་དང་། དེ་དག་ནི་ཨེ་
[19b.6]རཎྜ་དམར་པོའི་མིང་ངོ་། །བྱིས་ཤ་ཀ་ལི་དང་། བི་ཤག་གྷྲི་ནི་དང་། སརྦ་དང་། ཀྵི་དང་། ཨ་ཤ་ད་མ་ག་ཕུད་ཚ་དང་། བ་ཤི་ནི་དང་། ན་གྲ་དང་། ཥྚི་ཀ་དང་། དེ་དག་ནི་བྲི་ཤྭི་ཀ་ལིའི་མིང་ངོ་། །པུ་དན་རྣ་བ་དང་། བར་ཤ་ཀ་དང་། ཥ་ཊཌ་དང་། མནྡ་ལ་པ་ཏྲ་དང་། ཤྭེ་ཏ་པུ་ཏྲ་
[19b.7]དང་། བྷ་ར་ཤ་བུ་དང་། བྲི་ར་ཤྭི་བ་དང་། བྲི་ཤི་བ་དང་། ཀྵུ་ཏྲ་པ་ཏྲ་དང་། དེ་དག་ནི་བ་སྤྲུ་བའི་མིང་ངོ་། །བཻ་ཤ་ཀ་དང་། ཨདྨ་བྲིད་ཏ་དང་། ཀ་ཌི་ལ་དང་། བི་ཀ་ས་དང་། ཀྵུཏྲ་བྷར་ཤ་བུ་དང་། ཤི་བ་ཏི་དང་། དེ་དག་ནི་བ་སྤྲུ་བ་རྣམ་གཅིག་མེ་ཏོག་དམར་པོ་ཅན་གྱི་མིང་ངོ་། །བྱ་ཤ་
[20a]
[20a.1]དེ་བ་དང་། ནཱ་ག་བ་ལ་དང་། ཤ་ཧ་དང་། གཅི་བུ་ག་དང་། ཁར་གནྡ་དང་། ཀལ་དང་། གནྟ་དང་། གང་ག་རུ་ཀི་དང་། དེ་དག་ནི་ནཱ་ག་བ་ལའི་མིང་ངོ་། །དེ་བ་ཧ་ས་དང་། གྷ་ལྱ་དང་། ཨརྟ་པས་ད་ནི་དང་། བྷར་ཤ་པུཥཱི་དང་། མ་ཧཱ་གནྡྷ་དང་། དེ་བ་དང་།
[20a.2]དན་དུད་པ་ལ་དང་། དེ་དག་ནི་སཧ་དེ་བའི་མིང་ངོ་། །ཤི་རི་བ་དང་། ག་གྷ་ཀནྠ་དང་། ཤེ་ད་དང་། ཀལ་བུསརྱ་དང་། རྟ་རུ་རྡི་དང་། ལ་ཏ་དང་། ཨཱ་ཡུ་ཏ་དང་། གྷོ་པ་བེལླྱ་དང་། ཨ་ཧི་ཛི་བི་ཀ་དང་། དེ་དག་ནི་ཐལ་ཏྲེས་དཀར་པོའི་མིང་ངོ་། །ཀྲྀཥྞ་མཱུ་ལ་དང་། ཀྲྀཥྞ་དང་། ཙནྡན་ཤརི་བ་
[20a.3]དང་། བྷད་ཏྲ་དང་། ཙིནྡན་ན་དང་། ཀྲྀཥྞ་བརླ་ལ་ལྱ་དང་། དེ་དག་ནི་ཐལ་ཏྲེས་ནག་པོའི་མིང་ངོ་། །ཧ་ནས་པརྡི་དང་། རཀྟ་པ་ཏི་དང་། མདྷུ་ཤུབ་དང་། ཀྲིཏ་མནྡ་ན་དང་། པྲི་པ་ཏི་དང་། ཀ་ཏེ་མ་རུ་དང་། ལ་སིལ་ས་དང་། དེ་དག་ནི་ཧན་ས་པ་ཏིའི་མིང་ངོ་། །ཨུ་ཤིར་དང་། བིར་དང་།
[20a.4]སེ་བྱ་བ་དང་། ཨ་བྷྱ་ཡ་དང་། ཨ་མྲྀ་ཏ་ལ་དང་། བ་ཧུ་མཱུ་ལ་དང་། ཤི་ཏ་མཱུ་ལ་དང་། བི་ར་དང་། བར་ན་མཱུ་ལ་དང་། དེ་དག་ནི་པུ་ཤེལ་བའི་མིང་ངོ་། །ལ་མརྫ་དང་། དིརྒ་མཱུ་ལ་དང་། ཨ་མྲྀ་ཏ་ལ་དང་། ཛ་ལ་ཤ་ཡ་དང་། ཨེཥྚ་ཀ་པ་ཐ་དང་། ཤི་གྷྲ་དང་། ཏྲུ་ཡ་ཀ་ཀྵི་དང་། ས་ཏ་མ་
[20a.5]དང་། ལ་གྷུ་དང་། དེ་དག་ནི་ལ་མང་ཛའི་མིང་ཡིན་ནོ། །ལ་ཙནྡན་དང་། གནྡྷ་ས་ར་དང་། གོ་ཤིཪྵ་དང་། ཤྭི་ཏ་ཙན་དང་། ལི་ཧི་ཏ་དང་། བྷ་ཏྲ་ཤྭེ་ཡང་དང་། མ་ལ་ཡ་ཛི་དང་། མ་ཧར་རམ་དང་། ཏི་ཏམ་དང་། དེ་དག་ནི་ཙནྡན་དཀར་བོའི་མིང་ངོ་། །རཀྟ་ཙནྡན་དང་། ལོ་ཧི་ཏ་དང་།
[20a.6]རཀྟ་ས་ར་ཀ་དང་། ཀྵུ་ཙནྡན་དང་། ཏམྨུ་ས་ར་དང་། སུ་རཀྟ་དང་། ཧ་རི་ཙནྡན་དང་། དེ་དག་ནི་ཙནྡན་དམར་པོའི་མིང་ངོ་། །ཀ་ལི་ཡཀ་དང་། པི་ཏ་ས་རམ་དང་། པི་ཏ་བརྞ་དང་། ཤིཏ་ལ་དང་། བརྞ་སྲ་པ་ད་ཛ་ན་ཎ་དང་། བརྞ་གྲི་དྷ་དང་། ཧེམ་དང་། དེ་དག་ནི་ཙནྡན་སེར་པོའི་མིང་ངོ་། །
[20a.7]མྲི་དུ་པ་ལ་དང་། ཏུ་ཤན་དང་། བྷནྡ་ན་ཚད་དང་། པརྞ་པ་རུ་དང་། ནཱི་ལ་བརྣ་དང་། བ་རུ་ཤ་དང་། པར་མ་ད་ལ་དང་། དེ་དག་ནི་པརུ་ཤ་ཀའི་མིང་ངོ་། །པདྨ་ཀ་དང་། ཧིམ་པདྨ་དང་། ཀ་ལ་ཤ་དང་། ཤ་བ་ལན་དང་། པདྨ་བར་ནད་དང་། པདྨ་གནྟི་དང་། པ་བ་ལ་དང་། བར་ན་བུ་ཤྱ་
[20b]
[20b.1]དང་། དེ་དག་ནི་ཤུག་པའི་མིང་ངོ་། །ཅཀྵུ་ཤ་དང་། ཤི་པུ་ཤ་དང་། མཱུ་ལ་ས་ད་ན་དང་། པུ་ཎ་ད་ཧ་དང་། པུཎྜ་རཱི་ཀ་དང་། ནིཏ་ཤོ་ཏ་ན་དང་། དེ་དག་ནི་པྲ་པུཎྜ་རཱི་ཀ་སྟེ། སྟག་ཚེར་བའི་མིང་ངོ་། །ཏུཥྚ་དང་། སུ་ཁ་དང་། བྷུཏི་དང་། བྷུར་ཏི་ར་གི་དང་། སརྦ་ཛ་ན་པྲི་ཡ་དང་། རི་
[20b.2]ཤི་པྲཥྚ་དང་། བ་སུ་དང་། ལཤྨི་མ་གལླྱ་དང་། མདུ་ར་དང་། པྲི་ཡ་དང་། དེ་དག་ནི་བྲིཏྟིའི་མིང་ཡིན་ནོ། །ཏུཀ་ཀྵི་རི་དང་། བན་ཤ་བ་དང་། བན་ཤ་ཛ་དང་། ཏྲི་ན་ཀ་ར་ནི་དང་། ཏུ་བག་ཀྵི་རི་དང་། ཤུ་བྷྲད་དང་། ཤ་ཁྱ་དང་། བ་ཤརོ་ཙ་ན་དང་། དེ་དག་ནི་སྨྱུག་གང་གི་མིང་ངོ་། །
[20b.3]སིདྡི་དང་། ཙི་ཏ་ན་དང་། ས་ན་ད་དང་། ཛི་བ་བན་ད་ནི་དང་། ཨ་ཤྭ་ས་དང་། གྷོ་ད་ནི་དང་། མུ་ནི་ཤྲིཥྚ་དང་། ཡ་ཤ་ཀྵ་རི་དང་། དེ་དག་ནི་རིད་དྷིའི་མིང་ཡིན་ནོ། །ཤྲིཾ་གི་དང་། ཀརྐ་ཏ་ཤྲིཾ་གི་དང་། མ་ཧཱ་གོ་ཤ་དང་། ཤྲིང་གི་ཀ་དང་། ཨ་ཏི་ར་ས་དང་། ན་ཏཾ་གི་དང་། ཀརྐ་
[20b.4]ཏ་ཧྭ་དང་། དེ་དག་ནི་བུ་རམ་ཤིང་གི་མིང་དུ་བཤད་པ་ཡིན་ནོ། །གྷུརྡྱ་ཅི་དང་། ཨ་མི་ཏ་བལླི་དང་། ཚིནྣ་རུ་ཧྲ་དང་། ཨ་མྲྀ་ཏ་དང་། མ་དྷུ་བར་ཎི་དང་། ཙ་ཡཥྚ་དང་། ཀུན་ད་ལི་དང་། སོ་མ་བལ་ལ་དང་། དེ་དག་ནི་སླེ་ཏྲེས་ཀྱི་མིང་ངོ་། །མྲི་དྭི་ཀ་དང་། གོ་ཏ་ནི་དང་། ཏྲ་ཀྵ་དང་། ཀ་ཤེ་
[20b.5]རུ་དང་། ཕ་ལོཏྟམ་དང་། མ་དུ་ཕ་ལ་དང་། སྭ་དུ་པ་ལ་དང་། པར་དང་། ཀྴྨ་རི་ཀ་དང་། དེ་དག་ནི་རྒུན་འབྲུམ་གྱི་མིང་ངོ་། །སོམ་བྲཀྵ་དང་། རོ་ཧི་ནི་དང་། སོ་མ་བལ་ཀ་དང་། མ་ཧཱ་ཀུམྦ་དང་། བད་ཏྲ་བ་ཏི་དང་། ཤྲི་པརྞི་དང་། ཀུ་མཱ་ར་དང་། དེ་དག་ནི་ཀད་པ་ལའི་མིང་ངོ་། །ཀ་ཏ་དང་།
[20b.6]ཚེད་ནི་ཡ་དང་། ཀ་ཚམ་དང་། བ་རི་ཕྲ་ས་དང་། ཏྲོ་ཡ་ཕྲས་དང་། ན་ཕ་ལ་དང་། ཙཀྵུ་ཤ་མ་དང་། ལམ་ཁ་ནད་མ་ཁམ་དང་། དེ་དག་ནི་ཀ་ཏ་ཀའི་མིང་ཡིན་ནོ། །པ་ལ་ཤི་དང་། ཀྵ་དྲི་ཡ་དང་། བན་ར་པྲི་ཡ་དང་། ཌི་ཌ་ཤ་ཀ་དང་། གྷུ་རུ་ཀྵུནྡ་དང་། ཥྚི་རི་དང་། ཤ་ཁ་མྲི་ཁ་ཕྲི་ཡ་དང་།
[20b.7]དེ་དག་ནི་ར་ཛད་ནའི་མིང་ངོ་། །ད་ཌིམ་དང་། རཀྟ་ཀུ་མུ་ས་དང་། ཀ་ར་ཀ་མ་དང་། ཤུཁ་བལླ་བ་དང་། མ་དྷུ་ར་དང་། ཨམླ་ཕ་ལམ་ས་རམ་དང་། ཀུ་ཏི་ལམ་དང་། ཕ་ལ་ཤ་ད་བ་དང་། དེ་དག་ནི་སེའུ་འབྲུའི་མིང་ངོ་། །ཤ་ཁ་དང་། སུ་གནྡྷ་ས་ར་དང་། མ་ཧཱ་པད་ཏྲ་དང་། ཁ་ར་
[21a]
[21a.1]ཚད་དང་། བྷུ་མི་སྭ་ཧྭོ་དང་། དྭ་ར་ད་ཏུ་དང་། སྟི་རཀ་དང་། ཁ་ར་པད་ཏྲ་ཀ་དང་། དེ་དག་ནི་ཤ་ཁ་བད་ཏྲའི་མིང་ངོ་། །ཨཉྫ་ན་དང་། ཡ་མན་དང་། ན་དྷྱ་མ་དང་། ཤྲོད་ཛན་དང་། ཀ་པོཏྟ་དང་། ནནྡ་ན་དང་། ཏ་རྱམ་དང་། ཡ་ཏྲི་ཚ་བི་གད་དང་། བར་མ་དང་། ཤོ་
[21a.2]ཏ་ཛ་དང་། དེ་དག་ནི་ལིག་བུ་མིག་གི་མིང་ངོ་། །སཽ་བིར་དང་། བར་བ་ཏི་ཡ་ཤྭི་དང་། ཀྲྀཥྞ་དང་། ནི་ཏྲ་བི་བུ་ཤ་ན་དང་། པ་ར་པ་ར་དང་། སུ་ཤི་ཏ་དང་། རཀྟ་སམྦ་ར་དང་། དེ་དག་ནི་སྟང་ཟིལ་གྱི་མིང་ངོ་། །མན་སི་དང་། ཛ་ཊ་དང་། བྷུ་ཏ་ཀེ་ཤི་དང་། ན་ལ་ད་དང་། ཛ་རི་ལ་དང་།
[21a.3]མྱི་ཤི་དང་། མ་ཏ་དང་། སུ་ལོ་མ་ཤ་དང་། ཧིཾ་ཥྚ་དང་། ཛ་ཎ་ནི་དང་། ཏ་པ་སྭི་ནི་དང་། དེ་དག་ནི་སྤང་སྤོས་ཀྱི་མིང་ངོ་། །གནྡྷ་མན་སི་དང་། ཀི་ཤི་དང་། བྷུ་ཏ་ཤི་ཁ་དང་། པཱི་ཤིཙི་དང་། པུ་ཏ་ན་ཀེ་ཤི་དང་། པི་ཤྭི་དང་། ཀྲྀཥྞ་ཛ་ཏ་དང་། ཨ་ག་སི་དང་། དེ་དག་ནི་སྤང་སྤོས་དྲི་ཞིམ་
[21a.4]པོ་ཞེས་བྱ་བ་རྣམ་གཅིག་གི་མིང་ངོ་། །ཀ་ཏྱུ་དང་། མན་ཚ་བན་ན་དང་། ཀཏྭི་དང་། ཀ་རུ་ཀ་རོ་ཧི་ནི་དང་། ཨ་ཤོ་ཀ་རོ་ཧི་ནི་དང་། ཏིག་ཏ་དང་། རོ་ཧི་ནི་དང་། ཤ་ཀུལ་ད་ནི་དང་། དེ་དག་ནི་པུ་ཙེ་ཤེལ་གྱི་མིང་ངོ་། །ཀུ་ཙཱི་ལ་དང་། པ་ཏ་ནི་དང་། པྲ་ཙ་ན་དང་། བྷྱིད་ཏྱ་ཀརྞི་ཀ་དང་།
[21a.5]བར་ཏིག་ཏ་དང་། བ་ཏ་ཙེལ་དང་། བྲི་ཏ་ཏིག་ཏ་དང་། དེ་དག་ནི་པ་ཐའི་མིང་ངོ་། །ད་ན་དང་། ཀཥྚུ་ནུ་རུ་དང་། ད་ནྱམ་དང་། ད་ནི་ཀ་དང་། ད་ནི་ཨ་ལ་ཀ་དང་། ཨཱཏ་གནྡྷ་དང་། བི་ཤན་གྲ་དང་། བི་ཏུ་ནྣ་དང་། དེ་དག་ནིའུ་སུའི་མིང་དུ་བཤད་དོ། །ཤྭ་ར་གཤྣ་དང་། ཀ་ཀ་ཏིག་ཏ་དང་། བཱཡ་
[21a.6]ས་སྱ་དང་། སྟིན་ཏ་ཀི་དང་། ཨང་ག་བ་ར་པི་ལི་དང་། ཀ་ཏྱ་ཀ་དང་། རྦད་ཤ་བ་ལི་དང་། ཀ་རཉྫི་ཀ་དང་། དེ་དག་ནི་ཤ་རང་ག་ཤའི་མིང་ངོ་། །ཀཱི་རཱ་ཏ་ཏིག་ཏ་དང་། བྷུམ་ནིམྦ་དང་། ཀནྡ་ཏིག་ཏ་དང་། ཀིརྟ་ཙ་དང་། ཨ་ན་རྱ་དང་། ཏིག་ཏ་ཀེ་ར་ཀཱ་ར་ཏུ་དང་། བི་ཙར་ཎྱེ་དང་། རམ་སན་དང་། དེ་
[21a.7]དག་ནི་ཏིག་ཏའི་མིང་གི་རྣམ་གྲངས་སོ། །བི་ཀང་ཀ་ཏ་དང་། ཤྲོ་བ་ཏུ་དང་། གྲནྠི་ལ་དང་། སྭ་དུ་ཀནྡ་ཀ་དང་། མྲི་དུ་བི་ན་ཛ་དང་། བྱ་གྲ་པད་དང་། ཀན་ཏ་ཀི་དང་། དེ་དག་ནི་བི་ཀང་ཀའི་མིང་ངོ་། །ཤཻ་རི་ཡ་ཀ་དང་། ཤ་འུ་སྱ་དང་། མྲི་དུ་ཀན་ཀ་དང་། ད་སི་ཀུ་ར་ད་ཌ་དང་། མ་ལན་དང་།
[21b]
[21b.1]བར་ད་དང་། དེ་དག་ནི་ས་ཧ་ར་ཛའི་མིང་ངོ་། །ར་ཛ་ཤེ་རི་ཀ་དང་། ནི་ལ་དུ་ཤ་དང་། ཤེརྒྱ་ཀ་དང་། བ་ནམ་བྲ་ན་དང་། ས་ཧ་ར་ཛ་དང་། ཀེ་ཤ་རཉྫ་དན་དང་། དེ་དག་ནི་ས་ཧ་ར་ཛ་རྣམ་གཅིག་གི་མིང་ངོ་། །སབ་ཏ་ཚ་ད་དང་། བྲི་ཧ་ཀག་དང་། བསབ་ཏ་ཧ་དང་། གྷུ་ཚ་པུཥྤ་དང་། སཔྟ་པརྞ་
[21b.2]དང་། ས་ཏ་པ་ཏྲོ་དང་། ཡོག་མ་བ་ཏྲ་དང་། བ་ཧུ་ཚད་དང་། དེ་དག་ནི་ལོ་མ་བདུན་གྱི་མིང་ངོ་། །སེ་ད་དི་དང་། ཀ་ར་བ་ལི་དང་། ཏོ་ཡ་བལ་ལ་དང་། ཀང་ལ་བི་དང་། བྲི་ཧད་བ་ལི་དང་། བ་རི་བ་ལི་དང་། སུ་ཀུ་མ་ར་དང་། བ་ལ་ཤི་དང་། དེ་དག་ནི་སུ་ཤདྷའི་མིང་ངོ་། །བ་ཏ་རི་དང་།
[21b.3]གྷ་པ་གྷུན་ཏ་དང་། གནྡྷ་དང་། ཀོ་ཀི་ལ་དང་། སྣིགྡྷ་ཚ་ད་དང་། ཀོ་ཤ་ཕལ་དང་། རཥྚ་བྲིད་ཏོ་ཀ་རི་དང་། དེ་དག་ནི་རྒྱ་ཤུག་གི་མིང་ངོ་། །ཨ་ས་ན་དང་། བི་ཛ་ག་དང་། ག་མྱ་དང་། པྲི་ཡ་ཤི་དང་། པྲི་ཡ་ཀ་དང་། སུ་གནྡྷ་དང་། ནཱི་ལ་ནིརྱ་ཡ་ས་དང་། ཉི་ཤུ་དང་། བནྡུ་ཀ་པུཥྤ་
[21b.4]དང་། དེ་དག་ནི་ཨ་ས་ནའི་མིང་ཡིན་ནོ། །ཏི་ནི་ཤ་དང་། སྤན་དན་ད་དང་། ནམ་མི་དང་། སརྦ་ལ་རོ་དང་། ར་ཐ་དྷེ་པ་དང་། ཙཀྲ་སམ་བརྞ་དང་། སནྡ་ན་དང་། ཨཤྨ་གརྦྷ་དང་། དེ་དག་ནི་ཏི་ནི་ཤའི་མིང་ངོ་། །བུར་ཛ་དང་། བ་ཧུ་པུ་ཏ་དང་། བ་ཧུ་ཏག་དང་། མྲི་དུ་ཚ་དང་། སྟིར་པ་ཏྲ་
[21b.5]དང་། ལེ་ཁ་པ་ཏྲ་དང་། བྷུ་ཏ་ཧ་དང་། དེ་དག་ནི་སྟག་པའི་མིང་དུ་བཤད་དོ། །ཨརྫུ་ན་དང་། ཀ་ཀུ་བ་དང་། པརྟ་དང་། ན་ནི་སམ་བྱ་དང་། ད་ན་ད་ཛ་ཡ་དང་། མ་དུ་གནྡྷི་དང་། མ་དུ་པུཥྤ་དང་། ཕལྒུ་ཎ་དང་། ཤེ་ཏེ་ཡོ་ཏི་དང་། དེ་དག་ནི་ཨརྫུ་ནའི་མིང་ངོ་། །ཁ་དི་ར་དང་། བ་ལ་བ་ཏྲ་དང་།
[21b.6]ཤལླྱ་ཀ་དང་། དནྟ་དྷ་བ་ན་དང་། གྷ་ཡ་ཏི་དང་། རཀྟ་སཱ་ར་དང་། བ་ཧུ་ཤྱ་ལྱ་དང་། ཀྵི་ཏི་ཀྵ་མ་དང་། དེ་དག་ནི་སེང་ལྡེང་གི་མིང་ངོ་། །ཀ་ཌར་ར་དང་། ཁ་དི་ར་ར་རུ་དང་། གོ་ར་ཏ་དང་། ཤ་མ་བ་ས་ར་དང་། ཀ་ལ་ཀྵན་དང་། ས་ས་ར་ཤལླྱ་དང་། ཀར་མུ་ཀ་དང་། ཀུབ་ཙ་ཀནྟ་ཀ་དང་།
[21b.7]དེ་དག་ནི་སེང་ལྡེང་དཀར་པོའི་མིང་ངོ་། །བརྟ་ཤྲིང་གི་དང་། བ་ཏ་བྲྀཀྵ་དང་། ཨ་ཛི་ཤྲིང་གི་དང་། ཨི་བི་པྲྀཀྵ་དང་། གྷ་ན་ཤྲིང་ག་དང་། ཙཀྵུ་ཤ་དང་། ཙ་ལ་ཧཾ་ན་དང་། དེ་དག་ནི་མེ་ཤ་ཤྲིང་གིའི་མིང་ངོ་། །དྷ་བ་དང་། ཌི་ཌ་ཏ་རུ་དང་། གའུ་ར་དང་། ཤ་ཀ་ཏ་ཀྵ་དང་། བྷ་རུ་དྭ་ཧ་དང་།
[22a]
[22a.1]ཀ་ཡ་ཤ་དང་། མི་དྷུ་ར་ཏྭག་དང་། དྷ་བ་ལ་དང་། པ་ན་དུ་ར་དང་། སྟི་ར་དང་། དེ་དག་ནི་ད་པའི་མིང་ངོ་། །ཀྲིཥྞ་ས་ར་དང་། བྷ་ས་མ་གར་བ་དང་། བ་ས་དན་དང་། ཏིག་ཤྟ་དུ་མ་དང་། ཨཾ་ག་ར་སར་དང་། ཀ་པ་ལ་དང་། ཨ་གུ་རུ་ས་དང་། དེ་དག་ནི་ཤིང་ཤ་པའི་མིང་
[22a.2]ངོ་། །ཏ་ལ་ཏྭ་ཙ་དང་། དིརྒ་ཏུ་རུ་དང་། ཏྲི་ན་ར་ཙ་དང་། ཤ་ལན་ཤ་ལུ་དང་། དྭ་ཛ་བྲྀཀྵ་དང་། དུ་ར་དུ་ཧ་དང་། དིརྒ་དནྟ་དང་། མ་ཧཱ་ཕ་ལ་དང་། དེ་དག་ནི་ཤིང་ཏ་ལིའི་མིང་ཡིན་ནོ། །ཀྲྀཥྞ་ཨ་ཀ་རུ་དང་། ཛོར་གཱ་ཀཱ་དང་། ཤིར་ཤ་ཀ་དང་། ན་ནི་ཏྲ་ཧྲ་དང་། ལོ་ཧ་དང་། གྲི་མི་
[22a.3]ཛག་དྷ་དང་། བར་དྷ་མ་དང་། དེ་དག་ནི་ཨ་ག་རུ་ནག་པོའི་མིང་ངོ་། པ་ལ་ཤ་དང་། ཀི་ཤུ་ཀ་དང་། པལླི་དང་། ཡ་ན་ཡ་དང་། རཀྟ་པུ་ཤྱ་དང་། ཀྵ་ར་ཤྲེཥྚ་དང་། བ་ཏ་བྷུ་ཐ་དང་། བྲཧྨ་བྲྀཀྵ་དང་། ས་མྱིད་དྷ་ར་དང་། དེ་དག་ནི་རྒྱ་སྐྱེགས་ཤིང་གི་མིང་ཡིན་ནོ། །ས་ལ་དང་། སོརྫ་
[22a.4]ས་ས་དང་། ཀཎྛ་དང་། གལླྱ་ནི་དང་། ཤི་བར་དང་། དིརྒ་བྲི་ཤྲུ་དང་། ཀནྡི་བྲྀཀྵ་དང་། ར་ས་ནིརྱ་ས་དང་། དེ་དག་ནི་ས་ལའི་ཤིང་གི་མིང་ཡིན་ནོ། །ཀ་བུ་ཀ་དང་། པུ་ཀ་དང་། ཀ་ཤ་ཡ་ཕ་ལ་དང་། དག་ཤ་ཡ་ཕུ་ཤྱ་དང་། ཀྲི་མི་ཀ་དང་། ཨ་ཏ་བུ་ཤ་དང་། ཀ་ཤ་ཡ་དུ་ར་དང་། དེ་
[22a.5]དག་ནི་ཀྲ་མུ་ཀའི་མིང་ཡིན་ནོ། །ཨ་ཛ་ཀརྞ་དང་། པསྟ་ཀརྞ་དང་། ཀ་ཤང་ཡ་དང་། རཉྫ་ན་དུ་མ་དང་། ཀུ་ཤ་དི་ར་དང་། སྭ་ད་ཧ་ར་དང་། ལཏ་བྲྀཀྵ་དང་། སརྫ་ཀ་དང་། དེ་དག་ནི་ཨརྫུ་ཀརྞའི་མིང་ཡིན་ནོ། །ཀར་ཤ་དང་། གོ་ཤི་དང་། དྷི་ར་གང་ཏྲབྷ་བ་དང་། ཨ་རན་མྱ་དང་། དིརྒ་
[22a.6]བྲྀཀྵ་དང་། ས་སམྦྷ་ར་ན་དང་། དེ་དག་ནི་ཨ་ཤྭ་ཀརྞའི་མིང་ཡིན་ནོ། །བ་ར་ན་དང་། ཤྭ་ཏ་བུ་ཤ་དང་། ཏིག་ཏ་དང་། ཤ་ཁ་དུ་མ་དང་། རོ་ད་བྲྀཀྵ་དང་། ཏ་མ་ལ་དང་། མར་ཏ་པ་ཧ་དང་། དེ་དག་ནི་བ་རིའི་མིང་དུ་བཤད་པ་ཡིན་ནོ། །ཀིར་ན་པུ་ཤ་དང་། པི་ལ་པ་ཏྲ་དང་། མ་དུ་སྲམཱུ་ལ་དང་།
[22a.7]དིརྒ་མཱུ་ལ་དང་། པ་རུ་ཤུ་དང་། ཤ་ཀྵི་ར་མོ་ད་དང་། དེ་དག་ནི་རོམ་ཧའི་མིང་ངོ་། །ཨ་ཛ་ཤྲིང་དང་། ཏིབ་ཏ་དྷུ་བ་ཏ་དང་། མ་ཧཱ་ཀ་པ་ལྱ་དང་། ཨ་ཀྵེ་བ་ཤ་ཛ་དང་། ཀུར་ཛ་པརྞི་དང་། མེ་ཤ་ཤིང་གི་དང་། ཤ་ཏུ་སེ་ན་དང་། བེ་ཤ་ནི་ཀ་དང་། དེ་དག་ནི་ཨ་ཙ་ཤྲིང་གའི་མིང་ངོ་། །ཙི་ན་ཤ་
[22b]
[22b.1]ཀ་དང་། ཏ་ཀ་ར་དང་། བ་རུ་ཀན་ཏ་ཀ་དང་། ཛ་ཏི་བྱིག་ཀྵ་དང་། དྷུ་ར་སྤྲ་དར་ཤ་དང་། ས་སུ་ཏུ་ཏིག་ཏ་པ་ལ་དང་། དེ་དག་ནི་ཨན་ཏར་ག་ལའི་མིང་ཡིན་ནོ། །ཨུ་ཤ་ཀ་དང་། བྲི་ཤ་ཀ་དང་། ཏྲཥྚ་ར་དང་། ནིར་ས་རེ་དང་། ཁ་ཤ་ཀ་དང་། ཨུ་ཤ་ཀ་དང་། སིཾ་ཧ་མུ་ཏྲ་དང་། ཀ་ར་མི་ཏི་ཀ་
[22b.2]དང་། དེ་དག་ནི་ཨུ་ཤ་ཀའི་མིང་ངོ་། །ཏུདྠ་དང་། ཀར་པ་རི་ཀ་ཏུདྠ་དང་། ཨ་མྲྀ་ཏ་སངྒ་དང་། དེ་དག་ནི་སྤངས་མའི་མིང་ཡིན་ནོ། །མ་ཡཱུ་ར་གྲྀ་བ་དང་། ཀི་ཏི་བ་ན་དང་། བྷར་ཧི་ཀཎྛ་དང་། དེ་དག་ནི་སྤངས་མ་རྨ་བྱའི་མགྲིན་པ་འདྲ་བའི་མིང་ངོ་། །ཧིཾ་གུ་དང་། ར་མ་ཐ་དང་། ཨ་ཏུ་གྲ་དང་།
[22b.3]ཛ་ཏུ་གྲ་དང་། བྷུ་ཏ་ན་ཤ་ན་དང་། ཨ་གུ་ཌ་གནྡྷ་དང་། རག་ཤོ་ན་དང་། ཛ་ན་ནོ་དང་། སུ་པ་དུ་ན་དང་། དེ་དག་ནི་རྩི་བོ་ཆེ་སྟེ་ཤིང་ཀུན་གྱི་མིང་ངོ་། །ཀ་ས་སི་དང་། ད་དུ་ཀ་སི་བ་དང་། ཤོ་ད་ན་དང་། དེ་དག་ནི་ནག་ཚུར་གྱི་མིང་ངོ་། །པུཥྤ་ཀ་སི་ས་དང་། བཻ་ས་ཀ་དང་། སུ་ཤོ་མ་ཤ་དང་།
[22b.4]ད་དག་ནི་པུཥྤེ་ཀ་སིས་ཞེས་བྱ་བ། ནག་ཚུར་བྱ་བལ་མའི་མིང་ཡིན་ནོ། །ཤི་ལ་ཛ་དུ་དང་། ཤི་ལ་ཛ་དང་། ཤི་ལ་ནིས་ཤིན་ཏ་དང་། པར་བ་ད་དང་། ཤི་ལ་ཧ་དང་། ཤིའི་ནིརྱ་ས་དང་། གི་རི་ཛ་དང་། གི་རི་སམ་བ་བ་དང་། དེ་དག་ནི་བྲག་ཞུན་གྱི་མིང་ངོ་། །བེལླ་ལནྟ་ར་དང་། བི་ར་ཏ་
[22b.5]རུ་དང་། བ་ཧུ་ཏ་ཀ་ར་དང་། དྷི་ག་མུ་ག་དང་། ཌི་ཌི་མཱུ་ལ་དང་། ཨ་ཚུད་ཚ་ལ་དང་། དེ་དག་ནི་བི་ར་ཏའི་མིང་ཡིན་ནོ། །ཏུ་ལ་དང་། ཏུ་ལ་པུཥྤེ་དང་། བ་ཤུ་ཀ་དང་། ཀ་མི་མཱུ་ལ་ཀ་དང་། པཎྚུ་རང་གི་ཕྲ་ཡ་དང་། རུརྟ་པྲི་ཡ་དང་། ཤ་ཤོ་མལླི་ཀ་དང་། དེ་དག་ནི་བུ་གའི་མིང་ངོ་། །
[22b.6]ཨཤྨ་བེ་ད་དང་། ཤི་ལ་བི་དི་དང་། པྲ་ཏར་དང་། ཨུ་པ་ལ་བྲེད་ཀ་ཀ་དང་། ནཱ་ག་བྱིད་དང་། ཨཤྨ་ཧ་དང་། ཨཤྨ་ད་ན་དང་། དེ་དག་ནི་སྲུ་སྲུའི་རྩ་བའི་མིང་ངོ་། །སུཤྨ་པ་ཏྲ་དང་། དིརྒ་ལོ་ཧི་ཏ་དང་། ཡིཥྚ་དང་། མ་དུ་ར་དང་། ཧྭ་སྭ་མུ་མཱུ་ལ་དང་། མུད་ཏ་ཀྲིད་ཚ་དང་། རུ་ཛ་
[22b.7]བ་ཧ་དང་། དེ་དག་ནི་ཨིཾ་ག་ཏའི་མིང་ངོ་། །ཀ་ཤ་དང་། ས་དུ་ལ་ལ་དང་། ཀནྡེ་ཨི་ཀྵུ་དང་། བ་ཡེ་སེ་ཀྵུ་ཀ་དང་། ཤྭེ་ཏ་ཙ་མ་ར་དུཥྤ་དང་། ཀནྟེ་ཀྵུ་དང་། ཨི་ཀྵུ་བ་ལི་ཀ་དང་། དེ་དག་ནི་ཀ་ཤེ་ཀྵུ་ཀའི་མིང་ངོ་། །ཨི་ཤུ་དང་། མ་དྷུ་ཏྲི་ན་དང་། བྷུ་ཧི་ར་ས་དང་། ཏུ་ལ་དང་། ཏུ་ལོ་དང་།
[23a]
[23a.1]ཨ་སི་པཏྲ་ཀ་དང་། མྲི་ཏྱུ་པུཥྤ་དང་། གྷད་ཏྲི་ན་དང་། ཏྲི་ན་ཛ་ར་དང་། མཧཱ་བ་ས་དང་། དེ་དག་ནི་བུ་རམ་ཤིང་གི་མིང་ངོ་། །ནལ་དང་། ན་ཌ་དང་། མྲི་ཏི་པུཥྤེ་དང་། སུ་ཤི་ར་དང་། ནི་ར་ཛ་དང་། ཤུནྱ་མ་ཏ་དང་། པུ་ཏ་གྷ་ལ་དང་། ན་ལི་ཀ་དང་། པ་བྷི་ཤན་དང་།
[23a.2]དེ་དག་ནི་འདམ་བུའི་མིང་ངོ་། །དརྦ་དང་། ཤྭམ་ཏྲ་དརྦ་དང་། ཡག་གྲི་ཏ་དང་། དེ་དག་ནི་ཀུ་ཤའི་མིང་ངོ་། །ཨ་པར་ཀྵུ་ཏྲ་དང་། སུ་ཙི་བ་ཏྲ་དང་། ལ་བ་དང་། བར་ཧི་དང་། དེ་དག་ནི་ཀུ་ཤ་རྣམ་གཅིག་གི་མིང་ངོ་། །གྷུ་ད་དང་། བྲིཏ་དྲིན་དང་། ཤུད་ཐ་དང་། ཤྲིང་ག་བེར་བ་དང་། མཱུ་
[23a.3]ལ་ཀ་དང་། གྲ་ཐུ་གུནྠ་དང་། ཏྲི་ན་ཀུནྠ་དང་། བ་རུ་ལ་དང་། པྲི་ཐུ་ཀནྛ་ཀ་དང་། དེ་དག་ནི་ཀུནྛའི་མིང་ངོ་། །ཀྵ་ཏྲ་བྷུ་ཤ་དང་། ཀ་རུ་ཏ་ཤིར་ཤ་དང་། མཉྫ་རི་དང་། ཏིག་སྣ་སུ་ག་དང་། ཕ་ལ་དང་། པི་ཙུ་ཀ་དང་། ཤྲིང་ཀ་རེ་ཎུཀ་དང་། བ་སི་རི་དང་། སརྦ་ད་ལུཥྤ་དང་། མརྐ་ཏི་པི་ཡ་
[23a.4]ལིང་དང་། དེ་དག་ནི་ཤི་ཏི་བ་རའི་མིང་ཡིན་ནོ། །སོ་པ་ར་ཙ་ལ་དང་། སུརྱ་བཀྟ་དང་། པརྠ་དང་། ཨ་དིད་དྱ་བལ་བ་དང་། ཀ་པོ་ཏ་བང་ཀ་དང་། ཏྭ་ཤི་དར་བྷྲམ་སོ་བར་ཙ་ལ་དང་། དེ་དག་ནི་ལྕང་མའི་མིང་ངོ་། །ཨིན་ཏི་བར་དང་། ཡུག་མ་པ་ལ་དང་། དིརྒྷ་བྲི་དུ་དང་། ཨུད་དམར་ནི་དང་།
[23a.5]དུཥྤ་ནམ་ཛ་རི་དང་། ཤྚོ་ཎི་དང་། ཀར་ཀ་ཤ་ན་དི་ནི་དང་། དེ་དག་ནི་སྐམ་ས་ལས་སྐྱེས་པའི་ཨུཏྤ་ལའི་མིང་ངོ་། །ཛིན་ཛཱི་ནི་དང་། ཛྷིན་ཛྷི་ནི་དང་། མུ་ཙ་ཀི་དང་། གྷ་ད་མཉྫ་རི་དང་། པར་པ་དེ་ཡ་དང་། ས་ནིརྱ་ས་དང་། མ་ད་ན་མཉྫ་རི་དང་། དེ་དག་ནི་ཛིན་ཛི་རིའི་མིང་ངོ་། །ས་རི་ལ་དང་། བུ་
[23a.6]ཏིཥྚ་དང་། ཙི་ཌ་དང་། པི་ཏུ་རུ་དང་། ཨུ་ཤྲེ་ཏ་དང་། དི་པ་པྲྀཀྵ་དང་། མ་རི་ཙ་པ་ཏྲ་དང་། དེ་དག་ནི་ཀོན་ཉོ་རྩེའི་མིང་ཡིན་ནོ། །དནྡ་པུཥྛ་དང་། ཀུ་སོ་ཏྲམྤ་དང་། བ་ལ་བྲི་ཡ་ཡ་དང་། ཀ་དམྦརྱ་དང་། ཤད་པ་དེ་ཡ་དང་། ཧ་ལ་ད་ལ་པྲི་ཡ་དང་། དེ་དག་ནི་ཀ་དམ་པའི་མིང་ངོ་། །ཀ་ད་ལི་དང་།
[23a.7]དི་རི་ག་ཏྲ་དང་། མུ་ཙ་དང་། ཧི་ཏི་བི་ཤ་དང་། ཨ་ས་ཧ་དང་། སུ་ཀུ་མ་ར་དང་། རམྦ་དང་། ཀུནྠི་ནི་དང་། དེ་དག་ནི་ཆུ་ཤིང་གི་མིང་ངོ་། །ཨ་ཤོ་ཀ་དང་། བི་ཏ་ད་གོ་ཤེ་དང་། སུ་བ་ཀ་དང་། ཏམྨྲ་པལ་པ་དང་། པིནྡི་པུ་ཤ་དང་། མཧཱ་པུ་ཤ་དང་། ཀུ་ཀག་ན་དང་། ཀརྞ་པུ་ར་ཀ་དང་།
[23b]
[23b.1]དེ་དག་ནི་ཨ་ཤོ་ཀ་སྟེ། ཤིང་མྱ་ངན་མེད་པའི་མིང་ངོ་། །ཨེ་ལ་བེེ་ལུ་དང་། མ་ལུཾ་ག་དང་། མེ་ལ་ཡ་དང་། ཧ་རི་བ་ལུ་ཀ་དང་། ཀུཥྚ་གྷནྡྷི་དང་། སུ་གན་དང་། གནྡྷ་ཧག་དང་། ཨེ་ལ་བ་ལུ་ཀ་དང་། དེ་དག་ནི་ཤིང་ཚའི་མིང་ཡིན་ནོ། །ས་ལ་ཀི་དང་། སུ་གར་བྱི་དང་། མཻ་པ་ཧི་རན་
[23b.2]དང་། ཨ་ཤ་མུ་ཏི་ཀ་དང་། གྷ་ཛ་བ་ཀྵ་དང་། ཀུན་ཏུ་རུ་དང་། ཨ་ལྷ་ཧ་ད་ནི་ར་ས་དང་། དེ་དག་ནི་པོག་དཀར་པོའི་མིང་ངོ་། །སུརྱ་ཧྭ་དང་། ཨརྐ་དང་། ས་ད་པུ་ཤི་དང་། ཀྵོ་པག་ཀྵི་རི་དང་། རུ་པུ་ཀ་དང་། ཤུ་ཁ་ཚ་ད་དང་། དྷུ་ཏ་གི་ནི་དང་། ས་བྷི་ཏ་དང་། པཱ་ཏ་བཱ་དང་། དེ་དག་
[23b.3]ནི་ཨརྐའི་རྩ་བའི་མིང་ཡིན་ནོ། །ཤྭེ་ཏེ་པུཥྤེ་དང་། མནྡ་རབ་དང་། གྷ་ན་རུ་པ་ཀ་དང་། ར་ཛ་ཀ་དང་། སུརྱ་ཐྲཀྵ་དང་། ཅི་ཀི་ར་ཎ་ཕ་ལ་དང་། དེ་དག་ནི་ཨརྐའི་མིང་ཡིན་ནོ། །ཤྭེ་ཏེ་དཎྜ་དང་། མ་དྷུ་པུཥྤ་དང་། བི་ཤོད་ནི་དང་། སརྦ་པུཥྤ་དང་། ཤུཀླ་པུཥྤ་དང་། ཤྭེ་ཏེ་གནྣི་དང་། དེ་ཀྲི་དང་། དེ་
[23b.4]དག་ནི་ནཱ་ག་དནྟིའི་མིང་ངོ་། །པི་ཤལླྱ་དང་། ཕ་ལི་ནི་དང་། སི་ར་ད་དང་། པྲ་དིབྟ་དང་། གྷརྦྷ་པ་ཏི་ནི་དང་། ཨ་ན་ད་པུཥྤི་དང་། ལིངྒ་ལིངྐ་དང་། བནྡུ་ཛ་ལ་དང་། ཨགྣེ་ཛི་བ་ཀ་དང་། དེ་དག་ནི་ལངྐ་ལའི་མིང་ཡིན་ནོ། །བར་གྷོ་དང་། གྷརྡ་བ་ཤ་ཁ་དང་། པ་ལིནྡུ་དང་། ཨངྒ་ལ་བ་ལིངྐ་
[23b.5]དང་། བཉྫི་དང་། ཧང་གི་དང་། གྷར་དྷ་བ་གནྡྷི་ཀ་དང་། དེ་དག་ནི་ག་བུའི་རྩ་བའི་མིང་ངོ་། །ཛོ་ཏི་སྨ་ཏི་དང་། ཀངྐུ་ནི་ཀ་དང་། པ་ར་བཏ་བ་ཏི་དང་། དེ་དག་ནི་ཛོ་ཏི་སྨ་ཏིའི་མིང་ངོ་། །གྷོ་ཤ་དང་། པི་ཏ་ཏེ་ལ་དང་། ས་ལ་བྷ་ན་དང་། བཻ་ག་དང་། དཀ་ཀ་དང་། དེ་དག་ནི་ཀ་ཀེ་དའི་མིང་ངོ་། །
[23b.6]ཀྵུ་ཏྲ་ཤྭེ་ཏ་དང་། སུ་ར་བ་དང་། གོའུ་རྡེའུ་རྒྱ་དང་། བ་ཧུ་ཀནྟ་ཀ་དང་། ཀ་ཏ་བྱི་དང་། མ་དྷུ་རུཎྜ་དང་། ཤ་ཏ་པ་ཏ་ལི་དང་། ཤཱུ་དྲི་ཀ་དང་། ག་རི་ཀརྞི་ད་ཀ་དང་། དེ་དག་ནི་སྲན་མགེ་རི་ཀརྞི་ཀའི་མིང་ངོ་། །མ་ཧཱ་ཤྭེཏ་དང་། ཀ་ཏ་བྱི་དང་། ཀིན་ཧི་དང་། ག་རི་ཀརྞི་དང་། ཤྲི་ཤ་པ་ཏྲ་
[23b.7]དང་། པ་ལིནྡེ་དང་། བི་ཤག་ནི་དང་། ཤ་ཏ་བ་ཏི་དང་། དེ་དག་ནི་གེ་རི་ཀརྞི་ཀ་དཀར་པོའི་མིང་ངོ་། །ཨིཾ་གུ་ད་དང་། ཏིག་ཏ་མང་ཛ་དང་། ཏིག་ཏ་ཀ་དང་། ཏ་པ་ས་ཏུ་མ་དང་། ཀརྐ་དང་། བི་ཏ་ཀནྠ་དང་། བིལ་ལུ་ཀ་དང་། པུར་ཏི་ཀརྣ་དང་། དེ་དག་ནི་ཨིཾ་གུ་དའི་མིང་ཡིན་ནོ། །སུ་ར་ས་
[24a]
[24a.1]དང་། ཏུ་ལི་སི་དང་། ཀྲྀཥྞ་དང་། བག་ཀྲ་པརྞི་དང་། སུ་མཉྫ་རི་དང་། བྷུ་ཏ་བྲི་ཡ་དང་། ན་ས་ག་ན་ས་དང་། ཀ་པིད་ཚ་དང་། སུར་བི་ར་ས་དང་། དེ་དག་ནི་བྱེའུ་རུག་པ་ནག་པོའི་མིང་ཡིན་ནོ། །གཽ་རི་དང་། ཤྭེ་ཏ་དང་། སུ་ར་བ་མཉྫ་རི་དང་། བྲི་ནན་ཛ་
[24a.2]རི་དང་། བུ་ཏ་པ་ཏི་དང་། རུ་ཏུ་ལ་སི་དང་། དེ་དག་ནི་བྱེའུ་རུག་པ་དཀར་པོའི་མིང་དུ་བཤད་པའོ། །མ་ནི་ཛ་ཀ་དང་། ཁ་ར་བཏྟ་དང་། པ་རུ་རུ་ཀ་དང་། ཛམྦི་ར་ཀ་དང་། མུ་རུ་བ་ཀ་དང་། ཏིཀྵྞ་གནྡྷ་དང་། སུ་གནྡྷ་ཀྲི་དང་། དེ་དག་[ནི་ཕ་ནིད་]ཛའི་མིང་ངོ་། །ཀ་ལ་ད་མ་ལ་དང་། ཀ་ར་ལ་དང་། མ་
[24a.3]ལུ་ཀ་དང་། ཤ་ཀྲྀཥྞ་མ་ལ་ཀ་དང་། ཀྲི་ཤནྣ་ཛ་ཀ་དང་། ཏིཀྵྞ་ག་ད་དང་། ཀུ་ཐེ་ར་དང་། ཀྲྀཥྞ་མ་ལུ་ཀ་དང་། དེ་དག་ནི་ཟིམ་ཐིག་ལེ་ནག་པོའི་མིང་དུ་བཤད་པའོ། །ཀུ་ཐི་ར་ཀ་དང་། བེ་ཀུནྠ་དང་། པརྞ་སུ་དང་། གནྡྷ་བྷ་དྲ་ཀ་དང་། ཨརྫ་ཀ་དང་། བིལ་བ་གནྡི་ཛ་དང་། ཀྵུ་ཏྲ་པ་ཏྲ་དང་། བྲ་
[24a.4]ད་ཚད་དང་། དེ་དག་ནི་ཞིམ་ཐིག་ལེའི་མིང་ངོ་། །མ་རུ་བ་ཀ་དང་། ཁ་ར་པུ་ཤ་དང་། བེ་ར་པ་ཏྲ་དང་། མཱུ་ལེ་མ་ཀ་དང་། སུག་སྨེ་ཧི་ན་དང་། སུ་གནྡྷི་ཙི་དང་། དི་བ་ནི་དང་། གི་ནི་ན་ཤན་དང་། དེ་དག་ནི་མ་རུ་བ་ཀའི་མིང་ངོ་། །བྲི་ཤ་ཀརྞ་དང་། གྲི་མི་ཧ་ར་དང་། མུ་ལི་ཀ་ཧ་དང་། ས་བ་
[24a.5]ནི་དང་། ལི་ཀ་དང་། ཨུནྡུ་ར་ཀརྞ་ཀ་དང་། དེ་དག་ནི་མུ་ཤཀ་ཀརྞིའི་མིང་ངོ་། །ཀྵ་པ་ཀ་དང་། ཏིཀྵྞ་ན་དང་། ཀྲུར་དང་། ཨུདྭ་ཛ་ན་དང་། ཀྵོད་ཏི་ཛན་དང་། ར་ཛ་ཀྵོ་བ་དང་། ཀྵོ་ཏྲ་བོད་ན་དང་། དེ་དག་ནི་ཀྵ་པ་ཀའི་མིང་ངོ་། །ཀ་པིད་ཏ་པ་ཏྲ་དང་། བ་རི་ཤི་དང་། གིར་ཛ་ར་དང་། ཙེ་ཏ་པ་ཏྲ་དང་།
[24a.6]བི་རུ་པ་དང་། ཀུ་ལ་ཛ་དང་། བ་ན་ཛ་ན་དང་། པ་ཤྭ་པ་ཏྲི་ཀ་དང་། དེ་དག་ནི་ཤིང་ཀ་པིད་པའི་ལོ་མའི་མིང་ངོ་། །པྲ་ཙི་བ་ལ་དང་། ན་ཛི་ཀཎྛ་དང་། ཛ་ལ་ཛ་དང་། རཀྟ་མཉྫ་རི་དང་། ནིམྣ་ཛ་རུ་དང་། ཛ་ཡ་ད་ནི་དི་ཀ་མུ་ཁ་དང་། དེ་དག་ནི་རཀྟ་མཉྫ་རིའི་མིང་ངོ་། །ཀ་ཀ་མ་ཛི་དང་། བ་ཧུ་བ་ལ་དང་།
[24a.7]ཀ་མ་ཏ་དང་། ཛ་ག་གི་ཕ་ལ་དང་། ད་ཀྵ་མ་ཙི་དང་། གུ་ད་པ་ལ་དང་། ཀུཤྣ་ག་ནི་དང་། བ་ཡུ་སེ་དེ་དག་ནི་མོན་སྣེའུ་མེ་རུའི་མིང་ཡིན་ནོ། །ཀུ་ལ་ཧ་ལ་དང་། ལ་བུ་ས་དང་། གུད་ཚལ་དང་། ཁ་ཤ་ཁ་དང་། ནི་ཙ་དམྤ་དང་། བེཏ་དང་། སྟ་བིར་དང་། བུ་ཀ་ཏམྤ་དང་། དེ་དག་ནི་ཀུ་ལའི་
[24b]
[24b.1]མིང་ཡིན་ནོ། །བེ་ཤ་མུ་སྟི་དང་། ཀྵོ་བ་མུ་སྟི་དང་། སུ་མུ་སྟི་དང་། པི་ཤ་ན་དང་། ཨུ་ཡུ་ཏ་མུ་ཏི་དང་། ཀྵོ་མ་ཧ་དང་། ཙ་ཀ་མུ་དང་། ཤིང་དང་དེ་དག་ནི་ཤ་མུ་སྟིའི་མིང་ངོ་། །ནུ་སྲིན་དང་། གུ་ལ་བི་ཙ་དང་། སུ་གནྡྷ་དང་། སུ་ན་དྷྭ་ན་ཤ་ན་དང་། མ་ལ་ཏྲི་ན་དང་། ཤྲིང་ལ་བི་ཛ་དང་།
[24b.2]བ་ཏི་ར་དང་། ཤཔྟ་རོ་ད་ན་དང་། དེ་དག་ནི་བུ་སྲི་ནའི་མིང་ཡིན་ནོ། །ནི་རྒུན་ཐི་དང་། བ་ན་ཀ་དང་། ཨིནྡྲ་ནི་དང་། སྲིནྡུ་བར་ཚ་དང་། ནཱི་ལ་མཉྫ་རི་དང་། མ་རི་ཙ་དང་། བུ་ཏ་བེེ་ཤི་དང་། སུ་གནྡྷི་ག་དང་། དེ་དག་ནི་ནི་རྒུན་ཐིའི་མིང་ཡིན་ནོ། །མུཥྐ་ཀ་དང་། ཏིཀྵྞ་ཀ་དང་། ཤ་རི་ཀ་
[24b.3]དང་། ཀྵི་རི་བྲྀཀྵ་དང་། བྲི་ཤ་པ་ཧ་དང་། མུ་ཏ་ཀ་དང་། ཤི་ཀ་རི་དང་། མུ་ཏི་དང་། མུར་ཁ་ཁ་དང་། མུཉྫ་ཀ་དང་། དེ་དག་ནི་མུཀྵ་ཀའི་མིང་ངོ་། །སུ་མ་དང་། ཨ་ཏི་བ་ཤ་དང་། ཤུ་གུ་ལ་གན་དང་། བང་གུར་དང་། གོ་ན་བལྤ་དང་། རུ་སྟི་བི་ཤ་དང་། ཤ་མ་ཀརྦ་དང་། བི་ཤ་ལ་
[24b.4]དང་། ཨ་ཤ་ཏྲི་དང་། ཤིང་གི་དང་། དེ་དག་ནི་བོང་ང་དཀར་པོའི་མིང་ངོ་། །ཛི་ར་ཀ་དང་། ཛིརྒ་ཀ་དང་། ཧྲིད་དྱམ་དང་། ད་སྱི་ཀ་དང་། མ་ག་ཏ་དང་། མ་བུག་ནེེ་དང་། ཛ་ར་ནི་དང་། རུ་ཛ་དང་། པི་ཏ་མ་ཏན་དང་། ཨུ་ཛ་མ་མན་ཀམ་དང་། དེ་དག་ནི་ཟི་རའི་མིང་ངོ་། །ཨུཾ་བ་ཀུ་ཛི་ཀ་དང་།
[24b.5]པུ་ཏི་ཀེ་དང་། ཀྲྀཥྞ་ཛི་ར་ཀ་དང་། སུ་ཤ་དི་དང་། ཀུཉྫི་ཀ་དང་། ཀུཉྫི་དང་། བིཀྲི་ཀ་དང་། དེ་དག་ནི་ཟི་ར་ནག་པོའི་མིང་ངོ་། །ཨ་ཙ་མོད་དང་། བསྟ་མོ་ཏ་དང་། དི་སྱ་ཀ་དང་། ཡ་བན་ཀ་དང་། ཨུ་ག་ན་དང་། རིཏྟ་ག་ད་དང་། མུཏ་དང་། ཧ་སྟེ་མ་ཡུ་ར་ཀ་དང་། དེ་དག་ནི་ཏི་མུ་སའི་མིང་
[24b.6]ངོ་། །ཙ་བྱ་དང་། ཀོ་ལ་དང་། ཙི་བི་ཀ་དང་། ག་ཙི་པི་པི་ལིང་དང་། ཙ་བ་ན་དང་། ཀོ་ལ་བ་ལི་ཀ་དང་། ཙ་ནྱམ་དང་། གུཉྫ་ར་པི་པི་ལིང་དང་། དེ་དག་ནི་དབྱི་མོའི་ལོ་མའི་མིང་ངོ་། །པདྨ་དང་། པུཥྐ་པརྞི་དང་། ཙ་ར་ཏྲི་དང་། པདྨ་ན་དི་ཀ་དང་། ར་ཐ་བར་ཐ་དང་། སུ་ཤི་ཏ་དང་། བ་རུ་ནི་དང་།
[24b.7]པདྨ་ཙ་རི་ནི་དང་། དེ་དག་ནི་ཆུ་རྩ་སྟེ་ལྕིམ་རྩའི་མིང་ངོ་། །མཉྫི་སྟི་དང་། བི་ཀ་ས་དང་། རཀྟ་དང་། ཏམྨུ་དང་། ཡོ་ཛ་ནི་བ་ལེ་དང་། ཏམྨུ་མཱུ་ལ་དང་། ཀ་ལ་མི་ཤི་དང་། བནྡི་རི་དང་། རཀྟ་ཡསྟི་ཀ་དང་། དེ་དག་ནི་བཙོད་ཀྱི་མིང་གི་རྣམ་གྲངས་ཡིན་ནོ། །མ་ན་ཀྲོ་དང་། ཤལ་མ་ལི་དང་།
[25a]
[25a.1]མ་ན་ར་ཏྲུ་དང་། མུ་ཙ་དང་། སུ་ར་ནི་དང་། རཀྟ་པུ་ཤི་ཀ་དང་། ཡ་མ་དུ་མ་དང་། སུ་ལ་པ་ལ་དང་། ཀོར་ཏུ་ཏི་དང་། སྟི་ར་ཛི་པ་ཀ་དང་། དེ་དག་ནི་ཤིང་ཤལ་མའི་མིང་ངོ་། །ཤལ་མ་ལ་བིཥྚ་ཀ་དང་། པིད་ཙ་དང་། མུ་ཙ་ནི་རྱ་ས་དང་། དེ་དག་ནི་ཤལ་མ་ལིའི་
[25a.2]ཐང་ཆུ་ཡིན་ཏེ། མོཉྫ་རའི་མིང་ངོ་། །ས་མ་ག་དང་། ཤ་མི་བ་ཏྲ་དང་། ལོ་ཧི་ཏ་དང་། ཨན་ལི་ཀ་རི་ཀ་དང་། ན་མ་སྐ་རི་དང་། རཀྟ་མཱུ་ལ་དང་། ཧ་རུ་ཧ་དང་། སྤྲི་ཀ་དང་། ས་རོ་དི་ཀ་དང་། དེ་དག་ནི་ས་མང་ག་སྟེ། བཙོད་དང་རིགས་གཅིག་པའི་མིང་ངོ་། །ད་ཏ་ཀ་དང་། ཏམྨྲ་པུསྟི་
[25a.3]དང་། ཀུཉྫ་ར་དང་། མ་ཏེ་མ་ཏ་མི་དང་། མ་ཏ་ཧི་ཏོ་དང་། ཤི་ཏ་པུ་ཤི་དང་། མ་ད་ནི་དང་། མ་ད་དང་། དེ་དག་ནི་མེ་ཏོག་ད་ཏ་ཀིའི་མིང་གི་རྣམ་གྲངས་སོ། །ཨམྦ་སྟ་དང་། བ་ཧུ་མཱུ་ལ་དང་། ས་ཧ་སྲི་དང་། བུ་རི་མུ་ལི་ཀ་དང་། མ་དུ་ཀ་པརྞི་དང་། ཀའི་ཤིང་དཀར་དང་། ས་མུ་ར་བད་ལ་
[25a.4]དང་། དེ་དག་ནི་ཨམྦ་སྟའི་མིང་གི་རྣམ་གྲངས་སོ། །ནན་དི་ཤྲིཥྐ་དང་། པྲ་བུན་ན་དང་། ཛ་ཡ་བྲྀཀྵ་དང་། བན་སྤ་ཏི་དང་། མདུ་ཀྵི་རི་དང་། ཛ་ཡ་ཏ་རུ་དང་། སྟི་ལི་བྲྀཀྵ་ཀ་དང་། ཀུཉྫ་ར་དང་། དེ་དག་ནི་བྲྀཀྵའི་མིང་ངོ་། །ཀད་ཚུར་དང་། ཕ་ན་ཧ་རོ་དང་། སུག་མ་པ་ཏྲ་དང་། མ་རུད་བབ་
[25a.5]དང་། བི་ཤ་དར་དང་། བི་རུ་བ་དང་། མཉྫ་ར་དང་། ཀ་ཤ་ཡེ་ནི་དང་། དེ་དག་ནི་ཀད་ཚུ་རའི་མིང་ངོ་། །བལླ་ཏ་ཀ་དང་། བི་ར་ད་རུ་དང་། སྟ་པན་དང་། དཧ་རུ་དང་། ཨགྣི་ཀ་དང་། ཨ་རུཥྐ་ར་དང་། སྦོ་ཏ་ཀ་ར་དང་། ཀྵ་ཏ་ཀྲིད་དང་། སྦོ་ཏ་ཧེ་རུ་ཀ་དང་། དེ་དག་ནི་གོ་བྱེ་སྟེ་བསེ་ཤིང་གི་འབྲས་
[25a.6]བུའི་མིང་ངོ་། །ནྱ་གྲོ་དྷ་དང་། སྐན་ད་ཛ་དང་། ཤུད་གི་དང་། ཀྵི་རི་དང་། རཀྟ་པ་ལ་དང་། བ་ཏྲ་དང་། ཧྲོ་བ་དང་། བེ་ཤ་ར་བ་དྷ་དང་། པ་ནན་པ་ཏི་དང་། དེ་དག་ནི་ནྱ་གྲོ་དྷའི་མིང་ངོ་། །ཨ་ཤྭདྠ་དང་། པི་པི་ལིང་དང་། བོ་དི་དང་། ཤྭེཏ་བྲཥྐ་དང་། ལན་སྨི་བ་སུ་དང་། ཙ་ལ་པ་ཏྲ་དང་། ཏི་ར་
[25a.7]བིཥྐ་དང་། ས་དུ་བི་ཛེ་དང་། ག་ཛ་ཤ་ན་དང་། དེ་དག་ནི་ཤིང་ཨ་ཤྭདྠའི་མིང་ངོ་། །ཨུ་དུམྦཱ་ར་དང་། ཀྲི་མི་པ་ལ་དང་། སུ་པུ་ཏི་སྟ་དང་། ས་ད་པ་ལ་དང་། ཧ་མྨ་ཏྲུག་ཐ་དང་། ཀོན་ར་གོ་དང་། ཡ་མྱང་ག་དང་། ཤྐི་ར་པ་བད་པ་དང་། དེ་དག་ནི་ཨུ་དུམྦཱ་རའི་མིང་ངེ་། །ཛམྦུ་དང་། སུ་ར་བི་པ་ཏྲ་དང་།
[25b]
[25b.1]སུ་ཕ་ལ་དང་། སུ་པྲ་ཏིཥྚ་ཏ་དང་། བྲི་ཧད་ཕ་ལ་དང་། ར་ཛ་ཛམྦུ་དང་། མ་ཧ་སྐན་དང་། མ་ཧ་ཕ་ལ་དང་། དེ་དག་ནི་ཛམྦུའི་མིང་ངོ་། །ཀ་ཀ་ཛམྦུ་དང་། ཤི་ཏྲ་ཕ་ལ་དང་། ན་དི་ཡི་དང་། གནྡྷ་པ་ལ་དང་། ཨ་ལི་པྲི་ཡ་དང་། མེག་པརྞ་དང་། ཧྭ་ས་པ་ལ་དང་། དེ་དག་ནི་ཛམྦུ་
[25b.2]རྣམ་གཅིག་ཀ་ཀ་ཛམྦུའི་མིང་ངོ་། །ཀ་པི་ཏ་ན་དང་། ཀ་པིར་བ་སྭ་དང་། པ་ལ་ཤ་དང་། སུ་ཏིཥྚི་སྟ་དང་། བ་ནི་ར་དང་། ཀ་པི་ཙ་དང་། བི་ལི་ཤ་དང་། ཤྐི་ར་པ་ད་བ་དང་། དེ་དག་ནི་ཀ་པི་ཏའི་མིང་ངོ་། །སླ་བ་དང་། སིབ་པ་ར་དང་། བུ་ཏ་དང་། གར་དང་། གནྡྷ་དང་། ཀན་མནྡ་ལུ་
[25b.3]དང་། ཤིང་གི་ཀ་དང་། ཨ་ཤྭདྠ་པ་ཏྲ་དང་། སུ་པརྴྭ་དང་། ཨེ་བར་དཪྴ་ན་དང་། དེ་དག་ནི་སླ་བའི་མིང་ངོ་། །ཨ་མྲ་དང་། ཙུ་ཏ་དང་། ཤ་བ་ཏིའི་ལ་དང་། ཀནྟ་དང་། མདུ་ཀ་ཡ་པྲི་ཡ་དང་། སཧ་ཀ་རུ་དང་། མན་མ་ཐ་དང་། མ་ནུ་ནེེ་དང་། ཤ་འུན་ཏྲི་ཀ་སྲི་ཡ་ཡ་དང་། དེ་དག་
[25b.4]ནི་ཤིང་ལྕང་གོ་སྟེ་ཨ་མྲའི་འབྲས་བུའི་མིང་ངོ་། །བི་ཡ་ལ་དང་། ཨམྨ་ལ་ཕ་ལ་དང་། ཨསླ་སྟིཨམླ་ཏྭ་ག་དང་། ཙེ་ར་དང་། ཏྲཤྐ་ཕ་ལ་དང་། མ་དུ་ར་ཨ་མྲ་ཕ་ལ་དང་། ཁ་ར་སྐནྡ་དང་། མུ་ནི་པྲི་ཡ་དང་། དེ་དག་ནི་པི་ལ་ཡའི་མིང་ངོ་། །ཀིནྡུ་ཀི་དང་། ཀ་ལ་ས་ར་དང་། བ་ལ་ར་དང་། དིརྒ་
[25b.5]ནི་ཁི་དང་། བིསྤུརྫ་ནི་དང་། བི་སྦུར་ར་ནི་དང་། ནཱི་ལ་སྐནྡ་དང་། སུད་སུ་ཀ་དང་། དེ་དག་ནི་ཏིནྟུ་ཀའི་མིང་ངོ་། །ཏུ་རུཥྐ་དང་། ཀྲི་ཏི་མོ་དང་། ང་མྲུ་དང་། ཀ་པི་ལ་དང་། ཡ་ཙ་པ་ན་དང་། ཀ་པི་དང་། བྱིནྣི་ཀ་ཎ་དང་། སུ་གནྡྷ་སྟ་དང་། ཀྲི་ཏ་པནྡི་ཀ་དང་། དེ་དག་ནི་མུ་རུ་ཤའི་
[25b.6]མིང་ངོ་། །བ་ལ་ཀ་དང་། བ་རི་དང་། ཨུ་དི་ཙ་དང་། པ་རི་སྟ་དང་། བི་ག་ལ་དང་། ཛ་ལ་མ་དང་། ཧྲེ་བེ་ར་དང་། ཨང་མ་ནུ་དང་། ཀེ་ཤྭ་ཧྭ་དང་། སརྦ་མ་ཙ་མ་ན་དང་། ཙལ་དང་། དེ་དག་ནི་བལི་ཀའི་མིང་ངོ་། །བྱ་མ་ཀ་དང་། ཨརྡྷ་ཏགྟ་དང་། མ་ལན་ཏ་དང་། བི་ཤ་གནྡྷི་ཀ་དང་།
[25b.7]ཛྭ་ལན་བ་དང་། བིནྡུ་ཙི་ཏ་དང་། ན་ཤ་བ་ལ།། དང་། རཀྟ་པརྞ་ཀ་དང་། དི་བི་དང་། ལཏ་དང་། ནཱི་ལ་དང་། མ་རུ་ཏ་དང་། བི་ཤུ་ག་དང་། བླ་གུ་དང་། སུ་གུ་མ་ར་དང་། སུ་གནྡྷ་དང་། བ་ཀ་དང་། ཀུ་ཏི་ལ་པུཥྐི་དང་། དེ་དག་ནི་དབྱིག་སུག་ཧང་གི་མིང་ངོ་། །ཙོ་ར་ཀ་དང་། ཀྵི་མ་དང་།
[26a]
[26a.1]ཙནྟྲ་དང་། ཀྵ་ལི་ཡུ་དང་། གི་ཤ་ཙར་དང་། བི་ཤ་མུ་ཤུ་ཀ་རུ་དང་། དུར་ཏོ་དང་། རུ་པ་ཏྲ་དང་། སྟར་སྐར་ཧྭ་དང་། ཙནྟ་དང་། ཧ་ཏ་ན་ཀ་རི་དང་། ཙོ་རོ་དང་། ཀྵ་མི་ཀ་དང་། ཏས་ཀ་རི་དང་། ནི་ཤ་རྭ་ཙ་རི་དང་། ཤང་ཁི་ནི་ཁ་དང་། གྲནྠི་ཀ་དང་། དྲེ་ཤི་ནི་དང་། ཀོ་ཤི་
[26a.2]ནི་དང་། དེ་དག་ནི་ཙ་རོང་གི་མིང་སྟེ་ཏི་ཤགས་ཡིན་ནོ། །ཏོ་རུ་དང་། ཙོ་ཙི་དང་། པ་རངྒ་དང་། ས་རུ་ས་དང་། བ་ལ་ཁ་དྭ་ཙ་དང་། པྲིང་ག་དང་། ར་མ་བྲི་ཡ་དང་། ཧྭི་ཏྲ་དང་། ཏ་པུ་ཀ་པ་དང་། སྭར་ན་གུ་མི་ག་དང་། དེ་དག་ནི་དྭ་ཛའི་མིང་ངོ་། །བ་ཏྲ་དང་། མ་ལ་པ་ཏྲ་དང་། པ་ལ་ཤ་
[26a.3]དང་། ཚད་ན་དང་། མ་ལམ་དང་། སུ་ཀུ་མ་ར་དང་། སུ་གནྡྷ་དང་། ལོ་མ་ཤ་དང་། བ་ཤྲ་མན་ཤོ་ཀ་དང་། དེ་དག་ནི་དྲི་ཞིམ་པོའི་ལོ་མ་སྟེ་གནྡྷ་བྷ་དྲའི་མིང་ངོ་། །ཐུ་ནི་ཡ་ག་དང་། ཧཻལ་པི་ཏ་དང་། ཏཻ་ལ་པ་དང་། དུ་མ་བ་ཡ་དང་། དཻ་ཤླ་ཏྲ་པ་ཏྲ་དང་། སཽ་ཙི་ཏྲ་དང་། ཤུ་ཀ་བར་ར་
[26a.4]དང་། ཤུ་ཀ་ཚ་ད་དང་། དེ་དག་ནི་མཐུའི་ནི་ཡའི་མིང་ངོ་། །ཛ་ཏི་ར་ས་དང་། ར་སོ་བོ་ལ་དང་། ཀ་ལ་ཀུ་ཏ་དང་། བ་ར་བར་དང་། ཧ་ལ་ཧ་ལ་དང་། བན་ཚན་ད་དང་། སྟོ་ཀ་ཀ་དང་། ཨ་ཏ་གནྡྷི་ཀ་དང་། དེ་དག་ནི་བོང་ལི་བོར་བའི་མིང་ངོ་། །ན་ཁ་དང་། ནཱ་ག་ཧ་ན་དང་། ཤུག་ཏི་དང་།
[26a.5]བེ་ཏ་རི་བ་ཏྲ་ཀ་དང་། ཤ་ཕ་དང་། བྱ་དང་། ཡུ་དུ་དང་། ཀ་ར་ཛ་དང་། ཤཾ་ཁ་དང་། ན་ལ་ན་ར་དང་། དེ་དག་ནི་ཆུ་སྲིན་སེན་མོའི་མིང་ངོ་། །ཀ་ར་རོ་ཧི་དང་། བྱ་ཁྲུན་ག་དང་། བྱ་ལ་དང་། པྲ་ཧ་ར་ན་དང་། ས་མུད་ཏྲ་ཛད་ཏྲ་དང་། ཤར་དྷུ་ལ་དང་། ཀུ་ཏུ་ཛ་དང་། ཙ་ཀྲི་བ་ལ་ཀ་དང་། དེ་
[26a.6]དག་ནི་རྒྱ་མཚོ་ནས་བྱུང་བའི་ཆུ་སྲིན་སེན་མོའི་མིང་ངོ་། །བ་ཤྲེ་བཱི་ཤྲ་ཀ་དང་། ཡ་པ་ས་ཀ་དང་། ཤྲེ་སཧྭ་དང་། རཀྟ་རི་ཤ་ཀ་དང་། ནིརྱ་ས་དང་། ས་ལ་ན་ཚ་དང་། དི་ར་ད་དང་། ཁ་ལ་རུ་ཀ་དང་། དེ་དག་ནི་ཕང་ཤིང་གི་ཐང་ཆུའི་མིང་ངོ་། །ཀུཾ་ཀུ་མ་དང་། བ་ལི་ཀི་དང་། རཀྟ་དང་།
[26a.7]བི་ཤུ་ན་དང་། བ་ར་པི་པི་ཏ་ཀ་དང་། ཀི་སྨྱར་ར་དང་། རཀྟ་པརྞ་དང་། ས་ལ་དང་། མག་ནི་ཤི་ཀ་དང་། དེ་དག་ནི་གུར་གུམ་གྱི་མིང་ངོ་། །གུ་གུལ་དང་། མེ་ཀྵ་ཡ་ཀྵ་དང་། ཀཽ་ཤི་ཀ་དང་། ཡི་མི་ནི་ཙར་དང་། ཨ་མ་ལ་དང་། བི་མ་ལ་དང་། དི་ཏ་དང་། བ་ཧུ་ཕེན་དང་། ར་ས་ལི་
[26b]
[26b.1]ཀ་དང་། ནག་ཏན་ཙ་རོ་དང་། ཡ་བ་ས་རི་དང་། ཨ་ལུ་ཀོ་དང་། ར་ཏི་ག་དང་། བུ་ར་དང་། དེ་དག་ནི་གུ་གུལ་གྱི་མིང་ངོ་། །ཀུན་དུ་རུ་དང་། མེ་ཏ་ཀ་དང་། ཀུན་དུ་དང་། ཤིང་ཁ་རི་དང་། གཽ་ར་དང་། ཁ་ར་དང་། ཁ་པུ་ར་དང་། ཏིཀྵྭ་གནྡྷ་དང་། བལླི་དང་། ནཱ་ག་བ་ཏུ་
[26b.2]པྲི་ཡང་དང་། དེ་དག་ནི་པོག་དཀར་པོའི་མིང་ངོ་། །ས་ཏ་ལ་དང་། ཙརྨ་ཀ་ཤ་དང་། སབྟ་ལ་དང་། བར་སུ་གི་དང་། ཨ་མ་ལ་དང་། དིབྟ་དང་། བ་ཧུ་ཕྲེ་ན་དང་། ས་ར་ཀི་ལ་དང་། དེ་དག་ནི་ས་ལའི་མིང་ངོ་། །བསྟ་ཏྲི་དང་། བྲྀཀྵ་གནྡྷ་ཁྱ་དང་། ཤེ་ཤནྟྲི་དང་། བྲིགྟི་པ་ཀྲི་ཀ་
[26b.3]དང་། ཨ་ཙནྡྲི་དང་། ཚ་གྲི་ཏྲི་ཙ་དང་། མེ་ཤ་དང་། མ་ནི་ཡ་ཀ་དང་། ཤིལ་ཛ་ཀ་ཏ་དང་། དེ་དག་ནི་སྲ་འབྲས་ཀྱི་མིང་ངོ་། །ཀའུ་ལོ་དང་། ཏིཀྵྞ་ཏ་རུ་དང་། ཤུཾ་སི་དང་། ཤི་ཁ་རི་དང་། ཀ་བར་བ་ལ་བ་དང་། གུ་ཏ་ཕལ་དང་། ཤི་ཏ་ས་ཧོ་དང་། བོ་རེ་ཙ་ན་ཕ་ལ་དང་། ཤེ་བ་
[26b.4]དང་། དེ་དག་ནི་པི་ལུའི་མིང་ཡིན་ནོ། །ཡན་ལག་བརྒྱད་པའི་སྨན་སྡེ་བོ་སོན་ཆས་གཙོ་བ་སུམ་ཅུ་རྩ་གསུམ་དེ་དག་བཤད་ཟིན་ཏོ།། །།སྡེ་ཚན་དེར་མ་འདུས་པའི་སྨན་གྱི་མིང་དང་། གང་གཞན་ནས་འབྱུང་བའི་སྨན་གྱི་མིང་ཡང་རྫོགས་པར་བྱ་སྟེ། ཏྲ་ཡནྟི་དང་། ཏྲ་ཡ་མ་ན་
[26b.5]དང་། བ་ལ་ནི་དང་། པ་ཡ་ན་ཤ་ནི་དང་། བ་ལ་བ་ཏྲ་དང་། ཀྲི་ཏ་ཏྲ་ན་དང་། བཪྴི་དང་། ནི་རིས་སཾ་གུ་ཛ་དང་། དེ་དག་ནི་ཀྱི་ལྕེ་བའི་མིང་དུ་བཤད་པ་ཡིན་ནོ། །ཤ་ཏ་དང་། སུ་གནྡྷ་དང་། མཱུ་ལ་དང་། ཤ་ཏི་དང་། པྲི་ཏི་པ་ལ་ཤ་པཱ་ཀ་དང་། ཧི་མོད་ནུ་ཏ་དང་། གནྡྷ་པ་ཏུ་དང་།
[26b.6]སུ་སྲ་ཏ་དང་། སོ་མ་སཾབ་བ་དང་། དེ་དག་ནི་ཟུར་བ་དཀར་པོའི་མིང་ངོ་། །སོ་མ་ར་ཛ་དང་། ཙནྡ་ལེ་ཀ་དང་། བ་ཀུ་ཙ་དང་། སོ་མ་བ་ལ་དང་། བལ་ཀུ་ཛ་དང་། པུ་ཏི་ཕལ་དང་། ཕ་ལ་པུ་ཏི་དང་། ཨིནྡུ་ཛ་དང་། དེ་དག་ནི་སོ་མ་ར་ཛའི་མིང་ངོ་། །སྲ་བ་དང་། ཀྵ་ར་ཏིག་ཏ་དང་། བི་ཀྵུ་
[26b.7]དང་། ཤྲ་བ་ན་ཤྲི་ཀྵི་ཀ་དང་། སྲ་བ་ན་ཧ་དང་། སྲ་པྲ་ཛི་ཏི་དང་། པརྞི་ཛི་ཏི་དང་། ཏ་པོ་ན་ཏ་དང་། དེ་དག་ནི་སྲི་བའི་མིང་ངོ་། །སྲ་བན་དང་། སུམ་དུ་ར་དང་། ཤྲི་པ་ཏི་དང་། སོམ་པ་དང་། ཨ་བྱ་ཐ་དང་། ཀ་ཏཾ་པ་བུ་ཤི་ཀ་དང་། ཚིན་ཧྣ་གྲན་ཏི་ཀ་དང་། དེ་དག་ཀྱང་སྲ་བ་ན་
[27a]
[27a.1]རྣམ་གཅིག་གི་མིང་ངོ་། །ཀུནྡི་ན་ཀོ་དང་། གའུ་ཏ་མ་ཀོ་དང་། བྲི་ཤི་ཙེ་ར་དང་། ཀུ་སུམ་བ་ར་དང་། གུ་མི་ཀ་ཀ་དམྤ་དང་། བུ་ཏ་དང་། སྲ་བ་ཤིཪྵ་ཀ་དང་། དེ་དག་ནི་ཀ་དམ་པའི་མེ་ཏོག་གི་མིང་ངོ་། །ཤི་མི་དང་། ལག་རྨི་དང་། ཤི་བ་དང་། ཤི་ཏ་དང་།
[27a.2]མང་ག་ལ་དང་། པ་པ་ཤ་ན་དང་། པ་བིཏྟྲ་པ་ཏྲ་དང་། ས་ར་ཏི་དང་། སགྟུ་ཕ་ལ་དང་། དེ་དག་ནི་ཤ་མའི་མིང་ཡིན་ནོ། །ཏེ་ཙ་སིན་དིང་། ཏེ་ཛོ་བ་ཏི་དང་། ཙ་ལ་བ་ག་ནི་དང་། མ་ཧུ་ཛ་ཧི་དང་། པ་རི་ཛ་ཏ་དང་། ཨ་ཤྭ་ལ་དང་། ཏིག་ཏ་དང་། ཏེ་ཙོ་ཧྭ་དང་། དེ་དག་ནི་ཀར་བཱིར་
[27a.3]སྟེ། ཏེ་ཛོ་པ་ཏིའི་མིང་ངོ་། །མནྡ་ཀ་པརྞི་དང་། མུ་ནི་ཀ་དང་། ཏིབ་བྱ་སྟེ། ཛ་དང་། བ་རུ་ཤ་ཏི་དང་། སད་ནི་ན་མ་དང་། སོ་ན་མ་དང་། དམ་དུ་པརྞི་དང་། དེ་དག་ནི་མན་དུ་རག་པརྞིའི་མིང་ངོ་། །ཧ་པུ་ཤ་དང་། བི་བུ་ཤྲ་དང་། ཀ་ཚུ་གྷན་དང་། བི་ཤ་ན་དུ་ཤ་ནི་དང་། བི་ཤྭ་གནྡྷི་
[27a.4]དང་། བི་ཤྲ་གནྡྷ་དང་། མ་དུར་ག་ད་དང་། མན་ཕྱེ་ག་ད་དང་། དེ་དག་ནི་སྤ་མའི་འབྲས་བུའི་མིང་ངོ་། །ཀ་ཀ་ན་ས་དང་། དྭང་ཤ་ན་དང་། ཀ་ཀ་ན་ད་ཕ་ལ་དང་། ཤི་རི་ཕ་ལ་དང་། ཛི་བ་ནི་ཡ་དང་། དྭང་ཤ་དུན་ད་ཕ་ལ་དང་། དེ་དག་ནི་ཀ་ཀ་ན་སིའི་མིང་གི་རྣམ་གྲངས་སོ། །ཀ་ཀ་ཛཾ་ཀ་དང་།
[27a.5]ན་དི་གནྡྷ་དང་། ཨ་ལོ་མ་ཤ་དང་། པྲ་ཏི་བ་ལ་དང་། སེ་རི་ཀ་མ་དང་། དེ་དག་ནི་ཀ་ཀ་ཛ་གིའི་མིང་ངོ་། །པརྦ་ཏ་བ་ས་དང་། པརྦ་ཏ་ཀ་དང་། སྲི་ཤི་ཀ་དང་། ཤླག་སྣ་པ་ཏྲ་དང་། མལུ་ཀརྞ་དང་། ཀོ་ཤ་ལི་དང་། ཨ་མ་པ་ཏྲ་ཀ་དང་། དེ་དག་ནི་ལྡུམ་བུ་སྐྲ་བཟངས་ཏེ་སྐྲ་ལོ་ལྔའི་མིང་ངོ་།
[27a.6]ཀོ་བིད་ར་དང་། ཀཽ་ད་ལ་དང་། ཀུན་ད་ལི་དང་། ཏམ་མྲ་བུ་ཤ་ཀ་དང་། ཀུན་ད་ལ་དང་། ཀོ་ཤ་ལི་དང་། ཀོ་ལི་དང་། མ་ཧཱ་ཡ་མ་ལ་ཏྲ་ཤ་དང་། དེ་དག་ནི་ཀོ་བི་ད་དྲིའི་མིང་ངོ་། །རོ་ཏི་ཀ་དང་། རོ་ཙ་ན་ག་དང་། པླ་ཧག་ན་ག་དང་། རཀྟ་པུ་ཤེ་ཀ་དང་། རཀྟ་གྷ་ན་དང་། རོ་ཧི་ཏ་དང་། ད་
[27a.7]དི་མ་པུ་ཤ་ཀ་དང་། དེ་དག་ནི་རོ་ཧི་ཏ་ཀའི་མིང་ངོ་། །ར་ཛོ་དང་། རཽ་ཤྭ་དང་། ཀ་བ་ཛ་དང་། ཡ་བ་ནི་དང་། བར་ཏིག་ཏ་ཀ་དང་། དེ་དག་ནི་ལ་ལ་ཕུད་ཀྱི་མིང་ངོ་། །པུ་ཀྵ་ར་དང་། པུ་ཀྵ་ར་ཛ་ཏ་དང་། བ་ཏ་ཧམ་དང་། པུཀྵ་ར་ཧ་ཡ་དང་། པདྨ་པ་ཏྲ་དང་། ཅིག་ཀ་རུ་ཧ་དང་། ཀརྨྲི་ར་
[27b]
[27b.1]དང་། ཤུ་ལ་ན་ཤ་ན་དང་། དེ་དག་ནི་མ་བུའི་མིང་ངོ་། །ཨ་མྲ་ཏྲ་ཀི་དང་། ཨ་མྲ་ཡོ་ནི་དང་། ཡ་མ་ལ་བ་ཏྲ་ཀ་དང་། དེ་དག་ནི་ཨ་མྲ་ཏ་ཀའི་མིང་ངོ་། །ཁན་ཤུ་དང་། བེ་ཤ་ཕྱི་དང་། ཡ་བ་ཕ་ལ་དང་། སུ་པར་བ་དང་། ཤད་པ་ཏྲ་ཨ་བ་ལ་ཡ་དང་། ཏྲི་མ་སྐ་ར་དང་། ཏྲི་
[27b.2]ན་ཀྲེ་ཏུ་དང་། ཀི་ཛ་ཀ་དང་། བ་ཧུ་བར་བི་དང་། དེ་དག་ནི་འོད་མའི་མིང་དུ་བཤད་པའོ། །ཤ་ར་དང་། པ་ན་དང་། ཨེ་ཤུ་དང་། ཀནྡ་དང་། ཨིངྒ་ཏ་དང་། ས་ཡ་ཀ་དང་། ཀྵུ་ར་དང་། དེ་དག་ནི་འདམ་བུའི་མིང་ངོ་། །སྟུ་ལུ་ནེེ་དང་། ཨ་ཀྵུ་ར་དང་། ཨི་ཀྵ་ར་དང་། དེ་དག་འདམ་
[27b.3]པུ་སྦོམ་པོའི་མིང་ངོ་། །ཨོ་ཀོ་ལ་དང་། ཨོ་རི་ཀི་ལ་དང་། ཧོ་ཏི་ཀ་དང་། ཨ་གོ་ཏ་དང་། པི་ཏ་ས་ར་དང་། ཏམྨུ་པ་ལ་དང་། གནྡྷ་པུ་ཤ་དང་། ནི་ཀོ་ཙ་ཀ་དང་། དེ་དག་ནི་ཨ་གོ་ཏའི་མིང་ངོ་། །ཀཽ་ཏི་དྷི་ནི་དང་། བྱི་ཤ་ཙོ་ར་དང་། ཀུ་སུམྦ་ར་དང་། བུ་མྱི་ཀ་ཏམྤ་དང་། བུ་ཏི་དང་། ཤུ་
[27b.4]བ་ནི་ཤྲི་ཀ་དང་། དེ་དག་ནི་ཀེའུ་རྡི་རྫི་ནའི་མིང་ངོ་། །ཀ་ཀོ་ཨུ་དུཾ་བཱ་ར་དང་། ཕལྒུ་དང་། བྷད་ཏྲ་ཨུ་དུཾ་བཱ་ར་དང་། བ་ཡི་སི་དང་། མ་ལུ་ཡུ་དང་། ཤྭེ་ཏྲ་བྷན་ཤ་ཛ་དང་། མཉྫ་རི་དང་། པ་ལི་ཀ་དང་། དེ་དག་ནི་ཕལ་ཀུ་ནའི་མིང་ངོ་། །ཀར་བུ་ཏ་རུ་དང་། ཤཻ་ལ་ཀ་དང་། བྷུ་ཏ་པྲྀཀྵ་དང་།
[27b.5]པིད་ཙི་ལུ་དབ། ལེ་ཁ་ཤ་ཏ་དང་། ཤ་པི་རུ་དང་། དྭི་ཛ་ཀུན་སི་ཏ་དང་། དེ་དག་ནི་ཤླེམ་ཤྨ་ཏ་ཀའི་མིང་ངོ་། །ཏིནྟི་ལི་ཀ་དང་། བླི་ཤྐ་བླ་དང་། ཤ་ཀམ་བླ་དང་། རག་ཏུ་པུ་ར་དང་། ཨཾ་བླ་ཤ་ཀ་དང་། ཨམླ་ཏ་རུ་དང་། ཨཾ་བླ་ཎ་རུ་ར་དང་། མ་ཧེ་ཏ་བ་ཏ་དང་། དེ་དག་ནི་ད་ཏྲིག་གི་མིང་ངོ་།
[27b.6]ཀ་པི་ཏ་དང་། དུ་དུད་ཐ་དང་། ཏ་བིར་ཚི་དི་དང་། ཤུ་ར་བིད་ཚ་དང་། ཨཀྵ་ས་སྱ་དང་། ད་ཏི་ཕ་ལ་དང་། ཙིརྤ་ཀ་དང་། དིདཔྲི་ཡ་དང་། དེ་དག་ནི་ཀ་པིཏའི་མིང་ངོ་། །བ་རུཾ་བླ་དང་། ཨ་བླ་བེད་ས་དང་། བི་མ་དང་། ཤ་ཏི་བི་ཏི་དང་། ས་ཧ་སྲ་བྱི་དང་། རཀྟ་པྲ་པ་དང་། བླ་མ་ཏ་ས་
[27b.7]ཨཾ་བླ་དང་། པམླ་གྲིམ་བེེ་ཏ་ས་སྟེ། དེ་དག་ནི་སྟར་བུའི་མིང་ངོ་། །ན་ལ་ཀེ་ར་དང་། སུ་ཧྲུང་ག་དང་། ཏུང་གས་གན་ཕ་ལ་དང་། དྲི་ལྔ་བྱི་ཙ་དང་། ཏ་ལ་བྲི་ཤ་དང་། དྲི་སྣ་ར་ཙ་དང་། མ་ཧཱ་ཕ་ལ་དང་། དེ་དག་ནི་རྒྱ་སྟར་གྱི་མིང་ངོ་། །ཀྲི་མི་བྲྀཀྵ་དང་། ལ་ཀྵ་བྲཾ་ཀྵ་དང་། སུ་
[28a]
[28a.1]རཀྟ་དང་། ཛ་དུ་བྲྀཀྵ་དང་། གྷན་ཚ་ད་དང་། ཀྵོ་ཏྲ་མ་བྲང་དང་། སུ་ཤོ་ཀ་དང་། དེ་དག་ནི་ཤོ་ཤཾ་བྲའི་མིང་ངོ་། །མ་དཱ་ནཱ་ཀ་དང་། ཨི་ཀྵ་ཀ་དང་། ཀྵ་ཏྲི་དང་། ར་ཛ་ན་ནྱ་དང་། ཀཱ་ཏ་བྱིད་དང་། ཙི་བུ་ག་དང་། པྲ་བ་བྷི་སྨ་དང་། དེ་དག་ནི་མུ་ཙི་ལིནྟའི་མིང་ངོ་། །ཁ་ཛུ་ར་དང་།
[28a.2]ཁ་ར་སྒན་དང་། ཧྲུ་ན་ཤུ་དཪྴ་དང་། སུ་གན་དནྟ་ཀ་དང་། ནི་སྲི་ནི་དང་། སུ་པ་ལ་དང་། ཤི་བི་སྲི་ནི་དང་། མ་དུར་མ་སྟ་ཀ་དང་། དེ་དག་ནི་བྲ་གོའི་མིང་ངོ་། །བི་ཛ་པུ་རི་བ་དང་། ཀེ་སེ་རི་དང་། པ་ལ་བུ་སུ་དང་། བི་ཛ་ག་དང་། ཀེ་སེར་ཨཾ་བླ་དང་། མ་དུ་ལུང་ག་དང་། སུ་པུརྒ་དང་།
[28a.3]དེ་དག་ནི་བ་ལུང་ཁ་ལུང་སྟེ། སྐྱུར་རྩི་ཆེན་པོའི་མིང་ངོ་། །ན་རང་ག་དང་། ཧྭ་ག་སུ་ག་ན་དང་། ན་གྲང་ག་དང་། མུ་ཁ་བྲི་དང་། ཙ་ར་ཏ་ཀ་དང་། ཨོ་ནི་དང་། ཏ་ཀྲེ་དེ་བ་སྔ་ཀ་དང་། དེ་དག་ནི་སྐྱུར་རྩི་ཆུང་ངུའི་མིང་ངོ་། །ཛམ་བི་ར་དང་། ཛམ་བ་དང་། ཏན་ཐ་ཤི་ཐི་དང་། གྷབ་བི་རི་
[28a.4]དང་། བྲག་ཏྲ་ཤོ་དི་དང་། རོ་ཙ་ན་དང་། ཏན་དི་ཤན་ཤ་དང་། དེ་དག་ནི་ཛམ་བི་རིའི་མིང་ངོ་། །ར་ཛམ་བླ་དང་། ཤཱ་ཏ་དང་། ཨ་མྲ་ཏ་དང་། མན་མ་ཐ་དང་། ཨུད་བྷ་བ་ན་དང་། དེ་དག་ནི་ཨ་མར་ཏེ། ཤིང་ལྔ་ཀོའི་མིང་ངོ་། །ཏང་ཀུ་ནི་དི་ནི་ག་པིད་ཐ་དང་། ཛ་ར་པུད་ཏྲ་དང་། གྷོ་པར་མ་ཛ་དང་། དེ་དག་
[28a.5]ནི་ཉོ་དིའི་མིང་ངོ་། །བ་ད་ར་དང་། ཀོ་ལ་དང་། སཽ་བི་ར་དང་། ཕི་ནི་ལམ་དང་། ཀོ་ཧ་མ་དང་། དེ་དག་ནི་རྒྱ་ཤུག་གི་མིང་ངོ་། །ཀརྐ་ད་ཧ་ས་ར་ཏ་དང་། སོ་ཏུ་དང་། སིན་ཙི་ཏི་ཀ་ཕ་ལ་དང་། དེ་དག་ནི་སིན་ཛ་ཏའི་འབྲས་བུའི་མིང་ངོ་། །ཕ་བ་ལམ་བ་དང་། རེ་བ་བ་ཏི་ཀ་དང་། ཨ་རི་བ་ཏི་
[28a.6]དང་། མ་ཧ་བ་ལི་བ་ཏ་དང་། སྭོ་དུ་ཤད་ཀ་དང་། དེ་དག་ནི་པུ་ཤིའི་མིང་ངོ་། །ཨ་རུ་ཀ་མ་དང་། བི་ར་སེ་ན་དང་། ར་ཙིན་རི་ཀ་དང་། དེ་དག་ནི་ཁམ་བུའི་མིང་ངོ་། །བ་ཙ་ནི་དང་། ཧ་བྱམ་དང་། བཱ་ལེ་པཱ་དང་། བྷ་བ་ནི་དང་། བྷགྡ་ཤོ་ད་ན་དང་། པིད་ཚིལ་པི་ཛ་དང་། རོ་མ་ཤ་ཕ་ལ་
[28a.7]དང་། དེ་དག་ནི་བྷ་བ་ནའི་མིང་ངོ་། །རུ་ལ་དང་། རུ་ད་དང་། ཡུ་བ་དང་། ཀྲ་མུ་ཀ་དང་། བྲ་ཧྨ་ཀ་ཤ་དང་། སྦྲ་སྨད་རུ་དང་། བྲ་ཧྨ་ད་ནི་ཀྵ་ཤྭ་དང་། ཧྨ་ན་དང་། བྲཧྨ་བ་རི་ན་དང་། དེ་དག་ནི་སུ་ལ་འོ་སེའི་མིང་ངོ་། །ཨ་ཤོ་ཏ་དང་། བར་བྷ་དེ་ཡ་དང་། ཕ་ལ་སྣམ་ཧ་དང་། གྷུ་ཧ་ད་ཤ་ཡ་དང་།
[28b]
[28b.1]ཀི་རི་ཤ་དང་། ཀན་ད་ར་ལ་དང་། སྭ་དུ་མཉྫ་དང་། བྷི་ཏི་རནྟྲ་དང་། དེ་དག་ནི་སྟར་གའི་མིང་ངོ་། །ཨ་མ་ལ་ཙ་ཀམ་རི་དང་། སུ་ནི་ཤན་ཀ་པ་ཏྲ་ཀ་དང་། ཀྵ་ཏ་ཨམླི་དང་། ཙ་དུ་ཤརྞི་དང་། ཙུག་ཏྲ་དང་། དན་ན་ཤ་ཐ་དང་། ཨམླི་ཀ་དང་། དེ་དག་ནི་ཙུ་ཀ་ཀའི་མིང་ངོ་། །ཨམླ་
[28b.2]ཀ་དང་། ཙུ་ཀྲི་ཀ་དང་། ཤུགྟི་དང་། ཙནྡ་དང་། ཙུག་ཀྲི་དང་། ཤྲུ་གཏི་ཀ་དང་། པི་ཏ་དང་། ཏིནྟ་ནི་ཀ་དང་། ཨམླ་དང་། ཏིཏྟི་ཏོད་ཀ་དང་། སུ་ཏིད་ལ་དང་། དེ་དག་ནི་ཙུ་ཀྲི་ཀ་རྣམ་གཅིག་གི་མིང་ངོ་། །གྷུ་ཏ་པ་དང་། ཏིཀྵྞ་ས་རུ་དང་། ཧོ་དཱ་ཤ་ན་དང་། སོ་ཕ་ལ་དང་།
[28b.3]ཀཊྱུ་ཏིག་ཏ་དང་། ཀྲ་ཤྲར་སིག་ཤྡྷ་ཀཎྛ་ཀ་དང་། དེ་དག་ནི་ཀ་རི་རའི་མིང་ངོ་། །ཨ་མ་ཡ་ལ་དང་། སོ་བ་ཡ་ལ་དང་། པི་ཏ་ཀ་དང་། མ་མིག་ནི་དང་། མ་ཏཾ་ཀ་ལིང་དང་། བྲི་ན་དར་ང་། ཀར་ག་ཏ་ཏག་གི་དང་། དེ་དག་ཨུ་བོ་ཀའི་མིང་ངོ་། །ཛི་བནྡ་ཀ་དང་། ན་ག་ད་མ་ལ་དང་།
[28b.4]ཏཱཾ་མྲ་ས་ཏྲ་དང་། པྲ་ན་དྷ་ཀ་དང་། བ་ཏུ་ཀ་དང་། དེ་དག་ནི་རྒྱ་སྣེའུའི་མིང་ངོ་། །ཀུ་སུཾ་བྷ་དང་། ཡ་བ་ཀ་དང་། ལ་དྲཱ་དང་། རཀྟ་དང་། ཀུ་ཀུཾ་མ་ཀ་དང་། ཨ་ལཀྟ་ཀ་དང་། ལོ་ཧི་ཏ་ཀ་དང་། བཱ་སྲ་རཉྫ་ནག་དང་། དེ་དག་ནི་ལེ་བརྒན་རྩིའི་མིང་ངོ་། །ལཾ་ཀྵ་དང་། མ་ལ་ཀ་ཤ་
[28b.5]དང་། དི་བ་ད་དང་། ལོ་ཧི་ཏ་དང་། གྲི་མི་ཛ་དང་། ཛ་རུ་དང་། ཤ་ཏ་གནི་དང་། རངྒ་མ་ཏ་དང་། དུ་མ་བྱ་ཏི་དང་། ཨ་ལཀྟ་ཀ་དང་། དེ་དག་ནི་རྒྱ་སྐྱེགས་ཀྱི་མིང་ངོ་། །ཧ་བྷིད་ཧཻ་དྷ་དང་། ཤ་ར་ད་དང་། ཤ་གུ་ལ་ད་ནི་དང་། མཉྫ་ད་ན་དང་། མན་ཚ་གནྡྷ་དང་། ལངྒྷ་རི་དང་། ཧོ་
[28b.6]ཡ་པི་པི་ལ་དང་། དེ་དག་ནི་ཛ་ལ་པི་པི་ལའི་མིང་ངོ་། །ཏ་ལ་པ་ཏྲ་དང་། ཏ་ལ་པརྞི་དང་། མི་སི་དང་། ཤ་ལི་ཡ་དང་། ཤི་ད་བཱི་བོ་ད་དང་། དེ་དག་ནི་མི་སྲིའི་མིང་ངོ་། །ཀནྡི་ར་དང་། ཀནྡ་ག་དུང་ཀ་དང་། ནས་སཾ་བི་ཛན་དང་། པ་ཊུ་དང་། ཨ་ཀྲི་ཀནྡྷ་དང་། སྟོད་ཡ་བ་ལ་ལི་དང་། ཀ་ར་བ་
[28b.7]ལ་ལི་དང་། སུ་ཀཎྚ་ཀ་དང་། དེ་དག་ནི་ཆུ་སྒོག་གི་མིང་ངོ་། །མཱུ་ལ་ཀ་དང་། མ་ཧ་ཀནྦྷེ་བེ་ཤ་དང་། ཧ་ཏི་དནྟ་ཀ་དང་། ཨ་བ་དགྴ་ཀྵ་མ་དང་། ཏིཀྵྞ་མ་དང་། མུ་སྟི་ཀ་དང་། ཀྵེ་ན་ཙེ་རེ་ཙི་མ་དང་། དེ་དག་ནི་ལ་ཕུག་གི་མིང་ངོ་། །ཏནྟ་ལི་ཡ་དང་། བི་ཤ་ན་དང་། མེ་གྷ་ན་ད་དང་། གྷན་
[29a]
[29a.1]སར་དང་། བྷནྡྷི་ལ་དང་། སྟན་དྷྱ་ལི་བེ་ག་དང་། ཀ་ས་མརྡྷ་དང་། ཀནྡྷ་ལ་རི་ག་དང་། དེ་དག་ནི་ཀ་ས་མརྡའི་མིང་ངོ་། །ཀུམྦྷ་ཡོ་ནི་དང་། དྲོན་བུ་ཤི་དང་། ཚད་ཏྲ་དང་། ཀུ་ཏྲུཾ་བྷ་ག་དང་། ཀ་ནི་ད་ནྱ་དང་། མ་ཧ་རྡོ་ན་དང་། དེ་བ་རུམ་བྷབྷ་ཧ་ག་དང་། དེ་དག་ནི་
[29a.2]དྲོ་ནའི་མེ་ཏོག་གི་མིང་ངོ་། །ཏ་མ་ལ་ག་དང་། ཨུ་ཏམ་དང་། ཏ་ལི་དང་། དྲི་རྟ་པ་དང་། ཧི་མ་ལ་ཨ་དང་། ཨ་ཛ་ཏ་དང་། བ་ཧུ་པ་ཏྲ་དང་། བི་ཤཱ་པརྞི་དང་། སྟ་ལ་ཀི་ནི་དང་། དེ་དག་ནི་རྩ་བའི་མིང་ངོ་། །ཨ་རཥྚ་ཀ་དང་། མི་ག་ལ་དང་། ཀུམྦྷི་ཛ་དང་། ཨརྠ་ས་དྷ་ན་དང་། རཀྵ་བི་
[29a.3]ཛེ་དང་། ཏི་ཏ་ཕེ་ནེེ་དང་། ཕེ་ནི་ལོ་དང་། གྷརྦ་ཏ་ན་དང་། དེ་དག་ནི་པུང་ཏ་གི་མིང་ངོ་། །སུ་ཏ་ཛི་བ་དང་། བ་བཻ་ཏྲ་དང་། མནྟྲ་སིདྡྷ་ཀྲ་དང་། དེ་དག་ནི་པོ་དོ་ཅེའི་མིང་ངོ་། །ཀུ་སྨན་ཏ་ཀི་དང་། ཕོཥྚ་ཕ་ལ་དང་། པི་ཏ་པུ་ཤི་དང་། མ་ཧཱ་ཕ་ལ་དང་། ཀུན་བཱནྟི་དང་། སོ་མ་ཤྲེཥྚ་དང་། པི་ཏ་
[29a.4]ཀ་དང་། བྲི་ཧད་ཕ་ལ་དང་། དེ་དག་ནི་བུམ་ཤའི་མིང་ངོ་། །ར་ཛ་ལ་དང་། བྲན་མ་ཧ་དང་། ཏུཉྩི་དང་། བཱཀྵ་དང་། ལ་བུ་དང་། ཨ་ལཾ་བུ་ནི་དང་། ཤ་ཁ་ལཾ་བུ་དང་། སྟུམྦ་ཀ་དང་། མ་དུར་ལམྦུ་ནི་དང་། དེ་དག་ནི་ཀུ་བའི་མིང་ངོ་། །ཙི་ར་བ་ཏ་དང་། བྷ་ར་ཏིག་ཏ་དང་། བི་ཙི་ཏྲ་དང་། པནྡྷྱ་ར་
[29a.5]དང་། བནྟྲ་པུ་ས་དང་། ཙི་ཏྲ་ཕ་ལ་དང་། དེ་དག་ནི་བནྟྲ་པུ་སིའི་མིང་ངོ་། །ཨེ་ར་བ་རུ་ཀ་དང་། ཨརྐ་ཏི་ཀ་དང་། ལོ་མ་ཤི་ད་དང་། བྱ་ལ་བ་ཏྲི་ཀ་དང་། གྷ་ཛད་ནྟི་བ་ལ་དང་། སྲ་ཏྲི་དང་། ཀརྐ་ཏི་དང་། བྲི་ཧད་ཕ་ལ་དང་། དེ་དག་ནི་རྒྱ་མཚོ་གོན་གྱི་མིང་ངོ་། །པུ་ནི་ཤ་ཀ་དང་། ཙི་རུ་ཕད་
[29a.6]ཏྲ་དང་། སྭ་སྟི་ཀ་དང་། བུརྐུ་ཏ་དང་། ཤི་ཏ་དང་། ཤྭཻ་བར་ཀ་དང་། ཤེ་ཏི་བ་ར་དང་། སྟུ་མྱ་དང་། དེ་དག་ནི་ཡུ་ནི་ཤནྣ་ཀའི་མིང་ངོ་། །ཨ་ཧ་མ་རུ་དང་། རི་མི་ད་དང་། གྷོ་ད་སྐནྡ་དང་། རི་མི་རུ་དང་། རཱི་མི་རླ་དང་། སུ་ཏ་རི་དང་། སརྦ་མེ་ཏ་ཀ་དང་། དེ་དག་ནི་ཨེརྨི་ཀའི་མིང་ངོ་། །ས་ཕྱ་
[29a.7]སྱ་དང་། ཤེ་ཏ་དང་། ཛ་ལ་ཀ་མ་དང་། ཨ་སྐ་པུ་ཤ་ཀི་དང་། ནཱ་ག་ཛི་ཧ་དང་། པུ་ཏ་ག་ཏླ་དང་། ནིམྦ་པ་ཏྲ་དང་། ཨཱརྠ་ཙནྟྲི་ཀ་དང་། དེ་དག་ནི་པ་ཡ་སའི་མིང་ངོ་། །བི་རུ་ཛ་དང་། ཀཱ་ལཱ་དང་། ཧཱ་ཤ་དང་། གྷིདྡྷ་ཁ་ནི་དང་། བཱག་ཀྲ་ཤལླྱ་དང་། དྷུ་རུ་མུ་ཤ་དང་། ཀུ་ར་ཀརྨ་དང་། བྷི་
[29b]
[29b.1]རིནྣི་ཀ་དང་། དེ་དག་ནི་ཀ་རཉྫའི་མིང་ངོ་། །ཨམླ་ཕ་ལ་དང་། བཱད་པ་དང་། གྷུལ་མྱ་དང་། བན་རྒྱ་དང་། བ་ལ་བ་ཧེ་དང་། ཨེ་ར་བ་ཏྲི་དང་། སུ་གནྡྷ་དང་། བ་ཏ་པཪྴ་མ་ཎི་དང་། དེ་དག་ནི་ཨ་ཧི་སྲའི་མིང་ངོ་། །ཧ་རི་དྲི་དང་། པུ་ཏི་ད་སུ་དང་། པཱི་ཏ་ཀཥྚ་དང་། ས་ད་རུ་དང་། ཀ་
[29b.2]དམྦ་པུ་ཤྱ་དང་། པྲི་མཾ་དང་། དྷ་གྷ་པུ་རུ་དང་། ཨ་དི་པི་ཏྲ་པརྞ་དང་། དེ་དག་ནི་ཧ་རིད་དྲོའི་མིང་ངོ་། །ཨ་ཤ་མ་ར་དང་། ཨ་ཤགྣ་དང་། ཧ་ཡ་མ་ར་ཀ་དང་། ཤཀུནྡ་དང་། ཤྲེ་ད་པུཥྤ་དང་། པྲ་ཏི་ཧ་ས་དང་། ཨ་ཤོ་རི་ཧ་དང་། དེ་དག་ནི་ཀར་བཱི་རའི་མིང་ངོ་། །རཀྟ་པུ་ཤ་དང་། ཙནྡྲ་
[29b.3]གོ་དང་། ལ་གུ་དང་། ཙནྡ་ལ་དང་། གུལ་མ་ཀ་དང་། པྲ་ཙནྟ་དང་། ཀ་ར་བཱིར་ཀ་དང་། དེ་དག་ནི་ཀ་ར་བཱི་ར་དམར་པོའི་མིང་ངོ་། །དྷ་དུ་ར་དང་། དུར་ཏ་དང་། དེ་བ་ཏ་ཀི་ཀ་ཏ་བ་དང་། ཤ་ཐ་དང་། ཨུཾ་མནད་དང་། མ་ཏུ་ལ་ཀུ་དང་། ཀ་ན་ཀ་ཧ་དང་། དེ་དག་ནི་ལང་ཏ་ཙེའི་
[29b.4]མིང་ངོ་། །ཡ་བ་ནི་དང་། ཨུ་གྲ་གན་དང་། དྷི་བ་ཀ་དང་། ཨགྣི་བར་ང་ན་དང་། སྤ་བས་ཧ་དང་། དི་བ་ན་ཡ་དང་། ཧྱ་དིརྱ་དང་། བུ་མི་ཀཏམྦྷ་ཀ་དང་། དེ་དག་ནི་ལ་ལ་ཕུད་ཀྱི་མིང་ངོ་། །ལ་ཤུན་དང་། ར་སོན་དང་། ཨ་གྲ་གནྡྷ་དང་། ཛོ་བྷུབ་པ་དང་། བྷུ་ཏགྣ་དང་། ཚི་ཚ་ཀཎྛ་
[29b.5]དང་། ར་ས་ཡ་ན་བར་དང་། དེ་དག་ནི་སྒོག་སྐྱའི་མིང་ངོ་། །གྲིན་ཛ་ནི་དང་། ཧར་ཤ་ན་དང་། དྷ་ད་བ་ཀ་དང་། བ་རཱ་རི་ག་དང་། ཕར་ནི་དང་། ཕ་ར་ན་དང་། ཀུང་ཀུ་མ་སད་ཏྲི་ཀ་དང་། གྲིན་ཛ་སེ་ད་དང་། ས་ལ་ན་དྷ་དང་། ཡ་བ་ནི་ཤཱ་དང་། དུར་གན་དུ་དང་། མུ་ཁ་དུ་ཤ་ཁ་དང་། ལ་པ་
[29b.6]དར་ཀ་དང་། ཏ་ཐ་ཏྲི་ཤ་དང་། དེ་དག་ནི་པ་ལ་ན་དའི་མིང་ངོ་། །གྷྲི་ཤ་དང་། བྷི་ཤག་སེ་ན་དང་། ཀཱཎྛཱ་དང་། བ་ར་ཧི་དང་། གྷི་སྟི་ཀ་དང་། བཱར་དང་། མ་དྭ་བི་དང་། སཽ་ཀ་རི་དང་། ཀ་ཙི་དང་། ཀསྟི་དང་། བཱ་ནཱ་བཱ་ལི་ནི་དང་། དེ་དག་ནི་སུ་ཀ་རིའི་མིང་ངོ་། །མན་པ་རོ་ཧི་ནི་དང་། ཨ་ཏི་
[29b.7]རུ་ཧ་དང་། བྷིད་ཏ་དང་། ཙརྨ་ཀ་ཤ་དང་། བི་ཀ་ས་དང་། མན་ས་རོ་ཧ་དང་། རོ་ཧ་དང་། པི་ཤི་ཏ་རོ་ཧི་ནི་དང་། དེ་དག་ནི་མཉྫ་རོ་ཧི་ནིའི་མིང་ངོ་། །ཛ་རུ་ཀ་དང་། ར་ཛ་དང་། ཀྲི་ཤན་དང་། རཉྫ་ནི་དང་། ཛ་ན་ནི་དང་། ཨསྟི་རོ་ཧི་དང་། སཧ་ཤ་དང་། ཛ་ཌྷྱ་ཀ་དང་། ཙ་ཀྲ་
[30a]
[30a.1]བར་དི་ནི་དང་། དེ་དག་ནི་ཨ་ཧི་རོ་ཧི་ནིའི་མིང་ངོ་། །ཙཀྵུ་ཤ་དང་། ཙི་བི་ཏ་དང་། ཀུམྦྷ་ཀ་རི་དང་། ཀུ་ལན་ཐིག་དང་། ཀུ་ལ་ལི་དང་། ཨུ་རན་ནྱ་ཀུ་ལངྠི་ཀ་དང་། དེ་དག་ནི་རྒྱ་སྲན་ནག་པོའི་མིང་ངོ་། །སུ་ཤྱ་ན་ཛ་ན་དང་། དུ་ཤེ་ཀེ་ལུ་དང་། ཀཽ་ས་མཾ་དང་། ཀུ་སུ་མ་
[30a.2]ཛ་ན་དང་། རི་ཧི་དང་། རི་ཏི་ཀ་སུ་མ་དང་། རི་ཏི་པུ་ཤྱ་དང་། བ་སྤི་དང་། དེ་དག་ནི་ར་གན་གྱི་དུད་པའི་མིང་ངོ་། །ཨི་བི་གི་དང་། ཛོད་ག་ཀོ་དང་། ཛིར་ན་བ་ལུངྐ་དང་། ཨནྡ་ཀོ་ཐ་ཀ་པུ་ཤིང་དང་། ཨ་ཛནྡ་དང་། ཚ་གནྡ་དང་། དེ་དག་ནི་བྷྲིདྡྷ་དྷ་རུའི་མིང་ངོ་། །བ་ལུ་མུ་ཏ་དང་། སུག་
[30a.3]སྨེལ་མཱུ་ལ་དང་། ཧ་རི་ཏ་དང་། ཛ་ཡ་དང་། ཛ་ཡནྟྲི་དང་། ཨ་པ་ར་ཏི་དང་། དེ་དག་ནི་མྱང་རྩི་སྤྲས་ཀྱི་མིང་ངོ་། །བནྡྷ་ཀར་ཀི་ཏི་དང་། དེ་བ་དང་། ཕད་ཀུ་མ་རི་མི་དང་། ཀུ་མ་རི་ཀ་དང་། ནཱ་ག་རི་དང་། མ་ཛ་དམ་པ་ནི་དང་། བི་ཤ་ཀཎྛ་ཀི་ནི་དང་། དེ་དག་ནི་ཀུ་མ་རིའི་
[30a.4]མིང་ངོ་། །བ་ན་ཛ་དང་། ནཱ་ག་པུ་ཥྤི་དང་། ནི་ཤེ་བི་ཤ་ནི་དང་། སརྦ་གྲ་ཧ་པཪྴ་མ་ནི་དང་། ཡོ་གི་ཤ་རི་དང་། དེ་དག་ནི་བཉྫའི་མིང་ངོ་། །སརྦ་གནྡྷ་དང་། བྷུ་ག་གནྡྷི་དང་། སརྦ་སུ་གན་ནི་དང་། ཙ་བེེ་ར་བ་ཏྲི་ཀ་དང་། དེ་དག་ནི་ན་ཀུ་ལའི་མིང་ངོ་། །མ་ཧཱ་སུ་གནྡྷ་དང་། སུ་ས་ཧ་དང་། གནྡྷ་
[30a.5]ན་ཀུ་ལི་དང་། དེ་དག་ནི་ན་ཀུ་ལི་དྲི་ཞིམ་པོའི་མིང་ངོ་། །ན་ཀུ་ལིཥྚ་དང་། ཙིད་ཏྲ་ཀི་དང་། བི་ཤ་དར་ད་ནི་དང་། དེ་དག་ནི་སརྦ་ཀྵིའི་མིང་ངོ་། །གཾ་བ་པུ་ཤི་དང་། ཤཾ་ཁ་ཧྭ་དང་། ཀཾ་བོ་མ་ལི་དང་། ཤང་ཁ་ཀུ་སུ་མ་དང་། མེ་རྒྱན་དང་། ཙ་ན་བེ་ལ་སི་ནི་དང་། དེ་དག་ནི་ཁ་ཁྵ་པུས་ཤྱིའི་
[30a.6]མིང་ངོ་། །བ་ཛི་ཁུ་ར་དང་། བི་ཤ་ག་ན་དང་། གེ་རི་ཀརྞི་ཀ་དང་། ཨ་བྱག་ཏ་གནྡྷི་དང་། ཤླག་སྣ་དང་། ནཱི་ལ་དུ་ཀ་དང་། ཙོ་ཤི་དང་། བནྡྷ་ནུ་དང་། གྷ་ད་བྲྀཀྵ་ཤ་དང་། མ་ཧཱ་ཕ་ལ་དང་། རུ་ཛ་ཕ་ལ་དང་། བི་ཛ་ལ་དང་། དུ་ཀྵ་ས་དུ་ཕ་ལ་དང་། དེ་དག་ནི་ཨ་ཤ་ཁུ་རའི་མིང་ངོ་། །མ་
[30a.7]ཧཱ་པིནྡི་ཀ་དང་། ཤྭེ་ད་པི་ན་དི་ཏ་ཀ་དང་། ག་ར་གྷ་དང་། ཏ་དང་། ཏུ་རཾ་ག་དང་། ཙརྨ་ཀ་རང་ཏ་རུ་དང་། དེ་དག་ནི་པིནྡི་ཀ་རིའི་མིང་ངོ་། །སོ་མ་ཀྵི་ཤཱི་རི་དང་། མ་ཧཱ་གུལྨ་དང་། ཙནྟྲ་ད་རུ་དང་། ཤི་ན་དྷི་ད་དང་། མ་ཧར་གར་དང་། ཡག་ན་ནི་ད་དང་། དྭི་ཛ་པྲི་ཡ་དང་། དེ་དག་ནི་སོ་མ་ཀྵིའི་
[30b]
[30b.1]མིང་ངོ་། །ཤྭེ་ད་དུ་ཤ་དང་། སིནྡུ་ཀ་དང་། སིནྡུ་བ་རི་དང་། ཨརྫ་ན་ས་ཏ་བོ་བར་ཁྱ་དང་། སྟི་ར་དང་། ཨརྦ་ས་ཏ་ཀ་དང་། དེ་དག་ནི་སིནྡུ་བ་རའི་མིང་ངོ་། །བ་ཛི་གན་དང་། བ་ཛི་བ་ཀརྞ་ནི་དང་། ཏུ་ར་ཀི་དང་། བ་ར་ཧ་ཀརྞི་དང་། བ་ར་དྭ་ཏ་དང་། ཀཾ་བྷུ་ཀ་དང་། ཨ་ཤ་བ་རོ་ཧ་ཀི་
[30b.2]དང་། དེ་དག་ནི་ཨ་ཤ་གནྡྷིའི་མིང་ངོ་། །མ་དུ་ཡནྟི་དང་། རི་ར་ཛ་ནི་དང་། མྲི་གན་དནྟི་དང་། ཨ་ལི་བུ་ས་དང་། མེ་དུ་ག་ལ་དང་། གནྟ་བ་ཏི་དང་། ཁ་ར་ས་ན་དང་། དེ་དག་ནི་མ་དུ་ཡནྡའི་མིང་ངོ་། །མརྐ་བ་དང་། བཾ་ཀ་ཛ་ཏ་དང་། བྲིག་ཧ་དང་། ཀེ་ཤ་རཉྫ་དང་། མ་ཧཱ་ནཱི་ལ་དང་།
[30b.3]བྲིང་གར་ཛ་དང་། སུརྱ་བརྡ་དང་། རི་བི་པྲི་ཡ་དང་། དེ་དག་ནི་བྲིང་ག་ར་ཛིའི་མིང་ངོ་། །ཤི་རི་ཤི་ཀ་དང་། དིནྡྷི་ནི་ཀ་དང་། སོ་ཕ་ར་ལ་དང་། རུ་ཕ་ལ་དང་། ཀི་ནི་ཡ་ས་ཤཱི་ཤིང་དང་། བ་རི་རི་ཤི་ཀ་དང་། དེ་དག་ནི་ཤི་རི་ཤིའི་མིང་ངོ་། །ཨ་པ་ར་ཙ་ཏ་དང་། བཱི་ཀྵུ་ཀནྟ་དང་། ནཱི་ལ་པུ་ཤི་
[30b.4]དང་། སཱ་ཏི་མཱ་དང་། ཚ་ཏི་ཀ་དང་། དེ་དག་ནི་བཱུ་ཤཱུ་ཀྲནྠའི་མིང་ངོ་། །ཨ་ག་སྟི་གོ་དང་། མུ་ནིན་ན་མ་དང་། མུན་དུ་ཤི་ཀྲུ་དང་། དེ་དག་ནི་ཨ་གསྟའི་མིང་ངོ་། །བདས་ཏ་ནི་དང་། པུ་ཏ་ཤི་ནི་དང་། དྷ་མ་ནྱ་ཚ་དང་། ན་ཕ་ལ་དང་། བཱ་ཌ་ཀར་བས་དང་། ཨགྣི་ཀ་དང་། དེ་དག་ནི་ཙ་གྲང་
[30b.5]ཀའི་མིང་ངོ་། །མནྡཱ་ར་དང་། པ་རི་བྷ་ཏྲ་དང་། ཀཎྚི་ཀི་ཀ་ཤུ་ཀ་དང་། བ་ར་ན་དང་། སྟེ་རི་ནི་དང་། ཀཎྜ་ཀ་ཀརྞ་ཛ་དང་། ཏེ་རི་བིཉྫ་ཀ་དང་། དེ་དག་ནི་མནྡ་ལའི་མིང་ངོ་། །ཀ་ལི་ཏ་རུ་དང་། ཀ་ན་ཀ་པུཥྦ་དང་། དེ་དག་ནི་ཀུང་ཀའི་མིང་ངོ་། །ཨ་ར་རི་ཀ་དང་། ཧཏྟ་ལི་དང་། ཁ་དར་བལླི་
[30b.6]དང་། དྷི་ན་ཀི་དང་། སི་ཏ་ཀ་དང་། མོ་ཧ་ནི་དང་། བ་ཏི་པཏྟྲི་ཀ་དང་། དེ་དག་ནི་ད་རི་ཀའི་མིང་ངོ་། །ཤོན་བ་ཏི་དང་། ཨཻ་ར་ཐ་ཏི་དང་། ཤ་མ་དང་། ཁ་ཊ་དམ་བླ་མི་ཀ་དང་། རི་ཏི་བང་གུ་དང་། མཧཱ་ཤ་མ་དང་། བྲིག་ཏ་ད་རུ་དང་། དེ་དག་ནི་ཨེ་རེ་བ་ཏིའི་མིང་ངོ་།། །།ནི་ནི་
[30b.7]ཀ་དང་། བྲ་ཧྨ་སོམ་ད་དང་། ཨགྣི་ཡ་ག་དང་། ཨ་ར་མ་ཤི་ཏ་ལ་དང་། དྲེ་བ་གནྡྷ་དང་། ཀུརྡུ་ཏ་མརྟ་ཀ་དང་། དེ་དག་ནི་བྲ་ཧྨ་སོ་མའི་མིང་ངོ་། །བ་ཏྲི་ཀ་དང་། བགྟྲི་ཀ་དང་། ན་བ་ནི་ཏཾ་དང་། དུཏྟུ་བ་སོ་དང་། དུཏྟི་ལི་ཀ་དང་། པུ་ཌུ་དངྐ་དང་། ཚིག་ཏྲ་བི་ཏྲི་ཀ་དང་། དེ་དག་ནི་དུདྡུ་ལི་ཀའི་
[31a]
[31a.1]མིང་ངོ་། །ཨ་གྷ་ཏ་ག་དང་། བྲི་ཏ་པ་ལ་དང་། དྭི་ཏཱི་ཡ་རཀྟ་བྱིན་དུ་ཀ་དང་། ཨ་ཙ་ལོ་མྱ་དང་། ཨ་མནྟི་དང་། མི་ཥ་བཾ་ལོ་ཙ་ཀ་དང་། དེ་དག་ནི་ལུག་མིག་གི་མིང་ངོ་། །ར་མེ་ཏ་ལ་དང་། ར་མ་ཏ་ར་ནི་དང་། ཏེ་ཛ་དང་། ཏེ་ཛ་ནི་ད་ནི་ཀ་དང་། ཧི་རན་བྱ་པུཥྤི་དང་།
[31a.2]ཁརྫུ་རི་དང་། ཏ་ལ་པི་ཏྲ་དང་། མུ་ས་ལི་དང་། དེ་དག་ནི་སུ་ས་ལའི་མིང་ངོ་། །པུ་ཏྲ་ཛ་ན་ནི་དང་། རཀྟ་བིན་དུ་ཚ་ཏ་དང་། ན་གྷི་ནི་དང་། ཤུ་ལི་ནི་དང་། ནཱ་ག་བ་ཏི་དང་། སྭིད་ཨ་སྨིད་ཛ་ཀ་དང་། དེ་དག་ནི་ལག་ཤ་ནའི་མིང་ངོ་། །སྲི་ག་ལ་བནྡི་ག་དང་། བྲག་ཀྲ་དང་། རི་ཤ་སྲོག་
[31a.3]ཏ་དང་། ཛི་ཏི་ཤ་ཁ་ལི་དང་། ཨད་ན་ད་དང་། ཨི་ཤུ་ར་ས་དང་། ཏཻ་ལ་ཀཎྛ་ཀ་དང་། ཀོ་ཀི་ལ་ཀྵ་ཀ་དང་། དེ་དག་ནི་ཀོ་ཀི་ལ་ཀྵ་ཀའི་མིང་ངོ་། །པ་ལནྐ་ཤ་དང་། མཱུ་ལ་གཾ་གྷྲི་དང་། ཧུ་གུ་ན་དང་། ཁར་བུ་ཙ་ཁ་དང་། ཏོ་ཡ་ཤོ་དང་། བྲི་ཧ་ཀུམྦྷི་དང་། དྷདྡྷ་ཀ་དང་། བྲི་ཀ་དུ་མ་ཀ་དང་།
[31a.4]དེ་དག་ནི་བ་ལངྐ་ཤིའི་རྩ་བའི་མིང་ངོ་། །དྷ་དི་པུཥྤི་དང་། ཁ་ཏཱ་པ་དྱ་པ་ཏི་ཀ་དང་། རི་ཤ་བི་དང་། ཀ་ཀ་ན་ད་དང་། མུ་ཀ་བ་ཏི་ཀ་དང་། དེ་དག་ནི་ཀ་དནྡའི་མིང་ངོ་། །ཤ་ཀྲི་ན་དུ་དང་། ཨ་མ་ཤར་ཤི་པ་དང་། སུག་ཤྨ་ཚ་ད་དང་། ཏམྨྲ་ལ་དང་། ཀུར་ཀུ་ཏ་པ་ཧ་ལ་ཀ་དང་། དེ་དག་ནི་བ་ད་ར་
[31a.5]ཀའི་མིང་ངོ་། །གྷོ་དུ་མི་ཀ་དང་། གྷོ་ཛི་དང་། ཀྵོཥྚ་ཀ་མུལི་ཀ་དང་། ཛིའུ་ནཱི་ལ་སྭ་ན་དང་། ནཱ་དིའི་དང་། ཛ་ལ་ཛམྦུ་ཀ་དང་། དེ་དག་ནི་ཁལ་བའི་མིང་དུ་བཤད་དོ། །ཤུ་ཁ་ན་ས་དང་། ཨ་ཧི་ཀ་དང་། སུ་ཁུ་ཏ་དང་། བི་ལི་ཏ་དང་། དེ་དག་ནི་ས་ཁུ་ཏའི་མིང་ངོ་། །དུ་ཀ་ཏུ་རི་དང་། མྲྀ་
[31a.6]ག་མ་ད་དང་། མྲྀ་ག་གནྡྷི་དང་། མྲྀ་ག་ན་བ་ཛ་དང་། མར་ཛ་རི་དང་། པཱ་ཏྲི་ཀ་དང་། མ་ད་ནི་དང་། དྷར་པོ་དང་། བཻ་ད་མ་དུ་ཁྱ་དང་། སུ་གནྡྷི་ཀ་དང་། དེ་དག་ནི་གླ་རྩིའི་མིང་ངོ་། །ཀར་བུ་ད་ར་དང་། ཤི་ད་ར་སྨ་དང་། ཤ་ཤི་དང་། ནཱི་ཤ་ཀ་ར་དང་། སྥ་ཊི་ཀ་དང་། ཤི་ཏ་ལ་ར་ཛ་དང་། ཏུ་
[31a.7]ཧི་ན་དང་། ཧི་མ་དང་། དེ་དག་ནི་ག་པུར་གྱི་མིང་ངོ་། །ཛཱ་ཏི་པ་ཏྲི་དང་། ཛཱ་ཏི་ཀོ་ཤ་དང་། སུ་མ་ན་བ་ཏྲི་ཀྭ་དང་། མ་ལ་ཏྲི་པ་ཏྲི་ཀ་དང་། ས་མ་མ་ད་ཡི་ནི་དང་། དེ་དག་ནི་ཛཱ་ཏི་པ་ཏྲའི་མིང་ངོ་། །ཛཱ་ཏི་ཕ་ལ་དང་། ཛཱ་ཏི་སྤངས་མ་དང་། ཤ་ལུ་ཀ་དང་། མ་ལ་ད་ཏི་ཕ་ལ་དང་། ཨུ་མདྷ་
[31b]
[31b.1]ཤུ་དྷ་དང་། ཛཱ་ཏྱ་མྲྀ་ཏ་དང་། པོ་ཏྲ་མ་དང་། སཽ་མ་ན་སཾ་ཕ་ལ་དང་། དེ་དག་ནི་ཛཱ་ཏི་ཕ་ལའི་མིང་ངོ་། །པུ་ག་ཕ་ལ་དང་། ཨུད་དྲེ་ད་ག་དང་། ཤྲ་ས་དང་། གྷུ་ད་ཕ་ལ་དང་། ཙ་ག་ཀ་ན་དང་། ཙིག་ཀ་དང་། གྷོ་པ་ཕ་ལ་དང་། དེ་དག་ནི་སླ་བོར་ཤེ་ཤའི་མིང་ངོ་། །བ་ཧུ་ཕ་ལ་
[31b.2]དང་། ཀོ་ལ་ཀ་དང་། ཀ་ཊུ་ཀ་ཕ་ལ་དང་། ཨུ་ལ་དང་། དྭི་བ་དང་། མ་རི་ཙ་དང་། མ་དའུ་ཨོ་ཤི་ཏ་དང་། དེ་དག་ནི་ཀ་ཀོ་ལའི་མིང་ངོ་། །ལ་ལྦ་ག་དང་། དེ་བ་ཀུསུ་མ་དང་། བྲིང་ག་ར་དང་། ཤི་ཁ་རན་དང་། ལ་བཱ་ནི་དང་། དྷྱི་ད་ཤྱ་མ་དང་། ཙནྡན་པུ་ད་ཤྱ་བ་དང་། དེ་དག་ནི་ལི་
[31b.3]ཤིའི་མིང་ངོ་། །ཤེ་ལེ་ཡ་དང་། ཤི་ལ་པུ་ཤ་དང་། ཤི་ལ་ཛ་དང་། ཏ་བི་ར་དང་། ཀལ་ན་ས་རི་དང་། བ་ལི་ཏ་དང་། ཛརྞ་དང་། པྲི་ད་དང་། ཤིལཱ་བྷ་བ་དང་། དེ་དག་ནི་རྡོ་དྲེག་གི་མིང་ངོ་། །ནཱི་ལི་ཀ་དང་། བྷི་ད་མ་ལ་ཏ་དང་། ཀ་བོད་ད་ཙ་ར་ནི་དང་། ན་ལི་དང་། སུ་ཤི་ར་དང་། དྷ་མ་ནི་དང་།
[31b.4]ཤུ་ནྱ་དང་། ནིརྨ་རྱ་དང་། ནརྡྷ་ཀ་དང་། ནི་དི་དང་། དེ་དག་ནི་ཀ་པོ་ཏ་ཙ་ར་ནའི་མིང་ངོ་། །མུ་ནི་སུ་ཏོ་དང་། དནྡ་དང་། གནྡུ་ད་ཀ་དང་། མུ་ནི་དང་། རི་ཤི་སུ་ཏྲ་དང་། ཏ་བ་སོ་དང་། ཙི་ནི་ཏ་དང་། ཀུ་ལ་བྷུ་ཏ་དང་། དེ་དག་ནི་དྷ་མ་ནཱ་གའི་མིང་ངོ་། །མུ་ར་དང་། གནྡྷ་བ་ཏི་དང་། དྲི་པྱ་དང་།
[31b.5]གནྡྷ་དྷ་དང་། གནྡྷ་མནད་ནི་དང་། སུ་ར་རྩི་དང་། བྷུ་རི་གན་དང་། ཀོ་ཏི་དང་། དེ་དག་ནི་གན་མུ་རིལ་གྱི་མིང་ངོ་། །ཀ་ཙུ་ར་དང་། གནྡྷ་མཱུ་ལ་དང་། དྲ་བརྔ་དང་། ཀ་བྱ་དང་། བེ་ད་མུ་ཁྱ་དང་། དུར་ལ་ཧི་དང་། ཤི་ཐི་དང་། དེ་དག་ནི་ཀ་ཙུ་རའི་མིང་ངོ་། །ཏུ་མཐུ་རུ་དང་། བན་ཛ་དང་། ཤྱ་ར་དང་།
[31b.6]སུའུ་ར་ས་དང་། ས་མུཛྫ་དང་། ཨནྡ་ཀ་དང་། ཏིཀྵྞ་ཕ་ལ་དང་། ཏིཀྵྞ་བལ་ཀ་དང་། དེ་དག་ནི་གཡེར་མའི་མིང་ངོ་། །སུ་མན་དང་། མ་ལ་ཏི་དང་། ཛཱ་ཏི་དང་། ར་ཛ་ཛ་བ་ཏི་དང་། པྲི་ལཾ་བྷ་དང་། མ་བུག་ན་ཧ་དང་། ཧྲིང་གནྡྷ་དང་། ཙ་ཏི་ཀ་དང་། ཏཻ་ལ་བ་ནི་དང་། དེ་དག་ནི་སྣ་མའི་མེ་ཏོག་
[31b.7]སྟེསྲི་ཤིང་གི་མེ་ཏོག་གི་མིང་ངོ་། །མལླི་ཀ་དང་། བྷི་ཛ་ཡེལ་དང་། རྦི་བུ་ཏ་དང་། ཤི་ཏ་བི་རུ་ཀ་དང་། ཨ་ཤཾ་བ་ཏི་དང་། བྷུ་མི་དནྟ་དང་། མ་དྷ་ཡནྟི་དང་། པྲ་མོ་དང་། དེ་དག་ནི་མ་ལི་ཀའི་མིང་ངོ་། །ཡུ་ཏི་ཀ་དང་། པ་ལ་པུ་ཤྱ་དང་། པུ་ན་ནྱ་གནྡྷ་དང་། གྷུ་ནུ་ཛཱ་ལ་དང་། གྷནྡི་དང་།
[32a]
[32a.1]ཤི་ཁནྡི་ནི་དང་། ར་ལ་དང་། ཛ་ལ་མོ་ཏ་དང་། པཎྜ་ར་དང་། དེ་དག་ནི་ཤི་གུ་ཤིའི་མིང་ངོ་། །སུ་བརྞ་ཡུ་ཏི་དང་། པྲ་མོ་དང་། ཧ་རི་ནི་དང་། པི་ཏི་ཀ་དང་། པི་ཏི་ཡུ་ཏི་ཀ་དང་། ཨ་བྱག་ཏ་གནྡྷ་དང་། ཡུ་པ་ཏི་དང་། ཡུ་ཏི་ཀ་དང་། སུ་བརྞ་ཡུ་ཏི་ཀ་དང་། དེ་དག་ནི་ཧ་རི་ནིའི་མིང་ངོ་། །
[32a.2]བཻསནྟི་དང་། པྲ་ཧ་སནྟི་དང་། སུ་ཤུ་དང་། མ་ཧཱ་པུ་ཛྭ་ལ་དང་། ཤི་བར་དང་། ཤི་ར་ཏ་ཙི་ར་དང་། ས་ར་ནི་དང་། ཀུནྡ་ས་ཧ་ཡ་དང་། དེ་དག་ནི་བ་སནྡའི་མིང་ངོ་། །གྷུ་ད་པུ་ཤ་དང་། ཤི་ཏ་གན་ཧ་དང་། བི་ཤ་རད་དང་། མ་དྷུ་གནྡྷ་དང་། སུ་གནྡྷ་དང་། སིང་ཧེ་ཀ་ས་ར་དང་། དེ་དག་
[32a.3]ནི་པ་ཀུ་ལའི་མིང་ངོ་། །ཏི་ལ་ཀ་དང་། ཀྵུ་ར་ཀ་དང་། སྲི་མ་དང་། མུ་ཁ་མནྡ་ན་ཀ་དང་། བེེ་ཏེ་དང་། མུཉྩི་ལིནྡ་དང་། ཚནྡ་གུ་ཤ་དང་། བི་ཤོ་ཀ་དང་། ཀར་ནང་བུ་ར་ཀ་དང་། དེ་དག་ནི་ཏི་ལ་ཀའི་མེ་ཏོག་གི་མིང་ངོ་། །ཡ་ཏི་མུགྟ་དང་། བཱ་ཡ་གྲནྟ་དང་། སོན་པ་སནྟ་དང་། པ་ར་སྲ་
[32a.4]ཡ་དང་། ཨ་ནི་ཡུཀྟ་དང་། སུ་གནྡྷ་དང་། ཀུ་མུ་ཀ་དང་། བི་མ་དྲི་ཡ་དང་། དེ་དག་ནི་ཨ་ཏི་མུཀྟ་ཀའི་མིང་ངོ་། །བུ་བྱ་གནྡྷ་དང་། པུ་ཤི་ཤུ་ཤྲ་གནྡྷ་ག་དང་། པ་ར་ནམ་དྷ་ཀ་དང་། ཀཉྩ་ན་པུ་དང་། བྲ་མ་རིཥྚ་ཏཱ་དང་། ནོ་ཧ་ར་དང་། དེ་དག་ནི་ཙམ་བ་ཀའི་མིང་ངོ་། །བཪྴ་ཀ་དང་། ར་ཛ་པུ་
[32a.5]ཏྲེ་དང་། སུ་གནྡྷ་དང་། མུཀྟ་བནྡྷ་ན་དང་། སུ་རུ་པ་ཙ་དང་། རོ་མ་ཤ་དང་། གནྡྷ་ཏ་དང་། དེ་དག་ནི་བཪྴ་བུ་ཤའི་མིང་ངོ་། །ཀུ་ཧྱ་ཀ་དང་། ཏ་ར་ནི་དང་། བལླ་ལི་དང་། ཀུ་མ་རྱ་དང་། ཨ་ལི་ཀུ་ལ་བྲི་ཡ་དང་། ཀཎྜ་པྲི་བྲ་དྷ་བིར་དང་། ནི་པ་ལི་ཀུ་ལ་ཀུ་དང་། དེ་དག་ནི་ཀུ་ཧའི་མིང་ངོ་། །ཏ་
[32a.6]ར་ནི་དང་། ར་མ་ཏ་ར་ནི་དང་། བ་ར་ནི་ཀ་དང་། ཙ་རཱ་ཀེ་ས་ར་དང་། མ་ཧྱ་ཀུ་མ་རི་དང་། གནྡྷྱེ་ད་དང་། རྦ་རི་ཕ་གྷ་ན་སམྨ་ཏ་དང་། དེ་དག་ནི་ཏ་རུ་ནའི་མིང་ངོ་། །ཀནྡ་དང་། སུམ་ཀནྡྷ་དང་། མ་ཧཱ་པུ་ཤ་དང་། མ་ནར་ཏ་དང་། ཨ་ཏ་ཧ་ས་དང་། བྲིང་གསུ་རི་དང་། དྷ་མ་ལ་དང་། པཎ་དྷྱ་ར་དང་།
[32a.7]སི་ཏ་དང་། དེ་དག་ནི་ཀུན་དེའི་མིང་ངོ་། །ཨོ་མ་དང་། ཨ་ཏི་སི་དང་། རུ་ཏྲ་པ་ཏ་ནི་དང་། ནཱི་ལ་པུ་ཤི་དང་། དེ་དག་ནི་ཟར་མའི་མེ་ཏོག་གི་མིང་ངོ་། །ཨ་མ་ལ་ཡ་ན་དང་། ཀ་རནྡྷ་ད་དང་། ཨ་མ་ཏ་ཀ་དང་། ར་ཛ་ཤྲིརྱ་གཻ་དང་། ཏམྦུ་ཤ་དང་། དེ་དག་ནི་ཀ་ར་བ་ཀའི་མིང་ངོ་། །དེ་ལས་ཀྱང་
[32b]
[32b.1]ཀུ་ར་བ་ཀཻ་ནི་དམར་པོའི་མིང་ངོ་། །ཀུ་རནྡྷ་ཀ་ནི་མེ་ཏོག་སེར་པོ་ཡིན་ནོ། །སུ་ཀུ་མ་ར་དང་། སུ་གནྡྷ་དྷྲ་ཏི་དང་། གྷྲིཤྨ་ས་དང་། ན་བ་ཚ་ལི་ཀ་དང་། ཀ་ཀ་ཧྲི་ཏྲ་དང་། བུ་མ་ལི་དང་། མ་ལ་ཡ་ནི་དང་། དེ་དག་ནི་ན་བ་མ་ལི་ཀའི་མིང་ངོ་། །ཀི་ཀ་རཊ་དང་། པིཏ་ཀ་དང་། པི་ཏྲ་བྷྱཏྟྲ་ཀ་དང་།
[32b.2]ཧི་མ་གོ་ར་དང་། བི་ཏྲ་ལོ་བི་དང་། ཤད་བ་དྷ་ཨ་ནནྡ་བརྡ་ན་དང་། དེ་དག་ནི་ཀི་ཀི་ར་ཏིའི་མིང་ངོ་། །སུ་བརྞ་དང་། ཀ་ན་ཀ་དང་། རུག་མཾ་དང་། ཧ་ཏ་ཀ་དང་། ཤ་ཏ་ཀ་བྷ་ཀ་དང་། ཙ་ནི་ཀང་དང་། ཛ་ཏ་རཱུ་པ་དང་། ཧེ་རནྣྱ་དང་། ཧེ་མ་དང་། ཀཉྪ་ན་དང་། དེ་དག་ནི་གསེར་གྱི་མིང་ཡིན་
[32b.3]ནོ། །རཱུ་པྱ་དང་། རཱ་ཛ་ཏ་དང་། ཏ་ར་དང་། རུ་ཙི་ར་དང་། མེ་རུ་པ་ཏ་ཛ་དང་། ཤུ་དན་དང་། ཀུ་པྱམ་དང་། བྷ་སུ་དང་། ཤྲེཥྚ་མ་དང་། བི་མལ་དང་། ཤེ་ཏ་ཀ་དང་། སྭ་ཏ་མ་དང་། དེ་དག་ནི་དངུལ་གྱི་མིང་ངོ་། །ཏམྨྲ་དང་། ཨུ་དུམྦཱ་ར་དང་། ཤོ་བམ་དང་། མེ་ཧི་ར་དང་། ར་བི་
[32b.4]ནཱ་མ་ཀ་དང་། རཀྟ་དྷ་དུ་དང་། མླི་ཚ་ཚ་མུ་ཁ་དང་། མ་རུ་དང་། ཙརྨ་ད་ལ་པྲ་ཧ་དང་། དེ་དག་ནི་ཟངས་མའི་མིང་ངོ་། །ཏྲ་པུ་དང་། བངྐ་དང་། རུ་ཙ་དང་། རུ་བི་ཤཏྟུ་དང་། ཙི་ཏྲ་ཀ་དང་། སི་ཏ་དང་། ཏྲ་པུ་ཀ་དང་། ཤཱེ་ཏ་མ་ནི་ལ་དང་། ཁ་ར་ཏི་དང་། ནི་ལི་ཀ་དང་། གྷ་ན་དང་། དེ་
[32b.5]དག་ནི་ཞ་ཉེ་དཀར་པོའི་མིང་ངོ་། །སི་ས་དང་། བ་ཧུ་མ་ལ་དང་། ན་གན་དང་། ཨུ་ར་གན་དང་། གྷུ་རུ་དང་། ཡ་བ་ནིཥྚ་དང་། ཙི་ན་བ་ཤ་ཏ་མ་དང་། པར་བྷ་ཏ་དང་། དྷའུ་སམྦྷ་བ་དང་། དེ་དག་ནི་ཞ་ཉེའི་མིང་ངོ་། །རིཏི་དང་། ཀ་པི་ལ་ལོ་ཧནྟ་དང་། ཤཱཀྱས་ར་དང་། སུ་བརྐ་ན་དང་།
[32b.6]ཀ་པི་ལི་ཧ་དང་། ཏྲི་ལ་ཧ་དང་། བརྟ་ལོ་ཧ་ཀ་དང་། དེ་དག་ནི་ར་གན་གྱི་མིང་ངོ་། །ཀྲྀཥྞ་ལོ་ཧ་དང་། ཨཱ་ཡཱ་དང་། ཤུ་ཤྲ་དང་། ཏད་ཀྱིས་ཏ་དང་། སད་ཡོ་མ་ལ་དང་། མནྡྷ་ར་དང་། ཙི་མྲྀ་ར་དང་། ཀྲྀཥྞ་དང་། ཤཙུ་རན་དང་། ཨཡུ་ཛ་དང་། དེ་དག་ནི་ལྕགས་ནག་པོའི་མིང་ངོ་། །ར་
[32b.7]ཛ་རི་ཏི་དང་། རག་ན་དང་། ར་ཙ་པ་ཏ་ནི་དང་། མེ་ཧི་ཤི་རི་དང་། བྲ་ཧ་ནི་དང་། ར་ཧྨ་ཧི་རི་དི་དང་། ཀ་པི་ལ་དང་། པི་ག་ལ་དང་། དེ་དག་ནི་ར་གན་གྱི་རྒྱལ་པོའི་མིང་ངོ་། །ཀན་ས་དང་། ལོ་ཧ་དང་། ན་ཛི་ན་དང་། གྷོ་ཤ་དང་། པྲ་ཀ་ཤ་དང་། ཀཾ་ས་ཀ་དང་། ཀཾ་ལཱ་བ་དང་། ཨནྣ་ལོ་ཧ་
[33a]
[33a.1]དང་། བ་ཏ་ལོ་ཧ་དང་། པཉྩ་ལོ་ཧ་དང་། རི་ཏི་ཀ་དང་། དེ་དག་ནི་ཁར་བའི་མིང་ངོ་། །པྲ་བ་ལ་དང་། བ་ལི་ཏྲ་གྲ་དང་། བི་རུ་མ་ར་དང་། རཀྟ་བ་ན་ཀ་དང་། དེ་དག་ནི་བྱུ་རུའི་མིང་ངོ་། །ཛ་ཏི་ཛ་རུ་དང་། བ་མརྡ་ན་དང་། མུགྟི་ཀ་དང་། དེ་དག་ནི་མུ་ཏིག་གི་
[33a.2]མིང་ངོ་། །ཧ་རི་ཏ་ལ་དང་། ཨ་ལ་དང་། ཏ་ལ་དང་། ཀོ་ཏནྟ་དང་། ན་ཏ་མནྡྷ་ན་དང་། ཛཏརཱུ་པ་པྲ་བྷ་དང་། ལོ་བྷྱ་དང་། བིཉྩ་ར་དང་། བྷ་སྲ་གནྟི་ཀ་དང་། དེ་དག་ནི་བ་བླའི་མིང་ངོ་། །མན་ཤི་ལ་དང་། ཤི་ན་སྨྲ་ཧོ་དང་། ཤི་ལ་ཨ་སྨྲ་དྷ་དང་། ཀུནྣ་དི་དང་། ཀ་ར་
[33a.3]བཱི་རི་ཀ་དང་། ནི་བ་ལ་དང་། གུབྟ་བ་དང་། མ་ནོ་ཧ་དང་། ནཱ་ག་ཛི་ཧི་དང་། དེ་དག་ནི་ལྡོང་རོས་ཀྱི་མིང་ངོ་། །གི་རི་མྲི་ག་དང་། གཾ་རི་ཀུ་ཏ་པ་ཤ་ན་དང་། རཀྟ་ད་རུ་དང་། སྟ་སྨྲ་ད་རུ་དང་། ལོ་ཧ་ཏ་དང་། གཅི་གུ་ཀུ་དང་། དེ་དག་ནི་བཙག་གི་མིང་ངོ་། །སུ་བྲྞ་གཻ་རི་ཀ་དང་། སཽ་ཉ་དང་།
[33a.4]ཙཀྵུ་ཤ་དང་། ཤེ་ལ་སམྦྷ་བ་དང་། སུ་རཀྟ་དང་། རཀྟ་ཤ་མ་དང་། ཀནྣ་བྷུ་ཤནྣ་དང་། དེ་དག་ནི་བཙག་ཡུག་སྣམ་གྱི་མིང་ངོ་། །ཛཱ་ཏི་དང་། ཧིཾ་གུ་ལ་ཀ་དང་། རཀྟ་དང་། བཱར་བྷ་ཏ་དང་། པརྦྷ་ཏོད་བྷ་བ་དང་། ཨ་ཏི་མུགྟ་དང་། སི་ཀ་ཏཾ་དང་། ཀྲའུ་ཙ་ལོ་ཧི་ཏ་དང་། དེ་དག་ནི་མཚལ་གྱི་མིང་
[33a.5]ངོ་། །མང་གོ་ལ་དང་། ཤི་ལ་དྷ་རུ་དང་། དྷ་བ་ལ་དང་། ཕན་དྷ་ར་ད་ར་དང་། སྟི་ཐ་དང་། གོ་མི་དི་ནི་ཀ་དང་། ཤྭེ་ཏ་ནི་ཀ་དང་། སུ་ད་པ་ཤ་ན་གོ་པ་ར་དང་། དེ་དག་ནི་ས་དཀར་པོའི་མིང་ངོ་། །ཀི་རི་པ་ཀ་དང་། སཽ་རཥྚི་ཏ་དང་། ཧི་མ་ཤོདྡ་ནི་དང་། མྲིད་ས་དང་། ཏྲི་ས་དང་། ཏྲིད་ཀ་སྣ་དང་།
[33a.6]མྲི་ད་ས་གྷ་དང་། ཀ་ཙ་དྭ་ཀ་ཀྵ་དང་། པྲ་ར་སུ་ཛ་དང་། དེ་དག་ནི་བེག་བན་ད་ཚུར་གྱི་མིང་ངོ་། །བ་གནྡྷ་དང་། གན་པ་ཤ་ན་དང་། བྷ་ན་སཽ་གནྡྷི་ག་དང་། སཽ་གནྡྷི་དང་། གནྡྷ་ཀུ་དང་། གནྡྷོ་དང་། གནྡྷ་ཨ་མྲ་དང་། པི་ད་གནྡྷ་ཀ་དང་། དེ་དག་ནི་མུ་ཟིའི་མིང་ངོ་། །ཨ་བྲ་གྲ་དང་། བི་མ་ལ་དང་། ཤུ་
[33a.7]བྷུ་དང་། བ་ར་པི་ཏ་དང་། པི་ཏ་ཀ་དང་། ནིརྨ་ལ་དང་། བར་བྷ་ཏོ་བྷུ་ཏ་དང་། ཨ་བྲ་པ་ཏ་ལ་དང་། དེ་དག་ནི་ལང་ཚེར་བའི་མིང་ངོ་། །བ་ལུ་ཀ་དང་། སྲིད་ཏ་དང་། སིར་དང་། ལོ་བྷ་མ་ཏ་དང་། པྲ་ལོ་བི་ནི་དང་། ནཱ་ནཱ་ད་ཏུ་མ་དང་། སུག་སྨ་དང་། སོ་བར་ན་སཾ་བྷ་བ་དང་། དེ་དག་ནི་གསེར་ལ་
[33b]
[33b.1]སོགས་པ་འབྱུང་ཁུང་གི་མིང་ངོ་། །ཏ་པྱ་དང་། མ་ཀྵི་ཀ་དྷ་ཏུ་དང་། ཏ་བྱ་ཛ་དང་། ཏ་བྷ་ཌ་མ་ཀྵི་ཀ་དང་། ཨ་བརྟ་དང་། བྷུ་མ་དྷུ་ད་རུ་དང་། ཏི་བི་ས་མུདྦྷ་དང་། དེ་དག་ནི་བུ་ལེན་ཏེ་དུབ་མར་རྫང་གི་མིང་ངོ་། །ཤཾ་ཁ་དང་། བྷི་རི་བྷ་དང་། ཀུམྦུ་དང་། ཛ་ལ་ཛ་ལ་དང་། དྷི་རྒ་
[33b.2]ནི་ས་ར་དང་། སུ་སྲ་རོ་དང་། དྷིརྒ་བ་དང་། དྷ་བ་ལ་དང་། སྲི་བྷི་བྷུ་ཤན་དང་། དེ་དག་ནི་དུང་གི་མིང་ངོ་། །ས་མུ་དྲ་ཕེ་ན་དང་། ཕེ་ན་དང་། ཤུཀྵ་ཤུ་ཀྵ་དང་། བ་ཡུ་ཏི་ཛ་དང་། སོ་དྷ་ནི་ཕེ་ན་དང་། ས་ག་ར་མ་ལ་དང་། དེ་དག་ནི་རྒྱ་མཚོ་དབུ་བའི་མིང་ངོ་། །
[33b.3]གོ་རོ་ཙནྡ་དང་། པིག་ལ་དང་། རུ་ཙིར་དང་། རུ་ཙི་དང་། མེ་ད་དང་། གཽ་རི་དང་། གཽ་ཏ་མི་དང་། བནྡ་ནི་ཡ་དང་། གྲཧ་ཕ་ཧ་དང་། དེ་དག་ནི་གི་ཝང་གི་མིང་ངོ་། །སིནྡྷུ་ར་དང་། རཀྟ་རེ་ན་དང་། ནཱ་ག་རཀྟ་དང་། ནཱ་ག་ཛ་དང་། སྲི་ག་པུ་ཤ་ན་དང་། སྲི་
[33b.4]མནྟ་དང་། བ་སནྟུད་པ་ཙ་མནྡྷ་དང་། དེ་དག་ནི་ལི་ཁྲིའི་མིང་ངོ་། །ཀཾ་ཀུ་ཤ་ཏ་དང་། བཱི་རངྒ་དང་། རངྒན་ག་དང་། རོ་ཙ་ན་དང་། མཱུ་ལ་ཀ་དང་། ཏྲ་ས་དང་། ཤོ་དྷ་དང་། ཀ་ཙ་པ་ལ་ཀ་དང་། དེ་དག་ནི་ཀར་ཀུ་ཤ་ཏའི་མིང་ངོ་། །ཏུནྣ་དང་། ཏུནྣ་ཀ་དང་། ཀད་ཚ་
[33b.5]ཀ་དང་། ཨ་བི་ཏ་དང་། ཏུཏྣཀ་དང་། ཀུ་བེེ་རེ་ཀ་དང་། ཀནྟ་ལ་ཀ་དང་། ནག་ཏི་བིར་ཀྵུ་དང་། ནནྟི་ཀ་དང་། དེ་དག་ནི་ཏུ་ནའི་མིང་སྟེ། སེར་ཚོས་འབྲས་བུ་སེར་པོའོ། །སུ་ར་མནྡྷ་པུ་ས་ན་ས་དང་། པ་རི་སྲུ་དང་། མ་དི་ར་ར་བ་ར་དང་། བ་རུ་ནི་དང་།
[33b.6]མ་ད་ནི་དང་། བི་ར་དང་། དེ་བ་ཤྲེཥྚ་དང་། མི་ཏྲིད་བྷུ་བ་དང་། ཀ་ཏམྦ་རི་དང་། གྷནྡྷ་རུ་སུ་ར་དང་། ཏ་དང་རུ་ཛ་ལ་དང་། དེ་དག་ནི་ཆང་གི་མིང་ངོ་། །མརྟི་ཀ་དང་། མ་དྷུ་དང་། མ་དྷུ་ཤི་ཤྲིཥྚ་དང་། མ་དྷཱུ་ད་ཀ་དང་། མ་དྱ་ཏ་དང་། དེ་དག་ནི་རྒུན་ཆང་
[33b.7]གི་མིང་ངོ་། །རྒུན་ཆང་བསྐོལ་བ་ནི་དྲོ་འཇམ་ཞེས་བཤད་དོ། །བུ་རམ་གྱི་ཁུ་བ་ནི་ཨི་ཤུ་ར་ས་ཞེས་བྱའོ། །དེ་བསྐོལ་བ་ལས་བྱུང་བ་ནི་བུ་རམ་ཆང་ཞེས་བྱའོ། །སྨན་བསྐོལ་བའི་ཁུ་བ་དངས་མའི་ནང་དུ་བུ་རམ་ལ་སོགས་པ་བཅུག་ནས་ཡུན་རིང་དུ་གཞག་པའི་བཏུང་བ་ནི་ཨ་
[34a]
[34a.1]ས་བའི་ཆང་ཞེས་བཤད་དོ། །དེ་ཤིན་ཏུ་གྲང་བ་ནི་ཨ་ས་གྲང་མོ་བཏུང་བ་ཞེས་བཤད་དོ། །ད་ད་ཀི་ཆམ་ཆོམ་བརྡུངས་པ་བསྐོལ་བའི་ཁུ་བ་དངས་མའི་ནང་དུ་ལི་ཁར་བཏབ་ནས་གཞག་པའི་བཏུང་བ་ནི་ལི་ཁ་རའི་ཆང་ཞེས་བྱའོ། །ད་ད་ཀི་དང་། བུ་རམ་
[34a.2]ལྷན་ཅིག་བསྐོལ་བའི་བཏུང་བ་ནི་གཽ་དའི་ཆང་ཞེས་བཤད་དོ། །ད་ད་ཀི་དང་། སྦྲང་རྩི་དང་ཆུ་གསུམ་བསྐོལ་བ་ནི་མད་པ་ཞེས་བྱ་བའི་བཏུང་བ་ཡིན་ནོ། །ཧྭགས་དང་། ད་ད་ཀི་དང་། ཆུ་ལྷན་ཅིག་བསྐོལ་བ་ནི་ཁཎྜའི་བཏུང་བ་ཞེས་བྱའོ། །འབྲས་ལ་སོགས་པ་ལས་བྱས་
[34a.3]པའི་ཆང་ནི་འབྲུའི་ཆང་ཞེས་བྱ་བ་སྟེ། ཀ་ཏུ་ལ་དང་། ཀོ་ལ་ཧིའི་རྣམ་གྲངས་སོ། །བཏགས་པ་ལས་བྱས་པའི་ཆང་ནི་འབྲུའི་ཆང་ཞེས་བྱ་སྟེ། དེའི་མིང་ནི་མེ་དང་། ཀ་དང་། ཛ་ལ་ཀ་དང་། ཛ་ག་ག་ལ་དང་། གྷན་དང་། བ་ག་པ་དང་དེ་དག་གོ། །ཆང་ངོ་ཅོག་ལེགས་
[34a.4]པར་སྨིན་པ་སྤྱིའི་མིང་ནི། མ་དྷུ་མ་ག་ཞེས་བྱའོ། །ཆང་ཤིན་ཏུ་སྐྱུར་བར་གྱུར་པ་ནི། ཙུགྟ་དང་། ཚནྡན་དང་། སུ་ར་ས་སུ་ཏ་ཞེས་བྱ་བ་སྟེ། ཚའི་མིང་ངོ་། །ཀཉྩི་ཀ་དང་། ཨ་ར་ན་ལ་དང་། ཀཉྫ་དང་། དེ་བྱ་ཨ་ལ་བ་དང་། ཨ་ཨན་དི་སུ་མ་དང་། སིའུ་བི་ར་དང་། དེ་
[34a.5]དག་ནི་རྩབས་སྐྱུར་བ་སྟེ། རང་སྐྱུར་གྱི་མིང་ངོ་། །དེའི་སྙིགས་མ་ནི་ཀ་ཏ་རི་ཞེས་བྱ་སྟེ། ནས་ཁྲལ་ཁྲོལ་ཙམ་དུ་བཏགས་པ་ཕུབ་མ་དང་བཅས་པར་ཆུར་སྤངས་པའི་ནང་དུ་མུངྒའམ། སྲན་ཆུང་ལ་སོགས་པའི་ཆང་བུས་བཅུ་སྟེ་ཉི་མ་ལ་གཞག །སྐྱུར་བར་གྱུར་པའི་བཏུང་བ་ནི། སནྡྷ་ན་དང་། ཨ་
[34a.6]བྷི་ཤིཉྫ་དང་། ཨ་སུ་དང་། ཨུ་སུ་བོ་ཞེས་བྱ་སྟེ། དེ་དག་ནི་མིང་གི་རྣམ་གྲངས་སོ། །གཞན་ཡང་རྒུན་འབྲུམ་དང་། བུ་རམ་ཤིང་གི་ཁུ་བ་དང་། སྦྲང་རྩི་དང་། འབྲས་དམར་པོ་དང་། འབྲས་དྲུག་ཅུ་པ་དང་། དེ་དག་ལས་ཆང་བྱས་པ་ཡང་ཆང་གཞན་དང་ནུས་པ་མཚུངས་
[34a.7]པར་བལྟའོ། །འབྲས་དམར་པོ་ལ་སོགས་པ་ནི་གྲམ་ཅན་གྱི་འབྲུ་ཞེས་བྱའོ། །མུངྒ་ལ་སོགས་པ་ནི་གང་བུ་ཅན་གྱི་འབྲུ་ཞེས་བྱའོ། །ཁྲེ་དང་ཅི་ཙེ་ལ་སོགས་པ་ནི་རྩྭའི་འབྲུ་ཞེས་བྱའོ། །དྲུག་ཅུ་པ་ལ་སོགས་པ་ནི་འབྲས་ཞེས་བྱའོ། །འབྲས་བུ་དམར་པོ་ནི་འབྲས་ཀྱི་མཆོག་ཡིན་
[34b]
[34b.1]ནོ། །འབྲུའི་ནང་ན་དྲུག་ཅུ་པ་མཆོག་ཡིན་ནོ། །པྲི་ཡངྐུ་དང་། ཀ་ཏ་སུ་གཉིས་དང་། དེ་དག་ནི་ཁྲེའི་མིང་ངོ་། །ཀོ་ར་ཏུ་ཤ་དང་། ཀོ་ཏ་བ་ནི་དང་། ཅི་ཙེའི་མིང་ངོ་། །གུ་ཏི་དྲ་ན་དང་། ནྲི་ཏ་ཀུ་ཏ་རུ་དང་། མ་ལི་ཙི་ཀ་དང་། སྟན་ཏུ་དང་། ནི་ཛི་དང་། ནྲིདྡ་ཀུནྡ་ཀ་
[34b.2]དང་། དེ་དག་ནི་འབྲས་མ་དུ་ལུང་གའི་མིང་ངོ་། །གྷ་པ་བྷུ་ཀ་དང་། གྷི་བི་ཙྭ་ཧྭ་དང་། ཀ་ཤི་ཀ་དང་། དེ་དག་ནི་འབྲས་ཀ་ཙ་ད་ཀའི་མིང་ངོ་། །ཛུརྞ་ཧྭ་དང་། ཨུ་ད་ནི་ཀ་དང་། ཤྚ་མ་ཀུ་དང་། མུ་ནི་བི་ཛི་ན་དང་། ཤ་མ་ཀ་དང་། དེ་དག་ནི་ཁྲེ་རྒོད་ཀྱི་མིང་ངོ་། །
[34b.3]ནི་བ་ར་དང་། མུ་ནི་བག་ཤ་དང་། དེ་དག་ནི་ནི་བ་རའི་མིང་ངོ་། །གོ་དྷུ་མ་དང་། ཡ་མ་ལ་ནི་གྲོའི་མིང་ངོ་། །ནགྟི་མ་ཁུ་དང་། ཀ་ཡ་ནི་དང་། ཤུ་ཀ་དང་། ཀིང་ཤ་ཏ་ཀ་དང་། དེ་དག་ནི་ནནྟི་མུ་ཁའི་མིང་སྟེ་ནས་རྒོད་ཡིན་ནོ། །མང་གྷ་ལ་དང་། ཧི་རི་ཏ་དང་། མུངྒ་
[34b.4]དང་། དེ་དག་ནི་མོན་སྲན་སྔེའུའི་མིང་ངོ་། །ཏུ་པ་རི་དང་། ཨརྡ་ཀ་དང་། དེ་དག་ནི་ཏུ་པ་རིའི་མིང་ངོ་། །ཧ་རི་ནི་པ་རི་དང་། ཙ་ན་དང་། དེ་ནི་བུ་འོའི་མིང་ངོ་། །ཀྲི་ཤན་ཞེས་བྱ་བ་ནི་མོན་སྲན་ཙ་ནའི་མིང་ངོ་། །ཤེ་ཏ་ཤིམྦ་དང་། ཁནྟི་ཀ་དང་། པྲི་པུ་ཏ་དང་།
[34b.5]དེ་དག་ནི་ནིས་པ་པའི་མིང་ངོ་། །ར་ཛ་མི་ཤ་དང་། ཙ་པ་ལ་དང་། བྷ་ན་མུངྒ་དང་། མ་ཡུཥྚ་ཏ་ཀ་དང་། དེ་དག་ནི་ར་ཛ་ཤ་སྟེའི་མིང་ངོ་། །ད་ནྱ་དང་། པུ་ལ་ཀུ་དང་། ནིས་ཡན་དང་། པྲ་ས་ག་ན་དང་། པྲ་ས་ཏི་དང་། ཨ་ཏི་ཏ་ཀ་ལ་པྲ་ཏི་ཀ་དང་། དེ་
[34b.6]དག་ནི་འབྲུ་སྤྱིའི་མིང་ངོ་། །ཤིན་ཏུ་སླ་བར་བྱས་པའི་ཐུག་པ་ནི། ཐུག་པ་རྐྱང་རྐྱང་པ་ཞེས་བྱའོ། །དེ་བས་ཡིད་སྐ་བ་ཙམ་དུ་སྟོང་སྟེ། ཕྱར་ལས་གྱུར་པ་ནི་ཐུག་པ་ཞེས་བྱའོ། །དེ་བས་གར་བར་འགྱུར་ཏེ། ཁ་གཟར་གྱིས་བཅུ་རུང་བ་ཙམ་དུ་སོང་བ་ནི། ཐུག་པ་
[34b.7]འདག་གུ་ལྟ་བུ་ཞེས་བྱའོ། །ཨོ་ད་ན་དང་། ཨནྡ་བཾ་དང་། བོ་ཛ་དང་། ཨ་ཧ་ར་དང་། ཨ་ཤ་ན་དང་། དེ་དག་ནི་འབྲས་ཆན་གྱི་མིང་སྟེ། བཟའ་བ་ཞེས་བྱའོ། །སྔ་དྲོ་བཟའ་བ་ནི་པར་ཏ་ཞེས་བྱའོ། །ཕྱི་དྲོ་བཟའ་བ་ནི་ས་པ་ཤ་ཞེས་བྱའོ། །པྲི་ཐུ་
[35a]
[35a.1]ག་དང་། རུ་གུ་ལ་དང་། དེ་དག་ནི་གྲོ་དང་ནས་ལ་སོགས་པའི་སྙེ་མ་སྨིན་པ་ལ་རག་རོག་བསྲེགས་པའི་མིང་ངོ་། །ཙི་པ་ཏ་དང་། ཏཎྜུ་ལ་ནི་འབྲུ་མ་སྨིན་པ་བརྡོས་ཤིང་བཙོས་པའི་ཆང་གི་མིང་ངོ་། །གྲོ་ཞིབ་ཏུ་བཏགས་པ་ནི་ཀ་ནི་ཀ་
[35a.2]ཏ་སྟེ། བག་ཕྱེ་ཞེས་བྱའོ། །འབྲས་དང་། སྒང་བུ་ཅན་དང་། གྲ་མ་ཅན། ནས་ལ་སོགས་པ་ལས་ནི་སྐྱོ་མའི་རྒྱུ་བྱའོ། །ཏིལ་བཏགས་པ་ཆུ་དང་སྦྱར་བ་ནི་པ་ལ་ལ་ཞེས་བྱའོ། །ཤ་སྐམ་པོ་ནི་བ་ལུ་ར་ཞེས་བྱའོ། །བྱི་ན་ཀ་དང་། ཁ་ན་དང་། པི་
[35a.3]པི་ལ་དང་། དེ་དག་ནི་ཏིལ་གྱི་ཚིགས་མའི་མིང་ངོ་། །ཞོ་དང་སྦྲང་རྩིར་སྦྱར་བ་ནི་མརྫ་ཏ་ཞེས་བྱའོ། །ཞོ་དང་དྲི་སྣ་བཞིར་སྦྱར་བ་ནི་ཤིང་ཁ་རི་ན་ཞེས་བྱའོ། །སྦྱོར་བ་དེ་གསུམ་རེ་རེའི་ནང་དུ་ན་ལེ་ཤམ་གྱིས་བསྲེས་པ་ཡང་མིང་དེ་ལྟར་གདགས་སོ། །ཨུ་ད་གི་རིག་དང་། སྟུ་པ་ལི་སྐ་དང་། པུ་
[35a.4]བ་དང་། བཀྵ་དང་། དེ་དག་ནི་ཁུར་བའི་མིང་ངོ་། །གྲོ་དང་འབྲས་ལ་སོགས་པ་བཏགས་པའི་སྣུམ་ཁུར་ནི། ཨ་དུ་པ་ཞེས་བྱའོ། །སྣུམ་ཁུར་སྐམ་པོ་ནི་པར་ཏ་ཞེས་བྱའོ། །གང་ཞོ་དང་བསྲེས་པ་ནི་ཞོ་ཅན་ཞེས་བྱའོ། །སྨན་བསྐོལ་བའི་རང་གི་ཁུ་བའི་ནང་དུ། འོམ་དང་བསྲེས་པ་ནི་འོ་མ་ཅན་
[35a.5]ཞེས་བྱའོ། །ལན་ཚྭ་དང་སྦྱར་བ་ནི་ལན་ཚྭ་ཅན་ཞེས་བྱའོ། །མུད་དག་དང་སྦྱར་བ་ནི་མུད་དག་ཅན་ཞེས་བྱའོ། །ཐུར་མ་ལ་བསྲེགས་པ་ནི་ཐུར་མ་ཅན་ཞེས་བྱའོ། །དུད་པས་བདུགས་པ་ནི་བ་སི་ཏ་ཞེས་བྱའོ། །སྨན་བསྐོལ་བའི་རང་གི་ཁུ་བའི་ནང་དུ། སྨན་དེ་ཉིད་དང་བསྲེས་པ་ནི་སྨན་གཞན་
[35a.6]དང་བསྲེས་པ་ཡང་རུང་སྟེ། དེ་ནི་བྷ་བ་ཏེ་ཞེས་བྱའོ། །གང་ན་འོ་མ་དང་བཙོས་པའི་ཆན་ནི་པ་ཡ་ས་ཞེས་བྱའོ། །ཏིལ་དང་འབྲས་ལྷན་ཅིག་བཙོས་པའི་ཟན་ནི་ཀྲི་ས་ར་ཞེས་བྱའོ། །ལྷ་མ་མཆོད་པའི་ཟན་ནི་ཧ་བྱ་ཞེས་བྱའོ། །མཚུན་གཏོར་ལ་བསྔོས་པའི་ཟས་ནི་ཀ་བྱ་ཞེས་བྱའོ། །གང་འོ་མ་དང་སྦྱར་
[35a.7]བའི་ཟན་ནི་བཱར་མནྣ་མ་ན་ཞེས་བྱའོ། །ཞེས་ལ་ལ་དག་འཆད་དོ། །ལ་དུའི་མིང་ནི་མོ་ད་ཀ་ཞེས་བྱའོ། །ཆུ་གྲང་གི་ནང་དུ་མར་ཉུང་ཤས་བཏབ་སྟེ་ཧ་ཅང་མི་སླ་མི་སྐ་བ་ནི་སྐྱོ་མ་ཞེས་བྱའོ། །རྒུན་འབྲུམ་དང་། པ་རུ་ཤ་དང་། འབྲ་གོ་དང་། ལི་ཁ་ར་དང་། སྦྲང་རྩི་དང་ལྡན་པའི་ཆུའི་ནང་དུ། འབྲས་
[35b]
[35b.1]ཡོས་ཀྱི་ཕྱེ་དང་། མར་བཏབ་པ་ནི་སྙིང་པོ་ལྔའི་ཕྱེ་མ་ཞེས་བྱའོ། །ཤ་ཁུ་དང་། ལུ་སུའི་ཁུ་བ་བསྲེས་པའི་ནང་དུ། འབྲས་བུ་གསུམ་དང་། ཏིལ་གྱི་ཚིགས་མ་དང་། ལ་ཕུག་སྐམ་པོ་དང་། ཏིལ་བཏགས་པ་དང་། སྐྱུར་གང་ཡང་རུང་བ་མང་དུ་བསྲེས་པ་ནི་ཀམྦི་ལ་ཞེས་བྱའོ། །
[35b.2]ནད་ཀྱི་བྱེ་བྲག་གིས་སྣུམ་འཆོས་དང་། རྩུབ་འཆོས་གང་རིགས་པར་བྱེད་པར་ནི་ཀྲི་ཏ་ཀྲ་ཏ་ཞེས་བྱའོ། །ཤ་ཉུང་ཤས་དང་། འུ་སུ་དང་། སེའུ་འབྲུ་ལ་སོགས་པ་བསྐོལ་བའི་དངས་མ་ནི་དྷ་ཀལ་དང་། བ་ནི་ཞེས་བྱའོ། །ཞེས་དྲང་སྲོང་དག་འཆད་དོ། །ཧ་ཏི་དང་། ཨི་པུ་དང་། བ་ར་ནུ་
[35b.3]དང་། དུནྟི་དང་། ཏྲི་ར་དུ་དང་། མ་ཏང་གདང་། དྭ་བི་དང་། ག་ལ་བྷ་དང་། པུ་ཀྵ་རི་དང་། ནཱ་ག་དང་། ཀུཉྫ་ར་ཛ་དང་། ཤ་གྷི་ཧ་ཡན་དང་། དེ་དག་ནི་གླང་པོ་ཆེའི་མིང་ངོ་། །ཀཻ་རེ་ཎུ་ཀ་དང་། ཧ་ཏི་བུ་ག་དང་། དེ་དག་ནི་གླང་པོ་ཆེ་མོའི་མིང་ངོ་། །ཨ་ཤྭ་དང་། བི་ཛ་དང་། ཧ་ཡ་དང་། ཤ་
[35b.4]ཤ་ལི་རུ་རྫ་དང་། ཏུ་རཾ་ག་མ་དང་། གོ་ཏ་དང་། བ་ཧུ་དང་། པ་རི་དང་། སབ་ཏི་དང་། སུ་རཾ་ག་དང་། སྟུ་རཾ་གོ་དང་། ཛ་བི་དང་། དེ་དག་ནི་རྟའི་མིང་ངོ་། །བ་ཏྲ་བ་དང་། གྷོ་ཏོ་ཀ་དང་། དེ་དག་ནི་རྒོད་མའི་མིང་ངོ་། །སིཾ་ཧ་དང་། མྲི་ག་རི་དང་། ཤ་རུ་ལ་དང་། ཀེ་ས་རི་དང་། ཤེ་ཏ་པ་ཀ་ལི་
[35b.5]དང་། ཧ་རེ་དང་། པཉྪུ་མུ་ཀ་ཁ་དང་། ཀྲ་བྱ་དང་། མི་ར་ག་ར་ཛ་དང་། སྲ་ཀྲི་པྲ་ཛ་དང་། དེ་དག་ནི་སེང་གེའི་མིང་ངོ་། །བྷྱ་གྷ་དང་། སྟ་ར་སི་དང་། མྲི་ག་ར་དང་། དཥྚི་དང་། ཙིད་ཏྲ་དང་། གུ་པ་ཀ་ཡ་དང་། བྷྱ་ལ་དང་། པཉྪ་ནཱ་ག་དང་། དྭི་བི་དང་། མྲི་ག་ཏ་དང་། བྷི་མ་དཪྴ་ན་དང་། དེ་དག་ནི་
[35b.6]སྟག་གི་མིང་ངོ་། །ཨུ་ཤོ་དང་། བྷུ་རི་ག་མོ་དང་། བྷ་ཡ་དང་། ཀ་ར་བུ་དང་། དྷིརྒྷ་དང་། མརྒྷ་དང་། དྭ་ཀ་ཀུ་དང་། ཤ་ཀུ་ས་ནི་དང་། བག་ཀྲ་གྷུ་ལ་བ་དང་། སུ་ཅིག་ཀྲ་མ་དང་། དེ་དག་ནི་རྔ་མོའི་མིང་ངོ་། །གྷར་དྷ་པ་དང་། ར་ས་གུ་དང་། བ་ས་ཧྭ་དང་། དྭེ་ར་ཏ་དང་། དྷུ་ར་ཀ་དང་། ཁ་
[35b.7]ར་དང་། བཱ་ལི་ཡ་དང་། ཤཾ་ཀུ་ཀརྞ་དང་། བྷག་ཀྲ་བ་དང་། གྷ་ལི་དུ་ས་ར་དང་། དེ་དག་ནི་ལུང་བོང་གི་མིང་ངོ་། །དནྡུ་དང་། གོ་པ་ཏི་དང་། ཀ་ཀུ་སྨན་དང་། བྲི་ཤ་བཅུ་དང་། ཨུ་གྲུབ་དང་། དན་མྱོ་དང་། བལླི་བྲྡྷ་དང་། གའུ་རཀྵ་ཤ་དང་། དྷུ་པ་ར་ཏ་དང་། དེ་དག་ནི་གླང་གི་མིང་ངོ་།
[36a]
[36a.1]ག་པུ་དང་། ཨ་དྷི་དང་། པུ་ར་བི་དང་། དྷི་བུ་དང་། བྲི་ཤཱ་ཏི་དང་། ནནྡ་ནི་དང་། བ་སུ་དང་། དེ་དག་ནི་བའི་མིང་ངོ་། །རྒྱུན་བེའུ་སྐྱེ་བའི་བའི་མིང་ནི་ཀ་ཡ་ཞེས་བྱའོ། །ལན་ཅིག་བེའུ་སྐྱེས་པའི་མིང་ནི་གྷུཥྚ་ཞེས་བྱའོ། །མ་ཧེ་ཤུ་དང་། ག་པ་ལ་དང་། དན་
[36a.2]ཤི་ནི་དང་། དན་ཤ་བི་རུ་ཀ་དང་། ཀ་ལུ་ཀ་དང་། ཤྲིང་གི་དང་། བྲ་བུ་ཀནྡ་དང་། ར་ཛ་ས་ལ་དང་། དེ་དག་ནི་མ་ཧེའི་མིང་ངོ་། །མྲྀ་གུ་དང་། ཏ་ར་ན་དང་། ཏྱ་ཤཱ་དང་། ཤ་རཾ་ག་དང་། ཀྲྀཥྞ་ཤར་ག་དང་། ཡེ་ན་དང་། ཤ་པ་ལ་བྲྀཥྚ་དང་། པ་ཤ་ག་དང་། ར་ཙ་ལོ་ཙ་ན་དང་། དེ་
[36a.3]དག་ནི་རི་དགས་ཀྱི་མིང་ངོ་། །བཱ་རཱ་ཧ་དང་། བྷག་ཀྲ་དང་། ཤུ་ཀ་དང་། སཱུ་ཀ་ར་དང་། རོ་མ་ཤ་དང་། ཀི་ཏི་དང་། དཥྚ་དང་། དནྟ་ཡུ་ཏ་དང་། ཙན་ཏྲ་དང་། བི་ར་ཀནྡྷ་དང་། བྷའུ་པྲ་ཛ་དང་། དེ་དག་ནི་ཕག་གི་མིང་ངོ་། །བི་དང་། ལུ་དང་། བྲི་ཤ་དན་ཤ་དང་། མྲར་ཛ་དང་།
[36a.4]དིབ་ད་ལོ་ཙ་ན་དང་། མ་ཡ་བྷི་དང་། ཀྲི་ཤ་ཤ་ཀི་དང་། བུག་ཀ་དང་། ཙིནྡུ་ག་དང་། ན་ཀུ་ལ་རི་དང་། དེ་དག་ནི་བྱི་ལའི་མིང་ངོ་། །མུ་ཤ་ཀ་དང་། ཨིནྡུ་ར་ཕ་ལ་དང་། བཻ་ཏོ་དང་། ཨ་ཁུ་དང་། བི་ལི་ཤ་ཡ་དང་། སརྦ་པ་ཧ་ར་དང་། དེ་དག་ནི་བྱི་བའི་མིང་ངོ་། །ཚུད་ཚུན་ད་རི་དང་།
[36a.5]ར་ཛ་པུ་ཏྲ་དང་། པུ་ཏི་མུ་ཤི་ཀ་དང་། གནྡྷ་མུ་ཤི་ཀ་དང་། དེ་དག་ནི་བྱི་བའི་རིགས་གནྡྷ་མུ་ཤིའི་མིང་ངོ་། །པྲི་ཀ་ལུ་དང་། ཛམྦུ་ཀ་དང་། ཀྲིཥྚ་དང་། གོ་མ་ས་དང་། ཤི་པ་དང་། བག་ཚ་ར་དང་། མྲྀ་ག་དུརྟ་དང་། བྷ་རུ་ག་དང་། གོ་རབ་དང་། དེ་དག་ནི་ཅེ་སྤྱང་གི་མིང་ངོ་། །ཀུ་ཀུ་ར་
[36a.6]དང་། སྭ་ར་མི་ཡ་དང་། བྷནྡ་དང་། ཤ་ན་ཁ་དང་། ཤུ་ན་དང་། བྷ་ལ་ལུ་ཀ་དང་། བྷུ་རུ་ཀ་དང་། པུ་ཀ་ར་ཤི་དང་། ཀྲི་ཏག་སྣ་དང་། དེ་དག་ནི་ཁྱིའི་མིང་ངོ་། །མར་ཏ་ཀ་དང་། བཎ་རྫ་དང་། མུ་ས་དང་། ཧ་རེ་དང་། ཤ་ཁ་མྲྀ་ག་དང་། ཀ་བི་དང་། སླ་མར་གྷ་མར་དང་། བ་ན་ཙ་ར་
[36a.7]དང་། དུར་མུ་ཁ་དང་། ནི་རི་གོང་ཙེར་དང་། དེ་དག་ནི་སྤྲེའུའི་མིང་ངོ་། །ཚ་གུ་དང་། ཨ་ཛ་དང་། ཙག་ལ་དང་། བ་སྟ་དང་། བྷུ་ག་དང་། པ་ཡ་ས་ལ་དང་། ཨ་ཛོ་དང་། མུ་ག་དང་། ཚ་ག་ལ་ཀ་དང་། ལམྤ་ཀརྞ་དང་། པ་ཤུ་དང་། དེ་དག་ནི་རའི་མིང་ངོ་། །མེ་ཥ་དང་། མེ་དྷ་དང་། ཧུ་
[36b]
[36b.1]ཏ་དང་། ཨུར་བྲ་དང་། ཨ་བི་དང་། ཨ་ལི་ལུ་དང་། ལི་ལུང་དང་། ཙ་ར་ཀ་དང་། པྲི་ཐུར་ཤྲི་ག་ཀ་དང་། དེ་དག་ནི་ལུག་གི་མིང་ངོ་། །པཱ་ཀྵ་ཏ་ཏི་དང་། པིགྒ་དང་། བི་ཧ་ག་དང་། ཤ་ཀུ་ནི་ད་དང་། པད་ཏྭ་ར་ཐུ་དང་། དྭི་དང་། ཡན་དྷྱ་ཐ་དང་། བ་ཧང་ག་མ་དང་། དེ་དག་ནི་བྱ་
[36b.2]རྣམས་ཀྱི་མིང་ངོ་། །མ་ཡཱུ་ར་དང་། བྷན་རི་ན་དང་། ཤི་ཁནྟི་དང་། ནཱི་ལ་ཀཎྛ་ཀ་དང་། ཤི་ཁི་དང་། ཤ་དང་། པཏྟྲ་དང་། མེ་གར་བ་དང་། ཀ་ལི་པི་དང་། པྲི་ཏྲ་པིཉྩ་ཀ་དང་། དེ་དག་ནི་རྨ་བྱའི་མིང་ངོ་། །ཀུར་ཀུ་ཏ་དང་། སྟམ་མ་བུརྡ་དང་། བྷི་ཀྵི་ཀ་ར་དང་། ཙ་ར་ན་ཡུ་ཏ་དང་།
[36b.3]ཀྲི་ཀ་བ་ཀུ་དང་། བ་ཧུ་བ་ཏུ་དང་། ད་ཀྵ་དང་། ཤའུ་ཏྲི་དང་། ཤི་ཧིནྡྲི་ཀ་དང་། དེ་དག་ནི་ཁྱིམ་བྱ་སྟེ། བྱ་གག་གི་མིང་ངོ་། །ཙ་ཀྲ་བ་ཀ་དང་། ཙ་ཀྲ་ཧྭ་དང་། པ་ཏྲ་རླ་ཐུ་དང་། ར་ཐི་དང་། ར་ཐ་ག་ན་མ་དང་། སུ་ཤི་ཀ་དང་། ཀ་མུ་དང་། ར་ག་ཏ་དང་། དེ་དག་ནི་དུར་པའི་མིང་ངོ་། །
[36b.4]ཧནྶ་དང་། ཤྭེ་ཏ་དང་། དརྡ་རཥྚ་དང་། ར་ཛ་ཧནྶ་དང་། མ་ནུ་ར་མ་དང་། ཀ་ལ་ཧནྶ་དང་། བ་ར་བི་ཏ་དང་། བཱ་ཀྲ་ག་དང་། ཛ་ལ་པ་ཏྲ་དང་། དེ་དག་ནི་ངང་པའི་མིང་ངོ་། །ཀོ་ཀི་ལ་དང་། པ་ར་པུ་ཤེ་དང་། ཀ་ལ་ཀནྟ་དང་། པ་ར་བྲི་ཐ་དང་། བ་སནྟ་ཏུ་ཏ་དང་། ཏ་མ་མྲ་ཀྵུ་དང་། གྷནྡརྦ་
[36b.5]དང་། མདུ་ར་སྭ་ར་དང་། དེ་དག་ནི་བྱ་ཁུ་བྱུག་གི་མིང་ངོ་། །ཀ་ཀ་དང་། དྲང་ཤ་དང་། བྷ་ལི་བྷུག་དང་། དུ་ལི་ཛ་ཀ་དང་། བྷ་ཡ་ས་དང་། ཀ་ན་དང་། རིཥྚ་དང་། ཨ་པྲ་མ་ཏ་དང་། ཙི་ར་ཛི་བ་དང་། ནི་བི་ཏ་ཀྲིད་དང་། དེ་དག་ནི་བྱ་རོག་གི་མིང་ངོ་། །ཨུ་ལུ་ཀ་དང་། བྷ་ཡ་ས་རི་པུ་དང་།
[36b.6]ཀཽ་ཤི་ཀ་དང་། རི་ཏ་ཙ་ར་དང་། ནགྟ་ཙ་རི་དང་། ཀ་ཀཥྚ་ཊྱ་དང་། དེ་བནྡ་དང་། ཨ་མཾ་ག་ལྱ་པཀྵི་དང་། ཧི་ར་ལོ་ཙན་དང་། དེ་དག་ནི་འུག་པའི་མིང་ངོ་། །བ་དང་། གྷ་ཧ་པཀྵ་དང་། གྲི་ཏ་ཀ་པོ་ཏ་དང་། གྷྲི་ཧ་ཤ་པུ་དང་། བརྦུ་ཧ་དང་། རག་ཏནྟ་ཙ་མ་ཀ་ན་དང་། དེ་དག་ནི་ཕུག་རོན་
[36b.7]གྱི་མིང་ངོ་། །ཤུ་ཀ་དང་། ཀི་རུ་དང་། རཀྟ་རུནྟ་དང་། མི་ད་བྱི་དང་། བྲི་ཡ་དར་ཤ་ན་དང་། མ་ཧཱ་རཱ་ཛ་ཤུ་ཀ་དང་། ཤ་ཏ་པ་ཏྲ་དང་། དེ་དག་ནི་ནེེ་ཚོའི་མིང་ངོ་། །བཻ་ད་བཱི་ནི་དང་། ཤ་རི་ཀ་དང་། གོ་རི་ཀ་དང་། ཀ་ལ་ཧ་ཀུ་ལ་དང་། སོ་མ་དང་། གོ་རི་ཏིག་དང་། གོ་ཀི་ར་ཏི་དང་། དྷུ་
[37a]
[37a.1]ཏི་ཀ་དང་། པྲི་ཡ་ན་དི་ནི་དང་། དེ་དག་ནི་རི་སྐེགས་ཀྱི་མིང་ངོ་། །སོ་མ་དང་། བྲ་མ་ར་དང་། ཤད་པརྡ་དང་། བྲྀངྒ་དང་། བྲྀངྒ་ར་ཛི་དང་། ཤི་ལ་མུ་ཁ་དང་། དྭི་རི་པ་དང་། ཨ་ལ་དང་། མ་དུ་ཀ་ར་དང་། མ་དུ་ལི་དང་། བུ་ཤྱ་ལོ་ལུ་པ་དང་། དེ་དག་ནི་བུང་བའི་
[37a.2]མིང་ངོ་། །ཙ་ཏ་ཀ་དང་། ཀ་ལ་བི་ཀ་དང་། ཀུ་ལི་ག་དང་། ཀུ་ལི་དང་། བཱ་ར་དྭ་ཛ་དང་། ཛ་ཏི་དང་། བྷུ་མི་དང་། དེ་དག་ནི་བྱེའུ་མཆིལ་པའི་མིང་ངོ་། །སྭ་ར་ན་དང་། མ་དུ་དང་། མ་ཀྵ་ཀ་དང་། དེ་དག་ནི་སྦྲང་མའི་མིང་ངོ་། །ཨ་ཏི་དང་། ཨ་སུ་བླ་བ་ཏི་དང་། བླ་བ་དང་། ན་ར་
[37a.3]ཏ་དང་། བར་ལི་དང་། ཧནྶི་དང་། བ་ལ་དང་། ཀེ་ས་རཉྫི་ཀ་དང་། ཤ་ར་རཱི་ར་ཏ་དང་། ཀྲོཉྩ་དང་། པུ་ཏི་ཀ་དང་། དེ་རྣམས་ནི་ཆུ་ལ་གནས་པའི་བྱ་རྣམས་ཏེ་ཨ་ཏི་ཀ་ཞེས་བྱའོ། །ཀུ་རུ་ད་ཞེས་བྱ་བ་ནི་བྱ་ཨུ་གྲོ་ཤ་ཡིན་ནོ། །ཤུ་ཀུནྡ་དང་། བྷ་ས་དང་། གྷིདྡ་དང་། དེ་དག་ནི་བྱ་རྒོད་
[37a.4]ཀྱི་མིང་ངོ་། །ཙརྨ་ཙི་ཀྲི་ཀ་དང་། ཛ་ལུ་ཀ་དང་། ཛ་ལ་ཙ་རི་ནི་དང་། བརྨ་སྭ་ཧཱ་དང་། དེ་དག་ནི་སྲིན་བུ་པད་པའི་མིང་ངོ་། །གུ་དང་། ག་དང་། ཀད་ཚ་པ་དང་། ཀུར་མ་དང་། གོ་ཤོ་ལུ་དང་། ཛ་ལ་སུ་ཀ་དང་། དེ་དག་ནི་རུས་སྦལ་གྱི་མིང་ངོ་། །ཀུ་ར་བིལ་པ་དང་། ཀ་ལིར་དང་། བ་རི་
[37a.5]ལ་ཤི་ཏ་དང་། དེ་དག་ནི་སྲིན་བུ་ཀརྐ་ཏའི་མིང་ངོ་། །ཀམྦུ་དང་། བྲིཏྟ་དང་། ཤཾ་ཁ་དང་། ནད་དང་། ཛ་ལ་ཛ་དང་། ཨམྦུ་ཛ་དང་། དེ་དག་ནི་དུང་གི་མིང་ངོ་། །མེད་ཚ་དང་། མི་ན་དང་། ཛྷ་ཥ་དང་། ཀནྠི་དང་། ཤ་ཕརྱ་དང་། ཀྵོ་ཏྲ་མ་ཚི་ཀ་དང་། དེ་དག་ནི་ཉའི་མིང་ངོ་། །མནྡྱ་ཀ་
[37a.6]དང་། དྷ་དུ་ར་དང་། བ་ཀ་དང་། ཀ་ཀ་ཧི་དང་། ཏོ་ཡ་སརྦ་དང་། བཱཪྴ་བུ་དང་། ར་ཛ་མ་ན་རྱ་ཡ་ཀ་དང་། དྭ་མན་རྱ་བྱ་དང་། པི་ཏ་བརྞ་བ་དང་། དེ་དག་ནི་སྦལ་པའི་མིང་ངོ་། །སརྦ་དང་། དཥྚེ་དང་། དྲི་ཛི་ཧྭ་དང་། ཨ་ཧི་དང་། བྷོ་ཛ་ག་དང་། མ་རུ་ཏ་ཤན་དང་། ཨོ་ར་ག་དང་། པནྣ་ག་
[37a.7]དང་། བི་གི་དང་། ཕ་ནི་དང་། ནཱ་ག་དང་། བྲུ་མ་ཛ་མ་དང་། དེ་དག་ནི་སྦྲུལ་གྱི་མིང་ངོ་། །ཀྲི་ཀི་ལས་དང་། མ་རུ་ར་རི་དང་། ཀུ་ཏ་ཛ་ལ་དང་། ཏྲི་བརྞ་ཀ་དང་། ས་ཙར་དང་། བྷིག་གེ་དྷ་དང་། བ་རུ་པ་དང་། སར་རུ་དང་། དེ་དག་ནི་རྩངས་པའི་མིང་ངོ་། །ཀ་ལིནྡ་དང་། ཁནྡྷ་ལེ་ཧི་ཀ་
[37b]
[37b.1]དང་། ཏ་ལ་ཏྲ་དང་། སྟུ་ལ་དནྟི་ཀ་དང་། གརུ་ཏི་ཀ་དང་། དི་མདྨ་དང་། ཙི་ཀ་ཀུ་དང་། གྲི་ཧ་གུ་ལི་ཀུ་དང་། དེ་དག་ནི་བྷི་ད་ཏི་མཉྪ་ཞེས་བྱ་བའི་སྲིན་བུའི་མིང་ངོ་། །ག་བི་བུ་གང་ཞེས་བྱ་བའི་འབུད་པ་འདྲ་བའི་སྲིན་བུ་ཡོད་དེ། དེའི་དབྱེ་བ་ནི་སྔར་བསྟན་པ་ཡིན་ཏེ། ག་བྱིན་ཀ་ཞེས་བྱའོ། །
[37b.2]ཨུ་ཏེ་ཏ་ཀ་དང་། ཨུ་པ་ཛེམྦི་ཀ་དང་། དཻ་ལ་པི་ལི་ཀ་དང་། དེ་དག་ནི་གྲོག་མོའི་མིང་ངོ་། །ཀྵུ་ཏ་ཀ་དང་། མ་ཀྵ་ཀ་དང་། ནན་ནི་ལམ་ཀྵ་ཀ་དང་། བན་ཡ་ཁྲིད་ཀ་དང་། དེ་དག་ནི་སྦྲང་རྩི་བྱེད་ཀྱི་སྦྲང་མའི་མིང་ངོ་། །པ་ཏཾ་ག་དང་། ཤ་ལ་བ་དང་། དེ་དག་ནི་ཆག་པ་སྟེ་བྱེ་མའི་མིང་ངོ་། །
[37b.3]ཁ་དུ་ཧེ་དང་། རཉྫི་ཀ་དང་། དེ་དག་ནི་སྲིན་བུ་མེ་ཁྱེར་གྱི་མིང་ངོ་། །བ་ནི་དང་། ཀི་ཀ་དང་། ཤི་ཁ་དང་། ཙུ་ད་དང་། ཙནྡ་ཀུ་དང་། མི་ཙི་ཀ་དང་། ཤི་ཁནྡ་དང་། ཀ་ལུ་པུ་དང་། བཱ་ཧྲ་པ་ཀྵ་དང་། དེ་དག་ནི་རྨ་བྱའི་ཅོད་པན་གྱི་མིང་ངོ་། །པུད་ཚ་དང་། ཏ་ལཾ་ཀུ་ལ་དང་། བཱ་ལ་
[37b.4]བི་དང་། ཁུ་བར་ཤི་བ་དང་། དེ་དག་ནི་བྱུགས་པའི་མིང་ངོ་། །བྲྀཀྵ་དང་། སྟ་རུ་དང་། ཤ་ཀ་ཧ་དང་། ཤ་ཁི་དང་། དུ་མ་དང་། པཱ་ར་པ་དང་། གྷན་བ་ན་དང་། དེ་དག་ནི་ཤིང་ཞེས་བྱ་སྟེ། དེ་ལས་ཀྱང་ཤིང་ཆེན་པོ་འབྲས་བུ་ཅན་ནི་བ་ནི་ཡ་ཏི་ཞེས་བྱའོ། །འབྲས་བུ་དང་མེ་ཏོག་ཏུ་ལྡན་པ་ནི་བན་
[37b.5]ཡ་ཏི་ཞེས་བྱའོ། །ལོ་མ་དང་ཤུན་པར་ལྡན་པ་ནི་བཏུ་ཏ་ཞེས་བྱའོ། །འབྲས་བུ་སྨིན་པའི་དུས་ཀྱི་རྩ་བ་ནི་ཛ་ཏ་ཤི་བ་ཞེས་བྱ་སྟེ། དེ་ལྟར་སྨན་གྱི་དབྱེ་བ་བཞིར་བྱས་པ་ཡིན་ནོ། །གང་རྩ་བ་དང་། ལོ་མ་དང་ལྡན་པ་ནི་པྲ་ཀནྟེ་ཞེས་བྱའོ། །གང་རྒྱ་ཆེན་པོར་འཕྲོས་པ་དེ་ནི་བི་ཏ་བཥྚ་བ་ཞེས་བྱའོ། །
[37b.6]ཡལ་ག་དང་ལོ་མ་དང་ལྡན་པ་དེ་ནི་ས་ལ་ཞེས་བྱའོ། །མྱུ་གུ་དང་། སྙེ་མ་དང་། ཐོར་ཏོ་དང་ལྡན་པ་དེ་ནི་བང་ལ་པ་དང་། ཀེ་ས་ལ་ཡ་དང་། ཨ་ཀུ་ར་དང་། ཨ་བ་ཡ་བ་དང་། ན་ཡ་དང་། དེ་དག་ནི་ཡལ་ག་ཕྲེའུའི་མིང་ངོ་། །པད་ཏྲ་དང་། བྷརྞ་དང་། པ་ལ་ཤ་དང་། ཚ་ད་ན་དང་།
[37b.7]ཚན་དམན་དང་། ཚ་མན་དང་། དེ་དག་ནི་ལོ་མའི་མིང་ངོ་། །མུ་གུ་ལ་དང་། ཀ་ལི་ཀ་དང་། ཨ་སུ་ན་དང་། ཀུད་མ་ལུ་དང་། ཛ་ལ་ཀ་དང་། ཀྵ་ར་ཀ་དང་། དེ་དག་ནི་མེ་ཏོག་ཁ་འབུས་པའི་མིང་ངོ་། །ཨ་ཏྲི་ཕྲར་པུ་ལི་ཏ་དང་། ཨི་བུ་པི་ཏི་དང་། པྲ་སུ་ཏ་དང་། པྲ་ས་མ་མ་དང་། པུ་
[38a]
[38a.1]ཤྱ་དང་། ཀུ་སུ་མ་དང་། ཕུལླ་དང་། དེ་དག་ནི་མེ་ཏོག་གི་མིང་ངོ་། །གུ་ལུ་དང་། གུད་ཚ་དང་། སྟ་བ་ཀ་དང་། པུ་ཤ་ས་མ་ཧ་རི་དང་། དེ་དག་ནི་མེ་ཏོག་རྒྱས་པའི་མིང་ངོ་། །མ་ཀ་རན་དོ་ར་ས་དང་། པུ་ཤ་ར་ཀ་དང་། ར་ཛོ་དང་། མ་དྷ་དང་། དེ་དག་ནི་གེ་
[38a.2]སར་ཏེ་ཟེ་བའི་མིང་ངོ་། །སུ་གནྡྷ་ཞེས་བྱ་བ་ནི་དྲི་ཞིམ་པ་ཡིན་ནོ། །དུརྒནྡྷ་ཞེས་བྱ་བ་ནི་དྲི་ང་བ་ཡིན་ནོ། །ག་རུ་ལ་པའི་དྲི་ནི་སར་གནྡྷ་ཞེས་བྱའོ། །ཤིང་སྟུག་པོར་མཛེས་པ་ནི་ལ་ཏནྟ་ར་ཞེས་བྱའོ། །འབྲས་བུ་སྐམ་པའི་མིང་ནི་དྷ་རུ་ཞེས་བྱའོ། །དུརྠི་ཏ་ཞེས་བྱ་བ་ནི་རུ་པ་ཡིན་ནོ། །གང་
[38a.3]འགྲིགས་པའི་མིང་ནི་བརྟི་ཞེས་བྱའོ། །གྲན་གྱི་དང་། སྦ་ཏུ་དང་། པརྤ་དང་། དེ་དག་ནི་འབུས་པའི་མིང་ངོ་། །ཤིན་ཏུ་དང་། ཤྲི་ཤ་མསྟ་ཀ་དང་། ཤི་ཀ་ར་དང་། དེ་དག་ནི་ཤིང་གི་ཐོར་ཏོའི་མིང་ངོ་། །དྲ་ཙ་དང་། བཱལྐ་ལ་དང་། ཚ་བི་དང་། དེ་དག་ནི་ཤིང་ཤུན་གྱི་མིང་ངོ་། །
[38a.4]ས་ར་དང་། ཏ་ཏུ་ན་དང་། དེ་དག་ནི་ཤིང་གི་སྙིང་པོའམ་རྐང་གི་མིང་ངོ་། །ད་རུ་ཞེས་བྱ་བ་ནི་ཤུན་པ་དང་། རྐང་གི་བར་ན་འདུག་པ་སྟེ་ཤིང་ཞེས་བྱའོ། །ཤ་ཡ་ཞེས་བྱ་བ་ནི་རྩྭ་གཞོན་ནུ་མའི་མིང་ངོ་། །ཏྲི་ན་དང་། ཀྵ་ཀ་དང་། ཏྲི་ནོ་ཕལ་དང་། དེ་དག་ནི་རྩྭའི་མིང་ངོ་། །ལོ་མ་དང་། འབྲས་
[38a.5]བུ་དང་། མེ་ཏོག་ལ་སོགས་པ་བྲིཏྟ་བྷན་དང་ཞེས་བྱའོ། །པྲ་ར་ཧ་དང་། ཀ་ནི་དང་། ཨ་ཀུ་ར་དང་། དེ་དག་ནི་ནྱ་གྲོ་དྷ་ལ་སོགས་པ་ཤིང་གི་མྱུ་གུའི་མིང་ངོ་། །ཤིང་གི་ཡལ་གའམ། ལྕུག་མའམ། ལོ་མ་གཞོན་ནུ་ནི་དབྱར་རམ་དཔྱིད་བཏུ་དུས་ཡིན་ནོ། །རྩྭ་བཏུ་བའི་དུས་ནི་སོས་ཀའམ་
[38a.6]སྟོན་ཡིན་ནོ། །ཤིང་གི་ཤུན་པ་དང་། འོ་མ་དང་། རྩ་བ་རྣམས་ནི་སྟོན་བཏུ་བ་ཡིན་ནོ། །ཤིང་གི་སྙིང་པོ་ནི་དགུན་བཏུ་བ་ཡིན་ནོ། །མེ་ཏོག་དང་འབྲས་བུ་ཡ་ས་སྨིན་པའི་དུས་སུ་བཏུ་བ་ཡིན་ནོ། །དེ་ལྟར་སོ་སོའི་དུས་སུ་བཏུས་པ་ནི་ནུས་པ་ཤིན་ཏུ་ཆེ་བ་ཡིན་ནོ། །ཤིང་མངར་བ་དང་། བསིལ་
[38a.7]བ་ནི་དཔྱིད་ཀྱི་དུས་སུ་བཏུའོ། །སྨན་རྣོ་བ་ནི་སོས་ཀ་ཚ་བའི་དུས་སུ་བཏུའོ། །དེ་ལྟར་དུས་ལེགས་པའི་སྨན་ནད་པ་ལ་སྦྱར་ན་བདུད་རྩི་དང་འདྲ་བར་འགྱུར་རོ། །ནྱ་གྲོ་དྷ་དང་། ཨུ་དུམྦཱ་ར་དང་། ཨ་ཤྭདྠ་དང་། པླཀྴ་དང་། ལྕང་མ་དང་། ལྔ་པོ་དེ་དག་ལ་ཆ་སྙོམས་ཏེ་གཅིག་ཏུ་བྱས་པ་
[38b]
[38b.1]ནི་ཤིང་འོ་མ་ཅན་ཤུན་པ་ལྔ་ཞེས་བྱའོ། །བའི་ལྕི་བ་དང་། གཅིན་དང་། ཞོ་དང་། མར་དང་། འོ་མ་དང་། དེ་རྣམས་སྙོམས་པ་ནི་བའི་རྣམ་ལྔ་ཞེས་བྱའོ། །ལོ་མ་དང་། མེ་ཏོག་དང་། འབྲས་བུ་དང་། རྩ་བ་དང་། ཤུན་ལྤགས་དང་། དེ་རྣམས་ནི་ཡན་ལག་ལྔ་ཞེས་བྱའོ། །
[38b.2]མངར་བ་ནི་མདྷུ་ཞེས་བྱའོ། །སྐྱུར་བ་ནི་ཙུ་ཀྲ་ཞེས་བྱའོ། །ལན་ཚྭ་ནི་པ་ཊུ་ཞེས་བྱའོ། །ཚ་བ་ནི་ཀ་ཊུ་ཞེས་བྱའོ། །ཁ་བ་ནི་ཏིག་ཏ་ཞེས་བྱའོ། །དེ་ལྟར་སོ་སོའི་རོ་རྣམས་ཤེས་པར་བྱའོ། །ཨའུ་ཤ་དང་། བཻ་ཤ་ཙ་དང་། ཏྲ་བྱ་དང་། ཧི་ཏ་དང་། པ་ཐྱ་དང་། བ་ཤ་ཙ་ཧ་
[38b.3]དང་། དེ་དག་ནི་སྨན་ཞེས་བྱ་བའི་མིང་ངོ་། །དག་པ་དང་། ཞི་བ་ལ་སོགས་པ་ནི་གསོ་བ་སྟེ་ཛ་གིཙྪ་ཞེས་བྱའོ། །སྣུམ་ཆོས་ཀྱིས་སྟགས་པར་བྱེད་པ་ནི་ཡི་གེ་ཞེས་བྱའོ། །སྨན་འཇམ་པོས་ནི་དག་པར་བྱའོ། །སྨན་རྣོན་པོས་ནི་བསྐུ་སྨན་བྱའོ། །བསྐུ་བ་དང་གདབ་པར་བྱ་བའི་ནི་
[38b.4]ནིར་བྷ་ན་ཞེས་བྱའོ། །གཅད་པ་དང་དག་པ་ནི་དོན་གཅིག་པ་ཡིན་ནོ། །སྨན་མས་གཏོང་བའི་མིང་ནི། ཨ་ཏ་པ་ན་དང་། ཨ་ནུ་བས་ན་དང་གཉིས་སོ། །དེ་ལ་ཨ་ཏ་པ་ན་ཞེས་བྱ་བ་ནི་ནི་རུ་ཧ་ཡིན་ཏེ་བཀྲུ་སྨན་དྲག་པོ་ཞེས་བྱའོ། །པིཙྪ་བ་སྟི་དང་། ཉམས་བརྟ་བའི་མས་གཏོང་བ་དང་།
[38b.5]དེ་དག་བྱེད་པའི་ནི་བྱེད་ཀྱི་མས་གཏོང་བ་དང་། ནད་སློང་ཞིང་བསྡུ་བའི་མས་གཏོང་བ་དང་། ལེ་ཁ་ན་དང་། རོ་ཙ་བར་བྱེད་པའི་མས་གཏོང་བ་དང་། སྦྲང་རྩི་དང་། ཏིལ་མར་གྱི་སྦྱོར་བ་དང་། དེ་དག་ནི་མས་གཏོང་བར་གྲགས་པའི་མིང་ངོ་། །ཨ་ནུ་བས་ན་ནི་འཇམ་རྩི་ཡིན་ཏེ། དེའི་
[38b.6]མིང་ནི་ཉེས་པ་འཇོམས་བྱེད་དང་། ཡུགྟི་ར་ཐ་དང་། མཚན་ནསམས་གཏོང་བ་སྟེ། ས་དེ་དག་ནི་སྣུན་གྱི་འཇམ་རྩི་ཞེས་བྱའོ། །སྟོད་ཀྱི་ཉེས་པ་ལ་ནི་སྐྱུག་སྨན་ཞེས་བྱ་སྟེ། དེའི་མིང་ནི་ཙ་ར་ཏི་དང་། བ་མ་ནི་ཞེས་བྱའོ། །སྨད་ཀྱི་ཉེས་པ་ལ་ནི་བཀྲུ་སྨན་གྱིས་བསལ་ཏེ། དེའི་
[38b.7]མིང་ནི་ཤྭན་ཏྲ་ས་ན་བི་རི་ཙན་དང་། བེེ་ར་ན་ཞེས་བྱའོ། །ཕྱི་ས་ལ་སོགས་པའི་ཉེས་པ་འབྱིན་པས་བེ་དན་སྟེ་བཀྲུ་སྨན་ཡིན་ནོ། །བཀྲུ་སྨན་པར་འབྱུང་དྲགས་ཏེ། མཆོད་པ་ལ་ནི་གཅད་པར་བྱ་སྟེ། དེའི་མིང་ནི་སྟམ་པ་ཞེས་བྱའོ། །གང་བསྒྲུབ་ཅིང་སྦྱར་བ་ནི་བཀྲུ་སྨན་ཞེས་བྱ་སྟེ། ཅིའི་
[39a]
[39a.1]བཀྲུ་སྨན་ཞེ་ན། དྲི་མ་འབྱིན་པར་བྱེད་པས་སོ། །ནད་གཞིའི་ཉེས་པ་དང་། ལུས་ཟུངས་དང་། དྲི་མ་རྣམས་རང་གི་གནས་ལས་མ་ཉམས་པར་འདུག་པ་ནི་ལུགས་སུ་འབྱུང་བ་དང་། ཚུལ་བཞིན་འབྱུང་བ་དང་། ལེགས་པར་འབྱུང་བ་ཞེས་བྱའོ། །
[39a.2]ཉེས་པ་ལ་སོགས་པ་ནི་དག་རང་གི་གནས་ལས་ཉམས་ཤིང་ལོག་པར་སོང་བ་ནི་ནད་གཞི་དང་མི་མཐུན་པ་དང་། ལུགས་སུ་མི་འབྱུང་བ་ཞེས་བྱའོ། །བིལ་བ་དང་། ཨགྣི་མནྠ་དང་། འོ་ན་ན་ཀ་དང་། ཏ་པ་ལ་དང་། པ་ཏ་ལ་དང་། དེ་དག་ནི་རྩ་བ་ཆེན་པོ་ལྔ་ཞེས་བྱ་
[39a.3]སྟེ། དེའི་མིང་ནི་མ་ཧཱ་དང་། ཨད་དམ་པ་དང་། བ་ད་ནི་དང་། བྲི་ཧ་དང་། དེ་དག་ནི་སྤྱིའི་མིང་ངོ་། །ས་ལ་པརྞི་དང་། ཀྲྀཥྞ་པརྞི་དང་། བྲི་ཧ་ཏི་དང་། ཀཎྜ་ཀ་རི་དང་། གཟེ་མ་དང་། དེ་དག་ནི་རྩ་བ་ཆུང་ངུ་ལྔ་ཞེས་བྱ་སྟེ། དེའི་མིང་ནི། ཀ་ནི་ཡ་ས་དང་། ཧ་སྭ་
[39a.4]དང་། ཨལྤ་དང་། ལ་གུའོ། །པི་པི་ལིང་དང་། པི་པི་ལིང་གི་རྩ་བ་དང་། དབྱི་མོ་དང་། ཀྲུ་ཏྲུག་ཏྲེས་དང་། བཅའ་སྒ་ལྔ་ནི་ཚ་བ་ལྔ་ཞེས་བྱ་སྟེ། དེའི་མིང་ནི་པཉྩ་ཀ་ཀོ་ལ་ཞེས་བྱའོ། །དངུལ་དང་། ཟངས་མ་དང་། ལྕགས་ནག་པོ་དང་། ཞ་ཉེ་
[39a.5]ནག་པོ་དང་། ཞ་ཉེ་དཀར་པོ་དང་། དེ་རྣམས་ལྕགས་ལྔ་ཞེས་བྱ་སྟེ། པཉྩ་ལོ་ཧ་ཡིན་ནོ། །ཨ་ཤྭངྠ་དང་། ཨུ་དུམྦཱ་ར་དང་། པླག་ཤ་དང་། བིལ་བ་དང་། ཕལ་གུ་དང་། དེ་དག་ནི་ཤིང་འོ་མ་ཅན་ལྔ་ཞེས་བྱའོ། །འཕེལ་བའི་གནས་ནི་འབྲི་དྷ་ཞེས་བྱའོ། །ཁང་བ་
[39a.6]ལ་སོགས་པ་ཕྱི་རོལ་གྱི་གནས་ནི། ཏྲི་ཀུ་ན་ཞེས་བྱའོ། །གྲོང་གི་ཕྱི་རོལ་ལྷ་སྟེངས་ནི་མོད་ཅེས་བྱའོ། །ཙུ་ལི་དང་། བ་ཀ་ཤ་ཀ་ར་དང་། དེ་དག་ནི་ཁ་ར་ཚོས་པའམ་སྨིན་པའི་མིང་ངོ་། །ཁ་ཅིག་ན་རེ་བ་ལི་དང་། བེ་ཀྲུ་སཾ་གྷ་ཏྲི་དང་། ཨ་གྷ་ཏ་དང་། ཤར་བ་ནི་དང་། སྲུ་
[39a.7]ཏ་དང་། དེ་ཡང་ཁ་རའི་མིང་ངོ་། །ཀ་ཀུ་བ་དང་། ཀཥྚ་དང་། དེ་དག་ནི་ཕྱོགས་ཀྱི་མིང་སྟེ། ཁ་ཅིག་ནི་བཞིར་འདོད། ཁ་ཅིག་ནི་བརྒྱད་དུ་འདོད། དེ་ལས་ཀྱང་ཤར་ཕྱོགས་དབང་པོ། །ལྷོ་གཤིན་རྗེ། ནུབ་ཆུ་ལྷ། བྱང་རྣམ་ཐོས་ཀྱི་བུ། ཤར་ལྷོ་མེ་ལྷ། ལྷོ་ནུབ་སྲིན་
[39b]
[39b.1]པོ། །ནུབ་བྱང་རླུང་ལྷ། བྱང་ཤར་མཚམས་དབང་ལྡན་ཏེ། དེ་ལྟར་གནས་སོ། །དབང་ཕྱུག་དང་། འདོད་ཆགས་དང་བྲལ་བ། སྙན་པར་གྲགས་པ་དང་། དཔལ་དང་ལྡན་པ་དང་། ཡེ་ཤེས་དང་ལྡན་པ་ནི་བཅོམ་ལྡན་འདས་ཞེས་བྱའོ། །བདག་དང་། བློ་དང་། ང་རྒྱལ་
[39b.2]དང་། ཡིད་རྩལ་ལ་སོགས་པའི་ཡུལ་ལྔ་དང་། ནམ་མཁའ་ལ་སོགས་པ་འབྱུང་བ་ཆེན་པོ་ལྔ་དང་། བློའི་དབང་པོ་ལྔ་དང་། ལས་ཀྱི་དབང་པོ་ལྔ་དང་། ཡོན་ཏན་དང་བསླབས་པའི་སྐྱེས་བུ་སྟེ། དེ་ལྟར་བདག་གི་རང་བཞིན་ཉི་ཤུ་རྩ་ལྔ་པོ་དེ་དག་གོ། །དེ་ལ་བདག་ཅེས་བྱ་བའི་
[39b.3]རང་བཞིན་ནི་མི་གསལ་བ་དང་། གཙོ་བོ་དང་། སྙིང་སྟོབས་དང་། དབང་ཕྱུག་དང་། སྲོག་དང་། ཤེས་པ་པོ་དང་། གང་ཟག་དང་། སེམས་པ་དང་། སྐྱེས་བུ་དང་། བདག་པོ་དང་། མི་འཇིགས་པ་དང་། དེ་དག་ནི་བདག་གི་མིང་གི་རྣམ་གྲངས་སོ། །བློ་ཞེས་བྱ་བ་
[39b.4]ནི་ཡིད་གཞུངས་པ་དང་། དམིགས་པ་དང་། བློ་དང་། ཤེས་རབ་དང་། ཡེ་ཤེས་དང་། བློ་གྲོས་ཆེན་པོ་དང་། ཡིད་ཀྱི་སེམས་དང་། དབུགས་ཀྱི་འབྱུང་རྔུབ་དང་། མཐོང་བ་དང་། ལྟ་བ་དང་། དེ་དག་ནི་བློའི་མིང་གི་བྱེ་བྲག་གོ། །དེ་ལ་ངར་སེམས་པ་ནི་མངོན་པའི་ང་
[39b.5]རྒྱལ་ཅན་གྱི་བདག་ཉིད་དང་། བདག་དཔའོ་སྙམ་པའི་བདག་ཉིད་ཅན་དང་། བདག་ཉིད་ནོར་དང་ལྡན་པ་ཡིན་ནོ་སྙམ་པ་དང་། དེ་དག་ནི་རང་སེམས་པའི་མིང་ངོ་། །དེ་ལ་ཡིད་ཅེས་བྱ་བ་ནི་སེམས་དང་། ཡིད་ལ་སེམས་དང་། སེམས་པ་དང་། སྙིང་སྟོབས་དང་། གཡོ་བའི་
[39b.6]བདག་ཉིད་ཅན་དང་། ཀུན་དུ་འགྲོ་བ་དང་། ཐོགས་པ་མེད་པ་དང་། སྙིང་ལ་གནས་པ་དང་། གཞན་གྱི་རྣམ་པ་ཟུར་གྱིས་གོ་བར་བྱེད་པ་དེ་ཡིན་ནོ། །རྣ་བ་ལ་སོགས་པའི་དོན་ནི་སྒྲ་ལ་སོགས་པ་ཡིན་ལ། སྤྱོད་ཡུལ་གྱི་ཡོན་ཏན་ནམ་མཁའ་ལ་སོགས་པ་ཡིན་ཏེ། སྒྲ་དང་། རེག་
[39b.7]པ་དང་། གཟུགས་དང་། རོ་དང་། དྲི་དང་། དེ་རྣམས་ཀྱི་ཡོན་ཏན་ནི་འབྱུང་བ་ཆེན་པོ་ཡིན་པར་ཤེས་པར་བྱ་སྟེ། སྒྲའི་དེ་ཙམ་ནི་ནམ་མཁའོ། །རེག་པའི་དེ་ཙམ་ནི་སའོ། །གཟུགས་ཀྱི་དེ་ཙམ་ནི་མེའོ། །རོའི་དེ་ཙམ་ནི་ཆུའོ། །དྲིའི་དེ་ཙམ་ནི་རླུང་ཡིན་ཏེ། དེ་ལྟར་རྣམ་པར་དབྱེ་
[40a]
[40a.1]བ་ལྔར་བརྟགས་པ་ཡིན་ནོ། །དེ་ལྟར་སྨན་ལ་སོགས་པའི་རིམ་པ་གོང་དུ་བསྟན་ནས། འདི་ནས་མར་སྨན་གྱི་མིང་དོན་གཅིག་པ་བསྟན་པར་བྱ་སྟེ། ཤ་ཏ་ཀུ་སུ་མི་བྱ་ཞེས་བྱ་བ་ནི་ཤ་ཏ་པུཥྤ་ཡིན་ནོ། །ཏནྟ་ཧ་ཏི་ཞེས་བྱ་བ་ནི་ཙན་ཇི་ཙམ་མོ། །སརྦ་ར་ས་ནི་སརྫ་ར་ས་
[40a.2]ཡིན་ནོ། །བ་ཧུ་སྲ་བ་ནི་ས་ལ་ཀིའོ། །ཀུམྡྷ་མ་ཁ་ལ་གོ་ནི་གུ་གུལ་ལོ། །བྲ་བྲི་ཤི་ནི་ཀ་བི་ཀ་ཙུའོ། །ཨནྣི་ཛ་ལ་ནི་དྭ་ཏ་ཀི་ནིའོ། །ཀུ་ར་ནི་ཐུ་ནི་ཡ་ཀའོ། །ཀ་ཏི་པཪྴ་ནི་པྲི་ཀའོ། །ཨ་བ་ད་ནྟི་ནི་ཨུ་ཤ་རའོ། །ཙནྡ་ནི་ཀམྦི་ལའོ། །གོ་སུ་ནི་བ་ལ་ཀའོ། །པྲི་ཧད་ཏྭག་ནན་ནི་
[40a.3]ས་བ་ཏ་བ་ར་ནིའོ། །མ་དུ་ད་རུ་ནི་ཨསྨ་ཀྵིའོ། །བཱི་ཐི་ར་ནི་མུསྟའོ། །ཨསྨ་ལ་ཁྱ་ནི་ཤ་ཏ་བ་རིའོ། །ཨུཥྚ་ད་ཀི་ནི་མུཙྪ་བ་ཤ་ན་ཀིའོ། །ཧ་ཏ་བི་ཤ་སི་ནི་ན་ཁའོ། །ཨཉྫ་ཀེ་ཤི་ནི་ནི་ལི་ཀའོ། །ཨི་ཤུ་བ་ཏི་ནི་བ་ཙའོ། །ཤརྡུ་ལ་ནི་ཀཾ་ཐ་ཀ་རིའོ། །ཧིང་གུ་ལ་ནི་བྲིཧ་ཏའོ། །
[40a.4]བྷ་ནི་ཤྲིང་གི་ནི་གོ་ཀྵུ་ར་ཀའོ། །མནྡུ་ཀ་ར་ན་ནི་སྱོན་ཀའོ། །གོ་བླར་ན་ནི་གླེ་ཏ་ཀ་ནི་མ་དུ་ཡཥྚིའོ། །མ་ཧཱ་གླེ་ཏ་ནི་ས་ན་བར་ཏིའོ། །ཀུ་མུ་ཏི་ཀ་ནི་ཀད་པ་ལའོ། །མ་ཧཱ་ཀུ་མུ་ཏི་ཀ་ནི་ཀ་སྨ་རའོ། །སྲུ་བ་བྲྀཀྵ་ནི་བི་ཀང་ག་ཏའོ། །ཏ་བ་ས་བྲྀཀྵ་ནི་ཨུང་གུ་ཏའོ། །ཙརྨ་ཀྵུ་ནི་བུར་
[40a.5]ཛའོ། །ཀྵི་ར་པུ་རུ་སྤྲི་ནི་ཀང་ཤང་ཀ་པུ་ཡིའོ། །མ་ཨརྐང་པུ་ཤྱི་ནི་པ་ཡ་སའོ། །མ་དུ་པུ་ཤི་ནི་པུ་ཏྲ་ཛི་པ་ཀའོ། །ཀན་ད་ན་ལ་ནི་སླ་ཀྵའོ། །ཤ་པ་རྒྱ་ནི་ཨསྨ་ཏ་ཀའོ། །ཏི་ལ་ཀུ་སུ་ཡ་ནི་ཙན་དང་པུར་ཏིའོ། །བ་ན་ཏ་བུ་ས་ནི་ཙི་བི་ཏའོ། །ཀམྦ་ར་ནི་ཏན་ཏུ་ལི་ཡ་
[40a.6]ཀའོ། །ཀྵུ་ཏ་བི་ཛ་ནི་ཀྵ་པ་ཀའོ། །ཨ་ཛ་སྲི་གི་ནི་ཀྲ་ག་ན་ཏ་ཤྲི་གའོ། །ས་དན་ནི་ཨ་ཏི་མུཀྟ་ཀའོ། །ཨེ་ལ་པྲ་ནི་ནི་ར་སྣའོ། །ཨ་ས་པྲ་ནི་ནི་ཙ་དན་ཡིན་ནོ། །ཙི་ཏ་པྲརྞི་ནི་པྲིས་བརྞི་ཀའོ། །ཀ་ཀ་པརྞ་ནི་མུངྒ་པརྞིའོ། །པཎ་ཏྱ་རོ་ནི་མ་ཤ་པརྞིའོ། །ཤ་ར་ད་ནི་ཀྲ་བ་སའོ། །བ་ར་དྭ་ཛ་ནི་པད་ཏྲ་ཀ་པ་སའོ། །
[40a.7]བི་ར་རུ་ཏ་རུ་ནི་བ་རུ་ནའོ། །ཤོ་ལམ་ནི་ཤེ་བ་ལའོ། །དན་ཏྲི་ཀ་ནི་པད་ཀྲི་རི་ཀའོ། །ཨ་བི་རུ་བ་ཏྲི་ནི་ཀཥྚ་ཕ་ལའོ། །པཎྚུ་ར་ཀ་ནི་ར་བིལ་ལའོ། །ཀ་ཀཱ་ལི་ནི་ཀ་ཀཱ་དམྤའོ། །ད་བྱ་དམྤ་ར་ནི་ཨེ་རཎྜའོ། །ཀ་ལ་ཛ་ནི་ཀ་རཉྫའོ། །ཀུ་
[40b]
[40b.1]མཱ་ར་ཛི་བ་ནི་པུ་ཏྲ་ཛི་བ་ཀའོ། །ཀུ་ཙེ་ལ་ནི་ཀུ་ཐེརའོ། །བྷན་ཏིག་ནི་ན་ལ་གྷནྡྷ་ཀའོ། །མ་ར་ཤིག་ནི་གནྡྷ་རིའོ། །ཀ་ར་བ་ནི་སཪྴ་བའོ། །མ་དུ་ཤ་ཀ་ནི་ཀ་ཏུ་ལ་ཤ་ཀའོ། །ཀྵ་ར་པ་ཏྲ་ནི་བ་སྟུ་གའོ། །ཤ་ལ་ཀྱ་ནི་པ་ལག་ཀྱའོ། །ཀུ་ཐེ་ར་ཀ་ནི་ཀུ་རྟེན་ཛ་
[40b.2]རའོ། །བག་ཀྱ་ནི་བཡུ་ཀའོ། །ལོ་ཀ་ཤ་ན་ནི་གུ་གུལ་ལོ། །མད་ས་ཀ་ལ་ནི་ཨུད་པོད་ཀའོ། །ཤྲི་ག་བེ་ར་ནི་གོ་ཛི་ག་ཧྭའོ། །བཱ་ལ་ལ་ཤིམྦི་ནི་ཨུ་ད་ལ་ཀའོ། །ཏུ་པ་རི་ནི་ཨ་ད་ཀའོ། །ཀ་ལི་ན་ད་ནི་ཁ་ཁོད་ཀའོ། །ཨེ་ར་པ་རུ་ནི་ཀརྐ་ཏའོ། །ཀུ་སྨད་ནི་སུ་ཐ་ཀའོ། །ཨ་ལམྦུ་ནི་ཨ་ལམྦུ་ཕ་
[40b.3]ལའོ། །བ་ཏི་གན་ནི་བྷ་ཏ་ཀའོ། །ཀུས་ཀུནྡ་ནི་ཊ་ཀའོ། །ཀུས་ཀུན་མ་ནི་པཉྩ་ཨངྐུ་ལ་ཤ་ལའོ། །ཡ་རུ་ར་ཀ་ནི་ཀུ་ལ་མའོ། །བ་སནྟི་ནི་ཀྲི་ཤན་མངྒའོ། །ཤར་ད་ནི་མུངྒ་སར་པོའོ། །ཧི་མནྟ་ནི་ཙ་ན་ཀའོ། །མ་ཡུ་ཀྵ་ཀོ་ནི་མ་
[40b.4]ཡཥྚ་ཀའོ། །ཧ་རེཎ་ནི་ས་ཏི་ནའོ། །ཨོཾ་མ་ནི་ཨ་ཏ་སིའོ། །ན་ནི་དི་མུ་ཁི་ནི་ཀ་ཤི་ནིའོ། །ཀ་ཀུ་ནི་པྲ་ཡ་ཀུ་ནི་ཀངྐུ་ནིའོ། །ཤུ་ར་དུ་ཤ་ནི་ཀ་ཏ་བི་ཚ་བའོ། །ཤི་ཏུ་ཤ་ཀ་ནི་ཡ་བའོ། །བ་ཡ་ནུ་ནི་གོ་དྷུ་མའོ། །ཨ་ཀྵ་ཏ་ནི་ད་མྱའོ། །ན་དི་བུ་ཀ་ནི་ག་ལ་གོང་དུ་མའོ། །ཨ་
[40b.5]ཤི་ཀ་ནི་ཤར་དུ་ལིའོ། །དྲོ་ན་ཡུ་ཁ་ནི་གནྡྷ་ཏྲི་ནའོ། །ན་ར་ཡར་ནི་ཤ་ཏ་བ་རིའོ། །ཨ་ཀྭ་ཤ་ནི་ནི་བུ་ཀའོ། །པ་ལ་ལ་ནི་ཏི་ལ་ཀལ་དང་ཀའོ། །བལ་རུ་ར་ནི་ཤྲུ་ཀ་མན་སའོ། །ནཱ་ག་བ་ལ་ནི་ཏམྦུའོ། །དྷ་རུ་རའོ། །མ་དུ་ལ་ནི་བ་གའོ། །མ་རུ་ར་སུ་ཏྲ་ནི་དྷ་རུ་ར་པ་
[40b.6]ལའོ། །ཨི་ཏི་པརྞི་སོ་བར་ཙལའོ། །པ་ཏྱ་ལྱ་ནི་པ་ཏ་ལི་ཀའོ། །ཨེཀ་ཤི་ཀ་ནི་ཏྲི་བི་ཏའོ། །བ་རུ་ཛ་ནི་བྷ་དྷི་ནི་ཀའོ། །པྲི་ཐུ་ལ་ནི་བྲིཥྚ་དན་དུ་ལའོ། །དེ་དག་ནི་སྨན་གཅིག་གི་མིང་གཉིས་པར་བཤད་པའོ།། །།དེ་ནས་སྨན་གྱི་དངོས་པོ་གཅིག་ལ་
[40b.7]སྨན་གྱི་མིང་འདོམ་པ་བཤད་པར་བྱ་སྟེ། པ་ཡ་ཞེས་བྱ་བ་ནི་ཆུ་དང་འོ་མ་གཉིས་ལ་ཟེར་རོ། །པིན་ཀ་ཞེས་བྱ་བ་ནི། ཏིལ་གྱི་ཚོགས་དང་། དུ་རུ་ཀ་གཉིས་ལ་ཟེར་རོ། །དེ་དག་ནི་ཤ་ཏ་ཏྭ་ཞེས་འདོགས་སོ། །ཤིང་འོ་མ་ཅན་ཟངས་མ་གཉིས་ལ་ནི། ཨུ་དུམྦཱ་ར་
[41a]
[41a.1]ཞེས་སྨྲའོ། །བོང་ང་དཀར་པོ་དང་། བཅའ་སྒ་གཉིས་ལ་བ་ཤྭ་ཞེས་བྱའོ། །ཨམ་པུ་དང་། བ་ལ་ཀ་གཉིས་ལ་ནི་ཆུའི་མིང་ཡོད་དོ། །བྲི་ཧ་ཏི་དང་། བ་ཤ་ཀ་གཉིས་ལ་ནི་གྲུབ་པ་ཞེས་ཟེར་རོ། །ཡུངས་ཀར་དང་། ན་ལི་ག་
[41a.2]གཉིས་ལ་ནི་ཀ་དམྤ་ཞེས་བྱའོ། །ཀ་ཤ་སྨྲར་ཏ་དང་། བི་ལ་ག་གཉིས་ལ་ནི་དར་ཀ་ཤ་ཞེས་བྱའོ། །ཨ་བ་མརྐ་དང་། ཀོ་ཤ་ཏ་ཀི་གཉིས་ལ་ནི་ཨ་བ་མརྞ་ཞེས་བྱའོ། །བྲག་ཞུན་དང་། སྐྱེར་ཁཎྜ་གཉིས་ལ་ནི་ཀྵ་ཀ་ཞེས་བྱའོ། །ན་ད་མཱུ་ལ་དང་། མི་ཥྚ་གཉིས་
[41a.3]ལ་ནི་ཤཻ་ལེ་ཡ་ཞེས་ཟེར་རོ། །རོ་ཧི་དང་། ས་ཏ་ལ་ལ་ཙར་མ་ཀྵ་ཞེས་ཟེར་རོ། །ཀྵི་རི་ཀ་དང་། པི་ཡ་ལ་ལ་ར་ཛ་ད་ནི་ཞེས་བྱའོ། །བྱི་ཚེར་བ་དང་། ཁ་སྲལ་ལ་དུར་ལ་བྷ་ཞེས་བྱའོ། །ཀ་ད་ཀ་རི་དང་། ཨརུ་བར་ལ་ཛ་ཡ་ཞེས་ཟེར་རོ། །ནཱ་ག་གེ་སར་དང་།
[41a.4]ཙམ་པ་ཀ་ལ་ཀཉྩན་ཞེས་བྱའོ། །མསྨ་ཛ་ཀ་དང་། པུ་ཤེལ་ཙི་ལ་བྱི་ཀུནྡ་ཞེས་བྱའོ། །སླེ་ཏྲེས་དང་། ཀོ་བིད་ར་ལ་ཀུནྡ་ལི་ཞེས་བྱའོ། །ཏུ་ལ་ནི་ཀ་དང་། བ་ཏྲི་ཀ་རོ་ད་ལ་གུ་མུ་ཀ་ཞེས་བྱའོ། །པུ་ནཱ་ག་དང་། པདྨ་གེ་སར་ལ་ལྟུང་ག་ཞེས་བྱའོ། །ཟེར་
[41a.5]སྣ་དང་། ཧི་ཏ་པི་པི་ལི་ལ་སྲི་ཡ་སེ་ཞེས་བྱའོ། །ཤལྨ་ལི་དང་། ཤི་ཤ་པ་ལི་པད་ཚ་ཞེས་བྱའོ། །པདྨའི་ས་བོན་དང་། རིའུ་བུ་ཕུལླ་ཨ་ཏི་ཤ་མ་ཞེས་བྱའོ། །མསྨ་ཛ་ཀ་དང་། པུ་ཤེལ་ཙི་ལ་མྲི་ན་ལ་ཞེས་བྱའོ། །ད་ཏྲིག་དང་། ཨ་མ་བི་ལི་ཀ་ལ་
[41a.6]བྲྀཀྵ་ཨམ་བླ་ཞེས་བྱའོ། །ཙི་ཏི་ཀ་དང་། གོ་བྱེ་ལ་དྷ་ཧ་ནུ་ཞེས་བྱའོ། །གྲག་བུའི་རྩ་བ་དང་། ཀཱཎྚུ་རཉྫ་ལ་ཨ་ག་ར་བལ་ཞེས་བྱའོ། །པདྨའི་ས་བོན་དང་། འོད་མའི་འབྲས་བུ་ལ་ཀུ་ལུ་ད་ཞེས་བྱའོ། །འབུ་སུག་ཧང་དང་། མུར་བ་ལ་དེ་བི་ཞེས་བྱའོ། །
[41a.7]ལ་ལ་ཕུད་དང་། ཏིམུ་ས་ལ་དི་བྱ་ཀ་ཞེས་བྱའོ། །ལ་མཉྫ་ཀ་དང་། པུ་ཤེལ་ཙི་ལ་ལ་སེ་བྱ་ཞེས་བྱའོ། །ཏིང་མུ་ས་དང་། ཤུ་ཏི་ལ་ཀ་ར་པི་ཞེས་བྱའོ། །ཧིང་ཧ་མི་ཏྲི་ཀ་དང་། ཨ་ཙ་གནྡྷ་ལ་ཀ་ར་ཙི་ཞེས་བྱའོ། །གཟེ་མ་དང་། བི་ཀང་ཀ་ཏ་ལ་སྭ་དུ་གནྡྷ་
[41b]
[41b.1]ཀ་ཞེས་བྱའོ། །འབུ་སུག་ཧང་དང་། ག་བྲའི་རྩ་བ་གཉིས་ལ་འབྲི་མི་ཞེས་བྱའོ། །ཆུ་ལས་སྐྱེས་པའི་ཤིང་མངར་དང་། མུར་བ་ལ་རུ་ལི་ཞེས་བྱའོ། །མུར་པ་དང་། ཙིམ་བི་ལ་པིད་ལུ་པར་ཏི་ནི་ཞེས་བྱའོ། །གོ་བྱེ་དང་། ལངྒ་ལི་ལ་ཨགྣི་མུ་ཀྵི་ཞེས་
[41b.2]བྱའོ། །གུར་གུམ་དང་། ལེ་བརྒན་རྩིལ་ཨགྣི་མུ་ཁི་ཞེས་བྱའོ། །དུར་བྱིད་དང་། རྒྱ་སྲན་ལ་ཨ་ལད་ཏི་ཀ་ཞེས་བྱའོ། །བཙག་ཡུག་སྣམ་དང་། ཐལ་ཏྲེས་ལ་ཨ་སྦུ་ཏ་ཞེས་བྱའོ། །མུ་ས་ལི་དང་། མི་སྲ་ལ་ཏ་མ་ལའི་ལོ་མ་ཞེས་ཟེར་རོ། །པ་ཐ་
[41b.3]དང་། བྱི་ཏང་ག་ལ་མ་ནུ་ཞེས་བྱའོ། །མི་སྲི་དང་། ཙ་ན་ཀ་མུ་ནི་ལ་གྷ་ལ་ཞེས་བྱའོ། །སྟི་ནི་ཤ་དང་། བཉྫ་ལ་ཡན་ད་ན་ཞེས་སོ། །ཡ་བ་ཤ་ཀ་དང་། སེང་ལྡེང་ལ་སའི་ལོ་མ་ཞེས་བྱའོ། །ལོ་མི་ནི་དང་། སུག་སྨེལ་ལ་ཏ་ཧྨ་ཞེས་སོ། །ཤུ་
[41b.4]དག་དང་། ལ་ལ་ཕུད་ལ་ཨ་གྲན་དཾ་ཞེས་སོ། །ཟངས་རྩི་བ་དང་། ཆུའི་པི་པི་ལིང་ལ་ག་ར་ད་ཞེས་བྱའོ། །པི་པི་ལིང་དང་། ཏི་ལ་མུ་པ་ལ་ཀ་ན་ཞེས་སོ། །ལངྒ་ལི་དང་། ཨིནྡྲ་བ་རུ་ལ་ཨིནྡྲ་ཞེས་སོ། །དཱུར་བ་དང་། མདྨ་རི་ཧི་ལ་གུ་ཧ་ལ་
[41b.5]ཞེས་བྱའོ། །དུད་པ་དང་། ཤུ་དག་ལ་གོ་ལི་མི་ཞེས་བྱའོ། །པྲི་ཡང་ཀུ་དང་། ཙམ་པ་ཀ་ལ་གནྡྷ་ཕལ་ཞེས་བྱའོ། །ཛཱ་ཏི་ཕ་ཏི་ཀ་དང་། ཛཱ་ཏི་ཕ་ལ་ལ་སོ་མ་ན་ཤུ་ན་ཀ་ཞེས་སོ། །གནྡྷ་པ་ལ་ཤི་ཀ་དང་། ག་བུར་ལ་ཤི་ཤི་ཞེས་བྱའོ། །ཨིན་བ་རུ་ནི་དང་། ཆང་གཉིས་ལ་བ་རུ་ནི་
[41b.6]ཞེས་གདགས་སོ། །སྤང་སྤོས་དང་། མ་ད་ག་མཉྫ་རི་ལ་ཏ་པ་སྲི་ནི་ཞེས་བྱའོ། །ཀུ་རནྟ་ཀ་དང་། ས་ཧ་ཙ་ར་གཉིས་ལ་ཨ་མྲ་ལ་ནི་ཀུ་ར་ཞེས་བྱའོ། །ཡུང་དང་། གི་ཝང་ལ་གི་རི་ཞེས་བྱའོ། །དུང་ཙང་རྡོ་དང་། འཚོ་
[41b.7]བྱེད་གཉིས་ལ་མ་དུ་ར་ཞེས་འདོགས་སོ། །ཤིང་ཚ་དང་། ཙ་ལི་པ་ཏ་ལ་ཚོ་བ་ཞེས་བྱའོ། །ནི་རྒུན་ཐི་དང་། སིན་དུ་བ་དང་། ཤར་ལ་ཤེ་ཕ་ལི་ཞེས་འདོགས་སོ། །ཀུ་སུམྦ་དང་། པདྨ་གེ་སར་ལ་པདྨོ་དིར་ཞེས་སྨྲའོ། །ལྱམ་ཚ་དང་། མི་སྲ་ཙ་ནི་
[42a]
[42a.1]ལ་ཤི་ཏ་པ་ཞེས་བྱའོ། །རྒྱ་ཤུག་དང་། ཀ་ཀོ་ལ་ལ་ཀ་ཀོ་ལ་ཞེས་འདོགས་སོ། །ཀ་ཀ་ཛ་ག་དང་། ནག་ཚུར་ལ་མ་ལ་མ་ས་ཞེས་འདོགས་སོ། །མོ་ར་ཏ་དང་། བིར་ཏ་རུ་ལ་དྷིརྒ་མཱུ་ལ་ཞེས་འདོགས་སོ། །ཧིང་གུ་བ་ཏྲི་ཀ་
[42a.2]དང་། ཨུ་པ་ཀུན་ཟིན་དང་། ཟིར་ནག་པོ་དང་། སུག་སྨེལ་དང་། དེ་དག་ནི་པྲི་ཏོ་ཀ་ཞེས་བྱའོ། །འོལ་མ་སི་དང་། མོན་སྲན་སྣེའུ་དང་། དམེ་རུ་ལ་དང་། ཀ་ཀཱ་ཧ་ཞེས་འདོགས་སོ། །ས་ལ་པརྞི་དང་། བྱི་ཚེར་བ་གཉིས་ལ་དིརྒ་མཱུ་ལ་
[42a.3]ཞེས་བྱའོ། །ཛམྦི་རི་དང་། བ་མ་ག་གཉིས་ལ་ནི་མར་པ་ཀོ་ཞེས་འདོགས་སོ། །བ་ལ་ཀ་དང་། ལྕང་མ་ནི་ཛ་ལ་སྟེ་ཆུའི་མིང་ངོ་། །བི་ཤ་ནི་ཀ་དང་། མེ་ཤ་ཤྲི་གྱི་ལ་ཞེས་འདོགས་སོ། །དན་ཏི་དང་། དྲན་ཅན་ཏི་ལ་བྲ་ཏཀྵི་ནི་ཞེས་བྱའོ། །ཤི་ཏ་ལ་
[42a.4]དང་། བ་ཏ་ཀུ་དང་། ཅག་དང་། དེ་དག་ནི་ཨ་བ་ར་བི་ཏ་ཞེས་བྱའོ། །ཀ་ཀ་ཛད་ན་དང་། ཛོ་ཏི་སྨན་ཏི་ལ་ལ་ཏ་པརྟི་ཞེས་བྱའོ། །འོད་མ་དང་། དུག་མོ་ཉུང་ལ་བ་ཡ་ཧྤ་ལ་ཞེས་བྱའོ། །ཀཎྜ་ཀ་རི་དང་། བྱི་ཚེར་བ་དྷུ་ཡང་ཞེས་བྱའོ། །རས་བལ་
[42a.5]དང་། བིམྦི་ལ་ཊུནྡི་ཀ་ཞེས་བྱའོ། །རྒྱ་སྤོས་དང་། སྱི་ན་ཀ་ལ་ན་ཞེས་བྱའོ། །བྷ་ཏ་དང་། ཙི་ཏྲ་དང་། ར་ནི་ལ་བེད་ན་ཧ་ཞེས་བྱའོ། །ཀ་ཀུ་བ་དང་། ཛལ་པི་པི་ལིང་ལ་ཤ་ཀུ་ཏ་ནི་ཞེས་བྱའོ། །པ་རི་པེལླ་པ་དང་། །ཀ་ཀ་ཀ་ལ་བ་དང་། ཀུ་ཏ་ཎནྟ་
[42a.6]ཞེས་བྱའོ། །བཙོད་དང་། ཊུ་ཏ་ན་ཊུ་ལི་རི་ལ་བྷནྡྷི་རི་ཀ་ཞེས་བྱའོ། །ཤྲེ་བ་ས་དང་། ཀྵི་རི་ཀ་རུ་དང་། གཉིས་ལ་ནི་ཞོའི་མིང་ནི་ད་དྷི་ད་ཞེས་བྱའོ། །ནས་ཚིག་འཁུས་པའི་ཐལ་བ་དང་། སརྫི་ཀའི་ཐལ་བ་གཉིས་ནི་ཐལ་བ་སྟེ། ཀྵ་ར་ཞེས་བྱའོ། །ཏེ་ཛོ་བ་ཏི་དང་།
[42a.7]དཱུར་བ་ལ་ཏེ་ཛི་ནི་ཞེས་བྱའོ། །འདམ་བུ་དང་། ལྡོང་རོས་ལ་ཏེ་ཛ་ན་ཞེས་བྱའོ། །ཤ་ཁ་ན་ལི་ཀ་དང་། ཡུངས་ཀར་ཤ་ཁ་ན་ལི་ཀ་ཞེས་བྱའོ། །པ་ཏོ་ལ་ཏོ་དང་། ཀུ་ལ་ཀ་ཞེས་བྱའོ། །ཨ་པ་མརྒ་དང་། ཀོ་ཤ་ད་ཀི་ལ་དང་། དྷ་མར་ལ་ཞེས་བྱའོ། །ཨེ་
[42b]
[42b.1]རཎྜ་དང་། ག་གོན་ལ་ཧང་སྟོ་པརྞི་ཞེས་ཟེར་རོ། །ཉེའུ་ཤིང་དང་། མུར་བ་ལ་ཤ་ད་བིརྱ་ཞེས་བྱའོ། །ཉེའུ་ཤིང་དང་། དཱུར་བ་དཀར་པོ་ལ་ས་སྲ་དཱུར་བ་ཞེས་བྱའོ། །ཛམྦི་ར་དང་། ཀ་པི་ར་དང་། ཀ་པིད་ལ་ལ་དནྠ་ཤ་ཐ་ཞེས་ཟེར་རོ། །ཙང་གི་རི་དང་། ཨམ་བྱི་ལ་དནྡ་ཤ་ཐི་ཞེས་བྱའོ། །ཙ་ཀི་
[42b.2]རི་དང་། ད་ཏྲིག་ལ་ཨམ་ལི་ཀ་ཞེས་འདོགས་སོ། །ནཱི་ལ་པདྨ་དང་། རྒྱ་ཤུག་ལ་ཀུ་ལ་བ་ཞེས་སོ། །ཀ་དན་པ་དང་། ཀུ་ར་ཀུ་ཏི་ལ་ནཱི་ལ་པ་ཞེས་བྱའོ། །ཆུའི་ཤིང་དང་། ཨ་ས་མ་ཛ་ཏ་ལ་མ་དུ་ཀུ་ལ་
[42b.3]ཞེས་བྱའོ། །བ་ལི་དང་། གེ་རི་པུཥྤ་ལ་བ་ལ་ཞེས་བྱའོ། །ཀུ་སྨན་ད་དང་། ཀ་པིད་ཐཱ་ལ་པུ་ཤ་ཕ་ལ་ཞེས་བྱའོ། །འདབ་བུ་དང་། བྲིང་ག་ར་ལ་བྲིང་ག་ཛ་རུ་ཞེས་བྱའོ། །དནྟ་དང་། དྲ་ཙནྡི་ལ་ཙ་ཏྲ་ཞེས་བྱའོ། །ད་ཏྲིག་དང་། པྲི་ཡངྐུ་ལ་ཨུ་ཕ་
[42b.4]བྷིཙྪ་ཞེས་བྱའོ། །ཨགྣི་མནྠ་དང་། ཏང་པ་ལ་དང་། པདྨ་བདུ་དང་གསུམ་ལ་ཤི་པརྞི་ཞེས་འདོགས་སོ། །ཏུནྟི་ཀ་ར་ཀ་དང་། ཏང་པ་ལ་དང་། གཉིས་ལ་ནི་ནན་ཏྲི་བྲྀཀྵ་ཞེས་བྱའོ།། །།ད་ནི་སྨན་གྱི་དོན་གསུམ་པ་བཤད་པར་བྱ་སྟེ། རྩབ་མོ་
[42b.5]དང་། སྟང་ཟིལ་དང་། རྒྱ་ཤུག་དང་གསུམ་པོ་ནི་ཨཉྫ་ན་ཞེས་བྱའོ། །ནིམ་པ་དང་། སྒོག་སྐྱ་དང་། ཨ་ས་བའི་ཆང་དང་གསུམ་ལ་ནི་ཨ་རི་ཏ་ཞེས་བྱའོ། །བྱི་ཚེར་བ་དང་། ཀཎྜ་ཀ་རི་དང་། ཀ་པི་ཀན་ཚུ་གསུམ་ལ་དྷུང་ཡཪྴ་ཞེས་བྱའོ། །པྲི་མངྐུ་དང་
[42b.6]དུར་བྱིད་དང་། པི་པི་ལིང་གསུམ་ལ་ནི་ཤ་མ་ཞེས་བྱའོ། །པི་པི་ལིང་དང་། ཨུ་པ་ཀུཉྫ་ཀ་དང་། ནི་ལི་ནི་གསུམ་ལ་ནི་ཀྲྀཥྞ་ཞེས་བྱའོ། །པ་ཐ་དང་། མུ་ཙི་ཀ་དང་། ཙཾ་གི་རི་གསུམ་ལ་ནི་ཨ་མ་ཥྚ་ཞེས་འདོགས་སོ། །པིནྟ་ཀ་ར་དང་། སྤྲ་
[42b.7]ཚིལ་དང་། ལང་ཏང་ཚེ་གསུམ་ལ་མ་དམ་ཞེས་བྱའོ། །སླེ་ཏྲེས་དང་། སྐྱུ་རུ་ར་དང་། ཨ་རུ་ར་དང་གསུམ་ལ་ཨ་མྲྀ་ཏ་ཞེས་བྱ་སྟེ་བདུད་རྩི་ཡིན་ནོ། །ཡུང་བ་དང་། འབྲ་གོ་དང་། ཏིང་གུ་བཀྲི་ཀ་ལ་བྱིན་ཏ་ཞེས་བྱའོ། །བ་ཀུརྩི་དང་། བྲ་ཧྨི་དང་།
[43a]
[43a.1]སླེ་ཏྲེས་ལ་སོ་མ་བ་ལི་ཞེས་བྱའོ། །ཤྲི་ཤ་དང་། ཐུ་ནི་ཡ་ཀ་དབ། བ་ལུའི་ལོ་མ་ལ་ཤུ་ཀ་ཞེས་བྱའོ། །ཨུ་པ་ཀུཉྫི་ཀ་དང་། བཙོད་དང་། ནི་ལི་ཀ་ལ་ཀ་ལ་ཞེས་བྱའོ། །བོང་ང་དང་། དུར་བྱད་དང་། བཀུ་ཙི་ལ་ཀ་
[43a.2]ལ་མི་ཤི་ཞེས་བྱའོ། །རྒྱ་སྤོས་དང་། པྲི་མདྐུ་དང་། ཐལ་ཏྲེས་ལ་ཀ་ལ་ན་ས་རི་ཞེས་བྱའོ། །རྒྱ་སྐྱེགས་ཤིང་དང་། ཟུར་བ་དང་། བྲེའུ་སུལ་བ་ལ་ཤ་ན་ཞེས་བྱའོ། །ཆུ་ཤིང་དང་། ཤལ་མ་ལི་ཀ་དང་། ས་བོན་ལ་སོན་ཀ་ཞེས་འདོགས་སོ། །
[43a.3]ཧི་གུ་ལ་ཏྲི་ཀ་དང་། ཨུ་པ་ཀུཉྫི་ཀ་དང་། སུག་སེམས་ལ་པྲི་ཐི་ཀ་ཞེས་བྱའོ། །སུག་སྨེལ་དང་། ཐལ་ཏྲེས་དང་། ཛོ་ཏིསྨ་ཏི་ལ་པ་ཏ་ཞེས་བྱའོ། །ས་ལ་གོ་དང་། མུ་ར་དང་། ཨི་ལ་བ་ལུ་ཀ་ལ་སུར་བྱི་ཞེས་འདོགས་སོ། ཤྲིབ་ས་དང་། བིལ་བ་
[43a.4]དང་། ལི་ཤི་ལ་སྟི་ཡཱ་ཧཱ་ཞེས་བྱའོ། །བྲག་ཞུན་དང་། རྡོ་དྲེག་དང་། ལྡོང་རོས་ལ་ལི་ལ་ཧ་ཞེས་བྱའོ། །ཙ་པནྐ་དང་། ནཱ་ག་གེ་སར་དང་། པདྨ་ཀི་ན་ཇ་ལ་ཀ་ལ་ཙ་པ་ལཱི་ཡ་ཞེས་བྱའོ། །ཨ་པ་མརྒ་དང་། ཏི་མུས་དང་། སྤངས་པ་མ་ལམ་ཡཱུ་ར་ཀ་
[43a.5]ཞེས་འདོགས་སོ། །རྩལ་རུ་ཚ་དང་། ཡ་བྐྵ་ར་དང་། མཆིང་བུ་ལ་བ་ཀྱ་ཞེས་བྱའོ། །སླེ་ཏྲེས་དང་། ཏང་པ་ལ་དང་། ནི་ལི་ཀལ་མ་དུ་པརྞ་ཞེས་བྱའོ། །པ་རི་པེལ་བ་དང་། ཨ་ཤྭ་ཁུར་དང་། པཤྴ་བི་ཤེ་ཤལ་བརྟ་ཀ་ཞེས་བྱའོ། །ལྕིམ་རྩ་
[43a.6]དང་། ཤ་མི་ཤ་དང་། རིང་དི་དང་གསུམ་ལ་ཤི་མི་ཞེས་བྱའོ། །རྒྱ་ཤུག་དང་། སླ་བ་དང་། མ་དྷ་ན་ལ་གྷོནྟ་ཞེས་བྱའོ། །ཨུ་པ་ཀུཉྫི་ཀ་དང་། ཀ་ར་བིལ་ལ་དང་། པུཎྜ་རཱི་ཀ་ལ་སུ་ཤི་དི་ཞེས་བྱའོ། །དུང་དང་། བ་ལ་ཀ་དང་། ལི་ཤིལ་བ་རིཉྫ་
[43a.7]ཞེས་བྱའོ། །ཁ་སན་དང་། ཨ་པ་མརྒ་དང་། པུ་ཏི་ཀ་རཉྫ་ལ་མ་ར་ཀ་ཏི་ཞེས་བྱའོ། །ཁ་ཨ་ཤྭ་ཤན་ད་དང་། བ་ར་ཧི་བ་ར་ར་ཞེས་བྱའོ། །སླ་ཀྵ་དང་། ཨཾ་བ་དང་། ཤྲི་ཤི་དང་གསུམ་ལ་ནི་ཨ་མྲ་ཏ་ཀ་ཞེས་བྱའོ། །སེང་ལྡེང་དཀར་པོ་དང་། ཀད་པ་ལ་དང་།
[43b]
[43b.1]ཀརཉྫལ་སོ་མང་བང་ཀ་ཞེས་བྱའོ། །སྟར་བུ་དང་། ཤིང་ཀུན་དང་། གླ་རྩི་ལ་ཧ་ས་སྲ་བི་དོ་ཞེས་བྱའོ། །མ་ནུ་དང་། གུར་གུམ་དང་། བུ་ཤར་ལ་ཀ་མིར་ཞེས་བྱའོ། །ལྕང་མ་དང་། སཔྣྡྷ་ར་དང་། ཨ་ཤོ་ལ་ལ་བྷཛུལ་ཞེས་བྱའོ། །ཨ་ས་ན་
[43b.2]དང་། པྲི་ཡངྐུ་དང་། ཀུ་རམ་པ་ལ་བྲི་ཡངྐུ་ཞེས་བྱའོ། །མནྡ་ར་དང་། བིར་ཛ་ཏ་དང་། ཐང་ཤིང་ལ་པ་རི་བྷ་ཏྲ་ཞེས་བྱའོ། །སླེ་ཏྲེས་དང་། རི་ཀ་རུ་ཧ་དང་། ཤཀ་བི་ཤེ་ཤ་ལ་ཛི་བནྟི་ཞེས་བྱའོ། །བིམྦི་དང་། དུ་ཡར་ཤ་དང་། པི་ཏ་ཡུ་ཏི་དང་
[43b.3]གསུམ་ལ་ཧེ་མ་པུ་ཤི་ཞེས་བྱའོ། །ལྕིམ་རྩ་དང་། ག་བྲའི་རྩ་བ་དང་། པདྨ་ན་ཏི་ཀ་ལ་པདྨ་ཞེས་བྱའོ། །ཀུན་ཀ་དང་། རས་བལ་དང་། ཡབ་ཀ་ཀ་ལ་སུ་མནྟ་ཞེས་བྱའོ། །ཚྭ་དང་། སྐྱུར་དང་། ཙང་གར་ལ་པྲིག་ག་ཞེས་བྱའོ། །ཏ་ཏྲིག་དང་། ཚྭ་དང་
[43b.4]སྟར་བུ་ལ་ཙུ་ཏྲི་ཀ་ཞེས་བྱའོ། །བུ་ཏྲི་ན་དང་། བུ་ནི་བ་ལ་ནི་བྷུ་ནི་ཏི་ཀ་ཞེས་བྱའོ། །ར་སྣ་དང་། ས་ལ་ཀ་དང་། པ་ཐ་ལ་ནིར་ས་ཞེས་འདོགས་སོ། །ཡབ་ཤ་ཀ་དང་། པི་པི་ལིང་དང་། དཱུར་བ་ལ་ནི་རན་ཏྲ་ཞེས་འདོགས་སོ། །པ་ཏ་ལ་དང་། ཏ་པལ་དང་
[43b.5]མ་ཤ་པརྞི་ཀྲི་ཤ་མྲི་ཏི་ཀ་ཞེས་བྱའོ། །ཆུ་ལྕང་དང་། སྟར་བུ་དང་། ཏད་ཀ་རི་ལ་ན་དེ་ཡ་ཞེས་བྱའོ། །ཀརྐ་ཏ་དང་། རནྣ་ཞེས་བྱ་བ་རིན་པོ་ཆེའི་བྱེ་བྲག་དང་། དེ་དག་ནི་བེ་ཏ་ཀ་ཞེས་བྱའོ། །ནཱི་ལ་ཆུས་པ་དང་། གནྡྷ་བ་ཤལ་དང་། སོ་གནྡྷི་ཞེས་བྱའོ། །
[43b.6]རསྣ་དང་། ཤེ་ཕ་ལི་དང་། ག་དན་ཀུ་ལི་དང་གསུམ་ལ་ནི་སུ་བ་ཧ་ཞེས་བྱའོ། །རྒྱ་སྐྱེགས་དང་། གུ་གུལ་དང་། གཟེ་མ་ལ་ནི་པ་ལཾ་ཤ་ཞེས་བྱའོ། །ཧེ་མ་བ་ཏི་དང་། ཨ་རུ་ར་དང་། ཤུ་དག་དཀར་པོ་ལ་ནི་ཧེ་མཾ་བ་ཏི་ཞེས་བྱའོ། །ཨ་རུ་ར་དང་། མ་ཧཱ་
[43b.7]སྲ་བ་ནི་དང་། ལྕིམ་རྩལ་ནི་ཨ་པ་ཐ་ཞེས་བྱའོ། །ད་ད་ཀི་དང་། དུར་བྱིད་དང་། པ་ཏལ་གསུམ་ལ་ནི་ཨ་པྲ་པུ་ཤོ་ཞེས་བྱའོ། །ཤུ་དག་དང་། ཤུ་ཏི་དང་། གི་ཝང་དང་གསུམ་ལ་ནི་ཤམྦི་ཞེས་བྱའོ། །ལངྒ་ལི་དང་། ནན་ཉི་དང་། སླེ་ཏྲེས་ལ་བི་ཤ་པ་ཞེས་བྱའོ། །
[44a]
[44a.1]རྨ་ཤིང་དང་། སེང་ལྡེང་དང་། ཙནྡན་དམར་པོ་གསུམ་ལ་ནི་རཀྟ་ས་ཏར་ཞེས་བྱའོ། །བོང་ང་དཀར་པོ་དང་། ཀར་ཤ་ཤྲིང་གི་དང་། མི་ཤ་བི་ཤིན་ཀ་གསུམ་ལ་ནི་ཤིང་གི་ཞེས་བྱའོ། །ཡ་ཤོ་དང་། དཱུར་བ་དང་། ཀ་ཙི་དན་ཚུ་དང་གསུམ་
[44a.2]ལ་ནི་ཀང་ཚུ་ར་ཞེས་བྱའོ། །བྷུཤྨ་དང་། བཅོད་དང་། ཨརྱ་ལང་ཀེ་ལ་མཎྜ་ཀ་པརྞི་ཞེས་བྱའོ། །ཏིནྟུ་ལ་དང་། སེང་ལྡེང་སྨུག་པོ་དང་། ཏམ་ལ་གསུམ་ལ་ནི་ཀ་ལ་སྐནྡ་ཞེས་བྱའོ། །ཁ་སྲལ་ཕྲེའུ་དང་། ཀྲྀཥྞ་པརྞི་དང་། ས་མང་ག་ལ་སྭ་ཡང་གུལ་ཏ་ཞེས་བྱའོ། །
[44a.3]ཏྲི་ཀ་དང་། སཽ་མཉྫ་ན་དང་། རྒྱ་མཚོའི་ཚ་གསུམ་ལ་ནི་ཨ་ཤེས་པ་ཞེས་བྱའོ། །ཏིལ་དང་། ཀོ་ཀཱི་ལཀྵ་དང་། གཟེ་མ་གསུམ་ལ་ནི་ཀུར་ཞེས་བྱའོ། །རྒུན་འབྲུ་དང་། མུར་བ་དང་། ཏང་བ་ལ་གསུམ་ལ་ནི་མ་དུ་རས་ཞེས་བྱའོ། །མི་ཏྲི་ཀ་དང་། ཉེའུ་ཤིང་དང་།
[44a.4]པུ་གཙང་སྟོ་དང་གསུམ་ལ་ནི་ས་དུ་ས་ཞེས་བྱའོ། །ཨ་ས་པ་མརྒ་དང་། རྒྱ་མཚོའི་ཆ་དང་། དྷ་ཏི་པི་པི་ལིང་གསུམ་ལ་ནི་བ་སིར་ཞེས་བྱའོ། །མུངྒ་པརྞི་བྷ་ལ་དང་། དེ་དག་ནི་ས་ཧ་ཞེས་བྱའོ། །མ་ཤ་པརྞ་དང་། མ་ཧཱ་བ་ལ་དང་། བེེ་ཏ་ར་ནི་གསུམ་ལ་ནི་
[44a.5]མ་ཧཱ་ས་ཧཱ་ཞེས་བྱའོ། །ཆ་བུ་ཆང་སྟོང་དང་། བྱེའུ་རུག་པའི་དང་། ཨ་རུ་ར་དང་གསུམ་ལ་ནི་ཀ་པ་ཏ་ཞེས་བྱའོ། །ཀྵ་ཡང་ཥྜི་ཀི་ཞེས་བྱའོ། །པ་དང་། སླེ་ཏྲེས་དང་། སྐྱུ་རུ་ར་གསུམ་ལ་ནི་ཨརྐ་དང་། ཀུན་དང་། བིལ་བ་ལ་ནི་
[44a.6]དྤུཥྤ་ཞེས་བྱའོ། །ཀྵ་ར་ཀ་ཀོ་ལི་དང་། ཨརྫུན་དང་། དྷརྦ་བྱི་ཤེ་ཤ་དང་གསུམ་ལ་ནི་བི་ར་ན་ཞེས་བྱའོ། །ཨ་ཤ་ར་ཀ་ར་ན་དང་། ཨ་ས་ན་དང་། ས་ལ་དང་། སུམ་ལ་ནི་ཪྶར་ཛ་ཞེས་བྱའོ། །ཨ་རི་ཀ་དང་། ཤྲི་ཤ་དང་གསུམ་ལ་ནི་ཨར་ཏྲ་
[44a.7]ཞེས་བྱའོ།། །།སྨན་དཔྱད་ཡན་ལག་བརྒྱད་པའི་སྙིང་པོའི་འགྲེལ་པ་མཛད་པའི་སློབ་དཔོན་ཟླ་བ་ལ་དགའ་བས་ཡན་ལག་བརྒྱད་པ་ལ་སོགས་པའི་སྨན་གྱི་མིང་གི་རྣམ་གྲངས་མཛད་པ་རྫོགས་སོ།། །།
[44b]
[44b.1]{T4310}༄༅༅། །རྒྱ་གར་སྐད་དུ། ཨཥྚ་ཨཾ་ག་ཧྲྀ་ད་ཡ། སཾ་ཧིཏྟ་ནཱ་མ། བོད་སྐད་དུ། ཡན་ལག་བརྒྱད་པའི་སྙིང་པོ་བསྡུས་པ་ཞེས་བྱ་བ། བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་ཌཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །འདོད་ཆགས་ལ་
[44b.2]སོགས་མ་ལུས་པ་ཡིནད། །རྒྱུན་དུ་འབྲེལ་པས་ལུས་ཀུན་མ་ལུས་ཁྱབ། །འདོད་དང་གཏི་མུག་ཁྲོ་བ་སེལ་བ་ཡི། །སྨན་པ་སྔོན་མེད་དེ་ལ་ཕྱག་འཚལ་ལོ། །དེ་ནས་ཚེ་རིང་པར་འདོད་པའི་ལེའུ་བཤད་པར་བྱའོ། །རྒྱུན་ཤེས་ཀྱི་བུ་ལ་སོགས་པ་དྲང་སྲོང་ཆེན་པོ་
[44b.3]རྣམས་ཀྱིས་འདི་ལྟར་བཤད་དོ། །ཚེ་ནི་རིང་པར་འདོད་པ་ཡིས། ཆོས་དང་ནོར་དང་བདེ་བ་བསྒྲུབ། །ཚེ་ཡི་རིག་བྱེད་ལུང་བཤད་པ། །རབ་ཏུ་གུས་པར་བྱ་བར་གྱིས། །ཚངས་པས་ཚེ་ཡི་རིག་བྱེད་དྲན། །སྐྱེ་དགུའི་བདག་ལ་བཤད་པ་ཡིན། །དེ་ཡིས་ཐ་སྐར་
[44b.4]དེས་བརྒྱ་བྱིན། །དེས་རྒྱུན་ཤེས་སྩོགས་དྲང་སྲོང་ལའོ། །དེ་ཡིས་མེ་བཞིན་འཇུག་ལ་སྩོགས། །དེ་རྣམས་ཀྱིས་རྒྱུད་སོ་སོར་བྱས། །ཤིན་ཏུ་འཐོབ་པ་དེ་རྣམས་ལས། །རབ་ཅེས་ཕལ་ཆེར་བཏུས་པ་ནི། །ཤིན་ཏུ་བསྡུས་མིན་རྒྱས་མིན་པར། །ཡན་ལག་བརྒྱད་
[44b.5]པའི་སྙིང་པོ་བྱས། །ལུས་དང་བྱིས་པ་གདོན་ལུས་སྟོད། །མཚོན་དང་མཆེ་བ་རྒས་རོ་ཙ། །གསོ་དཔྱད་གང་ལ་གནས་པ་ཡི། །ཡན་ལག་བརྒྱད་དུ་དེ་བཤད་དོ། །རླུང་དང་མཁྲིས་པ་བད་ཀན་ཡང་། །ཉེས་པ་རྣམ་གསུམ་མདོར་བསྡུས་ཡིན། །དེ་ནི་རྣམ་གྱུར་
[44b.6]མ་གྱུར་པས། །ལུས་ནི་འཇོམས་དང་གནས་པ་ཡིན། །དེས་ཁྱབ་གྱུར་ཀྱང་སྙིང་ག་དང་། །ལྟེ་བའི་འོག་བར་སྟེང་ན་གནས། །ན་ཚོད་ཉིན་ཞག་ཟས་ཟོས་ལ། །དེ་ནི་མཐའ་དབུས་སྩོགས་རྟོགས་རིམ། །དེས་ནི་འཇུ་བ་མི་སྙོམས་རྣོ། །ཆུང་དང་མཉམ་པས་
[44b.7]མཉམ་པར་འགྱུར། །དེ་ནི་ལྟོ་བ་སྲ་སྙི་རན། །མཉམ་པས་ཀྱང་ནི་བར་མར་འགྱུར། །སྐྱེ་བའི་དང་པོར་ཁུ་ཁྲག་གནས། །དུག་ཅན་སྲིན་བུའི་དུག་དང་མཚུངས། །དེ་ནི་རང་བཞིན་རྣམ་གསུམ་སྟེ། །ཆུང་འབྲིང་ཆེན་པོ་སོ་སོར་ལྟ། །མ་ལུས་པ་ལ་ཁམས་མཉམ་པ། །
[45a]
[45a.1]མཆོག་ཡིན་ཉེས་པ་གཉིས་འབྱུང་སྨད། །དེ་ལ་རླུང་ནི་རྩུབ་ཅིང་ཡང་། །གྲང་ཞིང་སྲ་ལ་ཕྲ་ཞིང་གཡོ། །མཁྲིས་པ་སྨུམ་བཅས་རྣོ་ཞིང་དྲོ། །ཡང་ཞིང་དྲི་མནམ་འཁྲུ་ཞིང་གཤེར། །བད་ཀན་སྣུམ་བསིལ་ལྕི་བ་དང་། །རྟུལ་ཞིང་འཇམ་བརྟན་འབྱར་བ་གཅན། །
[45a.2]དེ་གཉིས་གསུམ་ཟད་འཁྲུགས་པ་ལས། །ལྡན་པ་དང་ནི་འདུས་པ་ཡིན། །ལུས་ཟུངས་དངས་མ་ཁྲག་དང་ཤ།།ཚིལ་དང་རུས་རྐང་ཁུ་ཆུ་སྟེ། །གནོད་བྱ་བདུན་ཡིན་དྲི་མ་གཅིན། །བཤང་བརྡུལ་ལ་སྩོགས་པ་ཡིན། །ཐམས་ཅད་མཉམ་པས་འཕེལ་འགྱུར་ཞིང་། །དེ་ལས་
[45a.3]བཟློག་པས་གནོད་པར་འགྱུར། །རོ་ནི་མངར་སྐྱུར་ལན་ཚྭ་དང་། ཚ་དང་ཁ་དང་བསྐ་བ་སྟེ། །རྫས་དྲུག་ལ་གནས་དེ་དག་ཀྱང་། །གོ་རིམས་བཞིན་དུ་སྟོབས་ཆེན་ཡིན། །དེ་ལས་དང་པོའི་གསུམ་པོ་ནི། །རླུང་འཇོམས་ཚྭ་སྩོགས་བད་ཀན་སེལ། །བསྐ་དང་ཁ་དང་
[45a.4]མངར་བ་ནི། །མཁྲིས་སེལ་གཞན་དག་སྐྱེད་པ་ཡིན། །དེ་ལྟར་རྫས་ནི་རྣམ་པ་གསུམ། །ཞི་འཁྲུགས་ཐ་མལ་གནས་ལ་ཕན། །དེ་ལ་ཚ་བསིལ་ཕུལ་བྱུང་བས། །ནུས་པ་རྣམ་པ་གཉིས་སུ་བཤད། །རྫས་ནི་ཁུ་བ་རྣམ་གསུམ་སྟེ། །མངར་སྐྱུར་ཚ་བའི་བདག་ཉིད་ཅན།
[45a.5]ཡོན་ཏན་ལྕི་རྟུལ་བསིལ་དང་སྣུམ། །འཇམ་དང་བསྐ་བ་མཉེན་དང་བརྟན། །ཕྲ་དང་བཅས་ཤིང་བསྐ་བག་ཅན། །དེ་བཟློག་པ་དང་ཉི་ཤུ་ཡིན། །དུས་དོན་ལས་ཀྱི་སྦྱོར་བ་རྣམས། །དམན་དང་ལོག་པར་ལྷག་པ་དང་། །ཡང་དག་སྦྱོར་བས་ནད་དང་ནི། །ནད་མེད་རྒྱུ་
[45a.6]གཅིག་ཡིན་ཞེས་བྱ། །ནད་ནི་ཉེས་པ་མ་སྙོམས་ཡིན། །ཉེས་པ་སྙོམས་པ་ནད་མེད་ཉིད། །དེ་ལ་ནད་ནི་རང་བཞིན་གནས། །གློ་བུར་ཆ་ཡིས་གཉིས་སུ་བཤད། །དེ་རྣམས་ལུས་སེམས་དབྱེ་བ་ཡིས། །གནས་ཀྱང་རྣམ་པ་གཉིས་ཡིན་ནོ། །འདོད་ཆགས་གཏི་
[45a.7]མུག་ཀྱང་ཡིད་ཀྱི། །ཉེས་པ་གཉིས་སུ་བསྟན་པ་ཡིན། །ནད་པ་བལྟ་དང་རེག་པ་དང་། །དྲིས་པ་ཡས་ནི་ཡོངས་སུ་བརྟག །ནད་ཀྱི་གཞི་ཡི་དང་པོའི་ཚུལ། །མཚན་ཉིད་ཉེར་བསྟེན་འཐོབ་པ་ཡིན། །ས་དང་ལུས་ཀྱི་བྱེ་བྲག་གིས། །འདི་ལ་ཡུལ་ས་རྣམ་གཉིས་བཤད། །
[45b]
[45b.1]སྐམས་ཕལ་ཆེར་རླུང་སྐྱེད་ཅིང་། །རླན་ཅན་བད་ཀན་འཕེལ་བ་ཡིན། །ཆ་མཉམ་ཉེས་པ་མཉམ་པ་སྟེ། །ས་ཡི་ཕྱོགས་ནི་གསུམ་དུ་བཤད། །སྐད་ཅིག་ལ་སོགས་ནད་ཀྱི་སྐབས། །དུས་སུ་སྨན་ནི་སྦྱོར་བར་བྱེད། །མདོར་ན་སྨན་ནི་རྣམ་གཉིས་ཏེ། །སྦྱང་བ་དང་ནི་
[45b.2]ཞི་བའོ། །ལུས་ལས་བྱུང་བའི་ནད་རྣམས་ཀྱི། །རིམ་གྱིས་སྨན་གྱི་དམ་པ་ནི། །མས་གཏོང་བཀྲུ་སྨན་སློན་སྨན་དང་། །དེ་བཞིན་ཏིལ་མར་མར་སྦྲང་རྩི། །བློ་དང་བརྟན་བདག་སྩོགས་ཤེས་པ། །སེམས་ཀྱི་ཉེས་པའི་སྨན་མཆོག་ཡིན། །གསོ་བ་དག་ཏུ་བསྟན་
[45b.3]པ་ནི། །སྨན་པ་སྨན་དང་ནད་གཡོག་དང་། །ནད་པ་ཡན་ལག་རྣམ་བཞི་སྟེ། །རེ་རེའང་རྣམ་པ་བཞི་བཞི་ཡིན། །སྨན་པ་མཁས་སྟེགས་གཞུང་དོན་ཤེས། །ལས་རྣམས་མཐོང་བཞིན་གཙང་བ་ཡིན། །སྨན་ནི་ཆོ་ག་མང་པོ་དང་། །ཡོན་ཏན་མང་ལྡན་ཕུན་
[45b.4]ཚོགས་འཕྲོད། །ནད་གཡོག་རྗེས་བརྩེ་གཙང་སྦྲ་ཅན། །སྒྲིམ་ཞིང་བློ་དང་ལྡན་པ་ཡིན། །ནད་པ་ཕྱུག་ཅིང་བསྒོ་བ་ཉན། །ཤེས་པར་ནུས་ཤིང་སྙིང་སྟོབས་ལྡན། །སྨན་ཀུན་བཟོད་པར་ནུས་པའི་ལུས། །སྐྱེས་བུ་གཞོན་ཞིང་བདག་ཉིད་ཐུལ། །གནད་དུ་མ་སོང་
[45b.5]རྒྱུ་སྔར་ཚུལ། །མཚན་ཉིད་ཆུང་དང་གནོད་པ་མེད། །གནོད་བྱ་ཡུལ་དུས་རང་བཞིན་རྣམས། །མཚུངས་མིན་ཡན་ལག་ཕུན་སུམ་ཚོགས། །བཟའ་ནི་རྗེས་སུ་མཐུན་པ་ལ། །ཉེས་པ་ལམ་གཅིག་གསར་གསོ་སླ། །ནད་ནི་མཚན་སྩོགས་ཀྱིས་བཏབ་ཅིང་། །གསོ་
[45b.6]བ་དཀའ་ཞིང་དེ་ལས་འདྲེས། །ཚེ་ཡི་ལྷག་མ་ལུས་ཕྱིར་འཚོ། །གོ་བཟློག་པ་ལ་གོམས་ཕན་ཉིད། །བཅོས་པའི་ཐབས་མེད་ཉིད་དུ་འགྱུར། །ཤིན་ཏུ་ཕྱིན་ཅི་ལོག་པར་གནས། །འདོད་དང་རྨོངས་དང་ཁྲོ་བར་བྱེད། །འཆི་ལྟས་སྣང་ཞིང་དབང་པོ་ཉམས། །སྨན་པ་རྒྱལ་པོ་
[45b.7]ལ་སྡང་དང་། །དེ་དང་མི་མཛའ་སྡང་བ་དང་། །ཡོ་བྱད་མི་འབྱོར་བྲེལ་བ་དང་། །ཉན་དུ་མི་བཏུབ་ཚེ་ཟད་དང་། །གཏུམ་ཞིང་མྱ་ངན་ལ་མནན་འཇིགས། །བྱས་པ་མི་གཟོ་སྨན་བརྙས་སྤངས། །དེ་ནས་གཞན་ཡང་རྒྱུད་འདི་ཡི། །ལེའུ་བསྡུས་པ་བཤད་བྱ་སྟེ། །ཚེ་རིང་ཉིན་རེ་
[46a]
[46a.1]དུས་སྤྱོད་དང་། །ནད་མེད་བྱ་དང་བཏུང་བ་དང་། །ཟས་ཤེས་བྱ་དང་ཟས་བསྡམ་དང་། །ཟས་ཚོད་སྨན་དང་རོ་ལ་གནས། །ནད་ཤེས་བྱ་དང་དེའི་དབྱེ་བ། །དེ་གསོ་བ་དང་གསོ་ཐབས་གཉིས། །སྦྱང་སྩོགས་སྣུམ་ཆོས་ཁྲུས་བརྟ་བྱ། །སྨན་དུང་ཁར་
[46a.2]དོར་མིག་བཀྲུ་དང་། །གསོ་དང་དབྱུང་ཐབས་ཟུག་རྔུ་མཚོན། །གཏར་དཔྱད་ཟུག་རྔུ་དབྱུང་བའི་དཔྱད། །མཚོན་དང་ཐལ་སྨན་མེ་བཙའི་ལས། །མདོག་ནས་ལེའུ་སུམ་ཅུ་ནི། །འདི་ཡིན་ལུས་ཀྱི་བརྗོད་བྱ་སྟེ། །མངལ་དུ་འཇུག་དང་དེའི་ནད་དང་། །ཡན་ལག་གནད་ཀྱི་བྱེ་
[46a.3]བྲག་དང་། །རྣམ་འགྱུར་བང་ཆེན་ལས་བྱུང་དྲུག །ནད་ཀུན་འབྱུང་བའི་ནད་གཞི་དང་། །རིམས་ཁྲག་དབུགས་མི་བདེ་གཅོང་སྩོགས། །ཆང་དང་གཞང་འབྲུམ་ཚད་པའི་ནད། །ཆུ་འགགས་གཅིན་ནི་སྙི་བ་དང་། །ཁོང་འབྲས་དམུ་རྫིང་དག་དང་ནི། །སྐྱ་རྦབ་མཛེ་ནད་རླུང་
[46a.4]གིས་གཟིར། །དྲེག་ནག་དག་དང་བཅུ་དྲུག་ཡིན། །རིམས་ནད་གསོ་དང་ཁྲག་དང་ནི། །ལུད་པ་དབུགས་མི་བདེ་དང་གཅོང་། །སློན་དང་ཆང་ནད་གཞང་འབྲུམ་དང་། །ཚད་ནད་ཕོ་བ་གཅིན་ནད་གཉིས། །ཁོང་འབྲས་སྐྲན་དང་དམུ་རྫིང་དང་། །སྦྱ་རྦབ་འོར་ནད་མེ་
[46a.5]དབལ་དང་། །མཛེ་དང་ཤ་བཀྲ་རླུང་ནད་དང་། །དྲག་ནད་གསོ་བའི་དཔྱད་རྣམས་ཏེ། །ལེའུ་ཉི་ཤུ་གཉིས་འདི་ཡིན།། །།དེ་ལས་གཞན་པ་ཆོ་ག་གྲུབ། །སྐྱུག་སྨན་བཀྲུ་སྨན་ཆོ་ག་དང་། །དེ་གྲུབ་མས་གཏོང་ཆོ་ག་དང་། །མས་གཏོང་ཉེས་གྲུབ་དྲུག་པ་ནི། །
[46a.6]སྨན་ཡིན་དེ་ནས་ཕྱི་མ་ནི། །བྱིས་པ་ཉེར་སྤྱོད་དེའི་ནད་དང་། །དེ་གདོན་འབྱུང་པོར་གཏོགས་པ་གཉིས། །སྨྱོ་དང་བརྗེད་བྱེད་སྩོགས་གཉིས་གཉིས། །མིག་ཆུ་རྫི་མའི་གྲྭ་མཚམས་དང་། །མིག་འབྲས་རབ་རིབ་མཐོང་ཉམས་གསུམ། །གཉིས་གཉིས་ཀུན་ལ་
[46a.7]འགྲོ་བ་ཡིན། །རྣ་ནད་སྣ་དང་ཁ་ནད་མགོའི། །རྨ་དང་ཆག་གྲུགས་མཚན་བར་རྡོལ། །འབྲས་སྩོགས་ཕྲ་མོའི་ནད་རྣམས་དང་། །གསང་བའི་ནད་ནི་ཐ་དད་གཉིས། །དུག་དང་སྦྲུལ་དང་སྲིན་བུའི་དུག །བྱི་བ་དང་ནི་བཅུད་ཀྱིས་ལེན། །བུ་མེད་ས་བོན་གསོ་བ་སྟེ། །
[46b]
[46b.1]ལེའུ་བཞི་བཅུ་ཉིད་ཡིན་ནོ། །དེ་ལྟར་ལེའུ་ནི་བརྒྱ་ཉི་ཤུ། །གནས་ནི་དྲུག་ཏུ་བཤད་པ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། མདོའི་གནས་ཀྱི་ལེའུ་དང་པོའོ།། །།དེ་ནས་ཉིན་རེ་ཞིང་དཔྱད་པའི་ལེའུ་བཤད་པར་བྱའོ། །བདེ་གནས་ཚེ་ནི་
[46b.2]བསྲུང་བའི་ཕྱིར། །ཡུད་ཙམ་ཚངས་ཕྱིར་གནས་ཏེ་ལངས། །ལུས་ཀྱི་བྱ་བ་རྫོགས་བྱས་ནས། །དེ་ནས་གཙང་སྦྲའི་ཆོ་ག་བྱ། །ཨརྐ་ནྱ་གྲོ་དྷ་སེང་ལྡེང་། །ཀ་རཉྫ་ཀ་ཀུ་ལ་སྩོགས། །བསྐ་དང་ཚ་དང་ཁ་བ་དག །རྩེ་འཇམ་ནང་པར་ཟས་སྤྱད་ནས། །སོ་
[46b.3]དང་རྙིལ་ལ་མ་གནོད་པར། །སོ་ཡི་དག་བྱེད་བཅའ་བར་བྱ། །མ་ཞུ་སློན་བྲོ་དབུགས་མི་བདེ། །ལུད་པ་ལུ་རིམས་ཁ་ཡོན་ཅན། །སྐོམ་ཞིང་ཁ་སྐམས་སྙིང་མིག་རྣ། །མགོ་བོ་ན་བས་འདི་མི་བཅའ། །རྟག་ཏུ་མིག་སྨན་སྐྱེར་ཁཎྜ། །མིག་ལ་ཕན་པས་དེ་ཕྱིར་
[46b.4]བསྟེན། །དེ་ནི་མེ་ཡི་རང་བཞིན་ཏེ། །ལྷག་པར་བད་ཀན་ལ་འཇིགས་པས། །མཆི་མ་འཛག་ཕྱིར་སྐྱེར་ཁཎྜ། །ཞག་བདུན་ཞིང་ནི་བླུགས་པར་བྱ། །དེ་ནས་སྣ་སྨན་མཁུར་བཀང་དོར། །དུད་པ་སོ་རྩི་བསྟེན་པར་བྱ། །སོ་རྩི་གློ་འགྲམས་མཁྲིས་པ་ཁྲག །རྩུག་
[46b.5]པས་མིག་ནི་ན་བ་དང་། །དུག་གིས་བརྒྱལ་ཞིང་ཆང་ནད་གཟིར། །ལུས་སྐེམ་གྱུར་ལ་གནོད་པ་ཡིན། །རྟག་ཏུ་བསྐུ་བྱུག་སྤྱོད་བྱེད་ན། །དེ་ནི་རྒས་ངལ་རླུང་འཇོམས་ཡིན། །མིག་གསལ་ལུས་རྒྱས་ཚེ་འཕེལ་ཞིང་། །གཉིད་འོད་པགས་འཇམ་རྟས་བྱེད་ཡིན། །
[46b.6]དེས་ནི་མགོ་དང་རྣ་བ་དང་། །རྐང་པ་ཁྱད་པར་རྟག་ཏུ་བརྟན། །བད་ཀན་སྐྱེས་དང་མ་ཞུ་དང་། །བཀྲུ་སྨན་སྩོགས་བཏང་བསྐུ་བྱུག་སྤང་། །ཡང་ཞིང་ལས་ནི་ནུས་པ་དང་། །མེ་ཡི་དྲོད་སྐྱེད་ཚུལ་འབྲི་ལ། །ལུས་ཀྱི་སྐབས་ཕྱེད་མཁྲེགས་པ་ཉིད། །རྩོལ་བ་ལས་ནི་
[46b.7]འབྱུང་བར་འགྱུར། །རླུང་མཁྲིས་ནད་ཅན་བྱིས་པ་དང་། །རྒས་ཤིང་འཁོགས་པས་དེ་སྤང་བྱ། །སྟོབས་ལྡན་སྣུམ་བག་ཟ་བ་དང་། །གྲང་བའི་དུས་དང་དཔྱིད་དུས་དང་། །ནུས་ལྡན་དག་གིས་དེ་བསྟེན་བྱ། །དེ་ལས་གཞན་ཚེ་དལ་བ་ཉིད། །དེ་བྱས་ཅི་བདེར་ལུས་དག་ནི། །ཀུན་
[47a]
[47a.1]ནས་ཡོངས་སུ་མཉེ་བར་བྱ། །རྩོལ་བ་དེ་བྱས་ཟིན་ནས་ནི། །བདེ་བར་ལུས་ཀུན་གནས་པར་བྱ། །ཤིན་ཏུ་རྩོལ་བས་ལུད་པ་དང་། །སྐོམ་དང་གཅོང་ཅན་མི་དྲན་མུན། །ཁྲག་དང་མཁྲིས་རྒྱས་ངལ་དང་དུབ། །རིམས་དང་སློན་པ་འབྱུང་བར་འགྱུར། །
[47a.2]རྩོལ་བ་མི་ཉལ་ལམ་བུད་མེད། །དགོད་དང་སྨྲ་སོགས་ཤུགས་འབྱིན་དང་། །སེང་གེས་གླང་པོ་དྲངས་པ་བཞིན། །ཤིན་ཏུ་དྲགས་པས་མ་རུང་འགྱུར། །དྲིལ་ཕྱིས་བད་ཀན་སེལ་བ་དང་། །ཚིལ་ནི་རབ་ཏུ་ཞུ་བྱེད་ཅིང་། །ཡན་ལག་བརྟན་པར་བྱེད་པ་དང་། །པགས་པ་
[47a.3]གསལ་བར་བྱེད་པའི་མཆོག། །ཁྲུས་ནི་དྲོད་སྐྱེད་རོ་ཙ་དང་། །ཚེ་དང་མདངས་དང་སྟོབས་རབ་སྐྱེད། །གཡའ་དང་དྲི་མ་ངལ་དང་རྡུལ། །སྙོམ་སྐོམ་ལུས་ཚ་མི་ཤིས་སེལ། །ཆུ་དྲོན་གྱིས་ནི་ལུས་ཀྱི་སྨད། །བླུགས་ཤིང་བཀྲུས་པ་སྟོབས་སྐྱེད་ཡིན། །དེ་ཉིད་མགོར་བླུགས་
[47a.4]ཁྲུས་བྱས་ན། །སྐྲ་དང་མིག་གི་སྟོབས་འཕྲོག་ཡིན། །ཁྲུས་ནི་འགྲམ་ཆགས་མིག་ནད་དང་། །རྣ་བའི་ནད་དང་ཚད་པས་འཁྲུ། །ལྟོ་སྦོས་ཆམ་པ་མ་ཞུ་དང་། །ཟོས་མ་ཐག་པ་རྣམས་ལ་སྨད། །ཞུ་ནས་ཕན་ཞིང་རན་པར་ཟ། །བཤང་སྩོགས་ནན་གྱིས་བརྣག་མི་བྱ། །ཤུགས་མ་
[47a.5]ཕྱུང་བར་གཞན་མི་བྱ། །གནོད་ལས་མི་བདེ་བར་མ་ཡིན། །སེམས་ཅན་ཐམས་ཅད་བདེ་འདོད་ཕྱིར། །རྩོམ་པ་ཀུན་ལ་འཇུག་པར་འདོད། །བདེ་བར་ཆོས་མེད་པར་མ་ཡིན། །དེ་བས་ཆོས་ལ་བརྩོན་པར་བྱ། །མོས་པས་དགེ་བའི་བཤེས་གཉེན་བསྟེན། །ཅིག་ཤོས་
[47a.6]རིང་དུ་སྤང་བར་བྱ། །འཚེ་དང་བརྐུ་དང་འདོད་ལོག་སྤྱོད། །ཕྲ་མ་ངག་རྩུབ་བརྫུན་ཚིག་དང་། །མི་འབྲེལ་སྨྲ་དང་གནོད་སེམས་དང་། །བརྣབ་སེམས་ལྟ་བ་ཕྱིན་ཅི་ལོག །དེ་ལྟར་སྡིག་པའི་ལས་རྣམས་བཅུ། །ལུས་ངག་ཡིད་ཀྱིས་སྤང་བར་བྱ། །ཕོངས་པ་ནད་པ་
[47a.7]མྱ་ངན་གཟིར། །ཅི་ནུས་པར་ནི་ཕན་གདགས་བྱ། །འབུ་སྲིན་གྲོག་སྦུར་དག་ལ་ཡང་། །རང་དང་འདྲ་བར་རྟག་ཏུ་བལྟ། །ལྷ་དང་དགེ་སློང་བྲམ་ཟེ་དང་། །སྨན་པ་རྒན་རྒྱལ་མགྲོན་པོས་མཆོད། །སློང་ལ་རྒྱབ་ཀྱིས་ཕྱོགས་མི་བྱ། །བརྙས་པར་མི་བྱ་ཚར་མི་གཅད། །
[47b]
[47b.1]གནོད་པར་བྱེད་བརྩོན་དགྲ་གཞན་ལའང་། །ཕན་གདགས་པ་ནི་གཙོ་ཆེར་བྱ། །འབྱོར་དང་རྒུད་ལའང་ཡིད་གཅིག་བྱ། །རྒྱུ་ལ་ཕྲག་དོག་འབྲས་བུ་མིན། །དུས་སུ་ཕན་དང་རན་པར་སྨྲ། །སླུ་བ་མེད་ཅིང་ངེས་པར་བྱ། །བཞིན་འཛུམ་གསོང་པོར་སྨྲ་བ་དང་། །སྤྱོད་པ་
[47b.2]བཟང་ཞིང་སྙིང་རྗེ་འཇམ། །གཅིག་པུ་བདེ་མིན་ཐམས་ཅད་ལ། ཡིད་མི་བརྟན་ཞིང་དོགས་མི་བྱ། །སུ་ཡང་བདག་གི་དགྲ་ཡིན་དང་། །བདག་ནི་སུ་ཡི་དགྲར་གྱུར་དང་། །བརྙས་དང་བདག་ལ་གཙོ་བོ་ནི། །མི་བྱམས་ཞེས་ནི་སྨྲ་མི་བྱ། །འགྲོ་བའི་བསམ་
[47b.3]པ་ཤེས་ནས་ནི། །གང་ཞིག་ཇི་ལྟར་ཡོངས་མགུ་བ། །དེ་ལ་དེ་བཞིན་རྗེས་འཇུག་ཅིང་། །གཞན་དག་དགའ་བྱེད་མཛངས་པ་ཡིན། །དབང་པོ་གཟིར་བར་མི་བྱ་ཞིང་། །འདི་རབ་ཉམས་བདེར་བྱ་བའང་མིན། །ཚོམས་གསུམ་མེད་པའི་རྩོམ་པ་ལ། །མི་བསྟེན་དེ་དང་
[47b.4]འགལ་མི་བྱ། །ཆོས་རྣམས་ཀུན་གྱི་ལམ་ལ་ནི། །དབུ་མའི་ལམ་གྱི་རྗེས་འཇུག་བྱ། །སྐྲ་སེན་ཁསྤུ་རིང་མི་གཞག །སྒོ་དགུ་རྐང་པ་དྲི་མེད་བྱ། །ཁྲུས་ལ་དགའ་ཞིང་དྲི་ཞིམ་བསྒོ། །ཆ་ལུགས་བཟང་ཞིང་མི་འཕྱར་སྤ། །རིན་ཆེན་གྲུབ་པའི་གསང་སྔགས་དང་། །
[47b.5]སྨན་ཆེན་རྟག་ཏུ་བཅང་བར་བྱ། །གདུགས་དཀར་ལྷམ་དང་ལྡན་པ་ནི། །གཉའ་ཤིང་གང་ཙམ་བལྟ་ཞིང་འགྲོ། །མཚན་མོ་དོན་ཆེན་དག་ལ་ནི། །དབྱིག་ཐོགས་མགོ་དཀྲི་གྲོགས་ལྡན་བྱ། །མཆོད་རྟེན་མཆོད་བྱ་རྒྱལ་མཚན་དང་། །མི་ཤིས་གྲིབ་མ་ཐལ་ཕུབ་དང་། །མི་
[47b.6]གཙང་གསེག་བོད་གཏོར་མ་དང་། །ཁྲུས་བྱས་ས་ནི་འགོམ་མི་བྱ། །ཆུ་བོར་རྒྱལ་ཏེ་འགྲོ་མི་བྱ། །མེ་ཆེན་ཕུང་པོར་འགྲོ་མི་བྱ། །ཐེ་ཚོམ་བཅས་པའི་གྲུ་ཤིང་ལ། །བཞོན་པ་མི་བསྲུན་བཞིན་མི་འཛེག །སྦྲིད་པ་གད་མོ་གླལ་བ་ལ། །ཁ་ནི་གདངས་པར་མི་བྱའོ། །
[47b.7]སྣ་ནི་བྲུད་པར་མི་བྱ་ཞིང་། །དོན་མེད་ས་རིས་མི་བྱའོ། །ལུས་ཀྱི་ཡན་ལག་མི་གཅུ་ཞིང་། །ཙོག་ཙོག་པོར་ཡང་འདུག་མི་བྱ། །ལུས་ངག་ཡིད་ཀྱི་སྤྱོད་པ་ནི། །སྔ་ནས་ངལ་ལས་བཟློག་པར་བྱ། །བུས་འགྲེང་ཡུན་རིངས་གནས་མི་བྱ། །མཚན་མོ་ཤིང་དྲུང་བསྟེན་མི་བྱ། །
[48a]
[48a.1]སུམ་མདོ་མཆོད་རྟེན་དྲུང་བཞི་མདོ། །ལྷའི་ཁང་པ་ཡང་དེ་བཞིན་ནོ། །གསོད་ས་འབྲོག་སྟོང་ཁང་སྟོང་དང་། །དུར་ཁྲོད་དུ་ནི་ཉིན་མོའང་མིན། །རྣམ་ཀུན་ཉི་མ་ལ་མི་བལྟ། །མགོ་ཡིས་ཁུར་ནི་བསྐུར་མི་བྱ། །ཤིན་ཏུ་ཕྲ་དང་འཚེར་བ་དང་། །མི་གཙང་མི་
[48a.2]སྡུག་རྒྱུན་མི་བལྟ། །ཆང་འཚོང་བ་དང་སྦྱོར་བ་དག །སྦྱིན་དང་ལེན་ལ་སྤྱད་མི་བྱ། །མདུན་གྱི་སེར་བུ་ཉི་ཚན་རྡུལ། །བ་མོ་དང་ནི་རླུང་རྩུབ་དང་། །སྦྲིད་བསྒྲེགས་པ་ལུད་པ་ཟས། །གཉིད་ལོག་ཉལ་པོ་གཅུ་མི་བྱ། །གད་ཁའི་གྲིབ་མ་རྒྱལ་པོ་སྡང་། །སྦྲུལ་གདུག་
[48a.3]གཅན་གཟན་རྭ་ཅན་དང་། །དུས་མཚམས་དག་ཏུ་ཟས་བཟའ་དང་། །བུད་མེད་ཉལ་ཀློག་སེམས་ལས་དང་། །དགྲ་བོའི་ནར་མར་ཟན་ཚོགས་འདུས། །སྨད་འཚོང་ཚོང་པའི་ཟས་དག་དང་། །ལུས་དང་མཆུ་དང་སེན་སྒྲ་འབྱིན། །ལག་པ་སྐྲ་ནི་སྤྲུགས་པ་དང་། །ཆུ་མེ་
[48a.4]མཆོད་བྱའི་བར་དུ་འགྲོ། །རོ་བསྲེགས་ལ་བརྟེན་དུད་པ་དང་། །ཆང་སྩོགས་ཆགས་དང་བུད་མེད་ལ། །ཡིད་རྟོན་རང་དབང་གྱུར་པ་སྤང་། །བློ་ལྡན་སྤྱོད་པ་ཐམས་ཅད་ལ། །འཇིག་རྟེན་ཉིད་ནི་སློབ་དཔོན་ཡིན། །དེ་བས་འཇིག་རྟེན་པ་ཡི་དོན། །རྟོགས་པར་བྱེད་པས་དེ་ཉིད་བྱ། །
[48a.5]སྙིང་རྗེས་བརླན་ཞིང་གཏོང་དང་ལྡན། །ལུས་དང་ངག་ཡིད་དུལ་བ་དང་། །གཞན་གྱི་དོན་ལ་རང་དོན་སེམས། །དེ་དག་དམ་པའི་སྤྱོད་མཐར་ཐུག །ད་ལྟར་བདག་ནི་ཉིན་མཚན་དུ། །ཇི་ལྟ་བུར་ནི་གནས་འགྲོ་ཞེས། །རྟག་ཏུ་དྲན་པ་ཉེར་འཇོག་པ། །སྡུག་བསྔལ་སྣོད་དུ་མི་
[48a.6]འགྱུར་རོ། །དེ་ལྟར་སྤྱོད་པ་མདོར་བསྡུས་པས། །གང་ཞིག་ཀུན་ཏུ་སྤྱོད་བྱེད་པ། །ཚེ་དང་ནད་མེད་དབང་ཕྱུག་དང་། །གྲགས་པ་འཇིག་རྟེན་རྟག་འཐོབ་འགྱུར། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་གཉིས་པའོ།། །།དེ་ནས་དུས་སུ་
[48a.7]སྤྱོད་པའི་ལེའུ་བཤད་པར་བྱའོ། །དགུན་ཟླ་ར་བ་སྩོགས་གཉིས་གཉིས། །རིམ་བཞིན་དུས་ནི་དྲུག་ཏུ་བཤད། །དེ་ལས་དགུན་ཟླ་ཐ་ཆུངས་སྩོགས། །གསུམ་ནི་བྱང་དུ་འགྲོ་ཞེས་བྱ། །དེ་ཚེ་མི་རྣམས་ཉིན་རེ་བཞིན། །མཐུ་འཕྲོགས་པ་ཞེས་བྱ་བ་ཡིན། །དེ་ཚེ་ཤིན་ཏུ་རྣོ་
[48b]
[48b.1]ཞིང་ཚ། །རྩུབ་པའི་ལས་ཀྱི་ངོ་བོ་ཉིད། །ཉི་མ་རླུང་གི་ཟླ་བ་ཡི། །ས་ཡི་ཡོན་ཏན་ཟད་པར་བྱེད། །འདིར་ནི་ཚབ་སྐ་ཁ་བ་ཡི། །རོ་རྣམས་སྟོབས་ནི་ཆེ་བ་ཡིན། །དེ་བས་མེ་ནི་མཐུ་སྟོབས་འཕྲོག །ལྷོ་ཕྱོགས་སུ་ནི་འགྲོ་བའི་དུས། །དབྱར་ལ་སོགས་པའི་སླར་
[48b.2]སྟོབས་སྐྱེད། །འདི་སྟོབས་སླར་ནི་སྐྱེད་པས་ན། །འདིར་ནི་བསིལ་བས་ཟླ་བ་ནི། །སྟོབས་དང་ལྡན་པས་ཉི་མ་འབྲི། །ཆར་འབབ་པ་དང་རླུང་བསིལ་བས། །ས་སྟེངས་ཚ་བ་ཞི་བ་ན། །འདིར་ནི་སྣུམ་དང་སྐྱུར་ལན་ཚྭ། །མངར་བའི་རོ་རྣམས་མཐུ་སྐྱེད་དོ། །
[48b.3]དགུན་ཚེ་ཆར་དང་ཚ་དུས་སུ། །སྟོབས་ཆུང་ལྷག་མ་དག་ལ་འབྲིང་། །སྟོབས་ལྡན་གྲང་བས་བཀག་པས་ན། །དགུན་གྱི་དུས་སུ་མེ་སྟོབས་ལྡན། །དེ་ནི་རླུང་གིས་སྦར་བས་ན། །ཟས་ཉུང་གྱུར་ན་ལུས་ཟུངས་སྐེམས། །དེ་བས་དགུན་ནི་མངར་སྐྱུར་དང་། །ལན་ཚྭའི་རོ་ནི་
[48b.4]བསྟེན་པར་བྱ། །དེ་ཚེ་མཚན་མོ་རིང་བས་ན། །ནང་པར་ཉིད་ནི་བཀྲེས་པར་འགྱུར། །ངེས་པར་བྱ་བ་བྱས་ནས་ནི། །ཇི་སྐད་བཤད་རྫོགས་དེ་རྗེས་ལ། །རླུང་འཇོམས་ཏིལ་མར་གྱིས་བྱུག་ཅིང་། །སྤྱི་བོའང་ཏིལ་མར་གྱིས་བྱུག་མཉེ། །བག་ཡོད་པ་དང་སྟོབས་འགྱེད་ཅིང་། །རྐང་པས་རན་པར་མཉེ་བར་བྱ། །
[48b.5]དེ་ནས་བསྐ་བས་སྣུམ་བསལ་ལ། །ཆོ་ག་བཞིན་དུ་ཁྲུས་དག་བྱ། །གུར་གུམ་གླ་རྩི་དང་བཅས་པས། །ལུས་བསྐུ་ཨ་ཀ་རུ་ཡིས་བདུག། །ཤ་ཚོན་ཁུ་བ་སྣུམ་པ་དང་། །བུ་རམ་ཆང་དང་ཆང་དང་ས་ཆང་། །གྲོ་དང་འབྲས་ཁུར་མ་ཤ་དང་། །འོ་མ་བུ་རམ་ཤིང་བྱས་བཟའ། །
[48b.6]ཁ་ཟས་གསར་དང་ཞག་ཏིལ་མར། །དྲོ་འཇམ་ཆུ་ཡིས་གཙང་སྦྲ་བྱ། །བེེའུ་རས་སླག་པ་དར་སྩོགས་གོ། །དྲེའུ་རྔོག་རེའུ་བལ་ཆེན་གདིང་། །རང་བཞིན་དྲོ་ཞིང་ཡང་བ་ཡི། །གོས་བགོ་མལ་ལ་བརྟེན་པར་བྱ། །ཉི་མའི་འོད་ལ་རན་པར་འདེ། །དུགས་བྱ་ལྷམ་ནི་རྟག་ཏུ་བགོ། །
[48b.7]ཆུང་མ་གཞོན་ཞིང་ཡིད་འོང་རྒྱགས། །ནུ་མ་བརླ་དང་རོ་སྨད་རྒྱས། །གུར་གུམ་གྱིས་བྱུགས་སྤོས་ཀྱིས་བདུག། །ལུས་ཀྱི་དྲོད་ཀྱིས་གྲང་སེལ་བའོ། །ས་ཁང་ཁང་པ་ཉིས་རིམ་བྱས། །མདག་མེའི་དྲོད་ཀྱིས་བསྲོས་པ་ནི། །གྲང་དང་རྩུབ་པ་ལས་བྱུང་བའི། །ཉེས་པ་ནམ་ཡང་མི་
[49a]
[49a.1]འབྱུང་ངོ་། །དགུན་སྨད་དུས་སུ་ལྷག་པར་ཡང་། །ཆོ་ག་འདི་ཉིད་བྱ་བ་ཡིན། །དེ་ཚེ་ལྷག་པར་གྲང་བ་དང་། །སྟོབས་འཕྲོགས་ལས་བྱུང་རྩུབ་པ་ཡིན། །དགུན་ནི་བད་ཀན་ཁོང་ན་སྩོགས། །དཔྱིད་དུས་ཉི་མའི་འོད་དྲོས་པ། །མེ་ཡི་དྲོད་ཉམས་ནས་
[49a.2]སྐྱེད་དེ། །དེ་བས་དེ་ནི་མྱུར་དུ་བསལ། །རྣོ་དང་སྐྱུག་སྨན་སྣ་སྨན་སོགས། །ཡང་དང་རྩུབ་པའི་ཁ་ཟས་དང་། །བཅག་དང་ལུས་ཕྱི་མཉེས་པ་ཡིས། །བད་ཀན་བདོ་བའི་ནད་བསལ་བྱ། །ཁྲུས་བྱས་ག་པུར་ཙནྡན་དང་། །གུར་གུམ་སྩོགས་པས་བསྐུ་བར་
[49a.3]བྱ། །ནས་དང་གྲོ་ནི་རྙིང་པ་དང་། །སྦྲང་རྩི་སྐམ་སའི་བསྲེགས་ཤ་བཟའ། །ཨ་མྲའི་ཁུ་བ་དང་སྦྱར་བའི། །ཁུ་བ་སྐོམ་དུ་སྦྱར་བ་བཏུང་། །ཆུང་མ་དྲི་ཞིམ་ཨུཏྤལ་གྱི། །མིག་དང་ལྡན་དང་ལྷན་ཅིག་ཅིང་། །ཡིད་ནི་དགའ་ཞིང་བདེར་བྱས་པས། །གྲོགས་
[49a.4]དང་ལྷན་ཅིག་བཏུང་བར་བྱ། །སྐྱོན་མེད་ཆང་རྒན་དྲོ་འཇམ་དང་། །བུ་རམ་རྒུན་ཆང་སྦྲང་ཆང་དང་། །སྒ་ཆུ་བསྐོལ་དང་སེའུའི་ཆུ། །སྦྲང་ཆུའམ་གླ་སྒང་ཆུ་བཏུང་བྱ། །ལྷོ་ཕྱོགས་སེར་བུས་བསིལ་བ་དང་། །མཐའ་མ་ཀུན་ཏུ་ཆུ་འབབ་ལ། །ཉི་མའི་འོད་ནི་མི་སྣང་དང་། །
[49a.5]ནོར་བུ་བཅག་འདྲའི་མདངས་ལྡན་པ། །ཁུ་བྱུག་སྙན་པ་སྒྲ་སྒྲོགས་ཤིང་། །འདོད་པའི་ལོངས་སྤྱོད་ལྡན་པའི་ས། །སྣ་ཚོགས་མེ་ཏོག་ལྡན་པའི་ཤིང་། །དྲི་ཞིམ་སྐྱེད་མོས་ཚལ་དུ་ནི། །དགའ་འདུན་གཏམ་ནི་སྣ་ཚོགས་པས། །ཕྱེད་དུ་བདེ་བས་བདེ་བར་བྱ། །ལྕི་བསིལ་
[49a.6]ཉིན་མོ་ཉལ་བ་དང་། །སྣུམ་བག་མངར་སྐྱུར་སྤང་བར་བྱ། །ཉི་མའི་འོད་ཟེར་རབ་ཚ་བས། །སོ་ག་འཕྲོག་པ་འདྲ་བ་ཡིན། །དེ་བས་དེ་ཚེ་ལན་ཚྭ་ཚ། །སྐྱུར་རྩོལ་ཉི་མའི་འོད་ཟེར་སྤང་། །ཟས་ནི་མངར་དང་ཡང་བ་དང་། །སྣུམ་བསིལ་སླ་བ་ཉིད་བསྟེན་བྱ། །རབ་བསིལ་ཆུ་
[49a.7]ཡིས་ལུས་བཀྲུ་ཞིང་། །ཕྱེ་ཟན་ཁ་རར་བཅས་པ་བཟའ། །ཆང་མི་བཏུང་སྟེ་འཐུང་ན་ཡང་། །ཉུང་བའམ་ཆུ་མང་བསྲེས་ལ་བཏུང་། །གཞན་དུ་དེ་ནི་ཁ་སྐོམ་ལྷོད། །ཚ་དང་རྨོངས་པར་བྱེད་པ་ཡིན། །འབྲས་ཆན་ཀུནྡ་ལྟར་དཀར་དང་། །སྐམ་སའི་སྲོག་ཆགས་ཤ་དག་བཟའ། །
[49b]
[49b.1]ཁུ་བ་མི་སྐ་ཞོ་དང་ནི། །བུ་རམ་སྦྱར་སྩོགས་གཡོས་བྱས་བཏུང་། །ཕལ་ཆེར་སྐྱུར་བ་བཏུང་བར་བྱའོ། །སྙིང་པོ་ལྔ་ཡི་བཏུང་བ་ནི། །ཁམ་ཕོར་སར་པ་ལ་གནས་པ། །ཆུ་ཤིང་རྒྱ་སྟར་དུམ་བུ་བསྲེས། །སྐྱུར་བཅས་ཁམ་ཕོར་སྣོད་ཀྱིས་བཏུང་། །ཆུ་ནི་པ་ཏ་ལས་བསྒོས་ཤིང་། །
[49b.2]ག་བུར་བཅས་ཤིང་ཤིན་ཏུ་བསིལ། །ཟླ་ཟེར་ལྟ་བུའི་བཟའ་བ་ནི། །མཚན་མོའི་དུས་སུ་བཟའ་བ་དང་། །ཟླ་བ་སྐར་མ་ལྟར་དཀར་བའི། །མ་ཧེའི་འོ་མ་བསིལ་མོ་བཏུང་། །སཱ་ལ་ཏ་ལ་ཆེན་མོ་ནི། །སྤྲིན་རེག་ཚ་བའི་འོད་ཟེར་སྒྲིབ། །རྒུན་འབྲུའི་སྙེ་མ་གཡུར་ཟ་ཞིང་། །
[49b.3]འཁྲི་ཤིང་ལྡན་དང་ནགས་ཚལ་བཟང་། །དྲི་བཟང་ཁང་པ་ཆུ་ཡིས་ནི། །བསིལ་ཁང་ལུས་དང་འཚམ་བྱས་ལ། །ཆག་ཆག་བཏབ་དང་ཨ་མྲ་ཡི། །ལྡུམ་བུ་འབྲས་བུ་འཕྱང་བ་དང་། །ཆུ་ཤིང་འདབ་དང་ཀལ་ལྟར། །པད་རྩ་པདྨ་ཨུཏྤལ། །མེ་ཏོག་རྒྱས་པ་དང་ལྡན་པར། །
[49b.4]འཇམ་པའི་གནས་མལ་བཅས་ནས་ནི། །ཕྱེད་དུས་ཉི་མས་གདུངས་པ་ན། །ཉལ་བའམ་ཆུ་ཡི་ཁང་པ་ནི། །བུད་མེད་བཅོས་གཟུགས་ནུ་མ་ལག །ཁ་ལས་ཨུ་ཤིར་ཆུ་འབབ་བྱ། །མཚན་མོ་ཡང་ཐོག་རྡོ་ཐལ་བྱུགས། །ཟླ་བའི་འོད་ཀྱིས་བསིལ་བར་ཉལ། །
[49b.5]མལ་སྟན་བདེ་བར་སེམས་བདེ་ཞིང་། །ཙནྡན་ལྡེ་གུ་ཕྲེང་བ་ཐོགས། །རབ་ཏུ་ཕྲ་བའི་གོས་བགོས་ཏེ། །འདོད་པའི་རྒྱུན་ལས་བཟློག་པར་བྱ། །ཏ་ལའི་བསིལ་ཡབ་སྤོས་ཆུས་བཏབ། །པདྨའི་འདབ་རྒྱས་རླུང་ཡབ་དང་། །དལ་གྱིས་ལེགས་པར་གཡོབ་པ་དང་། །རྫི་ཆར་
[49b.6]སེར་བུ་དང་ལྡན་བྱ། །ག་བུར་མ་ལི་ཀའི་ཕྲེང་བ། །མུ་ཏིག་དོ་ཤལ་ཙནྡན་དཀར། །ནེ་ཙོ་ཤ་རི་ཀ་ལ་སྩོགས། །སྒྲ་སྙན་ཡིད་འོང་སྒྲོགས་པ་དང་། །ཆུང་མ་གདུ་བུ་པད་རྩ་འདྲ། །པདྨ་རྒྱས་པ་ལྟ་བུར་མཛེས། །པདྨ་ཅན་ནི་འགྲོ་འདྲལ། །སྙོམ་པ་སེལ་བར་བྱེད་པ་
[49b.7]ཡིན། །མཐུ་འཕྲོགས་པ་ནི་ན་བའི་ལུས། །དམན་པ་ལས་ཀྱང་དམན་གྱུར་ཏེ། །དབྱར་ནི་གནོད་པས་གནོད་གྱུར་ཏེ། །མཁའ་ལ་སྤྲིན་འདུས་ཆུ་ཡིས་བརླན། །ཆུ་ཐིགས་བཅས་པའི་རླུང་དང་ནི། །གྲང་བ་དྲག་པོར་ལྡང་བ་དང་། །ས་ཡི་རླངས་པ་སྐྱུར་མིན་དང་། །ཆུ་ནི་རྙོག་མ་
[50a]
[50a.1]ཅན་དག་གིས། །མེ་དྲོད་ཆུང་བས་གནོད་པར་བྱེད། །ཕན་ཚུན་གནོད་པ་དེ་ལ་ནི། །དྲོ་ཞིང་མེ་ཡི་སྟོབས་སྐྱེད་པ། །ཐུན་མོང་གང་ཡིན་བསྟེན་པར་བྱ། །སྦྱང་བས་ལུས་ནི་དག་བྱས་ལ། །ཟས་ནི་ཡང་བག་ཁུ་བ་བཟའ། །སྐམ་སའི་སྲོག་ཆགས་ཤ་ཁུ་དང་། །
[50a.2]སྦྲང་རྩི་ཅན་ནི་རྙིང་པ་བཏུང་། །དར་བ་ཁ་རུ་ཚར་སྦྱར་བའམ། །ཚ་བ་ལྔ་ནི་ཕྱེ་མ་ཅན། །ཁྲོན་པའི་ཆུ་ནི་བསྐོལ་བའང་རུང་། །ཆར་ཆེའི་དུས་སུ་ཁ་ཟས་ནི། །རབ་སྐྱུར་ལན་ཚྭ་སྣུམ་དང་བཅས། །སྐམ་ཞིང་སྦྲང་རྩིར་ལྡན་ལ་ཡང་། །རྐང་གིས་མི་འགྲོ་དྲི་ཞིམ་བྱུགས། །རྟག་
[50a.3]ཏུ་གོས་ནི་སྤོས་ཀྱིས་བདུག །ཁང་བཟངས་སྟེང་དུ་བ་མོ་བསིལ། །ཆར་གྱི་ཟེར་སྤངས་གནས་པར་བྱས། །རླུང་ཆུ་དང་སྦྱར་སྐྱོམ་དང་། །ཉིན་གཉིད་རྩོལ་དང་ཉི་ཚན་སྤང་། །དབྱར་ལུས་བསིལ་བར་གྱུར་པ་ལ། །འཕྲལ་དུ་ཉི་ཟེར་གྱིས་གདུངས་པས། །ཆར་
[50a.4]འབབ་ཚེ་ནའང་བསགས་པ་ཡི། །མཁྲིས་པ་སྟོན་ནི་ལྡང་བར་འགྱུར། །དེ་བསལ་ཕྱིར་ནི་སྨན་མར་ཁ། །བཀྲུ་སྨན་གཏང་དང་གཏར་ག་བྱ། །ཁ་དང་མངར་དང་བསྐ་བ་དང་། །བཀྲེས་ཚེ་ཟས་ནི་ཡང་བ་བཟའ། །འབྲས་ཆན་མུངྒ་སྐྱུ་རུར། །སྦྲང་རྩི་སྐམ་སའི་པ་ཏོ་ལ། །
[50a.5]ཉི་མའི་ཟེར་གྱིས་གདུངས་པ་དང་། །ཟླ་བའི་འོད་ཀྱིས་བསིལ་བྱས་ལ། །རྀ་ཥི་ཤར་བས་དུག་མེད་པ། །ཉིན་མཚན་གཉིས་ཀར་སྦྱངས་ཆུ་བཏུང་། །དངས་པའི་དྲི་མད་ཆུ་ཞེས་པ། །དྲི་མེད་དྲི་མ་སེལ་འགྱུར་བ། །མི་འབྲུག་རྩུབ་པ་མ་ཡིན་པ། །བཏུང་བ་ལ་སོགས་བདུད་
[50a.6]རྩིར་མཚུངས། །ཙནྡན་ཨུར་ཤིང་ག་པུར་དང་། །མུ་ཏིག་ཆུན་འཕྱངས་ཕྲེང་གོས་མཛེས། །ཁང་བཟངས་རྡོ་ཐལ་གྱིས་དཀར་ཞིང་། །ཟླ་ཟེར་ཅན་དུ་མཚན་གནས་བྱ། །ཟིལ་པ་ཐལ་སྨན་ཧ་ཅང་འགྲངས། །ཞོ་དང་ཏིལ་མར་ཞག་ཉི་ཚན། །མི་བཟད་ཆང་དང་ཉིན་པར་ཉལ། །
[50a.7]མདུན་གྱི་སེར་བུ་ཡོངས་སུ་སྤང་། །དགུན་དང་དབྱར་ནི་དང་པོའི་གསུམ། །དཔྱིད་ནི་ཐ་མའི་རོ་གསུམ་བསྟེན། །སོས་ཀ་མངར་ཏེ་སྟོན་ཀ་ནི། །མངར་དང་ཁ་དང་བསྐ་བ་བསྟེན། །མདོར་ན་ཟས་དང་སྐོམ་དག་ནི། །སྟོན་དང་དཔྱིད་ནི་རྩུབ་པ་སྟེ། །སོ་ག་དབྱར་མཐའ་བསིལ་
[50b]
[50b.1]བར་བྱ། །གཞན་དག་ཏུ་ནི་དེ་ལས་བཟློག །རྟག་ཏུ་རོ་ཀུན་བསྟེན་པ་ལས། །རང་རང་དུས་སུ་ལྷག་པར་བསྟེན། །དུས་གཉིས་ཐོག་མའི་ཞག་བདུན་ནི། །དུས་མཚམས་ཡིན་པར་ཤེས་པར་བྱ། །དེ་ནི་སྔ་མའི་ཆོ་ག་སྤང་། །འོག་མ་རིམ་བཞིན་བསྟེན་པར་བྱ། །
[50b.2]མ་སྤངས་ན་ནི་ནད་འགྱུར་ཏེ། །འཕྲལ་དུ་ནད་ནི་འོང་བར་འགྱུར། །ཡན་ལག་བརྒྱད་པའི་སྙིང་པོ་བསྡུས་པ་ལས། མདོའི་གནས་ཀྱི་ལེའུ་གསུམ་པའོ།། །།དེ་ནས་ནད་མི་འབྱུང་བར་བྱ་བའི་དཔྱད་ཀྱི་ལེའུ་བཤད་པར་བྱའོ། །ཕྱི་དབུགས་བཤང་གཅི་སྦྲིད་པ་དང་། །
[50b.3]བཀྲེས་སྐོམ་གཉིད་དང་ལུད་པ་དབུགས། །གླལ་དང་མཆིལ་མ་སྐྱུགས་པ་དང་། །ཁུ་བའི་ཤུགས་ནི་དགག་མི་བྱ། །འཕྱེན་ནི་བཀག་པར་གྱུར་པ་ཡིས། །སྐྲན་དང་རྟུག་སྐམ་གཟེར་སྙོམ་ལྕི། །འཕྱེན་དང་བཤང་གཅི་ཁོང་དུ་འགགས། །མིག་རྟུལ་དྲོད་ཆུང་སྙིང་ནད་
[50b.4]འགྱུར། །བཤང་འགགས་བྱིན་པའི་ཉ་འགྱུར་ཞིང་། །ཆམ་པས་འདེབས་ཤིང་ཀླད་པ་ན། །ཁར་ནི་མི་གཙང་འབྱུང་བ་དང་། །སྔར་བཤད་ནད་དུའང་འགྱུར་བ་ཡིན། །གཅིན་འགགས་པ་ཡིས་ཡན་ལག་ན། །རྡེའུ་ཆུ་སོ་ཕོ་མཚན་དང་། །དཀུ་ཡི་ནང་ན་སྔར་གྱི་ནད། །ཕལ་
[50b.5]ཆེར་འབྱུང་ངོ་དེ་ཡི་སྨན། །རེང་བུ་བསྐུ་བྱུག་ལུས་བཅིང་དང་། །དུགས་དང་སྨན་མར་མས་གཏོང་བའོ། །ཟས་སྐོམ་བཤང་བ་འགགས་པ་དང་། །བཤང་འགགས་ལས་བྱུང་གློ་གཅོང་མཚུངས། །ཆུ་བཀག་པ་ལས་མར་གསར་ནི། །ཆེ་ཚད་ཙམ་ནི་རབ་ཏུ་སྦྱར། །སྒྲེགས་
[50b.6]པ་བགག་ན་ཡི་ག་འཆུས། །ལུས་འདར་སྙིང་དང་བྲང་འགགས་ན། །སྦོ་ཞིང་ལུད་པ་སྐྱིགས་བུས་འདེབས། །དེའི་སྨན་སྐྱིགས་བུ་དག་དང་འདྲ། །སྦྲིད་བཀག་མགོ་ན་དབང་མི་རྣོ། །གཉའ་རེངས་ཁ་ཡོ་འགྲམ་ཆགས་འགྱུར། །དུད་རྣོན་གྱིས་བདུག་མིག་སྨན་དང་། །སྣ་
[50b.7]སྨན་ཉི་མ་ལྟ་བ་ཡིས། །སྦྲིད་པ་འགགས་པ་བསལ་བྱ་ཞིང་། །སྣུམ་དང་དུགས་ཀྱང་བསྟེན་པར་བྱ། །སྐོམ་པ་འགགས་པས་ཁ་སྐམས་ཤིང་། །ཡན་ལག་མི་བདེ་རྣ་མི་གསང་། །མགོ་འཁོར་མྱོས་ཤིང་སྙིང་ནད་འབྱུང་། །དེར་བསིལ་ཆོ་ག་ཐམས་ཅད་ཕན། །བཀྲེས་པས་ལུས་
[51a]
[51a.1]ཞིག་ཡི་ག་འཆུས། །ལུས་སྙོམ་ཉམ་ཆུང་གཟེར་མགོ་འཁོར། །དེ་ལ་ཟས་ཡང་སྣུམ་དྲོ་དང་། །ཆུང་བ་དག་ནི་སྦྱར་བར་བྱ། །གཉིད་བཀག་ཁོང་མྱོས་སྤྱི་བོ་མིག །ལྕི་ཞིང་སྙོམ་ལ་གླལ་འོང་ཞིང་། །ལུས་ཞིག་སྙམ་སེམས་དེ་ལ་ནི། །གཉིད་ལོག་
[51a.2]ལུས་མཉེ་ཕན་པ་ཡིན། །ལུད་པ་བཀག་པས་དེ་འཕེལ་ཞིང་། །དབུགས་མི་བདེ་ཞིང་ཡི་ག་འཆུས། །སྙིང་ནད་སྐེམས་བྱེད་སྐྱིགས་བུས་འདེབས། །དེར་ནི་ལུད་པས་ལ་ཆོ་ག་བྱ། །ངལ་དུབ་དབུགས་ནི་བཀག་པ་ལས། །སྐྲན་དང་སྙིང་ནད་མྱོས་པར་འགྱུར། །དེ་ལ་
[51a.3]ངལ་གསོ་བྱ་བ་དང་། །རླུང་སེལ་བྱ་བའི་ཆོ་ག་ཕན། །གླལ་བཀག་ན་ནི་སྦྲིད་བཀག་མཚུངས། །ཆོ་ག་ཐམས་ཅད་རླུང་འཇོམས་བྱ། །མཆིལ་མ་བཀག་པས་མགོ་སྙིང་ན། །གཉའ་རེངས་ཡི་ག་འཆུས་མགོ་འཁོར། །སྐྲན་བཅས་སྣ་ཆུ་འཛག་འགྱུར་དེར། །གཉིད་
[51a.4]ངོམས་ཆང་བཏུང་གཏམ་སྙན་ཕན། །སྐྱུག་བྲོ་བརྣགས་པས་མི་དབལ་མཛེ། །འབྲས་དང་མིག་ནད་གཡན་པ་རིམས། །སྐྱ་རྦབ་ལུད་པ་དབུགས་མི་བདེ། །དང་ག་རོ་སྟོད་མི་བདེ་སྐྲང་། །དེར་ཁ་བཀང་དབོ་དུད་སྨྱུང་གནས། །རྩུབ་བྲོས་དེ་ཉིད་སྐྱུགས་པ་དང་། །རྩོལ་
[51a.5]དང་མྱུར་བར་གཏར་ག་གདབ། །བཀྲུ་སྨན་གཏང་བའང་བསྔགས་པ་ཡིན། །ཁུ་བ་བཀག་པས་དེ་འཛག་དང་། །ཕོ་མཚན་ན་དང་འོར་ནད་རིམས། །སྙིང་ནད་ཆུ་འགགས་ལུས་ཞིག་དང་། །རྡེའུ་འཕེལ་དང་མ་ནིང་འགྱུར། །དེ་ལ་ཁྱིམ་བྱའི་ཤ་དང་ཆང་། །འབྲས་ཆན་
[51a.6]མས་གཏོང་ལུས་བཅིང་དང་། །ཆུ་སོའི་ནད་བསལ་ཏིལ་མར་བཙོས། །འོ་མ་བུད་མེད་གཞོན་བསྟེན་ཕན། །ཤུགས་ནི་བཀག་དང་བཙིར་བ་ཡིས། །ནད་ནི་ཀུན་ཀྱང་འབྱུང་བར་འགྱུར། །ཤིན་ཏུ་མང་པོ་དེ་ཡི་ཕྱིར། །གསོ་དཔྱད་མང་པོ་འདིར་བཤད་དོ། །དེ་ལས་ཕལ་ཆེར་
[51a.7]རླུང་དུ་མ། །གང་ཕྱིར་འཁྲུགས་པར་འགྱུར་བས་ན། །དེ་ཕྱིར་དེའི་ཟས་སྐོམ་དང་སྨན། །མཉམ་པར་འགྱུར་བར་སྦྱར་བར་བྱ། །འདི་དང་གཞན་དུ་ཕན་འདོད་པས། །འདོད་ཆེན་ཕྲག་དོག་ཞེ་སྡང་དང་། །སེར་སྣ་འདོད་ཆགས་ལ་སོགས་ཤུགས། །རྟག་བཀག་དབང་པོ་ཐུལ་བར་བྱ། །
[51b]
[51b.1]དྲི་མ་རྣམས་ནི་སྦྱང་བའི་ཕྱིར། །ཇི་བཞིན་དུས་སུ་ནན་ཏན་བྱ། །དེ་ནི་ཤིན་ཏུ་སོགས་འགྱུར་ན། །ཤས་ཆེར་འཁྲུགས་པས་སྲོག་རྒྱུན་གཅོད། །གནོད་པ་སྨྱུང་དང་གཞུ་བྱས་པས། །བསལ་ཀྱང་སླར་ནི་ལྡང་སྲིད་ཀྱི། །གང་ཞིག་ལེགས་པར་སྦྱངས་པ་དག །དེ་ནི་
[51b.2]སླར་ཡང་འབྱུང་མི་འགྱུར། །དུས་ཤེས་པ་ཡིས་དེ་ཕན་ཆད། །རིམ་པ་བཞིན་དུ་ཅི་རིགས་པར། །བཅུད་ཀྱིས་ལེན་རྣམས་གྲུབ་པ་དང་། །རོ་ཙའི་སྦྱོར་བ་སྦྱར་བར་བྱ། །སྨན་རྣམས་ཀྱིས་ནི་ལུས་སྦྱངས་ཕན། །སཱ་ལུ་དྲུག་ཅུ་པ་དང་དྲོ། །མུངྒ་ཤ་དང་མར་ལ་སོགས། །
[51b.3]ཕན་པའི་ཟས་ཀྱིས་རིམ་ལུས་བརྟས། །ཡིད་འོང་དྲོད་སྐྱེད་སྨན་སྦྱར་བ། །ཡི་ག་འབྱེད་ཅིང་འཇུ་བྱེད་དང་། །བསྐུ་ཞང་དྲིལ་ཕྱིས་ཁྲུས་བྱས་དང་། །དྲག་པོ་འཇམ་རྩི་མས་གཏོང་བརྟས། །དེས་ནི་མེ་ཀུན་སྟོབས་ལྡན་ཞིང་། །བློ་མདོག་དབང་པོ་དྲི་མ་མེད། །དེ་བཞིན་ཚེ་
[51b.4]རིང་རོ་ཙ་དང་། །དཔལ་དང་གཟི་མདངས་ཐོབ་པར་འགྱུར། །འབྱུང་པོ་དུགས་དང་རླུང་དང་མེ། །མཚོན་སྨས་ཆག་གྲུགས་སྩོགས་འབྱུང་དང་། །འདོད་ཆགས་ཞེ་སྡང་འཇིག་ཚོགས་གང་། །དེ་ནི་གློ་བུར་ནད་ཅེས་བྱ། །ཤེས་རབ་ཉེས་པ་སྤང་བ་དང་། །དབང་པོ་ཉེར་
[51b.5]ཞི་དྲན་པ་དང་། །ཡུལ་དུས་བདག་ཉིད་ཤེས་པ་དང་། །དམ་པའི་སྤྱོད་པའི་རྗེས་འཇུག་པ། །ལྷན་ཅིག་སྐྱེས་དང་གློ་བུར་ནད། །མདོར་ན་མ་སྐྱེས་མི་འབྱུང་དང་། །སྐྱེས་པ་ཞི་བར་བྱ་བའི་ཕྱིར། །ཆོ་ག་འདི་ནི་བསྟེན་པ་ཡིན། །གྲང་བ་ལས་བྱུང་ཉེས་ཚོགས་དཔྱིད་ཀྱི་ཚེ། །
[51b.6]རྣམ་བསལ་སོག་ལས་བྱུང་དབྱར་དུས་ན། །དབྱར་བསགས་སྤྲིན་བྲལ་དུས་སུ་ལེགས་སྦྱངས་ན། །དུས་བྱུང་ནད་ནི་ནམ་ཡང་འབྱུང་མི་འགྱུར། །རྟག་ཏུ་ཕན་པའི་ཟས་དང་སྤྱོད་ལམ་བསྟེན། །བརྟགས་ཏེ་བྱེད་ཅིང་ཡུལ་རྣམས་ལ་མི་ཆགས། །གཏོང་ལྡན་སེམས་སྙོམས་བདེན་
[51b.7]བརྩོན་བཟོད་དང་ལྡན། །ཉམས་ལྡན་སྟེན་པར་བྱེད་ན་ནད་མེད་འགྱུར། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་བཞི་པའོ།། །།དེ་ནས་ཆུ་སྣ་ཚོགས་པ་ལ་སོགས་པའི་བྱེ་བྲག་ཤེས་པར་བྱ་བའི་ལེའུ་བཤད་པར་བྱའོ། །མཁའ་ལས་འབབ་
[52a]
[52a.1]པའི་གང་གཱའི་ཆུ། །འཚོ་བྱེད་ངོམས་བྱེད་ཡི་གར་འོང་། །ཚིམ་བྱེད་སེམས་ནི་གསལ་བྱེད་ལ། །སླ་ཞིང་རོ་མི་གསལ་ལ་ཞིམ། །བསིལ་ཞིང་ཡང་བ་བདུད་རྩིར་མཚུངས། །ཉི་ཟླ་རླུང་གིས་རེག་གྱུར་པ། །དེ་ནི་ཡུལ་དུས་ལ་ལྟོས་ནས། །ཕལ།
[52a.2]ཆེར་ཕན་དང་གནོད་པ་ཡིན། །གང་ཞིང་ཆར་འབབ་དྲི་མ་མེད། །འབྲས་ཆན་དངུལ་ཕོར་ནང་གནས་པ། །མ་རུལ་མདོག་ཀྱང་མ་གྱུར་པ། །གང་གཱའི་ཆུ་དེ་བཏུང་བར་བྱ། །གཞན་དུ་མཚོ་ཆུ་སྟོན་ཟླ་ནི། །འབྲིང་པོ་མིན་པར་བཏུང་མི་བྱ། །ཆར་པའི་ཆུ་ནི་སྣོད་བཟང་བཞག།
[52a.3]འགྱུར་བ་མེད་པར་རྟག་ཏུ་བཏུང་། །དེ་མེད་ན་ནི་ཐང་ལ་གནས། །བར་སྣང་བ་དང་རྗེས་མཐུན་ཡིན། །ས་ཕྱོགས་དཀར་ནག་གཙང་ཞིང་ཡངས། །ཉི་འོད་རླུང་གིས་ཕོག་པ་བསྔགས། །ལྟེང་ཀ་འདམ་རྫབ་ཉ་ལྕིབས་དང་། །རྩ་དང་ལོ་མ་རྙོག་མ་ཅན། །ཉི་ཟླ་རླུང་གིས་
[52a.4]མ་ཕོག་པ། །མངོན་དུ་འབབ་དང་ཆུ་གར་ལྕི། །དབུ་བ་སྲོག་ཆགས་ཅན་དང་དྲོ། །གྲང་ཆེས་སོ་ཡིས་མི་བཟོད་པ། །ཆར་གང་དུས་སུ་མ་བབ་དང་། །དུས་ཀྱི་དང་པོར་བབ་པ་གང་། །སྲོག་ཆགས་གདུག་དང་བ་སྩོགས་འདྲེས། །བཤང་གཅི་དུག་འདྲེས་གནོད་
[52a.5]མི་བཏུང་། །ནུབ་ཕྱོགས་ནས་ནི་རྒྱ་མཚོར་བབ། །གང་ཡང་མྱུར་འབབ་རྡུལ་མེད་ཆུ། །དེ་དག་མདོར་ན་དགེ་བ་ཡིན། །དེ་ལས་ཟློག་ན་བཟང་མ་ཡིན། །རྡོ་ལ་ཤུགས་དྲག་རྡེབས་པ་ཡིས། །རྒྱུན་ཆད་གཡེངས་པའི་ཆུ་དག་དང་། །གངས་ཅན་མ་ལ་ཡ་ལས་བྱུང་།
[52a.6]དགེའོ་དེ་ནི་བརྟན་གཡུང་ན། །སྲིན་བུ་རྐང་བམ་སྙིང་དང་ནི། །ལྐོག་མ་ཀླད་པའི་ནད་སྐྱེད་འགྱུར། །ཤར་དང་ནུབ་ཀྱི་མཐའ་ལས་བྱུང་། །གཞང་འབྲུམ་སྐྱེད་དོ་དབང་ཆེན་འབབ། །དམུ་རྫིང་རྐང་བམ་ནད་སྐྱེད་འགྱུར། །ས་ཧྱ་བིན་དའི་རི་ལས་འབབ། །མཛེ་དང་སྐྱ་རྦབ་
[52a.7]ཀླད་ནད་འགྱུར། །པ་རི་ཡ་ཏྲའི་ནད་ཀུན་སེལ། །ཁྲོན་པ་རྫིང་ལ་སྩོགས་པའི་ཆུ། །སྐམ་ས་རླན་ཅན་བྲག་ལས་ཤེས། །དྲོད་ཆུང་སྐྲན་ཡོད་སྐྱ་རྦབ་དང་། །དམུ་རྫིང་ཚད་འཁྲུ་གཞང་འབྲུམ་མམ། །ཕོ་བའི་དྲོད་ཆུང་འོར་ནད་ཅན། །མི་བཏུང་བརྣག་དཀའ་ཉུང་ཟད་བཏུང་། །
[52b]
[52b.1]སྟོན་ཀ་སོ་ག་མ་གཏོགས་པར། །ནད་མེད་མིས་ཀྱང་ཅུང་ཟད་བཏུང་། །ཟན་ཟོས་བར་མཐའ་ཐོག་མར་ནི། །ཆུ་འཐུངས་རན་དང་སྦོམ་སྐེམས་འགྱུར། །ཆུ་བསིལ་ཆང་ནད་བརྒྱལ་བ་དང་། །སྐྱུགས་དང་ངལ་དང་མགོ་འཁོར་དང་། །སྐོམ་དང་ལུས་ཚ་མཁྲིས་པ་དང་། །
[52b.2]ཁྲག་རྒྱས་དུག་ནཾ་སེལ་བྱེད་ཡིན། །ཆུ་ཚན་དྲོད་སྐྱེད་ཟས་འཇུ་ཞིང་། །མགུལ་བདེ་ལུས་ཡང་གཅིན་ནད་སེལ། །སྐྱིགས་བུ་ལྟོ་སྦོས་རླུང་བད་ཀན། །རིམས་སར་འཕྲལ་དུ་ཟློག་བྱེད་ཅིང་། །ལུད་པ་ཆམ་སར་དབུགས་མི་བདེ། །རྩིབ་ལོགས་ཟུག་ལ་བསྔགས་པ་ཡིན། །
[52b.3]ཆུ་ནི་བསྐོལ་བ་གྲང་བ་དག །བད་ཀན་མི་སྐྱེད་ལུས་ཡང་ཞིང་། །མཁྲིས་པ་ཅན་ལའང་ཕན་པ་ཡིན། །དེ་ནི་ཞག་ལོན་ཉེས་གསུམ་སྐྱེད། །རྒྱ་སྟར་ཆུ་ནི་སྣུམ་པ་དང་། །རོ་མངར་རོ་ཙ་བསིལ་ཞིང་ཡང་། །སྐོམ་དང་མཁྲིས་པ་རླུང་ནད་སེལ། །དྲོད་སྐྱེད་ལྒང་
[52b.4]པའི་ནད་སྦྱོང་བྱེད། །དབྱར་གྱི་ཆར་ཆུ་ཆུ་བོའི་ཆུ། །མཆོག་ཏུ་བཟང་དང་ངན་པར་བཤད། །ཆུའི་སྡེ་ཚན་ནོ།། །།འོ་མ་ཕལ་ཆེར་རོ་ཞུ་མངར། །སྣུམ་ཞིང་མདངས་སྐྱེད་ལུས་ཟུངས་འཕེལ། །རླུང་དང་མཁྲིས་སེལ་རོ་ཙ་བྱེད། །བད་ཀན་སྐྱེད་ལྕི་བསིལ་བ་ཡིན། །
[52b.5]བ་ཡི་འོ་མ་འཚོ་བྱེད་ཅིང་། །བཅུད་ཀྱིས་ལེན་ཡིན་གློ་རྡོལ་དང་། །གློ་གཅོང་ལ་ཕན་ཡིད་གཞུངས་བྱེད། །སྟོབས་སྐྱེད་ནུ་ཞོ་སྐྱེད་དང་འཁྲུ། །ངལ་དང་མགོ་འཁོར་མྱོས་དཔལ་ཉམས། །ལུད་པ་དབུགས་མི་བདེ་བཀྲེས་སྐོམ། །རིམས་རྙིང་གཅིན་ནི་སྲིབ་དང་། །ཁྲག་དང་མཁྲིས་
[52b.6]པ་སེལ་བ་ཡིན། །མ་ཧེའི་འོ་མ་འཇུ་དྲགས་དང་། །གཉིད་མེད་ལ་ཕན་རབ་ལྕི་བསིལ། །ར་ནི་ཆུ་ཉུང་འཐུང་ཟས་རྒོད། །ཁ་ཞིང་ཚ་བ་ཟ་བས་ཡང་། །སྐེམས་དང་རིམས་དང་དབུགས་མི་བདེ། །ཁྲག་དང་མཁྲིས་པ་ཚད་ནད་སེལ། །རྔ་མོའི་འོ་མ་ཅུང་རྩུབ་དྲོ། །ལན་ཚྭ་བྲོ་ཞིང་
[52b.7]དྲོད་ཆེ་ཡང་། །རླུང་དང་བད་ཀན་ལྟོ་སྦོས་སྲིན། །འོར་ནད་དམུ་རྫིང་གཞང་ནད་སེལ། །བུད་མེད་ནུ་ཞོ་རླུང་མཁྲིས་ཁྲག །སྣད་པའི་མིག་ནད་སེལ་བྱེད་དེ། །ཚིམ་བྱེད་མིག་དང་སྣར་བླུགས་ཕན། །ལུག་གི་འོ་མ་སྙིང་གནོད་ཚ། །རླུང་འཇོམས་སྐྱིགས་བུ་དབུགས་མི་བདེ། །མཁྲིས་
[53a]
[53a.1]པ་བད་ཀན་སྐྱེད་པ་ཡིན། །བན་གླང་མོ་ཡིས་རབ་བརྟན་བྱེད། །རྨིག་པ་གཅིག་པའི་འོ་མ་ཚ། །ཡན་ལག་རླུང་སལ་སྐྱུར་བཅས་ཤིང་། །ལན་ཚྭ་བོ་ཞིང་རྨོངས་པར་བྱེད། །འོ་རློན་བད་ཀན་སྐྱེད་ཅིང་ལྕི། །རིགས་པར་བསྐོལ་བས་དེ་ལས་གཞན། །ཤིན་ཏུ་
[53a.2]བསྐོལ་ན་འཇུ་དཀའ་ལྕི། །བཞོས་མ་ཐོག་དྲོ་བདུད་རྩིར་མཚུངས། །ཞོ་ནི་རོ་དང་ཞུ་རྗེས་སྐྱུར། །རྟུག་སྐམ་ལྕི་ལ་རླུང་ནད་སེལ། །ཚིལ་དང་ཁུ་ཆུ་སྟོབས་བད་ཀན། །ཁྲག་མཁྲིས་དྲོད་སྐྱེད་འོར་ནད་སྐྱེད། །ཡི་ག་འབྱེ་ཞིང་ཁ་ཟས་ལེན། །གྲང་བའི་རིམས་དང་མི་སྙོམས་
[53a.3]རིམས། །ཆམ་པ་གཅིན་འགགས་གྱུར་པ་དང་། །འཁྲུ་བའི་ནད་ལ་རྩུབ་མོ་ཕན། །ཞོ་དྲོན་དཔྱིད་དང་སོག་དང་། །སྟོན་དུས་མཚན་མོ་བཏུང་མི་བྱ། །དེ་ནི་མུངྒའི་སྲན་ཚོད་དང་། །སྦྲང་རྩི་མར་དང་ཤ་ཁར། །སྐྱུ་རུ་ར་ནི་མེད་མི་བཏུང་། །རྟག་ཏུ་མ་ཡིན་མ་ལངས་མིན། །
[53a.4]གཞན་དུ་མེ་དབལ་རིམས་ཁྲག་དང་། །མཛེ་དང་སྐྱ་རྦབ་མགོ་འཁོར་སྐྱེད། །དར་སར་ཡང་ལ་བསྐ་ཞིང་སྐྱུར། །དྲོད་སྐྱེད་བད་ཀན་རླུང་དག་སེལ། །སྐྲན་ནད་དམུ་རྫིང་གཞང་འབྲུམ་དང་། །ཕོ་ནད་ཆུ་སྲི་ཡི་ག་འཆུས། །མཆེར་པ་སྐྲན་དང་མར་མ་ཞུ། །སྦྱར་དུག་སྐྱ་རྦབ་ནད། །
[53a.5]རྣམས་སེལ། །དེ་འདྲ་ཞོག་ཆུ་འཁྲུ་ཡང་། །རྩ་སྦུབས་སྦྱོང་ལ་རྟུག་སྐམ་སེལ། །འཕྲལ་གྱི་མར་སར་རོ་ཅི་ཞིང་། །བསིལ་ཞིང་མདོག་སྟོབས་དྲོད་སྐྱེད་བྱེད། །འཁྲུ་གཅོད་རླུང་མཁྲིས་ཁྲག་གཞང་འབྲུམ། །གློ་གཅོང་ཁ་ཡོན་ལུང་པ་སེལ། །ཞུན་མར་བློ་རྣོ་དྲན་གསལ་ཞིང་། །
[53a.6]ཡིད་གཞུངས་དྲོད་སྐྱེད་སྟོབས་ཚེ་འཕེལ། །མིག་དང་བྱིས་རྒན་བུ་འདོད་དང་། །མདངས་བཟང་རབ་གཞོན་སྐད་སྙན་ཕན། །གློ་རྡོལ་སྐེམ་དང་གཅོད་དང་འབྲས། །མཚོན་སྨས་མེས་ཚིག་རྨ་ལའང་བསྔགས། །རླུང་དང་མཁྲིས་པ་དུག་དང་སྨྱོ། །ལུས་སྐེམས་མདངས་ཉམས་
[53a.7]རིམས་ནད་སེལ། །སྣུམ་གྱི་ནང་ན་སྣུམ་མཆོག་སྟེ། །བསིལ་ཞིང་ན་ཚོད་འཇོག་པའི་མཆོག །ཞུན་མར་སྟོབས་ནི་སྟོང་དང་ལྡན། །སྦྱོར་བས་ལས་ནི་སྟོང་བྱེད་འགྱུར། །མར་རྙིང་སྨྱོ་དང་བརྗེད་བྱེད་བརྒྱལ། །གླད་ནད་རྣ་མིག་མངལ་ནད་དང་། །རྨ་རྣམས་སྦྱང་ཞིང་འཚོ་བྱེད་པས། །
[53b]
[53b.1]ནད་ལས་རྒྱལ་བྱེད་དམ་པ་ཡིན། །ཕྲུམ་སར་སྦྲི་དང་རྒྱ་ཕྲུམ་དང་། །ཆུར་བ་ལ་སོགས་སྟོབས་སྐྱེད་ཅིང་། །ཁུ་བ་གཉིད་དང་བད་ཀན་འཕེལ། །རྟུག་སྐམ་བྱེད་ལྕི་ཉེས་བ་དང་། །བ་མར་འོ་མ་མཆོག་ཡིན་ཏེ། །ལུག་ལས་བྱུང་བ་སྨད་པ་ཡིན། །འོ་མའི་སྡེ་ཚན་ནོ།། །།
[53b.2]བུ་རམ་ཤིང་ཁུ་འཁྲུ་ལྕི་སྣུམ། །ཤ་སྐྱེ་རོ་ཙ་བད་གཅིན་འཕེལ། །བསིལ་ཞིང་ཁྲག་མཁྲིས་སེལ་བ་དང་། །རོ་དང་ཞུ་རྗེས་མངར་བ་ཡིན། །དེ་ཚེ་ལན་ཚྭ་བྲོ་ཞིང་སོས། །བཅས་ན་ཁར་དག་དང་འདྲ། །རྩ་བ་རྩེ་མོ་དབུས་ཟོས་སྩོགས། །བཙིར་དང་དྲི་མས་སྦགས་པ་དང་། །དུས་
[53b.3]ནི་ཅུང་ཟད་ལོན་པ་ལས། །འཁྲུལ་འཁོར་ཅན་ནི་རྣམ་འགྱུར་ཏེ། །ཚ་ཞིང་ལྕི་ལ་མ་ཁྲིགས་པར་འགྱུར། །དེ་ལ་ཁར་དཀར་པོའི་ཤིང་། །བསིལ་དང་མངར་བས་མཆོག་ཡིན་ལ། །དེ་ཡི་འོག་མ་སྦུབས་ཅན་ཡིན། །ཚིགས་བརྒྱ་པ་དང་ཀནྟ་ར། །བལ་ཡུལ་སྐྱེས་སྩོགས་
[53b.4]དེ་ལས་རིམ། །ཅུང་ཟད་ཚ་བྲོ་བསྐ་བ་དང་། །དྲོད་བཅས་ཅུང་ཟད་ཚ་བ་སྐྱེད། །དབུ་བ་ཅན་ལྕི་བད་ཀན་སྐྱེད། །སོགས་བྱེད་གཅིན་ནི་སྦྱོང་བྱེད་ཡིན། །དཀར་པོར་དཀན་ཆེར་མི་སྐྱེད། །བཤང་དང་གཅི་བ་བདེ་བར་འབྱིན། །དམར་ནག་ཕལ་ཆེར་སྲིན་བུ་ཁྲག །རྐང་ཚིལ་
[53b.5]ཤ་དང་བད་ཀན་སྐྱེད། །རྙིང་པ་ཡིད་འོང་ཕན་པ་ཡིན། །སར་པ་དྲོད་འབྲི་བད་ཀན་སྐྱེད། །ཧྭགས་དང་ཁཎྜ་ཀར་དཀར། །རིམ་གྱིས་ཡོན་ཏན་ཆེ་བ་སྟེ། །རོ་ཙ་གློ་གཅོང་གློ་རྡོལ་དང་། །ཁྲག་དང་མཁྲིས་པ་རླུང་སེལ་ཡིན། །ཡ་བ་ཁ་ར་ཚ་ཞིང་མངར། །བསྐ་སྟེ་ཡོན་ཏན་དེ་
[53b.6]དང་འདྲ། །ཁ་ར་ཀར་ཀུན་ཚ་དང་སྐོམ། །སྐྱུག་བྲོ་བརྒྱལ་དང་ཁྲག་མཁྲིས་སེལ། །བུ་རམ་ཤིང་གདུས་ཁང་དང་། །དབུ་བ་ཅན་མཆོག་ཐ་མ་ཡིན། །སྦྲང་རྩི་མིག་ཕན་གཅོད་སྐོམ་དང་། །བད་ཀན་སྐྱིགས་བུ་ཁྲག་མཁྲིས་འཇོམས། །ཚིལ་ཆེན་མཛེ་ནད་གཅིན་ནད་སྐྱུག།
[53b.7]ལུད་པ་དབུགས་མི་བདེ་ཚད་སེལ། །རྨ་སྦྱོང་རྨ་འཚོ་ཆག་གྲུགས་སྦྱོར། །རླུང་ནི་སྐྱེད་པར་བྱེད་པ་ཡིན། །རྩུབ་ཅིང་བསྐ་ལ་མངར་བ་སྟེ། །སྦྲང་རྩིའི་ཁཎྜ་དེ་དང་འདྲའོ། །ཚ་ཞིང་ཚས་གདུངས་ཚ་བར་ལྡན། །ཚ་བ་དེས་ནི་གསོད་པར་འགྱུར། །སྐྱུག་སྨན་སྨན་མར་མས་གཏོང་ལ། །སྦྲང་རྩི་
[54a]
[54a.1]དྲོ་བའམ་བཀག་པ་མེད། །བུ་རམ་ཤིང་གི་སྡེ་ཚན་ནོ།། །།འབྲུ་མར་རང་གནས་ལྟ་བུ་ཡིན། །དེ་ལ་ཏིལ་མར་ཏིལ་དང་མཚུངས། །གཙོ་བོ་རྣོ་ཞིང་ཁྱབ་པ་ཡིན། །པགས་པའི་ཉེས་སེལ་མིག་ལ་གནོད། །ཚ་ཞིང་རྣོལ་བད་ཀན་
[54a.2]སེལ། །སྐེམ་པོ་དག་ནི་ཤ་སྐྱེད་ཅིང་། །སྦོམ་པོའི་ཤ་འབྲི་མཁྲེགས་པར་འོང་། །རྟུག་སྐམ་སྲིན་བུ་འཇོམས་པ་དང་། །སྦྱར་བས་ནད་རྣམས་ཐམས་ཅད་སེལ། །ཨེ་རཎྜ་མར་ཚ་ཞིང་ཁ། །ཞུ་རྗེས་མངར་ལྕི་འཁྲུ་བ་ཡིན། །རླིག་རླུགས་སྐྲང་རླུང་བད་ཀན་དང་། །ལྟོ་ནད་
[54a.3]ལྡང་དུབ་རིམས་ནད་སེལ། །འོར་ནད་རྐེད་པ་གསང་བའི་ནད། །ལྟོ་བ་རོ་རྒྱབ་ནད་ལ་ཕན། །ཨེ་རཎྜ་ནི་དམར་པོའི་མར། །རྣོ་ཚ་དྲི་ང་རབ་འབྱིལ་འདྲེད། །ཡུངས་མར་ཚ་དྲོ་རྣོ་བ་དང་། །བད་ཀན་རླུང་སེལ་ཁུ་བ་འབྲི། །ཡང་ཞིང་ཁྲག་མཁྲིས་སྐྱེད་བྱེད་ལ། །ཤ་བཀྲ་མཛེ་
[54a.4]འབྲུམ་རྨེན་བུ་སེལ། །བ་རུ་རའི་མར་མངར་བསིལ་ལྕི། །སྐྲན་སྐྱེ་རླུང་དང་མཁྲིས་པ་སེལ། །ནིམ་དམར་རབ་ཏུ་ཚ་མིན་ཁ། །ལྟོ་སྲིན་མཁྲིས་པ་བད་ཀན་སེལ། །ཟར་མ་ལེ་བརྒན་རྩི་ཡི་མར། །དྲོ་ཞིང་པགས་ནད་བད་མཁྲིས་སྐྱེད། །ཞག་དང་རྐང་ནི་རླུང་འཇོམས་ཤིང་། །
[54a.5]སྟོབས་དང་ཁུ་ཆུ་བད་ཀན་སྐྱེད། །ཤ་ནི་རང་དངོས་རྗེས་མཐུན་ལ། །ཚིལ་ཡང་དེ་དང་འདྲར་ཤེས་བྱ། །ཏིལ་མར་ལ་སྩོགས་པའི་སྡེ་ཚན་ནོ།། །།ཆང་ནི་དྲོད་འབར་ཡི་ག་འབྱེད། །རྣོ་ཞིང་དྲོད་སྐྱེད་ཁོར་བརྟ་དགའ། །མངར་བཅས་ཁ་ཞིང་ཚབ་དང་། །ཞུ་རྗེས་སྐྱུར་ཞིང་ཅུང་ཟད་
[54a.6]འཁྲུ། །བསྐ་བཅས་གདངས་སྙན་ནད་མེད་དང་། །སྤོབས་བསྐྱེད་མདོག་འགྱུར་ཁོང་ཡངས་ཤིང་། །གཉིད་མེད་པ་དང་གཉིད་ཆེ་ལ། །ཕན་ཞིང་ཁྲག་དང་མཁྲིས་པ་སྐྱེད། །རིགས་འཐུངས་སྐེམ་དང་སྦོམ་ཕན་ཞིང་། །རྩུབ་རྣོ་ལས་སྒོ་ཁྱབ་ཅིང་སྦྱོང་། །རླུང་དང་བད་ཀན་སེལ་བ་ཡིན། །
[54a.7]གཞན་དུ་བསྟེན་ན་དུག་དང་མཚུངས། །ཆང་སར་ལྕི་ཞིང་ཉེས་སྐྱེད་ཡིན། །ཆང་རྙིང་དེ་ལས་གཞན་དུ་བྱེད། །ཚ་བའི་སྤྱོད་པར་ལྡན་མི་བཏུང་། །སུན་ཅིང་བཀྲེས་ཉེན་ནད་བས་མིན། །ཤིན་ཏུ་རྣོ་མིན་སར་པ་དང་། །ལེགས་པར་མ་བསླངས་རྙོག་ཅན་ཡིན། །འབྲུ་ཆང་སྐྲན་དང་དམུ་
[54b]
[54b.1]རྫིང་དང་། །རྟུག་སྐེམ་གློ་གཅོང་སེལ་བ་དང་། །རླུང་འཇོམས་ཚིལ་དང་ཁྲག་སྐྱེད་ཅིང་། །གཅིན་བདེར་འབྱིན་ཞིང་བད་ཀན་སྐྱེད། །ཆང་དངས་ཡོན་ཏན་དེ་འདྲ་ལས། །ཡིད་འོང་ཡང་ཞིང་རྣོ་བ་དང་། །གཟེར་དང་ལུད་པ་དབུགས་མི་བདེ། །སྐྱུག་བྲོ་བཤང་འགགས་
[54b.2]སྦོས་ཆམ་འཇོམས། །བ་རུར་ཆང་ཡང་ཞིང་ཕན། །ཤིན་ཏུ་ར་རོར་མི་འགྱུར་ཞིང་། །རྨ་དང་སྐྱ་རྦབ་མཛེ་ནད་ལ། །ཧ་ཅང་གནོད་པར་མི་འགྱུར་ཞིང་། །རྫས་བཞིན་ཡོན་ཏན་རྗེས་མཐུན་ཆང་། །ཆང་གི་ཡོན་ཏན་ཀུན་ལས་ལྷག །ཕོ་ནད་སྐྱ་རྦབ་མཛེ་གཞང་འབྲུམ། །ལུས་
[54b.3]སྐེམ་སྐྲང་འོར་དམུ་རྫིང་རིམས། །སྐྲན་དང་སྲིན་བུ་མཆེར་ནད་སེལ། །རོ་ནི་བསྐ་ཞིང་ཚ་རླུང་སྐྱེད། །རྒུན་ཆང་ནད་སྦྱོང་སྙིང་ལ་ཕན། །ཤིན་ཏུ་དྲོ་མིན་མངར་ཞིང་འཁྲུ། །མཁྲིས་རླུང་ཅུང་ཟད་སྐྱེད་སྐྱ་རྦབ། །གཅིན་ནད་གཞང་འབྲུམ་སྲིན་ནད་སེལ། །བུ་རམ་ཆང་ནི་གཅིན་རྟུག་
[54b.4]འགགས། །འབྱིན་ཞིང་ངོམས་ལ་དྲོད་སྐྱེད་ཡིན། །བུ་རམ་ཤིང་ཆང་རླུང་མཁྲིས་སྐྱེད། །སྣུམ་དང་བད་ཀན་ལས་བྱུང་འཇོམས། །ཚིལ་འོར་དམུ་རྫིང་གཞང་འབྲུམ་སེལ། །དེ་བས་ཁུ་བ་བསྐོལ་མཆོག་ཡིན། །སྦྲང་ཆང་འགྲིབ་བྱེད་རྣོ་བ་སྟེ། །གཅིན་ནད་ཆམ་པ་ལུད་པ་སེལ། །
[54b.5]ཚ་ནི་ཁྲག་མཁྲིས་བད་ཀན་དག །འཇུ་ཞིང་རླུང་ནི་སྙོམས་བྱེད་ལ། །རབ་ཏུ་ཚ་ཞིང་རྣོ་རྩུབ་སྐྱུར། །ཡིད་འོང་ཡིག་འབྱེ་ཞིང་འཁྲུ། །དྲོད་སྐྱེད་རེག་ན་བསིལ་བ་དང་། །སྐྱ་རྦབ་སྲིན་སེལ་མིག་ལ་གནོད། །བུ་རམ་བུར་ཤིང་རྒུན་ཆང་དང་། །ཚ་ནི་ཕྱི་མ་ཕྱི་མ་ཡང་། །སྡོང་བུ་རྩ་བ་འབྲས་
[54b.6]སྩོགས་ལས། །མནན་བྱས་དེ་དང་འདྲར་ཤེས་བྱ། །རྡོ་གུ་ལ་སོགས་བཞུར་བ་གཞན། །དུས་ཀྱི་སྐྱུར་པོ་ཡང་ཟས་ལེན། །འབྲས་ཁུའི་རང་སྐྱུར་འཁྲུ་རྣོ་ཚ། །མཁྲིས་པ་སྐྱེད་བྱེད་བསྐུས་ན་བསིལ། །ངལ་དང་རྨྱ་སེལ་ཡིག་འབྱེད། །དྲོད་སྐྱེད་ཆུ་སེའི་ནད་སེལ་ཡིན། །
[54b.7]མས་གཏོང་ལ་ཕན་ཡིད་དུ་འོང་། །ཡང་ཞིང་རླུང་དང་བད་ཀན་འཇོམས། །བ་གཅིན་ར་ལུག་མ་ཧེ་དང་། །གླང་པོ་རྟ་བོང་རྔ་མོའི་གཅིན། །མཁྲིས་སྐྱེད་རྩུབ་ཅིང་རྣོ་ལ་ཚ། །འཐུངས་རྗེས་ཚ་བྲོ་རོ་ཚ་སྟེ། །སྲིན་ནད་འོར་ནད་དམུ་རྫིང་སྦོས། །གཟེར་དང་སྐྱ་རྦབ་བད་ཀན་རླུང་། །དུག་སྐྲན་ཤ་བཀྲ་
[55a]
[55a.1]ཡི་ག་འཆུས། །མཛེ་དང་གཞང་འབྲུམ་མྱུར་དུ་འཇོམས། །དེ་ལྟར་ཆུ་བོ་བུ་རམ་ཤིང་། །ཏིལ་མར་ཆང་གི་སྡེ་ཚོགས་རིམ། །གཤེར་བའི་རྫས་ཕྱོགས་གཅིག་པ་འདི། །རགས་རིམ་ཇི་བཞིན་བསྟན་པ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། །
[55a.2]མདོའི་གནས་ཀྱི་ལེའུ་ལྔ་པའོ།། །།དེ་ནས་ཁ་ཟས་ཀྱི་ཚུལ་བརྟག་ཅིང་ཤེས་པར་བྱ་བའི་ལེའུ་བཤད་པར་བྱའོ། །རྩ་སྣར་འབྲས་ཆན་ཀ་མ་ལ། །དྲུག་ཅུ་པ་དང་བྱ་ཡིས་བླངས། །སྒྲོན་བུའི་མཆུ་དང་རྩེ་རྣོན་དང་། །རོ་འདྲའི་འབྲས་འདྲ་དྲི་བཟང་དང་། །པ་ཏང་ཀ་དང་གསེར་
[55a.3]མདོག་ཅན། །གང་གཞན་འབྲས་ནི་བཟང་པོ་རྣམས། །རོ་མངར་ཞུ་རྗེས་མངར་ཞིང་སྣུམ། །རོ་ཙ་བཤང་གཅི་སྐ་ཞིང་ཆུང་། །རོ་རྗེས་བསྐ་ཞིང་ཕན་པ་དང་། །ཡང་ཞིང་གཅིན་མང་བསིལ་བ་ཡིན། །དེ་ལ་རྩེ་རྣོ་ནང་རྩ་སྣར། །མཆོག་ཡིན་སྐོམ་དང་ཉེས་གསུམ་སེལ། །
[55a.4]དེ་ཡི་འོག་ཏུ་འབྲས་ཆན་སྨད། །དེའི་འོག་ཀ་མ་ལ་དེའི་འོག །ནས་འདྲ་ཧ་ཡན་ཆར་མ། །ནེ་ཤ་ད་ཀ་ལ་སོགས་ནི། །རོ་མངར་དྲི་ཞིམ་ལྕི་ལ་སྣུམ། །ཞུ་བའི་རྗེས་སྐྱུར་བད་མཁྲིས་སྐྱེད། །བཤང་དང་གཅི་བ་ཐུར་དུ་འབྱིན། །སྔ་མ་སྔ་མ་སྨད་པ་ཡིན། །འབྲས་ནང་དྲུག་ཅུ་བ་མཆོག་
[55a.5]སྟེ། །རྩ་སེར་ཤུན་པ་ནག་པ་དག །སྣུམ་ཞིང་འཇུ་སླ་བརྟེན་ཞིང་མངར། །ཉེས་པ་གསུམ་སེལ་བསིལ་རྟུག་འདྲིལ། །དེ་ལས་རིམ་བཞིན་ཐུག་ཆེན་དང་། །ཤུན་ནག་རྒྱ་སྐྱེགས་ཚིགས་མ་འདྲ། །ཁྱིམ་བྱའི་སྒང་འདྲ་འུར་བའི་མིག །ཕུག་རོན་འབྲས་དང་སུ་ཁར། །འབའ་
[55a.6]ར་ཁ་དང་ཨུཏྤལ་དམར། །ཙི་ཏ་སྟོན་སྐྱེས་ད་དུར། །གན་དྷན་དང་ཀུ་རུ་བིན། །ཡོན་ཏན་རིམ་བཞིན་ཆུང་ཤེས་བྱ། །འབྲས་གཞན་མངར་ཞིང་ཞུ་རྗེས་སྐྱུར། །མཁྲིས་པ་སྐྱེད་ཅིང་ལྕི་བ་དང་། གཅིན་རྟུག་མང་ཞིང་ཚབ་ཡིན། །པ་ཏ་ལ་ཉིད་ཉེས་གསུམ་སྐྱེད། །ཅི་ཚེ་ཁྲེ་དང་
[55a.7]ནི་བ་ར། །ཁྲེ་རྒོད་སྣེ་འབྲས་སྩོགས་བསིལ་ཡང་། །རྩའི་འབྲུ་དེ་དག་རླུང་སྐྱེད་ཅིང་། །ཁོང་རྩུབ་བད་ཀན་མཁྲིས་པ་སེལ། །དེ་ལ་ཁྲེ་ནི་རྟས་བྱེད་ལྕི། །ལུས་ཀྱི་ཆག་གྲུགས་འབྱོར་བར་བྱེད། །ཁྲེ་རྒོད་མཆོག་ཏུ་འཁྲུ་གཅོད་ཅིང་། །རེག་ན་བསིལ་ལ་དུག་སེལ་ཡིན། །ནས་
[55b]
[55b.1]ནི་རྩུབ་བསིལ་ལྕི་ལ་མངར། །ཅུང་ཟད་ཁོང་འཁྲུ་བཤང་རླུང་འཕེལ། །རོ་ཙ་བརྟན་བྱེད་གཅིན་དང་ནི། །ཚིལ་དང་མཁྲིས་པ་བད་ཀན་སེལ། །ཆམ་པ་ལུད་པ་དབུགས་མི་བདེ། །ད་རྒན་ལྐོག་ནད་པགས་ནད་སེལ། །ནས་རྒོད་ཅུང་ཟད་དམན་པ་ཡིན། །སྨྱིག་
[55b.2]སྐྱེས་འབྲས་ནས་རྩུབ་ཅིང་ཚ། །གྲོ་ནི་རོ་ཙ་སྣུམ་བསིལ་ལྕི། །འཚོ་བྱེད་རླུང་དང་མཁྲིས་པ་སེལ། །ཆག་གྲུགས་འབྱོར་བྱེད་མངར་བ་དང་། །ཤ་མཁྲེགས་བྱེད་ཅིང་ཅུང་ཟད་འཁྲུ། །ནནྟི་མུ་ཀ་རོ་བསྐ་ཞིང་། །བསིལ་ཞིང་མངར་ཡང་ཕན་པ་ཡིན། །གྲ་མ་ཅན་གྱི་འབྲུ་སྣ་
[55b.3]ཚོགས་ཀྱི་སྡེ་ཚན་ནོ།། །།མོན་སྲན་སྡེའུ་དཀར་སྲན་ཆུང་སྩོགས། །གང་བུ་ཅན་འབྲུ་རྩ་སྒོ་བཀག །རོ་བསྐ་མངར་ཞིང་འཁྲུ་བ་གཅོད། །ཞུ་རྗེས་ཚ་ལ་བསིལ་ཞིང་ཡང་། །ཚིལ་དང་ཁྲག་དང་མཁྲིས་པ་ལ། །བསྐུས་ཤིང་བླུགས་ན་ཕན་པ་ཡིན། །འདི་ལས་མུངྒ་མཆོག་
[55b.4]རླུང་ཆུང་། །སྲན་མ་ཤིན་ཏུ་རླུང་སྐྱེད་ཡིན། །མོན་སྲན་དཀར་པོ་རླུང་སྐྱེད་ཅིང་། །རྩུབ་ཅིང་ལྕི་ལ་བཤང་བ་འཕེལ། །རྒྱ་སྲན་ནག་ཚ་ཞུ་རྗེས་སྐྱུར། །ཁུ་ཆུའི་རྡེའུ་ཆམ་ལུད་པ། །དབུགས་མི་བདེ་རླུང་བད་གཞང་འབྲུམ། །འཇོམས་ཤིང་ཁྲག་མཁྲིས་མཆོག་ཏུ་སྐྱེད། །
[55b.5]ནིས་པ་བ་ནི་རླུང་ཁྲག་མཁྲིས། །ནུ་ཞོ་གཅིན་འཕེལ་ལྕི་ཞིང་འཁྲུ། །ཚ་བྱེད་མིག་གནོད་ཁུ་བ་འབྲི། །བད་ཀན་འོར་ནང་དུག་རྣམས་སེལ། །མ་ཤ་སྣུམ་སྟོབས་བད་ཀན་སྐྱེད། །བཤང་གཅི་མཁྲིས་པ་འཕེལ་བྱེད་འཁྲུ། །ལྕི་ཞིང་ཚ་ལ་རླུང་འཇོམས་དང་། །ཁུ་བ་འཕེལ་ཞིང་
[55b.6]འབྱིན་པར་བྱེད། །ཀ་ཀན་དུ་ལ་ཁ་སྲལ་ཕྲེའུ། །ཡོན་ཏན་མོན་སྲན་གྲེའུ་དང་འདྲ། །ཏིལ་འབྲུ་དྲོ་ཞིང་པགས་པ་འཇམ། །བསིལ་ཞིང་སྐྲ་དང་སྟོབས་སྐྱེད་པ། །ལྕི་ཞིང་གཅིན་ཉུང་ཞུ་རྗེས་ཚ། །ཡིད་གཞུངས་དྲོད་སྐྱེད་བད་མཁྲིས་སྐྱེད། །ཟར་མ་སྣུན་མངར་ཁ་ཞིང་དྲོ། །
[55b.7]ལྕི་ཞིང་བད་ཀན་མཁྲིས་པ་སྐྱེད། །མིག་གནོད་ཁུ་སྐེམས་ཞུ་རྗེས་ཚ། །ལེ་བརྒན་རྩི་འབྲས་དེ་དང་འདྲ། །གྲ་མ་ཅན་ལས་ནས་རྒོད་དང་། །མ་ཤ་གང་བུ་ཅན་ཐ་ཆད། །འབྲུ་ཡི་གསར་ཐོག་བད་ཀན་སྐྱེད། །ལོར་ལོན་འབྲུ་ནི་ཡང་བ་ཡིན། །མྱུར་སྐྱེ་དེ་བཞིན་སྲན་མ་ནི།
[56a]
[56a.1]སྤུན་མེད་ལེགས་བརྔོས་ཚོད་མ་ཡང་། །གང་བུ་ཆགས་པའི་འབྲུ་སྣ་ཚོགས་ཀྱི་སྡེ་ཚན་ནོ།། །།འབྲས་ཐུག་སླ་སྐ་གར་བ་དང་། །འབྲས་ཆན་རྣམས་ནི་སྔ་མ་བཞིན། །ཡང་ངོ་དེ་ལས་སླ་བ་ནི། །དགེ་འོ་རླུང་ནི་ལུགས་མཐུན་བྱེད། །སྐོམ་རྨྱ་ཉེས་པ་
[56a.2]ལྷག་མ་འཇོམས། །འཇུ་ཞིང་ལུས་ཟུངས་མཉམ་པར་བྱེད། །རྩ་སྦུབས་མཉེན་བྱེད་རྔུལ་བ་དང་། །མེ་ཡི་དྲོད་ནི་སྐྱེད་པར་བྱེད། །ཐུག་སྐ་བཀྲེས་སྐོམ་ཉམ་ཆུང་རྨྱ། །ལྟོ་ནད་རིམས་ནད་སེལ་བ་ཡིན། །དྲི་མ་འགགས་ལ་ཕན་པ་དང་། །དྲོད་སྐྱེད་ནད་ནི་འཇུ་བར་བྱེད། །
[56a.3]ཐུག་གར་འཁྲུ་གཅོད་ཡི་གར་འོང་། །སྐོམ་སེལ་དྲོད་སྐྱེད་རྨ་དང་མིག །བཀྲུ་སྨན་རྗེས་དང་ཉམ་ཆུང་དང་། །སྣུམ་འཐུངས་རྗེས་ལ་ཕན་པ་ཡིན། །འབྲས་ཆན་ལེགས་བཀྲུས་ཁུ་བཙགས་ཚོས། །རླངས་པ་དང་ནི་བྲལ་བ་དང་། །གང་ཡང་ཚ་བའི་སྨན་རྣམས་ཀྱིས། །བསྐོལ་
[56a.4]བའི་འབྲས་ཚོས་ཡང་བ་ཡིན། །དེ་ལས་བཟློག་པ་གང་ཞིག་ནི། །ཤ་ཁུ་འོ་མ་བསྐོལ་སྩོགས་ལྕི། །དེ་ལྟར་རྫས་དང་བྱ་སྦྱོར་དང་། །ཚད་ལ་སོགས་པས་ཀུན་ཤེས་བྱ། །ཁུ་བ་ཉམས་རྟས་ཚིམ་བྱེད་ཅིང་། །རོ་ཙ་མིག་ཕན་རྨ་ལ་གནོད། །མོན་སན་སྡེའུ་སྦྱོང་དང་རྨ། །ལྐོག་
[56a.5]མ་མིག་ནད་དག་ལ་ཕན། །ཀུ་ལངྒ་ཐ་ཁུ་རླུང་དང་སྐྲན། །རོ་སྨད་སླར་གཟེར་གནོད་པ་སེལ། །ཏིལ་ཚིགས་གཡོས་སུ་སྦྱར་བྱས་ནས། །ཚོད་མ་སྐམ་དང་མྱུ་གུ་དང་། །སྐྱུར་པོར་ཆང་བུ་བཅུག་པ་ནི། །མིག་གནོད་ཉེས་སྐྱེད་རྨྱ་བྱེད་ལྕི། །དྲི་འཛིན་ལུས་བརྟ་རོ་ཙ་ཞིང་། །སྣུམ་
[56a.6]ཞིང་སྟོབས་སྐྱེད་ཡི་ག་འབྱེ། །རྒུན་ཆུའི་བཏུང་བ་ངལ་དུབ་དང་། །བཀྲེས་སེལ་ཚིམ་པར་བྱེད་ཅིང་ལྕི། །རྟུག་སྐམ་གཅིན་མང་ཡི་གར་འོང་། །དེ་ཡི་ཡོན་ཏན་སྨན་བཞིན་བལྟ། །འབྲས་ཡོས་སྐོམ་དང་སྐྱུག་ཚད་འཁྲུ། །གཅིན་མང་ཚིལ་དང་བད་ཀན་སེལ། །ལུད་པ་
[56a.7]མཁྲིས་པ་ཉེར་ཞི་བྱེད། །དྲོད་སྐྱེད་ཡང་ཞིང་བསིལ་བ་ཡིན། །སྲུས་ལེབ་ལྕི་ཞིང་སྟོབས་སྐྱེད་ལ། །བད་ཀན་བཤང་བ་སྲ་བྱེད་ཅིང་། །ནས་ཡོས་རྟུག་མཁྲེགས་རྩུབ་པ་དང་། །སྐོམ་ཞིང་ཁོང་འཁྲུགས་ལྕི་བ་ཡིན། །ནས་ཕྱེ་ཁོང་ཡང་བཀྲེས་སྐོམ་དང་། །ངལ་དུབ་མིག་
[56b]
[56b.1]ནད་རྨ་ལ་ཕན། །སྐྱོ་མར་བྱས་པ་འཐུངས་པ་ཡིས། །འཕྲལ་དུ་སྟོབས་ནི་སྐྱེད་བྱེད་ཡིན། །ཆུ་དང་ཕྱེ་སྤེལ་མི་བཟའ་ཞིང་། །དུས་གཉིས་མཚན་མོ་འཕྲད་མེད་མིན། །འགྲངས་རྗེས་མི་བཟའ་སོས་བཅད་མིན། །ཧ་ཅང་འགྲངས་ཆེས་བཟའ་མི་བྱ། །འབའ་ཆ་ཉམ་
[56b.2]འབྲི་རྩུབ་པ་དང་། །བཤང་མཁྲེགས་མིག་ལ་གནོད་པ་ཡིན། །ཤ་གཡོས་སྤོད་སྦྱར་སྣུམ་ཞིང་ལྕི། །སྟོབས་སྐྱེད་ཤ་འཕེལ་རྟས་བྱེད་ཡིན། །མུངྒ་གཡོས་སྦྱར་ལྕི་བ་དང་། །སྨན་གྱི་ཆ་དང་ཡོན་ཏན་འདྲ། །ཁུར་བ་མདག་བཙོས་དོག་ལེ་དང་། །ས་སླང་ད་ནུར་རྒྱ་སོལ་
[56b.3]བསྲེགས། །ཁུར་བ་འདི་རྣམས་རིགས་གཅིག་ཀྱང་། །ཕྱི་མ་ཕྱི་མ་ཡང་བ་ཡིན། །གཡོས་སུ་བྱས་པའི་ཟས་ཀྱི་སྡེ་ཚན་ནོ།། །།ཤ་བ་དགོ་བ་ཀུ་རང་ག །རྐྱང་དང་རི་ཤ་རི་དྭགས་མ། །རི་བོང་དང་སྒོ་ཙ་རུ་ཀ། །ལྡང་སྒོ་ལ་སོགས་རི་དྭགས་ཡིན། །ལ་བ་བར་ཏི་བར་
[56b.4]ཏི་ཀ། །གོ་ཙ་དམར་དང་གོང་མོ་དང་། །སྲེག་པ་ཨུ་པ་ཙཀྲ་དང་། །ཀ་པིན་ཙ་ར་ཀུ་རུ་བ། །བར་ད་ཀ་དང་བར་ཏི་ཀ། །གོང་མ་སྲེག་དང་རྨ་བྱ་དང་། །ཁྱིམ་བྱ་དང་ནི་ཙ་ཀོར། །གོན་ནད་དང་རི་ལ་གནས། །ཤ་ར་བ་དང་ཨིནྡྲ་བ། །རི་བྱ་འདི་དག་ཟས་ཁྲོན་རྐོ། །ཤང་ཤང་
[56b.5]ཏེའུད་དུ་ཧ། །བུང་འདྲ་ནེེ་ཙོ་ཤ་རི་ཀ ། ཏ་ལ་ཁུ་བྱུག་ཧ་རི་ཏ། །བྱེའུ་ལ་སོགས་མཆུས་རྐོ་ཡིན། །སྦལ་པ་སྦྲུལ་དང་སྐྱིན་གོར་དང་། །བི་དུར་ལ་སོགས་ཁུང་ན་གནས། །བ་ལང་རྟ་བོང་དྲེའུ་དང་། །སྟག་གཟིག་སེང་གེ་དོམ་སྤྲེའུ། །བྱི་ལ་བྱི་བ་སྤྱང་ཀི་དང་། །སྲེ་
[56b.6]མོ་དང་ནི་དྲེད་དག་དང་། །ཝ་དང་འཕར་བ་ཁྲ་དང་ནི། །ཆུན་ལག་ཁྲ་སྤྱང་བྱ་རོག་གི། །བྱ་རིགས་ཁྲ་སྔོན་བྱ་ཀུ་རུ། །བྱ་རྒོད་འུག་པ་ཀ་ལིང་ཀ། །དུང་ཅན་མ་དུ་ཧ་ལ་སོགས། །བྱ་དང་གཅན་གཟན་རྩལ་མཐུས་ཟ། །ཕག་རྒོད་རུ་རུ་མ་ཧེ་སྐྱིན། །རོ་ཧི་ཏ་དང་གླང་པོ་
[56b.7]ཆེ། །མཛོ་རྒོད་གཡག་རྒོད་བསེ་དང་ནི། །སྨྱིག་གླང་ཞེས་གྲགས་རི་དྭགས་ཆེ། །ཆུར་གནས་ངང་པ་ས་ར་ས། །ཆུ་སྐྱར་ཀ་རན་ད་བྱ་བླ། །རྒྱ་དང་ཁྲུང་ཁྲུང་ངུར་པ་དང་། །སོ་བྱ་ཀ་ཏམྦ་སོགས་ཡིན། །ཉ་རོ་ཧ་ཏི་བ་ཏི་ན། །ཉ་ཕྱིས་རུས་སྦལ་ཀུམ་བིར། །ཀར་ཏ་
[57a]
[57a.1]དུང་སྲམ་ཤམྦུ་ཀ། །ཉེ་ལྡང་བར་མི་ཙན་ཏི་ཀ །བུ་ལུ་ཆུ་སྲིན་ནག་ཁྲ་དང་། །ཉ་བོ་ཆེ་ནི་བྱིས་པ་གསོད། །ཇ་རི་ཅི་ལི་ཙི་མ་སྩོགས། །དེ་ལྟར་ཤ་ནི་བརྒྱད་དུ་བཤད། །ར་ལུག་གཟས་ཀྱི་སྤྱོད་ཡུལ་ནི། །འདྲེས་པས་རིགས་གཅིག་ངེས་མ་ཡིན། །ཐོག་མ་
[57a.2]ཐ་མ་སྐམ་གཤེར་གནས། །བར་མ་གཉིས་པོ་ཐུན་མོང་བཤད། །དེ་ལས་སྐམ་སའི་ཤ་རྟུག་འགགས། །བསིལ་བ་དང་ནི་ཡང་པ་ཡིན། །འདུས་པ་མཁྲིས་པ་ཤས་ཆེ་ཞིང་། །རླུང་འབྲིང་བད་ཀན་ཆུང་ལ་ཕན། །རི་བོང་ཤ་ནི་དྲོད་སྐྱེད་རྩུབ། །ཞུ་རྗེས་ཚ་ཞིང་འཁྲུ་གཅོད་
[57a.3]བསིལ། །བར་ཏ་ཀི་ལ་སོགས་པའི་ཤ། །ཅུང་ཟད་སྣུམ་དྲོ་ལྕི་རྟས་བྱེད། །དེ་རྣམས་ལས་ཀྱང་རྒྱ་བྱའི་ཤ།། །ཡིད་གཞུངས་དྲོད་སྟོབས་ཁུ་བ་འཕེལ། །བཤང་སྐེམས་མདོག་བཟང་རླུང་ཤས་ཆེ། །འདུས་པ་སེལ་བའི་དམ་པ་ཡིན། །རྨ་བྱའི་ཤ་ནི་བཟང་མིན་ཡང་། །རྣ་མིག་
[57a.4]སྐད་འགགས་རྒས་སྲར་ཕན། །ཁྱིམ་བྱེད་འདྲའི་རོ་ཙ་ལ། །གྲང་གནས་ལྕི་ཞིང་བད་ཀན་སྐྱེད། །གོང་མོ་ཨུ་པ་ཙ་ཀྲར་བཅས། །ཡིད་གཞུངས་དྲོད་སྐྱེད་ཡི་གར་འོང་། །ཐི་བ་ཞར་བའི་ཤ་ལྕི་ཞིང་། །ཚ་བྲོ་ཉེས་པ་ཐམས་ཅད་སྐྱེད། །བྱེའུ་ཤ་བད་ཀན་སྐྱེད་ཅིང་སྣུམ། །རླུང་འཇོམས་
[57a.5]ཁུ་བ་རབ་ཏུ་འཕེལ། །སྡེ་ཚན་དེ་ལས་ཕྱི་མ་རྣམས། །རིམ་བཞིན་ལྕི་དྲོ་སྣུམ་ཞིང་མངར། །གཅིན་མང་རོ་ཙ་སྟོབས་སྐྱེད་ཅིང་། །རླུང་འཇོམས་བད་ཀན་མཁྲིས་པ་སྐྱེད། །དེ་ལས་རི་དྭགས་ཆེན་པོ་བསིལ། །རྩལ་མཐུས་ཤ་རློན་ཟ་བའི་ཡང་། །རོ་རྗེས་ལན་ཚྭ་བྲོ་ཞུ་རྗེས། །
[57a.6]ཚ་ཞིང་ཤ་ནི་འཕེལ་བར་བྱེད། །གཞང་འབྲུམ་རྙིང་པ་ཕོ་བ་གྲང་། །སྐེམ་ནད་ཉེན་ལ་མཆོག་ཏུ་ཕན། །ར་ཤ་ཤིན་ཏུ་བསིལ་མིན་ཞིང་། །ལྕི་སྣུམ་མ་ཡིན་ཉེས་མེད་ཡིན། །ལུས་དང་ཁམས་ནི་མཉམ་པས་ན། །བད་ཀན་མི་སྐྱེད་ལུས་རྟས་བྱེད། །ལུག་ཤ་དེ་ལས་བཟློག་
[57a.7]པ་སྟེ། །ལུས་རྟས་ཡིན་པར་ཤེས་པར་བྱ། །བ་ལང་ཤ་ནི་ལུད་སྐམ་དང་། །ངལ་དང་ཚོ་ཆེས་མ་སྙོམས་རིམས། །ཆམ་པ་དང་ནི་སྐེམ་པ་དང་། །རླུང་ནད་གཅིག་པུ་ན་བ་སེལ། །མ་ཧེའི་ཤ་ནི་ལྕི་ཞིང་ཚ། །གཉིད་ཆེ་བརྟན་བྱེད་ཤས་ཆེར་སྐྱེད། །ཕག་རྒོད་ཤ་ནི་དེ་འདྲ་ཞིང་། །
[57b]
[57b.1]ངལ་སེལ་ཟས་ལེན་ཁུ་སྟོབས་སྐྱེད། །ཉ་ནི་མཆོག་ཏུ་བད་ཀན་སྐྱེད། །ཙི་ལི་ཙི་མ་ཉེས་གསུམ་སྐྱེད། །ལ་བ་རོ་ཧ་ཏི་སྐྱིན་གོར། །ཤ་བ་རང་རང་སྡེ་ཚན་མཆོག །ཤ་ནི་འཕྲལ་བསད་པ་དག་དང་། །དར་ལ་བབ་པ་བསྟེན་པར་བྱ། །རང་ཤི་རིད་དང་ཤིན་ཏུ་ཚོ། །ནད་ཆུ་དུག་
[57b.2]གིས་ཤི་བ་སྤང་། །ཕོ་དང་མོ་ཡི་སྟོད་སྨད་ཕྱེད། །ལྕི་སྟེ་སྦྲུམ་མ་ཐམས་ཅད་ལྕི། །རྐང་བཞི་མོ་ཡི་ཡང་བ་ཡིན། །བྱ་རྣམས་ཀྱི་ནི་ཕོ་ཡི་ཡང་། །མགོ་བོ་རོ་སྟོད་བྲང་དང་རྒྱབ། །རྐེད་པ་དཔྱི་ཡི་ལྕི་བ་ཡིན། །དེ་བཞིན་ཕོ་བ་རྒྱུ་མ་སོགས། །གོ་རིམས་བཞིན་དུ་
[57b.3]ལྕི་བ་ཡིན། །ཁྲག་ལ་སོགས་པའི་ལུས་ཟུངས་རྣམས། །ཕྱི་མ་ཕྱི་མ་ལྕི་བ་ཡིན། །ཤ་ལས་རླིག་པ་ཕོ་མཚན་དང་། །མཁལ་མ་མཆེར་པ་གཞང་དག་ལྕི། །ཤའི་སྡེ་ཚན་ནོ།། །།ཚོད་མ་པ་ཐ་ཤ་ཏི་དང་། །སུ་ཤ་སུ་ནི་ཤ་ན་དང་། །ས་ཏིན་ཛ་རྒྱ་སྣེའུ་སྩོགས། །
[57b.4]ཉེས་པ་གསུམ་འཇོམས་རྟུག་སྲི་ཡང་། །དེ་ལས་སུ་ནི་ཤན་དྲོ། །རོ་ཙ་ར་ཛཀྵ་པ་ཏི། །ཕོ་བ་གཞང་འབྲུམ་ནད་སེལ་མཆོག །རྒྱ་སྣེའུ་རྟུག་སྐམ་འཇོམས་པ་ཡིན། །མོན་སྣེའུ་དམེ་རུ་ཉེས་གསུམ་འཇོམས། །མཛེ་སེལ་རོ་ཙ་བཅུད་ལེན་དྲོ། །འཁྲུ་ཞིང་མགུལ་པ་སྙན་
[57b.5]པར་བྱེད། །ཙང་གི་རི་སྐྱུར་མེ་དྲོད་སྐྱེད། །ཕོ་བ་གཞང་འབྲུམ་བད་ཀན་རླུང་། །དྲོད་ཆེ་འཁྲུ་གཅོད་ཡང་བ་ཡིན། །པ་ཏོ་ལ་དང་སབ་ཏ་ལ། །ནིམ་པ་ཤང་གསྠ་སླེ་ཏྲེས། །ཨ་པལ་གུ་ཟ་རྩའི་མྱུ་གུ། །བྲི་ཧ་ཏི་དང་བཱ་ཤ་དང་། །ཏི་ལ་པར་ཎི་ཀུ་ཏ་ལ། །
[57b.6]མན་དུ་ཀ་འདབ་ཀར་ཀོ་ཏ། །ཀ་ར་བེ་ལ་པར་བ་ཏ། །ཎ་ཏི་དང་ནི་ཀ་ཏ་ཡ། །གོ་ཛི་ཧ་དང་བར་ད་ཀ །བ་ན་ཏིག་ཏ་ཀ་རི་རམ། །ཀུ་ལི་ཀ་དང་ནན་ཏི་དང་། །ཀུ་ཙེལ་ཤག་ཀུན་ད་ནི། །ཀ་ཏིལ་དང་ཀེའུ་ཀམ། །ཤོ་ཏམ་ཀོ་ཤ་ཏ་ཀ་དང་། །ཀར་ཤ་འཇམ་བསིལ་ཁ་
[57b.7]ཞིང་ཚ། །བཤང་སྲི་རླུང་སྐྱེད་བད་མཁྲིས་སེལ། །པ་ཏོ་ལ་ཞིམ་སྲིན་ནད་སེལ། །ཞུ་རྗེས་མངར་ཞིང་ཡི་ག་འབྱེད། །བྲི་ཧ་ཏི་གཉིས་མཁྲིས་སྐྱེད་འཁྲུ། །དྲོད་སྐྱེད་རླུང་ནི་འཇོམས་པ་ཡིན། །བྲི་ཤན་རླུང་དང་ལུད་པ་འཇོམས། །ཁྲག་མཁྲིས་སེལ་བའི་དམ་པ་
[58a]
[58a.1]ཡིན། །ཀར་བེལ་ལ་ཁ་བ་དང་། །དྲོད་སྐྱེད་བད་ཀན་སེལ་མཆོག་ཡིན། །བར་ཏ་ཀ་རོ་ཁ་ཞིང་ཚ། །མངར་དྲོ་བད་ཀན་རླུང་དག་སེལ། །ལན་ཚྭར་བཅས་པ་མེ་དྲོད་སྐྱེད། །ཡིད་འོང་ཟས་ལེན་མཁྲིས་མི་སྐྱེད། །ཀ་རི་ར་ནི་སྦོས་བྱེད་ཅིང་།
[58a.2]རོ་བསྐ་མངར་ཞིང་ཁ་བ་ཡིན། །ཀོ་ཤ་ཏ་ཀ་བལ་གུ་ཟ། །འཁྲུ་ཞིང་དྲོད་ནི་སྐྱེད་བྱེད་ཡིན། །ཏན་དུ་ལི་བསིལ་རྩུབ་པ་དང་། །རོ་མངར་ཞུ་རྗེས་མངར་ཞིང་ཡང་། །ཆང་ནད་མཁྲིས་ནད་དུག་ཁྲག་སལ། །མུན་ཛ་ལས་བྱུང་རླུང་མཁྲིས་སེལ། །སྣུམ་བསིལ་ལྕི་ཞིང་མངར་བ་དང་། །
[58a.3]ལུས་རྟས་ཁུ་བ་འཕེལ་བའི་མཆོག །པ་ལག་ཀྱ་ལྕི་འཁྲུ་བར་བྱེད། །ཨུ་པོ་ད་ཀ་ཆང་ནད་འཇོམས། །ཙུ་ཙུ་པ་ལག་ཀྱ་འདྲ་ལས། །དེ་ནི་འཁྲུ་གཅོད་བདག་ཉིད་ཅན། །བི་ད་རི་ནི་རླུང་མཁྲིས་སེལ། །གཅིན་མང་མངར་ཞིང་བསིལ་བ་ཡིན། །འཚོ་བར་བྱེད་ཅིང་
[58a.4]ལྐོག་ནད་སེལ། །ལུས་བརྟ་རོ་ཙ་ལྕི་བཅུད་ལེན། །ཛི་བན་ཏི་མངར་བསིལ་བ་དང་། །མིག་ལ་ཕན་ཞིང་ཉེས་གསུམ་སེལ། །ཀུ་སྨན་ད་བུམ་ཤ་ཀ་ལིང་། །ཀར་ཀ་དང་ནི་ཨེར་བ་རུ། །ད་ན་དིས་ཞེས་བྱ་བ་དང་། །ད་ན་དིས་དང་ག་གོན་དང་། །ཙིན་ཏ་ཀ་དང་ཙིར་བི་ཏ། །
[58a.5]བད་རླུང་སྐྱེད་ཅིང་འཁྲུག་ཅིན་མང་། །བཤང་སྲི་ལྕི་ཞིང་ཞུ་རྗེས་མངར། །འཁྲི་ཤིང་འབྲས་བུའི་ནང་ན་མཆོག །ཀུ་སྨན་ད་སྟེ་རླུང་མཁྲིས་སེལ། །གཅིན་ནད་སེལ་ཞིང་རོ་ཙར་བྱེད། །ག་གོན་ཤིན་ཏུ་གཅིན་མང་ཞིང་། །ཀུ་བ་ཤིན་ཏུ་རྩུབ་པ་ཡིན། །ཀ་ལིང་ཀ་དང་ཨེར་
[58a.6]བ་རུ། །ཙིར་བི་མཁྲེགས་གཞོན་མཁྲིས་སེལ་བསིལ། །སྨིན་པ་དེ་ལས་གཞན་དུ་བྱེད། །འབྲས་བུ་རྙིང་ལུང་ལན་ཚྭར་བཅས། །མཁྲིས་སྐྱེད་བད་ཀན་རླུང་ནད་སེལ། །ཡི་ག་འབྱེ་ཞིང་དྲོ་ཡིད་འོང་། །ཧེན་ལངས་ལྟོ་ལྦོས་སེལ་ཞིང་ཡང་། །པད་རྩ་རྩ་བ་ཨུཏྤལ་རྩ། །
[58a.7]ཀུ་མུ་ཨུཏྤལ་ཆུ་བ་དང་། །ཆུས་པ་ཤ་ལུ་ཀ་ཏ་དང་། །སྲིང་གདང་ག་ཤ་རུ་ཀ། །ཀྲོན་ཛ་ད་ན་ཀ་ལོད། །རྩུབ་ཅིང་བཤང་སྲི་བསིལ་ཞིང་ལྕི། །ཀ་ལམ་པ་དང་ན་ལི་ཀ། །མར་ཤེ་ཞེས་ནི་བྱ་བ་དང་། །ཀུ་ཏི་ན་ཛ་ར་ཀུ་ཁ། །སེང་ཕྲོམ་ཡུངས་མ་ལོ་ནི་ཀ །ཀ་རུ་ད་ཀ་ག་པེ་དུ། །
[58b]
[58b.1]འཚོ་བྱེད་དང་ནི་ཛུན་ཛུ་དང་། །ཨེ་དག་ཛ་དག་དང་ནི། །ཡ་བ་ཤ་ཀ་ལྕམ་པ་དང་། །ཨ་ལུ་ཀ་སྩོགས་ཐམས་ཅད་དང་། །སྲན་ལོ་ཤིང་མངར་ལོ་མ་དང་། །མངར་ཞིང་རྩུབ་ལ་ལན་ཚྭ་བྲོ། །བད་ཀན་རླུང་སྐྱེད་ལྕི་བ་དང་། །བསིལ་ཞིང་བཤང་ལྕི་འབྱུང་སླ་བྱེད། །ཕལ་
[58b.2]ཆེར་ཞུ་ནས་བཤང་གཅི་མཁྲེགས། །ཚོས་ཤིང་ཁུ་བ་ལེགས་བཙིར་ལ། །མར་ཆེར་བཏབ་པ་ཉེས་མི་སྐྱེད། །སེང་ཕྲོམ་འདབ་མ་ཞེས་བྱ་གང་། །དེ་ནི་རྒྱ་སྣེའུ་དང་འདྲར་འདོད། །ཏར་ཀ་རི་བར་ན་མངར། །ཁ་བཅས་རླུང་དང་བད་ཀན་སེལ། །པུརྞ་རྣམ་གཉིས་ཀ་ལ་
[58b.3]ཤ། །ཅུང་ཟད་ཚ་བྲོ་ཁ་ཞིང་ཚ། །དྲོད་སྐྱེད་ཁོང་འཁྲུ་སྦྱར་དུག་དང་། །འོར་ནད་བད་ཀན་རླུང་ནད་འཇོམས། །ཙི་བི་ར་ཡི་མྱུ་གུ་ནི། །དྲོད་སྐྱེད་རླུང་དང་བད་སེལ་འཁྲུ། །ཉེའུ་ཤིང་མྱུ་གུ་ཁ་བ་སྟེ། །རོ་ཙ་ཉེས་གསུམ་སེལ་བ་ཡིན། །སྨྱིག་མའི་མྱུ་གུ་རྩུབ་པ་དང་། །
[58b.4]ཁོང་ཚ་རླུང་དང་མཁྲིས་པ་སྐྱེད། །བ་རུ་ར་ནི་དྲོད་སྐྱེད་ཁ། །མཆེར་པ་གཞང་འབྲུམ་བད་རླུང་སེལ། །ཀ་ས་མར་ད་སྲིན་ལུང་པ། །བད་ཀན་སེལ་ཞིང་ཞུ་བྱེད་འཁྲུ། །ལེ་བརྒན་རྩི་ཚོད་རྩུབ་སྐྱུར་ཚ། །ལྕི་ཞིང་མཁྲིས་པ་སྐྱེད་ལ་འཁྲུ། །ཡུངས་ཀར་ཚོད་མ་ལྕི་ཞིང་ཚ།
[58b.5]བཤང་དང་ལྕི་འགགས་ཉེས་ཀུན་སྐྱེད། །ལ་ཕུག་གཞོན་ནུ་རོ་མི་གསལ། །ཅུང་ཟད་ཚ་བྲོ་ཁ་དང་བཅས། །གང་ཡིན་དེ་ནི་ཉེས་ཀུན་སེལ། །ཡང་ཞིང་ཅུང་ཟད་ཚ་བ་དང་། །སྐྲན་དང་ལུད་གཅོང་དབུགས་མི་བདེ། །རྨ་དང་མིག་ནད་ལྐོག་ནད་སེལ། །སྐད་འགགས་
[58b.6]དྲོད་ཆུང་རྟུག་སྐམ་དང་། །ཆམ་པའི་ནད་ནི་འཇོམས་པ་ཡིན། །ནར་སོན་རོ་དང་ཞུ་རྗེས་ཚ། །དྲོད་སྐྱེད་བྱེད་ཅིང་ཉེས་གསུམ་སྐྱེད། །བད་ཀན་སྐྱེད་ལྕི་བཙོས་པ་ནི། །སྣུམ་ཞིང་དེ་ཡང་རླུང་སེལ་ཡིན། །སྐམ་པོ་རླུང་དང་བད་ཀན་སེལ། །རྗེན་པ་ཐམས་ཅད་ཉེས་སྐྱེད་
[58b.7]ཡིན། །ཡུངས་མ་ཚ་ཞིང་དྲོ་བ་དང་། །བད་ཀན་རླུང་སེལ་མཁྲིས་པ་སྐྱེད། །ཤན་ཏ་མཱུ་ལ་མཁྲིས་སེལ་ཞིང་། །བསིལ་ཞིང་ཞུ་རྗེས་མངར་བ་དང་། །རོ་མངར་ཁ་ཞིང་བསྐ་བ་སྟེ། །བད་ཀན་དུག་ཀྱང་སེལ་བར་བཤད། །ཀུ་ཐེར་བྱེའུ་རུག་ཤི་ཀྲུ། །སུ་མུ་ཁ་དང་སྐེ་
[59a]
[59a.1]ཚེ་དང་། །བུ་སྲིན་དང་ཕ་ནི་ཛ། །ཟིན་ཐིག་ལེ་དང་ཛམ་བི་ར། །དེ་ལ་སྩོགས་པའི་ལྡུམ་རྣམས་ནི། །བཤང་གཅི་སྲ་ཞིང་མེ་དྲོད་སྐྱེད། །ཁོང་པ་ཚ་བྱེད་ཁ་རྩུབ་ཚ། །ཡིད་འོང་ལུས་དྲོ་ཡི་ག་འབྱེ། །མིག་གནོད་ཁུ་བ་སྲིན་འཇོམས་རྣོ། །
[59a.2]སྐྲང་པར་བྱེད་དང་ཡང་བ་ཡིན། །བྱེ་རུག་སྐྱིགས་ལུད་དབུགས་མི་བདེ། །རྩིབ་ལོགས་ཟུག་དུག་ཁ་མནམ་སེལ། །སུ་མུ་ཁ་ནི་རབ་ཚ་མིན། །སྦྱར་དུག་འོར་ནད་སེལ་བ་ཡིན། །འུ་སུའི་ལོ་མ་ཁ་ཞིང་མངར། །གཅིན་མང་མཁྲིས་པ་སྐྱེད་མ་ཡིན། །སྒོག་སྐྱ་རབ་ཏུ་
[59a.3]ཚ་ཞིང་རྣོ། །ཞུ་རྗེས་ཚ་ཞིང་འཁྲུ་བ་དང་། །ཞིམ་ཞིང་སྐྲ་སྐྱེད་ལྕི་རོ་ཚ། །སྣམ་ཞིང་དྲོད་སྐྱེད་ཡི་ག་འབྱེ། །ཤ་བཀྲ་མཛེ་སྐྲན་གཞང་འབྲུམ་དང་། །གཅིན་ནད་སྲིན་དང་བད་ཀན་རླུང་། །སྐྱིགས་བུ་ཆམ་པ་དབུགས་མི་བདེ། །ལུད་པ་སེལ་ཏེ་ཁྲག་མཁྲིས་སྐྱེད། །ཀུན་དོང་དེ་ལས་
[59a.4]ཡོན་ཏན་དམན། །བད་ཀན་སྐྱེད་མཁྲིས་རབ་མི་སྐྱེད། །ཀེའུ་བཙོས་དུག་སྦྱར་ཟོས་པ་ཡིས། །བད་ཀན་རླུང་དང་གཞང་འབྲུམ་སེལ། །རྣོ་ཞིང་རྟུག་པ་སྲི་བ་དང་། །དེ་ནི་མཁྲིས་ཅན་ལ་ཕན་མིན། །སུ་ར་དྲོད་སྐྱེད་ཁ་ཟས་ལེན། །བད་སེལ་དྲི་མ་སྦྱོང་ཞིང་ཡང་། །མཆོག་ཏུ་
[59a.5]གཞང་འབྲུམ་དག་ལ་ཕན། །སྦང་ཕྲུམ་ཤིན་ཏུ་ཉེས་སྐྱེད་ཡིན། །མེ་ཏོག་འདབ་མ་འབྲས་ཡལ་ག །སྡོང་བུ་རིམ་བཞིན་ལྕི་བ་ཡིན། །ཚོད་མའི་རབ་མཆོག་འཚོ་བྱེད་ཡིན། །ཡུངས་ཀར་ཚོད་མ་ཐ་ཆད་ཡིན། །ཚོད་རྔད་རྣམས་ཀྱི་སྡེ་ཚན་ནོ།། །།རྒུན་འབྲུམ་
[59a.6]འབྲས་བུའི་མཆོག་ཡིན་ཏེ། །རོ་ཙ་མིག་སྨན་བཤང་གཅི་སླ། །མངར་ཞིང་ཞུ་རྗེས་སྣུམ་པ་དང་། །ཅུང་ཟད་བསྐ་ཞིང་བསིལ་ལ་ལྕི། །རླུང་དང་ཁྲག་མཁྲིས་སེལ་བྱེད་ཅིང་། །ཁ་ནང་ཁ་བྲོ་ཆང་ནད་དང་། །སྐོམ་ལུད་ཚད་རིམས་དབུགས་མི་བདེ། །སྐད་འཛེར་གློ་རྡོལ་གློ་
[59a.7]གཅོང་སེལ། །བལ་པོ་སེའུ་མངར་མཁྲིས་རྒྱས་དང་། །ཉེས་པ་གསུམ་པོ་སེལ་བ་ཡིན། །སྐྱུར་བ་མཁྲིས་སྐྱེད་མིན་ཅུང་དྲོ། །རླུང་དང་བད་ཀན་འཇོམས་པར་བྱེད། །སེའུ་ཀུན་ཀྱང་ཡིད་འོང་སྣུམ། །ཡང་ཞིང་བཤང་སྲ་དྲོད་ཟས་ལེན། །མོ་ཚ་འབྲ་གོ་པ་ནས། །རྒྱ་
[59b]
[59b.1]སྟར་པ་རུ་ཤ་ཀ་དང་། །ཨ་མྲ་ཏ་ལ་ཀསྨ་འབྲས། །ར་ཇ་ད་ན་མ་དུའི་འབྲས། །རྒྱ་ཤུག་སོ་བི་ར་ཨང་ཀོལ། །ཕལ་ཀུ་སླེས་མ་ཏའི་འབྲས་བུ། །ཏ་མལ་བི་ཤུ་སྟར་གའི་འབྲས། །མྱུ་གུ་ལ་དང་རྒྱ་ཁམ་དང་། །ཨ་རུ་མ་ན་པི་ཡལ་འབྲས། །རྟས་བྱེད་ལྕི་ཞིང་བསིལ་
[59b.2]བ་ཡིན། །ལུས་ཚ་གློ་རྡོལ་གློ་གཅོང་སེལ། །ཁྲག་དང་མཁྲིས་པ་སྙོམས་པར་བྱེད། །ཞུ་རྗེས་མངར་ཞིང་སྣུམ་པ་དང་། །བཤང་ལྕི་བད་ཀན་ཁུ་བ་འཕེལ། །ཏ་ལའི་འབྲས་བུ་མཁྲིས་སྐྱེད་འཁྲུ། །ཀསྨ་རྒྱ་འབྲས་བསིལ་བ་དང་། །བཤང་ལྕི་འགགས་པ་སེལ་བྱེད་
[59b.3]ཅིང་། །སྐྲ་བྱེད་ཡིད་གཞུངས་བཅུད་ལེན་འགྱུར། །པ་ཏ་མ་སྩོགས་དྲོ་བ་དང་། །བད་ཀན་མཁྲིས་པ་སྐྱེད་བྱེད་འཁྲུ། །སྣུམ་ཞིང་མཆོག་ཏུ་རླུང་སྐྱེད་བྱེད། །པི་ལ་ཡའི་འབྲས་ཚབ་མིན། །པི་ལ་ཡ་ཡི་ཚི་གུ་མངར། །རོ་ཙ་མཁྲིས་པ་རླུང་ནད་སེལ། །རྒྱ་ཤུག་ཚི་གུའི་ཡོན་ཏན་ནི། །དེ་འདྲ་
[59b.4]སྐམ་སློན་ལུད་པ་སེལ། །བིལ་འབྲས་སྨིན་པ་འཇུ་དཀའ་ཞིང་། །ཉེས་སྐྱེད་འཕྱེན་ནི་དྲི་བ་བྱེད། །མ་སྨིན་དྲོད་སྐྱེད་བད་རླུང་སེལ། །དེ་དག་གཉིས་ཀ་འཁྲུ་བ་གཅོད། །མ་སྨིན་ཀ་པིད་མགུལ་ནད་དབ། །ཉེས་པ་ཀུན་སྐྱེད་སྨིན་པ་ནི། །ཉེས་འཇོམས་སྐྱིགས་བུ་སློན་བྲོ་སེལ། །
[59b.5]ཀུན་ཀྱང་འཁྲུ་གཅོད་དུག་འཇོམས་ཡིན། །འཛམ་བུའི་ཤང་ཏོག་བཤང་གཅི་སྲི། །བསིལ་ཞིང་ཤིན་ཏུ་རླུང་སྐྱེད་ཡིན། །བཤང་དང་ལྕི་བ་གཅོད་བྱེད་ཅིང་། །སྐོག་མ་ལ་གནོད་བད་མཁྲིས་སེལ། །ཨ་མྲའི་འབྲས་བུ་མ་སྨིན་རླུང་། །ཁྲག་མཁྲིས་སྐྱེད་བྱེད་རུས་ཆགས་པ། །
[59b.6]བད་ཀན་མཁྲིས་སྐྱེད་མིན་རླུང་སྐྱེད། །ལྕི་མངར་བད་ཀན་ཁུ་བ་འཕེལ། །བྲྀཀྵ་ཨམླ་རྩུབ་བཤང་སྲི། །ལྕི་ཚ་བད་ཀན་རླུང་དག་འཇོམས། །ཤ་མྱ་ཚ་ལྕི་སྐྲ་གནོད་རྩུབ། །པི་ལུའི་འབྲས་བུ་མཁྲིས་པ་སྐྱེད། །བད་ཀན་རླུང་ནད་སེལ་ཞིང་འཁྲུ། །མཆེར་པ་
[59b.7]གཞང་འབྲུམ་སྐྲན་སྲིན་སེལ། །པི་ལུ་མངར་ཞིང་ཁ་བ་གང་། །ཤིན་ཏུ་ཚ་མིན་ཉེས་གསུམ་འཇོམས། །བ་ལུ་ཤུན་ཁ་ཚ་ཞིང་སྣུམ། །རླུང་ནད་སེལ་བར་བྱེད་པ་ཡིན། །བ་ལུང་འབྲས་ཤས་རྟས་བྱེད་མངར། །རླུང་དང་མཁྲིས་པ་སེལ་ཞིང་ལྕི། །དེ་ཡིས་རྐང་ཡང་
[60a]
[60a.1]སྐྱིགས་ལུད་པ། །དབུགས་མི་བདེ་དང་ཆང་ནད་སེལ། །ཁ་སྐམ་རླུང་དང་བད་ཀན་དང་། །རྟུག་སྲ་སྐྱུགས་བྲོ་ཡི་ག་འཆུས། །སྐྲན་དང་གཞང་འབྲུམ་གཟེར་ནད་དང་། །མེ་དྲོད་ཆུང་བ་ཉིད་སེལ་ཏོ། །ན་རང་ག་འབྲས་མངར་ཅུང་སྐྱུར། །
[60a.2]ཡི་གར་འོང་ཞིང་ཁ་ཟས་ལེན། །ལྕི་ཞིང་རླུང་ནི་རབ་སྐྱེད་པའི། །ཡོན་ཏན་ལྡན་པར་ཤེས་པར་བྱ། །བསེ་ཤིང་འབྲས་བུའི་ཤུན་པ་ཤ། །ཁོང་རྟས་བྱེད་ཅིང་མངར་ལ་བསིལ། །དེའི་རུས་མེ་མཉམ་ཡིད་གཞུངས་བྱེད། །བད་ཀན་རླུང་ནི་སེལ་བའི་མཆོག །ཀུ་ཤུ་རྣམ་
[60a.3]གཉིས་ལྕི་བ་སྟེ། །མངར་སྐྱུར་བསིལ་དང་ཚ་བ་ཡིན། །ཡི་ག་འབྱེ་ཞིང་མེ་རབ་འབྲི། །ཁམ་ཤ་ཡི་ག་འབྱེད་ཅིང་མངར། །སྨིན་པ་མྱུར་དུ་འཇུ་བར་འགྱུར། །ཤིན་ཏུ་ཚ་མིན་ལྕི་ཉེས་སྐྱེད། །རྒུན་འབྲུམ་པ་རུ་ཤ་ཀ་དང་། །ཀ་ར་མར་དང་བཙོས་རློན་སྐྱུར། །མཁྲིས་པ་
[60a.4]བད་ཀན་སྐྱེད་ཅིང་འཁྲུ། །ལྕི་ཞིང་ནུས་ཚ་རླུང་འཇོམས་སོ། །རྒྱ་ཤུག་སྐྱུར་ཐུང་ལི་གུ་ཚེ། །ཨ་མྲ་ཀ་ཏ་དེ་བཞིན་ནོ། །ཨེ་ར་བ་ཏི་ཏུ་ད་དང་། །མྲི་ཀ་ལིན་ད་ཛམ་བིར་བཅས། །སྨིན་དང་ཀ་ར་ཡར་ཏ་སྐམ། །མཁྲིས་པ་ཤིན་ཏུ་སྐྱེད་བྱེད་མིན། །ཨམླི་ཀ་དང་རྒྱ་
[60a.5]ཤུག་སྐྱུར། །སྐམ་པོ་དྲོད་སྐྱེད་འཁྲུ་བ་དང་། །སྐོམ་དང་ངལ་དང་རྨྱ་བ་སེལ། །ཡང་ཞིང་རླུང་དང་བད་ཀན་འཇོམས། །དེ་ལས་འབྲས་བུ་ཀུན་ཐ་ཆད། །ལི་གུ་ཙི་སྟེ་ནད་ཀུན་སློང་། །ཁ་བ་མེ་དང་རླུང་གནོད་ཉེན། །སྦྲུལ་གྱི་ཁ་ཆུ་སྩོགས་པས་ཕོག །སྲིན་
[60a.6]བུས་ཟོས་དང་ཆུ་ནང་ལྟུང་། །ས་ངན་དུས་མིན་སྐྱེས་པ་དང་། །འབྲུ་གཞན་འདྲེས་ཞིང་མཐུ་ཉམས་དང་། །ཤིན་ཏུ་རྙིང་འགྱུར་འབྲུ་སྤང་བྱ། །ཚོད་མའང་དེ་བཞིན་རྩུབ་པར་ནི། །གཡོས་པ་དག་དང་མི་སྙི་དང་། །རོ་ནི་སྨིན་པར་མ་གྱུར་དང་། །ལ་ཕུག་མ་གཏོགས་
[60a.7]སྐམ་པོ་དང་། །འབྲས་བུའང་ཕལ་ཆེར་དེ་བཞིན་ཏེ། །བིལ་བ་མ་གཏོགས་རློན་པ་སྤང་། །འབྲས་བུའི་སྡེ་ཚན་ནོ།། །།ལན་ཚྭ་ཀུན་ཀྱང་བད་ཀན་སྐྱེད། །ཕྲ་ཞིང་བཤང་གཅི་འབྱིན་ལ་འཇམ། །རླུང་འཇོམས་འཇུ་བྱེད་ཚ་ཞིང་རྣོ། །ཡི་ག་འབྱེ་ཞིང་བད་མཁྲིས་སྐྱེད། །
[60b]
[60b.1]དེ་ལ་ལྕེ་མྱང་ཚ་མངར་བཅས། །རོ་ཙ་ཡིད་འོང་ཉེས་གསུམ་སེལ། །ཡང་ཞིང་ཚ་ལ་མིག་ལ་ཕན། །ཚ་བ་མི་སྐྱེད་མེ་དྲོད་སྐྱེད། །རྩལ་རུ་ཚ་ཡང་ཡིད་འོང་ཞིང་། །སྒྲེགས་པ་སྦྱོང་ཞིང་དྲི་ཞིམ་ལ། །ཞུ་རྗེས་ཚ་ཞིང་བཤང་སྲི་སེལ། །དྲོད་སྐྱེད་ཡི་ག་འབྱེད་བྱེད་ཡིན། །
[60b.2]ཁ་རུ་ཚ་ནི་སྟོད་བད་ཀན། །སྨད་ཀྱི་རླུང་འབྱིན་དྲོད་སྐྱེད་ལ། །བཤང་འགགས་ལྟོ་སྦོས་རྟུག་སྐམ་དང་། །གཟེར་ཟུག་ལུས་ལྕི་སེལ་བ་ཡིན། །རྒྱ་མཚོའི་ལན་ཚྭ་ཞུ་རྗེས་མངར། །ལྕི་ཞིང་བད་ཀན་རྣམ་འཕེལ་བྱེད། །བཀོད་མའི་ཚ་ནི་ཅུང་ཟད་ཁ། །ཚ་དང་བ་ཚ་རྣོ་བྱེད་
[60b.3]གཤེར། །ཁ་རུ་ཚ་ནག་ཡོན་ཏན་དྲི། །མ་གཏོགས་ཡོན་ཏན་བི་དར་མཚུངས། །མཚོ་ཚ་ཡང་སྟེ་ས་སྐམ་ཚ། །བད་ཀན་སྐྱེད་ཅིང་འཇུ་དཀའ་ལྕི། །ལན་ཚྭ་རྣམས་ཀྱི་སྦྱོར་བ་ལ། །རྒྱ་མཚོ་ལ་སོགས་རབ་ཏུ་སྦྱར། །ནས་ཚིག་འཁུས་པའི་ལན་ཚྭ་ནི། །སྐྲན་དང་
[60b.4]སྙིང་ནད་སྐྱ་རྦབ་དང་། །ཕོ་བ་མཆེར་པ་ལྐོག་ནད་དང་། །ལུད་པ་གཞང་འབྲུམ་དབུགས་མི་བདེ། །ལྟོ་སྦོས་བད་ཀན་སེལ་བ་ཡིན། །སྭ་རྫི་ཀ་སོགས་ཐལ་ཚ་ཀུན། །རབ་རྣོ་ཚ་ཞིང་སྲིན་སེལ་ཡང་། །ཁྲག་མཁྲིས་སྐྱེད་བྱེད་སྨིན་བྱེད་ལ། །གཅོད་ཅིང་མི་ཞིམ་རྣམ་
[60b.5]པར་འབྱེད། །ནས་ཚིག་འཁུས་ཚ་ཁ་བས་ན། །མདོག་མདངས་ཁུ་བ་སྐྲ་མིག་གནོད། །ཤིང་ཀུན་རླུང་དང་བད་ཀན་སེལ། །གཟེར་འཇོམས་མཁྲིས་པ་སྐྱེད་བྱེད་དེ། །ཞུ་རྗེས་རོ་ཚ་ཡི་ག་འབྱེད། །དྲོད་སྐྱེད་ཟས་འཇུ་ཡང་བ་ཡིན། །ཨ་རུ་ར་བསྐ་ཞུ་རྗེས་
[60b.6]མངར། །རྩུབ་ཅིང་ལན་ཚྭའི་རོ་མེད་ཡང་། །དྲོད་ཆེ་ཟས་འཇུ་ཡིད་གཞུངས་བྱེད། །ན་ཚོད་ལ་འཇོག་དམ་པ་ཡིན། །དྲོ་ཞིང་འཁྲུལ་ཚེ་ལ་ཕན། །བློ་དང་དབང་གསལ་སྟོབས་རབ་སྐྱེད། །མཛེ་དང་བཞིན་ལུས་མདོག་མི་སྡུག །སྐད་འགགས་རིམས་རྙིང་
[60b.7]མི་བཟད་རིམས། །གླད་པ་མིག་ནད་སྐྱ་རྦབ་དང་། །མིག་སེར་ཕོ་བའི་ནད་རྣམས་དང་། །སྐེམ་བཅས་འོར་དང་གཅིན་ནད་སེལ། །ཚད་འཁྲུ་རྨོངས་བག་མྱོས་སློན་སྲིན། །མཆིལ་མང་ལུད་པ་དབུགས་མི་བདེ། །གཞང་འབྲུམ་མཆེར་པ་ལྟོ་སྦོས་དུག། །
[61a]
[61a.1]གསུམ་འཕེལ་རྒྱུན་འགགས་སྐྲན་དང་ནི། །ད་རྒན་ན་དང་ཡི་ག་འཆུས། །རླུང་དང་བད་ཀན་ལས་གྱུར་ནད། །དེ་དང་དེ་ནི་སེལ་བྱེད་ཡིན། །སྐྱུ་རུ་ར་ཡང་དེ་འདྲ་བསིལ། །རོ་སྐྱུར་བད་མཁྲིས་སེལ་དེ་ལས། །ཡོན་ཏན་ཅུང་དམན་བ་རུ་ར། །
[61a.2]ཞུ་རྗེས་ཚ་མངར་སྐྲ་མིག་ཕན། །འབྲས་བུ་གསུམ་པོ་འདི་དག་ནི། །བཅུད་ཀྱིས་ལེན་མཆོག་མིག་ནད་སེལ། །རྨ་འཚོ་པགས་ནད་རྨ་རེད་དང་། །ཚིལ་ཆེས་གཅིན་སྙི་བད་ཁྲག་སེལ། །ཤིང་ཚ་སུག་སྨེལ་བྷ་དྲ་གསུམ། །གེ་སར་བཅས་པ་དྲི་བཟང་བཞི། །ན་
[61a.3]ལེ་ཤམ་ནི་མཁྲིས་སྐྱེད་རྣོ། །རྩུབ་ཅིང་དྲོད་སྐྱེད་ཡི་ག་འབྱེད། །རོ་དང་ཞུ་རྗེས་དག་ཀྱང་ཚ། བད་ཀན་འཇོམས་ཤིང་ཡང་བ་ཡིན། །པི་པི་ལིང་རློན་བང་སྐྱེད་མངར། །བསིལ་ཞིང་ལྕི་ལ་སྣུམ་པ་ཡིན། །སྐམ་པོ་དེ་ལས་བཟློག་པ་ཡིན། །སྣུམ་ཞིང་རོ་ཙ་རོ་ཚ་ལ། །ཞུ་
[61a.4]རྗེས་མངར་ཞིང་བད་རླུང་དང་། །ལུད་པ་དབུགས་མི་བདེ་སེལ་འཁྲུ། །དེ་གཉིས་བཅུད་ལེན་མ་གཏོགས་པ། །གཞན་ལས་ཤས་ཆེར་སྦྱར་མི་བྱ། །དོང་གྲ་དྲོད་སྐྱེད་རོ་ཙ་དང་། །འཁྲུ་གཅོད་ཡིད་འོང་མཁྲེགས་པ་སེལ། །ཡི་ག་འབྱེ་ཡང་ཞུ་རྗེས་མངར། །ཁོང་སྣུམ་དྲོད་
[61a.5]ཆེ་བད་རླུང་སེལ། །སྒེའུ་གཤེར་དེ་འདྲ་དེ་དག་ནི། །ཚ་བ་གསུམ་སྟེ་ཤ་སྤོམ་དང་། །མེ་དྲོད་ཉམས་དང་དབུགས་མི་བདེ། །ལུད་པ་རྐང་བམ་ཆམ་པ་འཇོམས། །དབྱི་མོ་པི་པི་ལིང་རྩ་བ། །ནལ་ཤམ་ཡོན་ཏན་ཅུང་ཟད་ཆུང་། །ཙི་ཏྲ་ཀ་སྟོབས་མེ་དང་མཉམ། །
[61a.6]འོར་ནད་གཞང་འབྲུམ་སྲིན་མཛེ་སེལ། །འདི་རྣམས་ལས་ནི་ན་ལེ་ཤམ། །མ་གཏོགས་ཚ་བ་ལྔ་ཞེས་བཤད། །སྐྲན་ཆེན་དམུ་རྫིང་ལྟོ་སྦོས་དང་། །གཟེར་འཇོམས་དྲོད་ནི་སྐྱེད་པའི་མཆོག །བིལ་བ་ཀཤྨ་ཏར་ཀ་རི། །བ་ཏ་ལ་དང་དུན་དུ་ཀ །རྩ་ཆེན་ལྔ་པོ་
[61a.7]བསྐ་ཁ་དྲོ། །རླུང་དང་བད་ཀན་སེལ་བྱེད་ཡིན། །ཨང་ཤུ་མ་ཏི་པྲི་ཧ་ཏི། །གཉིས་གཉིས་གཟེ་རྩ་ཆུང་ལྔར་བཤད། །ཞུ་རྗེས་རོ་མངར་ཧ་ཅང་ནི། །བསིལ་དང་ཚ་མིན་ཉེས་ཀུན་སེལ། །བ་ལ་པུརྞ་ཨེ་རཎྜ། །སུ་པྱ་པརྞི་རྣམ་གཉིས་རྩ། །འབྲིང་ཡིན་བད་
[61b]
[61b.1]ཀན་རླུང་འཇོམས་ཡིན། །ཤིན་ཏུ་མཁྲིས་པ་མི་སྐྱེད་འཁྲུ། །ཉེའུ་ཤིང་ཀ་ཀོ་ལ་འཚོ་བྱེད། །ཛི་བ་ཀ་དང་རི་ཤར་བཤད། །འཚོ་བྱེད་ཅེས་བྱ་མིག་ལ་ཕན། །རོ་ཙ་རླུང་དང་མཁྲིས་པ་སེལ། །འཇག་མ་ཀུ་ཤ་འབྲས་བུར་ཤིང་། །འདམ་རྩ་རྩར་བཤད་ལྔ་
[61b.2]མཁྲིས་སེལ། །གྲ་མ་གང་བུ་གཡོས་སྦྱར་ཟས། །ཤ་དང་ཚོད་མ་ཤིང་ཏོག་སྨན། །ཟས་ཆ་ཅུང་ཟད་ཚན་གདུས་འདི། །རྟག་ཏུ་དགོས་པ་ཡོད་པ་སྨྲ། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་དྲུག་པའོ།། །།
[61b.3]དེ་ནས་ཁ་ཟས་བསྲུང་བའི་ལེའུ་བཤད་པར་བྱའོ། །རྒྱལ་པོའི་ཕོ་བྲང་ཉེ་འཁོར་དུ། །སྲོག་འཚོའི་སློབ་དཔོན་གཞག་པར་བྱ། །དེ་ལྟར་བྱས་པས་ཐམས་ཅད་དུ། །ཐམས་ཅད་ལས་ནི་བསྲུང་བར་འགྱུར། །ཁྱད་པར་དུ་ནི་ས་བདག་གི། །ཟས་སྐོམ་དུག་ལས་
[61b.4]བསྲུང་བར་བྱ། །ཆོས་ལ་སྩོགས་དང་གང་འབྲེལ་པའི། །འབྱོར་བ་དེ་དེ་ལ་རག་ལས་སོ། །འབྲས་ཆན་དུག་བཅས་གཤེར་བག་ཀྱང་། །སྐམ་བག་ཅན་ནི་འདྲ་བར་འགྱུར། །ཡུན་རིང་ཚོས་པར་གྱུར་པ་དང་། །ཚོས་པའང་ཞག་ལོན་ལྟ་བུར་འགྱུར། །རླངས་པ་རྨ་
[61b.5]བྱའི་མགྲིན་འདྲ་ཞིང་། །ཁོང་མྱོས་བརྒྱལ་དང་ལུས་རྔུལ་སྐྱེད། །དྲི་དང་མདོག་སྩོགས་ཉམས་པར་འགྱུར། །རུལ་ཞིང་རྨ་བྱའི་སྒྲོ་ལྟར་འཚེར། །ཚོད་མ་མྱུར་དུ་སྐམས་པ་དང་། །བསྐོལ་བའི་མདོག་ནི་གནག་འགྱུར་ཞིང་། །དེར་གཟུགས་ཆུང་བའམ་ཆེ་བའམ། །
[61b.6]མི་སྡུག་པའམ་མི་སྣང་འགྱུར། །དབུ་བ་སྟེང་འབྱུང་རི་མོ་མཚམས། །ཁ་ཆུ་འདྲ་དང་ཆུ་བུར་འབྱུང་། །བཏུང་བ་མངར་སྐྱུར་ཚོད་མ་དང་། །ཤ་དག་མཚམས་བྱེ་རོ་དང་བྲལ། །ཤ་ཁུའི་རི་མོ་སྔོར་སྣང་ཞིང་། །འོ་མ་ཟངས་མདོག་ཞོ་དྲི་མ། །
[61b.7]དར་བ་ལ་ནི་སེར་དང་གནག །མར་ཁུ་ཆུ་དང་འདྲ་བར་སྣང་། །ཆང་དང་ཆུ་རྣག་སྦྲང་རྩི་ལ། །ལྗང་སྣང་ཏིལ་མར་དག་ལ་དམར། །ཤིང་ཏོག་མ་སྨིན་སྨིན་པར་སྣང་། །སྨིན་པ་དག་ནི་ཡོངས་སུ་འདྲུལ། །ཁ་ཟས་རློན་དང་སྐམ་པ་དག །རྙིངས་ཤིང་མདོག་
[62a]
[62a.1]ནི་ཉམས་པར་འགྱུར། །སྙི་བ་དང་ནི་སྲ་བ་དག །རེག་པ་གོ་ནི་བཟློག་པར་འགྱུར། །མེ་ཏོག་ཕྲེང་རྩེ་ལོ་མ་གས། །རྙིང་ཅིང་དྲི་ནི་མི་ཞིམ་འགྱུར། །གོས་ལ་ནག་པོ་ཏལ་ཏིལ་དང་། །སྤུ་རྣམས་འཐུལ་ཞིང་ཁ་ཚར་འཆད། །གསེར་
[62a.2]དངུལ་མུ་ཏིག་ཤིང་དང་རྡོ། །རིན་ཆེན་སྩོགས་ལ་དྲི་མ་ཆགས། །གཟི་མདངས་རེག་པ་འོད་ཉམས་འགྱུར། །ས་ཡི་སྣོད་ནི་མདོག་བཅས་བྱེད། །དུག་སྟེར་ཁ་ནི་སྔོ་བསྐམས་ལ། །གནོང་བག་གིས་ནི་ཕྱོགས་སུ་བལྟ། །རྔུལ་ཞིང་འདར་ལ་སྐྲག་པ་དང་། །འཇིགས་
[62a.3]ཤིང་འགྲོས་འཁྱོར་གླལ་བར་འགྱུར། །དུག་ལྡན་ཟས་ནི་མེས་བསྲེགས་ན། །མེ་ལྕེ་གཅིག་འཁྱིལ་མེ་སྟག་རྒལ། །དུ་བ་རྨ་བྱའི་མགྲིན་འདྲར་འགྱུར། །མེ་ལྕེ་མི་འབར་འབར་ཡང་མནན། །སྦྲང་མས་ཟོས་ན་འཆི་བར་འགྱུར། །བྱ་རོག་གིས་ཟོས་སྐད་ཞན་འགྱུར། །
[62a.4]འདི་ནི་ནེེ་ཙོ་ད་རུ་ཧ། །རི་སྐེགས་ཀྱིས་མཐོང་ཅ་ཅོ་འབྱིན། །ངང་པས་ཟོས་ན་རྡེག་འཆོས་ལ། །ཤང་ཤང་ཏེའུ་ན་བར་འགྱུར། །སྲེག་པ་མིག་ནི་མི་ཆགས་བྱེད། །ཁྲུང་ཁྲུང་དག་ནི་འཛུར་བར་འགྱུར། །ཕུག་རོན་ཁུ་བྱུག་བྱ་གག་དང་། །ངུར་བས་ཟོས་ན་འཆི་བར་འགྱུར། །
[62a.5]བྱི་ལ་སྐྱོ་ཞིང་འདོར་བར་འགྱུར། །སྤྲེའུ་མི་གཙང་འདོར་བར་བྱེད། །རྨ་བྱས་དེ་མཐོང་དགའ་བར་བྱེད། །དུག་གི་དབལ་ནི་ཉམས་པར་འགྱུར། །དེ་ལྟར་ཟས་ནི་དུག་ལྡན་པར། །ཤེས་ཤིང་ཅི་ནས་དེ་ཡི་ནི། །སྲོག་ཆགས་ཕྲ་མོ་ཡན་ཆད་ལ། །གནོད་པར་འགྱུར་བས་
[62a.6]འབད་དེ་དོར། །རེག་ན་ཚ་ཞིང་གཡའ་ལན། །རིམས་འདེབས་འབྲུམ་འབྱུང་ཚོར་བ་ཆུང་། །སེན་མོ་སྤུ་འབྱུང་ལུས་སྐྲངས་ཏེ། །དེ་ལ་དུག་ནི་རྣམ་འཇིག་པའི། །ཙནྡན་ཤུག་པ་པུ་ཤེལ་ཙི། །སོ་མའི་ཤུན་བཅས་བལ་བུའི་འདབ། །རུ་རྟ་སླེ་ཏྲེས་ཨ་ཀ་རུའི། །
[62a.7]ཆུས་བཀྲུས་བླུགས་ཤིང་བསྐུ་བར་བྱ། །ཁར་ཆུད་ན་ནི་མཆིལ་སྣབས་མང་། །ལྕེ་མཆུ་སྦྲིད་ཅིང་བེེམ་པོར་བྱེད། །ལུས་ཚན་ཞིང་སོ་བརྩེ་ལ། །རོ་མི་ཚོར་ཞིང་འགྲམ་སོ་འཐམས། །དེ་ལ་དུག་ཀུན་འཇོམས་སྨན་དང་། །ཨུར་ཤི་སྩོགས་ཁུས་མཁུར་བཀང་
[62b]
[62b.1]དབོ། །མ་ཞུའི་གནས་འབབ་རྡུལ་བ་དང་། །བརྒྱལ་ཞིང་ལྟོ་སྦོས་མྱོས་མགོ་འཁོར། །བ་སྤུ་ལྡང་ཞིང་སྐྱུག་ལུས་ཚ། །མིག་མི་གསལ་ཞིང་སྙིང་མི་དྲན། །ཡན་ལག་ཐིག་ལེས་ཁྱབ་པར་འགྱུར། །ཞུ་བའི་གནས་སུ་ཕྱིན་ན་ཡང་། །ཁ་དོག་སྣ་ཚོགས་སྐྱུག་པ་
[62b.2]དང་། །གཅིན་མངར་རབ་ཏུ་འཁྲུ་བར་འགྱུར། །རྨྱ་སྙོམ་སྐེམ་ཞིང་མདོག་སྐྱ་ལ། །གསུས་པ་ཆེ་ཞིང་ཉམས་སྟོབས་ཟད། །དེ་གཉིས་སློན་དང་ཁྲུས་བྱས་ནས། །སེར་གཉིས་བུ་རམ་གིར་ཀར་ནི། །སནྡུ་བ་རི་ནིས་པ་བ། །བ་ཤི་ཀ་དང་ཚིགས་བརྒྱ་པ། །ཏན་དུ་
[62b.3]ལི་ཡའི་རྩ་བ་དང་། །བྱ་གག་སྒོ་ང་བལ་ཀུ་ཟ། །སྣར་གཏང་མིག་སྨན་བླུད་བྱ་བ། །དུག་ཞིའི་ཕྱིར་ནི་སྦྱར་བར་བྱ། །དུག་འཐུངས་པ་དག་སྟེང་དང་ནི། །དེ་བཞིན་འོག་ནི་སྦྱངས་གྱུར་ནས། །དུས་སུ་ཟངས་བཟང་བདར་ཕྱེ་མ། །སྦྲང་རྩིར་བཅས་པ་སྙིང་སྦྱོང་སྦྱིན། །
[62b.4]སྙིང་ནད་སྦྱངས་ནས་གསེར་ཕྱེ་ནི། །ཞིབ་མོ་ཞོ་ཕྱེད་སྦྱིན་བྱས་ན། །པདྨའི་འདབ་མར་ཆུ་བཞིན་དུ། །གསེར་གྱིས་ཡན་ལག་ལ་མི་ཆགས། །ཚེ་ཡང་རིང་དུ་འཕེལ་བར་འགྱུར། །སྦྱར་དུག་ལ་ཡང་ཆོ་ག་འདིའོ། །ཁ་ཟས་དག་ཀྱང་མི་མཐུན་ཟོས། །སྦྱར་དུག་
[62b.5]འདྲ་བར་ཤེས་པར་བྱ། །རླན་ཅན་ཤ་དང་མོན་སྲན་གྲེའུ། །སྦྲང་རྩི་འོ་མ་མྱུ་གུ་ཅན། །པདྨའི་རྩ་བ་ལ་ཕུག་གམ། །བུ་རམ་དང་བཅས་མི་འཕྲོད་ཡིན། །ཁྱད་པར་དུ་ནི་འོ་མ་ཉ། །ཉ་རྣམས་ལས་ཀྱང་ཙི་ལི་ཙིམ། །འོ་མ་ལྷན་ཅིག་སྐྱུར་ཀུན་ནི། །མི་འཕྲོད་
[62b.6]ཤིང་ཏོག་དེ་བཞིན་ནོ། །དེ་བཞིན་རྒྱ་སྲན་ཁྲེ་དག་དང་། །བ་ལ་ཀུ་མུ་ཏ་མི་འཕྲོད། །ལ་ཕུག་ལ་སྩོགས་སྔོ་རྔད་ནི། །ཟོས་ནས་འོ་མ་སྤང་བར་བྱ། །ཕག་རྒོད་བྱི་དུར་ཤ་མི་བཟའ། །ཁྱིམ་བྱ་བྲི་ཤ་ཏ་ཞོར་མིན། །ཤ་རློན་མཁྲིས་པ་དག་དང་ནི། །ལ་
[62b.7]ཕུག་མ་ཤའི་ཚོད་མར་མིན། །ལེ་བརྒན་ཙི་ཚོད་ལུག་ཤར་མིན། །མྱུ་གུའི་ཚོད་མ་པད་རྩར་མིན། །མ་ཤའི་སྲན་ཚོད་བུ་རམ་ཞོ། །མར་འོ་ལི་གུ་རྩེའི་འབྲས་མིན། །ཆུ་ཤིང་འབྲས་བུ་དར་བར་མིན། །ཏ་ལའི་འབྲས་བུ་ཞོར་མི་འཕྲོད། །ཚབ་གཉིས་
[63a]
[63a.1]པོ་བུ་རམ་དང་། །སྦྲང་རྩི་ཀ་ཀམ་ཙིར་མིན། །དེ་ནི་ཉ་བཙོས་པའི་སྣོད་དང་། །དོང་གྲ་བཙོས་བར་གཡོས་པ་མིན། །ཀ་མ་ཏ་ནི་སྣོད་གཞན་དུ། །བཙོས་ནས་ཉིན་མཚན་ལོན་མི་བཟའ། །ཉ་བརྔོས་པ་ཡི་སྣུམ་ལ་ནི། །པི་པི་ལིང་བརྔོས་
[63a.2]སྤང་བར་བྱ། །མར་སར་ཁར་སྣོད་ཞག་བཅུ་ལོན། །གོ་བྱེའི་འབྲས་བུ་དྲོར་མི་བཟའ། །བ་ས་བསྲེགས་ཤར་མི་འཕྲོད་ཅིང་། །དར་བར་ཀམ་པི་ལ་བཙོས་མིན། །འོ་ཐུག་དང་ནི་ཀྲི་སར། །ཆང་དང་ལྷན་ཅིག་མི་འཕྲོད་སྤང་། །སྦྲང་རྩིར་མར་སར་ཞག་ཏིལ་མར། །ཆུ་
[63a.3]རྣམས་གཉིས་གཉིས་གསུམ་གསུམ་མམ། །ཆ་མཉམ་ལྷན་ཅིག་ཟོས་པ་དག །ཕན་ཚུན་དག་ནི་མི་མཐུན་ནོ། །མར་སྦྲང་ཆ་ནི་མི་མཉམ་ཡང་། །ཆར་པའི་ཆུ་ནི་འཐུངས་ན་གནོད། །སྦྲང་རྩི་པདྨའི་ས་བོན་དང་། །སྦྲང་རྩི་འབྲུ་ཆང་ཁ་རར་མིན། །འོ་ཐུག་རྗེས་ལ་སྐྱོ་མར་མིན། །
[63a.4]ཤ་མོ་ཡུངས་མར་བརྔོས་མི་འཕྲོད། །ཨུ་པོ་ཏ་ཀ་ཏིལ་ཚིགས་ལ། །བཙོས་པ་འཁྲུ་བར་བྱེད་པ་ཡིན། །བྱ་གག་ཤ་ནི་ཆང་དངས་དང་། །ཀུལ་མ་ཤ་ཡི་ཐུག་མི་འཕྲོད། །དེ་ཉིད་ཕག་རྒོད་ཚིལ་ལ་བརྔོས། །སྲོག་ནི་འཕྲལ་དུ་འཇོམས་པར་བྱེད། །དེ་བཞིན་སྲེག་པ་རྨ་བྱ་
[63a.5]དང་། །ལ་བ་ཀ་པིན་ཛ་ལ་སྲམ། །ཨེ་རཎྜ་ཡི་མེ་ལ་ནི། །ཨེ་རཎྜ་མར་བརྡོས་མི་འཕྲོད། །ཧ་རིད་ཏྲ་ཤ་སྐྱེར་པ་ཡི། །ཐུར་མ་དག་ལ་བསྐྱོན་ནས་ནི། །སྐྱེར་པའི་མེ་ལ་བསྲེགས་གྱུར་པ། །འཕྲལ་དུ་སྲོག་ནི་འཇོམས་པར་བྱེད། །དེ་ཉིད་ཐལ་བརྡུལ་གྱིས་གོས། །སྦྲང་
[63a.6]རྩིར་བཅས་པ་འཕྲོད་མ་ཡིན། །གང་ཡང་ཉེས་པ་མ་སྦྱངས་པ། །མདོར་ན་དེ་ནི་མི་འཕྲོད་ཡིན། །ཉེས་འདི་སྦྱང་བར་འདོད་པའམ། །ཡང་ན་དེ་དང་མི་མཐུན་པའི། །རྫས་དེ་ཉིད་ཀྱིས་དང་པོ་ནི། །ལུས་ནི་མངོན་པར་སྦྱང་བར་བྱ། །རྩོལ་ཅན་སྣུམ་བསྟེན་དྲོད་ཆེ་དང་། །དར་
[63a.7]ལ་བབ་ཅིང་ཉམས་སྟོབས་ལྡན། །གོམས་པར་ཟོས་དང་ཅུང་ཟད་ཟོས། །མི་འཕྲོད་གྱུར་ཀྱང་གནོད་མི་འགྱུར། །མི་འཕྲོད་ཆ་ཡིས་གོམས་བྱའམ། །ཆ་ཡིས་ཆ་ཡིས་ཡོངས་སུ་སྤང་། །ཕན་པའང་དེ་བཞིན་བསྟེན་བྱ་སྟེ། །འདི་དག་གཉིས་གསུམ་གྱིས་
[63b]
[63b.1]ཆོད་བྱ། །སྐྱོན་ནི་རིམ་གྱིས་འགྲིབ་པ་དང་། །ཡོན་ཏན་རིམ་གྱིས་འཕེལ་འགྱུར་ན། །སླར་སྐྱེ་བར་ནི་མི་འགྱུར་ཞིང་། །གཡོ་བ་མེད་པ་དག་ཏུ་འགྱུར། །མི་འཕྲོད་པ་ཡང་སྤངས་གྱུར་ཞིང་། །འཕྲོད་པ་གོམས་པར་གྱུར་པ་ཉིད། །འཕྲལ་དུ་སྤངས་དང་མ་བསྟེན་ལས། །
[63b.2]ཉེས་པ་རྣམས་ནི་འབྱུང་བར་འགྱུར། །གནོད་པ་གནོད་བྱའི་བདག་ཉིད་ཅན། །ཤིན་ཏུ་ཉེས་པར་གྱུར་པ་ལ། །ཕན་མེད་གནོད་པར་བྱེད་པ་ནི། །མཁས་པས་ཕྱིར་ཞིང་བྱ་མི་རིགས། །ཟས་དང་མལ་སྟན་འདོད་ལ་སྤྱོད། །རན་ཞིང་རིགས་པར་སྦྱར་བ་ཡིས། །ཁང་ཁྱིམ་
[63b.3]འཆོས་པ་ལྟ་བུར་ནི། །རྟག་ཏུ་ལུས་ནི་གཟུང་བར་བྱ། །དེ་ལ་ཟས་ནི་བཤད་ཟིན་ཞིང་། །དེ་དང་དེར་ནི་བཤད་པར་བྱ། །བདེ་སྡུག་སྦོམ་སྐེམ་སྟོབས་ཆེ་ཆུང་། །བུད་མེད་ལ་ཕོད་མི་ཕོད་དང་། །ཤེས་དང་མི་ཤེས་འཚོ་དང་འཆི། །གཉིད་ལ་རག་ནི་ལུས་པ་ཡིན། །
[63b.4]དུས་མིན་ཧ་ཅང་ཐལ་ཆེས་དང་། །གཉིད་ནི་ཀུན་ཏུ་འགེགས་པ་དག །བདེ་དང་ཚེ་ནི་ཉམས་བྱེད་དེ། །དུས་མཚན་གཉིས་པ་ལྟ་བུ་ཡིན། །མཚན་མོ་གཉིད་ནི་མ་ལོག་རྩུབ། །ཉིན་མོ་གཉིད་ལོག་སྣུམ་ལྕིར་འགྱུར། །ཙོག་པུར་འདུག་སྟེ་ཡུར་བདག །མིག་
[63b.5]རྩུབ་བད་ཀན་མེད་པར་འགྱུར། །སོ་ག་རླུང་འཕེལ་སྟོབས་འཕྲོག་དུས། །རྩུབ་ཅིང་མཚན་མོ་ཐུང་བས་ན། །ཉིན་པར་གཉིད་ཕན་གཞན་དག་ཏུ། །དེ་ནི་བད་ཀན་མཁྲིས་པ་སྐྱེད། །སྨྲ་མང་བཞོན་དང་ལམ་གྱིས་དུབ། །ར་རོ་བུད་མེད་བསྟེན་ཁུར་ལས། །
[63b.6]ཁྲོས་དང་མྱ་ངན་འཇིགས་པས་དུབ། །སྐྱིགས་བུ་དབུགས་མི་བདེ་ཚད་འཁྲུ། །རྒན་དང་བྱིས་པ་ཉམས་སྟོབས་ཟད། །གློ་རྡོལ་སྐེམ་དང་གཟེར་གྱིས་གནོད། །ཟས་མ་ཞུ་དང་བཅོམ་དང་སྨྱོ། །ཉིན་པར་གཉིད་ལོག་རིགས་མ་གཏོགས། །འདི་དག་དེ་བཞིན་
[63b.7]ལུས་ཟུངས་སྙོམས། །བད་ཀན་སྐྱེས་ཤིང་ལུས་བརྟས་གྱུར། །ཚིལ་ཆེ་བད་ཀན་མང་དང་སྣུམ། །རྟག་ཟ་ཉིན་པར་གཉིད་མ་ལོག །དུག་གིས་ཕོག་དང་ལྐོག་ནད་ཅན། །མཚན་མོ་ནམ་ཡང་གཉིད་མ་ལོག །དུས་མིན་གཉིད་ལོག་རྨོངས་བག་དང་། །རིམས་
[64a]
[64a.1]སྐྱེད་རྨུགས་ཤིང་ཆམ་པས་འདེབས། །མགོ་ན་སྐྲང་ཞིང་སློན་སྒྱིད་སྐྱུར། །རྩ་ཡི་རྒྱུན་འགགས་མེ་དྲོད་ཉམས། །དེ་ལ་བསྙུང་དང་སློན་སྨན་དང་། །རྔུལ་འབྱུང་སྣ་སྨན་བཏང་བ་དང་། །གཉིད་ཆེས་གྱུར་ལ་སྐྱུག་སྨན་རྣོ། །མིག་སྨན་རྣོ་དང་སྣ་སྨན་
[64a.2]དང་། །སྨྱུང་བ་སེལ་ལས་བུད་མེད་བསྟེན། །མྱ་ངན་འཇིགས་དང་ཁྲོས་བ་སྦྱར། །འདི་དག་ཉིད་ཀྱིས་གཉིད་དྲགས་པ། །འཇིག་ཅིང་བད་ཀན་རབ་ཟད་བྱེད། །གཉིད་ཡར་བ་ཡིས་ཡན་ལག་སྙོམས། །ཀླད་པ་ལྕི་ཞིང་གླལ་འོང་ལ། །མི་གསལ་ན་ཞིང་མགོ་འཁོར་
[64a.3]ལ། །ཟས་མི་འཇུ་རྨྱ་རླུང་སྐྱེད་ནད། །དེ་བས་མཚན་མོ་དུས་བཞིན་དུ། །ཅི་བདེར་གཉིད་ནི་ལོག་པར་བྱ། །མ་གོམས་གཉིད་ཀྱིས་མ་ལོག་ན། །ནང་པར་མ་ཟོས་ཕྱེད་གཉིད་ལོག །གཉིད་ཡར་གྱུར་ན་འོ་མ་དང་། །ཆང་དང་ཤ་ཁུ་ཞོ་རྣམས་བཏུང་། །ལུས་བསྐུ་
[64a.4]དྲིལ་དང་ཁྲུས་བྱ་ཞིང་། །མགོ་བསྐུ་རྣ་བ་མིག་དག་བྱ། །ན་ཆུང་ལག་ངར་གྱིས་འཁྱུད་དང་། །སེམས་བདེ་བྱ་བ་ཟིན་པ་དང་། །ཡིད་དང་རྗེས་མཐུན་ཡུལ་ལྡན་པ། །ཅི་འདོད་གཉིད་འོང་བདེ་བར་སྐྱེད། །ཉལ་པོའི་བདེ་ལ་སེམས་མ་ཆགས། །ཚངས་པར་སྤྱོད་པ་ལ་
[64a.5]དགའ་བ། །ཆོག་ཤེས་པ་ཡིས་མགུ་བའི་གཉིད། །རང་གི་དུས་ལས་འདའ་མི་བྱེད། །ཉལ་པོའི་ཆོས་ནི་སྤང་བྱ་བ། །བཀན་མིན་ཟླ་མཚན་ལྡན་པ་དང་། །ཡིད་དུ་མི་འོང་མི་སྡུག་སྤྱོད། །མངལ་ནི་སྐྱོན་གྱིས་ཁྱབ་པ་དང་། །རབ་སྦོམ་སྐེམ་དང་བཙས་པ་དང་།
[64a.6]སྦྲུམ་མ་གཞན་གྱི་བུད་མེད་དང་། །རིགས་གཞན་སྐྱེ་གནས་མི་མཐུན་དང་། །བླ་མ་ལྷ་དང་རྒྱལ་པོའི་གནས། །མཆོད་རྟེན་དུར་ཁྲོད་གསོད་གནས་དང་། །བསྟི་ས་ལམ་གྱི་བཞི་མདོ་ཆུ། །དུས་ཚིགས་ཉིན་མོ་ཡན་ལག་མིན། །སྙིང་ག་མགོ་བོར་བརྡེག་སྤང་བྱ། །
[64a.7]འགྲངས་ཆེས་ལྟོགས་དང་སྟན་བྲལ་དང་། །ཡན་ལག་མི་བདེར་གནས་དང་སྐོམ། །བྱིས་པ་རྒན་དང་ཤུགས་གཞན་ཉེན། །ནད་པ་ཡིས་ཀྱང་འཁྲིག་པ་སྤང་། །དགུན་དུས་རོ་ཙ་བྱས་དྲགས་ཚེ། །འདོད་པས་འདོད་པ་བསྟེན་བར་བྱ། །དཔྱིད་སྟོན་ཞག་ནི་གཉིས་
[64b]
[64b.1]གཉིས་ནས། །སོ་ག་དབྱར་ཚེ་ཟླ་ཕྱེད་ཅིང་། །གཞན་དུ་བུད་མེད་ལ་ཞུགས་ན། །མགོ་འཁོར་ངལ་དང་བླ་མཐུ་ཉམས། །སྟོབས་དང་ལུས་ཟུངས་དབང་པོ་ཉམས། །དུས་མིན་འཆི་བར་བྱེད་པ་ཡིན། །བུད་མེད་དག་ལ་ལེགས་གདམས་ན། །དྲན་དང་ཡིད་གཞུངས་ནད་
[64b.2]མེད་ཚེ། །དབང་པོ་རྟས་ཤིང་གྲགས་སྟོབས་རྣམས། །ལྷག་པར་འཕེལ་ཞིང་རྒས་སྲར་འགྱུར། །ཁྲུས་དང་བྱུག་པ་རླུང་བསིལ་ཁར་ལ་སོགས་བཟའ། །ཆུ་བསིལ་འོ་མ་ཤ་ཁུ་སྲན་ཚོད་ཆང་དངས་འཐུངས། །ཉལ་པོ་དགའ་བྱས་འོད་ད་དང་བྲལ་གྱུར་རྗེས་ལ་བསྟེན། །
[64b.3]དེ་འདྲས་དེ་ཡི་ལུས་མདངས་སྟོབས་སླར་སྐྱེ་བར་འགྱུར། །སྨན་པ་ཐོས་སྤྱོད་ཕུན་ཚོགས་ལྡན་ཞིང་ལས་མཁས་སྙིང་རྗེ་ཅན། །གགས་དང་གནོད་མེད་ལུས་སྲུང་བྱེད་པ་ཉེ་བར་བཞག་བྱས་ནས། །རྒྱལ་པོ་རང་གི་དགེ་བའི་འབྲས་བུའི་ལོངས་སྤྱོད་བདེར་སྤྱོད་ཅིང་། །ནད་མེད་
[64b.4]མཐུ་དང་གཟི་བརྗིད་གྲགས་པ་ཡུན་རིང་འཕེལ་བར་འགྱུར། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་བདུན་པའོ།། །།དེ་ནས་ཁ་ཟས་ཀྱི་ཚོད་རན་པར་བཟའ་བའི་ལེའུ་བཤད་པར་བྱའོ། །དུས་ཀུན་དུ་ནི་ཚོད་ཟིན་བཟའ། །དེ་ནི་
[64b.5]མེ་དྲོད་སྐྱེད་བྱེད་ཡིན། །རྫས་ནི་ལྕི་བའམ་ཡང་བའང་རུང་། །ཆད་ལ་ལྟོས་པར་བྱ་བ་ཡིན། །ལྕི་བ་ལས་ནི་ཕྱེད་འགྲངས་བྱ། །ཡང་བ་ལས་ནི་རབ་འགྲངས་མིན། །བདེ་བླག་འཇུ་བ་དེ་ཙམ་ལ། །ཚོད་ཟིན་ཞེས་ནི་བཤད་པ་ཡིན། །ཟས་ཚོད་མ་ཟིན་ཆུང་གྱུར་
[64b.6]ན། །སྟོབས་དང་གཟི་མདངས་འཕེལ་མི་འགྱུར། །རླུང་གི་ནད་ནི་ཐམས་ཅད་ཀྱི། །རྒྱུ་ཉིད་དུ་ནི་འགྱུར་བ་ཡིན། །ཚད་ལས་ཤིན་ཏུ་ཆེས་བ་ཡང་། །ཉེས་པ་ཐམས་ཅད་མྱུར་དུ་སྐྱེད། །མ་ཞུའི་ཟས་ནི་མི་བཟད་པ། །དེ་ཡིས་རླུང་སྩོགས་གཟིར་གྱུར་པས། །
[64b.7]ཅིག་ཅར་རྣམ་པར་འཁྲུགས་འགྱུར་ཞིང་། །དེ་ཉིད་དུ་ནི་ཞུགས་གྱུར་ནས། །རྩ་སྒོ་འགགས་ཤིང་བེ་སྣབས་སྐྱེད། །སྟེང་དང་འོག་གི་ལམ་དག་ཏུ། །བསྐྱོད་པས་གསུད་ཅིང་ཟུག་བྱེད་པ། །བརྐམ་ཆགས་ཅན་ལ་འཕྲལ་སྐྱེད་བྱེད། །དེ་ལས་རླུང་ལས་གཟེར་མགོ་
[65a]
[65a.1]འཁོར། །ཁོང་སྦོས་འདར་ཞིང་རེངས་སྩོགས་འགྱུར། །མཁྲིས་པ་ལས་ནི་འཁྲུ་རིམས་འདེབས། །ཁོང་ཚ་སྐོམ་ཞིང་ཁ་སྩོགས་འགྱུར། །བད་ཀན་སློན་ཞིང་ཡན་ལག་ལྕི། །ཚིགས་ཐོག་མཆིལ་མ་མང་བར་འགྱུར། །ཁྱད་པར་དུ་ནི་
[65a.2]ཉམ་ཆུང་ཞིང་། །མེ་དྲོད་ཞན་དང་ཤུགས་བཀག་པའི། །ཟས་ནི་རླུང་གིས་བཀག་པ་དང་། །བད་ཀན་གྱིས་ནི་བར་བཀག་པའི། །ཉེས་པ་བེའུ་སྣབས་དཀྲུགས་པས་ན། །ཟུག་རྔུ་ཟུག་པ་ལྟ་བུར་གནས། །འཁྲུ་དང་སློན་པར་མི་བྱེད་པར། །གཟེར་ལ་སོགས་པ་
[65a.3]མི་བཟད་པ། །བེའུ་སྣབས་དེ་ཡིན་ཉེས་རབ་གདུག །བེ་སྣབས་མི་བཟད་ཀྱིས་སྦུབས་བཀག །རྩིབ་ལོགས་ཀུན་ཏུ་དྲང་པོར་འགྲོ། །ཤིང་བཞིན་རེངས་པར་འགྱུར་ན་ནི། །མ་ཞུ་ཤིང་འདྲ་ཞེས་བྱ་སྟེ། །མྱུར་དུ་གསོད་བྱེད་དེ་སྤང་བྱ། །མི་འཕྲོད་ལྷག་ཟ་མ་ཞུ་བར། །
[65a.4]ཟད་བྱེད་མ་ཞུ་དུག་གི་ནི། །མཚན་ཉིད་ཅན་དེ་མི་བཟད་པ། །དུག་གི་མིང་ཅན་གང་ཡིན་ཏེ། །དུག་གི་ཚུལ་ཅན་མྱུར་གསོད་བྱེད། །གསོ་དཔྱད་བྱ་བར་དཀའ་བས་སྤང་། །དེ་ནས་མ་ཞུའི་བེའུ་སྣབས་འགྱུར། །གསོར་རུང་ཤུ་དག་རྒྱམ་ཚ་དང་། །པོ་སོན་ཆ་བཅུག་ཆུ་
[65a.5]དྲོན་ནི། །འཐུང་བས་སྐྱུགས་བཅུག་དེ་ནས་ན། །དུག་དང་མས་གཏོང་རིང་བུ་དག །དྲི་མ་རླུང་དག་ལེགས་རྒྱུ་སྦྱར། །ཡན་ལག་འཁུམས་པར་གྱུར་པ་ལ། །ཤིན་ཏུ་དུགས་བྱ་དཀྲི་བར་བྱ། །གསུད་ནད་ཤིན་ཏུ་འཕེལ་བ་དང་། །རྟིང་པར་མེ་བཙའ་གདབ་པ་
[65a.6]བསྔགས། །དེ་ནི་དེའི་ཉིན་ནི་སྨྱུང་པར་གཞག །ཁྲུས་བཏང་ལྟ་བུར་ཉེ་བར་སྤྱད། །མ་ཞུ་མི་བཟད་ཉེན་གྱུར་ཀྱང་། །གཟེར་འཇོམས་སྨན་ནི་བཏུང་མི་བྱ། །བེའུ་སྣབས་མ་ཞུ་མེ་དྲོད་ཉམས། །ནད་ཀྱི་སྨན་ནི་འཇུ་མི་ནུས། །དེ་ཡིས་ནད་པ་འཕྲལ་དུ་ནི། །
[65a.7]ཐུང་ཞིང་འཆི་བ་དག་ཏུ་འང་འགྱུར། །ཁ་ཟས་ཞུ་ནས་ལྟོ་བ་ནི། །རྩུབ་སྲར་གྱུར་ལ་སྨན་དག་ཀྱང་། །ཉེས་པའི་ལྷག་མ་སྦྱང་ཕྱིར་དང་། །ཕོ་བའི་མེ་ནི་བསྐྱེད་ཕྱིར་གཏང་། །མ་ཞུའི་འགྱུར་བ་ཞི་བ་དག །ཉམས་སྨད་པར་ནི་བྱས་ལས་གྱུར། །དེ་གསུམ་ཉེས་པ་
[65b]
[65b.1]རྣམ་གསུམ་ནི། །བརྟགས་ནས་རབ་ཏུ་སྦྱར་བར་བྱ། །དེ་ལ་ཆུང་ལ་སྨྱུང་བ་ཕན། །འབྲིང་ལ་སྨྱུང་དང་བཞུ་བྱ་བ། །ཆེན་པོ་ལ་ནི་སྦྱང་བ་སྟེ། །དེ་ཡིས་དྲི་མ་རྩ་ནས་འབྱིན། །དེ་བཞིན་ནད་གཞན་དག་ལ་ཡང་། །རང་ནད་གཞི་ལས་གོ་བཟློག་པས། །གསོ་བ་
[65b.2]དེ་ལས་རྗེས་འབྲེལ་ཡོད། །རྒྱུ་ལས་གོ་བཟློག་རྣམ་སྤང་བ། །སྨན་པས་ཇི་ལྟ་ཇི་ལྟ་བར། །ནད་ལས་གོ་བཟློག་སྦྱར་བའམ། །དེའི་དོན་བྱེད་པ་སྦྱོར་བར་བྱ། །ཉེས་སྨིན་མེ་དྲོད་སྐྱེད་འགྱུར་ནས། །ཉམས་རྟས་སྣུམ་གྱིས་བྱུག་པ་དང་། །བཏུང་དང་འཇམ་རྩི་སྩོགས་རིགས་
[65b.3]སྦྱར། །བད་ཀན་མ་ཞུའི་བེ་སྣབས་ཏེ། །དེ་ནི་མིག་དང་མཁུར་བ་སྐྲང་། །སྒྲེགས་པ་ཟོས་མ་ཐག་འདྲ་འབྱུང་། །མཆིལ་མ་མང་ཞིང་ཉེས་གཡོ་ལྕི། །རླུང་ལས་རེངས་བག་གཟེར་བ་དང་། །བཤང་གཅི་འགགས་ཤིང་སྦོས་དྲོད་ཉམས། །མཁྲིས་ལས་ཁོང་ཚ་སྐོམ་མགོ་
[65b.4]འཁོར། །རྨོངས་བག་སྒྲེགས་པ་སྐྱུར་ཞིང་ཚ། །མ་ཞུ་བེེ་སྣབས་སྨྱུང་བར་བྱ། །རེངས་བག་ལས་ནི་དུགས་རབ་བྱ། །ཚ་བའི་མ་ཞུ་སྐྱུག་སྨན་དག །བཏང་བའམ་གནས་སྐབས་གང་ཕན་བྱ། །མ་ཞུའི་བེ་སྣབས་ལྕི་བ་ན། །རྩ་སྦུབས་ཐིམ་ལས་ཡུན་རིངས་ཅན། །
[65b.5]བད་ཀན་རླུང་ནི་འདྲེས་མཚན་མ། །དེ་དང་མཉམ་པར་བསྒྲུབ་པར་བྱ། །དངས་མ་ལུས་ལས་ཟས་དད་ཆུང་། །སྙིང་ན་སྒྲེགས་པ་མནམ་པར་འགྱུར། །འདི་ལ་ཅུང་ཟད་གཉིད་ལོག་བྱ། །མ་ཞུ་ཀུན་གྱིས་ཉིན་པར་ནི། །ཟས་མ་ཟོས་པར་གཉིད་ལོག་ལ། །བཀྲེས་
[65b.6]གྱུར་ཡང་ལས་རན་པར་བཟའ། །མ་ཞུ་སྤྱི་ཡི་མཚན་མ་ནི། །རྣམ་པར་འགགས་སམ་ཤས་ཆེར་འབྱུང་། །ན་ཞིང་རླུང་ནི་མི་གསལ་རྒྱུ། །མཁྲེགས་ཤིང་ལུས་ལྕི་མགོ་བོ་འཁོར། །ཟས་ཚོད་ལྷག་པར་གྱུར་པ་ཉིད། །གཅིག་བུ་མ་ཞུམ་ཟད་ཀྱི། །མི་འདོད་
[65b.7]གགས་བྱེད་ཚིག་མ་ཚོས། །ལྕི་དང་རྩུབ་དང་མི་གཙང་དྲང་། །ཁོང་ཚ་སྐོམ་དད་ཆུ་མང་དང་། །བསྲེས་པའི་ཟས་ནི་འཇུ་མི་འགྱུར། །མྱ་ངན་ཁྲོ་དང་བཀྲེས་པ་ཡིས། །ཉེ་བར་གདུངས་ཤིང་ཟས་མི་འཇུ། །ཕན་དང་མི་ཕན་བསྲེས་པ་དག། །ཟོས་པ་མཉམ་ཟ་
[66a]
[66a.1]ཡིན་པར་འདོད། །འགྲངས་རྗེས་སླར་ཡང་ཟ་གྱུར་པ། །ལྷག་པར་ཟ་བ་ཡིན་ཞེས་བྱ། །དུས་མིན་ཆེ་བའམ་ཆུང་ཟོས་པ། །མི་མཉམ་པར་ནི་ཟབ་ཡིན། །གསུམ་པོ་འདིས་ཀྱང་གསོད་པའམ། །མི་བཟད་ནད་ཀྱིས་འདེབས་པར་བྱེད། །དུས་
[66a.2]སུ་གོམས་ཤིང་གཙང་ལ་ཕན། །སྣུམ་དྲོ་ཡང་དང་མ་ཡེངས་དང་། །རོ་དྲུག་ལྡན་ཞིང་མངར་བག་ཆེ། །ཤིན་ཏུ་མྱུར་མིན་དལ་བར་མིན། །ཁྲུས་བྱས་བཀྲེས་ཤིང་དབེེན་པར་གནས། །ཁ་གདོང་ལག་པ་རྐང་པ་བཀྲུས། །ལྷ་དང་ཡི་དགས་རྗེད་ཅིང་སྦྱིན། །
[66a.3]བླ་མ་བྱིས་པ་མགྲོན་མཆོད་བྱས། །དུད་འགྲོ་རྣམས་ཀྱང་རབ་བརྟགས་ཤིང་། །བདག་ཉིད་ལེགས་པར་བརྟགས་ནས་ནི། །མ་སྨད་སྨྲའམ་ཡིད་འོང་སྨྲ། །སྐྱེ་བོ་གཙང་ཞིང་གུས་པས་སྟོབས། །ཡིད་འོང་གཉེན་དང་ལྷན་ཅིག་བཟའ། །ཟས་ནི་རྩྭ་དང་སྐྲ་སྦུ་སྩོགས། །
[66a.4]འདྲེས་ཤིང་ཁོང་དུ་སླར་སྲོས་དང་། །ཚོད་མ་ཟས་ངན་མང་བ་དང་། །ཚ་ཆེས་ལན་ཚྭ་མང་བ་སྤང་། །ཕྲུམ་དང་ཞོ་དང་ཕྲུམ་སྐམ་དང་། །བ་ཚ་ཚ་དང་ལ་ཕུག་རྗེན། །ཕག་རྒོད་ལུག་དང་བ་གླང་ཉ། །མ་ཧེའི་ཤ་དང་རིད་དང་སྐམ། །མ་ཤ་ཆུ་ལྡུམ་ནིས་ཤ་བ། །
[66a.5]པད་རྩ་འབྲས་འཁུར་མྱུ་གུར་གྱུར། །ཚོད་མ་སྐམ་དང་ནས་འདྲ་དང་། །བུ་རམ་ཕྲ་མོ་བཟའ་མི་བྱ། །སཱ་ལུའི་འབྲས་དང་གྲོ་དང་ནས། །དྲུག་ཅུ་པ་དང་སྐམ་སའི་ཤ། །ཨ་རུ་སྐྱུ་རུ་རྒུན་འབྲུམ་དང་། །མུངྒ་ཁ་ར་པ་ཏོ་ལ། །ཞུན་མར་ཆར་ཆུ་འོ་མ་དང་། །སྦྲང་རྩི་སེའུ་
[66a.6]འབྲུམ་རྒྱམ་ཚ་བཟའ། །མིག་དང་སྟོབས་ཕྱིར་མཚན་མོ་ནི། །འབྲས་གསུམ་སྦྲང་རྩི་མར་སར་བཟའ། །མི་ནར་འཇོག་པར་བྱེད་གང་དང་། །ནད་སེལ་བྱེད་པ་གང་ཡིན་བསྟེན། །པད་རྩ་བུར་ཤིང་ཙོ་ཙ་དང་། །མོ་ཙ་ཨ་མྲའི་འབྲས་བུ་དང་། །ལ་དུ་འཁུར་
[66a.7]བ་བུ་རམ་ཅན། །ཟས་ནི་ལྕི་ཞིང་སྣུམ་པ་དང་། །མངར་ཞིང་འཇུ་དཀའ་བསྟེན་པ་རྣམས། །དང་པོ་ཉིད་དུ་བཟའ་བར་བྱ། །དེ་ལས་བཟློག་པ་ཐ་མར་བཟའ། །བར་དུ་སྐྱུར་ཚ་ལན་ཚྭ་ཅན། །ལྟོ་ཡི་ཆ་གཉིས་ཟས་ཀྱིས་ཏེ། །ཆ་གཅིག་སྐོམ་གྱིས་དགང་བར་བྱ། །
[66b]
[66b.1]རླུང་ལ་སོགས་པའི་གནས་སུ་ནི། །ཆ་བཞི་པ་ནི་ལྷག་མར་གཞག །ཟོས་རྗེས་སྐོམ་ནི་བསིལ་བའི་ཆུ། །ནས་དང་བག་ཕྱེའི་གཡོས་བྱས་ཟོས། །ཞོ་ཆང་དུག་འབགས་སྦྲང་རྩི་ལ། །ཆུ་བསིལ་རྗེས་སུ་འཐུངས་ན་ཕན། །མི་འཇུ་འགགས་ལ་ཆུ་དྲོན་གཏང་། །
[66b.2]ཆད་མ་མུངྒའི་གནོད་པ་ལ། །ཞོག་ཆུ་དང་དར་བ་དང་། །རང་སྒྱུར་རྩབ་མོ་བཏུང་བར་བྱ། །སྐེམ་པོ་རྒྱས་ཕྱིར་ཆང་བཏུང་སྟེ། །སྦོམ་པོས་སྦྲང་རྩིའི་ཆུ་བཏུང་ངོ་། །གཅོང་ཆེན་ནད་ལ་ཤ་ཁུ་བཏུང་། །དྲོད་ཆུང་ཤ་ཟོས་ཆང་བཏུང་བྱ། །ནད་དང་སྨན་སྩོགས་སྦྲུམ་
[66b.3]བུད་མེད། །ཟན་བཅད་དཀའ་ཐུབ་ལས་རྣམས་ཀྱིས། །སྐེམ་དང་བྱིས་པ་རྒན་པོ་ལ། །འོ་མ་བདུད་རྩི་ལྟ་བུར་ཕན། །མདོར་ན་ཟོས་རྗེས་བཏུང་བ་ནི། །གང་ཞིག་ཟས་དང་ཡོན་ཏན་གྱིས། །མི་མཐུན་མི་འཕྲོད་མེད་གྱུར་པ། །དེ་ནི་རྣམ་པ་ཀུན་ཏུ་བསྔགས། །ཟས་
[66b.4]རྗེས་སྐོམ་འཐུངས་ངོམས་དང་ཁྱབ། །སྟོབས་འཕེལ་ལུས་ནི་བརྟན་བྱེད་ལ། །ཟས་སྡུད་སྙི་བར་འགྱུར་བ་དང་། །འདྲུལ་ཞིང་རྣམ་པར་འཇུ་བར་འགྱུར། །དེ་ནི་ནམ་ཚང་ཡན་ཆད་ནད། །དབུགས་ལུད་གློ་རྡོལ་ཆམ་པ་དང་། །གླུ་ལེན་སྨྲ་མང་ལ་ཆགས་དང་། །སྐད་
[66b.5]འགགས་པ་ལ་གནོད་པ་ཡིན། །ལུས་ལས་རྣག་འཛག་གཅིན་ནད་མིག །ལྐོག་ནད་རྨ་ཡི་ནད་ཀྱིས་ཉེན། །སྐོམ་སྤང་ཀུན་གྱིས་སྐོམ་འཐུངས་ནས། །མང་སྨྲ་ལམ་ཞུགས་ཉལ་བ་སྤང་། །ཟས་ཟོས་ནས་ནི་ཉི་ཚན་མེ། །རྟ་ཞོན་རྐྱལ་དང་འདེགས་པ་སྤང་། །བཤང་
[66b.6]དང་གཅི་གསལ་སྙིང་ལ་དྲི་མེད་ཉེས་པ་ལམ་མིན་པར་མི་འགྲོ། །སྒྲེགས་པ་དག་ཅིང་བྲུ་བ་ཚ་གྱུར་ཐུར་གྱི་རླུང་ནི་ཐ་མལ་རྒྱུ། །དེ་བཞིན་མེ་ཡི་དྲོད་བདོ་དབང་པོ་གསལ་ཞིང་ལུས་ཀྱང་རབ་ཏུ་ཡང་། །ཟས་ཀྱི་ཚོད་རན་ཆོ་གར་སྦྱར་བཞིན་ཟ་བ་དེ་ནི་དུས་སུ་འདོད། །
[66b.7]ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་བརྒྱད་པའོ།། །།དེ་ནས་སྨན་ལ་སྩོགས་པའི་བྱེ་བྲག་ཤེས་པར་བྱ་བའི་ལེའུ་བཤད་པར་བྱའོ། །སྨན་རྣམས་ཉིད་ཀྱི་རོ་ལ་སྩོགས། །དེ་ནི་དེ་ལ་བསྟེན་པས་མཆོག །དེ་ཡང་འབྱུང་
[67a]
[67a.1]ལྔའི་བདག་ཉིད་ཅན། །ས་ལ་བརྟེན་ཏེ་སྐྱེ་བ་ཡིན། །ཆུ་ནི་སྐྱེ་གནས་མེ་དང་རླུང་། །ནམ་མཁའ་རྣམས་ནི་ཚོགས་པ་ལས། །དེ་སྐྱེས་གྱུར་དང་ཁྱད་པར་ཕྱུང་། །མིང་ནི་ཤས་ཆེ་ལས་གྱུར་ཡིན། །དེ་བས་འབྱུང་བ་འདུས་པ་ལས། །བྱུང་བས་སྨན་ནི་
[67a.2]རོ་གཅིག་མིན། །དེ་ཕྱིར་ནད་ཀྱང་ཉེས་གཅིག་མིན། །དེ་ལ་གསལ་བ་རོ་ཞེས་བཤད། །མི་གསལ་རོ་རྗེས་མཐའ་མར་ནི། །ཅུང་ཟད་གསལ་བདག་ཏུའང་འདོད། །སྨན་གྱི་ཡོན་ཏན་ལྕི་སོགས་དང་། །རོ་ནི་ས་ལ་སྩོགས་བསྟེན་པས། །མཚུངས་པར་སྤྱོད་པ་ཉེར་གདགས་
[67a.3]པས། །རོ་ལས་མིང་དུ་བཏགས་པ་ཡིན། །དེ་ལ་སའི་སྨན་ལྕི་དང་སྦོམ། །སྲ་ཞིང་དྲི་ཡི་ཤེས་རབ་ཆེ། །ལྕི་ཞིང་བརྟན་དང་འདུས་པ་དང་། །ཉེ་བར་འཕེལ་བར་བྱེད་པ་ཡིན། །ཆུ་ཡི་གཤེར་དང་ལྕི་བསིལ་སྣུམ། །རྟུལ་ཞིང་བསྐལ་རོ་ཤས་ཆེ། །འཇམ་ཞིང་བད་ཀན་འདྲ་
[67a.4]བ་ལ། །འདྲུལ་ཞིང་ཚིམ་བྱེད་སྡུད་པར་བྱེད། །མེ་ཡི་རྩུབ་རྣོ་ཚ་ཞིང་སྐམ། །ཕྲ་ཞིང་གཟུགས་ཀྱི་ཡོན་ཏན་ཆེ། །ཚ་ཞིང་འབར་ལ་མདོག་སྐྱེད་ཅིང་། །གསལ་ཞིང་སྨིན་པའི་བདག་ཉིད་ཅན། །རླུང་གི་རྩུབ་ཅིང་ཁྱབ་ལ་ཡང་། །རེག་པའི་ཡོན་ཏན་ཤས་ཆེ་ཡིན། །རྩུབ་
[67a.5]ཅིང་ཡང་ལ་དྲི་མ་སེལ། །རྣམ་དཔྱོད་ན་བར་བྱེད་པ་ཡིན། །ནམ་མཁའི་ཕྲ་ཞིང་དངས་ལ་ཡང་། །སྒྲ་ཡི་ཡོན་ཏན་ཤས་ཆེ་སྟེ། །ཁོང་སྟོང་ཡང་བར་བྱེད་པ་ཡིན། །དེ་ལྟར་འགྲོ་ན་དོན་དང་ནི། །སྦྱོར་བ་སྣ་ཚོགས་དབང་གིས་ནི། །སྨན་མིན་ཅི་ཡང་ཡོད་མ་ཡིན། །དེ་ལ་སྨན་
[67a.6]ནི་གྱེན་དུ་འགྲོ། །ཕལ་ཆེར་མེ་དང་རླུང་ཤས་ཆེ། །ཐུར་དུ་འགྲོ་བ་ཕལ་ཆེར་ནི། །ས་ཆུའི་ཡོན་ཏན་ཤས་ཆེར་ཡིན། །དེ་ལྟར་སྨན་ནོ་རོའི་བྱེ་བྲག །འདི་ཡི་འོག་ནས་སྟོན་པ་ཡིན། །སྨན་མཐུ་ལ་ལས་བཤད་པ་ནི། །ལྕི་སྣུམ་བསིལ་དང་འཇམ་པ་དང་། །ཡང་རྩུབ་ཚ་
[67a.7]དང་རྣོ་བ་སྟེ། །དེ་ལྟར་རྣམ་པ་བརྒྱད་དུ་འདོད། །སྨན་མཐུ་ཙར་ཀས་བཤད་པ། །གང་གིས་བྱ་བ་གང་བྱེད་པ། །མཐུ་མིན་ཅིར་ཡང་མི་བྱེད་ཀྱི། །དེ་དག་ཐམས་ཅད་མཐུ་ཡིས་བྱེད། །དེས་ན་ལྕི་ལ་སྩོགས་པ་ཉིད། །ནུས་པའི་ཁྱད་པར་ལྡན་པ་དང་། །ཡོན་ཏན་མ་
[67b]
[67b.1]ལུས་སྙིང་པོར་ནི། །གྱུར་པས་མཐུ་ཞེས་བཤད་པ་དག །དོན་དང་མཐུན་པར་བཏགས་པ་ཡིན། །གཅིས་པ་མང་དུ་ཡོད་ན་ཡང་། །ཐ་སྙད་གཙོ་བོ་ཉིད་ཀྱིས་ཡིན། །དེ་བས་གོ་ནི་བཟློག་པའི་ཕྱིར། །དེ་ནི་རོ་ལ་སྩོགས་པ་ལ། །སྲིད་དུ་ཟིན་ཀྱང་མ་བཤད་དེ། །དེ་བས་ལྕི་བ་
[67b.2]ལ་སོགས་ཡིན། །གཞན་དག་ཚ་དང་བསིལ་ཉིད་གཉིས། །སྟོབས་ཡིན་ཞེས་ཀྱང་སྟོན་པར་བྱེད། །སྨན་ནི་སྣ་ཚོགས་བདག་ཉིད་ཅན། །ཉི་མ་ཟླ་བའི་སྟོབས་ཅན་ཡིན། །འགྲོ་འདི་གསལ་དང་མི་གསལ་ལས། །ནམ་ཡང་འདའ་བར་མི་འགྱུར་རོ། །དེ་ལ་ཚ་བ་མགོ་
[67b.3]འཁོར་སྐོམ། །རྨྱ་རྡུལ་ཚ་ཞིང་མྱུར་འཇུ་བྱེད། །རླུང་དང་བད་ཀན་ཞི་བར་བྱེད། །བསིལ་བ་དག་ནི་ཚིམ་བྱེད་ཅིང་། །འཚོ་དང་རེངས་པར་བྱེད་པ་དང་། །ཁྲག་དང་མཁྲིས་པ་རབ་དང་བྱེད། །ཕོ་བའི་མེ་དང་ཕྲད་པ་ལས། །གང་ཞིག་རོ་གཞན་བྱུང་གྱུར་པའི། །རོ་རྣམས་
[67b.4]ཀྱི་ནི་མཐར་ཞུ་བ། །དེ་ནི་ཞུ་བ་ཞེས་བཤད་དོ། །མངར་དང་ལན་ཚྭ་ཞུ་རྗེས་མངར། །སྐྱུར་བའི་ཞུ་རྗེས་སྐྱུར་བ་ཡིན། །ཁ་དང་བསྐ་དང་ཚབ་རྣམས། །ཞུ་རྗེས་ཕལ་ཆེར་ཁ་བ་ཡིན། །རོ་དང་ཞུ་རྗེས་འབྲས་བུ་མཉམ། །དེ་ལ་སྨན་ནི་བཟང་དང་ངན། །ལ་ལ་རོ་ཡིས་ལས་བྱེད་
[67b.5]ལ། །གཞན་དག་འཇུ་བར་བྱེད་པ་ཡིན། །ཡོན་ཏན་གཞན་དང་ནུས་པ་དང་། །མཐུ་ཡིས་ལ་ལ་བྱེད་པ་ཡིན། །སྨན་གྱི་རོ་སྩོགས་གང་དང་གང་། །སྟོབས་ལྡན་ཉིད་ཀྱིས་གནས་བྱེད་དེ། ཤིན་ཏུ་ཟིལ་མནན་དེ་དང་དེ། །སྒྲུབ་བྱེད་རྒྱུ་ནི་ཉིད་དུ་གནས། །ཡོན་
[67b.6]ཏན་མི་འཕྲོད་སྦྱར་བ་ནི། །མང་པོས་ཉུང་ངུ་ཟིལ་གྱིས་གནོན། །རོ་དང་འཇུ་བའི་མཐུ་དག་ནི། །དེ་ཡི་སྟོབས་ཀྱི་ཟིལ་གྱིས་གནོན། །རོ་སྩོགས་དེ་ལྟར་སྟོབས་ནི་མཉམ། །མ་བཅོས་པ་ཡི་སྟོབས་དང་ལྡན། །རོ་སྩོགས་མཉམ་པའི་ལས་གང་ནི། །ཁྱད་འཕགས་
[67b.7]དེ་ནི་མཐུ་ལས་སྐྱེས། །དན་ཏི་དང་ནི་ཙི་ཏྲ་ཀ། །རོ་སྩོགས་མཚུངས་ཀྱང་དན་ཏི་འཁྲུ། །ཤིང་མངར་རྒུན་འབྲུམ་འདྲ་ཡང་འཁྲུ། །འོ་མ་མར་འདྲ་མར་དྲོད་སྐྱེད། །དེ་ལྟར་སྨན་ལ་སོགས་པ་ཡི། །སྤྱི་ཡི་ལས་ཏེ་དེ་ཡང་ནི། །སྣ་ཚོགས་རྐྱེན་གྱི་དབྱེ་བ་ཡིས། །
[68a]
[68a.1]སྨན་དབྱེ་ཐ་དད་གྱུར་པ་ཡིན། །གྲོ་དང་ནས་ནི་མངར་བ་དང་། །ལྕི་ལས་རླུང་འཇོམས་སྐྱེད་པ་ཡིན། །ཉ་གྲོ་འོ་མ་བསིལ་བ་དང་། །སེང་གེ་ཁ་ཡིས་ཕག་མ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་དགུ་པའོ།། །།
[68a.2]དེ་ནས་རོ་ཐ་དད་པ་ཤེས་པར་བྱ་བའི་ལེའུ་བཤད་པར་བྱའོ། །མངར་བ་ལ་སོགས་རོ་སྐྱེ་བ། །ས་ཆུ་མེ་ས་ཆུ་དང་མེ། །མཁའ་རླུང་མེ་རླུང་ས་དང་རླུང་། །གཉིས་གཉིས་ཤས་ཆེ་ལས་རིམ་འབྱུང་། །དེ་ལས་རོ་ནི་མངར་བ་དག །གང་ཞིག་མྱངས་པའི་ཚེ་ན་ནི། །ཁ་ལ་ཆགས་ཤིང་
[68a.3]ལུས་ཀྱང་ནི། །ཚིམ་བྱེད་དབང་པོ་རབ་དང་བྱེད། །གྲོག་མ་ལ་སོགས་དགའ་བ་ཡིན། །སྐྱུར་བ་ཁ་ནས་ཆུ་འཛག་ཅིང་། །སོ་བརྩེ་སྦུ་ནི་ལྡང་བ་དང་། །མིག་དང་སྨིན་མ་འཛུམ་པར་བྱེད། །ལན་ཚྭ་ཁར་ནི་མཆིལ་མ་འདུ། །མཁུར་བ་གྲེ་བ་ཚ་བར་བྱེད། །ཁ་བ་ཁ་ཡི་དྲི་མ་སྦྱང་། །
[68a.4]ལྕེ་ནི་འཇོམས་པར་བྱེད་པ་ཡིན། །ཚ་བ་ལྕེ་རྩེ་སྐྱོ་བྱེད་ཅིང་། །ཙག་ཙག་བྱེད་པར་འགྱུར་བ་དང་། །ཁ་མིག་སྣ་ལས་འཛག་བྱེད་ཅིང་། །མཁུར་བསྲེག་པར་བྱེད་པ་ཡིན། །བསྐ་བས་ལྕེ་ནི་བེམ་པོར་བྱེད། །གྲེ་བ་རྩ་སྦུབས་འགགས་པར་བྱེད། །རོ་ཡི་ཚུལ་ནི་དེ་དག་སྟེ། །ལས་ནི་
[68a.5]རོ་མངར་བ་དག་གིས། །སྐྱེས་ནས་འཕྲོད་པར་བྱེད་པ་དང་། །ལུས་ཟུངས་མཐུ་སྟོབས་རབ་སྐྱེད་ཅིང་། །བྱིས་པ་རྒན་པོ་གློ་རྡོལ་སྐེམ། །མདོག་མདངས་སྐྲ་དང་དབང་པོ་བཟང་། །ལུས་རྟས་སྐད་འགགས་ཕན་ཞིང་ལྕི། །ནུ་ཞོ་སྐྱེད་ཅིང་རྨ་འབྱོར་བྱེད། །ཚེ་རིང་འཚོ་བྱེད་སྣུམ་པ་དང་། །
[68a.6]རླུང་དང་མཁྲིས་པ་དུག་རྣམས་སེལ། །ཧ་ཅང་དྲགས་ན་ཚིལ་བཅས་དང་། །བད་ཀན་ལས་བྱུང་ནད་སྐྱེད་ཅིང་། །ལུས་སྦོམ་དྲོད་བྲི་ཆང་ནད་དང་། །གཅིན་ནད་ལྦ་བ་རྨེན་སྩོགས་སྐྱེད། །སྐྱུར་བ་མེ་དྲོད་སྐྱེད་བྱེད་སྣུམ། །ཞིམ་ཞིང་འཇུ་བྱེད་ཡི་ག་འབྱེ། །དྲོ་བའི་ནུས་སྐྱེད་རེག་
[68a.7]པ་བསིལ། །ཚིམ་བྱེད་འདྲུལ་བྱེད་ཡང་བ་སྟེ། །བད་ཀན་ཁྲག་མཁྲིས་རྒྱས་པར་བྱེད། །རླུང་འགགས་རྒྱུ་བར་བྱེད་པ་ཡིན། །དེ་ནི་ཤིན་ཏུ་བསྟེན་དྲགས་ན། །ལུས་ལྷོད་རབ་རིབ་མགོ་འཁོར་དང་། །གཡན་པ་སྐྱ་རྦབ་མེ་དབལ་དང་། །འོར་ནད་ཐོར་བུ་སྐོམ་རིམས་སྐྱེད། །
[68b]
[68b.1]ལན་ཚྭ་སྲ་དང་འཁྱིལ་པ་དང་། །འགགས་པ་འབྱིན་ཞིང་དྲོད་སྐྱེད་བྱེད། །སྣུམ་དང་དུགས་ཀྱིས་རྡུལ་ཞིང་རྣོ། །ཡི་ག་འབྱེད་ཅིང་གཅོད་འབྱེད་བྱེད། །དེ་ནི་དྲགས་པས་རླུང་ཁྲག་དང་། །སྐྲ་འབྱི་སྐྲ་དཀར་གཉེར་མ་དང་། །སྐོམ་མཛེ་དུག་དང་མེ་དབལ་རྣམས། །སྐྱེད་ཅིང་
[68b.2]སྟོབས་ནི་བྲི་བར་བྱེད། །ཁ་བ་རང་ཉིད་ཞིམ་མིན་ཞིང་། །ཡི་ག་འཆུས་དང་སྲིན་སྐོམ་དུག །མཛེ་དང་རྒྱལ་དང་རིམས་སློན་བྲོ། །ཚ་དང་མཁྲིས་པ་བད་ཀན་འཇོམས། །འདྲུལ་དང་ཚིལ་དང་ཞག་དང་རྐང་། །བཤང་དང་གཅི་བ་སྐེམས་པ་དང་། །ཡང་ཞིང་ཡིད་གཞུངས་བསིལ་
[68b.3]ཞིང་རྩུབ། །ནུ་མའི་ནད་དང་སྐད་འགགས་སེལ། །དེ་ནི་ཤིན་ཏུ་དྲགས་གྱུར་ན། །ལུས་ཟུངས་ཟད་ཅིང་རླུང་ནད་སྐྱེད། །ཚ་བས་ལྐོག་ནད་འགགས་པ་དང་། །མཛེ་དང་མ་ཞུ་འོར་ནད་སེལ། །རྨ་འཇིག་བྱེད་ཅིང་སྣུམ་པ་དང་། །ཚིལ་དང་འདྲུལ་བག་སྐེམས་པར་བྱེད། །དྲོད་
[68b.4]སྐྱེད་འཇུ་བྱེད་ཡི་ག་འབྱེད། །སྦྱོང་ཞིང་ཟས་ནི་འཇིག་པར་བྱེད། །འཆིང་བ་གཅོད་ཅིང་རྩ་སྦུབས་དག །རྣམ་པར་འབྱེད་ཅིང་བད་ཀན་སེལ། །དེ་ནི་ཤིན་ཏུ་དྲག་འགྱུར་བས། །སྐོམ་སྐྱེད་ཁུ་བ་སྟོབས་ཟད་ཅིང་། །བརྒྱལ་ཞིང་ལུས་འཁུམས་འདར་བ་དང་། །རྐེད་པ་རྒྱབ་
[68b.5]སྩོགས་ན་བར་བྱེད། །བསྐ་བས་མཁྲིས་པ་བད་ཀན་སེལ། །ལྕི་ཞིང་ཁྲག་ནད་རྣམ་པར་སྦྱོང་། །སྐེམ་ཞིང་རྨ་འཚོ་བསིལ་བ་དང་། །འདྲུལ་དང་ཚིལ་ནི་རྣམ་པར་སྐེམས། །བེེའུ་སྣབས་འཁྱིལ་ཞིང་སྲི་བར་བྱེད། །རྩུབ་ཅིང་ལྤགས་མདོག་རབ་དང་བྱེད། །དེ་ནི་ཤིན་ཏུ་
[68b.6]བསྟེན་དྲགས་ན། །བཤང་འགགས་ལྟོ་སྦོ་སྙིང་ནད་དང་། །སྐོམ་དང་སྐེམ་ཞིང་སྐྱེས་མཐུ་ཉམས། །རྩ་སྒོ་འགགས་ཤིང་དྲི་མ་སྲི། །ཞུན་མར་བུ་རམ་སྟར་ག་གསེར། །མོ་ཙ་ཙོ་ཙ་པ་རུ་ཤ། །ཉེའུ་ཤིང་རམ་ཉེ་པ་ནས། །ར་ཛ་དན་པ་ལ་གསུམ། །མེད་གཉིས་དང་
[68b.7]པརྞི་བཞི། །འཚོ་བྱེད་ཛི་བ་རི་ཤོ་བ། །ཤིང་མངར་མ་དུ་ཀ་བིམྦི། །ཤྲ་བ་ནི་གཉིས་བི་ད་རི། །ཅུ་གང་ཀྵི་ར་ཤུ་ཀུ་ལ། །ས་ཧའོ་ཅན་ཀཤྨ་རི། །འོ་མ་བུ་རམ་ཤིང་གཟེ་མ། །རྒུན་འབྲུམ་སྦྲང་སྩོགས་མངར་བའི་སྡེ། །སྐྱུར་བ་སྐྱུ་རུ་ཨམླི་ཀ། །བ་ལུང་དང་ནི་
[69a]
[69a.1]སྟར་བུ་དང་། །སེའུ་འབྲུ་རྡུལ་དང་དར་བ་དང་། །ཚྭ་དང་ཀུ་ཤུ་ཨ་མྲ་དང་། །ཨམླ་ཏ་ཀ་བྷ་བྱ་དང་། །ཀ་རམ་རྡ་ཀ་པིད་ཏའོ། །ཚ་མཆོག་རྩལ་རུ་ཁ་རུ་ཚ། །བི་ད་རྒྱ་མཚོ་བཀོད་མའི་ཚ། །མཚོ་ཚ་སྐམ་ཚ་རོ་ཉེ་དང་། །ཀྵ་ར་ལན་ཚྭའི་སྡེ་ཚན་ཡིན། །
[69a.2]ཁ་བ་ཀྱི་ལྕེ་པ་ཏོ་ལ། །ཙནྡན་ཨུར་ཤི་བ་ལེ་ཀ། །ཅི་སྐྲིགས་ནིམ་པ་པུ་ཙེ་ཤེལ། །རྒྱ་སྤོས་ཨ་ཀར་བ་ཚ་ཀ །ནག་ཏ་མ་ལ་སེར་པོ་གཉིས། །གླ་སྒང་མུར་བ་བ་ཤ་ཀ །ཨ་པ་མརྒ་པོ་སོན་ཆ། །འཁར་ལྕགས་སླེ་ཏྲེས་བྱི་ཚེར་བ། །རྩ་བ་ཆེ་ལྔ་བྱ་གྲི་གཉིས། །བོང་ང་
[69a.3]ཤུ་དག་བི་ཤ་ལ། །ཚ་བ་ཤིང་ཀུན་ན་ལེ་ཤམ། །བྱི་དང་ག་དང་ཚ་བ་ལྔ། །ཀུ་ཐེ་ར་སྩོགས་ལྡུམ་རྔད་སྔོ། །མཁྲིས་པ་གཅིན་དང་གོ་བྱེ་ཡིན། །བསྐ་ཚན་ཨ་རུ་བ་རུ་ར། །སྦྲང་རྩི་སེང་ལྡེང་ཤི་རི་ཤ། །ཀ་དམ་ཨུ་དུམྦྷཱར་དང་། །མུ་ཏིག་བྱུ་རུ་ཨན་ཙན་བཅག །ཀ་པིད་ཐ་
[69a.4]གཞོན་ཁ་རྫུར། །པད་རྩ་པདྨ་ཨུཏྤ་ལའོ། །འབྲས་རྙིང་ནས་རྙིང་གྲོ་རྙིང་དང་། །མུངྒ་སྦྲང་རྩི་ཤ་ཀ་ར། །སྐམ་སའི་ཤ་རྣམས་མ་གཏོགས་པའི། །མངར་བ་ཕལ་ཆེར་བད་ཀན་སྐྱེད། །སྐྱུ་རུ་སེ་འབྲུ་མ་གཏོགས་པའི། །སྐྱུར་བ་ཕལ་ཆེར་མཁྲིས་པ་སྐྱེད། །རྒྱམ་ཚ་ལྕེ་
[69a.5]མྱང་ཚ་མ་གཏོགས། །ལན་ཚྭ་ཕལ་ཆེར་མིག་ལ་གནོད། །སླེ་ཏྲེས་པ་ཏོ་ལ་བཅའ་སྒ། །སྒོག་སྐྱ་པི་པི་ལིང་མ་གཏོགས། །ཁ་དང་ཚ་བ་ཕལ་ཆེར་ནི། །རོ་ཙ་འབྲི་ཞིང་རླུང་སྐྱེད་ཡིན། །བསྐ་ལས་ཨ་རུ་ར་མ་གཏོགས། །ཕལ་ཆེར་བསིལ་ཞིང་སྲི་བར་བྱེད། །རོ་ཚ་
[69a.6]སྐྱུར་དང་ལན་ཚྭ་རྣམས། །གོ་རིམས་བཞིན་དུ་དྲོ་ནུས་ལྡན། །ཁ་དང་བསྐ་དང་མངར་བ་རྣམས། །དེ་བཞིན་དུ་ནི་བསིལ་བ་ཉིད། །ཁ་དང་ཚ་དང་བསྐ་བ་རྣམས། །དེ་བཞིན་རྩུབ་ཅིང་དྲི་མ་སྲི། །ལན་ཚྭ་སྐྱུར་མངར་སྣུམ་པ་དང་། །བཤང་གཅི་ཐུར་གྱི་དབུགས་
[69a.7]འབྱིན་བྱེད། །ལན་ཚྭ་ལས་བསྐ་དེ་བས་ཀྱང་། །མངར་བ་མཆོག་ཏུ་ལྕི་བ་ཡིན། །སྐྱུར་ལས་ཚ་དང་དེ་བས་ཀྱང་། །ཁ་བདག་ནི་ཡང་བ་ཡིན། །རོ་རྣམས་ཀྱིས་ནི་དབྱེ་བ་ལས། །སྦྱོར་བ་ལྔ་བཅུ་རྩ་བདུན་དང་། །བརྟགས་པ་དྲུག་ཅུ་རྩ་གསུམ་དུ། །རགས་རིམ་
[69b]
[69b.1]ཇི་བཞིན་ཕྱེ་བ་ཡིན། །དེ་ལྔ་རེ་རེ་ཕྲི་བ་ལས། །ལྔར་གྱུར་པ་ནི་རོ་གཉིས་པ། །གསུམ་པ་མངར་བཅུ་སྐྱུར་དྲུག་སྟེ། །ལན་ཚྭ་གསུམ་སྟེ་ཁ་བ་གཅིག །བཞི་པ་ལ་ནི་མངར་པོ་བཅུ། །སྐྱུར་བ་བཞི་པོ་ལན་ཚྭ་གཅིག། །ལྔ་པ་ལ་ནི་སྐྱུར་གཅིག་པུ། །མངར་བ་ལྔ་ལ་བརྟེན་པ་ཡིན། །
[69b.2]སྨན་ནི་རོ་དྲུག་གཅིག་པུ་ཡིན། །མ་འདྲེས་པ་ནི་རོ་དྲུག་འགྱུར། །ལྔ་པ་དྲུག་དང་རོ་ནི་ཐ་དད་དྲུག །བཞི་པ་གཉིས་པ་རྣམ་པ་བཅྭ་ལྔ་ཡིན། །དབྱེ་བ་གསུམ་པ་ཉི་ཤུ་གཅིག་ཉིད་དེ། །སྨན་ནི་རོ་དྲུག་དེ་ལྟར་དྲུག་ཅུ་གསུམ། །དེ་རྣམས་རོ་དང་རྡོ་རྗེས་རོའི་དབྱེ་བ། །རབ་དང་རབ་
[69b.3]མཆོག་དག་ཏུ་བརྟགས་པ་ལས། །རྩིས་ལས་འདས་པར་བྱུང་བར་གྱུར་པ་ནི། །ནད་དང་སྨན་གྱི་དབང་ལས་ཉེ་བར་སྦྱར། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་བཅུ་པའོ།། །།དེ་ནས་ནད་ལ་སྩོགས་པའི་ཚུལ་ཤེས་པར་བྱ་བའི་ལེའུ་བཤད་
[69b.4]པར་བྱའོ། །ནད་དང་ལུས་ཟུངས་དྲི་མ་རྣམས། །རྟག་ཏུ་ལུས་ཀྱི་རྩ་བ་ཡིན། །དེ་རླུང་དབུགས་འབྱུང་དབུགས་རྔུབ་དང་། །བསྐྱོད་དང་ལས་སྤྱོད་ཤུགས་འབྱིན་དང་། །ལུས་ཟུངས་ལེགས་པར་རྒྱུ་བ་དང་། །དབང་པོ་རྣམས་ནི་གསལ་བ་དག །མི་གནོད་པ་ནི་རྗེས་འཛིན་ཡིན། །
[69b.5]མཁྲིས་པ་འཇུ་དྲོད་མཐོང་བྱེད་དང་། །བཀྲེས་སྐོམ་ཟས་ལེན་མདངས་ཡིད་གཞུངས། །བློ་ལྡན་དཔའ་སྙིང་ལུས་འཇམ་པས། །བད་ཀན་བརྟན་ཞིང་སྣུམ་ཉིད་དང་། །ཚིགས་འབྲེལ་བཟོད་ལ་སྩོགས་པས་སོ། །ལུས་ཟུངས་ལས་གཙོ་གོ་རིམས་བཞིན། །ཚིམ་བྱེད་འཚོ་བྱེད་གཡོགས་
[69b.6]པ་དང་། །སྣུམ་དང་བརྟན་དང་འགེངས་པ་དང་། །མངལ་ནི་སྐྱེད་བྱེད་ཡིན་པར་བཤད། །བརྟན་པར་བྱེད་པ་བཤང་བ་ཡིན། །འདྲུལ་དང་འབྱིན་པ་གཅིན་གྱི་ཡིན། །བ་སྤུ་བརྟན་པ་རྡུལ་གྱི་ཡིན། །རླུང་ནི་འཕེལ་བར་གྱུར་པ་ཡིས། །སྐེམ་དང་མདོག་གནག་དྲོད་བག་
[69b.7]དགའ། །འདར་དང་ལྟོ་སྦོས་བཤང་བ་སྲེ། །སྟོབས་དང་གཉིད་དང་དབང་པོ་ཉམས། །སྨྲ་མང་མགོ་འཁོར་ཞུམ་པར་བྱེད། །མཁྲིས་པ་བཤང་གཅི་པགས་མིག་སེར། །བཀྲེས་སྐོམ་ལུས་ཚ་གཉིད་ཆུང་བྱེད། །བད་ཀན་དྲོད་ཉམས་མཆིལ་མ་མང་། །ཁོང་སྙོམ་ལྕི་
[70a]
[70a.1]དང་ཤ་མདོག་དཀར། །ལུས་གྲང་ཡན་ལག་ལྷོད་པ་དང་། །ལུད་པ་དབུགས་མི་བདེ་གཉིད་ཆེ། །དངས་མའང་བད་ཀན་དང་འདྲ་ལ། །ཁྲག་འཕེལ་མེ་དབལ་ཁོང་འབྲས་མཆེར། །མཛེ་དང་རླུང་ཁྲག་མཁྲིས་པ་ཁྲག །སྐྲན་དང་རྙིལ་ནད་མིག་སེར་
[70a.2]དང་། །བསྐྱོད་དཀའ་དྲོད་ཉམས་རྨོངས་བག་ཅན། །མིག་དང་གཅིན་པགས་དམར་བར་འགྱུར། །ཤ་འཕེལ་ཝ་བ་རྨེན་བུ་མདུད། །མཁུར་ཚོས་བྲང་ལྟོ་བརླ་སྦོམ་ཞིང་། །མགུལ་སྩོགས་ལྷག་པར་ཤ་ཡང་ཆེ། །ཚིལ་འཕེལ་དེ་འདྲ་དེ་བཞིན་ངལ། །ཅུང་ཟད་བསྐྱོད་
[70a.3]ཀྱང་དབུགས་རྒོད་ཅིང་། །རྐུབ་ཚོས་ནུ་མ་གསུས་འཕྱང་འགྱུར། །རུས་འཕེལ་རུས་ལྷག་སོ་ལྷག་འགྱུར། །རྐང་འཕེལ་ལུས་ལྕི་མིག་རྩ་གཡུང་། །ཚིགས་ཀྱི་མགོ་བོ་སྦོམ་པ་དང་། །ཚིགས་ལ་ཐོར་བུ་གསོ་དཀའ་འབྱུང་། །ཁུ་འཕེལ་བུད་མེད་ལ་རབ་གདུང་། །
[70a.4]ཁུ་བའི་རྡེའུ་དག་ཏུ་འང་འགྱུར། །བཤང་འཕེལ་ལྟོ་སྦོས་རྒྱུ་འཁྲུག་ཅིང་། །ལུས་ལྕི་ལྟོ་བ་ན་བར་བྱེད། །གཅིན་འཕེལ་ཆུ་སོར་ཟུག་ཅིང་ན། །གཅིས་ཀྱང་མ་གཅིས་སྙམ་སེམས་འགྱུར། །རྔུལ་འཕེལ་རྡུལ་ཆེ་དྲི་མི་ཞིམ། །གཡན་པ་ཉིད་ཀྱང་སྐྱེད་ཅེས་བྱ། །མིག་རྡུལ་ལ་སྩོགས་དྲི་
[70a.5]མ་རྣམས། །མང་བས་ལྕི་ལ་སྩོགས་པར་བྱེད། །རླུང་ཟད་མཚན་མ་ལུས་མི་བདེ། །སྨྲ་ཉུང་རྩོལ་བ་ཆུང་བར་འགྱུར། །དྲན་པ་མི་གསལ་བད་ཀན་འཕེལ། །སྔར་བཤད་པ་ཡི་ནད་རྣམས་འབྱུང་། །མཁྲིས་ཟད་དྲོད་ཉམས་གྲང་བ་དང་། །མདོག་ཉམས་བྱེད་དེ་བད་ཀན་ཟད། །
[70a.6]མགོ་འཁོར་བད་ཀན་གནས་སྟོངས་ཤིང་། །སྙིང་འདར་ཚིགས་ནི་ལྷོད་པར་འགྱུར། །ཅུང་ཟད་རྩུབ་ངལ་སྐམ་པ་དང་། །ན་ཞིང་སྒྲ་ཆེར་མི་བཟོད་འགྱུར། །ཁྲག་ཟད་སྐྱུར་དང་བསིལ་ལ་དགའ། །རྩ་ལྷོད་པགས་པ་རྩུབ་པར་འགྱུར། །ཤ་ཟད་དབང་ཉམས་མིག་མཁུར་བའི། །
[70a.7]རུས་སྐམ་ལྷུ་ཚིགས་ན་བར་འགྱུར། །ཚིལ་ཟད་གཉིད་ཆེ་དཔྱི་རྐེད་མངོན། །མཆེར་པ་ཆེ་དང་ལུས་སྐེམ་འགྱུར། །རུས་ཟད་རུས་ཟུག་སོ་དང་ནི། །སེན་མོ་སྐྲ་ལ་སོགས་པ་འབྱུང་། །རྐང་ཟད་རྐང་སྦུབས་སྟོང་པ་དང་། །མགོ་འཁོར་རབ་རིབ་ཅན་དུ་འགྱུར། །ཁུ་བ་
[70b]
[70b.1]ཟད་པས་རིང་ནས་འབྱུང་། །ཡང་ན་ཁུ་བ་ཁྲག་ཉིད་འབྱུང་། །རླིག་པ་ཤིན་ཏུ་ན་བ་དང་། །ཕོ་མཚན་ཚིག་པ་སྙམ་དུ་སེམས། །བཤང་ཟད་རླུང་ནི་རྒྱུ་མའི་ནང་། །སྒྲ་བཅས་འཁྱིལ་པ་ལྟ་བུར་བྱེད། །ལྟོ་བར་རྒྱུ་ཞིང་གྱེན་དུ་འགྲོ། །སྙིང་ག་རྩིབ་ལོགས་མི་བཟད་ན། །གཅིན་
[70b.2]ཟད་གཅིན་ནི་ཉུང་སྲི་དང་། །མདོག་འགྱུར་བ་འམ་ཁྲག་བཅས་ཉིད། །རྡུལ་ཟད་སྦུ་འབྱི་སྤུ་འགྲེངས་ལ། །པགས་པ་རྣམས་ནི་འགས་པར་འགྱུར། །དྲི་མ་ཤིན་ཏུ་ཕྲ་བ་རྣམས། །ཟད་པས་བརྟག་དཀའ་དྲི་མ་ཡི། །རང་གནས་བསྐམས་དང་ན་བ་དང་། །སྟོང་དང་ཡང་བ་
[70b.3]ལས་ཤེས་བྱ། །ནད་སྩོགས་རང་ཉིད་ཇི་ལྟ་བའི། །ཡོན་ཏན་འདི་ནི་བཟློག་པ་དང་། ཟད་པ་དང་ནི་འཕེལ་གྱུར་ལས། །འཕེལ་འབྲི་སྨན་པས་ཤེས་པར་བྱ། །དྲི་མ་ཐོགས་ལས་འཕེལ་བ་སྟེ། །ཤིན་ཏུ་འབྱུང་ལས་ཟད་ཤེས་བྱ། །ལུས་ནི་དྲི་མས་བརྟེན་པས་ན། །འཕེལ་
[70b.4]བས་ཟད་པ་གནོད་པ་ཡིན། །དེ་ལ་རླུང་ནི་རུས་པར་གནས། །མཁྲིས་པ་རྔུལ་དང་ཁྲག་ལ་གནས། །བད་ཀན་ལྷག་མ་གནས་དེས་འདི། །ཕན་ཚུན་རྟེན་དང་བརྟེན་པ་ཡིན། །འཕེལ་དང་ཟད་པར་བྱེད་པའི་སྨན། །གཅིག་གི་གང་ཡིན་གཞན་གྱིའང་དེ། །རུས་པ་རླུང་གཉིས་ལ་འདི་མིན། །ཕལ་ཆེར་
[70b.5]རྟས་པས་འཕེལ་བར་འགྱུར། །བད་ཀན་རྗེས་མཐུན་དེ་ཡི་ཕྱིར། །དེ་ལས་བཟློག་པས་ཟད་པ་ཡིན། །རླུང་དང་རྗེས་མཐུན་དེ་ལྟར་ན། །འཕེལ་དང་ཟད་པ་འབྱུང་འགྱུར་བའི། །སྨྱུང་དང་བརྟ་བར་བྱ་བ་ཡིས། །ནད་ནི་རིམ་གྱིས་གསོ་བར་བྱ། །རླུང་མ་གཏོགས་
[70b.6]ཏེ་དེ་སྐྱེས་ལ། །དེ་ཉིད་བཟློག་ཐབས་སྦྱར་བར་བྱ། །ཁྱད་པར་དུ་ནི་ཁྲག་སྐྱེས་ནད། གཏར་ག་བཀྲུ་སྨན་དག་གིས་གསོ། །ཤ་ཆེར་སྐྱེས་ལས་བྱུང་བའི་ནད། །གཏར་ག་མེ་བཙའ་ཐལ་སྨན་སྦྱར། །ཚིལ་ཆེས་སྦོམ་སྐེམ་གསོ་བར་བྱ། །རུས་པ་ཟད་པ་ལས་བྱུང་ལ། །མར་དང་འོ་
[70b.7]མ་ཁ་རང་སྦྱར། །དེ་བཞིན་འཇམ་རྩི་གཏང་བས་གསོ། །བཤང་བ་འཕེལ་ལ་འཁྲུ་བས་གསོ། །བཤང་བཟས་ལས་བྱུང་བའི་ནད། །ར་ལུག་ནང་གྲོལ་ཟན་དྲོན་དང་། །སྦྱར་ཐུག་མ་ཤ་གཉིས་སོགས་སྦྱིན། །གཅིན་འཕེལ་གྱུར་ལ་གཅིན་འབྲི་བ། །གཅིན་ཟད་ལས་བྱུང་
[71a]
[71a.1]གཅིན་སྙི་གསོ། །རྡུལ་མི་འབྱུང་ལ་རྩོལ་དང་བསྐུ། །རྡུལ་འབྱུང་ཆོ་གས་གསོ་བར་བྱ། །ལུས་ཀྱི་མེ་དྲོད་རང་གནས་འདུག །ཆ་ཤས་ལུས་ཟུངས་རྣམས་ལ་བརྟེན། །དེ་རྣམས་འབྲི་ཞིང་རབ་འབར་བ། །ལུས་ཟུངས་འཕེལ་དང་ཟད་པར་འགྱུར། །ལུས་
[71a.2]ཟུངས་དང་པོ་ཕྱི་མ་ནི། །རྒྱས་བྱེད་ཟད་པའང་དེ་བཞིན་ནོ། །ཉེས་འཁྲུགས་པས་ནི་ལུས་ཟུངས་ཉེན། །གཉི་གས་དྲི་མ་ལ་གནོད་བྱེད། །འོག་ན་གཉིས་ཏེ་མགོ་བོར་བདུན། །བུ་ག་དང་ནི་རྡུལ་འབྱུང་བའི། །དྲི་མའི་གནས་ནི་དྲི་མ་སྟེ། །རང་རང་གནས་སུ་ནད་སྐྱེད་འགྱུར། །ལུས་
[71a.3]ཟུངས་ཁུ་བའི་མཐར་ཐུག་པའི། །ནང་ནས་གཟི་ཅན་མདངས་མཆོག་ཡིན། །སྙིང་ལ་གནས་ཀྱང་ཁྱབ་པ་དང་། །ལུས་ནི་བརྟན་པར་གནས་པ་ཡིན། །གང་ཞིག་འཇིག་ན་ངེས་འཇིག་ལ། །གང་ཞིག་གནས་ན་གནས་གྱུར་པ། །གང་ལ་དངོས་རྣམས་སྣ་ཚོགས་པ། །ལུས་
[71a.4]ལ་བརྟེན་པ་འབྱུང་བ་ཡིན། །མདངས་ནི་སེམས་འཁྲུགས་བཀྲེས་སེམས་ལས། །མྱ་ངན་ངལ་ལ་སྩོགས་པས་ཟད། །དེ་ཟད་སྡང་ཞིང་ལུས་རིད་ལ། །ཡང་ཡང་སེམས་ཤིང་དབང་པོ་ཉམས། །གཟི་ཉམས་རྩུབ་དང་ཡིད་མི་དགའ། །ཉམ་ཆུང་བར་ནི་འགྱུར་བ་ཡིན། །འཚོ་
[71a.5]བྱེད་སྨན་དང་འོ་མ་དང་། །ཤ་ཁུ་ལ་སོགས་དེའི་སྨན་ཡིན། །ཟས་གང་མི་འདོད་གང་ཞིག་སློང་། །དེ་ལ་མི་འཕྲོད་འཕྲོད་པ་ནི། །སྤང་དང་སྦྱིན་པར་བྱ་བ་དག །དེ་དང་དེས་འཕེལ་ཟད་པར་འགྱུར། །ཉེས་པ་ཕྱིན་ཅི་ལོག་པ་དང་། །མཐུན་པས་སྲེད་པ་སྐྱེད་བྱེད་དེ། །ཕལ་
[71a.6]ཆེར་འཕེལ་དང་ཟད་པ་དག །མི་མཁས་པ་ཡིས་མི་ཤེས་སོ། །ཇི་བཞིན་སྟོབས་དང་རང་ཇི་བཞིན། །འཕེལ་ན་ཉེས་པ་རྒྱས་པར་འགྱུར། །ཟད་པས་རང་བཞིན་འདོར་བར་འགྱུར། །མཉམ་ན་རང་གི་ལས་རྣམས་བྱེད། །གང་ཞིག་མཉམ་པས་ལུས་ནི་འཕེལ་བར་
[71a.7]བྱེད། །ཉེས་པ་དེ་ཉིད་མི་མཉམ་གསོད་པར་བྱེད། །དེ་བས་ཟད་བའང་འཕེལ་བ་ལྟ་བུ་ནི། །ཕན་པའི་སྤྱོད་པ་ཉིད་ཀྱིས་བསྲུང་བར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་བཅུ་གཅིག་པའོ།། །།དེ་ནས་ནད་ཀྱི་བྱེ་བྲག་
[71b]
[71b.1]ཤེས་པར་བྱ་བའི་ལེའུ་བཤད་པར་བྱའོ། །ཞུ་བའི་གནས་དང་རྐེད་པ་དཔྱི། །རྣ་བ་རུས་པ་རེག་དབང་པོ། །རླུང་གནས་ཡིན་ཏེ་དེ་ལས་ཀྱང་། །ཞུ་བའི་གནས་སུ་ཁྱད་པར་གནས། །མཁྲིས་གནས་ལྟེ་བ་ཕོ་བ་རྡུལ། །ཆུ་སེར་དངས་མ་ཁྲག་དང་ནི། །མིག་དང་པགས་པ་དག་ཡིན་
[71b.2]ཏེ། །དེ་ལས་ལྟེ་བ་ཁྱད་པར་གནས། །བད་ཀན་བྲང་དང་མགུལ་པ་མགོ །གློ་བ་རུས་ཚིགས་མ་ཞུའི་གནས། །དངས་མ་ཚིལ་དང་སྣ་ལྕེར་གནས། །བྲང་ནི་ཁྱད་པར་དག་གི་གནས། །རླུང་ནི་སྲོག་སྩོགས་དབྱེ་བ་ཡིན། །ལྔ་ཡི་བདག་ཉིད་འདིར་སྲོག་ནི། །སྤྱིར་གནས་བྲང་དང་
[71b.3]གྲེ་བར་རྒྱུ། །བློ་དང་དབང་པོ་སེམས་འཛིན་བྱེད། །མཆིལ་འདོར་སྦྲིད་འབྱུང་སྒྲེགས་པ་འདོན། །དབུགས་རྔུབ་ཟས་ནི་མིད་པར་བྱེད། །གྱེན་རྒྱུའི་གནས་ནི་བྲང་ཡིན་ཏེ། །སྣ་དང་ལྕེ་དང་ལྐོག་མར་རྒྱུ། །ཚིགས་འབྱིན་འབད་རྩོལ་མདངས་དང་ནི། །སྟོབས་དང་ཁ་དོག་དྲན་ལས་བྱེད། །
[71b.4]ཁྱབ་བྱེད་སྙིང་གནས་ལུས་ཀུན་ལ། །མ་ལུས་ཁྱབ་ཅིང་རབ་ཏུ་མགྱོགས། །འགྲོ་དང་འདེགས་དང་འཇོག་པ་དང་། །མིག་འབྱེད་འཛུམས་པ་ལ་སོགས་པ། །ལུས་ཅན་བྱ་བ་ཕལ་ཆེར་ནི། །དེ་ལ་རག་ནི་ལུས་པ་ཡིན། །མཉམ་གནས་མེ་དྲོད་ཉེ་བར་གནས། །ནང་གྲོལ་ཀུན་ཏུ་རྒྱུ་བ་
[71b.5]ཡིན། །བྱ་བ་ཟས་ལེན་འཇུ་བ་དང་། །དངས་སྙིགས་འབྱེད་ཅིང་འདོར་བར་བྱེད། །ཐུར་སེལ་གཞང་གནས་འདོང་མོ་དང་། །ལྒང་པ་ཕོ་མཚན་བརླ་ནང་རྒྱུ། །བྱ་བ་ཁུ་བ་ཟླ་མཚན་དང་། །བཤང་གཅི་མངལ་གནས་འབྱིན་པར་བྱེད། །མཁྲིས་པའི་རང་བཞིན་ལྔ་དེ་ལ། །ཞུ་
[71b.6]དང་མ་ཞུའི་གནས་པར་གནས། །འབྱུང་ལྔའི་བདག་ཉིད་ཅན་གྱིས་ནི། །གང་མེའི་ཡོན་ཏན་ཤས་ཆེ་བས། །གཤེར་ཉིད་སྐེམས་བྱེད་འཇུ་ལ་སྩོགས། །ལས་ཀྱི་མེ་ཡི་སྒྲར་བཤད་དོ། །ཟས་ནི་འཇུ་དང་དེ་བཞིན་དུ། །དངས་མ་ཚིགས་མ་འབྱེད་པར་བྱེད། །དེར་གནས་
[71b.7]བཞིན་དུ་མཁྲིས་པ་ནི། །ལྷག་མ་རྣམས་ཀྱི་གྲོགས་བྱེད་པས། །སྟོབས་བསྐྱེད་པ་ཡིས་བྱེད་འགྱུར་བས། །དེ་ནི་འཇུ་བྱེད་ཅེས་བཤད་དོ། །མཁྲིས་པ་མ་ཞུའི་གནས་ལ་བརྟེན། །དངས་མདོག་བསྒྱུར་བས་དམར་སྒྱུར་ཡིན། །མཁྲིས་པ་སྒྲུབ་བྱེད་སྙིང་ལ་གནས། །བློ་དང་
[72a]
[72a.1]ཡིད་གཞུངས་ང་རྒྱལ་སྩོགས། །མངོན་འདོད་དོན་ནི་སྒྲུབ་བྱེད་པས། །མིག་ལ་གནས་ཏེ་གཟུགས་མཐོང་བྱེད། །མཐོང་བྱེད་ཅེས་བཤད་མདོག་གསལ་ནི། །པགས་མདོག་གསལ་བྱེད་པགས་པར་གནས། །བད་ཀན་རྣམ་ལྔ་བྲང་གནས་པ། །
[72a.2]རང་གི་སྟོབས་ཀྱིས་སུམ་མདོ་དང་། །སྙིང་དང་ཟས་ཀྱི་མཐུ་དང་ནི། །དེ་ཉིད་ལ་གནས་ཆུ་ལས་བྱེད། །བད་ཀན་ལྷག་མའི་གནས་གྱུར་པའི། །རྟེན་ནི་གང་ཕྱིར་བྱེད་གྱུར་པས། །དེ་ཕྱིར་རྟེན་བྱེད་ཅེས་བཤད་དོ། །གང་ཞིག་མ་ཞུའི་གནས་ལ་གནས། །དེ་ནི་ཟས་སྩོགས་འདྲུལ་བྱེད་
[72a.3]པས། །མྱགས་བྱེད་ཅེས་ནི་བྱ་བ་ཡིན། །མྱོང་བྱེད་ལྕེར་གནས་རོ་ཚོར་བྱེད། །རྟས་བྱེད་མགོར་གནས་དབང་པོ་ནི། །ཚིམ་པར་བྱེད་དེ་འབྱོར་བྱེད་ནི། །ཚིགས་ལ་གནས་ནས་འབྱོར་པར་བྱེད། །དེ་ལྟར་ནད་ནི་ཕལ་མོ་ཆེ། །མི་འགྱུར་བདག་ཉིད་ཅན་ཁྱབ་ཀྱང་། །གནས་
[72a.4]ཡིན་པར་ནི་ཤེས་བྱ་སྟེ། །ལས་རྣམས་ཀྱང་ནི་ཐ་དད་ཡིན། །རྩུབ་སོགས་དྲོ་བར་ལྡན་པས་ནི། །རླུང་ནི་སྩོགས་པར་འགྱུར་བ་ཡིན། །གྲང་བས་ལྡང་བྱེད་སྣུམ་ལ་སོགས། །ཡོན་ཏན་དྲོ་ལྡན་ཞི་བྱེད་འགྱུར། །རྣོ་སྩོགས་བསིལ་བ་དང་ལྡན་པས། །མཁྲིས་པ་སྩོགས་པར་
[72a.5]བྱེད་འགྱུར་ལ། །དྲོ་བས་ལྡང་ཞིང་རོ་རྟུལ་སྩོགས། །བསིལ་བར་ལྡན་པས་ཞི་བར་འགྱུར། །སྣུམ་སྩོགས་གྲང་དང་ལྡན་པ་ཡིས། །བད་ཀན་སྩོགས་པར་བྱེད་འགྱུར་ལ། །གྲོ་བས་ལྡང་འགྱུར་དེ་ཉིད་ནི། །རྩུབ་སོགས་ཡོན་ཏན་གྱིས་ཞིར་འགྱུར། །རང་གནས་ཉིད་དུ་འཕེལ་
[72a.6]སྩོགས་ཡིན། །དཀྱིལ་འགྱུར་རྒྱུ་ལས་འཁྲུགས་པ་དང་། །མི་མཐུན་པ་ཡི་ཡོན་ཏན་འདོད། །ལྡང་བ་ལོག་པའི་ལམ་ཞུགས་ཉིད། །རང་གི་རྟགས་ནི་སྟོན་པ་དང་། །བདེ་མེད་ནད་ནི་འབྱུང་འགྱུར་བའོ། །རང་གནས་གནས་པ་མཉམ་ཉིད་དང་། །ནད་རྣམས་མ་བྱུང་
[72a.7]ཞི་བ་ཡིན། །སོགས་དང་ལྡང་དང་རབ་ཞི་བ། །རླུང་ནི་སོ་ག་སྩོགས་གསུམ་ཚེ། །མཁྲིས་པ་དབྱར་ལ་སོགས་པར་ཏེ། །བད་ཀན་དགུན་སྨད་སྩོགས་པར་རོ། །ཡང་དང་རྩུབ་པ་ལ་སོགས་པའི། །སྨན་དང་ལུས་ཀྱང་དེ་མཚུངས་པས། །སོ་ག་རླུང་ནི་སོགས་འགྱུར་གྱི། །
[72b]
[72b.1]དྲོ་བའི་དུས་ཀྱིས་ལྡང་མི་འགྱུར། །ཆུ་རྣམས་འཇུ་བ་སྐྱུར་བ་དང་། །སྨན་ཡང་དེ་དག་འདྲ་བ་ཡིས། །མཁྲིས་པ་སྩོགས་ཀྱི་དུས་ཀྱིས་ནི། །གྲང་བ་ཉིད་ཀྱིས་ལྡང་མི་འགྱུར། །ཆུ་དང་སྨན་ནི་བསིལ་བ་དང་། །སྣུམ་པས་དུས་ནི་མཚུངས་འགྱུར་ཡང་། །དགུན་སྨད་བད་ཀན་སྩོགས་
[72b.2]འགྱུར་གྱི། །བསྒོངས་པས་ལྡང་བར་མི་འགྱུར་རོ། །དེ་ལྟར་དུས་ཀྱི་རང་བཞིན་འདི། །ཟས་ལ་སྩོགས་པའི་དབང་གིས་ནི། །དུས་ལ་བབ་པར་མ་གྱུར་ཀྱང་། །འཕྲལ་དུ་སྩོགས་པ་ལ་སོགས་འགྱུར། །ནད་ནི་ལྡང་གྱུར་འཕྲལ་དུ་ལུས། །མགོ་ནས་རྐང་གི་བར་དུ་ཁྱབ། །
[72b.3]ལྡོག་འགྱུར་ཆུ་ཡི་རྒྱུན་བཞིན་དུ། །ཅུང་ཞིག་ཅུང་ཞིག་དག་གིས་ཞི། །ནད་འཁྲུགས་སྣ་ཚོགས་ཚུལ་ཅན་ནི། །གྲངས་མེད་པར་ནི་གྱུར་པའི་ལུས། །ཐམས་ཅད་ཉེ་བར་གཟིར་གྱུར་པ། །དེ་རྒྱུ་ཚུལ་དང་སྒྲུབ་པ་དག །རེ་རེ་ནས་ནི་བསྟན་མི་ནུས། །དེ་བས་སྤྱི་ཡི་བརྗོད་པ་
[72b.4]ཡིན། །ནད་རྣམས་དག་ནི་ཐམས་ཅད་ཀྱི། །ཉེས་པའི་རྒྱུ་ནི་གཅིག་པུ་ཉིད། །དཔེར་ན་བྱ་ནི་ལྡིང་འགྱུར་པ། །ཉིན་རངས་ཀུན་ཏུ་སེང་གྱུར་ཀྱང་། །རང་གི་གྲིབ་མ་དང་མི་འབྲལ། །འགྲོ་ཀུན་དེ་དང་འདྲ་བ་ཡིན། །ཡང་ན་ཇི་ལྟར་མ་ལུས་པའི། །འགྲོ་བ་མི་འདྲ་སྣ་ཚོགས་
[72b.5]འདི། །ཡོན་ཏན་གསུམ་དང་མི་འབྲལ་ལོ། །དེ་བཞིན་རང་ཁམས་མ་སྙོམས་པའི། །རྒྱུ་ཡང་གནས་སྐབས་ཐམས་ཅད་དུ། །ནད་རིགས་ཉེས་པ་གསུམ་མི་འབྲལ། །དེ་རྣམས་ཀྱིས་ནི་ལྡང་བའི་རྒྱུ། །དབང་དོན་མི་འཚམ་ཕྲད་པ་དང་། །དུས་དང་ཉེས་པའི་ལས་རྣམས་སོ། །
[72b.6]དེ་ཡང་དམན་ལྟག་ལོག་སྦྱོར་བས། །དབྱེ་བ་རྣམ་པ་གསུམ་དུ་འགྱུར། །དབང་དོན་རང་ཡུལ་ཆུང་དུའམ། །མི་སྦྱོར་བ་ནི་དམན་པ་སྟེ། །ཤས་ཆེར་གཏད་པ་ལྷག་སྦྱོར་བ། །རབ་ཕྲའི་འོད་དང་འཇིགས་པ་དང་། །ཤིན་ཏུ་ཉེ་དང་ཤིན་ཏུ་རིང་། །ཡིད་དུ་མི་འོང་མི་སྡུག་པའི། །
[72b.7]གཟུགས་ལ་མིག་ནི་ལྟ་བྱེད་པ། །ལག་སྦྱོར་དེ་ནི་མི་ཟད་ཡིན། །དེ་བཞིན་རབ་དྲགས་རྡུལ་ལ་སོགས། །དབང་དོན་ཇི་བཞིན་ཤེས་པར་བྱ། །དུས་ཀྱང་གྲང་དང་ཚ་བ་དང་། །ཆར་དུས་དབྱེ་བས་གསུམ་དུ་འདོད། །དེ་དམན་གྲང་སྩོགས་ཆུང་བ་དང་། །ལྷག་སྦྱོར་ཤིན་ཏུ་ཆེ་
[73a]
[73a.1]མཚན་ཉིད། །རང་གི་མཚན་ཉིད་ཕྱིན་ཅི་ལོག །ལོག་པའི་སྦྱོར་བ་ཡིན་པར་བཤད། །ལུས་ངག་ཡིད་ཀྱི་དབྱེ་བ་ཡིས། །ལས་ཀྱང་རྣམ་པ་གསུམ་དུ་བཤད། །ལུས་ལ་སོགས་པའི་ལས་དམན་ལ། །འཇུག་པ་དམན་པའི་མིང་ཅན་ཡིན། །
[73a.2]བརྟུན་ངས་འཇུག་པ་ལྷག་སྦྱོར་བའོ། །ཤུགས་བཀག་པ་དང་བཙིར་བ་དང་། །མི་བཟད་ལུས་ཀྱི་ལས་རྣམས་དང་། །གཅུས་དང་རྡེག་འཆོས་གོམ་འཁྱོར་སྩོགས། །ལྡང་བཞིན་སྨྲ་བར་བྱེད་པ་དང་། །འདོད་ཆགས་ཞེ་སྡང་འཇིག་སྩོགས་དང་། །སྲོག་གཅོད་ལ་སོགས་
[73a.3]ལས་རྣམས་དང་། །རྣམ་བཅུ་དེ་ཡང་སྨད་པ་ཡིན། །འདི་དང་གཞན་དུ་བྱས་པ་རྣམས། །དེ་དག་མ་ལུས་ལོག་སྦྱོར་ཡིན། །འདི་དག་ནད་ཀྱི་རྒྱུ་ཡིན་ནོ། །ལྡང་འགྱུར་དེ་ནི་མཐའ་ཡས་ཏེ། །སྣ་ཚོགས་ནད་ནི་བྱེད་པར་འགྱུར། །ཡན་ལག་ནང་ཁྲོལ་ལྷུ་ཚིགས་བརྟེན། །ཡན་ལག་
[73a.4]ཁྲག་སྩོགས་པགས་པ་ཡིན། །དེ་ནི་ཕྱི་རོལ་ནད་གནས་ཏེ། །དེ་བརྟེན་མ་ཞུ་ཡན་ལག་ན། །ལྦ་བ་བེའུ་སྣབས་འབྲུམ་པ་སྩོགས། །གཞང་འབྲུམ་སྐྲན་དང་འོར་ནད་སོགས། །དེ་དག་ཕྱི་རོལ་ནད་ཅེས་བྱ། །ནང་ནད་རྩ་སྦུབས་ཆེན་པོ་དང་། །མ་ཞུ་ཞུ་བའི་གནས་ལ་བརྟེན། །
[73a.5]གནས་དེ་ལས་ནི་སྐྱུགས་ཚད་འཁྲུ། །དམུ་རྫིང་ལུད་པ་དབུགས་མི་བདེ། །ནང་གི་ཆ་ཡི་གཞང་འབྲུམ་སྐྲང་། །སྐྲན་དང་མེ་དབལ་ཁོང་འབྲུམ་པ། །མགོ་བོ་སྙིང་དང་ཆུ་སོ་སྩོགས། །རུས་པའི་ཚིགས་ནད་གནད་ཡིན་ནོ། །དེ་འབྲེལ་རྩ་དང་ཆུ་བ་དང་། །ཆུ་བ་ཆེན་སྩོགས་བར་
[73a.6]མ་ཡིན། །དེ་ལ་ནད་ལམ་དེར་གནས་པ། །གཅོང་ཆེན་གཞོགས་ཕྱེད་མཇིང་ཁ་ཡོ། །གླད་ནད་སྩོགས་དང་ཚིགས་རུས་དང་། །དཔྱི་ཡི་གཟེར་དང་གནོད་ནད་སྩོགས། །འབྱིན་ཁྱབ་ཟུག་དང་སྙོམ་པ་དང་། །ལུས་ཚ་ནད་གཟེར་བྱེ་བ་དང་། །འཇའ་ཞིང་ཆག་སྙམ་
[73a.7]རྐང་ལག་འཁུམས། །བསྒོངས་དང་རྩེ་དང་སྐོམ་བྱེད་དང་། །འདར་དང་རྩུབ་དང་ཁོང་སྟོང་དང་། །སྐེམ་དང་མགུལ་དང་དཀྲིས་སྙམ་དང་། །རེངས་དང་རོ་བསྐ་བྲོ་བའོ། །མདོག་ནི་གནག་གམ་དམར་བ་དག །རླུང་གི་ལས་ཡིན་མཁྲིས་པའི་ལས། །ལུས་ཚ་མདོག་དམར་དྲོ་
[73b]
[73b.1]སྨིན་བྱེད། །རྔུལ་དང་གནག་དང་འཛག་རྨ་རེད། །འདྲུལ་དང་བརྒྱལ་ཞིང་མྱོས་པ་དང་། །ཁའི་རོ་ཁ་དང་སྒྱུར་བ་དང་། །མདོག་སྐྱ་དམར་རྩ་མ་ཡིན་པའོ། །བད་ཀན་ལས་ནི་མཁྲང་ཞིང་སྣུམ། །གཡའ་ཞིང་ཁོང་གྲང་ལྕི་བ་དང་། །ཚིགས་དམ་ཤ་རྒྱས་རྨོངས་བག་དང་། །
[73b.2]སྐྲང་ཞིང་གཉིད་ཆེ་ཟས་མི་འཇུ། །མདོག་དཀར་ཁ་རོ་ལན་ཚྭ་མངར། །ལས་ཀྱི་མཐའ་ལས་འདམ་རིང་ངོ་། །དེ་ལྟར་ཇི་སྐད་བཤད་པ་ཡི། །མཚན་ཉིད་ཀྱིས་ནི་ནད་ཀུན་ཁྱབ། །དེ་ནི་མ་ཡེངས་ལྟ་སྩོགས་པས། །ཡང་དག་པར་ནི་ཤེས་པར་བྱ། །ནད་ཀྱི་གནས་སྐབས་དབྱེ་ཤེས་
[73b.3]པས། །ནད་པ་སྐད་ཅིག་རེ་རེར་བལྟ། །གོམས་པས་ངེས་པར་ཐོབ་འགྱུར་ཏེ། །ལས་རྣམས་གྲུབ་པ་གསལ་བྱེད་ཡིན། །རིན་ཆེན་ལ་སོགས་བཟང་ངན་ཤེས། །བསྟན་བཅོས་འབའ་ཞིག་ལས་མི་འབྱུང་། །ནད་ནི་འདི་ལྟར་རྣམ་གསུམ་སྟེ། །ལ་ལ་ཚེ་འདིའི་ཉེས་ལས་བྱུང་། །ལ་ལ་སྔོན་གྱི་ཉེས་ལས་བྱུང་། །
[73b.4]གཞན་དག་དེ་གཉིས་འདྲེས་ལས་བྱུང་། །ཉེས་འབྱུང་ནད་གཞི་ཇི་བཞིན་པར། །ལས་སྐྱེས་རྒྱུ་ནི་མེད་པ་ཡིན། །རྒྱུ་ཆུང་བ་ལ་དཀྱེལ་ཆེའི་ནང་། །ཉེས་དང་ལས་ལས་བྱུང་བ་ཡིན། །དང་པོ་མི་མཐུན་བཟའ་བ་ཡིན། །ལས་སྐྱེས་ལས་ནི་ཟད་པ་
[73b.5]སྟེ། །གཉི་ག་ལས་བྱུང་ཉེས་དང་ལས། །ཟད་པས་ཟད་པར་འགྱུར་བ་ཡིན། །ནད་ནི་རང་རྒྱུད་གཞན་རྒྱུད་ལས། །གཉིས་འགྱུར་མཐའ་འང་གཉིས་ཡིན་ཏེ། །སྔར་སྐྱེས་སྔ་མའི་ཚུལ་དུ་བཤད། །ཕྱི་སྐྱེས་པ་ནི་བླ་བརྣན་ཡིན། །རང་གནས་ཇི་བཞིན་གནས་པ་ནི། །རང་རྒྱུད་
[73b.6]ཅན་དེ་མཚན་ཉིད་གསལ། །གཞན་དག་དེ་ལས་གོ་བཟློག་པ། །དྲི་མའང་དེ་བཞིན་ཤེས་པར་གྱིས། །དེ་ནི་ནད་རེ་ལྡང་བ་ན། །མ་ཡེངས་པས་ནི་ཤེས་བྱ་སྟེ། །དེ་རྣམས་གཙོ་བོ་ཞི་བྱས་པས། །ཞི་འགྱུར་ཞི་བར་མ་གྱུར་ན། །དེ་བཞིན་ཕྱི་ནས་གསོ་བར་བྱ། །འོན་ཏེ་
[73b.7]བླ་བརྣན་སྟོབས་ཆེ་ན། །མྱུར་གསོ་དེ་ནད་ཀྱིས་གཟིར་བ། །ལུས་ལ་ཤས་ཆེར་གནོད་བྱེད་ཡིན། །ནད་ལ་རྣམ་པར་མི་མཁས་ཤེས། །ངོ་ཚ་ནམ་ཡང་མ་བྱེད་ཅིག །ནད་ཀྱི་འགྱུར་བ་ཐམས་ཅད་ཀྱི། །མིང་གི་ངེས་བསྟན་ཡོད་པ་མིན། །ཉེས་པ་དེ་ཉིད་འཁྲུགས་ནས་ནི། །ཁྱད་
[74a]
[74a.1]པར་དུ་ནི་ལྡང་གྱུར་ནས། །གནས་གཞན་དག་ཏུ་སོང་ནས་ནི། །ནད་ནི་མང་པོར་བྱེད་པར་འགྱུར། །དེ་བས་ནད་ཀྱི་རང་བཞིན་ནི། །རང་གནས་གཞན་དུ་འཕོས་པ་དང་། །རྒྱུ་ཡི་ཁྱད་པར་ཤེས་བྱས་ལ། །སྨན་དཔྱད་ཀྱིས་གསོ་མྱུར་དུ་བྱ། །གནོད་བྱ་ཡུལ་
[74a.2]དང་ཉམས་སྟོབས་དུས། །མེ་དྲོད་རང་བཞིན་ན་ཚོད་དང་། །སྙིང་སྟོབས་གོམས་དང་ཟས་རྣམས་ཀྱིས། །གནས་སྐབས་རྣམ་པ་ཐ་དད་པ། །འདི་དག་ཕྲ་མོ་ཡན་ཆད་བརྟག །ནད་དང་སྨན་གྱི་ཚུལ་བརྟགས་པས། །གང་ཞིག་གསོ་བ་ལ་འཇུག་པ། །དེ་ནི་ནམ་ཡང་འཁྲུལ་མི་
[74a.3]འགྱུར། །ནད་དཀྱེལ་ཆེ་བའམ་ཆུང་བ་དག །ཕོག་སྙ་ལུས་ཉམས་ཆེ་ཆུང་ལས། །གནོད་པར་བྱེད་པ་སྣང་འགྱུར་བས། །དེ་ལའང་མ་ཡེངས་ཉིད་དུ་བྱ། །སྨན་པ་ངན་པས་ནད་རྣམས་ནི། །ལྕི་བ་ཡང་བར་ཡོངས་རྟོག་ཅིང་། །ནད་ཉུང་དག་ཏུ་བརྟགས་པ་ཡིས། །
[74a.4]གསོ་བ་ལོག་པ་དག་ཏུ་འགྱུར། །དེ་བས་ཆུང་བའང་སྟོབས་ཆུང་བ། །དཀྱེལ་ཆེན་ནད་ལ་རབ་ཏུ་སྦྱོར། །སྦྱོར་བ་ཆུང་ངུར་སྦྱར་བ་ཡིས། །ནད་ནི་ཤིན་ཏུ་སློང་བ་ཡིན། །སྦྱོར་བའང་ལྷག་པར་སྦྱོར་བ་དང་། །ལོག་པར་སྦྱོར་བས་ཕྱིན་ཅི་ལོག །དྲི་མ་འབྱུང་བར་མི་ཟད་ཀྱི། །
[74a.5]ལུས་ཀྱང་ཤིན་ཏུ་མ་རུང་འགྱུར། །དེ་བས་རྟག་ཏུ་བརྩོན་པ་དང་། །ཐམས་ཅད་ཀུན་ཏུ་ལེགས་བརྟགས་ནས། །ཅི་ནས་ནད་མེད་བརྟན་གྱུར་པ། །དེ་ལྟར་སྨན་དཔྱད་སྦྱར་བར་གྱིས། །དེ་ནས་གཞན་ཡང་ནད་རྣམས་ནི། །འཕེལ་ཟད་དབྱེ་བས་བཤད་བྱ་སྟེ། །ཐ་དད་པ་ལས་གསུམ་
[74a.6]ཤེས་བྱ། །ལྡན་གསུམ་དེ་ཡང་དེ་དགུ་ཡིན། །མཉམ་པར་འཕེལ་བས་གསུམ་ཉིད་དེ། །གཅིག་རབ་ལྷག་པས་དྲུག་ཏུ་འགྱུར། །མ་ལུས་པ་ལས་བཅུ་གསུམ་ཡིན། །གཉིས་གཅིག་ལྷག་པ་ལས་དྲུག་སྟེ། །མཚུངས་ལས་གཅིག་ཡིན་རབ་དང་ནི། །རབ་མཆོག་
[74a.7]བརྟགས་པ་ལས་དྲུག་ཡིན། །དེ་ལྟར་ཉི་ཤུ་རྩ་ལྔ་ནི། །འཕེལ་བའོ་ཟད་པའང་དེ་སྙེད་ཡིན། །དེ་དག་རེ་རེ་འཕེལ་མཉམ་ཟད། །དྲུག་སྟེ་སླར་ཡང་དེ་དག་ནི། །གཅིག་ཟད་གཉིས་གཉིས་འཕེལ་བ་ནི། །གོ་བཟློག་བཅས་ལས་དྲུག་ཏུ་འགྱུར། །དབྱེ་བ་དྲུག་ཅུ་གཉིས་སུ་
[74b]
[74b.1]བསྟན། །དྲུག་ཅུ་གསུམ་པ་བདེར་གནས་རྒྱུ། །དེ་བཞིན་འདི་དག་དངས་མ་ཁྲག་སྩོགས་འདྲེས་པ་ལས། །ནད་ནི་ཟད་དང་མཉམ་དང་འཕེལ་བའི་དབྱེ་བ་ཡིས། །རབ་དང་རབ་མཆོག་དག་ལས་མཐའ་ཡས་ཉིད་འགྱུར་བར། །རང་བཞིན་ཅི་འདྲ་མ་ཡེངས་ཡིད་ཀྱིས་ཤེས་
[74b.2]པར་གྱིས། །ཡན་ལག་བརྒྱད་པའི་སྙིང་པོ་བསྡུས་པ་ལས། མདོའི་གནས་ཀྱི་ལེའུ་བཅུ་གཉིས་པའོ།། །།དེ་ནས་ནད་གསོ་བའི་ཐབས་ཀྱི་ལེའུ་བཤད་པར་བྱའོ། །རླུང་ནད་གསོ་བ་སྣུམ་དང་ནི། །དུགས་དང་སྦྱང་བ་འཇམ་རྩི་དང་། །མངར་སྐྱུར་ལན་ཚྭ་བྲོ་བ་ཡི། །
[74b.3]ཟས་དང་བསྐུ་ཞིང་མཉེ་བ་དང་། །དཀྲི་སྣུན་སྨན་ཆུ་བླུགས་པ་དང་། །གྲོ་ཆང་འབྲས་ཆང་བུ་རམ་ཆང་། །སྣུམ་དྲོ་འཇམ་རྩི་གཏང་བ་ནི། །འཇམ་རྩི་ངེས་པ་བདེ་དགའ་དང་། །སྐྱེ་གནས་དུ་མའི་སྣུམ་དག་ནི། །དྲོད་ཆེ་འཇུ་བར་བྱེད་གཡོས་སྦྱར། །ཁྱད་པར་དུ་ནི་ཤ་ཚོན་དང་། །ཏིལ་
[74b.4]མར་དང་སྦྱར་འཇམ་རྩི་བྱ། །མཁྲིས་པ་མར་སར་བླུད་པ་དང་། །མངར་ཞིང་བསིལ་བའི་བཀྲུ་སྨན་དང་། །མངར་དང་ཁ་དང་བསྐ་བ་ཡི། །ཟས་དང་སྨན་ནི་སྦྱིན་པ་དང་། །དྲི་བཟང་བསིལ་ཞིང་ཡིད་འོང་བའི། །དྲི་ནི་ཉེ་བར་བསྟེན་པ་དང་། །མགུལ་དུ་དོ་ཤལ་སེ་མོ་དོ། །ནོར་
[74b.5]བུ་བྲང་དུ་གདགས་པར་བྱ། །ག་བུར་ཙནྡན་ཨུར་ཤི་རའི། །བྱུག་པས་སྐད་ཅིག་རེ་རེ་བསྐུ། །སྲོད་ལ་རྡོ་ཐལ་ཅན་ཟླ་ཟེར། །ཡིད་འོང་གླུ་དང་སེར་བསིལ་བསྟེན། །བག་ཕེབས་མཛའ་བོ་བདེ་བ་དང་། །བུ་ལ་གཞོན་སྐད་ཉམས་རངས་སྨྲ། །ཆུང་མ་ཡིད་མཐུན་ལས་བྱེད་ཅིང་། །
[74b.6]སྡུག་ཅིག་ཡོན་ཏན་རྣམས་ཀྱིས་བརྒྱན། །ཁང་པ་ཉི་རིམ་ཆུ་བསིལ་བླུགས། །སྐྱེད་མོས་ཚལ་རྫིང་བཟང་པོ་ནི། །རྒྱ་ཚ་དང་ནི་སྟེགས་བཅས་པ། །ཆུས་བརླན་བྱེ་མ་བསིལ་བ་དང་། །སྤྱིལ་བུ་ལུས་ཚད་ཤིང་ཁེབས་དང་། །ཆུ་འགྲམ་པདྨར་བཅས་པར་ནི། །བདེ་གནས་
[74b.7]ཁྱད་པར་འོ་མ་དང་། །མར་སར་བཟའ་དང་བཀྲུ་སྨན་བྱ། །བད་ཀན་ཆོ་གར་ལྡན་པར་ནི། །སྐྱུག་སྨན་བཀྲུ་སྨན་རྣོན་པོ་བཏང་། །ཟས་ནི་རྩུབ་ཆུང་རྣོ་ཞིང་དྲོ། །ཚ་ཞིང་ཁ་དང་བསྐ་བ་བཟའ། །ཆང་ནི་ཡུན་རིངས་ལོན་པ་བཏུང་། །རྩེ་དགའ་དང་ནི་གཉིད་མི་ལོག །རྩོལ་
[75a]
[75a.1]བའི་ཚུལ་ནི་སྣ་ཚོགས་དང་། །སེམས་ལས་རྩུབ་པས་མཉེ་བ་དང་། །ཁྱད་པར་སྨན་ཁུ་སྐྱུག་སྨན་བཏང་། །སྦྲང་རྩི་ཚིལ་འཇོམས་སྨན་བསྟེན་བྱ། །སྨྱུང་བདུད་བདུག་མཁུར་བཀང་དབོ། །བདེ་བ་མེད་ཉིད་བདེ་ཕྱིར་བྱ། །ནད་རྣམས་སོ་སོར་གསོ་བ་དང་། །ནད་ལས་དཔགས་
[75a.2]ཏེ་བཤད་པ་ཡིན། །ལྡན་པ་དང་ནི་འདུས་པ་དག །དེ་ནི་སོ་སོའི་ཚུལ་བཞིན་བརྟག །རླུང་ནི་ཟུང་དུ་འཇུག་པས་ན། །རླུང་མཁྲིས་ཕལ་ཆེར་སོ་གའི་བྱ། །བད་ཀན་རླུང་ལ་དཔྱིད་ཀྱི་བྱ། །བད་ཀན་མཁྲིས་པ་སྟོན་གྱི་བྱ། །ཟུང་དུ་འཇུག་པ་རླུང་གི་མཆོག །ཡང་དག་འདྲེས་པས་གཉིས་བདག་ཅན། །
[75a.3]མེ་དང་ལྡན་པས་སྲེག་པར་བྱེད། །ཟླ་བ་ལྡན་པས་བསིལ་བར་བྱེད། །ནད་ནི་དཀྱེལ་སོགས་དུས་སུ་བསལ། །ལྡང་ན་གཞན་དོན་མེད་པར་གསོ། །ཐམས་ཅད་ལྡན་ན་ཚབས་ཆེ་བ། །ནད་གཞན་གནོད་པ་མེད་པར་གསོ། །ནད་ནི་སྦྱོར་བས་ཞི་བྱ་བ། །གང་གཞན་ལྡང་བར་བྱེད་པ་དག །དེ་ནི་དག་
[75a.4]མིན་གཞན་དག་ནི། །ལྡང་བར་མི་འགྱུར་རྣམ་དག་ཡིན། །རྩོལ་དྲག་ཚ་བ་རྣོ་བ་དང་། །གནོད་པར་འགྱུར་བ་སྤྱད་པས་ཀྱང་། །ཁོང་པ་ཡན་ལག་རུས་པ་དང་། །གནད་དུ་རླུང་ནི་འཇུག་པར་འགྱུར། །དེ་བཞིན་དེ་ལ་རྩ་སྒོ་ནི། །རྣམ་པར་སྦྱངས་པས་འབྱུང་བར་འགྱུར། །སྨིན་བྱས་རླུང་ནི་
[75a.5]ཚར་བཅད་པས། །ཁོང་པའི་ནང་དུ་འདུ་བར་འགྱུར། །དེར་གནས་ནས་ཀྱང་རྒྱུ་དག་ལ། །སྡོད་ཅིང་རིང་དུ་ཐོགས་པ་ཡིན། །དེ་ནི་དུས་སོགས་སྟོབས་ཐོབ་ནས། །གཞན་ལ་བརྟེན་ཡང་ལྡང་བར་བྱེད། །དེ་ལ་གནས་གཞན་གནས་པ་ནི། །དེ་ཉིད་སྟོབས་ནི་མེད་ཉིད་ལ། །གསོ་བར་བྱ་བ་རང་གི་
[75a.6]ནི། །སྟོབས་ཀྱིས་གཞན་ཟིལ་གནོན་བྱེད་ནའོ། །བླ་བརྣན་ནད་ནི་ཞི་བྱས་ན། །རང་གནས་གནས་པ་གསོ་མི་དགོས། །ཕལ་ཆེར་རྩིབ་ལོགས་འགྲོ་བའི་ནད། །ནད་པ་ཡུན་རིངས་ཉོན་མོངས་བྱེད། །ལུས་མེའི་སྟོབས་ནི་ཤེས་པ་ཡིས། །དེ་ལ་རིངས་ཐབས་དག་མི་བྱ། །དེ་ནི་སྦྱོར་བས་ཞི་བྱའམ། །
[75a.7]ཁོང་དུ་བདེ་བར་བསྡུ་བར་བྱ། །ཁོང་དུ་འདུས་པར་ཤེས་ནས་ནི། །ཇི་ལྟར་ཉེ་བ་བཞིན་དུ་བསལ། །བུ་ག་འབྱུང་འགགས་སྟོབས་ཉམས་ཤིང་། །ལྕི་ཞིང་རླུང་ནི་ཁུང་དུ་འཁྲུལ། །ཁོང་སྙོམ་མི་འཇུ་མཆིལ་མ་མང་། །བཤང་གཅི་སྲི་དུབ་ཟས་མི་ལེན། །ནད་རྩེ་མ་ཞིལ་སྤྱི་ཡི་རྟགས། །རྩེ་
[75b]
[75b.1]ཞིལ་དེ་ལས་བཟློག་པ་ཡིན། །ཁོང་བའི་དྲོད་སྟོབས་ཆུང་ཉིད་ཀྱིས། །ལུས་ཟུངས་དང་པོ་མི་འཇུ་བ། །ནད་ནི་ཕོ་བར་ཞུགས་པ་དག །དངས་མ་མ་ཞུ་ཡིན་པར་བཤད། །གཞན་དག་ནད་ཉིད་རབ་འཁྲུགས་པ། །རབ་སྡུག་ཕན་ཚུན་འདོམས་ལས་བྱུང་། །ཀོ་དྲ་བ་ཡི་དུག་བཞིན་དུ། །ནད་ཚབས་ཆེན་པོ་
[75b.2]འབྱུང་བར་བཤད། །ནད་ཚབས་དེ་དང་འདྲེས་པ་དང་། །གནོད་པ་གནོད་བྱ་གནོད་འགྱུར་དང་། །ནད་གཞན་གང་དག་དེ་ལས་བྱུང་། །མ་ཞུ་བ་དང་བཅས་པར་བཤད། །དེ་ནི་ལུས་ཀུན་ཞུགས་གྱུར་པ། །ནད་ནང་ཞུགས་ཏེ་རྩེ་མ་བཅིལ། །མ་སྨིན་དབྱུང་བར་མི་བྱ་སྟེ། །མ་སྨིན་ཤིང་ཐོག་
[75b.3]ཁུ་བར་མཚུངས། །དེ་ནི་དབྱུང་བར་དཀའ་བས་ན། །རྟེན་ནི་འཇིག་པར་བྱེད་པར་འགྱུར། །དེ་ནི་སྨིན་དང་དྲོད་སྐྱེད་སྣུམ། །དུགས་བྱ་རྩེ་བཅིལ་དེ་བསིལ་བ། །ཇི་ལྟར་ཉེ་དང་སྟོབས་ཇི་བཞིན། །སྦྱངས་པའི་དུས་སུ་བསལ་བར་བྱ། །ཁ་ནས་རིགས་པར་སྨན་བཏང་བས། །མ་ཞུའི་གནས་
[75b.4]ལས་ནད་མྱུར་བསལ། །ནམ་ཚོད་ཡན་ཆད་སྣ་སྨན་གྱིས། །ཞུ་བའི་གནས་ཡོང་མས་གཏོང་བསལ། །སྟེང་ངམ་འོག་ཏུ་འབྱུང་བར་རྩོམ། །ནད་ནི་རང་ཉིད་འབྱུང་བས་ན། །སྨན་གྱིས་ནད་ནི་མི་དགག་སྟེ། །བཀག་ན་དེ་ཉིད་ནད་སྐྱེད་འགྱུར། །དེ་བས་དང་པོར་ནད་འབྱུང་ལ། །བསྡད་དེ་ཕན་
[75b.5]པར་བཟའ་བར་བྱ། །འཁྱིལ་ལ་སྨིན་པ་དེ་དང་དེས། །སྨིན་བྱས་དེ་བཞིན་བསལ་བར་བྱ། །དབྱར་སྟོན་ཐ་ཆུངས་དཔྱིད་ཟླ་འབྲིང་། །ཐུན་མོང་དུས་སུ་རིམ་བཞིན་དུ། །སོ་ག་དབྱར་དང་དགུན་བསགས་པའི། །རླུང་སོགས་ནད་ནི་མྱུར་དུ་བསལ། །སོ་ག་དབྱར་དང་དགུན་གྱི་ཚེ། །རབ་ཚ་ཆར་དང་
[75b.6]གྲང་བའི་དུས། །དེ་རྣམས་དུས་མཚམས་ཐུན་མོང་སྟེ། །དེ་ཚེ་ནད་ནི་མི་བཟང་བསལ། །ཐ་མལ་བདེ་གནས་དབང་བྱས་ཀྱི། །ནད་པ་ནད་ཀྱི་དབང་དུ་ནི། །གྲང་ཚ་ཆར་གྱི་དུས་དག་གི །གཉེན་པོ་ཇི་བཞིན་བྱས་ནས་ནི། །སྦྱོར་བའི་དུས་སུ་བབ་པ་ན། །བྱ་བ་དུས་ལ་མི་སྡོད་དོ། །སྨན་ནི་
[75b.7]ཟས་མ་ཟོས་སྔོན་དང་། །དབུས་དང་མཐའ་དང་ཁམ་གྱི་བར། །ཟས་བར་ཙེག་བུ་ཟས་བཅས་དང་། །ཟས་མནན་མཚན་མོ་བཏུང་བའོ། །བད་ཀན་བདོ་འདས་ནད་པ་ནི། །ཉམས་སྟོབས་ལྡན་ལ་མ་ཟོས་བཏང་། །ཐུར་སེལ་རླུང་ལ་ཟས་སྔར་བཏང་། །མཉམ་གནས་ལྡང་ལ་བར་དུ་ཡིན། །
[76a]
[76a.1]ཁྱབ་བྱེད་ནང་པར་ཟས་ཟའི་མཐར། །གྱེན་རྒྱུའི་རླུང་ལ་དགོངས་ཀའོ། །སྲོག་ཅེས་བྱ་བའི་རླུང་ལྡང་ལ། །ཁམ་གྱི་བར་དང་ཟས་བར་བཟའ། །དུགས་དང་སྐྱུགས་ལུད་དབུགས་མི་བདེ། །སྐོམ་དད་སྐྱེ་ལ་ཙེག་བུའོ། །ཡི་ག་འཆུས་ལ་སྣ་ཚོགས་ཟས། །སྨན་དང་ཟས་
[76a.2]བཅས་སྦྱར་བར་བྱ། །སྐྱིགས་བུ་ལུས་འདར་ལག་འདར་དང་། །ཟས་ཉུང་ཟ་ལ་མནན་པ་གཏང་། །ནམ་ཚོང་ཡན་ཆད་ནད་ལ་ནི། །མཚན་མོའི་དུས་སུ་བཏང་བ་བསྔགས། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་བཅུ་གསུམ་པའོ།། །།དེ་
[76a.3]ནས་གསོ་བའི་ཐབས་རྣམ་པ་གཉིས་བསྟན་པའི་ལེའུ་བཤད་པར་བྱའོ། །གསོ་བ་རྣམ་པ་གཉིས་ཡིན་ཕྱིར། །གསོ་ཐབས་རྣམ་པ་གཉིས་སུ་འདོད། །དེ་གཅིག་བརྟ་བར་བྱ་བ་ཡིན། །གཉིས་པ་ཉམས་ནི་སྨད་པའོ། །དེ་དག་རྒྱས་བྱ་སྨྱུང་བ་ཞེས། །རྣམ་གྲངས་དག་ཏུ་བཤད་པ་ཡིན། །
[76a.4]ལུས་ཤ་རྒྱས་ཕྱིར་རྒྱས་བྱ་སྟེ། །ཡང་བ་ཉིད་ཕྱིར་སྨྱུང་བར་བྱ། །དེ་ནི་ཕལ་ཆེར་ས་ཆུ་དང་། །ཅིག་ཤོས་ལས་ནི་གྱུར་པ་ཡིན། །ལས་གང་སྣུམ་དང་དགག་པ་དང་། །དུགས་དང་ཁོང་རྩུབ་བྱ་བ་སྟེ། །འབྱུང་བ་དེ་ཡང་གཉིས་ཡིན་ཕྱིར། །གཉིས་ལས་འདའ་བར་མི་བྱེད་དོ། །དེ་
[76a.5]ལའང་སྦྱོང་དང་ཞི་བྱ་བ། །རྣམ་པ་གཉིས་པོ་སྨྱུང་བ་ཡིན། །གང་ཞིག་ནད་ནི་ཕྱིར་འབྱིན་པ། །སྦྱོང་ཡིན་དེ་ནི་རྣམ་ལྔ་སྟེ། །མས་གཏོང་སྐྱུགས་སྨན་ལུས་ནད་བཀྲུ། །མགོ་བོའི་ནད་བཀྲུ་གཏར་གས་དབྱུང་། །གང་ཞིག་ནད་ནི་མི་སྦྱོང་དང་། །སྙོམས་གནས་གློངས་པ་མ་ཡོན་དང་། །མ་
[76a.6]སྙོམས་སྙོམས་པར་བྱེད་པ་དག །ཞི་བ་ཡིན་ཏེ་དེ་རྣམས་བདུན། །སྨིན་དང་དྲོད་སྐྱེད་བཀྲེས་སྐོམ་དང་། །རྩོལ་བཅག་ཉི་ཚན་སེར་བུ་བསིལ། །བརྟ་བ་དག་ནི་རླུང་དང་ནི། །རླུང་བཅས་མཁྲིས་པ་ཞི་བྱེད་ཡིན། །བརྟ་བྱ་ནད་དང་སྨན་དང་ཆང་། །བུད་མེད་མྱ་ངན་གྱིས་ཉམ་ཆུང་། །ཁུར་དང་
[76a.7]ལམ་གྱིས་གློ་རྡོལ་དང་། །ལུས་རྩུབ་ཉམས་དམའ་རླུང་ཤས་ཆེ། །སྦྲུམ་མ་བུ་བཙས་བྱིས་པ་རྒན། །སོ་གའི་དུས་དང་གཞན་ཡང་བརྟ། །ཤ་དང་འོ་མ་ཀ་ར་དཀར། །མར་སར་མངར་བག་མས་གཏོང་དང་། །གཉིད་ལོག་ཉལ་བདེ་བསྐུ་བྱུག་དང་། །ཁྲུས་དང་བདེར་གནས་ཉམས་དགའ་བརྟ། །
[76b]
[76b.1]གཅིན་སྙི་མ་ཞུ་སྣུམ་རབ་ཟོས། །རིམས་བཏབ་བརླ་རེངས་མཛེ་ནད་ཅན། །ཤུབ་ཁོང་འབྲས་མཆེར་པ་ན། །གླད་ནད་ལྐོག་ནད་མིག་ནད་དང་། །སྦོམ་པོ་དགུན་དང་གཞན་དག་ཀྱང་། །རྟག་ཏུ་སྨྱུང་བར་བྱ་བ་ཡིན། །དེ་ལ་སྦྱང་བྱ་ཤས་ཆེ་སྦོམ། །སྟོབས་ལྡན་མཁྲིས་པ་བད་ཀན་
[76b.2]རྒྱས། །མ་ཞུའི་ནད་དང་རིམས་དང་སྐྱུག །ཚད་པས་འཁྲུ་དང་སྙིང་ནད་ཅན། །ལུས་ལྕི་སྒྲེགས་མང་བཤང་གཅི་འགགས། །ཡི་ག་འཆུས་སོགས་ཀྱིས་ན་བ། །འབྲིང་ཙམ་སྤོམ་སོགས་ཕལ་ཆེར་ནི། །དང་པོར་སྨིན་དང་དྲོད་བསྐྱེད་བྱ། །ནད་ནི་འདི་དག་གིས་ཉམ་ཐག །སྦོམ་
[76b.3]དང་སྟོབས་སོགས་ཆུང་བ་ལ། །བཀྲེས་དང་སྐོམ་པས་ཚར་བཅད་དོ། །ནད་ཀྱིས་ཉམ་ཐག་སྟོབས་འབྲིང་བརྟན། །སེར་བུ་ཚ་རྩོལ་གྱིས་སྨད་ན། །ཉམ་ཆུང་མི་བརྟ་སྨོས་ཅི་དགོས། །ཉམས་སྨད་བྱ་བ་བརྟ་མི་བྱ། །བརྟ་བྱ་ཉམས་སྨད་འཇམ་པོས་བྱ། །ཡང་ན་ཡུལ་དང་སྟོབས་
[76b.4]སོགས་ལས། །རིགས་པས་དེ་ནི་ཉེ་བར་སྤྱད། །བརྟ་བས་སྟོབས་ནི་འཕེལ་བ་དང་། །དེ་ཡིས་བསྒྲུབ་བྱའི་ནད་ཟད་འགྱུར། །སྨྱུང་བས་དབང་གསལ་དྲི་མ་རྣམས། །མི་སྲི་ཁོང་ཡང་ཡི་ག་འབྱེ། །བཀྲེས་དང་སྐོམ་པ་ལྷན་ཅིག་འབྱུང་། །དང་ག་སྙིང་དང་སྒྲེགས་པ་དག །ནད་ཀྱི་རྩེ་
[76b.5]ཞིལ་སྤྲོ་བ་ཆེ། །སྙོམ་བག་མེད་པ་དག་ཏུ་འགྱུར། །དེ་དག་ཚད་ལ་སོགས་པ་དང་། །མི་ལྡན་སྟེན་པར་བྱེད་པ་དག །རབ་སྦོམ་རབ་ཏུ་སྐེམ་སོགས་འགྱུར། །དེ་ཡང་སྨན་བཅས་བཤད་པ་ཡིན། །ཚུལ་ནི་ཤིན་ཏུ་བརྟ་བ་དང་། །ཉམས་སྨད་དེ་ཉིད་ལས་ཤེས་བྱ། །ཤིན་ཏུ་ཚོ་ཆེས་
[76b.6]འབྲུམ་གཅིན་སྙི། །རིམས་དང་དམུ་རྫིང་མཚན་བར་རྡོལ། །ལུས་རྨོངས་གཅིན་སྲི་བེེའུ་སྣབས་ཆགས། །མཛེ་ལ་སོགས་པ་མི་བཟད་འབྱུང་། །དེ་ལ་ཚིལ་དང་རླུང་བད་ཀན། །སེལ་བར་བྱེད་པ་ཐམས་ཅད་ཕན། །ཛུར་ན་ཁྲེ་རྒོད་ཀུ་ལངྠ། །ནས་དང་སྲན་ཆུང་མོན་སྲན་སྡེའུ། །དར་
[76b.7]བ་དར་རྙིང་ཞོ་ག་ཆུ། །སེམས་ལས་བྱ་དང་མི་ཉལ་བྱ། །སྦྲང་རྩི་འབྲས་བུ་གསུམ་པའམ། །སླེ་ཏྲེས་གླ་སྒང་ཨ་རུ་ར། །སྐྱེར་ཁཎྜ་དང་རྩ་བ་ནི། །ཆེན་པོ་ལྔ་དང་གུ་གུལ་དང་། །བྲག་ཞུན་གྱི་ནི་སྦྱོར་བ་དང་། །ཨག་ནི་མན་ཐའི་ཁུ་བཅས་ཕན། །ནས་ཚིག་འཁུས་ཐལ་བྱི་དང་ག །
[77a]
[77a.1]བཅའ་སྒ་ལྕགས་ཕྱེ་སྦྲང་རྩི་དང་། །ནས་དང་སྐྱུ་རུའི་ཕྱེ་མ་ཡི། །སྦྱོར་བས་ཤིན་ཏུ་ཚོ་ནད་སེལ། །ཚ་གསུམ་འབྲས་གསུམ་པུ་ཙེ་ཤེལ། །ཤི་ཀྲུ་བྱི་དང་པོ་སྛིར། །ཤིང་ཀུན་གོ་སྙོད་ཁ་རུ་ཚ། །ལ་ལ་ཕུད་དང་འུ་སུ་དང་། །ཀྲུ་ཏྲུག་ཏྲེས་དང་སེར་པོ་གཉིས།
[77a.2]བྲི་ཧ་གཉིས་དང་ཆུ་རྩི་མོ། །ཧ་པུ་ཤ་དང་པ་ཏ་དང་། །ཀེ་པུ་ཀ་ཡི་རྩ་བ་སྟེ། །འདི་རྣམས་ཕྱེ་མ་མར་སྦྲང་རྩི། །ཏིལ་མར་དག་ནི་ཆ་སྙོམས་པ། །ནས་ཕྱེའི་ཆ་ནི་བཅུ་དྲུག་བསྐྱེད། །སྦྱར་བ་འཐུངས་ན་དེ་འཇོམས་སོ། །ཤིན་ཏུ་ཤས་ཆེའི་བདག་ཉིད་ཀུན། །གཞན་ཡང་དེ་འདྲའི་
[77a.3]ནད་རྣམས་དང་། །སྙིང་ནད་མིག་སེར་ཤ་བཀྲ་དང་། །ལུས་དབུགས་མི་བདེ་ལྐོག་ནད་སེལ། །བློ་དང་ཡིད་གཞུངས་སེམས་དྲན་བྱེད། །ཟས་འཇུ་ཕོ་བའི་དྲོད་ཀྱང་སྐྱེད། །སྨྱུང་དྲགས་རབ་སྐམ་མགོ་འཁོར་ལུད། །སྐོམ་དད་ཆེ་ཞིང་ཡི་ག་འཆུས། །སྣུམ་དྲོད་གཉིད་མིག་རྣ་བ་
[77a.4]ཉམས། །ཁུ་བ་གཟི་མདངས་སྐད་གསང་ཟད། །རྒུ་སོ་སྙིང་ཀླད་བྱིན་པ་བརླ། །དཀུ་དོ་རྩིབ་ལོགས་ན་རིམས་འདེབས། །ཚིག་མང་སྟོང་དུ་རླུང་ནད་འཇུག །རྨྱ་ཞིང་སྐྱུག་བྲོ་རུས་ཚིགས་ན། །བཤང་གཅི་སྲི་བ་ལ་སོགས་པ། །སྨྱུང་བ་དྲགས་པས་འབྱུང་བར་འགྱུར། །
[77a.5]རབ་ཏུ་ཚོ་བས་སྐེམ་ཉིད་མཆོག །ཤིན་ཏུ་ཚོ་དྲགས་པ་ཡི་སྨན། །ཤིན་ཏུ་ཚིལ་ཆེས་མེ་རླུང་སེལ། །བརྟ་དང་ཉམས་སྨད་ཡོད་མ་ཡིན། །གང་ཞིག་མངར་དང་སྣུམ་བག་བཟའ། །བསོད་བདེ་དག་གིས་སྐེམ་པ་སེལ། །དེ་ལས་ཤིན་ཏུ་བཟློག་པ་དག །ངེས་པར་བསྟེན་པས་སྦོམ་
[77a.6]ཉིད་སེལ། །དེ་ལ་བཟའ་བཏུང་སྨན་རྣམས་ནི། །བརྟ་བར་བྱེད་པ་ཐམས་ཅད་སྦྱར། །སེམས་ལས་མེད་དང་དགའ་བ་དང་། །ངེས་པར་བརྟ་བར་བྱ་བ་དང་། གཉིད་ཆེར་ལོག་པས་སྐམ་པ་ཡང་། །ཕག་དང་འདྲ་བར་ལུས་རྒྱས་གྱུར། །ལུས་ནི་བརྟས་ཤིང་ཚོ་བྱེད་པ། །ཤ་
[77a.7]དང་འདྲ་བ་གང་ཡང་མེད། །ཤ་མི་ཟ་ལ་ཤ་ཟའི་ཤས། །ལུས་ནི་ཤིན་ཏུ་བརྟས་བྱེད་ཡིན། །སྦོམ་ལ་ཉམས་སྨད་ལྕི་བས་བྱ། །དེ་ལས་བཟློག་པ་སྐེམ་ལ་ཕན། །ནས་དང་གྲོ་ནི་གཉིས་ཀ་ལ། །དེ་ལ་འོས་པར་བྱེད་པས་བརྟག །ནད་ཀྱི་དབྱེ་བ་ཐ་དད་ཀྱི། །གཅོད་འཁྲུལ་
[77b]
[77b.1]སོགས་དབྱེ་བ་ཡིས། །ནད་ལྟར་ཐ་དད་གྱུར་ཀྱང་ནི། །གསོ་བ་གཉིས་ལས་ཡོད་མ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། མདོའི་གནས་ཀྱི་ལེའུ་བཅུ་བཞི་པའོ།། །།དེ་ནས་སྦྱང་བ་ལ་སྩོགས་པ་སྨན་གྱི་སྡེ་ཚན་འདུས་པའི་ལེའུ་བཤད་པར་བྱའོ། །པོ་
[77b.2]སོན་ཆ་དང་ཤིང་མངར་དང་། །ཀུ་བ་ཁ་བོ་ནིམ་པ་དང་། །བིམ་པ་ག་གོན་བི་ཤ་ལ། །དུག་མོ་ཉུང་དང་མུར་བ་དང་། །དེ་བ་ད་ལི་བྱི་དང་ག །ལྕང་མ་ཙི་ཏྲ་ཀྲུ་ཏྲུག་ཏྲེས། །ཀོ་ཤ་པ་ཏི་ཀ་རཉྫ། །པི་པི་ལིང་དང་རྒྱམ་ཚ་དང་། །ཤུ་དག་སུག་སྨེལ་ཡུངས་ཀར་ཏེ། །འདི་དག་སྐྱུགས་
[77b.3]བའི་སྨན་གྱི་སྡེ། །དན་ཏི་དང་ནི་ཏྲི་བིད་ཏ། །འབྲས་བུ་གསུམ་དང་བི་ཤ་ལ། །ཤང་ཀི་ནི་དང་སྣུ་ཧ་དང་། །སེང་ཕྲོམ་དོང་ག་ནི་ལི་ནི། །ཁྲོན་བུ་དང་ནི་ཀམ་པི་ལྱ། །འོ་མ་བ་གཅིན་འཁྲུ་བར་བྱེད། །པོ་སོན་ཆ་དང་དུག་མོ་ཉུང་། །རུ་རྟ་དེ་བ་ད་ལི་དང་། །ཤིང་མངར་ཤུ་དག་
[77b.4]རྩ་བ་བཅུ། །ཐང་ཤིང་ར་སྣལ་ལ་ཕུད། །ཤ་ཏ་པུས་པ་པ་ཏ་ལ། །རྒྱ་སྲན་ནག་པོ་སྦྲང་རྩི་དང་། །རྒྱམ་ཚ་ལྕེ་ཚ་ཤིང་ཉེ་རོ། །འདི་དག་མས་གཏོང་བཀྲུ་སྨན་ཏེ། །ཨ་བ་མརྒ་བྱི་དང་ག །ཚ་བ་གསུམ་དང་སྐྱེར་པའི་རྩ། །སུ་ར་ལ་དང་ཤི་རི་ཥ། །བྲི་ཉད་ཤི་ཀྲུའི་ས་བོན་
[77b.5]དང་། །སེང་ལྡེང་མ་དུ་ཀའི་སྙིང་པོ། །རྒྱམ་ཚ་དངུལ་རྡོ་ཕ་བོང་དྲེག །སུག་སྨེལ་གཉིས་དང་གོ་སྙོད་སྤོམ། །མགོ་བོའི་ནད་སྦྱོང་བྱེད་པ་ཡིན། །ཐང་ཤིང་རྒྱ་སྤོས་རུ་རྟ་དང་། །རྩ་བ་བཅུ་དང་བལ་གཉིས། །བི་ར་ཏ་རིའི་སྨན་སྡེར་གཏོགས། །བི་ད་རི་སོགས་རླུང་ནད་སེལ། །
[77b.6]དཱུར་བ་དང་ནི་བྱི་ཚེར་བ། །ནིམ་པ་བ་ཤ་ཀའི་ལོ་མ། །ཁ་སྲལ་ཕྲེའུ་འོལ་མ་སེ། །ཉེའུ་ཤིང་པ་ཞེས་བྱ་དང་། །ཤི་ཏ་བ་ཀི་པྲི་ཡང་ཀུ། །ནྱ་གྲོ་དྷ་སོགས་ཤུག་པ་སོགས། །སྠི་ར་རྣམ་གཉིས་པདྨའི་ཟེ། །བན་ནྱ་ཐལ་ཏྲེས་སོགས་མཁྲིས་སེལ། །དོང་ག་སོགས་དང་ཨརྐ་སོགས། །
[77b.7]མུངྒ་སོགས་དང་པོ་སོན་སོགས། །བྱེའུ་རུག་པ་སོགས་གླ་སྒང་སོགས། །དུག་མོ་ཉུང་སོགས་བད་ཀན་སེལ། །ཛི་བནྟི་དང་རམ་ཉེ་བ། །མེ་ད་མ་ཧཱ་མེ་ད་དང་། །མུངྒ་མ་ཤ་པརྞི་དང་། །ལྡུམ་བུ་ཟངས་རྩི་བ་དང་ནི། །ཛི་བ་ཀ་དང་ཤིང་མངར་ཏེ། །སྡེ་འདི་འཚོ་བྱེད་ཅེས་བྱ་
[78a]
[78a.1]ཡིན། །བིད་རི་དང་ཨེ་རཎྜ། །པྲིཥྩི་ཁ་ལི་པུརྞ་རྣ། །དེ་བ་ཧ་ས་དེ་བ་དང་། །པརྞི་གཉིས་དང་ཁ་སྲལ་དང་། །འཚོ་བྱེད་ལྔ་དང་རྩ་ཆུང་ལྔ། །ཐལ་ཏྲེས་དང་ནི་ལྕང་མ་དང་། །ཧཾ་ས་པ་ཏི་ཞེས་བྱ་རྣམས། །བི་ད་རི་སོགས་འདི་སྙིང་ཕན། །ཉམ་
[78a.2]ཆུང་རླུང་དང་མཁྲིས་པ་སེལ། །ལུས་སྐེམ་སྐྲན་ཚིགས་ཡན་ལག་ན། །དབུགས་མི་བདེ་དང་ལུད་པ་ལུ། །སེལ་བར་བྱེད་པའི་སྡེ་ཚན་ཡིན། །ཐལ་ཏྲེས་དང་ནི་པུ་ཤེལ་ཙེ། །ཏང་པ་ལ་དང་ནི་མ་དུ་ཀ། །ཙནྡན་དཀར་དང་དམར་བ་དང་། །ཤིང་མངར་པ་རུ་ཤ་ཀ་རྣམས། །ཚད་
[78a.3]པ་མཁྲིས་པ་ཁྲག་རྒྱས་དང་། །སྐོམ་དང་རིམས་ཀྱིས་བཏབ་པ་སེལ། །ཤུག་པ་པུཎྜ་རཱི་ཀ་དང་། །བྲྀཏྟི་རྀཏྟི་ཅུ་གང་དང་། །སྲིང་གི་སླེ་ཏྲེས་འཚོ་བྱེད་བཅུ། །ནུ་ཞོ་སྐྱེད་བྱེད་རླུང་མཁྲིས་སེལ། །ཉམ་ཆུང་ཚིམ་བྱེད་བརྟས་བྱེད་ལ། །འཚོ་བྱེད་རོ་ཙ་ཉིད་དུ་བྱེད། །པ་རུ་ཤ་དང་
[78a.4]འབྲས་བུ་གསུམ། །རྒུན་འབྲུམ་དང་ནི་ཀད་པ་ལ། །ཀ་ཏ་ཀའི་འབྲས་ར་ཛ་དན། །སེའུ་འབྲུ་བ་ར་ད་དུ་རྣམས། །སྐོམ་དང་ཆེ་དང་གཅིན་སྲི་དང་། །རླུང་གི་ནད་རྣམས་སེལ་བྱེད་ཡིན། །ཨཉྫ་ན་དང་ཕ་ལི་ནི། །སྤང་སྤོས་པདྨ་ཨུཏྤ་ལ། །སྐྱེར་ཁཎྜ་དང་སུག་སྨེལ་དང་། །
[78a.5]ཤིང་མངར་ནཱ་ག་གེ་སར་བཅས། །དུག་དང་ནང་གི་ཚ་བ་དང་། །མཁྲིས་པ་རྒྱས་པ་སེལ་བར་བྱེད། །པ་ཏོལ་དང་པུ་ཙེ་ཤེལ། །ཙནྡན་དཀར་པོ་མུར་བ་དང་། །སླེ་ཏྲེས་སྐྲ་ལོར་བཅས་པ་དག །བད་ཀན་མཁྲིས་པ་མཛེ་དང་རིམས། །དུག་དང་སྐྱུག་བྲོ་ཡི་ག་འཆུས། །མིག་སེར་
[78a.6]གྱི་ནི་ནད་རྣམས་འཇོམས། །སླེ་ཏྲེས་དང་ནི་ཤུག་པ་དང་། །ནིམ་པ་འུ་སུའི་འབྲས་བུ་དང་། །ཙནྡན་དམར་པོ་ཞེས་བྱ་རྣམས། །མཁྲིས་པ་དང་ནི་བད་ཀན་དང་། །རིམས་དང་སྐྱུག་བྲོ་ལུས་ཚ་དང་། །སྐོམ་དད་ཆེ་སེལ་མེ་དྲོད་སྐྱེད། །དོང་ག་དང་ནི་དུག་མོ་ཉུང་། །ཀ་ཀ་ཏིག་ཏ་
[78a.7]བ་ཏ་ལི། །ནིམ་པ་སླེ་ཏྲེས་དཱུར་བ་དང་། །མུར་བ་བི་དང་ཀ་ཏ་དང་། །པ་ཐ་ཅི་སྐྲིགས་ཤེ་རྒྱ་ཀ། །ཀ་རཉྫ་གཉིས་པ་ཏོ་ལ། །ལོ་མ་བདུན་པ་ཀྲུ་ཏྲུག་ཏྲེས། །སུ་ཥ་བྱི་ཏ་པོ་སོན་ཆ། །ས་ཧ་ར་ཙ་ཞེས་བྱ་དང་། །རྒྱ་ཤུག་གི་ནི་འབྲས་བུ་རྣམས། །དེ་ནི་སློན་བྲོ་མཛེ་ནད་དང་། །དུག་དང་
[78b]
[78b.1]རིམས་དང་བད་ཀན་དང་། །གཡན་པ་དང་ནི་གཅིན་སྙི་དང་། །རྨ་རེད་པ་རྣམས་སྦྱོང་བར་བྱེད། །ཨ་ས་ན་དང་ཏི་ནི་ཤ། །སྟག་པ་ཤྭེ་ཏ་བ་ཧ་དང་། །ཀ་ཏ་ར་དང་སེང་ལྡེང་དང་། །བན་ད་དང་ནི་ཤིང་ཤ་བ། །ཨ་ཛ་སྲིང་ག་ཙནྡན་གསུམ། །ཏ་ལ་ཨ་ཀར་པ་ལ་ཤ། །ས་
[78b.2]ལ་ཁ་ར་པ་ཏྲ་དང་། །དྷ་བ་ཀ་ལིང་ཀ་སྤྲོ་ཏོག །ཚ་ག་ཀརྣ་བད་ཚ་ཀ། །ཐ་རམ་ཞེས་ནི་བྱ་བ་སྟེ། །ཨ་སན་སོགས་དེ་རྣམས་ཀྱིས། །ཤ་བཀྲ་མཛེ་ནད་བད་ཀན་དང་། །སྲིན་ནད་སྐྱ་རྦབ་གཅིན་སྙི་དང་། །ཚོ་ཆེས་ནད་ནི་སེལ་བར་བྱེད། །བར་ན་ཤེ་རྒྱ་ཀ་གཉིས། །ཉེ་ཤིང་
[78b.3]ཙི་ཏྲ་མོ་ར་ཏ། །བིལ་བ་ཨཉྫ་སྲིང་གི་དང་། །བྲི་ཧ་ཏི་ནི་རྣམ་གཉིས་དང་། །ཀ་རཉྫ་གཉིས་ཛ་ཡ་གཉིས། །ཤི་ཀྲུ་ཀུ་ཤ་རུ་རྟའོ། །བ་ར་ནི་སོགས་བད་ཀན་ཚིལ། །མེ་དྲོད་ཆུང་དང་རླུང་ནད་འཁྱིམས། །ཀླད་པ་ལ་བརྟེན་ནད་སེལ་ཞིང་། །སྐྲན་དང་ཁོང་འབྲས་འཇོམས་པ་
[78b.4]ཡིན། །རུ་ཤ་ཀ་ཤིང་ཀུན་སྤངས་མ། །རྒྱམ་ཚ་བྲག་ཞུན་ནག་ཚུར་གཉིས། །གཅིན་སྲི་རྡེའུས་འགགས་པ་དང་། །སྐྲན་དང་ཚིལ་ཆེས་བད་ཀན་སེལ། །བེེ་ལན་ཏ་ར་ཨར་ནི། །སྦྲ་ཏོག་བྲི་ཤ་སྲུ་སྲུའི་རྩ། །ཨི་ཀ་ཏ་དང་གཟེམ་དང་། །ས་ཧ་ར་ཛ་བ་ན་དང་། །ཀ་ཤ་བྲྀཀྵ་ད་ནི་
[78b.5]དང་། །འདམ་བུ་ཀུ་ཤ་རྣམ་གཉིས་དང་། །ཀུནྠ་དང་ནི་ཁ་སྲལ་དང་། །བ་ལུ་ཀ་དང་མོ་ར་ཏ། །ཀུ་རུ་ཏ་དང་ཀ་རམ་པ། །ལྕམ་པ་ཞེས་བྱའི་སྨན་སྡེ་འདི། །བེ་ལེན་ཏ་ར་ལ་སོགས་པ། །རླུང་ལས་གྱུར་པའི་ནད་འཇོམས་ཤིང་། །རྡེའུའི་ཕྲེའུ་ཡོད་པ་དང་། །གཅིན་སྲི་བ་ཡི་ནད་
[78b.6]རྣམས་སེལ། །སེང་ཕྲོམ་ཤ་བ་ར་རོ་ཏྲ། །པ་ལ་ཤ་དང་ཛྷིན་ཛི་ནི། །ཐང་ཤིང་ཀད་པ་ལ་ར་སྣ། །ཀ་ཏམ་པ་དང་ཆུ་ཤིང་དང་། །ཨེ་ལ་བ་ལུ་ཨ་ཤྭ་ཀ། །པ་རི་པེ་ལ་མོ་ཙ་ཀ། །འདི་ནི་སེང་ཕྲོམ་སོགས་ཞེས་བྱ། །ཚིལ་ཆེས་བད་ཀན་སེལ་བའི་སྡེ། །མངལ་ནད་འཇོམས་ཤིང་
[78b.7]འཁྲུ་བ་གཅོད། །མདོག་བཟང་དུག་ནད་སེལ་བྱེད་ཡིན། །ཨརྐ་དང་ནི་ཨ་རལ་ཀ། །ནཱ་ག་དནྟི་བི་ཤ་ལྱེ། །ག་བྲ་ར་སྣ་བྲི་ཤལ། །ཨ་བ་མརྒ་ཀ་རཉྫ། །ཀ་ཀད་རི་ཀ་རཉྫ། །གི་རི་ཀར་གཉིས་ཨིཾ་གུ་དང་། །ཨརྐ་ལ་སོགས་སྡེ་ཚན་འདི། །བད་ཀན་ཚིལ་ཆེས་དུག་
[79a]
[79a.1]རྣམས་སེལ། །སྲིན་ནད་དང་ནི་མཛེ་ནད་འཇོམས། །ཁྱད་པར་དུ་ནི་རྨ་ལ་ཕན། །བྱེའུ་རུག་རྣམས་གཉིས་ཀུ་ཐེར། །ཀ་ལ་མལ་བྱི་དང་ག །ཁ་ར་པ་ཏྲ་ཀད་པ་ལ། །བྲི་ཤ་ཀརྞི་ཤ་ཀུན་ཏི། །སྐེ་ཚེ་ཀ་བིད་ཐའི་ལོ་མ། །ག་བྲ་མོན་སྣེའུ་ཀ་མུ་ཀ །
[79a.2]རྐང་མར་བི་ཤ་མུཥྛི་དང་། །བུ་སྲིན་དང་འབམ་པོའོ། །བྱེའུ་རུག་པ་ལ་སོགས་པའི་སྡེ། །བད་ཀན་ཚིལ་ཆེས་སྲིན་ནད་སེལ། །ཆམ་པ་ཡི་ག་འཆུས་ལུད་པ། །དབུགས་མི་བདེ་འཇོམས་རྨ་རེད་སྦྱོང་། །མུསྐ་ཀ་དང་སྣུ་ཧ་དང་། །འབྲས་བུ་གསུམ་དང་ཙི་ཏྲ་ཀ། །པ་ལ་ཤ་དང་
[79a.3]དྷ་བ་དང་། །ཤིང་ཤ་པ་ཞེས་བྱ་བ་རྣམས། །སྐྲན་དང་གཅིན་ནད་རྡེའུ་ཆགས། །སྐྱ་རྦབ་དང་ནི་ཚིལ་ཆེས་ནད། །བད་ཀན་རྒྱས་དང་ཁུ་བ་ཡི། །ནད་རྣམས་སེལ་བར་བྱེད་པ་ཡིན། །དུག་མོ་ཉུང་དང་མུར་བ་དང་། །བར་གི་དང་ནི་བུ་ཙེ་ཤེལ། །ན་ལེ་ཤམ་དང་བོང་ང་དཀར། །
[79a.4]ཆུ་སྒོག་སུག་སྨེལ་པ་ཏ་དང་། ཉུངས་ཀར་ཟིར་ཨུར་ལུ། །ཨ་ཟ་མོ་དང་པོ་སོན་ཆ། །ཤུ་དག་ཟི་ར་ནག་པོ་དང་། །ཤིང་ཀུན་དང་ནི་བྱི་དང་ག །པ་ཤུ་གནྡྷ་ཚ་བ་ལྔ། །རླུང་དང་བད་ཀན་ཚིལ་ཆེས་དང་། །ཆམ་པ་སྐྲན་དང་རིམས་དང་གཟེར། །གཞང་འབྲུམ་གྱི་ནི་ནད་རྣམས་
[79a.5]སེལ། །ཤུ་དག་གླ་སྒང་ཐང་ཤིང་དང་། །དོང་གྲ་བོང་ང་ཨ་རུར། །སེར་པོ་གཉིས་དང་ཤིང་མངར་དང་། །ཀྲྀཥྞ་པརྞི་དུག་མོ་ཉུང་། །ཤུ་དག་ཡུང་བ་ལ་སོགས་སྡེ། །བེེའུ་སྣབས་ཚད་པས་འཁྲུ་སྨིན་གཅོད། །ཚིལ་ཆེས་བད་ཀན་རྒྱས་རླུང་འཁྱིལ། །ནུ་མའི་ནད་རྣམས་སེལ་བར་བྱེད།
[79a.6]པྲི་ཡངྐུ་དང་ར་གན་དུད། །ལིག་བུ་མིག་དང་སྟང་ཟིལ་དང་། །ལྕིམ་རྩ་པདྨ་གེ་སར་དང་། །བཙོད་དང་ཡ་བ་ཤ་ཀ་དང་། །ཤལ་མ་ལི་དང་དེའི་ཁུ་བ། །ས་མང་ག་དང་བུན་མ། །ཙནྡན་ད་ཏ་ཀའི་མེ་ཏོག །ཨཾ་པ་ཤ་དང་ཤིང་མངར་དང་། །ན་མ་ཀ་ར་ཏུ་ནི་ཤིང་། །རྒྱ་སྐྱེགས་
[79a.7]ཤིང་དང་ཀད་ཚུར། །སེང་ཕྲོམ་བིལ་རྐང་ད་ཏ་ཀི། །པདྨའི་གེ་སར་ཀ་ཏང་ཀ །པྲི་ཡང་ཨཾ་པསྠ་སྡེ་གཉིས། །ཞུ་བའི་ཚད་པའི་འཁྲུ་བ་སེལ། །འབྱོར་བྱེད་མཁྲིས་པ་དག་ལ་ཕན། །རྨ་ཡང་འཚོབ་པར་བྱེད་པ་ཡིན། །ཀླ་སྒང་ཤུ་དག་ཀྲུ་ཏྲུག་ཏྲེས། །སེར་པོ་གཉིས་དང་ཁ་བ་
[79b]
[79b.1]གཉིས། །གོ་བྱེ་པ་ཐ་འབྲས་བུ་གསུམ། །བོང་ང་དཀར་ནག་རུ་རྟ་དང་། །སུག་སྨེལ་དང་ནི་ཤུ་དག་རྣམས། །ནུ་ཞོ་མངལ་ནད་དྲི་མ་སེལ། །ནྱ་གྲོ་དྷ་དང་ཨ་ཤྭདྠ། །ཨུ་དུམྦཱ་ར་སེང་ཕྲོམ་གཉིས། །འཛམ་བུ་གཉིས་དང་ཨརྫུ་ན། །ཀ་པི་ཏ་དང་ཀད་པ་ལ། །བླག་ཤ་ཨ་
[79b.2]མྲ་ལྕང་མ་དང་། །བི་ཡ་ལ་དང་པ་ལ་ཤ། །ནནྟི་རྒྱ་ཤུག་ཀ་དམ་པ། །བིར་ཤིང་མངར་མ་དུ་ཀ །ནྱ་གྲོ་དྷ་སོགས་སྡེ་ཚན་འདི། །རྨ་འཚོ་འཁྲུ་གཅོད་ཆག་གྲུགས་སྦྱོར། །ཚིལ་ཆེས་ཁྲག་མཁྲིས་སྐོམ་དད་ཆེ། །མངལ་གྱི་ནད་རྣམས་སེལ་བར་བྱེད། །ཨེ་ལ་གཉིས་དང་
[79b.3]དུ་རུ་ཀ །རུ་རྟ་གནྡྷ་བྲི་ཡང་ཀུ། །སྤང་སྤོས་པ་ལ་བྱ་མ་ཀ །སྤྲི་ཀ་ཙོ་ར་ཙོ་ཙ་དང་། །ཤིང་ཚ་གནྡྷ་བྷ་དྲ་དང་། །རྒྱ་སྤོས་བོ་ལ་སྠེ་ནེ་ཡ། །རྒྱ་མཚོའི་ལྦུ་བ་ཆུ་སྲིན་སེན། །ཐང་ཤིང་དང་ནི་ཨ་ཀ་རུ། །གུར་གུམ་ཤི་རི་བས་ཀ །ཙནྡན་གུ་གུལ་ལྕེ་པོག་དཀར། །བུར་
[79b.4]ན་མ་དང་ཀུན་དུ་རུ། །ནཱ་ག་གེ་སར་ཞེས་བྱའོ། །ཨེ་ལ་སོགས་སྟེ་རླུང་བད་ཀན། །དུག་རྣམས་སེལ་ཞིང་མདོག་གསལ་བྱེད། །གཡན་པ་ཐོར་བུའི་ནད་རྣམས་དང་། །ཤ་བཀྲ་བས་ལྡག་སེལ་བར་བྱེད། །ཤ་མ་དནྟི་དྲ་བནྟི། །ཀུ་ཏ་ར་ན་ཀྲ་མུ་ཀ །ཤཾ་གི་ནི་དང་ས་ཏ་ལ། །
[79b.5]ཁྲོན་བུ་དང་ནི་ག་བཀྵི། །སུ་དྷ་ཀྵི་ར་ཀམྦི་ལྱེ། །སླེ་ཏྲེས་དོང་ག་ཀ་རཉྫ། །བཥྚ་ཨནྟྲ་ཤི་ཀྲུ་དང་། ཨ་མྲ་ཤིང་རོ་ཚའི་འབྲས་བུ། །དུར་བྱིད་ལ་སོགས་སྡེ་ཚན་འདི། །སྐྲན་དང་དུག་དང་ཡི་ག་འཆུས། །བད་ཀན་དང་ནི་སྙིང་ནད་དང་། །གཅིན་སྲི་བ་ཡི་ནད་རྣམས་འཇོམས། །
[79b.6]དེ་ལྟར་སུམ་ཅུ་རྩ་གསུམ་བཤད། །སྡེ་ཚན་དེ་ལས་མ་རྙེད་ན། །དེ་དང་མཚུངས་པ་གཞན་དང་སྦྱར། །མི་འདྲའི་སྦྱོར་བ་སྤང་བར་བྱ། །སྡེ་ཚན་དེ་དག་གནོད་དང་གནོད་བྱ་སོགས་ལྟོས་ཏེ། །ཆོ་ག་བསྐོལ་དང་སྣུམ་དང་བསྡམས་པ་ལ་སོགས་ལྡན། །བཏུང་དང་སྣར་གཏང་མས་གཏོང་
[79b.7]དང་ནི་ཕྱི་རོལ་དུ། །བསྐུ་ཞིང་བྱུགས་པས་ཤིན་ཏུ་གསོ་དཀའི་ནད་ཀུན་འཇོམས། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་བཅྭ་ལྔ་པའོ།། །།དེ་ནས་སྣུམ་གྱི་ཆོ་ག་བྱ་བའི་ལེའུ་བཤད་པར་བྱའོ། །སྣུམ་བྱེད་སྨན་རྣམས་ཕལ་ཆེར་ནི། །
[80a]
[80a.1]ལྕི་ཞིང་བསིལ་ལ་ཁོང་འཁྲུ་སྣུམ། །རྡུལ་དང་བྲལ་ལ་མཉེན་ཞིང་བརླན། །དེ་ལས་བཟློག་པ་རྩུབ་བྱེད་ཡིན། །ཞུན་མར་རྐང་དང་ཚིལ་ཏིལ་མར། །སྣུམ་རྣམས་ཀྱི་ནི་མཆོག་རབ་འདོད། །དེ་དག་ལས་ཀྱང་ཞུན་མར་ནི། །སྦྱོར་རྗེས་སུ་འཇུག་པས་མཆོག་
[80a.2]ཡིན་ནོ། །དེ་དག་སྔོན་བཞིན་མཁྲིས་པ་སེལ། །ཕྱི་མ་བཞིན་དུ་ཅིག་ཤོས་སེལ། །མར་བས་ཏིལ་མར་ལྕི་དེ་བས། །ཚིལ་དེ་ཚིལ་བས་རྐང་ལྕིའོ། །དེ་ལས་གཉིས་དང་གསུམ་དང་བཞི། །ཟུང་དང་གསུམ་པ་ཆེ་ཞེས་བྱ། །དུགས་བྱ་སྦྱང་བྱ་ཆང་བུད་མེད། །རྩོལ་
[80a.3]ཆགས་སེམས་ལས་ཆེ་བ་དང་། །རྒན་པོ་བྱིས་པ་སྟོབས་ཆུང་སྤེགས། །རྩུབ་དང་ཁྲག་དང་ཁུ་བ་ཟད། །རླུང་ནད་ཀྱིས་ཉེན་རབ་རིབ་དང་། །ཤིན་ཏུ་དབྱེ་དཀའ་ལ་སྣུམ་བྱ། །ཤིན་ཏུ་དྲོད་ཆུང་རབ་དྲོད་ཆེ། །ཤིན་ཏུ་སྦོམ་དང་རིད་པ་དང་། །བརླ་རེངས་ཚད་འཁྲུ་མ་ཞུ་དང་། །ལྐོག་
[80a.4]ནད་དབྱིག་དུག་དམུ་རྫིང་དང་། །བརྒྱལ་སྐྱུགས་བད་ཀན་ཡི་ག་འཆུས། །སྐོམ་དད་ཆང་ནད་ཀྱིས་ཉེན་དང་། །དུས་མིན་བུ་སྐྱེས་སྣ་སྨན་དང་། །མས་གཏོང་བཀྲུ་སྨན་བྱས་ལ་མིན། །དེ་ལ་བློ་དྲན་ཡིད་གཞུངས་སོགས། །འདོད་པ་རྣམས་ལ་ཞུན་མར་བསྔགས། །རྨེན་བུ་བད་
[80a.5]ཀན་སྲིན་བུ་དང་། །ཚིལ་ཆེས་རླུང་ནད་ཡོད་པ་དང་། །ལུས་ཡང་མཁྲང་འདོད་ལྟོ་སྲབ་པའི། །ལུས་ཅན་རྣམས་ལ་ཏིལ་མར་ཕན། །རླུང་དང་ཉི་ཚན་ལམ་བུད་མེད། །ཁུར་དང་རྩོལ་བས་ལུས་ཟུངས་ཟད། །རྩུབ་ཉོན་མོངས་བཟོད་མེ་དྲོད་རྣོ། །རྩ་སྒོ་རླུང་འགགས་ལྷག་མ་ཕན། །
[80a.6]ཚིགས་དང་རུས་པ་གནད་རྣམས་དང་། །ལྟོ་ན་མེས་ཚིག་རྨ་བྱུང་ལྟུང་། །མངལ་དང་རྣ་བ་གླད་ནད་ལ། །ཚིལ་ཡང་མཆོག་ཏུ་ཕན་པ་ཡིན། །ཏིལ་མར་དབྱར་ཕན་ཞུན་མར་ནི། །དབྱར་མཐའ་དེ་བཞིན་དཔྱིད་ཀྱང་བསྔགས། །ཐུན་མོང་དུས་ལ་སྣུམ་རྣམས་ནི། །ཉིན་མོར་ཉི་མ་གསལ་
[80a.7]ཚེ་བསྔགས། །རིངས་ལ་དགུན་ཡང་ཏིལ་མར་གཏང་། །ཚ་བའི་དུས་སུའང་མར་ཚན་གཏང་། །མཁྲིས་པ་རླུང་དང་མཁྲིས་པར་བཅས། །ལྡན་པ་ལ་ཡང་མཚན་མོ་ཉིད། །མཚན་མོ་ལས་གཞན་རླུང་བད་ཀན། །ཉིན་པར་སྦྱར་བས་མཁྲིས་ནད་འགྱུར། །བཟའ་སོགས་ཟས་
[80b]
[80b.1]དང་མས་གཏོང་དང་། །སྣ་ནས་གཏང་བསྐུ་མཁུར་བཀང་དགོ། །མགོ་བསྐུ་རྣ་མིག་དགང་བ་ཡི། །སྣུམ་ནི་རིགས་པར་དཔྱད་པར་བྱ། །རོ་ཡི་དབྱེ་བ་རེ་རེ་ཡིས། །དྲུག་ཅུ་རྩ་བཞིར་རྣམ་པར་བརྟགས། །སྣུམ་ནི་གཞན་གྱིས་ཟིལ་གནོན་ཞིང་། །ཆུང་ངུ་དགོས་པས་རིམ་པར་བཤད། །
[80b.2]ཇི་སྐད་བཤད་པའི་རྒྱུ་མེད་པས། །དངས་མ་བཏུང་ལ་དཔྱད་མི་དགོས། །སྣུམ་གྱི་ལས་ནི་མྱུར་བསྒྲུབས་པས། །སྣུམ་དེའི་ཆོ་ག་མཆོག་ཡིན་ནོ། །གང་ཞིག་ཐུན་ནི་གཉིས་དང་བཞི། །བརྒྱད་ཀྱིས་རིམ་བཞིན་འཇུ་འགྱུར་བ། །ཚད་ཆུང་འབྲིང་དང་ཆེ་བ་སྟེ། །དེ་ལས་ཆུང་ངུ་བཟའ་
[80b.3]བ་མཆོག །ནད་ལ་སོགས་པ་བརྟགས་ནས་ནི། །ཐོག་མར་ཤིན་ཏུ་ཆུང་ངུ་བཟའ། །སྔ་དེའི་ཟས་དེ་ཞུ་ཉིད་ན། །སྦྱང་ཕྱིར་དངས་མ་མང་དུ་བཏུང་། །ཞི་བྱ་ལྟོགས་བྱས་ཟས་མེད་པར། །འབྲིང་ཚད་ཙམ་ནི་བསྔགས་པ་ཡིན། །བརྟ་བ་ཤ་དང་ཤ་ཁུ་སོགས། །དེ་ཡང་འབྲས་
[80b.4]ཆན་ཉུང་བཅས་པ། །བྱིས་པ་རྒན་པོ་སྐོམ་གྱིས་གདུངས། །སྣུམ་འགྲས་ཆང་དད་ཆེ་བ་དང་། །བུད་མེད་སྣུམ་ནི་རྟག་བསྟེན་དང་། །དྲོད་ཆུང་བདེ་དང་དཀའ་མི་བཟོད། །ལྟོ་སྙི་ནད་དཀྱེལ་ཆུང་ཚ་དུས། །ཉམ་ཆུང་པ་ལ་བསྔགས་པ་ཡིན། །དང་པོ་བར་དང་ཟས་རྗེས་ཟོས། །ལུས་
[80b.5]ཀྱི་སྨད་བར་སྟོད་ལས་བྱུང་། །ནད་རྣམས་སེལ་ཞིང་ལུས་ཀྱི་སྟོབས། །བསྐྱེད་པའི་རིམ་བཞིན་བྱེད་པ་ཡིན། །དེ་ནི་ལེགས་པར་སྨིན་ཕྱིར་དང་། །ཁར་ཆགས་པ་ནི་ཕྱི་བའི་ཕྱིར། །སྣུམ་དག་འཐུངས་རྗེས་ཆུ་ཚན་བཏུང་། །ཨེ་རཎ་པ་ལ་ཏ་ཀར་མིན། །ཞུའམ་མ་ཞུའི་དོགས་
[80b.6]སྐྱེས་ན། །སླར་ཡང་ཆུ་ཚན་བཏུང་བར་བྱ། །དེས་ནི་སྒྲེགས་པ་དག་འགྱུར་ཞིང་། །དེ་ལས་ཁོང་ཡང་ཡི་གར་འོང་། །ནང་པར་འཐུང་ངམ་འཐུངས་པ་དང་། །འཐུངས་པར་གྱུར་ཚེ་ཁ་ཟས་རན། །གཤེར་དྲོ་བད་ཀན་མི་སྐྱེད་དང་། །ཤིན་ཏུ་སྣུམ་མིན་འདྲེས་མིན་བཟའ། །ཁ་
[80b.7]ལག་ཆུ་དྲོན་གྱིས་བཀྲུ་ཞིང་། །བུད་མེད་མི་བསྟེན་མཚན་མོ་ཉལ། །ཤུགས་དགག་དྲག་ཤུལ་ལས་རྣམས་དང་། །ཁྲོ་དང་མྱ་ངན་ཉི་ཚན་གྲང་། །སེར་བུའི་ཁར་འདུག་རྟ་ཞོན་འགྲོ། །མང་སྨྲ་རབ་མཐོའི་སྟན་ལ་འདུག །སྔས་ནི་རབ་མཐོ་རབ་དམའ་དང་། །ཉིན་ཉལ་དུད་རྡུལ་གནས་
[81a]
[81a.1]པ་སྤང་། །གང་གིས་ཉིན་མོ་འཐུངས་གྱུར་པ། །དེ་ལྟར་གཞན་ལའང་སྤང་བར་བྱ། །རིམ་འདི་ལས་རྣམས་ཐམས་ཅད་དང་། །ནད་ཟད་པ་ལ་སྤྱད་པར་བྱ། །ཞི་བའི་སྣུམ་གྱི་ཉེར་སྤྱད་ནི། །བཀྲུ་སྨན་བཏང་བ་ལྟ་བུར་བྱ། །ལྟོ་སྙི་ཞུན་མར་ཞག་
[81a.2]གསུམ་བཏུང་། །ལྟོ་སྲ་བ་ཡིས་ཞག་བདུན་བཏུང་། །ཡང་ན་ཇི་སྲིད་སྣུམ་པར་བཏུང་། །དེ་ཕན་ཆད་ནི་གོམས་པར་འགྱུར། །རླུང་ནི་བདེར་རྒྱུ་མེ་དྲོད་འབར། །བཤང་བ་སྣུམ་ཞིང་མི་སྲི་ལ། །སྣུམ་མི་འདོད་ཅིང་སྙོམས་འགྱུར་པ། །སྣུམ་ལེགས་ཡིན་ཏེ་རྩུབ་གོ་བཟློག །
[81a.3]སྣུམ་དྲགས་པ་ཡིས་སྐྱ་བ་དང་། །སྣ་དང་ཁ་རྐུབ་ལས་འཛག་འགྱུར། །ཚད་དང་མི་ལྡན་དུས་མིན་གནོད། །ཟས་དང་སྤྱོད་ལམ་ལོག་པ་ཡིས། །སྣུམ་ཆོས་བྱེད་སྐྲང་གཞང་འབྲུམ་དང་། །ཁོང་རྨྱ་རེངས་ཤིང་སེམས་མྱོས་དང་། །གཡན་པ་མཛེ་དང་རིམས་སྐྱུག་གཟེར། །
[81a.4]ལྟོ་སྦོས་མགོ་འཁོར་ལ་སོགས་འགྱུར། །དེ་ལ་བཀྲེས་སྐོམ་སྐྱུག་སྨན་དུགས། །ཟས་སྐོམ་སྨན་ནི་རྩུབ་པ་དང་། དར་བ་ཆང་རྙིང་ཚོད་མ་དང་། །འབྲུ་རྒོད་ཅི་ཙེ་ཁྲེ་རྒོད་དང་། །སྦྲང་རྩི་འབྲས་གསུམ་པི་པི་ལིང་། །བ་གཅིན་གུ་གུལ་ཨ་རུ་ར། །ནད་དམིགས་སོ་སོ་ཇི་བཞིན་དུ། །
[81a.5]སྣུམ་ལས་ནད་གྱུར་བཅོས་ཐབས་ཡིན། །རྩུབ་པ་དག་ནི་སྨྱུང་བྱས་དང་། །ཤིན་ཏུ་བྱས་དང་འདྲ་བ་ཡིན། །སློན་དྲོ་སྐམས་ས་ལས་བྱུང་སྣུམ། །ཤ་ཁུ་བཏུང་ཞིང་དུགས་དཔྱད་བྱ། །ཁྲུས་བྱེད་པའམ་སྐྱུག་སྨན་གཏོང་། །སྣུམ་བྱས་ཞག་གསུམ་གནས་པར་བྱ། །ཉིན་ཞག་
[81a.6]གཞན་པ་གཅིག་ཅིག་ནི། །དེ་བསྐྱེད་པ་ཡིས་བད་ཀན་སྐྱོད། །ཤ་ཆེ་ཚིལ་ཆེ་བད་ཀན་མང་། །མེ་ཡི་འཇུ་དྲོད་མི་སྙོམས་དང་། །སྣུམ་ལ་གོམས་པའི་སྣུམ་བྱ་རྣམས། །དེ་ནི་སྔོན་དུ་རྩུབ་ཆོས་བྱ། །དེ་ནས་སྣུམ་བྱས་སྦྱངས་གྱུར་ན། །དེ་ལ་སྣུམ་ནད་མི་འབྱུང་ངོ་། །སྣུམ་
[81a.7]ལ་གོམས་པར་གྱུར་པས་ན། །དྲི་མ་འཐོན་པར་ནུས་པ་ཡིན། །བྱིས་པ་རྒན་ཕོལ་སོགས་པ། །སྣུམ་སྤང་བར་ནི་མི་ནུས་ལ། །སྐྱེ་བར་མི་བྱེད་སྦྱོར་བ་འདིས། །འཕྲལ་དུ་སྣུམ་ནི་སྦྱར་བར་བྱ། །དེ་ལ་མར་བརྔོས་ཤ་ཁུ་དང་། །མར་དང་བརྔོས་པའི་ཐུག་པའམ། །ཏིལ་ཆེ་སྣུམ་
[81b]
[81b.1]བཅས་བུ་རམ་ཆུང་། །བཅས་དང་ཀྲི་སར་དང་ནི། །འོ་ཐུག་མར་མང་དྲོ་བའམ། །བུ་རམ་ཞོ་དང་བཅས་པའམ། །ཐུག་པ་སྣུམ་ནི་བཞི་པ་ལ། །ལྔ་པ་འབྲས་དང་ལྡན་པར་བྱ། །བདུན་པ་དེ་དག་འཕྲལ་སྣུམ་བྱ། །སྣུམ་རྣམས་ལན་ཚྭ་ཆེར་བཏབ་པ། །དེ་ནི་བད་ཀན་སྐྱེད་
[81b.2]རྩུབ་མིན། །ཕྲ་ཞིང་དྲོ་ལ་ལུས་ཁྱབ་བྱེད། །མཛེ་དང་སྐྲན་ནད་གཅིན་སྙི་ལ། །བུ་རམ་བཅས་བཟའ་འོ་མ་ཤ། །ཏིལ་དང་མ་ཤ་ཆང་དང་ཞོ། །སྣུམ་བྱའི་དོན་དུ་མི་བྱའོ། །འབྲས་གསུམ་པི་པི་ལིང་གུ་གུལ། །ཨ་རུ་ར་ལ་སོགས་བསྐོལ་བས། །དེ་དག་སྣུམ་ལ་ཇི་བཞིན་དུ། །
[81b.3]གནོད་པ་མེད་པར་སྦྱར་བར་བྱ། །ནད་ཀྱིས་ཉམ་ཆུང་གྱུར་པ་ལས། །ལུས་དྲོད་སྟོབས་བསྐྱེད་ནུས་པ་བཏང་། །སྐྱེས་བུ་སྣུམ་ལ་བརྟེན་པར་བྱེད་པ་རྣམས། །ནང་གི་དྲོད་འབར་ཁོང་པ་དག་པ་དང་། །ལུས་ཟུངས་འཕྲལ་བརྟ་སྟོབས་དང་མདོག་བཟང་ལྡན། །དབང་བརྟན་རྒས་སྲ་ལོ་
[81b.4]བརྒྱ་ཐུབ་པར་བཤད། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་བཅུ་དྲུག་པའོ།། །།དེ་ནས་དུགས་ཀྱི་ཆོ་གའི་ལེའུ་བཤད་པར་བྱའོ། །དུགས་བསྲོ་བཅིང་དང་ཐ་མལ་པ། །ཆུ་དུགས་དབྱེ་བས་རྣམ་པ་བཞི། །བསྲོ་བ་གོས་དང་ལྕགས་
[81b.5]དང་ནི། །ལག་མཐིལ་ལ་སོགས་མེར་བསྲོས་བསྲོ། །བཅིང་བ་ཤུ་དག་སྦང་མ་དང་། །ཐང་ཤིང་ཤ་ཏ་པུཏྤ་དང་། །འབྲུ་ཀུན་དྲི་རྣམས་ར་སྣ་དང་། །ཨེ་རཎྜའི་རྩ་ཤུ་དག་དང་། །སྣུམ་བག་ཚ་དང་དར་བ་དང་། །འོ་མས་སྦྲུས་ཤིང་ཚ་ཆེར་བཏབ། །རླུང་ལུས་བྱུང་བ་འབའ་
[81b.6]ཞིག་སེལ། །བད་ཀན་འདྲེས་ལ་བྱེའུ་རུག་སོགས། །མཁྲིས་པ་འདྲེས་ལ་ཤུག་སོགས་ཀྱིས། །གླན་པ་ཞེས་བྱ་ཡང་དང་ཡང་། །དཀྲི་བ་སྣུམ་ཞིང་ནུས་པ་དྲོ། །སྤུ་འཇམ་ལྤགས་རུལ་མིན་པས་དཀྲི། །མ་རྙེད་རླུང་འཇོམས་ལོ་མ་དང་། །དར་དང་སྣམ་བུ་རས་ཀྱིས་དཀྲི། །
[81b.7]མཚན་མོ་དཀྲིས་པ་ཉིན་པར་དགྲོལ། །ཉིན་པར་དཀྲིས་པ་མཚན་མོ་དགྲོལ། །ཐ་མལ་པ་ནི་ཁུར་བ་དང་། །བོང་བ་གྱོ་མོ་རྡོ་ས་ཕྱེ། །གསོ་མའི་ལོ་མ་འབྲུ་རྣམས་དང་། །ལྕི་རིལ་ཕྱེ་མ་ཕུབ་མ་རྣམས། །ཐབས་རྣམས་དུ་མས་ལེགས་བསྲོས་པ། །ཡུལ་དང་དུས་ལས་དཔགས་
[82a]
[82a.1]ཏེ་སྦྱར། །ཆུ་དུགས་ཤི་ཀྲུ་བ་ར་ན། །ཨེ་རཎྜ་དང་ཀ་རཉྫ། །བྱིའུ་རུག་པ་དང་ཨརྫ་ཀ །ཤི་རི་ཤ་དང་བ་ཤ་ཀ། །འོད་མ་ཨརྐ་མ་ལ་ཏི། །ཡ་བ་ཤ་ཀའི་ལོ་མ་བཀྲུ། །ཤུ་དག་ལ་སོགས་སྨན་རྣམས་དང་། །གཤེར་ས་ཆུར་གནས་ཤ་རྣམས་དང་།
[82a.2]རྩ་བཅུ་ནད་དམིགས་ཇི་བཞིན་དུ། །སོ་སོའམ་ལྷན་ཅིག་སྦྱར་ནས་ནི། །སྣུམ་ལྡན་ཆང་དང་ཚ་དང་ནི། །འོ་མ་ཆུ་སོགས་ཀྱིས་བཙོས་ལ། །བུམ་པའམ་སྦུ་གུ་རིང་པོ་ནི། །བཀང་ལ་ནད་ཀྱིས་ཉམ་ཐག་པའི། །ལུས་ནི་གོས་ཀྱིས་དཀྲིས་ནས་སུ། །ཅི་བདེ་བར་ནི་སྣུམ་ཆུ་བླུགས། །
[82a.3]ལུས་ལ་རླུང་ནད་ཞུགས་གྱུར་པ། །དེ་ཉིད་ཀྱིས་འདིར་བཀང་སྣོད་དུ། །ནད་པ་ཞུགས་ཏེ་གནས་ན་ནི། །གཅིན་སྲི་གཞང་འབྲུམ་སོགས་ནད་སེལ། །རླུང་མེད་ཕྱི་ནང་སྣུམ་བཅས་ཤིང་། །ཟས་འཇུའི་དུས་སུ་དུགས་དཔྱད་བྱ། །ནད་དང་ནད་པ་ཡུལ་དུས་ཀྱི། །དབང་ལས་
[82a.4]ཆུང་འབྲིང་ཆེན་པོ་བྱ། །བད་ཀན་གྱིས་ཉིན་རྩུབ་དུགས་བྱ། །བད་ཀན་རླུང་ལ་རྩུབ་སྣུམ་བྱ། །རླུང་ནི་མ་ཞུའི་གནས་ཞུགས་དང་། །བད་ཀན་ཞུ་བའི་གནས་བརྟེན་ལ། །གནས་ཀྱི་དབང་གིས་རྩུབ་དུགས་དང་། །དེ་བཞིན་སྣུམ་སྔར་འགྲོ་དུགས་བྱ། །སྟ་ཟུར་དག་དང་
[82a.5]མིག་དང་སྙིང་། །རླིག་པར་ཉུང་ངུའམ་བྱ་བ་མིན། །དུགས་ཀྱིས་གྲང་དང་ཟུག་གཟེར་བྲལ། །ཡན་ལག་མཉེན་པར་གྱུར་པ་དང་། །དལ་གྱིས་མཉེས་ལ་ཁྲུས་བྱས་ལ། །དེ་ནས་སྣུམ་གྱི་ཆོ་ག་བསྟེན། །དུགས་དྲགས་པ་ཡིས་ཁྲག་མཁྲིས་འཁྲུགས། །སྐོམ་བརྒྱལ་སྐད་
[82a.6]འགགས་ཡན་ལག་འཇུམས། །མགོ་འཁོར་ཚིགས་ན་རིམས་འདེབས་ཤིང་། །ཚི་གུ་དམར་པོ་ཏལ་ཏིལ་སྣང་། །ལུམས་ཀྱིས་སྐྱུགས་བྲོ་བར་འགྱུར་ཏེ། །དེར་ནི་ཞི་བྱའི་སྨན་གྱིས་གསོ། །དུགས་དང་ཐལ་སྨན་མེ་བཙའ་དང་། །ཚད་འཁྲུ་སྐྱུགས་བྲོ་བརྒྱལ་ནད་གསོ། །དུགས་
[82a.7]ནི་ཕལ་ཆེར་ལྕི་དྲོ་རྣོ། །དེ་ལས་གཞན་པ་ཞི་བྱེད་ཡིན། །གཤེར་ཞིང་བརྟན་འཁྲུ་སྣུམ་པ་དང་། །རྩུབ་ཅིང་སྲ་བ་དུགས་སྨན་ཡིན། །འཇམ་དང་རྩུབ་དང་ཞི་འབྱར་བག །གཤེར་བག་དེ་ནི་སེལ་བྱེད་ཡིན། །མདོར་ན་ཕལ་ཆེར་ཁ་བ་དང་། བསྐ་དང་མངར་བ་དེ་སྨན་ཡིན། །
[82b]
[82b.1]ཞི་ཞིང་རྩེ་བཅིལ་སྟོབས་ཐོབ་འགྱུར། །ཇི་སྐད་བཤད་པའི་ནད་རྣམས་ཟད། །བཅིལ་དྲགས་པགས་པ་རྩ་འཁུམས་ཤིང་། །འདར་སྙིང་ཁ་འགྲམ་ནད་དུ་འགྱུར། །རྐང་མཆུ་ལག་པ་པགས་ནག་འགྱུར། །བཅིལ་དྲགས་པ་ཡི་ནད་དུ་བཤད། །ཤིན་ཏུ་སྤོམ་དང་རྩུབ་པ་དང་། །ཉམ་
[82b.2]ཆུང་བརྒྱལ་བར་གྱུར་པ་དང་། །དུགས་དྲགས་བཅོས་དགོས་གློ་རྡོལ་དང་། །སྐེམ་དང་ཆང་ནད་ཀྱིས་བཏབ་དང་། །རབ་རིབ་དམུ་རྫིང་ཤུ་བ་མཆེད། །མཛེ་ནད་འོར་ནད་རླུང་མཁྲིས་དང་། །འོ་མ་ཞོ་དང་མར་སྦྲང་རྩི། །འཐུངས་དང་བཀྲུ་སྨན་བཏང་བ་དང་། །ལུས་ནད་ཚིགས་
[82b.3]དང་གཞང་ནད་ཡོད། །ཁྲོ་དང་མྱ་ངན་འཇིགས་པས་ཉེན། །བཀྲེས་སྐོམ་མིག་སེར་སྐྱ་རྦབ་དང་། །གཅིན་ནད་མཁྲིས་ནད་ཟླ་མཚན་འཛག །སྦྲུམ་དང་བུ་སྐྱེས་དུགས་མི་བྱ། །ནད་ཚབས་ཆེ་ན་འཇམ་པོར་བྱ། །ལུད་པ་ཆམ་པ་དབུགས་མི་བདེ། །སྐྱིགས་བུ་ལྟོ་སྤོས་
[82b.4]བཤང་འགགས་དང་། །སྐད་འགགས་རླུང་གི་ནད་རྣམས་དང་། །བད་ཀན་བེ་སྣབས་འཁྱིལ་ཞིང་ལྕི། །ལུས་རེངས་རྐེད་པ་རྩིབ་ལོགས་དང་། །སྒུར་དང་ལྟོ་ནད་འགྲམ་ནད་དང་། །རླིག་ནད་སྐྲངས་དང་ད་རྒན་དང་། །རྩོལ་དང་རླུང་ནད་ཀྱིས་ཟུག་དང་། །གཅིན་འགགས་
[82b.5]ཐོར་བུ་རྨེན་བུ་དང་། །ཁུ་བ་བཀག་དང་རླུང་འཁྱིམས་ལ། །དེ་ཡི་སྨན་གྱི་དབྱེ་བ་ཡིས། །དུགས་ནི་སོ་སོ་ཇི་བཞིན་བྱ། །དུགས་ཕན་མེ་ཡིས་བསྲོ་མིན་པ། །རླུང་ནད་ཚིལ་དང་བད་ཀན་ཅན། །རླུང་མེད་ཁང་པར་རྩོལ་བ་དང་། །གོས་ལྕི་བ་དང་འཇིགས་པ་དང་། །དཀྲི་དང་
[82b.6]སྟོབས་འགྱེད་ཁྲོ་བ་དང་། །ཆང་མང་བཀྲེས་དང་ཉི་ཚན་བཞག །ནད་གང་ནད་ཁྲོལ་གནས་པའི་ལུས་ཟུངས་གནས། །རྩར་སོང་རྐང་ལག་རུས་པའི་ནང་སོང་བའི། །ནད་དེ་དུགས་ཀྱིས་བསྲུང་བར་བྱས་ནས་ནི། །ཁོང་དུ་བསྡུས་ལ་སྦྱང་བས་དཔྱིས་དབྱུང་བྱ། །ཡན་ལག་
[82b.7]བརྒྱད་པའི་སྙིང་པོ་བསྡུས་པ་ལས། མདོའི་གནས་ཀྱི་ལེའུ་བཅུ་བདུན་པའོ།། །།དེ་ནས་སྐྱུགས་སྨན་དང་བཀྲུ་སྨན་གཏང་བའི་ཆོ་གའི་ལེའུ་བཤད་པར་བྱའོ། །བད་ཀན་ནད་དམ་འདྲེས་པ་ཡི། །བད་ཀན་རྒྱས་ལ་སྐྱུགས་སྨན་གཏང་། །དེ་བཞིན་མཁྲིས་པ་བཀྲུ་སྨན་བྱ། །རིམས་
[83a]
[83a.1]སར་ཚད་འཁྲུ་ཐུར་དུ་ནི། །མཁྲིས་པ་ཁྲག་འཁྲུ་གློ་གཅོང་དང་། །མཛེ་དང་གཅིན་ནད་འབྲུམ་ཐོར་བུ། །རྐང་བམ་མི་དྲན་ལུད་པ་ཅན། །དབུགས་མི་བདེ་སྙིང་འཕར་འབྲས་མཆེད། །ནུ་མའི་ནད་དང་རོ་སྟོད་ནད། །ཁྱད་པར་དུ་ནི་སྐྱུག་སྨན་བྱ། །སྐྱུག་སྨན་
[83a.2]མི་གཏོང་སྦྲུམ་ཁོང་རྩུབ། །བཀྲེས་དང་རྟག་ཏུ་སྡུག་བསྔལ་བ། །བྱིས་པ་རྒན་སྐེམ་སྦོམ་སྙིང་ན། །གློ་སྐམ་སྨྲས་དང་ཉམ་ཆུང་དང་། །རྟག་ཏུ་སློན་དང་མཆེར་པ་ན། །རབ་རིབ་ལྟོ་ན་སྲིན་བུ་ཡོད། །རླུང་ཁྲག་འདྲེན་མར་གྱེན་དུ་འབྱུང་། །སོ་ནམས་གཏོང་སྐད་འཛེར་དང་། །
[83a.3]གཅིན་སྲི་དམུ་རྫིང་སྐྲན་ཅན་དང་། །སློན་དཀའ་དྲོད་ཆེ་གཞང་འབྲུམ་ཅན། །རྟུག་སྐམ་མགོ་འཁོར་རྩིབ་ལོགས་སྲ། །རྩིབ་ལོགས་ཟུག་དང་རླུང་ཅན་ནོ། །དེ་དག་དུག་འཐུངས་མ་ཞུ་དང་། །མི་འཕྲོད་ཟས་ཟོས་མ་གཏོགས་སོ། །རྟག་ཏུ་སློན་པ་ཡན་ཆད་དང་། །ཕལ་ཆེར་
[83a.4]མ་ཞུའི་རིམས་དག་དང་། །མ་ཞུ་བ་ནི་ཐམས་ཅད་ལའང་། །དུད་པས་བདུག་པའི་ལས་ཀུན་སྤངས། །བཀྲུ་སྨན་གྱིས་གསོ་སྐྲན་གཞང་འབྲུམ། །འབྲུམ་བུ་མིག་སེར་གཞོགས་ཕྱེད་ལྕི། །རིམས་རྙིང་དམུ་རྫིང་དབྱིག་དུག་དང་། །སྐྱུགས་དང་མཆེར་ནད་སྐྱ་རྦབ་དང་། །ལོང་ནད་རབ་
[83a.5]རིབ་སྔོན་པོར་གྱུར། །མཆི་འཛག་ཞུ་བའི་གནས་ན་ཟུག །མངལ་དང་ཁུ་བའི་གནས་ཀྱི་ནད། །ཁོང་ནད་གཏོགས་དང་སྲིན་ནད་རྨ། །དྲེག་ནད་ནམ་ཚོང་ཡན་ཆད་ནད། །གཅིན་སྲི་བཤང་པ་འགགས་པ་དང་། །སློན་བྱ་མཛེ་གཅིན་ནད་སོགས་ཡིན། །ཁྲུས་མི་བྱ་བ་རིམས་
[83a.6]གསར་དང་། །དྲོད་ཆུང་ཁྲག་མཁྲིས་ཐུར་དུ་འབྱུང་། །རྨས་དང་གཞང་ནད་ཚད་པས་འཁྲུ། །ཁོང་དུ་མཚོན་ལུས་ལྟོ་སྲ་དང་། །སྣུམ་ཆེས་པ་དང་སྐེམ་ཆེས་པའོ། །དེ་ནས་ཐུན་མོང་དུས་སུ་ནི། །ཆོ་ག་བཞིན་དུ་སྣུམ་གྱིས་ཉེན། །ཉ་དང་མ་ཤ་ཏིལ་སོགས་ཀྱིས། །ནང་པར་
[83a.7]སློན་བྱའི་བད་ཀན་སྐྱེད། །མཚན་མོ་གཉིད་ལོག་ཟས་ལེགས་ཞུ། །སྔ་དྲོའི་དང་པོར་བཀྲ་ཤིས་བྱས། །ཟས་མ་ཟོས་པའམ་ཅུང་ཟད་སྣུམ། །ཐུག་པ་ཞུན་མར་ལྡན་པར་བཏུང་། །བྱིས་པ་རྒན་པོ་ཉམས་སྟོབས་ཆུང་། །སྨན་སྟོབས་ཆུང་བ་ནད་དབང་ལས། །ཆང་འོ་བུ་རམ་
[83b]
[83b.1]ཤིང་ཤ་ཁུ། །ནད་དམིགས་ཇི་སྐད་བཤད་པ་བཞིན། །སྦྲང་རྩི་རྒྱམ་ཚ་དང་ལྡན་པ། །སྨན་ཚད་ལྟོ་བ་ལས་དཔགས་ཏེ། །སྨན་ལ་སྔགས་ནི་མངོན་བཟླས་ལ། །ལྐོག་མར་ཕྱིན་བའི་བར་དུ་བླུད། །ཚངས་པ་སྐྱེ་དགུའི་བདག་དང་ཐ་སྐར་བུ། །དྲག་པོ་དབང་པོ་ཉི་ཟླ་ས་མེ་རླུང་། །
[83b.2]དྲང་སྲོང་རྣམས་ཀྱི་ཚོགས་དང་བཅས་པ་དང་། །འབྱུང་པོའི་ཚོགས་ཀྱིས་ཁྱེད་ནི་བསྲུང་བར་ཤོག །དྲང་སྲོང་རྣམས་ཀྱི་བཅུད་ཀྱིས་ལེན་པ་དང་། །ལྷ་རྣམས་ཀྱི་ནི་བདུད་རྩི་ལྟ་བུ་དང་། །ཀླུ་མཆོག་རྣམས་ཀྱི་བདུད་རྩི་ལྟ་བུར་ནི། །ཁྱོད་ལ་སྨན་འདི་ཉེ་བར་གནས་གྱུར་ཅིག །ཨོཾ་ན་མོ་བྷ་ག་བ་
[83b.3]ཏེ། བྷཻ་ཥ་ཛྱ་གུ་རུ་བཻ་ཌཱུརྱ་པྲ་བྷ་རཱ་ཛཱ་ཡ། །ཏ་ཐཱ་ག་ཏཱ་ཡ། ཨརྟ་ཏེ། སཾ་མྱག་སཾ་བུདྡྷཱ་ཡ། །ཏདྱཐཱ། །ཨོཾ་བྷཻཥ་ཛྱེ་བྷཻ་ཥ་ཛྱེ་མ་ཧཱ་བྷཻ་ཥ་ཛྱེ། རཱ་ཛ་ས་མུངྒ་ཏེ་སྭཱཧཱ། ཤར་དུ་ཁ་བསྟན་འཐུང་དུ་བཞུག །འཐུངས་ནས་དེ་ལ་སེམས་དམིགས་ཏེ། །ཡུད་ཙམ་བསྡད་ལ་དང་གར་
[83b.4]འཁྱིལ། །མཆིལ་མ་དེ་ནས་སློན་དུ་གཞུག །མ་གནོད་པར་ནི་སོར་མོས་སམ། །ཡང་ན་ཆུ་བ་འཇམ་པོ་ཡིས། །ལྐོག་མ་ལྕེའུ་ཆུང་མ་སྣང་བྱ། །སྐྱུག་མི་བྲོ་བར་མི་དྲང་ངོ་། །འབྱུང་བར་བཟློག་པ་སློན་པར་བྱ། །པུས་མོ་དང་མཉམ་སྟན་ལ་གནས། །དེ་ནི་སློན་ཚེ་གློ་གཉིས་
[83b.5]དང་། །འཕྲལ་བ་དག་ནས་བརྟེན་པར་བྱ། །དེ་བཞིན་ལྟེ་བ་བཙིར་བ་དང་། །རྒྱབ་ནས་གྱེན་དུ་མཉེ་བར་བྱ། །དེ་ལྟར་བད་ཀན་རྣོ་དྲོད་ཁ། །མཁྲིས་པ་མངར་དང་བསིལ་བས་སློན། །རླུང་འདྲེས་བད་ཀན་སྣུམ་པ་དང་། །སྐྱུར་དང་ལན་ཚྭ་དག་གིས་སློན། །ཇི་སྲིད་བད་
[83b.6]ཀན་རྒྱུན་ཆད་པའམ། །མཁྲིས་པ་སྣང་གི་བར་དུ་སྐྱུགས། །ཤུགས་དལ་པི་པི་ལིང་སྐྱུ་རུ། །ཡུངས་ཀར་རྒྱམ་ཚ་ཆུ་དག་གིས། །ཡང་དང་ཡང་ནི་སློན་དུ་གཞུག །དེ་ནི་སློན་པར་མ་གྱུར་པའམ། །སྡོད་པ་དང་བཅས་སློན་པའམ། །སྨན་ནི་འབའ་ཞིག་བྱུང་གྱུར་ན། །སྦྱོར་
[83b.7]ཉེས་དེ་ནི་མཆིལ་མ་མང་། །གཡན་པ་ཐོར་པུ་རིམས་སོགས་འབྱུང་། །བདེར་སྐྱུགས་བད་ཀན་མཁྲིས་པ་དང་། །རླུང་ནི་རིམ་གྱིས་འབྱུང་བར་འགྱུར། །སྦྱོར་བ་ལེགས་ཡིན་སྦྱོར་དྲགས་པས། །དབུ་བ་ཚོན་ཅན་ཁྲག་འདྲར་སྣང་། །སློན་ནས་ཁོང་རྨྱ་ལུས་ཚ་དང་། །ལྐོག་
[84a]
[84a.1]སྐམ་མགོ་འཁོར་མིག་མི་མཐོང་། །རླུང་ནད་མི་བཟད་ལྡན་གྱུར་ཞིང་། །སྲོག་གི་ཁྲག་འབྱུང་འཆི་བར་འགྱུར། །སྦྱོར་བ་ལེགས་པས་སློན་ན་ནི། །ཡུད་ཙམ་ངལ་གསོ་དུད་པ་གསུམ། །གང་ཡང་རུང་བས་བདུགས་པ་དང་། དེའི་འོག་སྣུམ་གྱི་སྤྱོད་པ་
[84a.2]བསྟན། །དེ་ནས་དགོངས་ཀའམ་ནང་པར་ནི། །བཀྲེས་ཚེ་ཆུ་དྲོན་གྱིས་བཀྲུ་ལ། །སཱ་ལུ་རྩ་སྣར་འབྲས་ཀྱི་ནི། །ཐུག་པ་ལ་སོགས་རིམ་བཞིན་བསྟེན། །ཐུག་པ་གར་གཡོས་མ་བྱས་པའི། །ཁུ་བ་ཤ་ཁུ་གསུམ་དང་གཉིས་དང་གཅིག །མཆོག་དང་བར་མ་ཐ་མའི་སྦྱོང་བས་
[84a.3]སྦྱང་། །མི་ཡིས་ཟས་ཀྱི་དུས་སུ་རིམ་བཞིན་སྤྱད། །དཔེར་ན་མེ་ཆུ་རྩྭ་དང་ལྕི་སོགས་ཀྱིས། རྣམ་པར་སྦར་ན་རིམ་གྱིས་མཆེད་པ་ན། །ཆེ་ཞིང་བརྟན་ལ་ཐམས་ཅད་མཆེད་པར་ནུས། །སྦྱངས་པའི་ནང་མེ་ཐུག་སོགས་ཀྱིས་དེ་བཞིན། །སློན་ཚད་ཆུང་དང་འབྲིང་དང་ཆེན་པོ་
[84a.4]ནི། །བཞི་དང་དྲུག་དང་ལན་བརྒྱད་སློན་པར་འདོད། །དེ་ཉིད་བཅུ་དང་ཉིས་ལྡབ་སུམ་ལྡབ་འཁྲུ། །བྲེ་གང་དེ་བཞིན་ཉིས་ལྡབ་བཞི་ལྡབ་འགྱུར། །སྐྱུག་སྨན་མཐར་མཁྲིས་བཀྲུ་སྨན་ལས་བྱེད་དང་། །བད་ཀན་མཐར་དབྱུང་འཁྲུ་བ་མཆོག་ཏུ་བཤད། །འཁྲུ་བ་གཉིས་གསུམ་
[84a.5]བཤང་དང་བཅས་མ་གཏོགས། །འཁྲུ་བ་གཞལ་ཏེ་སློན་ལ་འཐུངས་མ་གཏོགས། །དེ་ནས་སློན་པ་དེ་ལ་ནི། །སླར་ཡང་སྣུམ་དང་དུགས་བྱས་ཏེ། །བད་ཀན་དུས་འདས་ལྟོ་ཤེས་ནས། །ལེགས་པར་བཀྲུ་སྨན་གཏང་བར་བྱ། །མཁྲིས་པ་མང་ཞིང་ལྟོ་སྙི་ལ། །འོ་མས་བྱང་ནི་
[84a.6]བཀྲུ་བར་བྱེད། །རླུང་ཤས་ཆེ་ཤིང་ལྟོ་སྲ་ན། །དུར་བྱིད་སོགས་ཀྱིས་ཀྱང་བཀྲུ་དཀའ། །བཀྲུ་སྨན་མཁྲིས་ལ་མངར་དང་བསྐ། །བད་ཀན་ལ་ནི་ཁ་བས་བྱ། །རླུང་ལ་སྣུམ་བྲོ་ལན་ཚྭ་ཅན། །མི་འཁྲུན་ནི་ཆུ་ཚན་བླུད། །ལག་པ་བསྲོས་པས་དེ་ཡི་ནི། །ལྟོ་བ་ལེགས་པར་
[84a.7]དུགས་བྱའོ། །མ་འཁྲུས་དེ་ཞག་ལྡང་ཟས་ཟོས། །ཉི་མ་གཉིས་པར་སླར་ཡང་བཏུང་། །ལྟོ་བ་རབ་སྲ་སྣུམ་དག་ནི། །ཞག་བཅུའི་བར་དུ་ཡང་བཏུང་བས། །སླར་ཡང་སྣུམ་དང་དུགས་ཀྱིས་ནི། །ལུས་སྦྱངས་ནས་ནི་བཀྲུ་སྨན་གྱིས། །སྦྱོར་བ་ལེགས་པར་བརྟགས་པ་དང་། །སྔར་
[84b]
[84b.1]གྱི་ཉེས་པ་དྲན་པར་བྱ། །སྙིང་དང་ལྟོ་ན་ཡི་ག་འཆུས། །བད་ཀན་མཁྲིས་པ་གློངས་པ་དང་། །གཡན་པ་ལུས་ཚ་ཐོར་བུ་དང་། །ཆམ་པས་འདེབས་ཤིང་བཤང་རླུང་འགགས། །སྦྱོར་བ་ཉེས་པའི་མཚན་ཉིད་ཡིན། །སྦྱོར་ལེགས་ཇི་སྐད་བཤད་གོ་བཟློག །བཤང་བ་མཁྲིས་པ་
[84b.2]བད་ཀན་རླུང་། །རིམ་གྱིས་འཁྲུ་ཞིང་འབྱུང་བ་ན། །བད་ཀན་མཁྲིས་པ་མེད་ཆུ་འཁྲུ། །སྐྱ་ཞིང་རྣག་དང་ཁྲག་དང་བཅས། །ཡང་ན་ཤ་བཀྲུས་ལྟ་བུའམ། །ཚིལ་གྱི་དུམ་བུ་འདྲ་ཉིད་དམ། །གཞང་འབྱུང་སྐོམ་དད་ཆེ་བ་དང་། །མགོ་འཁོར་མིག་ནི་ཕུགས་སུ་བྲོས། །
[84b.3]བཀྲུ་སྨན་དྲགས་པས་འབྱུང་བ་ཡིན། །དེ་བཞིན་སྐྱུག་སྨན་དྲགས་ནད་འབྱུང་། །ལེགས་པར་འཁྲུས་པ་དེ་ལ་ནི། །དུད་པས་བདུག་པ་མ་གཏོགས་པའི། །ཆོ་ག་སྐྱུག་སྨན་དང་མཚུངས་པས། །དེ་ནས་སློན་དང་འདྲ་བར་བྱ། །ཟས་ལ་རིམ་གྱིས་སྤྱད་ནས་ནི། །དེ་འོག་ནར་
[84b.4]མའི་ཁ་ཟས་བསྟེན། །སྨན་འཐུངས་མེ་དྲོད་ཆུང་བ་དང་། །མ་དག་ནད་ཀྱིས་རྨྱ་བ་དང་། །ཞུ་བའི་མཚན་མ་མ་མཐོང་ན། །དེ་ནི་ཉིན་པར་སྨྱུང་བྱས་ལ། །སྣུམ་དང་དུགས་དང་སྨན་རྣམས་ཀྱིས། །གློངས་པའི་ནད་ཀྱིས་ཉེན་མི་འགྱུར། །སྦྱངས་དང་ཁྲག་ནི་འབྱུང་བ་དང་། །སྣུམ་མཆོག་
[84b.5]ལ་སྦྱར་སྨྱུང་བ་ཡིས། །མེ་དྲོད་ཞན་པ་ཉིད་འགྱུར་ཏེ། །དེ་བས་ཐུག་སོགས་རིམ་གྱིས་སྤྱད། །བད་ཀན་མཁྲིས་པ་བྲི་ཞིང་ཆུང་། །ཆང་འཐུངས་རླུང་དང་མཁྲིས་པ་ཆེ། །དེ་ལ་ཐུག་པ་མི་བླུད་ཀྱི། །བརྟ་བ་ལ་སོགས་རིམ་པ་ཕན། །སྐྱུག་སྨན་
[84b.6]མ་ཞུ་བར་ནད་འབྱིན། །བཀྲུ་སྨན་ཞུ་ནས་འབྱིན་པ་ཡིན། །དེ་ཡི་ཕྱིར་ན་སྐྱུག་སྨན་དག །ཞུ་བ་ལ་ནི་བསྡད་མི་དགོས། །སྟེང་དང་འོག་ཏུ་འབྱུང་རིགས་པས། །གང་ཚེ་ཕྱིན་ཅི་ལོག་གྱུར་ན། །དེ་ཚེ་སྐྱུགས་ལ་རྐང་པར་ནི། །ཆུ་དྲོན་དག་གིས་བླུགས་པར་བྱ། །ལུས་ཀྱི་སྟོད་
[84b.7]ནི་ཆུ་གྲང་བླུགས། །འཁྲུ་བ་ལ་ནི་དེ་ལས་བཟློག །གང་ཞིག་ཉམ་ཆུང་ནད་མང་དང་། །ནད་སྨིན་པ་ཡིས་རང་ཉིད་ནི། །འཁྲུ་བར་བྱེད་ལ་འཁྲུ་བ་ནི། །ཁ་ཟས་བྱིན་ལ་དེར་འཁྲུར་གཞུག །སྔར་སྦྱངས་པས་ནི་ཉམ་ཆུང་དང་། །ནད་ཀྱི་དཀྱེལ་ཆུང་ལུས་ཟད་མི། །ལྟོ་བསྲ་
[85a]
[85a.1]སྙི་མི་ཤེས་ལ། །སྨན་ནི་འཇམ་ཞིང་ཆུང་དུ་བླུད། །དེ་མང་འཐུངས་པ་མཆོག་ཡིན་གྱི། །གཞན་དུ་དགོས་པ་བཅས་མི་རུང་། །ཉམ་ཆུང་པ་ཡི་ནད་མང་པོ། །གཡོས་གྱུར་ཅུང་ཟད་ཅུང་ཟད་ཅིག །སྨན་ནི་འཇམ་པོས་ལན་མང་ཞིག །དེ་ནི་ཉུང་འགྱུར་ཞི་
[85a.2]བར་བྱ། །མ་བཙལ་དེ་ནི་ཡུན་རིང་དུ། །ཉོན་མོངས་པའམ་གསོད་པར་འགྱུར། །མེ་དྲོད་ཆུང་དང་ལྟོ་སྲ་ལ། །ཐལ་སྨན་རྒྱམ་ཚ་མར་བཅས་པས། །མེ་ཡི་དྲོད་ནི་བསྐྱེད་ནས་སུ། །རླུང་དང་བད་ཀན་བསལ་བར་བྱ། །རྩུབ་ཅིང་རླུང་མང་ལྟོ་སྲ་དང་། །རྟག་ཏུ་རྩོལ་བའི་ཚུལ་ཅན་
[85a.3]དང་། །མེ་དྲོད་རབ་ཏུ་ཆེ་ལ་སྨན། །མི་འཁྲུ་བར་ནི་ཞུ་བར་འགྱུར། །དེ་ལ་སྔར་ནི་འཇམ་རྩི་བཏང་། །དེ་ནས་སྣུམ་པའི་བཀྲུ་སྨན་བྱ། །སྨན་ནི་རྣོན་པོའི་རེང་བུ་ཡིས། །བཤང་བ་ཅུང་ཟད་དབྱུང་བར་བྱ། །དྲི་མ་ལེགས་པར་འཁྲུས་ནས་ནི། །སྣུམ་འཁྲུ་བདེ་བར་འབྱུང་བར་
[85a.4]འགྱུར། །དུག་གིས་ཕོག་ན་ཐོར་བུ་འབྱུང་། །མཛེ་དང་འོར་ནད་མེ་དཔལ་དང་། །མིག་སེར་སྐྱ་རྦབ་ཟ་ཁུས་ཉེན། །ཧ་ཅང་སྣུམ་ཆེས་སྦྱང་མི་བྱ། །ཀུན་ལ་བཀྲུ་སྨན་སྣུམ་བག་གཏང་། །སྣུམ་གྱིས་ཞེན་ལ་རྩུབ་པ་གཏང་། །སྐྱུག་སྨན་ལ་སོགས་ལས་རྣམས་ལ། །སླར་ཡང་བར་
[85a.5]སྐབས་བར་སྐབས་སུ། །སྣུམ་དང་དུགས་ཀྱི་ཆོ་ག་བྱ། །སྣུམ་རྗེས་ལ་ནི་སྟོབས་བསྐྱེད་བྱ། །ལུས་ལས་ནད་རྣམས་བསལ་བ་ན། །གོས་ཀྱི་དྲི་མ་འཁྲུ་དང་མཚུངས། །སྣུམ་དང་དུགས་དག་མ་བྱས་པར། །གང་ཞིག་སྦྱང་བའི་ལས་བྱེད་པ། །ཤིང་སྐམ་འགུགས་པར་བྱེད་པ་ལྟར། །
[85a.6]དེ་ཡི་ལུས་ནི་མ་རུངས་འགྱུར། །སྦྱང་བ་ལེགས་པར་ཉེ་བར་བསྟན་པས་ནི། །བློ་གྲོས་གསལ་ཞིང་དབང་པོ་སྟོབས་དང་ལྡན། །ལུས་ཟུངས་བརྟན་ཞིང་ཁོང་པའི་མེ་དྲོད་འབར། །ན་ཚོད་དག་ཀྱང་རིང་དུ་འཇོག་པར་བྱེད། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་
[85a.7]ལེའུ་བཅྭ་བརྒྱད་པའོ།། །།དེ་ནས་མས་གཏོང་བའི་ཆོ་གའི་ལེའུ་བཤད་པར་བྱའོ། །རླུང་ཤས་ཆེ་བའི་ནད་རྣམས་སམ། །རླུང་ལ་མས་གཏོང་བསྔགས་པ་སྟེ། །དེ་ནི་གསོ་བ་ཐམས་ཅད་ཀྱི། །མཆོག་སྟེ་དེ་ཡང་རྣམ་པ་གསུམ། །བཀྲུ་དྲགས་འཇམ་རྩི་མས་གཏོང་གོང་། །དེ་ཡིས་
[85b]
[85b.1]གསོ་བྱ་སྐྲན་དང་ནི། །ལྟོ་སྦོས་དྲེག་ནད་མཆེར་པ་དང་། །འཁྲུ་བ་འབའ་ཞིག་གཟེར་ནད་དང་། །རིམས་རྙིང་བྱིང་དང་ཆམ་པ་དང་། །ཁུ་བ་རླུང་དང་དྲི་མ་འགགས། །རླིག་རླུགས་རྡེའུ་ནད་ཟླ་མཚན་འཇིག །རླུང་གི་ནད་ནི་མི་བཟད་གསོ། །བཀྲུ་དྲགས་མི་བྱ་སྣུམ་དྲགས་དང་། །གློ་རྡོལ་ཤིན་ཏུ་
[85b.2]སྐེམས་པ་དང་། །བེེ་སྣབས་འཁྲུ་དང་སློན་བྲོ་དང་། །སྦྱང་བྱས་སྣ་སྨན་བཏང་བ་དང་། །དབུགས་མི་བདེ་ལུད་ཆམ་གཞང་འབྲུམ། །སྐྱིགས་བུ་ལྟོ་སྦོས་མེ་དྲོད་ཆུང་། །གཞང་སྐྲངས་ཁ་ཟས་ཟོས་ཟིན་དང་། །ལྟོ་འགགས་བུ་ག་ཆུ་ཡོད་དང་། །མཛེ་ཅན་གཅིན་ནད་སྦྲང་མདོག་དང་། །སྦྲུམ་མ་ཟླ་
[85b.3]བདུན་ཡན་ཆད་དོ། །བཀྲུ་དྲགས་བྱ་ཉིད་འཇམ་རྩི་བྱ། །ཁྱད་པར་དུ་ནི་མེ་དྲོད་ཆེ། །རྩུབ་དང་རླུང་ནད་གཅིག་པུས་ཉེན། །འཇམ་རྩི་མི་བྱའང་དེ་ཉིད་དོ། །དེ་བཞིན་སྐྱ་རྦབ་མིག་སེར་དང་། །ཚིལ་ཆེ་ཆམ་བཏབ་ཟས་མ་ཟོས། །བཤང་བར་འཁྲུ་བར་བྱེད་པ་དང་། །ལྟོ་ལྕི་ལྟོ་ནད་བད་ཀན་
[85b.4]ཅན། །མཆིལ་མ་མང་དང་ཤིན་ཏུ་སྦོམ། །ལྟོ་ན་སྲིན་ཡོད་རླུང་འཁྱིམས་དང་། །དུག་དག་འཐུངས་དང་འབྲུམ་བུས་བཏབ། །རྐང་བམ་ལྐོག་མའི་ཝ་བ་ཅན། །དེ་གཉིས་སྦུ་གུ་གསེར་སོགས་དང་། །ཤིང་རུས་འོད་མ་ལས་བྱས་པ། །བ་ལང་མཇུག་འདྲ་བུག་རྡོལ་མེད། །འཇམ་ཞིང་དྲང་ལ་
[85b.5]ཁ་ཟླུམ་པའོ། །ལོ་གཅིག་མ་ལོན་སོར་ལྔ་པ། །ལོ་ཚད་ལོ་བདུན་པ་ཡི་བར། །ཚད་ནི་སོར་དྲུག་ཡིན་པར་བཤད། །ལོ་བདུན་པ་ཡི་བདུན་ཉིད་དེ། །བཅུ་གཉིས་པ་ལ་སོར་བརྒྱད་བྱ། །བཅུ་དྲུག་ཡན་ཆད་སོར་དགུ་སྟེ། །ཉི་ཤུ་ཡན་ཆད་སོར་བཅུ་གཉིས། །ལོ་གཞན་དག་ལ་ན་ཚོད་དང་། །
[85b.6]སྟོབས་དང་ལུས་ཚད་བརྟགས་ནས་ནི། །ཚད་ནི་མངོན་པ་བསྐྱེད་པར་བྱ། །རྩ་བ་རང་གི་མཐེ་བོང་མཉམ། །རྩེ་མོ་མཐེའུ་ཆུང་ཚད་དུ་བྱ། །ལོ་གཅིག་ལོན་སོར་ནས་བཟུང་སྟེ། །དེ་ཡིས་ཕྱེད་ཕྱེད་ཀྱིས་བསྐྱེད་བྱ། །གང་ཞིག་རྩ་བའི་བུ་གའི་ཚད། །སོར་མོ་གསུམ་རྩེ་ཤོང་བ་མཆོག །མུངྒ་མ་ཤ་
[85b.7]སྲན་མ་བཙོས། །རྒྱ་ཤུག་འབྲས་ཤོང་རིམ་བཞིན་བྱ། །རྩ་བའི་བུ་གའི་ཚད་ཀྱིས་ནི། །མཐར་ནི་བུག་པ་འགེགས་པར་བྱ། །ལྕེ་རྩེ་རང་གི་སོར་གཉིས་ཀྱིས། །ཆོད་པར་འགག་པ་གཉིས་པ་བྱ། །དེར་ནི་རྐྱལ་བུ་གདགས་བྱ་བ། །ར་ལུག་མ་ཧེ་ལ་སོགས་པའི། །ལྒང་པ་ལེགས་མཉེས་སྲ་
[86a]
[86a.1]བ་དང་། །དམར་བཙོས་བུ་ག་ཐག་ཐུག་མེད། །དྲི་ང་རྩ་རིས་མེད་སྲབ་པར། །སྨན་ནི་ལེགས་པར་བླུགས་བྱས་ལ། །སྲད་བུས་དམ་པར་བཅིང་བར་བྱ། །ལྒང་མེད་རྐྱལ་པའི་དཔུང་པའམ། །བྱིན་པའི་པགས་པའམ་རས་སྟུག་བཟང་། །ནི་རུ་ཧ་ཚད་དང་པོ་ནི། །ལོ་གཅིག་པ་ལ་
[86a.2]སྲང་གཅིག་མཆོག །ཇི་སྲིད་སྲང་ནི་བཅུ་གཉིས་པར། །ལོ་རེ་སྲང་རེས་བསྐྱེད་པར་བྱ། །བཅུ་གཉིས་པ་ནས་བཅྭ་བརྒྱད་པར། །དེ་ཡང་བདུན་ཅུའི་བར་ཆད་འདི། །དེ་ཕན་ཚད་སྲང་ཉི་ཤུ་ཉིད། །བཀྲུ་སྨན་དྲག་ཚད་ཇི་ལྟ་བ། །དེ་ཡི་བཞི་ཆ་འཇམ་རྩི་ཚད། །བཀྲུ་སྨན་དྲག་བྱ་སྣུམ་དུགས་བྱ། །
[86a.3]སྦྱང་བྱས་ནས་ཀྱང་སྟོབས་ཐོབ་པ། །འཇམ་རྩི་གཏང་འོས་པར་ཤེས་ནས། །ཐོག་མ་ཉིད་དུ་འཇམ་རྩི་གཏང་། །དགུན་དཔྱིད་ཉིན་པར་གཏང་དེ་ལས། །གཞན་དུ་མཚན་གཏང་ལ་ལ་འདོད། །བསྐུ་བྱུག་ཁྲུས་བྱ་སྔོན་ཐང་ལས། །བཞི་གསུམ་ཕན་ཞིང་ཡང་བ་དང་། །སྣུམ་དང་རྩུབ་ཆེས་མ་ཡིན་
[86a.4]བཟའ། །ཁུ་བ་ལ་སོགས་ཟོས་རྗེས་བཏུང་། །བཅགས་ལ་བཤང་གཅི་བསལ་ནས་ནི། །མལ་དུ་བདེ་བར་གནས་བྱས་ལ། །མཐོ་དམན་མེད་པར་མགོ་སྨད་དེ། །གློ་གཡོན་གྱིས་ནི་ཕབ་ནས་སུ། །རྐང་པ་གཡས་པ་བཀུག་ནས་ནི། །རྐང་པ་གཡོན་པ་བརྐྱང་བར་བྱ། །དེ་ནས་དེ་ལ་གཅེའུ་ཁ་དང་། །གཞང་
[86a.5]སྒོ་སྣུམ་གྱིས་བསྐུས་ནས་ནི། །གཅེའུ་ལྒང་པའི་དབུགས་བཏོན་ལ། །ཁ་བཅིངས་ལག་པ་མི་འདར་བར། །རྒྱབ་ཀྱི་ལོགས་སུ་འདུག་ནས་ནི། །ཤིན་ཏུ་མྱུར་དང་བུལ་མིན་དང་། །ཧ་ཅང་ཤུགས་དྲག་དལ་མིན་པར། །རན་པར་ལན་ཅིག་ཁོང་ན་བཙིར། །རླུང་ནི་ལྷག་པར་གནས་པས་ན། །
[86a.6]ལྷག་མ་ཅུང་ཟད་ལུས་པར་བྱ། །བཏང་ནས་ལུས་ནི་གན་རྐྱལ་བཞག །རྐུབ་ཚོས་ལག་པས་བརྡབ་པར་བྱ། །རྟིང་པས་མཇུག་ཙོས་བརྡུང་བྱ་ཞིང་། །རྟིང་པ་བཏེག་ལ་ལན་གསུམ་གསིག །དེ་ནས་ལུས་ནི་བརྐྱངས་ནས་སུ། །སྔས་དང་བཅས་པའི་རྟིང་པར་ནི། །ཁུ་ཚུར་གྱིས་བརྡུང་ལུས་
[86a.7]ཀྱང་ནི། །སྣུམ་གྱིས་བསྐུས་ལ་མཉེ་བར་བྱ། །ཚོར་བས་ཉེན་པས་སྣུམ་དག་ནི། །མྱུར་དུ་ཕྱིར་འབྱུང་མི་བྱེད་དོ། །གལ་ཏེ་མྱུར་དུ་ཕྱིར་བྱུང་ན། །ཕན་མི་བྱེད་པས་གཞན་དག་གཏང་། །མེ་དྲོད་ཆེ་ཞིང་སྣུམ་བྱུང་ན། །དགོངས་ཀ་ཁ་ཟས་ཡང་བ་སྦྱིན། །དབྱུང་བའི་དུས་ཀྱི་དམ་པ་ནི། །ཐུན་གསུམ་
[86b]
[86b.1]ཡིན་ཏེ་དེ་ཕན་ཆད། །ཉིན་མཚན་གཅིག་ནི་བསྡད་ནས་སུ། །དེ་ཡི་འོག་ཏུ་རེང་བུ་ཡིས། །སྣུམ་དབྱུང་ཕྱིར་ནི་འབད་བྱ་བའམ། །མས་གཏོང་བ་ནི་རྣོན་པོ་བྱ། །ཤིན་ཏུ་རྩུབ་པས་མ་བྱུང་ཞིང་། །སྙོམ་བག་ལ་སོགས་ནད་མེད་ན། །བཏང་སྙོམས་སུ་ནི་གཞག་པར་བྱ། །དེ་ནས་མཚན་འདས་ནང་
[86b.2]པར་ནི། །བཅའ་སྒ་འུ་སུ་བསྐོལ་ཆུ་འམ། །ཡང་ན་ཆུ་ཚན་འབའ་ཞིག་བཏུང་། །འཇམ་རྩི་བཏང་ནས་ཉིན་གསུམ་མམ། །ཉིན་ལྔ་ལོན་ནས་སླར་གཏང་བའམ། །ཇི་སྲིད་སྣུམ་ནི་འཇུག་གྱུར་པའམ། །ཡང་ན་རླུང་ནི་ཤས་ཆེ་དང་། །རྟག་ཏུ་རྩོལ་བྱེད་མེ་དྲོད་ཆེ། །ཁོང་རྩུབ་པ་ལ་ཉིན་རེ་གཏང་། །
[86b.3]དེ་ལྟར་སྣུམ་ནི་གསུམ་མམ་བཞི། །སྣུམ་གྱུར་རྩ་སྒོ་སྦྱང་བའི་ཕྱིར། །མས་གཏོང་ཁྲུས་ཀྱིས་སྦྱང་བ་དང་། །སྣུམ་མེད་ལུས་ནི་སྣུམ་གྱུར་གཏང་། །ཉི་མ་གསུམ་མམ་ཉིན་ལྔ་ན། །ཚེས་གྲངས་བཟང་ཞིང་དགེ་བ་ལ། །ཉིན་ཕྱེད་ཅུང་ཟད་ཡོལ་བའི་ཚེ། །གཏོར་མ་བཀྲ་ཤིས་ཆོ་ག་བྱ། །
[86b.4]སྣུམ་བསྐུས་དུགས་བྱ་བཤང་གཅི་ནི། །བསལ་ཞིང་ཤིང་ཏུ་བཀྲེས་མིན་ལ། །སྐྱེས་བུའི་ནད་དམིགས་སྨན་ལ་སོགས། །འབད་དེ་ཤེས་པར་བྱས་ནས་ནི། །སྨན་པ་དེ་ལ་མཁས་པ་ནི། །མར་དང་ལྷན་ཅིག་མས་གཏོང་སྦྱར། །སྨན་གྱི་སྲང་ནི་ཉི་ཤུ་དང་། །བོ་སོན་ཆ་བརྒྱད་ལྷན་ཅིག་
[86b.5]བསྐོལ། །བསྐོལ་བ་དེ་ཡི་བཞི་ཆ་ཡིས། །སྨན་མར་རླུང་ལ་རྗེས་སུ་སྦྱར། །མཁྲིས་པ་བདེ་བར་གནས་དྲུག་ཆ། །བད་ཀན་ཤས་ཆེ་བརྒྱད་ཆ་གཅིག། ཡང་ན་ཀུན་ལ་སྨན་གྱི་ནི། །བརྒྱད་ཆ་གཅིག་གམ་ཅི་ནས་ཀྱང་། །མས་གཏོང་སྐ་སླར་མི་འགྱུར་བྱ། །བུ་རམ་དག་ནི་སྲང་གཅིག་
[86b.6]ཙམ། །རིགས་པས་སྦྲང་རྩི་རྒྱམ་ཚ་སོགས། །ལྷག་མ་དེ་ཀུན་སྣོད་ཅིག་བླུགས། །བུམ་པར་ཆུ་བསྐོལ་རླངས་པ་ཡིས། །བསྲོ་ཞིང་གཟར་བུས་དཀྲུགས་ནས་ནི། །རྐྱལ་པའི་ནང་བླུགས་མཇུག་མར་ནི། །གཏོང་ཚེ་ཤིན་ཏུ་ཚ་གྲང་མིན། །ཤིན་ཏུ་སྣུམ་མིན་རྩུབ་པའང་མིན། །ཤིན་ཏུ་རྣོ་མིན་
[86b.7]འཇམ་པའང་མིན། །ཤིན་ཏུ་སྐ་མིན་སླ་བའང་མིན། །ཤིན་ཏུ་མང་ཉུང་ཚད་མེད་པའང་། །ཚ་ཆེ་སྐྱུར་བའང་དེ་དང་འདྲ། །དེ་ལ་མཁས་པ་གཞན་སྨྲ་བ། །སྣུམ་དང་སྦྲང་རྩི་གཉིས་སོ་སོར། །སྲང་ནི་གསུམ་གསུམ་བྱས་ནས་སུ། །རྒྱམ་ཚ་དག་ནི་ཞོ་གཉིས་དང་། །ནད་མེད་ལ་བཏང་སྨན་སྲང་གཉིས། །ཁུ་བའི་
[87a]
[87a.1]སྨན་ནི་ལྷག་མ་ཀུན། །སྲང་བཅུ་ཡོངས་སུ་སྦྱར་བར་བྱ། །སྦྲང་རྩི་རྒྱམ་ཚ་སྣུམ་རྣམས་དང་། །སྨན་ཕྱེ་ཁུ་བའི་རིམ་པ་ནི། །མས་གཏོང་རྐྱལ་བར་བཅུག་བྱས་ཏེ། །འདི་ནི་སྦྱོར་བའི་ཆོ་གར་བཤད། །གན་རྐྱལ་བཞག་ནས་བཏང་མ་ཐག །སྔས་ཀྱིས་བརྟེན་ཏེ་མས་གཏོང་ལ། །ཡིད་ནི་གཞན་
[87a.2]དུ་མ་ཡེངས་པས། །འཁྲུ་བ་ཙོག་པུས་གཏང་བར་བྱ། །འོང་དུས་དམ་པ་ཡུད་ཙམ་སྟེ། །དེ་ལས་གཞན་དུ་འཆི་བྱེད་ཡིན། །དེ་ལ་བཅོས་པའི་ཐབས་གྱུར་སྣུམ། །ཐལ་སྨན་བ་གཅིན་ཁུ་སྐྱུར་སྦྱར། །མྱུར་བས་སྣུམ་ལ་རྣོ་དྲོ་བའི། །མང་གཏོང་གཞན་དག་གཏང་བར་བྱ། །ཡང་ན་སྨན་གྱི་རེང་བུ་
[87a.3]དག །གཏོང་ཞིང་དུགས་ལ་སོགས་པ་བྱ། །རང་ཉིད་འོངས་པར་གྱུར་ན་ནི། །མས་གཏོང་གཉིས་པ་གཏང་བའམ། །ལན་གསུམ་ལན་བཞིའི་བར་དུ་ནི། །ཇི་སྲིད་ལེགས་པར་གྱུར་པར་གཏང་། །དེ་ཡིས་སྦྱོར་སོགས་བཀྲུ་སྨན་དང་། །འདྲ་བར་ཤེས་བྱ་སྦྱོར་ལེགས་ན། །ཆུ་དྲོན་འཇམ་པོས་
[87a.4]བཀྲུས་ནས་ནི། །ཤ་ཁུ་འབྲས་ཆན་ཉུང་ཟད་སྦྱིན། །མས་གཏོང་དྲག་པོས་ནད་རྣམས་ཀྱི། །དྲི་མ་བསྐྱོད་པས་བྱུང་གྱུར་པ། །དེ་ནི་ཆུ་དྲོན་གྱིས་བཀྲུ་དང་། །ཁ་ཟས་ཚུལ་བཞིན་ཐོས་བས་འབྱུང་། །གལ་ཏེ་རླུང་གིས་ཉམ་ཐག་ན། །སླར་ཡང་འཕྲལ་དུ་འཇམ་རྩི་གཏང་། །དེ་ནི་ལེགས་དང་མ་
[87a.5]ལེགས་དང་། །གྲགས་པ་སྣུམ་འཐུངས་འདྲར་ཤེས་བྱ། །གང་ཞིག་དུས་ནི་ཅུང་ཟད་གནས། །བཤང་དང་བཅས་པར་འབྱུང་འགྱུར་ཞིང་། །ཐུར་དུ་དབུགས་དང་སྣུམ་ལྷན་ཅིག །འབྱུང་འགྱུར་འཇམ་རྩི་ལེགས་པ་ཡིན། །བད་ཀན་ལ་ནི་མས་གཏོང་བའི། །འཇམ་རྩི་གཅིག་གམ་གསུམ་
[87a.6]གཏང་བྱ། །མཁྲིས་པ་ལ་ནི་ལྔའམ་བདུན། །རླུང་ལ་དགུའམ་བཅུ་གཅིག་གཏང་། །སླར་ཡང་དེ་ལ་ཟུང་མིན་པ། །མས་གཏོང་རྗེས་ལ་བྱ་བ་ཡིན། །བད་མཁྲིས་རླུང་ལ་རིམ་བཞིན་ཟས། །ཡུ་ཤ་འོ་མ་ཤ་ཁུ་གཏང་། །རླུང་འཇོམས་སྨན་ནི་ལེགས་བསྐོལ་བ། །དུར་བྱིད་རྒྱ་མཚར་བཅས་པར་
[87a.7]བྱ། །སྣུམ་མངར་སྐྱུར་ཤ་ཁུ་དྲོན་སྦྱར། །མས་གཏོང་གཅིག་ནི་རླུང་ལ་ཕན། །ནྱ་གྲོ་དྷ་སོགས་སྡེ་ཚན་བསྐོལ། །ཤུག་སོགས་ཀར་དཀར་དང་བཅས། །མངར་བསིལ་བུ་རམ་ཤིང་ཁུ་མར། །འོ་མ་སྦྲང་རྩིར་བཅས་མཁྲིས་སེལ། །དོང་ག་ལ་སོགས་བསྐོལ་བ་དང་། །དུག་མོ་ཉུང་སོགས་བཅས་པ་
[87b]
[87b.1]གསུམ། །རྩུབ་དང་སྦྲང་རྩི་བ་གཅིན་བཅས། །རྣོ་ཞིང་དྲོ་ཁ་བད་ཀན་སེལ། །གསུམ་པོ་འདུས་པའི་ནད་ལ་ཡང་། །གང་ཕྱིར་རིམ་བཞིན་སེལ་བ་ཡིན། །གསུམ་པོ་དེ་ལས་གཞན་པ་ཡིན། །མས་གཏོང་གསོ་ཞེས་གཞན་མི་འདོད། །གང་ཕྱིར་སླར་ཡང་སྦྱིན་བྱ་བའི། །ཉེས་པ་བཞི་
[87b.2]པོ་ཡོད་མ་ཡིན། །ནད་བསྐྱོད་དག་པར་བྱེད་པ་དང་། །ཞི་བར་བྱ་བའི་རིམ་པ་ཡིས། །མས་གཏོང་གསུམ་པོ་ཉིད་བརྟག་ཅེས། །དེ་སྐད་གཞན་དག་སྨྲ་བ་ཡིན། །ནད་དང་སྨན་སོགས་སྟོབས་ལས་ནི། །འདི་དག་ཐམས་ཅད་ཚད་མས་གཞལ། །བསྐྲུ་སྨན་དྲག་བཏང་ལེགས་མཚན་མ། །མ་མཐོང་
[87b.3]བར་དུ་འཕྲོ་མི་བཅད། །དང་པོར་སྣུམ་གཅིག་ཐ་མར་ལྔ། །བཀྲུ་སྨན་དྲག་པོ་བཅུ་གཉིས་ཏེ། །འཇམ་རྩིར་བཅས་བ་མས་གཏོང་བའི། །ལས་ནི་སུམ་ཅུར་བཤད་པ་ཡིན། །དུས་ནི་བཅོ་ལྔ་འདིར་གཅིག་ནི། །ཐོག་མའི་སྣུམ་སྟེ་ཐ་མར་གསུམ། །དུགས་དང་མས་གཏོང་ལྔ་པར་བཤད། །མས་
[87b.4]གཏོང་སྦྱོར་འདིར་བརྒྱད་ཡིན་ཏེ། །ནི་རུ་ཧ་དང་སྣུམ་གསུམ་དང་། །ཐོག་མ་ཐ་མ་གཉིས་ཀའོ། །འཇམ་རྩིའམ་བཀྲུ་སྨན་མས་གཏོང་དྲག །གཅིག་པུ་ལྷག་པར་བསྟེན་མི་བྱ། །འཇམ་རྩིས་ནད་སློངས་མེ་དྲོད་འཇོམས། །ནི་རུ་ཧས་རླུང་སྐྱེད་འཇིགས་ཡོད། །དེ་བས་སྣུམ་རྗེས་བཀྲུས་དྲགས་གཏང་། །ཁྲུས་དྲག་
[87b.5]བཏང་ནས་འཇམ་རྩི་བྱ། །དེ་ལྟར་རིམ་པས་སྣུམ་སྦྱང་བྱ། །མས་གཏོང་ལས་ནི་ཉེས་གསུམ་སེལ། །སྣུམ་གྱི་ཚད་ནི་ཆུང་ངུ་ཡི། །ཚད་དང་དེ་ནི་མཉམ་བྱས་པའི། །སྣུམ་ཚད་འཇམ་རྩིའི་ཚད་དུ་བཤད། །དེ་ནི་བྱིས་རྒན་ལམ་དང་ཁུར། །བུད་མེད་རྩོལ་ཞེན་པས་དུ་བ་དང་། །རླུང་ནད་ཀྱིས་གཞོམ་མེ་
[87b.6]དྲོད་ཆུང་། །རྒྱལ་པོ་ཕྱུག་པོ་ལ་བདེ་བ། །ཡིན་པས་རྟག་ཏུ་བསྟེན་པར་བྱ། །ནད་འཇོམས་ཡང་བ་མེད་པ་དང་། །སྟོབས་སྐྱེད་བཤང་བ་བདེ་བར་འབྱུང་། །མས་གཏོང་བུད་མེད་རོ་སྨད་ཀྱི། །མངལ་དང་མོ་མཚན་ནད་རྣམས་ལ། །བཀྲུས་དྲགས་གཉིས་གསུམ་གྱིས་དག་པར། །མས་གཏོང་
[87b.7]གོང་མས་གཏང་བར་བྱ། །དེ་ཡི་གཅེའུ་ནད་པ་ཡི། །སོར་ཚད་བཅུ་གཉིས་ཚད་དུ་བྱ། །ཟླུམ་ཞིང་བ་ལང་མཇུག་མ་འདྲ། །རྩ་བ་དབུས་སུ་གག་པ་གདགས། །རྩེ་མོ་ཡུངས་ཀར་ཤོང་བ་ཙམ། །འཇམ་པ་གསེར་ལ་སོགས་ལས་བྱས། །ཀུནྡ་སྲི་ཞིང་སོ་མན། །མེ་ཏོག་རྩེ་མོ་ལྟར་ཟླུམ་ཕྲ། །དེ་ཡི་རྐྱལ་བུ་འཇམ་
[88a]
[88a.1]ཞིང་ཡང་། །ཚད་སྲང་ཕྱེད་དམ་གང་རིགས་བྱ། །དེ་ནས་ཁྲུས་བྱས་ཟས་ཟོས་ལ། །འཇམ་རྩི་གཏོང་བའི་ཆོ་ག་བྱ། །ཁྲི་སྟེགས་བུས་མཉམ་འཇམ་པ་ལ། །དྲང་ཞིང་བདེ་བར་འདུག་ནས་ནི། །ཕོ་མཚན་བཏེག་ཅིང་དྲང་བར་བྱ། །སྦུབས་སྦྱང་ཕྱིར་ནི་ཐུར་མ་ནི། །འཇམ་པ་རིམ་གྱིས་གཞུག་
[88a.2]པར་བྱ། །དེ་དག་ཕོ་མཚན་དང་འཚམ་པ། །འབྲས་བུའི་མཐར་ཐུག་བར་གཏང་བ། །མི་འདར་འཇམ་རྩི་བཏང་ལྟར་བྱ། །བཙིར་ཏེ་བཏང་ལ་སྣུམ་རྗེས་བྱ། །འཇམ་རྩིའི་རིམ་པ་བཞིན་དུ་བྱ། །མས་གཏོང་ཆོ་ག་འདི་ཡིས་ནི། །གསུམ་མམ་བཞི་ཡི་བར་དུ་གཏང་། །ལྷག་མ་འཇམ་རྩི་ཇི་ལྟ་བར། །འདི་ལ་
[88a.3]ཐམས་ཅད་སྦྱར་བར་བྱ། །བུད་མེད་ཟླ་མཚན་དུས་སུ་ནི། །མངལ་བྱེ་བ་ལས་ཆགས་པར་འགྱུར། །དེ་ཕྱིར་དེ་ཚེ་གཏང་བྱ་ལ། །རབ་ན་དུས་མིན་པར་ཡང་གཏང་། །མོ་མཚན་ཉམས་དང་གཟེར་བ་དང་། །མངལ་ཁྲག་རྟག་ཏུ་འབྱུང་གཏོང་བ། །གཅེ་བུ་སོར་བཅུ་རྩེ་མོ་ཡི། །བུ་ག་མུངྒ་ཤོང་སོར་བཞི། །མངལ་
[88a.4]གྱི་གནས་སུ་གཏང་བར་བྱ། །སོར་གཉིས་གཅིན་འབབ་ལམ་དུ་བཏང་། །གཅིན་འགགས་པ་ཡི་ནད་རྣམས་ལ། །བུ་མོ་རྣམས་ལ་སོར་གཅིག་གཏང་། །འབྲིང་ཚད་སྲང་ནི་གཅིག་པ་སྟེ། །བུ་མོ་རྣམས་ལ་སྲང་ཕྱེད་ཉིད། །མལ་དུ་གན་རྐྱལ་འདུག་ནས་ནི། །བརླ་ནི་ལེགས་པར་བསྐུམས་ནས་སུ། །
[88a.5]པུས་མོ་བསྟོད་དེ་ཉིན་ཞག་ནི། །གཅིག་ལ་ལན་གསུམ་ལན་བཞི་གཏང་། །དེ་ལྟར་མས་གཏོང་ཞག་གསུམ་ལ། །སྣུམ་གྱི་ཚད་ནི་བསྐྱེད་པར་བྱ། །དེ་ནས་ཞག་གསུམ་ངལ་བསོ་ནས། །སླར་ཡང་ཞག་གསུམ་གཏང་བར་བྱ། །སྐྱུག་སྨན་བྱས་ཟླ་ཕྱེད་བཀྲུ་སྨན། །དེ་ནས་ཟླ་ཕྱེད་ནས་བཀྲུས་
[88a.6]དྲགས། །བཀྲུས་དྲགས་འཕྲལ་ལ་འཇམ་རྩི་གཏང་། །ཁྲུས་བཏང་ཞག་བདུན་ནས་འཇམ་རྩི། །དཔེར་ན་ལེབ་རྒན་སོགས་བཙོས་པའི། །གོས་ནི་ཆུ་ལས་ཚོས་ལེན་ལྟར། །དེ་བཞིན་བངས་པར་བྱས་ལུས་ལ། །མས་གཏོང་བས་ནི་ནང་རྣམས་འབྱིན། །ལུས་ཀྱི་ཡན་ལག་ནང་ཁྲོལ་དག་ཏུ་སོང་ནད་
[88a.7]དང་། །གནད་དང་ལུས་སྟོད་ཡན་ལག་ཀུན་ཁྱབ་ནད། །གང་ཞིག་ཡོད་པ་དེ་ལས་སྐྱེ་བའི་རྒྱུ། །རླུང་མ་གཏོགས་པ་གཞན་དག་ཡོད་མ་ཡིན། །བཤང་དང་བད་ཀན་མཁྲིས་སོགས་ནད་སོགས་པ། །གང་ཕྱིར་འཐོར་ཞིང་སྡུད་པར་བྱེད་པ་ཡིན། །དེ་ནི་རབ་འཕེལ་གྱུར་ལ་ཞི་བའི་ཕྱིར། །འཇམ་
[88b]
[88b.1]རྩི་མ་གཏོགས་སྨན་གཞན་གང་ཡང་མེད། །དེ་བས་གསོ་བ་མ་ལུས་ལས་མ་བཏང་། །གསོ་བའི་ཕྱེད་ཡིན་ཞེས་ནི་ལ་ལ་འདོད། །དེ་བཞིན་ནད་རྙིང་གློ་བུར་སྐྱེད་བྱེད་ལ། །གཏར་ག་ཁྲག་དབྱུང་སྨན་ཉིད་འགྱུར་བ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། མདོའི་གནས་ཀྱི་ལེའུ་
[88b.2]བཅུ་དགུ་པའོ།། །།དེ་ནས་སྨན་སྣ་ནས་གཏོང་བའི་ཆོ་གའི་ལེའུ་བཤད་པར་བྱའོ། །ནམ་ཚོང་ཡན་ཆད་ནད་རྣམས་ལ། །ལྟག་པར་སྣ་ནས་བཏང་བ་ཕན། །སྣ་ནི་ཀླད་པའི་སྒོ་ཡིན་ཏེ། །དེས་ན་དེ་ནས་ནད་དེ་འཇོམས། །བཀྲུ་སྨན་ཀླད་པའི་ནད་རྣམས་དང་། །གློང་བག་ལྐོག་ནད་
[88b.3]མཆི་མ་འཛག །སྐྲང་དང་ཐོར་བུ་སྲིན་རྨེན་བུ། །མཛེ་སྙོམ་ཆམ་པས་བཏབ་ལ་གཏང་། །བརྟ་བ་རླུང་ལས་བྱུང་གཟེར་དང་། །གླད་པ་ཕྱེད་ནས་སྐད་འགགས་དང་། །སྣ་དང་ཁ་སྐོམ་ཚིག་མི་ཐོན། །མིག་དབྱེ་དཀའ་དཔུང་བསྐྱོད་དཀའ་གཏང་། །ཞི་བ་མིག་སྔོན་གདོང་པགས་ནད། །སྐྲ་ཡི་
[88b.4]སྐྱོན་མིག་དམར་ལ་གཏང་། །དང་པོ་རང་སྦྱོར་ཇི་ལྟའི་སྣུམ། །སྨན་གྱི་ལྡེ་གུ་སོགས་བསྐོལ་དང་། །ཤིང་མངར་རྒྱམ་ཚ་ཆང་རྙིང་སོགས། །ཅི་རིགས་པ་ནི་བསྐོལ་བ་གཏང་། །བརྟ་བ་འུ་སུའི་ཁུ་བ་དང་། །ཤ་ཁུ་ཁྲག་དང་ཐང་ཆུའང་སྦྱར། །ཞི་བ་སྔ་མ་འོ་མ་དང་། །ཆུ་དང་བཅས་པར་སྦྱར་བར་བྱ། །
[88b.5]ཚད་ཆེན་དང་ནི་ཚང་ཕྲན་ཏེ། །འདི་ཡི་སྣུམ་ཚད་རྣམ་པ་གཉིས། །ལྡེ་གུ་ལ་སོགས་བཙིར་བ་ཡི། །རྣོ་དེ་སྤྱི་བོའི་བཀྲུ་སྨན་ཡིན། །ཕྱེ་མ་བུད་པའི་བཀྲུ་སྨན་ཏེ། །སྦུ་གུ་སོར་དྲུག་ཁ་གཉིས་པ། །ནང་ན་སྨན་དང་བཅས་པ་དག །ཁ་ཡི་དབུགས་ཀྱིས་བུས་ཏེ་གཏང་། །དེས་ནི་མགོ་ནད་མང་པོ་ཡང་།
[88b.6]ཕྱེ་མ་ཡིན་པས་འབྱེན་པར་བྱེད། །མཛུབ་མོའི་ཚིགས་ནི་གཉིས་བའི་བར། །སྨྱུགས་པའི་ཕྱིར་བྱུང་གྱུར་པ་ལས། །ཐིགས་པ་བཅུའམ་བརྒྱད་དམ་དྲུག །ཇི་སྲིད་འཛགས་པར་གྱུར་པ་དག །སྣ་ནས་གཏོང་ཚད་ཆེ་འབྲིང་ཆུང་། །རིམ་པ་དེ་ཉིད་ཀྱིས་ཤེས་བྱ། །ལྡེ་གུ་ལ་སོགས་ཐིགས་པ་ནི། །
[88b.7]གཉིས་ཀྱིས་ཕྲི་སྟེ་གཏང་བར་བྱ། །ཆུ་དང་ཆང་དང་སྦྱར་དུག་མར། །འཐུངས་པའམ་འཐུང་བར་འདོད་པ་དག །ཁ་ཟས་ཟོས་དང་མགོ་བཀྲུས་དང་། །འཁྲུ་བར་འདོད་དང་གཏར་ག་བྱས། །ཆམ་པ་ཤུགས་འོངས་ཀྱིས་གཟིར་དང་། །བུ་བཙས་ལུད་པ་དབུགས་མི་བདེ། །སྦྱང་བྱས་མས་གཏོང་ཆོ་ག་བྱས། །དེ་བཞིན་
[89a]
[89a.1]དུས་མིན་ཡུལ་རྨུགས་ལ། །སྣ་སྨན་གཏང་བར་མི་བྱ་སྟེ། །ཚབས་ཆེན་ནད་དང་སོགས་མ་གཏོགས་སོ། །དེ་ནས་སྣ་ནས་སྨན་གཏང་བ། །བད་ཀན་ནང་པར་མཁྲིས་ཉིན་ཕྱེད། །རླུང་ཅན་ཕྱི་འབྲེད་མཚན་མོ་གཏང་། །ནད་མེད་པ་ལ་སྟོན་ཀ་དང་། །དཔྱིད་ཀྱི་ཚེ་ན་སྔ་དྲོ་གཏང་། །དགུན་ནི་ཕྱེད་དུས་སོ་
[89a.2]གའི་ཚེ། །ཕྱི་འབྲེད་དབྱར་ནི་ཉི་དྲོན་བཅས། །གླད་པ་རླུང་ནད་ཀྱིས་ཐེབས་དང་། །སྐྱིགས་བུས་བཏབ་དང་མགོ་འདར་དང་། །གཉེའུ་རེངས་སྐད་ནི་འགགས་པ་ལ། །ཉིན་རེ་ནང་པར་དགོངས་ཀ་གཏང་། །གཞན་ལ་ཉིན་རེས་བར་བཅད་ལ། །ཉི་མ་བདུན་དུ་དེ་སྤྱད་བྱ། །རྟག་ཏུ་བྱ་བའི་ལས་བྱས་ནས། །དང་པོར་མགོ་སྣུམ་
[89a.3]བསྐུ་དུགས་བྱས། །རླུང་མེད་མལ་དུ་གནས་ནས་ནི། །ནམ་ཚོང་ཡན་ཆད་དུགས་ཀྱང་བྱ། །དེ་ནས་གན་རྐྱལ་ལུས་དྲང་བརྐྱང་། །རྐང་པ་ལག་པ་ལེགས་བརྐྱངས་ལ། །རྐང་པ་ཅུང་ཟད་བསྟོད་ནས་སུ། །མགོ་བོ་ཡིད་ཙམ་སྨད་པར་བྱ། །སྣ་ཁུང་གཅིག་ནི་རབ་བཀག་ལ། །རིམ་གྱིས་ཡོངས་སུ་བླུགས་བྱ་བ། །སྨན་
[89a.4]ནི་ཆུ་དྲོན་གྱིས་བསྲོས་ལ། །སྦུ་གུའམ་རས་བལ་གྱིས་བླུགས་བྱ། །བླུགས་ནས་རྐང་མཐིལ་ཕྲག་པ་དང་། །ལག་པ་རྣ་བ་ལ་སོགས་མཉེ། །རིམ་གྱིས་བརྔུབས་ལ་གློ་གཉིས་སུ། །མཆིལ་མ་དོར་བ་དེ་ནས་ནི། །སྨན་ནི་ཟད་པར་འགྱུར་གྱི་བར། །ལན་གཉིས་ལན་གསུམ་སྣར་བཏང་སྤྱད། །གལ་ཏེ་བརྒྱལ་གྱུར་
[89a.5]བསིལ་བའི་ཆུས། །མགོ་མ་གཏོགས་པར་གཏོར་བར་བྱ། །བཀྲུ་སྨན་འོག་ཏུ་སྣུམ་དག་ནི། །ནད་སོགས་ཚུལ་ལས་དཔགས་ཏེ་གཏང་། །སྣ་སྨན་བཏང་མཐར་གན་རྐྱལ་དུ། །གྲངས་བརྒྱར་དེ་ལས་བསྡད་པར་བྱ། །དུད་པ་བརྡུབས་ལ་ཆུ་དྲོན་འཇམ། །གྲེ་བ་མཚུལ་པ་དག་ཕྱིར་བྱ། །སྣུམ་བཏང་ལེགས་གྱུར་
[89a.6]དབུགས་བདེར་རྒྱུ། །གཉིད་ལོག་སད་བདེ་དབང་པོ་གསལ། །ཉེས་པས་མགོ་རྩུབ་མི་འགྱུར་སྐམ། །སྣ་དང་ཁ་སྐམས་ཀླད་སྟོང་སྙམ། །སྣུམ་དྲགས་གཡན་དང་ལྕི་བ་ཉིད། །མཆིལ་མང་ཆམ་འདེབས་ཡི་ག་འཆུས། །ལེགས་བཀྲུས་མིག་གསལ་ཡང་བ་དང་། །ཁ་དང་སྐད་ནི་དག་པར་འགྱུར། །བཀྲུས་
[89a.7]ཉེན་ནད་ནི་འཕེལ་བར་འགྱུར། །བཀྲུས་དྲགས་ཁོང་ནི་རྨྱ་བར་འགྱུར། །ཚད་ཕྲན་གློ་རྡོལ་རིད་པ་དང་། །བྱིས་པ་རྒན་པོ་སྐྱིད་པར་གནས། །དུས་མིན་ཆར་འབབ་པར་ཡང་གཏང་། །དེ་ནི་ཆམ་པས་དྲག་བཏབ་དང་། །ཆང་འཐུངས་རྣ་བ་འོན་པ་དང་། །ཀླད་རྒྱས་སྲིན་བུ་ཞུགས་པ་དང་། །ནད་བསྡུས་ཕྱིར་ནི་མ་ཕྱུང་
[89b]
[89b.1]ལ། །ཚད་ཕྲ་བ་ནི་གཏང་མི་བྱ། །ཉིན་མཚན་ཟས་ཟོས་སློན་གཉིད་ཉལ། །མཐའ་དང་བུད་མེད་ལམ་ངལ་དུབ། །མགོ་བསྐུས་མཁུར་བཀང་དབོ་བའི་རྗེས། །བཤང་གཅི་མིག་སྨན་བཏང་རྗེས་དང་། །སོ་ཤིང་གི་རྗེས་དགོད་པ་ཡིན། །རྗེས་ལ་ཐིགས་པ་གཉིས་པ་གཏང་། །ལྔ་ཡིས་དབང་པོའི་བུ་ག་དག །
[89b.2]གསུམ་གྱིས་རིམ་བཞིན་ངལ་བ་སེལ། །ལྔ་ཡིས་མིག་ནི་གསལ་བར་བྱེད། །སོ་བརྟན་རླུང་ནད་ཞི་བར་འགྱུར། །སྣ་སྨན་ལོ་བདུན་མ་ལོན་དང་། །བརྒྱད་ཅུ་འདས་ལ་གཏང་མི་བྱ། །བཅྭ་བརྒྱད་མ་ལོན་དུད་མི་བདུག །མཁུར་བཀང་ལྔ་མ་ལོན་ལ་མིན། །ལོ་བཅུ་མ་ལོན་སྦྱང་མི་གཏང་། །བདུན་ཅུ་འདས་ལའང་
[89b.3]མི་བྱའོ། །སྐྱེས་ནས་རྒས་པའི་བར་དུ་ནི། །ཚད་ཕྲན་མས་གཏོང་ལྟ་བུར་བསྔགས། །དེ་ནི་རྟག་ཏུ་བསྟེན་གྱུར། །ཚད་ཆེ་བ་ལྟར་ཡོན་ཏན་སྐྱེད། །འདི་ལ་བདམ་པ་གང་ཡང་མེད། །གནོད་ལས་ཚད་ཆེན་ལྟར་འཇིགས་མེད། །སྣ་སྨན་དོན་དུ་ཏིལ་མར་ཉིད། །རྟག་ཏུ་བསྟེན་པ་བསྔགས་པ་ཡིན། །མགོ་ནི་བད་
[89b.4]ཀན་གནས་ཡིན་ཕྱིར། །སྣུམ་གཞན་བདེ་གནས་ལ་མི་བསྔགས། །མྱུར་བྱེད་རིང་ཞིག་བྱེད་པ་དང་། ཡོན་ཏན་ཆེ་དང་ཆུང་བྱེད་པའི། །ཁྱད་པར་ཚད་ཆེན་ཚད་ཕྲན་ལ། །གལ་ཏེ་མེད་པར་གྱུར་ན་ནི། །གང་ཞིག་སྤང་བྱས་གནོད་བྱས་པའི། །ཚད་ཆེན་ངག་ནི་སུ་ཞིག་སྟོན། །སྣུམ་དངས་བཏུང་བ་རྟག་བཤད་
[89b.5]དུ། །སྤྱིལ་བུ་རླུང་དང་ཚད་པར་གནས། །འཇམ་རྩི་ཚད་ཆེན་མས་གཏོང་ཚད། །དེ་དང་འདྲ་བར་རྣམ་པར་བསྟན། །ཛ་ལ་སྒྲོན་ཤིང་ཛི་བནྟི། །གླ་སྒང་ཤིང་ཚ་པུ་ཤེལ་ཙེ། །གོ་བི་ཙནྡན་སྐྱེར་པའི་རྩ། །ཤིང་མངར་གླ་བ་ཨ་ཀ་རུ། །ཉེའུ་ཤིང་བིལ་བ་པུཎྜ་རཱི། །ཨུཏྤལ་མུར་བ་པརྞི་གཉིས། །བྲི་ཧ་ཏི་གཉིས་
[89b.6]བྱི་དང་ག །གནྡྷ་བྷ་དྲ་སུག་སྨེལ་དང་། །ཧ་རེ་ཎུ་ཀ་པདྨ་ཡི། །གེ་སར་དང་ནི་བ་ལ་སྟེ། །སྨན་ནི་འདི་རྣམས་ཆ་མཉམ་ལ། །ཆར་པའི་ཆུས་ནི་བསྐོལ་བར་བྱ། །ཏིལ་མར་ལས་ནི་སྨན་གྱི་ཁུ། །བཅུ་འགྱུར་ལྷག་བྱས་དེ་ལ་ནི། །ཏིལ་མར་ཆུ་དང་བསྐོལ་བ་བྱ། །ལན་བཅུ་ཉིད་ནི་བསྐོལ་ནས་ནི། །ཚོས་པ་ཡི་ནི་བཅུ་ཆ་
[89b.7]ལ། །དེ་མཉམ་ར་ཡི་འོ་མ་བླུགས། །སྣར་བཏང་ཏིལ་མར་ཡོན་ཏན་ཆེ། །ཐིགས་ཕྲན་ཞེས་བྱ་འདི་བསྟེན་བྱ། །སྣ་ནས་བཏང་བའི་སྨན་བསྟེན་པས། །ཕྲག་པ་མགྲིན་པ་དཔུང་མགོ་ནི། །མཁྲེགས་ཤིང་མཐོལ་པ་གས་མདོག་གསལ། །དབང་བརྟན་སྐྲ་དཀར་མེད་པར་འགྱུར། །ཡན་ལག་བརྒྱད་པའི་སྙིང་པོ་
[90a]
[90a.1]བསྡུས་པ་ལས། མདོའི་གནས་ཀྱི་ལེའུ་ཉི་ཤུ་པའོ།། །།དེ་ནས་སྨན་གྱི་དུད་པ་གཏང་བའི་ཆོ་གའི་ལེའུ་བཤད་པར་བྱའོ། །ནམ་ཚོང་ཡན་ཆད་བང་རླུང་ལས། །བྱུང་བའི་ནད་རྣམས་མི་སྐྱེ་དང་། །སྐྱེས་པ་རྣམས་ནི་བསལ་བའི་ཕྱིར། །མཁས་པས་རྟག་ཏུ་དུད་པ་བརྔུབ། །དེ་ནི་འཇམ་དང་བར་མ་
[90a.2]རྣོ། །རླུང་དང་བད་རླུང་བད་ཀན་ལ། །གཏང་ངོ་མཁྲིས་ཁྲག་གིས་ཉེན་དང་། །བཀྲུས་དང་དམུ་རྫིང་ཟ་ཁུ་དང་། །རབ་རིབ་སྦོས་དང་སྟོད་རླུང་ནད། །ལྐོག་ནད་མས་གཏོང་བྱས་པ་དང་། །ཉ་དང་ཆང་དང་འོ་མ་ཞོ། །སྦྲང་རྩི་མར་དང་དུག་འཐུངས་སོགས། །མགོ་ནད་སྐྱ་རྦབ་ནད་ཅན་ནི། །མཚན་གཉིད་མ་
[90a.3]ལོག་ལ་མི་གཏང་། །གལ་ཏེ་དུད་པ་ཆེར་བརྔུབས་ན། །ཁྲག་དང་མཁྲིས་འཕེལ་འོན་དང་ལོང་། །སྐོམ་དང་བརྒྱལ་དང་རྨོངས་པར་བྱེད། །དེར་ནི་བསིལ་བའི་ཆོ་ག་ཕན། །བཀྲེས་སྦྲིད་གླལ་དང་བཤང་གཅི་བསལ། །བུད་མེད་བསྟེན་དང་གཏར་ག་བཏབ། །དགོད་དང་སོ་ཤིང་བཅས་པ་ཡི། །མཐར་ནི་
[90a.4]དུད་པ་འཇམ་པོ་གཏང་། །དུས་འདི་དག་ནས་མཚན་ཟས་ཟོས། །སྣ་སྨན་རྗེས་ལ་བར་མ་བརྔུབ། །གཉིད་ལོག་སྣ་སྨན་མིག་སྨན་ཁྲུས། །སློན་པའི་རྗེས་ལ་རྣོན་པོས་བཀྲུ། །མས་གཏོང་གཅེའུ་འདྲར་བྱས་པ་ཡི། །དུད་གཅེའུ་སྦུབས་གསུམ་དྲང་པོར་བྱ། །རྩ་བ་མཐེབ་ཤོང་རྩེ་མོ་ནི། །རྒྱ་ཤུག་ཤོང་བའི་
[90a.5]ཚད་དུ་བྱ། །དེ་ཡི་ཚད་ནི་རྔུབ་བྱེད་པའི། །སོར་ནི་ཉི་ཤུ་སུམ་ཅུ་གཉིས། །བཞི་བཅུ་རྣོ་དང་བར་མ་དང་། །འཇམ་པོ་ལ་ནི་རིམ་བཞིན་བྱ། །དྲང་པོར་འདུག་ཅིང་དེ་ལ་སེམས། །ཁ་གདངས་ནས་ནི་ལན་གསུམ་བརྔུབ། །སྣ་ཁུང་རེ་རེ་བཀག་ནས་ནི། །སྣར་ནི་དུད་པ་བརྔུབ་པར་བྱ། །མགོ་དང་སྣར་གཏོགས་ནད་
[90a.6]བསྐྱོད་པ། །དང་པོར་སྣ་ནས་བརྔུབ་པར་བྱ། །བསྐྱོད་པའི་དོན་དུ་ཁོ་ནས་བརྔུབ། །གྲེ་བར་གཏོགས་པ་དེ་ལས་བཟློག། །དུ་བ་ཁ་གཉིས་ནད་སློན་གྱི། །སྣར་སློན་མིག་ལ་གནོད་པར་བྱེད། །དུ་བ་རྔུབ་དང་འབྱིན་པ་ཡིས། །ལན་ནི་གསུམ་གསུམ་བརྔུབ་པར་བྱ། །འཇམ་པོ་ཉིན་གཅིག་ལན་གཅིག་གཏང་། །བར་མ་ལན་གཉིས་
[90a.7]སྦྱོར་བ་ནི། །ལན་གསུམ་ལན་བཞི་གཏང་བར་བྱ། །དེར་སྨན་གུ་གུལ་ཨ་ཀ་རུ། །གླ་སྒང་རྡོ་དྲེག་སྠོ་ནི་ཡ། །སྤང་སྤོས་ཨུར་ཤི་བ་ལ་ཀ །ཤིང་ཚ་ཀོན་ཏི་ཤིང་མངར་དང་། །བིལ་རྐང་ཨེ་ལ་བ་ལུ་ཀ །པོག་དཀར་ཤྲི་བེ་ཏ་ཀ་དང་། །གླ་བ་སྦྲ་ཚིལ་བྱ་མ་ཀ །པོག་ནག་གུར་གུམ་མ་ཤ་དང་། །ཀུན་ཏུ་རུ་དང་ནས་དང་ཏིལ། །སྣུམ་བཅས་
[90b]
[90b.1]འབྲས་བུ་སྙིང་པོ་དང་། །ཚིལ་དང་རྐང་དང་ཞག་དང་མར། །ཞི་བ་པོག་ནག་རྒྱ་སྐྱེགས་དང་། །རྒུན་འབྲུམ་པདྨ་ཨུཏྤལ། །ནྱ་གྲོ་དྷ་དང་ཨ་ཤྭད་ཐ། །ཨུ་དུམྦཱ་ར་བླག་ཤ་དང་། །སེང་ཕྲོམ་ཤུན་པ་ཁ་ར་དང་། །ཤིང་མངར་ཀླུ་ཤིང་ཤུག་པ་བཙོད། །དྲི་ལས་རྒྱ་སྤོས་རུ་རྟ་བསྐོལ། །རྣོན་པོ་ཛོ་ཏི་སྨ་ཏི་དང་། །སྐྱེར་པ་དང་ནི་རྩ་བ་བཅུ། །
[90b.2]ལྡོང་རོས་བ་བླ་རྒྱ་སྐྱེགས་དང་། །གི་རི་གར་ཀར་འབྲས་བུ་གསུམ། །དྲི་ཡི་སྨན་ལ་རོ་རྣོ་བའི། །མགོ་བོའི་བཀྲུ་སྨན་སྡེ་ཚན་ནོ། །དེ་དག་ཞག་གཅིག་ནུར་སྤངས་ལ། །དུད་པའི་སྨན་རྣམས་བཏགས་ནས་ནི། །ཐུར་མ་སོར་ནི་བཅུ་གཉིས་ལ། །ལན་ལྔའི་བར་དུ་བྱུག་པར་བྱ། །གདར་བུ་མཐེ་བོང་ཙམ་སྦོམ་ལ། །ནས་ཀྱི་
[90b.3]དབྱིབས་དང་འདྲ་བར་བྱ། །གྲིབ་མར་སྐམ་ཞིང་ཁོང་སྟོང་མེད། །སྣུམ་གྱིས་ཇི་བཞིན་བསྐུས་བྱས་ལ། །བརྔུབ་ཕྱིར་མེ་ཡིས་བསྲེགས་ནས་ནི། །དུད་པའི་གཅེའུ་སྦྱར་བར་བྱ། །ཁམ་ཕོར་ཁ་སྦྱར་བུ་གར་ནི། །གཅེའུ་སོར་བཅུའམ་སོར་བརྒྱད་པ། །བཅུག་པ་ཁ་ནས་དུད་པ་ནི། །ལུད་པ་ཅན་གྱིས་བརྔུབ་པར་བྱ། །
[90b.4]དུད་པ་བརྔུབས་ལ་ལུད་པ་དབུགས་མི་བདེ། །སྐད་འགགས་རྣག་དང་དྲི་མི་ཞིམ་གདོང་སྐྱ། །སྐྲ་སྐྱོན་རྣ་མིག་འཛག་གཡའ་རྨོངས་བག་དང་། །སྙོམ་དང་སྐྱིགས་བུ་ཆམ་པའི་ནད་མི་འབྱུང་། །ཡན་ལག་བརྒྱད་པའི་སྙིང་པོ་བསྡུས་པ་ལས། མདོའི་གནས་ཀྱི་ལེའུ་ཉི་ཤུ་རྩ་གཅིག་པའོ།། །།དེ་ནས་
[90b.5]སྨན་གྱི་ཁུ་བས་མཁུར་བ་དགང་བ་ལ་སོགས་པའི་ཆོ་གའི་ལེའུ་བཤད་པར་བྱའོ། །མཁུར་བཀང་རྣམ་པ་བཞི་ཡིན་ཏེ། །སྣུམ་དང་ཞི་བྱེད་སྦྱོང་རྨ་འཚོབ། །དེ་ལས་གསུམ་ནི་རླུང་ལ་སོགས། །གསུམ་གཏང་ཐ་མ་རྨ་ལ་ཕན། །འདིར་སྨན་མངར་སྐྱུར་ལན་ཚྭ་དང་། །ཚ་དང་སྣུམ་ནི་བསྐོལ་བ་ཡིན། །ཞི་བྱེད་
[90b.6]ཁ་བསྐ་མངར་སྨན་བསྐོལ། །སྦྱོང་བ་ཁ་དང་ཚ་དང་སྐྱུར། །རྨ་འཚོབ་བྱེད་པ་ཁ་བ་དང་། །བསྐ་བའི་སྨན་ནི་བསྐོལ་བར་བྱ། །དེ་ལ་སྣུམ་དང་འོ་མ་དང་། །སྦྲང་རྩི་ཆུ་དང་ཚ་དང་ཆང་། །བ་གཅིན་འབྲུ་ཡི་ཁུ་བ་རྣམས། །སྨན་ནི་ཇི་ལྟ་ཇི་ལྟ་དང་། །ལྡེ་གུར་བཅས་པ་བསྐོལ་བ་ནི། །ཇི་ཙམ་བཟོད་པ་རྣམ་པར་
[90b.7]སྦྱར། །སོ་བརྩེ་སོ་ནི་འགུལ་བ་དང་། །རླུང་ལས་གྱུར་པའི་ཁ་ནད་ལ། །དྲོ་འཇམ་ཙམ་མམ་བསིལ་བ་ཡི། །ཏིལ་ཆུས་མཁུར་བ་བཀང་བ་ཕན། །རྟག་ཏུ་མཁུར་བ་བཀང་སྟེ་གཞག །ཏིལ་མར་དག་གམ་ཤ་ཁུ་བསྔགས། །ཁ་དྲོད་ཆེ་ཚ་ཚོས་པ་དང་། །འཕྲལ་དུ་རྨ་ནི་བྱུང་བ་དང་། །དུག་
[91a]
[91a.1]དང་ཐལ་སྨན་མེས་ཚིག་ལ། །ཞུན་མར་དག་གོམ་འོ་མས་དགང་། །སྦྲང་རྩི་མཁུར་བཀང་བྱས་པས་ནི། །ཁ་ཡི་དྲི་མ་སྦྱོང་བྱེད་ཅིང་། །ཁ་ཡི་རྨ་ནི་འཚོབ་བྱེད་ཡིན། །ཁ་ཚ་སྐོམ་དད་རབ་ཞི་བྱེད། །རོ་མི་ཚོར་དང་དྲི་མ་ཆེ། །ཁ་མནམ་འབྲས་རྩབས་བཀང་བས་སེལ། །
[91a.2]དེ་ཉིད་ཅུང་ཟད་ཚ་བཅས་བསིལ། །ཁ་སྐམས་སེལ་བའི་དམ་པ་ཡིན། །ཐལ་སྨན་རྣོན་ཁུས་མཁུར་བཀང་བས། །བད་ཀན་སོགས་པ་མྱུར་དུ་སེལ། །ཆུ་ཚན་དྲོ་འཇམ་མཁུར་བཀང་བས། །ཁ་ནི་ཡང་ཞིང་བདེ་བར་བྱེད། །རླུང་མེད་ཉི་ཚན་བཅས་པར་ནི། །ཕྲག་པ་མཇིང་བར་དུགས་
[91a.3]བྱ་མཉེ། །མཁུར་བ་བཀང་ནས་གདོང་པ་ནི། །ཅུང་ཟད་བཏེག་སྟེ་ཇི་སྲིད་ན། །བད་ཀན་གྱིས་ནི་ཁ་གང་བའང་། །སྣ་མིག་འཛག་པའི་བར་དུ་གཞག །ཁ་བཀང་མི་སྤོ་བཞག་མཁུར་བཀང་། །གཞན་དུ་ཁར་བརྔུབ་པར་འགྱུར་རོ། །ཁར་བརྔུབས་པ་ཡིས་ཁྱད་པར་གསོ་བ་ནི། །གཉེའུ་
[91a.4]རེངས་མགོ་མིག་རྣ་ནད་ཁ་ནག་དང་། །མཆིལ་མང་གྲེ་ནད་སྙིང་ག་སྲ་བ་དང་། །སྙིང་འཕར་སྙམ་དང་ཆམ་པ་ཡི་ག་འཆུས། །མཁུར་བཀང་བཤད་པའི་སྨན་རྣམས་ཀྱི། །ལྡེ་གུ་སྨན་ཁུ་ཕྱེ་མ་སྟེ། །ཁ་མུར་བྱ་བ་རྣམ་གསུམ་ཡིན། །དེ་ནི་བད་ཀན་ནད་ལ་གཏང་། །
[91a.5]གདོང་བསྐུས་གསུམ་སྟེ་ནད་སེལ་དང་། །དུག་སེལ་ཁ་དོག་བཟང་བྱེད་པའོ། །དེ་དྲོད་བད་ཀན་རླུང་ལ་བསྔགས། །ལྷག་མ་ལ་ནི་རབ་བསིལ་བ། །དེ་ཡི་ཚད་དཔངས་སོར་བཞི་ཆ། །སུམ་ཆ་ཕྱེད་དེ་རྣམ་པ་གསུམ། །མ་བསྐམས་བར་དུ་དེ་བཞག་གི། །བསྐམས་ན་པགས་
[91a.6]པ་ལ་གནོད་འགྱུར། །དེ་ནས་སྤངས་ནས་བཀྲུ་བར་བྱ། །དེ་ཡི་རྗེས་ལ་བསྐུ་བྱུག་བྱ། །ཉིན་པར་གཉིད་ལོག་མང་སྨྲ་ཁྲོ། །མེ་ཚན་ཉི་ཚན་མྱ་ངན་སྤང་། །དེ་ནི་ཆམ་པ་སྣ་སྨན་གཏང་། །མ་ཞུ་འགྲམ་འཐམས་ཡི་ག་འཆུས། །མཚན་གཉིད་མ་ལོག་ལ་མི་གཏང་། །དེ་ནི་ལེགས་པར་
[91a.7]སྤྱོད་པ་ཡིས། །དུས་མིན་སྐྲ་དཀར་ངོ་ཁབས་དང་། །གཉེར་མ་རབ་རིབ་མིག་སྔོ་སེལ། །རྒྱ་ཤུག་སྙིང་པོ་བ་ཤའི་རྩ། །སེང་ཕྲོམ་ཡུངས་ཀར་དཀར་པོ་རྣམས། །སིང་ཧིའི་རྩ་བ་ཏིལ་ནག་དང་། །སྐྱེར་བའི་ཤུན་པ་རྨེའུ་རྣམས། །འཇག་རྩ་ཙནྡན་ཨུར་ཤིར། །ཤིཪྴ་ཤ་ཏ་པུས་པ་འབྲས། །ཀུ་མུད་ཨུཏྤལ་
[91b]
[91b.1]ཀ་ལ་ཧ། །དཱུར་བ་ཤིང་མངར་ཙནྡན་རྣམས། །ཀ་ལི་ཡ་ཀ་ཨུར་ཤི་ཏི། །སྤང་སྤོས་རྒྱ་སྤོས་ཤུག་པ་རྣམས། །ད་ལིས་ཀུན་དྲ་པུཎྜ་རཱི། །ཤིང་མངར་རྒྱ་སྤོས་ཨ་རུ་ར། །དེ་ལྟར་ཚིགས་བཅད་ཕྱེད་ཀྱིས་བཤད། །བསྐུ་བ་དགུན་སྟོད་སོགས་དྲུག་སྦྱར། །གདོང་བསྐུ་བ་ལ་གོམས་པ་རྣམས། །མཐོང་བ་བརྟན་
[91b.2]པར་འགྱུར་བ་དང་། །གདོང་ནི་ཡོངས་སུ་མི་རྙིང་ལ། །འཇམ་ཞིང་པདྨ་འདྲ་བར་འགྱུར། །བསྐུ་དང་བླུགས་དང་རས་བལ་ཅན། །པགས་པས་གཡོགས་དང་རྣམ་པ་བཞི། །དེ་ནི་སྤྱི་བོའི་ཏིལ་མར་ཏེ། །ཕྱི་བཞིན་དུ་ནི་ཡོན་ཏན་ཆེ། །དེ་ལ་བྱུགས་པ་རྩུབ་པ་དང་། །གཡའ་དང་དྲི་མ་ཅན་ལ་སྦྱར། །རླུགས་པ་གློག་
[91b.3]པ་གླད་གཟེར་དང་། །ཆ་དང་རྨ་སྨིན་རྣགས་ལ་གཏང་། །རས་བལ་སྣུམ་ཅན་སྐྲ་འབྱི་དང་། །གཟའ་ཞུགས་མིག་ནི་རེངས་ལ་གཏང་། །བགས་བཅིབས་མགོ་བོ་ཚོར་བ་མེད། །ཁ་ཡོ་གཉིད་ནི་ཡར་བ་དང་། །ཁ་དང་སྣ་སྐམ་རབ་རིབ་དང་། །མི་བཟད་མགོ་ནད་དག་ལ་སྦྱར། །དེ་ཡི་ཆོ་ག་འདུག་པ་ལ། །ཁྲིའུ་པུས་མཉམ་འཇམ་
[91b.4]པ་ལ། །ལུས་བཀྲུས་བསྐུ་ཞིང་དུགས་བྱས་ལ། །དགོངས་ཀ་བའམ་མ་ཧེ་ཡི། །པགས་པ་མགོ་བོ་དང་མཉམ་ལ། །རྒྱར་ནི་སོར་ནི་བཅུ་གཉིས་པ། །རྣ་བའི་མཐར་ཐུག་བར་བཅིངས་པ། །འཕྲལ་བ་གོས་ཀྱིས་དཀྲིས་པ་ནི། །གོས་སམ་ལན་བུས་བཅིངས་བྱས་ལ། །མ་ཤའི་ལྡེ་གུས་བསྐུ་བར་བྱ། །དེ་ནས་ནད་དམིགས་ཅི་
[91b.5]འདྲ་ལ། །སྣུམ་བསྐོལ་བ་ནི་དྲོ་འཇམ་ཙམ། །དེ་ནི་སྤྱི་བོ་མན་ཆད་ནས། །སྐྲ་དྲུང་སོར་གཅིག་ནུབ་ཙམ་བླུགས། །ཁ་དང་སྣམ་ཚུལ་ཕྱིན་པར་གཞག །དེ་ནི་རླུང་སོགས་ནད་རྣམས་ལ། །སྟོང་ཕྲག་བཅུ་དང་བརྒྱད་དྲུག་གཞག །ནད་མད་ས་ལ་སྟོང་ཕྲག་གཅིག །མར་གསར་ཕྲག་པ་ལ་སོགས་མཉེ། །དེ་ལྟར་ཞག་
[91b.6]བདུན་བླུགས་པར་བྱ། །རྣ་བ་གང་བར་བླུགས་ཏེ་གཞག །རྣ་བའི་རྩ་ལ་མཉེ་བར་བྱ། །ནད་རྩེ་ཞིལ་གྱི་བར་བྱ་ཞིང་། །རྣ་བ་སེ་གོལ་བརྒྱ་པར་གཞག །པུས་མོ་གཡས་པའི་ལྷ་ང་ནི། །ལག་རྩེས་བསྐོར་བའི་བར་དང་ནི། །མིག་འབྱེད་འཇུམས་དང་མཉམ་པ་ཡི། །ཡུན་ནི་གྲངས་ཀྱི་ཚད་དུ་བཤད། །སྤྱི་བོའི་
[91b.7]ཏིལ་མར་སྦྱར་བ་བསྐུས་པས་ནི། །སྐྲ་དཀར་དམར་སེར་སྐྲ་འབྱི་གཟའ་ཞུགས་དང་། །མགོ་བོའི་རླུང་ནད་སེལ་ཞིང་དཔང་པོ་གསལ། །སྐད་གདངས་འགྲམ་པ་མགོ་ཡི་སྟོབས་སྐྱེད་བྱེད། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་ཉི་ཤུ་རྩ་གཉིས་པའོ།། །།
[92a]
[92a.1]དེ་ནས་སྨན་གྱི་ཐིགས་པ་མིག་ཏུ་བླུགས་པ་དང་སྨན་གྱིས་མིག་བསྐུ་བའི་ཆོ་གའི་ལེའུ་བཤད་པར་བྱའོ། །མིག་ནད་དག་ནི་ཐམས་ཅད་ལ། །དང་པོར་སྨན་ཐིགས་བླུགས་པས་ནི། །ཟུག་ན་གཡའ་དྲུད་མཆི་མ་འཛག །མིག་ཚ་མིག་དམར་རྣམས་ལ་ཕན། །རླུང་
[92a.2]ལ་དྲོན་པོ་བད་དྲོ་འཇམ། །ཁྲག་མཁྲིས་ལ་ནི་དེ་བསིལ་བསྔགས། །རླུང་མེད་གནས་སུ་འདུག་ནས་ནི། །ལག་པ་གཡོན་པས་མིག་ཕྱེ་ལ། །ཉ་ཕྱིས་ནང་སྦྱར་རས་བལ་ནི། །བསྙད་པའི་ཐིགས་བ་བླུགས་བྱ་བ། །སོར་གཉིས་ཙམ་སྤངས་ལས་མིག་གྲྭ། །ཐིགས་པ་བཅུའམ་བཅུ་
[92a.3]གཉིས་བླུགས། །དེ་ནས་གོས་འཇམ་དག་གིས་ཕྱི། །རླུང་དང་བད་ཀན་ཅན་དག་ལ། །གོས་འཇམ་གཞན་ནི་ཆུ་དྲོན་ལ། །སྦངས་པས་དུགས་ནི་འཇམ་པོ་བྱ། །མིག་སྨན་བླུགས་པ་རབ་ཚ་རྣོས། །ན་ཞིང་མིག་དམར་རྟུལ་བར་འགྱུར། །ཤིན་ཏུ་གྲང་བས་ཟུག་པ་དང་། །
[92a.4]འཛུམས་མི་ཤེས་དང་ན་བར་འགྱུར། །དྲགས་པས་མིག་མཆུ་དམར་དང་དྲུད། །རྩུབ་ཅིང་མིག་ནི་འབྱེད་དཀར་འགྱུར། །ཤིན་ཏུ་ཆུང་བས་ནད་དཀྱེལ་སྐྱེད། །མ་ཕོ་བས་ནི་ཐུ་བར་བྱེད། །བསྐུས་ལེགས་ནད་རྩ་སྣ་སུལ་དང་། །ཁ་ཡི་སྦུབས་སུ་སྨན་གྱིས་ཁྱབ། །སྤྱི་བོར་གཏོགས་
[92a.5]པའི་ནད་ཀྱི་ནི། །དྲི་མ་དཔྱིས་ནི་འབྱིན་པར་བྱེད། །དེ་ནས་ལུས་སྦྱངས་མིག་སྨན་བསྐུ། །མིག་ཙམ་ལ་ནི་གནས་གྱུར་པ། །ཅུང་ཟད་སྐྲངས་དང་ཤིན་ཏུ་གཡའ། །རྡུ་མ་ཆགས་པས་སྨིན་ཤེས་ཤིང་། །ཅུང་ཟད་དྲུད་དམར་མཆི་མ་འཛག །མིག་རྡུ་སྟུག་ལ་གཏང་བར་བྱ། །
[92a.6]བད་ཀན་དང་ནི་ཁྲག་མཁྲིས་དང་། །མཆོག་ཏུ་རླུང་གིས་གཟིར་ལ་བསྐུ། །མིག་སྨན་ཕྱི་དང་རྨག་སོ་དང་། །གསལ་བར་མཐོང་སྟེ་རྣམ་པ་གསུམ། །དེ་ལ་ཕྱི་བའི་མིག་སྨན་ནི། །བསྐ་དང་སྐྱུར་དང་ཚ་དང་ཁ། །རྨ་གསོ་སྨན་ནི་ཁ་བ་སྟེ། །གསལ་སྨན་མངར་དང་བསིལ་བ་ཡིན། །
[92a.7]ཐུར་མ་སོར་བཅུ་དབུས་ཕྲ་ལ། །རྩེ་མོ་སྲི་ཞིང་ཁ་འབུས་འདྲ། །ཕྱི་བའི་ཐུར་མ་ཟངས་ཀྱི་བསྔགས། །རྨ་གསོ་ལྕགས་ནག་བྱས་སོར་ཙམ། །བཟང་པོ་གསལ་བར་བྱེད་པ་ནི། །གསེར་དང་དངུལ་ལས་བྱས་པ་བསྔགས། །གདར་བུ་ཁུ་བ་ཕྱེ་མས་ཏེ། །མིག་སྨན་རྣམ་གསུམ་ཉིད་དུ་
[92b]
[92b.1]བརྟག །དེ་ནི་མིག་ནད་ལྕི་འབྲིང་དང་། །ཡང་བ་ལ་ནི་རིམ་བཞིན་སྦྱར། །མཚན་མོ་ཉལ་དང་ཉི་མའི་གུང་། །ཟོས་འཐུངས་ཉི་མ་ཚ་བ་ཡིས། །མིག་གི་ནད་ནི་འཕེལ་བ་དང་། །དཀྱེལ་ནི་སྐྱེ་དང་འཁྲུགས་པར་འགྱུར། །དེ་བས་དེ་ཞི་ཕྱིར་ན་དགོངས། །ཉི་མ་སྤྲིན་བྲལ་དུས་སུ་བསླུ། །
[92b.2]གཞན་དག་སྨྲ་བ་ཉིན་པར་ནི། །མིག་སྨན་རྣོན་པོ་གཏང་མི་བྱ། །བཀྲུས་པས་ཉམ་ཆུང་གྱུར་པའི་མིག །ཉི་མ་བལྟས་ན་གནོད་པར་འགྱུར། །མཚན་མོ་གཉིད་ནི་ལོག་པ་དང་། །ཟླ་དུས་ཡིན་པས་རྟས་འགྱུར་ཏེ། །མིག་ནི་མེ་ཡི་རང་བཞིན་པས། །བསིལ་བས་གནད་མེད་བསྟེན་
[92b.3]པར་འགྱུར། །མིག་ནད་བད་ཀན་ཤས་ཆེ་བའམ། །ཕྱི་ཞིང་གསལ་བར་བྱ་བ་ལས། །རབ་ཆ་མིན་པའི་ཉིན་པར་ཡང་། །མིག་སྨན་རྣོན་པོ་བླུགས་པར་འདོད། །ལྕགས་ནི་རྡོ་ལས་འབྱུང་བ་ཡིན། །རྣོ་བ་དེ་ཉིད་ལས་བྱུང་ཡང་། །དེ་ཉིད་ཀྱིས་ནི་གནོད་བྱེད་ནུས། །མིག་གི་རང་
[92b.4]བཞིན་དེ་དང་འདྲ། །དགུན་ཚེ་མཚན་མོ་མིག་སྨན་ནི། །རྣོན་པོ་ཕན་པ་མ་ཡིན་ཏེ། །འཛག་མི་འགྱུར་བས་མིག་རེངས་དང་། །གཡའ་དང་མི་གསལ་ལ་སོགས་སྐྱེད། །མིག་སྨན་མི་གཏང་འཇིགས་དང་སློན། །ཁྲུས་བཏང་ཟན་ཟོས་ཤུགས་ཀྱིས་ཉེན། །ཁྲོས་དང་རིམས་བཏབ་མིག་ཕྱིར་བྱུང་། །བླང་
[92b.5]ནད་མྱ་ངན་གཉིད་མ་ལོག །ཉི་མ་མ་མཐོང་མགོ་བཀྲུས་དང་། །ཆང་འཐུངས་དུད་པ་བརྔུབས་པ་དང་། །ཁ་ཟས་མ་ཞུ་ཉི་ཚན་གདུངས། །ཉིན་ཉལ་སྐོམ་པ་ལ་མི་གཏང་། །མིག་སྨན་རབ་རྣོ་འཇམ་དང་ཉུང་། །མང་སླ་སྐ་དང་རྩུབ་པ་དང་། །ཤིན་ཏུ་བསིལ་དང་ཚ་བ་ཡི། །མིག་སྨན་བསྐུ་བར་མི་
[92b.6]བྱའོ། །དེས་ན་མིག་ནི་མ་ཕྱེ་བར། །དལ་གྱིས་ནང་དུ་ཁྱབ་པར་བྱ། །མིག་སྨན་བསྐུས་ནས་མིག་མཆུ་ནི། །ཅུང་ཟད་བསྐྱོད་ལ་མིག་སྨན་ནི། །རྣོན་པོས་མྱུར་དུ་ཁྱབ་པར་འགྱུར། །དབྱེ་དང་འཛུམས་པར་མི་བྱའོ། །མིག་མཆུ་གཉིས་ནི་བསྡམ་པ་དང་། །བཀྲུ་བ་དག་ནི་མི་བྱའོ། །
[92b.7]གང་ཚེ་མིག་སྨན་གྱིས་བསྐུས་པའི། །སྨན་གྱི་རྩོམ་པ་ཞི་གྱུར་ན། །ནད་ཀྱི་དམིགས་དང་མཐུན་པ་ཡི། །ཆུ་ཡིས་དེ་ཚེ་བཀྲུ་བར་བྱ། །དེ་ནས་གོས་འཇམ་བཅས་པ་ཡི། །མཐེ་བོང་དང་ནི་མཛུབ་མོ་གཉིས། །མིག་ནི་ཅི་རན་ཕྱེ་སྟེ་ཕྱི། །གཡོན་པས་གཡས་པ་ཕྱི་བར་བྱ། །
[93a]
[93a.1]གཞན་དུ་མིག་སྨན་བླུགས་པ་ཡིས། །མིག་མཆུ་ཁྱབ་པས་ནད་སྐྱེད་འགྱུར། །སྨན་གྱིས་གཡའ་བའམ་རྟུལ་གྱུར་ན། །རྣོན་པོའི་དུད་བརྔུབ་པར་བྱ། །མིག་སྨན་རྣོན་པོས་ཚ་གྱུར་ན། །སླར་འཆོས་མིག་སྨན་བསིལ་བྱེད་གཞུག །ཡན་ལག་བརྒྱད་པའི་སྙིང་པོ་བསྡུས་
[93a.2]པ་ལས། མདོའི་གནས་ཀྱི་ལེའུ་ཉི་ཤུ་རྩ་གསུམ་པའོ།། །།དེ་ནས་མིག་བརྟ་བའི་ཆོ་ག་དང་། མིག་སྨན་གྱི་ཕུར་མ་བསྲེགས་ཤིང་བཙོས་པའི་ཁུ་བ་མིག་ཏུ་བླུགས་པའི་ཆོ་གའི་ལེའུ་བཤད་པར་བྱའོ། །མིག་འཛུམས་མི་ཤེས་རེངས་བག་དང་། །སྐམ་དང་རྩུབ་དང་སྣད་པ་
[93a.3]དང་། །རླུང་མཁྲིས་ནད་གྱུར་ཞུམ་བག་དང་། །རྫི་མ་བྱི་ཞིང་གཡོགས་པར་མཐོང་། །དབྱེ་དཀའ་རྩ་ནི་བརྩེ་བ་དང་། །མིག་ནི་རྩ་འགྱུར་མི་མཐོང་དང་། །དམར་ཞིང་མཆི་འཛག་ཀླད་ཕྱེད་ན། །རླུང་ནད་ཀུན་འགྲོ་ལིང་ཏོག་ཅན། །མིག་ནད་བརྩེ་ཞིང་མཆི་མ་འཛག །ན་ཞིང་
[93a.4]དམར་ལ་མིག་རྡུ་ཆགས། །ཐུན་མོང་དུས་སུ་ནང་པར་རམ། །དགོངས་ཀ་གན་རྐྱལ་ཉལ་ནས་ནི། །ལུས་དང་མགོ་སྦྱང་རླུང་མེད་པའི། །གནས་སུ་བརྟ་བའི་སྨན་གཏང་ངོ་། །ནས་སམ་མ་ཤའི་རྗེན་ཟན་གྱིས། །མིག་སྦུབས་མཐའ་བསྐོར་མཉམ་པ་ནི། །དཔངས་སུ་སོར་གཉིས་
[93a.5]རྟེན་བྱས་ལ། །ནད་དམིགས་ཇི་བཞིན་སྨན་བསྐོལ་ལ། །ཞུན་མར་ཆུ་ཚན་ལ་བསྲོས་ཏེ། །མིག་ནི་བཙུམས་པར་བླུགས་པར་བྱ། །མཚན་མོ་མི་མཐོང་རླུང་རབ་རིག །དབྱེ་དཀའ་སྩོགས་ལ་ཚིལ་ཞུན་བླུགས། །རྫི་མའི་རྩེ་ནུབ་བར་བཀང་ལ། །དེ་ནས་བསྐྱོད་ཅིང་དབྱེ་བ་ནི། །དེ་
[93a.6]ནི་དལ་གྱིས་བྱེད་དུ་གཞུག །ཚད་བགྲང་བྱ་བ་དེ་ལ་ནི། །མིག་མཆུ་མིག་འགྲམ་དཀར་ནག་ནད། །གྲངས་བརྒྱ་སུམ་བརྒྱ་ལྔ་བརྒྱ་དང་། །བརྒྱ་ཕྲག་བདུན་དང་བརྒྱད་རིམ་བཞིན། །དཀྲུགས་དང་རླུང་ལ་གྲངས་སྟོང་སྟེ། །མཁྲིས་པ་ནད་མེད་ལ་དྲུག་བརྒྱ། །བད་ཀན་ལ་ནི་ལྔ་
[93a.7]བརྒྱ་གཞག །དེ་ནས་མིག་འགྲམ་འཛག་སྒོ་བྱ། །སྨན་མར་སྣོད་དུ་གཟགས་བྱས་ལ། །དུད་པ་བརྔུབས་ནས་ནམ་མཁའ་དང་། །གཟུགས་འཚེར་བ་ནི་བལྟ་མི་བྱ། །དེ་ལྟར་རླུང་ལ་ཉིན་རེ་བྱ། །མཁྲིས་པ་ཉིན་རེའི་བར་དུ་གཅོད། །བད་ཀན་བདེར་གནས་གཉིས་པར་བཅད། །ཚིམ་
[93b]
[93b.1]པར་འགྱུར་གྱི་བར་དུ་གཏང་། །ཚིམ་པས་གསལ་བར་མཐོང་ནུས་ཤིང་། །བདེ་ཞིང་མིག་ཡང་དྲི་མ་མེད། །མ་ཚིམ་པ་ལས་གོ་བཟློག་ཡིན། །ཚིམ་དྲགས་བད་ཀན་ནད་སྐྱེད་འགྱུར། །དེ་ནི་ལུས་ཀྱིས་སྣུམ་འཐུངས་ལྟར། །མི་གསལ་མཐོང་བ་ཉམ་ཆུང་འགྱུར། །དེ་བས་ལྟ་བའི་རྗེས་ལ་ནི། །མཐོང་བའི་སྟོབས་ནི་སྐྱེད་
[93b.2]བྱེད་ལ། །སྔར་བཤད་པ་ཡི་མིག་ནད་ལ། །ཕུར་མ་བཙོས་པ་སྦྱར་བར་བྱ། །དེ་ནི་རླུང་ལས་སྣུམ་ཅན་ཏེ། །བད་ཀན་བཅས་ཏེ་ཕྱི་བ་བན། །མཐོང་ཉམས་རླུང་དང་མཁྲིས་བཅས་དང་། །ཁྲག་མཁྲིས་བདེ་གནས་ལ་གསལ་བྱེད། ཁུང་ནས་མཐུས་ཚོལ་རླན་ཅན་གྱི། །ཚིལ་དང་
[93b.3]རྐང་དང་ཞག་ཤ་རློན། །འོ་མ་དག་དང་བཏགས་པ་དང་། །འཚོ་བྱེད་དག་དང་སྦྱར་བའི་སྣུམ། །རི་དྭགས་བྱ་ཡི་མཆེར་པ་ཤ།།མུ་ཏིག་ལྕགས་ཟངས་རྒྱམ་ཚ་དུང་། །རྒྱ་མཚོའི་ལྦུ་བ་ལིག་བུ་མིག །བ་བླ་ཞོག་ཆུར་སྦྱར་བྱ། །རི་དྭགས་བྱ་ཡི་མཆེར་པ་རྐང་། །ལྟོ་ཚིལ་རྒྱུ་མ་སྙིང་
[93b.4]དང་ཤ། །མངར་བག་མར་བཅས་ནུ་ཞོར་བཅས། །བཏགས་པ་གསལ་བར་བྱེད་པ་ཡིན། །ཤ་དང་སྨན་གྱི་ལྡེ་གུ་ནི། །གོང་བུ་སྲང་གཅིག་སོ་སོར་བྱས། །ཨེ་རཎ་ནྱ་གྲོ་པདྨ་ཡི། །ལོ་མ་སྣུམ་པོས་རིམ་བཞིན་དུ། །དཀྲིས་ལ་འབྱིན་པས་བྱུགས་ནས་ནི། །ད་བ་དགོན་པའི་ལྕི་
[93b.5]བའི་མེ། །འབར་བར་ཡོངས་སུ་བསྲེག་པར་བྱ། །ཚོས་ནས་དེ་ཡི་ཁུ་བ་བཙིར། །མིག་ཏུ་བརྟ་བའི་སྨན་ལྟར་བླུགས། །ཕྱི་དང་སྣུམ་དང་བསལ་བ་ལ། །བརྒྱ་ཕྲག་གཅིག་གཉིས་གསུམ་ཅར་བཞག །དང་པོར་དྲོ་འཇམ་ཕྱི་བསིལ་བླུགས། །དེ་ཉིད་རྗེས་ལ་དུད་པ་བརྔུབ། །དེས་ནི་
[93b.6]སྦྱོར་བ་བརྟ་དང་མཚུངས། །བརྟ་དང་ཕུར་བཙོས་ཐིགས་པ་བླུགས། །སྣ་སྨན་མི་བྱ་ལ་མི་གཏང་། །ཇི་སྲིད་དུས་ནི་སྨན་གཏོང་བ། །དེ་ཡི་ཉིས་འགྱུར་འཕྲོད་པ་བཟའ། །མེ་ཏོག་ཛཱ་ཏི་མ་ལི་ཀས། །མིག་བཅིངས་མཚན་མོ་གནས་པར་བྱ། །སྣ་སྨན་མིག་སྨན་བརྟ་བ་ལ་སོགས་
[93b.7]པས། །མིག་མཐུ་བསྐྱེད་ཕྱིར་ཀུན་ཏུ་འབད་པར་བྱ། །མཐོང་བ་ཉམས་ན་འགྲོ་བ་སྣ་ཚོགས་པའང་། །མུན་པའི་རང་བཞིན་ཚུལ་གཅིག་ཉིད་དུ་འགྱུར། །ཡན་ལག་བརྒྱད་པའི་སྙིང་པོ་བསྡུས་པ་ལས། མདོའི་གནས་ཀྱི་ལེའུ་ཉི་ཤུ་རྩ་བཞི་པའོ།། །།དེ་ནས་ཆ་སྤྱད་ཀྱི་ཆོ་གའི་ལེའུ་
[94a]
[94a.1]བཤད་པར་བྱའོ། །ཟུག་རྔུ་རྣམ་པ་སྣ་ཚོགས་དང་། །ལུས་ནི་སྣ་ཚོགས་གནོད་བྱེད་པ། །འབྱིན་བའི་ཐབས་སུ་གང་གྱུར་པ། །སྤྱད་ཡིན་དེ་བཞིན་གཞང་འབྲུམ་དང་། །མཚན་པར་རྡོ་ལ་སོགས་བརྟ་བ་དང་། །གཙགས་བུ་ཐལ་སྨན་མེ་བཏབ་པའི། །ཡན་ལག་
[94a.2]ལྷག་མ་བསྲུང་ཕྱིར་དང་། །མས་གཏོང་ལ་སོགས་སྤྱད་མ་གཏོགས། །བུམ་པ་ཀུ་བ་རཱ་དང་ནི། །འཛམ་བུའི་མཆུ་ལ་སོགས་སྤྱད་ཡིན། །གང་ཕྱིར་ཆ་སྤྱད་ཆོ་ག་བཞིན། །སྣ་ཚོགས་ཚུལ་དུ་བརྡུང་བྱ་བ། །བློ་ཡིས་རྣམ་དཔྱད་བྱ་བ་ནི། །རགས་རིམ་ཙམ་ཞིག་བསྟན་པ་ཡིན། །སེང་
[94a.3]གེ་ཀངྐ་དོམ་བྱ་རོག །རི་དགས་བྱ་སོགས་ཁ་འདྲ་བའི། །མཆུ་ཅན་ཆ་སྤྱད་བྱས་ནས་ནི། །དེ་ཡི་མིང་ཡང་གདགས་པར་བྱ། །ཕལ་ཆེར་ལྕགས་ཀྱི་རྒྱུ་ལས་ནི། །སྲིད་དུ་སོར་ནི་བཅོ་བརྒྱད་པ། །སྐམ་པ་འབྲེལ་པའི་མཚམས་སུ་ནི། །སྲན་ཆུང་ལྟ་བུའི་གཟེར་གདབ་པ། །རྩ་བ་
[94a.4]ལྕགས་ཀྱུ་ལྟར་གུག་པའི། །ཆ་སྤྱད་བདེ་ལེགས་ཡིན་ཞེས་བྱ། །རྩེ་མོ་གཡུང་དྲུང་ལྟ་བུའོ། །དེ་ནི་བརྟན་པར་རུས་ཟུག་པའི། །ཟུག་རྔུ་འབྱིན་ལ་སྦྱར་བར་བྱ། །གཟེར་བཏབ་རྩེ་མོ་གྱེས་པ་དང་། །སྐམ་པ་ཡིན་ཏེ་སོར་བཅུ་དྲུག །དེ་ནི་པགས་པ་རྩ་རྒྱུས་ཤར། །ཞེན་པའི་ཟུག་
[94a.5]རྔུ་འབྱིན་ལ་སྦྱར། །སྐམ་པ་སོར་དྲུག་ཟུག་རྔུ་ཕྲ། །རྫི་མ་མ་རུངས་འབྱིན་ལ་སྦྱར། །སོ་ཕྲ་དྲང་ཞིང་རྩ་བ་ནི། །གདུ་བུས་བརྒྱན་པ་མུ་ཙ་ཏི། །དེས་རྨ་གཏིང་དུ་ཟུག་པ་དང་། །མིག་མཛེར་གཏིང་དུ་ལུས་ལ་སྦྱར། །ཉ་མགོ་འདྲ་བར་སོར་བཅུ་གཉིས། །ཆ་སྤྱད་གཉིས་པ་གཅིག་པ་བྱ། །
[94a.6]ཉ་མགོ་ལྟ་བུ་ཞེས་བཤད་དེ། །རྣ་ཁུང་ཟུག་རྔུ་འབྱིན་ལ་སྦྱར། །ཆ་སྤྱད་སྦུ་གུ་ཅན་ཁོང་སྟོང་། །རྩེ་མོ་གཅིག་གམ་མང་པོ་བྱ། །དེས་ནི་བུ་གའི་ཟུག་རྔུ་དང་། །ནད་ཡོད་བལྟ་དང་དབྱུང་བ་དང་། །བྱ་བ་སླ་བར་བྱ་ཕྱིར་དང་། །དགང་བར་བྱ་བའི་དོན་དུ་བྱ། །དེ་ཡི་ཞེང་དང་སྦོམ་སྲིད་ཚད། །
[94a.7]བུ་གའི་ཚད་ལས་དཔག་པར་བྱ། །སྲིད་དུ་སོར་བཅུ་སྦོམ་སོར་ལྔ། །གྲེ་བའི་ཟུག་རྔུ་རྟོག་བྱེད་ཡིན། །རྩེ་མོ་ལྔ་པ་བུ་ག་ཅན། །རྩེ་མོ་བཞི་ལ་སྤྱི་མདུད་བྱ། །ཆ་སྤྱད་ཐུར་མ་གཉིས་པ་ནི། །བུ་ག་གསུམ་པ་དེའི་ཚད་བྱ། །ཆ་སྤྱད་བྱ་བ་རང་གི་དབྱིབས། །སྦོམ་དང་ཆུ་ཡི་ཚད་
[94b]
[94b.1]མཉམ་པའི། །སྦུ་གུ་དེ་འདྲ་གཞན་དག་ཀྱང་། །ཆ་སྤྱད་ཤེས་པར་བྱེད་དུ་གཞུག །རྩེ་མོ་པདྨའི་སྙིང་པོ་འདྲ། །སྲིད་དུ་སོར་ནི་བཅུ་གཉིས་པ། །བཞི་ཆ་ཁོང་སྟོང་བྱས་སྦུ་གུ། །ཟུག་རྔུ་འབྱིན་པ་ཡིན་པར་བཤད། །གཞང་འབྲུམ་ཆ་སྤྱད་པ་ཡི་ནི། །ནུ་སོར་འདྲ་བ་སོར་བཞི་པ། །
[94b.2]སྐྱེས་པའི་སོར་ལྔས་འཁྱུད་པ་སྟེ། །བུད་མེད་སོར་དྲུག་གིས་འཁྱུད་བྱ། །ནད་ལྟ་བ་ལ་བུ་ག་གཉིས། །ལས་ལ་བུ་ག་གཅིག་པ་བྱ། །དབུས་ཀྱི་བུ་ག་སོར་གསུམ་པ། །མཐེ་བོང་ཤོང་བ་ཙམ་དུ་བྱ། །དེ་སྟེང་རྩེ་མོ་ཟླུམ་པོ་ནི། །དཔངས་སུ་སོར་ནི་ཕྱེད་པར་བྱ། །ཁར་དཀྲོལ་དེ་འདྲ་བུག་
[94b.3]མེད། །ཆ་སྤྱད་གཞང་འབྲུམ་བཙིར་ལ་སྦྱར། །མཚན་པར་རྡོལ་ལ་རྣམ་ཀུན་ཏུ། །བུ་ག་ཡན་ཆད་བསལ་བར་བྱ། །སྣ་ཡི་ཤུ་བའི་འབྲུམ་པ་ལ། །བུ་ག་གཅིག་པ་སོར་གཉིས་བྱ། །ཞེང་དུ་མཛུབ་མོའི་ཚད་ཙམ་ལས། །མཚན་པར་རྡོལ་གྱི་སྤྱད་འདྲར་བྱ། །སོར་མོ་བསྲུང་ཕྱིར་
[94b.4]བ་སོའམ། །ཤིང་གིས་ཤུབས་ནི་སོར་བཞི་བྱ། །བ་ཡི་ནུ་འདྲ་བུ་ག་གཉིས། །དེ་ཡིས་ཁ་ནི་དབྱེ་བར་བྱ། །མོ་མཚན་རྨ་བརྟག་དབུས་སུ་ནི། །ཁོང་སྟོང་སོར་ནི་བཅུ་དྲུག་པ། །ཕྱོགས་བཞིར་གདུ་བུས་བཅིང་བར་བྱ། །རྩེ་མོ་པདྨ་ཁ་ཟླུམ་འདྲ། །ཐུར་མ་བཞི་ནི་མནན་པ་ཡིས། །རྩ་
[94b.5]བ་བསྡམས་ན་ཁ་དབྱེ་བྱ། །ཆ་སྤྱད་འཇམ་རྩིའི་སྦུབས་འདྲ་ལ། །རྩ་བ་མཐེབ་ཤོང་རྩེ་སྲན་ཤོང་། །རྩེ་མོ་གག་པ་མེད་པ་ལ། །རྩ་བར་ལྤགས་འཇམ་རྐྱལ་བུ་བཅིང་། །རྨ་ཡི་ཕུག་ནི་འཆས་པ་དང་། །རྨ་བཀྲུ་བ་ལ་སྦྱར་བར་བྱ། །འོད་མའི་སྦུ་གུའམ་སྒྲོ་རྩ་ནི། །འདྲ་བ་ཁ་
[94b.6]གཉིས་དམུ་རྫིང་སྤྱད། །དུད་པ་མས་གཏོང་ལ་སོགས་སྤྱད། །རང་རང་གི་ནི་སྐབས་སུ་སྨྲས། །རྡབས་རྭ་ཁ་ཞེང་སོར་གསུམ་པ། །དཔངས་སུ་སོར་བརྒྱད་པའམ་བཅུ། །རྩེ་མོའི་བུ་ག་གཡུངས་ཀར་ཤོང་། །ལེགས་བཀག་ནུ་སོར་དབྱིབས་འདྲ་བྱ། །ཀུ་བ་སྲིད་དུ་སོར་བཅུ་གཉིས།
[94b.7]ཁྱུད་སྐོར་སོར་ནི་བཅོ་བརྒྱད་པ། །ཁ་ཟླུམ་སོར་ནི་གསུམ་མམ་བཞི། །ནང་འབར་བད་ཀན་ཁྲག་འདྲེན་བྱེད། །དེ་བཞིན་བུམ་པ་དེ་འདྲ་བ། །གླན་པས་སྐྲན་ཡང་འཇུ་བར་བྱེད། །ཐུར་མ་ཞེས་བྱའི་ཆ་སྤྱད་ནི། །ལས་དང་དབྱིབས་ནི་སྣ་ཚོགས་པ། །ཅི་རིགས་པ་ཡི་ཚད་ལྡན་བྱ། །
[95a]
[95a.1]དེ་ལ་རྨ་ཚོལ་ལས་ལ་གཉིས། །སྲིན་བུ་གན་དུ་པ་ཏའི་དབྱིབས། །བུ་གའི་ནང་གི་ཟུག་རྔུ་འབྱིན། །ཁ་ནི་སྲན་ཆུད་ཕྱེ་འདྲ་གཉིས། །སོར་བརྒྱད་པ་དང་དགུ་པའི་ཚད། །ཐུར་མ་དྲུག་སྟེ་དེ་ལས་གཉིས། །སོར་ནི་བཅུ་དྲུག་བཅུ་གཉིས་པ། །ཐལ་སྨན་བཏང་བ་སྦྲུལ་ཁ་འདྲ། །གཉིས་པོ་བཅུ་གཉིས་སོར་བཅུ་པ། །བསྐུལ་སྤྱད་ཁ་ནི་མདའ་ལྟོང་འདྲ།།
[95a.2]འབྱིན་པའི་ཆ་སྤྱད་ལྕགས་ཀྱུའི་དབྱིབས། །ཐུར་མ་རྩེ་མོ་གུག་པ་ནི། །མངལ་གྱི་ཕུར་པ་ཞེས་བྱ་སྟེ། །སྲིད་དུ་སོར་བརྒྱད་བྱས་པ་དེས། །བུད་མེད་མངལ་དུ་བུ་ཤི་དབྱུང་། །རྡེའུ་འབྱིན་ཆ་སྤྱད་སྤྲུལ་མགོ་ཡི། །གདེངས་
[95a.3]ཀ་འདྲ་ལ་རྩེ་གུག་པའོ། །མདའ་ལྟོང་འདྲ་བར་སོར་བཞི་པ། །སོ་དབྱུང་བ་ལ་སྦྱར་བར་བྱ། །རྩེ་མོ་རས་བལ་གྱིས་དཀྲིས་པའི། །ཕྱི་བསལ་ཐུར་མ་དྲུག་བྱའོ། །གཞང་གི་ཉེ་རིང་ནང་ལ་གཉིས། །སོར་བཅུ་བ་དང་བཅུ་གཉིས་པ། །སྣ་ཡི་སོར་དྲུག་བདུན་པ་གཉིས། །རྣ་བའི་སོར་བརྒྱད་
[95a.4]དགུ་པ་གཉིས། །རྣ་བ་བསལ་ལ་ཨ་ཤྭདྠའི། །རྩེའམ་བླུགས་གཟར་ཁ་འདྲ་བྱ། །ཐུར་མ་འཛམ་བུའི་ཐོར་ཏོ་འདྲ། །ཐལ་སྨན་མེ་བཙའ་སོ་སོར་གསུམ། །ཕྲ་སྦོམ་རིམ་བཞིན་སྦྱར་བར་བྱ། །རྒྱུ་མའི་ལས་ལ་ཐུར་མ་ནི། །ཁར་བ་འདྲ་ཞིང་དབུས་ཟླུམ་ལ། །རྩ་བ་ཟླ་བ་ཕྱེད་འདྲ་བྱ། །རྒྱ་
[95a.5]ཤུག་ཚི་གུ་བཀས་འདྲ་བ། །སྣ་ཡི་ཐོར་ཏོ་འབྲུམ་སྲེག་བྱེད། །སོར་བརྒྱད་པ་ལ་རྩེ་མོ་ལྗོན། །གསུམ་པ་ཐལ་སྨན་སྨན་རིམ་ལ། །མཐེའུ་ཆུང་གུང་མོ་སྲིན་ལག་གི །སེན་མོ་ལྟ་བུའི་སོ་བྱས་པའོ། །ཕོ་མཚན་སྤྱད་དང་མིག་སྨན་སྩོགས། །ཆ་སྤྱད་རང་རང་ལེའུར་བཤད། །ཉེ་བའི་ཆ་སྤྱད་
[95a.6]ཁབ་ལོང་དང་། །ཐག་པ་རས་དང་ཐོ་བ་དང་། །འབྲིང་བུ་རྒྱུ་མ་ལྕེ་རྟ་རྡ། །ཡལ་ག་སྲེན་མོ་ཁ་སོ་དང་། །དུས་དང་སྨིན་དང་ལག་རྐང་དང་། །འཇིགས་དང་དགའ་བ་དེའི་བྱ་བའི། །བྱེ་བྲག་ཐབས་ནི་ཤེས་པའོ། །མཁས་པས་བློ་ཡིས་དཔྱད་པར་བྱ། །ཆ་སྤྱད་གདུང་སྲུབ་དགང་དང་རྒྱུན་
[95a.7]སྲང་དག་བྱ་དང་། །ཐལ་སྨན་གདབ་དང་མཚོན་དབྱུང་བཅིང་དང་བཅེར་བ་དང་། །གཞིབ་དང་སྨད་དང་སྟོད་དང་བསྐྱོད་དང་བཅག་པ་དང་། །བཟློག་དང་དྲང་པོར་བྱ་བ་ཚ་སྤྱད་ལས་རྣམས་ཡིན། །ལེགས་པར་ཟུག་ཅིང་འབྱིན་པར་བྱེད་པ་དང་། །གཟུང་བྱ་བླངས་ནས་འབྱིན་པར་བྱེད་ཕྱིར་དང་། །ཡན་
[95b]
[95b.1]ལག་ཀུན་ལ་གནོད་པ་མེད་པས་ན། །ཆ་སྤྱད་ཀུན་གྱི་མཆོག་ནི་ཀངྐའི་མཆུ། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་ཉི་ཤུ་རྩ་ལྔ་པའོ།། །།དེ་ནས་གཏར་སྤྱད་ཀྱི་ཆོ་གའི་ལེའུ་བཤད་པར་བྱའོ། །མགར་བ་མཁས་པས་ཆོ་ག་བཞིན། །བརྡུངས་པའི་
[95b.2]གཏར་སྤྱད་ཉི་ཤུ་དྲུག །སྤུ་ནི་ཆོད་པར་ནུས་པ་དག །ཕལ་ཆེར་སོར་ནི་དྲུག་པར་བྱ། །གཟུགས་ལེགས་སོ་ནི་ལེགས་པ་དང་། །གཟུང་བར་བདེ་བ་ཉིད་དུ་བྱ། །ཡ་ཡོ་མེད་ཅིང་འཐར་ལེགས་པའི། །ཤིན་ཏུ་རྣོ་བའི་ལྕགས་ལས་བྱ། །རྩེ་མོ་ཤིན་ཏུ་ལེགས་བརྡུངས་ལ། །ཨུཏྤལ་སྔོན་
[95b.3]པོའི་མདོག་འདྲ་བའི། །རང་མིང་རྗེས་མཐུན་གཟུགས་ཅན་ནི། །རྟག་ཏུ་ཉེ་བར་གཞག་པར་བྱ། །རྩེ་མོ་རེ་རེ་དག་ལ་ཡང་། །རང་ཚོད་སོར་ཕྱེད་གཉིས་དང་བཞི། །ཕལ་ཆེར་གཉིས་དང་གསུམ་དུ་བྱ། །དེ་གནས་ཁྱད་པར་དག་ལ་སྦྱར། །དེ་ལས་དཀྱིལ་འཁོར་འདྲ་བའི་རྩེ། །མཛུབ་སེན་ནང་
[95b.4]གི་དབྱིབས་འདྲར་བྱ། །དེ་ནི་རྙིལ་སྐྱེས་ལྐོག་མ་ཡི། །ཤ་ལྷག་ལ་སོགས་གཞར་བཅད་སྦྱར། །འཕེལ་གཙགས་སྤུ་གྲིའི་དབྱིབས་ལྟ་བུ། །གཅོད་དང་དྲལ་དང་འབྱིན་ལ་སྦྱར། །རྩེ་དྲང་སྐྲངས་ནད་མཐོ་བ་དང་། །ཟབ་པ་ལ་སྦྱར་དེ་ལས་གཞན། །ལྟག་པ་རིང་ཞིང་རྩེ་གུག་པ། །སོ་ཐུང་
[95b.5]ནད་ཚུལ་ཇི་བཞིན་སྦྱར། །ཨུཏྤ་ལ་དང་སོ་ཕྱེད་ཀྱིས། །དྲལ་དང་དེ་བཞིན་གཅད་པར་བྱ། །སྦྲུལ་ཁ་རྩེ་སོར་ཕྱེད་རྣ་བ། །སྣ་ཡི་ཐོར་བུ་དཔྱད་ལ་སྦྱར། །རྨ་ཚོལ་འཇམ་པོ་རྟ་བླ་བའི། །མགོ་བོ་འདྲ་གཞལ་བརྟག་པར་བྱ། །དེ་ལས་གཞན་པ་ཁབ་རྩེ་འདྲ། །རྩེ་བུག་ཅན་ནི་དབུག་ལ་
[95b.6]སྦྱར། །ལྗང་པའི་ལོ་འདྲ་འབིགས་པ་ལ། །ཤ་རིའི་མཆུ་འདྲ་མདའ་བུག་ནི། །ཁ་འདྲ་རྩེ་གསུམ་ཁྲག་གཟགས་ལ། །འཇག་རྩེ་ཨ་ཏའི་མཆུ་འདྲ་བ། །འབྲས་བུ་སོར་གཉིས་ཁྲག་འབྱིན་ལ། །དེ་འདྲའི་སོ་ནི་ནང་དུ་ལྟ། །གཙགས་འབྲས་ཟླ་བ་ཁམ་པ་འདྲ། །སོར་ནི་ཕྱེད་དང་གཉིས་ཡོད་བྱ། །
[95b.7]རྩེ་མོ་འབྲས་དང་འདྲ་པ་ལ། །སོར་ནི་ཕྱེད་དང་གཉིས་ཡོད་དག །དེ་ནི་རྩ་ལྟོའི་ནད་ལ་སྦྱར། །སྟ་རེའི་སྤངས་འདྲ་བ་ལང་སོ། །འདྲ་བའི་གཙགས་འབྲས་སོར་ཕྱེད་པ། །དེ་ཡི་ཡུ་བ་གྱེན་བསྟན་ལ། །རུས་པའི་སྟེང་གནས་རྩ་ལ་གདབ། །ཟངས་མའི་ཐུར་མ་རྩེ་གཉིས་པ། །རྩེ་མོ་མེ་
[96a]
[96a.1]ཏོག་ཁ་འབུས་འདྲ། །དེ་ཡིས་མཐོང་ཉམས་མིག་སྦྲིས་དབུག །རྒྱ་འདྲའི་གཅགས་བུ་བྱ་བ་ནི། །སོར་གདུབ་འདྲ་ལས་ཁ་འབྱུང་བ། །གཙགས་འབྲས་རྒྱར་ནི་སོར་ཕྱེད་པ། །རིག་པས་འཕེལ་གཙགས་ལྟ་བུའམ། །དཀྱིལ་འཁོར་ལྟ་བུའི་རྩེ་འདྲ་བྱ། །དེ་ནི་
[96a.2]མཛུབ་མོའི་ཐོར་ཏོལ། །གདགས་སུ་རུང་བའི་རྒྱ་འདྲ་བྱ། །སྲད་བུས་བརྟོད་ལ་གྲེ་བའི་ནང་། །ནད་རྣམས་གཅད་དང་དྲལ་ལ་སྦྱར། །གྲེ་བའི་ཤ་ལྷག་ཐོར་གཙུག་འཛིན། །ལྕགས་ཀྱུའི་རྩེ་མོ་ལེགས་གུག་བྱ། །རུས་པ་གཅོད་པའི་སོག་ལེ་ནི། །སྲིད་དུ་སོར་བཅུ་ཞིང་སོར་གཉིས། །སོ་
[96a.3]རྣམས་ཕྲ་ཞིང་རབ་ཏུ་རྣོ། །ཡུ་བ་ཆང་གཟུང་ལེགས་པར་བྱ། །རྨ་ཡི་ཆུ་རྒྱུས་སྐྲ་བཅད་པའི། །ཆན་པ་ཆན་པ་འདྲ་བར་བྱ། །སོ་ཡོ་སོ་དྲང་ཁ་གཉིས་པའི། །སེན་མོ་འདྲེག་སྤྱད་སོར་དགུ་པ། །ཟུག་རྔུ་ཕྲ་འབྱུང་གཅད་པ་དང་། །དྲལ་དང་དབུག་དང་ཕྱི་བར་བྱ། །ཟུར་བཞི་པ་ལ་སོར་
[96a.4]གཅིག་པ། །དབྱིབས་ནི་ཀུན་ཏུ་གཅིག་འདྲ་བ། །སོ་ཕྱི་བ་ཡི་གཅགས་སྤྱད་དེ། །སོ་ཡི་དྲེག་པ་ཕྱི་བར་བྱ། །ཁབ་ནི་མགོ་ཟླུམ་མིག་ཟབ་ཆེ། །མཁྲང་པ་གསུམ་བྱ་དེ་ལས་ནི། །ཤ་ཆེ་བ་ཡི་ཕྱོགས་སུ་ནི། །ཟུར་གསུམ་སྲིད་དུ་སོར་གསུམ་པས། །ཤ་ཆུང་པ་དང་རུས་ཚིགས་ན། །
[96a.5]རྨ་ཡོད་པ་ལ་སྲིད་སོར་གཉིས། །ཞུ་དང་མ་ཞུའི་གནས་ནད་རྨའི། །ཁབ་རྩེ་འབྲས་དབྱིབས་གཞུ་ལྟར་སྒུ། །སྲིད་དུ་སོར་ནི་ཕྱེད་དང་གསུམ། །ཁབ་ནི་བདུན་དང་བརྒྱད་ཀུན་ཡང་། །ཟླུམ་པོ་སོར་ནི་ལེགས་སྦོམ་པ། །ཁྲི་གཅིག་ལ་བཙུགས་པིར་འདྲ་བ། །བརྩན་སྔོ་གདོང་ནད་ཐིག་ལེ་
[96a.6]གནག །སྐྲ་འབྱི་བ་ལ་གཙགས་པར་བྱ། །ཁབ་བརྒྱད་ཟླུམ་པོ་སོར་ཕྱེད་པ། །གཅིག་ཏུ་སྦོམ་ལ་གཟར་བུ་འདྲ། །ལག་པ་གཉིས་ཀྱིས་བཙུགས་ནས་ནི། །དེ་ཡིས་སྣ་ཡི་ཁྲག་དབྱུང་ངོ་། །རྣ་ཤལ་དབུག་པའི་སྙུང་བུ་ནི། །ཡུ་ཏི་ཀ་ནི་ཁ་འབུས་འདྲ། །སྙུང་བུ་སོར་ནི་ཕྱེད་པར་བྱ། །དེ་ཡི་
[96a.7]ཚད་དབུག་དེ་ཡན་ཆད། །ཟུར་བཞི་པར་བྱས་དེ་ཡིས་ནི། །སྐྲངས་སྨིན་མ་སྨིན་དོགས་ལ་དབུག །རྣ་དྲུང་ཤ་ནི་སྟུག་པོ་དབུག །སྙུང་བུ་ཁ་ནི་སྦོམ་པོ་ལ། །སུམ་ཆ་སྦུ་གུ་ཡོད་བྱས་ལ། །སོར་གསུམ་པ་ཡིས་རྣ་བ་དབུག །པདྨ་ཐལ་སྨན་མེ་བཙའ་དང་། །མཆིང་བུ་རྡོ་དུམ་སེན་མོ་སྩོགས། །
[96b]
[96b.1]ལྕགས་མིན་གཏར་སྤྱད་ཕྲ་མོ་སྟེ། །དེ་ཡང་དེ་བཞིན་སྦྱར་བར་བྱ། །ཆ་སྤྱད་འཁྲུལ་འཁོར་སྩོགས་པས་ཀྱང་། །མཁོ་བ་ནད་ཀྱི་དམིགས་དང་སྦྱར། །འདྲེན་དང་འབྱིན་དང་འདྲལ་དང་འདྲུབ། །དམིགས་ཚོལ་ཕྱ་བསལ་ཞལ་ཞལ་གདབ། །གཙགས་བཅད་གཤེགས་དབུག་བཙུགས་པ་དང་། །
[96b.2]གཟུང་སྲེག་དེ་ཡིས་བྱ་བ་ཡིན། །གཅད་དང་དྲལ་དང་ཕྱི་བའི་ཕྱིར། །སྤྱད་ཀྱི་གཙགས་འབྲས་རྩ་བའི་བར། །མཛུབ་མོ་གུང་མོ་མཐེབ་མོ་ཡིས། །མ་ཡེངས་པ་དང་ལེགས་པར་གཟུང་། །གཏར་ག་གདབ་ཕྱིར་རྩེ་མོའི་དྲུང་། །མཛུབ་མོ་དང་ནི་མཐེ་བོས་གཟུང་། འབྲས་འདྲ་བ་ཡི་ཡུ་བ་
[96b.3]ནི། །ཆང་པར་བཅུག་སྟེ་རྩེ་མས་གདབ། །དབྱུང་དོན་ཡུ་བ་ནས་གཟུང་བྱ། །གཞན་དག་བྱ་བ་གང་བདེར་བྱ། །གཏར་སྤྱད་སྣ་ཚོགས་དག་གི་སྣོད། །གསོ་རས་བལ་སྣམ་མེན་དྲིའམ། །པགས་འཇམ་དུ་གུ་ལ་ལས་བྱས། །རབ་ཏུ་སྟུག་པ་ཞེང་སོར་དགུ། །སྲིད་དུ་སར་ནི་བཅུ་གཉིས་
[96b.4]པ། བལ་གྱིས་བར་བཅད་སྤྱད་བཅུག་ལ། །ལེགས་པར་གཞག་སྟེ་དྲུབ་པ་དང་། །ཐུར་མས་ཁ་ནི་བརྒྱུ་བར་བྱ། །སྲིན་བུ་པད་པ་བདེར་གནས་པ། །ཁྲག་དབྱུང་ཕྱིར་ནི་སྦྱར་བར་བྱ། །ཆུ་ནང་ཉ་དང་སྦལ་སྩོགས་དང་། །མི་རོའི་དྲི་མ་མནམ་ལས་བྱུང་། །དམར་དང་དཀར་དང་ཤིན་ཏུ་
[96b.5]གནག །མི་སྲུན་སྦོམ་དང་འབྱིལ་བ་དང་། །འཇའ་ཚོན་དང་འདྲ་རོ་སྟོད་བཀྲ། །སྤུ་ཡོད་དེ་རྣམས་དུག་ཅན་ཡིན། །སྤང་བྱ་དེས་ནི་ཁྲག་གཞིབས་ན། །གཡའ་རྣགས་འཛག་རིམས་མགོ་འཁོར་སྐྱེད། །དེ་ལ་དུགས་ཁྲག་མཁྲིས་གསོ་བྱ། །ཆུ་མདོག་རྣམ་པར་གསལ་བ་དང་། །དུག་མེད་ཉ་
[96b.6]ལྕིབས་མེད་ལས་བྱུང་། །རྩ་སྣར་རོ་སྟོང་སྔོ་ཁྲ་ཟླུམ། །རྒྱབ་ནི་ངུར་སྨྲིག་འདྲ་ལུས་ཕྲ། །ལྟོ་ནི་ཅུང་ཟད་སེར་བ་བཟང་། །དེ་ཡང་ལེགས་པར་མ་སྐྱུགས་དང་། །རྟག་ཏུ་འཐུང་དུ་བཅུག་པ་དག །ཆུ་ནང་ཞུགས་ཏེ་ནུབ་པ་ནི། །ཁྲག་གིས་མྱོས་པ་ཡིན་པས་སྤངས། །དེ་ནས་ཅིག་ཤོས་
[96b.7]སྐྱེ་རབ་བརྟགས།། ཆུ་སྦྱར་བ་ཡི་ནང་དུ་གཞུག །ཀན་ཛིའམ་དར་བའི་ནང་དུ་གཞུག །སླར་ཡང་ཆུར་ནི་དབུགས་ཕྱུང་ནས། །མར་རམ་ས་ཞག་ནུ་ཞོ་འམ། །ཁྲག་གི་ཐིགས་པ་བསྐུས་འཐུང་གཞུག །འཐུངས་ཚེ་རོ་སྟོད་མཐོར་གྱུར་ན། །རས་མ་སྲབ་མོས་གཡོགས་པར་བྱ། ཁྲག་
[97a]
[97a.1]ནི་བཟང་ངན་འདྲེས་པ་ལས། །པད་པ་དང་པོར་ནད་ཁྲག་ནི། །འཐུངས་ཏེ་ངང་པས་འོ་མ་དང་། །འདྲེས་ཆུའི་འོ་མ་ལེན་དང་མཚུངས། །སོ་ཡིས་འདེབས་པའམ་གཡའ་གྱུར་ན། །དེ་ནི་སླར་དབྱུང་སྐྱུག་ཏུ་གཞུག། །རྒྱམ་ཚ་ཏིལ་མར་གྱིས་ཁ་བསྐུ། །ཕྱེ་མ་འཇམ་པོས་རྒྱབ་ཏུ་
[97a.2]གཏོར། །སླར་ཡང་ཞག་བདུན་བར་དུ་ནི། །ཁྲག་མྱོས་བསྲུངས་ལ་འཐུང་མི་གཞུག །སྲིན་བུ་པད་པ་ལེགས་སྐྱུགས་ན། །སྔོན་བཞིན་ཁོང་གྲིམས་བརྟན་པར་འགྱུར། །དྲགས་ན་དལ་ཞིང་སྙོམ་འཆི་འགྱུར། །སྐྱུགས་མ་ལེགས་ན་རེངས་མྱོས་འགྱུར། །བུམ་པ་ཆུ་དང་ས་བླུགས་པ། །གཞན་
[97a.3]དང་གཞན་དུ་གཞག་པར་བྱ། །ཁ་ཆུ་རུལ་བག་སྦྱང་ཕྱིར་བྱ། །གཞན་དུ་དུག་དང་བཅས་པར་འགྱུར། །མ་དག་པའམ་ཁྲག་མང་བྱུང་། །སྐྱེར་པ་བུ་རམ་སྦྲང་རྩིས་བསྐུ། །ལན་བརྒྱར་དཀྲུགས་མར་རས་བལ་གྱི། །ཡེའུས་བྱུགས་ལ་སྨན་བསིལ་བསྐུ། །ནད་ཀྱི་ཁྲག་དང་བྲལ་གྱུར་
[97a.4]ན། །འཕྲལ་དུ་རྩ་དམར་ནད་མེད་འགྱུར། །མ་དག་གནས་ནས་བསྐྱོད་གྱུར་པ། །རྨ་ཡི་གནས་སུ་འདུག་པའི་ཁྲག །ཞག་ལོན་ན་ནི་གནག་པར་འགྱུར། །དེ་བས་དེ་ནི་སླར་དབྱུང་ངོ་། །མཁྲིས་རྒྱས་ཁྲག་གི་ནད་ལ་ནི། །ཀུ་བ་བུམ་པ་སྦྱར་མི་བྱ། །དེ་གཉིས་མེ་དང་བཅས་པ་ཡིན། །རླུང་
[97a.5]དང་བད་ཀན་ལ་སྦྱར་བྱ། །བད་ཀན་ལས་གྱུར་ནད་ཁྲག་ནི། །སྐ་བས་རྔབས་རུས་གཞིབ་མི་བྱ། །རླུང་དང་མཁྲིས་པ་ལས་གྱུར་ཁྲག །རྔབས་རྭས་གཞིབས་ཏེ་དབྱུང་བར་བྱ། །ལུས་ཀྱི་གོང་དུ་སྲད་བུའམ། །རས་ཀྱིས་དམ་དུ་བཅིངས་ནས་ནི། །ཆུ་བ་ཚིགས་རུས་གནད་རྣམས་ནི། །དོར་
[97a.6]ཏེ་ཞལ་ཞལ་གདབ་བར་བྱ། །གྱེན་དུ་དབྱུང་བའི་ཐབས་ཀྱིས་ནི། །ཐུར་དུ་བབས་པ་གདབ་བར་བྱ། །ཟབ་དང་ཉེ་དང་འཕྲེད་མི་གདབ། །བཏབ་བའི་གནས་སུའང་གདབ་མི་བྱ། །ཞལ་ཞལ་བྱ་བ་ཕྱོགས་གཅིག་འདུས། །རྩ་མདུད་སྲིན་བུས་ཁྲག་འབྱུང་ཞིང་། །བེམ་བེམ་པོར་གྱུར་རྭ་སྩོགས་
[97a.7]གདབ། །ནད་ཁྲག་ལུས་ཁྱབ་གཏར་ག་གདབ། །ཁྲག་ནད་འདུས་པ་ཞལ་ཞལ་བྱ། །གཏིང་ན་ཡོད་པ་པད་པས་དབྱུང་། །པགས་གནས་ཀུ་བུམ་རྔབས་རས་དབྱུང་། །ལུས་ཁྱབ་ཁྲག་ལ་གཏར་གཉིད། །རླུང་སྩོགས་གནས་ལ་རྔབས་རྭ་དང་། །པད་པ་ཀུ་བས་རིམ་བཞིན་དབྱུང་། །ཁྲག་ཕྱུང་
[97b]
[97b.1]བསིལ་བསྐུས་ལ་སྩོགས་པས། །རླུང་ནི་རྣམ་པར་འཁྲུགས་གྱུར་ཏེ། །རྨ་ན་གཡའ་ཞིང་སྐྲངས་གྱུར་ནའང་། །དེ་ལ་ཞུན་མར་དྲོན་པོས་བསྐུ། །ཡན་ལག་བརྒྱད་པའི་སྙིང་པོ་བསྡུས་པ་ལས། མདོའི་གནས་ཀྱི་ལེའུ་ཉི་ཤུ་རྩ་དྲུག་པའོ།། །།དེ་ནས་གཏར་ག་གདབ་པའི་ཆོ་
[97b.2]གའི་ལེའུ་བཤད་པར་བྱའོ། །ཅུང་ཟད་མངར་ཞིང་ཚ་བྲོ་ལ། །གྲང་དང་ཚ་མིན་སྐ་བ་མིན། །པདྨ་ལམ་བུ་ཆུ་གཤེར་དང་། །བཙོད་དང་རི་བོང་ཁྲག་ལྟར་དམར། །དག་ཅིང་དམར་བ་འབྱུང་བ་ནི། །དེ་ཉིད་ཀྱིས་ནི་ལུས་གནས་བྱེད། །དེ་ནི་ཕལ་ཆེར་བད་མཁྲིས་ཀྱི། །ནད་
[97b.3]ཀྱིས་འཁྲུགས་པས་གནོད་བསྐྱད་པས། །མེ་དབལ་འབྲས་དང་མཆེར་ནད་དང་། །སྐྲན་དང་མེ་དྲོད་བྲི་དང་རིམས། །ཁ་དང་མིག་དང་མགོ་ནད་དང་། །མྱོས་དང་སྐོམ་དང་ཚ་བྲོ་དང་། །མཛེ་དང་དྲེག་ནད་མཁྲིས་ཁྲག་དང་། །སྒྲེགས་པ་སྐྱུར་ཞིང་མགོ་འཁོར་བྱེད། །བསིལ་
[97b.4]དྲོ་སྣུམ་དང་རྩུབ་སྩོགས་ཀྱིས། །ནད་གང་གསོས་པར་གྱུར་པ་དག །ལེགས་པར་འཆོས་པར་མ་གྱུར་པ། །དེ་ནི་ཁྲག་འཁྲུགས་ལས་གྱུར་ཡིན། །ཁྲག་བདོ་གྱུར་པ་དེ་ལས་ནི། །གཏར་ག་གདབ་པས་དབྱུང་བར་བྱ། །དེ་ཡང་བཅུ་དྲུག་མ་ལོན་དང་། །བདུན་ཅུ་འདས་ལ་ཁྲག་མི་དབྱུང་། །
[97b.5]ཉམ་ཆུང་དུགས་དྲགས་དུགས་མ་བྱས། །རླུང་གི་ནད་ཀྱིས་ཉེན་པ་དང་། སྦྲུམ་མ་བུ་བཙས་ཟས་མ་ཞུ། །ཁྲག་མཁྲིས་ལུད་པ་དབུགས་མི་བདེ། །ཚད་འཁྲུ་རིམས་དང་སྐྱུགས་པ་དང་། །སྐྱ་རྦབ་ཡན་ལག་ཀུན་སྐྲངས་དང་། །སྣུམ་འཐུངས་པ་ལ་སྦྱོར་བ་དང་། །དེ་བཞིན་ལས་
[97b.6]ལྔ་བྱས་ལ་མིན། །མ་བསྡམས་གཏར་ག་མི་གདབ་ཅིང་། །ཡོན་པོའམ་མི་སྣང་ལ་མི་གདབ། །ཚབས་ཆེན་ནད་ནི་མ་གཏོགས་པ། །གྲང་ལ་ཚ་ཆར་རླུང་དུས་མིན། །མགོ་དང་མིག་གི་ནད་རྣམས་ལ། །འཕྲལ་བའི་རྩ་ལ་གཏར་བའམ། །མིག་འགྲམ་སྣ་དྲུང་རྩ་ལ་གདབ། །རྣ་བའི་ནད་
[97b.7]ལ་རྣ་བའི་རྩ། །སྣ་ཡི་ནད་ལ་སྣ་རྩེར་རོ། །ཆམ་པ་སྣ་དང་དཔྲལ་རྩར་གདབ། །ཁ་ནད་རྣམས་ལ་ལྕེ་དང་ནི། །མཆུ་དང་རྐན་གྱི་རྩར་གདབ་བོ། །ནམ་ཚོང་ཡན་ཆད་རྩ་མདུད་མགུལ། །རྣ་བ་མུར་འགྲམ་སྤྱིར་གནས་གདབ། །སྨྱོ་བྱེད་མིག་འགྲམ་བྲང་དཔྲལ་རྩ། །བརྗེད་བྱེད་འགྲམ་པའི་
[98a]
[98a.1]མཚམས་སུ་གདབ། །ཡང་ན་ཀུན་ལ་སྨིན་མཚམས་གདབ། །འབྲས་དང་རྩིབ་ལོགས་ཟུག་པ་ལ། །རྩིབ་ལོགས་ནུ་མའི་བར་རྩ་གདབ། །ཉིན་གསུམ་པ་ལ་ཕྲག་མཚམས་གདབ། །ཉིན་བཞི་པ་ལ་ལྟག་པའི་འོག །འཁྲུ་བ་གཟེར་དང་ལྡན་པ་ལ། །མཇུག་ཏོའི་
[98a.2]གོང་མ་སོར་གཉིས་པར། །ཁུ་བའི་མཚན་ནད་ཕོ་མཚན་རྩ། །ལྐོག་མའི་ཝ་བར་བརླ་རྩ་གདབ། །གཟུགས་འཁུམས་པུས་མཐིལ་འོག་གམ་ནི། །གོང་གི་སོར་བཞི་པ་ལ་གདབ། །འབྲས་ཀྱི་ཕྲེང་བར་བྱིན་པའི་ཉྭ། །འོག་ཏུ་སོར་བ་གཉིས་གདབ་བོ། །རྐུབ་ཚོས་བུས་མོའི་ལྷ་ངའི་
[98a.3]སྟེང་། །ནད་ལ་ལོང་མོའི་ལྟག་སོར་བཞིར། །རྐང་ཚ་འཐེང་དང་སྦྲིད་པ་དང་། །རྟིང་རྡོལ་རླུང་ནད་མཛེར་པ་དང་། །རྐང་སོར་སྣགས་སུ་ཆད་པ་ལ། །རྒྱ་ཚིགས་ལས་གོང་སོར་གཉིས་གདབ། །འཁུམས་ལ་རྐང་འཁུམས་ལྟ་བུར་གདབ། །ཇི་སྐད་བཤད་པ་མ་མངོན་ན། །གནད་
[98a.4]མ་གཏོགས་པ་གར་ཉེ་བའི། །ཕྱོགས་གཞན་དག་ཏུ་གཏར་ག་གདབ། །དེ་ནས་ལུས་སྣུམ་གཏར་ག་ཡི། །ཡོ་བྱད་ཀུན་བསགས་སྟོབས་དང་ལྡན། །བཀྲ་ཤིས་བྱས་ཤིང་ཁ་ཟས་ནི། །སྣུམ་ཟོས་ཁུ་བ་འཐུངས་པ་དང་། །མེ་དང་ཉི་ཚན་གྱིས་དུགས་བྱས། །པུས་མཉམ་མཐོ་བའི་
[98a.5]སྟན་ལ་འདུག །སྐྲ་རྩ་རས་ནི་འཇམ་པོས་བཅིངས། །པུས་མོའི་ལྷ་ངར་གྲུ་མོ་བཙུགས། །ཁུ་ཚུར་ནང་དུ་གློད་བཅུག་པས། །མགུལ་པ་དམ་དུ་བཙིར་བར་བྱ། །སོ་བསྡམ་ལུད་པ་ལུ་བ་དང་། །མཁུར་བ་གཉིས་ནི་བུད་པར་བྱ། །དེ་ལ་རྒྱབ་ནས་བཙིར་བ་དང་། །གོས་ཀྱིས་
[98a.6]དཀྲི་ཞིང་མཛུབ་མོ་ནི། །གཡོན་པ་ལྐོག་མར་བཅུག་ནས་སུ། །ནང་དུ་ལེགས་པར་གཞུག་པར་བྱ། །འདི་ནི་ནང་དུ་ཁ་བལྟས་རྩ། །མ་གཏོགས་བསྡམ་པའི་ཆོ་ག་ཡིན། །དེ་འོག་སྨན་པའི་མཐེ་བོ་ལས། །གུང་མོ་བཏང་བར་གྱུར་བ་ཡིས། །རྩ་བྱུང་མངོན་ལ་གདབ་བྱས་ནས། །
[98a.7]རེག་པའམ་མཐེ་བོས་མནན་བྱས་ལ། །ལག་པ་གཡོན་པས་བཟུང་བ་ཡི། །གཙགས་པུ་སྟ་རེས་དབུས་སུ་གདབ། །གཙགས་བུའི་ཁ་ཕྱོགས་མི་གཡོ་གཏད། །དེ་བཞིན་གདབ་པའམ་བཙིར་བ་ཡིས། །བེམ་རྟོལ་གདབ་ལས་ཁྲག་དབྱུང་ངོ་། །སྣ་དྲུང་གི་ནི་རྩར་
[98b]
[98b.1]གདབ་པ། །རྩེ་མོ་མཐེ་བོས་བཏེག་ནས་ནི། །གཙགས་རྩེ་འབྲས་འདྲ་གདབ་པར་བྱ། །ལྕེ་བཏེག་བཟློག་སྟེ་སོས་མནན་ལ། །ལྕེ་འོག་རྩར་ནི་གདབ་པར་བྱ། །ནུ་མ་ཡན་ཆད་བསྡམས་ནས་ནི། །མགུལ་པར་གནས་པའི་རྩར་གདབ་བོ། །ལག་པ་གཉིས་སུ་རྡོ་བཅངས་ཏེ། །ལག་
[98b.2]པ་པུས་མོར་བརྟེན་ཏེ་བརྐྱང་། །མཆན་ཁུང་མན་ཆད་མཉེས་ནས་ན། །གོང་དུ་བཅིངས་ལ་མདོ་རྩར་གདབ། །ལག་ངར་རྩ་ནི་བདེར་འདུག་སྟེ། །གདབ་པའི་སོར་བཞི་གོང་གི་ནི། །ཕྱོགས་སུ་རས་ཀྱིས་དམ་བཅིངས་ལ། །མཐེ་བོ་ཆང་པར་བཅུག་ནས་ནི། །ལག་ངར་བརྐྱང་ལ་
[98b.3]གདབ་པར་བྱ། །རྩིབ་ལོགས་རྩ་ནི་དཔུང་པ་གཉིས། །ཐུར་དུ་དཔྱངས་ཏེ་གདབ་བར་བྱ། །ཕོ་མཚན་རྩ་ནི་བཏེག་གདབ། །བྱིན་རྩ་པུས་མོ་མ་བཀུག་པར། །རྐང་པ་ལེགས་གཞག་པུས་མོ་ལ། །འོག་ཏུ་ལག་པ་གཉིས་ཀྱིས་ནི། །ལོང་མོའི་བར་དུ་དམ་བཙིར་ལ། །རྐང་
[98b.4]པ་དེ་སྟེང་གཉིས་པ་ནི། །ཅུང་ཟད་བཀུག་སྟེ་བཞག་པ་ཡིས། །མནན་ལ་དེ་ནས་ལག་པ་ལྟར། །རྩར་གདབ་དེ་ལྟར་མ་སྨོས་པའི། །གཞན་དག་ལ་ཡང་གདབ་བྱས་ལ། །ཐབས་ཤེས་གཙགས་སྤྱད་དེ་དང་དེས། །ཕྱོགས་ནི་དེ་དང་དེ་རུ་གདབ། །ཤ་ཆེ་བ་ཡི་ཕྱོགས་སུ་འདེབས།
[98b.5]འབྲས་འདྲ་འབྲས་ཀྱི་སྲིད་ཙམ་གདབ། །རུས་པའི་སྟེང་རྩ་སྟ་རེ་འདྲས། །ནས་ཀྱི་ཕྱེད་ཙམ་གདབ་པར་བྱ། །ལེགས་པར་བཏབ་ནས་ཁྲག་གཟགས་ཏེ། །ཆིངས་མ་བཀྲོལ་ནས་གཟག་མི་བྱ། །གདབ་མ་ལེགས་པ་དུས་ཅུང་ཟད། །ཉུང་ཟད་འབྱུང་བ་ཏིལ་ཕྱེ་གདབ། །གདབ་དྲགས་
[98b.6]སྒྲ་དང་བཅས་པར་ནི། །འབྱུང་ཞིང་བཅད་ཀྱང་དཀའ་བར་འགྱུར། །དབང་དང་འབོག་པར་འགྱུར་བ་དང་། །ཆིངས་ལྷོད་མཚོན་རྟུལ་འགྲངས་དྲགས་དང་། །ཉམ་ཆུང་ཤུགས་ཉེན་དུགས་མ་བྱས། །ཁྲག་མི་འབྱུང་བའི་རྒྱུ་ཡིན་ནོ། །ཁྲག་ནི་ལེགས་པར་མ་བྱུང་ན། །བྱི་དང་ཚ་གསུམ་
[98b.7]སྐྱེར་པ་དང་། །རྒྱ་སྤོས་རྒྱམ་ཚ་ཁྱིམ་དུད་བཅས། །ཏིལ་མར་བཏགས་ལ་རྨ་ལ་བསྐུ། །ཁྲག་ནི་ལེགས་བྱུང་ཏིལ་མར་དང་། །རྒྱམ་ཚར་བཅས་པ་དྲོ་འཇམ་བསྐུ། །ལེ་བརྒན་རྩི་ལས་ཚོན་སེར་ལྟར། །དང་པོ་ནད་ཁྲག་འབྱུང་པར་འགྱུར། །ལེགས་པར་བྱུང་ན་རང་ཉིད་འཆད། །ཁྲག་བཟང་
[99a]
[99a.1]བྱུང་ནའང་དབྱུང་མི་བྱ། །བརྒྱལ་འགྱུར་ན་ནི་ཆིངས་མ་དགྲོལ། །རླུང་གཡབ་ཀྱིས་གཡབ་སླར་ཁྲག་དབྱུང་། །སླར་འབོག་གྱུར་ན་ཉི་མ་ནི། །གཉིས་པའང་གསུམ་པ་དག་ལ་གདབ། །རླུང་ཁྲག་གནག་ཅིང་དམར་ལ་རྩུབ། །ཤུགས་དྲག་གསལ་ཞིང་ལྦུ་བ་ཅན། །
[99a.2]མཁྲིས་ཁྲག་སེར་ལ་རྩ་གནག་མནམ། །སྦྱིན་བག་དྲོ་ཞིང་ཚོན་ཅན་ཡིན། །བད་ཀན་ཁྲག་ནི་འཇམ་ལ་སྐྱ། །རྒྱུན་ཅན་འབྱར་ཞིང་སྐ་བ་ཡིན། །འདྲེས་པའི་མཚན་མ་འདྲེས་མ་ཡིན། །ཉེས་གསུམ་དྲི་མ་རྙོག་མ་ཅན། །ཁྲག་ངན་པ་ནི་ཉམས་ཆེ་ལའང་། །ཚད་ལས་ལྷག་པར་
[99a.3]དབྱུང་མི་བྱ། །ཁྲག་དབྱུང་དྲགས་ནའང་འཆི་བའམ། །རླུང་ནད་མི་བཟད་འབྱུང་བར་འགྱུར། །དེ་ལ་བསྐུ་བྱུག་འོ་མ་ཁུ། །ཁྲག་བཅུད་བླུད་པ་སྨན་ཡིན་ནོ། །ཁྲག་ཕྱུང་ནས་ནི་ཆིངས་མ་དག །དལ་གྱིས་བཀྲོལ་ལ་ཆུ་བསིལ་གྱིས། །བཀྲུས་ལ་ཏིལ་མར་གྱིས་བྱུགས་པའི།
[99a.4]གོས་འཇམ་གྱིས་ནི་རྨ་ཁ་དཀྲི། །ཁྲག་ནད་ཡོད་ན་ཕྱི་འབྲེད་དམ། །ཕྱི་དེ་ཉིན་པར་སླར་ཡང་དབྱུང་། །ཤིན་ཏུ་གནོད་པའི་ཁྲག་ཟླ་ཕྱེད། །སྣུམ་གྱིས་བརྟས་པའི་ལུས་ལས་དབྱུང་། །ཁྲག་ངན་ཅུང་ཟད་ལུས་ཀྱང་ནི། །ནད་ནི་ལྷག་པར་མི་སྐྱེད་པས། །དེ་ཕྱིར་ལྷག་མ་ཡོད་
[99a.5]གྱུར་ཡང་། །གཞག་གི་ཤས་ཆེར་མི་དབྱུང་ངོ་། །ལྷག་མ་རྔབས་རྭ་སྩོགས་གདབ་པའང་། །ཡང་ན་སྤྱོད་བསིལ་ཁྲག་མཁྲིས་བསལ། །སྦྱང་དང་སྐམ་པའི་བྱེ་བྲག་ནི། །གསོ་བས་དེ་ནི་དང་བར་བྱ། །ནད་ཁྲག་རབ་རྒྱས་མ་གྱུར་བའམ། །དེ་འདྲའི་ཐབས་ཀྱིས་གསོ་བར་བྱ། །
[99a.6]ཁྲག་གི་རྒྱུན་ནི་མཆོད་ན། །གཅད་པའི་སྦྱོར་བ་མྱུར་དུ་བྱ། །སེང་ཕྲོམ་རྨ་ཤིང་པྲི་ཡང་ཀུ། །མ་ཤ་ཤིང་མངར་ཡུག་སྣམ་བཙག །གྱོ་དུམ་ཟར་མ་སྣག་ཚ་དང་། །འོ་མ་ཅན་ཤིང་ཤུན་ལོ་མ། །བཏགས་པའི་ཕྱེ་མ་རྨ་ཁར་གདབ། །ཤུག་སྩོགས་ཆུ་གྲང་སྦྱར་བ་བླུད། །
[99a.7]ཡང་ན་རྩ་བཏབ་དེ་གོང་གི །རྩ་དེ་ཉིད་ལ་གཏར་ག་གདབ། །ཡང་ན་ཐུར་མ་བསྲེགས་པ་ཡིས། །རྨ་ཁ་མྱུར་དུ་བསྲེག་པར་བྱ། །བཅིངས་པ་ཉེས་པས་ལམ་ལོག་ལ་གནས་ཏེ། །ནད་ནི་རྒྱས་པས་ཁྲག་ནི་འཁྲུགས་འགྱུར་བ། །རང་གི་གནས་སུ་སླར་ཕྱིན་མ་གྱུར་པ། །དེ་སྲིད་
[99b]
[99b.1]ཟས་དང་སྤྱོད་ལམ་ཕན་པ་བསྟེན། །ཤིན་ཏུ་ཚ་གྲང་མ་ཡིན་ཡང་དྲོད་སྐྱེད། །ཁྲག་སེལ་བྱེད་པའི་བཟའ་དང་བཏུང་བ་ཕན། །དེ་ཚེ་ལུས་དང་ཁྲག་བདེར་མི་གནས་པས། །ཁྱད་པར་དུ་ནི་མེ་ལས་བསྲུང་བར་བྱ། །མདོག་དང་དབང་པོ་གསལ་ཞིང་དབང་པོ་ཡུལ། །འདོད་
[99b.2]ཅིང་ཟས་འཇུ་ཤུགས་ཀྱང་བདེ་བར་འཇུ། །བདེ་དང་ལྡན་ཞིང་སྟོབས་རྒྱས་ཕུན་སུམ་ཚོགས། །མི་ཡི་ནད་ཁྲག་དག་པ་ཡིན་པར་བཤད། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་ཉི་ཤུ་རྩ་བདུན་པའོ།། །།དེ་ནས་ཟུག་རྔུ་དབྱུང་
[99b.3]བའི་ཆོ་གའི་ལེའུ་བཤད་པར་བྱའོ། །ཟུག་རྔུའི་བགྲོད་པ་རྣམ་ལྔ་སྟེ། །ཡོ་དྲང་ཐད་ཀ་སྟེང་དང་འོག །ཁ་གནག་སྐྲངས་དང་ནད་དང་བཅས། །ཡང་དང་ཡང་དུ་ཁྲག་འཛག་ལ། །རྨ་ཡི་ཉེ་འཁོར་མཐོ་ཞིང་གློ། །ཆུ་བུར་ལྟ་བུའི་ཐོར་བུ་འབྱུང་། །ཤ་ནི་འཇམ་འགྱུར་
[99b.4]ལུས་མདོར་ན། །ཁོང་དུ་ཟུག་རྔུ་ཡོད་ཤེས་བྱ། །ཁྱད་པར་དུ་ནི་པགས་པ་ན། །མཚོན་ལུས་མདོག་ཉམས་སྲ་བ་དང་། །སྐྲངས་པར་འགྱུར་རོ་ཤར་གནས་པ། །ནད་དང་སྐྲང་པ་ལྷག་པར་འཕེལ། །བཙིར་བར་མི་བཟོད་སྨིན་པ་དང་། །རྨ་ཡི་སྒོ་ནི་འདྲུབ་མི་ཤེས། །ཉ་ཡི་
[99b.5]ནང་ཟུག་ཤར་ཟུག་དང་། །འདྲ་ལས་སྐྲང་བག་མེད་པ་ཡིན། །ཆུ་བའི་དྲ་བའི་ནང་ལུས་པའི། །ཆུ་བ་ལས་ནི་འབྱུང་དཀའ་ཞིང་། །བསྒུལ་དཀའ་བསྐྱོད་ཚེ་རེངས་ཤིང་ན། །རྩ་ལ་བརྟེན་པ་རྩ་སྐྲང་འགྱུར། །བུ་གའི་སྦུབས་གནས་སྦུབས་ཀྱིས་ནི། །རང་གི་ལས་དང་ཡོན་ཏན་
[99b.6]ཉམས། །རྩ་ཆེན་གནས་པའང་དབུགས་དང་ཁྲག །ལྦུ་བ་ཅན་དུ་འབྱུང་འགྱུར་ཞིང་། །སྒྲ་དང་བཅས་པར་འབྱུང་བ་དང་། །སྙིང་དང་ཡན་ལག་ན་བཅས་འགྱུར། །རུས་ཚིགས་བོག་རེར་མཚོན་ལུས་པ། །རུས་བརྩེ་ཚབས་ཆེར་ན་བར་འགྱུར། །རུས་གནས་ནད་མང་སྐྲང་
[99b.7]བར་བྱེད། །ཚིགས་ལ་གནས་པ་དེ་དང་འདྲ། །བསྐྱོད་པར་དཀའ་བ་དག་ཏུའང་འགྱུར། །ནང་གྲོལ་ནང་ཡོད་འཁྲུགས་པ་དང་། །ལྦོ་ཞིང་ཁ་ཟས་ངན་སྐྱུགས་གཅིན། །རྨ་ཡི་ཁར་ནི་འབྱུང་བར་འགྱུར། །གནད་ཀྱི་ནང་དུ་མཚོན་ལུས་པ། །གནད་ཟུག་མཚན་ཉིད་ལས་
[100a]
[100a.1]ཤེས་བྱ། །པགས་པ་ལ་སོགས་རང་རང་གི །ཇི་ལྟར་འཛག་ལས་ཤེས་པར་བྱ། །སྐྱོན་མེད་ལུས་ཀྱི་རྨ་འཚོ་བ་སྟེ། །དེ་ནི་གནོད་པ་མེད་པར་གནས། །ནད་འཁྲུགས་སྣད་པ་ལ་སོགས་ཀྱིས། །བསླངས་ནས་སླར་ཡང་གནོད་པ་སྐྱེད། །གང་ཡང་
[100a.2]རུང་བར་པགས་པ་ཉམས། །བསྐུ་དང་མཉེ་དང་དུགས་བྱས་ནས། །མདོག་དམར་ན་ཞིང་ཚ་ལ་འཁྲུགས། །ཡང་ན་གང་དུ་མར་གཞག་འཇུ། །ལྡེ་གུས་བྱུགས་པ་མྱུར་དུ་བསྐམས། །གནས་དེར་ཟུག་རྔུ་བཅས་ཤེས་བྱ། །ཤར་ལུས་སྦྱང་བར་བྱས་པ་
[100a.3]ཡིས། །སྐེམ་བྱས་ལྷོངས་འགྱུར་བསྐུལ་བ་དང་། །བཙན་དམར་སོགས་ཀྱིས་ཤེས་པར་བྱ། །ཉ་དང་རུས་ཚིགས་ནང་གྲོལ་གྱི། །ཟུག་རྔུའང་དེ་བཞིན་ཤེས་པར་བྱ། །རུས་པ་ཟུག་རྔུས་མ་རུངས་འགྱུར། །རུས་པ་བསྐུ་དང་དུགས་བྱ་ཞིང་། །མཉེ་དང་བཙིར་
[100a.4]ལས་ཤེས་པར་བྱ། །རུས་ཚིགས་གནས་པ་རུས་འདྲ་དང་། །བརྐྱང་དང་བསྐུམ་ལས་ཤེས་པར་བྱ། །ཆུ་བ་རྩ་དང་རྩ་ཆེན་སྦུབས། །ཟུག་རྔུ་མི་མཉམ་ལམ་འགྲོ་དང་། །ཤིང་རྟ་ཆག་པའི་རྟ་དང་ནི། །ལྡན་པར་ནད་པ་བསྐྱོན་ནས་སུ། །མྱུར་དུ་དྲངས་ནས་དེ་ནས་ནི། །བསྐྱོད་པས་
[100a.5]ཟུག་རྔུ་ཤེས་པར་བྱ། །གནད་ཟུག་ལོགས་ཤིག་མ་བཤད་དེ། །དེ་རྣམས་ཤ་སྩོགས་ལ་གནས་ཡིན། །སྤྱིར་ནི་ཟུག་རྔུ་བཅས་བསྐྱོད་པའི། །བྱ་བས་ནད་བཅས་ལས་ཤེས་བྱ། །མདོར་ན་ཟླུམ་དང་གྱེས་པ་དང་། །ཟུར་བཞི་བ་དང་ཟུར་གསུམ་པའི། །རྨ་ཡི་དབྱིབས་ལས་ཟུག་
[100a.6]རྔུ་ནི། །མི་མངོན་རྣམ་པར་ཤེས་པར་བྱ། །དེ་རྣམས་དབྱུང་བའི་ཐབས་གྱུར་གཉིས། །ཕྱིར་དྲང་བ་དང་མདུན་ནས་དྲང་། །རྩེ་ནས་དྲང་དང་རྩ་ནས་དྲང་། །དེ་ལས་བཟློག་པས་དབྱུང་བར་བྱ། །དབྱུང་སླ་གང་ན་ཡོད་དྲལ་ཏེ། །དེ་ནས་ཐད་ཀར་དྲང་བར་བྱ། །མཚོན་ནི་བྲང་དང་མཚན་
[100a.7]ཁུང་དང་། །བརླ་དྲུང་རྩིབ་ལོགས་ཟུག་པ་དང་། །མདུན་དྲང་རྩེ་མོ་མངོན་གཅད་བྱ། །ཁ་ཞེང་ཆེ་དྲང་མི་བྱ་དང་། །ཟུག་རྔུར་མ་གྱུར་མདེའུ་དང་། །མི་མངོན་གནོད་མེད་པ་མི་དབྱུང་། །དེ་ནས་ལག་པས་ཟིན་གྱུར་ན། །ལག་པ་གཉིས་ཀྱིས་དྲང་བར་བྱ། །སྣང་གཞན་སེང་གེ་ཆུ་སྲིན་
[100b]
[100b.1]དང་། །བར་གྱི་ཀརྟ་ཏི་མཆུས་དྲང་། །མི་མངོན་རྨ་ཡི་དབྱིབས་ལས་ནི། །གལ་ཏེ་དབྱུང་བར་ནུས་གྱུར་པ། །ཀང་ཀ་བྲིང་ཀ་ཁྲུང་ཁྲུང་དང་། །བྱ་རོག་ཤ་ར་བྱེའི་མཆུས་དྲང་། །པགས་སྩོགས་ལ་གནས་སྐམ་པས་དྲང་། །ཁོང་སྟོང་ནང་ནས་ཉ་མགོས་དབྱུང་། །སྦུ་
[100b.2]གུར་གནས་པ་འདམ་བུ་འདྲས། །ལྷག་མ་གཞན་གྱིས་ཅི་རིགས་དྲང་། །ཡང་ན་དང་པོ་མཚོན་གྱིས་དྲལ། །དེ་ནས་རྨ་ཡི་ཁྲག་བསལ་བ། །བྱས་ལ་མར་གྱིས་དུགས་བྱ་ཞིང་། །བཅིངས་ཏེ་སྤྱོད་པ་བསྟེན་པར་བྱ། །རྩ་དང་ཆུ་བར་མཚོན་ལུས་པ། །ཐུར་མས་བསྐྱོད་
[100b.3]དེ་དབྱུང་བར་བྱ། །སྙིང་གར་གནས་པའི་ཟུག་རྔུ་ནི། །ཆུ་གྲང་གཏོར་བས་སྔངས་བྱས་ལ། །གནས་གཞན་ཕྱིན་ཅིང་འཕགས་གྱུར་ན། །ཅི་རིགས་པར་ནི་དབྱུང་བར་བྱ། །རྨ་ཡི་སྒོ་ནས་དབྱུང་དཀའ་བ། །གཞན་དག་ལ་ཡང་དེ་བཞིན་སྦྱར། །རུས་པར་ཟུག་པ་རྐང་
[100b.4]པ་ནི། །གཉིས་ཀྱིས་མནན་ལ་དྲང་བར་བྱ། །དེ་ལྟར་མ་ནུས་སྟོབས་ཆེ་བའི། །གཡོག་གིས་དམ་དུ་བཟུང་སྟེ་དབྱུང་། །འོན་ཀྱང་མ་ནུས་མདེའུའི་རྩ། །བཀུག་ལ་གཞུ་རྒྱུད་དམ་བཏགས་ལ། །རྟ་སྲབ་ཀྱི་ནི་ཁ་ལྕགས་མཐར། །མ་ཡེངས་པ་ཡིས་དམ་བཏགས་ཏེ། །
[100b.5]ཡན་ལག་ལྔ་པ་ལེགས་བསྡམས་ནས། །རྟ་ནི་ལྕག་གིས་གཞུས་ནས་སུ། །བརྡེག་ཅིང་མགོ་བོ་བཏེག་ནས་ནི། །ཤུགས་ཀྱིས་ཇི་བཞིན་བརྟོད་ནས་ནི། །དེ་ལྟར་ཟུག་རྔུ་དབྱུང་བའམ། །ཡང་ན་ཤིང་གི་ཡལ་གར་གདགས། །མདེའུ་རྩ་ཕྲ་བར་སྲད་བུ་དག །བཏགས་ཏེ་ཟུག་
[100b.6]རྔུ་དབྱུང་བར་བྱ། །རྨ་སྐྲངས་མདེའུ་རྩ་མི་མངོན་ན། །སྐྲངས་པ་ལགས་པར་བཙིར་ནས་དབྱུང་། །དོང་བུ་ཐོ་བས་བརྡུངས་པ་ཡིས། །མཐོ་ཞིང་སྣང་བར་གྱུར་ན་དབྱུང་། །ལམ་མ་ཡིན་པར་འབྱུང་བ་གང་། །དེ་ཉིད་ཀྱིས་ནི་རྨར་དབྱུང་བྱ། །མདེའུ་ཟུར་བཅུམ་སྟེ་དབྱུང་བའམ། །དོང་
[100b.7]བུ་ཁ་ཡིས་དབྱུང་བར་བྱ། །རྣ་བ་མེད་ཅིང་རྨ་ཁ་དབྱེ། །དྲང་འདུག་ཁབ་ལོང་བསྟན་པས་དབྱུང་། །ཞུ་བའི་གནས་སུ་ཟུག་རྔུ་ནི། །བཀྲུ་སྨན་ཉིད་ཀྱིས་དབྱུང་བར་བྱ། །རླུང་གནོད་དུགས་དང་ནུ་ཞོ་དང་། །ཁྲག་དང་ཆུས་གནོད་གཞིབས་པས་བསལ། །གྲེ་བའི་ནང་ཞུགས་
[101a]
[101a.1]ཟུག་རྔུ་ལ། །སྐུད་པ་གྲེ་བར་གཞུག་བྱ་སྟེ། །པདྨའི་རྩ་བར་སྐུད་པས་གདགས། །པད་རྩ་ཟུག་རྔུ་ལྷན་ཅིག་དྲང་། །ལྕགས་སྲེག་མིག་ཆུར་བཅུག་པ་ཡི། །ལྕགས་ཐུར་བརྟན་པོར་བྱས་ནས་ནི། །རྒྱ་སྐྱེགས་ཅན་ནམ་རྒྱ་སྐྱེགས་མེད། །རྒྱ་སྐྱེགས་ཀྱིས་
[101a.2]བསྒོས་ཟུག་རྔུ་དབྱུང་། །སྐྲ་ཤད་འཛིངས་པ་འཐུངས་པ་དང་། །གཤེར་བས་ཚེར་མ་ཟུག་པ་གདོན། །འཕྲལ་དུ་སྲད་བུ་ཐོགས་པ་ཡིས། །སློན་པར་བྱའོ་དེས་ཅིག་ཤོས། །ཁ་སྣར་དྲང་བར་མ་ནུས་ན། །གཞན་དུ་ཐུར་དུ་མིད་པར་བྱ། །ཟས་ཀྱིས་བརྣངས་པའི་ཟུག་རྔུ་ནི།
[101a.3]ཆུ་བཏུང་ཕྲག་པར་བརྡེགས་པས་གཞུག །མིག་གི་རྨ་ཡི་ཟུག་རྔུ་ཕྲ། །དར་རམ་བལ་ལམ་ཆུ་ཡིས་བསལ། །མི་ནི་ཆུས་གང་ཁ་སྦུབས་ཏེ། །སྤྲུགས་པའམ་བརྐྱང་ལ་བཙིར་སློན་པའམ། །ཐལ་ཁུང་བརྐོས་ཏེ་མི་ཡི་ནི། །སྐེ་ཡི་བར་དུ་ནུབ་པར་གཞུག། །རྣ་བ་ཆུས་
[101a.4]གང་ལག་པ་ཡིས། །མཉེས་ལ་ཏིལ་མར་རྒྱུན་བླུགས་ལ། །རྣ་བ་ཐུར་དུ་བསྟན་ནས་ནི། །གདབ་པའམ་ཡང་ན་བརྔུབ་བར་བྱ། །རྣ་བའི་ནང་དུ་འབུ་ཞུགས་ན། །རྣ་བ་ཚ་ཆུས་བཀང་བའམ། །ཚ་ཆུ་དྲོ་འཇམ་ཉིད་ཀྱིས་དགང་། །ཤི་ནས་འབུ་རོ་དབྱུང་ཐབས་བྱ། །རྒྱ་སྐྱེགས་
[101a.5]ཅན་དང་གསེར་དངུལ་སྩོགས། །འབྱུང་ཁུངས་ལས་བྱུང་ཡུན་རིངས་གནས། །མཚོན་ནི་ཕལ་ཆེར་ལུས་ཀྱི་མེ། །དྲོད་ཀྱིས་འཇུ་བར་བྱེད་པ་ཡིན། །ས་དང་འོད་མ་ཤིང་རྭ་རུས། །སོ་དང་སྐྲ་དང་རྡོ་བའང་འཇུ། །རྭ་དང་འོད་ཚལ་ལྕགས་ཏ་ལ། །ཤིང་ཚལ་ཟུག་རྔུ་རིང་
[101a.6]པོས་ཀྱང་། །ཕལ་ཆེར་དེ་དག་ཚོས་འགྱུར་ལ། །ཁྲག་དང་ཤ་ཡིས་ཚོས་པར་བྱེད། །ཟུག་རྔུ་ཤ་ཡི་གཏིང་དུ་ཟུག། །ཕྱོགས་དེ་ཚ་བའམ་མེད་གྱུར་ན། །དེ་ནས་དེ་ནི་སྣང་བྱའི་ཕྱིར། །མཉེ་དུགས་སྦྱངས་དང་ཤ་དབྲི་བལྟ། །སྨན་རྣོན་བཅིངས་དང་ཟས་སྐོམ་སྦྱིན། །མཚོན་
[101a.7]གྱིས་བཏབ་ཅིང་གཙགས་པ་ཡིས། །སྨིན་པར་བྱས་ནས་རྨ་དབྲལ་དང་། །བཙལ་དང་བྱེ་བས་ཟུག་རྔུ་དབྱུང་། །ཟུག་རྔུའི་གནས་དང་ཆ་སྤྱད་ཀྱི། །ཚུལ་ནི་མང་པོས་ལེགས་བརྟགས་ཏེ། །བློ་ལྡན་ཐབས་ནི་དེ་དང་དེས། །ཤེས་པར་བྱས་ལ་ཟུག་རྔུ་དབྱུང་། །ཡན་ལག་བརྒྱད་པའི་སྙིང་
[101b]
[101b.1]པོ་བསྡུས་པ་ལས། །མདོའི་གནས་ཀྱི་ལེའུ་ཉི་ཤུ་བརྒྱད་པའོ།། །།དེ་ནས་གཏར་ག་གདབ་པའི་ལས་ཀྱི་ཆོ་གའི་ལེའུ་བཤད་པར་བྱའོ། །རྨ་ནི་ཕལ་ཆེར་དང་པོར་ནི། །སྐྲངས་དང་སྨིན་ལས་འབྱུང་བར་འགྱུར། །དེ་བས་དེ་ཉིད་གསོ་བྱ་སྟེ། །དེ་བསིལ་བྱུགས་བླུགས་
[101b.2]ཁྲག་དབྱུང་དང་། །ལེགས་པར་སྦྱངས་པ་ལ་སོགས་པས། །སྨིན་པར་གྱུར་ལས་འབད་དེ་བསྲུང་། །ཐོར་བུ་མ་སྨིན་སྐྲངས་དྲོད་ཆུང་། །མདོག་འདྲ་སྲ་ཞིང་བརྟན་པར་གནས། །སྨིན་ཚེ་མདོག་ནི་འགྱུར་བ་དང་། །དམར་ཞིང་རྐྱལ་བུའི་དབྱིབས་ལྟར་འདུག །གས་པ་ལྟ་བུའི་
[101b.3]ནད་བཅས་དང་། །ཡན་ལག་སྙོམ་ཞིང་གླལ་བཅས་དང་། །ལུས་གྲུགས་འཁྲུགས་ཚ་ཡིག་འཆུས། །རིམས་འདེབས་སྐོམ་དད་གཉིད་མེད་དང་། །མར་འཁྱགས་བཞག་ན་འཇུ་བ་དང་། །རྨ་གཏར་རེག་ན་མི་བཟོད་དོ། །སྨིན་གྱུར་ན་བའི་ཤུགས་ཆུང་ཞིང་། །རྙིད་ཅིང་སྐྱ་
[101b.4]ལ་གཉེར་མ་འདུ། །མཐའ་མ་འཇུམ་ཞིང་དབུས་སུ་མཐོ། །གཡའ་དང་སྐྲང་བ་ལ་སོགས་ཆུང་། །རྐྱལ་པ་ཡི་ནི་ཆུ་ལྟ་བུར། །རེག་ན་རྣག་ནི་ཕན་ཚུན་རྒྱུ། །རླུང་མིན་མིན་མཁྲིས་མིན་ཚ། །མེད་དེ་བད་ཀན་མེད་མི་སྐྲང་། །ཁྲག་མེད་དམར་བར་མི་འགྱུར་ཏེ། །དེ་བས་ནད་
[101b.5]ཁྲག་དང་བཅས་སྨིན། །སྨིན་པ་ཐལ་དྲགས་ཁོང་སྟོང་དང་། །ནད་ཀྱིས་ཟོས་པས་པགས་པ་སྲབ། །གཉེར་མ་འཇུམ་ཞིང་མདོག་གནག་ལ། །བ་སྤུ་རྣམས་ནི་འབྱི་བར་འགྱུར། །བད་ཀན་ཤས་ཆེའི་སྐྲང་པ་ནི། །སྨིན་པ་གཏིང་རིང་ཁྲག་གིས་གང་། །དེ་བས་སྨིན་རྟགས་
[101b.6]གསལ་མ་ཡིན། །སྐྲང་པ་གང་དུ་བསིལ་འགྱུར་ཞིང་། །པགས་མདོག་མི་འགྱུར་ནད་ཚབས་ཆུང་། །རྡོ་ལྟར་རེག་ན་སྲ་བ་ནི། །མཁས་པས་ཐེ་ཚོམ་མེད་པར་དེ། །ཁྲག་གི་སྨིན་པ་ཞེས་བཤད་བྱ། །སྙིང་སྟོབས་ཉམ་ཆུང་བྱིས་པ་དང་། །ཐོར་བུ་སྨིན་པའི་ཚབས་ཆེའམ། །གནད་
[101b.7]དང་རུས་ཚིགས་ལ་སོགས་པར། །འབྱུང་བ་མ་གཏོགས་གཞན་དག་འདྲལ། །མ་སྨིན་བརྟོལ་ན་རྩ་རྒྱུས་ལ། །གནོད་ཅིང་ཁྲག་ནི་མང་དུ་འབྱུང་། །ནད་ཚབས་རབ་འཕེལ་རྨ་གྱེས་པའམ། །རྨ་འབྱུང་ཐོར་བུ་འབྱུང་བར་འགྱུར། །རྣག་ནི་ནང་དུ་གནས་གྱུར་པ། །འཕེལ་
[102a]
[102a.1]བས་རྩ་རྒྱུས་ཤ་དང་ནི། །ཁྲག་རྣམས་མྱུར་དུ་སྲེག་བྱེད་དེ། །རྩྭ་སྐམ་ལ་ནི་མེ་དང་མཚུངས། །གང་ཞིག་མ་སྨིན་བརྟོལ་བ་དང་། །གང་ཞིག་སྨིན་ཀྱང་བཏང་སྙོམས་འཇོག །ཁྱད་པར་མི་ཤེས་དེ་དག་ནི། །སྨེ་ཤ་ཅན་འདྲར་ཤེས་པར་བྱ། །མ་བརྟོལ་
[102a.2]བ་ཡི་དང་པོ་ནི། །ཁ་ཟས་ཕན་པ་སྦྱིན་པར་བྱ། །ཚོར་བ་མི་བཟད་བཟོད་འགྱུར་བས། །ཆང་འཐུང་བ་ལ་ཆང་བླུད་བྱ། །ཟས་ཟོས་པས་ནི་མི་བརྒྱལ་ཞིང་། །ནང་དུ་མཚོན་བཏབ་ཚོར་མི་འགྱུར། །རུམ་དུ་བུ་ཤི་རྡེའུ་ཆགས་པ་དང་། །ཁ་ནད་དམུ་རྫིང་ཅན་མ་གཏོགས། །
[102a.3]དེ་ནས་ཡོ་བྱད་ཀུན་བསགས་ཏེ། །ནད་པ་ཤར་དུ་ཁ་བསྟན་ལ། །སྨན་པ་མངོན་ཕྱོགས་བསྡམས་ནས་ནི། །གནད་སྩོགས་མ་གཏོགས་གཙགས་བུས་གདབ། །ཤ་ཤུགས་རྗེས་མཐུན་ཤིན་ཏུ་རྣོ། །གཙགས་བུ་རྣག་ཕྱིན་བར་དུ་གདབ། །དེ་ནི་ཅིག་ཅར་གདབ་བར་
[102a.4]བྱ། །སྨིན་པ་ཆེན་པོ་ཡོད་ཀྱང་ནི། །རྨ་ཞེང་སོར་གཉིས་དྲལ་བྱའམ། །སོར་གཉིས་པ་ཡི་ཟབ་སོར་གསུམ། །མཛུབ་མོ་ཆུ་བ་སྤུ་དག་གིས། །གནས་ཕྱོགས་ཇི་བཞིན་བརྟག་པའམ། །རྨ་འཚོལ་གྱིས་ནི་ལེགས་བཙལ་ཞིང་། །ཀུན་
[102a.5]ཏུ་ལེགས་པར་བརྟག་པར་བྱ། །གང་ནས་གང་དུ་འགྲོ་བར་འགྱུར། །གང་དུ་མཐོ་བ་ཤེས་བྱས་ལ། །དེ་དང་དེར་ནི་རྨ་བཏོད་དེ། །ལེགས་ཕྱེ་ཕུག་ནི་མེད་པར་བྱ། །ཆུ་དང་ཞེང་དུ་ཅི་ནས་ཀྱང་། །ནད་ནི་གནས་པར་མི་འགྱུར་བྱ། །སྨན་པ་དཔའ་བརྟན་ལས་ལ་མྱུར། །མཚོན་རྣོ་མི་རྟུལ་མི་འདར་ལ། །ཀུན་
[102a.6]ཏུ་རྨོངས་པར་མ་གྱུར་པ། །གཙགས་བུས་འདེབས་པའི་ལས་ལ་བསྔགས། །གྱེན་དུ་བཅད་རྩ་འཕྲལ་སྨིན་རྩ། །རྙིལ་དང་སྐེ་རྩ་ལྟོ་སྦོས་དང་། །མཆན་ཁུང་དང་ནི་མིག་སྦུབས་མཆུ། །མཁུར་ཚོས་བརླ་དྲུང་ཆུ་སོ་རྩའོ། །གཞན་དག་གྱེན་དུ་བཅད་ན་ནི། །རྩ་དང་ཆུ་བའང་
[102a.7]མ་རུངས་འགྱུར། །གཙགས་བུས་བཏབ་ནས་ནད་པ་ནི། །ཚིག་སྙན་ཆུ་ནི་བསིལ་བ་ཡིས། །དབུགས་ཕྱུང་ནས་ནི་དེ་འོག་རྨ། །སོར་མོས་ཀུན་ནས་བཙིར་བ་དང་། །བསྐ་བའི་ཆུ་ཡིས་ལེགས་བཀྲུས་ཤིང་། །སྨན་ཆུར་བཅུག་པའི་གོས་ཀྱིས་ཕྱི། །གུ་གུལ་ཡུངས་ཀར་ཨ་
[102b]
[102b.1]རུ་ར། །ཤིང་ཀུན་ཀ་ར་རྒྱམ་ཚ་དང་། །ཤུ་དག་ནིམ་པའི་ལོ་མ་ནི། །མར་དང་སྦྱར་བས་བདུག་པར་བྱ། །ཏིལ་གྱི་ལྡེ་གུ་མར་སྦྲང་རྩི། །རང་གི་སྨན་ནི་ཇི་ལྟ་བས། །བྱུགས་ཤིང་དེ་ནས་རྨ་ཚངས་གཞུག །དེ་ཉིད་ཀྱིས་ནི་དེ་གཡོགས་ལ། །མར་དང་ཕྱེ་སྤྲུས་བསྐུས་
[102b.2]པ་དང་། །དེའི་འོག་ཀོག་ཙེ་སྟུག་པོ་ནི། །གཞག་སྟེ་ཤིན་ཏུ་མ་ཡེངས་པས། །གོས་ཀྱིས་ལེགས་པར་བཅིང་བྱས་ཏེ། །གློ་དང་གཡས་དང་གཡོན་དག་གམ། །སྟེང་དང་འོག་ཏུ་མ་སོང་བྱ། །རྨ་ཚངས་ཀོག་ཙེ་དཀྲིས་མར་བཅས། །ཕྲ་ཞིང་སྲ་ལ་གཙང་བ་ལ། །སྤོས་ཀྱིས་
[102b.3]བདུགས་ཤིང་འཇམ་ལ་མཉེན། །ཁམ་ཁུམ་མེད་ཅིང་རྨ་ལ་ཕན། །བཅིངས་ནས་དེའི་འོག་ཏུ་དེ། །གནོད་པ་བཟློག་ཕྱིར་བསྲུང་བར་བྱ། །དེ་རྣམས་ལ་ནི་གཏོར་མ་སྦྱིན། །ལཀྵྨི་གུ་ཧ་ཨ་ཏི་གུ་ཧ། །སྤང་སྤོས་པྲ་མ་ཙ་རི་ནི། །ཚ་ཏྲ་ཨ་ཏི་ཚ་ཏྲ་དང་། །དུར་བ་ཤུ་དག་ཉུངས་
[102b.4]ཀར་དག །རྟག་ཏུ་དེ་ཡི་སྤྱི་བོར་བཏགས། །དེ་ནས་སྣུམ་གྱི་ཆོ་གར་བཤད། །ཉིན་རེའི་ཀུན་སྤྱོད་བཤད་པ་བསྟན། །ཉིན་པར་གཉིད་ལོག་རྨ་གཡའ་ཞིང་། །ཁ་དམར་ན་སྐྲངས་རྣག་འཁྱིམས་འགྱུར། །བུད་མེད་དྲན་ནམ་རེག་པའམ། །མཐོང་བས་ཁུ་བ་བྱུང་
[102b.5]འགྱུར་ན། །མ་ཕྲད་ནའང་འཁྲིག་པ་ལས། །བྱུང་བའི་སྐྱོན་ནི་ཐོབ་པར་འགྱུར། །ཁ་ཟས་དག་ནི་གང་གོམས་ལས། །ནས་དང་གྲོ་དང་དྲུག་ཅུ་པ། །སྲན་ཆུང་མུངྒ་དུ་བ་རི། །ནི་ཤན་ནཱ་ག་ཛི་བནྟི། །ལ་ཕུག་གཞོན་ནུ་བརྟ་ཀ། །རྒྱ་སྣེའུ་དནྡུ་ལི་ཡ་ཀ། །ཀ་ར་བེེ་ལ་
[102b.6]ཀརྐོ་ཏ། །ཀ་དུ་ག་པལ་པ་ཏོ་ལ། །རྒྱམ་ཚ་སེ་འབྲུ་སྐྱུ་རུ་ར། །ཆུ་བསྐོལ་བ་ནི་བསྒྲངས་པ་དང་། །འབྲས་རྙིང་ཆང་དང་སྣུམ་ཉུང་ཟད། །ཟོས་རྗེས་སུ་ཆུ་ཚན་བཏུང་བ་དང་། །སྐམ་སའི་ཤ་ནི་ཟོས་གྱུར་ན། །རྨ་ནི་མྱུར་དུ་འཚོ་བར་འགྱུར། །དུས་སུ་རན་པར་བཟའ་བ་དང་། །
[102b.7]ཕན་པ་ཟོས་ན་བདེ་འཇུ་འགྱུར། །མ་ཞུ་བ་ཡི་རླུང་ལ་སྩོགས། །ལྡང་ཞིང་ནད་ནི་སྟོབས་ཅན་འགྱུར། །དེ་ལས་སྐྲངས་དང་རྣགས་པ་དང་། །ཚ་དང་སྦོས་པར་འགྱུར་བ་ཡིན། །འབྲུ་གསར་ཏིལ་དང་མ་ཤ་དང་། །ཆང་དང་རླན་ཅན་ལས་བྱུང་ཤ །འོ་མ་བུ་རམ་ཤིང་
[103a]
[103a.1]ལས་གྱུར། །སྐྱུར་དང་ལན་ཚྭ་ཚ་བ་དང་། །གཞན་གང་འཁྲུ་བ་གཅོད་བྱེད་དང་། །ཚ་དང་བསིལ་དང་ལྕི་བ་ཡང་། །འབྲུ་ས་ར་ལ་སོགས་སྡེ་ཚན་འདི། །རྨ་དང་ལན་པའི་ནད་ཀུན་སྐྱེད། །ཆང་ནི་རྣོ་བ་ཚ་རྩུབ་འགྱུར། །རྨ་ལ་མྱུར་དུ་གནོད་པར་
[103a.2]བྱེད། །བ་ལ་ཨུཪྴི་རས་གཡབ་ཅིང་། །འདི་ནི་བསྐྱོད་པར་མི་བྱ་ལ། །དྲག་ཤུལ་མི་གཟུག་འཕྲུག་མི་བྱ། །བསྐྱོད་པའི་ཚེ་ན་བག་བྱའོ། །མཛའ་དང་བྲམ་ཟེ་རྒན་སྩོགས་ཀྱི། །གཏམ་ནི་ཡིད་ལ་དགའ་བ་ཉན། །ནད་ལས་ཐར་བའི་རེ་བཅས་པས། །རྨ་ནི་མྱུར་དུ་འཚོ་
[103a.3]བར་འགྱུར། །ཉིན་གསུམ་ལོན་ཚེ་རྨ་ཡི་ཚས། །སླར་ཡང་བཀྲུས་སོགས་ལས་རྣམས་ནི། །སྔ་མ་བཞིན་བྱ་དེ་བཞིན་དུ། །ཉིན་ཞག་གཉིས་པར་མི་བྱའོ། །ཚབས་ཆེར་ན་ཞིང་མི་འབྱར་ལ། །རྨ་ནི་ཡུན་རིང་ཞིག་ན་འཚོ། །རྨ་ཚངས་སམ་ནི་ལྡེ་གུས་གླན། །སྣུམ་ཆེས་རྩུབ་
[103a.4]ཆེས་དམ་པ་དང་། །ལྷོད་དྲགས་གཞག་ཉེས་མི་བྱ་སྟེ། །སྣུམ་ཆེས་རྨ་ནི་རིད་པར་འགྱུར། །རྩུབ་ཆེས་ཤ་འཆད་ཤིན་ཏུ་ན། །གས་ཤིང་ཁྲག་ནི་འབྱུང་བར་འགྱུར། །དམ་དང་ཀློད་དྲགས་གཞག་ཉེས་པས། །རྨ་ཡི་ཁ་ནི་འདྲུད་པར་འགྱུར། །རྨ་ནི་རྣག་བཅས་སྐྲངས་ཤིང་
[103a.5]མཐོ། །རྒྱུ་བཅས་རྣག་ཕུགས་འཆས་པ་དག །རྨ་ཚངས་འཇམ་པོ་ནང་གནས་པས། །རྨ་ཡི་སྐྱོན་ནི་དག་པར་བྱེད། །སྐྲངས་པ་ཧ་ཅང་མ་སྨིན་བརྟོལ། །སྨིན་ཞིང་རྣགས་པར་འགྱུར་བ་སྤྱད། །ཕན་པའི་སྨན་དང་ཟས་སྦྱིན་དཀྲི། །ཤིན་ཏུ་རྨར་མི་གནོད་པས་གསོ། །
[103a.6]སྣད་པའི་རྨ་ནི་གསར་དུ་བྱུང་། །རལ་ཞིང་ཁ་བྱེ་འཕྲལ་དུ་བཙེམ། །རྨེན་བུ་ཆེན་པོ་བཀས་པ་དང་། །རྣ་ཤལ་བུ་ག་ཆད་པའང་བཙེམ། །མགོ་དང་མིག་ཕུགས་སྣ་དང་མཆུ། །མཁུར་ཚོས་རྣ་པ་དཔུང་པ་བརླ། །མགུལ་པ་ཕྲག་པ་རླིག་པ་དཔྱི། །ཕོ་མཚན་གཞང་དང་ལྟོ་བ་
[103a.7]སྩོགས། །ཕུགས་རིང་བ་ཡི་གནས་རྣམས་དང་། །ཤ་ཆེ་མི་འགུལ་མ་ཡིན་དང་། །ཆུ་སོ་མཆན་ཁུང་ལ་སྩོགས་དང་། །ཤ་ཆུང་མགུལ་པའི་རྨ་དག་དང་། །དབུགས་དབྱུང་ཟུག་རྔུ་ཡོད་པ་དང་། །ཐལ་སྨན་དུག་མེས་ཚིག་མི་བཙེམ། །བཙེམ་པ་རུས་དུམ་ཁྲག་སྐམ་
[103b]
[103b.1]དང་། །རྩ་དང་སྤུ་རྣམས་བསལ་ནས་ནི། །ཤ་ཆད་དུམ་བུ་འཕྱང་བ་དང་། །རང་གི་གནས་སུ་གླན་པ་དང་། །རུས་ཚིགས་བཅུག་ཅིང་ཁྲག་གཟགས་ལ། །སྐུད་པ་ཤིང་ཤུན་རྒྱུས་པས་བཙེམ། །སྲུབས་ནི་ཉེ་བའམ་རིང་མི་བྱ། །བླང་བ་ཆེ་བའམ་ཆུང་མི་བྱ། །དེ་ནས་སྤྲོ་
[103b.2]བསྲིང་བྱས་ནས་མཐར། །རྨ་ནི་སྦྲང་རྩི་མར་སྦྱར་དང་། །སྐྱེར་པ་ཟར་མའི་དུད་པ་དང་། །འབྲས་བུ་གསུམ་དང་ས་ལ་ཀི། །སེང་ཕྲོམ་མངར་དང་སྣུམ་བཅས་པས། །བསྐུས་ལ་བཅིང་སྩོགས་སྔོན་བཞིན་བྱ། །རྨ་ཁ་ཁྲག་ནི་མེད་འགྱུར་གང་། །དེ་ནི་ཅུང་ཟད་འབྲུད་བྱ་སྟེ། །རྨ་
[103b.3]འབྱོར་བྱེད་པ་ཁྲག་ཡིན་པས། །ཕྱུང་སྟེ་ལེགས་པར་དྲུབ་པར་བྱ། །དེ་ལ་བཅིངས་པ་ཡུལ་ལ་སྩོགས། །བརྟགས་ནས་ངེས་པར་སྦྱར་བར་བྱ། །བལ་གོས་པགས་པ་དར་གསུམ་དྲོ། །ཟར་མའི་རས་ནི་བསིལ་བ་ཡིན། །དྲོ་གྲང་རན་པ་ཤིང་བལ་འདབ། །རས་བལ་རྒྱུས་པ་ཤིང་
[103b.4]ཤུན་ཡིན། །ཟངས་ལྕགས་ཞ་ཉེ་རོ་ཉེ་ཡིས། །བད་ཀན་ཚིལ་ཆེས་རྨ་ལ་གླན། །ཆག་ཐུར་ཤིང་བྱང་པགས་པ་དང་། །ཤིང་ཤུན་སྨྱིག་ཚལ་སྩོགས་པས་བཅིངས། །དབྱིབས་ནི་རང་མིན་རྗེས་མཐུན་པའི། །བཅིང་བ་བཅོ་ལྔ་རྣམ་བྱ་སྟེ། །ཤུབས་དང་བཀྲ་ཤིས་ལྷོད་པར་
[103b.5]བཅིང་། །མཐར་ཆགས་བཅིང་དང་ཟླུམ་པོར་བཅིང་། །མདའ་ལྕགས་ཁྲི་དང་དམ་བཅིང་དང་། །སྒྱེའུ་བླ་རེ་ལྐོག་ཤལ་དང་། །འུར་མཐིལ་ཟུང་གླན་ཟླུམ་པ་དང་། །ཡན་ལག་ལྔ་པ་ཞེས་བྱ་སྦྱར། །དེ་ལས་གང་ཞིག་གང་ལེགས་སྦྱོར། །དེ་ནི་དེ་རུ་ལེགས་པར་སྦྱར། །
[103b.6]བརླ་དང་མཇུག་ཙོས་མཆན་ཁུང་དང་། །ཆུ་སོ་སྤྱི་བོར་དམ་དུ་བཅིང་། །ལག་ངར་གདོང་དང་རྣ་བ་དང་། །རྒྱབ་དང་རྩིབ་ལོགས་མགུལ་པ་ལྟོ། །ཕོ་མཚན་རླིག་པ་རན་པར་བཅིང་། །མིག་དང་ཚིགས་སུ་ལྷོད་པར་བཅིང་། །ལྷོད་བཅིངས་རྨ་ནི་བད་ཀན་དང་། །རླུང་ཤས་ཆེ་
[103b.7]ལ་རན་པར་བཅིང་། །རན་ཞིང་གནས་སུ་དམ་དུ་བཅིང་། །དམ་ཞིང་ཤིན་ཏུ་དམ་དུ་བཅིང་། །དགུན་དང་དེ་བཞིན་དཔྱིད་ཀྱི་ཚེ། །ཞག་ནི་གསུམ་གསུམ་དག་ནས་དགྲོལ། །ཁྲག་མཁྲིས་ཤས་ཆེའི་རྨ་དག་ནི། །དམ་བཅིང་གནས་སུ་རན་པར་བཅིང་། །རན་བཅིང་
[104a]
[104a.1]གནས་སུ་ལྷོད་པར་བཅིང་། །ལྷོད་བཅིང་གནས་སུ་བཅིང་མི་བྱ། །དེ་གཉིས་སོ་ག་སྟོན་གྱི་ཚེ། །སྔ་དྲོ་ཕྱི་དྲོ་དགྲོལ་བར་བྱ། །མ་བཅིངས་ཤ་སྦྲང་སྦྲང་བུ་དང་། །ལྷགས་པ་སེར་བུ་སྩོགས་པས་གནོད། །རྨ་རེད་འགྱུར་ཞིང་དེར་སྣུམ་དང་། །སྨན་ནི་
[104a.2]ཡུན་རིང་གནས་མི་འགྱུར། །སྦྱང་བའམ་འཚོ་བར་དཀའ་བ་དང་། །འཚོབ་ཀྱང་མདོག་ནི་མི་སྡུག་འགྱུར། །བཅིངས་ན་ཆག་བཅིང་ཕྱི་མར་འགྱུར། །འཕྲེས་སམ་འབུར་གྱུར་དྲལ་གྱུར་ཏམ། །རྩ་དང་རྒྱུས་པ་ཆད་གྱུར་ཀྱང་། །རྨ་ནི་མྱུར་དུ་བདེ་བར་འཚོ། །ལྡང་
[104a.3]དང་ཉལ་བ་ལ་སོགས་པའི། །སྤྱོད་ལམ་ཀུན་ལ་གནོད་པ་མེད། །རྨ་ཁ་སྐྱེས་མཐོ་མི་མཉམ་དང་། །སྲ་ཞིང་རབ་ན་འཚོ་བ་དཀའ། །འཇམ་ཞིང་མཉམ་ལ་ན་བ་མེད། །རྨ་ནི་མྱུར་དུ་དག་ཅིང་འཚོབ། །རྨ་ནི་ཡུན་རིང་ཤ་ཆུང་དང་། །རྩུབ་པས་འབྱོར་པར་མ་གྱུར་ན། །
[104a.4]ནད་གཞི་དུས་ཚིགས་ཇི་བཞིན་དུ། །སྨན་དང་ལོ་མས་དགབ་པར་བྱ། །མ་རྙིང་གཞོན་ཞིང་བུ་ག་མེད། །ཀུན་ནས་ལེགས་པར་ཁེབས་པ་དང་། །ཕྱིས་ཤིང་མི་རྩུབ་ལོ་མ་ནི། །འོ་མ་ཅན་ཤིང་སྟག་པ་དང་། །ཨརྫུ་ན་དང་ཀ་དམྦའི། །ལོ་མ་ཡིས་ནི་གཡོགས་པར་
[104a.5]བྱ། །མཛེ་དང་མེ་ཡིས་ཚིག་པ་དང་། །འབུས་ཟོས་གཅིན་ནད་སྦྲང་རྩི་འདྲ། །བྱི་བ་སྦྲུལ་གྱི་དུག་དང་ནི། །ཐལ་སྨན་རྣོ་དང་དུག་གིས་ཕོ། །རྨ་ནི་བཅིང་བར་མི་བྱ་ཞིང་། །ཤ་འདྲུལ་གཞང་ཁར་མི་བཟད་རྣགས། །འདྲུལ་ཞིང་ཚ་དང་ན་བཅས་པར། །སྐྲངས་སྐམས་
[104a.6]མེད་བལ་མི་བཅིང་ངོ་། །རྨ་གང་ལེགས་པར་མ་བསྲུངས་པར། །སྦྲང་མ་སྲིན་བུ་འཇུག་བྱེད་དེ། །དེ་ཡིས་ཟོས་པས་ན་བ་དང་། །སྐྲང་དང་རྣག་ཁྲག་འཛག་པར་བྱེད། །དེར་ནི་བཀྲུ་དང་དག་པར་ནི། །བྱེའུ་རུག་ལ་སོགས་སྡེ་ཚན་སྦྱར། །སཔྟ་པརྞི་ཀ་རཉྫ། །ཨརྐ་དང་
[104a.7]ནི་ནིམ་པ་དང་། །ར་ཚ་དང་ནི་ཤིང་ཚ་རྣམས། །བ་གཅིན་དང་ནི་བཏགས་པ་ཡི། །ལྡེ་གུ་དེ་ལ་བསྐུ་བ་དང་། །ཐལ་སྨན་ཆུ་ནི་བླུགས་པས་ཕན། །ཡང་ན་ཤ་རློན་གྱིས་གཡོགས་ལ། །དེ་ནི་མྱུར་དུ་དབྱུང་བར་བྱ། །འདི་ནི་ནང་ན་སྐྱོན་བཅས་པས། །མྱུར་དུ་
[104b]
[104b.1]འཚོབ་བར་མི་བྱ་སྟེ། །དེ་ནི་གནོད་པའང་ཆུང་ངུས་ཀྱང་། །སླར་ཞིང་འགྲམས་པར་འགྱུར་བ་ཡིན། །འཚོབ་པར་གྱུར་ཀྱང་མ་ཞུ་དང་། །དྲག་ཤུལ་བུད་མེད་བསྟེན་སྩོགས་སྤང་། །ཟླ་བ་དྲུག་གམ་བདུན་གྱི་བར། །ཆོ་ག་འབད་པས་བསྲུང་བར་བྱ། །གནས་
[104b.2]སྐབས་དེ་དང་དེར་ནི་བྱུང་གྱུར་ཚེ། །ནད་གཞི་ལ་སྩོགས་སྟོབས་ཀྱིས་རྗེས་འབྲངས་ཏེ། །ཕྱི་མ་ནས་བཤད་རྒྱ་ཆེར་ལེགས་བརྟགས་ལ། །ཐབས་ནི་དེ་དང་དེ་ཡིས་འབད་དེ་གསོ། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་ཉི་ཤུ་རྩ་དགུ་པའོ།། །།
[104b.3]དེ་ནས་ཐལ་སྨན་རྣོན་པོ་དང་མེ་བཙའ་གདབ་པའི་ཆོ་གའི་ལེའུ་བཤད་པར་བྱའོ། །གཙགས་སྤྱད་ལྕགས་སྤྱད་རྗེས་འདྲ་བ། །མང་པོ་ཀུན་ལས་ཐལ་སྨན་མཆོག །དཀའ་བ་རྣམས་སུའང་བཅད་པའམ། །དབུག་པ་ལ་སྩོགས་བྱེད་པར་འགྱུར། །གཙགས་བུས་གདབ་པར་
[104b.4]དཀའ་བ་ལའང་། །དེ་ཡིས་བསྒྲུབ་པར་རུང་བ་དང་། །ཤིན་ཏུ་གསོ་དཀའི་ནད་རྣམས་ལ། །གང་ཞིག་བཏུང་དུའང་རུང་བ་ཡིན། །དེ་ནི་གཞང་འབྲུམ་མེ་དྲོད་ཉམས། །རྡེའུ་འགགས་སྦྱར་དུག་སྐྲན་སྩོགས་བཏུང་། །སྨེ་བ་ཤ་བཀྲ་སྣ་འཐོར་དང་། །ཕྱི་རོལ་གཞང་འབྲུམ་ཚོར་
[104b.5]མེད་མཛེ། །ཐོར་བུ་འབྲུམ་ཕྲན་མཚན་བར་རྡོལ། །རྨ་ལོག་སྩོགས་ལ་བྱུག་པར་བྱ། །ཁྲག་མཁྲིས་རླུང་ཅན་ནད་སྟོབས་ཆུང་། །རིམས་དང་ཚད་འཁྲུ་སྙིང་ཀླད་ནད། །སྐྱ་རྦབ་ཡི་ག་འཆུས་པ་དང་། །རབ་རིབ་ཅན་ལ་སློན་ཁྲུས་བཏང་། །ལུས་ཀུན་ཁྱབ་པའི་འོར་ནད་དང་། །
[104b.6]འཇིགས་དང་སྦྲུམ་མ་ཟླ་མཚན་འཛག །ཕོ་མཚན་མོ་མཚན་སྐྲངས་པ་དང་། །བྱིས་པ་རྒན་པོ་ཟས་མ་ཞུ། །རྩ་བོ་ཆེ་དང་རུས་ཚིགས་གནད། །རུས་པ་གཞོན་ནུ་ཆུ་བ་རྩ། །ལྟོ་བསྲུབས་མགུལ་པ་ལྟེ་བ་དང་། །ཤ་སྲབ་ཕྱོགས་དང་རླིག་པ་དང་། །ཕོ་མཚན་བུ་ག་སེན་མོ་
[104b.7]ཕྲག །མིག་མཆུ་མ་གཏོགས་མིག་ནད་རྣམས། །ཚ་གྲང་ཆར་དང་ཡུལ་རྨུས་ཚེ། །གཉི་གའང་གཏང་བར་མི་བྱའོ། །མུ་ཀ་ཀ་ནག་ཤ་མྱ་ཀ །ཆུ་ཤིང་པ་རི་བ་ཏྲ་ཀ །ཨ་ཤྭ་ཀ་རྞ་འཛམ་བུའི་ཤིང་། །པ་ལ་ཤ་དང་ཨ་པོ་ཏ། །ཨེནྡྲ་བྲྀཀྵ་ཨརྒ་དང་། །ནགྷ་མ་ལ་
[105a]
[105a.1]མུཀྟི་ཀ །སྲིང་ཤིང་ཨ་པ་མརྒ་དང་། །ཀ་ཀ་ཛ་ཀ་ཙི་ཏྲ་ཀ། །ཨགྣི་མནྟ་ཏིལ་བཅའ་སྒ། །རློན་ཤིང་རྩ་བ་ལ་སྩོགས་བཅས། །དུམ་བུར་ཡོངས་སུ་གཏུབས་པ་དང་། །ཀོ་ཤ་ཏ་ཀ་རྣམ་བཞི་དང་། །ནས་ཀྱི་སོག་མ་གྲམ་རྣམས། །རླུང་མེད་གནས་སུ་
[105a.2]བསགས་ནས་དེ། །རྡོ་ལེབ་སྟེང་དུ་སོ་སོར་གཞག །མུ་ཀ་ཀ་ཡི་ཕུང་པོ་དང་། རྡོ་ཐལ་རྡོ་ནི་བཅུག་པར་བྱ། །དེ་ནས་ཏིལ་གྱི་སྡོང་བུས་བསྲེག །ཚིག་ནས་མེ་ནི་ཤི་བ་དང་། །རྡོ་ཐལ་ཐལ་བ་ལོགས་ཤིག་དབྱེ། །ཐལ་བ་གཞན་དག་བྲེ་གང་སྟེ། །མུ་ཀའི་
[105a.3]ཐལ་ལྷག་བླངས་ནས་ནི། །སོ་སོར་ཕྱེ་སྟེ་ཆུ་དང་གཅིན། །སྲང་སྟོང་དག་དང་བསྲེས་ནས་བཞུ། །ཚགས་ནི་བཟང་པོས་དེ་བཙགས་ལ། །ཇི་སྲིད་འབྱར་བག་དམར་ཞིང་དངས། །རྣོ་བར་གྱུར་པའི་བར་དུ་ནི། །ཐལ་བའི་དངས་མ་དེ་བླངས་ལ། །ལྕགས་སྣོད་བཟང་པོར་
[105a.4]བསྐོལ་ཞིང་དཀྲུགས། །དེ་ནས་འཚོད་པར་བྱེད་པ་དེར། །རྡོ་ཐལ་བསྲེགས་རྡོའི་དུམ་བུ་དང་། །ཉ་ཕྱིས་ཀྵི་ར་པ་ཀ་དང་། །དུང་གི་ལྟེ་བ་ལྕགས་སྣོད་གཞུག །མེ་མདོག་ཅན་དུ་ལན་མང་བྱ། །ཐལ་སྨན་ཆ་ནི་ཕུལ་གང་དང་། །མེ་བསད་དེ་ཉིད་དང་བཏགས་ལ། །ལྡེ་གུ་དེར་
[105a.5]ནི་གཞུག་པར་བྱ། །ཁྱིམ་བྱ་རྨ་བྱ་བྱ་རྒོད་དང་། །ཀངྐ་ཕུག་རོན་རྟུག་པ་དང་། །བྱ་དང་རྐང་བཞིའི་མཁྲིས་པ་དང་། །བ་བླ་ལྡོང་རོས་ལན་ཚྭ་རྣམས། །ཞིབ་བཏགས་བཅུག་བྱ་དེ་ནས་ནི། །གཟར་བུས་དེ་ཡང་ཀུན་ཏུ་དཀྲུགས། །གང་ཚེ་ལྦུ་བར་བཅས་པར་ཁོལ། །ཆུ་
[105a.6]བུར་སྦོམ་སྐ་ལྡེ་གུ་འདྲ། །དེ་ཚེ་ཕབ་ལ་གྲངས་པ་དང་། །ལྕགས་སྣོད་བཅུག་སྟེ་ནས་ནང་གཞུག །འདི་ནི་ཐལ་སྨན་འབྲིང་པོ་ཡིན། །འཇམ་པོ་མ་བཏགས་ཕར་བཅུག་ལ། །གསུར་ལ་སླར་ནི་གདོན་པར་བྱ། །རྣོན་པོར་སྔ་མ་བཞིན་བཅུག་ལ། །ལངྐ་ལིངྐ་དནྟི་དང་། །ཤུ་
[105a.7]དག་པོང་ང་ཙི་ཏྲ་ཀ ། སྭ་རྩི་ཀ་དང་ཁྲོན་བུ་དང་། །ཤིང་ཀུན་ཀ་རཉྫའི་ལོ་མ། །ཏ་ལའི་ལོ་མ་ཁ་རུ་ཚའི། །ཕྱེ་བཅུག་ཞག་བདུན་དེ་གཞག་བྱ། །རྣོན་པོ་དེ་ནི་རླུང་བད་ཀན། །ཚིལ་སྐྱེས་ཐོར་བུ་ཚོགས་ལ་བཏང་། །འདི་ཉིད་ནད་ཚབས་འབྲིང་ལ་འབྲིང་། །འཇམ་པོ་ཁྲག་
[105b]
[105b.1]མཁྲིས་གཞང་འབྲུམ་ལའོ། །མཐུ་བསྐྱེད་ཕྱིར་ནི་འོ་མ་ཆུ། །ཐལ་སྨན་ཆུ་ནི་སླར་ཡང་གཞུག །ཤིན་ཏུ་རྣོ་མིན་འཇམ་དང་མཉེན། །འབྱར་བག་སྣ་རྣོ་དཀར་བ་དང་། །རྩེ་ཅན་བདེ་བར་འཇིལ་བ་དང་། །མི་འཛག་བྱུགས་ན་ནད་མི་ཆེ། །ཐལ་སྨན་ཡོན་ཏན་བཅུ་དང་ལྡན། །
[105b.2]གཙགས་བུ་མེ་བཙའི་ལས་ཀྱང་བྱེད། །དཀྲུགས་པས་གཞིབས་པ་ལྟ་བུ་དང་། །ལུས་ནི་བཙིར་བ་ལྟ་བུ་དང་། །ནད་ཀྱི་རྗེས་འགྲོ་སྙེགས་པས་ན། །རྩ་བ་ནས་ནི་འབྱིན་པར་བྱེད། །ལས་བྱས་ནད་དང་བྲལ་ནས་ཀྱང་། །རང་ཉིད་བར་ཞི་བར་འགྱུར། །ཐལ་སྨན་གྱིས་
[105b.3]ནི་གསོ་བའི་ནད། །མཚོན་བཅད་བྲུད་པའམ་གཏར་ག་བྱ། །ཐལ་སྨན་ཐུར་མ་གོས་ཀྱིས་ནི། །དཀྲིས་པ་བསྒོས་ཏེ་གླན་ནས་སུ། །གྲངས་བརྒྱའི་བར་དུ་བསྡད་ནས་ཕྱི། །དེ་ལ་གཞང་འབྲུམ་བསྐུས་གོས་ཀྱིས། །གཡོགས་ཏེ་ལག་པས་དགབ་པར་བྱ། །མིག་མཆུའི་
[105b.4]ནད་ལ་མིག་མཆུ་བཟློག །མིག་འབྲས་ནག་པོ་རས་བལ་གྱིས། །བཀབ་སྟེ་ལེགས་པར་བྱུག་པར་བྱ། །ཐལ་སྨན་པད་ལོ་ཙམ་སྲབ་བསྐུ། །སྣ་ཡི་བུ་གའི་ཐོར་བུ་ནི། །ཉི་མ་ལ་བལྟས་འདུག་པ་ལ། །སྣ་རྩེ་ལེགས་པར་བཏག་ནས་ནི། །གྲངས་ནི་ལྔ་བཅུའི་བར་དུ་
[105b.5]གཞག །རྣ་བའི་ཐོར་བུ་ལ་དེ་བཞིན། །ཐལ་སྨན་བསྐུས་པའི་འོག་ཏུ་ནི། །ཕྱིས་ལ་ལེགས་ཉེས་རྟོགས་བྱ་སྟེ། །ལེགས་ཚིག་མར་དང་སྦྲང་རྩི་བསྐུ། །འོ་མ་རང་སྐྱུར་ཞོ་ག་ཆུས། །དབལ་བསད་དེ་ནས་མར་བཅས་པའི། །མངར་དང་བསིལ་བས་བྱུག་པར་བྱ། །
[105b.6]བཟའ་བཏུང་བད་ཀན་བསྐྱེད་པ་དང་། །བསྲུལ་པའི་ཕྱིར་ནི་སྦྱིན་པར་བྱ། །གལ་ཏེ་རྩ་བ་བརྟན་གྱུར་པས། །ཐལ་སྨན་གྱིས་བསྲེགས་མི་འདྲུལ་ན། །འུ་སུ་སྐྱུར་སྙིགས་ཤིང་མངར་དང་། །ཏིལ་གྱི་ལྡེ་གུས་དེ་ཚེ་བསྐུ། །ཏིལ་གྱི་ལྡེ་གུ་ཤིང་མངར་བཅས། །མར་གྱིས་
[105b.7]བསྐུས་ན་རྨ་འཚོབ་བྱེད། །སྨིན་པ་འཛམ་བུ་ལྟར་ཀུན་གནག །ལེགས་ཚོས་དེ་ལས་གོ་བཟློག་པ། །དམར་ཞིང་ན་ལ་གཡའ་སྩོགས་བྱེད། །བསྲེགས་ཉེས་ཡིན་ཏེ་དེ་སླར་བསྲེག །བསྲེགས་དྲགས་ཁྲག་ནི་འཛག་པ་དང་། །བརྒྱལ་ཞིང་ཚ་དང་རིམས་སྩོགས་འགྱུར། །
[106a]
[106a.1]གཞང་ཁར་བསྲེགས་དྲགས་ཁྱད་པར་དུ། །འགགས་པའམ་ཤས་ཆེར་འབྱུང་བར་འགྱུར། །ཁུ་བ་ཟད་པར་འགྱུར་བའམ། །གཞང་ཁ་འབྱུང་བས་འཆི་བར་འགྱུར། །སྣར་དྲགས་སྣ་ཡི་མཚུལ་བར་ནི། །ཉམས་པའམ་ཡང་ན་ཡོ་བའམ། །ཡུལ་
[106a.2]ནི་འཛིན་མི་ནུས་པར་འགྱུར། །རྣ་བ་སྩོགས་པའང་དེ་དང་འདྲ། །འདིར་ནི་མཆོག་ཏུ་སྐྱུར་བ་བླུགས། །ཤིང་མངར་མར་དང་ཏིལ་བཏགས་བྱུག །རླུང་དང་མཁྲིས་པ་སེལ་བ་དང་། །བསིལ་པའི་སྤྱོད་པ་ཐམས་ཅད་ཕན། །སྐྱུར་བའི་རེག་པ་བསིལ་བས་ན། །ཐལ་
[106a.3]སྨན་དེ་དང་འདྲེས་གྱུར་ན། །དེ་ཡིས་མྱུར་དུ་མངར་འགྱུར་བས། །སྐྱུར་བས་ཚ་བ་ཤིན་ཏུ་འཇིལ། །མེ་བཙའ་ཐལ་སྨན་ལས་མཆོག་སྟེ། །དེས་བསྲེགས་པས་ནི་སླར་མི་འབྱུང་། །སྨན་དང་ཐལ་སྨན་མཚོན་སྤྱད་ཀྱིས། །མ་གྲུབ་པར་ཡང་གྲུབ་བྱེད་ཡིན། །པགས་པ་ཤ་དང་
[106a.4]རྩ་རྒྱུས་དང་། །ཚིགས་དང་རུས་སྩོགས་དེ་ལ་གདབ། །སྨེ་བ་མཛེ་ནད་གླད་ནད་དང་། །མགོ་བོའི་གཞོགས་ཕྱེད་ན་སྩོགས་ལ། །པགས་བསྲེགས་རས་བལ་བ་ལང་སོ། །མེ་ཤེལ་མདའ་སྨྱུག་སྩོགས་མེ་གདབ། །གཞང་འབྲུམ་རྨེན་བུ་མཚན་བར་རྡོལ། །བུ་ག་རྨ་
[106a.5]ལོངས་ལ་སྩོགས་ལ། །ཤ་བསྲེག་སྤྲ་ཚིལ་མར་བསྲེགས་དང་། །བུ་རམ་འཛམ་བུའི་ཆུ་ཡིས་བསྲེག །པགས་པ་འཇར་དང་ཁྲག་མ་ཆོད། །ཐིག་ལེ་གནག་སྩོགས་པགས་ནད་ན། །དེ་དག་ཉིད་ཀྱི་རྩ་བསྲེག་གོ། །བསྲེག་མིན་ཐལ་སྨན་བཀག་པ་དང་། །ནང་ན་མཚོན་
[106a.6]ལུས་རྨ་ཆེན་འབྱུང་། །ཁྲག་ཟགས་པ་དང་ལྟོ་དྲལ་བའོ། །ལེགས་བསྲེག་མར་དང་སྦྲང་རྩིས་བསྐུ། །སྣུམ་དང་བསིལ་བས་བྱུག་པར་བྱ། །ལེགས་པའི་མཚན་མ་ཁྲག་མི་དབྱུང་། །སྒྲ་ཅན་ཆུ་བུར་ཕྲེའུ་འབྱུང་། །ཏ་ལའི་འབྲས་སྨིན་ཐི་བ་འདྲ། །ན་བ་ཆུང་ཞིང་འཚོབ་པ་
[106a.7]སླ། །བག་མེད་པས་བསྲེགས་ཐམས་ཅད་དང་། །བསྲེགས་ཉེས་བསྲེགས་ནི་དྲགས་པ་དང་། །མ་ཚོས་མཚན་ཉིད་དང་བཅས་བཞི། །མ་ཚོས་པགས་མདོག་མི་སྡུག་ཚ། །ཆུ་བུར་འབྱུང་བར་མི་འགྱུར་རོ། །བསྲེགས་ཉེས་ཆུ་བུར་ཆེ་རབ་ཚ། །བསྲེགས་དྲགས་པས་ནི་ཤ་
[106b]
[106b.1]འཕྱང་དང་། །པགས་པ་འཁུམས་ཤིང་རབ་ཏུ་ཚ། །དུད་པ་འཁྱིམས་པ་ལྟ་བུ་དང་། །རྩ་སྩོགས་འཁུམས་ཤིང་སྐོམ་དང་བརྒྱལ། །རྨ་ཡི་གཏིང་ཟབ་འཆི་བར་འགྱུར། །མཚོས་པ་ནི་མེ་ཕྲད་ཅིང་། །ཚ་བའི་སྨན་ནི་གཏང་བར་བྱ། །ཁྲག་སྐ་ཤིན་ཏུ་ན་བར་འགྱུར།
[106b.2]ཟགས་པར་གྱུར་ན་ནད་ཚབས་ཆུང་། །བསྲེགས་ཉེས་བསིལ་དང་དྲོ་བའི་སྨན། །དང་པོར་བཏང་ན་དེ་འོག་བསིལ། །བསྲེགས་ལེགས་ན་ནི་ཅུ་གང་དང་། །པླག་ཤ་ཙནྡན་བཙག་ཡུག་སྣམ། །སླེ་ཏྲེས་བཅས་པ་མངར་བཅས་བསྐུ། །དེ་འོག་མཁྲིས་མེ་དབལ་
[106b.3]ལྟར་སྤྱད། །བསྲེགས་དྲགས་མཁྲིས་པ་མེ་དབལ་གྱི། །ཆོ་ག་ཐམས་ཅད་མྱུར་དུ་སྤྱད། །སྣུམ་གྱིས་ཤིན་ཏུ་བསྲེགས་དྲགས་པ། །དེར་ནི་རྩུབ་པའི་ཆོ་གའང་བྱ། །སྙིང་པོ་གསང་བ་ལྟ་བུ་ནི། །གནས་འདིར་རྫོགས་པར་བྱས་པ་ཡིན། །འདིར་དོན་ཕྲ་བ་མདོར་
[106b.4]བཤད་ཀྱི། །རྒྱ་ཆེར་ཀུན་ཏུ་བསྟན་པ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཀྱི་ལེའུ་སུམ་ཅུ་ཐམ་པའོ།། །།ཡན་ལག་བརྒྱད་པའི་སྙིང་པོ་བསྡུས་པ་ལས། །མདོའི་གནས་ཏེ་གནས་དང་པོ་རྫོགས་སོ།། །།དེ་ནས་ལུས་ཀྱི་
[106b.5]རུམ་དུ་ཞུགས་པའི་གནས་དང་པོ་བཤད་པར་བྱའོ། །དེ་ཡང་སྔོན་གྱི་དྲང་སྲོང་ཆེན་པོ་རྒྱུན་ཤེས་ཀྱི་བུ་ལ་སྩོགས་པས་འདི་སྐད་བཤད་དོ། །ཁུ་ཁྲག་སྐྱོན་མེད་པར་སེམས་ཅན། །རང་ལས་ཉོན་མོངས་ཀྱིས་བསྐུལ་ནས། །ཚོགས་པས་མངལ་ཆགས་འགྱུར་ཏེ། །གཙུབ་
[106b.6]ཤིང་ལས་ནི་མེ་འབྱུང་མཚུངས། །ས་བོན་བདག་ཉིད་འབྱུང་བ་ཆེ། །ཕྲ་མོ་སེམས་ཀྱི་རྗེས་འགྲོ་དང་། །མ་ཡི་ཁ་ཟས་དངས་མ་ལས། །རིམ་གྱིས་མངལ་དུ་རྣམ་པར་འཕེལ། །ཇི་ལྟར་ཉི་མའི་ཟེར་གྱི་མེ། །མེ་ཤེལ་དང་ནི་ཕྲད་གྱུར་པའི། །ཤིང་ལ་འགྲོ་བར་མི་སྣང་སྟེ། །སེམས་
[106b.7]ཅན་མངལ་གནས་དེ་དང་འདྲ། །རྒྱུ་ཡི་རྗེས་སུ་འགྲོ་བས་ན། །འབྲས་བུ་དེ་དང་སྐལ་མཉམ་ཉིད། །སེམས་ཅན་སྐྱེ་གནས་སྣ་ཚོགས་འཛིན། །ཟངས་མ་ལ་སྩོགས་བཞུ་དང་མཚུངས། །དེ་བས་ཁུ་བ་མང་བ་ལས། །ཕལ་ཆེར་སྐྱེས་པར་སྐྱེ་འགྱུར་ལ། །ཟླ་མཚན་མང་བས་
[107a]
[107a.1]བུད་མེད་དེ། །དེ་གཉིས་མཉམ་ལས་མ་ནིང་འགྱུར། །ཁུ་ཁྲག་རླུང་གིས་མང་དུ་ཕྱེ། །ཇི་ལྟ་བ་ལས་མཚེ་མར་འགྱུར། །སྐྱེ་གནས་མི་མཐུན་གཟུགས་མི་སྡུག །གནོད་པའི་དྲི་མས་སྐྱེ་བར་འགྱུར། །བུད་མེད་ཟླ་བ་རེ་རེའི་ཁྲག །དངས་མ་ལས་བྱུང་
[107a.2]ཞག་གསུམ་འཛག །ལོ་ནི་བཅུ་གཉིས་ཡན་ཆད་ནས། །ལྔ་བཅུའི་བར་འཛག་དེ་ནས་ཟད། །བུད་མེད་ལོ་ནི་བཅུ་དྲུག་ལོན། །སྐྱེས་པ་ཉི་ཤུ་ལོན་དང་འདུས། །མངལ་གནས་ལམ་དང་ཁུ་བ་ཁྲག །རླུང་དང་སེམས་ནི་དག་གྱུར་པའི། །པུ་ནི་སྟོབས་དང་ལྡན་པ་སྐྱེ། །དེ་
[107a.3]ལས་ལོ་ནི་མ་ཚང་བའི། །ནད་ཅན་ཚེ་ཐུང་སྐལ་ངན་པའི། །བུ་ཆགས་པའམ་ཆགས་མི་འགྱུར། །རླུང་སྩོགས་རུལ་དང་མདུད་པ་ཅན། །དྲི་མ་སྐྱོན་དང་ལྡན་བཤད་པའི། །ཁུ་ཁྲག་ས་བོན་བྱེད་མི་ནུས། །རང་གི་མཚན་མས་སྐྱོན་བྱུང་བཤད། །ཁྲག་གིས་རུལ་ཞིང་བད་
[107a.4]ཀན་དང་། །རླུང་གིས་མདུད་པ་ཅན་འདྲར་འགྱུར། །ཁྲག་དང་མཁྲིས་པས་རྣག་འདྲ་ལ། །རླུང་དང་མཁྲིས་པས་ཟད་པར་འགྱུར། །འདི་དག་གསོ་དཀའ་ཉེས་གསུམ་ལྡན། །བཤང་གཅི་འདྲ་བ་གསོར་མི་རུང་། །རླུང་ལ་སོགས་པས་གནོད་གྱུར་པ། །རང་གི་སྨན་གྱིས་
[107a.5]གསོ་བར་བྱ། །རུལ་ལ་ད་ཏ་ཀའི་མེ་ཏོག །སེང་ལྡེང་སེ་འབྲུ་ཨརྫུ་ན། །མར་དང་བསྐོལ་བ་བླུད་པའམ། །ཨ་ས་ན་སྩོགས་བསྐོལ་བ་བླུད། །ཁུ་ཁྲག་མདུད་འདྲ་པ་ལ་ཤའི། །ཐལ་བ་སྲུ་སྲུའི་རྩ་བས་ཕན། །རྣག་འདྲ་པ་རུ་ཤ་ཀ་དང་། །ནྱ་གྲོ་དྷ་སྩོགས་བསྐོལ་
[107a.6]བ་བླུད། །ཁུ་བ་ཟད་ལ་རོ་ཙའི་དཔྱད། །བཤང་འདྲ་སློན་ཁྲུས་ཤིང་ཀུན་དང་། །པུ་ཤེལ་ཙི་ཏྲ་ཀ་བསྐོལ་བླུད། །ཟླ་མཚན་མདུད་འདྲ་པ་ཐ་དང་། །ཚ་གསུམ་དུག་མོ་ཉུང་བསྐོལ་བླུད། །ཟླ་མཚན་རུལ་དང་རྣག་འདྲ་ལ། །ཙནྡན་བླུད་བྱ་ཕྱིས་བཤད་པའི། །གསང་བའི་
[107a.7]ནད་གསོར་བཤད་ཀུན་དང་། །འཇམ་རྩིར་བཅས་པ་གང་ཡིན་བྱ། །ཁུ་བ་དཀར་ཞིང་ལྕི་བ་དང་། །དམར་དང་བསྐ་དང་མང་བ་དང་། །མར་དང་སྦྲང་རྩི་ཏིལ་མར་འདྲ། །མངལ་དུ་ལེགས་ཆགས་ཟླ་མཚན་ཡང་། །རྒྱ་སྐྱེགས་ཁུ་བ་རི་བོང་ཁྲག །འདྲ་ཞིང་བཀྲུས་ན་དག་འགྱུར་
[107b]
[107b.1]བཟང་། །ཁུ་ཁྲག་སྐྱོན་མེད་ནད་མེད་ཅིང་། །ཕན་ཚུན་དུ་ནི་ཆགས་པ་དང་། །རོ་ཙའི་སྣུམ་གྱིས་བརྟས་པ་དང་། །སྦྱང་བ་བྱས་ཤིང་འཇམ་རྩི་བཏང་། །མཆོག་ཏུ་སྐྱེས་པ་འོ་མ་མར། །མངར་བའི་སྨན་གྱིས་བརྟ་བར་བྱ། །བུད་མེད་ཏིལ་མར་ཤ་དག་ནི། །མཁྲིས་པ་
[107b.2]སྐྱེད་པ་ཉེ་བར་སྤྱད། །བུད་མེད་ཉམ་ཆུང་བཞིན་རས་དང་། །ནུ་མ་རྐེད་པ་འགུལ་བ་དང་། །མིག་དང་དཀུ་གཡོ་སྐྱེས་པ་འདོད། །ཟླ་མཚན་ལྡན་པར་ཤེས་པར་བྱ། །དཔེར་ན་ཉི་མ་ནུབ་པ་ན། །པདྨའི་ཁ་ནི་ཟུམ་པར་འགྱུར། །དེ་བཞིན་ཟླ་མཚན་དུས་འདས་པའི། །
[107b.3]མངལ་ནི་ཁུ་བ་ལེན་མི་འགྱུར། །ཟླ་བ་གཅིག་ཏུ་བསགས་པའི་ཁྲག །རྩ་ཆེན་གཉིས་ལས་དུས་སུ་ནི། །ཅུང་ཟད་གནག་ཅིང་དྲི་བྲལ་བ། །རླུང་གིས་མངལ་གྱི་སྒོ་རུ་འབྱིན། །དེ་ནས་ཟླ་མཚན་མཐོང་ཉིད་ནས། །ཞག་གསུམ་བར་དུ་སེམས་དགེ་བསམ། །རྒྱན་དང་
[107b.4]ཁྲུས་ནི་སྤང་བ་དང་། །ཀུ་ཤའི་སྟན་ལ་ཉལ་བར་བྱ། །ནས་ཐུག་འོ་མར་བཙོས་ཉུང་ཟད། །བླུད་ཅིང་ལྟོ་སྦྱང་ཉམས་སྨད་བྱ། །ལོ་མའམ་རྫ་སྐྱོགས་ལེགས་པར་ནི། །བཟའ་ཞིང་འཁྲིག་པ་སྤང་བར་བྱ། །དེ་ནས་ཞག་ནི་བཞི་པ་ལ། །ཁྲུས་བྱས་གོས་ཕྲེང་དཀར་ཞིང་
[107b.5]གཙང་། །ཕ་དང་འདྲ་བའི་བུ་འདོད་ཅིང་། །མདུན་དུ་ཁྱོ་ནི་བལྟ་བར་བྱ། །ཟླ་མཚན་ཞག་ནི་བཅུ་གཉིས་དུས། །དེ་ལས་དང་པོའི་ཞག་གསུམ་དང་། །བཅུ་གཅིག་པ་སྨད་ཚེས་ཟུང་ལ། །བུར་འགྱུར་གཞན་དུ་བུ་མོར་འགྱུར། །དེ་ནས་བུ་ཕྱིར་སློབ་དཔོན་གྱིས། །ཆོ་ག་ཆོ་
[107b.6]ག་བཞིན་བྱས་ལ། །དམངས་རིགས་ཕྱག་འཚལ་ལ་བརྩོན་པས། །སྔགས་ཀྱིས་བྱ་བ་མེད་པར་བྱ། །དེ་ལྟར་འདོད་སྤྱོད་དོན་ལྡན་ཞིང་། །ཡིད་ལ་འདོད་པའི་བུ་སྐྱེད་འགྱུར། །བུ་འདོད་བཟའ་བྲན་དབེན་པར་ནི། །འདོད་སྤྱད་བྱ་ཞེས་དམ་པ་སྨྲ། །གཞན་དུ་རིགས་
[107b.7]བཟང་ལས་ཀྱང་ནི། །བུ་ངན་རིགས་སྲེག་མེ་འདྲར་འགྱུར། །ཇི་ལྟ་བ་ཡི་བུ་འདོད་པ། །དེ་ཡི་ཚལ་དུ་དེ་ཡིས་སྤྱད། །ཡུལ་དེའི་སྐྱེ་བོའི་སྤྱོད་པ་དང་། །དེ་ཡི་ཡོ་བྱད་ལ་བསམ་བྱ། །ལས་མཐར་སྐྱེས་པས་ཞུན་མར་དང་། །འོ་མ་འབྲས་ཆན་བཅས་པ་བཟའ། །སྐར་
[108a]
[108a.1]མཁན་ལུང་གིས་མལ་ཁྲིར་ནི། །སྐྱེས་པ་དང་པོ་རྐང་གཡས་ཀྱིས། །འཛེག་བྱ་བུད་མེད་གཡོན་གྱིས་འཛེག །དེ་ཡི་གཡས་ལོགས་ངག་ཏུ་ཉལ། །ཏིལ་མར་མོན་སྲན་གྲེའུ་སྦྱར་བཟའ། །དེར་ནི་སྔགས་ཀྱི་ཚིག་བརྗོད་བྱ། །ཨ་ཧི་ར་སི། །ཨ་
[108a.2]ཡུ་ར་སི། སརྦ་ཏཿཔྲ་ཏིཥྛ་སི་དྷ་ཏྭ་དྷ་ཏུ། །བི་དྷ་བ་ཏྭ། བ་དྷ་དུ། བྲཧྨ་བརྩ་ས་བྷ་བ་ཞེས་བྱའོ། །ཚངས་པ་ཕུར་བུ་ཁྱབ་འཇུག་དང་། །ཉི་ཟླ་ཐ་སྐར་བུ་གཉིས་དང་། །ལེགས་ལྡན་མཛའ་བོ་ཆུ་ལྷ་རྣམས། །བདག་ལ་དཔའ་བའི་བུ་སྩོལ་ཅིག །དེ་ནས་ཕན་ཚུན་སྤྲོ་
[108a.3]བསྐྱེད་དེ། །དགའ་དང་བཅས་པས་གནས་པར་བྱ། །བུད་མེད་དེར་སེམས་གན་རྐྱལ་གནས། །ཡན་ལག་ལེགས་པར་གནས་འདུག་བྱ། །དེ་ལྟར་ཉེས་པ་རང་གནས་འདུག །ས་བོན་ལེགས་པར་འཛིན་པར་འགྱུར། །འཕྲལ་དུ་མངལ་ཆགས་མཚན་མ་ནི། །མངལ་
[108a.4]དུ་ས་བོན་འཛིན་པ་དང་། །འདོད་ངོམས་ལྕི་དང་གཡོ་བ་དང་། ཁྲག་དང་ཁུ་བ་རྗེས་འདྲེས་དང་། །སྙིང་འཕར་བ་དང་སྙོམ་པ་དང་། །སྐོམ་དང་རྨྱ་དང་བ་སྤུ་ལྡང་། །ཟླ་བ་དང་པོ་མིག་གསལ་ཞག །བདུན་ནས་ནུར་ནུར་པོ་རུ་འགྱུར། །འདིར་ནི་མངལ་གྱི་བུ་སྐྱེས་
[108a.5]པ། །གསལ་བར་མ་གྱུར་གོང་དུ་བྱ། །སྐྱེས་བུ་བྱེད་པ་འདི་སྟོབས་ལྡན། །ལས་ཀྱང་ཟིལ་གྱིས་གནོན་པར་ནུས། །སྐར་མ་རྒྱལ་སྐྱེས་བུ་ཡི་གཟུགས། །གསེར་རམ་དངུལ་ལམ་ལྕགས་ལས་བྱས། །མེ་མདོག་འགྱུར་བསྲེགས་འོ་མར་བཅུག །དེ་ནི་སྙིམ་གང་བླུད་
[108a.6]པར་བྱ། །ཡང་ན་གོ་ར་དནྡ་དང་། །ཨ་པ་མརྒ་ཛི་བ་ཀ །ཟངས་རྩི་བ་དང་ཤེརྱ་ཀ །གཅིག་གམ་གཉིས་སམ་གསུམ་ཞིག་གམ། །ཐམས་ཅད་ཆུ་ལ་བཏབ་པ་ནི། །སྐར་མ་རྒྱལ་ལ་བབ་ཚེ་བླུད། །བྲི་ཧ་ཏི་ནི་དཀར་པོའི་རྩ། །འོ་མར་བཏབ་པ་རང་ཉིད་ཀྱིས། །
[108a.7]བུ་འདོད་སྣ་ཁུང་གཡས་པར་བླུགས། །བུ་མོ་འདོད་ན་གཡོན་པར་བླུགས། །ལག་སྨ་ནའི་རྩ་འོ་མར་སྦྱར། །བུ་སྐྱེད་གནས་པ་རབ་སྟེར་བྱེད། །དེ་བཞིན་ནྱ་གྲོའི་མྱུ་གུ་བརྒྱད། །སྦྱར་བ་སྣ་འམ་ཁ་ནས་བཏུང་། །འཚོ་བྱེད་ཀྱི་ནི་སྨན་སྡེ་རྣམས། །ཕྱི་དང་ནང་ནས་ཉེ་བར་
[108b]
[108b.1]སྦྱར། །མངལ་འཛིན་ཡིད་འོང་ཕན་པ་ཡི། །ཁྱོ་དང་འཁོར་གྱིས་བསྙེན་བཀུར་བྱ། །མར་གསར་ཞུན་མར་འོ་མ་རྣམས། །རྟག་ཏུ་དེ་ལ་བླུད་པར་བྱ། །ཉལ་པོ་དྲགས་དང་རྩོལ་དྲགས་དང་། །ཁུར་དང་གོས་ནི་ལྕི་བ་དང་། །ཉིན་ཉལ་ནུབ་མོ་གཉིད་མི་ལོག །
[108b.2]སྟན་སྲབ་ཙོག་པུར་འདུག་པ་དང་། །མྱ་ངན་ཁྲོ་དང་འཇིགས་དང་སྐྱོ། །ཤུགས་དང་སྲེད་པ་དགག་པ་དང་། སྨྱུང་བ་ལམ་འགྲོ་རྣོ་དང་ཚ། །ལྕི་དང་བཤང་འགགས་ཟན་ཟ་དང་། །གོས་དམར་གྱོན་དང་གཡང་ས་དང་། །ཁྲོན་ལྟ་ཤ་ཟ་ཆང་འཐུངས་དང་། །གན་རྐྱལ་
[108b.3]ཉལ་དང་བུད་མེད་དང་། །མི་འདོད་གང་ཡིན་དེ་ཀུན་སྤང་། །དེ་བཞིན་གཏར་ག་གདབ་སློན་ཁྲུས། །མས་གཏོང་ཟླ་བརྒྱད་བར་མི་བྱ། །འདི་དག་གིས་ནི་མངལ་འཇིག་པའམ། །དཀུ་སྐམས་པའམ་འཆི་བར་འགྱུར། །རླུང་ནི་སྐྱེད་པར་བྱེད་པས་མངལ། །སྒུར་པོ་འོན་
[108b.4]ལོང་མི་ཐུང་འགྱུར། །མཁྲིས་པ་ཅན་གྱིས་སྤྱི་ཐེར་སེར། །བད་ཀན་ཤ་བཀྲ་སྐྱ་རྦབ་འགྱུར། །ནད་གཞན་འཇམ་ཞིང་བདེ་བ་དང་། །རྣོན་པོ་མ་ཡིན་སྨན་གྱིས་གསོ། །ནུར་ནུར་པོ་ལས་ཟླ་གཉིས་བར། །གོར་གོར་མེར་མེར་ནར་ནར་པོ། །དེ་ལས་ཕོ་མོ་མ་ནིང་
[108b.5]རིམ། །དེ་ནས་གསལ་འགྱུར་མཚན་མ་ནི། །རིད་ཅིང་དཀུ་ནི་ལྕི་བ་དང་། །བརྒྱལ་སྐྱུགས་ཡི་ག་འཆུས་པ་དང་། །གླལ་དང་མཆིལ་མང་སྙོམ་བག་དང་། །སྤུ་ཡི་ཕྲེང་བ་གསལ་བ་དང་། །སྐྱུར་ལ་དགའ་ཞིང་ནུ་མ་རྒྱས། །ནུ་ཞོར་བཅས་ཤིང་རྩེ་མོ་གནག །
[108b.6]རྐང་པ་སྐྲངས་ཤིང་ཁ་ཟས་ཚ། །སྲེད་པ་སྣ་ཚོགས་ཉིད་དུ་འགྱུར། །འདི་ཡི་སྙིང་ནི་མ་ལས་སྐྱེས། །མ་ཡི་སྙིང་ཡང་དེ་དང་ནི། །འབྲེལ་པས་དེ་ཕྱིར་སྦྲུམ་མ་ནི། །སྲེད་པ་དགག་པར་མི་བྱའོ། །དེ་ལ་གནོད་པར་འགྱུར་བའང་། །ཕན་དང་བསྲེས་ཏེ་ཅུང་ཟད་སྦྱིན། །སྲེད་
[108b.7]པ་བཀག་ན་མངལ་གྱི་བུ། །མི་སྡུག་པའམ་འཇིག་པར་འགྱུར། །ཟླ་བ་གསུམ་པར་དེ་ཡི་ལུས། །མགོ་བོ་དཔྱི་གཉིས་དཔུང་པ་གཉིས། །ཡན་ལག་ལྔ་ནི་གསལ་དོད་འགྱུར། །ཡན་ལག་ཕྲ་མོ་རྣམས་ཀྱང་འབྱུང་། །མགོ་བོ་སོགས་དང་ཆ་མཉམ་དུ། །བདེ་དང་
[109a]
[109a.1]སྡུག་བསྔལ་ཤེས་པ་འབྱུང་། །མངལ་གནས་ལྟེ་བ་མ་ཡི་ནི། །སྙིང་གི་རྩ་དང་འབྲེལ་པའི་ཕྱིར། །དེ་ཡིས་དེ་ནི་འཕེལ་འགྱུར་ཏེ། །ཞིང་གི་ཡུར་བ་དག་དང་མཚུངས། །བཞི་པར་ཡན་ལག་གསལ་དོད་འགྱུར། །ལྡ་པར་སེམས་ནི་གསལ་བར་
[109a.2]འགྱུར། །དྲུག་པར་ཆུ་བ་རྩ་དང་སྤུ། །སེན་མོ་པགས་པ་མདོག་སྟོབས་འགྱུར། །བདུན་པར་དངོས་པོ་ཐམས་ཅད་ཀྱིས། །ཡན་ལག་ཀུན་ནི་རྫོགས་པར་འགྱུར། །མངལ་གནས་ནད་ཀྱིས་ཉེར་གཟིར་ན། །དེ་ཚེ་སྙིང་དང་འབྲེལ་པའི་ཕྱིར། །གཡའ་དང་ཚ་བར་བྱེད་
[109a.3]པ་དང་། །པགས་གས་རྨ་ཕྲན་འབྱུང་བར་འགྱུར། །དེར་ནི་མར་སར་རྒྱ་ཤུག་ཆུ། །མངར་བའི་སྨན་སྡེ་བསྐོལ་བ་ཕན། །ལན་ཚྭ་ཉུང་ཞིང་སྣུམ་བག་ཅན། །ཡང་ཞིང་མངར་བའི་ཁ་ཟས་བཟའ། །ཙནྡན་པུ་ཤེལ་རྩིའི་ལྡེ་གུས། །བྲང་དང་ནུ་མ་ལྟོ་ལ་བསྐུ། །འབྲས་
[109a.4]བུ་གསུམ་པའམ་ཨེ་ནེེ་ཡ། །ཤ་བཀྲ་རི་བོང་ཁྲག་སྦྱར་བསྐུ། །ཀ་ར་བཱི་རའི་ལོ་མ་དང་། །ཏིལ་མར་བསྐོལ་བས་བསྐུས་ཏེ་མཉེ། །པ་ཏོ་ལ་དང་ནིམ་པ་བཙོད། །བྱེའུ་རུག་གིས་ཀྱང་བསྐུ་བར་བྱ། །སྐྱེར་པ་ཤིང་མངར་ཆུ་ཡིས་ནི། །བཀྲུ་དང་བསྐུ་བ་བསྟེན་པར་བྱ། །
[109a.5]ཟླ་བ་བརྒྱད་པར་མ་དང་བུ། །ཐང་རེ་རིམ་གྱིས་གཟི་མདངས་འཕོ། །དེ་ཡིས་དེ་གཉིས་ཞུམ་དགར་འགྱུར། །བྱིས་མདངས་མ་ལ་མི་གནས་པས། །དེ་ཚེ་བཙས་ན་མི་འཚོ་ལ། །བུད་མེད་ཐེ་ཚོམ་བཅས་སྐབས་འགྱུར། །འདིར་ནིའོ་མ་ཅན་བླུད་ཅིང་། །མངར་བའི་
[109a.6]སྨན་དང་བསྐོལ་བ་ཡི། །མར་གྱི་འཇམ་རྩི་གཏང་བྱ་ཞིང་། །ཕྱིས་རྙིང་པ་དག་བྱ་བའི་ཕྱིར། །ལ་ཕུག་སྐམ་དང་རྒྱ་ཤུག་སྐྱུར། །བསྐ་བ་དང་ནི་བསྐོལ་བ་བསྔགས། །ཤ་ཏ་པུཏྤའི་ལྡེ་གུ་ནི། །རྒྱམ་ཚ་ཏིལ་མར་འཇམ་རྩི་གཏང་། །དེ་ཚེ་ཞག་གཅིག་འདས་པ་
[109a.7]ནའང་། །དུས་སུ་བཙས་ཡིན་དེ་ཕན་ཆད། །རླུང་གིས་དཀུར་ནི་བཀག་གྱུར་ན། །ལོ་ཡི་བར་དུ་གནོད་པ་སྐྱེད། །ཟླ་དགུ་ལོན་ན་སྣུམ་བཅས་པའི། །འབྲས་ཆན་ཤ་ཁུ་བླུད་པ་བསྔགས། །སྣུམ་མང་ནས་ཐུག་སྦྱིན་པའམ། །སྔར་བཤད་པ་ཡི་འཇམ་རྩི་གཏང་། །དེ་
[109b]
[109b.1]ཉིད་ལ་བཅུག་རས་བལ་ནི། །མཚན་མར་རྟག་ཏུ་གཞུག་པར་བྱ། །རླུང་འཇོམས་ལོ་མ་བསྐོལ་བའི་ཆུ། །བསྒྲངས་པས་ཉིན་རེ་བཀྲུས་པ་ཕན། །ཟླ་དགུ་ཕན་ཆད་ལུས་ལ་ནི། །སྣུམ་མེད་པར་ནི་མི་གཞག་གོ། །ནུ་ཞོ་གཡས་པ་སྔར་བྱུང་ཞིང་། །གཡས་ལོགས་ལ་
[109b.2]ནི་བརྟེན་པ་དང་། །འདྲི་ཚིག་སྐྱེས་པའི་མིང་ཅན་སྨྲ། །དགའ་ཞིང་རྨི་ལམ་སྐྱེས་པ་མཐོང་། །དཀུ་ནི་གཡས་པ་མཐོ་བ་དང་། །མངལ་ཡང་ཀུན་ནས་ཟླུམ་པ་དག། །བུ་སྐྱེ་གཞན་དུ་བུ་མོར་འགྱུར། །གང་ཡང་སྐྱེས་པ་ཕྲད་འདོད་དང་། །གླུ་གར་རོལ་མོ་ལ་དགའ་དང་། །
[109b.3]དྲི་དང་ཕྲེང་ཆགས་བུ་མོར་སྐྱེ། །དེ་འདྲེས་པས་ནི་མ་ནིང་འགྱུར། །དཀུ་ཡི་དབུས་ནི་མཐོ་བ་ཡིན། །མཚེ་མ་ལོགས་གཉིས་མཐོ་བས་ན། །ལྟེ་བ་དམའ་བར་འདུག་པ་ཡིན། །དགུ་པའི་དང་པོ་ནས་བརྩམས་ཏེ། །ས་ཕྱོགས་ཤིས་ཤིང་ཡོ་བྱད་ནི། །ཕུན་ཚོགས་ལྡན་
[109b.4]པར་དགེ་བའི་ཞག །དེ་ནི་བཙས་ཁྱིམ་ཞུགས་པར་བྱའོ། །དེར་ནི་བུད་མེད་བཙའ་མྱོང་བས། །བསྐོར་ཏེ་བཙའ་བའི་དུས་བར་བསྡད། །དེང་ངམ་སང་ནི་བུ་བཙས་རྟགས། །སྙོམ་ཞིང་དཀུ་དང་མིག་ལྷོད་དུབ། །སྨད་དུ་ལྕི་ཞིང་ཡི་ག་འཆུས། །མཆིལ་མ་མང་ཞིང་
[109b.5]གཅིན་མང་འབྱུང་། །བརླ་དང་རྐེད་པ་ལྟོ་དང་རྒྱབ། །སྙིང་དང་ཆུ་སོ་བརླ་རྩ་ན། །མཚན་བྱེ་ན་ཞིང་ཟུག་པ་དང་། །འགུལ་ཞིང་འཛག་པར་འགྱུར་བ་ཡིན། །རང་དབང་མེད་གྱུར་རྗེས་སུ་ནི། །དེ་འོག་མངལ་གྱི་ཆུ་འཛག་འགྱུར། །དེ་ནས་མངལ་ནས་ལས་བྱུང་རྩོམ། །
[109b.6]བཀྲ་ཤིས་བསྲུང་བའི་ཆོ་ག་བྱས། །ལག་པར་འབྲས་བུ་སྐྱེས་མིང་གཞག །ལེགས་བསྐུས་ཆུ་ནི་དྲོན་མོ་བླུགས། །མར་དང་བཅས་པའི་ཐུག་པ་བླུད། །དེ་འོག་ས་ལ་མལ་བཅས་འདུག། །བརླ་གཉིས་བཀུག་སྟེ་གན་རྐྱལ་གནས། །ཡན་ལག་ཡང་ནས་ཡང་དུ་བསྐུ། །
[109b.7]ལྟེ་བ་མན་ཆད་མཉེ་བྱ་ཞིང་། །གླལ་དང་འཆག་པ་བྱེད་དུ་གཞུག །དེ་ལྟས་མངལ་གནས་ཐུར་དུ་འབྱུང་། །དེ་རྟགས་སྙིང་ག་ལས་འཕོས་ནས། །མངལ་གནས་ལྟོ་བར་ཞུགས་ནས་ནི། །ཆུ་སོའི་སྟེང་ན་གནས་པར་འགྱུར། །དེ་ནས་དབང་མེད་ནད་ལྡང་སྟེ། །མྱུར་དུ་ཁྲི་ལ་
[110a]
[110a.1]གཞག་པར་བྱ། །དེ་འོག་མངལ་གནས་ལེགས་བཙིར་ནས། །དེ་ཡི་མཚན་ནི་དབྱེ་བར་བྱ། །དང་པོར་དལ་གྱིས་བཙིར་བྱ་ཞིང་། །བཙའ་ཁར་དྲག་ཏུ་བཙིར་བར་བྱ། །དེ་ནས་བུ་སྐྱེའི་སྒྲ་དང་ནི། །ཆུ་དང་རླུང་གིས་དགའ་བ་སྐྱེད། །བཙའ་བའི་ནད་ཀྱིས་
[110a.2]གཟིར་བ་ཡི། །སྲེག་བྲལ་འདྲ་བ་སླར་གསོ་བྱ། །མངལ་དུ་ཐོགས་ན་སྦྲུལ་ནག་པོའི། །པགས་པས་མོ་མཚན་བདུག་པར་བྱ། །བྱ་རྞུའི་མེ་ཏོག་རྩ་བའམ། །ལྕམ་པའམ་ཡང་ན་བྱི་ཤ་ལྱ། །རྐང་པའམ་ལག་པར་གདགས་པར་བྱ། །ཤ་མ་དབྱུང་བའི་ཕྱིར་ཡང་ནི། །དེ་དག་
[110a.3]ཉིད་བྱ་དེ་ནས་བཏེག །དཔུང་པ་གཉིས་ནས་བཟུང་སྟེ་སྦྲུག །རྟིང་པས་མཇུག་ཏོ་རྡེག་པ་དང་། །རྐུབ་ཚོས་དམ་དུ་བཙིར་པར་བྱ། །སྐྲ་ཡིས་ལྐོག་མ་རྐན་རེག་བྱ། །སྣུ་ཧའི་འོ་མ་སྤྱི་པོར་བླུགས། །སྟག་པ་ཀུ་བ་ལངྐ་ལི། །སྦྲུལ་ལྤགས་རུ་རྟ་ཡུངས་ཀར་རྣམས། །རེ་
[110a.4]རེ་འམ་གཉིས་སམ་མ་ལུས་པས། །མོ་མཚན་བྱུག་པའམ་བདག་པར་བྱ། །རུ་རྟའམ་བལ་བུའི་ལྡེ་གུ་ནི། །ཆང་དངས་དང་ནི་བླུག་པར་བྱ། །ཀུ་ལངྠ་འམ་བལ་བ་ཛ། །ཆང་རྙིངས་དག་ལ་བཏབ་སྟེ་བླུད། །ཤུ་ཏི་ཉུངས་ཀར་ཟི་ར་དང་། །ཤི་ཀྲུ་ཏིག་སྣ་ཀྲུ་དྲུག་ཏྲེས། །ཤིང་
[110a.5]ཀུན་རུ་རྟ་པོ་སོན་ཆ། །འོ་མ་བ་གཅིན་ཡུངས་མར་དང་། །བསྐོལ་བ་བཤང་བའི་སྒོའམ་ནི། །མོ་མཚན་ནས་ནི་འཇམ་རྩི་བཏང་། །ཤུ་ཏི་ཤུ་དག་རུ་རྟ་དང་། །ཡུངས་ཀར་པི་པི་ལིང་ལྡེ་གུ། །སྣུམ་དང་ལན་ཚྭར་བཅས་པ་ཡི། །མས་གཏོང་ཤ་མ་མྱུར་དུ་འབྱིན། །དེར་
[110a.6]ཐོགས་རྒྱུ་ནི་རླུང་ཡིན་ཏེ། །དེ་བཅོམ་ཤ་མ་མྱུར་དུ་འབྱུང་། །ཡང་ན་ལག་བཀྲུས་སོར་མོ་བྲེགས། །མཁས་པ་ཡིས་ནི་དྲངས་ཏེ་དབྱུང་། །ཤ་མ་བྱུང་ན་མོ་མཚན་དང་། །ཡན་ལག་ཏིལ་མར་གྱིས་བྱུགས་མཉེ། །མངལ་ནད་གཟེར་ནི་ཆུ་སོ་མགོ །ལྟོ་བ་གཟེར་ལ་ཐལ་སྨན་
[110a.7]ནི། །རྣོན་པོ་ཞིབ་ཏུ་བཏགས་པ་དག །མར་རམ་ཆུ་ཚན་སྦྱར་བ་བླུད། །འུ་སུ་བསྐོལ་ཆུ་བུ་རམ་དང་། །ཚ་གསུམ་དྲི་བཟངས་གསུམ་བཏབ་བླུད། །དེ་ནས་བྱེས་པའི་ཉེར་སྤྱོད་ཀྱིས། །བྱིས་པ་མ་མས་སྐྱོང་དུ་གཞུག །བུ་བཙས་བཀྲེས་ཡོད་ཏིལ་མར་དང་། །མར་ལས་ཚད་
[110b]
[110b.1]ཆེན་བླུད་བྱ་བ། །ཚ་བ་ལྔ་ཕྱེ་རན་བཏབ་སྦྱིན། །དེ་འོག་བུ་རམ་ཆུ་དྲོན་ནམ། །རླུང་འཇོམས་སྨན་བསྐོལ་ཆུ་བླུད་དེ། །དེས་ནི་རླུང་ནད་ལྡང་མི་འགྱུར། །ཁྲག་ངན་དག་ཀྱང་དག་པར་བྱེད། །རིམ་འདི་ཞག་ནི་གཉིས་གསུམ་བྱ། །སྣུམ་མི་འཕྲོད་ལ་ཆོ་ག་འདི། །སྣུམ་
[110b.2]མེད་པར་ནི་བསྟེན་པར་བྱ། །འཐུངས་ནས་ལྟོ་བ་ཏིལ་མར་དང་། །མར་བསྐུས་ནས་ནི་གོས་ཀྱིས་དཀྲི། །ཞུ་ནས་ཁྲུས་བྱས་ཐུག་པ་ནི། །སྔར་བཤད་སྨན་དང་བསྐོལ་བ་བླུད། །ཞག་གསུམ་ཕན་ཆད་བི་ད་རི། །ལ་སྩོགས་སྨན་སྡེའི་ཁུ་བར་བསྐོལ། །ནས་ཐུག་ཕན་
[110b.3]ཞིང་སྣུམ་མང་བའམ། །གོམས་པའི་དབང་ལས་འོ་ཐུག་བླུད། །ཞག་བདུན་ཕན་ཆད་དེ་ལ་ནི། །རིམ་གྱིས་བརྟ་བའི་ཆོ་ག་ཕན། །ཞག་ནི་བཅུ་གཉིས་མ་ལོན་པར། །ཤ་ནི་སྦྱིན་པར་མི་བྱའོ། །མངལ་དུ་འཕེལ་དང་བཙས་པའི་ནད། །གཤེར་དང་ཁྲག་འཛག་བཙིར་བ་
[110b.4]ཡིས། །ནད་དེ་གསོ་དཀའ་ཡིན་པའི་ཕྱིར། །བཙས་ཚེ་འབད་དེ་རིམ་གྲོ་བྱ། །དེ་ལྟར་ཟླ་བ་ཕྱེད་དང་གཉིས། །ཁ་ཟས་བསྡམས་སྩོགས་དང་བྲལ་ནས། །བཙས་པའི་མིང་དང་བྲལ་བའམ། །ཟླ་མཚན་བྱུང་བར་གྱུར་བར་དུའོ། །ཡན་ལག་བརྒྱད་པའི་སྙིང་པོ་བསྡུས་པ་
[110b.5]ལས། །ལུས་ཀྱི་གནས་ཀྱི་ལེའུ་དང་པོའོ།། །།དེ་ནས་ལུས་ཀྱི་རུམ་དུ་ཞུགས་པའི་ནད་ཀྱི་བྱེ་བྲག་བཤད་པར་བྱའོ། །སྦྲུམ་མས་སྤང་བར་བྱ་བ་དག །བསྟེན་པའམ་ནད་ཀྱི་དབང་ལས་ནི། །ཟླ་མཚན་བྱུང་བའམ་གཟེར་ཞིང་ན། །ཕྱི་ནང་སྣུམ་དང་བསིལ་ཐབས་བྱ།
[110b.6]ཨུཪྴི་པདྨ་ཙནྡན་དང་། །འོ་མ་ཅན་ཤིང་ཤུན་པ་ཡི། །ལྡེ་གུར་མར་ནི་བསྐུ་བ་དང་། །རས་བལ་སྦངས་པ་བཤང་སྒོ་དང་། །མོ་མཚན་གཉིས་སུ་ཐེམ་བུར་གཞུག། །ལན་བརྒྱར་བཀྲུས་པའི་མར་གྱིས་ནི། །བསྐུ་བའམ་བུད་མེད་དེ་ཡི་ལུས། །ཨུཪྴི་ར་སྩོགས་ཆུ་ནང་གཞུག།
[110b.7]ཁ་ར་སྦྲང་རྩི་ཀུ་མུ་ཏ། །པདྨ་ཨུཏྲལ་གེ་སར་ནི། །འོ་མའི་མར་སྦྱར་ཀ་ཤེ་རུ། །ཤྀངྒ་ཏ་ཀ་སྦྱིན་བར་བྱ། །གནྡྷ་པྲི་ཡང་ཀུ་དང་ནི། །ཆུ་སྐྱེས་རྣམས་ཀྱི་རྩ་བ་དང་། །ཨུ་དུ་མྦའ་ར་གཞོན་ནུ་དང་། །ལྡན་པའི་འོ་མ་སྐོམ་དུ་བླུད། །སཱ་ལུའི་རྩ་བ་ཀ་ཀོ་ལ། །བ་ལ་གཉིས་
[111a]
[111a.1]དང་ཤིང་མངར་དང་། །བུ་རམ་ཤིང་དང་བསྐོལ་བ་ཡི། །འོ་མ་སཱ་ལུ་རྩ་སྣར་ཆན། །སྦྲང་རྩི་ཁ་རར་བཅས་པ་ནི། །སྐམ་སའི་ཤ་ཁུ་ལྡན་པར་བཟའ། །བཀྲུ་སྨན་མ་གཏོགས་ཁྲག་མཁྲིས་ཀྱི། །གསོ་དཔྱད་བཤད་པ་ཐམས་ཅད་བྱ། །
[111a.2]ཟླ་གསུམ་མ་ཚང་བར་དུ་ནི། །ཁྲག་དགག་ཕྱིར་ནི་འབད་པར་བྱ། །བེའུ་སྣབས་ལྡན་པའང་དགག་པར་བྱ། །དེར་ནི་བསིལ་པན་རྩུབ་པ་དང་། །སྨྱུང་དང་གླ་སྒང་ཨུཪྴིར། །སླེ་ཏྲེས་འུ་སུ་ཨ་རལ། །བྱི་ཚེར་དང་ནི་པརྦ་ཏ། །ཙནྡན་བ་ལ་བོང་ང་དཀར། །བསྐོལ་
[111a.3]བའི་ཆུ་ནི་བླུད་པར་བྱ། །རྩ་འབྲུ་ལས་གཡོས་ཟས་སྦྱིན་དང་། །མུངྒ་སོགས་ཁུས་བེེའུ་སྣབས་ནི། །བསལ་ལ་སྣུམ་སྩོགས་སྔོན་བཞིན་གཏང་། །མངལ་ནི་རྣམ་པར་འཇིག་གྱུར་ན། །མངལ་ནང་དག་པར་བྱ་ཕྱིར་དང་། །ནད་ཀྱིས་གཟིར་བ་མི་དྲན་ཕྱིར། །ཆང་
[111a.4]རྣོ་ཅི་ནུས་བཏུང་བར་བྱ། །དེ་ནས་རྩ་བ་ལྔ་པོ་ནི། །ཆུང་ངུའི་ཐུག་པ་རྩུབ་དེ་བླུད། །ཆང་མི་འཐུངས་ལ་ཐུག་པ་ནི། །ཚ་བ་ལྔ་དང་བསྐོལ་བ་དང་། །བིལ་བ་ལ་སོགས་ལྔ་དང་བསྐོལ། །ཏིལ་དང་རྩ་འབྲུ་ཆན་སྦྱིན་བྱ། །ཟླ་བ་དང་མཉམ་ཉིན་ཞག་རིམ། །མངལ་
[111a.5]འཇིག་པ་ལ་ཐུག་སྩོགས་སྦྱིན། །ཡང་ཞིང་སྣུམ་དང་ལན་ཚྭ་མེད། །དྲོད་བསྐྱེད་ལྡན་ལ་ཕན་པ་ཡིན། །ནད་དང་ལུས་ཟུངས་ལྗན་ལྗིན་ནི། །སྐམ་ཕྱིར་ཆོ་ག་འདི་བྱའོ། །དེ་ཕན་ཆད་ཟས་སྣུམ་འཇམ་རྩི། །སྟོབས་སྐྱེད་དྲོད་སྐྱེད་འཚོ་བྱེད་སྦྱིན། །སྙིང་པོར་ལྡན་
[111a.6]པས་ཆེར་སྐྱེས་ལ། །མོ་མཚན་ནས་ནི་ཁྲག་འཛག་པས། །མངལ་དུ་སྐྱེ་བར་མི་ནུས་ལ། །ལྟོ་ན་འགུལ་དང་བཅས་པར་གནས། །དེ་ནི་སོ་ན་གནས་ཤེས་བྱ། །དེས་ནི་ལྟོ་བ་རྒྱས་མི་འགྱུར། །མྱ་ངན་སྨྱུང་དང་རྩུབ་སོགས་སམ། །ཡང་ན་མངལ་ནས་ཁྲག་འཛག་པས། །
[111a.7]མངལ་དུ་སྐྱེ་བར་མི་ནུས་ལ། །རླུང་འཁྲུག་སྐམ་ཞིང་བསྐམས་གྱུར་པའི། །མངལ་དེ་ཀླུ་ཡི་ལྟོ་ཞེས་བྱ། །འདིར་ནི་ལྟོ་བ་རྒྱས་གྱུར་ཡང་། །འགྲིབ་ཅིང་ཡུན་རིངས་ལོན་ན་འཕར། །དེ་གཉིས་བརྟ་དང་རླུང་འཇོམས་སྨན། །མངར་བ་དག་དང་བསྐོལ་བ་ཡི། །མར་
[111b]
[111b.1]དང་འོ་མ་ཚིམ་སྦྱིན་ཞིང་། །སྐྱེས་མ་ཐག་པའི་ཤ་སྦྱིན་བྱ། །དེ་གཉིས་ཀྱིས་ནི་ཚིམ་བྱའི་ཕྱིར། །ཁྱོགས་དང་བཞོན་པར་བསྐྱོན་ཏེ་བསྐུལ། །སྔོན་པོ་ཞེས་བྱ་མི་འགུལ་ལ། །ཁྲ་དང་བ་ལང་ཉ་ཤ་དང་། །སྒྲ་སྒྲོགས་བྱ་དང་རྨ་བྱ་ཡི། །ཤ་ཁུ་མར་ནི་མང་པོ་དང་། །མོན་
[111b.2]སྲན་གྲེའུ་དག་དང་ནི། །ལ་ཕུག་དག་གི་ཁུ་བ་བླུད། །བིལ་བ་གཞོན་ནུ་མ་ཤ་ཏིལ། །ཕྱེ་དང་འོ་མ་སྦྱར་བ་བླུད། །ཚིལ་བཅས་ཤ་དང་སྦྲང་ཆང་སྦྱིན། །རྐེད་པ་བསྐུ་བ་བསྟེན་པར་བྱ། །དེ་ནི་རྟག་ཏུ་དགའ་བ་སྐྱེད། །དེ་འདྲས་མངལ་ནི་འཕེལ་བར་འགྱུར། །རྒྱས་
[111b.3]པ་གཞན་དུ་ལོ་ཚང་ནས། །དཀའ་བས་བཙས་པའམ་སྐྱེ་མི་འགྱུར། །སྦྲུམ་མ་རྟུག་པ་འགགས་གྱུར་ན། །སྣུམ་མམ་མཐུན་པའི་འཇམ་རྩི་ཡིས། །མྱུར་བ་ཁོ་ནར་གསོ་བར་བྱ། །གཞན་དུ་སྦྲུམ་མ་བུ་བཙས་འཆི། །མངལ་དུ་ནང་རབ་བསགས་པས་སམ། །
[111b.4]མི་མཐུན་པའམ་གནོད་གཞན་གྱིས། །ནང་དུ་ཤི་ན་ལྟོ་གྲང་ཞིང་། །རེངས་དང་སྦོ་དང་ནད་ཚབས་ཆེ། །མངལ་མི་འགུལ་དང་མགོ་འཁོར་སྐོམ། །དབུགས་འབྱིན་དཀའ་ཞིང་དུབ་པ་དང་། །དགའ་བ་མེད་ཅིང་མི་འགྱུར་དང་། །དབང་མེད་ནད་ནི་མང་པོ་འབྱུང་། །དེ་
[111b.5]ལ་ཆུ་དྲོན་བླུགས་པ་དང་། །བུ་རམ་སྤང་མ་ལན་ཚྭར་བཅས། །བཏགས་པས་མོ་མཚན་བསྐུ་བ་དང་། །ཤལ་མ་ལི་དང་ཟར་མ་ཡ། །ཁུ་བ་མར་དང་ལྡེ་གུར་བྱས། །ནང་དུ་ཡང་དང་ཡང་དུ་གཞུག། །སྔགས་དང་ཤ་མ་འབྱིན་སྦྱོར་བྱ། །གལ་ཏེ་བུ་ཤི་མ་བྱུང་ན། །
[111b.6]དེ་ནས་སྨན་པས་རྒྱལ་པོ་ལ། །ཞུ་ལ་དེ་འབད་མྱུར་དུ་དབྱུང་། །ཤལ་མ་ལི་ཡི་ཐང་ཆུ་མར། །བཅས་པས་ལག་པ་མོ་མཚན་བསྐུ། །ལག་པས་དབྱུང་ནུས་དེ་ཉིད་ཀྱི། །ལུས་ནི་ལེགས་པར་མི་གནས་ན། །གཅུས་ཤིང་བསྒྱུར་དང་བཟློག་པ་དང་། །བཙིར་དང་འདེགས་
[111b.7]གཞག་ལ་སྩོགས་ཀྱིས། །ལུགས་དང་མཐུན་པར་དྲངས་ནས་ནི། །མངལ་གྱི་སྒོར་ནི་དྲང་པོར་དྲང་། །གང་ཞིག་རྐང་ལག་མགོ་བོ་ནི། །ཡོན་པོར་མངལ་དུ་གནས་གྱུར་དང་། །རྐང་པ་གཅིག་ནི་མཚན་དུ་འབྱུང་། །གཉིས་པ་བཤང་སྒོར་ཆུད་ཡོན་པོ། །དེ་ནི་འགགས་པ་
[112a]
[112a.1]ཞེས་བྱ་སྟེ། །མཚོན་གྱིས་བཅད་པར་འོས་པ་ཡིན། །ལས་དེར་དཀྱིལ་འཁོར་སོར་གདུབ་ཅན། །གཙགས་བུ་གཉིས་ནི་བསྔགས་པ་ཡིན། །འཕེལ་གཙགས་རྩེ་མོ་རྣོ་བས་ནི། །མངལ་དུ་གཏང་བར་མི་བྱའོ། །དང་པོར་མགོ་བོའི་ཐོད་པ་ནི། །ཕྱེ་ལ་རྣམ་པར་དབྱུང་
[112a.2]བར་བྱ། །དེ་ནས་མཆན་ཁུང་བྲང་ཀོས་ཀོ། །རྐན་གྱི་ཕྱོགས་ནི་གང་རུང་བར། །གཏང་དེ་མངལ་གྱི་ལྕགས་ཀྱུ་ནི། །བརྟན་པོ་དག་གིས་མཁས་པས་དྲང་། །མགོ་བོ་མ་ཕྱེ་མིག་སྦུབས་དང་། །མཁུར་ཚོས་ནས་ཀྱང་དྲང་བྱ་ཞིང་། །ཕྲག་པ་ཐོགས་ན་དཔུང་པར་བཅད། །ལྟོ་བ་རླུང་གིས་
[112a.3]སྦོས་གྱུར་པ། །ནང་གྲོལ་དབྲལ་ཏམ་རྒྱུ་མ་ནི། །ཕྱི་རོལ་དུ་ནི་བཏོན་ཏེ་དབྱུང་། །རྐེད་པར་ཐོགས་ན་དེ་བཞིན་དུ། །དེ་ཡི་རུས་ཚིགས་དབྱེ་བར་བྱ། །རླུང་གི་དབང་གིས་ཡན་ལག་གང་། །མངལ་དུ་ཐོགས་པ་དེ་དང་དེ། །དུམ་བུར་གཏུབས་ལ་ལེགས་ཕྱུང་སྟེ། །འབད་དེ་བུད་མེད་
[112a.4]བསྲུང་བར་བྱ། །རླུང་ནི་རྣམ་པར་འཁྲུགས་གྱུར་པས། །མངལ་གྱི་གནས་སྐབས་སྣ་ཚོགས་བྱེད། །དེ་ཕྱིར་དེ་ནི་མཁས་པ་ཡིས། །གནས་སྐབས་དག་ནི་བལྟས་ཏེ་སྤྱད། །མ་དང་ལྷན་ཅིག་འཆི་འགྱུར་བས། །གསོན་པོ་མངལ་དུ་གཅད་མི་བྱ། །འཆི་བར་འགྱུར་བ་དག་ལ་ནི། །
[112a.5]ཡུད་ཙམ་བཏང་སྙོམས་གཞག་མི་བྱ། །མོ་མཚན་འགགས་དང་ཉམས་པ་དང་། །གཟེར་ནད་དབུགས་ཀྱིས་ཉམ་ཐག་དང་། །སྒྲེགས་པ་མནམ་དང་ལུས་གྲང་བའི། །མངལ་དུ་བུ་ཤི་བུད་མེད་སྤང་། །དེ་ནས་ཤ་མ་ཐོན་ན། །སྨན་པས་སྔོན་བཞིན་དབྱུང་བར་བྱ། །དེ་ལྟར་ཟུག་
[112a.6]རྔུ་ཕྱུང་ནས་ནི། །ཆུ་དྲོན་གྱིས་ནི་བཀྲུ་བར་བྱ། །ལུས་ལ་སྣུམ་གྱིས་བྱུགས་པ་དང་། །མཚན་དུ་རས་བལ་སྣུམ་ཅན་གཞུག །དེས་ནི་མོ་མཚན་འཇམ་འགྱུར་ཞིང་། །དེ་ཡིས་གཟེར་བ་ཞི་བར་འགྱུར། །ལ་ལ་ཕུད་དང་བོང་བ་དཀར། །ར་སྣ་ཤིང་ཀུན་སུག་སྨེལ་དང་། །ཚ་བ་ལྔ་ཡི་ཕྱེ་མ་
[112a.7]སྣུམ། །སྦྱར་བའམ་ལྡེ་གུ་ཆུ་བསྐོལ་བླུད། །དེ་བཞིན་ནད་རྣམས་འཛག་པ་དང་། །ཚོར་བ་ཞི་ཕྱིར་ཞག་གསུམ་ནི། །པུ་ཙེ་ཤེལ་དང་བོང་ང་དཀར། །བ་ཤ་ཀ་ཡི་ཤུན་པ་དང་། །ཤིང་ཀུན་ཏེ་ཛོ་བ་ཏི་རྣམས། །བཏགས་པའི་ཕྱེ་མའམ་བསྐོལ་བ་བླུད། །དེ་ནས་ཞག་བདུན་བར་དུ་ནི། །
[112b]
[112b.1]སྣུམ་ཉིད་ཉེ་བར་བཏུང་བར་བྱ། །དགོངས་ཀ་ཆང་ནི་རྙིང་པ་དང་། །དེ་བཞིན་ལེགས་སྦྱར་ཆང་བཏུང་བྱ། །ཤིཪྴ་ཀ་ཀུ་བར་བསྐོལ་སྦངས། །རས་བལ་མོ་མཚན་ནང་དུ་གཞུག །བླ་བརྣན་གཞན་དག་གང་བྱུང་བ། །དེ་ལ་རང་གིས་གསོ་བས་གསོ། །རླུང་འཇོམས་སྨན་ནི་འོ་མར་
[112b.2]བསྐོལ། །ཞག་བཅུའི་བར་དུ་བཟའ་བ་ཕན། །ཞག་བཅུའི་བར་དུ་ཤ་ཁུ་བཏུང་། །དེ་ཕན་ཆད་ནི་ཡང་ཞིང་ཕན་།། །ཉུང་ངུ་བཟའ་ཞིང་སྣུམ་བསྐུ་དུགས། །བ་ལའི་ཏིལ་མར་ལ་སོགས་བསྟེན། །ཟླ་བ་བཞི་ལོན་ཕན་ཆད་དེ། །དེ་ནི་རིམ་གྱིས་ཅི་བདེར་སྤྱད། །བ་ལེའི་རྩ་བའི་ཁུ་བ་
[112b.3]ནི། །ཆ་དྲུག་འོ་མ་དེ་མཉམ་དང་། །ནས་དང་རྒྱ་ཤུག་ཀུ་ལངྠ། །རྩ་བ་བཅུ་པའི་ཆ་གཅིག་དང་། །བསྐོལ་བའི་ཆ་ནི་ཆར་བྱས་པའི། །ཏིལ་མར་ཆ་ནི་བཅུ་བཞི་དང་། །མེད་གཉིས་དང་ཐང་ཤིང་བཅོད། །ར་མཉེ་བ་གཉིས་ཙནྡན་དང་། །ཐལ་ཏྲེས་རུ་རྟ་ཛི་བ་ཀ །རྒྱ་སྤོས་
[112b.4]རྒྱམ་ཚ་ཟངས་རྩི་བ། །གླ་སྒང་རྡོ་དྲེག་ཤུ་དག་དང་། །པུརྞ་རྣ་བ་ཨ་ཀ་རུ། །ཨ་ཤྭ་གནྡྷ་ཉེ་ཤིང་དང་། །ཀྵི་ར་ཀུ་ཤུ་ཤིང་མངར་དང་། །བ་ལ་རས་ཤུ་ཏི་དང་། །པ་རྞི་གཉིས་དང་སུག་སྨེལ་དང་། །ཤིང་ཚ་གནྡྷ་བྷར་དྲ་རྣམས། །ཞིབ་ཏུ་བཏགས་པའི་ལྡེ་གུ་དང་། །ཏིལ་མར་མེ་ཆུང་ལ་
[112b.5]བསྐོལ་བ། །རླུང་ནད་ཐམས་ཅད་སེལ་བའི་མཆོག །བུ་བཙས་བྱིས་པ་རུས་པ་གནད། །སྣད་དང་སྐེམ་ལ་བསྔགས་པ་ཡིན། །རིམས་སྐྲན་གདོན་དང་སྨྱོ་བྱེད་དང་། །གཅིན་ནད་རྒྱུ་མ་སྐྱེས་པ་སེལ། །ཐང་ལ་འབར་གྱིས་མངལ་གྱི་ནི། །ནད་རྣམས་སེལ་བའི་མཆོག་ཏུ་བཤད། །མ་ནི་
[112b.6]ཤི་ཚེ་ཆུ་སོར་ནི། །མངལ་གནས་གལ་ཏེ་དཀུར་འཕར་ན། །དེ་ནི་སྐྱེ་བའི་དུས་ཡིན་པས། །དབྲལ་ཏེ་བྱིས་པ་མྱུར་དུ་དབྱུང་། །ཤི་རི་ཀ་ཡི་ས་བོན་དང་། །པ་ཡ་སྱ་དང་ཐང་ཤིང་བཞི། །ཏིལ་ནག་སྲུ་སྲུའི་རྩ་བ་དང་། །བཙོད་དང་ཉེའུ་ཤིང་ཞེས་བྱ་བཞི། །བྲི་ཤ་དང་ནི་པ་ཡ་སྱ།
[112b.7]ཨུཏྤལ་ཐལ་ཏྲེས་པྲི་ཡང་ཀུ། །བྱི་ཚེར་ཐལ་ཏྲེས་ར་སྣ་དང་། །པདྨ་ཙ་རི་ཤིང་མངར་དང་། །བྲི་ཧ་ཏེ་གཉིས་ཏང་པལ་དང་། །འོ་ཤིང་མྱུ་གུ་ཤུན་པ་དམར། ཀྲྀཥྞ་པ་རྞི་བ་ལ་དང་། །ཤི་ཀྲུ་གཟེ་མ་སླེ་ཏྲེས་དང་། །ཤྲིང་ག་སྟ་རྒ་རྒུན་པད་རྩ། །ཤིང་མངར་ཁ་ར་ཀ་ཤེ་རུ། །ཚིགས་
[113a]
[113a.1]བཅད་ཕྱེད་ཀྱིས་རྫོགས་བཤད་པའི། །བདུན་པ་འདི་དག་འོ་མར་སྦྱར། །ཟླ་བ་བདུན་ལ་རིམ་བཞིན་དུ། །མངལ་འཛག་པ་ལ་གཏང་བར་བྱ། །ཀ་བིད་ཏ་དང་བིལ་བ་དང་། །བྲི་ཧ་ཏི་དང་བུ་རམ་དང་། །ཀཎྜ་ཀ་རི་པ་ཏོ་ལའི། །རྩ་བ་བསྐོལ་བར་བྱས་པ་དང་། །དེ་
[113a.2]བཞིན་འོ་མ་ཤ་རྣམས་ནི། །ཟླ་བ་བརྒྱད་པའི་ཚེ་ནའང་བཏང་། །དགུ་པར་ཐལ་ཏྲེས་ཨེར་ཎ་དང་། །པ་ཡ་སྱ་མངར་གཏང་། །ཟླ་བ་བཅུ་པར་པ་ཡ་སྱ། །འོ་མ་དང་ནི་བསྐོལ་བ་བླུད། །ཡང་ན་ཤིང་མངར་དོང་གྲ་དང་། །ཐང་ཤིང་འོ་མར་སྦྱར་བ་སྦྱིན། །བུད་མེད་མངལ་དུ་རླུང་
[113a.3]གིས་ཁྲག་བསྒོངས་ཏེ། །གནས་པ་དེ་ནི་མངལ་ཆགས་ཆ་འདྲ་བས། །བུ་ཆགས་ཡིན་ཞེས་མི་མཁས་པ་དག་སྨྲ། །སྨན་ཁ་རྣོ་དྲོས་ཁྲག་ནི་འབའ་ཞིག་ཟགས། །བླུན་པོས་མངལ་གནས་འབྱུང་པོས་ཟོས་ཞེས་ཟེར། །མདངས་འཕྲོག་ཡིན་ཕྱིར་དེ་ལུས་མངོན་སུམ་དུ། །འཕྲོག་
[113a.4]པར་མི་སྣང་བ་འམ་འབྱུང་པོ་ནི། །གཞུང་འདོར་མ་ནི་བཏང་སྙོམས་འཇོག་མི་བྱེད། །ཡན་ལག་བརྒྱད་པའི་སྙིང་པོ་བསྡུས་པ་ལས། ལུས་ཀྱི་གནས་ཀྱི་ལེའུ་གཉིས་པའོ།། །།དེ་ནས་ལུས་ཀྱི་ཡན་ལག་གི་བྱེ་བྲག་བསྟན་པ་བཤད་པར་བྱའོ། །མདོར་ན་ཡན་ལག་རྣམ་དྲུག་
[113a.5]སྟེ། །མགོ་དང་ཁོག་པ་དཔུང་པ་གཉིས། །བརླ་གཉིས་ཡིན་ཏེ་དེའི་ཉིང་ལག། །མིག་སྙིང་ལག་པ་རྐང་པ་སྩོགས། །སྒྲ་དང་རེག་བྱ་གཟུགས་རོ་དྲི། །གོ་རིམས་བཞིན་དུ་ནམ་མཁའ་རླུང་། །མེ་ཆུ་ས་ཡི་ཡོན་ཏན་ཡིན། །ཡོན་ཏན་རེ་རེས་ཕྱི་མ་སྐྱེད། །དེ་ལ་མཁའ་ལས་ལུས་
[113a.6]བུ་ག། །རྣ་བ་སྒྲ་དང་ཁོང་སྟོང་ཉིད། །རླུང་ལས་རེག་པ་ལྤགས་དབུགས་འབྱིན། །མེ་ལས་མིག་དང་གཟུགས་འཇུ་ཉིད། །ཆུ་ལས་ལྕེ་དང་རོ་དང་གཤེར། །ས་ལས་སྣ་དྲི་རུས་པ་ཡིན། །འདིར་ནི་མ་ལས་སྐྱེས་འཇམ་ཁྲག། །ཤ་དང་རྐང་དང་གཞང་ཁ་སྩོགས། །ཕ་སྐྱེས་བརྟན་དང་ཁུ་
[113a.7]ཆུ་དང་། །རྩ་བོ་ཆེ་རུས་སྐྲ་སྩོགས་ཡིན། །སེམས་ལས་སེམས་བྱུང་དབང་པོ་རྣམས། །སྐྱེ་གནས་སྣ་ཚོགས་རྣམས་ཀྱང་འབྱུང་། །གོམས་པ་ལས་བྱུང་ནད་མེད་ཚེ། །ལེ་ལོ་མེད་སྟོབས་གཟི་མདངས་ཡིན། །དངས་མ་ལས་བྱུང་ལུས་སྐྱེད་དང་། །གནས་དང་འཕེལ་དང་མི་བརྐམ་ཉིད། །
[113b]
[113b.1]སྙིང་སྟོབས་ཅན་གཙང་ཡོད་པར་ལྟ། །ཆོས་དཀར་ལ་དགའ་བློ་གྲོས་ལྡན། །རྡུལ་ཅན་མང་དུ་སྨྲ་བ་དང་། །ང་རྒྱལ་ཚུལ་འཆོས་ཁྲོ་ཕྲག་དོག །མུན་པ་འཇིགས་དང་མི་ཤེས་དང་། །གཉིད་དང་ལེ་ལོ་སྐྱོ་བའོ། །དེ་ལྟར་འབྱུང་བའི་རང་བཞིན་ལུས། །དེ་ལ་ཁྲག་སྐྱེས་ལྤགས་རིམ་བདུན། །
[113b.2]འོ་མ་ལས་ནི་སྤྲིས་མ་བཞིན། །སྨིན་པའི་ཚེ་ན་འབྱུང་བར་འགྱུར། །ལུས་ཟུངས་གནས་ནི་ནང་གཤེར་གྱི། །རང་གི་དྲོད་ཀྱིས་སྨིན་པས་ན། །བད་ཀན་རྒྱུས་པ་ཤམས་གཡོགས། །ཆར་བཤད་ཤིང་གི་སྙིང་པོ་འདྲ། །བདུན་པོ་དེ་དག་གནས་བདུན་ཏེ། །དང་པོར་ཁྲག་ཡིན་གཞན་རིམ་
[113b.3]བཞིན། །བད་ཀན་མ་ཞུ་མཁྲིས་ཞུ་བ། །རླུང་དང་གཅིན་གྱི་གནས་སུ་བཤད། །བུད་མེད་མངལ་གནས་བརྒྱད་པ་སྟེ། །མཁྲིས་པ་ཞུ་བའི་གནས་པར་གནས། །འདི་ལ་ནང་གྲོལ་ཡན་ལག་གནས། །སྙིང་གློ་མཆིན་མཁྲིས་མཆེར་མཁལ་མ། །ཕོ་བ་གྲོད་པ་རྒྱུ་མ་དང་། །གཉེ་
[113b.4]མ་ལོང་ཀ་ལྒང་པའོ། །སྲོག་གི་གནས་ནི་རྣམ་བཅུ་སྟེ། །མགོ་དང་ལྕེ་ཡི་རྩ་བ་དང་། །ལྐོག་མ་ཁྲག་དང་སྙིང་ལྟེ་བ། །ཆུ་སོ་ཁུ་ཆུ་དངས་དང་གཞང་། །ལུས་ལ་རྩ་དྲ་ཆུ་བ་ཆེ། །རེ་རེ་བཅུ་དྲུག་ཡོད་པར་བཤད། །པིར་འདྲ་དྲུག་དང་སྲུབས་འདྲ་བདུན། །ཕོ་མཚན་ལྕེ་དང་མགོ་ལ་
[113b.5]བརྟེན། །དེ་དག་གཙགས་བུས་གདབ་མི་རུང་། །ཤ་ཡི་ཐག་པ་རྣམ་པ་བཞི། །རུས་པའི་ཚོགས་འདུས་བཅུ་བཞི་ཡོད། །མཚམས་ནི་དགུ་ཕྲག་གཉིས་ཡོད་ལ། །སོ་དང་སེན་མོར་བཅས་པ་ཡི། །རུས་པ་སུམ་བརྒྱ་དྲུག་ཅུ་ཡིན། །ཐང་ལ་འབར་ནི་སུམ་བརྒྱར་འདོད། །ཚིགས་
[113b.6]ནི་ཉིས་བརྒྱ་རྩ་བཅུར་འདོད། །རྒྱུན་ཤེས་བུས་ནི་ཚིགས་ཀྱི་གྲངས། །ཉིས་སྟོང་དག་ནི་ཡོད་པར་འདོད། །རྒྱུས་པ་དགུ་བརྒྱ་སྐྱེས་པ་ལ། །ཤ་ནི་སྤར་ཚད་ལྔ་བརྒྱ་ཡོད། །བུད་མེད་ཀྱི་ནི་ནུ་མ་དང་། །མོ་མཚན་ལ་གནས་ཉི་ཤུ་ལྷག །རྩ་ཆེན་རྩ་བ་སྙིང་ལ་གནས། །དེ་དག་ཀུན་
[113b.7]གྱིས་ལུས་ཀུན་ཁྱབ། །དངས་མའི་བདག་ཉིད་མདངས་སུ་འགྱུར། །དེ་ནི་ཕྲ་བ་ཀུན་དང་འབྲེལ། །རྩ་བ་སྦོམ་ཞིང་རྩེ་རབ་ཕྲ། །ལོ་མའི་རྩ་ལྟར་གྱེས་པ་ཡིན། །གྱེས་པ་དེ་ལས་རྩ་ཕྲན་ནི། །བདུན་བརྒྱ་དག་ཏུ་གྱུར་པ་ཡིན། །དེ་ལ་ཡན་ལག་རེ་རེ་ཞིང་། །བརྒྱད་བརྒྱད་དེར་ནི་གནས་
[114a]
[114a.1]པ་ཡིན། །དེ་ལ་དབུག་པར་མི་བྱ་བ། །རྩ་ཡི་དྲ་བ་འཛིན་ཞེས་བྱ། །ནང་ན་གནས་པ་གསུམ་པོ་ཡིན། །རྐེད་པར་བཅུ་དྲུག་ཕྲག་གཉིས་ཏེ། །དེ་ལས་བརླ་རྩར་གཉིས་གཉིས་དང་། །རྐེད་པའི་གནད་རྣམས་གཉིས་གཉིས་ཏེ། །དེ་བརྒྱད་གཙགས་བུས་
[114a.2]གདབ་མི་བྱ། །རྩིབ་ལོགས་གཉིས་ལ་རྩ་བཅུ་དྲུག །དེ་ལས་གྱེན་འགྲོ་ཞེས་བྱ་སྤང་། །རྒྱབ་ཏུ་རྩ་ནི་ཉི་ཤུ་བཞི། །སྒལ་ཚིགས་ཀྱི་ནི་ངོས་གཉིས་ན། །དེ་ལས་གཉིས་གཉིས་གྱེན་འགྲོ་བ། །མཚོན་གྱིས་གདབ་པར་མི་བྱའོ། །རྒྱབ་བཞིན་ལྟོ་ན་
[114a.3]གནས་རྩ་དེ། །ཕོ་མཚན་སྟེང་ན་གནས་པ་དང་། །སྦུ་ཡི་ཕྲེང་བའི་ངོས་གཉིས་རྩ། །གཉིས་གཉིས་མཚོན་གྱིས་མི་གདབ་བོ། །བྲང་ལ་གནས་པ་བཞི་བཅུ་ལས། །བཅུ་བཞི་དབུག་པར་མི་བྱ་སྟེ། །ནུ་མ་ཇིང་དེ་ཡི་རྩ་བ་དང་། །སྙིང་ག་དག་ནི་སོ་སོར་གཉིས། །གནོད་བྲལ་གནད་ནི་གཉིས་པོ་དང་། །མི་གསལ་
[114a.4]ཞེས་བྱ་གཉིས་ཀྱི་གཉིས། །མགྲིན་པ་ལྟག་པ་འདྲ་བ་ལས། །སྔོན་པོ་མཇིང་པ་ལྟག་པ་དང་། །འགལ་པ་དང་ནི་མ་མོ་བརྒྱད། །བཅུ་དྲུག་ཡོངས་སུ་སྤང་བར་བྱ། །འགྲམ་པ་བཅུ་དྲུག་དེ་ལས་གཉིས། །མཚམས་ནི་འཕྲེལ་པར་བྱེད་པ་སྤང་། །ལྕེ་ཡང་འགྲམ་པ་དང་
[114a.5]འདྲ་སྟེ། །འོག་གི་རོ་ཚོར་བྱེད་གཉིས་དང་། །ཚིག་འབྱིན་བྱེད་པ་གཉིས་པོ་སྤང་། །སྣ་ཡི་རྩ་ནི་ཉི་ཤུ་བཞི། །དེ་ལས་དྲི་ཚོར་བྱེད་གཉིས་དང་། །རྐན་དུ་འགྲོ་བའི་རྩ་གཉིས་སྤང་། །མིག་གཉིས་ཀྱི་ནི་ལྔ་བཅུ་དྲུག། །འབྱེད་དང་འཛུམས་པའི་ལས་བྱེད་པ། །གཉིས་
[114a.6]གཉིས་དང་ནི་མིག་འགྲམ་གཉིས། །དྲུག་པོ་དེ་དག་སྤང་བར་བྱ། །མིག་དང་སྣར་གནས་འཕྲལ་བ་ལ། །བརྟེན་པའི་རྩ་ནི་དྲུག་ཅུ་ལས། །བཞག་པ་གཅིག་དང་གཙུག་གི་གཉིས། །སྐྲ་མཚམས་གནས་པའི་རྩ་བཞི་སྟེ། །བདུན་པོ་དེ་དག་མཚོན་གདབ་སྤང་། །རྣ་བར་
[114a.7]བཅུ་དྲུག་དེ་ལས་འདིར། །སྒྲ་ཐོས་བྱེད་པའི་རྩ་གཉིས་སྤང་། །དེ་ཉིད་ལས་ནི་མུར་འགྲམ་གྱི། །མཚམས་སུ་འགྲོ་བ་གཉིས་པོ་སྤང་། །སྤྱི་བོར་བཅུ་གཉིས་དེ་ལས་ནི། །གྱེན་འགྲོ་སྐྲ་མཚམས་བདག་པོ་ལས། །སོ་སོའི་རེ་རེ་སྤང་བར་བྱ། །དེ་ལྟར་ཡན་ལག་རེ་རེའི་རྩའི། །དབྱེ་བ་
[114b]
[114b.1]དབུག་མིན་ཤེས་ཕྱིར་བཤད། །དེ་ལས་ལུས་ལ་དབུག་མི་རུང་། །མ་ལུས་དགུ་བཅུ་རྩ་བརྒྱད་ཡོད། །དོག་དང་རྩ་མདུད་ཤིན་ཏུ་ཕྲ། །ཡོ་དང་ཚིགས་ལ་གནས་མི་དབུག །རྩ་ནི་བདུན་བརྒྱ་དེ་རྣམས་ལས། །བཞི་ཆར་ཁྲག་ནི་སོ་སོར་རྒྱུ། །རླུང་དང་མཁྲིས་པ་བད་
[114b.2]ཀན་ཁྲག །ནད་མེད་ཁྲག་ནི་དེ་ལྟར་གནས། །དེ་ནི་ལུས་ལ་ཕན་འདོགས་ཏེ། །གཞན་དུ་གནོད་པ་སྐྱེད་པར་འགྱུར། །དེ་ལ་གནག་དང་དམར་དང་ཕྲ། །སྐད་ཅིག་རེ་རེ་གང་ཞིང་སྟོངས། །མགུལ་པ་རླུང་གི་ཁྲག་རྩ་ཡིན། །རེག་ན་ཚ་ཞིང་མྱུར་དུ་རྒྱུ། །མདོག་སྔོ་སེར་
[114b.3]པོར་འདུག་པ་ནི། །མཁྲིས་པའི་ཁྲག་རྩའི་མཚན་ཉིད་ཡིན། །དཀར་སྣུམ་བརྟན་གྲང་བད་ཀན་རྩ། །འདྲེས་པའི་མཚན་ཉིད་འདྲེན་མ་ཡིན། །མི་མངོན་མཉམ་གནས་སྣུམ་པ་དང་། །མདོག་དམར་ཁྲག་རྩ་ནད་མེད་ཡིན། །རྩ་བོ་ཆེ་ནི་ཉི་ཤུ་བཞི། །ལྟེ་བ་ལ་ནི་བརྟེན་པ་
[114b.4]ཡིན། །དེ་རྣམས་ཀྱིས་བསྐོར་ལྟེ་བ་ནི། །འཁོར་ལོའི་ལྟེ་བ་རྩིབས་བསྐོར་མཚུངས། །དེས་ནི་སྟེང་འོག་ཐད་ཀ་རུ། །ལུས་འདི་རྗེས་སུ་འཛིན་པ་ཡིན། །བུ་ག་སྣ་དང་རྣ་བ་གཉིས། །མིག་གཉིས་ཁ་རྐུབ་ཕོ་མཚན་གྱིའོ། །བུད་མེད་ནུ་མ་གཉིས་ཁྲག་སྒོ། །གསུམ་གྱིས་
[114b.5]ལྷག་པར་གྱུར་པ་ཡིན། །ནང་གི་སྲོག་གི་གནས་གྱུར་པའི། །བུ་ག་བཅུ་གསུམ་ཡོད་པར་བཤད། །སྲོག་དང་ལུས་ཟུངས་དྲི་མ་ཆུ། །ཟས་རྒྱུ་མི་མཐུན་བསྟེན་པ་ཡིན། །དེ་ལ་གནོད་པས་ནད་སྐྱེད་ལ། །སྐྱོན་མེད་དག་པས་བདེ་བར་བྱེད། །རང་གི་ལུས་ཟུངས་མདོག་མཉམ་
[114b.6]ཞིང་། །ཟླུམ་དང་སྦོམ་དང་ཕྲ་བ་ཡིན། །བུ་གའི་དབྱིབས་ནི་རིང་པོ་སྟེ། །ལོ་མའི་རྩ་འཕྲོས་ལྟ་བུ་ཡིན། །ཟས་དང་སྤྱོད་ལམ་དག་གིས་གང་། །ནད་ཀྱི་མཐུ་དང་མཉམ་གྱུར་དང་། །གང་ཡང་ལུས་ཟུངས་མི་མཉམ་སྟེ། །བུ་གའི་རྒྱུན་ལ་གནོད་བྱེད་ཡིན། །
[114b.7]མང་དུ་འབྱུང་ངམ་འགགས་པའམ། །རྩ་ནི་མདུད་པ་ཆགས་པའམ། །ལམ་གཞན་དག་ཏུ་འགྲོ་བ་ནི། །བུ་གའི་རྒྱུ་འཁྲུགས་མཚན་ཉིད་ཡིན། །པདྨའི་རྩ་བ་ཕྲ་མོ་ལས། །རིང་དུ་རྒྱུ་བར་བྱེད་པ་ལྟར། །གང་གིས་དངས་མ་ཉེར་འཕེལ་བའི། །ལུས་ཀྱི་སྒོ་ནི་
[115a]
[115a.1]བུ་ག་ཡིན། །བུ་ག་རྣམས་ནི་བརྟོལ་འགྱུར་ན། །འདར་མྱོས་ལྟོ་སྦོས་ལྐུགས་དང་རིམས། །སླ་དང་གཟེར་དང་བཤང་གཅི་འགགས། །ཡང་ན་འཆི་བ་ཉིད་དུ་འགྱུར། །དེ་བས་སྨན་པས་བུ་ག་བརྟོལ། །རེ་ཐག་བཅད་དེ་གསོ་བར་བྱ། །འཕྲལ་
[115a.2]དུ་རྨ་བྱུང་ཆོ་ག་ཡིས། །འབད་དེ་ཟུག་རྔུ་དབྱུང་བར་བྱ། །ཟས་འཇུ་བྱེད་པ་མཁྲིས་པ་ནི། །འཇུ་བྱེད་ཡིན་ཞེས་སྔར་བཤད་དོ། །ནད་དང་ལུས་ཟུངས་དྲི་མ་ཡི། །དྲོད་ཡིན་ཞེས་ནི་རྒྱུན་ཤེས་ཟེར། །དེ་ནི་ཟས་ཀྱི་གནས་ཡིན་ཞིང་། །འཛིན་ཅིང་འཛིན་བྱེད་ཅེས་བཤད་
[115a.3]དོ། །དེ་ཉིད་ཐང་ལ་འབར་གཞུང་གིས། །མཁྲིས་པ་འཛིན་པའི་ཆ་རུ་བཤད། །ཚེ་དང་ནད་མེད་བརྩོན་གཟི་མདངས། །ལུས་ཟུངས་མེ་དྲོད་སྟོབས་འཕེལ་བྱེད། །ཞུ་བའི་གནས་ཀྱི་སྒོར་འཇུག་གང་། །ཟས་ཀྱི་ལམ་གྱི་སྒོ་གཏན་ཡིན། །དེ་ནི་སྟོབས་ལྡན་ཟོས་པ་རྣམས། །
[115a.4]ཞུ་ནས་ཟུར་དུ་འདྲེན་པར་བྱེད། །སྟོབས་ཞན་གྱུར་ན་ཁ་ཟས་ནི། །མ་སྨིན་ཉིད་དུ་འབྱུང་བར་བྱེད། །འཛིན་བྱེད་སྟོབས་ནི་མེ་དྲོད་དེ། །དེ་ཡང་འཛིན་བྱེད་སྟོབས་ཅན་ཡིན། །དེ་བས་མེ་དྲོད་ཉམས་གྱུར་ན། །འཛིན་བྱེད་ནད་ནི་སྐྱེད་པར་བྱེད། །ཟས་གང་ལུས་ཀྱི་ལུས་ཟུངས་
[115a.5]མདངས། །སྟོབས་དང་ཁ་དོག་སྩོགས་རྒྱས་བྱེད། །དེ་རྒྱུ་ཁ་ཟས་མེ་དྲོད་ནི། །མི་འཇུ་དངས་མ་སྩོགས་མི་འགྱུར། །ཟས་ནི་དུས་སུ་ཟོས་གྱུར་པ། །ལྟོ་བར་སྲོག་གི་རླུང་གིས་དྲངས། །སྐོམ་གྱིས་གོང་པོར་རྣམ་པར་ཕྱེ། །སྣུམ་གྱིས་མཉེན་པར་བྱས་པ་ཡིན། །མེ་མཉམ་
[115a.6]གནས་ཀྱིས་བུས་ནས་ནི། །མ་ཞུའི་གནས་ན་གནས་སྨིན་བྱེད། །ཕྱི་ཡི་སྣོད་གནས་འབྲས་ཆུ་ལྟར། །ལྟོ་བའི་མེ་ཡིས་འཇུ་བར་བྱེད། །དང་པོར་རོ་དྲུག་ཟས་ཀྱང་ནི། །མངར་བ་ཉིད་དུ་གྱུར་ནས་ནི། །སྦུ་བ་ཅན་གྱུར་བད་ཀན་འགྱུར། །ཞུ་བའི་གནས་ནས་འཕོ་བ་ན། །རྣམ་
[115a.7]པར་ཚ་བས་སྐྱུར་ཉིད་འགྱུར། །མཁྲིས་གྱུར་འཕོས་པའི་རྗེས་ལ་ནི། །མེ་དྲོད་ཀྱིས་སྐམས་ཞུ་བ་དང་། །ཁ་ཞིང་གོང་བུར་གྱུར་རླུང་སྐྱེད། །ས་དང་ཆུ་དང་མེ་དང་རླུང་། །ནམ་མཁའ་བཅས་པའི་དྲོད་ལྔ་པོས། །རང་རང་ཡོན་ཏན་ཟས་ལྔ་པོ། །ས་སྩོགས་ཀྱིས་སྨིན་དེ་འོག་ཏུ། །
[115b]
[115b.1]དེ་དག་རང་རང་ཇི་བཞིན་རྒྱས། །སྨིན་འབྱུང་ཡོན་ཏན་ཐ་དད་ཡིན། །ས་རུ་གཏོགས་པས་ས་ཉིད་དང་། །ལྷག་མས་ལུས་གཏོགས་ལྷག་མ་རྒྱས། །ཟས་དེ་ཞུ་བའི་ཚིགས་མ་དང་། །དངས་མ་ཞེས་བྱ་གཉིས་སུ་འགྱུར། །དེ་ལས་ཟས་ཀྱི་ཚིགས་མ་སླ། །གཅིན་འགྱུར་སྐ་བ་བཤད་
[115b.2]བར་འགྱུར། །དངས་མས་ལུས་ཟུངས་རང་རང་གི། །མེ་དྲོད་ཀྱིས་སྨིན་རྣམ་བདུན་འགྱུར། །དངས་མ་ལས་ཁྲག་དེ་ལས་ཤ། །ཤ་ལས་ཚིལ་ཏེ་དེ་ལས་རུས། །རུས་རྐང་དེ་ལས་ཁུ་བ་ཡིན། །ཁུ་བ་ལས་ན་མིང་ལ་གནས་འགྱུར། །ལུས་ཟུངས་ཚིགས་མ་རིམ་བཞིན་དུ། །བད་
[115b.3]མཁྲིས་བུ་གའི་དྲི་མ་དང་། །རྡུལ་དང་སེན་མོ་བ་སྤུ་དང་། །མི་ལྤགས་བཤང་སྣུམ་དངས་མ་ཡིན། །དེ་ལྟར་ལུས་ཟུངས་སྨིན་པ་ལས། །དངས་མ་ཚིགས་མ་གཉིས་སུ་འགྱུར། །ལུས་ཟུངས་སྣུམ་ནི་གཅིག་ལ་གཅིག། །ཕན་ཚུན་ཉེ་བར་བསྟེན་པ་ཡིན། །ཟས་འཇུ་དངས་མ་
[115b.4]སྩོགས་རིམ་གྱིས། །ཁུ་ཆུར་གྱུར་པ་ལ་ལ་ནི། །ཉིན་ཞག་གཅིག་འདོད་གཞན་དག་ནི། །ཞག་དྲུག་ཁ་ཅིག་ཟླ་གཅིག་འདོད། །ལུས་ཀྱི་ཟུངས་ནི་ཟས་ཀྱི་རྒྱུན། །འཁོར་ལོ་ལྟ་བུར་ཡོངས་སུ་འཁོར། །རོ་ཙ་སྩོགས་པའི་མཐུ་ཡིས་ནི། །འཕྲལ་དུ་ཁུ་བ་ལ་སྩོགས་སྐྱེད། །
[115b.5]ཕལ་ཆེར་སྨན་གཞན་ཉིན་ཞག་ནི། །གཅིག་གིས་ལས་རྣམས་བྱེད་པ་ཡིན། །ཁྱབ་བྱེད་ཀྱིས་དངས་ལུས་ཟུངས་རྣམས། །འཐོར་བར་བྱེད་པའི་ལས་ཀྱིས་ནི། །ཅིག་ཅར་རྒྱུན་མི་འཆད་ཀུན་ཏུ། །ལུས་ལ་རྟག་ཏུ་རྣམ་པར་འཐོར། །གཏོར་ཚེ་བུ་གའི་སྐྱོན་གྱིས་ནི། །དངས་མ་གང་དུ་
[115b.6]ཆགས་འགྱུར་ཏེ། །དེར་ནི་གནོད་པ་སྐྱེད་བྱེད་དེ། །མཁའ་ལ་སྤྲིན་ཆགས་ཆར་འབབ་མཚུངས། །ནད་ཀྱང་མ་སྙོམས་གྱུར་པ་ལས། །ཕྱོགས་གཅིག་འདུས་ན་ལྡང་བར་འགྱུར། །དེ་ལྟར་འབྱུང་བ་ལུས་ཟུངས་མེའི། །ལས་ནི་ཡོངས་སུ་བཤད་པ་ཡིན། །ཟས་ནི་དུས་སུ་ཟོས་
[115b.7]གྱུར་པ། །ས་དང་ཆུ་དང་མེ་དང་རླུང་། །དངས་མ་ལུས་ཟུངས་རང་རང་གིས། །སྨིན་བྱེད་ཀུན་ལ་ཟས་འཇུ་བའི། །མེ་ནི་ལྷག་པ་ཡིན་པར་འདོད། །དེ་ནི་རྩ་བ་དེ་འཕེལ་འཕེལ། །ཟད་གྱུར་ཟད་པའི་བདག་ཉིད་འགྱུར། །དེ་བས་རིགས་པས་ཆོ་ག་བཞིན། །ཟས་སྐོམ་རིགས་
[116a]
[116a.1]ཤིང་ཕན་པ་ཡིན། །དེ་འབད་པས་བསྲུངས་གནས་གྱུར་ན། །ཚེ་དང་སྟོབས་ནི་གནས་པར་འགྱུར། །མཉམ་གནས་རང་གནས་འདུག་ན་མཉམ། །མཉམ་ལམ་གཞན་འགྲོ་དྲོད་མི་སྙོམས། །མཁྲིས་པ་ཤས་ཆེ་རྣོ་བར་འགྱུར། །བད་ཀན་གྱིས་
[116a.2]གནོད་མེ་དྲོད་ཆུང་། །མེ་དྲོད་མཉམ་དང་མི་མཉམ་རྣོ། །ཆུང་དང་དེ་ལྟར་རྣམ་བཞི་ཡིན། །གང་ཞིག་ཟས་ནི་ལེགས་ཟོས་པ། །ལེགས་པར་འཇུ་འདི་མཉམ་པ་ཡིན། །ལེགས་པར་མ་ཟོས་མྱུར་འཇུ་བའམ། །ལེགས་ཟོས་རིང་ཞིང་འཇུ་མི་མཉམ། །ཟས་ནི་ལེགས་པར་མ་
[116a.3]ཟོས་ཀྱང་། །མྱུར་འཇུ་མེ་དྲོད་རྣོན་པོ་ཡིན། །ཟས་ནི་ལེགས་པར་ཟོས་གྱུར་ཀྱང་། །རིང་ནས་འཇུ་ཞིང་ཁ་སྐམ་དང་། །སྦོ་དང་རྒྱུ་མ་འཁྲུགས་པ་དང་། །ལྕི་བ་མེ་དྲོད་ཆུང་བ་ཡིན། །མེ་དྲོད་ཉམས་ན་འཆི་འགྱུར་ཞིང་། །སྐྱོན་མེད་ན་ནི་ཡུན་རིང་འཚོ། །མ་སྙོམས་
[116a.4]ནད་ནི་སྐྱེ་འགྱུར་བས། །དེ་ཕྱིར་མེ་དྲོད་གཙོ་བོ་ཡིན། །ལུས་སྟོབས་ལྷན་ཅིག་སྐྱེས་པ་དང་། །དུས་སྐྱེས་རིགས་པ་ལས་བྱུང་གསུམ། །དེ་ལ་ལུས་སེམས་ལས་བྱུང་བ། །རང་བཞིན་ལྷན་ཅིག་སྐྱེས་པའི་སྟོབས། །ན་ཚོང་དུས་ཚིགས་ལས་བྱུང་བ། །དུས་སྐྱེས་ཡིན་ཏེ་
[116a.5]རིགས་པ་ལས། །བྱུང་བ་སྤྱོད་ལམ་ཟས་ཀྱིས་བསྐྱེད། །དེ་བཞིན་གཟི་བསྐྱེད་སྦྱོར་ལས་འབྱུང་། །ཡུལ་ཕྱོགས་ཤིང་རིང་ཆུ་ཉུང་ལ། །སྐམས་ནད་ཉུང་སྐྱེད་བྱེད་ཡིན། །རླན་ཅན་དེ་ལས་བཟློག་པ་ཡིན། །ཆ་སྙོམས་ཐུན་མོང་ཡིན་པར་བཤད། །རྐང་དང་ཚིལ་དང་ཞག་དང་གཅིན། །
[116a.6]མཁྲིས་པ་བད་ཀན་ཕྱིས་ཁྲག །དངས་མ་ཆུ་རྣམས་ལུས་གནས་པའི། །སྙིམ་པ་རེ་རེས་སྐྱེད་པར་བྱེད། །མདངས་དང་ཀླད་རྒྱས་ཁུ་ཆུ་ནི། །རེ་རེའང་རང་གི་ཁྱོར་གང་ཡིན། །བུད་མེད་ནུ་ཞོ་སྙིམ་དོ་དང་། །ཟླ་མཚན་སྙིམ་པ་བཞི་ཡོད་དོ། །ལུས་ཟུངས་མཉམ་གནས་ཚད་འདི་ཡིན། །
[116a.7]དེ་ལས་འཕེལ་དང་ཟད་ཤེས་བྱ། །ཁུ་ཆུ་ཁྲག་དང་སྦྲུམ་མའི་ཟས། །སྤྱོད་ལམ་མངལ་གནས་དུས་ཚིགས་ལས། །གང་ཞིག་ཉེས་པ་ལྷག་གྱུར་དེས། །རང་བཞིན་རྣམ་པ་བདུན་དུ་བཤད། །ཁྱབ་དང་མྱུར་བར་བྱེད་ཕྱིར་དང་། །སྟོབས་ལྡན་བ་དང་གཞན་ལྡང་བྱད། །རང་དབང་
[116b]
[116b.1]ཅན་དང་ནད་མང་ཕྱིར། །ནད་ལས་ཕལ་ཆེར་རླུང་སྟོབས་ཅན། །དེ་ཉིད་ཀྱིས་ན་རླུང་གིས་བསྐྱོད་པའི་མི་རྣམས་ནི། །ནད་ཀྱི་བདག་ཉིད་རྡུལ་ཅན་སྐྲ་བཤོར་པགས་པགས། །གྲང་ལྷགས་མི་བཟོད་བརྟན་དྲན་བློ་གྲོས་སྤྱོད་མཛའ་སྲེད། །བལྟ་དང་འགྲོ་བ་གཡོ་ཞིང་སྨྲ་བ་ཤིན་ཏུ་མང་། །བད་
[116b.2]ཀན་ནོར་ཉུང་ཚེ་ཐུང་གཉིད་སྲབ་དང་། །གཅོམ་ཆུང་ཚིག་ཐོགས་གཡོ་ཞིང་སྐད་འཛེར་དང་། །ཆད་ལྟ་མང་དུ་ཟ་ཞིང་སྒེག་དང་བཅས། །གླུ་དང་དགོད་དང་རྔོན་ལས་འཐབ་ལ་དགའ། །མངར་སྐྱུར་ཁ་དང་ཚ་བའི་རོ་གོམས་སྲེད། །ལུས་སྐེམ་དབྱིབས་རིང་འགྲོ་ཚེ་སྦྲ་དང་བཅས། །མི་
[116b.3]བརྟན་དབང་པོ་མི་ཐུལ་དམ་པ་མིན། །བུད་མེད་མི་ཆགས་བུ་མང་སྐྱེ་མི་འགྱུར། །དེ་ཡི་མིག་ནི་རྩུབ་ཅིང་རྡུལ་གྱིས་གང་། །ཟླུམ་ཞིང་མི་མཛེས་འཆི་བ་ལྟ་བུ་དང་། །ཕྱེ་གདངས་གཉིད་ལོག་ལྟ་བུར་སྣང་བ་ཡིན། །དེ་ནི་ཤིང་དང་རི་འཛེག་མཁའ་འཕུར་རྨི། །སྐལ་ངན་སེར་སྣ་ཆེ་ཞིང་
[116b.4]ཁེངས་པ་དང་། །རྐུ་ཞིང་བྱིན་སྙིང་རྩ་རིངས་བཅས་པ་དང་། །ཁྱི་དང་ཝ་དང་རྔ་མོ་བྱ་རྒོད་ཁྲ། །བྱི་བའི་མཚན་ཉིད་ལྡན་མི་རླུང་ཅན་ཡིན། །མཁྲིས་པ་མེ་འདྲ་མེ་ལས་བྱུང་ཡིན་ཕྱིར། །མཁྲིས་པ་རྒྱས་པ་སྐོམ་དང་བཀྲེས་ཤས་ཆེ། །མདོག་སེར་ལུས་ཚ་རྐང་ལག་གདོང་ཡང་དམར། །
[116b.5]སྐྲ་སེར་སྤུ་ཉུང་དཔའ་ཞིང་ང་རྒྱལ་ཆེ། །ཕྲེང་བ་བྱུག་པ་རྒྱན་ལ་ལྷག་པར་དགའ། །སྤྱོད་བཟང་གཙང་སྦྲ་ཆེ་ཞིང་མཉེས་གཤིན་ལ། །འབྱོར་དང་རྟུལ་ཕོད་བློ་གྲོས་སྟོབས་དང་ལྡན། །འཇིག་རྟེན་དགྲ་བོའང་སྐྱབས་འོངས་སྐྱོབ་པར་བྱེད། །
[116b.6]ཡིད་གཞུངས་ཚིགས་ཀྱི་མཚམས་དང་ཤ་ནི་རབ་ཏུ་ལྷོད། །བུད་མེད་མི་དགའ་ཁུ་བ་དང་ནི་འདོད་པ་ཆུང་། །གཉེར་མའི་ཚོགས་དང་སྐྲ་དཀར་མིག་སྔོའི་གནས་གྱུར་ལ། །ཟས་ནི་མངར་དང་བསྐ་དང་ཁ་བསིལ་ཟ་བར་དགའ། །ཐན་པ་མི་བཟོད་རྔུལ་ཞིང་དྲིང་ལ། །བཤང་གཅི་བཟའ་
[116b.7]བཏུང་ཁྲོ་དང་ཕྲག་དོག་མང་། །རྨི་ལམ་དོང་ཀ་པ་ལ་ཤའི་མེ་ཏོག །གློག་འགྱུ་ཕྱོགས་ཚིག་སྐར་མདའ་ཉི་མེ་མཐོང་། །འདི་ཡི་ལུས་ཕྲ་མིག་སེར་གཡོ་བ་དང་། །རྫི་མ་སྲབ་ཅིང་ཉུང་ཞིང་གྲང་ལ་དགའ། །ཁྲོ་དང་ཆང་དང་ཉི་མའི་འོད་ཟེར་གྱིས། །མིག་ནི་མྱུར་བར་དམར་པོར་
[117a]
[117a.1]འགྱུར་བ་ཡིན། །ཚེ་ནི་རན་ཅིང་སྟོབས་ནི་འབྲིང་བ་དང་། །མཁས་ཤིང་སྡུག་བསྔལ་དག་ལ་སྲན་ཆུང་འགྱུར། །སྟག་དང་དྲེད་དང་སྤྲེའུ་བྱི་ལ་དང་། །གནོད་སྦྱིན་རང་བཞིན་ལྡན་པ་མཁྲིས་ཅན་ཡིན། །བད་ཀན་བསིལ་བས་བད་ཀན་ཅན་བསིལ་ཞིང་། །
[117a.2]རུས་ཚིགས་མི་མངོན་སྣུམ་ཞིང་ཤ་རུས་འབྲེལ། །བཀྲེས་སྐོམ་ཉོན་མོངས་སྡུག་བསྔལ་ཐན་པ་བཟོད། །བློ་ལྡན་སྙིང་སྟོབས་ཆེ་ཞིང་དམ་བཅའ་བརྟན། །པྲི་ཡང་ཀུ་དང་དཱུར་བ་འདམ་བུའི་མདོག། །ཚོན་དང་གིའུ་ཝང་པདྨ་གསེར་མདོག་ཅན། །ལག་ངར་རིང་ཞིང་དྲང་ནི་ཡངས་ལ་རྒྱས། །
[117a.3]འཕྲལ་བའི་དབྱེས་ཆེ་སྐྲ་ནི་མཐུག་ཅིང་གནག། །ལུས་འཇམ་སྙོམས་ཤིང་ཡན་ལག་མཛེས་པ་དང་། །མདངས་ཆེ་ཁུ་བཅུད་བུ་ཚ་གཡོག་འཁོར་མང་། །ཆོས་ལྡན་ཚིག་རྩུབ་ནམ་ཡང་སྨྲ་མི་བྱེད། །དགྲ་ལ་ཞེ་སྡང་འདམ་རིངས་ཁོན་འཛིན་བྱེད། །གླང་པོའི་མཆོག་དྲེགས་བཅས་པ་ལྟ་
[117a.4]བུར་འགྲོ། །རྒྱ་མཚོ་འབྲུག་དང་རྫ་རྔ་སེང་གེ་ཡི། །སྒྲ་ལྡན་དྲན་དང་བརྩོན་འགྲུས་དུལ་བར་ལྡན། །བྱིས་པའི་ཚེ་ནའང་ངུ་དང་སྐོམ་ཤས་ཆུང་། །ཟས་ནི་ཁ་བསྐ་ཆ་དང་དྲོ་ཞིང་རྩུབ། །ཉུང་ངུ་ཟོས་ཀྱང་དེ་ནི་སྟོབས་དང་ལྡན། །མིག་གི་མཐའ་དམར་སྣུམ་ཞིང་དཀྱུས་རིང་ཡངས། །
[117a.5]དཀར་ནག་རབ་གསལ་རྫི་མ་སྙོམས་དང་ལྡན། །སྨྲ་དང་ཁྲོ་དང་བཟའ་བཏུང་སྤྱོད་པ་ཉུང་། །ཚེ་རིང་ནོར་མང་རིང་ལྟ་ཚིག་འཇམ་སྨྲ། །དད་ཅིང་བློ་ཟབ་ལྟ་ཆེ་བཟོད་དང་ལྡན། །རང་བཞིན་བཟང་ཞིང་གཉིད་ཆེ་ལས་མཐའ་རིང་། །བྱས་གཟོ་དྲང་མཁས་སྐལ་བཟང་ངོ་ཚར་ལྡན། །
[117a.6]བླ་མ་ལ་གུས་མཛའ་བཤེས་དག་ལ་བརྟེན། །རྨི་ལམ་པདྨ་བྱ་ཡི་ཕྲེང་བར་བཅས། །ཆུ་ཡི་གནས་དང་སྤྲིན་ཡང་མཐོང་བ་ཡིན། །ཚངས་པ་དྲག་པོ་དབང་པོ་ཆུ་ལྷ་དང་། །ནམ་མཁའ་ལྡིང་དང་ངང་པ་གླང་པོ་མཆོག། །དེ་བཞིན་སེང་གེ་དང་ནི་ཁྱུ་མཆོག་དང་། །བད་ཀན་ཅན་ནི་
[117a.7]རང་བཞིན་འདྲར་ཤེས་བྱ། །རང་བཞིན་གཉིས་དང་ཀུན་ལས་བྱུང་། །གཉིས་གཉིས་ཀུན་གྱི་ཡོན་ཏན་བསྐྱེད། །གཙང་སྦྲ་ཡོད་པར་སྨྲ་སྩོགས་ཀྱི། །ཡོན་ཏན་གྱིས་ནི་དེ་ལྡན་བཤད། །ན་ཚོད་བཅུ་དྲུག་པར་བྱིས་པ། །དེ་ལས་ལུས་ཟུངས་དབང་པོ་གཟི། །འཕེལ་
[117b]
[117b.1]འགྱུར་བདུན་ཅུའི་བར་བར་མ། །ཟད་པ་ཕན་ཆད་རྒན་པོ་ཡིན། །རང་རང་ཁྲུ་ནི་ཕྱེད་དང་བཞི། །ལུས་ནི་ཚེ་རིང་བདེ་བའི་སྣོད། །སྤུ་མེད་གནག་དང་ཤིན་ཏུ་སྦོམ། །རིང་པོ་ཉིད་ནི་མི་མཐུན་བཅས། །སྨད་པ་བརྒྱད་དང་རང་ཉིད་ལྡན། །གང་ཡིན་དེ་ནི་དེ་སྣོད་མིན། །སྐྲ་ནི་
[117b.2]རབ་ཏུ་འཇམ་པ་དང་། །ཕྲ་ཞིང་རྩ་བ་མ་འདྲེས་བརྟན། །དཔྲལ་བ་མཐོ་ཞིང་མུར་འགྲམ་འཕྱར། །ཟླ་བ་ཁམ་པ་འང་བ་བཟང་། །རྣ་བརྒྱབ་ཕྱོགས་རྒྱ་ཆེ་མཛེས། །རྣ་ཤལ་ཆེ་ཞིང་ཤ་ཡིས་རྒྱས། །མིག་ནི་དཀར་ནག་འབྱེས་པ་དང་། །རྫི་མ་སྟུག་ཅིང་སྙོམས་པ་བཟང་། །
[117b.3]སྣ་ཡི་རྩེ་མོ་དབུགས་ཆེར་འབྱུང་། །ཤ་རྒྱས་དྲང་ཞིང་སྙོམས་པ་བཟང་། །མཆུ་ནི་དམར་ཞིང་མ་འཕྱངས་བ། །འགྲམ་པ་ཡངས་ཤིང་མི་འབུར་བཟང་། །ཁ་ཆེ་སོ་ཡི་ཚིགས་དམ་ལ། །སྣུམ་ཞིང་དཀར་ལ་འཇམ་ཞིང་སྙོམས། །ལྕེ་ནི་དམར་ཞིང་ཡངས་ལ་སྲབ། །ཀོ་སྐོ་
[117b.4]ཆེ་ཞིང་ཤ་ཡིས་རྒྱས། །མགྲིན་པ་ཐུང་ཞིང་ཤ་རྒྱས་ཟླུམ། །ཕྲག་པ་མཐོང་ཞིང་ཤ་ཡིས་རྒྱས། །ལྟོ་བ་ཟླུམ་ཞིང་ལྟེ་བ་ནི། །ཟབ་ཅིང་མཐོ་ལ་གཡས་སུ་འཁྱིལ། །རྐང་པ་ལག་པ་ལེགས་གནས་ཤིང་། །སེན་མོ་འཇམ་ཞིང་མཐོ་ལ་དམར། །སྣུམ་ཞིང་ཀུན་དམར་ཤ་
[117b.5]རྒྱས་པ། །སོར་མོ་རིང་ཟླུམ་བུ་ག་མེད། །རྒྱབ་ཞིང་ཆེ་ཞིང་སྒལ་ཚིགས་ནུབ། །ཚིགས་མཚམས་མི་མངོན་དམ་པ་དང་། །ཚིགས་གསང་མཐོ་ཞིང་བརྟན་པ་དང་། །མདོག་སྣུམ་ཁ་དོག་བརྟན་པར་གནས། །རང་བཞིན་གྱིས་འབྱུང་སྙིང་སྟོབས་བརྟན། །ཕོངས་
[117b.6]པའི་ཚེ་ནའང་ཞུམ་པ་མེད། །མངལ་ནས་བརྩམས་ཏེ་ནད་མེད་པ། །གོང་ནས་གོང་དུ་ཞིང་བཟང་ལ། །ཤེས་དང་ཡེ་ཤེས་རྒྱ་ཆེར་ནི། །འཕེལ་ཞིང་རིམ་གྱིས་དགེ་བར་འགྱུར། །དེ་ལྟར་ཡོན་ཏན་ཀུན་ལྡན་པའི། །ལུས་ནི་སྟོན་བརྒྱའི་བར་དག་ཏུ། །ཚེ་དང་དབང་ཕྱུག་
[117b.7]འདོད་པ་ཡི། །དངོས་པོ་ཐམས་ཅད་རབ་ཏུ་གནས། །བགས་པ་ཁྲག་སྩོགས་སྙིང་སྟོབས་པར། །བརྒྱད་པོ་ཕྱི་མ་བཞིན་དུ་མཆོག། །སྟོབས་དང་ཚད་དང་ཤེས་པའི་ཕྱིར། །ལུས་ཅན་རྣམས་ཀྱི་སྙིང་པོར་བཤད། །སྙིང་པོ་ཀུན་དང་ལྡན་པ་ཡི། །མཆོག་ཏུ་བཀུར་བར་
[118a]
[118a.1]བྱ་བར་འགྱུར། །རྩོམ་པ་ཀུན་ལའང་རེ་བཅས་དང་། །བཟོད་ལྡན་བློ་བཟང་བརྟན་པར་འགྱུར། །དྲེགས་དང་ཞུམ་པ་མེད་པར་ནི། །བདེ་དང་སྡུག་བསྔལ་བསྟེན་གྱུར་བ། །སྙིང་སྟོབས་ཅན་ཡིན་རྡུལ་ཅན་ཁེངས། །མུན་པ་ཅན་ནི་དེ་ལྟར་མིན། །
[118a.2]སྦྱིན་དང་ཚུལ་ཁྲིམས་སྙིང་བརྩེ་བདེན། །ཚངས་པར་སྤྱོད་དང་བྱས་པ་གཟོ། །བྱམས་ལྡན་བཅུད་ཀྱིས་ལེན་བསྟེན་པ། །ཚེ་དང་བསོད་ནམས་འཕེལ་བའི་སྡེའོ། །ཡན་ལག་བརྒྱད་པའི་སྙིང་པོ་བསྡུས་པ་ལས། །ལུས་ཀྱི་གནས་ཀྱི་ལེའུ་གསུམ་པའོ།། །།དེ་ནས་ལུས་
[118a.3]ཀྱི་གནད་ཀྱི་བྱེ་བྲག་བཤད་པར་བྱའོ། །གནད་ནི་བརྒྱ་ལས་བདུན་ལྷག་པ། །དེ་ལས་བཅུ་གཅིག་བརླ་དང་ནི། །དེ་བཞིན་ལག་ངར་གཉིས་སོ་སོར། །ལྟོ་བ་ལ་གསུམ་བྲང་ལ་དགུ། །རྒྱབ་ལ་བཅུ་བཞི་ནམ་ཚོང་ནི། །ཡན་ཆད་སུམ་ཅུ་རྩ་བདུན་ཡོད། །རྐང་པའི་མཐིལ་
[118a.4]ནས་གུང་མོ་ཡི། །ཐད་ཀ་ན་ནི་མཐིལ་འཕྲོག་པའི། །གནད་ཡོད་ཅེས་ནི་རྣམ་བཤད་དེ། །དེ་ཕུག་གནད་ཀྱིས་འཆི་བར་འགྱུར། །མཐེབ་སོར་དབུས་ན་རྒྱ་ཚིགས་ཏེ། །དེ་ཕུག་བསྐྱོད་པའི་གནད་ཀྱིས་འཆི། །དེ་གོང་སོར་གཉིས་ཤེས་པར་བྱ། །རྐང་པ་འཁར་ཞིང་འདར་
[118a.5]བར་བྱེད། །ལོང་མོའི་ཚིགས་འོག་པིར་མགོ་སྟེ། །དེ་བཅད་སྐྲང་དང་ནད་སྐྱེད་བྱེད། །བྱིན་པ་རྐང་པ་གཉིས་ཀྱི་བར། །ལོང་མོ་གནད་རེངས་བེམ་པོར་བྱེད། །བྱིན་པའི་ནང་ན་ཉ་ཞེས་པ། །ཁྲག་ཟད་པ་ཡིས་འཆི་བར་བྱེད། །བྱིན་པ་བརླ་མཚམས་པུས་མོ་སྟེ། །དེ་ཕུག་
[118a.6]གསོན་ཡང་འཐེང་པོར་འགྱུར། །པུས་གོང་སོར་གསུམ་པར་གཉན་གོང་། །དེ་ཕུག་བརླ་རེངས་སྐྲང་བར་བྱེད། །བརླ་ནང་བརླ་དབང་ཞེས་བྱ་བ། །དེ་ཕུག་ཁྲག་ཟགས་བརླ་བསྐམ་འགྱུར། །བརླ་རྩ་མིག་དམར་ཞེས་བྱ་བ། །ཁྲག་ཟད་པས་ནི་གཞོགས་ཕྱེད་
[118a.7]འཇོམས། །བརླ་རྩ་རླིག་པའི་བར་གྱི་གནད། །ལྗོན་ཤིང་ཞེས་བྱ་མ་ནིང་བྱེད། །དེ་དག་བརླིའོ་དཔུང་དེ་བཞིན། །མཁྲིག་མ་འདི་ནི་ལོང་མོར་མཚུངས། །གྲུ་མོ་བྱིན་འདྲ་དེ་གཉིས་ཕུག། །ཞ་བོ་ལྗོན་ཤིང་འདྲ་བ་ནི། །མཆན་ཁུང་ནང་ན་མཆན་ཁུང་འཛིན། །
[118b]
[118b.1]དེ་ཕུག་ཞ་བོ་ཉིད་དུ་འགྱུར། །ལོང་ཀའི་གནད་ནི་གཞང་ཞེས་བྱ། །དེ་ཕུག་གཞང་རླུང་གིས་འཕྲལ་གསོད། །ལྒང་བ་གཞུ་ལྟར་ཡོ་བ་ཡི། །ཆུ་སོའི་གནད་ནི་ཤ་ཁྲག་ཉུང་། །དབུས་ན་ཁ་ཅིག་ཐུར་དུ་ལྟ། །རྐེད་པའི་དབུས་གནས་སྲོག་འཕྲལ་འཇོམས། །རྡེའུ་འབྱིན་
[118b.2]རྨ་བུག་གནས་མ་གཏོགས། །དེ་ཡང་ངོས་གཉིས་ཕུག་སྟེ་འདྲ། །གཅིན་འཛག་གནས་དང་གཅིག་ཏུ་ཕུག། །རྨ་ནི་འཚོ་བར་ཤིན་ཏུ་དཀའ། །ལུས་ཀྱི་ཞུ་དང་མ་ཞུའི་གནས། །དབུས་ན་ལྟེ་བ་རྩ་ཀུན་གྱི། །རྟེན་ཡིན་དེ་ཡང་འཕྲལ་གསོད་བྱེད། །མ་ཞུ་བ་ཡི་གནས་སྒོར་
[118b.3]གྱུར། །འདོད་ཆགས་སྩོགས་གནས་སྙིང་ཞེས་བྱ། །བྲང་དང་ནུ་མ་ལྟོ་དབུས་གནས། །ནུ་མཇིང་ནུ་མའི་རྩ་ཞེས་བྱ། །སྟེང་འོག་སོར་གཉིས་ནུ་མའི་གནད། །དེ་ཕུག་བད་ཀན་ཁྲག་གིས་ནི། །རིམ་བཞིན་ལྟོ་འགེངས་འཇིག་པར་བྱེད། །རེངས་བྲལ་བྲང་གི་ངོས་གཉིས་ན། །
[118b.4]རྩ་སྦུབས་གཉིས་པོ་རླུང་རྒྱུ་བ། །དེ་ཕུག་ཁོང་པ་ཁྲག་གིས་གང་། །ལུད་པ་དབུགས་མི་བདེ་བས་འཆི། །རྒྱབ་ཀྱི་སྒལ་ཚིགས་བྲང་གི་བར། །དེ་གཉིས་ཀྱི་ནི་ངོས་གཉིས་ན། །ཕྲག་པ་གཉིས་ཀྱི་འོག་སྐེན་ནི། །མི་གསལ་ཞེས་བྱའི་གནད་གཉིས་ཡོད། །དེ་གཉིས་ཕུག་པས་
[118b.5]ཁོང་པ་ནི། །ཁྲག་ཁེངས་རྣག་སྟེ་འཆི་བར་འགྱུར། །སྒལ་ཚིགས་ཀྱི་ནི་ངོས་གཉིས་ན། །རྐེད་པའི་ཆ་གཉིས་གནས་པ་དང་། །རྐུབ་ཚོས་ལྟག་གནས་སྒལ་ཚིགས་བརྟེན། །རྐེད་པ་ཅན་དང་གཞོན་ནུར་བཤད། །དེ་སྣད་ཁྲག་ཟད་སྐྱ་རྦབ་དང་། །གཟུགས་ཉམས་པས་ནི་
[118b.6]འཆི་བར་འགྱུར། །རྒྱབ་ཀྱི་སྒལ་ཚིགས་ངོས་གཉིས་ཀྱི། །རྐེད་པའི་མཚམས་ནི་གང་ཡིན་པ། །རོ་སྨད་ཀྱི་ནི་རྒྱབ་ཕྱོགས་ན། །ཁུང་བུ་ཞེས་བྱའི་གནད་གཉིས་ཡོད། །དེ་སྣད་བསྐྱོད་པ་ཉམས་པ་དང་། །རོ་སྨད་ཚོར་བ་མེད་པར་འགྱུར། །གང་ཞིག་རྩིབ་ལོགས་གཉིས་
[118b.7]དང་འབྲེལ། །སྟ་ཟུར་རྩེ་མོ་གཉིས་སྟེང་གི། །གནས་ནི་གཡོགས་པར་གྱུར་པ་དང་། །རོ་སྨད་གཞོན་ནུའི་རུས་པར་གནས། །དེ་སྣད་རོ་སྨད་སྐྲངས་པ་དང་། །ཉམ་ཆུང་འཆི་བ་ཉིད་དུ་འགྱུར། །རྩིབ་ལོགས་གཉིས་ཀྱི་ནང་དང་འབྲེལ། །རྐེད་པའི་ངོས་གཉིས་དབུས་ན་གནས།
[119a]
[119a.1]ཐད་ཀ་དང་ནི་གྱེན་གནས་པ། །རྩིབ་ལོགས་མཚམས་ཏེ་དེ་ཕུག་ན། །ཁོང་པ་ཁྲག་གིས་གང་བ་དང་། །ལུས་དང་བྲལ་བ་ཉིད་དུ་འགྱུར། །ནུ་མ་གཉིས་ཀྱི་ཐད་ཀའི་ཆ། །རྒྱབ་ཀྱི་སྒལ་ཚིགས་ལ་བརྟེན་པ། །རྩ་ཆེན་ཞེས་བྱ་དེ་ཕུག་ན། །ཁྲག་
[119a.2]ཟད་ནས་ནི་འཆི་བར་འགྱུར། །དཔུང་མགོ་གཉིས་དང་འབྲེལ་པ་ཡི། །སྒལ་ཚིགས་ཀྱི་ནི་ངོས་གཉིས། །ཕྲག་པ་གཉིས་ཀྱི་སོག་པ་སྟེ། །དེ་སྣད་བསྐམས་ཤིང་ཚོར་བྲལ་འགྱུར། །མགྲིན་པ་གཉིས་ཀྱི་ངོས་གཉིས་རྩ། །དཔུང་མགོ་དང་ནི་མགྲིན་པའི་བར། །
[119a.3]བྲག་པ་བྲག་པ་ལ་བརྟེན་གནད། །དེ་ཕུག་ལག་ངར་བྱ་བ་ཉམས། །སྲོལ་གོང་གི་ནི་ངོས་གཉིས་ན། །འགྲམ་པ་ལ་ནི་བརྟེན་པའི་རྩ། །བཞི་སྟེ་དེ་ལ་སྔོན་པོ་གཉིས། །གཉིས་པའང་མཇིང་པའི་གནད་དུ་བཤད། །དེ་ཕུག་སྐད་འགགས་མི་སྡུག་དང་། །ལྕེ་ཡིས་རོ་ནི་
[119a.4]མི་ཚོར་འགྱུར། །ལྐོག་མའི་སྦུབས་ཀྱི་ངོས་གཉིས་ནས། །ལྕེ་དང་སྣར་ནི་འགྲོ་བའི་རྩ། །སོ་སོར་བཞི་བཞི་ཡོད་མ་མོ། །དེ་བཅད་འཕྲལ་དུ་སྲོག་འཇོམས་སོ། །མགོ་བོ་སྐེ་མཚམས་ལྟག་པ་སྟེ། །དེ་ཕུག་མགོ་བོ་ལྡེམ་པོར་འགྱུར། །རྣ་བ་གཉིས་འོག་ལྕོང་བ་ན། །
[119a.5]རྣ་རྩ་ཞེས་བྱའོ་ན་བར་འགྱུར། །སྣ་ཡི་བུ་ག་གཉིས་དང་ནི། །སྣ་ཡི་ལམ་འགྲོ་མགྲིན་ནང་གནས། །སྦྲུལ་མགོ་ཞེས་བྱ་དེ་བཅད་ན། །དྲི་མི་ཚོར་བར་བྱེད་པར་འགྱུར། །མིག་གཉིས་ཀྱི་ནི་ཕྱི་རོལ་མཚམས། །སྨིན་མ་སྐྱེས་པའི་མཐའ་ཡི་འོག། །མིག་ཟུར་
[119a.6]སྨིན་སྟེང་དམའ་བར་གནས། །འཁྱིལ་པ་ཕུག་པས་ལོང་བར་འགྱུར། །རྣ་མཆན་འཕྲལ་བའི་མཐའ་ན་ནི། །མུར་འགྲམ་ཞེས་བྱ་དབྲལ་འཆི་བྱེད། །མུར་འགྲམ་གཉིས་སྟེང་སྐྲ་མཚམས་ན། །གདེག་པ་ཞེས་བྱ་བཞག་བྱ་ཡང་། །སྨིན་མཚམས་བར་གནས་
[119a.7]གསུམ་ཆར་ལའང་། །ཟུག་རྔུ་དག་ནི་མ་ཕྱུང་ཞིང་། །སྨིན་ནས་རང་ཉིད་བྱུང་ན་འཚོ། །ཕྱུང་ན་འཕྲལ་དུ་འཆི་བར་འགྱུར། །ལྕེ་མིག་སྣ་དང་རྣ་བ་ཡི། །བུ་ག་བཞི་ནི་འདུས་པ་དག། །རྐན་དང་སྒོ་རུ་ཁ་བཞི་སྟེ། །བུ་གའི་གནད་ནི་དེ་རྣམས་ཀྱི། །གནད་ནི་སུམ་
[119b]
[119b.1]མདོ་རིས་ཞེས་བྱ། །དེ་བཅད་སྲོག་ནི་འཕྲལ་དུ་འདོར། །ཐོད་པ་ཡི་ནི་མཚམས་ལྔ་པོ། །ཐད་ཀ་གྱེན་འགྲོ་མཚམས་ཀྱི་མཐའ། །དེ་སྣད་པས་ནི་མགོ་འཁོར་དང་། །སྨྱོ་ཞིང་དྲན་པ་ཉམས་ཏེ་འཆི། །སྤྱི་བོའི་སྟེང་ན་གཙུག་འཁྱིལ་པའི། །རྩ་དང་ལྡན་སྦུབས་འདུས་པ་ན། །སྤུ་
[119b.2]འཁྱིལ་བདག་པོ་ཞེས་བྱ་བའི། །གནད་ཀྱིས་སྲོག་ནི་འཇིག་པར་བྱེད། །གང་དུ་མནན་ན་ཤིན་ཏུ་འགུལ། །རབ་ན་དེ་གནད་ཡིན་ཞེས་བྱ། །ཤ་རྒྱུས་རུས་པ་རྩ་ཆེན་དང་། །རྩ་དང་ཚིགས་ནི་འདུས་པ་རུ། །གནད་ཅེས་བྱ་སྟེ་དེས་ན་དེར། །སྲོག་ནི་ལྷག་པར་གནས་པ་ཡིན།
[119b.3]མང་དུ་རྣམ་པར་བསྟན་མོད་ཀྱི། །གནད་ནི་རྣམ་པ་དྲུག་ཏུ་བསྟན། །སྲོག་གི་གནས་སུ་ཐུན་མོང་བས། །གནད་ནི་གཅིག་ཏུའང་གནས་པ་ཡིན། །ཤར་གཏོགས་བཅུ་སྟེ་བྱིན་ལག་ཉྭ། །མཐིལ་འཕྲོག་ནུ་མཇིང་ནུ་རྩའོ། །རུས་པའི་གནད་བརྒྱད་མུར་འགྲམ་དང་། །རྐེད་པ་
[119b.4]ཅན་དང་གཞོན་ནུ་དང་། །རོ་སྨད་དང་ནི་སོག་པའོ། །རྒྱུས་པའི་གནད་ནི་ཉི་ཤུ་གསུམ། །གཉན་གོང་ཞེས་བྱ་པིར་དང་ནི། །པིར་མགོ་མིག་ཟུར་རྒྱ་ཚིགས་དང་། །ཕྲག་པ་གཞག་དང་ཆུ་སོ་ཡི། །རྩ་ཆེན་གནད་ནི་རྣམ་དགུ་སྟེ། །གཞང་དང་རེངས་བྲལ་རྣ་རྩ་དང་། །སུམ་
[119b.5]མདོ་རིས་ཞེས་བཤད་པའོ། །རྩ་ལ་གནས་གནད་སུམ་ཅུ་བདུན། །རྩ་ཆེན་གཉིས་དང་མ་མོ་སྔོ། །འགྲམ་པ་མཆན་ཁུང་འཛིན་སྤྲུལ་མགོ། །ལྗོན་ཤིང་སྙིང་དང་ལྟེ་བ་དང་། །རྩིབ་ལོགས་མཚམས་དང་ནུ་མའི་འོག། །མི་གསལ་གཞག་དང་བརླ་དབང་དང་། །དམར་པོ་ཞེས་བྱ་
[119b.6]བཞི་པོའོ། །ཚིགས་ལ་ཉི་ཤུ་འཁྱིལ་པ་དང་། །མཁྲིག་མ་གཉིས་དང་ཁུང་བུ་དང་། །མཚམས་མཐའ་གྲུ་མོ་ལོང་མོ་དང་། །ལྟག་པ་པུས་མོ་བདག་པོའོ། །གཞན་དག་གཞང་ཤའི་གནད་ཅེས་ཟེར། །མཆན་ཁུང་འཛིན་དང་ལྗོན་ཤིང་ནི། །རྒྱུས་པ་ལ་བརྟེན་རྣ་རྩ་དང་། །
[119b.7]སུམ་མདོར་སི་དང་རེངས་བྲལ་དང་། །མིག་འགྲམ་རྩ་ཡི་གནད་ཡིན་གྱི། །རྩ་ཆེན་གནས་པར་དེ་མ་བཤད། །ཤ་ཡི་གནད་བཅད་ཁྲག་རྒྱུན་འཛག། །ཤ་བཀྲུས་འདྲར་འགྱུར་སླ་བ་དང་། །སྐྱ་ཞིང་དབང་པོ་ཉམས་པ་དང་། །མྱུར་དུ་འཆི་བ་ཉིད་དུ་འགྱུར། །རུས་
[120a]
[120a.1]གནས་གནད་བཅད་རྐང་བཅས་ན། །སླ་དང་བར་བར་ཆད་ཅིང་འཛག། །རྒྱུས་པའི་གནད་བཅད་ན་ཞིང་འཁྲུག། །བརྐྱང་བསྐུམ་མི་ཤེས་གནོད་པར་འགྱུར། །འགྲོ་དང་སྟན་གནས་ནུས་པ་ཆུང་། །དབང་པོ་ཉམས་པའམ་འཆི་བར་འགྱུར། །
[120a.2]རྩ་ཆེན་གནད་བཅད་ལྦུ་བ་དང་། །སྒྲ་བཅས་འབྱུང་ཞིང་དྲན་ཉམས་འགྱུར། །རྩ་ཡི་གནད་བཅད་ཁྲག་སྐ་ཞིང་། །རྒྱུན་མི་འཆད་པར་མང་དུ་འབྱུང་། །དེ་ཟད་མགོ་འཁོར་དབུགས་མི་བདེ། །སྐོམ་རྨོངས་སྐྱིགས་བུས་འདེབས་བས་འཆི། །ལུས་ནི་གྲ་མ་ལྟ་བུས་ཁྱབ། །འཚོབ་
[120a.3]ཀྱང་སྒུར་པོའམ་འཐེང་པོར་འགྱུར། །ཚིགས་གནད་སྟོབས་དང་སྤྱོད་པ་ཉམས། །ལུས་སྐེམ་ཚིགས་ནི་སྐྲང་བར་འགྱུར། །ལྟེ་བ་མུར་འགྲམ་བདག་པོ་གཞང་། །སྙེི་དང་ཆུ་སོ་སུམ་མདོ་རིས། །མ་མོ་བརྒྱད་དང་བཅུ་དགུ་པོ། །འཕྲལ་དུ་སྲོག་ནི་གཅོད་པར་བྱེད། །དེ་རྣམས་
[120a.4]འཕྲལ་དུ་མི་འཆི་ཡང་། །ཞག་བདུན་གྱིས་ནི་ངེས་པར་འཆི། །རེངས་བྲལ་མཐིལ་འཕྲོག་རྩིབ་ལོགས་མཚམས། །རྐེད་པ་ཅན་གཞོན་མཚམས་ཀྱི་མཐའ། །ནུ་རྩ་དབང་པོ་ཆུ་སོའི་གནད། །རྒྱབ་ཚིགས་མི་གསལ་རྩ་ཆེན་དང་། །རོ་སྨད་ནུ་མཇིང་སུམ་ཅུ་གསུམ། །ཟླ་བའམ་
[120a.5]ཟླ་ཕྱེད་སོན་ནས་ནི། །དུས་གཞན་དུ་ནི་འཆི་བར་བྱེད། །བརྡེག་དང་གཞག་པ་ཞེས་བྱ་གསུམ། །དེར་ནི་ཟུག་རྔུ་བྱུང་གྱུར་ན། །རླུང་གིས་ཤ་དང་ཚིལ་དང་རྐང་། །གླད་རྒྱས་རྣམས་ནི་སྐེམས་པར་བྱེད། །མཚོན་ཕྱུང་ལུད་པ་དབུགས་མི་བདེ། །འབྱུང་ཞིང་སྲོག་ནི་འཇོམས་པར་
[120a.6]འགྱུར། །སྦྲུལ་མགོ་མིག་ཟུར་རྣ་རྩ་དང་། །སྔོན་པོ་འགྲམ་གནས་ལྟག་པའི་གནད། །ཕྲག་པའམ་ཕྲག་སྩོགས་འཁྱིལ་པ་དང་། །ལྗོན་ཤིང་བརླ་དབང་ཁུང་བུ་དང་། །མིག་དམར་པུས་མོའི་གནད་དང་བཅས། །མཚན་འཛིན་པིར་འདྲ་གྲུ་མོའི་གནད། །དེ་ལྟར་
[120a.7]གནད་ནི་བཞི་བཅུ་བཞིས། །རྐང་ལག་འཇས་པར་བྱེད་འགྱུར་བའམ། །གལ་ཏེ་ཚབས་ཆེར་སྣད་གྱུར་ན། །དེས་ནི་སྲོག་ཀྱང་འཇོམས་པར་བྱེད། །པིར་མགོ་འདྲ་དང་ལོང་མོ་དང་། །མཁྲིག་མའི་གནད་བརྒྱད་ནད་ཚབས་སྐྱེད། །དེ་ལས་ལྗོན་ཤིང་མཆན་ཁུང་འཛིན། །
[120b]
[120b.1]བརླ་དང་པིར་མགོ་ལྟ་བུ་སྟེ། །བཅུ་གཉིས་སོར་གཅིག་ཚད་ཡིན་ནོ། །མཁྲིག་མ་དང་ནི་ལོང་མོ་དང་། །ནུ་མའི་རྩ་བ་སོར་གཉིས་ཚད། །པུས་མོ་གྲུ་མོ་སོར་གསུམ་ཚད། །གཞང་དང་ཆུ་སོ་ལྟེ་བ་སྙིང་། །སྔོན་པོ་མཚམས་མཐའ་མ་མོ་དང་། །པིར་འདྲ་སུམ་མདོ་རིས་འགྲམ་པ། །
[120b.2]གནད་ནི་ཉི་ཤུ་དགུ་ཡི་ཚད། །རང་གི་ལག་མཐིལ་ཚད་ཡིན་ནོ། །ལྷག་མ་གནད་ནི་ལྔ་བཅུ་དྲུག །སོར་ཕྱེད་ཀྱི་ནི་ཚད་དུ་འདོད། །གཞན་དག་གནད་དེ་ཏིལ་འབྲུ་སྟེ། །འབྲས་ཙམ་གྱི་ནི་ཚད་དུ་འདོད། །རྩ་བཞིར་བཤད་པ་གང་ཡིན་པ། །ལུས་ཀུན་བརྟས་པར་བྱེད་པ་རྣམས། །དེ་ནི་
[120b.3]གནད་ལ་གནས་པ་ཡིན། །དེས་ན་དེ་ཕུག་ཁྲག་དྲག་འབྱུང་། །ལུས་ཟུངས་རྣམས་ནི་ཟད་པའི་ཕྱིར། །རླུང་འཕེལ་ནད་ནི་མི་བཟང་འདེབས། །རླུང་གིས་མཁྲིས་པ་རྒྱས་པར་བྱེད། །མཁྲིས་པ་རྒྱས་པར་གྱུར་པས་ན། །སྐོམ་དང་མགོ་འཁོར་སྐམ་དང་མྱོས། །ལུས་རྔུལ་
[120b.4]ཚིགས་དབྱེ་ལུས་ལྷོད་དང་། །དེ་ནི་གཤིན་རྗེའི་དབང་དུ་འགྲོ། །གནད་གཅོད་ན་ནི་མྱུར་བ་རུ། །ལུས་ཀྱི་ཚིགས་ནི་ཆོད་འགྱུར་ཏེ། །ཚིགས་ཀྱི་ཕྱོགས་སུ་བཅད་པས་ན། །རྩ་ནི་འཁུམས་པར་བྱེད་པ་ཡིན། །དེ་ལ་སྲོག་ཆགས་རྣམས་ཀྱི་སྲོག། །ཁྲག་གནས་ན་ནི་གནས་པ་
[120b.5]ཡིན། །དེ་བས་གནད་མིན་ལེགས་ཕོག་ན། །ངེས་པར་འཆི་བར་མི་འགྱུར་རོ། །འགའ་ཞིག་སྨན་པའི་ཡོན་ཏན་དང་། །ཕྱོགས་གཅིག་ཏུ་ནི་ཕོག་པ་ཡིས། །འཚོ་བར་གྱུར་ཀྱང་དེ་ཡི་ནི། །དབང་པོ་མཚང་ཉིད་དུ་འགྱུར། །དེ་བས་འབད་དེ་གནད་དུ་ནི། །ཐལ་སྨན་མེ་
[120b.6]བཙའ་ལ་སོགས་སྤང་། །གནད་དུ་ཕོག་ན་ཆུང་དུས་ཀྱང་། །ཕལ་ཆེར་ཤིན་ཏུ་གནོད་པ་ཡིན། །དེ་བཞིན་གནད་ལ་བརྟེན་པའི་ནད། །རབ་ཏུ་འབད་པས་གསོ་བར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། །ལུས་ཀྱི་གནས་ཀྱི་ལེའུ་བཞི་པའོ།། །།
[120b.7]དེ་ནས་ལུས་ཀྱི་འགྱུར་བའི་བྱེ་བྲག་ཤེས་པར་བྱ་བའི་ལེའུ་བཤད་པར་བྱའོ། །ཇི་ལྟར་འབྲས་བུ་མེ་ཏོག་དང་། །མེ་ཡི་དུ་བ་ཆར་གྱི་སྦྲིན། །ཕྱིས་འབྱུང་མཚན་མ་ཡིན་པ་ལྟར། །དེ་བཞིན་འཆི་ལྟས་ལས་ངེས་འཆི། །འཆི་ལྟས་མེད་ན་མི་འཆིལ། །འཆི་ལྟས་སྣང་ན་
[121a]
[121a.1]འཚོ་མི་འགྱུར། །འཆི་ལྟས་འཆི་ལྟས་མི་ཤེས་པ། །མི་མཁས་འཆི་ལྟས་མེད་མིན་ཤེས། །ལ་ལ་རྟེན་དང་བརྟེན་པ་པོའི། །ཁྱད་པར་གྱིས་དེ་གཉིས་སུ་འདོད། །ནད་ཀྱི་ཚུལ་ནི་མང་པོ་ལས། །འཆི་ལྟས་ཚུལ་དུ་འབྱུང་བར་འགྱུར། །ནད་ཞིན་ནི་
[121a.2]ཞི་འགྱུར་ལ། །བརྟན་པར་གནས་ན་འཆི་བར་འགྱུར། །གཟུགས་དང་དབང་པོ་སྐད་དང་མདོག །གཟུགས་བརྙན་བྱ་བ་སོགས་པ་དང་། །དངོས་པོ་དག་ནི་གཞན་ལ་ཡང་། །ཐ་མལ་པ་ལས་རྒྱུ་མེད་པར། །གཞན་དུ་གྱུར་གང་མདོར་གང་ནི། །འཆི་ལྟས་ཡིན་པར་དེ་ཤེས་བྱ། །
[121a.3]སྐྲ་དང་བ་སྤུ་མ་བསྐུས་པར། །སྣུམ་གྱིས་བསྐུས་ལྟར་གང་སྣང་དང་། །གང་ཞིག་མིག་ནི་རབ་གཡོ་དང་། །མི་འགྱུར་ཕྱིར་འབྱུང་ཁུང་བུར་ཞུགས། །ཡོ་དང་བགྲད་དང་འཇུམས་པ་དང་། །བཅུམ་ཞིང་སྨིན་མ་སྨད་པ་དང་། །འཁྲུལ་དང་མཐོང་བ་ཉམས་པ་དང་། །སྲེ་མོའི་མིག་
[121a.4]ལྟར་ལྟ་བ་དང་། །ཐི་བ་འདྲ་དང་མགལ་མེ་འདྲ། །མཆི་མ་འཛག་ཅིང་རྫིམ་འཁྲུགས། །སྣ་ནི་ཤིན་ཏུ་གདངས་པ་དང་། །ཞོམ་དང་འབྲུམ་ཕྲན་གྱིས་ཁྱབ་དང་། །སྐྲང་དང་གོས་དང་རྙིད་པ་དང་། །གང་གི་མ་མཆུ་འཕྱངས་པ་དང་། །ཡམ་ཆུ་གྱེན་ལ་བཛེེས་པ་དང་། །
[121a.5]གཉི་ག་འཛམ་བུ་སྨིན་འདྲར་སྣང་། །སོ་གནག་གསེག་མར་བཅས་པ་དང་། །དམར་ཞིང་སོ་ཞོ་ནག་ནོག་ཅན། །གློ་བུར་དུ་ནི་འབྱུང་བ་དང་། །ལྕེ་ནི་ཡོ་དང་རྟག་ཏུ་འབྱིན། །སྐྲང་དང་སྐམ་དང་ལྕི་དང་གནག །གོས་དང་རྩུབ་དང་ཚོར་བ་མེད། །མཇིང་པས་མགོ་ནི་མི་ཐིག་
[121a.6]དང་། །རང་གི་ལྟག་རྒྱབ་ཁུར་ལྟར་ལྕི། །འགྲམ་པས་ཁན་གནས་པ་ཡི། །ཁ་ཟས་བལྡད་པར་མི་ནུས་པ། །གང་ཞིག་རྒྱུ་མེད་པར་ཡན་ལག །ཤིན་ཏུ་ལྕི་བའམ་ཤིན་ཏུ་ཡང་། །དུག་དང་སྣད་པ་མེད་པར་ནི། །བུ་ག་རྣམས་ལས་ཁྲག་འབྱུང་དང་། །གང་ཞིག་ཕོ་མཚན་
[121a.7]ནུབ་པ་དང་། །རླིག་པ་རབ་ཏུ་འཕྱངས་པའམ། །དེ་ལས་གོ་ལོག་གྱུར་བ་རྣམས། །ཐམས་ཅད་འཆི་བདག་དབང་གྱུར་ཡིན། །གང་གི་རྩ་རིས་སྔོན་མེད་པར། །ཟླ་བ་ཚེས་པ་ལྟ་བུ་ནི། །འཕྲལ་བའམ་ཆུ་སོའི་སྟེང་ན་གནས། །དེ་ནི་ཟླ་དྲུག་ལས་མི་འཚོ། །ལུས་ཅན་
[121b]
[121b.1]གང་གི་ལུས་ལ་ཆུ། །པདྨའི་འདབ་མ་ལྟ་བུར་ནི། །རྒྱལ་ཚེ་ཆུ་ནི་མི་ཆགས་པ། །དེ་ནི་ཟླ་བ་དྲུག་ན་འཆི། །སྤྱི་བོ་དུ་བའམ་སྣུམ་བཅས་སྣང་། །དེ་ནི་ཟླ་བ་གཅིག་ན་འཆི། །སྤྱི་བོའམ་སྨིན་མཚམས་གསར་དུ་ནི། །མཚམས་བྱེ་བའམ་གཙུག་འཁྱིལ་སྣང་། །ནད་མེད་ཞག་
[121b.2]ནི་དྲུག་གིས་འཆི། །ནད་པ་ཞག་གསུམ་ན་འཆི་འགྱུར། །ལྕེ་གནག་ཁ་ནི་མནམ་པ་དང་། །མིག་གཡས་ཕུགས་སུ་བྲོས་བའམ། །བྱ་ནི་མགོལ་བས་པ་དག །གང་ཡིན་དེ་ནི་ཡོངས་སུ་སྤང་། །གང་ཞིག་ཁྲུས་བྱས་བྱུགས་པ་དང་། །ལུས་ཀུན་གཤེར་བར་གནས་བཞིན་དུ། །
[121b.3]སྙིང་ག་ཤིན་ཏུ་མྱུར་བར་བསྐམས། །དེ་ནི་ཟླ་ཕྱེད་ལས་མི་འཚོ། །གློ་བུར་དུ་ནི་ལུས་ཀུན་མདོག །ཅིག་ཅར་ཐ་མལ་པ་ལས་ཉམས། །དེ་བཞིན་ནད་ནི་སོགས་པ་དང་། །རྩུབ་དང་སྣུམ་འགྱུར་འཆི་བ་ཡིན། །གོང་གི་སོར་མོ་དྲངས་པ་དང་། །སྒྲ་མི་འབྱུང་བ་དེ་མི་འཚོ། །དེ་བཞིན་
[121b.4]ལུད་པ་སྦྲིད་སྩོགས་ལ། །གང་ཞིག་སྔོན་མེད་སྒྲ་བྱུང་བའམ། །དབུགས་འབྱིན་ཐུང་བའམ་རིང་བའམ། །དྲི་མནམ་པའམ་དྲི་ཞིམ་འགྱུར། །ལུས་ནི་ཁྲུས་བྱས་མ་བྱས་རུང་། །མི་མ་ཡིན་པའི་དྲི་འབྱུང་བའམ། །གོས་རྨ་དྲི་མ་བྱུང་ན་ཡང་། །དེ་ནི་ལོ་གཅིག་ནས་འཆི་འགྱུར། །
[121b.5]གང་ཞིག་ཤིག་དང་སྦྲང་མ་སྩོགས། །དྲི་ཞིམ་པས་ནི་འདུ་བའམ། །དྲི་ང་བས་ནི་སྤོང་འགྱུར་ན། །དེ་ནི་ལོ་གཅིག་ལས་མི་འཚོ། །གང་ཞིག་རྟག་ཏུ་ལུས་ཚལ། །གྲང་བ་ཉིད་དུ་སྣང་བ་དང་། །བསིལ་བ་ཤིན་ཏུ་ཚ་བར་སྣང་། །རྒྱུ་མེད་པར་ནི་རྔུལ་དང་རེངས། །གང་
[121b.6]ཞིག་གྲང་བའི་ཆུ་བུར་འབྱུང་། །ལུས་གྲང་བ་ལས་ཚ་བ་སྐྱེས། །གྲང་གདུངས་ཐན་པ་ལ་མི་དགའ། །དེ་ནི་གཤིན་རྗེས་དབང་འགྱུར་ཡིན། །གང་གི་སྙིང་ག་དྲོ་གྱུར་ལ། །ལྟོ་བ་ཤིན་ཏུ་གྲང་གྱུར་ཅིང་། །བཤང་བ་འཁྲུ་ཞིང་སྐོམ་དད་ཆེ། །དེ་ནི་རོ་དང་འདྲ་བ་ཡིན། །
[121b.7]བཤང་དང་གཅི་བ་མཆིལ་སྣབས་སམ། །ཁ་ཆུ་ཆུ་ནང་ནུབ་གྱུར་པའམ། །མཆིལ་མ་ཁ་དོག་སྣ་ཚོགས་པ། །གང་ཡིན་པ་དེ་ཟླ་གཅིག་འཆི།། ས་ནི་ནམ་མཁར་མཐོང་བ་དང་། །ནམ་མཁའ་སར་ནི་མཐོང་གྱུར་དང་། །གཟུགས་མེད་གཟུགས་ཅན་ལྟ་བུ་དང་། །
[122a]
[122a.1]གཟུགས་ཅན་གཟུགས་མེད་ལྟར་གནས་མཐོང་། །དེ་བཞིན་འོད་ཅན་འོད་མེད་མཐོང་། །དཀར་པོ་གནག་དང་པ་མེད། །མིག་ནད་མེད་པར་ཟླ་བ་ནི། །གཟུགས་མངར་རི་མེད་མཐོང་དང་། །གཉིད་མ་ལོག་པར་དྲི་ཟ་སྲིན། །ཡི་དྭགས་
[122a.2]གཞན་ཡང་དེ་འདྲ་བའི། །གཟུགས་མི་སྡུག་པ་མཐོང་འགྱུར་བ། །གང་ཡིན་དེ་ནི་འཆི་བར་འགྱུར། །སྨེ་བདུན་དང་ནི་ཉེར་གནས་པའི། །སྐར་མ་སྒྲིབ་མེད་མ་མཐོང་དང་། །དགུ་ཚིགས་གུང་ཚུགས་མ་མཐོང་བ། །དེ་ནི་ལོ་གཅིག་མི་འཚོའོ། །འབྲུག་སྒྲ་ཆུ་བོའི་སྒྲ་དང་ནི། །གླིང་
[122a.3]བུ་པི་ཝང་རྔ་ཡི་སྒྲ། །སྒྲ་གཞན་མེད་ཀྱང་ཐོས་པའམ། །ཡོད་པ་ཐོས་པར་མ་གྱུར་དང་། །རྣ་བའི་བུ་ག་བཀབ་པ་ཡིས། །འུར་འུར་པོ་ཡི་སྒྲ་མི་ཐོས། །དེ་བཞིན་དྲི་དང་རོ་དང་རེག །གང་ཞིག་ལོག་པར་ཤེས་པ་དང་། །ཡང་ན་ཡོང་ཡེ་མི་ཚོར་དང་། །མེ་མར་ཤི་བའི་དྲི་མི་ཚོར། །ཆོ་ག་
[122a.4]བཞིན་བྱས་ནད་སྐྱེད་ལ། །ཆོ་ག་ལོག་པས་བདེ་གནས་དང་། །གང་གི་ལུས་ནི་རྡུལ་གཡོགས་འདྲ། །ལུས་ལ་སྣད་བ་མི་ཆོར་དང་། །དཀའ་ཐུབ་དྲག་དང་ཆོ་ག་ནི། །སྔོན་འགྲོའི་རྣལ་འབྱོར་མེད་པ་རུ། །དབང་པོ་ལས་འདས་ཤེས་པ་སྐྱེད། །དེ་རྣམས་འཆི་བར་ཤེས་པར་བྱ །
[122a.5]སྐད་འགགས་དམན་ཞིང་མི་གསལ་དང་། །གང་ཞིག་སྐད་ནི་འཛེར་གྱུར་དང་། །སྨྲ་འདོད་པ་ནི་འཕྲལ་དུ་ནི། །བརྗེད་འགྱུར་དེ་ནི་མི་འཚོའོ། །སྐད་གསང་ཤིན་ཏུ་ཉམ་ཆུང་འགྱུར། །མདོག་དང་སྟོབས་ནི་ཉམས་པ་དང་། །རྒྱུ་མེད་པར་ནི་ནད་འཕེལ་བར། །སྣང་བ་དག་ཀྱང་
[122a.6]འཆི་བར་བཤད། །སྐད་གདངས་ཉམས་པར་གྱུར་པ་དང་། །བདག་ཉིད་འཆི་བར་སྨྲ་བ་དང་། །དེ་འདྲའི་སྒྲ་ནི་ཐོས་པ་དག །རིང་དུ་ཡོངས་སུ་སྤང་བར་བྱ། །ལུས་དབྱིབས་དང་ནི་ཚད་དང་ནི། །མདོག་གམ་གཟི་མདངས་གང་དག་གིས། །གཟུགས་བརྙན་འགྱུར་བ་རྨི་ལམ་དུ། །
[122a.7]མཐོང་ནའང་དེ་ནི་འཆི་བར་འགྱུར། །ཉི་མ་མེ་ལོང་ཆུ་སྩོགས་ལ། །གང་ཞིག་དབྱིབས་དང་ཚད་དང་ནི། །ལུས་ཀྱི་རྣམ་པ་སྣང་གྱུར་པ། །གཟུགས་བརྙན་ཞེས་ནི་དེ་ལ་བཤད། །མདོག་དང་གཟི་མདངས་ལ་བརྟེན་གང་། །ལུས་གཏོགས་གཟུགས་བརྙན་ལྟ་བུ་ཡིན། །གང་
[122b]
[122b.1]གི་གཟུགས་བརྙན་བཅད་པ་དང་། །གྱེས་དང་ལྷག་དང་འཁྲུགས་པ་དང་། །མགོ་མེད་མགོ་གཉིས་ཡོན་པོ་དང་། །མི་སྡུག་གཞན་དུ་གྱུར་པར་སྣང་། །མཚན་ཉིད་ལས་བྱུང་མ་ཡིན་ན། །དེ་ནི་ཚེ་ཟད་ཡིན་ཞེས་བྱ། །གང་གི་མིག་གི་རྒྱལ་མོར་ནི། །གཟུགས་བརྙན་
[122b.2]སྣང་བར་མ་གྱུར་དང་། །ནམ་མཁའ་ལ་སྩོགས་ལྔ་པོ་ཡི། །གཟུགས་བརྙན་རྣམ་པ་སྣ་ཚོགས་ལྔ། །ནམ་མཁའ་དངས་ཤིང་སྔོ་བ་དང་། །སྣུམ་བཅས་མདོག་དང་བཅས་པ་ཡིན། །རླུང་ལས་རྡུལ་ཅན་དམར་དང་གནག །ཐལ་མདོག་རྩུབ་ཅིང་མདོག་ཉམས་ཡིན། །མེ་ཡི་
[122b.3]དམར་ཞིང་དང་བར་སྣང་། །མདངས་ལྡན། །བལྟ་ན་སྡུག་པ་ཡིན། །ཆུ་སྐྱེས་བཻཌཱུརྱ་འདྲར་སྣང་། །དག་ཅིང་རབ་སྣུམ་བདེ་བ་ཡིན། །ས་ཡི་བརྟན་སྣུམ་དག་པ་དང་། །མཐུག་ཅིང་དཀར་དང་སྔོ་བསངས་ཡིན། །རླུང་ནི་འཆི་སྡུག་བསྔལ་སྐྱེད། །གཞན་དག་བདེ་བ་སྐྱེད་པ་
[122b.4]ཡིན། །མེ་ཡིས་ཐམས་ཅད་མདོག་ཅན་ཏེ། །དེ་ནི་རྣམ་པ་བདུན་དུ་བཤད། དམར་དང་སེར་དང་དཀར་ནག་པོ། །ལྗང་དང་སྐྱ་དང་ནག་པོའོ། །དེ་རྣམས་ལ་ནི་གང་གསལ་འགྱུར།། སྣུམ་དང་དྲི་མ་མེད་དེ་དག །དྲི་མ་ཅན་དང་རྩུབ་པ་དང་། །ཞུམ་པ་སྡུག་བསྔལ་
[122b.5]སྐྱེད་པ་ཡིན། །མདངས་ཀྱིས་མདོག་ནི་ཟིལ་གྱིས་གནོན། །འོད་ནི་ཁ་དོག་གསལ་བྱེད་ཡིན། །མདངས་ཀྱིས་ཉེ་བར་སྣང་བ་ཡིན། །འདི་ནི་རིང་ནས་སྣང་བ་ཡིན། །འགའ་ཞིག་མདངས་དང་ཁ་དོག་གི །མཚན་མའི་ཁྱད་པར་མེད་མིན་ཏེ། །མི་རྣམས་མཚན་མ་བཟང་
[122b.6]ངན་འབྱུང་། །དུས་སུ་མདངས་ལ་བརྟན་པ་ཡིན། །གང་ཞིག་རྐང་པ་འདྲུད་པ་དང་། །ཕྲག་པ་ཡོ་བས་འགྲོ་བ་དང་། །གང་ཞིག་ཕན་ཟས་མང་ཟོས་ཀྱང་། །རྟག་ཏུ་སྟོབས་ནི་ཉམས་འགྱུར་ན། །གང་ཞིག་ཉུང་ཟོས་བཤང་གཅི་མང་། །མང་ཟོས་བཤང་གཅི་ཉུང་བ་དང་། །
[122b.7]ཉུང་ཟོས་བད་ཀན་གྱིས་ཉེན་ཞིང་། །དབུགས་རིངས་འབྱིན་ཞིང་ས་ལ་འགྲེ། །གང་ཞིག་དབུགས་རིངས་ཕྱུང་ནས་ནི། །ཐུང་དུ་རྔུབས་ཏེ་ཤུགས་འབྱིན་དང་། །ཐུང་དུ་དབུགས་འབྱིན་བསྣུན་པ་ལྟར། ཤིན་ཏུ་འདར་བར་བྱེད་པ་ཡང་། །གང་ཞིག་ལག་ངར་བསྐུམས་ནས་ནི།
[123a]
[123a.1]མགོ་བོ་དཀའ་བས་འདེབས་པ་དང་། །གང་ཞིག་འཕྲལ་བ་ལས་རྡུལ་འཛག །ཚིགས་མཚམས་ལྷོད་པར་གྱུར་པ་དང་། །ཉམས་ཆེ་བ་འམ་ཉམ་ཆུང་གྱུར་པ་གང་། །ལྡང་བའི་ཚེ་ན་མི་དྲན་འགྱུར། །གང་ཞིག་གན་རྐྱལ་ཉལ་ནས་ནི། །རྐང་
[123a.2]པ་རྣམ་པར་བསྐྱོད་པ་དང་། །རྩིག་པ་མལ་སྟན་ལ་སོགས་པ། །གང་ཞིག་རྟག་ཏུ་སྙེས་པ་དང་། །རྒྱུ་མེད་པར་དགོད་མྱོངས་ཚུལ་གྱིས། །མཆུ་ལ་ལྡགས་པར་བྱེད་པ་དང་། །ཡ་མཆུ་ལྡགས་པར་བྱེད་པ་དང་། །སྒྲ་བཅས་པར་ཡང་གང་བྱེད་དང་། །ལུས་མདོག་ནག་པོ་
[123a.3]སེར་པོ་དང་། །དམར་པོའི་གཟུགས་བརྙན་སྣང་བ་དང་། །སྨན་པ་སྨན་དང་ཁ་ཟས་དང་། །བླ་མ་མཛའ་བཤེས་ལ་སྡང་གང་། །འདི་དག་ཐམས་ཅད་གཤིན་རྗེ་ཡི། །དབང་གྱུར་ཡིན་པར་ཤེས་པར་བྱ། །གང་ཞིག་དྲོད་ཆུང་སེམས་གཡེངས་དང་། །རྟག་ཏུ་མདངས་ངན་
[123a.4]ཡིད་མི་བདེ། །གང་ཞིག་གཏོར་མ་བྱ་རོག་ལ། །བྱིན་ཡང་ཟ་བར་མི་བྱེད་དང་། །གང་ཞིག་རྒྱུ་མེད་ཡིད་གཞུངས་དང་། །མཛེས་ཤིང་ལུས་རྒྱས་དཔལ་ཐོབ་པའམ། །དེ་ལས་ཉམས་པར་གྱུར་པ་དག །དེ་ནི་གཤིན་རྗེའི་ཁྱིམ་དུ་འཇུག །ཐ་མལ་པར་རམ་ནད་པ་ཡིས། །
[123a.5]གང་ཞིག་ཡོན་ཏན་སྐྱོན་རང་བཞིན། །སྔ་ལས་གཞན་དུ་འགྱུར་པར་སྣང་། །དེ་ནི་ཟླ་དྲུག་ལས་མི་འཚོ། །དད་དང་ཚུལ་ཁྲིམས་དྲན་དང་སྦྱིན། །བློ་གྲོས་སྟོབས་ནི་རྒྱུ་མེད་པར། །འདི་དྲུག་ལས་ནི་ལྡོག་གྱུར་པ། །ཟླ་བ་དྲུག་ནས་འཆི་བར་འགྱུར། །འགྲོ་དང་
[123a.6]ཚིག་ནི་སྨྱོ་བ་འདྲ། །འདར་རྨོངས་ཟླ་བ་གཅིག་ནས་འཆི། །སྐྲ་ཕྱི་བ་ན་ཚོར་བ་མེད། །ཞག་དྲུག་ནས་ནི་འཆི་བར་འགྱུར། །གང་ཞིག་ལྐོག་ནད་མེད་པ་རུ། །མིད་པར་ཁ་ཟས་མི་ཆུད་དང་། །བྲན་གཡོག་ལོག་པར་བྱེད་གྱུར་པ། །དེ་ནི་འཆི་བ་དང་འདྲར་
[123a.7]བཤད། །གང་ཞིག་རྟག་ཏུ་གཉིད་ལོག་པའམ། །གཉིད་མེད་དེ་ཡང་མི་འཚོའོ། །མཆི་མས་གདོང་ནི་ཁེབས་པ་དང་། །རྐང་པ་ཤིན་ཏུ་རྔུལ་བ་དང་། །མིག་ནི་མི་སྡུག་པར་སྣང་བ། །གཤིན་རྗེའི་གནས་སུ་འགྲོ་བར་འགྱུར། །སྔོན་ཆད་དགའ་བའི་དངོས་ལ་གང་། །
[123b]
[123b.1]དགའ་མི་འགྱུར་བ་དེ་མི་འཚོ། །གང་ཞིག་འཕྲལ་དུ་འགྱུར་བ་ཡིན། །མཚན་ཉིད་ཐམས་ཅད་སྣང་བ་དང་། །འཕྲལ་དུ་ལྡོག་པར་འགྱུར་བ་དག །དེ་ནི་མོད་ལ་འཆི་བར་འགྱུར། །རིམས་ནི་སྟོབས་དང་ལྡན་པ་དང་། །གཏིང་དུ་ཞེན་ཞིང་ཡུན་རིང་དང་། བླ་བཅས་
[123b.2]མགོ་འཁོར་དབུགས་མི་བདེ། །རིད་ཅིང་སྐྲངས་དང་མེ་དྲོད་ཉམས། །ཚིག་མི་གསལ་ཞིང་ཐོགས་པ་དང་། །མིག་དམར་སྙིང་ནི་གཟེར་བ་དང་། །སྔ་དྲོ་ལུད་པ་སྐམ་པོ་འབྱུང་། །ཕྱི་དྲོ་དེ་ལས་གཞན་དུ་འགྱུར། །བད་ཀན་ལུད་པར་བཅས་པ་དང་། །སྟོབས་
[123b.3]དང་ཤ་ནི་ཟད་ན་འཆི། །ཁྲག་དང་མཁྲིས་པ་ཤིན་ཏུ་དམར། །ཡང་ན་གནག་པའམ་ཚོན་ཅན་ནམ། །དམར་དང་སེར་དང་ལྗང་མདོག་ཏུ། །ཁྲག་གི་གཟུགས་ནི་རབ་ཏུ་སྣང་། །བ་སྤུའི་བུ་ག་ནས་འཛག་དང་། །ལྐོག་མ་སྙིང་གར་གོས་པ་དང་། །གོས་ལ་མ་ཆགས་དྲི་
[123b.4]ངལ། །ཤུགས་བྱུང་ཤིན་ཏུ་མང་དུ་འབྱུང་། །རྒད་པོ་སྐྱ་རྦབ་རིམས་ཐབས་སྐྱུགས། །ལུད་པ་སྐྲང་དང་ཚད་འཁྲུ་གསོད། །ལུད་པ་དབུགས་མི་བདེ་རིམས་སྐྱུགས།། །སྐོམ་དང་ཚད་འཁྲུ་འོར་ནད་དང་། །གཅོང་ཅན་སྦོས་དང་རྩིབ་ལོགས་གཟེར། །ཁྲག་སྐྱུག་ཕྲག་པ་
[123b.5]ཚན་འཆི། །སྐྱུག་པ་ཤུགས་དང་ལྡན་པ་དང་། །བཤང་གཅི་དྲི་ཡོད་ཚོན་ཅན་དང་། །ལུད་པ་བཤང་ནག་ཁྲག་དང་བཅས། །དབུགས་མི་བདེ་ཡུན་རིང་ན་འཆི། །སྐོམ་དད་ནད་གཞན་གྱིས་ཉམ་སྨད། །ལྕེ་འབྱུང་དྲན་པ་སྟོར་ན་འཆི། །ཆང་ནད་ཤིན་ཏུ་གྲང་བས་
[123b.6]ཉེན། །ཤ་ཟད་ཏིལ་མར་གདོང་བསྐུས་འདྲ། །གཞང་འབྲུམ་རྐང་ལག་ལྟེ་བ་དང་། །བཤང་སྒོ་རླིག་པའི་ཁ་སྐྲངས་དང་། །སྙིང་ག་རྩིབ་ལོགས་ཡན་ལག་ན། །སློན་བྲོ་གཞང་རྣམས་རིམས་ཀྱིས་ཉེན། །ཆད་འཁྲུ་མཆར་བའི་དུམ་བུ་དང་། །ཤ་བཀྲུས་པའམ་སྣུམ་
[123b.7]ནག་དང་། །ཏིལ་མར་འོ་མ་མར་འདྲ་ཡང་། །ཞོ་དང་རྐང་ཞག་ཆང་སྙིང་དང་། །གླད་པ་གནག་ཚ་འདྲ་བ་དང་། །ཤ་བརྡུངས་ཆུ་དང་སྦྲང་རྩི་དང་། །རབ་དམར་གནག་དང་སྣུམ་པ་དང་། །རྣག་འདྲ་སླ་སྐ་རྣག་དང་བཅས། །ལུས་ཟུངས་སྣ་ཚོགས་འབྱུང་བ་དང་། །བཤང་བ་
[124a]
[124a.1]མེད་པའམ་ཆེ་བ་འམ། །འབྱར་བག་སྦྲང་མ་ལྟ་བུའམ། །རི་མོ་ཅན་དང་ཚོན་ཅན་དང་། །གཞང་གི་གཉེར་མ་ཕྱིར་འབྱུང་དང་། །སྒྲ་ཅན་རུས་ཚིགས་གཟེར་བ་དང་། །བཤང་སྒོ་བྱེ་ཞིང་སྟོབས་ཟད་དང་། །ཟས་ནི་ཉམས་འབྱུང་བ་དང་། །སྐོམ་བཅས་
[124a.2]རིམས་དང་སྐྱུག་པ་དང་། །ལུས་ཚ་ལྟོ་སྦོས་རྒྱུན་འཁྲུས་འཆི། །རྡེའུ་འགགས་རླིག་པ་སྐྲངས་པ་དང་། །གཅིན་འགགས་ནད་ཀྱིས་ཉམ་ཐག་གསོད། །གཅིན་སྙི་སྐོམ་དང་ཚ་འབྲུམ་བཅས། །ཤ་རུལ་ཚད་པས་འཁྲུ་བ་འཆི། །ཐོར་ནད་དང་ནི་སྙིང་ག་རྒྱབ། །ནུ་མ་ཕྲག་པ་སྤྱི་བོར་
[124a.3]བྱུང་། །ཚིགས་དང་རྐང་པ་ལག་པར་གནས། །གཅིན་སྲི་ནད་ཅན་སྟོབས་ཆུང་དང་། །ཤ་རྣམས་ཐམས་ཅད་འདྲུལ་བ་དང་། །སྐོམ་དང་ཚ་མྱོས་རིམས་བཏབ་འཆི། །མེ་དབལ་གནད་ནི་འགགས་པ་དང་། །སྐྱིགས་བུ་མགོ་འཁོར་དབུགས་མི་བདེ། །སྐྲན་ནི་རྒྱ་ཆེར་ཀུན་ནས་ཟླུམ། །
[124a.4]སྲ་ཞིང་རུས་སྦལ་ལྟར་མཐོ་དང་། །རྩ་མངོན་རིམས་བཏབ་སྐྱུགས་པ་དང་། །སྐྱིགས་བུ་སྦོས་ཤིང་ཟུག་གཟེར་བཅས །ལུད་པ་ཆེ་མ་པ་སྙིང་འཕར་དང་། །ཚང་འཁྲུ་སྐྲང་དང་དབུགས་མི་བདེ། །དམུ་རྫིང་བཤང་གཅི་འགགས་པ་དང་། །དབུགས་མི་བདེ་སྐྲང་སྐྱིགས་བུ་དང་། །
[124a.5]རིམས་དང་མགོ་འཁོར་བརྒྱལ་སློན་འཁྲུ། །ཉམ་ཆུང་མི་ནི་གསོད་འགྱུར་ཞིང་། །མིག་སྐྲང་བ་དང་མཆན་ཁུང་དང་། །པགས་པ་རུལ་ཞིང་སྲབ་པ་དང་། །བཀྲུ་སྨན་གྱིས་བཀྲུས་ལྟོ་སྦོས་ཞིང་། །ཡང་དང་ཡང་དུ་འཕེལ་བ་འཆི། །སྐྱ་རྦབ་སྐྲང་དང་བཅས་པ་དང་། །མིག་དང་
[124a.6]སེན་མོ་སེར་པོར་སྣང་། །སྙོམས་ཚ་ཡི་ག་འཆུས་དང་སློན། །བརྒྱལ་དང་ལྟོ་སྦོས་ཚད་འཁྲུ་འཆི། །སྐྲངས་ནད་བླ་བརྣན་སྣ་ཚོགས་ལྡན། །སྐྱེས་པ་རྐང་གཉིས་དང་པོར་སྐྲངས། །བུད་མེད་མགོ་ནས་སྐྲངས་ན་འཆི། །གཉི་གའང་མཚན་དང་མཆན་ཁུང་སྐྲངས། །
[124a.7]རི་མོར་བཅས་འཛག་སྐྱུགས་པ་དང་། །རིམས་དང་ཚད་འཁྲུ་དབུགས་མི་བདེ། །སྐྲངས་པའི་ཐ་མར་རིམས་ཚད་འཁྲུ། །དེ་གཉིས་གཉིས་ཟད་མཐར་སྐྲངས་དང་། །ལུས་ཅན་ཉམ་ཆུང་གྱུར་པ་དག། །སྐྲངས་པར་གྱུར་ན་འཆི་བར་འགྱུར། །གང་ཞིག་སྐྲངས་པ་རྐང་པར་
[124b]
[124b.1]གནས། །བྱིན་པའི་ཉྭར་ནི་ཕྱིན་པ་དང་། །དཔྱི་ཡི་བར་དུ་གནོད་གྱུར་པ། །དེ་ནི་སྨན་པས་སྤང་བར་བྱ། །གང་གི་གདོང་ལག་རྐང་པ་ནི། །ལྷག་པར་སྐམས་པར་གྱུར་པའམ། །ལུས་མ་གཏོགས་འདི་ཤས་ཆེར་སྐྲངས། །དེ་ནི་ཟླ་བ་གཅིག་ན་འཆི། །མེ་དབལ་ལུད་པ་ཁ་དོག་
[124b.2]ཉམས། །རིམས་བརྒྱལ་ཡན་ལག་བཅག་སྙམ་སེམས། །མགོ་འཁོར་ཁ་སྐམས་སྙིང་ག་ན། །ལུས་སྙོམ་ཚད་པས་འཁྲུ་ལྡན་སྤང་། །མཛེ་ནི་ཡན་ལག་འདྲུལ་བ་དང་། །མིག་དམར་སྐད་ནི་འགགས་པ་དང་། །དྲོད་ཉམས་སྲིན་བུ་རྣམས་ཀྱིས་གཙེས། །སྐོམ་
[124b.3]དང་ཚད་པས་འཁྲུ་ལྡན་འཆི། །རླུང་ནད་པགས་པས་ཚོར་མེད་བྱེད། །ལུས་འདར་སྐྲང་དང་ནད་ཀྱིས་གཟིར། །དྲེག་ནད་རྨོངས་ཤིང་བརྒྱལ་བ་དང་། །མྱོས་དང་གཉིད་ཆེ་རིམས་མགོ་རེངས། །ཡི་ག་འཆུས་དང་དབུགས་མི་བདེ། །འཁུམས་ཤིང་ཆུ་བུར་རུལ་པ་འདྲ། །
[124b.4]མགོ་ནད་ཡིད་འཆུས་དབུགས་མི་བདེ། །རྨོངས་བག་ལ་འཁྲུ་ཞིང་སྐོམ་མགོ་འཁོར། །སྐད་འགགས་ལུས་ཟུངས་མེ་དྲོད་ཟད། །ལུས་ཉམ་ཆུང་ནད་ཀུན་གསོད་བྱེད། །རླུང་གི་ནད་དང་བརྗེད་བྱེད་དང་། །མཛེ་ནད་ཁྲག་དང་དམུ་རྫིང་གཅོང་། །སྐྲན་ཅན་གཅིན་ནད་ལྡན་པ་
[124b.5]ཡིས། །ཤ་ཟད་ནད་ཚབས་ཆུང་ཡང་སྡང་། །ཤ་དང་སྟོབས་ནི་ཤིན་ཏུ་ཟད། །ནད་འཕེལ་ཡི་ག་འཆུས་པ་དག །ནད་པ་གང་ལ་སྣང་འགྱུར་ཏེ། །ཟླ་བ་ཕྱེད་དང་གཉིས་ན་འཆི། །རླུང་ནད་གཏུན་འདྲ་ལ་འཕེལ་འགྱུར་ཞིང་། །མི་ཟད་སྙིང་ག་གནས་པ་དག །སྐོམ་
[124b.6]དད་ཀྱིས་ནི་ཡོངས་གདུངས་པ། །འཕྲལ་དུ་སྲོག་ནི་འཕྲོག་པར་བྱེད། །རླུང་ནད་ཉྭ་ནི་ལྷོད་བྱེད་ཅིང་། །སྣ་ནི་ཡོན་པོར་འཆུས་བྱེད་པ། །གང་གི་འགྲམ་པ་ཟད་པར་སྣང་། །འཕྲལ་དུ་སྲོག་ནི་འཕྲོག་པ་ཡིན། །རླུང་ནད་ལྟེ་བ་གཞང་བར་སོང་། །ཡང་ན་བརླ་དབྲག་གཉིས་
[124b.7]ན་གནས། །སྟོབས་ལྡན་རླུང་ནི་ཉམ་ཆུང་བའི། །གཞང་དང་སྙིང་གར་གནས་བྱེད་པའམ། །དྲི་མ་ཆུ་སོའི་ལྟག་ལྟེ་བ། །བཀག་ཏེ་ནད་ནི་སྐྱེད་པ་དང་། །ཆུ་སོར་གཟེར་བར་བྱེད་འགྱུར་ལ། །སྐོམ་དད་འཁྲུ་བར་བྱེད་པ་དང་། །ཆུ་སོ་བཤང་སྒོར་གནས་ནས་ནི། །རླུང་ནི་
[125a]
[125a.1]དབུགས་མི་བདེ་སྐྱེད་དང་། །རྩིབ་མའི་རྩེ་མོ་འདེགས་བྱེད་ཅིང་། །སྙིང་གར་རླུང་ནི་བརྟེན་པ་དང་། །མིག་བགྲད་འགྱུར་བ་མེད་བྱེད་པ། །འཕྲལ་དུ་སྲོག་ནི་འཕྲོག་པར་བྱེད། །འཕྲལ་དུ་རིམས་དང་ཚ་བས་བཏབ། །སྐོམ་དད་བརྒྱལ་དང་སྟོབས་
[125a.2]ཟད་དང་། །ཚིགས་མཚམས་བྲལ་བར་གྱུར་པ་རྣམས། །ཉེ་བར་འཆི་བར་འགྱུར་བ་ཡིན། །ནང་པར་གང་གི་གདོང་ལས་ནི། །རྔུལ་ནས་ཤས་ཆེར་འཛག་འགྱུར་ཞིང་། །ཁར་ཆགས་རིམས་ཀྱིས་གདུངས་པ་རྣམས། །དེ་ཡང་འཚོ་བར་དཀའ་བ་ཡིན། །གང་གི་ལུས་ལ་འབྲུམ་
[125a.3]ཕྲན་ནི། །བྱི་རུའི་མདོག་འདྲ་སྣང་གྱུར་པ། །བྱུང་ནས་མྱུར་དུ་མི་སྣང་གྱུར། །དེ་ནི་རིང་པོར་མི་ཐོགས་འཆི། །འབྲུམ་པ་སྲན་ཆུང་བཤུས་འདྲ་ཞིང་། །དེ་བཞིན་བྱི་རུའི་མདོག་འདྲ་བ། །ནང་དུ་ཁ་བལྟ་ཚད་འབྲུམ་འདྲ། །འབྲུམ་བུས་ལུས་ནི་འཇིག་བྱེད་ཡིན། །མིག་
[125a.4]སེར་གདོང་སེར་རྒྱས་པ་དང་། །མུར་འགྲམ་གཉིས་ཀྱི་ཤ་ཟད་པ། །སྐྲག་ཅིང་ལུས་ནི་ཚ་བདག །གང་ཡིན་དེ་ནི་སྤང་བར་བྱ། །རྒྱུ་མེད་ཕྲུགས་པ་དག་ལས་རྨ། །འཕེལ་ཞིང་མཆེད་པར་བྱེད་པ་དང་། །རླུང་སྐྱེད་གང་ཡིན་ན་བ་མེད། །མཁྲིས་པ་ལས་གྱུར་ཚ་བ་མེད། །
[125a.5]བད་ཀན་ལས་གྱུར་རྣག་མེད་དང་། །གང་ཞིག་ནད་སྐྱེད་ཟུག་གཟེར་མེད། །ཕྱེ་མས་ཁྱབ་དང་རྙིང་པར་སྣང་། །གང་དུ་གློ་བུར་དག་ཏུ་ནི། །རྒྱལ་མཚན་མདུང་ལ་སོགས་གཟུགས་སྣང་། །རྨ་དེ་ཐམས་ཅད་སྤངས་བར་བྱ། །མཚན་པར་རྡོལ་ན་བཤང་གཅིག་རླུང་། །འབྱུང་ཞིང་
[125a.6]སྲིན་བུས་གཙེས་པ་དང་། །པུས་མོ་ཕན་ཚུན་འབྱེར་བ་དང་། །རྐང་པ་བཏེག་ནས་ལྟུང་གྱུར་དང་། །ཡང་དང་ཡང་དུ་ཁ་བསྒྱུར་བའི། །ནད་པ་དེ་ནི་འཚོ་མི་འགྱུར། །སོ་ཡིས་སེན་མོའི་རྩེ་གཅོད་ཅིང་། །སེན་མོས་སྐྲའམ་རྩ་གཅོད་དང་། །ས་ལ་ཤིང་བུས་འདྲི་
[125a.7]བ་དང་། །བོང་པས་བོང་བ་རྡེག་པ་དང་། །སྤུ་ལྡང་གཅིན་ནི་བསྐ་བ་དང་། །ལུད་པ་བསྐམས་ཤིང་རིམས་ཀྱིས་འདེབས། །སྐད་ཅིག་དགོད་ཅིང་སྤྱུགས་གླུ་ལེན། །མ་ལ་ལ་རྐང་བས་རྡེག་པ་དང་། །སྐད་ཅིག་རེ་རེས་བུ་གསོལ། །ནད་པ་གང་ཡིན་དེ་མི་འཚོ། །
[125b]
[125b.1]གདོང་ལ་སྨེ་བ་ངོ་ཁབས་དང་། །མཛེར་སྐྱེས་སོ་སེན་ཐིག་ལེ་ཆགས། །ལྟོ་ལ་སྣ་ཚོགས་རྩ་སྣང་བ། །གློ་བུར་བྱུང་བ་དེ་མི་འཚོ། །གྱེན་དུ་དབུགས་རྩེག་དྲོད་ཡལ་ཞིང་། །བརླ་དབྲག་གཉིས་སུ་གཟེར་གྱིས་ཉེན། །དཔལ་དང་རྣམ་པར་བྲལ་གྱུར་པ། །བློ་དང་ལྡན་པས་ཡོངས་སུ་
[125b.2]སྤང་། །གང་གི་ནད་ནི་འཕེལ་འགྱུར་དང་། །རང་བཞིན་ཡོངས་སུ་ཉམས་པ་ནི། །གང་ལ་འཕྲལ་དུ་འབྱུང་གྱུར་པ། །དེ་ནི་མོད་ལ་འཆི་བར་འགྱུར། །སྨན་པས་ནད་པ་གང་ཞིག་ལ། །སྨན་གྱི་བྱ་བ་བྱས་གྱུར་པ། །འབད་ཀྱང་སོས་པར་མ་གྱུར་ན། །དེ་ཡི་སྲོག་ནི་རྙེད་པར་དཀའ། །
[125b.3]མཁས་ཤིང་མང་དུ་གྲུབ་པ་དང་། །ཆོ་ག་བཞིན་དུ་བྱིན་གྱུར་ཡང་། །སྨན་གྱི་བྱ་བ་མ་གྲུབ་གང་། །དེ་ལ་གསོ་བའི་ཐབས་མེད་དོ། །གང་གིས་སྨན་ནི་སྦྱོར་བའི་ཚེ། །རྒྱུ་མེད་པར་ནི་ཕྱིན་ཅི་ལོག། །མདོག་དང་རོ་སྩོགས་ལོགས་གྱུར་ན། །ནད་མེད་ཡིན་ཡང་དེ་མི་འཚོ། །གང་
[125b.4]གི་གནས་སུ་ཤིང་བཅས་མེད། །རླུང་མེད་ཀྱང་ནི་ཤི་འགྱུར་དང་། ནད་པ་གང་གི་ཁྱིམ་དུ་ནི། །སྣོད་ནི་ཤིན་ཏུ་མང་པོ་དག །ཆག་གམ་ལྷུང་བར་གྱུར་པ་ན། །དེ་ཡི་སྲོག་ནི་རྙེད་པར་དགའ། །མི་གང་ཉམ་ཆུང་གྱུར་བ་ཡང་། །གློ་བུར་སོས་པར་སྣང་འགྱུར་བ། །དེ་ཡི་སྲོག་ཀྱང་མ་
[125b.5]ངེས་པ། །ཡིན་པར་རྒྱུན་ཤེས་བུས་བཤད་དོ། །ཉེ་དུ་མཛའ་བོ་རྣམས་ཀྱིས་ནི། །དྲིས་ཀྱང་མཉན་པར་མི་བྱ་ལ། །སྨན་པས་སྨྲ་བར་མི་བྱ་ཞིང་། །དེ་ཡི་གསོ་བའང་ཁས་མི་བླང་། །གཤིན་རྗེའི་ཕོ་ཉ་ཤ་ཟ་སྩོགས། །གཞན་གྱིས་ཉེ་བར་བསྟེན་པ་གང་། །སྨན་གྱིས་སྟོབས་ནི་
[125b.6]འཇོམས་པས་ན། །དེ་ཕྱིར་དེ་ནི་ཡོངས་སུ་སྤངས། །ཚེ་ཡི་རིག་བྱེད་འབྲས་བུ་ཀུན། །ཚེ་ཤེས་པ་ལ་གནས་པ་ཡིན། །དེ་བས་འཆི་ལྟས་གནས་པ་ཀུན། །སྨན་པས་འབད་དེ་ཤེས་པར་བྱ། །ཚེ་དང་བསོད་ནམས་གཉི་ག་ཟད། །དེ་གཉིས་ཟད་པར་མ་གྱུར་ཡང་། །ཡང་བ་ནི་
[125b.7]མ་སྤངས་པས། །སྲོག་ཆགས་རྣམས་ནི་འཆི་བར་བཤད། །ཡན་ལག་བརྒྱད་པའི་སྙིང་པོ་བསྡུས་པ་ལས། ལུས་ཀྱི་གནས་ཀྱི་ལེའུ་ལྔ་པའོ།། །།དེ་ནས་ལུས་ཀྱི་གནས་ཀྱི་ཕོ་ཉ་ལ་སྩོགས་པ་བཤད་པར་བྱའོ། །ཡ་མཚན་ཅན་དང་དགེ་སྦྱོང་དང་། །རིགས་མཐུན་
[126a]
[126a.1]ལས་ནི་འགྲུབ་པར་བཤད། །དེ་ལས་གོ་བཟློག་ཕོ་ཉ་ནི། །ལས་ནི་འགྲུབ་མིན་རྟགས་སུ་བཤད། །དམན་དང་འཇིགས་རེངས་སྔངས་པ་དང་། །རྩུབ་དང་བཀྲ་མི་ཤིས་སྨྲ་དང་། །མཚོན་ཆ་དབྱུག་ཐོགས་མགོ་རེག་དང་། །མ་ནིང་སྨར་རལ་པ་ཅན། །
[126a.2]བཀྲ་མི་ཤིས་པའི་མིང་དང་ལྡན། །སྡིག་ལས་བུད་མེད་དྲི་མ་ཅན། །མང་པོ་ནད་པ་མི་སྡུག་དང་། །ཕྲེང་བ་བྱུག་པ་དམར་པོས་བརྒྱན། །ཏིལ་མར་འདམ་བསྐུས་གོས་རྙིང་དང་། །མདོག་ངན་རླན་ཅན་གོས་གཅིག་གོན། །བོང་བུ་རྔ་མོ་མ་ཧེ་ཞོན། །ཤིང་དང་བོང་བ་ཉེད་པ་དང་། །རིང་ནས་
[126a.3]འབོད་པའི་ཕོ་ཉ་འོངས། །སྨན་པས་ཡོངས་སུ་སྤངས་བར་བྱ། །བཀྲ་མི་ཤིས་པ་སེམས་དང་སྨྲ། །གཅེར་བུ་གཅོད་དང་འཇིག་པ་དང་། །མཚུན་གཏོར་མེ་ལ་བསྲེག་པ་དང་། །འཆི་བ་རྣམས་ལ་སྟེར་བ་དང་། །སར་ཉལ་སྐྲ་བཤིག་སྐུད་པ་དང་། །ངུ་དང་མ་བསྡམས་གནས་
[126a.4]སྐབས་སུ། །སྨན་པ་གནས་ཚེ་ཕོ་ཉ་འོངས། །མི་ནི་འཆི་བར་སྟོན་པ་ཡིན། །ནད་དང་མཚན་ཉིད་མཚུངས་བ་ཡི། །ཡུལ་ལམ་དུས་སུ་སྨན་པ་གནས། །བང་ཆེན་འབོད་དུ་འོངས་མཐོང་ན། །ནད་པ་དེ་ནི་གསོ་མི་བྱ། །ལྟེ་བ་ཁ་དང་སྣ་རེག་དང་། །སྐྲ་དང་སྤུ་དང་སེན་མོ་སོ། །
[126a.5]མཚན་རྒྱབ་ནུ་མ་མགྲིན་པ་དང་། །ལྟོ་དང་སྲིན་ལག་དག་དང་ནི། །རས་བལ་ཕུབ་མ་ཞ་ཉེ་རྩ། །རུས་པ་གཏུན་བརྡུང་ཕྱགས་མ་རྡོ། །ཞབས་མ་གོས་ཀྱིས་མཐའ་མ་དང་། །ཐལ་བ་སོལ་བ་ཁ་ཚར་སོགས། །གཞན་ཡང་ཐོག་གི་ཞགས་པ་
[126a.6]ཐོགས། །ཕོ་ཉ་དེ་འདྲ་སྔོན་དུ་མཐོང་། །འཆི་བ་དག་ཏུ་སྟོན་པ་ཡིན། །དེ་བཞིན་མཚན་ཕྱེད་ཉི་མའི་གུང་། །ཐུན་མཚམས་དང་ནི་དུས་ཚིགས་དང་། །ཚེས་དྲུག་ཚེས་བཞི་ཚེས་དགུ་དང་། །སྒྲ་གཅན་མཇུག་རིངས་འཆར་དུས་སྩོགས། །བྲ་ཉེ་སྨིན་དྲུག་སྐག་ཆུ་སྟོད། །གྲེ་
[126a.7]དང་ཁྲུམས་སྟོད་སྣྲུབས་དང་ནི། །གོང་དུ་ཕོ་ཉ་ནད་པ་ཡི། །མཚན་ཉིད་ལ་ནི་བརྟེན་པའི་ཚིག །མི་དགེ་སྨྲ་དང་མི་ཤིས་མཐོང་། །དེར་ནི་སྨན་པ་འགྲོ་མི་བྱ། །དབང་བོ་མ་ཚང་མི་རོའམ། །མི་རུས་ཀྱིས་ནི་བརྒྱན་པའམ། །ཆད་དང་ཚིག་དང་ཉམས་ཆག་དང་། །དེ་ཡི་ཚིག་ཏུ་
[126b]
[126b.1]སྨྲ་བའམ། །རོ་ནི་ཚ་དང་དྲག་པའམ། །དྲི་ནི་ཤས་ཆེར་རུལ་པའམ། །རེག་བྱ་རྒྱ་ཆེར་མི་བཟད་དང་། །གང་ཡང་དེ་འདྲ་གཞན་དག་ནི། །དེ་ཀུན་མདུན་དུ་སྨྲ་བའམ། །ཡང་ན་དེ་སྐད་སྨྲ་བའི་ཚེ། །ཕོ་ཉ་འོངས་པར་མཐོང་ན་ནི། །ནད་པ་དེ་ནི་གསོ་མི་བྱ། །ཀྱི་ཧུད་ཀྱི་ཧུད་ཆོ་
[126b.2]ངེས་འདེབས། །འོད་དོད་མོད་མོ་འགྱེལ་སྦྲིད་སྒྲ། །གོས་དང་གདུགས་དང་ལྷམ་འཇིག་དང་། །སྡུག་བསྔལ་བ་དག་མཐོང་བ་དང་། །ཤིང་ཆེན་རྒྱལ་མཚན་གང་བའི་སྣོད། །ཆུ་ནང་ནུབ་པར་མཐོང་བ་དག །གསོད་སྩོགས་ཡིད་དུ་མི་འོང་སྨྲ། །ཐལ་བ་ཕྱག་དར་གྱིས་གཏོར་དང་། ཕྱི་ལ་
[126b.3]སྲམ་དང་སྦྲུལ་དང་ནི། །སྤྲེའུས་ལམ་ནི་བཅད་པ་དང་། །འབར་བའི་ཕྱོགས་སུ་རི་དགས་བྱ། །གདུག་པ་སྒྲ་ནི་སྒྲོགས་པ་དང་། །འབྲུ་གནག་བུ་རམ་དར་བ་དང་། །ལན་ཚྭ་ཆང་རྙིང་པགས་པ་དང་། །ཡུངས་ཀར་ཞག་དང་འབྲུ་མར་དང་། །རྩྭ་དང་འདམ་བུ་བུད་ཤིང་དང་། །མ་ནིང་མི་སྲུན་སྨེ་
[126b.4]ཤ་ཅན། །རྒྱ་དག་དང་ནི་རྙི་རྣམས་དང་། །སློན་དང་བཤང་བ་གཏོང་བ་དང་། །རྣག་དང་མཚན་མ་ངན་པ་མཐོང་། །སྙིང་པོ་མེད་དང་འཁྲིག་པ་སྤྱོད། །རས་བལ་སྩོགས་དང་དགྲ་བོ་མཐོང་། །མལ་སྟན་དང་ནི་ཁྱོགས་ལ་སྩོགས། །ཁ་སྦུབ་ཏུ་ནི་གནས་པར་མཐོང་། །ནད་པ་
[126b.5]དག་དང་གཞན་དག་དང་། །སྣོད་སྩོགས་ངན་མཐོང་མི་ཤེས་སོ། །སྐྱེས་པའི་མིང་ཅན་བྱ་གཡོན་ན། །བུད་མེད་མིང་ཅན་གཡས་འདུག་བཟང་། །བྱ་དང་རི་དྭགས་གཡས་སྐོར་བཟང་། །ཁྱི་དང་ཝ་ནི་དེ་ལྟ་མིན། །རི་དྭགས་རྣམས་ནི་ཟུང་མིན་ཤིས། །ཙ་ཤ་བྱ་རྒོད་ཁཉྫ་རི། །ནེེའུ་
[126b.6]ལེ་དང་རྨ་བྱ་རྣམས། །མཐོང་བ་རྟག་ཏུ་ཤིས་པ་ཡིན། །འུག་པ་བྱི་ལ་སྦྲུལ་མཐོང་བ། །རྣམ་པ་ཀུན་ཏུ་ཤིས་མ་ཡིན། །གོ་ད་དང་ནི་རི་བོང་སྦྲུལ། །ཛ་བ་ཀ་ནི་མིང་ཐོས་དགེ། །མཐོང་དང་སྒྲ་སྒྲོགས་དེ་ལྟ་མིན། །དྲེད་དང་སྤྲེའུ་དེ་ལས་བཟློག །འཕྲལ་བའི་ཕྱོགས་སུ་འཇའ་
[126b.7]ཚོན་མཐོང་། །མི་ཤིས་རྒྱབ་ཏུ་མཐོང་ན་ཤིས། །མེ་ཡིས་གང་བའི་སྣོད་དག་ནི། །ཆག་དང་ཁོང་སྟོང་གནས་པ་དང་། །ནད་པ་འཆི་འགྱུར་ཁྱིམ་དུ་ནི། །སྨན་པ་འཇུག་པར་བྱེད་པའི་ཚེ། །ཞོ་སྩོགས་བཀྲ་ཤིས་འོག་ནས་བཤད། །གང་བའི་སྣོད་ཕྱིར་བྱུང་མཐོང་དང་། །ཕོ་ཉ་ལ་
[127a]
[127a.1]སྩོགས་མི་ཤིས་མཐོང་། །དེ་ལྟའི་ནད་པ་སྤང་བར་བྱ། །དེ་ལས་གཞན་པར་སྙིང་རྗེའི་རྒྱུད། །དག་པས་འབད་དེ་གསོ་བར་བྱ། །ཞོ་འབྲུ་བུ་རམ་ཤིང་དང་ཁྲེ། །སྦྲང་རྩི་ཞུན་མར་པྲི་ཡང་ཀུ། །ནས་ཐུག་དངུལ་རྡོ་བུམ་པ་དང་། །དྲིལ་བུ་མར་མེ་ཆུ་སྐྱེས་
[127a.2]དང་། །དཱུར་པ་ཉ་དང་ཤ་རློན་དང་། །འབྲས་ཡོས་འབྲས་བུ་ཁ་ཟས་དང་། །བུམ་པ་རིན་པོ་ཆེ་ཡིས་གང་། །བུ་མོ་གཞོན་དང་ཤིང་རྟ་དང་། །མི་ནི་མགོ་འཕང་མཐོ་བ་དང་། །ལྷ་རྣམས་དང་ནི་རྒྱལ་པོ་དང་། །གོས་དཀར་གོན་དང་མེ་ཏོག་དཀར། །ཁྱིམ་དང་རྔ་ཡབ་རྟ་དཀར་མཐོང་། །དམ་
[127a.3]པ་བྲམ་ཟེ་གཙུག་ཏོར་དུང་། །རྟ་བབས་དང་ནི་གཡུང་དྲུང་དང་། །ས་ནི་བརྐོས་པར་གྱུར་པ་དང་། །མེ་ནི་རབ་ཏུ་འབར་བ་དང་། །བཟའ་བཏུང་ཡིད་དུ་འོང་བ་དང་། །མི་ཡིས་ཤིང་རྟ་ལེགས་གང་དང་། །བ་ནི་བེའུ་དང་བཅས་པ་དང་། །རྒོད་མ་བུད་མེད་བཙས་དང་། །ཤང་ཤང་ཏེའུ་ཤ་བཀྲ་
[127a.4]དང་། །ངང་པ་ཁུ་བྱུག་རྨ་བྱ་དང་། །སར་ས་ནི་སྒྲ་སྙན་སྒྲོགས། །དེ་བཞིན་ཕྱུགས་གཅིག་བཏགས་པ་དང་། །གདུ་བུ་མེ་ལོང་ཡུངས་ཀར་དང་། །གི་ཝང་རྣམས་ནི་མཐོང་བ་དང་། །བྱུག་པ་དྲི་ཞིམ་གྱིས་བྱུགས་དང་། །ཁུ་བ་དཀར་ཞིང་མངར་བ་དང་། །ཁྱུ་མཆོག་དེ་བཞིན་བ་ལང་རྣམས། །རྗེས་སུ་
[127a.5]མཐུན་པའི་སྒྲ་སྒྲོགས་དང་། །རི་དྭགས་བྱ་དང་མི་རྣམས་ནི། །ཡིད་འོང་སྒྲ་སྙན་སྨྲ་བ་ཡི། །གདུགས་དང་རྒྱལ་མཚན་པ་དན་བསྒྲེང་། །མངོན་པར་སྟོད་པར་བྱེད་པ་དང་། །རྫ་རྔ་དུང་དང་རྔ་བོ་ཆེ། །སྒྲ་དང་བཀྲ་ཤིས་སྒྲ་སྒྲོགས་པ། །བྲམ་ཟེ་རིག་བྱེད་འདོན་པ་དང་། །བདེ་བའི་རླུང་ནི་རྗེས་
[127a.6]མཐུན་རྒྱུ། །ལམ་དང་ཁྱིམ་དུ་འཇུག་ཚེ་ཡོད། །ནད་སོས་མཚན་ཉིད་ཡིན་ཤེས་བྱ། །དེ་ལྟར་ཕོ་ཉ་དགེ་བཤད་ནས། །དེ་འོག་རྨི་ལམ་བཤད་བྱ་སྟེ། །རྨི་ལམ་ཤི་བའི་མི་རྣམས་དང་། །ལྷན་ཅིག་ཆང་འཐུངས་ཁྱིས་དྲངས་གང་། །མི་དེ་རིམ་གྱིས་གཟུགས་ཅན་གྱི། །འཆི་
[127a.7]བདག་གིས་ནི་མྱུར་ཁྱེར་འགྱུར། །ལུས་དང་གོས་དང་ཕྲེང་བ་དམར། །བུད་མེད་རྒོད་པས་དྲངས་རྨིས་གང་། །དེ་ནི་ཁྲག་མཁྲིས་དག་གིས་འཆི། །མ་ཧེ་རྟ་ཕག་བོང་བུ་དང་། །རྔ་མོ་ཞོན་ཏེ་ལྷོ་ཕྱོགས་འགྲོ། །དེ་ནི་གཅོང་ཆེན་ནད་ཀྱིས་འཆི། །ལྕུག་མ་ཚེར་ཅན་འོད་མའམ། །ཏ་ལ་
[127b]
[127b.1]སྙིང་གར་སྐྱེས་པ་རྨི། །གང་ཡིན་དེ་ནི་སྐྲན་གྱིས་འཆི། །གང་ཞིག་མེ་ནི་མི་འབར་ལ། །སྦྱིན་སྲེག་བྱེད་ཅིང་མར་གྱིས་བསྐུས། །གཅེར་བུར་འདུག་དང་པདྨ་ནི། །སྙིང་གར་བྱུང་རྨིས་མཛེ་ཡིས་འཆི། །གང་ཞིག་སྨེ་ཤ་ཅན་ལྷན་ཅིག། །སྣུམ་མང་འཐུངས་པར་རྨི་བདེ། །གཅིན་ནད་
[127b.2]ཀྱིས་ནི་འཆི་བར་འགྱུར། །སྲིན་པོ་ལྷན་ཅིག་གར་བྱེད་ཅིང་། །ཆུ་ལ་བྱིང་རྨི་སྨྱོ་བྱེད་འཛིན། །ར་རོ་གར་བྱེད་ཤི་བ་ཡི། །མིས་ཁྱེར་རྨི་བ་བརྗེད་བྱེད་འཛིན། །བོང་བུ་རྔ་མོ་བྱི་ལ་སྤྲེའུ། །སེངྒེ་སྟག་དང་ཁྭ་དག་དང་། །ཝ་འམ་མི་རོ་ལ་ཞོན་རྨིས། །དེ་ནི་འཆི་བདག་ཁར་སོང་ཡིན། །
[127b.3]སྣུམ་ཁུར་ཤ་ཁུ་ལི་ཟོས་རྨིས། །སད་ནས་དེ་འདྲ་སློན་འགྱུར་བ། །གང་ཡིན་དེ་ནི་འཚོ་མི་འགྱུར། །ཉི་ཟླ་གཟས་ཟིན་རྨིས་མིག་ན། །ཉི་མ་ཟླ་བ་ལྷུང་བ་ཡི། །རྨི་ལམ་མཐོང་ན་ལོང་བར་འགྱུར། །སྤྱི་བོར་འོད་མའི་ལྕུག་སྩོགས་སྐྱེས། །དེ་བཞིན་བྱ་རོག་ཚང་འཆའ་དང་། །
[127b.4]མགོ་བོ་ཆད་པར་རྨིས་པ་དང་། །ཁྭ་དང་བྱ་རོག་སོགས་ཀྱིས་བསྐོར། །དེ་བཞིན་ཡི་དྭགས་ཤ་ཟ་མོ། །བྱད་མ་སྨེ་ཤ་ཅན་གྱིས་བསྐོར། །འོད་མའི་ཚལ་དང་ཚེར་མ་དང་། །རྩྭ་ཡི་ཚང་ཚིང་ནང་དུ་ཚུད། །གཡང་སར་ལྷུང་དང་དུར་ཁྲོད་ཉལ། །ཕྱག་དར་ཐལ་བའི་ནང་དུ་ལྷུང་། །
[127b.5]ཆུ་དང་འདམ་ལ་སྩོགས་པར་ནུབ། །ཆུ་རྒྱུན་གྱིས་ནི་མྱུར་དུ་ཁྱེར། །གླུ་གར་དང་ནི་རོལ་མོ་དང་། །གོས་དང་ཕྲེང་བ་དམར་པོ་འཆང་། །ལུས་འཕེལ་ན་ཚོད་རྒས་པ་དང་། །བག་མ་ལེན་ཞིང་ཁ་སྤུ་འདྲེག །ཟས་བཙོས་སྣུམ་ཟ་ཆང་འཐུང་དང་། །སྐྱུགས་དང་འཁྲུ་བ་རྨི་བ་དང་། །
[127b.6]ལྕགས་དང་གསེར་དག་རྙེད་པ་དང་། །བཙོང་དང་རྩོད་ལས་ཕམ་པ་དང་། །མཆིལ་ལྷམ་གཉིས་ནི་སྟོར་བ་དང་། །རྐང་པགས་ལྷུང་བ་རྨི་བ་དང་། །ཤིན་ཏུ་དགའ་དང་རབ་ཁྲོས་བའི། །ཤི་བའི་གཉེན་གྱིས་སྤྱོས་པ་དང་། །མར་མེ་གཟའ་དང་སྐར་མ་དང་། །སོ་མིག་ལྷའི་གཟུགས་
[127b.7]རྣམས་ནི། །ལྷུང་བའམ་འཇིག་པ་རྨིས་པའམ། །རི་བོ་རལ་པར་འགྱུར་པ་དང་། །ནགས་ཚལ་འབར་བའི་ནང་དང་ནི། །སྡིག་ཅན་ཁྱིམ་དུ་འཇུག་པ་དང་། །རོ་བསྲེགས་པ་དང་མུན་པར་ཞུགས། །མ་ཡི་མངལ་དུ་ཞུགས་པ་དང་། །བྲག་དང་ཁང་པ་སར་ལྷུང་དང་། །དེ་བཞིན་ཉ་
[128a]
[128a.1]ཡིས་མིད་པ་དང་། །ཆོས་གོས་གོན་པའི་མི་སྲུན་དང་། །གཅེར་བུ་དབྱུག་པ་ཐོགས་པ་དང་། །མིག་དམར་ཁ་དོག་གནག་པ་ནི། །མཐོང་ན་ནམ་ཡང་ཤིས་ཡིན། །བུད་མེད་སྡིག་ཅན་གདོང་གནག་དང་། །སྐྲ་དང་སེན་མོ་ནུ་མ་རིང་། །གོས་དང་
[128a.2]ཕྲེང་བ་དམར་པོ་ཐོགས། །རྨིས་པ་དུས་མཚན་ཡིན་པར་འདོད། །ནད་ནི་སྟོབས་དང་ལྡན་པ་ཡིས། །ཡིད་འཇུག་བུ་ག་བཀག་པའི་ཕྱིར། །མི་བཟད་རྨི་ལམ་མཐོང་འགྱུར་ཏེ། །ནད་པ་འཆི་བར་འགྱུར་པ་ཡིན། །ནད་མེད་ཐེ་ཚོམ་བཅས་གྱུར་ཞིང་། །འགའ་ཞིག་ཐར་བར་
[128a.3]འགྱུར་པ་ཡིན། །མཐོང་དང་ཐོས་དང་ཉམས་མྱོང་དང་། །གསོལ་བ་བཏབ་དང་བརྟགས་པ་དང་། །འབྱུང་བར་འགྱུར་དང་ནད་ལས་བྱུང་། །རྨི་ལམ་རྣམ་པ་བདུན་དུ་བཤད། །དེ་ལས་དང་པོའི་ལྔ་པོ་དང་། །རང་གི་རང་བཞིན་ཉིན་མོ་བརྗེད། །ཤིན་ཏུ་རིང་ཐུང་འབྲས་བུ་མེད། །
[128a.4]ཆ་འདྲེས་པ་ཡི་རང་བཞིན་ཅན། །མཚན་སྟོང་རྨི་ལམ་འབྲས་བུ་རིང་། །མཐོང་བ་ཆུང་ངུ་བྱེད་པ་ཡིན། །ནང་པར་མཐོང་དང་གཉིད་མ་ལོག། །མི་མཐུན་གཏམ་གྱིས་བར་མཆོད། །དེ་ཡི་ཉིན་པར་འབྲས་ཆེན་འགྱུར། །སྦྱིན་དང་སྦྱིན་སྲེག་ལ་སྩོགས་ཀྱིས། །རྨི་ལམ་འབྲས་བུ་
[128a.5]ཆུང་བར་འགྱུར། །གང་ཞིག་རྨི་ལམ་ངན་མཐོང་ནས། །སླར་ཡང་གནས་སྐབས་དེ་ཉིད་དུ། །རྨི་ལམ་བཟང་པོ་མཐོང་གྱུར་ན། །འབྲས་བུ་བཟང་པོ་ཉིད་ཐོབ་འགྱུར། །ལྷ་དང་བྲམ་ཟེ་ཁྱུ་མཆོག་དང་། །བ་ལང་རྒྱལ་པོ་མཛའ་བཤེས་གསོན། །སྐྱེས་བུ་དམ་པ་གྲགས་ལྡན་དང་། །
[128a.6]མེ་འབར་བ་དང་དངས་པའི་མཚོ། །བུ་མོ་ཁྱེའུ་སེར་བ་དང་། །གོས་དཀར་གོན་ཞིང་མདངས་དང་ལྡན། །སྐྱེས་བུ་ཟ་དང་ལུས་འབར་དང་། །ཁྲག་གིས་ལུས་ཀུན་བྱུགས་པ་དག། །གང་གིས་མཐོང་བར་གྱུར་བ་དང་། །གདུགས་དང་ཤ་རློན་མེ་ལོང་དུག། །སྣ་མ་དཀར་པོས་
[128a.7]གོས་པ་དང་། །མི་གཙང་གིས་བྱུགས་འབྲས་བུ་རྙེད། །རི་བོ་ཁང་བཟངས་འབྲས་བཅས་ཤིང་། །འཛེག་དང་སེང་གེ་གླང་ཆེན་མི། །རྟ་དང་བ་ལང་དག་ལ་ཞོན། །ཆུ་བོ་མཚོ་བྲན་རྒྱ་མཚོ་རྒལ། །ཤར་དང་བྱང་དུ་འགྲོ་བ་དང་། །བགྲོད་མིན་འགྲོ་དང་ཤི་བ་དང་། །ཉམ་ང་
[128b]
[128b.1]ལས་ཐར་ལྷ་རྣམས་དང་། །ཕ་མས་མངོན་པར་བསྟོད་པ་དང་། །ངུ་དང་ལྟུང་ལས་ལྡང་བ་དང་། །དགྲ་བོ་ཕམ་པར་བྱས་པ་དག །གང་རྨིས་ཚེ་རིང་ནད་མེད་དང་། །ནོར་མང་པོ་ནི་རྙེད་པར་འགྱུར། །དེ་བཞིན་ནད་པའི་གཡོག་འཁོར་ནི། །བཀྲ་ཤིས་ཆོ་ག་ཕུན་སུམ་ཚོགས། །
[128b.2]དད་ལྡན་རྗེས་སུ་མཐུན་པ་དང་། །ནོར་མང་བསྡུས་པར་གྱུར་པ་དང་། །སྙིང་སྟོབས་མཚན་ཉིད་དང་ལྡན་ཞིང་། །སྨན་པ་བྲམ་ཟེ་སྩོགས་ལ་གུས། །གསོ་དཔྱད་རྣམས་ལ་སྐྱོ་བ་མེད། །དེ་ནི་ནད་མེད་འགྱུར་མཚན་ཉིད། །རྟག་ཏུ་ཤིས་པ་སྡུད་པ་དང་། །བཀྲ་མི་ཤིས་པ་རྣམ་པར་སྤང་། །
[128b.3]འདི་དག་དེ་ཉིད་མཐོང་བ་ཡི། །དྲང་སྲོང་རྣམས་ཀྱིས་ཤིས་པར་བཤད། །དེ་ལྟར་འདི་ནི་སྐྱེ་དང་འཆི། །མཚན་ཉིད་གང་ཕྱིར་བཤད་པས་ན། །དེ་ཕྱིར་ལུས་ཀྱི་གནས་ཡིན་པས། །འདི་ནི་ལུས་ཀྱི་གནས་སུ་བཤད། །ཡན་ལག་བརྒྱད་པའི་སྙིང་པོ་བསྡུས་པ་ལས། ལུས་ཀྱི་གནས་
[128b.4]ཀྱི་ལེའུ་དྲུག་པའོ།། །།ཡན་ལག་བརྒྱད་པའི་སྙིང་པོ་བསྡུས་པ་ལས། ལུས་ཀྱི་གནས་ཏེ་གནས་གཉིས་པ་རྫོགས་སོ།། །།དེ་ནས་ནད་ཐམས་ཅད་ཀྱི་ནད་གཞི་བཤད་པར་བྱའོ། །དེ་ཡང་རྒྱུན་ཤེས་ཀྱི་བུ་ལ་སྩོགས་པ་དྲང་སྲོང་ཆེན་པོ་རྣམས་ཀྱིས་འདི་སྐད་ཅེས་བཤད་དོ། །
[128b.5]ནད་དང་སྡིག་པ་རིམས་གནོད་བྱེད། །འགྱུར་བྱེད་སྡུག་བསྔལ་མ་ཞུའི་སྐྱོན། །ཟད་བྱེད་འཚོ་དཀའ་མཁུན་གནོད་སྐྱེད། །མིང་གི་རྣམ་གྲངས་སྒྲས་བཤད་དོ། །ནད་གཞི་སྔར་བྱུང་ཚུལ་དང་ནི། །དེ་བཞིན་ཚུལ་ཕྱེད་གོམས་བྱེད་དང་། །དཀྱེལ་གྱུར་ཤེས་པར་བྱེད་པ་སྟེ། །ནད་ནི་
[128b.6]རྣམ་པ་ལྔར་ཤེས་བྱ། །གཞི་དང་རྒྱུ་དང་སྐྱེ་མཆེད་དང་། །རྐྱེན་དང་སློང་བར་བྱེད་པའི་རྒྱུ། །རྣམ་གྲངས་ཀྱིས་ནི་ནད་གཞི་བཤད། །གང་གིས་སྔར་བྱུང་ཚུལ་ཤེས་པས། །ནད་ནི་འབྱུང་བར་འདོད་གྱུར་ལ། །བྱེ་བྲག་ཕྱེད་པར་མ་གྱུར་བ། །ནད་ཀྱི་ཚུལ་ནི་ཇི་བཞིན་པར། །
[128b.7]ཆུང་ཕྱིར་མཚན་ཉིད་མི་གསལ་བའོ། །དེ་ཉིད་གསལ་བ་ཉིད་གྱུར་པ། །ཚུལ་ཕྱེད་པ་ཞེས་བྱ་བར་བཤད། །དབྱིབས་དང་གསལ་མངོན་རྟགས་དང་ནི། །མཚན་ཉིད་མཚན་མ་རྣམས་ཡིན་ནོ། །རྒྱུ་དང་ནད་དང་མི་མཐུན་ཞིང་། །མི་མཐུན་པ་ཡི་དོན་བྱེད་པའི། །སྨན་དང་ཟས་
[129a]
[129a.1]དང་སྤྱོད་ལམ་རྣམས། །ཉེར་བར་བསྒྱུར་པས་བདེ་འགྱུར་བ། །ཉམས་བརྟས་བྱེད་པར་ཤེས་བྱ་སྟེ། །དེ་ནི་གོམས་པ་ཞེས་བྱར་བཤད། །དེ་ལས་བཟློག་པའི་མ་གོམས་ནད། །མི་འཕྲོད་ནད་ཅེས་བྱ་བའོ། །གང་གིས་ནད་ནི་དཀྱིལ་གྱུར་པས། །ཇི་བཞིན་
[129a.2]རྗེས་སུ་འཕེལ་འགྱུར་ཞིང་། །ནད་རྣམས་རྫོགས་ཤིང་མངོན་གྱུར་པ། །སྐྱེས་ཤིང་འོངས་པ་དཀྱེལ་གྱུར་ཡིན། །དེ་ནི་གྲངས་བརྟག་གཙོ་བོ་དང་། །སྟོབས་དང་དུས་ཀྱིས་ཕྱེ་བ་ཡིན། །གྲངས་ནི་ཇི་ལྟར་འདི་ཉིད་ལས། །རིམ་ནི་བརྒྱད་དུ་བཤད་པ་ཡིན། །ནད་རྣམས་སྤྱིར་ནི་བསྡུས་པ་ལས། །
[129a.3]ཆ་ཤས་དབྱེ་བ་བརྟག་པ་ཡིན། །རང་དབང་གཞན་དབང་གཉིས་ལས་ནི། །ནད་རྣམས་གཙོ་བོར་བཤད་པ་ཡིན། །རྒྱུ་སྩོགས་མ་ལུས་ཕྱོགས་གཅིག་ལས། །སྟོབས་ནི་ཆེ་ཆུང་ཤེས་པར་བྱ། །ཉིན་མཚན་དུས་དང་ཟས་ཟོས་ཆས། །ཉེས་པ་ཇི་བཞིན་ནད་ཀྱི་དུས། །དེ་ལྟར་ནད་
[129a.4]གཞིའི་དོན་བཤད་ནས། །དེ་ནི་རྒྱས་པར་བཤད་པར་བྱ། །ནད་རྣམས་ཀུན་གྱི་ནད་གཞི་ནི། །ནད་ནི་འཁྲུགས་པར་གྱུར་པ་ཡིན། །དེ་ནི་གནོད་འགྱུར་སྣ་ཚོགས་པ། །བསྟེན་པས་ལྡང་བར་འགྱུར་བར་བཤད། །གསུམ་པོའི་སྦྱོར་བ་རྣམ་པ་གསུམ། །གནོད་འགྱུར་སྔར་ནི་བཤད་པ་ཡིན། །
[129a.5]ཁ་དང་ཚ་དང་བསྐ་ཆུང་ཟད། །རྩུབ་དང་བཅུད་མེད་སྲ་བ་དང་། །བཀག་དང་ནན་གྱིས་བཙིར་བ་དང་། །མཚན་མོ་མི་ཉལ་སྐད་ཆེར་སྨྲ། །སྦྱངས་པའི་སྦྱོར་དྲགས་མྱ་ངན་འཇིགས། །སེམས་ལས་དྲག་ཤུལ་བུད་མེད་དྲགས། །སོ་ག་ཉིན་མཚན་ཟས་ཞུའི་རྗེས། །རླུང་གི་ནད་ནི་ལྡང་བར་འགྱུར། །
[129a.6]མཁྲིས་པ་ཚ་དང་སྐྱུར་དང་རྣ། །ལན་ཚྭ་བྲོ་དང་ལུས་ཚ་དང་། །སྟོན་ཀ་ཉིན་ཕྱེད་མཚན་ཕྱེད་དང་། །ཚ་བའི་དུས་སུ་ལྡང་བར་འགྱུར། །མངར་སྐྱུར་ལན་ཚྭ་སྣུམ་པ་དང་། །ལྕི་དང་བད་ཀན་སྐྱེད་བསིལ་དང་། །འདུག་དང་བདེ་དང་གཉིད་མ་ཞུ། །ཉིན་པར་གཉིད་ལོག་བརྟས་དྲགས་དང་། །སློན་
[129a.7]སྩོགས་སྦྱོར་བ་ཉེས་པ་དང་། །ཟོས་མ་ཐག་དང་དཔྱིད་ཀྱི་དུས། །སྔ་དྲོ་མཚན་སྟོད་བད་ཀན་ལྡང་། །འདྲེས་པ་ལས་ནི་ལྡན་པ་ཡིན། །ཐམས་ཅད་བསྟེན་པས་འདུས་པར་འགྱུར། །དེ་བཞིན་གཞན་ཡང་འདྲེན་མར་ཟོས། །མ་ཞུ་མ་སྙོམས་མི་འཕྲོད་དང་། །ལྷག་པར་ཟོས་པ་ལ་སྩོགས་
[129b]
[129b.1]དང་། །ཆང་དང་བཏུང་བ་ཉེས་པ་དང་། །ཚོད་མ་སྐམ་དང་ལ་ཕུག་རྗེན། །ཏིལ་ཚིགས་ས་ཞག་སོ་བའི་ཆང་། །ཤ་རུལ་ཤ་སྐམ་ཤ་རིད་རྣམས། །དེ་དང་དེ་ཡིས་ཉེས་གསུམ་སྐྱེད། །དེ་བཞིན་ཁ་ཟས་སྦོས་པ་དང་། །དུས་ཚིགས་ལོག་པ་བདུན་གྱི་རླུང་། །གདོན་ཞུགས་དུག་དང་
[129b.2]དབྱིག་དུག་ཟོས། །བེའུ་སྣབས་ནད་འཁྲུགས་རི་རྩར་གནས། །བཙས་སྐར་ལ་ནི་གཟའ་ཞུགས་དང་། །ལོག་པར་སྦྱོར་བ་སྣ་ཚོགས་དང་། །སྡིག་པའི་ལས་ལ་བརྟེན་པ་དང་། །བུད་མེད་བུ་བཙས་ལོག་པར་བྱུང་། །གསོ་བ་ལོག་པར་བྱས་ལས་ལྡང་། །དེ་ལྟར་སོ་སོའི་ནད་ལྡང་བས། །
[129b.3]ནད་ཀྱི་གནས་སུ་འགྲོ་བྱེད་པ། །རྩ་སྦུབས་རྣམས་སུ་ཕྱིན་པ་དང་། །ནད་རྣམས་ལུས་ལ་མྱུར་དུ་སྐྱེད། །ཡན་ལག་བརྒྱད་པའི་སྙིང་པོ་བསྡུས་པ་ལས། ནད་གཞིའི་གནས་ཀྱི་ལེའུ་དང་པོའོ།། །།དེ་ནས་རིམས་ནད་ཀྱི་ནད་གཞི་བཤད་པར་བྱའོ། །རིམས་ནི་ནད་བདག་སྡིག་ཅན་
[129b.4]དང་། །འཆི་བདག་མདངས་ཟ་འཆི་བྱེད་ཡི། །ཁྲོས་པས་མྱུར་བའི་མཆོད་སྦྱིན་བརླག། །དྲག་པོ་དཔྲལ་བའི་མིག་ལས་བྱུང་། །སྐྱེ་དང་འཆི་ཚེ་རྨོངས་བྱེད་པ། །མི་འཕྲོད་སྣ་ཚོགས་བསྟེན་ལས་བྱུང་། །མི་བཟད་མིང་ནི་སྣ་ཚོགས་པས། །སྐྱེ་གནས་དུ་མ་རྣམས་ལ་གནས། །
[129b.5]དེ་ནི་ནད་རྣམས་སོ་སོར་འདྲེས། །འདུས་དང་གློ་བུར་ལས་བརྒྱད་འགྱུར། །དེ་ལ་ནད་རྣམས་རང་རང་ནི། །རྒྱུ་ལས་འཁྲུགས་ཏེ་ལྡང་བ་ཡིས། །མ་ཞུའི་གནས་སུ་ཞུགས་གྱུར་པ། །ལྷན་ཅིག་གནས་ནས་རྩ་སྒོ་བཀག། །ཞུ་བའི་གནས་ནས་མེ་དྲོད་ནི། །ཕྱི་རོལ་དུ་ནི་འབྱིན་པར་བྱེད། །
[129b.6]དེ་དང་ལྷན་ཅིག་མངོན་ཁྱབ་ནས། །ལུས་ཀུན་ཚ་བར་བྱེད་པ་ཡིན། །ཡན་ལག་ཤིན་ཏུ་ཚ་བྱེད་པས། །རིམས་ནི་དེ་ཡིས་སྐྱེད་པར་བྱེད། །རྩ་སྒོ་བཀག་པས་དེ་འོག་ཏུ། །རྡུལ་ནི་མང་དུ་མི་འབྱུང་ངོ་། །དེ་ཡི་སྔོན་ཚུལ་སྒྱིད་ཞན་དང་། །ཉམས་མི་དགའ་ཞིང་ལུས་ལྕི་ལ། །
[129b.7]རོ་མི་ཚོར་ཞིང་ཡི་ག་འཆུས། །གླལ་འབྱུང་མིག་འཁྲུགས་མཆི་མར་བཅས། །ཡན་ལག་ན་ཞིང་འཇུ་སྟོབས་ཆུང་། །ཉམ་ཆུང་གཉིད་ནི་ཆེ་བ་དང་། །སྦུ་ལྡང་བྱ་རྨྱང་བྱེད་འདོད་དང་། །བྱིན་པའི་ཉྭ་ན་ལུས་སྙོམ་དང་། །ཕན་པར་བསྟན་པ་མི་བཟོད་ཁྲོ། །སྐྱུར་དང་ཚ་དང་དྲོད་
[130a]
[130a.1]ལ་སྲེད། །ཁ་ཟས་མངར་བ་ལ་མི་དགའ། །བྱིས་པ་ལ་སྡང་སྐོམ་དད་ཆེ། །སྒྲ་མེ་གྲང་ལྷགས་རླུང་དང་ཆུ། །གྲིབ་མ་ཉིན་མཚན་རྒྱུ་མེད་པར། །དགའ་དང་མི་དགའ་དག་ཏུ་བྱེད། །དེ་རྗེས་རིམས་ནི་གསལ་བར་འགྱུར། །རིམས་ཐེབས་འབྱང་ཉེའི་ཚེ་ནད་ཚབས། །
[130a.2]ཆུང་ཞིང་ཚབ་མི་སྙོམས་ལ། །ཡན་ལག་དེ་དང་དེར་འཕོ་ཞིང་། །ན་བདེ་དང་དེར་གཡོ་འགྱུར། །རྐང་པ་བེེམས་པོ་རེངས་པ་དང་། །བྱིན་སྙིང་ན་ཞིང་ངལ་བ་དང་། །ཚིགས་རྣམས་བྱེ་བ་ལྟ་བུར་སེམས། །བརླ་དང་རྐེད་པ་ན་བ་དང་། །རྒྱབ་ནི་བརྡུངས་པ་ལྟར་སེམས་དང་། །ལྟོ་བ་བཙིར་བ་སྙམ་
[130a.3]སེམས་དང་། །རུས་པ་བཅད་པ་སྙམ་པ་དང་། །རྩིབ་མ་ལྷག་པར་ན་བ་དང་། །སྙིང་ནི་བཙིར་སྙམ་སེམས་ཤིང་ཟུག། །བྲང་དུ་བཙུགས་པ་ལྟ་བུར་གཟེར། །ཕྲག་པ་བརྡུངས་སྙམ་དཔུང་པ་ནི། །བཅོམ་སྙམ་སེམས་ཤིང་སྒྲོག་དུས་ན། །འགྲམ་པས་ཁ་ཟས་བལྡད་མི་ནུས། །གླལ་འབྱུང་རྣ་བ་
[130a.4]སྒྲ་དང་བཅས། །མུར་འགྲམ་ཟུག་ཅིང་མགོ་བོ་ན། །ལྕེ་ཡིས་རོ་ནི་མི་ཚོར་རམ། །ཡང་ན་ཁ་བསྐ་བྲོ་བར་འགྱུར། །དྲི་མ་རྣམས་ནི་སྲི་བ་དང་། །ལྤགས་མིག་ཁ་དང་སེན་མོ་དང་། །བཤང་སོགས་རྩུབ་ཅིང་དམར་བ་དང་། །མཆིལ་མང་ཡི་ག་འཆུས་སྲེད་ཆུང་། །ཟས་མི་འཇུ་ཞིང་རྡུལ་མི་
[130a.5]འབྱུང་། །གཉིད་ཡར་མཆུ་དང་གྲེ་བསྐམ། །སྐོམ་དད་ཆེ་ཞིང་ལུད་པ་སྐམ། །ལུད་པ་ལུ་ཞིང་སྐྱུགས་པ་སྐམ། །སེམས་ཞུམ་ལུས་ཀྱི་བ་སྤུ་ལྡང་། །པགས་པ་སོ་དག་བརྩེ་བ་དང་། །རྐང་ལག་འདར་ཞིང་སྦྲིད་པ་ཐོགས། །མགོ་འཁོར་ཚིག་ནི་བླ་བ་དང་། །དྲོད་བག་ལ་དགའ་བྱ་རྨྱང་
[130a.6]བྱེད། རླུང་གི་རིམས་སུ་ཤེས་པར་བྱ། །ལུས་ཀུན་ཅིག་ཅར་ཁྱབ་པ་དང་། །བླ་ཞིང་ཁའི་རོ་ཁ་བ་དང་། །བསིལ་འདོད་ཁ་སྣར་ཐོར་བུ་འབྱུང་། །མགོ་འཁོར་བརྒྱལ་མྱོས་སྙིང་མི་དགའ། །བཤང་སླ་མཁྲིས་པ་སློན་པ་དང་། །མཆིལ་མ་ཁྲག་བཅས་སྒྲེགས་པ་སྐྱུར། །ཐོར་བུ་དམར་
[130a.7]པོ་འབྱུང་བ་དང་། །པགས་པ་ལ་སྩོགས་སེར་རྩ་སྔོ། །རྡུལ་འབྱུང་དབུགས་ནི་མནམ་པ་དང་། །སྐོམ་དད་རབ་ཆེ་མཁྲིས་པའི་རིམས། །ལྷག་པར་ཡི་ག་འཆུས་ཤིང་རྨོངས། །བུ་ག་འགགས་ཤིང་རིམས་ཤུགས་དལ། །མཆིལ་མང་ཁ་ནང་མངར་བ་བྲོ། །དང་ག་ལྕི་ཞིང་
[130b]
[130b.1]དབུགས་མི་བདེ། །ཆམ་བཏབ་སྙིང་ན་སྐྱུག་པ་འབྱུང་། །ལུད་པ་ལུས་རེངས་ལྤགས་སྩོགས་སྐྱ། །ཡན་ལག་ཐོར་བུ་གྲང་མོ་འབྱུང་། །སྙོམ་ཞིང་ལུས་འདར་བད་ཀན་རིམས། །རང་གི་དུས་སུ་ཐམས་ཅད་ནི། །འབྱུང་ཞིང་འཕེལ་བ་ཉིད་འགྱུར་བ། །ནད་གཞིར་བཤད་པའི་མི་མཐུན་
[130b.2]བསྟེན། །བསྒྱུར་བས་བདེ་བར་བྱེད་པ་ཡིན། །རང་རང་མཚན་མ་འདྲེས་པ་ནི། །ལྡན་པའི་རིམས་ཡིན་གཞན་ཡང་ནི། །མགོན་བརྒྱལ་སློན་ལུས་ཚ་རྨོངས་བག་འགྱུར། །གྲེ་བ་ཁ་སྐམ་མི་དགའ་རུས་ཚིགས་ན། །གཉིད་མིད་མགོ་འཁོར་སྤུ་ལྡང་སྐོམ་དད་ཆེ། །ཁ་གླལ་ཚིག་མང་རླུང་
[130b.3]མཁྲིས་འདྲེས་པའི་རིམས། །ཚ་མེད་ཡི་ག་འཆུས་ཤིང་ཀླད་ཚིགས་ན། །ཆམ་པ་ལུད་པ་དབུགས་མི་བདེ་བཤང་སྲི། །ཁོང་བསིལ་རྨོངས་བག་རབ་རིབ་མགོ་འཁོར་རྨྱ། །བད་ཀན་རླུང་འདྲེས་རིམས་ཀྱི་མཚན་མ་ཡིན། །ལུས་རྡུལ་རེངས་དང་ཚ་བསིལ་སོར་མི་གནས། །སྐོམ་དད་
[130b.4]ལུད་པ་བད་ཀན་མཁྲིས་བག་འབྱུང་། །རྨོངས་བག་རྨྱ་དང་ཁ་བྲོ་ཁར་དྲི་ཆགས། །བད་ཀན་མཁྲིས་པ་འདྲེས་པའི་རིམས་ཀྱི་རྟགས། །ཀུན་ནས་འབྱུང་བ་རྟགས་ཀུན་ལྡན། །འདིར་ཡང་ཐང་རི་ཚ་བ་ལྡང་། །དེ་བཞིན་གྲང་དང་ཉིན་མོ་ནི། །གཉིད་ཆེ་མཚན་མོ་གཉིད་མེད་བྱུང་བའམ། །
[130b.5]རྟག་པར་གཉིད་འོང་པའམ་ཡང་ན་ཡར། །རྡུལ་ཆེར་འབྱུང་བའམ་རྡུལ་མི་འབྱུང་། །གླུ་དང་གར་དང་དགོད་སྩོགས་པ། །སྤྱོད་པ་ངན་པ་ལ་འཇུག་ཅིང་། །མིག་དམར་མཆི་མ་འཛག་དང་བཅས། །ཞུམ་ཞིང་རྫི་མ་འཁྲུགས་པར་སྣང་། །བྱིན་སྙིང་རྩིབ་ལོགས་ན་བ་དང་། །
[130b.6]མགོ་བོ་རུས་ཚིགས་ན་མགོ་འཁོར། །རྣ་བ་སྒྲ་དང་ནད་དང་བཅས། །མགུལ་པ་གྲ་མས་གང་སྙམ་སེམས། །ལྕེ་རྩུབ་ཀུན་ནས་བསྲེགས་ལྟར་སྣང་། །ལུས་ལྕི་ཚིགས་ནི་འབྱེ་སྙམ་སེམས། །མཆིལ་མར་ཁྲག་མཁྲིས་བད་ཀན་འབྱུང་། །མགོ་བོ་གཡོ་ཞིང་སྐོམ་དད་ཆེ། །
[130b.7]ཐོར་བུ་འབྲུམ་ཕྲན་མཐའ་འཁོར་ལ། །དམར་ཞིང་གནག་པ་འབྱུང་བར་འགྱུར། །སྙིང་ན་བཤང་གཅི་སྲི་བའམ། །ཡང་ན་ཉུང་བའམ་རབ་མང་འབྱུང་། །ཁ་ནང་སྣུམ་ཞིང་ཉམས་སྟོབས་ཆུང་། །གཅོམ་ཆུང་འགྱུར་ཞིང་བླ་བ་དང་། །ནད་སྨིན་དཀའ་ཞིང་རྨུགས་པ་དང་། །རྒྱུན་ཏུ་
[131a]
[131a.1]གྲེ་བ་འཛེར་བ་ནི། །འདུས་པའི་རིམས་ཏེ་མངོན་རྨུགས་བྱེད། །དེ་ནི་མདངས་འཕྲོག་ཅེས་ཀྱང་བཤད། །ནད་ཀྱིས་བཀག་ཅིང་མེ་དྲོད་ཉམས། །མཚན་མ་ཐམས་ཅད་རྫོགས་གྱུར་པ། །གསོར་མི་རུང་ཏེ་དེ་ལས་གཞན། །གསོ་དཀའ་འམ་དབང་པོ་མ་ཚང་འགྱུར། །
[131a.2]གཞན་ཡང་འདུས་པ་ལས་བྱུང་བ། །གང་དུ་མཁྲིས་པ་ལོགས་ཤིག་གནས། །པགས་པའམ་ནང་གྲོལ་ཚ་བ་དག །འདེབས་པའམ་ཚ་བ་སྔ་ཕྱིས་འབྱུང་། །དེ་བཞིན་བད་ཀན་རླུང་གྲང་བ། །དེ་གཉིད་ཚ་སྔ་གསོ་དཀའ་ཡིན། །གྲང་སྔ་དེར་ནི་མཁྲིས་པ་ཡིས། །བད་ཀན་གཤེར་བ་སྐམ་པ་དང་། །
[131a.3]གྲང་བཞི་བྱེས་ཁ་སྒྱུར་བརྒྱལ། །མྱོས་དང་སྐོམ་དད་སྐྱེ་བར་འགྱུར། །ཚ་བ་སྔ་མ་དེ་རྗེས་ལ། །རྨུགས་སློན་མཆིལ་མང་ཁོད་སྙོམ་འགྱུར། །གློ་བུར་དྲག་ཤུལ་ལས་བྱུང་དང་། །མངོན་ཟིན་བྱད་བྱས་དམོད་བྱུང་བཞི། །དེ་ལ་སྨས་བཅད་མེས་ཚིག་སྩོགས། །ངལ་བ་དྲག་ཤུལ་ལས་བྱུང་ཡིན། །
[131a.4]དེ་ནི་ཕལ་ཆེར་རླུང་ནད་ཀྱིས། །ཁྲག་ནི་གནོད་ཅིང་འཁྲུགས་བྱས་པས། །ན་བཅས་མདོག་ཉམས་སྐྲང་དང་བཅས། །ཟུག་གཟེར་བཅས་པའི་རིམས་སྐྱེད་འགྱུར། །གདོན་ཞུགས་སྨན་གྱི་དྲི་དང་དུག །ཁྲོས་འཇིགས་མྱ་ངན་གདོན་ལས་འབྱུང་། །མངོན་པར་ཟིན་ལས་བྱུང་རིམས་ཡིན། །
[131a.5]འདིར་གདོན་རྒྱུ་མེད་དགོད་ཅིང་ངུ་། །སྨན་གྱི་དྲི་བསྐྱེད་བརྒྱལ་བ་དང་། །སྦིད་པ་གླད་ནད་སྐྲངས་པར་འགྱུར། །དུག་ལས་བརྒྱལ་དང་ཚད་པར་འཁྲུ། །མདོག་ནག་ལུས་ཚ་སྙིང་ནད་འབྱུང་། །ཁྲོས་པས་ལུས་འདར་གླད་ནད་འགྱུར། །མྱ་ངན་འཇིགས་ལས་བླ་བར་འགྱུར། །འདོད་
[131a.6]ལས་མགོ་འཁོར་ཡིད་འཆུས་ཚ། །ངོ་ཚ་གཉིད་བློ་བརྟན་ཉམས་འགྱུར། །གདོན་ལ་སོགས་པ་འདུས་པའི་རིམས། །འཇིག་ཚོགས་གསུམ་ནི་རླུང་གི་རིམས། །ཁྲོ་ལས་མཁྲིས་པ་ལྡང་བར་འགྱུར། །དམོད་པ་བྱད་བྱས་ལས་བྱུང་གང་། །འདུས་པའི་རིམས་ནི་མི་བཟད་པ། །དེ་ནི་
[131a.7]ཤིན་ཏུ་བཟོད་དཀར་བཤད། །དེ་ལ་བྱད་བྱས་སྔགས་ཀྱིས་ནི། །སྦྱིན་སྲེག་བྱས་པ་བཞིན་དུ་བྱས། །ཐོག་མར་སེམས་འབབ་དེ་འོག་ལུས། །དེ་ནས་ཐོར་བུ་མགོ་འཁོར་སྐོམ། །ཚ་བཅས་བརྒྱལ་བས་ཟིན་གྱུར་བའི། །རིམས་ནི་ཉིན་རེ་བཞིན་དུ་འཕེལ། །དེ་ལྟར་རིམས་ནི་བརྒྱད་དུ་བཅས། །
[131b]
[131b.1]དེ་དག་མདོར་ན་རྣམ་གཉིས་ཏེ། །ལུས་དང་སེམས་ཀྱི་རིམས་དང་ནི། །གྲང་དང་ཚ་དང་ཕྱི་ནང་གནས། །རང་བཞིན་དང་ནི་གྱུར་བ་དང་། །གསོར་རུང་གསོར་མི་རུང་བ་དང་། །སྨིན་དང་མ་སྨིན་ཞེས་བྱའོ། །ལུས་རིམས་ཐོག་མར་ལུས་ཚ་བྱེད། །སེམས་ཀྱི་དང་པོར་སྙིང་ཚ་འགྱུར། །
[131b.2]རླུང་དང་བད་ཀན་ཅིག་ཅར་ནི། །འབྱུང་ཚེ་གྲང་བའི་རིམས་སུ་འགྱུར། །མཁྲིས་པ་དང་ལྡན་ཚ་བ་སྟེ། །འདྲེས་པས་འདྲེས་པའོ་ནང་གནས་པ། །རིམས་ནད་དཀྱེལ་ནི་བསྐྱེད་འགྱུར་ནས། །ནང་ན་ན་ཞིང་བཤང་གཅི་སྲི། །ཕྱི་རོལ་རིམས་ནི་ཚ་བ་དང་། །ཕྱི་རོལ་གནས་པ་གསོ་བར་སླ། །
[131b.3]དབྱར་དང་སྟོན་དང་དཔྱིད་དུས་སུ། །རླུང་སྩོགས་རིམ་འབྱུང་རང་བཞིན་རིམས། །གཞན་དུ་གྱུར་པ་དེ་གསོ་དཀའ། །ཕལ་ཆེར་རླུང་ནི་རང་བཞིན་རིམས། །ཡིན་ཡང་གསོ་བར་དཀའ་བ་ཡིན། །དབྱར་དུས་རླུང་ནད་ལྡང་འགྱུར་ན། །མཁྲིས་པ་བད་ཀན་ལྡན་རིམས་འགྱུར། །སྟོན་ཀ་མཁྲིས་བས་ནད་
[131b.4]སློང་སྟེ། །བད་ཀན་དེ་ཡི་གྲོགས་བྱེད་འགྱུར། །དེར་ནི་སྨྱུང་བ་བྱས་གྱུར་ཀྱང་། །གནོད་པར་འགྱུར་བ་མ་ཡིན་ནོ། །བད་ཀན་དཔྱིད་ལྡང་དེ་ཡང་ནི། །དེ་རྗེས་རླུང་དང་མཁྲིས་པ་འབྱུང་། །ཉམས་སྟོབས་ཆེ་ཞིང་ནད་ཚབས་ཆུང་། །བླ་བརྣན་མེད་རིམས་གསོ་བར་སླ། །རྣམ་ཀུན་འགྱུར་བཞེས་
[131b.5]བྱ་བར། །གསོར་མི་རུང་བ་སྔར་བཤད་དོ། །རིམས་ཀྱི་ནད་ཚབས་ཆེ་ཞིང་ཚ། །ཁོང་རྨྱ་ཉམ་ཆུང་གཅིན་མང་དང་། །བཤང་སྲི་ཁ་ཟས་མི་འཇུ་ལ། །བཀྲེས་ཆུང་མ་སྨིན་རིམས་མཚན་ཉིད། །རིམས་ཤུགས་སྟོབས་ཆེ་སྐོམ་དད་ཆེ། །བླ་ཞིང་མགོ་འཁོར་དབུགས་མི་བདེ། །བཤང་གཅི་
[131b.6]བདེར་འབྱུང་ནད་བསྐྱོད་པ། །སྨིན་པར་འགྱུར་པའི་མཚན་མ་ཡིན། །མ་སྨིན་གོ་བཟློག་མཚན་ཉིད་དང་། །ཞག་བདུན་སྨྱུང་བྱས་ལས་སྨིན་བཤད། །རིམས་ནི་ནད་ཀྱི་དུས་དང་ནི། །སྟོབས་ཆུང་ཆེ་ལས་རྣམ་ལྔར་བཤད། །ཕལ་ཆེར་འདུས་པར་གྱུར་བ་ཡི། །རིམས་སུ་མང་དུ་
[131b.7]འགྱུར་བར་བཤད། །རྒྱུན་དང་རྟག་པ་ཉིན་གཅིག་པ། །ཉིན་གསུམ་པ་དང་ཉིན་བཞི་བའོ། །ལུས་ཟུངས་བཤང་གཅི་རྒྱུ་བ་ཡི། །བུ་གནད་ཀྱིས་ཁྱབ་བྱས་པས། །ལུས་ཀུན་ཚ་བར་གྱུར་ནས་ནི། །གནོད་བྱ་སྩོགས་དང་མཉམ་པར་འཕེལ། །སྟོབས་ཆེ་ལུས་ལྕི་རྐང་ལག་རེངས། །ཁྱད་པར་དུ་ནི་
[132a]
[132a.1]དངས་མར་གནས། །གཉེན་པོས་བཅོས་དཀའ་བཟོད་པར་དཀའ། །རྒྱུན་གྱི་རིམས་སུ་འགྱུར་བ་ཡིན། །དེ་ཡི་དྲོད་ཀྱིས་དྲི་མ་དང་། །ལུས་ཟུངས་མྱུར་དུ་ཟད་པར་བྱེད། །དེ་འོག་རྣམ་ཀུན་ལུས་ཟུངས་སྩོགས། །དག་པའམ་མ་དག་རིམས་ཀྱིས་ནི། །རླུང་དང་མཁྲིས་
[132a.2]པ་བད་ཀན་ཞག །བདུན་ནམ་བཅུའམ་བཅུ་གཉིས་གནས། །ཕལ་ཆེར་མཚམས་ལས་མི་འདའ་བར། །འཚོ་བའམ་འཆི་བ་དག་ཏུ་བྱེད། །དེ་སྐད་མེ་བཞིན་འཇུག་གིས་བཤད། །ལྗང་སྔོན་གྱིས་ནི་བཤད་པའི་གཞུང་། །བདུན་པ་ཉིས་བལྡབ་གྱུར་བ་ཡིན། །དེ་བཞིན་དགུ་དང་བཅུ་གཅིག་
[132a.3]བལྡབ། །འདི་ནི་ནད་གཞི་གསུམ་གྱིས་ཚིགས། །འཚོ་དང་འཆི་བར་བྱེད་པ་ཡིན། །རིམས་དུས་དག་དང་མ་དག་ལས། །ཡུན་རིངས་དུས་སུ་གནས་པ་ཡིན། །ནད་རྩེ་ཞིལ་བ་ཉམ་ཆུང་དང་། །ཁ་ཟས་མི་འཕྲོད་སྩོགས་བསྟེན་པས། །ནད་དཀྱེལ་ཆུང་ཡང་གནོད་བྱ་སྩོགས། །བརྟེན་ཏེ་
[132a.4]སྟོབས་ཆེ་ཉིད་གྱུར་ལས། །གཉེན་པོར་བཅས་ཤིང་འཕེལ་འབྲི་གནས། །མི་བཟད་པ་ནི་ཉིད་དུ་འགྱུར། །དེ་རྣམས་ཀྱིས་ནི་ནད་ཀྱི་སྟོབས། །རང་གི་དུས་སུ་རིམས་སྟོབས་སྐྱེད། །སླར་ཡང་དེ་དག་བཅོས་ཐབས་ཀྱིས། །སྟོབས་ཆེ་ཆུང་ལས་ལྡོག་པར་བྱེད། །ནད་ཟད་རིམས་ནི་ཕྲར་གྱུར་
[132a.5]པ། །བཅུད་ལ་སོགས་པ་ཉིད་ལ་ཐིམ། །ཐིམ་པས་ལུས་རིད་ཤ་མདོག་ཉམས། །རྨོངས་བག་ལ་སོགས་དེ་ཡིས་སྐྱེད། །ཉེ་ཞིང་ཁ་ནི་བྱེ་བའི་ཕྱིར། །དངས་མ་རྒྱུ་བའི་རྩ་སྒོ་ལས། །ལུས་ཀུན་མྱུར་དུ་ཁྱབ་པ་ནི། །ནད་ཀྱིས་སྐྱེ་བར་བྱེད་པ་ཡིན། །དེས་ན་རྒྱུན་ཏུ་རྟག་རིམས་འགྱུར། །
[132a.6]དེ་ལས་བཟློག་པ་ཚུལ་མི་འདྲ། །མི་སྙོམས་རྩོལ་བ་མི་མཉམ་པ། །བྱ་བའི་དུས་མིན་མཉམ་ཡུན་རིང་། །དེ་ནི་ཉིན་མཚན་ལན་གཉིས་ལྡང་། །གཞན་དག་ཉིན་རེ་ལན་རེ་ཡིན། །ཕལ་ཆེར་ནད་ནི་ཁྲག་ལ་བརྟེན། །རྟག་པའི་རིམས་ནི་བྱེད་པར་འགྱུར། །
[132a.7]དེ་ཡང་ཉིན་མཚན་ལན་གཉིས་ལྡང་། །ཉིན་གཅིག་ཉིན་རེ་ལན་རེ་ལྡང་། །དེ་ནི་ཤ་ཡི་རྩ་ལ་བརྟེན། །གསུམ་པ་ཚིལ་གྱི་རྩ་ལ་གནས། །མཁྲིས་པ་རླུང་གཉིས་སྤྱི་ནས་འཛིན། །བད་ཀན་མཁྲིས་གྱུར་སུམ་མདོ་ན། །རླུང་དང་བད་ཀན་རྒྱབ་ནས་འཛིན། །དེ་ནི་ཞག་གཅིག་གིས་ཆོད་ཡིན། །ཉིན་བཞི་པའི་རིམས་
[132b]
[132b.1]ནད་ཚིལ་དང་། །རྐང་དང་རུས་པའི་ནང་ན་གནས། །གཞན་དག་ཚིལ་ཉིད་ལ་གནས་ཟེར། །དེ་ཡི་ནུས་པ་བསྟན་པ་ནི། །བད་ཀན་གྱིས་ནི་བྱིན་གཉིས་ན། །རླུང་གིས་གླད་པ་ན་བར་བྱེད། །རུས་རྐང་གཉིས་ཀར་ཞུགས་པ་ཡིན། །ཉིན་བཞི་པ་ནི་གོ་བཟློག་པའོ། །ཉིན་གསུམ་པས་ནི་ཉིན་གཉིས་ན། །ཉིན་ཅིག་ན་བར་མི་བྱེད་དོ། །ནད་རྣམས་ཀྱི་ནི་སྟོབས་
[132b.2]ཆེ་ཆུང་། །ཟས་དང་སྤྱོད་པ་ལས་འབྱུང་ཞིང་། །དེ་བཞིན་རིམས་རྣམས་འབྱུང་བ་ནི། །ཡིད་དང་ལས་ལས་སྐྱེ་བར་འགྱུར། །ནད་ཀྱིས་ལུས་ཟུངས་དཀྲུགས་གྱུར་པ། །ནད་སོས་ཉི་ཚེ་ཞུ་བར་འགྱུར། །དེ་ཚེ་ནད་བ་དབུགས་དྲག་རྡུལ། །མཁུན་ཞིང་སློན་བྱེད་འགྲེ་བ་དང་། །ལུས་འདར་ཚིག་མང་ཚབ་དང་། །ལུས་གྲང་བཞིན་མདོག་ཉམས་པ་
[132b.3]དང་། །དྲན་སྟོར་རིམས་ཀྱི་ཤུགས་ཀྱིས་གཟིར། །ཁྲོས་པའི་ཚུལ་གྱིས་ལྟ་བ་དང་། །བཤང་བ་ནད་དང་སྒྲར་བཅས་པ། །སླ་བ་ཤུགས་དྲག་འབྱུང་བ་ཡིན། །ལུས་ནི་ཡང་ཞིང་རྨྱ་དང་རྨོངས་བག་ཚ་བ་མེད། །ཁ་ན་ཐོར་བུ་འབྱུང་དང་དབང་པོ་བརྟས་ཤིང་བདེ། །ཡིད་ནི་སོར་གནས་རྡུལ་སྦྲིད་བདེར་འབྱུང་ཡི་ག་འབྱེད། །མགོ་བོ་གཡའ་བ་རིམས་
[132b.4]ནད་འབྱང་བའི་མཚན་མ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། །ནད་གཞིའི་གནས་ཀྱི་ལེའུ་གཉིས་པའོ།། །།དེ་ནས་ཁྲག་དང་མཁྲིས་པ་དང་ལུད་པའི་ནད་གཞི་བཤད་པར་བྱའོ། །རབ་དྲོ་རབ་རྣོ་ཚ་དང་སྐྱུར། །ལན་ཚྭ་ལ་སོགས་ཚ་བ་དང་། །ཁྲེ་རྒོད་ཨུཏྤ་ལ་ཡི་ཟས། །དེ་བཅས་ཤིན་ཏུ་བསྟེན་དྲགས་དང་། །མཁྲིས་པ་ཅན་གྱི་མཁྲིས་ནད་ནི། །གཤེར་དང་ཁྲག་རྒྱས་ནད་
[132b.5]དུ་འགྱུར། །དེ་ནི་ཕན་ཚུན་འདྲེས་གྱུར་བས། །ལུས་ཀུན་ཁྱབ་པར་བྱེད་པར་འགྱུར། །མཁྲིས་པ་ཁྲག་ལས་གྱུར་པ་དང་། །འདྲེས་དང་གནོད་བྱ་ལས་དང་གཅིག། །མདོག་དང་དྲི་ནི་རྗེས་མཐུན་པས། །ཁྲག་གི་མིང་དུ་བསྟན་པ་ཡིན། །དེ་ནི་ཁྲག་གནས་
[132b.6]མཆིན་པ་དང་། །མཆེར་པ་ལས་ནི་འབྱུང་བར་འགྱུར། །མགོ་བོ་ལྕི་ཞིང་ཡི་ག་འཆུས། །བསིལ་འདོད་སྒྲེགས་པ་དུད་ཅན་སྐྱུར། །སྐྱུག་ཅིང་སྐྱུགས་མདོག་བཙོག་པར་སྣང་། །ལུད་པ་དབུགས་མི་བདེ་མགོ་འཁོར། །ཁོང་སྙོམ་ཁྲག་དམར་ཉ་དྲི་བྲོ། །ཁ་དྲི་མི་ཞིམ་སྐད་འགགས་ལ། །མིག་ལ་སྩོགས་པའི་ཁ་དོག་ནི། །
[132b.7]དམར་དང་ལྗང་དང་སེར་པོར་སྣང་། །རྨི་ལམ་དུ་ཡང་ཁ་དོག་དེ། །འདིར་ནི་མཐོང་བར་འགྱུར་བ་ཡིན། །སྟོད་དུ་སྣ་མིག་རྣ་བ་ཁ། །སྨད་དུ་བཤང་སྒོ་ཕོ་མོའི་མཚན། །བ་སྤུའི་བུ་ག་ཀུན་ལས་ཀྱང་། །ཁྲག་རབ་རྒྱས་པ་འབྱུང་བར་འགྱུར། །སྟོད་ཀྱི་བད་ཀན་ཡིན་གསོ་སླ། །དེ་ནི་བཀྲུ་སྨན་བཏང་བས་གསོ། །སྨན་མང་ཡོད་ཅིང་
[133a]
[133a.1]མཁྲིས་པ་ཡི། །སྨན་གྱི་མཆོག་ནི་བཀྲུ་སྨན་ཡིན། །ཟླ་ལ་ཡོད་པའི་བད་ཀན་ཡང་། །དེར་ནི་དེ་ཡིས་སྦྱངས་བྱས་འགྱུར། །དེ་ལ་སྨན་ནི་མངར་དང་བསྐ། །བད་ཀན་དག་ལ་ཕན་པ་ལ། །གང་གཏོགས་ངང་གིས་བད་ཀན་སེལ། །ཁ་དང་བསྐ་བ་སྨོས་ཅི་དགོས། །ཐུར་དུ་འབྱུང་བའི་རླུང་ཡིན་ཕྱིར། །དེ་ནི་སྐྱུག་སྨན་བཏང་
[133a.2]བས་གསོ། །མཁྲིས་པའི་སྨན་ནི་ཉུང་བ་ཡིན། །སྐྱུག་སྨན་མཁྲིས་པའི་སྨན་མཆོག་ཡིན། །ཟླ་ལ་ཡོད་པའི་རླུང་ནད་ཀྱང་། །དེ་ནི་དེ་ཡིས་ཞི་མི་འགྱུར། །དེ་ལ་རོ་ནི་མངར་བསྐོལ་བ། །འབའ་ཞིག་ཕན་པར་འགྱུར་བ་ཡིན། །བད་ཀན་རླུང་ནི་འདྲེས་པའི་ནད། །གཉི་གར་འབྱུང་བ་གསོ་དཀའ་སྟེ། །བཟློག་པའི་ཐབས་ནི་མེད་ཕྱིར་དང་།
[133a.3]སྨན་ཡང་ཡོད་པ་མ་ཡིན་ནོ། །འདི་ལས་བཟློག་པར་བྱ་བའི་ཐབས། །སྦྱང་བའང་ཡོད་པ་མ་ཡིན་ཏེ། །སྦྱངས་པས་བཟློག་པར་བྱ་བ་དང་། །སྨན་པས་ཁྲག་མཁྲིས་གསོ་བ་ཡིན། །མཁྲིས་པ་ཉེ་བར་ཞི་བ་ཡང་། །འདི་ལས་ཡོང་ཡེ་ཡོད་མ་ཡིན། །འདྲེས་པར་གྱུར་བའི་ནད་ལ་ནི། །ཐམས་ཅད་སེལ་བའི་ཞི་བྱ་ཕན། །དེ་ལ་ནད་དང་རྗེས་
[133a.4]མཐུན་པའི། །གཏར་ག་བཏབ་སྟེ་བརྟག་པར་བྱ། །བླ་བརྣན་བྱུང་བར་གྱུར་པ་དག །འགྱུར་བར་ཤེས་ལས་རྟོགས་པར་བྱ། །དེ་ལ་ལུད་པ་མྱུར་གནོད་བྱེད། །དེ་ཕྱིར་དེ་ཉིད་བཤད་པར་བྱ། །ལུད་པ་རླུང་མཁྲིས་བད་ཀན་དང་། །གློ་རྡོལ་གློ་གཅོང་ལ་ལྔར་བཤད། །ཐམས་ཅད་མ་གསོས་ཟད་བྱེད་འགྱུར། །ཕྱི་མ་བཞིན་དུ་སྟོབས་ཆེན་ཡིན། །དེ་
[133a.5]རྣམས་འབྱུང་བར་འགྱུར་བའི་རྟགས། །གྲེ་བ་གཡའ་ཞིང་ཡི་ག་འཆུས། །གྲེ་ནང་གྲ་མས་གང་སྙམ་སེམས།།དེ་ལ་ཐུར་རྒྱུའི་རླུང་གནོད་འགྱུར། །སྟོད་དུ་སོང་སྟེ་བྲང་དུ་ཕྱིན། །དེ་ཚེ་མགུལ་བའི་ནད་དུ་ཞེན། །མགོ་བའི་རྩ་རྣམས་བཀང་ནས་ནི། །དེ་ནས་ཡན་ལག་འདེགས་པ་ལྟར། །གཡེངས་བྱེད་མིག་རྡོལ་ཙམ་དུ་ན། །རྒྱབ་བྲང་
[133a.6]རྩིབ་ལོགས་ན་ཞིང་ཟུག །ཁ་རུ་འབྱུང་ཞིང་རྒྱུ་བ་ནི། །ལུད་པ་སྣོད་ཆག་འདྲའི་སྒྲ་འབྱུང་། །ནད་གཞིའི་དབྱེ་བས་ནད་ཀྱང་ནི། །ཐ་དང་ཤུགས་དང་བཅས་པ་ཡིན། །ནད་གང་སྒྲ་ནི་མི་སྙོམས་པའི། །དེ་ལས་ལུད་པ་འབྱུང་བ་ཡིན། །རླུང་ནད་སྐྱེས་པ་རླུང་འཁྲུགས་པ། །བྲང་དང་གྲེ་བ་སྐམ་ཞིང་། །སྙིང་བྲང་རྩིབ་ལོགས་ཀླད་པ་
[133a.7]གཟེར། །རྨོངས་བག་ཁོང་འཁྲུགས་སྐད་འགགས་ཤིང་། །ལུད་པ་སྐམ་པོ་འབྱུང་བྱེད་ཅིང་། །ན་བའི་ཤུགས་དྲག་སྒྲ་ཆེར་འབྱུང་། །ལུས་ཀུན་བརྩེ་བཅས་བད་ཀན་སྐམ། །འཐོན་པར་དཀའ་ཞིང་ཉུང་ངུ་འབྱུང་། །མཁྲིས་པས་མིག་དང་བད་ཀན་སེར། །ཁ་ནང་ཁ་ཞིང་རིམས་མགོ་འཁོར། །ཁྲག་མཁྲིས་སློན་ཞིང་སྐོམ་
[133b]
[133b.1]དད་ཆེ། །སྐད་འགགས་དུད་འདྲ་སྐྱུར་བ་དང་། །ལུད་པའི་ཤུགས་ཀྱི་རྒྱུན་འབྱུང་བ། །སྐར་མདའ་འཕྲོ་བ་ལྟ་བུར་སྣང་། །བད་ཀན་ལས་བྲང་ནད་ཚབས་ཆུང་། །མགོ་ལྕི་སྙིང་ག་གང་སྙམ་སེམས། །གྲེ་བར་བསྐུས་འདྲ་སྙོམ་པར་བྱེད། །ཆམ་འདེབས་ཟས་སྐྱུག་ཡི་ག་འཆུས། །སྤུ་རྩེ་ལུད་པ་སྐམ་པ་དང་། །སྣུམ་ཞིང་དཀར་བ་འབྱུང་བར་
[133b.2]འགྱུར། །སྟོབས་འགྱེད་ལ་སོགས་དྲག་ཤུལ་རྣམས། །མི་ནུས་བཞིན་བྱས་དེ་དང་དེས། །རླུང་གིས་བྲང་ནང་གློ་དྲལ་ལ། །མཁྲིས་པ་རྗེས་འབྲངས་དཀྱེལ་གྱུར་པ། །འཁྲུགས་ཏེ་ལུད་པ་ལུ་བར་བྱེད། །དེ་ནི་བད་ཀན་ཁྲག་བཅས་དང་། །སེར་ཞིང་གནག་ལ་སྐམ་པ་དང་། །རིལ་རིལ་པོར་མནམ་མང་དུ་འབྱུང་། །འབྱུང་ཚེ་གྲེ་བ་ན་བ་དང་། །
[133b.3]བྲང་ནི་དྲལ་བ་སྙམ་དུ་སེམས། །ཁབ་ནི་རྣོན་པོས་ཕུག་སྙམ་སེམས། །གཟེར་གྱིས་འདེབས་པར་བྱེད་པ་དང་། །ཚིགས་འབྱེ་རིམས་དང་དབུགས་མི་བདེ། །སྐད་འགགས་ལུས་འདར་སྐོམ་དད་ཆེ། །ཕུག་རོན་ལྟ་བུར་མཁུན་འབྱིན་ཏོ། །རྩིབ་ལོགས་གཟེར་འགྱུར་དེ་ནས་ནི། །རིམ་གྱིས་སྟོབས་དང་མེ་དྲོད་དང་། །ནུས་པ་ཉམས་ནི་འབྲི་བར་
[133b.4]འགྱུར། །ཟད་བྱེད་ཀྱིས་གཅིན་ཁྲག་དང་བཅས། །རྒྱབ་དང་རྐང་པ་ན་བར་འགྱུར། །གཙོ་བོ་རླུང་ནི་འཁྲུགས་པ་ཡིས། །ལུས་ཟུངས་ཟད་བྱེད་ནད་རྒྱལ་བོ། །གློ་གཅོང་གི་ནི་གནས་བྱེད་ཅིང་། །ལུད་པ་ལུ་ཞིང་བད་ཀན་འབྱུང་། །རྣག་འདྲ་མནམ་ཞིང་སེར་བ་དང་། །རུལ་ཞིང་རྩ་སྔོ་དམར་བ་དང་། །རྩིབ་ལོགས་བཏོན་པ་ལྟར་སེམས་ཤིང་། །སྙིང་ནི་
[133b.5]ལྟུང་བསྙམ་དུ་བྱེད། །རྒྱུ་མེད་དྲོ་དང་གྲང་བ་འདོད། །ཟས་མང་ཟ་ཞིང་ཉམས་སྟོབས་ཟད། །བཞིན་ནི་སྣུམ་ཞིང་དང་བར་སྣང་། །མིག་ནི་མདང་ལྡན་པ་ལྟ་སྡུག་འགྱུར། །དེ་ནས་དེ་ལས་ཟད་བྱེད་འགྱུར། །ཐམས་ཅད་འབྱུང་བར་འགྱུར་བ་ཡིན། །དེ་ལྟར་གློ་རྡོལ་ལས་བྱུང་ལུད། །ཉམ་ཆུང་ལུས་ནི་འཇིག་བྱེད་དེ། །སྟོབས་ལྡན་གསོ་བ་བརྩམ་དུ་རུང་། །
[133b.6]གློ་གཅོང་ལས་བྱུང་དེ་དང་འདྲ། །དེ་གཉིས་གསར་བྱུང་མགོན་ལྡན་འགྲུབ། །ནད་གཞི་ཐ་དད་གསུམ་གསོར་རུང་། །གཉིས་འདྲེས་ཀུན་ཀྱང་རྒན་པོ་ནི། །ན་ཚོད་ཟད་བཏབ་འཚོ་བཙམ། །ལུད་པ་ཡལ་བར་བོར་བ་ལས། །དབུགས་མི་བདེ་དང་ཟད་བྱེད་སློན། །སྐད་འགགས་ལ་སོགས་ནད་འབྱུང་འགྱུར། །དེ་ཕྱིར་དེ་ནི་མྱུར་དུ་གསོ། །ཡན་
[133b.7]ལག་བརྒྱད་པའི་སྙིང་པོ་བསྡུས་པ་ལས། །ནད་གཞིའི་གནས་ཀྱི་ལེའུ་གསུམ་པའོ།། །།དེ་ནས་དབུགས་མི་བདེ་བ་དང་སྐྱིགས་བུས་བཏབ་པའི་ནད་གཞི་བཤད་པར་བྱའོ། །ལུད་པ་འཕེལ་བའམ་སྔར་ནད་གཞི། །འཁྲུགས་ལས་དབུགས་མི་བདེ་འབྱུང་འགྱུར། །མ་ཞུ་ཚད་འཁྲུ་སློན་དུག་འཐུངས། །སྐྱ་རྦབ་རིམས་བཏབ་ལས་ཀྱང་འབྱུང་། །
[134a]
[134a.1]ཕྲན་ཚེགས་མུན་ཅན་ཆད་པ་དང་། །ཆེན་པོ་གྱེན་འབྱུང་རྣམ་པ་ལྔ། །བད་ཀན་གྱིས་ནི་རྒྱུ་ལམ་བཀག །རླུང་ནི་སྣ་ཚོགས་ཁྱབ་པར་གནས། །སྲོག་དང་ཟས་སྐོམ་རྒྱུ་བའི་ལམ། །སྦུ་གུ་ནད་ཀྱིས་བཀག་པས་ན། །མ་ཞུའི་གནས་ནས་འབྱུང་བའི་དབུགས། །བྲང་གནས་དབུགས་མི་བདེ་བར་བྱེད། །དེ་ཡི་སྔོན་
[134a.2]ཚུལ་སྙིང་རྩིབ་ལོགས། །གཟེར་ཞིང་སྲོག་རླུང་མི་མཐུན་རྒྱུ། །སྤོས་དང་མུར་འགྲམ་ན་བ་ཡིན། །དེས་ནི་དྲག་ཤུལ་འགྲངས་དྲགས་པས། །བསྐྱོད་པའི་རྔམ་པ་ཕྲན་ཚེགས་འགྱུར། །དེ་ནི་རང་ཉིད་ཞི་བར་འགྱུར། །རླུང་གིས་རྩ་སྦུབས་ལོགས་རྒྱུ་བྱེད། །བད་ཀན་སློངས་པར་གྱུར་ནས་ནི། །ཀླད་པ་མགུལ་བའི་ནང་སོང་སྟེ། །བྲང་དང་
[134a.3]རྩིབ་ལོགས་ན་བར་བྱེད། །ལུད་པ་ངར་སྒྲ་འཛེར་མི་དྲན། །ཆམ་པ་མི་བཟད་ཡི་ག་འཆུས། །མི་བཟད་ཤུགས་ནི་སྐྱེད་བྱེད་ཅིང་། །དབུགས་མི་བདེ་བདེའི་ཤུགས་ཀྱིས། །སྲོག་ལ་གནོད་འགྱུར་ལུད་པའི་མཐར། །སྐད་ཅིག་བདེ་བར་བྱེད་པ་ཡིན། །ཉལ་ཚེ་ཤིན་ཏུ་མི་བདེ་ལ། །འདུག་ན་ཅུང་ཟད་བདེ་བར་འགྱུར། །མིག་གདངས་
[134a.4]འཕྲལ་བའི་ཕྱོགས་ནས་ནི། །རྔུལ་འཛག་ཤིན་ཏུ་ན་བས་ཉེན། །ཁ་སྐམ་དབུགས་ནི་བསྟུད་མར་འབྱུང་། །དྲོ་བ་འདོད་ཅིང་འདར་དང་བཅས། །ཆར་འབབ་གྲང་དང་སེར་བུས་ཕོག །བད་ཀན་བསྐྱེད་པས་རྣམ་པར་འཕེལ། །མུན་ཅན་དེ་ནི་འཚོ་བྱ་ཙམ། །ཉམས་ལྡན་གསར་དུ་བཏབ་གསོ་སླ། །རིམས་དང་བརྒྱལ་
[134a.5]ལས་བྱུང་གང་བའི། །སྨན་གྱིས་ཞི་སྟེ་རབ་མུན་ཅན། །དབུགས་འཆད་དབུགས་འབྱིན་རྒྱུན་ཆད་པའི། །གནད་གཅོད་ནད་ཀྱིས་གཟིར་བར་བྱེད། །རྔུལ་བཅས་བརྒྱལ་དང་སྤོས་དང་བཅས། །ལྒང་པ་ཚ་ཞིང་གཅིན་འགགས་བྱེད། །མིག་མི་སྡུག་ཅིང་ཐུར་དུ་ལྟ། །མིག་གཅིག་དམར་ཞིང་དྲན་པ་སྟོར། །ཁ་སྐམ་སྨྲེ་ཞིང་སྐད་
[134a.6]གདངས་དམའ། །གཟིམ་དངས་ཉམས་ཤིང་སེམས་བྲལ་བའོ། །ཆེན་པོར་རོ་ཆེར་འབྱུང་ཞིང་། །སྒྲ་ཆེ་སྡུར་པ་དྲག་པ་དང་། །བསྐྱོད་པ་བཞིན་དུ་འབྱུང་འགྱུར་ཞིང་། །ཁྱུ་མཆོག་རྒྱགས་པའི་ང་རོ་འདྲ། །ཤེས་དང་རྣམ་ཤེས་རབ་ཉམས་ཤིང་། །མིག་འཁྲུལ་བཞིན་ནི་འགྱུར་བ་དང་། །རོ་སྟོད་ཞུམ་པར་འགྱུར་བ་དང་། །བཤང་
[134a.7]གཅི་འགགས་ཤིང་སྐད་གསང་ཉམས། །མགུལ་སྐམ་ཡང་དང་ཡང་མི་དྲན། །རྣ་བ་མུར་འགྲམ་ཀླད་པ་ན། །གྱེན་འབྱུང་དབུགས་ནི་རིང་དུ་འབྱིན། །སླར་ནི་ཐུར་དུ་རྔུབ་མི་ནུས། །བད་ཀན་གྱིས་ཁ་རྩ་སྒོ་འགགས། །རླུང་ནི་འཁྲུགས་པས་གཟིར་འགྱུར་བ། །གྱེན་དུ་བལྟ་ཞིང་འཁྲུལ་བྱེད་པས། །མིག་ནི་ཀུན་ཏུ་ལྟ་བྱེད་པ། །གནད་རྣམས་
[134b]
[134b.1]འཆད་པར་བྱེད་བཞིན་དུ། །སྐད་འགགས་སྨྲེ་སྔགས་འདོན་པར་བྱེད། །འདི་དག་མ་ཚང་གསོར་རུང་ལ། །ཚང་ན་ངེས་པར་སྲོག་འཕྲོག་བྱེད། །དབུགས་མི་བདེ་རྒྱུ་སྔོན་ཚུལ་དང་། །གྲངས་དང་རང་བཞིན་རྟེན་གཅིག་ཡིན། །སྐྱིགས་བུ་ཐས་བྱུང་ཕྲན་ཚེགས་དང་། །ཟུང་དང་ཆེན་པོར་འབྱུང་བ་དང་། །
[134b.2]ཟ་བདག་དང་རྣམ་པ་ལྔ། །དེ་ལ་རླུང་གིས་རིང་ཟོས་དང་། །རྩུབ་ཚ་སྲ་དང་མ་གོམས་པའི། །ཟས་དང་སྐོམ་གྱིས་བཙིར་གྱུར་པའི། །རླུང་གིས་སྐྱིགས་བུ་ནད་མེད་དང་། །སྒྲ་མི་གྲག་ཅིང་སྦྲིད་འབྱུང་སྟེ། །གང་ཞིག་གོམས་པའི་ཟས་སྐོམ་གྱིས། །ཞི་འགྱུར་
[134b.3]སྐྱིགས་བུ་ཟས་བྱུང་ཡིན། །དྲག་ཤུལ་གྱིས་རླུང་ཅུང་ཟད་བེ་སྐྱོད། །སྐྱིགས་བུ་ཕྲ་མོ་འབྱུང་བར་འགྱུར། །ནམ་ཚོང་རྩ་བ་ནས་འབྱུང་བྱེད། །དེ་ནི་ཤུལ་ངལ་འཇམ་པ་ཡིན། །རྩོལ་བ་དྲག་པོ་འཕེལ་འགྱུར་ལ། །ཟས་ཟོས་ཙམ་གྱིས་དལ་བར་འགྱུར། །
[134b.4]ཟུང་འབྱུང་ཚིགས་ནི་རིང་བལ། །གང་ཞིག་ཟས་ལས་འབྱུང་འགྱུར་བ། །འཇུ་བར་ཉེ་བའི་ཚེ་ན་འདབས། །ཟས་ཞུ་ཟིན་ནས་འཕེལ་འགྱུར་བའོ། །མགོ་དང་མགུལ་པ་འདར་བྱེད་ཅིང་། །སྦོ་དང་ཤིན་ཏུ་སྐོམ་དད་སྐྱེད། །བླ་དང་སློན་དང་ཚད་པར་འཁྲུ། །མིག་
[134b.5]གདངས་གླལ་ནི་འབྱུང་བར་འགྱུར། །སྐྱིགས་བུ་ཟུང་འབྱུང་ཤུགས་དྲག་ལ། །ཞུ་དང་བཅས་པར་དེ་ཤེས་བྱ། །སྐྱིགས་བུ་ཆེན་པོ་འབྱུང་བའི་ཚུལ། །སྨིན་མ་མུར་འགྲམ་གཉིས་རེངས་ཤིང་། །མི་གནས་མ་ཆི་འཛག་ཧར་བར་ལྟ། །ལུས་རེངས་ཚིག་ནི་ཐོགས་
[134b.6]བྱེད་ཅིང་། །དྲན་དང་འདུ་ཤེས་འཁྲུལ་པར་བྱེད། །མིད་པའམ་སྦུབས་ནི་འགགས་བྱེད་ཅིང་། །གནད་ཀྱི་ཚོགས་ནི་སྐྱོད་པར་བྱེད། །རྒྱབ་སྒུ་ལུས་ནི་ཁོང་སྐེམ་བྱེད། །རྩ་བ་ཆེ་ཞིང་སྒྲ་ཆེ་ལ། །ནད་ཚབས་ཆེ་ཞིང་སྟོབས་ཆེར་འབྱུང་། །ཞུ་བའི་གནས་སམ་ལྟེ་འོག་
[134b.7]ནས། །སྔ་མ་འདྲ་བར་གང་ཞིག་འབྱུང་། །དེ་འདྲའི་ཚུལ་ནི་བསྟུད་མར་འབྱུང་། །གླལ་དང་རྐང་ལག་བྱ་རྨྱང་བྱེད། །བྲག་ཅ་ཟབ་འབྱུང་ཟབ་མོའོ། །དེ་རྣམས་ལས་ནི་དང་པོ་ཡི། །གཉིས་པོ་གསོ་བར་བྱ་བ་ཡིན། །ཐ་མ་གཉིས་དང་ཟུང་འབྱུང་བ། །མཚན་ཉིད་
[135a]
[135a.1]ཀུན་རྫོགས་ཤུགས་དྲག་སྤང་། །འདི་དག་ཐམས་ཅད་ཡུན་རིངས་བསགས། །རྒད་པོ་བུད་མེད་ཀྱིས་དུབ་དང་། །ནད་ཀྱིས་ཉམ་ཆུང་ཟས་བཅད་པ། །གློ་རྡོལ་ནད་ཅན་སྤང་བར་བྱ། །ནད་ཀུན་གྱིས་འཆི་བྱེད་མོད་ཀྱི། །སྐྱིགས་བུ་དབུགས་མི་བདེ་(བལྟར,ལྟར)། །
[135a.2]ནད་གཞན་མྱུར་དུ་གསོད་མི་བྱེད། །འདི་དག་འཆི་ཚེ་ངེས་འབྱུང་འགྱུར། །ཡན་ལག་བརྒྱད་པའི་སྙིང་པོ་བསྡུས་པ་ལས་ནད་གཞིའི་གནས་ཀྱི་ལེའུ་བཞི་པའོ།། །།དེ་ནས་གློ་གཅོང་ཆེན་པོ་ཟད་བྱེད་ཀྱི་ལེའུ་བཤད་པར་བྱའོ། །ནད་ནི་དུ་མ་རྗེས་འབྲང་ཞིང་། །ནད་མང་སྔོན་དུ་
[135a.3]འགྲོ་འགྱུར་ལ། །རྒྱལ་པོ་ཟད་བྱེད་སྐེམ་བྱེད་དང་། །ནད་ཀྱི་རྒྱལ་པོ་ཞེས་ཀྱང་བཤད། །རྒྱུ་སྐར་རྣམས་དང་བྲམ་ཟེ་ཡི། །རྒྱལ་པོའི་གཅོང་དུ་སྔོན་གྱུར་ཅིང་། །གང་ཡང་ནད་ཀྱི་རྒྱལ་པོར་འགྱུར། །དེ་ཕྱིར་གནོད་པའི་རྒྱལ་པོར་བཤད། །ལུས་དང་སྨན་ནི་ཟད་བྱེད་ཅིང་། །
[135a.4]ཟད་ལས་འབྱུང་བས་ཟད་བྱེད་ཡིན། །དྲངས་སྩོགས་སྐེམས་པས་སྐེམ་བྱེད་ཡིན། །དེ་རྣམས་དེ་ལས་གསལ་པས་རྒྱལ། །དྲག་ཤུལ་བསྟེན་དང་ཤུགས་བཀག་དང་། །ཁུ་ཆུ་དྲངས་མ་སྣུམ་ཟད་དང་། །ཟས་སྐོམ་ཆོ་ག་དང་བྲལ་བསྟེན། །བཞི་པོ་འདི་དག་དེ་ཡི་རྒྱུ། །
[135a.5]དེ་ཡིས་རླུང་དང་མཁྲིས་པ་དང་། །བད་ཀན་བསླངས་ནས་ཐམས་ཅད་དུ། །ལུས་ཀྱི་ཚིགས་ཀུན་ལ་ཞུགས་ཏེ། །དེ་ཡིས་རྩ་སྒོ་ལ་གནོད་ཅིང་། །བུ་གའི་སྒོ་ནི་བཀག་པའམ། །ཡང་ན་ཤིན་ཏུ་ཁ་བྱེ་འགྱུར། །སྟོད་སྨད་ཐད་ཀར་གནས་ནས་ནི། །རང་གི་ནད་ནི་ཇི་བཞིན་
[135a.6]སྐྱེད། །དེ་འབྱུང་འགྱུར་བའི་སྔོན་ཚུལ་ནི། །ཆམ་འདེབས་སྦྲིད་པ་ཤིན་ཏུ་མང་། །མཆིལ་མ་ཁ་ནས་རོ་མངར་བྲོ། །ལུས་དང་མེ་དྲོད་ཉམ་ཆུང་བྱེད། །གཞོང་སྣོད་ཟས་སྐོམ་ལ་སོགས་ནི། །གཙང་ཡང་མི་གཙང་ཉིད་དུ་མཐོང་། །ཕལ་ཆེར་ཟས་དང་སྐོམ་སྩོགས་ལ།
[135a.7]སྦྲང་མ་སྐུ་དང་རྩ་སྩོགས་འབབ། །སྙིང་འཕར་སློན་བྲོ་ཡི་ག་འཆུས། །ཁ་ཟས་ཟོས་ཀྱང་ཉམས་སྟོབས་ཟད། །ལག་པར་ལྟ་ཞིང་རྐང་གདོང་སྐྲང་། །མིག་ནི་ཤིན་ཏུ་དཀར་པོར་སྣང་། །ལག་ངར་དག་ནི་འཇལ་བར་འདོད། །ལུས་ལ་འཇིགས་སུ་རུང་བར་མཐོང་། །བུད་མེད་
[135b]
[135b.1]ཆང་དང་ཤ་ལ་དགའ། །སྨོད་དང་ཀླད་པ་འགེབས་པར་བྱེད། །སྐྲ་དང་སེན་མོ་ཤིན་ཏུ་འཕེལ། །རྨི་ལམ་དུ་ནི་ཕྱེ་མ་ལེབ། །རྩངས་པ་སྡིག་སྦྲུལ་གཅན་གཟན་སྤྲེའུ། །བྱ་རྣམས་ཀྱིས་ནི་གཙེས་པར་མཐོང་། །སྐྲ་རུས་ཕུབ་མ་ཐལ་སྩོགས་ཀྱི། །ཕུང་པོ་ལ་ནི་
[135b.2]འཛེགས་པ་དང་། །ཡུལ་དང་གྲོང་ནི་སྟོང་པ་དང་། །ཆུ་ཀླུང་སྐམས་པར་རྨི་ལམ་མཐོང་། །སྐར་མདའ་རི་བོ་ལྟུང་བ་དང་། །ལྗོན་ཤིང་རྣམས་ནི་འབར་བ་རྨི། །སྟོད་དུ་གནས་ན་ཆམ་པས་འདེབས། །ལུད་པ་ལུ་ཞིང་དབུགས་མི་བདེ། །ཕྲག་པ་སྤྱི་བོ་ན་བ་དང་། །སྐད་འགགས་ཡི་ག་འཆུས་པར་
[135b.3]འགྱུར། །སྨད་གནས་བཤང་སླ་རྟུག་སྐེམ་བྱེད། །ནང་གྲོལ་ནང་གནས་སློན་པར་བྱེད། །ཐད་ཀར་གནས་པས་རྩིབ་ལོགས་ཟུག །ཚིགས་ལ་གནས་ན་རིམས་སུ་འགྱུར། །དེ་ལྟར་ནད་ཚུལ་བཅུ་གཅིག་ནི། །གཅོང་ཆེན་ལྡན་ལས་འབྱུང་བར་འགྱུར། །དེ་རྣམས་ཀྱི་ནི་བླ་བརྣན་དག །སྐད་
[135b.4]འགགས་བྲང་དུ་ན་བ་དང་། །ཁ་གླལ་ལུས་གྲུགས་མཆིལ་སྣབས་མང་། །དྲོད་ཉམས་ཁ་མནམ་ཡིན་ཤེས་བྱ། །དེ་ལ་རླུང་གྱུར་ཀླད་པ་དང་། །རྩིབ་ལོགས་ཟུག་ཤ་ཡན་ལག་ན། །སྐད་འགགས་མགུལ་པ་སུབས་པར་འགྱུར། །མཁྲིས་རྒྱས་རྐང་ལག་ཕྲག་པ་ཚ། །
[135b.5]ཚད་འཁྲུ་ཁྲག་ཏུ་སློན་པ་དང་། །ཁ་མནམ་རིམས་འདེབས་མྱོས་པར་འགྱུར། །བད་ཀན་ལས་གྱུར་ཡི་ག་འཆུས། །སློན་ལུད་ལུས་དང་ཡན་ལག་ལྕི། །མཆིལ་སྣབས་མང་ཞིང་ཆམ་པས་འདེབས། །དབུགས་མི་བདེ་སྐད་འགགས་དྲོད་ཉམས། །ནད་ཀྱི་མེ་དྲོད་ཉམ་ཆུང་
[135b.6]བས། །འབྱར་བཅས་བད་ཀན་རྒྱས་གྱུར་ནས། །རྩ་སྦུབས་སྒོ་ནི་འགགས་པ་དང་། །ལུས་ཟུངས་དྲོད་ནི་ཆུང་འགྱུར་བས། །དངས་མ་རང་གི་གནས་སུ་ནི། །མ་ཞུ་བླ་བརྣན་དེ་དང་དེ། །སྐྱེད་ཅིང་ཤ་སྩོགས་མི་འགྱུར་ལ། །ཁྲག་ནི་གྱེན་དུ་འབྱུང་བར་བྱེད། །ཁོང་པ་ཉིད་དུ་ཟས་
[135b.7]འདུ་བས། །དངས་མར་འགྱུར་བར་མི་བྱེད་ཅིང་། །ཕལ་ཆེར་དྲི་མ་ཉིད་འགྱུར་གྱི། །ལུས་ཟུངས་འཕེལ་བར་མི་བྱེད་དོ། །དངས་མ་ཁྲག་ཏུ་མི་འགྱུར་ན། །ཤར་འགྱུར་བ་ལྟ་སྨོས་ཅི་དགོས། །ཟད་བྱེད་ཅན་ནི་བཤང་འཕེལ་བ། །འབའ་ཞིག་གིས་ནི་གནས་པར་བྱེད། །མཚན་
[136a]
[136a.1]མ་ཆུང་ཡང་ཉམ་ཆུང་ཞིང་། །ནད་ཀྱིས་སྨན་གྱི་སྟོབས་མི་བཟོད། །སྤང་བྱ་དེ་ལས་གཞན་པ་ནི། །ཐམས་ཅད་ལྡན་ཡང་གསོ་བར་བྱ། །ནད་ནི་སྣ་རེ་འདུས་པ་དང་། །ཟད་བྱེད་ཚིལ་ལས་གྱུར་པ་དྲུག། །སྐད་འགགས་ཀྱི་ནི་དབྱེ་བ་ཡིན། །དེ་ལས་
[136a.2]རླུང་གཡོ་ཉམ་ཆུང་རྩུབ། །གྲེ་བ་གྲ་མས་གང་སྙམ་བྱེད། །དེ་ལ་སྣུམ་དྲོ་འོ་མ་ཕན། །མཁྲིས་པ་ལས་གྱུར་རྐན་ལྐོག་ཚ། །སྐམ་ཞིང་སྨྲ་བར་མི་ནུས་འགྱུར། །བད་ཀན་མགུལ་བ་བྱུགས་སྙམ་བྱེད། །སྐད་ཀྱི་གསང་དམའ་ངར་ངར་འཛེར། །ཐོགས་བཅས་
[136a.3]འགྱུར་རོ་ཐམས་ཅད་ཀྱི། །མཚན་མ་ཐམས་ཅད་ལྡན་པ་ཡིན། །ཟད་བྱེད་ལས་ནི་དྲུད་སྙམ་བྱེད། །དུ་བས་བདུགས་ལྟར་ཤིན་ཏུ་ན། །ཚིལ་གྱུར་བད་ཀན་བདག་གཉིད་ཅན། །ཚིག་གི་བརྡ་སྤྲོད་མི་ནུས་འགྱུར། །འདིར་ནི་འདུས་དང་ཐ་མར་སྤང་། །ཡི་ག་འཆུས་པའི་ནད་
[136a.4]རྣམས་ནི། །ལྕེ་སྙིང་གནས་པ་སོ་སོ་དང་། །འདུས་པ་དང་ནི་ཡིད་ཀྱི་ནི། །གདུང་བ་ལས་གྱུར་ལྔ་པ་ཡིན། །ཁ་ནི་བསྐ་དང་ཁ་མངར་བྲོ། །རླུང་སྩོགས་གསུམ་དང་རིམ་བཞིན་སྦྱར། །ཀུན་ལས་གྱུར་པ་རོ་བྲོ་མེད། །མྱ་ངན་ཁྲོ་སྩོགས་ནད་ཇི་བཞིན། །སློན་བྲོ་ནད་གཞི་
[136a.5]སྣ་རེ་ཀུན། །མི་སྡུག་ཡུལ་ལས་བྱུང་ལྔ་པ། །འདི་དག་སྟོད་དུ་རྒྱུ་བའི་རླུང་། །འཁྲུགས་པས་ནད་ནི་ཐམས་ཅད་ཕུལ། །དེ་རྣམས་བསླངས་ན་ཁ་ཚ་བྲོ། །མཆིལ་མང་ཡི་ག་འཆུས་སྔོན་བྱུང་། །རླུང་གྱུར་ལྟེ་བ་རྒྱབ་ཏུ་ཟུག །རྩིབ་ལོགས་ན་ཞིང་ཟས་སློན་ནས། །
[136a.6]ཅུང་ཟད་འབྱུང་ཞིང་ཆད་པ་དང་། །རོ་བསྐ་ལྦུ་བ་ཅན་དུ་སྐྱུགས། །སྒྲེགས་པའི་སྒྲ་བཅས་མདོག་གནག་ལ། །སླ་ཞིང་འབྱུང་དཀའ་སྒྲ་དང་བཅས། །ལུད་པ་ཁ་སྐམ་གླད་སྙིང་ན། །སྐད་འགགས་པ་དང་ཁོང་སྙོམ་བཅས། །མཁྲིས་གྱུར་ཐལ་ཆུ་འདྲ་བ་ལ། །དུང་ཁ་
[136a.7]ལྗང་སྔོན་མདོག་སེར་སྐྱུག །ཁྲག་བཅས་རོ་སྐྱུར་ཚ་ཞིང་བྲོ། །སྐོམ་དད་བརྒྱལ་ཚ་བརྡུངས་བཅས་ཡིན། །བད་ཀན་ལས་བྱུང་སྣུམ་བསྐ་བསིལ། །ནལ་ནལ་བོར་འདུག་དྲ་བ་རིས། །རོ་མངར་ལན་ཚྭ་བྲོ་ཚབས་ཆེ། །ཆགས་ཤིང་བ་སྤུ་བརྩེ་བར་བྱེད། །གདོང་
[136b]
[136b.1]སྐྲང་ཁ་ནང་མངར་བ་བྲོ། །སྙོམ་ཞིང་སྙིང་ན་ལུད་པ་ཅན། །གསུམ་ཆར་ལས་བྱུང་རྟགས་ཀུན་ལྡན། །འཆི་ལྟས་ལས་བཤད་གང་དེ་སྤང་། །རུལ་དང་མི་གཙང་བཙོག་པ་དང་། །སྐྱུགས་བྲོ་མཐོང་དང་ཐོས་སྩོགས་ཀྱིས། །ཡིད་གདུང་སྙིང་ལ་ཕོག་གྱུར་སློན། །
[136b.2]མི་སྡུག་ཡུལ་ལས་བྱུང་བ་ཡིན། །ཡིད་མི་བདེ་སྐོམ་སྲིན་བེའུ་སྣབས། །རླུང་སྩོགས་ཉིད་ལ་གནས་པར་བརྟག །གཟེར་དང་འཕར་དང་སྙིང་ན་བ། །བྱེ་བྲག་ཏུ་ནི་སྲིན་བུའི་ནད། །སྲིན་བུའི་སྙིང་ནད་མཚན་མ་ལས། །དེ་ནི་ཤེས་པར་བྱ་བ་ཡིན། །སྙིང་ནད་ནད་
[136b.3]ནི་རེ་རེ་འདུས། །སྲིན་བུ་ལས་གྱུར་རྣམ་ལྔར་བཤད། །རླུང་གིས་ཤིན་ཏུ་ཟུག་ཅིང་ན། །གས་དང་བཤགས་པ་སྙམ་དུ་སེམས། །བཅོམ་སྙམ་སེམས་ཤིང་སྐམ་ལ་རེངས། །སྙིང་ག་སྟོང་སྙམ་ཟག་པར་བྱེད། །རྒྱུ་མེད་ཞུམ་ཞིང་མི་དགའ་ལ། །འཇིགས་
[136b.4]ཤིང་དགྲ་ནི་མི་བཟོད་ཅིང་། །འཕར་ཞིང་འགྲེ་ལ་གཅུས་སྙམ་བྱེད། །རྨོངས་བག་དབུགས་ཐུང་གཉིད་ཆུང་འགྱུར། །མཁྲིས་གྱུར་སྙོམ་དང་མགོ་འཁོར་བརྒྱལ། །ཚ་རྔུལ་སྙིང་ག་སྐྱུར་ལུས་སྙོམ། །མཁྲིས་པ་སྐྱུར་བ་སློན་པར་བྱེད། །དུད་པ་ཁར་སོང་སེར་རིམས་
[136b.5]འདེབས། །བད་ཀན་ལས་བྱུང་སྙིང་ག་རེངས། །ཁོང་ན་རྡོ་བཅུག་ལྟ་བུར་ལྕི། །དྲོད་ཉམས་མཆིལ་མང་ལུད་པ་ལུ། །གཉིད་ཆེ་སྙོམ་རིམས་ཡི་ག་འཆུས། །ཉེས་གསུམ་མཚན་ཉིད་ཐམས་ཅད་ལྡན། །སྲིན་བུས་མིག་ནི་གནག་པ་དང་། །མུན་པར་
[136b.6]ཞུགས་སྙོམ་བྱེད་སྙིང་འཕར། །ལུས་སྐམ་གཡའ་ཞིང་བད་ཀན་འཛག །འདི་ནི་རྟག་ཏུ་སོག་ལེ་ཡིས། །སྙིང་ལ་འདྲུད་པ་ལྟ་བུར་སེམས། །མི་བཟད་ནད་དེས་མྱུར་གསོད་པས། །དེ་ནི་རིངས་པར་གསོ་བར་བྱ། །སྐོམ་དང་རླུང་མཁྲིས་བད་ཀན་དང་། །འདུས་
[136b.7]པ་དངས་མ་ཟད་པ་དང་། །ནད་འདྲེས་པ་ལས་དྲུག་ཏུ་འགྱུར། །དེ་ལྟར་གྱུར་པ་ཐམས་ཅད་ལ། །རླུང་མཁྲིས་གཉིས་ནི་རྒྱུ་ཡིན་ཏེ། །དེ་འཁྲུགས་ལུས་ཟུངས་བསིལ་བ་ནི། །སྐམས་ནས་ལྡང་བར་འགྱུར་བ་ཡིན། །ལུས་ཀུན་འདར་ཞིང་མགོ་འཁོར་ཚ། །སྐོམ་དང་ཁོང་ཚ་རྨོངས་པར་བྱེད། །
[137a]
[137a.1]ལྕེ་དྲུང་མགུལ་པ་གློ་བ་དང་། །སྐོམ་དད་སྐོམ་འཐུངས་རྒྱུ་བའི་རྩ། །སྐོམ་པས་སྐོམ་དད་སྐྱེ་བར་འགྱུར། །དེ་རྣམས་ཀྱི་ནི་སྤྱིའི་མཚན་ཉིད། །ཁ་སྐམ་སྐོམ་གྱིས་མི་ངོམས་དང་། །ཟས་ལ་མི་དགའ་སྐད་འགགས་དང་། །གྲེ་བ་ལྕེ་མཆུ་རྩུབ་མོར་འགྱུར། །ལྕེ་འབྱིན་བྱེད་ཅིང་ཁོང་སྙོམ་
[137a.2]ལ། །བླ་ཞིང་སེམས་ནི་མྱོས་པ་དང་། །དེ་བཞིན་སྐོམ་གདུང་ནད་དུ་འགྱུར། །ལུས་སྐམས་རྨྱ་ཞིང་འོན་པ་དང་། །རྨོངས་བག་མགོ་འཁོར་སྙིང་ནད་དེ། །འདི་ལྟ་བུ་ཡི་ནད་རྣམས་ནི། །སྐོམ་པས་གདུངས་ལས་སྐྱེ་བར་འགྱུར། །རླུང་འགྱུར་ཁོང་རྨྱ་ཉམ་ཆུང་ལ། །མུར་འགྲམ་ཟུག་ཅིང་ཀླད་པ་འཁོར། །སྣ་ལྕེས་དྲི་
[137a.3]དང་རོ་མི་ཚོར། །འོན་ཞིང་གཉིད་མེད་ཉམས་སྟོབས་ཟད། །ཆུ་གྲང་འཐུངས་ན་སྐོམ་འཕེལ་འགྱུར། །མཁྲིས་པ་ཁ་ནང་རོ་ཁྱབ་རྒྱལ། །མངར་པོར་མཐོང་ཞིང་རྟག་པར་ནི། །ཁ་སྐམ་ཁོང་ཚ་དབུགས་མནམ་པའོ། །བད་ཀན་ལྡང་བས་སྐོམ་རྒྱུའི་རྩ། །བཀག་པས་རླུང་ནི་འཁྲུགས་གྱུར་ནས། །དེ་ཚེ་དེ་ཡིས་བད་ཀན་
[137a.4]ནི། །འདམ་བཞིན་དེ་ཡིས་སྐེམ་པར་བྱེད། །མགུལ་པ་གྲ་མས་གང་སྙམ་སེམས། །གཉིད་ཆེ་ཁ་ནང་མངར་བར་བྲོ། །ལྟོ་བ་མགོ་བོ་ཚོར་བ་ཆུང་། །རྨོངས་བག་སློན་གྱུར་ཡིག་འཆུས། །ལུས་སྐམ་ཁ་ཟས་མི་འཇུའོ། །ཀུན་ལས་གྱུར་པ་རྟགས་ཀུན་ལྡན། །བེའུ་སྣབས་ལས་གྱུར་ཁ་ཟས་ནི། །མིད་དཀའ་རླུང་མཁྲིས་ལས་
[137a.5]གྱུར་ཡིན། །ཚ་བས་ངལ་བས་འཕྲལ་དུ་ན། །ཆུ་གྲང་བསྟེན་གྱུར་སྐོམ་དད་ཆེ། །ཁོང་པར་ཚ་བ་བསྡུས་པ་ཡིས། །སྐོམ་དད་དེ་ནི་མཁྲིས་སྐྱེས་ཡིན། །གང་ཡང་ཆང་དྲགས་མེ་དྲོད་རྣོ། །སྣུམ་ཟོས་སྐྱེས་པའང་མཁྲིས་འབྱུང་ཡིན། །སྣུམ་ཞིང་སྐྱུར་དང་ལན་ཚྭའི་བག །ཟོས་པས་བད་ཀན་ལས་སྐྱེས་འགྱུར། །ཟད་བྱེད་ལས་
[137a.6]ནི་སྐོམ་དད་འགྱུར། །དངས་མ་ཟད་དང་མཚན་ཉིད་འདྲ། །ཁོང་སྐམ་གཅིན་ནད་རིམས་ནད་སྩོགས། །ཡུན་རིངས་ནད་ནི་རིམས་སྐོམ་ནད། །གང་ཞིག་སྐོམ་དང་མི་བཟང་སྐྱེས། །དེ་ནི་འདྲེས་ལས་འབྱུང་བར་བཤད། །ཡན་ལག་བརྒྱད་པའི་སྙིང་པོ་བསྡུས་པ་ལས། །ནད་གཞིའི་གནས་ཀྱི་ལེའུ་ལྔ་པའོ། །
[137a.7]དེ་ནས་ཆང་ནད་ཀྱི་ནད་གཞི་བཤད་པར་བྱའོ། །རྣོ་དང་དྲོད་ཆེ་རྩུབ་ཕྲ་སྐྱུར། །ཉལ་པོ་འདོད་མྱུར་བྱེད་དང་ཡང་། །གསལ་དང་དང་བར་བྱེད་པར་བཤད། །མདངས་ནི་འདི་ལས་གོ་བཟློག་ཡིན། །དུག་ཀྱང་རྣོ་སྩོགས་ཡིན་མོད་ཀྱིས། །སེམས་ལ་གནོད་པར་བྱེད་པ་ཡིན། །ནུས་པས་འཆི་བར་བྱེད་པས་ན། །དུག་
[137b]
[137b.1]ནི་ལྷག་པར་མཐུ་ཆེའོ། །ཆང་ནི་རྣོ་སྩོགས་ཡོན་ཏན་གྱི། །མདངས་ཀྱི་ཡོན་ཏན་རྟུལ་ལ་སྩོགས། །བཅུ་པོ་བཅུ་ཡིས་འཁྲུགས་བྱས་ནས། །སེམས་ནི་སྒྱུར་བར་བྱེད་པ་ཡིན། །ར་རོ་དང་པོ་གཉིས་པ་ཡིས། །བག་མེད་པ་ཡི་གནས་ལ་གནས། །རྣམ་རྟོག་ངན་བཅོམ་རྨོངས་པ་རྣམས། །
[137b.2]བདེ་བ་ཡིན་སྙམ་སེམས་པར་འགྱུར། །འབྲིང་དང་ཆེན་པོ་བར་གྱི་ཚེ། །རྔུལ་དང་མུན་པའི་རང་བཞིན་ཅན། །གླང་ཆེན་ལྕགས་ཀྱུ་མེད་པ་ལྟར། །རྨོངས་པས་མི་བྱ་ཅི་ཡང་མེད། །འདི་ནི་ཁ་ནམ་ཐོའི་གནས། །འདི་ནི་ཚུལ་ཁྲིམས་འཆལ་པའི་གཞི། །འདི་གཅིག་ངན་འགྲོར་
[137b.3]འགྲོ་བའི་ལམ། །མང་པོ་སྟོན་པར་བྱེད་པ་ཡིན། །ར་རོ་གསུམ་པའི་ཚེ་ན་ནི། །སེམས་མེད་པར་ནི་རོ་ལྟར་ཉལ། །ཉེས་པའི་བདག་ཉིད་ཤི་བ་ལས། །ཤིན་ཏུ་མ་རུངས་གནས་སྐབས་འཐོབ། །ཆོས་དང་ཆོས་མིན་བདེ་དང་སྡུག །དོན་དང་དོན་མིན་ཕན་དང་གནོད། །གང་ལ་ཆགས་
[137b.4]པ་མི་ཤེས་པ། །དེ་ལ་མཁས་པས་ཇི་ལྟར་བསྟེན། །ཆང་ལས་མྱོས་འཇིགས་མྱ་ངན་དང་། །ཁྲོ་དང་སྲོག་དང་བྲལ་བ་ནས། །སྨྱོ་བྱེད་མྱོས་དང་བརྒྱལ་བར་བཅས། །བརྗེད་བྱེད་བཅས་པ་ཀུན་སོང་ནད། །གང་དུ་དྲན་པ་ཉམས་གཅིག་ཡོད། །དེར་ནི་མི་དགེ་ཐམས་ཅད་འབྱུང་། །
[137b.5]མི་འཕྲོད་ཟས་ནི་ཟོས་པས་ཀྱང་། །ནད་དམ་ཡང་ན་འཆི་བར་འགྱུར། །ཆང་ནི་སྡེ་ཚན་གསུམ་བློ་ལྡན། །ངོ་ཚ་སྩོགས་ཀྱང་འཇིག་པར་བྱེད། །ཉམས་སྟོབས་ལྡན་དང་ཟས་ཟོས་དང་། །ཟས་ཆེར་ཟ་དང་སྣུམ་བག་ཟ། །སྙིང་སྟོབས་ལང་ཚོར་ལྡན་པ་དང་། །རྟག་ཏུ་ཆང་འཐུངས་དེའི་རིགས་སྐྱེས། །
[137b.6]ཚིལ་དང་བད་ཀན་ཤས་ཆེ་ལ། །རླུང་དང་མཁྲིས་པ་ཤས་ཆུང་དང་། །མེ་དྲོད་ཆེ་ཞིང་བརྟན་པ་རྣམས། །ཤས་ཆེར་ར་རོར་མི་འགྱུར་རོ། །དེ་ལས་བཟློག་པ་ཆང་དད་ཅན། །ཁྲོས་དང་ཆང་རྩུབ་སྐྱུར་ཤས་ཆེ། །མ་ཞུར་བཅས་དང་མངའ་འཐུང་པ། །གང་ཡིན་ཤས་ཆེར་ར་རོར་འགྱུར། །རླུང་
[137b.7]མཁྲིས་བད་ཀན་ཀུན་ལས་བྱུང་། །ཆང་ནད་རྣམ་པ་བཞིར་འགྱུར་རོ། །ཀུན་ཀྱང་ཀུན་ལས་སྐྱེས་མོད་ཀྱི། །ཤས་ཆེ་བ་ལས་མིང་དུ་བཏགས། །དེ་རྣམས་ཀྱི་ནི་སྤྱི་མཚན་ཉིད། །རྨོངས་དང་སྙིང་ནི་ན་བ་དང་། །འཁྲུ་ཞིང་རྟག་ཏུ་སྐོམ་དད་ཆེ། །ཚ་གྲང་རིམས་འདེབས་ཡི་ག་འཆུས། །
[138a]
[138a.1]མགོ་བོ་རྩིབ་རུས་ན་དང་འདར། །གནད་འཇིག་ལྟག་པ་ན་བ་དང་། །བརླ་རེངས་རབ་རིབ་ཁྱེར་བ་དང་། །ལུད་པ་དབུགས་མི་བདེ་གཉིད་མེད། །རྔུལ་ཆེར་འབྱུང་ཞིང་བཤང་བ་འགགས། །སྐང་ཞིང་སེམས་ནི་འཁྲུལ་པ་དང་། །བླ་ཞིང་སློན་པར་བྱེད་པ་དང་། །
[138a.2]མགོ་འཁོར་རྨི་ལམ་ངན་མཐོང་བའོ། །རླུང་གྱུར་ཁྱད་པར་གཉིད་མི་འོང་། །དབུགས་མི་བདེ་ཞིང་ཀླད་ན་འདར། །རྨི་ལམ་དུ་ནི་འཕྱན་ཞིང་འཕུར། །གཤིན་པོ་རྣམས་དང་གཏམ་སྨྲ་རྨི། །མཁྲིས་པས་ལུས་ཚ་སྐད་འགགས་དང་། །རྨོངས་བག་ཚད་འཁྲུ་སྐོམ་མགོ་འཁོར། །
[138a.3]ལུས་མདོག་ལྗང་དང་སེར་བ་དང་། །མིག་དང་མཁུར་ཚོས་དམར་བར་འགྱུར། །བད་ཀན་གྱིས་སློན་སྙིང་ན་དང་། །གཉིད་ཆེ་གྲང་འདར་ཡན་ལག་ལྕི། །ཀུན་སྐྱེས་མཚན་ཉིད་ཀུན་དང་ལྡན། །ཆང་སྤངས་པ་ལས་འཕྲལ་དུ་ནི། །མང་དུ་འཐུངས་སམ་མ་གོམས་
[138a.4]འཐུངས། །དེ་ལས་འཇོམས་དང་ལུས་སྐམ་ནད། །རླུང་ལས་སྡུག་བསྔལ་ལྡན་པ་འབྱུང་། །ཉམ་ཆུང་བ་ལ་མཆོག་ཏུ་འབྱུང་། །འཇོམས་པས་བད་ཀན་མཆིལ་མ་མང་། །ལྐོག་མ་སྐམས་ཤིང་གཉིད་རབ་ཆེ། །སྒྲ་དྲག་མི་བཟོད་གློང་བག་འགྱུར། །ལུད་སྐམ་ཡན་ལག་
[138a.5]མགོ་རབ་ན། །སྙིང་ནད་མགུལ་ནད་རྨོངས་བག་དང་། །ལུད་པ་སྐོམ་དད་སློན་རིམས་འདེབས། །གང་ཞིག་ཆང་རྣམས་སྤངས་པས་ནི། །དབང་པོ་ཐུལ་ཞིང་བརྟགས་ཏེ་བྱེད། །ནམ་ཡང་དེ་ལ་ལུས་སེམས་ཀྱི། །སྐྱོན་རྣམས་འབྱུང་བར་མི་འགྱུར་རོ། །རྡུལ་དང་མུན་པ་མི་འཕྲོད་
[138a.6]ཟས། །མཆོག་ཏུ་བསྟེན་ལས་ནད་གསུམ་འབྱུང་། །དངས་མ་ཁྲག་དང་སེམས་རྒྱུ་བའི། །རྩ་སྦུབས་བཀག་པ་ལས་བྱུང་བ། །མྱོས་དང་བརྒྱལ་དང་ཀུན་སོང་ནད། །ཕྱི་མ་བཞིན་དུ་སྟོབས་རབ་ཆེ། །འདིར་མྱོས་ནད་སྣ་རེ་རེ་ཀུན། །ཁྲག་ཆང་དུག་རྣམས་ལས་ཀྱང་འབྱུང་། །
[138a.7]རླུང་ལས་གཏམ་ལ་ཆགས་པ་དང་། །མང་སྨྲ་ཉུང་སྨྲ་སྤྱོད་པ་འཁྲུལ། །ལུས་ནི་རྩུབ་གནག་དམར་བ་ཡི། །མྱོས་པ་རླུང་ལས་སྐྱེས་པ་ཡིན། །མཁྲིས་པ་ལས་ཁྲོ་དམར་བ་དང་། །སེར་པོར་སྣང་ཞིང་རྩོད་ལ་དགའ། །བད་ཀན་ཚིག་ཉུང་འབྲེལ་སྨྲ་སྐྱ། །སེམས་
[138b]
[138b.1]ལས་ཆེ་ཞིང་ལེ་ལོ་ཆེ། །འདུས་པ་མཚན་ཉིད་ཀུན་དང་ལྡན། །ཁྲག་ལས་མིག་དང་ཡན་ལག་རེངས། །མཁྲིས་པའི་མཚན་ཉིད་ལྡན་པ་ཡིན། །ཆང་གིས་ཡན་ལག་སྐད་བསྐྱོད་འགྱུར། །དུག་གིས་འདར་ཞིང་གཉིད་རབ་ཆེ། །དེ་ནི་ཀུན་ལས་མྱོས་ཚབས་ཆེ། །
[138b.2]ཁྲག་སྩོགས་པ་ཡིས་རླུང་སྩོགས་པའི། །མཚན་ཉིད་ལྷག་པར་ཤེས་པར་བྱ། །བརྒྱལ་བ་རླུང་གི་བདག་ཉིད་ཅན། །ནམ་མཁའ་དམར་སྔོ་གནག་པར་ནི། །མཐོང་ཞིང་མུན་པར་ཞུགས་སྙམ་སེམས། །མྱུར་དུ་སངས་པར་བྱེད་པ་དང་། །སྙིང་ན་འདར་ཞིང་
[138b.3]མགོ་འཁོར་ལ། །སྐེམ་ཞིང་བཞིན་མདོག་དམར་ནག་འགྱུར། །མཁྲིས་པས་དམར་བའམ་སེར་པོར་ནི། །ནམ་མཁའ་མཐོང་ཞིང་མུན་འཐིབས་བྱེད། །སངས་ནས་རྡུལ་དང་བཅས་པ་དང་། །ཚ་སྐོམ་གདུངས་པས་ཉེན་པ་དང་། །འཁྲུ་ཞིང་ཁ་དོག་སེར་
[138b.4]དང་དམར། །མིག་དམར་སེར་བར་སྣང་བར་འགྱུར། །བད་ཀན་གྱིས་ནི་སྤྲིན་ལྟ་བུར། །ནམ་མཁའ་མཐོང་ཞིང་མུན་འཐིབས་བྱེད། །རིངས་ནས་སངས་པར་འགྱུར་བ་དང་། །སྙིང་ན་བཅས་པས་མཆིལ་མ་མང་། །པགས་པ་རློན་པས་གཡོགས་པ་བཞིན། །ཡན་
[138b.5]ལག་ལྕི་ཞིང་ཚོར་བ་ཆུང་། །ཉེས་པ་གསུམ་གྱི་མཚན་ཀུན་ལྡན། །བརྗེད་བྱེད་གཉིས་པ་ལྟ་བུ་སྟེ། །མྱུར་དུ་འགྱེལ་ཞིང་བརྒྱལ་འགྱུར་ལ། །འཇིགས་རུང་སྤྱོད་པ་མེད་པ་ཡིན། །ལུས་ཅན་མྱོས་དང་བརྒྱལ་བ་ཡིས། །ནད་ལ་ཤུགས་ཡོད་གྱུར་ཀྱང་ནི། །
[138b.6]རང་ཉིད་ཞི་བར་འགྱུར་བ་ཡིན། །ཀུན་ཞུགས་སྨན་མེད་པར་མི་ཞི། །ནད་ནི་ཤིན་ཏུ་སྟོབས་ཆེ་ལ། །འདུས་པ་ལས་གྱུར་ཀུན་ཞུགས་པ། །སྲོག་གི་གནས་ལ་བརྟེན་པ་ཡིས། །ལུས་དང་ངག་ཡིད་སྤྱོད་པ་འཕྲོག །དེ་ཡིས་སྐྱེས་བུ་རོ་དང་ནི། །ཤིང་དང་
[138b.7]རྩིག་པ་འདྲ་བར་བྱེད། །རིངས་པར་གསོ་བར་མ་བྱས་ན། །མྱུར་དུ་འཆི་བར་བྱེད་པ་ཡིན། །མཚོ་ཟབ་ཆུ་སྲིན་མང་པོ་ཅན། །ཆུ་འཇིང་འཇུག་ངོགས་མེད་པར་ནི། །ཀུན་ཞུགས་པ་ནི་ནུབ་བྱེད་ལ། །མི་ནི་མྱུར་དུ་གདོན་པར་བྱ། །རིགས་པས་བརྟེན་དང་བྲལ་
[139a]
[139a.1]བའི་ཆང་འཐུངས་པས། །མྱོས་དྲེགས་ཁྲོ་དང་བྲལ་བའི་རང་བཞིན་ཅན། །རང་གི་དགྲ་བོས་ཡོངས་སུ་འཁྱུད་འགྱུར་ཞིང་། །རིགས་དང་མི་རིགས་མཉམ་པར་བྱེད་པར་འགྱུར། །སྟོབས་དང་དུས་དང་ཡུལ་དང་གོམས་པ་དང་། །རང་བཞིན་གྲོགས་
[139a.2]དང་ན་ཚོད་ནད་རྣམས་ནི། །ལེགས་བརྟགས་དེ་དང་རྗེས་མཐུན་གང་ཞིག་འཐུང་། །དེ་ནི་བདུད་རྩི་འཐུངས་དང་མཚུངས་པ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། །ནད་གཞིའི་གནས་ཀྱི་ལེའུ་དྲུག་པའོ།། །།དེ་ནས་གཞང་འབྲུམ་གྱི་ནད་གཞི་
[139a.3]བཤད་པར་བྱའོ། །དགྲ་ལྟར་སྲོག་ཆགས་རྣམས་ཀྱི་ཚེ། །གཞང་འབྲུམ་འབྱུང་བས་གསོད་བྱེད་པས། །དེ་ཕྱིར་བཤང་བའི་ལམ་འགེགས་པས། །གཞང་འབྲུམ་ཞེས་ནི་བཤད་པ་ཡིན། །ནད་ཀྱིས་ལྤགས་ཚིལ་ཤ་རྣམས་ནི། །གནོད་བྱས་དབྱིབས་ནི་སྣ་ཚོགས་པའི། །
[139a.4]ཤ་ཡི་མྱུ་གུ་གཞང་སྩོགས་སུ། །སྐྱེས་དེ་གཞང་འབྲུམ་ཡིན་པར་བཤད། །ལྷན་ཅིག་སྐྱེས་དང་ཕྱིས་འབྱུང་དང་། །སྐམ་དང་ཁྲག་ཏུ་འཛག་པ་ཡི། །དབྱེ་བས་མདོར་ན་རྣམ་གཉིས་ཡིན། །གཞང་ནི་རྒྱུ་མ་སྦོམ་པོར་བརྟེན། །སོར་ནི་ཕྱེད་དང་ལྔ་ཡོད་དོ། །
[139a.5]གཉེར་གསུམ་སོར་ནི་ཕྱེད་དང་གཉིས། །རིམ་པ་དེ་ཡི་ནང་མ་ནི། །ཕྱིར་འཕུལ་བར་མ་སེལ་བ་ཡིན། །དེ་ཡི་ཕྱི་རོལ་འཛུམ་པ་ཡིན། །དེ་ཡི་ཕྱི་རོལ་སོར་གཅིག་ཁ། །ནས་ནི་ཕྱེད་དང་གཉིས་ཀྱི་ཚད། །དེ་ཕན་ཆད་ནི་སྤུ་སྐྱེ་འགྱུར། །དེ་ལ་ལྷན་ཅིག་སྐྱེས་
[139a.6]པའི་རྒྱུ། །གཉེར་མའི་ས་བོན་གནོད་འགྱུར་ཉིད། །གཞང་འབྲུམ་ས་བོན་གནོད་པ་ཡང་། །ཕ་མས་མི་འཕྲོད་ཟོས་པ་དང་། །སྔོན་ལས་དེ་གཉིས་དང་འདུས་པ། །འཁྲུགས་པ་ལས་གྱུར་དེ་དག་ནི། །གསོར་མི་རུང་བ་ཉིད་དུ་བཤད། །རིགས་འབྱུང་ནད་ཀུན་དེ་
[139a.7]དང་འདྲ། །ལྷན་ཅིག་སྐྱེས་པ་ཁྱད་པར་དུ། །རྩུབ་ཅིང་བརྟ་བར་དཀའ་བ་དང་། །ནང་དུ་ཁ་བལྟས་དཀར་བ་དང་། །བླ་བརྣན་མི་བཟོད་ཅན་གསོ་དཀའ། །ཅིག་ཤོས་དྲུག་སྟེ་ནད་ཐ་དད། །འདྲེས་དང་འདུས་པ་ཁྲག་ལས་འབྱུང་། །རླུང་དང་བད་ཀན་གཉིས་ལས་
[139b]
[139b.1]སྐམ། །ཁྲག་དང་མཁྲིས་པ་ལས་རླན་ཅན། །ནད་རྣམས་ལྡང་རྒྱུ་སྔར་བཤད་པ། །འཁྲུགས་པ་དེ་ཡིས་ཁོང་པ་ཡི། །མེ་དྲོད་ཉམས་ཤིང་བཤང་བ་འཕེལ། །གཞན་ཡང་ཉལ་བོ་རབ་དྲགས་དང་། །གཞོན་པས་ཁོང་དཀྲུགས་སྟན་དག་ནི། །མ་སྙོམས་སྲ་དང་ཙོག་
[139b.2]པུར་འདུག །འཇམ་རྩིའི་གཅེའུ་ས་དང་ནི། །རྡོ་དང་གོས་ཀྱིས་དྲུད་པ་དང་། །ཤིན་ཏུ་གྲང་བའི་ཆུས་བཀྲུས་དང་། །རྟག་ཏུ་འཁྲུ་བར་བྱེད་པ་དང་། །བཤང་དང་གཅི་དང་འཕྱེན་གྱི་ཤུགས། །བཀག་དང་ནན་གྱིས་བཙིར་བ་དང་། །རིམས་དང་སྐྲན་དང་ཚད་པར་འཁྲུ། །
[139b.3]འོར་ནད་སྐྱ་རྦབ་བེ་སྣབས་ཀྱིས། །སྐེམས་བྱས་གནོད་པར་འགྱུར་བ་ཡི། །སྤྱོད་པ་བསྟེན་ལས་འབྱུང་བར་འགྱུར། །བུད་མེད་ཟླ་གྲངས་མ་ཚང་འཕྱིལ། །ཟླ་བ་རྫོགས་པས་གཟིར་ལས་འབྱུང་། །དེ་འདྲ་དག་དང་གཞན་ཡང་རླུང་། །ཐུར་སེལ་འཁྲུགས་པས་དྲི་མ་ནི། །
[139b.4]གཞང་གི་གཉེར་མར་དེ་གཞག་པས། །དེ་ནི་མི་མངོན་གྱུར་པས་གནས། །གཞང་འབྲུམ་འབྱུང་བར་འགྱུར་བ་ཡིན། །དེ་ཡི་སྔོན་ཚུལ་མེ་དྲོད་ཉམས། །བརླ་ནི་རེངས་ཤིང་ན་བ་དང་། །བྱིན་པའི་ཉྭ་ན་མགོ་འཁོར་ཞིང་། །ཡན་ལག་ན་ཞིང་མིག་གཉིས་སྐྲང་། །
[139b.5]བཤང་བ་འཁྲུ་བའམ་ཡང་ནི་སྲི། །རླུང་ཆེན་ནང་ནས་འཁྱིལ་བ་དང་། །ཕལ་ཆེར་ལྟེ་བའི་འོག་ནས་རྒྱུ། །ནད་བཅས་བཅད་པ་ལྟ་བུར་སེམས། །དཀའ་བར་འབྱུང་ཞིང་སྒྲ་ཅན་འབྱུང་། །རྒྱུ་མ་ཀྲུལ་ཀྲུལ་ཟེར་ཞིང་སྤོས། །སྐེམ་ཞིང་སྒྲེགས་པ་མང་དུ་
[139b.6]འབྱུང་། །གཅིན་མང་བཤང་ཉུང་ཡི་ག་འཆུས། །སྒྲེགས་པ་དུད་འདྲར་སྐྱུར་བ་འབྱུང་། །མགོ་དང་བྲང་དང་རྒྱབ་ཏུ་གཟེར། །སྙོམ་ཞིང་ཁ་དོག་ཉམས་པ་དང་། །གློང་བག་དབང་པོ་ཉམ་ཆུང་ལ། །ཁྲོ་ཞིང་བསྙེན་བཀུར་དཀའ་བ་དང་། །མ་ཞུ་སྐེམ་ནད་
[139b.7]སྐྱ་རྦབ་དང་། །དམུ་རྫིང་རྣམས་ལ་སོམ་ཉི་སྐྱེས། །གཞང་འབྲུམ་སྐྱེ་བར་གྱུར་བ་ལ། །འདི་དག་ཉིད་ནི་འཕེལ་བར་འགྱུར། །དེ་ཡིས་འོག་གི་ལམ་བཀག་པས། །ཐུར་དུ་སེལ་བའི་རླང་ལོག་སྟེ། །ལུས་དང་དབང་པོ་ཀུན་གནས་པའི། །རླུང་གཞན་
[140a]
[140a.1]ཐམས་ཅད་འཁྲུག་པར་བྱེད། །དེ་བཞིན་བཤང་གཅི་མཁྲིས་པ་དང་། །བད་ཀན་ལུས་ཟུངས་རྟེན་བཅས་པ། །འཁྲུགས་ཤིང་མེ་དྲོད་ཉམས་པར་བྱེད། །དེ་ནས་གཞང་འབྲུམ་ནད་ཅན་ལ། །ཕལ་ཆེར་ཐམས་ཅད་ཉེར་འབྱུང་བ། །སྐེམ་
[140a.2]ཞིང་མཆོག་ཏུ་བསྐྱོད་མི་ནུས། །སྟོབས་ཟད་ཁོང་རྨྱ་བཞིན་མདངས་ཉམས། །ལུས་ལྷོད་སྙིང་པོ་མེད་འགྱུར་ཞིང་། །འབུས་ཟོས་པ་ཡི་ཤིང་འདྲ་ལ། །བླ་བརྣན་མ་ལུས་དག་གིས་འདེབས། །ཇི་སྐད་བཤད་པའི་གནད་གཟིར་ཞིང་། །ལུད་པ་སྐམ་དང་སྐད་
[140a.3]འགགས་དང་། །ཁ་རོ་མི་ཚོར་ཆམ་འདེབས་སྦོ། །སྒྱིད་སྒྱུར་རྐ་ལག་ན་ཞིང་སློན། །སྦྲིད་པ་སྐྲང་དང་རིམས་ནད་དང་། །ཁུ་བ་ཟད་ཅིང་རབ་རིབ་སློན། །རྡེའུ་ཆགས་ནད་ཀྱིས་གཟིར་བ་དང་། །སྐད་འགགས་ཞུམ་ལ་སེམས་ཁོང་ཆུད། །མཆིལ་མ་མང་འདོར་
[140a.4]ཡི་ག་འཆུས། །རུས་ཚིགས་ཀུན་དང་སྙིང་ལྟེ་བ། །གཞང་དང་སྣ་རྩ་གཟིར་དང་བཅས། །གཞང་ནང་འབྲུ་ནི་མ་སྨིན་བཙོས། །ཁུ་བ་ལྟ་བུའི་སྦྱིན་བག་འཛག །རྟུག་སྐམ་སྦྱིན་པའམ་སླ་བར་འགྱུར། །སྨིན་དང་མ་སྨིན་བར་བར་འཁྲུ། །སྐྱ་ཞིང་སེར་དང་
[140a.5]སྔོན་པོ་ཡི། །ཁྲག་ནི་སྦྱིན་བག་འཁྲུ་བར་འགྱུར། །གཞང་འབྲུམ་རླུང་ཤས་ཆེ་ལས་གྱུར། །སྐམ་ཞིང་ཙེག་ཙེག་ཚ་བ་དང་། །རྙིད་ཅིང་དམར་ནག་རེངས་པ་དང་། །མི་སྙོམས་རྩུབ་ཅིང་སྲ་བ་དང་། །ཕན་ཚུན་མི་འདྲ་ཡོ་བ་དང་། །རྩེ་མོ་རྣོ་ཞིང་གས་པ་དང་། །
[140a.6]བིམ་པ་རྒྱ་ཤུག་ཁ་རྫུ་ར། །རས་བལ་ས་བོན་དང་འདྲ་ཞིང་། །ལ་ལ་ཀ་ཏམ་མེ་ཏོག་འདྲ། །ལ་ལ་ཡུངས་ཀར་ལྟ་བུར་སྐྱེས། །མགོ་དང་ཕྲག་པ་རྩིབ་ལོགས་བརླ། །ཆུ་སོ་དག་ཏུ་ལྷག་པར་ན། །སྦྲིད་པ་སྒྲེགས་པ་བཤང་བ་སྲི། །སྙིང་འཕར་ཡི་ག་འཆུས་པ་སྐྱེད། །
[140a.7]ལུད་དབུགས་མི་བདེ་མེ་དྲོད་ཉམས། །རྣ་བ་སྒྲ་བཅས་མགོ་འཁོར་བྱེད། །དེས་ཉེས་རྟུག་སྐམ་ཉུང་ངུ་ནི། །སྒྲ་བཅས་སྐ་སླ་འདྲེན་མ་དང་། །ན་ཞིང་ལྦུ་བ་འབྱར་བག་ཅན། །རྟུག་སྐམ་ཚུལ་གྱིས་འབྱུང་བར་འགྱུར། །པགས་པ་སེན་མོ་བཤང་གཅི་དང་། །མིག་དང་
[140b]
[140b.1]གདོང་ནི་གནག་པར་འགྱུར། །སྐྲན་དང་མཆེར་པ་དམུ་རྫིང་དང་། །གཏུན་འདྲ་དེ་ཉིད་ལས་འབྱུང་འགྱུར། །མཁྲིས་ཤས་ཆེ་ལས་རྩེ་མོ་ནི། །སྔོ་ཞིང་དམར་སེར་དཀར་བར་སྣང་། །ཕྲ་ཞིང་དྲི་མནམ་ཁྲག་སླ་འཛག །སྲབ་ཅིང་འཇམ་ལ་ལྷོད་པ་ཡིན། །མཆེར་པའི་དུམ་བུ་
[140b.2]ནེ་ཙོའི་ལྕེ། །སྲིན་བུ་པད་པའི་མཆུ་འདྲར་སྣང་། །ཚ་ཞིང་གནག་ལ་རིམས་དང་རྔུལ། །སྐོམ་དད་ཡི་ག་འཆུས་རྨོངས་སྐྱེད། །བཤང་དྲོ་སླ་ཞིང་སྔོ་ལ་ཚ། །སེར་ཞིང་དམར་བར་འཁྲུ་བར་འགྱུར། །ནས་རུལ་ནང་འདྲ་པགས་པ་དང་། །སེན་སྩོགས་སྔོ་སེར་ལྗང་བར་འགྱུར། །
[140b.3]བད་ཀན་ཤས་ཆེ་རྩ་བ་སྦོམ། །མཐུག་ཅིང་ནད་ཀྱི་ཤུགས་དལ་དཀར། །སྐྲང་ཞིང་རྒྱས་ལ་སྣུམ་པ་དང་། །འགྲེང་ཞིང་སྣུམ་ལ་ལྕི་ཞིང་བརྟན། །འབྱར་བག་ཚོར་བ་ཆུང་ཞིང་འཇམ། །གཡའ་ཞིང་རེག་ན་དགའ་བར་བྱེད། །ཀ་རི་ར་བ་ན་ས་ཡི། །རུས་པ་བ་ཡི་ནུ་སོར་འདྲ། །
[140b.4]ཆུ་སོར་ཟུག་ཅིང་སྦོ་གཞང་ན། །ལྟེ་བ་ལྒང་པ་བཅད་སྙམ་སེམས། །ལུད་པ་དབུགས་མི་བདེ་སྙིང་ན། །མཆིལ་མང་ཆམ་འདེབས་ཡི་ག་འཆུས། །གཅིན་སྲི་མགོ་བོ་ཚོར་བ་མེད། །གྲང་བའི་རིམས་ནི་སྐྱེད་པར་བྱེད། །ཁ་ཆུ་འཛག་ཅིང་མེ་དྲོད་ཉམས། །སློན་ཞིང་མ་
[140b.5]ཞུའི་ནད་ཀུན་སྐྱེད། །བཤང་བ་ཚིལ་འདྲ་བད་ཀན་མང་། །འཁྲུ་དང་བཅས་པར་འབྱུང་བར་འགྱུར། །འཛག་པར་མི་བྱེད་རྡོལ་མི་བྱེད། །པགས་པ་ལ་སོགས་སྣུམ་ཞིང་དཀར། །འདྲེས་ལས་མཚན་ཉིད་འདྲེས་པ་ཡིན། །འདུས་པ་མཚན་ཉིད་ཀུན་དང་ལྡན། །ཁྲག་
[140b.6]ཤས་ཆེ་ལས་གཞང་འབྲུམ་ནི། །མཁྲིས་པའི་མཚན་ཉིད་འདྲ་བ་ལ། །ནྱ་གྲོ་དྷ་ཡི་མྱུ་གུ་འདྲ། །བྱི་རུ་འོལ་མ་སེ་མདོག་འདྲ། །ཤིན་ཏུ་ཚ་བྲོ་ན་བ་དང་། །བཤང་བ་ཤུགས་ཀྱིས་རབ་བཙིར་ལས། །འཕྲལ་དུ་ཁྲག་ནི་འབྱུང་བ་དང་། །དེ་ཉིད་ཤིན་ཏུ་འཛག་པར་འགྱུར། །སྦལ་
[140b.7]པ་འདྲ་ཞིང་ཁྲག་ཟད་ལས། །བྱུང་བའི་སྡུག་བསྔལ་གྱིས་ཉེན་འགྱུར། །མདོག་སྟོབས་སྤྲོ་བ་ཉམས་པ་དང་། །མདངས་འཕྲོག་དབང་པོ་ཞན་པར་འགྱུར། །མུངྒ་ཀོ་དྲ་བའི་ཕྱེ་མ། །ཙ་ན་ཀ་རི་ར་སྩོགས་པ། །རྩུབ་དང་བཤང་བ་སྲི་བས་རླུང་། །རང་གནས་འཁྲུགས་པ་སྟོབས་
[141a]
[141a.1]ལྡན་པས། །ཐུར་དུ་རྒྱུ་བའི་བུ་ག་ནི། །བཀག་སྟེ་སྨད་དུ་རབ་སྐམས་ནས། །བཤང་བ་གཅི་བ་འཕྱེན་རྣམས་ནི། །འགགས་པས་ནད་ནི་མི་བཟད་སྐྱེད། །དེ་ཡིས་ཁོང་པ་རྒྱབ་རྩིབ་ལོགས། །སྙིང་གར་ནད་ནི་ཤིན་ཏུ་སྐྱེད། །ལྟོ་སྤོས་གསུས་པ་ན་བ་དང་། །སྙིང་
[141a.2]གཅུས་རྒྱུ་མ་བཅད་སྙམ་སེམས། །ཆུ་སོར་ཤིན་ཏུ་ཟུག་པ་དང་། །མཁུར་བར་སྐྲང་པ་འབྱུང་བར་འགྱུར། །རླུང་ནི་གྱེན་དུ་སོང་གྱུར་ན། །དེ་ལས་སློན་རིམས་ཡི་ག་འཆུས། །སྙིང་ནད་བེའུ་སྣབས་མ་ཞུ་དང་། །གཅིན་སྲི་བཤང་བ་འཁྲུ་བ་དང་། །འོན་དང་རབ་རིབ་དབུགས་མི་བདེ། །
[141a.3]མགོ་ན་ལུད་པ་ཆམ་པས་འདེབས། །ཡིད་ཀྱིས་འགྱུར་བ་སྐོམ་དང་ཁྲག །མཁྲིས་པ་སྐྲན་དང་དམུ་རྫིང་སྩོགས། །རླུང་གི་ནད་གཏོགས་དེ་དང་དེ། །ཤིན་ཏུ་མི་བཟད་འབྱུང་བར་འགྱུར། །གཞང་འབྲུམ་གྱེན་དུ་འཁྱིལ་འགྱུར་བ། །འདི་ནི་མཆོག་ཏུ་གནོད་བྱེད་ཡིན། །རླུང་ཤས་ཆེ་བའི་
[141a.4]ཁོང་པར་ནི། །དེ་མེད་པར་ཡང་འབྱུང་བར་འགྱུར། །ལྷན་ཅིག་སྐྱེས་དང་ནད་གསུམ་ལྡན། །ཕུགས་མའི་གཉེར་མར་གང་གནས་པ། །དེ་དག་གསོར་མི་རུང་བ་ཡིན། །མེ་དྲོད་སྟོབས་ཆེ་སྩོགས་ཀྱིས་འཚོ། །འདྲེས་ལས་གྱུར་དང་གཉེར་མ་ནི། །བར་མར་གནས་པ་གང་ཡིན་
[141a.5]པ། །ལོ་གཅིག་ཡན་ཆད་ལོན་གྱུར་པ། །དེ་དག་གསོ་དཀའ་ཡིན་པར་བཤད། །ཕྱི་རོལ་གཉེར་མར་བྱུང་བ་དང་། །ནད་གཅིག་ཤས་ཆེ་ལས་བྱུང་དང་། །སྐྱེས་ནས་རིང་པོ་མ་ལོན་གང་། །གཞང་འབྲུམ་དེ་ནི་གསོ་བ་སླ། །ཕོ་མཚན་སྩོགས་ཀྱི་འོག་ནས་ནི། །རང་རང་སྐབས་
[141a.6]བཤད་ལྟེ་བར་སྐྱེས། །རྟ་བླ་བ་ཡི་ཁ་འདྲ་ཞིང་། །འབྱུང་བག་ཅན་ལ་འཇམ་པ་ཡིན། །ཁྱབ་བྱེད་ཀྱིས་ནི་བད་ཀན་བསྡུས། །པགས་པའི་ཕྱི་རོལ་ཐོར་བུར་བྱེད། །མཛེར་པ་འདྲ་ཞིང་རྩུབ་པར་གནས། །པགས་པའི་མཛེར་པ་ཡིན་པར་ཤེས། །རླུང་གིས་ཟུག་ཅིང་རྩུབ་པར་འགྱུར། །
[141a.7]མཁྲིས་པས་གནག་ལ་དམར་རྩར་འགྱུར། །བད་ཀན་གྱིས་དེ་སྣུམ་ཉིད་དང་། །རྨེན་བུའི་མདོག་དང་འདྲ་བར་འགྱུར། །བློ་དང་ལྡན་པས་མྱུར་བར་ནི། །འབད་དེ་གཞང་འབྲུམ་གསོ་བར་བྱེད། །དེ་ཡིས་གཞང་ནི་མྱུར་འགགས་ནས། །དམུ་རྫིང་ནད་ནི་སྐྱེ་བར་འགྱུར། །ཡན་ལག་བརྒྱད་
[141b]
[141b.1]པའི་སྙིང་པོ་བསྡུས་པ་ལས། ནད་གཞིའི་གནས་ཀྱི་ལེའུ་བདུན་པའོ།། །།དེ་ནས་ཚད་པས་འཁྲུ་བ་དང་ཕོ་བའི་ནད་གཞི་བཤད་པར་བྱའོ། །ནད་གཞི་སྣ་རེ་ཀུན་དང་ནི། །འཇིགས་དང་མྱ་ངན་ལས་གྱུར་པའི། །ཚད་པས་འཁྲུ་བ་རྣམ་དྲུག་ཡིན། །དེ་ནི་ཆུ་འཐུངས་དྲགས་པ་དང་། །
[141b.2]ཤ་རིད་ཤ་སྐམ་མ་གོམས་པའི། །ཏིལ་གྱི་ཁུ་བ་མ་སྨིན་འབྲུ། །ཆང་རྩུབ་ཁ་ཟས་ཚོད་མ་ཟིན། །གཞང་འབྲུམ་སྣུམ་བག་དྲགས་པ་དང་། །འབུ་དང་ཤུགས་ནི་བཀག་ལས་འབྱུང་། །དེ་འདྲས་རླུང་ནི་འཁྲུགས་པ་ཡིས། །ཆུ་ཁམས་ཐུར་དུ་བསྐྱོད་གྱུར་ལ། །དེ་ཉིད་ཀྱིས་ནི་མེ་དྲོད་
[141b.3]ཉམས། །དེ་འོག་ཁོང་པ་ཁྱབ་ནས་ནི། །བཤང་བ་སླ་བ་ཉིད་དུ་བྱེད། །དེ་ལྟར་ཚད་འཁྲུ་འབྱུང་བར་བཤད། །དེ་ཡི་འབྱུང་འགྱུར་མཚན་མ་ནི། །བཤང་ལམ་སྙིང་ག་ལྟོ་བར་ཟུག །ལུས་སྙོམ་བཤང་བ་སྲི་བ་དང་། །སྦོ་ཞིང་ཁ་ཟས་མི་འཇུ་བའོ། །དེ་ལས་རླུང་གྱུར་བཤང་ཆུར་
[141b.4]བཅས། །ཉུང་ཞིག་འབྱུང་ཞིང་གཟེར་སྒྲ་བཅས། །འགག་ཅིང་འབྱུང་བར་འགྱུར་བ་དང་། །རྩུབ་སླ་དབུ་བར་བཅས་པ་འམ། །གོང་བུ་ཡང་དང་ཡང་དུ་འབྱུང་། །དེ་བཞིན་བུ་རམ་ཚིག་པ་འདྲ། །སྦྱིན་བག་བཅས་ཤིང་བཅད་སྙམ་སེམས། །ཁ་སྐམ་གཞང་ནི་སྣད་པ་དང་། །སྤུ་
[141b.5]ལངས་པ་དང་འཁྲུ་བ་ཡིན། །མཁྲིས་པས་སེར་ཞིང་གནག་པ་དང་། །སྔོ་ཞིང་དུ་བའི་མདོག་འདྲ་ལ། །ཁྲག་བཅས་ཤིན་ཏུ་དྲི་མནམ་པ། །སྐོམ་དད་བརྒྱལ་ཚ་རྡུལ་དང་བཅས། །གཟེར་བཅས་གཞང་ཁ་ཚ་དང་བཅས། །གཞང་ཁར་ཐོར་བུ་འབྱུང་བ་ཡིན། །བད་ཀན་ལས་གྱུར་
[141b.6]སྐ་བ་དང་། །འབྱར་བག་དཀར་ཞིང་ནལ་ནལ་པོ། །སྣུམ་ཞིང་བེའུ་སྣབས་བད་ཀན་བཅས། །རྒྱུན་དུ་འཁྲུ་ཞིང་ལྕི་ལ་མནམ། །སྐ་ཞིང་ནད་རྗེས་འབྲང་བ་དང་། །གཉིད་ཆེ་ཁོང་སྙོམ་ཡི་ག་འཆུས། །ཉུང་ཟད་ཉུང་ཟད་འཁྲུ་དང་བཅས། །བ་སྤུ་བརྩེ་ཞིང་གློང་བཅས་དང་། །ཆུ་
[141b.7]སོ་ལྟོ་བ་གཞང་ཁ་ལྕི། །བཤང་ཡང་བཤང་བ་མ་བཏང་སྙམ། །ཀུན་སྐྱེས་མཚན་ཉིད་ཀུན་དང་ལྡན། །འཇིགས་པས་སེམས་ནི་འཁྲུགས་གྱུར་པ། །རླུང་གིས་མཁྲིས་བཅས་བཤང་བ་ནི། །སླ་བྱེད་དེ་ནས་འཁྲུ་བ་ནི། །ཚ་ཞིང་སླ་ལ་འཕྱོ་བ་དང་། །མཚན་མ་རླུང་མཁྲིས་
[142a]
[142a.1]ལས་བྱུང་འདྲ། །མྱ་ངན་ལས་བྱུང་དེ་དང་འདྲ། །མདོར་ན་ཚད་འཁྲུ་རྣམ་གཉིས་ཏེ། །མ་ཞུར་བཅས་དང་མ་ཞུ་མེད། །ཁྲག་བཅས་ཁྲག་མེད་དེ་ལས་ནི། །དང་པོ་བཤང་གཅི་ཆུར་འབྱིང་འགྱུར། །དྲི་མནམ་ལྟོ་ནི་སྦོ་བ་དང་། །མཁྲེགས་ཤིང་མཆིལ་སྣབས་ཤིན་ཏུ་
[142a.2]མང་། །སྨིན་པ་དེ་ལས་བཟློག་པ་ཡིན། །བད་ཀན་སྨིན་པའང་ཆུ་ནང་འབྱིང་། །གང་ཞིག་ཚད་འཁྲུ་འབད་པ་ནི། །མེད་དེས་ཕོ་བའི་ནད་དུ་འགྱུར། །མེ་དྲོད་ཉམས་པར་བྱེད་པ་ཡི། །ཟས་བསྟེན་པ་ཡིས་མེ་དྲོད་ཉམས། །གང་ཞིག་ཞུ་ནས་བཤང་བ་ནི། །བེེའུ་སྣབས་བཅས་
[142a.3]དང་བེའུ་སྣབས་མེད། །འཁྲུ་བ་དེ་ནི་ཚད་འཁྲུ་སྟེ། །རང་བཞིན་གྱིས་ནི་མྱུར་གསོད་བྱེད། །མ་ཞུ་ཁ་ཟས་མ་ཞུ་དང་། །ཞུ་བ་སྨིན་པའང་མི་འཁྲུ་འགྱུར། །རྒྱུ་མེད་ཡང་དང་ཡང་སྲི་བའམ། །རྒྱུ་མེད་ཡང་ཡང་སླ་བར་འབྱུང་། །ཕོ་བར་མ་ཞུ་སྩོགས་ཤིང་འཁྲུ། །ཡུན་རིང་
[142a.4]ན་བར་བྱེད་པ་ཡིན། །དེ་ནི་ནད་སྣ་རེ་རེ་འདུས། །ལས་བྱུང་རྣམ་པ་བཞི་ཡིན་ནོ། །དེ་ཡི་སྔོན་ཚུལ་སྙོམ་པ་དང་། །རིང་ནས་འཇུ་ཞིང་སྐྱུར་བག་འབྱུང་། །མཆིལ་མང་ཁ་ཡིས་རོ་མི་ཚོར། །རྨྱ་སྙོམ་སྐོམ་ཞིང་ཡི་ག་འཆུས། །ལྟོ་སྦོ་སློན་ནི་བྲོ་བ་དང་། །རྣ་བ་རྒྱུ་
[142a.5]མ་སྒྲ་དང་བཅས། །སྤྱི་ཡི་མཚན་ཉིད་སྐེམ་པ་དང་། །དུ་བ་མུན་དང་རིམས་ཀྱིས་འདེབས། །བརྒྱལ་ཞིང་མགོ་ན་བཤང་བ་འགགས། །རྐང་པ་ལག་པ་སྐྲངས་པར་འགྱུར། །དེ་ལ་རླུང་ལ་རྐན་བསྐམས་ཞིང་། །རབ་རིབ་རྣ་བར་སྒྲ་འབྱུང་དང་། །རྩིབ་ལོགས་བརླ་
[142a.6]དང་ཆུ་སོར་ན། །བཤང་བ་ཡང་དང་ཡང་དུ་འབྱུང་། །ཡང་ཡང་སྦོ་ཞིང་གསུད་པ་དང་། །རོ་རྣམས་ཀུན་ལ་བརྐམ་པ་དང་། །བཀྲེས་སྐོམ་རྒྱུ་མ་བཅད་སྙམ་སེམས། །ཟས་ཞུ་ནས་ནི་སྦོ་བ་དང་། །ཟས་ཟོས་ནས་ནི་བདེ་བར་འགྱུར། །རླུང་གི་སྙིང་ནད་སྐྲན་གཞང་འབྲུམ། །
[142a.7]མཆེར་པ་སྐྱ་རྦབ་འབྱུང་བར་དོགས། །བཤང་བ་འབྱུང་དཀའ་སྐ་སླར་འབྱུང་། །དེ་ཡང་བེེ་སྣབས་སྒྲ་ཅན་འབྱུང་། །གཞང་ན་ལུད་པ་དབུགས་མི་བདེ། །མཁྲིས་པ་སྔོ་ཞིང་སེར་བ་དང་། །སེར་པོ་སླ་བག་འཁྲུ་བར་འགྱུར། །མནམ་ཞིང་སྒྲེགས་སྒྱུར་སྙིང་ལྐོག་ཚ། །
[142b]
[142b.1]ཡི་ག་འཆུས་ཤིང་སྐོམ་དད་ཆེ། །བད་ཀན་ལས་གྱུར་འཇུ་དཀའ་ཞིང་། །ཟས་སློན་ཡི་ག་འཆུས་པ་དང་། །ཁར་ཆགས་མཆིལ་མ་མང་བ་དང་། །ལུད་པ་སྙིང་ནད་ཆམ་པས་འདེབས། །སྙིང་ག་མེར་མེར་པོར་སེམས་ཤིང་། །ལྟོ་བ་ཚོར་བ་ཆུང་ཞིང་ལྕི། །སྒྲེགས་པ་དྲི་མནམ་
[142b.2]མངར་འབྱུང་སྙོམ། །བུད་མེད་མི་དགའ་མེ་དྲོད་ཆུང་། །བེེའུ་སྣབས་བད་ཀན་འདྲེས་པར་འཁྲུ། །བཤང་བ་ལྕི་བར་འབྱུང་བར་འགྱུར། །རིད་པ་མིན་ཡང་ཉམས་སྟོབས་ཆུང་། །ཀུན་སྐྱེས་མཚན་ཉིད་འདྲེན་མར་ལྡན། །མ་སྙོམས་ལ་སོགས་མེ་དྲོད་གསུམ། །ཡན་ལག་
[142b.3]ཆར་ཕྱེ་གང་བཤད་པ། །དེ་ཡང་ཕོ་བའི་ནད་དུ་འགྱུར། །སྙོམས་པ་བདེ་གནས་རྒྱུ་ཡིན་ནོ། །རླུང་ནད་རྡེའུ་ནད་མཛེ་ནད་དང་། །གཅིན་སྙི་དམུ་རྫིང་མཚན་བར་རྡོལ། །གཞང་འབྲུམ་ཕོ་ནད་ཅེས་བྱ་བརྒྱད། །ནད་ཆེན་གསོ་བར་དཀའ་བ་ཡིན། །ཡན་ལག་བརྒྱད་པའི་སྙིང་
[142b.4]པོ་བསྡུས་པ་ལས། །ནད་གཞིའི་གནས་ཀྱི་ལེའུ་བརྒྱད་པའོ།། །།དེ་ནས་གཅིན་འགགས་པའི་ནད་གཞི་བཤད་པར་བྱའོ། །ལྒང་པ་ལྒང་པའི་མགོ་ཕོ་མཚན། །རྐེད་པ་རླིག་པ་གཞང་ཁ་ནི། །གཞང་ཁའི་རུས་པར་བརྟེན་གྱུར་ཞིང་། །གཅིག་ཏུ་འབྲེལ་བ་ཡིན་པར་
[142b.5]བཤད། །ལྒང་པ་ཁ་ནི་ཐུར་བལྟས་ཀྱང་། །གཅིན་འཛག་པ་ཡི་རྩ་སྒོ་ནས། །རྒྱུན་མི་འཆད་པར་འཛག་པ་ཡིས། །ངོས་གཉིས་ནས་ནི་ཕྲེའུས་འགེངས། །ཞུགས་པ་གང་ཡིན་དེ་ཡིས་ནི། །གཅིན་འགགས་པ་དང་གཅིན་སྙི་བའི། །གསོ་དཀའ་གནད་ལ་བརྟེན་
[142b.6]པའི་ནད། །ཉི་ཤུ་སྐྱེད་པར་བྱེད་པ་ཡིན། །ལྒང་པ་ཆུ་སོ་ཕོ་མཚན་ན། །ཅུང་ཟད་ཡང་དང་ཡང་དུ་འབྱུང་། །སྲི་བ་རླུང་ལས་གྱུར་བ་ཡིན། །མཁྲིས་པ་ལས་གྱུར་སེར་ཚ་ན། །མདོག་དམར་བད་ཀན་ལས་གྱུར་པ། །ལྒང་པ་ཕོ་མཚན་ལྕི་ཞིང་སྐྲངས། །འབྱར་བག་ངལ་
[142b.7]གྱིས་འབྱུང་ཞིང་ཐོགས། །ནད་ཀུན་ལས་བྱུང་མཚན་ཀུན་ལྡན། །གང་ཚེ་རླུང་གིས་ལྒང་པའི་ཁ། །བཀག་པ་དེ་ཚེ་གཅིན་མཁྲིས་པ། །བད་ཀན་ཁུ་ཆུར་བཅས་པ་ནི། །རིམ་གྱིས་བསྐམས་པར་བྱས་པ་ལས། །མི་བཟད་རྡེའུ་ཆགས་འགྱུར་ཏེ། །བ་ལང་མཁྲིས་པར་གི་
[143a]
[143a.1]ཝང་ལྟར། །ཐམས་ཅད་བད་ཀན་ལ་བརྟེན་འགྱུར། །འདི་ཡི་སྔོན་ཚུལ་མཚན་ཉིད་ནི། །ལྒང་པ་སྦོ་ཞིང་དེ་ཡི་ནི། །ཉེ་འཁོར་ཀུན་དུ་རབ་ཏུ་ན། །གཅིན་ཡང་ལྷག་པར་དབྲེ་བྲོ་ཞིང་། །གཅིན་འགགས་རིམས་འདེབས་ཡི་ག་འཆུས། །སྤྱི་ཡི་མཚན་
[143a.2]ཉིད་ལྟེ་བ་དང་། །ལྒང་མགོ་ལྒང་པའི་སྲུབས་ན་ཞིང་། །དེ་ཡིས་གཅིན་འབྱུང་སྒོ་བཀག་པས། །གཅིན་གྱི་རྒྱུན་ནི་འཆད་ཅིང་འབྱུང་། །དེ་བྱུང་ཟིན་ནས་བདེ་བར་བྱེད། །སླ་ཞིང་བ་ལང་ཚིལ་འདྲ་ལ། །དེ་བསྐྱོད་པ་ཡིས་ཁྲག་ཏུ་འགྱུར། །དྲག་ཤུལ་སྤྱོད་པས་རབ་ཏུ་ན། །
[143a.3]དེ་ལ་རླུང་གྱུར་ཤིན་ཏུ་ན། །སོ་འཐམས་སྡོམ་ཞིང་ལུས་འདར་ལ། །ཕོ་མཚན་ཉེད་ཅིང་ལྟེ་བ་འཚིར། །རྒྱུན་དུ་ན་ཞིང་འཁུན་པར་བྱེད། །བཤང་བ་འཕྱེན་དང་བཅས་པར་འབྱུང་། །གཅིན་གྱི་ཐིགས་པ་ཡང་ཡང་འོང་། །རྡེའུ་གནག་ཅིང་རྩུབ་པ་དང་། །ཆུ་སོར་ཚེར་
[143a.4]མས་གང་སྙམ་བྱེད། །མཁྲིས་པས་ལྒང་པ་ཚ་བ་དང་། །བཙོས་པ་སྙམ་བྱེད་རབ་ཏུ་དྲོ། །གོ་བྱེའི་འབྲས་བུའི་དབྱིབས་འདྲ་ལ། །རྡེའུ་མདོག་དམར་ཞིང་སེར་ལ་གནག །བད་ཀན་གྱིས་བསིལ་ལྕི་བ་དང་། །ལྒང་པའི་ནང་དུ་ཟུག་ཅིང་ན། །རྡེའུ་ཆེ་ཞིང་འཇམ་པ་ལ། །
[143a.5]སྦྲང་རྩིའི་མདོག་གམ་ཡང་ན་དཀར། །འདི་དག་བྱིས་པ་རྣམས་ལ་ནི། །ཕལ་ཆེར་འབྱུང་བར་འགྱུར་བ་ཡིན། །གནས་དང་ཤ་ནི་ཆུང་བའི་ཕྱིར། །བཟུང་དང་དབྱུང་བ་བདེ་བ་ཡིན། །མི་ཆེན་ཁུ་བ་ལས་བྱུང་རྡེའུ། །ཁུ་བ་བཀག་ལས་འབྱུང་བར་འགྱུར། །གནས་
[143a.6]ལས་འཕོས་པ་ཕྱིར་མ་བྱུང་། །རླིག་བར་གནས་པ་རླུང་གིས་ནི། །བསྐམས་ནས་ཉེ་བར་བསྡུས་གྱུར་པ། །དེ་ནི་ཁུ་བ་རྡེའུ་ཆགས་ཡིན། །ལྒང་པར་གཅིན་ནི་སྲི་བྱེད་ཅིང་། །ཚ་ཞིང་སྐྲང་བར་བྱེད་པ་ཡིན། །དེ་ནི་སྐྱེས་མ་ཐག་ཏུ་ནི། །ཁུ་བ་ཞུ་སྟེ་སླ་བར་
[143a.7]འགྱུར། །ཕྱོགས་དེར་མནན་ན་ཞུ་བར་བྱེད། །རྡེའུ་གསེག་མ་ལྟ་བུར་གནས། །རླུང་གིས་ཕྱེ་མར་བཤིག་གྱུར་པ། །དེ་འདིར་ཚུལ་བཞིན་འབྱུང་ཞེས་བྱ། །གཅིན་དང་ལྷན་ཅིག་ཕྱིར་འབྱུང་འགྱུར། །ལུགས་བཞིན་མི་འབྱུང་རྡེའུར་ཆགས། །གཅིན་ནི་བཀག་པར་
[143b]
[143b.1]བྱས་གྱུར་པས། །རླུང་གིས་ལྒང་བའི་ཁ་བཀག་ནས། །གཅིན་འགགས་ན་ཞིང་གཡའ་བར་འགྱུར། །ལན་འགའ་རང་གནས་ལས་སྤངས་ནས། །ལྒང་པ་རྒྱས་ཏེ་ཁ་ཆེ་ཞིང་། །མངལ་འདྲ་སྦོམ་ཞིང་ལོག་པར་འདུག །དེར་ནི་ན་ཞིང་ཚ་བར་བྱེད། །འཕར་ཞིང་
[143b.2]གཅུས་པ་སྙམ་དུ་སེམས། །ཐིགས་པ་ཙམ་དུ་འཛག་པ་དང་། །ལྒང་བཙིར་རྒྱུན་ནི་འབྱུང་བར་འགྱུར། །རྣམ་པ་གཉིས་པོ་འདི་དག་ནི། །རླུང་གི་ལྒང་པའི་ནད་ཅེས་བྱ། །གསོ་དཀའ་གཉིས་པ་རླུང་གི་ཡིན། །མཐུ་ཆེན་ཤིན་ཏུ་གསོ་དཀའ་ཡིན། །བཤང་ལམ་དེ་
[143b.3]ནི་ལྡང་པ་ཡི། །བར་ན་རླུང་ནི་བརྟེན་གྱུར་པ། །གཏུན་འདྲ་སྲ་ཞིང་མཐོ་བ་དང་། །མི་འགྱུར་གནས་བྱེད་མདུད་པ་ཅན། །རླུང་ནད་གཏུན་འདྲ་དེ་སྦོས་བཅས། །བཤང་གཅི་འཕྱེན་ནི་འགགས་བྱེད་ཡིན། །ལོག་རྒྱུ་འཁྱིལ་བར་བྱེད་པ་ཡི། །རླུང་གིས་ཆུ་
[143b.4]སོར་མི་བཟད་གཟེར། །གཅིན་ལས་ཞུགས་ཏེ་འཁྱིལ་བྱེད་ཅིང་། །རེངས་བྱེད་ལྕི་ཞིང་གཅུས་སྙམ་བྱེད། །གཅིན་ནི་ཉུང་ཤས་ཉུང་ཤས་འབྱུང་། །ཡང་ན་བཤང་གཅི་གཏོང་ཚེ་འབྱུང་། །འདི་ནི་རླུང་ནད་འཁྱིལ་བ་ཡིན། །གཅིན་ནི་ཡུན་རིངས་བཀག་གྱུར་
[143b.5]པ། །སྲི་ཞིང་འབྱུང་བར་མི་འགྱུར་ལ། །གཅིན་ཐོན་ནས་ནི་ནད་ཚབས་འབྲི། །གཅིན་བཀག་པ་ཡིས་གནོད་གྱུར་པ། །གང་ཚེ་རླུང་གིས་བཟློག་གྱུར་པ། །ལྟེ་བའི་འོག་ནས་ལྟེ་བའི་བར། །གཅིན་གྱིས་གང་འགྱུར་དེ་ཡི་ཚེ། །རབ་ཏུ་ན་ཞིང་སྦོས་པ་དང་། །ཟས་མི་འཇུ་
[143b.6]ཞིང་དྲི་མ་འགགས། །དེ་ནི་ལྟོར་གཅིན་འགགས་ཞེས་བྱ། །གཅིན་འབྱུང་བུ་ག་འཆུས་པའམ། །རླུང་གིས་བཀག་ནས་གཅིན་ཉུང་འབྱུང་། །ལྒང་པ་མཚན་སྦུབས་ནོར་བུ་ནི། །གནས་ནས་དེ་འོག་རིམ་གྱིས་འཛག། །ནད་བཅས་པའམ་ནད་མེད་པ། །གཅིན་ནི་ཆད་དང་
[143b.7]བཅས་པར་འབྱུང་། །ལྷག་མ་ལུས་ཏེ་མཚན་ལྕི་ཡིན། །ལྒང་པའི་ཁ་ནང་ཟླུམ་ཞིང་སྲ། །ཅུང་ཞིག་འཕྲལ་དུ་འབྱུང་འགྱུར་ན། །གཅིན་སྩོགས་རྡེའུ་ལྟ་བུ་ནི། །གཅིན་གྱི་མདུད་པར་དེ་བཤད་དོ། །གཅིན་སྙོམས་པ་ལས་ཉལ་པོ་བྱས། །རླུང་གིས་ཁུ་བ་བསྐྱོད་གྱུར་པ། །
[144a]
[144a.1]གནས་ལས་བསྐྱོད་ཅིང་གཅིན་བཏང་ཚེ། །སྔོན་ནམ་ཕྱི་ནས་ཐལ་ཆུ་དང་། །མདོག་འདྲ་བྱུང་བར་འགྱུར་བ་ཡིན། །ཁུ་བ་འདྲེས་པར་དེ་བཤད་དོ། །རྩུབ་ཅིང་སྐེམ་ལ་རླུང་གིས་ནི། །གང་ཚེ་རྟུག་སྐམ་ནད་གྱུར་པ། །གཅིན་འབྱུང་བུ་གར་སོང་ནས་
[144a.2]ནི། །བཤང་བ་དང་འདྲེས་དེ་ཡི་ཚེ། །གཅིན་ནི་བཤང་བའི་དྲི་ཅན་འབྱུང་། །བཤང་བ་འགགས་པར་དེ་བཤད་དོ། །མཁྲིས་པ་དྲག་ཤུལ་ཁ་ཟས་ནི། །རྣོ་ཚ་ཉི་ཚན་ལ་སོགས་ཀྱིས། །འཕེལ་ཞིང་རླུང་ནི་ཞུགས་གྱུར་པ། །ལྒང་པའི་ཉེ་འཁོར་ཚ་ཞིང་ན། །
[144a.3]གཅིན་ནི་སེར་པོར་འགྱུར་བ་འམ། །ཡང་ན་ཁྲག་བཅས་ཁྲག་ཉིད་འབྱུང་། །ཚ་ཞིང་སྲིལ་ཡང་ཡང་འབྱུང་། །དེ་ནི་ཚ་རླུང་ཞེས་བྱར་བཤད། །རྩུབ་ཅིང་ལུས་ནི་རྨྱ་བ་ཡི། །ལྒང་པར་གནས་པའི་མཁྲིས་པ་རླུང་། །གཅིན་ཟད་ཚ་དང་ན་བར་བཅས། །བསྐྱེད་པ་དེ་ཡང་
[144a.4]དེ་སྐད་བཤད། །བད་ཀན་མཁྲིས་པ་གཉི་ག་ལ། །རླུང་གིས་བསྐྱོད་པར་གྱུར་ན་ནི། །དེ་ཚེ་གཅིན་སྲི་སེར་བ་དང་། །དམར་ཞིང་དཀར་ལ་སྐ་བ་འབྱུང་། །དེ་ནི་ཚ་བཅས་གི་ཝང་ངམ། །དུང་གི་ཕྱེ་མའི་མདོག་འདྲ་འམ། །ཡང་ན་སྐམ་ཞིང་མདོག་ཀུན་ལྡན། །དེ་ནི་
[144a.5]གཅིན་ཉམས་ནད་དུ་བཤད། །དེ་ལྟར་གཅིན་འགགས་ལས་བྱུང་བའི། །མཚན་ཉིད་རྒྱ་ཆེར་བཤད་ནས་ནི། །དེ་འོག་གཅིན་སྙི་ལས་བྱུང་བའི། །ནད་གཞིའི་མཚན་ཉིད་བཤད་པ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། །ནད་གཞིའི་གནས་ཀྱི་ལེའུ་དགུ་པའོ།། །།དེ་ནས་གཅིན་
[144a.6]སྙི་བ་ཟ་ཁུའི་ནད་དམིགས་བཤད་པར་བྱའོ། །གཅིན་སྙིའི་ནད་ནི་ཉི་ཤུ་སྟེ། །དེ་ལས་བད་ཀན་ལས་གྱུར་བཅུ། །མཁྲིས་པ་ལས་དྲུག་རླུང་གྱུར་བཞི། །དེ་རྣམས་ཚིལ་གཅིན་བད་ཀན་སྐྱེད། །ཟས་དང་སྐོམ་གྱི་ཚུལ་ལས་ནི། །ཕལ་ཆེར་དེ་དག་འབྱུང་བར་བྱེད། །མངར་
[144a.7]དང་སྐྱུར་དང་ལན་ཚྭ་དང་། །ལྕི་ཞིང་འབྱིལ་ལ་བསིལ་བ་དང་། །འབྲུ་མར་ཆང་དང་གཤེར་བའི་ཤ།།དར་བ་བུ་རམ་བུ་རམ་ཤིང་། །གནས་གཅིག་སྟན་གཅིག་ལ་རྟག་གནས། །མལ་སྟན་ཆོ་གར་མི་ལྡན་ལ། །བརྟེན་ནས་གཅིན་སྙིའི་ནད་སྐྱེད་བྱེད། །བད་ཀན་འཁྲུགས་
[144b]
[144b.1]ལས་ལྒང་པའི་གཅིན། །སྙི་འགྱུར་ལུས་གཤེར་རྡུལ་ཚིལ་དང་། །ཤ་གློངས་ལྒང་པར་བརྟེན་ཅིང་སྙི། །མཁྲིས་པས་ཁྲག་ཀྱང་ཟད་བྱས་ནས། །བད་ཀན་སྩོགས་ཟད་གཅིན་གནས་བསྐྱེད། །རླུང་འཁྲུགས་པ་དང་དེ་ཟད་ལས། །ལུས་ཟུངས་ལྒང་པར་འཁུས་
[144b.2]ཏེ་བསྐྱེད། །དེ་བྱུང་གསོ་བྱ་འཚོ་ཙམ་དང་། །སྤང་བྱ་གཅིན་ནད་རྣམ་གསུམ་འགྱུར། །མདོར་ན་མི་མཐུན་བྱ་བ་དང་། །ནད་དམིགས་ཆེན་པོ་ཉིད་ཀྱིས་འབྱུང་། །དེ་རྣམས་ཀྱི་ནི་སྤྱིའི་མཚན་ཉིད། །གཅིན་ནི་རྙོག་མ་ཅན་དུ་འབྱུང་། །གནོད་དང་གནོད་བྱ་ཁྱད་མེད་
[144b.3]ཀྱང་། །དེ་དུས་ཁྱད་པར་ཉིད་དང་ནི། །གཅིན་གྱི་མདོག་སྩོགས་དབྱེ་བ་ཡིས། །གཅིན་སྙིའི་དབྱེ་བ་བརྟག་པར་བྱ། །དང་ཞིང་མང་ལ་དཀར་ཞིང་བསིལ། །དྲི་ང་མེད་ཅིང་ཆུ་འདྲ་བ། །གཅིན་སྙི་ཆུ་ཡི་ཟ་ཁུ་ཡིན། །ཅུང་ཟད་རྙོག་ཅན་སྦྱིན་བག་ཅན། །བུ་རམ་
[144b.4]ཤིང་ཁུ་ལྟ་བུར་མངར། །ཟ་ཁུ་བུ་རམ་ཤིང་ཁུ་ཡིན། །ཞག་ལོན་ན་ནི་སྐ་བར་འགྱུར། །ཟ་ཁུ་གར་པོ་ཞེས་བྱའོ། །སྟེང་ན་དངས་མ་འོག་ན་སྐ། །ཆང་འདྲ་ཆང་གི་ཟ་ཁུ་ཡིན། །བ་སྦུ་ལྡང་ཞིང་འབྲས་བཏགས་འདྲ། །དཀར་ཞིང་མང་འབྱུང་འབྲས་ཕྱེ་འདྲ། །
[144b.5]ཁུ་ཆུ་འདྲ་བའམ་ཁུ་བ་འདྲེས། །ཁུ་བ་འདྲ་བའི་ཟ་ཁུ་ཡིན། །གཅིན་ནི་བྱེ་ཚིགས་དྲི་མ་ཅན། །བྱེ་མའི་ཟ་ཁུ་ཞེས་བྱའོ། །གཅིན་སྙི་མང་དུ་འབྱུང་ཞིང་བསིལ། །མངར་བ་དེ་བསིལ་ཟ་ཁུ་ཡིན། །དལ་གྱིས་ཉུང་ཟད་ཉུང་ཟད་འབྱུང་། །བགས་ཀྱིས་འབྱུང་བའི་ཟ་
[144b.6]ཁུ་ཡིན། །ཁ་ཆུ་འདྲ་བའི་ནལ་ནལ་པོ། །འབྱིལ་བག་ཁ་ཆུའི་ཟ་ཁུ་ཡིན། །དྲི་རོ་ཁ་དོག་རེག་བྱ་ནི། །ནས་ཚིག་འཁུས་འདྲ་ནས་ཚིག་ཅན། །ཟ་ཁུ་སྔོན་པོ་ཁ་དོག་སྔོ། །ཟ་ཁུ་ནག་པོ་སྣག་ཚ་འདྲ། །གཅིན་སྙི་ཚ་ཞིང་མདོག་སེར་བ། །དེ་ནི་སྐྱེར་པ་འདྲ་བ་ཡིན། །
[144b.7]མནམ་ཞིང་བཙོད་ཀྱི་ཁུ་བ་འདྲ། །བཙོད་ཀྱི་ཟ་ཁུ་ཞེས་བྱའོ། །དྲི་ང་ཚ་ཞིང་ལན་ཚྭར་བཅས། །ཁྲག་འདྲ་ཁྲག་གི་ཟ་ཁུ་ཡིན། །ཞག་གི་ཟ་ཁུ་ཞག་དང་འདྲེས། །ཞག་ཉིད་གཅིན་དུ་འབྱུང་བ་ཡིན། །རྐང་འདྲེས་པའམ་རྐང་ཉིད་ནི། །ཡང་དང་ཡང་འབྱུང་རྐང་ཟ་ཁུ། །
[145a]
[145a.1]གླང་ཆེན་མྱོས་ལྟར་རྒྱུན་དུ་ནི། །གཅིན་ཤུགས་དལ་བར་འབྱུང་འགྱུར་ལ། །ཆུ་སེར་བཅས་ཤིང་རྙོག་བཅས་འབྱུང་། །གླང་ཆེན་ཟ་ཁུ་ཞེས་བྱའོ། །སྦྲང་རྩིའི་ཟ་ཁུ་སྦྲང་རྩི་འདྲ། །དེ་ནི་རྣམ་པ་གཉིས་སུ་འགྱུར། །ལུས་ཟུངས་ཟད་པས་
[145a.2]རླུང་འཁྲུགས་པའམ། །ནད་ཀྱིས་རྩ་སྦུབས་བཀག་སྟེ་འབྱུང་། །ནད་ཀྱིས་བཀག་པའི་མཚན་མ་དག །དེ་ནི་རྒྱུ་མེད་པར་འབྱུང་ཞིང་། །སྐད་ཅིག་ཟད་སྟོང་གང་འགྱུར་བ། །གསོ་བར་དཀའ་བ་ཉིད་དུ་འགྱུར། །ཐམས་ཅད་དུས་སུ་མ་བཅོས་ན། །སྦྲང་རྩི་འདྲ་བའི་
[145a.3]ཟ་ཁུར་འགྱུར། །གང་ཞིག་ཐམས་ཅད་མངར་འགྱུར་བས། །ཕལ་ཆེར་སྦྲང་རྩིའི་ཟ་ཁུ་ཡིན། །སྦྲང་རྩིའི་ཟ་ཁུ་ཞེས་བྱ་ཀུན། །མངར་བ་ལས་ནི་བཤད་པ་ཡིན། །ཟས་མི་འཇུ་ཞིང་ཡི་ག་འཆུས། །སློན་ལུད་གཉིད་ཆེ་ཆམ་པས་འདེབས། །བད་ཀན་ལས་
[145a.4]བྱུང་ཟ་ཁུ་ལ། །བླ་བརྣན་དེ་དག་འབྱུང་བར་འགྱུར། །ཕོ་མཚན་ལྒང་པར་ཟུག་པ་དང་། །རླིག་འབྲས་བྱེ་ཞིང་རིམས་ཀྱིས་འདེབས། །ཚ་སྐྱུར་སྐོམ་དད་བརྒྱལ་དང་འཁྲུ། །མཁྲིས་པ་ལས་གྱུར་བླ་བརྣན་ཡིན། །རླུང་ལས་སྐྱེས་པའི་སྙིང་འཕར་ཞིང་། །ལུས་
[145a.5]འདར་སྙིང་ན་ཟས་ལ་བརྐམ། །གཟེར་ཞིང་གཉིད་མེད་སྐེམ་པ་དང་། །ལུད་པ་དབུགས་མི་བདེ་བ་འབྱུང་། །ཁམ་ཕོར་རུས་སྦལ་འདྲ་བ་ཅན། །སྒུ་བོ་མེ་དབལ་ཕྲ་མོ་དང་། །སྲན་ཆུང་འདྲ་དང་ཉུངས་ཀར་འདྲ། །བུ་བཅས་འབྱུང་དང་པི་ད་རི། །ཁོང་འབྲས་
[145a.6]ཞེས་བྱའི་འབྲས་འབྲུམ་བཅུ། །གཅིན་ནད་མ་བཅོས་པ་ལས་འབྱུང་། །ཚིགས་དང་གནད་དང་ཤ་ཆེ་བའི། །སྲོག་གི་གནས་སུ་འབྱུང་བར་འགྱུར། མཐའ་མ་མཐོ་ཞིང་དབུས་མ་དམའ། །གནག་ཅིང་རྣག་དང་ནད་བཙས་ལ། །དབྱིབས་དང་ཚད་ནི་ཁམ་ཕོར་འདྲ། །
[145a.7]ཐོར་བུ་ཁམ་ཕོར་ཞེས་བྱའོ། །ནང་དུ་ཟུག་ཅིང་ན་བྱེད་ལ། །ཉེ་འཁོར་དག་ཏུ་ཆེར་མཆེད་ཅིང་། །འཇམ་ཞིང་རུས་སྦལ་རྒྱབ་འདྲ་བའི། །འབྲས་ནད་རུས་སྦལ་ཅན་ཞེས་བྱ། །སྲ་ཞིང་རྩ་ཡི་དྲ་བ་ཅན། །སྣུམ་ཞིང་འཛག་ལ་ཁྱོན་ཆེ་བ། །ན་ཞིང་ནང་ཟུག་བུ་ག་
[145b]
[145b.1]ནི། །ཕྲ་མོར་ལྡན་པ་དྲ་བ་ཅན། །ནང་དུ་ཟུག་ཅིང་ན་ལ་རྣགས། །རྒྱབ་བམ་ལྟོ་བ་དག་ཏུ་ནི། ཐོར་བུ་ཆེན་པོ་ཁ་དོག་གནག། །སྐུ་བོར་འདུག་པས་སྒུ་བོར་བཤད། །སྐྱེས་མ་ཐག་ཏུ་པགས་པ་ཚ། །ཤིན་ཏུ་ན་བྱེད་མེ་དབལ་ཏེ། །དམར་ཞིང་གནག་ལ་
[145b.2]གས་པ་དང་། །ཚ་ཞིང་རྨུགས་བྱེད་མེ་དབལ་ཕྲ། །སྲན་ཆུང་འདྲ་བའི་ཚད་དང་དབྱིབས། །མཉམ་པས་སྲན་ཆུང་ཅན་ཡིན་ནོ། །ཚད་དང་དབྱིབས་ནི་ཉུངས་ཀར་འདྲ། །མྱུར་དུ་སྨིན་ཞིང་ནད་ཚབས་ཆེ། །ཡུངས་ཀར་འདྲ་བའི་འབྲུམ་ཕྲན་གྱིས། །ཡོངས་
[145b.3]སུ་བསྐོར་བས་ཆུ་བུར་ཅན། །བུ་བཅས་ཆེ་ཞིང་མང་བ་ལ། །རབ་ཕྲའི་འབྲུམ་བུས་ཁྱབ་གྱུར་པའོ། །ལྡུམ་བུ་བི་ད་རི་ལྟར་ལྡུམ། །སྲ་བ་བི་ད་རི་ཞེས་བྱ། །ཁོང་འབྲས་གཞན་དུ་བཤད་པ་ཡིན། །དེ་ལ་དང་པོའི་འབྲས་ནད་གསུམ། །བུ་བཅས་དང་
[145b.4]ནི་བི་ད་རི། །ཚིལ་ཆེན་ལས་བྱུང་བརྣག་དཀའ་ཡིན། །གཞན་དག་མཁྲིས་པ་ཤས་ཆེ་ཞིང་། །ཚིལ་ཆུང་ལས་བྱུང་བརྣག་ནུས་འགྱུར། །དེ་རྣམས་ནད་ཤས་ཇི་ལྟར་ཆེའི། །གཅིན་སྙི་བ་ཡི་དབང་ལས་འབྱུང་། །འདི་དག་ཟ་ཁུ་མེད་པར་ནི། །གནོད་
[145b.5]གྱུར་ཚིལ་ལས་འབྱུང་འགྱུར་ཏེ། །ཇི་སྲིད་དངོས་པོ་མི་སྣང་བ། །དེ་སྲིད་ཤེས་པར་མི་འགྱུར་རོ། །ཁ་དོག་ལྗང་བའམ་དམར་བའི་གཅིན། །ཟ་ཁུའི་སྔོན་ཚུལ་མེད་པ་ཡིས། །གཅིན་འབྱུང་གང་དེ་ཟ་ཁུ་མིན། །དེ་ནི་ཁྲག་མཁྲིས་ཡིན་ཞེས་བྱ། །ལུས་རྡུལ་
[145b.6]ཡན་ལག་མནན་ཞིང་ལྷོད་པ་དང་། །སྟན་དང་མལ་དང་གཉིད་ཀྱི་བདེ་ལ་ཆགས། །སྙིང་མིག་རྣ་བ་ཁ་ལྕེ་བྱུགས་སྙམ་བྱེད། །ལུས་སྦོམ་སྐྲ་དང་སེན་མོ་རིང་བ་དང་། །བསིལ་བག་ལ་དགའ་གྲེ་བ་རྐན་བསྐམས་ཤིང་། །ཁ་ནང་རོ་མངར་རྐང་མཐིལ་ལག་
[145b.7]མཐིལ་ཚ། །གང་དུ་གཅིས་པར་གྲོག་མ་འདུ་འགྱུར་བ། །གཅིན་ནད་ཟ་ཁུའི་ཚོགས་ནི་ཕྱིས་འབྱུང་ཚུལ། །ཟ་ཁུ་སྦྲང་རྩིའི་མདོག་འདྲ་འབྱིལ་བ་དང་། །སྦྲང་རྩིའི་རོ་འདྲ་བ་ལ་གཉིས་སུ་རྟོག །ལུས་བརྟས་བད་ཀན་ཅན་གྱི་ཟ་ཁུའམ། །ཉེས་པ་ཟད་པས་
[146a]
[146a.1]རླུང་གི་བདག་ཅན་ཡིན། །སྔོན་ཚུལ་བཅས་པའི་བད་མཁྲིས་ཟ་ཁུ་དང་། །གང་ཡང་རིམ་གྱིས་རླུང་ནད་ཟ་ཁུར་འགྱུར། །མཁྲིས་པ་ལས་གྱུར་གང་ཡིན་གསོ་བར་དཀའ། །གལ་ཏེ་ཚིལ་ནད་ཆུང་གྱུར་གསོ་སླ། །ཡན་ལག་བརྒྱད་པའི་སྙིང་
[146a.2]པོ་བསྡུས་པ་ལས། ནད་གཞིའི་གནས་ཀྱི་ལེའུ་བཅུ་པའོ།། །།དེ་ནས་ཁོང་འབྲས་དང་རྒྱུ་རླུགས་དང་སྐྲན་གྱི་ནད་གཞི་བཤད་པར་བྱའོ། །ཁ་ཟས་ཁེངས་བུ་རབ་ཚ་དང་། །རྩུབ་དང་སྐམ་དང་ཚ་འགྱུར་ཟོས། །ཉལ་བའི་སྤྱོད་པ་མི་བདེ་བས། །ཁྲག་ནད་
[146a.3]སྐྱེད་འགྱུར་དེ་དང་དེས། །པགས་པ་ཤ་ཚིལ་རུས་པ་དང་། །ཁྲག་དང་ཆུ་བ་ཆུ་བ་ཆེ། །ཕྱི་དང་ནང་དུ་སྐྲངས་གྱུར་པ། །རྩ་བ་ཆེ་ཞིང་ནད་ཚབས་ཆེ། །ཟླུམ་པོའམ་འཇོང་བར་གནས་པ་གང་། །ཁོང་འབྲས་དེ་ནི་རྣམ་པ་དྲུག །ནད་དམིགས་སྣ་རེ་འདུས་པ་དང་། །ཁྲག་
[146a.4]དང་སྨས་པ་ལས་བྱུང་བའོ། །འདིར་ཕྱིའི་ཡན་ལག་དེ་དང་དེར། །རབ་ན་མདུད་པ་འདྲ་ལ་མཐོ། །ནང་གི་ཤིན་ཏུ་མི་བཟད་ཅིང་། །གཏིང་རིང་སྐྲན་ལྟར་སྲ་བ་ཡིན། །གྲོག་མཁར་ལྟ་བུར་མཐོ་བ་དང་། །མེ་དང་མཚོན་ལྟར་མྱུར་གསོད་བྱེད། །ལྟེ་བ་ཆུ་སོ་
[146a.5]མཆིན་མཆེར་པ། །གློ་དང་སྙིང་ལྟོ་བརླ་རྩ་དང་། །མཁལ་མ་གཉིས་སམ་གཞང་དུའང་འབྱུང་། །དེ་ལ་རླུང་གྱུར་ནད་ཚབས་དྲག །དམར་ནག་རིང་ཞིག་ལོན་ནས་ནི། །འབྱུང་ཞིང་སྨིན་པ་དབྱིབས་མི་སྙོམས། །རན་ཞིང་མགོ་འཁོར་སྤོས་བ་དང་། །གཡོ་
[146a.6]ཞིང་འཕོ་ལ་སྒྲ་དང་བཅས། །མཁྲིས་གྱུར་ཟངས་ལྟར་དམར་རྩ་གནག །སྐོམ་དད་ཚ་རིམས་རྨོངས་བག་སྐྱེད། །ལྡང་ཞིང་སྨིན་པ་མྱུར་བ་ཡིན། །བད་ཀན་ལས་སྐྱ་གཡའ་དང་བཅས། །སློན་ཞིང་བསིལ་ལ་སླ་བ་དང་། །གླལ་ཞིང་ལྕི་ལ་ཡི་ག་འཆུས། །འབྱུང་
[146a.7]ཞིང་སྨིན་པ་ཡུན་རིང་ཐོགས། །འདུས་པ་ལས་གྱུར་འདྲེན་མ་ཡིན། །འདིར་ནི་ཕྱི་ནང་གཉིས་མཚན་ཉིད། །དོན་གྱི་དབང་ལས་ཤེས་པར་བྱ། །འབྲུམ་བུ་ནག་པོས་ཁེབས་ཤིང་གནག །རབ་ཚ་ན་ཞིང་རིམས་ཀྱིས་འདེབས། །མཁྲིས་པའི་རྟགས་ལྡན་ཕྱི་འམ་
[146b]
[146b.1]ནང་། །ཁྲག་གྱུར་བུད་མེད་ཉིད་ལ་འབྱུང་། །མཚོན་ལ་སྩོགས་པས་སྨས་པ་ཡིས། །རྨ་བྱུང་མི་འཕྲོད་བསྟེན་པ་ལས། །རྨ་ཁའི་ཚ་བ་རླུང་གིས་ཕུལ། །ཁྲག་བཅས་མཁྲིས་པ་འབྱུང་བར་བྱེད། །ཁོང་འབྲས་བླ་བརྣན་ནད་མང་ཞིང་། །ཁྲག་མཁྲིས་མཚན་
[146b.2]ཉིད་ཅན་དག་བྱེད། །བླ་བརྣན་དེ་ཡི་དབྱེ་བ་ཡང་། །གནས་ཀྱི་དབྱེ་བ་ལས་བཤད་དོ། །ལྟེ་བར་བྱུང་ན་སྐྱིགས་བུ་སྟེ། །ཆུ་སོར་གཅིན་འགགས་རྣག་ཏུ་འགྱུར། །མཆེར་པ་དབུགས་མི་བདེ་མཆིན་པར། །དབུགས་འབྱུང་འགག་སྐོམ་མགོ་འཁོར་
[146b.3]འགྱུར། །གློ་བར་བྱུང་ན་ལྐོག་ནད་འགྱུར། །སྙིང་བྱུང་ཡན་ལག་ཀུན་གཟིར་སྙམ། །རབ་རྨོངས་མུན་སྲོས་སྙམ་དུ་བྱེད། །སྙིང་འཕར་ན་བར་འགྱུར་བ་ཡིན། །ལྟོ་བ་རྩིབ་ལོགས་ཕྲག་པའི་བར། །ན་ཞིང་ལྟོ་སྦོས་འབྱུང་བར་འགྱུར། །ཆུ་སོ་མདོམས་བར་
[146b.4]བྱུང་བརླ་ན། །མཁལ་མར་བྱུང་ན་རྐེད་པ་རྒྱབ། །རྩིབ་ལོགས་སུ་ནི་ན་བར་འགྱུར། །གཞང་དུ་རླུང་ནི་ཐུར་འབྱུང་འགགས། །ཞུ་དང་མ་ཞུ་ཕྱེད་ཉིད་ཞུ། །དེ་དག་འོར་ནད་ལྟ་བུར་བཤད། །ལྟེ་བ་ཡན་ཆད་སྨིན་ཁར་འཛག། །ལྟེ་བ་མན་ཆད་གཞང་དུ་འཛག།།
[146b.5]ལྟེ་བར་གནས་པ་གཉི་གར་འཛག །ཁོང་འབྲས་ཀྱི་ནི་ནད་དམིགས་རྣམས། །འཛག་ལས་རྨ་ལྟར་ཤེས་པར་བྱ། །དེ་ལས་འདུས་པ་ལས་གྱུར་དང་། །སྙིང་དང་ལྟེ་བ་ཆུ་སོར་གནས། །ཕྱི་འམ་ནང་དུ་བྱེ་བ་འམ། །སྨིན་ཏེ་ཁ་ནས་འཛག་པ་ནི། །ཉམ་
[146b.6]ཆུང་བླ་བརྣན་ལྡན་པ་སྤང་། །དེ་བཞིན་བུད་མེད་བུ་བཙས་པའམ། །སྦྲུམ་མའམ་ནུ་ཞོ་ཡོད་པ་དང་། །ནུ་ཞོ་མེད་པའི་ནུ་མ་ཡི། །རྩ་སྒོ་ཁ་བྱེར་ཕྱིན་གྱུར་ནས། །ཕྱི་ཡི་ཁོང་འབྲས་མཚན་ཉིད་ཅན། །སྐྲང་ཞིང་སྲབ་འབྱུང་བར་འགྱུར། །བུ་མོ་རྣམས་ཀྱི་ནུ་
[146b.7]རྩའི་སྒོ། །ཕྲ་བས་འབྱུང་བར་མི་འགྱུར་རོ། །རླུང་ནི་རྒྱུ་ལམ་འགགས་པས་འཁྲུགས། །སྐྲང་དང་གཟེར་ནི་སྐྱེད་ཅིང་རྒྱུ། །ཆུ་སོ་རླིག་པར་ཕྱིན་པ་དང་། །རླིག་པར་རྒྱུ་བའི་རྩ་དག་ནི། །བཙིར་ནས་རླིག་པ་པགས་པ་དག། །འཕེལ་ཞིང་རླིག་རླུགས་ཉིད་དུ་ཕྱེད། །རང་
[147a]
[147a.1]ཁྲག་གཅིན་ཚིལ་རྒྱུ་མ་ལས། །རླིག་རླུགས་དེ་ནི་རྣམ་བདུན་འགྱུར། །རྒྱུ་མ་གཅིན་སྐྱེས་པའམ་རླུང་། །རྒྱུ་མའི་དབྱེ་བ་འབའ་ཞིག་གཞན། །རླུང་གྱུར་རྐྱལ་པ་གང་འདྲ་ཞིང་། །རེག་ན་རྩུབ་ཅིང་རྒྱུ་མེད་ན། །མཁྲིས་གྱུར་ཨུ་དུམྦཱ་ར་ཡི། །འབྲས་
[147a.2]བུ་སྨིན་འདྲ་ཚ་དྲོ་འདྲུལ། །བད་ཀན་ལས་བསིལ་ལྕི་ཞིང་སྣུམ། །གཡའ་ཞིང་སྲ་ལ་ནད་ཚབས་ཆུང་། །ཁྲག་གྱུར་གནག་ཅིང་འབྲུམ་བུས་ཁྱབ། །མཁྲིས་པའི་རླིག་རླུགས་མཚན་ཉིད་ལྡན། །ཚིལ་གྱུར་རླིག་རླུགས་བད་ཀན་འདྲ། །འཇམ་ཞིང་ཏ་ལའི་འབྲས་བུར་
[147a.3]མཚུངས། །གཅིན་གནག་པ་ལ་བརྟེན་པ་རྣམས། །གཅིན་ལས་འབང་བར་དེ་འགྱུར་ཏེ། །རྐྱལ་པ་ཆུ་ཡིས་གང་བལྟར། །གཡོ་འགྱུར་ནད་དང་བཅས་ཤིང་འཇམ། །གཅིན་འགགས་པ་དང་རླིག་པ་ཡི། །འོག་ཏུ་སྐྲང་པར་བྱེད་པར་འགྱུར། །རླུང་འཁྲུགས་པ་ཡི་
[147a.4]ཟས་དང་ནི། །ཆུ་གྲང་ལ་ནི་རྐྱལ་བ་དང་། །ཤུགས་བཀག་བཅིར་དང་ཁུར་དང་ལམ། །ཡན་ལག་ལོག་པར་འཆུས་པ་དང་། །རླུང་འཁྲུགས་པ་ནི་གཞན་གྱིས་ཀྱང་། །གང་ཚོ་རྒྱུ་མ་ཕྲ་མོའི་ཆ། །རླུང་གིས་ལོག་པར་ཕུལ་འགྱུར་ཏེ། །རང་གི་གནས་ནས་
[147a.5]ཐུར་དུ་བསྐྱོད། །ཆུ་སོའི་ཚིགས་སུ་ཕྱིན་པ་དང་། །དེ་ཆ་མདུད་པ་ལྟར་གློ་འགྱུར། །ཡལ་བར་བོར་ན་རླིག་པ་ཆེར་སྐྱེ་ཞིང་། །སྤོ་ཤིང་ན་ལ་རེངས་པར་རླུང་གིས་བྱེད། །རབ་ཏུ་གཟིར་ཞིང་ནང་ན་སྒྲ་དང་བཅས། །གང་བར་བྱེད་ཅིང་བཅུག་ཀྱང་སླར་འབྱུང་བྱེད། །
[147a.6]རྒྱུ་རླུགས་འདི་ནི་གསོ་དཀའ་སྟེ། །རླུང་གི་རླིག་རླུགས་འདྲ་བ་ཡིན། །རྩུབ་ཅིང་གནག་ལ་དམར་པའི་རྩ། །ཕྲ་མོའི་དྲ་བས་ཁེབས་པ་ཡིན། །སྐྲན་བརྒྱད་ནད་ནི་སོ་སོ་དང་། །འདྲེས་དང་འདུས་པ་ལས་གྱུར་དང་། །ཟླ་མཚན་གྱི་ནི་ཉེས་པ་ཡིས། །བརྒྱད་པ་བུད་མེད་
[147a.7]རྣམས་ལ་འབྱུང་། །རིམས་དང་སློན་དང་ཚད་འཁྲུ་སྩོགས། །སྐྱུག་སྨན་སྩོགས་དང་ལས་རྣམས་ཀྱིས། །སྐེམ་གྱུར་རླུང་སྐྱེས་ཟས་ཟ་དང་། །བཀྲེས་ཏེ་ཏུ་གྲང་འཐུངས་གྱུར་པའམ། །སྐེམ་འཐུངས་རྗེས་ལ་གང་ཞིག་ནི། །རྐྱལ་དང་མཆོང་བ་ལ་སོགས་པ། །
[147b]
[147b.1]བསྟེན་པས་ལུས་ནི་དཀྲུགས་བྱས་དང་། །སློན་མི་བྲོ་ཡང་སྐྱུགས་པ་དང་། །རླུང་ལ་སོགས་པ་འབྱུང་བ་ཡི། །ཤུགས་བཀག་པ་འམ་བཙིར་པའམ། །སྣུམ་མ་དང་དུགས་ནི་མ་བསྟེན་པར། །སྦྱང་བའི་ལས་ནི་བྱས་པ་དང་། །སྦྱངས་ཟིན་མྱུར་དུ་ཚ་བ་དང་། །བད་
[147b.2]ཀན་སྐྱེད་པའི་ཟས་སྐོམ་སྤྱད། །རླུང་རྒྱས་པ་ཡི་ནད་རྣམས་ནི། །སོ་སོའམ་འདྲེས་པའམ་འཁྲུགས་གྱུར་པའམ། །ཀུན་ནས་ཁྲག་དང་བཅས་འཁྲུགས་པས། །སྦུབས་ཅན་ལ་ནི་བརྟེན་གྱུར་ནས། །སྟེང་འོག་ལམ་ནི་བཀག་ནས་སུ། །གཟེར་སྔོན་འགྲོ་ཞིང་རེག་
[147b.3]ཏུ་རུང་། །ཤིན་ཏུ་མཐོ་ཞིང་མདུད་པའི་གཟུགས། །སྐྲན་ནི་སྐྱེད་པར་འགྱུར་བ་ཡིན། །སྐེམ་པས་བད་ཀན་མཁྲིས་བཤང་པའི། །རྒྱུན་སྲང་འགགས་པར་གྱུར་པ་ཡིས། །རླུང་ནི་ཁོང་པར་གནས་བཅས་པ། །རྩུབ་པས་སྲ་བར་གྱུར་པ་ཡིན། །རང་
[147b.4]གནས་ལྡང་འགྱུར་རང་དབང་ཅན། །གཞན་གནས་ལ་བརྟེན་གཞན་དབང་ཅན། །གོང་པོར་གྱུར་པས་གཟུགས་མེད་ཀྱང་། །གཟུགས་ཅན་ལྟར་གནས་སྐྲན་ཞེས་བྱ། །ཆུ་སོ་ལྟེ་བ་སྙིང་ག་དང་། །རྩིབ་ལོགས་ལ་ནི་གནས་པ་ཡིན། །རླུང་ལས་མཇིང་པ་
[147b.5]ཀླད་པ་གཟེར། །རིམས་འདེབས་མཆེར་ན་རྒྱུ་མ་ཁྲུག །བཤང་སྲི་ཁབ་ཀྱིས་གཙགས་སྙམ་ན། །དབུགས་འབྱིན་ཡང་དང་ཡང་མི་ཕྱིན། །ལུས་རེངས་ཁ་ནི་སྐམ་པ་དང་། །སྐེམ་ཞིང་མེ་དྲོད་མི་སྙོམས་ལ། །པགས་སྩོགས་གནག་ཅིང་རྩུབ་པ་དང་། །
[147b.6]རླུང་སྐྲན་གཡོ་བ་ཡིན་པའི་ཕྱིར། །དབྱིབས་ནི་བརྟག་པར་མི་མངོན་ཞིང་། །གནས་འཕེལ་འབྲི་དང་ན་བ་དང་། །གྲོག་མས་ཁྱབ་པ་ལྟ་བུར་ནི། །སྐྲན་ནི་འགུལ་ཞིང་ཟུག་པ་ཡིན། །མཁྲིས་ལས་ཚ་ཞིང་སྒྲེགས་སྐྱུར་བརྒྱལ། །འཁྲུ་ཞིང་ལུས་རྔུལ་སྐོམ་རིམས་
[147b.7]འདེབས། །པགས་པ་ལ་སོགས་སེར་པོར་སྣང་། །སྐྲན་ནི་རེག་པར་མི་བཟོད་དང་། །ཚ་ཞིང་འབར་ལ་དྲོ་བ་དང་། །རང་གི་གནས་ནི་སྲེག་སྙམ་བྱེད། །བད་ཀན་སློན་བག་ཡི་ག་འཆུས། །མེ་དྲོད་ཉམས་ཤིང་གྲང་རིམས་འདེབས། །ཆོམ་པ་ཁོང་སྙོམ་དང་ག་ལྕི། །
[148a]
[148a.1]ལུད་པ་ལུ་ཞིང་པགས་སྩོགས་དཀར། །སྐྲན་ཕུགས་རིང་ཞིང་སྲ་བ་དང་། །ལྕི་ཞིང་རང་གནས་བརྟེན་ནད་ཆུང་། །ཕལ་ཆེར་རང་གནས་འདུག་པ་དང་། །རང་གི་དུས་སུ་ནད་སྐྱེད་བྱེད། །གཉིས་ལས་བྱུང་བའི་སྐྲན་གསུམ་པོ། །མཚན་ཉིད་
[148a.2]འདྲེན་མར་ལྡན་པ་ཡིན། །ཀུན་སྐྱེས་མི་བཟད་ན་ཞིང་ཚ། །མྱུར་སྨིན་སྲ་མཐོ་དེ་གསོ་དཀའ། །ཁྲག་གི་སྐྲན་ནི་གང་ཡིན་པ། །དེ་ནི་བུད་མེད་ཉིད་ལ་འབྱུང་། །ཟླ་མཚན་དུས་སམ་བུ་གསར་བཙས། །ཡང་ན་མངལ་གྱི་ནད་ཅན་གྱིས། །བུད་མེད་རླུང་སྐྱེད་བསྟེན་
[148a.3]གྱུར་པས། །རླུང་ནི་འཁྲུགས་པར་གྱུར་པ་ལས། །ཟླ་རེ་འབྱུང་བར་བྱེད་པ་ཡིས། །ཟླ་མཚན་མངལ་དུ་བཀག་པས་ནི། །དེ་ནི་མངལ་ཆགས་འདྲར་སྣང་ཞིང་། །མཚན་མ་གསལ་བར་སྟོན་བྱེད་དེ། །སྙིང་འཕར་ནུ་འཛག་ཡིད་མི་བདེ། །སྐེམ་པ་ལ་སྩོགས་ཚུལ་
[148a.4]དུ་སྣང་། །དེ་ནས་རིམ་གྱིས་རླུང་འདྲེས་དང་། །མཁྲིས་པ་ཡི་ནི་རྒྱུ་ཡིས་ན། །རླུང་དང་མཁྲིས་པ་ལས་བྱུང་བའི། །སྐྲན་ནི་ཁྲག་དེ་སྐྱེད་བྱེད་ཡིན། །ན་ཞིང་སྲ་ལ་ཚ་ཞིང་འཁྲུ། །སྐོམ་དད་རིམས་སྩོགས་བླ་བརྣན་འབྱུང་། །ནད་ཀྱི་ཁྲག་ལ་བརྟེན་པས་ན། །མངལ་
[148a.5]གནས་དག་ཏུ་ལྷག་པར་གཟེར། །མངལ་ནས་དྲི་ང་འཛག་པ་དང་། །ན་ཞིང་འཕར་ལ་ཟུག་པར་བྱེད། །མངལ་ཆགས་འདྲ་ཡང་ཡན་ལག་མེད། །འོན་ཀྱང་སྐྲན་ནི་འགུལ་གཟེར་ལྡན། །དེ་ཉིད་དེར་ནི་གོང་པོར་གནས། །ལན་འགའ་འགུལ་བར་བྱེད་པ་ཡིན། །
[148a.6]འདི་ནི་ལྟོར་འཕེལ་མི་བྱེད་ཀྱི། །སྐྲན་ཉིད་འཕེལ་བར་བྱེད་པ་ཡིན། །རང་གི་ནད་གཞི་ལ་བརྟེན་པས། །དེས་དེར་སྐྲན་ནད་ཐམས་ཅད་སྐྱེད། །ཡུན་རིངས་ནས་ནི་སྨིན་འགྱུར་བའམ། །ཡང་ན་མ་སྨིན་ཁོང་འབྲས་ཀྱང་། །ནད་ཁྲག་ལ་ནི་བརྟེན་པའི་ཕྱིར། །ཤིན་ཏུ་མྱུར་
[148a.7]བར་སྨིན་པར་འགྱུར། །དེ་ཕྱིར་མྱུར་དུ་ཚ་འགྱུར་བས། །ཁོང་འབྲས་ཞེས་ནི་དེ་ལ་བཤད། །ནང་གནས་སྐྲན་ནི་ཆུ་སོ་དང་། །ལྟོ་བ་མཆིན་པ་སྙིང་ན་ཞིང་། །མེ་དྲོད་མདོག་ཉམས་ཉམས་སྟོབས་འབྲི། །ཤུགས་ནི་འགག་པར་འགྱུར་བ་ཡིན། །ཕྱི་རོལ་དེ་ལས་
[148b]
[148b.1]བཟློག་པ་སྟེ། །ཁོང་པའི་ཡན་ལག་ནད་ཚབས་ཆུང་། །ཕྱོགས་དེའི་མདོག་ནི་ཉམས་པ་དང་། །ཕྱི་རོལ་དུ་ནི་མཐོང་ཞིང་འཕགས། །ལྟོ་སྦོ་ལྷག་པར་མི་བཟད་ན། །རྒྱུ་མའི་སྒྲ་བཅས་མི་བཟད་ན། །སྦོ་བཅས་ལྟོ་བ་ན་བ་དང་། །རླུང་གི་ནད་ཀྱིས་སྟེང་འོག་
[148b.2]བཀག །དེ་ནི་ཧེན་གྱི་ཞེས་བྱར་བཤད། །སྲ་ཞིང་གཏུན་འདྲ་མདུད་པ་ཅན། །གཏུན་འདྲ་གྱེན་དུ་མཐོ་བར་གནས། །ཧེན་གྱི་མཚན་ལྡན་གཏུན་བུ་ནི། །འཕྲེད་གནས་དེ་དང་ཚུལ་འདྲ་ཡིན། །ཞུ་བའི་གནས་ནས་གཞང་ཕོ་མཚན། །རླུང་ནི་མི་བཟད་ན་ཞིང་རྒྱུ། །
[148b.3]ཐུར་དུ་ཟུག་པ་ཡིན་པར་བཤད། །དེ་ལས་བཟློག་པ་གྱེན་དུ་ཟུག་པའོ། །སྒྲེགས་པ་མང་ཞིང་བཤང་པ་འགགས་པ་དང་། །འགྲངས་ཟ་མི་ནུས་རྒྱུ་མ་སྒྲ་དང་བཅས། །སྦོ་ཞིང་ཧེན་ལངས་ཁ་ཟས་འཇུ་མི་ནུས། །སྐྲན་ནི་ཉེར་འབྱུང་མཚན་མ་ཡིན་པར་བཤད། །ཡན་
[148b.4]ལག་བརྒྱད་པའི་སྙིང་པོ་བསྡུས་པ་ལས། །ནད་གཞིའི་གནས་ཀྱི་ལེའུ་བཅུ་གཅིག་པའོ།། །།དེ་ནས་དམུ་རྫིང་གི་ནད་གཞི་བཤད་པར་བྱའོ། །ནད་ཀུན་མེ་དྲོད་ཉམས་ལས་སྐྱེ། །ལྷག་པར་དམུ་རྫིང་ནད་སྐྱེ་ཞིང་། །མ་ཞུ་དྲི་མ་ཅན་གྱི་ཟས། །དྲི་མ་སྩོགས་
[148b.5]ལས་སྐྱེ་བར་འགྱུར། །ནད་ཀྱིས་ཆུ་ནི་རྒྱུ་བའི་རྩ། །སྟེང་དང་འོག་ཏུ་བཀག་ནས་ནི། །སྲོག་དང་ཐུར་སེལ་ལ་གནོད་དེ། །པགས་པ་ཤ་ཡི་བར་གནས་ནད། །ལྟོ་བ་བཀང་སྟེ་དམུ་རྫིང་སྐྱེད། །དེ་ཡང་རྣམ་པ་བརྒྱད་འགྱུར་ཏེ། །ནད་གཞི་ཐ་དད་འདུས་མཆེར་པ། །དྲི་
[148b.6]མ་འགགས་དང་རྒྱུ་རྡོལ་དང་། །དེས་གཟིར་རྐན་དང་མཆུ་བསྐམས་ཤིང་། །རྐང་པ་ལག་པ་གསུས་པ་སྐྲང་། །སྤྱོད་པ་ཁ་ཟས་ཉམས་སྟོབས་འབྲི། །སྐེམ་ཞིང་གསུས་པ་ཆེར་སྐྱེས་ལ། །མི་ནི་ཡི་དགས་གཟུགས་ཅན་འགྱུར། །དེ་ནི་འབྱུང་འགྱུར་མཚན་མ་དག །
[148b.7]བཀྲེས་པ་མེད་ཅིང་ཟས་ཀུན་ནི། །རིང་ནས་ཚ་ཞིང་སྐྱུར་བཅས་འཇུ། །འཇུ་དང་མི་འཇུ་མི་ཤེས་ལ། །འགྲངས་པར་ཟ་ཡང་མི་ནུས་ཤིང་། །སྟོབས་ནི་རྟག་ཏུ་ཟད་པར་འགྱུར། །ཅུང་ཟད་བསྐྱོད་ཀྱང་དབུགས་མི་བདེ། །བཤང་བ་འཕེལ་ཞིང་འགགས་པར་བྱེད། །
[149a]
[149a.1]རྐང་པ་གཉིས་སུ་ཅུང་ཟད་སྐྲང་། །ཆུ་སོར་ན་ཞིང་ཟས་ཡང་བ། །ཅུང་ཟད་ཟོས་ཀྱང་གསུས་པ་རྒྱས། །རྩ་རྒྱས་ལྟོ་བའི་གཉེར་མ་འཇིག །དམུ་རྫིང་ནད་ནི་ཐམས་ཅད་ལ། །སྙོམ་ཞིང་ཉམ་ཆུང་འགྱུར་བ་དང་། །དྲི་མ་སྲི་ཞིང་མེ་དྲོད་ཆུང་། །
[149a.2]ཚ་ཞིང་སྐྲང་ལ་གསུས་པ་སྦོ། །མཇུག་ཏུ་ཆུ་ནི་འབྱུང་བར་འགྱུར། །ཐམས་ཅད་ཆུ་མེད་པར་དུ་སྨུག །སྐྲང་མེད་ཁུར་ལྟར་ལྕི་མ་ཡིན། །རྩ་དྲའི་སྐར་ཁུང་རིས་ཀྱིས་ཁེབས། །རྟག་ཏུ་སྒྲ་ནི་འུར་འུར་ཟེར། །རླུང་གིས་ལྟེ་བ་རྒྱུ་མར་ཞུགས། །ཤུགས་སྐྱེད་ན་ནི་འཇིག་
[149a.3]པར་འགྱུར། །སྙིང་ག་ལྟེ་བ་རྐེད་པ་དང་། །གཞང་དང་ཆུ་སོན་བར་བྱེད། །རླུང་ནི་སྒྲ་དང་བཅས་པར་རྒྱུ། །བཤང་བ་འགག་ཅིང་གཅི་བ་ཉུང་། །མེ་དྲོད་ཆུང་མིན་སྐམ་པ་མིན། །ཁར་ནི་རོ་བྲོ་མེད་པ་ཡིན། །དེ་ལ་རླུང་གི་དམུ་རྫིང་ནི། །རྐང་ལག་རླིག་
[149a.4]པ་ལྟོ་བ་སྐྲང་། །ལྟོ་བ་རྩིབ་ལོགས་(རྐད་,རྐེད་)རྒྱབ་ན། །ཚིགས་རྣམས་བྱེ་བ་སྙམ་དུ་སེམས། །ལུད་པ་སྐམས་ཤིང་ཡན་ལག་སྙོམ། །རོ་སྨད་ལྕི་ཞིང་བཤང་གཅི་འགག །པགས་པ་ལ་སྩོགས་གནག་ལ་སྨུག །གློ་བུར་དུ་ནི་འཕེལ་ཞིང་འབྲི། །
[149a.5]གསུས་པར་ཟུག་ཅིང་ན་བ་དང་། །རྩ་བྲན་ནག་པོས་ཁྱབ་ཅིང་རྒྱས། །བརྡབས་ན་རྐྱལ་པ་དབུགས་ཀྱིས་ནི། །གང་བ་ལྟ་བུའི་སྒྲ་དང་ལྡན། །འདིར་རླུང་ནད་དང་སྒྲར་བཅས་པས། །ཐམས་ཅད་དུ་ནི་རྒྱུ་བར་བྱེད། །མཁྲིས་པའི་དམུ་རྫིང་རིམས་འདེབས་རྒྱས། །
[149a.6]ལུས་ཚ་སྐོམ་དང་ཁ་རོ་ཁ། །མགོ་འཁོར་ཚད་འཁྲུ་པགས་པ་སྩོགས། །སེར་ཞིང་གསུས་པའི་མདོག་རྩ་སྔོ། །རྩ་ནི་དམར་སེར་དག་གིས་ཁྱབ། །རྡུལ་དང་ཚ་བར་བཅས་པས་སྲེག །དད་འབྱུང་རེག་ན་འཇམ་པ་དང་། །མྱུར་དུ་སྨིན་ཞིང་ཉེར་གདུང་
[149a.7]འགྱུར། །བད་ཀན་དམུ་རྫིང་ལྷུ་ཚིགས་ན། །ཚོར་བ་མེད་ཅིང་སྐྲངས་ལ་ལྕི། །གཉིད་ཆེ་སློན་ཞིང་ཡི་ག་འཆུས། །ལུད་པ་དབུགས་མི་བདེ་པགས་སྩོགས། །སྲ་ཞིང་ལྟོ་བ་མཁྲང་ལ་སྣུམ། །རྩ་ཡི་རི་མོས་ཁྱབ་ཅིང་ཆེ། །རིང་ནས་འཕེལ་ཞིང་སྲ་བ་དང་། །
[149b]
[149b.1]རེག་ན་གྲང་ཞིང་གསུས་པ་ལྕི། །ནད་གསུམ་འཁྲུགས་པ་དེ་དང་དེ། །བུད་མེད་ཀྱིས་བྱིན་དྲི་མ་རྡུལ། །དབྱིག་དུག་དུག་སྩོགས་ཀྱིས་གནོད་འགྱུར། །ཁྲག་བཅས་དྲི་མ་བསགས་པ་ནི། །ལྟོར་སོང་གནོད་པ་སྐྱེད་བྱེད་དེ། །ཁ་སྐོམ་མགོ་འཁོར་བརྒྱལ་བཅས་པའི། །
[149b.2]རྟགས་གསུམ་ལྡན་པའི་དམུ་རྫིང་སྐྱེད། །མྱུར་དུ་སྨིན་ཞིང་མི་བཟད་ན། །དེ་ནི་གྲང་དང་རླུང་དང་ཆར། །ཕྲད་པས་ཤིན་ཏུ་གནོད་པར་འགྱུར། །མང་དུ་ཟོས་པས་བསྐྱོད་པ་དང་། །བཞོན་པ་དྲག་ཏུ་འགྲོ་བ་དང་། །ལས་ལམ་ཉལ་པོ་དྲགས་པས་དུབ། །སྐྱུག་སྨན་དྲགས་
[149b.3]དང་ནད་ཀྱིས་སྐེམ། །གཡོན་ལོགས་གནས་པའི་མཆེར་པ་ནི། །གནས་ལས་འཕོས་ཏེ་འཕེལ་བ་དང་། །ཡང་ན་དངས་མ་སྩོགས་པས་ཁྲག །རྒྱས་བྱས་དེ་ནི་འཕེལ་གྱུར་དང་། །དེ་ནས་གཏུན་བུ་བཞིན་རབ་སྲ། །དེ་ནས་རུས་སྦལ་རྒྱབ་འདྲ་བར། །རིམ་གྱིས་
[149b.4]འཕེལ་བར་འགྱུར་ནས་ནི། །ལྟོ་བར་དམུ་རྫིང་ཆགས་པར་བྱེད། །ལུད་པ་དབུགས་མི་བདེ་སྐོམ་དད། །ཁ་ཡིས་རོ་ནི་མི་ཚོར་ཞིང་། །ལྕི་ཞིང་ན་ལ་རིམས་ཀྱིས་འདེབས། །ཤ་མདོག་སྐྱ་ཞིང་མི་སྡུག་ལ། །བརྒྱལ་ཞིང་སློན་པར་བྱེད་པ་དང་། །ཚ་ཞིང་མྱོས་དང་
[149b.5]ལྡན་པར་འགྱུར། །རྩ་མདོག་དམར་བའམ་མི་སྡུག་པའམ། །སྔོ་ཞིང་སེར་ལ་རི་མོར་བཅས། །དེ་ལ་རིམ་གྱིས་ནད་རྣམས་ནི། །བཤང་འགགས་ནད་དང་ལྟོ་སྦོས་དང་། །རྨོངས་བག་སྐོམ་ཚ་རིམས་ཀྱིས་འདེབས། །ལུས་ལྕི་ལྟོ་སྲ་ཡི་ག་འཆུས། །མཆེར་པ་ལྟ་
[149b.6]བུར་མཆིན་གཡས་ལོགས། །གནས་འཕོས་དམུ་རྫིང་སྐྱེད་ཅེས་བྱ། །བྱ་སྒྲོ་སྤུ་དང་བཅས་པའི་ཟས། །ཟོས་པས་བཤང་ལམ་གནས་འགགས་ཏེ། །གཞང་འབྲུམ་དང་ནི་རྟུག་སྐམ་དང་། །རྒྱུ་མར་ཆགས་པའི་ཟས་ཀྱིས་ཀྱང་། །ཐུར་དུ་སེལ་བའི་རླུང་འཁྲུགས་
[149b.7]ཏེ། །བཤང་བས་བད་མཁྲིས་བཀག་ནས་ནི། །ལྟོ་བར་དམུ་རྫིང་ཆགས་པར་བྱེད། །དེས་ནི་ཚ་སྐོམ་རིམས་སྦྲིད་འབྱུང་། །ལུད་པ་དབུགས་མི་བདེ་བརླ་ན། །ཀླད་སྙིང་ལྟེ་བ་གཞང་ཁ་ན། །དྲི་མ་འགགས་སློན་ཡི་ག་འཆུས། །ལྟོ་བར་རླུང་ནི་འཁྱིམས་པར་བྱེད། །
[150a]
[150a.1]བརྟན་ཞིང་རྩ་ནི་སྔོ་ལ་སྨུག །རྩ་རིས་སྣང་བའམ་མི་སྣང་འགྱུར། །ཕལ་ཆེར་ལྟེ་བའི་འོག་ཏུ་ནི། །བ་ལང་མཇུག་འདྲ་འབྱུང་བར་འགྱུར། །རུས་སྩོགས་ཟུག་རྔུར་བཅས་པའི་ཟས། །ཟོས་སམ་ཤིན་ཏུ་དྲག་ཟོས་པ། །རྒྱུ་མ་རྡོལ་ལམ་གས་
[150a.2]གྱུར་ནས། །བུ་ག་དེ་ནས་མ་ཞུ་བར། །ཕྱིར་འཛག་བཤང་ལམ་ལས་འབྱུང་ཞིང་། །བཤང་བཅས་ཉུང་ཤས་ཉུང་ཤས་ནི། །ཤ་རུལ་ལྟ་བུར་མནམ་པ་ནི། །སྦྱིན་བག་དམར་སེར་འབྱུང་བར་འགྱུར། །ལྷག་མ་ཡིས་ནི་ལྟོ་བ་འགེངས། །དམུ་རྫིང་མི་བཟད་སྐྱེ་
[150a.3]བར་འགྱུར། །དེ་ནི་ལྟེ་བ་མན་ཆད་རྒྱས། །ཆུས་གང་ལྟ་བུར་མྱུར་དུ་འགྱུར། །ནད་ཀྱི་ཚུལ་ནི་ཤས་ཆེར་ལྡན། །དབུགས་མི་བདེ་སྐོམ་མགོ་འཁོར་ཁྱབ། །རྒྱུ་རྡོལ་དམུ་རྫིང་ཞེས་བཤད་དེ། །གཞན་དག་རྒྱུ་མ་འཛག་ཅེས་ཟེར། །སྣུམ་འཐུངས་ལ་སོགས་བྱས་ནས་
[150a.4]ནི། །འཕྲལ་དུ་ཆུ་གྲང་འཐུངས་པའམ། །མེ་དྲོད་བྲི་བའམ་ཧ་ཅང་ནི། །སྐོམ་པས་ཆུ་འཐུང་དྲགས་པའམ། །རླུང་དང་བད་ཀན་འཁྲུགས་ཆུར་འདྲེས། །ཆུ་ཡི་ལམ་ནི་བཀག་གྱུར་པས། །དེ་ཉིད་གནས་དེར་འཕེལ་བར་འགྱུར། །དེ་འོག་དམུ་རྫིང་གྱུར་པ་
[150a.5]ཡིན། །དེ་ནས་དམུ་རྫིང་དེ་ལས་ནི། །སྐོམ་དད་རྐུབ་ཏུ་ཆུ་འཛག་བཅས། །དབུགས་མི་བདེ་ལུད་ཡི་ག་འཆུས། །སྣ་ཚོགས་མདོག་ལྡན་རྩ་ཡིས་ཁྱབ། །རྐྱལ་པ་ཆུས་གང་རེག་པ་འདྲ། །བསྐྱོད་ན་སྒྲ་གྲག་ལུས་འདར་ལ། །དམུ་རྫིང་ཆེན་པོས་ཆ་ཞིང་
[150a.6]སྣུམ། །བརྟན་ཞིང་དེ་ནི་ལྟེ་བ་ཟླུམ། །ཐམས་ཅད་ཡལ་བར་བོར་ན་ནི། །ནད་ནི་རང་གནས་ལས་འཕོས་ཏེ། །སྨིན་པས་སླ་ཞིང་ཟག་འགྱུར་བ། །ཚིགས་དང་རྩ་སྒོ་ལས་ཀྱང་འཛག །ཕྱི་ཡི་རྩ་སྒོ་ནས་རྔུལ་འབྱུང་། །འགགས་ནས་ཐད་ཀར་འཁྱིལ་ཞིང་
[150a.7]གནས། །ཆུ་དེ་ཉིད་ནི་འཕེལ་འགྱུར་ཞིང་། །སྦྱིན་བག་གྱུར་ན་དེ་ཚེ་ནི། །ལྟོ་བ་ལྕི་ཞིང་སྲ་ལ་ཟླུམ། །བརྡབས་ན་སྒྲ་ནི་མི་འབྱུང་ཞིང་། །མདོག་འཇམ་རྩ་རིས་མི་སྣང་ལ། །ལྟོ་བ་དང་ནི་རྒྱབ་ཏུ་འགྲོ། །དེ་རྗེས་ཆུ་ཡི་དམུ་རྫིང་སྐྱེ། །ལྟོ་བ་འཕེལ་ཞིང་
[150b]
[150b.1]དེ་ལས་ལྷག །རྩ་ནུབ་གྱུར་པའི་དམུ་ཆུ་ནི། །དམུ་རྫིང་བཤད་པའི་མཚན་ཉིད་ལྡན། །རླུང་དང་མཁྲིས་པ་བད་ཀན་མཆེར། །འདུས་པའི་ཆུ་ཡི་དམུ་རྫིང་རྣམས། །ཕྱི་མ་བཞིན་དུ་གསོ་བ་དཀའ། །གཞན་དག་ཕལ་ཆེར་ཟླ་ཕྱེད་གསོད། །ཐམས་ཅད་
[150b.2]ཆུར་གྱུར་འཆི་ལྟས་ལེའུ། །ལས་བཤད་བླ་བརྣན་ལྡན་པའང་གསོད། །སྐྱེས་ནས་དམུ་རྫིང་གྱུར་པ་དག །ཕལ་ཆེར་གསོ་བར་དཀའ་བར་བཤད། །སྟོབས་ལྡན་ཆུར་ནི་མ་གྱུར་ཞིང་། །གསར་དུ་བྱུང་བ་འབད་པས་གསོ། །ཡན་ལག་བརྒྱད་པའི་སྙིང་པོ་བསྡུས་
[150b.3]པ་ལས། ནད་གཞིའི་གནས་ཀྱི་ལེའུ་བཅུ་གཉིས་པའོ།། །།དེ་ནས་སྐྱ་རྦབ་དང་འོར་ནད་དང་མེ་དབལ་གྱི་ནད་གཞི་བཤད་པར་བྱའོ། །ཇི་སྐད་བཤད་པའི་ནད་འཁྲུགས་པས། །མཁྲིས་པ་ལྷག་པར་ལྡང་འགྱུར་ལ། །དེ་ལ་རླུང་ནི་སྟོབས་ཆེ་བས། །སྙིང་
[150b.4]ལ་གནས་པའི་མཁྲིས་པ་ནི། །གཏོར་ཏེ་རྩ་ཆེན་བཅུའི་ནང་བཀྲམ། །ལུས་ཀུན་ལ་ནི་ཁྱབ་གྱུར་པས། །བད་ཀན་པགས་པ་ཤ་ཁྲག་ལ། །གནོད་བྱས་བར་དུ་གནས་ནས་ནི། །ཤ་དང་པགས་པ་དེ་དག་ལས། །པགས་མདོག་ཐ་དད་དཀར་བ་དང་། །སེར་
[150b.5]ཞིང་ལྗང་སྔོན་བྱེད་པར་འགྱུར། །དེ་ལས་སྐྱ་བའི་ཤས་ཆེ་བས། །དེ་ཕྱིར་སྐྱ་རྦབ་ནད་ཅེས་བཤད། །ནད་དེས་ལུས་ནི་ལྕི་བ་དང་། །ལུས་ཟུངས་རྣམས་ནི་ལྷོད་པ་དང་། །མདངས་ཀྱི་ཡོན་ཏན་ཟད་གྱུར་ཞིང་། །དེ་ལས་ཁྲག་དང་ཚིལ་ཆུང་སྟེ། །སྙིང་པོ་མེད་
[150b.6]ཅིང་དབང་པོ་ལྷོང་། །ཡན་ལག་བརྡུངས་པ་སྙམ་བྱེད་ཅིང་། །སྙིང་ནི་ཟག་པ་སྙམ་དུ་སེམས། །མིག་ཕུགས་སྐྲང་ཞིང་ཉམས་ལ་ན། །མཆིལ་མང་སྐད་གསང་དམའ་བ་དང་། །ཟས་མི་འདོད་ཅིང་གྲང་མི་བཟོད། །སྤུ་འབྱི་མེ་དྲོད་ཉམས་པ་དང་། །རོ་སྨད་
[150b.7]འབྱིང་ཞིང་རིམས་ཀྱིས་འདེབས། །དབུགས་མི་བདེ་ཞིང་རྣ་སྒྲ་འབོད། །མགོ་འཁོར་ངལ་བར་བྱེད་པ་ཡིན། །དེ་ནི་ནད་གཞི་ཐ་དད་འདུས། །ས་ཞག་ཟོས་ལས་རྣམ་ལྔ་འགྱུར། །འདི་ཡི་སྔོན་ཚུལ་སྙིང་འཕར་ཞིང་། །པགས་པ་རྩུབ་པར་གྱུར་པ་དང་། །ཡི་
[151a]
[151a.1]ག་འཆུས་ཤིང་གཅིན་མདོག་སེར། །རྔུལ་མེད་ཁོང་པའི་མེ་དྲོད་ཆུང་། །ལུས་རྨྱ་ངལ་བར་བྱེད་པ་ཡིན། །དེ་ལ་རླུང་གྱུར་ལུས་ན་ཟུག །རྩ་སེན་མིག་དང་བཤང་གཅི་རྣམས། །མདོག་ནག་རྩུབ་ལ་འདར་བ་དང་། །སྐྲང་སྦོ་ཁ་ཡིས་རོ་མི་ཚོར། །
[151a.2]རྟུག་སྐམ་རྩིབ་ལོགས་ཀླད་པ་ན། །མཁྲིས་ལས་རྩ་དང་སེན་མོ་སྩོགས། །ལྗང་སྔོན་རིམས་འདེབས་མུན་འཐིབས་བྱེད། །སྐོམ་དང་རྔུལ་བརྒྱལ་བསིལ་བ་འདོད། །ལུས་མནམ་ཁ་ནང་ཁ་བ་དང་། །འཁྲུ་ཞིང་སྒྲེགས་པ་སྐྱུར་ལ་ཚ། །བད་ཀན་རྩ་སྩོགས་དཀར་
[151a.3]བ་དང་། །གློངས་ཤིང་ཁ་ནང་ལན་ཚྭ་བྲོ། །བ་སྤུ་ལྡང་ཞིང་སྐད་འགགས་ལ། །ལུད་པ་ལུ་ཞིང་སློན་པར་བྱེད། །འདུས་གྱུར་མཚན་མ་འདྲེས་བརྣག་དཀའ། །ས་ཞག་བསྐ་བས་རླུང་སྐྱེད་ལ། །ཚ་བྲོ་མཁྲིས་པ་མངར་བད་ཀན། །དངས་མ་ལ་སོགས་གནོད་
[151a.4]འགྱུར་ཞིང་། །རྩུབ་པས་ཟས་ཟོས་རྩུབ་གྱུར་ནས། །ཞུ་བས་རྩ་སྦུབས་འགགས་བྱས་ཏེ། །སྔ་མ་བཞིན་དུ་སྐྱ་རྦབ་སྐྱེད། །དེ་ནས་ལྟེ་བ་རྐང་པ་དང་། །ཁ་དང་ཕོ་མཚན་སྐྲང་པར་བྱེད། །བཤང་བ་སྲིན་བུ་དང་བཅས་འཁྲུ། །བད་ཀན་ཁྲག་དང་བཅས་པ་འབྱུང་། །
[151a.5]གང་ཞིག་སྐྱ་རྦབ་ནད་ཀྱིས་བཏབ། །དེ་ཡིས་མཁྲིས་སྐྱེད་ཟས་ཟོས་པས། །ཁོང་པ་ཡན་ལག་གནས་མཁྲིས་གནས། །བཤང་ཁྲག་བསྲེགས་ཏེ་མིག་སེར་སྐྱེད། །དེས་ནི་མིག་དང་པགས་པ་གདོང་། །བཤང་གཅི་སེན་མོ་ཁ་དོག་སེར། །ལུས་ཚ་སྐོམ་དང་
[151a.6]ཟས་མི་འཇུ། །སྦལ་འདྲ་དབང་པོ་ཉམ་ཆུང་འགྱུར། །དེ་ནི་མཁྲིས་པའི་ཤས་ཆེན། །སྐྱ་རྦབ་ནད་མེད་པར་དེ་འབྱུང་། །ཡལ་བར་བོར་ན་ཆེར་སྐྲངས་ཏེ། །གསོ་དཀའ་མིག་སེར་འོར་ཐབས་ཡིན། །ཧ་ལི་ས་ནི་ལྗང་ནག་སེར། །རླུང་མཁྲིས་མགོ་འཁོར་སྐོམ་
[151a.7]དད་ཆེ། །བུད་མེད་ལ་དགའ་རིམས་ཆུང་འདེབས། །ཁོང་རྨྱ་མེ་དྲོད་ཉམས་སྟོབས་འབྲི། །ཧ་ལི་ས་ཀ་ཁྲག་ངན་འགྱུར། །ཆུ་སེར་ཅན་ཞེས་བྱ་བ་ཡིན། །དེ་རྣམས་ཀྱི་ནི་བླ་བརྣན་སྔར། །འོར་ནད་གཅོ་བོ་ཡིན་པར་བཤད། །དེ་ཕྱིར་དེ་ཉིད་བཤད་པར་བྱའོ། །
[151b]
[151b.1]རླུང་འཁྲུགས་གྱུར་པས་བད་ཀན་དང་། །ཁྲག་དང་མཁྲིས་པ་ཕྱི་རོལ་རྩར། །འཕྲོས་བྱས་དེ་ཡང་རྒྱུན་སྲང་འགགས། །པགས་པ་ཤ་ལ་གནས་གྱུར་ཏེ། །འོར་ནད་མཐོང་ཞིང་སྐྲང་པར་བྱེད། །དེ་བས་ཐམས་ཅད་འདུས་གྱུར་བཤད། །རྒྱུ་རྣམས་
[151b.2]ཀྱི་ནི་བྱེ་བྲག་ལས། །གཟུགས་དབྱེ་དགུ་ཡི་བདག་ཉིད་ཅན། །ནད་གཞི་ཐ་དད་གཉིས་དང་ཀུན། །སྣད་དང་དུག་གིས་ཕོག་ལས་འབྱུང་། །ཡང་ན་རང་དང་གློ་བུར་གཉིས། །ཡན་ལག་ཀུན་སྐྲང་ཕྱོགས་གཅིག་གཉིས། །ཁྱབ་དང་མཐོ་དང་མདུད་པ་
[151b.3]ཡི། །དབྱིབས་ཀྱི་དབྱེ་བས་གསུམ་དུ་འདོད། །འོར་ནད་ཀྱི་ནི་སྤྱི་ཡི་རྒྱུ། །ནད་ལས་སྐྱེས་པ་ཁྱད་པར་ཉིད། །ནད་ལས་སྨྱུང་སྩོགས་ཀྱིས་ཉམ་ཆུང་། །མྱུར་དུ་ལྷག་པར་ཟོས་ལས་འབྱུང་། །དེ་ནས་གཞན་ཡང་ལྕི་བ་དང་། །སྐྱུར་དང་སྣུམ་བསིལ་ལན་
[151b.4]ཚྭ་དང་། །ཐལ་སྨན་རྣོན་པོ་ཚ་བ་དང་། །མྱ་ངན་ཆུ་གཉིད་དྲགས་དང་ཡར། །ས་ཟོས་ཤ་ལྕི་ཤ་སྐམ་དང་། །མ་ཞུ་ངལ་དང་བུད་མེད་དྲགས། །རྐང་གིས་ལམ་དུ་འགྲོ་བ་འམ། །བཞོན་པས་དྲག་ཏུ་བསྐྱོད་འགྱུར་ཡིན། །ལུད་པ་དབུགས་མི་བདེ་ཚད་
[151b.5]འཁྲུ། །གཞང་འབྲུམ་ལྟོ་བའི་ནད་དང་ནི། །མངལ་ནས་ཁྲག་ཟག་རིམས་ཀྱིས་བཏབ། །གསུད་དང་ཆུ་སེར་སློན་ཉེས་དང་། །སྦྲུམ་མ་དང་ནི་མེ་དབལ་གྱི། །ནད་དང་སྐྱ་རྦབ་དག་གིས་བཏབ། །གཞན་ཡང་ལོག་པར་གསོས་གྱུར་པའི། །ནད་
[151b.6]དེ་བྲང་དུ་གནས་ན་ནི། །སྟོད་སྐྲང་ཆུ་སོར་གནས་སྨད་སྐྲང་། །དབུས་ན་གནས་པ་རབ་ཏུ་སྐྲང་། །ཡན་ལག་ཀུན་ཁྱབ་ཐམས་ཅད་སྐྲང་། །ཉིང་ལག་ལ་བརྟེན་དེ་སྐྲང་བྱེད། །དེ་ཡི་སྔོན་ཚུལ་རྩ་རྣམས་ཚ། །ཡན་ལག་སྙོམ་པར་བྱེད་པ་ཡིན། །རླུང་
[151b.7]ལས་སྐྲང་པ་འཕོ་ཞང་རྩུབ། །སྤུ་རྩུབ་སྨུག་ཅིང་གནག་པ་དང་། །པགས་འཁུམས་འདར་བརྩེ་རེག་ནན། །ན་ཞིང་ཟུག་པ་བེེམ་བེམ་པོ། །མྱུར་བར་ལྡང་ཞིང་མྱུར་དུ་ཞི། །སྐྲངས་པ་མནན་ན་དམའ་བར་འགྱུར། །སྣུམ་དང་དྲོ་པས་མཉེས་ན་ཞི། །
[152a]
[152a.1]མཚན་མོ་ཆུང་ཞིང་ཉིན་མོ་ཆེ། །པགས་པ་ཡུངས་ཀར་ལྡེ་གུ་ཡིས། །བསྐུས་ལྟར་ཚ་བ་ཙག་ཙག་བྱེད། །མཁྲིས་པ་རྩ་སེར་དམར་ལ་གནག །སྤུ་ནི་དམར་སེར་གྱུར་པ་དང་། །མྱུར་དུ་ལྡང་དང་ཞི་མི་འགྱུར། །དང་པོར་དབུས་
[152a.2]སུ་བྱུང་དང་སྲབ། །སྐོམ་བཅས་ཚ་ཞིང་རིམས་འདེབས་རྔུལ། །མནམ་ཞིང་འདྲུལ་ལ་སྣུམ་མགོ་འཁོར། །བསིལ་བར་འདོད་ཅིང་ཐུར་དུ་འཁྲུ། །དྲི་མནམ་རེག་ན་མི་བཟོད་འཇམ། །བད་ཀན་གཡའ་སྤུ་པགས་པ་དཀར། །མཁྲང་ཞིང་བསིལ་ལ་ལྕི་བ་
[152a.3]དང་། །སྣུམ་ཞིང་འཇམ་ལ་བརྟེན་ཞིང་འཐས། །གཉིད་ཆེ་སློན་ཞིང་མེ་དྲོད་ཉམས། །མནན་ན་མི་འབྱིང་ལྡང་དཀའ་ཞིང་། །ཞི་དཀའ་མཚན་མོ་སྐྲངས་ཚབས་ཆེ། །འོད་མ་གཙགས་བུ་སྩོགས་དྲལ་ཡང་། །ཁྲག་མི་འབྱུང་བར་སྤྱིན་བག་འཛག །དྲོ་དང་
[152a.4]རེག་པ་ལ་མངོན་དགའ། །གཉིས་འབྱུང་གསུམ་པོ་རང་ཇི་བཞིན། །རྒྱུ་དང་མཚན་མ་འདྲེན་མ་ཡིན། །འདུས་པ་ཀུན་གྱི་བདག་ཉིད་ཅན། །མཚོན་ལས་སྩོགས་པས་ནད་གྱུར་ཞིང་། །བཅད་དམ་དབྲལ་ལམ་སྨས་ལ་སྩོགས། །ཁ་བ་མེ་
[152a.5]དང་རྒྱ་མཚོའི་རླུང་། །བསེ་རྩི་ཀ་པི་ཀ་ཆུ་ཡི། །ཁུ་བ་གྲ་མ་སྩོགས་རེག་པས། །སྐྲང་པ་མཆེད་པར་འགྱུར་བ་ཡིན། །ཤིན་ཏུ་ཚ་ཞིང་དམར་བར་སྣང་། །ཕལ་ཆེར་མཁྲིས་པའི་མཚན་ཉིད་ཅན། །དུག་སྐྱེས་སྲོག་ཆགས་དུག་ཅན་ནི། །
[152a.6]ལུས་ལ་སོད་དང་གཅིན་གྱིས་ཕོག །སྲོག་ཆགས་དུག་མེད་པ་ཡི་ཡང་། །སོ་དང་མཆེ་བ་སེན་མོས་ཟུག །གཅིན་རྟུག་ཁུ་བས་སྨོས་པ་དང་། །དྲི་མ་ཅན་གྱི་གོས་ཀྱིས་རེག །དུག་ཤིང་རླུང་ལ་རག་པ་དང་། དབྱིག་དུག་ཕྱེ་མས་རེག་ལས་བྱུང་། །
[152a.7]མཉེན་ཞིང་གཡོ་ལ་འཕྱང་བ་དང་། །མྱུར་གསོད་ཚ་ཞིང་ན་བར་བྱེད། །འོར་ནད་གསར་བྱུང་བླ་བརྣན་མེད། །གསོ་སླ་གསོ་དཀའ་སྔར་བཤད་ཟིན། །མེ་དཔལ་ནད་དང་སྣད་པའི་བར། །གནོད་པ་འོར་ནད་མཚུངས་པ་ཡིན། །དེ་ནི་ཕྱི་ནང་གཉི་ག་སྟེ། །
[152b]
[152b.1]གསུམ་ན་གནས་པ་ཡིན་པར་བཤད། །ཕྱི་མ་བཞིན་དུ་གསོ་བར་དཀའ། །དེ་ལ་ནད་ནི་ཇི་བཞིན་དུ། །འཁྲུགས་པའི་རྒྱུ་ཡིས་ལྡང་གྱུར་ལ། །ཁྱད་པར་དུ་ནི་ཚ་བ་ཡིས། །ལུས་ལ་མྱུར་དུ་མཆེད་པར་བྱེད། །དེ་ཡང་ནང་གནས་ནང་དུ་མཆེད། །ཕྱིར་
[152b.2]གནས་ཕྱིར་མཆེད་གཉི་གར་གནས། །གཉི་གར་མཆེད་པར་བྱེད་པ་ཡིན། །དེ་ལ་ནང་ན་གནས་པ་ནི། །གནད་རྣམས་ཚ་གདུང་མྱོས་པར་བྱེད། །བུ་ག་རྣམས་ལ་གནོད་པ་དང་། །སྐོམ་དད་རབ་ཆེ་གཅིན་ནད་སྩོགས། །མི་སྙོམས་པར་ནི་འབྱུང་བ་
[152b.3]དང་། །མེ་དྲོད་མྱུར་ཉམས་ལས་ཤེས་བྱ། །ཕྱི་རོལ་དེ་ལས་བཟློག་པ་ཡིན། །དེ་ལ་རླུང་གྱུར་མེ་དབལ་ནི། །རླུང་གི་རིམས་དང་ནད་ཐབས་འདྲ། །སྐྲང་ཞིང་འགུལ་ལ་ཟུག་པ་དང་། །ཡན་ལག་སྙོམ་ཞིང་བ་སྤུ་བརྩེ། །མཁྲིས་གྱུར་
[152b.4]མྱུར་དུ་མཆེད་ཅིང་འགྲོ། །མཁྲིས་རིམས་རྟགས་ལྡན་ཤིན་ཏུ་དམར། །བད་ཀན་ལས་གཡའ་རེག་ན་འཇམ། །བད་ཀན་ལས་བྱུང་རིམས་འདར་ན། །མེ་དབལ་སྩོགས་ཀུན་ཡལ་བར་བོར། །རང་གི་ནད་ཚུལ་བསགས་གྱུར་ན། །དེ་ནི་སྨིན་རྡོལ་རང་
[152b.5]རང་གི། །མེ་དབལ་རྨ་ཡི་མཚན་ཉིད་འཛིན། །རླུང་མཁྲིས་ལ་ནི་རིམས་འདེབས་སློན། །བརྒྱལ་ཞིང་ཚད་འཁྲུ་སྐོམ་མགོ་འཁོར། །རུས་ཚིགས་ཆག་སྙམ་མེ་དྲོད་ཉམས། །མུན་ཞུགས་སྙམ་སེམས་ཡི་ག་འཆུས། །ཡན་ལག་ཐམས་ཅད་མེ་
[152b.6]མདག་ནི། །འབར་པས་ཁྱབ་པ་ལྟ་བུར་ཚ། །ཕྱོགས་ནི་གང་དང་གང་དུ་མཆེད། །ཁྱབ་པས་ཡན་ལག་དེ་དང་དེ། །མེ་མདག་ཞི་བ་ལྟར་གནག་པའམ། །སྔོ་བའམ་དམར་བས་ཁྱབ་བྱེད་ལ། །མེས་བསྲེགས་ལྟ་བུར་ཆུ་བུར་འབྱུང་། །མྱུར་དུ་མཆེད་ཅིང་
[152b.7]ཁྱབ་པར་བྱེད། །གནད་ཀྱི་རྗེས་འཇུག་མེ་དབལ་ནི། །དེ་ནས་སྟོབས་རབ་སྐྱེས་པའི་རླུང་། །ཡན་ལག་ན་ཞིང་དྲན་པ་སྟོར། །གཉིད་ཡར་དབུགས་ཀྱི་རྔམ་པ་དྲག །སྐྱིགས་བུས་འདེབས་ཤིང་འདི་ལྟ་བུའི། །གནས་སྐབས་དེས་ནི་ཐོབ་པར་འགྱུར། །
[153a]
[153a.1]ས་དང་མལ་ཁྲི་སྟན་སྩོགས་ལ། །གང་དུ་འང་བདེ་བ་མི་འཐོབ་ཅིང་། །འགྲེ་ཞིང་སྡུག་བསྔལ་མྱོང་བ་དང་། །ལུས་སེམས་ངལ་ལས་བྱུང་བ་ཡིས། །གཉིད་ཀྱི་རྨོངས་བག་སད་དགའ་བ། །དེ་ནི་མེ་འདྲའི་མེ་དཔལ་ཡིན། །བད་ཀན་གྱིས་ནི་
[153a.2]བཀག་པའི་རླུང་། །བད་ཀན་དེ་རྡོལ་མང་དུ་ཕྱེ། །ཁྲག་འཕེལ་བ་ཡིས་ཁྲག་བརྟོལ་ཏེ། །པགས་པ་ཆུ་བཤལ་གནས། །གནོད་བྱས་ཐོར་བུ་ཕྲ་ཞིང་རིམ། །ཟླུམ་ཞིང་སྦོམ་ལ་སྲ་བ་ཡི། །མཛེར་པའི་ཕྲེང་བ་ཆགས་བྱེད་ཅིང་། །མདོག་དམར་རབ་ན་རིམས་ཀྱིས་འདེབས། །
[153a.3]ལུད་པ་དབུགས་མི་བདེ་ཚད་འཁྲུ། །ཁ་སྐམ་སྐྱིགས་བུ་སློན་མགོ་འཁོར། །རྨོངས་བག་མདོག་ཉམས་བརྒྱལ་དང་ལུས། །ཡན་ལག་ན་ཞིང་མེ་དྲོད་ཉམས། །དེ་ལྟར་མཛེར་པའི་མེ་དབལ་ནི། །བད་ཀན་རླུང་འཁྲུགས་ལས་གྱུར་ཡིན། །བད་ཀན་མཁྲིས་ལས་རིམས་
[153a.4]འདེབས་རེངས། །གཉིད་ཆེ་སློན་བག་ཀླད་པ་ན། །ཡན་ལག་ན་ཞིང་བྱ་རྨྱང་འདོད། །བླ་ཞིང་མགོ་འཁོར་ཡི་ག་འཆུས། །རྩུབ་ཅིང་དྲོད་ཉམས་རུས་ཆག་སྙམ། །སྐོམ་ཞིང་དབང་པོ་མི་གསལ་ལྕི། །བེ་སྣབས་འཁྲུ་ཞིང་དང་ག་འཁྱིལ། །དེ་ནི་རྩ་སྦུབས་རྣམས་སུ་འགྲོ། །
[153a.5]ཕལ་ཆེར་མ་ཞུ་གནས་ན་ཞུགས། །ཕྱོགས་གཅིག་ཏུ་ནི་རབ་མིན། །ཐོར་བུ་སེར་པོ་དམར་པོ་དང་། །དཀར་པོས་ཕྱོགས་ཀུན་གང་བར་བྱེད། །ནོར་བུ་ལྟར་སྣང་གནག་ཅིང་སྣུམ། །དྲི་མ་ཅན་ལ་སྐྲང་ཞིང་ལྕི། །རྣག་པའི་ཟབས་ཆེ་རབ་ཏུ་ཚ། །རེག་ན་འཇིག་ཅིང་རྣག་པ་དང་། །
[153a.6]འདམ་ལྟར་ཤ་ནི་ཞིག་གྱུར་ཅིང་། །རྩ་རྒྱུས་གསལ་བར་སྣང་བ་ཡིན། །མི་ཡི་རོ་ལྟར་མནམ་མེ་དཔལ། །དེ་ནི་འདམ་འདྲ་ཞེས་བྱར་བཤད། །ཀུན་སྐྱེས་མཚན་ཉིད་ཀུན་དང་ལྡན། །ལུས་ཟུངས་ཀུན་ལ་རབ་ཁྱབ་བྱེད། །ཕྱི་ཡི་རྒྱུ་ཡི་སྨས་ལས་འཁྲུགས། །ཁྲག་
[153a.7]བཅས་མཁྲིས་པ་སྐྱེད་བྱེད་དེ། །མེ་དཔལ་དུ་ནི་རླུང་གིས་བྱེད། །རྒྱ་སྲན་ཀུ་ལངྠ་འདྲ་བའི། །འབྲུམ་བུས་ཁྱབ་སྐྲང་རིམས་འདེབས་ན། །ཤིན་ཏུ་ཚ་ལ་དམར་ཞིང་སྔོ། །ནད་དམིགས་ཐ་དད་ལས་གྱུར་གསུམ། །གཉིས་གྱུར་བླ་བརྣན་མེད་གསོ་སླ། །རྨ་དང་འདུས་པ་ལས་
[153b]
[153b.1]འབྱུང་དང་། །ཐམས་ཅད་གནད་ནི་ཁྱབ་པ་དང་། །རྩ་དང་ཆུ་བ་ཤ་འདྲུལ་དང་། །མི་རོའི་དྲི་འདྲ་རུལ་གསོ་དཀའ། །ཡན་ལག་བརྒྱད་པའི་སྙིང་པོ་བསྡུས་པ་ལས། ནད་གཞིའི་གནས་ཀྱི་ལེའུ་བཅུ་གསུམ་པའོ།། །།དེ་ནས་མཛེ་ནད་དང་ཤ་བཀྲ་དང་གཟི་གུ་དང་སྲིན་བུའི་
[153b.2]ནད་གཞི་བཤད་པར་བྱའོ། །ཁ་ཟས་སྤྱོད་ལམ་ལོག་པ་དང་། །ཁྱད་པར་དུ་ནི་མི་འཕྲོད་བསྟེན། །དམ་པ་སྨོད་དང་སྲོག་གཅོད་དང་། །གཞན་གྱི་ནོར་འཕྲོག་སྩོགས་བསྟེན་དང་། །སྡིག་པའི་ལས་ནི་འཕྲལ་བྱས་དང་། །སྔོན་ཆད་བྱས་པས་ནད་བསླངས་ནས། །རྩ་ལ་ཐད་ཀར་གྲམ་
[153b.3]ནས་ནི། །ཤ་དང་པགས་པ་ཆུ་སེར་ཁྲག། །གནོད་བྱས་སླ་བར་གྱུར་ནས་ནི། །དེ་ནས་ཕྱིར་ནི་འབྱུང་འགྱུར་ཏེ། །པགས་པའི་མདོག་ནི་མི་སྡུག་བྱེད། །མི་བཟད་དེ་ནི་མཛེ་རུ་བཤད། །གང་ཕྱིར་དུས་ལས་ཡལ་བར་བོར། །དེ་ནི་ལུས་ཀུན་མ་རུངས་འགྱུར། །ལུས་ཟུངས་
[153b.4]ལ་ཞུགས་ནང་དུ་ཁྱབ། །ཐམས་ཅད་འདྲུལ་བར་བྱེད་པར་འགྱུར། །རྔུལ་བཅས་རུལ་ཞིང་མནམ་པ་དང་། །སྲིན་བུ་ཕྲ་མོ་མི་བཟད་སྐྱེད། །སྤུ་ལྤགས་ཆུ་བ་རྩ་ཆེན་དང་། །རུས་པ་སྙི་བ་རིམ་བཞིན་ཟ། །དེ་བས་ཤ་བཀྲ་ཕྱི་རོལ་ཏེ། །མཛེ་ལས་གཞན་ནི་ཡིན་པར་བཤད། །
[153b.5]ནད་གཞི་ཐ་དད་འདྲེས་པ་དང་། །འདུས་གྱུར་མཛེ་ནད་རྣམ་པ་བདུན། །ཀུན་ཀྱང་ཉེས་གསུམ་ལས་བྱུང་ཡང་། །དེ་ལས་ལྷག་པ་ལས་མིང་འདོགས། །རླུང་གི་མཛེ་ནི་ཐོད་པ་འདྲ། །མཁྲིས་གྱུར་ཨུ་དུམྦཱ་ར་སྟེ། །བད་ཀན་ལས་གྱུར་ཟླུམ་གླང་ཤུ། །རླུང་མཁྲིས་
[153b.6]ལས་སྐྱེས་རི་ཤྱའི་ལྕེ། །བད་རླུང་ལས་བྱུང་པགས་པ་གཅིག། །འབྲུམ་ཕྲན་དང་ནི་ཤ་བཀྲ་དང་། །འབྲས་བྱེར་ཆུ་སེར་ཞིག་པོའོ། །བད་ཀན་མཁྲིས་པ་ལས་བྱུང་བ། །ཤུ་བ་རྨ་ཁ་བརྒྱ་པ་དང་། །པདྨ་དཀར་པོ་འབྲུམ་བུར་བཅས། །གཡན་པ་པགས་
[153b.7]པ་མྱགས་པའོ། །འདུས་པ་ལས་གྱུར་འོལ་མ་སེ། །དང་པོའི་གསུམ་དང་ཤུ་བ་དང་། །འོལ་མ་སེ་དང་པདྨ་དཀར། །རི་ཤྱའི་ལྕེ་ཞེས་བྱ་བ་སྟེ། །འདི་བདུན་མཛེ་ནད་ཆེན་པོ་ཡིན། །མཛེ་ནད་སྔར་བྱུང་མཚན་མ་ནི། །ཤིན་ཏུ་འཇམ་པའམ་རེག་ན་
[154a]
[154a.1]རྩུབ། །རྔུལ་འབྱུང་མི་འབྱུང་མདོག་མི་སྡུག །ལུས་ཚ་གཡའ་ཞིང་པགས་ཚོར་མེད། །ཐོར་བུ་ཕྲའུ་མཐོ་བ་དང་། །རྨ་ནི་ལྷག་པར་གཟེར་བ་དང་། །མྱུར་དུ་འབྱུང་ཞིང་རིང་དུ་གནས། །འཚོབས་པ་དག་ཀྱང་རྩུབ་པར་འགྱུར། །
[154a.2]རྒྱུ་ཆུང་གིས་ཀྱང་ནད་ཆེར་ལྡང་། །བ་སྦུ་བརྩེ་ཞིང་ཁྲག་མདོག་གནག །ཐོད་པ་ལྟ་བུ་གནག་ཅིང་སྨུག །རྩུབ་སྲ་ཚོར་བ་ཆུང་ལ་སྲབ། །ཁྱབ་ཅིང་མཐའ་མ་མི་མཉམ་ལ། །བ་སྤུ་ལངས་པས་ཁྱབ་པར་བྱེད། །ཤིན་ཏུ་ཟུག་ཅིང་གཡའ་བ་ཆུང་། །
[154a.3]མྱུར་དུ་ཁྱབ་བྱེད་ཐོད་པ་འདྲ། །ཨུ་དུམྦཱ་ར་སྨིན་པ་ལྟར། །པགས་སྤུ་སྨུག་རྩ་དཀར་བས་ཁྱབ། །ཤས་ཆེར་མཐུག་དང་ཤས་ཆེར་འདྲུལ། །ཚ་བའི་ནད་དང་ཁྲག་ཤས་ཆེར། །མྱུར་དུ་སྨིན་ཅིང་འདྲུལ་བར་བྱེད། །འབུ་ཅན་ཨུ་དུམྦཱ་ར་ཡིན། །
[154a.4]བརྟན་ཞིང་འཐས་ལ་ལྕི་ཞིང་འཇམ། །དཀར་དམར་མྱུར་དུ་མི་མཆེད་ལ། །ཕན་ཚུན་འདབ་འབྲེལ་ཤུ་བ་སློན། །གཡའ་ཞིང་རྣག་ཆེ་འབུས་གང་ལ། །མཐའ་མ་འཇམ་ཞིང་སེར་པོར་སྣང་། །གོར་གོར་པོར་གནས་ཟླུམ་པོ་ཡིན། །གཡའ་ཞིང་ཕྲ་ཙག་
[154a.5]གནག་པ་དང་། །ཆུ་སེར་མང་བ་གླང་ཤུ་ཡིན། །རྩུབ་ཅིང་སྲབ་ལ་མཐའ་མ་དམར། །ནང་ན་གནག་ཅིང་མཐོ་བ་དང་། །ཟུག་ཅིང་ཚ་ལ་ན་ཞིང་རྣགས། །འབྲུམ་བུ་རྩུབ་པོས་ཁྱབ་པ་དང་། །རི་ཤྱའི་ལྕེ་ནི་དབྱིབས་འདྲ་པ། །འབུ་མང་རི་ཤྱའི་
[154a.6]ལྕེ་འདྲར་བཤད། །གླང་པོའི་ལྤགས་འདྲ་རེག་རྩུབ་ལྤགས། །གཅིག་པུར་བཤད་ལ་གཞི་ཆེ་བ། །རྔུལ་མི་འབྱུང་ཞིང་ཉ་ལྤགས་འདྲ། །འབྲུམ་བུ་ཕྲ་མོ་ཐུག་ཐུག་པོ། །རེག་ན་རྩུབ་དང་ལྡན་པ་དང་། །གཡའ་ཞིང་སྲ་ལ་གནག་པ་ཡིན། །ཤ་བཀྲ་
[154a.7]ནང་རྩུབ་ཕྱི་རོལ་འཇམ། །ཕྲུགས་ན་གློག་པ་འབྱུང་བ་དང་། །རེག་ན་འཇམ་ཞིང་སྲབ་པ་ལ། །ཀུ་བའི་མེ་ཏོག་ལྟར་དམར་དཀར། །ཕལ་ཆེར་རོ་སྟོད་དག་ཏུ་འབྱུང་། །རྨེན་བུ་དམར་པོ་གཡའ་དང་ལྡན། །ཁྱབ་པར་བྱེད་པའི་འབྲས་ཞེས་བྱ། །
[154b]
[154b.1]རྐང་པ་ལག་པ་གས་པ་དང་། །མི་བཟད་ན་ཞིང་གཡའ་ཚབས་ཆུང་། །རྐང་ལག་ཞིག་པ་ཞེས་བྱའོ། །ཐོར་བུ་དམར་པོས་ཁྱབ་པ་དང་། །རིང་དུ་མཆེད་ཅིང་དཱུར་བ་འདྲ། །པགས་པ་ཟར་མའི་མེ་ཏོག་འདྲ། །གཡའ་ཞིང་བརྟན་པར་གནས་པ་དང་། །
[154b.2]ཟླུམ་པོར་བྱུང་བ་ཤུ་བ་ཡིན། །རྩ་བ་སྦོམ་ཞིང་ཚ་བཅས་ན། །དམར་ཞིང་སྨུག་ལ་རྨ་ཁ་མང་། །རྣག་ཅིང་འབུ་མང་ཁ་བརྒྱ་པ། །ཕལ་ཆེར་ཀུན་ཏུ་སྐྱེ་བ་ཡིན། །མཐའ་མ་དམར་ཞིང་དབུས་ན་དཀར། །གཡའ་ཚ་ན་དང་བཅས་པ་དང་། །
[154b.3]མཐོ་ཞིང་རི་མོ་བརྟན་པས་ཁྱབ། །པདྨའི་འདབ་མ་ལྟར་རྒྱས་ཤིང་། །སྟུག་ཅིང་ཆུ་སེར་ཁྲག་མང་ལ། །ཕལ་ཆེར་མྱུར་རྡོལ་པད་དཀར་ཡིན། །པགས་པ་སྲབ་པའི་འབྲུམ་བུ་དཀར། །དམར་བས་གང་བ་འབྲུམ་བུ་ཡིན། །གཡའ་བའི་ནད་ནི་གཡའ་
[154b.4]བ་དང་། །འདྲུལ་ཞིང་ལྷག་པར་ན་བ་དང་། །འབྲུམ་པ་ཕྲ་ནག་མང་པོ་ནི། །ཕལ་ཆེར་རྐུབ་ལག་གྲུ་མོར་འབྱུང་། །ཐོར་བུ་བཅས་ཤིང་རེག་མི་བཟོད། །གཡའ་ཞིང་དྲོ་ཚ་ན་དང་བཅས། །དམར་ལ་པགས་པ་མྱགས་པ་ཡིན། །འོལ་མ་སེ་ནི་རབ་
[154b.5]ཚ་ན། །སྟོད་ནི་དམར་ཞིང་གནག་པ་སྟེ། །འོལ་མ་སེ་ཡི་འབྲས་བུ་འདྲ། །མཛེ་ཡི་མཚན་མ་ཀུན་དང་ལྡན། །དེ་བས་ཁ་དོག་དུ་མར་འགྱུར། །མཛེ་ནད་ནད་གཞི་ཤས་ཆེ་བ། །ནད་དབྱེ་ཤེས་ལས་བཤད་པ་ཡི། །མཚན་མ་ལས་ཀྱིས་
[154b.6]བསྟན་པ་ཡི། །ནད་ཀུན་རྒྱས་པ་ལས་བྱུང་དང་། །གང་ཡང་འཆི་ལྟས་ལས་བཤད་དང་། །རུས་རྐང་ཁུ་ཆུ་ལ་གནས་སྤང་། །ཚིལ་ལ་གནས་པ་འཚོ་བ་ཙམ། །མཁྲིས་འདྲེས་ཤ་ཁྲག་གནས་གསོ་དཀའ། །རླུང་དང་བད་ཀན་ལས་གྱུར་དང་། །
[154b.7]པགས་གནས་ནད་གཅིག་གྱུར་གསོ་སླ། །དེ་ལ་པགས་པར་གནས་པའི་མཛེ། །ཟུག་ཅིང་རྩུབ་ལ་མདོག་མི་སྡུག །ཁྲག་གནས་རྔུལ་འབྱུང་གཉིད་ཆེ་སྐྲང་། །ཤ་ལ་གནས་པ་རྐང་པ་དང་། །ལག་པར་འབྲུམ་བུ་འབྱུང་བ་དང་། །ཚིགས་གནས་ལྷག་པར་ཚིགས་འདྲུལ་སྐེམ། །རྐང་པ་འཇས་
[155a]
[155a.1]འགྱུར་ཚིལ་གནས་པ། །ཡན་ལག་ཞིག་པར་བྱེད་པར་འགྱུར། །རུས་པ་རྐང་གནས་སྣ་ཞོམ་ཞིང་། །མིག་དམར་སྐད་ནི་འགགས་པ་དང་། །རྨ་ལ་འབུ་ཞུགས་ཁུ་བར་གནས། །བུ་དང་ཆུང་མར་བཅས་ལ་འབྱུང་། །ཁྲག་སྩོགས་
[155a.2]ལ་ནི་རིམ་བཞིན་དུ། །མཚན་མ་ཐམས་ཅད་འབྱུང་བར་འགྱུར། །གཟི་གུ་མཛེ་དང་གཅིག་ལས་འབྱུང་། །དེ་ནི་ཤ་བཀྲ་ཆུ་དང་ནི། །ཡོངས་སུ་འཛག་པ་ཞེས་བྱར་བཤད། །ནད་གཞི་གསུམ་ལ་བརྟེན་ཞིང་འབྱུང་། །རླུང་ལས་རྩུབ་ཅིང་སྨུག་པ་ཡིན། །
[155a.3]མཁྲིས་གྱུར་པདྨའི་འདབ་ལྟར་དམར། །ཚ་ཞིང་བ་སྤུ་འབྱི་བར་བྱེད། །བད་ཀན་ལས་སྐྱ་སྟུག་ཅིང་ལྕི། །གཡའ་བཅས་རིམ་བཞིན་ཁྲག་དང་ནི། །ཤ་དང་ཚིལ་ལ་བརྟེན་པར་བཤད། །འདི་དག་མདོག་ནི་གཉི་ག་ཡིན། །དེ་ནི་ཕྱི་མ་བཞིན་གསོ་དཀའ། །སྤུ་
[155a.4]དཀར་མ་ཡིན་སྲབ་པ་དང་། །ཕན་ཚུན་མ་འདྲེས་གསར་དུ་བྱུང་། །མེས་མ་བསྲེགས་པ་གསོ་བར་སླ། །དེ་ལས་གཞན་པ་གསོ་དཀའ་ཡིན། །མདོམས་དང་ལག་མཐིལ་མཆུར་བྱུང་བ། །གསར་དུ་བྱུང་ཡང་གསོ་བར་དཀའ། །ནད་རྣམས་ཕལ་ཆེར་ཟས་དང་ནི། །
[155a.5]མལ་གཅིག་རེག་སྩོགས་ལ་བརྟེན་ལས། །ཐམས་ཅད་འགོ་སྟེ་མིག་ནད་དང་། །མཛེ་ནད་ལྷག་པར་འགོས་པ་ཡིན། །ཤ་བཀྲ་གཟི་གུའི་ནད་བཤད་ནས། །ད་ནི་སྲིན་བུའི་ནད་བཤད་བྱ། །ཕྱི་དང་ནང་གི་དབྱེ་བ་ཡིས། །སྲིན་བུ་རྣམ་པ་གཉིས་སུ་བཤད། །ཕྱི་
[155a.6]ཡི་དྲི་མས་བད་ཀན་ཁྲག །བཤང་སྐྱེས་དབྱེ་བས་རྣམ་བཞི་ཡིན། །མིང་ལས་རྣམ་པ་ཉི་ཤུར་འགྱུར། །དེ་ལ་ཕྱི་ཡི་ཁྲག་ལས་བྱུང་། །ཚད་དབྱིབས་མདོག་ནི་ཏིལ་འབྲུ་འདྲ། །སྐྲ་དང་གོས་ལ་བརྟེན་པ་ཡིན། །ཕྲ་ཞིང་རྐང་པ་མང་ལ་མིང་། །ཤིག་དང་སྲོ་
[155a.7]མ་ཞེས་བྱའོ། །གཉི་གས་ཐོར་བུ་འབྲུམ་བུ་དང་། །གཡན་པ་དག་ནི་སྐྱེད་པར་འགྱུར། །ནང་གི་མཛེ་དང་རྒྱུ་གཅིག་སྟེ། །དེ་ལས་བད་ཀན་ལས་མང་སྐྱེ། །ཟས་མངར་བུ་རམ་འོ་མ་དང་། །ཚ་དང་འབྲས་སར་ཆན་ལ་དགའ། །མི་གཙང་བྱུང་བཅས་བཤང་
[155b]
[155b.1]ལམ་ནས། །ལོ་མ་འདབ་མ་ལ་སྩོགས་དགའ། །བད་ཀན་མ་ཞུའི་གནས་སུ་འབྱུང་། །སྐྱེས་ནས་ཀུན་དུ་འགྲོ་བ་ཡིན། །ལ་ལ་འབྲེང་བ་འདྲ་བ་ཡིན། །ལ་ལ་སྲིན་བུ་ཁོལ་མ་འདྲ། །ཁ་ཅིག་མྱུ་གུ་འབུས་པ་འདྲ། །ཕྲ་ཞིང་རིང་ལ་ཆུང་བ་
[155b.2]དང་། །དཀར་ཞིང་དམར་བར་སྣང་བ་ཡིན། །དེ་ཡི་མིང་ནི་རྣམ་བདུན་ཏེ། །རྒྱུ་མ་ཟད་དང་ལྟོ་ནང་འཁྱིལ། །སྙིང་ཟ་ཡ་མཚན་ཆེན་པོ་དང་། །མི་མངོན་རྒྱུ་དང་འཇག་མ་འདྲ། །དྲི་ཞིམ་ཞེས་བྱ་དེ་རྣམས་ནི། །སྙིང་འཕར་ཁ་ཆུ་འཛག་པ་དང་། །
[155b.3]ཟས་མི་འཇུ་ཞིང་ཡི་ག་འཆས། །བརྒྱལ་ཞིང་མི་དྲན་རིམས་འདེབས་སློན། །སྐོམ་ཞིང་སྦྲིད་པ་ཆམ་པས་འདེབས། །ཁྲག་རྒྱུ་བ་ཡི་རྩ་ནང་ནས། །ཁྲག་ལས་བྱུང་བའི་སྲིན་བུ་ཕྲ། །ཟླུམ་ཞིང་རྐང་མེད་ཟངས་ལྟར་དམར། །ཕྲ་ཞིང་ལ་ལར་བལྟར་
[155b.4]མི་སྣང་། །སྐྲ་རྩ་ཟ་ཞིང་སྦུ་འབྱི་བྱེད། །སྦུ་གླིང་ཨུ་དུམྦཱ་ར་འདྲ། །ཞགས་པ་བཅས་དང་ཐོང་ཀ་སྟེ། །དྲུག་པོ་དེ་དག་མཛེ་ལས་གཅིག །ཞུ་བའི་གནས་སུ་མི་གཙང་སྐྱེས། །འཕེལ་ནས་ཐུར་དུ་རྒྱུ་བར་བྱེད། །དེ་ནི་ཆེར་འཕེལ་གྱུར་པ་ན། །
[155b.5]གང་ཚེ་མ་ཞུའི་གནས་སུ་ཞུགས། །དེ་ཚེ་སྒྲེགས་པ་དབུགས་འབྱུང་བ། །ཕྱི་ས་ལྟ་བུར་མནམ་པར་འགྱུར། །ཟླུམ་ཞིང་ལུས་ཕྲ་སྦོམ་པོ་དང་། །སྨུག་དང་སེར་དང་དཀར་དང་གནག །སྲིན་བུ་དེ་མིང་རྣམ་ལྔ་སྟེ། །ཁམ་གྱི་ཟས་དང་དལ་གྱིས་འགྲོ། །
[155b.6]མྱོང་བར་བྱེད་དང་བརྐམ་པ་དང་། །ལུས་ལ་གནོད་བྱེད་ཅེས་བྱའོ། །དེས་འཁྲུ་གཟེར་དང་རྟུག་སྐམ་བྱེད། །སྐེམ་ཞིང་མདོག་ནི་སྐྱ་བ་དང་། །བ་སྤུ་ལྡང་ཞིང་མེ་དྲོད་ཉམས། །ལྕི་གཡའ་གཞང་ནི་ཕྱིར་འབྱུང་བྱེད། །
[155b.7]ཡན་ལག་བརྒྱད་པའི་སྙིང་པོ་བསྡུས་པ་ལས། །ནད་གཞིའི་གནས་ཀྱི་ལེའུ་བཅུ་བཞི་པའོ།། །།དེ་ནས་རླུང་ནད་ཀྱི་ནད་གཞི་བཤད་པར་བྱའོ། །རླུང་ནི་ཕན་དང་གནོད་བྱེད་ལ། །འདི་ནི་སྣ་ཚོགས་རྒྱུ་གཅིག་པུ། །ཁྱད་པར་དུ་ནི་ལུས་ཀྱི་ནི། །
[156a]
[156a.1]ནད་དང་ནད་མེད་རྒྱུ་གཅིག་པུ། །དེ་ནི་ཀུན་བྱེད་ཀུན་བདག་ཉིད། །སྣ་ཚོགས་གཟུགས་ཅན་སྐྱེ་དགུའི་བདག། །འབྱིན་བྱེད་འཛིན་བྱེད་ཁྱབ་འཇུག་གཙོ། །སྡུད་བྱེད་འཆི་བདག་གཤིན་རྗེར་འགྱུར། །དེ་བས་དེ་ལྡང་མི་འགྱུར་
[156a.2]བར། །རྟག་ཏུ་འབད་པ་ཉིད་དུ་གྱིས། །དེ་ཡིས་ཐ་མལ་གཞན་གྱུར་ལས། །ནད་ཀྱི་བྱེ་བྲག་ཤེས་པར་བཤད། །བསྡུས་དང་རྒྱས་པ་དེའི་མིང་གནས། །རྒྱུ་བའི་ལམ་ནི་རེ་རེ་ལྔ། །ནད་ཚུལ་ཤེས་པར་བཤད་པ་ཡིན། །འདིར་ནི་
[156a.3]ནད་ཀྱི་རྣམ་གྱུར་བ། །དེ་ཡི་དབྱེ་བ་ནད་གཞི་དང་། །མཚན་ཉིད་བཅས་པ་ཉིད་དུ་བཤད། །གྲངས་མེད་ཀྱང་ནི་བརྒྱད་ཅུ་ཡི། །གྲངས་སུ་སྔར་ནི་བཤད་པ་ཡིན། །ལུས་ཟུངས་ཟད་བྱེད་བསྟེན་དྲགས་པས། །རླུང་ནི་འཁྲུགས་པར་བྱེད་འགྱུར་
[156a.4]ཏེ། །སྦུ་གུ་སྟོང་པར་རྒྱུ་གྱུར་པ། །དེ་ཉིད་ཤིན་ཏུ་འགེངས་བར་བྱེད། །ནད་གཞན་གྱིས་ནི་གང་བ་དེར། །ཁེབས་པས་མཐུ་ཅན་ཉིད་དུ་འགྱུར། །དེ་ལ་ཞུ་བའི་གནས་སུ་ཞུགས། །གཟེར་དང་རྒྱུ་མ་སྒྲ་བཅས་སྦོ། །བཤང་འགགས་རྡེའུ་ནད་
[156a.5]གཞང་འབྲུམ་སྐྱེ། །རྒྱབ་དང་རྐེད་པ་མཇུག་མདོར་ན། །རོ་སྨད་ཀྱི་ནི་ཕྱོགས་དེ་རུ། །མི་བཟད་གནོད་པ་དེ་དེ་སྐྱེད། །མ་ཞུའི་གནས་ཞུགས་སྐོམ་དད་སློན། །ལུད་པ་དབུགས་མི་བདེ་གསུད་ནད། །ལྐོག་མ་འགགས་ཤིང་སྒྲེགས་མང་ན། །
[156a.6]ལྟེ་བ་ཡན་ཆད་སྐྱེད་པར་བྱེད། །རྣ་བ་སྩོགས་ཞུགས་དབང་པོར་གནོད། །པགས་ཞུགས་གས་ཤིང་རྩུབ་པར་བྱེད། །ཁྲག་ཞུགས་གཉིད་སྟུག་མི་བཟད་ན། །ཚ་ཞིང་དམར་ལ་མདོག་མི་སྡུག །ཐོར་འབྱུང་ཁ་ཟས་སྲ་བར་གནས། །ཡི་ག་འཆུས་
[156a.7]སྐོམ་མགོ་འཁོར་ན། །ཤ་ཚིལ་ལ་གནས་རྨེན་བུ་དང་། །རབ་ཏུ་ཟུག་ཅིང་ལུས་རྩུབ་ལ། །ལུས་ལྕི་རབ་ན་རེངས་པ་དང་། །ཁུ་ཚུར་དབྱིག་པས་ཕོག་སྙམ་བྱེད། །རུས་གནས་བརླ་དང་རུས་ཚིགས་ན། །མི་བཟད་གཟེར་ཞིང་ཉམས་སྟོབས་ཟད། །རྐང་
[156b]
[156b.1]གནས་རུས་པ་ཁོང་སྟོང་ཞིང་། །གཉིད་མེད་རྟག་ཏུ་ན་བ་ཡིན། །ཁུ་བར་གནས་པ་མྱུར་འབྱུང་ལ། །འགགས་པའམ་མདོག་འགྱུར་ཉིད་དུ་འགྱུར། །མངལ་གྱི་ཁུ་བར་གནས་དེ་བཞིན། །རྩ་རྣམས་སྟོང་ཞིང་སྦོ་བར་འགྱུར། །ཆུ་བར་གནས་
[156b.2]པ་གཟུགས་འཇས་དང་། །སྒུར་དང་ད་རྒན་ནད་དུ་འགྱུར། །ཚིགས་ལ་གནས་པའི་རླུང་སྐྲང་པ། །རྐྱལ་བ་རླུང་གིས་གང་རེག་འདྲ། །བརྐྱང་དང་བསྐུམ་པར་བྱེད་པ་ཡིས། །བསྐྱོད་པ་ན་དང་བཅས་པར་འགྱུར། །ཡན་ལག་ཀུན་ལ་བརྟེན་པ་ནི། །
[156b.3]ཟུག་ཆག་སྙམ་སེམས་འགུལ་བ་དང་། །རེངས་དང་ཚོར་བ་མེད་པ་དང་། །ཚིགས་འཁུམས་འདར་བར་བྱེད་པར་འགྱུར། །གང་ཚེ་རྩ་ཆེན་ཀུན་ལ་གནས། །ཡང་དང་ཡང་དུ་འཁྲུགས་གྱུར་པ། །དེ་ཚེ་ཡན་ལག་ལ་འཇུག་པས། །ནད་ནི་
[156b.4]ལུས་ལ་འཇུག་ཅེས་བྱ། །རོ་སྨད་དུ་ནི་འགག་པའི་རླུང་། །གྱེན་དུ་སོང་སྟེ་སྙིང་གར་གནས། །སྙིང་གའི་སྦུ་གུར་ཞུགས་ནས་ནི། །མགོ་བོ་ཡན་ལག་བཅས་པར་ཟུག །ལུས་ནི་ཀུན་དུ་ཞུགས་གྱུར་ན། །དེ་ནི་གཞུ་ལྟར་སྒུ་བོར་བྱེད། །དབུགས་
[156b.5]འབྱིན་དཀའ་ཞིང་མིག་རེངས་ཧར། །ལྷོད་ཅིང་འཛུམས་པར་བྱེད་འགྱུར་ལ། །དེ་ནས་ཕུག་རོན་ལྟ་བུར་འཁུན། །དྲན་པ་མེད་དེ་གཞན་དབང་ཅན། །དེ་ཉིད་ཨ་བ་ཏ་ནར་བཤད། །རླུང་གིས་སྙིང་ནི་བཏང་གྱུར་ན། །སྐད་ཅིག་ཙམ་དུ་བདེ་ལ་
[156b.6]རེག །སླར་ཞུགས་ན་ནི་ན་བར་བྱེད། །དེ་ནི་མངལ་འཇིག་ལས་བྱུང་དང་། །ཁྲག་ནི་ལྷག་པར་འཛག་གྱུར་དང་། །སྣད་པ་དག་ལས་བྱུང་གྱུར་པ། །ཤིན་ཏུ་གསོ་བར་དཀའ་བར་འགྱུར། །མཇིང་པ་རེངས་པའི་རླུང་ཞུགས་ཤིང་། །གང་ཚེ་
[156b.7]རྩ་ཆེན་ལ་གནས་པ། །ལུས་ཀུན་ཁྱབ་པར་གྱུར་པ་ན། །དེ་ཚེ་ནམ་ཚོང་འགུགས་པར་བྱེད། །ལུས་ནི་གཞུ་ལྟར་ནང་དུ་གུག །མིག་རེངས་ཤུགས་ནི་འབྱིན་པར་བྱེད། །གླལ་འབྱུང་སོ་ནི་འཆའ་བ་དང་། །བད་ཀན་སྐྱུགས་པར་བྱེད་པར་འགྱུར། །
[157a]
[157a.1]རྩིབ་ལོགས་ཟུག་ཅིང་ཚིག་མི་འཐོན། །འགྲམ་པ་རྒྱབ་དང་མགོ་བོ་ན། །འདི་ནི་ནང་དུ་གུག་ཅེས་བྱ། །ཕྱི་ཡི་དེ་དང་འདྲ་བ་ལ། །ལུས་ནི་ཕྱིར་དགྱེད་བྱེད་པ་དང་། །མགོ་བོ་རྒྱབ་ཏུ་འདྲེན་བྱེད་ཅིང་། །དེ་ལ་བྲང་ནི་ཤིན་ཏུ་འབུར། །གཉའ་བ་བཅོམ་པ་ལྟར་ན་ཞིང་། །སོ་དང་ཁ་ནི་
[157a.2]མདོག་མི་སྡུག །རྔུལ་ཞིང་ལུས་ནི་ལྷོད་པར་བྱེད། །ཕྱིར་དགྱེད་གཞུ་རེངས་ཞེས་བྱ་ཞིང་། །དེ་ལ་ཤུགས་དྲག་ཅེས་ཀྱང་བཤད། །གནད་ལ་གནས་པའི་རྨར་ཞུགས་ཏེ། །རླུང་གིས་བསྐྱོད་པར་གྱུར་པ་དང་། །རྐང་པ་ནས་ནི་མགོ་བོའི་བར། །ལུས་ལ་ནད་ཀྱིས་ཁྱབ་བྱེད་པ། །སྐམ་
[157a.3]ཞིང་ལུས་ནི་སྐྱ་གྱུར་པ། །རྨ་ཡི་ད་རྒན་དེ་སྤང་བྱ། །ལུས་ལ་འཇུག་པའི་རླུང་ཀུན་ནི། །ཤུགས་དང་བྲལ་ནས་བདེ་བར་འགྱུར། །ལྕེ་ནི་བྲུད་དྲགས་སྐམ་ཟོས་གནོད། །འགྲམ་པའི་རྩ་བར་གནས་རླུང་འཁྲུགས། །འགྲམ་པ་གཉིས་ནི་བསྐྱོད་བྱས་ནས། །ཁ་ནི་གདངས་པར་བྱེད་པའམ། །ཡང་
[157a.4]ན་འཛུམས་པར་བྱེད་པར་འགྱུར། །འགྲམ་པ་ཉམས་པར་བྱེད་པ་དེས། །ཟ་དང་སྨྲ་བ་དཀའ་བར་འགྱུར། །སྨྲ་བར་བྱེད་པའི་རྩ་གནས་རླུང་། །ལྕེ་ནི་ལྡིབས་པར་བྱེད་འགྱུར་ཞིང་། །ལྕེ་ལྡིབས་དེས་ནི་བཟའ་བཏུང་དང་། །སྨྲ་བ་ལ་སོགས་མི་ནུས་འགྱུར། །མགོ་བོས་ཁུར་ནི་ཁྱེར་པ་
[157a.5]དང་། །དགོད་དྲགས་མང་དུ་སྨྲ་བ་དང་། །སྔངས་དང་གཅུས་ཏེ་སྦྲིད་པ་གཏོང་། །གཞུ་སྲ་འདྲེན་པར་བྱེད་པ་དང་། །སྔས་ནི་མི་མཉམ་ལ་ཉལ་དང་། །སྲ་བ་འཆའ་བར་བྱེད་པ་དང་། །རླུང་སྐྱེད་པ་ནི་དེ་དང་དེས། །རླུང་འཕེལ་རོ་སྟོད་ལ་ཞུགས་ནས། །གདོང་གི་གཞོགས་
[157a.6]ཕྱེད་ཡོན་པོར་བྱེད། །སྨྲ་བ་དགོད་དང་ལྟ་བའང་ཡོ། །དེ་ནས་དེ་ཡི་མགོ་འགུལ་ཞིང་། །ཚིག་མི་ཕྱིན་ལ་མིག་རེངས་ཤིང་། །སོ་འགུལ་སྐད་ནི་འགགས་པ་དང་། །སྒྲ་མི་ཐོས་ཤིང་སྦྲིད་པ་ཐོགས། །དྲི་མི་ཚོར་ཞིང་དྲན་ཉམས་རྨོངས། །གཉིད་ལོག་པ་ན་དངང་བར་
[157a.7]འགྱུར། །མཆིལ་མ་གཡོན་དུ་འདོར་བ་དང་། །མིག་གཅིག་འཛུམས་པར་འགྱུར་པ་དང་། །ནམ་ཚོང་ཡན་ཆད་མི་བཟད་ན། །གཞོགས་ཕྱེད་དག་གམ་རོ་སྨད་ན། །ལ་ལས་དེ་གཞོགས་ཕྱེད་ནད་བཤད། །གཞན་དག་ཕྱོགས་གཅིག་གུག་ཅེས་ཟེར། །རླུང་ནི་ཁྲག་ལ་
[157b]
[157b.1]བརྟེན་གྱུར་ཏེ། །སྤྱི་བོ་འཛིན་པའི་རྩར་ཞུགས་པ། །རྩུབ་ཅིང་ནད་བཅས་མདོག་གནག་བྱེད། །རྩ་འཛིན་དེ་ནི་གསོར་མི་རུང་། །རླུང་གིས་དེ་ལ་གཞོགས་ཕྱེད་བཟུང་། །རྩ་དང་རྒྱུས་པ་བསྐམས་བྱས་ནས། །གཞོགས་ཕྱེད་གང་ཡང་རུང་ལ་གནོད། །ཚིགས་ཀྱི་སྦྲེལ་མཚམས་ལྷོད་
[157b.2]པར་བྱེད། །དེ་ཡིས་ལུས་ཕྱེད་ཐམས་ཅད་ནི། །ལས་སྦྱོར་མི་ནུས་ཚོར་བ་མེད། །དེ་ནི་ཕྱོགས་གཅིག་ནད་ཅེས་ཟེར། །གཞན་དག་ཕྱོགས་གཅིག་བསྐམས་པར་འཆད། །ལུས་ཀུན་རླུང་ནད་དེ་དང་འདྲ། །ཡན་ལག་ཀུན་ལ་བརྟེན་པ་ཡིན། །རླུང་ནད་ཉི་ཚེས་གཞོགས་བྱེད་བསྐམས། །
[157b.3]ཤིན་ཏུ་གསེ་དཀའ་ཡིན་པར་བཤད། །གཞན་དང་འདྲེས་པའང་གསོ་དཀའ་ཡིན། །ཟད་བྱེད་རྒྱུ་ཅན་སྤང་བར་བྱ། །མ་ཞུ་བད་ཀན་ལྡན་པ་ཡིས། །རྒྱུན་སྲང་བཀག་སྟེ་ལུས་རེངས་པས། །བརྐྱང་བསྐུམ་ཀུན་ལས་ཉམས་འགྱུར་བ། །ཤིང་འདྲ་ཤིང་ལྟར་རེངས་པ་ཡིན། །
[157b.4]ཕྲག་པའི་རྩ་བར་ཞུགས་པའི་རླུང་། །དེར་གནས་རྩ་ནི་འཁུམས་བྱས་ཏེ། །དཔུང་པ་བསྐྱོད་པར་མི་ནུས་བྱེད། །དཔུང་པ་འཇས་པའི་རླུང་ནད་ཡིན། །གང་ཞིག་ལག་མཐིལ་སོར་མོར་འབྲེལ། །ཆུ་བ་རྒྱབ་ཏུ་འཁུམས་བྱེད་ཅིང་། །ལག་ངར་བྱ་བ་ཉམས་བྱེད་པ། །རླུང་དེ་བི་ཤ་ཙེ་རུ་
[157b.5]བཤད། །གང་ཚེ་རླུང་ནི་རྐེད་པར་གནས། །བརླ་ཡི་ཆུ་བའི་ནང་དུ་ཞུགས། །དེ་ཚེ་མི་དེ་འཐེང་པོར་འགྱུར། །བརླ་གཉིས་ལ་ཞུགས་འཕྱེ་བོར་འགྱུར། །གང་ཞིག་འགྲོ་བར་རྩོམ་པ་ན། །ལུས་འདར་འཐེང་པོ་ལྟར་འགྲོ་བ། །ཚིགས་ཀྱི་སྦྲེལ་མཚམས་ལྷོད་གྱུར་པ། །དེ་ནི་སྲན་མའི་འཐེང་པོར་བཤད། །ཁ་ཟས་དྲོ་གྲང་
[157b.6]སྐམ་རློན་འདྲེས། །ལྕི་དང་སྣུམ་ཆེས་བསྟེན་པ་དང་། །ཞུ་དང་མ་ཞུ་མི་བདེས་བསྐྱོད། །ཉིན་ཉལ་མཚན་གཉིད་མ་ལོག་པས། །མ་ཞུ་ཤིན་ཏུ་སྩོགས་འགྱུར་ཏེ། །གལ་ཏེ་བརླ་ནང་ཞུགས་འགྱུར་ན། །བད་ཀན་ཚིལ་དང་རླུང་བཅས་པ། །ནད་གཞན་ཟིལ་གྱིས་མནན་ནས་ནི། །བརླ་རུས་ནང་དུ་གང་བྱས་ཏེ། །བད་ཀན་
[157b.7]གྱིས་ཏེ་རེངས་གྱུར་ལ། །དེ་ཚེ་དེ་ཡིས་བརླ་རེངས་བྱེད། །འདེགས་མི་ནུས་གྲང་ཚོར་བ་མེད། །གཞན་གྱི་ཡིན་སྙམ་སེམས་ཤིང་ལྕི། །མི་བཟད་པར་ནི་འགྲོ་བ་ཉམས། །སེམས་ཁོང་ཆུད་ཅིང་ཡན་ལག་ན། །སྙོམ་སློན་རིམས་འདེབས་ཡི་ག་འཆུས། །རྐང་པ་སྒྱིད་ཞན་འདེགས་པ་དཀའ། །བེམ་བེེམ་པོར་འདུག་ལྡན་པ་
[158a]
[158a.1]ཡིན། །དེ་ནི་བླ་རེངས་ནད་ཅེས་བཤད། །གཞན་དག་ཕྱུག་པོའི་རླུང་ཞེས་ཟེར། །རླུང་དང་ཁྲག་ལས་སྐྱེས་པའི་སྐྲང་། །པུས་མོའི་སྟེང་བྱུང་ནད་ཚབས་ཆེ། །ཅེ་སྤྱང་མགོ་ལྟར་སྦོམ་གྱུར་པ། །ཅེ་སྤྱང་མགོ་འདྲ་ཡིན་ཞེས་བྱ། །རྐང་པ་ན་ཞིང་མི་མཉམ་
[158a.2]འདོར། །ངལ་བ་ལས་ནི་གང་ཆེ་རླུང་། །ལོང་མོར་གནས་ཏེ་ནད་སྐྱེད་པ། །དེ་ནི་རླུང་ནད་ཚེར་མར་བཤད། །རྟིང་བ་སོར་མོར་འབྲེལ་པ་ཡི། །ཆུ་བར་རླུང་གིས་གནོད་གྱུར་གང་། །བརླ་ནས་འཇུག་པར་བྱེད་པ་དེ། །གཟུགས་འཁུམས་ཞེས་ནི་བྱ་བར་བཤད། །བི་ཤ་ཙི་
[158a.3]དང་གཟུགས་འཁུམས་བཤད། །མི་བཟད་ན་བ་ཁ་ལིར་བཤད། །གང་གི་རྐང་པ་བརྩི་འགྱུར་ཞིང་། །བེམ་བེམ་པོར་ནི་གྱུར་པ་དག །བད་ཀན་རླུང་འཁྲུགས་ལས་གྱུར་པ། །རྐང་པ་བརྩེ་བར་དེ་བཤད་དོ། །མཁྲིས་པ་ཁྲག་དང་བཅས་པའི་རླུང་། །རྐང་པ་གཉིས་སུ་ཚ་
[158a.4]བྱེད་ཅིང་། །ཁྱད་པར་དུ་ནི་འགྲོ་ཚེ་ཚ། །དེ་ནི་རྐང་ཚ་ཞེས་བྱར་བཤད། །ཡན་ལག་བརྒྱད་པའི་སྙིང་པོ་བསྡུས་པ་ལས། ནད་གཞིའི་གནས་ཀྱི་ལེའུ་བཅྭ་ལྔ་པའོ།། །།དེ་ནས་དྲེག་ནད་ཀྱི་ནད་གཞི་བཤད་པར་བྱའོ། །ཁྲག་ནི་འཁྲུགས་པར་བྱེད་པའི་ཟས། །ཚ་བ་དང་
[158a.5]ནི་མི་འཕྲོད་པ། །བསྟེན་དང་སྦྱོར་བ་ལོག་པ་དང་། །ཉིན་ཉལ་མཚན་གཉིད་མ་ལོག་དང་། །ཉལ་པོ་དྲགས་དང་སྐྱིད་པར་གནས། །འཆགས་པའི་སྤྱོད་པ་མ་བསྟེན་དང་། །སྣད་དང་སྦྱང་བ་མ་བྱས་བས། །མི་ཡི་ཁྲག་ནི་འཁྲུགས་འགྱུར་ཞིང་། །རླུང་སྐྱེད་ཟོས་པས་རླུང་ནད་ནི། །
[158a.6]འཕེལ་བས་འཁྲུགས་ཏེ་ལམ་གཞན་ཞུགས། །དེ་བཞིན་ཁྲག་ཀྱང་ལམ་འགགས་ལ། །དང་པོར་གནོད་པར་འགྱུར་བ་ཡིན། །དེ་ནི་ཕྱུག་པོའི་རླུང་ནད་དང་། །འཐེང་ནད་སྟོབས་འཇིག་རླུང་ཁྲག་འདྲེས། །མིང་དུ་དེ་ནི་རྣམ་པར་བཤད། །དེ་ཡང་དང་པོར་རྐང་པར་རྒྱུ། །མཆོག་ཏུ་བཞོན་
[158a.7]སོགས་མཆོངས་ལས་བྱུང་། །དེ་ཡི་འབྱུང་འགྱུར་མཚན་ཉིད་ནི། །མཛེ་ནི་འབྱུང་འགྱུར་མཚན་མར་མཚུངས། །དེ་བཞིན་ལུས་ཉམས་ཡན་ལག་ལྷོད། །པུས་མོ་བྱིན་པ་བརླ་རྐེད་པ། །ལག་པ་རྐང་པའི་ཚིགས་རྣམས་སུ། །གཡའ་ཞིང་འགུལ་དང་ན་བ་དང་། །ཆག་སྙམ་
[158b]
[158b.1]སེམས་ཤིང་ཚོར་མེད་ལྕི། །ཡང་དང་ཡང་དུ་ལྡང་བ་དང་། །སླར་ཡང་ཞི་བར་འགྱུར་བ་ཡིན། །རྐང་པ་གཉིས་ཀྱི་རྩ་བར་གནས། །ལན་འགའ་ལག་པ་དག་ཏུ་གནས། །བྱི་བའི་དུག་ནི་ལྡང་བ་ལྟར། །ལུས་ཀུན་ལ་ནི་ཁྱབ་པར་འགྱུར། །ཐོག་མར་པགས་པ་ཁྲག་
[158b.2]ལ་གནས། །བྱུང་བ་རྟོགས་པར་བླ་ཞེས་བྱ། །དེ་ནས་རིམ་གྱིས་ལུས་ཟུངས་ཀུན། །ཁྱབ་སྟེ་རྟོགས་པར་དཀའ་ཞེས་བྱ། །རྟོགས་སླ་པགས་གཡའ་ལ་སོགས་ལྡན། །ཟངས་ལྟར་དམར་དང་སྔོ་བ་དང་། །བྱ་རྨྱང་བཅས་ཤིང་རབ་དྲོ་ཚ། །རྟོགས་དཀའ་སྔར་
[158b.3]བས་ལྷག་པར་ན། །སྐྲང་ཞིང་མཁྲང་ལ་ཚོས་པར་བྱེད། །གཞང་དང་ཚིགས་དང་རུས་པ་རྐང་། །བཅད་སྙམ་སེམས་ཤིང་ནང་དུ་རྒྱུ། །ཤུགས་དང་ལྡན་ཚེ་སྒུར་པོ་དང་། །ཞ་བོ་འཐེང་པོར་བྱེད་འགྱུར་ལ། །ལུས་ནི་ཀུན་དུ་རྒྱུ་བ་ཡིན། །དེ་ལ་རླུང་ཤས་ཆེ་གྱུར་ན། །
[158b.4]གཟེར་འགུལ་ཟུག་པའི་ཤས་ཆེ་ཞིང་། །སྐྲང་བ་རྩུབ་ཅིང་གནག་པ་དང་། །སྔོ་ཞིང་འཕེལ་ཞིང་འབྲི་བར་འགྱུར། །རྩ་ཆེན་སོར་མོའི་ཚིགས་རྣམས་ནི། །འཁུམས་ཤིང་ལུས་བཅུམ་བཞིན་དུ་ན། །གྲང་ལ་མི་དགའ་རེག་ན་བདེ། །རེངས་ཤིང་འདར་ལ་ཚོར་བ་མེད། །ཁྲག་ཤས་ཆེ་
[158b.5]སྐྲང་རབ་ཏུ་ཟུག །དམར་ཞིང་ཚ་བ་ཙེག་ཙེག་བྱེད། །སྣུམ་དང་རྩུབ་བས་ཞི་མི་འགྱུར། །གཡའ་དང་འདྲུལ་བར་ལྡན་པ་ཡིན། །མཁྲིས་གྱུར་ཚ་ཞིང་རྨོངས་བག་དང་། །རྔུལ་ཞིང་བརྒྱལ་མྱོས་སྐོམ་དད་ཆེ། །རེག་མི་བཟོད་ཅིང་ན་ལ་དམར། །སྐྲང་ཞིང་སྨིན་ལ་ཤིན་ཏུ་
[158b.6]བྲོ། །བད་ཀན་གྱིས་འགུལ་མི་ཤེས་ལྕི། །ཚོར་མེད་སྣུམ་ཞིང་གྲང་བ་དང་། །གཡའ་ཞིང་ཅུང་ཟད་ན་བ་ཡིན། །འདྲེས་པའི་མཚན་ཉིད་འདྲེན་མ་ཡིན། །ནད་གཅིག་ལས་བྱུང་གསར་གསོ་སླ། །ནད་གཉིས་ལས་བྱུང་འཚོ་བ་ཙམ། །འདུས་པ་ལས་བྱུང་ཆུ་སེར་འཛག །རེངས་
[158b.7]དང་ཐོར་བུ་འབྱང་བ་སྤང་། །རླུང་ནི་ཡན་ལག་ཚིགས་གནས་པ། །ཁྲག་གི་ལམ་ལ་མྱུར་གནོད་བྱེད། །དེ་གཉིས་ཕན་ཚུན་འདྲེས་གྱུར་པའི། །ནད་ཀྱིས་སྲོག་ནི་འཕྲོག་པར་བྱེད། །ལྔ་ཡི་བདག་ཉིད་ཅན་རླུང་ལས། །སྲོག་རྩུབ་དྲག་ཤུལ་སྨྱུང་བ་དང་། །འགྲངས་དྲགས་
[159a]
[159a.1]སྣད་དང་ལམ་གྱིས་དུབ། །ཤུགས་བཀག་ནན་གྱིས་བརྩིར་བ་ཡིས། །འཁྲུགས་ནས་མིག་ལ་སོགས་པ་ལ། །ཉེ་བར་གནོད་པ་སྐྱེད་བྱེད་ཅིང་། །ཆམ་པ་ཉམ་ཐག་སྐོམ་ལུད་པ། །དབུགས་མི་བདེ་སོགས་ནད་མ་བསྐྱེད། །སྟོད་རྒྱུ་སྦྲིད་པ་སྒྲེགས་པ་དང་། །
[159a.2]སྦྱུགས་པ་གཉིད་ནི་བཀག་པ་དང་། །ཁུར་ལྕི་འདེགས་དང་དྲག་ཏུ་ངུ་། །དགོད་དྲགས་སོགས་ཀྱིས་ནད་འཁྲུགས་ཏེ། །མགུལ་པ་འགགས་ཤིང་སེམས་ཉམས་ལ། །ཆམ་འདེབས་སློན་ཞིང་ཡི་ག་འཆུས། །མགུལ་པར་ལྦ་བ་སོགས་སྐྱེད་ཅིང་། །ནམ་འཚོང་ཡན་ཆད་བརྟེན་
[159a.3]ནད་སྐྱེད། །ཁྱབ་བྱེད་འགྲོ་དང་འདུག་དྲགས་དང་། །རྩེད་མོ་དྲགས་དང་མི་བཟོད་སྤྱོད། །ཁ་ཟས་མི་མཐུན་རྩུབ་འཇིགས་དགའ། །ཡི་མུག་སོགས་ཀྱིས་འཁྲུགས་པར་འགྱུར། །ཁུ་བ་སྟོབས་དང་སྤྲོ་བ་ཉམས། །སྐྲང་དང་སེམས་གཡེངས་རིམས་ཀྱིས་འདེབས། །ཡན་ལག་ཀུན་ལ་ཟུག་པ་དང་། །
[159a.4]སྤུ་བརྩེ་ཡན་ལག་ཚོར་བ་མེད། །མཛེ་དང་མེད་དབལ་གཞན་ཡང་ནི། །ལུས་ཀུན་ཁྱབ་པའི་ནད་སྐྱེད་འགྱུར། །མཉམ་གནས་འདུ་བ་མ་སྙོམས་དང་། །གྲང་དང་འདྲེན་མའི་ཟས་ཟོས་དང་། །དུས་མིན་གཉིད་ལོག་མཚན་མོ་ནི། །གཉིད་མ་ལོག་ལ་སོགས་ཀྱིས་འཁྲུགས། །གཟེར་
[159a.5]དང་སྐྲན་དང་ཕོ་ནད་སོགས། །ཞུ་དང་མ་ཞུར་གནས་ནད་སྐྱེད། །ཐུར་སེལ་ཟས་ནི་རྩུབ་དང་ལྕི། །ཤུགས་བཀག་པ་དང་མི་སྲུན་བཞོན། །ཁྱོགས་དང་བཞོན་དང་སྟན་གནས་དང་། །འགྲོ་བ་བསྟེན་ནི་དྲགས་པ་ཡིས། །འཁྲུགས་ནས་གསོ་བར་དཀའ་བའི་ནད། །ཞུ་བའི་གནས་ལ་
[159a.6]བརྟེན་པ་སྐྱེད། །གཅིན་དང་ཁུ་ཆུའི་ནད་གཞང་འབྲུམ། །གཞང་འབྱུང་ལ་སོགས་མང་པོ་སྐྱེད། །རླུང་ཀུན་མ་ཞུར་ལྡན་པ་ནི། །སྙོམ་དང་འགུལ་མི་ཤེས་ཁོང་ལྕི། །སྣུམ་དང་སྒྱིད་ཞན་ཡི་ག་འཆུས། །གྲང་སྐྲན་མེ་དྲོད་ཉམས་བྱེད་ཅིང་། །ཚ་དང་རྩུབ་པ་མངོན་འདོད་
[159a.7]ཅིང་། །དེ་ཟོས་བདེ་འགྱུར་ལས་ཤེས་བྱ། །མ་ཞུ་བ་དང་མི་ལྡན་པ། །སྙོམ་སོགས་གོ་ནི་བཟློག་པ་ཡིན། །དེ་ནས་རླུང་གིས་འདྲེས་པ་ཡི། །དབྱེ་བ་མང་པོར་ཤེས་པར་བྱ། །མཁྲིས་པས་འདྲེས་རྟགས་ཚ་བ་དང་། །སྐོམ་གཟེར་མགོ་འཁོར་མུན་འཐིབས་བྱེད། །ཚ་དྲོ་སྐྱུར་དང་
[159b]
[159b.1]ལན་ཚྭ་བྲོ། །ཚ་ཞིང་གྲང་བ་འདོད་པ་ཡིན། །བསིལ་ཞིང་ཁོང་ལྕི་གཟེར་བ་དང་། །ཚ་བ་སོགས་ཟོས་སྨྱུང་བ་དང་། །རྩོལ་དང་རྩུབ་པས་ལྷག་པར་བདེ། །དྲོད་འདོད་བད་ཀན་ལྡན་པ་ཡིན། །ཁྲག་བཅས་ཚ་ཞིང་ན་དང་བཅས། །པགས་པའི་ཤ་ནད་ཤིན་ཏུ་ཟུག །སྐྲང་པ་
[159b.2]མདོག་དམར་འགྱུར་བ་དང་། །ཐིག་ལེ་དམར་པོ་འབྱུང་བ་ཡིན། །ཤ་དང་འདྲེས་པ་མཁྲང་བ་དང་། །མདོག་འགྱུར་འབྲུམ་བུ་ཕྲ་མོ་འབྱུང་། །སྤུ་བརྩེ་ལུས་ལ་གྲོག་མ་ནི། །རྒྱུ་བ་སྙམ་དུ་སེམས་པར་འགྱུར། །ཚིལ་དང་འདྲེས་པ་གསོ་དཀའ་དང་། །གཡོ་ཞིང་སྣུམ་ལ་
[159b.3]འཇམ་གྲང་བར། །ལུས་ལ་སྐྲང་ཞིང་ཡི་ག་འཆུས། །དེ་ནི་ཕྱུག་པོའི་རླུང་ནད་ཡིན། །རུས་པ་དང་ལྡན་རེག་ན་ཚ། །བཙིར་ན་མངོན་པར་དགའ་བ་དང་། །ཁབ་ཀྱིས་རབ་ཏུ་གཙགས་སྙམ་བྱེད། །ཡན་ལག་ན་ཞིང་ཟུག་པ་ཡིན། །རྐང་དང་ལྡན་ལ་ལུས་སྒུ་ཞིང་། །གླལ་
[159b.4]མང་དཀྲིས་པ་སྙམ་དུ་སེམས། །རབ་ཏུ་ན་ལ་ལག་གཉིས་ཀྱིས། །བཙིར་ན་བདེ་བར་འགྱུར་བ་ཡིན། །ཁུ་བ་དང་འདྲིས་དྲག་ཏུ་འབྱུང་། །ཡང་ན་མི་འབྱུང་འབྲས་བུ་མེད། །ཟས་འདྲེས་ཁོང་པར་མ་ཞུ་ན། །ཞུ་ནས་ནད་དེ་བདེ་བར་འགྱུར། །གཅིན་དང་རླུང་འདྲེས་ལྒང་པ་སྦོ། །
[159b.5]གཅིན་ནི་འགགས་པར་བྱེད་པར་འགྱུར། །བཤང་འདྲེས་ཐུར་དུ་འབྱུང་བ་འགག །རང་གི་གནས་སུ་ཡོངས་སུ་གཅོད། །སྣུམ་ཟོས་མྱུར་དུ་འཇུ་བར་འགྱུར། །ཟས་ཟོས་ལྟོ་ནི་སྦོས་པ་དང་། །ཟས་ཀྱིས་བཤང་བ་ཕུལ་ནས་ནི། །ན་ཞིང་སྐོམ་པོ་རྙོག་ཅན་འབྱུང་། །རླུང་ནི་
[159b.6]ལུས་ཟུངས་ཀུན་དང་འདྲེས། །བརླ་དང་ཆུ་སོ་རྒྱབ་ཏུ་ན། །རླུང་ནི་ལོག་སོང་མི་བདེ་ཞིང་། །སྙིང་ནི་རབ་ཏུ་ན་བར་བྱེད། །སྲོག་དང་མཁྲིས་པ་འདྲེས་གྱུར་འཁྲུགས། །མགོ་འཁོར་བརྒྱལ་དང་ལུས་ཚ་འགྱུར། །ལེགས་པར་མ་ཞུ་སློན་པར་བྱེད། །སྟོད་རྒྱུ་མགོ་འཁོར་སོགས་
[159b.7]པ་དང་། །ནང་དུ་ཚ་ཞིང་སྟོབས་ཟད་འགྱུར། །ཁྱབ་བྱེད་རྨོངས་བག་ལུས་ཀུན་ནི། །ཚ་ཞིང་ངལ་ལ་ལུས་སྤྱོད་འགགས། །ལུས་ཚ་ནད་དང་བཅས་པ་ཡིན། །མཉམ་གནས་དྲོད་ཀྱིས་གནོད་རྡུལ་ཆེ། །མི་དགའ་སྐོམ་དང་ཚ་བཅས་འགྱུར། །ཐུར་དུ་སེལ་བས་དྲི་མ་ནི། །ཁ་
[160a]
[160a.1]དོག་སེར་པོར་འབྱུང་བ་དང་། །ཟླ་མཚན་ཆེར་འཕེལ་མོ་མཚན་དང་། །ཕོ་མཚན་རྐུབ་ཏུ་ཚ་བར་འགྱུར། །སྲོག་ནི་བད་ཀན་འདྲེས་གྱུར་པ། །ལུས་ལྷོད་སྐོམ་དང་ཡི་ག་འཆུས། །མཆིལ་མང་སྒྲེགས་པ་སྦྲིད་མང་སློན། །དབུགས་འབྱུང་དབུགས་རྔུབ་ཐོགས་
[160a.2]པ་ཡིན། །སྟོད་རྒྱུ་ལུས་ནི་ལྕི་བ་དང་། །ཚིག་ཐོགས་སྐད་འགགས་ཡི་ག་འཆུས། །སྟོབས་དང་ཁ་དོག་ཉམས་པར་བྱེད། །ཁྱབ་བྱེད་རུས་ཚིགས་རེངས་པ་དང་། །ཡན་ལག་ཐམས་ཅད་ལྕི་བ་དང་། །འགྲོས་ནི་ཤིན་ཏུ་འཁྱོར་བ་ཡིན། །མཉམ་གནས་ཡན་ལག་གྲང་
[160a.3]བྱེད་ཅིང་། །རྔུལ་མི་འབྱུང་ཞིང་དྲོད་ཆུང་འགྱུར། །ཐུར་སེལ་བཤང་དང་གཅི་བ་ནི། །བད་ཀན་བཅས་པར་འབྱུང་བར་འགྱུར། །དེ་ལྟར་རླུང་ནི་གཞན་འབྲེལ་བ། །ཉི་ཤུ་རྩ་གཉིས་ཡིན་ཞེས་བྱ། །དེ་བཞིན་སྲོག་ལ་སོགས་པའི་རླུང་། །ཕན་ཚུན་རིམ་བཞིན་འདྲེས་གྱུར་པ། །
[160a.4]ཀུན་ཀྱང་འཁྲུགས་པར་གྱུར་པ་དེ། །ཉི་ཤུར་འགྱུར་བ་ཡིན་ཞེས་བྱ། །སྲོག་དང་སྟོད་རྒྱུ་ལྷན་ཅིག་འཁྲུགས། །དབུགས་འབྱུང་དབུགས་རྔུབ་དཀའ་བ་དང་། །ཆམ་འདེབས་མགོ་བོ་ན་བར་བྱེད། །སྙིང་ན་ཁ་ནི་སྐམ་པར་འགྱུར། །སྟོད་རྒྱུའི་རླུང་ནི་སྲོག་དང་འདྲེས། །མདོག་དང་
[160a.5]གཟི་མདངས་སྟོབས་ཟད་བྱེད། །ཕྱོགས་འདིས་འགྲེས་པ་ལྷག་མ་རྣམས། །སྨན་པས་ཉེ་བར་སྦྱར་པར་བྱ། །རླུང་ནི་གནས་དང་འཕེལ་དང་འབྲི། །ལས་རྣམས་ལེགས་པར་བརྟག་པར་བྱའོ། །སྲོག་ལ་སོགས་པ་ལྔ་པོ་ནི། །འཁྲུགས་པས་ཕན་ཚུན་འདྲེས་པ་ཡིན། །མཁྲིས་
[160a.6]པ་ལ་སོགས་བཅུ་གཉིས་དང་། །འདྲེས་པར་འགྱུར་ཏེ་འདྲེན་མ་ཡིན། །མཁྲིས་པ་སོགས་ལས་འདྲེས་དེ་བཞིན། །འདྲེན་མ་རྣམ་པ་དུ་མ་ཡིན། །རབ་དང་རབ་མཆོག་བརྟགས་པ་ཡིས། །འདྲེས་པ་གྲངས་མེད་འགྱུར་བ་ཡིན། །དེ་ནི་རང་གི་མཚན་ཉིད་དང་། །རིམ་གྱིས་
[160a.7]བདེ་བར་འགྱུར་བ་ལས། །རྟོགས་དཀའ་ཡིན་ཏེ་ཡང་ཡང་བརྟག །མ་ཡེངས་པས་ནི་ཤེས་པར་བྱ། །ཁྱད་པར་སྲོག་ནི་འཚོ་བ་ཡིན། །སྟོད་དུ་རྒྱུ་བ་སྟོབས་ཞེས་བརྗོད། །དེ་གཉིས་གནོད་པར་གྱུར་པ་ལས། །ཚེ་དང་སྟོབས་ནི་ཟད་པར་འགྱུར། །རླུང་ནི་འདྲེས་པ་
[160b]
[160b.1]མ་ཤེས་པའམ། །ཤེས་ཀྱང་ལོ་གཅིག་ལོན་པ་ནི། །འབད་ཀྱང་གསོ་དཀའ་ཡིན་པའམ། །གསོ་བའི་ཐབས་ནི་མེད་པ་ཡིན། །འདྲེས་ནད་ཡལ་བར་བོར་ན་ནི། །ཁོང་འབྲས་མཆེར་པ་སྙིང་ནད་དང་། །སྐྲན་དང་མེ་དྲོད་ཉམས་ལ་སོགས། །བླ་བརྣན་དེ་ལས་འབྱུང་བར་
[160b.2]འགྱུར། །ཡན་ལག་བརྒྱད་པའི་སྙིང་པོ་བསྡུས་པ་ལས། །ནད་གཞིའི་གནས་ཀྱི་ལེའུ་བཅུ་དྲུག་པའོ།། །།ཡན་ལག་བརྒྱད་པའི་སྙིང་པོ་བསྡུས་པ་ལས། ནད་གཞིའི་གནས་ཏེ་གནས་གསུམ་པ་རྫོགས་སོ།། །།དེ་ནས་རིམས་ནད་གསོ་བ་བཤད་པར་བྱའོ། །
[160b.3]རྒྱུན་ཤེས་ཀྱི་བུ་ལ་སོགས་པ་དྲང་སྲོང་ཆེན་པོ་རྣམས་ཀྱིས་འདི་སྐད་ཅེས་བཤད་དོ། །གང་ཕྱིར་མ་ཞུ་གནས་མ་ཞུ། །རྒྱུན་སྲང་བཀག་སྟེ་མེ་དྲོད་ཉམས། །རིམ་གྱིས་ཉེས་པ་སྐྱེད་བྱེད་པས། །སྔོན་ཚུལ་བྱུང་དང་རིམས་སོགས་ལའང་། །དེ་ཕྱིར་སྨྱུང་བ་བྱ་དགོས་ལ། །སྟོབས་
[160b.4]ནི་འབད་པས་བསྲུང་བར་བྱ། །སྟོབས་ནི་ནད་མེད་པ་ཡི་གནས། །བྱ་བའི་རིམས་ནི་ནད་མེད་དོན། །སྨྱུང་བྱས་ནད་ནི་ཉམ་སྨད་ཅིང་། །མེ་དྲོད་སྐྱེད་དང་ཁོང་ཡང་འགྱུར། །བདེ་ཞིང་བཀྲེས་སྐོམ་ཡི་ག་འབྱེ། །ཟས་འཇུ་སྟོབས་དང་མདངས་སྐྱེད་འགྱུར། །དེ་ལ་ཕལ་ཆེར་བད་
[160b.5]ཀན་ནད། །བསླངས་དང་གཡོས་པར་གྱུར་པ་དང་། །དང་གར་འཁྱིལ་བཅས་མཆིལ་མ་མང་། །ཟས་ལ་མི་དགའ་ལུད་པ་གསུང་། །ཟོས་མ་ཐག་ཏུ་རིམས་འདེབས་པ། །ཁྱད་པར་དུ་ནི་མ་ཞུར་འགྱུར། །སྐྱུག་སྨན་བཏང་འོས་སྐྱུག་སྨན་བསྔགས། །དེ་ལས་གཞན་དུ་བྱས་ན་
[160b.6]ནི། །དབུགས་མི་བདེ་དང་ཚད་འཁྲུ་རྨོངས། །སྙིང་ནད་མི་བཟད་རིམས་ཀྱིས་འདེབས། །པོ་སོན་པི་པི་ལིང་བཅས་པ། །དུག་མོ་ཉུང་ངམ་ཤིང་མངར་ནི། །ཆུ་དྲོན་སྦྲང་རྩིར་བཅས་པའམ། །ཡང་ན་རྒྱམ་ཚར་ལྡན་པ་བླུད། །ཀར་ཀ་ཏ་འམ་པ་ཏོ་ལ། །ནིམ་པ་སྦའི་ལོ་མའི་
[160b.7]ཆུའམ། །འབྲས་ཡོས་ཀྱི་ནི་སྐྱོ་མའམ། །བུ་རམ་ཤིང་ཁུའམ་ཆང་སྦྱར་བཏུང་། །ཉམས་སྟོབས་དུས་ཀྱི་དབྱེ་ཤེས་པས། །ཆོ་གའི་གནས་ལས་བཤད་པ་ཡི། །སྐྱུག་སྨན་དག་ནི་རབ་ཏུ་བཏང་། །སྐྱུག་སྨན་གྱི་ནི་སྦྱོར་བ་དག །བྱས་པར་གྱུར་ཏམ་མ་བྱས་ཀྱང་། །རིམས་
[161a]
[161a.1]ནད་ཅན་ལ་རྣམ་སྦྱང་བྱ། །ནད་ནི་བསྐྱོད་པར་གྱུར་པ་དང་། །སྨིན་དང་ཞི་བར་བྱ་ཕྱིར་བྱ། །ཐལ་བས་གཡོགས་པའི་མེ་བཞིན་དུ། །མ་ཞུས་ཁེབས་ཟས་འཇུ་མི་འགྱུར། །དེ་བས་ཉེས་པ་སྨིན་བྱའི་ཕྱིར། །རིམས་དང་ལྡན་ལ་སྨྱུང་བ་བྱ། །རླུང་དང་
[161a.2]བད་ཀན་རིམས་སྐོམ་དང་། །ཆུ་ཚན་ཉུང་ཤས་ཉུང་ཤས་བཏུང་། །དེས་ནི་བད་ཀན་ཞུ་གྱུར་ནས། །སྐོམ་དད་མྱུར་དུ་སེལ་བར་བྱེད། །མེ་དྲོད་སྐྱེད་ཅིང་བུ་གའི་རྒྱུན། །འཇམ་པར་བྱས་ནས་སྦྱོང་བར་བྱེད། །ཞེན་པའི་རླུང་མཁྲིས་རྔུལ་དང་ནི། །བཤང་གཅི་བདེ་བར་འབྱིན་
[161a.3]པར་བྱེད། །གཉིད་རྨོངས་ཡི་ག་འཆུས་པ་སེལ། །སྲོག་ནི་འཛིན་པར་བྱེད་པ་ཡིན། །ཆུ་གྲང་དེ་ལས་བཟློག་པ་སྟེ། །ནད་ཀྱི་ཚོགས་ནི་(འཕལ་,འཕེལ)བྱེད་ཡིན། །ཆུ་ཚན་ཡོན་ཏན་དེ་འདྲ་ཡང་། །གཅིག་ཏུ་མཁྲིས་པས་ལྡན་རིམས་དང་། །མཁྲིས་ཤས་ཆེ་དང་ཕྱོགས་གཅིག་
[161a.4]ཚ། །ཀུན་ཚ་རྨོངས་བག་ཚད་པར་འཁྲུ། །ཆང་དུབ་ལས་བྱུང་སོ་ག་དང་། །གཅོང་སྐེམས་ཁྲག་མཁྲིས་ཅན་མི་བླུད། །དེ་ལ་གླ་སྒང་ཙནྡན་དང་། །བཅའ་སྒ་པར་པ་ཏ་དང་ནི། །པུ་ཤེལ་ཙི་དང་བ་ལེ་ཀ ། བསྐོལ་ཆུ་བསྒྲངས་བླུད་རིམས་སྐོམ་སེལ། །མཁྲིས་པ་མེད་པར་ཚ་མི་
[161a.5]འབྱུང་། །ཚ་བ་མེད་པར་རིམས་ཡོད་མིན། །དེ་བས་མཁྲིས་པ་ལ་གནོད་སྤང་། །མཁྲིས་ཤས་ཆེ་བས་ལྷག་པར་སྤང་། །ཁྲུས་དང་བསྐུ་དང་བྱུག་པ་དང་། སྨྱུང་བ་ལྷག་མའང་སྤང་བར་བྱ། །མ་ཞུ་གཟེར་འཇོམས་སྨན་ལྟ་བུར། །མ་ཞུ་རིམས་ནི་མི་བཟད་ལ། །སྨན་བཏུང་མི་
[161a.6]བྱ་དེ་ཡིས་ནི། །ལྷག་པར་མ་ཞུ་འཕེལ་བར་འགྱུར། །ལྟོ་བ་མ་ཞུས་ཁྱབ་པ་ལ། །འོ་མ་སྒྲུལ་ལ་བླུད་དང་མཚུངས། །རླུང་དང་བད་ཀན་བདག་ཉིད་དེར། །ལྐོག་ནད་ཆམ་པ་དབུགས་མི་བདེ། །བྱིན་པ་ཚིགས་རུས་གཟེར་གྱུར་ལ། །རྔུལ་འབྱུང་བ་ནི་རབ་བསྔགས་ཏེ། །རྔུལ་
[161a.7]དང་བཤང་གཅི་འཕྱེན་བདེར་འབྱུང་། །མེ་དྲོད་སྐྱེད་ཅིང་ཟས་འཇུ་བྱེད། །སྣུམ་འཐུང་ཆོ་གར་བཤད་པ་ནི། །རྣམ་པ་ཀུན་དུ་སྤྱད་པར་བྱ། །སྨྱང་དང་དུགས་བྱ་དུས་དང་ནི། །ནས་ཐུག་ཏིག་ཏའི་ཁུ་བ་རྣམས། །དྲི་མ་རྣམས་ནི་སྨིན་བྱེད་པ། །རིམ་མམ་གནས་སྐབས་ཇི་བཞིན་སྦྱིན། །
[161b]
[161b.1]རླུང་ནད་ཉི་ཚེ་ཟད་བྱེད་དང་། །གློ་བུར་བ་དང་རིམས་རྙིང་ལ། །སྨྱུང་བ་མི་བྱ་དེ་ལ་ནི། །ཉམས་མི་སྨད་པའི་ཞི་བྱ་ཕན། །དེ་ལ་མ་ཞུའི་རིམས་ལྡན་ཚུལ། །ཉམས་སྨད་མི་བྱར་ཤེས་པར་བྱ། །གསོ་བའི་ཐབས་ནི་གཉིས་ཤེས་ལས། །བརྟགས་ཏེ་སྨྱུང་བ་བྱ་བ་ཡིན། །སྨྱུང་
[161b.2]བྱས་མཚན་མར་ལྡན་པ་ནི། །དེ་ལ་ཐུག་སླ་ལ་སོགས་བླུད། །རང་གིས་སྨན་དང་ཇི་བཞིན་བསྐོལ། །དང་པོར་ཐུག་སླ་ལ་སོགས་སྦྱིན། །ཞག་དྲུག་བར་དུའམ་གང་ཚེ་རིམས། །རྩེ་ཞིལ་གྱུར་པའི་བར་དུ་སྦྱིན། །དེ་ཡིས་ཤིང་གིས་མེ་བཞིན་དུ། །དེ་ཡི་མེ་དྲོད་འཕེལ་
[161b.3]བར་བྱེད། །དང་པོ་འབྲས་ཡོས་ཐུག་འཇུ་སླ། །བཅའ་སྒ་པི་པི་ལིང་དང་བཅས། །འུ་སུ་རྒྱ་མཚར་བཅས་པ་སྦྱིན། །སྐྱུར་འདོད་སེའུ་འབྲུ་བཅས་བ་བཏུང་། །འཁྲུ་བའམ་མཁྲིས་པ་མང་བ་ལ། །སྦྲང་རྩི་བཅའ་སྒ་བཏབ་བསྒྲངས་བླུད། །ཆུ་སོ་རྩིབ་ལོགས་གླད་པ་གཟེར། །གཟེ་
[161b.4]མ་བྱ་ཀྲི་བསྐོལ་བ་བླུད། །རིམས་འཁྲུར་ཀྲྀཥྞ་པརྞི་དང་། །བལ་བིལ་བ་བཅའ་སྒ་དང་། །ཨུཏྤལ་འུ་སུ་བསྐོལ་རིམས་འཁྲུར། །ཐུག་སྐྱུར་སྨིན་དང་དྲོད་བསྐྱེད་ཡིན། །སྐྱིགས་བུ་ལུད་པ་དབུགས་མི་བདེ། །གཟེར་ཅན་རྩ་བ་ཆུང་ངུ་ལྔ། །བད་ཀན་གྱིས་ཉེན་ནས་ཐུག་ནི། །རྩ་
[161b.5]བ་ཆེན་པོ་ལྔ་པ་སྦྱིན། །རྟུག་པ་འགགས་ལ་ནད་བཅས་པ། །པི་པི་ལིང་དང་སྐྱུ་རུ་ར། །བཏབ་པའི་ནས་ཐུག་མར་དང་བརྔོས། །དྲི་མ་ནད་ནི་བདེ་འབྱུང་བྱེད། །ལྟོ་བར་རྟུག་འགགས་ནད་བཅས་ལ། །དབྱི་མོ་པི་པི་ལིང་རྩ་བ། །རྒུན་འབྲུམ་དོང་ག་སྐྱུ་རུ་ར། །ཁོང་པ་བཅད་པ་སྙམ་
[161b.6]བྱེད་ལ། །རྒྱ་ཤུག་ད་ཏྲིགས་ལ་བར། །ཀྲྀཥྞ་པཎི་བིལ་བ་བླུད། །རྔུལ་མེད་གཉིད་མེད་སྐོམ་པས་ཉེན། །ཁར་དོང་གྲ་སྐྱུ་རུ་རའོ། །རྒྱ་ཤུག་ཁར་རྒུན་འབྲུམ་དང་། །ཐལ་ཏྲེས་གླ་སྒང་ཙནྡན་ནི། །སྐོམ་དང་སློན་དང་བཅས་པ་བླུད། །སྦྲང་རྩིར་བཅས་པ་རིམས་འཇོམས་ཡིན། །
[161b.7]དེ་དག་ཐུག་པའི་སྨན་ཡིན་ཏེ། །ཤ་ཁུ་ཡུ་ཤ་སོགས་པའང་སྦྱར། །ཆང་ལས་བྱུང་དང་ཆང་རྒྱུན་བསྟེན། །བད་ཀན་མཁྲིས་པའི་གནས་ཞུགས་ནས། །དེ་གཉིས་ཤས་ཆེའམ་སོ་གའམ། །སྐོམ་དང་སློན་དང་ཚད་པས་ཉེན། །ཁྲག་ནི་སྟོད་དུ་འབྱུང་བ་སྟེ། །དེ་ལ་ཐུག་པ་མི་བླུད་ཀྱི། །
[162a]
[162a.1]འབྲས་ཕྱེའི་སྐྱོ་མ་རིམས་འཇོམས་པའི། །འབྲས་བུའི་ཁུ་བ་སྦྲང་རྩི་དང་། །ཁར་དཀར་བཅས་བླུད་པར་བྱ། །དེ་ནས་སྐྱོ་མ་ཞུ་ནས་ནི། །བཀྲེས་ན་ནས་ཐུག་འབྲས་བརྔོས་པའི། །འབྲས་ཆན་དག་ནི་བཟའ་བྱ་ཞིང་། །ཤ་ཁུ་སླ་བའི་ཁུ་བ་འམ། །མུངྒ་འུར་
[162a.2]པའི་ཁུ་བཅས་བཟའ། །དེ་ལྟར་ཞག་དྲུག་འདི་བཟླས་ཏེ། །ཉམས་སྟོབས་ནད་ནི་བསྲུང་བར་བྱ། །དེ་ནས་སྨྱུང་བ་ལ་སོགས་པས། །སྨིན་པའི་ནད་ནི་ལྷག་མ་རྣམས། །སྨིན་པའམ་ཡང་ན་ཞི་བྱའི་ཕྱིར། །སྨན་ཁུའི་སྦྱོར་བའི་བྱ་བ་བསྔགས། །མཁྲིས་ལ་མཆོག་ཏུ་ཁ་བ་
[162a.3]སྟེ། །བད་ཀན་ལ་ནི་ཚ་བ་བླུད། །བད་ཀན་མཁྲིས་པ་སེལ་བྱེད་ཀྱང་། །བསྐ་བ་བསྔགས་པ་མ་ཡིན་ཏེ། །རིམས་གསར་དྲི་མ་འགགས་བྱེད་པས། །བསྐ་བས་མི་བཟད་རིམས་སྐྱེད་ཅིང་། །དང་ག་འཁྱིལ་དང་ཡི་ག་འཆུས། །སྐྱིགས་བུ་དབུགས་མི་བདེ་ཡང་སྐྱེད། །
[162a.4]ལ་ལ་ཞག་བདུན་ནས་སྨན་གཏོང་། །གཞན་དག་ཞག་ནི་བཅུ་ལོན་ནས། །ཁ་ཅིག་ཟས་ཡང་ཟོས་ནས་གཏོང་། །མ་ཞུ་ཤས་ཆེ་ལ་མི་གཏང་། །གང་ཕྱིར་མི་བཟད་རིམས་ཉེན་ལ། །ནད་ཀྱི་ཤུགས་ནི་འབྱུང་འགྱུར་བ། །མ་སྨིན་པ་ལ་སྨན་གྱིས་ནི། །རིམས་ནི་སླར་འཕེལ་བྱེད་པ་
[162a.5]འམ། །ནད་ནི་ཤིན་ཏུ་སོགས་པ་ཡིས། །སྙོམ་དང་རྨོངས་བག་སྐྱེད་པར་བྱེད། །གང་ཚེ་རིམས་རྩེ་ཞིལ་ལུས་ཡང་། །དྲི་མ་ལ་སོགས་གཡོས་གྱུར་བ། །རིམས་བཏབ་ཡུན་རིང་མ་ལོན་ཡང་། །དེ་ཚེ་སྨན་ནི་སྦྱིན་པར་བྱ། །གླ་སྒང་པར་པ་ཏར་བཅས་པའམ། །བཅའ་སྒའམ་
[162a.6]ཡང་ན་བྱི་ཚེར་བ། །བསྐོལ་བ་བསྒྲངས་པའི་ཁུ་བ་བླུད། །པ་ཏ་པུ་ཤེལ་པ་ལ་ཀ །བླུད་པའམ་དེ་བཞིན་དུ་ནིམ་པ། །སླེ་ཏྲེས་གླ་སྒང་དོ་གྲ་རྣམས། །འདི་ནི་ཅི་རིགས་པར་བླུད་བྱ། །ནན་སྨིན་བྱེད་པའི་སྨན་ཁུ་བ། །རིམས་དང་སྐོམ་དད་ཡི་ག་འཆུས། །ཁས་རོ་མི་ཚོར་མ་ཞུ་
[162a.7]འཇོམས། །དུག་མོ་ཉུང་དང་པ་ཏོ་ལའི། །ལོ་མ་དང་ནི་པུ་ཙེ་ཤེལ། །པ་ཏོལ་གླ་སྒང་ཐལ་ཏྲེས་དང་། །པ་ཏ་དང་ནི་པུ་ཙེ་ཤེལ། །པ་ཏོལ་ནིམ་པ་འབྲས་བུ་གསུམ། །རྒུན་འབྲུམ་གླ་སྒང་དུག་མོ་ཉུང་། །ཀིར་ཏིག་ཏ་སླེ་ཏྲེས་དང་། །བཅའ་སྒ་དང་ནི་ཙནྡན་དཀར། །སླེ་ཏྲེས་གླ་སྒང་སྐྱུ་རུ་
[162b]
[162b.1]སྦྲང་། །ཚིགས་བཅད་ཕྱེད་ཀྱིས་རྫོགས་བྱས་པ། །ལྔ་པོ་འདི་དག་རྟག་རིམས་སོགས། །ལྔ་པོ་ཞི་བར་བྱེད་པར་འདོད། །རླུང་གི་རིམས་ལ་བྱི་ཚེར་བ། །བཅའ་སྒ་སླེ་ཏྲེས་གླ་སྒང་ཕན། །ཡང་ན་པི་པི་ལིང་རྩ་བ། །སླེ་ཏྲེས་དང་ནི་བཅའ་སྒའམ། །རྩ་བ་ལྔ་བ་ཆུང་ངུ་ཕན། །
[162b.2]མཁྲིས་རིམས་གླ་སྒང་དུག་མོ་ཉུང་། །པུ་ཙེ་ཤེལ་ནི་སྦྲང་རྩིར་བཅས། །དེ་བཞིན་གླ་སྒང་པར་པ་ཏ། །བྱི་ཚེར་རྩ་མཁྲིས་བཅས་པ་ཕན། །བད་ཀན་དུག་མོ་ཉུང་སོགས་སྡེ། །ཡང་ན་བ་ཤ་ཀ་གླ་སྒང་། །བཅའ་སྒ་བྱི་ཚེར་བསྐོལ་བ་ཕན། །པི་པི་ལིང་རྩ་ཨ་རུ་ར། །དོང་ག་གླ་
[162b.3]སྒང་པུ་ཙེ་ཤེལ། །བད་ཀན་རླུང་འདྲེས་བཤང་འགགས་པས། །ན་བ་སྨིན་ཞིང་དྲོད་སྐྱེད་བྱེད། །རླུང་མཁྲིས་ལས་གྱུར་རིམས་ལ་ནི། །རྒུན་འབྲུམ་ཤིང་མངར་མ་དུ་ཀ །སེང་ཕྲོམ་ཏང་པལ་ཐལ་ཏྲེས་དང་། །གླ་སྒང་སྐྱུ་རུ་བ་ལ་ཀེ ། པདྨ་གེ་སར་ཤུག་པ་དང་། །པད་རྩ་ཙནྡན་
[162b.4]ཨུཪྴིར། །བ་རུ་ཤ་ཀ་ཨུཏྤལ་སྔོ། །རྒུན་སོགས་སྐྱོ་མའམ་བསྐོལ་བསྒྲངས་པ། །མེ་ཏོག་ཛཱ་ཏིའི་དྲིས་བསྒོས་ཏེ། །ཁ་ར་འབྲས་ཡོས་སྦྲང་རྩིར་སྦྱར། །རླུང་མཁྲིས་རིམས་ནི་འཇོམས་བྱེད་ཅིང་། །ཆང་ནད་སློན་བརྒྱལ་ཚ་མགོ་འཁོར། །ངལ་དང་སྟོད་ཀྱི་ཁྲག་མཁྲིས་ནད། །སྐོམ་
[162b.5]དང་མིག་སེར་དག་ཀྱང་སེལ། །པུ་ཙེ་ཤེལ་བཏགས་སྣོད་སར་པ། །གཙང་མདག་ཏུ་བསྐོལ་ནས་ནི། །བཙིར་བའི་ཁུ་བ་མར་དང་སྦྱར། །ཁུ་བ་དེས་ནི་རིམས་ཚད་སེལ། །བད་ཀན་རླུང་འདྲེས་ཤུ་དག་དང་། །པུ་ཙེ་ཤེལ་དང་པ་ཏ་དང་། །དོང་ག་དུག་མོ་ཉུང་བསྐོལ་ཕན། །ཡང་
[162b.6]ན་སླེ་ཏྲེས་བསྐོལ་བ་ཡི། །ཁུ་བར་པི་པི་ལིང་གི་ནི། །ཕྱེ་མ་བཏབ་སྟེ་འཐུངས་ན་ཕན། །བྱ་ཀྲི་བཅའ་སྒ་སླེ་ཏྲེས་བསྐོལ། །པི་པི་ལིང་གི་ཕྱེ་མར་བཅས། །བད་ཀན་རླུང་རིམས་དབུགས་མི་བདེ། །ལུད་པ་ཆམ་པ་གཟེར་འཇོམས་བྱེད། །གླ་སྒང་འུ་སུ་ཨ་རུ་ར། །བཅའ་སྒ་
[162b.7]སྐྲ་ལོ་པུ་ཏི་ཀ །ཤུ་དགག་བྲ་ཀད་ཕལ། །ཐང་ཤིང་ཤིང་ཀུན་སྦྲང་རྩིར་བཅས། །རླུང་དང་བད་རིམས་མཆིལ་མ་མང་། །ལྟོ་དང་སྙིང་ག་རྩིབ་ལོགས་ན། །ལྐོག་ནད་ཁ་ནི་སྐྲངས་པ་དང་། །ལུད་པ་དབུགས་མི་བདེ་རྣམས་སེལ། །དོང་ག་སོགས་ཏེ་སྦྲང་རྩིར་བཅས། །བད་ཀན་མཁྲིས་
[163a]
[163a.1]འགྱུར་རིམས་འཇོམས་སོ། །དེ་བཞིན་པུ་ཙེ་ཤེལ་དང་ནི། །བ་ཤ་ཀ་དང་པུ་ཤེལ་ཙེ། །ཀྱི་ལྕེ་བ་དང་འབྲས་བུ་གསུམ། །སླེ་ཏྲེས་དང་ནི་པ་ཏོ་ལ། །བོང་ང་དཀར་པོ་ནིམ་པ་དང་། །མུར་བ་བྱི་ཚེར་བ་ཡང་ཕན། །འདུས་པའི་རིམས་ལ་བྱ་ཀྲི་དང་། །
[163a.2]ཐང་ཤིང་སྐྱེར་པ་གླ་སྒང་དང་། །པ་ཏོ་ལོ་མ་ནིམ་པའི་ཤུན། །འབྲས་གསུམ་པུ་ཙེ་ཤེལ་ཡང་ཕན། །རླུང་དང་བད་ཀན་ཤས་ཆེའི་རིམས། །ལུད་དབུགས་མི་བདེ་རྩིབ་ལོགས་ཟུག །དོང་གྲ་པུཥྐར་མཱུ་ལ་དང་། །སླེ་ཏྲེས་ཀཎྜ་ཀ་རི་ཕན། །རྒུན་འབྲུམ་མ་དུ་ཀའི་མེ་ཏོག །བ་རུ་
[163a.3]ཤ་ཀ་ཀྱི་ལྕེ་བ། །པུ་ཤེལ་ཙེ་དང་པུ་ཙེ་ཤེལ། །འབྲས་བུ་གསུམ་དང་ཏང་པལ་བཅས། །བསྐོལ་ཏེ་བསྒྲངས་པར་གྱུར་པ་ཡི། །ཁུ་བ་དེ་ནི་དེས་འཐུངས་ན། །རིམས་ནི་ཐམས་ཅད་སེལ་བར་བྱེད། །ཛཱ་ཏི་གླ་སྒང་སྐྱུ་རུ་ར། །བྱི་ཚེར་བ་བསྐོལ་དེ་འདྲར་ཕན། །བཤང་འགགས་
[163a.4]རྒུན་འབྲུམ་པུ་ཙེ་ཤེལ། །ཀྱི་ལྕེ་བུ་རམ་འབྲས་བུ་གསུམ། །སྨན་ཞུ་ནས་ནི་ཐུག་པ་སོགས། །སྤྱད་བྱ་བད་ཀན་ཅན་གྱིས་མིན། །བད་ཀན་གྱིས་བརླན་ལུས་ལ་ནི། །རྔུལ་ལ་ཆར་བབ་འཕེལ་བ་ལྟར། །ཐུག་པ་ཡིས་ནི་བད་ཀན་སྐྱེད། །དེ་ཕྱིར་ཐོག་མ་ཉིད་དུ་ཡང་། །ཡུ་ཤ་
[163a.5]རྒྱ་སྲན་ཙ་ན་ཀ །སྲན་མ་སོགས་བྱས་ཡང་བ་དང་། །རྩུབ་ཅིང་རོ་ཁ་ལྡན་ཡིད་འོང་། །ཡི་ག་འབྱེད་བྱེད་གཡོས་ལེགས་སྦྱིན། །སཱ་ལུ་རྩ་སྣར་སོགས་འབྲུ་རྙིང་། །དྲུག་ཅུ་པ་ཡང་རིམས་ལ་ཕན། །བད་ཀན་ཤས་ཆེར་དེ་བཞིན་ནས། །ཕུབ་མ་མེད་བྱས་ཆག་ཚེའི་ཆན། །ནད་དང་
[163a.6]ལུས་ཟུངས་སོགས་སྟོབས་ལས། །རིམས་སེལ་སྨན་ཁུར་བཙོས་འབྲས་ཆན། །ལན་གཉིས་ལན་གསུམ་བཙགས་ནས་ནི། །ཅི་རིགས་པར་ནི་སྦྱིན་པར་བྱ། །མུངྒ་སོགས་དང་ཀུལངྠའི། །ཡུ་ཤ་ཡང་བས་རིམས་ནད་འཇོམས། །ཚོད་མ་ཀ་ར་བེ་ལ་དང་། །ཀར་ཀོ་
[163a.7]ཏ་དང་ལ་ཕུག་གཞོན། །པར་པ་ཏ་དང་བ་ཤ་ཀ །ནིམ་པའི་མེ་ཏོག་པ་ཏོ་ལའི། །འབྲས་བུ་དང་ནི་ལོ་མ་ལས། །ལེགས་པར་གཡོས་པའི་ཚོད་མ་བསྔགས། །ཤིན་ཏུ་ཡང་བའི་ཤ་དང་ནི། །སྐམ་སའི་སྲོག་ཆགས་ཤ་ཁུ་ནི། །ཀཎྜ་ཀ་རི་པ་རུ་ཤ། །ཨགྣི་མནྠ་རྒུན་འབྲུམ་
[163b]
[163b.1]དང་། །སྐྱུ་རུ་ར་དང་སེ་འབྲུ་དང་། །པི་པི་ལིང་དང་བཅའ་སྒ་དང་། །འུ་སུ་ཟིར་རྒྱམ་ཚར་བཅས། །ཕལ་ཆེར་ཁར་སྦྲང་རྩི་ཆེར། །ལྡན་པའི་གཡོས་བྱས་མ་བྱས་པ། །མི་སྐྱུར་དར་བ་བསྐོལ་བ་དང་། །ཡི་གར་འོང་ཞིང་སླ་བ་དང་། །ལེགས་པར་བསྐོལ་བའི་ཚོད་མ་ཕན། །
[163b.2]དེ་ནི་བཏུང་བའི་ཕྱིར་ཡང་སྦྱིན། །ཆུ་བསྐོལ་བསྒྲངས་པར་གྱུར་པ་དང་། །གོམས་པར་གྱུར་པའི་དབང་ལས་ནི། །ཆང་ཡང་བླུད་པར་བྱ་བ་ཡིན། །རིམས་དང་བཅས་པའམ་རིམས་བྲལ་ལ། །དགོངས་ཀ་ཁ་ཟས་ཡང་བ་སྦྱིན། །དེ་ཚེ་བད་ཀན་མེ་དྲོད་འཕེལ། །ཁོང་པའི་
[163b.3]མེ་དྲོད་སྟོབས་དང་ལྡན། །ཡང་ན་ཡུལ་གོམས་དབང་ལས་ནི། །ཅི་རིགས་སུ་ཡང་སྦྱིན་པར་བྱ། །མེ་དྲོད་ཆུང་ལ་སྔར་ཟོས་ན། །ཟས་མ་ཞུ་བར་གཟིར་བར་འགྱུར། །སྨན་བསྐོལ་ཁུ་བ་ཕན་ཟས་ཀྱིས། །ཞག་བཅུའི་བར་དུ་སྨྱུང་བ་བྱ། །བད་ཀན་བྲི་ནས་རླུང་མཁྲིས་
[163b.4]ནི། །ཤས་ཆེའི་རིམས་ལ་ཞུན་མར་སྦྱིན། །ནད་སྨིན་པ་ལ་བདུད་རྩི་ཡིན། །གཞན་དུ་དེ་ནི་དུག་དང་མཚུངས། །ཞག་བཅུ་འདས་པར་གྱུར་ཀྱང་ནི། །རིམས་གྱིས་བླ་བརྣན་འཕེལ་བར་བྱེད། །དེ་ལ་སྨྱུང་བ་ལ་སོགས་རིམས། །བད་ཀན་ཟད་ཀྱི་བར་དུ་བྱ། །ལུས་དང་ལུས་
[163b.5]ཟུངས་སྟོབས་ཞན་པས། །རིམས་རྙིང་དུ་ཡང་འགྱུར་བ་ཡིན། །མེ་དྲོད་རྩུབ་པས་རིམས་སྐྱེད་བྱེད། །མེ་དྲོད་རྩུབ་པར་གྱུར་པ་ལ། །སྐྱུགས་སྨན་དུགས་དང་དུས་དང་ཆུ། །བསྐོལ་དང་ཁ་ཟས་སྤངས་པ་ཡིས། །རླུང་གི་ཁམས་ནི་གྲོགས་གྱུར་པས། །གང་ཞིག་སྟོབས་
[163b.6]ཆེན་གྱུར་པ་ལ། །དེ་ཡི་ཞི་བྱེད་ཞུན་མར་ཏེ། །ཁང་པ་འབར་ལ་ཆུ་བླུགས་མཚུངས། །རླུང་མཁྲིས་སེལ་བའི་མཆོག་ཏུ་ནི། །སྦྱོར་བའི་དབང་ལས་གྱུར་པས་ན། །དེ་ཕྱིར་རང་གི་སྨན་དང་ནི། །ཇི་བཞིན་བསྐོལ་བ་དེ་ལ་སྦྱིན། །རིམས་དྲོ་མི་མཐུན་པས་སེལ་ལ། །
[163b.7]བསིལ་བས་མཁྱེས་པའང་སེལ་བར་བྱེད། །སྣུམ་པས་རླུང་སེལ་བད་ཀན་མར། །མཚུངས་ཀྱང་སྦྱོར་དང་གཡོས་པས་སེལ། །སྔར་གྱི་སྨན་ཁུ་མར་བཅས་པ། །ཐམས་ཅད་ནད་དམིགས་ཇི་བཞིན་གཏང་། །འབྲས་བུ་གསུམ་དང་ནིམ་པའི་ཤུན། །ཤིང་མངར་བྲི་ཧ་ཏི་
[164a]
[164a.1]གཉིས་དང་། །སྲན་ཆུང་འོ་མར་བཅས་བསྐོལ་ལ། །མར་ལྡན་རིམས་དང་ལུད་པ་འཇོམས། །པི་པི་ལིང་དང་ཏིག་ཏ་དུག་མོ་ཉུང་། །ཀཎྜ་ཀ་རི་པུ་ཙེ་ཤེལ་ཐལ་ཏྲེས། །ཏ་མ་ལ་ཀ་སྐྱུ་རུ་ར་བིལ་བ། །གླ་སྒང་ཙནྡན་ཀྱི་ལྕེ་པུ་ཤེལ་ཙེ། །
[164a.2]རྒུན་འབྲུམ་བོང་ང་ས་ལ་པརྞི་དང་། །བསྐོལ་བའི་མར་གྱིས་རིམས་ཀྱི་ནད་དང་ནི། །མེ་དྲོད་མི་སྙོམས་ཧ་ལི་ས་ཀ་དང་། །ཡི་ག་འཆུས་དང་མི་བཟད་ཚ་བ་དང་། །སྙོམ་པའི་ནད་དང་རྩིབ་ལོགས་ན་བ་དང་། །མགོ་ནད་སློན་ནི་མྱུར་དུ་འཇོམས་པར་བྱེད། །དུར་བྱིད་མ་གཏོགས་
[164a.3]སེང་ཕྲོམ་སོགས་བསྐོལ་མར། །རླུང་ལས་གྱུར་པའི་རིམས་ལ་བསྔགས་པ་ཡིན། །མཁྲིས་པའི་རིམས་ལ་པུ་ཙེ་ཤེལ་དུག་མར། །ཀྱི་ལྕེ་བར་བསྐོལ་སྨན་མར་གང་ཡིན་ཕན། །བྱེ་དང་ག་དང་དབྱི་མོང་ཁ་རུ་ཚ། །པ་ཏ་ཚ་བ་གསུམ་དང་ཙི་ཏྲ་ཀ །ལྕེ་མྱང་ཚ་དང་ནས་ཚིག་འཁུས་
[164a.4]ཐལ་བ། །འདི་རྣམས་ཆ་ནི་སྲང་རེར་བྱས་པ་དང་། །མར་དང་འོ་མ་ཆ་ནི་མཉམ་བྱས་པ། །བྲེ་གང་བསྐོལ་བས་བད་ཀན་རིམས་རྙིང་འཇོམས། །སླེ་ཏྲེས་ཁུ་བ་ལྡེ་གུ་དང་། །བ་ཤ་ཀ་དང་འབྲས་བུ་གསུམ། །རྒུན་འབྲུམ་དང་ནི་བ་ལ་དང་། །བསྐོལ་བའི་སྨན་མར་རིམས་
[164a.5]ནད་འཇོམས། །མར་ཞུ་ནས་ནི་ཤ་འཇམ་ཁུ། །ཁ་ཟས་བཅས་པ་བཟའ་བར་བྱ། །དེས་ནི་སྟོབས་རབ་སྐྱེད་བྱེད་ཅིང་། །ནད་ནི་ཤིན་ཏུ་ཟད་བྱེད་ཡིན། །ཀ་ར་བེེ་ལ་སོགས་ཁུ་དང་། །མུངྒ་བད་ཀན་མཁྲིས་འཇོམས་པས། །ཕལ་ཆེར་རླུང་ཤས་ཆེ་རིམས་ལ། །གཟེར་
[164a.6]དང་བཤང་བ་འགགས་པ་ནི། །སྐྱེད་ཅིང་རིམས་ནི་འཕེལ་བར་བྱེད། །དེ་ཕྱིར་དེ་ནི་བསྔགས་མ་ཡིན། །གལ་ཏེ་དེ་ལྟར་བྱས་ཀྱང་ནི། །རིམས་ནི་ཞི་བར་མ་གྱུར་ན། །སྦྱང་འོས་ལ་ནི་སྦྱང་བར་བྱ། །དེ་ལ་སྐྱུགས་སྨན་སྔར་བཤད་པ། །མ་ཞུ་བར་ནི་གནས་ནད་ལ། །
[164a.7]སྟོབས་ཅན་སྟོབས་ནི་བསྲུངས་ཏེ་བཏང་། །སྨིན་ཞིང་ནད་ནི་ལྷོད་གྱུར་པའམ། །ཆང་དང་དུག་ལས་བྱུང་རིམས་ལ། །ཤ་མ་དུར་བྱེད་འབྲས་བུ་གསུམ། །པི་པི་ལིང་དང་གེ་སར་དང་། །ཡང་ན་ཚ་བ་གསུམ་སོགས་སྨན། །ཁ་ར་སྦྲང་རྩིར་བཅས་པ་སྦྱིན། །རྒུན་འབྲུམ་སྐྱུ་
[164b]
[164b.1]རུ་རའི་ཁུ་བ། །ཨ་རུ་ར་ནི་རྒུན་ཆུར་བཅས། །དོང་གའོ་མར་བཅས་པའམ། །རྒུན་ཆུ་དང་ནི་བཅས་པ་བླུད། །འབྲས་བུ་གསུམ་མམ་ཀྱི་ལྕེ་བ། །འོ་མ་རིམས་དང་ལྡན་པས་བཏུང་། །བཀྲུ་སྨན་བཏང་བའི་སྐབས་སུ་ཡང་། །ཐུག་སླ་ལ་སོགས་རིམ་བཞིན་
[164b.2]བླུད། །རིམ་གྱིས་དི་མ་གློངས་གཡོས་ཚེ། །དེ་ལ་རྟག་ཏུ་དགག་མི་བྱ། །ནད་ནི་ཁོང་པར་གནས་སྙེག་ནས། །སྨིན་ཀྱང་གནོད་པ་སྐྱེད་པར་བྱེད། །ཤིན་ཏུ་ཚབས་ཆེར་བྱུང་གྱུར་ན། །སྨིན་ནས་གཅད་པར་བྱ་བ་ཡིན། །མ་སྨིན་བཀག་པའི་ཉེས་པ་ནི། །ནད་བཅོས་
[164b.3]ཐབས་སུ་བཤད་པ་ཡིན། །གང་ཞིག་རྨོངས་པས་མ་སྨིན་པའི། །རིམས་ལ་ནད་འབྱིན་སྨན་གཏོང་བ། །དེ་ནི་སྦྲུལ་ནག་གཉིད་ལོག་ལ། །ལག་པའི་རྩེ་མོས་རེག་དང་མཚུངས། །རིམས་ཟད་པ་ལ་སློན་སྨན་དང་། །བཀྲུ་སྨན་ཕན་པ་མ་ཡིན་ཏེ། །དེ་ལ་འོ་མ་དག་གི་
[164b.4]ནི། །མས་གཏོང་བས་ནི་ནད་བསལ་བྱ། །འོ་མ་ལ་གོམས་བད་ཀན་ཟད། །ལུས་ཚ་སྐོམ་དད་གཉིས་ཡོད་ན། །རླུང་དང་མཁྲིས་པས་ཉེན་པ་ནི། །ཚད་པར་འཁྲུ་ཡང་འོ་མ་པན། །དེ་ལུས་སྨྱུང་བས་གདུངས་པ་དག །མེས་ཚིག་པ་ཡི་ནགས་ལ་ནི། །ཆར་ཆུ་
[164b.5]འབབ་པས་སྐྱེད་པ་ལྟར། །རིམས་ནི་མྱུར་དུ་སེལ་བར་བྱེད། །དེ་བས་འོ་མ་སྦྱར་ཏེ་བསྐོལ། །དྲོ་བའམ་བསྒྲངས་པ་བཞོས་མ་ཐག །དུས་ཀྱི་དབྱེ་བ་ཤེས་ཏེ་སྦྱིན། །དེ་ལས་གཞན་དུ་རིམས་ཅན་གསོད། །འོ་མ་བཅའ་སྒ་འབྲ་གོར་བཅས། །རྒུན་འབྲུམ་ཁ་ར་མར་
[164b.6]ལྡན་པར། །བསྐོལ་ཏེ་བསྒྲངས་པར་སྦྲང་རྩི་བཏབ། །སྐོམ་དད་ལུས་ཚ་རིམས་འཇོམས་བྱེད། །དེ་བཞིན་པ་ལ་རྒུན་ཤིང་མངར། །ཙནྡན་ཐལ་ཏྲེས་པི་པི་ལིང་། །འོ་མའི་བཞི་འགྱུར་ཆུ་བསྐོལ་བའམ། །པི་པི་ལིང་དང་བསྐོལ་བ་ནི། །རིམས་ཀྱིས་བཏབ་
[164b.7]པས་འཐུངས་ན་ནི། །ཀླད་གཟེར་ལུད་པ་དབུགས་མི་བདེ། །རྩིབ་ལོགས་གཟེར་རིམས་རྙིང་ལས་ཐར། །རྩ་བ་ལྔ་བསྐོལ་དེ་དང་འདྲ། །ཨེ་རཎྜ་རྩ་བསྐོལ་བའམ། །བིལ་བ་གཞོན་ནུ་དང་བསྐོལ་བའམ། །བཞོས་མ་ཐག་གི་འོ་མ་འཐུངས། །རླུང་གི་རིམས་ཀྱིས་ཕྱི་ས་
[165a]
[165a.1]འགགས། །ཁྲག་བཅས་སྦྱིན་བག་ཚད་འཁྲུ་དང་། །སྐོམ་དད་གཟེར་བཅས་འཁྲུ་ལས་ཐར། །བཅའ་སྒ་བ་ལ་བྱ་ཀྲི་དང་། །གཟེ་མ་བུ་རམ་འོ་མར་བཙོས། །བསྐོལ་འཐུངས་སྐྲངས་བཤང་གཅིན་དང་འཕྱེན། །འགགས་དང་རིམས་དང་ལུད་པ་
[165a.2]འཇོམས། །བྲི་ཥྩི་བལ་བིལ་བ་དང་། །བར་ཤ་བྷུ་དང་བསྐོལ་བ་ཡིས། །རིམས་ཀྱི་སྐྲངས་ནད་སེལ་བ་ཡིན། །ཤིང་ཤ་པ་ཡི་སྙིང་པོ་དང་། །འོ་མ་དག་ཏུ་བསྐོལ་བ་ནི། །རིམས་ནི་མྱུར་དུ་འཇོམས་བྱེད་ཡིན། །ནད་སྨིན་ཞུ་བའི་གནད་སོང་ལ། །མས་གཏོང་དྲག་པོས་མེ་
[165a.3]སྟོབས་སྐྱེད། །རིམས་བྲལ་སེམས་དགའ་ཡི་ག་འབྱེད། །མྱུར་དུ་སྐྱེད་པར་བྱེད་པ་ཡིན། །བཀྲུ་སྨན་མཁྲིས་པའམ་བད་མཁྲིས་འདྲེས། །མཁྲིས་པའི་གནས་སུ་ཞུགས་པ་སེལ། །འཇམ་རྩིས་ནད་ནི་སུམ་ཆར་དག །ཞུ་བའི་ནད་ལ་བརྟེན་པ་སེལ། །འོ་མས་བད་
[165a.4]ཀན་མཁྲིས་པ་དག །མཇུག་ཏོ་རྒྱབ་དང་རྐེད་པ་ན། །མེ་དྲོད་ཆེ་ལ་རྟུག་འགགས་པ། །འཇམ་རྩི་མས་གཏོང་སྦྱར་བར་བྱ། །ནིམ་པ་པ་ཏོ་ལའི་ལོ་མ། །པུ་ཙེ་ཤེལ་དང་དོང་ག་དང་། །སྠི་ར་བ་ལ་པོ་སོན་ཆ། །གཟེ་མ་པུ་ཤེལ་བ་ལ་ཀ །འོ་མའམ་ཆུར་ནི་བསྐོལ་བ་དག །
[165a.5]འོ་མ་ལྷག་མ་ལུས་པ་ལ། །གླ་སྒང་ཤིང་མངར་པོ་སོན་ཆ། །པི་པི་ལིང་དང་དུག་མོ་ཉུང་། །མར་དང་སྦྲང་རྩི་བསྲེས་པ་ཡི། །འཇམ་རྩི་བཏང་ན་རིམས་འཇོམས་སོ། །པརྞི་བཞི་དང་ཤིང་མངར་དང་། །པོ་སོན་ཆ་དང་པུ་ཤེལ་ཙེ། །དོང་ག་རྣམས་ནི་བསྐོལ་བ་རུ། །ཤིང་
[165a.6]མངར་ཤ་ཏ་པུཥྤ་དང་། །པྲི་ཡངྐུ་དང་པོ་སོན་ཆ། །གླ་སྒང་ལྡེ་གུར་བྱས་པ་ལ། །བུ་རམ་མར་དང་སྦྲང་རྩིར་བཅས། །འཇམ་རྩིས་རིམས་ནི་སེལ་བྱེད་ཡིན། །ཛི་བནྟི་དང་པོ་སོན་ཆ། །མེ་ད་ཤིང་མངར་པི་པི་ལིང་། །ཤུ་དག་དྡྷི་ར་སྣ་དང་། །བལ་དང་ནི་བིལ་བ་
[165a.7]དང་། །ཤུ་ཏི་དང་ནི་ཉེ་ཤིང་རྣམས། །མར་དང་ཏིལ་མར་འོ་མ་དང་། །ཆུ་དང་བཏགས་ཏེ་ལྷན་ཅིག་བསྐོལ། །སྣུམ་ནི་ནད་དང་རྗེས་མཐུན་པའི། །འཇམ་རྩི་རིམས་ལ་གཏང་བར་བྱ། །གང་ཡང་ཆོ་ག་གྲུབ་པ་ལས། །རིམས་སེལ་བར་ནི་བཤད་པ་ཡི། །འཇམ་
[165b]
[165b.1]རྩི་དག་ཀྱང་གཏང་བར་བྱ། །སྣ་ཡི་བཀྲུ་སྨན་རིམས་རྙིང་ལ། །བཏང་ན་ཡི་ག་འབྱེད་བྱེད་ཅིང་། །མགོ་ནི་ལྕི་ཞིང་བད་ཀན་ཆེ། །སེལ་ཞིང་དབང་པོ་གསལ་བྱེད་ལ། །སྣུམ་གྱི་སྣ་སྨན་མགོ་སྟོང་སྙམ། །ལུས་ཚ་མཁྲིས་པ་སེལ་བྱེད་ཡིན། །དུད་བརྔུབ་མཁུར་
[165b.2]བཀང་མཁུར་བ་སྦོ། །ནད་དམིགས་ཇི་བཞིན་སྦྱར་བར་བྱ། །ཆམ་པ་ཁས་རོ་མི་ཚོར་དང་། །མགོ་ནད་ལྐོག་ནད་སེལ་བྱེད་ཡིན། །ཡི་ག་འཆུས་ལ་ཁ་ལུང་གི། །གེ་སར་མར་དང་རྒྱ་མ་ཚར་བཅས། །ཡང་ན་རྒུན་འབྲུམ་སྐྱུ་རུ་ར། །ཁ་རའི་ལྡེ་གུ་མཁུར་བར་བཅད། །རིམས་
[165b.3]རྙིང་པགས་པ་ལ་བརྟེན་ལ། །རེག་ན་ཇི་ལྟར་བདེ་འགྱུར་བའི། །སྨན་བསིལ་དྲོ་བ་ལ་སྦྱར་བའི། །བསྐུ་བྱུག་ཆུ་བླུགས་ལ་སོགས་བྱ། །མིག་སྨན་དུད་པའི་སྦྱོར་བའང་བྱ། །གློ་བུར་བྱུང་ལ་དེ་དེ་བཞིན། །ཚལ་ལན་སྟོང་བཀྲུས་པ་ཡི། །མར་གྱིས་བསྐུ་བ་སྤྱད་པར་བྱ། །
[165b.4]མདོ་གནས་ལས་བཤད་སྨན་གྱི་སྡེ། །མངར་དང་སྐྱུར་དང་བསྐ་བ་དང་། །དྲུར་བ་ལ་སོགས་རླུང་མཁྲིས་འཇོམས། །སྐྱུག་སྨན་ལ་སོགས་སྡེ་ཚན་བཤད། །ནུས་པ་བསིལ་ཞིང་རེག་ན་གྲང་། །བསྐོལ་དང་ལྡེ་གུར་བྱས་པ་དང་། །ཏིལ་མར་འོ་མར་བཅས་བསྐོལ་བ། །
[165b.5]བསྐུས་ན་འཕྲལ་དུ་ཚ་རིམས་སེལ། །མགོ་དང་ལུས་ཀྱང་དེ་ཉིད་ནི། །ཅུང་ཟད་རྩིང་བར་བཏགས་པས་བསྐུ། །དེ་བསྐོལ་ཆུ་ནི་བླུགས་པ་དང་། །ལུས་འབྱིང་ལ་ཡང་སྦྱར་བར་བྱ། །སྐྱུར་རྩབས་ཆུ་དང་འོ་མ་ཚ། །མར་ལ་སོགས་པའང་དེ་བཞིན་སྦྱར། །བིལ་རྐང་ཁ་ལུང་ཨ་མྲ་
[165b.6]དང་། །སེའུ་འབྲུ་སེང་ཕྲོམ་བིད་རི། །རྒྱ་ཤུག་ལོ་མ་ལས་བྱུང་བའམ། །ལུང་ཏང་གི་ནི་དབུ་བ་ཡིས། །ལུས་བསྐུས་ཚ་ན་རྨོངས་བག་དང་། །སློན་དང་སྐོམ་དད་ཞི་བར་བྱེད། །གང་ཞིག་ནད་གསོའི་ཐབས་སུ་བཤད། །མཁྲིས་པ་སེལ་བའི་རིམ་པ་སྟེ། །བསྟེན་པར་
[165b.7]བྱས་ན་མྱུར་དུ་ནི། །ཚ་དང་བཅས་པའི་རིམས་སེལ་འགྱུར། །ནུས་པ་དྲོ་ཞིང་རེག་ན་དྲོ། །རྒྱ་སྤོས་གུར་གུམ་ཨ་ཀ་རུ། །རུ་རྟ་རྡོ་དྲེག་སྟོ་ནེེ་ཡ། །ས་ར་ལ་དང་ཐང་ཤིང་དང་། །ཆུ་སྲིན་སེན་མོ་ར་སྣ་དང་། །གུ་གུལ་ཤུ་དག་ལྕ་བ་དང་། །སུག་སྨེལ་གཉིས་དང་ཙ་རོང་དང་། །
[166a]
[166a.1]ཙནྡན་སིབ་དང་བྱིའུ་རུག་པ། །ཤི་ཀྲུ་སྤང་སྤོས་བྱ་མ་ཀ །ཡུངས་ཀར་རྩ་བ་བཅུ་པ་དང་། །སླེ་ཏྲེས་ཨེར་ཎྜ་གཉིས་དང་། །བ་རུ་ར་དང་རོ་ཧི་ཤ །ཏ་མ་ལ་ཡི་ལོ་མ་དང་། །པུ་ཏི་ཀ་དང་ས་ལ་ཀི །འུ་སུ་ཨ་ཟ་མོ་ཏ་དང་། །ཤུ་ཏི་མ་ཤ་ཀུ་
[166a.2]ལངྠ། །ཙི་ཏྲ་ཀ་དང་པྲ་ཀི་རྱ། ན་ཀུ་ལ་ནི་རྣམ་གཉིས་དང་། །གཞན་ཡང་དེ་འདྲའི་བསིལ་བའི་སྨན། །བསྐོལ་དང་ལྡེ་གུར་བྱས་ནས་ནི། །ཆང་དང་སྐྱུར་རྩབས་ལ་སོགས་སྦྱར། །ཏིལ་མར་བསྐོལ་བ་གྲང་རིམས་སྦྱར། །དེ་དྲོ་འཇམ་གྱིས་བསྐུ་བ་དང་། །ཞིབ་ཏུ་བཏགས་
[166a.3]པས་བྱུག་པར་བྱ། །ཅུང་ཟད་དྲོ་བས་བླུགས་པ་དང་། །ལུས་འབྱིང་བར་ཡང་བྱ་བ་ཡིན། །ཚྭ་དང་བ་གཅིན་ཞོ་ག་ཆུ། །འབའ་ཞིག་གིས་ཀྱང་དེ་བཞིན་བྱ། །དོང་ག་ལ་སོགས་སྡེ་ཡིས་ཀྱང་། །བཏུང་དང་བསྐུ་དང་བྱུག་པར་བྱ། །བདུག་པ་ཨ་ཀ་རུ་ལས་བྱུང་། །འོག་ནས་
[166a.4]བཤད་པའི་རིམས་ལ་སྦྱར། །དུགས་ནི་མེས་བྱས་མེས་མ་བྱས། །དུགས་ཀྱི་སྨན་དང་ཁ་ཟས་བསྟེན། །ཁང་སྦྲུམ་ས་ཕུག་ཏུ་ཉལ་ཞིང་། །ལ་བ་དྲེའུ་རྔོག་རེའུ་སྣམ་བགོ། །དུ་བ་མེད་པའི་མདག་མས་གང་། །ཞུགས་ཤིང་དག་ནི་བསྟེན་པ་དང་། །ཆང་ནི་ཚ་བ་གསུམ་
[166a.5]བཅས། །དང་། །དར་བ་རྒྱ་སྲན་ཀུ་ལངྠ། །འབྲུ་དང་ཀོ་ཏྲ་བ་དག་ཀྱང་། །འདར་བའི་རིམས་ཅན་དེ་ལ་སྦྱིན། །གྲང་བའི་རིམས་ནད་ཅན་དེ་ལ། །ཆུང་མ་ནུ་མ་རྒྱས་པ་དང་། །རྒྱན་གྱིས་བརྒྱན་ཏེ་བཞག་པ་དང་། །ལང་ཚོས་རྒྱགས་ཤིང་ཆང་གིས་མྱོས། །བུད་མེད་ཀྱིས་དེ་འཁྱུད་པར་བྱ། །
[166a.6]གྲང་དང་བྲལ་བར་ཤེས་ནས་ནི། །དེ་ནས་དེ་སླར་བསལ་བར་བྱ། །ནད་གཅིག་འཕེལ་བར་འགྱུར་བ་དང་། །འགྲིབ་པའམ་ལྡང་བར་གྱུར་པའམ། །མཉམ་གནས་ནད་ནི་བད་ཀན་གྱི། །གནས་ཀྱི་རིམ་པས་བསལ་བར་བྱ། །འདུས་པའི་རིམས་ཀྱི་མཐའ་མར་ནི། །གང་
[166a.7]གི་རྣ་པའི་རྩ་བ་རུ། །མི་བཟད་སྐྲང་པ་བྱུང་གྱུར་ན། །འགའ་ཞིག་ཐར་པར་འགྱུར་བ་ཡིན། །དེ་ནི་གཏར་གས་དབྱུང་བ་དང་། །ཞུན་མར་བླུད་པས་མྱུར་བསལ་ཏེ། །བད་མཁྲིས་སེལ་བའི་སྨན་བསྐུ་དང་། །སྣ་སྨན་མཁུར་བ་བཀང་བས་གསོ། །གང་གི་རིམས་ནི་བསིལ་དྲོད་
[166b]
[166b.1]དང་། །སྣུམ་རྩུབ་སོགས་ཀྱིས་ཞི་མི་འགྱུར། །ཡན་ལག་ཞེན་པ་དེ་རིམས་བཞིན། །ལག་ངར་ལས་ཁྲག་མྱུར་དུ་དབྱུང་། །ཆོ་ག་འདི་ནི་མི་བཟད་པའི། །རིམས་ལའང་ནད་དམིགས་ཇི་བཞིན་བྱ། །རླུང་སོགས་རིམ་གྱིས་ཆ་ཕྱེ་ལ། །ཕྱིས་བཤད་གང་ཡིན་དག་ཀྱང་
[166b.2]བྱ། །པ་ཏོ་ལ་དང་པུ་ཙེ་ཤེལ། །གླ་སྒང་ཤིང་མངར་ཨ་རུར། །གཉིས་སམ་གསུམ་མམ་ལྔ་བསྐོལ་བ། །མི་བཟད་རིམས་ནི་འཇོམས་བྱེད་ཡིན། །འབྲས་བུ་གསུམ་དང་ཨ་རུར། །སླེ་ཏྲེས་པི་པི་ལིང་སོ་སོར། །ཆོ་ག་དེ་དང་སྦྱར་བའམ། །གོ་བྱེ་བུ་རམ་བཅས་
[166b.3]པ་སྦྱིན། །རིམས་ཀྱིས་ཐེབས་པའི་ཉིན་ཞག་ལ། །ཉམས་སྨད་པའམ་ཉམས་བརྟ་བྱ། །ནང་པར་ཏིལ་མར་སྒོག་སྐྱ་བཅས། །བཟའ་འམ་ཡང་ན་མར་རྙིང་ངམ། །དེ་བཞིན་ཞོ་དང་འོ་མ་སྦྱིན། །ཞུན་མར་སྲང་དྲུག་པ་དང་ནི། །དགེ་བ་ཆེན་པོའམ་བའི་རྣམ་ལྔ། །
[166b.4]ཏིག་ཏའང་དུགས་དང་བསྐོལ་ཏེ་སྦྱིན། །འབྲས་བུ་གསུམ་དང་རྒྱ་ཤུག་དང་། །།ཨགྣི་མནྠ་བསྐོལ་བ་རུ། །ཞོ་དང་བསྐོལ་བའི་མར་དག་ཏུ། །སེང་ཕྲོམ་ཤུན་ལྤགས་ལྡེ་གུ་བཏབ། །མི་བཟད་རིམས་ནི་འཇོམས་པའི་མཆོག །འབྲུ་ཆང་དང་ནི་ཆང་རྙིང་རྣོ། །རྨ་བྱ་
[166b.5]གོང་མོ་སྲེག་ཁྱིམ་བྱ། །རླན་ཅན་ཤ་ནི་དྲོད་སྐྱེད་པ། །ཟས་བཅས་དག་ནི་ཅི་འདོད་པར། །བསྟེན་ལ་དེ་བཞིན་གཉིད་ལོག་པའམ། །ཡང་ན་སླར་ནི་སྐྱུག་ཏུ་གཞུག། །ཡང་ན་ཞུན་མར་ཚད་ཆེན་པོ། །བླུད་དེ་སླར་ཡང་སྐྱུག་ཏུ་གཞུག །ཨ་ཛ་གནྡྷ་ནི་ལི་ནི། །དུར་བྱིད་
[166b.6]དང་ནི་པུ་ཙེ་ཤེལ། །རིམས་ཀྱིས་འདེབས་ཚེ་སྣུམ་དང་དུགས། །ལེགས་པར་བྱས་ཏེ་བླུད་པར་བྱ། །ལྡོང་རོས་རྒྱམ་ཚ་པི་པི་ལིང་། །ཏིལ་མར་དང་སྦྱར་མིག་སྨན་གཞུག། །ཤིང་ཀུན་སྟག་ཚིལ་ཆ་མཉམ་བྱ། །རྒྱམ་ཚར་བཅས་པའི་སྣ་སྨན་བྱ། །དེ་བཞིན་མར་རྙིང་སེང་གེའི་
[166b.7]ཚིལ། །རྒྱམ་ཚ་དག་དང་སྦྱར་ཏེ་གཏང་། །པ་ལ་ཀ་ས་ནིམ་པའི་ལོ། །ཤུ་དག་རུ་རྟ་ཨ་རུ་ར། །ཡུངས་ཀར་ནས་བཅས་མར་སྦྱར་བའི། །བདུག་པའམ་བྱི་ལའི་རྟུག་པས་བདུག། །གུ་གུལ་ཤུ་དག་བྱ་མ་ཀ། །སརྫ་ར་ས་ནིམ་པ་དང་། །ཨརྐ་དང་ནི་ཨ་རུ་ར། །ཐང་
[167a]
[167a.1]ཤིང་བཅས་པའི་སྤོས་སྦྱར་བ། །འདི་ནི་གཞན་གྱིས་མི་ཐུབ་པའི། །བདུག་པ་ཡིན་ཏེ་རིམས་ཀུན་སེལ། །སྤོས་བདུག་སྣ་སྨན་གཏང་བྱ་བ། །སེམས་ཀྱིས་བསྒྱུར་བར་གང་བཤད་དང་། །འཕགས་པ་ལ་བརྟེན་སྨན་གྱིས་ནི། །རིམས་ནད་
[167a.2]ཐམས་ཅད་སེལ་བར་བྱེད། །མཆོག་ཏུ་ཕལ་ཆེར་མི་བཟད་རིམས། །དེ་ནི་གློ་བུར་འོང་རྗེས་འབྲེལ། །མི་བཟད་རིམས་ཞིར་མ་གྱུར་ན། །རང་གི་གཏར་ག་ཇི་བཞིན་གདབ། །དངས་མ་ལ་གནས་ཐམས་ཅད་ལ། །སྐྱུག་སྨན་གཏང་དང་སྨྱུང་བ་བྱ། །ཁྲག་
[167a.3]ལ་གནས་པ་སྨན་ཆུ་བླུགས། །བསྐུ་དང་བྱུག་དང་གཏར་ག་བྱ། །ཤར་གནས་བཀྲུ་སྨན་རྣོན་པོ་བྱ། །ཚིལ་གནས་ཚིལ་ནི་དབྲི་བར་བྱ། །རུས་པར་གནས་ལ་རླུང་ཞི་བའི། །བསྐུ་དང་དུགས་དང་མཉེ་བ་བྱ། །རིམས་དེར་རླུང་ནད་ཞི་བྱ་དང་། །ཁྱད་པར་དུ་ནི་འཇམ་རྩི་བྱ། །
[167a.4]མ་འདྲེས་རླུང་དང་མེ་དབལ་དང་། འབྲུམ་བུས་གནོད་འགྱུར་རིམས་ལ་ནི། །ཞུན་མར་བླུད་ཅིང་ཙནྡན་བྱུག །སྨན་ཆུ་བླུགས་ཤིང་ཤ་ཁུ་སྦྱིན། །རང་གི་དཔྱད་ནི་ཇི་སྐད་བཤད། །གཏར་ག་ལ་སོགས་དག་གིས་གསོ། །གདོན་བྱུང་འབྱུང་པོའི་རིག་པར་བཤད། །
[167a.5]གཏོར་མ་སྔགས་ལ་སོགས་པས་གསོ། །སྨན་དྲི་ལས་བྱུང་མཁྲིས་པ་ནི། །ཞི་བྱ་དུག་སྐྱེས་དུག་གིས་གསོ། །འདོད་དོན་ཇི་ལྟར་ཡིད་འཐད་དང་། །ནད་ནི་ཇི་ལྟར་ཞི་འགྱུར་བ། །ཕན་དང་མི་ཕན་ལ་མཁས་པས། །ཁྲོས་སོགས་ལས་བྱུང་རིམས་བསལ་བྱ། །ཁྲོས་བྱུང་འདོད་པས་ཞི་བར་འགྱུར། །
[167a.6]འདོད་བྱུང་ཁྲོས་པས་ཞི་བར་འགྱུར། །མྱ་ངན་འཇིགས་བྱུང་དེ་གཉིས་ཀྱིས། །འཇིགས་དང་མྱ་ངན་བྱུང་ཅིག་ཤོས། །དམོད་པ་མངོན་སྤྱོད་སྔགས་ལས་བྱུང་། །འཕགས་པའི་དོན་ལ་བརྟེན་པས་ཞི། །རིམས་དེ་ཐོག་མར་མ་འདྲེས་ལ། །དེ་འོག་དྲི་མས་ཁྱབ་པར་བྱེད། །དེ་བས་ནད་དང་རྗེས་མཐུན་
[167a.7]པར། །དེ་ལ་ཁ་ཟས་ལ་སོགས་སྦྱར། །རླུང་སྩོགས་རྒྱུ་ལ་མ་བརྟེན་པར། །རིམས་ནི་རྗེས་འབྲེལ་གནས་མི་བྱེད། །རིམས་ཀྱི་དུས་དྲན་བྱུང་དེ་ལ། །ཡིད་འཕྲོག་ཡུལ་གྱིས་བརྗེད་པར་བྱ། །སྙིང་རྗེས་བརླན་ཞིང་སེམས་དག་པ། །རིམས་ཀུན་འཇོམས་པར་བྱེད་པ་ཡིན། །
[167b]
[167b.1]ཉམས་སྟོབས་རྫོགས་པར་འགྱུར་གྱི་བར། །རྩོལ་དང་ཁྲུས་དང་ཉལ་པོ་དང་། །ཟས་ལྕི་མ་གོམས་ཚ་བྱེད་དང་། །གང་གཞན་རིམས་སྐྱེད་བྱེད་པ་སྤངས། །རིམས་བྲལ་གྱུར་ཀྱང་འཕྲལ་དུ་ནི། །ཟས་ཀུན་བསྟེན་པར་མི་བྱ་སྟེ། །རིམས་ནི་མྱུར་དུ་ལྡོག་བྱེད་ནས། །
[167b.2]ཉམ་ཆུང་མི་ནི་མྱུར་གསོད་བྱེད། །གང་ཕྱིར་མྱུར་དུ་གསོད་འགྱུར་བས། །དེ་ཕྱིར་དེ་ནི་ཁྱད་པར་དུ། །གནས་སྐབས་དེ་དང་དེ་དག་ཏུ། །སྨན་དཔྱད་དེ་དང་དེ་དག་བྱ། །སྨན་དང་ནོར་བུ་སྔགས་དང་བཅས་པ་དང་། །དམ་པ་བླ་མ་བྲམ་ཟེ་དཀོན་མཆོག་མཆོད། །
[167b.3]ཡིད་ནི་དགའ་བར་བྱེད་པའི་ཡུལ་བསྟེན་པས། །ཁྱབ་འཇུག་གིས་བྱས་མ་རུངས་རིམས་ཀྱང་འཇོམས། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་དང་པོའོ།། །།དེ་ནས་ཁྲག་མཁྲིས་གསོ་བའི་ལེའུ་བཤད་པར་བྱའོ། །
[167b.4]ཁྲག་མཁྲིས་བདེ་བའི་དུས་སུ་འབྱུང་། །སྟོབས་ལྡན་སྟོད་འབྱུང་ཤུགས་དལ་ལ། །ཉེས་གཅིག་ལས་བྱུང་གསར་དུ་བཏབ། །བླ་བརྣན་མེད་པ་གསོ་བར་བྱ། །ཁྲག་གང་ནད་གཞི་གཉིས་ལ་སྐྱེས། །ཞི་ཞིང་ཞི་ཞིང་སླར་ལྡང་དང་། །ལམ་ནས་ལམ་གཞན་འགྲོ་བ་
[167b.5]གང་། །ཐུར་དུ་འབྱུང་བ་གསོ་བ་ཙམ། །ཤས་ཆེར་འབྱུང་ཞིང་མེ་དྲོད་ཉམས། །ཉེས་གསུམ་ལམ་གཉིས་ལས་བྱུང་སྤང་། །ནད་གཞི་ཟས་དང་གནས་དང་ནི། །ནད་ཀྱི་གྲོགས་དང་སྟོབས་དག་དང་། །ཡུལ་དང་དུས་ཀྱི་གནས་སྐབས་སོགས། །ཤེས་བྱ་དང་པོར་སྨྱུང་
[167b.6]བའམ་བརྟ། །དེ་བཞིན་སྦྱང་དང་ཞི་བྱ་བས། །ཁྲག་དང་མཁྲིས་པ་གསོ་བར་བྱ། །བརྟ་བ་ལས་བྱུང་སྟོབས་ལྡན་པ། །ནད་གཞི་མང་པོ་ལས་བྱུང་བ། །གྱེན་འབྱུང་བཀྲུ་སྨན་གཏོང་བས་གསོ། །ཐུར་འབྱུང་སྐྱུག་སྨན་གྱིས་གསོ་རྗོ། །སྨྱུང་བ་བརྟ་བྱ་ལ་ལྟོས་བྱ། །སྟོད་
[167b.7]དུ་འབྱུང་བ་ཁ་བ་དང་། །བསྐ་བའི་སྨན་ཁུ་སྨྱུང་བ་དང་། །ཡན་ལག་དྲུག་སྨན་བཅའ་སྒ་མེད། །འཐུངས་ན་ཞི་བར་འགྱུར་བ་ཡིན། །ཐུར་དུ་འབྱུང་བའི་ཁྲག་མཁྲིས་ལ། །སྨན་ཁུ་མངར་བས་བརྟ་བར་བྱ། །སྟོང་འབྱུང་དང་པོར་སྐྱོ་མ་བླུད། །སྨད་འབྱུང་དང་
[168a]
[168a.1]པོར་ཐུག་པ་བླུད། །སྟོབས་ལྡན་ཟ་ནུས་མ་དག་ཁྲག །བྱུང་ཡང་མི་དགག་ག་དེས་ནད་སྐྱེད། །དེ་ནི་གཞན་དུ་མེ་ལྟ་བུར། །མྱུར་གསོད་བྱེད་པས་གཅད་པར་བྱ། །དུར་བྱིད་པྲི་ཡང་ཆུ་བསྐོལ་དང་། །ལྡེ་གུ་ཁ་རར་བཅས་པ་དག། །ཆོ་ག་བཞིན་
[168a.2]དུ་དེ་ལ་ནི། །ཞོ་གཉིས་ཙམ་དུ་བལྡག་པར་བྱ། །དུར་བྱིད་པྲི་ཡང་འབྲས་བུ་གསུམ། །ཁ་ར་སྦྲང་རྩི་པི་པི་ལིང་། །སྦྲུས་པ་འདུས་བྱུང་སྟོད་དུ་བྱུང་། །ཁྲག་རིམས་འོར་ནད་སེལ་བྱེད་ཡིན། །དེ་བཞིན་དུར་བྱིད་ཁ་རར་མཉམ། །པི་པི་ལིང་ནི་བཞི་ཆར་བཅས། །
[168a.3]སྐྱུག་སྨན་ཕྱིར་ནི་པོ་སོན་ཆ། །ཁ་ར་སྦྲང་རྩིར་བཅས་སྐྱོ་མའམ། །ཁ་ར་སྦྲང་རྩི་པོ་སོན་ཆ། །ཆུར་བཅས་པའམ་ཤིང་མངར་ཆུ། །འོ་མའམ་བུ་རམ་ཤིང་ཁུ་བླུད། །སྦྱངས་པའི་རྗེས་ལ་ཆོ་ག་ནི། །ཐུག་སླ་ལ་སོགས་ཇི་བཞིན་དུ། །བླུད་ཅིང་སྟོབས་ནི་བསྲུང་བར་བྱ། །སྐྱོ་མ་
[168a.4]རིམས་སྐབས་བཤད་རྒུན་སོགས། །ཡང་ན་མཁྲིས་འཇོམས་འབྲས་བུར་སྦྱར། །སྦྲང་རྩི་འབྲ་གོ་རྒུན་འབྲུམ་དང་། །པ་རུ་ཤ་ཀ་ཀ་རའི་ཆུ། །སྙིང་པོ་ལྔ་ཡི་སྐྱོམ་ནི། །འབྲས་ཡོས་ཕྱེ་ནི་མར་བཅས་སྦྱིན། །མེ་དྲོད་ཆུང་ཞིང་སྐྱུར་ལ་དགའ། །སེ་འབྲུ་སྐྱུ་རུ་ར་སྐྱུར་བ། །པདྨ་
[168a.5]ཨུཏྤལ་གེ་སར་དང་། །ཀྲིཥྞ་པ་རྞི་པྲི་ཡདྐུ། །པུ་ཤེལ་ཙེ་དང་སེང་ཕྲོམ་དཀར། །བཅའ་སྒ་དང་ནི་ཙནྡན་དམར། །བྱི་ཚེར་ད་ཏ་ཀའི་མེ་ཏོག། །བ་ལ་ཀ་དང་བིལ་བའི་རྐང་། །ཚིགས་བཅད་ཕྱེད་བཤད་ཐུག་པ་བླུད། །རྩ་མཁྲིས་གླ་སྒང་པུ་ཤེལ་ཙེ། །སྲན་ཆུང་ཀྲྀཥྞ་
[168a.6]པ་རྞིར་སྦྱར། །མུངྒ་གནྡྷ་བི་ད་རི། །ཧ་རེ་ཎུ་ཀ་བལ་མར། །ཚིག་རྐང་གཅིག་གིས་བཤད་པ་བླུད། །ནུས་པ་བསིལ་བ་དེ་རྣམས་ནི། །སྐམ་སའི་སྲོག་ཆགས་ཤ་དག་དང་། །ཆུར་ནི་སོ་སོར་བསྐོལ་བ་ཡི། །ཁུ་བར་ནས་ཐུག་སྦྱར་བ་བསྒྲངས། །ཁར་སྦྲང་རྩིར་
[168a.7]སྦྱར་བ་བླུད། །དེ་བཞིན་དུ་ནི་ཤ་ཁུ་དང་། །ཅུང་ཟད་སྐྱུར་དང་སྐྱུར་མིན་པ། །མར་བརྔོས་ཁར་བཅས་པ་སྦྱིན། །ཟས་ཀྱི་ཚུལ་ནི་ཤེས་པ་རུ། །ཡང་དང་བསིལ་བར་གང་བཤད་པའི། །གྲ་མ་གང་བུ་ཅན་འབྲུ་དང་། །ཚོད་མ་ཁྲག་ལ་བསྔགས་པ་ཡིན། །སྔར་བཤད་
[168b]
[168b.1]པ་ཡི་ཆུ་དག་གམ། །རྩ་བ་ཆུང་ངུ་ལྔ་བསྐོལ་ཏེ། །བསྒྲངས་པའམ་སྦྲང་རྩིའི་ཆུའམ་ནི། །འབྲས་བུ་མཉེས་པའི་ཆུ་བླུད་བྱ། །བཤང་འགགས་རྒྱ་སྣེའུ་རི་བོང་ཤ། །རླུང་ཤས་ཆེ་ལ་སྲེག་པའི་ཤ། །ཨུ་དུམ་བཱ་རའི་ཁུ་བ་ནི། །བསྐོལ་བ་བླུད་ན་བསྔགས་པ་ཡིན། །
[168b.2]དེ་བཞིན་བླག་ཤ་རྨ་བྱའི་ཤ། །ནྱ་གྲོ་དྷ་དང་ཁྱིམ་བྱའི་ཤ། །ཁྲག་མཁྲིས་ཀྱི་ནི་ནད་གཞི་ནི། །གང་ཅིའང་རུང་བ་དེ་སྤང་བྱ། །བ་ཤ་ཀའི་ཁུ་པྲི་ཡང་ཀུ། །ས་ནག་དང་ནི་སྐྱེར་ཁཎྜ། །སེང་ཕྲོམ་དང་ནི་སྦྲང་རྩིར་སྦྱར། །འཐུངས་ན་ཁྲག་དང་མཁྲིས་པ་འཇོམས། །
[168b.3]ཡང་ན་བ་ཤ་ཀ་ཡི་ནི། །ཁུ་བ་ཁ་ར་སྦྲང་རྩི་དང་། །བཅས་པར་འཐུངས་པ་དེ་བཞིན་ཏེ། །བ་ཤ་ཀ་ནི་འབའ་ཞིག་དང་། །བསྐོལ་བས་ཁྲག་ནི་མྱུར་སེལ་ཏེ། །དེ་ནི་འདི་ཡི་སྨན་མཆོག་ཡིན། །པ་ཏོ་ལ་དང་མ་ལ་ཏི། །ནིམ་པ་ཤུག་པ་ཙནྡན་གཉིས། །སེང་
[168b.4]ཕྲོམ་བ་ཤ་ཏན་ཏུ་ལི། །ས་ནག་མ་ད་ཡན་ཏི་ཀ །ཉེ་ཤིང་དང་ནི་ཐལ་ཏྲེས་དང་། །ར་མཉེ་བ་གཉིས་ཤིང་མངར་རྣམས། །བསྐོལ་བ་གསུམ་པོ་ཁ་ར་དང་། །སྦྲང་རྩིར་བཅས་པས་ཁྲག་མཁྲིས་འཇོམས། །རྒྱ་སྐྱེགས་ཤིང་ཀུན་བསྐོལ་བ་ནི། །ལེགས་བསྒྲངས་
[168b.5]ཀ་ར་བཏབ་པ་ཕན། །ཡང་ན་སྦྲང་རྩི་མར་བཅས་པའམ། །ལྕི་བ་རྟ་སྦངས་བཙིར་ཁུ་འཐུང་། །ཁྲག་ནད་མདུད་པ་ཅན་འདྲར་འབྱུང་། །ཕུག་རོན་རྟུག་པ་སྦྲང་རྩི་ཕན། །ཁྲག་ནི་ཤས་ཆེར་བྱུང་གྱུར་ན། །སྐོམ་སའི་སྲོག་ཆགས་ཁྲག་དང་ནི། །སྦྲང་རྩིར་བཅས་པའམ་ར་ཡི་ནི། །
[168b.6]མཆིན་པ་མཁྲིས་བཅས་རློན་པ་བཟའ། །ཙནྡན་གླ་སྒང་པུ་ཤེལ་ཙེ། །འབྲས་ཡོས་མུངྒ་པི་པི་ལིང་། །ནས་ནི་བ་ལའི་ཆུར་སྦངས་པ། །ཁུ་བ་ཁྲག་མཁྲིས་སེལ་བྱེད་ཡིན། །ཙནྡན་པདྨ་པུ་ཤེལ་ཙེ། །ཁུ་བར་བོང་པ་བསྲེགས་བཅུག་ལ། །རབ་བསྒྲངས་ཁ་ར་སྦྲང་རྩིར་བཅས། །ཁྲག་
[168b.7]ནི་ཤས་ཆེར་འབྱུང་བ་སེལ། །བུ་རམ་ཤིང་ནི་ཆུ་མང་སྦངས། །རྫ་བུམ་གསར་པར་དེ་བཞག་ནས། །མཚན་མོ་ཕྱི་རོལ་དབེེན་པར་གཞག །ནང་པར་ཆུ་ནི་བཙགས་ནས་སུ། །སྦྲང་རྩི་བཏབ་ནས་པདྨ་ནི། །ཁ་ཕྱེའི་ཕྲེང་རྒྱན་ཆུ་དེ་འདྲ། །གང་ཡང་
[169a]
[169a.1]མཁྲིས་པའི་རིམས་སྐབས་བཤད། །སྨན་ཁུ་དེ་ཡང་བླུད་པར་བྱ། །སྨན་ཁུ་སྣ་ཚོགས་འདི་ཡིས་ནི། །མེ་དྲོད་སྐྱེད་པས་བད་ཀན་ཟད། །གལ་ཏེ་ཁྲག་མཁྲིས་མ་ཞི་ན། །དེ་ལ་རླུང་ཤས་ཆེར་ཕན་པའི། །ར་ཡི་འོ་མ་བསྐོལ་བ་
[169a.2]བླུད། །དེ་བཞིན་བ་ཡི་འོ་མ་ནི། །ལྔ་འགྱུར་ཆུ་བསྐོལ་གདུས་པ་བླུད། །རྩ་བ་ལྔ་པ་ཆུང་ངུ་དང་། །སྦྲང་རྩི་ཁ་ར་བསྐོལ་བའང་རུང་། །རྒུན་འབྲུམ་བཅའ་སྒ་ཛི་བ་ཀ། །བ་ལ་གཟེ་མ་ཟངས་རྩི་བ། །རེ་རེ་འོ་མར་བསྐོལ་བའམ། །འོ་མ་ཁར་མར་
[169a.3]བསྐོལ་ཕན། །གཟེ་མ་ཉེའུ་ཤིང་བསྐོལ་བའམ། །དེ་བཞིན་འདབ་བཞི་འོ་མར་བསྐོལ། །ཁྲག་ནི་ནད་བཅས་མྱུར་དུ་སེལ། །མཆོག་ཏུ་མཚན་ནས་འབྱུང་ལ་ཕན། །རྐུབ་ལས་བྱུང་ལ་ཁྱད་པར་དུ། །མོ་ཙ་ར་ས་བླུད་ན་ཕན། །ནྱ་གྲོ་དྷ་ཡི་མྱུ་
[169a.4]གུའམ། །འདབ་མ་གཞོན་པའམ་བཅའ་སྒ་དང་། །ཨུཪྴི་ར་དང་ཨུཏྤལ་ཕན། །ཁྲག་གི་ཚད་འཁྲུ་གཞང་འབྲུམ་གྱི། །གསོ་བ་དག་ཀྱང་འདིར་སྦྱར་བྱ། །སྨན་ཁུ་འོ་མ་འཐུངས་ནས་ནི། །བཟའ་བའང་འོ་མ་ཉིད་དང་བཟའ། །སྨན་ཁུའི་སྦྱོར་བ་འདི་
[169a.5]དག་ཉིད། །བསྐོལ་བའི་མར་ནི་བླུད་བར་བྱ། །བ་ཤ་ཀ་རྩ་རྩེར་བཅས་བརྡུངས། །ཆུ་ནི་བརྒྱད་འགྱུར་ནང་དུ་ནི། །བསྐོལ་ཏེ་བརྒྱད་ཆ་ལུས་གྱུར་པ། །དེ་དང་མར་ནི་བཙོ་བར་བྱ། །དེ་ཡི་མེ་ཏོག་ནང་བཅུག་བསྒྲངས། །སྦྲང་རྩིར་བཅས་པས་ཁྲག་མཁྲིས་དང་། །མཁྲིས་
[169a.6]སྐྲན་རིམས་དང་དབུགས་མི་བདེ། །ལུད་པ་སྙིང་ནད་མིག་སེར་དང་། །རབ་རིབ་མགོ་འཁོར་མེ་དབལ་དང་། །སྐད་འགགས་པ་ནི་འཇོམས་པར་བྱེད། །པ་ལ་ཤ་ཡི་མྱུ་གུའི་ཁུར། །དེ་བཅུག་མར་ནི་བསྐོལ་བ་དག། །སྦྲང་རྩིར་བཅས་པས་ཁྲག་ནད་སེལ། །ཀྱི་ལྕེ་བ་ཡང་
[169a.7]དེ་བཞིན་ནོ། །ཁྲག་ནི་སྤྱི་བག་བད་ཀན་བཅས། །མདུད་པར་ཆགས་ནད་མགུལ་བར་བྱུང་། །ཨུཏྤལ་སྡོང་བུ་བསྲེགས་ཐལ་བ། །ཞུན་མར་སྦྲང་རྩིར་བཅས་པ་བལྡག། །པདྨ་ཨུཏྤལ་གེ་སར་དང་། །པྲི་ཡང་ཀུ་དང་མ་དུ་ཀ། །རེ་རེའི་སྦྱོར་བ་དེ་བཞིན་བྱ། །ཁྲག་ནི་བཤང་
[169b]
[169b.1]བའི་ལམ་ལས་ནི། །འབྱུང་བར་བྱེད་ལ་ཁྱད་པར་དུ། །འཇམ་རྩི་བཏང་བ་བསྔགས་པ་ཡིན། །སྣ་ནས་ནད་ཅན་ཁྲག་བྱུང་ན། །སྣ་སྨན་བཏང་ཞིང་བླུགས་པར་བྱ། །སྔར་བཤད་སྨན་ཁུའི་སྦྱོར་བ་དང་། །འོ་མ་བུ་རམ་ཤིང་ཁུ་བླུགས། །འོ་མ་སོགས་ཆུ་ཁ་རར་བཅས། །ཡང་ན་ཆུ་ནི་འབའ་
[169b.2]ཞིག་ཕན། །སེ་འབྲུའི་མེ་ཏོག་ཁུ་བ་འམ། །ཨ་མྲའི་རུས་པ་དཱུར་བ་ཕན། །བསིལ་སྨན་སྡེ་ཚན་གཏོགས་པ་དག། །བསྐུ་དང་བྱུག་ལ་སོགས་ལས་སྦྱར། །མཁྲིས་པའི་རིམས་སེལ་བཤད་པ་གང་། །ཕྱི་ནང་ལས་བཏུང་སྨན་དེ་དང་། །གློ་རྡོལ་བར་ནི་གང་ཕན་
[169b.3]པ། །དེ་ཡང་ཁྲག་དང་མཁྲིས་པར་ཕན། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་གཉིས་པའོ།། །།དེ་ནས་ལུད་པ་གསོ་བའི་ལེའུ་བཤད་པར་བྱའོ། །ལུད་པ་མ་འདྲེས་རླུང་ལས་བྱུང་། །དང་པོར་སྣུམ་གྱིས་གསོ་
[169b.4]བྱ་ཞིང་། །ཤ་ཁུ་ཐུག་པ་ཡུ་ཤ་སོགས། །རླུང་འཇོམས་སྨན་བསྐོལ་སྣུམ་པ་དང་། །དུད་བདུགས་ལྡེ་གུ་བསྐུ་དང་དུགས། །ཆུ་བླུགས་ལུས་བཅིང་དག་གིས་གསོ། །བཤང་རླུང་འགགས་ལ་འཇམ་རྩིས་གསོ། །མཁྲིས་བཅས་ཞུན་མར་འོ་མ་ནི། །ཟས་ཀྱི་
[169b.5]སྔོན་བཏང་བད་ཀན་བཅས། །སྣུམ་བཅས་བཀྲུ་སྨན་བཏང་བས་གསོ། །སླེ་ཏྲེས་ཀ་ཎྚ་ཀ་རི་གཉིས། །རེ་རེ་སྲང་སུམ་ཅུའི་ཁུ་བར། །མར་སྲང་སུམ་ཅུ་རྩ་གཉིས་བསྐོལ། །རླུང་གི་ལུད་སེལ་མེ་དྲོད་སྐྱེད། །ཀྵ་ར་ར་སྣ་ཤུ་དག་དང་། །ཤིང་ཀུན་པ་ཏ་ཤིང་
[169b.6]མངར་དང་། །འུ་སུ་ཞོ་གཉིས་མར་བྲེ་གང་། །ཚ་བ་ལྔ་དང་བཅས་པ་དང་། །རྩ་བ་བཅུ་པའི་ཁུ་བར་བསྐོལ། །འཐུངས་རྗེས་ཐུག་པ་བླུད་གྱུར་ན། །ལུད་པ་དབུགས་མི་བདེ་བཅས་སྙིང་། །རྩིབ་ལོགས་ཕོ་བའི་སྐྲན་ནད་སེལ། །ར་སྣ་ཉེའུ་ཤིང་རྩ་བ་བཅུ། །
[169b.7]སྲང་ནི་བཅུ་གཉིས་ཚད་དུ་བྱ། །རྒྱ་སྲན་རྒྱ་ཤུག་ནས་དག་ནི། །ར་ཤ་སྲང་ནི་ལྔ་བཅུ་དང་། །ཆུ་སྲང་ལྔ་བརྒྱ་བཅུ་གཉིས་བསྐོལ། །དེ་དང་མར་ནི་བྲེ་བཞི་བསྐོལ། །འོ་མ་མར་མཉམ་ཛི་བནྟི། །ལ་སོགས་སྲང་ཆར་བྱས་ཏེ་བརྟག། །རླུང་གི་ནད་ལ་བླུད་
[170a]
[170a.1]པ་དང་། །སྣར་བཏང་འཇམ་རྩིའི་མས་གཏོང་སྦྱར། །ལུད་པ་རྣམ་ལྔ་མགོ་འདར་དང་། །མོ་མཚན་ཆུ་སོན་བ་དང་། །ལུད་ཀུན་ལུས་ནི་ཕྱོགས་གཅིག་ནད། །མཆིན་བཅས་སྟོད་ཀྱི་རླུང་ནད་སེལ། །བི་ད་རི་སོགས་སྡེ་ཚན་བསྐོལ། །ལྡེ་གུ་
[170a.2]མར་བསྐོལ་ལུད་པ་འཇོམས། །ཤིང་མངར་ཨ་ཤྭ་ཀའི་ས་བོན། །བྱི་དང་ག་དང་སྐྱེར་ཁཎྜ། །ཤུག་པ་ཁ་རུ་ཚ་མར་བསྐོལ། །ཡང་ན་དེ་ཕྱེ་མར་དང་སྦྲུས། །ལྡེ་གུ་བྱིན་ལ་ར་ཡི་ནི། །འོ་མ་བླུད་ན་ལུད་པ་སེལ། །དོང་གར་སྣ་བྱི་དང་ག། །ཤིང་ཀུན་རྒྱམ་ཚ་པི་པི་ལིང་། །
[170a.3]བར་གྱི་ཀྵ་ར་དེའི་ཕྱེ་མའམ། །མར་དང་རན་ཙམ་བླུད་གྱུར་ན། །རླུང་གྱུར་བད་ཀན་བཅས་ལུད་པ། །དབུགས་མི་བདེ་དང་སྐྱིགས་བུ་དང་། །མེ་དྲོད་ཆུང་བ་སེལ་བར་བྱེད། །བྱི་ཚེར་བ་དང་བཅའ་སྒ་དང་། །ཟུར་བ་རྒུན་འབྲུམ་ཁ་ར་དཀར། །ཀར་ཀ་ཏ་ཡི་སྲིང་གི་ནི། །ཏིལ་མར་དང་ནི་ལྡེ་
[170a.4]གུར་སྦྱར། །རླུང་ལས་གྱུར་པའི་ལུད་པ་སེལ། །བྱི་ཚར་གླ་སྒང་པི་པི་ལིང་། །བར་གྱི་ཟུར་པ་ཀར་ཀ་ཏི། །བུ་རམ་རྙིང་དང་ཏིལ་མར་དང་། །ལྡེ་གུར་བྱས་པ་བལྡག་པར་བྱ། །བཅའ་སྒ་པི་པི་ལིང་དེ་བཞིན། །ཀར་ཀ་ཏ་སྲིང་དེ་བཞིན་ནོ། །ཆུ་དྲོན་དག་དང་པི་པི་ལིང་། །ལྕེ་མྱང་ཚ་དང་བཅས་པ་བླུད། །
[170a.5]བཅའ་སྒ་ཀ་ར་ཞོ་ག་ཆུའམ། །པི་པི་ལིང་ཕྱེ་ཞོར་བཏབ་བླུད། །རྒྱ་ཤུག་ཚི་གུ་ཆང་ངམ་ཞོ། །ཞོ་ག་ཆུ་དང་སྦྱར་བ་བླུད། །ཡང་ན་པི་པི་ལིང་ལྡེ་གུ། །མར་བརྔོས་རྒྱམ་ཚར་བཅས་པའང་ཕན། །ལུད་པ་ཆམ་བཅས་དུད་པ་ནི། །སྣུམ་བཅས་ཆོ་གས་བདུག་པ་དང་། །སྐྱིགས་བུ་དབུགས་མི་བདེ་དུད་བརྔུབ། །
[170a.6]འོ་མ་ཤ་ཁུ་བཅས་པ་བཟའ། །གྲོང་ཆུ་རླན་ཅན་སྲོག་ཆགས་ཤ །སཱ་ལུ་ནས་གྲོ་དྲུག་ཅུ་པའམ། །མ་ཤ་ཨང་མ་ཀུབ་ཏ་ཡི། །ཡུ་ཤ་དག་དང་ཟོས་ན་ཕན། །ལ་ལ་ཕུད་དང་པི་པི་ལིང་། །བྱིལ་རྐང་དོང་གཙི་ཏྲ་ཀ །ར་སྣ་ཟིར་པ་ལ་ཤ། །ཀྲྀཥྞ་པརྞི་ཟུར་པ་དང་། །མ་ནུ་བསྐོལ་
[170a.7]བར་སྣུམ་སྐྱུར་དང་། །ལན་ཚྭར་བཅས་ཐུག་རླུང་གྱུར་བླུད། །རྐེད་པ་ལྟོ་སྙིང་རྩིབ་ལོགས་ན། །དབུགས་མི་བདེ་དང་སྐྱིགས་བུ་སེལ། །རྩ་བ་བཅུ་པའི་ཁུ་བར་ནི། །ཚ་བ་ལྔ་དང་བུ་རམ་བཅས། །ཏིལ་དང་བཅས་པའི་ཐུག་པ་བླུད། །ཡང་ན་འོ་ཐུག་རྒྱམ་ཚར་བཅས། །ཉ་དང་ཁྱིམ་
[170b]
[170b.1]བྱ་ཕག་རྒོད་ཤ །མར་དང་རྒྱམ་ཚར་བཅས་པའང་ཕན། །ཚོད་མ་རྒྱ་སྣེའུ་པ་ཡ་སི། །ནི་ཤན་ན་ག་ལུད་པ་འཇོམས། །ཀ་ཎྜ་ཀ་རིའི་ལོ་འབྲས་དང་། །ལ་ཕུག་གཞོན་ནུ་སྐམ་པོའང་ཕན། །ཏིལ་མར་སོགས་སྣུམ་འོ་མ་དང་། །བུ་རམ་བུ་རམ་ཤིང་ཁུའི་ཟས། །ཞོ་ག་ཆུ་ཞོ་རང་སྐྱུར་
[170b.2]ཆང་། །འབྲས་བུ་སྐྱུར་ཆུ་བླུད་པ་ཕན། །མཁྲིས་པའི་ལུད་པ་བད་ཀན་བཅས། །ཞུན་མར་གྱིས་ནི་སྐྱུག་སྨན་ཕན། །དེ་བཞིན་པོ་སོན་ཆ་ཏང་པལ། །མ་དུ་ཀ་ནི་བསྐོལ་ཆུས་སམ། །ཤིང་མངར་པོ་སོན་ཆའི་ལྡེ་གུ། །བི་ད་བུ་རམ་ཤིང་ཁུར་སྦྱར། །མཁྲིས་ལུད་བད་ཀན་ཤས་ཆུང་ལ། །
[170b.3]དུར་བྱིད་མངར་བའི་སྨན་སྦྱར་གཏང་། །བད་ཀན་ཤས་ཆེར་ཁ་བའི་སྨན། །སྐྱུག་སྨན་ཕྱིར་ནི་གཏང་བར་བྱ། །ནད་སྦྱངས་ནས་ནི་ཐུག་པ་སོགས། །བསིལ་དང་མངར་དང་སྣུམ་པ་སྤྱད། །བད་ཀན་ཤས་ཆེར་ཁ་བ་དང་། །རྩུབ་པ་དང་སྦྱར་གྲང་ཐུག་བླུད། །མཁྲིས་གྱུར་ཁ་ར་སྐྱུ་རུ་ར། །རྒུན་
[170b.4]འབྲུམ་ཨུཏྤལ་ཙནྡན་དཀར། །སྦྲང་རྩིར་སྦྱར་བའི་ལྡེ་གུ་སྦྱིན། །བད་ཀན་བཅས་ལན་ལེ་ཤམ། །གླ་སྒང་དང་ནི་བཅས་པ་སྦྱིན། །རླུང་ཅན་ལ་ནི་མར་བཅས་ཕན། །རྒུན་འབྲུམ་ལྔ་བཅུ་པི་པི་ལིང་། །སུམ་ཅུ་ཁ་ར་སྲང་གཅིག་སྦྱར། །སྦྲང་རྩིའམ་བ་ཡི་ལྕི་བའམ། །བེའུ་
[170b.5]གཞོན་ལྕི་ཁུར་ལྡེ་གུར་སྦྱར། །ཤིང་ཚ་སུག་སྨེལ་ཚ་བ་གསུམ། །རྒུན་འབྲུམ་པི་པི་ལིང་རྩ་བ། །མ་ནུ་འབྲས་ཡོས་གླ་སྒང་དང་། །ཟུར་པ་དཀར་དང་ར་སྣ་དང་། །སྐྱུ་རུ་ར་དང་བ་རུ་ར། །ཁ་ར་སྦྲང་རྩི་ཞུན་མར་སྦྱར། །ལྡེ་གུས་སྙིང་ནད་ལུད་པ་སེལ། །མངར་བའི་སྨན་དང་སྲོག་ཆགས་
[170b.6]ནི། །སྐམ་སའི་ཤ་དང་ནས་དང་ནི། །ཁྲེ་དང་ཁྲེ་རྒོད་མུངྒ་སོགས། །ཡུ་ཤ་དང་ནི་ཚོད་མ་དང་། །ཁ་བ་ཚད་ལྡན་སྦྱར་ལྡེ་གུ། །ཁ་བ་དང་ནི་སྦྲང་རྩིར་བཅས། །བད་ཀན་ཤས་ཆེའི་ནད་ལ་ཕན། །བད་ཀན་ཤས་ཆུང་སྰ་ལུ་དང་། །དྲུག་ཅུ་པའི་ཆན་ཤ་ཁུ་ཕན། །བཏུང་བར་
[170b.7]ཁ་རའམ་རྒུན་ཆུའམ། །བུ་རམ་ཤིང་ཁུའམ་འོ་མ་བླུད། །མཁྲིས་པའི་ལུད་པར་ར་མཉེ་བ། །བྲི་ཧ་ཏི་གཉིས་མེད་གཉིས། །བ་ཙ་ཀ་དང་ལི་དོང་གྲ། །ཤ་ཁུ་དང་ནི་འོ་མའམ། །ཐུག་པའམ་ཡུ་ཤར་སྦྱར་ཏེ་བླུད། །རྒུན་འབྲུམ་དང་ནི་པི་པི་ལིང་། །རྩ་ཡི་རྩ་བ་ལྔར་བཤད་དང་། །ཆུར་
[171a]
[171a.1]བསྐོལ་བ་ཡི་ཁུ་བ་དང་། །དེ་དང་འོ་མ་བསྐོལ་ཏེ་བསྒྲངས། །སྦྲང་རྩི་ཁར་ར་བཅས་པ་བླུད། །ཡང་ན་དེ་ཡིས་ཐུག་པ་བསྐོལ། །ལེགས་བསྐོལ་སྦྲང་རྩིར་བཅས་པ་སྦྱིན། །ཟུར་པ་དང་ནི་བ་ལེ་ཀ །ཁ་ར་བཅའ་སྒ་བྲི་ཧ་ཏི། །བཏགས་པའི་ཁུ་བ་རས་ཀྱིས་བཙགས། །
[171a.2]མར་དང་བསྲེས་ཏེ་བླུད་པར་བྱ། །ཁ་ར་དང་ནི་ཛི་བ་ཀ །མུངྒ་མ་ཤ་པརྞི་དང་། །བྱི་ཚེར་བ་ནི་ལྡེ་གུར་སྦྱར། །མར་དང་འོ་མ་བརྒྱད་འགྱུར་བསྐོལ། །དེ་བཏུང་བཟའ་དང་བལྡག་པ་དང་། །སྦྱར་བས་མཁྲིས་པའི་ལུད་པ་སེལ། །འདི་དག་ཕྱེ་མའི་ལྡེ་གུ་འམ། །བསྐོལ་བའི་ཁུ་བ་བླུད་པར་བྱ། །
[171a.3]བད་ཀན་ལུད་ཅན་གྱིས་དང་པོར། །ཐང་ཤིང་བསྲེགས་ནས་གཟགས་པའི་སྣུམ། །བ་ཤ་ཀ་དང་ནས་ཚིག་འཁུས། །ཐལ་བའི་ཕྱེ་མ་བཏབ་པ་བཏང་། །སྣུམ་བཅས་བཀྲུ་སྨན་གྱིས་སྟེང་དང་། །འོག་དང་སྤྱི་བོར་ཅི་རིགས་པར། །ཉམས་སྟོབས་ལྡན་བཀྲུ་སྨན་རྣོ་གཏང་། །ཐུག་པ་སོགས་ཀྱང་འདི་ལ་
[171a.4]བླུད། །ནས་དང་མུངྒ་རྒྱ་སྲན་ཟས། །རྩུབ་དྲོན་ལེ་ཤམ་གྱིས་ཚ། །ཀ་ས་མརྡ་བརྡ་ཀ །བྱ་ཀྲི་ཡ་བཀྵ་ར་དང་། །པི་པི་ལིང་དང་བཅས་པ་སྦྱིན། །སྐམ་ས་ཁུང་གནས་ཤ་ཁུ་སྣུམ། །ཏིལ་དང་ཡུངས་ཀར་བིལ་བའི་སྣུམ། །སྦྱར་བའི་ཐུག་པ་སྦྱིན་པར་བྱ། །སྐོམ་ན་རྩ་བ་བཅུ་བསྐོལ་ཆུ། །ཆུ་ཚན་ཆང་
[171a.5]མང་སྦྲང་ཆུ་བླུད། །དོང་ག་མ་ནུའི་རྩ་བ་དང་། །པ་ཏོལ་ཡི་རྩ་བར་བཅས། །ནུབ་གཅིག་ཆུར་སྦངས་སྦྲང་རྩི་བཏབ། །ཟས་དུས་གསུམ་མམ་ནང་པར་བླུད། །པི་པི་ལིང་དང་དེ་རྩ་བ། །བཅའ་སྒ་དང་ནི་བ་རུ་ར། །རྨ་བྱ་ཁྱིམ་བྱའི་མཇུག་སྒྲོ་ནི། །སྣག་ཚར་བྱས་དང་ནས་ཚིག་ཐལ། །བི་ཤ་གླ་སྒང་པི་
[171a.6]པི་ལིང་། །དུར་བྱིད་སྦྲང་རྩིར་སྦྱར་བ་སྟེ། །ཚིགས་བཅད་ཕྱེད་ཀྱིས་རྫོགས་ལྡེ་གུ། །གསུམ་པོ་བད་ཀན་ལུད་པ་སེལ། །སྦྲང་རྩི་ན་ལེ་ཤམ་སྦྱར་བལྡག །ཨ་ཀ་རུ་སྦྲང་རྩི་ཉིད་ཀྱིས། །ཀཎྜ་ཀ་རི་བརྟ་ཀ །བྲིང་ག་ར་ཛའི་ཁུ་བ་དང་། །ཀ་ས་མརྡ་རྟ་སྤངས་བཙིར། །ཁུ་བ་བྱེ་རུ་གནས་པོའི་ཁུ། །སྦྲང་
[171a.7]རྩི་སོ་སོར་སྦྱར་བ་ལྡག །ཐང་ཤིང་ཟུར་པར་སྣ་དང་། །བྱི་ཚེར་ཀར་ཀ་ཏ་སྲིང་གི །གླ་སྒང་བཅའ་སྒ་པི་པི་ལིང་། །ཁ་ར་ཨ་རུ་སྐྱུ་རུ་ར། །འབྲས་ཡོས་ཁ་ར་དཀར་པོ་དང་། །སྐྱུ་རུ་ར་ཡི་པགས་པ་རྣམས། །སྦྲང་རྩི་ཏིལ་མར་སྦྱར་ལྡེ་གུ། །གསུམ་པོ་རླུང་འདྲེས་བད་ཀན་སེལ། །སེའུ་འབྲུ་སྲང་གཉིས་
[171b]
[171b.1]བུ་རམ་ནི། །སྲང་བརྒྱད་ཚ་བ་གསུམ་སྲང་རེས། །སྐད་སྙན་དྲོད་སྐྱེད་ཡི་ག་འབྱེད། །ལུད་པ་དབུགས་མི་བདེ་ཆམ་སེལ། །བུ་རམ་ཡ་བཀྵ་ར་དང་། །ན་ལེ་ཤམ་དང་པི་པི་ལིང་། །སེའུ་འབྲུ་རིམ་གྱིས་སྲང་གཉིས་དང་། །ཞོ་རེ་སྲང་ཕྱེད་དུ་སྦྱར། །ལུད་པ་དབུགས་མི་བདེ་བ་སེལ། །
[171b.2]རིམས་ཀྱི་སྐབས་བཤད་ཨ་རུ་ར། །སོགས་དང་ཀར་ཀ་ཏ་སྲིང་གི །བསྐོལ་བའི་ཁུ་བ་བླུད་པར་བྱ། །ཡང་ན་དུར་བྱིད་ལ་ལ་ཕུད། །གླ་སྒང་མ་ནུ་བི་ཤལ། །པི་པི་ལིང་བཅས་པ་གཅིན་ནམ། །ཆུར་བསྐོལ་བ་གཅིན་ལུད་པ་སེལ། །པི་པི་ལིང་ནི་ཏིལ་མར་བརྔོས། །ལྡེ་གུ་
[171b.3]ཞོ་གཉིས་ཁ་རར་བཅས། །རྒྱ་སྲན་བསྐོལ་བའི་ཁུ་བར་སྦྱར། །བླུད་ན་བད་ཀན་ལུད་པ་འཇོམས། །རྩ་བ་བཅུ་ཁུ་བྲེ་བཞི་དང་། །མར་བྲེ་གང་དང་མ་ནུ་དང་། །ཟུར་པ་བིལ་བ་བྱེའུ་རུག་པ། །ཤིང་ཀུན་ཚ་གསུམ་ཞོ་གཉིས་བསྐོལ། །བླུད་པའི་རྗེས་ལ་ཐུག་པ་བཏུང་། །དེ་ཀུན་
[171b.4]བད་ཀན་རླུང་ནད་འཇོམས། །ནིར་གུན་ཐི་ལོ་བསྐོལ་བའི་ཁུ། །མར་བསྐོལ་ལུད་པ་འཇོམས་བྱེད་ཡིན། །བྱི་དང་ག་ཡི་ཁུ་བའི་ནང་། །ཚ་བ་གསུམ་བཅུག་མར་བསྐོལ་ཕན། །བ་སྤྲུ་བ་གཉིས་བྱིའུ་རུག་པ། །ཀ་ས་མར་ད་སླེ་ཏྲེས་དང་། །པ་ཏོ་ལ་དང་བྲི་ཧ་ཏི། །ཕ་ནིད་ཛ་
[171b.5]གའི་ཁུ་བ་ནི། །འོ་མ་མར་དང་བཅས་པ་ལ། །ཚ་བ་གསུམ་དང་ལེགས་བསྐོལ་འཐུངས། །ལུད་པའི་རིམས་དྲག་ཟད་བྱེད་དང་། །གཞང་འབྲུམ་ནད་ཀྱི་འཇིགས་པ་མེད། །ཀཎྜ་ཀ་རིའི་རྩ་བ་དང་། །འབྲས་བུ་ལོ་མར་བཅས་པ་ཡིན། །ཁུ་བ་བྲེ་བཞིའི་ཚད་ལ་ནི། །མར་བྲེ་གང་
[171b.6]དང་བ་ལ་དང་། །ཚ་བ་གསུམ་དང་བྱི་དང་ག །ཤུ་དག་དང་ནི་སེའུ་འབྲུ་དང་། །ཁ་རུ་ཚ་དང་ནས་ཚིག་ཐལ། །པི་པི་ལིང་གི་རྩ་བ་དང་། །སྐྱུ་རུ་ར་དང་མ་ནུ་དང་། །བྲི་ཤི་བ་དང་བྲི་ཧ་ཏི། །ཨ་རུ་ར་དང་ཡབ་ཏི། །ཀྲུ་ཏྲུག་ཏྲེས་དང་རྒུན་འབྲུམ་དང་། །དབྱི་མོང་བྱི་ཚེར་བར་ཤ་བུ། །
[171b.7]སྟར་བུ་ཀརྐ་ཏ་སྲིང་གི། །ཏ་མ་ལ་གི་ག་བྲའི་རྩ། །ར་སྣ་གཟེ་མའི་ལྡེ་གུ་དང་། །བསྐོལ་བའི་མར་དེས་ལུད་ཀུན་དང་། །སྐྱིགས་བུ་དབུགས་མི་བདེ་ལའང་ཕན། །ཀཎྜ་ཀ་རིའི་སྨན་མར་འདི། །བད་ཀན་ནད་ནི་སེལ་བྱེད་ཡིན། །བྱ་ཀྲི་སྲང་བརྒྱད་བརྡུངས་ཆུ་སྲང་། །ཉིས་
[172a]
[172a.1]སྟོང་བཞི་བཅུ་བརྒྱད་ནང་བསྐོལ། །བཙགས་པར་ཚ་བ་གསུམ་ར་སྣ། །སླེ་ཏྲེས་ཀྲུ་ཏྲུག་ཕྱེ་མ་དང་། །ཀ་རྐ་ཏ་སྲིང་ག་བྲའི་རྩ། །གླ་སྒང་པི་པི་ལིང་རྩ་བ། །བྱི་ཚེར་བ་རྣམས་སྲང་ཕྱེད་ཕྱེད། །ཞུན་མར་སྲང་ནི་བཅུ་དྲུག་དང་། །ཀར་དཀར་པོ་སྲང་བཞི་བཅུ། །
[172a.2]སླར་ཡང་དེ་ནི་བསྐོལ་བྱ་བ། །གཟར་བུ་ལ་ཆགས་བསྒྲངས་ནས་ནི། །པི་པི་ལིང་དང་སྨིག་རྐང་དང་། །སྦྲང་རྩི་རྙིང་པ་དག་ལས་ནི། །སྲང་ནི་བརྒྱད་བརྒྱད་གཞུག་པར་བྱ། །ལྡེ་གུ་འདིས་ནི་སྙིང་ནད་སྐྲན། །གཞང་འབྲུམ་ལུད་དབུགས་མི་བདེ་སེལ། །བད་ཀན་ཞི་བདུད་པ་
[172a.3]བརྔུབ། །ཤས་ཆེར་སྦྱངས་པའི་དུད་པ་བརྔུབ། །ལྡོང་རོས་བ་བླ་ཤིང་མངར་དང་། །སྤང་སྤོས་གླ་སྒང་ཨི་གུ་དའི། །ཤུན་ལྤགས་དུ་བ་ལུད་འཇོམས་པའི། །ཆོགས་དུད་པ་བརྔུབས་ནས་ནི། །མཆིལ་མང་མཐར་ནི་བུ་རམ་བཅས། །འོ་མ་འཐུངས་པའི་དུད་རྔུབས་དེས། །རླུང་
[172a.4]དང་བད་ཀན་ཤས་ཆེ་བའི། །ལུད་པ་རྙིང་པའང་མྱུར་སེལ། །བད་ཀན་ལུད་པ་མུན་ཞུགས་སྙམ། །གལ་ཏེ་མཁྲིས་པ་རྗེས་འབྲེལ་ལ། །དེར་ནི་གནས་སྐབས་ཇི་བཞིན་དུ། །མཁྲིས་པའི་ལུད་གསོའི་སྦྱོར་བ་བྱ། །རླུང་ནི་བད་ཀན་འབྲེལ་པ་ལ། །བད་ཀན་
[172a.5]བསལ་བའི་བྱ་བ་བྱ། །མཁྲིས་པ་དང་འབྲེལ་རླུང་བད་ཀན། །ལུད་པར་མཁྲིས་པ་བསལ་བར་བྱ། །རླུང་དང་བད་ཀན་བདག་ཉིད་སྐམ། །གཤེར་ལ་སྣུམ་དང་རྩུབ་ཆོས་བྱ། །ལུད་པ་བད་ཀན་ལས་གྱུར་བ། །མཁྲིས་པར་བཅས་པ་ཁ་བས་གསོ། །གློ་ནད་
[172a.6]འགྲམས་ལ་འཕྲལ་དུ་ནི། །རྒྱ་སྐྱེགས་སྦྲང་རྩིའི་འོ་མ་བླུད། །ཞུ་ནས་སྰ་ལུའི་འབྲས་ཆན་ནི། །འོ་མ་ཁ་རར་བཅས་པ་བཟའ། །རྩིབ་ལོགས་ཆུ་སོན་བཅས་ཏེ། །མཁྲིས་དྲོད་ཤས་ཆུང་ཆང་སྦྱར་བཏུང་། །བཤང་འཁྲུ་གླ་སྒང་བོང་ང་དཀར། །བ་ཏ་དུག་མོ་
[172a.7]ཉུང་བཅས་བཏུང་། །རྒྱ་སྐྱེགས་ཞུན་མར་སྦྲང་རྩི་དང་། །འཚོ་བྱེད་སྡེ་ཚན་ཀ་ར་དཀར། །སྨིག་རྐང་ཁ་ར་མཉམ་འོ་མར། །བསྐོལ་བ་མེ་དྲོད་ཆེ་ལ་བླུད། །བུ་རམ་ཤིང་དང་པདྨའི་ཚིགས། །པདྨ་གེ་སར་ཙནྡན་དམར། །འོ་མར་བསྐོལ་བ་སྦྲང་རྩིར་བཅས། །
[172b]
[172b.1]གློ་འགྲམས་འབྱོར་བར་བྱ་ཕྱིར་བླུད། །ནས་རྗེན་ཕྱེ་ནི་འོ་མ་རུ། །བཙོས་ཏེ་མར་དང་སྦྱར་བའམ། །ཁ་ར་སྦྲང་རྩི་འོ་མ་ཕྱེའི། །སྐྱོམ་རིམས་ཚད་ལྡན་ལ་བླུད། །ལུད་པ་ཅན་ལ་སྨན་མངར་དང་། །བསྐོལ་བའི་ཞུན་མར་བླུད་པར་བྱ། །ཡང་ན་བུ་རམ་ཆུ་བསྐོལ་བསྒྲངས། །སྦྲང་རྩི་
[172b.2]ན་ལེ་ཤམ་བཏབ་བླུད། །ཡང་ན་སྐྱུ་རུ་རའི་ཕྱེ་མ། །འོ་མར་བསྐོལ་བ་མར་བཏབ་བླུད། །ཡང་ན་བཅུད་ཀྱིས་ལེན་ཆོ་གས། །པི་པི་ལིང་ཡང་སྦྱིན་པར་བྱ། །ལུད་པ་རུས་ཚིགས་གཟེར་བ་ལ། །རྒུན་འབྲུམ་ཤིང་མངར་མ་དུ་ཀ །སྨིག་རྐང་བ་ལ་པི་པི་ལིང་། །ཞུན་མར་སྦྲང་རྩིར་
[172b.3]བཅས་པ་སྦྱིན། །དྲི་སྣ་གསུམ་ནི་ཞོ་རེ་དང་། །པི་པི་ལིང་སྲང་ཕྱེད་ཁ་ར། །རྒུན་འབྲུམ་འབྲ་གོ་མ་དུ་ཀ །སྲང་རེ་ཞིབ་ཏུ་བཏགས་ནས་ནི། །སྦྲང་རྩིས་རི་ལུར་བྱས་པ་ཡིས། །རོ་ཙ་བྱེད་ཅིང་ཁྲག་མཁྲིས་དང་། །ལུད་པ་དབུགས་མི་བདེ་སློན་བྲོ། །བརྒྱལ་མྱོས་སྐྱིགས་བུ་མགོ་འཁོར་དང་། །
[172b.4]གློ་རྡོལ་སྐད་ནི་འགགས་པ་དང་། །མཆིལ་མ་ལུས་སྐེམ་རླུང་འཁྱིལ་དང་། །མཆིལ་མར་ཁྲག་འབྱུང་རྩིབ་ལོགས་ན། །སྙིང་ནད་སྐོམ་དང་རིམས་ནད་འཇོམས། །བར་ཤ་བུ་དང་ཁ་ར་དཀར། །སྰ་ལུ་རྩ་སྣར་བཏགས་པའི་ཕྱེ། །རྒུན་ཆུ་འོ་མ་མར་དུ་བསྐོལ། །མཆིལ་མ་ཁྲག་ཏུ་འབྱུང་ལ་བླུད། །ཤིང་
[172b.5]མངར་དང་ནི་མ་དུ་ཀ །ཏན་དུ་ལི་ཡ་འོར་བཙོས་ཕན། །ཁྲག་ནི་གང་ཚེ་དྲག་ཏུ་འབྱུང་། །དེ་བཅོས་པ་ཡི་སྨན་བསྟེན་བྱ། །རླུང་འཁྱིལ་པ་ལ་ར་ཚིལ་ནི། །ཆང་བརྔོས་རྒྱམ་ཚར་བཅས་པ་སྦྱིན། །སྐེམས་ཤིང་ཉམ་ཆུང་གློ་འགྲམས་དང་། །གཉིད་ཆུང་མེ་དྲོད་ཆེ་བ་ལ། །འོ་མ་བསྐོལ་བའི་སྤྲིས་མར་
[172b.6]ཆགས། །ཁ་ར་སྦྲང་རྩི་མར་བཅས་སྦྱིན། །ཀ་ར་དཀར་དང་ནས་དང་གྲོ། །འཚོ་བྱེད་ཟངས་རྩི་སྦྲང་རྩིར་བཅས། །ཡང་ན་འོ་མར་བསྐོལ་ཏེ་བླུད། །གློ་འགྲམས་ཉམ་ཆུང་རིད་ལ་སྦྱིན། །ཤ་ཟའི་ཤ་ཡི་ཁུ་བ་ནི། །མར་དང་བརྔོས་པའི་པི་པི་ལིང་། །སྦྲང་རྩིར་བཅས་པ་དེ་ལ་བླུད། །ཤ་དང་ཁྲག་ནི་
[172b.7]འཕེལ་བྱེད་ཡིན། །ཨུ་དུམྦཱ་ར་ནྱ་གྲོ་དྷ། །ཨ་ཤྭཏྠ་དང་བླག་ཤ་དང་། །སྰ་ལའི་ཤིང་དང་པྲི་ཡང་ཀུ། །ཏ་ལའི་རྩེ་མོ་འཛམ་བུའི་ཤུན། །པི་པི་ལིང་དང་ཤུག་པར་བཅས། །ཨ་ཤྭ་ཀ་ནར་བཅས་པ་ནི། །འོ་མར་བསྐོལ་བ་ལས་བྱུང་བའི། །མར་དང་འབྲས་ཆན་བཟའ་བ་ནི། །གློ་
[173a]
[173a.1]འགྲམས་ཁུ་བ་ཉམས་སྟོབས་དང་། །དབང་པོའི་ནུས་པ་ཟད་ལ་སྦྱིན། །རླུང་མཁྲིས་ཀྱིས་ཉོན་ཡན་ལག་ཞིག །ན་ལ་མར་དེས་བསྐུས་པ་བསྔགས། །རླུང་ནད་ཀྱིས་ནི་ཉེན་པ་ལ། །རླུང་འཇོམས་སྨན་བསྐོལ་ཏིལ་མར་བསྐུ། །འཚོ་བྱེད་སྡེ་ཚན་ཞུན་མར་ནི། །སྙིང་དང་
[173a.2]རྩིབ་ལོགས་ན་ལ་བླུད། །ཡང་ན་རླུང་ནད་འཇོམས་པ་དང་། །ཁྲག་མཁྲིས་སེལ་བ་གང་ཡིན་བྱ། །ཤིང་མངར་ནཱ་ག་པ་ལ་གཉིས། །འོ་མ་དང་མཉམ་མར་བསྐོལ་བར། །པ་ཡ་སྱེ་དང་པི་པི་ལིང་། །སྨིག་རྐང་ལྡེ་གུ་བསྐོལ་བས་ནི། །གློ་འགྲམས་པ་ཡི་ནད་ལ་ཕན། །འཚོ་བྱེད་
[173a.3]སྡེ་ཚན་བཅའ་སྒ་དང་། །ཉེའུ་ཤིང་བ་དང་ར་མཉེ་བ། །བ་སྤུ་བ་གཉིས་པ་ལ་དང་། །ག་བྲའི་རྩ་བ་ཁ་སྲལ་ཕྲེའུ། །རི་དི་ཟུར་པ་ཀ་མ་ལ། །ཤྲིང་ག་ད་ཀ་ཀ་ཡ་སྱ། །རྩ་བ་ལྔ་ནི་ཆུང་ངུ་དང་། །རྒུན་འབྲུམ་སྟར་གའི་འབྲས་བུ་སོགས། །མངར་ཤིང་སྣུམ་ལ་སྟོབས་སྐྱེད་པ། །ཞོ་ནི་
[173a.4]གཉིས་གཉིས་བཏགས་ལྡེ་གུ། །དེ་ནང་ཞུན་མར་བྲེ་གང་བསྐོལ། །འོ་མ་ར་ཤ་སྐྱུ་རུ་ར། །བི་ད་རི་དང་བུ་རམ་ཤིང་། །ཁུ་བར་ཤའི་ཁུ་བར་བཅས། །བསྐོལ་ཏེ་བསྒྲངས་པར་སྦྲང་རྩི་ནི། །བྲེ་ཕྱེད་ཁར་སྲང་ལྔ་བཅུ། །ན་ལེ་ཤམ་དང་སུག་སྨེལ་དང་། །ཤིང་ཚ་གནྡྷ་བྷ་དྲ་དང་། །ན་
[173a.5]ག་གེ་སར་སྲང་ཕྱེད་ཕྱེད། །ཕྱེ་མར་བཏགས་ཏེ་བཅུག་ནས་ནི། །འཇུ་སྟོབས་རྗེས་མཐུན་ཚད་དུ་བླུད། །འདི་ནི་བདུད་རྩིའི་སྨན་མར་ཏེ། །མི་རྣམས་ཀྱི་ནི་བདུད་རྩི་ཡིན། །བདུད་རྩི་འདི་ནི་ཟོས་ནས་སུ། །འོ་མ་ཤ་ཁུ་ལྡན་ཟོས་ན། །ཁུ་ཆུ་ཉམས་དང་གློ་འགྲམས་དང་། །ཉམས་སྟོབས་
[173a.6]ཟད་པའི་གསོ་བ་ཡིན། །བུད་མེད་ལ་གདུ་ལུས་སྐེམ་དང་། །མདོག་སྐད་ཉམས་ལ་གཏང་བར་བྱ། །ལུད་པ་དང་ནི་སྐྱིགས་བུ་རིམས། །དབུགས་མི་བདེ་དང་ལུས་ཆ་དང་། །སྐོམ་དད་ཁྲག་མཁྲིས་སེལ་བྱེད་ཅིང་། །བུ་སྐྱེད་བྱེད་ཅིང་སློན་དང་བརྒྱལ། །མངལ་ནད་གཅིན་ནད་འཇོམས་བྱེད་
[173a.7]ཡིན། །གཟེ་མ་བཙོད་དང་པུ་ཤེལ་ཙེ། །བ་ལ་ཏང་པལ་བུ་ཏི་ཀ། །ཀྲྀཥྞ་པརྞི་དཱུར་བའི་རྩ། །ཐལ་ཏྲེས་སྟིར་པ་ལ་ཤ །དེ་རྣམས་སྲང་རེ་བསྐོལ་བ་ཡི། །འོ་མ་སྨན་ཁུའི་བཞི་འགྱུར་ལ། །ཁ་སྲལ་ཕྲེའུ་ཛི་བཎྚི། །མེ་ད་གཉིས་དང་ཟངས་རྩི་བ། །ཛི་བ་ཀ་དང་ཉེའུ་ཤིང་དང་། །རི་དི་
[173b]
[173b.1]རྒུན་འབྲུམ་ཤ་ཁ་ར། །སྲ་བ་དང་ནི་པདྨའི་རྩ། །མར་ནི་བྲེ་གང་བསྐོལ་བ་ཡིས། །རླུང་མཁྲིས་སྙིང་འཛག་གཟེར་ནད་སེལ། །གཅིན་སྲི་བ་དང་གཅིན་སྙི་བ། །གཞང་འབྲུམ་ལུད་པ་ལུས་སྐེམ་དང་། །ཟད་བྱེད་རིམས་ནི་སེལ་བྱེད་ཅིང་། །གཞུ་འདྲེན་བུད་མེད་ཆང་དང་
[173b.2]ལམ། །ཁུར་དུབ་སྟོབས་དང་ཤ་ཟད་སྐྱེད། །ཤིང་མངར་སྲང་བརྒྱད་རྒུན་འབྲུམ་ནི། །བྲེ་གང་བསྐོལ་བར་མར་བཙོས་ལ། །པི་པི་ལིང་སྲང་བརྒྱད་ལྡེ་གུ། །བྲེ་གང་བསྐོལ་བ་བསྒྲངས་ནས་ནི། །ཁ་ར་སྦྲང་རྩི་རེ་རེ་ཞིང་། །སྲང་བརྒྱད་དང་ནི་བསྲེས་པ་ལ། །ནས་ཕྱེ་
[173b.3]མཉམ་སྦྱོར་ཟོས་པ་ཡིས། །དེ་ནི་གློ་འགྲམས་ཟད་བྱེད་དང་། །ཁྲག་གི་སྐྲན་ལ་ཕན་པ་ཡིན། །སྐྱུ་རུ་ར་དང་བི་ད་རི། །བུ་རམ་ཤིང་ཁུ་འཚོ་བྱེད་ཀྱི། །སྡེ་ཚན་བསྐོལ་བའི་ཁུ་བ་མར། །བ་དང་ར་ཡི་འོ་མ་ལས། །བྲེ་ནི་རེ་རེ་བཙོ་བར་བྱ། །བསྐོལ་བཙགས་ཁར་སྦྲང་རྩི་ནི། །
[173b.4]བྲེ་རེ་དེར་ནི་གཞུག་པར་བྱ། །དེ་ནི་ཟད་བྱེད་བརྗེད་བྱེད་དང་། །ཁྲག་དང་མཁྲིས་པ་ལུད་པ་དང་། །ལུས་སྐེམ་པ་ནི་སེལ་བྱེད་ཅིང་། །རྒས་སྲ་ཚེ་ནི་རིང་བ་དང་། །ཤ་དང་ཁུ་ཆུ་སྟོབས་སྐྱེད་བྱེད། །མཁྲིས་པ་ཤས་ཆེས་མར་བལྡག་བྱ། །རླུང་ཤས་ཆེ་བས་བཏུང་བར་བྱ། །
[173b.5]བལྡགས་པས་མཁྲིས་པ་ཞི་བྱེད་ཀྱིས། །ཉུང་བས་རླུང་ནི་འཇོམས་མི་ནུས། །འཐུངས་ན་རླུང་ནི་གནོན་བྱེད་ཅིང་། །མེ་དྲོད་ནང་དུ་སྡུད་པར་བྱེད། །སྐེམས་ཤིང་ལུས་ཀྱི་ཤ་ཟད་པས། །སྨན་མར་བཤད་པ་འདི་དག་ཉིད། །སྨིག་རྐང་འབྲས་ཡོས་པི་པི་ལིང་། །ཕྱེ་མ་ལྡེ་
[173b.6]གུར་བྱས་ལ་སྦྱིན། །ཞུན་མར་བུ་རམ་སྦྲང་རྩིའི་ཆ། །བཅུག་སྟེ་བྱིན་ལ་འོ་མ་བླུད། །རོ་ཙ་བརྩོན་དང་ལུས་རྒྱས་སྟོབས། །འདི་ཡིས་མྱུར་དུ་སྐྱེད་པར་འགྱུར། །བུམ་ཤ་ཤུན་ལྤགས་ས་བོན་བསལ། །སྲང་བརྒྱད་རླངས་པར་བཙོས་ནས་ནི། །ཞུན་མར་བྲེ་གང་ནང་གཞུག་དཀྲུགས། །
[173b.7]སྦྲང་རྩིའི་མདོག་འདྲར་གྱུར་པ་དང་། །ཧྭགས་ནི་སྲང་བརྒྱད་པི་པི་ལིང་། །བཅའ་སྒ་ཟིར་སྲང་གཉིས་དང་། །དྲི་སྣ་གསུམ་དང་འུ་སུ་དང་། །ན་ལེ་ཤམ་ནི་རེ་རེ་ཞིང་། །སྲང་ནི་ཕྱེད་ཕྱེད་ཚད་བཅུག་ལ། །ཕབ་སྟེ་བསྒྲངས་པར་གྱུར་པ་དང་། །སྦྲང་རྩི་མར་གྱི་ཕྱེད་བཅུག་ལ། །
[174a]
[174a.1]གཟར་བུས་དཀྲུགས་ཏེ་བཞག་གྱུར་པ། །ལུད་པ་སྐྱིགས་བུ་ཡི་ག་འཆུས། །དབུགས་མི་བདེ་དང་ཁྲག་མཁྲིས་དང་། །གློ་འགྲམས་ཟད་བྱེད་འཇོམས་པར་བྱེད། །གློ་འགྲམས་པ་ནི་འབྱོར་བྱེད་ཅིང་། །བློ་དང་དྲན་པ་སྟོབས་རབ་སྐྱེད། །ཀུ་སྨན་ད་ཡི་བཅུད་
[174a.2]ཀྱིས་ལེན། །ཡིད་དུ་འོང་བ་དམ་པ་འདི། །ཐ་སྐར་བུ་གཉིས་ཀྱིས་བཤད་ཡིན། །ནཱ་ག་པ་ལའི་རྩ་བ་ནི། །ཞོ་གཅིག་སོགས་ཀྱིས་བསྐྱེད་སྲང་གཅིག །འོ་མར་བཅས་པ་ཟླ་གཅིག་བཏུང་། །འོ་མ་སྤྱད་ཅིང་ཟས་མི་བཟའ། །སྦྱོར་འདིས་ཚེ་ནི་འཕེལ་བྱེད་ཅིང་། །སྟོབས་
[174a.3]སྐྱེད་ཁ་དོག་བཟང་བྱེད་མཆོག །མན་དུ་ཀ་པརྞི་ཤིང་མངར། །བཅའ་སྒའི་སྦྱོར་བའང་འདི་ཡིན་ནོ། །ནཱ་ག་པ་ལ་སྲང་བརྒྱ་ནི། །ཆུ་སྲང་ལྔ་བརྒྱ་རྩ་བཅུ་གཉིས། །ནང་དུ་བསྐོལ་ཏེ་བཞི་ཆ་ལུས། །སྨན་ཁུ་དེ་དང་ཆ་མཉམ་པའི། །འོ་མ་མར་དང་བསྐོལ་བར་བྱ། །བ་ལ་ཨ་ཏི་
[174a.4]བ་ལ་དང་། །ཤིང་མངར་པུརྞ་རྣ་བ་དང་། །སྟག་ཚེར་བ་དང་ཏང་པལ་དང་། །པི་ལ་ཡ་དང་ཁ་སྲལ་ཕྲེའུ། །ཨ་ཤྭ་གནྡྷ་ཁ་ར་དཀར། །ཉེ་ཤིང་མེད་རྣམ་གཉིས་དང་། །གཟེ་མ་རམ་ཉེ་བ་གཉིས་དང་། །པ་ཡ་སྱ་དང་ཟི་ར་གཉིས། །པདྨའི་རྩ་བ་སྡོང་བུ་དང་། །འབྲ་གོ་སྲིང་ག་ཏ་ཀ་དང་། །ཀེ་ཤེ་རུ་ཀ་
[174a.5]སྲང་ཕྱེད་ཕྱེད། །ནཱ་ག་པ་ལའི་སྨན་མར་འདིས། །ཁྲག་མཁྲིས་གློ་རྡོལ་ཟད་བྱེད་དང་། །སྐོམ་དད་མགོ་འཁོར་སེལ་བྱེད་ཅིང་། །སྟོབས་ནི་སྐྱེད་པར་བྱེད་པའི་མཆོག །མདོག་སྡུག་མདངས་བཟང་ཚེ་འཕེལ་ཞིང་། །སྐྲ་དཀར་གཉེར་མ་འཇིག་པར་བྱེད། །ཟླ་བ་དྲུག་གི་བར་བསྟེན་
[174a.6]ན། །རྒན་པོའང་གཞོན་ནུ་ཉིད་དུ་འགྱུར། །ཆོ་ག་འདིས་ནི་དྲོད་སྐྱེད་ཅིང་། །མེ་དྲོད་བྲི་བ་སྐྱེད་འཇུ་བྱེད། །གཅོང་ཆེན་བཤད་པའང་གློ་རྡོལ་བསྔགས། །འཁྲུ་ན་གཅོད་པར་བྱེད་པར་ཕན། །རྩ་བ་བཅུ་པ་ཁ་སྲལ་ཕྲེའུ། །ཤང་ཀ་པུཏྤ་ཟུར་པ་དང་། །པ་ལ་ཧ་སྟི་པི་པི་ལིང་། །ཨ་པ་
[174a.7]མརྒ་ཀྲུ་ཏྲུག་ཏྲེས། །ག་བྲ་པི་པི་ལིང་རྩ་བ། །མ་ནུ་སྲང་ནི་གཉིས་གཉིས་དང་། །ནས་སྲང་དྲུག་ཅུ་རྩ་བཞི་དག །ཨ་རུ་ར་ནི་སྲང་བརྒྱ་དག །ཆུ་སྲང་དྲུག་བརྒྱ་བཞི་བཅུས་བསྐོལ། །ནས་ཆོས་པ་དང་སྨན་ཁུ་དེ། །བཙགས་ལ་ཨ་རུ་ར་བརྒྱ་དེར། །བུ་རམ་སྲང་བརྒྱ་བཅུག་ལ་བསྐོལ། །མར་དང་ཏིལ་
[174b]
[174b.1]མར་པི་པི་ལིང་། །ཕྱེ་མ་སྲང་ནི་བརྒྱད་པོ་དག། །བསྐོལ་ཏེ་བསྒྲངས་ནས་སྦྲང་རྩིར་གཞུག །རྟག་ཏུ་ཨ་རུ་ར་གཉིས་བཅས། །ལྡེ་གུ་བཅུད་ལེན་འདི་ཟོས་ན། །འདིས་ནི་སྐྲ་དཀར་གཉེར་མ་མེད། །ཚེ་རིང་མདོག་སྟོབས་འཕེལ་བར་བྱེད། །ལུད་ལྔ་ཟད་བྱེད་དབུགས་མི་བདེ། །
[174b.2]སྐྱིགས་བུར་བཅས་པའི་མི་བཟད་རིམས། །གཅིན་སྙི་བ་ཡི་ནད་དང་ནི། །གཞང་འབྲུམ་སྐྲན་དང་སྙིང་ནད་དང་། །ཆམ་པ་ཡི་ག་འཆུས་པ་སེལ། །བཅུད་ཀྱིས་ལེན་མཆོག་དཔལ་ཡོན་ཅན། །འདི་ནི་དྲང་སྲོང་རྀ་ཥིས་བཤད། །རྩ་བ་བཅུ་པ་བ་ལ་དང་། །མུར་བ་སེར་པོ་རྣམ་
[174b.3]གཉིས་དང་། །པི་པི་ལིང་ནི་རྣམ་གཉིས་དང་། །པ་ཐ་ཨ་ཤྭ་གནྡྷ་དང་། །ཨ་པ་མརྒ་ཁ་སྲལ་ཕྲེའུ། །སླེ་ཏྲེས་དན་ཏི་བོང་ང་དཀར། །བིལ་བ་གཞོན་ནུ་དུར་བྱིད་དང་། །ཙི་ཏྲ་ཀ་རྩ་ལོ་མར་བཅས། །པ་ཡ་སྱ་དང་དུག་མོ་ཉུང་། །སྤང་སྤོས་བི་ཟ་ཀའི་སྙིང་པོ། །མེ་ཏོག་བཅས་
[174b.4]དང་རྐང་མར་དང་། །གོ་བྱེ་བྱི་དང་ག་ཏ་དང་། །ཉེའུ་ཤིང་བུ་ཏི་ཀ་རཉྫ། །དོང་ག་སོ་མ་ར་ཛ་དང་། །ས་ཧ་ར་ཛ་ཤི་ཀྲུ་དང་། །ནིམ་པའི་ཤུན་ལྤགས་བུ་རམ་ཤིང་། །ཕྲ་མོའི་ཁུ་བ་སྲང་རེ་དང་། །ཨ་རུ་ར་སྟོང་ཆིག་བརྒྱ་དང་། །ནས་སྲང་ཉིས་བརྒྱ་ལྔ་བཅུ་དྲུག། །ཆུ་ནི་བརྒྱད་འགྱུར་ནང་དུ་
[174b.5]བསྐོལ། །ནས་ཚོས་པ་དང་ཕོག་ནས་ནི། །བཙགས་ནས་ཨ་རུ་ར་བཅས་དེར། །བུ་རམ་རྙིང་པ་སྲང་བརྒྱད་གཞུག །ཏིལ་མར་ཞུན་མར་སྐྱུ་རུའི་ཁུ། །བྲེ་རེ་བཅུག་ནས་དེ་རྗེས་ཡང་། །མེ་ཆུང་ལ་ནི་བཙོས་ནས་སུ། །གཟར་བུར་ཆགས་ནས་ཐབ་ལས་དབབ། །བསྒྲངས་ནས་སྦྲང་རྩི་བྲེ་དོ་
[174b.6]དང་། །པི་པི་ལིང་ནི་ཕུལ་གང་གཞུག །དྲི་སྣ་གསུམ་ནི་ཕྱེར་བཏགས་པ། །སྲང་གསུམ་བཅུག་ནས་དེ་འོག་ཏུ། །རྫ་སྣོད་རྙིང་བཅུག་འབྲུ་ནང་དུ། །བཅུག་སྟེ་ཟླ་བ་གཅིག་གཞག་བྱ། །དེ་ནས་སྔ་མ་བཞིན་དུ་བཟའ། །གནས་འཇོག་གིས་བཤད་བཅུད་ལེན་འདི། །སྔོན་ལས་ཡོན་ཏན་ལྷག་པར་ཆེ། །
[174b.7]ནད་མེད་ཀྱིས་བཟའ་དགག་པ་མེད། །དུས་ཀུན་དུ་ཡང་བསྔགས་པ་ཡིན། །རྒྱམ་ཚ་བཅའ་སྒ་སྲང་རེ་དང་། །ཁ་རུ་ཚ་ནི་སྲང་གཉིས་དང་། །ད་ཏྲིག་སེའུ་འབྲུ་ཨརྫ་ཀ །དེ་དག་སྲང་ནི་བཞི་བཞི་དང་། །ན་ལེ་ཤམ་གཅིག་གོ་སྙོད་གཉིས། །འུ་སུའི་འབྲས་བུ་སྲང་བཞི་དང་། །ཚད་འདི་ལས་ནི་
[175a]
[175a.1]ཕྱེ་མར་བྱས། །ཟས་དང་སྐོམ་ལ་བཏབ་སྟེ་སྦྱིན། །དེས་ནི་ཡི་ག་འབྱེད་པ་དང་། །མེ་དྲོད་སྐྱེད་ཅིང་ཉམས་སྟོབས་སྐྱེད། །རྩིབ་ལོགས་ན་དང་དབུགས་མི་བདེ། །ལུད་པ་ལུ་བའི་ནད་སེལ་བྱེད། །འུ་སུ་ཞོ་གཉིས་གོ་སྙོད་དང་། །ལ་ལ་ཕུད་ལ་ཞོ་བཞི་
[175a.2]བཞི། །སེ་འབྲུ་དང་ནི་ད་ཏྲིག་དག། །དེ་ཡི་ཉིས་འགྱུར་ཉིས་འགྱུར་བྱ། །ཁ་རུ་ཚ་ནི་སྲང་གཅིག་དང་། །བཅའ་སྒ་ཞོ་གཉིས་བིལ་བའི་རྐང་། །སྲང་ལྔ་དང་ནི་སྦྱར་བ་ལ། །ཁ་ར་སྲང་ནི་བཅུ་དྲུག་གཞུག །རོ་དྲུག་པ་འདི་བཟའ་བ་དང་། །བཏུང་བ་སྔ་མ་བཞིན་དུ་སྦྱིན། །
[175a.3]གཅོང་ཆེན་ལས་བཤད་ཆོ་ག་གང་། །གནས་སྐབས་ཇི་བཞིན་གློ་རྡོལ་ཕན། །གློ་རྡོལ་ནད་ནི་བྱང་གྱུར་ནས། །བད་ཀན་སྐྱེས་ནས་མགོ་བོ་བྲང་། །ན་བའི་ལུད་པ་ཅན་གང་ཡིན། །དེ་ལ་དུད་པ་འདི་བརྔུབ་བྱ། །མེ་ད་གཉིས་དང་བ་ལ་གཉིས། །ཤིང་མངར་གསོ་མའི་ཤུན་
[175a.4]ལྤགས་ནི། །ལྡེ་གུར་བྱས་ལ་རེང་བུར་ནི། །བྱས་ཏེ་དུད་པ་བརྔུབ་པར་བྱ། །དེ་རྗེས་འཚོ་བྱེད་སྨན་མར་བཏུང་། །ལྡོང་རོས་དང་ནི་བ་ལ་ཤ །ཨ་ཟ་གནྡྷ་ཅུ་གང་དང་། །དོང་གྲ་ལས་ཀྱང་དེ་བཞིན་བྱ། །དེ་རྗེས་ཁ་ར་བུ་རམ་དང་། །བུ་རམ་ཤང་ཁུ་བཏུང་བར་བླུད། །ལྡོང་རོས་དང་
[175a.5]ནི་ནྱ་གྲོ་དྷའི། །མྱུ་གུ་རློན་པ་ཆ་སྙོམས་བཏགས། །ཞུན་མར་དང་སྦྱར་དུད་པ་བརྔུབ། །དེ་འོག་སྲེག་པའི་ཤ་ཁུ་བཏུང་། །གློ་རྡོལ་ལས་བྱུང་བླུད་པ་ལ། །ཐོག་མར་སྟོབས་དང་མེ་དྲོད་སྐྱེད། །ནད་གཞི་མངལ་སྣུམ་བཅས་པའི། །བཀྲུ་སྨན་འཇམ་པོ་གཏང་བར་བྱ། །དོང་ག་དང་ནི་དུར་
[175a.6]བྱིད་གཉིས། །རྒུན་འབྲུའི་ཆུ་དང་སྦྱར་བ་དང་། །སེང་ཕྲོམ་བསྐོལ་བའི་ཁུ་བ་དང་། །བི་ད་རི་ཡི་ཁུ་བར་སྦྱར། །ཞུན་མར་ལ་བཙོས་ཅི་རིགས་སྦྱིན། །ལུས་ཟད་པ་ལ་སྦྱར་བར་བྱ། །མཁྲིས་པ་བད་ཀན་ལུས་ཟུངས་རྣམས། །ཟད་པའི་ཟད་བྱད་ལུང་པ་ཅན། །མར་དང་ཀརྐ་ཏ་སྲིང་གི། །
[175a.7]འོ་མ་བ་ལ་གཉིས་བསྐོལ་བླུད། །བི་ད་རི་འམ་ཀ་ཏམ་པ། །ཏ་ལའི་འབྲས་བུ་བསྐོལ་བ་ཡི། །མར་དང་འོ་མ་གཅིན་ནད་ནི། །མདོག་འགྱུར་བྲེ་བར་བྱེད་ལ་བླུད། །ཕོ་མཚན་རྐུབ་དང་ཆུ་སོ་དང་། །བརླ་དབྲག་མཇུག་ཏོ་སྐྲང་ཞིང་ན། །མར་གྱི་ཉིང་ཁུ་ཡང་བ་འམ། །
[175b]
[175b.1]ཏིལ་མར་བསྲེས་པའི་འཇམ་རྩི་གཏང་། །སྐམ་སའི་སྲོག་ཆགས་ཤ་དང་ནི། །བྱིའུ་སོགས་དང་ནི་ཁུང་ན་གནས། །དེ་བཞིན་མཐུ་རྩལ་གྱིས་ཟས་ཚོལ། །ཤ་ཟའི་ཤ་ཡང་རིམ་བཞིན་སྦྱིན། །དྲོ་བས་བད་ཀན་འཇིག་བྱེད་ལ། །རྩ་སྦུབས་རྣམས་ནི་དག་བྱེད་ཅིང་། །དངས་མ་
[175b.2]ལེགས་པར་རྒྱུ་བྱེད་བས། །ལུས་ནི་རྒྱས་པར་བྱེད་པར་འགྱུར། །དབྱི་མོ་བར་གྱི་འབྲས་བུ་གསུམ། །རྩ་བ་བཅུ་དང་ཙི་ཏྲ་ཀ །རྒྱ་སྲན་པི་པི་ལིང་རྩ་བ། །པ་ཏ་རྒྱ་ཤུག་ནས་ཆུར་བསྐོལ། །ལི་དོང་གྲ་དང་བྱི་ཚེར་བ། །ཟུར་པ་མ་ནུ་པི་པི་ལིང་། །ཀརྐ་ཏ་ཡི་སྲིང་གི་
[175b.3]བཏགས། །མཉམ་པའི་ཞུན་མར་དག་དང་བསྐོལ། །བསྐོལ་བའི་མར་འདི་ཀྵར་གཉིས། །ལན་ཚྭ་ལྔ་ནི་བཏགས་ཏེ་གཞུག །དེ་ལས་རན་པར་འཐུངས་ན་ནི། །ཟད་བྱེད་ལུད་པས་ཉེན་པ་སེལ། །ཀ་ས་མར་ད་ཨ་རུ་ར། །གླ་སྒང་པ་ཏ་ཀད་པ་ལ། །
[175b.4]དོང་གྲ་པི་པི་ལིང་ཏང་པལ། །པུ་ཙེ་ཤེལ་ཚད་ཞོ་གཉིས་གཉིས། །མར་ནི་བྲེ་གང་འོ་མ་དང་། །རྒུན་ཆུ་བྲེ་བཞིའི་ནང་དུ་བསྐོལ། །ཟད་བྱེད་རིམས་དང་མཆིན་པའི་ནད། །ལུད་པ་ཀུན་སེལ་དགེ་བ་ཡིན། །ཀཎྜ་ཀ་རི་བ་ཤ་ཀ །སླེ་ཏྲེས་རྩ་བ་འབྲས་བུ་
[175b.5]དང་། །མྱུ་གུ་ལོ་མར་བཅས་པ་རྣམས། །བསྐོལ་བའི་ཁུ་བ་མར་དུ་བཙོས། །ལུད་པའི་རིམས་ཀྱིས་བཏབ་པ་དང་། །ཡི་ག་འཆུས་པའི་ནད་རྣམས་སེལ། །སེ་འབྲུའི་ཁུ་བ་ཉིས་འགྱུར་རམ། །ཚ་གསུམ་ལྡན་པར་བསྐོལ་བའང་ཕན། །ཡ་
[175b.6]བཀྵ་ར་མར་དང་སྦྱར། །ཟས་ཟོས་པ་ཡི་འོག་ཏུ་བླུད། །པི་པི་ལིང་དང་བུ་རམ་བསྐོལ། །ར་ཡི་འོ་མ་མར་བཅས་ཕན། །འདི་ནི་མེ་དྲོད་སྦྱར་ཕྱིར་ཏེ། །ཟད་བྱེད་ལུས་ཅན་གྱིས་མར་བཏུང་། །ནད་ཀྱིས་འགགས་པའི་མིད་པ་བྲང་། །རྩ་སྦུབས་རྣམས་ནི་དག་པར་བྱེད། །ནས་ནི་བྲེ་
[175b.7]གང་བཙོས་པ་རུ། །རྣམ་པར་རྒྱལ་བ་ཉི་ཤུ་བཙོ། །ཚོས་ནས་དེ་ཕྱུང་མཉེས་ནས་དེར། །བུ་རམ་རྙིང་པ་སྲང་དྲུག་དང་། །པི་པི་ལིང་ནི་སྲང་གཉིས་དང་། །ལྡོང་རོས་ཞོ་གཉིས་སྐྱེར་ཁཎྜ། །ཞོ་གཅིག་ཚད་ནི་བཅུག་ནས་ནི། །སླར་ཡང་བསྐོལ་བའི་ལྡེ་གུ་དེས། །ལུད་པ་དབུགས་མི་བདེ་སེལ་བྱེད། །
[176a]
[176a.1]རེག་འཇམ་སྒྲོ་རྩ་བསྲེགས་ནས་ནི། །མར་དང་སྦྲང་རྩི་ཁ་རར་སྦྱར། །ཡང་ན་རྨ་བྱའི་རྐང་པ་བསྲེགས། །མར་དང་སྦྲང་རྩིར་སྦྱར་བ་ཡི། །ལྡེ་གུ་ཟོས་ན་ལུད་པ་དང་། །དབུགས་མི་བདེ་བ་སེལ་བར་བྱེད། །ཨེ་རཎྜ་ཡི་ཐལ་བ་ནི། །ཏིལ་མར་ཚ་གསུམ་
[176a.2]བུ་རམ་བཅས། །ལྡེ་གུའམ་བྱེའུ་རུག་ཨེ་རཎྜའི། །ལོ་མའི་ཐལ་བ་དེ་བཞིན་བྱ། །ཚ་བ་གསུམ་གྱི་ཕྱེ་མ་ནི། །བུ་རམ་རྙིང་པ་མར་སྦྱར་ཕན། །ཤུག་པ་ཚ་གསུམ་འབྲས་བུ་གསུམ། །བྱི་དང་ག་དང་ཐང་ཤིང་དང་། །བ་ལ་ར་སྣའི་ཕྱེ་མ་ཀུན། །དེ་དང་མཉམ་པའི་ཁ་རར་སྦྱར། །
[176a.3]ཡང་ན་སྦྲང་རྩི་མར་དང་སྦྱར། །ལྡེ་གུ་ལུད་པ་སེལ་བྱེད་མཆོག །དེ་བཞིན་ན་ལེ་ཤམ་གྱི་ཕྱེ། །མར་དང་སྦྲང་རྩི་ཁ་རར་བཅས། །ཨ་རུ་ར་དང་བཅའ་སྒ་ནི། །བུ་རམ་དང་ནི་བཅས་པ་ཡི། །རི་ལུ་ཁར་ནི་བཞག་གྱུར་ན། །ལུད་པ་དབུགས་མི་བདེ་ཀུན་སེལ། །ཡང་ན་བ་
[176a.4]རུ་ར་འབའ་ཞིག །ལུད་པ་སེལ་བར་བྱེད་པ་ཡིན། །སེང་ཕྲོམ་ཨ་མྲ་ཁ་ར་དང་། །བཅས་པའི་ལྡེ་གུ་མར་དང་བརྔོས། །ཐུག་པ་ཟན་དྲོན་ནང་དུ་བཏབ། །སློན་བྲོ་སྐོམ་དང་ལུད་པ་དང་། །མ་ཞུ་ཚད་འཁྲུ་སེལ་བར་བྱེད། །ཀཎྜ་ཀ་རིའི་ཁུ་བར་བསྐོལ། །མུངྒའི་ཁུ་བར་
[176a.5]ལེགས་གཡོས་པ། །སྐྱུ་རུ་ར་སེར་སེའུ་འབྲུར་བཅས། །ལུད་པ་ཀུན་གྱི་སྨན་གྱུར་ཡིན། །རླུང་འཇོམས་སྨན་བསྐོལ་འོ་མའམ། །མཆུ་ཡིས་ཟས་ཚོལ་ཁྲོན་རྐོ་དང་། །ཁུང་ན་གནས་པའི་ཤ་ཁུ་ནི། །ཟད་བྱེད་ལུད་པ་ཅན་ལ་སྦྱིན། །གློ་རྡོལ་གྱིས་དུད་བརྔུབས་ལ་གང་། །བཏུང་བར་བཅས་པ་
[176a.6]བསྟེན་པ་ཡང་། །ཟད་བྱེད་ལུད་པར་དེ་གཏང་བྱ། །གང་ཡང་གཅོང་ཆེན་སྐབས་སུ་བཤད། །སྟོབས་སྐྱེད་མེ་དྲོད་སྐྱེད་པ་དང་། །རྩ་རྒྱུན་སྦྱོང་བར་བྱེད་པའི་སྨན། །རྣམ་གྲངས་ཟད་བྱེད་ལུད་ཅན་ལ། །སྟོབས་སྐྱེད་ཐམས་ཅད་
[176a.7]བསྔགས་པ་ཡིན། །གང་ཕྱིར་འདུས་པ་ལས་བྱུང་བའི། །ཟད་བྱེད་ལུད་པ་མི་བཟད་པས། །དེ་ཕྱིར་ནད་སྟོབས་ཇི་བཞིན་དུ། །འདུས་པའི་ནད་ལ་ཕན་པས་གསོ། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་གསུམ་པའོ།། །།
[176b]
[176b.1]དེ་ནས་སྐྱིགས་བུ་དང་དབུགས་མི་བདེ་བ་གསོ་བའི་ལེའུ་བཤད་པར་བྱའོ། །གང་ཕྱིར་སྐྱིགས་བུ་དབུགས་མི་བདེ། །རྒྱུ་སོགས་མཚུངས་པས་དེ་ཡི་ཕྱིར། །གསོ་བའང་གཅིག་སྟེ་དེས་ཉེན་ལ། །ཐོག་མར་དུགས་ཀྱི་ཉེར་དཔྱད་བྱ། །སྣུམ་དང་ལན་ཚྭ་ཏིལ་མར་བྱུག །
[176b.2]དེ་ཡིས་བད་ཀན་བུ་གར་འགགས། །ཤིན་ཏུ་ཞེན་པ་ཞུ་ནས་ནི། །ཁོང་པར་གནས་པ་ལེགས་པར་འབྱིན། །བུ་གའི་རྒྱུན་སྲང་མཉེན་གྱུར་ཅིང་། །རླུང་ནི་ལུགས་དང་མཐུན་པར་རྒྱུ། །འཇམ་ཞིང་རླན་གྱུར་ཟས་སྣུམ་དང་། །རླན་ཅན་ཤར་བཅས་སྦྱིན་པ་འམ། །ཡང་ན་ཞོ་ཡི་
[176b.3]སྤྲིས་མ་སྦྱིན། །དེ་ནས་དེ་ལ་རློན་འཇམ་བཏང་། །མཆོག་ཏུ་ལུད་པ་རྙིང་ནད་དང་། །སྐད་འགགས་པ་ལ་སྐྱུག་སྨན་སྦྱིན། །རྒྱམ་ཚ་སྦྲང་རྩི་པི་པི་ལིང་། །སྦྱར་བའམ་རླུང་ལ་ཕན་པ་གཏང་། །བད་ཀན་གྱིས་ནི་གནོད་བྱས་པ། །གསལ་ན་བདེ་བ་ཐོབ་འགྱུར་ལ། །བུ་ག་
[176b.4]རྣམ་པར་དག་གྱུར་ནས། །རླུང་ནི་གནོད་པ་མེད་པར་རྒྱུ། །ལྟོ་སྦོས་རྟུག་འགགས་མུན་འཐིབས་བྱེད། །མ་དུ་ལུང་ག་སྟར་བུ་དང་། །ཤིདྐུན་པི་ལུ་ཁ་རུ་ཚ། །ལྡན་ཟས་བྱིན་ན་བདེ་བར་འབྱུང་། །རྒྱམ་ཚར་བཅས་པའི་འབྲས་བུ་སྐྱུར། །ཅུང་ཟད་དྲོ་བའི་བཀྲུ་སྨན་གཏང་། །འདི་
[176b.5]དག་བད་ཀན་གྱིས་ལམ་བཀག །སྲོག་གི་རླུང་ནི་འཁྲུགས་ལས་བྱུང་། །དེ་བས་དེ་ལམ་བསལ་བྱའི་ཕྱིར། །སྟེང་དང་འོག་ཏུ་སྦྱང་བྱས་ཕན། །ཇི་ལྟར་འབག་པར་གྱུར་པའི་ཆུ། །ཤིན་ཏུ་འཁྱིལ་ཞིང་འཕེལ་བ་ལྟར། །དེ་བཞིན་རླུང་ནི་འཁྱིལ་གྱུར་པའི། །དེ་ལམ་ལེགས་པར་
[176b.6]སྦྱང་བར་བྱ། །སྦྱང་བ་བྱས་ཀྱང་མ་དག་པའི། །ཞེན་པའི་དྲི་མ་དུ་བས་བསལ། །ཡུང་བའི་ལོ་མ་ཨེ་རཎྜའི། །རྩ་བ་རྒྱ་སྐྱེགས་ལྡོང་རོས་དང་། །ཐང་ཤིང་བ་ལ་སྤང་སྤོས་བཅས། །བཏགས་ཏེ་རེང་བུ་ཉིད་དུ་བྱ། །དེ་ནི་མར་བསྐུས་དུད་པ་རྔུབ། །ཡང་ན་མར་སྦྲུས་ནས་
[176b.7]བསྲེགས་རྔུབསྟི། །སྤྲ་ཚིལ་སྲ་རྩི་པོག་དག་གམ། །ཨ་ཀ་རུ་བཟང་མར་སྦྱར་རྔུབ། །དེ་བཞིན་ཙནྡན་གླང་རྭ་འམ། །སྤུ་འམ་རྒྱུས་པའི་དུད་པ་རྔུབ། །བཙོད་དང་གོ་དཀུ་རང་ག །དགེ་བ་ལྤགས་མགར་ཡིའམ། །ཡང་ན་གུ་གུལ་ལྡོང་རོས་སམ། །ཡང་ན་སཱ་ལའི་ཐང་
[177a]
[177a.1]ཆུ་ཉིད། །མོ་རྩ་གུ་གུལ་ཨ་ག་རུ། །ཤུག་པ་མར་དང་བཅས་དུད་རྔུབ། །དུགས་བྱར་མི་རུང་བཏང་སྙོམས་གཞག །བྲང་དང་མིད་པ་ཞོམ་པ་ལ། །བཤོལ་དུ་མེད་ན་འཇམ་དུགས་བྱ། །ཁ་ར་དཀར་པོའི་འོ་མས་སམ། །དྲོ་འཇམ་ཙམ་ཀྱིས་དུགས་
[177a.2]བྱ་ཞིང་། །དཀྲི་དང་ལྡན་པར་བྱ་བའི་དུགས། །དུགས་ཀྱི་ལེའུར་བཤད་དུགས་བྱ། །མ་ཞུར་དེ་གསོའི་ཆོ་ག་སྤྱད། །སྦྱོར་དྲགས་རླུང་ཤས་ཆེར་གྱུར་ན། །རླུང་ནད་བསལ་བའི་སྦྱོར་བ་བྱ། །ཤ་ཁུ་སྣུམ་སོགས་རབ་ཚ་སྦྱིན། །བསྐུ་བ་དག་གིས་ཞི་བར་བྱ། །བད་ཀན་མ་སློང་
[177a.3]དུགས་མི་བྱ། །ཉམ་ཆུང་བ་ལ་སྦྱང་བྱས་པས། །རླུང་གི་གནས་རྙེད་གནས་རྣམས་ནི། །སྐམ་པར་བྱས་ནས་སྲོག་འཕྲོག་བྱེད། །དེ་བས་སྨན་ཁུ་སྣུམ་དང་ནི། །ལྡེ་གུ་སྩོགས་ཀྱིས་དེ་ཞིར་བྱ། །སྐེམ་ཞིང་གློ་རྡོལ་ཚད་འཁྲུ་དང་། །ཁྲག་མཁྲིས་ཚ་བ་ལས་བྱུང་བའི། །
[177a.4]སྐྱིགས་བུ་དབུགས་མི་བདེ་བ་ལ། །མངར་སྣུམ་བསིལ་སྩོགས་དག་གིས་གསོ། །ཀུ་ལངྠ་དང་རྩ་བ་བཅུ། །བསྐོལ་བའི་སྐམ་སའི་ཤ་ཁུ་ཕན། །ཤི་ཀྲུ་པར་ཏ་ཀ་དང་ནི། །ཀ་ས་མར་ད་བ་ཤ་ཀ །ལ་ཕུག་ལོ་མའི་ཁུ་བ་དང་། །ནིམ་པའི་མྱུ་གུ་ལས་བྱུང་དང་། །ཁ་ལུང་
[177a.5]བྲི་ཧ་ཏི་ཁུ་ཕན། །ཀཎྜ་ཀ་རི་བྱི་ཚེར་བ། །བིལ་བའི་རྐང་དང་གཟེ་མ་དང་། །སླེ་ཏྲེས་ཀར་ཀ་ཏ་སྲིང་གི །ཙི་ཏྲ་ཀ་དང་ཀུ་ལངྠ། །ཆུར་བསྐོལ་བ་ཡི་ཡུ་ཤ་བྱ། །ཡང་ན་ར་སྣ་རྩ་ཆུང་ལྔ། །མུངྒ་ཙི་ཏྲ་ཀར་བཅས་བླུད། །ཙི་ཏྲ་གོ་སྙོད་ཁ་རུ་ཚ། །ཀར་ཀཏ་སྲིང་ཐུག་པ་ཕན། །
[177a.6]ཡང་ན་རྩ་བ་བཅུ་སྦྱར་བའི། །ཐུག་པ་བླུད་ན་ལུད་པ་དང་། །སྐྱིགས་བུ་དབུགས་མི་བདེ་ནད་སེལ། །རྩ་བ་བཅུ་པར་སྣ་དང་། །ཟུར་པ་ག་བྲའི་རྩ་བ་དང་། །བིལ་བ་གཉིས་དང་མ་ནུ་དང་། །ཀར་ཀ་ཏ་སྲིང་པི་པི་ལིང་། །ལྕ་བ་སླེ་ཏྲེས་བཅའ་སྒ་ནི། །བསྐོལ་བའི་ཁུ་བ་བླུད་ཞུ་
[177a.7]ནས། །དེ་ཉིད་དང་བཙོས་ཐུག་པ་བླུད། །སཱ་ལུ་དྲུག་ཅུ་པ་དང་གྲོ། །ནས་དང་མུངྒ་རྒྱ་སྲན་ཟོས། །ལུད་པ་སྙིང་ནད་རྩིབ་ལོགས་ཟུག །སྐྱིགས་བུ་དབུགས་མི་བདེ་བ་སེལ། །ཡང་ན་ཨརྒའི་མྱུ་གུ་ཡི། །འོ་མ་དང་སྦྲུས་ནས་ཀྱི་ཟན། །སྦྲང་རྩི་དང་བཅས་རྩ་བཅུ་སོགས། །
[177b]
[177b.1]བསྐོལ་བའི་ཁུ་བར་སྦྱར་བ་བླུད། །ཟས་ནི་ཀྵ་ར་ཤིང་ཀུན་མར། །ཁ་རུ་ཚ་དང་སེའུ་སྦྱར་ཟ། །མ་ནུ་ཟུར་པ་ཚ་བ་གསུམ། །སྟར་བུ་བ་ལུང་སྦྱར་བ་སྦྱིན། །སྐྱིགས་བུ་དབུགས་མི་བདེ་སྐོམ་དང་། །རྩ་བ་བཅུ་བསྐོལ་ཁུ་བའམ། །ཡང་ན་ཐང་ཤིང་བསྐོལ་ཁུའམ། །ཆང་གི་
[177b.2]དངས་མ་བླུད་པར་བྱ། །པི་པི་ལིང་དང་དེའི་རྩ་བ། །མ་རུ་ར་དང་བྱི་དང་ག།ཙི་ཏྲ་ཀ་རྣམས་ལྡེ་གུར་སྦྱར། །མར་སྣོད་བསྐུས་ཏེ་བསྐམས་པ་རུ། །སྣོད་དུ་དར་བ་ཟླ་གཅིག་གཞག །དེ་འབུངས་མེ་ཡི་དྲོད་སྐྱེད་ཅིང་། །ལུད་པ་དབུགས་མི་བདེ་བ་སེལ། །བ་ཏ་མུར་པ་ཐང་
[177b.3]ཤིང་དང་། །ས་ར་ལ་དང་ཆང་དངས་མ། །ནུབ་གཅིག་བཞག་སྟེ་ལན་ཚྭ་བཏབ། །དེ་ལས་ཁྱེར་གང་བླུད་པར་བྱ། །ག་བྲའི་རྩ་བ་བཅའ་སྒའི་ཕྱེའམ། །ཡ་བཀྵ་ར་ན་ལེ་ཤམ། །བཅས་ཕྱེ་ཆུ་ཚན་བླུགས་པ་བན། །བ་སྤྲི་ཀ་ནི་བསྐོལ་བའི་ཆུ། །བཏགས་པ་ལྡེ་གུར་བྱས་བསྲེས་
[177b.4]བླུད། །སབ་ཏ་པརྞིའི་ཁུ་བའམ། །ཤྲི་ཤ་ཡི་ནི་མེ་ཏོག་ནི། །པི་པི་ལིང་དང་སྦྲང་རྩིར་སྦྱར། །བད་ཀན་མཁྲིས་པ་འདྲེས་གྱུར་པའི། །སྐྱིགས་བུ་དབུགས་མི་བདེ་བ་སེལ། །ཅུ་གང་པི་པི་ལིང་དང་ནི། །འབྲས་དང་བཅའ་སྒ་མར་དག་ལས། །ཁུ་བ་མཁྲིས་པ་ལས་གྱུར་
[177b.5]སལ། །རླུང་དང་ལྡན་ལ་རེག་འཇམ་ཤ །རི་བོང་ཤ་དང་པི་པི་ལིང་། །མར་དང་ཤ་སྤྱ་ཀ་ཡི་ཁྲག །ལྕམ་པའི་ཁུ་བ་ཚ་བ་གསུམ། །མར་དང་འོ་མར་སྦྱར་བ་དང་། །འབྲས་ཆན་ཟོས་ལ་འོ་མ་བླུད། །རླུང་མཁྲིས་འདྲེས་པ་ལས་གྱུར་སེལ། །ར་ཡི་འོ་མ་བཞི་འགྱུར་
[177b.6]གྱིས། །ཆུ་བསྐོལ་བུ་རམ་དོང་གྲ་བཏབ། །པི་པི་ལིང་རྩ་ཤིང་མངར་དང་། །བུ་རམ་ལྕ་བརྟ་སྦངས་ཁུ། །སྦྲང་རྩི་མར་སྦྱར་ཟོས་གྱུར་ན། །སྐྱིགས་བུ་དབུགས་མི་བདེ་བ་སེལ། །རྟ་དང་གླང་པོ་བ་ལང་ཕག །རྔ་མོང་བོང་བུ་ལུག་དང་ར། །གང་ཡང་རུང་བའི་རྟུག་བཙིར་
[177b.7]ཁུ། །སྦྲང་རྩིར་སྦྱར་བ་བལྡགས་ན་ཕན། །བད་ཀན་ཤས་ཆེར་བཏུང་བ་བླུད། །རྐང་བཞི་པ་ཡི་ལྤགས་རུས་སྤུ། །རྨིག་པ་བསྲེགས་ལ་སྣག་ཚར་བྱས། །ཡ་ཤྭ་གནྡྷའི་ལྡེ་གུ་ནི། །སྦྲང་རྩིར་སྦྱར་བས་བད་ཀན་ཤས། །ཆེ་བའི་དབུགས་མི་བདེ་བ་སེལ། །ཟུར་པ་མ་
[178a]
[178a.1]ནུ་སྐྱུ་རུ་རའམ། །མ་ནུ་པི་པི་ལིང་བཅས་ཕན། །ཡུག་སྣམ་པི་པི་ལིང་བཅས་པའམ། །ཀ་པིད་ཏ་ཡི་ཁུ་བའམ། །བིལ་བའི་རྐང་ཁུ་སྐྱུ་རུ་ར། །པི་པི་ལིང་དང་རྒྱམ་ཚར་བཅས། །མར་དང་སྦྲང་རྩི་ཨ་རུ་རའམ། །ཚ་བ་གཉིས་དང་ཁ་རུ་ཚ། །རྒྱ་ཤུག་
[178a.2]འབྲས་ཡོས་སྦྲང་རྩི་དང་། །རྒུན་འབྲུ་པི་པི་ལིང་དོང་གྲ། །བུ་རམ་རྒུན་འབྲུ་ཡུང་ར་སྣ། །པི་པི་ལིང་དང་ན་ལེ་ཤམ། །ཏིལ་མར་དང་ནི་སྦྱར་བ་ཕན། །ལྡེ་གུ་སྨན་གྱི་ཕྱེ་མ་ཡང་། །ཤ་ཁུ་ཆུ་དྲོན་ཚ་སྩོགས་བཏུང་། །ཛི་བན་ཏི་དང་གླ་སྒང་དང་། །བྱེའུ་རུག་པ་དང་ཤིང་ཚ་དང་། །
[178a.3]སུག་སྨེལ་གཉིས་དང་མ་ནུ་དང་། །ལྕ་བ་ཏ་མ་མ་ལི་ཀ །ཨ་རུ་ར་དང་ག་བྲའི་རྩ། །དོང་ག་དང་ནི་བ་ལ་ཀ །ཟུར་པ་ཀར་ཀ་ཏ་སྲིང་གི །ནཱ་ག་གེ་སར་པི་པི་ལིང་། །ཙ་རོང་ཅི་རིགས་སྦྱར་ནས་ནི། །ཕྱེ་མ་ཉིས་འགྱུར་ཁ་རར་བཅས། །རྩིབ་ལོགས་ནད་རིམས་ལུད་པ་སེལ། །
[178a.4]སྐྱིགས་བུ་དབུགས་མི་བདེ་འཇོམས་མཆོག །དོང་ག་བུ་རམ་ཆ་མཉམ་པ། །བཟའ་བའམ་སྣ་ནས་བཏང་སྨན་བྱ། །ཡང་ན་སྒག་སྐྱའམ་ཀུན་དོང་ངམ། །གྲི་ཛ་ན་ཡི་རྩ་བས་བྱ། །ཙནྡན་གྱི་ནི་ཁུ་བ་དང་། །བུད་མེད་ནུ་ཞོ་སྣར་བླུགས་བྱ། །སྦྲང་མའི་རྟུག་པ་ནུ་ཞོར་སྦྱར། །རྒྱ་སྐྱེགས་ཁུ་བ་
[178a.5]དང་སྦྱར་བླུགས། །རྒྱམ་ཚ་ཞུན་མར་དང་བཅས་པ། །ནུ་ཞོ་མར་དང་བསྐོལ་བའམ། །མངར་བའི་སྨན་དང་ལྡེ་གུར་བྱས། །དེ་བཏུང་བའམ་སྣ་ནས་གཏད། །ཁ་ར་སྦྲང་རྩིར་བཅས་པ་ནི། །གྲང་དྲོ་རེས་ཀྱིས་བླུགས་པའམ། །དེ་བཞིན་འོ་མ་བསྐོལ་བ་ནི། །སྨན་གྱི་ཕྱེ་མ་མར་སྦྱར་
[178a.6]བླུགས། །པི་པི་ལིང་དང་ཁ་རུ་ཚ། །ཡ་བཀྵ་ར་སླེ་ཏྲེས་དང་། །ཤིང་ཀུན་ཙོ་ར་བྱེའུ་རུག་པ། །མར་དང་ཞོག་ཆུར་སྦྱར་ཞིང་། །རྩ་བཅུའི་ཁུ་བར་བསྐོལ་བ་བླུད། །ཡང་ན་འཚོ་བྱེད་བསྐོལ་བའི་ཁུ། །སྦྲང་རྩིར་བཅས་པ་བླུད་པར་བྱ། །ཏེ་ཛོ་བ་ཏི་ཨ་རུ་ར། །པི་པི་ལིང་
[178a.7]དང་པུ་ཙེ་ཤེལ། །རུ་རྟ་མ་ནུ་བུ་ཏི་ཀ །ཙིཏྲ་ཀ་དང་པ་ལ་ཤ།།ཟུར་པ་ལན་ཚྭ་རྣམ་གཉིས་དང་། །ཛི་བན་ཏི་དང་བིལ་བའི་རྐང་། །ཤུ་དག་བལ་བུའི་ལོ་མ་རྣམས། །དེ་དག་ཞོ་ནི་གཉིས་གཉིས་བསྐོལ། །ཤིང་ཀུན་ཞོ་ཕྱེད་མར་བྲེ་གང་། །བསྐོལ་བ་དེ་ནི་འཐུངས་གྱུར་ན། །
[178b]
[178b.1]རྐང་ལག་ལ་ནི་ཞེན་པའི་རླུང་། །གཞང་འབྲུམ་དང་ནི་ཕོ་བའི་ནད། །སྐྱིགས་བུ་སྙིང་ནད་རྩིབ་ལོགས་ཟུག །མྱུར་དུ་སེལ་བར་བྱེད་པ་ཡིན། །ཞུན་མར་ཆ་ཕྱེད་བཅས་པ་ཡི། །ཡ་བཀྵ་རྒྱམ་ཚ་སྦྱིན། །ཐང་ལ་འབར་གྱིའམ་དུག་གི་མར། །ཞོ་ཅན་ཧ་པུ་ཤའི་མར་བླུད། །ཆུ་
[178b.2]གྲང་གློ་བུར་བླུགས་པ་དང་། །སྔངས་དང་སྤྲུགས་དང་འཇིགས་པ་དང་། །དགའ་དང་ཕྲག་དོག་དབུགས་བསྡམས་དང་། །གནོད་པའི་འབུ་ཡི་སོས་བཏབ་དང་། །གང་ཡང་བད་ཀན་རླུང་འཇོམས་སྨན། །དྲོ་ཞིང་རླུང་ནི་བདེ་རྒྱུ་བསྟེན། །གང་ཡང་ཕལ་ཆེར་རླུང་གི་ནད། །
[178b.3]ལྷག་པར་འཇོམས་པར་བྱེད་པས་སྤྱད། །ཐམས་ཅད་ལ་ནི་བརྟ་བྱས་པས། །ཚབས་ཆུང་གསོ་བར་སླ་བ་ཡིན། །ལྷག་པར་ཉམས་སྨད་པ་ཡིས་ནི། །ཞི་བའི་ཐབས་སུ་འགྱུར་མ་ཡིན། །དེ་བས་ཞི་བ་བརྟ་བའི་ཐབས། །མང་པོ་དེ་ལ་སྤྱད་པར་བྱ། །ལུད་པ་དབུགས་
[178b.4]མི་བདེ་གཅོང་སློན། །སྐྱིགས་བུའི་སྨན་ནི་ཕན་ཚུན་འདྲེ། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་བཞི་པའོ།། །།དེ་ནས་གཅོང་ཆེན་པོ་གསོ་བའི་ཐབས་ཀྱི་ལེའུ་བཤད་པར་བྱའོ། །སྟོབས་ལྡན་ནད་ནི་མང་གྱུར་ལ། །
[178b.5]སྣུམ་ཆོས་དུགས་བྱས་སྦྱང་བ་ནི། །སྣུམ་མེད་མ་ཡིན་ཉམ་སྨོད་མིན། །སྟེང་འོག་གི་ནི་སྦྱང་བར་བྱ། །འོ་མ་པོ་སོན་ཆང་བཅས་པའམ། །ཤ་ཁུ་མངར་དང་ལྡན་པའམ། །ཞུན་མར་བཏབ་པའི་ནས་ཐུག་ནི། །སྐྱུག་སྨན་བསྐོལ་བས་སློན་དུ་གཞུག །ཤམ་དུར་བྱིད་དོང་
[178b.6]གྲར་བཅས། །ཁ་ར་སྦྲང་རྩི་མར་དང་ནི། །བཅས་པའི་འོ་མ་འམ་སྐྱོ་མའམ། །རྒུན་འབྲུ་ཏང་པ་ལ་བི་ད་རི། །ཡང་ན་ཤ་ཁུར་ལྡན་པ་ཡི། །བཀྲུ་སྨན་འཇམ་པོ་གཏང་བར་བྱ། །ལྟོ་སྦྱང་པ་ལ་བརྟ་བ་དང་། །དྲོད་སྐྱེད་ཆོ་ག་སྤྱད་པར་བྱ། །ཟས་སྐོམ་ཡི་གར་འོང་བ་དང་། །
[178b.7]རླུང་འཇོམས་བྱེད་ཅིང་ཡང་བ་སྦྱིན། །སྰ་ལུ་དྲུག་ཅུ་པ་དང་གྲོ། །ནས་དང་མུངྒ་ལོ་གཅིག་ལོན། །ར་ཡི་འོ་མ་མར་དང་ཤ། །ཤ་ཟའི་ཤ་ནི་ཟད་བྱེད་འཇོམས། །བྱ་རོག་འུག་པ་སྤྱང་ཀི་གཟིག །བ་ལང་རྟ་དང་ནེེ་ལེ་སྦྲུལ། །བྱ་རྒོད་རྔ་མོ་བོང་བུ་ཁྲའི། །ཤ་ནི་སྒྱུ་ཡིས་བྱིན་ན་ཕན། །
[179a]
[179a.1]ཤེས་ན་དེ་ལས་སྨོད་པས་ན། །སློན་ཞིང་མདངས་དང་སྟོབས་མི་འགྱུར། །བད་མཁྲིས་རི་དྭགས་ལ་སོགས་ཤ །རླུང་ལ་མཐུ་རྩལ་གཟན་ཚོལ་ཤ །ཚོ་ཁུར་སྦྱར་ཞིང་ཕན་པ་དང་། །ཤ་ཁུ་སོགས་ལའང་སྦྱར་བར་བྱ། །ཡུངས་མར་དག་དང་བརྔོས་པའམ། །
[179a.2]ཡང་ན་ཅི་རིགས་མར་དང་བརྔོས། །ཁུ་བར་ལྡན་ཞིང་མཉེན་ལ་སྣུམ། །སྤོད་ལ་སོགས་དང་ལེགས་གཡོས་སྦྱིན། །དེ་བཞིན་ལ་ཕུག་རྒྱ་སྲན་ལས། །གཡོས་པའི་ཡུ་ཤར་སྦྱར་བར་བྱ། །པི་པི་ལིང་བཅས་ནས་དང་བཅས། །རྒྱ་སྲན་བཅས་ཤིང་དོང་གྲར་བཅས། །སེའུ་འབྲུ་སྐྱུ་
[179a.3]རུ་ར་དང་བཅས། །ར་ཤའི་ཁུ་བ་སྣུམ་བཅས་བླུད། །དེས་ནི་ཆམ་པ་ལ་སོགས་པ། །གནོད་པ་དྲུག་ནི་སེལ་བར་འགྱུར། །མཁྲིས་པ་སོགས་ལས་ཁྱད་པར་དུ། །ཆང་རྙིང་རྩ་སྦུབས་སྦྱོང་བྱེད་པ། །ངོམས་པ་ཉིད་དུ་བླུད་པར་བྱ། །རྒུན་ཆང་ཆང་རྙིང་ཆང་དངས་བླུད། །རྩ་བ་ཆུང་ངུ་
[179a.4]ལྔར་བསྐོལ་བའམ། །ཏམ་ལ་ཀ་ཆུར་བསྐོལ་བའམ། །པརྞི་བཞི་དང་བསྐོལ་བའམ། །འུ་སུ་བཅའ་སྒ་བསྐོལ་བ་བླུད། །དེ་དང་ཁ་ཟས་གཙང་བ་དག །འབད་པས་བཙོས་པ་རྗེས་མཐུན་ཡིན། །རྩ་བ་བཅུ་དང་འོ་མ་འམ། །ཤ་ཁུའི་ནང་དུ་བཙོ་བར་བྱ། །བ་ལ་བཏབ་པའི་
[179a.5]མར་སྦྱར་བའམ། །ཤ་ཟའི་ཤ་ཁུར་བཙོས་པ་སྦྱིན། །འོ་མ་བཅུ་འགྱུར་དག་དང་ནི། །མར་བསྐོལ་སྦྲང་རྩིར་བཅས་པའང་ཕན། །ཛི་བན་ཏི་དང་ཤིང་མངར་དང་། །རྒུན་འབྲུ་དུག་མོ་ཉུང་འབྲས་བུ། །མ་ནུ་ཟུར་པ་པི་པི་ལིང་། །བྱ་ཀྲི་གཟེ་མ་བ་ལ་དང་། །ཏ་མ་ལ་ཀི་ཨུཏྤལ་
[179a.6]སྔོ། །ཀྱི་ལྕེ་བ་དང་བྱི་ཚེར་བ། །ལྡེ་གུར་བྱས་དང་མར་བསྐོལ་བ། །གཅོང་ཆེན་སེལ་བའི་དམ་པ་ཡིན། །འབྲ་གོ་རྒུན་འབྲུམ་མ་དུ་ཀ །པ་རུ་ཤ་དང་པི་པི་ལིང་། །མར་དང་བསྐོལ་བས་སྐད་འགགས་དང་། །ལུད་པ་དབུགས་མི་བདེ་རིམས་འཇོམས། །རྩ་བཅུ་འོ་མར་
[179a.7]བསྐོལ་བ་ལས། །བྱུང་བའི་མར་གསར་གང་ཡིན་དེ། །པི་པི་ལིང་དང་སྦྲང་རྩིར་བཅས། །སྐད་འགགས་སེལ་བའི་དམ་པ་ཡིན། །མགོ་བྲང་རྩིབ་ལོགས་གཟེར་འཇོམས་ཤིང་། །ལུད་པ་དབུགས་མི་བདེ་རིམས་སེལ། །རྩ་བ་ལྔ་བ་ལྔར་བསྐོལ་བའི། །འོ་མ་ལས་
[179b]
[179b.1]བྱུང་མར་གང་ཡིན། །རྩ་བ་ལྔ་པ་ལྔ་ཡི་ནི། །ཁུ་བ་འོ་མའི་བཞི་འགྱུར་ལ། །བསྐོལ་བ་ཡི་ནི་མར་འདི་ཡིས། །ཟང་བྱེད་ཀྱི་ནི་སྟོབས་བདུན་འཇོམས། །ཡ་བཀྵ་ར་ཚ་བ་ལྔ། །སྲང་དྲུག་དང་ནི་བཙོས་པའི་མར། །བྲེ་གང་འོ་མ་ཆ་མཉམ་བྱས། །དེ་ཡིས་བུ་ག་དག་
[179b.2]བྱེད་ཅིང་། །སྐྲན་དང་དམུ་རྫིང་མཆེར་པ་དང་། །ཕོ་ནད་སྐྱ་རྦབ་ཆམ་པ་དང་། །ལུད་པ་དབུགས་མི་བདེ་དྲོད་ཉམས། །སྐྲང་དང་སྟོད་ཀྱི་རླུང་ནད་འཇོམས། །ར་སྣ་བ་ལ་གཟེ་མ་དང་། །ཏི་ར་བ་ར་ཤ་ཁུའི་ཆུར། །ཛི་བན་ཏི་དང་པི་པི་ལིང་། །འོ་བཅས་གཅོང་ཆེན་
[179b.3]འཇོམས་པའི་མཆོག །ཨ་ཤྭ་གནྡྷ་འོ་མར་བསྐོལ། །ལས་བྱུང་མར་འོ་ཁ་རར་བཅས། །སྤྱི་ཡི་ཤ་ནི་སྲང་བརྒྱ་དག །ཆུ་བྲེ་སུམ་ཅུ་གཉིས་ན་བསྐོལ། །དེ་ཡི་བརྒྱད་ཆ་ལུས་པ་རུ། །འཚོ་བྱེད་བཅུ་ནི་སྲང་རེ་གཞུག །ཞུན་མར་བྲེ་གང་བཅས་བསྐོལ་བ། །ཤ་ཡི་སྨན་མར་འདི་
[179b.4]བླུད་པའམ། །ཤ་ཁུ་དང་སྦྱར་ཅི་རིགས་སྦྱིན། །རླུང་དང་མཁྲིས་པ་ལས་གྱུར་ནད། །ལུད་པ་དབུགས་མི་བདེ་སྐད་འགགས། །སྐེམ་ཞིང་རྩིབ་ལོགས་ཟུག་པ་འཇོམས། །སུག་སྨེལ་ཏི་མུས་འབྲས་གསུམ། །ས་ནག་ཚ་བ་གསུམ་ཙི་ཏྲ། །ས་ར་ནིམ་པ་སེང་ལྡེང་དང་། །
[179b.5]སཱ་ལའི་འབྲས་བུ་ལས་བྱུང་དང་། །གོ་བྱེ་དང་ནི་བྱི་དང་ག །སྲང་ནི་བརྒྱད་བརྒྱད་ཚད་དུ་བྱས། །ཆུ་ནི་བཅུ་དྲུག་འགྱུར་བྱས་པར། །བཅུ་དྲུག་ཆར་གནས་བར་དུ་བསྐོལ། །སླར་ཡང་དེ་དང་མར་བྲེ་གང་། །བསྐོལ་བ་འདིར་ནི་ཅུ་གང་ནི། །སྲང་དྲུག་ཁར་སྲང་སུམ་ཅུ་བཅུག །
[179b.6]སྦྲང་རྩི་སྲང་ནི་དྲུག་ཅུ་གཞུག །དྲི་སྣ་གསུམ་ནི་སྲང་རེ་གཞུག །གཟར་བུས་དཀྲུགས་ཏེ་ལྡེ་གུར་བྱས། །སྔ་དྲོ་ཟོས་ལ་འོ་མ་བཏུང་། །བཅུད་ལེན་བསྡམས་པ་མེད་པ་ཡིན། །ཡིད་གཞུངས་མིག་རྣོ་ཚེ་རིང་ལ། །དྲོད་སྐྱེད་སྐྲན་དང་གཅོང་ཆེན་ནད། །སྐྱ་རྦབ་དང་ནི་མཚན་བར་རྡོལ། །
[179b.7]མྱུར་དུ་འཇོམས་པར་བྱེད་པ་ཡིན། །གང་ཡང་ཞུན་མར་བུ་རམ་བཅས། །གློ་རྡོལ་ལ་བཤད་ཟང་བྱེད་སྦྱར། །ཤིང་ཚ་སུག་སྨེལ་པི་པི་ལིང་། །ཅུ་གང་ཁ་ར་རིམ་ཉིས་འགྱུར། །ཕྱེ་མར་བྱས་བཟའ་འམ་སྦྲང་རྩི་དང་། །མར་དང་སྦྱར་ཏེ་ལྡེ་གུར་ཟོས། །སྐད་འགགས་ལུད་པ་
[180a]
[180a.1]དབུགས་མི་བདེ། །ཟད་བྱེད་རྩིབ་ལོགས་བད་ཀན་འཇོམས། །འདི་ཡི་སྐད་འགགས་ལ་ཁྱད་པར། །སྣ་སྨན་དུད་པ་རྔུབ་སྩོགས་བྱ། །དེ་ལའང་རླུང་ལས་གྱུར་པ་ལ། །ཀས་མར་ད་བརྡ་ཀ །བྲིངྒ་ར་ཛའི་ཁུ་བ་མར། །བསྐོལ་བའམ་ཨརྡ་ག་ལ་བསྐོལ། །དྲོ་འཇམ་ཟོས་རྗེས་ལ་བླུད་ན། །
[180a.2]ཡུད་པ་ལུ་དང་སྐད་འགགས་སེལ། །རྒྱ་ཤུག་ལོ་མའི་ལྡེ་གུ་ནི། །མར་བརྔོས་རྒྱམ་ཚར་བཅས་པའམ། །ཤིང་མངར་དང་ནི་པི་པི་ལིང་། །བྱི་དང་ག་དང་རྒུན་འབྲུམ་དང་། །ཧ་ནས་པརྞིའི་རྩ་བ་རྣམས། །ཏིལ་མར་བསྐོལ་བ་སྣར་བླུགས་བྱ། །འབྲས་ཆན་མར་དང་བུ་རམ་བཅས། །
[180a.3]ཟོས་ན་དེ་རྗེས་ཆུ་ཚན་བཏུང་། །འོ་ཐུག་སྣུམ་ཅན་བླུད་པ་དང་། །སྣུམ་གྱི་དུགས་ཀྱི་ཆོ་ག་བྱ། །མཁྲིས་པ་ལས་གྱུར་འོ་མའི་ཤིང་། །ལྡེ་གུ་བསྐོལ་བའི་ཞུན་མར་ནི། །སྦྲང་རྩིར་བཅས་ཏེ་དེ་རྗེས་ནི། །འོ་མ་བསྐོལ་ཏེ་བསྒྲངས་པ་བླུད། །ཤིང་མངར་མ་དུ་ཀ་འོ་ཐུག །ཞུན་
[180a.4]མར་བཅས་པ་བླུད་པའམ། །བ་ལ་དྲི་བཟང་བི་ད་རི། །ཤིང་མངར་ཀྵི་ཏ་བི་ད་རི། །རྒྱམ་ཚར་བཅས་པ་བསྐོལ་བའི་མར། །སྐད་འགགས་སྣ་སྨན་བླ་མེད་ཡིན། །པྲ་པུཎྜ་རཱི་ཀ་ཤིང་མངར། །པི་པི་ལིང་དང་བྲི་ཧ་ཏི། །བ་ལ་འོ་མ་མར་བསྐོལ་ཏེ། །སྐད་འགགས་པ་ཡི་སྣ་སྨན་
[180a.5]མཆོག །མངར་བའི་སྡེ་ཚན་ཕྱེ་མ་ནི། །སྦྲང་རྩི་མར་སྦྱར་ལྡེ་གུ་སྦྱིན། །བད་ཀན་ལས་གྱུར་ཚ་བ་དང་། །ཟས་རྩུབ་བ་གཅིན་བླུད་པར་བྱ། །ཀད་ཕ་ལ་དང་སྐྱུ་རུ་ར། །ཚ་གསུམ་ཏིལ་མར་སྦྲང་རྩིར་སྦྱར། །ཡ་བཀྵ་ར་ཚ་བ་གསུམ། །ཀྲུ་ཏྲུག་ཏྲེས་དང་དབྱི་མོང་དང་། །ཨ་རུ་ར་དང་
[180a.6]སྦྲང་རྩིར་སྦྱར། །ནས་ཐུག་ཏིལ་མར་ཞུན་མར་དང་། །པི་པི་ལིང་དང་སྐྱུ་རུར་སྦྱར། །བཅའ་སྒ་དང་ནི་པི་པི་ལིང་། །བཟའ་བའམ་སྐྱུག་སྨན་རྣོན་པོ་བསྟེན། །ཤ་ཁ་ར་དང་སྦྲང་རྩིར་བསྲེས། །མངར་བའི་སྨན་དང་ལྷན་ཅིག་བསྐོལ། །འོ་མ་འཐུང་བས་སྐང་གསང་ནི། །ཆེན་
[180a.7]པོར་སྨྲས་པའི་འགགས་ནད་སེལ། །ཡི་ག་འཆུས་ལ་སྣ་ཚོགས་ཟས། །ཕན་པའི་སྨན་དང་སྦྱར་བ་སྦྱིན། །ཕྱི་དང་ནང་ནི་སྦྱང་བ་དང་། །སེམས་དགའ་ཡིད་དང་མཐུན་སྨན་སྦྱིན། །དུས་གཉིས་སུ་ནི་སོ་ཤིང་དག །བཅའ་ཞིང་ཁ་ནི་སྦྱང་བྱ་ཞིང་། །བསྐ་བས་ཁ་ནི་བཀྲུ་བ་དང་། །
[180b]
[180b.1]རྗེས་སུ་མཐུན་པའི་དུད་པ་རྔུབ། །ད་ལིས་ཀྱི་ནི་རི་ལུ་དང་། །ཁ་ར་ག་བུར་བཅས་པ་སྦྱིན། །འབྲས་ཁུ་ཟླ་བའི་ཟེར་ལྟར་དཀར། །བཟའ་བ་ཡི་ག་འབྱེད་པའི་མཆོག །དེ་ལས་རླུང་འགྱུར་ཡི་ག་འཆུས། །ཧ་རེ་ཎུ་དང་པི་པི་ལིང་། །བྱི་དང་ག་དང་ར་སྣ་དང་། །རྒྱམ་ཚ་དང་ནི་དོང་
[180b.2]གྲ་དང་། །སུག་སྨེལ་ག་བྲའི་རྩ་བ་དང་། །ནས་ཚིག་འཁུས་པའི་ཐལ་བ་དང་། །ཤིང་ཀུན་བཅས་པ་མར་རམ་ནི། །ཆང་གི་དངས་མར་སྦྱར་ཏེ་བཏུང་། །ཤུ་ངག་ཆུས་ནི་སློན་དུ་གཞུག །མཁྲིས་གྱུར་བུ་རམ་ཆུས་སློན་གཞུག །ཁ་ར་དང་ནི་ཞུན་མར་རམ། །རྒྱམ་ཚ་སྦྲང་རྩིར་
[180b.3]བཅས་པ་སྦྱིན། །བད་ཀན་ནིམ་པའི་ཆུས་སློན་གཞུག །ལ་ལ་ཕུད་དང་དོང་གྲའི་ཆུ། །སྦྲང་རྩིའམ་ཆང་རྙིང་རྣོ་སྦྱར་བ། །བུ་རམ་སྦྲང་རྩི་ཆང་བཅས་བླུད། །ཧ་རེཎུ་སོགས་ཕྱེ་མ་ནི། །སྔར་བཤད་ཆུ་ཚན་སྦྱར་བ་བླུད། །སུག་སྨེལ་དང་ནི་ཤིང་ཚ་དང་། །ནཱ་ག་པུས་པ་ན་ལེ་ཤམ། །
[180b.4]པི་པི་ལིང་དང་བཅའ་སྒ་རྣམས། །རིམ་བཞིན་ཆ་རེས་བསྐྱེད་ཕྱེ་མ། །ཁ་ར་དག་དང་མཉམ་སྦྱར་བས། །མཆིལ་མང་ཡི་ག་འཆུས་པ་དང་། །སྙིང་དང་རྩིབ་ལོགས་ན་ལུད་པ། །དབུགས་མི་བདེ་དང་མགུལ་ནད་འཇོམས། །ལ་ལ་ཕུད་དང་ད་ཏྲིག་དང་། །སྟར་བུ་བཅའ་སྒ་སེའུ་འབྲུ་
[180b.5]དང་། །རྒྱ་ཤུག་ཞོ་ནི་གཉིས་གཉིས་བྱས། །ཁ་ར་སྲང་བཞི་འུ་སུ་དང་། །གོ་སྙོད་ཤིང་ཚ་ཁ་རུ་ཚ། །ཞོ་རེ་པི་པི་ལིང་འབྲུ་བརྒྱ། །ན་ལེ་ཤམ་ནི་ཉིས་བརྒྱ་དག །ཕྱེར་བཏགས་ཡི་ག་འབྱེད་པའི་མཆོག །ཡིད་འོང་ཕྱིས་འགགས་པ་དང་། །ལུད་པ་སྙིང་ག་རྩིབ་ལོགས་ན། །མཆེར་
[180b.6]པ་གཞང་འབྲུམ་ཕོ་ནད་སེལ། །བལ་བུའི་ལོ་མན་ལེ་ཤམ། །དོང་གྲ་དང་ནི་པི་པི་ལིང་། །གོ་རིམས་བཞིན་དུ་ཆ་རེས་བསྐྱེད། །ཤིང་ཚ་སུག་སྨེལ་དང་པོའི་ཕྱེད། །པི་པི་ལིང་གི་བརྒྱད་འགྱུར་གྱི། །ཁ་རར་སྦྱར་བའི་ཕྱེ་མ་དེ། །དྲོད་སྐྱེད་ཡི་ག་འབྱེད་པ་དང་། །ལུད་པ་ལུ་དང་
[180b.7]དབུགས་མི་བདེ། །ཡི་ག་འཆུས་དང་སློན་བྲོ་དང་། །མཆེར་པ་སྙིང་ནད་རྩིབ་ལོགས་ཟུག །སྐྱ་རྦབ་ཚད་འཁྲུ་རིམས་ནད་འཇོམས། །རླུང་འཁྱིལ་བ་ནི་བདེ་རྒྱུ་བྱེད། །སུག་སྨེལ་ཤིང་ཚ་པུ་ཤེལ་ཙེ། །ཞོ་ནི་གཉིས་གཉིས་བྱས་པ་དང་། །ནཱ་ག་གེ་སར་སྲང་ཕྱེད་དང་། །གནྡྷ་
[181a]
[181a.1]བྷ་དྲ་སྲང་ཕྱེད་གཞུག །ཕྱེ་བཏགས་བུ་རམ་རྙིང་པ་ནི། །སྲང་ནི་ཉི་ཤུ་ལྔ་ནི་བསྐོལ། །སྦྲུས་ཏེ་ཞོ་གཉིས་ཚད་རི་ལུ། །བྱས་པའི་ཡོན་ཏན་དེ་དང་མཉམ། །ཨརྒ་སླེ་ཏྲེས་ཀྵ་རའི་ཆུར། །ནས་དང་ནུབ་གཅིག་སྤངས་ནས་ནི། །ཆུ་དང་ཟན་ནི་སྦྲུས་ནས་སུ། །
[181a.2]བྱིན་ཏེ་ཉམས་སྟོབས་ལྡན་སློན་གཞུག །དེ་བཞིན་སྐམ་སའི་སྲོག་ཆགས་ཤ །བསྲེགས་པ་ཁ་དང་ཚ་སྦྱར་སྦྱིན། །ཟས་ནི་སྐམ་ཞིང་རབ་ཡང་དང་། །ཙ་ན་ཀ་སོགས་ཁུ་བ་བླུད། །བད་ཀན་གྱིས་རབ་མཆིལ་མ་མང་། །རླུང་གིས་མཆིལ་མང་སྐྱེད་པར་བྱེད། །དེ་ནི་བད་ཀན་མཆིལ་
[181a.3]མར་བཤད། །སྣུམ་དང་དྲོ་བས་དེ་བསལ་བྱ། །རིམས་འདི་ཆམ་པ་དག་དང་ནི། །སློན་པའི་ནད་ལའང་སྦྱར་བར་བྱ། །མཆོག་ཏུ་ཆམ་པར་བསྐུ་བ་དང་། །སྣུམ་དང་དུགས་ཀྱི་ཆོ་ག་བསྟན། །མགོ་དང་ལྐོག་མ་རྩིབ་ལོགས་སུ། །འབྲས་ཁུར་སྣུམ་བཅས་དུགས་བྱ་ཞིང་། །
[181a.4]ལན་ཚྭ་སྐྱུར་དང་ཁ་དང་ཚ། །ཤ་ཁུ་སྣུམ་དང་བཅས་པ་སྦྱིན། །མགོ་བོ་སྙིང་ག་རྩིབ་ལོགས་གཟེར། །ནད་གཞི་ཇི་བཞིན་གསོ་བར་བྱ། །ཆུ་དང་རླན་ཅན་གནས་པའི་ཤ །ལེགས་སྦྱར་དཀྲི་བའི་དུགས་བྱ་ཞིང་། །དེ་ནས་སྣུམ་བཞིའི་སྦྱོར་བ་བསྔགས། །ནད་གཞི་
[181a.5]འདྲེས་བར་གྱུར་པ་ལ། །རྒྱ་སྤོས་ཤིང་མངར་ཤུ་ཏི་དང་། །ཙནྡན་མར་གྱི་ལྡེ་གུས་བྱུག །པ་ལ་ར་སྣ་ཏིལ་མར་དང་། །ཤིང་མངར་ཨུཏྤལ་མར་དེ་བཞིན། །བ་སྤྲུ་བ་དང་ཤི་ཀྲུ་དང་། །བ་ལ་ར་མཉེ་བིད་རི། །སྣ་སྨན་དུད་པ་རྔུབ་པ་དང་། །ཟས་ཟོས་འོག་ཏུ་སྣུམ་བསྟེན་ཞིང་། །
[181a.6]ཏིལ་མར་གྱིས་ནི་བསྐུ་བ་དང་། །དེ་བཞིན་འཇམ་རྩིའི་ལས་རབ་བསྔགས། །ཡང་ན་རྔབས་རྭ་ལ་སོགས་པས། །ནད་དམིགས་ཇི་བཞིན་ནད་ཁྲག་དབྱུང་། །ཤུག་པ་ཙནྡན་པུ་ཤེལ་ཙེ། །མར་བཅས་ལྡེ་གུས་བསྐུ་བའམ། །དཱུར་བ་ཤིང་མངར་བཙོད་དང་ནི། །ནཱ་ག་གེ་སར་མར་སྦྱར་
[181a.7]བསྐུ། །ནྱ་གྲོ་དྷ་སོགས་བསྐོལ་ཏིལ་མར། །ལན་བརྒྱ་བཀྲུས་པའི་མར་གྱིས་ནི། །བསྐུ་བའམ་འོ་མ་ཤིང་མངར་ཆུས། །བླུགས་པར་གྱུར་པའང་བསྔགས་པ་ཡིན། །ཕལ་ཆེར་མེ་དྲོད་ཉམས་པའི་ཕྱིར། །མ་ཞུ་བེ་སྣབས་བཅས་འཁྲུ་ན། །དེ་ལ་ཕོ་བའི་ཚད་འཁྲུ་བའི། །སྐབས་སུ་
[181b]
[181b.1]བཤད་པའི་སྨན་བསྟེན་ཕན། །ཟད་བྱེད་ལྡན་པའི་བཤང་བ་ནི། །རྣམ་པ་ཀུན་ཏུ་བསྲུང་བྱ་སྟེ། །དེ་ཡི་ལུས་ཟུངས་ཀུན་ཟད་པས། །དེ་སྟོབས་བཤད་པའི་སྟོབས་ཀྱིས་གནས། །རིག་པས་ཤ་རྣམས་ཁོ་ན་སྦྱིན། །སྐོམ་དུ་རྒུན་ཆང་བླུད་པར་བྱ། །ཤུགས་ནི་བཀག་པར་གྱུར་པ་ཡིས། །
[181b.2]གཅོང་ཆེན་གྱིས་ནི་གླགས་མི་རྙེད། །ཆང་དང་ཆང་དངས་རྒུན་ཆང་དང་། །ཆང་རྙིང་བུ་རམ་སྦྲང་ཆང་དང་། །ཅི་རིགས་པར་ནི་བླུད་པ་དང་། །ཤ་ནི་སྦྱིན་པ་ཉིད་དུ་བྱ། །བུ་གའི་རྒྱུན་འགགས་དག་ཕྱིར་དང་། །སྟོབས་དང་མདངས་ནི་རྒྱས་བྱའི་ཕྱིར། །སྣུམ་དང་འོ་མ་ཆུས་གང་
[181b.3]བའི། །སྣོད་དུ་ལུས་ནི་འབྱིང་བར་བྱ། །ཕྱུང་ནས་བསྲེས་པའི་སྣུམ་གྱིས་ནི། །བསྐུ་ཞིང་ལག་པས་བདེ་བར་མཉེ། །བདེ་བར་འདུག་པར་གྱུར་པ་ལ། །དལ་གྱིས་ལྡེ་གུས་དྲིལ་བར་བྱ། །ཛི་བན་ཏི་དང་དཱུར་བ་དང་། །བཙོད་དང་ཨ་ཤྭ་གནྡྷ་དང་། །ཨ་པ་མརྒ་བ་སྤྲུ་བ། །
[181b.4]ཨག་ནི་མན་ཏི་ཤིང་མངར་དང་། །བ་ལ་ཡུངས་ཀར་བིད་རི། །རུ་རྟ་འབྲས་དང་ཟར་མ་དང་། །མོན་སྲན་གྲེའུ་གཉིས་ཏིལ་དང་ཕབས། །ཐམས་ཅད་གཅིག་ཏུ་བཏགས་ནས་ནི། །ནས་ཀྱི་ཕྱེ་ནི་སུམ་འགྱུར་དང་། །ཞོ་དང་སྦྲང་རྩི་ལྷན་ཅིག་སྦྱར། །འདི་དག་གིས་ནི་དྲིལ་ཕྱིས་
[181b.5]བྱ། །ཤ་རྒྱས་མདོག་བཟང་སྟོབས་སྐྱེད་བྱེད། །ཡུངས་ཀར་སེར་པོའི་ལྡེ་གུ་དང་། །འཚོ་བྱེད་སྡེ་ཚན་དང་སྦྱར་བ། །ཁྲུས་ཀྱི་སྨན་གྱིས་ཁྲུས་བྱ་ཞིང་། །དུས་ཚིགས་བདེ་བའི་ཆུས་ཁྲུས་བྱ། །དྲི་དང་ཕྲེང་བ་སོགས་པས་བརྒྱན། །བཀྲ་མི་ཤིས་པ་འཇིགས་པ་བསྟན། །མཛའ་
[181b.6]བཤེས་བལྟ་ཞིང་གླུ་དང་ནི། །རོལ་མོ་མཉན་ཞིང་དགའ་སྟོན་བྱ། །འཇམ་རྩི་འོ་མ་ཞུན་མར་དང་། །ཤ་དང་ཆང་བསྟེན་ཚུལ་ལ་གནས། །ལྷ་ལ་བརྟེན་པའི་ཆོ་ག་དང་། །མཆོད་པའི་ལས་ལ་བརྩོན་པར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། གསོ་བའི་གནས་
[181b.7]ཀྱི་ལེའུ་ལྔ་པའོ།། །།དེ་ནས་སློན་པའི་ནད་དང་སྙིང་ནད་དང་སྐོམ་དད་གསོ་བའི་ལེའུ་བཤད་པར་བྱའོ། །སློན་ནད་ཕལ་ཆེར་མ་ཞུ་བའི། །གནས་འཁྲུགས་ལས་བྱུང་དེ་ཡི་ཕྱིར། །རླུང་མ་གཏོགས་ལ་དང་པོར་ནི། །སྨྱུང་བྱས་སྐྱུག་སྨན་གཏང་བ་ཕན། །
[182a]
[182a.1]སྟོབས་ལྡན་རྒྱུན་ཏུ་སློན་གྱུར་ཅིང་། །ནད་མང་འགྱུར་ལ་གཏང་བར་བྱ། །དེ་འོག་རིམ་གྱིས་བཀྲུ་སྨན་ནི། །ཡིད་འོང་ཆང་རྒུན་ཆུ་སོགས་སམ། །འོ་མས་བཏང་གྱུར་དེ་མོད་ལ། །གྱེན་འབྱུང་ནད་ནི་ཐུར་དུ་འབྱུང་། །ཞི་བའི་སྨན་ནི་རྩུབ་པ་སྟེ། །ཉམ་ཆུང་བ་ཡང་དེ་
[182a.2]ཉིད་བྱ། །ཟས་ནི་སྐམ་ཞིང་ཡི་གར་འོང་། །གོམས་ཤིང་ཡང་བ་བསྔགས་པ་ཡིན། །དེ་བཞིན་སྨྱུང་བ་ཡུ་ཤ་དང་། །ཤ་ཁུ་འབའ་ཆ་སྐམ་པ་ལ། །ཚོད་མ་ལྡེ་གུ་བཟའ་བ་དང་། །བཏུང་བ་དྲི་བཟངས་པ་ན་ཀ །རོ་དྲུག་ཟས་སྐོམ་སྣ་ཚོགས་དང་། །འབྲས་བུ་འཁྲུས་དང་མཉེ་བ་
[182a.3]དང་། །དྲི་ཞིམ་འབྲས་བུ་མེ་ཏོག་སྐྱེས། །ཟས་དང་སྐོམ་ལ་སྤྱོད་པ་དང་། །ཟོས་མ་ཐག་ཏུ་འཕྲལ་དུ་ནི། །ཆུ་གྲང་གིས་ནི་གདོང་བཀྲུ་བྱ། །རླུང་ལས་གྱུར་པའི་སློན་པའི་ནད། །རྒྱམ་ཚ་མར་བཅས་དྲོ་བའམ། །ཚ་གསུམ་ལན་ཚྭ་གསུམ་སྦྱར་བས། །ལུད་པ་དང་ནི་སྙིང་འཛག་
[182a.4]དང་། །བཅས་པ་སེལ་བར་བྱེད་པ་ཡིན། །སེ་འབྲུའི་ཁུ་བ་བཅའ་སྒ་དང་། །འུ་སུ་ཞོ་དང་མར་བསྐོལ་བའམ། །ཆུ་དང་འོ་མ་ཆ་མཉམ་པ། །ཁྲོན་གྱི་ཟས་ཚོལ་ཤ་ཁུ་ནི། །འབྲས་སྐྱུར་རྒྱམ་ཚ་མར་ཤས་ཆེ། །ཁ་ཟས་སྣུམ་པོ་བཅའ་སྒ་དང་། །ཞོ་དང་སེ་འབྲུར་སྦྱར་བའམ། །
[182a.5]རྒྱམ་ཚར་བཅས་པ་དྲོ་འཇམ་ཕན། །འདིར་ནི་བཀྲུ་སྨན་ལན་ཚྭ་དང་། །སྣུམ་དང་དྲོ་བར་བཅས་པ་ཕན། །མཁྲིས་པ་ལས་བྱུང་བཀྲུ་སྨན་ཕྱིར། །རྒུན་འབྲུམ་བུ་རམ་ཤིང་ཁུ་དང་། །དུར་བྱིང་སྦྱར་བའི་བཀྲུ་སྨན་བཏབ། །ཞུན་མར་སེང་ཕྲོམ་སྦྱར་བ་གཏང་། །འཕེལ་ཏེ་བད་ཀན་གནས་
[182a.6]ཁྱབ་པའི། །མཁྲིས་པར་མངར་དང་ཁབ་ཡིས། །གྱེན་དུ་དྲངས་ལ་དག་གྱུར་ནས། །འབྲས་ཡོས་ཁར་བཅས་པ་ལས། །སྐྱོ་མའམ་ནས་ཐུག་བླུད་པར་བྱ། །སཱ་ལུ་དྲུག་ཅུག་བ་ཡི་ཆན། །སྐམ་སའི་ཤ་ཁུ་མུངྒའི་ཁུ། །སོ་ཕག་བསྲེགས་ཏེ་ཆུ་ནང་གསུར། །ཤིན་ཏུ་བསྒྲངས་
[182a.7]པའི་ཆུ་བླུད་པའམ། །མུངྒ་འུ་སུ་པུ་ཤེལ་ཙེ། །པི་པི་ལིང་དང་ནུབ་གཅིག་སྦངས། །ཡང་ན་རྒུན་ཆུ་བུ་རམ་ཤིང་། །སླེ་ཏྲེས་ཆུ་མང་འོ་མ་བླུད། །འཛམ་བུ་ཨ་མྲའི་ལོ་མ་དང་། །ཨུ་ཤིར་ནྱ་གྲོ་དྷའི་མྱུ་གུ། །བསྐོལ་ཏེ་བསྒྲངས་པར་སྦྲང་རྩི་ནི། །བཏབ་སྟེ་བླུགས་ན་
[182b]
[182b.1]སློན་པ་དང་། །རིམས་དང་ཚད་འཁྲུ་བརྒྱལ་བ་དང་། །སྐོམ་དད་ཆེ་བ་མི་བཟད་སེལ། །སྐྱུ་རུ་རའི་ཁུ་ཙནྡན་བཅས། །མུངྒ་བ་ལའི་ཆུ་བླུད་ཕན། །རྒྱ་ཤུག་ཚི་གུ་ཁར་དཀར། །འབྲས་ཡོས་སྤྲ་ཚིལ་པི་པི་ལིང་། །དངུལ་རྡོ་སྦྲང་རྩིའམ་ཨ་རུ་ར། །རྒུན་འབྲུའམ་རྒྱ་ཤུག་དང་
[182b.2]སྦྱར་ཕན། །བད་ཀན་ལས་གྱུར་ནིམ་པ་དང་། །པི་པི་ལིང་དང་པོ་སོན་ཆ། །ཡུངས་ཀར་ཆུ་དྲོན་གྱིས་སློན་བྱ། །ཉམ་ཆུང་བ་ལ་སྨྱུང་བ་བྱ། །དོང་གལ་སྩོགས་ཁུ་བ་བསྐོལ། །བསྒྲངས་པ་སྦྲང་རྩིར་བཅས་པ་བླུད། །ནས་ཀྱི་སྐྱོ་མ་སློན་འཇོམས་པའི། །སྨན་མང་དང་ནི་
[182b.3]སྦྱར་བ་བླུད། །བད་ཀན་འཇོམས་ཟས་ཡི་གར་འོང་། །བཏུང་བ་ཟིན་ཐིག་བུ་སྲིན། །ལྡོང་རོས་དང་ནི་པི་པི་ལིང་། །ན་ལེ་ཤམ་ནི་སྐྱུར་རྩི་ཆེ། །ཀ་པིད་ཏ་ཡི་ཁུ་བ་དང་། །སྦྲང་རྩིར་བཅས་པས་སློན་ནད་སེལ། །ཀ་པིད་ཏ་དང་ཚ་བ་གསུམ། །ཕྱི་ཚོར་སྦྲང་རྩིར་སྦྱར་བ་སྦྱིན། །
[182b.4]མཐུན་པའི་སྤྱོད་པ་བྱས་པ་ཡིས། །མི་སྡུག་ཡུལ་མཐོང་ལས་བྱུང་སེལ། །སྲིན་བུ་ལས་བྱུང་སྲིན་བུ་ཡི། །སྨན་དུ་བཤད་པ་རྣམས་ཀྱིས་གསོ། །ལྷག་མ་ནད་དམིགས་ཇི་བཞིན་དུ། །དེ་ཞི་འགྱུར་བའི་དཔྱད་ཀྱིས་གསོ། །སློན་པའི་སྐབས་སུ་རླུང་གི་ནད་རྣམས་ནི། །ལུས་ཟུངས་ཟད་པས་
[182b.5]ངེས་པར་ལྡང་གྱུར་ཏེ། །དེ་བས་འདིར་ནི་སྐྱུག་སྨན་སྦྱོར་དྲགས་པའི། །སྐབས་བཤད་བཅད་དང་བརྟ་བའི་ཆོ་ག་བྱ། །བུ་རམ་ཞུན་མར་ཤ་ཁུ་དགེ་བ་ཆེ། །ཚ་བ་གསུམ་དང་འཚོ་བྱེད་སྨན་མར་དང་། །འོ་ཐུག་དང་ནི་ཕན་པའི་ལྡེ་གུ་ཡིས། །རྒྱུན་དུ་སློན་པ་ཞི་བ་ཉིད་དུ་བྱ། །སྙིང་ནད་རླུང་གྱུར་
[182b.6]ཏིལ་མར་ནི། །སྐྱུར་རྩབ་དང་བ་ཞོ་ག་ཆུ། །ལྡན་པ་ཚ་ཅན་དྲོ་འཇམ་བླུད། །དེས་ནི་ལྟོ་སྦོས་སྐྲན་ཡང་འཇོམས། །ཏིལ་མར་ལན་ཚྭར་བཅས་དང་སྐྱུར། །བ་གཅིན་བསྐོལ་བའང་དེ་དང་མཚུངས། །བིལ་བ་ར་སྣ་རྒྱ་ཤུག་ནས། །ཐང་ཤིང་དང་ནི་བ་སྤུ་བ། །རྒྱ་སྲན་རྩ་བ་ལྔ་པ་
[182b.7]རྣམས། །བསྐོལ་བའི་ཆུ་དེར་ཏིལ་མར་ནི། །བསྐོལ་བ་དེ་ནི་སྣར་བཏང་དང་། །བཏུང་དང་འཇམ་རྩིར་གཏང་བར་བྱ། །བཅའ་སྒ་རྒྱམ་ཚ་བྱིའུ་རུག་པ། །སླེ་ཏྲེས་ཤིང་ཀུན་མ་ནུ་དང་། །ཨ་རུ་ར་དང་མར་བསྐོལ་བ། །སྙིང་ནད་རྩིབ་ལོགས་གཟེར་སྐྲན་འཇོམས། །ཁ་རུ་ཚ་ནི་སྲང་
[183a]
[183a.1]གཉིས་དང་། །ཨ་རུ་ར་ནི་ལྔ་བཅུ་དང་། །ཞུན་མར་བྲེ་གང་བསྐོལ་རྩིབ་ལོགས། །སྙིང་ནད་སྐྲན་དབུགས་མི་བདེ་སེལ། །སེ་འབྲུ་བཅའ་སྒ་ཁ་རུ་ཚ། །ཤིང་ཀུན་སྟར་བུ་ཕྱེ་མར་སྦྱར། །རླུང་ནད་གཞན་དབང་ཅན་སྙིང་ནད། །དབུགས་མི་བདེ་བ་སེལ་
[183a.2]མཆོག་ཡིན། །མ་ནུ་ཟུར་པ་བཅའ་སྒ་དང་། །སྐྱུར་རྩི་ཆེ་རྩ་ཨ་རུ་རའི། །ལྡེ་གུ་ཡ་བཀྵ་ར་དང་། །མངར་སྐྱུར་ལན་ཚྭ་ལྡན་པ་འཐུངས། །བཅད་སྙམ་སེམས་པའི་གཟེར་འཇོམས་བྱེད། །རྒྱམ་ཚལ་ལ་ཕུད་ཀྵ་ར། །ཤུ་དག་གོ་སྙོད་བཅའ་སྒ་དང་། །ཐང་ཤིང་སྒྱུར་རྩི་ཆེན་
[183a.3]པོ་དང་། །ཟུར་པ་མ་ནུ་པ་ལ་ཤ །བསྐོལ་ཁུ་འཇམ་འཐུངས་ཡོན་ཏན་མཚུངས། །ཚ་ལྔ་ཟུར་པ་ཨ་རུ་ར། །བུ་རམ་མ་ནུ་སྐྱུར་རྩི་ཆེ། །ཆང་བཏགས་ལྡེ་གུ་མར་ཏིལ་མར། །བརྔོས་ཏེ་རྒྱམ་ཚར་ལྡན་འཐུངས་ན། །སྙིང་ནད་རྩིབ་ལོགས་མོ་མཚན་ཟུག །སྐྲན་དང་དམུ་རྫིང་
[183a.4]ནད་རྣམ་སེལ། །འདི་ལ་སྣུམ་གྱི་དུགས་ཕན་ཞིང་། །སྨན་མར་གྱི་ནི་སྦྱོར་བ་ཕན། །སྐོམ་ལ་རྩ་བ་ཆུང་ངུ་ལྔའམ། །བཅའ་སྒ་དང་ནི་བསྐོལ་བའི་ཆུའམ། །ཆང་གི་དངས་མ་ཞོ་ག་ཆུ། །འབྲས་བུའི་རང་སྐྱུར་བླུད་པར་བྱ། །བྱ་རྨྱང་རེངས་གཟེར་མ་ཞུར་བཅས། །
[183a.5]སྙིང་ལ་རླུང་གིས་གནོད་གྱུར་ལ། །བྱ་བ་འདི་བྱ་སྙིང་འཛག་ཅིང་། །འཕར་དང་གཅིན་སྙི་བཅས་པ་ལ། །སྲེག་པ་ཁྲུང་ཁྲུང་རྨ་བྱ་དང་། །དགོ་བ་ཁྱིམ་བྱ་སྣུམ་མང་ཕན། །སྙིང་ནད་ཅན་ལ་བ་ལའི་མར། །ཡང་ན་སྐྱིད་དེ་བའི་མར་བླུད། །ཤིང་མངར་ལན་བརྒྱར་བཙོས་པའམ། །
[183a.6]དེ་བཞིན་སྣུམ་ཆེན་མཆོག་ཏུ་ཕན། །ར་སྣ་འཚོ་བྱེད་ཛི་བ་ནི་ཏི། །བ་ལ་བྱ་ཀྲི་བ་སྤྲུ་བ། །ག་བྲའི་རྩ་བ་ཏིར་དང་། །ཤུ་དག་ཚ་བ་གསུམ་དང་ནི། །སྣུམ་ཆེན་ཞེས་བྱ་བསྐོལ་བར་བྱ། །ཞོ་ནི་བཞི་ཆ་དེ་བཞིན་སྐྱུར། །ཇི་སྙེད་པ་ལས་སྦྱར་བ་བསྟེན། །ཚིམ་བྱེད་བརྟས་བྱེད་
[183a.7]སྟོབས་སྐྱེད་ཅིང་། །རླུང་གི་སྙིང་ནད་འཇོམས་པ་ཡིན། །སྙིང་ནད་དྲོད་ཆེ་འཕར་བ་དང་། །རླུང་ལས་གྱུར་བའི་སྙིང་ནད་ལ། །འོ་མ་ཞོ་དང་བུ་རམ་མར། །ཆུ་དང་རླན་ཅན་ཤ་ངག་ཕན། །འདི་མ་གཏོགས་པའི་སྙིང་གི་ནད། །བཞི་པོ་དག་ལ་སྤང་བར་བྱ། །རླུང་ཅན་
[183b]
[183b.1]རེངས་དང་བེེའུ་སྣབས་ཅན། །ཚོར་མེད་ལྷག་མ་རྣམས་ལའང་སྤང་། །བད་ཀན་འདྲེས་གྱུར་དེ་ལ་ནི། །རྩུབ་དྲོད་བཤད་པའི་བྱ་བ་བྱ། །མཁྲིས་གྱུར་རྒུན་ཆུ་བུ་རམ་ཆུ། །ཁ་རུ་སྦྲང་རྩི་པ་རུ་ཤར། །ལྡན་པའི་བཀྲུ་སྨན་ཡིད་འོང་བས། །སྦྱངས་ལ་མཁྲིས་སེལ་རིམ་པ་བྱ། །གློ་
[183b.2]རྡོལ་རིམས་ཀྱི་མཁྲིས་སྐབས་བཤད། །ཕྱི་ནང་གི་ནི་སྦྱང་བ་བྱ། །པུ་ཤེལ་ཙེ་དང་ཤིང་མངར་བཏགས། །ཁ་རར་བཅས་པའི་ཆུ་བླུད་བྱ། །ར་སྣ་ཁར་རྒུན་འབྲུམ་དང་། །འཚོ་བྱེད་ཨུཏྤལ་ཟངས་རྩི་བ། །བ་ལ་འབྲ་གོ་ར་མཉེ་བ། །མེ་ད་གཉིས་དང་མ་ཧེའུ་མར། །འོ་མར་
[183b.3]བཅས་པ་བསྐོལ་བ་ནི། །མཁྲིས་གྱུར་སྙིང་ནད་སེལ་བྱེད་ཡིན། །ཤིང་མངར་བ་སྤྲུ་པུཎྜ་རཱི། །པདྨའི་རྩ་བ་ཀ་ཤེ་རུ། །བཅའ་སྒ་བ་ལར་བཅས་དེ་དང་། །འོ་མར་བཅས་དང་བཅའ་སྒར་བསྐོལ། །བསྒྲངས་པར་སྦྲང་རྩི་བཏབ་པ་དང་། །མངར་བའི་སྡེ་ཚན་བསྡུས་པའང་
[183b.4]བསྔགས། །ཏིལ་མར་ཤིང་མངར་བཅས་བསྐོལ་ཞིང་། །སྦྲང་རྩི་བཏབ་པའི་འཇམ་རྩིའང་ཕན། །བད་ཀན་ལས་གྱུར་དུགས་བྱས་ལ། །ནིམ་པ་ཤུ་དག་ཆུ་ཡིས་སློན། །རྒྱ་སྲན་ཁུ་བ་རྒྱམ་ཚོའི་ཆུ། །ཆང་རྣོ་བླུད་ཅིང་ནས་ཟན་སྦྱིན། །ཤུ་དག་ཤིང་ཀུན་ལན་ཚྭ་གཉིས། །དོང་
[183b.5]གྲ་སུག་སྨེལ་ལ་ལ་ཕུད། །ནས་ཚིག་འཁུས་ཐལ་པི་པི་ལིང་། །ཕྱེ་མ་དྲོ་འཇམ་ཆུ་བླུད་པའམ། །འབྲས་བུའི་ཆུའམ་རང་སྐྱུར་རམ། །རྒྱ་སྲན་བ་གཅིན་ཆང་རྙིང་བླུད། །མ་ནུ་བཅའ་སྒ་ཨ་རུ་ར། །ཟུར་པ་ར་སྣ་པི་པི་ལིང་། །ཤུ་དག་བསྐོལ་ཏེ་བླུད་པའམ། །དེ་བཞིན་
[183b.6]བཅའ་སྒ་ཨ་རུ་ར། །བོང་ང་དཀར་པོ་ཡུང་བ་དང་། །ཀད་པ་ལ་ནི་བསྐོལ་བའམ། །རོ་ཧི་ཏ་ཀ་ཨ་ཤྭད་ཐ། །སེང་ལྡེང་ཨུ་དུམ་བཱ་ར་དང་། །ཨརྫུ་ན་དང་པ་ལ་ཤ །ནྱ་གྲོ་དྷ་བསྐོལ་ཚ་བ་གསུམ། །དུར་བྱིད་ཕྱེ་མར་བཅས་ལྡེ་གུ། །ཟོས་ཏེ་ཆུ་ཚན་རྗེས་འཐུངས་ན། །བད་ཀན་
[183b.7]སྙིང་ནད་སེལ་བྱེད་ཡིན། །བད་ཀན་སྐྲན་སྐབས་བཤད་མར་དང་། །ཀྵ་ར་སྣ་ཚོགས་བླུད་པར་བྱ། །ཡང་ན་བྲག་ཞུན་བཅུད་ལེན་དང་། །ཚངས་པའི་བཅུད་ལེན་སྐྱུ་རུ་རའི། །ལྡེ་གུའམ་རི་བྱིས་བཤད་པའམ། །བདུད་རྩིའི་མར་ནི་འདི་སྦྱར་བྱ། །གང་ཞིག་ཟན་ཟོས་གཟེར་གྱིས་
[184a]
[184a.1]འདེབས། །ཟས་ཞུ་གྱུར་ནས་ཞི་གྱུར་པ། །དེ་ལ་རུ་རྟ་བྱི་དང་ག །ལན་ཚྭ་གཉིས་དང་སེང་ཕྲོམ་དང་། །ཐང་ཤིང་བོང་དཀར་པོར་བཅས། །ཕྱེ་མ་ཆུ་བསྐོལ་དྲོ་སྦྱར་བླུད། །གང་ཞིག་ཞུ་ནས་ཆེར་གཟེར་བ། །དེ་ལ་སྣུམ་གྱི་བཀྲུ་སྨན་ནི། །འབྲས་བུ་དང་
[184a.2]ནི་དེ་བཞིན་དུ། །རྩ་བའི་བཀྲུ་སྨན་སྦྱིན་པར་བྱ། །ཕལ་ཆེར་རླུང་ནི་ལམ་འགགས་པ། །མ་ཞུའི་གནས་སུ་འཁྲུ་བར་འགྱུར། །དེ་ལ་སྨྱུང་དང་སྨིན་པ་དང་། །སྦྱང་བས་བདེ་བར་རྒྱུ་བར་བྱ། །འབུ་འཇོམས་པ་ཡི་སྨན་ཀུན་གྱིས། །འབུ་ཡི་སྙིང་ནད་གསོ་བར་བྱ། །སྐོམ་དད་
[184a.3]རླུང་དང་མཁྲིས་པ་འཇོམས། །ཆོ་ག་ཕལ་ཆེར་བསྔགས་པ་ཡིན། །ཀུན་ལ་ཕྱི་ནང་བསིལ་བ་དང་། །དེ་བཞིན་ཞི་དང་སྦྱང་བར་བྱ། །ཆར་ཆུ་གྲང་མོ་སྦྲང་རྩིར་བཅས། །ས་ཆུའི་ཡོན་ཏན་དེ་ལྡན་བསྔགས། །བོང་བ་རྫ་སྐྱོགས་བྱེ་མའམ། །གཤག་མ་བསྲེག་བཅུག་དངས་
[184a.4]མར་བཅས། །བསྐོལ་ཏེ་ཁ་རར་བཅས་པའམ། །དཱུར་བ་ལ་སྩོགས་རྩ་བ་ལྔ། །བསྐོལ་ཏེ་ཁ་ར་བཏབ་པའམ། །འབྲས་ཡོས་ཕྱེར་སྦྱར་སྐྱོ་མའང་བསྔགས། །ནས་རྗེན་ཆག་ཚེ་སྦྲང་རྩི་དང་། །ཁ་ར་བཏབ་པ་གྲང་མོའང་ཕན། །དེ་བཞིན་ནས་ཐུག་སཱ་ལུ་དང་། །ཀོ་ཏྲ་པ་ནི་རྙིང་
[184a.5]པ་ནི། །འོ་མ་བསིལ་ཞིང་ནུས་བསིལ་བའི། །སྨན་དང་བསྐོལ་བའི་ཁ་ཟས་ནི། །ནད་པ་ཆུ་གྲང་གིས་བཀྲུས་ནས། །ཁ་ར་སྦྲང་རྩི་སྦྱིན་པ་བསྔགས། །སྐམ་སའི་ཤ་ཁུ་ལན་ཚྭ་སྐྱུར། །མེད་ཅིང་མར་དང་བརྔོས་པ་ཡང་། །དེ་བཞིན་མུངྒ་སྩོགས་ཁུ་བ། །འཚོ་བྱེད་སྡེ་ཚན་ཁུ་
[184a.6]བར་བཅས། །སྣ་སྨན་འོ་མ་མར་བསིལ་སྨན། །བསྐོལ་བའམ་བུ་རམ་ཤིང་ཁུ་ཕན། །སྐོམ་སེལ་མཁུར་བ་བཀང་ནས་ནི། །མདོག་ནས་ལས་བཤད་བྱས་པའང་ཕན། །ཚ་རིམས་བཤད་པའི་ལྡེ་གུ་སོགས། །རྩོལ་བ་ཆུང་ཞིང་སེམས་དགའ་དང་། །ཆུ་བོ་མཚོ་ནི་ཆེན་པོ་སྩོགས། །
[184a.7]དྲན་པ་དང་ནི་མཐོང་བ་ཕན། །སྐོམ་དད་རླུང་ལས་གྱུར་པ་ལས། །ཞོ་ནི་བུ་རམ་བཅས་པ་བསྔགས། །ཤ་ཁུས་ཉམས་བརྟས་བིད་རི། །སྩོགས་ཏེ་བསྐོལ་ནས་བསྒྲངས་པ་ཕན། །མཁྲིས་གྱུར་ཨུ་དུམ་བཱ་ར་སྨིན། །ཁུ་བར་ཁ་ར་བཏབ་པ་ཕན། །ཡང་ན་དེ་བསྐོལ་བསྒྲངས་
[184b]
[184b.1]པའམ། །ཤ་རི་བསྩོགས་སྡེ་ཚན་ཆུ། །སྡེ་ཚན་དེ་འདྲ་བསྐོལ་ཁུ་བ། །བསྒྲངས་བ་ཁ་ར་སྦྲང་རྩིར་བཅས། །མངར་བའི་སྨན་གྱི་སྡེ་ཚན་དང་། །འོ་མ་ཅན་ཤིང་བསྐོལ་དེ་བཞིན། །བི་ཛ་བུར་རྒུན་འབྲུམ་དང་། །ལྕང་མ་ནྱ་གྲོ་དྷའི་ལོ་མ། །ཀུ་ཤ་འཇག་མའི་རྩ་བ་དང་། །ཤིང་
[184b.2]མངར་ཆུ་ནི་བསྐོལ་བའང་ཕན། །རིམས་ལ་ཕན་སྨན་རྒུན་འབྲུམ་སྩོགས། །སྙིང་པོ་ལྔ་ཡི་ཆུ་བླུད་ཕན། །བད་ཀན་ལས་གྱུར་ནིམ་པ་ནི། །ཆུ་མཆོག་བསྐོལ་བས་སློན་དུ་གཞུག །བིལ་བ་འུ་སུ་ཚ་བ་ལྔ། །འཇག་མ་ཀྲུ་ཏྲུག་ཏྲེས་བསྐོལ་བླུད། །ཡང་ན་སྐྱེར་བ་ཆུ་བསྐོལ་ལ། །
[184b.3]ཁ་ར་སྦྲང་རྩི་བཏབ་པ་བླུད། །མུངྒའི་ཁུ་བ་པ་ཏོ་ལ། །ནིམ་པའི་ལོ་མ་ཚ་གསུམ་བཅས། །ནས་ཟན་མཁུར་བཀང་རྣོན་པོ་དང་། །སྣ་སྨན་ལྡེ་གུ་རྣོན་པོའང་བསྟེན། །ཉེས་ཀུན་མ་ཞུ་དེས་འཇོམས་པས། །དེ་བཞིན་སློན་གྱི་བྱ་བའང་བསྔགས། །གོ་བྱེ་ཤུ་དག་ཆ་བ་གསུམ། །
[184b.4]འབྲས་བུ་སྐྱུར་པའམ་ཆུ་ཚན་ནམ། །ཞོ་ག་ཆུ་དང་བཏུང་བ་བསྔགས། །ཟས་ཀྱི་ཉེས་འབྱུང་དུས་ཤེས་པས། །ཐུག་སླའམ་སྐྱོ་མ་བསིལ་བ་བླུད། །ངལ་བས་སྐོམ་ལ་ཤ་ཁུའམ། །སྐྱོ་མ་ཁ་རར་བཅས་པ་བླུད། །ཚ་བས་བསྐོལ་ལ་ཁ་རར་བཅས། །ནས་དང་རྒྱ་ཤུག་
[184b.5]ཕྱེ་སྐྱོ་བླུད། །ལུས་ཀུན་ཏིལ་གྱི་ལྡེ་གུ་དང་། །རང་སྐྱུར་བཅས་པས་བསྐུ་བར་བྱ། །ཆུ་བསིལ་ཁྲུས་ལས་སྐོམ་གྱུར་ཆང་། །ཆུར་བསྲེས་པའམ་བུར་ཆུ་བླུད། །ཆང་ནི་ཆུ་ཕྱེད་བཅས་པ་བླུད། །ལན་ཚྭ་སྐྱུར་དང་བཅས་ཁྲུས་བྱ། །སྣུམ་བཅས་མེ་དྲོད་རབ་རྣོ་ལ། །རང་
[184b.6]བཞིན་བསིལ་བའི་ཆུ་བླུད་བྱ། །སྣུམ་མ་ཞུ་ལ་ཆུ་ཚན་བླུད། །ཞུ་ལས་སྐོམ་ལ་ཐུག་པ་བླུད། །ཟས་སྣུམ་ཟོས་པས་སྐོམ་དད་འགྱུར། །ཁ་བ་དང་མཉམ་བུ་རམ་ཆུ། །བུ་རམ་སོགས་ཟས་ཟོས་ལ་སྐོམ། །ཆུ་དྲོན་བླུད་ལ་དེ་སློན་བྱ། །གཅོང་ཆེན་ལས་བྱུང་གཅོང་ལ་
[184b.7]ཕན། །ཐམས་ཅད་ཉམས་ནི་བརྟ་བ་ཕན། །སྐེམ་ཞིང་ཉམ་ཆུང་ཁོང་རྩུབ་ལ། །ཤ་ཁུའམ་ར་ཡི་འོ་མ་བླུད། །སྟོད་རྒྱུའི་རླུང་ལ་འོ་མ་དང་། །ཟད་བྱེད་ལུད་པའི་སྨན་བསྐོལ་བླུད། །ནད་རྐྱེན་ལས་གྱུར་འུ་སུ་ནི། །འབྲས་བསྐོལ་ཁ་ར་སྦྲང་རྩིར་བཅས། །ནད་དམིགས་ལ་ནི་
[185a]
[185a.1]བལྟས་ནས་ནི། །བཏུང་བའི་བྱ་བ་ཀུན་ཀྱང་བསྔགས། །སྐོམ་ཞིང་སྔར་གྱི་ནད་ཀྱིས་གཟིར། །ཆུ་དང་འཕྲད་པར་མ་གྱུར་ན། །འཆི་བའམ་ཡུན་རིང་བ་ཡི་ནད། །རྙེད་པར་འགྱུར་བས་དེ་ཡི་ཕྱིར། །གོམས་པའི་ཟས་སྐོམ་སྨན་གྱིས་ནི། །དེ་ཡི་སྐོམ་དད་
[185a.2]མྱུར་བསལ་བྱ། །དེ་བསལ་ནད་ནི་གཞན་དག་ཀྱང་། །གསོ་བ་ཉིད་དུ་ནུས་པ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་དྲུག་པའོ།། །།དེ་ནས་ཆང་ནད་གསོ་བའི་ལེའུ་བཤད་པར་བྱའོ། །ཉེས་པ་གང་ཞིག་ཤས་ཆེར་མཐོང་། །
[185a.3]དེ་ནི་དང་པོར་གསོ་བར་བྱ། །ཡང་ན་ཆང་ནད་ནད་གཞི་མཚུངས། །བད་ཀན་གནས་ཀྱི་རིམ་པས་གསོ། །མཁྲིས་པ་རླུང་གི་མཐར་ཐུག་པར། །ཆང་ནད་ཕལ་ཆེར་འབྱུང་བ་ཡིན། །དམན་དང་ལོག་པ་དྲག་འཐུངས་ལས། །ནད་ནི་གང་ཞིག་སྐྱེས་གྱུར་པ། །དེ་ཉིད་ཆ་མཉམ་
[185a.4]འཐུངས་པ་ཡིས། །ཆང་ཉིད་ཀྱིས་ནི་ཞི་བར་འགྱུར། །ཆང་དང་དུག་ནི་མཚུངས་པ་ལས། །དུག་ནི་རྣོ་སྩོགས་ཡོན་ཏན་གྱི། །ནུས་པ་ཤིན་ཏུ་ཆེ་བས་ན། །དུག་གཞན་ལ་ནི་ལྟོས་པ་ཡིན། །རྣོ་ཚེ་ལྷག་པར་འཐུངས་པ་དང་། །ཚ་ཞིང་སྐྱུར་བ་དག་གིས་ནི། །ཆང་གིས་ཟས་
[185a.5]ཀྱི་རོ་བསྲུལ་ཞིང་། །འཇུ་ཉེར་བ་ཚ་བྲོ་གང་ཡིན། །མྱོས་དང་སྐོམ་རྨོངས་ནང་དུ་ཚ། །རིམས་དང་མགོ་འཁོར་སྐྱེད་པར་བྱེད། །ཆང་གིས་བསླངས་པའི་ནད་ཀྱིས་ནི། །རླུང་རྒྱུའི་བུ་ག་བཀག་གྱུར་པས། །མགོ་དང་རུས་པ་ཚིགས་རྣམས་སུ། །མི་བཟད་པར་ནི་སྐྱེད་པར་བྱེད། །
[185a.6]སྦྱོར་བ་རྗེས་མཐུན་གྱུར་པ་ཡི། །ཆང་ཉིད་ཀྱིས་ནི་དེ་སེལ་འགྱུར། །ཆང་ནད་མ་ཞུ་ཞུ་གྱུར་ན། །ཟས་འདོད་ལུས་ནི་ཡང་བར་འགྱུར། །བ་ཚ་རོ་ནི་སྐྱུར་དང་ཕྲད། །མངར་བ་ཉིད་དུ་མྱུར་དུ་འགྱུར། །ནད་ནི་འཇུ་བར་བྱེད་ནུས་པས། །སྐྱུར་བ་ཀུན་ལས་ཆང་མཆོག་ཡིན། །སྔར་
[185a.7]བཤད་རྣོ་དང་དྲོ་སྩོགས་དང་། །དེ་བཞིན་དྲོད་སྐྱེད་སྩོགས་ཡོན་ཏན། །དེ་ཉིད་གོམས་པའི་དབང་གིས་ནི། །འདི་ཡིས་ལུས་ཟུངས་མཉམ་བྱེད་མཆོག །ཞག་བདུན་ནམ་ཞིག་ཞག་བརྒྱད་པར། །ཆང་ནད་སྨན་གྱི་སྦྱོར་བ་བྱ། །དུས་འདི་ཙམ་གྱིས་ལམ་ལོག་པར། །གནས་པའི་
[185b]
[185b.1]ཆང་ནད་ཞི་བར་འགྱུར། །སྨན་ནི་བྱས་གྱུར་ནས་ཆད་ནད། །དེ་ཕན་ཆང་ནི་རྗེས་འབྲེལ་པའི། །ནད་གང་ཡིན་པ་དེ་ལ་སྨན། །ནད་དམིགས་ཇི་བཞིན་སྦྱིན་པར་བྱ། །དེ་ལ་རླུང་ཤས་ཆེ་བ་ལ། །སྒྱུར་རྩི་ཆེན་པོད་ཏྲིག་དང་། །རྒྱ་ཤུག་སེ་འབྲུ་གོ་སྙོད་དང་། །ལ་ལ་ཕུད་དང་
[185b.2]ཧ་པུ་ཤ །ཟི་ར་ཚ་གསུམ་ལན་ཚྭ་གསུམ། །སྒེའུ་གཤེར་ཕྱེ་ཆང་སྦྱར་བ་བླུད། །སྲེག་ཤ་ལྡུམ་རྔད་བཅས་པ་དང་། །སྣུམ་དང་ལྡན་པའི་ཟས་སྦྱིན་ནོ། །སྣུམ་ཞིང་དྲོ་སྐྱུར་ལན་ཚྭར་བཅས། །ཤ་ཚོན་ཁུ་བ་བླུད་པའམ། །ཨ་མྲ་ཨ་མྲ་ཏ་ཀ་གཏུབས། །གཡོས་སྦྱར་བ་ཡི་
[185b.3]དྲུག་པའམ། །གྲོ་དང་མ་ཤ་ལས་བྱས་པ། །རྙིང་ཞིང་ཡི་གར་འོང་བ་དང་། །སྒེ་གཤེར་བཅས་བའི་ཁུ་བ་ནི། །ཚ་དང་ཤ་སོགས་ནང་བཅུག་པའམ། །ཆང་ནི་དྲི་ཞིམ་བསིལ་བ་དང་། །ལེགས་ལངས་དངས་ཤིང་ཚར་བཅས་ཕན། །སེ་འབྲུའམ་རྩ་བ་ཆུང་ལྔ་བསྐོལ། །
[185b.4]བཅའ་སྒ་འུ་སུ་བསྐོལ་བའམ། །ཞོག་ཆུའམ་ཚ་ཆུའམ། །རང་སྐྱུར་དངས་མ་བླུད་པར་བྱ། །ལུས་བསྐུ་དྲིལ་དང་བཀྲུ་བ་དང་། །གོས་ནི་དྲོ་ཞིང་མཐུག་པ་དང་། །ཨ་ཀ་རུ་ཡི་དུད་པས་བདུག །གུར་གུམ་ཨ་ཀ་རུ་ཡིས་བྱུག །ཆུང་མ་ནུ་མ་རོ་སྨད་མཛེས། །ལང་ཚོར་
[185b.5]ལྡན་ཞིང་ཡན་ལག་དྲོ། །དགའ་བས་འཁྱུད་པར་བྱེད་པ་དང་། །བསྙེན་བཀུར་བྱས་པར་གྱུར་པའང་ཕན། །མཁྲིས་པ་ཤས་ཆེར་ཆུ་མང་བའི། །སྦྲང་རྩི་ཁར་དང་ལྡན་པའི། །སེ་འབྲུ་འབྲ་གོའི་ཁུ་བ་དང་། །བྷ་བྱ་རྒུན་འབྲུམ་པ་རུ་ཤའི། །ཁུ་བསྒྲངས་ཕྱེ་དང་ཁར་རར་བཅས། །
[185b.6]བཏུང་བའང་དེ་འདྲ་བླུད་པར་བྱ། །ཡང་ན་མངར་བའི་སྡེ་ཚན་བསྐོལ། །ཁུ་བ་ཆང་བསྲེས་སྦྲང་རྩི་བཏབ། །སཱ་ལུ་དྲུག་ཅུ་པའི་ཚན་དང་། །རི་བོང་གོང་སྲེག་གཙོད་ཀྱི་ཤ །ཙ་ན་མུངྒ་སྐྱུ་རུ་ར། །སེ་འབྲུ་པ་ཏོ་ལ་གཡོས་སྦྱིན། །བད་ཀན་མཁྲིས་འདྲེས་ལས་གྱུར་པ། །ཚ་དང་
[185b.7]སྐོམ་དང་ལྡན་པ་ཡི། །ཆང་ངམ་ཆུ་གྲང་བུ་རམ་ཤིང་། །ཁུ་བའམ་རྒུན་ཆུ་མང་བླུད་ལ། །སློན་གཞུག་འདྲེས་པའི་ནད་ལ་ནི། །སྐྱོ་མ་ལ་སོགས་རིམ་པས་ཕན། །དེ་ཡིས་མེ་དྲོད་འབར་གྱུར་པས། །ཟས་དང་ཉེས་ལྷག་སྨིན་པར་བྱེད། །ལུད་པ་མཆིལ་མ་ཁྲག་བཅས་འབྱུང་། །
[186a]
[186a.1]རྩིབ་ལོགས་ནུ་མར་གཟེར་བ་དང་། །ཚ་དང་བཅས་པའི་སྐོམ་དད་དང་། །སྙིང་དང་བྲང་ནི་ན་བ་ལ། །སླེ་ཏྲེས་ག་དུར་བསྐོལ་བའམ། །ཡང་ན་པ་ཏོ་ལ་བསྐོལ་ཁུ། །བཅའ་སྒར་བཅས་པ་བླུད་བྱ་ཞིང་། །གོང་མ་སྲེག་གི་ཤ་སྦྱིན་བྱ། །མཁྲིས་པ་རླུང་ནི་རྒྱས་གྱུར་པས། །
[186a.2]ཤིན་ཏུ་ཤས་ཆེར་སྐོམ་གྱུར་ན། །རླུང་ནི་བདེ་བར་རྒྱུ་བྱེད་པའི། །རྒུན་ཆུ་བསྒྲངས་པ་བླུད་པར་བྱ། །ཞུ་ནས་ར་ཤའི་ཁུ་བ་ནི། །མངར་དང་སྐྱུར་བའི་སྨན་སྦྱར་སྦྱིན། །སྐོམ་ན་ཆུ་མང་བསྲེས་པ་ཡི། །ཆང་བླུད་ར་རོར་མི་འགྱུར་བསྲུང་། །གླ་སྒང་སེ་འབྲུ་འབྲས་ཡོས་ཆུའམ། །ཡང་
[186a.3]ན་འདབ་མ་བཞི་བསྐོལ་བའམ། །ཨུཏྤལ་པ་ཏོ་ལ་སོགས་སམ། །རང་བཞིན་གྱིས་ནི་བསིལ་བ་བླུད། །ཆང་མང་འཐུངས་པས་ཆུ་ཡི་ཁམས། །འབྲི་ཞིང་མེ་ཤས་རྒྱས་པར་འགྱུར། །གྲེ་བ་རྐན་མཆུ་སྐམ་འགྱུར་ཞིང་། །ལྕེ་ནི་འབྱིན་ཅིང་གཅོང་བྱེད་ལ། །མཚན་མོ་རླུང་གིས་
[186a.4]བསིལ་བྱས་པའི། །ཆུ་ནི་ཡོག་ཚད་བླུད་པར་བྱ། །རྒྱ་ཤུག་སེ་འབྲུ་ད་ཏྲིག་དང་། །ཙུག་ཏྲལ་ཆུ་བའི་ཁུ་བ། །སྐྱུར་བ་ལྔ་ཡིས་ཁར་བསྐུས་ན། །འཕྲལ་དུ་སྐོམ་དད་སེལ་བར་བྱེད། །ཆང་འཐུངས་དྲོད་ནི་ཁྲག་མཁྲིས་དང་། །འདྲེས་པས་པགས་པ་ཁྱབ་གྱུར་པས། །
[186a.5]མི་བཟད་ཚ་བ་སྐྱེད་བྱེད་དེ། །དེར་ནི་རབ་བསིལ་ཆོ་ག་བྱ། །མ་ཞུ་ཤ་ཁུས་ཚིམ་བྱས་ལ། །རོ་ཧི་ནི་ལས་གཏར་ག་གདབ། །སློན་དང་སྨྱུང་བ་དག་གིས་ཀྱང་། །བད་ཀན་ཤས་ཆེར་སྐུག་སྨན་དང་། །སྨྱུང་བ་བཅའ་སྒ་སྟི་ར་དང་། །ཀཎྜ་ཀ་རི་བ་ལ་ཀ །གང་ཡང་རུང་བའི་
[186a.6]ཆུ་བླུད་བསལ། །མ་ཞུ་མེད་ཅིང་བཀྲེས་དུས་སུ། །སྦྲང་རྩི་མང་པོ་བླུད་པར་བྱ། །ཤ་ཁ་ར་དང་སྦྲང་རྩི་དང་། །ཆང་རྙིང་དག་གམ་རྒུན་ཆང་ངམ། །རྩུབ་པའི་སྐྱོ་མར་སྦྱར་བ་ནི། །དོང་གྲལ་ལ་ཕུད་བཅས་བླུད། །ནས་དང་གྲོ་ཟན་ཉུང་ཤས་ལ། །རྒྱ་སྲན་ཡུ་ཤ་ཉུང་
[186a.7]ཟད་བཅས། །ཆུ་ཚན་ཁ་དང་ཚ་བར་བཅས། །མར་ནི་ཉུང་ཟད་བཅས་པ་སྦྱིན། །ལ་ཕུག་སྐམ་པོར་ཤའི་ཁུ། །སྐམ་སའི་སྲོག་ཆགས་ཤ་ཁུ་ནི། །སྟར་བུད་ཏྲིག་པ་ཏོ་ལ། །ཚ་བ་གསུམ་དང་སེ་འབྲུར་སྦྱར། །བཅའ་སྒ་ན་ལེ་ཤམ་མང་བཏབ། །རྗེན་རྔད་
[186b]
[186b.1]གཏུབས་པ་དང་ལྡན་ཞིང་། །སྐྱུར་རྩི་ཆེན་པོའི་ཁུ་བས་སྐྱུར། །བརྔོས་ཤིང་ཁུ་བ་མེད་པ་དང་། །ཀ་ར་མར་དང་ཀ་རི་ར། །ལ་སོགས་ཡི་ག་འབྱེད་པ་དང་། །ལན་ཚྭ་བརྒྱད་པོ་ལེགས་བྲོ་དང་། །གཏུབས་ཤིང་བེ་རེག་ལྟར་བཙོས་པ། །མེ་དྲོད་ཚོད་ལས་ཤ་སྦྱིན་ཞིང་། །སྦྲང་
[186b.2]ཆང་ནད་མེད་གྱུར་པ་བླུད། །ཁ་ར་དང་ནི་ཁ་རུ་ཚ། །གོ་སྙོད་ད་ཏྲིག་སྟར་བུ་དང་། །ཤིང་ཚ་སུག་སྨེལ་ན་ལེ་ཤམ། །ཆ་ཕྱེད་ཡན་ལག་བརྒྱད་པར་བཤད། །ཕལ་ཆེར་བད་ཀན་ཆང་ནད་སེལ། །བུ་གའི་རྒྱུན་སྦྱོང་དྲོད་སྐྱེད་བྱེད། །རྩུབ་དང་དྲོ་བས་མཉེ་ཞིང་དྲིལ། །ཁྲུས་དང་ཁ་
[186b.3]ཟས་སྨྱུང་བྱས་དང་། །འདོད་བཅས་བུད་མེད་ལྷན་ཅིག་གནས། །མཚན་ཉིད་མ་ལོག་རིག་པས་བསྟེན། །ཕལ་ཆེར་བད་ཀན་ལས་བྱུང་བའི། །ཆང་ནད་མྱུར་དུ་ཞི་བར་བྱེད། །ནད་གཞི་སོ་སོའི་ཤས་ཆེ་ལས། །ལས་རྣམས་གང་དག་བསྟན་པ་འདི། །འདི་ནི་འདུས་པ་ལས་གྱུར་
[186b.4]པ། །ལྷག་མ་བཅུ་ལའང་སྦྱར་བར་བྱ། །ཤིང་ཚ་ནཱ་ག་པུཏྤ་དང་། །པི་པི་ལིང་དང་ན་ལེ་ཤམ། །གོ་སྙོད་པ་རུ་ཤ་ཀ་དང་། །འུ་སུ་སུག་སྨེལ་མ་དུ་ཀ །ཐང་ཤིང་ཀར་དཀར་དང་བཅས། །ཀ་པིད་ཏ་ཡི་ཁུ་བ་བཏབ། །ག་པུར་དྲི་ཡིས་བསྒོས་གྱུར་པ། །བཏུང་བ་ཤིན་
[186b.5]ཏུ་ཡིད་འོང་བ། །ཆང་ནད་ཀུན་ལ་བླུད་གྱུར་ན། །ཡི་ག་འབྱེད་ཅིང་མེ་དྲོད་སྐྱེད། །ཆང་གིས་ཡིད་ནི་མ་དཀྲུགས་ཤིང་། །ལུས་ལ་གནོད་པ་མི་བྱེད་པར། །ཆང་ནད་མི་སྐྱེད་དེ་ཡི་ཕྱིར། །སེམས་དགར་འགྱུར་བའི་ཆོ་ག་བྱ། །ཆང་ནད་ལ་ནི་སྦྱང་བ་དང་། །ཞི་བའི་ལས་ནི་
[186b.6]བྱས་གྱུར་ཀྱང་། །གལ་ཏེ་མ་ཞི་བད་ཀན་ཟད། །ཉམ་ཆུང་ཡང་བ་ཉིད་གྱུར་ན། །རླུང་དང་མཁྲིས་པ་ཤས་ཆེ་ཞིང་། །ཆང་ནད་ཀྱིས་ཟད་འོ་མ་བླུད། །སོ་གའི་ཚ་བས་གདུངས་པ་ཡི། །ཤིང་ལས་ཆར་པ་བབ་དང་མཚུངས། །ཆང་གིས་ཟད་པར་བྱས་པའི་མདངས། །འོ་
[186b.7]མས་མྱུར་དུ་བརྟས་བྱེད་དེ། །མདངས་དང་ཡོན་ཏན་ཀུན་མཚུངས་ལ། །ཆང་ལས་གོ་ནི་བཟློག་པ་ཡིན། །འོ་མས་ནད་ནི་བཅོམ་གྱུར་ཅིང་། །སྟོབས་སྐྱེས་ནས་ནི་འོ་མ་ཡི། །ཆོ་ག་ཆང་ཡང་བཟློག་བྱས་ཏེ། །རིམ་གྱིས་ཉུང་ཟད་ཉུང་ཟད་སྤྱད། །ཅི་ནས་འཇོམས་དང་སྐམས་
[187a]
[187a.1]གྱུར་པའི། །བླ་བརྣན་འབྱུང་བར་མི་འགྱུར་བྱ། །དེ་གཉིས་ལ་ནི་འོ་མ་མར། །འཇམ་རྩི་བཏང་བས་བརྟ་བ་བསྔགས། །བསྐུ་དང་དྲིལ་ཕྱིས་ཁྲུས་དང་ནི། །བཟའ་བཏུང་རླུང་ནི་སེལ་བ་ཕན། །རིག་པར་ཆང་འཐུང་གང་གིས་ནི། །ནད་ནི་འབྱུང་བར་
[187a.2]འགྱུར་མ་ཡིན། །དེ་ལ་རླུང་ནད་ལ་ཕན་ཆང་། །ཕལ་ཆེར་ཟན་ཆང་བུ་རམ་ཆང་། །མཁྲིས་པ་རྒུན་ཆང་ཆུ་དང་བཅས། །བད་ཀན་ཆང་རྙིང་སྦྲང་རྒུན་ཆང་། །བད་ཀན་ཅན་གྱིས་དང་པོར་བཏུང་། །མཁྲིས་པ་ཅན་གྱིས་ཟོས་རྗེས་བཏུང་། །རླུང་ཅན་གྱིས་ནི་བར་དུ་བཏུང་། །
[187a.3]ནད་གཞི་མཉམ་པས་ཅི་དགར་བཏུང་། །མྱོས་དང་བརྒྱལ་ལ་ཕལ་ཆེར་ནི། །རླུང་དང་མཁྲིས་པ་སེལ་ལས་བསྔགས། །ཐམས་ཅད་ལ་ཡང་ཁྱད་པར་དུ། །མཁྲིས་པ་ཤས་ཆེར་ཤེས་པར་བྱ། །བསྐུ་བྱུག་བསིལ་དང་ནོར་བུ་དང་། །ཆུས་གཏོར་རླུང་ཡབ་ཀྱིས་གཡབ་
[187a.4]བྱེད། །ཁ་ར་རྒུན་འབྲུམ་བུ་རམ་ཤིང་། །འབྲ་གོ་ཏང་པལ་ཁུ་བ་དང་། །མངར་བའི་སྡེ་བསྐོལ་འོ་མ་ཁུ། །ཡུ་ཤ་སེ་འབྲུར་བཅས་པ་བླུད། །སཱ་ལུ་རྩ་སྣར་དྲུག་ཅུ་པ། །ནས་དང་འཚོ་བྱེད་སྨན་མར་དང་། །དགེ་བ་ཆེན་པོ་ཏིག་ཏ་ཆེ། །སྲང་དྲུག་འོ་མ་ཙི་ཏྲར་བཅས། །པི་པི་
[187a.5]ལིང་དང་བྲག་ཞུན་ནི། །བཅུད་ཀྱིས་ལེན་གྱི་ཆོ་ག་སྦྱིན། །ཡང་ན་འབྲས་བུ་གསུམ་མར་དང་། །སྦྲང་རྩི་ཁ་རར་བཅས་པ་སྦྱིན། །ཤུགས་དྲག་པ་ལ་ཁ་དང་སྣ། །བཀག་པར་གྱུར་པ་ཕན་པ་ཡིན། །ཡང་ན་བུད་མེད་ནུ་ཞོ་ནི། །བླུད་པའམ་སྣ་ནས་གཏང་བར་བྱ། །པདྨའི་
[187a.6]རྩ་སྡོང་པི་པི་ལིང་། །ཨ་རུ་ར་འམ་གླ་སྒང་ངམ། །བྱི་ཚེར་སྦྲང་རྩིར་སྦྱར་བ་སྦྱིན། །རྒྱ་ཤུག་ཚི་གུ་ན་ལེ་ཤམ། །ནཱ་ག་གེ་སར་པུ་ཤེལ་ཙེ། །ཆུ་གྲང་དང་ནི་སྦྱར་བ་བླུད། །སྐྱུ་རུ་ར་ཡི་ཁུ་བའམ། །ཨ་རུ་ར་མར་བསྐོལ་བའང་ཕན། །ཇི་སྐད་བཤད་པའི་བྱ་བ་དག །ནད་
[187a.7]གཞིའི་ཤས་ནི་ཇི་བཞིན་སྦྱར། །ལས་ནི་རྣམ་ལྔ་བྱ་བ་དང་། །གཏར་གས་ཁྲག་ནི་དབྱུང་བ་དང་། །སྙིང་སྟོབས་ཆེ་ཞིང་ཤེས་དང་ལྡན། །ཡུལ་ལ་ཆགས་པ་མེད་པ་ཕན། །མྱོས་པ་ཤིན་ཏུ་འཕེལ་གྱུར་དང་། །བརྒྱལ་བར་གྱུར་པ་དག་ལ་ནི། །ཀུན་ཏུ་ཞུགས་པའི་སྨན་རྣོན་
[187b]
[187b.1]དང་། །དུག་ལས་བྱུང་བ་དུག་སྨན་གཏང་། །ཀུན་ཏུ་ཞུགས་ལ་རབ་རྣོ་བའི། །སྣ་སྨན་དང་ནི་མིག་སྨན་དང་། །དུད་པས་བུད་དང་ཁབ་ཀྱིས་ནི། །སེན་མོའི་བར་དུ་གཟུགས་པར་བྱ། །སྐྲ་འབལ་བསྲེགས་དང་སོས་བཏབ་དང་། །སྡིག་པ་ཤ་སྦྲང་གཙེས་པ་དང་། །མཁུར་བར་ཚ་
[187b.2]དང་སྐྱུར་བ་གཞུག །ཁ་སྲལ་ཕྲེའུ་བདར་བར་བྱ། །འདུ་ཤེས་རྙེད་ཅིང་ལྡང་གྱུར་ནས། །སྒོག་སྐྱའི་ཁུ་བ་བླུད་པར་བྱ། །ཚ་བ་གསུམ་ནི་ལན་ཚྭར་བཅས། །བི་ཛ་པུ་རའི་གེ་སར་སྦྱིན། །བུ་གའི་རྒྱུན་སྲང་དག་བྱའི་ཕྱིར། །ཟས་ཡང་ཚ་དྲོ་རྣོ་བ་སྦྱིན། །བརྗེད་པ་དྲན་ཕྱིར་ངོ་
[187b.3]མཚར་དང་། །ཡིད་འོང་ལྟ་དང་ཐོས་པ་དང་། །གླུ་དང་རོལ་མོ་སྙན་པ་ཡི། །སྒྲ་སྙན་རྩོལ་བ་བྱེད་དུ་གཞུག །སློན་སྨན་བཀྲུ་སྨན་བཏང་དུས་རྔུབ། །ཁྲག་ནི་དབྱུང་བར་བྱ་བ་དག །རྒྱུན་མི་ཆད་པ་སྤྱད་པར་བྱ། །སེམས་སྟོར་བ་ཡི་རྒྱུ་ལས་ནི། །སླར་ལྡང་འབྲེལ་པའི་
[187b.4]འཇིགས་པ་ཡིས། །དེ་ནི་ལེགས་པར་བསྲུང་བར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་བདུན་པའོ།། །།དེ་ནས་གཞང་འབྲུམ་གསོ་བའི་ལེའུ་བཤད་པར་བྱའོ། །ཐུན་མོང་དུས་སུ་སྤྲིན་མེད་པར། །གཞང་འབྲུམ་
[187b.5]ཅན་རབ་ཉམ་ཆུང་མིན། །ལྟོ་སྦྱངས་ཁ་ཟས་ཡང་ལ་ཉུང་། །རྗེས་སུ་མཐུན་པ་ཟོས་པ་ལ། །གཙང་བྱས་བདེ་ལེགས་འགྱུར་བར་བྱས། །བཤང་དང་གཅི་བསལ་གནོད་པ་མེད། །ཁྲིའམ་སྤང་ལེབ་མི་གཞན་གྱི། །པང་པར་ལེགས་བརྟེན་གནས་ནས་ནི། །གན་རྐྱལ་
[187b.6]འདུག་ཅིང་རོ་སྟོད་སྨད། །དྲང་འདུག་ཉི་མར་རྐུབ་བསྟན་ལ། །རྐེད་པའི་ཕྱོགས་ནི་བསྟོད་པར་བྱ། །དེ་ནས་བརླ་དང་གཉའ་བར་ནི། །བཅིངས་པའི་གོས་ཀྱིས་བསྡམས་ནས་སུ། །གཟུང་སྟེ་དྲང་པོར་འདུག་པ་ལ། །ནད་གཡོག་གིས་ནི་བཟུང་ནས་སུ། །རྐུབ་ནི་ཞུན་
[187b.7]མར་དག་གིས་བསྐུ། །དེ་ནས་མར་གྱིས་བསྐུས་པ་ཡི། །ཆ་སྤྱད་དྲང་པོར་དེ་གཞུག་བྱ། །རྐུབ་ནས་ཕྱོགས་པར་རིམ་གྱིས་གཞུག །དེ་ནས་འབྱུང་འགྱུར་མཐོང་བ་དང་། །ཆ་སྤྱད་ཆུད་པར་ཤེས་གྱུར་ནས། །གཞང་འབྲུམ་ཐུར་མ་གོས་གཤེར་བས། །སྨན་པས་ལེགས་
[188a]
[188a.1]པར་བཙིར་ནས་ནི། །ཇི་སྐད་བཤད་པའི་ཆོ་ག་ཡིས། །རླན་ཅན་ཐལ་སྨན་བསྲེག་ཅིག་ཤོས། །ཐལ་སྨན་རྣོན་པོའི་མེ་ཡིས་བསྲེག །སྟོབས་ལྡན་མཆེ་བ་བཅད་དེ་བསྲེག །དེ་ནས་ཆ་སྤྱད་ཕྱུང་ནས་ནི། །ནད་པའི་རྐུབ་དང་རོ་སྨད་བསྐུ། །སྣུམ་གྱི་
[188a.2]ནང་དུ་འབྱིང་བར་བྱ། །དེ་ལྟར་ཞག་ནི་བདུན་བདུན་ཞིང་། །རེ་རེ་ཉེ་བར་བཅོས་པར་བྱ། །དེ་ནས་རླུང་མེད་ཁང་པར་ནི། །བཞག་ལ་སྤྱོད་པ་བསྟེན་པར་བྱ། །གཞང་འབྲུམ་མང་ལ་དང་པོར་གཡས། །དེ་ནས་གཡོན་བསལ་དེ་འོག་རྒྱབ། །གཞང་འབྲུམ་མང་པོ་བསྲེགས་
[188a.3]ལེགས་ན། །རླུང་ནི་བདེ་བར་རྒྱུ་བྱེད་ཅིང་། །ཁ་ཟས་འདོད་ཅིང་མེ་དྲོད་སྐྱེད། །བདེར་གནས་སྟོབས་དང་ཁ་དོག་སྐྱེད། །ཆུ་སོག་ཟེར་གྱིས་བཏབ་པ་ལ། །བ་སྤྲུ་བ་དང་རུ་རྟ་དང་། །གནྡྷ་མུངྒ་ཨ་ཀ་རུ། །ཤ་ཏཔུཥྤ་ཐང་ཤིང་རྣམས། །ཞིབ་ཏུ་བཏགས་ལ་ལྡེ་གུ་ཡིས། །ལྟེ་བ་མན་
[188a.4]ཆད་བསྐུ་བར་བྱ། །བཤང་དང་གཅི་འགགས་གྱུར་པ་ལ། །ཨ་ལམ་བུ་ས་བ་རུ་ན། །བ་སྤྲུ་གཟེམ་ཨེ་རཎྜ། །ཨ་ཟ་གནྡྷ་མུ་ར་རྣམས། །བསྐོལ་བ་དྲོ་འཇམ་བྱས་པ་ཡིས། །བླུགས་དང་འབྱིང་བའི་སྦྱོར་བ་བྱ། །ཡང་ན་འོ་མ་སྣུམ་བཅས་པ། །རླུང་སེལ་སྨན་བསྐོལ་ཏིལ་
[188a.5]མར་སྦྱར། །ཟས་ནི་བཤང་བ་སླ་བྱེད་ཅིང་། །སྣུམ་དང་རླུང་འཇོམས་དྲོད་སྐྱེད་སྦྱིན། །དེ་ནས་བསྲེག་པ་མི་བྱ་ཞིང་། །བད་ཀན་རླུང་སྐྱེས་ཕྱིར་བྱུང་བ། །འགགས་ཤིང་གཡའ་ལ་ན་ཞིང་སྐྲང་། །གཞང་འབྲུམ་བསྐུ་བ་བྱས་ནས་ནི། །བིལ་བའི་རྩ་བ་ཙི་ཏྲ་ཀ །ཐལ་སྨན་
[188a.6]རུ་རྟ་བསྐོལ་བ་ཡི། །ཏིལ་མར་བླུགས་པའམ་སྦྲུལ་བྱིལ། །རྔ་མོ་ཕག་རྒོད་ཞག་གིས་བྱུག །དེ་རྗེས་རླན་དུགས་ཀྱིས་དུགས་བྱ། །ཡང་ན་གཤེར་དུགས་སྤྱད་པར་བྱ། །ཡང་ན་ཟན་ནི་ཏིལ་མར་དང་། །ཞུན་མར་སྣུམ་ཅན་གྱིས་དུགས་བྱ། །ར་སྣ་ཧ་གུ་ཤ་དག་དང་། །
[188a.7]ཤི་ཀྲུའི་ལོ་མའི་གོང་པོས་བྱ། །ཨརྒའི་རྩ་བ་ཤལ་མ་ལིའི། །ལོ་མ་མི་སྐྲ་སྦྲུལ་ལྤགས་དང་། །བྱི་ལའི་པགས་པ་མར་སྦྱར་བའི། །དུད་བདུགས་གཞང་འབྲུམ་དག་ལ་ཕན། །ཨ་ཤྭ་གནྡྷ་བྲི་ཧ་ཏི། །བྱིའུ་རུག་པི་པི་ལིང་མར་སྦྱར། །ཀུ་བ་ཁ་བོའི་ས་བོན་དང་། །
[188b]
[188b.1]ཡལ་ག་འཇམ་པོར་རང་སྐྱུར་དང་། །ལྡེ་གུ་གྲིབ་མར་སྐམས་པ་ཡི། །རེང་བུ་རྐུབ་བཅུག་གཞང་འབྲུམ་འཇིག །ཀུ་བ་ཁ་བོའི་ཡལ་ག་རྩ། །ཐལ་སྨན་བཅས་པའི་ལྡེ་གུ་ནི། །འོལ་མ་སེ་དང་སུ་ར་ན། །བུམ་ཤ་ཡི་ནི་ས་བོན་ལས། །རེང་བུར་བྱས་པ་དེ་དང་འདྲ། །
[188b.2]སུ་དྷཱ་ཀྵི་ར་ཡུང་ལྡེ་གུ། །ཁྱིམ་བྱའི་རྟུག་པ་པི་པི་ལིང་། །ཡུང་དང་འོལ་མ་སེ་དག་ནི། །བ་གཅིན་བཏགས་པ་དེ་དང་འདྲ། །སྣུ་ཧའི་འོ་མར་བཏགས་ཤུ་དག །ཏ་མ་ལ་རུས་པྲི་ཡང་ཀུ། །རྣམ་རྒྱལ་ཀར་ཀ་ཏ་སྲིང་གི། །རུ་རྟ་སྤངས་མ་གོ་བྱེ་དང་། །ཤི་ཀྲུ་ལ་
[188b.3]ཕུག་ས་བོན་དང་། །ནིམ་པ་ཀ་ར་བཱི་རའི་ལོ། །པི་པི་ལིང་གི་རྩ་བ་དང་། །བིལ་རྩ་ཤིང་ཀུན་བཅས་པའམ། །རུ་རྟ་ཤྲི་ཤའི་ས་བོན་དང་། །རྒྱམ་ཚ་བུ་རམ་པི་པི་ལིང་། །ཨརྒ་སྣུ་ཧའི་འོ་མ་དང་། །འབྲས་བུ་གསུམ་གྱི་ལྡེ་གུ་བསྐུ། །ཨརྒའི་འོ་མ་སྣུ་ཧའི་སྡོང་། །
[188b.4]ཀུ་བ་ཁ་བོའི་འདབ་མ་དང་། །ཀ་རཉྫ་དང་ར་ཐུག་གཅིན། །ལྡེ་གུས་གཞང་འབྲུམ་སེལ་མཆོག་ཡིན། །འཇམ་རྩིའི་སྨན་ནི་པི་པི་ལིང་། །ལ་སོགས་ལྡེ་གུའང་བསྔགས་པ་ཡིན། །སྨན་འདི་ཉིད་ཀྱིས་ཏིལ་མར་ནི། །བསྐུ་བའི་དོན་དུ་བསྐོལ་བར་བྱ། །དུད་པས་བདུག་
[188b.5]དང་ལྡེ་གུ་ནི། །བསྐུས་པས་གཞང་འབྲུམ་དག་གི་ཁྲག །སོགས་པ་འཛག་པར་བྱེད་འགྱུར་ཏེ། །དེ་ནས་བདེ་བ་ཉིད་དུ་འགྱུར། །སྐྲང་ཞིང་འཛག་པར་མ་གྱུར་དང་། །སྲ་བ་ལས་ནི་ཁྲག་དབྱུང་སྟེ། །བད་པ་གཙགས་བུ་ཁབ་ཀྱི་ནི། །པིར་གྱིས་ཡང་དང་ཡང་ཁྲག་དབྱུང་། །བསིལ་
[188b.6]དྲོད་སྣུམ་དང་རྩུབ་པ་ཡིས། །ནད་ནི་ཞི་བར་མ་གྱུར་ན། །དེ་ཕྱིར་སྨན་པས་ནད་ཁྲག་ཉིད། །དབྱུང་བ་ལ་ནི་འབད་པར་བྱ། །འོ་མ་ཙི་ཏྲ་ཀའི་རྩ་ཕྱེ། །བཏབ་པ་ལས་བྱུང་དར་བ་དང་། །བླུད་ཅིང་དེ་ཉིད་ཀྱི་ཟས་ནི། །བྱིན་ན་གཞང་འབྲུམ་སེལ་བར་འགྱུར། །ཀ་པི་ད་རིའི་རྩ་བའི་ཕྱེ། །
[188b.7]དར་བ་གསར་པ་བཏབ་པ་བླུད། །ཞུ་ནས་ཕན་པའི་ཟས་བྱིན་ན། །གཞང་འབྲུམ་ནད་ལས་ཐར་བར་འགྱུར། །གཞང་སྐྲང་གཟེར་བཅས་མེ་དྲོད་འབྲི། །སྐྲན་ནད་ལ་ནི་ཕན་པའི་སྨན། །ཤིང་ཀུན་ལ་སོགས་བླུད་པའམ། །བུ་རམ་ཨ་རུར་སྦྱར་བ། །བྱིན་ལ་དེ་རྗེས་དར་བ་བླུད། །
[189a]
[189a.1]ཡང་ན་ཨ་རུ་བྱི་དང་ག །དུག་མོ་ཉུང་ཤུན་ཙི་ཏྲ་ཀ །དར་བ་དང་སྦྱར་བླུད་པའམ། །དུག་མོ་ཉུང་དང་པི་པི་ལིང་། །ཙི་ཏྲ་ཀ་དང་སུ་ར་ན། །ཆ་རེས་བསྐྱེད་པ་ཆུ་དྲོན་བླུད། །ཡང་ན་ཚ་གསུམ་ལན་ཚྭ་གསུམ། །ཤིང་ཀུན་སྟར་བུ་བཅས་ཆུ་བླུད། །བིལ་བ་ཀ་པིད་
[189a.2]ཐར་བཅས་པའམ། །བཅའ་སྒ་ཁ་རུ་ཚ་བ་བཅས་པའམ། །གོ་བྱེ་ལ་ལ་ཕུད་བཅས་པའི། །སྐྱོ་མ་དེ་ལ་བླུད་པར་བྱ། །ཡང་ན་ཤིང་ཀུན་སྤ་མའི་འབྲས། །ཙི་ཏྲ་ཀ་དང་དར་བ་སྦྱར། །པི་ལུའི་འབྲས་བུ་དར་བར་བཅས། །ཟླ་བ་གཅིག་གི་བར་དུ་སྦྱིན། །ཟས་ཀྱི་སྔོན་ཉིད་རེ་རེ་
[189a.3]ཞིང་། །ཅི་འདོད་པར་ནི་བླུད་པར་བྱ། །ཤིན་ཏུ་མེ་དྲོད་ཆུང་བ་ལ། །དར་བ་ཁོ་ན་བླུད་པར་བྱ། །ཉམས་སྟོབས་དུས་དང་གནས་ཤེས་པའི། །སྨན་པ་ཡིས་ནི་དར་བ་དག །ཞག་བདུན་ནམ་ནི་ཞག་བཅུའམ། །ཟླ་བ་ཟླ་གཅིག་བར་དུ་བླུད། །ཡང་ན་ཕྱི་དྲོ་འབྲས་ཡོས་ཀྱི། །
[189a.4]ཕྱེ་དང་དར་བའི་ལྡེ་གུ་སྦྱིན། །དར་བ་ཞུ་ནས་དར་བ་ནི། །ཐུག་པ་རྒྱམ་ཚར་བཅས་པ་བླུད། །དེ་རྗེས་དར་བར་གཡོས་པའི་ཟན། །སྣུམ་ཅན་བྱིན་ལ་དར་བ་བླུད། །ཡུ་ཤའམ་ཤ་ཁུ་དར་བ་ཅན། །སཱ་ལུའི་འབྲས་ཆེན་རན་པར་བཟའ། །རྩུབ་དང་མར་ཕྱེད་ཕྱུང་བ་དང་། །གང་
[189a.5]ལས་མར་ནི་མ་ཕྱུང་བ། །དར་བ་ནད་དང་མེ་དྲོད་ཀྱི། །སྟོབས་ལས་དེ་ནི་རྣམ་གསུམ་སྦྱར། །དར་བས་ལེགས་བཅོམ་གྱུར་པ་ཡིས། །གཞང་འབྲུམ་སླར་ནི་འབྱུང་མི་འགྱུར། །དེ་བླུགས་གྱུར་ན་རྩ་ཡི་ནི། །ཚོགས་ཀྱང་སྐྱེ་བར་མི་འགྱུར་རོ། །རྩ་སྦུབས་དར་བས་དག་
[189a.6]བྱས་པས། །ལུས་ཟུངས་དངས་མར་གྱུར་པ་གང་། །དེ་ནི་ཉམས་དགའ་མདོག་དང་སྟོབས། །མཆོག་ཏུ་རྒྱས་པར་བྱེད་པར་འགྱུར། །རླུང་དང་བད་ཀན་དག་གི་ནད། །བརྒྱ་ཕྲག་དར་བ་རྙིང་པས་འཇོམས། །གཞང་འབྲུམ་གཞིག་པར་འདོད་པ་ཡིས། །ཀཎྜ་ཀ་རིའི་ལྡེ་གུས་བསྐུ། །
[189a.7]སྣོད་དུ་དར་བ་གསར་པ་ནི། །ནུབ་གཅིག་གཞག་སྟེ་བླུད་པར་བྱ། །འུ་སུ་ཟི་ར་གོ་སྙོད་དང་། །པི་པི་ལིང་གཉིས་ཧ་པུ་ཤ །ཤུ་ཏི་པི་པི་ལིང་རྩ་བ། །ལ་ལ་ཕུད་དང་ཙི་ཏྲ་ཀ །ཡ་བ་ན་གིའི་ཕྱེ་མ་དང་། །དར་བ་སྦྱར་བ་མར་གྱི་སྣོད། །བཞག་པར་གྱུར་པ་དེ་ལས་སྐྱུར། །ཁ་བ་
[189b]
[189b.1]དང་ནི་རབ་སྐྱུར་མིན། །སྐྱུར་དང་ཁ་བ་བྲོ་བར་ནི། །ལྡང་བའི་དར་རྙིང་ཅི་འདོད་བླུད། །དྲོད་སྐྱེད་མདོག་བཟང་ཡི་ག་འབྱེད། །རླུང་དང་བད་ཀན་སེལ་བྱེད་ཅིང་། །གཞང་སྐྲང་ན་བས་ཉམ་ཐག་པ། །འཇོམས་ཤིང་སྟོབས་ནི་འཕེལ་བྱེད་ཡིན། །ཀྲུ་ཏྲུག་ཏྲེས་ཀྱི་རྩ་བའི་ཤུ། །
[189b.2]བཏགས་པའི་ལྡེ་གུས་བུམ་པ་བསྐུ། །དེར་ནི་འོ་མ་དང་བ་གཞག །སྨིན་པའི་གཞང་འབྲུམ་སེལ་བྱེད་བླུད། །ག་བྲའི་རྩ་བ་ཨ་རུ་ར། །སླེ་ཏྲེས་ཚ་བ་ལྔ་དག་ལའང་། །ཆོ་ག་འདི་ཉིད་སྦྱར་བར་བྱ། །པ་ཏ་ཧ་ཏི་པི་པི་ལིང་། །ཤུ་ཏི་ཚ་བ་ལྔ་གཡེར་མ། །ཟི་ར་འུ་སུ་བིལ་བའི་
[189b.3]རྐང་། །ཕྱེ་མར་བཏགས་ཏེ་སྦྱར་བར་བྱ། །འབྲས་བུ་སྐྱུར་པོ་མར་ཏིལ་མར། །ཡུ་ཤ་ཤ་ཁུ་ཐུག་སྩོགས་བྱ། །སྨན་འདི་ཉིད་དང་ཆུ་དང་མར། །བསྐོལ་བའང་དྲོད་སྐྱེད་བྱེད་པ་ཡིན། །རིམ་འདི་བཤང་བསླབ་ཡིན། །རྟུག་པ་འགགས་པ་བཤང་བྱ་སྟེ། །སྣུམ་སྩོགས་
[189b.4]ཟན་དང་ལྡན་པ་ཡི། །ཆང་དངས་ལན་ཚྭ་བཏབ་པ་བླུད། །ཡང་ན་དར་བ་བུ་རམ་ཆང་། །ཆང་སྐྱུར་ཆང་དངས་ལན་ཚྭར་སྦྱར། །ཟས་མངར་མར་དང་ཏིལ་མར་གྱིས། །བརྔོས་པའི་ཀ་རཉྫའི་ལོ་མ། །སྟེང་དུ་ཕྱེ་བཏབ་བྱིན་གྱུར་ན། །རླུང་གིས་རྟུག་པ་འགགས་པ་སེལ། །བཅའ་
[189b.5]སྒ་བུ་རམ་བཅས་པའམ། །བ་ཏ་བུ་རམ་མར་ལན་ཚྭ། །བ་གཅིན་ལ་སྤངས་ཨ་རུ་ར། །བུ་རམ་བཅས་པ་སྦྱིན་པའང་རུང་། །ཨ་རུ་ར་ནི་ཉིས་བརྒྱ་གཅིན། །བྲེ་བཅུ་དྲུག་ཏུ་གཅིན་དུའི་བར། །བསྐོལ་བ་སྦྲང་རྩིར་བཅས་པ་དག །གཉིས་གཉིས་ཟོས་ནས་བད་ཀན་གྱིས། །
[189b.6]གཞང་འབྲུམ་མཛེ་དང་འོར་ནད་དང་། །སྐྲན་དང་དམུ་རྫིང་གཅིན་སྙི་འབུ། །རྨེན་བུ་ཤུ་བས་ཁྱབ་ཚོ་ཆེས། །སྐྱ་རྦབ་རླུང་འཁྱིལ་འཇོམས་པར་བྱེད། །ཨ་ཟ་སྲིང་གི་རྩ་བ་ཡི། །ལྡེ་གུ་ར་གཅིན་སྦྱར་འཐུང་ཞིང་། །བུ་རམ་བར་ཏ་ཀ་ཟོས་ན། །གཞང་འབྲུམ་མྱུར་དུ་འཇིག་པར་
[189b.7]འགྱུར། །དུར་བྱིད་འབྲས་བུ་གསུམ་ཁུར་སྦྱར། །ཡང་ན་དར་བ་ཨ་རུ་རའམ། །པི་པི་ལིང་བཅས་ཨ་རུ་ར། །མར་དང་བརྔོས་པའི་བུ་རམ་བཅས། །ཡང་ན་དུར་བྱིད་དན་དར་བཅས། །ཟོས་ན་བདེ་བར་འབྱུང་བར་བྱེད། །གཞང་ན་གནས་པའི་ནད་བསལ་ན། །
[190a]
[190a.1]གཞང་འབྲུམ་ཟད་པར་བྱེད་པར་འགྱུར། །སེ་འབྲུའི་ཁུ་བ་ཟིར་དང་། །བཅའ་སྒ་བུ་རམ་ལ་ལ་ཕུད། །པ་ཏ་དང་སྦྱར་དར་བ་ནི། །རླུང་གིས་རྟུག་འགགས་སེལ་བྱེད་ཡིན། །རྒྱུན་ཆང་ཡང་ན་བུ་རམ་ཆང་། །བཅའ་སྒ་ཀྲུ་ཏྲུག་ཏྲེས་དང་བཅས། །
[190a.2]ཡང་ན་ཆང་ནི་པ་ཏ་དང་། །སྤ་འབྲས་ཁ་རུ་ཚ་བཅས་བླུད། །པི་པི་ལིང་ནི་བཅུ་བཅུས་བསྐྱེད། །ཏིལ་ནི་སྲང་ཕྱེད་བཏབ་གྱུར་ན། །འོ་མ་བཅས་འཐུངས་ལུས་སྟོབས་དང་། །མེ་དྲོད་སྐྱེད་པར་བྱེད་པ་ཡིན། །བྱི་ཚེར་བ་དང་བིལ་བ་དང་། །ལ་ལ་ཕུད་དང་དོང་གྲ་རྣམས། །
[190a.3]རེ་རེ་དང་སྦྱར་པ་ཏས་ཀྱང་། །གཞང་འབྲུམ་ནད་ནི་སེལ་བར་བྱད། །ཆུ་བྲེ་དྲུག་ཅུ་རྩ་བཞིའི་ནང་། །ཨ་རུ་ར་ཤུན་བྲེ་ཕྱེད་དང་། །སྐྱུ་རུ་ར་ནི་བྲེ་གང་དང་། །ཀ་པིད་ཏ་ནི་སྲང་བཅུ་དང་། །པི་ཤ་ལ་ནི་སྲང་ལྔ་དང་། །སེང་ཕྲོམ་ཤིང་ཚ་ན་ལེ་ཤམ། །པི་པི་ལིང་དང་བྱི་དང་ག །
[190a.4]སྲང་ནི་གཉིས་གཉིས་ཚད་བྱས་བསྐོལ། །བཞི་ཆ་ལུས་བཙགས་བུ་རམ་ནི། །སྲང་ནི་ཉིས་བརྒྱ་བཅུག་ནས་ནི། །ད་ཏ་ཀི་ནི་བྲེ་གང་གཞུག །མར་གྱི་སྣོད་དུ་བཅུག་ནས་ནི། །ཟླ་ཕྱེད་ནས་ནི་ཆང་རྙིང་འཐུངས། །མེ་དྲོད་སྐྱེད་ཅིང་གཞང་འབྲུམ་དང་། །ཕོ་ནད་སྐྱ་རྦབ་མཛེ་དམུ་
[190a.5]རྫིང་། །དབྱིག་དུག་རིམས་སྐྲན་མཆིན་ནད་དང་། །སྙིང་ནད་སྐྲན་དང་གཅོང་ཆེན་དང་། །སློན་དང་སྲིན་བུའི་ནད་རྣམས་འཇོམས། །ཆུ་བུ་བཅུ་དྲུག་ནང་དན་ཏི། །རྩ་བཅུ་འབྲས་གསུམ་ཙི་ཏྲ་ཀ །སྲང་རེ་བསྐོལ་བ་བཞི་ཆ་ལུས། །བུ་རམ་སྲང་བརྒྱད་གཞུག་པར་བྱ། །ཐམས་
[190a.6]ཅད་སྔ་མ་དང་འདྲ་ལས། །རྗེས་མཐུན་ཅིག་ཤོས་སེལ་བར་བྱེད། །ཆུ་བྲེ་བཅུ་དྲུག་ནང་དག་ཏུ། །བྱི་ཚོར་བ་ནི་བྲེ་གང་དང་། །དན་ཏི་པ་ཏ་ཙི་ཏྲ་ཀ །རྣམ་རྒྱལ་དོང་གྲ་བ་ཤ་ཀ །སྐྱུ་རུ་ར་ནི་ཁྱོར་རེ་བསྐོལ། །བཞི་ཆ་ལུས་པ་དེའི་ནང་དུ། །ཀ་ར་དཀར་པོ་སྲང་བརྒྱད་གཞུག །
[190a.7]གཞན་དག་སྔ་མ་བཞིན་དུ་སྦྱར། །རྫ་མའི་སྣོད་ཀྱང་པྲི་ཡང་ཀུ། །པི་པི་ལིང་དང་དབྱི་མོ་དང་། །མར་དང་སྦྲང་རྩིའི་ལྡེ་གུས་བསྐུ། །བདེ་བར་འབྱུང་ཕྱིར་ཟས་ཀྱི་སྔར། །འབྲས་བུ་སྐྱུར་བཅས་མར་བླུད་པའམ། །དབྱི་མོ་ཀྲུ་ཏྲུག་ཏྲས་བསྐོལ་མར། །ནས་ཚིག་
[190b]
[190b.1]འཁུས་ཐལ་བུ་རམ་བཅས། །པི་པི་ལིང་གི་རྩ་བར་བསྐོལ། །བུ་རམ་དོང་གྲ་ནས་ཚག་འཁུས། །པི་པི་ལིང་རྩ་པི་པི་ལིང་། །སེ་འབྲུ་འུ་སུ་དག་དང་མར། །བཞི་འགྱུར་ཞོ་དང་བསྐོལ་བས་ནི། །འཕྱེན་དང་བཤང་གཅི་འགགས་པ་སེལ། །བ་ལ་ཤ་ཡི་ཐལ་བའི་ཆུ། །
[190b.2]སུམ་འགྱུར་དང་ནི་མར་དུ་བསྐོལ། །དུག་མོ་ཉུང་སོགས་ཕྱེ་མ་བཏབ། །དྲོད་སྐྱེད་གཞང་འབྲུམ་འཇོམས་པའི་མཆོག །ཚ་བ་ལྔ་དང་ཡ་རུ་ར། །ཡ་བཀྵ་ར་ལ་ལ་ཕུད། །ལྕེ་མྱང་ཚ་དང་ཁ་རུ་ཚ། །པ་ཏ་འུ་སུ་ན་ལེ་ཤམ། །བིལ་བཞོ་དང་བཅས་པའི་མར། །བསྐོལ་
[190b.3]བ་དེས་ནི་ཆུ་སོ་གཞང་། །འཁྲུ་ཞིང་གཞང་ནི་ཉམས་པ་དང་། །གཅིན་སྲི་འཛག་པ་སེལ་བར་བྱེད། །པ་ཏ་འུ་སུ་ལ་ལ་ཕུད། །ཚ་བ་ལྔ་དང་གཟེ་མ་དང་། །བིལ་བཞོ་དང་ཙང་གི་རི། །ཁུ་བ་མར་གྱི་བཞི་འགྱུར་བསྐོལ། །ལྟོ་སྦོས་གཅིན་ནི་སྲི་བ་དང་། །རྟག་ཏུ་འཁྲུ་
[190b.4]དང་གཞང་འབྲུམ་དང་། །གཞང་འབྲུམ་ཕོ་བའི་ནད་རྣམས་དང་། །བད་ཀན་རླུང་ནི་འཇོམས་པར་བྱེད། །རྨ་བྱ་སྲེག་པ་འུར་བྱ་ཡི། །ཤ་ཁུ་སྐྱུར་པོ་ལེགས་སྦྱར་བ། །ཁྱིམ་བྱ་འམ་བྱེའུའི་ཤ་ཁུ། །འཕྱེན་དང་ཕྱི་ས་འགགས་ལ་བླུད། །རྒྱ་སྣེའུ་དུར་བྱིད་ཙི་ཏྲ་ཀ །དན་ཏི་
[190b.5]པ་ཏི་ཨམླི་ཀ །ལ་སོགས་ལོ་མ་གཞན་ཡང་ནི། །བད་ཀན་རླུང་འཇོམས་ཚོད་མ་ནི། །ཡང་ཞིང་བཤང་བ་སླ་བར་བྱེད། །ཤིང་ཀུན་མར་དང་ཏིལ་མར་བརྔོས། །ཞོ་ཡི་སྤྲིས་མར་བསྐོལ་བ་དང་། །འུ་སུ་དང་ནི་ཚ་བ་ལྔ། །བཏགས་པའི་ཕྱེ་དང་སེ་འབྲུའི་བཅུད། །འུ་སུའི་
[190b.6]འདབ་མ་གཞོན་ནུ་དང་། །སྒེའུ་གཤེར་གཤགས་པར་གྱུར་པ་དང་། །སྤོས་ཞིམ་ལེགས་བདུག་དྲི་ཞིམ་བྱས། །ཟིར་ན་ལེ་ཤམ་དང་བཅས། །ཁ་རུ་ཚ་ནི་ཤས་ཆེར་བྲོ། །རླུང་ཤས་ཆེར་རྩུབ་དྲོད་ཆུང་ལ། །སཱ་ལུ་ཙ་སྣར་འབྲས་ཆན་ནི། །བ་ལང་གོ་ཏ་རྔ་མོ་རའི། །ཤ་ཁུ་ཚོད་ལྟར་
[190b.7]གཡོས་པ་དང་། །མཆོག་ཏུ་ཤ་ཟ་རྣམས་ཀྱི་ཤ །རྟུག་སྐམ་ཅན་ལ་སྦྱིན་པར་བྱ། །ཆང་དང་བུར་ཆང་ཀ་རའི་ཆུ། །རྒུན་ཆང་དར་བ་རྩབ་མོ་དང་། །ཆང་རྙིང་དང་ནི་ཞོ་ག་ཆུ། །ཡང་ན་ཆུ་ཉུང་བསྐོལ་བའམ། །འུ་སུ་བཅའ་སྒ་བསྐོལ་བའམ། །ཀཎྜ་ཀ་རི་བསྐོལ་བ་བླུད། །
[191a]
[191a.1]ཟས་ཀྱི་ཐོག་མའམ་བར་དག་ཏུ། །རླུང་གི་རྟུག་སྐམ་སེལ་བ་སྦྱིན། །རླུང་མཁྲིས་བད་ཀན་རྟུག་སྐམ་རྣམས། །བདེ་བར་འབྱུང་ཞིང་དྲི་མ་སྦྱང་། །གཞང་ཁར་གཞང་འབྲུམ་ཞི་འགྱུར་ཞིང་། །མེ་དྲོད་སྐྱེད་པར་བྱེད་པ་ཡིན། །རྟུག་སྐམ་གྱིས་ནི་གཟིར་བ་དང་། །
[191a.2]གང་ཡང་ཤིན་ཏུ་ཁོང་རྩུབ་དང་། །རླུང་འཁྱིལ་གཟེར་གྱིས་ཉེན་པ་གང་། །དེ་ལ་འཇམ་རྩི་བྱ་བ་བསྔགས། །པི་པི་ལིང་དང་པོ་སོན་ཆ། །བིལ་བ་ཤུ་ཏི་ཤིང་མངར་དང་། །ཤུ་དག་རུ་རྟ་ཀྲུ་ཏྲུག་ཏྲེས། །ཟུར་པ་མ་ནུ་ཐང་ཤིང་རྣམས། །བཏགས་ཏེ་ཏིལ་མར་ལ་བཙོ་
[191a.3]ཞིང་། །འོ་མ་ཏིལ་མར་ཉིས་འགྱུར་གཞུག །གཞང་འབྲུམ་རླུང་གིས་འཁྱིལ་བ་ལ། །འཇམ་རྩི་དེ་ནི་མཆོག་ཏུ་བསྔགས། །གཞང་འབྱུང་བ་དང་གཟེར་བ་དང་། །གཅིན་སྲི་འཁྲོག་ཅིང་འཁྲུ་བ་དང་། །བརླ་རྐེད་རྒྱབ་ན་ཉམ་ཆུང་དང་། །ལྟོ་སྦོས་ཆུ་སོར་བརྟེན་པ་
[191a.4]དང་། །བེ་སྣབས་འཁྲུ་དང་གཞང་སྐྲང་དང་། །རླུང་གིས་རྟུག་བ་འགགས་པ་དང་། །གང་ཞིག་མང་དུ་འབྱུང་འདོད་པ། །དེ་དག་འཇམ་རྩིས་སེལ་བར་བྱེད། །ཡང་ན་མས་གཏོང་བཀྲུ་སྨན་དྲག །རྩ་བ་ལྔ་པ་འོ་མར་བཅས། །བ་གཅིན་ཏིལ་མར་ལན་ཚྭ་དང་། །སོན་
[191a.5]ཆ་ལ་སོགས་ལྡེ་གུ་གཏང་། །དེ་ནས་གཞང་འབྲུམ་ཁྲག་འཛག་པ། །རླུང་ངམ་བད་ཀན་དང་འབྲེལ་བ། །བཏགས་ནས་དེ་ལ་སྣུམ་པ་དང་། །རྩུབ་དང་བསིལ་བ་སྦྱར་བར་བྱ། །དེ་ལ་རླུང་དང་རྗེས་འབྲེལ་བ། །བཤང་བ་གནག་ཅིང་སྲ་ལ་རྩུབ། །རླུང་ནི་ཐུར་དུ་འབྱུང་མི་
[191a.6]བྱེད། །རྐེད་པ་བརླ་དང་གཞང་ཁ་གཟེར། །རྩུབ་པའི་རྒྱུར་ནི་གྱུར་པ་ཡིན། །བད་ཀན་རྗེས་འབྲེལ་བཤང་བ་སླ། །སྐྱ་ཞིང་སེར་ལ་ལྕི་ཞིང་སྣུམ། །སྤྱི་བག་གཞང་ཁ་ཚོར་བ་ཆུང་། །རྒྱུ་ནི་སྣུམ་ལྕི་ཡིན་ཞེས་བྱ། །རང་ཁྲག་མཚན་ཉིད་ལས་ཀྱང་བརྟགས། །ནད་ཁྲག་
[191a.7]བསལ་བར་བྱ་བ་དང་། །ཉམས་སྟོབས་ཇི་བཞིན་སྨྱུང་བ་བྱ། །ཇི་སྲིད་ནད་ཁྲག་ནག་པོ་བྱུང་། །དེ་སྲིད་ཁྲག་འཛག་གཅད་མི་བྱ། །ནད་ནི་སྨིན་པར་བྱ་ཕྱིར་དང་། །མེ་དྲོད་བསྐྱེད་པར་བྱ་ཕྱིར་དང་། །ཁྲག་ནི་གཅད་པར་བྱ་བའི་ཕྱིར། །དེ་ཕན་ཆད་ནི་ཁ་བ་བླུད། །གང་ཞིག་ནད་
[191b]
[191b.1]ཀྱིས་སྟོབས་ཟད་པ། །ཁྲག་ནི་རླུང་གི་ཤེས་ཆེ་ལ། །བཏུང་དང་བསྐུ་དང་འཇམ་རྩི་རུ། །རིག་པས་སྣུམ་ནི་སྦྱར་བར་བྱ། །གང་ཞིག་མཁྲིས་པ་རྒྱས་པའི་ཁྲག །ཚ་བའི་དུས་སུ་འབྱུང་གྱུར་པ། །དེ་ནི་གཅིག་ཏུ་གཅད་བྱ་ཡི། །རླུང་དང་བད་ཀན་ལས་གྱུར་མིན། །བད་ཀན་བཅས་
[191b.2]ཁྲག་བཅའ་སྒ་དང་། །དུག་མོ་ཉུང་ཤུན་བསྐོལ་བ་བླུད། །ཡང་ན་རྩ་མཁྲིས་བཅའ་སྒ་དང་། །བྱི་ཚེར་ཙནྡན་དམར་པོའམ། །སྐྱེར་པའི་ཤུན་པ་པུ་ཤེལ་ཙེ། །ནིམ་པའམ་སེ་འབྲུའི་ཤུན་བསྐོལ་བླུད། །དུག་མོ་ཉུང་ཤུན་འབྲས་བུ་དང་། །བོང་ང་སྦྲང་རྩི་སྐྱེར་ཁཎྜ་འམ། །
[191b.3]ཡང་ན་ཨ་པ་མརྒ་ཡི། །ལྡེ་གུ་འབྲས་ཀྱི་ཆུ་སྦྱར་བླུད། །དུག་མོ་ཉུང་གི་ཤུན་པ་རློན། །སྲང་བརྒྱད་ཆར་ཆུ་ནང་དུ་བསྐོལ། །ཤུན་ལྤགས་ཁུ་བ་བཙགས་པ་རུ། །བཙོད་དང་མོ་ཙ་པྲི་ཡངྐུའི། །ཁུ་བ་སྲང་རེ་དག་དང་ནི། །དུག་མོ་ཉུང་གི་ཕྱེ་མ་བཅུག །དེ་ནས་གཟར་བུར་
[191b.4]ཆགས་པ་ཡི། །ལྡེ་གུ་བསྐོལ་བ་སྦྱིན་བྱ་ཞིང་། །ཐུག་པ་ཐུག་སླའིའོ་ཐུག་གམ། །ར་འམ་བ་ཡིའོ་མའམ། །མེ་སྟོབས་ཇི་བཞིན་བླུད་པར་བྱ། །ལྡེ་གུ་འདིས་ནི་ཁྲག་གི་ནི། །ཚད་འཁྲུ་གཞང་འབྲུམ་སེལ་བྱེད་ཅིང་། །ཁྲག་མཁྲིས་ནད་ནི་སྟོབས་ལྡན་པ། །
[191b.5]སྟེང་ངམ་འོག་ནས་འབྱུང་བ་སེལ། །དུག་མོ་ཉུང་ཤུན་སྲང་བརྒྱད་ཅུ། །བྲེ་བཅུ་དྲུག་བསྐོལ་བརྒྱད་ཆ་བླུད། །དེ་ནི་ཆ་གསུམ་སྐྱེར་ཁཎྜ། །སེང་ཕྲོམ་གཉིས་དང་མོན་ཆ་ར། །སེ་འབྲུ་གཞོན་ནུའི་ཤུན་ལྤགས་དང་། །བིལ་བ་གཞོན་ནུ་གླ་སྒང་དང་། །བཙོད་དང་ད་ཏ་ཀའི་
[191b.6]འབྲས་བུ། །སྲང་ནི་རེ་རེ་བཏགས་པ་ཡི། །ལྡེ་གུར་བྱས་པ་གཞུག་པར་བྱ། །དུག་མོ་ཉུང་ཤུན་སྲང་བཅུ་དང་། །ཞུན་མར་སྲང་ནི་ཉི་ཤུ་དང་། །བུ་རམ་སྲང་ནི་སུམ་ཅུ་གཞུག །བསྐོལ་ལ་གཟར་བུར་ཆགས་པ་དང་། །འབྲུ་ནང་ཟླ་ཕྱེད་བཅུག་སྟེ་བལྡག །གཞང་
[191b.7]འབྲུམ་ཀུན་དང་ཕོ་བའི་ནད། །ལུད་པ་དབུགས་མི་བདེ་བ་སེལ། །སེང་ཕྲོམ་མོ་ཙ་ར་ས་ཏིལ། །བཙོད་དང་ཙནྡན་ཨུཏྤལ། །ར་ཡི་འོ་མ་སྦྱར་བ་བླུད། །དེ་ཉིད་དང་ནི་འབས་ཆེན་སྦྱིན། །ཤིང་མངར་ཤུན་པ་བྱི་ཚེར་བ། །འོ་མ་དཱུར་བ་པ་ཡ་སྱ། །ཁར་སྦྲང་རྩིར་
[192a]
[192a.1]བཅས་ཆུའམ། །ར་ཡི་འོ་མ་སྦྱར་བ་བཏུང་། །སེང་ཕྲོམ་བཙོད་དང་པུ་ཤེལ་ཙེ། །ཤ་མ་ལི་ཤུན་དུག་མོ་ཉུང་། །ཙནྡན་ཤིང་མངར་པུ་ཤེལ་ཙེ། །ནཱ་ག་གེ་སར་འབྲས་ཆུར་བླུད། །ལ་ལ་ཕུད་དང་དུག་མོ་ཉུང་། །པ་ཏ་བཅའ་སྒ་སྐྱེར་ཁཎྜའི། །
[192a.2]ཕྱེ་མ་གཟེར་དང་བཅས་ལ་ཕན། །ཁྲག་ནི་དྲག་ཏུ་འབྱུང་བ་ལ། །ཀཎྜ་ཀ་རི་པ་ཡ་སྱ། །གཉིས་དང་བསྐོལ་བའི་ཞུན་མར་བསྔགས། །ཡང་ན་སེང་ཕྲོམ་ད་ཏ་ཀི། །དུག་མོ་ཉུང་ཤུན་འབྲས་བུ་དང་། །ཨུཏྤལ་པདྨ་གེ་སར་མར། །ཡ་བཀྵ་ར་སེ་འབྲུའི་བཅུད། །ཁ་
[192a.3]ར་པདྨ་གེ་སར་དང་། །མར་སར་བཅས་པ་ཏིལ་སྦྱར་བའམ། །མར་སར་སྦྱར་བས་ཁྲག་ལས་ནི། །གྱུར་པའི་གཞང་འབྲུམ་སེལ་བར་བྱེད། །ར་ཡི་མར་སར་འོ་མ་དང་། །སྐམ་སའི་སྲོག་ཆགས་ཤ་ཁྲག་དང་། །རྒྱ་སྣེའི་ཁུ་བར་བཅས་ཤ་ཁུ། །ཅུང་ཟད་སྐྱུར་དང་སྐྱུར་མེད་པ། །
[192a.4]སཱ་ལུ་ཙ་སྣར་ཞོ་ཡི་སྤྲི། །དྲུག་ཅུ་པ་དང་ཆང་སར་དང་། །ཆང་གི་དངས་མ་སར་པ་ནི། །ཁྲག་ལས་གྱུར་པའི་སྨན་མཆོག་ཡིན། །ཐུག་པ་ཡུ་ཤ་ཤ་ཁུ་སོགས། །ཡང་ན་ཀུན་དོང་འབའ་ཞིག་གིས། །ཁྲག་རྒྱས་གྱུར་པ་སེལ་བྱེད་དེ། །རླུང་ལས་གྱུར་པའང་སྦྱར་བར་བྱ། །
[192a.5]ཕལ་ཆེར་རླུང་ཤས་ཆེ་གཞང་འབྲུམ། །ཁྲག་འཛག་དྲགས་ལས་འབྱུང་འགྱུར་བས། །དེ་བས་ལྷག་པར་དེ་ལ་ནི། །དེ་བསལ་བ་ལ་འབད་པར་བྱ། །ཁྲག་མཁྲིས་ཤས་ཆེ་བད་ཀན་དང་། །རླུང་ཤས་ཆེ་བར་མཐོང་གྱུར་ན། །དེ་ཞི་བྱ་ཕྱིར་རྣམ་ཀུན་དུ། །བསིལ་བའི་ཆོ་ག་སྤྱད་
[192a.6]པར་བྱ། །གལ་ཏེ་དེས་ཀྱང་མ་ཞི་ན། །དེ་ཚེ་སྣུམ་དང་དྲོ་བས་བརྟ། །ཤ་ཁུ་དྲོ་འཇམ་ཞུན་མར་ནི། །ཐོག་མ་ཉིད་དུ་སྦྱར་བར་བྱ། །དེ་ལ་ཏིལ་མར་མར་དང་ནི། །འོ་མ་དྲོ་འཇམ་བླུད་པའང་བསྔགས། །བྱི་ཚེར་ཀུ་ཤ་འཇག་མའི་རྩྭ། །ཤལ་མ་ལི་ཡི་མེ་ཏོག་དང་། །
[192a.7]ཨུ་དུམ་བཱ་ར་ནྱ་གྲོ་དྷ། །ཨ་ཤྭདྠ་ཡི་མྱུ་གུ་སྲང་། །གཉིས་གཉིས་ཆུ་བྲེ་གསུམ་དང་ནི། །འོ་མ་བྲེ་གང་ནང་དུ་བསྐོལ། །འོ་མ་ལུས་ནས་ཚིགས་མ་བཙགས། །ཁུ་བ་དེར་ནི་མོན་ཆ་ར། །བཙོད་དང་ཙནྡན་ཨུཏྤལ། །ཨུཏྤལ་པདྨའི་གེ་སར་དང་། །དུག་མོ་ཉུང་གི་ས་བོན་
[192b]
[192b.1]ཏེ། །འདི་རྣམས་བཏགས་པའི་ལྡེ་གུ་བསྲེས། །འདི་ནི་སྤྱི་བག་འཇམ་རྩིར་གྲགས། །མར་དང་སྦྲང་རྩི་ཁ་རར་བཅས། །མཁྲེགས་དང་གཞང་ནི་འབྱུང་བ་དང་། །ཁྲག་འཛག་རིམས་ནི་འཇོམས་པར་བྱེད། །ཤིང་མངར་པྲ་པུཎྜ་རཱི་ཀ །དེ་བཞིན་མོན་ཆར་ལ་སོགས། །ཉིས་
[192b.2]འགྱུར་གྱི་ནི་འོ་མ་བསྐོལ། །སྣུམ་གྱི་འཇམ་རྩི་གཏང་བར་བྱ། །ཤིང་མངར་ཨུཏྤལ་སེང་ཕྲོམ་བཙོད། །བིལ་བ་ཙནྡན་བ་ལེ་ཀ །དབྱི་མོ་གླ་སྒང་བོང་ང་དཀར། །བ་ཏ་ཡ་བཀྵ་ར་མཆོག །སྐྱེར་པ་ཤིང་ཚ་ཙི་ཏྲ་ཀ །དོང་ག་སྤང་སྤོས་ཐང་ཤིང་
[192b.3]དང་། །ཙང་གི་རི་ཡི་ཁུ་བ་མར། །བསྐོལ་བ་དེས་ནི་ཉེས་གསུམ་འཇོམས། །གཞང་འབྲུམ་ཚད་འཁྲུ་ཕོ་བའི་ནད། །སྐྱ་རྦབ་རིམས་དང་ཡི་ག་འཆུས། །གཅིན་སྲི་གཞང་ནི་ཉམས་པ་དང་། །ཆུ་སོ་སྦོ་དང་མཁྲེགས་པ་དང་། །བེ་སྣབས་འཁྲུ་དང་གཞང་འབྲུམ་སེལ། །
[192b.4]དེ་བླུད་སྨན་གྱི་དམ་པ་ཡིན། །རིམ་གྱིས་མངར་ཞིང་སྐྱུར་བ་དང་། །གྲང་དྲོ་ལ་སོགས་རྟག་ཏུ་ནི། །མེ་དྲོད་སྟོབས་ལས་ལྟོས་ཏེ་གཏང་། །གཞང་འབྲུམ་ནད་ལས་རྒྱལ་བར་འགྱུར། །རྟུག་སྐམ་གྱིས་ཉེན་ཏིལ་མར་ནི། །གྲང་བའི་རིམས་ལ་ཕན་པས་བསྐུ། །རླན་དུགས་
[192b.5]སྣུམ་ཅན་གྱིས་དུགས་བྱ། །དེ་ནས་རེང་བུ་གཞུག་བྱ་སྟེ། །ཤ་མ་དུར་བྱིད་དན་ད་དང་། །ནི་ལི་ནི་འབྲས་པི་པི་ལིང་། །པོ་སོན་ཆ་ལན་ཚྭ་ཉེས་འགྱུར། །ཕྱེར་བཏགས་བུ་རམ་བ་གཅིན་སྦྱར། །མར་བསྐུས་རིང་བུ་མཐེ་བོང་ཙམ། །བཅུག་ན་རྟུག་སྐམ་བདེ་འབྱུང་
[192b.6]བྱེད། །པི་པི་ལིང་དང་པོ་སོན་ཆ། །ཁྱིམ་གྱི་དུང་པ་ཉུངས་ཀར་བཅས། །འདི་དག་ཉིད་ཀྱི་ཕྱེ་མ་ནི། །རྐུབ་ནས་གཅེ་འུས་འབུད་བར་བྱ། །དེ་དོན་མེད་ན་རབ་རྣོ་སྣུམ། །མས་གཏོང་བས་ནི་བཙིར་ཏེ་གཏང་། །དེས་ནི་གཞང་རྩ་དྲང་པོར་བྱེད། །བཤང་གཅི་འཕྱེན་ནི་བདེ་བར་
[192b.7]འབྱུང་། །སླར་ཡང་འགགས་ན་རླུང་འཇོམས་པའི། །བཀྲུ་སྨན་སྣུམ་ཅན་གཏང་བྱ་ཞིང་། །འཇམ་རྩི་དག་ནི་གཏང་བར་བྱ། །རྩུབ་པས་རླུང་ནི་རྟུག་སྐམ་འགྱུར། །ལན་ཚྭ་གསུམ་དང་ཚ་བ་གསུམ། །འབྲས་བུ་གསུམ་དང་དན་ཏི་དང་། །བསེ་ཤིང་འབྲས་བུ་ཙི་
[193a]
[193a.1]ཏྲ་ཀ །ཕྱེ་མ་མར་དང་སྦྲང་རྩིས་སྦྲུས། །རྫ་སྐྱོགས་ཁ་སྦྱར་འཇིམ་པས་བྱུགས། །དུ་བ་ནང་འཁྱིམས་བསྲེག་པར་བྱ། །ཐལ་བ་དགེ་བ་ཅན་ཞེས་བྱ། །མར་དང་ལྷན་ཅིག་བླུད་པའམ། །འབྲས་ཆན་སྣུམ་ཅན་དང་སྦྱར་ཟོས། །རྟུག་སྐམ་འགགས་
[193a.2]དང་གཞང་འབྲུམ་སྐྲན། །སྐྱ་རྦབ་དམུ་རྫིང་བདེ་གཅིན་སྲི། །སྙིང་ནད་འོར་ནད་ཕོ་བའི་ནད། །གཅིན་སྙི་མཆིན་པ་གཟེར་དང་སྨྲོ། །ལུད་པ་དབུགས་མི་བདེ་བ་འཇོམས། །གཞང་འབྲུམ་ལ་ནི་གང་ཞིག་བཤད། །དེ་བཞིན་རྟུག་སྐམ་དག་ལ་སྦྱར། །ཀ་རཉྫ་ཤུན་སྲང་ནི་ཉིས་
[193a.3]བརྒྱ་བཅུ། །བྲེ་བཅུ་དྲུག་བསྐོལ་བཞི་ཆ་ལུས་པ་དེར། །བུ་རམ་སྲང་ནི་བརྒྱད་ཅུ་ཚ་བ་གསུམ། །སྲང་བརྒྱད་ཞིབ་ཏུ་བཏགས་པའི་ཕྱེ་མ་གཞུག །འདི་དག་ཟླ་གཅིག་བཞག་སྟེ་ལངས་གྱུར་ནས། །ཚ་བྱས་མཆོག་ཏུ་དྲོད་སྐྱེད་ཟས་འཇུ་བའི། །ནུས་སྐྱེད་རླུང་བདེར་རྒྱུ་བྱས་གཞང་
[193a.4]འབྲུམ་དང་། །མཆེར་ནད་སྐྲན་དང་དམུ་རྫིང་སེལ་བར་བྱེད། །པུ་ཏི་ཀ་རཉྫ་ནི་སྲང་བརྒྱད་དང་། །ཙི་ཏྲ་ཀཎྜ་ཀ་རི་སྲང་ཉིས་བརྒྱ། །ཆུ་བྲེ་བཞི་བཅུ་བརྒྱད་བསྐོལ་བཞི་ཆ་ལུས། །བཙགས་ཏེ་བསྒྲངས་པར་བུ་རམ་སྲང་བརྒྱད་གཞུག། །དྲི་སྣ་གསུམ་དང་ཚ་གསུམ་སེ་འབྲུ་དང་། །པི་པི་
[193a.5]ལིང་གི་རྩ་བ་སྲུ་སྲུའི་རྩ། །གུ་གུལ་མ་ནུ་འུ་སུ་དབྱི་མོང་དང་། །སྤ་མའི་འབྲས་བུ་སྒེ་གཤེར་སྟར་བུ་ནི། །སྲང་རེ་ཞིབ་ཏུ་བཏགས་པའི་ཕྱེ་མ་བསྐོལ། །བསྒྲངས་ནས་སྦྲང་རྩི་སྲང་ནི་ཉི་ཤུ་གཞུག །སྒེ་གཤེར་སྐྱུར་རྩི་ཆེན་པོ་རྒུན་འབྲུམ་རློན། །བུ་རམ་ཤིང་གི་ཁུ་བ་བཙིར་བ་
[193a.6]བཅས། །མར་གྱི་སྣོད་བཅུག་ཟླ་གཅིག་བཞག་སྟེ་ལངས། །སྐྱུར་གྱུར་འདི་ནི་གཞང་འབྲུམ་སོག་ལེ་སྟེ། །མེ་དྲོད་སྐྱེད་པར་བྱེད་པའི་མཆོག་ཡིན་ལ། །སྐྱ་རྦབ་དབྱིག་དྲུག་དམུ་རྫིང་སྐྲན་མཆེར་པ། །ལྟོ་སྦོས་རྡེའུ་ཆགས་གཅིན་སྲི་འཇོམས་པར་བྱེད། །པི་ལུའི་ཁུ་བ་རས་
[193a.7]བཙགས་བྲེ་བཅུ་དྲུག །མར་གྱི་སྣོད་ཀྱི་ནང་དུ་བཅུག་ནས་ནི། །ད་ཏ་ཀི་དང་རྒུན་འབྲུ་འབྲ་གོ་དང་། །སྐྱུ་རུ་ར་ཡི་འབྲས་བུ་སྲང་གཉིས་གཉིས། །པ་ཏ་བོང་ང་དཀར་པོ་བྱི་ཚེར་བ། །སྟར་བུ་ཚ་བ་གསུམ་དང་ཤིང་ཚ་དང་། །སུག་སྨེལ་འུ་སུ་སྤྲ་ཀི་ཀ་ཀོ་ལ། །ལི་ཤི་པི་པི་ལིང་རྩ་བྱི་
[193b]
[193b.1]དང་ག །ཀྲུ་ཏྲུག་ཏྲེས་སྲང་རེ་རེ་བུ་རམ་ནི། །སྲང་བརྒྱད་རླུང་མེད་གནས་སུ་ཟླ་ཕྱེད་གཞག །དེས་ནི་གཞང་འབྲུམ་སྐྲན་བཅས་ཞི་བྱེད་ཅིང་། །མེ་ཡི་སྟོབས་ནི་མྱུར་དུ་སྐྱེད་པར་བྱེད། །ཡང་ན་རྩ་བ་བཅུ་པ་དུར་བྱིད་དང་། །པ་ཏ་ཨར་ཀ་གཉིས་དང་བོང་ང་དཀར། །ཀད་པ་ལ་
[193b.2]རྣམས་རེ་རེ་སྲང་བཅུ་བཅུ། །སྔ་མ་བཞིན་དུ་བསྲེགས་པའི་ཐལ་བ་ནི། །ཆུ་བྲེ་བཅུ་དྲུག་ནང་དུ་བསྐོལ་ནས་ནི། །བཞི་ཆ་ལུས་པར་བུ་རམ་སྲང་བརྒྱ་དང་། །ཚ་བ་གསུམ་དང་དབྱི་མོང་ཨ་རུ་ར། །སྲང་ལྔ་ཙི་ཏྲ་ཀ་ནི་སྲང་གཉིས་དང་། །ཡ་བཀྵ་ར་སྲང་གཉིས་བཅུག་སྟེ་
[193b.3]བསྐོལ། །གཟར་བུར་ཆགས་པའི་བུ་རམ་ལྡེ་གུ་ཡིས། །སྐྲན་དང་མཆེར་ནང་གཞང་འབྲུམ་མཛེ་ནད་དང་། །གཅིན་ནད་མེ་དྲོད་ཉམས་པ་འཇོམས་པར་བྱེད། །ཙི་ཏྲ་ཀ་ཡི་རྩ་བ་སྲང་ལྔ་བཅུ། །ཆུ་སྲང་བཅུ་དྲུག་བསྐོལ་ལ་བརྒྱད་ཆ་ལུས། །དེར་ནི་བུ་རམ་རྙིང་པ་སྲང་བརྒྱ་
[193b.4]གཞུག །སླར་བསྐོལ་སྐ་བར་གྱུར་པ་དེ་ནང་དུ། །ཚ་བ་གསུམ་དང་ཤུ་ཏི་ཨ་རུ་ར། །རུ་རྟ་གླ་སྒང་ཤིང་ཚ་བྱི་དང་ག །ཙི་ཏྲ་ཀ་དང་སུག་སྨེལ་ཕྱེར་བཏགས་བསྲེས། །དེས་ནི་གཞང་འབྲུམ་མཛེ་དང་སྐྲན་དང་ནི། །མཆེར་པ་དམུ་རྫིང་ནད་ནི་འཇོམས་བྱེད་ཅིང་། །རྟག་ཏུ་
[193b.5]བསྟེན་ན་མེ་དྲོད་སྐྱེད་པར་བྱེད། །ཚ་བ་གསུམ་དང་ཏིལ་དང་འབྲས་བུ་གསུམ། །བྱི་དང་ག་དང་གོ་བྱེ་ཙི་ཏྲ་ཀ །བུ་རམ་རི་ལུར་བྱས་བསྟེན་གཞང་འབྲུམ་དང་། །པགས་པའི་ནད་ནི་སེལ་བར་བྱེད་པ་ཡིན། །སོར་ན་ཡི་རྩ་བ་ཁ་སྦྱར་བཅུག །འཇིམ་པས་བསྐུས་ཏེ་ཆོ་ག་བཞིན་
[193b.6]བསྲེགས་པ། །ལན་ཚྭ་ཏིལ་མར་བཅས་པ་ཟོས་གྱུར་ན། །གཞང་འབྲུམ་སེལ་བར་བྱེད་པའི་དམ་པ་ཡིན། །ན་ལེ་ཤམ་དང་པི་པི་ལིང་དོང་གྲ། །ཀྲུ་ཏྲུག་ཏྲེས་ནི་ཆ་རེ་བསྐྱེད་པ་དང་། །ཙི་ཏྲ་བཞི་འགྱུར་སུ་ར་ན་དང་སྦྱར། །བུ་རམ་རི་ལུས་གཞང་འབྲུམ་གཅོད་པར་བྱེད། །སོ་
[193b.7]ར་ན་ཡི་བཅུ་དྲུག་ཕྱེར་བཏགས་ཤིང་། །ཙི་ཏྲ་ཀ་ནི་དེ་ཡི་ཆ་ཕྱེད་བྱ། །བཅའ་སྒ་ཆ་གཉིས་ན་ལེ་ཤམ་ཆ་གཅིག །བུ་རམ་རི་ལུར་བྱས་པས་གཞང་འབྲུམ་སེལ། །ཨ་རུ་ར་དང་དོང་གྲ་པི་པི་ལིང་། །ཀ་རཉྫ་དང་ཙི་ཏྲ་བྱི་དང་ག། །ཀ་ར་མཉམ་ཕྱེ་རྒོད་མའི་ཁ་ལྟ་བུ། །ཟས་ལྕི་མང་དུ་
[194a]
[194a.1]ཟོས་ཀྱང་འཇུ་བར་བྱེད། །དུག་མོ་ཉུང་ལཾ་ག་ལི་པི་པི་ལིང་། །ཙི་ཏྲ་ཀ་དང་ཨ་བ་མརྒ་ཡི། །ས་བོན་རྩ་མཁྲིས་རྒྱམ་ཚ་བུ་རམ་རྣམས། །རི་ལུར་བྱས་པས་གཞང་འབྲུམ་སེལ་བར་བྱེད། །གལ་ཏེ་གཞང་འབྲུམ་གཞིག་པར་འདོད་ན་ནི། །རྒྱམ་ཚ་ཙི་ཏྲ་ཀ་
[194a.2]དང་དུག་མོ་ཉུང་། །ཙི་ལི་བིལ་བ་ནིམ་པར་བཅས་པ་དག །བཏགས་པའི་ཕྱེ་མ་དར་བར་བཅས་པ་བཏུང་། །གཞང་འབྲུམ་སྐམ་ལ་བ་ལ་ཏ་ཀ་སྟེ། །གཤེར་ལ་དུག་མོ་ཉུང་ཤུན་སྨན་མཆོག་ཡིན། །ཀུན་ལ་དུས་ཀུན་དུ་ནི་དར་རྙིང་མཆོག །སྟོབས་སྐྱེད་བྱེད་ཅིང་ནད་རྣམས་
[194a.3]འཇོམས་པ་ཡིན། །རྟུག་པ་འགགས་པ་བསལ་བར་བྱ་བའི་ཕྱིར། །རླུང་སེལ་མེ་དྲོད་སྐྱེད་པར་བྱེད་པ་ཡི། །བཟའ་དང་བཏུང་བ་གང་ཡིན་དེ་བསྟེན་བྱ། །དེ་ལས་གོ་ཟློག་པ་ནི་སྤང་བར་བྱ། །གཞང་འབྲུམ་ཚད་འཁྲུ་ཕོ་བའི་ནད་རྣམས་ནི། །ཕལ་ཆེར་ཕན་ཚུན་རྒྱུར་གྱུར་
[194a.4]ཡིན་པས་ན། །མེ་དྲོད་ཆུང་ན་སྐྱེའི་ཆེ་ན་མིན། །དེ་བས་དེ་ལ་མཆོག་ཏུ་མེ་དྲོད་བསྲུང་། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་བརྒྱད་པའོ།། །།དེ་ནས་འཁྲུ་བ་གསོ་བའི་ལེའུ་བཤད་པར་བྱའོ། །འཁྲུ་བ་ཕལ་ཆེར་
[194a.5]མ་ཞུ་བའི། །གནས་རྟེན་མེ་དྲོད་ཉམས་པ་ལ། །འབྱུང་བས་དེའི་ཕྱིར་རླུང་གྱུར་ལའང་། །དང་པོ་སྨྱུང་བ་བྱས་པ་ཕན། །གཟེར་དབོ་བད་ཀན་གྱིས་ཉམ་ཐག །འཁྲུ་བ་ཅན་ནི་སློན་དུ་གཞུག །ནད་ནི་གང་ཞིག་སོགས་པ་དག །མ་སྨིན་ཟས་དང་འདྲེས་གྱུར་ན། །འཁྲུ་བ་དག་
[194a.6]ནི་འབྱུང་གྱུར་ཏེ། །ཤིན་ཏུ་སློངས་ཏེ་འབྱུང་གྱུར་དང་། །རང་ཉིད་འཁྲུ་བྱེད་དེ་ལ་ནི། །བཏང་སྙོམས་གཞག་པ་དེ་ཉིད་སྨན། །མ་ཞུ་འཁྲུལ་དང་པོར་ནི། །གཅོད་པའི་སྨན་ནི་གཏང་མི་བྱ། །གལ་ཏེ་འགགས་བྱེད་ལྟོ་སྦོ་ལྕི། །གཟེར་དང་ཚོར་བ་ཆུང་གྱུར་ལ། །ཨ་
[194a.7]རུ་བཏང་ན་ནད་འཁྱིལ་བ། །འབྱིན་པས་སྲོག་ནི་སྟེར་བྱེད་ཡིན། །ནད་ཚབས་འབྲིང་ལ་ཁྱད་པར་དུ། །བུ་ཏི་ཀ་དང་པི་པི་ལིང་། །བཅའ་སྒ་ཤུ་དག་ཨ་རུ་ར། །འུ་སུ་ལེགས་པར་བསྐོལ་བ་བླུད། །ཡང་ན་བིལ་བ་འུ་སུ་དང་། །གླ་སྒང་དོང་གྲ་བ་ལེ་ཀ །པ་ཐ་ཤུ་དག་ཁ་རུ་ཚ། །
[194b]
[194b.1]དོང་ག་བྱི་དང་ཨ་རུ་ར། །བཅའ་སྒ་གླ་སྒང་བོང་ང་དཀར། །བིལ་བ་ཤིང་ཀུན་དུག་མོ་ཉུང་། །ནད་གཞི་ཆུང་བའི་ཚད་འཁྲུལ། །སྨྱུང་བ་བྱས་པ་བསྔགས་པ་ཡིན། །ཡང་ན་ཤུ་དག་བོང་ང་དཀར། །གླ་སྒང་པར་པ་ཏ་བསྐོལ་པ་འམ། །བ་ལེ་ཀ་དང་དོང་གྲ་ནི། །བསྐོལ་
[194b.2]བའི་ཆུ་དག་བླུད་པར་བྱ། །བཀྲེས་ཤིང་ཉམ་ཆུང་ཟས་དུས་སུ། །ཁ་ཟས་ཡང་བ་རིག་པས་སྦྱིན། །དེས་དེའི་ཁ་ཟས་ཡི་གར་འོང་། །མེ་དྲོད་ལུས་སྟོབས་སྐྱེད་པར་བྱེད། །དར་བའམ་རང་སྐྱུར་དག་གམ་ནི། །ནས་ཐུག་དག་གི་སྐྱོ་མའམ། །ཆང་ངམ་རྒུན་ཆང་དག་གི་ནི། །
[194b.3]བཏུང་བ་གང་འོས་ཉེར་སྤྱད་བྱ། །ཁ་ཟས་བྱིན་པའི་འོག་ཏུ་ནི། །བིལ་བ་གཞོན་ནུ་ཟུར་བ་དཀར། །འུ་སུ་ཤིང་ཀུན་ང་ཏྲིག་སེའུ། །ཟི་ར་སྤ་འབྲས་པ་ལ་ཤ །ལ་ལ་ཕུད་དང་ཁ་རུ་ཚ། །རྒྱམ་ཚ་རྩ་བ་ཆུང་ངུ་ལྔ། །ཚ་བ་ལྔ་དང་པ་ཐ་སྟེ། །སྨིན་གཅོད་དྲོད་ནི་སྐྱེད་པར་བྱེད། །
[194b.4]བད་ཀན་མཁྲིས་པའི་ཤས་ཆེ་ལ། །ས་ལ་པརྞི་བ་ལ་དང་། །བིལ་བ་ཀྲྀཥྞ་པརྞི་དང་། །སེ་འབྲུ་བསྐོལ་བའི་ཐུག་པ་ཕན། །པི་པི་ལིང་རྩ་ཨ་རུ་ར། །ཐུག་པས་རླུང་ནི་བདེར་རྒྱུ་བྱེད། །ནད་གཞི་མང་ལ་འགགས་པ་དང་། །མེ་དྲོད་ཆེ་བར་གང་ཞིག་འཁྲུ། །པི་པི་ལིང་དང་འབྲས་
[194b.5]བུ་གསུམ། །བྱི་དང་ག་བསྐོལ་བཀྲུ་སྨན་གཏང་། །སྦྱངས་བྱས་ནས་ནི་ཐུག་པ་དག །རླུང་འཇོམས་མེ་དྲོད་སྐྱེད་པ་བླུད། །གང་ཞིག་མ་ཞུ་སྨིན་གྱུར་དང་། །མེ་དྲོད་སྐྱེས་ནས་འཁྲུ་འགྱུར་ཞིང་། །འབྱར་བག་ལྦུམ་ཅན་ནད་བཅས་པ། །སྲི་ཤིང་ཡང་དང་ཡང་དུ་ནི། །ཡང་
[194b.6]ཡང་འཁྲུ་ཞིང་བཤང་ཆུང་བའམ། །བཤང་བ་མ་འདྲེས་མཁྲེགས་བཅས་ལ། །ཞོ་དང་འོ་མ་མར་ཏིལ་མར། །བཅའ་སྒ་བུ་རམ་བཅས་པ་བླུད། །ཡང་ན་རྒྱ་ཤུག་འབྲས་བུ་སྤངས། །བུ་རམ་ཏིལ་མར་ལྡན་པ་སྦྱིན། །བཤང་བསྲི་ལ་ཕན་ཚོད་མ། །སྡུམ་མང་དེ་བཞིན་ཤ་ཁུ་
[194b.7]དང་། །ཞོ་དང་སེ་འབྲུ་གཡོས་པ་དང་། །སཱ་ལུའི་འབྲས་ཆེན་མ་ཤ་ཏིལ། །མུངྒ་ལེགས་པར་གཡོས་པའི་ཟས། །དེ་ནི་བཀྲེས་པར་གྱུར་ཚེ་སྦྱིན། །ཟུར་བའི་རྩ་བ་ཀ་པི་ཏ། །པ་ཏ་སྭ་ཏི་ཀའི་ཚོད་མ། །ཤུ་ཤ་ལ་ལ་ཕུད་དང་ནི། །ཀར་ཀ་རུ་དང་སྲིང་གི་ནི། །ཡང་ན་
[195a]
[195a.1]ཙིར་བི་ཏ་ཡང་རུང་། །ཨུ་པོ་ཏ་ཀ་ཛི་བན་ཏི། །བ་གུ་རྩེ་དང་རྒྱ་སྣེའུ་དང་། །ལྕམ་པའམ་ཡང་ན་ཨེ་རཎ་དང་། །ལོ་ནི་ཀ་ཡི་ཁུ་བ་དང་། །རུས་སྦལ་བྱེའུ་ལོ་བ་ཀ །རྨ་བྱ་སྲེག་པ་ཁྱིམ་བྱ་ཡི། །ཤ་ཁུ་དང་ཡང་སྦྱིན་པར་བྱ། །བིལ་བ་གླ་སྒང་བ་རུ་ར། །བཅའ་
[195a.2]སྒ་ད་ཏ་ཀའི་མེ་ཏོག །དར་བ་བསྐོལ་བའི་ནས་ཐུག་གམ། །ཞོ་དང་སྦྱར་བས་འཁྲུ་བ་སེལ། །ཀ་པིད་ཏ་དང་ཀ་ཙུ་ར། །ག་བྲའི་རྩ་བ་ཡུ་ཏི་དང་། །ནྱ་གྲོ་དྷ་དང་རྡོ་དྲེག་དང་། །སེ་འབྲུ་སོ་མར་བལ་དང་། །ཤལ་མ་ལི་ཡི་ལོ་མ་ཕན། །བིལ་བ་གཞོན་ནུའི་ལྡེ་གུ་དང་། །ཏིལ་བཏགས་ལྡེ་གུའང་དེ་དང་མཉམ། །
[195a.3]ཞོ་ཡི་སྤྲིས་སྐྱུར་སྣུམ་བཅས་དང་། །སྦྱར་དུག་མཁྲེགས་པ་འཇོམས་པར་བྱེད། །འུ་སུ་ཟི་ར་ན་ལེ་ཤམ། །ད་ཏྲིག་ཟུར་པ་ཁ་རུ་ཚ། །སེ་འབྲུ་པ་ཏ་ད་ཏ་ཀི། །འབྲས་གསུམ་ཆ་ལྔ་ཀ་པི། །ནས་ཚིག་འཁུས་ཐལ་ལ་ལ་ཕུད། །ཨ་མྲ་འཛམ་བུའི་འབྲས་བུའི་རྐང་། །བིལ་བ་
[195a.4]དྲུག་འགྱུར་ལྡེ་གུར་བཏགས། །ཞོ་དང་བུ་རམ་མུངྒའི་ཁུ། །ཏིལ་མར་མར་དང་གཡོས་པ་དག །གཞན་གྱིས་མི་ཐུབ་སྦྱར་ཐུག་འདི། །དྲོད་སྐྱེད་སྨིན་བྱེད་འཁྲུ་བ་གཅོད། །ཡི་ག་འབྱེད་ཅིང་མཁྲེགས་པ་སེལ། །རྒྱ་ཤུག་བིལ་བ་གཞོན་ནུ་ཡི། །ལྡེ་གུ་འབྲས་དང་ནས་དང་
[195a.5]ནི། །མུད་ག་མ་ཤ་ཏིལ་རྣམས་དང་། །འབྲུ་ཡི་ཡུ་ཤར་རྣམ་པར་བཏགས། །བཤང་བ་ཟད་ཅིང་ཁ་སྐམ་ལ། །ཞོ་དང་སེ་འབྲུའི་ཁུ་བ་དང་། །མར་དང་ཏིལ་མར་ལྷན་ཅིག་བརྔོས། །འབྲས་ཆན་དེ་དང་སྦྱར་བ་ནི། །བཤང་ཟད་ཁ་ནི་སྐམ་ལ་སྦྱིན། །ཡང་ན་ཞོ་སྤྲིས་སྣུམ་
[195a.6]གཉིས་བརྔོས། །བུ་རམ་བཅའ་སྒར་བཅས་པ་སྦྱིན། །ཡང་ན་ཆང་ནི་སྣུམ་གཉིས་བརྔོས། །ཚོད་མའི་དོན་དུ་སྦྱིན་པའམ། །འབྲས་བུ་སྐྱུར་པོ་སྣུམ་གཉིས་བརྔོས། །སྒོག་པ་ལས་བྱས་ཡུ་ཤའམ། །སྣུམ་གཉིས་དང་བརྔོས་ཕྱེ་ཟན་ནི། །ཚ་བ་གསུམ་གྱི་ཕྱེ་བཏབ་སྦྱིན། །
[195a.7]དེ་བཞིན་མ་ཤ་ལེགས་བཅོས་པ། །མར་གྱི་སྙིང་པོ་བླུད་པའམ། །ར་ཐུག་ལུག་ཐུག་དག་གི་ཤ །བཙོས་ཏེ་བཙགས་པའི་ཁུ་བ་དང་། །སེ་འབྲུའི་ཁུ་བའི་ཆུ་དང་ནི། །འུ་སུ་དོང་གྲ་སྣུམ་བཅས་བསྐོལ། །སཱ་ལུ་རྩ་སྣར་བཅས་པ་ནི། །ཟ་ཞིང་དེ་ཉིད་འཐུངས་པ།
[195b]
[195b.1]ཡིས། །རྟུག་པ་ཟད་པ་ལས་བྱུང་བའི། །ནད་ལས་མྱུར་དུ་ཐར་བར་འགྱུར། །བུ་རམ་ཏིལ་མར་བིལ་བ་གཞོན། །པི་པི་ལིང་དང་བཅའ་སྒ་ཡི། །ལྡེ་གུས་རླུང་གིས་གནོད་གྱུར་པའི། །གཟེར་ཐབས་མཁྲེགས་དང་བཅས་པ་སེལ། །སེང་ཕྲོམ་ཤུན་ལྤགས་ད་ཏ་ཀའི། །
[195b.2]མེ་ཏོག་རྒྱ་ཤུག་འདབ་མ་རྣམས། །ཞོ་སྤྲིས་སྦྲང་རྩི་ཀ་པི་ཏའི། །ཁུ་བར་སྦྱར་བ་བླུད་ན་ཕན། །རླུང་གིས་རྟུག་འགགས་ཤས་ཆེར་ནི། །ན་ཞིང་མཁྲེགས་པར་བྱེད་པ་དང་། །བེ་སྣབས་ཁྲག་བཅས་སྐོམ་གདུངས་ལ། །འོ་མ་ཚིམ་པར་བླུད་ན་ཕན། །ཏིལ་མར་མར་གྱི་སྟེང་དུ་ནི། །
[195b.3]བཞོས་མ་ཐག་པའི་འོ་མ་བླུད། །ཡང་ན་ཨ་རཎྜ་ཡི་རྩའམ། །བིལ་བ་གཞོན་ནུ་བསྐོལ་བ་བླུད། །གླ་སྒང་ཉི་ཤུ་འོ་མ་ཡི། །སུམ་འགྱུར་གྱི་ནི་ཆུ་བསྐོལ་བ། །འཁྲུ་བ་གཟེར་བཅས་སེལ་བར་བྱེད། །པི་པི་ལིང་དང་ན་ལེ་ཤམ། །ཞིབ་དུ་བཏགས་པའི་ཕྱེ་དང་སྦྱིན། །
[195b.4]དེས་ནི་ཡུན་རིང་གནས་པ་ཡི། །མཁྲེགས་པ་སེལ་བར་བྱེད་པར་འགྱུར། །མ་ཞུ་མེད་ཅིང་གཟེར་གྱིས་ཉེན། །སྨྱུང་བ་ལ་སོགས་པས་ཉམས་སྨད། །ཁོང་རྩུབ་མེ་དྲོད་བརྟགས་ནས་ནི། །མར་ནི་ཐལ་སྨན་རྣོ་བཅས་སྦྱིན། །ཡང་ན་རྩ་བ་བཅུ་བསྐོལ་ཆུ། །ཞོ་དང་ཆང་གི་དངས་མར་
[195b.5]བསྐོལ། །ལྕེ་མྱང་ཚ་དང་ཚ་བ་ལྔ། །ཏིལ་མར་འཕྲལ་དུ་ནད་འཇོམས་བྱེད། །བཅའ་སྒ་སྲང་དྲུག་པི་པི་ལིང་། །མཱུ་ལ་ཀྲུ་ཏྲུག་ཏྲེས་རྒྱམ་ཚ། །སྲང་གཉིས་ཏིལ་མར་བྲེ་གང་དང་། །ཞོ་དང་བསྐོལ་བའི་ཏིལ་མར་ནི། །འཁྲུ་བའི་ནད་ནི་སེལ་བྱེད་ཡིན། །ཤ་དང་འོ་མ་
[195b.6]མར་ཕྱོགས་གཅིག །བཏུང་དང་འཇམ་རྩི་བསྐུ་བ་རུ། །ཏིལ་མར་འབའ་ཞིག་ཕྱོགས་གཅིག་སྦྱར། །བཤང་མཁྲེགས་གཟེར་ནི་འཇོམས་བྱེད་ཡིན། །དེ་ནི་རླུང་སེལ་མཆོག་ཡིན་ལ། །རླུང་འཁྲུགས་མ་གཏོགས་གཟེར་མི་འབྱུང་། །ཁམས་གཞན་འཇོམས་པས་
[195b.7]འབར་གྱུར་པ། །རླུང་ནི་རང་གནས་བརྟེན་ཁྱབ་བྱེད། །མེ་དྲོད་ཆུང་ལ་ཏིལ་མར་ནི། །སྦྱར་བས་བདེ་བར་བྱེད་པའི་མཆོག །ཏིལ་མར་བཅས་པ་རླུང་གནས་སུ། །མཁྲེགས་པ་གནས་པར་མི་འགྱུར་རོ། །དྲི་མ་ཟད་ཅིང་ནད་གཞན་རང་གི་ནི། །གནས་ལས་འཕོས་པས་རླུང་ནི་སྟོབས་
[196a]
[196a.1]ཆེ་བ། །ཁོང་པ་གཟེར་ཞིང་མཁྲེགས་པར་བྱེད་པ་ལ། །ཕྱི་ནང་ཏིལ་མར་མ་བཏང་སུ་ཞིག་འཚོ། །གཞང་ན་འབྱུང་བར་གྱུར་པ་ལ། །འོ་མར་བསྐོལ་བའི་མར་རྒྱ་ཤུག །སྐྱུར་པོ་ཙང་གི་རིའི་ཁུ་བ། །ཞོ་དང་དོང་གྲར་བཏགས་པ་བླུད། །སྒྱུར་བ་དེ་ཉིད་བཅུག་པ་དང་། །
[196a.2]འུ་སུ་ན་ལེ་ཤམ་ཟིར། །ཁ་རུ་ཚ་དང་ཚ་བ་ལྔ། །སེ་འབྲུ་དག་དང་སྦྱར་བ་ནི། །ཞིབ་ཏུ་བཏགས་པའི་ལྡེ་གུ་ཕན། །རྩ་བ་བཅུ་པ་བསྐོལ་བ་ཡི། །ཟུར་བ་ཤུ་ཏི་རུ་རྟའམ། །ཤུ་དག་ཙི་ཏྲ་ཀ་བསྐོལ་བའི། །སྣུམ་གྱི་འཇམ་རྩི་གཏང་བར་བྱ། །མཁྲེགས་དང་གཞང་ནི་འབྱུང་བ་དང་། །གཅིན་
[196a.3]སྲི་རྐེད་པ་ན་བ་དང་། །མངར་དང་སྐྱུར་བར་བསྐོལ་བ་ཡི། །མར་རམ་ཏིལ་མར་འཇམ་རྩི་གཏང་། །གཞང་འབྱུང་གཞུག་པ་དཀའ་བ་ལ། །བསྐུ་ཞིང་དུགས་ནི་འཇམ་བྱས་གཞུག །དབུས་སུ་ཕུག་པའི་པགས་པ་ནི། །འུར་མཐིལ་འཆིང་བདག་ཀྱང་བྱ། །རྩ་བ་ལྔ་ནི་ཆེན་
[196a.4]པོ་ཡི། །ཁུ་བ་དང་ནི་འོ་མར་བསྐོལ། །བྱི་བ་རྒྱུ་མ་བཏོན་པས་ཀྱང་། །རླུང་འཇོམས་ལྡེ་གུ་ལྟ་བུར་བྱ། །ཏིལ་མར་བསྐོལ་གཞང་འབྱུང་བ་ལ། །བཏུང་དང་བསྐུ་བས་དེ་གསོ་བྱ། །མཁྲིས་པ་མ་ཞུ་རྣོ་དང་དྲོ། །སྤངས་ལ་སྔོན་བཞིན་སྨྱུང་བ་བྱ། །སྐོམ་བཅས་ཡན་ལག་དྲུག་
[196a.5]པའི་ཆུ། །རྩྭ་མཁྲིས་ཐལ་ཏྲེས་བཅས་པ་བླུད། །བཀྲེས་ན་ཁ་ཟས་ཐུག་པ་སོགས། །བྲི་ཧ་ཏི་སོགས་ཉེའུ་ཤིང་པ། །བ་ལ་རྣམ་གཉིས་པརྞི་གཉིས། །བསྐོལ་བ་དྲོད་སྐྱེད་བྱེད་པ་ཕན། །བླུད་ཀྱང་རྗེས་སུ་འབྲེལ་གྱུར་ན། །དུག་མོ་ཉུང་ཤུན་འབྲས་བུ་དང་། །བོང་ང་དཀར་པོ་
[196a.6]བཅས་བཏགས་ཕྱེ། །སྦྲང་རྩི་བསྲེས་པ་འབྲས་ཆུ་བླུད། །བ་ཐ་དུག་མོ་ཉུང་ཤུན་འབྲས། །སྐྱེར་པ་པི་པི་ལིང་རྩའམ། །བོང་ང་བིལ་བ་དུག་མོ་ཉུང་། །གླ་སྒང་བ་ལེ་ཀ་བསྐོལ་བའམ། །ཡང་ན་བོང་ང་དཀར་མུར་བ། །སྐྱེར་པ་དབུལ་རྡོ་དུག་མོ་ཉུང་། །བོང་ང་བཅའ་སྒ་དུག་མོ་ཉུང་། །
[196a.7]གླ་སྒང་ཀད་པལ་སྦྲང་རྩིར་བཅས། །དུག་མོ་ཉུང་གི་ས་བོན་ནི། །སྲང་གཅིག་བསྐོལ་བའི་ཁུ་བ་བླུད། །གང་ཞིག་ཤ་ཁུ་བཅས་སྦྱར་ཟ། །མཁྲིས་བཅས་ལྟོ་བའི་ནད་སེལ་འགྱུར། །དེ་བཞིན་གླ་སྒང་བསྐོལ་བའི་ཁུ། །སྦྲང་རྩིར་སྦྱར་བ་བླུད་པས་ཕན། །ཤལ་མ་ལི་ཡི་འདབ་མའི་རྩ། །བསྐོལ་བའི་
[196b]
[196b.1]ཁུ་བ་བསྒྲངས་པའམ། །རྩ་མཁྲིས་གླ་སྒང་དུག་མོ་ཉུང་། །སྐྱེར་ཁཎྜ་དང་བཅས་པའམ། །ཡང་ན་སྐྱེར་པ་བ་ལེ་ཀ །བིལ་བའི་རྐང་དང་བྱི་ཚེར་བ། །ཏིལ་དང་སེང་ཕྲོམ་མོན་ཆ་ར། །བཙོད་དང་པདྨ་ཨུཏྤལ། །དོང་གྲ་ད་ཏ་ཀའི་མེ་ཏོག །སེ་འབྲུའི་ཤུན་པ་ཨུཏྤལ་བཅས། །
[196b.2]ཚིགས་བཅད་ཕྱེད་ཀྱིས་བཤད་སྦྱོར་བ། །སྦྲང་རྩིར་བཅས་པ་འབྲས་ཆུ་བླུད། །སྐྱེར་པ་སེང་ཕྲོམ་དུག་མོ་ཉུང་། །སུག་སྨེལ་བསྐོལ་བས་སྨིན་འཁྲུ་སེལ། །སེང་ཕྲོམ་དང་ནི་ཨ་བརྟ། །པྲི་ཡང་ཀུ་སོགས་སྡེ་ཚན་དང་། །བསྐོལ་བ་སོ་སོར་བླུད་དེ་བཞིན། །པུ་ཙེ་ཤེལ་དང་ཤིང་
[196b.3]མངར་དང་། །སེ་འབྲུའི་མྱུ་གུ་པྲི་ཡང་ཀུ། །ཞོ་དང་འུ་སུའི་འབྲས་བུར་བཅས། །ཐུག་པ་ལྡེ་གུས་སྦྱར་དུགས་བྱ། །དེ་བཞིན་བིལ་བ་ཀ་པིད་ཐ། །ཨ་མྲ་འདམ་བུའི་རྐང་ལས་སྦྱར། །སྨིན་པའི་ཁུ་བར་རའི་འོ་མ། །མཆོག་ཏུ་ཕན་ཏེ་དེས་ཀྱང་ནི། །སྟོབས་ལྡན་ནད་གཞི་ཆེ་བའི་
[196b.4]ཕྱིར། །མ་ཞིན་ནི་བཀྲུ་སྨན་གཏང་། །རིམ་གྱིས་བཤད་པ་ཁྲག་དག་ཏུ། །གང་ཞིག་འཁྲུ་བར་གྱུར་པ་ལའང་། །པ་ལ་ཤ་ཡི་འབྲས་བུ་ཡི། །ཁུ་བ་དང་སྦྱར་འོ་མ་བླུད། །དེ་ནས་འོ་མ་དྲོ་འཇམ་ཙམ། །ཉམས་སྟོབས་ཇི་བཞིན་བླུད་པར་བྱ། །དེས་ནི་དྲི་མ་བསལ་བས་ན། །
[196b.5]ལྟོ་ཡི་ནད་ནི་ཞི་བར་འགྱུར། །ཀྱི་ལྕེ་བ་ཡི་སྦྱང་བ་ཡང་། །པ་ལ་ཤ་ལྟར་སྦྱོར་བ་བྱ། །ཐུག་སོགས་རིམ་པ་བྱས་ཀྱང་ནི། །གལ་ཏེ་གཟེར་ནི་མ་ཞི་ན། །ཉེས་བསལ་དེ་ལ་མེ་དྲོད་སྟོབས། །ལས་དཔགས་འཇམ་རྩི་མྱུར་དུ་གཏང་། །ཤ་ཏ་པུཥྤ་ཉེ་ཤིང་དང་། །བིལ་བ་དང་ནི་ཤིང་
[196b.6]མངར་དག །མར་འོ་ཏིལ་མར་བཞི་ཆར་བཅས། །བསྐོལ་བ་འཇམ་རྩིའི་སྨན་མར་ཡིན། །དེས་ནི་ཚ་འཁྲུ་མ་ཞི་ན། །སྤྱི་བག་འཇམ་རྩི་མཆོག་ཏུ་ཕན། །ཤལ་མ་ལི་ཡི་ལོ་མ་རློན། །ཀུ་ཤ་རློན་པས་དཀྲིས་ནས་ནི། །ས་ནག་ལྡེ་གུ་བསྐུས་ནས་སུ། །ལྕི་བ་སྐམ་པོའི་མེ་ནང་
[196b.7]བསྲེགས། །འཇིམ་པ་ལུས་པ་དེ་བཀོག་སྟེ། །གོང་པོ་དེ་ལས་སྲང་གཅིག་ཙམ། །འོ་མ་བྲེ་གང་ནང་དུ་མཉེ། །བཙགས་ལ་དངས་མར་རྒྱ་སྤོས་དང་། །ཤིང་མངར་སྦྲང་རྩི་ལྡེ་གུ་མར། །ཏིལ་མར་ལྡན་པས་འཇམ་རྩི་བྱ། །ཁྲུས་བྱས་འོ་མ་འབྲས་ཆན་སྦྱིན། །ཡང་ན་སྐམ་སའི་ཤ་ཁུ་སྦྱིན། །
[197a]
[197a.1]མཁྲིས་པའི་ཚད་འཁྲུ་རིམས་དང་འོར་ནད་སྐྲན། །རླུང་ནད་ཁྲག་དང་ཕོ་བའི་ནད་སེལ་ཞིང་། །འདི་དག་བཀྲུ་སྨན་མས་གཏོང་དྲག་པོ་ཡི། །སྦྱོར་བྱས་དྲག་ཏུ་འབྱུང་བའང་མྱུར་ཞི་བྱེད། །དུག་མོ་ཉུང་ནི་བུ་རམ་ཕྲན། །ལྟར་བསྐོལ་དུག་མོ་ཉུང་སོགས་སྡེ། །ཨ་
[197a.2]བརྟ་སོགས་སྦྲང་རྩིར་བཅས། །ལྡེ་གུས་འཁྲུ་བ་ཐམས་ཅད་སེལ། །སྨིན་ཅིང་ནད་མེད་མེ་དྲོད་ཆེ། །ཁྲག་དང་བཅས་པ་རིང་ནས་འཁྲུ། །སྣ་ཚོགས་མདོག་ཏུ་འཁྲུ་འགྱུར་བ། །སྨན་ཐུམ་བཙོས་པ་སྦྱར་བར་བྱ། །ཀད་ཕ་ལ་ཡི་ཤུན་ལྡེ་གུ། །བིལ་བའི་ལོ་མས་དཀྲིས་
[197a.3]ནས་ནི། །འཇིམ་པས་བསྐུས་ཏེ་མེ་ནང་བསྲེགས། །ཁུ་བ་བཙིར་ལ་བསྒྲངས་པ་ནི། །སྦྲང་རྩིའམ་ཁ་རར་བཅས་པ་རུ། །འཁྲུ་བ་ཅན་ལ་ཅི་རིགས་བླུད། །དེ་བཞིན་འོ་མ་ཅན་ཤིང་ཀུན། །དེ་ཡི་མྱུ་གུ་ལས་ཀྱང་བྱ། །འཁྲི་ཤིང་ཤུན་པ་མར་དང་བཅས། །བསྐོལ་བའི་
[197a.4]རླངས་པས་བཙོས་པ་ནི། །སྦྲང་རྩི་བཅས་པ་ཚ་འཁྲུ་བ། །སྟོབས་ཅན་དྲག་ཏུ་འབྱུང་བའང་སེལ། །མཁྲིས་པའི་འཁྲུ་བ་ཅན་གྱིས་ནི། །མཁྲིས་པ་སྐྱེད་བྱེད་གང་བསྟེན་པ། །དེ་ཡིས་མཁྲིས་པ་འཁྲུགས་གྱུར་ནས། །ཁྲག་གི་ཚད་འཁྲུ་སྐོམ་དད་རིམས། །འདེབས་ཤིང་
[197a.5]གཞང་ཁ་མི་བཟད་འདྲུལ། །པདྨ་ཨུཏྤལ་ས་མང་ག །མོན་ཆ་རས་བསྐོལ་བ་ཡི། །ར་ཡི་འོ་མ་དེ་ལ་ཕན། །ཐལ་ཏྲེས་ཤིང་མངར་སེང་ཕྲོམ་མམ། །ནྱ་གྲོ་དྷ་སོགས་མྱུ་གུ་དང་། །སྦྲང་རྩི་ཁ་རར་བཅས་པ་ནི། །བཏུང་བའམ་གཞང་ཁར་བླུགས་པས་ཕན། །དེ་བཞིན་ཤ་
[197a.6]ཁུ་སོགས་སྐྱོན་མེད། །མར་བཅས་བསྒྲངས་པའི་ཟས་སྐོམ་ཕན། །ཏང་པལ་འབྲས་བུའི་ཁུ་བ་ནི། །ཅུང་ཟད་སྐྱུར་ཞིང་ཀ་རར་བཅས། །ར་ཡི་འོ་མ་ཆུ་ཕྱེད་དང་། །ཨུཏྤལ་དོང་གྲ་བ་ལེ་ཀ ། ཀྲྀཥྞ་པརྞི་ཁུ་བར་བཅས། །ཐུག་པས་ཁྲག་གི་ཚད་འཁྲུ་སེལ། །ཟས་ཀྱི་སྔོན་དུ་མར་
[197a.7]སར་ནི། །སྦྲང་རྩི་ཁ་རར་སྦྱར་བ་བལྡག །ཁྲག་འཁྲུ་ཚབས་ཆེ་ལ་རའམ། །རི་དགས་ཁྲག་གི་མར་བརྔོས་སྦྱིན། །འོ་མ་དང་བཟའ་འོ་མ་བཏུང་། །འོ་མ་བསྲུབས་མར་ཞག་གསུམ་བསྟེན། །ཡང་ན་གོང་མ་སྲེག་གི་ནི། །ཤ་ཁུ་དང་ཟོས་ནད་མེད་འགྱུར། །ཉེ་ཤིང་བཏགས་པ་
[197b]
[197b.1]འོ་མ་དང་། །ལྷན་ཅིག་བླུད་ཅིང་འོ་མར་བཟའ། །ཡང་ན་དེ་དང་བསྐོལ་བ་ཡི། །མར་གྱིས་ཚད་འཁྲུ་མྱུར་དུ་སེལ། །རྒྱ་སྐྱེགས་བཅའ་སྒ་པི་པི་ལིང་། །སྐྱེར་པའི་ཤུན་པ་པུ་ཙེ་ཤེལ། །དུག་མོ་ཉུང་དང་བཅས་བསྐོལ་མར། །ཐུག་སླ་ཐུག་པ་དང་སྦྱར་བས། །ནད་གཞི་གསུམ་ལས་
[197b.2]བྱུང་བ་ཡི། །མི་ཟད་འཁྲུ་བའང་མྱུར་དུ་སེལ། །ས་ནག་དུང་དང་ཤིང་མངར་དང་། །སྦྲང་རྩིར་ཁྲག་འབྲས་ཆུ་བླུད། །ཁྲག་གིས་འཁྲུ་བ་སེལ་བར་བྱེད། །པྲི་ཡང་ཀུ་དང་སྦྲང་རྩིའང་ཕན། །ཏིལ་ནག་བཏགས་པའི་ལྡེ་གུ་དང་། །ཤ་ཁར་ནི་ཆ་ལྔ་ནི། །ར་ཡི་འོ་མ་སྦྱར་བ་བླུད། །
[197b.3]འཕྲལ་དུ་ཁྲག་ཏུ་འཁྲུ་བ་སེལ། །ཁ་ར་སྦྲང་རྩི་ཙནྡན་བཅས། །འབྲས་ཀྱི་ཆུ་དང་བླུད་ན་ནི། །ཁོང་ཚ་སྐོམ་དང་གཅིན་ནད་དང་། །ཁྲག་ཏུ་འཁྲུ་ལས་ཐར་བར་འགྱུར། །གཞང་ཁ་ཚ་ཞིང་འདྲུལ་བ་ལ། །བསིལ་བའི་སྨན་གྱིས་བླུགས་ཤིང་བསྐུ། །གང་ཚེ་ཡང་དང་ཡང་དུ་
[197b.4]འཁྲུ། །ཁྲག་ཉུང་གཟེར་དང་བཅས་པར་འཁྲུ། །རླུང་གིས་གགས་ནི་བྱས་གྱུར་པས། །སྐབས་འབྱུང་བའམ་མི་འབྱུང་བྱེད། །དེ་ཚེ་དེ་ལ་སྤྱི་བག་ནི། །འཇམ་རྩི་སྔར་བཤད་གཏང་བར་བྱ། །ཀར་བུ་དར་ཤིང་ཤ་པ། །ལ་སོགས་ལོ་མ་ཆམ་ཆོམ་བརྡུངས། །ནས་དང་བསྐོལ་བའི་
[197b.5]ཁུ་བ་དེ། །མར་དང་འོ་མ་བཅས་པར་བསྐོལ། །སྤྱི་བག་འཇམ་རྩི་བཏང་ན་ནི། །བེེ་སྣབས་འཁྲུ་དང་གཞང་འབྱུང་དང་། །མཁྲེགས་པའི་ནད་རྣམས་སེལ་བྱེད་ཅིང་། །སྐེམ་པོ་སྟོབས་ནི་སྐྱེད་པར་བྱེད། །སྟག་ཚེར་བ་དང་བསྐོལ་བ་ཡི། །མར་གྱི་འཇམ་རྩི་གཏང་བར་
[197b.6]བྱ། །དང་པོར་བཤང་བ་ཁྲག་འདྲེས་འབྱུང་། །ཡང་ན་ཕྱིས་ནི་འཁྲུ་གྱུར་པ། །དེ་ལ་ཉེ་ཤིང་བསྐོལ་བའི་མར། །ལྡེ་གུའི་དོན་དུ་སྦྱར་བར་བྱ། །ཁ་ར་ཆ་ཕྱེད་དང་སྦྱར་ལ། །སྦྲང་རྩི་བཞི་ཆ་བཅུག་པ་ཡི། །མར་སར་ཕན་པའི་ཟས་ཟོས་ན། །ནད་དེ་མྱུར་དུ་སེལ་བར་འགྱུར། །
[197b.7]ཨུ་དུམ་ཝཱ་ར་ནྱ་གྲོ་དྷ། །ཨ་ཤྭདྠ་ཡི་མྱུ་གུ་ནི། །བརྡུངས་ཏེ་ཞག་གཅིག་ཆུ་ནང་སྦངས། །མཉེས་ཏེ་བཙགས་པར་མར་བསྐོལ་ལ། །ཁ་ར་དེ་ཡི་ཕྱེད་བཏབ་ཅིང་། །སྦྲང་རྩི་བཞི་ཆ་བཏབ་སྟེ་བླུད། །གང་ཞིག་ཁྲག་ནི་ཐུར་དུའམ། །གྱེན་དུ་འབྱུང་བར་བྱེད་ལ་སྦྱིན། །བད་ཀན་
[198a]
[198a.1]འཁྲུ་བ་རླུང་བཤད་པའི། །མ་ཞུ་སྨིན་བྱ་མཆོག་ཏུ་བྱ། །རྗེས་སུ་འབྲེལ་པ་དེ་ལ་ནི། །བིལ་བ་གཞོན་ནུ་གླ་སྒང་དང་། །ཨ་རུ་ར་དང་བཅའ་སྒ་བསྐོལ། །སྨིན་ཅིང་མེ་དྲོད་སྐྱེད་པ་བླུད། །ཤུ་དག་དོང་གྲ་བྱི་དང་ག །བུ་ཏི་ཀ་དང་ཐང་ཤིང་དང་། །པི་པི་ལིང་
[198a.2]གཉིས་ཀྲུ་ཏྲུག་ཏྲེས། །པི་པི་ལིང་གི་རྩ་བའམ། །པ་ཏ་ཙི་ཏྲ་དུག་མོ་ཉུང་། །ཤུ་དག་པི་པི་ལིང་རྩ་བ། །པུ་ཙེ་ཤེལ་དང་ཨ་རུ་ར། །བསྐོལ་བའམ་ཡང་ན་བཏགས་པ་སྦྱིན། །བད་ཀན་ཚད་པར་འཁྲུ་སྨན་བླུད། །ཁ་རུ་ཚ་དང་ཚ་བ་གསུམ། །ཤུ་དག་ཤིང་ཀུན་བོང་ང་
[198a.3]དཀར། །ཨ་རུ་ར་ཡི་ཆུ་ཚན་བཅས། །བད་ཀན་འཁྲུ་བས་ཉེན་ལ་བླུད། །ཀ་པིད་ཏ་ཡི་རྐང་དང་ནི། །ཚ་གསུམ་སྦྲང་རྩི་ཤ་ཁ་རའམ། །ཀད་ཕ་ལ་དང་སྦྲང་རྩིར་བཅས། །ལྟོ་ཡི་ནད་ནི་སེལ་བྱེད་ཡིན། །པི་པི་ལིང་དང་སྦྲང་རྩིར་བཅས། །ཙི་ཏྲ་ཀ་དང་དར་བར་བཅས། །བིལ་བ་
[198a.4]གཞོན་ནུ་བྱིན་ན་ཡང་། །འཁྲུ་བའི་ནད་ནི་སེལ་བར་བྱེད། །པ་ཏ་གླ་སྒང་མོན་ཆ་ར། །བིལ་བ་དོང་གྲ་ད་ཏ་ཀའམ། །བུ་རམ་དར་བར་བཅས་པ་ཡིས། །འཁྲུ་བ་ཤིན་ཏུ་གསོ་དཀའ་འང་སེལ། །པི་པི་ལིང་རྩལ་ལ་ཕུད། །དྲི་བཟང་བཞི་དང་དོང་གྲ་དང་། །ན་ལེ་ཤམ་
[198a.5]དང་ཀྲུ་ཏྲུག་ཏྲེས། །འུ་སུ་ཟི་ར་བ་ལེ་ཀ །ཁ་རུ་ཚ་རྣམས་ཆ་མཉམ་དང་། །ད་ཏྲིག་དང་ནི་ད་ཏ་ཀི །བིལ་བ་དང་ནི་པི་པི་ལིང་། །སེ་འབྲུ་དང་ནི་ལ་ལ་ཕུད། །སུམ་འགྱུར་ཀ་ར་དྲུག་འགྱུར་དང་། །ཀ་པིད་ཏ་ནི་བརྒྱད་འགྱུར་བྱས། །ཕྱེ་མས་ཚད་འཁྲུ་ཕོ་བའི་ནད། །ཟད་བྱེད་སྐྲན་
[198a.6]དང་ལྐོག་མའི་ནད། །ལུད་པ་དབུགས་མི་བདེ་དྲོད་ཉམས། །གཞང་འབྲུམ་ཆམ་པ་ཡི་ག་འཆུས་སེལ། །སྨིག་རྐང་དང་ནི་དྲི་སྣ་བཞི། །ཞོ་ནི་གཉིས་གཉིས་ལ་ལ་ཕུད། །འུ་སུ་ཟི་ར་ཞོ་བཞི་བཞི། །པི་པི་ལིང་རྩ་ཚ་བ་གསུམ། །སྲང་ནི་རེ་རེ་སེ་འབྲུ་དང་། །ཁ་ར་སྲང་བརྒྱད་
[198a.7]གཅིག་སྦྱར་འདི། །ཕྱེ་མ་སེ་འབྲུ་བརྒྱད་པ་ཡིན། །ཡོན་ཏན་གོང་མ་དག་དང་འདྲ། །ཁ་ཟས་རླུང་གིས་འཁྲུ་བར་བཤད། །སྦྱར་ཐུག་ལ་སོགས་ཅི་རིགས་སྦྱིན། །ན་ལེ་ཤམ་དང་བྱི་དང་ག །ཀ་པིད་ཏ་དང་དོང་གྲར་བཅས། །ཙང་གི་རི་དང་རྒྱ་ཤུག་སྐྱུར། །སྦྱར་ཐུག་བད་ཀན་འཁྲུ་
[198b]
[198b.1]བ་སེལ། །བད་ཀན་ཟད་ལ་སྔར་བཤད་པའི། །རྒྱ་སྐྱེགས་ལ་སོགས་སྲང་དྲུག་པ། །ནས་ཐུག་དང་ནི་བསྲེས་པ་ཡི། །མར་ནི་རྙིང་པ་སྦྱིན་པར་བྱ། །རླུང་དང་བད་ཀན་གྱིས་བཀག་པ། །བད་ཀན་ཤས་ཆེར་འཁྲུ་བའམ། །གཟེར་ཞིང་མཁྲེགས་པར་བྱེད་པ་ལ། །སྤྱི་བག་
[198b.2]འཇམ་རྩི་བསྔགས་པ་ཡིན། །ཤུ་དག་བིལ་བ་པི་པི་ལིང་། །རུ་རྟ་ཤུ་ཏི་རྒྱམ་ཚར་བཅས། །བིལ་བའི་མར་རམ་ཏིལ་མར་ནི། །ཤུ་དག་སོགས་དང་བསྐོལ་བ་གཏང་། །བད་ཀན་རླུང་གིས་ཤས་ཆེར་གཟེར། །ཅུང་ཟད་དྲོ་བའི་འཇམ་རྩི་གཏང་། །བད་ཀན་ཟད་ཅིང་ཡུན་རིང་
[198b.3]དུ། །འཁྲུ་ཞིང་ཉམ་ཆུང་གྱུར་པ་ན། །རླུང་ནི་ངེས་པར་སྟོབས་ཆེ་བ། །རང་གི་གནས་ན་བརྟེན་དེ་སྐྱེ། །དེ་སྟོབས་ཆེ་བས་འཕྲལ་གསོད་བྱེད། །དེ་ཕྱིར་དེ་ནི་མྱུར་དུ་གསོ། །རླུང་གི་རྗེས་ལ་མཁྲིས་པ་སྟེ། །མཁྲིས་པའི་རྗེས་ལ་བད་ཀན་ནི། །གསོ་བའམ་གསུམ་ལས་དང་
[198b.4]པོ་ནི། །གང་ཞིག་ཤས་ཆེར་གྱུར་པ་གསོ། །འཇིགས་དང་མྱ་ངན་དག་ལས་ཀྱང་། །མྱུར་དུ་འཁྲུགས་པས་དེ་ཕྱིར་དེར། །རླུང་བསལ་བ་ཡི་གསོ་བ་དང་། །དབུགས་དབྱུང་བ་དང་དགའ་བར་བྱ། །གང་ཞིག་གཅིན་མེད་ཕྱི་ས་དང་། །འཕྱེན་ནི་འབྱུང་བར་འགྱུར་བ་དང་། །
[198b.5]མེ་དྲོད་ཆེ་ཞིང་ལྟོ་བ་ཡང་། །དེ་ཡི་ཁོང་ནད་ཞི་བ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ལས་ལེའུ་དགུ་པའོ།། །།དེ་ནས་ཕོ་བའི་ནད་གསོ་བའི་ལེའུ་བཤད་པར་བྱའོ། །ཕོ་བ་ལ་ནི་བརྟེན་པའི་ནད། །མ་ཞུ་བ་ལྟར་གསོ་བར་
[198b.6]བྱ། །འཁྲུ་བར་བཤད་པའི་ཆོ་ག་ཡིས། །དེ་ཡི་མ་ཞུ་སྨིན་པར་བྱ། །ཟས་ཀྱི་དུས་སུ་ནད་དུག་སོགས། །ཚ་བ་ལྔ་སོགས་ལྡན་པ་དང་། །ཚ་བྲོ་ཡང་བའི་ཁ་ཟས་དང་། །གཞན་ཡང་དྲོད་སྐྱེད་སྦྱོར་བ་སྦྱིན། །མ་ཞུར་ཐུག་པ་བོང་ང་དཀར། །བཅའ་སྒ་སྐྱུར་དང་བཅས་པ་སྦྱིན། །
[198b.7]བཏུང་བར་འཁྲུ་བ་ལས་བཤད་པའི། །ཆུ་དང་དར་བ་ཆང་སོགས་བླུད། །ཕོ་བའི་ནད་ལ་དར་བ་ནི། །དྲོད་སྐྱེད་འཁྲུ་གཅོད་ཡང་བས་ན། །ཕན་ཏེ་ཞུ་རྗེས་མངར་བའི་ཕྱིར། །མཁྲིས་པ་སྐྱེད་པར་མི་བྱེད་དོ། །བསྐ་ཞིང་དྲོ་ལ་སྦྱོང་བྱེད་དང་། །རྩུབ་ཅིང་བད་ཀན་ལ་ཡང་ཕན། །
[199a]
[199a.1]མངར་སྐྱུར་ཁ་བས་རླུང་ལ་ཕན། །བསྲུབས་མ་ཐག་ཏུ་ཚ་མི་སྐྱེད། །སྐྱུར་བ་བཞི་པོ་བྲེ་གང་དང་། །ཚ་བ་གསུམ་ནི་སྲང་གསུམ་དང་། །རྒྱ་ཚ་སྲང་བཞི་ཁ་ར་ནི། །སྲང་བརྒྱད་ཕྱེ་མར་བྱས་པ་ནི། །ཚོད་མ་སྲན་ཚོད་བཏུང་བ་སོགས། །བཏུང་ངོ་དྲུག་སོགས་ལ་ཡང་
[199a.2]གདབ། །མ་ཞུ་ལུད་པ་དབུགས་མི་བདེ། །ཡི་ག་འཆུས་དང་སྐྲན་མཆིན་པ། །ཕོ་བ་སྙིང་ནད་སྐྱ་རྦབ་འཇོམས། །དོང་གྲ་གླ་སྒང་བོང་ང་དཀར། །བསྐོལ་བ་མ་ཞུ་སེལ་བྱེད་བླུད། །དེ་ཡི་ལྡེ་གུ་ཆུ་ཚན་ནམ། །བཅའ་སྒའམ་ཨ་རུ་ར་བཅས་བླུད། །ཤུ་དག་ལ་སོགས་རྒྱམ་
[199a.3]ཚར་བཅས། །ཡང་ན་ཆང་དང་སྦྱར་བ་བླུད། །བཤང་བ་མ་སྨིན་འཁྲུ་བཅས་ལ། །སེ་འབྲུའི་ཆུ་དང་བཅས་པ་ཡི། །བིལ་བ་དོང་གྲ་ཙི་ཏྲ་ཀ །ཁ་རུ་ཚ་ནི་བཏབ་པ་སྦྱིན། །བད་ཀན་རླུང་གྱུར་བེ་སྣབས་ཅན། །ཁོང་པ་གཟེར་ལ་དུག་མོ་ཉུང་། །ཤིང་ཀུན་
[199a.4]བོང་ང་ཁ་རུ་ཚ། །ཤུ་དག་ཨ་རུ་ར་ཆུ་དྲོན། །སྐྱུགས་པའི་རྗེས་ལ་གཟེར་ཞིང་བསྒོངས། །ཨ་རུ་ར་དང་ཁ་རུ་ཚ། །ཟི་ར་ན་ལེ་ཤམ་བཅས་ཕྱེ། །ཆུ་དྲོན་དང་ནི་བཅས་པ་བླུད། །དོང་གྲ་པ་ཏ་པི་པི་ལིང་། །ཐལ་ཏྲེས་བྲི་ཧ་ཏི་གཉིས་དང་། །དུག་མོ་ཉུང་དང་ཙི་ཏྲ་ཀ །ཚ་བ་རྣམ་ལྔ་ཐལ་སྨན་གཉིས། །
[199a.5]ཕྱེར་བཏགས་ཆང་ཞོ་དེའི་དངས་མ། །ཆུ་དྲོན་རང་སྐྱུར་དག་ལ་བླུད། །དེས་ནི་མེ་དྲོད་འཕེལ་བྱེད་ཅིང་། །ཁོང་པའི་རླུང་ནི་སེལ་མཆོག་ཡིན། །ལན་ཚྭ་ལྔ་དང་ཐལ་སྨན་གཉིས། །ཚ་བ་ལྔ་དང་ན་ལེ་ཤམ། །ལ་ལ་ཕུད་དང་ཤིང་ཀུན་ལས། །སྐྱུར་རྩི་ཆེན་པོའམ་སེ་འབྲུ་
[199a.6]འམ། །རྒྱ་ཤུག་ཁུ་བས་རི་ལུ་བྱས། །སྨིན་དང་དྲོད་སྐྱེད་བྱེད་མཆོག་ཡིན། །བལ་བུའི་ལོ་མ་དབྱི་མོ་དང་། །པི་པི་ལིང་ནི་སྲང་རེ་དང་། །པི་པི་ལིང་དང་དེ་རྩ་སྲང་། །གཉིས་གཉིས་བཅའ་སྒ་སྲང་གསུམ་དང་། །དྲི་སྣ་གསུམ་དང་པུ་ཤེལ་ཙེ། །ཞོ་ནི་གཉིས་གཉིས་ཕྱིར་ཞིབ་
[199a.7]བཏགས། །བུ་རམ་སུམ་འགྱུར་དག་གིས་ནི། །རི་ལུ་བྱས་པ་རྟག་ཏུ་བཟའ། །དེ་རྗེས་ཡུ་ཤ་ཤ་ཁུ་དང་། །ཆང་རྙིང་འོ་མ་ཞོ་ག་ཆུ། །ཐུག་པ་བླུད་ན་རླུང་དང་ནི། །བད་ཀན་ལས་གྱུར་སློན་བྲོ་དང་། །ཕོ་བ་རྩིབ་ལོགས་སྙིང་ག་ན། །རིམས་དང་འོར་ནད་སྐྱ་རྦབ་དང་། །སྐྲན་
[199b]
[199b.1]དང་ཆང་ནད་གཞང་འབྲུམ་དང་། །ཆམ་པ་མཆིལ་མ་དབུགས་མི་བདེ། །ལུད་པ་རྣམས་ནི་འཇོམས་པར་བྱེད། །བཤང་བ་འགགས་ལ་དེ་ཉིད་ནི། །བཅའ་སྒའི་གོང་དུ་ཨ་རུ་ར། །བཅུག་སྟེ་དེ་ལ་སྦྱིན་པར་བྱ། །མཁྲིས་གྱུར་སློན་བྲོ་ལ་སོགས་ལ། །ཁ་ར་བཞི་འགྱུར་བཅས་པ་ནི། །
[199b.2]བསྐོལ་བ་ལས་ནི་རི་ལུར་བྱས། །ཡང་ན་བུ་རམ་ཁ་རར་བཅས། །མེ་དང་འཕྲད་པར་གྱུར་པ་ལས། །དེ་ནི་མཆོག་ཏུ་ཡང་བར་འགྱུར། །དེ་ནས་འདི་ནི་མ་ཞུ་སྨིན། །རླུང་ལས་གྱུར་པའི་ཕོ་ནད་ལ། །དྲོད་སྐྱེད་སྨན་དང་བཅས་པ་དང་། །མར་ནི་ཉུང་ཟད་ཉུང་ཟད་བླུད། །མེ་དྲོད་ཆུང་
[199b.3]ཞིང་སྐྱེས་གྱུར་ནས། །བཤང་གཅི་རླུང་ནི་འགགས་གྱུར་ན། །ཞག་ནི་གཉིས་གསུམ་སྣུམ་བཏང་དུགས། །བསྐུ་བྱས་མས་གཏོང་དྲག་པོ་བྱ། །དེ་ནས་ཨེ་རཎྜ་ཡི་མར། །སེང་ཕྲོམ་གྱི་ནི་མར་དང་ནི། །ཐལ་སྨན་དག་གིས་རླུང་ཞི་ནས། །གཡོས་པའི་ནད་ལ་བཀྲུ་སྨན་གཏང་། །སྦྱངས་
[199b.4]ནས་ཁོང་པ་རྩུབ་གྱུར་ཏེ། །བཤང་བ་འགགས་ལ་འཇམ་རྩི་ནི། །དྲོད་སྐྱེད་སྐྱུར་ཞིང་རླུང་འཇོམས་པའི། །སྨན་བཙོས་ཏིལ་མར་དེ་ལ་གཏང་། །དེ་ལྟར་བཀྲུ་སྨན་དྲག་བཀྲུ་སྨན། །འཇམ་རྩི་ཆོ་ག་བཞིན་བྱས་ལ། །ཁ་ཟས་ཡང་བ་དང་ལྡན་པའི། །ཞུན་མར་སླར་ཡང་བསྟེན་པར་བྱ། །
[199b.5]རྩ་བ་ལྔ་དང་ཚ་བ་གསུམ། །ཨ་རུ་ར་དང་ལྕེ་མྱང་ཚ། །ར་སྣ་པི་པི་ལིང་རྩ་བ། །ཐལ་སྨན་རྣམ་གཉིས་ཟི་ར་དང་། །བྱི་དང་ག་དང་ཟུར་པ་མར། །ཚ་དང་སྐྱུར་རྩི་ཆེན་པོ་ཡི། །ཁུ་བ་དང་ནི་སྒེའུ་གཤེར་དང་། །ལ་ཕུག་སྐམ་པོ་རྒྱ་ཤུག་སྐྱུར། །སེ་འབྲུ་ཙུག་ཀྲི་ཀའི་ཁུ་བ། །དར་བཞོ་
[199b.6]དང་ཆང་དངས་དང་། །རྩབ་མོ་དངས་མ་རྩབ་མོ་དང་། །སྐྱུར་རྩབས་དང་ནི་དེ་བསྐོལ་བ། །མེ་དྲོད་སྐྱེད་པའི་དམ་པ་ཡིན། །གཟེར་དང་སྐྲན་དང་དམུ་རྫིང་དང་། །ལུད་པ་དབུགས་མི་བདེ་བ་དང་། །རླུང་དང་བད་ཀན་འཇོམས་པར་བྱེད། །ཡང་ན་སྐྱུར་རྩི་ཆེན་པོ་ཡི། །ཁུ་བར་
[199b.7]བསྐོལ་བའི་མར་བླུད་བྱ། །འདི་ཡི་ཏིལ་མར་བསྐོལ་བ་ཡིས། །བསྐུ་བྱུག་བྱས་ན་རླུང་སེལ་ཏོ། །རླུང་དང་བད་ཀན་མ་འདྲེས་ཞུའམ། །བད་ཀན་རླུང་ཤས་ཆེ་བ་ལ། །སྨན་ནི་འདི་དག་ཉིད་ཀྱི་ཕྱེ། །ཆུ་དྲོན་སྦྱར་བ་བླུད་པར་བྱ། །མཁྲིས་པས་མེ་དྲོད་ཉམས་གྱུར་པ། །བཀྲུ་
[200a]
[200a.1]སྨན་དག་གམ་སློན་སྨན་གཏང་། །ཁ་དང་ཡང་དང་འཁྲུ་གཅོད་དང་། །ཚ་མི་སྐྱེད་པས་དྲོད་བསྐྱེད་བྱ། །ཕྱེ་མ་སྣུམ་དང་ཁ་བ་ཡིས། །མེ་དྲོད་ཉེ་བར་བསྐྱེད་པར་བྱ། །པ་ཏོ་ལ་དང་ཀྱི་ལྕེ་བ། །ནིམ་པ་པུ་ཙེ་ཤེལ་རྩ་མཁྲིས། །པར་པ་ཏ་དང་དུག་མོ་ཉུང་། །
[200a.2]ཤུན་ལྤགས་འབྲས་བུ་མུར་བ་དང་། །ཤི་ཀྲུ་མངར་པོའི་འབྲས་བུ་དང་། །ཤུ་དག་སྐྱེར་པའི་ཤུན་ལྤགས་དང་། །ཤུག་པ་དང་ནི་པུ་ཤེལ་ཙེ། །ཙནྡན་གླ་སྒང་ལ་ལ་ཕུད། །ས་ནག་བོང་ང་ཚ་བ་གསུམ། །ཤིང་ཚ་སུག་སྨེལ་ཐང་ཤིང་དང་། །གནྡྷ་བྷ་དྲའི་ཕྱེ་མ་ནི། །སྦྲང་
[200a.3]རྩིའི་ལྡེ་གུར་བྱས་བཟའ་བའམ། །ཆང་ངམ་ཆུ་དང་སྦྱར་འཐུངས་ན། །སྙིང་ནད་སྐྱ་རྦབ་ཕོ་བའི་ནད། །སྐྲན་གཟེར་རིམས་ནད་ཡི་ག་འཆུས། །མིག་སེར་འདུས་པའི་ནད་དང་ནི། །ཁ་ཡི་ནད་རྣམས་འཇོམས་པར་བྱེད། །རྩ་མཁྲིས་གླ་སྒང་པུ་ཙེ་ཤེལ། །ཚ་བ་གསུམ་དང་དུག་
[200a.4]མོ་ཉུང་། །ཙི་ཏྲ་ཀ་ནི་ཆ་གཉིས་དང་། །དུག་མོ་ཉུང་གི་ཤུན་ལྤགས་ནི། །བཅུ་དྲུག་ཆ་སྦྱར་ཞིབ་ཏུ་བཏགས། །དེ་ནི་བུ་རམ་ཆུ་གྲང་བླུད། །ཕོ་བའི་ནད་དང་སྐྲན་སེལ་ཞིང་། །མིག་སེར་སྐྱ་རྦབ་རིམས་ཀྱི་ནད། །ཡི་ག་འཆུས་དང་འཁྲུ་བ་འཇོམས། །དོང་གྲ་བོང་ང་གླ་སྒང་དང་། །
[200a.5]པ་ཏ་བིལ་བ་སྐྱེར་ཁཎྜ། །དུག་མོ་ཉུང་གིས་པོ་ན་དང་། །ཏིག་ཏ་ད་ཏ་ཀའི་མེ་ཏོག །ཕྱེ་མར་བཏགས་ལ་སྦྲང་རྩིར་སྦྱར། །འབྲས་བཀྲུས་ཆུ་དང་བླུད་ན་ནི། །མཁྲིས་པ་ལས་གྱུར་ཕོ་བའི་ནད། །མཁྲེགས་འཁྲུགས་གཞང་འབྲུམ་གཞང་ཁ་ན། །ཁྲག་ཏུ་འཁྲུ་བ་དག་ལའང་ཕན། །ཙནྡན་
[200a.6]ཤུག་པ་པུ་ཤེལ་ཙེ། །པ་ཏ་མུར་བ་བླ་བ་དང་། །ཤུ་དག་ཐལ་ཏྲེས་དབྱི་མོ་དང་། །ལོ་མ་བདུན་པ་བ་ཤ་ཀ །པ་ཏོ་ལ་དང་ནྱ་གྲོ་དྷ། །ཨུ་དུམ་ཝཱ་ར་ཨ་ཤྭཏྠ། །བེེག་ཤ་ཀ་པི་ཏ་ན་དང་། །པུ་ཙེ་ཤེལ་དང་ལི་ག་དུར། །ནིམ་པ་སྲང་ནི་གཉིས་གཉིས་ལ། །ཆུ་བྲ་བཅུ་དྲུག་བསྐོལ་བ་དེར། །
[200a.7]ཀི་ར་ཏིག་ཏ་དུག་མོ་ཉུང་། །རམ་ཉེ་ཨུཏྤལ་པི་པི་ལིང་། །བསྐོལ་བ་དེ་འཐུངས་མཁྲིས་པ་ཡི། །ཕོ་བའི་ནད་ལ་བླུད་པར་བྱ། །མཛེར་བཤད་ཏིག་ཏའི་མར་ཡང་བླུད། །བད་ཀན་ལས་གྱུར་ཕོ་བའི་ནད། །སློན་སྨན་རྣོན་པོས་སློན་བྱས་ནས། །ཚ་སྐྱུར་ལན་ཚྭ་ཐལ་སྨན་གྱིས། །རིམ་
[200b]
[200b.1]གྱིས་མེ་དྲོད་སྐྱེད་པར་བྱེད། །ཚ་བ་ལྔ་དང་ཨ་རུ་ར། །འུ་སུ་པ་ཏ་པ་ལ་ཤ།།སྐྱུར་རྩེ་ཆེན་པོའི་མྱུ་གུ་དང་། །བསྐོལ་བའི་ཐུག་པ་ལ་སོགས་བླུད། །མ་དུ་ཀ་ཡི་མེ་ཏོག་བྲེ། །བཅུ་དྲུག་བྱེ་དང་ག་དེའི་ཕྱེད། །ཙི་ཏྲ་ཀ་ནི་དེ་ཕྱེད་དང་། །བསེ་ཤིང་འབྲས་བུ་བྲེ་བཞི་དང་། །བཙོད་སྲང་
[200b.2]བརྒྱད་དེ་འདི་དག་ནི། །ཆུ་བྲེ་སུམ་ཅུ་རྩ་གཉིས་བསྐོལ། །ཆུ་བྱེ་བཅུ་དྲུག་ལུས་བསྒྲངས་པར། །སྦྲང་རྩི་བྱེ་དོ་གཞུག་པ་དང་། །སུག་སྨེལ་པདྨའི་རྩ་བ་དང་། །ཨ་ཀར་ཙནྡན་ལྡེ་གུ་བྱུག །བུམ་པར་ཟླ་བ་གཅིག་གཞག་སྟེ། །ལངས་ནས་མནན་ཆང་བླུད་གྱུར་ན། །འདི་ཡིས་ཕོ་བའི་
[200b.3]དྲོད་སྐྱེད་ཅིང་། །ཉམས་བརྟས་ཁྲག་མཁྲིས་སེལ་བར་བྱེད། །སྐེམས་དང་མཛེ་དང་ཤ་བཀྲ་དང་། །གཅི་སྙི་བ་ཡི་ནད་རྣམས་འཇོམས། །མ་དུ་ཀ་ཡི་མེ་ཏོག་ནི། །ཁུ་བ་བསྐོལ་བ་ཕྱེད་དུ་བ། །བསྒྲངས་པར་སྦྲང་རྩི་བཞི་ཆ་བཏབ། །སྔ་མ་བཞིན་དུ་བྱས་པའི་ཆང་། །ཕན་པའི་
[200b.4]ཟས་དང་བཅས་བསྟེན་ན། །ཕོ་བའི་ནད་ནི་ཐམས་ཅད་སེལ། །དེ་བཞིན་རྒུན་འབྲུ་བུ་རམ་ཤིང་། །འབྲ་གོའི་ཁུ་བ་མནན་པ་བླུད། །ཤིང་ཀུན་ཤུ་དག་པུ་ཙེ་ཤེལ། །བོང་ང་པ་ཏ་དུག་མོ་ཉུང་། །གཟེ་མ་ཚ་བ་ལྔ་པོ་ཞོ། །གཉིས་གཉིས་ལན་ཚྭ་ལྔ་སྲང་རེ། །མར་དང་ཏིལ་མར་
[200b.5]ཕུལ་དོ་དོ། །ཞོ་བྲེ་གཉིས་དང་བསྲེས་ནས་ནི། །མེ་ནི་ཆུང་ངུ་ལ་བཙོས་སྟེ། །རྙིང་ཞིང་ཁུ་བ་ཐིམ་པ་དང་། །དེ་ནས་དུ་བ་འཁྱིམས་པར་བསྲེག །བཏགས་ཏེ་མར་དང་བསྲེས་པ་དག །དེ་ལས་ཞོ་གཉིས་འཐུངས་ནས་ནི། །ཞུ་ནས་ཁ་ཟས་མངར་ཟོས་ནས། །དེས་ནི་བད་ཀན་རླུང་ནད་ནི། །ཀུན་
[200b.6]དང་དུག་དང་དབྱིག་དུག་འཇོམས། །རྩྭ་མཁྲིས་དང་ནི་པུ་ཙེ་ཤེལ། །པ་ཏོ་ནིམ་པ་པར་པ་ཏ། །བསྲེགས་ལ་མ་ཧེའི་གཅིན་དང་ནི། །འཐུངས་ན་མེ་དྲོད་སྐྱེད་བྱེད་ཡིན། །ཤུ་དག་རུ་རྟ་སེར་པོ་གཉིས། །ཙི་ཏྲ་ཀ་དང་པུ་ཙེ་ཤེལ། །གླ་སྒང་ར་ཡི་གཅིན་དང་ནི། །བསྐོལ་བ་མེ་དྲོད་སྐྱེད་
[200b.7]བྱེད་ཡིན། །སུ་ཏའི་སྡོང་བུ་སྲང་བཞི་དང་། །ལན་ཚྭ་གསུམ་ལས་སྲང་རེ་དང་། །པར་ཏ་ཀ་ནི་ཕུལ་གང་དང་། །ཨརྐ་སྲང་བརྒྱད་ཙི་ཏྲ་ཀ །སྲང་གཉིས་བསྲེགས་ལ་པར་ཏ་ཀའི། །ཁུ་བས་རི་ལུ་བྱས་ནས་ནི། །ཟས་རྗེས་ཟོས་ན་ཟོས་པའི་ཟས། །མྱུར་དུ་ལུད་པ་དབུགས་མི་བདེ། །
[201a]
[201a.1]གཞང་འབྲུམ་གསུང་དང་ཆམ་པ་དང་། །སྙིང་ནད་དེས་ནི་ཞི་བར་བྱེད། །ཁ་ལུད་ཟུར་པ་ར་སྣ་དང་། །ཚ་བ་གསུམ་དང་ཨ་རུ་ར། །ནས་ཚིག་འཁུས་ཐལ་སྭརྫི་ཀའི། །ཐལ་སྨན་ལན་ཚྭ་ལྔ་པོ་རྣམས། །ཕྱེར་བཏགས་དྲོ་འཇམ་ཆུ་དང་བླུད། །མདོག་སྟོབས་མེ་དྲོད་འཕེལ་
[201a.2]བྱེད་ཡིན། །བད་ཀན་ལས་གྱུར་ཕོ་བའི་ནད། །རླུང་བཅས་དེ་ལ་མར་དང་བསྐོལ། །ཐང་ལ་འབར་དང་སྲང་དྲུག་པ། །དེ་བཞིན་གོ་བྱེའི་སྨན་མར་བླུད། །ཁ་རུ་ཚ་དང་ཚ་ནག་དང་། །བུལ་ཏོག་དང་ནི་སྭརྫི་ཀ །ནས་ཚིག་འཁུས་པའི་ཐལ་བ་དང་། །ཀཎྜ་ཀ་རི་སབ་ཏ་ལ། །ཙི་ཏྲ་ཀ་ནི་གཅིག་
[201a.3]ཏུ་བསྲེག །ལན་བདུན་བར་དུ་གཟགས་པ་ཡི། །ཐལ་ཁུ་བྲེ་དོ་མར་བྲེ་བཞི། །བསྐོལ་ལ་མེ་དྲོད་བསྐྱེད་ཕྱིར་བླུད། །འདུས་པ་ལས་ནི་ལྔ་པོ་དང་། །འདི་དག་ཉམས་སྟོབས་ཇི་བཞིན་བྱ། །བད་ཀན་མཆིལ་མང་དྲོད་ཆུང་ལ། །ཁ་རྩུབ་མེ་དྲོད་སྐྱེད་པར་སྦྱར། །བད་ཀན་ལས་བྱུང་
[201a.4]སྐེམས་པ་ལ། །སྣུམ་དང་རྩུབ་པ་རེས་ཀྱིས་བསྟེན། །ཉམ་ཆུང་རིད་པའི་ལུས་ལ་ནི། །མེ་དྲོད་སྐྱེད་པ་སྣུམ་ལྡན་སྦྱིན། །མཁྲིས་པ་ཤས་ཆེའི་དྲོད་ཉམས་ལ། །ཁ་དང་མངར་བ་ལྡན་པ་སྦྱིན། །རླུང་ཤས་ཆེ་ལ་སྣུམ་སྐྱུར་དང་། །ལན་ཚྭར་ལྡན་པ་བསྔགས་པ་ཡིན། །རིད་པ་མེ་
[201a.5]དྲོད་སྐྱེད་པ་ལ། །སྣུམ་ཉིད་མཆོག་ཏུ་ཤེས་པར་བྱ། །སྣུམ་ཤས་ཆེ་བར་གྱུར་པ་ལ། །རབ་ལྕིའི་ཟས་ཀྱང་སྦྱིན་མི་བྱ། །གང་ཞིག་དྲོད་ཆུང་བད་ཀན་ཟད། །བཤང་བ་སྨིན་ཀྱང་སླ་བ་ལ། །དེ་ལ་སྨན་རྣོར་བཅས་པ་ཡི། །མར་ནི་ཉུང་ཟད་བླུད་པར་བྱ། །དེ་ཡིས་མེ་དང་མཉམ་གནས་
[201a.6]རླུང་། །རང་གནས་བཀུག་སྟེ་རང་གི་ནི། །ལས་ལ་སྦྱོར་བས་དྲོད་སྐྱེད་བྱེད། །དེ་ནི་མེ་དྲོད་སྐྱེད་བྱེད་ཡིན། །གང་ཞིག་བཤང་བ་སྲ་བ་ཡིས། །དཀའ་བས་འབྱིན་པར་བྱེད་པ་དག །དེ་ལ་ལན་ཚྭ་བཅས་པའི་མར། །ཟས་ནི་སླ་བར་བྱེད་པ་སྦྱིན། །རྩུབ་པས་མེ་དྲོད་ཆུང་ལ་མར། །
[201a.7]ཡང་ན་ཏིལ་མར་དྲོད་སྐྱེད་བླུད། །སྣུམ་མང་འཐུངས་པས་དྲོད་ཉམས་ལ། །ཐལ་སྨན་ཕྱེ་མ་ཆང་རྙིང་སྦྱར། །རྟུག་འགགས་པ་ལ་མས་གཏོང་བའི། །དྲག་པོ་དང་ནི་འཇམ་རྩི་བྱ། །ནད་ཚབ་ཆེ་བས་མེ་དྲོད་ཉམས། །སྦྱང་བྱས་ཟས་ཀྱི་ཆོ་ག་སྤྱད། །ནད་བྱང་མེ་དྲོད་ཆུང་བ་ལ། །
[201b]
[201b.1]ཞུན་མར་འབའ་ཞིག་དྲོད་སྐྱེད་བྱེད། །ལམ་དང་སྨྱུང་བས་ཉམ་ཆུང་ལ། །ནས་ཐུག་མར་དང་སྦྱར་བའམ། །ཟས་བཅས་བླུད་ན་སྟོབས་སྐྱེད་ཅིང་། །དྲོད་སྐྱེད་བརྟ་བར་བྱེད་པ་ཡིན། །ཡུན་རིངས་ཉལ་པོ་སྤྱད་པ་དང་། །མི་ནི་ཉམ་ཆུང་སྐམ་གྱུར་ལ། །མཐུ་རྩལ་ཅན་གྱིས་ཟས་ཚོལ་
[201b.2]བ། །ཤ་ཟའི་ཤ་ཁུ་སྐྱུར་སྦྱར་སྦྱིན། །ཡང་ཞིང་དྲི་ཚ་སྦྱོང་བྱེད་པ། །དེ་ཡིས་མེ་དྲོད་མྱུར་དུ་སྐྱེད། །ཤ་ཡིས་སྐྱེད་པའི་ཤ་ཡིན་ཕྱིར། །སྟོབས་ནི་མཆོག་ཏུ་སྐྱེད་པར་བྱེད། །སྣུམ་དང་མནན་ཆང་ཆང་རྙིང་དང་། །སྨན་ཁུ་ཕྱེ་མ་འཕྲོད་པ་ཟོས། །ལུས་ལ་ལེགས་པར་སྦྱར་བ་ཡིས། །
[201b.3]སྟོབས་དང་མེ་དྲོད་འཕེལ་བར་བྱེད། །དཔེར་ན་མེ་ནི་ཤིང་སྲ་བས། །སྦར་བ་ཡུན་རིང་གནས་པར་བྱེད། །དེ་བཞིན་ཁོང་པར་གནས་པའི་མེ། །སྣུམ་དང་བཅས་པས་བརྟན་པར་གནས། །ཇི་ལྟར་མེ་ནི་ཤིང་མེད་པའམ། །མེ་ཆུང་ཤིང་ནི་དྲགས་པ་ལྟར། །ལུས་མེ་ཟས་ནི་མ་
[201b.4]ཟོས་པ། །ཟས་དྲགས་གྱུར་པས་འབར་མི་བྱེད། །གང་ཚེ་བད་ཀན་ཟད་མཁྲིས་པ། །རང་གི་གནས་སུ་རླུང་ཞུགས་ན། །མེ་དྲོད་འཕེལ་ཞིང་རབ་རྒྱས་འགྱུར། །དེ་ཚེ་མེ་ནི་རླུང་བཅས་པས། །ཟས་སྨིན་བྱས་ནས་ལུས་ཟུངས་ཀྱང་། །ཟད་ཅིང་མདངས་འཐོར་བྱེད་པས་གསོད། །
[201b.5]ཟས་ཟོས་ནས་ནི་བདེ་འགྱུར་ལ། །ཞུ་ནས་མུན་ཞུགས་སྙམ་སེམས་འགྱུར། །སྐོམ་དད་ཚ་བརྒྱལ་དབུགས་མི་བདེ། །ལ་སོགས་མེ་དྲོད་དྲགས་ལས་འབྱུང་། །ཟས་ལྕི་སྣུམ་སླ་རྟུལ་བ་དང་། །གྲང་དང་འཇུ་དཀའ་མེ་དྲོད་འབྲི། །འབར་བའི་མེ་ལ་ཆུ་བླུགས་ལྟར། །མེ་དྲོད་
[201b.6]ཤས་ཆ་དེ་ཞི་བྱ། །དེ་ནས་ཁ་ཟས་མ་ཞུ་ལའང་། །ཡང་དང་ཡང་དུ་ཟས་སྦྱིན་བྱ། །བུད་ཤིང་མེད་པའི་སྐབས་རྙེད་ལྟར། །ཇི་གནས་འདིར་གནས་མི་འགྱུར་བྱ། །ཀྲི་ས་ར་དང་འོ་ཐུག་སྣུམ། །སྣུམ་ཁུར་བུ་རམ་གཡོས་པ་དང་། །རླན་ཅན་ཆུ་ཡི་སྲོག་ཆགས་ནི། །ཚོ་བ་ཡི་ནི་ཤ་སྦྱིན་
[201b.7]ནོ། །མཆོག་ཏུ་ཉ་ནི་འཇམ་པོ་དང་། །མི་འགུལ་ཆུ་ལ་གནས་པ་སྦྱིན། །ལུག་ཤ་ཚོན་པོ་དག་ཀྱང་ནི། །ཟོས་ན་མེ་དྲོད་དྲགས་པ་སལ། །འོ་མ་སྦྲང་རྩི་བཅས་བའམ། །མར་དང་སྦྱར་བ་སྐོམ་ཚེ་བླུད། །གྲོ་ཡི་ཕྱེ་ནི་འོ་མ་དང་། །མར་ནི་མང་པོར་བཅས་པ་བླུད། །རླན་ཅན་
[202a]
[202a.1]སྲོག་ཆགས་ཤ་ཁུ་དང་། །ཏིལ་མར་མ་གཏོགས་སྣུམ་ཅན་བླུད། །ཤ་མ་དུར་བྱིད་དང་བསྐོལ་བའི། །འོ་མའི་བཀྲུ་སྨན་བླུད་པར་བྱ། །མཁྲིས་པ་སེལ་བའི་ཁ་ཟས་དང་། །འོ་ཐུག་ལན་མང་སྦྱིན་པར་བྱ། །གང་ཞིག་ལྕེ་ཞིང་ཆིལ་སྐྱེད་དང་། །བད་ཀན་སྐྱེད་པའི་
[202a.2]ཁ་ཟས་རྣམས། །ཐམས་ཅད་མེ་དྲོད་དྲགས་ལ་ཕན། །ཟོས་ནས་ཉིན་པར་ཉལ་བར་བྱ། །ཟས་ནི་མེ་དྲོད་ཀྱིས་འཇུ་བྱེད། །ཟས་མེད་ནས་ནི་ནད་ཟད་བྱེད། །ལུས་ཟུངས་ཟད་པར་བྱེད་པར་འགྱུར། །ལུས་ཟུངས་ཟད་ནས་འཆི་བར་འགྱུར། །ཟས་འདི་དག་ནི་རང་བཞིན་གྱིས་མི་མཐུན། །
[202a.3]འདི་ནི་སྦྱོར་དང་གཡོས་ཀྱིས་མི་འཕྲོད་པ། །དེ་ལ་སོགས་པ་མེ་ཤེས་ཅི་དགའ་བར། །སྤྱོད་དེ་མེ་དྲོད་སྟོབས་ལས་གྱུར་པ་ཡིན། །དེ་བས་འབད་པ་ཀུན་གྱིས་མེ་དྲོད་བསྲུང་། །དེ་ཉམས་ན་ནི་མི་ཡི་སྲོག་ཉེས་ཉམས། །ཉེས་པས་ཁྱབ་ན་ནད་ཀྱི་ཚོགས་ཀྱིས་འདེབས། །མེ་དྲོད་མཉམ་ན་
[202a.4]ནད་མེད་ཚེ་རིང་འགྱུར། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་བཅུ་པའོ།། །།དེ་ནས་གཅིན་འགགས་པའི་ལེའུ་བཤད་པར་བྱའོ། །རླུང་ལས་གྱུར་པའི་གཅིན་སྲི་ལ། །རླུང་འཇོམས་ཏིལ་མར་གྱིས་ལུས་བསྐུ། །ལྟེ་བ་མན་ཆད་
[202a.5]དུགས་བྱ་ཞིང་། །རླན་དུགས་ལུས་ནི་སྦྱིང་བའང་བྱ། །རྩ་བ་བཅུ་པ་ཨེ་རཎྜ། །བ་ལ་ནས་དང་ཉེ་ཤིང་པ། །བ་སྤྲུ་བ་དང་ཀུ་ལངྠ། །རྒྱ་ཤུག་དང་ནི་བ་རུ་ར། །སྲུ་སྲུའི་རྩ་བ་བྲི་ཤི་བ། །ཏིལ་མར་ཞུན་མར་ཕག་དང་དྲེད། །ཞག་བསྐོལ་ལན་ཚྭ་བཅས་པ་ནི། །འཐུངས་ན་གཟེར་
[202a.6]འཇོམས་མཆོག་ཡིན་ནོ། །སྨན་འདི་དག་ནི་སྣུམ་པ་ཡི། །འབྲས་བུར་བཅས་ཤིང་སྐྱུར་བ་དང་། །སྣུམ་དང་ལྡན་པར་ཟས་སྐོམ་དང་། །གོང་པོ་དཀྲི་བའི་དུགས་དཔྱད་བྱ། །ཁ་རུ་ཚ་མང་བཏབ་པའི་ཆང་། །འཐུངས་ན་གཅིན་གྱི་ནད་སེལ་བྱེད། །མཁྲིས་གྱུར་བསྐུ་དང་
[202a.7]བླུགས་པ་དང་། །ལུས་བཅིང་བས་ནི་བསིལ་བར་བྱ། །ཉེ་ཤིང་གཟེ་མ་བི་ད་རི། །རྒུན་འབྲུ་རྩ་ཡི་རྩ་བ་ལྔ། །བསྐོལ་བའི་ནང་དུ་སྦྲང་རྩི་དང་། །ཁ་རབ་བཏབ་པ་བླུད་པར་བྱ། །བ་ཤ་ཀ་དང་ག་གོན་དང་། །རྒྱལ་མོ་ག་གོན་ལེ་བརྒན་རྩིའི། །ས་བོན་གུར་གུམ་རྒུན་ཆུ་དང་། །འཐུངས་
[202b]
[202b.1]ན་གཅིན་འགགས་ནད་སེལ་བྱེད། །ཤིང་མངར་ཨེར་བ་རུའི་ས་བོན། །སྐྱེར་པ་འབྲས་ཀྱི་ཆུ་དང་བླུད། །རྒུན་འབྲུའི་ལྡེ་གུ་ཆུར་སྦྱར་བའམ། །རྒུན་འབྲུ་ཆུར་ནི་སྦངས་པ་བླུད། །བད་ཀན་ལས་གྱུར་དུགས་བྱས་ལ། །སྐྱུག་སྨན་བཟའ་བ་རྣོ་དྲོ་སྦྱིན། །ནས་ཡོས་ཐལ་སྨན་རྣོ་བ་དང་། །དར་
[202b.2]བ་བཅས་པ་སྦྱིན་པར་བྱ། །སུག་སྨེལ་ཆང་དང་སྦྱར་བའམ། །སྐྱུ་རུ་ར་ཡི་ཁུ་བ་བླུད། །བཞད་རུས་གཟེ་མ་སུག་སྨེལ་དང་། །ཚ་གསུམ་སྦྲང་རྩི་གཅིན་བཅས་བླུད། །ཡང་ན་ཀཎྜ་ཀ་རིའི་ཁུ། །སྦྲང་རྩིར་སྦྱར་བ་བླུད་པར་བྱ། །ཤི་ཏི་བ་རའི་ས་བོན་ནི། །ཞིབ་བཏགས་དར་བར་སྦྱར་བ་
[202b.3]བླུད། །བ་ད་སཔྟ་པརྞི་དང་། །སླེ་ཏྲེས་དོང་གྲ་དུག་མོ་ཉུང་། །ཀེའུ་ཀ་དང་སུག་སྨེལ་དང་། །ཀ་རཉྫ་བསྐོལ་སྦྲང་རྩིར་བཅས། །དེས་སྦྱར་ཐུག་པའམ་བྱི་རུ་ཡི། །ཕྱེ་མ་འབྲས་ཀྱི་ཆུ་དང་བླུད། །པ་ཏ་ལི་ཡི་ཐལ་བའི་ཆུ། །ལན་བདུན་བཙགས་པ་ཏིལ་མར་བཅས། །ནས་ཚིག་
[202b.4]འཁུས་ཐལ་པ་ཏ་ལི། །པ་རི་པ་ཏྲ་ཏིལ་ཐལ་ཆུ། །ཤིང་ཚ་སུག་སྨེལ་ན་ལེ་ཤམ། །ཆང་དང་སྦྱར་བ་བླུད་པར་བྱ། །འདི་དག་རེ་རེའི་ལྡེ་གུར་སྦྱར། །བུ་རམ་སོ་ཡིས་བཅད་ཅིང་བཟའ། །འདུས་པའི་བདག་ཉིད་ཅན་ཀུན་ལ། །འདི་དག་གནས་སྐབས་ཇི་བཞིན་ཕན། །རྡེའུ་
[202b.5]ཆགས་རིང་པོ་མ་ལོན་དང་། །རླུང་གི་ལྒང་ནད་སོགས་ལའང་སྦྱར། །རྡེའུ་ཆགས་ནད་ནི་མི་བཟད་དེ། །འཆི་བདག་དང་ནི་འདྲ་བར་འདོད། །གཞོན་པའི་ཚེ་ན་སྨན་གྱིས་གསོ། །འཕེལ་ནས་འདྲལ་བར་འོས་པ་ཡིན། །དེ་ཡི་སྔོན་འབྱུང་ཚུལ་ལ་ནི། །སྣུམ་འཆོས་ལ་སོགས་རིམ་
[202b.6]པས་བསྔགས། །སྲུ་སྲུའི་རྩ་བ་སྤྲ་ཏོག་དང་། །ཨ་སྨན་ད་ཀ་བ་སི་ར། །ཉེ་ཤིང་ལྕམ་པ་པུ་ཙེ་ཤེལ། །ཨ་ཏི་པ་ལ་བ་ལུ་ཀ །སྤངས་མ་བྲྀཀྵ་ད་ནི་དང་། །ཤ་ཀའི་འབྲས་བུ་བྱ་ཀྲི་གཉིས། །གུད་ཐ་གཟེ་མ་ཀུ་ལངྠ། །ནས་དང་རྒྱ་ཤུག་པ་ར་ཎ། །ཀ་ཏ་ཀ་ཡི་འབྲས་བུ་
[202b.7]དང་། །ཨུ་ཤ་ཀ་སྩོགས་ཕྱེ་མ་བཏབ། །འདི་དག་ཁུ་བ་མར་བསྐོལ་བླུད། །རླུང་གྱུར་རྡེའུ་འཇིག་པར་བྱེད། །ཨེ་རཎྜ་དང་བྲི་ཧ་ཏི། །ཀཎྜ་ཀ་རི་གཟེ་མ་དང་། །བུ་རམ་ཤིང་ཕྲན་རྩ་བ་ཡི། །ལྡེ་གུ་ཞོ་དང་སྦྱར་ཏེ་བླུད། །རྡེའུ་ཆགས་པ་སེལ་བྱེད་ཡིན། །ཀུ་
[203a]
[203a.1]ཤ་འཇག་མ་འདམ་བུ་དང་། །ཀུ་ཏ་ཉེའུ་ཤིང་ཨིག་ག་ཐ། །སྲུ་སྲུའི་རྩ་བ་འཇག་ཟླུམ་དང་། །བི་ད་རི་དང་བ་ར་ཧི། །འབྲས་ཀྱི་རྩ་བ་གཟེ་མ་དང་། །བ་ལུ་ཀ་དང་པ་ཏ་ལི། །བཏུལ་དང་བླ་བར་བཅས། །བ་སྤྲུ་བ་དང་སྲི་ཤ་ཀ །དེ་རྣམས་བསྐོལ་ཁུ་མར་དང་བསྐོལ། །
[203a.2]ག་གོན་ས་བོན་ལ་སོགས་དང་། །ཨུཏྤལ་ཡིས་བོན་དང་། །ཤིང་མངར་དང་ནི་བྲག་ཞུན་ཕྱེ། །དེ་དག་མཁྲིས་གྱུར་རྡེ་ཆགས་སེལ། །བ་ར་ཎ་སོགས་རླུང་འཇོམས་ཏེ། །སུག་སྨེལ་ཧ་རེ་ཎུ་ཀའི་སྡེ། །གུ་གུལ་རུ་རྟ་ན་ལེ་ཤམ། །ཙི་ཏྲ་ཀ་དང་བྱེའུ་རུག་པ། །དེ་དག་ལྡེ་གུར་བྱས་པ་གཞུག །
[203a.3]ཨུ་ཤ་ཀ་ཡི་སྡེ་ཚན་བཅུག །མར་བསྐོལ་བ་ཡིས་བད་ཀན་ལས། །གྱུར་པའི་རྡེའུ་མྱུར་དུ་འཇོམས། །རང་རང་སྨན་ནི་འདི་ཉིད་ཀྱིས། །ཐལ་སྨན་འོ་མ་ཐུག་སྩོགས་སྦྱར། །པི་ཙུ་ཀ་དང་ཨང་གོ་ལ། །ཀ་ཏ་ཀ་ལ་ཤ་ཀ་དང་། །ཨུཏྤ་ལ་ཡི་འབྲས་བུ་རྣམས། །བུ་རམ་བཅས་པའི་ཆུ་
[203a.4]དྲོན་བླུད། །རྡེ་ཕྲན་འཇིག་པར་བྱེད་པའི་མཆོག །ཁྲུང་ཁྲུང་རྔ་མོ་བོང་བུའི་རུས། །གཟེ་མ་ཏ་ལ་པ་ཏྲི་ཀ །ཨ་ཟ་མོ་དང་ཀ་དམ་པའི། །རྩ་བ་དང་ནི་བཅའ་སྒ་ནི། །ཆང་ངམ་ཆུ་དྲོན་བཅས་པ་བླུད། །རྡེ་ཕྲན་ཆགས་པ་འཇིག་པར་བྱེད། །མ་རི་ཙི་ཀའི་ས་བོན་གྱི། །ཕྱེ་མ་སྦྲང་རྩིར་སྦྱར་བ་
[203a.5]དང་། །ལུག་གི་འོ་མ་ཞག་བདུན་ནི། །བླུད་ན་རྡེའུ་ནི་འཇིག་པར་བྱེད། །ཤི་ཀྲུའི་རྩ་བ་བསྐོལ་བ་ནི། །དྲོ་འཇམ་འཐུངས་པས་རྡེ་ནད་འཇོམས། །ཏིལ་དང་ཨ་པ་མརྒ་དང་། །ཆུ་ཤིང་དང་ནི་པ་ལ་ཤ །ནས་ཚིག་འཁུས་ཐལ་ལུག་གཅིན་བླུད། །ཕྱེ་མ་རྡེའུ་ཆགས་པ་སེལ། །ཡང་
[203a.6]ན་ལྕམ་པའི་རྩ་བ་ནི། །གཅིག་ཏུ་ཆང་ལ་སོགས་པ་བླུད། །ཡང་ན་དེ་བསྐོལ་འོ་མ་བླུད། །ནད་ཀྱིས་ཉེན་པ་སེལ་བ་བྱེད། །ཨ་རུ་ར་ཡི་རུས་པ་བཙོས། །ཡང་ན་བ་སྤྲུ་བ་བཙོས་བླུད། །ཡང་ན་འོ་མ་ཅན་ཟས་བཟའ། །ཡང་ན་བར་ཧི་ཤི་ཀ་ཡི། །རྩ་བ་འབྲས་བུར་བཅས་པ་བླུད། །
[203a.7]གཅིན་འགགས་ལྷག་མ་རྣམས་ལ་ནི། །འདི་ཡི་གསོ་བ་ལྷག་མའང་སྦྱར། །བྲི་ཧ་ཏི་སོགས་སྡེ་ཚན་བསྐོལ། །གཟེ་མ་ཉིས་འགྱུར་གཞུག་པར་བྱ། །ཆུ་འམ་འོ་མ་ཞུན་མར་དང་། །བླུད་ན་གཅིན་གྱི་ནད་ཀུན་སེལ། །ཐང་ཤིང་གླ་སྒང་མུར་བ་དང་། །ཤིང་མངར་དང་ནི་ཨ་རུ་ར། །ཆང་ངམ་
[203b]
[203b.1]འོ་མ་ཆུར་སྦྱར་བ། །གཅིན་གྱི་ནད་ནི་ཀུན་ལ་བླུད། །བྱི་ཚེར་བ་བསྐོལ་ཁུ་བའམ། །ཨརྫུ་ན་བསྐོལ་ཁུ་བ་ནི། །རྒྱམ་ཚ་འབྲས་བུ་གསུམ་བཏབ་ལ། །ཆུ་ཚན་དྲོ་འཇམ་སྦྱར་བ་བླུད། །ཀཎྜ་ཀ་རི་གཟེ་མ་བསྐོལ། །ཡང་ན་ནས་ཐུག་བུར་ཕྲན་བཅས། །བི་ད་ར་སོགས་བསྐོལ་བའམ། །
[203b.2]ཁྱིམ་བྱའི་ཤ་ཡི་ཁུ་བ་བླུད། །བི་ད་རི་ལ་སོགས་པ་དང་། །བསྐོལ་བའི་བྲག་ཞུན་སྦྱིན་པའམ། །ཡང་ན་ཆང་ནི་ནད་མེད་བླུད། །རྟའམ་ཤིང་རྟར་བསྐྱོད་ནས་ནི། །མགྱོགས་པར་འགྲོ་བས་བསྐྱོད་གྱུར་ན། །རྡེའུ་དེ་ནི་གཡོ་བར་འགྱུར། །བི་ད་རི་ལ་སོགས་པ་ཡི། །སྡེ་ཚན་རྣམ་
[203b.3]པ་ཀུན་ཏུ་སྦྱར། །བཀྲུ་སྨན་དོན་དུ་སེང་ཕྲམ་མར། །འཇམ་རྩིའི་ལས་ཀྱང་བསྟེན་པར་བྱ། །མཆོག་ཏུ་འཇམ་རྩི་གོང་མ་བྱ། །ཁུ་ཆུའི་རྡེའུ་ཆགས་དེ་ཡི་ནི། །གཅིན་ལམ་སྦྱངས་ལ་སྟོབས་ཆེ་བའི། །ཁུ་ཆུའི་གནས་ནི་སྦྱང་བའི་ཕྱིར། །སྐྱེས་པ་ཁུ་བ་འཕེལ་བྱེད་པའི། །ཤ་
[203b.4]དང་ཁྱིམ་བྱའི་ཤ་ཡིས་འགྲངས། །འདོད་པ་བདོ་བས་བུད་མེད་ནི། །དགའ་བ་སྐྱེད་ལ་ཉལ་པོ་བྱ། །གསོ་བ་འདི་ཡིས་བཅོས་ཀྱང་ནི། །མ་ཞི་ན་ནི་སྨན་པ་ཡིས། །མཚོན་ནི་ལེགས་པར་བརྟག་བྱས་ཏེ། །གསོ་བ་མ་བགྱི་ངེས་པར་འཆི། །བགྱིས་ན་འང་དོགས་པར་བཅས་
[203b.5]པ་ལས། དེ་ལྟར་རྒྱལ་པོ་ལ་ཞུས་ནས། །ལས་ལ་བྱང་བའི་སྨན་པ་ནི། །མང་པོ་དང་ནི་དཔྱད་པར་བྱ། །དེ་ནས་ནད་པར་སྣུམ་བསྐུས་ཤིང་། །སྦྱངས་ཤིང་ཅུང་ཟད་ཉམས་སྨད་པའི། །ལུས་ནི་སྣུམ་བསྐུ་དུགས་བྱ་ཞིང་། །ཟན་མ་ཟོས་ཤིང་བཀྲ་ཤིས་བྱས། །པུས་མོར་སླེབ་
[203b.6]པའི་སྤང་ལེབ་ལ། །འདུག་པ་མི་ཡི་པད་པར་བརྟེན། །རོ་སྟོད་གན་རྐྱལ་བཞག་ནས་ནི། །གོས་ཀྱིས་དཀྲིས་པའི་སྟེང་དུ་གཞག །དེ་ནས་དེ་ཡི་སྒྱིད་ཁུང་དག །བཀུག་ནས་རས་ཀྱིས་དམ་པ་རུ། །རྟེན་གྱི་མི་དང་བཅས་པར་ནི། །བཅིངས་ཏེ་དབུགས་ནི་ཕྱུང་ནས་སུ། །ལྟེ་བ་
[203b.7]མན་ཆད་བསྐུས་ནས་ནི། །དེ་ཡི་གཡོན་རོལ་ཕྱོགས་སུ་ནི། །མཉེས་ལ་ཁུ་ཚུར་གྱིས་མནན་ཅིང་། །འོག་ཏུ་འབྱིན་པའི་བར་དུ་བཙིར། །དེ་ནས་གཡོན་པའི་མཛུབ་མོ་དང་། །གུང་མོའི་སེན་མོ་ཟེགས་ནས་ནི། །ཏིལ་མར་བསྐུས་ཏེ་རྐུབ་ཏུ་ནི། །སྲུབས་མཚམས་བར་དུ་གཞུག་
[204a]
[204a.1]པར་བྱ། །རྡེའུ་ལྟེ་བའི་གཉེར་མ་ནས། །ཕོ་མཚན་གཞང་བར་ཕྱིན་པར་བྱ། །དེ་ནས་ཆུ་སོའི་གནས་སུ་ནི། །གཉེར་མ་མེད་ཅིང་དབྱུང་སླ་བ། །སོར་མོ་གཉིས་ཀྱིས་བཙིར་ནས་ནི། །མདུད་པ་ལྟ་བུར་མཐོ་བར་བྱ། །སྲུབས་མཚམས་ནས་གང་མ་གཏོགས་
[204a.2]པར། །གཙགས་བུས་ལེགས་པར་དྲལ་ནས་ནི། །རྡེའུའི་ཚད་དུ་དབྲལ་བྱས་ལ། །ཅི་ནས་ཆག་གྲུགས་མེད་པར་ནི། །ཆ་སྤྱད་རྩེ་མོ་གུག་པ་ཡིས། །མ་ལུས་པར་ནི་དབྱུང་བར་བྱ། །བུད་མེད་ཆུ་སོ་ངོས་སུ་གནས། །དེ་ནི་མངལ་གནས་པ་ལ་བརྟེན། །མཐོ་བར་གྱུར་ནས་སྤྱད་
[204a.3]ཀྱིས། །ལེགས་པ་ཁོ་ནར་དབྲལ་བར་བྱ། །གཞན་དུ་བྱས་ན་དེ་ཡིས་ནི། །རྨ་ནས་གཅིན་ནི་འཛག་པར་འགྱུར།།སྐྱེས་པའི་རྨ་ནི་དབྲལ་ཉེས་ན། །གཅིན་འཛག་པ་དང་གཅིག་ཏུ་འགྱུར། །ཆུ་སོ་དབྲལ་བའི་རྡེའུ་རྒྱུ། །གཅིག་ལས་གྲུབ་ཀྱི་གཉིས་ལས་མིན། །ཟུག་རྔུ་ཆུང་ལས་
[204a.4]ཆུ་དྲོན་གྱི། །ནང་དུ་དེ་ནི་སྤྱིང་བར་བྱ། །དེ་ལྟར་ཁྲག་གིས་གང་མི་འགྱུར། །གང་ལ་མཚན་ལས་འོ་མ་ཅན། །ཤིང་གི་ཁུ་བ་བཙིར་བར་བྱ། །དེ་ནས་གཅིན་ནི་དག་བྱའི་ཕྱིར། །བུ་རམ་གྲངས་པ་སྦྱིན་པ་དང་། །རྨ་ལ་མར་དང་སྦྲང་རྩི་བསྐུ། །དུས་གཉིས་ནས་ཐུག་མར་
[204a.5]བཅས་པའི། །དྲོ་འཇམ་གཅིན་སྐྱེད་ཞག་གསུམ་བླུད། །བུ་རམ་མང་པོ་འོ་མ་དང་། །འབྲས་ཆན་ཉུང་བ་ཞག་བཅུ་སྦྱིན། །དེ་ནས་འབྲས་བུ་སྐྱུར་བ་དང་། །སྐམ་སའི་སྲོག་ཆགས་ཤ་ཁུ་སྦྱིན། །འོ་མ་ཅན་ཤིང་ཁུ་བ་ཡིས། །རྨ་ནི་བཀྲུས་ནས་བཙོད་དང་ནི། །ཤིང་མངར་པྲ་
[204a.6]པུཎྜ་རའི་ཀ །སེང་ཕྲོམ་དཀར་པོས་བསྐུ་བར་བྱ། །རྨ་བསྐུས་སྨན་ནི་འདི་དག་ཉིད། །སྐྱེར་བཅས་ཏིལ་མར་བསྐོལ་ཏེ་བསྐུས། །འདི་ཡིས་རྨ་ཞག་བཅུ་དུགས་བྱ། །གཅིན་གྱི་ལམ་ནི་ཞག་བདུན་ན། །རང་གི་ལམ་ནས་མ་བྱུང་ན། །རྡེའུའི་རྨ་ནི་མེ་ཡིས་བསྲེགས། །རང་གི་ལམ་
[204a.7]ནས་བྱུང་གྱུར་ནས། །ཕལ་ཆེར་མས་གཏོང་མངར་བས་གསོ། །རྨ་དེ་འཚོབས་ཀྱང་ལོ་གཅིག་བར། །རི་བོ་གླང་པོ་རྟ་དང་ནི། །ཤིང་ལ་འཛེག་པར་མི་བྱ་སྟེ། །ཤིང་རྟར་མི་ཞོན་ཉལ་པོ་སྤང་། །ཆུ་ལ་རྐྱལ་བར་མི་བྱའོ། །ཁུ་ཆུ་གཅིན་རྒྱུ་ལྒང་པ་དང་། །རླིག་སྦུབས་མཚམས་
[204b]
[204b.1]སྲུབས་གཞང་རྩ་དང་། །ཕོ་མཚན་མོ་མཚན་རྩེ་མོ་ནི། །བརྒྱད་པོར་མཚོན་ནི་གདབ་མི་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་བཅུ་གཅིག་པའོ།། །།དེ་ནས་གཅིན་སྙི་བ་ཟ་ཁུའི་ལེའུ་བཤད་པར་བྱའོ། །ཟ་ཁུ་ཅན་ནི་སྟོབས་
[204b.2]ལྡན་ལ། །དང་པོ་སྐྱུག་སྨན་བཀྲུ་སྨན་ནི། །སྣུམ་ཅན་ཉུངས་ཀར་ཨ་རི་ཧ། །བ་རུ་ར་དང་ཀ་རཉྫའི། །སྣུམ་དང་གཟེ་མ་ཏིལ་མར་བསྐོལ། །རང་སྨན་ཇི་བཞིན་བསྐོལ་བ་ཡི། །སྣུམ་བཅས་སྐྱུག་སྨན་བཀྲུ་སྨན་གཏང་། །གླ་སྒང་ཐང་ཤིང་དོང་གྲ་བཅུག །བྱེའུ་རུག་པ་སོགས་ཁུ་བ་
[204b.3]ཡི། །འཇམ་རྩི་དེ་ནས་གཏང་བར་བྱ། །མཁྲིས་པ་ནྱ་གྲོ་དྷ་སོགས་པས། །སྦྱངས་ནས་ཤ་ཁུས་བརྟ་བར་བྱ། །གཅིན་ནད་དང་ནི་སྐྲན་དང་ནི། །སྐེམ་ཞིང་ཉམས་ནི་སྨད་པ་འབྱུང་། །དེ་བས་རྗེས་འབྲེལ་བསྲུང་བའི་ཕྱིར། །ཞི་བར་བྱ་བ་གཏང་བར་བྱ། །སྦྱང་བ་མ་བྱས་
[204b.4]ལ་དེ་ཉིད། །གཅིན་ནད་ཅན་ནི་ཀུན་ལ་བླུད། །སྐྱེར་པ་སྐྱུ་རུ་ར་བསྐོལ་ཁུ། །སྦྲང་རྩིར་བཅས་པ་ནད་པར་བླུད། །སྐྱེར་པ་ཐང་ཤིང་འབྲས་བུ་གསུམ། །གླ་སྒང་ཆུ་བསྐོལ་བླུད་པའང་ཕན། །ཙི་ཏྲ་སྐྱེར་པ་འབྲས་བུ་གསུམ། །དུག་མོ་ཉུང་ནི་སྦྲང་རྩི་བཅས། །ཡང་ན་སླེ་
[204b.5]ཏྲེས་སྐྱུ་རུ་ར། །སྦྲང་རྩིར་བཅས་པའི་ཁུ་བའང་ཕན། །སེང་ཕྲོམ་གླ་སྒང་ཀད་པ་ལ་དང་ཨ་རུ་ར། །པ་ཐ་བྱི་ཚེར་བྱི་དང་ག་དང་ཨརྫུན། །སེང་ལྡེང་སྐྱེར་པ་བྱི་དང་ག་དང་དར་བ་བསྐོལ། །ཁུ་བ་གསུམ་པོ་སྦྲང་རྩིར་བཅས་པས་བད་ཀན་སེལ། །མཁྲིས་གྱུར་པུ་ཤེལ་སེང་ཕྲོམ་
[204b.6]ཙནྡན་ཨརྫུ་ན། །ནིམ་པ་པ་ཏོ་ལ་དང་སླེ་ཏྲེེས་སྐྱུ་རུ་ར། །སེང་ཕྲོམ་བ་ལེ་ཀ་དང་སྐྱེར་པ་ད་ཏ་ཀའི། །གསུམ་པོ་དེ་དག་བསྐོལ་བ་སྦྲང་རྩིར་བཅས་པ་བླུད། །འདི་དག་ཇི་བཞིན་ཟས་སྐོམ་དང་། །ནས་དང་གྲོ་དང་སྦྱར་བ་དང་། །རླུང་ཤས་ཆེ་བའི་གཅིན་སྙི་ལ། །སྣུམ་དང་སྦྱར་
[204b.7]ཏེ་སྦྱིན་པར་བྱ། །ལྕི་བ་རྟ་རྟུག་ལས་བྱུང་བའམ། །འོད་མ་ལས་ནི་སྐྱེས་པ་དག །ཁུར་བ་ཟན་དྲོན་ཆག་ཚེ་སྩོགས། །ནས་ལས་བྱས་པའི་ཟན་ཀྱང་ཕན། །རྩ་འབྲུ་མུངྒ་ལ་སོགས་དང་། །འབྲས་རྙིང་དྲུག་ཅུ་པ་རྙིང་ཕན། །ཉུངས་ཀར་ཏིལ་བཙིར་ལས་བྱུང་བའམ། །སྦྱར་ཐུག་
[205a]
[205a.1]སྐྱུར་དང་བཅས་པའམ། །ཀ་པིད་ཏ་དང་ཏིན་ཏུ་ཀ །འཛམ་བུ་དེ་སྦྱར་བཏུང་བ་དང་། །ཚོད་མ་ཁ་བོ་སྦྲང་རྩི་དང་། །འབྲས་བུ་གསུམ་ཟན་བཟའ་བ་སྐམ། །སྐམ་སའི་ཤ་ནི་བསྲེགས་པ་དང་། །སྐམ་པའམ་ལྕགས་དང་གཡོས་པ་དང་། །རྒུན་ཆང་ཆང་རྙིང་
[205a.2]མནན་ཆང་རྙིང་། །རྒུན་ཆུ་བསྐོལ་བ་ལས་བྱུང་བླུད། །ཨ་ས་ན་སོགས་བསྐོལ་བའི་ཆུ། །འཇག་མ་བསྐོལ་ཆུ་སྦྲང་རྩིའི་ཆུ། །འབྲས་བུ་གསུམ་ལ་མཚན་མོ་སྦངས། །ཉིན་པར་སྐམས་ལ་དེ་ནས་ནི། །ལེགས་པར་བཏགས་པའི་ཕྱེ་དག་དང་། །བུ་རམ་སྦྲང་རྩིར་བཅས་
[205a.3]པ་བླུད། །ས་ལ་ལོ་མ་བདུན་པ་དང་། །ཀམ་བི་ལྱ་དང་བ་རུ་ར། །བྲི་ཤ་ཀ་དང་ཀ་པིད་ཏ། །རོ་ཧི་ནི་ཡི་མེ་ཏོག་ནི། །ཕྱེར་བཏགས་སྦྲང་རྩིར་བཅས་སྦྱིན་ནམ། །སྐྱུ་རུ་ར་ཡི་ཁུ་བ་བླུད། །བད་ཀན་མཁྲིས་པའི་གཅིན་ནད་སེལ། །གཟེམ་སྐྱེར་པ་སེང་ཕྲོམ་དང་། །ཤུ་དག་
[205a.4]ཀད་ཕལ་ཨརྫུ་ན། །ཤུག་པ་ལུང་ཐང་ཨསྨན་ཏ། །ཙནྡན་དང་ནི་ཨ་ཀ་རུ། །ལ་ལ་ཕུད་དང་པ་ཏོ་ལ། །ག་དུར་བོང་ང་གོ་བྱེ་བཙོད། །བད་ཀན་རླུང་ལ་ཏིལ་མར་བཅས། །མཁྲིས་པར་མར་དེ་འདྲེན་མར་བཙོས། །རྩ་བ་བཅུ་པ་ཟི་ར་དཀར། །དན་ཏི་ཐང་ཤིང་བ་སྤྲུ་
[205a.5]གཉིས། །སྣུ་ཧ་ཨརྒའི་རྩ་བ་དང་། །བུ་ག་དམ་པ་ཨ་རུ་ར། །གོ་བྱེ་ཀ་རཉྫའི་རྩ་བ། །བ་ར་ཎ་ཡི་རྩ་བ་དང་། །པི་པི་ལིང་རྩ་མ་ནུའི་རྩ། །རེ་རེ་སྲང་ནི་བཅུ་བཅུ་དང་། །ནས་དང་རྒྱ་ཤུག་རྒྱ་སྲན་ལས། །བྲེ་གསུམ་ཆུ་ནི་བརྒྱད་འགྱུར་དང་། །བསྐོལ་ལ་བཞི་ཆ་
[205a.6]ལུས་པ་དང་། །དེ་དང་པི་པི་ལིང་གཉིས་དང་། །དབྱི་མོ་ལྕང་མ་རོ་ཧི་ཤ །དུར་བྱིད་བྱི་དང་ཀམྦི་ལྱ། །ག་བྲའི་རྩ་བ་བཅའ་སྒ་དང་། །མར་བྲེ་གང་དང་བསྐོལ་བ་ཡིས། །གཅིན་སྙིའི་ནད་ནི་དེ་ཉིད་དང་། །འབྲུམ་ཕྲན་དུག་དང་སྐྱ་རྦབ་དང་། །ཁོང་འབྲས་སྐྲན་དང་གཞང་འབྲུམ་
[205a.7]དང་། །འོར་ནད་སྐེམ་དང་དབྱིག་དུག་དང་། །དམུ་རྫིང་ལུད་པ་དབུགས་མི་བདེ། །སློན་དང་ཚིལ་ཆེས་མཆེར་པའི་ནད། །དྲེག་མཛེ་སྨྱོ་བྱེད་བརྗེད་བྱེད་འཇོམས། །མར་འདི་ཐང་ལ་འབར་གྱི་ཡིན། །སེང་ཕྲོམ་མུར་བ་བྱི་དང་ག །ཟུར་པ་རྒྱ་སྤོས་ག་བྲའི་རྩ། །ཆུ་སྲིན་སེན་མོ་
[205b]
[205b.1]དུག་མོ་ཉུང་། །གླ་བ་རུ་རྟ་པྲི་ཡང་ཀུ། །གླ་གོར་ཞོ་ཤ་ཙི་ཏྲ་ཀ །བོང་ང་བིལ་ཤ་ལ་གཉིས་དང་། །དྲི་བཟང་བཞི་དང་རྩ་མཁྲིས་དང་། །པུ་ཙེ་ཤེལ་དང་ལ་ལ་ཕུད། །པ་ཏ་པུཥྐར་མཱུ་ལ་དང་། །པི་པི་ལིང་གི་རྩ་བ་དང་། །དབྱི་མོ་དང་ནི་འབྲས་བུ་གསུམ། །ཞོ་ནི་གཉིས་
[205b.2]གཉིས་ཆུ་བྲེ་ནི། །བཅུ་དྲུག་ལ་བསྐོལ་བཞི་ཆ་ལུས། །བཙགས་ཏེ་བསྒྲངས་པའི་ནང་དུ་ནི། །སྦྲང་རྩི་བྲེ་དོ་བཅུག་ནས་ནི། །ཟླ་ཕྱེད་ལེགས་པར་གཞག་པ་ཡི། །སེང་ཕྲོམ་མནན་ཆང་གཅིན་སྙི་དང་། །གཞང་འབྲུམ་མཛེ་དང་ཡི་ག་འཆུས། །སྲིན་བུ་སྐྱ་རྦབ་ཕོ་བའི་ནད། །ཚིལ་
[205b.3]བྱེད་པ་ཡི་ནད་སེལ་བྱེད། །ཨ་ས་ན་ལ་སོགས་པའི་སྡེ། །སྣ་རེ་སྲང་ནི་ཉི་ཤུ་དག །ཆུ་བྲེ་ཉིས་བརྒྱ་ལྔ་བཅུ་དྲུག །བསྐོལ་ལ་བཞི་ཆ་ལུས་པ་དང་། །བུ་རམ་སྲང་ནི་ཉིས་བརྒྱ་དང་། །སྦྲང་རྩི་བྲེ་དོ་གཞུག་པ་དང་། །དུག་མོ་ཉུང་སོགས་ལྡེ་གུ་ནི། །སྲང་རེའི་ཚད་ནི་བཅུག་པ་སྟེ། །སྦྲང་
[205b.4]རྩི་པི་པི་ལིང་གི་ཕྱ། །མར་གྱིས་བསྐུས་པའི་སྣོད་དག་ནི། །རྒྱ་སྐྱེགས་བསྐུས་པར་བཅུག་ནས་ནི། །ནས་ཀྱི་ནང་དུ་བཅུག་ནས་སུ། །ལྕགས་ནི་རྣོ་ལ་སྲབ་པ་དག །སེང་ལྡེང་གི་ནི་མེ་མདག་བསྲེགས། །ཇི་སྲིད་ལྕགས་ནི་ཟད་པའི་བར། །མང་དུ་དེར་ནི་གཞག་པར་བྱ། །ལྕགས་
[205b.5]ལས་བྱས་པའི་ཆང་མནན་བླུད། །སྔོན་པས་ཡོན་ཏན་ལྷག་པ་ཡིན། །རྩུབ་པ་དྲིལ་ཕྱིས་དམ་དུ་བསྡམས། །དྲག་ཤུལ་མཚན་མོ་གཉིད་མི་ལོག །ཚིལ་དང་བད་ཀན་འཇོམས་བྱེད་གང་། །དེ་ནི་ཕྱི་ནང་ལས་བཏང་ཕན། །བྲག་ཞུན་སྲང་བརྒྱ་སྙིང་པོའི་ཆུ། །སྦངས་པའི་སྙིང་པོ་ཆུ་
[205b.6]དང་ནི། །ལེགས་པར་བླུད་ཅིང་སཱ་ལུ་དང་། །སྐམ་སའི་ཤ་ཁུ་བཅས་པ་བཟའ། །བླ་བརྣན་ཤིན་ཏུ་མང་བ་ཡི། །གཅིན་སྙིའི་ནད་ནི་ཀུན་ཀྱང་འཇོམས། །འབྲས་ཕྲེང་ཐོར་བུ་རྨེན་བུ་དང་། །ཚིལ་ཆེས་མཛེ་དང་མཚན་བར་རྡོལ། །སྲིན་ནད་རྐང་བམ་འོར་ནད་སེལ། །འདི་ནི་
[205b.7]བཅུད་ཀྱིས་ལེན་མཆོག་ཡིན། །ལམ་དུ་དུགས་དང་ལྷམ་དག་ནི། །མེད་པར་དྲང་སྲོང་ཚུལ་དུ་ནི། །དཔག་ཚད་བརྒྱ་ཡི་བར་དུ་འགྲོ། །ཆུ་ཡི་གནས་ནི་བརྐོ་བའམ། །བ་གཅིན་ལྕི་བ་བསྟེན་པའམ། །བ་ལང་དང་ནི་ལྷན་ཅིག་འཁྱམས། །སྐེམ་པའི་གཅིན་ནད་ཅན་དག་
[206a]
[206a.1]གི། །ཟས་དང་སྨན་ཚིལ་མི་བསྐྱེད་པས། །ཁམ་ཕོར་ལ་སོགས་འབྲས་ནད་ནི། །མ་སྨིན་སྐྲང་པའི་ནད་ལྟར་གསོ། །སྨན་པ་ལ་ནི་རྨ་ལྟར་གསོ། །དེ་ཡི་སྔོན་བྱུང་ཚུལ་ཉིད་ལ། །འོ་མ་ཅན་ཤིང་བསྐོལ་ཆུ་དང་། །ར་ཐུག་གཅིན་ནི་བླུད་པ་བསྔགས། །གཅིན་
[206a.2]སྙིའི་ནད་ཅན་ལྟོ་སྲ་བས། །ཕལ་ཆེར་བཀྲུ་སྨན་རྣོན་པོ་གཏང་། །སུག་སྨེལ་སོགས་ཀྱི་ཏིལ་མར་སྦྱར། །རྨ་འཚོབ་པ་ཡི་ཆོ་ག་བྱ། །དོང་གྲ་ལ་སོགས་སྡེ་ཚན་ནི། །བཏགས་པའི་ལྡེ་གུས་དྲིལ་བར་བྱ། །ཨ་ས་ན་སོགས་བསྐོལ་ཆུ་བླུད། །དུག་མོ་ཉུང་སོགས་ཟས་སྐོམ་སྦྱར། །
[206a.3]པ་ཏ་ཐལ་ཏྲེས་ཙི་ཏྲ་ཀ །ཤ་རང་ག་པཱ་ཀན་ཏ་རི། །སཔྟ་པརྞི་དུག་མོ་ཉུང་། །ཀད་ཕ་ལ་དང་དོང་གའི་ཕྱེ། །སྦྲང་རྩིས་ལྡེ་གུ་བྱས་པའམ། །ལྕགས་དགུ་པ་ཡང་དེ་བཞིན་སྦྱིན། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་བཅུ་གཉིས་པའོ།། །།
[206a.4]དེ་ནས་ཁོང་འབྲས་དང་རྒྱུ་རླུགས་ཀྱི་ལེའུ་བཤད་པར་བྱའོ། །ཁོང་འབྲས་མ་སྨིན་ཐམས་ཅད་ལ། །འོར་ནང་ལྟ་བུར་གསོ་བ་དང་། །རྒྱུན་ཏུ་ཁྲག་ནི་བྱུང་བར་བྱ། །སྨིན་པ་ལ་ནི་རྨ་ལྟར་གསོ། །རླུང་ཤས་ཆེ་ལ་རྩ་བ་ལྔ། །བསྐོལ་བས་རྨ་ནི་བཀྲུ་བ་དང་། །ཐང་ཤིང་སོགས་སྡེ་ཤིང་མངར་དང་། །ཏིལ་སྦྱར་རྒྱམ་ཚས་
[206a.5]རྨ་བསྐུ་བྱ། །བཀྲུ་སྨན་དང་ནི་ལྡན་པ་ཡི། །དུར་བྱིད་ཀྱིས་ནི་རྣམ་སྦྱངས་ཤིང་། །བི་ད་རི་ཡི་སྡེ་བསྐོལ་བའི། །དུར་བྱིད་ཀྱིས་ནི་རྨ་འབྱོར་བྱ། །མཁྲིས་གྱུར་འོ་མ་ཅན་ཆུས་བཀྲུ། །སླེ་ཏྲེས་ཤིང་མངར་ཏིལ་གྱིས་བསྐུ། །བཙོད་དང་རྒྱ་ཤུག་པུ་ཤེལ་ཙེ། །པ་ཡ་སྱ་དང་སེར་པོ་གཉིས། །
[206a.6]འབྲས་བུ་གསུམ་དང་ཤིང་མངར་དང་། །འོ་མར་བཅས་པས་རྨ་འབྱོར་བྱ། །ཡང་ན་ནྱ་གྲོ་དྷ་སོགས་པའི། །མྱུ་གུ་ཤུན་པ་འབྲས་བུ་བསྐུ། །བད་ཀན་ལས་གྱུར་དོང་གའི་ཆུས། །བཀྲུ་ཞིང་ཕྱེ་དང་སེར་པོ་གཉིས། །དུར་བྱིད་དང་ནི་ཏིལ་གྱིས་བསྐུ། །ཡང་ན་རྒྱ་སྲན་དན་ཏི་ཡི། །ཤམ་
[206a.7]དུར་བྱིད་ཙི་ཏྲ་ཀ །སེང་ཕྲོམ་རྒྱམ་ཚབ་གཅིན་བཅས། །ཏིལ་མར་གྱིས་ནི་རྨ་འཚོབ་བྱ། །ཁྲག་དང་གློ་བུར་ལས་གྱུར་པ། །མཁྲིས་པའི་ཁོང་འབྲས་ལྟ་བུར་གསོ། །མ་སྨིན་ནད་དུ་བྱུང་བ་ལ། །བ་ར་ཎ་སོགས་སྡེ་བསྐོལ་བར། །ཨུ་ཤ་ཀ་ཡི་སྡེ་ཚན་བཏབ། །སྔ་དྲོ་ཁོང་འབྲས་ཅན་
[206b]
[206b.1]ལ་བླུད། །བཀྲུ་སྨན་བཅས་པར་བསྐོལ་བའི་མར། །དེ་གཉིས་དང་ནི་ལྡན་པར་བླུད། །ནི་རུ་ཧ་དང་སྣུམ་འཇམ་རྩི། །དེ་དག་གཉིས་ལ་སྦྱར་བར་བྱ། །བཟའ་དང་བཏུང་དང་བསྐུ་བ་ལ། །སྦྲང་རྩི་ན་ལེ་ཤམ་དཀར་སྦྱར། །ནད་དམིགས་ཇི་བཞིན་བླུད་ན་ནི། །ཁོང་འབྲས་
[206b.2]མ་སྨིན་འཇོམས་པར་བྱེད། །ཀྱི་ལྕེ་ནིམ་པ་འབྲས་བུ་གསུམ། །ཤིང་མངར་པུ་ཙེ་ཤེལ་ཆ་མཉམ། །དུར་བྱིད་པ་ཏོ་ལའི་རྩ་བ། །རེ་རེ་ཆ་ནི་བཞི་པར་བྱ། །སྲན་ཆུང་སྤུན་པ་མེད་སྲང་བརྒྱད། །དེ་བསྐོལ་མར་དང་བཅས་པ་བླུད། །ཁོང་འབྲས་སྐྲན་དང་མེ་དཔལ་དང་། །
[206b.3]ལུས་ཚ་རྨོངས་བག་མྱོས་རིམས་འདེབས། །སྐོམ་དང་བརྒྱལ་སློན་སྙིང་ནད་དང་། །ཁྲག་མཁྲིས་མིག་སེར་མཛེ་ནད་འཇོམས། །ཀྱི་ལྕེ་བ་ནི་ཕུལ་གང་དག །བརྒྱད་འགྱུར་ཆུ་རུ་བསྐོལ་ནས་ནི། །དེ་ཡི་ཁུ་བ་ཕུལ་གང་དང་། །སྐྱུ་རུ་ར་ཡི་ཁུ་བ་དང་། །འོ་མ་མར་ནི་ཕུལ་རེ་
[206b.4]དང་། །ཏིག་ཏ་བྱི་ཚེར་ཀྲ་ཡིན་ཏི། །གླ་སྒང་རམ་ཉེ་ཏ་མ་ལ། །ཙནྡན་ཨུཏྤལ་ཛི་བན་ཏི། །གཅིག་ཏུ་བསྡུས་ཏེ་བསྐོལ་བ་ཡི། །མར་དེ་ཡོན་ཏན་སྔ་མར་མཚུངས། །རྒུན་འབྲུ་འབྲ་གོ་མ་དུ་ཀ །བི་ད་རི་དང་ཉེ་ཤིང་བཅས། །པ་རུ་ཤ་ཀ་འབྲས་བུ་གསུམ། །དེ་བཙོས་ཁུ་
[206b.5]བ་མར་བསྐོལ་ལ། །འོ་མ་བུ་རམ་ཤིང་ཀུ་དང་། །སྐྱུ་རུ་ར་ཡི་ཁུ་བ་དང་། །ཨ་རུ་ར་ཡི་ལྡེ་གུར་བཅས། །བསྐོལ་ཏེ་བསྒྲངས་པ་དེ་ནང་དུ། །ཁ་ར་སྦྲང་རྩི་བཞི་ཆར་བཏབ། །ཡོན་ཏན་སྔ་མ་འདྲར་ཤེས་བྱ། །ནད་དམིགས་ཇི་བཞིན་རྔབས་རྭ་སོགས། །ཡང་ན་གཏར་གས་
[206b.6]ཁྲག་དབྱུང་བྱ། །ཁོང་འབྲས་སྨིན་པར་གྱུར་པ་ལ། །ཁོང་པར་གནས་པ་ཕྱིར་འབུར་བར། །ཤེས་ནས་དེ་ནི་བཅིང་བར་བྱ། །གཟེར་བ་དེར་གནས་གོང་བུར་འདུག །དེ་ངོས་བཙིར་བས་ཚོར་བ་ཆུང་། །ཚ་བ་ལ་སོགས་ཆུང་གྱུར་ན། །སྨིན་པ་ཡིན་པས་ཁོང་འབྲས་ནི། །
[206b.7]བརྟོལ་ཏེ་རྨ་ལྟར་གསོ་བར་བྱ། །ནང་གི་ཆར་གནས་ཁོང་འབྲས་ནི། །སྨིན་པའི་མཚན་མའང་འདི་ཉིད་ཡིན། །སྨིན་ནས་བུ་ག་རྣགས་གྱུར་ཏེ། །དེ་ནི་སྟེང་མ་འོག་ཏུ་དབྱུང་། །རང་ཉིད་རྡོལ་བའི་ནད་དེ་ནི། །ཟས་ཕན་བྱིན་ཞིང་བཏང་སྙོམས་གཞག །ཞག་བཅུའམ་བཅུ་
[207a]
[207a.1]གཉིས་བར་དུ་ནི། །སྨན་པས་བླ་བརྣན་ལས་བསྲུང་བྱ། །རྣག་ནི་ལེགས་པར་མི་འཛག་ན། །བ་ར་ཎ་སོགས་ཆུ་དྲོན་ནམ། །ཤི་ཀྲུ་སྦྲང་རྩི་བླུད་པའམ། །དེ་དང་སྦྱར་བའི་ནས་ཐུག་བླུད། །རྒྱ་ཤུག་རྒྱ་སྲན་ནས་ཀྱི་ནི། །ཡུ་ཤ་དང་ནི་བཟའ་བ་བསྔགས། །ཞག་བཅུ་ཡན་
[207a.2]ཆད་ཀྱི་ལྕེ་བ། །མར་རམ་སེང་ཕྲོམ་དག་གིས་ནི། །ཉམས་སྟོབས་ཇི་བཞིན་སྦྱང་བར་བྱ། །སྦྱངས་ནས་ཏག་ཏ་སྦྲང་རྩི་བླུད། །འདི་ལ་ཀུན་ཀྱང་སྐྲན་ལྟ་བུར། །ནད་ཐབས་ཇི་བཞིན་གསོ་བར་བྱ། །ཁོང་འབྲས་ཀུན་དང་གནས་སྐབས་དང་། །ཐམས་ཅད་དུ་ནི་གུ་གུལ་གཏང་། །
[207a.3]དེ་བཞིན་བྲག་ཞུན་རང་རང་གི། །སྦྱོར་བར་བཅས་ཏེ་ཁུ་བ་བླུད། །འབད་དེ་སྨིན་པ་ལས་བསྲུང་བྱ། །སྨིན་ན་ཤིན་ཏུ་གསོ་དཀའ་ཡིན། །གཞན་ཡང་མྱུར་དུ་ཚ་བྱེད་པས། །ཁོང་འབྲས་ཞེས་ནི་དེ་ལ་བཤད། །གལ་ཏེ་གཅིན་སྙི་ལས་གྱུར་ན། །གཅིན་སྙི་བ་ཡི་གསོ་བ་བྱ། །ནུ་
[207a.4]མར་བྱུང་ལ་འདི་ལྟར་ནི། །མི་བཅིང་ཐམས་ཅད་རྨ་ལྟར་གསོ། །དབྲལ་ཚེ་ནུ་ཞོ་འཛག་པ་དང་། །ནུ་སོར་ནག་པོར་མི་གནོད་བསྲུང་། །མ་སྨིན་གནས་སྐབས་ཐམས་ཅད་དུ། །དེ་ཡི་ནུ་ཞོ་བཙིར་ཞིང་བཞོ། །རྒྱུ་རླུགས་རླུང་ཤས་ཆེ་བ་ལ། །དུར་བྱིད་སྣུམ་ཅན་གྱིས་སྦྱངས་ཤིང་། །ཨ་
[207a.5]མྲའི་འབྲས་བུ་སེང་ཕྲོམ་མར། །ཨེ་རཎྜ་དང་སྐྱིད་དེ་བའི། །མར་དང་སྨན་མར་འདྲེན་མར་སྦྱིན། །དེ་ནས་རླུང་འཇོམས་སྨན་ཁུ་སྣུམ། །ལྡེ་གུ་མས་གཏོང་དྲག་པོ་བྱ། །ཤ་ཁུ་བཅས་པའི་ཟས་སྦྱིན་ཞིང་། །ཤིང་མངར་སྣུམ་བསྐོལ་འཇམ་རྩི་གཏང་། །རླུང་འཇོམས་དུགས་དང་
[207a.6]བསྐུ་མཉེ་བྱ། །སྨིན་ནས་དྲལ་ལ་རྨ་ལྟར་གསོ། །རྒྱུ་རླུགས་ཁྲག་མཁྲིས་ལས་གྱུར་པ། །སྨིན་དང་མ་སྨིན་ཇི་བཞིན་དུ། །རྨ་དང་སྐྲངས་པའི་གསོ་བ་བྱ། །རྒྱུན་ཏུ་ཁྲག་ཀྱང་དབྱུང་བར་བྱ། །བད་ཀན་ལས་གྱུར་སྐྱེར་པ་ཡི། །ཕྱེ་མ་གཅིན་སྦྱར་བ་བླུད། །འདི་ལ་མཉེད་
[207a.7]བྱ་མ་གཏོགས་པར། །བད་ཀན་རྨེན་བུའི་གསོ་བ་བྱ། །སྨིན་ནས་དབྲལ་ཏེ་ཛཱ་ཏི་ཡི། །མེ་ཏོག་གོ་བྱེ་ཨང་ཀོ་ལ། །ལོ་མ་བདུན་པ་པ་ཏོ་ལ། །ནིམ་པ་ཡུང་བ་བྱི་དང་ག །དུག་མོ་ཉུང་དང་ཏིལ་མར་བསྐོལ། །རྨ་སྦྱང་ཕྱིར་ནི་བླུད་པ་བསྔགས། །ཚིལ་ལས་གྱུར་ལ་བྱེའུ་རུག་སོགས། །
[207b]
[207b.1]བ་གཅིན་སྦྱར་ཏེ་བཏགས་པའམ། །མགོ་བོའི་བཀྲུ་སྨན་དག་གིས་བྱ། །རླིག་པའི་སྲུབས་མཚམས་མ་གཏོགས་པར། །འཕེལ་གཙགས་ཀྱིས་ནི་དབྲལ་ནས་ནི། །ཚིལ་ནི་ལེགས་པར་དབྱུང་བར་བྱ། །རྨ་ནི་སྦྲང་རྩི་ནག་ཚུར་དང་། །རྒྱམ་ཚ་ངེས་པར་བསྐུས་ནས་བཙེམས། །
[207b.2]དེ་ལ་ཚིལ་ནི་སྦྱང་བའི་ཕྱིར། །སྡོང་རོས་སུག་སྨེལ་སུ་མ་ན། །གོ་བྱེ་པི་པི་ལིང་མཱུ་ལ། །ཏིལ་མར་ངག་ནི་བསྐུ་བར་བྱ། །རྨ་ནི་འབྱོར་བར་གྱུར་གྱི་བར། །སྣུམ་དང་དུགས་ཀྱང་བསྟེན་པར་བྱ། །གཅིན་བྱུང་སྣུམ་གྱིས་དུགས་བྱ་ཞིང་། །རས་མ་ཕྲ་མོས་དཀྲི་བར་བྱ། །
[207b.3]སྲུབས་མཚམས་འོག་ཏུ་དམུ་རྫིང་བཞིན། །ལེགས་པར་དབྲལ་ཏེ་གཟག་པར་བྱ། །རྨ་བཀབ་བཅིང་དང་འབྱོར་པར་བྱ། །རྒྱུ་མ་བྱུང་བར་གྱུར་པ་དག །རླིག་པར་ཕྱིན་པར་མ་གྱུར་ལ། །རླུང་གི་རྒྱུ་རླུགས་བཞིན་དུ་གསོ། །བ་སྦུ་བ་ནི་སྲང་བརྒྱ་དང་། །རྩ་བ་བཅུ་པ་ཨེརཎྜ། །
[207b.4]ཨ་ཤྭ་གནྡྷྱ་ཉེ་ཤིང་དང་། །པ་ཡ་སྱ་དང་དཱུར་བ་གཉིས། །འདམ་བུ་ཀུ་ཤ་བུ་རམ་གཉིས། །ཨ་ཧ་ག་ལར་བཅས་པ་ནི། །རེ་རེ་སྲང་ནི་བཅུ་བཅུར་བྱས། །ཆུ་བྲེ་བརྒྱ་རྩ་ཉི་ཤུ་བརྒྱད། །བསྐོལ་བ་བརྒྱད་ཆ་ལུས་པ་རུ། །དེར་ནི་བུ་རམ་སྲང་སུམ་ཅུ། །ཨེ་རཎྜ་ཡི་མར་བྲེ་
[207b.5]དོ། །འོ་མ་མར་ནི་བྲེ་དོ་དོ། །པི་པི་ལིང་དང་དེ་རྩ་བ། །ཤིང་མངར་རྒུན་འབྲུ་ལྕེ་མྱང་ཚ། །ལ་ལ་ཕུད་དང་དོང་གྲ་གཞུག །དེ་བཙོས་སྐྱིད་དེ་བ་ཞེས་བྱ། །གཞོན་ཤ་ཅན་གྱི་བཅུད་ལེན་ཡིན། །རླུང་དང་ཐན་པ་ལམ་དུ་འགྲོ། །བཞོན་སྩོགས་བསྲུང་བ་བསྡམས་མི་དགོས། །སྐྱིད་
[207b.6]དེ་བ་དང་ཕྱུག་པོ་དང་། །བདེ་བ་བསྟེན་དང་བུད་མེད་དང་། །བུད་མེད་རྒན་མོའི་ཁྱོ་དང་ནི། །དཔལ་སྐྱེད་རྩོད་པ་ཟློག་བྱེད་ཅིང་། །དུས་ཀུན་དུ་ནི་བརྟེན་གྱུར་ན། །མདོག་མདངས་ཤ་ནི་རྒྱས་བྱེད་ཅིང་། །རྒྱུ་རླུགས་ཁོང་འབྲས་སྐྲན་གཞང་འབྲུམ། །ཕོ་མཚན་མོ་མཚན་
[207b.7]རླུང་གིས་ཉེན། །འོར་ནད་དམུ་རྫིང་མཆིན་པ་དང་། །རྟུག་སྐམ་ནད་ནི་སེལ་བྱེད་མཆོག །སྣུམ་གྱི་བཀྲུ་སྨན་འཇམ་རྩི་ཡིས། །གལ་ཏེ་རྒྱུ་རླུགས་མ་ཞི་ན། །དང་པོ་འཇམ་རྩི་བཏང་ནས་ནི། །དེ་ནས་ཆུ་སོར་གནས་པ་ནི། །ཟླ་བ་ཁམ་པའི་ཁ་འདྲ་བས། །རླུང་ལམ་དགག་ཕྱིར་
[208a]
[208a.1]བསྲེག་པར་བྱ། །མཐེ་བོང་སྟེང་གི་རྒྱུས་པ་ནི། །སེར་ཞིང་སྣལ་མ་འདྲ་བ་གང་། །ཁབ་ཀྱིས་བཏེག་སྟེ་ཐད་ཀ་རུ། །གང་ན་ནད་ཡོད་བཅད་དེ་བསྲེག། །གཞན་དག་དེ་ལས་ལོགས་གཞན་ནམ། །སྲིན་ལག་སོར་མོ་བསྲེག་ཅེས་ཟེར། །ཁ་ཅིག་འདི་ནི་བད་ཀན་རླུང་། །ལས་གྱུར་
[208a.2]སྐྲན་མཆེར་ལ་བྱ་ཟེར། །བི་ཤ་ཙེ་ནད་གང་ན་ཡོད། །མཐེའུ་ཆུང་སྲིན་ལག་དག་ལ་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། གསོ་བའི་གནས་ཀྱི་ལེའུ་བཅུ་གསུམ་པའོ།། །།དེ་ནས་སྐྲན་གསོ་བའི་ལེའུ་བཤད་པར་བྱའོ། །རླུང་གྱུར་སྐྲན་ནི་མི་བཟད་ན། །ཕྱིས་
[208a.3]འཕྱེན་ནི་འགགས་གྱུར་ན། །རྩུབ་དང་གྲང་བྱུང་རླུང་ནད་ལ། །ཕན་པའི་ཏིལ་མར་དག་གིས་གསོ། །ཟས་སྐོམ་འཇམ་རྩི་སྦྱར་བ་དང་། །བསྐུ་བྱུག་སྣུམ་འཚོས་དུགས་དཔྱད་བྱ། །སྦོ་དང་ཟུག་དང་རེངས་པ་དང་། །འགགས་པ་ལ་ནི་མཆོག་ཏུ་བྱ། །སྣུམ་འཆོས་དུགས་ནི་
[208a.4]བྱས་པ་ཡིས། །བུ་གའི་རྒྱུན་སྲང་མཉེན་བྱེད་ལ། །རླུང་ཤས་ཆེ་བ་གཞོམ་བྱ་ཞིང་། །ཕྱིས་སྲི་བ་སེལ་སྐྲན་འཇོམས། །ལྟེ་བ་ཡན་ཆད་སྐྱེས་པ་ཡི། །སྐྲན་ལ་མཆོག་ཏུ་སྣུམ་བླུད་ཕན། །ཞུ་བའི་གནས་བརྟན་འཇམ་རྩི་བྱ། །ལྟོ་བར་གནས་ལ་གཉི་ག་བྱ། །རླུང་ཅན་སྐྲན་ནི་
[208a.5]དྲོད་ཆེ་ལ། །ཕྱིས་རླུང་ནི་འགགས་གྱུར་ལ། །བཟའ་བཏུང་ཉམས་བརྟས་བྱེད་པ་དང་། །སྣུམ་དང་དྲོ་བ་སྦྱིན་པར་བྱ། །རླུང་གྱུར་སྐྲན་ལ་བད་ཀན་དང་། །མཁྲིས་པ་སྲུང་ཞིང་ནི་རུ་ཧ། །འཇམ་རྩི་བཅས་པའི་སྦྱོར་བ་ནི། །ཡང་དང་ཡང་དུ་བྱ་བ་ཡིན། །འཇམ་རྩི་མཆོག་ཏུ་
[208a.6]སྐྲན་འཇོམས་པར། །ཤེས་བྱ་དེ་ནི་རླུང་གི་ནད། །དང་པོར་རང་གི་གནས་སུ་བཅོམ། །འཕྲལ་དུ་སྐྲན་ནི་སེལ་བར་བྱེད། །དེ་བས་སྐྲན་ལ་རྒྱུན་དུ་ནི། །མས་གཏོང་དྲག་པོ་འཇམ་རྩི་བཅས། །བཏང་བར་གྱུར་པས་རླུང་བད་ཀན། །མཁྲིས་པའི་བདག་ཉིད་ཅན་རྣམས་སེལ། །
[208a.7]ཤིང་ཀུན་དང་ནི་ཚ་བ་གསུམ། །རྩབས་རུ་ཚ་དང་ཁ་རུ་ཚ། །སེ་འབྲུ་མ་ནུ་གོ་སྙོད་དང་། །ཟི་ར་འུ་སུ་ལ་ལ་ཕུད། །སྟར་བུ་ཡ་བཀྵ་ར་དང་། །ཟུར་པ་ཤུ་དག་ཙི་ཏྲ་ཀ །ཨ་ཟ་གནྡྷ་སུག་སྨེལ་དང་། །བྱེ་རུག་པ་ནི་ཞོ་དང་བཅས། །མར་བསྐོལ་རླུང་གི་སྐྲན་སེལ་ཞིང་། །གཟེར་དང་
[208b]
[208b.1]ལྟོ་སྦོས་འཇོམས་པར་བྱེད། །སྤ་མའི་འབྲས་བུ་ཚ་བ་གསུམ། །ཟི་ར་གོ་སྙོད་ཚ་བ་ལྔ། །ཨ་ཟ་མོ་དང་ལྕེ་མྱང་ཚ། །ཞོ་དང་འོ་མ་མར་དང་ནི། །སེ་འབྲུལ་ཕུག། །རྒྱ་ཤུག་གི། །ཁུ་བ་བསྐོལ་བས་རླུང་གི་ནི། །སྐྲན་དང་དམུ་རྫིང་ལྟོ་སྦོས་དང་། །རྩིབ་ལོགས་སྙིང་དང་ལྟོ་བ་གཟེར། །
[208b.2]མངལ་ནད་གཞང་འབྲུམ་ཕོ་བའི་ནད། །ལུད་པ་དབུགས་མི་བདེ་བ་དང་། །རིམས་ནད་ཡི་ག་འཆུས་པ་འཇོམས། །རྩ་བ་བཅུ་པ་སུ་ཤ་བི། །པ་ལ་ཤ་ཀ་མ་ནུ་དང་། །བ་སྦུ་བ་གཉིས་ཨེ་རཎྜ། །ར་སྣ་ཨ་ཤྭ་གནྡྷ་དང་། །ག་བྲའི་རྩ་བ་ཟུར་པ་དཀར། །སླེ་ཏྲེས་གནྡྷ་པ་ལག་
[208b.3]སྲང་ནི་གཉིས་གཉིས་ཚད་བྱས་དང་། །ཉི་ཤུ་རྩ་བརྒྱད་ནང་དུ་བསྐོལ། །ནས་དང་རྒྱ་ཤུག་རྒྱ་སྲན་དང་། །མ་ཤ་བྲེ་རེ་ལྷན་ཅིག་ཏུ། །ཆུ་བྲེ་བཅུ་དྲུག་ནང་དུ་བསྐོལ། །ཁུ་བ་དེར་ཞོ་བྲེ་བཞི་དང་། །མར་བྲེ་གང་དང་སླར་བསྐོལ་ལ། །སེ་འབྲུ་ཨམྲ་ཏ་ཀ་དང་། །ཁ་ལུང་ཁུ་བ་བྲེ་
[208b.4]རེར་བཅས། །དེ་བཞིན་རྩབ་མོ་སྐྱུར་རྩབས་ཚ། །གཡེར་མ་ཤུ་དག་ག་བྲའི་རྩ། །ར་སྣ་པི་པི་ལིང་རྩ་བ། །ཙི་ཏྲཀ་དང་འུ་སུ་དང་། །ཡ་བ་ན་ག་ལ་ལ་ཕུད། །སྟར་བུ་ཟི་ར་ནག་པོ་དང་། །གོ་སྙོད་ཟི་ར་སྤ་མའི་འབྲས། །ཀ་ར་པི་བ་ཟངས་རྩི་བ། །ཨུ་ཤ་ཀ་དང་དུར་བྱིད་དང་། །
[208b.5]དན་ད་མུར་བ་བྱི་དང་ག །སེ་འབྲུ་ཧསྟི་པི་པི་ལིང་། །གཟེ་མ་སྤང་སྤོས་སྲུ་སྲུའི་རྩ། །ག་གོན་རྒྱལ་མོ་ག་གོན་གྱི། །ས་བོན་ཤུཏི་ཐལ་སྨན་གཉིས། །བྱེའུ་རུག་པ་ཐལ་ཏྲེས་དང་། །ནི་ལི་ན་ལའི་འབྲས་བུ་དང་། །ལན་ཚྭ་གསུམ་དང་ཚ་བ་གསུམ། །བཅས་པའི་ཞོ་ཡི་སྨན་མར་
[208b.6]དེས། །སྔར་བཤད་ནང་ནི་གསོ་དཀའ་དང་། །བརྗེད་བྱེད་སྨྱོ་བྱེད་གཅིན་སྲི་དང་། །རླུང་ནད་གཞང་འབྲུམ་མྱུར་དུ་འཇོམས། །ཚ་བ་གསུམ་དང་འབྲས་བུ་གསུམ། །འུ་སུ་དབྱི་མོང་བྱི་དང་ག །ཙི་ཏྲ་ཀ་ནི་ལྡེ་གུར་བྱས། །འོ་མ་མར་བསྐོལ་རླུང་སྐྲན་འཇོམས། །སྒོག་སྐྱའི་རྩ་བ་
[208b.7]སྲང་བརྒྱ་དང་། །རྩ་བ་ཆེན་པོ་སྲང་ལྔ་ལྔ། །ཆུ་སྲང་སྟོང་དང་དེ་བསྐོལ་ལ། །བཞི་ཆ་ལུས་པར་ཕྱེད་སེ་འབྲུའི། །ཁུ་བ་ཆང་དང་འབྲས་ཁུ་སྐྱུར། །ཞོ་རྣམས་དེ་ཡི་ཕྱེད་ཕྱེད་དང་། །ཚབ་གསུམ་དང་འབྲས་བུ་གསུམ། །ཤིང་ཀུན་དབྱི་མོ་ལ་ལ་ཕུད། །དབྱི་མོང་སྟར་བུ་ལྕེ་མྱང་ཚ། །
[209a]
[209a.1]ཐང་ཤིང་སྲང་ནི་ཕྱེད་ཕྱེད་དང་། །མར་ནི་བྲེ་གང་བཅས་པར་བསྐོལ། །རླུང་ལས་གྱུར་པའི་སྐྲན་ཀུན་འཇོམས། །གཅོང་ཆེན་སྐབས་སུ་བཤད་པ་ཡི། །སྲང་དྲུག་པ་ཡི་མར་ཡང་བླུད། །འོ་མའི་སྐྱིན་པ་ཆང་དངས་སམ། །སེ་འབྲུ་ཞོ་སྤྲིས་སྦྱར་བའི་མར། །
[209a.2]རླུང་ལས་གྱུར་པའི་སྐྲན་སེལ་ཏོ། །རླུང་གི་སྐྲན་ལ་བད་ཀན་འཕེལ། །དྲོ་འཇམ་ཡི་ག་འཆུས་པ་དང་། །སྙིང་རྒལ་ཁོང་ལྕི་སྙོམ་གྱུར་པ། །དེ་ལ་སྐྱུག་སྨན་གཏང་བར་བྱ། །གཟེར་དང་ལྟོ་སྦོས་བཤང་སྲི་ལ། །གནས་ཤེས་བྱས་ནས་སྣུམ་བཅས་པའི། །སྨན་མར་སྨན་གྱི་ཕྱེ་མ་
[209a.3]དང་། །ཁུ་བ་རི་ལུང་བྱས་པ་ཡི། །རྒྱ་ཤུག་སེ་འབྲུ་ཆུ་དྲོན་དང་། །དར་བ་ཆང་དང་སྐྱུར་རྩབས་དང་། །ཆང་དངས་བཅས་པ་ནང་པར་བླུད། །ཡང་ན་ཕྱེ་མ་ལ་སོགས་པ། །ཐུག་པ་སླ་བོར་བྱས་པ་ནི། །ནང་པར་ཡང་ན་ཟས་སྔོན་བླུད། །ཕྱེ་མ་ཁ་ལུང་ཁུ་བ་དང་། །ལན་མང་
[209a.4]བགྲུངས་པར་གྱུར་པ་ཡི། །ལས་ནི་བྱེད་པར་ནུས་གྱུར་པའི། །རི་ལུས་རླུང་དང་བད་ཀན་འཇོམས། །ཤིང་ཀུན་ཤུ་དག་ཨ་རུ་ར། །ཨ་ཟག་གནྡྷ་སེ་འབྲུ་དང་། །འུ་སུ་པ་ཏ་ཏི་མུ་ས། །མ་ནུ་ཟུར་པ་དཀར་པོ་དང་། །སྤ་མའི་འབྲས་བུ་ཅི་ཏ་ཀ །ཐལ་སྨན་གཉིས་དང་ལན་ཚྭ་
[209a.5]གཉིས། །ཚ་བ་གསུམ་དང་ཟིར་དང་། །དབྱི་མོ་ད་ཏྲིག་སྟར་བུའི་ཕྱེས། །རླུང་དང་བད་ཀན་ལས་གྱུར་པའི། །སྙིང་ག་རྩིབ་ལོགས་ཆུ་སོ་དང་། །མཇུག་ཏོ་མངལ་དང་ཆུ་སོར་གཟེར། །བད་ཀན་རླུང་ལས་གྱུར་པའི་ནད། །གསོ་དཀའ་སྐྲན་དང་འཕྱེན་དང་ནི། །གཅིན་དང་ཕྱི་ས་
[209a.6]འགགས་པ་དང་། །ལྐོག་མ་འགགས་ཤིང་སྙིང་ནད་དང་། །སྐྱ་རྦབ་ཡི་ག་འཆུས་པ་དང་། །མཆེར་པ་གཞང་འབྲུམ་སྐྱིགས་བུ་དང་། །རྒྱུ་རླུགས་ལྟོ་སྦོས་མེ་དྲོད་ཉམས། །ལུད་པ་དབུགས་མི་བདེ་བ་སེལ། །རྒྱམ་ཚ་དང་ནི་ལ་ལ་ཕུད། །ཨ་ཟ་མོ་དང་པི་པི་ལིང་། །དོང་གྲ་རིམ་
[209a.7]བཞིན་ཆ་རེས་བསྐྱེད། །ཐམས་ཅད་དང་ནི་ཆ་མཉམ་པའི། །ཨ་རུ་ར་བསྲེས་ཕྱེ་མ་འདི། །མེ་ནི་མངོན་སུམ་ཉིད་ཡིན་ནོ། །ཚ་བ་གསུམ་དང་ཏི་མུ་ས། །རྒྱམ་ཚ་དང་ནི་ཟི་ར་གཉིས། །ཆ་མཉམ་ཤིང་ཀུན་བརྒྱད་ཆའི་ཕྱིར། །མར་བསྲེས་ཁམ་གྱི་དང་པོར་ཟོས། །མེ་དྲོད་དྲག་པོ་སྐྱེད་
[209b]
[209b.1]བྱེད་ཅིང་། །རླུང་གི་སྐྲན་ནི་འཇོམས་པར་བྱེད། །ཤིང་ཀུན་ཤུ་དག་ཁ་རུ་ཚ། །དོང་གྲ་དང་ནི་ལ་ལ་ཕུད། །རྣམ་རྒྱལ་མ་ནུ་རུ་རྟ་དང་། །དུར་བྱིད་དན་དའི་རྩ་བར་བཅས། །ཆ་རེས་བསྐྱེད་པའི་ཕྱེ་མ་འདི། །ཆུ་དྲོན་སྦྱར་འཐུངས་ལྟོ་བའི་ནད། །སྐྲན་དང་དམུ་རྫིང་ལ་སོགས་པ། །སེང་
[209b.2]གེས་རི་དྭགས་ཚོགས་རྣམས་ནི། །མཐུ་རྩལ་གྱིས་ནི་ཟིལ་ནོན་ལྟར། །ནད་རྣམས་འཇོམས་པར་བྱེད་པ་ཡིན། །ལྕེ་མྱང་ཚ་དང་པི་པི་ལིང་། །ཨ་ཟ་མོ་དང་ཨ་རུ་རའི། །ཕྱེ་མ་ཆུ་དྲོན་སྦྱར་བླུད་ན། །སྐྲན་ཅན་བད་རླུང་ལས་གྱུར་ཚོགས། །ལྕགས་མདས་ལུས་ཕུག་བཞིན་དུ་འཇོམས། །
[209b.3]ཀ་རཉྫ་ཡི་ལོ་མ་དང་། །ཨིན་ཏྲ་བ་རུ་ཎ་དབྱི་མོ། །ཀྲུ་ཏྲུག་ཏྲེས་དང་བཅའ་སྒ་དང་། །པི་པི་ལིང་དང་ན་ལེ་ཤམ། །མ་ལུས་རིམ་བཀོད་རྒྱམ་ཚས་བཀབ། །བསྲེགས་ལ་བཏགས་ཏེ་ཞོ་དང་ནི། །ཞོ་ག་ཆུ་སྦྱར་བླུད་པ་དག །སྐྲན་དང་དམུ་རྫིང་འོར་ནད་དང་། །སྐྱ་རྦབ་གཞང་
[209b.4]འབྲུམ་ནད་རྣམས་སེལ། །ཤིང་ཀུན་སུམ་འགྱུར་རྒྱམ་ཚ་དང་། །དེ་ལས་ཨེ་རཎྜ་ཡི་མར། །སུམ་འགྱུར་དེ་ལས་སྒོག་སྐྱ་ཡི། །ཁུ་བ་སུམ་འགྱུར་སྦྱར་བ་དག །བླུད་ན་སྐྲན་དང་དམུ་རྫིང་དང་། །རྒྱུ་རླུགས་གཟེར་གྱི་ནད་རྣམས་འཇོམས། །ཁ་ལུང་ཁུ་བ་ཤིང་ཀུན་དང་། །སེ་འབྲུ་
[209b.5]རྒྱམ་ཚ་ཁ་རུ་ཚ། །ཆང་གི་དངས་མར་སྦྱར་བླུད་ན། །རླུང་ལས་གྱུར་པའི་སྐྲན་ནད་སེལ། །བཅའ་སྒ་ཞོ་གཉིས་བུ་རམ་ཞོ། །བཞི་དང་ཏིལ་ནག་བཀྲུས་སྲང་གཅིག །གཅིག་ཏུ་ཕྱེ་མར་བཏགས་བྱིན་ཞིང་། །འོ་མ་དྲོ་འཇམ་རྗེས་བླུད་ན། །རླུང་གི་སྙིང་ནད་སྐྲན་གཞང་འབྲུམ། །
[209b.6]མངལ་གཟེར་རྟུག་པ་འགགས་པ་སེལ། །རླུང་གྱུར་སྐྲན་ལ་ཨེ་རཎྜའི། །མར་ནི་ཆང་དང་སྦྱར་བ་བླུད། །བད་རླུང་འདྲེས་ལའང་དེ་ཉིད་བླུད། །མཁྲིས་པ་འདྲེས་ལ་འོ་མ་བཅས། །གལ་ཏེ་མཁྲིས་པ་འཕེལ་འགྱུར་ཏེ། །ཚ་གྱུར་རླུང་གི་སྐྲན་ཅན་ལ། །མཐུན་པ་རྗེས་སུ་འབྱིན་
[209b.7]བྱེད་པ། །སྣུམ་བཅས་བཀྲུ་སྨན་གཏང་བར་བྱ། །དེས་ཀྱང་ཚ་བ་མ་བྲི་ན། །དེ་ལ་གཏར་ག་གདབ་པར་བྱ། །སྒོག་སྐྱ་བཤུས་པ་སྐམ་པོ་ནི། །སྲང་བཞི་ཆུ་དང་འོ་མ་ནི། །བརྒྱད་འགྱུར་གྱི་ནི་ནང་དུ་བསྐོལ། །འོ་མ་མ་ལུས་པར་བླུད་ན། །རླུང་གྱུར་སྐྲན་དང་རྟུག་འགགས་
[210a]
[210a.1]དང་། །རླུང་ནད་གཟུགས་འཁུམས་མི་བཟད་རིམས། །སྙིང་ནད་ཁོང་འབྲས་ཟད་བྱེད་རྣམས། །འོ་མ་དེ་ཡིས་མྱུར་དུ་འཇོམས། །ཏིལ་མར་ཆང་དང་བ་གཅིན་དང་། །རང་སྐྱུར་ཡ་བཀྵ་རར་བཅས། །བླུད་ན་སྐྲན་དང་དམུ་རྫིང་དང་། །ལྟོ་སྦོས་ཅིག་ཅར་
[210a.2]འཇོམས་པར་བྱེད། །ཙིཏྲ་པི་པི་ལིང་སྤྲུ་ལ། །བཅའ་སྒ་ཤིང་ཀུན་ཨེརཎྜ། །རྒྱམ་ཚ་ཁ་རུ་ཚ་བཅས་པ། །བསྐོལ་བ་བླུད་ན་གཟེར་བ་དང་། །ལྟོ་སྦོས་རྟུག་འགགས་སེལ་མཆོག་ཡིན། །མ་ནུ་ཨེ་རཎྜའི་རྩ་བ། །ནས་དང་བྱི་ཚེར་བ་ཤཀ །ཆུ་དང་བསྐོལ་ཏེ་བླུད་ན་ནི། །ལྟོ་
[210a.3]ནད་སྦོས་དང་གཟེར་འཇོམས་བྱེད། །མ་ནུ་ཨེ་རཎྜ་འཇག་མའི། །རྩ་བ་ཐང་ཤིང་བཅའ་སྒ་རྣམས། །ཆུ་དང་བསྐོལ་བའི་ཁུ་བ་བླུད། །ཁོང་པ་ཕྲག་པ་རྒྱབ་གཟེར་འཇོམས། །བྲག་ཞུན་དང་ནི་པ་ཡ་སྱ། །རྩ་བ་ཆེན་པོ་ལྔ་བསྐོལ་བ། །རླུང་གྱུར་སྐྲན་ནད་ཅན་ལ་བླུད། །
[210a.4]རྟུག་སྐམ་ནད་ལ་ནས་ཀྱི་ནི། །ཆག་ཚེ་སྣུམ་དང་ལྡན་པ་སྦྱིན། །པི་པི་ལིང་ངམ་ལ་ཕུག་གི །ཁུ་བ་དང་ནི་སྦྱར་བ་སྦྱིན། །ནས་ཀྱི་ཟན་དྲོན་འོ་མར་བཅས། །རླུང་གི་རྟུག་འགགས་ནད་ལ་སྦྱིན། །ཡང་ན་མོན་སྲན་གྲེའུའི་ཆན། །སྣུམ་མང་ལན་ཚྭར་ལྡན་པ་སྦྱིན། །དུར་བྱིད་
[210a.5]དན་ཏི་ནི་ལི་ནི། །ཨ་རུ་ར་དང་ཀམ་པི་ལྱ། །ནས་ཚིག་འཁུས་ཐལ་ཁ་རུ་ཚ། །དོང་གྲ་མར་དང་བཅས་པ་ནི། །དྲི་མར་བཅས་ལ་བཀྲུ་སྨན་གཏང་། །ནི་ལི་ནི་དང་འབྲས་བུ་གསུམ། །ར་སྣ་པ་ལ་པུ་ཙེ་ཤེལ། །ཀཎྜ་ཀ་རི་བྱི་དང་ག །སྲང་རེ་ཆུ་བྲེ་བཞི་ནང་བསྐོལ། །ཁུ་བ་
[210a.6]བརྒྱད་ཆ་ལུས་པ་རུ། །མར་བྲེ་གང་དང་ཞོ་བྲེ་གང་། །སུ་དྷ་ཀྵི་ར་སྲང་གཅིག་བསྐོལ། །དེ་ལས་མར་བྲེ་རེ་རེ་ན། །ནས་ཐུག་ཐུག་སླ་སྦྱར་ཏེ་བླུད། །ཞུ་ཞིང་ལེགས་པར་འཁྲུས་ནས་ནི། །ཤ་ཁུ་བཟའ་བ་སྦྱིན་པར་བྱ། །ནི་ལི་ནི་ཡི་སྨན་མར་འདིས། །སྐྲན་མཛེ་དམུ་རྫིང་ངོ་
[210a.7]ཁབས་དང་། །འོར་ནད་སྐྱ་རྦབ་རིམས་ནད་དང་། །ཤ་བཀྲ་མཛེར་བ་སྨྱོ་བྱེད་འཇོམས། །ཁྱིམ་བྱ་རྨ་བྱ་གོང་མ་སྲེག །ཁྲུང་ཁྲུང་བྱེའུའི་ཤ་ཁུ་དང་། །སཱ་ལུའི་འབྲས་ཆན་ཆང་དང་མར། །རླུང་གི་སྐྲན་ནི་སེལ་བ་ཡིན། །ཉུང་ཞིང་སྣུམ་ལ་སླ་ཞིང་དྲོ། །ཁ་ཟས་རླུང་སྐྲན་ཅན་གྱིས་
[210b]
[210b.1]བཟའ། །བཏུང་བར་ཆང་གི་དངས་མའམ། །འུ་སུ་བསྐོལ་བའི་ཆུ་ཚན་བླུད། །མཁྲིས་གྱུར་སྐྲན་ནི་སྣུམ་དྲོ་ལས། །བྱུང་བ་དེ་ལ་རྒུན་འབྲུ་དང་། །ཨ་རུར་བསྐོལ་བུ་རམ་བཅས། །ཀམ་པི་ལྱ་དང་སྦྲང་རྩི་དང་། །ཆོ་གའམ་ཁྲག་མཁྲིས་གསོར་བཤད་པའི། །བཀྲུ་སྨན་བླུད་དེ་
[210b.2]འཁྲུས་པ་ཕན། །རྩུབ་དྲོ་ལས་བྱུང་སྐྲན་ལ་ནི། །ཏིག་ཏའམ་བ་ཤ་ཀ་བསྐོལ་བའི། །མར་ནི་བླུད་པར་བྱས་པའམ། །རྩྭ་ཡི་རྩ་བ་ལྔ་པ་འམ། །འཚོ་བྱེད་སྡེ་ཚན་བཤད་པ་དང་། །མར་བསྐོལ་བླུད་ན་མཆོག་ཏུ་ཕན། །ནྱ་གྲོ་དྷ་སོགས་སྡེ་ཚན་རྣམས། །འཚོ་བྱེད་སྡེ་ཚན་འོ་
[210b.3]མ་ཕན། །དེ་ཡང་བཤོལ་དུ་མེད་གྱུར་པར། །སྨན་པས་བཀྲུ་སྨན་དང་བསྐོལ་བའི། །མར་རམ་འོ་མ་དག་གི་ནི། །བཀྲུ་སྨན་ཉེ་བར་གཏང་བར་བྱ། །སྐྱུ་རུ་ར་དང་བུ་རམ་ཤིང་། །ཁུ་བ་མར་ནི་བྲེ་གང་དང་། །ཨ་རུ་ར་ནི་ཞི་ཆ་བཅུག །བསྐོལ་བའི་མར་བླུད་མཁྲིས་སྐྲན་
[210b.4]སེལ། །ཡང་ན་མཁྲིས་པའི་ཁོང་འབྲས་གསོར། །བཤད་པའི་སེང་ཕྲོམ་སྨན་མར་བླུད། །རྒུན་འབྲུ་ཤིང་མངར་པ་ཡ་སྱ། །ཤུག་པ་ཙནྡན་སྦྲང་རྩི་རྣམས། །འབྲས་བཀྲུས་ཆུ་དང་བླུད་ན་ནི། །མཁྲིས་པའི་སྐྲན་ནི་སེལ་བར་འགྱུར། །ཀྱི་ལྕེ་བ་ནི་སྲང་གཉིས་དང་། །
[210b.5]ཆུ་བྲེ་དོ་ནི་བསྐོལ་ནས་སུ། །བརྒྱད་ཆ་ལུས་པ་བཙགས་པ་ནི། །དྲོ་འཇམ་འོ་མ་ཆ་མཉམ་བླུད། །ཡང་ན་དེ་སྟེང་འོ་ཚན་ནི། །མེ་དྲོད་ཇི་བཞིན་བླུད་པར་བྱ། །དེ་ཡིས་ནད་ནི་བསལ་བས་ན། །མཁྲིས་པ་ཅན་གྱི་སྐྲན་ཞིར་འགྱུར། །ཚ་ལ་མར་གྲང་བསྐུ་བའམ། །བསིལ་
[210b.6]བའི་སྨན་མར་བཅས་པ་བསྐུ། །ཆུ་སྐྱེས་ལོ་མས་རེག་བྱ་ཞིང་། །སྣོད་ཆུས་གང་ལ་རེག་པ་ཕན། །གཟེར་དང་མེ་དྲོད་བྲི་འགྱུར་ཞིང་། །ཚ་བའི་དང་པོ་ཚུལ་ཅན་གྱིས། །མཁྲིས་པའི་སྐྲན་ལ་ཁྱད་པར་དུ། །ཁྲག་ནི་ལན་མང་དབྱུང་བ་ཕན། །རྩ་བ་ཆད་སྐྲན་མི་ཚ་
[210b.7]ཞིང་། །ཉེ་བར་ཟད་པར་འགྱུར་བ་དང་། །ཁྲག་ནི་སྐྱུར་བར་མི་འགྱུར་ལ། །ཁྲག་ལས་གྱུར་པའི་ནད་ཀྱང་མང་། །གཉིད་ཅིང་ནད་ནི་བསལ་བལ། །སྐམ་སར་སྐྱེས་པའི་ཤ་ཁུས་བརྟ། །བརྟས་ན་ཉེས་པ་ལྷག་ལུས་ལ། །སླར་ཡང་མར་ནི་བསྟེན་པར་བྱ། །ཁྲག་དང་
[211a]
[211a.1]མཁྲིས་པ་(འཕལ་,འཕེལ)གྱུར་པས། །སྐྲན་ནི་སྨིན་པར་ཕྱོགས་པ་ལ། །གསོ་བའི་བྱ་བ་མ་རྙེད་ཅིང་། །མཁྲིས་པའི་ཁོང་འབྲས་ལྟར་གསོ་བྱ། །སཱ་ལུ་བ་དང་རའི་འོ་མ། །པ་ཏོལ་སྐམ་སའི་ཤ་མར་དང་། །པ་རུ་ཤ་ཀ་སྐྱུ་རུ་ར། །རྒུན་འབྲུ་འབྲ་གོ་སེ་འབྲུ་དང་། །
[211a.2]ཁ་རར་བཅས་པའི་ཁ་ཟས་བཟའ། །བཏུང་བ་བ་ལ་བྲི་ཧ་ཏི། །ལ་སོགས་བསྐོལ་བ་བླུད་པར་བྱ། །བད་ཀན་ལས་གྱུར་དང་པོ་ནི། །སློན་བྱ་དེ་མི་བཟོད་སྨྱུང་བྱ། །ཁ་དྲོ་ཚ་བའི་ཐུག་སྩོགས་ཀྱི། །རིམ་པར་དེ་འོག་མེ་དྲོད་སྐྱེད། །ཤིང་ཀུན་ལ་སོགས་ཐལ་སྨན་དང་། །ཤིང་ཀུན་སྟར་བུ་ཉིས་འགྱུར་གཏང་། །
[211a.3]གལ་ཏེ་འབུར་རམ་གཏིང་རིང་གྱུར། །ཚོར་བ་ཆུང་ཞིང་སྲ་ལ་བརྟན། །ལྟོ་སྦོས་ལ་སོགས་ལྡན་པའི་སྐྲན། །དུགས་བྱས་ནས་ནི་སྙི་བར་བྱ། །བད་ཀན་ལས་གྱུར་སྐྲན་ཅན་གྱིས། །མར་ཚ་ཐལ་སྨན་བཅས་ཆུ་བླུད། །ནས་ཚིག་
[211a.4]འཁུས་ཐལ་ཚ་བ་གསུམ། །རྒྱམ་ཚ་ཤིང་ཀུན་ཁ་རུ་ཚ། །སེ་འབྲུ་རྩ་བ་བཅུ་བསྐོལ་མར། །བད་ཀན་ལས་གྱུར་སྐྲན་མྱུར་འཇོམས། །བསེ་ཤིང་འབྲས་བུ་སྲང་གཉིས་དང་། །རྩ་བ་ཆུང་ངུ་ལྔ་སྲང་རེ། །ཆུ་བྲེ་བཞི་ཡི་ནང་དུ་བསྐོལ། །བཞི་ཆ་ལུས་པ་དེ་དང་ནི། །མཉམ་
[211a.5]པའི་འོ་མ་མཉམ་པའི་མར། །བྱི་དང་ག་དང་ཤིང་ཀུན་དང་། །ནས་ཚིག་འཁུས་ཐལ་ལྕེ་མྱང་ཚ། །ཀཎྜ་ཀ་རི་རྩབས་རུ་ཚ། །ཟུར་པ་ར་སྣ་ཤིང་མངར་དང་། །པི་པི་ལིང་དང་དོང་གྲ་རྣམས། །ཞོ་ནི་གཉིས་གཉིས་བཅས་པར་བསྐོལ། །གོ་བྱེ་ཡི་ནི་སྨན་མར་ནི། །བད་ཀན་
[211a.6]སྐྲན་ནི་སེལ་བའི་མཆོག །མཆིན་པ་མཆེར་པའི་ནད་དང་ནི། །སྐྱ་རྦབ་དང་ནི་ཕོ་བའི་ནད། །ལུད་པ་དབུགས་མི་བདེ་བ་འཇོམས། །དེ་ནས་སྐྲན་ཅན་དེ་ཡི་ལུས། །མ་ལུས་པར་ནི་དུགས་བྱས་ལ། །སྐྲན་ཀུན་ལ་ནི་ཐོག་མ་ཉིད། །སྣུམ་ཆོས་དུགས་ནི་བྱས་གྱུར་ན། །
[211a.7]གསོ་བ་གང་ཞིག་བྱས་པ་དེས། །གྲུབ་ཀྱི་རྩུབ་ཆོས་ཀྱིས་མི་འགྲུབ། །སྣུམ་ཞིང་དུགས་ཀྱིས་བརླན་ལུས་ཀྱི། །སྐྲན་ནི་སྙི་བར་གྱུར་པ་དང་། །ཇི་ལྟར་བཤད་པའི་བུམ་པ་ནི། །བཞག་པས་བཀང་ནས་དེ་བསལ་བྱ། །དེ་ནས་རས་ནང་ཆུད་བྱས་ཏེ། །ཚད་ཤེས་པ་ཡི་
[211b]
[211b.1]སྐྲན་དབྲལ་བྱ། །ཤིང་གཅད་ར་རྨིག་མེ་ལོང་རྣམས། །ཇི་སྙེད་པ་ཡིས་ལེགས་པར་བཅིང་། །དེས་སྐྲན་གཅིག་པུ་དབྱི་བྱ་ཞིང་། །སྙིང་དང་རྒྱུ་མར་རེག་མི་བྱ། །ཏིལ་དང་ཟར་མའི་ས་བོན་དང་། །ཉུངས་ཀར་ཨེ་རཎྜ་ཡིས་བྱུག །བད་ཀན་སྐྲན་ནི་ལྕགས་ཀྱི་སྣོད། །དྲོ་
[211b.2]འཇམ་ཙམ་གྱིས་དུགས་བྱའོ། །དེ་ལྟར་གནས་ལས་བསྐྱོད་ནས་ནི། །བད་ཀན་སྐྲན་ལ་སྣུམ་བཅས་པའི། །བཀྲུ་སྨན་དང་ནི་འཇམ་རྩི་དག །རྩ་བ་བཅུ་པ་ལྡན་པར་སྦྱང་། །པི་པི་ལིང་དང་སྐྱུ་རུ་ར། །རྒུན་འབྲུ་ཤ་མ་དུར་བྱིད་སོགས། །སྲང་རེ་དང་ནི་བསྐོལ་བ་
[211b.3]ལ། །ཨེ་རཎྜ་ཡི་ཞུན་མར་ནི། །བྲེ་རེ་འོ་མ་དྲུག་འགྱུར་དང་། །ལྷན་ཅིག་བསྐོལ་བར་གྱུར་བ་འདི། །འདྲེས་པའི་སྨན་མར་ཞེས་བྱ་སྟེ། །སྐྲན་ཅན་འཁྲུ་བར་བྱེད་པའི་མཆོག །རྒྱུ་རླུགས་ཁོང་འབྲས་གཟེར་བ་ནི། །རླུང་གི་ནད་ལ་བདུད་རྩི་ཡིན། །ཡང་ན་ནི་ལི་ནི་སྨན་མར། །
[211b.4]སྲང་གཉིས་ཚད་དུ་བླུད་པའམ། །དེ་བཞིན་སྐྱིད་དེ་བའི་སྨན་མར། །དམུ་རྫིང་སྐབས་བཤད་མར་ཡང་ཕན། །དན་ད་ཙི་ཏྲ་ཨ་རུ་ར། །སྲང་ནི་ཉི་ཤུ་རྩ་ལྔ་ལྔ། །ཆུ་བྲེ་བཅུ་དྲུག་ནང་དུ་བསྐོལ། །བརྒྱད་ཆ་ལུས་བཙགས་ཨ་རུ་ར། །བཅས་པ་བུ་རམ་དན་དར་མཉམ། །བཅུག་
[211b.5]ལ་ཏིལ་མར་དུར་བྱིད་ཕྱེ། །སྲང་བཞི་བཅའ་སྒ་པི་པི་ལིང་། །ཞོ་གཉིས་བསྐོལ་བསྒྲངས་ལྡེ་གུ་དེ། །སྦྲང་རྩི་ཏིལ་མར་ཆ་མཉམ་པ། །དྲི་སྣ་བཞི་བཞི་སྲང་རེ་གཞུག །དེ་ལས་ཨ་རུ་གཅིག་དང་། །ལྡེ་གུ་སྲང་གཅིག་བཅས་ཟོས་ན། །བདེ་བར་ནད་ནི་བྲེ་གང་འཁྲུ། །
[211b.6]སྐྲན་དང་སྙིང་ནད་གཞང་འབྲུམ་དང་། །གློ་ནད་ལྟོ་སྦོས་སྦྱར་བའི་དུག །མཛེ་དང་དམུ་རྫིང་ནད་སློང་དང་། །ཡི་ག་འཆུས་དང་མཆེར་པའི་ནད། །སྐྱ་རྦབ་མིག་སེར་འཇོམས་པར་བྱེད། །འདི་ནི་དན་ད་ཙི་ཏྲ་ཀ །ཨ་རུ་ར་ཡི་ལྡེ་གུ་ཡིན། །སུ་དྷ་ཀྵི་རའི་རླན་དང་ནི། །དུར་བྱིད་
[211b.7]དང་ནི་ལེགས་བསྲེས་ཏེ། །མར་དང་སྦྲང་རྩི་ཞོ་གཉིས་བཅས། །ལྡེ་གུས་ལེགས་པར་འཁྲུ་བར་འགྱུར། །རུ་རྟ་དུར་བྱིད་ཨ་རུ་ར། །དན་ད་གུ་གུལ་ནས་ཚིག་འཁུས། །བ་གཅིན་བཅས་བླུད་ཡང་ན་ནི། །གུ་གུལ་ཉི་ཚེ་བ་གཅིན་བླུད། །ཆོ་ག་གྲུབ་པ་ལས་བཤད་པའི། །
[212a]
[212a.1]བཀྲུ་སྨན་དྲག་པོ་སྐྲན་འཇོམས་གཏང་། །རྩ་བ་ཟུག་ཅིང་ལྷུན་ཆེ་ལ། །སྲ་ཞིང་ལྕི་ལ་ཚོར་བ་མེད། །གཏིང་རིང་མ་སྨིན་པ་ཡི་སྐྲན། །ཐལ་སྨན་དང་ནི་ཆང་རྙིང་དང་། །མེ་ཡི་ལས་ཀྱིས་བསལ་བར་བྱ། །བད་ཀན་ཤས་ཆེ་ཐལ་སྨན་ནི། །གཞང་འབྲུམ་
[212a.2]རྡེའུ་ཕོ་བའི་ནད། །གསོ་བའི་སྐབས་བཤད་གཏང་བྱ་ཞིང་། །ཞག་གཅིག་ཞག་གཉིས་ཀྱིས་ཆོད་པ། །ཡང་ན་ཞག་གསུམ་ངལ་སོས་ལ། །ལུས་ཀྱི་ཉམས་སྟོབས་ནད་དག་ནི། །འཕེལ་འབྲིའི་ལས་ལ་བརྩོན་པར་བྱ། །ཐང་ཤིང་དུར་བྱིད་དན་དང་། །པུ་ཙེ་ཤེལ་དང་
[212a.3]ཚ་བ་ལྔ། །སྭ་རྫི་ཀ་ཐལ་ནས་ཚིག་འཁུས། །པ་ཏ་དང་ནི་འབྲས་བུ་གསུམ། །རུ་རྟ་བ་སར་སུ་གནྡྷ། །ཟི་ར་ནག་པོ་སྲང་ཕྱེད་ཕྱེད། །ལན་ཚྭ་ལྔ་ནི་སྲང་རེ་དག །བཏགས་པའི་ཕྱེ་མ་ཏིལ་མར་དང་། །ཞག་དང་ཞོ་དང་མར་དང་སྦྲུས། །རྫ་མར་དུབ་མ་ཤོར་བསྲེགས། །
[212a.4]རྫ་མ་མེ་ཡི་མདོག་འགྱུར་དེའི། །ཐལ་བ་བླངས་པ་འོ་མ་མར། །དར་བ་ཆང་སོགས་སྦྱར་ཏེ་བླུད། །སྐྲན་དང་རྟུག་འགགས་རྒྱུ་རླུགས་དང་། །གཞང་འབྲུམ་དམུ་རྫིང་ཕོ་བའི་ནད། །སྲིན་ནད་བརྗེད་བྱེད་སྨྱོ་བྱེད་གདོན། །མངལ་ནད་ཁུ་ཆུ་ལས་གྱུར་རྡེའུ། །བྱི་ལ་སྦྲུལ་གྱི་
[212a.5]དུག་རྣམས་ཀྱང་། །ཐལ་བའི་སྨན་འདིས་སེལ་བར་བྱེད། །བད་ཀན་ལས་གྱུར་སྐྲན་ལ་སྣུམ། །ཤ་ཁུ་འོ་མ་མར་བསྟེན་ལ། །ཐལ་སྨན་བཏང་ན་སྐྲན་དག་ནི། །གནས་ནས་དུམ་བུ་དུམ་བུ་རུ། །བཅད་ནས་ཐུར་དུ་འབྱིན་པར་བྱེད། །མེ་དྲོད་ཆུང་ཞིང་ཡི་ག་འཆུས། །ཆང་
[212a.6]གོམས་སྣུམ་ཅན་ཟ་བ་ལ། །རྒྱུན་སྲང་དག་ཕྱིར་མནན་ཆད་དང་། །ཆང་རྙིང་སྐྱོན་མེད་བླུད་པར་བྱ། །སཱ་ལུ་དྲུག་ཅུ་པ་རྙིང་པ། །རྒྱ་སྲན་སྐམ་སའི་སྲོག་ཆགས་ཤ །ཙི་ཏྲ་པུ་རི་ཀ་རཉྫ། །ཨ་ཏི་མན་ད་ལ་ལ་ཕུད། །བ་རི་ན་ཡི་མྱུ་གུ་དང་། །ཤི་ཀྲུ་བིལ་བ་གཞོན་ནུ་
[212a.7]དང་། །ལ་ཕུག་གཞོན་ནུ་སྐམ་པོ་དང་། །ཁ་ལུང་ཤིང་ཀུན་སྟར་བུ་དང་། །སེ་འབྲུ་ནས་ཚིག་འཁུས་ཐལ་བ། །ཚ་བ་གསུམ་དང་ངར་བ་དང་། །མར་དང་ཏིལ་མར་ཁ་ཟས་སྦྱིན། །བཏུང་བར་ཆང་གི་དངས་མ་དང་། །སྐྱུར་རྩབས་དར་བཞོག་ཆུ། །བིད་ལ་ལ་ཕུད་ཕྱེ་མ། །
[212b]
[212b.1]རྩ་བ་ལ་བསྐོལ་ཁུ་བའམ། །རྒུན་ཆང་རྙིང་པ་བླུད་པར་བྱ། །པི་པི་ལིང་དང་དེའི་རྩ་བ། །གོ་སྙོད་རྒྱམ་ཚ་ཀྲུ་ཏྲུག་ཏྲེས། །ཆང་གི་སྙིགས་མར་བསྲེས་པ་ཡིས། །སྐྲན་ནི་མྱུར་དུ་སེལ་བར་བྱེད། །སློན་དང་སྨྱུང་བ་དུགས་དང་ནི། །སྨན་མར་བླུད་དང་བཀྲུ་སྨན་དང་། །འཇམ་
[212b.2]རྩི་ཐལ་སྨན་མནན་ཆང་དང་། །ཆང་རྙིང་རི་ལུ་ཕན་ཟས་ཀྱིས། །བད་ཀན་སྐྲན་ཅན་གཏིང་ཟུག་པས། །གལ་ཏེ་ཞི་བར་མ་གྱུར་ན། །དེ་ལ་ཁྲག་དབྱུང་ཐ་མར་ནི། །མདེའུ་ལྕགས་སོགས་ཀྱིས་བསྲེག་པར་བྱ། །དེ་ནས་སྐྲན་ནི་མཐར་ཐུག་པར། །སྨན་པས་གོས་ཀྱིས་དཀྲིས་
[212b.3]ནས་ནི། །ལྟེ་བ་ཆུ་སོ་རྒྱུ་མ་སྙིང་། །སྤུ་ཡི་ཕྲེང་ནི་མ་གཏོགས་པར། །ཤིན་ཏུ་གཏིང་ཐུག་མ་ཡིན་པར། །མདེའུ་བསྲེགས་པའམ་ཡང་ན་ནི། །གཟོང་བུའི་ལྕགས་ནི་བསྲེགས་པའམ། །ཏིན་དུ་ཀ་ཡི་ཤིང་གིས་བསྲེག །དེ་ནས་བསིལ་བས་མེ་དབལ་ནི། །ཞི་ནས་རྨ་
[212b.4]ལྟར་གསོ་བར་བྱ། །མ་ཞུ་རྗེས་འབྲེལ་སྨྱུང་བྱས་ནས། །ཐུག་པ་སོགས་ཀྱིས་མེ་དྲོད་བསྐྱེད། །རང་རང་རིམ་དང་འབྲེལ་པ་ལས། །འདྲེན་མའི་གསོ་བས་གསོ་བར་བྱ། །བཙས་པའི་དུས་ནི་འདས་གྱུར་པའི། །བུད་མེད་ལ་སྐྲན་ཁྲག་སྐྱེས་འབྱུང་། །དེ་ལ་ལུས་སྣུམ་
[212b.5]དུགས་བྱས་པར། །སྣུམ་གྱི་བཀྲུ་སྨན་གཏང་བར་བྱ། །ཏིལ་བསྐོལ་མར་དང་བུ་རམ་དང་། །ཚ་གསུམ་ག་བྲའི་རྩ་བའི་ཕྱེ། །ཁྲག་ལས་གྱུར་པའི་སྐྲན་དང་ནི། །བུད་མེད་ཟླ་མཚན་མེད་ལ་བླུད། །ག་བྲའི་རྩ་བ་པི་པི་ལིང་། །ཐང་ཤིང་ཀ་རཉྫའི་ཤུན་པ། །པི་པི་ལིང་གི་རྩ་
[212b.6]བ་ཡི། །ཕྱེ་མ་ཏིལ་བསྐོལ་ཆུར་སྦྱར་བ། །བླུད་ན་ཁྲག་སྐྲན་ནད་སེལ་བྱེད། །པ་ལ་ཤ་ཡི་ཐལ་བ་ནི། །བྲེ་བརྒྱད་ཏིལ་མར་མར་བྲེ་བརྒྱད། །བསྐོལ་ཏེ་ཚད་བཞིན་བླུད་ན་ནི། །སྐྲན་ནི་སྙི་བར་བྱེད་པ་ཡིན། །གལ་ཏེ་སྙི་བར་མ་གྱུར་ན། །མངལ་གྱི་བཀྲུ་སྨན་གཏང་བར་
[212b.7]བྱ། །ཏིལ་གྱི་ལྡེ་གུ་ཐལ་སྨན་བཅས། །ཡང་ན་སུ་དྷ་ཀྴི་རར་སྦྱར། །ཡང་ན་དེ་གཉིས་དང་བསྲེས་པའི། །ཉ་ནི་ཁ་བོ་གཏང་བར་བྱ། །ཕག་རྒོད་ཉ་ཡི་མཁྲིས་པ་ཡིས། །བསྒོས་པའི་རས་མ་གཞུག་པར་བྱ། །ཡང་ན་བུ་རམ་ཐལ་སྨན་གཉིས། །ཕབས་སྦྱར་མངལ་ནི་སྦྱང་ཕྱིར་
[213a]
[213a.1]གཏང་། །ཁྲག་མཁྲིས་སེལ་བའི་ཐལ་སྨན་ནི། །སྦྲང་རྩི་མར་བཅས་ལྡེ་གུ་སྦྱིན། །སྒོག་སྐྱའི་ཆང་ནི་རྣོན་པོ་དང་། །ཉ་ཡང་དེ་ལ་སྦྱིན་པར་བྱ། །རྩ་བ་བཅུ་པ་ཐལ་སྨན་དང་། །འོ་མ་བ་གཅིན་མས་གཏད་བྱ། །དེས་ཀྱང་ཁྲག་འཛག་མ་གྱུར་ན། །སྐྲན་
[213a.2]འཇིག་བྱེད་པའི་སྦྱོར་བ་ཕན། །བྱུང་ནས་མར་དང་ཏིལ་མར་བསྐུ། །བཅད་པ་དག་ནི་མི་བྱ་ཞིང་། །ཤ་ཁུ་འབྲས་ཆན་བཟའ་བ་དང་། །བཏུང་བ་ཆང་ནི་སར་པ་བླུད། །ཁྲག་ནི་ཤས་ཆེར་བྱུང་གྱུར་ན། །ཁྲག་མཁྲིས་སེལ་བའི་གསོ་བ་བྱ། །རླུང་གི་ནད་ཀྱིས་ཉེན་གྱུར་ན། །རླུང་གི་གསོ་
[213a.3]བ་ཀུན་ཀྱང་བྱ། །ལྟོར་སྤོས་སོགས་དང་རྟུག་སྐམ་ལ། །རླུང་བསལ་གསོལ་བ་ཇི་བཞིན་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་བཅུ་བཞི་པའོ།། །།དེ་ནས་དམུ་རྫིང་གསོ་བའི་ལེའུ་བཤད་པར་བྱའོ། །ནད་ནི་ཤས་ཆེར་སྩོགས་པ་དང་། །བུ་གའི་རྒྱུན་
[213a.4]སྲང་འགགས་པ་ལ། །དམུ་རྫིང་འབྱུང་བས་དེ་ཡི་ཕྱིར། །རྟག་ཏུ་བཀྲུ་སྨན་གཏང་བར་བྱ། །ཡང་ན་ཟླ་བ་གཅིག་གམ་གཉིས། །ཨེ་རཎྜའི་མར་བ་གཅིན་བཅས། །འོ་མར་བཅས་པའམ་བ་གཅིན་ནམ། །མ་ཧེའི་གཅིན་ནི་བླུད་བྱ་ཞིང་། །བ་ཡི་འོ་མ་བླུད་པར་བྱ། །ལྟོ་སྦོས་ཚ་
[213a.5]བས་ཉམ་ཐག་ཅིང་། །སྐོམ་དང་བརྒྱལ་བས་ནོན་པ་ལ། །རྔ་མོའི་འོ་མ་བླུད་པར་བྱ། །རྩུབ་ཅིང་རླུང་ཤས་ཆེ་བ་ཡི། །ནད་ནི་སྦྱོང་བར་འདོད་པ་ཡིས། །སྣུམ་ཆོས་དང་ནི་སྨན་མར་དག །དམུ་རྫིང་འཇོམས་པ་སྦྱར་བར་བྱ། །སྲང་དྲུག་རྩ་བ་བཅུ་པའི་ཆུ། །ཞོ་ག་ཆུ་ནི་བྲེ་བརྒྱད་
[213a.6]བསྐོལ། །དོང་གྲ་སྲང་གསུམ་མར་དང་ནི། །ཏིལ་མར་བྲེ་ནི་རེ་རེ་དང་། །ཞོ་ག་ཆུ་ནི་བྲེ་བཞི་དག །བསྐོལ་བ་འདི་ནི་བླུད་གྱུར་ན། །དམུ་རྫིང་ཐམས་ཅད་འཇོམས་པར་བྱེད། །རླུང་དང་བད་ཀན་ལས་བྱུང་བའི། །སྐྲན་ལའང་མཆོག་ཏུ་ཕན་པ་ཡིན། །བཞི་འགྱུར་ཆུ་དང་ཉིས་འགྱུར་
[213a.7]གཅིན། །ཀྲུ་ཏྲུག་ཏྲེས་སྲང་གཅིག་ལྡེ་གུ། །བྲེ་གང་མར་བསྐོལ་ཐལ་སྨན་བཅས། །དམུ་རྫིང་ཅན་ལ་བླུད་པར་བྱ། །ནས་དང་རྒྱ་ཤུག་རྒྱ་སྲན་དང་། །རྩ་བ་ལྔ་ནི་བསྐོལ་བའི་ཆུ། །ཆང་དང་རང་སྐྱུར་བཅས་པ་དང་། །མར་བསྐོལ་བ་ཡང་བླུད་པར་བྱ། །སྣུམ་འདི་སྣུམ་
[213b]
[213b.1]བཅས་ཉམས་སྟོབས་ནི། །སྐྱེ་ཞིང་རླུང་ནད་ཞི་གྱུར་ནས། །ནད་ནི་གནས་ནས་བསྐྱོད་པ་དང་། །ཆོ་ག་གྲུབ་བཤད་བཀྲུ་སྨན་གཏང་། །པ་ཏོ་ལའི་རྩ་འབྲས་བུ་གསུམ། །སྐྱེར་པ་བྱི་དང་ག་ཞོ་རེ། །ཀམ་པི་ལ་དང་ནི་ལི་ནི། །ཙི་ཏྲ་ཀ་ཞོ་གཉིས་གསུམ་བཞི། །ཕྱེར་བཏགས་
[213b.2]བ་གཅིན་སྦྱར་བ་བླུད། །འཁྲུས་ནས་ཐུག་པ་ཤ་ཁུ་ནི། །སྐམ་སར་གནས་པའི་ཤ་ཁུ་སྦྱིན། །དེ་ནས་ཞག་དྲུག་འོ་མ་དང་། །ཚ་བ་གསུམ་དང་བསྐོལ་བ་ནི། །ཡང་དང་ཡང་དུ་བླུད་བྱས་ན། །འདི་ཡིས་དམུ་རྫིང་ཐམས་ཅད་ནི། །དམུ་ཆུར་གྱུར་ཀྱང་འཇོམས་པར་བྱེད། །བི་ཤ་
[213b.3]ལ་དང་ཤང་ཁི་ནི། །དན་ད་སེང་ཕྲོམ་ཤུན་ཤུ་དག །རྒྱ་ཤུག་ཕྲེའུ་རྒུན་འབྲུ་དང་། །རྒྱ་ཤུག་སྦོམ་ཆུ་བུ་རམ་ཆང་། །བ་གཅིན་དང་ནི་སྦྱར་ཏེ་བླུད། །ལ་ལ་ཕུད་དང་སྤ་མའི་འབྲས། །འུ་སུ་ཤུ་ཏི་ཟིར་ནག །པི་པི་ལིང་རྩ་ཀ་ར་བཱི། །ཨ་ཟ་མོ་དང་ཟུར་བ་དཀར། །ཤུ་དག་
[213b.4]ཟི་ར་ཙི་ཏྲ་ཀ །ཚ་བ་གསུམ་དང་ཁྲོན་བུ་དང་། །འབྲས་བུ་གསུམ་དང་ཐལ་སྨན་གཉིས། །མ་ནུ་རུ་རྟ་ལན་ཚྭ་ལྔ། །བྱི་དང་ག་རྣམས་ཆ་མཉམ་དང་། །དན་ད་ཆ་གསུམ་དེ་བཞིན་དུ། །དུར་བྱིད་བི་ཤལ་ཉིས་འགྱུར། །ས་དལ་ནི་བཞི་འགྱུར་ཏེ། །ཕྱེ་མ་འདི་ནི་སྲེད་མེད་དུ། །
[213b.5]ཞེས་བྱ་ནད་ཀྱི་ཚོགས་འཇོམས་བྱེད། །འདི་བསྟེན་ནད་ནི་མི་གནས་ཏེ། །ཁྱབ་འཇུག་གིས་བཅོམ་ལྷ་མིན་མཚུངས། །དམུ་རྫིང་ནད་ལ་དར་བ་བླུད། །སྐྲན་ཅན་རྒྱ་ཤུག་ཆུ་སྦྱར་བླུད། །རླུང་གིས་ལྟོ་སྦོས་ཆང་སྦྱར་གཏང་། །རླུང་ནད་ཉིད་ལ་ཆང་དངས་སྦྱར། །ཕྱིས་འགགས་
[213b.6]ལ་ཞོག་ཆུ། །གཞང་འབྲུམ་ཅན་ལའང་ཞོག་ཆུས། །བཅད་སྙམ་སེམས་ལ་ད་ཏྲིག་ཆུས། །མ་ཞུ་བ་ལ་ཆུ་དྲོན་ལས། །མཚན་བར་རྡོལ་དང་སྐྱ་རྦབ་དང་། །ལུད་པ་དབུགས་མི་བདེ་སྐད་འགགས། །སྙིང་དང་ཕོ་བའི་ནད་དང་ནི། །མཛེ་དང་མེ་དྲོད་ཉམས་དང་རིམས། །མཆེ་
[213b.7]བའི་དུག་དང་རྩ་བའི་དུག །དབྱིག་དུག་སྦྱར་བའི་དུག་བཅས་ལ། །ཅི་རིགས་པར་ནི་ཕྱེ་མ་འདི། །ཁོང་པ་སྣུམ་དང་ལྡན་པ་ལ། །བླུད་ནས་འཁྲུ་རུ་གཞུག་པར་བྱ། །སྤ་མའི་འབྲས་བུ་བྱ་སྣུ་དང་། །འབྲས་བུ་གསུམ་དང་ནི་ལི་ནི། །པུ་ཙེ་ཤེལ་དང་ཀྱི་ལྕེ་བ། །དུར་བྱིད་ཤུ་དགས་ཏ་
[214a]
[214a.1]ལ། །རྒྱམ་ཚ་དང་ནི་ཁ་རུ་ཚ། །པི་པི་ལིང་ནི་ཕྱེ་མར་བཏགས། །སེ་འབྲུའི་ཁུ་བའམ་འབྲས་བུ་ནི། །གསུམ་གྱི་ཁུ་བའམ་ཤ་ཁུའམ། །བ་གཅིན་དྲོ་འཇམ་ཆུ་ལས་བླུད། །འདིས་ནི་སྐྲན་ནད་ཐམས་ཅད་དང་། །མཆེར་པ་དམུ་རྫིང་ཐམས་
[214a.2]ཅད་དང་། །ཤ་བཀྲ་མཛེ་ནད་མ་ཞུ་དང་། །དྲོད་ཉམས་མེ་དྲོད་མ་སྙོམས་དང་། །གཞང་འབྲུམ་སྐྱ་རྦབ་མིག་སེར་དང་། །རྐང་ལག་ཞ་བའི་ནད་དང་ནི། །རླུང་དང་མཁྲིས་པ་བད་ཀན་རྣམས། །བཀྲུ་སྨན་བཏང་བས་མྱུར་དུ་སེལ། །ནི་ལི་ནི་དང་ཚ་བ་གསུམ། །ལྕང་
[214a.3]མ་ཡ་བཀྵ་ར་དང་། །ལན་ཚྭ་དང་ཀྲུ་ཏྲུག་ཏྲེས། །ཕྱེ་མ་ཞུན་མར་བླུད་ན་ནི། །དམུ་རྫིང་སྐྲན་གྱི་ནད་རྣམས་སེལ། །སྦྱང་བྱས་ཉམ་ཆུང་བར་བར་དུ། །རྔ་མོ་བའམ་ར་ཡི་ནི། །འོ་མ་སྔོན་བཞིན་བླུད་པར་བྱ། །བཤོལ་དུ་མེད་པའི་ནད་ལ་ནི། །བཀྲུ་སྨན་ཕྱིར་
[214a.4]ནི་སྣུམ་བཅས་གཏང་། །མཆོག་ཏུ་ཉམ་ཆུང་གྱུར་ལ་སྦྱིན། །ཨ་རུ་ར་ཡི་ཕྱེ་མ་ནི། །བྲེ་གང་མར་ནི་བྲེ་བཞི་དང་། །མེ་ལ་བཞུས་ནས་གཟར་བུ་ཡིས། །དཀྲུགས་ནས་ནས་ཀྱི་སྦུན་པའི་ནང་། །ཟླ་གཅིག་བཞག་ནས་དེ་རྗེས་ལ། །ཕྱུང་སྟེ་ལེགས་པར་བཞུས་ནས་ནི། །
[214a.5]ཨ་རུ་ར་བསྐོལ་ཁུ་བ་དང་། །ཞོ་ནི་སྐྱུར་པོ་བཅས་པ་བསྐོལ། །དེ་འཐུངས་དམུ་རྫིང་སྐྲན་ལྟོ་སྦོས། །གཏུན་འདྲའི་རླུང་ནད་ཁོང་འབྲས་དང་། །མཛེ་དང་སྨྱོ་བྱེད་བརྗེད་བྱེད་རྣམས། །ཉེ་བར་འཇོམས་པར་བྱེད་པ་ཡིན། །ཤྲཱི་ཁཎྜ་བའི་འོ་མ། །བསྐོལ་ཏེ་བསྒྲངས་ནས་
[214a.6]གཟར་བུས་དཀྲུགས། །ལས་བྱུང་མར་ནི་སྣུ་ཧ་ཡི། །འོ་མར་བཅས་བསྐོལ་སྔ་མར་མཚུངས། །འོ་མ་བྲེ་ནི་བཅུ་དྲུག་དང་། །སུ་དྷ་ཀྵི་ར་བྲེ་ཕྱེད་བཅས། །ཞོར་གྱུར་བསྲུབས་པ་ལས་གྱུར་མར། །དུར་བྱིད་བསྐོལ་བའང་ཡོན་ཏན་དེའོ། །མར་ནི་བྲེ་གང་དག་དང་ནི། །
[214a.7]འོ་མ་བརྒྱད་འགྱུར་ནང་དུ་ནི། །སྣུ་ཧའི་འོ་མ་སྲང་གཅིག་དང་། །དུར་བྱིད་སྲང་དྲུག་བསྐོལ་དེ་བཞིན། །འདི་བླུད་འོག་ཏུ་ཐུག་པ་དང་། །ཤ་ཁུ་མངར་པོའམ་འོ་མ་བླུད། །མ་ཞུ་འཁྲུས་པར་གྱུར་པ་དང་། །བཅའ་སྒ་བསྐོལ་བའི་ཆུ་དྲོན་བླུད། །དེ་ནས་ཐུག་པ་དེ་འོག་ནི། །
[214b]
[214b.1]ཀུ་ལངྠ་ཡི་ཡུ་ཤ་བླུད། །དེ་ལྟར་ཁོང་རྩུབ་ཞག་གསུམ་བླུད། །སླར་ཡང་ཐུག་སོགས་རིམ་པར་བླུད། །རིམ་པ་འདི་དག་ཉིད་ཀྱིས་ནི། །ཞུན་མར་ཡང་དང་ཡང་དུ་བླུད། །མར་ནི་བསྐོལ་བར་གྱུར་པ་འདི། །སྨན་པ་ལས་ལ་བྱང་བ་ཡིས། །སྐྲན་རྣམས་དང་ནི་དབྱིག་
[214b.2]དུག་དང་། །དམུ་རྫིང་བསལ་ཕྱིར་བླུད་པར་བྱ། །ཡང་ན་པི་ལུ་ལྡེ་གུར་བསྐོལ། །ལྟོ་སྦོས་སེལ་བར་བླུད་པར་བྱ། །སེང་ཕྲོམ་ནི་ལི་ནི་མར་རམ། །འདྲེས་པའི་སྨན་མར་བླུད་པར་བྱ། །ནད་བསལ་ནས་ནི་རིམ་གྱིས་ཟས། །སཱ་ལུའི་འབྲས་ཆན་ཡང་ཞིང་ཉུང་། །བྱིན་
[214b.3]ལ་དམུ་རྫིང་ཅན་གྱི་ནི། །ནད་ཀྱི་ལྷག་མ་དག་བྱའི་ཕྱིར། །ཨ་རུ་ར་ནི་རྡོག་མ་སྟོང་། །བ་གཅིན་དང་སྦྱར་འོ་མ་བླུད། །ཡང་ན་པི་པི་ལིང་རྡོག་སྟོང་། །སུ་དྷ་ཀྵི་རར་ལེགས་བསྲེས་པའམ། །པི་པི་ལིང་ནི་བསྐྱེད་སྦྱིན་པའམ། །འོ་མར་འཐུང་ཞིང་བྲག་ཞུན་བཟའ། །དེ་བཞིན་
[214b.4]གུ་གུལ་འོ་མ་དང་། །ཆ་མཉམ་སྒེའུ་གཤེར་ཁུ་བ་སྦྱིན། །ཡང་ན་ཐང་ཤིང་ཙི་ཏྲ་ཀའི། །ལྡེ་གུ་འོ་མར་སྦྱར་བ་བླུད། །ཟླ་གཅིག་ཧ་ཏི་པི་པི་ལིང་། །བཅའ་སྒ་འོ་མར་བཅས་པ་བླུད། །དན་ད་ཙི་ཏྲ་བྱི་དང་ག །དབྱི་མོ་ཚ་བ་གསུམ་ལྡེ་གུ། །ཞོ་གཉིས་འོ་མ་སྦྱར་བླུད་ན། །
[214b.5]དམུ་རྫིང་འཕེལ་བ་སེལ་བར་བྱེད། །ཡང་ན་སུ་དྷ་ཀྵིར་མར། །བཅས་པའི་ཁ་ཟས་ཟླ་གཅིག་སྦྱིན། །སུ་དྷཱ་ཀྵི་ར་ལ་སྦངས་བའི། །པི་པི་ལིང་དང་ཁུར་བ་སྦྱིན། །གལ་ཏེ་རྩིབ་ལོགས་གཟེར་ཞིང་རེངས། །སྙིང་བརྒལ་རླུང་གི་ནད་ལྡང་ན། །དེ་ལ་ཏིལ་མར་བིལ་བ་
[214b.6]དང་། །ཐལ་སྨན་དང་ནི་ལྡན་པར་སྦྱིན། །ཏུན་ཏུ་ཀ་དང་བ་ལ་དང་། །བ་ལ་ཤ་འམ་ཏིལ་སྡོང་དང་། །ཨ་པ་མརྒ་ཀ་ཏ་ལི། །ཨགྣི་མནྠཱི་ཐལ་བ་རྣམས། །སོ་སོར་གཟགས་པ་བསྐོལ་བ་བླུད། །བད་ཀན་རླུང་ངམ་མཁྲིས་པའམ། །དེ་གཉིས་རླུང་དང་འདྲེས་གྱུར་པ། །
[214b.7]སྟོབས་ལྡན་རང་གི་སྨན་བཅས་པ། །ཨེ་རཎྜ་ཡི་ཏིལ་མར་ཕན། །ཐང་ཤིང་ཨརྒ་པ་ལ་ཤ །ཧ་ཏི་པི་པི་ལིང་ཤི་ཀྲུ། །ཨ་ཤྭ་ཀརྞ་བ་གཅིན་བཅས། །ལྡེ་གུ་ལྟོ་བའི་ཕྱི་རིམ་བྱུག །བྲི་ཤི་ཀལི་ཤུ་དག་དང་། །བཅའ་སྒ་རྩ་བ་ལྔ་པ་དང་། །འུ་སུ་རུ་རྟ་བ་སྤྲུ་གཉིས། །བསྐོལ་
[215a]
[215a.1]བ་བ་གཅིན་བཅས་པ་བླུགས། །འཁྲུས་ཤིང་ལྟོ་བ་ཞུམ་འགྱུར་བའི། །ས་ར་ན་ལ་སོགས་དུགས་བྱ། །གོས་ཀྱིས་ལེགས་པར་དཀྲི་བར་བྱ། །དེ་ལྟར་རླུང་གིས་སྤོས་མི་འགྱུར། །གང་ཞིག་ལེགས་པར་འཁྲུས་གྱུར་པ། །སླར་ཡང་སྦོས་གྱུར་དེ་ལ་ནི། །
[215a.2]སྣུམ་བཅས་སྐྱུར་དང་ལན་ཚྭ་གཉིས། །བཀྲུ་སྨན་མས་གཏོང་དྲག་པོར་བྱ། །རླུང་གིས་རེངས་དང་བཅས་གྱུར་པས། །གང་ཞིག་ལྟོ་སྦོས་གྱུར་པའི་མི། །དེ་ལ་ཐལ་སྨན་རྣོན་པོ་ནི། །བ་གཅིན་བཅས་པ་མས་གཏོང་བྱ། །དེ་ལྟར་དམུ་རྫིང་སྤྱི་ཡི་ནི། །གསོ་བ་གྲགས་
[215a.3]པར་བཤད་པ་ཡིན། །དེ་ནས་རླུང་གྱུར་དམུ་རྫིང་ཅན། །བི་ད་རི་སོགས་མར་བསྐོལ་བླུད། །དེ་ནས་སྣུམ་གྱིས་ཞེན་བྱས་ཤིང་། །ཡན་ལག་དུགས་བྱ་བཀྲུ་སྨན་གཏང་། །འདི་ལ་སེང་ཕྲོམ་མར་རམ་ནི། །འདྲེས་པའི་སྨན་མར་ལན་མང་བླུད། །ཐུག་སྩོགས་རིམ་པ་
[215a.4]བྱས་ནས་ནི། །སྟོབས་བསྐྱེད་ཕྱིར་ནི་འོ་མ་བླུད། །ཉམས་སྟོབས་རྙེད་ནས་རིམ་གྱིས་ནི། །འོ་མ་དེ་ནི་སྤང་བར་བྱ། །ཡུ་ཤ་ཤ་ཁུ་སྐྱུར་དང་ནི། །ལན་ཚྭར་བཅས་པས་མེ་དྲོད་བསྐྱེད། །རྟུག་འགགས་གྱུར་ནས་སླར་སྣུམ་དང་། །དུགས་བྱ་དེ་འོག་མས་གཏོང་བྱ། །
[215a.5]རྩུབ་ཅིང་མས་གཏོང་སྨན་བཅས་པའི། །རྩ་བ་བཅུ་པའི་མས་གཏོང་སྦྱར། །གཡོ་ཞིང་ཚིགས་རུས་ལ་འཇུག་པ། །རྩུབ་ཅིང་འཕྱེན་དང་ཕྱིས་འགགས། །མེ་དྲོད་ཆེ་ལ་ཏིལ་མར་དང་། །ཨེ་རཎྜའི་མར་རླུང་འཇོམས་པའི། །སྨན་དང་བསྐོལ་བའི་འཇམ་རྩི་གཏང་། །ཁྲུས་
[215a.6]མི་བྱ་ལ་འོ་མ་མར། །ཤ་ཁུ་ལ་སོགས་ཞི་བྱེད་གཏང་། །མཁྲིས་པ་ལས་གྱུར་སྟོབས་ཆེ་ལ། །མངར་དང་སྦྱར་བའི་སྣུམ་ཆོས་བྱ། །ཤ་མ་དུར་བྱིད་འབྲས་བུ་གསུམ། །བསྐོལ་བའི་ཁུ་བའི་བཀྲུ་སྨན་གཏང་། །དེ་འོག་ནྱ་གྲོ་དྷ་སོགས་བསྐོལ། །ཁུ་བར་ཁ་ར་སྦྲང་
[215a.7]རྩི་མར། །ལྡན་པ་ནི་རུ་ཡང་ཕན། །དེ་བསྐོལ་སྣུམ་གྱི་འཇམ་རྩི་གཏང་། །ཉམ་ཆུང་དང་པོ་འཇམ་རྩི་གཏང་། །འོ་མ་མས་གཏོང་གེས་སྦྱང་བྱ། །མེ་སྟོབས་བསྐྱེད་ཅིང་སྣུམ་ཆོས་བྱ། །འོ་མ་དུར་བྱིད་ལྡེ་གུའམ། །ཨེ་རཎྜ་དང་བསྐོལ་བའམ། །སད་ལ་དང་ཀྱི་
[215b]
[215b.1]ལྕེ་བའམ། །དོང་ག་བསྐོལ་བ་དག་གིས་བྱ། །བད་ཀན་བཅས་ལ་བ་གཅིན་བཅས། །རླུང་ཅན་ཏིག་ཏ་མར་བཅས་པའི། །ཡང་དང་ཡང་དུ་བཀྲུ་སྨན་གཏང་། །འདི་དག་འོ་མར་བཅས་བཟའ་བའམ། །བི་ད་རི་སོགས་སྡེ་བསྐོལ་བླུད། །དམུ་རྫིང་ཅན་ལ་འོ་ཐུག་ནི། །
[215b.2]སྦྱིན་ཞིང་ཉེ་བར་བསྐུ་བར་བྱ། །སླར་ཡང་འོ་མ་འཇམ་རྩི་དང་། །བཀྲུ་སྨན་ཡང་དང་ཡང་དུ་གཏང་། །རིམ་པས་ངེས་པར་གནས་བྱས་ཏེ། །མ་ཡེངས་མཁྲིས་གྱུར་དམུ་རྫིང་བསལ། །བད་ཀན་ལས་གྱུར་སྣུམ་ཆོས་བྱ། །དུག་མོ་ཉུང་སོགས་མར་བསྐོལ་གཏང་། །ཉམས་
[215b.3]སྟོབས་ལྡན་པས་དུགས་བྱས་ཏེ། །སུ་དྷ་ཀྵི་རའི་བཀྲུ་སྨན་གཏང་། །ཐུག་སོགས་རིམ་དང་ཐལ་སྨན་ཚ། །ལྡན་པས་བད་ཀན་སེལ་བ་སྦྱིན། །བ་གཅིན་ཚ་གསུམ་ཏིལ་མར་བཅས། །མས་གཏོང་དྲག་པོ་བྱ་བའང་ཕན། །མུངྒ་ཀ་སོགས་ལྡེ་གུ་དང་། །སྣུམ་གྱི་འཇམ་རྩི་དེ་
[215b.4]ནས་གཏང་། །ཁ་ཟས་འོ་མ་ཚ་བ་གསུམ། །ཡང་ན་རྒྱ་སྲན་ཁུ་བ་སྦྱིན། །བད་ཀན་འཐས་ཤིང་ལྟོ་བ་སྐྲང་། །རྨོངས་བག་སྙིང་འཕར་ཡི་ག་འཆུས། །མེ་དྲོད་ཆུང་བ་ཆང་གོམས་ན། །ཆང་སྙིང་ནས་ཚིག་འཁུས་ཐལ་བླུད། །ཤིང་ཀུན་དང་ནི་པི་པི་ལིང་། །འབྲས་བུ་གསུམ་
[215b.5]དང་ཐང་ཤིང་དང་། །སེར་པོ་རྣམ་གཉིས་གོ་བྱེ་དང་། །ན་ལེ་ཤམ་དཀར་པུ་ཙེ་ཤེལ། །སེང་ཕྲོམ་ཤུ་དག་བཅའ་སྒ་དང་། །བོང་ང་གླ་སྒང་རུ་རྟ་དང་། །ས་ར་ན་དང་ལན་ཚྭ་དང་། །བཏགས་པ་ཞོ་དང་སྣུམ་བཞི་སྦྱར། །དུ་བ་མ་ཤོར་བར་བསྲེགས་ལ། །ཐལ་བ་དེ་ལས་ཞོ་གཉིས་
[215b.6]དང་། །ཆང་དང་ཆུ་དྲོན་ཞོག་ཆུ། །ཆང་རྙིང་མནན་ཆང་སྦྱར་བ་བླུད། །སྐྲན་དང་དམུ་རྫིང་གཏུན་འདྲའི་ནད། །རྩིག་པ་འདྲ་དང་གསུད་དང་སྐྲན། །སྙིང་ནད་མཆེར་པ་གཞང་འབྲུམ་དང་། །རྟུག་འགགས་ནད་རྣམས་འཇོམས་པར་བྱེད། །བད་ཀན་དམུ་རྫིང་ཉམ་ཆུང་ལ། །
[215b.7]ཆང་རྙིང་དང་ནི་བག་ཅིན་དང་། །ལྕགས་ཕྱེ་དང་སྦྱར་བཏུང་བ་དང་། །ཐལ་སྨན་ཏིལ་མར་བཅས་པ་བླུད། །ཉུངས་ཀར་ཕབས་དང་ལ་ཕུག་གི། །ས་བོན་བཏབ་པའི་ལྡེ་གུ་ཡིས། །བསྐུ་ཞིང་དམུ་རྫིང་དུགས་བྱ་བ། །འདི་ལ་རྒྱུན་དུ་སྦྱང་བར་བྱ། །འདུས་པ་ལས་གྱུར་དམུ་
[216a]
[216a.1]རྫིང་ནི། །མེ་དྲོད་ཉམས་སྟོབས་མ་ཟད་ལ། །ནད་ཤས་ཆེ་ལྟར་རེ་ཐག་ཆད། །གསོ་བའི་སྦྱོར་བ་འདི་བྱའོ། །དན་ད་ཏྲ་པན་ཏིའི་འབྲས་བུ། །བཙིར་བའི་མར་ནི་བླུད་པ་བསྔགས། །དམུ་རྫིང་གསོས་ཀྱང་མ་འཆོས་དང་། །མཆོག་ཏུ་ཉེས་གསུམ་
[216a.2]ལས་གྱུར་ལ། །དེ་ཡི་ཉེ་དུ་དྲིས་ནས་ནི། །ཀ་ཀ་ད་ནི་འོལ་མ་སེ། །ཀ་ར་བཱི་རའི་རྩ་བ་དག །བཏགས་པའི་ལྡེ་གུ་ཆང་སྦྱར་བླུད། །ཡང་ན་བཟའ་བཏུང་ནང་དུ་ནི། །དུག་ཀྱང་རིམ་པས་སྦྱིན་པར་བྱ། །གང་དུ་སྦྲུལ་ནི་ཁྲོས་གྱུར་ནས། །ཤིང་ཏོག་ལ་ནི་དུག་བསྒོས་པ། །
[216a.3]དེ་ཡིས་འདི་ཡི་ནད་ཚོགས་ནི། །བརྟན་ཞིང་ཞེན་པ་ལམ་ལོག་ཞུགས། །བཤིག་སྟེ་ཕྱིར་ནི་འབྱིན་པར་བྱེད། །དུག་གིས་མྱུར་དུ་འཇིག་པར་བྱེད། །དེ་བཞིན་ནད་མེད་འགྱུར་བའམ། །འཆི་བ་ཉིད་དུ་འགྱུར་བ་ཡིན། །ནད་བསལ་ནད་དེ་ཆུ་གྲང་གིས། །ཁྲུས་བྱས་འོ་མའམ་
[216a.4]ཐུག་པ་བླུད། །དུར་བྱིད་ཀྱི་ནི་ཚོད་མའམ། །རྒྱ་སྣེའུ་མར་ཏི་ཀ་པརྞི། །ཀ་ལ་ཤ་ཀ་སྣེའུ་ཡི། །ཁུ་བ་དང་ནི་བསྐོལ་བ་ལ། །སྐྱུར་དང་ལན་ཚྭ་སྣུམ་མེད་ཅིང་། །ཤིན་ཏུ་ཚོས་པའམ་མ་ཚོས་མིན། །ཟས་མེད་ཟླ་བ་གཅིག་སྦྱིན་ལ། །དེ་ནས་སྐོམ་ན་ཁུ་བ་བླུད། །དེ་ལྟར་
[216a.5]ཟླ་བ་གཅིག་གི་བར། །ཚོད་མས་ནད་ནི་བསལ་གྱུར་ནས། །ཉམ་ཆུང་བ་ལ་བརྟས་བྱེད་པ། །རྔ་མོའི་འོ་མ་བླུད་པར་བྱ། །མཆེར་པའི་དམུ་རྫིང་ནད་གཞི་ནི། །ཇི་བཞིན་སྣུམ་ཆོས་དུགས་བྱ་སྟེ། །ཞོ་དང་འབྲས་ཆན་བཅས་བྱིན་ལ། །ལག་པ་གཡོན་ནས་གཏར་ག་གདབ། །
[216a.6]ཉམ་སྟོབས་རྙེད་ནས་སླར་ཡང་ནི། །སྣུམ་བླུད་ནས་ནི་སྦྱང་བར་བྱ། །རྒྱ་མཚོའི་ཉ་ཕྱིས་ཐལ་སྨན་དང་། །འོ་མ་སྦྱར་བ་བླུད་པར་བྱ། །པུ་ཏི་ཀ་རཛིའི་ཐལ་བ། །སྐྱུར་ཁུ་ཁ་རུ་ཚ་དང་ནི། །པི་པི་ལིང་གི་ཕྱེ་བཏབ་བ་བླུད། །ཤི་ཀྲུ་བསྐོལ་བ་པི་པི་ལིང་། །རྒྱམ་ཚ་ཙི་ཏྲ་ཀ་བཏབ་བླུད། །
[216a.7]ཤིང་ཀུན་སྩོགས་ཕྱེ་ཐལ་སྨན་དང་། །མར་སྦྱར་མེ་དྲོད་ཇི་བཞིན་སྦྱིན། །དོང་གྲ་ངན་པ་པི་པི་ལིང་། །ཆ་མཉམ་ཨ་རུ་ར་ཉིས་འགྱུར། །ཁ་རུ་ཚ་ནི་ཆ་ཕྱེད་བཅས། །ཕྱེ་མ་ཆུ་དྲོན་སྦྱར་བ་བླུད། །བྱི་དང་ག་དང་ཀྲུ་ཏྲུག་ཏྲེས། །ཕྱེ་དང་རྒྱམ་ཚ་ཤུ་དག་རྣམས། །ཁམ་སྐྱོགས་
[216b]
[216b.1]ནང་བསྲེགས་འོ་མར་བཅས། །བླུད་ན་སྐྲན་དང་མཆེར་ནད་འཇོམས། །རྒྱ་ཤུག་ལོ་མ་ཏིལ་མར་བསྲེས་པ་དག །ལེགས་པར་མཉེས་ཤིང་བསྲེགས་ཏེ་དེ་འོག་ཏུ། །གཏུན་བུས་བཙིར་ལ་དེ་འོག་འོ་མ་བླུད། །མཆེར་པ་དམུ་རྫིང་ཚོགས་ནི་འཇིག་པར་འགྱུར། །རོ་ཧིཏ་ཡི་ལྕུག་
[216b.2]མ་གཏུབས། །དུམ་བུ་ཨ་རུ་ར་བཅས་ཆུའམ། །བ་གཅིན་ནང་དུ་ཞག་བདུན་ནི། །སྦངས་ལ་དེ་ནི་བླུད་གྱུར་ན། །མིག་སེར་མཆེར་པ་སྐྲན་གཞང་འབྲུམ། །སྲིན་ནད་གཅིན་སྙིད་མུ་རྫིང་འཇོམས། །རོ་ཧི་ཏ་ཀའི་ཤུན་ལྤགས་ནི། །སྲང་ནི་ཉི་ཤུ་རྩ་ལྔའི་ཚད། །རྒྱ་ཤུག་བྲེ་
[216b.3]དོར་བཅས་པ་ནི། །བསྐོལ་བའི་ཁུ་བ་བྱས་ནས་ནི། །ཚ་བ་ལྔ་ནི་སྲིང་རེ་དང་། །དེ་དག་ཀུན་དང་མཉམ་པ་ཡི། །རོ་ཧི་ཏ་ཀའི་ཤུན་ལྤགས་ཕྱེ། །མར་བྲེ་གང་དང་བཙོས་ནས་ནི། །འདི་བླུད་པ་ཡིས་མྱུར་དུ་ནི། །མཆེར་པ་རབ་ཏུ་འཕེལ་བ་སེལ། །ཆུ་ཤིང་ཏིལ་གྱི་སྡོང་པོ་
[216b.4]དང་། བུ་རམ་ཤིང་བསྲེགས་ཐལ་བ་ནི། །ཏིལ་མར་བསྐོལ་བ་བླུད་གྱུར་ན། །བད་རླུང་ལས་གྱུར་མཆེར་ནད་འཇོམས། །མ་ཞི་སྐྲན་གྱི་ཆོ་ག་ལྟར། །རླུང་དང་བད་ཀན་ཤས་ཆེ་ལ། །མཆེར་ནད་སྤྱི་བག་མ་གྱུར་ལ། །མེ་ཡི་ལས་ནི་སྤྱད་པར་བྱ། །མཁྲིས་གྱུར་འཚོ་བྱེད་སྣ་
[216b.5]བཅུ་དང་། །མར་དང་འོ་མ་འཇམ་རྩི་གཏང་། །ཁྲག་དབྱུང་སྦྱང་བ་བྱ་བ་དང་། །འོ་མ་བླུད་པར་གྱུར་པའང་བསྔགས། །མཆིན་པ་མཆེར་པ་ལ་ལྟར་གསོ། །གཏར་ག་ལག་པ་གཡས་ནས་བྱ། །རྒྱུ་མ་འགགས་གྱུར་དུགས་བྱས་ལ། །བ་གཅིན་སྨན་ནི་རྣོ་བཅས་པའི། །
[216b.6]ཏིལ་མར་ལན་ཚྭ་བཅས་པ་ཡི། །ནི་རུ་ཧ་ནི་འཇམ་རྩིར་བྱ། ཕྱིས་སླ་འགྱུར་ཁ་ཟས་དང་། །བཀྲུ་སྨན་རྣོན་པོ་འདི་ལ་གཏང་། །རྟུག་འགགས་བསལ་བའི་གསོ་བ་ནི། །རླུང་འཇོམས་བྱེད་པ་གང་ཡིན་བྱ། །རྒྱུ་མ་རྡོལ་བའི་དམུ་རྫིང་ལ། །དུགས་མ་གཏོགས་
[216b.7]པའི་གསོ་བ་ཀུན། །བད་ཀན་དམུ་རྫིང་ལྟ་བུར་བྱ། །སོགས་པ་བཞིན་དུ་ཆུ་གཟགས་ཤིང་། །སྨན་པས་དེ་ལྟར་འཚོ་ཙམ་བྱ། །དམུ་ཆུ་ལ་ནི་ཆུ་ཡི་ནི། །ཉེས་སེལ་སྨན་ནི་དང་པོ་ནི། །སྨན་རྣོ་བ་གཅིན་ལྡན་པ་དང་། །སྣ་ཚོགས་ཐལ་སྨན་ལྡན་པར་སྦྱིན། །དྲོད་
[217a]
[217a.1]སྐྱེད་བད་ཀན་འཇོམས་པ་ཡི། །ཟས་ཀྱིས་དེ་ནི་གསོ་བར་བྱ། །ར་ཡི་རིལ་མའི་ཐལ་བའི་ཆུ། །བ་གཅིན་བཅས་གཟགས་མེ་བསྐོལ་བ། །སྐ་བར་གྱུར་པ་དེ་ནང་དུ། །པི་པི་ལིང་དང་དེའི་རྩ་བ། །བཅའ་སྒ་དུར་བྱིད་ལན་ཚྭ་ལྔ། །དན་ད་ཁྲོན་བུ་
[217a.2]འབྲས་བུ་གསུམ། །ཤུ་དག་ཀརྐ་ཏ་སྲིང་གི། །ཡ་བཀྵ་ར་པ་ཏ་ལ། །སྭ་རྫི་ཀཥ་ཞེས་བྱ་བ། །ཞོ་ནི་གཉིས་གཉིས་བཏགས་ཕྱེ་གཞུག །རྒྱ་ཤུག་ཙམ་གྱི་རི་ལུ་བྱ། །དེ་ནས་སྐྱུར་རྩབས་དང་སྦྱར་ལ། །བླུད་ན་མ་ཞུ་འོར་ནད་དང་། །དམུ་ཆུའི་ནད་ནི་འཕེལ་བ་སེལ། །དེ་
[217a.3]ལྟར་སྨན་གྱིས་མ་ཐུབ་ན། །རྒྱུ་འགགས་ལ་སོགས་དམུ་རྫིང་གསུམ། །གཉེན་གྱི་རྒྱལ་པོ་ལ་ཞུས་ཏེ། །མཚོན་གྱི་ལས་ནི་སྤྱད་པར་བྱ། །རྒྱུ་འགགས་རྡོལ་བའི་དམུ་རྫིང་ལ། །སྣུམ་ཞེན་དུགས་བྱས་ལྟེ་བའི་འོག །གཡོན་ལོགས་སུ་ནི་སོར་བཞི་ཡི། །ལྟོ་བའི་ཕྱོགས་
[217a.4]སུ་བཞག་ནས་ནི། །སོར་བཞི་ཙམ་གྱི་ཚད་དབྲལ་ལ། །དེ་ནས་རྒྱུ་མ་ཕྱུང་ནས་ནི། །བཏགས་ཏེ་སྤུ་དང་དྲི་མ་དང་། །འབྱར་བག་རྡོ་བ་ལ་སོགས་བསལ། །བརྟོལ་བ་ཟུག་རྔུ་ཕྱུང་ནས་ནི། །རྣམ་པར་བསལ་ལ་གཟགས་པར་བྱ། །བུ་ག་དབྲལ་ལ་འཆར་གཞུག་ཅིང་། །
[217a.5]ཟིན་ནས་དེ་ཡི་ལུས་ཀྱི་ནི། །མགོ་བོ་རྣམ་པར་གཅད་པར་བྱ། །དེ་རྗེས་མར་དང་སྦྲང་རྩི་ཡིས། །བསྐུས་ནས་རྒྱུ་མ་ལེགས་པར་གཞུག །དེ་འོག་ཕྱིའི་ངོས་ནས་རྨ་བཙེམ། །དེ་ནས་ས་ནག་ཤིང་མངར་གྱི། །ལྡེ་གུས་ལེགས་པར་བསྐུ་བར་བྱ། །དེ་འོག་རླུང་མེད་གནས་
[217a.6]སུ་ནི། །བཞག་ལ་འོ་མས་གསོས་པ་དང་། །སྣུམ་གྱི་སྣོད་ནས་བཅིང་བར་བྱ། །ཆུ་བཅས་དམུ་རྫིང་ཏིལ་མར་ནི། །རླུང་འཇོམས་བསྐོལ་བས་བསྐུས་ནས་ནི། །ཆུ་དྲོན་བླུགས་པས་དུགས་བྱ་ཞིང་། །ལྟོ་བ་རས་ཀྱིས་དཀྲིས་ནས་ནི། །རྒྱུ་འགགས་རྡོལ་པར་བཤང་
[217a.7]ནས་སུ། །སོར་གཅིག་ཙམ་ནི་དབུག་པར་བྱ། །དེར་ནི་གཅེའུ་བཅུག་ནས་ནི། །དེ་ལ་ཆུ་ཕྱེད་གཟགས་པར་བྱ། །དེ་ནས་གཅེའུ་ཕྱུང་ནས་ནི། །ཏིལ་དང་རྒྱམ་ཚའི་ལྡེ་གུ་ཡིས། །རྨ་བསྐུས་ནས་ནི་བཀག་ནས་སུ། །རས་ཀྱིས་ལྟོ་བ་དཀྲི་བར་བྱ། །ཞག་གསུམ་ཡང་ན་
[217b]
[217b.1]ཞག་བཞི་ཞིང་། །ཞག་ནི་བཅུ་དྲུག་བར་གྱིས་བྱ། །དེ་ནི་བར་བར་དུབ་བསྟི་ཞིང་། །ཆུ་ནི་ཉུང་ཟད་ཉུང་ཟད་དབྱུང་། །ལྟོ་ནི་ལྷོད་པར་གྱུར་པ་ན། །ཤིན་ཏུ་དམ་དུ་དཀྲི་བར་བྱ། །ཆུ་ནི་གཟགས་པ་སྨྱུང་བྱས་ལ། །ཐུག་པ་ལན་ཚྭ་སྣུམ་མེད་བླུད། །ཟླ་དྲུག་བར་དུ་འོ་མས་
[217b.2]གསོ། །ཟླ་གསུམ་ཐུག་པ་འོ་ཐུག་བླུད། །ཟླ་གསུམ་བར་དུའོ་ཐུག་གམ། །འབྲས་བུ་སྐྱུར་བཅས་ཤ་ཁུ་ནི། །ལན་ཚྭ་སྣུམ་ནི་ཉུང་བ་བླུད། །ཁྲེ་དང་ཅི་ཙེ་རྙིང་པོ་སྦྱིན། །དེ་ལྟར་ལོ་གཅིག་འབད་པ་ཡིས། །ཆུ་ཡི་དམུ་རྫིང་ལེགས་པར་གསོ། །སྤང་བ་རྣམས་ནི་བསྡམས་པ་
[217b.3]དང་། །བརྟན་པར་བྱ་ཞིང་སྐོམ་མེད་བྱ། །གང་ཕྱིར་དམུ་རྫིང་ཐམས་ཅད་ནི། །ནད་སོགས་པ་ལས་བྱུང་བས་ན། །དེ་ཕྱིར་རླུང་སོགས་བསལ་བ་ཡི། །གསོ་བ་ཀུན་ལ་བསྔགས་པ་ཡིན། །ནད་ཀྱིས་ལྟོ་བ་གང་འགྱུར་པས། །མེ་དྲོད་འབྲི་བར་གྱུར་པ་ཡིན། །དེ་བས་
[217b.4]ནང་ན་དྲོད་སྐྱེད་པའི། །རྩ་བ་ལྔ་བཅས་ཉུང་བ་དང་། །ལན་ཚྭ་སྣུམ་དང་ཁ་བ་ཉུང་། །འཇུ་སླའི་ཁ་ཟས་སྦྱིན་པར་བྱ། །བ་གཅིན་དང་ནི་སྦངས་པ་ཡི། །དྲུག་ཅུ་པ་ཡི་འབྲས་དག་ལས། །ཐུག་པ་འོ་ཐུག་བཙོས་ནས་ནི། །ཅི་འདོད་པར་ནི་སྦྱིན་པར་བྱ། །དམུ་རྫིང་སྐྱོན་
[217b.5]ནི་སྦྱང་བའི་ཕྱིར། །དེ་རྗེས་བུ་རམ་ཤིང་ཁུ་བླུད། །དེ་ནི་རླུང་མཁྲིས་བད་ཀན་རྣམས། །རང་རང་གནས་སུ་འགྲོ་བར་འགྱུར། །ཤིན་ཏུ་ཚ་བའི་ཆུ་ལན་ཚྭ། །རྩུབ་ཅིང་བཤང་སྲི་གྲང་ཞིང་ལྕི། །བུ་རམ་ཏིལ་གཡོས་ཚོད་མ་དང་། །ཆུ་འཐུང་ལུས་ནི་འཁྲུ་བ་དང་། །རྩོལ་
[217b.6]དྲགས་ལམ་དུབ་ཉིན་མོ་གཉིད། །བཞོན་པས་འགྲོ་བ་སྤང་བར་བྱ། །ཤིན་ཏུ་སྐ་སླ་མིན་ཞིང་མངར། །དར་བ་སྐོམ་དུ་བླུད་པ་བསྔགས། །རླུང་ལ་རྒྱམ་ཚ་པི་པི་ལིང་། །མཁྲིས་པར་ཀར་ཚ་བ་གསུམ། །བད་ཀན་ལས་གྱུར་ལ་ལ་ཕུད། །རྒྱམ་ཚ་ཟི་ར་སྦྲང་རྩི་དང་། །ཚ་བ་
[217b.7]གསུམ་དང་ལྡན་པ་སྦྱིན། །འདུས་པ་ལས་གྱུར་སྦྲང་རྩི་དང་། །ཤུ་དག་ཏིལ་མར་བཅའ་སྒ་དང་། །ཤུ་ཏི་རུ་རྟ་ལྕེ་མྱང་ཚ། །མཆེར་པ་རྒྱུན་འགགས་དམུ་རྫིང་ལ། །ཚ་བ་གསུམ་དང་ལ་ལ་ཕུད། །རྒྱམ་ཚ་གོ་སྙོད་སྤ་འབྲས་བཅས། །རྒྱུ་རྡོལ་སྦྲང་རྩི་པི་པི་ལིང་། །ཚ་བ་
[218a]
[218a.1]གསུམ་དང་ལྡན་པ་བླུད། །ཆུ་ཡི་དམུ་རྫིང་ཅན་ལ་ནི། །ཚ་བ་གསུམ་བཅས་བླུད་ན་ཕན། །རླུང་དང་བད་ཀན་གྱིས་གཟིར་ཞིང་། །ལུས་ལྕི་ལྟོ་སྦོས་ཡི་ག་འཆུས། །ཚད་འཁྲུ་མེ་དྲོད་ཉམས་པ་ལ། །དར་བ་བདུད་རྩི་ལྟ་བུ་ཡིན། །སྦྱོར་བ་ཀུན་
[218a.2]གྱི་རྗེས་ལ་ནི། །འོ་མ་ཉེ་བར་སྦྱར་བྱ་སྟེ། །ལུས་ཟུངས་ཐམས་ཅད་བརྟན་བྱེད་ཅིང་། །སྟོབས་བསྐྱེད་ནད་ནི་ལྷག་ལུས་སེལ། །སྨན་གྱིས་ཉམས་སྨད་གྱུར་ལུས་ལ། །འོ་མ་བདུད་རྩི་ལྟ་བུ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། གསོ་བའི་གནས་ཀྱི་
[218a.3]ལེའུ་བཅོ་ལྔ་པའོ།། །།དེ་ནས་སྐྱ་རྦབ་ཀྱི་ནད་གསོ་བའི་ལེའུ་བཤད་པར་བྱའོ། །སྐྱ་རྦབ་ནད་ལ་དང་པོར་ནི། །དགེ་བ་ཆེན་པོའི་སྨན་མར་རམ། །བ་ཡི་ལྔ་དང་ཏིག་ཏ་ཆེའམ། །དོང་ག་སོགས་བསྐོལ་སྨན་མར་བླུད། །སེའུ་འབྲུ་ཕུལ་གང་འུ་སུ་ཕྱེད། །
[218a.4]ཙི་ཏྲ་ཀ་དང་བཅའ་སྒ་ལས། །སྲང་རེ་པི་པི་ལིང་སྲང་ཕྱེད། །ལྡེ་གུར་བྱས་པ་མར་སྲང་ནི། །ཉི་ཤུ་ཆུ་བྲེ་བཞི་ནང་བསྐོལ། །སྐྱ་རྦབ་སྙིང་ནད་གཞང་འབྲུམ་སྐྲན། །མཆེར་རླུང་བད་ཀན་གྱིས་ཉེན་སེལ། །དྲོད་སྐྱེད་ལུད་པ་དབུགས་མི་བདེ། །སེལ་ཞིང་དབུགས་འཁྱིལ་
[218a.5]བདེར་འབྱུང་བྱེད། །བུ་བཙས་དཀའ་དང་མོ་གཤམ་ལ། །འདི་ནི་མཆོག་ཏུ་བསྔགས་པ་ཡིན། །སྣུམ་བྱས་སྐྱུག་སྨན་རྣོན་པོ་གཏང་། །སླར་ཡང་སྣུམ་བཅས་བཀྲུ་སྨན་ནི། །འོ་མ་གཅིན་སྦྱར་བཏང་བའམ། །མཁུར་བཀང་ལན་མང་བྱས་པས་སྦྱང་། །དན་དའི་འབྲས་
[218a.6]བུའི་ཁུ་བ་དྲོ། །ཏང་པལ་ཡང་ན་རྒུན་འབྲུ་ནི། །སྲང་བརྒྱད་ཞག་གཅིག་སྤངས་མཉེས་པ། །དེ་འཐུངས་སྐྱ་རྦབ་ནད་སེལ་ཏོ། །ཨ་རུ་ར་བཏགས་བ་གཅིན་སྦྱར། །ཡང་ན་དེ་བསྐོལ་འབྲས་བུ་གསུམ། །ཁྲོན་བུ་མ་ཤ་དུར་བྱིད་དང་། །ཐང་ཤིང་བཅའ་སྒའི་ལྡེ་གུ་ནི། །བ་
[218a.7]གཅིན་སྲང་བརྒྱད་སྦྱར་བའམ། །བ་གཅིག་ལྷན་ཅིག་བསྐོལ་བ་བླུད། །དེ་དག་ཉིད་ནི་མར་བསྐོལ་བ། །བླུད་ནའང་ནད་ནི་སེལ་བར་བྱེད། །ཡང་ན་ལྕགས་ཕྱེ་བ་གཅིན་ནམ། །འོ་མ་ཞག་བདུན་བཞག་པ་བླུད། །ཞུ་ནས་ཁ་ཟས་འོ་མའམ། །ཤ་ཁུ་མངར་པོ་སྦྱིན་པར་བྱ། །
[218b]
[218b.1]སྟོད་སྨད་སྦྱངས་ནས་ཨ་རུ་ར། །སྦྲང་རྩི་མར་སྦྱར་ལྡེ་གུ་སྦྱིན། །བི་ཤ་ལ་དང་པུ་ཙེ་ཤེལ། །གླ་སྒང་རུ་རྟ་ཐང་ཤིང་དང་། །དུག་མོ་ཉུང་ནི་ཞོ་གཉིས་གཉིས། །མུར་བ་སྲང་ཕྱེད་བོང་ང་ནི། །ཞོ་གཅིག་དེ་ཡི་ཕྱེར་བཏགས་ཆུ། །དྲོ་འཇམ་སྦྱར་བླུད་སྦྲང་རྩི་སྦྱིན། །སྐྱ་རྦབ་རིམས་
[218b.2]དང་ཁོང་ཚ་དང་། །ལུད་པ་དབུགས་མི་བདེ་སྐྲན་སྦོས། །ཡི་ག་འཆུས་དང་མ་ཞུ་རླུང་། །ཁྲག་མཁྲིས་དེས་ནི་སེལ་བར་བྱེད། །སླེ་ཏྲེས་དང་ནི་བ་ཤ་ཀ །འབྲས་བུ་གསུམ་དང་པུ་ཙེ་ཤེལ། །ཏིག་ཏ་ནིམ་པ་རྩ་མཁྲིས་རྣམས། །བསྐོལ་ཏེ་བསྒྲངས་པར་སྦྲང་རྩི་ནི། །བཏབ་
[218b.3]པ་བླུད་ན་སྐྱ་རྦབ་དང་། །མིག་སེར་ཁྲག་མཁྲིས་འཇོམས་པར་བྱེད། །ཚ་བ་གསུམ་དང་ཙི་ཏྲ་ཀ །འབྲས་བུ་གསུམ་དང་བྱི་དང་ག །ག་དུར་དང་མཉམ་ལྕགས་ཀྱི་ཕྱེ། །མར་དང་སྦྲང་རྩི་དར་བའམ། །ཆུ་དྲོན་འོ་མར་སྦྱར་བླུད་ན། །མིག་སེར་སྐྱ་རྦབ་སྙིང་ནད་དང་། །མཛེ་
[218b.4]དང་གཞང་འབྲུམ་ནད་རྣམས་སེལ། །དོང་གྲ་ལྕགས་ཕྱེ་ཏིལ་དང་ནི། །བུ་རམ་ཆ་མཉམ་པ་ཡི་ཚད། །པི་པི་ལིང་ནི་ཉིས་འགྱུར་གཞུག །རི་ལུ་སྐྱ་རྦབ་ཅན་ལ་སྦྱིན། །ཏ་བྱ་སྐྱེར་པའི་ཤུན་པ་དང་། །དབྱི་མོང་པི་པི་ལིང་རྩ་བ། །ཐང་ཤིང་རྩ་བ་གསུམ་སྩོགས་དགུ། །
[218b.5]ཕྱེ་མར་བཏགས་པ་ཉིས་འགྱུར་གྱི། །མན་དུ་རའི་ཕྱེ་དངུལ་རྡོ་འདྲ། །དེ་དག་གི་ནི་བརྒྱད་འགྱུར་གྱི། །བ་གཅིན་ནང་དུ་སོ་སོར་བསྐོལ། །རི་ལུར་བྱ་བར་བཟོད་པ་དང་། །གཅིག་ཏུ་བསྲེས་ཏེ་རི་ལུར་བྱ། །འདི་ནི་མ་དུ་རའི་རི་ལུ། །དེ་ཟོས་དར་བ་འཐུངས་ན་ནི། །སྐྱ་རྦབ་ཅན་
[218b.6]ལ་སྲོག་སྟེར་རོ། །མཛེ་དང་མ་ཞུ་འོར་ནད་དང་། །བརླ་རེངས་ཡི་ག་འཆུས་པ་དང་། །གཞང་འབྲུམ་མིག་སེར་གཅིན་སྙི་དང་། །མཚེར་པའི་ནད་རྣམས་ཞི་བར་བྱེད། །ཏ་བྱ་བྲག་ཞུན་རྡུལ་ལྕགས་ཀྱི། །དྲི་མ་སྣ་རེ་སྲང་ལྔ་ལྔ། །ཙི་ཏྲ་ཀ་དང་འབྲས་བུ་གསུམ། །ཚ་བ་
[218b.7]གསུམ་དང་བྱེ་དང་བ། །སྲང་རེ་ཁ་ར་སྲང་བརྒྱད་སྦྱར། །ཕྱེ་མ་སྦྲང་རྩིས་སྦྲུས་པ་ཡིས། །སྐྱ་རྦབ་དུག་དང་ལུད་པ་ལུ། །གཅོང་ཆེན་མི་བཟད་རིམས་དང་ནི། །མཛེ་དང་མ་ཞུ་གཅིན་སྲི་དང་། །སྐྲན་དབུགས་མི་བདེ་ཡི་ག་འཆུས། །ཁྱད་པར་དུ་ནི་བརྗེད་བྱེད་དང་། །མིག་སེར་
[219a]
[219a.1]གཞང་འབྲུམ་ནད་རྣམས་འཇོམས། །དུག་མོ་ཉུང་དང་འབྲས་བུ་གསུམ། །ནིམ་པ་གླ་སྒང་པ་ཏོ་ལ། །དོང་གྲ་བསྐོལ་བའི་ཁུ་བར་ནི། །བྲག་ཞུན་སྲང་བརྒྱད་ཞག་བཅུར་རམ། །ཉི་ཤུའམ་སུམ་ཅུའི་བར་དུ་སྦངས། །ཀ་ར་དཀར་པོ་དེ་མཉམ་དང་། །
[219a.2]སྨིག་རྐང་དང་ནི་པི་པི་ལིང་། །ཀར་ཀ་ཏ་སྲིང་སྐྱུ་རུ་ར། །སྲང་རེའི་ཚད་དུ་བྱས་པ་དང་། །ཀཎྜ་ཀ་རིའི་རྩ་འབྲས་བུ། །སྲང་གཅིག་ཚད་དུ་བྱས་པ་དང་། །དྲི་སྣ་གསུམ་ནི་ཞོ་གཉིས་གཉིས། །སྦྲང་རྩི་སྲང་གསུམ་བྱས་པ་དང་། །རི་ལུ་ཞོ་གཉིས་ཚད་བྱས་ཟོས། །སེ་
[219a.3]འབྲུའི་ཁུ་བ་འོ་མ་དང་། །བྱ་ཡི་ཤ་ཁུ་ཆུ་དྲོན་དང་། །ཨ་ས་བ་དང་ཆང་རྙིང་དང་། །དེ་ནི་ཟོས་རྗེས་བླུད་པའམ། །ཟས་སྔོན་ཟས་ཀྱི་རྗེས་བླུད་ན། །སྐྱ་རྦབ་མཛེ་དང་རིམས་མཆེར་པ། །མགོ་འཁོར་གཞང་འབྲུམ་མཚན་བར་རྡོལ། །རྣག་དང་སྙིང་ནད་ཁུ་བའི་ནད། །
[219a.4]གཅིན་ནད་དྲོད་ཉམས་སེལ་བྱེད་ཅིང་། །སྐེམ་དང་སྦྱར་དུག་དམུ་རྫིང་དང་། །ལུད་པ་ཁྲག་མཁྲིས་གསར་པ་དང་། །འོར་ནད་སྐྲན་དང་ལྐོག་མའི་ནད། །རྒྱུ་རླུགས་མགོ་འཁོར་བཅས་པ་ཡི། །ནད་ཀུན་སེལ་ཞིང་དགེ་བ་ཡིན། །རྒུན་འབྲུ་པི་པི་ལིང་བྲེ་རེ། །ཁར་སྲང་
[219a.5]ནི་ལྔ་བཅུ་དང་། །ཤིང་མངར་བཅའ་སྒ་སྨིག་རྐང་དག །སྲང་ནི་གཉིས་གཉིས་ཕྱེ་མར་བྱས། །སྐྱུ་རུ་ར་ཁུ་བྲེ་བཅུ་དྲུག །ནང་གཞུག་ལྡེ་གུ་བཞིན་དུ་བསྐལ། །བསྒྲངས་པར་སྦྲང་རྩི་བྲེ་གང་གཞུག །དེ་ལས་ཞོ་གཉིས་ཚད་ཟོས་ན། །གཟུགས་འཁུམས་སྐྱ་རྦབ་ནད་
[219a.6]དང་ནི། །མིག་སེར་གྱི་ནི་ནད་འཇོམས་སོ། །རྩ་བ་ལྔ་པ་ཆུང་ངུའི་ཆུ། །རྒུན་འབྲུ་སྐྱུ་རུ་རའི་ཁུ་བ། །བཟའ་དང་བཏུང་བར་སྦྱར་བ་ནི། །སྐྱ་རྦབ་མིག་སེར་ནད་སེལ་ཏོ། །དེ་ལྟར་སྐྱ་རྦབ་ནད་ལ་ནི། །སྤྱི་ཡི་སྨན་ནི་བསྟན་པ་ཡིན། །མཁས་པས་ནད་དམིགས་སོ་སོ་
[219a.7]ཡི། །སྟོབས་དབང་ལས་ཀྱང་སྦྱར་བར་བྱ། །རླུང་གྱུར་ཕལ་ཆེར་སྣུམ་ཆོས་བྱ། །མཁྲིས་པར་ཁ་དང་བསིལ་བ་གཏང་། །བད་ཀན་ལས་གྱུར་རྩུབ་ཚ་དྲོ། །འདུས་པར་འདྲེན་མར་སྦྱར་བར་བྱ། །ས་ཟོས་ལས་གྱུར་སྦྱང་བ་ནི། །རྣོན་པོས་ལུས་ལས་བསལ་བར་
[219b]
[219b.1]བྱ། །དེ་འོག་ལྟོ་སྦྱང་སྟོབས་བསྐྱེད་ཕྱིར། །དེ་ལ་ཞུན་མར་སྦྱིན་པར་བྱ། །ཚ་བ་གསུམ་དང་བིལ་བ་དང་། །སེར་པོ་གཉིས་དང་འབྲས་བུ་གསུམ། །བ་སྤྲུ་བ་གཉིས་གླ་སྒང་དང་། །ལྕགས་ཕྱེ་བ་ཏ་བྱི་དང་ག །ཐང་ཤིང་བྲེཥྩི་ཀ་ལི་དང་། །ག་བྲའི་རྩ་བ་འོ་མ་
[219b.2]མར། །བསྐོལ་བ་འཐུངས་ན་ས་ཞག་ཟོས། །ལས་གྱུར་ནད་ནི་ཐམས་ཅད་སེལ། །དེ་བཞིན་ནཱ་ག་གེ་སར་དང་། །ཤིང་མངར་ཀུ་ཤ་པི་པི་ལིང་། །འོ་མར་བསྐོལ་བ་བླུད་ན་ཕན། །དེ་ལ་སྲེད་པར་གྱུར་ན་ནི། །བྱི་དང་ག་དང་པ་ཏ་དང་། །ནིམ་པ་བསྐོལ་བའི་
[219b.3]ཁུ་བའམ། །མུར་བ་དང་བསྲེས་ས་ཞག་དག །སྲེད་པ་དགག་ཕྱིར་སྦྱིན་པར་བྱ། །ས་ཞག་བྱེ་བྲག་ཐ་དད་ནད། །རྗེས་སུ་མཐུན་པའི་སྨན་སྦྱིན་བྱ། །མིག་སེར་ལ་ནི་མཁྲིས་འཇོམས་སྨན། །སྐྱ་རྦབ་གནོད་པ་མེད་པ་སྦྱིན། །ཨ་རུ་ར་ནི་བརྒྱའི་ཁུ་བར། །ཨ་རུ་
[219b.4]ར་རྡོག་ལྔ་བཅུའི་ཕྱེད། །མར་ནི་བྲེ་གང་ནང་དུ་བསྐོལ། །སྐྲན་དང་མིག་སེར་སྐྱ་རྦབ་འཇོམས། །དོང་ག་བུར་ཤིང་ཁུ་བའམ། །བི་ད་རི་དང་སྐྱུ་རུ་རའི། །ཁུ་བ་ཚ་བ་གསུམ་བཅས་ལ། །སྲང་གཅིག་བླུད་ན་མིག་སེར་འཇོམས། །དནྡ་བུ་རམ་ཉིས་འགྱུར་གྱི། །
[219b.5]ལྡེ་གུ་ཆུ་སྲང་སྦྱར་བ་བླུད། །དུར་བྱིད་ཕྱེ་མ་སྦྲང་རྩིར་བཅས། །འབྲས་བུ་གསུམ་གྱི་ཁུ་བ་བླུད། །འབྲས་བུ་གསུམ་མམ་སླེ་ཏྲེས་སམ། །སྐྱེར་པའམ་ནིམ་པའི་ཁུ་བ་དག །སྦྲང་རྩིར་སྦྱར་བ་ནང་རེ་ནི། །མིག་སེར་གྱིས་ནི་ཉེན་ལ་བླུད། །སྐྱེར་པ་ཡུག་སྣམ་སྐྱུ་རུ་ར། །
[219b.6]མིག་སེར་སེལ་བའི་མིག་སྨན་ཡིན། །མིག་སེར་ཅན་གང་དྲི་མ་ནི། །ཏིལ་བཏགས་ལྟ་བུར་བྱུང་གྱུར་ན། །བད་ཀན་ལམ་བཀག་དེ་ལ་ནི། །བད་ཀན་མཁྲིས་པ་སེལ་བས་གསོ། །རྩུབ་གྲང་ལྕི་དང་མངར་བ་དང་། །དྲག་ཤུལ་རླུང་ནི་འགགས་པ་ཡིས། །རླུང་དང་
[219b.7]བད་ཀན་གཅིག་གྱུར་པ། །མཁྲིས་པ་ཕྱིར་འབྱིན་དེ་ཡི་ཚེ། །མིག་དང་པགས་པ་སེར་བ་དང་། །ཕྱིས་སྐྱ་བར་གྱུར་པ་དང་། །བཤང་འགགས་རྒྱུ་མ་འཁྲུགས་པ་དང་། །སྙིང་ག་ལྕི་བ་ཉིད་འགྱུར་ལ། །མཁྲིས་པའི་ཡན་ལག་ལ་བརྟེན་པ། །རིད་ཅིང་དྲོད་ཆུང་རྩིབ་
[220a]
[220a.1]ལོགས་གཟེར། །སྐྱིགས་བུ་ལུད་པ་ཡི་ག་འཆུས། །རིམས་འདེབས་རིམ་གྱིས་འབྱུང་བར་འགྱུར། །དེ་ལ་རྨ་བྱའམ་ཁྱིམ་བྱ་དང་། །སྲེག་པའི་ཤ་ཁུའམ་ལ་ཕུག་ནི། །སྐམ་སའི་ཁུ་བའམ་རྒྱ་སྲན་ཁུ། །རྩུབ་ཁ་སྐྱུར་བར་སྦྱར་བ་སྦྱིན། །རབ་ཚ་སྐྱུར་
[220a.2]དང་རྣོ་བ་དང་། །ལན་ཚྭ་ཤིན་ཏུ་དྲོ་བའང་བསྔགས། །ཁ་ལུང་ཁུ་བ་ཚ་བ་གསུམ། །སྦྱར་བའི་ལྡེ་གུའང་སྦྱིན་པར་བྱ། །དེས་ནི་མཁྲིས་པ་རང་གནས་སུ། །འཇུག་ཅིང་བཤང་མདོག་ཐ་མལ་འགྱུར། །རྒྱུ་མ་འཁྲུགས་སོགས་བླ་བརྣན་བཅས། །རླུང་ཡང་རབ་ཏུ་ཞི་བར་
[220a.3]འགྱུར། །འདི་ཡིས་བླ་བརྣན་ཞི་ནས་ནི། །མིག་སེར་གསོ་བའི་ཆོ་ག་བྱ། །མིག་སེར་ཁོང་དུ་ཞེན་པ་ན། །བྲག་ཞུན་བ་གཅིན་དང་སྦྱར་བ། །གསེར་གྱི་དྲི་མའམ་ཏ་བྱ་ནི། །བ་གཅིན་སྦྱར་བ་ཟླ་གཅིག་བླུད། །ཧ་ལིས་ཀ་སླེ་ཏྲེས་ཁུ། །འོ་མ་མ་ཧེའི་མར་བསྐོལ་བའི། །
[220a.4]སྐྱུ་རུ་ར་ཡི་ཁུ་བ་དང་། །དུར་བྱིད་སྦྱར་བའི་བཀྲུ་སྨན་བླུད། །འཁྲུས་ནས་ཁ་ཟས་མངར་བག་ནི། །རླུང་འཇོམས་མཁྲིས་པ་འཇོམས་པ་སྦྱིན། །སྔར་བཤད་རྒུན་འབྲུ་ལྡེ་གུ་དང་། །མངར་བའི་སྨན་མར་ཞུན་མར་སྦྱིན། །འོ་མ་མས་གཏོང་སྨན་དང་ནི། །འཇམ་རྩིར་
[220a.5]བཅས་པ་བསྟེན་པར་བྱ། །མེ་དྲོད་བསྐྱེད་པར་བྱ་བའི་ཕྱིར། །རྒུན་ཆང་ཆང་རྙིང་སྦྱིན་བྱ་ཞིང་། །ལུད་པའི་སྐབས་བཤད་ཨ་རུ་རའི། །ཤིང་མངར་ར་དར་བ་པི་པི་ལིང་། །འོ་མར་བཅས་པས་ནད་དམིགས་དང་། །མེ་དྲོད་ཇི་བཞིན་སྦྱིན་པར་བྱ། །མཁས་པས་འོར་ནད་སྐབས་
[220a.6]བཤད་པའི། །གསོ་བ་སྐྱ་རྦབ་ལ་ཡང་སྦྱར། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་བཅུ་དྲུག་པའོ།། །།དེ་ནས་འོར་ནད་གསོ་བ་བཤད་པར་བྱའོ། །འོར་ནད་ཡན་ལག་ཀུན་ཞུགས་ཤིང་། །ནད་སྐྱེས་མ་སྨིན་ལ་དང་པོར། །
[220a.7]སྨྱུང་བྱས་ཁ་ཟས་ཡང་བ་བཟའ། །བོང་ང་ཐང་ཤིང་བྱི་དང་ག །དུག་མོ་ཉུང་དང་ན་ལེ་ཤམ། །བསྐོལ་བའི་ཆུ་དྲོན་བླུད་པར་བྱ། །ཡང་ན་ཨ་རུ་ར་བཅའ་སྒ། །ཐང་ཤིང་བ་སྤྲུ་བསྐོལ་བའམ། །ལྕགས་ཕྱེ་དགུ་པར་བཅས་པ་བླུད། །འོར་ནད་ཤས་ཆེར་ཨ་རུ་ར། །བ་
[220b]
[220b.1]གཅིན་བཅས་པ་སྦྱང་ཕྱིར་བླུད། །འབྲས་བུ་གསུམ་བསྐོལ་པུ་ཙེ་ཤེལ། །དུར་བྱིད་ལྕགས་ཕྱེ་ཚ་གསུམ་བཅས། །ཡང་ན་དེ་བཞིན་གུ་གུལ་ལམ། །བྲག་ཞུན་དང་ནི་སྦྱར་བ་བླུད། །མེ་དྲོད་ཆུང་ཞིང་མ་སྨིན་ལ། །ལྕི་ཞིང་རྟུག་འགགས་ཡང་ན་འཁྲུ། །ཚ་བ་གསུམ་དང་
[220b.2]རྩབ་རུ་ཚ། །སྦྲང་རྩི་དར་བར་སྦྱར་བའམ། །ཨ་རུ་ར་དང་བུ་རམ་བཅས། །བུ་རམ་བཅའ་སྒར་སྦྱར་བའམ། །ཟོས་རྗེས་དར་བ་བླུད་པར་བྱ། །སྒེའུ་གཤེར་བུ་རམ་ཆ་མཉམ་པ། །སྲང་ཕྱེད་ཚད་ཀྱིས་བསྐྱེད་ནས་ནི། །ཆེ་ཚད་སྲང་ལྔའི་བར་དུ་ནི། །ཟླ་གཅིག་ཟ་ཞིང་
[220b.3]ཡུ་ཤ་དང་། །འོ་མ་ཤ་ཁུ་བཅས་ཟོས་ན། །འོར་ནད་དམུ་རྫིང་སྐྲན་གཞང་འབྲུམ། །གཅིན་དང་དབུགས་མི་བདེ་ཆམ་པ། །སྒྱིད་སྙོམ་མ་ཞུ་མིག་སེར་དང་། །ལུས་སྐེམ་གདོན་གྱི་ནད་རྣམས་དང་། །ལུད་པ་བད་ཀན་སྦྱོར་འདིས་སེལ། །སྒེའུ་གཤེར་དོང་གྲ་ལྡེ་གུའི་
[220b.4]ཁུ་བ་དང་། །འོ་མ་དག་དང་མར་ནི་བསྐོལ་བླུད་ན། །འོར་ནད་སྦྲིད་པ་དམུ་རྫིང་མེ་དྲོད་ཉམས། །ནད་ཀྱིས་ཟིལ་ནོན་ན་ཡང་ནད་མེད་འགྱུར། །མ་ཞུ་མེད་ཅིང་ཕྱི་ས་འགགས། །འོར་ནད་ཀྱིས་གཟིར་ཚ་བ་གསུམ། །དུར་བྱིད་དན་ད་ཀྲུ་ཏྲུག་ཏྲེས། །བསྐོལ་བའི་འོ་
[220b.5]མ་བླུད་པར་བྱ། །མ་ཧེའམ་ཡང་ན་བ་གཅིན་ནམ། །འོ་མ་བཏུང་ཞིང་དེ་དང་བཟའ། །ཞག་བདུན་ཡང་ན་ཟླ་གཅིག་པར། །རྔ་མོའི་འོ་མ་བླུད་པས་གསོ། །ཏི་མུ་ས་དང་ནས་ཚིག་ཐལ། །ལ་ལ་ཕུད་དང་ཚ་བ་ལྔ། །ན་ལེ་ཤམ་དང་སེ་འབྲུ་དང་། །པ་ཏ་འུ་སུ་སྟར་
[220b.6]བུ་དང་། །བིལ་བ་གཞོན་ནུ་ཞོ་གཉིས་གཉིས། །ཆུ་བྲེ་བཞི་བསྐོལ་མར་བྲེ་གང་། །བསྐོལ་བ་བླུད་ན་འོར་ནད་དང་། །གཞང་འབྲུམ་སྐྲན་དང་ཟ་ཁུ་འཇོམས། །ཞོ་དང་ཙི་ཏྲ་ཀ་བསྲེས་ལས། །བྱུང་བའི་མར་ནི་དར་བར་བཅས། །ཙི་ཏྲ་ཀ་བཏབ་བསྐོལ་བ་ནི། །
[220b.7]ཡོན་ཏན་གོང་མ་མཚུངས་པ་ཡིན། །ཐང་ལ་འབར་དང་ཏིག་ཏ་ཆེ། །དགེ་བའམ་ཨ་རུ་རའི་སྨན་མར། །དུས་ཤེས་པ་ཡིས་སྦྱིན་པར་བྱ། །རྩ་བ་བཅུ་པའི་ཁུ་བ་ནི། །བྲེ་བཞིར་ཨ་རུ་ར་བརྒྱ་བསྐོལ། །དེར་ནི་བུ་རམ་སྲང་བརྒྱ་གཞུག །ཚ་བ་གསུམ་དང་དྲི་སྣ་
[221a]
[221a.1]གསུམ། །ནས་ཚིག་འཁུས་ཐལ་ཅུང་ཟད་བཏབ། །བསྒྲངས་ནས་སྦྲང་རྩི་བྲེ་ཕྱེད་གཞུག །དེ་བྱིན་ནས་ནི་འོར་ནད་དང་། །རིམས་སྐྲན་གཅིན་ནད་ལུས་སྐེམ་པ། །མ་ཞུ་ཁྲག་མཁྲིས་རླུང་དང་ནི། །སྒྲེགས་སྐྱུར་ཁ་དོག་མི་སྡུག་དང་། །གཅིན་
[221a.2]ནད་རླུང་གི་ཁུ་ཆུའི་ནད། །དབུགས་མི་བདེ་དང་ཡི་ག་འཆུས། །མཆེར་པའི་ནད་དང་སྦྱར་བའི་དུག །དམུ་རྫིང་གི་ནི་ནད་རྣམས་སེལ། །ནས་དང་སཱ་ལུ་འབྲས་རྙིང་ཟས། །རྩ་བ་བཅུ་བའི་ཆུ་དང་བསྐོལ། །ལན་ཚྭ་ཉུང་ཞིང་སྣུམ་ཤས་ཆུང་། །བྱིན་ན་འོར་ནད་སེལ་བར་
[221a.3]བྱེད། །རྒྱ་སྲན་མུངྒའི་ཁུ་བ་ནི། །ཐལ་སྨན་རྩ་བ་གསུམ་དང་ལྡན། །དེ་བཞིན་སྐམ་སའི་ཤ་རུས་སྦལ། །སྐྱིན་གོར་བྱི་དུར་ཤ་ཁུ་སྦྱིན། །བཏུང་བ་དར་བ་གསར་པ་དང་། །ཆང་ནི་སྨན་དང་བཅས་པ་བླུད། །ཟི་ར་ཟུར་པ་ཛི་བན་ཏི། །མ་ནུ་ཙི་ཏྲ་ཀ་ར་དང་། །ཡ་
[221a.4]བཀྵ་ར་བིལ་བའི་རྐང་། །ད་ཏྲིག་ཞོ་རེའི་ཚད་དུ་བྱས། །མར་དང་ཏིལ་མར་ནང་དུ་བརྔོས། །བྱིན་ན་འོར་ནད་སྐྲན་གཞང་འབྲུམ། །ཚང་འཁྲུ་དང་ནི་སྙིང་གི་ནད། །མེ་དྲོད་ཆུང་དང་གཅིན་ནད་སེལ། །ཚ་བ་ལྔ་དང་སྦྱར་བ་ཡི། །ཐུག་པའང་ཡོན་ཏན་དེ་དང་འདྲ། །རྡོ་དྲེག་
[221a.5]རུ་རྟ་སྟོན་ནེ་ཡ། །ཧ་རེ་ཎུ་ཀ་ཨ་རུ་ར། །ཤྲི་བེ་ཏ་ཀ་ཤུག་པ་དང་། །ཆུ་སྲིན་སྡེར་མོ་པྲི་ཡང་ཀུ། །པྲི་ཀ་ཐང་ཤིང་སྤང་སྤོས་དང་། །པི་པི་ལིང་དང་དབྱི་མོ་དང་། །ཀུ་ནན་ན་ཏ་བྱ་མ་ཀ །མ་ལི་ཀ་དང་དྲི་སྣ་བཞི། །བལ་བུའི་ལོ་མ་གླ་སྒང་དང་། །གནྡྷ་པ་ལ་ཤ་ལ་ནི། །
[221a.6]བསྐུ་བའི་ཏིལ་མར་དག་དང་ནི། །ཁྲུས་ཀྱི་ཆུ་དང་ལྡེ་གུ་བྱ། །ནིམ་པ་ཨརྒ་བ་སྤྲུ་བ། །ནག་ཏམ་ལའི་ཆུས་ཁྲུས་བྱ། །ཡན་ལག་ཕྱོགས་གཅིག་སྐྲངས་པ་ལ། །ཀ་ར་བཱིར་བ་སྤུ་བ། །ཀི་ཤུཀ་དང་པིལ་ཤ །འབྲས་བུ་གསུམ་དང་སེང་ཕྲོམ་དང་། །ན་ལི་ཀ་དང་ཐང་ཤིང་དང་། །
[221a.7]སྤང་སྤོས་ཀོ་ཤ་ཏ་ཀི་དང་། །བོང་ང་ཏ་ལའི་ལོ་མ་དང་། །ཛ་ཡན་ཏི་དང་འོལ་མ་སེ། །ཀ་ཀ་དང་ནི་ས་ལེ་ཤིང་། །པྲི་ཤ་ཀརྞི་བྱི་མོ་དང་། །རི་ཏི་བྲི་ཏི་གླང་པོའི་སྣ། །ལྡེ་གུ་དྲོ་འཇམ་བསྐུས་པས་ཕན། །དེ་ནས་རླུང་གྱུར་འོར་ནད་ལ། །ཟླ་ཕྱེད་བར་དུ་དུར་བྱིད་དམ། །
[221b]
[221b.1]ཡང་ན་ཨེ་རཎྜ་མར་བླུད། །རླུང་གི་རྟུག་འགགས་ལ་དེ་ཉིད། །ཟས་ཀྱི་སྔོན་དུ་འོ་མ་འམ། །ཤ་ཁུ་བླུད་ཅིང་རླུང་འཇོམས་པའི། །སྨན་གྱི་དུགས་དང་བསྐུ་བ་བྱ། །ཕྱོགས་གཅིག་སྐྲངས་ལ་ཁ་ལུད་དང་། །ཨགྣི་མནྠ་སྤང་སྤོས་དང་། །བཅའ་སྒ་ཐང་ཤིང་ལྡེ་གུ་བསྐུ། །
[221b.2]མཁྲིས་གྱུར་ཏིག་ཏའི་སྨན་མར་དང་། །ནྱ་གྲོ་དྷ་སོགས་བསྐོལ་བ་བླུད། །སྐོམ་དད་ཆེ་དང་རྨོངས་བག་ཚ། །འོ་མ་བསྐུ་བྱུག་བསིལ་བ་བྱ། །པ་ཏོ་ལ་རྩ་ཀྱི་ལྕེ་བ། །ཤིང་མངར་ཐང་ཤིང་པུ་ཙེ་ཤེལ། །སྐྱེར་པ་ཙནྡན་ཨ་རུ་ར། །ད་ན་ལྕང་མ་བི་ལ་ཤ །པི་པི་ལིང་དང་
[221b.3]མར་བསྐོལ་བླུད། །ཁོང་ཚ་མགོ་འཁོར་སྐོམ་དད་ཆེ། །འདུས་པའི་ནད་དང་མེ་དབལ་སྐྲང་། །ལུས་ཚ་རིམས་དང་བཅས་པ་སེལ། །བད་ཀན་ལས་གྱུར་དོང་གྲ་སོགས། །ཏིལ་མར་དང་ནི་བསྐོལ་བ་བླུད། །རྒྱུན་སྲང་འགགས་ཤིང་མེ་དྲོད་ཉམས། །རྨོངས་བག་ཡི་ག་
[221b.4]འཆུས་པ་ལ། །ཐལ་སྨན་ཆང་རྙིང་མནན་ཆང་དང་། །བ་གཅིན་དར་བར་བཅས་པ་བླུད། །པི་པི་ལིང་དང་འབའ་ཆ་རྙིང་། །ཤི་ཀྲུའི་ཤུན་པ་ཟུར་པ་དང་། །བ་གཅིན་ལྡེ་གུ་དྲོ་འཇམ་སྦྱར། །བསྐུ་དང་དྲིལ་བའི་ལས་ལ་སྦྱར། །རུ་རྟ་ཨགྣི་མནྠ་དང་། །རྒྱ་སྲན་དོང་
[221b.5]ག་ཙི་ཏྲ་ཀ །བ་གཅིན་ཆུ་བསྐོལ་བས་ཁྲུས་བྱ། །ཙ་རོང་ཨ་ཀ་རུ་ཡིས་བྱུག །ན་ག་བ་ར་ས་རལ། །ཨ་ཟ་སྲིང་གི་ཨམ་པ་ཏ། །ཨ་ཟ་གནྡྷ་ཞེས་བྱ་དང་། །ཨ་ཤྭ་གནྡྷའི་ལྡེ་གུ་ནི། །ཡན་ལག་ཕྱོགས་གཅིག་སྐྲངས་ལ་ཕན། །ནད་གཞི་ཇི་བཞིན་ཡན་ལག་ནི། །ཉེ་
[221b.6]བའི་ཕྱོགས་ནས་གཏར་ག་བྱ། །འདྲེས་པའི་ནད་ལ་ནད་གཞི་ནི། །ཤས་ཆེའི་དབང་དུ་གསོ་བ་བྱ། །གོ་སྙོད་པ་ཏ་གླ་སྒང་དང་། །ཀཎྜ་ཀ་རི་ཚ་བ་ལྔ། །སྐྱེར་པ་ཆུ་དྲོན་སྦྱར་བླུད་པ། །རྩ་མཁྲིས་བཅའ་སྒ་ཆུ་དྲོན་བླུད། །ནད་གཞི་གསུམ་གྱི་འོར་ནད་ནི། །ཡུན་རིངས་
[221b.7]ལོན་ཞིང་ཚབས་ཆེན་སེལ། །སླེ་ཏྲེས་དང་ནི་ཨ་རུ་ར། །ཐང་ཤིང་གུ་གུལ་བ་སྤྲུ་བ། །བ་གཅིན་སྦྱར་བླུད་དམུ་རྫིང་དང་། །མཛེ་དང་སྐྱ་རྦབ་སྲིན་བུའི་ནད། །གཅིན་ནད་བད་ཀན་ཟ་ཁུ་དང་། །རླུང་ནི་སྟོད་དུ་འབྱམས་པ་སེལ། །དེ་ལྟར་རང་རང་ནད་ཀྱི་དབང་བྱས་བཤད། །
[222a]
[222a.1]སྣད་པ་ལས་བྱུང་བ་ལ་ཁྲག་དབྱུང་ཞིང་། །བསིལ་སྨན་མར་ཁུ་བྱུགས་ཤིང་བླུགས་པར་བྱ། །དུག་སྐྱེས་སྐྲང་ལ་དུག་སེལ་སྦྱོར་བ་བྱ། །གྲོང་དང་རླན་ཅན་ཆུར་གནས་ཤ་རིད་རློན། །ཚོད་སྐམ་ཏིལ་གྱི་ཟས་དང་བུ་རམ་ཅན། །ཕྱེར་བཏགས་
[222a.2]ཟས་དང་ཞོ་དང་ལན་ཚྭ་དང་། །ཁ་ཟས་རུལ་བག་ཆང་སྐྱུར་ཡོས་ཤ་སྐམ། །འདྲེས་པའི་ཟས་དང་ལྕི་དང་མ་གོམས་ཟ། །ཚ་བ་བསྐྱེད་དང་ཉིན་པར་གཉིད་ལོག་དང་། །མཚན་མོ་གཉིད་མ་ལོག་དང་ཉལ་པོ་རྣམས། །འོར་ནད་ཅན་གྱིས་དེ་དག་ཐམས་ཅད་སྤང་། །
[222a.3]ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་བཅུ་བདུན་པའོ།། །།དེ་ནས་མེ་དབལ་གསོ་བ་བཤད་པར་བྱའོ། །མེད་བལ་ནད་ལ་ཐོག་མ་ཉིད། །སྨྱུང་བ་དང་ནི་རྩུབ་ཆོས་དང་། །ཁྲག་དབྱུང་སྐྱུག་སྨན་བཀྲུ་སྨན་གཏང་། །
[222a.4]སྣུམ་ཆོས་སྤྱད་པར་མི་བྱའོ། །པོ་སོན་ཆ་དང་དུག་མོ་ཉུང་། །ཤིང་མངར་བཅས་པའམ་པ་ཏོ་ལ། །ནིམ་པའི་ལོ་མ་པི་པི་ལིང་། །སྐྱུག་སྨན་བཏང་ན་མེ་དབལ་འཇོམས། །ཀྱི་ལྕེ་བ་ཡི་ཁུ་བའམ། །རྒུན་འབྲུ་འབྲས་བུ་གསུམ་ཡང་རུང་། །དུར་བྱིད་ཕྱེ་མ་
[222a.5]བཏབ་པའམ། །འོ་མ་མར་སྦྱར་བཀྲུ་སྨན་ནི། །ཁོང་ནི་ཞེན་པའི་ནད་ལ་ནི། །ཁྱད་པར་དུ་ནི་སྦྱང་བ་གཏང་། །སྦྱང་མིན་ནད་ཚབས་ཆུང་བ་ལ། །ཞི་སྨན་ཙནྡན་ཨུཏྤལ་གཏང་། །གླ་སྒང་ནིམ་པ་པ་ཏོ་ལ། །པ་ཏོ་ལ་སོགས་ཉིད་དག་གམ། །ཐལ་ཏྲེས་གླ་སྒང་སྐྱུ་
[222a.6]རུ་ར། །པུ་ཤེལ་ཙེ་ནི་ཆུ་བསྐོལ་བླུད། །མེ་དབལ་སྐོམ་དད་ཅན་ལ་ནི། །བྱི་ཚེར་བ་དང་པར་བ་ཏ། །སླེ་ཏྲེས་བཅའ་སྒ་བསྐོལ་བ་ནི། །ཁུ་བ་བསྒྲངས་པར་བླུད་པར་བྱ། །སྐྱེར་པ་སྲན་ཆུང་པུ་ཙེ་ཤེལ། །པ་ཏོ་ལ་དང་འབྲས་བུ་གསུམ། །ནིམ་པ་ཤིང་མངར་གྱི་ལྕེ་བ། །
[222a.7]བསྐོལ་བ་མར་དང་བཅས་པ་བླུད། །ཡན་ལག་ནད་ཞུགས་ནད་ཁྲག་ཉིད། །ཐོག་མ་ཉིད་དུ་ཁྲག་དབྱུང་བྱ། །པགས་པ་ཤ་དང་རྒྱུས་པ་འདྲུལ། །ཁྲག་རུལ་བ་ལས་བྱུང་བ་ཡིན། །སྨིན་ཞིང་བད་ཀན་ཟད་པ་དང་། །རླུང་དང་མཁྲིས་པ་ཤས་ཆེ་ལ། །ཏིག་ཏ་ཏིག་ཏ་
[222b]
[222b.1]ཆེན་པོའི་མར། །ཀྱི་ལྕེ་བ་བསྐོལ་མར་ཕན་ནོ། །ཁྲག་དབྱུང་ཁོང་པ་དག་གྱུར་ནས། །ནད་ནི་ཤ་ལྤགས་ལ་གནས་ན། །ཕྱི་རོལ་ན+ས་ནི་བྱུག་སྩོགས་ཀྱིས། །འཕྲལ་དུ་མེ་དབལ་ཞི་བར་འགྱུར། །རླུང་གྱུར་ཤུ་ཏི་གླ་སྒང་དང་། །འོ་མ་འུ་སུ་པ་ར་ཧི། །ཨ་ཏ་ཀ་ལ་
[222b.2]པི་པི་ལིང་། །ཐང་ཤིང་ཤ་ཀྲུ་རུ་རྟ་ཡི། །ལྡེ་གུ་བྱུག་པ་བྱས་ན་ཕན། །མཁྲིས་པ་ནྱ་གྲོ་དྷ་སོགས་སྡེ། །དེ་བཞིན་པདྨ་ཨུཏྤལ་སོགས། །ནྱ་གྲོ་དྷའི་རྩ་གཞོན་ནུ་དང་། །ཆུ་ཤིང་ནང་གི་ལོ་མར་བཅས། །པདྨའི་རྩ་བ་ལྡེ་གུ་དང་། །ལན་བརྒྱ་བཀྲུས་པའི་མར་
[222b.3]གྱིས་བྱུག །པདྨ་ཅན་གྱི་འདམ་བསིལ་བའམ། །མུ་ཏིག་བཏགས་པར་གྱུར་པ་ལ། །དུང་ངམ་བྱུ་རུ་ཉ་ཕྱིས་སམ། །ཡུག་སྣམ་མར་དང་བཅས་པ་བྱུག །བད་ཀན་ལས་གྱུར་འབྲས་བུ་གསུམ། །ཤུག་པ་བཙོད་དང་པུ་ཙེ་ཤེལ། །ཀ་ར་བཱི་ར་འདམ་བུའི་རྩ། །ཨ་
[222b.4]ནན་ཏ་ཡི་ལྡེ་གུ་བསྐུ། །ད་བ་ལོ་མ་བདུན་པ་དང་། །སེང་ལྡེང་ཐང་ཤིང་བཀྲུ་སྨན་དང་། །གླ་སྒང་དོང་གྲར་བཅས་པའམ། །བ་ར་ཎ་སྩོགས་ལྡེ་གུ་བསྐུ། །དོང་ག་ཡི་ནི་ལོ་མ་དང་། །སླེ་སྨན་ཏ་ཀའི་ཤུན་ལྤགས་དང་། །ཨིནྡྲ་བ་རུ་ནའི་ལོ་མ། །ཤྲི་ཤ་འོལ་མ་སེ་མེ་ཏོག།།
[222b.5]ཆུ་བླུགས་རྨ་བསྐུ་སྨན་མར་དང་། །ལྡེ་གུའི་ཕྱེ་མ་ཇི་བཞིན་དུ། །སྨན་ནི་འདི་དག་ཉིད་ཀྱིས་བྱ། །རླུང་རྒྱས་མར་ནི་ཤས་ཆེར་བྱ། །བད་ཀན་གནས་ཤེས་མ་སྨིན་ལ། །དྲོ་དང་རྩུབ་པ་ཤས་ཆེར་སྦྱར། །དེ་བཞིན་མཁྲིས་པའི་གནས་ཞུགས་ལ། །ཁྲག་
[222b.6]མཁྲིས་ལན་མར་ལྡན་བྱ། །ཤིན་ཏུ་བསིལ་ཞིང་སྲབ་པ་དང་། །གོས་སྲབ་ནང་དུ་བཞག་པ་ནི། །ནུས་པ་ཆུང་བ་ཡང་དང་ཡང་། །གཞན་དང་གཞན་ནི་སྦྱར་བར་བྱ། །འདྲེས་པའི་ནད་ལ་ལས་འདི་ནི། །འདྲེན་མར་བྱ་བ་བསྔགས་པ་ཡིན། །མེ་ལྟར་ཚ་ལན་བརྒྱར་
[222b.7]ནི། །བཀྲུས་པའི་མར་གསར་འབའ་ཞིག་ཕན། །མར་གྱི་ཉིང་ཁུ་བླུགས་པའམ། །ཤིང་མངར་བསྐོལ་བའི་ཆུ་གྲང་ངམ། །ཨུཏྤལ་པདྨ་ཁ་རའི་ཆུ། །འོ་མ་བུ་རམ་ཤིང་ཁུ་བླུགས། །བཏུང་བ་བསྐུ་དང་བླུགས་པ་དང་། །ཏིག་ཏ་ཆེན་པོའི་སྨན་མར་ཕན། །རྨེན་
[223a]
[223a.1]བུ་ཁྲག་མཁྲིས་སེལ་བ་ཡི། །གསོ་བ་ཅི་རིགས་ལེགས་བྱས་ལ། །རླུང་དང་བད་ཀན་འཇོམས་པར་བྱེད། །གླན་དང་དཀྲི་བ་ལ་སོགས་ཕན། །རྨེན་བུ་མེ་དབལ་གཟེར་བཅས་ལ། །ཏིལ་མར་རྩ་བ་བཅུ་དང་བསྐོལ། །བ་གཅིན་དྲོན་མོ་
[223a.2]ཆུ་དྲོན་བླུགས། །ཡང་ན་ཤི་ཀྲུའི་ལྡེ་གུ་འམ། །ནག་ཏ་མ་ལའི་ཤུན་པའམ། །ལ་ཕུག་སྐམ་པོ་བ་རུ་རའི། །ལྡེ་གུ་དྲོ་འཇམ་བསྐུ་པ་ཕན། །དན་ད་ཤིང་ཚ་ཙི་ཏྲ་ཀ །ཨརྐ་སྣུ་ཧའི་འོ་མ་དང་། །བུ་རམ་གོ་བྱེ་རུས་ནག་མཚུར། །ལྡེ་གུས་རྡོ་ཡང་འབིགས་
[223a.3]བྱེད་ན། །བད་ཀན་ལས་གྱུར་རྨེན་བུའི་ནད། །ཕྱི་རོལ་གནས་པ་སྨོས་ཅི་དགོས། །ཡུན་རིང་གནས་པའི་རྨེན་བུ་ལ། །ལ་ཕུག་རྒྱ་སྲན་ཀུ་ལངྠའི། །ཁུ་བ་ཐལ་སྨན་སེ་འབྲུར་བཅས། །གྲོ་ཡི་ཟན་དང་ནས་ཀྱི་ཟན། །རྒུན་ཆང་སྦྲང་རྩི་བུ་རམ་ཆང་། །ཁ་ར་
[223a.4]ཆང་གི་དངས་མར་བཅས། །ཁ་ལུད་ཁུ་བར་བཅས་པ་དང་། །འབྲས་བུ་གསུམ་གྱི་སྦྱོར་ལྡེ་གུ། །པི་པི་ལིང་དང་སྦྲང་རྩིར་བཅས། །ཐང་ཤིང་དང་ནི་སླེ་ཏྲེས་དང་། །བྲག་ཞུན་གྱི་ནི་སྦྱོར་བ་དང་། །གླ་སྒང་གོ་བྱེའི་སྦྱོར་བའམ། །སྦྲང་རྩི་ཡི་ནི་སྦྱོར་བ་དང་། །མགོ་
[223a.5]བཀྲུ་སྨན་དུད་རྔུབ་པ་དང་། །སྔར་བཤད་སྐྲན་ནི་བཤིག་པ་དང་། །ལྕགས་གསེར་ལན་ཚྭ་བསྲེགས་པ་དང་། །རྡོ་བས་བཙིར་བར་བྱ་བ་ཡིན། །སྨན་འདི་ཡིས་ནི་འཇིག་པར་བྱེད། །སྦྱོར་བ་སྣ་ཚོགས་དེ་དག་ནི། །བྱས་ཀྱང་ཞི་བར་མ་གྱུར་ཅིང་། །ཤིན་ཏུ་སྲ་བར་གནས་
[223a.6]གྱུར་ལ། །ནད་སྟོབས་ཆེ་བར་གྱུར་པ་ནི། །དེ་འོག་འདི་ལ་ཐལ་སྨན་ནམ། །ལྡེ་གུ་འམ་གསེར་གྱིས་བསྲེགས་ན་ཕན། །སྨིན་པར་བྱེད་པ་བརྣགས་བྱས་ལ། །དབྲལ་ནས་དེ་ནས་དབྱུང་བར་བྱ། །འདི་ལ་ཁྲག་ནི་བརྣག་འདོད་པ། །ཡང་དང་ཡང་དུ་གདོན་པར་བྱ། །
[223a.7]ཁྲག་བསལ་འོག་ཏུ་སླར་ཡང་ནི། །རླུང་དང་བད་ཀན་སེལ་སྨན་གཏང་། །ཚ་ཞིང་སྨིན་པས་བརྣགས་གྱུར་ལ། །ཕྱི་ནང་རྨ་ལྟར་གསོ་བར་བྱ། །སྐྱེར་པ་སྲིན་སྨན་ཀམ་བི་ལྱ། །བསྐོལ་བའི་ཏིལ་མར་རྨ་ལ་ཕན། །བད་ཀན་མཁྲིས་པ་ཤས་ཆེ་ལ། །དཱུར་བའི་
[223b]
[223b.1]ཁུ་བ་མར་བསྐོལ་ཕན། །གསོ་བའི་ནད་ཀུན་ཕྱོགས་དང་སྟེང་། །ཁྲག་བྱུང་བ་ནི་ཕྱོགས་གཅིག་ཡིན། །མེ་དབལ་དེ་ནི་ཁྲག་མཁྲིས་དང་། །མ་འདྲེས་པ་ལས་བྱུང་མི་འགྱུར། །འདི་ཡི་རྟེན་ནི་ཁྲག་ཉིད་ཡིན། །དེ་བས་ཁྲག་ནི་མང་དུ་དབྲི། །ནད་གཞི་མང་པོ་མེ་
[223b.2]དབལ་ལ། །བཀྲུ་སྨན་མ་གྱུར་མར་མི་སྦྱིན། །དེ་ཡིས་ནད་ནི་སྲ་གྱུར་པས། །པགས་པ་ཁྲག་དང་ཤ་འཚེད་བྱེད། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་བཅྭ་བརྒྱད་པའོ།། །།དེ་ནས་མཛེ་ནད་གསོ་བའི་ལེའུ་བཤད་པར་
[223b.3]བྱའོ། །མཛེ་ནད་ཀུན་ལ་ཐོག་མ་ཉིད། །སྣུམ་བླུད་པས་ནི་གསོ་བར་བྱ། །དེ་ལ་རླུང་ཤས་ཆེ་བ་ལ། །རྩ་བ་བཅུ་པ་སླེ་ཏྲེས་དང་། །ཤ་རང་ཀ་ཏ་ཨེ་རཎྜ། །མི་ཤ་སྲིང་གི་མར་རམ་ནི། །ཏིལ་མར་བསྐོལ་ཏེ་བླུད་པ་ཕན། །ནིམ་པ་པ་ཏོ་པུ་ཙེ་ཤེལ། །སྐྱེར་པ་ཕ་
[223b.4]ཏ་བྱི་ཚེར་པ། །པར་པ་ཏ་དང་ཀྱི་ལྕེ་བ། །སྲང་རེ་ཆུ་བྲེ་བརྒྱད་ཀྱི་ནི། །ནང་བསྐོལ་བརྒྱད་ཆ་ལུས་པ་རུ། །གླ་སྒང་རྩ་མཁྲིས་ཀྱི་ལྕེ་བ། །དུག་མོ་ཉུང་དང་པི་པི་ལིང་། །ཙནྡན་ཞོ་ནི་གཉིས་གཉིས་དང་། །ཞུན་མར་སྲང་ནི་བཅུ་གཉིས་བསྐོལ། །ཏིག་ཏའི་སྨན་མར་
[223b.5]དེ་འཐུངས་ན། །མཁྲིས་པ་མཛེ་དང་མེ་དབལ་དང་། །འབྲུམ་ཕྲན་ལུས་ཚ་སྐོམ་དད་ཆེ། །མགོ་འཁོར་གཡན་པ་སྐྱ་རྦབ་འབྲས། །རྨ་འགྲམས་འབྲས་ཀྱི་ཕྲེང་བ་དང་། །ཐོར་བུ་ཁོང་འབྲས་སྐྲན་དང་ནི། །ཟད་བྱེད་སྨྱོ་བྱེད་མྱོས་པ་དང་། །སྙིང་ནད་རབ་རིབ་ངོ་
[223b.6]ཁབས་དང་། །ཤ་བཀྲ་མིག་སེར་ཕོ་བའི་ནད། །མཚན་པར་རྡོལ་དང་བརྗེད་བྱེད་དང་། །དམུ་རྫིང་ཟླ་མཚན་མི་ཆོད་དང་། །སྦྱར་དུག་གཞང་འབྲུམ་ཁྲག་མཁྲིས་སེལ། །གཞན་ཡང་མཁྲིས་པ་ལས་གྱུར་ནད། །ཤིན་ཏུ་གསོ་དཀའ་རྣམས་ལ་ཕན། །ལོ་མ་
[223b.7]བདུན་པ་པར་པ་ཏ། །དོང་ག་ཤུ་དག་པུ་ཙེ་ཤེལ། །ཤུག་པ་པ་ཏ་འབྲས་བུ་གསུམ། །སེར་པོ་གཉིས་དང་ཐལ་ཏྲེས་གཉིས། །ནིམ་པ་ཙནྡན་པི་པི་ལིང་། །ཤིང་མངར་སླེ་ཏྲེས་བི་ཤ་ལ། །དུག་མོ་ཉུང་དང་པུ་ཤེལ་ཙེ། །རྩ་མཁྲིས་མུར་བ་བ་ཤ་ཀ །ཉེའུ་
[224a]
[224a.1]ཤིང་པུ་ཤ་པ་ཏོ་ལ། །གླ་སྒང་བྱི་ཚེར་ཀྱི་ལྕེ་བ། །སྐྱུ་རུ་ར་ཁུ་ཉིས་འགྱུར་དང་། །དེ་རྣམས་མར་གྱི་བརྒྱད་འགྱུར་ཆུ། །བསྐོལ་བ་ཏིག་ཏ་ཆེན་པོ་སྟེ། །ཡོན་ཏན་ཡང་ནི་སྔར་བས་ལྷག །བད་ཀན་ལས་གྱུར་ནིམ་པ་དང་། །ལོ་མ་བདུན་པ་ཙི་ཏྲ་ཀ །
[224a.2]རུ་རྟ་དོང་གྲ་ཚ་བ་གསུམ། །ས་ལ་པི་ལ་ཡའི་མར་བླུད། །ཀུན་ལ་གོ་བྱེའི་མར་རམ་ནི། །ཡུངས་ཀར་དཱུར་བ་རའི་མར་བླུད། །བྱི་དང་ག་དང་ཨ་རུ་ར། །གོ་བྱེའི་ལྡེ་གུ་མར་བསྐོལ་བླུད། །དོང་གའི་རྩ་བ་དག་དང་མར། །ལན་བརྒྱའི་བར་བསྐོལ་མར་
[224a.3]ཡང་བླུད། །སེང་ལྡེང་བསྐོལ་བའི་ཆུ་བསྟེན་ན། །མཛེ་ནད་མྱུར་དུ་སེལ་བར་བྱེད། །འདི་དག་ཉིད་ཀྱིས་ཅི་རིགས་པར། །སྣུམ་ཆོས་བསྐུ་བ་བྱས་པའང་ཕན། །སྣུམ་གྱིས་ཞེན་ལ་མེ་དབལ་ནི། །སྐབས་སུ་བཤད་པའི་སྨན་སྦྱར་གཏང་། །དཔྲལ་བ་ལག་པ་
[224a.4]རྐང་པ་ལས། །འདི་ལ་གཏར་གའང་གདབ་པར་བྱ། །མཛེ་ནད་ཚབས་ཆུང་ཞལ་ཞལ་གདབ། །རྭ་སོགས་ཀྱིས་ཀྱང་ཁྲག་དབྱུང་བྱ། །མཛེ་ནད་འཇོམས་པའི་སྣུམ་གྱིས་ནི། །འདི་ལ་བར་བར་བརྟ་བར་བྱ། །ཁྲག་ཕྱུང་བཀྲུ་སྨན་གྱིས་སྦྱང་བྱ། །ལྟོ་སྟོང་གྱུར་པ་
[224a.5]མཛེ་ཅན་ལ། །ཅི་ནས་རླུང་གིས་འདི་ཡི་ནི། །ལུས་མི་འཇིག་པ་དེ་ལྟར་བྱ། །ནིམ་པ་སླེ་ཏྲེས་བ་ཤ་ཀ །འབྲས་བུ་གསུམ་དང་པ་ཏོ་ལ། །ཀཎྜ་ཀ་རི་ཀ་རཉྫ། །ལྡེ་གུ་ཆུ་དང་མར་བསྐོལ་བ། །སྨན་མར་རྡོ་རྗེ་ཅན་ཞེས་བྱ། །དེས་ནི་མེ་དབལ་མིག་སེར་
[224a.6]རིམས། །ཁྲག་ནད་ལུད་པ་མཛེ་ནད་འཇོམས། །འབྲས་བུ་གསུམ་དང་ཚ་བ་གསུམ། །དུར་བྱིད་ཀཎྜ་ཀ་རི་གཉིས། །དན་ད་དོང་ག་པུ་ཙེ་ཤེལ། །ཤུ་དག་བོང་ང་ཙི་ཏྲ་ཀ །པ་ཏར་བཅས་པ་ཞོ་གཉིས་གཉིས། །སྣུ་ཧའི་འོ་མ་སྲང་གཅིག་དང་། །བྲེ་གང་མར་
[224a.7]བསྐོལ་ལྟོ་སྲ་བའི། །སྣུམ་ཆོས་བཀྲུ་སྨན་དག་ཏུ་སྦྱར། །མཛེ་དང་ཤ་བཀྲ་མཛེར་པ་དང་། །རྒྱུ་རླུགས་རྡེའུ་འགགས་སྐྲན་འཇོམས་བྱེད། །འདི་ནི་རྡོ་རྗེ་ཆེན་པོར་བཤད། །དན་ད་བྲེ་བཞི་ཆུ་བྲེ་ནི། །བཅུ་དྲུག་བསྐོལ་ཏེ་དེ་མར་བསྐོལ། །ཀོ་ཤ་ཏ་ཀི་སྲང་གཅིག་
[224b]
[224b.1]གདབ། །དེ་བླུད་སྟེང་འོག་སྦྱོང་བྱེད་ཡིན། །ཨ་བར་ད་ཀ་སྲང་བརྒྱད་ཅུ། །བྲེ་བཅུ་དྲུག་བསྐོལ་བརྒྱད་ཆ་ལུས། །ཁུ་བ་དེ་ནི་དེའི་རྩ་བ། །མར་ནི་བྲེ་གང་བསྐོལ་བར་བྱ། །བླུད་ན་དེ་བཞིན་ཞག་གཅིག་གིས། །བར་དུ་ཆོད་དེ་ལེགས་ཞུ་ནས། །ཁྲེ་རྒོད་རང་སྐྱུར་བསྐོལ་
[224b.2]བ་བླུད། །མཛེ་ནད་ཤ་བཀྲ་འབྲས་ཀྱི་ཕྲེང་། །སེལ་ཞིང་བུ་མང་དྲན་འཛིན་འགྱུར། །ནཱི་ལི་ཏི་ཀའི་ཚིལ་སྦྲང་རྩི། །ཛཱ་ཏིའི་ཁུ་བ་མར་བཅས་པའམ། །སེང་ལྡེང་ཨ་ས་ནའི་ཆུར་བཅས། །དབང་པོ་བསྡམས་བརྟན་མཛེ་ནད་འཇོམས། །སཱ་ལུ་ནས་དང་གྲོ་དང་ནི། །ཅི་ཙེ་
[224b.3]ཁྲེ་དང་མུངྒ་དང་། །སྲན་ཆུང་དང་ནི་ཏུ་ཀ་རིའི། །ཚོད་མ་ཁ་བོ་སྐམ་སའི་ཤ །འབྲས་བུ་གསུམ་དང་པ་ཏོ་ལ། །སེང་ལྡེང་ནིམ་པ་གོ་བྱེ་སྦྱར། །ཆང་ནི་སྨན་དང་སྦྱར་བའམ། །དར་བ་སོ་མ་ར་ཛར་བཅས། །བཟའ་དང་བཏུང་བ་མཛེ་ལ་ཕན། །སྐྱུར་ཚ་ལན་ཚྭ་ཅན་
[224b.4]རྣམས་གནོད། །ཞོ་དང་འོ་མ་རླན་ཅན་ཤ །བུ་རམ་མ་ཤ་ཏིལ་མར་སྤང་། །པ་ཏོ་ལའི་རྩ་འབྲས་བུ་གསུམ། །བི་ཤ་ལ་ནི་རེ་རེ་ནི། །ཆ་གསུམ་གྱིས་དབྲི་ཞོ་ཕྱེད་གསུམ། །ཀྱི་ལྕེ་བ་དང་པུ་ཙེ་ཤེལ། །ཞོ་ཕྱེད་དོང་གྲ་བཞི་ཆར་བཅས། །དེ་ལྟར་སྲང་གཅིག་བརྡུངས་པ་
[224b.5]དག །བསྐོལ་བའི་ཆུ་ནི་འཐུངས་གྱུར་ན། །ནད་ཀྱི་ཚོགས་ནི་སྦྱོང་བར་བྱེད། །སྨན་དེ་ཞུ་ནས་སྐམ་ས་ཡི། །རི་དྭགས་བྱ་ཡི་ཤ་ཁུ་དང་། །འབྲས་རྙིང་ཆན་དང་སྦྱར་བ་བཟའ། །སྦྱོར་འདི་ཞག་དྲུག་བསྟེན་ན་ནི། །མཛེ་ནད་ཀུན་དང་སྐྲངས་པའི་ནད། །ཕོ་བའི་ནད་
[224b.6]དང་གཅིན་སྲི་དང་། །གཟུགས་འཁུམས་གསོ་དཀའི་ནད་རྣམས་དང་། །སྙིང་ནད་ཆུ་སོར་གཟེར་རིམས་སེལ། །བྱི་དང་ག་ཡི་སྙིང་པོ་དང་། །ཨ་རུ་ར་དང་སྐྱུ་རུ་ར། །སྲང་རེ་དན་ད་སྲང་གསུམ་དང་། །བུ་རམ་སྲང་ནི་བཅུ་གཉིས་དག །རི་ལུར་བྱས་འདི་བྱིན་གྱུར་ན། །
[224b.7]མཛེ་དང་ཤ་བཀྲ་དབུགས་མི་བདེ། །ལུད་པ་དམུ་རྫིང་གཞང་འབྲུམ་དང་། །གཅིན་ནད་མཆེར་པ་རྨེན་བུའི་ནད། །ཐོར་བུ་སྲིན་ནད་སྐྲན་རྣམས་འཇོམས། །གྲུབ་པའི་སྦྱོར་འདི་གནོད་སྦྱིན་ནི། །ནོར་བུ་བཟང་པོས་དགེ་སློང་ཞིག །སྲོག་འདོར་ཉིད་ལ་བཤད་ཅེས་གྲགས། །
[225a]
[225a.1]ཏིག་ཏ་ནིམ་པ་འབྲས་བུ་གསུམ། །ཤུག་པ་བོང་ང་པི་པི་ལིང་། །མུར་བ་དང་ནི་པ་ཏོ་ལ། །སེར་པོ་རྣམ་གཉིས་པུ་ཙེ་ཤེལ། །ཤུ་དག་ཨིནྡྲ་བ་རུ་ནི། །དུག་མོ་ཉུང་བཅས་ཆ་མཉམ་པ། །དན་ད་དུར་བྱིད་བྲམ་ཤ་མི། །ཕྱི་མ་བཞིན་དུ་ཉིས་
[225a.2]འགྱུར་བཅས། །ཕྱེ་མ་སྦྲང་རྩི་མར་སྦྱར་ཟོས། །མཛེ་དང་ཟ་གུ་ཚོར་བ་ཆུང་། །སེལ་བའི་སྨན་གྱི་མཆོག་ཡིན་ནོ། །འབྲས་བུ་གསུམ་དང་པི་པི་ལིང་། །བྱི་དང་ག་དང་སྦྲང་རྩི་ནི། །ཏིལ་མར་མར་སྦྱར་ལྡེ་གུའམ། །ཀ་ཀ་ཨུ་དུམ་བཱ་ར་དང་། །ནིམ་པ་གླ་སྒང་བྱི་
[225a.3]དང་ག །ཚ་བ་གསུམ་གྱི་ལྡེ་གུ་ནི། །དུག་མོ་ཉུང་གི་ཁུ་བར་བཅས། །བླུད་ན་ལྤགས་ནད་ཐམས་ཅད་འཇོམས། །དུག་མོ་ཉུང་དང་ཙི་ཏྲ་ཀ །ནིམ་པ་ཐང་ཤིང་སེང་ལྡེང་དང་། །ལོ་མ་བདུན་པ་ཨ་ས་ན། །ཁུ་བསྐོལ་མར་དང་ཨ་རུ་ར། །སྦྲང་རྩི་ལྡན་ཟོས་མཛེ་
[225a.4]ནད་འཇོམས། །སེང་ལྡེང་ནིམ་པ་སླེ་ཏྲེས་དང་། །པ་ཏོ་ལ་དང་བྱི་ཚེར་བསྐོལ། །སེང་ལྡེང་ལ་སོགས་ལྔ་པ་སྟེ། །ཁྱབ་འཇུག་གིས་ནི་ལྷ་མིན་བཞིན། །མཛེ་ནད་འཕྲལ་དུ་འཇོམས་པར་བྱེད། །སྐྱེར་པ་ནིམ་པ་སེང་ལྡེང་གི། །ཤུན་ལྤགས་བསྐོལ་བས་མཛེ་
[225a.5]ནད་སེལ། །སྐྱེར་པ་ནིམ་པ་འབྲས་བུ་གསུམ། །པ་ཏོལ་རྩ་པུ་ཙེ་ཤེལ། །ཤུ་དག་བཙོད་ནི་བསྐོལ་བ་ཡིས། །དམ་ཆོས་ལ་བརྟེན་འཁོར་བ་ལྟར། །ཁྲག་མཁྲིས་ལས་གྱུར་མཛེ་ནད་གཅོད། །སྨན་འདི་ཉིད་དང་བ་ཡི་མར། །བསྐོལ་བས་རླུང་གྱུར་མཛེ་ནད་
[225a.6]རྣམས། །མཆོག་ཏུ་སེལ་བར་བྱེད་པ་ཡིན། །སེང་ལྡེང་ནིམ་པ་སྐྱེར་པ་དང་། །སླེ་ཏྲེས་ཐང་ཤིང་སྣ་རེར་བསྐོལ། །པ་ཐ་སྐྱེར་པ་ཙི་ཏྲ་ཀ །དན་ད་དུག་ཉུང་པུ་ཙེ་ཤེལ། །བ་གཅིན་ཡང་ན་ཆུ་དྲོན་བཅས། །ཟླ་བ་གཅིག་བླུད་མཛེ་ནང་དང་། །གཞང་འབྲུམ་ཟ་ཁུ་སྐྲང་
[225a.7]ནད་དང་། །སྐྱ་རྦབ་མ་ཞུ་སྲིན་ནད་འཇོམས། །རྒྱ་སྐྱེགས་དན་ཏི་འབྲས་བུ་གསུམ། །མུར་བ་པ་ཏྲ་ཙི་ཏྲ་ཀ །ཨ་པ་མརྒ་བྱི་དང་ག །ལོ་མ་བདུན་པ་ཚ་བ་གསུམ། །བཙོད་དང་སྐྱེར་པ་མ་ཤ་ཀ །ནིམ་པ་ཐང་ཤིང་རྩ་བ་ལྔ། །གཉིས་པོ་ཕྱེ་མ་བ་གཅིན་སྦྱར། །ཟླ་བ་
[225b]
[225b.1]གཅིག་འཐུངས་ཕན་ཟས་བཟའ། །མཛེ་ཡི་ནད་ཀུན་འཇོམས་པར་བྱེད། །སྐྱེར་པ་པི་པི་ལིང་དོང་གྲ། །བྱི་དང་ག་དང་བ་ཏོ་རི། །ཙི་ཏྲ་ཀ་དང་བྱ་རྣམས། །གོ་རིམས་བཞིན་དུ་ཆ་རེས་བསྐྱེད། །བ་གཅིན་སྦྱར་བའམ་རི་ལུ་ནི། །བྱིན་ན་མི་བཟད་མཛེ་ཡང་འཇོམས། །
[225b.2]ཚ་བ་གསུམ་དང་འབྲས་བུ་གསུམ། །ཏིལ་དང་གོ་བྱེའི་ཕྱེ་མ་ནི། །མར་དང་སྦྲང་རྩི་ཁ་རར་སྦྱར། །རི་ལུ་བྱས་པ་ཆ་བདུན་པས། །མཛེ་ཡི་ནད་རྣམས་འཇོམས་བྱེད་ཅིང་། །བཅུད་ཀྱིས་ལེན་དང་རོ་ཙར་འགྱུར། །སོ་མ་ར་ཛ་ཙི་ཏྲ་ཀ །སྐྱེར་པ་དུ་བ་རའི་རུས་པ། །
[225b.3]གོ་བྱེ་སྲིན་སྨན་འབྲས་བུ་གསུམ། །བསྟེན་ན་མཛེ་ནད་མ་ལུས་འཇོམས། །སོ་མ་ར་ཛ་བྱི་དང་ག །གོ་བྱེ་ཙི་ཏྲ་བ་ར་ཧི། །ཨ་རུ་ར་དང་ལང་ག་ལི། །ཏིལ་ནག་པོ་དང་པི་པི་ལིང་། །བུ་རམ་དང་ནི་རི་ལུར་བྱ། །མཛེ་ཡི་ནད་རྣམས་འཇོམས་པར་བྱེད། །སོ་མ་ར་ཛ་པི་པི་
[225b.4]ལིང་། །དེ་ཡི་རྩ་བ་བྱི་དང་གའི། །སྙིང་པོ་ལྕགས་རྐྱག་སྐྱུ་རུ་ར། །ཏིལ་མར་ལྡེ་གུ་མཛེ་ནད་འཇོམས། །ཨ་རུ་ར་དང་གོ་བྱེ་ཏིལ། །བུ་རམ་རི་ལུས་མཛེ་ནད་འཇོམས། །སོ་མ་ར་ཛ་བྱི་དང་ག །བུ་རམ་རི་ལུ་བྱས་པའང་ཕན། །སེང་ལྡེང་བྲག་ཞུན་བྱི་དང་ག །སྦྲང་རྩི་
[225b.5]མར་དང་ལྡན་ཟ་ཞིང་། །ཕན་དང་རན་པར་ཟོས་ན་ནི། །འབྲུམ་ཕྲན་ཤ་བཀྲ་ཤུ་བ་འཇོམས། །ཁ་ར་ལྕགས་ཕྱེ་བྱི་དང་ག །ཙི་ཏྲ་ཀ་དང་སྐྱུ་རུ་ར། །པི་པི་ལིང་གི་ལྡེ་གུ་ཡིས། །མཛེ་ནད་ཤིན་ཏུ་གསོ་དཀའ་འཇོམས། །གླ་སྒང་ཚ་གསུམ་འབྲས་བུ་གསུམ། །རྩ་བ་
[225b.6]ལྔ་གཉིས་ཐང་ཤིང་བཙོད། །ནིམ་པ་ཤིང་ཚ་ལོ་མ་བདུན། །ཤིང་ཚ་ཙི་ཏྲ་ཀ་དང་ནི། །མུར་བ་བི་ཤ་ལིའི་ཕྱེ་མ། །ནས་ཕྱེ་དགུ་ཆ་སྦྲང་རྩི་ནི། །ཆ་གཅིག་སྦྱར་བ་འདི་རྟག་ཏུ། །འཐུངས་ན་མཛེ་ནད་འཇོམས་བྱེད་ཅིང་། །འོར་ནད་སྐྱ་རྦབ་ཤ་བཀྲ་ཅན། །ཕོ་ནད་གཞང་
[225b.7]འབྲུམ་རྒྱུ་རླུགས་དང་། །མཚན་བར་རྡོལ་དང་འབྲུམ་ཕྲན་དང་། །གཡན་པ་ཤུ་བའི་ནད་རྣམས་འཇོམས། །ཏུ་པ་ར་ཡི་རུས་པའམ། །ག་བྱ་སོ་མ་ར་ཛ་དང་། །ཙི་ཏྲ་ཀའི་རྩ་བྲག་ཞུན་རྣམས། །བཅུད་ལེན་ཆོ་ག་ལྟར་བསྟན་ཕན། །དེ་ལྟར་ནད་བསལ་ནང་གི་ནི། །ནད་
[226a]
[226a.1]སྦྱངས་ནད་ནི་ཕྱི་རོལ་གྱི། །པགས་པར་གནས་ན་སྨན་བླུགས་ཕན། །ནད་ཀྱི་དྲི་མ་མ་དག་པ། །སྨན་རྣོན་བྱུགས་ན་མཛེ་ནད་ནི། །བསླངས་པས་སླར་ནི་འཕེལ་བར་འགྱུར། །གཏིང་ཟུག་སྲ་ཞིང་ཀོར་ཀོར་པོའི། །མཛེ་ལ་དུགས་བྱ་སྙི་བ་དང་། །
[226a.2]འབུར་བར་གྱུར་ནས་མཚོན་གྱིས་ནི། །ཞལ་ཞལ་བཏབ་ཅིང་བྱུག་པར་བྱ། །གང་ཞིག་པགས་པ་ཀུན་ཉམས་ཤིང་། །མཚོན་གྱིས་བཏབ་ཏུ་མི་རུང་བ། །དེ་ལ་ཁྲག་ནི་ཕྱུང་ནས་སུ། །ཐལ་སྨན་རྣོན་པོ་བསྐུ་བར་བྱ། །མཛེ་ནད་རབ་སྲ་རྩུབ་པ་དང་། །ཚོར་བ་མེད་
[226a.3]བརྟན་ཡུན་རིང་ལོན། །སྔགས་བཅས་དུག་ཁུ་བླུད་པར་བྱ། །དུག་གི་སྨན་ནི་རྗེས་སུ་སྦྱར། །མཛེ་ནད་རེངས་ཞིང་ཚོར་བ་མེད། རྡུལ་མི་འབྱུང་ཞིང་གཡའ་བ་ལ། །ལྕི་སྐམ་རྒྱ་མཚོའི་ལྦུ་བའམ། །མཚོན་གྱིས་བཞར་ལ་ལྡེ་གུ་བྱུག །གླ་སྒང་དོང་གྲ་འབྲས་བུ་
[226a.4]གསུམ། །པོ་སོན་ཆ་དང་ཀ་རཉྫ། །ལོ་མ་བདུན་པ་དུག་མོ་ཉུང་། །རུ་རྟ་སྐྱེར་པ་པྲི་ཡང་ཀུ། །ཉུངས་ཀར་སྦྱོར་བས་ལུས་བཀྲུ་ཞིང་། །ལྡེ་གུས་སློན་སྨན་བཀྲུ་སྨན་དང་། །བཞར་ཞིང་ལུས་ནི་བསྐུས་གྱུར་ན། །པགས་པའི་ནད་དང་མཛེ་ནད་དང་། །སྐྲང་དང་སྐྱ་རྦབ་
[226a.5]མཛེ་ནད་འཇོམས། །ཀ་ར་བཱི་ར་ནིམ་པ་དང་། །དུག་མོ་ཉུང་དང་དོང་གྲ་དང་། །ཙི་ཏྲ་ཀའི་རྩ་བ་གཅིན་བསྐོལ། །བསྐུས་ན་མཛེ་ནད་འཇོམས་པར་བྱེད། །ཀ་ར་བཱི་ར་ཀར་རྩ་བ། །དུག་མོ་ཉུང་དང་ཀ་རཉྫའི། །འབྲས་བུ་སྐྱེར་པའི་ཤུན་ལྤགས་ནི། །སོ་མན་ཡི་མྱུ་གུ་
[226a.6]བཅས། །བསྐུས་ན་མཛེ་འཇོམས་གྲུབ་པ་ཡིན། །ཤྲི་ཤའི་ཤུན་ལྤགས་རས་བལ་གྱི། །མེ་ཏོག་དོང་གའི་ལོ་མ་དང་། །མོན་སྣེའུ་དམེ་རུ་བཞི་པོ་ནི། །བཏགས་པའི་ལྡེ་གུས་མཛེ་ནད་འཇོམས། །ནིམ་པ་སེར་པོ་རྣམ་གཉིས་དང་། །བྱེའུ་རུག་པ་དང་པ་ཏོ་ལ། །
[226a.7]རུ་རྟ་ཨ་ཤྭ་གནྡྷ་དང་། །ཐང་ཤིང་ཤི་ཀྲུ་ཉུངས་ཀར་དང་། །གཡེར་མ་འུ་སུ་གླ་བ་དང་། །ཙ་རོང་ཆ་མཉམ་ཕྱེ་མར་བྱས། །དར་བར་སྦྱར་བའི་ཏིལ་མར་གྱིས། །བསྐུས་པའམ་ལུས་བྱུགས་དྲིལ་གྱུར་ན། །མཛེ་ནད་གཡན་པ་ཟླུམ་པོར་བཅས། །འབྲུམ་ཕྲན་སྐྲངས་
[226b]
[226b.1]པའི་ནད་རྣམས་སེལ། །གླ་སྒང་དངུལ་རྡོ་དང་ནི་སྐྱེར་པ་དང་། །ནག་ཚུར་ཀམ་བི་ལྱ་དང་རུ་རྟ་དང་། །སེང་ཕྲོམ་མུ་ཟི་པོག་དཀར་བྱི་དང་ག །ལྡོང་རོས་བ་བླ་ཀ་ར་བཱི་རའི་ཤུན། །ཕྱེ་མར་བྱས་པའི་ཏིལ་མར་གྱིས་བསྐུས་པའི། །སྟེང་དུ་ཕྱེ་མའི་དོན་དུ་འདི་བླུགས་ན། །
[226b.2]ཤུ་བ་གཡན་པ་འབྲུམ་བུ་ཕྲ་མོ་དང་། །རྐང་ཤུ་ལ་སོགས་འབྱུང་བར་མི་འགྱུར་རོ། །ཡུངས་ཀར་སྣུ་ཧའི་ཤིང་དུམ་བཏགས། །ལྡེ་གུ་མེ་མ་མུར་བཙོས་ཏེ། །འདོད་ཆགས་ཤུགས་ཀྱིས་ངོ་ཚ་བཞིན། །བསྐུས་ན་གླང་ཤུ་འཇིག་པར་བྱེད། །ལྡོང་རོས་བ་བླ་ན་ལེ་
[226b.3]ཤམ་ཏིལ་མར། །ཨརྒའི་ལོ་མའི་ལྡེ་གུས་མཛེ་འཇོམས་བྱེད། །དེ་བཞིན་ཙི་ཏྲ་མརྡ་ཀ་རཉྫ། །རུ་རྟ་སྦྱར་བ་བ་གཅིན་བཏགས་པའང་ཕན། །གུ་གུལ་ཡུངས་ཀར་ན་ལེ་ཤམ། །ནག་ཚུར་དང་ནི་བྱི་དང་ག །ཤྲི་བེེ་ཤ་ག་སྲ་རྩི་པོག །བ་བླ་ལྡོང་རོས་མུ་ཟི་དང་། །
[226b.4]རུ་རྟ་དང་ནི་ཀམ་བི་ལྱ། །སེར་པོ་གཉིས་དང་བཅས་པ་ནི། །འཁོར་ལོས་བཙིར་བའི་ཏིལ་མར་བསྲེས། །འདི་ནི་མཚོན་གྱིས་བཞར་ཏེ་བསྐུས། །ཉི་མར་བསྲེགས་ན་མཛེ་ནད་སེལ། །ཏ་ལའི་ལོ་མ་ན་ལེ་ཤམ། །རུ་རྟ་ལྡོང་རོས་ནག་ཚུར་བཅས། །ཟངས་ཀྱི་སྣོད་
[226b.5]དང་ཏིལ་མར་དང་། །ཞག་བདུན་ལེགས་པར་སྤངས་པ་དེས། །ཞག་བདུན་བསྐུ་ཞིང་ཉི་མར་བསྲེག །ཤ་བཀྲ་འཇོམས་པར་བྱེད་པ་ཡིན། །ཤ་བཀྲ་སར་པ་ཟླ་བ་གཅིག །བསྟེན་ཞིང་སྦྱང་བ་བྱས་ན་སེལ། །ཨ་པ་མརྒའི་ཐལ་བའི་ཆུ། །ལན་བདུན་ལེགས་
[226b.6]པར་གཟགས་པ་རུ། །པྲི་ཡང་ཀུ་ཡི་མར་བསྐོལ་བས། །བསྐུས་ན་ཤ་བཀྲ་སེལ་བར་བྱེད། །ཀ་ཀ་ཛང་གི་རྩ་བ་དང་། །རས་བལ་ས་བོན་འདབ་མ་དང་། །ལ་ཕུག་ས་བོན་དར་བར་སྦྱར། །མིག་དམར་གཟའ་ལ་བསྐུས་ན་ནི། །ཤ་བཀྲ་སེལ་བ་གྲུབ་པ་ཡིན། །
[226b.7]ཛི་བན་ཏི་དང་སྐྱེར་པ་བཙོད། །ཀམ་བི་ལྱ་དང་སྤངས་མ་ནི། །འོ་མ་མར་དང་ཏིལ་མར་བསྐོལ། །སྲ་རྩི་བོག་དང་སྦྲ་ཚིལ་ནི། །བཏབ་པ་བསྐུས་ན་དེ་ཡིས་ནི། །རྐང་ལག་ཞིག་པ་སེལ་བར་བྱེད། །པགས་པ་གཅིག་པའི་མཛེ་དང་ནི། །འབྲུམ་ཕྲན་འབྲས་ནི་བེར་བ་
[227a]
[227a.1]ཡི། །མཛེ་ནད་འཇིག་པར་བྱེད་པ་ཡིན། །ལོ་མ་བདུན་པ་རྩ་བ་དང་། །ཤི་རི་ཤ་ཡི་ཤུན་ལྤགས་དང་། །ཀ་ར་བཱི་ར་ཨརྐ་དང་། །སུ་མ་ན་དང་ཙི་ཏྲ་ཀ །ཐལ་ཏྲེས་ནིམ་པའི་ཤུན་ལྤགས་དང་། །ཀ་རཉྫ་དང་ཡུངས་ཀར་དང་། །ཙི་ཏྲ་མར་དང་འབྲས་
[227a.2]བུ་གསུམ། །བྱི་དང་ག་དང་ཚ་བ་གསུམ། །སེར་པོ་གཉིས་དང་ཏིལ་མར་དང་། །བ་གཅིན་བཅས་པར་བསྐོལ་བས་ནི། །པགས་པའི་ནད་དང་རྨ་འགྲམས་དང་། །རླུང་དང་བད་ཀན་ལས་གྱུར་པའི། །མཇེ་ཡི་ནད་ནི་སེལ་བྱེད་དེ། །འདི་ནི་རྡོ་རྗེ་དང་འདྲ་བས། །
[227a.3]རྡོ་རྗེ་ཅན་ཞེས་བྱ་བ་ཡིན། །ཨེ་རཎྜ་དང་དངུལ་རྡོ་དང་། །གླ་སྒང་ནིམ་པ་ཀ་དང་ནི། །ག་བྲའི་རྩ་བ་ཀམ་བི་ལྱ། །བྱི་དང་ག་དང་ནིར་གུན་ཐི། །གོ་བྱེ་ཨིནྡྲ་བ་རུ་ནི། །ཐང་ཤིང་ཁྲོན་བུ་གུ་གུལ་དང་། །ལྡོང་རོས་ཤྲི་ཤ་པི་ཏི་དང་། །ལན་ཚྭ་ཏང་པལ་བཅའ་སྒ་རྣམས། །
[227a.4]ཆ་མཉམ་སྣུ་ཧའི་འོ་མ་དང་། །ཨརྒའི་ཏིལ་མར་ལན་ཅིག་བསྐོལ། །ལྡེ་གུ་རྡོ་རྗེ་ཆེན་པོ་སྟེ། །རྡོ་རྗེ་ཅན་པས་ཡོན་ཏན་ལྷག །ཤ་བཀྲ་དང་ནི་གཞང་འབྲུམ་དང་། །འབྲས་ཀྱི་ཕྲེང་བ་འཇོམས་པར་བྱེད། །རུ་རྟ་ཀ་ར་བཱི་ར་དང་། །བྲིང་གར་ཛ་ཨརྒ་དང་། །ཤུ་དག་ཤིང་
[227a.5]མངར་རྒྱམ་ཚ་གཅིན། །ཏིལ་མར་བསྐོལ་བ་དུག་བཅུག་པ། །བསྐུས་པས་མཛེ་ནད་སེལ་བའི་མཆོག །སྤྲ་ཚིལ་ལི་ཁྲི་གུ་གུལ་དང་། །སྤངས་མ་དངུལ་རྡོ་ཡུངས་མར་བསྐོལ། །གཡན་པ་གླང་ཤུ་མྱུར་དུ་སེལ། །རྒྱ་སྐྱེགས་ཙི་ཏྲ་མར་ད་དང་། །ཤྲི་པི་ཏ་དང་ཚ་
[227a.6]བ་གསུམ། །རུ་རྟ་ཡུངས་ཀར་ལ་ཕུག་གི། །ས་བོན་སེར་པོ་རྣམ་གཉིས་ཀྱི། །ལྡེ་གུ་དར་བར་སྦྱར་བསྐུས་ན། །ཤུ་བ་ཐམས་ཅད་སེལ་བར་བྱེད། །ཙི་ཏྲ་ཀ་དང་ཤི་ཀྲུའམ། །སླེ་ཏྲེས་ཐང་ཤིང་ཨ་པ་མར། །སེང་ལྡེང་དྷ་བའི་ལྡེ་གུའམ། །དུར་བྱིད་དན་ད་པྲ་
[227a.7]བན་ཏི། །རྒྱ་སྐྱེགས་དངུལ་རྡོ་སུག་སྨེལ་ལམ། །པུརྞ་རྣ་བའི་ལྡེ་གུ་སྟེ། །ཚིག་རྐང་དྲུག་བཤད་ལྡེ་གུ་དྲུག །ཞོ་ག་ཆུ་དང་སྦྱར་བ་ཡིས། །བསྐུས་ན་བད་ཀན་རླུང་ལས་ནི། །གྱུར་པའི་མཛེ་ནད་སེལ་བར་བྱེད། །བ་ལི་ཀ་དང་མ་ནུ་དང་། །ཨ་ཀར་ནཱ་ག་གེ་སར་དང་། །
[227b]
[227b.1]གནྟྲ་བྷ་དྲ་གླ་བ་དང་། །ཙནྡན་དང་ནི་པུ་ཤེལ་ཙེ། །ཆ་རེས་བསྐྱེད་པའི་ལྡེ་གུ་ཡིས། །བད་མཁྲིས་མཛེ་ནད་སེལ་བར་འགྱུར། །ཏིག་ཏའི་སྨན་མར་བརྒྱ་བཀྲུས་མར། །བསྐུས་ན་མཛེ་ཡི་ཆ་བ་སེལ། །ཏིལ་མར་ཙནྡན་ཤིང་མངར་དང་། །སྟག་ཚེར་བ་དང་ཨུཏྤལ། །
[227b.2]བཅས་པར་བསྐུས་ནའང་ཕན་པ་ཡིན། །རྣགས་ཤིང་ཡན་ལག་འདྲུལ་བ་དང་། །ལུས་ཚ་འབྲུམ་བུ་ཕྲ་མོ་འབྱུང་། །པགས་པ་མྱགས་དང་བཅས་པ་ལ། །བསིལ་བའི་སྨན་ཆུས་བླུགས་ཤིང་བྱུག །གཏར་ག་བཀྲུ་སྨན་བཏང་བ་དང་། །ཏིག་ཏའི་སྨན་མར་བྱིན་
[227b.3]ན་ཕན། །སེང་ལྡེང་ནིམ་པ་བ་ཤ་ཀ །དུག་མོ་ཉུང་དང་འབྲས་བུ་གསུམ། །བྱི་དང་ག་དང་སླེ་ཏྲེས་དང་། །པ་ཏོ་ལ་དང་བ་གཅིན་སྦྱར། །ཕྱི་དང་ནང་ནས་བཏང་གྱུར་ན། །སྲིན་པུ་ལས་གྱུར་མཛེ་ནད་འཇོམས། །རླུང་ཤས་ཆེ་ལ་ཐོག་མར་ནི། །མར་བཏང་བད་
[227b.4]ཀན་ཤས་ཆེ་ལ། །སྐྱུག་སྨན་མཁྲིས་པ་ལས་གྱུར་ན། །གཏར་ག་བཏབ་ཅིང་བཀྲུ་སྨན་གཏང་། །ནང་སྦྱངས་ཁྲག་ནི་བྱུང་བ་དང་། །གནས་ནི་དག་པར་གྱུར་པ་ལ། །བསྐུ་བ་གང་ཞིག་བྱས་གྱུར་པ། །དེ་ནི་མོད་ལ་མེད་པར་འགྱུར། །ནད་གཞི་བསལ་ཞིང་ཁྲག་ནི་ཕྱུང་བ་དང་། །
[227b.5]ཕྱི་དང་ནང་ནས་ཞི་བའི་གསོ་བ་བྱ། །སྨན་མར་དང་ནི་དུས་སུ་བྱིན་གྱུར་ན། །མཛེ་ཡི་ནད་ནི་གསོ་སླ་ཉིད་དུ་འགྱུར། །མཛེ་ཅན་ནད་ནི་ལན་མང་སྦྱངས་གྱུར་པ། །དེ་ཡི་སྲོག་སྲུབ་ལན་མང་འབད་བྱས་ཏེ། །ནད་ནི་ལྷག་པར་ཕྱུང་བས་ཉམ་ཆུང་བས། །
[227b.6]རླུང་ལྡང་མྱུར་དུ་གསོད་པར་བྱེད་པར་འགྱུར། །ཟླ་བ་ཕྱེད་ཅིང་སྐྱུག་སྨན་གཏང་བ་དང་། །ཟླ་བ་རེ་རེ་ནས་ནི་བཀྲུ་སྨན་གཏང་། །མགོ་བོ་སྦྱང་བ་ཞག་ནི་གསུམ་གསུམ་ནས། །ཟླ་བ་དྲུག་དྲུག་ནས་ནི་གཏར་ག་བྱ། །གང་ཞིག་སློན་དང་འཁྲུ་བར་དཀའ་འགྱུར་ཞིང་། །
[227b.7]མཛེ་ཅན་ནད་ཤས་ཆེ་བས་ཁྱབ་གྱུར་པ། །དེ་ནི་ངེས་པར་གསོ་དཀའ་ཉིད་གྱུར་པས། །དེ་བས་ནད་ནི་མ་ལུས་དབྱུང་བར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་བའི་གནས་ཀྱི་ལེའུ་བཅུ་དགུ་པའོ།། །།དེ་ནས་ཤ་བཀྲ་དང་སྲིན་བུའི་ནད་
[228a]
[228a.1]གསོ་བའི་ལེའུ་བཤད་པར་བྱའོ། །གང་ཞིག་མཛེ་ནད་པས་ཀྱང་འཇིགས་འགྱུར་ཞིང་། །མྱུར་དུ་གསོ་དཀའ་ཉིད་དུ་འགྱུར་བས་ན། །ཁང་པ་འབར་བར་གྱུར་པ་ལྟ་བུར་ནི། །ཤ་བཀྲའི་ནད་ཞི་བ་ལ་འབད་པར་བྱ། །ཁྱད་པར་དུ་ནི་དང་པོར་ལུས་ལ་ནི། །
[228a.2]སྦྱང་བར་བྱ་བ་ཉེ་བར་སྦྱར་བར་བྱ། །ཤ་བཀྲ་ལ་ནི་སོ་མ་ར་ཛའི་ཁུ། །བུ་རམ་ཆང་ངམ་ཤ་ཁུ་བཀྲུ་སྨན་ནི། །སྣུ་ཧའི་འོ་མར་སྦྱར་བ་བླུད་པར་བྱ། །དེ་འཐུངས་ནས་ནི་ལུས་བསྐུས་ཉམས་སྟོབས་དག །ཅི་ཡོད་པ་ལས་ཉིན་མཚན་བསྟེན་པར་བྱ། །སྐོམ་དད་སྐྱེས་ན་ཞག་གསུམ་
[228a.3]ཐུག་པ་བླུད། །ཤ་བཀྲའི་ལུས་ལ་ཆུ་བུར་བྱུང་གྱུར་ན། །དེ་ནི་ཚེར་མ་དག་གིས་བརྟོལ་བར་བྱ། །ཆུ་བུར་གཟགས་པར་བྱས་ནས་ནང་རེ་བཞིན། །སོ་མ་ར་ཛ་དང་ནི་ཨ་ས་ན། །པྲི་ཡང་ཀུ་དང་ཤུ་ཏི་ཆུར་བསྐོལ་བླུད། །རྒྱ་སྐྱེགས་ཤིང་ཐལ་བུ་རམ་ཕྲན་སྦྱར་བའི། །ཆུ་ནི་ཉམས་
[228a.4]སྟོབས་ཅི་ཡོད་པ་ལ་བླུད། །ཕལ་གུ་སྐྱུ་རུ་ར་ཤུན་དུག་ཉུང་ཤིང་། །ཁུ་བ་སོ་མ་ར་ཛར་བཅས་པ་བླུད། །དྲོ་བར་འདུག་ནས་ཆུ་བུར་བྱུང་བ་ལ། །ལན་ཚྭ་མེད་ཟས་དར་བར་བཅས་པ་སྦྱིན། །བ་གཅིན་ཙི་ཏྲ་ཀ་དང་ཚ་བ་གསུམ། །སྦྲང་རྩིར་སྦྱར་བ་མར་གྱི་སྣོད་དུ་གཞག །
[228a.5]ཟླ་ཕྱེད་ལོན་ནས་ཤ་བཀྲ་ཅན་ལ་བླུད། །འདི་ལ་མཛེ་ནད་གསོ་བའི་ཆོ་ག་བྱ། །ཡང་ན་བྲིང་ག་ར་ཛ་ལྕགས་སྣོད་བཅུག །ཏིལ་མར་ནང་དུ་བརྔོས་པ་སྦྱིན་བྱ་ཞིང་། །ཨ་ས་ན་ཡི་ས་བོན་འོ་མར་བསྐོལ། །དེ་རྗེས་བླུད་ན་ཤ་བཀྲ་འཇོམས་པར་བྱེད། །དོང་ག་ཨརྒ་པུ་ཏི་ཀ་
[228a.6]རཉྫ། །སྣུ་ཧ་ཛཱ་ཏིའི་ལོ་མ་བ་གཅིན་བཏགས། །ལྡེ་གུས་བསྐུས་ན་ཤ་བཀྲ་གཞང་འབྲུམ་དང་། །ཤུ་བ་གཡན་པ་རྨ་འགྲམས་སེལ་བར་བྱེད། །གླང་ཆེན་གཟིག་གི་ལྤགས་བསྲེགས་ཏིལ་མར་དང་། །སྦྱར་བ་བསྐུས་ན་ཤ་བཀྲ་སེལ་མཆོག་ཡིན། །སྦུར་བ་དྲི་ངན་དོང་
[228a.7]གའི་འོ་མ་དང་། །སྦྱར་ཏེ་བསྐུས་པ་གཅིག་པུས་ཤ་བཀྲ་སེལ། །ཆུ་བུར་བསྐྱེད་ཕྱིར་གོ་བྱེ་ཆམ་ཆོམ་བརྡུངས། །ནུབ་མོ་བ་གཅིན་ལ་སྦངས་ཉིན་གྲིབ་བསྐམ་དུ། །དེ་ལྟར་ལན་གསུམ་བྱས་ཏེ་ཞིབ་ཏུ་བཏགས། །སྣུ་ཧའི་འོ་མར་སྦྱར་བསྐུས་ཤ་བཀྲ་འཇོམས། །
[228b]
[228b.1]སྦྲུལ་ནག་བསྲེགས་པ་ལས་བྱུང་སྣག་ཚ་ནི། །བ་རུ་ར་ཡི་མར་དང་སྦྱར་ཏེ་བསྐུ། །དེ་བཞིན་རྨ་བྱའི་མཁྲིས་པ་བསྲེགས་པའམ། །བ་ལི་ཀ་བསྲེགས་རྨ་བྱའི་མཁྲིས་བསྲེགས་ཕན། །སོ་མ་ར་ཛའི་ས་བོན་ཕུལ་གང་དང་། །བ་བླ་ཆ་བཞི་དག་ནི་བསྲེས་ནས་སུ། །བ་ཡི་
[228b.2]གཅིན་དང་སྦྱར་ཏེ་བཏགས་བསྐུས་ན། །ཤ་བཀྲ་ལྤགས་མདོག་འདྲ་བར་བྱེད་པའི་མཆོག །གླང་ཆེན་རྟུག་པ་ལེགས་བསྲེས་ཐལ་བ་ནི། །གླང་ཆེན་གཅིན་དང་བསྲེས་ཏེ་གཟགས་གྱུར་པ། །བྲེ་བཅུ་དྲུག་ཚད་སོ་མ་ར་ཛ་ཡི། །ས་བོན་བཅུ་ཆས་བཏབ་བསྐོལ་སྦྱིན་བག་
[228b.3]གྱུར། །མང་དུ་བདར་བ་དེ་ཡིས་བསྐུས་ན་ནི། །ཤ་བཀྲའི་ནད་ནི་རྣམ་པར་འཇོམས་འགྱུར་ཞིང་། །མཛེ་ཡི་ནད་དང་སྨེ་བ་ནག་པོའམ། །ཤ་ལྷག་སྐྱེས་པའི་རྨ་ནི་སྦྱོང་བར་བྱེད། །གོ་བྱེ་ཙི་ཏྲ་ཀ་དང་སྣུ་ཧ་དང་། །ཨརྐའི་རྩ་བ་དང་ནི་འོལ་མ་སེ། །དེ་བཞིན་ཚ་བ་གསུམ་དང་
[228b.4]དུང་དང་ནི། །སྤངས་མ་རུ་རྟར་བཅས་དང་ལན་ཚྭ་ལྔར། །ཐལ་བ་གཉིས་དང་ལང་ག་ལི་བཏགས་ཕྱེ། །སྣུ་ཧ་ཨརྐའི་འོ་མར་བསྐོལ་ནས་ནི། །སྐ་བར་གྱུར་པ་ལྕགས་སྣོད་ནང་དུ་གཞག །དེ་ནི་ཐུར་མས་བསྐུས་ན་མཛེ་ནད་དང་། །ཤ་བཀྲ་སྨེ་བ་ནག་པོར་གྱུར་པ་དང་། །
[228b.5]མཛེར་པ་གཞང་འབྲུམ་པགས་པའི་རྨེན་བུ་སེལ། །སྦྱང་བྱས་གཏར་ག་བཏབ་པ་དང་། །རྩུབ་ཆོས་ཕྱེ་ཟན་ཟོས་གྱུར་པའི། །སྡིག་པ་ཟད་པར་གྱུར་པ་ཡི། །འགའ་ཞིག་གིས་ནི་ཤ་བཀྲ་འབྱུང་། །ཁོང་པའི་སྲིན་ཡོད་སྣུམ་དུགས་བྱས། །བུ་རམ་འོ་མ་ཉ་སོགས་
[228b.6]ཀྱིས། །བད་ཀན་སྲིན་བུ་བསླངས་ནས་ནི། །ནུབ་མོ་དེ་ནི་བདེ་བར་གནས། །བྱེའུ་རུག་སྩོགས་སྡེབ་གཅིན་དང་། །ཆུ་ཕྱེད་བཅས་པ་བསྐོལ་ནས་ནི། །ཁུ་བ་དེ་ནང་པི་པི་ལིང་། །པོ་སོན་ཆ་དང་བྱི་དང་ག །ཏིལ་མར་སྭརྫི་ཀྵ་རར་བཅས། །མས་གཏོང་བས་ནི་གཏང་བར་
[228b.7]བྱ། །དེ་ཉིད་དེ་ལ་དེ་ཉིད་དམ། །དུར་བྱིད་ལྡེ་གུ་པོ་སོན་ཆ། །པི་པི་ལིང་ནི་ཁུ་བར་བསྲེས། །བཀྲུ་སྨན་དེ་ལ་བྲུད་པར་བྱ། །དེ་ལྟར་སྟེང་འོག་སྦྱང་བྱས་ནས། །ཚ་བ་ལྔ་ལྡན་ཐུགས་སྩོགས་བླུད། །ཚ་དང་ཁ་དང་བསྐ་བ་ཡི། །སྨན་ནི་བསྐོལ་ཆུས་བླུགས་པར་བྱ། །དུས་
[229a]
[229a.1]སུ་བྱི་དང་གའི་ཏིལ་མར། །འཇམ་རྩི་དེ་ལ་གཏང་བར་བྱ། །མགོ་བོའི་སིན་བུ་མགོ་ནད་ནི། །གསོ་བར་བཤད་པའི་རིམ་པར་བྱ། །ཚ་དང་ཁ་བ་ཤས་ཆེ་ཞིང་། །སྣུམ་ཉུང་ཁ་ཟས་སྦྱིན་པར་བྱ། །བྱི་དང་ག་དང་པི་པི་ལིང་། །པི་པི་ལིང་རྩ་ན་ལེ་
[229a.2]ཤམ། །ན་ལེ་ཤམ་ནི་དཀར་པོ་དང་། །སྭརྫི་ཀ་ནི་ཐལ་བར་བཅས། །ནས་ཐུག་དར་བར་བཙོས་པ་བླུད། །གི་རི་གར་ནི་ཤྲི་ཤ་ཀ །པ་རི་པ་ཏྲ་ཀེ་པུ་ཀ །པ་ལ་ཤ་འབྲས་པ་ཏུ་ར། །སུ་ཏི་ཀ་ནི་སོ་སོར་བསྐོལ། །ཁུ་བ་སྦྲང་རྩིར་བཅས་པའམ། །བྱེ་རུག་པ་སོགས་སྦྲང་
[229a.3]རྩིར་སྦྱར། །རྟ་སྦངས་ཕྱེ་མ་བྱི་དང་ག །བསྐོལ་བའི་ནང་སྦངས་མང་དུ་བཟའ། །སྦྲང་རྩིར་བཅས་པའི་ལྡེ་གུའམ། །འབྲས་བུ་གསུམ་ཁུར་སྦངས་པ་སྦྱིན། །མགོ་བོའི་སྲིན་བུའི་ནད་ལ་ནི། །དེ་ཡི་ཕྱེ་མ་བུད་པར་བྱ། །མུ་ཤ་ཀརྞའི་འདབ་མ་ནི། །ཞིབ་ཏུ་བཏགས་པ་
[229a.4]འབྲས་ཕྱེར་བཅས། །བཙོས་པའི་ཁུ་བ་སྦྱིན་པར་བྱ། །དེ་ཡི་རྗེས་ལ་རང་སྐྱུར་རམ། །དར་བ་སླ་བ་ཚ་བ་ལྔ། །ལན་ཚྭར་བཅས་པ་བླུད་པར་བྱ། །ནིམ་པ་ཨ་པ་མརྒ་དང་། །ནིར་གུན་ཐི་ལོ་འང་དེ་བཞིན་བྱ། །བྱི་དང་ག་ཡི་ཕྱེ་མ་དང་། །བགྲེས་པའི་འབྲས་ཕྱེའི་
[229a.5]ཁུར་བ་སྦྱིན། །གོ་བྱེའི་མར་ནི་རྙིང་པ་ལ། །བྱི་དང་ག་ནི་ཤུན་པ་བསལ། །ཆ་ཕྱེད་བཅུག་སྟེ་ཉི་མར་གཞག །བཏུང་བ་འཇམ་རྩི་སྦྱར་བར་བྱ། །ཐང་ཤིང་ཤྲི་བེཥྚ་ཡི་སྣུམ། །སོ་སོར་དེ་བཞིན་སྦྱར་བར་བྱ། །བཤང་བར་སྐྱེས་ལ་ལྷག་པར་ཡང་། །བཀྲུ་སྨན་དང་ནི་
[229a.6]འཇམ་རྩི་གཏང་། །བད་ཀན་ལས་གྱུར་མགོ་བོའི་ནད། །བཀྲུ་སྨན་སློན་དང་ཞི་སྨན་གཏང་། །ཁྲག་ལས་གྱུར་པའི་སྲིན་བུ་ལ། །གསོ་བ་མཛེ་ཡི་ཚུལ་དུ་བྱ། །སྤུ་འབྱི་བྱེད་ལ་གསོ་བ་ནི། །འཁོར་ལིང་སྐྲ་འབྱི་ཆོ་ག་བྱ། །འོ་མ་ཤ་དང་མར་དང་བུ་རམ་དང་། །ཞོ་དང་
[229a.7]འདབ་མ་ཅན་གྱི་ཚོད་མ་དང་། །མདོར་ན་མངར་དང་སྐྱུར་བའི་ཁུ་བ་རྣམས། །སྲིན་བུ་གཞོམ་པར་འདོད་པས་ཡོངས་སུ་སྤང་། །ཡན་ལག་བརྒྱད་པའི་སྙིང་པོ་བསྡུས་པ་ལས་གསོ་བའི་གནས་ཀྱི་ལེའུ་ཉི་ཤུ་པའོ།། །།དེ་ནས་རླུང་ནད་གསོ་བ་བཤད་
[229b]
[229b.1]པར་བྱའོ། །མ་འདྲེས་རླུང་ལས་དང་པོར་ནི། །མར་དང་རྐང་དང་ཚིལ་དང་ནི། །ཏིལ་མར་བླུད་ཅིང་སྣུམ་གྱི་ནི། །སྦྱོར་བས་ལེགས་པར་གསོ་བར་བྱ། །དེ་ནས་སྣུམ་ཞེན་ངལ་བསོ་སྟེ། །འོ་མས་སླར་ཡང་སྣུམ་ཆོས་བྱ། །རླན་ཅན་གྲོང་དང་ཆུ་ལ་གནས། །ཤ་ཁུ་སྣུམ་དང་
[229b.2]ལྡན་པ་གཏང་། །འོ་ཐུག་ཀྲི་སར་སྐྱུར་དང་བཅས། །ལན་ཚྭར་ལྡན་བླུད་འཇམ་རྩི་གཏང་། །སྣ་སྨན་སྐྱོ་བྱས་ཁ་ཟས་ནི། །སྣུམ་བྱས་སྦྱིན་ཅིང་དུགས་བྱས་ལ། །ལེགས་བསྐུས་སྣུམ་དང་ལྡན་པ་ལ། །གསེག་མ་ལ་སོགས་དུགས་བྱའོ། །སྣུམ་གྱིས་ཞེན་བྱས་དུགས་
[229b.3]བྱས་པས། །གཡོ་ཞིང་རེངས་དང་གཟེར་བཅས་པ། །ཇི་ལྟར་འདོད་བཞིན་འགུགས་པ་ནི། །བདེ་བླག་ཉིད་དུ་ནུས་པར་འགྱུར། །ཇི་ལྟར་ཤིང་སྐམ་དག་ཀྱང་ནི། །སྣུམ་བསྐུས་བསྲོས་པར་གྱུར་ན་ནི། །ལས་སུ་བྱ་བར་རུང་གྱུར་ན། །སྲོག་ཆགས་ལུས་ནི་སྨོས་ཅི་
[229b.4]དགོས། །སྤུ་བརྩེ་གཟེར་ན་སྙོམས་པ་དང་། །ལུས་སྐེམ་རེངས་པའི་ནད་ལ་སྩོགས། །དུགས་བྱས་མྱུར་དུ་ཞི་འགྱུར་ཞིང་། །མཉེན་པ་ཉིད་དུའང་འགྱུར་བ་ཡིན། །སྣུམ་བཏང་བས་ནི་ལུས་ཟུངས་རྣམས། །བསྐམ་པ་མྱུར་དུ་རྒྱས་པར་བྱེད། །ཉམས་སྟོབས་མེ་དྲོད་
[229b.5]འཕེལ་འགྱུར་ཞིང་། །དེ་ཡི་སྲོག་ཀྱང་རིང་ནས་བྱེད། །ལན་མང་སྣུམ་དང་དུགས་ཀྱི་ནི། །ཆོ་ག་ལེགས་པར་སྦྱར་བར་བྱ། །དེ་ལྟར་སྣུམ་གྱིས་མཉེན་བྱས་ལྟོར། །རླུང་གི་ནད་ནི་གནས་མི་འགྱུར། །གལ་ཏེ་ནད་གཞན་བཅོས་པའི་ཕྱིར། །ལས་འདི་ཞི་བར་མ་གྱུར་
[229b.6]ན། །འཇམ་ཞིང་སྣུམ་དང་ལྡན་པ་ཡི། །སྣུམ་གྱིས་དེ་ནི་སྦྱང་བར་བྱ། །ཞུན་མར་སེང་ཕྲོམ་བཙོས་པ་དང་། །སཔྟ་ལ་དང་བསྐོལ་བའམ། །འོ་མ་ཨེ་རཎྜ་ཡི་མར། །བསྐོལ་བ་ནད་སེལ་དགེ་བ་བླུད། །སྣུམ་སྐྱུར་དྲོ་དང་ལན་ཚྭ་སོགས། །ཟས་ཀྱི་དྲི་མ་ཚོགས་
[229b.7]གྱུར་ནས། །བུ་ག་འགགས་ཏེ་རླུང་བཀག་པས། །དེ་ཕྱིར་དེ་ནི་བདེ་རྒྱུ་བྱ། །ཉམ་ཆུང་བཀྲུ་སྨན་བྱར་འོས་པ། །དེ་ལ་དྲོད་སྐྱེད་སྨིན་བྱེད་པའི། །ཁ་ཟས་སྦྱིན་པའམ་དེ་བཅས་པའི། །མས་གཏོང་བཀྲུ་སྨན་སྦྱར་བར་བྱ། །སྦྱང་ཞིང་མེ་དྲོད་བསྐྱེད་གྱུར་ནས། །སླར་
[230a]
[230a.1]ཡང་སྣུམ་དང་དུགས་བྱས་ཕན། །མ་ཞུའི་གནས་སུ་ཞུགས་པའི་རླུང་། །སློན་བྱས་ཟས་རིམ་བྱིན་ནས་ནི། །བ་ར་ཎ་སོགས་དྲུག་པའམ། །ཤུ་དག་སྩོགས་ཆུ་དྲོ་སྦྱར་བླུད། །མེ་དྲོད་བསྐྱེད་ནས་དེའི་འོག་ཏུ། །རླུང་ཅན་གཅིག་པུའི་གསོ་བ་བྱ། །
[230a.2]ལྟོ་བའི་ཕྱོགས་ཞུགས་བིལ་བ་ནི། །གཞོན་དང་ཉ་ཤས་གཡོས་བྱས་སྦྱིན། །ལྟེ་བའི་འོག་ཞུགས་འཇམ་རྩི་གཏང་། །ཟས་ཀྱི་སྔོན་དུ་སྣུམ་བཏང་ཕན། །ཁོང་པར་ཞུགས་ལ་ཐལ་སྨན་སོགས། །ཕྱེ་མ་དྲོད་སྐྱེད་སྨིན་བྱེད་ཕན། །སྙིང་གནས་ས་ལ་པརྞི་དག །འོ་མ་དང་ནི་
[230a.3]བསྐོལ་བ་ཕན། །མགོ་བོར་གནས་ལ་མགོ་སྣུམ་བསྐུ། །སྣ་སྨན་དུད་རྔུབ་སྣུམ་ཅན་དང་། །རྣ་བ་སོགས་ལ་བརྟ་བྱས་ཕན། །པགས་པར་གནས་ལ་བསྐུ་བྱུག་དུགས། །རླུང་མེད་གནས་སུ་གནས་པ་དང་། །ཁ་ཟས་ཡི་ག་འབྱེད་པ་ཕན། །ཁྲག་གནས་བསིལ་སྨན་བསྐུ་
[230a.4]བ་དང་། །བཀྲུ་སྨན་ཁྲག་ནི་དབྱུང་བ་ཕན། །ཤ་ཚིལ་བརྟེན་པ་བཀྲུ་སྨན་དང་། །མས་གཏོང་དྲག་དང་ཞི་བྱའི་སྨན། །རུས་པ་རྐང་ལ་གནས་པ་ལ། །ཕྱི་དང་ནང་ནས་སྣུམ་གྱིས་གསོ། །ཁུ་ཆུར་གནས་ལ་སེམས་དགའ་དང་། །ཁ་ཟས་སྟོབས་སྐྱེད་རོ་ཙ་ཕན། །ཁུ་བ་རྒྱུ་
[230a.5]བ་འགགས་གྱུར་ན། །བཀྲུ་སྨན་བཏང་བས་གསོ་བར་བྱ། །འཁྲུས་ཤིང་ཟས་རིམ་བསྟེན་གྱུར་ནས། །སྔར་བཤད་པ་ཡི་གསོ་བ་བྱ། །རླུང་ལས་མངལ་ཆགས་བསྐམས་གྱུར་དང་། །བྱིས་པ་སྐེམས་པར་གྱུར་པ་ལ། །ཀར་ཏང་པ་ལ་ཤིང་མངར་རྣམས། །འོ་མ་
[230a.6]སྦྱར་བསྐོལ་བླུད་པ་ཕན། །རྒྱུས་པ་ཚིགས་དང་རྩར་ཞུགས་ལ། །སྣུམ་ཚ་དཀྲི་བའི་དུགས་བྱས་ཕན། །ཡན་ལག་འཁུམས་ལམ་ཤ་དང་། །རྒྱམ་ཚ་ཏིལ་མར་བསྐོལ་བས་བསྐུ། །ཁྲག་གཟགས་དྲགས་ལ་ཡན་ལག་ནི། །ཚོར་བ་མེད་ལ་ཁྱིམ་དུད་པ། །རྒྱམ་ཚ་
[230a.7]ཏིལ་མར་སྦྱར་བས་བསྐུ། །དཀྲི་བའི་དུགས་ནི་སྦྱར་བར་བྱ། །གཞན་དབང་ཅན་གྱིས་གཟིར་གྱུར་ཅིང་། །མིག་འགྱུར་མི་ཤེས་འདར་བ་མེད། །ཕོ་མཚན་མི་ལྡང་རྔུལ་མི་འབྱུང་། །ཕྱི་རོལ་རྩོལ་བ་མེད་འགྱུར་ལ། །ཁྲི་ཡི་བཅིངས་པས་མ་ནོན་པ། །དེ་ལ་མྱུར་དུ་གསོ་
[230b]
[230b.1]དཔྱད་བྱ། །དེར་ནི་ཐོག་མར་སྣུམ་ཞེན་བྱ། །དུགས་བྱས་སྣ་སྨན་རྣོན་པོས་ནི། །བུ་ག་སྦྱང་ཕྱིར་བཏང་བ་དང་། །བི་ད་ར་ཡི་སྡེ་བསྐོལ་དང་། །ཞོ་དང་འོ་མ་ཤ་ཁུ་དང་། །མར་བསྐོལ་བ་ཡི་དངས་མ་བླུད། དེས་ནི་རླུང་ནད་ཚབས་ཆེ་བའམ། །འཕྲལ་དུ་ཁྱབ་པར་མི་འགྱུར་
[230b.2]རོ། །རྒྱ་སྲན་ནས་དང་རྒྱ་ཤུག་སྩོགས། །ཐང་ཤིང་ལ་སོགས་སྡེ་ཚན་ནི། །རླན་ཅན་ཤ་ནི་བསྐོལ་བ་དང་། །སྐྱུར་དང་འོ་མ་དག་དང་ནི། །མངར་བའི་སྡེ་ཚན་བཏབ་པ་ཡི། །སྣུམ་ཆེན་དག་ནི་བསྐོལ་བ་ཡིས། །བླུགས་དང་བསྐུ་དང་ལུས་སྤྱི་དང་། །བཏུང་དང་སྣ་
[230b.3]སྨན་འཇམ་རྩིར་བྱ། །སྣུམ་དང་དུགས་ནི་ལེགས་སྦྱར་བ། །དེ་དང་དེས་ནི་རླུང་ནད་འཇོམས། །ནད་ཤུགས་བར་མ་དག་ལ་ནི། །བད་ཀན་སེལ་ཞིང་རྣོ་བ་ཡི། །སྤྱི་བོའི་བཀྲུ་སྨན་ལན་མང་གཏང་། །བུད་ཅིང་གཏང་བར་བྱ་བ་ཡིས། །དབུགས་རྒྱུའི་གནས་ནི་དག་གྱུར་
[230b.4]ནས། །དེས་ནི་དྲན་པ་རྙེད་པར་འགྱུར། །ཁ་རུ་ཚ་དང་ཨ་རུ་ར། །ཚ་བ་གསུམ་བསྐོལ་རླུང་ཆེན་སེལ། །སེང་ཕྲོམ་སྲང་བརྒྱད་འབྲས་བུ་གསུམ། །བྲེ་གང་རྩ་བ་ཆེན་པོ་ལྔ། །ཨེ་རཎྜ་དང་བྲི་ཧ་ཏི། །དུར་བྱིད་སྲང་རེ་ཆུ་བྲེ་ནི། །བཅུ་དྲུག་ནང་དུ་བསྐོལ་ནས་སུ། །བཞི་ཆ་ལུས་པ་
[230b.5]དེ་དང་ནི། །མར་བྲེ་གང་དང་ཆུ་བྲེ་བཞི། །ནས་ཚིག་འཁུས་ཐལ་སྲང་གསུམ་བསྐོལ། །དེ་བསྟེན་རླུང་ནད་མ་རུངས་པ། །ཡན་ལག་ཕྱོགས་གཅིག་ཀུན་ལ་ཞུགས། །མངལ་གྱི་ནད་དང་རྒྱུ་རླུགས་དང་། །སྐྲན་དང་དམུ་རྫིང་འཇོམས་པར་བྱེད། །ར་མཉེ་བ་དང་ཨ་ཤྭ་ཀའང་། །
[230b.6]ཆོ་ག་སེང་ཕྲོམ་ལྟ་བུར་བྱ། །གསོ་བ་འདི་ནི་གཞན་དབང་ཅན། །རླུང་ནད་མ་འདྲེས་པ་ལ་བྱ། །ནད་གཞི་འདྲེན་མར་འདྲེན་མས་བྱ། །བད་ཀན་བཅས་པའི་གཞན་དབང་ཅན། །སྙིང་ག་རྩིབ་ལོགས་ན་བ་ལ། །གཡེར་མ་ཤིང་ཀུན་ཨ་རུ་ར། །མ་ནུ་དང་ནི་ལན་ཚྭ་
[230b.7]གསུམ། །ནས་བསྐོལ་ཁུ་བ་སྦྱར་བ་བླུད། །ཤིང་ཀུན་བཅའ་སྒ་རྩལ་རུ་ཚ། །སེ་འབྲུ་སྟར་བུ་བཅས་པ་བླུད། །བད་ཀན་རླུང་ནི་འདྲེས་པ་ལ། །སྙིང་ནད་གསོ་བའི་སྐབས་བཤད་ཕན། །ད་རྒན་ཕྱིར་དགྱེ་ནང་གུག་གཉིས། །ཀླད་པ་གཞོགས་ཕྱེད་ན་ལྟར་གསོ། །ཏིལ་
[231a]
[231a.1]མར་གྱིས་བཀང་སྣོད་དུ་བསྙལ། །འདིར་ནི་ནང་གུག་རབ་གསོ་དཀའ། །སོ་དང་བཞིན་གྱི་མདོག་ཉམས་ཤིང་། །ཡན་ལག་ལྷོད་ཅིང་དྲན་པ་ཉམས། །རབ་ཏུ་རྔུལ་བའི་གཞུང་རེངས་ཡིན། །དེ་ནི་ཞག་བཅུ་ལས་མི་འཚོ། །དེ་ལས་གཞན་ཤུགས་
[231a.2]སྨན་གྱུར་འཚོ། །ལུས་སྒུ་བ་དང་འོན་གླེན་དང་། །(འཐིང་,འཐེང་)དང་ཞ་བོ་གཞོགས་ཕྱེད་ཉམས། །འཕྱེ་བོའམ་དབང་པོ་མ་ཚང་འགྱུར། །འགྲམ་པ་ཉམས་པ་འགྲམ་པ་སྣུམ། །དུགས་བྱས་ནས་ནི་རང་གནས་གཞུག །ཁ་གདངས་པ་ལ་ཀོས་ཀོ་ནི། །བཏེག་ལ་མཁས་པས་
[231a.3]གཞུག་པར་བྱ། །འཐམ་པར་གྱུར་པ་ལྷག་མ་ལ། །ཕྱོགས་གཅིག་གུག་པ་ལྟ་བུར་གསོ། །ལྕེ་ལྡིབས་གནས་སྐབས་ཇི་བཞིན་དུ། །རླུང་ནད་ཀྱི་ནི་གསོ་བ་བྱ། །གླད་པ་གཞོགས་ཕྱེད་ན་བ་ལ། །སྣ་སྨན་སྤྱི་བོའི་ཏིལ་མར་དང་། །མིག་དང་རྣ་བ་དགང་བར་བྱ། །སྐྲངས་
[231a.4]པར་སྐྱུག་སྨན་གཏང་བར་བྱ། །ཚ་ཞིང་དམར་བཅས་གཏར་ག་གདབ། །གཞོགས་ཕྱེད་སྐམས་ལ་སྣུམ་ཆོས་དང་། །སྣུམ་དང་ལྡན་པའི་བཀྲུ་སྨན་གཏང་། །དཔུང་པ་འཇས་ལ་སྣ་སྨན་དང་། །ཟས་ཀྱི་རྗེས་ལ་སྣུམ་སྦྱིན་བྱ། །བརླ་རེངས་པ་ལ་སྣུམ་ཆོས་དང་། །སྦྱང་
[231a.5]བྱས་ཕན་པ་མ་ཡིན་ཏེ། །བད་ཀན་མ་ཞུ་ཚིལ་མང་བས། །དེ་ཕྱིར་དེ་ལ་རྩུབ་ཆོས་ཀྱི། །ཟད་པར་བྱ་བས་གསོ་བར་བྱ། །ནས་དང་ཁྲེ་དང་ཁྲེ་རྒོད་སྦྱིན། །ཚོད་མ་ལན་ཚྭ་མེད་པ་ནི། །ཏིལ་མར་ཅུང་ཟད་ཆུར་བསྐོལ་བའམ། །སྐམ་སའི་ཤ་ནི་མར་མེད་དང་། །སྦྲང་རྩི་ཆུ་
[231a.6]དང་ཆང་རྙིང་སྦྱིན། །ཕྱུག་པོའི་རླུང་ལ་དུག་མོ་ཉུང་། །ཡུང་བའི་སྡེ་ཚན་ཤུ་དག་སོགས། །བསྐོལ་བ་རྒྱམ་ཚར་བཅས་པའམ། །བ་ར་ཎ་སོགས་ཕྱེ་སྦྱར་བླུད། །ཡང་ན་དབྱི་མོ་འབྲས་བུ་གསུམ། །པུ་ཙེ་ཤེལ་དང་པི་པི་ལིང་། །སྦྲང་རྩིར་སྦྱར་བའི་ལྡེ་གུ་སྦྱིན། །ཡང་
[231a.7]ན་དབྱི་མོ་ཨ་རུ་ར། །ཙི་ཏྲ་ཀ་དང་ཐང་ཤིང་དང་། །སྦྲང་རྩིར་སྦྱར་བའི་ལྡེ་གུ་སྦྱིན། །གུ་གུལ་བྲག་ཞུན་ཨ་རུ་ར། །བ་གཅིན་དང་ནི་སྦྱར་བ་བླུད། །གླ་སྒང་ཙི་ཏྲ་ཚ་བ་གསུམ། །འབྲས་བུ་གསུམ་དང་བྱི་དང་ག །གུ་གུལ་ཆ་མཉམ་ཕྱེ་མ་སྦྱིན། །ཆིལ་དང་བད་
[231b]
[231b.1]ཀན་མ་ཞུ་ལས། །གྱུར་པའི་ནད་ནི་ཐམས་ཅད་སེལ། །དེ་ལྟར་བད་ཀན་ཤས་ཆེ་ཞིང་། །ཚིལ་བཅས་རླུང་ནི་ནད་སེལ་བྱེད། །ཐལ་སྨན་བ་གཅིན་སྦྱར་དུགས་དང་། །བླུགས་དང་ལུས་ལ་དྲིལ་བའང་བྱ། །ཉུངས་ཀར་ཀ་རཉྫའི་འབྲས་བུ། །བ་གཅིན་སྦྱར་བས་བསྐུ་
[231b.2]བར་བྱ། །ཨརྐ་ཨགྣི་མནྠ་དང་། །ནིམ་པའི་རྩ་བ་ཐང་ཤིང་དང་། །བོང་པ་དང་ནི་གྲོག་མཁར་ས། །ཡུངས་ཀར་སྦྲང་རྩིར་བཅས་པ་བསྐུ། །བད་ཀན་ཟད་ཕྱིར་དྲག་ཤུལ་ནི། །བཟོད་ན་དེ་ལ་བརྟེན་པར་བྱ། །ཐང་ལ་མཆོང་དང་ཅི་ནུས་ཀྱིས། །ཉལ་པོ་དག་ཀྱང་
[231b.3]ཡོངས་སུ་བསྟེན། །ཆུ་མི་གཡོ་དང་ལྟེང་ཀ་དང་། །ཆུ་རྒྱུན་བཟློག་པས་ཆུ་བོ་རྒལ། །འདིར་ནི་ཚིལ་དང་བད་ཀན་དག །ཟད་ནས་སྣུམ་ལ་སོགས་པ་གཏང་། །གནས་དང་ལུས་ཟུངས་སོགས་བརྟགས་ལ། །ལྷག་མ་རྣམས་ཀྱང་གསོ་བར་བྱ། །ས་ཧ་ར་ཛ་ཐང་ཤིང་དང་། །
[231b.4]དོང་གྲ་བསྐོལ་བ་ཏིལ་མར་སྦྱར། །རླུང་གིས་ལུས་གཟིར་ལ་བླུད་ན། །ཅི་འདོད་ཐོགས་པ་མེད་འགྲོ་ནུས། །ར་སྣ་དོང་གྲ་ཙི་ཏྲ་ཀ །ཟུར་པ་མ་ནུ་པི་པི་ལིང་། །བཏགས་པའི་ཕྱེ་མ་མར་བསྐོལ་བ། །རླུང་ནད་སེལ་བར་བྱེད་པའི་མཆོག །ནིམ་པ་སླེ་ཏྲེས་བ་ཤ་ཀ །ཀཎྜ་
[231b.5]ཀ་རི་པ་ཏོ་ལ། །སྲང་ནི་བཅུ་བཅུའི་ཚད་བྱས་ལ། །ཆུ་བྲེ་བཅུ་དྲུག་ནང་དུ་བསྐོལ། །ཁུ་བ་བརྒྱད་ཆ་ལུས་པ་དེར། །མར་ནི་བྲེ་གང་བླུགས་ཏེ་བསྐོལ། །པ་ཏ་ཐང་ཤིང་བྱི་དང་ག །དོང་གྲ་ཧ་ཏི་པི་པི་ལིང་། །སྐྱེར་པ་ཤུ་ཏི་དབྱི་མོ་དང་། །ཏེ་ཛོ་བ་ཏི་ན་ལེ་ཤམ། །རུ་རྟ་དང་
[231b.6]ནི་དུག་མོ་ཉུང་། །ཐལ་སྨན་རྣམ་པ་གཉིས་པོ་དང་། །ཏི་མུ་ས་དང་ཀྲུ་ཏྲུག་ཏྲེས། །བསེ་ཤིང་འབྲས་བུ་པུ་ཙེ་ཤེལ། །ཤུ་དག་པི་པི་ལིང་རྩ་བ། །བཙོད་དང་བོང་ང་ལ་ལ་ཕུད། །ཞོ་ནི་གཉིས་གཉིས་ཚད་བྱས་པ། །གུ་གུལ་སྦྱར་བ་སྲང་ལྔ་དང་། །ལྡེ་གུ་བཏབ་སྟེ་བསྐོལ་
[231b.7]བའི་མར། །བླུད་ན་རླུང་ཚད་ཚབས་ཆེ་བ། །རུས་ཚིགས་རྐང་ལ་ཞེན་པའང་འཇོམས། །མཛེ་ནད་དེ་འདྲའང་སེལ་བར་བྱེད། །བུ་གའི་རྨ་དང་ལྦ་བ་དང་། །མཚན་པར་རྡོལ་དང་འབྲས་ཀྱི་ཕྲེང་། །ནམ་ཚོང་ཡན་ཆད་ནད་ཀུན་དང་། །སྐྲན་དང་གཞང་འབྲུམ་ཟ་ཁུ་དང་། །
[232a]
[232a.1]གཅོང་ཆེན་དབུགས་མི་བདེ་བ་དང་། །ཡི་ག་འཆུས་དང་ཆམ་པ་དང་། །ལུད་པ་འོར་ནད་སྙིང་ནད་དང་། །སྐྱ་རྦབ་མྱོས་དང་ཁོང་འབྲས་དང་། །རླུང་དང་ཁྲག་གི་ནད་རྣམས་འཇོམས། །བིལ་བ་གཞོན་ནུའི་འོ་མ་དང་། །མར་གྱི་ཉིང་ཁུ་བསྐོལ་ནས་ནི། །དེ་
[232a.2]ལ་སྲང་ནི་གཅིག་གམ་ཕྱེད། །སྣ་སྨན་བྱས་མགོའི་རླུང་ནད་སེལ། །དེ་བཞིན་ཆུ་སྲིན་ནག་ཁྲ་དང་། །ཉ་དང་རུས་སྦལ་འུག་པའི་ཆིལ། །བསྐོལ་བ་མ་འདྲེས་རླུང་ལ་ནི། །ཁྱད་པར་དུ་ནི་གཏང་བར་བྱ། །ཏིལ་གྱི་ཚིགས་མ་རྙིང་པ་དང་། །རྩ་བ་ལྔ་པ་སོ་སོར་བསྐོལ། །གཅིག་
[232a.3]ཏུ་བསྲེས་པ་ཏིལ་མར་ནི། །འོ་མ་བརྒྱད་ཆའི་ནང་དུ་བསྐོལ། །བླུད་ན་རླུང་དང་བད་ཀན་དང་། །འདྲེས་པའི་ནད་ནི་ཐམས་ཅད་འཇོམས། །པྲ་ས་ར་ནི་སྲང་བརྒྱད་བསྐོལ། །ཏིལ་མར་འོ་མ་བྲེ་རེ་དང་། །མེད་གཉིས་དང་ཤ་པུཥྤ། །བཙོད་དང་རུ་རྟ་ར་སྣ་དང་། །ཙནྡན་དམར་པོ་
[232a.4]ཛི་བ་ཀ ། ར་སྣ་ར་མཉེ་བ་གཉིས་དང་། །ཐང་ཤིང་བཏགས་པའི་ལྡེ་གུ་དང་། །བསྐོལ་བླུད་རླུང་ནད་ཐམས་ཅད་སེལ། །ས་ཧ་ར་ཛའི་རྩ་བ་ཡལ་གར་བཅས། །སྲང་བརྒྱ་རྩ་བ་བཅུ་ནི་དེ་དང་མཉམ། །ཉེའུ་ཤིང་སྲང་ནི་ལྔ་བཅུ་ཆུ་བྲེ་དྲུག་ཅུ་ནི། །རྩ་བཞིའི་ནང་བསྐོལ་བཞི་ཆ་ལུས་
[232a.5]པ་དེར། །ཆུ་སྲིན་སྡེར་མོ་རུ་རྟ་པུ་ཤེལ་ཙེ། །ཙནྡན་སུག་སྨེལ་པྲི་ཀ་པྲི་ཡང་ཀུ། །ན་ལི་ཀ་དང་རྡོ་དྲེག་བ་ལེ་ཀ །སྤང་སྤོས་ཐང་ཤིང་བཙོད་དང་ཨ་རུ་ར། །ཙ་རོང་ཤུ་ཏི་རྒྱ་སྤོས་དུ་རུ་ཀ །སྲང་རེ་ཆ་མཉམ་འོ་མར་བཅས་པ་ནི། །ཏིལ་མར་བྲེ་བཞི་ལྷན་ཅིག་བསྐོལ་བ་བླུད། །
[232a.6]རླུང་ནད་གསོ་དཀའ་དག་ཀྱང་འཇོམས་པར་བྱེད། །ལུས་འདར་ལུས་ལ་རླུང་འཇུག་ལུས་རེངས་དང་། །ལུས་བསྐམས་པ་ཡིས་ཤིན་ཏུ་གཟིར་ལ་སོགས། །སྐྲན་དང་སྨྱོ་བྱེད་ཆམ་པ་མངལ་ནད་འཇོམས། །ས་ཧ་ར་ཛ་སྲང་བརྒྱ་ཡི། །ཁུ་བར་ཏིལ་མར་བྲེ་བཞི་བསྐོལ། །དེ་
[232a.7]རྩ་ལྡེ་གུ་སྲང་བཅུ་དང་། །འོ་མ་བཞི་འགྱུར་བཅུག་སྟེ་བསྐོལ། །ཡང་ན་རྒྱ་སྤོས་ཤུ་དག་དང་། །སྟིར་རུ་རྟ་ཤུ་དག་དང་། །སུག་སྨེལ་རྡོ་དྲེག་སྤང་སྤོས་དང་། །ཤུ་ཏི་ཙནྡན་དམར་པོ་གཞུག །བསྐོལ་བ་དེར་ནི་ཁ་རའི་ཕྱེ། །སྲང་ནི་བཅོ་བརྒྱད་གཞུག་པར་བྱ། །ཏིལ་མར་སྨན་
[232b]
[232b.1]མར་ཡིན་པར་བཤད། །དེས་ནི་རླུང་ནད་མ་ལུས་དང་། །རླུང་ནད་འཁྱིལ་དང་སྨྱོ་བྱེད་དང་། །སྐྲན་དང་རླིག་རླུགས་ལ་སོགས་སེལ། །བ་ལ་སྲང་བརྒྱ་སླེ་ཏྲེས་ནི། །བཞི་ཆ་ར་སྣ་བརྒྱད་ཆ་ནི། །ཆུ་བྲེ་བཞི་བརྒྱའི་ནང་དུ་བསྐོལ། །ཁུ་བ་བརྒྱད་ཆ་ལུས་པ་དང་། །ཞོ་དང་ཞོ་ག་ཆུ་
[232b.2]བུ་རམ། །ཤིང་ཁུ་ཚ་དང་ཏིལ་མར་རྣམས། །བྲེ་ནི་བཞི་བཞི་བསྐོལ་ནས་ནི། །ར་ཡི་འོ་མ་ཆ་ཕྱེད་དང་། །ཟུར་པ་སྐྱེར་པ་ས་ར་ལ། །སུག་སྨེལ་བཙོད་དང་ཨ་ཀ་རུ། །ཙནྡན་ཨ་ཏི་པ་ལ་དང་། །ཤུག་པ་གླ་སྒང་མུངྒའི་ལོ། །ཧ་རེ་ཎུ་ཀ་ཤིང་མངར་དང་། །བྱ་གྲི་ནཱ་ག་བྱེའུ་
[232b.3]རུག་པ། །ཟངས་རྩི་བ་དང་ཛི་བ་ཀ །གླ་རྩི་ལྕེ་པོག་པ་ལ་ཤ །ཛཱ་ཏི་ཤོ་ཀ་ན་ལི་ཀ །གུར་གུམ་རྡོ་དྲེག་བི་ཀ་དང་། །ཛཱ་ཏི་པ་ལ་ཀད་པ་ལ། །བ་ལི་ཀ་དང་ཤིང་ཚ་དང་། །ཀུན་དུ་རུ་དང་ག་པུར་དང་། །ཤྲི་པ་ས་ད་དུ་རུ་ཀ །ལི་ཤི་ཆུ་སྲིན་སེན་མོ་དང་། །རུ་རྟ་སྤང་སྤོས་ཀ་
[232b.4]ཀོ་ལ། །པྲི་ཡང་ཀུ་དང་སྟོ་ནེ་ཡ། །རྒྱ་སྤོས་ཤུ་དག་བྱ་མ་ཀ །མ་དུ་ནཱ་ག་གླ་བ་དང་། །ནཱ་ག་གེ་སར་སྲང་རེ་དང་། །བསྐོལ་ཏེ་བཙགས་པར་གྱུར་པ་རུ། །གནྡྷ་བྷ་དྲའི་ལྡེ་གུ་ནི། །ཆོ་ག་བཞིན་དུ་བཅུག་པ་དེས། །ལུད་པ་དབུགས་མི་བདེ་དང་རིམས། །བརྒྱལ་དང་སློན་སྐྲན་
[232b.5]ཟད་བྱེད་དང་། །གློ་འགྲམས་མཆེར་ནད་སྐེམ་པ་དང་། །བརྗེད་བྱེད་བཀྲ་མི་ཤིས་པ་སེལ། །བ་ལི་ཏིལ་མར་བཟང་པོ་འདི། །རླུང་གི་ནད་ནི་འཇོམས་བྱེད་ཡིན། །བཏུང་བ་སྣ་སྨན་བསྐུ་དང་འཇམ་རྩི་ནི། །སྣུམ་གྱི་སྦྱོར་བ་དུས་སུ་ལེགས་བསྟེན་ན། །དེས་ནི་མ་རུངས་
[232b.6]རླུང་ནད་མྱུར་ཞི་སྟེ། །བུད་མེད་མོ་གཤམ་བུ་ཡི་སྣོད་བྱེད་འགྱུར། །གང་ཚེ་བད་ཀན་མཁྲིས་པ་ནི། །ཞུ་བའི་གནས་འདུག་སྣུམ་དུགས་ཀྱིས། །ཞུ་ནས་མཁྲིས་པ་སྣང་གྱུར་པ། །དེ་ལ་འཇམ་རྩིས་བསལ་བར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། །གསོ་
[232b.7]བའི་གནས་ལས་ལེའུ་ཉི་ཤུ་གཅིག་པའོ།། །།དེ་ནས་དྲེག་ནད་གསོ་བ་བཤད་པར་བྱའོ། །དྲེག་ནད་ཅན་ནི་སྣུམ་ཆོས་བྱ། །རླུང་བསྲུངས་ནད་གཞི་ཉམས་སྟོབས་ལས། །དཔག་སྟེ་ཁྲག་ནི་ཅུང་ཟད་ཙམ། །ལན་མང་དུ་ནི་དབྱུང་བར་བྱ། །དམར་གཟེར་ན་ཞིང་ཚ་
[233a]
[233a.1]བ་ལ། །སྲིན་བུ་པད་པས་ཁྲག་དབྱུང་ངོ་། །གཡའ་ཞིང་ན་ལ་ཙག་ཙག་ཚ། །ཤས་ཆེར་ཚ་ལ་རྔབས་རུས་དབྱུང་། །གནས་ནས་གནས་སུ་འཕོ་བ་ལ། །གཏར་གའམ་ཞལ་ཞལ་གྱིས་ཁྲག་དབྱུང་། །ལུས་ཞུམ་པ་དང་ཁོང་རྩུབ་ཅིང་། །རླུང་ཤས་
[233a.2]ཆ་ལ་ཁྲག་མིད་བྱུང་། །ཁྲག་ཟད་པ་ལ་རླུང་གིས་ནི། །སྐྲངས་པ་གཏིང་ཟབ་རིངས་པ་དང་། །འདར་ཞིང་རྩ་རྒྱུས་ན་དང་ཞུམ། །རླུང་ནད་གཞན་ཡང་སྐྱེད་པར་བྱེད། །སྣུམ་ཆོས་བྱས་རྗེས་བཀྲུ་སྨན་ནི། །སྣུམ་དང་ལྡན་པས་འཁྲུ་རུ་གཞུག །རླུང་ཤས་ཆེ་བའི་དྲེག་ནད་
[233a.3]ལ། །མར་ནི་རྙིང་པ་བླུད་པར་བྱ། །ར་མཉེ་བ་དང་སྲ་བ་ནི། །པ་ཡ་སྱ་དང་ཛི་བ་ཀ །ཟངས་རྩི་བ་དང་ཆ་སྙོམས་ཏེ། །འོ་མ་མར་བསྐོལ་དྲེག་ནད་འཇོམས། །རྒུན་འབྲུ་མ་དུ་ཀ་བསྐོལ་བའི། །ཁུ་བ་ཁར་མར་བཅས་པའམ། །དེ་བཞིན་སླེ་ཏྲེས་ཁུ་བར་ནི། །འོ་མ་བསྐོལ་
[233a.4]བ་བླུད་པར་བྱ། །ཏིལ་མར་འོ་མ་ཁ་རར་བཅས། །ལེགས་པར་བསྲེས་པ་བླུད་པར་བྱ། །བ་ལ་ཉེ་ཤིང་ར་སྣང་དང་། །པི་ལུ་རྩ་བ་བཅུ་པར་བཅས། །དུར་བྱིད་སྟི་ར་ཨེ་རཎྜ། །བསྐོལ་བའི་འོ་མས་རླུང་དྲེག་སེལ། །བ་གཅིན་འོ་མ་བཞོས་མ་ཐག །བཅས་པའང་ནད་
[233a.5]ནི་བདེ་འབྱུང་བྱེད། །མཁྲིས་པར་ཉེ་ཤིང་པུ་ཙེ་ཤེལ། །པ་ཏོ་ལ་རྩའི་འབྲས་བུ་གསུམ། །སླེ་ཏྲེས་དང་ནི་སྨན་མངར་ཁ། །འོ་མའང་མར་དང་བསྐོལ་བ་བླུད། །ནད་གཞི་ཤས་ཆེའི་བཀྲུ་སྨན་ཕྱིར། །ཨེ་རཎྜའི་མར་འོ་མར་སྦྱར། །སྦྱོར་བ་ཇི་བཞིན་བླུད་པར་བྱ། །
[233a.6]ཞུ་ནས་འོ་མ་འབྲས་ཆན་སྦྱིན། །ཨ་རུ་ར་ནི་མར་བརྔོས་པ། །ཁུ་བ་བླུད་པར་བྱ་བའམ། །དུར་བྱིད་ཕྱེ་མ་རྒུན་ཆུའམ། །འོ་མ་སྦྱར་བ་བླུད་པར་བྱ། །ཡང་ན་དེ་ཡི་ནད་གཞི་ནི། །འཇམ་རྩི་འོ་མ་མར་བཅས་སྦྱར། །རླུང་དང་ཁྲག་ནད་གསོ་བ་ལ། །འཇམ་རྩི་ལས་ལྷག་
[233a.7]གང་ཡང་མེད། །མཆོག་ཏུ་གཞང་དང་རྩིབ་ལོགས་བརླ། །ཚིགས་ནད་དམུ་རྫིང་ཉམ་ཐག་སེལ། །བད་ཀན་ཤས་ཆེ་གླ་སྒང་དང་། །རྒུན་འབྲུ་སྐྱེར་པ་བསྐོལ་བའམ། །འབྲས་བུ་གསུམ་བསྐོལ་སྦྲང་རྩིར་བཅས། །ཡང་ན་སླེ་ཏྲེས་ཅི་རིགས་བླུད། །ཇི་ལྟར་འཆམ་པར་སྣམ་
[233b]
[233b.1]བླུད་དེ། །སློན་བྱས་ནས་ནི་རྩུབ་ཆོས་བྱ། །འབྲས་བུ་གསུམ་དང་ཚ་བ་གསུམ། །གནྡྷ་བྷ་དྲ་ཤིང་ཚ་དང་། །ཅུ་གང་ཤུ་དག་ཙི་ཏྲ་ཀ །པི་པི་ལིང་རྩ་བྱི་དང་ག །སྤང་སྤོས་བ་ཤ་ཀའི་ཤུན་ཕྲགས། །རི་སྟི་དབྱི་མོ་ལང་ག་ལིང་། །ཆ་མཉམ་ལྡེ་གུར་བྱས་པ་ལ། །ནང་
[233b.2]པར་ལྕགས་སྣོད་བསྐུས་ཏེ་གཞག །ཉི་མ་ཕྱེད་དུས་དེ་ཟོས་ན། །ནད་གཞི་ཀུན་གྱུར་དྲེག་ནད་ནི། །གཟེར་དང་ལྡན་ལ་མཆོག་ཏུ་ཕན། །ཀོ་ཀི་ལཀྵ་བསྐོལ་བའི་ཁུ། །བླུད་ཅིང་དེ་ཡི་ཚོད་མ་ཟོས། །སྙིང་རྗེ་གོམས་པའི་སྐྱེས་བུ་ལྟར། །དྲེག་ནད་སེལ་བར་བྱེད་པ་ཡིན། །
[233b.3]རྩ་བ་ལྔའམ་སྐྱུ་རུ་རའི། །ཁུ་བ་ལི་ལི་ཏ་ཡི་ཞག །འཁྲིག་པ་སྤོང་ཞིང་འཐུངས་ན་ནི། །དྲེག་འཐེང་ཤིན་ཏུ་གཏིང་ཟུག་སེལ། །དེ་ལྟར་ནང་གི་བསྟན་ནས་ནི། །དེ་འོག་ཕྱི་རོལ་གསོ་བ་བཤད། །རང་སྐྱུར་བྲེ་བཞིར་ཏིལ་མར་དང་། །སྲ་རྩི་པོག་ནི་བཞི་ཆར་བསྐོལ། །ཆུ་
[233b.4]ནང་གཟར་བུས་མང་དུ་དཀྲུགས། །རིམས་ཚ་ནད་གཟིར་སེལ་མཆོག་ཡིན། །ཏིལ་མར་བཙོད་དང་སྤྲ་ཚིལ་དང་། །སྲ་རྩི་པོག་དང་ཐལ་ཏྲེས་བཅས། །ཏིལ་མར་སྐབས་ལུས་བསྐུས་ན། །དྲེག་ནད་སེལ་བའི་དམ་པ་ཡིན། །རྩ་བ་བཅུ་དང་འོ་མ་བསྐོལ། །ཡང་ན་ལྡེ་གུ་
[233b.5]ཆུ་དྲོན་སྦྱར། །བླུགས་ན་རླུང་ཤས་ཆེ་བ་ཡི། །གཟེར་ནད་འཕྲལ་དུ་སེལ་བྱེད་ཡིན། །ལུས་འཇུག་རེངས་དང་གཟེར་གྱིས་ཉེན། །སྣུམ་བཞི་པོ་ནི་མངར་བའི་སྨན། །དྲོ་འཇམ་སྦྱར་བ་བླུགས་པར་བྱ། །ཚ་བར་གྱུར་ལ་གྲང་མོ་བླུགས། །དེ་བཞིན་ར་ལུག་པ་ཡི་ནི། །འོ་མ་
[233b.6]ཏིལ་མར་སྦྱར་བའམ། །འཚོ་བྱེད་སྡེ་ཚན་བསྐོལ་བའམ། །རྩ་བ་ཆུང་ངུ་ལྔ་བསྐོལ་བླུགས། །རྒུན་ཆུ་བུ་རམ་ཤིང་ཁུ་ཆང་། །རང་སྐྱུར་ཞོ་དང་ཞོ་ག་ཆུ། །འབྲས་བཀྲུས་ཆུ་དང་སྦྲང་རྩིའི་ཆུ། །ཀ་རའི་ཆུ་ནི་བླུད་པའང་ཕན། །བུད་མེད་གཟུགས་སྡུག་སྙན་པར་སྨྲ། །ལག་
[233b.7]པ་ནུ་མ་ཙནྡ་བསྐུས། །རེག་ན་བསིལ་ཞིང་བདེ་བ་ཡིས། །ཚ་དང་ན་དང་རྨྱ་བ་སེལ། །མདོག་དམར་ཚ་དང་ན་བཅས་ལ། །ཁྲག་ཕྱུང་ནས་ནི་ལྡེ་གུས་བསྐུ། །སྟག་ཚེར་པ་དང་ཤིང་མངར་བཙོང་། །སྐྱེར་བ་ཙནྡན་ཀ་ར་དཀར། །ཨེ་རཎྜ་ཡི་ས་བོན་ཕྱེ། །སྲན་ཆུང་ཤུག་
[234a]
[234a.1]པ་པུ་ཤེལ་ཙེ། །ལྡེ་གུས་ཚ་ན་ཤུ་བ་མཆེད། །ན་ཞིང་མདོག་དམར་སྐྲངས་པ་སེལ། །ཀྲི་ས་ར་ནི་རླུང་འཇོམས་སྨན། །སྣུམ་བཅས་བསྐོལ་བའམ་མུངྒ་དང་། །འོ་ཐུག་ཉུངས་ཀར་ཏིལ་ཚིགས་མ། །གླན་ཞིང་དཀྲིས་པས་གཟེར་འཇོམས་བྱེད། །ཆུར་
[234a.2]གནས་རླན་ཅན་མཐུ་རྩལ་གྱིས། །ཟས་ཚོལ་ཤ་བཏགས་གཡོས་ལེགས་པ། །འཚོ་བྱེད་སྨན་དང་སྣུམ་བཅས་པས། །གླན་ཞིང་དཀྲི་བ་བྱས་གྱུར་ན། །སྲ་ཞིང་གཟེར་ལ་ན་བ་དང་། །སྐྲངས་དང་ཡན་ལག་ན་བ་འཇོམས། །འཚོ་བྱེད་སྨན་དང་བསྐོལ་བ་ཡི། །འོ་མ་ཞག་
[234a.3]གིས་བསྐུས་ནའང་ཕན། །ས་ཧ་ར་ཛའི་རྩ་བ་དང་། །ཛི་བན་ཏི་མར་རའི་འོ་མ། །ལྡེ་གུ་བསྐུས་པའམ་དེ་བཞིན་དུ། །ཏིལ་བཏགས་བརྔོས་པ་འོ་མར་སྦྱར། །ཟར་མ་འོ་མར་སྦྱར་བའམ། །ཨེ་རཎྜ་ཡི་འབྲས་བུ་ནི། །འོ་མ་དག་དང་སྦྱར་བའམ། །ཤུ་ཏིའི་འོ་མར་
[234a.4]སྦྱར་བ་ཡིས། །རླུང་ཤས་ཆེ་བའི་གཟེར་འཇོམས་བྱེད། །བ་གཅིན་ཐལ་སྨན་ཆང་དང་བསྐོལ། །མར་གྱིས་བསྐུས་ནའང་དེ་ལ་ཕན། །བད་ཀན་ཤས་ཆེ་རྒུན་ཚ་དང་། །བསྐོལ་བའི་མར་བསྐུ་བླུགས་པ་ཕན། །ཤུ་དག་རུ་རྟ་ཁྱིམ་དུད་པ། །ཤུ་ཏི་སེར་པོ་རྣམ་གཉིས་ཀྱི། །
[234a.5]ལྡེ་གུས་བསྐུས་ན་དྲེག་ནད་ནི། །རླུང་དང་བད་ཀན་ཤས་ཆེ་སེལ། །དེ་བཞིན་ཤི་ཀྲུའི་ས་བོན་ནི། །འབྲས་ཀྱི་ཁུ་བའི་རང་སྐྱུར་ནི། །ཡུད་ཙམ་བཏགས་ནས་སྐྱུར་གྱུར་པ། །བླུགས་ན་བད་རླུང་ཤས་ཆེ་སེལ། །རྟོགས་པར་སླ་ལ་བྱུག་དང་བསྐུ། །བླུགས་དང་
[234a.6]ལུས་ནི་བཅིང་བས་གསོ། །རྟོགས་དཀའ་མས་གཏོང་དྲག་པོ་དང་། །བཀྲུ་སྨན་སྣུམ་ནི་བླུད་པས་གསོ། །བད་རླུང་ཤས་ཆེར་དྲོ་འཇམ་སྦྱར། །དེ་ལ་བྱུགས་སྩོགས་གྲང་མོ་ཡིས། །ལུས་ཚ་ན་ཞིང་གཡའ་ཞིང་སྐངས། །སྲ་བ་རྣམ་པར་འཕེལ་བར་འགྱུར། །ཁྲག་
[234a.7]མཁྲིས་ཤས་ཆེའི་དྲེག་ནད་ལ། །བྱུག་པ་ལ་སོགས་བསིལ་བས་བྱ། །དྲོ་བས་ཚ་ཞིང་ན་ལ་དམར། །རྡུལ་འབྱུང་གས་པར་འབྱུང་བར་འགྱུར། །ཤིང་མངར་སྲང་བརྒྱ་བསྐོལ་བ་ཡི། །ཁུ་བ་བཞི་ཆ་ལུས་པ་རུ། །ཏིལ་མར་བྲེ་བཞི་འོ་མ་མཉམ། །ཏི་ར་མུར་བ་
[234b]
[234b.1]ཏ་མ་ལ། །ཉེའུ་ཤིང་ཨ་གར་པ་ཡ་སྱ། །ཙནྡན་ཧས་བ་ཏི་དང་། །སྤང་སྤོས་སླེ་ཏྲེས་མེ་ད་གཉིས། །ར་མཉེ་བ་གཉིས་ཤུ་ཏི་དང་། །ཤུག་པ་རྣམ་གཉིས་ཛི་བན་ཏི། །ཛི་བ་ཀ་དང་བི་ཤ་བ། །ཤིང་ཚ་གནྡ་བྷ་དྲ་དང་། །ཆུ་སྲིན་སིན་མོ་བ་ལེ་ཀ །བཙོད་དང་པྲ་པུཎྜ་རི་ཀ ། ཤི་རི་
[234b.2]བ་དང་བི་ལ་ཤ །ཀུ་ཏན་ན་ཏ་སྲང་རེ་ཡི། །ལྡེ་གུར་བཅས་པ་བསྐོལ་བར་བྱ། །སྦྱོར་བ་བཞི་པོས་དྲེག་ནད་ཀྱི། །མཁྲིས་པའི་རྩ་བ་རིམས་ནད་སེལ། །བ་ལའི་ཁུ་བ་ལྡེ་གུ་དང་། །ཏིལ་མར་འོ་མ་ཆ་མཉམ་བསྐོལ། །ལན་བརྒྱའི་བར་དུ་བསྐོལ་བ་དེ། །དྲེག་ནད་རླུང་ཅན་སེལ་
[234b.3]བར་བྱེད། །བཅུད་ཀྱིས་ལེན་གྱི་དམ་པ་སྟེ། །དབང་པོ་གསལ་བར་བྱེད་པ་ཡིན། །ཚེ་རིང་ལུས་འཕེལ་སྐད་སྙན་དང་། །ཁུ་ཆུ་ཁྲག་གི་ནད་སེལ་བྱེད། །རྒྱུ་བའི་ལམ་འགགས་འཁྲུགས་གྱུར་པས། །ཚིལ་ལམ་བད་ཀན་ཤིན་ཏུ་ནི། །འཕེལ་བར་གྱུར་པའི་རླུང་ནད་ལ། །
[234b.4]སྣུམ་རྟས་དང་པོར་ཕན་པ་ཡིན། །དེར་ནི་ཕྱུག་པོའི་རླུང་ནད་ཀྱི། །གསོ་བྱ་དྲེག་ནད་གསོ་བར་བྱ། །ཁྲག་ནི་དངས་པར་བྱེད་པ་ཡི། །སྣུམ་དང་སྨན་གྱི་སྦྱོར་བ་བྱ། །སྲོག་སྩོགས་རླུང་ནི་ཅིག་ཅར་འཁྲུགས། །ཇི་སྐད་བསྟན་དང་ནད་གཞི་བཞིན། །ཇི་ལྟར་ཉེ་བར་སྨན་རྣམས་ནི། །
[234b.5]ནང་ཚུལ་ཇི་བཞིན་སྦྱིན་པར་བྱ། །མ་ཞུ་བཅས་ལ་དུགས་དང་སྨྱུང་། །སྨིན་བྱ་རྩུབ་སྨན་བྱུག་པ་དང་། །རླུང་སྩོགས་ཀྱིས་ནི་མ་ཞུ་བསལ། །བྱས་ལ་མ་འདྲེས་རླུང་གསོ་བྱ། །སྐེམ་དང་བྱ་རྨྱང་ཡན་ལག་འཁུམས། །རེངས་དང་འདར་བུ་ཚོར་བ་མེད། །འགྲམ་ཉམས་ཁ་ཡོ་
[234b.6]འཐེང་པོ་དང་། །ཞ་བོ་དྲེག་ནད་ཀྱིས་འཐེང་དང་། །ཚིགས་འཁྲུལ་གཞོགས་ཕྱེད་ན་བ་དང་། །ཚིགས་དང་རྐང་རུས་ལ་ཞུགས་ནད། །འདི་དག་གནས་ནི་གཏིང་རིངས་པས། །དེ་བས་འདི་དག་གསར་བཏབ་དང་། །བླ་བརྣན་མེད་ཅིང་ཉམས་སྟོབས་ལྡན། །འབད་ན་འཚོ་ཡི་
[234b.7]གཞན་དུ་མིན། །མཁྲིས་འདྲེས་རླུང་ལ་གྲང་དྲོ་ཡི། །གསོ་བའི་རིམ་གྱིས་མང་དུ་བྱ། །འཚོ་བྱེད་སྡེ་དང་བསྐོལ་བ་ཡི། །སྨན་མར་དག་ཀྱང་བླུད་པར་བྱ། །སྐམ་སའི་ཤ་དང་སཱ་ལུ་ནས། །བཀྲུ་སྨན་འོ་མར་བཅས་འཇམ་གཏང་། །རྩ་བ་ལྔ་དང་བ་ལར་བསྐོལ། །འོ་མ་མས་
[235a]
[235a.1]གཏོང་སྦྱོར་བ་བྱ། །སྨན་མར་བསྐོལ་བའི་ཏིལ་མར་གྱི། །འཇམ་རྩི་དུས་སུ་གཏང་བར་བྱ། །ཤིང་མངར་བ་ལ་ཏིལ་མར་དང་། །མར་དང་འོ་མ་བསྐོལ་བ་བླུགས། །རྩ་བ་ལྔ་ཡི་ཁུ་བའམ། །ཆུ་ནི་གྲང་མོ་ཉིད་བླུགས་བྱ། །བད་ཀན་བཅས་ལ་
[235a.2]ནས་ཀྱི་ཟན། །སྐམ་སའི་རི་དྭགས་བྱ་ཡི་ཤ །དུགས་དང་མས་གཏོང་བཀྲུ་སྨན་ནོ། །སློན་སྨན་བཀྲུ་སྨན་བཅས་པ་གཏང་། །མར་རྙིང་ཏིལ་མར་ཉུངས་ཀར་ལས། །བྱུང་བའི་མར་ནི་བླུད་པར་བྱ། །བད་ཀན་མཁྲིས་པ་འདྲེས་པ་ལས། །དང་པོ་མཁྲིས་པ་གསོ་བར་བྱ། །
[235a.3]ཁྲག་དང་འདེས་པ་དྲེག་ནད་ཀྱི། །གསོ་བ་ཇི་སྐད་བཤད་པར་བྱ། །དུགས་བསྐུ་ཤ་ཁུ་འོ་མ་དང་། །སྣུམ་དང་བཅས་པས་ཤ་བཀྲ་སེལ། །ཕྱུག་པོའི་རླུང་ལ་གཅིན་སྙི་དང་། །ཚིལ་དང་རླུང་འཇོམས་སྨན་གྱིས་གསོ། །རུས་པ་རྐང་གནས་སྣུམ་ཆེན་གྱིས། །ཁུ་ཆུར་
[235a.4]གནས་ལ་སྔར་བཤད་པའི། །ཟས་དང་འདྲེས་ལ་འཇུ་བྱེད་དང་། །དྲོད་སྐྱེད་སྐྱུག་སྨན་ཡང་བ་གཏང་། །གཅིན་འདྲེས་གཅིན་ནི་འཕེལ་བ་དང་། །དུགས་དང་འཇམ་རྩི་གོང་མས་གསོ། །བཤང་འདྲེས་ཨེ་རཎྜའི་མར་དང་། །འཇམ་རྩི་སྣུམ་ནི་འཁྲུ་བྱེད་ཕན། །ལུས་
[235a.5]ཟུངས་ཀུན་ཞུགས་རླུང་ནད་ལ། །བད་ཀན་མཁྲིས་པར་མི་གནོད་དང་། །གང་ཡང་རླུང་ནི་བདེར་རྒྱུ་བའི། །སྨན་དེ་རླུང་ནད་དེ་ལ་གཏང་། །འཁྲུ་བར་མི་བྱེད་སྣུམ་པ་དང་། །རྩ་རྒྱུན་སྦྱོང་བར་བྱེད་པ་དང་། །མས་གཏོང་བས་ནི་མངར་བ་དང་། །སྣུམ་གྱི་འཇམ་རྩིས་གསོ་
[235a.6]བར་བྱ། །ཉམས་སྟོབས་ཅི་ཡོད་བརྟགས་ནས་ནི། །བཀྲུ་སྨན་འཇམ་པོ་གཏང་བར་བྱ། །བཅུད་ཀྱིས་ལེན་ནི་ཐམས་ཅད་ཀྱི། །སྦྱོར་བ་དག་ཀྱང་བསྔགས་པ་ཡིན། །མཆོག་ཏུ་བྲག་ཞུན་སྦྱོར་བ་དང་། །དེ་བཞིན་གུ་གུལ་ཉི་ཚེ་འམ། །ཁ་ར་སྲང་སྟོང་ཆིག་བརྒྱར་
[235a.7]བཅས། །པ་ཝ་སངས་བཤད་ལྡེ་གུའང་ཕན། །ཐུར་སེལ་འདྲེས་ལ་དྲོད་བསྐྱེད་དང་། །འཁྲུ་གཅོད་རླུང་ནི་བདེར་རྒྱུ་བྱེད། །གཅིན་གྱི་གནས་ནི་སྦྱོང་བྱེད་པའི། །སྨན་རྣམས་དེ་ལ་གཏང་བར་བྱ། །དེ་ལྟར་སྲོག་ལ་སོགས་པ་ཡི། །འདྲེས་པའི་གསོ་བ་མདོར་བཤད་
[235b]
[235b.1]ཡིན། །སྨན་པས་དེ་གསོ་རྒྱས་པར་ནི། །བློ་ཡིས་བརྟགས་ཏེ་ཅི་རིགས་བྱ། །སྟོད་དུ་རྒྱུ་བའི་སྤྱི་བོར་བསྡུ། །ཐུར་སེལ་དེ་ལས་བཟློག་པར་བྱ། །མེ་དང་མཉམ་གནས་མཉམ་པར་བྱ། །ཁྱབ་བྱེད་གསུམ་དུ་སྦྱར་བར་བྱ། །བཞི་བོ་བས་ཀྱང་སྲོག་བསྲུང་སྟེ། །དེར་གནས་
[235b.2]ན་ནི་ལུས་གནས་འགྱུར། །དེ་ལྟར་རླུང་ནི་ལམ་གཞན་ཞུགས། །རང་རང་གི་ནི་གནས་སུ་གཞག །ཁྲག་མཁྲིས་འདྲེས་པ་མ་གཏོགས་པར། །འདྲེས་པའི་ནད་ནི་ཐམས་ཅད་ལ། །བཅུད་ཀྱིས་ལེན་གྱི་ཆོ་ག་བཞིན། །སྒོག་སྐྱ་བསྟེན་ན་སེལ་བར་བྱེད། །མཁྲིས་པར་
[235b.3]འདྲེས་ལ་མཁྲིས་སེལ་བས། །རླུང་ནི་བདེ་བར་རྒྱུ་བར་བྱ། །ཁྲག་དང་འདྲེས་ལ་དེ་ཉིད་དང་། །འཐེད་པའི་ནད་བཤད་སྨན་བྱའོ། །ཁྲག་མཁྲིས་རླུང་ནི་སེལ་བ་ཡི། །བཅུད་ཀྱིས་ལེན་ནི་སྣ་ཚོགས་སྦྱར། །ནད་གཞི་ཇི་ལྟར་བསྟན་པ་བཞིན། །གསོ་བ་དེ་ལྟར་ཡང་
[235b.4]དག་བཤད། །ཉམ་ཐག་འཕྲལ་དུ་སེལ་བ་འདི། །ཚེ་ཡི་རིག་བྱེད་གནས་འབྲས་བུ། །གསོ་བ་ཕན་པ་གནོད་སེལ་དང་། །སྦྱོར་བ་སྨན་དང་རྩི་དང་ནི། །ཞི་བར་བྱེད་དང་སྔགས་བྱ་སྟེ། །དེ་དག་སྨན་མིང་རྣམ་གྲངས་ཡིན། །ཡན་ལག་བརྒྱད་པའི་སྙིང་པོ་བསྡུས་པ་
[235b.5]ལས། གསོ་བའི་གནས་ཀྱི་ལེའུ་ཉི་ཤུ་རྩ་གཉིས་པའོ།། །།ཡན་ལག་བརྒྱད་པའི་སྙིང་པོ་བསྡུས་པ་ལས། གསོ་བའི་གནས་ཏེ་གནས་བཞི་པ་རྫོགས་སོ།། །།དེ་ནས་སྐྱུག་སྨན་གྱི་ཆོ་ག་བཤད་པར་བྱའོ། །དེ་ཡང་རྒྱུན་ཤེས་ཀྱི་བུ་ལ་སོགས་
[235b.6]པ་དྲང་སྲོང་ཆེན་པོ་རྣམས་ཀྱིས་འདི་ལྟར་བཤད་དེ། སྐྱུག་སྨན་མཆོག་ནི་པོ་སོན་ཆ། །དུར་བྱིད་རྩ་བ་བཀྲུ་སྨན་མཆོག །གཞན་དག་ནད་ཀྱི་དབང་ལས་ནི། །ཁྱད་པར་དུ་ནི་གྱུར་པ་ཡིན། །པོ་སོན་ཆ་དེ་མདོག་སྐྱ་ཞིང་། །ཤིན་ཏུ་སྔོ་བའང་མ་ཡིན་པ། །ཉིན་ཞག་ཚེས་
[235b.7]གྲངས་ཤིས་པ་ལ། །སོས་ཀ་དཔྱིད་ཀྱི་མཚམས་སུ་བཏུ། །ཕྱིས་ནས་འཇག་མའི་སྣོད་དུ་ནི། །བཅུག་སྟེ་བཅིངས་ལ་བ་ལང་གི། །ལྕི་བས་སྣོད་དུ་བྱུགས་ནས་ནི། །འབྲུ་ཡི་ནང་དུ་གཞག་པར་བྱ། །འཇག་མས་དཀྲིས་པས་འཇམ་པ་དང་། །སྦྲང་རྩི་ལྟ་བུ་དྲི་ཞིམ་ལ། །
[236a]
[236a.1]ཞག་བརྒྱད་འདས་པར་གྱུར་པ་དང་། །ཕྱུང་སྟེ་དེ་ཉིད་ཉི་མར་བསྐམ། །དེ་འོག་ལེགས་པར་བསྐམས་པ་དང་། །ནང་གི་འབྲས་བུ་ཕྱུང་ནས་ནི། །ཞོ་དང་ཞོ་ག་ཆུ་མར་གྱི། །ལྡེ་གུར་མཉེས་ལ་སླར་ཡང་བསྐམ། །དེ་ནས་ལེགས་པར་སྦས་ཏེ་གཞག །
[236a.2]དགོས་པའི་དུས་སུ་སྦྱར་བར་བྱ། །དེ་ནས་དེ་ལ་ཚད་ཙམ་དུ། །བླངས་ནས་ཆམ་ཆོམ་བརྡུངས་ནས་ནི། །ཤིང་མངར་གོ་བྱེ་བི་ད་རའམ། །བིམ་བ་ལྕང་མ་སླེ་སྨན་ཏ། །བུམ་ཏི་ཨ་པ་མརྒ་དང་། །ཨརྒ་གང་ཡང་རུང་བ་ནི། །བསྐོལ་བའི་ཆུ་ཡི་ནང་དུ་ནི། །ནུབ་གཅིག་
[236a.3]ལེགས་པར་སྤང་བར་བྱའོ། །དེ་ནས་སྨན་གྱི་ཁུ་བ་དེ། །མཉེས་ཤིང་བཙགས་ལ་ནང་པར་ནི། །མདོ་ནས་བསྟན་པའི་ཆོ་ག་བཞིན། །ལེགས་པར་བླུད་ནས་སྐྱུག་ཏུ་གཞུག །བད་ཀན་ལས་བྱུང་རིམས་ཚམ་པ། །སྐྲན་དང་ཁོང་འབྲས་རྣམས་ལ་ནི། །ཇི་སྲིད་མཁྲིས་
[236a.4]པ་སྣང་གི་བར། །ཁྱད་པར་དུ་ཡང་སྐྱུག་ཏུ་གཞུག །པོ་སོན་ཆ་ཡི་འབྲས་བུ་ནི། །ཕྱེ་མ་བསྐོལ་བའི་ཁུ་བར་ནི། །འབྲས་བུ་གསུམ་ཕྱེ་ཆ་གསུམ་བཏབ། །ཀོ་བི་དར་སྩོགས་ཁུར་བཅས། །བླུད་ན་རིམས་དང་དམུ་རྫིང་དང་། །རྨེན་བུ་འབྲས་དང་འབྲུམ་ཆེན་དང་། །
[236a.5]གཏུན་འདྲའི་རླུང་ནད་སེལ་བར་བྱེད། །མཁྲིས་པ་བད་ཀན་གནས་ཞུགས་ལ། །ཛི་མུ་ཏ་སོགས་ཁུ་བ་བླུད། །སྙིང་ཚ་ཁྲག་མཁྲིས་དག་ལ་ན། །དེ་འབྲས་འོ་མར་བསྐོལ་བ་ཡི། །འོ་ཐུག་བཅས་པ་བླུད་པར་བྱ། །བད་ཀན་ལས་གྱུར་སློན་བྲོ་དང་། །ཆམ་པ་མུན་
[236a.6]འཐིབས་བྱེད་པ་ལ། །དེ་བསྐོལ་འོ་མ་ལས་བྱུང་བའི། །ཞོ་ཡི་སྤྲིས་མའམ་ཞོ་བླུད་བྱ། །པོ་སོན་ཆ་སོགས་ལྡེ་གུ་དང་། །བསྐོལ་བའི་འོ་མ་ལས་བྱུང་བའི། །མར་སར་བད་ཀན་གྱིས་དྲོད་ཉམས། །ལུས་སྐམ་པ་ལ་སྐྱུག་སྨན་བྱ། །པོ་སོན་ཆ་ཡི་ཁུ་བ་ནི། །བསྲེ་
[236a.7]ཞིང་ཆོ་གས་བཙགས་ནས་ནི། །གཟར་བུར་ཆགས་པའི་བར་དུ་བསྐོལ། །བྱིན་ལ་དེ་བས་སྐྱུག་ཏུ་གཞུག །ལྡེ་གུ་དེའམ་དེའི་ཁུ་བ། །བཟའ་དང་བཏུང་བར་སྦྱར་ཏེ་གཏང་། །པོ་སོན་ཆ་ཡི་འབྲས་བུའི་ཁུ། །དུག་མོ་ཉུང་སོགས་སྡེ་ཚན་བཏབ། །ནིམ་པ་ཨརྐ་གང་ཡང་
[236b]
[236b.1]རུང་། །བསྐོལ་བའི་ཁུ་བར་བཅས་པ་ནི། །བླུད་ན་ཉམས་བརྟས་ལས་བྱུང་ནད། །གཏིང་ཟུག་ཀུན་ཀྱང་སེལ་བར་བྱེད། །པོ་སོན་ཆ་ཡི་མེ་ཏོག་ནི། །ཞིབ་བཏགས་ཕྲེང་བསྒོས་བསྣམས་ནས་ནི། །ཐུག་པ་ཤ་ཁུ་སོགས་ངོམས་བླུད། །སྐྱིད་དེ་བ་ནི་བདེར་སློན་གཞུག །
[236b.2]པོ་སོན་ཆ་མེད་མེ་ཏོག་དང་། །འབྲས་བུ་གཞོན་ནུ་དེ་བཞིན་སྦྱར། །ཛི་མུ་ཏ་སོགས་དེ་དང་འདྲ། །ཛི་མུ་ཏ་ནི་ཁྱད་པར་དུ། །རིམས་དང་ལུད་པ་དབུགས་མི་བདེ། །སྐྱིགས་བུ་ལ་སོགས་ནད་ལ་གཏང་། །འདི་ཡི་མེ་ཏོག་འོ་མར་བཙོས། །འབྲས་བུ་སྨིན་པ་འོ་ཐུག་
[236b.3]བཅས། །སྤུ་བཅས་འོ་མའི་སྤྲིས་མར་སྦྱར། །སྦུ་མེད་ཞོ་ཡི་སྤྲིས་མར་སྦྱར། །སྐྱ་བའམ་སྔོར་གྱུར་འོ་མར་བཅུག །ཞོ་ནི་སྐྱུར་པོར་གྱུར་པའམ། །མནན་པའི་ཆང་གི་དངས་མར་ནི། །མཉེས་ཏེ་ཞུ་བར་གྱུར་པ་བླུད། །བད་ཀན་ལུད་པ་ཡི་ག་འཆུས། །སྐྱ་རྦབ་གཅོང་
[236b.4]ཆེན་ནད་ལ་གཏང་། །ཀུ་བ་ཀོ་ཤ་ཏ་ཀི་ཡང་། །སྦྱོར་བའི་ཆོ་ག་འདི་ཉིད་བྱ། །སྨིན་ཞིང་བསྐམས་པར་གྱུར་པ་ཡི། །ཛི་མུ་ཏ་ཡི་འབྲས་བུ་དག །ཕྱེ་མ་སྲང་ཕྱེད་འོ་མར་བསྲེས། །རླུང་མཁྲིས་ནད་ཀྱིས་ཉེན་ལ་བླུད། །ཛི་མུ་ཏ་འབྲས་གཉིས་སམ་གསུམ། །བརྡུངས་པ་
[236b.5]དེ་ཡི་ཁུ་བ་ནི། །དོང་ག་ལ་སོགས་དགུ་པ་ནི། །གང་ཡང་རུང་བ་ལ་སྦངས་ཏེ། །མཉེས་ལ་བཅགས་པར་གྱུར་པ་དག །བད་ཀན་མཁྲིས་རིམས་ཅན་ལ་བླུད། །ཛི་མུ་ཏ་ཡི་ཕྱེ་མའམ། །ལྡེ་གུ་ཆུ་གྲང་སྦྱར་བ་དག །མཁྲིས་རིམས་ཅན་བླུད་བད་ཀན་དང་། །རླུང་འདྲེས་
[236b.6]རིམས་ལ་ཆུ་དྲོན་སྦྱར། །ལུད་པ་དབུགས་མི་བདེ་དང་དུག །སློན་རིམས་བད་ཀན་གྱིས་ཉེན་དང་། །མུན་འཐིབས་བྱེད་པའི་ནད་ལྡན་ལ། །ཀུ་བ་ཁ་བོའི་སྐྱུག་སྨན་བསྔགས། །དེ་ནི་མེ་ཏོག་འབྲས་བུ་མེད། །མྱུ་གུ་གཞོན་ནུ་འོ་མར་བཙོས། །བད་ཀན་མཁྲིས་པ་ལས་
[236b.7]གྱུར་རིམས། །མཁྲིས་པ་ཤས་ཆེར་གྱུར་ལ་བླུད། །འབྲས་བུ་སྨིན་པའི་ནང་གི་ནི། །འབྲས་བུ་ཕྱུང་སྟེ་འོ་མ་བཅུག །ཞོར་གྱུར་ལུད་པ་དབུགས་མི་བདེ། །བླུད་དེ་སློན་དུ་གཞུག་པར་བྱ། །འབྲས་བུའི་ནང་ན་ཞོ་ག་ཆུ། །མཛེ་དུག་སྐྱ་རྦབ་ཉིད་ལ་བླུད། །དེ་དང་དར་བ་
[237a]
[237a.1]བསྐོལ་བ་ནི། །རྒྱམ་ཚ་སྦྲང་རྩིར་བཅས་པ་བླུད། །ཡང་ན་དེ་ཡི་ས་བོན་ནི། །ར་ཡི་འོ་མར་བཅས་པ་དག །དུག་སྐྲན་དམུ་རྫིང་རྨེན་བུ་དང་། །འབྲས་དང་རྐང་བམ་ནད་ལ་བླུད། །བད་ཀན་ལས་གྱུར་ལུད་པ་རིམས། །ལྐོག་མའི་ནད་དང་མ་ཞུ་ལ། །
[237a.2]ཀུ་བ་ཁ་བོའི་ཁུ་བ་ནི། །ཕྱེ་དང་སྦྱར་བའི་སྐྱོ་མ་བླུད། །སྐྲན་དང་རིམས་རྙིང་བྱིང་བ་ལ། །ལྡེ་གུ་ཤ་ཁུར་སྦྱར་བླུད་ན། །ལེགས་པ་ཁོ་ནར་སློན་གྱུར་ཞིང་། །ཉམ་ཆུང་བར་ཡང་འགྱུར་མ་ཡིན། །ཀུ་བ་ཁ་བོའི་མེ་ཏོག་དང་། །འབྲས་བུ་ཕྱེ་མས་བསྒོས་པ་ཡིས། །མེ་ཏོག་ཕྲེང་
[237a.3]བ་མནམ་པ་ནི། །སྐྱིད་དེ་བ་ཡི་སྐྱུག་སྨན་ཡིན། །སྐྲན་ལུད་དམུ་རྫིང་ལྐོག་མའི་ནད། །བད་ཀན་གནས་ལ་བརྟེན་པའི་རླུང་། །བད་ཀན་ཁ་དང་མགྲིན་པར་གནས། །བད་ཀན་འཕེལ་བར་གྱུར་པ་དག །བརྟན་ཞིང་དཀྱེལ་ནི་སྐྱེས་པ་ལ། །ཀོ་ཤ་ཏ་ཀའི་སྐྱུག་སྨན་བསྔགས། །
[237a.4]འཚོ་བྱེད་ཉེའུ་ཤིང་ཟངས་རྩི་བ། །ཁ་སྲལ་ཕྲེའུ་རམ་ཉེ་གཉིས། །ཤྲ་བ་དང་ནི་མེ་ད་དང་། །མ་ཧཱ་མེ་ད་མ་དུ་ལི། །འདི་དག་རེ་རེའི་ཕྱེ་མ་དང་། །ཀོ་ཤ་ཏ་ཀའི་ཕྱེ་མར་བཅས། །སྦྲང་རྩི་ཁ་རར་སྦྱར་བ་ནི། །ལུད་པ་སྙིང་ནི་ཚ་ལ་བསྔགས། །དེ་རྗེས་ཆུ་དྲོན་བླུད་པ་ནི། །བད་ཀན་
[237a.5]མཁྲིས་ཚ་ལྡན་ལ་བསྔགས། །འུ་སུ་གཡེར་མའི་ཁུ་བ་དང་། །དེ་ཡི་ཁུ་བས་དུག་འཇོམས་སོ། །བིམ་པ་ཀ་ས་མརྡ་འམ། །བ་སྦུ་བ་ཡི་ཁུ་བར་ནི། །ར་ཛ་གོ་ཤ་ཏ་ཀ་ཡི། །རྡོག་མ་གཅིག་གམ་གཉིས་མཉེས་པའི། །དངས་མ་སྙིང་གི་ནད་ལ་བླུད། །དེ་བསྐོལ་འོ་མ་
[237a.6]ལས་བྱུང་མར། །པོ་སོན་ཆ་སྩོགས་བསྐོལ་བ་བླུད། །ཀོ་ཤ་ཏ་སོགས་ཁ་དང་ཚ། །མཛེ་དང་སྐྱ་རྦབ་མཆེར་པའི་ནད། །འོར་ནད་སྐྲན་ནད་སྦྱར་དུག་སོགས། །གཏིང་ཟུག་པ་ལ་བསྔགས་པ་ཡིན། །པོ་སོན་ཆ་སོགས་དྲུག་སོ་སོར། །བསྐོལ་བ་དང་ནི་རླན་ཅན་ཤ །
[237a.7]ཀོ་ཤ་ཏ་ཀ་ཆ་མཉམ་བསྐོལ། །ཁུ་བ་རྒྱམ་ཚར་བཅས་པ་བླུད། །པོ་སོན་ཆ་སོགས་པི་པི་ལིང་། །ཆ་མཉམ་ཀོ་ཤ་ཏ་ཀར་སྦྱར། །ཡང་ན་ཀོ་ཤ་ཏ་ཀ་ཡི། །ཁུ་བ་བུ་རམ་ཤིང་ཁུ་བླུད། །དུག་མོ་ཉུང་ནི་སྐྱིད་དེ་བ། །བད་ཀན་མཁྲིས་པ་ཁྲག་བཅས་དང་། །རིམས་དང་ཤུ་
[237b]
[237b.1]བ་སྙིང་ནད་དང་། །དྲེག་ནད་ཀྱིས་འཐེང་མཛེ་ལ་བསྔགས། །དུག་མོ་ཉུང་གི་ས་བོན་དེ། །ཉུངས་ཀར་རམ་ནི་མ་དུ་ཀི། །བསྐོལ་བའི་ཁུ་བའམ་རྒྱམ་ཚའི་ཆུ། །ཡང་ན་ཀྲི་ས་ར་ལྡན་བླུད། །དེ་ཡི་ས་བོན་ཨརྐ་ཡི། །འོ་མར་ཞག་བདུན་སྦངས་པ་ནི། །པོ་སོན་ཆ་དང་ཛི་མུ་ཏ། །
[237b.2]ཀུ་བ་ཁ་བོ་ཛི་བན་ཏི། །ཛི་བ་ཀ་ནི་བསྐོལ་བ་ཡི། །ཁུ་བ་གང་ཡང་རུང་བ་བླུད། །སྐྱུག་སྨན་གྱི་ནི་གཙོ་བོ་ཡི། །ཆོ་ག་ཕྱོགས་ཙམ་བཤད་པ་ཡིན། །བློ་དང་ལྡན་པ་ཚུལ་འདི་ཡིས། །གཞན་ཡང་ཅི་རིགས་སྦྱར་བར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས།
[237b.3]ཆོ་ག་གྲུབ་པའི་གནས་ཀྱི་ལེའུ་སྟེ་དང་པོའོ།། །།དེ་ནས་བཀྲུ་སྨན་བྱ་བའི་ཆོ་གའི་ལེའུ་བཤད་པར་བྱའོ། །དུར་བྱིད་བསྐ་ཞིང་མངར་ལ་རྩུབ། །ཞུ་རྗེས་ཚ་བར་གྱུར་པ་ཡིན། །བད་ཀན་མཁྲིས་པ་ཞི་བྱེད་དེ། །རྩུབ་པས་རླུང་ནི་འཁྲུགས་པར་བྱེད། །དེ་འདིར་སྨན་
[237b.4]གྱི་སྦྱོར་བ་ཡིས། །རླུང་དང་མཁྲིས་པ་བད་ཀན་སེལ། །ཆོ་གའི་ཁྱད་པར་ལ་བརྟེན་ནས། །ནད་ཀུན་འཇོམས་པར་བྱེད་པ་ཡིན། །དུར་བྱིད་རྣམ་པ་གཉིས་སུ་བཤད། །དེ་རྩ་དམར་ནག་དཀར་བ་ཡིས། །རྣམ་པ་གཉིས་སུ་བཤད་པ་ཡིན། །དེ་ལས་ཏྲི་བྱི་ཏ་མཆོག་ཏུ་
[237b.5]བཤད། །ཉེས་པ་མེད་ཅིང་བདེ་བར་འཁྲུ། །བརྒྱལ་རྨོངས་བྱེད་ཅིང་ལྐོག་མ་ནི། །རྩུབ་ཅིང་གནོད་པར་བྱེད་པ་དང་། །རྣོ་ཞིང་མྱུར་དུ་འཁྲུ་བྱེད་པ། །ལྟོ་སྲ་ནད་གཞི་ཤས་ཆེ་དང་། །སྡུག་བསྔལ་གྱིས་ཉེན་ནད་པ་ལ། །ཤ་མ་དུར་བྱིང་བསྔགས་པ་ཡིན། །དེ་ནི་ཟབས་
[237b.6]སུ་ཟུག་ཅིང་འཇམ། །ཐད་ཀར་འཕྲོས་པ་མ་ཡིན་པ། །བཏུས་ལ་སྙིང་པོ་བོར་ནས་ནི། །ཤུན་པ་སྐམས་ཏེ་སྦ་བར་བྱ། །དེ་ནས་དེའི་འོག་དེའི་ཕྱེ་མ། །རྒྱམ་ཚ་དོང་ག་ཅུང་ཟད་བཏབ། །རླུང་ནད་ལ་ནི་སྐྱུར་ལས་བླུད། །མཁྲིས་པར་སྦྲང་རྩི་ཁ་ར་མར། །འོ་མ་རྒུན་འབྲུ་
[237b.7]བུ་རམ་ཤིང་། །ཁུ་བ་ཏང་པ་ལ་མངར་བ་ཡི། །སྨན་དེའི་འབྲས་བུ་གསུམ་གྱི་ནི། །ཁུ་བར་བཅས་པ་བླུད་པར་བྱ། །བད་ཀན་ནད་ལ་པི་ལུ་ཡི། །ཁུ་བ་བ་གཅིན་ཆང་སྐྱུང་རྩབས། །ཚ་བ་ལྔ་སོགས་ཕྱེ་མ་ནི། །བད་ཀན་འཇོམས་དང་ཅི་རིགས་སྦྱར། །དུར་བྱིད་ལྡེ་གུ་ཁུ་བ་
[238a]
[238a.1]དང་། །བསྐོལ་བའི་ཁུ་བ་བསྒྲངས་ཁར། །སྦྲང་རྩི་དྲི་བཟང་གསུམ་དང་བཅས། །ལྡེ་གུ་ཡིད་འོང་བཀྲུ་སྨན་ཡིན། །ཨ་ཛ་གནྡྷ་སྨིག་རྐང་དང་། །ཀ་ར་དུར་བྱིད་བི་ད་རི། །ཕྱེར་བཏགས་སྦྲང་རྩི་མར་དང་ནི། །ལྡེ་གུ་བྱིན་ན་འདུས་པ་དང་། །རིམས་
[238a.2]དང་ལུས་རེངས་ཚ་བ་དང་། །སྐོམ་དད་ཀྱིས་གཟེར་ལེགས་པར་འཁྲུ། །བུ་རམ་ཤིང་ནི་ཚལ་པར་བཀས། །ནང་ངོས་དུར་བྱིད་ལྡེ་གུས་བསྐུ། །གཅིག་ཏུ་སྦྱར་ཏེ་ཕུར་མ་ཡིས། །བཙོ་བའི་ཚུལ་བྱས་དེ་བཟའ་བྱ། །ཤིང་ཚ་སུག་སྨེལ་མཉམ་ནི་ལི། །དེ་མཉམ་དུར་བྱིད་
[238a.3]ཤ་ཀ་ར། །ཕྱེ་མ་སྦྲང་རྩི་རྒུན་ཆུ་དང་། །ཕྱེ་དང་སྐྱོ་མར་སྦྱར་ཏེ་བླུད། །རླུང་མཁྲིས་བད་ཀན་ལས་གྱུར་དང་། །མེ་དྲོད་ཆུང་བའི་ནད་དང་ནི། །སྐྱིད་དེ་བ་ཡི་མི་རྣམས་ལ། །གནོད་པ་མེད་པའི་བཀྲུ་སྨན་ཡིན། །བྱི་དང་ག་ཡི་སྙིང་པོ་དང་། །འབྲས་བུ་གསུམ་ཞེས་
[238a.4]བྱ་བ་དང་། །ཡ་བཀྵ་ར་པི་པི་ལིང་། །དུར་བྱིད་ཀུན་གྱི་ཆ་ཕྱེད་བྱས། །སྦྲང་རྩི་མར་རམ་བུ་རམ་གྱིས། །ལྡེ་གུར་བྱས་པ་བྱིན་ན་ནི། །སྐྲན་དང་མཆེར་པ་དམུ་རྫིང་དང་། །གཟུགས་འཁུམས་ལུད་པ་ཡི་ག་འཆུས། །རླུང་དང་བད་ཀན་ལས་གྱུར་ནད། །མང་པོ་གཞན་
[238a.5]དག་སྦྱོང་བར་བྱེད། །པི་པི་ལིང་རྩ་བྱི་དང་ག །འབྲས་བུ་གསུམ་དང་འུ་སུ་དང་། །ཙི་ཏྲ་ཀ་དང་ན་ལེ་ཤམ། །པི་པི་ལིང་དང་དུག་མོ་ཉུང་། །ཟི་ར་ཧ་སྟེ་པི་པི་ལིང་། །ཏི་མུ་ས་དང་ལན་ཚྭ་ལྔ། །ཞོ་ནི་གཉིས་གཉིས་ཕྱེ་མར་བྱས། །དུར་བྱིད་དང་ནི་ཏིལ་མར་གཉིས། །
[238a.6]སྲང་ནི་བརྒྱད་བརྒྱད་ཆར་བསྲེས་དང་། །སྐྱུ་རུ་རའི་ཁུ་བྲེ་གསུམ་དང་། །བུ་རམ་སྲང་ནི་ལྔ་བཅུ་མེ། །ཆུར་བསྐོལ་དེ་ལས་རན་ཙམ་ནི། །ཟོས་ན་མཛེ་དང་གཞང་འབྲུམ་དང་། །མིག་སེར་ཟ་ཁུ་སྐྲན་དང་ནི། །དམུ་རྫིང་མཚན་བར་རྡོལ་བ་དང་། །ཕོ་བའི་ནད་དང་སྐྱ་རྦབ་
[238a.7]རྣམས། །འཇོམས་ཤིང་ཆོ་ག་བསྲུང་མི་དགོས། །བུ་སྐྱེད་པར་ཡང་དེ་ཡིས་བྱེད། །བུ་རམ་དགེ་བ་ཅན་ཞེས་བྱ། །དུས་ཀུན་དུ་ནི་འཕྲོད་པ་ཡིན། །ཚ་བ་གསུམ་དང་དྲི་སྣ་གསུམ། །གླ་སྒང་དང་ནི་བྱི་དང་ག །སྐྱུ་རུ་ར་ནི་དེ་ཐམས་ཅད། །མཉམ་པའི་དུར་བྱིད་
[238b]
[238b.1]ཁ་ར་དང་། །སྦྲང་རྩིའི་རི་ལུ་བྱས་ཟོས་ན། །གཅིན་སྲི་རིམས་དང་སློན་བྲོ་དང་། །ལུད་པ་ཤ་སྐེམ་མགོ་འཁོར་དང་། །ཟད་བྱེད་ལུས་ཚ་སྐྱ་རྦབ་དང་། །མེ་དྲོད་ཆུང་དང་དུག་ནད་སྦྱོང་། །དུར་བྱིད་དུག་མོ་ཉུང་ས་བོན། །བི་པི་ལིང་དང་བཅའ་སྒ་རྣམས། །སྦྲང་རྩི་རྒུན་
[238b.2]འབྲུ་ཆུར་སྦྱར་བ། །དབྱར་གྱི་དུས་ཀྱི་བཀྲུ་སྨན་ཡིན། །དུར་བྱིད་གླ་སྒང་བྱི་ཚེར་བ། །ཁ་ར་ཙནྡན་བ་ལེ་ཀ །ཤིང་མངར་པ་ཏ་ལའི་ཕྱེ་མ། །རྒུན་ཆུ་དང་སྦྱར་སྟོན་གྱི་ཡིན། །དུར་བྱིད་པ་ཏ་ཀྲུ་ཏྲུག་ཏྲེས། །ཟིར་ཤུ་དག་ས་ར་ལ། །ཁྲོན་བུའི་ཕྱེ་མ་ཆུ་དྲོན་སྦྱར། །
[238b.3]དགུན་གྱི་དུས་སུ་བླུད་པར་བྱ། །དུར་བྱིད་ཁ་ར་ཆ་མཉམ་པ། །སོ་གའི་དུས་ཀྱི་བཀྲུ་སྨན་ཡིན། །དུར་བྱིད་སྤ་འབྲས་ཀྱི་ལྕེ་བ། །པ་ཏ་ལ་དང་པུ་ཙེ་ཤེལ། །ཁྲོན་བུ་ལེགས་པར་བཏགས་ནས་ནི། །བ་གཅིན་ནང་དུ་ཞག་གསུམ་སྦངས། །འདི་ནི་དུས་ཀུན་སྦྱོར་བ་སྟེ། །
[238b.4]སྣུམ་ཞེན་དྲི་མ་ནད་རྣམས་འབྱིན། །ཤ་མ་དུར་བྱིད་བྱི་ཚེར་བ། །གླ་སྒང་ཧསྟི་པི་པི་ལིང་། །དུག་མོ་ཉུང་དང་ནི་ལི་ནི། །འབྲས་བུ་གསུམ་དང་པུ་ཙེ་ཤེལ། །ཕྱེ་མ་ཤ་ཁུའམ་མར་རམ་ནི། །ཆུ་དྲོན་དང་སྦྱར་ཐམས་ཅད་དུ། །ཁོང་རྩུབ་ལ་ཡང་གཏང་བར་བྱ། །རིམས་
[238b.5]དང་སྙིང་ནད་དྲེག་ནད་དང་། །རྟུག་སྐམ་ལ་སོགས་ནད་རྣམས་ལ། །དོང་གའི་བཀྲུ་སྨན་ལྷག་པར་ནི། །འཇམ་མངར་བསིལ་བ་ཕན་པ་ཡིན། །བྱིས་པ་རྒན་པོ་གློ་རྡོལ་དང་། །སྐྱིད་དེ་བ་ཡི་མི་རྣམས་ལ། །འཇམ་ཞིང་སྐྱོན་ནི་མེད་པའི་ཕྱིར། །མཆོག་ཏུ་དོང་གའི་
[238b.6]བཀྲུ་སྨན་གཏང་། །འབྲས་བུའི་དུས་སུ་ལེགས་སྨིན་པའི། །དེ་ཡི་འབྲས་བུ་བཏུས་ནས་ནི། །དེ་ནི་ཡོན་ཏན་ལྡན་གྱུར་པ། །ཁུར་གཅིག་བྱེ་མའི་ནང་དུ་གཞུག །ཞག་བདུན་ལོན་ནས་ཕྱུང་ནས་ནི། །ཉི་མ་ལ་ནི་བསྐམ་པར་བྱ། །དེ་ནས་རྐང་ནི་ཕྱུང་ནས་སུ། །སྣོད་ནི་གཙང་
[238b.7]མར་གཞག་པར་བྱ། །བྱིས་པ་ལོ་བཞི་ལོན་པ་ནས། །ལོ་ནི་བཅུ་གཉིས་ལོན་པའི་བར། །ལུས་ཚ་རྟུག་འགགས་ཀྱིས་གཟིར་ལ། །རྒུན་ཆུར་སྦྱར་ཏེ་བླུད་པར་བྱ། །དོང་གའི་རྐང་ནི་མཉེས་པ་དང་། །བསྐོལ་བའི་ཆུ་ནི་གྲང་མོ་བླུད། །ཡང་ན་ཆང་དངས་ཞོ་ག་ཆུ། །སྐྱུ་
[239a]
[239a.1]རུ་ར་ཡི་ཁུ་བའམ། །རང་སྐྱུར་དག་དང་བཅས་པའམ། །དུར་བྱིད་ལྡེ་གུར་སྦྱར་བ་སྦྱིན། །དན་དའི་ཁུ་བར་དེ་ཡི་རྐང་། །བུ་རམ་རྙིང་པ་བཅུག་ནས་ནི། །ཟླ་བ་གཅིག་གམ་ཟླ་ཕྱེད་བར། །མནན་པའི་ཆང་ནི་བླུད་པར་བྱ། །སེང་ཕྲོམ་རྩ་བའི་ཤུན་པ་ནི། །
[239a.2]ནང་གི་ཤུན་ལྤགས་བོར་ནས་ནི། །བསྐམས་ཏེ་ཕྱེ་མར་བྱས་ནས་ནི། །དེ་ལ་ཆ་གཉིས་བསྐོལ་ཏེ་གཟགས། །སེང་ཕྲོམ་ཆ་ནི་གསུམ་པ་སྦངས། །རྩ་བ་བཅུ་པའི་ཁུ་བ་དང་། །ཆ་དེ་སླར་ཡང་སྦང་བར་བྱ། །སླར་ཡང་བསྐམས་ཏེ་ཕྱེ་མར་བྱ། །དེ་ལས་ཞོ་གཉིས་བ་གཅིན་
[239a.3]ནམ། །ཆང་གི་དངས་མའམ་ཞོ་ག་ཆུ། །རྒྱ་ཤུག་སྐྱུ་རུ་རའི་ཁུ་བ། །གང་ཡང་རུང་དང་སྦྱར་ཏེ་བླུད། །སེང་ཕྲོམ་བསྐོལ་བའི་ཁུ་བ་དང་། །ལྡེ་གུར་བྱས་དང་ཁར་དང་། །མར་དང་བསྐོལ་བའི་ལྡེ་གུ་དེ། །བཀྲུ་སྨན་གྱི་ནི་དམ་པ་ཡིན། །ཤྲཱི་ཁཎྜས་ནད་ཀྱི་ཚོགས། །
[239a.4]ཤས་ཆེར་སོགས་པའང་འཇིག་པར་བྱེད། །མྱུར་དུ་འཁྲུ་ཞིང་དྲགས་པས་ན། །ལྟོ་སྙི་ཉམ་ཆུང་བྱིས་པ་དང་། །རྒན་པོ་ནད་པ་ཡུན་རིང་ལ། །དེ་ནི་གཏང་བར་མི་བྱའོ། །སྐྲན་དང་དམུ་རྫིང་སྦྱང་བའི་དུག །པགས་ནད་གཅིན་ནད་སྦྲང་རྩི་འདྲ། །སྐྱ་རྦབ་སྐྲན་དང་དུག་
[239a.5]གིས་ཕོག །ནད་ཀྱིས་སེམས་འཁྲུགས་གྱུར་ལ་གཏད། །དེ་ནི་ཚེར་མ་རྣོན་པོ་ནི། །མང་པོས་ཁྱབ་པར་གྱུར་པ་མཆོག །ལོ་གཉིས་པའམ་ལོ་གསུམ་པ། །ཁྱད་པར་དུ་ནི་དགུན་གྱི་མཐར། །དེ་ནི་མཚོན་གྱིས་རྣམ་བཅད་ལ། །དེ་ལས་འོ་མ་བླང་བར་བྱ། །བིལ་བ་ལ་སོགས་
[239a.6]རྩ་བ་ལྔ། །བྲི་ཧ་ཏི་ནི་རྣམ་གཉིས་དང་། །བསྐོལ་བའི་ཁུ་བ་དང་མཉམ་པའི། །སུ་ཏིའི་འོ་མ་དང་བསྲེས་ལ། །དེ་འོག་མེ་ཡི་མདག་མར་བསྐམ། །རི་ལུར་བྱས་པ་ཞོ་ག་ཆུའམ། །ཆང་ངམ་བ་གཅིན་ལ་སོགས་བླུད། །དུར་བྱིད་སོགས་དགུ་འབྲས་བུ་གསུམ། །ཁྲོན་བུ་
[239a.7]སབ་ཏལ་དང་བཅས། །སུ་ཏའི་འོ་མས་ཞག་བདུན་སྦངས། །ཤ་ཁུའམ་མར་དང་སྦྱར་ཏེ་བླུད། །ཚ་བ་གསུམ་དང་འབྲས་བུ་གསུམ། །དུར་བྱིད་དན་ད་ཙི་ཏྲ་ཀ །དེ་བཞིན་བུ་རམ་ཆུས་སྦྱར་བླུད། །ཤང་གི་ནི་ཡི་འབྲས་བུ་ནི། །ཕུབ་མ་མེད་ཅིང་མ་སྐམས་བཏུ། །དེ་
[239b]
[239b.1]བཞིན་སཔྟ་ལའི་རྩ་བ། །དེ་དག་རྣོན་པོ་འཁྲུ་བྱེད་ཡིན། །བད་ཀན་དམུ་རྫིང་སྦྱར་བའི་དུག །སྐྲན་སོགས་ནད་ལ་གཏང་བར་བྱ། །དེ་གཉིས་རི་ལུ་ཞོ་གཉིས་ཙམ། །ཆང་དང་རྒྱམ་ཚྭ་སྦྱར་བ་ནི། །བད་རླུང་ལས་གྱུར་སྙིང་ནད་དང་། །དེ་བཞིན་སྐྲན་གྱི་ནད་ལ་གཏང་། །དན་ད་
[239b.2]དྲ་བན་ཏིའི་རྩ་བ། །གླང་པོའི་སོ་ལྟར་བརྟན་ཞིང་སྦོམ། །དམར་ཞིང་གནག་ལ་རྣོ་ཞིང་དྲོ། །མྱུར་དུ་འཁྲུ་བར་བྱེད་པ་ཡིན། །ལྕི་ཞིང་རླུང་ནད་འཁྲུ་བྱེད་ཅིང་། །མཁྲིས་པ་བད་ཀན་འཇུ་བར་བྱེད། །དེ་ནི་སྦྲང་རྩི་པི་པི་ལིང་། །ལྡེ་གུས་བསྐུས་ལ་འཇག་མ་དང་། །འཇིམ་
[239b.3]པས་བསྐུས་ཏེ་མེར་བསྲེག་ཅིང་། །ཉི་མ་ཅུང་ཟད་དྲོ་བསྐམས་པས། །དེ་ཡི་རྣོ་བ་བསལ་བར་བྱ། །དེ་ནི་ཆང་དངས་ཞོ་ག་ཆུ། །དར་བ་མནན་ཆང་པི་ལུ་ཡི། །ཁུ་བ་གང་ཡང་རུང་སྦྱར་བླུད། །ཉམ་ཆུང་སྐྲན་དང་གཅིན་སྙི་དང་། །དམུ་རྫིང་སྦྱར་བའི་དུག་རྣམས་སྦྱོང་། །
[239b.4]བ་ལང་རི་དྭགས་ར་ཤ་ཡི། །ཁུ་བར་སྦྱར་བས་སྐྱ་རྦབ་དང་། །ལྟོ་སྲིན་མཚན་པར་རྡོལ་ནད་སེལ། །དེ་བསྐོལ་ཁུ་བ་ལྡེ་གུ་དག །རྩ་བ་བཅུ་ཡི་ཁུ་བར་བསྐོལ། །མར་གྱིས་མེ་དཔལ་ཁོང་འབྲས་དང་། །འབྲུམ་ཕྲན་མཆན་ཁུང་ཚ་བ་སེལ། །ཏིལ་མར་བཅས་པས་སྐྲན་ཟ་ཁུ། །
[239b.5]གཞང་འབྲུམ་རྟུག་འགགས་བད་རླུང་སེལ། །སྣུམ་ཆེན་སྦྱར་བས་ཁུ་ཆུ་བཤང་། །འཕྱེན་འགགས་རླུང་གི་ནད་རྣམས་སྦྱོང་། །དུར་བྱིད་ལ་སོགས་དགུ་པོ་ནི། །བཀྲུ་སྨན་གྱི་ནི་རབ་མཆོག་ཡིན། །ཨ་རུ་ར་ཡང་དུར་བྱིད་ཀྱི། །ཆོ་ག་བཞིན་དུ་སྦྱར་བར་བྱ། །དེ་ནས་དུས་
[239b.6]སུ་དེའི་ཕྱེ་མ། །རྒྱམ་ཚ་དོང་གྲ་ཅུང་ཟད་གདབ། །རླུང་ནད་ལ་ནི་སྐྱུར་བས་བླུད། །བུ་རམ་སྲང་བརྒྱད་ཨ་རུ་ར། །ཉི་ཤུ་དན་ད་ཙི་ཏྲ་ཀ །སྲང་རེ་པི་པི་ལིང་དུར་བྱིད། །ཞོ་ནི་གཉིས་གཉིས་ལྷན་ཅིག་སྦྱར། །རི་ལུ་བཅུ་བྱས་ཞག་བཅུ་བར། །རི་ལུ་རེ་རེ་ཟོས་རྗེས་ལ། །ཆུ་
[239b.7]དྲོན་བླུད་ཅིང་ཆོ་ག་འདིས། །དེ་དག་ཐམས་ཅད་ཟོས་གྱུར་ན། །ཀུན་ཟོས་བསྲུང་བ་མི་དགོས་པར། །འདིས་ནི་ཐམས་ཅད་སེལ་བར་བྱེད། །མཆོག་ཏུ་སྐྱ་རྦབ་ཕོ་བའི་ནད། །པགས་ནད་ཟླུམ་པོ་གཞང་འབྲུམ་དང་། །གཡན་པའི་ནད་རྣམས་སེལ་བ་ཡིན། །ཆུང་ངུའམ་
[240a]
[240a.1]དོན་ནི་ཆེན་པོ་དང་། །ཆེན་པོ་ལས་ནི་ཉུང་ཟད་དག །འདྲེ་དང་དབྱེ་བ་བྱས་པ་དང་། །དུས་དང་སྦྱོར་བ་ལྡན་པར་བྱེད། །ཤིང་ཚ་ནཱ་ག་གེ་སར་དང་། །ཨ་མྲ་ཏ་ཀ་སེ་འབྲུ་དང་། །སུག་སྨེལ་ཁ་ར་སྦྲང་རྩི་དང་། །ཁ་ལུང་ཆང་སོགས་དེ་དང་དེ། །ཡི་
[240a.2]རང་རྗེས་སུ་འཐུན་པ་ཡི། །རིགས་པས་བཀྲུ་སྨན་གཏང་བར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། །ཆོ་ག་གྲུབ་པའི་གནས་ཀྱི་ལེའུ་སྟེ་གཉིས་པའོ།། །།དེ་ནས་སྐྱུག་སྨན་དང་བཀྲུ་སྨན་གྱི་ཉེས་པ་གྲུབ་པར་བྱ་བའི་ཆོ་ག་བཤད་པར་བྱའོ། །སྐྱུག་
[240a.3]སྨན་ལྟོ་ནི་སྙི་བའམ། །ལྟོགས་པའམ་བད་ཀན་ཤས་ཆུང་བའམ། །ཤིན་ཏུ་རྣོ་བའམ་གྲང་བའང་ཆུང་། །མ་ཞུ་བའང་ཉམ་ཆུང་ལ། །བླུད་ན་ནད་འབྱུང་རེ་བ་ཉམས། །དེ་ཚེ་ཐུར་བྱུང་ནད་སློང་འགྱུར། །དེ་ལ་སླར་ཡང་སྣུམ་ཆོས་བྱ། །སྔར་གྱི་སྐྱོན་བྲལ་སྐྱུག་སྨན་
[240a.4]གཏང་། །བཀྲུ་སྨན་མ་ཞུ་བད་ཀན་དང་། །ལྡན་པའམ་ཤིན་ཏུ་རྣོ་ཆེས་པ། །དྲོ་བའམ་ལན་ཚྭ་ཤས་ཆེས་པ། །ཡི་གར་མི་འོང་མངས་པ་ཡིས། །གྱེན་དུ་བརྒལ་བར་གྱུར་པ་དག །སྔར་བཤད་ཉེས་པ་དེ་ལ་ནི། །གྲུབ་པའི་སྦྱོར་བ་དེ་བཞིན་བྱ། །དེ་ཡང་སྣོད་དུ་
[240a.5]མ་ཆགས་ན། །གསུམ་པོ་དེ་ལ་བླུད་མི་བྱ། །གཞན་དུ་གོམས་པའང་ཞིབ་པ་ཡི། །སྨན་ནི་གནོད་པ་མེད་པ་གཏང་། །སྣུམ་ཆོས་དུགས་ནི་མ་བྱས་ལ། །སྨན་ནི་རྙིང་ཞིང་རྩུབ་པ་ཡིས། །ནད་བསླངས་ཕྱིན་པར་མ་ནུས་པས། །མགོ་འཁོར་སྐྲངས་དང་སྐྱིགས་བུ་
[240a.6]དང་། །མུན་པར་མཐོང་དང་སྐོམ་དད་ཆེ། །བྱིན་སྙིང་ན་ཞིང་ལུས་གཡའ་དང་། །བླ་དང་ཁ་དོག་མི་སྡུག་པའི། །ནད་ནི་སྐྱེད་པར་བྱེད་པ་ཡིན། །སྣུམ་ཆོས་དུགས་བྱས་སྨན་ཉུང་ཞིང་། །མེ་དྲོད་ཆེ་བས་ཞུ་གྱུར་པའམ། །གྲང་བས་རེངས་བའམ་མ་ཞུ་བས། །ནད་
[240a.7]བསླངས་ནས་ནི་མ་ཕྱིན་པས། །ནད་ནི་དེ་དག་ཉིད་བསྐྱད་ཅིང་། །དེ་ཉིད་སྦྱོར་ཉེས་ཐམས་ཅད་ཡིན། །དེ་ལ་ཏིལ་མར་རྒྱམ་ཚས་བསྐུ། །གཤག་མ་རྡོ་ཡི་དུགས་བྱ་ཞིང་། །མས་གཏོང་དྲག་བྱས་སྐམ་སའི་ཤ །ཁ་ཟས་བྱིན་ལ་འཇམ་རྩི་ནི། །པོ་སོན་ཆ་དང་པི་
[240b]
[240b.1]པི་ལིང་། །ཐང་ཤིང་ཏིལ་མར་བསྐོལ་བ་གཏང་། །རླུང་འཇོམས་རླུང་གི་སྣུམ་ཆོས་བྱ། །སླར་ཡང་བཀྲུ་སྨན་རྣོན་པོས་སྦྱང་། །ནད་གཞི་ཆེ་ཞིང་ཁོང་རྩུབ་ལ། །མེ་དྲོད་ཆུང་དང་སྨན་ཆུང་བ། །རྟུག་སྐམ་བཅས་པས་བསླངས་པ་དང་། །ནད་ཀྱིས་ལམ་ནི་འགགས་
[240b.2]པར་འགྱུར། །མི་བཟད་སྦོ་དང་ལྟེ་བ་དང་། །རྒྱབ་དང་རྩིབ་ལོགས་མགོ་བོ་ན། །ཕྱི་ས་གཅིན་འགགས་དབུགས་མི་བདེ། །མི་བཟད་པ་ནི་སྐྱེད་པར་བྱེད། །བསྐུ་དང་དུགས་དང་རིང་བུ་སོགས། །མས་གཏོང་དྲག་པོ་འཇམ་རྩི་བྱ། །རྟུག་སྐམ་སེལ་བའི་གསོ་དཔྱད་
[240b.3]ལས། །ཐམས་ཅད་སྦོ་བ་དག་ལ་ཕན། །རྩ་བ་ལྔ་པ་ནས་ཚིག་འཁུས། །ཤུ་དག་པུ་ཏི་ཀ་རཉྫ། །རྒྱམ་ཚ་ནས་ཐུག་ལེགས་སྦྱར་བས། །གཟེར་ནད་རྟུག་སྐམ་ལྟོ་སྦོས་འཇོམས། །ཐལ་སྨན་སེ་འབྲུ་པི་པི་ལིང་། །ཤིང་ཀུན་བཅའ་སྒ་སྟར་བུ་དང་། །རྒྱམ་
[240b.4]ཚར་བཅས་པའི་ཆང་ངམ་ནི། །མར་རམ་ཆུ་དྲོན་སྦྱར་བ་བླུད། །མཁྲེགས་ཤིང་ཡོངས་སུ་འཛག་པ་དང་། །ན་ཞིང་བཅད་སྙམ་སེམས་པ་སེལ། །སྨན་འཐུངས་གྱུར་པའི་ཤུགས་བཀག་ན། །རླུང་ལ་སོགས་པའི་ནད་རྣམས་ནི། །འཁྲུགས་ཏེ་སྙིང་གི་ཕྱོགས་སོང་ན། །
[240b.5]སྙིང་ནད་མི་བཟད་སྐྱེད་པར་བྱེད། །སྐྱིགས་བུ་ལུད་པ་རྩིབ་ལོགས་ན། །རྨྱ་ཞིང་མིག་འགུལ་ཁ་ཆུ་འཛག །དྲན་པ་ཉམས་ཤིང་ལྕེ་འཆའ་ལ། །སོ་ནི་ཀྲིག་ཀྲིག་འཆའ་བར་བྱེད། །དེ་ལ་སྨན་པ་མ་རྨོངས་པས། །མཁྲིས་པས་ཉེན་ལ་མངར་བ་དང་། །བད་ཀན་གྱིས་
[240b.6]ཉེན་ཁ་བ་ཡི། །སྐྱུག་སྨན་དག་ནི་མྱུར་དུ་གཏང་། །དེ་ནས་དེ་ལ་སྨིན་བྱེད་པའི། །ནད་ཀྱི་ལྷག་མ་སྨིན་པར་བྱ། །དེ་ཡི་མེ་དྲོད་ལུས་ཀྱི་སྟོབས། །རིམ་གྱིས་མངོན་པར་འཕེལ་བར་བྱེད། །ཤས་ཆེར་སློན་གྱུར་རླུང་གིས་ནི། །གང་གི་སྙིང་ནི་གཟེར་གྱུར་པ། །དེ་ལ་སྣུམ་
[240b.7]གྱུར་ལན་ཚྭ་སྦྱིན། །མཁྲིས་པ་བད་ཀན་དེ་ལས་གཞན། །སྨན་ནི་འཐུངས་པར་གྱུར་ནས་ཤུགས། །བཀག་པར་གྱུར་པའམ་བད་ཀན་གྱིས། །འགགས་པའམ་ཤིན་ཏུ་སྦྱངས་གྱུར་པའི། །ལུས་ལ་རླུང་ནི་འཇུག་འགྱུར་བས། །རེངས་དང་འདར་དང་ཟུག་པ་དང་། །
[241a]
[241a.1]ལུས་སྙོམ་དཀྲིས་སྙམ་སེམས་ཤིང་ཟུག །དེ་ལ་རླུང་ནི་འཇོམས་པ་ཡི། །སྣུམ་ཆོས་དུགས་སྩོགས་ཐམས་ཅད་བསྔགས། །སྨན་ཐུན་ཆེ་ལ་རྣོ་བ་ནི། །བཀྲེས་ཉེན་ལྟོ་སྙི་ལ་བླུད་ན། །བད་ཀན་མཁྲིས་པ་བཤང་པ་ནི། །བསལ་ནས་ལུས་ཟུངས་
[241a.2]འཛག་པར་བྱེད། །དེ་ལ་སྦྱོར་དྲགས་མངར་བ་ཡི། །སྨན་གྱིས་ལྷག་མ་སློན་དུ་གཞུག །སྐྱུག་སྨན་དྲགས་ལ་བཀྲུ་སྨན་གཏང་། །འཁྲུས་དྲགས་སྐྱུག་སྨན་འཇམ་པོ་གཏང་། །དེ་ལ་ཆུ་གྲང་བླུད་པ་དང་། །རོ་སྨད་བཅིངས་པས་གཅད་པར་བྱ། །སྟང་ཟིལ་ཙནྡན་པུ་
[241a.3]ཤེལ་ཙེ། །ར་ཁྲག་ཁ་རའི་ཆུ་དང་ནི། །འབྲས་ཡོས་ཕྱེ་མའི་སྐྱོ་མ་ནི། །སྦྱོར་དྲགས་སེལ་བའི་དམ་པ་ཡིན། །སློན་སྨན་སྦྱོར་བ་དྲགས་པ་ལ། །ཆུ་གྲང་དག་ནི་བླུགས་པར་བྱ། །རྒུན་འབྲུ་ལ་སོགས་ཁུ་བ་མར། །སྦྲང་རྩི་ཁ་རའི་སྐྱོ་མ་བླུད། །སྒྲེགས་པ་བཅས་པར་ཤིན་
[241a.4]ཏུ་སྐྱུག །མུར་བ་འུ་སུ་གླ་སྒང་དང་། །སྟང་ཟིལ་མ་དུ་ཀའི་ཕྱེ་མ། །སྦྲང་རྩིར་བཅས་པའི་ལྡེ་གུ་སྦྱིན། །སློན་མཐར་ལྕེ་ནི་འཁུམས་པ་ལ། །སྣུམ་དང་སྐྱུར་དང་ལན་ཚྭ་དང་། །ལྡན་པས་མཁུར་བ་བཀང་བ་དང་། །ཡིད་འོང་ཡུ་ཤ་ཤ་ཁུ་ཕན། །དེ་ཡི་མདུན་དུ་མི་གཞན་
[241a.5]ནི། །འབྲས་བུ་སྐྱུར་བ་ཟ་རུ་གཞུག །ལྕེ་ཕྱིར་བྱུང་ལ་ཏིལ་དང་ནི། །རྒུན་འབྲུའི་ལྡེ་གུ་བསྐུས་ནས་གཞུག །ཚིག་བཀུག་རླུང་གི་ནད་ལ་ནི། །མར་དང་ཤ་དང་གཡོས་པ་ཡི། །ནས་ཐུག་སླ་བ་སྦྱིན་བྱ་ཞིང་། །སྣུམ་དང་དུགས་ཀྱི་སྦྱོར་བ་བྱ། །སྨན་གྱི་སྦྱོར་བ་དྲགས་པ་
[241a.6]ཡིས། །སྲོག་ཅེས་བྱ་བའི་ཁྲག་ཕྱུང་ན། །གང་ཕྱིར་དེ་ནི་སྲོག་འཕྲོག་པས། །སྲོག་ལེན་པར་ནི་ཡིན་པར་བཤད། །ཁྲག་དེ་དང་ནི་ཟས་བཅས་པ། །ཁྱིའམ་བྱ་རོག་ལ་བྱིན་ལ། །ཟོས་ན་སྲོག་ཅེས་བརྗོད་པར་བྱ། །མ་ཟོས་མཁྲིས་པ་ཡིན་པར་བཤད། །ཡང་ན་
[241a.7]རས་དཀར་ལ་བསྒོས་ཏེ། །བསྐམས་ལ་ཆུ་དྲོན་གྱིས་བཀྲུས་ལ། །བཀྲུས་ཀྱང་དག་པར་མ་གྱུར་ན། །མཁྲིས་པའོ་དག་ན་ཁྲག་ཡིན་ནོ། །སྐོམ་དང་བརྒྱལ་དང་མྱོས་པས་ཉེན། །དེ་ལ་སྲོག་ནི་མྱུར་བསྲུང་ཕྱིར། །ཁྲག་དང་མཁྲིས་པ་སེལ་བ་ཡིན། །གསོ་བ་འཚོ་
[241b]
[241b.1]བའི་བར་དུ་བྱ། །རི་དགས་བ་གླང་མ་ཧེ་ར། །གསོན་པའི་ཁྲག་ནི་ཕྱུང་མ་ཐག །སྲོག་ནི་འབྱོར་པར་བྱེད་པ་བླུད། །དེས་ནི་མྱུར་དུ་སྲོག་ཏུ་འགྱུར། །དེ་ཉིད་འཇག་མ་དང་མཉེས་པའི། །ཁྲག་ནི་འཇམ་རྩིར་གཏང་བར་བྱ། །དུར་བྱིད་ཏང་པལ་ཤིང་མངར་དང་། །དཱུར་བ་པུ་
[241b.2]ཤེལ་ཙེ་འོ་མ། །བསྐོལ་བ་མར་གྱི་སྙིང་པོ་དང་། །སྟང་ཟིལ་དང་ནི་བཅས་པ་ཡི། །འཇམ་རྩི་གྲང་མོ་གཏང་བར་བྱ། །སྤྱི་བག་འཇམ་རྩི་རབ་གྲང་བའམ། །མར་གྱི་སྙིང་པོ་འཇམ་རྩི་གཏང་། །གཞང་ཕྱིར་བྱུང་ལ་སྨན་ཁུ་ཡིས། །འཁྲུ་བ་གཅད་ལ་གཞུག་པར་བྱ། །
[241b.3]དྲན་པ་སྟོར་ལ་རིག་བྱེད་ཚིག །གླིང་བུ་གླུ་དབྱངས་ཉན་དུ་གཞུག །ཡན་ལག་བརྒྱད་པའི་སྙིང་པོ་བསྡུས་པ་ལས། ཆོ་ག་གྲུབ་པའི་གནས་ཀྱི་ལེའུ་གསུམ་པའོ།། །།དེ་ནས་སྨན་མས་གཏོང་བའི་ཆོ་ག་བཤད་པར་བྱའོ། །བ་ལ་སླེ་ཏྲེས་ར་སྣ་འབྲས་བུ་གསུམ། །
[241b.4]རྩ་བ་ལྔ་པ་རྣམ་གཉིས་སྲང་རེའི་ཚད། །པོ་སོན་ཆ་བརྒྱད་ར་ཤ་སྲང་ལྔ་བཅུ། །ཆུ་ནང་བསྐོལ་ཏེ་བཞི་ཆ་ལུས་གྱུར་པ། །བཙགས་པ་ལ་ལ་ཕུད་དང་པོ་སོན་ཆ། །བིལ་བ་རུ་རྟ་ཤ་ཏ་པུཥྤ་དང་། །ཤུ་དག་གླ་སྒང་པི་པི་ལིང་རྣམས་ཀྱི། །ལྡེ་གུ་བུ་རམ་སྦྲང་རྩི་མར་དང་ནི། །ཏིལ་
[241b.5]མར་རྒྱམ་ཚ་དག་དང་ལྡན་གྱུར་པ། །དྲོ་འཇམ་ཆོ་ག་བཞིན་དུ་བཏང་གྱུར་པ། །མས་གཏོང་མཆོག་སྟེ་ནད་ཀུན་འཇོམས་པ་ཡིན། །ནད་མེད་ལ་ཕན་ཚེ་རིང་ཉམས་བརྟས་བྱེད། །འཇམ་རྩི་གོང་དུ་ལྡེ་གུ་མ་སྨོས་པ། །དེར་ནི་ཀུན་ལ་འདི་ཉིད་གཞུག་པར་བྱ། །རྩ་བ་བཅུ་པའི་ཁུ་
[241b.6]བ་སྐྱུར་དང་ནི། །ར་ཤ་བཅས་པ་སྔ་མ་བཏགས་པ་དང་། །སྣུམ་ཆེན་གསུམ་ལྡན་མས་གཏོང་མཆོག་ཡིན་ཏེ། །རླུང་གི་ནད་ཀུན་རབ་ཏུ་འཇོམས་པར་བཤད། །པ་ལ་པ་ཏོལ་རྩ་བ་ཆུང་ངུ་ལྔ། །ཀྱི་ལྕེ་བ་དང་ཨེ་རཎྜ་དང་ནས། །བསྐོལ་བའི་ཁུ་བ་བྲེ་གང་ར་ཤའི་ཁུ། །
[241b.7]དེའི་ཕྱེད་བཅུག་ལ་བསྐོལ་ཏེ་བྲེ་གང་ལུས། །པྲི་ཡང་ཀུ་དང་གླ་སྒང་པི་པི་ལིང་། །ལྡེ་གུར་བྱས་ཤིང་ཏིལ་མར་ཞུན་མར་དང་། །སྦྲང་རྩི་རྒྱམ་ཚ་དང་ནི་ལྡན་གྱུར་པའི། །འཇམ་རྩི་བཏང་ན་མེ་དྲོད་འཕེལ་བ་དང་། །ཉམས་སྟོབས་སྐྱེད་ཅིང་ཤ་ནི་རྒྱས་པ་དང་། །མིག་གི་གསལ་
[242a]
[242a.1]སྟོབས་འཕྲལ་དུ་སྐྱེད་པར་བྱེད། །ཨེ་རཎྜའི་རྩ་སྲང་གསུམ་པ་ལ་ཤ །སྲང་གསུམ་རྩ་བ་ལྔ་པ་ཆུང་ངུ་དང་། །ར་སྣ་བ་ལ་སླེ་ཏྲེས་བ་སྤྲུ་བ། །ཨ་ཤྭ་གནྡྷ་དོང་ག་ཐང་ཤིང་རྣམས། །པོ་སོན་ཆ་བརྒྱད་ཆུ་བྲེ་བརྒྱད་དུ་བསྐོལ། །བརྒྱད་ཆ་ལུས་པར་གྱུར་
[242a.2]པ་དེ་ནང་དུ། །ཤུ་དག་ཤུ་ཏི་བ་ཤའི་འབྲས་བུ་དང་། །པྲི་ཡང་ཀུ་དང་ཤིང་མངར་པི་པི་ལིང་། །དུག་མོ་ཉུང་གི་ས་བོན་གླ་སྒང་དང་། །སྐྱེར་པའི་ཁཎྜར་བཅས་པ་ཞིབ་བཏགས་པ། །ཞོ་གཉིས་ཚད་ཀྱི་རྒྱམ་ཚར་བཅས་པ་དང་། །སྦྲང་རྩི་ཏིལ་མར་བ་གཅིན་དང་སྦྱར་བའི། །
[242a.3]མས་གཏོང་སྐྱུག་བྱེད་མེ་དྲོད་སྐྱེད་པ་དང་། །རྐང་པ་བྱིན་པ་བརླ་དང་མཇུག་ཏོ་དང་། །ལྟོ་བ་སྙིང་དང་ཕོ་མཚན་ན་བ་དང་། །ལུས་ལྕི་རླུང་དང་བཤང་གཅི་འགགས་དང་སྐྲན། །རྡེའུ་ཆགས་རྒྱུ་རླུགས་གཞང་འབྲུམ་ཕོ་བའི་ནད། །བད་ཀན་རླུང་ནད་དེ་དང་དེ་དག་འཇོམས། །ཤིང་
[242a.4]མངར་སེང་ཕྲོམ་ཙནྡན་ཨ་རུ་ར། །ཙནྡན་ཨུཏྤལ་བ་ཡི་འོ་མར་བསྐོལ། །འཚོ་བྱེད་ཁ་ར་མར་དང་བཅས་པ་ཡི། །འཇམ་རྩིས་མཁྲིས་པའི་ནད་རྣམས་སེལ་བར་བྱེད། །ར་སྣ་བ་ཤ་ཀ་བཙོས་བྱི་ཚེར་བ། །བ་ལ་རྩ་བ་ཆུང་ལྔ་རྩྭ་ཡི་ལྔ། །ཐལ་ཏྲེས་ཙནྡན་ཤུག་པ་རྣམ་གཉིས་
[242a.5]དང་། །ཤིང་མངར་སེང་ཕྲོམ་སྲང་ནི་ཕྱེད་ཕྱེད་དང་། །ཆུ་དང་བསྐོལ་བའི་ཁུ་བ་དེ་ཉིད་ནི། །འོ་མ་བྲེ་བཞི་བསྐོལ་ཏེ་ཆུ་དུའི་བར། །ཇི་བན་ཏི་དང་མེ་ད་རྣམ་གཉིས་དང་། །ཉེ་ཤིང་རམ་ཉེ་བ་གཉིས་བི་ད་རི། །ཀ་ཤེ་རུ་དང་ཁ་ར་དཀར་པོ་དང་། །ཛི་བ་ཀ་དང་པདྨ་གེ་སར་
[242a.6]དང་། །སྟག་ཚེར་ཨུཏྤ་ལ་དང་པདྨ་དཀར། །སེང་ཕྲོམ་ཁ་སྲལ་ཕྲེའུ་ཤིང་མངར་དང་། །ནཱ་ག་གེ་སར་མུཉྫ་ཏ་ཀ་དང་། །ཙནྡན་རྣམ་གཉིས་བཏགས་པ་མར་དང་ནི། །སྦྲང་རྩི་རྒྱམ་ཚ་དང་ནི་ལྡན་བྱས་པ། །བསྒྲངས་པའི་ནི་རུ་ཧ་ནི་གཏང་བར་བྱ། །སླར་ཕྱུང་སྐམ་སའི་
[242a.7]ཤ་ཁུའམ་འོ་མ་དང་། །འབྲས་ཆན་བྱིན་ལ་ལུས་ལ་ཆུ་བླུགས་བྱ། །ལུས་ཚ་ཚད་འཁྲུ་མངལ་ནད་ཁྲག་མཁྲིས་དང་། །སྙིང་ནད་སྐྱ་རྦབ་མི་བཟད་རིམས་དང་ནི། །སྐྲན་བཅས་གཅིན་འགགས་མིག་སེར་ལ་སོགས་པ། །མཁྲིས་པ་ལས་གྱུར་ནད་ནི་ཐམས་ཅད་འཇོམས། །
[242b]
[242b.1]ཀོ་ཤ་ཏ་ཀ་དོང་ག་ཐང་ཤིང་དང་། །མུར་བ་གཟེ་མ་ཨརྒ་དུག་མོ་ཉུང་། །པ་ཏ་རྒྱ་སྲན་བྲི་ཧ་ཏི་ཆུར་བསྐོལ། །ཁུ་བ་སྲང་ནི་ཉི་ཤུ་ལུས་པ་དང་། །དེར་ནི་ཉུངས་ཀར་སུག་སྨེལ་པོ་སོན་ཆ། །རུ་རྟ་ཞོན་གཉིས་གཉིས་ཚད་དང་ནི། །སྦྲང་རྩི་པོ་སོན་ཆ་ཡི་མར་དང་ནི། །ཐལ་སྨན་
[242b.2]ཉུངས་མར་སྲང་ནི་གཉིས་གཉིས་བཅས། །མས་གཏོང་མེ་དྲོད་ཆུང་དང་ཡི་ག་འཆུས། །བད་ཀན་ལས་གྱུར་ནད་ནི་ཀུན་ལ་ཕན། །དེ་ནས་ནི་རུ་ཧ་དེ་ནི། །སྣུམ་འཇམ་སྐྱིད་དེ་བ་དང་ནི། །ལས་ཀྱིས་ལུས་སྙོམ་གྱུར་པའི་སྨན། །སྲང་ནི་གཉིས་གཉིས་སོ་སོར་བཤད། །འོ་མ་
[242b.3]ལས་ནི་སྲང་བཞིར་བྱ། །སྦྲང་རྩི་ཏིལ་མར་མར་ཁྱོར་རེ། །གཟར་བུས་དཀྲུགས་པ་མས་གཏོང་བས། །རླུང་ནད་འཇམ་སྟོབས་ཁ་དོག་སྐྱེད། །ཏིལ་མར་ཆང་དང་སྦྲང་རྩི་མར། །ཁྱོར་ནི་རེ་རེའི་ཚད་དུ་བྱས། །བིལ་བ་ལ་སོགས་རྩ་བ་ནི། །ཁྱོར་གཉིས་རྒྱ་སྲན་ཁུ་བ་ནི། །
[242b.4]ཁྱོར་དོ་བཅས་པས་རླུང་ནད་སེལ། །པ་ཏོ་ལ་དང་ནིམ་པ་དང་། །ལོ་མ་བདུན་པ་པུ་ཏི་ཀ །ར་སྣའི་ཁུ་བ་སྲང་གཉིས་གཉིས། །མར་སྲང་གཉིས་དང་ཉུངས་ཀར་ཀྱི། །ལྡེ་གུར་བཅས་པ་ཁ་བ་ལྔ། །བད་ཀན་མང་དང་སྲིན་ནད་དང་། །མཛེ་དང་ཟ་ཁུའི་ནད་རྣམས་
[242b.5]འཇོམས། །ཏིལ་མར་བ་གཅིན་ཞོ་ག་ཆུ། །སྐྱུར་རྩབས་ཁྱོར་ནི་རེ་རེ་དག །ཡུངས་ཀར་བཏགས་པའི་ལྡེ་གུར་སྦྱར། །རྟུག་འགགས་ལྟོ་སྦོས་སེལ་བྱེད་ཡིན། །པ་ཡས་སྱེ་དང་བུ་རམ་ཤིང་། །སཱ་ལ་པརྞི་བི་ད་རི། །ར་སྣ་ཁྱོར་རེ་པི་པི་ལིང་། །ལྡེ་གུ་སྦྲང་རྩི་མར་སྦྱར་
[242b.6]བའི། །མས་གཏོང་ཁུ་བ་འཕེལ་བར་བྱེད། །དེ་ནས་གྲུབ་པའི་འཇམ་རྩི་ནི། །ཉེས་པ་མེད་ཅིང་འབྲས་བུ་ཆེ། །སྟོབས་སྐྱེད་ལུས་འཕེལ་བདེ་བར་བྱེད། །ཀུན་དུ་སྦྱར་བྱ་བཤད་པར་བྱ། །སྦྲང་རྩི་ཏིལ་མར་ཆ་མཉམ་པ། །རྒྱམ་ཚ་ཞོ་གཉིས་ཤུ་ཏི་བཞི། །ཨེ་རཎྜ་ཡི་
[242b.7]རྩ་བ་བསྐོལ། །མས་གཏོང་སྦྲང་རྩི་ཏིལ་མར་ཅན། །བཅུད་ཀྱིས་ལེན་ཏེ་གཅིན་སྙི་དང་། །གཞང་འབྲུམ་སྲིན་བུ་སྐྲན་ནད་དང་། །རྒྱུ་མ་རླུགས་པའི་ནད་རྣམས་སེལ། །འདི་ནི་ཤིང་མངར་ཕྱེ་མར་བཅས། །མིག་ལ་ཕན་ཞིང་ཁྲག་མཁྲིས་སེལ། །གླ་སྒང་ལྡེ་གུ་སྦྲང་རྩི་དང་། །
[243a]
[243a.1]ཏིལ་མར་ཤ་ཁུ་མར་བཅས་པ། །འཚོ་བར་བྱེད་པ་ཞེས་བྱ་སྟེ། །གཞང་གི་ནད་དང་བརླ་ནད་དང་། །ཆུ་སོ་དང་ནི་རྨིག་པ་དང་། །ཕོ་མཚན་ཟུག་པའི་ནད་རྣམས་སེལ། །སྦྲང་རྩི་མར་དང་ཞག་དང་ནི། །ཏིལ་མར་ཁྱོར་ནི་རེ་རེའི་ཚད། །རྒྱམ་ཚ་ཞོ་གཅིག་
[243a.2]སྤ་མ་ཡི། །འབྲས་བུ་སྲང་ཕྱེད་བཅས་པ་དག །དེ་ཡང་འཚོ་བ་ཡིན་པར་བཤད། །ཨེ་རཎྜའི་རྩ་བསྐོལ་བ་ཡི། །ཁུ་བ་ཤུ་དག་པི་པི་ལིང་། །པོ་སོན་ཆ་ཡི་ཕྱེ་མར་བཅས། །སྦྲང་རྩི་ཏིལ་མར་རྒྱམ་ཚར་བཅས། །འདི་ནི་ཤིང་རྟ་ཅན་ཞེས་བྱ། །དེ་བསྐོལ་ཤུ་དག་ཤུ་ཏི་
[243a.3]དང་། །ཤིང་ཀུན་རྒྱམ་ཚ་ཐང་ཤིང་དང་། །ར་སྣ་སྦྲང་རྩི་སྦྱར་བ་ཡི། །འཇམ་རྩི་ནད་སེལ་ཞེས་བྱ་དགེ །རྩ་བ་ལྔ་ཡི་ཁུ་བ་དང་། །པི་པི་ལིང་དང་རྒྱམ་ཚ་དང་། །ཤིང་མངར་སྦྲང་རྩིར་བཅས་པ་ཡི། །ཏིལ་མར་གྲུབ་པའི་འཇམ་རྩིར་བཤད། །རྩ་བ་བཅུ་པ་འབྲས་བུ་གསུམ། །
[243a.4]པོ་སོན་ཆ་ནི་བིལ་བར་བསྐོལ། །བ་གཅིན་དང་ནི་དེ་བཏགས་ཤིང་། །པ་ཏ་གླ་སྒང་དུག་མོ་ཉུང་། །ལན་ཚྭ་པོ་སོན་ཆ་ཏིལ་མར། །ཐལ་སྨན་ལན་ཚྭར་བཅས་པ་ནི། །རིགས་པའི་འཇམ་རྩི་བད་ཀན་ནད། །སྐྱ་རྦབ་གསུད་པའི་ནད་རྣམས་དང་། །ཁུ་བ་རླུང་ནི་འགགས་པ་དང་། །
[243a.5]རླུང་འཁྲུགས་པ་ལ་བསྔགས་པ་ཡིན། །གླ་སྒང་པ་ཏ་ཨེ་རཎྜ། །སླེ་ཏྲེས་བ་ལ་བ་སྤྲུ་བ། །ར་སྣ་བཙོད་དང་དོང་ག་དང་། །པུ་ཤེལ་ཙེ་དང་ཀྱི་ལྕེ་བ། །བ་རུ་ར་དང་པུ་ཙེ་ཤེལ། །རྩ་བ་ལྔ་པ་ཆུང་ངུ་རྣམས། །སྲང་རེ་པོ་སོན་ཆ་རྡོག་བརྒྱད། །དེ་ནི་ཆུ་བྲེ་བཞི་ནང་བསྐོལ། །
[243a.6]བཞི་ཆ་ལུས་པ་བཙགས་ནས་ནི། །འོ་མ་བྲེ་དོ་དང་བསྲེས་ལ། །འོ་མ་ལུས་པ་སླར་ཡང་བསྐོལ། །སྐམ་སའི་ཤ་ཁུ་བཞི་ཆ་དང་། །སྦྲང་རྩི་རྒྱམ་ཚ་ཤིང་མངར་དང་། །ཤུ་ཏི་དུར་བྱིད་པི་པི་ལིང་། །དུག་མོ་ཉུང་དང་སྐྱེར་ཁཎྜ། །བཏགས་པ་དང་ནི་བསྲེས་པ་ཡི། །འཇམ་རྩི་
[243a.7]དྲོ་འཇམ་བཏང་ན་ནི། །ཤ་དང་མེ་དྲོད་ལུས་ཀྱི་སྟོབས། །ཁུ་བ་འཕེལ་བར་བྱེད་པ་ཡིན། །དྲེག་ནད་རྨོངས་བག་གཅིན་སྙི་དང་། །གཞང་འབྲུམ་སྐྲན་དང་བཤང་གཅི་འགགས། །མི་བཟད་རིམས་དང་མེ་དབལ་དང་། །རྒྱུ་རླུགས་ལྟོ་སྦོས་འཁྲུག་ཅིང་འཁྲུ། །ཆུ་སོ་རྐེད་
[243b]
[243b.1]པ་བརླ་དཀུ་ན། །གཉེའུ་རེངས་རྣ་བ་མགོ་བོའི་ནད། །ཟླ་མཚན་ནད་དང་སྨྱོ་བྱེད་དང་། །འོར་ནད་ལུད་པ་རྡེའུ་ཆགས་དང་། །གཅིན་འཁྱིལ་བ་ཡི་ནད་རྣམས་འཇོམས། །དབང་པོ་ཉམས་ཤིང་ཞུམ་པ་དང་། །མིག་ལ་ཕན་ཞིང་བུ་སྐྱེད་བྱེད། །འཚོ་བྱེད་རྒྱལ་པོ་བཅུད་ལེན་ཡིན། །
[243b.2]རི་དྭགས་ཕྲ་མོ་མགོ་ཆུང་བ། །རྩ་བ་བཅུ་པ་བསྐོལ་བའི་ཆུ། །སྤ་མའི་འབྲས་བུ་ཤུ་ཏི་དང་། །གླ་སྒང་ལྡེ་གུ་སྣུམ་ཆེན་བཅས། །མས་གཏོང་རླུང་ནི་སེལ་བའི་མཆོག །ཤིན་ཏུ་རོ་ཙར་བྱེད་པ་ཡིན། །རྨ་བྱའི་གཤོག་པ་མཁྲིས་པ་དང་། །རྒྱུ་མ་རྐང་པ་མཆུ་རྟུག་པ། །
[243b.3]པོར་བའི་ཤ་ནི་འབའ་ཞིག་དང་། །རྩ་བ་ལྔ་པ་ཆུང་ངུ་ནི། །སྲང་རེ་དང་ནི་ལྡན་གྱུར་པ། །ཆུ་དང་འོ་མར་བསྐོལ་ནས་ནི། །འོ་མ་ལུས་པར་སྦྲང་རྩི་མར། །བཅས་དང་དེ་བཞིན་བི་ད་རི། །ཤིང་མངར་ཤུ་ཏི་པི་པི་ལིང་། །པོ་སོན་ཆ་ཡི་ལྡེ་གུར་བསྲེས། །རྒྱམ་ཚ་ཅུང་ཟད་
[243b.4]བཏབ་པ་ཡི། །འཇམ་རྩི་སྟོབས་འཕེལ་རོ་ཙའི་མཆོག །གོང་མ་སྲེག་ལ་སོགས་པ་ཡང་། །ཆོ་ག་འདི་ནི་སོ་སོར་བྱ། །ཁྲོན་གྱིས་གཟས་ཚོལ་ཐམས་ཅད་དང་། །མཐུ་རྩལ་མཆུ་ཡིས་ཟས་ཚོལ་བ། །ཆུ་ལ་གནས་པའང་དེ་བཞིན་ཏེ། །ཉ་ལ་འོ་མ་སྤང་བར་བྱ། །སྲམ་དང་ནེེའུ་
[243b.5]ལེ་བྱི་ལ་དང་། །རེག་འཇམ་བྱི་བ་རྣམས་ཀྱི་ཤ །རེ་རེ་སྲང་བཅུ་རྩ་བ་ལྔ། །འོ་མའི་ནང་དུ་བསྐོལ་ནས་ནི། །འོ་མ་དེར་ནི་པོ་སོན་ཆ། །པི་པི་ལིང་དང་ལན་ཚྭ་གཉིས། །ཁ་ར་ཏིལ་མར་སྦྲང་རྩི་མར། །འཇམ་རྩི་བཏང་ན་བཅུད་ལེན་མཆོག །རྩོལ་བས་དཀྲུགས་གློ་
[243b.6]འགྲམས་པ་དང་། །དབང་པོ་ཉམས་དང་གཟི་མདངས་སྟོབས། །ཁུ་ཆུ་བཤང་གཅི་འགགས་པ་དང་། །དྲེག་ནད་ཀྱིས་འཐེང་ནད་རྣམས་དང་། །རྟ་དང་གླང་པོ་ཤིང་རྟས་གཡེང་། །རྐང་ལག་ཆག་གྲུགས་གྱུར་པ་ལ། །སླར་ནི་བདེ་བར་འཚོ་བྱེད་ཅིང་། །རོ་ཙ་བྱེད་པའི་མཆོག་
[243b.7]ཡིན་ནོ། །ཁ་སྲལ་བུ་རམ་ཤིང་ཕྲན་ལས། །གཡོས་སུ་བྱས་པའི་འོ་ཐུག་བླུད། །སྣུམ་ཞིང་བསྡམས་པ་མི་དགོས་པའི། །གྲུབ་པའི་སྨན་ནི་སྦྱར་བར་བྱ། །ནད་འཇོམས་སྲུང་དང་བཅས་པ་ཡི། །སྣུམ་གྱི་འཇམ་རྩི་བཤད་བྱ་སྟེ། །རྩ་བ་བཅུ་པ་བ་ལ་དང་། །ར་སྣ་ཨ་ཤྭ་
[244a]
[244a.1]གནྡྷ་དང་། །བ་སྤྲུ་བ་དང་ཨེ་རཎ་དང་། །སླེ་ཏྲེས་ག་བྲའི་རྩ་བ་དང་། །བ་ཤ་ཀ་དང་བུ་ཏི་ཀ །ས་ཧ་ར་ཛ་ཉེ་ཤིང་བ། །ཀ་ཀ་ན་སེ་སྲང་རེ་དང་། །ནས་དང་མ་ཤ་ཟར་མ་དང་། །རྒྱ་ཤུག་རྒྱ་སྲན་ཁྱོར་རེའི་ཚད། །ཆུ་བྲེ་དྲུག་ཅུ་རྩ་བཞིར་བསྐོལ། །དེ་ལས་
[244a.2]བྲེ་ནི་བཅུ་དྲུག་ལུས། །འཚོ་བྱེད་སྡེ་ནི་སྲང་རེ་བཅུག །ཏིལ་མར་བྲེ་ནི་བཞི་དང་བསྐོལ། །འདི་ནི་འཇམ་རྩིར་བཏང་གྱུར་ན། །རླུང་ནད་ཐམས་ཅད་སེལ་བར་བྱེད། །དེ་བཞིན་སྐམ་སའི་སྲོག་ཆགས་ཤ །འཚོ་བྱེད་སྡེ་དང་བཅས་པར་བསྐོལ། །ཤུ་ཏི་ནས་དང་བིལ་བ་སྐྱུར། །
[244a.3]ཏིལ་མར་བསྐོལ་བས་རླུང་ནད་སེལ། །རྒྱམ་ཚ་མདོག་དམར་གྱུར་གྱི་བར། །མེར་བསྲེགས་མར་གསུར་རླུང་ནད་འཇོམས། །ཛི་བན་ཏི་དང་པོ་སོན་ཆ། །མེ་ད་རྣམ་གཉིས་སྲ་བ་ནི། །ཤིང་མངར་བ་ལ་ཤུ་ཏི་དང་། །ཟངས་རྩི་བ་དང་པི་པི་ལིང་། །ཀ་ཀ་ནི་ས་ཉེ་ཤིང་བ། །
[244a.4]ཁ་སྲལ་ཀྵི་ར་ཀ་ཀ་རི། །ཟུར་པ་ཀརྐ་ཏ་སྲིང་གི །ཤུ་དག་བཏགས་པའི་ལྡེ་གུ་དང་། །ཏིལ་མར་མར་དང་འོ་མ་ནི། །བཞི་འགྱུར་གྱི་ནི་ནང་དུ་བསྐོལ། །འཇམ་རྩི་ཉམས་བརྟས་རླུང་ནད་འཇོམས། །སྟོབས་དང་ཁུ་བ་མེ་དྲོད་འཕེལ། །ཁྲག་དང་ཁུ་བའི་ནད་སེལ་བྱེད། །བུ་སྐྱེད་
[244a.5]པར་ཡང་བྱེད་པ་ཡིན། །རྒྱམ་ཚ་རུ་རྟ་པོ་སོན་ཆ། །ཤུ་ཏི་ལྕང་མ་ཤུ་དག་དང་། །བ་ལེ་ཀ་དང་ཤིང་མངར་དང་། །ག་བྲའི་རྩ་བ་ཀད་ཕ་ལ། །ཐང་ཤིང་དོང་གྲ་མ་ནུ་དང་། །མེ་ད་དཔྱི་མོ་ཙི་ཏྲ་ཀ །ཟུར་པ་བོང་དབྱི་དང་ག །ཤ་མ་དུར་བྱིད་ཧ་རེ་ཎུ། །སྟི་ར་བིལ་བ་ནི་ལི་ནི། །
[244a.6]ཏི་མུ་ས་དང་པི་པི་ལིང་། །དན་ད་ར་སྣ་ཆ་མཉམ་པ། །ཨེ་རཎྜ་ཡི་མར་རམ་ནི། །ཏིལ་མར་བསྐོལ་བའི་འཇམ་རྩི་ཡིས། །བད་ཀན་ནད་འཇོམས་རྒྱུ་རླུགས་དང་། །རྟུག་སྐམ་སྐྲན་དང་གཞང་འབྲུམ་དང་། །མཆེར་པའི་ནད་དང་གཅིན་སྙི་དང་། །རླུང་འཁྱིལ་བ་དང་ལྟོ་སྦོས་དང་། །
[244a.7]རྡེ་ཆགས་ནད་ནི་མྱུར་དུ་སེལ། །ཡང་ན་བིལ་བ་ལ་སོགས་པའི། །རྩ་བ་ལྔ་པ་ཏིལ་མར་བསྐོལ། །ཡང་ན་བད་ཀན་སེལ་སྨན་སྦྱར། །ཏིལ་མར་དང་བཏང་བད་ཀན་འཇོམས། །ཡང་ན་པོ་སོན་ཆ་བརྒྱད་འགྱུར། །སྐྱུར་བསྐོལ་འཇམ་རྩིས་བད་ཀན་སེལ། །འཇམ་རྩི་འཇམ་པས་
[244b]
[244b.1]རྨོངས་གྱུར་ལ། །རྣོན་པོ་ཉེ་བར་སྦྱང་བར་བྱ། །རྣོ་བས་གནོད་ལ་སྣུམ་པ་དང་། །མངར་ཞིང་བསིལ་བ་འཇམ་པ་གཏང་། །རྣོན་པོ་བ་གཅིན་པི་ལུ་དང་། །ཙི་ཏྲ་ཀ་དང་ལན་ཚྭ་དང་། །ཐལ་སྨན་དང་ནི་ཉུངས་ཀར་རྣམས། །དུས་ལ་བབ་པར་གཏང་བར་བྱ། །འོ་མ་མར་
[244b.2]སྩོགས་འཇམ་པོ་ཡིས། །ཉམས་སྟོབས་དུས་དང་ནད་གཞི་རང་བཞིན་དག །རྣམ་པར་ཕྱེ་སྟེ་འཇམ་རྩི་གཏང་བྱ་བ། །རང་རང་གི་ནི་སྨན་གྱི་སྡེ་ཚན་གྱིས། །རང་རང་གི་ནི་ནང་རྣམས་བསལ་བར་བྱ། །ཚ་བས་ཉམ་ཐག་ལ་བསིལ་བ། །བསིལ་བས་ཉེན་ལ་དྲོ་འཇམ་སྦྱར། །
[244b.3]དེ་དང་འཚམ་པའི་སྨན་ལྡན་པར། །འཇམ་རྩི་བརྟགས་ཏེ་གཏང་བར་བྱ། །སྦྱང་བར་བྱ་བའི་ནད་རྣམས་ལ། །རྟས་བྱེད་འཇམ་རྩི་མི་གཏང་ཞིང་། །མི་གང་མཛེ་གཅིན་ནད་ཀྱིས་ཉེན། །ཚིལ་རྒྱས་ནད་ལ་གཏང་མི་བྱ། །ཉམ་ཆུང་གློ་འགྲམས་པ་དང་བརྒྱལ་བ་དང་། །ལུས་སྐེམ་
[244b.4]རིད་དང་སྦྱངས་པའི་ལུས་ཅན་དང་། །གང་ཡང་དྲི་མས་ཚེ་འདི་གཟུང་འགྱུར་ལ། །སྦྱོང་བར་བྱེད་པའི་མས་གཏོང་གཏང་མི་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། །ཆོ་ག་གྲུབ་པའི་གནས་ཀྱི་ལེའུ་སྟེ་བཞི་པའོ།། །།དེ་ནས་སྨན་མས་གཏོང་བའི་ཆོ་གས་ནད་
[244b.5]ཕྱིན་ཏེ་སོས་པར་བྱ་བའི་ལེའུ་བཤད་པར་བྱའོ། །སྣུམ་ཆོས་དུགས་ནི་མ་བྱས་དང་། །ལྟོ་ལྕི་བ་ལ་སྨན་གྲང་སྣུམ། །ཚ་ཉུང་སྨན་ཚད་ཆུང་བའམ། །སྨན་ནི་སྐ་བ་བཏང་གྱུར་ན། །དེ་ཡིས་ནད་ནི་བསླངས་གྱུར་དང་། །སྟོབས་ཆུང་བ་ཡི་ནད་མ་ཕྱིན། །སྦྱོར་བ་ཉེས་པ་སྐྱེད་
[244b.6]འགྱུར་ཞིང་། །འཕྱེན་དང་ཕྱི་ས་གཅིན་སྲི་དང་། །ལྟེ་བ་ཆུ་སོ་ན་ཞིང་ཚ། །དང་གར་ཆགས་ཤིང་གཞང་སྐྲངས་དང་། །གཡན་པའི་ཐོར་བུ་མདོག་མི་སྡུག །མི་དགའ་མེ་དྲོད་ཆུང་བར་འགྱུར། །ཚད་འཁྲུའི་ཉེས་པ་བར་མ་ལ། །སྔར་བཤད་སྨན་གྱི་ཁུ་བ་གཉིས། །དེ་
[244b.7]ལས་གཅིག་ནི་དྲོ་བ་ཡི། །བཏུང་བ་བླུགས་པ་བསྔགས་པ་ཡིན། །པོ་སོན་ཆ་ཡི་རེང་བུའི་དུགས། །དུས་ཤེས་པ་ཡིས་བཀྲུ་སྨན་གཏང་། །བིལ་བའི་རྩ་བ་དུར་བྱིད་དང་། །ཐང་ཤིང་ནས་དང་རྒྱ་ཤུག་དང་། །རྒྱ་སྲན་ཆང་དང་བ་གཅིན་བཅས། །མས་གཏོང་འགགས་པ་
[245a]
[245a.1]སེལ་བར་བྱེད། །ནད་གཞི་ཤས་ཆེ་ལུས་རྩུབ་དང་། །ལྟོ་སྲ་ནུས་པ་ཆུང་བཏང་ན། །མས་གཏོང་ནད་གཞི་བསླངས་ནས་ནི། །རླུང་གི་ལམ་ནི་འགག་པར་བྱེད། །རླུང་ནི་ལམ་ལོག་ཞུགས་པ་དེས། །ལྟོ་སྦོས་ནད་རྣམས་གཟིར་བར་བྱེད། །གཞང་
[245a.2]དང་ལྟོ་བ་ཚ་བ་དང་། །རླིག་པ་ཆུ་སོ་ན་བྱེད་ཅིང་། །སྙིང་གར་འགགས་པས་གཟེར་བ་དང་། །ཕན་ཚུན་དུ་ནི་འགྲོ་བར་བྱེད། །དེ་ལ་ལུས་བསྐུ་དུགས་བྱས་པའི། །ལུས་ལ་རེང་བུ་གཞུག་པར་བྱ། །བིལ་བ་སྩོགས་སམ་བི་ལུ་དང་། །ཉུངས་ཀར་བ་གཅིན་བཅས་མས་ག
[245a.3]ཏོང་། །ཙི་ཏྲ་ཐང་ཤིང་ཏིལ་མར་ནི། །བསྐོལ་བའི་འཇམ་རྩི་གཏང་བར་བྱ། །ཤུགས་ནི་བཀག་པར་གྱུར་པའམ། །བཙིར་དྲགས་པར་ནི་བྱས་པའམ། །ལན་ཚྭ་སྣུམ་ཤས་ཆུང་ལ་ཚ། །སྨན་ཆུང་བ་ཡིས་མས་གཏོང་བ། །འཇམ་པས་རླུང་གིས་གྱེན་དུ་འཕུལ། །
[245a.4]ཁ་དང་སྣ་ནས་འབྱུང་བར་འགྱུར། །དེ་ཡིས་བརྒྱལ་དང་སྙིང་ནད་དང་། །སྐོམ་དང་ཚ་བ་ལ་སོགས་འབྱུང་། །བརྒྱལ་བའི་ནད་ནི་མཐོང་གྱུར་ན། །དེ་ཡི་གདོད་ལ་ཆུ་གྲང་གཏོར། །ངལ་བསོས་བར་དུ་གཡབ་པ་དང་། །དབུགས་རྔུབ་འབྱུང་བ་བྱེད་དུ་གཞུག །ཁ་སྦུབས་
[245a.5]བཞག་སྟེ་རྒྱབ་རྩིབ་ལོགས། །ལྟོ་བ་ལག་པ་དྲོན་པོས་མཉེ། །སྐྲ་ནས་བཏེག་སྟེ་སྤྲུགས་པ་དང་། །སྦྲུལ་དང་མཆེ་བ་ཅན་འཇིགས་བསྟན། །མཚོན་དང་ཐོག་བབ་རྒྱལ་པོའི་མིས། །སྐྲག་བཅས་མས་གཏོང་ཐུར་དུ་འབྱུང་། །ལག་པ་གོས་ཀྱིས་མགུལ་པར་བསྡམ། །
[245a.6]ཅི་ནས་འཆི་བར་མི་འགྱུར་བྱ། །སྲོག་དང་གྱེན་རྒྱུ་རླུང་བཀག་པས། །ཐུར་སེལ་ཤིན་ཏུ་བདེར་རྒྱུ་བ། །གྲུབ་པ་ཡིས་ནི་མས་གཏོང་བ། །མྱུར་དུ་འདྲེན་པར་བྱེད་པ་ཡིན། །རུ་རྟ་གླ་གོར་ཞོ་ཤ་ཡི། །ལྡེ་གུ་སྐྱུར་རྩབས་སྦྱར་ཏེ་བླུད། །དྲོ་དང་རྣོ་དང་འཁྲུ་བ་ཡིས། །མས་
[245a.7]གཏོང་ལུགས་བཞིན་འབྱུང་བར་བྱེད། །དུར་བྱིད་ཨ་རུ་ར་བ་གཅིན། །སྦྱར་བླུད་ལུགས་བཞིན་འབྱུང་བར་བྱེད། །ཞུ་བའི་གནས་འདུག་དུགས་བྱས་ལ། །རྩ་བ་བཅུ་པ་རྒྱ་ཤུག་ནས། །རྒྱ་སྲན་པ་གཅིན་བསྐོལ་བ་ཡི། །མས་གཏོང་དྲག་པོ་སྦྱར་བར་བྱ། །སླེ་ཏྲེས་
[245b]
[245b.1]སྨྱུག་མའི་ལོ་མ་དང་། །པུ་ཏི་ཀ་རཉྫའི་ཤུན་པ། །འོ་མ་ཟུར་པ་ཐང་ཤིང་དང་། །པུཏི་ཀ་ནི་བ་གཅིན་བསྐོལ། །ཏིལ་མར་བུ་རམ་རྒྱམ་ཚར་བཅས། །བཀྲུ་སྨན་ལྡེ་གུར་བཅས་པ་གཏང་། །མས་གཏོང་བྲང་ན་གནས་པ་ལ། །བིལ་བ་ལ་སོགས་ལྔ་བསྐོལ་གཏང་། །མགོར་
[245b.2]གནས་སྣར་བླུགས་དུད་པ་རྔུབ། །ཉུངས་ཀར་ལྡེ་གུས་མགོ་བོ་བསྐུ། །མས་གཏོང་དྲོད་ཆེས་རྣོ་སྐྱུར་དྲགས། །སྐ་ཆེས་དུགས་ནི་དྲགས་པ་དང་། །ནད་གཞི་ཆུང་ཞིང་ལྟོ་སྙི་ལ། །ཡང་དང་ཡང་དུ་གཏོང་བ་ཡི། །སྦྱོར་བ་དྲགས་པ་ཉེས་འགྱུར་བས། །ལྟོ་བའི་ནད་ནི་སྐྱེད་
[245b.3]པར་བྱེད། །དེ་ལ་བཀྲུ་སྨན་དྲག་སྦྱར་བས། །གསོ་དང་མཚུངས་པ་ཉིད་དུ་བྱ། །མས་གཏོང་ཐལ་སྨན་སྐྱུར་རྣོ་དྲོ། །ལན་ཚྭ་ཅན་ནམ་མཁྲིས་ཅན་ལ། །གཞང་ཚ་འབྲུད་ཅིང་གནོད་པ་དང་། །ཡོངས་སུ་འཛག་པར་བྱེད་པར་འགྱུར། །ཁྲག་ནི་བཙོས་པ་ལྟ་བུར་འབྱུང་། །མཁྲིས་
[245b.4]པའང་མདོག་མང་འབྱུང་བར་བྱེད། །ལན་མང་ཤུགས་དྲག་འབྱུང་བ་དང་། །ཡང་དང་ཡང་དུ་བརྒྱལ་བར་འགྱུར། །དེ་ལ་ཁྲག་མཁྲིས་འཁྲུ་བ་སེལ། །གསོ་བ་རབ་ཏུ་བསྔགས་པ་ཡིན། །ཚ་བ་སོགས་ལ་དུར་བྱིད་ཀྱི། །ལྡེ་གུ་རྒུན་ཆུར་སྦྱར་བ་བླུད། །དེ་ཡིས་བཤང་རླུང་
[245b.5]མཁྲིས་པ་ནི། །བསལ་ནས་ཚ་བ་ལ་སོགས་འཇོམས། །དག་གྱུར་ནས་ཐུག་གྲང་མོ་ནི། །ཁར་དང་ནི་བཅས་པ་བླུད། །འཁྲུ་བ་དྲགས་པར་གྱུར་པ་ཡི། །བཤང་བ་ཟད་ལ་ཁ་ཟས་ནི། །མ་ཤའི་ཁུ་བ་ཟན་དྲོན་སྦྱིན། །ཞོ་དང་ཆང་ནི་བླུད་པར་བྱ། །དེ་ལྟར་གྲུབ་པའི་
[245b.6]མས་གཏོང་ཉེས། །བཤད་ནས་སྣུམ་གྱི་མས་གཏོང་བཤད། །རླུང་ཅན་གྲང་ཞིང་ཆུང་བ་དང་། །མཁྲིས་པ་རབ་ཚ་བད་ཀན་འཇམ། །འགྲངས་ཆེས་པ་ལ་ལྕི་བ་དང་། །བཤང་བ་སྩོགས་ལ་སྟོབས་ཆུང་གཏང་། །དེ་ནི་སྣུམ་རླུང་འདྲེས་གྱུར་ཞིང་། །ཟིལ་གྱིས་མནན་པས་འབྱུང་མི་
[245b.7]འགྱུར། །རེངས་དང་བརླ་ན་སྦོས་པ་དང་། །རིམས་དང་གཟེར་དང་ཡན་ལག་ན། །རྩིབ་ལོགས་ན་དང་འདར་བ་ནི། །སྣུམ་རླུང་འདྲེས་ལ་འབྱུང་ཞེས་བྱ། །དེ་སྣུམ་ལན་ཚྭ་དྲོ་དང་སྐྱུར། །ར་སྣ་བི་ད་དྲོ་ཡི་མར། །རང་སྐྱུར་ཆང་དང་རྒྱ་ཤུག་དང་། །རྒྱ་སྲན་ནས་དང་བསྐོལ་
[246a]
[246a.1]བའམ། །རྩ་བ་ལྔ་པ་བ་གཅིན་བཅས། །མས་གཏོང་དྲག་པོས་ལེགས་བསལ་བྱ། །དེ་དག་ཉིད་ཀྱི་ཏིལ་མར་དང་། །དགོངས་ཀར་ཟན་ཟོས་འཇམ་རྩི་གཏང་། །སྐོམ་དང་ལུས་ཚ་རྨོངས་བག་དམར། །མདོག་ཉམས་རིམས་འདེབས་མུན་པར་མཐོང་། །
[246a.2]མཁྲིས་པ་དང་འདྲེས་ཡིན་ཞེས་བྱ། །ཁ་མངར་མས་གཏོང་བྱས་ཏེ་སྦྱངས། །ལུས་སྙོམ་སྒྱིད་ཞན་རིམས་དྲག་འདེབས། །ཆམ་པ་ལུས་ལྕི་ཡི་ག་འཆུས། །བརྒྱལ་བཅས་ན་བས་བད་ཀན་དང་། །འཇམ་རྩི་སྣུམ་ནི་འདྲེས་ཤེས་བྱ། །དེ་ལ་བསྐ་དང་ཁ་དང་ཚ། །ཆང་དང་
[246a.3]བ་གཅིན་ལ་བསྐོལ་བ། །པོ་སོན་ཆ་དང་ཏིལ་མར་དང་། །སྐྱུར་བཅས་མས་གཏོང་བ་ཡིས་བསལ། །སློན་དང་བརྒྱལ་དང་ཡི་ག་འཆུས། །སྙོམ་གཟེར་གཉིད་ཆེ་ཡན་ལག་ན། །མ་ཞུའི་མཚན་མར་ལུས་ཚར་བཅས། །དེ་ནི་འགྲངས་ཆེས་འདྲེས་ཤེས་བྱ། །དེ་ལ་ཚ་དང་ལན་
[246a.4]ཚྭའི་ཕྱེ། །བསྐོལ་བའི་སྨིན་བྱེད་སྨན་དང་ནི། །བཀྲུ་སྨན་འཇམ་པོ་གཏང་བ་དང་། །མ་ཞུ་ལ་ཕན་ཐམས་ཅད་ཕན། །གཅིན་རྟུག་འཕྱེན་ནི་འགགས་པས་ཉེན། །ལུས་ལྕི་ལྟོ་སྦོས་སྙིང་ག་ན། །སྣུམ་དང་བཤང་འདྲེས་ཡིན་ཞེས་བྱ། །དེ་ལ་སྣུམ་དུགས་རིང་བུར་
[246a.5]བཅས། །དུར་བྱིད་བིལ་བ་སོགས་བསྐོལ་ལ། །མས་གཏོང་དྲག་དང་འཇམ་རྩི་གཏང་། །རྟུག་པ་འགགས་པ་སེལ་བས་ཀྱང་། །ཆོ་ག་བཞིན་དུ་ལེགས་པར་བསལ། །རྟོག་པའམ་གཞང་ནི་སྐྲང་པའམ། །ཐུག་པ་ལེགས་པར་འཐུངས་པ་ཡིས། །རྐུབ་ཏུ་སྣུམ་
[246a.6]ནི་བཏང་གྱུར་པ། །སྡོད་པ་མེད་པར་ཤུགས་ཀྱིས་རྒྱུ། །དེ་ནས་རོ་སྟོད་མགྲིན་པ་དང་། །སྟོད་ཀྱི་བུ་ག་དག་ཏུའང་འབྱུང་། །དེ་ལ་དུར་བྱིད་རྒྱ་ཤུག་ནས། །རྒྱ་སྲན་བ་གཅིན་བསྐོལ་བ་དང་། །དེ་དང་བསྐོལ་བའི་ཏིལ་མར་ནི། །མས་གཏོང་འཇམ་རྩིར་བཅས་པ་གཏང་། །ལྐོག་
[246a.7]མར་བྱང་བ་དགག་པར་བྱ། །ལྐོག་མ་བསྡམས་ཤིང་སྐྱུག་སྨན་དང་། །སློན་བྲོ་སེལ་བའི་གསོ་བས་ཀྱང་། །བཟློག་པ་དག་ནི་དེ་ལ་བྱ། །སྣུམ་ཚོས་མ་གྱུར་མི་གཏང་སྟེ། །དེས་ནི་གཞང་ཁར་ཆགས་འགྱུར་ཞིང་། །དེ་ལས་ནད་བཅས་རྨོངས་བག་དང་། །གཡའ་དང་སྐྲང་
[246b]
[246b.1]པ་སྐྱེད་པར་བྱེད། །དེ་ལ་མས་གཏོང་རྣོན་པོ་དང་། །ཨརྐའི་ལོར་བསྐོལ་ཏིལ་མར་གཏང་། །དབུགས་མ་ཕྱུང་བར་བཅིང་པའམ། །མ་ལུས་པར་ནི་བཏང་བ་ཡིས། །རླུང་ཞུགས་ནས་ནི་འཁྲུག་བྱེད་ཅིང་། །གཟེར་དང་ན་བ་སྐྱེད་པར་བྱེད། །དེ་ལ་གཞང་ཁ་བསྐུ་དུགས་བྱ། །
[246b.2]རླུང་འཇོམས་པ་ཡི་ཁ་ཟས་གཏང་། །མྱུར་དུ་བཅུག་ཅིང་ཕྱུང་བའམ། །གློ་བུར་དུ་ནི་བཏེག་པ་ཡིས། །རྐེད་པ་གཞང་དང་བརླ་བྱིན་པ། །ཆུ་སོ་རེངས་ཤིང་ན་བར་འགྱུར། །དེ་ལ་རླུང་འཇོམས་ཁ་ཟས་དང་། །དུགས་བསྐུ་འཇམ་རྩིར་བཅས་པ་ཕན། །བཙིར་བའི་ཚེ་ན་བར་དུ་
[246b.3]གྲོལ། །རླུང་གིས་གཞང་ལ་གནོད་གྱུར་ནས། །བྲང་དང་མགོ་བོ་གཟེར་ཞིང་ན། །བརླ་ཡི་ནད་ནི་སྐྱེད་པར་བྱེད། །དེ་ལ་བིལ་བ་ལ་སོགས་དང་། །པོ་སོན་ཆ་དང་དུར་བྱིད་སོགས། །བ་གཅིན་དང་ནི་སྦྱར་བ་གཏང་། །བཙིར་དྲགས་པ་ཡིས་ཁོང་པར་ནི། །མི་འདུག་ལྐོག་མ་
[246b.4]འབྱུང་བར་འགྱུར། །དེ་ལ་མས་གཏོང་བཀྲུ་སྨན་དང་། །མགུལ་པ་བསྡམ་སོགས་ལས་རྣམས་བྱ། །བཀྲུ་སྨན་སོགས་པས་དག་བྱས་ནས། །ལུས་དང་ཉམས་སྟོབས་མེ་དྲོད་ཆུང་། །སྒོ་ང་གཞོན་ནུའམ་ཏིལ་མར་ནི། །སྣོད་ནི་གང་བ་ཇི་བཞིན་དུ། །གནོད་པར་གྱུར་པ་
[246b.5]ཐམས་ཅད་ལས། །སྨན་པས་འབད་དེ་བསྲུང་བར་བྱ། །ཁ་ཟས་མངར་དང་ཡིད་འོང་སྦྱིན། །དེ་འོག་སྐྱུར་དང་ལན་ཚྭར་བཅས། །དེ་ནས་མངར་དང་ཁ་བ་སྦྱིན། །དེ་འོག་བསྐ་དང་ཚ་བ་སྦྱིན། །རོ་ནི་སྣུམ་དང་རྩུབ་པ་དང་། །ཕན་ཚུན་གཉེན་པོར་གྱུར་པ་བཞིན། །རིམ་པ་ཉེ་བར་
[246b.6]སྦྱར་བ་ཡི། །རིམ་པ་དེ་ནི་རྣལ་དུ་དབབ། །ཀུན་བཟོད་ཉམས་སྟོབས་བརྟན་པ་ནི། །རྣལ་མར་གྱུར་པ་ཡིན་ཞེས་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། ཆོ་ག་གྲུབ་པའི་གནས་ཀྱི་ལེའུ་སྟེ་ལྔ་པའོ།། །།དེ་ནས་སྨན་གྱི་ཆོ་ག་བཤད་པར་བྱའོ། །ས་ཕྱོགས་
[246b.7]སྐམ་ཞིང་ཆ་མཉམ་པའི། །གཞི་མཉམ་གཙང་ཞིང་ས་གཞི་བཟང་། །དུར་ཁྲོད་ཤིང་ཆེན་ལྷ་གནས་དང་། །གཡང་ས་གྲོག་མ་ཅན་མ་གཏོགས། །འཇམ་ཞིང་ཆུ་ནི་གཡས་ན་འབབ། །འཇག་མ་དཱུར་བ་དང་ལྡན་པ། །ཐོང་ལྕགས་ཀྱིས་ནི་མ་སྣད་པ། །ལྗོན་ཤིང་གྲིབ་མས་མ་
[247a]
[247a.1]ཕོག་པ། །ཁ་དོག་བཅུད་ལ་སོགས་དང་ལྡན། །སྨན་སྐྱེས་པ་ནི་བསྔགས་པ་ཡིན། །འབུས་མ་ཟོས་ཤིང་མེས་མ་ཚིག །འབྱུང་བ་སོགས་ཀྱིས་གནོད་མ་གྱུར། །ཉི་གྲིབ་ཆུ་ལ་སོགས་མ་ཉེན། །ཇི་བཞིན་དུས་སུ་བསྟེན་གྱུར་པ། །རྩ་བ་ཆེ་ཞིང་གཏིང་དུ་ཟུག །
[247a.2]བྱང་གི་ཕྱོགས་སུ་བསྟེན་པ་བཟང་། །དེ་ནས་དགེ་བ་ལ་སྤྱོད་ཅིང་། །དད་ལྡན་གཙང་སྦྲ་སྨྱུང་བ་བྱས། །སྨན་ནི་ལེགས་པར་གནས་པ་བཏུ། །འོ་མར་བཅས་པ་དུས་སུ་སྦྱར། །བུ་རམ་མར་དང་སྦྲང་རྩི་དང་། །པི་པི་ལིང་དང་བྱི་དང་ག །འབྲུ་རྣམས་མ་གཏོགས་འོ་མ་མེད། །
[247a.3]ལོ་གཅིག་འདས་པར་མ་གྱུར་སྦྱར། །འོ་མ་བ་ནི་ཡར་མ་ཡི། །གཅིན་དང་ལྕི་བ་སྐོན་མེད་ཡིན། །ན་ཚོད་སྟོབས་ལྡན་ལུས་ཟུངས་དང་། །རྭ་འཛུགས་རྨིག་པ་ལ་སོགས་བཟང་། །ལན་ཚྭ་མ་གཏོགས་རོ་ལྔའོ། །སྨན་ཁུ་ཡི་ནི་སྐྱེ་གནས་ཡིན། །སྨན་ཁུ་ལྡེ་གུ་བསྐོལ་དང་གྲངས། །
[247a.4]ཕན་དང་ཞེས་ནི་བྱ་བ་སྟེ། །སྨན་ནི་རྣམ་པ་ལྔ་རུ་བརྟགས། །སྔ་མ་བཞིན་དུ་མཐུ་སྟོབས་ཆེ། །འཕྲལ་དུ་བཏུས་ཏེ་བརྡུངས་ནས་ནི། །ཚགས་ལ་བཙིར་ཏེ་བཙགས་པ་གང་། །དེ་ནི་ཁུ་བ་ཞེས་བཤད་དོ། །ལྡེ་གུ་གཤེར་གྱིས་སྦྲུས་བཏགས་པའོ། །དེ་བསྐོལ་བ་ནི་བསྐོལ་བ་ཡིན། །
[247a.5]བསྒྲངས་པ་མཚན་མོ་གཞག་པ་ཡིན། །ཁཎྜ་འཕྲལ་དུ་སྦྱར་བཙགས་པ། །དེ་དག་གི་ནི་ཚད་བརྟག་པ། །ནད་སྩོགས་སྟོབས་ལས་སྦྱར་བར་བྱ། །དེ་ཡང་དྲང་སྲོང་གིས་བཤད་པ། །ཚད་ཀྱི་ངེས་པ་ཡོད་མིན་གྱི། །ནད་དང་ལྟོ་ཚད་ཉམས་དང་ནི། །དུས་དང་ཡུལ་ནི་རྣམ་
[247a.6]བརྟགས་ཏེ། །དེ་ལྟར་སྨན་ནི་གཏང་བར་བྱ། །སྨན་གྱི་ཁུ་བ་སྲང་བཞི་ནི། །འབྲིང་ཚད་ཙམ་དུ་བཤད་པ་ཡིན། །ལྡེ་གུ་ཞོ་གཉིས་དག་དང་བསྲེས། །དེ་ནི་ཆུ་སྲང་གསུམ་གྱི་ཚད། །བསྐོལ་བའི་སྨན་ནི་སྲང་གཅིག་བྱ། །བྲེ་ཕྱེད་ཆུ་བསྐོལ་བཞི་ཆ་ལུས། །བསྒྲངས་པ་སྲང་
[247a.7]གཅིག་སྲང་དྲུག་ནི། །དེ་ལས་གཞན་པས་སྲང་བཞི་ཡིན། །སྨན་མར་བསྐོལ་ཚད་མ་སྨོས་པར། །ལྡེ་གུ་སྣུམ་དང་གཤེར་རྫས་ནི། །བཞི་འགྱུར་དུ་ནི་སྐྱེད་དེ་སྦྱར། །ཤཽ་ན་ཀ་ཡིས་བཤད་པ་ནི། །སྣུམ་བསྐོལ་ཆུ་ནི་འབའ་ཞིག་དང་། །ཁུ་བ་བསྐོལ་པ་རིམ་བཞིན་དུ། །
[247b]
[247b.1]ལྡེ་གུའི་ཆ་ནི་བཞི་དང་དྲུག །བརྒྱད་ནི་རིམ་བཞིན་སྦྱར་བར་བྱ། །ལྡེ་གུ་སོར་མོར་མ་འབྱར་དང་། །སྣུམ་ནི་མེར་བཅུག་སྒྲ་མེད་དང་། །གང་ཚེ་ཁ་དོག་སོགས་ཕུན་ཚོགས། །དེ་ཚེ་དེར་ནི་མྱུར་དུ་དབབ། །མར་ནི་ལྦུ་བ་དངས་མ་དང་། །ཏིལ་མར་ལྦུ་བ་བྱུང་བ་དང་། །ལྡེ་གུ་ནལ་
[247b.2]ནལ་པོར་འགྱུར་ཞིང་། །ཆུ་ནང་འབྱིང་ཞིང་གྱེས་མི་འགྱུར། །ཚོས་པའི་ཚད་ནི་རྣམ་གསུམ་སྟེ། །འཇམ་ཚོས་འབྱར་བག་འབྱར་ལ་རྩུབ། །འཇམ་ཚོས་ཚིག་མ་ལྡེ་གུ་འདྲ། །འབྱར་བག་སྦྲང་རྩི་ལྟ་བུ་ཡིན། །ཅུང་ཟད་ཚིག་ཅིང་མདོག་གནག་པར། །སྣང་འགྱུར་དེ་ནི་ཐ་
[247b.3]མ་ཡིན། །དེ་ལས་འདས་པར་དོན་མི་བྱེད། །མཚོས་མེ་དྲོད་ཉམས་པར་བྱེད། །འཇམ་ཚོས་སྣར་བཏང་རྩུབ་པས་བསྐུ། །བཏུང་དང་འཇམ་རྩི་འབྱར་བག་བྱ། །ཤ་ན་ཀར་ཤ་ལག་མཐིལ་དང་། །སྤར་གང་ཕུལ་བྲེ་ཨ་ད་ཀ །དྲོ་ན་བ་ཧ་རིམ་བཞིན་དུ། །བཞི་འགྱུར་ཡིན་
[247b.4]པར་ཤེས་པར་བྱ། །རློན་པ་ཉིས་འགྱུར་སྦྱར་བྱ་ཞིང་། །གཤེར་པ་ཕུལ་གང་སྩོགས་དེ་བཞིན། །བཏགས་ཏེ་སྦྲུས་ནས་གཤེར་མེད་པའི། །སྣུམ་བསྐོལ་བ་ལ་ཆུ་གཞུག་བྱ། །གང་དུ་ཚད་ནི་མ་བཤད་པ། །དེར་ནི་ཆ་མཉམ་སྦྱར་བར་བྱ། །ཤ་ན་གཉིས་ལ་བ་ད་ཀ །དེ་
[247b.5]གཉིས་ཀར་ཤ་གོ་ལ་དང་། །བ་རུ་ར་དང་དྲང་འཁྲུ་མེད། །ཨ་ཀྵ་བི་ཙུ་སུ་པརྞ། །ལག་མཐིལ་ཁམ་ཚད་བྱི་ལའི་སྡེར། །ཏིན་དུ་ཀ་དང་ལག་པའི་ཚད། །སྒྲ་གཞན་དོན་ནི་གཅིག་པ་ཡིན། །ཤུ་ཏི་བརྒྱད་པ་པི་ཙུ་ཡིན། །སྲང་གཅིག་བིལ་བ་པྲ་ཀུན་ཛ། །སྦར་གང་ཨ་མྲ་བཞི་
[247b.6]པོ་ཡིན། །གཅིག་གི་མིང་གི་རྣམ་གྲངས་ཡིན། །སྲང་གཉིས་ཁྱོར་གང་དེ་གཉིས་ལ། །སྙིམ་གང་དེ་གཉིས་མ་ནི་ཀ །ཨ་ད་ཀ་དང་སྣོད་ཀ་ནས། །དྲོ་ན་ཀུམ་པ་བུམ་ཆེན་ཡིན། །ཏུ་ལ་སྲང་ནི་བརྒྱ་ཡིན་ཏེ། །དེ་ཉི་ཤུ་ལ་ཁུར་དུ་བཤད། །གངས་ཅན་འབིགས་བྱེད་རི་ཡིས་ནི། །
[247b.7]ས་གཞི་ཕལ་ཆེར་ཁྱབ་པ་ཡིན། །དེ་ལས་དང་པོར་བསིལ་ཞིང་ཕན། །འབིགས་བྱེད་སྨན་ནི་མེའི་རང་བཞིན། །ཡན་ལག་བརྒྱད་པའི་སྙིང་པོ་བསྡུས་པ་ལས། །ཆོ་ག་གྲུབ་པའི་གནས་ཀྱི་ལེའུ་དྲུག་པའོ།། །།ཡན་ལག་བརྒྱད་པའི་སྙིང་པོ་བསྡུས་པ་ལས། ཆོ་ག་གྲུབ་པའི་
[248a]
[248a.1]གནས་ཏེ་གནས་ལྔ་པ་ལུས་གསོ་བའི་ཡན་ལག་རྫོགས་སོ།། །།དེ་ནས་བྱིས་པ་གསོ་བའི་ཆོ་གའི་ལེའུ་བཤད་པར་བྱའོ། །དེ་ཡང་རྒྱུན་ཤེས་ཀྱི་བུ་ལ་སོགས་པ་དྲང་སྲོང་ཆེན་པོ་རྣམས་ཀྱིས་འདི་ལྟར་བཤད་དེ། བྱིས་པ་བཙས་མ་ཐག་ཕྲུ་མ། །
[248a.2]བསལ་ཏེ་རྒྱམ་ཚ་མར་བསྐུས་སྦྱང་། །དེ་འོག་བཙས་པས་སྡུག་བསྔལ་ལ། །བ་ལའི་ཏིལ་མར་བླུགས་པར་བྱ། །དེ་ཡི་རྣ་བའི་དྲུང་དུ་ནི། །རྡོ་གཉིས་བརྡུངས་པར་སྤྱད་པར་བྱ། །དེ་ནས་དེ་ཡི་རྣ་བ་ནི། །གཡས་པར་སྔགས་འདི་བརྗོད་པར་བྱ། །ཡན་ལག་ཡན་ལག་ལས་བྱུང་
[248a.3]ཁྱོད། །སྙིང་ལས་མངོན་པར་བསྐྱེད་པ་ཡིན། །བདག་ཉིད་བུ་ཞེས་བྱ་བ་ཁྱོད། །ལོ་བརྒྱར་ཡང་དག་འཚོ་འགྱུར་ཞིང་། །ལོ་བརྒྱ་ཐུབ་ཅིང་སྟོན་བརྒྱ་འཚོ། །ཚེ་རིང་པོར་ནི་ཐོབ་གྱུར་ཅིག །རྒྱུ་སྐར་ཕྱོགས་དང་མཚན་མོ་དང་། །ཉིན་མོས་ཁྱོད་ནི་བསྲུང་བར་ཤོག །བདེ་བར་གྱུར་ན་
[248a.4]ལྟེ་བ་ནི། །སོར་བཞིའི་འོག་ཏུ་སྲད་བུས་བཅིང་། །དེ་ཡི་འོག་ཏུ་བཅད་ནས་ནི། །ལྟེ་བ་ལ་ནི་བརྟོད་དེ་བཞག །དེ་འོག་ལྟེ་བར་རུ་རྟ་ཡི། །ཏིལ་མར་གྱིས་ནི་བསྐུ་བར་བྱ། །འོ་མ་ཅན་ཤིང་བསྐོལ་ཆུའམ། །དྲི་ཞིམ་བཅུད་ལྡན་ཆུ་དག་ནི། །གསེར་རམ་དངུལ་ནི་བསྲེགས་པ་
[248a.5]ཡིས། །བསྲོས་པའི་དྲོ་འཇམ་ཆུ་ཡིས་བཀྲུ། །དེ་ནས་མཛུབ་མོ་གཡས་པ་ནི། །དཀྲིས་པས་རྐན་ནི་བཏེག་ནས་ཀྱང་། །མགོ་བོར་རས་བལ་སྣུམ་ཅན་གཡོགས། །བློ་དང་ཚེ་དང་སྟོབས་བསྐྱེད་ཕྱིར། །ཤུ་དག་པྲ་མ་བི་ཤ་ལི། །ཤང་ཁ་པུཥྤའི་ལྡེ་གུ་ནི། །མར་དང་སྦྲང་
[248a.6]རྩིར་བཅས་པ་དག །སྔགས་བཏབ་ཧ་རེ་ཎུ་ཙམ་སྦྱིན། །གསེར་དང་ཤུ་དག་མུ་མེན་དང་། །མ་ནུ་ཨ་རུ་རའི་ཕྱེ་མ། །གསེར་དང་སྐྱུ་རུ་རའི་ཕྱེ་མ། །སྦྲང་རྩི་མར་བཅས་ལྡེ་གུ་སྦྱིན། །དེ་ནས་མངལ་ཆུ་རྒྱམ་ཚ་ནི། །མར་དང་བཅས་པ་སྐྱུག་ཏུ་གཞུག །སྐྱེ་དགུའི་བདག་པོ་ཆོ་ག་
[248a.7]ཡིས། །བཙས་པའི་ཆོ་ག་བྱེད་དུ་གཞུག །སྙིང་ལ་གནས་པའི་རྩ་རྣམས་ནི། །བཙས་ནས་ཁ་ནི་དབྱེ་བའི་ཕྱིར། །ཉི་མ་གསུམ་མམ་བཞི་པ་ལ། །བུད་མེད་ཀྱི་ནི་ནུ་ཞོ་འབྱུང་། །དེ་བས་ཉིན་ཞག་དང་པོ་ལ། །དུས་གསུམ་དུ་ནི་སྦྲང་རྩི་མར། །བྱི་ཚེར་བ་དང་སྦྱར་བ་ལ། །
[248b]
[248b.1]སྔགས་ཀྱིས་བཏབ་སྟེ་བྱིས་པར་བྱིན། །གཉིས་པ་དང་ནི་གསུམ་པ་ལ། །ལཀྵྨི་དང་བསྐོལ་མར་བླུད་བྱ། །དེ་ནས་དང་པོའི་ནུ་ཞོ་ནི། །བཀག་པ་དེ་ལ་མར་སར་ནི། །ཞོ་གཉིས་ཙམ་གྱི་ཚད་སྦྱིན་ཞིང་། །ནུ་ཞོ་དུས་གཉིས་བླུད་པར་བྱ། །མ་ཉིད་ཀྱི་ནི་ནུ་ཞོ་བླུད། །དེ་ཡིས་ལུས་
[248b.2]ནི་འཕེལ་བྱེད་ཡིན། །དེ་མེད་མ་མ་ཤིན་ཏུ་བྱམས། །སྐྱོན་མེད་འཁྲིག་པ་སྤངས་པ་དང་། །རིགས་དང་རང་བཞིན་དེ་དང་མཉམ། །ནད་མེད་ན་ཚོད་དར་ལ་བབ། །བུ་མ་ཤི་ཤིང་བརྐམ་ཆགས་མེད། །གཉིས་ཀྱི་འོ་མ་བླུད་པར་བྱ། །དེ་གཉིས་ཟས་དང་སྤྱོད་ལམ་ནི། །ཕན་
[248b.3]པས་འབད་དེ་གསོ་བར་བྱ། །མྱ་ངན་ཁྲོ་དང་སྨྱུང་བ་དང་། །ལུས་དུབ་ནུ་ཞོ་ཉམས་པའི་རྒྱུ། །བུ་རམ་ཆང་མ་གཏོགས་ཆང་དང་། །རླན་ཅན་ཤ་ཁུ་འོ་མ་དང་། །འོ་མ་ཅན་སྨན་མྱ་ངན་སྩོགས། །གོ་བཟློག་ནུ་ཞོའི་རྒྱུན་ཡིན་ནོ། །མི་མཐུན་ཟས་ནི་ཟོས་པ་དང་། །ལྟོགས་
[248b.4]དང་སེམས་ནི་ཉམས་པ་དང་། །ལུས་ཟུངས་གནོད་བཅས་སྦྲུམ་མ་ཡི། །འོ་མ་བྱིས་པའི་ནད་སྐྱེད་བྱེད། །ནུ་ཞོ་མེད་ན་རའམ་བའི། །འོ་མ་བྲི་ཧ་ཏི་སོགས་རྩའམ། །སྟིར་གཉིས་བསྐོལ་ཁ་རར་བཅས། །ཡོན་ཏན་དེ་ལྡན་བླུད་པར་བྱ། །དྲུག་པའི་མཚན་མོ་ཁྱད་པར་དུ། །
[248b.5]བསྲུང་དང་གཏོར་མའི་བྱ་བ་བྱ། །དེ་ཡི་གཉེན་གྱིས་མེལ་ཚེ་བྱ། །ཤིན་ཏུ་དགའ་བ་ཉིད་ཀྱང་བྱ། །ཞག་བཅུ་རྫོགས་པར་འགྱུར་བ་དང་། །རང་རིག་འཚམ་པའི་ཆོ་ག་ནི། །བྱེད་དུ་གཞུག་ཅིང་བཙས་མ་བསླང་། །ལུས་ལ་ལྡོང་རོས་བ་བླ་དང་། །གི་ཝཾ་ཙནྡན་ཨ་ཀར་བཏགས། །
[248b.6]རྒྱུ་སྐར་ལྷ་འམ་ཉེ་དུ་ལས། །དྲས་པའི་ཡི་གེ་མཉམ་པ་ཡི། །མིང་ནི་བྱིས་པ་ལ་གདགས་བྱ། །དེ་ནས་རང་བཞིན་དབྱེ་ལས་བཤད། །གཟུགས་ཀྱི་ཚེ་ནི་ཡོངས་སུ་བརྟག །མཁས་པས་བྱིས་པའི་མལ་སྟན་ནི། །བྱང་ངམ་ཤར་དུ་མགོ་བསྟན་ལ། །སྔས་དང་གོས་ནི་
[248b.7]གཙང་ཞིང་བཀྲུས། །འཇམ་ཞིང་གཉེར་མ་མེད་པ་ཡི། །གོས་ལ་གདོན་ནི་འཇོམས་བྱེད་པའི། །སྨན་གྱི་དུད་པས་བདུག་པར་བྱ། །བྱ་རོག་བསད་པ་སྣུམ་གསུམ་དང་། །བཅས་པའི་དུད་པས་བདུག་པར་བསྔགས། །བསེ་རུ་ལ་སོགས་གསོན་པོ་ཡི། །རྭར་བཏགས་
[249a]
[249a.1]ནོར་བུ་བཟང་པོ་སྤུ། །བྲམྷི་འཚོ་བྱེད་ཨིནྤྲི་སོགས། །སྨན་ནི་བཟང་པོ་གདགས་པར་བྱ། །མཆོག་ཏུ་རྟག་པར་ཤུ་ངག་ནི། །ལག་གཉིས་མགུལ་དང་སྤྱི་བོར་གདགས། །དེས་ནི་ཚེ་དང་ཡིད་གཞུངས་དྲན། །བདེ་བ་སྐྱེད་བྱེད་གདོན་ལས་བསྲུང་། །ཟླ་
[249a.2]བ་བདུན་ནམ་བརྒྱད་པ་ན། །ནད་མེད་ཉིན་ཞག་ཤིས་པ་ལ། །མ་མའི་པང་དུ་སྤྲོ་བསྲིངས་ལ། །དགུན་གྱི་དུས་སུ་རྣ་བ་དབུག །ཁྱེའུའི་དང་པོ་གཡས་པ་དབུག །བུ་མོའི་གཡོན་པ་དབུག་པར་བྱ། །སྨན་པས་ཁབ་ནི་གཡས་པས་གཟུང་། །གཡོན་པས་རྣ་ཤལ་བཟུང་ནས་ནི། །
[249a.3]རྣ་བའི་ཁྱོན་གྱི་དབུས་ལས་ནི། །མཁུར་ཚོས་ཀྱི་ནི་ཕྱོགས་དག་ཏུ། །པགས་པ་དག་ནི་ཕུག་ནས་སུ། །ཉི་མའི་འོད་ཟེར་སྣང་བ་རུ། །མི་འགྱུར་བརྟན་པོར་བཟུང་ནས་ནི། །རྒྱ་སྐྱེགས་ཀྱི་ནི་ཁུ་བས་བསྐུ། །དབུས་སུ་རང་བཞིན་གྱིས་གྲུབ་པའི། །བུ་ག་དྲང་པོར་ཅིག་ཅར་དབུག།
[249a.4]དེ་ནས་རྩ་ནི་གཡས་པའི་ཕྱིར། །སྟེང་འོག་ངོས་གཉིས་གཏང་མི་བྱ། །ནག་པོ་གནད་འདྲ་དམར་པོ་སྟེ། །རྩ་དེ་ཕུག་ན་དམར་ཞིང་ན། །སྐྲང་ཞིང་ཚ་ལ་སྲ་བ་དང་། །གཉེའུ་རེངས་གཞན་དབང་ཅན་ནད་སྐྱེད། །དེ་རྣམས་ནད་གཞི་ཇི་བཞིན་དུ། །གསོ་བ་དག་ནི་མྱུར་དུ་བྱ། །གནད་
[249a.5]དུ་ཕུག་ན་ཁྲག་མེད་ཅིང་། །ནད་དང་དམར་སོགས་འབྱུང་མི་འགྱུར། །ཁབ་རྗེས་སྐུད་པ་སྣུམ་ཅན་ནི། །རྗེས་སུ་གཞུག་པ་ཉིད་དུ་བྱས། །ཏིལ་མར་རློན་པས་བསྐུ་བ་དང་། །རྒྱ་ཆེར་དེ་ནི་བསྐྱེད་པར་བྱ། །རྣ་ཤལ་ཕུག་ནས་ཕན་ཟས་བྱིན། །དེ་འོག་སྡོང་བུ་སྦོམ་པོ་གཞུག །
[249a.6]ཞག་གསུམ་བཞག་ནས་རྨ་འཚོབས་ནས། །རིམ་གྱིས་དེ་ནི་བསྐྱེད་པར་བྱ། །དེ་ནས་དེ་ཡི་སོ་སྐྱེས་ནས། །ནུ་ཞོ་འཐུང་ལས་རིམ་གྱིས་བཟློག །སྔར་བཤད་འོ་མ་སྦྱིན་བྱ་ཞིང་། །ཁ་ཟས་ཡང་དང་རྟས་བྱེད་བྱིན། །ནུ་ཞོ་སྤངས་ནས་བི་ཡ་ལའི། །རྐང་དང་ཤིང་མངར་འབྲས་
[249a.7]ཡོས་དང་། །ཀ་ར་དཀར་པོ་ལ་དུ་སྦྱིན། །བིལ་བ་གཞོན་ནུ་སུག་སྨེལ་དང་། །ཁ་ར་འབྲས་ཡོས་དྲོད་སྐྱེད་སྦྱིན། །འཁྲུ་གཅོད་ད་ཏ་ཀའི་མེ་ཏོག །ཁ་ར་འབྲས་ཡོས་སྐྱོ་མ་སྦྱིན། །གནོད་པ་སྐྱེད་པར་མི་བྱེད་པའི། །སྨན་གྱིས་དེ་ཡི་ནད་བསལ་བྱ། །ཤིན་ཏུ་དྲགས་
[249b]
[249b.1]ནད་མ་གཏོགས་གཞན། །རྣོ་སྨན་བཀྲུ་སྨན་ཀུན་ཏུ་སྤངས། །ཚུལ་མིན་སྐྲག་པར་མི་བྱ་སྟེ། །སྐྲག་ན་གདོན་ནི་འཇུག་པར་འགྱུར། །གོས་ཀྱི་རླུང་དང་གཞན་རེག་དང་། །འགོམ་པ་ལ་ནི་དེ་བསྲུང་བྱ། །བྲམྷི་ཉུངས་ཀར་ཤུ་དག་དང་། །རྒྱམ་ཚ་རུ་རྟ་ཤ་རི་བ། །པི་པི་ལིང་བཅས་
[249b.2]བསྐོལ་བ་ཡི། །སྨན་མར་དྲན་དང་ཡིད་གཞུངས་སྐྱེད། །ཚེ་འཕེལ་གདོན་ནི་མི་བཟད་འཇོམས། །འབྱུང་པོ་སྨྱོ་བྱེད་ཟློག་པར་བྱེད། །སོ་མ་ར་ཛ་ཤུ་དག་དང་། །སྦལ་པ་ཉེ་ཤིང་སླེ་ཏྲེས་དང་། །ཤང་ཀ་པུཥྤ་བྲམྷི་དང་། །པྲ་མ་སོ་མ་སྲང་རེ་ནི། །ལྡེ་གུ་བརྒྱད་ཆ་མར་བྲེ་
[249b.3]གང་། །འོ་མ་བཞི་འགྱུར་ནང་དུ་ནི། །བསྐོལ་བ་དེ་བླུད་དཔལ་ཡོན་དང་། །ཚེ་བློ་ཡིད་གཞུངས་དྲན་པ་སྐྱེད། །ར་ཡི་འོ་མ་ཨ་རུ་ར། །ཚ་བ་གསུམ་དང་པ་ཏ་དང་། །ཤི་ཀྲུ་ཤུ་དག་ལྕེ་མྱང་ཚ། །བསྐོལ་བའི་སྨན་མར་དབྱངས་ཅན་དེ། །ཚིག་དང་བློ་གྲོས་དྲན་པ་དང་། །
[249b.4]ངག་གསལ་མེ་དྲོད་སྐྱེད་པར་བྱེད། །ཤུ་དག་སླེ་ཏྲེས་ཨ་རུ་ར། །ཉེ་ཤིང་བ་དང་ཤང་གི་ནི། །ཨ་པ་མརྒ་བསྐོལ་བ་ཡི། །སྨན་མར་ཡོན་ཏན་སྔ་མར་མཚུངས། །ཤུ་དག་དཀར་པོ་རུ་རྟ་གསེར། །ཨརྒའི་པུཥྤ་གསེར་དང་བཅས། །ལྕགས་རྐྱགས་དང་ནི་དུང་དང་གསེར། །
[249b.5]ཀ་རཉྫ་དང་ཤུ་དག་གསེར། །རྐང་པ་རེ་རེས་བཤད་པ་བཞི། །སྦྲང་རྩི་མར་དང་བཅས་ལྡེ་གུ། །ལོ་གཅིག་བྱིན་ན་ལུས་དང་བློ། །ཁ་དོག་ཉམས་སྟོབས་སྐྱེད་པར་བྱེད། །ཤུ་དག་ཤིང་མངར་ལྕེ་མྱང་ཚ། །དོང་གྲ་ཤུ་ཏི་ཨ་རུ་ར། །རུ་རྟ་ཟུར་པ་པི་པི་ལིང་། །མར་བཅས་
[249b.6]ལྡེ་གུ་དག་དག་བྱེད། །ཡན་ལག་བརྒྱད་པའི་སྙིང་པོ་བསྡུས་པ་ལས། གནས་ཀྱི་ཕྱི་མའི་ལེའུ་སྟེ་དང་པོའོ།། །།དེ་ནས་བྱིས་པའི་ནད་གསོ་བའི་ལེའུ་བཤད་པར་བྱའོ། །འོ་མ་ཟས་དང་གཉི་གས་འཚོ། །བྱིས་པ་རྣམ་པ་གསུམ་དུ་བཤད། །དེ་དག་གནོད་
[249b.7]མེད་ལས་བདེར་འགྱུར། །གནོད་པ་ལས་ནི་ནད་རྣམས་འབྱུང་། །གང་ཞིག་ཆུ་དང་གཅིག་ཏུ་འདྲེས། །ཉེས་པ་ཡོད་པ་མ་ཡིན་ཏེ། །འོ་མ་དེ་ནི་སྐྱོན་མེད་ཡིན། །རླུང་གིས་གནོད་གྱུར་ཆུ་སྟེང་འཕྱོ། །བསྐ་ཞིང་རྩུབ་ལ་ལྦུ་བ་ཅན། །དེ་ཡིས་བཤང་གཅི་སྲི་བར་བྱེད། །
[250a]
[250a.1]མཁྲིས་ལས་གནོད་གྱུར་དྲོ་སྐྱུར་ཚ། །རི་མོ་སེར་སྣང་དེས་ཚ་སྐྱེད། །བད་ཀན་གྱིས་སྐ་ལན་ཚྭར་བཅས། །སྦྱིན་བག་ཅན་ལ་ཆུ་ནང་འབྱིང་། །ལྡན་པའི་མཚན་མ་འདྲེན་མ་སྟེ། །འདས་པའི་མཚན་མ་གསུམ་དང་ལྡན། །རང་གི་མཚན་མ་ཅི་འདྲ་
[250a.2]ལས། །དེ་འཐུངས་པས་ནི་ནད་སྐྱེད་འགྱུར། །བྱིས་པ་རྟག་ཏུ་མི་བཟད་པར། །ངུ་བ་ལ་ནི་ནད་ཤེས་བྱ། །དེ་ནི་ཕྱོགས་གང་ཤས་ཆེར་འཛིན། །གང་དུ་རེག་པར་མི་བཟོད་པ། །དེ་ན་ནད་ཡོད་ཤེས་པར་བྱ། །མགོ་ནད་མིག་འབྱེད་ལས་ཤེས་བྱ། །སྙིང་ནད་ལྕེ་མཆུ་སོས་
[250a.3]གནོན་དང་། །དབུགས་དང་ཁུ་ཚུར་བསྡམས་ཤེས་བྱ། །ཁོང་ནད་བཤང་གཅི་སྲི་དང་སློན། །ནུ་མ་སོས་འདེབས་རྒྱུ་མ་འཁྲུག །ལྟོ་སྦོ་རྒྱབ་ནི་འགུགས་དགྱེ་དང་། །ལྟོ་འགུགས་པས་ཀྱང་ཤེས་པར་བྱ། །ཆུ་སོ་མཚན་ནད་བཤང་གཅི་སྲི། །སྐྲག་ཅིང་ཕྱོགས་ལྟ་ལས་ཤེས་
[250a.4]བྱ། །དེ་ནས་མ་མ་ནད་གཞི་དང་། །སྐྱོན་ནི་ཇི་བཞིན་གསོ་བར་བྱ། །དེ་ལ་ནུ་ཞོ་རླུང་ཅན་ལ། །རྩ་བ་བཅུ་བསྐོལ་ཞག་གསུམ་བླུད། །ཡང་ན་རུ་རྟ་ཙི་ཏྲ་ཀ །པ་ཏ་ཤུ་དག་པུ་ཙེ་ཤེལ། །ག་བྲའི་རྩ་བ་ལ་ལ་ཕུད། །ཐང་ཤིང་དང་ནི་ས་ར་ལ། །བྲི་ཤྩི་ཀ་ནི་པི་པི་ལིང་། །
[250a.5]ན་ལེ་ཤམ་ནི་བསྐོལ་བ་བླུད། །དེ་ནས་རླུང་ནད་འཇོམས་པ་ཡི། །སྨན་མར་གང་ཡང་རུང་བ་བླུད། །དེ་རྗེས་ཆང་གི་དྭངས་མ་བླུད། །སྣུམ་འགྱུར་བཀྲུ་སྨན་འཇམ་པོ་གཏང་། །དེ་འོག་འཇམ་རྩིའི་ལས་བྱ་ཞིང་། །དུགས་སོགས་རླུང་ནད་འཇོམས་པ་བྱ། །བིལ་བ་ར་སྣ་ཏི་
[250a.6]མུ་ས། །ཐང་ཤིང་ས་ར་ལ་བཅས་ཕྱེ། །མར་དང་སྦྱར་བའི་ལྡེ་གུའམ། །དེ་བསྐོལ་ཁ་ར་དཀར་བཏབ་སྦྱིན། །མཁྲིས་པས་གནོད་ལ་སླེ་ཏྲས་དང་། །ཉེ་ཤིང་ནིམ་པ་པ་ཏོ་ལ། །ཙནྡན་ཤ་རི་བ་བསྐོལ་བ། །མ་མ་དང་ནི་བྱིས་པར་བླུད། །ཡང་ན་གླ་སྒང་འབྲས་བུ་གསུམ། །
[250a.7]རྩ་མཁྲིས་པུ་ཙེ་ཤེལ་བླུད་བྱ། །ཐལ་ཏྲེས་ལ་སོགས་ཤུག་པ་སོགས། །པ་ཏོ་ལ་སོགས་སྡེ་བསྐོལ་བླུད། །སྨན་ནི་འདི་བསྐོལ་མར་དང་ནི། །མཁྲིས་པ་སེལ་བའི་བཀྲུ་སྨན་དང་། །བསིལ་སྨན་གྱིས་བསྐུ་བྱུག་སོགས་བྱ། །བད་ཀན་ཅན་གྱི་བདག་ཉིད་ལ། །ཤིང་མངར་
[250b]
[250b.1]རྒྱམ་ཚ་བཅས་པའམ། །རྒྱམ་ཚ་ཤིང་མངར་པི་པི་ལིང་། །མར་སྦྱར་བྱིས་པ་ལ་བླུད་བྱ། །དེ་ནས་པོ་སོན་ཆའི་མེ་ཏོག །བཏགས་པ་སྦྲང་རྩིར་བཅས་པ་ཡི། །ལྡེ་གུས་ནུ་མ་བྱིས་པའི་མཆུ། །བསྐུས་པ་བྱིན་པ་དེར་སློན་གཞུག །མ་མ་རྣོན་པོས་སློན་དུ་གཞུག །དེ་ནས་ཤག་
[250b.2]སོགས་རིམ་པས་སྤྱད། །གླ་སྐང་ལ་སོགས་བསྐོལ་བ་བླུད། །དེ་བཞིན་གོ་སྙོད་རྒྱ་སྤོས་དང་། །ཐང་ཤིང་དུག་མོ་ཉུང་བསྐོལ་བླུད། །ཡང་ན་གླ་སྒང་བོང་ང་དཀར། །ཤུ་དག་ཚ་བ་ལྔ་བསྐོལ་བླུད། །ནུ་ཞོ་ཉེས་གསུམ་དྲི་མ་ཅན། །དྲི་མནམ་འཁྲུ་ཞིང་དུ་དང་འདྲ། །མ་བྲེ་གང་
[250b.3]ཤིང་སླ་ལ་རྒྱུན་བར་ཆད། །ལྦུ་བ་ཅན་དུ་འཁྲུ་བར་འགྱུར། །བཤང་བ་ཁ་དོག་སྣ་ཚོགས་འབྱུང་། །ན་ཞིང་གཅིན་སེར་དཀར་ཞིང་སྐ། །རིམས་ནད་སྐོམ་དད་ཡི་ག་འཆུས། །སྒྲེགས་པ་སྐམ་པོ་འབྱུང་ཞིང་གླལ། །ལུས་ན་ཡན་ལག་རྐྱོང་བ་དང་། །མཁུན་ཞིང་འདར་ལ་
[250b.4]མགོ་འཁོར་དང་། །སྣ་མིག་ཁ་ནི་ཤུ་བ་སོགས། །ནད་ནི་གཞན་དག་དེ་ལས་འབྱུང་། །འོ་མའི་བེེ་སྣབས་ཞེས་བཤད་དེ། །གནོད་པའི་ནད་ནི་མི་བཟད་ཡིན། །དེ་ལ་མ་མ་བྱིས་པ་ལ། །སློན་སྨན་བཏང་བས་མྱུར་དུ་གསོ། །ཐུག་སོགས་རིམ་པར་བཤད་པ་ནི། །ཤུ་དག་
[250b.5]ལ་སོགས་སྡེ་ཚན་རྣམས། །སྐྱེར་པ་སྩོགས་པའང་བོང་ང་དཀར། །བ་ཏ་དང་ནི་པི་པི་ལིང་། །གླ་སྒང་པུ་ཙེ་ཤེལ་བསྐོལ་བླུད། །པ་ཐ་བཅའ་སྒ་པུ་ཙེ་ཤེལ། །སླེ་ཏྲེས་རྩ་མཁྲིས་ཤ་རི་བ། །ཐང་ཤིང་གླ་སྒང་མུར་བ་དང་། །དུག་མོ་ཉུང་བཅས་བསྐོལ་བ་བླུད། །ནུ་ཞོའི་ཉེས་
[250b.6]པ་སེལ་བའི་མཆོག །རྗེས་འབྲེལ་ནད་ལ་ཇི་བཞིན་དུ། །དུས་ཤེས་པ་ཡིས་གསོ་བར་བྱ། །སོ་འབྱུང་བ་དག་ནད་རྣམས་ནི། །ཐམས་ཅད་ཀྱི་ཡང་རྒྱུ་ཡིན་ནོ། །མཆོག་ཏུ་རིམས་དང་འཁྲུ་བ་དང་། །ལུད་པ་སློན་དང་མགོ་ནད་དང་། །བང་མིག་འཛག་པའི་ནད་དང་ནི། །ཤུ་བ་
[250b.7]རྣམས་ནི་སྐྱེད་པར་བྱེད། །བྱི་ལའི་སྒལ་ཚིགས་བྱེ་བ་དང་། །རྨ་བྱའི་གཙུག་ནི་འབྱུང་བ་དང་། །བྱིས་པའི་སོ་ནི་སྐྱེ་བ་ན། །མི་ན་བ་ནི་ཅུང་ཟད་མེད། །དེ་ལ་ནད་ནི་ཇི་བཞིན་དང་། །ནད་སྟོབས་ཇི་བཞིན་འཇིགས་ཇི་བཞིན། །ཡུལ་དང་དུས་སྩོགས་རྣམ་ཕྱེ་སྟེ། །སྨན་གྱི་
[251a]
[251a.1]སྦྱོར་བས་གསོ་བར་བྱ། །གནོད་དང་གནོད་བྱ་དེ་ཉིད་དང་། །རིམས་སོགས་ནད་ཀྱང་དེ་ཉིད་འབྱུང་། །དེ་བས་སྨན་ནི་དེ་ཉིད་དེ། །གཞོན་ཤ་ཅན་དང་ལུས་ཆུང་ཕྱིར། །ཟས་ཀུན་སྟེན་པར་མི་བྱེད་པས། །འདི་ཡི་ཚད་ནི་ཆུང་ངུ་སྦྱིན། །མར་དང་འོ་མ་ལ་
[251a.2]བརྟེན་པས། །བྱིས་པ་རྟག་པར་ཁོང་སྣུམ་ཡིན། །དེ་བས་འཕྲལ་དུ་སྐྱུག་སྨན་ནི། །འཇམ་པོ་བློ་དང་ལྡན་པས་བླུད། །འོ་མ་འོ་མ་ཟས་བསྟེན་ལ། །ནུ་ཞོ་ངོམས་པར་བྱས་པས་སློན། །ཟས་ཟ་བ་ལ་མར་བཅས་པའི། །ཐུག་པ་སླ་བར་བླུད་པར་བྱ། །བཀྲུ་སྨན་གྱིས་གསོ་
[251a.3]མས་གཏོང་དང་། །ཚད་ཆུང་ཚད་ཕྲན་དག་གིས་བྱ། །བཀྲུ་སྨན་ལ་སོགས་ཇི་སྐད་བཤད། །མ་མ་ཉིད་ལ་གཏང་བར་བྱ། །མུར་བ་རྒྱ་ཤུག་ཚ་བ་གསུམ། །འབྲས་བུ་གསུམ་དང་འཛམ་བུའི་ཤུན། །ཐང་ཤིང་པ་ཏ་ཉུངས་ཀར་བཅས། །སྦྲང་རྩིར་བཅས་པའི་ལྡེ་གུ་སྦྱིན། །ནུ་ཞོའི་
[251a.4]ཉེས་པ་སེལ་མཆོག་ཡིན། །པི་པི་ལིང་ངམ་སྐྱུ་རུ་ར། །ད་ཏ་ཀ་ཡི་མེ་ཏོག་གི །ཕྱེ་མ་སྦྲང་རྩིར་བཅས་པ་ཡི། །ལྡེ་གུས་རྙིལ་ནི་བྱུག་པར་བྱ། །འུར་བྱ་སྲེག་པའི་ཤ་སྐམ་གྱི། །ཕྱེ་མ་སྦྲང་རྩིས་སྦྲུས་པ་ཡིས། །བྱིས་པའི་སོ་ཡི་མྱུ་གུ་ནི། །མྱུར་དུ་སྐྱེད་པར་བྱེད་པ་ཡིན། །ཤུ་དག་བྲི་ཧ་
[251a.5]ཏི་གཉིས་དང་། །པ་ཏ་གླ་སྒང་པུ་ཙེ་ཤེལ། །བོང་ང་མངར་བའི་སྨན་སྡེ་དག །བསྐོལ་བའི་མར་གྱིས་སོ་སྐྱེད་གྲུབ། །སྐྱེར་པ་ཐང་ཤིང་ས་རལ། །བྲི་ཧ་ཏི་གཉིས་ཉེ་ཤིང་བ། །ཀྲྀཥྞ་པརྞི་ཤྲི་ཡ་སེ། །སྦྲང་རྩི་མར་སྦྱར་ལྡེ་གུ་ནི། །ཕོ་བའི་མེ་དྲོད་སྐྱེད་པའི་མཆོག །རླུང་ནི་བདེ་བར་
[251a.6]རྒྱུ་བར་བྱེད། །འཁྲུ་བའི་རིམས་དང་དབུགས་མི་བདེ། །མིག་སེར་སྐྱ་རྦབ་ལུང་པ་འཇོམས། །བྱིས་པའི་ནད་ནི་ཐམས་ཅད་ལ། །ཕན་ཞིང་མདོག་དང་ཉམས་སྟོབས་སྐྱེད། །བཙོད་དང་སེང་ཕྲོམ་ད་ཏ་ཀི །ཀུ་ཏ་ནན་ཏ་བ་ལ་གཉིས། །ས་ཧ་ཆེ་ཆུང་གཉིས་དང་ནི། །མུངྒ་བིལ་བ་གཞོན་
[251a.7]ནུ་གཉིས། །རས་བལ་ས་བོན་བཅས་པ་དག །ཆུ་བསྐོལ་བ་དང་མར་དང་ནི། །ཐལ་སྨན་ཞོ་ག་ཆུར་བསྐོལ་བས། །སོ་སྐྱེས་ལས་བྱུང་སྣ་ཚོགས་ནད། །འདི་ཡིས་མྱུར་དུ་འཇོམས་བྱེད་དེ། །འོད་སྲུངས་རྒད་པོས་བཤད་པ་ཡིན། །བྱིས་པའི་སོ་སྐྱེས་ནད་ལ་ནི། །སྔགས་ཀྱིས་
[251b]
[251b.1]མངོན་པར་གདབ་མི་བྱ། །སོ་སྐྱེས་པ་ཡི་ནད་གང་ཡིན། །གསོ་བས་རང་ཉིད་ཉེར་ཞིར་འགྱུར། །ཉིན་པར་གཉིད་དྲགས་ཆུ་གྲང་དང་། །ནུ་ཞོ་བད་ཀན་ཅན་བསྟེན་པས། །བྱིས་པའི་དངས་མ་རྒྱུ་བ་ཡི། །རྩ་རྒྱུན་བད་ཀན་གྱིས་བཀག་པའི། །ཡི་ག་འཆུས་དང་ཆམ་པ་དང་། །
[251b.2]དེ་ནས་བྱིས་པ་ལུས་སྐམས་ཤིང་། །མདོག་སྣུམ་མིག་ནི་དཀར་བར་འགྱུར། །རྒྱམ་ཚ་ཚ་གསུམ་ཤ་རང་ག །བ་ཏ་ཀོ་རི་ཀ་ཏམ་པ། །མར་དང་སྦྲང་རྩི་སྦྱར་སྐམས་དང་། །ཡི་ག་འཆུས་པ་སོགས་ལ་གཏང་། །པུ་ཙེ་ཤེལ་དང་ཨ་ཤོ་ཀ །ཚ་བ་ལྔ་བཅས་
[251b.3]ཕྱེ་མ་པན། །ད་ཏ་ཀི་དང་སྐྱུ་རུ་ར། །རྒྱ་ཤུག་ཕྱེ་མ་མར་བཅས་ཕན། །སཱ་ལ་པརྞི་ཤུ་དག་དང་། །བྲི་ཧ་ཏི་གཉིས་རམ་ཉེ་བ། །པི་པི་ལིང་དང་རྒྱ་སྤོས་དང་། །ལྕང་མ་ཨུཏྤལ་བ་སྤྲུ་བ། །ག་བྲའི་རྩ་བ་གླ་སྒང་རྣམས། །སྲང་རེ་ཡི་ནི་ཚད་བྱས་ནས། །མར་ནི་བྲེ་གང་བཅས་བསྐོལ་བ། །
[251b.4]རྩ་རྒྱུན་སྦྱོང་བའི་དམ་པ་ཡིན། །ཨ་ཤྭ་གནྡྷ་བྱེའུ་རུག་པ། །བྲི་ཧ་ཏི་དང་པི་པི་ལིང་། །བསྐོལ་བའང་ཡོན་ཏན་དེ་དང་འདྲ། །ཤིང་མངར་སེང་ཕྲོམ་པི་པི་ལིང་། །ཤུག་པ་ཙནྡན་ཨུཏྤ་ལ། །བལ་བུའི་ལོ་མ་ཤ་རི་བ། །བསྐོལ་བའི་མར་གྱིས་སྐེམས་པ་ཡི། །ནད་ནི་འཇོམས་པར་
[251b.5]བྱེད་པ་ཡིན། །ཤྲིང་གི་མ་དུ་ལུང་ག་དང་། །ག་བྲའི་རྩ་བ་པི་པི་ལིང་། །ཐང་ཤིང་ཨ་ཤྭ་གནྡྷ་དང་། །ར་མཉེ་བ་གཉིས་ར་སྣ་དང་། །ཟངས་རྩི་བ་དང་ཛི་བ་ཀ །མ་ཤ་མུངྒ་པརྞི་དང་། །བྱི་དང་ག་ནི་ལྡེ་གུར་བཅས། །རི་བོང་མགོ་བསྐོལ་ཁུ་བ་དང་། །བསྐོལ་བའི་མར་ནི་བླུད་གྱུར་
[251b.6]ན། །ལུས་སྐེམས་རྒྱས་པར་བྱེད་པའི་མཆོག །ཤུ་དག་སླེ་ཏྲེས་ཀ་ཡསྠ། །སྤང་སྤོས་ཙ་རོང་ར་ཐུག་གཅིན། །ཆང་བསྐོལ་ཏིལ་མར་བསྐུས་པ་ཕན། །རྒྱ་སྐྱེགས་ཁུ་བ་ཆ་མཉམ་དང་། །ཏིལ་མར་བྲེ་གང་ཞོ་ག་ཆུ། །བཞི་འགྱུར་ཨ་ཤྭ་གནྡྷ་དང་། །སྐྱེར་པ་ཐང་ཤིང་རུ་རྟ་དང་། །
[251b.7]ཧ་རེ་ཎུ་ཀ་བ་ལི་ཀ །ཙནྡན་མུར་བ་པུ་ཙེ་ཤེལ། །ར་སྣ་ཉེ་ཤིང་ཤིང་མངར་མཉམ། །བསྐོལ་བའི་ཏིལ་མར་རྒྱ་སྐྱེགས་སོགས། །ཞེས་བྱ་བསྐུས་ན་ཕན་པར་འགྱུར། །སྟོབས་སྐྱེད་རིམས་དང་ཟད་བྱེད་དང་། །སྨྱོ་བྱེད་བརྗེད་བྱེད་དབུགས་མི་བདེ། །རླུང་གི་ནད་རྣམས་སེལ་བར་
[252a]
[252a.1]བྱེད། །གནོད་སྦྱིན་སྲིན་པོ་འབྱུང་པོ་འཇོམས། །སྦྲུམ་མ་ལ་ཡང་བསྔགས་པ་ཡིན། །བོང་ང་ཀར་ཀ་ཏ་སྲིང་གི། །པི་པི་ལིང་དང་སྦྲང་རྩིར་སྦྱར། །ལྡེ་གུ་བྱིས་པ་ལ་སྦྱིན་པ། །བོང་ང་དཀར་པོ་གཅིག་པོ་ཡིས། །ལྡེ་གུས་ལུད་པ་རིམས་སློན་བྲོ། །
[252a.2]བླ་བརྣན་གྱི་ནི་ནད་སེལ་བྱེད། །ནུ་ཞོ་འཐུང་ཞིང་སློན་པ་ལ། །དེ་ལ་ཞུན་མར་སྦྲང་རྩི་དང་། །ཀཎྜ་ཀ་རི་བྲི་ཧ་ཏི། །འབྲས་བུའི་ཁུ་བ་ཚ་བ་ལྔ། །སྦྱར་བའི་ལྡེ་གུ་སྦྱིན་པར་བྱ། །པི་པི་ལིང་དང་ལན་ཚྭ་ལྔ། །བ་རི་བར་བྱི་དང་ག །དེ་བཞིན་ལྡེ་གུར་སྦྱར་བ་སྦྱིན། །དེ་བཞིན་ཚ་བ་
[252a.3]གསུམ་རེག་འཇམ། །ཤ་རི་ད་ཏ་རྨ་བྱ་སྲམ། །ཇི་སྙེད་པགས་པ་སྤུ་བསྲེགས་ལ། །སྣག་ཚ་སྦྲང་རྩི་མར་སྦྱར་ཕན། །སེང་ལྡེང་བལ་བུ་ཨརྫུན། །རུ་རྟ་པན་ཏ་ན་ཡི་ཁུ། །འོ་མ་མར་དང་བཅས་བསྐོལ་བས། །སློན་བྲོ་ཉེ་བར་སེལ་བར་བྱེད། །གང་གི་སོ་དང་བཅས་སྐྱེས་དང་། །
[252a.4]གང་གི་དང་པོར་ཡ་སོ་སྐྱེས། །བཀྲ་མི་ཤིས་པ་དེ་ལ་ནི། །ཞི་བ་བྱ་ཞིང་བྲམ་ཟེ་ལ། །ཡོན་དང་བཅས་པར་སྦྱིན་པར་བྱ། །དེ་བཞིན་སྐེམ་བྱེད་མཆོད་པར་བྱ། །བད་ཀན་འཁྲུགས་པས་རྐན་གྱི་ཤར། །རྐན་གྱི་འཛེར་པ་ཞེས་བྱ་སྟེ། །དེས་ན་རྐན་གྱི་ཕྱོགས་ཀྱི་ནི། །སྤྱི་བོ་དམའ་བ་
[252a.5]འབྱུང་བར་འགྱུར། །རྐན་ལྷུང་ནུ་ཞོ་འགྲས་པ་དང་། །སྐ་བ་འཐུང་ཞིང་བཤང་བ་སླ། །སྐོམ་དང་ཁ་གཡའ་མིག་ན་ཞིང་། །གཉའ་བ་འདེགས་དཀའ་སློན་པར་འགྱུར། །དེ་ལ་རྐན་འདེགས་ནས་ཚིག་འཁུས། །ཐལ་བ་སྦྲང་རྩིར་སྦྱར་བ་བསྐུ། །ཡང་ན་བཅའ་སྒ་པི་པི་ལིང་། །
[252a.6]བ་ལང་གཅིན་ཁུ་རྒྱམ་ཚ་བསྐུ། །དོང་གྲ་སྐྱེར་པ་ཤིང་ཚ་ཡི། །ལྡེ་གུ་ནྱ་གོ་དྷའི་ལོ་མར། །གཏུམས་ལ་བ་ལང་ལྕི་བས་བྱུག །དེ་རྗེས་མེ་མར་མྱུར་དུ་བསྲེག །ཁུ་བས་རྐན་དང་ཁ་བསྐུ་ཞིང་། །མིག་ཏུ་ཡང་ནི་བླུགས་པར་བྱ། །རུ་རྟ་ཤུ་དག་ཨ་རུ་ར། །སྦྲང་རྩིར་བཅས་པའི་ལྡེ་གུ་
[252a.7]ནི། །ནུ་ཞོར་བཅས་པ་བྱིས་པ་བླུད། །རྐན་གྱི་འཛེར་པ་ལས་ཐར་འགྱུར། །དྲི་མས་གོས་སམ་རྡུལ་བ་ལས། །གཞང་ཁར་བད་ཀན་ཁྲག་ལས་འབྱུང་། །རྨ་ནི་ནང་དམར་གཡའ་བ་དང་། །བླ་བརྣན་མང་པོ་འབྱུང་བར་འགྱུར། །ལ་ལས་མ་མོའི་ཉེས་པར་བཤད། །གཞན་
[252b]
[252b.1]དག་ལུས་སྲུལ་པོས་བྱས་ཟེར། །རྒྱབ་ཀྱི་ཐོར་བུ་གཞང་སྡེབས་ཟེར། །ལ་ལས་དེ་མིང་མེད་ཅེས་བཤད། །དེ་ལ་མ་མ་བད་མཁྲིས་དག །སེལ་བའི་སྨན་གྱིས་ནུ་ཞོ་སྦྱར། །ཙནྡན་དཀར་ཆུ་བསིལ་བ་དང་། །ལྡན་པའི་སྐོམ་ནི་ནང་ནས་བླུད། །དེ་དང་སྐྱེར་པའི་ཁཎྜ་ནི། །
[252b.2]སྦྲང་རྩིར་བཅས་པའི་རྨ་བསྐུ་བྱ། །རྒྱ་ཤུག་འབྲས་བུ་གསུམ་བླག་ཤའི། །ཤུན་པ་བསྐོལ་བའི་ཆུ་བླུགས་བྱ། །ནག་ཆུར་གི་ཝང་སྤངས་མ་དང་། །དངུལ་རྡོ་བ་བླ་ལྡོང་རོས་ནི། །སྐྱུར་དང་བཏགས་པས་བསྐུ་བྱ་ཞིང་། །ཡང་ན་ཤིང་མངར་སྐྱེར་ཁཎ་དང་། །དུང་ནི་ཞིབ་
[252b.3]ཏུ་བཏགས་པའམ། །དུང་གི་ལྟེ་བ་ཤ་རི་བའམ། །ཨ་ས་ན་ཡི་ཤུན་པ་ནི། །ཕྱེ་མ་བཏགས་པ་གདབ་པར་བྱ། །དམར་ཞིང་གཡའ་བའི་ཤས་ཆེ་ལ། །སྲིན་བུ་པད་པས་ཁྲག་དབྱུང་བྱ། །གཞང་སྡེབས་ནད་ལ་མཁྲིས་པ་ཡི། །རྨ་ལ་ཕན་པ་ཐམས་ཅད་བསྔགས། །
[252b.4]པ་ཏ་གླ་སྒང་སེར་པོ་གཉིས། །ག་བྲའི་རྩ་བ་བྱི་དོང་ག །པུརྞ་རྣ་བ་བིལ་བར་བཅས། །བྲིཤྩི་ཀ་ལི་ཚ་བ་གསུམ། །མར་བཅས་བསྐོལ་བ་ཚད་ཙམ་བལྡགས། །ས་ཟོས་ནད་ལས་ཐར་བར་འགྱུར། །ནད་ནི་གང་གི་སྨན་གང་ཡིན། །དེ་ཡིས་ནུ་མ་བསྐུས་ནས་ནི། །
[252b.5]ཡུད་ཙམ་འདུག་ལ་དེ་རྗེས་བཀྲུ། །བླུད་ན་ནད་ནི་དེ་དེས་སེལ། །ཡན་ལག་བརྒྱད་པའི་སྙིང་པོ་བསྡུས་པ་ལས། གནས་ཕྱི་མའི་ལེའུ་སྟེ་གཉིས་པའོ།། །།དེ་ནས་བྱིས་པའི་གདོན་གསོ་བའི་ལེའུ་བཤད་པར་བྱའོ། །སྔོན་གྱི་སྐེམ་བྱེད་བསྲུང་བའི་ཕྱིར། །
[252b.6]གདོན་ནི་སྐྱེས་པའི་གཟུགས་ཅན་ལྔ། །བུད་མེད་ཀྱི་ནི་གཟུགས་ཅན་བདུན། །ལྷ་ཆེན་པོ་ཡི་སྤྲུལ་པ་ཡིན། །སྐེམ་བྱེད་ས་ག་ལུག་ཐུག་གདོང་། །ཁྱི་གདོང་ཡི་དྭགས་ཞེས་བྱ་དང་། །བྱ་གདོན་སྲུལ་མོ་གྲང་བ་ཡི། །སྲུལ་མོ་ལོང་མ་ལུས་སྲུལ་པོ། །དེ་བཞིན་བཞིན་གྱི་
[252b.7]རྒྱན་ཅན་མ། །ནམ་གྲུ་ནམ་གྲུ་སྐེམ་མའོ། །དེ་རྣམས་ཀྱིས་ནི་བཟུང་བའི་ཚུལ། །རྟག་ཏུ་ངུ་དང་རིམས་ཀྱིས་འདེབས། །སྤྱིའི་ཚུལ་སྐྲག་དང་གླལ་བ་དང་། །སྨིན་མ་འདེགས་ཤིང་རྨྱ་བ་དང་། །ལྦུ་བ་སློན་ཞིང་གྱེན་དུ་བལྟ། །མ་མཆུ་སོས་འདེབས་གཉིད་ཡར་དང་། །ངུ་
[253a]
[253a.1]ཞིང་མཁུན་ལ་ནུ་ཞོ་ལ། །མི་དགའ་སྐད་ནི་འགྱུར་བ་དང་། །གློ་བུར་དུ་ནི་སེན་མོ་ཡིས། །རང་གི་མ་མའི་ཡན་ལག་འབྲད། །དེ་ལ་སྐེམ་བྱེད་ཀྱིས་ཟིན་རྟགས། །མིག་གཅིག་མཆི་མ་འཛག་པ་དང་། །ཡང་དང་ཡང་དུ་མགོ་བོ་རྡེགས། །
[253a.2]ཕྱོགས་གཅིག་ཉམས་ཤིང་ལུས་རེངས་ལ། །རྡུལ་བཅས་སྐྱེ་བ་རེངས་པ་དང་། །སོ་འཆའ་ནུ་ཞོ་ལ་མི་དགའ། །སྔངས་ཤིང་ངུ་ལ་སྐད་གསང་ཉམས། །ཁ་ཡོ་ཁ་ཆུ་སྐྱུགས་པ་དང་། །མི་བཟད་པར་ནི་གྱེན་དུ་བལྟ། །ཚིལ་ཁྲག་དྲི་བྲོ་ཡིད་མི་དགའ། །
[253a.3]བཤང་བ་ཁུ་ཚུར་ལ་བཅང་ཞིང་། །མཁུར་ཚོས་མིག་དང་སྨིན་མ་གཅིག །གཡོ་ཞིང་མིག་ནི་གཉི་ག་དམར། །དེས་ནི་ཡན་ལག་ཉེས་ཉམས་པའམ། །འཆི་བ་ཁོ་ནར་བྱེད་པར་འགྱུར། །སྐེམ་བྱེད་བརྗེད་བྱེད་མཚན་མ་ནི། །དྲན་པ་ཉམས་ཤིང་ཡང་
[253a.4]དང་ཡང་། །སྐྲ་འབལ་རྐེ་བ་འགུགས་པ་དང་། །རྣམ་པར་འདུད་ཅིང་གླལ་བཞིན་དུ། །བཤང་དང་གཅི་བ་འབྱིན་པར་བྱེད། །ལྦུ་བར་སྐྱུག་ཅིང་གྱེན་དུ་ལྟ། །རྐང་ལག་སྨིན་མས་གར་ཡང་བྱེད། །ནུ་མ་རང་ལྕེ་སོ་ཡིས་འདེབས། །ཀུན་ཏུ་གཡོ་ཞིང་
[253a.5]གཉིད་ཡང་རིམས། །ཁྲག་ནི་རྣག་གི་དྲི་བྲོ་བའོ། །ལུག་ཐུག་གདོན་གྱི་རྟགས་ཀྱི་ནང་། །སྦོ་ཞིང་རྐང་པ་ལག་པ་དག །འདར་ཞིང་ལྦུ་བ་སྐྱུགས་པ་དང་། །སྐོམ་དད་ཆེ་འཁྲུ་ཆང་པ་སྡོམ། །སྐད་གསང་དམའ་ཞིང་མདོག་མི་སྡུག །མཁུན་ཅིང་སློན་པར་བྱེད་
[253a.6]པ་དང་། །ལུད་པ་སྐྱིགས་བུས་འདེབས་གཉིད་ཡར། །སོ་ཡིས་མཆུ་གནོན་ཡན་ལག་སྡུད། །རེངས་ཤིང་ལུག་ཐུག་དྲི་བྲོ་ལ། །གྱེན་དུ་ལྟ་ཞིང་དགོད་པ་དང་། །བར་དུ་འགུགས་ཤིང་རིམས་ཀྱིས་འདེབས། །བརྒྱལ་ཞིང་མིག་གཅིག་སྐྲངས་པ་ཡན། །
[253a.7]ཁྱི་ཡི་གདོང་གི་རྟགས་གྱུར་པ། །འདར་ཞིང་བ་སྤུ་ལྡང་བ་དང་། །རྔུལ་ཞིང་མིག་ནི་འཛུམས་པ་དང་། །རྒྱབ་ཏུ་གུག་ཅིང་ལྕེ་དང་སོ། །མཆུ་དང་རྐན་སྒྲ་འབྱིན་ཞིང་སྐྱུགས། །བཤང་བའི་དྲི་འབྱུང་ཁྱི་སྐད་འབྱིན། །ཡི་དྭགས་ཀྱི་ནི་གདོན་གྱི་རྟགས། །བ་སྤུ་ལྡང་
[253b]
[253b.1]ཞིང་ཡང་ཡང་སྡང་། །གློ་བུར་དུ་ཞིང་རིམས་ཀྱིས་འདེབས། །འཁྲུ་ཞིང་སློན་བྱེད་ལུད་པ་ལུ། །གླལ་སྐོམ་མི་རོའི་དྲི་དང་ལྡན། །ལུས་ནི་བསྐྱོད་ཅིང་གཡོ་བ་དང་། །སྐེམ་ཞིང་རེངས་ལ་མདོག་མི་སྡུག །ཁུ་ཚུར་སྡོམ་ཤིང་མཆི་མ་འཛག །བྱ་གདོན་
[253b.2]ལུས་ལྷོད་འཁྲུ་བར་བྱེད། །ལྕེ་རྐན་ལྐོག་མར་རྨ་འབྱུང་ཞིང་། །ཐོར་བུར་ན་ཞིང་ཚ་ལ་གནག །ཚིགས་དག་ཏུ་ནི་ཡང་ཡང་འབྱུང་། །མཚན་མོ་སྐྱེ་ལ་ཉིན་མོ་འབྲི། །ཁའམ་བཤང་སྒོ་འགགས་པ་དང་། །འཇིགས་ཤིང་བྱ་ཡི་དྲི་དང་ལྡན། །
[253b.3]རིམས་ཀྱིས་འདེབས་པར་བྱེད་པ་ཡིན། །སྲུལ་མོའི་སློན་ཞིང་འདར་བ་དང་། །ལུས་སྙོམ་མཚན་མོ་གཉིད་ཡར་དང་། །སྐྱིགས་བུ་ལྟོ་སྦོས་འཁྲུ་བ་དང་། །སྐོམ་ཞིང་གཅིན་ནི་སྲི་བ་དང་། །ལུས་ལྷོད་བ་སྤུ་གཤོར་བ་དང་། །ཁ་ལྟར་དྲི་ནི་མནམ་
[253b.4]པ་ཡིན། །གྲང་བའི་སྲུལ་མོ་འདར་བ་དང་། །ངུ་ཞིང་ཟུར་གྱིས་བལྟ་བ་དང་། །སྐོམ་ཞིང་འཁྲུ་ལ་རྒྱུ་མ་འཁྲོག །ཞག་ལྟར་དྲི་ནི་མནམ་པ་དང་། །ཡན་ལག་ལོགས་གཅིག་གྲང་བ་དང་། །ཅིག་ཤོས་དྲོ་བ་ཉིད་ཡིན་ནོ། །སྲུལ་མོ་ལོང་མའི་སློན་
[253b.5]པ་དང་། །རིམས་དང་ལུད་པ་གཉིད་ཆུང་དང་། །བཤང་བ་སླ་ཞིང་མདོག་མི་སྡུག །དྲི་ང་བསྐུས་པས་མྱུར་དུ་སྐམ། །མཐོང་བ་ཉམས་ཤིང་མིག་ན་གཡའ། །མིག་སྐྲངས་གློ་བར་གྱུར་པ་དང་། །སྐྱིགས་བུ་མི་དགོད་ནུ་ཞོ་འགྲས། །མདོག་མི་
[253b.6]སྡུག་ཅིང་ང་རོ་རྩུབ། །མདོག་ཉམས་ཉ་ཡི་དྲི་དང་ལྡན། །ཡང་ན་དྲི་ནི་སྐྱུར་བཅས་ཡིན། །བཞིན་རྒྱན་ཅན་གྱིས་རྐང་པ་དང་། །ལག་པ་གདོང་ནི་མཛེས་པ་དང་། །རྩ་ནི་ནག་པོར་སྣང་བ་ཡིས། །ལྟོ་བ་ཁྱབ་ཅིང་རིམས་ཀྱིས་འདེབས། །ཡི་ག་འཆུས་
[253b.7]ཤིང་ཡན་ལག་ན། །བ་གཅིན་ལྟ་བུའི་དྲི་འབྱུང་འགྱུར། །ནམ་གྲུ་གནག་ཅིང་སྔོ་བ་དང་། །མིག་དང་རྣ་བ་སྣ་མེད་ཅིང་། །མིག་འགུལ་སྐྱིགས་བུ་ལུད་པ་ལུ། །ཁ་ནི་ཡོ་ཞིང་དམར་བ་དང་། །ལུག་ཐུག་དྲིར་ལྡན་རིམས་འདེབས་སྐེམ། །
[254a]
[254a.1]བཤང་བ་སྔོ་ཞིང་སླ་བ་ཡིན། །ནམ་གྲུ་སྐེམ་མོས་ལུས་ཀུན་ནི། །རིམས་ཀྱིས་འདེབས་པར་འགྱུར་བ་དང་། །སྐྲ་འབྱི་ཟས་ལ་མི་དགའ་དང་། །སྐད་གསང་ཞུམ་ཞིང་མདོག་མི་སྡུག །བཤང་བ་ཁ་དོག་སྣ་ཚོགས་དང་། །ལྟོ་
[254a.2]བར་རྩ་ཡི་མདུད་པ་ཆགས། །ངུ་ཞིང་བྱ་རྒོད་དྲི་ལྡན་ལ། །ཡུན་རིང་ན་བར་བྱེད་པ་ཡིན། །ལྟོ་བ་རྨེན་བུ་ཟླུམ་པོ་འབྱུང་། །བཤང་བ་ཁ་དོག་སྣ་ཚོགས་འབྱུང་། །ལྕེ་ཡི་དབུས་ནི་དམའ་བ་དང་། །རྐན་ནི་གནག་འགྱུར་དེ་སྤང་བྱ། །ཁ་ཟས་
[254a.3]མང་དུ་ཟོས་ཀྱང་ནི། །བྱིས་བ་གང་ཞིག་ལུས་སྐེམ་བྱེད། །སྐོམ་པས་ཉེན་ཅིང་མིག་ཉམས་པ། །དེ་ནི་ནམ་གྲུ་སྐེམ་མོས་གསོད། །འཚེ་བ་ལ་དགའ་མཆོད་པར་འདོད། །གདོན་རྣམས་འཛིན་པའི་རྒྱུ་ཡིན་ནོ། །དེ་ལ་འཚེ་བའི་བདག་ཉིད་ཅན། །བྱིན་
[254a.4]ཚེ་སྣ་ནས་འཛག་པ་དང་། །ལྕེ་ཉམས་མིག་ནི་གཏིང་དུ་འབྲོས། །འདེགས་བྱེད་མིག་ནི་མཆི་མར་བཅས། །ཉམ་ཆུང་ཚིག་ནི་དམན་པ་དང་། །དྲི་ང་བ་ནི་འབྱུང་བར་འགྱུར། །སྐེམ་ཞིང་རང་གི་བཤང་དང་གཅི། །ལག་པས་ཉེད་ཅིང་སྨོད་མི་བྱེད། །
[254a.5]ལག་པས་བཏེག་སྟེ་འབད་པ་ཡིས། །བདག་དང་དེ་བཞིན་གཞན་ལ་རྡེག །མཚོན་དང་ཤིང་སྩོགས་ཀྱིས་རྡེག་ཅིང་། །འབར་བའི་མེ་ལ་འཇུག་པར་བྱེད། །ཆུ་ནང་འབྱིང་ཞིང་ཁྲོན་པར་ལྟུང་། །གཞན་ཡང་དེ་འདྲར་བྱེད་བར་འགྱུར། །སྐོམ་དད་ཆེ་
[254a.6]ཞིང་ཚ་བས་རྣག །སློན་པར་བྱེད་པར་འགྱུར་བ་དང་། །བུ་ག་ཀུན་ནས་ཁྲག་འཛག་ཅིང་། །འཆི་ལྟས་བྱུང་བ་དེ་སྤང་བྱ། །དགའ་བ་འདོད་པས་གཟིར་གྱུར་པ། །དབེན་པར་བུད་མེད་འདོད་སྨྲ་དགའ། །དྲི་དང་མེ་ཏོག་ཕྲེང་རྒྱན་དགའ། །མགུ་
[254a.7]ཞིང་ཞི་བ་གསོ་བ་དཀའ། །ལྕེས་ནི་ཁ་ལ་ཉུག་པ་དང་། །མཆུ་རྐན་གྲེ་བ་སྐམས་པ་དང་། །དོགས་པས་ལྟ་ཞིང་ངུ་བ་དང་། །སེམས་ཁོང་ཆུད་ཅིང་ཞུམ་པ་དང་། །ཟས་འདོད་ལྟོགས་པར་གྱུར་ཀྱང་ནི། །བྱིན་ན་ཟ་བར་མི་འདོད་ལ། །གཏོར་མ་
[254b]
[254b.1]འདོད་པས་ཟིན་པ་སྟེ། །དེ་ནི་གསོ་སླ་ཡིན་པར་བཤད། །གསོད་འདོད་པ་ལ་གྲུབ་པ་ཡི། །སྔགས་བཟླས་སྦྱིན་སྲེག་བྱས་པས་གཞོམ། །ཅིག་ཤོས་ལ་ནི་ཅི་འདོད་པར། །དགའ་དང་གཏོར་མ་སོགས་སྦྱིན་པས། །དེ་ནས་གསོ་རུང་གདོན་ལ་ནི། །བྱིས་པ་
[254b.2]ཁང་པ་དབེེན་པར་བཞག །ཞག་གསུམ་ཆག་ཆག་ཕྱག་དར་བྱས། །རྟག་ཏུ་མེ་ནི་གཞག་པ་ཡི། །བུ་ཏིའི་མེ་ཏོག་བསིལ་མ་དང་། །འདབ་མ་ས་བོན་ཉུངས་ཀར་གཏོར། །གདོན་འཇོམས་ཏིལ་མར་སྦར་བ་ཡི། །མར་མེས་གདོན་ནི་འཇོམས་པར་བྱེད། །
[254b.3]ནད་གཡོག་ཉལ་པོ་ཆང་དང་ཤ །ཡོངས་སུ་སྤངས་པར་གྱུར་པ་ཡི། །མར་ནི་རྙིང་པས་བསྐུས་ནས་ནི། །བ་ལ་ནིམ་པ་སྟར་ཀ་རི། །དོང་གྲ་ཐང་ཤིང་ཀ་ཏང་ག །འཛམ་བུ་དང་ནི་ཏ་མ་ལ། །ཀ་ཏྲི་ན་དང་ལྕམ་པ་དང་། །ཨ་བ་མརྒ་མ་ཏ་ལི། །མ་དུ་ཤི་
[254b.4]ཀྲུ་ཞེས་བྱ་དང་། །ཀ་ཀ་ཛ་ཀ་ཤྭེ་ཏ་ཆེ། །བིལ་རྐང་འོ་མ་ཅན་གྱི་ཤིང་། །ཀ་དམ་བ་བཅས་ཀ་རཉྫ། །ཆུ་ནི་དྲོ་འཇམ་དག་གིས་བཀྲུ། །སྟག་དང་གཟིག་དང་སེང་གེ་སྦྲུལ། །དོམ་གྱི་པགས་པ་མར་དང་བཅས། །བདུགས་པས་ཁྲུས་བྱས་འོག་ཏུ་བདུག །པུ་ཏི་
[254b.5]ཉུངས་ཀར་ཤ་རཾ་ག །ཤུ་དག་གོ་བྱེ་ལ་ལ་ཕུད། །རུ་རྟ་མར་སྦྱར་བདུག་པས་ནི། །གདོན་ཀུན་ལས་ནི་ཐར་བྱེད་ཡིན། །ཡུངས་ཀར་ནིམ་པའི་ལོ་མ་དང་། །ཤུ་དག་ཀ་ར་བཱི་རའི་རྩ། །དྲོ་བ་མར་སྦྱར་བདུག་པས་ནི། །གདོན་ནི་ཐམས་ཅད་སེལ་བར་བྱེད། །བ་
[254b.6]ལང་རྭ་དང་རུས་པ་སྤུ། །པགས་པ་བྱི་ལའི་རྟུག་པ་དང་། །ནིམ་པའི་ལོ་མ་པུ་ཙེ་ཤེལ། །མར་དང་བྲི་ཧ་ཏི་གཉིས་དང་། །རས་བལ་ས་བོན་པོ་སོན་ཆ། །ནས་དང་ར་སྤུ་ཐང་ཤིང་དང་། །ཉུངས་ཀར་རྨ་བྱའི་སྒྲོ་དང་པོག །སྐྲ་དང་ཕུབ་མ་ཕ་བང་དང་། །རྫ་
[254b.7]མར་ར་ཐུག་གཅིན་དང་སྦངས། །ཞིབ་བཏགས་པ་ཡི་བདུགས་པས་ནི། །འབྱུང་པོའི་གདོན་ནི་ཐམས་ཅད་དང་། །མི་བཟད་རིམས་ནད་འཇོམས་པར་བྱེད། །བྱི་ཚེར་ཨ་མྲའི་ཚི་གུ་དང་། །རྒྱ་སྤོས་མངར་སྡེ་ན་ལེ་ཤམ། །ཀྲྀཥྞ་པརྞྀ་གླ་སྒང་རྣམས། །ལྡེ་
[255a]
[255a.1]གུར་བྱས་པ་མར་དང་ནི། །འོ་མ་རྩ་བ་བཅུ་བསྐོལ་ཁུར། །བཅས་བསྐོལ་དེ་ནི་གདོན་འཇོམས་མཆོག །ར་སྣ་ཨཾ་ཤུ་མ་ཏི་གཉིས། །བ་ལ་རྩ་བ་ཆེན་པོ་ལྔ། །གླ་སྒང་བཏགས་ཏེ་མར་དང་བསྐོལ། །ཚ་བ་གསུམ་དང་ཙི་ཏྲ་ཀ །
[255a.2]ཐལ་ཏྲེས་པ་ཏྲ་བྱི་དང་ག །ཤིང་མངར་ཤིང་ཀུན་པ་ཡ་སྱ། །ཐང་ཤིང་པི་པི་ལིང་རྩ་བ། །དུག་མོ་ཉུང་དང་བཅས་པ་ཡི། །ལྡེ་གུ་མར་དང་བསྐོལ་བས་ནི། །རྟག་ཏུ་བྱིས་པ་ལ་ཕན་ཞིང་། །ནད་དང་གནོད་པ་ཐམས་ཅད་འཇོམས། །མེ་དྲོད་སྟོབས་
[255a.3]དང་ཁ་དོག་སྐྱེད། །ཤ་རི་བ་དང་མུ་ར་དང་། །བྲམྷི་ཤུ་དག་ཤང་ཁི་ནི། །ཉུངས་ཀར་ཨ་ཤྭ་གནྡྷ་དང་། །བྱེའུ་རུག་པ་བཅས་མར་བསྐོལ། །དེ་ནི་བཏུང་དང་བསྐུ་བ་ཡིས། །གདོན་རྣམས་ཐམས་ཅད་འཇོམས་པར་བྱེད། །མར་གད་འབྱུང་པོའི་
[255a.4]རིགས་པ་རུ། །འོག་ནས་བཤད་པ་དག་དང་ནི། །དེ་བཞིན་གཏོར་མ་སྦྱིན་སྲེག་དང་། །ཁྲུས་ནི་སྔགས་རྒྱུད་ཤེས་པས་སྦྱར། །པུ་ཏི་ཀ་རཉྫའི་ཤུན་པ། །བར་པ་ར་ཡི་རྩ་བ་དང་། །ཀུ་བ་ཁ་བོ་བི་ཤ་ལ། །ཀ་ཏྲ་ཀ་དང་བིལ་བ་དང་། །ཀ་པི་ཏ་
[255a.5]བསྐོལ་དེས་མཚན་མོ། །བྱིས་པ་བཀྲུས་ན་ཤིས་པ་ཡིན། །གདོན་དང་བྲལ་ཡང་བླ་བརྣན་ནད། །རྗེས་སུ་འབྲེལ་པ་ཐམས་ཅད་ལ། །བྱིས་པའི་ནད་གསོར་བཤད་པ་ཡི། །སྨན་གྱིས་ཇི་བཞིན་གསོ་བར་བྱ། །ཡན་ལག་བརྒྱད་པའི་སྙིང་པོ་བསྡུས་
[255a.6]པ་ལས། །ཕྱི་མའི་གནས་ཀྱི་ལེའུ་སྟེ་གསུམ་པའོ།། །།ཡན་ལག་བརྒྱད་པའི་སྙིང་པོ་བསྡུས་པ་ལས། བྱིས་པ་གསོ་བའི་ཡན་ལག་རྫོགས་སོ།། །།དེ་ནས་འབྱུང་པོའི་གདོན་གྱི་ནད་དམིགས་ཤེས་པ་བཤད་པར་བྱའོ། །ཤེས་
[255a.7]དང་རྣམ་ཤེས་ཚིག་དང་ནི། །སྤྱོད་དང་སྙིང་སྟོབས་རང་བཞིན་དག །གང་གི་རང་བཞིན་འགྱུར་བར་སྣང་། །དེ་ལ་འབྱུང་པོའི་གདོན་ཡོད་བཤད། །འབྱུང་པོའི་གཟུགས་དང་རང་བཞིན་དང་། །སྨྲ་དང་འགྲོ་སོགས་སྤྱོད་པ་དང་། །གང་ཞིག་
[255b]
[255b.1]འདྲེ་བར་བྱེད་པ་རྣམས། །དེ་ལ་དེ་ནི་ཞུགས་པར་བཤད། །དེ་ནི་ལྷ་དང་ལྷ་མིན་སྩོགས། །དབྱེ་བ་རྣམ་པ་བཅོ་བརྒྱད་བཤད། །དེ་འཛིན་རྒྱུ་ནི་འཕྲལ་གཏམ་ནི། །སྔོན་ཆད་ཤེས་རབ་འཆལ་བ་ཡི། །བློ་ཡིས་ཉེས་པ་བྱས་གྱུར་ནས། །དེ་ཡི་ཆགས་པ་སྩོགས་
[255b.2]བསྐྱེད་ནས། །བརྟུལ་ཞུགས་སྤྱོད་དང་ཆོས་ལུགས་ཉམས། །མཆོད་འོས་རྣམས་ནི་བརྙས་པ་དང་། །གཞུང་ལུགས་ཉམས་པ་དེ་དག་ནི། །སྡིག་དང་བདག་ནི་གསོད་བྱེད་ནི། །གདོན་ནི་གླགས་སྐབས་ཚོལ་བྱེད་པས། །ལྷ་ལ་སོགས་པའང་རྗེས་གནོད་
[255b.3]བྱེད། །གླགས་ནི་སྡིག་ལ་སོགས་པ་དང་། །མི་དགེའི་ལས་ནི་སྨིན་པ་དང་། །གཅིག་པུར་ཁང་སྟོང་གནས་པའམ། །དུར་ཁྲོད་སོགས་པར་མཚན་མོ་གནས། །གཅེར་བུར་རྒྱུ་བའམ་བླ་མ་སྨོད། །འཁྲིག་པ་ཚུལ་མིན་སྤྱོད་པ་དང་། །གཙང་སྦྲ་མེད་པར་
[255b.4]ལྷ་མཆོད་དང་། །མི་གཙང་གཞན་དང་འདྲེས་པ་དང་། །སྦྱིན་སྲེག་སྔགས་གཏོར་མཆོད་སྦྱིན་རྣམས། །ཕྱིན་ཅི་ལོག་ཏུ་བྱེད་པ་དང་། །མདོར་ན་ཉིན་རེ་སོགས་སྤྱོད་པར། །སྤྱོད་པ་བརྟེན་པ་ལས་འདས་པའོ། །ལྷ་ཡི་གདོན་གྱིས་ཡར་ངོ་ཡི། །ཚེས་
[255b.5]གཅིག་བཅུ་གསུམ་དག་ལ་འཛིན། །ལྷ་མིན་གདོན་ནི་ཡར་ངོ་ཡི། །བཅུ་གསུམ་མར་ངོ་བཅུ་གཉིས་ལ། །དྲི་ཟའི་གདོན་ནི་བཅུ་བཞི་དང་། །བཅུ་གཉིས་དག་ལའང་འཛིན་པར་བྱེད། །ཀླུ་གདོན་ཚེས་ལྔ་ལ་འཛིན་བྱེད། །གནོད་སྦྱིན་གདོན་ནི་ཡར་ངོ་ཡི། །ཚེས་
[255b.6]བདུན་བཅུ་གཅིག་དག་ལ་འཛིན། །ཚངས་པ་སྲིན་པོས་ཡར་ངོ་ཡི། །ཚེས་བརྒྱད་བཅོ་ལྔ་དག་ལ་འཛིན། །སྲིན་པོ་ཤ་ཟ་སོགས་མར་ངོའི། །ཚེས་གཅིག་ཚེས་དགུ་བཅུ་གཅིག་ལ། །མཚུན་ལྷ་གནམ་སྟོང་ཚེས་བཅུ་དང་། །བརྒྱད་དང་དགུ་པ་དག་
[255b.7]ལ་འཛིན། །རྒན་པ་ལ་སོགས་གཞན་དག་ནི། །ཕལ་ཆེར་དུས་དེའི་ཐུན་མཚམས་ལའོ། །ལྷ་ཡི་གདོན་གྱིས་དབང་བྱས་པ། །གདོང་ནི་པདྨ་ཁ་བྱེ་འདྲ། །ལྟ་སྟངས་ཞི་ཞིང་ཁྲོ་བ་མེད། །ཚིག་ཉུང་དུལ་དང་བཤང་གཅི་ཉུང་། །ཁ་ཟས་ལ་ནི་འདོད་པ་མེད། །
[256a]
[256a.1]ལྷ་དང་བྲམ་ཟེ་འབྱུང་བ་དཀའ། །གཙང་ཞིང་སཾསྐྲྀ་ཏའི་སྐད་སྨྲ། །ཡུན་རིང་ནས་ནི་མིག་འཛུམས་ཤིང་། །ལུས་དྲི་ཞིམ་ཞིང་མཆོག་སྟེར་བྱེད། །གོས་ཕྲེང་དཀར་པོ་ཆུ་བོ་དང་། །རི་མཐོ་ཁང་པ་མཐོ་ལ་དགའ། །གཉིད་མེད་ཚུགས་པ་མེད་པ་ཡིན། །
[256a.2]ལྷ་མིན་གདོན་གྱིས་ཟིན་པ་ནི། །ཡོན་པོར་བལྟ་ཞིང་རང་བཞིན་ངན། །ལྷ་དང་བླ་མ་བྲམ་ཟེ་དང་། །འཇིགས་མེད་ཁེངས་ཤིང་དཔའ་བ་དང་། །ཁྲོ་ཞིང་རྩོལ་བ་ཆེ་བ་དང་། །ང་ནི་དྲག་པོ་ཁྱབ་འཇུག་དང་། །སྐེམ་བྱེད་བརྒྱ་བྱིན་ཡིན་ཞེས་བཤད། །ཤ་དང་ཆང་ལ་དགའ་
[256a.3]ཞེས་བྱ། །དྲི་ཟའི་གདོན་གྱིས་ཟིན་པའི་རྟགས། །རང་སྤྱོད་ལ་དགའ་ལུས་དྲི་ཞིམ། །སྙིང་དགའ་གླུ་དང་གར་ཡང་བྱེད། །ཁྲུས་དང་སྐྱེད་མོས་ཚལ་ལ་དགའ། །གོས་ཕྲེང་བྱུག་པ་དམར་ལ་སྲེད། །སྒེག་དང་རྩེད་མོ་ལ་དགའོ། །ཀླུ་ཡི་གདོན་གྱིས་ཟིན་པའི་རྟགས། །
[256a.4]མིག་དམར་ཁྲོ་ཞིང་མི་འགྱུར་ལྟ། །ཡོན་པོར་འགྲོ་ཞིང་བལྟ་བ་དང་། །ཉིན་མཚན་དབུགས་རྒོད་ལྕེ་ལས་ནི། །ཁ་ཆུ་འཛག་ཅིང་ཁ་འགྲམ་ལྷག །བུ་རམ་འོ་མ་ཁྲུས་ལ་དགའ། །ཁ་སྦུབ་ཏུ་ནི་ཉལ་བར་བྱེད། །གདུགས་མཐོང་ན་ནི་འཇིགས་པ་ཡིན། །གནོད་
[256a.5]སྦྱིན་གདོན་གྱིས་ཟིན་པའི་རྟགས། །མིག་དམར་བགྲད་ཅིང་སྐྲག་ལ་འགུལ། །ལུས་ནི་དྲི་ཞིམ་གཟི་མདངས་ལྡན། །གཏམ་དང་གླུ་དང་ཁྲུས་དང་ནི། །ཕྲེང་བ་བྱུག་པ་ལ་དགའ་ཞིང་། །ཉ་ཡི་ཤ་སྲེད་དགའ་བ་དང་། །དགའ་མགུ་སྟོབས་ཆེན་ནད་མེད་ལ། །ལག་རྩེ་
[256a.6]བསྐྱོད་ཅིང་སུ་ཞིག་ལ། །ཅི་ཞིག་སྦྱིན་ཞེས་སྨྲ་བར་བྱེད། །གསང་ཚིག་སྨྲ་ཞིང་སྨན་པ་དང་། །བྲམ་ཟེ་ལ་ནི་བརྙས་པར་བྱེད། །ཁྲོ་བ་ཆུང་ཞིང་མགྱོགས་འགྲོ་བའོ། །ཚངས་པ་སྲིན་པོས་ཟིན་པའི་རྟགས། །དགོད་ཅིང་གར་ལ་དགའ་བ་དང་། །སྤྱོད་པ་གཏུམ་ཞིང་གླགས་
[256a.7]སྐབས་ཚོལ། །གཤེ་ཞིང་མྱུར་དུ་འགྲོ་བ་དང་། །སྨན་པ་བྲམ་ཟེ་ལྷ་ལ་སྡང་། །རང་ལ་ཤིང་དང་མཚོན་སོགས་བརྡེག །ཀྱེ་ཞེས་བྱ་བའི་སྒྲ་སྒྲོགས་ཤིང་། །བསྟན་བཅོས་རིག་བྱེད་འདོད་པ་ཡིན། །སྲིན་པོའི་གདོན་གྱིས་ཟིན་པའི་རྟགས། །ཁྲོ་གཉེར་བཅས་ཤིང་ཁྲོ་བར་
[256b]
[256b.1]ལྟ། །རྟ་བས་བག་ཏུ་ནི་བྱེད་པ་དང་། །རྡེག་ཅིང་རབ་ཏུ་རྒྱུག་པ་དང་། །ངུ་ཞིང་གདོང་ནི་འཇིགས་རུང་སྟོན། །ཟས་མ་ཟོས་ཀྱང་སྟོབས་དང་ལྡན། །གཉིད་མེད་མཚན་མོ་རྒྱུ་བ་དང་། །ངོ་ཚ་གཙང་སྦྲ་མེད་ཅིང་དཔའ། །གདུག་ཅིང་ཚིག་རྩུབ་
[256b.2]སྨྲ་བ་དང་། །ཁྲོ་ཞིང་ཕྲེང་བ་དམར་པོ་དང་། །བུད་མེད་ཤ་ཆང་ཁྲག་ལ་དགའ། །ཤའམ་ཁྲག་ནི་མཐོང་བ་ན། །མཆུ་ནི་ལྡག་པར་བྱེད་པ་དང་། །ཟས་ཟའི་ཚེ་ན་དགོད་པ་ཡིན། །ཤ་ཟའི་གདོན་གྱིས་ཟིན་པའི་རྟགས། །སེམས་ནི་བདེ་
[256b.3]བར་མི་གནས་ཤིང་། །ཡོངས་སུ་རྒྱུག་པར་བྱེད་པ་དང་། །མི་གཙང་ལ་དགའ་གླུ་གར་དང་། །དགོད་དང་ཆང་དང་ཤ་རློན་དགའ། །སྤྱོས་ན་གདོང་ནི་ཞུམ་པ་དང་། །རྒྱུ་མེད་པར་ནི་ངུ་བ་དང་། །བདག་ཉིད་སེན་མོས་འབྲུད་པ་དང་། །
[256b.4]ཁོང་རྩུབ་ལུས་ཉམས་སྐད་གསང་དམའ། །སྡུག་བསྔལ་བ་ནི་བརྡ་སྤྲོད་ཅིང་། །འབྲེལ་དང་མི་འབྲེལ་ཚིག་མང་སྨྲ། །དྲན་པ་ཉམས་ཤིང་གནས་སྟོང་དགའ། །མི་བརྟན་གཅེར་བུ་དྲི་མ་ཅན། །སྲང་བར་འཁྱམས་ཤིང་གོས་གྱོན་ཞིང་། །རྩྭ་
[256b.5]ཡི་ཕྲེང་བ་རྒྱུན་ཏུ་ཐོགས། །ཤིང་འཛེག་རྟ་ལ་ཞོན་པར་བྱེད། །དེ་བཞིན་ཕྱག་དར་ཕུང་པོར་འཛེག །མང་དུ་ཟ་བར་བྱེད་པ་ཡིན། །ཡི་དགས་གདོན་གྱིས་ཟིན་པའི་རྟགས། །སྤྱོད་ཚུལ་དྲི་ནི་ཡི་དགས་འདྲ། །སྔར་ཞིང་ཟས་ལ་མི་དགའ་དང་། །
[256b.6]རྩ་གཅོད་བྱེད་པ་ཞེས་ཀྱང་བྱ། །གྲུལ་བུམ་གདོན་གྱིས་ཟིན་པའི་རྟགས། །ཚིག་མང་སྨྲ་ཞིང་ཁ་གདོང་གནག །དལ་གྱིས་འགྲོ་བར་བྱེད་པ་དང་། །རླིག་པ་སྐྲང་ཞིང་འཕྱང་བ་ཡིན། །མི་ནི་བྱང་སྟེམས་ཟིན་པའི་རྟགས། །ཤིང་རྡོ་བོང་བ་སྩོགས་ཐོགས་
[256b.7]ཤིང་། །ཚལ་པ་གྱོན་ཏེ་འགྲོ་བ་དང་། །གཅེར་བུར་རྒྱུག་ཅིང་འཇིགས་བག་ཏུ། །ལྟ་ལ་རྩྭ་ཡིས་རྒྱན་དུ་བྱེད། །དུར་ཁྲོད་གནས་ནི་སྟོང་པ་དང་། །སྲང་བར་ཤིང་གཅིག་བརྟེན་པ་དང་། །ཏིལ་ཟས་ཆང་དང་ཤ་ལ་ནི། །རྟག་ཏུ་མིག་ནི་ཚགས་པ་
[257a]
[257a.1]དང་། །ཚིག་རྩུབ་དེ་ནི་སྨྲ་བ་ཡིན། །གཡེངས་བྱེད་ཀྱིས་ནི་ཟིན་པའི་རྟགས། །ཆུ་འདོད་ཟས་ནི་མི་སློང་དང་། །སྔངས་ཤིང་མིག་ནི་དམར་བ་དང་། །ཚིག་རྩུབ་སྨྲ་བར་ཤེས་པར་བྱ། །རོ་ལངས་གདོན་གྱིས་ཟིན་པའི་
[257a.2]རྟགས། །དྲི་དང་ཕྲེང་བ་ལ་དགའ་ཞིང་། །ཚིག་བདེན་སྨྲ་ལ་ཡོངས་སུ་འདར། །གཉིད་ཆེ་བར་ནི་ཤེས་པར་བྱ། །ཡི་དགས་མཚུན་ལྷའི་གདོན་གྱི་རྟགས། །མིག་མི་གསལ་ཞིང་བཞིན་རས་ཞུམ། །རྐན་ནི་སྐམ་པར་བྱེད་པ་དང་། །མིག་
[257a.3]དང་རྫི་མ་བསྐྱོད་པ་དང་། །གཉིད་ཆེ་མེ་དྲོད་ཆུང་བ་དང་། །གཡོན་ཕྱོགས་ནས་ནི་གོས་གྱོན་ཞིང་། །ཤ་དང་བུ་རམ་ཏིལ་ལ་དགའ། །ཚིག་འཁྲུལ་པ་ནི་ཡིན་ཞེས་བྱ། །བླ་མ་དྲང་སྲོང་རྒན་དང་གྲུབ། །དམོད་པ་སེམས་ཀྱི་རྗེས་མཐུན་པ། །
[257a.4]སྤྱོད་ལམ་ཁ་ཟས་རང་བཞིན་ལས། །ཅི་འདྲ་གདོན་ནི་དེ་ཡིན་བཤད། །གཞོན་ནུའི་ཚོགས་ཀྱི་རྗེས་འབྲང་ཞིང་། །གཅེར་བུ་སྐྲ་ནི་གྱེན་དུ་བརྫེས། །ཡིད་མི་བདེ་ཞིང་དུས་ཚིགས་ནི། །ཡུན་རིང་གྱུར་པའི་གདོན་དེ་སྤང་། །ཡན་ལག་བརྒྱད་པའི་
[257a.5]སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་སྟེ་བཞི་པའོ།། །།དེ་ནས་གདོན་གསོ་པ་བཤད་པར་བྱའོ། །འབྱུང་པོའི་འཚེ་བ་མི་འདོད་དང་། །བཟླས་དང་སྦྱིན་སྲེག་གཏོར་མ་དང་། །བརྟུལ་ཞུགས་ཚུལ་ཁྲིམས་མཉམ་
[257a.6]འཇོག་དང་། །སྦྱིན་ཤེས་བརྩེ་ལ་སོགས་པས་བསལ། །ཤིང་ཀུན་བ་བླ་ཚ་བ་གསུམ། །གླ་རྩི་སྒོག་སྐྱ་ཨརྐའི་རྩ། །སྤང་སྤོས་ཨ་ཟ་ལོ་མི་དང་། །ལ་བ་འབམ་པོ་ཀུ་ཀུ་ཏི། །ཤུ་དག་གནྡྷ་པྲི་ཡང་ཀུ། །སར་པ་གནྡྷ་ཏིལ་མར་ནི། །
[257a.7]ཀ་ཀ་ཨན་ད་ར་མཉེ་བ། །སྣུ་ཧ་ཀ་ཀ་ཏ་ཤྲིང་གི། །སླེ་ཏྲེས་མ་ཧཱ་ན་བ་ལི། །ཡུངས་ཀར་དང་ནི་ལིག་བུ་མིག །གདོན་འཇོམས་སྨན་ནི་གཞན་དག་དང་། །བོང་བུ་རྟ་དང་ཁྱི་ལུག་དང་། །རྔ་མོ་གོ་ད་དྲེད་དང་ནི། །སྲེ་མོ་རེག་འཇམ་བྱི་ལ་གུང་། །བ་
[257b]
[257b.1]ལང་སེང་གེ་སྟག་དང་ནི། །རྒྱ་མཚོ་ཡི་ནི་སྲོག་ཆགས་ཀྱི། །པགས་པ་མཁྲིས་པ་སེན་མོ་སོ། །སྡེ་ཚན་འདི་དང་མར་རྙིང་ངམ། །ཏིལ་མར་དང་ནི་བསྐོལ་བ་དག །བཏུང་དང་སྣར་ནི་བླུགས་པ་དང་། །བསྐུ་བའི་དོན་དུ་སྦྱར་བྱ་ཞིང་། །འདི་དག་ཕྱེ་
[257b.2]མས་བདུག་པར་བྱ། །འདི་ཡི་རི་ལུ་བྱས་ནས་ནི། །མིག་སྨན་སྣ་སྨན་བྱ་བ་དང་། །འདི་ཡི་ལྡེ་གུས་བྱུགས་པ་དང་། །བསྐོལ་བའི་ཁུ་བ་བླུགས་པར་བྱ། །སྦྱོར་བ་འདི་ཡིས་སྨྱོ་བྱེད་དང་། །བརྗེད་བྱེད་བཅས་པའི་གདོན་ཞི་བྱེད། །ཉུངས་
[257b.3]ཀར་ཧ་ཏི་པི་པི་ལིང་། པི་པི་ལིང་རྩ་ཆེ་བ་གསུམ། །སྐྱུ་རུ་ར་དང་གོ་ད་དང་། །སྲེ་མོ་བྱི་ལ་རྩ་ཤ་ཡི། །མཁྲིས་པ་དང་བཏགས་སྣ་སྨན་དང་། །བསྐུ་བྱུག་བྱུགས་སོགས་བྱས་གདོན་འཇོམས། །ཉུངས་ཀར་ཤུ་དག་ཤིང་ཀུན་དང་། །པྲི་ཡང་
[257b.4]ཀུ་དང་སེར་པོ་གཉིས། །གི་རི་ཀརྞི་དཀར་ནག་གཉིས། །འབྲས་བུ་གསུམ་དང་ཤྭེ་ཏ་དང་། །ནིམ་པའི་ལོ་མ་ཀ་རཉྫ། །ཤྲི་ཤ་གཉིས་དང་ས་བོན་དང་། །ཐང་ཤིང་དང་ནི་ཚ་བ་གསུམ། །མར་དང་བ་གཅིན་དེ་བཞི་འགྱུར། །བསྐོལ་བ་
[257b.5]དོན་གྲུབ་ཅེས་བྱ་སྟེ། །བཏུང་དང་སྣར་བླུགས་ལས་སྦྱར་ན། །གདོན་ནི་ཐམས་ཅད་མྱུར་འཇོམས་བྱེད། །མཆོག་ཏུ་ལྷ་མིན་གདོན་སེལ་བྱེད། །བརྗེད་བྱེད་དུག་དང་བཀྲ་མི་ཤིས། །སྨྱོ་བྱེད་གཤེད་བྱེད་རིམས་རྣམས་འཇོམས། །སྨན་དེ་ཉིད་ནི་
[257b.6]ར་ཐུག་གི། །གཅིན་དང་སྦྱར་ཏེ་བླུད་པ་དང་། །སྣར་བླུགས་མིག་སྨན་བྱུགས་པ་དང་། །ཁྲུས་དང་དྲིལ་བ་ལ་སྦྱར་བ། །སྔར་བཤད་ཡོན་ཏན་དེ་འདྲ་ཞིང་། །རྒྱལ་པོའི་སྒོར་ཡང་དོན་གྲུབ་བྱེད། །ཉུངས་ཀར་ཤུ་དག་ཚ་བ་གསུམ། །ཨ་
[257b.7]ཤྭ་གནྡྷ་སེར་པོ་གཉིས། །ཤིང་ཀུན་ཀུན་དོང་རྩ་བ་དང་། །ཀརཉྫ་ཡི་ས་བོན་དང་། །ཤྲི་ཤ་ཡི་མེ་ཏོག་དང་། །ཀ་བིད་ཐ་ཡི་འབྲས་བུ་དང་། །རྒྱམ་ཚ་རུ་རྟ་རྒྱ་སྤོས་དང་། །གི་རི་ཀརྞི་དཀར་པོ་དང་། །སོ་ན་ཀ་ཡི་རྩ་བར་གནས། །ར་
[258a]
[258a.1]གཅིན་དག་དང་ལེགས་བསྒོས་ཤིང་། །བ་ལང་མཁྲིས་པ་བུ་རམ་དང་། །རི་ལུ་བྱས་པའི་སྦྱོར་བ་དེ། །མིག་བསྐུས་སྣར་བླུགས་བསྐུ་བྱས་ན། །སྨྱོ་བྱེད་རྨ་ནི་རེད་པ་དང་། །མཚན་མོ་མི་མཐོང་མུན་འཐིབས་བྱེད། །བགེགས་དང་
[258a.2]ལུས་ཆུར་ནུབ་པས་བརྒྱལ། །དུག་བསྐུས་མདའ་ཡིས་ཕོག་པ་དང་། །གདུག་པ་སྦྲུལ་གྱིས་ཟིན་པ་སེལ། །རས་བལ་ས་བོན་རྨ་བྱའི་སྒྲོ། །མེ་ཏོག་སྨན་མ་བྲི་ཧ་ཏི། །ཤིང་ཚ་སྤང་སྤོས་པོ་སོན་ཆ། །བྱི་ལའི་རྟུག་པ་ཕུབ་མ་དང་། །ཤུ་དག་མི་
[258a.3]སྐྲ་སྦྲུལ་ལྤགས་དང་། །གླང་པོའི་སོ་དང་གླང་གི་རྭ། །ཤིང་ཀུན་དང་ནི་ན་ལེ་ཤམ། །ཚ་མཉམ་བདུགས་པར་བྱས་པ་ཡིས། །སྐེམ་བྱེད་སྨྱོ་བྱེད་ཤ་ཟའི་རིགས། །སྲིན་པོ་ལྷ་ཡི་གདོན་འཇོམས་མཆོག །གནྡྷ་བྷ་དྲ་ཚ་བ་གསུམ། །གུར་ཀུམ་
[258a.4]པི་པི་ལིང་རྩ་བ། །ཀཎྜ་ཀ་རི་སྐྱེར་པ་དང་། །ཐང་ཤིང་དང་ནི་ཡུངས་ཀར་གཉིས། །བ་ལི་ཀ་དང་དུག་མོ་ཉུང་། །ཙནྡན་དཀར་པོ་རྒྱམ་ཚ་དང་། །འབྲས་བུ་གསུམ་དང་པུ་ཤེལ་ཙེ། །ཤུ་དག་སྤངས་མ་པུ་ཙེ་ཤེལ། །ཙནྡན་དཀར་པོ་བ་ལ་དང་། །
[258a.5]ཤིང་མངར་སུག་སྨེལ་ལྡོང་རོས་དང་། །ཤུག་པ་རྒྱ་སྤོས་ཤྲི་པ་ས། །མ་དུ་ཀ་ཡི་སྙིང་པོ་དང་། །བོང་ང་གཉིས་པོ་པྲི་ཡང་ཀུ། །དབྱི་མོ་རུ་རྟ་སྐྱེར་ཁཎ་དང་། །ཆ་མཉམ་ཞིབ་བཏགས་ལྡེ་གུ་དང་། །མར་རྙིང་གཅིན་ཀུན་ཆ་མཉམ་བསྐོལ། །གདོན་
[258a.6]ཁུས་འདེབས་ཤེས་བྱ་བར་བརྗོད། །དེ་བླུད་གདོན་འཇོམས་མཆོག་ཡིན་ནོ། །རྒྱ་སྤོས་ཤིང་མངར་ཀ་རཉྫ། །རྒྱ་སྐྱེགས་ད་ཏ་པ་ཏོ་ལ། །ཤུ་དག་ཤིང་ཀུན་པ་ཏ་ལ། །ཉུངས་ཀར་ཀཎྜ་ཀ་རི་དང་། །སེར་པོ་གཉིས་དང་པུ་ཙེ་ཤེལ། །རྒྱ་ཤུག་གནྡྷ་
[258a.7]པྲི་ཡང་ཀུ། །ཚ་བ་གསུམ་དང་འབྲས་བུ་གསུམ། །ཐང་ཤིང་སླེ་ཏྲེས་བྱི་དང་ག །ཀོ་ཤ་ཏ་ཀི་ཀ་ཀན་ཏ། །ཤི་ཀྲུ་ནིམ་པ་དུག་མོ་ཉུང་། །ཤྲི་ཤིའི་མེ་ཏོག་ས་བོན་དང་། །གླ་སྒང་རུ་རྟ་དན་ད་དང་། །གི་རི་ཀརྞི་ཙི་ཏྲ་ཀ །བིལ་བ་ཆ་མཉམ་
[258b]
[258b.1]ལྡེ་གུར་བྱས། །མར་རྙིང་ཅན་གྱི་སྡེ་ཚན་བཅས། །བསྐོལ་དེ་ཡུན་རིང་བཞག་པ་དེ། །ཁུས་འདེབས་ཆེན་པོ་ཞེས་བཤད་དོ། །རིམ་པ་ཀུན་གྱིས་སྦྱར་ན་ནི། །གདོན་རྣམས་ཀུན་དང་སྨྱོ་བྱེད་དང་། །མཛེ་དང་རིམས་ནི་མྱུར་དུ་འཇོམས། །གདོན་
[258b.2]ནི་ཉི་མ་གང་གང་ལ། །འཛིན་པའི་ཉི་མ་དེ་དང་དེར། །མཆོག་ཏུ་སྦྱིན་སྲེག་གཏོར་མ་སོགས། །སྨན་པས་རབ་ཏུ་འབད་དེ་བྱ། །ཁྲུས་དང་གོས་དང་ཤ་དང་ཚིལ། །ཆང་དང་མར་དང་བུ་རམ་སྩོགས། །གང་ཞིག་གང་ལ་སྲེད་གྱུར་པ། །དེ་ཚེ་
[258b.3]དེ་ནི་དེ་ལ་སྦྱིན། །རིན་ཆེན་དྲི་དང་ཕྲེང་བ་དང་། །ས་བོན་མར་དང་སྦྲང་རྩི་དང་། །ཟས་ཀུན་ཀུན་ལ་སྦྱིན་བྱ་སྟེ། །འདི་ནི་སྤྱི་ཡི་ཆོ་གའོ། །ལྷ་དང་བླ་མ་དྲང་སྲོང་རྒན། །གྲུབ་པ་ལྷ་ཡི་གནས་སུ་སྦྱིན། །དེ་ཡང་ལྷ་ཡི་གདོན་ལ་ནི། །བྱང་གི་ཕྱོགས་
[258b.4]སུ་གཏོར་མ་སྦྱིན། །ལྷ་མིན་གདོན་ལ་ཅི་འདོད་པར། །མཚམས་ཀྱི་གནས་སུ་ནུབ་ཏུ་སྦྱིན། །དྲི་ཟའི་གདོན་ལ་བ་ལང་ངམ། །གོས་དང་རྒྱན་བཅས་གཏོར་མ་སྦྱིན། །མཚུན་ལྷ་ཀླུ་གདོན་འབབ་ཆུའི་འགྲམ། །ཀླུ་ལ་ཤར་ལྷོ་མཚམས་སུ་སྦྱིན། །
[258b.5]གནོད་སྦྱིན་རང་གི་གནས་སམ་ནི། །ཆུ་གཉིས་འདུས་པའི་གནས་སུ་སྦྱིན། །སྲིན་པོར་ལམ་གྱི་བཞི་མདོའམ། །ཚང་ཚིང་འཇིགས་སུ་རུང་བར་སྦྱིན། །སྲིན་པོ་ལྷོ་ཡི་ཕྱོགས་སུ་སྦྱིན། །ཚངས་པའི་སྲིན་པོར་ཤར་དུ་སྦྱིན། །ཤ་ཟ་ལ་ནི་ཁང་སྟོང་
[258b.6]དུ། །ནུབ་ཕྱོགས་སུ་ནི་གནས་ཏེ་སྦྱིན། །ཕྲེང་བ་གཙང་ཞིང་དཀར་པོ་དང་། །དྲི་དང་འོ་ཐུག་འབྲས་ཆན་དང་། །ཞོ་དང་གདུགས་ནི་དཀར་པོ་དག །ལྷ་རྣམས་ཀྱི་ནི་གཏོར་མར་འདོད། །ཤིང་ཀུན་ཉུངས་ཀར་ཤུ་དག་དང་། །ཚ་བ་གསུམ་ནི་སྲང་
[258b.7]ཕྱེད་ཕྱེད། །མར་བྲེ་གང་དང་བ་ཡི་གཅིན། །བཞི་འགྱུར་དང་ནི་ལྷན་ཅིག་བསྐོལ། །དེ་བཏུང་སྣར་བླུགས་བསྐུས་པ་ཡིས། །ལྷ་ཡི་གདོན་ལས་ཐར་བར་བྱེད། །ཤུ་དག་ཤིང་ཀུན་སྒོག་སྐྱ་རྣམས། །ར་གཅིན་སྦྱར་བ་སྣར་བླུགས་དང་། །མིག་
[259a]
[259a.1]བསྐུས་ལྷ་ཡི་གདོན་ལས་ཐར། །ལྷ་མིན་གཏོར་མ་འབྲས་བུ་ནི། །མང་པོ་དག་དང་པུ་ཤེལ་ཙེ། །ཀླུ་ཡི་གདོན་ལ་ཛཱ་ཏི་དང་། །འབྲས་ཡོས་བུ་རམ་སྣུམ་ཁུར་དང་། །འབྲས་ཆན་བུ་རམ་བཅས་པ་དང་། །ཟས་མཆོག་འོ་མ་
[259a.2]སྦྲང་རྩི་དང་། །ས་ནག་ནཱ་ག་གེ་སར་དང་། །ཤུ་དག་པདྨ་པུ་ཤེལ་ཙེ། །ཨུཏྤལ་པདྨ་དམར་པོ་ཡི། །འདབ་མར་བཅས་པའི་གཏོར་མ་སྦྱིན། །སེང་ཕྲོམ་ལོ་མ་དཀར་པོ་དང་། །རྒྱ་སྦོས་ནཱ་ག་གེ་སར་དང་། །ཉུངས་ཀར་ཆུ་གྲང་ལ་བཏགས་པས། །
[259a.3]སྣར་བླུགས་མིག་ཏུ་བསྐུས་པའང་ཕན། །གནོད་སྦྱིན་གདོན་ལ་འོ་མ་ཞོ། །མར་དང་འབྲས་ཆན་བསྲེས་པ་དང་། །གུ་གུལ་པདྨ་ཐང་ཤིང་དང་། །པུ་ཤེལ་ཙེ་དང་གོས་དང་གསེར། །དབྱིག་ནི་གཏོར་མར་སྦྱིན་པར་བྱ། །མར་དང་འོ་མ་བ་གཅིན་ནི། །ཆ་མཉམ་
[259a.4]བསྐོལ་བ་བཏུང་བ་དང་། །སྣར་བླུགས་ལུས་ལ་བསྐུས་ན་ཕན། །ཨ་རུ་ར་དང་སེར་པོ་གཉིས། །སྒོག་སྐྱ་ཤུ་དག་ན་ལེ་ཤམ། །ནིམ་པའི་ལོ་མར་གཅིན་བཏགས། །ལྡེ་གུས་སྣ་སྨན་མིག་སྨན་བྱ། །ཚངས་པ་སྲིན་པོའི་གཏོར་མ་ནི། །ནས་བྲེ་བཞི་ནི་བཙོས་
[259a.5]པ་ཡིས། །ཆུ་བྲེ་བཅུ་དྲུག་ཏིལ་བཏགས་བསྲེས། །གདུགས་དང་གོས་དང་བྱུག་པ་སྦྱིན། །སེང་ལྡེང་སྲང་ནི་ཉི་ཤུ་དང་། །ཚ་བ་གསུམ་དང་འབྲས་བུ་གསུམ། །ཤིང་ཀུན་ཤུ་དག་ཤུ་ཏི་དང་། །ཉུངས་ཀར་ནིམ་པའི་ལོ་མར་བཅས། །སྒོག་སྐྱ་སྲང་ནི་ཕྱེད་ཕྱེད་
[259a.6]དང་། །ཞུན་མར་ཕུལ་ནི་བདུན་དག་དང་། །བ་གཅིན་སུམ་འགྱུར་བསྐོལ་བ་དེ། །བཏུང་དང་སྣར་བླུགས་བསྐུས་ན་ཕན། །སྲིན་པོའི་གདོན་ལ་ཏིལ་ཕྱེ་དང་། །མེ་ཏོག་དཀར་པོ་འབྲས་ཆན་བསྲེས། །ཤ་བཙོས་རྗེན་པ་ནིམ་པ་ལ། །ཁྲག་དང་བཅས་པའི་
[259a.7]གཏོར་མ་སྦྱིན། །ནག་ཏ་མ་ལ་ཤྲི་ཤ་ཡི། །ཤུན་ལྤགས་མེ་ཏོག་འབྲས་བུ་དང་། །དེ་བཞིན་པ་ཏ་ལ་ནག་པོ། །བིལ་བའི་རྩ་བ་ཚ་བ་གསུམ། །ཤིང་ཀུན་ཉུངས་ཀར་དུག་མོ་ཉུང་། །སྒོག་སྐྱ་སྐྱུ་རུ་རའི་འབྲས་བུ། །ར་གཅིན་དང་ནི་སྦྱར་བའི་སྨན། །
[259b]
[259b.1]སྣར་བླུགས་མིག་ཏུ་བྱུགས་ནའང་ཕན། །འདི་དག་ཉིད་དང་མར་གྱིས་ནི། །བཞི་འགྱུར་བ་གཅིན་བསྐོལ་བ་ནི། །བཏུང་དང་སྣར་བླུགས་བསྐུས་པ་ཡིས། །སྲིན་པོའི་གདོན་ནི་ཟློག་པར་བྱེད། །ཤ་ཟ་ལ་ནི་བུ་རམ་ཆང་། །ཏིལ་ཚིག་ཏིལ་གྱི་ཕྱེ་མ་
[259b.2]ཞོ། །ལ་ཕུག་ལན་ཚྭ་ཕྱེ་ཟན་མར། །འབྱུང་པོ་འབྲས་ཆན་གཏོར་མ་སྦྱིན། །སེར་པོ་རྣམ་གཉིས་རྒྱམ་ཚ་བཙོད། །ཤུ་ཏི་དོང་གྲ་པྲི་ཡང་ཀུ། །ཤིང་ཀུན་སྒོག་སྐྱ་ཚ་བ་གསུམ། །འབྲས་བུ་གསུམ་དང་པ་ཏ་ལི། །ཤུ་དག་གི་རི་ཀརྞི་དཀར། །ཤི་རི་
[259b.3]ཤ་ཡི་མེ་ཏོག་དམར། །བ་གཅིན་བཞི་ཆ་བཅས་པར་བསྐོལ། །བཏུང་དང་བསྐུ་བ་བྱས་ན་ཕན། །ཡང་ན་དེ་ཉིད་ར་གཅིན་བཏགས། །མིག་བསྐུས་སྣར་ནི་བླུགས་པ་ཕན། །ལྷ་དང་དྲང་སྲོང་མཚུན་ལྷ་དང་། །དྲི་ཟའི་གདོན་ལ་སྣ་སྨན་སྩོགས། །རྣོན་
[259b.4]པོ་བཏང་བར་མི་བྱ་ཞིང་། །འདི་ལ་ཞུན་མར་བཏུང་ལ་སོགས། །སྨན་ནི་འཇམ་པོ་སྤྱད་པར་བྱ། །ཤ་ཟ་མ་གཏོགས་ཐམས་ཅད་ལ། །མི་མཐུན་སྦྱིན་པར་མི་བྱ་སྟེ། །མཐུ་སྟོབས་ཆེ་བ་དེ་ཁྲོས་ནས། །ནད་པ་སྨན་པ་བཅས་གསོད་བྱེད། །འཕགས་
[259b.5]པ་སྤྱན་རས་གཟིགས་དབང་ཕྱུག །མགོན་པོ་ཕྱག་ནི་བཅུ་གཉིས་པ། །ནད་ཀུན་གསོ་བར་མཛད་པ་ཡི། །སྔགས་བཟླས་ན་ནི་ནད་ཀུན་སེལ། །དེ་བཞིན་སྨྱོ་བྱེད་བརྗེད་བྱེད་དང་། །གཞན་ཡང་སེམས་འཁྲུལ་བྱེད་པ་འཇོམས། །རིག་སྔགས་
[259b.6]རྒྱལ་མོ་རྨ་བྱ་ཆེ། །གཙང་བྱས་དེ་ལ་རྟག་ཏུ་བསྒྲགས། །འབྱུང་པོའི་བདག་པོ་ལྷ་ཆེན་དང་། །དེ་ཡི་འཁོར་གྱི་ཚོགས་མཆོད་ཅིང་། །དེ་ཡི་སྔགས་གྲུབ་བཟླས་ན་ཡང་། །གདོན་ནི་ཐམས་ཅད་སེལ་བར་བྱེད། །གང་ཡང་འོག་ནས་བཤད་པ་ཡི། །
[259b.7]ལེའུ་གཉིས་ལས་སྨོས་པ་དང་། །གང་འདིར་བཤད་པ་དེ་དག་ཀུན། །ཕན་ཚུན་སྦྱོར་བ་བྱས་ན་ཕན། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་སྟེ་ལྔ་པའོ།། །།དེ་ནས་སྨྱོ་བྱེད་གསོ་བའི་ལེའུ་བཤད་པར་བྱའོ། །
[260a]
[260a.1]སྨྱོ་བྱེད་ནད་གཞི་རེ་རེ་དང་། །འདུས་སྩོགས་དུག་ལས་གྱུར་པ་དྲུག །སྨྱོ་བྱེད་ཅེས་བྱ་ལུས་དང་ནི། །སེམས་ཀྱི་ནད་ལམ་ལོག་པ་རུ། །ཞུགས་པས་སྨྱོས་པར་གྱུར་པ་ཡིན། །བཟའ་བཏུང་གནོད་པ་དག་དང་ནི། །སྙིང་དང་མ་གོམས་དྲི་མར་བཅས། །
[260a.2]མང་ཉུང་མ་སྙོམས་བསྟེན་པ་དང་། །ཡིད་ཞུམ་སྙིང་སྟོབས་ཆུང་བ་དང་། །ནད་ཀྱི་ཤུགས་ཀྱིས་དཀྲུགས་པ་དང་། །རིད་ཅིང་སྤྱོད་པ་མ་སྙོམས་དང་། །མཆོད་འོས་མཆོད་པར་མི་བྱེད་དང་། །སེམས་ལས་ཀྱིས་ནི་སེམས་ཉམས་དང་། །དུག་དང་ཉེ་བའི་དུག་ལས་གྱུར། །འདི་ཡིས་
[260a.3]སྙིང་སྟོབས་ཞན་པ་ཡི། །སྙིང་གི་ནད་ལ་གནོད་བྱས་ཏེ། །བློ་ནི་དྲི་མ་ཅན་བྱས་ཏེ། །ཡིད་རྒྱུ་བ་ཡི་ལམ་བཀག་ནས། །སྨྱོ་བྱེད་དག་ནི་སྐྱེད་པར་བྱེད། །དེ་ཡིས་བློ་དང་རྣམ་ཤེས་དང་། །དྲན་པ་འཁྲུལ་ཞིང་ལུས་ཀྱི་ནི། །བདེ་དང་སྡུག་བསྔལ་ལས་ཉམས་ཏེ། །ཤིང་རྟ་
[260a.4]ཁ་ལོ་སྒྱུར་བ་ནི། །མེད་པ་ལྟ་བུར་རྩོམ་པ་ནི། །ཀུན་ཀྱང་བསམ་པ་མེད་པར་སྤྱོད། །དེ་ལ་རླུང་གྱུར་ལུས་སྦེག་ཅིང་། །རྒྱུ་མེད་ངུ་ཞིང་ཚིག་རྩུབ་སྨྲ། །དགོད་དང་འཛུམ་དང་གར་བྱེད་དང་། །གླུ་ལེན་རོལ་མོ་བྱེད་པ་དང་། །ལུས་བསྐྱོད་ཕེག་ནི་རྡོབ་པ་དང་། །གླིང་བུ་
[260a.5]པི་ཝང་ལ་སོགས་ཀྱི། །སྒྲ་ཡི་ལད་མོ་ཡང་ཡང་ཟློས། །རྒྱུན་དུ་ཁ་ནས་ལྦུ་བ་འཛག །ཕན་ཚུན་རྒྱུག་ཅིང་མང་དུ་སྨྲ། །རྒྱན་མིན་པས་ནི་རྒྱན་དུ་བྱེད། །བཞོན་པ་མིན་པས་འགྲོ་བ་རྩོམ། །ཁ་ཟས་ལ་ནི་གདུ་བར་བྱེད། །དེ་རྙེད་ན་ནི་མི་འདོད་བྱེད། །མིག་ཟླུམ་མིག་ནི་
[260a.6]དམར་བ་དང་། །ཁ་ཟས་ཞུ་ནས་ནད་ལྡང་འགྱུར། །མཁྲིས་ལས་སྤྱོ་ཞིང་ཁྲོ་བ་དང་། །ཁུ་ཚུར་བོང་བ་རྡེག་ཅིང་རྒྱུག །གྲིབ་མ་ཆུ་ནི་གྲང་མོ་འདོད། །གཅེར་བུར་འདུག་ཅིང་ལུས་མདོག་སེར། །མེད་པར་མེ་ནི་འབར་བ་དང་། །སྐར་མ་མར་མེ་མཐོང་བའོ། །བད་ཀན་སློན་
[260a.7]ཞིང་ཡི་ག་འཆུས། །ཁ་ཟས་རྩོལ་དང་སྨྲ་བ་ཉུང་། །བུད་མེད་འདོད་ཅིང་དབེན་ལ་དགའ། །ཁ་ཆུ་སྣབས་ནི་འཛག་པ་དང་། །འཇིགས་རུང་གཙང་སྦྲ་ལ་མི་དགའ། །གཉིད་ཆེ་གདོང་ནི་སྐྲངས་པ་དང་། །ནུབ་མོ་ཤེས་ཆེར་སྨྱོ་བ་དང་། །ཟོས་མ་ཐག་ཏུ་ལྡང་བ་ཡིན། །
[260b]
[260b.1]འདུས་པའི་རྒྱུ་དང་མཚན་མ་ནི། །ཀུན་ལྡན་དེ་ཡི་བདག་ཉིད་ཅན། །སྨྱོ་བྱེད་མི་བཟད་པར་ཤེས་བྱ། །དེ་ནི་སྨན་པས་ཡོངས་སུ་སྤང་། །ནོར་དང་ཆུང་མ་ལ་སོགས་བྲལ། །བརྣག་དཀའ་བ་ལས་སེམས་གདུང་བས། །སྨྱོ་ཞིང་ཞུམ་ལ་ཡང་ཡང་བརྒྱལ། །
[260b.2]ཀྱི་ཧུད་ཀྱི་ཧུད་སྨྲེ་སྔགས་འདོན། །གློ་བུར་དུ་ནི་ངུ་ཞིང་བརྒྱལ། །དེ་ཡི་ཡོན་ཏན་མང་དུ་སེམས། །མྱ་ངན་གྱིས་གདུངས་སེམས་ཁོང་ཆུད། །གཉིད་ཡར་རྣམ་པར་འཁྱམས་པ་ཡིན། །དུག་གིས་གདོང་ནི་སྔོ་བ་དང་། །གཟི་ཉམས་དབང་པོ་སྟོབས་ཆུང་བ། །
[260b.3]ཤུགས་ཀྱི་བར་དུའང་འཁྲུལ་བར་བྱེད། །མིག་དམར་དེ་ནི་སྤང་བར་བྱ། །དེ་ནས་རླུང་གྱུར་སྨྱོ་བྱེད་ལ། །དང་པོ་སྣུམ་གྱི་བཏུང་བ་བླུད། །ལམ་འགགས་གྱུར་ལ་དང་པོར་ནི། །སྣུམ་བཅས་སྦྱང་བ་འཇམ་པོ་བྱ། །བད་ཀན་མཁྲིས་གྱུར་དང་པོ་ནི། །སྣུམ་དང་
[260b.4]དུགས་བྱ་སྐྱུག་སྨན་དང་། །བཀྲུ་སྨན་མས་གཏོང་བྱས་པ་དང་། །མགོ་བོའི་བཀྲུ་སྨན་དག་ཀྱང་བྱ། །དེ་ལྟར་ལུས་ནི་དག་བྱས་ན། །ཡིད་ནི་དྲན་པ་རྙེད་པར་འགྱུར། །དེ་ལྟ་ན་ཡང་རྗེས་འབྲངས་ན། །སྣ་སྨན་མིག་སྨན་རྣོན་པོ་གཏང་། །སེམས་དགའ་
[260b.5]དབུགས་འབྱུང་སྐྲག་པ་དང་། །འཇིགས་དང་རྡེག་དང་སྡིགས་མོ་བྱེད། །ལུས་དྲིས་བྱུགས་དང་བསྐུ་བ་དང་། །དུད་རྔུབ་སྨན་མར་བླུད་པ་དག །སྦྱར་ཏེ་དེ་ནི་དགའ་འགྱུར་ན། །ཡིད་ནི་ཐ་མལ་པ་ལ་སྦྱར། །ཤིང་ཀུན་དང་ནི་རྩབ་རུ་ཚ། །ཚ་བ་གསུམ་ནི་སྲང་
[260b.6]གཉིས་གཉིས། །མར་བྲེ་བཞི་ནི་བ་གཅིན་བཅས། །བསྐོལ་བས་སྨྱོ་བྱེད་འབྱུང་པོ་དང་། །བརྗེད་བྱེད་གདོན་ནི་སེལ་མཆོག་ཡིན། །བྲམྷིའི་བསྐོལ་ཁུ་བྲེ་དོ་དང་། །མར་བྲེ་གང་དང་ཚ་བ་གསུམ། །ཤྱ་མ་དུར་བྱིད་བིམ་པ་དང་། །ཤང་ཀ་པུཥྤ་དོང་ག་དང་། །སཔྟ་ལ་
[260b.7]དང་བྱི་དང་ག །ཞོ་ནི་གཉིས་གཉིས་ལྡེ་གུ་བསྐོལ། །པྲམྟིའི་སྨན་མར་ཞེས་བཤད་དེ། །མར་ནི་སྲང་རེས་བསྐྱེད་དེ་བཏང་། །ཆེ་ཚད་སྲང་བཞིའི་མར་པོས་ན། །སྨྱོ་བྱེད་བརྗེད་བྱེད་མཛེ་ཡི་ནད། །སེལ་ཞིང་མོ་གཤམ་བུ་སྐྱེད་བྱེད། །སྐད་སྙན་ཚིག་གསལ་དྲན་པ་དང་། །
[261a]
[261a.1]ཡིད་གཞུངས་དཔལ་ནི་སྐྱེད་པར་བྱེད། །འབྲས་བུ་གསུམ་དང་བྱི་དང་ག །པ་ཏྲ་ཨེ་ལ་ཐང་ཤིང་དང་། །ཨེ་ལ་བ་ལུ་ཀ་དང་ནི། །ཐལ་ཏྲེས་རྣམ་གཉིས་སེར་པོ་གཉིས། །སྠི་ར་རྣམ་གཉིས་པྲི་ཡང་ཀུ། །རྒྱ་སྤོས་རུ་རྟ་བྲི་ཧ་ཏི། །ནཱ་
[261a.2]ག་གེ་སར་དོང་ག་བཙོད། །སེའུ་འབྲུ་བལ་བུའི་ལོ་མ་དང་། །ཛཱ་ཏི་ཁ་འབུས་བྱི་དང་ག། །དན་ད་ཤུ་དག་ཨུཏྤ་ལ། །ཙནྡན་དཀར་པོ་ཞོ་གཉིས་ནི། །ཞུན་མར་བྲེ་གང་བཅས་བསྐོལ་བ། །དགེ་བའི་སྨན་མར་ཞེས་བཤད་འདིས། །འབྱུང་པོའི་གདོན་དང་
[261a.3]སྨྱོ་བྱེད་དང་། །བརྗེད་བྱེད་ལུད་པ་སྡིག་ཅན་འཇོམས། །སྐྱ་རྦབ་གཡན་པ་སྐེམ་དང་དུག །རྨོངས་བག་གཅིན་སྙི་དབྱིག་དུག་རིམས། །ཁུ་བ་མེད་པའམ་བུ་མེད་པའམ། །དྲན་པ་གདོན་གྱིས་བརླབས་པ་དང་། །ཡིད་གཞུངས་མེད་ཅིང་ཚིག་འཁྲུལ་དང་། །དྲན་
[261a.4]ཉམས་མེ་དྲོད་ཆུང་ལ་ཕན། །སྟོབས་སྐྱེད་བཀྲ་ཤིས་ཚེ་རིང་ཞིང་། །མདངས་སྐྱེ་སྐལ་ལྡན་ལུས་རྒྱས་ཆེ། །བུ་སྐྱེད་བྱེད་པའི་མཆོག་ཡིན་ནོ། །འདི་ལ་ཐལ་ཏྲེས་རྣམ་གཉིས་སོགས། །ཉི་ཤུ་རྩ་གཅིག་ཆུ་དང་བསྐོལ། །དེ་ཡི་ཁུ་བ་མར་དང་བ། །ལན་ཅིག་
[261a.5]སྐྱེས་འོ་བཞི་འགྱུར་དང་། །མེད་རྣམ་གཉིས་ར་མཉེ་བ། །བུང་ཚང་རྡོ་དང་ཁ་སྲལ་ཕྲེའུ། །བུ་རམ་ཤིང་དང་པརྞི་གཉིས། །བསྐོལ་བ་ཡི་ནི་སྨན་མར་འདི། །དགེ་བ་ཆེན་པོ་ཞེས་བྱ་སྟེ། །བརྟས་བྱེད་འདུས་པའི་ནད་འཇོམས་ཤིང་། །སྔ་མ་བས་ཀྱང་ཡོན་ཏན་ལྷག །
[261a.6]སྤང་སྤོས་བུ་ཏ་ཀེ་ཤི་དང་། །ཆུ་རྩ་ཤུ་དག་ཁ་སྲལ་པྲེའུ། །ཀྱི་ལྕེ་བ་དང་རམ་ཉེ་བ། །ཙ་རོང་ཛ་ཡ་པུ་ཙེ་ཤེལ། །སླེ་ཏྲེས་ཙ་ཏྲ་པ་ར་ཧ། །ཨ་ཏི་ཙ་ཏ་ས་ཏ་ལ། །མ་ཧཱ་པུ་རུ་ཤ་དན་དང་། །ན་གུ་ལི་གཉིས་སྐྱུ་རུ་ར། །བྲི་ཀ་ལ་ཀ་དམ་པ། །སཱ་ལ་པརྞི་བཅས་
[261a.7]བསྐོལ་མར། །ཤ་ཟ་ཆེན་པོའི་མར་ཞེས་བྱ། །དེས་ནི་ཉིན་བཞི་པའི་རིམས་དང་། །སྨྱོ་བྱེད་བརྗེད་བྱེད་གདོན་འཇོམས་ཤིང་། །བློ་དང་ཡིད་གཞུངས་དྲན་པ་སྐྱེད། །བྱིས་པ་རྣམས་ཀྱི་ལུས་འཕེལ་བྱེད། །བདུད་རྩི་དང་ནི་འདྲ་བ་ཡིན། །བྲམྷི་ཨིནྡྲ་བྱི་དང་ཀ །ཤིང་ཀུན་
[261b]
[261b.1]སྤང་སྦོས་མུར་བ་དང་། །ར་སྣ་སྒོག་སྐྱ་བོང་ང་དཀར། །ཤུ་དག་བྱེའུ་རུག་བི་ཤ་ལ། །ནཱ་ག་དན་ཏི་བྱི་ཚེར་བ། །ཛོ་ཏི་སྨ་ཏི་ཚ་བ་གསུམ། །ཨ་རུ་ར་དང་ས་ནག་རྣམས། །གླང་པོའི་གཅིན་བཏགས་རི་ལུར་བྱས། །གྲིབ་བསྐམས་སྣར་བླུགས་མིག་བསྐུ་ཞིང་། །
[261b.2]ལུས་བསྐུས་སྤོས་བདུགས་སྨྱོ་བྱེད་སེལ། །ཉུངས་ཀར་དང་ནི་སྦྱར་བ་ཡི། །སྣ་སྨན་རྣམ་པ་སྣ་ཚོགས་ཕན། །ཉུངས་མར་གྱིས་ནི་ལུས་བསྐུ་དང་། །ཉུངས་ཀར་ཕྱེ་མ་སྣར་བུད་བྱ། །མདོ་གནས་བསྟན་པའི་ཆོ་ག་བཞིན། །དུང་རྣོན་ཤིང་ཀུན་བཅས་པ་ཕན། །
[261b.3]ཝ་དང་རེག་འཇམ་འུག་པ་དང་། །བྱི་བ་ར་ཐུག་ཛ་ཏི་ཀའི། །གཅིན་དང་རྟུག་པ་སྤུ་དང་ནི། །པགས་པ་མཁྲིས་པ་སེན་མོ་དང་། །སྤོས་བདུགས་མིག་སྨན་ལུས་བསྐུ་དང་། །བྱུགས་དང་བླུགས་པ་བཤད་པར་བྱ། །བད་ཀན་རླུང་གྱུར་ལ་ཕལ་ཆེར། །
[261b.4]ཁྱི་དང་བ་ལང་ཉ་ཤ་ནི། །རུལ་བའི་བདུག་པས་བདུག་པར་བྱ། །མཁྲིས་གྱུར་ལ་ནི་ཏིག་ཏའི་མར། །འཚོ་བྱེད་སྣུམ་ནི་གཉིས་ཀྱི་མར། །བཟའ་དང་བཏུང་བ་བསིལ་བ་དང་། །མངར་བ་དང་ནི་ཡང་བ་བསྔགས། །ཇི་སྐད་བཤད་པའི་གཏར་ག་གདབ། །
[261b.5]ཡང་ན་ཤ་ཚོན་གྱིས་འགྲངས་བྱ། །དེ་འོག་རླུང་མེད་གནས་བསྙལ་ནས། །སེམས་མྱོས་པ་ལས་ཐར་བར་འགྱུར། །ཁྲོན་པའི་ཆུ་ནི་ཉུང་བར་གཞུག །ལྟོགས་པ་ཉིད་དུ་བྱས་ཏེ་བསྐམས། །དེ་ལ་ཆོས་དང་ནོར་ལྡན་པའི། །གཏམ་སྙན་མཛའ་བོས་སེམས་
[261b.6]དགའ་བྱ། །ཡང་ན་སྡུག་དང་བྲལ་བའམ། །རྨད་དུ་བྱུང་བ་བསྟན་པའམ། །བཅིངས་ལ་ཡུངས་མར་གྱིས་བསྐུས་ཏེ། །ཉི་ཚན་ལ་ནི་གན་རྐྱལ་གཞག །ཁ་སྲལ་ཕྲེའུའམ་ལྕགས་ཚའམ། །ཏིལ་མར་ཆུ་ཚན་གྱིས་རེག་བྱ། །ཡང་ན་ལྕག་གིས་
[261b.7]གཞུས་ནས་ནི། །བཅིངས་ཏེ་གཡང་སར་སྐྱུར་བར་བྱ། །ཡང་ན་རྡོ་དང་མཚོན་མེད་པའི། །མུན་ཁང་མི་ནི་མེད་པར་གཞུག །མཆེ་བ་སྟོན་པའི་སྦྲུལ་དང་ནི། །གླང་དང་སེང་གེ་གླང་པོ་ཆེས། །དེ་ནི་སྐྲག་ཏུ་གཞུག་པའམ། །ཡང་ན་རྒྱལ་པོའི་སྐྱེས་བུ་
[262a]
[262a.1]ཡིས། །དམ་དུ་བཅིངས་ཏེ་ཕྱིར་ཕྱུང་ནས། །རྒྱལ་པོའི་བཀའ་ཡིས་བསྡིགས་པ་དང་། །འདི་བསད་བྱ་ཞེས་སྐྲག་ཏུ་གཞུག །ལུས་ཀྱི་སྡུག་བསྔལ་འཇིགས་པ་བས། །སྲོག་གི་འཇིགས་པར་རབ་འཇིགས་པས། །དེ་ཕྱིར་ཀུན་ཏུ་འཁྲུལ་
[262a.2]པའི་ཡིད། །ཉེ་བར་ཞི་བ་ཉིད་དུ་འགྱུར། །གྲུབ་པའི་སྦྱོར་བ་འདི་དག་ནི། །ནད་དམིགས་དུས་སོགས་ལྟོས་ཏེ་བྱ། །སྡུག་དང་ནོར་དང་བྲལ་བ་ལས། །གང་གི་ཡིད་ལ་གནོད་གྱུར་པ། །དེ་ལ་དེ་འདྲ་རྙེད་གྱུར་པའི། །སྤྲོ་བསྲིང་དབུགས་དབྱུང་བ་ཡིས་གསོ། །
[262a.3]འདོད་དང་མྱ་ངན་འཇིགས་པ་དང་། །ཁྲོ་དང་འཇིགས་པ་ཆང་ལས་གྱུར། །གཉིས་དག་གིས་ནི་གཅིག་ལ་གཅིག །དེ་དག་ཉིད་ཀྱིས་ཞི་བར་བྱ། །བཤད་པའི་མཚན་མ་ལས་ལྷག་པ། །གདོན་དང་རྗེས་འབྲེལ་ཡིན་ཞེས་བྱ། །གལ་ཏེ་སྨྱོ་བྱེད་གདོན་
[262a.4]ལས་གྱུར། །གདོན་གསོར་བཤད་པའི་སྨན་སྦྱར་བྱ། །ཏིལ་བཏགས་ཕྱེ་མ་ནས་དང་ཟན། །སྣུམ་ཞིང་མངར་བའི་ཁ་ཟས་དང་། །འབྲས་ནི་ཁྲག་ཏུ་སྦྲུས་པ་དང་། །ཤ་ནི་བཙེས་པ་རྗེན་པ་དང་། །འབྲུ་ཆང་སྦྱར་ཆང་མནན་པའི་ཆང་། །ཨ་ཏི་མུགྟིའི་མེ་ཏོག་
[262a.5]དང་། །ཛཱ་ཏི་ས་ཧ་ར་ཛ་ཡི། །མེ་ཏོག་བཅས་པའི་གཏོར་མ་ནི། །ལམ་གྱི་བཞི་མདོ་བ་ལང་ལྷས། །ཆུ་བོ་འདུས་པ་དག་ཏུ་སྦྱིན། །གང་ཞིག་ཤ་དང་ཆང་སྤངས་ཤིང་། །ཕན་ལ་བརྩོན་ཞིང་གཙང་སྦྲ་ཆེ། །སྙིང་སྟོབས་ཅན་ལ་ལྷན་ཅིག་སྐྱེས། །གློ་
[262a.6]བུར་སྨྱོ་བྱེད་འབྱུང་མི་འགྱུར། །དབང་པོའི་དོན་ནི་གསལ་བ་དང་། །དེ་བཞིན་བློ་དང་ཡིད་གསལ་བ། །ལུས་ཟུངས་ཐ་མལ་པར་གནས་པ། །སྨྱོ་བྱེད་དང་བྲལ་མཚན་མ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་སྟེ་
[262a.7]དྲུག་པའོ།། །།དེ་ནས་བརྗེད་བྱེད་གསོ་བ་བཤད་པར་བྱའོ། །བརྗེད་བྱེད་དྲན་པ་ཉམས་པ་སྟེ། །དེ་ནི་སྙིང་སྟོབས་བློ་འཁྲུལ་དང་། །སེམས་ལས་མྱ་ངན་འཇིགས་སོགས་ཀྱིས། །གནོད་གྱུར་སེམས་ལས་བྱུང་བ་ཡིན། །ལུས་སེམས་གཏོགས་པའི་ནད་ཀྱིས་ནི། །
[262b]
[262b.1]སྨྱོ་བྱེད་བཞིན་དུ་འཁྲུག་འགྱུར་བས། །སྙིང་སྟོབས་ཉམས་ཞིང་སྙིང་དང་ནི། །འདུ་ཤེས་རྒྱུ་བའི་རྩ་སྦུབས་ཁྱབ། །མུན་པར་ཞུགས་སྙམ་སེམས་ཤིང་རྨོངས། །འཇིགས་སུ་རུང་བའི་བྱ་བ་བྱེད། །སོ་འཆའ་ལྦུ་བ་སྐྱུག་པ་དང་། །ལག་པ་རྐང་པ་གཡོབ་པ་དང་། །གཟུགས་
[262b.2]མེད་པར་ཡང་མཐོང་བ་དང་། །འཁྲུལ་ཞིང་ས་ལ་འགྱེལ་བ་དང་། །སྨིན་མ་མི་གཡོ་ནད་ཤུགས་དང་། །བྲལ་ནས་སད་པར་གྱུར་པ་དང་། །དེ་ནི་དུས་གཞན་དག་ཏུ་ཡང་། །དེ་བཞིན་དུ་ནི་སྤྱོད་པ་ཡིན། །རླུང་ལ་སོགས་དང་འདུས་པ་ཡི། །དབྱེ་བས་བརྗེད་བྱེད་རྣམ་
[262b.3]པ་བཞི། །དེ་ནི་སྐྱེ་བར་གྱུར་པའི་ཚུལ། །སྙིང་འདར་ཁོང་སྟོང་མགོ་འཁོར་ལ། །མུན་པར་མཐོང་ཞིང་སེམས་ཁོང་ཆུད། །སྨིན་མ་མི་སྡུག་མིག་འགྱུར་དང་། །སྒྲ་མི་ཐོས་ཤིང་རྔུལ་འབྱུང་ལ། །ཁ་ཆུ་སྣབས་ནི་འཛག་པ་དང་། །མི་འཇུ་ཡི་ག་འཆུས་ཤིང་བརྒྱལ། །
[262b.4]ལྟོ་སྦོས་ཉམས་སྟོབས་ཟད་པ་དང་། །གཉིད་མེད་སྐོམ་ཞིང་ཡན་ལག་ན། །རྨི་ལམ་གླུ་ལེན་གར་བྱེད་དང་། །ཏིལ་མར་ཆང་ནི་འཐུང་བ་དང་། །དེ་ཉིད་གཅིན་དུ་འབྱུང་བ་རྨི། །དེ་ལ་རླུང་གྱུར་བརླ་འགུལ་ཞིང་། །ཡང་དང་ཡང་དུ་འགྱེལ་བ་དང་། །ཡང་དང་ཡང་དུ་དྲན་པ་
[262b.5]སྟོར། །འདུ་ཤེས་རྙེད་ནས་མི་གསལ་དུ། །མིག་འབུར་ཡང་ཡང་དབུགས་འབྱིན་ཞིང་། །ལྦུ་བར་སྐྱུག་ཅིང་འདར་བ་དང་། །སོ་འཆའ་མགོ་ནི་རྡེབས་པ་དང་། །རླུང་གིས་གྲེ་བ་རྒྱས་པར་བྱེད། །ཡན་ལག་ཀུན་དུ་རྡེབས་པ་དང་། །སོར་མོ་མི་སྙོམས་འགུགས་པ་
[262b.6]དང་། །མིག་དང་པགས་པ་སེན་མོ་ནི། །གནག་ཅིང་རྩུབ་མོར་སྣང་བ་དང་། །གཟུགས་ནི་མི་བརྟན་རྩུབ་པ་དང་། །མི་སྡུག་བཞིན་རས་ངན་པ་ཡིན། །མཁྲིས་པ་ལས་གྱུར་བརྗེད་བྱེད་ནི། །དྲན་པ་ཡང་ཡང་ཉམས་པ་དང་། །མིག་མདོག་པགས་པ་ལྦུ་བ་སེར། །
[262b.7]ས་ལ་རྡེག་པར་བྱེད་པ་དང་། །འཇིགས་རུང་འབར་ཞིང་ཁྲོ་བ་ཡི། །གཟུགས་མཐོང་སྐོམ་དད་ཆེ་བ་ཡིན། །བད་ཀན་ལས་གྱུར་རིང་ནས་འཛིན། །ཡུང་རིང་ཉིད་ནས་སད་པར་བྱེད། །གཡོ་འགུལ་ཉུང་ཞིང་ཁ་ཆུ་མང་། །ཁ་མིག་པགས་པ་སེན་མོ་དཀར། །གཟུགས་
[263a]
[263a.1]རྣམས་དཀར་པོར་མཐོང་བ་ཡིན། །མཚན་ཉིད་ཀུན་དང་ལྡན་པ་སྤང་། །དེ་ནས་བློ་སེམས་དྲན་པ་དང་། །སྙིང་གའི་སྦུབས་ནི་སད་བྱེད་པའི། །སློན་སྨན་ལ་སོགས་ལས་རྣམས་ནི། །རྣོན་པོ་ཡིས་ནི་སྦྱང་བར་བྱ། །རླུང་གྱུར་འཇམ་རྩི་མང་དུ་བྱ། །
[263a.2]མཁྲིས་གྱུར་ཕལ་ཆེར་བཀྲུ་སྨན་གཏང་། །བད་ཀན་ཕལ་ཆེར་སྐྱུག་སྨན་ནི། །བཏང་བས་བརྗེད་བྱེད་གསོ་བར་བྱ། །རྣམ་པ་ཀུན་ཏུ་ལེགས་དག་ཅིང་། །ལེགས་པར་སྤྲོ་ནི་བསྲིང་བ་ལ། །བརྗེད་བྱེད་ལས་ནི་ཐར་བྱའི་ཕྱིར། །ཞི་བར་བྱ་བའི་སྦྱོར་བར་ཉོན། །
[263a.3]བ་ལྕི་ཁུ་བ་འོ་མ་དང་། །ཞོ་དང་གཅིན་དང་མར་བསྐོལ་བ། །བརྗེད་བྱེད་རིམས་དང་སྨྱོ་བྱེད་དང་། །མིག་སེར་སེལ་བར་བྱེད་པ་བླུད། །རྩ་བ་བཅུ་པ་འབྲས་བུ་གསུམ། །དུག་མོ་ཉུང་ཤུན་སེར་པོ་གཉིས། །ཨ་པ་མརྒ་ལོ་མ་བདུན། །ནི་ལི་ནི་དང་པུ་ཙེ་ཤེལ། །དོང་ག་པུཥྐར་
[263a.4]མཱུ་ལ་དང་། །ཕལ་གུའི་རྩ་བ་བྱི་ཚེར་སྲང་། །གཉིས་གཉིས་ཆུ་བྲེ་བཅུ་དྲུག་ནང་། །བསྐོལ་བ་ལ་ནི་བཞི་ཆ་ལུས། །ག་བྲའི་རྩ་བ་དུ་བ་རི། །པ་ཏ་དན་ད་དུར་བྱིད་དང་། །ཚ་བ་གསུམ་དང་རོ་ཧི་ཥེ། །མུར་བ་རྩ་མཁྲིས་བུ་དི་ཁ། །ཧ་ཏི་པི་པི་ལིང་དང་ནི། །མ་དུ་ཡན་ཏེ་ཐལ་
[263a.5]ཏྲེས་གཉིས། །ལྕང་མ་དང་ནི་ཙི་ཏྲ་ཀ །ཞོ་ནི་གཉིས་གཉིས་མར་བྲེ་གང་། །དེ་བཞིན་སྔ་མའི་གཤེར་རྫས་བསྐོལ། །འདི་ནི་བ་ཡི་རྣམ་ལྔ་ཆེ། །བརྗེད་བྱེད་རིམས་དང་དམུ་རྫིང་དང་། །མཚན་པར་རྡོལ་བ་སེལ་མཆོག་ཡིན། །འོར་ནད་གཞང་འབྲུམ་མིག་སེར་དང་། །སྐྱ་རྦབ་སྐྲན་དང་ལུད་
[263a.6]པ་དང་། །གདོན་རྣམས་འཇོམས་པར་བྱེད་པ་ཡིན། །བྲམྷི་ཤུ་དག་རུ་རྟ་དང་། །ཤང་ཀ་པུཥྤ་མར་རྙིང་བཅས། །བསྐོལ་བའི་མར་ནི་ཡིད་གཞུངས་བྱེད། །སྨྱོ་བྱེད་བཀྲ་མི་ཤིས་པ་དང་། །བརྗེད་བྱེད་སྡིག་པ་འཇོམས་པར་བྱེད། །འཚོ་བྱེད་སྡེ་ཚན་སྲང་རེ་དང་། །ཏིལ་མར་ཞུན་
[263a.7]མར་བྲེ་རེ་བསྲེས། །འོ་མ་བྲེ་ནི་བཅུ་དྲུག་བསྐོལ། །འཐུངས་ན་བརྗེད་བྱེད་ལས་ཐར་བྱེད། །འོ་མ་བུ་རམ་ཤིང་ཁུ་བ། །བྲེ་བཞི་དང་ནི་ཏང་པལ་གྱི། །ཁུ་བ་བརྒྱད་འགྱུར་དག་དང་ནི། །འཚོ་བྱེད་སྡེ་ཚན་ཞོ་གཉིས་གཉིས། །ཞུན་མར་བྲེ་གང་བཅས་བསྐོལ་བླུད། །དེས་
[263b]
[263b.1]ནི་རླུང་མཁྲིས་ལས་གྱུར་པའི། །བརྗེད་བྱེད་མྱུར་དུ་སེལ་བར་བྱེད། །དེ་བཞིན་འཇག་མའི་བིད་རི། །ཀུ་ཤ་བུ་རམ་ཤིང་འོ་མ། །བསྐོལ་བ་འཐུངས་པའང་དེ་དང་འདྲ། །ཀུ་སྨན་ཏ་ཡི་ཁུ་བ་མར། །བཅོ་བརྒྱད་འགྱུར་དང་ཤིང་མངར་གྱི། །ལྡེ་གུར་བཅས་པ་
[263b.2]བསྐོལ་བས་ནི། །བརྗེད་བྱེད་སེལ་བར་བྱེད་པ་དང་། །བློ་དང་ཚིག་གསལ་སྐད་སྙན་བྱེད། །བ་ནི་སེར་སྐྱའི་མཁྲིས་པ་ཡི། །སྣ་སྨན་བཏང་ཡང་མཆོག་ཏུ་ཕན། །ཁྱི་དང་ཝ་དང་བྱི་ལ་དང་། །སེང་གེ་སོགས་ཀྱི་མཁྲིས་པ་བསྔགས། །གོ་ད་སྲེ་མོ་གླང་པོ་
[263b.3]ཆེ། །བ་ལང་དྲེད་དང་པྲི་ཤ་ཏའི། །མཁྲིས་པ་ཏིལ་མར་བསྐོལ་བ་དག །ལུས་བསྐུ་སྣར་ནི་བླུགས་ནའང་ཕན། །འབྲས་བུ་གསུམ་དང་ཚ་བ་གསུམ། །ནས་ཚིག་འཁུས་ཐལ་ཀོ་ཉོན་ཚེ། །ཕ་ནི་ཛ་ཀ་སྲ་རྩི་པོག །ཨ་པ་མརྒ་ཀ་རཉྫའི། །ས་བོན་ཏིལ་མར་ར་
[263b.4]གཅིན་དང་། །བཅས་པ་བསྐོལ་བ་སྣར་བླུགས་པའམ། །ཕྱེ་མ་སྣ་ནས་བུས་པའང་ཕན། །སྲེ་མོ་འུག་པ་སྤྲེའུ་དང་། །བྱ་རྒོད་ཁྱི་རྟ་བྱ་རོག་སྦྲུལ། །ཆུ་དང་སྒྲོ་དང་རྟུག་པ་ཡི། །དུད་པས་འདི་ལ་བདུག་པར་བྱ། །ཏིལ་མར་སྒོག་སྐྱ་བཅས་པའམ། །
[263b.5]འོ་མ་ཉེའུ་ཤིང་བསྟེན་ཡང་ཕན། །བྲམྷི་འམ་རུ་རྟའི་ཁུ་བའམ། །ཤུ་དག་སྦྲང་རྩིར་ལྡན་པའང་ཕན། །ནད་གཞི་མཉམ་དུ་འཁྲུགས་པ་ལས། །ལུས་དང་སེམས་ལ་བརྟེན་འགྱུར་ནད། །སྐྱེས་པར་གྱུར་པ་གང་ཡིན་དེ། །བརྗེད་བྱེད་གནད་ནི་ཆེན་པོར་
[263b.6]གནས། །དེ་བས་གསོ་དཀའ་འདི་ལ་ནི། །བཅུད་ཀྱིས་ལེན་གྱིས་གསོ་བར་བྱ། །དེས་ཉེན་མེ་དང་ཆུ་ལ་སོགས། །ཡ་ང་བ་ལས་རྟག་ཏུ་བསྲུང་། །ཐར་པ་ན་ནི་ཡིད་འཁྲུལ་བས། །ཁྱེད་ཀྱིས་འདི་ལྟར་བྱས་སོ་ཞེས། །མི་བརྗོད་ཡུལ་ནི་
[263b.7]ཡིད་འོང་བས། །ཉམས་པའི་སེམས་ནི་བརྟ་བར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་སྟེ་བདུན་པའོ།། །།ཡན་ལག་བརྒྱད་པའི་སྙིང་པོ་བསྡུས་པ་ལས། འབྱུང་པོའི་གདོན་གསོ་བའི་ཡན་ལག་རྫོགས་སོ།། །།
[264a]
[264a.1]དེ་ནས་མིག་མཆུའི་ནད་དམིགས་ཤེས་པར་བྱ་བ་བཤད་པར་བྱའོ། །ནད་ཀུན་ནད་གཞི་ལས་བཤད་པའི། །གནོད་པས་ནད་ནི་འཁྲུགས་པ་དང་། །མཆོག་ཏུ་མིག་ལ་གནོད་པ་དང་། །ཕལ་ཆེར་མཁྲིས་པ་སྐྱེད་པ་ཡིས། །རྩ་ལས་གྱེན་དུ་རྒྱུས་ནས་ནི། །
[264a.2]མིག་གི་ཡན་ལག་མིག་མཆུ་གྲྭ། །དཀར་ནག་མཐོང་བྱེད་རྒྱལ་མོའམ། །མིག་ཀུན་ལ་གནས་ནད་སྐྱེད་བྱེད། །དེ་ལ་རླུང་ནི་མིག་མཆུ་ཡི། །རྩ་ལ་ཞུགས་པར་གྱུར་པ་དག །ཉལ་ནས་ལྡང་ཚེ་མིག་མཆུ་ནི། །ཧར་བག་ན་དང་བཅས་པར་བྱེད། །མིག་ནི་རྡུལ་གྱིས་
[264a.3]གང་སྙམ་སེམས། །འཛུམས་པར་དཀའ་ཞིང་མཆི་མ་འཛག །མཉེས་ན་བདེ་བ་སྙམ་དུ་བྱེད། །དེ་ནི་འཛུམས་དཀའ་ཡིན་ཞེས་བཤད། །རླུང་གིས་མིག་མཆུ་བསྐྱོད་ནས་ནི། །ཡང་དང་ཡང་དུ་འབྱེད་ཅིང་འཛུམས། །འདི་ནི་འཛུམས་པ་ཞེས་བཤད་དོ། །གྲ་མཚམས་
[264a.4]ལྷོད་ཅིང་ཚོར་བ་མེད། །རྟག་ཏུ་འཛུམས་ཤིང་མིག་ཉམས་པ། །གང་ཡིན་དེ་ནི་རླུང་གནོད་ཡིན། །མཁྲིས་པས་མིག་མཆུའི་མཐའ་མར་ནི། །འབྲུམ་བུ་ཀུ་མུ་ཏ་ཡི་ནི། །ས་བོན་འདྲ་སླར་གང་གྱུར་པ། །འབྲུམ་ཕྲན་ཀུ་མུ་ཏ་ཞེས་བྱ། །ཚ་ཞིང་འདྲུལ་ལ་ནད་དང་བཅས། །
[264a.5]དམར་ཞིང་རེག་ན་མི་བཟོད་པ། །མཁྲིས་པས་མིག་མཆུར་སྐྱེས་པ་དེ། །མཁྲིས་པས་སྐྱེས་པ་ཡིན་ཞེས་བཤད། །མཁྲིས་པ་རྫི་མའི་ནང་གནས་ཤིང་། །གཡའ་ཞིང་ཚ་བར་བྱེད་པ་དང་། །དེ་རྗེས་རྫི་མ་འབྱི་བ་སྟེ། །རྫི་མ་འབྱི་བ་ཞེས་བཤད་དོ། །བད་ཀན་ལས་གྱུར་མིག་
[264a.6]མཆུའི་ནད། །འབྲུམ་ཕྲན་དཀར་པོ་ཡུངས་ཀར་འདྲ། །མཐུག་སྐྲངས་གཡའ་ན་མིག་རྡུལ་ཁེབས། །སྤྱི་བག་ཅན་འཛག་པོ་དག་ཀྱང་། །ཧར་བག་འདྲུལ་བ་རྡུ་མས་ཁེབས། །བད་ཀན་གྱིས་བསླངས་མིག་མཆུའི་ནད། །བད་ཀན་ལས་གྱུར་རྨེན་བུ་དཀར། །ན་ཞིང་སྨིན་མ་མེད་
[264a.7]གཡའ་སྲ། །རྒྱ་ཤུག་ཙམ་མམ་དེ་ལས་ནི། །ཅུང་ཟད་ཆུང་བ་ཆགས་པ་ཡིན། །ཁྲག་ལས་འབྲུམ་ཕྲན་དམར་བ་དང་། །དེ་མཚུངས་འབྲུམ་ཕྲན་གྱིས་ཁྱབ་པ། །བརྩེགས་པ་ཞེས་བྱ་དེས་སྐྱེད་དམར། །རེག་མི་བཟོད་པ་མིག་མཆུ་སློངས། །མིག་མཆུའི་ནང་དུ་ཤ་ལྷག་
[264b]
[264b.1]ནི། །སྲ་ཞིང་སྣུམ་ལ་ཚ་ཞིང་ན། །མདོག་དམར་དེ་ནི་ཁྲག་འཛག་ཅིང་། །བཅད་བཞིན་འཕེལ་བྱེད་མིག་འབྲུམ་ཡིན། །མིག་མཆུའི་མཐའ་འམ་དབུས་སུ་ནི། །གཡའ་ཞིང་ཚལ་ན་བཅས་བརྟན། །མུངྒ་ཙམ་གྱི་ཁྲག་འབྲུམ་དམར། །འབྲུམ་ཕྲན་མིག་ནད་ཅེས་བྱའོ། །
[264b.2]ནད་ཀྱིས་མིག་མཆུའི་ཕྱི་རོལ་སྐྲངས། །ནང་དུ་བུ་ག་ཕྲ་མོས་ཁྱབ། །འཛག་བཅས་ནང་ན་ཆུ་ཡོད་དེ། །པདྨའི་རྩ་འདྲ་པད་རྩ་ཡིན། །ནད་གཞི་གསུམ་དང་ཁྲག་འཁྲུགས་པས། །མིག་མཆུའི་ནད་ནི་ལྡང་བ་དང་། །རྒྱུ་མེད་པར་ནི་གཉིད་འགྱུར་གང་། །དེ་ནི་མིག་མཆུ་
[264b.3]འཁྲུགས་ཞེས་བྱ། །ནད་ཀྱིས་མིག་མཆུ་དྲི་མ་ཁྲག །སྐྲངས་རྣགས་ན་བཅས་མིག་མཆུ་སྔོ། །གཡའ་ཞིང་སྐྲངས་ལ་དམར་བ་དང་། །མིག་མཆུ་འབྱར་བ་འབྱར་ཞེས་བྱ། །མིག་མཆུའི་ནད་ནི་སྲ་ཞིང་རྩུབ། །འབྲུམ་ཕྲན་བྱེ་མ་འདྲ་ཞེས་བྱ། །གནག་ཅིང་འདམ་འདྲ་
[264b.4]འདམ་བུའོ། །མདོག་འདྲ་ཤ་ནི་མང་པོས་རྒྱས། །ན་ཤས་ཆེ་བ་ཞེས་བྱའོ། །བྱིས་པ་སོ་སྐྱེས་ཚེ་ན་འབྱུང་། །དེས་ནི་བྱིས་པའི་མིག་སྐྲང་ཞིང་། །མིག་དམར་ལྟ་བར་མི་ནུས་ལ། །མིག་མཆུ་གཟེར་ཞིང་སྤྱི་བག་འཛག །རྣ་བ་སྣ་དང་མིག་ཉེད་བྱེད། །གང་ཡིན་དེ་ནི་སྒྲ་ངན་
[264b.5]ཡིན། །རྫི་འགགས་རྫི་མ་འདུས་ཤིང་ཞུམ། །མིག་མཆུའང་དེ་འདྲར་གྱུར་པ་དང་། །རྩུབ་ཅིང་ནང་དུ་ཁ་བལྟས་ལ། །སྤུ་གཞན་ཡང་ནི་ཚེར་མ་ལྟར། །རྩེ་མོ་རྣོན་པོ་སྐྱེས་གྱུར་ཅིང་། །དེས་བདར་མིག་ནི་སྐྲངས་པ་དང་། །ཚ་ཞིང་རླུང་ལ་སོགས་མི་བཟོད། །བཏོན་ན་ཅུང་
[264b.6]ཟད་བདེ་བར་བྱེད། །མིག་ཕུགས་གྲྭ་མཚམས་ཕྱི་རོལ་དུ། །ཐོར་བུ་སྲ་ཞིང་མཐོ་བ་དང་། །དམར་ཞིང་མཆི་མ་རྣག་ཁྲག་འཛག །ཡང་ཡང་རྒྱས་པ་སློན་པ་ཡིན། །ནད་གཞི་གསུམ་དང་ཁྲག་ལས་ནི། །མིག་མཆུའི་ནང་ན་ཤའི་དུམ་བུ། །རྨེན་བུ་སྲ་ལ་ནད་མེད་ལ། །
[264b.7]ཕྱི་རོལ་མི་མཉམ་གཡོ་མཛེར་པ། །དེ་ལྟར་ཉི་ཤུ་རྩ་བཞི་པོ། །མིག་མཆུ་ལ་གནས་ནད་ཡིན་ནོ། །དེ་ལ་དང་པོར་སྨན་གྱིས་གསོ། །དེ་འོག་གཉིས་དང་འབྲུམ་བུ་སྤང་། །རྫི་མ་འགགས་པ་གསོར་རུང་ཙམ། །ལྷག་མ་མཚོན་གྱིས་གསོ་བར་བྱ། །དེ་དག་ལས་ཀྱང་རྫི་
[265a]
[265a.1]མ་འཕྱི། །གཙགས་པར་བྱ་ལ་མིག་མཛེར་གཅད། །ཆགས་དང་པད་རྩ་ཀུ་མུ་ཏ། །བརྩེགས་དང་འབྲུམ་ཕྲན་སློན་པ་འདྲལ། །མིག་མཆུའི་ཤ་སྔོ་བྱེ་མ་འདྲ། །འབྱར་དང་བསྐྱེད་བྱ་ཞེས་པ་བཞི། །འདམ་ཆས་ཤས་ཆེར་བྱས་པ་དང་། །སྒྲ་ངན་
[265a.2]བཅས་པ་མཚོན་གྱིས་བཞར། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་བརྒྱད་པའོ།། །།དེ་ནས་མིག་མཆུའི་ནད་གསོ་བ་བཤད་པར་བྱའོ། །འཛུམས་པ་དཀའ་ལ་མར་རྙིང་ནི། །རྒུན་འབྲུའི་ལྡེ་གུ་ཆུར་བསྐོལ་བར། །ཁ་ར་བཏབ་
[265a.3]དང་སྣ་སྨན་དང་། །དུད་པ་མིག་སྨན་སྣུམ་ཅན་གཏང་། །ཀུ་མུ་ཏ་ལ་ཞལ་ཞལ་བཏབ། །དེ་སྟེང་རྒྱམ་ཚ་གདབ་པར་བྱ། །ཤིང་མངར་དང་ནི་སྐྱུ་རུ་ར། །པ་ཏོ་ལ་བསྐོལ་ཆུ་བླུགས་བྱ། །རླུང་མེད་གནས་ལ་གཡོག་མཁས་ཀྱིས། །སྦྱང་བྱས་གན་རྐྱལ་ཉལ་བ་ལ། །
[265a.4]མིག་མཆུ་བཟློག་སྟེ་དྲོ་འཇམ་ཆུར། །བསྲོས་པའི་གོས་ཀྱིས་དུགས་བྱས་ལ། །གོས་ཀྱིས་ལེགས་པར་དཀྲིས་ནས་ནི། །གཡོན་པའི་མཐེབ་མཛུབ་ཀྱིས་བཟུང་ཞིང་། །འགུལ་ཞིང་འགྱུར་བ་མེད་པར་ནི། །དེ་ནས་མིག་མཆུ་ཀུན་ཏུ་ནི། །དཀྱིལ་འཁོར་ལྟ་བུའི་མཚོན་གྱིས་
[265a.5]ནི། །འཕྲེད་དུ་གདབ་ཅིང་མཚན་མ་བྱས། །དེ་ཉིད་ཀྱིས་སམ་ལོ་རྩུབ་བམ། །ཤེ་པ་ལི་ཡི་ལོ་མའམ། །ཡང་ན་རྒྱ་མཚོའི་ལྦུ་བས་བྲུད། །ཁྲག་ནི་རས་བལ་ཡེའུས་ཕྱི། །ཁྲག་བཅས་ལེགས་པར་བྲུད་ཤེས་ནས། །རང་རང་སྨན་ནི་སྦྲང་རྩི་དང་། །བཅས་པ་
[265a.6]དེ་ལ་བསྐུ་བར་བྱ། །དེ་འོག་ཆུ་དྲོན་གྱིས་བཀྲུས་ལ། །མར་གྱིས་བླུགས་པར་བྱ་བ་དང་། །རྣ་བའི་སྟེང་དང་འོག་གི་བར། །ནས་ཀྱི་ཟན་དང་སྦྲང་རྩི་དང་། །མར་དང་བཅས་པས་དཀྲི་བར་བྱ། །ཞག་ནི་གཉིས་པ་ལ་དགྲོལ་ཏེ། །ཇི་ལྟ་བར་ནི་སྨན་བླུགས་ཤིང་། །བཞི་
[265a.7]པར་སྣ་སྨན་ལ་སོགས་བྱ། །ཞག་ནི་ལྔ་པ་དག་ལ་དགྲོལ། །མཉམ་ཞིང་སེན་མོ་ལྟར་དམར་ལ། །སྐྲངས་གཡའ་དྲུད་སོགས་ནད་མེད་པ། །མིག་མཆུ་སྦྱར་ལེགས་ཡིན་ཞེས་བྱ། །དེ་ལས་བཟློག་པ་སླར་བཞར་བྱ། །བཞར་དྲགས་པས་ནི་ན་བ་དང་། །རྫི་མ་འབྱི་ཞིང་མིག་
[265b]
[265b.1]མཆུ་འགྱུར། །དེ་ལ་སྣུམ་དང་དུགས་ལ་སོགས། །རླུང་ལ་ཕན་པའི་སྦྱོར་བ་བསྔགས། །མར་སར་གྱིས་ནི་བསྐུ་བྱ་ཞིང་། །སེང་ཕྲོམ་དཀར་པོ་མར་སར་གྱིས། །ལེགས་པར་བསྐུ་བ་བྱས་ནས་ནི། །ཨེ་རཎྜ་ཡི་རྩ་བ་ཡི། །ལྡེ་གུས་བྱུགས་ཏེ་ཕུར་མས་བཙོ། །ཚོས་
[265b.2]པ་བཀྲུས་ཏེ་བསྐམས་ནས་ནི། །བཏགས་པ་ཐུམ་པོ་བྱས་ནས་ནི། །ར་འམ་བུད་མེད་འོ་མར་ནི། །མཉེས་པ་མིག་ཏུ་བླུགས་པར་བྱ། །དེ་ཉིད་སཱ་ལུ་ཐུག་པོ་ཆེའི། །ལྡེ་གུ་བསྐུས་ཏེ་དེ་ལྟར་བྱས། །ཞོ་དང་ཞོ་ག་ཆུས་སྤངས་པ། །མིག་ནི་བཞར་དྲགས་གྱུར་ལ་བླུགས། །
[265b.3]ཡང་ན་ཞོ་ག་ཆུ་ཉི་ཚེ། །བླུགས་ཤིང་སྐམ་སའི་ཤ་ཁུ་སྦྱིན། །འབྲུམ་ཕྲན་སྲ་ཞིང་མཐོ་བ་ནི། །འབྲས་ཀྱི་རྩེ་མོས་བརྟོལ་བར་བྱ། །དེ་རྗེས་བཙིར་ཏེ་ཆོ་ག་ནི། །ལྷག་མ་སྔ་མ་བཞིན་དུ་བྱ། །ཞལ་ཞལ་གདབ་དང་འདྲལ་བ་ལ། །རིམ་འདིས་མིག་མཆུའི་ནད་ཀུན་སྦྱར། །
[265b.4]ཁྲག་མཁྲིས་ལས་གྱུར་མངར་བ་ཡི། །སྡེ་ཚན་དང་བསྐོལ་མར་གྱིས་གསོ། །སྣུམ་གྱུར་ནས་ནི་གཏར་ག་གདབ། །དུར་བྱིད་བཀྲུ་སྨན་བཏང་བ་མཆོག །བཞར་ཞིང་ཁྲག་ནི་ཕྱུང་ནས་ཀྱང་། །ཤིང་མངར་བསྐོལ་བའི་ཆུས་བཀྲུ་ཞིང་། །ཙནྡན་དཀར་པོ་འོ་མར་བསྐོལ། །
[265b.5]མིག་མཆུ་ལ་ནི་བླུགས་པ་ཕན། །རྫི་མ་འབྱི་ལ་ཁབ་ཀྱིས་ནི། །བ་སྤུའི་བུ་ག་གཙགས་པའམ། །སྲིན་བུ་པད་པས་ཁྲག་དབྱུང་ངོ་། །ཡང་ན་འོ་མའམ་བུ་རམ་ཤིང་། །ཁུ་བས་སློན་བྱ་མངར་བསིལ་སྨན། །བསྐོལ་བའི་མར་ནི་གཏང་བར་བྱ། །ནག་ཚུར་དཀར་པོའི་ཕྱེ་
[265b.6]མ་ནི། །བྱེའུ་རུག་པའི་ཁུ་བར་བསྲེས། །ཟངས་ཀྱི་སྣོད་དུ་བཅུག་པ་སྟེ། །རྫི་མ་འབྱི་བའི་མིག་སྨན་མཆོག །མིག་མཆུའི་ཤ་བྲུད་བཅའ་སྒ་དང་། །རྒྱམ་ཚའི་ཕྱེ་མ་གདབ་པར་བྱ། །ཆུ་དྲོན་གྱིས་བཀྲུས་སེང་ལྡེང་དང་། །ན་ལེ་ཤམ་དཀར་ཏུ་པ་རི། །ཆུ་བསྐོལ་བའམ་སེར་པོ་
[265b.7]གཉིས། །ཤིང་མངར་དང་ནི་འབྲས་བུ་གསུམ། །ཁུ་བ་སྦྲང་རྩིར་བཅས་པ་བླུགས། །བད་ཀན་ལས་གྱུར་ཞལ་ཞལ་བྱས། །ནག་ཚུར་རྒྱམ་ཚ་པི་པི་ལིང་། །ལྡོང་རོས་སྟང་ཟིལ་ཞིབ་བཏགས་ལ། །སྦྲང་རྩིར་བཅས་པ་བསྐུ་བར་བྱ། །སྐྱུག་སྨན་མིག་སྨན་སྣ་སྨན་ནི། །བད་
[266a]
[266a.1]ཀན་སེལ་བ་ཐམས་ཅད་ཕན། །ཆགས་པ་ལ་ཡང་འདི་དག་བྱ། །མ་ཞི་མེ་བཙའ་གདབ་པར་བྱ། །སྒྲ་ངན་ལ་ནི་སེང་ལྡེང་དང་། །ནིམ་པའི་ལོ་མ་འབྲས་བུ་གསུམ། །མར་དང་སྦྱར་བའམ་པི་པི་ལིང་། །ཤིང་མངར་རྒྱམ་ཚ་བསྐོལ་བ་ནི། །མ་མས་
[266a.2]བླུད་དེ་སློན་དུ་གཞུག །རྒུན་འབྲུམ་དང་ནི་ཨ་རུ་ར། །པི་པི་ལིང་བསྐོལ་བ་ཀྲུ་སྨན་སྦྱིན། །སེར་པོ་རྣམ་གཉིས་པི་པི་ལིང་། །གླ་སྒང་ལྡེ་གུས་ནུ་མ་བསྐུ། །ཉུངས་ཀར་མར་བཅས་དུད་པས་བདུག །སྦྱང་བ་བྱས་ནས་པ་ཏོ་ལ། །གླ་སྒང་དང་ནི་རྒུན་འབྲུམ་དང་། །སླེ་ཏྲེས་
[266a.3]འབྲས་བུ་གསུམ་བསྐོལ་བླུད། །བྱིས་པའི་མིག་མཆུ་བྲུད་པའམ། །སྲིན་བུ་པད་པས་ཁྲག་དབྱུང་བྱ། །ཨ་སྨན་ཏ་ཀ་སྐྱུ་རུ་ར། །འཛམ་བུའི་ལོ་མ་བསྐོལ་བ་བླུགས། །བྱིས་པ་འོ་མ་མར་བསྟེན་པས། །ཕལ་ཆེར་བད་ཀན་ནད་འབྱུང་བས། །དེ་བས་དང་པོར་སྐྱུག་སྨན་ཉིད། །
[266a.4]ནད་ཀུན་ལ་ནི་བསྔགས་པ་ཡིན། །ལྕེ་མྱང་ཚ་དང་པི་པི་ལིང་། །ཨ་པ་མརྒའི་འབྲས་བུ་མར། །འོ་མ་ཤུ་དག་སྦྲང་རྩིར་བཅས། །པོ་སོན་ཆ་ནི་ཤིང་མངར་བཅས། །འོ་མ་ཁ་ཟས་འོ་མ་དང་། །ཟས་ལ་བརྟེན་པའི་བྱིས་པ་ལ། །རིམ་བཞིན་བླུད་པས་ནད་ཀུན་ནི། །སྦྱང་པར་བྱ་ཕྱིར་
[266a.5]སློན་སྨན་གཏང་། །མཆོག་ཏུ་སྒྲ་ངན་ནད་ལ་ཕན། །སཔྟ་ལ་ཡི་ཁུ་བ་མར། །བསྐོལ་བ་གཉིས་ཀ་སྦྱོང་བྱེད་སྦྱིན། །སེང་ཕྲོམ་ཤིང་མངར་སེར་པོ་གཉིས། །ནིམ་པའི་ལོ་མ་པུ་ཙེ་ཤེལ། །ཟངས་ཀྱི་ཕྱེ་མར་བཅས་རེང་བུ། །སྒྲ་ངན་གྱི་ནི་ནད་ལ་ཕན། །ཡང་ན་ལྕགས་ཀྱི་
[266a.6]ཕྱེ་མ་བསྲེགས། །འོ་མ་སྦྲང་རྩི་མར་བཅས་ཕན། །སུག་སྨེལ་སྒོག་སྐྱ་ཀ་ཏ་ཀ །ཕ་ནི་ཛ་ཀ་ན་ལེ་ཤམ། །དུང་བཅས་ཆུ་དང་བདར་བ་དང་། །ཀད་ཕ་ལ་བཅས་རི་ལུའང་ཕན། །རྫི་མའི་འགགས་ནད་འཕེལ་བ་ལ། །སྦྱང་བ་བྱས་པར་གྱུར་པ་ནི། །སྨིན་མའི་འོག་གི་ཆ་གཉིས་དང་། །
[266a.7]རྫི་མའི་ཆ་གཅིག་བར་བར་ནི། །ནས་ཀྱི་ཚད་ཙམ་ནས་ཀྱི་དབྱིབས། །འཕྲེད་དུ་དབྲལ་ལ་རས་རློན་པས། །དེ་ཡི་ཁྲག་ནི་བསལ་ནས་ནི། །ཁྲག་ནི་ཆུང་བར་གྱུར་པ་དང་། །བར་མཚམས་མུངྒ་ཙམ་བཞག་ལ། །ཁབ་ནི་ཡོན་པོས་བཙེམ་པར་བྱ། །དཔྲལ་བ་རས་ཀྱིས་བཅིངས་ནས་
[266b]
[266b.1]ནི། །དེ་བཞིན་སྐུད་པས་བཙེམ་པར་བྱ། །ཤིན་ཏུ་དམ་དང་ལྷོད་མིན་པར། །དེར་ནི་ལེགས་པར་བཙེམ་པར་བྱ། །དེ་ནས་སྦྲང་རྩིའི་མར་གྱིས་བྱུག །འདི་ལ་བཅིང་བར་མི་བྱའོ། །ན་ན་ནྱ་གྲོ་དྷ་སོགས་པའི། །ཁུ་བ་འོ་མར་བཅས་པ་བླུགས། །ཞག་ལྔ་པ་ལ་སྐུད་པ་ནི། །
[266b.2]བསལ་ཏེ་ཡུག་སྣམ་ཕྱེ་མ་ནི། །རྨ་ལ་ལེགས་པར་གདབ་པར་བྱ། །སྣ་སྨན་མིག་སྨན་རྣོན་པོ་གཏང་། །ཞག་བཅུའི་མཐར་ཡང་མ་སོས་ན། །མིག་མཆུར་བརྟེན་གཉེར་བཟློག་སྟེ་བསྲེག །རྫི་མའི་ལྷག་མ་ཚེར་ཟུངས་ཀྱིས། །ཕྱུང་ལ་དེ་ཡི་གནས་དག་ནི། །མེ་ཡི་མདོག་འདྲའི་
[266b.3]ཁབ་རྩེས་བསྲེག །ཕྱི་རོལ་རློན་པ་བསྲེགས་པ་དང་། །ཐོར་བུ་བཅད་པར་གྱུར་པ་ལ། །མེ་འམ་ཐལ་སྨན་རྣོན་པོས་བསྲེག །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་དགུ་པའོ།། །།དེ་ནས་མིག་ཟུར་དང་མིག་གི་འབྲས་བུ་དཀར་ནག་གི་
[266b.4]ནད་ཀྱི་དམིགས་བརྟག་པ་བཤད་པར་བྱའོ། །རླུང་འཁྲུགས་པས་ནི་ཆུ་རྒྱུ་བའི། །རྩར་སོང་ནས་ནི་ཆུ་འདྲ་བའི། །མཆི་མ་མིག་མཆུ་མིག་ཕུགས་ཀྱི། །མཚམས་ནས་མཆི་མ་འཛག་པར་འགྱུར། །དེས་ནི་ནད་མེད་རྩ་དམར་ལ། །སྐྲངས་འགྱུར་དེ་ནི་ཆུ་འཛག་ཡིན། །བད་ཀན་ལས་གྱུར་
[266b.5]སྤྱི་བག་མང་། །དཀར་བ་བད་ཀན་འཛག་པ་ཡིན། །བད་ཀན་གྱིས་སྐྲངས་རྩེ་མོ་རྣོ། །ལན་ཚྭའི་ཆུ་བུར་འདྲ་བ་འབྱུང་། །རྩ་བ་ཆེ་ཞིང་གཡོ་ལ་སྣུམ། །མདོག་འདྲ་འཇམ་ཞིང་སྤྱི་བག་ཅན། །ཆེ་ཞིང་སྨིན་དཀའ་གཡའ་དང་བཅས། །གཟེར་མེད་བཅིངས་པ་ལྟ་བུ་ཡིན། །ཁྲག་
[266b.6]ལས་མཆི་མ་ཁྲག་འཛག་དམར། །ཤས་ཆེར་དྲོ་བ་ཁྲག་འཛག་ཡིན། །མིག་མཆུ་གྲ་མཚམས་དཀར་པོ་རུ། །འབྲུམ་ཕྲན་ཚ་ཞིང་གཟེར་དང་བཅས། །དམར་ཞིང་མུངྒ་འདྲ་ལགས། །ཁྲག་འཛག་དེ་ནི་ཚིགས་ཅན་ཡིན། །རྣག་འཛག་དྲི་མ་ཁྲག་དང་བཅས། །མིག་ཕུགས་ཀྱི་
[266b.7]ནི་གྲ་མཚམས་ནས། །ཡང་དང་ཡང་དུ་རྣག་འཛག་ཅིང་། །ཤ་ལྤགས་འདྲུལ་བས་མཆི་མར་བཅས། །རྣག་སླ་འཛག་པ་རྨ་ཕྲ་ཞིང་། །སྐྲངས་ཤིང་གཡོ་བ་ཆེ་བ་དང་། །མིག་ཕུགས་མཚམས་སྐྲངས་རྣག་འཛག་ཅིང་། །ནད་བཅས་རྣག་གི་ཆུ་སེར་འཛག །མིག་ཕུགས་ཀྱི་
[267a]
[267a.1]ནི་མཚམས་ནང་ན། །སྐྲངས་ཟུག་ཚ་བཅས་ཆུ་སེར་ནད། །མིག་ཟུར་རམ་ནི་མིག་ཕུགས་སུ། །གཡའ་ཞིང་རྫི་མའི་བུ་ག་ནས། །རྣག་འཛག་སྲིན་དང་རྨེན་བུ་འབྱུང་། །ན་བཅས་སྲིན་གྱི་རྨེན་བུ་ཅན། །བཅིངས་པ་ལྟ་བུའི་སྲིན་རྨེན་བུ། །རྣག་གི་ཆུ་
[267a.2]སེར་ཚིགས་ཅན་དག །མཚོན་གྱིས་གསོ་བྱ་ལྷག་མ་ལྔ། །འཛག་པ་ཆུ་སེར་བཅས་པ་སྤངས། །མཁྲིས་པས་དཀར་པོའི་ཐིག་ལེ་ནི། །ནག་པའམ་སྔོ་བའམ་སེར་པོ་སྐྱེད། །གུར་གུམ་མེ་ལོང་དྲི་མས་གོས། །ལྟར་སྣང་ན་དང་ཚ་བ་མེད། །འཁྲུ་ཞིང་སྐོམ་དད་རིམས་དང་བཅས། །
[267a.3]ནད་གཞི་ཉ་ཕྱིས་ཅན་ཞེས་བྱ། །བད་ཀན་ལས་དཀར་ཤ་ལྷག་དཀར། །རིང་ནས་འཕེལ་བ་མིག་མཛེར་དཀར། །ནད་མེད་པ་ལ་སྐྲངས་པ་དང་། །མདོག་དཀར་ལྷུན་ཆེན་འཇམ་པ་དང་། །ལྕི་སྣུམ་ཆུ་ཡི་ཐིགས་པ་འདྲ། །བད་ཀན་མདུད་པ་ཞེས་བྱར་བཤད། །ཐིག་ལེ་
[267a.4]འབྲས་ཕྱེ་ལྟར་དཀར་བ། །མཐོ་བ་འབྲས་ཕྱེ་འདྲ་ཞེས་བཤད། །དཀར་པོའི་རི་མོ་དམར་པོས་ཁྱབ། །ཚ་ཞིང་ན་དང་བཅས་པ་དང་། །སྐྲངས་ཤིང་མཆི་མས་གོས་པ་མེད། །ཁྲག་གྱུར་རྩ་ཡི་ངེས་པར་བཤད། །རྩའི་ཉེས་ཡལ་བར་བོར་ན་ནི། །དམར་རིས་དེ་ཉིད་འཕེལ་བར་
[267a.5]འགྱུར། །ཁྲག་བཅས་རྩ་ནི་བརྩེ་བར་བྱེད། །དེ་ཡིས་མིག་གིས་བལྟ་མི་ནུས། །རྩ་ཡི་དྲ་བས་གཡོགས་ཤིང་སྟུག །མཐོ་བ་རྩ་ཡི་དྲ་བ་ཡིན། །ཁྲག་གིས་མིག་མཛེར་འཇམ་ཞིང་མཉམ། །པདྨ་འདྲ་བ་ཤ་ལྷག་ཡིན། །ནད་མེད་རི་བོང་ཁྲག་ལྟར་དམར། །ཐིག་ལེ་ལིང་
[267a.6]ཐོག་དམར་པོ་ཡིན། །འཇམ་ཤིང་ནད་མེད་མྱུར་དུ་འཕེལ། །དཀར་པོར་ཁྱབ་བྱེད་དམར་ནག་ནི། །ཁྱབ་པའི་མཛེར་པ་ཞེས་བྱའོ། །དྲི་མ་ཁྲག་བཅས་རྩའི་མཛེར་པ། །རྩ་རྒྱུས་དང་འདྲ་རྩ་མཛེར་ཡིན། །ཁྲག་སྐམ་གོང་བུ་ལྟར་གནག་ཅིང་། །ཤ་ནི་ཆེ་ཞིང་རྒྱས་པ་གང་། །དེ་ནི་
[267a.7]ཤ་ལྷག་མཛེར་པ་ཡིན། །ཚ་ཞིང་རེག་ན་རྩུབ་པ་དང་། །རྩས་གཡོགས་མིག་འབྲས་ནག་དང་ཉེ། །འབྲུམ་ཕྲན་ཉུངས་ཀར་ལྟ་བུས་རྩ། །ཉ་ཕྱིས་རྩ་བརྩེ་རྩའི་ཉེས་པ། །འབྲས་ཕྱེ་འདུས་པའི་ལིང་ཏོག་དམར། །དྲུག་པོ་སྨན་གྱིས་གསོ་བར་བྱ། །ལྷག་མ་བདུན་པོ་མཚོན་
[267b]
[267b.1]གྱིས་གསོ། །དེ་ཡང་སར་པ་སྨན་གྱིས་གསོ། །མཛེར་པ་བཤད་པ་ལྔ་པོ་གང་། །རྒྱུས་པ་དང་ནི་རྩས་གཡོགས་པ། །ནག་པོར་ཕྱིན་ཞིང་པགས་གས་འདྲ། །མཐོན་པོ་གཅད་པར་བྱ་བ་ཡིན། །མཐོང་བྱེད་སྟེང་དུ་ཕྱིན་པ་སྤང་། །ནག་པོའམ་མཐོང་བྱེད་ལ་མཁྲིས་པས། །
[267b.2]པགས་པ་བརྟོལ་ཏེ་ལིང་ཏོག་ནི། །ཟུག་དམར་མཆི་མར་བཅས་པ་སྐྱེད། །དེ་ཡིས་མིག་འབྲས་དཀྱིལ་འཁོར་རྣག །འཛམ་བུ་སྨིན་པ་འདྲར་སྣང་ཞིང་། །དམའ་བ་རྨ་ཡི་ལིང་ཏོག་སྟེ། །དེ་ནི་གསོ་དཀའ་རིམ་གཉིས་དག །བརྟོལ་བ་གསོ་བ་ཙམ་ཡིན་ནོ། །དེར་ནི་ཟུག་པ་ལ་
[267b.3]སོགས་མང་། །ནག་པོ་ཁབ་ཀྱིས་ཕུག་སྙམ་བྱེད། །རིམ་པ་གསུམ་ནི་བརྟོལ་བ་དང་། །རྨ་ཡིས་ཁྱབ་པ་གསོར་མི་རུང་། །བད་ཀན་ལས་གྱུར་དུང་ལྟར་དཀར། །ཤས་ཆེར་མི་ན་གསོ་སླ་དཀར། །དམར་ཞིང་མཆི་མ་སྤྱི་བག་འཛག །འབྲུམ་ཕྲན་དམར་ཞིང་ཤིན་ཏུ་ན། །
[267b.4]ར་ཡི་རིལ་མ་འདྲ་ཞིང་འབུར། །ཁྲག་སྐྱེས་ར་རིལ་འདྲ་བ་སྤང་། །ནད་ཁྲག་བཅས་པས་རྩའི་ལིང་ཏོག །དེ་ཡིས་མིག་འབྲས་ནག་པོ་ཁེབས། །ན་ཞིང་ཚ་ལ་དམར་བ་ཡི། །རྩ་ཡིས་ཀུན་ཏུ་རྒྱས་གྱུར་ལ། །རྒྱུ་མེད་མཆི་མ་གྲང་དྲོ་དང་། །སྐ་སླ་འཛག་པ་དེ་སྤང་བྱ། །ནད་གཞི་
[267b.5]ཁྲག་ལས་མཐོང་བཅས་རྣག །འབྲས་བུ་དཀར་པོར་སྒྱུར་བྱེད་དེ། །སྤྲིན་དཀར་གྱིས་ནི་གཡོགས་འདྲ་ཞིང་། །ནིམ་པ་བ་ནི་བཀས་པ་འདྲ། །ཤིན་ཏུ་མི་བཟད་ན་ཞིང་དམར། །ཚ་ཞིང་སྐྲངས་པས་གཟིར་བ་དག །སྨིན་པས་ཉེན་པའི་ལིང་ཏོག་སྟེ། །མི་བཟད་ན་བ་སྤང་བར་
[267b.6]བྱ། །གང་གིས་མཚན་མ་ཉམས་པའམ། །ནང་སྔོ་བའམ་དམར་བཅས་པས། །ཤིན་ཏུ་འབུར་བའམ་གཏིང་རིང་པ་འམ། །མཆི་མར་བཅས་ཤིང་རྩའི་རྨས་ཁྱབ། །རྙིང་པའམ་མཐོ་དམའ་ཅན་དག་གམ། །དབུས་ཆང་ལིང་ཏོག་སྤང་བར་བྱ། །ནག་པོའི་ནད་ནི་གསོར་རུང་དང་། །
[267b.7]མི་རུང་དབྱེ་བ་རྣམ་ལྔ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་བཅུ་པའོ།། །།དེ་ནས་མིག་ཟུར་དང་མིག་གི་འབྲས་བུ་དཀར་པོ་དང་ནག་པོའི་ནད་གསོ་བ་བཤད་པར་བྱའོ། །མིག་ནད་བཅིངས་པ་སྨན་པ་ཡིས། །དུགས་བྱས་
[268a]
[268a.1]རྩེ་མོ་འབྲས་འདྲས་དབུག །རྩེ་མོ་དཀྱིལ་འཁོར་འདྲ་བས་བཞར། །དེ་འོག་རྒྱམ་ཚ་པི་པི་ལིང་། །སྦྲང་རྩི་སྦྱར་བས་བསྐུ་བར་བྱ། །དེ་ནས་སྔ་མ་བཞིན་དུ་བཅིངས། །པ་ཏོ་ལའི་ལོ་སྐྱུ་རུ་ར། །བསྐོལ་བའི་སྨན་ཁུ་ཐིགས་པས་བླུགས། །ཚིགས་ཅན་
[268a.2]ལྕགས་ཀྱུའི་ཆ་སྤྱད་ཀྱིས། །ཕྱི་ཡི་མཚམས་ཀྱི་ཚ་གསུམ་གཟུང་། །འཕེལ་གཙགས་ཀྱིས་ནི་ཕྱེད་གཅད་བྱ། །གཞན་དུ་མཆི་མ་རྒྱུ་ལ་གནོད། །སྦྲང་རྩི་རྒྱམ་ཚས་བསྐུས་ནས་ནི། །མིག་མཛེར་ལྟ་བུར་གསོ་བར་བྱ། །ཆུ་སེར་རྣག་འཛག་གཏར་ག་གདབ། །དེ་ནས་དེ་ནི་
[268a.3]བཅིང་བར་བྱ། །མིག་རྣགས་ཆོ་གར་བཤད་པ་ཡི། །ལས་ཀུན་ཆོ་ག་ཇི་བཞིན་བྱ། །རྒྱམ་ཚ་སྒེའུ་གཤེར་ནག་ཚུར་དང་། །ལྕགས་དང་ཟངས་ནི་ཞིབ་བཏགས་པའི། །ཕྱེ་མའི་མིག་སྨན་བཏང་བའམ། །སྦྲང་རྩིར་བཅས་པའི་ཁུ་བ་བླུགས། །སྲིན་གྱི་རྨེན་བུ་ལྕི་བ་ཡིས། །དུགས་
[268a.4]བྱས་བརྟོལ་ཏེ་ཕྱི་བར་བྱ། །ནག་ཚུར་རྒྱམ་ཚ་འབྲས་བུ་གསུམ། །སྦྲང་རྩིར་སྦྱར་བས་བསྐུ་བར་བྱ། །ཉ་ཕྱིས་མཁྲིས་མཆི་འཛག་ལྟར་གསོ། །བད་ཀན་འདུད་པ་འབྲས་ཕྱེ་གཉིས། །གཏར་ག་མ་གཏོགས་བད་ཀན་གྱི། །མཆི་མ་འཛག་པ་བཞིན་དུ་གསོ། །ཚ་བ་གསུམ་དང་
[268a.5]ཀད་ཕ་ལ། །བ་ལུང་ཁུ་བའི་མིག་སྨན་གཏང་། །རྒྱམ་ཚ་ཛཱ་ཏི་ཁ་འབུས་པ། །ཐང་ཤིང་བཅའ་སྒ་བཏགས་པའི་ཕྱེ། །ཆང་གི་དངས་མས་རི་ལུར་བྱས། །མིག་སྨན་སྐྲངས་དང་གཡའ་བ་སེལ། །རྩ་ཉེས་རྩ་བརྩེ་ལིང་ཏོག་དམར། །རྩ་དྲ་ཁྲག་འཛག་ལྟ་བུར་གསོ། །རྩ་ཡི་
[268a.6]ཉེས་ལ་ཁྱད་པར་དུ། །མར་དང་སྦྲང་རྩིའི་མིག་སྨན་བསྐུ། །རྩ་བརྩེ་བ་ལ་སྦྲང་རྩི་དང་། །སྐྱེར་པའི་ཁཎྜ་ཞིབ་བཏགས་བསྐུ། །ལིང་ཏོག་དམར་པོ་ཞོ་ག་ཆུ། །སྦྲང་རྩི་ཁ་རའི་ཐིགས་པ་བླུགས། །ཤེལ་དང་གུར་གུམ་ཤིང་མངར་དུང་། །སྦྲང་རྩི་སྦྱར་བའི་མིག་སྨན་གཏང་། །
[268a.7]ཡང་ན་སྦྲང་རྩི་དུང་སྦྱར་བའམ། །ཁ་ར་རྒྱ་མཚོའི་ལྦུ་བ་ཕན། །མཛེར་པར་བཤད་པ་རྣམ་ལྔ་ལས། །དུད་པ་ལྟ་བུའི་རྙོག་ཅན་དང་། །གང་ཡང་དམར་ཞིང་ཞོ་འདྲ་བ། །དེ་སྨན་ལིང་ཏོག་བཞིན་དུ་བྱ། །ཅིག་ཤོས་གན་རྐྱལ་བཞག་དུགས་བྱས། །ཁ་ལུང་དང་ནི་རྒྱམ་ཚ་དག །སྦྱར་
[268b]
[268b.1]བའི་མིག་སྨན་བསྐུས་ནས་ནི། །མིག་བཙུམས་ནས་ནི་མཉེ་བར་བྱ། །དེ་ལྟར་མིག་ནི་འཁྲུགས་བཅས་པ། །ཤ་ལྷག་སྐྱེས་པ་བསྐྱོད་ནས་ནི། །མགོ་བོ་མི་འགྱུར་དམ་དུ་གཟུང་། །མིག་མཆུ་མཆོག་ཏུ་མི་འགུལ་བྱ། །མིག་ཟུར་དུ་ནི་བལྟ་བཞིན་དུ། །མིག་ཕུག་མཚམས་
[268b.2]ནས་མཛེར་པ་མཐོ། །གང་དུ་གཉེར་མ་འདུས་གྱུར་པ། །དེར་ནི་ལྕགས་ཀྱུས་དམ་བཟུང་བའམ། །ཧ་ཅང་མི་ཆེ་མུ་ཙི་ཏྲའམ། །ཁབ་བམ་སྐུད་པས་བླངས་ནས་ནི། །ཀུན་ནས་དཀྱིལ་འཁོར་འདྲ་བས་འདྲལ། །དེ་ནས་བཏོན་ཏེ་དྲལ་ནས་ཀྱང་། །མིག་ཕུག་མཚམས་
[268b.3]སུ་བསྙེན་ནས་ནི། །ཆ་བཞི་ལུས་པར་གཅད་བྱ་སྟེ། །མིག་ཕུག་རྩ་དང་མཆི་མ་ནི། །འཛག་པའི་རྩ་ལ་མི་གནོད་བསྲུང་། །མིག་ཕུག་ཟུར་བཅད་མཆི་མ་འཛག །མིག་གི་རྩ་སྦུབས་རྨ་ཅན་འགྱུར། །མིག་འགྲམ་མཛེར་པ་ཆེར་སྐྱེས་ལ། །མིག་ཕུག་ཟུར་དུ་བལྟས་ཏེ་བྱ། །
[268b.4]ལེགས་པར་བཅད་དེ་ཚ་བ་གསུམ། །རྒྱམ་ཚ་སྦྲང་རྩིར་བཅས་པ་བསྐུ། །ཞུན་མར་དྲོན་མོ་བླུགས་པ་དང་། །སྦྲང་རྩི་མར་སྦྱར་བསྐུས་ཏེ་བཅིངས། །དེ་ནས་ཞག་གསུམ་ལ་སོགས་ནས། །བཀྲོལ་ནས་ཀ་རཉྫའི་ས་བོན། །འོ་མ་བསྐོལ་བ་དེ་བཞིན་བླུགས། །སེར་པོ་རྣམ་
[268b.5]གཉིས་པ་ཏོ་ལ། །ཤིང་མངར་དང་ནི་རྒྱ་སྐྱེགས་ཤིང་། །ཀ་རཉྫ་ཡི་མེ་ཏོག་ནི། །ཁ་འབུས་སྦྲང་རྩིར་བཅས་བསྐོལ་བླུགས། །ཞག་བདུན་ནས་ནི་དེ་དགྲོལ་བྱ། །ལེགས་པར་བཅད་ན་ནད་མེད་འགྱུར། །བཅད་དྲགས་མཆོད་ལས་ནད་འགྱུར། །སྨན་ཁུ་བླུགས་དང་མིག་སྨན་སོགས། །
[268b.6]ཕྱི་བ་དང་ནི་བརྟ་བས་གསོ། །ཁ་ར་ལྡོང་རོས་ཨེ་ལི་ཡ། །རྒྱམ་ཚ་བཅའ་སྒ་ཞོ་རེ་དང་། །སྐྱེར་པའི་ཁཎྜ་སྲང་ཕྱེད་དང་། །སྦྲང་རྩི་སྦྱར་བའི་མིག་སྨན་གྱིས། །བད་ཀན་ལས་གྱུར་རབ་རིབ་དང་། །ཆུ་སེར་གྱིས་གང་ལིང་ཏོག་དང་། །མིག་མཛེར་བཅས་པའི་ཤ་ལྷག་སེལ། །འབྲས་བུ་
[268b.7]གསུམ་ནི་གང་རུང་བའི། །ཤུན་པ་ཆུར་བཏགས་ལྡེ་གུར་བྱས། །ཁམ་ཕོར་སྦྱར་བའི་ནང་དུ་བསྲེགས། །དེ་ནས་ཚིག་ནས་ཕྱེ་མར་བཏགས། །སྨན་ནི་ལྷག་མའི་ཁུ་བ་ཡིས། །སོ་སོར་ལེགས་པར་བསྒོས་ནས་ནི། །སྣག་ཚ་དེ་བསྐམས་སླར་ཡང་བཏགས། །རྒྱམ་ཚ་ཉིས་འགྱུར་བཅས་
[269a]
[269a.1]པ་ཡི། །མིག་སྨན་གསུམ་པོ་དེ་དག་ནི། །ཕྱི་བའི་མཆོག་ཏུ་མུ་ཁྱུད་འཆད། །རྩ་ཡི་དྲས་གཡོགས་རྩ་གང་ཞིག །སྲ་བས་ཕྱི་བའི་སྨན་དག་གིས། །མ་ཞི་འབྲུམ་ཕྲན་དེ་ལ་ནི། །མིག་མཛེར་ཆོ་ག་བཞིན་དུ་གསོ། །ལིང་ཏོག་ནད་གཞིའི་དབང་ལས་ནི། །སྣུམ་
[269a.2]རྩུབ་འབྲས་བུ་གསུམ་སྦྱིན་ཞིང་། །ཏིག་ཏ་ཆེན་པོའི་སྨན་མར་སྦྱིན། །གཏར་ག་བཀྲུ་སྨན་ཁུ་བ་ཡི། །ཐིགས་པ་བླུགས་པ་ལ་སོགས་བྱ། །སྣད་པའི་ལིང་ཏོག་དུར་བྱིད་ཆུ། །ལན་གསུམ་བསྐོལ་བའི་མར་བླུད་བྱ། །དེ་འོག་གཏར་གའམ་པད་པ་ཡིས། །མིག་ལས་ཁྲག་ནི་དབྱུང་བར་
[269a.3]བྱ། །ཨུཏྤལ་རྒུན་འབྲུམ་ར་མཉེ་བ། །ཤིང་མངར་བི་ད་རི་བསྐོལ་བ། །ཁ་ར་ར་ཡི་འོ་མ་འམ། །ཆུ་བསྐོལ་ཐིགས་པ་བླུགས་པར་བྱ། །མིག་དམར་མཆི་མ་ནད་ཞི་ནས། །དེ་རྗེས་ཕྱི་བའི་མིག་སྨན་ཕན། །ཛཱ་ཏི་ཁ་འབུས་རྒྱ་སྐྱེགས་དང་། །ཡུག་སྣམ་ཙནྡན་རི་ལུར་བྱས། །ཁྲག་
[269a.4]དང་མཁྲིས་པ་དངས་བྱེད་ཅིང་། །སྣད་པ་ལས་གྱུར་ལིང་ཏོག་སེལ། །ཕག་དང་རྔ་མོ་གླང་པོ་ཆེ། །བ་ལང་ར་རྟ་བོང་བུའི་སོ། །རྒྱ་མཚོའི་ལྦུ་བ་མུ་ཏིག་དང་། །ན་ལེ་ཤམ་ནི་བཞི་པར་སྦྱར། །སོ་ཡི་རི་ལུས་སྣད་པ་ཡི། །ལིང་ཏོག་གིས་ཁྱབ་སེལ་བར་བྱེད། །ཏ་མའི་ལོ་མ་བ་ལང་
[269a.5]སོ། །རྒྱ་མཚོའི་ལྦུ་བ་བོང་བུའི་རུས། །ཟངས་མ་དུང་གཅིན་རི་ལུར་བྱས། །ལིང་ཏོག་ཐམས་ཅད་སེལ་བར་བྱེད། །རིན་ཆེན་སོ་དང་རྭ་དང་ནི། །ཁམས་དང་སུག་སྨེལ་ཚ་བ་གསུམ། །སྒོག་སྐྱ་ཀ་རཉྫའི་ས་བོན། །རྨ་ལ་ཕན་པའི་སྨན་རྣམས་ནི། །རྨ་བཅས་རྨ་མེད་གཏིང་ཟུག་
[269a.6]དང་། །པགས་གནས་ལིང་ཏོག་འཇོམས་སྨན་ཡིན། །སྣ་སྨན་སྣུམ་བླུད་ཤ་ཁུ་ནི། །བླུད་པས་དམའ་བ་བསྟོད་པར་བྱ། །ནད་མེད་ལིང་ཏོག་དམའ་བ་ནི། །ཕུར་མ་བཙོས་དང་བརྟ་བས་བསྟོད། །ལིང་ཏོག་དཀར་པོ་སྐྱེས་པ་དང་། །ཤིང་མངར་ཐལ་ཏྲེས་སེང་ཕྲོམ་ཆུ། །བླུགས་
[269a.7]པས་སེང་ཕྲོམ་གཏུམས་པ་ནི། །ཆུ་དྲོན་ལ་སྤངས་ཐིགས་པ་བླུགས། །ཤིང་མངར་བྲི་ཧ་ཏིའི་རྩ་བ། །རྒྱམ་ཚ་དོང་གྲ་ཟངས་མ་ནི། །སྐྱུ་རུ་རའི་འབྲས་ཆུ་དང་བཏགས། །ལྡེ་གུ་ཟངས་མའི་སྣོད་ལ་བསྐུ། །ནས་མར་སྐྱུ་རུ་རའི་ལོ་མ། །དུད་པས་དེ་འོག་མང་དུ་བདུགས། །དེ་ནས་རི་
[269b]
[269b.1]ལུར་བྱ་བ་ནི། །དེ་ནི་ཆུ་དང་སྦྲང་རྩིར་བཏགས། །མཐོན་ཀ་ཆེན་པོ་ཞེས་བྱ་སྟེ། །ལིང་ཏོག་དཀར་པོ་སེལ་མཆོག་ཡིན། །ལིང་ཏོག་བརྟན་ཞིང་མཐུག་པ་ལ། །ཁྲག་ནི་ལན་མང་དབྱུང་བར་བྱ། །མགོ་དང་ལུས་ཀྱི་བཀྲུ་སྨན་གཏང་། །ཕུར་མ་བཙོས་པའང་ལན་མང་གཏང་། །པི་པི་
[269b.2]ལིང་དང་ན་ལེ་ཤམ། །རྒྱམ་ཚ་ཤྲི་ཤའི་འབྲས་བུའམ། །འབྲས་བུ་གསུམ་བསྐོལ་རྒྱམ་ཚར་བཅས། །བླུད་པས་གནས་ལས་བསྟོད་པར་བྱ། །དུང་དང་རྒྱ་ཤུག་ཀ་ཏ་ཀ །རྒུན་འབྲུམ་ཤིང་མངར་སྦྲང་རྩི་དང་། །མུར་སོ་ཡི་དྲི་མ་ཡི། །ཤྲི་ཤ་ཡི་ནི་མེ་ཏོག་བཅས། །ཚིགས་
[269b.3]བཅད་ཕྱེད་ཀྱིས་བཤད་པ་འདི། །མིག་སྨན་སྦྱོར་བ་གཏང་བར་བྱ། །སྐྱུ་རུ་པ་ནི་ཛའི་ཁུ་བར། །ལང་ཀ་ལི་ཡི་ཐལ་བ་ནི། །ནུབ་གཅིག་སྤངས་ཏེ་བསྐམས་པའི་ཕྱེ། །ལིང་ཏོག་བསྐྱོད་པའི་མིག་སྨན་ཡིན། །མུངྒ་སྤུན་པ་མེད་བཏགས་པ། །དུང་དང་སྦྲང་རྩིར་བཅས་པའང་ཕན། །
[269b.4]སྦྲང་རྩི་མ་དུ་ཀའི་སྙིང་པོའམ། །བ་རུ་ར་རྐང་སྦྲང་རྩིར་བཅས། །བ་ལང་རྟ་བོང་རྔ་མོའི་སོ། །དུང་དང་རྒྱ་མཚོའི་ལྦུ་བ་དང་། །ཨརྫུ་ནེའི་ཆུས་རི་ལུར་བྱས། །བསྐྱོད་པའི་ལིང་ཏོག་འཇིག་པར་བྱེད། །བསྟོད་པའམ་ཟུག་རྔུར་བཅས་པ་ཡི། །ལིང་ཏོག་སྤུ་ལ་སོགས་པས་ཕྱི། །
[269b.5]རྩ་ཡི་ལིང་ཏོག་མཐོང་གནོད་མེད། །སྣད་པའི་ལིང་ཏོག་ལྟ་བུར་གསོ། །ཤིང་མངར་སྟག་ཚེར་ར་མཉེ་བ། །བྲི་ཧ་ཏི་དང་ཨ་ཀ་རུ། །སྐྱེར་པའི་མིག་སྨན་རའི་འོ་མ། །བཏགས་པའི་ལྡེ་གུ་ནས་དང་མར། །བཅས་པའི་དུད་པས་བདུག་པར་བྱ། །སྐྱུ་རུ་ར་ཡི་ལོ་མ་དང་། །རི་ལུར་བྱས་
[269b.6]པ་མིག་སྨན་མཆོག །མ་སོས་ར་ཡི་རིལ་མ་འདྲ། །མཛེར་པ་ལྟ་བུར་མཚོན་གྱིས་གསོ། །རའི་རིལ་གསོར་ནི་མི་རུང་དང་། །ལིང་ཏོག་དེ་འདྲ་དེ་བཞིན་གཞན། །ནད་མ་ཞི་ན་སྣུམ་བླུད་ཅིང་། །གཏར་ག་གདབ་པ་ལ་སོགས་བྱ། །སྨད་བྱས་དེ་ནི་བསལ་བྱས་ཤིང་། །དཀར་ཞིང་
[269b.7]མཐོ་བ་གསོ་བར་བྱ། །རྒྱ་སྟར་གོ་བྱེ་ལུང་ཐང་དང་། །ཏ་ལ་སྨྱིག་མ་ཀ་རི་ར། །བསྲེས་པའི་ཐལ་ཆུ་བཙགས་པ་དང་། །རྔ་མོའི་རུས་པའི་ཕྱེ་མ་བསྲེ། །མིག་སྨན་ལིང་ཏོག་གསོ་དཀའ་དང་། །མདོག་མི་སྡུག་པ་འཇོམས་པར་བྱེད། །གསོ་སླ་ལ་ཡང་འདི་ཉིད་ནི། །བསྟེན་
[270a]
[270a.1]པས་སེལ་བར་ནུས་པ་ཡིན། །ར་ཡི་རིལ་མ་ངོས་གཉིས་ནས། །ཁབ་ཀྱིས་ཕུག་སྟེ་ཆུ་གཟགས་ནས། །མཐེ་བོས་མཉམ་དུ་བཙིར་ནས་ནི། །རྨ་ཡི་ནང་ནི་ཤ་ཕྱེ་དང་། །ཚིལ་ནི་རློན་པས་བཀང་ནས་ནི། །དཀྲི་ཞིང་དཀྲི་ཞིང་དགང་བར་བྱ། །ཞག་བདུན་ནས་ནི་རྨ་
[270a.2]འབྱོར་ནས། །མིག་འབྲས་ནག་པོ་མཉམ་བརྟན་ལ། །མིག་སྨན་སྣུམ་ཅན་གཏང་བྱ་ཞིང་། །མར་དང་འོ་མའི་སྣ་སྨན་བླུགས། །དེ་ལྟ་ན་ཡང་རྒྱས་གྱུར་ན། །དབུག་དང་བཅད་སོགས་བྱ་བ་བྱས། །བཅད་དྲགས་པ་ཡིས་མིག་ནང་དུ། །ཞུགས་པར་མི་འགྱུར་ཅི་རིགས་བྱ། །ལིང་ཏོག་
[270a.3]ལ་ནི་རྟག་པར་རང་གི་སྨན། །བསྐོལ་བའི་མར་བླུད་སྣ་སྨན་བསྟེན་པ་དང་། །ཅི་ནས་མཐོང་བ་ཉམས་པར་མི་འགྱུར་བར། །མིག་སྨན་རྣོན་པོ་རྟག་ཏུ་བསྟེན་པར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་བཅུ་གཅིག་པའོ།། །།དེ་ནས་
[270a.4]མཐོང་བར་བྱེད་པའི་མིག་ནད་ཀྱི་ནད་དམིགས་ཤེས་པར་བྱ་བ་བཤད་པར་བྱའོ། །ནད་ནི་རྩ་ཡི་ནང་ཞུགས་པ། །རིམ་པ་དང་པོར་གནས་ནས་ནི། །གཟུགས་ནི་མི་གསལ་མཐོང་འགྱུར་ཞིང་། །རྒྱུ་མེད་པར་ཡང་གསལ་བར་མཐོང་། །རིམ་པ་གཉིས་པར་ཕྱིན་པ་ན། །མེད་པ་དག་
[270a.5]ཀྱང་མཐོང་འགྱུར་ཞིང་། །ཡོད་ཅིང་ཉེ་བར་བསྒྲིབས་ན་མཐོང་། །རིང་ནས་ཕྲ་བ་མཐོང་བར་འགྱུར། །ཉེ་དང་རིང་བར་གནས་པའི་གཟུགས། །ཕྱིན་ཅི་ལོག་ཏུ་ཤེས་པར་འགྱུར། །ནད་ཀྱིས་ཟླུམ་པོའི་དབྱིབས་འདྲ་པར། །ཟླུམ་པོ་ཉིད་དུ་མཐོང་བར་འགྱུར། །མཐོང་བྱེད་དབུས་གནས་
[270a.6]གཅིག་གཉིས་མཐོང་། །མང་དུ་གནས་ན་དུ་མ་མཐོང་། །མཐོང་བྱེད་ནང་དུ་ཞུགས་པ་ནི། །ཆེ་ཆུང་གོ་ནི་བཟློག་པར་མཐོང་། །འོག་ཏུ་གནས་པས་ཉེ་མི་མཐོང་། །སྟེང་དུ་གནས་པས་རིང་མི་མཐོང་། །ངོས་ལ་གནས་པས་གཡས་གཡོན་མིན། །ནད་འདི་རབ་རིབ་ཅེས་བྱར་བཤད། །
[270a.7]ནད་ནི་རིམ་པ་གསུམ་པར་བརྟེན། །སྔོན་པོ་ཉིད་དུ་འགྱུར་བ་ཡིན། །དེ་ཡིས་སྟེང་མཐོང་འོག་མི་མཐོང་། །གོས་སྲབ་ཀྱིས་གཡོགས་ལྟར་མཐོང་ཞིང་། །ཁ་དོག་ཇི་བཞིན་འགྱུར་བ་དང་། །རིམ་གྱིས་མཐོང་བ་ཉམས་པར་འགྱུར། །དེ་ལྟ་ན་ཡང་ཡལ་བར་དོར། །རིམ་པ་བཞི་པར་
[270b]
[270b.1]ཕྱིན་ནས་ནི། །མཐོང་བྱེད་མཚན་མོ་ཉམས་བྱེད་ཅིང་། །མིག་གི་རྒྱལ་མོ་ཁེབས་པར་བྱེད། །དེ་ལ་རླུང་གྱུར་རབ་རིབ་ནི། །ལོང་ལོང་པོར་ནི་མཐོང་བ་དང་། །གཡོ་ཞིང་རྙོག་ཅན་རྩ་དམར་སྣང་། །ཆད་འགའ་གསལ་བར་མཐོང་བ་དང་། །དྲ་བ་སྐྲ་ཤད་སྦྲང་བུ་དང་། །འོད་མཐོང་དེ་ནི་
[270b.2]ཡལ་བར་བོར། །སྔོན་པོར་གྱུར་ལ་མིག་དམར་ལ། །བཞིན་ལ་སྣ་ནི་མེད་པར་མཐོང་། །ཟླ་བ་མེད་སོགས་དུ་མར་མཐོང་། །ཡོན་པོའང་དྲང་པོར་མཐོང་བར་འགྱུར། །སྔོན་པོ་འཕེལ་ན་མཐོང་བྱེད་ནི། །རྡུལ་གྱིས་ཁེབས་པ་ལྟ་བུར་མཐོང་། །གསལ་ཞིང་དམར་བའམ་རྒྱ་ཆེ་བའམ། །
[270b.3]ཕྲ་བའམ་མཐོང་བ་ཉམས་པར་འགྱུར། །དེ་ནི་མཐོང་བ་ཉམས་པ་ཡིན། །རླུང་གིས་མིག་གི་རྩ་འཁུམས་འགྱུར། །མཐོང་བྱེད་གཏིང་དུ་ཞུགས་པ་དག །འདི་ནི་གཏིང་རིང་ཞེས་བྱར་བཤད། །མཁྲིས་གྱུར་རབ་རིབ་གློག་དང་ནི། །སྲིན་བུ་མེ་ཁྱེར་མེ་སྒྲོན་འོད། །རྨ་བྱ་
[270b.4]སྲེག་པའི་སྒྲོ་དང་འདྲ། །ཕལ་ཆེར་སྔོན་པོར་མཐོང་བར་འགྱུར། །མཐོང་བྱེད་མིག་ནི་འཁར་གཡའ་འདྲ། །དེ་ལྟ་བུ་ནི་མཐོང་བ་དང་། །ཉི་ཟླ་འཁྱིམས་དང་མེ་དང་ནི། །སྨིག་རྒྱུ་འཇའ་ཚོན་མཐོང་བར་འགྱུར། །བུང་བ་ལྟར་སྔོ་མཐོང་བ་མེད། །འབྲས་བུ་སྣུམ་པ་མཐོང་ཉམས་ཡིན། །མཁྲིས་པ་མིག་
[270b.5]ནི་ཆུང་ཞེས་བཤད། །ཆུང་མཐོང་དེ་ནི་ཐུང་ངུ་ཡིན། །སེར་ཞིང་དངོས་པོ་སེར་པོར་མཐོང་། །མཁྲིས་པས་ཚིག་པར་གྱུར་ཞེས་བྱ། །བད་ཀན་རབ་རིབ་ཕལ་ཆེར་ནི། །སྣུམ་ཞིང་དཀར་བར་མཐོང་བ་དང་། །དུང་དང་ཟླ་བ་ཀུནྡ་དང་། །ཀུནྡའི་མེ་ཏོག་ལྟ་བུས་ཁྱབ། །སྔོན་པོ་འོད་མེད་ཉི་
[270b.6]ཟླ་དང་། །སྒྲོན་མེས་ཁྱབ་པ་ལྟ་བུར་མཐོང་། །མིག་འབྲས་དཀར་པོར་སྣང་བར་འགྱུར། །བད་ཀན་མཐོང་ཉམས་དེས་མངོན་ཁྱབ། །སྣུམ་ཞིང་མཐོང་བ་ཉམས་འགྱུར་ལ། །ཆུ་ཡི་ཐིགས་པ་པདྨ་ཡི། །འདབ་མའི་སྟེང་ན་གནས་ལྟར་གཡོ། །དྲོ་ན་ཞུམ་པར་འགྱུར་བ་དང་། །གྲང་
[270b.7]བས་ཡོངས་སུ་ཁྱབ་པར་བྱེད། །ཟླ་བ་མེ་ཏོག་ཀུནྡ་དུང་། །ཤེལ་ལྟར་སྣང་ཞིང་དཀར་བ་ཡིན། །ཁྲག་གི་རབ་རིབ་དམར་བ་དང་། །མུན་པར་གྱུར་པ་མཐོང་བ་ཡིན། །སྔོན་པོ་དམར་བ་གནག་པར་ནི། །མིག་གིས་དེ་ལྟར་མཐོང་བ་ཡིན། །མཚན་མ་ཉམས་པ་དེ་འདྲར་མཐོང་། །
[271a]
[271a.1]འོད་མེད་མཐོང་བ་ཉམས་པ་ཡིན། །ལྡན་པ་འམ་ནི་འདུས་པ་ཡི། །རབ་རིབ་ལ་སོགས་མཚན་མ་ནི། །འདྲེན་མ་ཡིན་པར་ཤེས་པར་བྱ། །གློ་བུར་དུ་ནི་རབ་རིབ་དག །གསལ་དང་མི་གསལ་འཁྲུགས་པར་བྱེད། །ལྷག་མ་དག་གིས་མཐོང་བྱེད་ནི། །དམར་ཞིང་
[271a.2]སྣ་ཚོགས་དག་ཏུ་སྣང་། །གང་གིས་མཐོང་བྱེད་ནད་ཀྱིས་ཁྱབ། །སྲེ་མོའི་མིག་འདྲར་སྣང་བར་འགྱུར། །དེ་ནི་ཉིན་མཐོང་མཚན་མོ་མིན། །ནེེའུ་ལེ་ལོང་བ་ཞེས་དེ་བཤད། །ཉི་མ་ནུབ་པར་གྱུར་པ་ན། །འོད་མི་སྣང་ཚེ་རེངས་འགྱུར་ཞིང་། །མཐོང་བྱེད་ཉམས་པར་བྱེད་པ་ནི། །ནད་ཀྱི་ལོང་
[271a.3]བ་གཉིས་པ་ཡིན། །ཉི་མའི་ཟེར་གྱིས་ཕོག་པ་ན། །མཐོང་བའི་ལམ་ནས་དྲི་མ་ནི། །ཞུ་ཞིང་མེད་པར་གྱུར་ནས་ནི། །ཉིན་མོ་གསལ་བར་མཐོང་བར་བྱེད། །ཚ་བས་གདུངས་ཏེ་མོད་ལ་ནི། །ཆུ་གྲང་ནང་དུ་ཞུགས་གྱུར་ན། །ནད་གཞི་གསུམ་དང་ཁྲག་འཁྲུགས་ཏེ། །དྲོད་ནི་གྱེན་འགྲོ་
[271a.4]དེ་ནས་མིག །ཚ་ཞིང་ན་དཀར་དྲི་མ་ཅན། །ཉིན་མོ་ལོང་ལོང་པོར་མཐོང་ཞིང་། །མཚན་མོ་ལོང་བར་གྱུར་པ་དག །དེ་ནི་དྲོ་བས་ཚིག་ཅེས་བྱ། །ཤས་ཆེར་སྐྱུར་ཟོས་ནད་དང་ནི། །ཁྲག་དང་བཅས་པས་མིག་ཁྱབ་འགྱུར། །འདྲུལ་ཞིང་གཡོ་ལ་དྲི་མ་ཅན། །དེ་ནི་སྐྱུར་གྱིས་ཚིག་
[271a.5]ཅེས་བྱ། །མྱ་ངན་རིམས་དང་མགོ་ནད་ཀྱིས། །རླུང་སོགས་གདུངས་པར་གྱུར་པ་ལས། །རླུང་སོགས་འཁྲུགས་ཤིང་དུད་འཐུལ་མཐོང་། །དེ་ནི་དུད་པ་ཅན་ཞེས་བྱ། །སྙིང་སྟོབས་ཆུང་བས་གློ་བུར་དུ། །ངོ་མཚར་ཅན་གྱི་གཟུགས་མཐོང་བའམ། །ཉི་མ་འོད་ཅན་སོགས་མཐོང་
[271a.6]ནས། །མིག་ལ་བརྟེན་པའི་རླུང་ལ་སོགས། །གཟི་བརྗིད་ཉམས་པས་མིག་གི་ནི། །མཐོང་བ་ཉམས་པར་བྱེད་པར་འགྱུར། །བཻ་ཌཱུརྱའི་མདོག་མཁྲང་བག་དང་། །རང་བཞིན་གནས་ལྟར་ནད་མེད་འགྱུར། །འདི་ནི་ཕྲད་པ་ལས་བྱུང་བའི། །མཚན་མ་ཉམས་པ་ཞེས་བྱར་བཤད། །
[271a.7]འདི་ལས་བད་ཀན་མ་གཏོགས་མཚན། །ཉམས་དང་ཐུང་ངུ་གཏིང་ཞེན་སྤང་། །མིག་སྔོན་དྲུག་དང་ནེེའུ་ལེའི། །ལོང་བ་འཚོ་ཙམ་ལྷག་མ་ནི། །བཅུ་གཉིས་པོ་ནི་གསོ་བར་བྱ། །དེ་ལྟར་མིག་ནད་ཉི་ཤུ་ནི། །རྩ་བདུན་དག་ཏུ་བསྟན་པ་ཡིན། །ཡན་ལག་བརྒྱད་པའི་སྙིང་པོ་བསྡུས་
[271b]
[271b.1]པ་ལས། ཕྱི་མའི་གནས་ཀྱི་ལེའུ་བཅུ་གཉིས་པའོ།། །།དེ་ནས་རབ་རིབ་གསོ་བ་བཤད་པར་བྱའོ། །རབ་རིབ་སྔོན་པོ་ཉིད་འགྱུར་ཞིང་། །སྔོན་པོ་མ་བཅོས་ལོང་བར་འགྱུར། །དེ་བས་མིག་ནད་ལ་རབ་རིབ། །མི་བཟད་མྱུར་དུ་གསོ་བར་བྱ། །འཚོ་བྱེད་སྲང་བརྒྱ་ཆུ་པྲེ་
[271b.2]ནི། །བཅུ་དྲུག་ནང་བསྐོལ་བཞི་ཆ་ལུས། །ཁུ་བ་འོ་མ་བྲེ་དོ་དང་། །མར་ནི་བྲེ་གང་ལྷན་ཅིག་བཙོ། །སྟག་ཚེར་བ་དང་ར་མཉེ་བ། །སེང་ཕྲོམ་རྒྱམ་ཚ་པི་པི་ལིང་། །ཤུ་ཏི་ཤིང་མངར་རྒུན་འབྲུམ་དང་། །ཐང་ཤིང་ཁ་ར་འབྲས་བུ་གསུམ། །ཞོ་ནི་གཉིས་གཉིས་བཏབ་བསྐོལ་ཏེ། །
[271b.3]མཚན་འཐུངས་རབ་རིབ་སེལ་མཆོག་ཡིན། །རྒུན་འབྲུམ་བཙོད་དང་ཙནྡན་དཀར། །ར་མཉེ་བ་གཉིས་ཛི་བ་ཀ །ཁ་ར་ཉེའུ་ཤིང་མེ་ད་དང་། །ཤིང་མངར་ཨུཏྤལ་པུཎྜ་རཱི། །ཞོ་ནི་གཉིས་གཉིས་མར་རྙིང་ནི། །བྲེ་གང་འོ་མ་དེ་མཉམ་བསྐོལ། །དེ་ཡིས་མིག་སྔོན་རབ་རིབ་དང་། །མར་
[271b.4]གྱིས་མགོ་ནད་རབ་རིབ་འཇོམས། །ནིམ་པ་སྐྱེར་པ་པ་ཏོ་ལ། །པུ་ཙེ་ཤེལ་དང་པུ་ཤེལ་ཙི། །འབྲས་བུ་གསུམ་དང་བ་ཤ་ཀ །བྱི་ཚེ་རབ་དང་ཀྱི་ལྕེ་བ། །པར་པ་ཏ་ནི་སྲང་རེ་ཡིན། །སྐྱུ་རུ་ར་ནི་བྲེ་གང་དང་། །ཆུ་བྲེ་བཅུ་དྲུག་ནང་དུ་བསྐོལ། །བྲེ་བཞི་ལུས་པར་གླ་སྒང་དང་། །རྩ་མཁྲིས་
[271b.5]ཤིང་མངར་དུག་མོ་ཉུང་། །བ་ལུ་ཀ་དང་ཙནྡན་དང་། །པི་པི་ལིང་སྲང་ཕྱེད་ཕྱེད་དང་། །མར་བྲེ་གང་དང་བཅས་བསྐོལ་བ། །དེས་ནི་རྣ་མིག་སྣ་ནད་དང་། །ཁོང་འབྲས་རིམས་དང་མཛེར་པ་དང་། །འབྲུམ་ཕྲན་ཤུ་བ་མཛེ་ནད་སེལ། །མཆོག་ཏུ་ལིང་ཏོག་རབ་རིབ་དང་། །མཚན་ལོང་དྲོ་བས་
[271b.6]ཚིག་པ་འཇོམས། །འབྲས་བུ་གསུམ་ནི་སྲང་བརྒྱད་དག །ཆུ་བྲེ་བཞི་བསྐོལ་བཞི་ཆ་ལུས། །འོ་མ་དེ་དང་ཆ་མཉམ་དང་། །འབྲས་བུ་གསུམ་གྱི་ལྡེ་གུ་ནི། །སྲང་གཅིག་ཞུན་མར་བྲེ་ཕྱེད་བསྐོལ། །ཁ་རའམ་སྦྲང་རྩིར་བཅས་པའམ། །འབྲས་བུ་གསུམ་གྱི་ཁུ་བར་བཅས། །འཐུངས་
[271b.7]ན་རབ་རིབ་ཐམས་ཅད་འཇོམས། །ཤིང་མངར་ར་མཉེ་བ་གཉིས་དང་། །ཀཎྜ་ཀཱ་རི་པི་པི་ལིང་། །ཨ་རུ་ར་དང་ཨུཏྤ་ལ། །ཁ་ར་རྒུན་འབྲུམ་སྲང་རེར་བཅས། །ར་ཡི་འོ་མ་མར་བྲེ་རེ། །འབྲས་བུ་གསུམ་དང་བ་ཤ་ཀ ། བྲིང་ག་ར་ཛའི་ཁུ་བར་བསྐོལ། །འདི་ནི་འབྲས་བུ་གསུམ་ཆེན་མོའི། །
[272a]
[272a.1]མར་དེ་མིག་ནད་ཀུན་སེལ་མཆོག །འབྲས་བུ་གསུམ་དང་མར་རམ་ནི། །འབྲས་བུ་གསུམ་དང་ཤིང་མངར་བཅས། །སྦྲང་རྩི་ཡིས་ནི་སྦྲུས་གྱུར་པ། །མཚན་མོ་ཟོས་པར་གྱུར་ན་ནི། །ཟླ་གཅིག་ཕན་པའི་ཟས་བསྟེན་ཞིང་། །སྐྱུ་རུ་ར་ཡི་ཆུ་འཐུངས་ན། །མཁའ་
[272a.2]ལྡིང་ལྟ་བུའི་མིག་ཐོབ་ཅེས། །དྲང་སྲོང་མུ་ཁྱུད་ཀྱིས་བཤད་དོ། །ཏ་བྱ་ཤིང་མངར་ལྕགས་དང་གསེར། །ཁ་ར་སྦྲང་རྩི་མར་རྙིང་དང་། །འབྲས་བུ་གསུམ་དང་ཅི་འདོད་སྦྱར། །བསྟེན་པས་རབ་རིབ་འཇོམས་མཆོག་ཡིན། །ཡང་ན་འབྲས་བུ་གསུམ་བསྐོལ་མར། །རབ་རིབ་ཅན་གྱིས་བསྟེན་
[272a.3]བྱའམ། །སྣུམ་ཁུར་ཕྱེའམ་སྲན་ཚོད་ནི། །འབྲས་བུ་གསུམ་གྱི་ཕྱེ་བཅས་པའམ། །འོ་ཐུག་འབྲས་བུ་གསུམ་བཅས་པ། །བསྒྲངས་ཏེ་ཁ་ར་སྦྲང་རྩི་བཏབ། །ཟས་མ་ཟོས་པའམ་ནང་པར་ནི། །རྒུན་འབྲུམ་ཁ་ར་སྦྲང་རྩི་དང་། །ཨ་རུ་ར་ནི་སོ་སོར་བཟའ། །རྟག་ཏུ་རབ་རིབ་ཅན་
[272a.4]གྱིས་བསྟེན། །ལིག་བུ་མིག་ཆ་དྲུག་ཅུ་བཞི། །ཟངས་དང་དངུལ་དང་གསེར་གྱི་ཆ། །རེ་རེ་གཅིག་ཏུ་སྦྱར་བ་ནི། །ཀོང་བུ་ཁ་སྦྱར་ནང་དུ་གཞུག །འདྲེས་པར་གྱུར་གྱི་བར་དུ་བུད། །དེ་ནས་དེ་ཡི་རོ་དྲུག་གི། །ཚོགས་ཀྱི་ཁུ་བ་ལན་བདུན་དང་། །སོ་སོར་དེ་ལ་བླུགས་པར་བྱ། །མུ་ཏིག་དུང་
[272a.5]དང་བེེ་ཌཱུརྱ། །ཚ་བ་གསུམ་དང་དེ་ནས་བསྲེ། །ཕྱེ་མའི་མིག་སྨན་དེ་གཏང་བྱ། །རབ་རིབ་ཐམས་ཅད་སེལ་བྱེད་ཡིན། །རྒུན་འབྲུམ་པདྨའི་རྩ་བ་ཡི། །ཁུ་བ་འོ་མ་ཆང་དང་ཞག །ཆར་པ་དེ་བཞིན་ལིག་བུ་མིག །བསྐོལ་ཞིང་བསྐུ་བ་བྱས་ནས་ནི། །ཕྱེ་མ་དེ་ནི་དུང་དང་གཞུག །མཐོང་
[272a.6]བ་གསལ་བྱེད་མིག་སྨན་ཡིན། །མིག་ནད་ཐམས་ཅད་ལ་བསྔགས་ཞེས། །ལུས་འཕགས་རྒྱལ་པོས་བཤད་པ་ཡིན། །སྤངས་མ་སྲང་གཉིས་རྒྱ་ཤུག་གི། །སོལ་བར་བསྲེགས་ལ་ར་ཡི་ནི། །འོ་མ་མར་དང་སྦྲང་རྩི་ཡི། །ནང་དུ་ལན་ནི་བདུན་བདུན་བཅུག །ཏ་བྱ་དང་ནི་ན་ལེ་ཤམ། །
[272a.7]ལིག་བུ་མིག་དང་པུ་ཙེ་ཤེལ། །སྤང་སྤོས་རྒྱམ་ཚ་ཨ་རུ་ར། །སེང་ཕྲོམ་ལྡོང་རོས་པི་པི་ལིང་། །སུག་སྨེལ་རྒྱ་མཚོའི་ལྦུ་བ་དང་། །སྟང་ཟིལ་ཞོ་ནི་གཉིས་གཉིས་དང་། །ཤིང་མངར་སྲང་གཅིག་བཅས་པ་ནི། །ཀོང་བུ་ཁ་སྦྱར་ནང་བསྲེགས་བཏགས། །མིག་སྔོན་མཚན་མོ་ལོང་
[272b]
[272b.1]བར་བཅས། །དམར་རིས་དེ་བསྟེན་པ་ཡིས་འཇོམས། །ཕྱེ་མས་མཆོག་ཏུ་རབ་རིབ་ནད། །ཉི་མས་མུན་པ་ལྟ་བུར་སེལ། །སྤང་སྤོས་དྲི་བཟང་གསུམ་དང་ལྕགས། །གུར་གུམ་ཨུཏྤལ་སྔོན་པོ་དང་། །ཁ་ར་སྤངས་མ་ཨ་རུ་ར། །རྒྱ་མཚོའི་ལྦུ་བ་འཆིང་བུ་དཀར། །ན་ལེ་ཤམ་དང་
[272b.2]པི་པི་ལིང་། །སྟང་ཟིལ་ཤིང་མངར་དུང་དང་བཅས། །ཐ་སྐར་ཟླ་བའི་ཚེ་ན་ནི། །ཕྱེ་མ་མིག་གཉིས་ལ་བསྐུས་ན། །མིག་མཛེར་རབ་རིབ་དམར་རིས་དང་། །གཡའ་དང་མིག་སྔོན་སོགས་ཞི་བྱེད། །ན་ལེ་ཤམ་དང་རྒྱམ་ཚ་ནི། །ཆ་རེ་པི་པི་ལིང་དང་ནི། །རྒྱ་མཚོའི་ལྦུ་བ་ཆ་གཉིས་དང་། །
[272b.3]སྐྱེར་པའི་ཁ་ཎྜ་ཆ་དགུ་ནི། །ནག་པ་ལ་བབ་ཚེ་ན་བཏགས། །མིག་བསྐུས་བད་ཀན་རབ་རིབ་འཇོམས། །སྤངས་མ་བསྲེགས་ཏེ་ལན་མང་དུ། །བ་གཅིན་ར་ཐུག་ཁུ་བ་དང་། །སྐྱུར་རྩབས་བུད་མེད་ནུ་ཞོ་དང་། །དུག་གི་ཁུ་བ་སྦྲང་རྩི་མར། །བཅུག་པར་གྱུར་པ་གང་ཡིན་པ། །ཕྱེ་མར་བྱས་དེས་
[272b.4]མི་ཡི་མིག །མཁའ་ལྡིང་མིག་ལྟར་གསལ་བར་འགྱུར། །བྲིང་ག་ར་ཛ་འབྲས་བུ་གསུམ། །དུག་དང་ཤིང་མངར་ཁུ་བ་དང་། །མར་དང་ར་ཡི་འོ་མར་ནི། །ཞ་ཉེ་ལན་ནི་བདུན་བདུན་དུ། །བསྲེགས་ཤིང་བསྲེགས་ཤིང་བཙོས་པ་ཡི། །མིག་སྨན་ཐུར་མར་བྱས་པ་དེ། །མིག་སྨན་བསྐོལ་
[272b.5]བ་འམ་མ་བསྐོལ་བའམ། །བྱུགས་ན་རབ་རིབ་མིག་མཛེར་ནད། །ཆུ་སེར་འཛག་དང་འབྱར་བག་ཅན། །གཡའ་དང་ཚོར་བ་མེད་པ་དང་། །རི་མོ་དམར་པོར་སྣང་བ་འཇོམས། །དངུལ་ཆུ་རོ་ཉེ་ཆ་མཉམ་བྱ། །དེ་གཉིས་སྟང་ཟིལ་མཉམ་བྱས་ལ། །ག་པུར་ཅུང་ཟད་བཏབ་པ་ཡི། །མིག་
[272b.6]སྨན་རབ་རིབ་སེལ་མཆོག་ཡིན། །བྱ་རྒོད་དུས་སུ་ཤི་བའི་མགོ་བོ་ནི། །ཉི་མ་འཆར་ཀའི་མདོག་འདྲ་གང་ཡིན་དེ། །བ་ལང་ལྕི་བས་བསྲེགས་ཐལ་ལིག་བུ་མིག །ཆ་མཉམ་བཏགས་པར་གྱུར་པའི་ཕྱེ་མ་ཡི། །སྦྱོར་འདིས་མིག་གི་གསལ་སྟོབས་བྱ་རྒོད་ལྟ་བུར་བྱེད། །སྦྲུལ་ནག་མགོར་ནི་
[272b.7]ལིག་པུ་མིག །མར་བཅས་དུད་པ་མ་ཤོར་བསྲེགས། །སྤང་སྤོས་གནྡྷ་བྷ་དྲ་དང་། །ལྷན་ཅིག་བཏགས་པས་མིག་འབྲས་ནི། །རྡོལ་ཡང་མིག་ནི་སྲུང་བར་བྱེད། །སྦྲུལ་ནག་ཤི་བའི་རོ་དང་ནི། །སྡིག་པ་ཤི་བའི་རོ་བཞི་ནི། །འོ་མའི་བུམ་པར་ཞག་ཉི་ཤུ། །རྩ་གཅིག་བཅུག་
[273a]
[273a.1]སྟེ་བསྲུལ་ལ་བསྲུབ། །དེ་ལས་མར་སར་གང་བྱུང་བས། །ཁྱིམ་བྱ་གསོས་ཏེ་དེ་ཡི་ནི། །རྟུག་པས་མིག་ནི་བསྐུས་གྱུར་ན། །ལོང་བས་ཀྱང་ནི་ལེགས་པར་མཐོང་། །སྦྲུལ་ནག་པོ་ཡི་ཞག་དང་དུག །སྟང་ཟིལ་ཀ་ཏ་ཀའི་འབྲས་བུ། །ཁུ་བར་བྱས་པའི་སྦྱོར་བ་
[273a.2]ཡིས། །ལོང་བའང་མྱུར་དུ་མཐོང་བར་བྱེད། །ན་ལེ་ཤམ་ནི་རྡོག་མ་བཅུ། །དྲུབ་མར་ཅང་ནི་སྲང་ཕྱེད་དང་། །སྤངས་མ་སྲང་གཅིག་ཤིང་མངར་ནི། །ཞོ་གཉིས་འོ་མའི་ནང་དུ་སྦངས། །དུ་བ་མ་ཤོར་བསྲེགས་མིག་སྨན། །ཁུ་བ་མཉམ་མེད་ཅེས་བྱ་སྟེ། །རབ་རིབ་འཇོམས་པའི་
[273a.3]མཆོག་ཡིན་ནོ། །བ་རུ་ར་ཡི་ཚི་གུ་ན་ལེ་ཤམ། །སྐྱུ་རུ་ར་དང་སྤངས་མ་ཤིང་མངར་ནི། །ཆུ་ཐག་བྱས་པའི་རི་ལུ་གྲིབ་མར་བསྐམས། །རབ་རིབ་མྱུར་དུ་འཇོམས་པར་བྱེད་པ་ཡིན། །ན་ལེ་ཤམ་དང་སྐྱུ་རུ་ར། །རྒྱ་མཚོའི་ལྦུ་བ་སྤངས་མ་དང་། །དངུལ་རྡོ་དང་ནི་དྲུབ་མར་བཅས། །གོ་
[273a.4]རིམས་བཞིན་དུ་ཆ་རེས་བསྐྱེད། །དྲུབ་མར་ཆ་ནི་དྲུག་པ་སྟེ། །སྦྱོར་འདིས་རབ་རིབ་ལིང་ཏོག་མཛེར། །གནག་དང་མིག་སྔོན་གཡའ་བ་སེལ། །རིན་ཆེན་དངུལ་དང་ཤེལ་དང་གསེར། །ལིག་བུ་མིག་དང་ཟངས་དང་ལྕགས། །ཙནྡན་དམར་པོ་ཡུག་སྣམ་དམར། །ཕྱེ་མའི་མིག་
[273a.5]སྨན་ནད་ཀུན་སེལ། །ཏིལ་མར་བ་རུ་ར་ཡི་མར། །བྲིང་ག་ར་ཛ་ཨ་ས་ནའི། །ཁུ་བ་ལྕགས་ཀྱི་སྣོད་དུ་བསྐོལ། །སྣར་བླུགས་མིག་ནི་གསལ་སྟོབས་སྐྱེད། །ནད་ཀྱི་ཚུལ་ལས་དེ་ལ་ལན་མང་དུ། །སྣུམ་བླུད་གཏར་ག་བཀྲུ་སྨན་སྣ་སྨན་དང་། །མིག་སྨན་མགོ་བོའི་བཀྲུ་སྨན་མས་གཏོང་
[273a.6]དང་། །ཉམས་བརྟས་བྱུགས་དང་བླུགས་པས་ཅི་རིགས་གསོ། །འདི་ནི་སྤྱི་ཡི་གསོ་བ་ཡིན། །ད་ནི་རེ་རེའི་མཉན་པར་གྱིས། །དེ་ལ་རླུང་གྱུར་རབ་རིབ་ལ། །རྩ་བ་བཅུ་བསྐོལ་ཁུ་བ་མར། །འོ་མ་བཞི་འགྱུར་འབྲས་བུ་གསུམ། །ལྡེ་གུ་བསྐོལ་བ་བླུད་པར་བྱ། །དེ་འོག་འབྲས་བུ་གསུམ་
[273a.7]དང་ནི། །རྩ་བ་ལྔའི་ཁུ་འོ་མ་དང་། །ཨེ་རཎྜ་ཡི་ཏིལ་མར་བཅས། །བཀྲུ་སྨན་ཉེ་བར་གཏང་བར་བྱ། །ཛི་བན་ཏི་ཡི་ཡལ་གར་བཅས། །སྲང་བརྒྱ་ཆུ་བྲེ་བཅུ་དྲུག་བསྐོལ། །བརྒྱད་ཆ་ལུས་པ་དེ་ནང་དུ། །ཏིལ་མར་འོ་མ་བྲེ་རེ་དང་། །བ་ལ་གསུམ་དང་ཛི་བན་ཏི། །ཉེའུ་ཤིང་རྩ་བ་སྲང་
[273b]
[273b.1]རེ་དང་། །ཤིང་མངར་སྲང་ནི་བཞི་དང་བཅས། །ལྕགས་ཀྱི་སྣོད་དུ་བསྐོལ་བར་བྱ། །ལྕགས་སྣོད་ཉིད་དུ་ཟླ་གཅིག་གཞག །སྣ་སྨན་ནམ་ཚོད་ཡན་ཆད་ཀྱི། །རླུང་ནད་མཁྲིས་པའི་ནད་འཇོམས་ཤིང་། །མཆོག་ཏུ་མིག་ལ་གནས་པ་སེལ། །སྐྲ་གདོང་གཉའ་བ་ཕྲག་ནད་
[273b.2]སེལ། །རྒྱས་ཤིང་གཟི་མདངས་མཛེས་པར་བྱེད། །ཨེ་རཎྜ་དཀར་རྩ་བ་དང་། །ཐང་ཤིང་བྲི་ཧ་ཏིའི་འབྲས་བུ། །ཤུ་དག་རྒྱ་སྤོས་ཙི་ཏྲ་དང་། །བིལ་བའི་རྩ་བ་ཏིལ་མར་དང་། །འོ་མར་བཅས་བསྐོལ་སྣར་བླུགས་ན། །ནམ་ཚོང་ཡན་ཆད་རླུང་དང་ནི། །བད་ཀན་གྱི་ནི་ནད་ཀུན་སེལ། །
[273b.3]སྟག་དང་ཕག་དང་བྱ་རྒོད་དང་། །སྦྲུལ་དང་ཁྱིམ་བྱའི་ཚིལ་དང་ནི། །ཤིང་མངར་སོ་སོར་སྦྱར་ཏེ་བསྐོལ། །མིག་སྨན་བསྐུས་པར་བསྔགས་པ་ཡིན། །དེ་རྗེས་མིག་སྨན་ལིག་བུ་མིག །ཤ་ཁུ་འོ་མ་མར་རིམ་བཞིན། །སྔ་མ་བཞིན་དུ་བླུགས་ན་ནི། །རབ་རིབ་འཇོམས་བྱེད་
[273b.4]མཆོག་ཡིན་ནོ། །དེ་ལྟར་བྱས་ཀྱང་མ་ཞི་ན། །དེ་འོག་བརྟ་བའི་ཆོ་ག་སྤྱད། །ཤུ་ཏི་རུ་རྟ་སྤང་སྤོས་དང་། །ཤིང་མངར་རམ་ཉེ་བ་གཉིས་དང་། །སྟག་ཚེར་བ་དང་ས་ར་ལ། །པི་པི་ལིང་དང་ཐང་ཤིང་ནི། །མར་གྱི་བརྒྱད་འགྱུར་འོ་མར་བསྐོལ། །མིག་བརྟ་བ་ཡི་མཆོག་ཡིན་ནོ། །རི་
[273b.5]དག་ཨེ་ནེེ་ཡའི་ཚིལ་ནི། །འོ་མར་བསྐོལ་ཏེ་གཟར་བུས་དཀྲུགས། །དེ་ཡི་དངས་མ་ཤིང་མངར་དང་། །ཙནྡན་པུ་ཤེལ་ཙེ་དེ་བཞིན། །ཤྭ་བིད་རེག་འཇམ་གོ་ད་དང་། །ཁྱིམ་བྱ་སྲེག་པ་རྨ་བྱའི་ཚིལ། །རེ་རེ་ཞིང་ནི་ཆོ་ག་དག །འདི་དག་གིས་ནི་བརྟ་བར་བྱ། །གསལ་བར་བྱ་དང་
[273b.6]སྣུམ་དང་ནི། །སྨན་ཕུར་བཙོས་པའི་ཐིགས་པའང་བླུགས། །འདིར་ནི་རླུང་འགྱུར་ཆམ་པ་བཞིན། །ནི་རུ་ཧ་དང་འཇམ་རྩི་བྱ། །མཁྲིས་པ་ལས་གྱུར་རབ་རིབ་ལ། །འཚོ་བྱེད་འབྲས་བུ་གསུམ་དང་ནི། །བསྐོལ་བའི་མར་ནི་བླུད་བྱ་ཞིང་། །སྣུམ་གྱིས་ཞེན་པར་གཏར་ག་གདབ། །
[273b.7]ཁ་ར་དུར་བྱིད་སུག་སྨེལ་ཕྱེ། །སྦྲང་རྩི་སྦྱར་བའི་བཀྲུ་སྨན་གཏང་། །རབ་བསིལ་སྨན་ཆུ་བླུགས་བྱུག་སོགས། །གདོང་དང་མིག་དང་སྤྱི་བོར་བྱ། །ཐལ་ཏྲེས་ཤུག་པ་པུ་ཤེལ་ཙི། །མུ་ཏིག་སེང་ཕྲོམ་ཙནྡན་དཀར། །རི་ལུའི་མིག་སྨན་བསྐུས་ན་ཕན། །དེ་བཞིན་གནྡྷ་བྷ་དྲ་
[274a]
[274a.1]དང་། །ནཱ་ག་པུཥྤ་ཨུཏྤ་ལ། །ག་པུར་ཤིང་མངར་ཡུག་སྣམ་ཕན། །སྐྱེར་ཁཎྜ་དང་སྦངས་མ་དང་། །ཀརྐ་ཏ་ཡི་སྲིང་གི་དང་། །སྐྱུ་རུ་ར་ཡི་འབྲས་བུ་ཤེལ། །ག་པུར་ཆ་ནི་ལྔ་ལྔ་དང་། །ཆ་གསུམ་ཆ་རེ་སྦྱར་བ་ཡིན། །མིག་སྨན་རབ་རིབ་འཇོམས་པར་
[274a.2]བྱེད། །འཚོ་བྱེད་ཁ་ར་ཨུཏྤ་ལ། །འོ་མ་མར་བསྐོལ་སྣ་སྨན་གཏང་། །བད་ཀན་ལས་གྱུར་སླེ་ཏྲེས་དང་། །འབྲས་བུ་གསུམ་དང་པི་པི་ལིང་། །མར་བསྐོལ་སྣུམ་བླུད་གཏར་ག་གདབ། །དེ་རྗེས་དནྡ་དུར་བྱིད་བསྐོལ། །གླ་གོར་ཞོ་ཤ་ཨ་རུ་ར། །བཅའ་སྒ་པི་པི་ལིང་ཕྱེ་
[274a.3]གདབ། །བཀྲུ་སྨན་དག་ནི་གཏང་བར་བྱ། །རྩ་བ་བཅུ་པའི་ཁུ་བར་ནི། །བ་ལེ་ཀ་དང་སེར་པོ་གཉིས། །ཐང་ཤིང་པི་པི་ལིང་འོ་མ། །ཏིལ་མར་བསྐོལ་བའི་སྣ་སྨན་གཏང་། །དུང་དང་གླ་རྩི་པྲི་ཡང་ཀུ། །རྩ་བ་གསུམ་དང་འབྲས་བུ་གསུམ། །དྲི་མེད་རི་ལུས་མིག་གསལ་བྱེད། །
[274a.4]ལྕགས་ནག་ཕྱེ་མ་ཚ་བ་གསུམ། །རྒྱམ་ཚ་འབྲས་བུ་གསུམ་མིག་སྨན། །རི་ལུ་ནག་པོས་མིག་གསལ་བྱེད། །རི་བོང་བོང་བུ་སེང་གེ་གླང་། །རྔ་མོའི་སོ་དང་དཔྲལ་བའི་རུས། །བ་ལང་དཀར་སྤུན་ལེ་ཤམ། །རྒྱ་མཚོའི་ལྦུ་བ་ཙནྡན་དུང་། །ནུ་ཞོ་ར་ཡི་འོ་མར་བཏགས། །རི་ལུས་
[274a.5]རབ་རིབ་ལིང་ཏོག་སེལ། །ཁྲག་གྱུར་མཁྲིས་པ་ལྟ་བུར་གསོ། །བསིལ་ཆོས་བྱ་ཞིང་གཏར་ག་གདབ། །རྒུན་འབྲུམ་སྤང་སྤོས་སེང་ཕྲོམ་དང་། །ཤིང་མངར་ཙནྡན་སྤངས་མ་དུང་། །པདྨ་ཤུག་པ་ཨུཏྤལ། །ར་ཡི་འོ་མས་རི་ལུར་བྱས། །ཁྲག་གྱུར་རབ་རིབ་མྱུར་དུ་སེལ། །
[274a.6]ལྡན་པ་འདུས་པ་ལས་གྱུར་པ། །ནད་གཞི་ཆ་ནི་ཇི་བཞིན་གསོ། །མ་དུ་ཀ་དང་བྱི་དང་ག །ན་ལེ་ཤམ་དང་སྒྲོན་ཤིང་དང་། །འོ་མ་ཏིལ་མར་བསྐོལ་བའམ། །བཏགས་པའི་སྣ་སྨན་གདོང་བསྐུ་བྱ། །རྒྱ་སྤོས་ཨུཏྤལ་ཨ་ནནྟ། །ཤིང་མངར་སུ་ནི་ཤན་ཀཻ །ཏིལ་མར་བསྐོལ་
[274a.7]བའི་སྣ་སྨན་དང་། །མགོ་བསྐུ་འཇམ་རྩི་བྱ་བ་བསྔགས། །པུ་ཤེལ་ཙི་བསྐོལ་ཁུ་བའི་ནང་། །རྒྱམ་ཚ་པི་པི་ལིང་ཕྱེ་གདབ། །དེ་བཙགས་སླར་ཡང་མར་བཅས་པར། །བསྐོལ་ལ་སྐ་གྱུར་བསྒྲངས་ནས་ནི། །སྦྲང་རྩི་བཅུག་པའི་མིག་སྨན་ནི། །འདུས་པ་ལས་གྱུར་རབ་རིབ་སེལ། །
[274b]
[274b.1]ནུབ་མོ་རྒྱུ་བའི་སེམས་ཅན་གྱི། །རུས་པ་རྐང་གིས་གང་བ་དང་། །ལིག་བུ་མིག་དང་བཅས་པ་ནི། །འབབ་ཆུའི་ནང་དུ་ཟླ་གཅིག་གམ། །ཞག་ནི་ཉི་ཤུའི་བར་དུ་གཞག །དེ་ནས་ཕྱུང་སྟེ་སྐམས་ནས་ནི། །ལུག་རུ་ཡི་ནི་མེ་ཏོག་དང་། །ཤིང་མངར་བཅས་པའི་ཕྱེ་མར་བྱས། །
[274b.2]མིག་བསྐུས་འདུས་པ་ལས་གྱུར་པའི། །རབ་རིབ་སེལ་བར་བྱེད་མཆོག་ཡིན། །མིག་སྔོ་གསོ་བའང་འདི་ཉིད་ལས། །གཏར་ག་གདབ་པར་མི་བྱ་སྟེ། །ནད་དེས་ལོང་བར་གྱུར་པ་ཡིན། །སྲིན་བུ་པད་པས་ཁྲག་དབྱུང་བྱ། །བུ་རམ་རྒྱ་མཚོའི་ལྦུ་བ་དང་། །པི་པི་ལིང་དང་ན་ལེ་
[274b.3]ཤམ། །གུར་གུམ་སྦྲང་རྩི་ལིག་བུ་མིག །སྤྲིས་གཡོགས་འཚོ་བ་ཙམ་མིག་སྨན། །འདུས་གྱུར་ནེེའུ་ལེ་ལྟ་བུར་ལོང་། །རབ་རིབ་སྐབས་བཤད་ཆོ་གར་སྦྱར། །མར་དང་སྦྲང་རྩི་བ་ལང་གི །ལྕི་བའི་ཁུ་བ་སྐྱེར་ཁཎྜ། །ཡུག་སྣམ་བལ་བུའི་ཕྱེ་མར་སྦྱར། །མིག་
[274b.4]སྨན་མཚན་མེ་ལོང་ལ་ཕན། །ན་ལེ་ཤམ་ནི་ཞོ་དང་སྦྱར། །མཚན་མོ་མི་མཐོང་མིག་སྨན་མཆོག །ཨུཏྤལ་ཡུག་སྣམ་ཀ་རཉྫ། །པདྨ་གེ་སར་བ་ལང་གི །ལྕི་བའི་ཁུ་བ་དང་སྦྱར་བའི། །རི་ལུས་མཚན་མོ་ལོང་བ་སེལ། །ཧ་རེ་ཎུ་ཀ་པི་པི་ལིང་། །རྒྱམ་ཚ་དང་ནི་ལིག་
[274b.5]བུ་མིག །ར་གཅིན་རི་ལུར་བྱས་པ་ཕན། །པྲི་ཡང་ཀུ་དང་ཚ་བ་གསུམ། །ལྡོང་རོས་བ་བླ་འབྲས་བུ་གསུམ། །རྒྱ་མཚོའི་ལྦུ་བ་རའི་འོ་མ། །རི་ལུ་བྱས་པའི་མིག་སྨན་གྱིས། །མཚན་མོ་ལོང་བའི་མིག་ནད་སེལ། །མཆེར་པའི་ནང་དུ་པི་པི་ལིང་། །བཅུག་སྟེ་མ་ཚོས་བར་
[274b.6]བཙོས་ལ། །དེ་བསྐམས་སྦྲང་རྩིར་བཏགས་པ་ནི། །མཚན་མོ་མི་མཐོང་མིག་སྨན་མཆོག །མ་ཧེའི་མཆིན་པ་མཆེར་པ་དང་། །ཏིལ་མར་མར་ནི་ལྷན་ཅིག་བཟའ། །འཚོ་བྱེད་སྣ་བཅུ་ལོ་མ་ནི། །མར་དང་ལྷན་ཅིག་བསྐོལ་བ་བཟའ། །ཨ་ཏི་མུག་ཏ་ཨེ་རཎྜ། །ཉེའུ་ཤིང་
[274b.7]ལང་ག་ལིའི་ལོ་མ། །མར་དང་བརྔོས་པ་བཟའ་བར་བྱ། །དྲོ་ན་པུཥྤ་མར་དང་བརྔོས། །བཟའ་དང་བཏུང་བར་སྦྱར་བའང་ཕན། །དུད་འཐུལ་མཁྲིས་པ་སྐྱུར་བྲོ་བས། །ཚིག་ལ་མར་ནི་རྙིང་པ་དག །སྣུམ་གྱུར་བསིལ་བའི་བཀྲུ་སྨན་གཏང་། །བསིལ་སྨན་གྱིས་ནི་ཀུན་ཏུ་བྱུག །བ་
[275a]
[275a.1]ལང་ལྕི་ཁུ་འོ་མ་མར། །བསྐོལ་བ་ཡི་ནི་མིག་སྨན་ནམ། །བལ་བུའི་ལོ་མ་ཡུག་སྣམ་བསྐལ། །ཕྱེ་མ་བཏབ་པའི་མིག་སྨན་ཕན། །མེད་སེང་ཕྲོམ་ཨ་ནནྟ། །སྐྱེར་པ་བཙོད་དང་ཤིང་མངར་ནི། །མར་གྱི་བརྒྱད་འགྱུར་འོ་མ་བསྐོལ། །ཏིལ་མར་བསྐོལ་
[275a.2]བའི་སྣ་སྨན་ཕན། །འོ་མ་མར་སར་གྱིས་བརྟ་བྱ། །དེས་མ་ཞིན་གཏར་ག་གདབ། །སེམས་ལས་ནད་དང་མྱ་ངན་འཇིགས། །ཟས་རྩུབ་ཙོག་ཙོག་པོར་འདུག་དང་། །སྐྱུག་སྨན་བཀྲུ་སྨན་སྣ་སྨན་དང་། །སྨན་ཐིགས་བླུགས་སོགས་ཉེས་པ་དང་། །ཁ་ཟས་ཕྱེད་ཞུ་སློན་པ་དང་། །བཀྲེས་
[275a.3]སྐོམ་ལ་སོགས་བརྣགས་པ་དང་། །མིག་ནད་མ་བཅོས་ཡུན་རིང་ལས། །རབ་རིབ་ནད་ལྡན་བརྟ་བར་བྱ། །དེ་ལ་ནད་གཞི་སོགས་བརྟགས་ཏེ། །རང་གི་སྨན་ནི་ཇི་བཞིན་སྦྱར། །ཉི་མ་གཟས་ཟིན་མེ་འོད་གློག་ལ་སོགས། །བལྟས་པས་མིག་ནི་ཉམས་པར་གྱུར་པ་དག །
[275a.4]དེ་ལ་བསིལ་སྨན་སོགས་ཀྱིས་བརྟ་བྱ་ཞིང་། །དེ་བཞིན་གསེར་བདར་མར་གྱི་མིག་སྨན་གཏང་། །མི་ཡིས་ཇི་སྲིད་འཚོ་ཡི་བར་དུ་ནི། །རྟག་ཏུ་མིག་བསྲུང་བ་ལ་འབད་པར་བྱ། །ཉིན་དང་མཚན་མོ་འདྲ་བར་གྱུར་པ་ཡི། །མི་ལ་ནོར་ཡོད་གྱུར་ཀྱང་དོན་མེད་ཡིན། །འབྲས་བུ་གསུམ་
[275a.5]བསྟེན་གཏར་ག་སྤྱང་བྱ་དང་། །སེམས་དགའ་མིག་སྨན་སྣ་སྨན་བཅས་བསྟེན་ན། །བྱ་ཤ་ཟ་ཞིང་རྐང་པའི་རིམ་གྲོ་དང་། །ཞུན་མར་བཏུང་བས་རྟག་ཏུ་མིག་བསྲུང་བྱ། །ཁ་ཟས་མི་འཕྲོད་ཟ་བ་རྟག་ཏུ་སྤང་། །རབ་ཕྲ་འཚེར་དང་གཡོ་བ་མི་ལྟ་ཞེས། །སྐྱེས་བུའི་མིག་ནི་མཆོག་
[275a.6]ཏུ་བསྲུང་བའི་ཐབས། །དྲང་སྲོང་ཆེན་པོ་མུ་ཁྱུད་འཛིན་གྱིས་བཤད། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་བཅུ་གསུམ་པའོ།། །།དེ་ནས་མཐོང་བ་ཉམས་པ་གསོ་བ་བཤད་པར་བྱའོ། །བད་ཀན་ལས་གྱུར་སྤྲིས་གཡོགས་པ། །
[275a.7]རྦ་ཀློང་ལ་སོགས་བླ་བརྣན་ནི། །དྲུག་པོ་མེད་པར་གྱུར་པ་དང་། །ལེགས་སྨིན་མཐོང་བ་མེད་པ་དབྱེ། །དེ་སྨིན་མ་གྱུར་མི་སྙོམས་ལ། །ཞོ་ག་ཆུ་འདྲ་སྲབ་པ་ནི། །ཐུར་མ་ཡིས་ནི་དྲངས་གྱུར་ཀྱང་། །སླར་ཡང་གྱེན་དུ་འབྱུང་བར་འགྱུར། །ནད་ནི་མི་བཟད་སྐྱེད་བྱེད་ཅིང་། །མཐོང་
[275b]
[275b.1]བྱེད་སླར་ཡང་འགེབས་པར་བྱེད། །དེ་ནི་ཟས་བཅས་བླ་བརྣན་བཅས། །བད་ཀན་ཅན་གྱིས་མྱུར་དུ་སྐྱེད། །བད་ཀན་གྱིས་ནི་མཐོང་ཉམས་པ། །བད་ཀན་དཀར་བས་དཀར་བ་ཡིན། །དེ་ནི་ནད་གཞན་གྱིས་ཟིལ་གནོན། །ཀུན་ཏུ་སྔོ་བའི་ནད་དུ་འགྱུར། །དེ་ལ་རླུང་གྱུར་མིག་
[275b.2]གཡོ་ཞིང་། །རྦ་ཀློང་གཡོ་ཞིང་དམར་སྐྱར་འདུག །གསེག་མ་ཨརྒའི་འོ་མ་ནི། །ཐིག་ཕྲན་ཁྱབ་འདྲ་མཐུག་པ་ཡིན། །གྲ་མ་ལྟ་བུའི་མིག་འབྲས་ནི། །འབྲས་ཀྱི་གྲ་མ་འབྲས་ཁྱབ་ཡིན། །གྲ་མ་བཅད་པ་གྲ་མ་ཚིག །བཅད་པ་ལྟར་སྣང་ན་བ་ཡིན། །རྨ་སྒྲོ་རྨ་བྱའི་མཇུག་སྒྲོ་
[275b.3]འདྲ། །ཁར་བའི་མདོག་ཏུ་སྣང་བ་ཡིན། །གདུགས་འདྲ་ཁ་དོག་སྣ་ཚོགས་པ། །སྤྲིས་གཡོགས་གདུགས་ཅན་ཞེས་བྱའོ། །གཏར་ག་མི་བྱ་ཆམ་པ་དང་། །ལུད་པ་ཅན་ནི་དབྱེ་མི་བྱ། །མ་ཞུ་སྔར་མ་སྐྱུགས་པ་དང་། །རྣ་མིག་མགོ་གཟེར་ཅན་མི་དབྱེ། །དེ་ནས་ཐུན་མོང་དུས་
[275b.4]སུ་ནི། །སྦྱང་བྱས་ཟས་ཟོས་པ་ལ་ནི། །ས་ཕྱོགས་གསལ་བར་སྔ་དྲོ་ནི། །སྨན་པ་པུས་མཉམ་ཁྲི་ལ་འདུག །ནད་པ་འདུག་ཅིང་བསྡམ་བྱས་ལ། །ཁ་ཡི་དབུགས་ཀྱིས་དུགས་བྱ་ཞིང་། །མཐེ་བོས་མིག་ནི་མཉེས་བྱས་ནས། །ནད་ནི་གཡོས་པར་མཐོང་བ་དང་། །མི་འགུལ་བར་
[275b.5]ནི་མགོ་ནས་བཟུང་། །རང་གི་སྣ་ལ་བལྟ་བཞིན་དུ། །ནག་པོ་སོར་ཕྱེད་མ་གཏོགས་ཤིང་། །མིག་འགྲམ་བཞི་ཆ་དོར་བ་རུ། །མཛུབ་མོ་གུང་མོ་མཐེབ་མོ་ཡིས། །མིག་ཐུར་དམ་དུ་བཟུང་ནས་ནི། །རང་གྲུབ་བུ་གནས་འཕྲེད་དུ། །གཟུགས་ཤིང་གྱེན་མཉེ་དྲང་པོར་བྱས། །
[275b.6]མིག་གཡོན་ལག་པ་གཡས་པས་དབུག །མིག་གཡས་ལག་པ་གཡོན་པས་དབུག །ལེགས་པར་ཕུག་ན་སྒྲ་འབྱུང་འགྱུར། །ནད་མེད་ཆུ་ནི་ཉུང་ཞིང་འབྱུང་། །དེ་རྗེས་ནད་པ་སྤྲོ་བསྲིངས་ལ། །མིག་ཏུ་ནུ་ཞོ་བླུགས་པར་བྱ། །དེ་ནས་ཐུར་མའི་རྩེ་མོ་ཡིས། །གནོད་པ་མེད་པར་
[275b.7]དལ་གྱིས་ནི། །མིག་གི་འབྲས་བུ་དབྱི་བྱས་ལ། །སྣ་ནས་དལ་གྱིས་ཕུལ་བར་བྱ། །མིག་ན་གནས་པའི་བད་ཀན་ནི། །སྣ་ནས་བརྔུབས་པས་བསལ་བར་བྱ། །ནད་མི་འགུལ་བའམ་འགྱུར་ན་ནི། །མིག་གི་ཕྱི་རོལ་ནས་དུགས་བྱ། །དེ་ནས་གཟུགས་ནི་མཐོང་གྱུར་ནས། །ཐུར་
[276a]
[276a.1]མ་རིམ་གྱིས་དབྱུང་བར་བྱ། །མར་ལ་སྦངས་པའི་རས་བལ་གཞུག །མིག་དཀྲིས་ནས་ནི་དེ་འོག་ཏུ། །དེ་ལས་ལོགས་ནི་ཅིག་ཤོས་དབབ། །གཉིས་ཀ་ཕྱེ་ན་གན་རྐྱལ་བཞག །རླུང་མེད་མལ་དུ་མགོ་བོ་དང་། །རྐང་བསྐུ་ཕན་པའི་ཟས་བསྟེན་བྱ། །
[276a.2]སྦྲིད་པ་ལུད་པ་སྒྲེགས་པ་དང་། །མཆིལ་མ་འདོར་དང་ཆུ་འཐུང་དང་། །ཐུར་དུ་གཏོང་བ་ཁྲུས་བྱེད་དང་། །སོ་ཤིང་འཆའ་བར་བྱེད་པ་དག །ཞག་བདུན་བར་དུ་སྤང་བྱ་ཞིང་། །སྣུམ་འཐུང་ཆོ་ག་བཞིན་དུ་བསྡམ། །ཆུ་དྲོན་གྱིས་ནི་ཉེར་སྤྱོད། །ཅི་ནུས་སྨྱུང་བྱ་ན་གྱུར་ན། །མར་ཁུ་དྲོ་
[276a.3]འཇམ་བླུགས་པར་བྱ། །ནས་ཆན་སླ་བའམ་ཐུག་པ་སྐ། །ཚ་གསུམ་སྐྱུ་རུ་ར་མར་སྦྱིན། །ཞག་གསུམ་ནས་ནི་དེ་བཀྲོལ་ལ། །རླུང་འཇོམས་པ་ཡི་སྨན་གྱི་ནི། །ཁུ་བ་མིག་ཏུ་བླུགས་པར་བྱ། །ཞག་བདུན་ནས་ནི་མིག་དེ་ཉིད། །རྣམ་པ་ཀུན་ཏུ་དགྲོལ་བར་བྱ། །ཇི་སྲིད་མི་
[276a.4]གསལ་བརྟན་གྱུར་པ། །བསྡམས་ལ་འབད་དེ་གནས་པར་བྱ། །གཟུགས་ནི་ཕྲ་དང་འཚོར་བ་དག །མོད་ལ་བལྟ་བར་མི་བྱའོ། །དབུག་ཉེས་མི་མཐུན་ཟོས་པ་ལས། །སྐྲང་དང་ན་དང་དམར་ལ་སོགས། །མིག་ནད་གདུང་བ་འབྱུང་བར་འགྱུར། །ནད་ཚུལ་དེ་བཞིན་དེ་གསོ་བྱ། །ནད་
[276a.5]དང་དམར་བཞི་བྱའི་ཕྱིར། །དཱུར་བ་ནས་དང་ཡུག་སྣམ་དང་། །ཐལ་ཏྲེས་མར་དང་ལྡན་པ་ཡི། །ལྡེ་གུས་གདོང་ནི་བསྐུ་བར་བྱ། །དེ་བཞིན་ཏིལ་དང་ཡུངས་ཀར་བཅས། །ཁ་ལུང་ཁུ་བས་སྦྲུས་པའང་ཕན། །ཐལ་ཏྲེས་ལོ་མ་པ་ཡ་སྱ། །བཙོད་དང་ཤིང་མངར་ར་ཡི་ནི། །འོ་
[276a.6]མར་སྦྱར་བའི་ལྡེ་གུ་ནི། །དྲོ་འཇམ་བདེ་བར་བྱེད་མཆོག་ཡིན། །སེང་ཕྲོམ་རྒྱམ་ཚ་རྒུན་འབྲུ་དང་། །ཤིང་མངར་ར་ཡི་འོ་མར་བསྐོལ། །ཐིགས་པ་མིག་ཏུ་བླུགས་པ་ནི། །ན་དང་དམར་བ་འཇོམས་པར་བྱེད། །ཤིང་མངར་རུ་རྟ་ཨུཏྤལ། །རྒུན་འབྲུ་རྒྱ་སྐྱེགས་ཁ་རར་བཅས། །རླུང་
[276a.7]འཇོམས་སྨན་བསྐོལ་འོ་མ་ནི། །མར་གྱི་བཞི་འགྱུར་བསྐོལ་བ་དང་། །ཤུག་པ་ལ་སོགས་ལྡེ་གུས་བཏབ། །ལས་ཀུན་ལ་ནི་བསྔགས་པ་ཡིན། །དེས་མ་ཞི་ན་སྣུམ་ཆོས་དང་། །དུགས་བྱས་གཏར་ག་གདབ་པར་བྱ། །གདུང་བའི་གསོ་བ་དག་ཀྱང་བྱ། །དབུག་འདྲུབ་མིག་སྨན་འཇམ་
[276b]
[276b.1]པོ་བསྐུ། །ཏུ་པ་རིའི་རྩ་ན་ལེ་ཤམ། །བ་བླ་སྐྱེར་པའི་ཁཎྜ་བསྐུ། །མིག་ཕྱེད་བུ་རམ་རི་ལུ་ནི། །ཆར་པའི་ཆུ་དང་བདར་བ་གཏང་། །ཛཱ་ཏི་ད་བ་ཤི་རི་ཤ།།ཀརྐ་ཏ་སྲིང་གི་མེ་ཏོག །མུ་ཏིག་འབྲས་བུ་བཻ་ཌཱུརྱ། །ར་ཡི་འོ་མར་བཏགས་པ་ནི། །ཟངས་མའི་སྣོད་ལ་སླ་བར་བསྐུ། །ཞག་བདུན་
[276b.2]ནས་བསྐོལ་སླར་ཡང་ནི། །འོ་མ་དང་བཏགས་ལྡེ་གུར་བྱས། །རི་ལུ་གྲིབ་མ་ལ་བསྐམས་པ། །མིག་བསྐུས་ཕྱེ་བ་མཐོང་བ་ནི། །གསལ་ཞིང་སྟོབས་ནི་སྐྱེད་པར་བྱེད། །བྱི་རུ་ལྡོང་རོས་ལིག་བུ་མིག །རྒྱ་མཚོའི་ལྦུ་བ་ན་ལེ་ཤམ། །སྣ་ནས་བཏང་བའི་སྨན་སྦྱར་ན། །བཤད་
[276b.3]པའི་ཡོན་ཏན་མཚུངས་པར་བསྟན། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་བཅུ་བཞི་པའོ།། །།དེ་ནས་མིག་ནད་ཐམས་ཅད་ཀྱི་ནད་ཀྱི་དམིགས་བརྟག་པ་བཤད་པར་བྱའོ། །རླུང་གིས་མིག་ནད་མཆི་མ་འཛག །སྣ་རྒྱས་ཅུང་ཟད་སྐྲངས་
[276b.4]པ་དང་། །མུར་འགྲམ་དཔྲལ་མིག་སྨིན་མ་ཁ། །ན་ཞིང་ཟུག་ལ་འཕར་བ་དང་། །རྔུ་མ་སྐམ་ཞིང་མཆི་མ་གྲང་། །སླ་ཉུང་ན་བ་ལྡང་དུབ་ཅན། །འབྱེད་དང་འཛུམས་པར་དཀའ་བ་དང་། །སྲིན་བུ་འགྲོ་བ་སྙམ་དུ་སེམས། །མིག་ནི་བུས་པ་ལྟ་བུར་སྣང་། །ཟུག་རྔུ་ཕྲ་མོས་ཁྱབ་སྙམ་
[276b.5]བྱེད། །སྣུམ་དང་དྲོ་བས་ཉེར་ཞིར་འགྱུར། །མཆི་མ་འཛག་པ་ཞེས་བྱའོ། །དེ་མ་བཅོས་ན་གདུང་བར་འགྱུར། །རྣ་བ་སྒྲ་འབྱུང་མགོ་འཁོར་དང་། །དཔྲལ་བ་མིག་དང་སྨིན་མ་སོགས། །གཙུབ་ཤིང་གིས་ནི་གཙུབས་སྙམ་བྱེད། །དེ་ཡང་བག་མེད་ཡལ་བར་བོར། །གདུང་བས་
[276b.6]བཅོམ་གྱུར་ནད་དེ་ཡིས། །སྣ་ཚོགས་ཚུལ་ནི་འབྱུང་འགྱུར་ཞིང་། །མིག་མཐོང་ཉམས་བྱེད་རྨ་འབྱུང་འགྱུར། །མུར་འགྲམ་ཁ་དང་མཇིང་པ་ལས། །རླུང་ནི་གཞན་དུ་འཇུག་འགྱུར་ཞིང་། །མི་བཟད་ན་ལ་གནག་པ་དང་། །དམར་ཞིང་སྐྲངས་ལ་མིག་མི་སྡུག །ཞུམ་ཞིང་ཀུན་ནས་
[276b.7]མཆི་མ་འཛག །དེ་ནི་རླུང་གིས་གཞན་གྱུར་ཡིན། །དེ་བཞིན་མིག་ནི་ཡོན་པོ་དང་། །ཆུང་བ་རླུང་གིས་ཕྱིན་ཅི་ལོག །མཁྲིས་པའི་མཆི་འཛག་མཚན་མ་ནི། །ཚ་གྲང་དུ་བ་འབྱུང་སྙམ་སེམས། །མིག་ཆུའི་ཕྱི་རོལ་གནག་པ་དང་། །ནང་ན་རྣག་འདྲུལ་མཆི་མ་ཚ། །སེར་ཞིང་མིག་དམར་
[277a]
[277a.1]སེར་པོར་མཐོང་། །རྨ་ལ་ལན་ཚྭས་བཏབ་སྙམ་སེམས། །མེ་མདག་གཏོར་བ་འདྲ་བ་དང་། །མཆེར་པའི་གོང་བུ་ལྟ་བུར་སྣང་། །མིག་ནད་གདུང་བར་གྱུར་པ་ཡིན། །བད་ཀན་ལས་གྱུར་མཆི་འཛག་ནི། །ཚོར་བ་མེད་སྐྲངས་རབ་ཏུ་གཡའ། །གཤེར་ཞིང་སྣུམ་ལ་
[277a.2]ཤས་ཆེར་དཀར། །མིག་གདུང་སྤྱི་བག་འཛག་པ་ཡིན། །གདུང་བ་དེས་ནི་ནག་པོ་དམའ། །འབྲས་བུ་དཀར་པོ་མཐོ་བ་དང་། །ཆམ་པས་ཐེབས་ཤིང་སྣ་རྒྱས་ལ། །མིག་ནི་རྡུལ་གྱིས་གང་སྙམ་བྱེད། །ཁྲག་གྱུར་དམར་རིས་མིག་ཏུ་དམར། །མིག་འབྲས་དཀར་པོ་དམར་བ་དང་། །
[277a.3]ཁྲག་འཛག་དམར་པོ་མཐོང་བ་དང་། །མཁྲིས་པའི་མཆི་འཛག་མཚན་ཉིད་ཡིན། །གདུང་བ་མིག་ནི་མཐའ་དམར་ཞིང་། །ཕྱུང་བ་དང་ནི་མཚུངས་པར་ན། །མེ་ཏོག་བན་དུ་ཀ་ལྟར་དམར། །ཤིན་ཏུ་ན་ཞིང་རེག་མི་བཟོད། །ལུང་ཏང་ཁྲག་ཏུ་ནུབ་པ་འདྲ། །གནག་ཅིང་མེ་ལྟར་སྣང་བ་
[277a.4]ཡིན། །གདུང་བ་རང་གི་ཇི་བཞིན་དུ། །ཐམས་ཅད་འཛག་པ་ལས་ལྷག་ན། །མུར་འགྲམ་སོ་དང་མཁུར་ཚོས་དང་། །མགོ་བོ་ལྷག་པར་ན་བར་བྱེད། །རླུང་མཁྲིས་ཤས་ཆེར་དྲུད་སྙམ་སེམས། །ཟུག་ཅིང་ན་ལ་ཕུལ་སྙམ་སེམས། །ཤིན་ཏུ་རྩུབ་ཅིང་མིག་མཆུ་མིག །འཛུམས་
[277a.5]དང་འབྱེད་པར་དཀའ་བ་དང་། །ན་ཞིང་སྐམས་པར་གྱུར་པ་དང་། །གྲང་འདོད་སྨིན་ཞིང་སྐམ་དང་བཅས། །མིག་སྐམ་སྨིན་པ་ཞེས་བྱའོ། །ནད་གཞི་གསུམ་ནི་ཁྲག་བཅས་ལ། །སྐྲང་འགྱུར་དེ་ནི་རབ་སྐྲངས་ཤིང་། །ན་དང་ཚ་དང་འཛག་དང་བཅས། །ཨུ་དུམ་བཱ་རའི་འབྲས་སྨིན་འདྲ། །
[277a.6]མིག་འབྲས་དཀར་པོར་འབྱུང་བར་འགྱུར། །མཆི་མ་གྲང་ཞིང་དྲོ་བ་དང་། །སྤྱི་བག་སྐ་སླ་རེས་ཀྱིས་འབྱུང་། །སྐྲངས་ཆུང་ཅུང་ཟད་སྐྲང་ཞེས་བྱ། །དེ་བཞིན་མཚན་ཉིད་གཞན་གྱིས་སྨིན། །མིག་སྨིན་པས་ཉེན་སྐྲང་བ་ཡི། །རྩོམ་ཆེ་མཆི་མ་རྙོག་ཅན་འཛག །བད་ཀན་གྱིས་བསྒོས་
[277a.7]མིག་འབྲས་ནི། །དཀར་པོ་དམར་ཞིང་འདྲུལ་བ་དང་། །ཚ་ཞིང་མཐོང་བ་ཉམས་པ་དང་། །ནད་ནི་མལ་ན་མི་གནས་ཡིན། ཁྲག་མཁྲིས་ཤས་ཆེའི་ནད་ཀྱིས་ནི།། ཟས་ཀྱི་དངས་མ་སྐྱུར་པོར་འགྱུར། །མིག་གི་རྩར་ནི་སོང་ནས་ནི། །མིག་ནི་དམར་པོར་བྱེད་པར་འགྱུར། །སྐྲང་ཚ་
[277b]
[277b.1]སྨིན་ཞིང་མཆི་མ་འཛག །ཤིན་ཏུ་ལང་ལོང་པོར་མཐོང་ན། །སྐྱུར་གྱིས་བསྐྱེད་པའི་ནད་ཅེས་བྱ། །དེ་ལྟར་ཀུན་གཏོགས་ནད་བཅུ་དྲུག །དེ་ལ་གདུང་བས་བཅོམ་པ་ནི། །མིག་སྨིན་བཅས་པ་སྤང་བར་བྱ། །རླུང་གྱུར་ཞག་ལྔས་མིག་ལ་གནོད་པར་བྱེད། །བད་ཀན་ལས་གྱུར་གདུང་
[277b.2]བས་ཞག་བདུན་གྱིས། །དེ་བཞིན་ཁྲག་གྱུར་ཞག་གསུམ་གྱིས་འཇོམས་བྱེད། །མཁྲིས་གྱུར་འཕྲལ་དུ་ལོག་སྤྱོད་ཀྱིས་གནོད་བྱེད། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་བཅོ་ལྔ་པའོ།། །།དེ་ནས་མིག་ནད་ཐམས་ཅད་གསོ་བ་
[277b.3]བཤད་པར་བྱའོ། །མཆི་འཛག་སྔར་བྱུང་ཚུལ་ཉིད་ལ། །མཁུར་བཀང་སྣ་སྨན་རྣོན་པོ་གཏང་། །རླུང་འཁྲུགས་མ་གཏོགས་ནད་གཞན་ལ། །སྨྱུང་བ་དག་ཀྱང་བྱ་བ་ཡིན། །ཚ་དང་དམར་དང་གོས་པ་དང་། །སྐྲང་སོགས་ཞི་ཕྱིར་ཀུན་ལ་ནི། །སུག་སྨེལ་གནྡྷ་བྷ་དྲ་དང་། །ན་ལེ་
[277b.4]ཤམ་དང་བཙག་ཡུག་སྣམ། །ལྡེ་གུར་བྱས་པས་བསྐུ་བར་བྱ། །རླུང་གྱུར་རྒྱམ་ཚ་སྐྱེར་ཁཎྜ། །ཤིང་མངར་རྒྱ་སྤོས་ཙནྡན་ནམ། །རྒྱམ་ཚ་དོང་གྲ་སྐྱེར་ཁཎྜ། །མར་གྱི་ཉིང་ཁུ་བདར་བའམ། །ཡང་ན་སེང་ཕྲོམ་སྦྱར་བ་གཏང་། །ཁྲག་མཁྲིས་གྱུར་ལ་སྤང་སྤོས་དང་། །ཤུག་པ་
[277b.5]ཤིང་མངར་ར་མཉེ་བ། །བད་ཀན་ལས་གྱུར་པྲི་ཡངྐུ། །ལྡོང་རོས་སྦྲང་རྩི་སྦྱར་བས་བསྐུ། །འདུས་པ་ལས་གྱུར་ཀུན་གྱིས་བསྐུ། །ན་ལེ་ཤམ་ནི་དཀར་པོ་ཆ་གཅིག་དང་། །ལྡོང་རོས་ཆ་བཞི་སེང་ཕྲོམ་ཆ་བཅུ་དྲུག །ཞིབ་ཏུ་བཏགས་ཏེ་རས་གཙང་ཕུར་མས་གཏུམས། །ནད་ལྡང་
[277b.6]མོད་ལ་མིག་ཏུ་གདབ་པར་བྱ། །རྒྱ་སྲན་ནག་པོ་བ་ལྕི་རའི་རིལ་ཁུ། །ལེགས་བཙོས་སེན་མོས་ཤུན་པ་བཤུས་གྱུར་པ། །དེ་ཡིས་མཚན་མོ་ལན་ཅིག་བསྐུས་པ་ཡིས། །མིག་ནད་འཁྲུགས་པ་མྱུར་དུ་ཞི་བར་བྱེད། །ཤུ་ཏི་ཤིང་མངར་སྤངས་མ་ཨ་རུ་ར། །ཞིབ་བཏགས་རས་ཀྱི་ཐུམ་པོ་ལྷོད་
[277b.7]པར་བཅིང་། །ཟངས་ཀྱི་སྣོད་དུ་སྐྱུར་རྩབས་ནང་དུ་བཅུག །མིག་ཏུ་བཞག་ན་མིག་ནད་སྣ་ཚོགས་སེལ། །སྐྱེར་པ་སྲང་གཅིག་ཆུ་བྲེ་ཕྱེད་དུ་ཡང་། །ཁུ་བ་བརྒྱད་ཆ་ལུས་པར་སྦྲང་རྩི་བཏབ། །དེ་བཞིན་མིག་ཏུ་བསྐུས་པར་གྱུར་ན་ནི། །ནད་གཞི་ཐམས་ཅད་འཁྲུགས་པའི་མིག་ནད་སེལ། །
[278a]
[278a.1]ཤི་ཀྲུའི་ལོ་མའི་ཁུ་བ་སྦྲང་རྩིར་བཅས། །མིག་ཏུ་བླུགས་ན་རླུང་དང་མཁྲིས་པ་དང་། །བད་ཀན་འདུས་པ་ལས་གྱུར་མིག་ནད་རྣམས། །མིག་ནད་མང་པོ་དག་ཀྱང་མྱུར་དུ་སེལ། །ཨེ་རཎྜ་ནི་གཞོན་ནུའི་ལོ་མ་དང་། །རྩ་བ་བརྡུངས་ཏེ་ར་ཡི་འོ་མར་བསྐོལ། །བླུགས་
[278a.2]སམ་ཟན་དྲོན་མིག་ཏུ་གླན་པ་ཡིས། །རླུང་གྱུར་མཆི་འཛག་ནད་ནི་མོད་ལ་འཇོམས། །རླུང་གྱུར་བ་ལ་བིལ་བ་སྩོགས། །བསྐོལ་བའི་སྨན་ཐིགས་བླུགས་པའམ། །ཨེ་རཎྜའི་རྩ་བྲི་ཧ་ཏི། །མ་དུ་ཤི་ཀྲུ་དྲོ་འཇམ་བླུགས། །ཤ་རང་གཥྚ་བ་ལ་ཀ །རྒྱ་སྤོས་ཨུ་དུམ་ཝཱ་རའི་ཤུན། །ཆུ་དང་
[278a.3]འོ་མ་བཅས་བསྐོལ་བའི། །ཐིགས་བླུགས་གཟེར་ནི་སེལ་མཆོག་ཡིན། །བཙོང་དང་སྐྱེར་པ་རྒྱ་སྐྱེགས་དང་། །རྒུན་འབྲུམ་ཨུཏྤལ་ཤིང་མངར་གཉིས། །བསྐོལ་ཏེ་བསྒྲངས་པར་ཁར་གདབ། །མིག་བླུགས་ཁྲག་མཁྲིས་མིག་ནད་སེལ། །ཤིང་མངར་ཀ་ཤེ་རུའི་ཕྱེ་མ། །རས་མ་འཇམ་
[278a.4]པོས་ལྷོད་པར་བཅིང་། །ཆར་ཆུའི་ནང་དུ་སྦངས་པ་ནི། །ཁྲག་མཁྲིས་ལས་གྱུར་མཆི་འཛག་སེལ། །ཤིང་མངར་སྐྱེར་པ་སྟག་ཚེར་བ། །ཐུམ་པོ་ནུ་ཞོ་ཁ་རར་བཅས། །ར་ཡི་འོ་མར་སྦངས་པ་བླུགས། །ཚ་ན་མདོག་དམར་མཆི་འཛག་སེལ། །སེང་ཕྲོམ་དཀར་པོ་ཤིང་མངར་བཅས། །མར་
[278a.5]བརྔོས་ལེགས་པར་བཏགས་པ་ནི། །རས་ལ་གཏུམས་ཏེ་ནུ་ཞོར་མཉེ། །ཁྲག་མཁྲིས་སྣད་པའི་མིག་ནད་སེལ། །དོང་གྲ་ནིམ་པ་འབྲས་བུ་གསུམ། །སེང་ཕྲོམ་བ་ཤ་ཀའི་ཁུ་བ། །དྲོ་འཇམ་བླུགས་པས་བད་ཀན་སེལ། །འདུས་པར་འདི་དག་བསྲེས་པས་ཕན། །རླུང་ལ་མར་
[278a.6]ནི་རྙིང་པ་དང་། །མཁྲིས་པར་ཁ་རར་བཅས་པ་དང་། །བད་ཀན་ལ་ནི་ཚ་བ་གསུམ། །བསྐོལ་དང་ཐལ་སྨན་བཅས་པ་བླུད། །དེ་འོག་ཁྲག་ཀྱང་དབྱུང་བ་དང་། །དེ་ནས་སྣུམ་གྱུར་བཀྲུ་སྨན་གཏང་། །དྲོ་བས་ཚ་སྟེ་གཟེར་བ་ལ། །སྐམ་སའི་སྲོག་ཆགས་ཤ་བཏགས་པས། །
[278a.7]མགོ་དང་གདོང་བསྐུ་ཚ་བ་ལ། །འོ་མ་མར་བཅས་གྲང་མོས་བསྐུ། །རབ་རིབ་གསོ་བའི་ཆོ་ག་ཡང་། །བརྟགས་ཏེ་ཇི་བཞིན་གསོ་བར་བྱ། །ཆོ་ག་འདི་དག་ཐམས་ཅད་ནི། །གདུང་བ་ལ་སོགས་རྣམས་ལ་ཕན། །གདུང་བ་ཡོང་ཡེ་མ་ཞི་ན། །སྨིན་མའི་སྟེང་དུ་མེ་བཙའ་གདབ། །
[278b]
[278b.1]བ་ཞོ་སྣུམ་མེད་ཀྱིས་དངུལ་སྣོད། །བྱུགས་ཏེ་སྔོན་པོར་གྱུར་པ་དང་། །སྐམས་ནས་ཞོ་ག་ཆུ་རི་ལུར། །བྱས་པས་རླུང་གྱུར་མིག་ནད་འཇོམས། །ཛཱ་ཏིའི་མེ་ཏོག་ཁ་འབུས་དུང་། །ཤིང་མངར་བ་ལ་འབྲས་བུ་གསུམ། །ཆར་ཆུ་དང་བཏགས་རི་ལུར་བྱས། །ཁྲག་མཁྲིས་ལས་
[278b.2]གྱུར་མིག་ནད་སེལ། །རྒྱམ་ཚ་འབྲས་བུ་ཚ་བ་གསུམ། །རྒྱ་མཚོའི་ལྦུ་བ་དུང་སྙིང་པོ། །ཨེ་ལ་བ་ལུ་སྲ་རྩི་པོག །རི་ལུས་བད་ཀན་མིག་ནད་སེལ། །ཤིང་མངར་པྲ་པུཎྜ་རཱི་ཀ །སྐྱེར་པ་སྲང་ནི་བརྒྱད་བརྒྱད་དག །ཆུ་བྲེ་བཅུ་དྲུག་ནང་བསྐོལ་བཙགས། །སླར་བསྐོལ་སྐ་བར་
[278b.3]གྱུར་པ་ནི། །ར་གན་དུད་པ་སྲང་བཅུ་དང་། །ན་ལེ་ཤམ་ཕྱེ་ཞོ་གཉིས་གཞུག །དེ་ལ་རི་ལུའམ་ཕྱེ་མར་བྱས། །བསྐུས་ན་མཆི་འཛག་ཐམས་ཅད་དང་། །དམར་ན་དྲུད་པ་བྱེད་སྙམ་འཇོམས། །འཕྲལ་དུ་མིག་ནི་གསལ་བར་བྱེད། །སྦྱོར་འདི་ཕྱུག་བདག་ཅེས་བྱ་སྟེ། །སྨན་
[278b.4]པ་རྣམས་ཀྱི་གསང་བ་མཆོག །མིག་སྨིན་སྐམ་པ་མར་བླུད་ཅིང་། །འཚོ་བྱེད་ཀྱི་ནི་སྨན་མར་ནི། །བླུད་ཅིང་མིག་ནི་བརྟ་བྱ་དང་། །ཏིལ་མར་ཆུང་ངུའི་སྣ་སྨན་གཏང་། །འདི་ལ་འོ་མ་རྒྱམ་ཚར་བཅས། །དྲོ་འཇམ་ཐིགས་པ་བླུགས་པའང་ཕན། །བཅའ་སྒ་བུད་མེད་ནུ་ཞོར་
[278b.5]བཏགས། །མར་སྦྱར་མིག་ཏུ་བསྐུས་ནའང་ཕན། །ཡང་ན་རླན་ཅན་ཤ་ཡི་ཞག །དོང་གྲ་རྒྱམ་ཚ་ཅུང་ཟད་བཏབ། །སྐྲ་ནི་མར་བསྐུས་མེ་ལོང་གིས། །མཉེས་ཏེ་ཁམ་ཕོར་ཁ་སྦྱར་བཅུག །བསྲེགས་ཏེ་ལྕགས་སྣོད་མར་དང་བཅས། །སྣག་ཚ་དེ་ནི་མིག་སྨན་མཆོག །སྐྲང་
[278b.6]བཅས་ཅུང་ཟད་སྐྲངས་པ་ལ། །སྣུམ་ཆོས་བྱས་ཏེ་གཏར་ག་གདབ། །སྣུམ་བྱས་རྒུན་འབྲུམ་ཨ་རུ་ར། །དུར་བྱིད་མར་བཅས་བཀྲུ་སྨན་གཏང་། །སེང་ཕྲོམ་དཀར་པོ་མར་ལ་བརྔོས། །ཕྱེ་མར་བྱས་ཏེ་རས་ལ་གཏུམས། །ཆུ་དྲོན་ལ་མཉེས་ཐིགས་པ་བླུགས། །གཟེར་འཇོམས་
[278b.7]པ་ཡི་མཆོག་ཡིན་ནོ། །སྐྱེར་པ་པྲ་པུཎྜ་རཱི་ཀ །བསྐོལ་བའི་ཐིགས་པ་བླུགས་པས་ཕན། །མཆི་འཛག་ན་ཞིང་དྲུད་སྙམ་བྱེད། །སྦྱར་སྨན་འདི་དག་གཏང་བར་བྱ། །ལྕགས་ཀྱི་སྣོད་དུ་ཟངས་མ་བ་གཅིན་སྦྱར། །མར་བདུག་མིག་བསྐུས་གཟེར་ནི་འཇོམས་པར་བྱེད། །
[279a]
[279a.1]ཟངས་མའི་སྣོད་དུ་བ་ཞོའི་སྤྲིས་མ་བདར། །རྒྱམ་ཚ་པི་པི་ལིང་དང་བཅས་པ་མཆོག །ཟངས་མའི་སྣོད་དུ་ནུ་ཞོ་དུང་བདར་ལ། །དོང་གའི་ལོ་མ་མར་བཅས་དུད་པས་བདུག །སྦྱར་སྨན་ཞེས་བྱ་མིག་ཏུ་བསྐུས་ན་ནི། །དྲུད་སྙམ་བྱེད་སོགས་མི་བཟད་ནད་མྱུར་
[279a.2]སེལ། །ཨུ་དུམ་ཝཱ་རའི་འབྲས་བུ་ནི། །ལྕགས་སྣོད་ནང་དུ་ནུ་ཞོ་བདར། །ཤ་མའི་ལོ་མ་མར་དུད་བདུག །མཆི་འཛག་གཟེར་དམར་དྲུད་པ་འཇོམས། །ཤི་ཀྲུའི་ལོ་མའི་ཁུ་བ་ནི། །ཟངས་མ་གཉིས་ཀྱི་བར་དུ་བདར། །མར་དུད་བདུགས་པས་སྐྲངས་པ་དང་། །གཡའ་དང་མཆི་
[279a.3]འཛག་ནད་རྣམས་འཇོམས། །ཏིལ་གྱི་ཆུ་དང་ཁར་བ་ནི། །ཁམ་ཕོར་བདར་ཏེ་ནིམ་པ་ཡི། །འོ་མ་མར་བསྐོལ་དུད་པས་བདུག །གཟེར་རམ་མཆི་འཛག་དྲུད་སྙམ་སེལ། །སྦྱར་སྨན་གྱིས་ནི་མིག་བསྐུས་ཏེ། །སྨན་ཤུགས་ཟུག་གཟེར་དང་བྲལ་ནས། །བུད་མེད་ནུ་ཞོའི་ཐིགས་
[279a.4]པ་བླུགས། །ལན་གསུམ་ཕན་ཆད་དེ་མི་བསྐུ། །བལ་བུའི་ལོ་མ་པི་པི་ལིང་། །རྒྱ་སྤོས་ལྕགས་ཕྱེ་སྟང་ཟིལ་དང་། །ཛཱ་ཏི་ཁ་འབུས་ནག་ཚུར་དང་། །རྒྱམ་ཚ་བ་གཅིན་བཏགས་པ་ཡི། །ལྡེ་གུས་ཟངས་ཀྱི་སྣོད་བསྐུས་ལ། །ཞག་བདུན་བཞག་སྟེ་བ་གཅིན་དང་། །བཏགས་
[279a.5]ཏེ་རི་ལུར་བྱས་ནས་ནི། །དེ་འོག་གྲིབ་མ་ལ་བསྐམས་ཏེ། །བུད་མེད་ནུ་ཞོ་དང་བདར་བསྐུ། །དྲུད་སྙམ་བྱེད་དང་མཆི་མ་འཛག །སྐྲང་དང་གཡའ་བ་སེལ་བར་བྱེད། །ཀཎྜ་ཀ་རིའི་ཤུན་པ་དང་། །ཤིང་མངར་ཟངས་མའི་ཕྱེ་མ་ནི། །ར་ཡི་འོ་མས་ལྡེ་གུར་བྱས། །ཤ་མི་
[279a.6]སྐྱུ་རུ་རའི་ལོ་མ། །མར་གྱིས་བསྐུས་པའི་དུད་པས་བདུག །བསྐུས་ན་སྐྲངས་དང་གཟེར་ནད་སེལ། །སྐྱུར་གྱིས་བསྐྱེད་ལ་མཁྲིས་པ་ཡི། །མཆི་མ་འཛག་པའི་ཆོ་གས་གསོ། །བད་ཀན་ཁྲག་མཁྲིས་ཀྱིས་བསྐྱེད་དང་། །འདུས་པས་བསྐྱེད་དང་སྒྲ་ངན་དང་། །རྫི་མ་འགགས་དང་
[279a.7]མིག་སྨིན་སྐམ། །རྣག་གི་ཆུ་སེར་པདྨའི་རྩ། །མིག་མཆུའི་ཤ་དང་སྐྱུར་སྐྱེད་ཅུང་། །མཆི་འཛག་གདུང་བ་རླུང་མ་གཏོགས། །བཅྭ་བརྒྱད་པོ་དག་ཆག་པར་བཤད། །ཡུན་རིང་དུ་ནི་ན་བ་ཡིན། །འདི་དག་གསོ་བ་སོ་སོ་ཡི། །ལེའུའི་ནང་དུ་བཤད་པ་ཡིན། །དེའི་འོག་མིག་ཚག་
[279b]
[279b.1]སྤྱི་ཡི་བཤད། །དེ་ནས་མིག་ཚག་ནད་པ་ནི། །སྣུམ་ཆོས་སློན་ནི་བྱས་ནས་ཀྱང་། །གཏར་ག་གདབ་སྟེ་ཁྲག་དབྱུང་བྱ། །བཀྲུ་སྨན་བཏང་ཞིང་མིག་ཆུ་ནི། །དག་པར་གྱུར་གྱི་བར་དུ་བཞར། །སྤངས་མ་སྲང་གཅིག་ན་ལེ་ཤམ། །དཀར་པོ་སྲང་ནི་ཉི་ཤུ་དང་། །སྐྱུར་རྩབས་སྲང་ནི་
[279b.2]སུམ་ཅུ་དག །བཏགས་ཏེ་ཟངས་མའི་སྣོད་དུ་གཞུག །ལོ་མང་ལོན་པའི་མིག་ཚག་པའམ། །ཆུ་སེར་འཛག་སོགས་ཞི་བར་བྱེད། །གོས་དང་ཚ་དང་མཆི་མ་འཛག །གཡའ་སྐྲངས་དེ་བླུགས་པ་ཡིས་སེལ། །བྱེའུ་རུག་ཀ་རཉྫའི་ས་བོན། །ཛཱ་ཏིའི་མེ་ཏོག་ཁ་འབུས་པ། །
[279b.3]བརྡུངས་ཏེ་བསྐོལ་ལ་བཙགས་ནས་ནི། །ཁུ་བར་བྱས་པ་དེ་དང་ནི། །སྟང་ཟིལ་དང་སྦྱར་མིག་སྨན་ནི། །མིག་ཚག་གཡའ་དང་ཆུ་སེར་འཛག །གཡའ་ཞིང་འདྲུལ་བ་སེལ་མཆོག་ཡིན། །སྐྱེར་པའི་ཁཎྜ་སྲ་རྩི་པོག །ར་གན་དུད་པ་ལྡོང་རོས་དང་། །རྒྱ་མཚོའི་ལྦུ་བ་
[279b.4]རྒྱམ་ཚ་དང་། །ན་ལེ་ཤམ་དང་བཙག་ཡུག་སྣམ། །སྦྲང་རྩི་བཏགས་པའི་མིག་སྨན་ནི། །མིག་ཚག་འདྲུལ་གཡའ་སེལ་བར་བྱེད། །རྒྱ་སྤོས་ཨ་རུ་རའི་ཁུ་བར། །དངུལ་རྡོ་བཏགས་པས་མིག་ཚག་སེལ། །ཐང་ཤིང་སྣུམ་དང་བཅས་པ་ནི། །ར་གཅིན་ནང་དུ་སྦངས་པའང་
[279b.5]ཕན། །རྒྱམ་ཚ་འབྲས་གསུམ་པི་པི་ལིང་། །དུང་གི་སྙིང་པོ་པུ་ཙེ་ཤེལ། །ཟངས་མའི་ཕྱེ་མ་བཅས་རི་ལུ། །མིག་ཚག་ལིང་ཏོག་སེལ་བར་བྱེད། །ཡང་ན་ནག་ཚུར་ཕྱེ་མ་ནི། །བྱེའུ་རུག་པའི་ཁུ་བར་སྦངས། །ཟངས་མའི་སྣོད་དུ་ཞག་བཅུ་བཞག །དེ་ཡིས་མིག་ཚག་ཆུ་སེར་འཛག །
[279b.6]རྫི་མ་འབྱི་བ་སེལ་བར་བྱེད། །ལྡོང་རོས་དང་ནི་སྐྱེར་པའི་ཁཎྜ་དང་། །དེ་མཉམ་ཟངས་མའི་ཕྱེ་མ་ཞིབ་ཏུ་བཏགས། །ཕྱེ་མ་མིག་སྨན་ཐུར་མ་གཅིག་གིས་ཀྱང་། །རྫི་མ་བསྐྱེད་ཅིང་མིག་ཚག་འདིས་སེལ་བྱེད། །རྒྱ་སྐྱེགས་བྲིང་ག་སྐྱེར་པ་ནི་རྒུནྠི། །ཁུ་བར་རས་ཀྱི་དུམ་བུ་ལན་
[279b.7]བདུན་སྦངས། །སྡོང་བུ་མར་མེ་དེ་བུས་ལས་བྱུང་བའི། །སྣག་ཚ་མིག་ཚག་སེལ་བར་བྱེད་མཆོག་ཡིན། །མིག་མཆུ་མང་དུ་ཞལ་ཞལ་བྱ། །དེ་བཞིན་གཏར་ག་བྱ་བ་དང་། །བཀྲུ་སྨན་ཡང་ཡང་བྱ་བ་ནི། །མིག་ཚག་ཅན་གྱི་ནད་པས་བསྟེན། །རྣག་གི་ཆུ་འཛག་མ་ཞིའི་མཐར། །ཐུར་
[280a]
[280a.1]མ་ཕྲ་མོས་བསྲེག་པར་བྱ། །དེ་ལྟར་མིག་ནད་དགུ་བཅུ་བཞི། །ནད་གཞི་མཚན་ཉིད་གསོ་བ་དག །ཕན་ཚུན་འདྲེས་པ་མེད་པར་ནི། །མ་ལུས་པར་ནི་བཤད་པ་ཡིན། །སྐྱེས་བུ་ནད་མེད་པ་ཡིས་ཀྱང་། །ནས་དང་གྲོ་རྙིང་དྲུག་ཅུ་པ། །སཱ་ལུ་ཁྲེ་རྒོད་རྙིད་པ་
[280a.2]དང་། །མུངྒ་ལ་སོགས་བད་མཁྲིས་འཇོམས། །ཞུན་མར་མང་དུ་བཏབ་པ་དང་། །ཚོད་མ་དེ་འདྲ་སྐམ་ས་ཡི། །ཤ་དང་སེ་འབྲུ་ཁ་ར་དཀར། །བསྟེན་ཞིང་ཆར་ཆུ་བཏུང་བ་དང་། །གདུགས་བཅང་ལྷམ་ནི་བགོ་བ་དང་། །ཆོ་ག་བཞིན་དུ་ནད་སྦྱང་བ། །རྣམ་པ་ཀུན་ཏུ་བསྟེན་པར་བྱ། །
[280a.3]ཤུགས་བཀག་པ་དང་མ་ཞུར་ཟ། །ཕྱེད་ཞུ་ཟ་དང་རྟུག་འགགས་ཟ། །ཚ་དང་ཕྱི་ས་འགགས་བྱེད་པའི། །ཟས་དང་སྤྱོད་ལམ་སྨན་ཀུན་སྤང་། །རྐང་པ་གཉིས་ཀྱི་དབུས་ན་རྩ་སྦོམ་པོ། །གཉིས་གནས་དེ་ཡིས་མིག་ནི་ནང་དུ་ཁྱབ། །དེ་བསྐུས་བྱུག་དང་དྲིལ་བ་ལ་སོགས་
[280a.4]པ། །རྐང་པར་བྱས་ན་མིག་ཏུ་འགྲོ་བར་འགྱུར། །དྲི་མ་ཚ་དང་སྣད་པ་ལ་སོགས་པས། །དེ་གནོད་གྱུར་ན་མིག་ལ་གནོད་པར་འགྱུར། །དེ་བས་མིག་ལ་ཕན་འདོད་ལྷམ་དང་ནི། །བསྐུ་དང་དྲིལ་དང་བྱུག་པ་སོགས་བསྟེན་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་
[280a.5]མའི་གནས་ཀྱི་ལེའུ་བཅུ་དྲུག་པའོ།། །།དེ་ནས་རྣ་བའི་ནད་ཀྱི་དམིགས་ཤེས་པ་བཤད་པར་བྱའོ། །ཆམ་པས་བཏབ་དང་ཆུ་ལ་རྩེ། །རྣ་བ་བྲུད་པས་རླུང་འཁྲུགས་ཤིང་། །སྒྲ་ཡི་ལོག་པའི་སྦྱོར་བ་དང་། །ལྡང་བའི་རྒྱུ་གཞན་གྱིས་འཁྲུགས་ནས། །རྣ་བའི་རྩར་ནི་རླུང་ཞུགས་ཏེ། །རྣ་བའི་བུ་གར་
[280a.6]ཤུགས་དྲག་གཟེར། །གཞོགས་ཕྱེད་ན་ཞིང་རེངས་པ་དང་། །གྲང་བ་དག་ནི་མི་འཕྲོད་ཅིང་། །རིང་ནས་རྣགས་ཤིང་སྨིན་ནས་ཀྱང་། །ཆུ་སེར་ཅུང་ཟད་འཛག་པར་བྱེད། །རྒྱུ་མེད་རྣ་བ་སྟོང་སྙམ་སེམས། །ཞུམ་དང་རྒྱས་པ་སྙམ་དུ་བྱེད། །མཁྲིས་གྱུར་ཚ་བཅས་ན་ཞིང་གཟེར། །
[280a.7]གྲང་འདོད་སྐྲང་ཞིང་རིམས་ཀྱིས་འདེབས། །མྱུར་དུ་སྨིན་ཞིང་སྨིན་ནས་ཀྱང་། །ཆུ་སེར་སེར་པོར་འཛག་པར་བྱེད། །ཆུ་སེར་དེས་ནི་གང་གང་དུ། །རེག་པ་དེ་དང་དེར་རྣགས་འགྱུར། །བད་ཀན་ལས་གྱུར་མགོ་འགྲམ་པ། །མགྲིན་པ་ལྕི་ཞིང་ནད་ཤུགས་དལ། །གཡའ་ཞིང་
[280b]
[280b.1]གྲང་ལ་དྲོ་བ་འདོད། །སྨིན་ནས་རྣག་དཀར་སྐ་བ་འཛག །སྣད་ལ་སོགས་པས་གནོད་གྱུར་པ། །རྣ་བ་གཟེར་བར་བྱེད་པར་འགྱུར། །ཁྲག་དང་མཁྲིས་པ་ལྟར་ན་དང་། །མཚན་ཉིད་ཅུང་ཟད་ལྷག་པ་ཡིན། །ནད་གཞི་འདུས་པས་གཟེར་བ་དང་། །སྐྲངས་བཅས་རིམས་འདེབས་མི་བཟད་
[280b.2]ན། །རེས་ཀྱིས་གྲང་དང་དྲོ་བ་འདོད། །འོན་པ་ལྟ་བུ་ཉིད་དུ་འགྱུར། །སྨིན་ནས་རྣག་ནི་དཀར་དང་ནག །དམར་དང་སྐ་བ་འཛག་པར་འགྱུར། །སྒྲ་ཐོས་རྩར་ནི་རླུང་ཞུགས་པ། །རྒྱུ་མེད་པར་ནི་སྣ་ཚོགས་པའི། །སྒྲ་ནི་ཡང་དང་ཡང་དུ་ཐོས། །དེ་ནི་རྣ་བའི་སྒྲ་ཞེས་བྱ། །རླུང་ནི་བད་ཀན་
[280b.3]དང་འདྲེས་པའི། །རྣ་སྒྲ་ཡལ་བར་བོར་ན་ནི། །སྐད་གསང་མཐོན་པོར་སྨྲས་པ་ཐོས། །རིམ་གྱིས་འོན་པ་ཉིད་དུ་འགྱུར། །རླུང་གིས་བད་ཀན་བསྐམས་གྱུར་པས། །དེ་ལ་རྣ་བར་གོས་གྱུར་ན། །ན་ཞིང་ལྕི་ལ་འགགས་གྱུར་པ། །དེ་ནི་རྣ་བ་འགགས་ཞེས་བཤད། །བད་ཀན་
[280b.4]ལས་ནི་རྣ་བ་གཡའ། །སྐྲང་སྲ་དེ་ཡི་མིང་གིས་བཤད། །མཁྲིས་པས་བད་ཀན་ཚིག་གྱུར་པ། །ནད་བཅས་པའམ་ནད་མེད་ཀྱང་། །རྣག་སྐ་འཛག་ཅིང་མང་དུ་འདྲུལ། །རྣ་བ་རྣག་ཅན་བྱེད་པར་འགྱུར། །རླུང་སོགས་པ་ཡིས་རྣ་བའི་ཤ །ཁྲག་ལ་གནོད་གྱུར་འདྲུལ་བར་ཟ། །
[280b.5]སྲིན་བུས་བསྐྱོད་ཅིང་མི་བཟད་ན། །རྣ་ནད་སྲིན་བུ་ཅན་ཞེས་བྱ། །རྣ་བ་ཕུག་པའི་རྨ་ལས་བྱུང་། །རྨ་ནི་སྔ་མའི་མཚན་ཉིད་ཅན། །ཁོང་འབྲས་འགྱུར་བའམ་གཞན་དུའང་འགྱུར། །ཐོར་བུ་འབྲུམ་བུ་སྐྲངས་ལས་འབྱུང་། །དེ་ལས་རྣ་བ་རྣགས་པ་དང་། །འོན་པར་བྱེད་པས་གནོད་པར་
[280b.6]འགྱུར། །མངལ་དུ་རླུང་གིས་རྣ་བའི་ཤ །ཞུམ་འགྱུར་འཁུམས་པ་ཞེས་བྱའོ། །མངལ་དུ་ཤ་མཛེར་སྲ་ན་མེད། །པི་པི་ལིང་འདྲ་མང་པོའང་གཅིག །ནད་མེད་པི་པི་ལིང་ཞེས་བྱ། །འདུས་པ་ལས་གྱུར་གས་པ་ནི། །མདོག་འདྲ་ན་ཞིང་སྲ་བ་དང་། །སྐྲང་འགྱུར་དེ་ནི་མ་གསོས་
[280b.7]ན། །སྨིན་ནས་ཉུངས་མར་ལྟ་བུར་ནི། །འཛག་ཅིང་འཚོ་བ་དཀའ་བར་འགྱུར། །རྨ་འཚོ་བས་ཀྱང་ངེས་པར་ནི། །རྣ་བའི་ཤ་ནི་ཞུམ་པར་འགྱུར། །རྩ་ལ་གནས་པའི་རླུང་གིས་ནི། །རྣ་ཤལ་སྐམ་པ་དེ་མིང་ཅན། །རྣ་ཤལ་པི་ཝང་རྒྱུད་ལྟར་པྲ། །སྲ་བ་རྒྱུད་ཅན་ཞེས་བྱའོ། །
[281a]
[281a.1]གཞོན་ཤ་ཅན་ནི་ཡུན་རིང་དུ། །བཏང་སྙོམས་བོར་ནས་འཕྲལ་དུ་བསྐྱེད། །རྣ་ཤལ་སྐྲངས་ཤིང་ནད་བཅས་ལ། །དམར་ཞིང་འབྱར་བར་གྱུར་པ་ནི། །དེ་ནི་རླུང་གིས་འབྱར་ཞེས་བྱ། །གནོད་འགྱུར་རྒྱན་ལྕི་ཁུར་སོགས་ཀྱིས། །ཁྲག་དང་མཁྲིས་པ་འཁྲུགས་
[281a.2]གྱུར་པས། །དམར་ཞིང་ཚན་སྨིན་པ་དང་། །སྐྲང་དང་འབྲུམ་བུ་འབྲུམ་ཕྲན་དང་། །དམར་ཞིང་ཚལ་རྣགས་པ་ཡིན། །རླུང་དང་བད་ཀན་གྱིས་རྣ་ཤལ། །སྐྲང་ཞིང་ནད་མེད་སྲ་བ་དང་། །བརྟན་ཞིང་མདོག་འདྲ་གཡའ་བ་དང་། །དེ་ནི་མཉེ་བ་ཞེས་བྱར་བཤད། །ཕུག་ཉེས་རྣ་བ་བརྒྱངས་
[281a.3]པ་ལས། །གཡའ་བཅས་ཚ་གྲང་སྨིན་ཞིང་ན། །འདུས་པ་ལས་གྱུར་སྐྲངས་བ་དེ། །སྡུག་བསྔལ་འཕེལ་བྱེད་ཅེས་བྱའོ། །བད་ཀན་ཁྲག་གྱུར་སྲིན་བུ་ཕྲ། །གཡའ་ཞིང་གནག་ལ་རྣག་བཅས་པ། །སྲིན་བུ་ཕྲ་མོས་བལྡགས་ཞེས་བྱ། །དེ་མ་གསོས་ན་རྣ་ཤལ་ཟ། །དེ་ལས་
[281a.4]འདུས་གྱུར་པི་པི་ལིང་། །གཟེར་ཅན་གས་འཁུམས་གསོར་མི་རུང་། །རྒྱུད་ཅན་གཅིག་པུ་འཚོ་བ་ཙམ། །ལྷག་མ་རྣམས་ནི་གསོ་བར་བྱ། །དེ་ལྟར་རྣ་བའི་ནད་ཀྱི་ནི། །དབྱེ་བ་ཉི་ཤུ་རྩ་ལྔར་བཤད། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་
[281a.5]བཅུ་བདུན་པའོ།། །།དེ་ནས་རྣ་བའི་ནད་གསོ་བ་བཤད་པར་བྱའོ། །རླུང་ལས་གྱུར་པའི་རྣ་ནད་ལ། ཤ་ཁུ་བླུད་ཅིང་རླུང་འཇོམས་པའི། །སྨན་བསྐོལ་མར་ནི་མཚན་མོ་བླུད། །རྣ་བ་དུགས་བྱས་དེ་རྗེས་ལ། །ཨ་ཤྭཏྠ་དང་ཨེ་རཎྜ། །བིལ་བ་ཨརྐའི་ལོ་མ་
[281a.6]དང་། །ཏིལ་མར་རྒྱམ་ཚར་བཅས་པ་དང་། །ཕུར་མ་བཙོ་བ་བྱས་པ་ཡི། །ཁུ་བ་དྲོ་འཇམ་ཙམ་མམ་ནི། །ལ་ཕུག་གུ་གུལ་རྣ་བ་དགང་། །རླུང་འཇོམས་སྡེ་ཚན་སྐྱུར་རྣམས་དང་། །གཅིན་གྱི་ནང་དུ་སྣུམ་ཆེན་ནི། །བསྐོལ་བ་དེ་ནི་རྣ་བའི་ནད། །མི་བཟད་པ་ཡང་མྱུར་དུ་སེལ། །རྩ་བ་ཆེན་
[281a.7]པོ་ལྔ་ཡི་ཤིང་། །གང་ཡང་རུང་བ་གསེ་མས་དཀྲི། །ཏིལ་མར་གྱིས་བསྐུས་འབར་བའི་རྩེ། །སྣུམ་འཛག་འཕྲལ་དུ་ནད་སེལ་བྱེད། །དེ་བཞིན་ཐང་ཤིང་རུ་རྟ་དང་། །སྒྲོན་ཤིང་ལས་ཀྱང་དེ་བཞིན་བྱ། །རླུང་ནད་ཆམ་པ་ལ་བཤད་པའི། །གསོ་བས་འདིར་ཡང་ཕན་པ་ཡིན། །
[281b]
[281b.1]མགོ་བོ་བཀྲུ་དང་ཆུ་གྲང་བཏུང་། །ཉིན་མོའང་ཡོངས་སུ་སྤང་བར་བྱ། །མཁྲིས་གྱུར་ཁ་ར་དཀར་པོར་བཅས། །མར་གྱིས་སྣུམ་བྱས་བཀྲུ་སྨན་གཏང་། །རྒུན་འབྲུམ་ཤིང་མངར་ནུ་ཞོ་བསྐོལ། །རྣ་བ་བཀང་བའང་བསྔགས་པ་ཡིན། །ཤིང་མངར་ཙནྡན་དཱུར་བ་དཀར། །པུ་ཤེལ་
[281b.2]ཙེ་དང་ར་མཉེ་བ། །སེང་ཕྲོམ་པདྨའི་རྩ་བ་དང་། །པདྨའི་སྡོང་བུ་ཛི་བ་ཀ།།བཙོད་དང་ཐལ་ཏྲེས་བསྐོལ་བ་དང་། །ཤིང་མངར་ཁུ་བ་བྲེ་གང་དང་། །འོ་མ་བྲེ་དོ་བཅས་པ་དག །ཏིལ་མར་ཕུལ་གང་བསྐོལ་བ་དང་། །འདི་ཡིས་རྣར་བླུགས་རྣ་དགང་བསྐུ། །ཡང་ན་སྦྲང་རྩི་ཉི་ཚེས་དགང་། །
[281b.3]གཟེར་དང་ཚ་དང་ན་བ་སེལ། །ཤིང་མདང་ལ་སོགས་མར་དང་བཅས། །རྣ་བ་ཀུན་ཏུ་བྱུགས་ནའང་ཕན། །བད་ཀན་ལས་གྱུར་པི་པི་ལིང་། །མར་བསྐོལ་སྣུམ་གྱུར་སྐྱུག་ཏུ་གཞུག །བད་ཀན་སེལ་བའི་སྣ་སྨན་དང་། །མཁུར་བཀང་དུགས་དང་དུད་པ་བརྔུབ། །སྒོག་སྐྱ་སྒེའུ་
[281b.4]གཤེར་ཤི་ཀྲུ་དང་། །ལ་ཕུག་ཆུ་ཤིང་མུ་རང་ག །བསྐོལ་བའི་ཁུ་བ་དམ་པ་ནི། །དྲོ་འཇམ་རྣ་བར་བླུགས་ནའང་ཕན། །ཨརྐའི་མྱུ་གུ་སྐྱུར་ཁུར་བཏགས། །ཏིལ་མར་རྒྱམ་ཚར་བཅས་པ་གང་། །སྣུ་ཧའི་ཤིང་བུ་བྲུས་པར་ནི། །བཅུག་ལ་ཨརྐའི་ལོ་མས་གཡོགས། །ཕུར་
[281b.5]མ་བཙོས་པའི་ཚུལ་དུ་བསྲེག །དེ་ཡི་ཁུ་བ་གཟེར་འཇོམས་མཆོག །མ་དུ་ལུང་གའམ་ཀ་པིད་ཏའི། །ཁུ་བས་བཀང་བ་བྱས་ནའང་ཕན། །ཡང་ན་ཚས་བཀང་དེ་རྗེས་ལ། །རྒྱ་མཚོའི་ལྦུ་བའི་ཕྱེ་མས་གདབ། །ར་ལུག་གཅིན་དང་འོད་མའི་ཤུན། །ཏིལ་མར་བསྐོལ་བས་
[281b.6]བཀང་ན་ཕན། །ཡང་ན་ཉུངས་མར་ཤིང་ཀུན་དང་། །ཨེ་རཎ་དོང་གྲ་བསྐོལ་བ་བླུགས། །ཁྲག་གྱུར་མཁྲིས་པ་ལྟ་བུར་གསོ། །གཏར་ག་མྱུར་དུ་གདབ་པར་བྱ། །སྨིན་ཞིང་རྣ་བ་ཁྲག་འཛག་ལ། །དུད་པ་མཁུར་བཀང་སྣ་སྨན་སྦྱར། །སྦུ་གུའི་ཆོ་ག་དག་དང་ནི། །རྨ་རེད་ཆོ་ག་
[281b.7]གང་ཡིན་བྱ། །གོས་པར་ཡེའུས་དུས་གཉིས་སུ། །རྣ་བ་ཕྱི་ཞིང་དག་པར་བྱ། །གུ་གུལ་དུད་པས་བདུགས་ནས་ཀྱང་། །སྦྲང་རྩི་ཡིས་ཀྱང་དགང་བར་བྱ། །བྱེའུ་རུག་ཁུ་བ་བསྐོལ་བ་དང་། །བུ་རམ་ཁུ་བས་བསྐོལ་བ་ཡི། །རས་བལ་ཡེའུ་རབ་ཕྲས་བྱུག །དེ་ཡི་ཕྱེ་མ་གདབ་
[282a]
[282a.1]པར་བྱ། །གཟེར་དང་རྣགས་དང་ལྕི་བ་ལ། །ཆོ་ག་འདིས་ནི་བཟློག་པར་བྱ། །པྲི་ཡངྐུ་དང་ཨམ་པཤྠ། །ཤིང་མངར་དང་ནི་ད་ཏ་ཀི །ཨུཏྤ་ལ་ཡི་ལོ་མ་དང་། །བཙོད་དང་སེང་ཕྲོམ་རྒྱ་སྐྱེགས་དང་། །ཀ་པིད་ཏ་ཡི་ཁུ་བ་དང་། །ཏིལ་མར་བསྐོལ་ཏེ་དེ་བླུགས་
[282a.2]ན། །རྣག་འཛག་པ་ནི་མྱུར་འཆད་བྱེད། །སྒྲ་བཅས་འོན་པ་དག་ལ་ནི། །རླུང་གི་གཟེར་འཇོམས་སྨན་གཏང་བྱ། །བད་ཀན་ལས་གྱུར་བད་ཀན་ནི། །སློན་སྨན་སོགས་ཀྱིས་དང་བོར་བསལ། །ཨེ་རཎྜ་དང་ཤི་ཀྲུ་དང་། །ལ་ཕུག་གཞོན་ནུའི་ལོ་མ་དང་། །ཁུ་བ་ཏིལ་མར་བཞི་
[282a.3]འགྱུར་དང་། །ལོ་མ་བརྒྱད་འགྱུར་བཅས་པ་དང་། །ཤིང་མངར་རམ་ཉེ་བའི་ལྡེ་གུ། །བཅས་པར་བསྐོལ་བ་རྣར་བླུགས་དང་། །བསྐུ་དང་རྣ་བ་བཀང་བ་ཡིས། །སྒྲ་བཅས་འོན་དང་གཟེར་བ་འཇོམས། །ཤིང་ཀུན་བོང་ང་དཀར་པོ་དང་། །ཤུ་ཏི་སྐྱེར་ཤུན་ས་རྫི་ཀ །ཏིལ་མར་
[282a.4]ཚ་དང་བཅས་བསྐོལ་བས། །བཀང་ན་གཟེར་དང་ཆུ་སེར་འཛག །སྒྲ་བཅས་འོན་པ་སེལ་བར་བྱེད། །རྣ་བ་སྒྲ་དང་བཅས་པ་ལ། །ཉུངས་མར་གྱིས་ནི་བཀང་ན་ཕན། །ལ་ཕུག་སྐམ་པའི་དུམ་བུ་ཡི། །ཐལ་བ་ཤིང་ཀུན་བཅའ་སྒ་དང་། །ཤུ་ཏི་རུ་རྟ་ཤུ་དག་དང་། །ཐང་ཤིང་ཤི་ཀྲུ་
[282a.5]སྐྱེར་ཁཎྜ། །ཡ་བཀྵ་ར་རྩབས་རུ་ཚ། །རྒྱམ་ཚ་རྔུལ་ཚ་སརྫི་ཀ །སྟག་པའི་ཚེར་མ་ཁ་རུ་ཚ། །གླ་སྒང་རྒུན་ཚ་བཞི་འགྱུར་དང་། །ཁ་ལུང་ཁུ་བ་དེ་དང་འདྲ། །ཆུ་ཤིང་ཁུ་བ་མཉམ་བསྐོལ་བའི། །ཏིལ་མར་བཀང་བས་རྣ་བའི་ནད། །གཡའ་དང་སྒྲ་བཅས་འོན་པ་དང་། །རྣག་
[282a.6]འཛག་གཟེར་ཞིང་སྲིན་བུ་ཅན། །ཤིན་ཏུ་གསོ་དཀའ་ཐལ་སྨན་གྱི། །ཏིལ་མར་གྱིས་ནི་མྱུར་དུ་འཇོམས། །ཁ་དང་སོ་ཡི་ནད་ལའང་ཕན། །དེ་ནས་ཚོར་བ་མེད་པ་ལ། །ཉེ་བ་ལ་ནི་གཏར་ག་གདབ། །སྐྲང་ཞིང་རྣགས་ལ་ཐོས་པ་ནི། །མི་གསལ་གྱུར་ལ་སྐྱུག་སྨན་བཏང་། །བྱིས་
[282a.7]པ་རྒན་དང་ཡུན་རིང་དུ། །ལོན་པའི་འོན་པ་སྤང་བར་བྱ། །སྒྲ་བཅས་རྣགས་པར་གྱུར་པ་ལ། །སྣུམ་དང་དུགས་བྱས་དག་པར་བྱ། །རྣ་བ་སྦྱངས་ནས་དེ་རྗེས་ལ། །རྣ་བ་སྦྱངས་པའི་ཏིལ་མར་དག །ཁ་ལུང་ཁུ་བ་རྒྱམ་ཚ་དང་། །ཚ་དང་སྦྲང་རྩིར་བཅས་པའང་བླུགས། །དག་བྱས་
[282b]
[282b.1]རྩུབ་པར་གྱུར་ན་ནི། །མར་གྱི་ཉིང་ཁུས་དགང་བར་བྱ། །རིམ་འདི་རྣ་སྤབས་གང་ལའང་བྱ། །གཡའ་དང་སྐྲང་ལ་རྣ་སྨན་སོགས། །བད་ཀན་སེལ་བར་བྱེད་པ་ཕན། །སྐྲང་ལ་ཚྭ་དང་དྲོ་བས་བྱུག །རྣ་བ་རྣག་འཛག་འབུ་ཅན་ལ། །རྣ་བ་ཆུ་འཛག་གསོ་བར་བྱ། །མཆོག་ཏུ་རྣ་
[282b.2]ནད་སྲིན་ཅན་ལ། །ཉུངས་མར་དྲོན་པོ་བླུགས་པར་བྱ། །རྣ་བའི་འབྲས་ལ་ཁོང་འབྲས་ཀྱི། །གསོ་བ་དང་ནི་སྐྱུག་སྨན་གཏང་། །སྣད་པའི་ཁོང་འབྲས་གསོ་བ་ནི། །མཁྲིས་གྱུར་རྣ་གཟེར་གསོ་བར་བྱ། །འབྲུམ་པ་ཐོར་བུ་སྣ་ལྟར་བྱ། །རྣ་བ་གས་པ་མ་སྨིན་ལ། །རྣ་བའི་ཁོང་འབྲས་
[282b.3]ལྟར་གསོ་ཞིང་། །ནད་གཞི་ཇི་བཞིན་ལས་ཀྱང་བྱ། །རྣ་ཤལ་སྐམ་ལ་རླུང་གཟེར་ལྟར། །རྣ་སྨན་བསྐུ་བ་ལ་སོགས་བྱ། །དུགས་བྱ་སྙི་བར་གྱུར་པ་ན། །རྣ་ཤལ་ཏིལ་མར་བསྐུས་ཤིང་མཉེ། །ཤིང་མངར་པི་ལ་ཡའི་ས་བོན། །ཨ་ཤྭ་གནྡྷ་ནས་བཅས་བསྐུ། །དེ་ནས་
[282b.4]རྒྱས་བྱེད་སྣུམ་གྱིས་ནི། །བསྐུ་བ་རྟག་ཏུ་བསྟེན་པར་བྱ། །ཉེ་ཤིང་ཨ་ཤྭ་གནྡྷ་དང་། །ཨེ་རཎྜ་དང་པ་ཡ་སྱ། །ཛི་བ་ཀ་དང་འོ་མར་བཅས། །ཏིལ་མར་བསྐོལ་བས་བསྐུ་བ་ནི། །རྣ་ཤལ་རྒྱས་བྱེད་མཆོག་ཡིན་ནོ། །འཚོ་བྱེད་སྡེ་ཚན་ལྡེ་གུ་དང་། །རླན་ཅན་ཤ་ནི་བསྐོལ་བ་
[282b.5]དག །རྣ་ཤལ་འཕེལ་ཞིང་རྒྱས་བྱེད་ཡིན། །རྣ་ཤལ་རབ་ཟད་བཅད་པས་ནི། །ལྷག་མ་སྦྱར་ལ་གསོ་ཞིང་བསྐྱེད། །དེ་བཞིན་རྒྱུད་འདྲ་འཚོ་ཙམ་བྱ། །འབྱོར་བ་ལ་ཡང་ཆོ་ག་འདི། །གནོད་གྱུར་བསིལ་སྨན་བསྐུ་བ་དང་། །སྲིན་བུ་པད་པས་ཁྲག་དབྱུང་བྱ། །འཛམ་བུ་ཨ་མྲའི་ལོ་མ་
[282b.6]དང་། །བ་ལ་ཤིང་མངར་སེང་ཕྲོམ་ཏིལ། །བཙོད་དང་ཨུཏྤལ་ཀ་དམ་པ། །ཐལ་ཏྲེས་ཏིལ་མར་བཅས་པ་དང་། །སྐྱུར་རྩ་བས་བཅས་པར་བསྐོལ་བ་འདི། །ཏིལ་མར་བསྐུ་བར་བྱ་བ་དང་། །མེ་དབལ་སྐབས་བཤད་མར་གྱིས་བསྐུ། །མཉེ་བ་གོ་ཏ་ཀརྐ་ཏ། །ཞག་དང་བཅས་པའི་
[282b.7]ཏིལ་མར་དང་། །ཏ་ལའི་ལོ་མ་ཨརྐ་དང་། །ཨ་ཤྭ་གནྡྷ་བྱེའུ་རུག་པ། །སོ་མ་ར་ཛ་འབྲས་བུ་དང་། །རྒྱམ་ཚ་ལང་ཀ་ལིར་བཅས་བསྐོལ། །ཏིལ་མར་བསྐུ་བར་བྱ་བ་དང་། །རྣ་སྨན་རྣོན་པོ་གཏང་བར་བྱ། །དབུག་ཉེས་པ་ལ་ཨ་སྨན་ཏ། །འཛམ་བུ་ཨ་མྲའི་ལོ་མ་ནི། །བསྐོལ་བའི་
[283a]
[283a.1]ཁུ་བ་བླུགས་པར་བྱ། །རྣ་ཤལ་ཏིལ་མར་གྱིས་བསྐུ་ཞིང་། །ཤིང་མངར་བཙོད་དང་སྟག་ཚེར་བ། །ཡུང་བའི་ཕྱེ་མ་ཞིབ་པོ་གདབ། །རྒྱ་སྐྱེགས་བྱི་དང་ག་བསྐོལ་བའི། །ཏིལ་མར་གྱིས་ནི་བསྐུས་ན་ཕན། །སྲིན་བུས་ཟོས་ལ་བའི་ལྕི་བས། །
[283a.2]ལན་མང་དུ་ནི་དུགས་བྱས་ལ། །བྱི་དང་ག་ཡི་སྙིང་པོ་ནི། །ལུག་གི་གཅིན་སྦྱར་ལྡེ་གུས་བསྐུ། །དུག་མོ་ཉུང་དང་ཨིང་གུ་དང་། །ཨེ་རཎྜ་ཡི་ས་བོན་དང་། །དོང་གའི་ཤུན་པ་ལྡེ་གུས་བསྐུ། །ཡང་ན་དེ་དག་ནིམ་པ་ཡི། །ལོ་མ་ན་ལེ་ཤམ་དང་བཅས། །སྦྲང་རྩིའི་ལྡེ་གུས་རྨ་ལ་
[283a.3]བསྐུ། །རྣ་བ་ཆད་ལ་སྦྱང་བྱས་ཏེ། །སྐྱོན་མེད་ཁྲག་དང་དེ་འཚམ་པའི། །བཅིང་བ་དག་གིས་སྦྱར་བར་བྱ། །སྦྱར་ནས་འཕྲལ་བཅད་སྦྱང་བར་བྱ། །དེ་ནས་སྐྲ་མཐར་མདུད་བྱས་ཏེ། །རྣ་ཤལ་བཅད་དང་ཞལ་ཞལ་བྱ། །བཅད་པ་དང་ནི་བསྲུང་བར་བྱ། །མཚམས་ནི་མཉམ་
[283a.4]པར་སྦྱར་བྱ་ཞིང་། །མཐོན་དམན་མེད་པ་ཉིད་དུ་བྱ། །ཞུན་མར་དང་ནི་སྦྲང་རྩིས་བྱུག །རས་བལ་གྱིས་ནི་གླན་པ་དང་། །སྐུད་པས་དམ་ལྷོད་རན་པར་བཅིང་། །རྨ་ཡི་ཁྲག་ནི་བཅད་པ་ཡི། །སྨན་གྱི་ཕྱེ་མས་གདབ་བྱ་ཞིང་། །སྤྱོད་པ་དེ་ལ་བསྟེན་པར་བྱ། །ཞག་བདུན་
[283a.5]ནས་ནི་མ་བཙེས་པའི། །ཏིལ་མར་བསྐུས་ལ་རས་བལ་དགྲོལ། །ལེགས་འབྱོར་སྤུ་སྐྱེས་པ་དང་། །མཚམས་འབྱོར་མཉམ་ཞིང་བརྟན་པ་དང་། །ཚད་ལྡན་ནད་ནི་མེད་པ་དང་། །རིམ་གྱིས་རྣ་བ་སྐྱེད་པར་བྱེད། །ཉ་ལྕིབས་ཁ་སྲལ་ཕྲེའུ་དང་། །པྲི་ཧ་ཏི་འབྲས་སེར་པོ་གཉིས། །
[283a.6]བ་ལ་ཧ་ཏི་པི་པི་ལིང་། །ཨ་ཤྭ་གནྡྷ་ཉུངས་ཀར་སེར། །ཀོ་ཤ་ཏ་ཀའི་རྩ་བ་དང་། །ཀ་ར་བཱི་ར་རུ་ཤིག །ལོ་མ་བདུན་པ་བིལ་བ་ལ། །ས་ནག་སྦྲང་མའི་གནས་དང་ནི། །བྱེའུ་ཆུ་སྐྱེས་སྲིན་བུའི་ཤ །དེ་བཞིན་སེང་ཕྲོམ་སྡོང་བུ་རྣམས། །འདི་དག་ལྡེ་གུ་ཏིལ་མར་བཅས། །མ་ཧེའི་
[283a.7]མར་དང་གླང་པོ་རྟའི། །གཅིན་དང་བཅས་པར་བསྐོལ་བ་ནི། །བསྐུས་ན་རྣ་བ་འཕེལ་བྱེད་མཆོག །དེ་ནས་ན་ཚོད་ལྡན་པ་ཡི། །སྦྱང་བ་བྱས་ནས་རྣ་ཆད་གསོ། །སྣ་དང་མཉམ་པའི་ཤ་ལྤགས་ནི། །མཁུར་ཚོས་ལས་ནི་བཅད་ནས་ཀྱང་། །རྣ་དང་ཉེ་བའི་ཤ་ལྤགས་ནི། །སྲབ་མོ་
[283b]
[283b.1]ཉིད་དུ་བཞར་བར་བྱ། །དེ་ནས་རས་བལ་བཅས་པ་ཡི། །ཁབ་ཀྱིས་མཁུར་བ་བཙེམ་པར་བྱ། །སྣ་བཅད་མཚོན་གྱིས་བཞར་ནས་ནི། །མཁུར་ཚོས་ལས་བཅད་པགས་པ་ཡིས། །སྣ་ནི་ལགས་མོར་བཙེམ་པར་བྱ། །ཁ་ཡི་དབུགས་ནི་དབྱུང་བའི་ཕྱིར། །སྣར་ནི་སྦུ་གུ་ཅན་
[283b.2]གཞུག་བྱ། །དེ་རྗེས་ཏིལ་མར་སློན་པར་བསྐུ། །རྨ་ནི་སྦྲང་རྩིར་སྦྱར་བས་བསྐུ། །ཁྲག་བཅད་པ་ཡི་སྨན་གཞན་ཡང་། །ཞིབ་ཏུ་བཏགས་པའི་ཕྱེ་མས་གདབ། །དེ་ནས་མར་དང་སྦྲང་རྩིས་བསྐུ། །བཅིངས་ལ་སྤྱོད་པ་བསྟན་པར་བྱ། །དེ་ནས་གནས་སྐབས་ཤེས་བྱས་ནས། །
[283b.3]རྨ་གསར་གསོ་བའི་ཆོ་ག་བྱ། །རྨ་འབྱོར་སྣ་ཡི་ཉེ་འཁོར་གྱི། །ཤ་ལྷག་ལེགས་པར་གཅད་པར་བྱ། །དེ་ནས་ཤིན་ཏུ་ཞིབ་ཏུ་བཙེམ། །དམའ་བ་དག་ཀྱང་བསྐྱེད་པར་བྱ། །བཅད་མ་ཐག་ལ་ཅི་རིགས་པར། །བཞག་སྟེ་ཆོ་ག་འདི་ཉིད་བྱ། །མཆུ་བཅད་པ་ལ་སྦུ་གུ་དག །མ་གཏོགས་
[283b.4]སྣ་སྦྱར་བཞིན་དུ་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། །ཕྱི་མའི་གནས་ཀྱི་ལེའུ་བཅོ་བརྒྱད་པའོ།། །།དེ་ནས་སྣ་ནད་ཀྱི་དམིགས་ཤེས་པ་བཤད་པར་བྱའོ། །བ་མོ་རླུང་དང་རྡུལ་དང་ནི། །སྨྲ་དྲགས་གཉིད་ལོག་གཉིད་ཡར་དྲགས། །སྔས་ནི་མཐོ་དང་
[283b.5]དམའ་དྲགས་དང་། །ཆུ་གཞན་འཐུངས་པར་གྱུར་པ་དང་། །ཆུ་མང་འཐུངས་དང་ཉལ་པོ་དང་། །སྐྱུགས་དང་མཆི་མ་བཀག་པ་ཡིས། །རླུང་ཤས་ཆེ་བའི་ནད་འཁྲུགས་ནས། །སྣ་ནི་སྲ་བ་ཉིད་འགྱུར་ཞིང་། །ཆམ་པ་སྐྱེད་པར་བྱེད་པ་ཡིན། །འཕེལ་ན་ཟད་པ་སྐྱེད་པར་བྱེད། །དེ་ལ་རླུང་
[283b.6]གྱུར་ཆམ་པ་ནི། །ཁ་སྐམ་སྦྲིད་པ་དྲག་ཏུ་འབྱུང་། །སྣ་འགགས་ཟུག་ཅིང་ན་བ་དང་། །མུར་འགྲམ་སོ་དང་ཀླད་པ་དང་། །སྨིན་མ་ནས་ནི་སྣ་རྩེའི་བར། །སྲིན་བུ་རྒྱུ་བ་སྙམ་དུ་སེམས། །སྐད་འགགས་རིང་ནས་སྨིན་པ་དང་། །མཆིལ་སྣབས་གྲང་བར་འཛག་པ་ཡིན། །མཁྲིས་གྱུར་
[283b.7]སྐོམ་དད་རིམས་ཀྱིས་འདེབས། །མགོ་འཁོར་སྣ་ནང་འབྲུམ་པ་འབྱུང་། །སྣ་རྩེ་གནག་ཅིང་དྲོ་ལ་རྩུབ། །མཆིལ་སྣབས་དམར་སེར་འཛག་པ་ཡིན། །བད་ཀན་ལུད་པ་དབུགས་མི་བདེ། །སློན་ཞིང་ལུས་ལྕི་ཡི་ག་འཆུས། །ཁ་མངར་བྲོ་ཞིང་གཡའ་བ་དང་། །མཆིལ་སྣབས་སྣུམ་
[284a]
[284a.1]དཀར་སྐ་བ་འཛག །འདུས་གྱུར་མཚན་ཉིད་ཀུན་དང་ལྡན། །རྒྱུ་མེད་འཕེལ་དང་འགྲིབ་པར་བྱེད། །ནད་ཁྲག་སྣ་ཡི་རྩར་ཞུགས་ནས། །ཆམ་པས་འདེབས་པར་བྱེད་འགྱུར་བ། །བྲང་ན་ཚོར་བ་མེད་པ་དང་། །མིག་དམར་དབུགས་ཀྱི་དྲི་མི་ཞིམ། །མིག་དང་རྣ་བ་
[284a.2]སྣ་གཡའ་ཞིང་། །འདི་ནི་མཁྲིས་གྱུར་མཚན་ཉིད་ལྡན། །ཆམ་པ་ཐམས་ཅད་མ་གསོས་ན། །གནོད་པ་མི་བཟད་སྐྱེད་བྱེད་འགྱུར། །ཇི་སྐད་བཤད་པའི་བླ་བརྣན་ནི། །འཕེལ་བས་དབང་པོ་ཀུན་གནོད་བྱེད། །མེ་དྲོད་ཉམས་ཉེས་དབུགས་མི་བདེ། །ལུད་པ་བྲང་དང་རྩིབ་ལོགས་ཟུག །
[284a.3]གློ་བུར་དུ་ནི་ཤས་ཆེར་འཁྲུགས། །ཁ་དྲི་ང་ཞིང་སྐམ་པར་བྱེད། །སྣ་ནང་འདྲུལ་ཞིང་སྐམ་པ་དང་། །ཡང་ཡང་སྣ་འགགས་དག་པར་བྱེད། །སྣབས་ནི་རྣག་འདྲ་དཀར་ཞིང་དམར། །དུད་པ་ཅན་ནི་འཛག་པར་འགྱུར། །འདི་ལ་སྲིན་བུ་སྣུམ་ཞིང་རིང་། །དཀར་ཞིང་ཕྲ་བ་འབྱུང་བར་
[284a.4]བཤད། །དེ་སྨིན་མཚན་མ་ལུས་ཡང་ཞིང་། །སྦྲིད་པ་ཞི་བར་གྱུར་པ་དང་། །སྣབས་ནི་སྦྱིན་ཞིང་སེར་བ་དང་། །དྲི་དང་རོ་ནི་ཚོར་བ་ཡིན། །སྣར་ནི་རྣོན་པོ་བརྔུབས་པ་དང་། །ཉི་འོད་སྐུད་པ་རྩ་སོགས་དང་། །རླུང་འཁྲུགས་བྱེད་པ་གཞན་གྱིས་ཀྱང་། །སྣ་ཡི་མཚུལ་པར་ཞུགས་གྱུར་
[284a.5]པས། །བསྐྱོད་དེ་རླུང་ནི་འཁྲུགས་གྱུར་པ། །སུམ་མདོར་ཞུགས་འགྱུར་འགགས་ནས་ནི། །ལྡོག་ནས་མི་བཟད་སྦྲིད་པ་ནི། །སྣབས་འཛག་བཅས་པར་སྐྱེད་པར་བྱེད། །སྣ་ཡི་བུ་ག་སྐམ་བྱེད་ཅིང་། །རླུང་གིས་བད་ཀན་སྐྱེད་པར་བྱེད། །སྣ་ནང་གྲ་མས་གང་སྙམ་སེམས། །དབུགས་
[284a.6]འབྱུང་དཀའ་བར་གྱུར་པ་དེ། །སྣ་སྐམས་པ་ཞེས་བྱ་བར་བཤད། །སྣ་རྒྱས་པ་ནི་འབྱུང་འགྱུར་བ། །སྣ་ནི་བཀག་པ་འདྲར་སེམས་ཤིང་། །རླུང་གིས་འགག་པར་བྱེད་པར་འགྱུར། །དབུགས་འབྱུང་དབུགས་རྔུབ་འགགས་པ་ལས། །བུ་ག་གདངས་པ་ལྟ་བུ་ཡིན། །མཁྲིས་པས་སྣ་
[284a.7]ཁུང་རྣགས་གྱུར་པ། །ཤ་ལྤགས་ཚ་ཞིང་གཟེར་དང་བཅས། །དེ་ནི་སྣ་ཡི་ཤུ་བར་བཤད། །བད་ཀན་ལས་གྱུར་ཆུ་སེར་ནི། །ཆུ་འདྲ་རྒྱུན་དུ་འཛག་པ་དང་། །མཆོག་ཏུ་མཚན་འཛག་དེ་མིང་ཅན། །བད་ཀན་འཕེལ་བས་སྣ་ཁུང་དུ། །བུ་ག་འགགས་ཤིང་ཆམ་པ་སྐྱེད། །དབུགས་
[284b]
[284b.1]ནི་ངར་ངར་པོར་འབྱིན་ཞིང་། །ཆམ་པ་ལས་ཀྱང་ནད་ཚབས་ཆེ། །སྣ་ལས་ལུག་ལྟར་རྣག་འཛག་ཅིང་། །རྒྱུན་དུ་སྦྱིན་བག་སེར་པོ་དང་། །སྨིན་མའི་རྣག་ནི་འཛག་འགྱུར་ཞིང་། །དེ་ཡི་སྣ་ནི་སྣབས་བཅས་ཡིན། །ཁྲག་གི་སྣ་ནི་ཚིག་སྙམ་སེམས། །ཕྱི་དང་ནང་དུ་རེག་མི་བཟོད། །དུ་
[284b.2]བ་ལྟ་བུའི་དབུགས་འབྱིན་པ། །བསྲེགས་འདྲ་དེ་ནི་འབར་བ་ཡིན། །རྐན་གྱི་ཕུགས་སུ་ནད་འཁྲུགས་པས། །རླུང་ནི་ཁ་དང་སྣ་ནས་འབྱུང་། །མཆིལ་སྣབས་དྲི་ང་འབྱུང་འགྱུར་བ། །དེ་ནི་སྣ་ནད་རུལ་པ་ཡིན། །འདུས་པའམ་སྣད་པ་ལས་གྱུར་པའི། །རྣག་དང་ཁྲག་ནི་སྣ་ནས་འཛག །
[284b.3]མགོ་བོ་ཚ་ཞིང་ན་བྱེད་པ། །དེ་ནི་རྣག་ཁྲག་ཅན་ཞེས་བཤད། །རླུང་གིས་མཁྲིས་པ་བད་ཀན་དག །སྣ་ནི་སྐམས་པར་གྱུར་པ་ལས། །བད་ཀན་སྐམས་ཏེ་གོང་པོར་གྱུར། །དེ་ནི་བསྒོངས་པ་ཞེས་བྱའོ། །འབྲུམ་བུ་ཐོར་བུ་ནད་གཞི་ཡི། །མཚན་ཉིད་ཅི་འདྲ་དག་ལས་དབྱེ། །ཀུན་
[284b.4]ལས་དབུགས་འབྱུང་དཀའ་བ་དང་། །རྒྱུན་དུ་ཆུ་འཛག་སྦྲིད་པ་འབྱུང་། །སྣ་འགགས་ལྟ་བུར་སྨྲ་བ་དང་། །སྣ་ནས་རྣག་འཛག་ཀླད་པ་ན། །དེ་ལྟར་རྣམ་པ་བཅོ་བརྒྱད་ལས། །ཆམ་པ་མ་རུངས་འཚོ་བ་ཙམ། །ཡན་ལག་བརྒྱད་པའི་སྙིང་པོ་བསྡུས་པ་ལས། །ཕྱི་མའི་གནས་ཀྱི་ལེའུ་
[284b.5]བཅུ་དགུ་བའོ།། །།དེ་ནས་སྣ་ནད་གསོ་བ་བཤད་པར་བྱའོ། །སྣ་ནད་ཀུན་ལས་དང་པོར་ནི། །རླུང་མེད་ཁང་པར་འདུག་ནས་ནི། །སྣུམ་ཆོས་དུགས་དང་སྐྱུག་སྨན་དང་། །དུད་པ་བརྔུབ་དང་མཁུར་བཀང་བསྟེན། །གོས་ནི་ལྕི་ཞིང་དྲོ་བ་བགོ །མགོ་བོ་ཤིན་ཏུ་མཐུག་པས་དཀྲི།
[284b.6]ཁ་ཟས་ཡང་སྐྱུར་ལན་ཚྭ་སྣུམ། །དྲོ་བ་དང་ནི་བསྐ་བ་བཟའ། །བུ་རམ་འོ་མ་སྐམ་སའི་ཤ །ལན་ཚྭ་ཚ་བ་གསུམ་ཤས་ཆེ། །ནས་དང་གྲོ་ནི་མང་པོ་དང་། །ཞོ་དང་སེ་འབྲུའི་ཁུ་བ་བསྟེན། །ལ་ཕུག་གཞོན་ནུའི་ཁུ་བ་དང་། །ཀུ་ལངྠ་ཡི་ཁུ་བའང་བསྔགས། །རྩ་བཅུའི་ཁུ་བ་དྲོ་འཇམ་
[284b.7]མམ། །ཆང་སྙིང་དངས་མ་བླུད་པར་བྱ། །ཙ་རོང་ཨགྣི་མནྠ་དང་། །ཤུ་དག་ཟི་ར་གོ་སྙོད་སྣོམ། །བལ་བུའི་ལོ་མ་ཚ་བ་གསུམ། །དབྱི་མོ་ད་ཏྲིག་སྟར་བུ་དང་། །ཟིར་ཙི་ཏྲ་སྲང་གཉིས་གཉིས། །ཤིང་ཚ་གནྡྷ་བྷ་ད་དང་། །སུག་སྨེལ་ཞོ་ནི་གཉིས་གཉིས་དང་། །བུ་རམ་རྙིང་པ་སྲང་
[285a]
[285a.1]ལྔ་བཅུ། །བསྐོལ་ཏེ་རི་ལུར་བྱས་པ་ནི། །ཟོས་ན་ཆམ་པ་དབུགས་མི་བདེ། །ལུད་པ་ལུ་བ་འཇོམས་བྱེད་ཅིང་། །སྐད་སྙན་ཡི་ག་འབྱེད་མཆོག་ཡིན། །ཤུ་ཏིའི་ཤུན་པ་བ་ལ་དང་། །སོ་ན་ཀ་དང་ཨེ་རཎྜ། །བིལ་བའི་རྩ་བ་དོང་གྲར་བཅས། །ཞག་མར་སྤྲ་ཚིལ་
[285a.2]དུད་པ་བརྔུབ། །ཡང་ན་ཕྱེ་དང་མར་དང་བཅས། །ཁམ་ཕོར་སྦྱར་བའི་ནང་དུ་བཅུག །བསྲེགས་པའི་དུད་པ་བརྔུབ་པར་བྱ། །ཁྲུས་དང་མྱ་ངན་ཁྲོ་བ་དང་། །ཤས་ཆེར་གཉིད་ལོག་ཆུ་གྲང་སྤང་། །རླུང་གྱུར་ཆམ་པ་རླུང་འཇོམས་པའི། །སྨན་ནི་བསྐོལ་བའི་ཁུ་བའམ། །ལན་ཚྭ་ལྔ་ནི་བསྐོལ་
[285a.3]བའམ། །བི་ད་རི་སོགས་སྡེ་བསྐོལ་བླུད། །དུགས་དང་སྣ་སྨན་ལ་སོགས་བྱ། །གཞོགས་བྱེད་ནར་བཤད་གསོ་བའང་བྱ། །ཁྲག་མཁྲིས་ལས་གྱུར་ཐུག་པ་ནི། །མར་སར་མངར་བའི་སྨན་བསྐོལ་བླུད། །སྨན་ཆུ་བླུགས་ཤིང་བྱུག་པ་དང་། །ནུས་བསིལ་གྲང་མོ་དག་གིས་
[285a.4]བྱ། །ད་བའི་ཤུན་པ་འབྲས་བུ་གསུམ། །ཤི་རི་པརྞི་པྲི་ཡདྐུ། །ཤིང་མངར་སེང་ཕྲོམ་ཏིལ་མར་གྱི། །བཅུ་འགྱུར་འོ་མ་སྐྱེར་བར་བཅས། །བསྐོལ་བའི་སྣ་སྨན་གཏང་བར་བྱ། །བད་ཀན་ལས་གྱུར་སྨྱུང་བ་དང་། །ཡུངས་ཀར་ལྡེ་གུས་མགོ་བསྐུའམ། །ཐལ་སྨན་བཅས་པའི་
[285a.5]མར་བླུད་དེ། །སློན་གཞུག་རྒྱམ་ཚ་ཚ་བ་གསུམ། །བྱི་དོང་ག་དང་དུག་མོ་ཉུང་། །ཟི་ར་ར་གཅིན་སྦྱར་བ་ཡི། །སྣ་སྨན་དག་ནི་གཏོང་བར་བྱ། །འདུས་གྱུར་ཚ་དང་རྣོ་སྦྱར་བའི། །མར་གྱི་སྣ་སྨན་བླུགས་པས་གསོ། །གཅོང་ཆེན་སྲིན་གསོའི་རིམ་གྱིས་ནི། །ཆམ་པ་མ་རུང་འཚོ་ཙམ་
[285a.6]བྱ། །ཚ་བ་གསུམ་དང་ཨེ་རཎྜ། །ཐང་ཤིང་རུ་རྟ་བྱི་དོང་ག །བོང་ང་དཀར་པོ་ཨིང་གུ་དང་། །དུར་བྱིད་པར་ཏ་ཀའི་ས་བོན། །ཉུངས་ཀར་ཉེའུ་འཕྲལ་རུས་པ་དང་། །ཨགྷི་མནྡྲའི་མེ་ཏོག་དང་། །པི་ལུ་ཤི་ཀྲུའི་ས་བོན་དང་། །རྟ་སྦངས་ཁུ་བ་གཅིན་དང་ནི། །གླང་པོའི་གཅིན་དང་གཅིག་ཏུ་
[285a.7]སྦྱར། །ཟར་མའི་སྐུད་དཀྲིས་རེང་བུ་ཡི། །དུད་པ་ཁ་དང་སྣ་ནས་བརྔུབ། །སྨིན་དང་སྦྲིད་པ་འབྱུང་ཞེས་པ། །སྣ་སྨན་རྣོན་པོ་བུད་པས་ཕན། །བཅའ་སྒ་རུ་རྟ་པི་པི་ལིང་། །རྒུན་འབྲུམ་བྱི་དོང་གའི་ལྡེ་གུ། །མར་རམ་ཏིལ་མར་བཅས་བསྐོལ་བའི། །སྣ་སྨན་སྦྲིད་པ་རྣགས་པ་སེལ། །
[285b]
[285b.1]སྣ་སྐམས་པ་ལ་བ་ལའི་མར། །བཏུང་སོགས་ཤ་ཁུར་སྦྱར་བ་བཟའ། །སྣུམ་གྱི་དུད་པ་དུགས་ཀྱིས་གསོ། །སྣ་རྒྱས་ལ་ཡང་ཆོ་ག་འདིའོ། །སྣ་རྣགས་འབར་ལ་མཁྲིས་འཇོམས་སྨན། །ཆུ་འཛག་སྣ་སྨན་སོགས་རྣོས་བྱ། །རྣགས་ཅན་ལ་ནི་བད་ཀན་གྱི། །གསོ་བ་དང་ནི་འདྲ་བར་
[285b.2]བྱ། །རྒྱ་སྐྱེགས་དང་ནི་ཀརཉྫ། །ན་ལེ་ཤམ་དང་བྱི་དང་ག །ཤིང་ཀུན་བུ་རམ་པི་པི་ལིང་། །ལུག་ཐུག་གཅིན་སྦྱར་སྣ་སྨན་ནི། །སློན་བྱས་འོག་ཏུ་གཏང་བར་བྱ། །ཤི་ཀྲུ་དནྡ་བྲི་ཧ་ཏི། །ཚ་བ་གསུམ་དང་ལྕེ་མྱང་ཚ། །བྱེའུ་རུག་ཕ་དང་བྱི་དང་ག། །ཏིལ་མར་བསྐོལ་བའི་སྣ་སྨན་ཡང་། །
[285b.3]བཏང་ན་མཆོག་ཏུ་ཕན་པ་ཡི། །རྣག་དང་ཁྲག་ཅན་སར་པ་ནི། །ཁྲག་གི་ཆམ་པ་ལྟ་བུར་གསོ། །ཤིན་ཏུ་འཕེལ་ལ་རྨ་འཁྱིམས་ལྟར། །འབྲུམ་བུ་རྨེན་བུ་ཚ་བ་ལ། །དན་ཏི་དུར་བྱིད་ལྕེ་མྱང་ཚ། །ལྡོང་རོས་དང་ནི་བི་པི་ལིང་། །ཙི་ཏྲ་ཀ་ཡི་ལྡེ་གུ་ནི། །མར་དང་སྦྲང་རྩིར་སྦྱར་བ་ཡི། །
[285b.4]རེང་བུ་སྣར་ནི་གཞུག་པར་བྱ། །ཤི་ཀྲུ་ལ་སོགས་སྣ་སྨན་ཡང་། །རྣག་ཅན་གསོ་བའི་སྐབས་སུ་བཤད། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་ཉི་ཤུ་པའོ།། །།དེ་ནས་ཁ་ནད་ཀྱི་དམིགས་ཤེས་པ་བཤད་པར་བྱའོ། །ཉ་དང་མ་
[285b.5]ཧེ་ཕག་གི་ནི། །ཤ་དང་ལ་ཕུག་རྗེན་པ་དང་། །མ་ཤའི་སྲན་ཚོད་འོ་མ་ཞོ། །ཆ་དང་བུ་རམ་ཤིང་ཀུན་དང་། །འབྲུམ་ཕྲན་ཁ་སྦུབས་ཉལ་བསྟེན་དང་། །སོ་ཤིང་གིས་སྣད་གོམས་པ་སྤོང་། །དུད་བ་མཁུར་བཀང་སྐྱུགས་པ་དང་། །གཏར་ག་དབུག་ནི་ཉེས་པ་ཡི། །བད་ཀན་
[285b.6]ཤས་ཆེའི་ནད་འཁྲུགས་པས། །ཁ་ཡི་ནང་གི་ནད་སྐྱེད་འགྱུར། །དེ་ལ་རླུང་གིས་མཆུ་གས་འགྱུར། །མཆུ་རལ་བ་ཡི་ནད་ཅེས་བཤད། །རླུང་གིས་མཆུ་ལ་གནོད་གྱུར་པ། །མཆུ་སྲ་ནད་ཚབས་ཆེ་བ་ཡིན། །མཆུ་གས་རྡོལ་བར་འགྱུར་བ་དང་། །གནག་ཅིང་རྩུབ་པ་མཆུ་འཁྲུགས་
[285b.7]ཡིན། །མཁྲིས་པ་ཚ་བ་མི་བཟོད་སེར། །འབྲུམ་ཕྲན་ཉུངས་ཀར་འདྲ་བས་ཁྱབ། །མྱུར་སྨིན་མང་དུ་རྣགས་པ་ཡིན། །བད་ཀན་ལས་གྱུར་གྲང་བ་ཡིས། །མི་བཟོད་ལྕི་ཞིང་སྐྲང་བ་དང་། །འབྲུམ་ཕྲན་དཀར་པོས་ཁྱབ་པ་ཡིན། །འདུས་གྱུར་སྣ་ཚོགས་པར་སྣང་ཞིང་། །དྲི་ངའི་སྤྱི་བག་
[286a]
[286a.1]འཛག་པ་དང་། །གློ་བུར་ཤས་ཆེར་སྐྲང་ཞིང་ཞུམ། །ན་དང་མིན་རྣག་མི་སྙོམས། །ཁྲག་ལས་གྱུར་པ་ཁྲག་འཛག་ཅིང་། །ཁྲག་གི་མདོག་དང་འདྲ་བ་དང་། །འདི་ལ་འབྲ་གོ་ལྟ་བུ་ཡི། །ཁྲག་ཟད་ཆུ་བུར་འབྱུང་བ་ཡིན། །ཤ་གྱུར་ཤ་ཡི་གོང་པོ་འདྲ། །
[286a.2]རིམ་གྱིས་སྲིན་བུ་སྐྱེ་ཞིང་འགུལ། །ཚིལ་གྱུར་གཡའ་ཞིང་འདྲུལ་བ་དང་། །སྐྲང་འཇམ་ཏིལ་མར་ལྟ་བུར་འཛག །སྣད་པ་ལས་གྱུར་གས་པ་དང་། །ཡང་དང་ཡང་དུ་འབྱེ་འགྱུར་ལ། །སླར་ཡང་འདྲུབ་པར་འགྱུར་བ་དང་། །མཆུ་ནི་གཡའ་བར་བྱེད་པ་ཡིན། །རླུང་དང་བད་ཀན་འདྲེས་
[286a.3]པ་ལས། །ཆུ་ཡི་ཆུ་བུར་ལྟ་བུར་འབྱུང་། །མཁུར་བའི་འབྲས་འབྱེད་སྐྲང་ཞིང་བརྟན། །མཁུར་བ་ཚ་ཞིང་རིམས་དང་བཅས། །རླུང་གྱུར་སོ་ནད་དྲོ་ལ་སྲེད། །གྲང་བས་རེག་ན་ལྷག་པར་ན། །གཟེར་ཞིང་བཅག་པ་སྙམ་དུ་སེམས། །གྲང་བས་ཞིག་པ་དེ་བཤད་དོ། །རླུང་དང་ཆུ་
[286a.4]ཡིས་སོ་བརྩེ་པ། །གྲང་དང་སྐྱུར་བ་མི་བཟོད་པར། །སྐྱུར་བ་ཟོས་པ་ཉིད་ཀྱིས་འགྱུར། །ནད་བཅས་འགུལ་བར་བྱེད་པ་ཡིན། །སོ་གས་སོ་ནི་ཟེགས་པ་དང་། །ན་ཞིང་ཟུག་ལ་གཡོ་བ་ཡིན། །སོ་འགུལ་སོ་ནི་གཡོ་བ་དང་། །ཟ་བའི་ཚེ་ན་ལྷག་པར་ན། །སོ་སྟོ་སོ་ནི་མི་
[286a.5]སྡུག་པར། །སོ་རྣམས་སྐྱེ་བར་འགྱུར་བ་ཡིན། །སོ་ལྷག་སོ་ནི་སྐྱེས་པ་སྟེ། །དེ་ནི་འཕེལ་བ་ཞེས་ཀྱང་བཤད། །སྐྱེ་བར་འགྱུར་བའི་ཚེ་ན་ནི། །ན་ཞིང་སྐྱེས་ནས་དེ་ཞི་བྱེད། །མ་བཀྲུས་སོ་ཡི་དྲི་མའམ། །བད་ཀན་རླུང་གིས་སྐམས་པ་ལས། །དྲི་ང་བརྟན་གྱུར་སོ་དྲེག་ཡིན། །
[286a.6]དེ་ནི་ཡལ་བར་བོར་བ་ལས། །སོ་ནི་དུམ་བུར་ཟེགས་གྱུར་པ། །གྲུགས་ཤིང་སོ་ནི་གོགས་པ་ཡིན། །ཁྲག་དང་མཁྲིས་པ་རླུང་གིས་སོ། །སྔོན་པོར་གྱུར་པ་སོ་སྔོན་ཡིན། །ནད་ཀྱི་རླུང་ནི་ཤས་ཆེར་འགྱུར། །རྩ་བར་བཅས་པའི་སོ་ལ་བརྟན། །སོ་དབུས་སྐམས་ཏེ་སྟོང་པར་བྱས།
[286a.7]སོ་ནི་ཟས་ཀྱི་དྲི་མས་གང་། །རུལ་བས་སྲིན་བུ་ཕྲ་མོ་ནི། །སྐྱེ་བར་འགྱུར་ཏེ་དེ་འོག་ཏུ། །རྒྱུ་མེད་བརྣག་དཀའ་ལྡང་དུབ་ཅན། །སྦོམ་ཆེ་གནག་ལ་ཤས་ཆེར་ན། །བཅད་པ་འདྲར་སྣང་རྣག་ཁྲག་འཛག །དེ་ནི་སོ་སྲིན་ཅན་ཞེས་བྱ། །བད་ཀན་དང་ནི་ཁྲག་གིས་རྙིལ། །རྣགས་
[286b]
[286b.1]ཤིང་རུལ་བར་འགྱུར་བ་དང་། །མཉེན་ལ་ཟགས་ཤིང་གནག་པ་དེ། །གྲང་བས་ཉེན་པ་ཡིན་པར་བཤད། །ཁྲག་མཁྲིས་རྣགས་པ་ལས་བྱུང་བ། །རྙིལ་ནི་ཚ་བར་བྱེད་པ་དང་། །ཁྲག་གིས་སྐྲངས་པ་མཐོ་བ་དང་། །གཡའ་ཞིང་ཁྲག་ནི་འཛག་པ་དང་། །ཁྲག་ཆད་ནས་ནི་རྒྱས་
[286b.2]པར་འགྱུར། །སོ་ན་འགུལ་ཞིང་ནད་ཚབས་ཆུང་། །ཁ་དྲི་མནམ་གྱུར་ཉེར་བདར་ཡིན། །སོ་ནི་གཉིས་སམ་གསུམ་ཐད་ཀར། །བད་ཀན་ལས་གྱུར་རྒྱ་ཤུག་ཙམ། །སྐྲངས་པ་སྲ་ཞིང་མི་བཟད་ན། །མྱུར་དུ་སྨིན་པ་སོ་འབུར་ཡིན། །རྙིལ་ནི་ནད་བཅས་ཁྲག་གིས་ནི། །ཕྱི་དང་ནང་
[286b.3]དུ་སྐྲང་ཞིང་ལྕི། །ན་ཞིང་ཚ་ལ་གས་པ་ལས། །རྣག་ཁྲག་འཛག་སོའི་ཁོང་འབྲས་ཡིན། །སོ་རྩར་ཁྲག་མཁྲིས་ལས་གྱུར་ནད། །སྐྲང་ཞིང་ནད་དང་བཅས་པ་དང་། །ཁ་ཆུ་འཛག་ཅིང་རྙིལ་འདྲུལ་བ། །ཁོང་སྟོང་གི་ནི་ནད་ཅེས་བྱ། །འདུས་པ་ལས་གྱུར་རིམས་དང་བཅས། །
[286b.4]རྣག་དང་བཅས་པའི་ཁྲག་འཛག་ལ། །སོ་ཡི་སྤྲེལ་མཚམས་ཞིག་པ་ནི། །ཁོང་སྟོང་ཆེན་པོ་ཞེས་བཤད་དོ། །བད་ཀན་གྱིས་ནི་སོ་ཡི་མཐར། །ཤ་མཛེར་ལྟར་སྐྲང་འགྲམ་པ་དང་། །རྣ་བ་ན་བྱེད་སྤྱོད་ལམ་ཉམས། །དེ་ནི་ཤ་ལྷག་ཅེས་བྱར་བཤད། །རྙིལ་ནི་བདར་བར་འགྱུར་པ་
[286b.5]ལས། །ནད་ཚབས་ཆེན་པོར་འབྱུང་འགྱུར་ཞིང་། །གང་ཞིག་སོ་ནི་འགུལ་གྱུར་པ། །དེ་ནི་སྣད་པ་ལས་བྱུང་ཡིན། །རྙིལ་ལ་བརྟེན་པར་བྱེད་པའི་ནད། །གསོར་རུང་ཡལ་བར་བོར་བ་གང་། །ནང་དུ་དེ་ནི་ནད་འཛག་པས། །དེས་ནི་རྒྱུན་ལམ་ཕྲ་བ་སྐྱེད། །དེ་ནི་ཡང་ཡང་རྣག་འཛག་
[286b.6]ཅིང་། །པགས་པ་ཤ་དང་རུས་པ་འབིགས། །དེ་ཡང་རང་རང་མཚན་ཉིད་ནི། །ཇི་སྐད་བཤད་པས་ལྔར་ཤེས་བྱ། །ལྕེ་ནི་ཤ་ཁའི་ལོ་ལྟར་རྩུབ། །ཚོར་བ་མེད་གས་རླུང་གནོད་ཡིན། །མཁྲིས་པས་ཚ་ཞིང་ནད་བཅས་འགྱུར། །མཛེར་པ་དམར་པོས་ཁྱབ་པ་ཡིན། །བད་ཀན་ལས་
[286b.7]གྱུར་ཤལ་མ་ལིའི། །ཚེར་མས་ཁྱབ་གྱུར་ལྕི་ཞིང་མཐུག །བད་ཀན་མཁྲིས་པས་འོག་ཏུ་སྐྲང་། །མཐོ་ཞིང་གྱོང་བར་བྱེད་པ་དང་། །སྨིན་ན་ཉ་ཡི་དྲི་འདྲ་ལ། །ཤ་འདྲུལ་ཆུ་སེར་ཅན་ཞེས་བྱ། །ལྕེ་རྩའི་འོག་དང་འབྲེལ་པ་ནི། །སྐྲང་ཞིང་ལྕེ་ཡི་རྩེ་མོ་འདྲ། །མཛེར་པ་བྱུང་ཞིང་
[287a]
[287a.1]ཁ་ཆུ་འཛག །ལྕེ་ནི་རེངས་ཤིང་རྩུབ་པ་དང་། །གཡའ་དང་ནད་བཅས་ཚིག་མི་ཐོན། །ཟ་བར་མི་ནུས་ལྕེ་ལྷག་ཡིན། །དེ་དང་འདྲ་བར་ལྕེ་སྟེང་ན། །གནས་པའི་ཉེ་བའི་ལྕེ་ཞེས་བྱ། །རླུང་འཁྲུགས་པ་ནི་རྐན་གྱི་ཤར། །འབྲུམ་ཕྲན་སྲ་ཞིང་ནད་བཅས་
[287a.2]འགྱུར། །མང་ཞིང་མཐུག་ལ་འཛག་པར་བཅས། །རྐན་གྱི་འབྲུམ་ཕྲན་ཞེས་དེ་བཤད། །བད་ཀན་ཁྲག་གིས་རྐན་ཕུགས་སུ། །ཉ་ཡི་ལྒང་པ་འདྲ་ཞིང་འཇམ། །འཕྱང་ཞིང་སྐྲངས་ལ་སྤྱི་བག་ཅན། །ཁ་ཟས་སྣ་ནས་འབྱུང་བར་བྱེད། །ལྐོག་འགགས་སྐོམ་དང་ལུད་པ་དང་། །
[287a.3]སློན་བྱེད་ལྐོག་མའི་ཤ་ལྷག་ཡིན། །རྐན་གྱི་དབུས་སུ་ནད་མེད་ཤ།། འདུས་པ་རྐན་འདུས་ཞེས་བྱའོ། །རྐན་གྱི་དབུས་སུ་པདྨ་འདྲ། །ཁྲག་ལས་སྐྱེས་པ་ཆུ་བུར་ཡིན། །བད་ཀན་འཁྲུགས་པས་རིང་ནས་འཕེལ། །ནད་མེད་རུས་སྦལ་འདྲ་ཞེས་བྱ། །བད་ཀན་ཚིལ་གྱིས་རྒྱ་སྲན་
[287a.4]འདྲ། །ནད་མེད་བརྟན་པ་འབུར་བ་ཡིན། །མཁྲིས་པས་རྣགས་པ་སྨིན་ཞེས་བྱ། །རྣག་འཛག་ནད་དཀྱེལ་ཆེ་བ་ཡིན། །རླུང་མཁྲིས་ལས་གྱུར་ཚ་ཉོན་མོངས། །རྐན་སྐམ་དེ་ཡི་མིང་ཅན་ཡིན། །ལྕེ་དང་འབྲེལ་བ་ལྐོག་མའི་ནད། །ཤ་ཡི་མྱུ་གུ་མྱུར་འཕེལ་ཞིང་། །མི་བཟད་
[287a.5]ལམ་ནི་འགོག་བྱེད་པ། །མྱུར་གསོད་བྱེད་པ་གག་པ་ཡིན། །དེ་ནི་རླུང་གྱུར་ལྐོག་མ་ཁ། །སྐམ་བྱེད་འགྲམ་པ་རྣ་ནད་སྐྱེད། །མཁྲིས་པས་རིམས་སྐོམ་རྨོངས་བག་ཅན། །ལྐོག་འགགས་དུད་པས་བདུགས་སྙམ་སེམས། །མྱུར་སྨིན་མྱུར་དུ་འཕེལ་བ་དང་། །དམར་ཞིང་རེག་ན་མི་
[287a.6]བཟོད་བྱེད། །བད་ཀན་གྱིས་དཀར་འབྱར་བག་ཅན། །ཁྲག་གྱུར་འབྲུམ་བུས་ཁྱབ་པ་དང་། །མེ་མདག་འདྲ་ཞིང་རྣ་ནད་སྐྱེད། །མཁྲིས་པ་ལས་གྱུར་མཚན་ཉིད་མཚུངས། །འདུས་གྱུར་རྣག་ཕུགས་གཏིང་རིང་ཞིང་། །མཚན་མ་ཀུན་དང་ལྡན་པ་ཡིན། །བད་ཀན་ཤས་ཆེར་སྐྲངས་པ་
[287a.7]དང་། །རྨེན་བུ་རྒྱ་ཤུག་འདྲ་ཞིང་མཐོ། །གྲ་མ་ཚེར་མས་གར་སྙམ་བྱེད། །ལམ་འགག་བྱེད་པ་རྩ་བ་ཡིན། །ཟླུམ་ཞིང་མཐོ་ལ་ཚ་བ་དང་། །ལྐོག་མའི་ངོས་གནས་འདུས་པ་ཡིན། །འགྲམ་པའི་མཚམས་ནས་མགུལ་པའི་ནད། །རས་བལ་ས་བོན་ལྟ་བུར་ཟླུམ། །སྤྱི་བག་ནད་ཚབས་
[287b]
[287b.1]ཆུང་བར་སྐྲང་། །སྲ་བ་མཆུ་རྩེ་ཅན་ཞེས་བྱ། །ཕྱི་དང་ནང་དུ་མི་བཟད་སྐྲང་། །ལྐོག་མའི་ལམ་གྱི་གཏན་པ་འདྲ། །མགོ་ལྕི་སྣུམ་དང་ཁ་ཆུ་འཛག །རིམས་སྐྱེད་ལྐོག་མཆུ་འཛིངས་པ་ཡིན། །སྐྲངས་པ་ཤས་ཆེར་མི་ན་ཞིང་། །ཆུ་ཞེང་དེ་འདྲ་གདུ་བུ་ཡིན། །ནད་ཀྱི་ལྐོག་མ་
[287b.2]ཤ་མཛེར་ནི། །གཅིག་གམ་མང་སྐྱེས་ནད་ཚབས་ཆུང་། །དབུགས་འབྱིན་དཀའ་ཞིང་ཟས་མིད་དཀའ། །རྩ་བ་ཆེ་བ་ལྐོག་མའི་མཚོན། །ཤ་ཡི་མཛེར་པ་མང་པོས་ཁྱབ། །རབ་སྐམ་ཚ་ལ་མགོ་བོ་ན། །མདུང་ལྟར་ཤིན་ཏུ་ནད་སྐྱེད་བྱེད། །མཛེར་པས་ཁྱབ་པས་མདུང་འདྲ་ཡིན། །
[287b.3]ལྐོག་མ་ཀུན་ནི་མྱུར་ཁྱབ་ཅིང་། །མྱུར་སྐྱེ་མྱུར་སྨིན་ཤས་ཆེར་ན། །རུལ་བའི་རྣག་འདྲ་འཛག་གྱུར་པ། །སྐྲངས་པ་ལྐོག་མའི་ཁོང་འབྲས་པ་ཡིན། །ལྕེ་ཡི་མཐའ་མ་ལྐོག་མ་སོགས། །སྐྲང་ཞིང་སྨིན་པ་མེད་པའི་ནད། །བརྟན་པ་ཁྲག་གིས་སྐྱེད་བྱེད་པ། །ནད་མེད་ལྐོག་མའི་རྨེན་བུ་ཡིན། །
[287b.4]རླུང་དང་བད་ཀན་ཚིལ་གྱིས་ནི། །ལྐོག་མའི་ཕྱི་རོལ་ལྦ་བ་སྐྱེས། །དེ་ནི་འཕེལ་བར་གྱུར་པའི་ཚེ། །རླིག་པ་ལྟར་འཕྱང་ན་བ་མེད། །དེ་ནི་རླུང་གྱུར་དམར་བའམ་གནག །ན་ཟུག་རྩ་རིས་ནག་པོར་བཅས། །འཕེལ་བས་ལྐོག་མ་ཁ་སྐམ་ཞིང་། །ལྕེ་ཡིས་རོ་མི་ཚོར་
[287b.5]བར་བྱེད། །བད་ཀན་ལས་ལྕི་རེག་ན་གྲང་། །བརྟན་ཞིང་སྐྱ་ལ་གཡའ་དང་བཅས། །འཕེལ་ན་རྐན་དང་ལྐོག་མར་ཆགས། །ཁ་ནི་མངར་བ་བྲོ་བར་བྱེད། །ཚིལ་གྱུར་བད་ཀན་ལྟ་བུར་ན། །དེ་ནི་འཕེལ་འབྲི་ལུས་འདར་བྱེད། །འཕེལ་བར་བྱེད་པའི་ཚེ་ན་ནི། །ལྐོག་མར་སྒྲ་བཅས་སྐད་
[287b.6]གསང་ཉམས། །བད་ཀན་གྱིས་ནི་རླུང་རྒྱུན་བཀག །ལྐོག་སྐམ་སྐད་གསང་ཉམས་པ་དང་། །དཀའ་བས་དབུགས་འབྱིན་མོན་ཞུགས་སྙམ། །རླུང་ལས་སྐད་ཉམས་གང་ཡིན་འགྱུར། །རླུང་ནི་ཀུན་ཏུ་འགྲོ་བྱེད་པས། །ཁ་ནང་རྨ་ནི་འཕོ་བར་བྱེད། །དམར་ལ་རྩུབ་པ་སྐྱེད་བྱེད་ཅིང་། །
[287b.7]ལྕེ་ཡིས་གྲང་བ་མེ་བཟོད་ལྕི། །གས་ཤིང་ཚེར་མས་ཁྱབ་འདྲར་སྣང་། །ཁ་མནམ་གདངས་པར་དཀའ་བ་ནི། ཁ་ཡི་ཤུ་བ་ཞེས་བྱར་བཤད། །བད་ཀན་གཞང་འབྲུམ་སྐྲན་སོགས་ཀྱིས། །འོག་ཏུ་གནོད་པར་བྱས་པའི་རླུང་། །གྱེན་འབྱུང་ཁ་
[288a]
[288a.1]ནི་དྲི་མི་ཞིམ། །དེ་ནི་སྟེང་གི་རྐུབ་ཅེས་བྱ། །མཁྲིས་གྱུར་ཁ་ཤུ་ཁ་རྣག་ཅིང་། །ཚ་ན་ཁ་ནི་ཚ་བྲོ་ལ། །རྨ་ལ་ལན་ཚྭས་བྱུགས་སྙམ་སེམས། །ཁྲག་ལས་གྱུར་པའང་དེ་དང་འདྲ། །བད་ཀན་ལས་གྱུར་ཁ་མངར་བྲོ། །གཡའ་ཞིང་རྨ་ནི་འབྱིལ་བག་ཅན། །
[288a.2]མཁུར་ཚོས་ནང་དུ་བརྟེན་ནས་ནི། །འབྲུམ་བུ་གནག་ཅིང་སྐྱ་བ་འབྱུང་། །དེ་ནི་མཉེ་ཞིང་བཅད་པ་དང་། །བསྐྱོད་ན་འཕེལ་བར་བྱེད་པ་ཡིན། །ནད་ནི་ཁྲག་བཅས་གྱུར་ཁ་ཤུ། །ཁ་ཤུ་ནད་ནི་ཁྲག་བཅས་འགྱུར། །འདུས་པ་མཚན་ཉིད་ཀུན་དང་ལྡན། །དེ་ཉིད་སོ་ཤིང་ལ་སོགས་
[288a.3]ལ། །མི་དགའ་ཁ་དྲི་མི་ཞིམ་འགྱུར། །མཆུ་དང་མཁུར་ཚོས་སོ་རྩ་དང་། །ལྕེ་དང་རྐན་དང་མགུལ་པ་དང་། །ཁ་དང་ཐམས་ཅད་དག་གི་ནི། །ནད་ནི་བདུན་ཅུ་རྩ་དགུ་ཡིན། །བཅུ་གཅིག་གཅིག་དང་བཅུ་དང་ནི། །བཅུ་གསུམ་དེ་བཞིན་དྲུག་དང་བརྒྱད། །བཅུ་གཉིས་བཅོ་བརྒྱད་
[288a.4]དག་དང་ནི། །དེ་དག་གོ་རིམས་བཞིན་དུ་སྦྱར། །སོ་སྟོ་ཤ་དང་ཁྲག་གྱུར་མཆུ། །ཆུ་བུར་ཆུ་ནི་མེད་པ་དང་། །རྐན་གྱི་རུས་སྦལ་འབྲུམ་ཕྲན་དང་། །མིང་ཁོང་སྟོང་སྟོང་ཆེ་ཆུང་འཛིངས། །སྐད་ཉམས་སོ་སྔོན་སྟེང་གི་རྐུབ། །མདུང་འདྲ་གདུ་བུ་ཆུ་སེར་ཅན། །འདུས་གྱུར་མིད་པ་མཆུ་
[288a.5]ནད་དང་། །ཁྲག་དང་འདུས་གྱུར་གག་པ་དང་། །སོ་གོགས་སོ་ནི་ཆག་པ་དང་། །སྨིན་པའི་ཉེ་བའི་ལྕེ་དང་ནི། །ལྐོག་མའི་ལྦ་བ་སྐད་ཉམས་དང་། །དབུགས་མི་ཐོན་པ་ལོ་གཅིག་ལོན། །སོ་བརྩེ་གསང་བ་འཚོ་བ་ཙམ། །ལྷག་མ་མཚོན་དང་སྨན་གྱིས་གསོ། །ཡན་ལག་བརྒྱད་
[288a.6]པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་ཉི་ཤུ་རྩ་གཅིག་པའོ།། །།དེ་ནས་ཁ་ནད་གསོ་བ་བཤད་པར་བྱའོ། །མཆུ་རལ་བ་ཡི་མཐའ་བྲུད་དེ། །བཙེམས་ལ་རྨ་ལྟར་གསོ་བར་བྱ། །ཤིང་མངར་སེང་ཕྲོམ་ཀྲ་ཀུ་ནི། །ཐལ་ཏྲེས་ཨུཏྤལ་ཤྲ་པ་ནི། །མོན་སྣེའུ་
[288a.7]དམེ་རུ་པ་ཏོ་ལ། །ཏིལ་མར་བསྐོལ་བས་བསྐུ་བར་བྱ། །རླུང་འཇོམས་མངར་བའི་སྡེ་ཚན་དང་། །བསྐོལ་བའི་ཏིལ་མར་སྣ་སྨན་གཏང་། །རླུང་གྱུར་མཆུ་ནད་སྲ་རྩི་ཕོག །སྤྲ་ཚིལ་གུ་གུལ་ཐང་ཤིང་ན། །སྣུམ་ཆེན་བསྐོལ་བའི་རས་བལ་དག །སྦངས་པའི་ཡེའུས་གླན་པར་བྱ། །ཤིང་
[288b]
[288b.1]མངར་ཕྱེ་མར་བཅས་པ་དང་། །དེ་ཉིད་ཀྱིས་ནི་བསྐུ་བར་བྱ། །ཨེ་རཎྜ་ཡི་ལོ་མ་ནི། །འོ་མར་བསྐོལ་བས་སྦུབས་དུགས་བྱ། །མཆུ་རལ་སྐབས་བཤད་སྣ་སྨན་དང་། །མགོ་བོ་བརྟ་བ་དག་ཀྱང་བྱ། །མཁྲིས་པས་སྣད་པའི་མཆུ་ནད་ལ། །སྲིན་བུ་པད་པས་ཁྲག་
[288b.2]དབྱུང་བྱ། །སེང་ཕྲོམ་སྦྲང་རྩི་སྲ་རྩི་པོག །ཤིང་མངར་བཅས་པའི་ཕྱེ་མ་གདབ། །སླེ་ཏྲེས་ཤིང་མངར་རྨ་ཤིང་དང་། །བསྐོལ་བའི་མར་གྱིས་བསྐུས་ནའང་ཕན། །མཁྲིས་པའི་ཁོང་འབྲས་ལྟར་ཡང་གསོ། །ཁྲག་ལས་གྱུར་པ་སར་པ་ལ། །དེ་དག་ཉིད་ཀྱིས་གསོ་བར་
[288b.3]བྱ། །བད་ཀན་ལས་གྱུར་མཆུ་ནད་ལ། །པ་ཏོའི་ཐལ་བ་ཚ་བ་གསུམ། །སྦྲང་རྩི་དང་ནི་སྦྱར་བས་བསྐུ། །གཏར་ག་བྱས་ནས་ཕྱེ་མ་གདབ། །བད་ཀན་འཇོམས་པར་བྱེད་པ་ཡིན། །དུད་བརྔུབ་སྣ་སྨན་མཁུར་བཀང་བྱ། །ཚིལ་གྱུར་དུགས་བྱས་དབྲལ་ནས་ནི། །མེ་ཡིས་ངེས་
[288b.4]པར་བསྲེག་པར་བྱ། །པྲི་ཡང་ཀུ་དང་འབྲས་བུ་གསུམ། །སེང་ཕྲོམ་སྦྲང་རྩིར་སྦྱར་བས་སྐུ། །ཆུ་ཡི་ཆུ་བུར་བརྟོལ་ནས་སྦྱང་། །སྨན་རྣོན་སྦྲང་རྩིས་བསྐུ་བར་བྱ། །གཏིང་རིང་བའམ་རབ་འཕེལ་ལ། །ཐང་སྨན་དག་གམ་མེ་བཙས་གསོ། །མཁུར་བའི་ཆུ་སེར་སྨིན་སྐབས་སུ། །
[288b.5]སྐྲངས་པའི་ནད་ལྟར་གསོ་བར་བྱ། །སོ་གྲང་བ་ལ་དུགས་བྱས་ལ། །སོ་རྩ་བྲུད་དེ་ཏིལ་མར་བསྲེགས། །གླ་སྒང་རྒྱམ་ཚ་སྦྲང་རྩི་དང་། །སེའུ་འབྲུའི་ཤུན་པ་འབྲས་བུ་གསུམ། །སྐྱེར་པའི་ཁཎྜ་འདམ་བུའི་རྐང་། །བཅའ་སྒ་སྦྱར་བས་བསྐུ་བར་བྱ། །འོ་མ་ཅན་བསྐོལ་མཁུར་བ་
[288b.6]བཀང་། །ཨེ་རཎྜའི་མར་སྣ་སྨན་གཏང་། །སོ་བརྩེ་དེ་བཞིན་བྱེ་བ་ལ། །རླུང་འཇོམས་གསོ་བ་ཐམས་ཅད་བྱ། །ཏིལ་དང་ཤིང་མངར་སྦྲང་རྩི་ནི། །འོ་མར་བསྐོལ་བའི་མཁུར་བཀང་བཅང་། །སོ་འགུལ་བ་ལ་རྩ་བ་བཅུའི། །ཁུ་བ་མར་བསྐོལ་མཁུར་བ་བཀང་། །སྦངས་མ་
[288b.7]སེང་ཕྲོམ་པི་པི་ལིང་། །འབྲས་བུ་གསུམ་དང་རྨ་ཤིང་དང་། །རྒྱམ་ཚ་ཡིས་ནི་བདར་བར་བྱ། །སྣུམ་བག་གིས་ནི་སྣ་སྨན་དང་། །མཁུར་བཀང་གནས་སྐབས་ཇི་བཞིན་བསྟེན། །སོ་ལྷག་སྐྱེས་ལ་ཐལ་སྨན་གྱིས། །བསྐུས་ཏེ་གོགས་པར་གྱུར་པ་དང་། །སྲིན་ཅན་སོ་ལྟར་ཕྱུང་ནས་
[289a]
[289a.1]ནི། །དེ་ཚེ་དེ་དང་འདྲ་བར་གསོ། །ཁྲག་ནི་ཆོད་པར་མ་གྱུར་ན། །བསྲེགས་ལ་རྨ་ལྟར་གསོ་བར་བྱ། །སོ་དྲེག་ཆགས་ལ་སོ་རྩལ། །གནོད་པ་མེད་པར་བསལ་བར་བྱ། །ཐལ་སྨན་སྦྲང་རྩིར་བཅས་པས་ནི། །དེ་ཡི་འོག་ཏུ་བསྐུ་བར་བྱ། །སོ་གོགས་པ་ལའང་འདི་ཉིད་དང་། །སོ་
[289a.2]བརྩེར་བཤད་པའི་གསོ་བ་བྱ། །སྲིན་ཅན་སོ་ནི་མི་འགུལ་ལ། །དུགས་བྱས་ནས་ནི་ཁྲག་དབྱུང་བྱ། །སྣུམ་གྱིས་བསྐུ་ཞིང་མཁུར་བཀང་དང་། །སྣ་སྨན་ཁ་ཟས་རླུང་འཇོམས་སྦྱིན། །ཁོང་སྟོང་བུ་རམ་སྤྲ་ཚིལ་གྱིས། །གང་བའི་ཐུར་མས་
[289a.3]བསྲེག་པར་བྱ། །ལོ་མ་བདུན་པ་ཨརྐ་ཡི། །ལོ་མས་བཀང་ན་སྲིན་གཟེར་འཇོམས། །ཤིང་ཀུན་ནག་ཆུར་ཀད་པ་ལ། །སརྫི་ཀ་དང་བྱི་དང་ག །རུ་རྟའི་ཕྱེ་མ་རས་ལ་གཏུམས། །སོར་གླན་ཟུག་གཟེར་མྱུར་དུ་འཇོམས། །ཡང་ན་འདི་ཉིད་བསྐོལ་བ་ཡི། །ཏིལ་མར་མཁུར་
[289a.4]བར་དགང་བར་བྱ། །ཡང་ན་བྲི་ཧ་ཏི་རྣམ་གཉིས། །བུ་ག་དམ་པ་ཨེ་རཎྜ། །བསྐོལ་བའི་ཁུ་བས་མཁུར་བ་བཀང་། །དེ་ལྟར་གསོ་བ་མང་པོ་ཡིས། །ནད་ནི་ཞི་བར་མ་གྱུར་ན། །སྐམ་པ་ཕྲ་མོ་དག་གིས་སམ། །སོ་དབྱུང་བ་ཡི་ཆ་སྤྱད་ཀྱིས། །དང་པོ་རྩ་བ་ནས་བསླངས་ཏེ། །གཏན་ནས་
[289a.5]དེ་ནི་དབྱུང་བར་བྱ། །ཏིལ་མར་ཤིང་མངར་ཕྱེར་བཅས་པའམ། །སྦྲང་རྩིས་དེ་འོག་མཁུར་བཀང་བྱ། །དེ་འོག་ཤིང་མངར་བིད་རི། །སྲིད་ཀ་དང་ཀ་ཤེ་རུ། །ཏིལ་མར་བཅུ་འགྱུར་འོ་མ་དང་། །བསྐོལ་བའི་སྣ་སྨན་གཏང་བར་བྱ། །རིད་ཅིང་ཉམ་ཆུང་རྒན་པོ་དང་། །རླུང་ནད་ཀྱིས་ཉེན་སོ་མི་དབྱུང་། །
[289a.6]ཡ་སོ་དབྱུང་བར་མི་བྱ་སྟེ། །དེ་ནི་བླ་བརྣན་མང་པོ་སྐྱེད། །དེ་ཡང་འབྱིན་ན་སྣུམ་པ་དང་། །མངར་དང་བསིལ་བའི་རིམ་པས་གསོ། །གྲང་བས་ཉེན་ལ་ཁྲག་དབྱུང་ཞིང་། །སྦྲང་རྩིར་བཅས་པས་བསྐུ་བར་བྱ། །གླ་སྒང་ཨརྫུ་ནའི་ཤུན་པ། །པྲི་ཡང་ཀུ་དང་སྐྱེར་ཁཎྜ། །བཅའ་སྒ་སྒྲང་རྩིར་སྦྱར་བ་
[289a.7]བསྐུ། །དེ་བསྐོལ་བས་ནི་མཁུར་བཀང་དང་། །མངར་སྨན་ཏིལ་མར་བསྐོལ་སྣར་བླུགས། །རྙིལ་ནི་ཉེ་བར་བདར་བ་ལ། །ཆུ་ཚན་མཁུར་བཀང་བས་དུགས་བྱ། །དཀྱིལ་འཁོར་འདྲ་བའམ་ཤ་ཁ་ཡི། །ལོ་མས་མང་དུ་བྲུད་པར་བྱ། །རྒྱ་སྐྱེགས་རྨ་ཤིང་པྲི་ཡང་ཀུ། །རྒྱམ་ཚ་རུ་རྟ་བཙག་
[289b]
[289b.1]ཡུག་སྣམ། །ན་ལེ་ཤམ་དང་བཅའ་སྒ་དང་། །ཤིང་མངར་སྐྱེར་པའི་ཁཎྜ་དང་། །མར་གྱི་སྙིང་པོ་སྦྲང་རྩི་དང་། །སྦྱར་བ་དེ་འོག་བསྐུ་བར་བྱ། །མར་ཁུའམ་ཏིལ་མར་མཁུར་སྤོ་བ། །དྲོ་འཇམ་དེ་ཡི་རྗེས་ལ་བྱ། །མངར་བའི་སྡེ་དང་བསྐོལ་བའི་མར། །མཁུར་བཀང་སྣ་སྨན་
[289b.2]བྱས་ན་ཕན། །སོ་འབུར་བ་ལ་དུགས་བྱས་ལ། །བཅད་དང་དབུག་དང་བྲུད་པར་བྱ། །ཤིང་མངར་བཅའ་སྒས་རྫི་ཀ །རྒྱམ་ཚའི་ཕྱེ་མ་བསྐུ་བར་བྱ། །སོ་ཡི་ཁོང་འབྲས་ཚ་དྲོ་རྣོ། །རྩུབ་པའི་མཁུར་བཀང་བསྐུ་བར་བྱ། །པུ་ཙེ་ཤེལ་དང་བ་སྤྲུ་བ། །རུ་རྟ་ནས་ཚིག་འཁུས་ཕྱིར་
[289b.3]བདར། །བསིལ་སྨན་གྱིས་ནི་སྨིན་མི་གཞུག །སྨིན་ནས་དྲལ་ལ་གཏིང་རིང་བསྲེག །ཁོང་སྟོང་བཅད་དེ་བྲུད་ནས་ནི། །གླ་སྒང་སེང་ཕྲོམ་འབྲས་བུ་གསུམ། །ཤུ་ཏི་རྨ་ཤིང་སྐྱེར་ཁཎྜ། །རྒྱ་སྐྱེགས་ཤིང་མངར་ཀད་ཕལ། །སྦྲང་རྩིར་སྦྱར་བས་བསྐུ་བར་བྱ། །དེ་ཉིད་ཁུ་བས་
[289b.4]མཁུར་བ་བཀང་། །ཤིང་མངར་སེང་ཕྲོ་མ་དཱུར་བ་དཀར། །ཐལ་ཏྲེས་ཙནྡན་ན་ཨ་ག་རུ། །ཀ་ར་དཀར་པོ་བཙག་ཡུག་སྣམ། །པདྨ་དཀར་པོ་སྟག་ཚེར་བ། །བསྐོལ་བའི་ཏིལ་མར་སྣ་སྨན་གཏང་། །ཤ་ལྷག་སྐྱེས་པ་བཅད་ནས་ནི། །ཤུ་དག་ཏེ་ཛོ་བ་ཏི་དང་། །པ་ཏ་ནས་ཚིག་
[289b.5]འཁུས་ཐལ་བ། །སརྫི་ཀ་དང་སྦྲང་རྩིས་བསྐུ། །འབྲས་བུ་གསུམ་དང་པ་ཏོ་ལ། །ནིམ་པ་བསྐོལ་བས་མཁུར་བ་བཀང་། །སྣད་པ་ལས་བྱུང་ནད་ལ་ནི། །དཀྱིལ་འཁོར་རྩེ་མོ་འདྲ་བས་སྦྱངས། །དེ་ནས་ཐལ་སྨན་སྣ་སྨན་གཏང་། །མཁུར་བཀང་ལ་སོགས་བསིལ་སྨན་གཏང་། །ལུས་
[289b.6]ཀྱི་གོང་འོག་ནས་སྦྱང་བྱ། །དེ་འོག་མགོ་བོའི་བཀྲུ་སྨན་བྱ། །སོ་ཡི་རྩ་ནི་སོས་ནས་ཀྱང་། །ཕྱུང་སྟེ་ནད་དང་ལྡན་པ་ཡི། །བུ་རམ་སྤྲ་ཚིལ་བཀང་བས་བསྲེག །ཛཱ་ཏི་སེང་ལྡེང་སྤྲ་ཚིལ་དང་། །གཟེ་མ་བསྐོལ་བའི་ཁུ་བས་བཀྲུ། །འོ་མ་ཅན་ཤིང་ཆུས་མཁུར་བཀང་། །དེ་བསྐོལ་ཏིལ་
[289b.7]མར་སྣ་སྨན་གཏང་། །རླུང་གྱུར་ལྕེ་ནི་རྩུབ་པ་ལ། །རླུང་གི་མཆུ་ནད་གསོ་བར་བྱ། །མཁྲིས་པ་ལས་གྱུར་ལྕེ་ནད་ལ། །བཞར་ཏེ་ཁྲག་ནི་དབྱུང་བར་བྱ། །བསྐུ་དང་མཁུར་བ་བཀང་བ་དང་། །སྣ་སྨན་མངར་བ་དག་ཀྱང་བྱ། །དེ་བཞིན་བད་ཀན་ལས་གྱུར་ལ། །ཉུངས་ཀར་ཚ་བ་གསུམ་ལ་
[290a]
[290a.1]སོགས། །སྨན་ནི་རྣོན་པོས་གསོ་བར་བྱ། །ལྕེ་ལས་ཆུ་སེར་འཛག་པ་གསར། །མཚོན་མི་རེག་པར་དེ་བཞིན་གསོ། །ལྕེ་ལྷག་སྐྱེས་པ་ལྕེ་བཏེག་སྟེ། །ལྕགས་ཀྱུས་ལྕེ་ལྷག་དྲངས་ནས་ནི། །རྩེ་མོ་དཀྱིལ་འཁོར་འདྲ་བས་བཅད། །རྣོ་དང་དྲོ་བས་བདར་
[290a.2]སོགས་བྱ། །ཉེ་བའི་ལྕེ་ལ་ཁྲག་གཟགས་ཏེ། །ནས་ཚིག་འཁུས་པའི་ཐལ་བས་བདར། །ཤ་ལྷག་སྐྱེས་ལ་བད་ཀན་འཇོམས། །སྣ་སྨན་མཁུར་བཀང་བདར་བར་བྱ། །ག་གོན་ས་བོན་ལྟ་བུར་ནི། །འཕེལ་ཞིང་རྩ་ནི་མི་མངོན་དང་། །རྩེ་མོས་ལྕེ་ཡི་རྩ་བ་སླེབས། །ལྕགས་
[290a.3]ཀྱུ་ཡིས་ནི་བཟུང་ནས་ཀྱང་། །རྩེ་མོ་དཀྱིལ་འཁོར་འདྲ་བ་ཡིས། །རྩེ་མོ་རྩ་བ་རན་པར་གཅད། །བཅད་དྲགས་ཁྲག་ཟགས་འཆི་བར་བྱེད། །བཅད་ཆུང་ནད་ནི་འཕེལ་བར་བྱེད། །བོང་ང་བ་ཏ་ན་ལེ་ཤམ། །ཤུ་དག་རུ་རྟ་པ་རི་ལ། །རྒྱམ་ཚ་སྦྲང་རྩིར་བཅས་པ་ཡིས། །བཅད་པ་དག་ནི་བདར་
[290a.4]བར་བྱ། །པ་རི་བེ་ལ་ཀུན་ཏ་ཏའོ། །པུ་ཙེ་ཤེལ་དང་བོང་ད་དཀར། །བ་ཏ་ནིམ་པ་ར་སྣ་དང་། །ཤུ་དག་ཆུ་ཡིས་མཁུར་བཀང་བྱ། །འདུས་དང་སོ་འབུར་རུས་སྦལ་འདྲ། །དེ་བཞིན་བཞར་ཏེ་གསོ་བར་བྱ། །རྐན་རྣགས་མ་སྨིན་པ་ལ་ནི། །ནག་ཚུར་སྦྲང་རྩི་སྐྱེར་ཁཎྜ། །བསྐུ་བར་
[290a.5]བྱའོ་བསིལ་དང་མངར། །སྨན་བསྐོལ་ཁུ་བས་མཁུར་བཀང་བྱ། །སྨིན་ནས་ན་ཡའི་གཞི་ལྟར་དྲས། །དྲོ་དང་རྣོ་བས་བསྐུ་བར་བྱ། །བ་ཤ་ཀ་དང་པ་ཏོ་ལ། །ནིམ་པ་ལ་སོགས་རྣོ་བ་ཡི། །སྨན་གྱི་ཁུ་བས་མཁུར་བ་དགང་། །རྐན་སྐམ་སྐོམ་དད་གདུང་མེད་པ། །ཟས་ཟོས་རྗེས་ལ་
[290a.6]ཞུན་མར་ནི། །བཅའ་སྒ་བི་པི་ལིང་བསྐོལ་བླུད། །སྐྱུར་བས་མཁུར་བ་སྤོ་བ་བཅང་། །སྐམ་སའི་ཤ་ཁུ་སྣུམ་པ་དང་། །ཞུན་མར་འོ་མའི་སྣ་སྨན་གཏང་། །ལྐོག་མའི་ནད་ལ་གཏར་ག་གདབ། །སྣ་སྨན་ལ་སོགས་རྣོན་པོ་བྱ། །སྐྱེར་པའི་ཤུན་པ་སྐྱེར་ཁཎྜ། །དུག་མོ་ཉུང་བསྐོལ་ཁུ་
[290a.7]བ་བླུད། །ཨ་རུ་ར་ཡི་ཁུ་བ་ནི། །སྦྲང་རྩིར་ལྡན་པ་སྦྱིན་པར་བྱ། །འབྲས་བུ་གསུམ་དང་ཆ་བ་གསུམ། །ནས་ཚིག་འཁུས་ཐལ་སྐྱེར་པ་དང་། །ཙི་ཏྲ་ཀ་དང་སྐྱེར་ཁཎྜ། །པ་ཏ་ཏེ་ཛོ་བ་ཏི་དང་། །ནིམ་པ་ཚ་དང་ར་གཅིན་བསྐོལ། །མཁུར་བ་སྤོ་དང་རི་ལུ་དང་། །ཕྱེ་མ་གདབ་པ་དག་ཀྱང་
[290b]
[290b.1]བྱ། །ལྕང་མ་གི་རི་ཀརྞི་དང་། །གླ་སྒང་ཐང་ཤིང་བཅའ་སྒ་དང་། །ཤུ་དག་དན་ད་མུར་བ་ཡི། །ལྡེ་གུ་དྲོ་བསྐུས་སྐྲངས་ནད་སེལ། །དེ་ནས་ཕྱི་ནང་དུགས་བྱས་ཏེ། །སོར་གདུབ་ཆ་སྤྱད་དག་གིས་སམ། །རྒྱམ་ཚ་ལྡན་པའི་སེན་མོ་ཡིས། །རླུང་གྱུར་གག་པ་བཞར་བར་བྱ། །རྩ་བ་ལྔ་
[290b.2]བསྐོལ་མཁུར་བཀང་དང་། །ཏིལ་མར་མཁུར་སྦོ་སྣ་སྨན་གཏང་། །མཁྲིས་པ་ལས་གྱུར་གཏར་ག་གདབ། །ཁ་ར་སྦྲང་རྩི་པྲི་ཡང་ཀུ། །སེང་ཕྲོམ་རྨ་ཤིང་བཅས་པ་བདར། །དེ་བསྐོལ་ཁུ་བ་མཁུར་བར་བཅང་། །རྒུན་འབྲུམ་པ་རུ་ཤ་ཀ་བསྐོལ། །མཁུར་བ་བཀང་བའང་ཕན་པ་ཡིན། །
[290b.3]ཁྲག་ལས་གྱུར་པའང་དེ་བཞིན་དུ། །གཏར་ག་གདབ་སྟེ་གསོ་བར་བྱ། །བད་ཀན་ལས་གྱུར་ཁང་པ་ཡི། །དུད་པ་ཚ་བའི་སྨན་བཅས་གདབ། །ཨ་པ་མརྒའི་འབྲས་བུ་དང་། །གི་རི་ཀརྞི་བྱི་དང་ག །རྒྱམ་ཚ་ཙནྡན་ཏིལ་མར་བསྐོལ། །སྣ་སྨན་མཁུར་བཀང་བྱ་བ་བསྔགས། །དེ་
[290b.4]བཞིན་འདུས་དང་རྩ་བ་དང་། །མཆུ་རྩེ་ལྐོག་མའི་མཚོན་ལའང་བྱ། །ཁོང་འབྲས་ཁྲག་གཟགས་འབྲས་བུ་གསུམ། །གི་ཝང་ཡུག་སྣམ་སྐྱེར་ཁཎྜ། །སེང་ཕྲོམ་རྒྱམ་ཚ་རྨ་ཤིང་དང་། །པི་པི་ལིང་བསྐུ་མཁུར་བཀང་བྱ། །རླུང་ལས་གྱུར་པའི་ཝ་བ་ལ། །དུགས་བྱས་ནས་ནི་ཁྲག་
[290b.5]དབྱུང་ཞིང་། །ཏིལ་དང་ཟར་མ་ལེབ་རྒན་རྩི། །པི་ལ་ཡ་དང་བཙོད་འབྲས་ཀྱིས། །རྨ་འདྲུབ་ནས་བསྐུས་དཀྲི་བར་བྱ། །ཤི་ཀྲུ་སེང་ཕྲོམ་ཏར་ཀ་རི། །ཏང་པ་ལ་ཧ་ཏི་པི་པི་ལིང་། །བ་སྤུ་པ་དང་ཨ་རུ་ར། །ཨརྐའི་རྩ་བ་པོ་སོན་ཆ། །ཨེ་ཀཻ་ཥི་ཀར་བཅས་པ་ནི། །ཆང་ངམ་རང་སྒྱུར་
[290b.6]བཏགས་པས་བསྐུ། །ལྡེ་གུས་ཡང་དང་ཡང་དུ་བསྐུ། །སླེ་ཏྲེས་ནིམ་པ་དུག་མོ་ཉུང་། །ཧན་ས་བ་ཏི་བ་ལ་གཉིས། །ཐང་ཤིང་དང་ནི་པི་པི་ལིང་། །བསྐོལ་བའི་ཏིལ་མར་བླུད་པར་བྱ། །བད་ཀན་ལ་ཡང་འདི་དག་ནི། །བྱ་ཞིང་ལྷག་པར་དུགས་བསྐུ་བྱ། །ཨ་ཟ་གནྡྷ་བོང་ང་དཀར། །
[290b.7]ཨ་ཟ་ཤིང་གི་བི་ཤ་ལྱ། །ཀུ་བ་ཁ་བོ་འོལ་མ་སེ། །ཤི་རི་ཤ་དང་རྒྱ་སྐྱེགས་ཤིང་། །ཐལ་ཆུའི་ལྡེ་གུས་བསྐུ་བར་བྱ། །ཐལ་བ་དྲག་པོ་གཅིན་བསྐོལ་བཙགས། །ཁྲེ་རྒོད་ཟ་ཞིང་བཏུང་བར་བྱ། །དུག་མོ་ཉུང་སོགས་ལན་ཚྭ་ལྔ། །ཏིལ་མར་ལྷན་ཅིག་བསྐོལ་བ་བླུད། །བད་ཀན་འཇོམས་
[291a]
[291a.1]པའི་དུད་པ་དང་། །སློན་སྨན་སྣ་སྨན་ལ་སོགས་བསྟེན། །ཚིལ་གྱུར་བ་ལ་གཏར་ག་གདབ། །བད་ཀན་འཇོམས་པའི་ཆོ་ག་བསྟེན། །འདི་ལ་ཨ་ས་ལ་སོགས་པའི། །ཁུ་བ་གཅིན་ནི་སྔ་དྲོ་བླུད། །དེས་མ་ཞིན་ཐམས་ཅད་ནི། །སྨིན་བྱས་རྨ་ལྟར་གསོ་བར་
[291a.2]བྱ། །ཁ་ཤུ་ལ་ནི་འབྲས་བུ་གསུམ། །བ་ཏ་རྒུན་འབྲུམ་ཛཱ་ཏི་ཡི། །འོ་མར་བསྐོལ་བའི་སྦྲང་རྩིར་བཅས། །ཁ་ནི་བསྐུ་ཞིང་བཅང་བར་བྱ། །ཡང་ན་ཟིན་ཐིག་ལ་སོགས་སྤེ། །བཟའ་ཞིང་བསྟེན་པ་ཉིད་དུ་བྱ། །རླུང་གི་ཁ་ཤུར་པི་པི་ལིང་། །རྒྱམ་ཚ་སུག་སྨེལ་ཕྱེ་མ་གདབ། །ཡང་
[291a.3]ན་རླུང་འཇོམས་སྨན་བསྐོལ་བའི། །ཏིལ་མར་སྣ་སྨན་མཁུར་བཀང་ཕན། །ཁྲག་མཁྲིས་གྱུར་ལ་ཁྲག་མཁྲིས་འཇོམས། །བད་ཀན་ལས་གྱུར་དེ་འཇོམས་བསྟེན། །འབྲུམ་ཕྲན་སྲ་ཞིང་བརྟན་པ་ལ། །ཤ་ཁའི་ལོ་མ་སོགས་ཀྱིས་བཞར། །འདུས་པ་ལས་གྱུར་གསོ་བ་ནི། །ནད་
[291a.4]གཞི་ཇི་བཞིན་ཤས་ཆེར་བྱ། །ཆུ་བུར་གསར་ཞིང་མ་འཕེལ་བ། །བཅད་ལས་རྫི་ཀའི་ཐལ་བ། །བཅའ་སྒ་སྦྲང་རྩི་གདབ་པར་བྱ། །དེ་བསྐོལ་མཁུར་བ་བཀང་བར་བྱ། །སླེ་ཏྲེས་ནིམ་པའི་ལྡེ་གུ་ནི། །སྦྲང་རྩི་ཏིལ་མར་བཅས་པའང་རུང་། །ནས་ཟན་ཟ་ཞིང་ཏིལ་མར་རྣོས། །སྣ་
[291a.5]སྨན་དང་ནི་བསྐུ་བྱུག་བྱ། །ཁ་དྲི་ང་ལ་སློན་སྨན་དང་། །དུད་པ་སྣ་སྨན་རྣོན་པོ་གཏང་། །བཙོད་དང་སེང་ཕྲོམ་ད་ཏ་ཀི །ཤུག་པ་བྲི་ཡང་ཀུ་ཡི་ཆུས། །ཁ་ཡི་ནང་ནི་བཀྲུ་བ་དང་། །ཕྱེ་མས་ཁ་ནི་དག་པར་བྱ། །གྲང་ཉེན་ཉེ་བར་བདར་བཤད་པའི། །སྣ་སྨན་ལ་སོགས་བསྟེན་པར་བྱ། །
[291a.6]འབྲས་བུ་གསུམ་དང་རྩ་མཁྲིས་ཙི་ཏྲ་ཀ །ཤིང་མངར་ཉུངས་ཀར་གླ་སྒང་ཚབ་གསུམ། །ཡ་བཀྵ་ར་སེར་པོ་རྣམ་གཉིས་དང་། །ད་ཏྲིག་ཙནྡན་ལྕང་མ་སྟར་བུ་དང་། །ཨ་ཤྭཏྠ་དང་འཛམ་བུའི་མྱུ་གུ་དང་། །ད་ནན་ཛ་ཡ་ཀ་ར་བཱི་རའི་ཤུན། །སེང་ལྡེང་སྙིང་པོ་བསྐོལ་ཏེ་སྐ་བར་གྱུར། །དེ་ཡི་
[291a.7]ཕྱེ་མ་བཏབ་སྟེ་རི་ལུ་བྱ། །དེ་ནི་ཁ་ནང་རྟག་ཏུ་བཞག་གྱུར་ན། །མཆུ་དང་རྐན་སོགས་ནད་ནི་མི་བཟད་འཇོམས། །མཆོག་ཏུ་ཁ་སྐམས་པ་དང་གག་པ་དང་། །རོ་མི་ཚོར་སེལ་ལུས་འཕགས་བདག་པོས་བཤད། །སེང་ལྡེང་སྲང་བརྒྱ་ཆུ་བྲེ་བཅུ་དྲུག་བསྐོལ། །ཁུ་བ་དེ་དང་ཙནྡན་ཨ་ག་རུ། །
[291b]
[291b.1]གུར་གུམ་པ་ལ་བ་རི་པེ་ལ་དང་། །ཐང་ཤིང་སེང་ཕྲོམ་རྒུན་འབྲུམ་པུ་ཤེལ་ཙི། །བཙོད་དང་ཙོ་ཙ་ཤུག་པ་བྱི་དང་ག །པྲི་ཀ་རྒྱ་སྤོས་ཀད་པ་ལ་ཆུ་སྲིན་སྡེར། །སུག་སྨེལ་དྷེ་མ་ཀ་དང་རྨ་ཤིང་བཅས། །ཞོ་ནི་གཉིས་གཉིས་ཏིལ་མར་བྲེ་གང་བསྐོལ། །དེ་ནི་བཏུང་དང་སྣ་སྨན་མཁུར་བཀང་
[291b.2]བྱ། །ཁ་ཡི་ནད་ཀུན་འཇོམས་བྱེད་བྱ་རྒོད་ལྟར། །མིག་གསལ་རྣ་བ་ཕག་འདྲར་གསང་བར་བྱེད། །ཙ་ཀྲ་མར་ད་སྐྱེར་པ་སེང་ཕྲོམ་གྱི། །ལྡེ་གུ་གདོང་ལ་བྱུགས་པར་གྱུར་ན་ནི། །དོ་ཁབས་སྨེ་བ་དྲི་མ་ལ་སོགས་སེལ། །ཟླ་བ་ལྟ་བུའི་མདངས་དང་ལྡན་པར་འགྱུར། །ས་ཧ་ར་ཛ་སྲང་སྟོང་ཆུ་
[291b.3]བྲེ་ནི། །བཅུ་དྲུག་ནང་བསྐོལ་བརྒྱད་ཆ་ལུས་པ་རུ། །སེང་ལྡེང་འཛམ་བུ་ཤིང་མངར་ཨེ་རཎྜ། །ཨ་མྲ་ཨ་ཏི་མ་ར་ཨུཏྤལ་སྔོ། །ཞིབ་བཏགས་ཏིལ་མར་བྲེ་གང་ནང་དུ་བསྐོལ། །དེ་ནི་ཁ་ཡི་ནང་དུ་བཅངས་གྱུར་ན། །ཁ་ཡི་ནད་ཀུན་འཇོམས་ཤིང་ཁྱད་པར་དུ། །སོ་ཡི་ཕྲེང་བ་འགུལ་
[291b.4]བ་བརྟན་པར་བྱེད། །སེང་ལྡེང་སྙིང་པོ་སྲང་ནི་ཉིས་བརྒྱ་དང་། །ཨ་རི་མེ་ད་ས་ནི་སྲང་བརྒྱ་དག །ཆུ་བྲེ་དྲུག་ཅུ་བཞི་བསྐོལ་བཞི་ཆ་ལུས། །བཙགས་ཏེ་སླར་ཡང་སྐ་བའི་བར་དུ་བསྐོལ། །དེ་ནང་དབྱི་མོ་རྨ་ཤིང་བ་ལེ་ཀ །ཙནྡན་རྣམ་གཉིས་སེང་ཕྲོམ་སྟག་ཚེར་བ། །ཤིང་མངར་རྒྱ་
[291b.5]སྐྱེགས་ཨ་ཛ་རི་རྣམ་གཉིས། །ད་ཏ་ཀི་དང་ཀཏྤ་ལའི་འབྲས་བུ། །སེར་པོ་རྣམ་གཉིས་འབྲས་བུ་གསུམ་དང་ནི། །དྲི་སྣ་བཞི་དང་གླ་སྒང་ཨ་རུ་ར། །བཙོད་དང་སྤང་སྤོས་ནྱ་གྲོ་དྷའི་མྱུ་གུ། །ཤུག་པ་བཙོད་དང་ཨེ་ལ་བ་ལུ་ཀ །ཞོ་ནི་གཉིས་གཉིས་བཏབ་སྟེ་བསྒྲངས་པ་རུ། །ཛཱ་ཏི་
[291b.6]པ་ཏྲ་ཛཱ་ཏི་ཕལ་དང་། །ལི་ཤི་ཨ་ཀོ་ལ་དང་ཀ་ཀོ་ལ། །སྲང་རེག་པུར་སྲང་བཞི་གཞུག་པར་བྱ། །དེ་ལས་རི་ལུ་བྱས་ལ་རྟག་ཏུ་ནི། །ཁར་བཞག་ན་ནི་ཁ་ནད་ཐམས་ཅད་སེལ། །བསྐོལ་དང་རེང་བུའི་སྨན་ནི་གོ་བཟློག་པ། །བཏགས་པ་འདི་ཡི་ཏིལ་མར་བསྐོལ་བར་བྱ། །ཁ་ནད་ཀུན་སེལ་
[291b.7]བར་ནི་དེ་བཤད་དོ། །སོ་བརྟན་བྱེད་པའི་མཆོག་ཀྱང་འདི་ཉིད་ཡིན། །རི་ལུ་འདི་ནི་སེང་ལྡེང་སྦྱར་ཏིལ་མར། །ཨ་རི་མེ་ད་ས་དང་བསྐོལ་བ་དག །ཉིན་རེ་བསྟེན་པར་བྱེད་ན་ནད་མེད་པའང་། །སོ་ནི་ངེས་པར་བརྟན་པར་བྱེད་པ་ཡིན། །རྒུན་འབྲུམ་སླེ་ཏྲེས་ཛཱ་ཏིའི་མྱུ་གུ་དང་། །སྐྱེར་པ་བྱི་
[292a]
[292a.1]ཚེར་འབྲས་བུ་གསུམ་བསྐོལ་བའི། །སྦྲང་རྩིར་བཅས་པ་འདི་ནི་མཁུར་བར་བཅངས། །ཁ་ཡི་ནད་དུ་གཏོགས་པ་ཐམས་ཅད་སེལ། །སྐྱེར་པ་བ་ཏ་རུ་རྟ་གླ་སྒང་བཙོད། །ཡུང་བ་སེང་ཕྲོམ་ཏེ་ཛོ་བ་ཏི་དང་། །པུ་ཙེ་ཤེལ་གྱི་ཕྱེ་མ་སྦྲང་རྩིར་སྦྱར། །བསྐུས་ན་
[292a.2]རྙིལ་ནད་ཉམ་ཐག་གཡའ་བ་དང་། །རྣག་དང་འཛག་པའི་ནད་རྣམས་འཇོམས་པར་བྱེད། །ཁྱིམ་གྱི་དུད་པ་ཐ་སྐྱེར་ཁཎྜ། །ཚ་བ་གསུམ་དང་ནས་ཚིག་འཁུས་ཐལ་བ། །ཙི་ཏར་ཀ་དང་ལྕགས་ཕྱེ་འབྲས་བུ་གསུམ། །ཏེ་ཛོ་བ་ཏི་སྦྲང་རྩིར་སྦྱར་བ་ནི། །ནག་པོ་ཁར་བཅངས་སོ་དང་མགུལ་
[292a.3]ནད་སེལ། །སྐྱེར་པའི་ཤུན་པ་ལྡོང་རོས་ལྕེ་མྱང་ཚ། །བ་བླ་ནས་ཚིག་འཁུས་པའི་ཐལ་བའི་ཕྱེ། །སྦྲང་རྩི་མར་སྦྱར་ཕྱེ་མ་སེར་པོ་ཅན། །ཁར་བཞག་སོ་དང་མགུལ་བའི་ནད་རྣམས་སེལ། །བ་གཅིན་ཨ་རུ་ར་བསྐོལ་ཐིམ་གྱུར་པ། །ཤུ་ཏི་རུ་རྟ་བ་ལེ་ཀའི་ཕྱེ་ཟོས། །ནང་གི་ཁ་ནད་
[292a.4]ཕྲ་མོ་ཡན་ཆད་ནི། །རྒྱལ་པོར་བརྟེན་ན་གནོད་པས་མི་ཚུགས་བཞིན། །ནང་དུ་བཞག་ན་ནད་རྣམས་སེལ་བར་བྱེད། །ལོ་མ་བདུན་པ་གླ་སྒང་བུ་ཤེལ་ཙེ། །ཨ་རུ་ར་དང་ཏིག་ཏ་པ་ཏོ་ལ། །ཤིང་མངར་དོང་གྲ་ཙནྡན་པུ་ཤེལ་ཙེ། །བསྐོལ་བ་འཐུངས་ན་ཁ་ཡི་ཤུ་བ་འཇོམས། །པ་ཏོ་ལ་
[292a.5]དང་བཅའ་སྒ་འབྲས་བུ་གསུམ། །བི་ཤ་ལྱ་དང་ཏིག་ཏ་ཀྱི་ལྕེ་བ། །སླེ་ཏྲེས་བསྐོལ་བ་སྦྲང་རྩིར་བཅས་བླུད་དམ། །ཁར་བཞག་ཁ་ཡི་ནད་ཀུན་མ་ལུས་འཇོམས། །སྐྱེར་པ་བསྐོལ་བའི་ཁུ་བ་ནི། །སྐ་གྱུར་ཡུག་སྣམ་བཙག་དང་བཅས། །སྦྲང་རྩིར་བཅས་པ་ཁ་ནང་བཞག །ཤུ་བ་རྨ་
[292a.6]འཁྱིམས་སེལ་བར་བྱེད། །ནིམ་པ་ཤིང་མངར་པ་ཏོ་ལ། །བ་ཤ་ཀ་དང་ཛཱ་ཏི་དང་། །སེང་ལྡེང་ཨ་རི་མེད་ས། །འབྲས་བུ་གསུམ་པོ་རེ་རེ་ལའང་། །དེ་བཞིན་དུ་ནི་གཏང་བར་བྱ། །སེང་ལྡེང་ལྕགས་ཕྱེ་འབྲས་བུ་གསུམ། །མ་ཏ་ཡན་ཏི་ཨ་རྫུ་ན། །ཨ་ཏི་མ་ར་བསྐོལ་བ་ནི། །མཁུར་བཅད་
[292a.7]ཁ་ནད་སོ་ནད་སེལ། །ཁ་དང་སོ་རྩ་མགུལ་ནད་ཕལ་ཆེར་ནི། །བད་ཀན་ཁྲག་ལས་མང་དུ་འབྱུང་བ་ཡིན། །དེ་བས་ནད་དེ་བསལ་བར་བྱ་བའི་ཕྱིར། །ནད་ཁྲག་ལན་མང་དུ་ནི་དབྱུང་བར་བྱ། །མགོ་དང་ལུས་ཀྱི་སྐྱུག་སྨན་བཀྲུ་སྨན་དང་། །ཁ་དང་ཚ་དང་མཁུར་བཀང་བཅང་བར་བྱ། །དེ་བཞིན་
[292b]
[292b.1]བད་ཀན་ཁྲག་ནི་སེལ་བ་ཡི། །གསོ་བའི་ནད་ནི་ཕལ་ཆེར་བསྔགས་པ་ཡིན། །ནས་དང་རྩ་འབྲུ་ཕུབ་མ་མེད་བྱས་ལ། །ཐལ་སྨན་མང་དུ་སྤངས་ཤིང་སྣུམ་མེད་བཟའ། །ཁུ་བ་བསྟན་པ་ལ་སོགས་གང་གཞན་ནི། །བད་ཀན་སེལ་བར་བྱེད་པ་ཕན་པ་ཡིན། །སྲོག་ནི་རླུང་གི་ལམ་
[292b.2]ལ་གནས་པས་ན། །བག་མེད་པ་ཡིས་འགག་པར་འགྱུར་བ་ཡིན། །དེ་བས་ལྐོག་མའི་ནད་ཀྱི་གསོ་བ་ནི། །ཤིན་ཏུ་མྱུར་བར་བྱ་བ་ཁོ་ན་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་ཉི་ཤུ་རྩ་གཉིས་པའོ།། །།དེ་ནས་མགོ་བོའི་ནད་
[292b.3]ཀྱི་དམིགས་ཤེས་པར་བྱ་བ་བཤད་པར་བྱའོ། །དུ་བ་ཉི་ཚན་ཁ་བ་དང་། །ཆུ་དང་རྩེ་དང་གཉིད་དྲགས་དང་། །གཉིད་ཡར་རྡུལ་དང་མདུན་གྱི་རླང་། །མཆི་མ་བཀག་དང་དུས་དྲགས་དང་། །ཆུ་འཐུངས་ཆང་འཐུངས་དྲགས་པ་དང་། །སྲིན་བུས་ཤུགས་ནི་བཀག་པ་དང་། །སྔས་དང་
[292b.4]བསྐུ་བྱུག་དྲིལ་ཕྱིས་ལ། །མི་དགའ་རྒྱུན་དུ་ཐུར་དུ་བལྟ། །མ་གོམས་དྲི་དང་ཟས་གནོད་ཟོས། །མང་དུ་སྨྲས་པས་མགོ་བོ་ཡི། །ནང་དུ་ནད་ནི་སྐྱེད་པར་བྱེད། །དེ་ལ་རླུང་ནི་འཁྲུགས་པ་ལས། །མུར་འགྲམ་གཉིས་སུ་ཤིན་ཏུ་ཟུག །འགྲམ་སོ་ཕུག་པ་སྙམ་དུ་སེམས། །སྨིན་མའི་
[292b.5]མཚམས་དང་དཔྲལ་བ་ནི། །ལྟུང་བ་སྙམ་སེམས་རབ་ཏུ་ན། །རྣ་བར་སྒྲ་ཡིས་གནོད་པར་བྱེད། །མིག་ནི་ཕྱུང་བ་སྙམ་དུ་སེམས། །མགོ་བོ་འཁོར་བ་ལྟ་བུར་སེམས། །ཚིགས་རྣམས་བྱེ་བ་སྙམ་དུ་བྱེད། །རྩ་ཡི་དྲ་བ་ཤིན་ཏུ་འཕར། །མཇིང་པ་འགྲམ་པ་འབྱར་སྙམ་བྱེད། །གསལ་བ་
[292b.6]མཐོང་བར་མི་བཟོད་ཅིང་། །སྣ་ཆུ་འཛག་ཅིང་གློ་བུར་དུ། །ན་བ་དང་ནི་ནད་གཞི་བྱེད། །མཉེ་ཞིང་སྣུམ་བསྐུས་དུགས་བྱས་དང་། །བཅིངས་པས་བདེ་བར་འགྱུར་བ་ཡིན། །མགོ་བོ་ཚ་བའི་ནད་ཅེས་བྱ། །ཀླད་པའི་གཞོགས་ཕྱེད་ན་བ་ནི། །གཞོགས་ཕྱེད་ནད་ཅེས་བྱ་བར་བཤད། །ཟླ་
[292b.7]གཅིག་ཟླ་ཕྱེད་ནས་ལྡང་དེ། །རང་ཉིད་ཞི་བར་འགྱུར་པ་ཡིན། །ཤས་ཆེར་འཕེལ་ན་མིག་དང་ནི། །རྣ་བ་དག་ཀྱང་མ་རུང་བྱེད། །མཁྲིས་གྱུར་མགོ་བོ་ཚ་བ་དང་། །དུད་པས་བདུགས་སྙམ་སེམས་རིམས་འདེབས། །རྡུལ་ཞིང་མིག་ཚ་བརྒྱལ་བ་དང་། །མཚན་མོ་གྲང་བས་རྩེ་འཇིལ་འགྱུར། །
[293a]
[293a.1]བད་ཀན་ལས་གྱུར་ཡི་ག་འཆུས། །མགོ་ལྕི་ཚོར་བ་མེད་ཅིང་གྲང་། །རྩ་མི་འཕར་ཞིང་སྒྱིད་སྙོམ་ལ། །ཉིན་མོ་ནད་ཆུང་མཚན་མོ་ལྡང་། །རྨྱ་ཞིང་མིག་ནི་སྐྲངས་པ་དང་། །རྣ་བ་གཡའ་ཞིང་སློན་པ་ཡིན། །ཁྲག་གྱུར་མཁྲིས་པ་ལས་ཆེར་ན། །འདུས་གྱུར་མཚན་
[293a.2]ཉིད་ཀུན་དང་ལྡན། །འདྲེན་མའི་ཟས་ཀྱིས་སྤྱི་བོ་ཡི། །ཁྲག་དང་ཤ་ནི་འདྲུལ་བྱས་པས། །འདུས་པའི་ནད་ནི་འཁྲུགས་འགྱུར་ཞིང་། །མགོ་བོའི་སྲིན་བུ་སྐྱེ་བར་འགྱུར། །དེས་ནི་མགོ་བོའི་ཁྲག་འཐུང་ཞིང་། །སེམས་ནི་འཁྲུལ་པར་བྱེད་པ་ཡི། །མི་བཟད་ནད་ནི་སྐྱེད་པར་བྱེད། །ལུད་
[293a.3]པ་རིམས་དང་ཉམས་སྟོབས་ཟད། །མགོ་བོ་རྩུབ་སྐྲངས་དབུག་སྙམ་ན། །ཚ་ཞིང་མགོ་འགུལ་རྣགས་པ་དང་། །ཐོད་པ་རྐན་དང་མགོ་བོར་ནི། །གཡའ་ཞིང་སྐེམ་ལ་ཚོར་བ་མེད། །སྣབས་ཀྱི་མདོག་ནི་དམར་བ་ལ། །རྣ་བ་སྒྲ་བཅས་སྲིན་སྐྱེས་ནད། །རླུང་ཤས་ཆེ་བས་མགོ་འདར་
[293a.4]ཞིང་། །དེ་ཡི་མིང་ཅན་ནད་སྐྱེད་བྱེད། །མཁྲིས་ཤས་ཆེ་བའི་རླུང་སོགས་ཀྱིས། །མུར་འགྲམ་སྐྲང་ཞིང་ཁྲག་བཅས་ལ། །མི་བཟད་ཚ་ཞིང་ནལ་དམར། །གླལ་ཞིང་རིམས་འདེབས་སྐོམ་མགོ་འཁོར། །ཁ་ནང་ཁ་བྲོ་གདོང་སེར་ཞིང་། །མྱུར་དུ་གསོད་བྱེད་མུར་འགྲམ་ཅན། །ཞག་གསུམ་
[293a.5]ནས་ནི་སྲོག་འཇོམས་ཤིང་། །མྱུར་དུ་གསོ་ན་འཚོ་བ་ཡིན། །རླུང་མཁྲིས་རྗེས་འབྲེལ་མུར་འགྲམ་མིག །སྨིན་མ་དཔྲལ་བ་ན་བ་དང་། །འཕར་བར་བྱེད་པ་སྐྱེད་པར་བྱེད། །ཉི་མ་འཆར་བར་གྱུར་པ་ནས། །ཉི་མ་ཕྱེད་ཀྱི་བར་དུ་འཕེལ། །དེ་ཕན་ཆད་ནི་བདེ་བར་འགྱུར། །ལྟོགས་ན་དེ་ནི་ལྷག་པར་ན། །
[293a.6]གྲང་དང་དྲོ་ལ་ངེས་པ་མེད། །དེ་ནི་ཉི་མ་འཁོར་ཞེས་བྱ། །དེ་ལྟར་མགོ་བོར་གཏོགས་པའི་ནད། །རྣམ་པ་བཅུར་ནི་བཤད་པ་ཡིན། །གཞན་ཡང་ཐོད་པ་ལ་བརྟེན་ནད། །དགུ་པོ་མགོ་བོ་བཞིན་བཤད་བྱ། །ཀླད་པ་རླུང་ནི་འཁྲུགས་གྱུར་པ། །ནང་ན་གནས་པའང་ནད་སྐྱེད་བྱེད། །མདོག་གནག་ནད་ཆུང་
[293a.7]སྐྲངས་པ་ཡིན། །དེ་ནི་ཉེ་བའི་མགོ་ཞེས་བྱ། །འབྲུམ་ཕྲན་ཐོར་བུ་ཁོང་འབྲས་ནི། །ནད་གཞི་ཇི་བཞིན་བརྗོད་པར་བྱ། །ཐོད་པར་ལྗན་ལྗིན་མང་པོ་དང་། །ཁྲག་དང་མཁྲིས་པའི་འབུ་ལས་ནི། ཁྲེ་དང་ཉུངས་ཀར་ལྟ་བུར་འབྱུང་། །འབྲུམ་ཕྲན་སྲིན་གྱི་ནད་སྐྱེད་འགྱུར། །རླུང་དང་མཁྲིས་པ་
[293b]
[293b.1]འཁྲུགས་པ་ལས། །པགས་བ་རྩུབ་ཅིང་གས་པ་དང་། །གཡའ་ཞིང་སྐྲ་འབྱི་ཚོར་བ་མེད། །གྱུར་པ་མི་བཟད་ཡིན་ཞེས་བྱ། །མཁྲིས་བ་རླུང་དང་འདྲེས་པ་ནི། །བ་སྤུའི་ནང་དུ་ཞུགས་གྱུར་པ། །སྐྲ་ནི་འབྱི་བར་བྱེད་པ་ཡིན། །དེ་ནས་བད་ཀན་ཁྲག་བཅས་པས། །བ་སྤུའི་བུ་ག་འགག་བྱེད་དེ། །
[293b.2]དེ་ཡིས་གཞན་དག་མི་འབྱུང་བ། །འཁོར་ལིང་སྐྲ་འབྱི་ཞེས་བྱ་སྟེ། །གཞན་དག་སྐྲ་འབྱི་ཞེས་བྱར་འདོད། །སྤྱི་ཅེར་སྐྱེ་བའང་དེ་བཞིན་དུ། །སྐྲ་འབྱི་དེ་ལ་རིམ་གྱིས་འབྱུང་། །དེ་ནི་རླུང་གྱུར་མེས་ཚིག་འདྲ། །མཁྲིས་གྱུར་རླན་ཅན་རྩ་ཡིས་ཁྱབ། །བད་ཀན་པགས་པའི་མདོག་དཀར་མཐུག །
[293b.3]པགས་པ་རང་གི་ཇི་བཞིན་སྣང་། །འདུས་གྱུར་མཚན་ཉིད་ཀུན་དང་ལྡན། །སེན་མོའི་མདོག་འདྲ་གསོར་མི་རུང་། །མེས་བསྲེགས་ལྟ་བུར་སྤུ་མེད་གང་། །ཚ་བཅས་དེ་ཡང་གསོར་མི་རུང་། །མྱ་ངན་ཁྲོ་དང་ངལ་ལས་བྱུང་། །ལུས་ཀྱི་དྲོད་ནི་མགོར་ཞུགས་པས། །ནད་དེས་སྐྲ་ནི་བཙོས་ནས་
[293b.4]ནི། །དེ་ལ་སྐྲ་དཀར་སྐྱེ་བར་འགྱུར། །དེ་ནི་རླུང་གྱུར་ཡིད་ཙམ་གནག །སྲ་ཞིང་རྩུབ་ལ་ཆུ་མདོག་ཅན། །མཁྲིས་པ་ཚ་ཞིང་མདོག་སེར་ཡིན། །བད་ཀན་ལས་གྱུར་སྣུམ་ཞིང་འཕེལ། །སྦོམ་ཞིང་མདོག་ནི་དཀར་བ་ཡིན། །འདུས་གྱུར་མཚན་མ་འདྲེན་མ་ཡིན། །མགོ་བོའི་ནད་ལས་
[293b.5]བྱུང་བ་གཞན། །མདོག་ངན་རེག་ན་མི་བཟོད་ཡིན། །འདུས་པ་ལས་ནི་གྱུར་པ་ཡི། །སྤྱི་ཅེར་སྐྲ་དཀར་གསོར་མི་རུང་། །ལུས་ཀྱི་འགྱུར་བ་ལས་བྱུང་བ། །བཅུད་ཀྱིས་ལེན་གྱིས་གསོ་བར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་ཉི་ཤུ་རྩ་གསུམ་པའོ།། །།
[293b.6]དེ་ནས་མགོ་བོའི་ནད་གསོ་བའི་ལེའུ་བཤད་པར་བྱའོ། །རླུང་ལས་གྱུར་པའི་མགོ་ནད་ལ། །རླུང་ནད་གསོ་བའི་ཆོ་ག་བཤད། །འདི་ནི་མཚན་མོ་ཞུན་མར་བླུད། །དེ་རྗེས་འོ་མ་དྲོན་མོ་བླུད། །མ་ཤ་རྒྱ་སྲན་མུངྒ་འང་རུང་། །མར་དང་ལྡན་པ་དེ་བཞིན་སྦྱིན། །ཏིལ་མར་ཏིལ་གྱི་ལྡེ་གུ་ནི། །འོ་མ་
[293b.7]དང་ནི་ལྷན་ཅིག་བླུད། །གླན་དང་བཅིང་བའི་དུགས་དག་ནི། །ཤ་དང་འུ་སུ་ལས་བྱས་ཕན། །རླུང་འཇོམས་རྩ་བ་བཅུ་ལ་སོགས། །བསྐོལ་བའི་འོ་མ་སྣུམ་ཅན་བླུད། །སྣ་སྨན་དུད་བརྔུབ་སྣུམ་ཅན་དང་། །མགོ་དང་རྣ་བ་བརྟ་བར་བྱ། །བ་ར་ཎ་སོགས་སྡེ་ཚན་བརྡུངས། །འོ་མ་ཆུ་ཕྱེད་བསྐོལ་
[294a]
[294a.1]བ་ཡི། །འོ་མ་ལུས་པ་དེ་བསྒྲངས་ལ། །བསྲུབས་ཏེ་སྙིང་པོ་བླངས་ནས་ནི། །དེ་ནས་མངར་བའི་སྡེ་ཚན་བསྐོལ། །མར་གྱི་སྣ་སྨན་བླུགས་པ་བསྔགས། །འདིར་ནི་འོ་མའི་སྡེ་ཚན་བསྐོལ། །མར་དང་ཁ་རར་བཅས་པ་བླུགས། །རས་བལ་ས་བོན་ཤིང་ཚ་
[294a.2]དང་། །གླ་སྒང་ཛཱ་ཏི་ཁ་འབུས་པ། །ཆུ་དྲོན་བཏགས་པའི་སྣ་སྨན་ནི། །མགོ་བོའི་ནད་ཀུན་འཇོམས་བྱེད་ཡིན། །ཁྲག་དང་མཁྲིས་པ་ལས་གྱུར་པ། །ཁ་ར་གུར་གུམ་མར་བསྐོལ་གཏང་། །རུ་རྟ་རྒྱ་སྤོས་ཨུཏྤ་ལ། །ཙནྡན་མར་སྦྱར་མགོ་བསྐུས་ཕན། །རླུང་ཤས་ཆེ་ལ་འཇིགས་ཡོད་
[294a.3]པས། །གཏར་ག་འདི་ལ་མི་བྱའོ། །དེས་མ་ཞི་ན་བད་རླུང་ལ། །མེ་བཙའ་ཇི་སྐད་བཤད་པ་བྱ། །གཞོགས་ཕྱེད་ན་ལའང་དེ་བཞིན་ཏེ། །ནད་དང་འབྲེལ་པའི་གསོ་བ་བྱ། །ཤི་རི་ཤ་ཡི་ས་བོན་དང་། །ཨ་པ་མརྒའི་རྩ་བ་དང་། །ཁ་རུ་ཚ་བཅས་སྣ་སྨན་གཏང་། །ཡང་ན་ས་ལ་པརྞི་
[294a.4]འམ། །ཙ་ཀྲ་མརྡ་གང་ཡང་རུང་། །སྐྱུར་ཀུ་དང་སྦྱར་ལྡེ་གུས་བསྐུ། །ཉི་མ་ལྟར་འཁོར་དེ་ཡི་ཚེ། །གཏར་གས་ཁྲག་ནི་དབྱུང་བར་བྱ། །མཁྲིས་པ་ལས་གྱུར་མགོ་ནད་ལ། །སྣུམ་ཆོས་བྱས་ནས་གཏར་ག་གདབ། །མགོ་དང་གདོང་བྱུགས་སྨན་ཆུ་བླུགས། །སློན་ཁྲུས་མས་གཏོང་
[294a.5]བསིལ་བར་བྱ། །འཚོ་བྱེད་དང་བསྐོལ་འོ་མ་དང་། །མར་ནི་སྣ་སྨན་བཏུང་བ་བླུགས། །ཁྲག་ལས་གྱུར་པ་འང་འདི་ཉིད་བྱ། །མུར་འགྲམ་ཅན་ལ་གཏར་ག་སྤང་། །བད་ཀན་མགོ་ནད་མར་སྙིང་དང་། །སྣུམ་ཆོས་བྱས་ལ་ཚ་བས་སློན། །དུགས་དང་བྱུག་པ་སྣ་སྨན་སོགས། །རྩུབ་དྲོ་
[294a.6]རྣོ་བའི་སྨན་གྱིས་གསོ། །འདིར་ནི་སྨྱུང་བའང་བསྔགས་པ་ཡིན། །འདུས་པ་ལས་ནི་འདྲེན་མར་གསོ། །སྲིན་གྱུར་སྣ་སྨན་ཁྲག་བླུགས་ཏེ། །དེ་ཡིས་འབུ་ནི་བརྒྱལ་བར་འགྱུར། །ཁྲག་གི་དྲི་ཡིས་ར་རོ་ནས། །ཁ་དང་སྣ་ནས་འབྱུང་བར་འགྱུར། །དེ་ནས་སྣ་སྨན་དུད་བརྔུབ་རྣོས། །དེ་
[294a.7]ནི་ཉེ་བར་དབྱུང་བར་བྱ། །ཉུངས་ཀར་ནིམ་པ་ཨིང་གུ་དང་། །པི་ལུའི་མར་དང་སྦྱར་བ་ཡི། །བྱི་དང་ག་དང་ས་རྫི་ཀ །དནྡ་ཤིང་ཀུན་བ་གཅིན་བསྐོལ། །སྣ་སྨན་སོ་སོར་གཏང་བར་བྱ། །བྱི་དང་ག་ནི་ར་གཅིན་དང་། །སྦྱར་བའི་སྣ་སྨན་འབུ་འཇོམས་མཆོག །ཉ་རུལ་བཅས་པའི་སྣ་
[294b]
[294b.1]སྨན་དང་། །དུད་པ་དག་ཀྱང་བརྔུབ་པར་བྱ། །སྲིན་བུས་ཁྲག་ནི་འཐུངས་པའི་ཕྱིར། །འདི་ལ་ཁྲག་ནི་དབྱུང་མི་བྱ། །མགོ་འདར་རླུང་གི་མགོ་ནད་ཀྱི། །གསོ་བ་མེ་བཙའ་མ་གཏོགས་བྱ། །ཉེ་བའི་མགོ་ནད་སྐྱེས་པ་ཡི། །རྗེས་དང་སྐྱེས་མ་ཐག་ལ་ནི། །རླུང་ནད་ཀྱི་ནི་གསོ་བ་བྱ། །
[294b.2]སྨིན་ནས་ཁོང་འབྲས་གསོ་ལས་བྱ། །འབྲུམ་ཕྲན་འབྲུམ་བུ་ཁོང་འབྲས་ལ། །སྨིན་དང་མ་སྨིན་ཇི་བཞིན་བྱ། །སྲིན་ལས་སྲིན་བུ་པད་པ་ཡིས། །གཏར་ག་བྱས་ཏེ་ནིམ་པའི་ཆུ། །བླུགས་ཤིང་རྟ་སྤངས་ཁུ་བ་ནི། །ལན་ཚྭ་ཤས་ཆེར་བཏབ་པས་བསྐུ། །ནིམ་པ་པ་ཏོ་ལའི་ལོ་མ། །ཡུངས་
[294b.3]མར་བཅས་པ་ཞིབ་བཏགས་བསྐུ། །བ་གཅིན་འབའ་ཆ་རྙིང་པར་སྦྱར། །ཁྱིམ་བྱའི་རྟུག་པ་དག་གིས་བསྐུ། །གྱོ་མོར་རུ་རྟ་བརྔོས་པ་དང་། །ཏིལ་གྱི་ཕྱེ་མར་བཅས་པ་ཡིས། །གློག་པ་བསྐུས་ན་གཡའ་བའམ། །ཆུ་འཛག་ཚ་བ་སེལ་བར་བྱེད། །མ་ལ་ཛི་དང་ཙི་ཏྲ་ཀ། །ཀ་ར་བཱི་ར་ཀ་རཉྫ། །
[294b.4]ཏིལ་མར་སྤུ་གྲིས་བྲེགས་པ་ཡི། །རྗེས་བསྐུས་འཁོར་ལིང་འབྱི་བ་སེལ། །དེས་མ་ཞིན་མགོ་བོ་ཡི། །སྦྱང་བྱ་སློན་སྨན་སོགས་པ་བྱ། །མི་བཟད་པ་ལ་དང་པོར་ནི། །དཔྲལ་བའི་རྩ་ལ་གཏར་ག་བྱ། །མགོ་བོའི་བཀྲུ་སྨན་སྣ་སྨན་གཏང་། །ཤིང་མངར་པི་ལ་ཡའི་ས་བོན། །རུ་རྟ་མ་
[294b.5]ཤ་ཉུངས་ཀར་བཅས། །སྦྲང་རྩིར་བཅས་པའི་ལྡེ་གུས་བསྐུ། །རྒྱ་སྐྱེགས་དོང་གའི་ལོ་མ་དང་། །ཙཀྲ་མརྡ་སྐྱུ་རུ་ར། །སྦྲང་རྩིར་སྦྱར་བས་བསྐུས་ཀྱང་ཕན། །ཁྲེ་རྒོད་རྩ་བསྲེགས་ཐལ་བ་ནི། །ཆུ་དང་སྦྱར་བས་བསྐུས་ན་ཕན། །འཁོར་ལིང་སྐྲ་འབྱིའི་ནད་ལ་ནི། །ཉེ་བར་གཏར་ག་
[294b.6]གདབ་པ་དང་། །ཞལ་ཞལ་བྱས་ཏེ་ན་ལེ་ཤམ། །ལྡོང་རོས་སྤངས་མ་ནག་ཚུར་བསྐུ། །ཡང་ན་འབའ་ཆའི་ཐང་ཤིང་ངམ། །འོལ་མ་སེ་ཡི་འབྲས་བུའི་རྩ། །ཡང་ན་ལང་ཀ་ལིའི་རྩ་བའམ། །ཀ་ར་བཱི་རའི་ཁུ་བ་འམ། །ཀཎྜ་ཀཱ་རིའི་ཁུ་བ་ནི། །སྦྲང་རྩིར་བཅས་པས་བསྐུ་བ་
[294b.7]འམ། །དྷ་དུ་སྤྱོར་ཡི་ལོ་མ་འམ། །བསེ་ཤིང་འབྲས་བུའི་ཁུ་བས་བསྐུ། །ཏིལ་གྱི་མེ་ཏོག་གཟེ་མ་དང་། །མར་དང་སྦྲང་རྩིར་བཅས་པའམ། །གླང་པོའི་སོ་བསྲེགས་ཏིལ་མར་བསྲེས། །འཁོར་ལིང་འབྱི་བའི་སྨན་མཆོག་ཡིན། །སྐྲ་དཀར་སྐྱེ་ལ་ལུག་གི་རྭའི། །སྣག་ཚས་དེ་
[295a]
[295a.1]བཞིན་བསྐུ་བར་བྱ། །ཇི་སྲིད་སྐྲ་ནི་སྐྱེས་ཀྱི་བར། །ཆུ་བླུགས་པ་ནི་སྤང་བར་བྱ། །སྤྱི་ཅེར་སྐྲ་དཀར་གཉེར་མ་མང་། །སྐྲ་སེར་སྐྱེས་ལ་སྦྱང་བྱས་ནས། །སྣ་སྨན་གཏོང་དང་མགོ་བཀྲུས་ལ། །བྱུག་པ་རྣམས་ཀྱིས་གསོ་བར་བྱ། །བྲི་ཧ་ཏི་སོགས་ཏིལ་
[295a.2]མར་བསྐོལ། །འཚོ་བྱེད་བསྐོལ་བའི་སྣ་སྨན་བླུགས། །ནིམ་པའི་མར་གྱིས་ཟླ་བ་གཅིག །སྣ་སྨན་བཏང་སྟེ་འོ་མ་བླུད། །ཤྲི་ཤ་ཨེ་རཎྜ་དང་རམས། །བྲིང་ག་རཱ་ཛའི་ཁུ་བར་སྦངས། །སེའུ་ལུ་ཏིལ་དང་བ་རུ་ར། །པྲི་ཡང་ཀ་ཀ་ཏིའི་ས་བོན། །ཆ་མཉམ་ལྕགས་ལ་བསྐོལ་ནས་ནི། །
[295a.3]ཉི་མའི་འོད་ལ་སྐམས་ནས་ནི། །མར་འཛག་པ་ཡི་སྣ་སྨན་གཏང་། །འོ་མ་འཐུངས་པས་སྐྲ་དཀར་སེལ། །ས་ཧ་ར་ཛ་བྱེའུ་རུག་པ། །བྲིང་ག་ར་ཛའི་ཁུ་བ་ནི། །བྲེ་གང་ཏིལ་མར་ཕུལ་གང་དང་། །ཤིང་མངར་སྲང་གཅིག་བཏབ་སྟེ་བསྐོལ། །ཨ་ས་ནའམ་རྡོ་སྣོད་དམ། །ལུག་གི་
[295a.4]རྭ་ཡི་ནང་དུ་གཞུག །ཀ་ར་བཱི་ར་པ་ཡ་སྱ། །འོ་མ་དང་ནི་ཞིབ་བཏགས་པ། །སྐྲ་དཀར་ཕྱུང་བའི་རྗེས་བསྐུས་ཤིང་། །སྦངས་ན་སྐྲ་དཀར་སེལ་བར་བྱེད། །བི་ལ་ཡ་དང་ཤིང་མངར་དང་། །འཚོ་བྱེད་སྡེ་ཚན་ཏིལ་ནག་དང་། །ས་ནག་འོ་མའི་ལྡེ་གུ་ཡིས། །གདོང་བསྐུས་གཉེར་མ་
[295a.5]སྤུ་སེར་སེལ། །ཏིལ་དང་པདྨ་གེ་སར་དང་། །ཤིང་མངར་སྦྲང་རྩི་སྐྱུ་རུ་ར། །ལྡེ་གུ་འདི་ཡིས་མགོ་བསྐུས་ན། །སྐྲ་འཕེལ་གནག་པར་འགྱུར་བ་ཡིན། །སྤང་སྤོས་རུ་རྟ་ཏིལ་ནག་དང་། །ཐལ་ཏྲེས་ཨུཏྤལ་སྔོན་པོ་དང་། །འོ་མར་བཏགས་ཏེ་སྦྲང་རྩིར་སྦྱར། །སྐྲ་ནི་འཕེལ་བར་བྱེད་
[295a.6]པའི་མཆོག །ལྕགས་ཕྱེ་བྲིང་ག་ར་ཛ་དང་། །འབྲས་བུ་གསུམ་དང་ས་ནག་པོ། །བུ་རམ་ཤིང་ཁུར་ཟླ་གཅིག་གཞུག །སྐྲ་དཀར་རྩད་ནས་སྐྱུར་བར་བྱེད། །མ་ཤ་ཁྲེ་རྒོད་སྐྱུར་རྩབས་དང་། །ནས་ཐུག་ལྕགས་ཕྱེ་ཚ་མང་བཏབ། །ཞག་གསུམ་བཞག་སྟེ་བཏགས་པ་ཡིས། །བྱ་དཀར་
[295a.7]ཡང་ནི་ནག་པོར་བྱེད། །ཤིང་མངར་ཙནྡན་སྟག་ཚེར་བ། །པི་པི་ལིང་དང་ཨུཏྤལ་དང་། །སྐྱུ་རུ་ར་ཁུ་ཏིལ་མར་བསྐོལ། །སྣ་སྨན་བསྐུ་བ་བྱས་གྱུར་ན། །སྐྲ་དཀར་དང་ནི་ཀླད་པ་ཡི། །ནད་ཀུན་འཇོམས་པར་བྱེད་པ་ཡིན། །ཉེའུ་ཤིང་ཛི་བནྟིའི་ཁུ་བ། །འོ་མ་མར་དང་ཏིལ་མར་དང་། །
[295b]
[295b.1]འཚོ་བྱེད་བསྐོལ་བའི་སྣ་སྨན་གྱིས། །ནམ་ཚོང་ཡན་ཆད་ནད་ཀུན་སེལ། །རྨ་བྱའི་སྒྲོ་མཁྲིས་རྒྱུ་མ་དང་། །རྐང་པ་རྟུག་པ་ཆུ་བོར་བའི། །ཤ་དང་བ་ལ་རྩ་བ་བཅུ། །ར་སྣ་ཤིང་མངར་སྲང་གསུམ་གསུམ། །ཆུ་བསྐོལ་ཁུ་བ་མར་བྲེ་གང་། །འོ་མ་བྲེ་གང་བཅས་བསྐོལ་བ། །མངར་
[295b.2]བའི་སྨན་སྡེའི་ལྡེ་གུ་བཏབ། །དེ་བཏུང་མས་གཏོང་བསྐུ་བ་དང་། །སྣ་སྨན་དག་ཏུ་བསྟེན་པ་ཡིས། །ནམ་ཚོང་ཡན་ཆད་ནད་ཀུན་སེལ། །སྨན་འདི་དག་གི་ལྡེ་གུ་དང་། །ཛི་བནྟི་དང་འབྲས་བུ་གསུམ། །མེད་རྒུན་འབྲུམ་དབྱི་མོ་དང་། །པ་རུ་ཤ་ཀ་ས་མང་ག །
[295b.3]ག་པྲའི་རྩ་བ་ཏང་པ་ལ་དང་། །ཀརྐ་ཏ་སྲིང་ཁ་སྲལ་ཕྲེའུ། །འབྲོ་གོ་པདྨའི་རྩ་བ་དང་། །པདྨའི་སྡོང་པོ་ཁ་རྫུན། །ཤིང་མངར་ཉེའུ་ཤིང་ཛི་བ་ཀ། །བི་ད་རི་དང་བུ་རམ་ཤིང་། །ཐལ་ཏྲེས་རྣམ་གཉིས་བྲི་ཧ་ཏི། །མུར་བ་གཟེ་མ་ཟངས་རྩི་བ། །སྲིང་ག་ཏ་དང་ཀ་ཤེ་རུ། །ར་སྣ་སྠི་ར་ལྕ་བ་དང་། །སུག་
[295b.4]སྨེལ་ཟུར་བ་མ་ནུ་དང་། །བ་སྤྲུ་བ་དང་ཅུ་གང་དང་། །ར་མཉེ་བ་དང་བྱི་ཚེར་བ། །མ་དུ་ཀ་དང་སྟར་ག་དང་། །ཨ་བི་ཤུ་ཀ་མུཉྫ་ཀ །ཞོ་ནི་གཉིས་གཉིས་ཕྱིར་བཏགས་དང་། །མར་བྲེ་གང་དང་འོ་མ་ནི། །བཞི་འགྱུར་དག་དང་བསྐོལ་བའི་མར། །འདི་ནི་རྨ་བྱ་ཆེན་མོ་སྟེ། །རྨ་བྱ་ལས་ནི་ཡོན་ཏན་
[295b.5]ལྷག །ལུས་ཟུངས་དབང་པོ་ཉམས་སྐད་འགགས། །ལུད་པ་དབུགས་མི་བདེ་ཉེན་འཇོམས། །ཟླ་མཚན་ཁུ་བའི་སྐྱོན་ལའང་ཕན། །མོ་གཤམ་ལ་ཡང་བུ་སྐྱེད་བྱེད། །བྱི་བ་ཁྱིམ་བྱ་དང་པ་དང་། །རི་བོང་དང་ཡང་དེ་བཞིན་སྦྱར། །ནམ་ཚོད་ཡན་ཆད་གཏོགས་པའི་ནད། །ཉིས་བརྒྱ་
[295b.6]སུམ་ཅུ་རྩ་གཅིག་ཡིན། །དེ་དག་ཕན་ཚུན་མ་འདྲེས་པར། །རྒྱ་ཆེར་རབ་ཏུ་བཤད་པ་ཡིན། །དྲང་སྲོང་རྣམས་ཀྱིས་སྐྱེས་བུའི་མགོ། །རྩ་བ་འོག་ནི་ཡལ་གར་བཤད། །དེ་ཕྱིར་རྩ་བ་ལ་གནོད་པའི། །ནད་ནི་མྱུར་དུ་གསོ་བར་བྱ། །གང་ལ་དབང་པོ་ཀུན་རྟེན་ཞིང་། །གང་ལ་སྲོག་ནི་
[295b.7]གནས་བྱེད་པས། །དེས་ན་ཡན་ལག་དམ་པ་ཡི། །སྲུང་བ་ལ་ནི་འབད་པར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། །ཕྱི་མའི་གནས་ཀྱི་ལེའུ་ཉི་ཤུ་རྩ་བཞི་པའོ།། །།ཡན་ལག་བརྒྱད་པའི་སྙིང་པོ་བསྡུས་པ་ལས། །སྟོད་གསོ་བའི་ཡན་ལག་རྫོགས་སོ།། །།
[296a]
[296a.1]དེ་ནས་རྨ་གསོ་བ་བཤད་པར་བྱའོ། །རྨ་ནི་ལྷན་ཅིག་སྐྱེས་གློ་བུར། །རེད་དང་མ་རེད་དབྱེ་བ་གཉིས། །ལུས་ཀྱི་ནད་གཞིས་སྐྱེད་ལྷན་ཅིག །ཕྱི་རོལ་རྒྱུས་བྱུང་གློ་བུར་བའོ། །ནད་དང་འདྲེས་པ་རེད་པ་ཡིན། །དེ་མེད་དག་པ་མ་རེད་ཡིན། །རྨ་རེད་ཁ་རྒྱས་ཞུམ་
[296a.2]པ་དང་། །ཤིན་ཏུ་སྲ་བའམ་ཤིན་ཏུ་སྙི། །ཤིན་ཏུ་མཐོ་འམ་ཤིན་ཏུ་དམའ། །ཤིན་ཏུ་གྲང་ངམ་ཤིན་ཏུ་ཚ། །དམར་ཞིང་སྐྱའམ་གནག་པ་ཉིད། །རྣག་ནི་དྲི་མནམ་ཡོངས་སུ་འཛག །ཤ་དང་རྩ་རྒྱུས་འདྲུལ་བ་དང་། །གཡོས་ཤིང་མཆེད་ལ་རབ་ཏུ་ན། །གཡོ་ཞིང་ཚ་ལ་སྐྲང་
[296a.3]བ་དང་། །གཡའ་བ་ལ་སོགས་བླ་བརྣན་བཅས། །ཡུན་རིང་དུ་ནི་འཚོ་བ་དཀའ། །རྨ་རེད་མཚན་མར་ཤེས་པར་བྱ། །དེ་ནི་ཁྲག་བཅས་ནད་བཅོ་ལྔ། །དེ་ལ་རླུང་ལས་གྱུར་བའི་རྨ། །གནག་ཅིང་སྨུག་དམར་ཐལ་མདོག་དང་། །ཐི་བའི་རུས་པ་ལྟ་བུར་སྣང་། །ཞོ་ག་ཆུའམ་འབྲས་བཀྲུས་
[296a.4]ཆུ། །འདྲ་བའི་ཆུ་སླ་ཉུང་ངུ་འཛག །ཤ་ཟད་ཤས་ཆེར་ན་ཞིང་ཟུག །རྩུབ་ཅིང་ཚེག་ཚེག་ཚ་བ་ཡིན། །མཁྲིས་གྱུར་མྱུར་རྣགས་སེར་བ་དང་། །སྔོ་ཞིང་སེར་སྐྱའམ་ཁམ་པར་འདུག །གཅིན་དང་ཐལ་ཆུ་རྒྱ་སྐྱེགས་ཁུ། །ཏིལ་མར་འདྲ་ཆུ་མང་དུ་འཛག །རྨ་ལ་ཐལ་སྨན་བཏབ་
[296a.5]ལྟར་ན། །དམར་ཞིང་ཚ་ལ་རྣགས་པ་ཡིན། །བད་ཀན་ལས་གྱུར་མདོག་སྐྱ་གཡའ། །ཆུ་ནི་སྐ་བ་མང་དུ་འཛག །རྨ་ཁ་སྦོམ་ཞིང་ན་བ་དང་། །རྩ་རྒྱུས་ཀྱིས་ཁྱབ་ནད་ཚབས་ཆུང་། །ཁྲག་གྱུར་བྱི་རུའི་མདོག་ལྟར་དམར། །ཁྲག་དང་བཅས་པའི་རྣག་འཛག་ཅིང་། །རྟ་བྲེས་ཀྱི་ནི་དྲི་ལྟར་
[296a.6]བྲོ། །མཁྲིས་པའི་མཚན་མ་དག་དང་ལྡན། །གཉིས་སམ་གསུམ་མམ་ཐམས་ཅད་ལས། །གྱུར་པའི་མཚན་མ་འདྲེན་མ་ཡིན། །ལྕེ་ཡི་མདོག་འདྲ་འཇམ་ཞིང་མཉེན། །རྨ་ཁ་སྨུག་ཅིང་འབྲུམ་ཕྲན་ཅན། །མཉམ་པ་དབུས་མ་ཅུང་ཟད་མཐོ། །བླ་བརྣན་མེད་རྨ་དག་པ་ཡིན། །པགས་
[296a.7]པ་ཤ་དང་རྩ་རྒྱུས་དང་། །ཚིགས་དང་རུས་པ་ནང་གྲོལ་གནད། །བརྒྱད་པོ་དེར་ནི་རྨ་གནས་པ། །ཕྱི་མ་བཞིན་དུ་གསོ་བར་དཀའ། །གསོ་སླ་སྙིང་སྟོབས་མེ་དྲོད་ཤ། །ན་ཚོད་ཉམས་སྟོབས་ལྡན་པའི་རྨ། །ཟླུམ་ཞིང་དཀྱུས་རིང་རིམ་གསུམ་པ། །ཟུར་བཞི་པ་ནི་གང་ཡིན་དང་། །དེ་བཞིན་
[296b]
[296b.1]དཔྱི་རྐུབ་ཕོ་མཚན་མཆུ། །རྒྱབ་དང་ཁ་ནང་མཁུར་ཚོས་བྱུང་། །གསོ་དཀའ་མིག་དང་སོ་དང་ནི། །སྣ་དང་མིག་ཟུར་ལྟེ་བ་དང་། །སྲུབས་མཚམས་ལྟོ་བ་རྣ་བ་དང་། །རྩིབ་ལོགས་མཆན་ཁུང་ནུ་མར་བྱུང་། །ལྦུ་བ་རྣག་འཛག་རླུང་འབྱུང་ཞིང་། །ཟུག་རྔུར་བཅས་ཤིང་སྟོང་ནས་འཛག །མཚན་
[296b.2]བར་རྡོལ་ཞིང་ཁ་ནང་བལྟས། །དེ་བཞིན་རྐེད་པའི་རུས་པར་གནས། །མཛེ་ཅན་དུག་གིས་ཕོག་པ་དང་། །ལུས་སྐེམ་གཅིན་ནད་སྦྲང་རྩི་འདྲ། །རྨ་སྟེང་རྨ་ནི་བྱུང་བ་གང་། །རྨ་དེ་གསོ་བར་དཀའ་བ་ཡིན། །མེ་དབལ་རིམས་དང་ཚད་པར་འཁྲུ། །ལུད་པ་ལུ་དང་སྐོམ་དད་ཆེ། །གཉིད་
[296b.3]མེད་པ་དང་དབུགས་མི་བདེ། །མེ་དྲོད་ཆུང་བར་གྱུར་པ་ཡི། །རྨ་ནི་འཚོ་བ་པར་མི་འགྱུར་རོ། །མགོ་བོའི་ཐོད་པ་ཆག་གྱུར་ཅིང་། །ཀླད་རྒྱས་མཚན་མ་སྣང་དེ་བཞིན། །ཆུ་བ་རུལ་ཞིང་རྩ་ཆད་དང་། །རྨ་ཕུགས་རིང་དང་སྲིན་བུས་ཟོས། །རུས་པ་ཆག་དང་ཟུག་རྡུར་བཅས། །དུག་
[296b.4]བཅས་པ་དང་མ་རྟོགས་དང་། །བཅིང་བ་ཉེས་དང་སྣུམ་ཆེས་དང་། །རྩུབ་པས་སྤུ་སོགས་བདར་བ་དང་། །བསྐྱོད་དང་ཁོང་པ་མ་དག་དང་། །འགྲངས་དྲགས་ཉམས་སྨད་དྲགས་པ་དང་། །ཆང་འཐུངས་ཉིན་པར་གཉིད་ལོག་དང་། །ཉལ་པོ་ལ་བརྟེན་མཚན་གཉིད་ཡར། །རྨ་
[296b.5]ནི་ལོག་པར་གསོས་པ་དག །གསོས་ཀྱང་འདྲུབ་པར་མི་འགྱུར་རོ། །གང་ཞིག་ནང་ནི་ཐི་པའི་མདོག །འདྲ་ཞིང་རྣགས་པ་མེད་པ་དང་། །བརྟན་ཞིང་འབྲུམ་བུ་རྙིད་བཅས་པ། །འཚོ་བར་འགྱུར་བར་དེ་བཤད་དོ། །དེ་ནས་འདིར་སྐྲང་གནས་སྐབས་སུ། །གང་ལ་ཉེ་བ་དེ་ལས་སྦྱང་། །
[296b.6]སྦྱངས་པས་སྐྲངས་པར་གྱུར་པ་དང་། །རྨ་ནི་མྱུར་དུ་འཚོབ་པར་འགྱུར། །སྐྲངས་པའི་སྐབས་སུ་རྒྱུན་དུ་ནི། །ཉེ་བར་སྤྱོད་པ་བསིལ་བས་གསོ། །དེ་ཡིས་ནད་མེད་ཆུ་ལྟ་བུར། །མོད་ལ་ཞི་བར་འགྱུར་བ་ཡིན། །རྨ་སྐྲང་སྲ་བར་གྱུར་པ་དང་། །ནད་བཅས་མདོག་ནི་མི་སྡུག་དང་། །དུག་
[296b.7]ཅན་ལ་ནི་ཁྱད་པར་དུ། །པད་པ་སོགས་ཤེས་ཁྲག་དབྱུང་ངོ་། །ནད་ཁྲག་བྲལ་ནས་མོད་ལ་ནི། །སྐྲང་དང་མདོག་དམར་ནད་ཞིར་འགྱུར། །ཁྲག་དབྱུང་ནས་ནི་ཅུང་ཟད་ལུས། །རེག་ན་ནུས་པ་རབ་བསིལ་བ། །ཤིན་ཏུ་ཞིབ་པར་དེ་ཉིད་བཏགས། །བུ་རམ་ཤིང་ཁུ་འོ་མས་སྦྲུས། །ལན་བརྒྱར་
[297a]
[297a.1]བསྐུས་པའི་མར་དང་བཅས། །གཞན་མ་སྐམ་པར་ཡང་དང་ཡང་། །རྗེས་སུ་མཐུན་པར་བསྐུས་ན་ཕན། །བྱུགས་དང་བླུགས་པ་དེ་བཞིན་བྱ། །ཨུ་དུམ་བཱ་ར་ནྱ་གྲོ་དང་། །བླག་ཤ་ལྕང་མ་ཨ་ཤྭདྠའི། །ཤུན་པ་མར་དང་བཅས་བསྐུས་ན། །སྐྲངས་པས་
[297a.2]སེལ་བའི་མཆོག་ཡིན་ནོ། །རླུང་ཤས་ཆེ་ཞིང་མཁྲང་བ་དང་། །སྲ་ཞིང་ནད་ཚབས་ཆེ་བ་དང་། །ཁྲག་འཛག་པ་དང་རྨ་སྐྲང་བ། །འདི་ལྟ་བུ་ཡི་རྨ་ལ་ནི། །རླན་ཅན་ཤ་བཏགས་ལ་དུགས་བྱ། །ཟར་མ་ཏིལ་ནི་བརྔོས་པ་དང་། །འོ་མས་དབལ་ནི་བསད་པ་དག །དེ་བཏགས་བསྐུས་ན་ཚ་
[297a.3]ན་སེལ། །རྨ་སྐྲངས་བརྟན་ཞིང་ནད་ཚབས་ཆུང་། །བད་ཀན་རླུང་འཇོམས་སྣུམ་བསྐུ་ཞིང་། །དེ་ཡི་རྗེས་ལ་འོད་མ་ཡི། །སྦུ་གུས་རིམ་གྱིས་དུགས་བྱའོ། །ཞུ་བར་བྱ་ཕྱིར་ལག་མཐིལ་ལམ། །མཐེ་བོ་ཡིས་ནི་མཉེ་བར་བྱ། །ནས་དང་གྲོ་དང་མོན་སྲན་སྡེའུ། །བཙོས་ཏེ་བཏགས་པའི་
[297a.4]ལྡེ་གུས་བསྐུ། །གལ་ཏེ་དེ་ཡིས་མ་ཞུམ་ན། །དེ་ནས་དེ་ནི་དཀྲི་བར་བྱ། །མ་སྨིན་པ་ནི་ཞི་འགྱུར་ལ། །སྨིན་ན་རྣགས་པ་ཉིད་དུ་འགྱུར། །རྒྱ་ཤུག་ཏིལ་དང་ཟར་མ་དང་། །རྒྱམ་ཚ་ཕབས་དང་རུ་རྟའི་ཕྱེ། །ཞོ་སྐྱུར་ཟན་དྲོན་གྱིས་གླན་ཞིང་། །དུགས་བྱས་ནས་ནི་དཀྲི་བར་བྱ། །ལེགས་སྨིན་
[297a.5]སྐྲངས་པ་ཕྱོགས་གཅིག་འདུས། །བཙིར་བས་ཉེ་བར་བཙིར་གྱུར་པ། །དྲལ་བར་འོས་ལ་དྲལ་བྱ་ཞིང་། །ཤིན་ཏུ་འཇམ་པོར་གྱུར་པའང་དྲལ། །གུ་གུལ་ཟར་མ་བ་ལང་སོ། །ཁྲོན་བུ་ཕུག་རོན་རྟུག་པ་དང་། །ཐལ་སྨན་འཕྲོད་དང་ཐལ་སྨན་དེ། །སྨིན་པའི་སྨན་གྱིས་བརྟོལ་བར་བྱ། །ནང་ན་
[297a.6]རྣག་འབྱུང་སྒོ་ཕྲ་ཞིང་། །མཐོ་བར་གྱུར་དང་གནད་ལ་གནས། །སྣུམ་མེད་བཙིར་བའི་སྨན་གྱིས་ནི། །ཀུན་ནས་རབ་ཏུ་བཙིར་བར་བྱ། །བསྐུ་བ་བསྐམས་ན་བཙིར་བ་ཡི། །ལས་ལ་བཏང་སྙོམས་ཉིད་དུ་བྱ། །དེ་ཡི་རྨ་སྒོར་མི་བསྐུ་སྟེ། །དེ་འདྲས་ནད་ནི་འབྱུང་མི་འགྱུར། །སྲན་མ་ནས་
[297a.7]དང་གྲོ་དང་ནི། །མ་ཤ་ཤུ་དག་བྲ་བོ་དང་། །སྨན་ནི་སྤྱི་བག་ཅན་དག་གིས། །པགས་པའི་རྩ་བ་རབ་ཏུ་བསྡམས། །གཅིན་སྙི་མཛེ་ཡི་རྨ་དང་ནི། །ཤས་ཆེར་རེད་པའི་རྨ་དག་ལ། །དོང་ག་བྱེའུ་རུག་པ་སོགས་ཀྱིས། །ལན་ནི་བདུན་བདུན་བཀྲུ་སོགས་བྱ། །མ་དག་ནིམ་པ་པ་ཏོ་
[297b]
[297b.1]ལའི། །ལོ་མ་བསྐོལ་བས་བཀྲུ་བར་བྱ། །རྨ་དག་པ་ལ་ནྱ་གྲོ་དྷ། །ལ་སོགས་ཤུན་ལྤགས་བསྐོལ་བས་བཀྲུ། །ཤིང་མངར་ཏིལ་དང་པ་ཏོ་ལ། །དུར་བྱིད་དན་ད་སེར་པོ་གཉིས། །ནིམ་པའི་ལོ་མ་རྒྱ་མཚར་བཅས། །ལྡེ་གུས་བསྐུས་ན་རྨ་སྦྱོང་བྱེད། །རྨ་ནི་ཁ་ཕྲག་ནད་མཚམས་
[297b.2]གནས། །ད་རྒྱམ་ཚ་ལང་ཀ་ལི། །དུད་བྱིད་སྦྲང་རྩིར་སྦྱར་བ་ཡི། །རེང་བུར་བྱས་པས་རྨ་སྦྱང་བྱ། །རླུང་གིས་གནོད་ཅིང་ཁྲག་བཅས་ཤིང་། །མི་བཟད་ན་ལ་ནས་དང་གྲོ། །སྤྲ་ཚིལ་ཤྲི་བ་ཀྲ་ཀ་དང་། །ཐང་ཤིང་མར་བཅས་དུད་པས་བདུག། །ཁྲག་མཁྲིས་དག་གི་ཤས་ཆེ་ལ། །
[297b.3]ཤིན་ཏུ་བསིལ་བའི་སྨན་གྱིས་བསྐུ། །སྐམ་ཞིང་ཤ་ཉུང་གཏིང་རིང་རྨ། །ཤ་སྐྱེད་པ་ཡི་སྨན་བྱ་སྟེ། །ཤུག་པ་ནྱ་གྲོ་དྷ་སོགས་དང་། །བ་ལ་ཨ་ཤྭ་གནྡྷ་ཏིལ། །བསྐུས་ཏེ་ཤ་ནི་བསྐྱེད་པར་བྱ། །ཤ་ཟའི་ཤ་ནི་ཆོ་ག་བཞིན། །གཡོས་སུ་བྱས་ཏེ་སྦྱིན་པར་བྱ། །སེམས་དགའ་བ་དང་
[297b.4]ཤ་ཟ་ཡི། །ཤ་ཟོས་ན་ནི་ཤ་འཕེལ་འགྱུར། །ཤ་སྙི་འབུར་བར་གྱུར་པ་ལ། །ཛཱ་ཏིའི་མེ་ཏོག་ནག་ཚུར་དང་། །ལྡོང་རོས་བ་བླ་གུ་གུལ་དང་། །ཙི་ཏྲ་ཀ་སོགས་ལྡེ་གུས་བསྐུ། །ཤ་འབུར་བར་ནི་སྲ་བ་དང་། །གཡའ་ཞིང་རིང་ནས་འཚོ་བ་དང་། །རྨ་ནི་ན་ཞིང་སྦྱང་དཀའ་ལ། །ཐལ་སྨན་
[297b.5]ལས་ཀྱིས་སྦྱང་བར་བྱ། །རྡེའུ་དབྱུང་རྨ་ནི་གཅིན་འཛག་དང་། །གང་གཞན་ཁྲག་ནི་འབྱུང་བ་དང་། །གང་ཞིག་བཅད་ནས་སྦྱར་བ་དང་། ཇི་སྐད་བཤད་པའི་ཆོ་ག་ཡིས། །གསོ་བར་བྱེད་བཞིན་མི་འགྲུབ་ན། །དེ་ནི་མེ་ཡི་ལས་ཀྱིས་གསོ། །སྐྱོན་མེད་རྨ་ལ་རྨ་འབྱོར་བའི། །སྨན་དང་ཤ་
[297b.6]སྐྱེད་གང་ཡིན་སྦྱར། །ཨ་ཤྭ་གནྡྷ་སེང་ཕྲོམ་དང་། །ཤིང་མངར་བཙོད་དང་ཀད་ཕ་ལ། །ད་ཏ་ཀི་ཡི་མེ་ཏོག་གི །ཕྱེ་མ་རྨ་འཚོབ་བྱེད་པའི་མཆོག །རྣག་དང་ཤ་ནི་མེད་པ་དང་། །ཤ་ཡི་གནས་སུ་མ་འདྲུབས་པར། །ཏིལ་དང་ཤིང་མངར་བཅས་པ་ཡི། །ལྡེ་གུས་རྨ་ནི་འཚོབ་པར་བྱ། །
[297b.7]སྣུམ་དྲོ་མངར་དང་ཁ་བ་དང་། །བསྐ་བས་ཐམས་ཅད་སེལ་བར་བྱེད། །ནིམ་པའི་ལོ་མ་སྦྲང་རྩིར་བཅས། །བསྐུས་པས་རྨ་སྦྱོར་མཆོག་ཡིན་ནོ། །སྔ་མ་གཉིས་དང་ཞུན་མར་སྦྱར། །མྱུར་དུ་རྨ་འཚོབ་བྱེད་པ་ཡིན། །ཏིལ་འདྲར་ནས་ཀྱི་ལྡེ་གུ་ནི། །དེ་དང་འདྲ་བར་ལ་ལ་འདོད། །
[298a]
[298a.1]ཁྲག་མཁྲིས་དུག་དང་གློ་བུར་དང་། །གཏིང་རིང་ཚ་དང་བཅས་པའི་རྨ། །འོ་མ་རྨ་འབྱོར་སྨན་དང་ནི། །བསྐོལ་བའི་མར་གྱིས་རྨ་འཚོབ་བྱ། །བད་ཀན་རླུང་གྱུར་རྨ་འབྱོར་སྨན། །ཏིལ་མར་བཅས་པས་རྨ་འཚོབ་འགྱུར། །ནག་ཚུར་སེང་ཕྲོམ་ཨ་རུ་ར། །ལི་ཁྲི་
[298a.2]དངུལ་རྡོ་སྲ་རྩི་པོག །སྤངས་མ་པོ་སོན་ཆའི་ཕྱེ་མ། །ཏིལ་མར་བཅས་པ་རྨ་འཚོབ་མཆོག །མཉམ་ཞིང་ཤ་ནི་བརྟན་པ་དང་། །པགས་པར་གནས་ལ་ཕྱེ་མ་ཕན། །ཨུ་དུམ་ཝཱ་ར་ཨ་ཤྭཏྠ། །འཛམ་བུ་སེང་ཕྲོམ་ཀད་ཕ་ལ། །ཀ་ཀུ་སེང་ཕྲོམ་ཕྱེ་མས་གདབ། །པགས་པ་མྱུར་དུ་
[298a.3]སྐྱེད་པར་བྱེད། །རྒྱ་སྐྱེགས་ལྡོང་རོས་བཙོད་དང་ནི། །བ་ལ་དང་ནི་སེར་པོ་གཉིས། །སྦྲང་རྩི་མར་སྦྱར་ལྡེ་གུ་ཡིས། །བསྐུས་ན་པགས་པ་དག་བྱེད་མཆོག །སྐྱེར་པ་ཨ་མྲའི་རུས་པ་དང་། །ནཱ་ག་གེ་སར་བྲི་ཡང་ཀུ། །ཙནྡན་སེར་པོ་དངུལ་ཆུ་རྣམས། །ལྡེ་གུ་བ་ལང་ལྕི་ཁུ་དང་། །སྦྱར་བ་
[298a.4]བསྐུས་པར་གྱུར་ན་ནི། །པགས་པ་མདོག་འདྲར་བྱེད་མཆོག་ཡིན། །བ་སོ་དུད་པ་མ་ཤོར་བསྲེགས། །སྐྱེར་ཁནྜ་དང་ཏིལ་མར་སྦྱར། །བསྐུས་ན་སྤུ་ནི་སྐྱེད་པར་བྱེད། །དེ་བཞིན་རྐང་བཞིའི་སེན་མོ་སྤུ། །རུས་པ་པགས་པ་རྭ་རྨིག་བསྲེགས། །སྣག་ཚ་ཏིལ་མར་དང་སྦྱར་བས། །བསྐུས་
[298a.5]ན་སྤུ་ནི་སྐྱེད་པར་བྱེད། །སྨིན་མ་ལ་ནི་ཆ་སྤྱད་ཀྱི། །ལས་བཤད་ཕན་དང་གནོད་པ་བསྟེན། །རླུང་གྱུར་རྨ་ལ་རྩ་བ་ལྔ། །གཉིས་དང་རླུང་འཇོམས་སྡེ་ཚན་ཕན། །མཁྲིས་གྱུར་ཤུག་པ་ནྱ་གྲོ་དང་། །སྡེ་ཚན་གཉིས་དང་མཁྲིས་འཇོམས་གཏོང་། །བད་ཀན་ལས་གྱུར་དོང་གའི་སྡེ། །བད་
[298a.6]ཀན་འཇོམས་པར་བྱེད་པ་གཏང་། །འདྲེན་མ་ལས་གྱུར་འདྲེན་མར་བྱས། །འདི་དག་གིས་བཀྲུ་བྱུགས་པ་དང་། །སྨན་མར་ཏིལ་མར་སྨན་ཁུ་དང་། །ཕྱེ་མ་རིལ་བུ་བདུན་པོ་ནི། །རྨ་ལ་ཅི་རིགས་སྦྱར་བར་བྱ། །ཛཱ་ཏི་ནིམ་པ་པ་ཏོ་ལའི་ལོ་མ། །སྐྱེར་པ་ཡུང་བ་ཐལ་ཏྲེས་པུ་ཙེ་ཤེལ། །
[298a.7]སྤྲ་ཚིལ་སྤངས་མ་ཤིང་མངར་ཨ་རུ་ར། །ཀ་རཉྫ་ཡི་ས་བོན་བཙོད་དང་བཙོས། །མར་བསྐོལ་འདིས་ནི་རྨ་ཁ་ཆུང་བ་དང་། །ནད་ལ་བརྟེན་ཞིང་རྣག་ནི་འཛག་པ་དང་། །རྨ་ཡི་ཕུགས་རིང་ནད་བཅས་ཕུགས་རིང་བའི། །རྨ་ནི་དག་ཅིང་འཚོབ་པར་བྱེད་པ་ཡིན། །ཡན་ལག་བརྒྱད་པའི་སྙིང་
[298b]
[298b.1]པོ་བསྡུས་པ་ལས། །ཕྱི་མའི་གནས་ཀྱི་ལེའུ་ཉི་ཤུ་རྩ་ལྔ་བའོ།། །།དེ་ནས་འཕྲལ་དུ་བྱུང་བའི་རྨའི་གསོ་བ་བཤད་པར་བྱའོ། །རྨ་གང་སྣད་པས་འཕྲལ་དུ་ནི། །བྱུང་གྱུར་གློ་བུར་རྨ་ཞེས་བྱ། །དེ་ནི་མཐའ་ཡས་ཀྱང་ཡན་ལག །གནས་པ་རྣམ་པ་བརྒྱད་དུ་བཤད། །བཤུས་
[298b.2]དང་བཅད་དང་རྣམ་པར་བཅད། །རབ་ཏུ་འཕྱང་དང་ལྷུང་བ་དང་། །ཕུག་དང་གཤགས་དང་གྲུགས་པའོ། །དེ་ལ་བཤུས་པ་ཆུ་སེར་རམ། །ཁྲག་ནི་ཉུང་ཟད་འབྱུང་འགྱུར་ཞིང་། །པགས་པ་ཆོས་པས་ཚ་འགྱུར་ཡིན། །དེ་ལས་ཚོས་གྱུར་བཅད་པ་ཡིན། །དེ་ལས་ཆོས་པ་རྣམ་བཅད་ཡིན། །
[298b.3]རབ་འཕྱང་རུས་པར་ལྷག་མ་ལུས། །ལྷུང་བ་ལུས་ལས་ཕོགས་པ་ཡིན། །ཟུག་རྔུ་ཕྲ་མོ་འབིགས་པས་ཕུག །ཁོང་པ་མ་གཏོགས་བསྣུན་པ་ཡིན། །སྔ་མ་ལས་གཞན་གཤགས་པ་ཡིན། །ཁྲག་དང་རྐང་ནི་འདྲེས་གྱུར་པ། །མཚོན་གྱིས་དྲག་ཏུ་བསྣུན་པ་ཡིས། །རུས་བཅས་རྒྱ་ཆེར་
[298b.4]སྣད་གྲུགས་པ། །དེ་ལ་འཕྲལ་དུ་བྱུང་བའི་རྨ། །ཟུག་གཟེར་ཤིན་ཏུ་ཆེ་བ་ལ། །ཤིང་མངར་མར་དང་བསྐོལ་བའམ། །བ་ལའི་ཏིལ་མར་དྲོ་འཇམ་བླུགས། །སྣད་པའི་ཚ་བ་ཞི་བྱའི་ཕྱིར། །བསྐུ་བ་ལ་སོགས་སྣུམ་པ་དང་། །བསིལ་དང་མངར་བའི་སྨན་གྱིས་ནི། །དེ་ཡི་མདོ་ལ་བླུགས་
[298b.5]པར་བྱ། །འཕྲལ་གྱི་རྨ་ནི་རྒྱ་ཆེ་ལ། །སྦྱར་བའི་ཕྱིར་ནི་སྦྲང་རྩི་དང་། །མར་གྱིས་མཆོག་ཏུ་བསྐུ་བྱ་ཞིང་། །མཁྲིས་འཇོམས་བསིལ་བའི་གསོ་བ་བྱ། །ནད་ཀྱི་རྩོམ་པ་ཆེ་བ་ལ། །སྟེང་དང་འོག་ནས་སྦྱང་བར་བྱ། །སྨྱུང་བ་བྱ་ཞིང་འབྲས་ཆན་སྦྱིན། །རྒྱུན་དུ་གཏར་ག་གདབ་པར་བྱ། །
[298b.6]བཤུས་དང་གྲུགས་པ་འདི་ཉིད་དེ། །ཆོ་ག་འདི་ཉིད་ལྷག་པར་སྦྱར། །དེ་གཉིས་ཁྲག་ནི་ཉུང་ཤས་འཛག །སྨིན་པའང་མྱུར་བ་ཉིད་དུ་འགྱུར། །ཕལ་ཆེར་རྨ་ནི་ཤས་ཆེར་འབྱུང་། །གཞན་ལས་ཁྲག་ནི་འབྱུང་གྱུར་ལ། །དེ་ཡིས་ཁྲག་ནི་ཟད་གྱུར་པས། །རླུང་འཁྲུགས་ནད་ནི་སྐྱེད་པ་ལས། །
[298b.7]རླུང་འཇོམས་སྨན་དང་བསྐོལ་བ་ཡི། །སྣུམ་བླུགས་པ་དང་སྨན་ཆུ་བླུགས། །དུགས་དང་བསྐུ་དང་དཀྲི་བ་དང་། །སྣུམ་གྱི་འཇམ་རྩི་རྣམས་ཀྱང་བྱ། །དེ་ལྟར་ཞག་བདུན་པར་བཤད་པའི། །འཕྲལ་གྱི་རྨ་བྱུང་ཆོ་ག་བཤད། །ཞག་བདུན་ནས་ནི་ཤུགས་ཟད་ནས། །སྔར་བཤད་པ་ཡི་ཆོ་གས་
[299a]
[299a.1]སྤྱད། །འདིར་ནི་ཕལ་ཆེར་སྤྱིའི་ཆོ་ག །རེ་རེའི་གསོ་བ་བཤད་བྱ་སྟེ། །ཤུས་ལ་ན་བ་མྱུར་བསལ་ཕྱིར། །རྨ་ལ་ཕན་པའི་ཕྱེ་མས་གདབ། །བཅད་པ་རྨ་སེལ་ལྡེ་གུས་བསྐུ། །རྣམ་པར་བཅད་དང་རབ་འཕྱང་ལ། །ཆོ་ག་བཞིན་དུ་བཙེམ་པ་དང་། །བཅིང་བ་དང་ནི་
[299a.2]བཙིར་བར་བྱ། །མིག་བཅང་བ་ནི་གསོར་མི་རུང་། །མ་ཞར་ཕྱིར་ནི་འཕྱང་བ་ལ། །རང་གི་གནས་སུ་ལེགས་གཞག་ཅིང་། །རྩམ་འཆོལ་བར་བྱས་ནས་ནི། །པདྨའི་འདབ་མས་གཡོགས་ནས་ནི། །ལག་པས་དལ་གྱིས་མནན་པར་བྱ། །དེ་ནས་ཤིང་མངར་ཛི་བ་ཀ། །ཟངས་རྩི་བ་དང་ཨུཏྤ་
[299a.3]ལ། །མར་དང་འོ་མ་བཅས་བསྐོལ་བའི། །སྨན་ཐིགས་བླུགས་དང་སྣ་སྨན་དང་། །བརྟ་བའི་ཆོ་ག་དག་ཀྱང་བྱ། །མིག་ནད་ཐམས་ཅད་སེལ་མཆོག་ཡིན། །མིག་ཕུགས་ཞུགས་ལ་མགུལ་པ་བསྡམ། །སློན་དང་ལུད་པ་སྦྲིད་པ་འབྱུང་། །ཡང་ན་དབུགས་འབྱུང་དབུགས་བརྔུབ་བསྡམ། །
[299a.4]རྨ་བྱུང་མིག་གི་གསོ་བ་བྱ། །རྣ་བ་བོགས་པ་བཙེམས་ནས་ནི། །བུ་ག་ཏིལ་མར་དག་གིས་དགང་། །ལྟག་པའི་སུམ་མདོ་ཆོད་གྱུར་ཏེ། །རླུང་ནི་འབྱུང་བར་གྱུར་པ་ལའང་། །མཉམ་དུ་བཞག་སྟེ་བར་མཚམས་ནི། །མེད་པར་བཙེམས་ཏེ་བཅིང་བར་བྱ། །དེ་ལ་ར་ཡི་མར་སར་གྱིས། །
[299a.5]བླུགས་པ་དག་ནི་རབ་ཏུ་བསྔགས། །གན་རྐྱལ་བཞག་སྟེ་ཁ་ཟས་སྦྱིན། །ལེགས་པར་སྤྱོད་ལམ་བསྡམས་ཏེ་ཉལ། །ཡན་ལག་ཐད་ཀར་གནས་པ་ཡི། །རྨ་བྱུང་ཡན་ལག་ལེགས་གཞག་སྟེ། །བཙེམས་ལ་དཀྲི་ཞིང་བཅིང་བྱ་ཞིང་། །གོས་ནི་མཐུག་པོས་བཅིང་བར་བྱ། །པགས་
[299a.6]པའི་འུར་མཐིལ་བཅིང་བས་ནི། །ཕྲག་པའི་རྨ་ལ་བཅིང་བར་བྱ། །རླིག་པ་འཕྱང་ལ་རྐང་པར་ནི། །སྦུ་གུས་ཆུ་ནི་གཏོར་ནས་ཀྱང་། །རླིག་པ་བཅུག་སྟེ་རས་བལ་དང་། །བཅས་པའི་ཁབ་ཀྱིས་བཙེམ་པར་བྱ། །འུར་མཐིལ་བཅིང་བར་བྱས་པ་ལ། །རྐེད་པ་ནས་ནི་སྲད་བུས་གདགས། །
[299a.7]དེར་ནི་རྨ་ནི་འདུལ་གྱུར་པས། །སྣུམ་དང་དུགས་ཀྱི་ལས་མི་བྱ། །པྲི་ཡང་ཀུ་དང་ཨ་ག་རུ། །སུག་སྨེལ་ཛཱ་ཏི་པར་པ་ཏ། །ཙནྡན་ལྡོང་རོས་སྐྱེར་པ་དང་། །སླེ་ཏྲེས་དང་ནི་སྤངས་མ་དང་། །ཏིལ་མར་བསྐོལ་བས་རྨ་འཚོབ་བྱེད། །ཡན་ལག་མ་ལས་ཆད་པ་ལ། །ཏིལ་མར་བསྐོལ་བས་
[299b]
[299b.1]བསྲེགས་ནས་ནི། །སྒྱེའུ་བཅིང་བས་བཅིང་བར་བྱ། །དེ་ནས་རྨ་ལྟར་གསོ་བར་བྱ། །ཕུག་པ་ཟུག་རྔུ་ཕྱུང་བས་གསོ། །གྲུགས་དང་ཆག་གྲུགས་གསོ་བར་བྱ། །མགོ་བོའི་ཟུག་རྔུ་དབྱུང་བ་ལ། །སྐྲ་ཡི་ཡེའུ་གཞུག་པར་བྱ། །གཞན་དུ་ཀླད་རྒྱས་འཛག་པ་ཡིས། །རླུང་འཁྲུགས་
[299b.2]དེ་ནི་གསོད་པར་འགྱུར། །རྨ་འཚོབ་ནས་ནི་རིམ་གྱིས་ནི། །སྐྲ་ནི་དལ་གྱིས་དབྱུང་བར་བྱ། །ཀླད་རྒྱས་འཛག་ལ་སྲོག་ཆགས་ནི། །གཞན་གྱི་ཀླད་པ་སྦྱིན་པར་བྱ། །གཞན་ལས་ཟུག་རྔུ་ཕྱུང་ནས་ནི། །རྨ་དེར་རིང་བུ་སྣུམ་ཅན་གཞུག །ཕུགས་རིང་ཁ་ནི་ཆུང་བ་དང་། །རྨ་གང་རྣག་
[299b.3]དང་ཁྲག་འཛག་ལ། །འཁོར་ལོས་བཙིར་བའི་ཏིལ་མར་བླུགས། །དེ་ནི་སྦུ་གུ་ཆུང་ངུས་གཏང་། །ཁོང་པ་བརྟོལ་ཏེ་ཁྲག་གིས་གང་། །བརྒྱལ་ཞིང་སྙིང་ག་རྩིབ་ལོགས་ན། །རིམས་འདེབས་ལུས་ཚ་ལྟོ་སྤོ་སྐོམ། །ཟས་ལ་མངོན་པར་མི་དགའ་ཞིང་། །བཤང་བ་གཅིན་དང་འཕྱེན་
[299b.4]འགགས་ལ། །མིག་དམར་རྔུལ་འབྱུང་དབུགས་མི་བདེ། །ཁ་ནང་ཁྲག་གི་དྲི་བྲོ་ཞིང་། །ལུས་ཀྱང་དྲི་མི་ཞིམ་པར་འགྱུར། །མ་ཞུའི་གནས་ན་གནས་པའི་ཁྲག །ཁྲག་ཏུ་ཡང་ནི་སྐྱུག་པར་བྱེད། །ཤིན་ཏུ་ཤས་ཆེར་ལྟོ་སྤོ་ཞིང་། །གཟེར་ནད་ཀྱིས་ཀྱང་གནོད་པར་བྱེད། །ཞུ་བའི་གནས་ན་གནས་
[299b.5]པའི་ཁྲག །གཟེར་བཅས་ལུས་ནི་ལྕི་བར་བྱེད། །ལྟོ་བ་མན་ཆད་གྲང་བ་དང་། །བུ་ག་ལས་ཀྱང་ཁྲག་འབྱུང་འགྱུར། །གནས་ནི་ཞིག་པར་མ་གྱུར་ཀྱང་། །ཁྲག་ནི་འཛག་པར་གྱུར་པ་ཡིས། །བུ་ག་ལས་ནི་འགེངས་བྱེད་དེ། །ལྒང་པའི་ངོས་ནས་འགེངས་དང་འདྲ། །ཁྲག་ནད་
[299b.6]ཡོད་པ་དེ་ལ་ནི། །རྐང་ལག་ཁ་དང་དབུགས་གྲང་ཞིང་། །མིག་དམར་གདོང་ནི་སྐྱ་པ་དང་། །ལྟོ་སྦོ་བ་ནི་སྤང་བར་བྱ། །མ་ཞུར་གནས་ལ་སྐྱུག་སྨན་གཏང་། །ཞུ་བའི་གནས་ལ་གནས་པ་ལ། །བཀྲུ་སྨན་དང་ནི་ནི་རུ་ཧ། །སྣུམ་མེད་དྲོ་བས་སྦྱང་བར་བྱ། །ནས་དང་རྒྱ་ཤུག་རྒྱ་སྲན་གྱི། །
[299b.7]ཁུ་བ་སྣུམ་ནི་མེད་པ་དང་། །ནས་ཐུག་ཁ་ཟས་བཟའ་བ་དང་། །ལྕེ་མྱང་ཚ་དང་ལྡན་པ་སྦྱིན། །ཁྲག་ནི་མང་དུ་འཛག་པ་དང་། །ཁོང་པ་སྣད་ལ་ཁྲག་བླུད་བྱ། །རྒྱུ་མ་འབྱར་དང་ཆད་པར་ཉེན། །ཁོང་པ་སྣད་པ་གཉིས་སུ་བཤད། །དང་པོར་བརྒྱལ་སོགས་ཆུང་བ་ཡིན། །གཉིས་པ་ཤས་
[300a]
[300a.1]ཆེར་གནོད་པར་བྱེད། །རྒྱུ་མ་འབྱར་བ་ཐེ་ཚོམ་བཅས། །རྒྱུ་མ་ཆད་པ་འཚོ་མི་འགྱུར། །གང་གི་བཤང་དང་གཅིན་དང་འཕྱེན། །རང་གི་ལམ་ལས་བྱུང་གྱུར་ལ། །བླ་བརྣན་མེད་པར་རྡོལ་གྱུར་ཀྱང་། །འཚོ་བར་འགྱུར་བར་ཐེ་ཚོམ་མེད། །མ་རྡོལ་རྒྱུ་མ་བྱུང་བ་ནི། །
[300a.2]གཞུག་པར་བྱ་ཞིང་གཞན་དུ་མིན། །གྲོག་མའི་མགོ་བོ་བཅད་ནས་ནི། །དེ་ཡང་གཞུག་ཅེས་པ་ལ་སྨྲ། །རྡུལ་དང་ཁྲག་དང་རྩ་ཡིས་གོས། །འོ་མས་ལེགས་པར་བཀྲུས་ནས་ནི། །སེན་མོ་བྲེགས་ཏེ་མར་གྱིས་བསྐུས། །རིམ་གྱིས་ལེགས་པར་གཞུག་པར་བྱ། །སྐམ་པོ་འོ་མས་
[300a.3]སྤངས་ནས་ནི། །མར་སར་མང་པོ་བསྐུ་བར་བྱ། །སོར་མོས་མགུལ་པ་མཉེ་བ་དང་། །ཆུ་ཡིས་ཀྱང་ནི་གཏོར་བར་བྱ། །དེ་ལྟར་རྒྱུ་མ་ནང་ཞུགས་ནས། །དེ་ཡི་ཚེ་ན་བཙིར་བར་བྱ། །རྨ་ཁ་ཆུང་དང་སྦོམ་པ་ཡིས། །རྒྱུ་མ་ཁོང་པར་མ་ཆུད་ན། །དེ་ཡི་ཚད་ཙམ་ལྟོ་བ་ནི། །དབྲལ་ཏེ་
[300a.4]ནང་དུ་གཞུག་པར་བྱ། །གནས་སུ་ལེགས་པར་འདུག་གྱུར་ནས། །དེ་རྗེས་རྒྱུ་མའི་རྨ་བཙེམ་བྱ། །གནས་སུ་ལེགས་པར་མ་བཞག་ན། །དེ་ནི་འཁྲུགས་པས་འཆི་བར་འགྱུར། །དེ་རྗེས་རས་ཀྱིས་དཀྲིས་ནས་ནི། །མར་གྱིས་བསྐུ་ཞིང་བླུགས་པར་བྱ། །དེ་ནས་ངན་ད་ཏིལ་མར་དང་། །
[300a.5]སྦྱར་བའི་འོ་མ་དྲོ་འཇམ་བླུད། །དེས་ནི་བཤང་བ་སྙི་བ་དང་། །རླུང་ནི་བདེ་བར་འབྱུང་བར་འགྱུར། །ཇི་སྐད་བཤད་པའི་སྤྱོད་པ་བསྲུང་། །ལོ་གཅིག་བར་དུ་འབད་པར་བྱ། །ལྟོ་ལས་ཚིལ་ནི་བྱུང་གྱུར་ན། །ཐལ་བའམ་ནི་ས་དག་གམ། །རོ་བསྐ་བ་ཡི་རྩ་བ་དག །ཞིབ་ཏུ་བཏགས་པས་
[300a.6]བཏབ་ནས་ནི། །དེ་ནས་སྲད་བུས་དམ་དུ་བཅིང་། །སྨན་པ་མཁས་པས་གཅད་པར་བྱ། །མཚོན་རྣོན་མེ་ལ་བསྲེགས་པ་ཡིས། །ལན་ཅིག་ཁོ་ན་གཅད་པར་བྱ། །གཞན་དུ་བྱས་ནས་གཅོད་པའི་ཚེ། །ན་ཞིང་སྦོ་འམ་འཆི་བར་འགྱུར། །སྦྲང་རྩིར་བཅས་པས་རྨ་བཅིངས་ལ། །ཁ་ཟས་ཞུ་
[300a.7]ནས་འོ་མ་མར། །དན་ཏེ་རྒྱ་སྐྱེགས་གཟེ་མ་དང་། །ཤིང་མངར་ཁ་ར་བསྐོལ་བ་བླུད། །ཤིང་མངར་བཅས་པ་སྔར་གྱི་ནི། །ཆོ་གས་ན་དང་ཚ་བ་སེལ། །ཚིལ་གྱི་རྨེན་བུར་བཤད་པ་ཡི། །ཏིལ་མར་བསྐུས་ནའང་ཕན་པ་ཡིན། །བལ་བུའི་ལོ་མ་ཤུག་པ་དང་། །སྤང་སྤོས་ཧ་རེ་ཎུ་ཀ་
[300b]
[300b.1]དང་། །ཨ་ག་རུ་དང་ཙནྡན་དང་། །པདྨའི་ས་བོན་སེར་པོ་གཉིས། །ཨུ་ཤི་ར་དང་ཤིང་མངར་བཅས། །བསྐོལ་བ་འཕྲལ་གྱི་རྨ་ལ་ནི། །འཚོ་བར་བྱེད་པའི་དམ་པར་བཤད། །མཚོན་གྱིས་བསྣུན་པས་མི་མངོན་པ། །གཡང་ས་མཐོན་པོ་ནས་ལྷུང་བ། །རླུང་མཁྲིས་འཇོམས་སྨན་
[300b.2]འདྲངས་པ་དང་། །མཉེ་དང་བསྐུ་དང་སྦྱང་བ་བྱ། །ལུས་ཚིགས་བྱེ་དང་མཉེས་པ་དང་། །གནད་དུ་བསྣུན་པས་ཉེན་པ་ལ། །སྣོད་ཆེན་ཏིལ་མར་གྱིས་བཀང་བར། །གཞུག་ཅིང་ཤ་ཁུ་སྦྱིན་པར་བྱ། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་ཉི་ཤུ་རྩ་དྲུག་
[300b.3]པའོ།། །།དེ་ནས་ཆག་གྲུགས་གསོ་བའི་ལེའུ་བཤད་པར་བྱའོ། །ལྷུང་དང་སྣད་སོགས་ཀྱིས་རུས་ཚིགས། །ཚིགས་དང་ཚིགས་མིན་ཆག་གྱུར་གཉིས། །ཚིགས་བྱུང་གྱུར་ན་བརྐྱང་དང་བསྐུམ། །ནུས་པ་མེེད་པ་ཉིད་དུ་འགྱུར། །གཞན་དག་ཤིན་ཏུ་སྐྲངས་པ་དང་། །
[300b.4]གནས་སྐབས་ཀུན་ཏུ་རབ་ཏུ་ན། །བསྐྱོད་པ་ཆུང་ངུའང་མི་ནུས་ཤིང་། །བཙིར་ན་སྒྲ་དང་བཅས་པ་ཡིན། །དེ་ལྟར་ཆག་གྲུགས་མདོར་བསྡུས་པའི། །མཚན་ཉིད་ཡིན་ཏེ་དེ་དབྱེ་བ། །ཆག་པའི་དབྱེ་བས་དུ་མར་འགྱུར། །དེ་དག་ཀུན་གྱི་གསོ་བ་ནི། །ཇི་ལྟར་འཚམ་པ་བཞིན་དུ་ནི། །དེ་བཞིན་དེ་
[300b.5]ནི་ཉེ་བར་བསྟན། །མང་དུ་ཕྲ་མོར་ཆག་པ་དང་། །རེག་ན་སྒྲ་ནི་འཁྲོལ་བ་དང་། །གང་དུ་རུས་པ་ཆག་པ་ཡི། །བར་དུ་རུས་པ་ཕྲ་མོ་ཞུགས། །ཡང་ན་སྣད་པས་ཆག་པ་ལས། །ཅུང་ཟད་ལུས་པར་གྱུར་པ་དང་། །གང་ཡང་བཏེག་པའི་ཚེ་ན་ནི། །རྨ་ལྟར་རྐང་དུ་ནུབ་པ་དང་། །ནུས་ཞན་
[300b.6]སྦིག་པར་གྱུར་པ་དང་། །རླུང་ཅན་ཉུང་ཟད་སྤང་བར་བྱ། །དཔྱི་ཡི་རུས་མིག་ཆག་པ་དང་། །གང་ཡང་ཚིགས་བྱེ་ལྷུང་པ་དང་། །རོ་སྨད་ཞིབ་ཏུ་གྲུགས་པའམ། །ཆག་པར་གྱུར་པ་གང་ཡིན་དང་། །ཐོད་པའི་མཚམས་ནི་མ་འབྱོར་བའམ། །དེ་བཞིན་དཔྲལ་བ་ཕྱེ་མར་གྱུར། །གང་ཡང་མུར་
[300b.7]འགྲམ་ཆག་པ་དང་། །ལྟག་པ་ནུ་མའི་པར་ཆད་སྤང་། །རུས་པ་ལེགས་པར་ཆག་གྱུར་ཀྱང་། །བཞག་ཉེས་བཅིངས་ནི་ཉེས་པ་དང་། །གང་ཞིག་བསྐྱོད་པས་གནོད་གྱུར་པ། །དེ་ཡང་སྤང་བར་བྱ་བ་ཡིན། །གདོད་ནས་རུས་པའི་ཚིགས་དག་ནི། །ཉེས་པར་སྐྱེས་གྱུར་དེ་ཡང་སྤང་། །
[301a]
[301a.1]རུས་པ་གཞོན་ནུ་གུག་པ་དང་། །སྦུ་བ་ཅན་ཆག་པར་གྱུར་པ་དང་། །ཐོད་པ་གྱེས་པར་གྱུར་པ་དང་། །གཞན་ཡང་མང་དུ་གས་པ་རྣམས། །དེ་ནས་དམའ་བ་བསྟོད་པར་བྱ། །མཐོན་པོ་མནན་པར་བྱ་བ་ཡིན། །ནུང་དུ་ནུབ་པ་དྲང་བར་བྱ། །འོག་ཏུ་སོང་བ་སྟེང་དུ་དྲང་། །
[301a.2]འདེགས་དང་མནན་དང་སྨད་པ་དང་། །པགས་པ་བསྡུས་ཏེ་བཅིང་བ་དང་། །དེ་ལྟར་བཞག་པའི་ཐབས་ཀྱིས་ནི། །ལུས་སུ་གཏོགས་པའི་ཚིགས་ཐམས་ཅད། །གཡོ་བའམ་མི་གཡོ་གང་ཡང་རུང་། །ལེགས་པར་བཞག་སྟེ་མི་འགྱུར་བྱ། །རས་མ་མར་ནི་མང་བས་དཀྲི། །
[301a.3]ཨུ་དུམ་བཱ་ར་ཀ་དམ་པ། །ཨརྫུ་ན་དང་ཨ་ཤྭཏྠ། །སརྫ་དང་ནི་པ་ལ་ཤ །འོད་མ་ལས་བྱུང་ཤུན་ཞེང་ཆེ། །འཇམ་པས་ལེགས་པར་འཇར་བ་དང་། །རྟེན་དང་བཅས་ཤིང་མི་འགྱུར་བའི། །ཤུན་པའམ་དུམ་བུ་དག་དང་ནི། །འཇག་མས་ལེགས་པར་དཀྲི་བྱ་ཞིང་། །རས་ཀྱིས་སྟེང་དུ་
[301a.4]གླན་པར་བྱ། །བཅིང་བ་ལྷོད་པར་གྱུར་པ་ཡིས། །མཚམས་སྦྱོར་བརྟན་པོར་མི་འགྱུར་རོ། །དམ་པོས་ཤིན་ཏུ་ན་ཞིང་ཚ། །རྣག་དང་སྐྲངས་པ་འབྱུང་བར་འགྱུར། །སོས་ཀའི་དུས་སུ་ཞག་གསུམ། །དགུན་གྱི་དུས་སུ་བདུན་ནས་དགྲོལ། །ཐུན་མོང་དུས་སུ་ཞག་ལྔ་ནས། །ཡང་
[301a.5]ན་ཆག་པའི་དབང་ལས་དགྲོལ། །དེ་ནས་ནྱ་གྲོ་དྷ་སོགས་པའི། །ཁུ་བ་བསིལ་བའི་ཆུ་བླུགས་བྱ། །དེ་ནི་ནང་བཅས་རྩ་བ་ལྔ། །འོ་མ་བསྐོལ་བ་བླུགས་པར་བྱ། །མཁས་པས་ཏིལ་མར་འཁོར་ལོས་བཙིར། །རླུང་འཇོམས་སྲན་དང་བཅས་པ་ནི། །དྲོ་འཇམ་ཙམ་ནི་བསྐུ་བར་བྱ། །དུས་
[301a.6]དང་ཡུལ་གྱི་དབྱེ་བས་བྱ། །ཁུ་བ་ཤིན་ཏུ་གྲང་མོ་ནི། །རྒྱུན་དུ་བླུགས་ཤིང་ལྡེ་གུས་བསྐུ། །བ་གསར་འོ་མ་མར་དང་བཅས། །མངར་བའི་སྨན་དང་བསྐོལ་བ་དག །རྒྱ་སྐྱེགས་ཁུ་བར་བཅས་པ་ནི། །ཆག་གྲུགས་ཅན་ལ་ནང་རེ་བླུད། །ཆག་གྲུགས་རྨ་དང་བཅས་པ་ནི། །རྨ་ལ་ཤིང་
[301a.7]མངར་མར་ཤས་ཆེ། །ལྡེ་གུ་བསྐུས་པའམ་ཡང་ན་ནི། །ལྷག་མ་ཆག་གྲུགས་ལྟ་བུར་གསོ། །རྨ་ཡི་ཤ་ནི་འཕྱང་བ་ལ། །སྦྲང་རྩི་མར་གྱིས་བསྐུས་ནས་ནི། །སྨན་པས་རྨ་ནི་ཁ་སྦྱར་ནས། །བཅིང་བ་དག་ཀྱང་ལེགས་པར་བྱ། །དེ་ནི་མཉམ་ཞིང་ལེགས་བཞག་ནས། །པྲི་ཡང་ཀུ་དང་ཀད་
[301b]
[301b.1]པ་ལ། །སེང་ཕྲོམ་བཙོད་དང་ད་ཏ་ཀི །ཕྱེ་མས་ལེགས་པར་བདར་བྱའམ། །སེང་ཕྲོམ་ད་ཏ་ཀིའི་ཕྱེ་མ། །བཏབ་ན་མྱུར་དུ་འཚོ་བར་འགྱུར། །དེ་ལྟར་ཆག་གྲུགས་གསོ་བ་ཡིན། །ལུས་ཟུངས་བརྟན་ལ་དགུན་གྱི་ཚེ། །ཤ་ཆེན་ནད་གཞི་ཆུང་བའི་རྨ། །གསོ་སླ་གཞན་ནི་གསོ་བར་
[301b.2]དཀའ། །ན་ཚོད་དང་པོ་བར་མ་མཐའ། །ཟླ་གཅིག་གཉིས་དང་གསུམ་རིམ་གྱིས། །ཆོ་ག་ཇི་སྐད་བཤད་བསྟེན་ན། །རྨ་འབྱོར་བརྟན་པར་འགྱུར་བ་ཡིན། །རྐེད་པ་རྗེ་ངར་བརླ་ཆག་ན། །སྤང་ལེབ་ལ་ནི་ཉལ་ན་ཕན། །དེ་བཞིན་བསྡམས་ཕྱིར་ཕུར་པ་ལྔ། །བྱས་ནས་ཉེ་བར་བརྟོད་
[301b.3]བྱ་སྟེ། །རྗེ་དར་ངོས་གཉིས་ལ་གཉིས་གཉིས། །རྐང་མཐིལ་དྲང་པོ་གཅིག་བཞག་བརྟོད། །སྟ་ཟུར་རམ་ནི་སྒལ་ཚིགས་སམ། །གདོང་དང་དེ་བཞིན་ཕྲག་པ་རུས། །ཚིགས་བྱུང་ཆག་གྲུགས་བྱུང་གྱུར་ན། །ཆོ་ག་འདི་བཞིན་སྤྱད་པར་བྱ། །ཚིགས་ནི་བྱུང་ནས་ཡུན་རིང་ལ། །སྣུམ་བསྐུ་
[301b.4]དུགས་ཀྱིས་མཉེན་བྱས་ཏེ། །འདི་བཤད་ཐབས་དང་རང་གི་བློས། །རང་གི་གནས་སུ་ལེགས་པར་གཞུག །ཚིགས་མིན་ཆག་སྟེ་འདྲུབས་པ་དང་། །བཅིངས་ཉེས་པ་ཡིས་གསོས་པ་ལ། །བརྡུངས་ཏེ་ཆག་གྲུགས་བསྲང་བར་བྱ། །དེ་ནས་ཆག་གྲུགས་བཞིན་དུ་གསོ། །ཆག་
[301b.5]ནས་ཅི་ནས་མ་རྣགས་པ། །དེ་ལྟར་སྨན་པས་འབད་པར་བྱ། །ཤ་དང་རྩ་རྒྱུས་འདྲུལ་ན་ནི། །ཚིགས་ནི་འདྲུབས་པར་མི་འགྱུར་རོ། །ཆག་གྲུགས་ཅན་ལ་རླུང་ནད་ཀྱི། །སྐབས་བཤད་སྣུམ་ནི་སྦྱར་བར་བྱ། །སྟོབས་བསྐྱེད་སྦྱོར་བ་བཞི་པོ་དང་། །འཇམ་རྩིའི་ལས་ཀྱང་བསྟེན་པར་
[301b.6]བྱ། །སཱ་ལུའི་ཆན་ངང་ཤ་ཁུ་མར། །འོ་མ་རྒྱས་བྱེད་བསིལ་བ་བསྟེན། །ཆག་གྲུགས་ཅན་ལ་རུས་པའི་མཚམས། །འབྱོར་བྱེད་ཚད་ཙམ་སྦྱིན་པར་བྱ། །དེ་ནི་མཚམས་སྦྱོར་བྱེད་པས་ན། །རྨྱ་བར་བྱེད་པ་བསྔགས་པ་ཡིན། །ལན་ཚྭ་ཚ་དང་ཐལ་སྨན་དང་། །སྣུམ་དང་ཉལ་པོ་ཉི་
[301b.7]ཚན་དང་། །རྩོལ་བ་བསྟེན་པར་མི་བྱ་ཞིང་། །ཆག་གྲུགས་ཟས་རྩུབ་བསྟེན་མི་བྱ། །ཏིལ་ནག་ཕུབ་མ་མེད་པ་རས་སྲའི་ནང་དུ་གཏུམས། །ཆུ་ཡི་ནང་དུ་ཞག་བདུན་ཉེ་བར་སྤངས་གྱུར་ཅིང་། །འདི་ནི་བཏེག་སྟེ་ཉིན་རེ་ལེགས་པར་བསྐམས་ནས་ནི། །དེ་བཞིན་འོ་མ་ཆུ་དང་ཤིང་མངར་
[302a]
[302a.1]ནང་དུ་བསྐོལ། །སླར་ཡང་འོ་མར་སྔ་མ་བཞིན་དུ་སྤངས་ཏེ་བསྐམས། །ཕུབ་མ་མེད་ཅིང་རྡུལ་མེད་ཞིབ་ཏུ་བཏགས་ནས་ནི། །སྤང་སྤོས་བ་ལ་ཀ་དང་བཙོད་དང་ཆུ་སྲིན་སེན། །ཤུ་ཏི་ཀུ་ཏན་ནད་རུ་རྟ་བ་ལ་གསུམ། །ཙནྡན་གུར་གུམ་དང་ནི་ཐལ་ཏྲེས་ཨ་ག་རུ། །
[302a.2]སྒྲོན་ཤིང་སྲ་རྩི་པོག་དང་ཐང་ཤིང་ཤུག་པའི་སྡེ། །དེ་ཡི་ཕྱེ་མ་དྲི་ཞིམ་འོ་མ་ལྷན་ཅིག་བཏགས། །དྲི་ཡི་སྨན་ནི་མ་ལུས་འོ་མར་བསྐོལ་བ་བཙིར། །རྡོ་དྲེག་ར་སྣ་ཨཾ་ཤུ་མ་ཏི་དང་། །ཀ་ཤེ་རུ་དང་གནྡྷ་བྲི་ཡང་ཀུ། །རྒྱ་སྤོས་གནྡྷ་བྷ་དྲ་སེང་ཕྲོམ་དང་། །པ་ཡ་སྱ་དང་མུར་བ་འོ་
[302a.3]མར་བཅས། །སྤང་སྤོས་སོགས་དང་ཏིལ་མར་དེ་བསྐོལ་བ། །དྲི་ཡི་ཏིལ་མར་མཆོག་འདིས་རུས་པ་དག །བརྟན་ཞིང་མྱུར་དུ་ཞི་བར་བྱེད་མཆོག་ཡིན། །རླུང་དང་མཁྲིས་པ་ལས་གྱུར་ནད་ཀྱིས་ཁྱབ། །སྦྱོར་བ་སྣ་ཚོགས་བསྟེན་པས་སེལ་བ་ཡིན། །ཡན་ལག་བརྒྱད་པའི་སྙིང་པོ་བསྡུས་
[302a.4]པ་ལས། ཕྱི་མའི་གནས་ཀྱི་ལེའུ་ཉི་ཤུ་རྩ་བདུན་པའོ།། །།དེ་ནས་མཚན་བར་རྡོལ་གྱི་ལེའུ་བཤད་པར་བྱའོ། །གླང་པོ་རྟ་ལ་ཞོན་ཏེ་འགྲོ། །གནས་དང་མལ་སར་ཙོག་པུར་འདུག །གཞང་འབྲུམ་ནད་ཀྱི་རྒྱུར་བཤད་དང་། །གཞན་ལའང་བརྟེན་པར་གྱུར་པ་
[302a.5]དང་། །མི་དགེ་སྨིན་པར་གྱུར་པ་དང་། །འཕྲལ་དུ་དམ་པ་ལ་སྨད་པས། །ཕལ་ཆེར་འབྲུམ་ཕྲན་དང་པོར་འབྱུང་། །རྐུབ་ཀྱི་ཕྱིའམ་ནང་དུ་ནི། །རྨ་ནི་སོར་ཚད་གཉིས་སམ་གཅིག །ཤ་ཁྲག་གནོད་པར་གྱུར་ལས་འབྱུང་། །ཆུ་སོར་གཅིན་གྱི་གནས་ཉེ་བར། །བྱུང་བས་འཛག་པའི་
[302a.6]རང་བཞིན་ཅན། །དེ་ནི་མཚན་པར་རྡོལ་ཞེས་བྱ། །ཀུན་ཀྱང་མ་གསོས་འདྲུལ་བྱེད་ཅིང་། །མོ་མཚན་ཆུ་སོ་གཞང་གི་བར། །ཤས་ཆེར་འཇིག་པར་བྱེད་པ་དང་། །བཤང་གཅི་འཕྱེན་དང་ཁུ་ཆུ་ནི། །བུ་གའི་ནང་ནས་རིམ་གྱིས་འབྱུང་། །ནད་གཞི་རེ་རེ་ལྡན་པ་འདུས། །གློ་བུར་བ་དང་
[302a.7]བརྒྱད་དུ་བཤང་། །མ་སྨིན་འབྲུམ་བུ་ཞེས་བྱར་བཤད། །སྨིན་པ་མཚན་བར་རྡོལ་ཡིན་ནོ། །རྩ་བ་མི་མངོན་ནད་ཚབས་ཆེ། །ཤས་ཆེར་གཡོས་ཤིང་རྨ་འཁྱིམས་འཁྲུགས། །མཚན་བར་རྡོལ་འགྱུར་ཤེས་པར་བྱ། །དེ་ལས་གཞན་དུ་དེ་མི་བྱེད། །དེ་ལས་རླུང་གྱུར་འབྲུམ་བུ་ནི། །
[302b]
[302b.1]དམར་ཞིང་གནག་ལ་ན་བ་དང་། །ཟུག་ཅིང་འཕར་བར་བྱེད་པ་ཡིན། །མཁྲིས་གྱུར་རྔ་མོའི་མགྲིན་ལྟར་རིང་། །དམར་ཞིང་སྲབ་ལ་ཤས་ཆེར་ཚ། །ཐལ་མདོག་དུད་པ་འཐུལ་བཅས་ཡིན། །བད་ཀན་ལས་གྱུར་བརྟན་ཞིང་སྣུམ། །རྩ་བ་ཆེ་ཞིང་མདོག་སྐྱ་གཡའ། །རླུང་མཁྲིས་ལས་
[302b.2]གྱུར་མདོག་གནག་ཅིང་། །དམར་ཞིང་ཚ་ལ་མི་བཟོད་ན། །བད་རླུང་ལས་གྱུར་ཅུང་ཟད་གནག །སྨིན་པར་དཀའ་བའི་མཚན་ཉིད་ཅན། །འདུས་གྱུར་རྐང་པའི་མཐེ་བོ་འདྲ། །ནད་ནི་སྣ་ཚོགས་འབྱུང་འགྱུར་ཞིང་། །གཟེར་དང་སྐམ་དད་ཡི་ག་འཆུས། །རིམས་དང་སློན་སོགས་
[302b.3]ཀྱིས་གནོད་བྱེད། །ཡལ་བར་བོར་ལ་སྨིན་པ་དང་། །རྨ་ཉིད་དུ་ནི་འགྱུར་བ་ཡིན། །དེ་ལ་རླུང་གྱུར་འབྲུམ་བུ་ནི། །ཁ་ཕྲ་མང་པོས་ཁྱབ་བྱེད་དེ། །ཀོ་ཚགས་བཞིན་དུ་ཁ་མང་ཞིང་། །རིམ་འཕེལ་ཆུ་སེར་སླ་བ་དང་། །ལྦུ་བ་ཅན་ནི་རྒྱུན་དུ་འཛག །ཀོ་ཚགས་ཁ་བརྒྱ་པ་ཞེས་
[302b.4]བྱ། །མཁྲིས་པ་ལས་གྱུར་རྔ་མོའི་མགྲིན། །བད་ཀན་ལས་གྱུར་སྤྱི་བག་ནི། །མང་འཛག་ཡོངས་སུ་འཛག་ཅེས་བྱ། །རླུང་མཁྲིས་ལས་གྱུར་བཤང་སྒོར་ནི། །ཡོངས་སུ་མཆེད་པ་ཀུན་ཁྱབ་ཅིང་། །དེར་ནི་ར་བའི་འོབས་ཀྱིས་ནི། །བསྐོར་བ་ལྟ་བུར་འབྱུང་བར་འགྱུར། །རླུང་
[302b.5]དང་བད་ཀན་ལས་གྱུར་གྲང་། །གཞན་དུ་དྲང་པོར་སོང་འགས་བྱེད། །བད་མཁྲིས་ལས་གྱུར་སྔར་བཤད་པའི། །གཞང་འབྲུམ་ལ་བརྟེན་དེ་ལྡང་ཞིང་། །དེ་ལས་གཞང་འབྲུམ་རྩ་བར་གཡའ། །སྐྲང་དང་ཚ་བ་ལ་སོགས་སྐྱེད། །དེ་ནི་མྱུར་སྨིན་རྡོལ་གྱུར་ན། །གཞང་འབྲུམ་རྩ་བ་རྣག་
[302b.6]ཅན་ཡིན། །རྒྱུན་མི་ཆད་པར་འཛག་བྱེད་དེ། །གཞང་འབྲུམ་འདི་ནི་མཚན་བར་རྡོལ། །འདུས་པ་ལས་གྱུར་དུང་འདྲ་བ། །དུང་ནི་འཁྱིལ་པའི་དབྱིབས་དང་འདྲ། །འདི་ཡིས་གཞང་ནི་ཞིག་བྱེད་ཅིང་། །མི་བཟད་ལམ་ནི་ཞིག་པར་བྱེད། །གང་ཚེ་ཤ་ལ་བརྐམ་པ་ཡིས། །རུས་པའི་
[302b.7]དུམ་བུ་ཟོས་གྱུར་པས། །ཐད་ཀར་སོང་བས་ལམ་ལོག་ཞུགས། །རྡོལ་ཞིང་སྣད་པར་བྱེད་པ་ཡིན། །དེ་ཚགས་པས་རྣགས་པ་དང་། །ཤ་ནི་འདྲུལ་བར་བྱེད་པ་ཡིན། །དེར་ནི་སྲིན་བུ་སྐྱེ་འགྱུར་ཞིང་། །གཞང་ནི་ཀུན་ཏུ་ཟ་བར་བྱེད། །རིང་པོར་མི་ཐོགས་དེས་འཇིག་བྱེད། །དེ་
[303a]
[303a.1]ནི་ལམ་ལོག་རྨ་སྐྱེས་ཡིན། །དེ་ལས་ན་ཚ་གཡའ་ལ་སོགས། །རྨ་གསོ་བ་ལས་ཤེས་པར་བྱ། །དེ་ལས་དྲུག་པོ་གསོ་དཀའ་ཡིན། །འདུས་གྱུར་རྨ་སྐྱེས་སྤང་བར་བྱ། །སེལ་བའི་གཉེར་མར་ཕྱིན་པ་དང་། །སྲུབས་མཚམས་ལ་ནི་བརྟེན་
[303a.2]པའང་སྤང་། །དེ་ནས་འབྲུམ་བུའི་ཚེ་ཉིད་ནི། །འདི་ནི་འབད་དེ་གསོ་བར་བྱ། །སྦྱང་དང་གཏར་ག་ཆུ་བླུགས་སོགས། །ཅི་ནས་སྨིན་པར་མི་འགྱུར་བར། །འདི་ནི་འབད་དེ་གསོ་བར་བྱ། །སྨིན་ནས་སླར་ཡང་སྣུམ་ཆོས་དང་། །དུགས་བྱས་ནས་ནི་ལུས་སྤྱིང་བྱ། །གཞང་འབྲུམ་
[303a.3]ལྟ་བུར་བསྡམས་ནས་ནི། །གཏིང་རིང་ལེགས་པར་བརྟག་བྱ་ཞིང་། །རྩ་བའམ་ནི་རྩེ་མོའམ། །ཕྱི་བལྟས་ནང་དུ་བལྟས་པ་བརྟགས། །དེ་ལ་ནང་བལྟས་བཙལ་ནས་ནི། །གཙགས་བུས་ལེགས་པར་གཅད་པར་བྱ། །ཕྱིར་བལྟས་མ་ལུས་པར་བཅད་ལ། །ཐལ་སྨན་དག་གིས་གསོ་བར་
[303a.4]བྱ། །དེ་ནས་ཐལ་སྨན་བཏབ་པའམ། །ཡང་ན་སྨན་པས་མེ་བཙའ་གདབ། །རྔ་མོའི་མགྲིན་ལ་ཐལ་སྨན་བསྐུ། །ཀོ་ཚགས་ཁ་བརྒྱ་སྦུབས་གཅིག་པ། །བཅུག་ནས་ལེགས་པར་གཅད་པར་བྱ། །དེ་འདྲུབས་ནས་ནི་ལྷག་མའང་གཅད། །གཞན་དུ་གཞང་ནི་ཞིག་ནས་འཆི། །འོབས་ལྟར་ཁྱབ་
[303a.5]པའང་དེ་བཞིན་དུ། །ཐལ་སྨན་པ་གཅིན་སྦུ་གུས་གསོ། །གཞང་འབྲུམ་མཚན་བར་རྡོལ་ལ་སྔར། །གཞང་འབྲུམ་ལ་ནི་སྨན་ཕྱེ་གདབ། །རྨ་སྐྱེས་པ་ལ་རེ་ཐག་བཅད། །ཟུག་རྔུ་དབྱུང་བའི་ཆོ་ག་བཞིན། །ཟུག་རྔུ་ཕྱུང་སྟེ་སྲིན་འཇོམས་པའི། །བཟའ་དང་བྱུག་པ་སྦྱར་བར་བྱ། །གླན་དུགས་
[303a.6]སྦུ་གུ་ཅན་ལ་སོགས། །སྣུམ་ཆོས་ལེགས་སྦྱར་ནད་ལ་ཕན། །ཀོ་ཚགས་འདྲ་དང་ཐམས་ཅད་ལ། །བ་ལང་དོགས་དང་ཀུན་ཏུ་བཟང་། །གཤོལ་ཕྱེད་པ་དང་གཤོལ་གྱིས་བྱ། །བརྟགས་ཏེ་ཉེ་བར་སྦྱར་བར་བྱ། །ངོས་སུ་འདེབས་པར་བྱེད་པའི་མཚོན། །བ་ལང་ངོགས་ཞེས་བྱ་བར་བཤད། །ཀུན་
[303a.7]ཏུ་གཏོང་བ་ཀུན་ཏུ་བཟང་། །ངོས་ལ་གཅོད་པ་གཤོལ་ཕྱེད་པ། །ངོས་གཉིས་སུ་ནི་གཤོལ་གྱིས་བཅད། །འཛག་པའི་ལམ་ནི་མ་ལུས་པ། །ཐམས་ཅད་མེ་ཡིས་བསྲེག་པར་བྱ། །སླར་ཡང་འདི་ལྟའི་གནོད་མི་བསྐྱེད། །སྨན་པས་དེ་ཡི་བར་བར་དུ། །དེ་ཡི་ལྟོ་སྦྱང་ལ་འབད་བྱ། །བྱི་ལའི་རུས་
[303b]
[303b.1]པ་འབྲས་བུ་གསུམ། །ཁུ་བ་ལྡེ་གུར་བྱས་པས་བསྐུ། །ཛོ་ཏི་སྨ་ཏི་མ་ལ་ཡུ། །སླེ་སྨན་ཏ་ཀ་བི་ཤ་ལྱ། །དུར་བྱིད་པ་ཏི་བ་ཏྲ་ཀ །ཀ་ར་བཱི་ར་སྲ་རྩི་པོག །ཤུ་དག་སུ་དྷ་ཀྵིར་དང་། །ཨརྐའི་ལོ་མ་ཏིལ་མར་བསྐོལ། །མཚན་བར་རྡོལ་ལ་བསྐུས་ན་ནི། །འདི་ནི་ཕན་བྱེད་མཆོག་ཏུ་བཤད། །
[303b.2]ཤིང་མངར་སེང་ཕྲོམ་པི་པི་ལིང་། །སུག་སྨེལ་ཧ་རེ་ཎུ་ཀ་དང་། །སེར་པོ་གཉིས་དང་པྲི་ཡངྐུ། །རྒྱམ་ཚ་ཐལ་ཏྲེས་ཤུག་པ་དང་། །པདྨའི་སྙིང་པོ་ད་ཏ་ཀི །སྤྲ་ཚིལ་རུ་རྟ་སྲ་རྩི་པོག །ཁ་ལུང་འོ་མར་བཅས་པ་དང་། །ཏིལ་མར་ལྷན་ཅིག་བསྐོལ་བ་ཡིས། །བསྐུས་ན་འབྲུམ་བུ་མཛེ་དང་རྨ། །
[303b.3]གཅིན་ནད་སྦྲང་རྩི་འདྲ་བ་འཇོམས། །བྱི་དང་ཀ་སྙིང་འབྲས་བུ་གསུམ། །པི་པི་ལིང་རྩ་པི་པི་ལིང་། །སྦྲང་རྩི་ཏིལ་མར་སྦྱར་བ་ཡི། །ལྡེ་གུ་ཟོས་ན་སྲིན་བུའི་ནད། །མཚན་བར་རྡོལ་དང་མཛེ་ནད་དང་། །གཅིན་སྙི་བ་དང་སྨས་པ་དང་། །རྨ་འཁྱིམས་འཚོ་བར་བྱེད་པ་ཡིན། །སླེ་ཏྲེས་སུག་སྨེལ་
[303b.4]བྱི་དང་ཀ །དུག་མོ་ཉུང་དང་བ་རུ་ར། །སྐྱུ་རུ་ར་དང་ཨ་རུ་ར། །གུ་གུལ་རིམ་གྱིས་ཆ་རེས་བསྐྱེད། །སྦྲང་རྩིར་སྦྱར་བ་འདི་ཟོས་ན། །འབྲུམ་བུ་སྦོམ་དང་མཚན་བར་རྡོལ། །ནད་ནི་སེལ་བར་བྱེད་པ་ཡིན། །པི་པི་ལིང་དང་ཙི་ཏྲ་ཀ །བྱི་དང་ག་དང་དུག་མོ་ཉུང་། །ཆ་མཉམ་ཕྱེད་ཀྱི་འབྲས་བུ་གསུམ། །
[303b.5]ཀུན་དང་ཆ་མཉམ་གུ་གུལ་དང་། །སྦྲང་རྩིར་སྦྱར་བའི་ལྡེ་གུ་ཡིས། །ནད་ནི་ཐམས་ཅད་འཇོམས་པར་བྱེད། །གུ་གུལ་སྲང་ལྡ་པི་པི་ལིང་། །འབྲས་བུ་གསུམ་ནི་སྲང་རེ་དང་། །ཤིང་ཚ་སུག་སྨེལ་ཞོ་གཉིས་གཉིས། །སྦྲང་རྩིར་སྦྱར་བའི་ལྡེ་གུ་ནི། །ཟོས་ན་མཚན་བར་རྡོལ་བ་དང་། །མཛེ་དང་
[303b.6]སྐྲན་ནད་འཇོམས་པར་བྱེད། །དེ་ཉིད་དང་ནི་བཅའ་སྒའི་ཕྱེ། །ལེགས་པར་བསྲེས་པར་གྱུར་པ་དང་། །རྩ་བ་བཅུ་ཡི་ཁུ་བར་བསྲེས། །མཆོག་ཏུ་རླུང་གི་ནད་སེལ་བྱེད། །སེང་ལྡེང་སྙིང་པོ་འབྲས་བུ་གསུམ་གྱི་ཕྱེ། །ཨ་ས་ན་བསྐོལ་ཁུ་བ་དང་བསྲེས་དང་། །ཆ་མཉམ་གུ་གུལ་སྦྲང་རྩི་ལྡེ་གུར་
[303b.7]བྱས། །མཛེ་འབྲུམ་གཅིན་སྙི་མཚན་བར་རྡོལ་ནད་སེལ། །འདི་ནི་མཚན་བར་རྡོལ་གསོའི་བྱེ་བྲག་བཤད། །སྨན་གྱི་མཚན་ཉིད་ལྷག་མ་གང་ཡིན་པ། །རྨ་ཡི་དབང་བྱས་ཡོངས་སུ་བསྟེན་པ་དང་། །གསོ་ཐབས་དགོས་པ་ལེགས་པར་བརྟགས་ཏེ་སྦྱར། །རྟ་ཞོན་སྟོབས་འགྱེད་ཤུགས་ནི།
[304a]
[304a.1]འགེགས་པ་དང་། །ཆང་འཐུངས་ཉལ་པོ་མ་ཞུམ་གོམས་དང་། །དྲག་ཤུལ་ལས་ནི་སྣ་ཚོགས་རྨ་འདྲུབས་ན། །ལོ་གཅིག་བར་རམ་དེ་ལས་ལྷག་པ་སྤང་། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་ཉི་ཤུ་རྩ་བརྒྱད་པའོ།། །།དེ་
[304a.2]ནས་རྨེན་བུ་དང་ཐོར་བུ་དང་རྐང་བམ་དང་འབྲས་ཀྱི་ཕྲེང་བའི་ནད་དམིགས་ཤེས་པ་བཤད་པར་བྱའོ། །ནད་ནི་བད་ཀན་ཤས་ཆེ་བ། །ཁྲག་དང་ཤ་དང་ཚིལ་ལ་བརྟེན། །ཟླུམ་ཞིང་མཐོ་བར་སྐྲངས་པ་དེ། །མདུད་པ་འདྲ་བས་རྨེན་བུར་བཤད། །དེ་ནི་ནད་གཞི་ཁྲག་ཤ་ཚིལ། །རུས་རྩ་རྨ་ལས་གྱུར་
[304a.3]པ་དགུ། །དེ་ལ་རླུང་གྱུར་རྒྱ་ཆེ་ཞིང་། །ཟུག་ཅིང་བྱེ་བ་སྙམ་སེམས་ན། །གནས་ནས་གནས་གཞན་དག་ཏུ་འཕོ། །རྒྱུ་མེད་པར་ནི་འཕེལ་ཞིང་འབྲི། །འཇམ་ཞིང་ལྒང་པ་ལྟ་བུར་རྒྱས། །བརྟོལ་ན་ཁྲག་ནི་སླ་བ་འཛག །མཁྲིས་གྱུར་ཚ་ཞིང་མདོག་སེར་ལ། །དམར་ཞིང་མྱུར་དུ་སྨིན་
[304a.4]པ་ཡིན། །བརྟོལ་ན་ཁྲག་ནི་དྲོན་མོ་འཛག །བད་ཀན་ལས་གྱུར་ནད་མེད་སྲ། །རེག་ན་གྲང་ཞིང་དཀར་ལ་གཡའ། །སྨིན་ན་རྣག་ནི་སྐ་བ་འཛག །ནད་འཁྲུགས་ཁྲག་ལས་གྱུར་རྨེན་བུ། །སྲིན་བུ་དང་ནི་བཅས་པར་འགྱུར། །ཤ་དང་རྩ་ལ་གནས་པ་ཡི། །རྨེན་བུ་ཚོར་བ་ཆུང་བ་དང་། །
[304a.5]མཁྲིས་པའི་མཚན་ཉིད་འདྲ་བ་ཡིན། །ཤ་ཆེའི་གནོད་གྱུར་ཤ་ལས་ནི། །ཤ་སྐྱེད་ཟས་ལ་རྨེན་བུ་འབྱུང་། །སྣུམ་ཞིང་ཆེ་ལ་སྲ་བ་དང་། །རྩ་ཡིས་ཁྱབ་ཅིང་བད་ཀན་འདྲ། །ཚིལ་སྐྱེད་པ་ཡིས་ཚིལ་འཕེལ་བ། །ཤ་འམ་པགས་པར་ཕྱིན་གྱུར་པ། །རླུང་གི་རྨེན་བུ་ཤིན་ཏུ་སྣུམ། །འཇམ་
[304a.6]དང་བརྟན་པར་བྱེད་པ་ཡིན། །བད་ཀན་དང་ནི་མཚན་ཉིད་མཚུངས། །ལུས་འཕེལ་འབྲི་བ་མཚུངས་པ་ཡིན། །དེ་བརྟོལ་ཚིལ་མཐུག་དམར་བ་དང་། །དཀར་དང་གནག་པ་འཛག་པར་འགྱུར། །རུས་པ་ཆག་དང་སྣད་པ་ལས། །མཐོ་དང་དམའ་བར་གྱུར་པ་དེ། །རུས་པའི་རྨེན་བུ་ཞེས་
[304a.7]བྱའོ། །རྐང་གིས་སོང་བའམ་དྲག་ཤུལ་གྱིས། །དུབ་པར་གྱུར་ནས་ཆུ་བརྒལ་བས། །རླུང་གིས་རྩ་གྲང་ཁྲག་བཅས་པ། །རླུང་གིས་བཙིར་ཏེ་འཁུམས་ནས་ནི། །ཡོན་པོར་བྱས་ཏེ་བསྐམས་པ་དང་། །མི་འཕར་ནད་བྱུང་རྨེན་བུ་ཆགས། །དེ་ནི་རྩ་ཡི་རྨེན་བུར་བཤད། །རྨ་ནི་མ་འདྲུབས་
[304b]
[304b.1]འདྲུབས་མ་ཐག །རོ་ནི་ཐམས་ཅད་ཟོས་གྱུར་པའམ། །རློན་པ་དཀྲིས་པ་མེད་པའམ། །ཡང་ན་ལུས་ནི་སྣད་གྱུར་པས། །རླུང་ནི་ནད་ཁྲག་མ་ཕྱུང་བ། །མ་སྦྱངས་རྨ་ནི་བསྲུབས་པ་ལས། །ཚ་ཞིང་གཡའ་དང་བཅས་གྱུར་པ། །རྨ་ཡི་རྨེན་བུར་དེ་བཤད་དོ། །གསོར་རུང་ནད་
[304b.2]གཞི་ཁྲག་ཚིལ་གྱུར། །སྲ་ཞིང་འགྱུར་དང་སྦོམ་པ་དང་། །གནད་དང་མགུལ་པ་སྟོར་གནས་ཡིན། །མདུད་པ་ཆེར་ཆགས་ཐོར་བུ་སྟེ། །རྨེན་བུ་དེ་ཡི་མཚན་ཉིད་ཅན། །ནད་གཞི་ལ་སོགས་གྱུར་དྲུག་ཡིན། །ཕལ་ཆེར་བད་ཀན་ཚིལ་རྒྱས་ཡིན། །བརྟན་པས་སྨིན་པར་མི་འགྱུར་
[304b.3]རོ། །རྩ་ལ་གནས་པའི་ཁྲག་ནད་ཀྱིས། །འཁུམས་པའི་རྗེས་ལ་གནོད་འགྱུར་ཞིང་། །སྨིན་པ་དེ་ཚེ་རྒྱས་པར་འགྱུར། །ཤ་ཡི་གོང་པོ་བཅས་པར་འགྱུར། །ཤ་ཡི་མྱུ་གུས་ཁྱབ་གྱུར་ཞིང་། །སྐྱེས་པ་དེ་ལས་ནད་ཁྲག་ནི། །རྒྱུན་མི་འཆད་པར་མང་དུ་འཛག །དེ་ནི་ཁྲག་གི་ཐོར་བུ་
[304b.4]ཡིན། །དེ་ལས་ཤ་ཁྲག་ལས་གྱུར་སྤང་། །བཞི་པོ་གཞན་དག་གསོ་བར་བྱ། །དང་པོར་ཆུ་སོར་གནས་པའམ། །རོ་སྨད་ལ་བརྟེན་བད་ཀན་རྒྱས། །ཤ་ཁྲག་ནད་ཀྱི་རྐང་པར་ནི། །དུས་སུ་སྐྲང་བར་བྱེད་འགྱུར་ཞིང་། །རིམ་གྱིས་སྟུག་པོ་ཉིད་དུ་འགྱུར། །དེ་ནི་རྐང་བམ་ཞེས་བྱའོ། །
[304b.5]རླུང་གྱུར་གས་ཤིང་གནག་པ་དང་། །རྒྱུ་མེད་ན་ཞིང་རྩུབ་ཅིང་ན། །མཁྲིས་པ་ལས་གྱུར་སེར་བ་དང་། །ཚ་དང་རིམས་ཀྱིས་འདེབས་པ་ཡིན། །བད་ཀན་སྣུམ་ལྕི་ནད་ཚབས་ཆུང་། །ཤ་ཡི་མཛེར་པ་ཆེན་པོས་ཁྱབ། །དེ་ནི་མང་དུ་འཛག་པ་དང་། །ལོ་གཅིག་འདས་པ་སྤང་བར་བྱ། །ཁ་ཅིག་
[304b.6]ལག་པ་སྣ་དང་མཆུ། །རྣ་བ་རྐང་པ་ལྟར་འབྱུང་གཟེར། །རྐང་བམ་སྐྱེས་པར་གྱུར་པ་དེ། །རླན་ཅན་གནས་སུ་མི་བཟད་སྐྱེ། །ནད་ནི་ཚིལ་མགྲིན་མཇིང་པ་མིག །མཆན་ཁུང་ཆུ་སོར་གནས་པ་དག །མདོག་འདྲ་སྲ་ཞིང་སྣུམ་པ་དང་། །བར་ཏ་སྐྱུ་རུ་ར་འདྲ་དང་། །གཏིང་ཟུག་འབྲས་ནི་
[304b.7]ཆེར་འབྱུང་བ། །རིང་ཞིག་ལོན་ན་སྨིན་པར་བྱེད། །དེ་ལས་ཁ་ཅིག་ནད་མེད་སྨིན། །ཁ་ཅིག་འཛག་དང་གཡའ་བ་ཡིན། །ཁ་ཅིག་སྐམ་ཞིང་ཁ་ཅིག་སྐྱེ། །ཡུན་རིང་དུ་ནི་གནས་པར་བྱེད། །དྲུར་བ་བཞིན་དུ་འབྲི་ཞིང་འཕེལ། །འབྲུམ་ཆེན་འབྲས་ཕྲེང་ཞེས་བྱའོ། །དེ་ནི་རིམས་བཅས་
[305a]
[305a.1]སྐྱུགས་པ་དང་། །ཆོམ་ལུད་རྩིབ་ལོགས་ཟུག་པ་ཡང་། །རྨ་ལ་མི་འཕྲོད་བསྟེན་པ་ཡིས། །སྐྲང་དང་སྨིན་པ་ཁྱད་པར་མེད། །ཤ་སོགས་ནང་དུ་རྣག་ཞུགས་འགྱུར། །རིང་དུ་འགྲོ་བར་བྱེད་པ་ཡིན། །དེ་ནི་རིང་དུ་འགྲོ་བས་འགྲོ། །སྦུབས་ལྟར་འཛག་
[305a.2]པ་སྦུ་གུ་ཡིན། །དྲང་པོ་སྦུ་གུ་གཅིག་ཡིན་ཏེ། །དེ་ཉིད་སྣ་ཚོགས་འགྲོ་བས་འགྲོ། །དེ་ནི་ནད་གཞི་རེ་རེ་འདུས། །ཟུག་རྔུའི་རྒྱུས་འབྱུང་ལྔར་འགྱུར་རོ། །རླུང་གྱུར་ནད་བཅས་རྨ་སྒོ་སྲ། །མདོག་མི་སྡུག་ཅིང་ལྦུ་བ་འཛག །ནུབ་མོ་ལྷག་པར་འཛག་པ་ཡིན། །མཁྲིས་གྱུར་སྐོམ་ཚ་
[305a.3]རིམས་ཀྱིས་འདེབས། །སེར་བྲོ་རྣག་ནི་དྲི་མནམ་འཛག །ཉིན་པར་ལྷག་པར་འཛག་པ་ཡིན། །བད་ཀན་སྐ་ཞིང་སྤྱི་བག་འཛག །གཡའ་ཞིང་སྲ་བར་གྱུར་པ་དང་། །མཚན་མོ་ལྷག་པར་འཛག་པ་ཡིན། །འདུས་གྱུར་མཚན་མ་ཀུན་ལྡན་སྤང་། །ནང་ན་གནས་པའི་ཟུག་རྔུ་མ་ཕྱུང་
[305a.4]ཞིང་། །སྦུ་གུ་སྐྱེད་པར་བྱེད་པ་གང་ཡིན་དེ། །ལྦུ་བ་ཅན་ལ་སླ་ཞིང་དྲོ་བ་དང་། །ཁྲག་བཅས་རྣག་ནི་ནད་བཅས་རྟག་ཏུ་འབྱུང་། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་ཉི་ཤུ་རྩ་དགུ་པའོ།། །།དེ་ནས་རྨེན་བུ་ལ་སོགས་པའི་ནད་གསོ་བ་
[305a.5]བཤད་པར་བྱའོ། །རྨེན་བུ་མ་སྨིན་པ་ལ་ནི། །རང་རང་སྐྲངས་པའི་ནད་ལྟར་གསོ། །ཀཎྜ་ཀ་རི་བྲི་ཧ་ཏི། །ཙི་ཏྲ་ཀ་དང་པི་པི་ལིང་། །བསྐོལ་བའི་མར་གྱིས་ལུས་སྦྱང་བར། །འདོད་པ་དག་གིས་སྣུམ་ཆོས་བྱ། །སྦྱང་བྱས་སྨན་རྣོན་ལྡེ་གུས་བསྐུ། །རྨེན་བུ་ལན་མང་དུགས་བྱས་ཏེ། །
[305a.6]ཡང་དང་ཡང་དུ་མཉེ་བར་བྱ། །འདི་ནི་མཆོག་ཏུ་རླུང་ལ་བྱ། །ཁྲག་དང་མཁྲིས་པ་ལས་གྱུར་པའང་། །གཏར་ག་བསིལ་བའི་སྦྱོར་ཀུན་བྱ། །བད་ཀན་ལས་གྱུར་རླུང་ལྟར་གསོ། །འོན་ཀྱང་སྨིན་ན་དེ་བཅད་དེ། །ཁྲག་ཡོད་པ་ནི་མེས་བསྲེག་བྱ། །མ་ལུས་པར་བཅད་ལུས་གྱུར་ན། །
[305a.7]སླར་ཡང་འཕེལ་བར་བྱེད་པར་འགྱུར། །ཤ་ཡི་རྨ་ལས་གྱུར་རྨེན་བུ། །དེ་བཞིན་འཚོ་བ་ཙམ་དུ་བྱ། །ཚིལ་ལས་གྱུར་པའང་འདི་ཉིད་དང་། །ཏིལ་དང་འོ་མའི་ལྡེ་གུས་བསྐུ། །རས་ནི་ཉིས་རིམ་དག་གིས་དཀྲི། །ཏོག་ལྕགས་ལ་སོགས་བསྲེགས་པས་བསྲོ། །ཡང་ན་མཚོན་གྱིས་
[305b]
[305b.1]དབྲལ་ནས་ནི། །ཚིལ་ཕྱུང་ནས་ནི་ལེགས་པར་བསྲེགས། །རྩ་ཡི་ཐོར་བུ་སར་པ་ལ། །ས་ཧ་ཙ་རའི་ཏིལ་མར་བླུད། །རླུང་འཇོམས་སྨན་གྱིས་དཀྲི་དུགས་བྱ། །འཇམ་རྩི་དང་ནི་གཏར་ག་བྱ། །ཐོར་བུ་རྨེན་བུ་ལྟ་བུར་ནི། །རང་གི་ཇི་བཞིན་བྱས་རབ་ཕན། །རྐང་བམ་རླུང་གྱུར་འཕེལ་
[305b.2]བ་ལ། །སྣུམ་ཞིང་དུགས་བཅས་དཀྲི་བ་དང་། །ལོང་མོའི་སོར་གཉིས་གོང་དུ་ནི། །གཏར་ག་གདབ་པར་བྱ་བ་དང་། །ཨེ་རཎྜའི་མར་འོ་མ་དང་། །བ་གཅིན་སྦྱར་བ་ཟླ་གཅིག་བླུད། །ཞུ་ནས་འབྲུ་རྙིང་བཅའ་སྒ་དང་། །འོ་མ་དང་སྦྱར་ཁ་ཟས་སྦྱིན། །དེ་བཞིན་དུར་བྱིད་འོ་མ་བླུད། །དེས་མ་
[305b.3]ཞིན་མེས་བསྲེག་བྱ། །མཁྲིས་གྱུར་ལོང་མོའི་འོག་ཏུ་ནི། །ཁྲག་དབྱུང་མཁྲིས་པ་སེལ་ཀུན་སྦྱར། །བད་ཀན་ལས་གྱུར་མཐེ་བོ་ལས། །ཁྲག་གཏར་ནས་ཀྱི་ཁ་ཟས་ནི། །སྦྲང་རྩིར་བཅས་པའི་སྨན་ཁུ་བླུད། །འཕེལ་བའི་ཚེ་ན་པི་པི་ལིང་། །ཨ་རུ་ར་ནི་བསྟེན་པར་བྱ། །ཡུངས་ཀར་བྲི་
[305b.4]ཧ་ཏི་གཉིས་ཀྱི། །རྩ་བའི་ལྡེ་གུས་བྱུག་པར་བྱ། །ཡང་ན་འུ་སུའི་ལྡེ་གུས་བྱུག །འབྲས་ཀྱི་ཕྲེང་བ་སྟེང་འོག་ནས། །སྦྱང་ཞིང་དན་ད་ཏྲ་བན་ཏི། །དུར་བྱིད་ཀོ་ཤ་ཏ་ཀི་དང་། །དེ་བ་ཏ་ལའི་མར་བསྐོལ་བླུད། །བད་ཀན་ཚིལ་ནི་འཇོམས་པ་ཡི། །དུད་པས་མཁུར་བཀང་སྣ་སྨན་བཏང་། །གཏར་
[305b.5]གས་ཁྲག་ནི་དབྱུང་བ་དང་། །སྐྱེར་པའི་ཁཎྜས་གཅིན་ཡང་བླུད། །རྨེན་བུ་མ་སྨིན་པ་ལ་ནི། །རྒྱམ་ཚ་བཅའ་སྒ་ན་གུ་ལི། །བསྐུ་ཞིང་སྲ་བར་རྒྱམ་ཚ་ཡི། །ཐུམ་བུས་དུགས་བྱས་མཉེ་བར་བྱ། །ཤ་མི་ལ་ཕུག་ཤི་ཀྲུ་ཡི། །ས་བོན་ནས་དང་ཡུངས་ཀར་བཅས། །དར་བ་སྐྱུར་པོ་བཏགས་
[305b.6]བསྐུས་ན། །རྨེན་བུའི་མདུད་པ་ཞི་བར་བྱེད། །སྨིན་པར་འཕྲིགས་ན་ཁྲག་དབྱུང་ཞིང་། །བད་ཀན་མཁྲིས་པ་སེལ་བས་གསོ། །མ་སྨིན་པ་ནི་ཕྱུང་ནས་ཀྱང་། །ཐལ་སྨན་མེ་བཙས་གསོ་བར་བྱ། །ཛོ་ཏིཥྨ་ཏི་ལང་ག་ལི། །ཤུ་ཀ་ན་སའི་འབྲས་བུ་དང་། །ཀ་ཀ་ཏིག་ཏ་ཀར་ཀོ་ཊི། །དེ་
[305b.7]བཏ་ལའི་ས་བོན་དང་། །བི་ཤ་ལྱ་དང་ནི་རྒུན་ཏི། །ཀོ་ཤ་ཏ་ཀི་པ་ཏ་རྣམས། །སྲང་ནི་ཕྱེད་དང་དུག་ཞོ་གཉིས། །ཀ་རཉྫའི་མར་བྲེ་གང་དང་། །ནི་རྒུན་ཏི་ཡི་ཁུ་བ་ནི། །བྲེ་བཞི་བསྐོལ་བར་གྱུར་པ་འདིའི། །བཏུང་དང་བསྐུ་བྱུག་སྣར་བཏང་ན། །འབྲས་ཀྱི་ཕྲེང་བ་གསོར་མི་རུང་། །ཡུན་རིང་
[306a]
[306a.1]ལོན་ཞིང་རྣག་འཛག་སེལ། །ལོང་ཀ་ལི་ཡི་སྡོང་བུ་ཡི། །ལྡེ་གུ་ཏིལ་མར་དེ་བཞི་འགྱུར། །ནིར་གུན་ཏི་ཡི་ཁུ་བར་བསྐོལ། །སྣ་སྨན་སོགས་བཏང་འབྲས་ཕྲེང་སེལ། །ཙནྡན་ཐང་ཤིང་ན་ལེ་ཤམ། །དུར་བྱིད་གླ་སྒང་སེར་པོ་གཉིས། །སྲང་རེ་དུག་ནི་སྲང་ཕྱེད་
[306a.2]དང་། །བ་གཅིན་སྦྱར་ཏེ་ཞིབ་ཏུ་བཏགས། །བྲམྦྷིའི་ཁུ་བ་ཨརྒ་ཡི། །འོ་མ་བ་ལང་ལྕི་ཁུར་བཅས། །ཡུངས་མར་བྲེ་གང་བཅས་བསྐོལ་བ། །བཏུང་བ་ལ་སོགས་པར་བསྟེན་ན། །མཛེ་དང་རྨ་ནི་འཁྱིམས་པ་དང་། །འབྲས་ཀྱི་ཕྲེང་བ་མྱུར་དུ་སེལ། །ཤུ་དག་རྒྱ་སྐྱེགས་ཨ་རུ་ར། །པུ་
[306a.3]ཙེ་ཤེལ་དང་ཙནྡན་དང་། །ཏིལ་མར་བསྐོལ་བ་བླུད་ན་ནི། །འབྲས་ཕྲེང་རྩ་བར་བཅས་པ་སེལ། །ཤ་ར་པུང་ཀའི་རྩ་བ་ནི། །འབྲས་ཀྱི་ཆུ་དང་བཏགས་གྱུར་པ། །སྣ་སྨན་བསྐུ་བས་འབྲུམ་བུ་དང་། །དུག་སྲིན་འབྲས་ཀྱི་ཕྲེང་བ་འཇོམས། །ཨུཏྟམ་ཀ་རའི་རྩ་བ་དང་། །བི་ལུའི་ལོ་མ་
[306a.4]སེང་ཕྲོམ་དང་། །ས་ཧ་ཙ་ར་ཨ་རུ་ར། །ཤིང་མངར་ཤུ་ཏི་ཙི་ཏྲ་ཀ། །ཐང་ཤིང་ཏིལ་མར་འོ་མ་མཉམ། །སྣ་སྨན་བསྐུ་བྱུག་བྱས་པའང་ཕན། །བ་ལང་ར་ལུག་རྟ་རྨིག་བསྲེགས། །ཉུངས་མར་སྦྱར་ཏེ་བསྐུ་བའམ། །སྦྲུལ་ནག་བྱ་རོག་རང་ཉིད་ཤི །ཨིང་གུ་དང་ནི་སྦྱར་བ་བསྐུ། །དེ་
[306a.5]ལྟར་མ་ཞི་ནད་ཀྱི་ནི། །ལོགས་གཞན་བྱིན་པ་ལ་གནས་པའི། །ཆུ་སོའི་སྟེང་ངམ་འོག་ནས་ནི། །ཚིལ་ཕྱུང་ནས་ནི་མེས་བསྲེག་བྱ། །གྱེན་དུ་འགྲེང་བའི་རྐང་པ་གཞལ། །དེ་ཡི་ཚད་ཀྱི་རྟིང་པ་རུ། །དེ་ལས་རྨེན་བུ་དབྱུང་བྱ་ཞེས། །དྲང་སྲོང་མུ་ཁྱུད་ཀྱིས་བཤད་དོ། །རྟིང་པ་ནས་བཟུང་
[306a.6]སོར་ནི་བཅུ་གཉིས་ན། །དབང་པོའི་ཆུ་སོ་ཡོད་སྤང་ནད་ཀྱི་ནི། །གཡོན་དུ་དབྲལ་ཏེ་ཉ་སྒོང་འདྲ་དབུས་ནས། །དྲ་བ་དྲང་ཞེས་ལེགས་ཐོས་ཀྱིས་བཤད་དོ། །མི་ཡི་ལོང་མོ་རྣ་བའི་བར་དུ་གཞལ། །དེ་ཡིས་བརྒྱད་པ་རྟིང་པའི་ཆ་བགོས་ཏེ། །བྱིན་སྙིང་གནད་ཀྱི་དྲང་ཐད་མ་གཏོགས་དཔྲལ། །
[306a.7]ཚིལ་ནི་དབྱུང་བར་བྱ་ཞེས་གཞན་དག་འཆད། །རླུང་གྱུར་སྦུ་གུར་དུགས་བྱས་ལ། །དབྲལ་ཏེ་ཨ་པ་མརྒ་ཡི། །སྦུ་གུས་ཏིལ་དང་རྒྱམ་ཚར་བཅས། །བཏགས་པའི་ལྡེ་གུས་ལེགས་པར་བསྐུ། །མཁྲིས་པ་ལས་གྱུར་ཏིལ་དང་བཙོད། །ནཱ་ག་དན་ཏི་སེར་པོ་གཉིས། །བད་ཀན་ལས་གྱུར་རྒྱམ་
[306b]
[306b.1]ཚ་ཏིལ། །དན་ད་ནིམ་པ་ལན་ཚྭས་བསྐུ། །ཟུག་རྔུ་ལས་བྱུང་དབྲལ་ཏེ་དབྱུང་། །ཏིལ་དང་མར་དང་སྦྲང་རྩིས་བསྐུ། །མཚོན་དབྲལ་མི་རུང་ཆུ་ཚོད་ཀྱིས། །ལེགས་པར་བཙལ་ཏེ་ནང་དུ་དབུག །ཐལ་སྨན་ལ་སྤངས་སྐུད་པ་ཡིས། །རྨ་ཚོལ་ཁ་ནི་ཤས་ཆེར་དྲལ། །རྨ་རེད་ཁ་ནི་
[306b.2]དོག་པ་དང་། །ཕུགས་རིང་ལ་ཡང་སྦྱར་བར་བྱ། །རེང་བུ་གང་དང་ཏིལ་མར་གང་། །དེ་ནི་རྨ་འཁྱིམས་ལ་ཡང་བསྔགས། །ཨེ་རཎྜའི་འབྲས་ལྡེ་གུས་བསྐུ། །སྦུ་གུའི་རྨ་སྦྱོར་བྱེད་མཆོག་ཡིན། །རྒྱ་ཤུག་འབྲས་བུ་ཤུན་པ་དང་། །ལན་ཚྭ་རྒྱ་སྐྱེགས་བཅས་པ་དང་། །གླ་
[306b.3]གོར་ཞོ་ཤའི་ལོ་མ་དང་། །པྲི་ཡང་ཀུ་དང་ནུ་ཞོ་དང་། །ཨརྐ་སྣུ་ཧིའི་འོ་མར་སྦྱར། །རེང་བུས་རྨ་འཁྱིམས་མྱུར་འཚོ་བར་བྱེད། །རྒྱམ་ཚའི་ཚ་དང་རྩབས་རུ་ཚ། །ལྕེ་མྱང་ཚ་ནི་ལེགས་པར་བསྲེགས། །གླ་གོར་ཞོ་ཤ་ཁྱིམ་དུད་པ། །ཨ་མྲ་ཏ་ཀ་སེང་ལྡེང་གི །ལོ་མ་ཛི་ན་སྐྱེར་པ་གཉིས། །ལྡེ་
[306b.4]གུས་བསྐུ་བ་སོགས་བསྟེན་ན། །སྐྱབས་མེད་མི་བརྟན་སྐྱེས་བུ་ཡི། །འབྱོར་པ་བཞིན་དུ་འགྲིབ་པར་བྱེད། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་སུམ་ཅུ་པའོ།། །།དེ་ནས་ནད་ཕྲ་མོའི་དམིགས་ཤེས་པ་བཤད་པར་བྱའོ། །བད་རླུང་
[306b.5]ལས་གྱུར་འབྲུམ་ཕྲན་ནི། །སྣུམ་ཞིང་མདོག་འདྲ་མདུད་པ་ཅན། །ནད་མེད་མུངྒ་འདྲ་བ་ནི། །བྱིས་པ་ལས་སྐྱེས་རའི་འགྲམ་པ། །དེ་གཉིས་ལས་བྱུང་ཤར་གནས་མཐུག །ནས་འདྲ་ནས་ཞེས་བྱ་བ་ཡིན། །འབྲས་བྱེར་ཟླུམ་པོ་རྩེ་མོ་མེད། །རྣག་ཉུང་རྟག་མཐོ་འབྲས་བྱེར་ཡིན། །
[306b.6]རྨེན་བུ་ལྔ་འམ་དྲུག་འབྱུང་ཞིང་། །རུས་སྦལ་ལྟར་མཐོ་རུས་སྦལ་ཡིན། །རྣ་བའི་སྟེང་ངམ་ཀུན་ཏུ་ནི། །འབྲུམ་ཕྲན་སྲ་ཞིང་མི་བཟད་ན། །ཨུཏྤལ་རྩ་འདྲ་པ་ནས། །སྐྲང་ཤིང་ཅུང་ཟད་ན་ལ་བརྟན། །འགམ་པའི་མཚམས་སུ་དེ་གཉིས་ལས། །འབྱུང་བ་རྡོ་ཡི་བོང་བུ་ཡིན། །
[306b.7]ཤལ་མ་ལི་ཡི་ཚེར་མ་འདྲ། །འབྲུམ་ཕྲན་ནད་བཅས་མཐུག་པོ་ནི། །ནང་ན་ཚིལ་ཡོད་ལང་ཚོ་ལ། །བྱུང་བ་བཞིན་ནི་མ་རུང་བྱེད། །བད་ཀན་རླུང་གྱུར་པདྨ་ཡི། །ཚེར་མ་འདྲ་བས་ཁྱབ་གྱུར་ཅིང་། །དཀར་ཞིང་ནད་ནི་མེད་པ་དག །པདྨའི་ཚེར་མ་ཅན་ཞེས་བྱ། །མཁྲིས་པ་ལས་གྱུར་འབྲུམ་ཕྲན་
[307a]
[307a.1]ཟླུམ། །ཨུ་དུམ་བཱ་རའི་འབྲས་སྨིན་འདྲ། །ཤས་ཆེར་ཚ་ཞིང་རིམས་འདེབས་བྱེད། །གས་པ་ཁ་བྱེ་ཞེས་བྱའོ། །ལུས་ཀྱི་ནང་དང་གདོང་ལ་ནི། །ཚ་ཞིང་ནད་དང་རིམས་སྐྱེད་ཅིང་། །སྲན་ཆུང་ཙམ་ལ་དེའི་མདོག་ཅན། །འབྲུམ་ཕྲན་མཐུག་པོ་སྲིན་ཆུང་
[307a.2]ཞིང་། །དེ་བས་འབྲུམ་བུ་ནད་ཚབས་ཆེ། །སྡུག་བསྔལ་བྱེད་པ་འབྲུམ་བུ་ཡིན། །རླུང་མཁྲིས་ལས་གྱུར་འབྲུམ་བུའི་ནང་། །པདྨའི་སྙིང་པོ་ལྟ་བུ་ཡི། །འབྲུམ་ཕྲན་གྱིས་ནི་ཕུག་པ་ཡིན། །དེ་དག་ཉིད་སྐྱེད་བོང་བུ་ཡིན། །ཟླུམ་ཞིང་རྒྱ་ཆེ་མཐོ་བ་དང་། །མདོག་དམར་འབྲུམ་ཕྲན་དག་
[307a.3]གིས་ཁྱབ། །ཕལ་ཆེར་རླུང་ལས་མཆན་ཁུང་དུ། །ཉེ་བར་སྐྱེས་པ་མཆན་ཁུང་འབྲུམ། །མཁྲིས་པ་ལས་གྱུར་འབྲུམ་ཕྲན་ནི། །ཕྲ་ཞིང་མཐུག་པ་འབྲས་ཡོས་འདྲ། །དེ་འདྲའི་ཆེན་པོ་ཅིག་བྱུང་བ། །དྲི་ཅན་ཞེས་ནི་གྲགས་པ་ཡིན། །ཚ་བའི་རྡུལ་གྱིས་ལུས་གདུངས་ལ། །འབྲུམ་
[307a.4]ཕྲན་ནད་བཅས་སྟུག་པོ་ནི། །དབྱིབས་དང་ཆད་མདོག་སྐྱེ་ཚེ་འདྲ། །དེ་ནི་སྐེ་ཚེ་ཞེས་བྱའོ། །མཁྲིས་པ་ཤས་ཆེའི་ནད་ཀྱིས་ནི། །མེ་དབལ་ལྟ་བུར་དལ་གྱིས་མཆེད། །སྐྲང་ཞིང་སྣུམ་ལ་སྲབ་ཅིང་དམར། །རིམ་སྐྱེད་དྲ་བའི་བོང་བུ་ཡིན། །མཁྲིས་པ་ཤས་ཆེའི་འབྲུམ་བུ་ནི། །རིམ་སྐྱེད་ཤ་ལ་
[307a.5]གནོད་བྱེད་པ། །མཆན་ཁུང་ཕྱོགས་བྱུང་མེའི་མདོག་ཅན། །འདྲ་བ་དེ་ནི་མེ་སྐྱེད་ཡིན། །ཞག་ལྔའམ་ནི་ཞག་བདུན་ན། །ཟླ་བ་ཕྱེད་ནས་སྲོག་འཕྲོག་བྱེད། །ནད་གཞི་གསུམ་སྐྱེས་འབྲུམ་བུ་ཟླུམ། །ནམ་ཚོང་ཡན་ཆད་སྐྱེས་ས་སྐོར། །མཆན་ཁུང་ཆུ་སོར་བི་ད་རིའི། །རྩ་བ་ལྟར་སྲ་བི་ད་རི། །ཚིལ་
[307a.6]དང་བད་རླུང་ལས་གྱུར་པའི། །རྨེན་བུ་རྩ་རྒྱུས་ཤ་ལ་གནས། །བརྟོལ་ན་མར་ཞག་སྦྲང་རྩི་འདྲ། །འཛག་གྱུར་དེ་ལ་རླུང་ཤས་ཆེ། །ཤ་སྐམ་རྨེན་བུར་བྱས་ནས་ནི། །གསེག་མ་ལྟ་བུར་སྐྱེད་པར་བྱེད། །ཁྲག་ནི་དྲི་མནམ་རངས་པ་དང་། །ཁ་དོག་སྣ་ཚོགས་འབྱུང་བ་ཡི། །
[307a.7]ནད་ཀྱིས་དེ་ལ་ཁྲག་འཛག་པ། །དེ་ནི་འབྲུམ་བུ་གསེག་མ་ཅན། །ལག་པ་རྐང་མཐིལ་ཚིགས་དང་ནི། །ནམ་ཚོང་ཡན་ཆད་གྲོག་མོ་ཡི། །མགོ་ལྟར་རིམ་གྱིས་རྨེན་བུ་ནི། །ཕྲ་མོ་མང་པོས་ཁྱབ་བྱེད་ལ། །ན་ཞིང་ཚ་ལ་གཡའ་ཞིང་འདྲུལ། །ཀུན་ཏུ་སྐྱེས་ཏེ་གྲོག་མོའི་མགོ །
[307b]
[307b.1]རྐང་མཐིལ་གཤགས་མས་བྲུད་པའམ། །ཚེར་མ་སོགས་ཀྱིས་སྣད་པ་ཡི། །འབྲུམ་བུ་བུར་པ་ལྟར་མཐོ་བ། །སྐྱེས་ཏེ་མཛེར་པ་འདྲ་ཞེས་བྱ། །ཤུགས་བཀག་པ་ཡིས་རླུང་དག་ནི། །གཞང་དང་རྐང་པ་ལ་གནས་པ། །ཕྱི་དང་ནང་དུ་རྒྱུ་བྱེད་པ། །ལམ་རྒྱུ་དེ་ལས་བཤང་བ་ནི། །དཀའ་
[307b.2]བས་འབྱུང་བར་བྱེད་པའི་ནད། །གཞང་འགགས་པ་ཞེས་བྱ་བར་འདོད། །རླུང་མཁྲིས་ཀྱིས་ནི་སེན་མོ་ཡི། །ནང་གི་ཤ་སྨིན་ནད་སྐྱེད་པ། །མ་སྣད་ནད་དང་ཚིམ་པ་དང་། །ཉེ་བའི་སེན་མོ་ཞེས་བྱའོ། །སྣད་པས་གནག་ཅིང་རྩུབ་པ་དང་། །སྲ་བ་སེན་མོ་ངན་ཞེས་བྱ། །འདམ་ནི་གནོད་བྱེད་ལ་རེག་
[307b.3]ལས། །ནང་ན་གཡའ་ཞིང་རྣག་བཅས་པ། །སོར་མོའི་འབྲས་འབྱེར་ཞེས་བྱའོ། །པགས་པ་ཏིལ་འདྲ་གནག་པ་ལ། །ནད་མེད་བྱུང་གྱུར་རྨེ་བ་སྟེ། །དེ་ཉིད་འབུར་བ་མཛེར་པ་ཡིན། །མཛེར་པ་ལས་ཀྱང་ཆེན་པོར་གྱུར། །དཀར་ནག་པགས་པའི་མཛེར་པ་ཡིན། །དེ་འདྲའི་འབྲུམ་བུ་སྐྱེས་པ་ནི། །དམར་པོ་རྒྱ་སྐྱེགས་ནོར་བུ་ཡིན། །
[307b.4]དཀར་བའམ་གནག་པར་ལྷན་ཅིག་སྐྱེས། །ཟླུམ་པའམ་མཚན་མ་ཞེས་བྱའོ། །མྱ་ངན་ཁྲོ་དང་རླུང་མཁྲིས་སོགས། །འཁྲུགས་ཏེ་གདོང་ནི་སྲབ་འགྱུར་ཞིང་། །ཐིག་ལེ་ནག་པོ་ངོ་ཤིག་ཅན། །གདོང་ལས་གཞན་འབྱུང་ཁབས་ཞེས་བྱ། །རླུང་གྱུར་ངོ་ཤིག་རྩུབ་པར་སྣང་། །རེག་ན་རྩུབ་
[307b.5]ཅིང་གནག་པ་ཡིན། །མཁྲིས་གྱུར་མཐའ་མ་ཅུང་ཟད་སྔོ། །བད་ཀན་ལས་གྱུར་མཐའ་དཀར་གཡའ། །ཁྲག་གྱུར་མཐའ་མ་ཟངས་མདོག་ཅན། །སྐམ་ཞིང་ཚ་བ་ཙག་ཙག་བྱེད། །རླུང་གིས་བད་ཀན་བསླངས་གྱུར་པ། །པགས་པར་ཕྱིན་ཏེ་བསྐམས་གྱུར་ནས། །དེ་ལས་པགས་
[307b.6]པ་སྐྱ་འགྱུར་ཞིང་། །རིམ་གྱིས་ཚོར་བ་མེད་འགྱུར་ལ། །གཡའ་བ་ཆུང་ཞིང་འདྲུལ་བ་མེད། །བེམ་པོ་དེ་ནི་ཚོར་མེད་ཡིན། །སྐྱུག་སྨན་ཉེས་དང་མ་ཞུ་དང་། །བད་མཁྲིས་ལུས་ལ་གནས་བསླངས་པས། །རབ་གཡའ་ཟླུམ་པོ་གོར་གོར་པོ། །དམར་པོ་མང་དུ་འབྱུང་འགྱུར་ཞིང་། །རྗེས་འབྲེལ་
[307b.7]ལྡན་པ་ཟླུམ་པོར་བཤད། །དེ་ལྟར་ནད་ནི་ཕྲ་མོ་ཡི། །དབྱེ་བ་སུམ་ཅུ་དྲུག་ཏུ་བསྟན། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་སུམ་ཅུ་གཅིག་པའོ།། །།དེ་ནས་ནད་ཕྲ་མོའི་གསོ་བ་བཤད་པར་བྱའོ། །ར་ཡི་འགྲམ་པ་མ་སྨིན་པ། །སྲིན་
[308a]
[308a.1]བུ་པད་པས་ཁྲག་དབྱུང་ངོ་། །ནས་འདྲ་དུགས་ནི་བྱས་ནས་སུ། །ཐང་ཤིང་རུ་རྟ་ལྡོང་རོས་དང་། །བ་བླའི་ལྡེ་གུ་བསྐུས་ཏེ་བཞུ། །རྡོ་ཡི་བོང་བུའང་དེ་ལྟར་གསོ། །སྨིན་པ་ར་འགྲམ་རྨ་ལྟར་གསོ། །བཞིན་གནོད་སེང་ཕྲོམ་འུ་སུ་དང་། །ཤུ་དག་བཏགས་
[308a.2]པའི་ལྡེ་གུའམ། །ནྱ་གྲོ་དྷ་ཡི་ལོ་མའམ། །རྒྱ་སྟར་ལོ་མ་ཚ་སྦྱར་བསྐུ། །དེས་མ་ཞི་ན་སྐྱུག་སྨན་དང་། །སྣ་སྨན་དཔྲལ་བར་གཏར་ག་གདབ། །པདྨའི་ཚེར་མ་ནིམ་པ་ཡི། །ཁུ་བའམ་ནིམ་པ་མར་བསྐོལ་བར། །སྦྲང་རྩི་དང་ནི་བཅས་པ་བླུད། །ནིམ་པ་དོང་གར་སྦྱར་བས་བྱུག །
[308a.3]ཁ་བྱེ་སོགས་ནས་དྲ་བོང་བར། །ས་སྐོར་བཅས་པ་མཁྲིས་པ་ཡི། །མེ་དབལ་ལྟ་བུར་གསོ་བར་བྱ། །མེ་སྐྱེད་པ་ནི་སྤང་བར་བྱ། །དྲ་བའི་བོང་བུ་སྨྱུང་བ་དང་། །གཏར་ག་གདབ་དང་རྩུབ་ཆོས་དང་། །ལུས་ཀྱི་སྦྱང་བ་སྐྱུ་རུ་རའི། །སྦྱོར་བའི་བསིལ་སྨན་བྱུགས་པས་གསོ། །བིད་
[308a.4]རིལ་ཁྲག་གཏར་ཞིང་། །བད་ཀན་རྨན་བུ་ལྟ་བུར་གསོ། །གསེག་མ་ལྟ་བུའི་འབྲུམ་ཕྲན་ལ། །ཚིལ་གྱི་རྨེན་བུ་ལྟ་བུར་གསོ། །གྲོག་མའི་མགོ་འདྲ་བུ་ག་མང་། །ཆེར་སྐྱེད་སྐྲང་ཞིང་གནད་ལ་གནས། །རྐང་པ་ལག་པར་བྱུང་བ་སྤང་། །ཅིག་ཤོས་ལ་ནི་ཁྲག་བྱུང་ལ། །རྒྱམ་ཚ་དོང་
[308a.5]ག་སླེ་ཏྲེས་དང་། །ཅི་ཙེ་རྒྱ་སྲན་རྩ་བ་དང་། །ད་ནད་ཏིལ་བཏགས་ནས་ཕྱེས་བསྐུ། །སྨིན་པ་ལ་ནི་ནད་ཅན་ཤ །ཐམས་ཅད་ལེགས་པར་སྦྱང་བར་བྱ། །མཚོན་གྱིས་བཅད་ལ་དེ་རྗེས་ལ། །ཐལ་སྨན་ཡང་ན་མེ་ཡིས་བསྲེག །མཛེར་པ་འདྲ་ལ་གཙགས་བུ་ཡིས། །མ་ལུས་བཅད་ལ་
[308a.6]སྣུམ་གྱིས་བསྲེག །གཞང་འགགས་པ་ལ་ནོར་བུ་ནི། །འགགས་པ་ལྟ་བུར་གསོ་བར་བྱ། །ཉེ་བའི་སེན་མོ་སྦྱངས་པ་ཡིས། །ཚ་བ་བསལ་ཏེ་མཚོན་གྱིས་གསོ། །སེན་མོ་ངན་ལའང་དེ་བཞིན་བྱ། །རྐང་པའི་ཆུ་སེར་དག་ལའང་། །འབྲས་བུ་སྐྱུར་པོ་ནག་ཚུར་བཅས། །ཏིལ་
[308a.7]དང་གི་ཝང་ནིམ་པ་ཡི། །ལོ་མའི་ལྡེ་གུས་བསྐུ་བར་བྱ། །སྨེ་བ་མཛེར་པར་བཅས་པ་ནི། །མེ་ཤེལ་ཐལ་སྨན་དག་གིས་བསྲེག །ཡང་ན་མེ་བཙའ་གདབ་པར་བྱ། །དེ་བཞིན་བགས་མཛེར་རྒྱ་སྐྱེགས་ནོར། །མཚོན་གྱིས་བཅད་དེ་དེ་བཞིན་གསོ། །མཚན་མ་ཅན་སོགས་
[308b]
[308b.1]གསུམ་པོ་ལ། །ཉེ་བའི་ཕྱོགས་ལ་གཏར་ག་གདབ། །འོ་མ་ཅན་ཤིང་མྱུ་གུ་ཤུན། །འོ་མར་བཏགས་པས་བསྐུ་བར་བྱ། །ངོ་ཤིག་ཨརྫུ་ནའི་ཤུན་པའམ། །བཙོད་དང་སྦྲང་རྩི་སྦྱར་བ་ཡི། །ལྡེ་གུའམ་རྟ་དཀར་རྨིག་པ་ནི། །བསྲེགས་པའི་སྣག་ཚ་མར་སྦྱར་བསྐུ། །ཙནྡན་
[308b.2]དམར་པོ་བཙོད་དང་ནི། །རུ་རྟ་སེང་ཕྲོམ་པྲི་ཡདྐུ། །སྲན་ཆུང་ནྱ་གྲོ་དྷའི་མྱུ་གུ། །ལྡེ་གུས་ངོ་ཤིག་སེལ་བྱེད་ཅིང་། །བཞིན་མདངས་གསལ་བར་བྱེད་པ་ཡིན། །ཟིར་གཉིས་དང་ཏིལ་ནག་དང་། །ཡུངས་ཀར་འོ་མར་བཅས་པ་ནི། །བཏགས་པའི་ལྡེ་གུས་གདོང་བསྐུས་ན། །ངོ་ཤིག་
[308b.3]སེལ་ཞིང་ཟླ་འདྲར་བྱེད། །སྲན་ཆུང་ཕུབ་མ་མེད་བརྔོས་པ། །འོ་མ་སྦྲང་རྩི་མར་བཏགས་བསྐུ། །ཚེར་མ་རྣོ་བའི་ཤལ་མ་ལིའི། །འོ་མར་བཏགས་པས་བསྐུས་ན་ཕན། །རྒྱ་ཤུག་ཚི་གུ་བུ་རམ་བཅས། །སྦྲང་རྩི་རི་བོང་ཁྲག་སྦྱར་བསྐུ། །རུ་རྟ་ཁ་ལུང་ཁུ་བ་ཡི། །ནང་སྦངས་སྦྲང་རྩིར་
[308b.4]བཅས་པའམ། །རྐང་མར་རྩ་བ་རའི་འོ་མ། །སྦྲང་རྩིར་བཅས་པའི་ལྡེ་གུའང་ཕན། །རྐང་མར་རྩ་བ་ལང་རུས། །སྦྲང་རྩི་མར་དང་བཅས་པས་བསྐུ། །འཛམ་བུ་ཨ་མྲའི་ལོ་མ་དང་། །སེར་པོ་རྣམ་གཉིས་ཞོ་ག་ཆུ། །བུ་རམ་སར་པ་སྦྱར་བའམ། །ཏིན་དུ་ཀ་ཡི་ལོ་མ་ཡི། །ཁུ་བར་
[308b.5]བཏགས་པ་ཡང་མདོག་གསལ་བྱེད། །ཨུཏྤལ་སྔོ་དང་རུ་རྟ་དང་། །ཙནྡན་སེར་པོ་པྲི་ཡང་ཀུ། །རྒྱ་ཤུག་ཚི་གུའི་ལྡེ་གུ་ཡིས། །གདོང་ནི་བསྐུས་ཞིང་དྲིལ་གྱུར་ན། །པདྨའི་མདོག་དང་འདྲ་བར་བྱེད། །སྨན་ནི་འདི་དག་བཏགས་པ་དང་། །ཤིང་མངར་དང་བཅས་བསྐོལ་སྣུམ་ནི། །ནད་
[308b.6]གཞི་ཇི་བཞིན་མ་ལུས་ལ། །བཏུང་དང་བསྐུ་བ་ལ་སོགས་བྱ། །ནས་དང་སེང་ཕྲོམ་སྲ་རྩི་པོག །སྤྲ་ཚིལ་སྦྲང་རྩི་པུ་ཙེ་ཤེལ། །མར་དང་བུ་རམ་བ་གཅིན་ནི། །གཟར་བུར་ཆགས་ཀྱི་བར་དུ་བསྐོལ། །དེ་བསྐུས་པ་ཡིས་སྨེ་བ་དང་། །ངོ་ཤིག་མཛེར་པ་མྱུར་སེལ་བྱེད། །གདོང་ནི་པདྨ་
[308b.7]འདྲར་བྱེད་ཅིང་། །རྐང་པ་པདྨའི་འདབ་འདར་བྱེད། །གུར་གུམ་ཤིང་མངར་པུ་ཤེལ་ཙེ། །ཙནྡན་སེར་དང་རྒྱ་སྐྱེགས་དང་། །ཙནྡན་དཀར་དང་ནྱ་གྲོ་དྷའི། །རྐང་པ་གཞོན་ནུ་ཤུག་པ་དང་། །དེ་བཞིན་པདྨ་གེ་སར་དང་། །ཨུཏྤལ་སྔོན་པོ་བཙོད་དང་བཅས། །སྲང་རེ་ཆུ་བྲེ་བཞི་ནང་དུ། །བསྐོལ་
[309a]
[309a.1]ཏེ་བཞི་ཆ་ལུས་བ་རུ། །རྒྱ་སྐྱེགས་བཙོད་དང་ལེ་བརྒན་རྩི། །ཤིང་མངར་གུར་གུམ་ཞོ་གཉིས་གཉིས། །ཕྱེ་མ་ཏིལ་མར་སྲང་བརྒྱད་དང་། །དེ་ཡི་ཉིས་འགྱུར་འོ་མ་བསྐོལ། །དེ་ནི་སྣ་སྨན་ཚུལ་བསྟེན་ན། །སྨེ་བ་ངོ་ཤིག་སྐྲ་དཀར་དང་། །གཉེར་མ་གདོང་གི་
[309a.2]དྲི་མ་སེལ། །གདོང་གི་ཤ་རྒྱས་མདོག་གསལ་བྱེད། །བཙོད་དང་སེང་ཕྲོམ་ཤ་བ་རི། །རྒྱ་སྐྱེགས་ལྡོང་རོས་དུ་པ་རི། །གུར་གུམ་རུ་རྟ་སེར་པོ་གཉིས། །གི་ཝང་ཙནྡན་རྣམ་གཉིས་དང་། །ནྱ་གྲོ་དྷ་ཡི་ལོ་མ་དང་། །དངུལ་ཆུ་རྨ་ཤིང་ཙནྡན་སེར། །དྷ་དུ་ར་ཡི་ཤུན་པ་ཡི། །ས་བོན་པདྨ་གེ་
[309a.3]སར་དང་། །སྤྲ་ཚིལ་སྤངས་མ་ཤུག་པ་སོགས། །ཞག་དང་འོ་མ་རྐང་དང་མར། །འོ་མ་ཅན་ཤིང་འོ་མ་ནི། །བསྐོལ་བའི་མར་ནི་བསྐུས་གྱུར་ན། །ངོ་ཤིག་གཉེར་མ་སོགས་འཇོམས་ཤིང་། །བཞིན་ནི་པདྨའི་མདངས་འདྲར་འགྱུར། །བྲིང་ག་ར་ཛའི་ཁུ་བར་ནི། །འོ་མ་ཆུ་བསྐོལ་སྣ་
[309a.4]སྨན་བསྔགས། །པགས་པ་ཚོར་མེད་ལ་རླུང་གི །གསོ་བ་དང་ནི་མེ་བཙའ་བྱ། །པགས་ནད་ཟླུམ་པོར་བད་མཁྲིས་བཤད། །མཛེ་ནད་སེལ་བ་ཐམས་ཅད་ཕན། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་སུམ་ཅུ་གཉིས་པའོ།། །།དེ་
[309a.5]ནས་གསང་བའི་ནད་ཀྱི་དམིགས་ཤེས་པ་བཤད་པར་བྱའོ། །བུད་མེད་ཉལ་པོ་སྤངས་པ་ལས། །མོད་ལ་བསྟེན་པར་གྱུར་པའམ། །ནད་དང་བཅས་ཤིང་དོགས་པ་ལས། །དྲི་མ་ཅན་ནམ་ཟླ་མཚན་ནམ། །སྐྱེ་གནས་གཞན་དང་མི་འདོད་དང་། །བགྲོད་མིན་གསར་དུ་བཙས་པ་དང་། །
[309a.6]དགའ་བའི་མཐར་ནི་དུག་ཅན་སོགས། །ཆུས་རེག་པའམ་མ་བཀྲུས་དང་། །བསྐྱེད་པའི་བསམ་པས་སྨན་རྣོན་པོའི། །ལྡེ་གུ་ལ་སོགས་བསྐུས་པ་དང་། །ཁུ་ཚུར་སོ་དང་སེན་མོ་དང་། །གྲ་མ་དུག་ཅན་གྱིས་རེག་དང་། །ཤུགས་དགག་པ་དང་ཡུན་རིང་དུ། །རེག་པ་རྩུབ་པས་བདར་བ་
[309a.7]འམ། །ནད་གཞི་འཁྲུགས་པས་གསང་བར་ཞུགས། །སོས་འཛིན་ལྟ་བུ་ལ་སོགས་ནད། །ཉི་ཤུ་རྩ་གསུམ་འབྱུང་བར་འགྱུར། །སོས་འཛིན་ལྟ་བུ་འདིར་ལྔ་སྟེ། །ནད་གཞི་རེ་རེ་ཁྲག་ལས་གྱུར། །འདུས་པའི་ནད་ལས་གྱུར་པའོ། །དེ་ལ་རླུང་གྱུར་ཕོ་མཚན་སྐྲངས། །ནད་མང་
[309b]
[309b.1]རྟག་ལྡང་པགས་འགས་པའོ། །མཁྲིས་པ་ལས་གྱུར་སྐྲང་རིམས་འདེབས། །ཨུ་དུམྺཱ་རའི་འབྲས་སྨིན་འདྲ། །བད་ཀན་གྱིས་མཁྲང་སྣུམ་པ་དང་། །གཡའ་ཞིང་སྐྲངས་ལ་ལྕི་བ་ཡིན། །ཁྲག་གྱུར་འབྲུམ་བུ་ནག་པོ་འབྱུང་། །ཁྲག་འཛག་རིམས་ཀྱིས་འདེབས་པར་བྱེད། །འདུས་གྱུར་
[309b.2]མཚན་ཉིད་ཀུན་དང་ལྡན། །རླིག་འབྲས་གཉིས་ཀྱང་སྐྲང་བར་བྱེད། །མི་བཟད་ན་ཞིང་ལྷུང་པ་དང་། །གས་ཤིང་སྲིན་བུ་སྐྱེ་བ་ཡིན། །དེ་ལས་ཁྲག་གྱུར་འཚོ་བ་ཙམ། །འདུས་པ་ལས་གྱུར་འཆི་བར་བྱེད། །ནད་འཁྲུགས་པ་ལས་ཕོ་མཚན་གནས། །ཤ་ཁྲག་ལས་ནི་ཕོ་མཚན་
[309b.3]གྱི། །ཕྱིའམ་ཡང་ན་ནང་དུ་ནི། །མཛེར་པ་གཡའ་བར་བྱེད་པ་འབྱུང་། །ཁྲག་ནི་སྤྱི་བག་འཛག་པར་བྱེད། །མོ་མཚན་དེ་འདྲ་གདུགས་ལྟར་འདུག །དེ་ནི་འབྲུམ་ནད་མ་གསོས་ན། །ཕོ་མོའི་ཁུ་ཁྲག་ཉམས་བྱེད་གསོད། །ཕོ་མཚན་གྱི་ནི་ཕྱིའམ་ནང་། །བད་ཀན་ཁྲག་གྱུར་འབྲུམ་ཕྲན་ནི། །
[309b.4]ཚད་དང་དབྱིབས་ནི་ཡུངས་ཀར་འདྲ། །སྟུག་པོའི་ཡུངས་ཀར་ཞེས་བྱར་བཤད། །བད་ཀན་ཁྲག་གྱུར་འབྲུམ་བུ་ནི། །རིང་ཞིང་མང་པོར་གྱུར་པ་ལ། །དབུས་ནས་གས་པ་གང་ཡིན་པ། །དེ་ནི་ངེས་པར་འཇོམས་ཤེས་བྱ། །ན་ཞིང་བ་སྦུ་བརྩེ་བར་བྱེད། །ཁྲག་མཁྲིས་ལས་ནི་འཛམ་བུ་
[309b.5]ཡི། །རུས་པ་ལྟར་འདུག་ཁོང་སྟོང་ཅན། །འབྲས་བྱེར་གཅིན་སྙི་འདྲར་ཤེས་བྱ། །ཁྲག་མཁྲིས་ལས་གྱུར་འབྲུམ་ཕྲན་ནི། །མ་ཤ་མངྒ་འདྲ་མཆོག་ཡིན། །པདྨའི་སྟེང་དུ་གེ་སར་བཞིན། །འབྲུམ་བུ་འབྲུམ་ཕྲན་གྱིས་ཁྱབ་པ། །དེ་ནི་པདྨ་ཅན་ཞེས་བྱ། །ལག་པ་གཉིས་ཀྱིས་རབ་
[309b.6]མཉེས་པ། །དེ་ནི་མཉེས་པའི་འབྲུམ་བུར་གྱུར། །མཚན་ནི་མཉེས་པར་གྱུར་པ་ལས། །རླུང་འཁྲུགས་གྱུར་པ་མཉེས་པ་ཡིན། །མི་མཉམ་སྲ་ཞིང་ཡོན་པོར་ནི། །རླུང་འཁྲུགས་གྱུར་པ་གཏུན་ཤིང་ཡིན། །རླུང་གིས་མཉེས་པ་ལ་སོགས་པའི། །ནད་འཁྲུགས་མཚན་གྱི་པགས་
[309b.7]པ་ནི། །ལྡོག་ཅིང་ཚ་ལ་ནད་བཅས་ཤིང་། །ལ་ལར་ཤུ་བ་དག་ཏུ་འགྱུར། །འདུས་ཤིང་མདུད་པ་ཆགས་པ་ནི། །དེ་ཡི་ནོར་བུ་ཐུར་དུ་འཕྱང་། །པགས་པ་ལྡོག་པའི་ནད་ཅེས་བྱ། །བད་ཀན་བཅས་ལས་གཡའ་ཞིང་སྲ། །རྨ་འཚོབ་དཀའ་ཞིང་པགས་པ་གས། །གས་པའི་ནད་
[310a]
[310a.1]ཅེས་བྱ་བར་བཤད། །རླུང་གིས་པགས་པ་གནོད་འགྱུར་ཞིང་། །ནོར་བུ་འབྱར་ཞིང་གཅིན་འགག་འགྱུར། །དེ་ལས་རྒྱུན་ཕྲ་ནད་མེད་འབྱུང་། །ནོར་བུའི་ཁ་ནི་འགགས་གྱུར་པས། །དེ་ནི་ནོར་བུའི་ནད་ཅེས་བྱ། །བད་ཀན་ལས་གྱུར་མཚན་གྱི་ནད། །གྲ་
[310a.2]མས་གང་སྙམ་མདུད་པའི་ནད། །གྲ་མས་གནོད་པའི་ཁྲག་གི་ནད། །ཚོར་བ་ཉམས་པ་དེ་མིང་ཅན། །རླུང་དང་ཁྲག་མཁྲིས་ལས་གྱུར་པ། །བུ་གའི་རྩེ་མོ་ཕྲ་བ་ཡིས། །མཚན་གྱི་ནང་ནི་ཀུན་ཏུ་ཁྱབ། །དེ་ནི་ཁ་བརྒྱ་པ་ཞེས་བྱ། །ཁྲག་མཁྲིས་ལས་གྱུར་པགས་པ་རྣམས། །ཚ་ཞིང་
[310a.3]རིམས་བཅས་པགས་པ་སྨིན། །འདུས་པ་ལས་གྱུར་ཤ་རྣམས་ནི། །ཐམས་ཅད་ངན་པས་སྨིན་པ་ཡིན། །འབྲུམ་བུ་གནག་ཅིང་དམར་བ་ཡི། །འབྲུམ་བུ་དག་གིས་གནོད་འགྱུར་ཤིང་། །ཕོ་མཚན་ཤིན་ཏུ་ན་བ་གང་། །དེ་ནི་ཁྲག་གི་འབྲུམ་བུ་ཡིན། །ཤ་ཡི་མཛེར་པ་སྔར་
[310a.4]བཤད་དོ། །ཁོང་འབྲས་ནད་གཞི་གསུམ་ལས་སྐྱེས། །འདུས་པས་མཚན་ནི་རྣགས་གྱུར་ཅིང་། །ཤ་ནི་ནག་པོར་གྱུར་པ་དང་། །ཀུན་ནས་ཞིག་པར་བྱེད་པ་གང་། །དེ་ནི་ཏིལ་ནག་ཅེས་བརྗོད་བཤད། །ཤ་ལས་གྱུར་པའི་འབྲུམ་བུ་རྣགས། །ཁོང་འབྲས་ཏིལ་ནག་ཅེས་བྱ་བ། །
[310a.5]བཞི་པོ་འདི་དག་སྤང་བར་བྱ། །ལྷག་མ་རྣམས་ནི་མྱུར་དུ་གསོ། །ཁ་ཟས་གནོད་པ་ཟོས་པ་དང་། །མལ་སྟན་མི་བདེར་ཉལ་བ་དང་། །ཉལ་པོ་བསྟེན་ནི་དྲགས་པ་དང་། །ནང་ན་ནད་ཁྲག་སྨན་གནོད་དང་། །ས་བོན་ཉེས་པ་རྣམ་སྨིན་ལས། །མངལ་གྱི་ནད་ནི་
[310a.6]ཉི་ཤུར་འགྱུར། །རླུང་གིས་མངལ་ལ་གནོད་གྱུར་པས། །ན་ཟུག་ཡངས་ཤིང་ཚོར་བ་མེད། །གྲོག་མས་ཁྱབ་པ་སྙམ་དུ་སེམས། །སྲ་ཞིང་རྩུབ་པ་སྒྲ་དང་བཅས། །ཟླ་མཚན་སླ་ཞིང་ཝུ་བ་ཅན། །ཉུང་ཞིང་གནག་པ་འཛག་པར་བྱེད། །ཆུ་སོ་རྩིབ་ལོགས་ལྷོད་པ་དང་། །ན་ཞིང་རིམ་གྱིས་
[310a.7]སྐྲན་བསྐྱེད་ལ། །རང་རང་ཉེས་པ་དེ་དང་དེ། །དེ་ནི་རླུང་ཅན་ཡིན་ཞེས་བཤད། །དེ་ཉིད་ཤས་ཆེར་སྤྱད་ན་སྐྲང་། །བཅས་པ་ཉལ་པོ་དྲགས་ཞེས་བྱ། །ཤིན་ཏུ་གཞོན་ལ་འཁྲིག་པ་སྤྱད། །རྒྱབ་དང་ཆུ་སོ་བྱིན་པར་ནི། །ན་ཞིང་མངལ་ལ་གནོད་བྱེད་པ། །དེ་ནི་སྤྱད་སྔས་པ་ཞེས་བྱ། །
[310b]
[310b.1]ཤུགས་འཁྱིལ་བ་ཡི་མངལ་དུ་ནི། །རླུང་གིས་གནོད་པར་གྱུར་པ་ལས། །ཟླ་མཚན་ལྦུ་བ་ཅན་འབྱུང་བ། །འཁྱིལ་བ་ལྟ་བུར་སྣང་གྱུར་པ། །ནད་འདི་འཁྱིལ་པ་ཅན་ཞེས་བྱ། །གང་ཚེ་རླུང་ནི་རྩུབ་པོས་བུ། །སྐྱེ་ཞིང་སྐྱེ་ཞིང་གསོད་བྱེད་པ། །སྐྱེས་ནས་གསོད་པ་ཞེས་
[310b.2]བྱར་བཤད། །འགྲངས་དྲགས་མི་མཉམ་གནས་པར་ནི། །འདོད་པ་སྤྱད་པས་རླུང་འཁྲུགས་ཤིང་། །གཞན་གྱིས་གནོད་པར་གྱུར་པ་ལས། །མཚན་གྱི་བུ་ག་ཤ་རུས་ལ། །གནོད་གྱུར་མངལ་ནི་ཡོན་བོར་འགྱུར། །ན་གྱུར་ནང་དུ་ཁ་བལྟས་ཡིན། །ཁ་ཟས་རླུང་ཅན་བསྟེན་པ་ཡིས། །
[310b.3]ཟླ་མཚན་རླུང་གིས་གནོད་གྱུར་ཞིང་། །བུད་མེད་མོ་མཚན་ཞུམ་གྱུར་པར། །བྱེད་པ་དེ་ནི་ཁབས་མིག་ཡིན། །དུས་སུ་ཤུགས་བཀག་རླུང་འཕེལ་བས། །བཤང་དང་གཅི་བ་འགག་བྱེད་ཅིང་། །མོ་མཚན་སྐམ་པར་བྱེད་པ་དང་། །ཤས་ཆེར་ན་བ་མངལ་སྐམས་ཡིན། །ཞག་དྲུག་
[310b.4]གམ་ནི་ཞག་བདུན་ནས། །རླུང་གིས་མངལ་གནས་ཁུ་བ་འབྱིན། །ནད་བཅས་པའམ་ནད་མེད་པ། །དེ་ནི་ཁུ་བ་སློན་ཞེས་བྱ། །བུད་མེད་མངལ་དང་ས་བོན་གྱི། །ཉེས་པ་རླུང་གིས་གནོད་གྱུར་ཞིང་། །འཁྲིག་པར་མི་དགའ་ནུ་མ་མེད། །མ་ནིང་ཡིན་ཏེ་གསོར་མི་རུང་། །མངལ་གྱི་ནང་
[310b.5]དུ་རླུང་གིས་ནི། །གནོད་གྱུར་མོ་མཚན་ཁོང་ཁར་གནས། །བྱེ་བའམ་ལྷོད་པར་གྱུར་པ་དང་། །རླུང་ཅན་བཞིན་དུ་ན་གྱུར་པ། །ཤ་ནི་མཐོ་བར་གྱུར་པ་སྟེ། །མོ་མཚན་ཆེ་ནད་ཚབས་ཆེ་བྱ། །མཁྲིས་པ་མངལ་ན་གནས་པ་ཡི། །ནང་གི་ནད་གཞིས་གནོད་གྱུར་པ། །ཚ་བའམ་རྣག་
[310b.6]པར་བྱེད་འགྱུར་ཞིང་། །དྲི་མནམ་རིམས་ཀྱིས་འདེབས་པ་དང་། །ཤིན་ཏུ་ཚ་ཞིང་རོ་ལྟར་མནམ། །ཟླ་མཚན་སྔོ་ནག་སེར་པོར་འཛག །ནད་དེ་མཁྲིས་པ་ཅན་ཞེས་བྱ། །ཟླ་མཚན་ཆེར་འཛག་ཁྲག་ཅན་ཡིན། །བད་ཀན་སྐྱེད་པར་བྱེད་པ་ཡིས། །མོ་མཚན་གནོད་གྱུར་ན་བ་མེད། །གྲང་
[310b.7]ཞིང་དཀར་ལ་གཡའ་བ་དང་། །སྤྱིན་བག་ཏུ་ནི་འཛག་པར་བྱེད། །ནད་དེ་བད་ཀན་ལས་གྱུར་ཡིན། །རླུང་མཁྲིས་འཁྲུགས་པས་ཟླ་མཚན་ཟད། །ཚ་ཞིང་ལུས་སྐེམས་མདོག་མི་སྡུག །དེ་ནི་ཁྲག་ཟད་པ་ཞེས་བྱ། །མཁྲིས་པ་ཤས་ཆེ་ཉལ་པོ་བསྟེན། །སྒྲིད་པ་སྦྲིགས་པ་བཀག་པ་
[311a]
[311a.1]ལས། །མཁྲིས་པར་བཅས་པའི་རླུང་གིས་ནི། །མངལ་དུ་གནོད་པ་སྐྱེད་པར་འགྱུར། །སྐྲང་ཞིང་ཉམ་ཐག་རེག་མི་བཟོད། །ཟླ་མཚན་སྔོ་དང་སེར་པོར་འབྱུང་། །ཕོ་བའི་ལྟོ་ནི་ལྕི་བ་དང་། །འཁྲུ་ཞིང་ཡི་ག་འཆུས་པར་བྱེད། །ཆུ་སོ་བརླ་ནི་ན་ཞིང་ཟུག །
[311a.2]རིམས་སྐྱེད་ཡོངས་རྒྱས་ནད་ཅེས་བྱ། །རླུང་དང་བད་ཀན་ནད་ཀྱིས་ཁྱབ། །མངལ་ནས་སྐྱེ་ཞིང་སྤྱི་བག་འཛག །ཉེ་བར་འཛག་པ་ཞེས་བྱའོ། །སྲིན་བུ་སྐྱེས་ཤིང་གཡའ་བས་འདོད་པ་ལས། །རབ་གདུངས་དེ་ནི་རྣམ་པར་གཡེང་ཞེས་བྱ། །དུས་མིན་སྤྱོད་པར་གྱུར་པས་རླུང་། །བད་
[311a.3]ཀན་ཁྲག་དང་འདྲེས་གྱུར་ཏེ། །ཟླ་མཚན་ལམ་ནི་འགག་བྱེད་དེ། །མངལ་དུ་ལྟེ་བ་སྐྱེད་པར་བྱེད། །དེ་ནི་པདྨའི་སྙིང་པོ་ཡིན། །ནད་གཞི་གསུམ་ནི་མོ་མཚན་གྱི། །མངལ་ནས་རང་རང་གནོད་པ་སྐྱེད། །འདུས་པ་ལས་གྱུར་ཉེས་པ་ཡིན། །དེ་ལྟར་བུད་མེད་མངལ་ནད་ཀྱིས། །
[311a.4]ཁུ་བ་འཛིན་པར་མི་བྱེད་དེ། །དེས་ན་མངལ་དུ་བུ་མི་ཆགས། །མི་བཟད་ནད་ཀྱང་སྐྱེ་འགྱུར་ཞིང་། །ཁྲག་འབྱུང་གཞང་འབྲུམ་སྐྲན་ལ་སོགས། །རླུང་སོགས་ནད་ནི་ཀུན་སྐྱེད་བྱེད། །ཡན་ལག་བརྒྱད་པའི་སྙིང་པོ་བསྡུས་པ་ལས། །ཕྱི་མའི་གནས་ཀྱི་ལེའུ་སུམ་ཅུ་གསུམ་པའོ།། །།
[311a.5]དེ་ནས་གསང་བའི་གནས་ཀྱི་ནད་གསོ་བའི་ལེའུ་བཤད་པར་བྱའོ། །སོས་འཛིན་འདྲ་བ་གསར་བྱུང་ལ། །ཕོ་མཚན་དབུས་ན་གཏར་ག་གདབ། །བསིལ་བའི་གསོ་བས་སྦྱང་བར་བྱ། །ཁྱད་པར་དུ་ནི་བཀྲུ་སྨན་གཏང་། །སྨིན་ན་ཏིལ་གྱི་ལྡེ་གུ་ནི། །སྦྲང་རྩི་མར་དང་བཅས་པ་བསྐུ། །
[311a.6]འཛམ་བུ་ཨ་མྲ་ཀླུ་ཤིང་དང་། །ནིམ་པ་ཀམ་པོ་ཛའི་མྱུ་གུ། །རྒྱ་ཤུག་བིལ་བ་ས་ལི་ཀ །རྒྱ་སྐྱེགས་ཏིལ་ནི་ཤ་ཡི་ཤུན། །འོ་མ་ཅན་གྱི་ཤིང་གི་ཤུན། །འབྲས་བུ་གསུམ་ནི་ཆུར་བསྐོལ་བའི། །ཁུ་བ་དེས་ནི་བཀྲུ་བ་དང་། །དེ་བསྐོལ་ཏིལ་མར་གྱིས་རྨ་འཚོབ། །སྤངས་མ་སེང་
[311a.7]ཕྲོམ་བཙག་ཡུག་སྣམ། །སུག་སྨེལ་ལྡོང་རོས་བ་བླ་དང་། །ནག་ཚུར་རྒྱ་སྐྱེགས་སྐྱེར་ཁཎྜ། །རྒྱམ་ཚ་ཧ་རེ་ཎུ་ཀ་ཡི། །ཕྱེ་མ་སྦྲང་རྩི་སྦྱར་བས་བསྐུ། །སོས་འཛིན་ལྟ་བུའི་རྨ་འཚོབ་བྱེད། །ཁམ་ཕོར་སྦྱར་བར་འབྲས་བུ་གསུམ། །བསྲེགས་པ་མར་བཅས་རྨ་འཚོབ་བྱེད། །འདི་ནི་སྤྱི་
[311b]
[311b.1]ཡི་གསོ་བ་ཡིན། །རེ་རེ་སྐྲང་པ་ལྟ་བུར་གསོ། །སྨན་པས་ཅི་ནས་རྣགས་པར་ནི། །མི་འགྱུར་དེ་ལྟར་འབད་པར་བྱ། །རྣགས་ན་རྒྱུས་པ་རྩ་དང་ཤ། །ཞིག་པས་ཕོ་མཚན་མ་རུངས་འགྱུར། །འབྲུམ་པ་བཅད་དང་བསྲེགས་པ་ཡི། །གསོ་བ་སོ་ས་འཛིན་ལྟ་བུར་བྱ། །བྲུད་ནས་ཡུངས་
[311b.2]ཀར་ཕྱེ་ཞིབ་དང་། །བསྐོལ་སྨན་ཕྱེ་མས་གདབ་པར་བྱ། །ཏིལ་མར་དེ་ཉིད་ཀྱིས་བསྐུ་ཞིང་། །རྨ་འཚོ་བ་པ་ཡི་གསོ་བ་བྱ། །མཉེ་གསོ་བ་ནི་འདི་ཉིད་བྱ། །དེ་དག་གཉི་གར་གཏར་ག་གདབ། །ཁོང་སྟོང་ལ་ནི་གཏར་ག་བྱ། །རྣགས་ལ་རྨ་ནི་དག་པར་བྱ། །ཏིན་དུ་ཀ་དང་འབྲས་བུ་གསུམ། །
[311b.3]སེང་ཕྲོམ་ལྡེ་གུ་ཏིལ་མར་བསྐུ། །འབྲས་བྱེར་ལ་ནི་གཏར་ག་གདབ། །གསོ་བའི་རིམ་པ་འདི་ཉིད་བྱ། །མཆོག་ཅེས་བྱ་བའི་འབྲུམ་བུ་ནི། །བརྟོལ་ཏེ་ལྕགས་ཀྱུས་བླངས་ཏེ་བཅད། །ལྡེ་གུ་ཕྱེ་མ་སྨན་ཁུ་ནི། །སྦྲང་རྩིར་བཅས་པས་གསོ་བར་བྱ། །མཉེ་དང་པདྨ་ཅན་ལ་ནི། །མཁྲིས་
[311b.4]པའི་མེ་དབལ་གསོ་བར་བྱ། །པགས་སྨིན་ཚོར་བ་མེད་པ་ལའང་། །ཕོ་མོའི་གསོ་བ་འདི་ཉིད་བྱ། །མཉེ་ལ་དུགས་ནི་བྱ་བ་དང་། །བ་ལའི་སྨན་མར་དྲོ་འཇམ་བླུགས། །མངར་བའི་སྨན་སྦྱར་དཀྲི་དུགས་བྱ། །གཏུན་ཤིང་འདྲ་ལ་གཏར་ག་གདབ། །བད་ཀན་རྨེན་བུ་ལྟ་བུར་གསོ། །
[311b.5]པགས་པ་ལྡོག་ལ་མར་གྱིས་བསྐུ། །ས་ལྦ་ལ་སོགས་སྣུམ་གྱུར་པས། །ཞག་གསུམ་མམ་ནི་ཞག་ལྔ་རུ། །དཀྲི་བའི་ལས་ནི་སྤྱད་པར་བྱ། །དུགས་བྱ་དེ་ཡི་འོག་ཏུ་ནི། །སྣུམ་གྱུར་པགས་པ་དྲང་བར་བྱ། །ནོར་བུ་རིམ་གྱིས་བཙིར་ནས་ནི། །ཆུད་ནས་ཉེ་བར་དཀྲི་བར་བྱ། །ནོར་བུ་ཡང་ཡང་སྣུམ་ཆོས་བྱ། །
[311b.6]ཁ་ཟས་སྣུམ་ཅན་སྦྱིན་པའང་ཕན། །གས་པ་ལ་ཡང་ཆོ་ག་ཡི། །རིམ་པ་ཇི་བཞིན་བྱས་པའང་ཕན། །འགགས་པ་སྦུ་གུ་ཁ་གཉིས་པ། །རྒྱ་སྐྱེགས་ཀྱིས་ནི་དཀྲིས་པ་ལ། །སྣུམ་བསྐུས་བུ་གར་བཅུག་ནས་ནི། །རླུང་འཇོམས་སྣུམ་ནི་བླུགས་པར་བྱ། །སྦུ་གུ་ཞག་ནི་
[311b.7]གསུམ་གསུམ་ནས། །ལེགས་པར་བསྐྱེད་དེ་སྤང་བར་བྱ། །སྦུ་གུའི་སྦྱོར་བས་མ་གྲུབ་ན། །མཁས་པས་མདོམས་ཀྱི་སྲུབས་ཅན་ནི། །བོར་ཏེ་མཚོན་གྱིས་དྲལ་ནས་ཀྱང་། །དེ་འོག་རྨ་གསར་ཆོ་ག་བྱ། །རྨེན་བུར་སྦུ་གུའི་དུགས་བྱས་ལ། །
[312a]
[312a.1]སྣུམ་ཞིང་དྲོ་བས་དཀྲི་བར་བྱ། །ཁ་བརྒྱ་པ་ནི་བཞར་ནས་ཀྱང་། །བསྐ་བ་སྦྲང་རྩི་སྦྱར་བས་བསྐུ། །ཁྲག་གི་འབྲུམ་བུ་ཁྲག་གི་ནི། །ཁོང་འབྲས་བཞིན་དུ་གསོ་བར་བྱ། །ཀུན་ལ་རྨ་ཡི་གསོ་བ་ནི། །གནས་སྐབས་ཇི་བཞིན་སྦྱར་བར་བྱ། །མངལ་གྱི་
[312a.2]ནད་ལ་མང་དུ་ནི། །སྣུམ་ཆོས་དུགས་དང་མས་གཏོང་སོགས། །རླུང་འཇོམས་པ་ཡི་གསོ་བ་བསྔགས། །རླུང་ལས་གྱུར་ལ་མཆོག་ཏུ་སྦྱར། །བུད་མེད་ཀྱི་ནི་མངལ་གྱི་ནད། །རླུང་མ་གཏོགས་པར་འབྱུང་མི་འགྱུར། །དེ་བས་རླུང་ནི་བསལ་བྱས་ལ། །ནད་གཞན་གྱིས་ནི་གསོ་སྨན་
[312a.3]བྱ། །བ་ལའི་ཏིལ་མར་བླུད་བྱ་ཞིང་། །འདྲེན་མ་སྐྱེ་དེའི་འོ་མ་བླུད། །སྣུམ་ཆོས་དུགས་ནི་བྱས་ཏེ་མངལ། །ཉེས་པར་གནས་པ་མཉམ་དུ་གཞག །ཡོན་པོ་ལག་པས་དྲང་པོར་བསྲང་། །ཞུམ་པ་སླར་ནི་བསྐྱེད་པར་བྱ། །བྱུང་བ་སླར་ནི་གཞུག་བྱ་ཞིང་། །གྱེས་པ་ཡོངས་སུ་བཟློག་
[312a.4]པར་བྱ། །མངལ་ནི་གནས་ནས་གཡོས་གྱུར་པ། །བུད་མེད་ཟུག་རྔུར་གྱུར་པར་འདོད། །བུད་མེད་ལ་ནི་སློན་སྨན་སོགས། །འཇམ་པོ་ཡོངས་སུ་སྦྱར་བར་བྱ། །རྣམ་པ་ཀུན་ཏུ་དག་གྱུར་ནས། །འཇམ་རྩི་བསྐུ་བྱུག་སྨན་ཁུ་བླུགས། །བྱུགས་དང་ཡེའུ་གཞུག་ལ་སོགས། །གསོ་
[312a.5]བའི་ལས་ནི་ལྷག་མ་སྤྱད། །རྒུན་འབྲུམ་ཏང་པལ་འབྲས་བུ་གསུམ། །ཀ་ས་མར་ད་སེར་པོ་གཉིས། །སླེ་ཏྲེས་ཉེའུ་ཤིང་ཤེརྱ་ཀ །ཤུ་ཀ་ན་ས་བ་སྤྲུ་བ། །པ་རུ་ཤ་ཀ་ཞོ་གཉིས་གཉིས། །མར་ནི་བྲེ་གང་བཅས་པར་བསྐོལ། །དེ་བླུད་མངལ་གྱི་རླུང་ནད་དང་། །བུ་སྐྱེད་
[312a.6]བྱེད་པའི་མཆོག་ཡིན་ནོ། །ཟི་ར་གོ་སྙོད་པི་པི་ལིང་། །ཤུ་དག་རྒྱམ་ཚ་བ་ཤ་ཀ །ནས་ཚིག་འཁུས་ཐལ་ཏི་མུས། །ཙི་ཏྲ་ཀ་དང་ཁ་རར་བཅས། །བཏགས་ཏེ་ཆང་གི་དངས་མར་སྦྱར། །མར་བརྔོས་དེ་ནི་བྱིན་གྱུར་ན། །མངལ་ནད་རྩིབ་ལོགས་སྙིང་ནད་དང་། །སྐྲངས་དང་གཞང་
[312a.7]འབྲུམ་སེལ་བར་བྱེད། །ཁ་ལུང་ཁུ་བ་ཀ་ཤའི་རྩ་བ། །ཟི་ར་ནག་པོ་གོ་སྙོད་དང་། །སེན་རྩི་རྒྱམ་ཚའི་ཕྱེ་མ་ནི། །ཆང་དང་སྦྱར་ཏེ་བླུད་པར་བྱ། །ར་སྣ་གཟེ་མ་བ་ཤ་ཀ །བསྐོལ་བ་གཟེར་འཇོམས་མཆོག་ཡིན་ནོ། །སླེ་ཏྲེས་དན་དང་འབྲས་བུ་གསུམ། །བསྐོལ་བའི་ཁུ་བའང་
[312b]
[312b.1]བླུགས་པར་བྱ། །རྒྱ་སྤོས་ཀཎྜ་ཀ་རི་དང་། །རུ་རྟ་རྒྱམ་ཚ་ཐང་ཤིང་རྣམས། །བསྐོལ་བའི་ཁུ་བ་ཏིལ་མར་བསྐོལ། །སྦངས་པའི་ཡེའུས་མངལ་ནད་སེལ། །མངལ་ནད་མཁྲིས་པ་ལས་གྱུར་པ། །ཆུ་བླུགས་བསྐུ་བྱུག་ཡེའུ་ཡིས། །གསོ་བ་བསིལ་ཞིང་མཁྲིས་འཇོམས་པ། །སྣུམ་
[312b.2]ཆོས་དོན་དུ་མར་གྱིས་བྱ། །ཉེའུ་ཤིང་རྩ་བ་སྲང་བཞི་བརྒྱ། །བརྡུངས་ཏེ་བཙིར་བའི་ཁུ་བ་དང་། །འོ་མ་དེ་མཉམ་མར་བྲེ་ནི། །བཞི་ཡི་ནང་དུ་བསྐོལ་བར་བྱ། །འཚོ་བྱེད་སྡེ་ཚན་ཉེའུ་ཤིང་དང་། །པ་རུ་ཤ་ཀ་རྒུན་འབྲུམ་དང་། །པི་ལ་ཡ་དང་བ་ལ་གཉིས། །ཤིང་མངར་ཞོ་ནི་གཉིས་
[312b.3]གཉིས་ཕྱེ། །བསྐོལ་ཏེ་བསྒྲངས་པར་སྦྲང་རྩི་དང་། །པི་པི་ལིང་ནི་སྲང་བརྒྱད་བརྒྱད། །ཀ་ར་དཀར་པོ་སྲང་བཅུ་གཞུག །དེ་ལས་སྲང་ནི་ཕྱེད་ཕྱེད་སྦྱིན། །མངལ་ཁྲག་ཁུ་བའི་ནད་སེལ་ཞིང་། །རོ་ཙ་བུ་སྐྱེད་བྱེད་མཆོག་ཡིན། །གློ་རྡོལ་ཟང་བྱེད་ཁྲག་མཁྲིས་དང་། །ལུད་པ་དབུགས་
[312b.4]མི་བདེ་བ་དང་། །མིག་སེར་རླུང་དང་ཁྲག་དང་ནི། །མེ་དབལ་དང་ནི་སྙིང་ནད་དང་། །བརྗེད་བྱེད་ཀྱིས་ཉེན་ད་རྒན་དང་། །མྱོས་བྱེད་སྐེམ་བྱེད་འཇོམས་པར་བྱེད། །དེ་བཞིན་འོ་མ་ཞུན་མར་དང་། །འཚོ་བྱེད་སྡེ་ཚན་བསྐོལ་བ་ནི། །བུ་སྐྱེད་མཁྲིས་པ་ལས་གྱུར་པའི། །མངལ་ནད་སེལ་
[312b.5]བའི་དམ་པ་ཡིན། །བ་ལ་བྲེ་ནི་སུམ་ཅུ་གཉིས། །བསྐོལ་བའི་ཏིལ་མར་མར་བྲེ་བཞི། །འོ་མ་བཞི་འགྱུར་པི་པི་ལིང་། །ཀ་ཀ་མ་སི་ཀ་ར་དཀར། །ཛི་བན་ཏི་དང་རམ་ཉེ་བ། །སྠི་ར་ཉེ་ཤིང་ཟི་ར་གཉིས། །མོན་སྲན་གྲེའུ་པ་ཡ་སྱ། །མ་ཤ་པརྞི་སྲ་བ་ནི། །པི་ལུའི་ལོ་མ་ལྷན་
[312b.6]ཅིག་བསྐོལ། །བླུད་ན་རླུང་མཁྲིས་ལས་གྱུར་པའི། །མངལ་ནད་སེལ་ཞིང་བུ་སྐྱེད་བྱེད། །ཁྲག་གི་མངལ་ནད་ཁྲག་མདོག་ལས། །རྗེས་སུ་འབྲེལ་བ་བརྟགས་ནས་ཀྱང་། །ནད་གཞི་བསགས་པའི་ཚུལ་ལས་ནི། །ཁྲག་བཅད་པ་ཡི་སྨན་གཏང་བྱ། །ཤིང་མངར་སྦྲང་རྩི་ཆུ་ཤིང་རྩ། །
[312b.7]ཏ་ལའི་ས་བོན་སྐྱེར་པའི་རྩ། །པྲི་ཡང་ཀུ་དང་འབྲས་དྲུས་ཆུ། །སྦྱར་བ་བླུད་ན་ཁྲག་འཛག་པ། །མདོག་སྐྱ་དམར་པོ་སེལ་བར་བྱེད། །པ་ཐ་འཛམ་བུ་ཨ་མྲ་ཡི། །ཚི་གུ་དང་ནི་བྲག་ཞུན་དང་། །སྐྱེར་པའི་ཁཎྜ་ཨཾ་བཥྚ། །བཙོད་དང་ཤལ་མ་ལིའི་ཐང་ཆུ། །དུག་མོ་ཉུང་གི་ཤུན་
[313a]
[313a.1]ལྤགས་དང་། །གུར་གུམ་བིལ་བ་བོང་ང་དཀར། །སེང་ཕྲོམ་གླ་སྒང་བཙག་ཡུག་སྣམ། །ཤིང་མངར་ཙནྡན་དམར་པོ་དང་། །ཀད་པ་ལ་དང་ཙ་མ་ཀ །ཀ་ཊང་ཀ་དང་དུག་མོ་ཉུང་། །བྱི་ཚེར་བ་དང་ད་ཏ་ཀི། །མ་དུ་ཀ་དང་སྟང་ཟིལ་ནི། །སྐར་མ་རྒྱལ་ལ་
[313a.2]བབ་པ་ན། །བཏུས་ཤིང་བཏགས་ཏེ་སྦྲང་རྩི་དང་། །འབྲས་ཀྱི་ཆུར་སྦྱར་བླུད་ན་ནི། །གཞང་འབྲུམ་ཚད་པར་འཁྲུ་བ་དང་། །གང་ཡང་ཁྲག་ཏུ་འཁྲུ་བ་དང་། །གང་ཡང་སྲིན་བུའི་ནད་རྣམས་དང་། །བྱིས་པའི་ནད་གང་ཡིན་པ་འཇོམས། །མངལ་གྱི་ནད་དང་ཟླ་མཚན་ནད། །གནག་ཅིང་
[313a.3]དཀར་དང་དམར་བ་སེལ། །ཕྱེ་མ་རྒྱལ་གྱི་རྗེས་འགྲོ་བ། །ཕན་ཞེས་རྒྱུན་ཤེས་བུ་ཡིས་བཤད། །བད་ཀན་ལས་གྱུར་མངལ་ནད་ལ། །རྩུབ་དང་དྲོ་བའི་སྨན་ཀུན་སྦྱར། །སྐྱུ་རུའི་ལོ་མ་ད་ཏ་ཀི །ཤིང་མངར་ཨུཏྤལ་ལིག་བུ་མིག །འཛམ་བུ་ཨ་མྲའི་ཚི་གུ་དང་། །སེང་ཕྲོམ་ས་ནག་ཀང་
[313a.4]པ་ལ། །སེའུ་འབྲུ་ཤིང་ཚ་ཏིན་དུ་ཀ །ཨུ་དུམ་བཱ་ར་བིལ་བ་གཞོན། །ཞོ་ནི་གཉིས་གཉིས་བཏགས་པའི་ཕྱེ། །ར་གཅིན་འོ་མ་ཉིས་འགྱུར་དང་། །ཏིལ་མར་བྲེ་གང་བསྐོལ་བར་བྱ། །དེ་བསྐུ་བ་དང་འཇམ་རྩི་དང་། །རས་བལ་ཡེའུས་གཞུག་པར་བྱ། །སྐྲང་ཞིང་ཕྱིར་ལོག་མཐོ་ཞིང་
[313a.5]སྲ། །དེ་བཞིན་སྤྱི་བག་འཛག་པ་དང་། །ཕྱིར་འབུར་ནང་དུ་ཞུམ་པ་དང་། །འབྲུམ་བུ་གཟེར་དང་བཅས་ལ་ཕན། །ནས་ཟན་ཨ་རུ་སྦྱར་ཆང་དང་། །བུ་རམ་ཆང་དང་ཏིལ་མར་བསྟེན། །པི་པི་ལིང་དང་ལྕགས་ཕྱེ་དང་། །ཨ་རུར་སྦྱོར་སྦྲང་རྩི་ཕན། །ནག་ཚུར་རྒྱམ་ཚ་འབྲས་བུ་གསུམ། །ཨ་
[313a.6]མྲ་འཛམ་བུའི་ཚི་གུ་བཅས། །ད་ཏ་ཀའི་ཕྱེ་སྦྲང་རྩིར་སྦྱར། །སྤྱི་བག་འཛག་པ་དག་པར་བྱེད། །རྒྱ་སྐྱེགས་འཛམ་བུ་ད་ཏ་ཀི །སོ་མ་ར་ཛ་ལ་མང་གི། །སྲ་རྩི་པོག་གི་ཕྱེ་མ་ཡིས། །དྲི་མི་ཞིམ་དང་སྤྱི་བག་འཛག །རྣགས་ཤིང་སྲ་བ་སེལ་བར་བྱེད། །དོང་ག་ལ་སོགས་སྡེ་ཚན་ནི། །
[313a.7]བསྐོལ་བའི་ཁུ་བ་བླུགས་པར་བྱ། །སྲ་ཞིང་རྩུབ་པར་གྱུར་པ་ལ། །མཉེན་པའི་ཆོ་ག་བྱ་བ་དང་། །ཤ་བརྡུངས་པ་ཡིས་གླན་པ་དང་། །ཀྲི་ས་ར་དང་འོ་ཐུག་གཞུང་། །དྲི་ངར་ཏིལ་མར་དྲི་ཞིམ་པའམ། །ལྡེ་གུ་དྲི་ཞིམ་བསྐུ་བའམ། །དྲི་བཟངས་ཀུན་གྱི་ཕྱེ་མའམ། །རུལ་བའི་དྲི་ནི་སེལ་བྱེད་
[313b]
[313b.1]གཞུག །བད་ཀན་ཅན་ལ་ཕལ་ཆེར་སྨན། །ཚ་བ་བ་གཅིན་མས་གཏོང་ཕན། །མཁྲིས་པ་ཤིང་མངར་འོ་མར་བཅས། །རླུང་གྱུར་སྐྱུར་བཅས་ཏིལ་མར་ཕན། །འདུས་པ་ལས་གྱུར་ནད་ལ་ནི། །ཐུན་མོང་གིས་ནི་གསོ་བ་ཕན། །དེ་ལྟར་མངལ་ནི་དག་གྱུར་ན། །ས་བོན་སྐྱོན་མེད་ཐ་མལ་
[313b.2]བར། །རྣམ་པར་ཤེས་པ་འཇུག་པས་ན། །བུད་མེད་ལ་ནི་བུ་ཆགས་འགྱུར། །སྐྱེས་པ་ཡི་ནི་དབང་པོ་ཡང་། །ལས་རྣམ་ལྔ་ཡིས་དག་བྱ་ཞིང་། །མདོག་ལས་ནད་གཞི་བརྟགས་ནས་ནི། །ནད་བཅས་དེ་འཇོམས་སྨན་གྱིས་གསོ། །རུ་རྟ་རྒྱ་སྤོས་ཤུ་དག་བཅོད། །འབྲས་བུ་གསུམ་དང་ཀར་དཀར། །
[313b.3]ཤིང་མངར་མེ་ད་སེར་པོ་གཉིས། །ལ་ལ་ཕུད་དང་པུ་ཙེ་ཤེལ། །ཤིང་མངར་རམ་ཉེ་པ་ཡ་སྱ། །ཨ་ཤྭ་གནྡྷ་ཉེའུ་ཤིང་པ། །ཞོ་ནི་གཉིས་གཉིས་བཏགས་པའི་ཕྱེ། །མར་བྲེ་གང་དང་འོ་མ་ནི། །བཞི་འགྱུར་བཅས་པ་བསྐོལ་བར་བྱ། །བླུད་ན་མངལ་དང་ཁུ་བ་ཡི། །ཉེས་པ་ཐམས་
[313b.4]ཅད་སེལ་བྱེད་ཅིང་། །ཚེ་རིང་ལུས་ནི་རྒྱས་བྱེད་ལ། །ཡིད་གཞུངས་པ་དང་བཀྲ་ཤིས་དང་། །བུ་སྐྱེད་པར་ནི་བྱེད་མཆོག་ཡིན། །འབྲས་བུའི་སྨན་མར་ཞེས་བྱར་བཤད། །ཟླ་མཚན་རྒྱུ་ཚེ་འཐུངས་གྱུར་ན། །བུ་ནི་འཆི་བར་བྱེད་པ་ཡང་། །འཚོ་ཞིང་སྦྲུམ་མ་རྣམས་ལ་བསྔགས། །འདི་ནི་
[313b.5]མཆོག་ཏུ་བྱིས་པ་ཡི། །ལུས་རྒྱས་གདོན་འཇོམས་བྱེད་པ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། །ཕྱི་མའི་གནས་ཀྱི་ལེའུ་སུམ་ཅུ་རྩ་བཞི་པའོ།། །།ཡན་ལག་བརྒྱད་པའི་སྙིང་པོ་བསྡུས་པ་ལས། །མཚོན་སྤྱད་ཀྱིས་གསོ་བའི་ཡན་ལག་རྫོགས་སོ།། །།
[313b.6]དེ་ནས་དུག་ནད་གསོ་བ་བཤད་པར་བྱའོ། །སྔོན་ནི་ལྷ་དང་ལྷ་མ་ཡིན། །བདུད་རྩི་འདོད་པས་བསྲུབས་པ་ན། །བདུད་རྩི་འབྱུང་བའི་སྔོན་རོལ་དུ། །སྐྱེས་བུ་ཤིན་ཏུ་འཇིགས་པའི་གཟུགས། །མཆེ་བ་བཞི་པ་གཟི་བརྗིད་འབར། །སྐྲ་སེར་མིག་ནི་མེ་འབར་བ། །དེ་མཐོང་འགྲོ་བ་སྡུག་བསྔལ་གྱུར། །
[313b.7]དེས་ན་འདི་ནི་དུག་ཅེས་བྱ། །ཚངས་པས་ཧཱུཾ་ཞེས་བརྗོད་པ་དང་། །བསླུ་བའི་བདག་ཉིད་ཅན་སྤངས་ཏེ། །གཟུགས་དེ་རྒྱུ་དང་མི་རྒྱུ་བའི། །གཟུགས་ལ་དེན་ཞུགས་པར་གྱུར། །བརྟན་དུག་ནུས་པ་མི་བཟད་པར། །སྡོང་བུ་ལ་ནི་གནས་པ་གང་། །ཀ་ལ་ཀུ་ཏ་དབང་པོའི་བུ། །བཙན་དུག་ཧ་ལ་ཧ་
[314a]
[314a.1]ལ་སོགས། །རྒྱུ་བའི་དུག་ནི་མི་བཟད་གྱུར། །སྤྲུལ་དང་ཕག་དང་མཆེ་བ་ཅན། །རྒྱུ་བ་དང་ནི་མི་རྒྱུ་བའི། །བཅོས་མ་མ་ཡིན་དུག་ཏུ་བཤད། །བཅོས་མ་སྣ་ཚོགས་སྨན་ལ་ནི། །སྦྱར་བ་སྦྱར་བའི་དུག་ཅེས་བྱ། །དེ་ནི་སྦྱོར་བའི་དབང་ལས་ནི། །ཤིན་ཏུ་རིང་
[314a.2]ནས་གསོད་པའམ། །སྐྲང་དང་སྐྱ་རྦབ་དམུ་རྫིང་དང་། །སྨྱོ་བྱེད་གཞང་འབྲུམ་ལ་སོགས་བསྐྱེད། །རྣོ་དྲོ་རྩུབ་ཅིང་དང་བ་དང་། །ཁྱབ་ཅིང་མྱུར་གསོད་ཡང་བ་དང་། །འདར་ཞིང་བྲ་ལ་རོ་མི་གསལ། །འཇུ་བར་མི་བྱེད་པ་ཡིན་ནོ། །རྣོ་སོགས་ཡོན་ཏན་དང་ལྡན་པས། །དེ་ནི་མདངས་ལས་གོ་
[314a.3]བཟློག་ཡིན། །མི་ནི་རླུང་མཁྲིས་ཤས་ཆེ་བ། །སྲོག་ནི་འཕྲལ་དུ་འཕྲོག་པར་བྱེད། །དུག་གིས་ལུས་སུ་ཕྱིན་པ་དང་། །དང་པོར་ཁྲག་ལ་གནོད་པར་བྱེད། །བད་ཀན་མཁྲིས་པ་རླུང་རྗེས་ལ། །ནད་གཞི་གྲོགས་དང་ལྷན་ཅིག་འབྱུང་། །དེ་ནས་སྙིང་ལ་གནས་ནས་ནི། །ལུས་ལ་གནོད་
[314a.4]པར་བྱེད་པར་འགྱུར། །མི་རྒྱུའི་དུག་ནི་བཏང་གྱུར་ན། །ལྕེ་གནག་ལུས་ནི་རེངས་པ་དང་། །བརྒྱལ་དང་སློན་དང་སྡང་དང་ངལ། །གནས་སྐབས་དང་པོར་འབྱུང་བར་འགྱུར། །གཉིས་པར་འདར་ཞིང་རྔུལ་བ་དང་། །ཚ་ཞིང་ལྐོག་མ་ན་བ་དང་། །དུག་གིས་མ་ཞུའི་གནས་ཕྱིན་ན། །སྙིང་ནི་
[314a.5]ན་བར་བྱེད་པར་འགྱུར། །གསུམ་པར་རྐན་ནི་བསྐམས་པ་དང་། །མ་ཞུའི་གནས་སུ་ཤིན་ཏུ་གཟེར། །དེའི་མིག་ཉམ་ཆུང་སེར་བ་དང་། །སྐྲང་བ་ཉིད་དུ་འགྱུར་བ་དང་། །ཞུ་བའི་གནས་ཕྱིན་ཟུག་པ་དང་། །སྐྱིགས་བུ་ལུད་པ་རྒྱུ་མ་འཁྲུག །དུག་གི་ཤུགས་ནི་བཞི་པ་ལ། །མགོ་བོ་ལྷག་
[314a.6]པར་ལྕི་བར་འགྱུར། །ལྔ་པར་མཆིལ་སྣབས་འཛག་པ་དང་། །ལྷུ་ཚིགས་ན་བ་འབྱུང་འགྱུར་ལ། །མདོག་མི་སྡུག་ཅིང་ནད་ཀུན་འཁྲུག །ཞུ་བའི་གནས་ཀྱི་འོག་ཏུ་ན། །དྲུག་པར་འདུ་ཤེས་ཉམས་པ་དང་། །ཤིན་ཏུ་འཁྲུལ་བར་བྱེད་པར་འགྱུར། །བདུན་པར་ཕྲག་གོང་སྒལ་ཚིགས་དང་། །
[314a.7]དཔྱི་ཚིགས་བྱེ་ན་འཆི་འགྱུར་ཡིན། །དུག་གི་ཤུགས་ནི་དང་པོ་ལ། །སློན་ཞིང་ཆུ་གྲང་དག་གིས་གཏོར། །མར་དང་སྦྲང་རྩིར་བཅས་པ་ཡི། །དུག་གི་སྨན་ནི་མྱུར་དུ་བླུད། །གཉིས་པར་སྐྱུག་སྨན་བཀྲུ་སྨན་གཏང་། །སྔ་མ་བཞིན་དུ་དུག་སྨན་བླུད། །གསུམ་པར་དུག་གི་སྨན་བླུད་ཅིང་། །དེ་
[314b]
[314b.1]བཞིན་མིག་སྨན་སྣ་སྨན་གཏང་། །བཞི་པར་སྣུམ་དང་བཅས་པ་ཡི། །དུག་གི་སྨན་ནི་བཏང་ན་ཕན། །ལྔ་པར་ཤིང་མངར་ཁུ་བ་དང་། །སྦྲང་རྩིར་སྦྱར་བ་བླུད་ན་ཕན། །དྲུག་པར་འཁྲུ་བ་ལྟ་བུར་གསོ། །བདུན་པར་སྣ་སྨན་དུད་པ་དང་། །སྤྱི་བོར་རྒྱ་གྲམ་བྱས་ནས་ནི། །ཤའམ་ཁྲག་ནི་གཞུག་
[314b.2]པར་བྱ། །ཀོ་ཤ་ཏ་ཀི་ལང་ག་ལི། །པ་ཐ་ལྕམ་པ་ཨ་རུ་ར། །སཱ་ལུ་སླེ་ཏྲེས་ཤི་རི་ཤ །གི་རི་ཀར་ནི་ཡུང་བ་དང་། །ཧ་ཡང་སྦྲང་རྩི་བ་སྤྲུ་བ། །བྲི་ཧ་ཏི་གཉིས་ཚ་བ་གསུམ། །ཤ་རི་བ་དང་བ་ལ་སྟེ། །འདི་རྣམས་བསྐོལ་བའི་ཁུ་བ་དང་། །བསྐོལ་བའི་ནས་ཐུག་བསྒྲངས་པར་ནི། །སྦྲང་
[314b.3]རྩི་མར་དང་བཅས་པ་གཞུག །གནས་སྐབས་གཞན་ལ་དུག་འཇོམས་པའི། །སྨན་དང་གསོ་བ་ཐམས་ཅད་བྱ། །ཤིང་མངར་ཙནྡན་མ་དུ་ཀ །པདྨ་གེ་སར་དེ་བཞིན་བྱ། །དངུལ་རྡོ་རྒྱ་སྤོས་རུ་རྟ་དང་། །བ་བླ་ལྡོང་རོས་པྲི་ཡང་ཀུ། །ཚ་བ་གསུམ་དང་འབུ་སུ་ཧང་། །ནཱ་ག་པུཥྤ་གེ་སར་
[314b.4]བཅས། །ཤིང་མངར་སྤང་སྤོས་ཧ་རེ་ཎུ། །གི་ཝང་མོན་སྣེའུ་རྨེ་རུ་དང་། །ཤི་རི་བེཥྚ་སྲ་རྩི་པོག །ཤུ་ཏི་གུར་གུམ་བ་ལ་དང་། །བལ་བུ་ཏ་མ་ལའི་ལོ་མ། །སྟག་པ་དང་ནི་པུ་ཤེལ་ཙེ། །སེར་པོ་གཉིས་ནི་སྦྲང་རྩིར་སྦྱར། །བུ་མོ་ཁྲུས་དང་སྨྱུང་བ་བྱས། །གོས་དཀར་བགོས་པ་བྱས་ནས་ནི། །
[314b.5]དགེ་སྦྱོང་བྲམ་ཟེ་མཆོད་བྱས་ཏེ། །དུག་སྨན་མཆོག་ནི་སྦྱར་བར་བྱ། །དེ་ཚེ་སྨན་པས་སྔགས་འདིས་ནི། །བདག་ཉིད་བསྔགས་ཏེ་བརྗོད་པར་བྱ། །སྐྱེས་བུ་སེང་གེར་ཕྱག་འཚལ་ལོ། །སྲེད་མེད་བུ་ལ་ཕྱག་འཚལ་ལོ། །ཇི་ལྟར་ཁྱབ་འཇུག་གཡུལ་ངོར་ནི། །གཞན་གྱིས་ཕམ་པར་མ་མཐོང་སྟེ། །
[314b.6]བདེན་པའི་ཚིག་ནི་འདི་ཡིས་ཀྱང་། །བདག་ལ་དུག་མེད་གྲུབ་པར་ཤོག །ན་མོ་བེེ་ཌཱུརྱ་མ་དེ། །ཧུ་ཊུ་ཧུ་ཊུ་རཀྵ་མཾ། སརྦ་བི་ཥེ་བྷྱཿགཽ་རི། གནྡྷ་རི། ཙཎྜ་ལི། མཏང་གི་སྭཱ་ཧཱ། །འཐག་པའི་སྔགས་གཉིས་པ་ནི། །ཧ་རི་མཱ་ཡེ་སྭ་ཧཱ། །བ་ཧ་མཱ་ཡེ་སྭཱ་ཧཱ། །མ་ལུས་དུག་དང་རོ་ལངས་དང་། །གདོན་གྱི་ལས་དང་སྡིག་པ་
[314b.7]དང་། །གསོད་བྱེད་ནད་དང་མུ་གེ་དང་། །འཐབ་པར་འདོད་དང་འཇིགས་པ་ལ། །སྨན་བཏུང་སྣ་སྨན་མིག་སྨན་བསྐུ། །གདུ་བུ་ལ་སོགས་ལ་སྦྱར་བྱ། །འདི་ནི་ཟླ་ཤར་ཞེས་བྱ་སྟེ། །ཞི་དང་བདེ་ལེགས་བྱེད་མཆོག་ཡིན། །དུག་རྙིང་དུག་སེལ་སྨན་གྱིས་ཟིལ་མནན་པ། །ནགས་མེ་རླུང་དང་ཉི་ཚན་
[315a]
[315a.1]གྱིས་བསྐམས་པའམ། །རང་བཞིན་གྱིས་ནི་ཡོན་ཏན་མི་ལྡན་པས། །ཉམས་པའི་དུག་ཅེས་བྱ་བའི་དུག་ཏུ་འགྱུར། །འདི་ནི་ནུས་པ་ཆུང་བས་མི་རྟོགས་ཏེ། །བད་ཀན་དང་འདྲེས་ལོ་ནི་མང་པོར་གནས། །དེས་ཉེན་གྱུར་པ་མདོག་ངན་འཁྲུ་བར་བྱེད། །ནད་ཁྲག་སྐོམ་དད་ཡི་ག་འཆུས་
[315a.2]པས་ཉེན། །བརྒྱལ་ཞིང་སློན་ལ་རྣམ་རྨོངས་སྐད་འཛེར་དང་། །དུག་གིས་དམུ་རྫིང་མཚན་མས་གནོད་པར་འགྱུར། །མ་ཞུའི་གནས་བརྟེན་བད་ཀན་རླུང་ནད་སྐྱེད། །ཞུ་བའི་གནས་བརྟེན་མཁྲིས་དང་རླུང་ནད་སྐྱེད། །མི་ཡི་ཡན་ལག་ཞིག་ཅིང་སྐྲ་འབྱིབས། །ཇི་ལྟར་བྱ་ནི་སྤུ་བཏོགས་ལྟ་བུར་བྱེད། །དངས་མའམ་ཁྲག་ལ་
[315a.3]གནས་པར་བྱེད་ན་ནི། །ལུས་ཟུངས་ལས་བྱུང་ནད་ནི་སྣ་ཚོགས་སྐྱེད། །མདུན་གྱི་རླུང་དང་མ་ཞུ་གྲང་། །ཡུལ་དམུས་གནོད་ཟས་ཉིན་པར་ཉལ། །ལུས་ཟུངས་གནོད་པར་བྱས་པ་ན། །དེ་བས་གནོད་པའི་དུག་ཅེས་བཤད། །གནོད་པའི་དུག་ཉེན་དུགས་བྱས་ལ། །སྟེང་དང་འོག་ནས་
[315a.4]སྦྱང་བར་བྱ། །གནོད་པའི་དུག་ནི་སེལ་བའི་སྨན། །སྦྲང་རྩི་སྦྱར་ཏེ་ལྡེ་གུ་སྦྱིན། །པི་པི་ལིང་དང་བྱ་མ་ཀ །སྤང་སྤོས་སེང་ཕྲོམ་སུག་སྨེལ་དང་། །ཀུ་ཏན་ན་ཏ་སརྫིཀ །རུ་རྟ་ཤིང་མངར་ཙནྡན་དང་། །ཡུག་སྣམ་བཙག་དང་སྦྱར་བའི་སྨན། །གནོད་པའི་དུག་སེལ་ཞེས་བྱ་སྟེ། །
[315a.5]གཞན་ཡང་ཟློག་པར་བྱེད་པ་ཡིན། །དུག་མདས་ཕོག་པར་གྱུར་པ་དག །ཡང་དང་ཡང་དུ་མུན་འཐིབས་བྱེད། །མདོག་ནི་མི་སྡུག་གྱུར་པ་དང་། །མྱུར་དུ་ཡིད་འབྱུང་སྡུག་བསྔལ་འཐོབ། །འདིས་ནི་སྲིན་བུས་ཁྱབ་པ་ལྟར། །ལུས་ཚ་ཙག་ཙག་པོར་འགྱུར་རོ། །གདོང་མོ་རྒྱབ་དང་
[315a.6]ཕྲག་པ་མགོ །ལྷུ་ཚིགས་རྣམས་སུ་ན་བར་བྱེད། །ཁྲག་ནི་ནད་ཅན་གནག་པ་འཛག །སྐོམ་དང་བརྒྱལ་ཚ་རིམས་ཀྱིས་འདེབས། །མིག་ནི་གནག་ཅིང་སློན་པ་དང་། །བཏུད་མར་ལུད་པ་དབུགས་མི་བདེ། །རྨ་དམར་མཐའ་མར་སེར་བ་དང་། །དབུས་ནི་གནག་ཅིང་ཤིན་ཏུ་ན། །འཕྲལ་
[315a.7]དུ་སྐྲངས་ཤིང་རྣགས་པ་དང་། །ཤ་ཡང་ནག་པོར་གྱུར་ནས་ནི། །གནག་ཅིང་ཤིན་ཏུ་འདྲུལ་བར་བྱེད། །སྤྱི་བག་ཅན་དུ་འཛག་པར་བྱེད། །གནད་དུ་ཕོག་པར་མ་གྱུར་པ། །མྱུར་དུ་སྙིང་ལ་ཕན་བྱེད་བྱ། །ཟུག་རྔུ་ཕྱུང་ལ་ལྕགས་བསྲེགས་པས། །རྨ་ནི་ལེགས་པར་བསྲེག་པར་
[315b]
[315b.1]བྱ། །ཡང་ན་མུ་ཀ་ཀ་དང་ནི། །གི་རི་ཀརྞི་དཀར་པོ་དང་། །ཀད་པ་ལ་ཡི་ཤུན་པ་དང་། །བཙོད་དང་ཤིར་ཤ་བྱ་རྒོད་སེན། །བསྲེགས་པའི་ཐལ་བས་བསྐུ་བར་བྱ། །ཤུ་ཀ་ན་ས་བོང་ང་དཀར། །ཀཎྜ་ཀ་རིའི་རྩ་བས་བསྐུ། །དུག་འཐུང་སོས་བཏབ་གསོ་བ་དག །ཅི་རིགས་པར་ནི་དེ་ལ་
[315b.2]བྱ། །རྨ་ཡི་ཤ་ནི་རྣགས་པ་ལ། །མཁྲིས་པའི་མེ་དབལ་ལྟ་བུར་གསོ། །བདེ་ཕྱིར་ཁྱོ་ལ་བུད་མེད་དང་། །རྒྱལ་པོ་ལ་ནི་དགྲས་བསླབ་སྟེ། །ཟས་དང་སྦྱར་བའི་དུག་བསྲེས་པ། །ཉེ་འཁོར་སྐྱེ་བོར་སྟེར་བར་འགྱུར། །སྣ་ཚོགས་ལུས་ཀྱི་དྲི་མར་བཅས། །མི་མཐུན་སྨན་དང་ཐལ་བ་
[315b.3]དང་། །ནུས་པ་ཆུང་བར་གྱུར་པའི་དུག །སྦྱར་བའི་དུག་ནི་སྦྱར་མ་ཡིན། །དེས་ཉེན་མདོག་སྐྱ་རིད་པ་དང་། །མེ་དྲོད་ཉམས་ཤིང་ལུད་པ་དང་། །དབུགས་མི་བདེ་དང་རིམས་ཀྱིས་ཉེན། །རླུང་ནི་མི་མཐུན་རྒྱུ་བ་དང་། །གཉིད་ཆེ་ཡིད་ནི་ཞུམ་པར་བྱེད། །གཅིན་སྙི་ལྟོ་བ་མཆིན་པ་དང་། །མཆེར་
[315b.4]པ་ན་ཞིང་སྐད་གསང་དམའ། །ཉམ་ཆུང་སྒྱིད་ནི་ཞན་པ་དང་། །སྐྲངས་ཤིང་རྟག་ཏུ་སྦོ་བ་དང་། །རྐང་པ་ལག་པ་སྐམ་ཞིང་ཟད། །རྨི་ལམ་དུ་ནི་ཅེ་སྤྱང་དང་། །བྱི་ལ་སྦྲུལ་དང་ནེེའུ་ལེ་དང་། །སྤྲེའུ་མཐོང་ཞིང་ཕལ་ཆེར་ནི། །ནགས་ཚལ་མཚོ་ནི་སྐམས་པར་མཐོང་། །བདག་ཉིད་ནག་
[315b.5]པོར་མཐོང་འགྱུར་ཞིང་། །སེར་པོ་ནག་པོར་མཐོང་བར་བྱེད། །མིག་སྣ་རྣ་བ་མེད་པ་དང་། །དེ་ཡི་དབང་པོ་ཉམས་པར་མཐོང་། །འདི་དང་གཞན་ཡང་གནོད་པ་ཡི། །བླ་བརྣན་མི་བཟད་མང་པོས་གཙེས། །འགའ་ཞིག་འཕྲལ་དུ་མ་གསོས་ན། །སྦྱར་དུག་གིས་ཉེན་འཆི་བར་འགྱུར། །དབྱིག་
[315b.6]དུག་སློན་བྱས་ཁ་ཟས་ནི། །དེ་ལ་ཕན་པའི་བཟའ་བཏུང་སྦྱིན། །སྦྱངས་ནས་གསེར་ནི་བསྟེན་བྱ་ཞིང་། །མདོ་ནས་བསྟན་པ་བཞིན་དུ་བྱ། །གསེར་དང་ཟངས་ཀྱི་ཕྱེ་མ་ནི། །སྦྲང་རྩི་ཁ་ར་དཀར་པོ་སྦྱར། །ལྡེ་གུས་དུག་ནི་མི་བཟད་དང་། །དབྱིག་དུག་ཐམས་ཅད་སེལ་བར་བྱེད། །མུར་བ་སླེ་ཏྲེས་
[315b.7]པི་པི་ལིང་། །རྒྱ་སྤོས་དབྱི་མོ་པ་ཏོ་ལ། །གླ་སྒང་ཤུ་དག་ཙི་ཏྲ་ཀ །བྱི་དང་ཀ་ནི་དར་བ་དང་། །ཆུ་དྲོན་ཞོ་ག་ཆུར་སྦྱར་བ། །སྐྱུར་ཁུ་དང་སྦྱར་བླུད་ན་ནི། །དབྱིག་དུག་གི་བཅོམ་མེ་དྲོད་སྦྱོང་། །ཟུར་བ་མ་ནུ་ཕུག་རོན་གྱི། །ཤ་བསྐོལ་ཁུ་བ་བསྒྲངས་པ་ནི། །དབྱིག་དུག་སྐོམ་དང་ལུད་པ་ན། །
[316a]
[316a.1]སྐྱིགས་བུ་དབུགས་མི་བདེ་རིམས་སེལ། །དུག་གི་རང་བཞིན་དུས་དང་ཟས། །ནད་གཞི་ལུས་ཟུངས་ཚོགས་འདུས་པ། །དུག་གི་ཉམ་ང་ཞེས་བཤད་དེ། །བཀྲེས་སྐོམ་ཉམ་ནི་ཆུང་བ་དང་། །ཁྲོ་དང་མྱ་ངན་འཇིགས་དང་ངལ། །མ་ཞུ་བ་དང་འཁྲུ་བ་དང་། །མཁྲིས་
[316a.2]པ་རླུང་ནི་འཕེལ་བ་དང་། །ཏིལ་གྱི་མེ་ཏོག་འབྲས་བུ་སྣུམ། །ས་ཡི་རླངས་པ་འབྲུག་སྒྲ་དང་། །གླིང་བུ་པི་ཝང་རོལ་མོ་ཡི། །སྒྲ་དང་མདུན་གྱི་སེར་བུ་དང་། །ཨུཏྤལ་དྲི་དང་མྱོས་པ་ཡིས། །དུག་གི་ཉམ་ང་འཕེལ་བར་བྱེད། །དབྱར་ནི་ཆར་གི་དུས་ཡིན་པས། །བུ་རམ་ལྟ་བུར་རླན་ཅན་འགྱུར། །
[316a.3]ལུས་ལ་ཁྱབ་བྱེད་དབྱར་འདས་ནས། །རི་བྱི་འཆར་བས་དེ་མེད་བྱེད། །དེ་བས་སྤྲིན་བྲལ་དུས་སུ་ནི། །ནུས་པ་ཆུང་བ་ཉིད་དུ་འགྱུར། །དེ་ལྟར་རང་བཞིན་གོམས་པ་དང་། །གནས་དུས་ཤུགས་སྟོབས་ཆེ་ཆུང་བ། །བརྟགས་ཏེ་མཁས་པས་ཤེས་བྱས་ལ། །དེ་རྗེས་གསོ་བའི་ལས་སྤྱད་
[316a.4]བྱ། །བད་ཀན་ཅན་ནི་སློན་དང་དྲོ། །རྩུབ་དང་རྣོ་བའི་སྨན་བསྐུ་ཞིང་། །བསྐ་དང་ཁ་དང་ཚ་བ་ཡིས། །ཟས་ཀྱི་དུག་ནི་བསལ་བར་བྱ། །མཁྲིས་ཅན་བཀྲུ་སྨན་སྨན་ཆུ་བླུགས། །ཤིན་ཏུ་བསིལ་བའི་སྨན་བསྐུ་ཞིང་། །བསྐ་དང་ཁ་དང་མངར་བ་དང་། །མར་བཅས་ཁ་ཟས་སྦྱིན་
[316a.5]པས་གསོ། །རླུང་གི་བདག་ཉིད་ཅན་མངར་དང་། །སྐྱུར་དང་ལན་ཚྭ་མར་བཅས་པའི། །བཟའ་བ་མར་བཅས་བསྐུ་བྱུག་དང་། །དེ་བཞིན་ཤ་ནི་བཟའ་བས་གསོ། །བཀྲུ་སྨན་བསྐུ་བྱུག་ཁ་ཟས་སྨན། །མར་མེད་བསྔགས་པ་མ་ཡིན་ནོ། །དུག་ཀུན་གནས་སྐབས་ཐམས་ཅད་དུ། །དུག་
[316a.6]འཇོམས་མར་དང་འདྲ་བ་ཡི། །སྨན་ནི་གཞན་དག་ཡོད་མིན་ཏེ། །མཆོག་ཏུ་རླུང་ཤས་ཆེ་ལ་ཕན། །བད་ཀན་གནས་ཞུགས་གསོ་བར་སླ། །མཁྲིས་པའི་གནས་བརྟེན་འབད་པས་གསོ། །རླུང་གི་གནས་སུ་ཞུགས་པའི་དུག །ཤིན་ཏུ་གསོ་དཀའ་གསོར་མི་རུང་། །ཡན་ལག་བརྒྱད་
[316a.7]པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་སུམ་ཅུ་རྩ་ལྔའོ།། །།དེ་ནས་སྦྲུལ་གྱིས་ཟིན་པ་གསོ་བའི་ལེའུ་བཤད་པར་བྱའོ། །མདོར་ནས་ཡི་སྟེང་ན་སྦྲུལ། །གསུམ་སྟེ་གདེངས་ཀ་ཅན་ལུས་འཁྱིལ། །ཁྲ་བོ་ཡིན་ཏེ་དེ་ཡི་ནི། །དབྱེ་བ་མཐའ་ཡས་གྱུར་
[316b]
[316b.1]པ་དག །སྐྱེ་གནས་དབྱེ་བས་རྒྱས་པར་ནི། །དགོས་པ་མེད་ཕྱིར་མ་བཤད་དོ། །མཆོག་ཏུ་རྩུབ་དང་ཚ་བ་དང་། །སྐྱུར་དྲོ་མངར་བསིལ་དག་ལས་ནི། །གདེངས་ཀ་ཅན་ལ་སོགས་པའི་དུག །རིམ་གྱིས་རླུང་སོགས་འཁྲུག་པར་བྱེད། །གཞོན་དང་རྒན་པོ་བར་མ་དང་། །དབྱར་དང་
[316b.2]དགུན་དང་སོས་ཀར་ནི། །འདི་དག་དུག་ནི་འཕེལ་འགྱུར་ཞིང་། །གཞན་དག་དུས་ཚིགས་རྣམས་སུ་འགྱུར། །འཁོར་ལོ་གཤོལ་དང་གཡུང་དྲུང་གདུགས། །ལྕགས་ཀྱུའི་མཚན་མར་ལྡན་པ་ཡིན། །གདེངས་ཀ་ཅན་ནི་མྱུར་འགྲོ་བ། །ཐམས་ཅད་གདེངས་ཀ་ཅན་ཞེས་བྱ། །ལུས་
[316b.3]འཁྱིལ་སྣ་ཚོགས་པ་ཡི་ནི། །ཟླུམ་པོར་འདུག་པ་ལུས་འཁྱིལ་ཞིང་། །རིང་ཞིང་འགྲོས་ནི་བུལ་བ་ཡིན། །རི་མོ་སྣ་ཚོགས་ལྡན་པ་དང་། །སྣུམ་ཞིང་ཁ་དོག་སྣ་ཚོགས་པས། །ཆུ་ཞེང་བྲིས་འགྱུར་ཁྲ་བོ་ཡིན། །གོ་དྷའི་བུ་ནི་གོ་དྷ་ཅན། །དུག་ནི་གདེངས་ཀ་ཅན་མཉམ་ལ། །རྐང་བཞི་
[316b.4]པོ་ཡི་སྦྲུལ་གཞན་ནི། །འདི་དག་ཉིད་ནི་འདྲེས་པ་ལས། །འདྲེན་མའི་མཚན་ཉིད་ཅན་ཏེ་དེས། །འདུས་པའི་ནད་ནི་ལྡང་བར་བྱེད། །ཟས་ཀྱི་དོན་དང་འཇིགས་པ་དང་། །རྐང་པས་རེག་ལས་དུག་རབ་འཁྲུགས། །རྐང་གི་རྒྱུ་དང་འདྲེས་པ་དང་། །ལྷ་དང་དྲང་སྲོང་གཤིན་རྗེས་བསྐུལ། །སྦྲུལ་གྱིས་
[316b.5]ཟིན་པར་གང་བཤད་པ། །ཕྱི་མ་བཞིན་དུ་དུག་ཤས་ཆེ། །འཇུག་པའི་རྒྱུ་ནི་ཤེས་བྱས་ནས། །གསོ་བ་ཇི་བཞིན་བྱ་བ་ཡིན། །ཕལ་པ་སྡིག་ཅན་ངང་ཚུལ་བས། །ལམ་བཀག་ནས་ནི་གནས་པ་ཡིན། །གང་དུ་ཁ་ཆུ་གཤེར་བ་ཙམ། །ལུས་ལ་སྣང་བར་བྱེད་འགྱུར་ཞིང་། །མཆེ་བའི་རྨ་ནི་
[316b.6]མི་མངོན་གང་། །དེ་ནི་མཆུས་གནོད་བྱེད་ཅེས་བྱ། །མཆེ་བ་གཅིག་ལས་རྗེས་གཉིས་མངོན། །ཁྲག་མེད་གྱུར་པ་བལྡགས་ཞེས་བྱ། །མཆེ་བའི་རྗེས་ནི་ཁྲག་བཅས་གཉིས། །རྣམ་པར་བཅད་པའོ་དེ་གསུམ་ནི། །ཤ་བཅད་ཤིན་ཏུ་ཕུག་པ་དང་། །ཁྲག་དབྱུང་སོ་ཡིས་ཟིན་ཞེས་བྱ། །མཆེ་
[316b.7]བའི་རྗེས་ནི་བཞི་སྣང་བ། །དེ་བཞིན་སོས་འཛིན་བཙིར་བར་བཤད། །དེ་ལས་དང་པོ་དུག་མེད་གཉིས། །ཕྱི་མ་གཉིས་པོ་གསོར་མི་རུང་། །སྦྲུལ་གྱི་དུག་ནི་ཁྲག་དག་ལ། །མ་བརྟེན་ལུས་ལ་གནོད་མི་བྱེད། །ཁྲག་ནི་ཅུང་ཟད་ལ་བརྟེན་ཡང་། །ཏིལ་མར་ཐིགས་པ་བཞིན་དུ་མཆེད། །སྔར་མ་
[317a]
[317a.1]སྦྲུལ་གྱིས་རེག་པ་ལས། །འཇིག་པས་རླུང་ནི་འཁྲུག་པར་བྱེད། །ལན་འགའ་སྐྲང་བར་བྱེད་པ་དེ། །སྦྲུལ་གྱིས་ལུས་ནི་བཅོམ་ཞེས་བྱ། །བགྲོད་དཀའ་མུན་པར་ཟུག་གྱུར་པ། །ལ་ལ་རྟོག་པས་ཟིན་པ་དང་། །དུག་གི་ཤུགས་དང་སློན་དང་རིམས། །བརྒྱལ་
[317a.2]བའམ་ཚ་བ་སྐྱེ་བའམ། །ན་ཞིང་རྨོངས་བག་འཁྲུ་བར་འགྱུར། །དེ་ནི་རྟོག་པའི་དུག་ཅེས་བྱ། །དུག་བཅས་ནད་ཀྱིས་ཟུག་པ་དང་། །སྐྲང་དང་གཡའ་དང་རིམས་བཅས་པ། །ལ་ལ་ཚ་ཞིང་རྨེན་བུར་འགྱུར། །དེ་ལས་བཟློག་པ་དུག་མེད་ཡིན། །གདེངས་ཀ་ཅན་ཤུགས་དང་པོ་ལ། །ནད་
[317a.3]ཁྲག་ནག་པོར་འཛག་པར་འགྱུར། །མིག་དང་གདོང་སོགས་གནག་པ་དང་། །སྲིན་བུ་རྒྱུ་བ་སྙམ་དུ་སེམས། །ཤུགས་གཉིས་པར་ནི་རྨེན་བུ་སྐྱེ། །གསུམ་པར་མགོ་ནི་ལྕི་བར་འགྱུར། །བཞི་པར་མིག་འབྱེད་དཀའ་བ་དང་། །སོ་ས་བཏབ་རྣགས་ཤིང་མཆིལ་མ་སློན། །ལྔ་པར་ཚིགས་
[317a.4]འབྱེ་སྙམ་སེམས་དང་། །རྒྱུད་གཞན་ཚིགས་ནི་འཇིག་པ་དང་། །ལུས་ཚ་སྐྱིགས་བུ་འབྱུང་བ་ཡིན། །དྲུག་པར་སྙིང་ན་ལུས་ལྕི་ཞིང་། །བརྒྱལ་ཞིང་འཁྲུ་ལ་ཟས་མི་འཇུ། །བདུན་པར་ཁུ་བའི་གནས་ཕྱིན་ནས། །ཕྲག་གོང་རྒྱབ་དང་སྒལ་ཚེགས་དང་། །རྐེད་པ་ཞིག་པ་སྙམ་སེམས་
[317a.5]ཞིང་། །སྤྱོད་ལམ་ཐམས་ཅད་ལས་ཉམས་འགྱུར། །དེ་ནས་ལུས་བསྐྱིལ་བས་ཟིན་ན། །ནད་ཁྲག་སེར་པོར་འགྱུར་བ་དང་། །དེ་ཡི་ལུས་སེར་ཚ་བ་སྐྱེད། །གཉིས་པར་སྐྲང་བར་འགྱུར་བ་ཡིན། །གསུམ་པར་སོས་བཏབ་རྣགས་པ་དང་། །རྔུལ་དང་སྐོམ་དང་སྐྱེ་བར་འགྱུར། །བཞི་
[317a.6]པར་ཁོང་ཚ་རིམས་ཀྱིས་འདེབས། །ལྔ་པར་ལུས་ཀུན་ཁྱབ་པར་ཚ། །སྤྲུལ་ནི་ཁྲ་བོས་ཟིན་གྱུར་ན། །ཁྲག་ནི་སྐྱ་བོར་འགྱུར་བ་དང་། །དེས་ནི་ལུས་མདོག་སྐྱ་བོར་འགྱུར། །གཉིས་པར་ལུས་ནི་ལྕི་བར་འགྱུར། །གསུམ་པར་སོས་བཏབ་རྣགས་པ་དང་། །མིག་དང་ཁ་སྣ་ལས་འཛག་
[317a.7]འགྱུར། །བཞི་པར་མགོ་ལྕི་གཉེའུ་རེངས་འགྱུར། །ལྔ་པར་ལུས་ཚིགས་ན་བ་དང་། །གྲང་བའི་རིམས་ཀྱིས་འདེབས་པར་བྱེད། །ལྷག་མ་གཉིས་པོ་སྔ་མར་མཚུངས། །ཤུགས་ནི་ལྔ་པར་གསོ་བ་དག །བྱ་ཡི་དེ་ལས་ཕན་ཆད་མིན། །ཆུ་ཡིས་གཡེང་དང་ཆགས་པས་ཟད། །སྐྲག་
[317b]
[317b.1]དང་ནེེའུ་ལེས་འཕེན་པ་དང་། །གྲང་ལྷགས་ཉི་ཚན་རླུང་དང་ནད། །བཀྲེས་སྐོམ་དལ་བས་གཟིར་བ་དང་། །ཕྱོགས་གཞན་ནས་ནི་རིངས་པར་འོངས། །དུག་སྤངས་པགས་པ་བརྗེས་པ་དང་། །འཇག་མ་སྨན་དང་ཚེར་མ་ཅན། །ནགས་ན་རྒྱུ་བ་གང་ཡིན་དང་། །རིག་པ་ལ་སོགས་བརྟེན་
[317b.2]ཕྱོགས་གནས། །སྦྲུལ་དེ་དུག་ནི་ཆུང་བར་འདོད། །དུར་ཁྲོད་བསྟི་གནས་ཤིང་གཅིག་སོགས། །ཚེས་ལྔ་དང་ནི་དུས་ཚིགས་དང་། །ཚེས་བརྒྱད་ཚེས་དགུ་ཐུན་མཚམས་དང་། །ནམ་ཕྱེད་དང་ནི་ཉི་མའི་གུང་། །བྲ་ཉེ་སྨིན་དྲུག་མཆུ་དང་སྐག །ས་ག་ཆུ་སྟོད་ཁྲུམས་སྟོད་དང་། །སྣུབས་
[317b.3]དང་བྲ་ཉེ་ཡུད་ཙམ་ལ། །གནད་དུ་བཟུང་བ་སྤང་བར་བྱ། །ཟིན་པའི་མོད་ལ་བཞིན་སྐྱ་ཞིང་། །སྐྲ་ནི་འབྱི་བར་བྱེད་པ་དང་། །ལྕེ་འཁུམས་ཡང་དང་ཡང་དུ་བརྒྱལ། །དབུགས་གྲང་གང་ཡིན་དེ་མི་འཚོ། །སྐྱིགས་བུ་དབུགས་མི་བདེ་ཞིང་སློན། །ལུས་ཅན་ཟིན་པའི་མོད་ལ་ནི། །སྙིང་ནས་
[317b.4]གཟེར་བར་འགྱུར་བ་དང་། །ཅིག་ཅར་འབྱུང་བ་དེ་མི་འཚོ། །འདུ་ཤེས་སྟོར་ཞིང་ལྦུ་བར་སྐྱུགས། །རྐང་པ་ལག་པ་བཞིན་གནག་ཅིང་། །སྣ་ཞོམ་ཡན་ལག་ཞིག་པ་དང་། །ཚིགས་ལྷོད་བཤང་བ་འཁྲུ་བ་ཡི། །དུག་འཐུངས་པ་དང་སྤྲུལ་གྱིས་ཟིན། །དུག་ཅན་མདའ་ཡིས་ཕོག་གྱུར་
[317b.5]པ། །ཚུལ་ནི་འདི་དག་སྣང་གྱུར་ན། །སྲོག་ཟད་པར་ནི་འགྱུར་བ་ཡིན། །སྣ་སྨན་རྣོན་པོ་མི་ཚོར་ཞིང་། །རྨ་ནས་ཁྲག་ནི་མི་འབྱུང་ལ། །དབྱིག་པས་བསྣུན་ན་རྗེས་མི་མངོན། །གཤིན་རྗེའི་ཐད་དུ་འགྲོ་བ་ཡིན། །དེ་ལས་གཞན་དུ་སྨན་པ་ཡིས། །འབར་བའི་ཁྱིམ་ནས་འབྱུང་བ་བཞིན། །
[317b.6]ལྐོག་མར་ཕྱིན་པའི་སྲོག་བསྲུང་ཞིང་། །དུག་ནི་མྱུར་དུ་བསལ་བར་བྱ། །ལུས་ཅན་དུག་གིས་ཟིན་གྱུར་པ། །གྲངས་བརྒྱའི་བར་དུ་གནས་ནས་ནི། །ལུས་ཟུངས་ཁྲག་སོགས་ལ་གནོད་ཅིང་། །ལུས་ལ་ཁྱབ་པར་བྱེད་པ་ཡིན། །དུས་འདིའི་བར་དུ་གདུག་པ་ཡི། །མཆེ་བས་ཟིན་པ་བཅད་
[317b.7]སོགས་ལས། །བྱ་ཞིང་ཅི་ནས་ལུས་ལ་ནི། །དུག་གི་ཡལ་ག་མ་འཕྲོས་བྱ། །ཟིན་པའི་མོད་ལ་མྱུར་དུ་ནི། །སྦྲུལ་ནི་དེ་ཉིད་ཟ་བའམ། །ས་འམ་བོད་བར་གཅོད་བྱེད་ན། །རིངས་པ་ཁོ་ནར་སྨན་པ་ཡི། །མཆིལ་མས་བྱུག་པར་བྱ་བའམ། །རྣ་སྤབས་ཀྱིས་ནི་སོ་རྗེས་བསྐུ། །མཆེ་བས་བཏབ་
[318a]
[318a.1]པའི་གོང་དུ་ནི། །སོར་བཞིར་རས་མ་ལས་བྱས་པ། །གསོ་མའམ་འོད་མ་ལ་སོགས་བཅིང་། །སྔགས་ཤེས་པ་ཡིས་གྲུབ་སྔགས་བཟླ། །ཆུ་ལོན་གྱིས་ནི་ཆུ་ལྟ་བུར། །བཅིངས་པས་དུག་ནི་འཕྲོས་མི་འགྱུར། །དུག་གི་བཅིངས་སོགས་ཉེན་པ་ཡི། །རྩ་ལས་རྒྱུ་བར་
[318a.2]མི་འགྱུར་རོ། །བཙིར་ནས་སོས་བཏབ་དབྱུང་བྱ་ཞིང་། །ཚིགས་དང་གནད་དུ་མ་ཆུད་དེ། །ས་བོན་ཉམས་པའི་མྱུ་གུ་བཞིན། །དུག་ཤུགས་དེ་ནི་འབྱུང་མི་འགྱུར། །ལུས་འཁྱིལ་སོ་རྗེས་མཁྲིས་བསྐྱེད་པས། །དེ་མ་གཏོགས་པ་གཞན་དག་ནི། །ལྕགས་དང་གསེར་ལ་སོགས་པས་སམ། །
[318a.3]མགལ་མེ་ཡིས་ནི་མྱུར་དུ་བསྲེག །མེ་ཡིས་ཐལ་བར་བྱེད་འགྱུར་ན། །ཅི་ཕྱིར་དེ་ནི་འབྱུང་བར་འགྱུར། །ས་དང་ལྕི་བ་སྨན་སོགས་ཀྱིས། །ཁ་བཀང་ནས་ནི་གཞིབ་པར་བྱ། །ཆིངས་མའི་ནང་ནས་ཤ་ཆེའི་ཕྱོགས། །མཆོག་ཏུ་ཞལ་ཞལ་བྱ་བ་དང་། །ཡན་ལག་མཆེ་བས་ཟིན་བཅས་པ། །
[318a.4]དུག་སྨན་གྱིས་ནི་ཡང་ཡང་བསྐུ། །ཙནྡན་པུ་ཤེལ་ཙེ་ལྡན་པའི། །ཆུ་ཡིས་ཀྱང་ནི་བླུགས་པར་བྱ། །དུག་གིས་ཁྱབ་པར་གྱུར་པ་ལ། །གཏར་ག་གདབ་པ་གསོ་མཆོག་སྟེ། །ཁྲག་ནི་ཕྱུང་བར་གྱུར་པ་ན། །མ་ལུས་དུག་ནི་འབྱུང་བར་འགྱུར། །དུག་བཅས་ཁྲག་ནི་དྲི་མི་ཞིམ། །མེར་བསྲེགས་
[318a.5]སྒྲ་ནི་ཙེག་ཙེག་ཟེར། །ནད་གཞི་ཇི་བཞིན་དག་གྱུར་པ། །ཁྲག་ནི་སྔ་མ་བཞིན་ཞེས་བྱ། །རྩ་ནི་སྣང་བར་མ་གྱུར་ན། །རྔབས་རྭ་སྲིན་བུ་པད་པས་གཏར། །ཁྲག་ཕྱུང་བ་ཡི་ལྷག་མ་ནི། །དུག་གི་དྲོད་ཀྱིས་ཞུགས་གྱུར་པ། །ཤིན་ཏུ་བསིལ་བའི་སྨན་བསྐུ་དང་། །བླུགས་པ་ཡིས་ནི་བསལ་
[318a.6]བར་བྱ། །དུག་གི་ཤུགས་ཀྱིས་མ་ཞུ་བས། །བརྒྱལ་དང་མྱོས་དང་སྙིང་འཛག་འབྱུང་། །དེ་ནི་བསིལ་སྨན་བླུགས་པ་དང་། །རླུང་ཡབ་སྤུ་ལྡང་བྱེད་པས་བསལ། །ཁྲག་ན་སླ་བར་གྱུར་ན་དུག །འཕྲལ་དུ་ཤུགས་ནི་ཞི་བར་འགྱུར། །དུག་གི་རྣོ་བས་སྙིང་འདར་བྱེད། །དེ་བསྲུང་ཕྱིར་ནི་ཞུན་མར་དང་། །
[318a.7]མར་དང་བཅས་པའི་སྦྲང་རྩི་འམ། །དུག་སྨན་མར་དང་སྦྲུས་པ་བླུད། །དེ་ཡི་སྙིང་ནི་འགག་བྱེད་པས། །སྙིང་གར་བད་ཀན་སོགས་པར་བྱེད། །ལུས་ལྕི་ནད་ནི་བསླངས་པ་དང་། །སྙིང་འཕར་དེ་ནི་སློན་དུ་གཞུག །གཤེར་རྫས་སྐྱུར་རྩབས་རྒྱ་སྲན་དང་། །ཏིལ་དང་ཆང་སོགས་མ་གཏོགས་པ། །
[318b]
[318b.1]དུག་སེལ་བ་ཡི་སློན་སྨན་གཏང་། །དེས་ནི་ལུས་ལ་ཁྱབ་མི་འགྱུར། །སྦྲུལ་དང་ཉེས་པ་རང་བཞིན་དང་། །གནས་དང་ཤུགས་ཀྱི་ཁྱད་པར་ནི། །ཕྲ་མོ་ཡན་ཆད་ལེགས་བརྟགས་ལ། །གསོ་བ་ཁྱད་པར་ཅན་བྱའོ། །སྲིན་བུ་བ་རིའི་རྩ་བ་དང་། །གི་རི་ཀརྞི་དཀར་པོའི་ཆུ། །བཏུང་བ་གདེངས་
[318b.2]ཀ་ཅན་བཞིན་སྦྱར། །སྣ་སྨན་རུ་རྟ་སྦྲང་རྩི་གཏང་། །སྦྲུལ་ནག་གིས་ནི་ཟིན་པ་ལ། །ཁྲག་གཏར་ནས་ནི་བཅའ་བ་དང་། །ན་གོ་ལ་ནི་སྦྱར་བ་བསྐུ། །ཡང་ན་རྩ་རྣོན་དུག་གིས་བསྐུ། །བཏུང་བར་བཙོད་དང་སྦྲང་རྩི་དང་། །ཁང་པའི་དུད་པ་མར་སྦྱར་བླུད། །གདེངས་ཀ་ཅན་དང་རི་མོ་ཅན། །མི་
[318b.3]བཟད་དུག་གིས་ཟིན་པ་ལ། །ཏན་དུ་ལི་ཡ་ཏད་པལ་དང་། །གི་རི་ཀརྞི་རྣམ་གཉིས་དང་། །ཁ་ལུང་ཁཎྜ་སེའུ་འབྲུ་ནི། །བཏུང་དང་སྣ་སྨན་མིག་སྨན་བྱ། །ཨ་ཤྭ་གནྡྷ་རྒུན་འབྲུམ་དང་། །གི་རི་ཀརྞི་ས་ནག་དང་། །ཧ་ཏི་པི་པི་ལིང་དང་ནི། །བྱེའུ་རུག་པའི་ལོ་མ་དང་། །བིལ་བ་སེ་འབྲུ་ཀ་
[318b.4]པིད་ཐ། །ཆ་ནི་ཕྱེད་ཕྱེད་སྦྲང་རྩིར་སྦྱར། །དུག་སྨན་ཡིན་ཏེ་ཁྱད་པར་དུ། །ལུས་འཁྱིལ་སྦྲུལ་གྱི་དུག་ལ་ཕན། །ལོ་མ་ལྔ་དང་འབྲས་བུ་གསུམ། །ཤིང་མངར་ནཱ་ག་པུཥྤ་དང་། །ཨེ་ལ་བ་ལུ་ཛི་བ་ཀ །ཟངས་རྩི་བ་དང་པུ་ཤེལ་ཙེ། །ཁ་ར་ཤུག་པ་ཨུཏྤ་ལ། །སྦྲང་རྩི་དང་སྦྱར་ཁ་བ་ཅན། །
[318b.5]ཞེས་བྱ་ལུས་འཁྱིལ་དུག་འཇོམས་སོ། །བསྐུས་ན་སྐྲང་དང་ཤུ་བ་མཆེད། །འབྲུམ་བུ་རིམས་དང་ལུས་ལྕི་སེལ། །ཏང་པལ་ནྱ་གྲོ་དྷའི་མྱུ་གུ། །ཛི་བ་ཀ་དང་ཟངས་རྩི་བ། །ཀ་ར་དཀར་པོ་ཤིང་མངར་བཙོད། །ཁུ་བ་ལུས་འཁྱིལ་དུག་ལ་བླུད། །འོད་མའི་ཤུན་པ་ས་བོན་དང་། །བཅའ་
[318b.6]སྒ་པ་ཏོ་ལའི་ས་བོན། །ཤིར་ཤའི་ས་བོན་པུ་ཙེ་ཤེལ། །འབྲས་ཀྱི་རྩ་བ་བོང་ང་དཀར། །ཤུ་དག་བ་གཅིན་བཅས་པར་བཏགས། །ཡན་ལག་བརྒྱད་པ་ཞེས་བྱ་སྟེ། །གོ་ནས་ཡི་དུག་འཇོམས་སོ། །རུ་རྟ་བོང་ང་པུ་ཙེ་ཤེལ། །ཧ་རེ་ཎུ་ཀ་ཁྱིམ་དུད་པ། །རྒྱ་སྤོས་སྦྲང་རྩི་ཚ་བ་གསུམ། །
[318b.7]སྦྱར་བས་རི་མོ་ཅན་དུག་སེལ། །འདམ་བུ་ཁྲ་བོ་འདྲས་ཟིན་ན། །ས་བརྐོས་འོག་ཏུ་ཐུན་གཉིས་གཞུག །ཕྱུང་སྟེ་བཞར་ལ་མར་སར་དང་། །འབྲས་དང་ས་ཡི་ལྡེ་གུས་བྱུག །འབྲས་བུ་གསུམ་གྱི་ཕྱེ་བཏབ་པའི། །མར་ནི་རྙིང་པ་བླུད་པར་བྱ། །ཞུ་ཞིང་བཀྲུས་ནས་ནས་ཟན་ནི། །སྲན་ཚོད་དང་ནི་
[319a]
[319a.1]བཅས་པ་སྦྱིན། །ཀ་ར་བཱི་ར་ཨརྐ་ཡི། །མེ་ཏོག་ལང་ཀ་ལིའི་རྩ་བ། །པི་པི་ལིང་དང་ན་ལེ་ཤམ། །པ་ཏ་སྐྱུར་རྩབས་ལྡེ་གུར་བྱས། །འདི་ནི་སྦྲུལ་གཞན་གྱིས་ཟིན་པའི། །སྦྲུལ་གྱི་དུག་ཀུན་སེལ་བ་ཡིན། །ཤིར་ཤའི་མེ་ཏོག་ཁུ་བ་དང་། །ན་ལེ་ཤམ་
[319a.2]དཀར་ཞག་བདུན་སྦངས།།བཏུང་དང་སྣ་སྨན་བྱས་གྱུར་ན། །སྦྲུལ་གྱི་མཆེ་བས་ཟིན་པ་སེལ། །རྒྱ་སྤོས་རུ་རྟ་སྲང་གཉིས་གཉིས། །མར་དང་སྦྲང་རྩི་སྲང་བཞི་བཞི། །འདི་བླུད་འཇོག་པོས་ཟིན་པ་ཡང་། །བདེ་བ་སྐྱེད་པར་བྱེད་པ་ཡིན། །དེ་ནས་གདེངས་ཀ་ཅན་གྱི་ཤུགས། །དང་པོར་
[319a.3]ཁྲག་ནི་དབྱུང་བར་བྱ། །དུག་སྨན་སྦྲང་རྩི་ཞུན་མར་དང་། །བཅས་པ་མྱུར་དུ་བླུད་པར་བྱ། །གཉིས་པར་སློན་སྨན་བཏང་ནས་ནི། །དེ་བཞིན་དུག་སྨན་བླུད་པར་བྱ། །གསུམ་པར་དུག་སྨན་སྦྱར་བྱ་ཞིང་། །མིག་སྨན་དང་ནི་སྣ་སྨན་གཏང་། །བཞི་བར་སྐྱུག་སྨན་བཏང་ནས་ནི། །སྔར་བཤད་པ་ཡི་
[319a.4]ནས་ཐུག་བླུད། །ལྔ་པ་དྲུག་པར་བསིལ་སྨན་གྱིས། །བསྐུ་ཞིང་སྨན་ཆུ་ཡང་ཡང་བླུགས། །སློན་སྨན་རྣོན་པོ་གཏང་བྱ་ཞིང་། །དུག་སེལ་ནས་ཐུག་བླུད་པར་བྱ། །བདུན་པར་དུག་སྨན་རྣོན་པོ་ཡི། །མིག་སྨན་དང་ནི་སྣ་སྨན་གཏང་། །དེ་ནས་སྤྱི་བོར་རྒྱ་གྲམ་དུ། །ཟབ་མོའི་མཚོན་གྱིས་བཏྲལ་
[319a.5]ནས་ནི། །དེར་ནི་ཤའམ་ཁྲག་གམ་ནི། །པགས་པ་དག་ནི་གཞུག་པར་བྱ། །ལུས་འཁྱིལ་ཤུགས་ནི་གསུམ་པ་ལ། །སློན་སྨན་བཏང་ལ་ནས་ཐུག་བླུད། །དྲུག་པར་སྨན་ནི་རྟུལ་པོའམ། །ཤུག་པ་ལ་སོགས་སྡེ་ཚན་བླུད། །ཁྲ་བོའི་ཤུགས་ནི་དང་པོ་ལ། །ཞལ་ཞལ་ཟབ་ཏུ་གདང་བྱ་
[319a.6]ཞིང་། །ཀུ་བས་ཁྲག་ནི་བཏོན་ནས་ནི། །སྔ་མ་བཞིན་དུ་དུག་སྨན་བླུད། །དྲུག་པར་མིག་སྨན་རྣོན་པོ་དང་། །སྣ་སྨན་ཕྱེ་མ་བུད་པ་གཏང་། །མ་སྨས་པ་ཡི་ཤུགས་ལས་ནི། །གདེངས་ཀ་ཅན་སྐབས་བཤད་ལྟར་གསོ། །སྦྲུམ་མ་བྱིས་པ་རྒན་པོ་ལ། །གཏར་ག་མི་གདབ་འཇམ་པོས་
[319a.7]གསོ། །ཤིང་ཚ་ལྡོང་རོས་རྒྱ་སྤོས་ཉུང་། །ཀུ་ཤའི་ཁུ་བ་ཆུ་སྲིན་སེན། །ཏ་མ་ལ་ཡི་གེ་སར་དང་། །འབྲས་བུ་ཆུ་གྲང་སྦྱར་བ་བླུད། །འདི་ཡིས་དབང་པོའི་རྡོ་རྗེས་ནི། །ལྷ་མིན་ལྟ་བུར་དུག་འཇོམས་བྱེད། །བིལ་བའི་རྩ་བ་བྱེའུ་རུག་པའི་མེ་ཏོག །རྒྱ་སྤོས་ཐང་ཤིང་ཀ་རཉྫའི་འབྲས་བུ། །
[319b]
[319b.1]སེར་པོ་རྣམ་གཉིས་འབྲས་བུ་གསུམ་དང་ནི། །ཚ་བ་གསུམ་པོ་ར་གཅིན་ཞིབ་བཏགས་ལ། །བཏུང་དང་སྣ་སྨན་མིག་སྨན་སྦྱར་བ་ཡིས། །སྦྲུལ་དང་ལུ་དབྱི་བ་སྡིག་པ་སོགས། །དུག་དང་དབྱིག་དུག་མ་ཞུ་གསུད་དང་རིམས། །མི་ནི་གདོན་གྱིས་ཟིན་པ་བདེ་བར་བྱེད། །སོས་བཏབ་བསྐུ་
[319b.2]བ་ལ་སོགས་ཀྱིས། །མ་ལུས་སྟོན་པར་གྱུར་ཀྱང་ནི། །ཉམས་པའི་དུག་ནི་ཇི་བཞིན་དང་། །སླར་ཡང་ཤུགས་ནི་སྐྱེ་བར་བྱེད། །དུག་དང་བྲལ་ནས་རླུང་འཁྲུགས་ན། །སྣུམ་ལ་སོགས་པས་གསོ་བྱ་ཞིང་། །ཏིལ་མར་ཆང་དང་རྒྱ་སྲན་ཆུ། །མ་གཏོགས་རླུང་ནི་སེལ་བ་སྦྱིན། །མཁྲིས་
[319b.3]པར་མཁྲིས་པའི་རིམས་སེལ་བའི། །སྨན་ཁུ་སྨན་མར་འཇམ་རྩིས་གསོ། །བད་ཀན་སྦྲང་རྩིར་བཅས་པ་ཡི། །དོང་ཀ་ལ་སོགས་སྡེ་ཡིས་གསོ། །སྤྲུལ་གྱི་རུས་པས་གནོད་འགྱུར་དང་། །དེ་བཞིན་རྟོག་པའི་དུག་གིས་ཉེན། །ཀ་ར་རྒུན་འབྲུམ་པ་ཡ་སྱ། །ཤིང་མངར་ཁ་ར་སྦྲང་རྩིར་སྦྱར། །
[319b.4]སྔགས་ཀྱིས་བཏབ་པའི་ཆུ་དང་བཅས། །གཏོར་ཞིང་སྤྲོ་བསྲིང་དགའ་བར་བྱ། །ཀེ་ཀེ་རུ་དང་མུ་ཏིག་མརྒད་དང་། །བཻ་ཌཱུརྱ་དང་རྡོ་རྗེ་མཐོན་ཀ་ཆེ། །རས་བལ་ས་བོན་དུག་གིས་གནོད་པའམ། །ཁ་བ་ཅན་གྱི་རི་ལས་སྐྱེས་པ་ཡི། །སོ་མ་ར་ཛ་དང་ནི་བ་སྤྲུ་བ། །དེ་བཞིན་དྲོ་ན་མ་ཧཱ་དྲོ་ན་དང་། །
[319b.5]སྦྲུལ་ལ་ཡོད་པའི་ནོར་བུ་མ་ན་སི། །ནུས་པ་དང་ནི་ལྡན་པར་གྱུར་པ་ཡི། །དུག་ནི་དུག་གཞོམ་བྱ་ཕྱིར་བཅད་པར་བྱ། །ནུབ་མོའི་དུས་སུ་རྒྱུ་ཆེ་ཁྱད་པར་དུ། །གདུགས་དང་ཁར་གསིལ་སྒྲ་དང་བཅས་པ་བཅང་། །དེ་ཡི་གྲིབ་མ་སྒྲ་ཡི་སྐད་ཕྱུང་ན། །སྦྲུལ་གྱི་ཚོགས་ནི་འབྱེར་བར་བྱེད་པར་
[319b.6]འགྱུར། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་སུམ་ཅུ་དྲུག་པའོ།། །།དེ་ནས་སྲིན་བུའི་དུག་ནད་གསོ་བའི་ལེའུ་བཤད་པར་བྱའོ། །སྦྲུལ་ཉིད་ཀྱི་ནི་བཤང་གཅི་དང་། །ཁ་ཆུ་སྒོ་ང་ལུས་རུལ་སྐྱེས། །ནད་ནི་རེ་རེ་འདུས་པ་དང་། །ལྡན་པའི་
[319b.7]སྲིན་བུའི་དུག་རྣམ་བཞི། །རླུང་གི་སྲིན་བུས་ཟིན་གྱུར་ན། །ཤས་ཆེར་ན་ཞིང་ཟུག་པར་བྱེད། །མེ་ཡི་སྲིན་བུས་འཛག་པ་ཆུང་། །ཚ་ཞིང་དམར་ལ་ཤུ་བ་མཆེད། །བ་ལུའི་འབྲས་བུ་སྨིན་པའམ། །འབྲ་གོའི་འབྲས་བུ་སྨིན་པ་འདྲ། །བད་ཀན་ཤས་ཆེས་ནད་ཚབས་ཆུང་། །ཨུ་དུམ་
[320a]
[320a.1]ཝཱ་ར་སྨིན་པ་འདྲ། །ཤས་ཆེར་འཛག་པའོ་འདུས་པ་ཡི། །མཚན་ཉིད་ཐམས་ཅད་ལྡན་པ་དང་། །ཤུགས་ནི་སྦྲུལ་དང་འདྲ་བ་དང་། །སྐྲང་བ་འཕེལ་ཞིང་ཁྲག་དྲི་མ་མནམ། །མགོ་དང་མིག་ལྕི་བརྒྱལ་མགོ་འཁོར། །དབུགས་མི་བདེ་ན་སྤང་བར་བྱ། །ཀུན་ཏུ་སྐྲང་བ་ལྟེ་བ་
[320a.2]ཅན། །ཚ་བ་གཡོ་ཞིང་ཡི་ག་འཆུས། །སྡིག་པའི་དུག་ནི་རྣོ་བ་སྟེ། །དང་པོར་མེ་ལྟར་སྲེག་པར་བྱེད། །སྟེང་དུ་མྱུར་དུ་མཆེད་བྱེད་ཅིང་། །མཆེ་བ་འོག་ཏུ་འདུག་པ་ཡིན། །ཟིན་མ་ཐག་ནི་རབ་ན་གནག། །གས་པ་སྙམ་དུ་སེམས་ཤིང་ཟུག །དེ་ནི་ལྕི་བ་སོགས་རུལ་དང་། །དུག་གིས་ཕོག་
[320a.3]སོགས་རུལ་བ་དང་། །སྦྲུལ་རུལ་པ་ལས་སྐྱེས་པ་ཡི། །དུག་ཚབས་ཆུང་དང་འབྲིང་དང་ཆེ། །ཚབས་ཆུང་སེར་ཞིང་དཀར་དང་གནག །རྩུབ་དང་ཕྲ་ཞིང་གཟིག་མདོག་ཅན། །སྤུ་དྲང་ཚིགས་ནི་དམར་བ་དང་། །དམར་ཞིང་ལྟོ་བ་དཀར་བ་ཡིན། །བར་མ་ལྟོ་རུ་ཚིགས་གསུམ་པ། །རྐེད་པ་སེར་
[320a.4]སྐྱ་དམར་བ་ཡིན། །དུག་ཆེ་སེར་སྐྱ་ཕྲ་བ་དང་། །རི་མོ་ཅན་ལ་ཁྲག་འདྲ་ཞིང་། །མེ་འདྲ་ཚིགས་ནི་གཉིས་སམ་གཅིག །ལྟོ་བ་དཀར་ཞིང་དམར་རམ་གནག །དེས་ཟིན་ལྕེ་ནི་སྐྲངས་པ་དང་། །ལུས་རེངས་རིམས་ཀྱིས་ཉེན་པ་དང་། །བུ་ག་ལས་ནི་ཁྲག་ནག་སློན། །དབང་པོའི་དོན་ནི་མི་ཤེས་
[320a.5]ཤིང་། །རྡུལ་ཞིང་བརྒྱལ་ལ་ཁ་སྐོམ་དད། །རྨོངས་ཤིང་ནད་ཀྱིས་ཉེན་པ་དང་། །ཤ་ནི་ཞིག་པར་བྱེད་པ་སྟེ། །ཕལ་ཆེར་སྲོག་ནི་འདོར་བར་བྱེད། །མཆུ་སྦོམ་པ་ཡི་ཁ་ཡིས་ནི། །འདེབས་ཤིང་གསོར་རུང་སྡིག་པ་ལས། །ལྷག་པར་ན་བྱེད་ལུས་རེངས་ཤིང་། །མཚན་གྱི་སྦུབས་ནི་ལྡང་བ་
[320a.6]དང་། །ལུས་ནི་རྔུལ་བར་བྱེད་འགྱུར་ཞིང་། །སོས་འདེབས་ཆུ་གྲང་སྙམ་དུ་སེམས། །དེ་ཉིད་རྔ་མོ་དུད་ཀ་དང་། །མཚན་མོ་རྒྱུ་བས་མཚན་མོ་ཅན། །སྲིན་བུ་རླུང་མཁྲིས་ཤས་ཆེ་ཞིང་། །རྔ་མོ་བྱི་བ་བད་ཀན་ཅན། །རྔ་མོ་དུད་པ་ཞེས་བྱ་བ། །ཕལ་ཆེར་རླུང་ཤས་ཆེ་བ་ཡིན། །ནད་ནི་གང་དང་གང་གི་
[320a.7]ནི། །མཚན་མ་ཤས་ཆེ་བ་ལས་བརྟགས། །དེ་དང་དེ་ལས་གསོ་བའི་སྨན། །ཡོན་ཏན་མི་མཐུན་པ་ཡིས་གསོ། །སྙིང་གཟེར་སྟོང་རླུང་གིས་རེངས་ཤིང་། །རྩ་མི་སྣང་ཞིང་རུས་ཚིགས་ན། །མགོ་འཁོར་ལུས་བཅིངས་སྙམ་དུ་སེམས། །མདོག་གནག་རླུང་ལས་གྱུར་པའི་དུག །དྲན་ཉམས་
[320b]
[320b.1]དབུགས་ནི་ཚ་བར་བྱེད། །སྙིང་ཚ་ཁ་ནི་ཁ་བྲོ་ལ། །ཤ་འགས་སྐྲང་པར་བྱེད་པ་དང་། །ཁྲག་སེར་བ་ནི་མཁྲིས་པ་ཅན། །སློན་ཞིང་སྙིང་ན་ཡི་ག་འཆུས། །ཁ་ཆུ་འཛག་ཅིང་ཆོམ་པས་འདེབས། །གྲང་བཅས་ཁ་ནི་མངར་བར་བྲོ། །བད་ཀན་ཤས་ཆེའི་དུག་ནད་ཡིན། །འབའ་ཆས་
[320b.2]རྨ་ནི་བསྐུ་བ་དང་། །རླུང་སེལ་ཏིལ་མར་གྱིས་བསྐུ་དང་། །སྦུ་གུ་མ་སྨིན་འབྲུ་དུགས་དང་། །བརྟས་པར་བྱ་བའི་ཆོ་གས་ཕན། །མཁྲིས་པ་ཅན་ལ་སྨན་ཆུ་བླུགས། །ཤིན་ཏུ་གྲང་བའི་ལྡེ་གུས་བསྐུ། །བད་ཀན་ཅན་ལ་བཞར་ཞིང་བཅད། །དུགས་དང་སྐྱུག་སྨན་བཏང་བས་གསོ། །སྲིན་
[320b.3]བུ་རྣམ་པ་གསུམ་པོ་ལ། །གསོ་བ་རྣམ་པ་གསུམ་པོས་ཕན། །དུགས་དང་བསྐུ་དང་སྨན་ཆུ་བླུགས། །ཕལ་ཆེར་དྲོ་འཇམ་གཏང་བར་བྱ། །གཞན་དུ་བརྒྱལ་དང་མཆེ་བ་ཡིས། །རྣག་དང་འདྲུལ་བར་བྱེད་མ་གཏོགས། །མི་སྐྲ་ཡུངས་ཀར་སེར་པོ་དང་། །བུ་རམ་རྙིང་པའི་དུད་པས་
[320b.4]བདུག །དུག་དང་མཆེ་བའི་དུག་ཀུན་ལ། །མཆོག་ཏུ་ཕན་པར་འདྲོབ་སྐྱོང་འཆང་། །དུག་སེལ་སྨན་ནི་ཐམས་ཅད་དང་། །སྦྱང་བའི་ལས་ཀྱང་བྱ་བ་ཡིན། །སྲིན་བུ་སྡིག་པ་མི་བཟད་དུག །འབུས་ཟིན་སྦྲུལ་གྱིས་ཟིན་ལྟར་གསོ། །ཏན་དུ་ལི་ཡ་ཆ་མཉམ་པའི། །དུར་བྱིད་དང་ནི་ཞུན་
[320b.5]མར་བླུད། །འབུ་ཡི་དུག་གིས་གངས་ཅན་ལྟར། །བསྐྱོད་པར་ནུས་པ་མ་ཡིན་ནོ། །འོ་མ་ཅན་ཤིང་ལྡེ་གུས་བསྐུ། །སྦྱངས་བྱས་སྲིན་བུའི་དུག་སེལ་བྱེད། །མུ་ཏིག་ལྡེ་གུས་བསྐུས་ན་ཡང་། །སྐྲང་དང་དུག་དང་ཚ་བ་སེལ། །ཤུ་དག་ཤིང་ཀུན་བྱི་དང་ག །རྒྱམ་ཚ་ཧ་ཏི་པི་པི་ལིང་། །བ་ཐ་
[320b.6]བོང་ང་ཚ་བ་གསུམ། །འདྲོབ་སྐྱོང་གིས་ནི་བཤད་པ་ཡིན། །ཡན་ལག་བཅུ་པའི་དུག་སྨན་ནི། །འདྲོབ་སྐྱོང་གིས་ནི་བཤད་པ་དག །བླུད་ན་སྲིན་བུའི་དུག་ཀྱང་སེལ། །སྡིག་པའི་དུག་གིས་འཕྲལ་ཟིན་ལ། །འཁོར་ལོས་བཙིར་བའི་ཏིལ་མར་བསྐུ། །ས་ལ་པརྞི་བསྐོལ་བ་ཡི། །དྲོ་
[320b.7]འཇམ་ཡང་ན་གཞན་དག་བླུགས། །རྒྱམ་ཚ་དང་ནི་བཅས་པ་ཡི། །ཞུན་མར་ཡང་དང་ཡང་དུ་བླུགས། །ཡང་ན་སྐྱུར་རྩབས་དྲོ་འཇམ་མམ། །རྒྱམ་ཚ་འོ་མར་བཅས་པ་བླུགས། །མར་དང་བརྔོས་པའི་གོ་སྙོད་དང་། །རྒྱམ་ཚར་བཅས་པས་དཀྲི་བར་བྱ། །མཆེ་བས་ཟིན་པ་དུགས་
[321a]
[321a.1]བྱས་ལ། །ཞལ་ཞལ་བཏབ་སྟེ་འབྲས་བུ་གསུམ། །སེར་པོ་གཉིས་དང་ཚ་བ་གསུམ། །ཤིར་ཤའི་མེ་ཏོག་བསྐུ་བར་བྱ། །རྒྱམ་ཚ་ཁ་ལུང་བ་གཅིན་སྐྱུར། །བྱེའུ་རུག་པའི་རྩེ་མོ་བཏགས། །འབའ་ཆའམ་ལྕི་བ་དྲོ་འཇམ་ཙམ། །བསྐུས་ནའང་
[321a.2]ཕན་པར་འགྱུར་བ་ཡིན། །བཏུང་བ་ཞུན་མར་སྦྲང་རྩིར་བཅས། །ཡང་ན་འོ་མར་ཁ་ར་བཏབ། །ཕུག་རོན་རྟུག་པ་ཨ་རུ་ར། །རྒྱ་སྤོས་བཅའ་སྒ་ཁ་ལུང་གི །ཁུ་བ་དང་སྦྱར་བླུད་པ་ནི། །སྡིག་པས་ཟིན་པའི་སྨན་མཆོག་ཡིན། །རྔ་མོའི་སོ་ནི་ཆུ་བལ་བཅས། །སྡིག་པའི་
[321a.3]དུག་ནི་འཇོམས་པར་བྱེད། །ཤིང་ཀུན་བ་ལ་ཁ་ལུང་གི །ཁུ་བ་དང་སྦྱར་ལྡེ་གུ་དང་། །མིག་སྨན་རི་ལུར་བྱས་ན་ནི། །སྡིག་པའི་དུག་ནི་སེལ་མཆོག་ཡིན། །ཀ་རཉྫ་དང་ཨརྫུ་ན། །གི་རི་ཀརྞི་སེ་ལུ་དང་། །ཤིར་ཤའི་མེ་ཏོག་དུག་མོ་ཉུང་། །ཞོག་ཆུ་དང་བཏགས་བསྐུས་ན། །སྡིག་
[321a.4]པའི་དུག་ནི་སེལ་བར་བྱེད། །གང་ཞིག་རྨུགས་ཤིང་རྔམ་པ་འཐོན། །བླ་ཞིང་མི་བཟད་ན་གྱུར་པ། །དེ་ལ་ཡུང་དང་ཨ་རུ་ར། །བཙོད་དང་བོང་ང་པི་པི་ལིང་། །བིལ་བ་གཞོན་ནུ་ན་ལེ་ཤམ། །བཱ་ཏ་ཀ་ཡི་ཁུ་བར་བཏགས། །ལྡེ་གུས་བྱུགས་ན་ཕན་པ་ཡིན། །སྦྲང་མ་གདུག་པའི་དུག་
[321a.5]ཀུན་ལ། །ཞོ་དང་མར་ནི་བླུད་བྱ་ཞིང་། །གཏར་ག་གདབ་ཅིང་སྣ་སྨན་དང་། །མིག་སྨན་གྱི་ནི་ཆོ་ག་བྱ། །དྲོ་ཞིང་སྣུམ་དང་སྐྱུར་བ་དང་། །རླུང་འདོམས་ཁ་ཟས་སྦྱིན་པར་བྱ། །དོང་གྲ་བྱི་བའི་རྟུག་པ་དང་། །ཁ་ལུང་ཁུ་བ་སླ་བ་དང་། །རྒྱམ་ཚ་པུ་ཤེལ་ཙེ་སྦྱར་བའི། །ལྡེ་གུས་དང་མའི་དུག་
[321a.6]མྱུར་འཇོམས། །སྡིག་པས་ཟིན་པའི་ཐ་མར་ནི། །དུག་ནི་ཤས་ཆེར་ལངས་གྱུར་པར། །ཟིན་པའི་རྨ་ལ་དུག་གིས་བསྐུ། །ཨུཙྪེ་ཊིཾ་ཀའི་གསོ་བའང་འདི། །གླང་པོ་ཆེ་ཡི་རྟུག་པའི་སྟེང་། །རོ་ཧི་ཤའི་རྩ་སེའུའི་ཆུ། །སྡེ་གུར་བྱས་བཏགས་བསྐུས་ན་ནི། །འདི་ནི་སྦྲང་མའི་དུག་
[321a.7]འཇོམས་མཆོག །ཤིར་ཤའི་ས་བོན་ཨརྒ་ཡི། །འོ་མས་ལན་གསུམ་བསྒོས་པ་ནི། །པི་པི་ལིང་གི་ཕྱེ་མར་བསྲེས། །དུག་སྨན་འདིས་ནི་སྲིན་བུའི་དུག །སྦྲུལ་དང་ལུ་དབྱི་བ་ཡི། །དུག་ནི་སེལ་བར་བྱེད་པ་ཡིན། །ཤིར་ཤ་ཀ་རཉྫ་ཡི་ས་བོན་དང་། །གུར་གུམ་རུ་རྟ་ལྡོང་
[321b]
[321b.1]རོས་བཅས་པ་ཡི། །དུག་སྨན་འདིས་ནི་མཚན་རྒྱུའི་སྡིག་པས་ཟིན། །སེལ་བར་བྱེད་པ་ཡིན་པར་རྒྱལ་བས་གསུངས། །སྲིན་བུ་ལས་ནི་རབ་གདུག་པ། །བ་ནི་བཅུ་དྲུག་ཡིན་པར་བཤད། །གཞན་དག་ཉི་ཤུ་རྩ་བརྒྱད་འདོད། །ཁ་ཅིག་དེ་བས་མང་བར་འདོད། །ཉི་མའི་འོད་ཀྱི་རྗེས་འབྲང་བ། །སྟོང་ཕྲག་
[321b.2]ཡོད་ཅེས་གཞན་དག་འཆད། །བླ་བརྣན་གཟུགས་ནི་མང་གྱུར་པ། །དུག་ཅན་པ་ནི་གཅིག་པུར་འདོད། །དེ་ཡི་གཟུགས་དང་མིང་དག་ནི། །ཤིན་ཏུ་འདྲེས་པས་ཤེས་པར་དཀའ། །གནས་ཀྱི་ངེས་པ་ཡོད་མིན་པས། །དེ་ཕྱིར་ནད་ལས་བཤད་པར་བྱ། །ནད་གཞི་སོ་སོའི་གསོ་བ་དཀའ། །འདུས་པ་
[321b.3]ལས་གྱུར་གསོར་མི་རུང་། །དེས་ཟིན་མཁྲིས་གྱུར་ཚ་བ་དང་། །སྐོམ་དད་ཆུ་བུར་རིམས་ཀྱིས་འདེབས། །རྨོངས་བག་རབ་ཚ་དམར་སེར་མདོག །རྣགས་ཤིང་རྒུན་འབྲུའི་འབྲས་བུ་འདྲ། །བད་ཀན་ལས་གྱུར་སྲ་ཞིང་སྐྱ། །བ་རུ་ཤ་ཀའི་འབྲས་བུ་འདྲ། །གཉིད་ཆེ་གྲང་རིམས་ལུད་པ་ལུ། །ཤིན་ཏུ་
[321b.4]གཡའ་བར་བྱེད་པ་ཡིན། །རླུང་གྱུར་རྩུབ་ཅིང་གནག་པ་དང་། །ཚིགས་ན་རིམས་ཀྱིས་འདེབས་པར་བྱེད། །དེ་ཡི་དབྱེ་བ་ནད་ཀྱི་ནི། །རང་གི་མཚན་ཉིད་ལས་ཤེས་བྱ། །གསོར་མི་རུང་བ་སྙིང་ཚ་ཞིང་། །ལུད་པ་སྐྱིགས་བུ་མགོ་ནད་དང་། །འབྲུམ་ཕྲན་དཀར་དང་སེར་དང་གནག །དམར་དང་
[321b.5]སྐྱ་བ་ལས་འབྱུང་འགྱུར། །འདར་ཞིང་སྐྲངས་ལ་ཚ་བ་དང་། །སྐོམ་དད་ལང་ཞིང་སྣ་འཆུས་ལ། །མཆུ་གནག་སོ་ནི་གཡོ་བ་དང་། །རྒྱབ་དང་མིད་པ་བཅོམ་སྙམ་སེམས། །འཛམ་བུའི་འབྲས་བུ་སྨིན་འདྲ་བའི། །ཁྲག་ནི་མཆུས་བལྡགས་རྨ་ལས་འཛག །འདུས་གྱུར་མཚན་ཉིད་ཀུན་
[321b.6]ལྡན་ཞིང་། །མིང་ནི་མང་པོར་གྱུར་པ་ཡི། །དེ་དུག་རྣོན་པོ་བར་མ་དང་། །དམན་པའི་དབྱེ་བ་གསུམ་དུ་འགྱུར། །མ་བཅོས་ཞག་བདུན་ཞག་བཅུ་དང་། །ཟླ་བ་ཕྱེད་ཀྱི་རིམས་ཀྱིས་གསོད། །བ་དང་མཆུ་རིངས་ཐམས་ཅད་ཀྱང་། །གླང་ཤུ་ཀོར་ཀོར་པོར་བྱེད་ཅིང་། །དཀར་དང་གནག་དང་དམར་དང་
[321b.7]སེར། །གནག་པའམ་འཇམ་ཞིང་མཐོ་བ་དང་། །དབུས་སུ་གནག་པའམ་སྔོ་བ་ལ། །མཐའ་མ་དྲ་བ་ལྟ་བུས་ཁེབས། །མཆེད་ཅིང་སྐྲང་བར་བྱེད་པ་དང་། །ཚ་ཞིང་མང་དུ་ན་བ་དང་། །རིམས་འདེབས་མྱུར་དུ་རྣགས་ཤིང་འདྲུལ། །རུལ་ཞིང་གས་པར་བྱེད་པ་དང་། །རྣག་གིས་གང་དུ་རེག་གྱུར་
[322a]
[322a.1]པའི། །ཕྱོགས་དེར་ཡང་ནི་རྨ་སྐྱེད་བྱེད། །དབུགས་དང་མཆེ་བ་བཤང་གཅི་དང་། །ཁུ་ཆུ་ཁ་ཆུ་སེན་མོ་ཁྲག །བརྒྱད་པོ་གནོད་བྱེད་ཁྱད་པར་དུ། །དུག་ནི་ཁ་ལ་གནས་པ་ཡིན། །བ་ནི་ལྟེ་བ་ཡན་ཆད་འཛིན། །སྲིན་བུ་སྟོད་སྨད་ཀུན་ཏུ་གནོད། །དེ་གནོད་བྱས་པའི་གོས་ལ་
[322a.2]སོགས། །ལུས་ལ་རེག་ན་ནད་སྐྱེད་བྱེད། །བ་དང་སྲིན་བུ་ལས་གྱུར་དུག །ཉིན་ཕྱེད་བར་དུ་ཚོར་མི་འགྱུར། །དེ་ནས་དང་པོའི་ཉིན་ཞག་ལ། །ཁབ་ཀྱིས་གཙགས་པ་སྙམ་དུ་སེམས། །མདོག་མི་གསལ་ཞིང་གཡོ་བ་དང་། །ཅུང་ཟད་གཡའ་ཞིང་ནད་དང་ལྡན། །གཉིས་པར་མཐའ་མ་ཤིན་
[322a.3]ཏུ་མཐོ། །འབྲུམ་བུ་ཕྲ་མོས་ཁྱབ་པ་འདྲ། །མདོག་གསལ་གྱུར་ན་དབུས་དམའ་ཞིང་། །གཡའ་ཞིང་རྨེན་བུ་ལྟ་བུར་སྣང་། །གསུམ་པར་རིམས་བཅས་སྤུ་ལྡང་ཞིང་། །འཁོར་ལིང་དམར་པོར་སྣང་བ་དང་། །ཁམ་ཕོར་གཟུགས་འདྲ་ཕལ་ཆེར་ནི། །བ་སྤུའི་བུ་ག་འཛག་པར་འགྱུར། །ཉིན་ཞག་
[322a.4]བཞི་པར་ཆེར་སྐྲངས་ཤིང་། །མགོ་འཁོར་ལུས་ཚ་དབུགས་མི་བདེ། །ལྔ་པར་དུག་ལྡང་ལས་གྱུར་པའི། །ནད་ནི་དེ་དང་དེ་དག་བསྐྱེད། །དྲུག་པར་གནད་དུ་ཁྱབ་པར་བྱེད། །བདུན་པར་སྲོག་ནི་འཇོམས་པར་བྱེད། །དེ་ལྟར་དུག་ནི་རྣོན་པོ་དང་། །བར་མ་དམན་པ་དབྱེ་བར་བྱ། །དེ་ནས་ཉིན་ཞག་ཉི་ཤུ་ནི། །གཅིག་
[322a.5]ན་ཡོང་ཡེ་ཞི་བར་འགྱུར། །དེ་འོག་བ་ཡིས་ཟིན་པ་ནི། །མཚོན་གྱིས་རྨ་ནི་གནོད་པར་བྱ། །འཛམ་བུའི་མཆུ་ལ་སོགས་པས་བསྲེག །མཁྲིས་པ་ལས་གྱུར་བསྲེག་མི་བྱ། །རྩུབ་ཅིང་སྤུ་ནི་གྱེས་པ་དང་། །གནད་དང་ཚིགས་ལ་སོགས་ལ་གནས། །ཟིན་ནས་ཀུན་ཏུ་ཁྱབ་གྱུར་པ། །གཅད་པར་མི་བྱ་
[322a.6]བསྲེག་མི་བྱ། །བསྲེག་པ་དུག་སྨན་རྒྱམ་ཚ་དང་། །སྦྲང་རྩིར་སྦྱར་བས་བསྐུ་བར་བྱ། །དེ་རྗེས་འོ་མ་ཅན་ཤིང་བསྐོལ། །སྨན་ཁུ་ཤིན་ཏུ་བསིལ་མོ་བླུགས། །རྔབས་རྭ་སོགས་སམ་གཏར་ག་ཡིས། །ཐམས་ཅད་ལ་ནི་ཁྲག་དབྱུང་བྱ། །དེ་ནས་བསིལ་སྨན་བསྐུ་བླུགས་བྱ། །སླེ་སྨན་ཏ་ཀ་ཨ་
[322a.7]ཤྭདྠ། །བ་རུ་ར་དང་པྲི་ཡང་ཀུ། །ཤུག་པ་སེར་གཉིས་སྦྲང་རྩིར་སྦྱར། །བ་དང་སྲིན་བུ་ལ་སོགས་པའི། །དུག་འཇོམས་ལས་ནི་ཐམས་ཅད་བྱེད། །སེར་པོ་རྣམ་གཉིས་རྨ་ཤིང་བཙོད། །པདྨ་གེ་སར་རྒྱ་སྤོས་ནི། །སྦྲང་རྩི་མར་སྦྱར་ཙམ་པ་ཀ །སྔ་མ་བས་ཀྱང་ཡོན་ཏན་ལྷག །ལྕི་ཁུ་བཙིར་
[322b]
[322b.1]དང་ཀར་དཀར། །ཨ་པ་མརྒ་ལྡོང་རོས་དང་། །བ་བླ་སྐྱེར་པ་བྱ་མ་ཀ །ཡུག་སྣམ་སྦྲང་རྩེ་མར་དེ་བཞིན། །རྒྱ་སྤོས་ན་ལེ་ཤམ་སུག་སྨེལ། །རུ་རྟ་ཤིང་མངར་སྦྲང་རྩི་མར། །སྦྱར་བའི་སྨན་ནི་མནྡ་ར། །རྒྱ་སྤོས་སེང་ཕྲོམ་པུ་ཙེ་ཤེལ། །ཤུ་དག་པ་ཐ་སུག་སྨེལ་དང་། །གུར་གུམ་སྤོས་དང་
[322b.2]ལྡང་དེ་བཞིན། །ནད་གཞི་མང་ལ་དུག་འཇོམས་པའི། །སྦྱང་བ་བྱས་པས་གསོ་བར་བྱ། །ཤིང་མངར་དང་ནི་པོ་སོན་ཆ། །ཀོ་ཤ་ཏ་ཀི་ཨང་ཀོ་ལ། །སིན་དུ་བར་འབྲས་ཆུར་སྦྱར། །འཐུངས་ན་བད་ཀན་ལས་གྱུར་དུག །མྱུར་དུ་སློན་པར་བྱེད་པ་ཡིན། །ཤིར་ཤའི་ལོ་མ་མེད་དང་། །རྩ་
[322b.3]བ་འབྲས་བུ་ཨང་ཀོ་ལའི། །རྩ་བར་བཅས་པའང་དེ་བཞིན་ནོ། །འབྲས་བུ་གསུམ་དང་ནི་ལི་ནི། །དུར་བྱིད་ལ་སོགས་བཀྲུ་སྨན་གཏང་། །སྐྲང་དང་ཚ་སོགས་ཞི་གྱུར་ན། །རྨ་ཡི་ལྟེ་བ་དབོག་པར་བྱ། །བ་བླ་ལེ་བརྒན་རྩིའི་མེ་ཏོག །ཁྲོན་བུ་བྱི་བའི་རྟུག་པ་དང་། །དུར་བྱིད་རྒྱམ་ཚ་དན་དང་
[322b.4]སྦྱང་། །ལྟེ་བ་འབྱིན་པར་བྱེད་པ་ཡིན། །དེ་བཞིན་ཨུ་ཏ་མ་ཀ་རའི། །རྩ་བ་སྨིན་པའི་ཤུན་བཅས་པའི། །རྒྱམ་ཚ་རུ་རྟ་པུ་ཙེ་ཤེལ། །དན་ད་པ་ཡ་སྱ་སྦྱར་བའམ། །ར་ཛ་ཀོ་ཏ་ཀའི་རྩར། །དར་བའི་ཚིགས་མའང་སྦྱར་བར་བྱ། །ལྟེ་བ་བཅད་པའི་དུས་སུ་ནི། །དུག་སེལ་བ་ཡིས་བརྟ་བར་བྱ། །
[322b.5]སྣུམ་ཆོས་མ་ལུས་བྱ་བ་ནི། །ཞུན་མར་ཉིད་ཀྱིས་བྱ་བ་ཡིན། །ཏིལ་མར་གྱིས་ནི་རྩྭ་སོགས་ལ། །མེ་མཆེད་ལྟ་བུར་དུག་འཕེལ་བྱེད། །བེ་ཀང་ཀ་ཏ་བ་ལི་ཀ །ཐལ་ཏྲེས་གླ་སྒང་སྤྲི་ཀ་དང་། །ཙནྡན་ཉ་ལྕིབས་སོན་ཀ །ཨུཏྤལ་རྒྱ་སྤོས་ཤིང་མངར་དང་། །ཤིང་ཚ་ཤུག་པ་ན་གུ་ལི། །པོ་སོན་
[322b.6]ཆའི་རྐང་ལྷན་ཅིག་སྦྱར། །སྐྱེར་པ་གླ་སྒང་སར་པཀྵི། །བཅའ་སྒ་པི་པི་ལིང་རྩ་བ། །པི་པི་ལིང་དང་ཙི་ཏྲ་ཀ །བ་རུ་ན་དང་ཨ་ཀ་རུ། །བིལ་བ་ནིམ་པ་པ་ཏ་ལི། །རུ་རྟ་ནཱ་ག་གེ་སར་དང་། །སེའུ་ལུ་ལྷན་ཅིག་སྦྱར་བ་དང་། །བིལ་བ་ཙནྡན་ཨུཏྤལ། །རྒྱ་སྤོས་བཅའ་སྒ་པི་པི་ལིང་། །ལྕམ་
[322b.7]པ་ནིམ་པ་རུ་རྟ་དང་། །ཆུ་སྲིན་སྡེར་མོ་ཛི་བན་ཏི། །ག་བྲའི་རྩ་བ་པ་ཏ་ལི། །ཛི་བན་ཏི་དང་པོ་སོན་ཆ། །ཤིང་ཚ་སྦྱར་བ་དེ་དག་ནི། །མིག་སྨན་སྣར་བླུགས་བྱུག་པ་དང་། །སྨན་ཆུ་བླུགས་པའི་སྦྱོར་བ་ཡིས། །མཁྲིས་པ་བད་ཀན་རླུང་གྱུར་པའི། །ལུ་ཏའི་དུག་ནི་ཇི་སྙེད་པ། །ཚུལ་
[323a]
[323a.1]ཁྲིམས་ལ་གནས་ངན་འགྲོ་བཞིན། །འདི་ཡིས་དུག་ནད་ཀུན་འཇོམས་བྱེད། །སེང་ཕྲོམ་ཤུག་པ་པདྨ་གེ་སར་དང་། །ཙནྡན་དམར་སེར་པྲི་ཡང་ཀུའི་མེ་ཏོག །པདྨ་པུ་ཤེལ་ཙེ་དང་པ་ཡ་སྱའི། །སྦྱོར་བ་ཀུན་གྱིས་བ་ཡི་དུག་ཀུན་འཇོམས། །ཡན་ལག་བརྒྱད་པའི་སྙིང་
[323a.2]པོ་བསྡུས་པ་ལས། ཕྱི་མའི་གནས་ཀྱི་ལེའུ་སུམ་ཅུ་བདུན་པའོ།། །།དེ་ནས་བྱི་བ་དང་ཨ་ལཾ་ཀའི་དུག་གསོ་བའི་ལེའུ་བཤད་པར་བྱའོ། །ཁུ་ཆུ་ཅན་དང་མི་བརྟན་བུ། །རྒོད་དང་སྒྲ་ཅན་པགས་པ་དང་། །རྙིང་པའི་སོ་དང་ཁུ་བྱུག་དང་། །སེར་སྐྱ་དང་ནི་ནག་པོ་དང་། །དམར་
[323a.3]སེར་ཁྲ་བོ་དཀར་པོ་དང་། །ཐིབ་སྐྲ་དཀར་ཕྱི་བ་དང་། །ཕུས་པ་དང་ནི་བྲ་བྱི་སྟེ། །བྱི་བའི་དབྱེ་བ་བཅོ་བརྒྱད་ཡིན། །གང་དུ་འདི་ཡི་ཁུ་ཆུས་ཕོག །ཁུ་བས་ཕོག་དང་རེག་པ་ནི། །ལུས་ཀྱི་ལུས་ལ་རེག་པ་དེར། །ཁྲག་ལ་གནོད་ཅིང་མདོག་སྐྱ་ལ། །ཐོར་བུ་རྨེན་བུ་དྲི་མནམ་དང་། །ཤུ་
[323a.4]བ་ཀོར་ལིང་ཡི་ག་འཆུས། །མགོ་འཁོར་སྐྲངས་རིམས་རབ་ཏུ་ན། །ཉམ་ཆུང་འདར་ཞིང་ལྷུ་ཚིགས་ན། །སྤུ་ལྡང་དྲན་ཉམས་ཁྲག་འཛག་དང་། །ཡུན་རིང་དུ་ནི་གནས་པར་བྱེད། །བད་ཀན་ཅན་གྱི་བྱི་བ་ཡི། །ཕྲུ་གུ་མང་རེག་སྐོམ་སློན་འགྱུར། །བྱི་བ་འཁྲིག་སྤྱོད་དུག་གསོ་དཀའ། །ཡང་
[323a.5]དང་ཡང་དུ་ལྡང་བར་བྱེད། །ཡན་ལག་ཀུན་སྐྲངས་མདོག་མི་སྡུག །རྣགས་ཤིང་འོན་ལ་རིམས་ཀྱིས་འདེབས། །མགོ་ལྕི་ཁ་ཆུ་ཁྲག་འབྱུང་ཞིང་། །སློན་པ་གསོ་དཀའི་མཚན་ཉིད་ཡིན། །ཕུས་པས་ཟིན་པ་དེ་དྲི་བྲོ། །ལྒང་པ་སྐྲངས་ཤིང་ཆུ་མདོག་ཉམས། །སྦྲང་རྩི་འདྲ་བའི་རྨེན་བུས་
[323a.6]ཁྱབ། །ཁྱེའི་དུག་བད་ཀན་ཤས་ཆེར་འཁྲུགས། །འདུ་ཤེས་རྒྱུ་བའི་རྩ་མང་གནས། །གནོད་ཅིང་འཁྲུག་པར་བྱེད་པ་དང་། །ལུས་ཟུངས་ལ་ནི་མི་བཟད་གནོད། །ཁ་ཆུ་འཛག་དང་ལོང་དང་འོན། །ཀུན་ཏུ་རྒྱུག་པར་བྱེད་པ་དང་། །མཇུག་མ་འགྲམ་པ་ཕྲག་གོང་ལྷོད། །མགོན་གདོང་ནི་དུད་པ་
[323a.7]ཡིན། །དེ་ཡི་སོ་ཡིས་ཟིན་ན་རྨ། །ཚོར་བ་ཆུང་ཞིང་ཁྲག་རྣག་འཛག །མགོ་སྙིང་ན་ཞིང་རིམས་འདེབས་རེངས། །དེ་རྗེས་སྐོམ་དང་བརྒྱལ་བར་འགྱུར། །འདི་ཡིས་གདུག་ཅིང་མཆེ་བ་ཅན། །ཅེ་སྤྱང་དོམ་དང་དྲེད་དང་གུང་། །སྟག་དང་སྤྱང་ཀི་ལ་སོགས་པ། །གཞན་དག་ཀྱང་ནི་ཤེས་པར་བྱ། །
[323b]
[323b.1]གཡའ་ཞིང་ཟུག་ལ་མདོག་མི་སྡུག །ཚོར་བ་མེད་གནས་རིམས་མགོ་འཁོར། །ཚ་ཞིང་དམར་ལན་ཞིང་གནག །སྐྲང་ཞིང་རྨེན་བུ་སྐྱེ་ཟུག་འཁུམས། །རྨ་ནི་འགགས་ཤིང་འབྲུམ་བུ་འབྱུང་། །ལྟེ་བ་ཅན་དུ་ཟླུམ་པོར་འགྱུར། །ཀུན་ཏུ་དུག་བཅས་མཚན་མ་འདི། །དུག་མེད་དེ་ལས་
[323b.2]བཟློག་པ་ཡིན། །གང་གིས་བཟུང་བ་དེའི་སྤྱོད་ཚུལ། །སྒྲ་སྒྲོགས་རྒྱུ་མེད་པར་དེའི་གཟུགས། །ཆུ་དང་མེ་ལོང་སོགས་མཐོང་འཆི། །མ་བཟུང་བར་ཡང་སྒྲ་དང་ནི། །མཐོང་བས་སྡང་བར་བྱེད་པ་ནི། །ཆུ་ཡིས་སྐྲག་ཅེས་བྱ་བ་སྟེ། །ཟིན་པས་དེ་ཡང་སྤང་བར་བྱ། །བྱི་བའི་དུག་གིས་ཟིན་མ་
[323b.3]ཐག །རྨ་ནི་མདེའུ་བསྲེགས་པས་བསྲེག །ཡང་ན་མེ་ལོང་དག་གིས་བྱ། །གཞན་དུ་ལྟེ་བར་མི་བཟོད་ན། །བསྲེགས་ནས་རྨ་ལས་ཁྲག་དབྱུང་ཞིང་། །ཞལ་ཞལ་བྱས་ལ་ཤིར་ཤ་དང་། །ཡུང་བ་རྒྱ་སྤོས་གུར་གུམ་དང་། །སླེ་ཏྲེས་ཀྱི་ནི་ལྡེ་གུས་བསྐུ། །ཁྱིམ་གྱི་དུད་པ་སྐྱེར་པ་དང་། །
[323b.4]རྒྱམ་ཚ་དང་ནི་བཙོད་དག་གི། །ལྡེ་གུས་བྱི་བའི་དུག་སེལ་ཞིང་། །ལྟེ་བ་འབུར་བའང་འཇོམས་པར་བྱེད། །དེ་ནས་སྐྱུར་བས་བཀྲུས་ནས་ནི། །གི་རི་ཀར་ཎི་པ་ལིན་དི། །བིལ་བའི་རྩ་བ་སླེ་ཏྲེས་དང་། །ཆུ་དང་བཏགས་པའི་ལྡེ་གུས་བསྐུ། །དུག་དང་སྐྲང་སེལ་སྨན་གཞན་དང་། །ཡང་ན་གཏར་ག་
[323b.5]མྱུར་དུ་གདབ། །ནི་ལི་ནི་བསྐོལ་ཤི་རི་ཤ།།ཨང་ཀོ་ལ་ཡི་ཁུ་བས་སློན། །ཀོ་ཤ་ཏ་ཀི་ཤིར་ཤ་དང་། །ཛི་མུ་ཏ་ཀའི་འབྲས་བུ་དང་། །པོ་སོན་ཆ་ནི་ཕྱེ་མར་བཏགས། །ཞོ་སྦྱར་བླུད་ལ་དུག་སློན་གཞུག །ཤུ་དག་རུ་རྟ་པོ་སོན་ཆའམ། །ཛི་བན་ཏི་ནི་བ་གཅིན་བཏགས། །ཆོ་ག་སྔ་མ་བཞིན་
[323b.6]བླུད་ན། །དུག་གི་ནད་ནི་ཐམས་ཅད་སེལ། །དུར་བྱིད་ནི་ལི་ནི་དང་ནི། །འབྲས་བུ་གསུམ་གྱི་བཀྲུ་སྨན་བསྔགས། །ཤིར་ཤའི་སྙིང་པོའི་འབྲས་བུ་ཡིས། །མགོ་བོའི་བཀྲུ་སྨན་དག་ཀྱང་ཕན། །བ་ལྕིའི་ཁུ་བ་ཚ་བ་གསུམ། །ཕྱེ་མ་ཞིབ་བཏགས་ལྡེ་གུས་ཕན། །བ་ལང་ལྕི་བ་ཀ་པིད་ཏའི། །ཕྱེ་མ་སྦྲང་
[323b.7]རྩིའི་ལྡེ་གུ་བཟའ། །ཏཎྜུ་ལི་ཡི་རྩ་བ་དང་། །བསྐོལ་བའི་མར་ནི་བླུད་ནའང་ཕན། །གི་རི་ཀར་ཎི་སེར་པོ་གཉིས། །ཤིང་མངར་བཙོད་དང་སླེ་ཏྲས་ཕན། །ཐལ་ཏྲེས་རྩ་པ་མར་བསྐོལ་བ། །ཀ་པིང་ཏ་ཡི་རྣམ་ལྔའང་ཕན། །སིན་དུ་བ་ར་རྒྱ་སྤོས་དང་། །ཤི་ཀྲུ་བིལ་བའི་རྩ་བ་དང་། །ཤུ་དག་གཟེ་མ་
[324a]
[324a.1]བ་སྤྲུ་བ། །ཛི་མུ་ཏ་དང་བཅས་པ་སྟེ། །དེ་རྣམས་ཁུ་བ་སྦྲང་རྩིར་བཅས། །བླུད་ནས་འབྲས་ཆན་སཱ་ལུ་ཞོ། །བྱིན་ན་བྱི་བའི་དུག་ནད་སེལ། །ཤར་པུང་གའི་ཕྱེ་མ་ནི། །དར་བར་སྦྱར་བ་བླུད་པའང་ཕན། །ཨཾ་ཀོ་ལ་ཡི་རྩ་བ་ནི། །ར་ཐུག་གཅིན་སྦྱར་ལྡེ་གུས་ནི། །བཏུང་
[324a.2]དང་བསྐུ་བ་ལ་སྦྱར་ན། །བྱི་བའི་དུག་ཀུན་སེལ་བར་བྱེད། །ཀ་པིད་ཏ་ཡི་སྙིང་པོ་དང་། །ཏིལ་ཀ་དང་ཏིལ་དང་ནི། །ཨཾ་ཀོ་ལ་ཡི་རྩ་བ་ནི། །བ་ཡི་འོ་མའམ་གཅིན་སྦྱར་བླུད། །ཏིལ་ཀའི་གདོང་ཡལ་ག་ཡི། །བ་ཡི་འོ་མ་སྦྱར་བ་བླུད། །ཡང་ན་ཤེརྱ་ཀའི་རྩ་བ། །སྦྲང་རྩི་འབྲས་བུ་སྦྱར་
[324a.3]བ་བླུད། །ཀུ་བ་ཁ་བོ་ཞག་གཅིག་ནི། །ཆུ་ལ་སྦངས་པའང་བླུད་པར་བྱ། །སིན་དུ་བ་རའི་རྩ་བ་དང་། །བྱི་བའི་རུས་པ་བོང་ང་དཀར། །རྒྱ་སྤོས་ཆུར་བཏགས་སྣ་སྨན་སོགས། །སྦྱར་བས་བྱི་བའི་དུག་སེལ་བྱེད། །བྱི་བའི་དུག་ནི་ལྷག་ལུས་པ། །སྤྲིན་མཐོང་བས་ནི་ལྡང་བྱེད་པའམ། །ནད་ནི་
[324a.4]འཕེལ་བར་བྱེད་པའི་རྒྱུ། །ཇི་ལྟ་བར་ནི་འཕེལ་བར་བྱེད། །དེ་ལ་གནས་སྐབས་ཐམས་ཅད་དུ། །གསོ་བ་ཐམས་ཅད་སྦྱར་བྱ་ཞིང་། །རང་གི་གསོ་བར་གང་བཤད་དང་། །དེ་བཞིན་ཉམས་པའི་དུག་སེལ་སྦྱོར། །ཨ་ལང་ག་ཡི་སོ་ཡིས་ཟིན། །མར་བསྐོལ་བ་ཡིས་བསྲེག་པར་བྱ། །དུག་སྨན་
[324a.5]དེ་དང་དེ་བསྐུ་ཞིང་། །མར་གྱི་སྙིང་པོ་བླུད་པར་བྱ། །འདི་ལ་ཨརྐའི་འོ་མར་བཅས། །བཀྲུ་སྨན་དག་ཀྱང་མྱུར་དུ་གཏང་། །ཨཾ་ཀོ་ལའི་རྩ་བྱང་ཕྱོགས་ཆུ། །སྲང་གསུམ་མར་ནི་སྲང་གཅིག་བླུད། །དྷ་དུ་ར་ཡི་འབྲས་བུ་དང་། །གི་རི་ཀར་ཎི་བ་སྤྲུ་བ། །བསྐོལ་བའི་ཁུ་བ་བླུད་པར་བྱ། །ཏིལ་བཏགས་
[324a.6]ལྡེ་གུ་ཨརྐ་ལྕགས། །འོ་མ་བུ་རམ་བསྲེས་བྱིན་ན། །སྤྲིན་སོགས་རླུང་གིས་གཏོར་བ་བཞིན། །ཨ་ལཾ་ཀ་ཡི་དུག་འཇོམས་བྱེད། །སྔགས་བཅས་སྨན་དང་རིན་ཆེན་བཅས། །ཞི་བར་བྱེད་པ་དག་ཀྱང་སྦྱར། །རྐང་བཞི་པ་དང་རྐང་གཉིས་པའི། །སོ་འམ་སེན་མོས་སྣད་གྱུར་པ། །སྐྲང་ཞིང་
[324a.7]རྣགས་ལ་མདོག་དམར་ཞིང་། །ཚན་ཆུ་སེར་འཛག་པ་ལ། །ཨ་ཤྭ་ཀརྞ་ཀད་ཕ་ལ། །ཧན་ས་པ་ཏི་གོ་ཇི་ཧ། །ཡུག་སྣམ་སེར་པོ་གཉིས་ཀྱིས་བསྐུ། །སོ་དང་སེན་མོའི་དུག་འཇོམས་བྱེད། །ཡན་ལག་བརྒྱད་པའི་སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་སྟེ་སུམ་ཅུ་བརྒྱད་པའོ།། །།
[324b]
[324b.1]ཡན་ལག་བརྒྱད་པའི་སྙིང་པོ་བསྡུས་པ་ལས། །མཆེ་བ་གསོ་བའི་ཡན་ལག་རྫོགས་སོ།། །།དེ་ནས་བཅུད་ཀྱིས་ལེན་གྱི་ལེའུ་བཤད་པར་བྱའོ། །ཚེ་རིང་དྲན་དང་ཡིད་གཞུངས་དང་། །ནད་མེད་གཞོན་དང་ལང་ཚོ་དང་། །གཟུགས་བཟང་མདོག་དང་སྐད་གསལ་དང་། །ལུས་དང་དབང་
[324b.2]པོའི་སྟོབས་སྐྱེད་ཅིང་། །ཚིག་གྲུབ་རོ་ཙ་མདངས་ལྡན་པ། །བཅུད་ཀྱིས་ལེན་གྱིས་འཐོབ་པར་འགྱུར། །དངས་མ་ལ་སོགས་ཡོན་ཏན་ཅན། །ཐོབ་གནས་ཡིན་ཕྱིར་བཅུད་ཀྱིས་ལེན། །ན་ཚོད་དང་པོའམ་བར་མའི་ཚེ། །དབང་པོ་ཐུལ་བས་དེ་སྦྱར་ཏེ། །སྣུམ་ཆོས་བྱ་ཞིང་གཏར་ག་གདབ། །
[324b.3]རྣམ་པ་ཀུན་ཏུ་སྦྱངས་བྱས་གཏང་། །མ་སྦྱངས་པ་ཡི་ལུས་ལ་ནི། །བཅུད་ཀྱིས་ལེན་དང་རོ་ཙ་བའི། །སྦྱོར་བ་དྲི་མ་ཅན་གྱི་ནི། །གོས་ཀྱི་ཚོན་ལྟར་དོན་མེད་འགྱུར། །བཅུད་ཀྱིས་ལེན་གྱི་སྦྱོར་བ་ནི། །རྣམ་པ་གཉིས་སུ་དྲང་སྲོང་འདོད། །སྤྱིལ་བོར་འདུག་པ་གཙོ་བོ་སྟེ། །རླུང་དང་ཐན་པས་ཉེན་
[324b.4]ཅིག་ཤོས། །ཁང་པ་རླུང་མེད་འཇིགས་པ་མེད། །ཆོས་ལྡན་ཡོ་བྱད་འབྱོར་པའི་གྲོང་། །ས་ཕྱོགས་ཤིས་པའི་བྱང་ཕྱོགས་སུ། །ཁང་པ་སུམ་རིམ་སྐར་ཁུང་ཆུང་། །དུད་པ་ཉི་ཚན་སྦྲུལ་དང་རྡུལ། །བུད་མེད་གླེན་མས་མ་བགྲོད་པར། །ཡོ་བྱད་སྨན་པ་སྟ་གོན་བྱས། །ཁང་པ་ལེགས་པར་བྱི་དོར་
[324b.5]བྱའོ། །དེ་ནས་ཚེས་གྲངས་བཟང་ཁྲུས་བྱས། །མཆོད་འོས་མཆོད་ལ་འཇུག་པར་བྱ། །དེར་ནི་སྦྱང་བྱས་དག་གྱུར་ནས། །བདེ་ཞིང་སྟོབས་ནི་སྐྱེད་པ་དང་། །ཚངས་པར་སྤྱོད་དང་བརྟན་པར་ལྡན། །དད་པར་ལྡན་ཞིང་དབང་པོ་ཐུལ། །སྦྱིན་དང་ཚུལ་ཁྲིམས་བདེ་བ་དང་། །བརྟུལ་ཞུགས་ཆོས་ལ་
[324b.6]མཆོག་ཏུ་གཞོལ། །ལྷ་ནི་རྗེས་སུ་དྲན་པར་ལྡན། །རིགས་པས་གཉིད་ལོག་གཉིད་མི་ལོག །སྨན་ལ་དགའ་ཞིང་ཚིག་འཇམ་པས། །བཅུད་ཀྱིས་ལེན་ནི་བརྩམ་པར་བྱ། །དེ་ཉིད་སྣུམ་ཆོས་དུགས་བྱས་ནས། །ཨ་རུ་ར་དང་སྐྱུ་རུ་ར། །རྒྱམ་ཚ་བཅའ་སྒ་པི་པི་ལིང་། །ཤུ་དག་ཡུང་བ་བྱི་དང་ག །
[324b.7]བུ་རམ་ཆུ་དྲོན་སྦྱར་བ་ནི། །བླུད་ན་ལེགས་པར་འཁྲུ་བར་འགྱུར། །དེ་ནས་ལུས་ནི་དག་འགྱུར་ཞིང་། །ཐུག་སོགས་རིམ་པར་སྤྱད་ནས་ཀྱང་། །ཞག་གསུམ་མམ་ནི་ཞག་ལྔའམ། །ཞག་བདུན་བར་དུ་ཞུན་མར་བཅས། །ནས་ཐུག་དག་པར་གྱུར་གྱི་བར། །སྦྱིན་ཞིང་བཤང་རྙིང་དག་པར་བྱ། །
[325a]
[325a.1]དེ་ལྟར་ལྟོ་ནི་སྦྱངས་བྱས་ནས། །གོམས་པར་ཤེས་པས་གང་ཞིག་ལ། །གང་ཞིག་འཚམ་པ་དེ་ཀུན་བརྟགས། །བཅུད་ཀྱིས་ལེན་ནི་སྦྱིན་པར་བྱ། །ཨ་རུ་ར་སྟོང་དེའི་སུམ་འགྱུར། །སྐྱུ་རུ་ར་དང་བཅས་པ་དང་། །རྩ་བ་ལྔ་བོ་ལྔ་རྣམས་ནི། །སྲང་ནི་ཉིས་བརྒྱ་ལྔ་བཅུ་
[325a.2]དག །ཆུ་ནི་བཅུ་འགྱུར་ནང་དུ་བསྐོལ། །ཁུ་བ་བཅུ་ཆ་ལུས་པ་རུ། །ཨ་རུ་རྣམ་རྒྱལ་སྐྱུ་རུ་ར། །བརྡུངས་ལ་རུས་པ་ཕྱུང་ནས་ནི། །ཁུ་བ་དེ་ཡི་ནང་དུ་ནི། །ཤིང་ཚ་སུག་སྨེལ་པི་པི་ལིང་། །ག་དུར་སྐྱེར་པ་ཨ་རུ་ར། །ཙནྡན་མ་དུ་ཀ་པར་ཎི། །ཤཾ་ཀ་པུཥྤ་ཀ་ན་ཡ། །ཤུ་དག་གླ་བ་ཤིང་མངར་
[325a.3]དང་། །བྱི་དང་ག་ནི་ཕུལ་རེའི་ཚད། །ཁར་དཀར་སྲང་སྟོང་ཆིག་བརྒྱ། །ཞུན་མར་བྲེ་ནི་བཅུ་གཉིས་དང་། །ཏིལ་མར་བྲེ་ནི་བརྒྱད་བཅས་པ། །ལྡེ་གུར་གྱུར་གྱི་བར་དུ་བསྐོལ། །ཕབ་ལ་བསྒྲངས་པར་སྦྲང་རྩི་ནི། །སྲང་ནི་སུམ་བརྒྱ་ཉི་ཤུ་གཞུག །དེ་ནས་གཟར་བུས་དཀྲུགས་ནས་ནི། །མར་
[325a.4]གྱི་སྣོད་དུ་གཞུག་པར་བྱ། །གང་ཞིག་ཟས་གཅིག་ལ་མི་གནོད། །དེ་ནི་འདི་ཡི་ཚད་དུ་བཤད། །ཞུ་བའི་ཚེ་ན་དྲུག་ཅུ་པ། །འོ་མར་བཅས་པའི་ཁ་ཟས་སྦྱིན། །བཅུད་ཀྱིས་ལེན་འདི་ཚངས་པས་བཤད། །དགེ་ཞིང་དཔལ་ཡོན་ཅན་ཡིན་ཞིང་། །མཁའ་ལ་གནས་དང་བྱིས་པ་རྩེ། །དེ་བཞིན་
[325a.5]དཀའ་ཐུབ་པས་བསྟེན་བྱས། །ལུས་སྙོམ་ངལ་དང་སྐྲ་དཀར་དང་། །གཉེར་མའི་སྐྱོན་ནི་སྤང་འགྱུར་ཞིང་། །ཡིད་གཞུངས་དྲན་དང་སྟོབས་ལྡན་ཞིང་། །ཚེ་རིང་བར་ཡང་འགྱུར་བ་ཡིན། །སྐྱོན་མེད་ཨ་རུ་ར་དང་སྐྱུ་རུ་ར། །སྟོང་དང་པི་པི་ལིང་ནི་སྟོང་དང་བཅས། །རྒྱ་སྐྱེགས་ཤིང་གཞོན་ཐལ་བའི་ཆུ་
[325a.6]སྦྱར་བ། །སྣོད་དུ་བཞག་སྟེ་ལེགས་པར་སྦངས་ནས་ནི། །སླར་ཕྱུང་གྲིབ་མར་བསྐམས་ཏེ་ཕྱེ་མར་བྱས། །ཁ་ར་དཀར་པོ་བཞི་ཆ་མར་དང་ནི། །སྦྲང་རྩི་བཞི་འགྱུར་བཅས་པ་མར་གྱི་ནི། །བུམ་པར་བཅུག་སྟེ་ས་བརྐོས་པར་བཞག་ལ། །ཟླ་བ་དྲུག་ལོན་ནས་ནི་སླར་ཕྱུང་སྟེ། །སྔ་དྲོའི་དུས་སུ་མེ་
[325a.7]དྲོད་ཇི་བཞིན་བཟའ། །རྟག་ཏུ་མཐུན་པའི་ཟས་ནི་བཟའ་བར་བྱ། །དེ་ལྟར་མ་ལུས་ཟོས་ན་ལོ་བརྒྱ་འཚོ། །ནད་མེད་པ་དང་སྐྲ་དཀར་གཉེར་མ་མེད། །ལུས་ཀྱི་སྟོབས་འཕེལ་རྒྱས་པར་འགྱུར་བ་དང་། །མཆོག་ཏུ་དྲན་གསལ་ཡིད་ནི་གཞུངས་པར་འགྱུར། །སྐྱོན་མེད་རྒྱ་སྐྱེགས་ཤིང་རློན་པ། །
[325b]
[325b.1]ཐོར་ཏོ་བཅད་ལ་གཞོག་པ་ཡི། །སྡོང་བུ་ཁྲུ་གཉིས་བརྐོས་པའི་ནང་། །སྐྱུ་རུ་ར་ནི་སར་པས་དགང་། །རྩ་བའི་བར་དུ་འཇག་མས་དཀྲི། །པདྨ་སྐྱེས་པའི་འདམ་གྱིས་བསྐུ། །དེ་ནས་རླུང་མེད་གནས་སུ་ནི། །ལྕི་བ་སར་པ་གཙང་མས་བཙོ། །ཚོས་ཤིང་སྐྱུ་རུ་ར་སྤངས་ནས། །སྦྲང་རྩི་མར་
[325b.2]བཅས་མི་ཡིས་བཟའ། །དེ་རྗེས་འོ་མ་མར་བཅས་པ། །ཅི་འདོད་པར་ནི་བཏུང་བར་བྱ། །དེ་ཉིད་ཀྱིས་ནི་ཟླ་གཅིག་བར། །བསྟེན་ཞིང་སྤང་བར་བྱ་བ་རྣམས། །དེ་ནི་འབད་དེ་སྤང་བར་བྱ། །ཆུ་ནི་གྲང་མོ་ལག་པ་ཡིས། །རེག་པ་ཙམ་ཡང་མི་བྱའོ། །དེ་ལྟར་ཞག་ནི་བཅུ་གཅིག་འདས། །སྐྲ་
[325b.3]སོ་སེན་མོ་ལྷགས་པར་འགྱུར། །དེ་ནས་ཉིན་ཞག་ཅུང་ཟད་ནས། །གཟུགས་བཟང་བུད་མེད་ལ་ཕོད་ཅིང་། །སྟོབས་ནི་གླང་པོ་དང་འདྲར་འགྱུར། །མཆོག་ཏུ་ཡིད་གཞུངས་སྙིང་སྟོབས་དང་། །བློ་ལྡན་ལོ་སྟོང་འཚོ་བར་འགྱུར། །རྩ་བ་བཅུ་པ་བ་བླ་དང་། །གླ་སྒང་ཐལ་ཏྲེས་ཛི་བ་ཀ །ཨུཏྤལ་
[325b.4]དང་པརྞི་གཉིས། །ཀརྐ་ཏ་སྲིང་པི་པི་ལིང་། །མེད་སུག་སྨེལ་ཏ་མ་ལ། །འཚོ་བྱེད་རྒུན་འབྲུམ་ཨ་ཀ་རུ། །མ་ནུ་ཟུར་བ་བ་སྤྲུ་བ། །རམ་ཉེ་བ་གཉིས་སླེ་ཏྲེས་དང་། །ཀ་ཀ་ན་ས་ཨ་རུ་ར། །བ་ཤ་ཀའི་རྩ་བིད་རི། །སྲང་རེ་གཅིག་ཏུ་བསྲེས་ནས་ནི། །སྐྱུ་རུ་རའི་འབྲུ་ལྔ་བརྒྱ་ནི། །
[325b.5]ཆུ་བྲེ་བཅུ་དྲུག་ནང་དུ་བསྐོལ། །དེ་ཡི་ཁུ་བ་བཞི་ཆ་ལུས། །སྐྱུ་རུ་ར་ཡི་རུས་པ་བསལ། །མར་དང་ཏིལ་མར་སྲང་བཅུ་གཉིས། །ནང་དུ་ལེགས་པར་བརྔོས་ནས་ནི། །ཀ་ར་དཀར་པོ་སྲང་ལྔ་བཅུ། །བཏགས་ཏེ་ལྡེ་གུའི་ཚུལ་དུ་བསྐོལ། །སྣུམ་ཕྱེད་ཀྱིས་ནི་སྦྲང་རྩི་གཞུག །སྨིག་རྐང་
[325b.6]སྲང་ནི་བཞི་དག་དང་། །པི་པི་ལིང་ནི་སྲང་གཉིས་དང་། །དྲི་བཟང་བཞི་ནི་སྲང་གཅིག་གཞུག །དེ་ལ་ཚད་ཙམ་བཟའ་བྱ་ཞིང་། །ཁང་པར་གནས་ཤིང་འཕྲོད་ཟས་བསྟེན། །འདི་ནི་དྲང་སྲོང་འཕོ་བས་བསྟན། །དྲང་སྲོང་འཕོ་བས་གང་ཟོས་པ། །རྒས་པས་ཉེན་པར་གྱུར་པ་ཡང་། །བུད་མེད་ཀྱིས་
[325b.7]ནི་མིག་ཏུ་སྡུག །ཆོ་ག་བཞིན་དུ་བསྟེན་གྱུར་ན། །ལུད་པ་དབུགས་མི་བདེ་རིམས་དང་། །སྐེམས་དང་སྙིང་ནད་དྲེག་ནད་དང་། །གཅིན་དང་ཁུ་ཆུ་ལ་གནས་དང་། །སྐད་འགགས་པ་ཡང་སེལ་བར་བྱེད། །བྱིས་པ་རྒན་དང་གློ་འགྲམ་གཅོང་། །རེད་པའི་ཉམས་སྟོབས་འཕེལ་བར་བྱེད། །
[326a]
[326a.1]ཡིད་གཞུངས་དྲན་དང་མདངས་ལྡན་དང་། །ནད་མེད་ཉིད་དང་ཚེ་འཕེལ་དང་། །རླུང་ནི་བདེ་བར་རྒྱུ་བྱེད་ཅིང་། །བུད་མེད་ལ་ཕོད་སྟོབས་དང་ནི། །དབང་པོ་གསལ་ཞིང་མེ་དྲོད་སྐྱེད། །ཤིང་མངར་སྨིག་རྐང་པི་པི་ལིང་། །ལྕེ་མྱང་ཚ་དང་བཅས་པ་དང་། །ལྕགས་ནི་སྣ་རེ་
[326a.2]གསེར་དང་ནི། །ཤུ་དག་སྦྲང་རྩི་ཞུན་མར་རམ། །ཁ་ར་དཀར་པོ་འབྲས་བུ་གསུམ། །ལོ་གཅིག་བསྟེན་ན་བཅུད་ལེན་འགྱུར། །ནད་ཀུན་འཇོམས་ཤིང་དྲན་པ་དང་། །ཡིད་གཞུངས་བློ་ནི་སྐྱེད་པར་བྱེད། །མ་དུ་ཀ་པརྞི་ཡི་ཁུ་བ་འམ། །ཤིང་མངར་ཕྱེ་མ་འོ་མར་བཅས་པ་ནི། །ལྷན་ཅིག་
[326a.3]སྦྱར་བ་མེ་དྲོད་ཇི་བཞིན་སྦྱིན། །སླེ་ཏྲེས་ཤང་ཀ་པུཥྤའི་མེ་ཏོག་བཅས། །ལྡེ་གུར་སྦྱར་བ་མེ་དྲོད་ཇི་བཞིན་དུ། །བསྟེན་ན་ཚེ་ནི་སྦྱིན་པར་བྱེད་པ་དང་། །ནད་འཇིག་སྟོབས་སྐྱེད་མདོག་ནི་གསལ་བྱེད་ཅིང་། །མེ་དྲོད་སྐང་གསལ་ཡིད་གཞུངས་སྐྱེད་པར་བྱེད། །བཅུད་ཀྱིས་ལེན་གྱི་སྦྱོར་བ་འདི་དག་
[326a.4]ལས། །ཤངྐ་པུཥྤའི་སྦྱོར་འདི་ཡིད་གཞུངས་མཆོག །སྤངས་མ་པུ་ཙེ་ཤེལ་དང་པ་ཡ་སྱ། །ཤིང་མངར་ཐལ་ཏྲེས་ཙནྡན་འབྲས་བུ་གསུམ། །ཤུ་དག་ཚ་བ་གསུམ་དང་སེར་པོ་གཉིས། །པ་ཏོ་ལའི་རྩ་རྒྱམ་ཚ་ཞིབ་ཏུ་བཏགས། །མར་དང་འོ་མ་བྲེ་ནི་བཅུ་དྲུག་དང་། །ཤངྐ་པུཥྤའི་
[326a.5]ཁུ་བ་སུམ་འགྱུར་བསྐོལ། །བླུད་ན་གླེན་པའང་ཚིག་ལ་དབང་འགྱུར་ཞིང་། །ཐོས་འཛིན་སྤོབས་པ་ཆེ་ཞིང་ནད་མེད་འགྱུར། །པདྨའི་རྩ་བ་སྡོང་བུ་དང་། །གེ་སར་ནང་གི་ས་བོན་རྣམས། །གསེར་བཅས་མར་དང་འོ་མ་ནི། །བྲེ་ནི་བཅུ་དྲུག་ནང་དུ་བསྐོལ། །པདྨ་ལྔ་ཡི་ཐིག་ལེ་ཞེས། །ས་
[326a.6]སྟེང་དག་ཏུ་གྲགས་པ་ཡིན། །ཚུལ་བཞིན་བསྟེན་ན་སྐྱེས་བུ་ནི། །ཉམས་སྟོབས་ཟད་པ་འཕེལ་བར་བྱེད། །གང་ཞིག་ཨུཏྤལ་སྡོང་བུ་ལོ། །རྩ་བ་གེ་སར་ལྡན་བསྐོལ་བ། །ཨུཏྤལ་བཞི་པར་གྲགས་པ་ཡིན། །གསེར་དང་བཅས་པའི་བཅུད་ལེན་གྱི། །སྦྱོར་བ་བསྟེན་ན་བ་ལང་ཡང་། །
[326a.7]ཡིད་གཞུངས་འགྱུར་ན་མིར་ཅི་སྨོས། །བྲམྷི་ཤུ་དག་ཤང་ཀ་པུཥྤ་དང་། །རྒྱམ་ཚ་མང་ཚ་ཀྵ་ར་བི་ཤ་ལ། །བྲམྷི་སོ་བར་ཙལ་པི་པི་ལིང་། །རེ་རེ་ནས་ནི་གསུམ་གསུམ་ཙམ་ཚད་དང་། །གསེར་ནི་ནས་གཉིས་དུག་ནི་ཏིལ་འབྲུ་ཙམ། །ཞུན་མར་སྲང་གཅིག་འདི་དག་ཞིབ་ཏུ་སྦྱར། །
[326b]
[326b.1]ལེགས་པར་བཏང་སྟེ་ཞུ་བར་གྱུར་ནས་ནི། །མར་བཅས་ཁ་ཟས་ལོ་གཅིག་བར་དུ་བསྟེན། །དྲན་དང་ཡིད་གཞུངས་བློ་ནི་འཕེལ་འགྱུར་ཞིང་། །ནད་དང་རྒས་པ་དག་ལས་འདས་པ་དང་། །སྙོམ་དང་ངལ་དུབ་སེལ་བྱེད་ལོ་བརྒྱར་འཚོ། །དཔལ་དང་གཟི་བརྗིད་མདངས་དང་ལྡན་པར་
[326b.2]འགྱུར། །ཁྱད་པར་དུ་ནི་མཛེ་ནད་ཤ་བཀྲ་སྐྲན། །དུག་དང་དབྱིག་དུག་རིམས་དང་སྨྱོ་བྱེད་དང་། །སྲིད་སྲུང་རིག་བྱེད་སྔགས་བྱས་གཤེད་བྱེད་དང་། །རླུང་ནད་སྟོབས་ཆེན་འདིས་ནི་ཞི་བར་བྱེད། །ན་ག་བ་ལ་སྟོན་གྱི་ཚེ། །སྐར་མ་རྒྱལ་ལ་བབ་པར་བཏུ། །དེ་ཡི་རྩ་བ་ཞོ་གཉིས་
[326b.3]ཙམ། །ཕྱེར་བཏགས་འོ་མ་སྦྱར་ཏེ་བཏུང་། །ཡང་ན་མར་དང་སྦྲང་རྩིར་སྦྱར། །བལྡག་ཅིང་ཟས་མེད་འོ་མས་འཚོ། །དེ་ལྟར་ལོ་གཅིག་ཟོས་གྱུར་ན། །ལོ་བརྒྱར་འཚོ་ཞིང་སྟོབས་ལྡན་འགྱུར། །གཟེ་མ་འབྲས་བུ་སྐྱེས་པ་རྩ་བར་བཅས། །གྲིབ་མར་བསྐམས་ཏེ་ཞིབ་ཏུ་བཏགས་
[326b.4]ནས་ནི། །རང་གི་ཁུ་བར་སྦངས་པ་དེ་ལས་ནི། །ཆེ་ཚད་ཁྱོར་གང་ཙམ་དུ་བྱས་གྱུར་གང་། །དེ་དང་འོ་མར་སྦྱར་ནས་བཟའ་བྱ་ཞིང་། །ཞུ་ནས་འོ་མ་སྲང་ནི་ཉིས་བརྒྱ་ཟོས། །གཟུགས་བཟང་སྐལ་ལྡན་ལོ་བརྒྱ་ཐུབ་པ་དང་། །འདོད་སྤྱོད་ཁྱུ་མཆོག་པ་ལང་ཚོགས་གནས་འདྲ།
[326b.5]བར་ཧི་ཡི་སྡོང་བུ་རློན་པ་ནི། །འོ་མར་སྦྱར་བཟོས་ཤིང་འོ་མ་བཏུང་། །ཟླ་གཅིག་བར་དུ་ཁ་ཟས་འོ་མས་འཚོ། །རྒས་པའི་ཚོགས་ལས་ངེས་པར་རྒྱལ་བར་འགྱུར། །ཡང་ན་དེ་ཡི་སྡོང་བུའི་ཕྱེ་ཞིབ་མོ། །རང་གི་ཁུ་བ་དང་ནི་ལེགས་སྦྱར་བ། །མར་དང་སྦྲང་རྩིར་སྦྱར་བའི་ལྡེ་གུ་བཟའ། །
[326b.6]ཡང་ན་དེ་བསྐོལ་མར་ནི་བཏུང་བར་བྱ། །དེ་བཞིན་ཨ་ཏི་བ་ལ་བིད་རི། །ཤིང་མངར་དང་ནི་མོན་སྣེའུ་དམེ་རུ་དང་། །ཛི་བན་ཏི་དང་ར་སྣ་ཨ་རུ་ར། །ས་ལ་པརྞི་སླེ་ཏྲེས་སྐྱུ་རུ་ར། །ཤང་ཀ་པུཥྤ་མན་དུ་ཀ་པརྞི། །ཨ་ཤྲ་གནྡྷ་དང་ནི་ཉེའུ་ཤིང་རྣམས། །སྦྱར་བ་བཏང་ན་ཡིད་
[326b.7]གཞུངས་བློ་དང་ནི། །རྒས་སྲ་ན་ཚོད་བརྟན་ཞིང་སྟོབས་སྐྱེད་བྱེད། །ཙི་ཏྲ་ཀ་ཡི་མེ་ཏོག་ནི། །སེར་པོ་དཀར་ནག་ལས་ཤེས་བྱ། །ཆོ་ག་བཞིན་དུ་བཅུད་ལེན་སྦྱར། །གོ་རིམས་བཞིན་དུ་ཡོན་ཏན་ཆེ། །དེ་ཡི་རྩ་བ་གྲིབ་མར་སྐམ། །ཕྱེ་མར་བཏགས་པ་སྦྲང་རྩི་མར། །འོ་མ་
[327a]
[327a.1]ཆུ་དང་ཟླ་གཅིག་བར། །བརྟུལ་ཞུགས་ཅན་གྱིས་བསྟེན་བྱས་ལ། །ཕན་པའི་ཟས་ནི་ཟ་བྱེད་ན། །ལོ་བརྒྱར་འཚོ་ཞིང་ནད་མེད་ལ། །ཡིད་གཞུངས་སྟོབས་དང་མདངས་ལྡན་ཞིང་། །ལུས་རྒྱས་མེ་དྲོད་འབར་བར་འགྱུར། །ཏིལ་མར་ལྡེ་གུ་ཟླ་གཅིག་
[327a.2]བར། །བསྟེན་ན་རླུང་ནད་གསོ་དཀའ་འཇོམས། །གཅིན་སྦྱར་ཤ་བཀྲ་མཛེ་ནད་འཇོམས། །དར་བར་སྦྱར་བས་གཞང་འབྲུམ་སེལ། །གོ་བྱེ་ལེགས་པར་སྨིན་པ་ནི། །འབྲས་ཀྱི་ཕུང་པོའི་ནང་དུ་གཞུག །སོས་ཀའི་ཚེ་བཏུས་དགུན་ཚེ་ཕྱུང་། །མངར་ཞིང་སྣུམ་དང་བསིལ་བ་ཡི། །
[327a.3]སྨན་སྦྱར་དེ་ཡི་རྡོག་མ་བརྒྱད། །བརྒྱད་འགྱུར་ཆུར་ནི་བསྐོལ་ནས་ནི། །ཁུ་བ་དེ་ཡི་བརྒྱད་ཆ་ལུས། །འོ་མ་དང་སྦྱར་གྲང་མོ་བཏུང་། །དེ་རྗེས་ཉི་མ་རེ་རེ་ཞིང་། །གོ་བྱེ་རྡོག་མ་རེ་རེས་བསྐྱེད། །ཉི་ཤུ་རྩ་གཅིག་བར་དུ་ནི། །གསུམ་གསུམ་གྱིས་བསྐྱེད་དེ་ཕན་ཆད། །བཞི་བཅུའི་
[327a.4]བར་བསྐྱེད་དེ་འོག་ཏུ། །བསྐྱེད་པ་བཞིན་དུ་དབྲི་བར་བྱ། །བདུན་ཕྲག་བདུན་གྱི་བར་དུ་ནི། །སྟོང་གི་བར་དུ་གཏང་བར་བྱ། །བདག་ཉིད་བསྡམས་ཤིང་འོ་མ་མར། །སཱ་ལུ་དྲུག་ཅུའི་འབྲས་ཆན་བཟའ། །དེ་བཞིན་དུས་ནི་སུམ་འགྱུར་བྱ། །སྦྱོར་བའི་མཐའ་ཡང་སྤྱད་པར་བྱ། །སྔོན་
[327a.5]གྱི་ལེགས་སྨོན་འཐོབ་འགྱུར་ཞིང་། །ཁྱད་པར་དུ་ནི་མེ་དྲོད་སྐྱེད། །གཅིན་སྙི་སྲིན་བུ་གཞང་འབྲུམ་མཛེ། །ཚིལ་ལས་གྱུར་པའི་གཞང་འབྲུམ་འཇོམས། །གོ་བྱེའི་འབྲས་བུ་སྐྱོན་མེད་པ། །བརྡུངས་ཤིང་ཞིབ་ཏུ་བཏགས་པ་ནི། །བུམ་པར་བཅུག་སྟེང་ས་ནག་བསྐུས། །ས་བརྐོས་
[327a.6]པ་ཡི་ནང་དུ་གཞུག །ཀུན་ནས་བ་ཡི་ལྕི་བས་བསྐོར། །དེ་སྦྱར་མེ་ལ་བཙོས་ནས་ནི། །དེ་ལས་འཛག་པའི་ཁུ་བ་གང་། །བླངས་པ་ཉིན་ཞག་གཞན་ལ་ནི། །དེ་ཡི་བརྒྱད་འགྱུར་སྦྲང་རྩི་དང་། །ཉིས་འགྱུར་མར་དང་སྦྱར་བ་ནི། །ཆོ་ག་སྔ་མ་བཞིན་བསྡམས་ཏེ། །བསྟེན་ན་ཡོན་ཏན་
[327a.7]དེ་ཉིད་ཐོབ། །གོ་བྱེའི་འབྲས་བུ་སྨིན་ཏེ་ལྷུང་གྱུར་པ། །བྲེ་བཞིའི་ཚད་ཙམ་དང་ནི་སོ་ཕག་དང་། །བདར་བའི་ཕྱེ་མ་དག་དང་ཆུ་དང་མཉེ། །བཀྲུས་ཏེ་རླུང་ལ་ལེགས་པར་བསྐམས་ནས་ནི། །བརྡུངས་ཏེ་ཆུ་བྲེ་བཅུ་དྲུག་ནང་དུ་བསྐོལ། །བཞི་ཆ་ལུས་པ་བཙགས་ཏེ་བསྒྲངས་པ་ཡི། །ཁུ་བ་
[327b]
[327b.1]དེ་དང་འོ་མ་བྲེ་བཅུ་དྲུག །བསྐོལ་ཏེ་བཞི་ཆ་ལུས་པར་གྱུར་པ་དང་། །དེ་དང་མཉམ་པའི་ཞུན་མར་བཅས་པར་བསྐོལ། །དེའི་ནང་ཁ་རའི་ཕྱེ་མ་ཅི་རན་གཞུག །དེ་ནི་གཟར་བུས་དཀྲུགས་པས་གཅིག་ཏུ་གྱུར། །འབྲས་ཀྱི་ཕུང་པོར་ཞག་བདུན་ལེགས་པར་སྦ། །བདུད་རྩི་འདྲ་བ་དེ་བསྟེན་སྐྱེས་
[327b.2]བུ་གང་། །ཆུ་འམ་འོ་མ་ཤ་ཁུ་འཐུངས་གྱུར་ན། །དྲན་དང་ཡིད་གཞུངས་བློ་གྲོས་སྟོབས་དང་ལྡན། །སྙིང་སྟོབས་དང་ལྡན་གསེར་གྱི་མདོག་དང་འདྲ། །ཚེ་རིང་བ་ཡང་དེས་ནི་ཐོབ་པར་འགྱུར། །ཆུ་བྲེ་བཅུ་དྲུག་ནང་དུ་གོ་བྱེ་ནི། །སུམ་བརྒྱ་བསྐོལ་ཏེ་བཞི་ཆ་ལུས་པ་རུ། །ཏིལ་མར་བྲེ་བཞི་
[327b.3]དེར་ནི་བཅུག་ནས་ཀྱང་། །ཏིག་ཏ་བོང་ང་གཉིས་དང་འབྲས་བུ་གསུམ། །བྲག་ཞུན་སྐྱེར་ཤུན་ད་ལིས་ཕྱེ་མ་གདབ། །བསྐོལ་ན་མཛེ་ནད་མ་ལུས་འཇོམས་པར་བྱེད། །གོ་བྱེ་སྐྱུ་རུ་ར་འམ་ཚ་འམ་ནི། །ཞོ་ཡི་སྤྲིས་མ་ཏིལ་མར་འོ་མ་འམ། །བུ་རམ་འོ་ཐུག་མར་རམ་སྦྲང་རྩིའམ། །
[327b.4]ནས་ཟན་ངག་གམ་ཏིལ་བཏགས་ལྡེ་གུར་བྱས། །སྲན་ཚོད་དག་དང་ལྷན་ཅིག་སྦྱར་བ་ནི། །ལུས་རྒྱས་ཡིད་གཞུངས་ཚེ་རིང་བྱེད་མཆོག་ཡིན། །གོ་བྱེའི་འབྲས་བུ་རྣོན་པོ་ནི། །སྨིན་པ་མེ་དང་འདྲར་གྱུར་པ། །ཆོ་ག་བཞིན་དུ་སྦྱར་བ་ནི། །བདུད་རྩི་དང་ནི་འདྲ་བར་འགྱུར། །བསེ་
[327b.5]ཤིང་འབྲས་བུ་མ་བཅོས་པའི། །བད་ཀན་ནད་དང་ནད་རྙིང་ནི། །འབྲེལ་པ་གང་ཡིན་དེ་མེད་ཅིང་། །མེ་ཡི་དྲོད་ཀྱང་མྱུར་དུ་སྐྱེད། །རླུང་དང་ཚ་བར་འདུག་པ་ནི། །ཁྱད་པར་དུ་ནི་སྤང་བྱ་ཞིང་། །རྒྱ་སྲན་ཞོ་དང་ཚ་དང་ནི། །ཏིལ་མར་བསྐུ་དང་མེ་བསྟེན་སྤངས། །དུ་བ་རི་ཡི་ཤིང་ཞེས་
[327b.6]བྱ། །ནུབ་ཕྱོགས་རྒྱ་མཚོའི་ངོས་ནས་སྐྱེ། །ཆུ་རླབས་གཡོ་བས་བསྐྱོད་པ་དང་། །རླུང་གིས་ལོ་མ་གཡེངས་པ་ཡིན། །དེ་ཡི་འབྲས་བུ་དབྱར་གྱི་ཚེ། །ལེགས་པར་སྨིན་པ་བཏུ་བར་བྱ། །འབྲས་བུ་དེ་ལས་རྐང་ཕྱུང་ནས། །བསྐམས་ཏེ་ཕྱེ་མར་བཏགས་ནས་ནི། །ཏིལ་
[327b.7]བཞིན་བཙིར་བར་བྱ་བའམ། །ལེ་བརྒན་མེ་ཏོག་བཞིན་དུ་བསྐོལ། །དེ་ཡི་མར་བསགས་གྱུར་པ་ནི། །ཆུང་ཟད་པ་ཡི་བར་དུ་བསྐོལ། །ཕབ་སྟེ་བ་ཡི་ལྕི་བ་ཡི། །ནང་དུ་ཟླ་ཕྱེད་ཙམ་དུ་གཞུག །དེ་འོག་དེ་ལས་ཕྱུང་ནས་ནི། །སྣུམ་ཞིང་དུགས་བྱས་དྲི་མ་བསལ། །ཟས་
[328a]
[328a.1]ཀྱི་དུས་ནི་བཞིས་ཆོད་པར། །ནང་པར་ཞོ་གཉིས་ཙམ་ཞིག་བཏུང་། །མར་དེ་ཉི་མ་ཤིས་པ་ལ། །སྔགས་འདི་ཡིས་ནི་དག་པར་བྱ། །རྐང་པ་གཉིས་པོ་བརྩོན་པ་ཆེ། །ལུས་ཟུངས་ཐམས་ཅད་སྐྱོང་བྱེད་པར། །འཁོར་ལོ་དབྱིག་པ་དུང་ཐོགས་ལ། །མི་འཕོ་བས་ནི་
[328a.2]ཁྱོད་ལ་བསྒོ། །དེ་གང་འདི་ཡི་ནད་སྟེང་དང་། །འོག་གི་ནད་ནི་དུ་མ་སེལ། །དགོངས་ཀ་སྣུམ་དང་ལན་ཚྭར་བཅས། །ནས་ཐུག་གྲང་མོ་བཏུང་བར་བྱ། །མར་དེ་ཞག་ལྔའི་བར་དུ་བཏུང་། །སྤང་བར་བྱ་བ་ཐམས་ཅད་སྤང་། །ཟླ་ཕྱེད་མུད་གའི་ཁུ་བ་བཏུང་། །མཛེ་ནད་ཀུན་ལས་
[328a.3]ཐར་བར་འགྱུར། །དེ་ཉིད་སེང་ལྡེང་ཁུ་བ་ནི། །སུམ་འགྱུར་དང་ནི་ལེགས་པར་བསྐོལ། །སྔ་མ་བཞིན་དུ་ཟླ་ཕྱེད་གཞག །ལེགས་པར་བསྡམས་ཏེ་ཟླ་གཅིག་བཏུང་། །དེ་ཡིས་ལུས་ནི་བསྐུ་བ་དང་། །ཇི་སྐད་བཤད་པའི་ཟས་ཟོས་པའི། །སྦྱོར་བ་འདི་ཡིས་མྱུར་དུ་ནི། །མཛེ་ཅན་མི་ནི་
[328a.4]གསོ་བར་བྱ། །དེ་ཉིད་སེང་ལྡེང་མེད་པར་ནི། །ཞུན་མར་སྦྲང་རྩི་ལྡན་པར་བཏུང་། །ཟླ་ཕྱེད་བར་དུ་ཤ་ཁུ་བཏུང་། །ལོ་ནི་ཉིས་བརྒྱར་འཚོ་བར་འགྱུར། །དེ་ཉིད་ཞག་ནི་ལྔ་བཅུའི་བར། །སྣ་སྨན་དུ་ནི་བཏང་གྱུར་ན། །ལུས་རྒྱས་ཐོས་པ་འཛིན་པ་དང་། །ལོ་ནི་སུམ་བརྒྱར་འཚོ་བར་འགྱུར། །
[328a.5]པི་པི་ལིང་ནི་པ་ལ་ཤའི། །ཐལ་ཆུར་སྦངས་ཤིང་མར་དང་བརྔོས། །རྡོག་མ་གསུམ་གསུམ་སྔ་དྲོ་དང་། །ཟས་ཀྱི་སྔོན་དུ་བཟའ་བར་བྱ། །བཅུད་ལེན་ཡོན་ཏན་འདོད་པ་ཡིས། །སྦྲང་རྩི་དང་ནི་སྦྱར་ཏེ་བཟའ། །པི་པི་ལིང་བཅུ་ཉིན་རེ་ཞིང་། །རིམ་གྱིས་བསྐྱེད་པར་གྱུར་པ་དག །དེ་བཞིན་
[328a.6]འོ་མར་སྦྱར་ཏེ་བཟའ། །དེ་བཞིན་དུ་ནི་དབྲི་བར་བྱ། །སྨན་ཞུ་ནས་ནི་དྲུག་ཅུ་པའི། །འབྲས་ཆན་འོ་མ་མར་བཅས་བཟའ། །པི་པི་ལིང་ནི་སྟོང་གི་བར། །བཏང་ན་འདི་ནི་བཅུད་ལེན་འགྱུར། །སྟོབས་དང་ལྡན་ལ་དེ་བཏགས་སྦྱིན། །སྟོབས་དབྲི་བ་ལ་བསྐོལ་ཏེ་བླུད། །དེ་བཞིན་ར་ཡི་འོ་
[328a.7]མ་དང་། །ཉིས་སྟོང་གི་ནི་བར་དུ་གཏང་། །པི་པི་ལིང་གི་སྦྱོར་བ་འདིས། །ལུད་པ་དབུགས་མི་བདེ་མགུལ་ནད། །གཅོང་ཆེན་གཞང་འབྲུམ་ཕོ་བའི་ནད། །གཅིན་སྙི་སྐྱ་རྦབ་མི་བཟད་རིམས། །འོར་ནད་སློན་དང་སྐྱིགས་བུ་དང་། །མཛེར་པ་དྲེག་ནད་འཇོམས་པར་བྱེད། །
[328b]
[328b.1]པི་པི་ལིང་ནི་སྲང་ཕྱེད་ལྡེ་གུར་བྱས། །ལྕགས་ཀྱི་སྣོད་བསྐུས་ནས་ནི་ནུབ་གཅིག་བཞག །དེ་དང་ཆུ་ནི་སྙིམ་གང་ནང་པར་བཏུང་། །ལོ་གཅིག་བཟའ་བཏུང་སྤྱོད་པ་ཅི་འདོད་བསྟེན། །བཅའ་སྒ་སླེ་ཏྲེས་ཤིང་མངར་བྱི་དང་ཀ །བ་ལ་ཨ་ཏི་བ་ལ་འབྲས་བུ་གསུམ། །གླ་སྒང་ཐང་ཤིང་
[328b.2]ཡུང་བ་ཨ་ཀ་རུ། །མུ་ཟི་པདྨ་ཨུཏྤལ་ཀྲུ་ཏྲུག་ཏྲེས། །ད་ཏ་ཨ་ཤྭ་ཀར་ཎ་ཨ་ས་ན། །བ་ལའི་ལོ་མའམ་སྙིང་པོ་དེ་བཞིན་དུ། །པི་པི་ལིང་བཞིན་ལྕགས་སྣོད་བསྐུ་སོགས་བྱ། །ལོ་བརྒྱ་འཚོ་ཞིང་རྒས་དང་ན་ལས་ཐར། །འོ་མ་སྙིམ་གང་གི་ནི་བཅུད་ལེན་སྨན། །སྦྱར་བ་འདི་
[328b.3]ཡིས་ལྕགས་སྣོད་བསྐུས་པས་ནི། །སྔར་བཤད་ཡོན་ཏན་བས་ཀྱང་ལྷག་བསྐྱེད་ཅིང་། །ཚེ་ཡང་དེ་ལས་ཉིས་འགྱུར་སྐྱེད་པར་བྱེད། །ཨ་ས་ན་དང་སེང་ལྡེང་གི། །ཁུ་བར་སོ་མ་ར་ཛ་སྦངས། །སྦྲང་རྩི་རུ་རྟ་མར་དང་ནི། །ཨ་རུ་ར་དང་ལྕགས་ཕྱེར་བཅས། །ལྡེ་གུ་ལོ་གཅིག་བར་
[328b.4]ཟོས་ན། །རྒས་དང་མི་འཕྲོད་ཟོས་པ་ལས། །ནད་ནི་ཡོངས་སུ་འདོར་བར་བྱེད། །མཛེ་ནད་མི་བཟད་པ་ཡིས་ནི། །ལུས་ནི་ཉེན་གྱུར་གང་ཡིན་པས། །སོ་མ་ར་ཛ་ཏིལ་ནག་གཉིས། །ལོ་གཅིག་བར་དུ་བསྟེན་ན་ནི། །དེ་ནི་ཟླ་རྒྱས་ལྟ་བུར་འགྱུར། །གང་གི་སོ་མ་ར་ཛ་སྦུན་པ་
[328b.5]མེད། །བཏགས་པ་འོ་མ་ལྷན་ཅིག་ཞོར་མནན་པའི། །སྙིང་པོ་ཕྱུང་ལ་སྦྲང་རྩིའི་ལྡེ་གུ་བལྡག །དེ་རྗེས་དེ་ཉིད་ཀྱི་ནི་དར་བ་བཏུང་། །མཛེ་ཡི་ནད་ཀྱིས་ཡན་ལག་ཉམས་པ་དང་། །སྣ་ཆད་སོར་མོ་བྲུལ་བ་ལ་སོགས་པ། །ཤིང་བཅད་རྗེས་ལ་ལྗོན་ཤིང་སྐྱེ་བ་ལྟར། །དེ་ནི་ངེས་པར་
[328b.6]སྐྱེ་བར་འགྱུར་བ་ཡིན། །སྒྲ་གཅན་བདུད་རྩི་བརྐུས་པ་ན། །རྐེ་བཅད་པ་ལས་འཛག་གྱུར་པའི། །བདུད་རྩིའི་ཐིགས་པ་སར་ལྷུང་བ། །སྒོག་སྐྱ་ཉིད་དུ་གྱུར་པ་ཡིན། །ལྷ་མིན་ལུས་ལས་བྱུང་བས་ན། །དེ་ཕྱིར་བྲམ་ཟེས་དེ་མི་བཟའ། །མངོན་དུ་བདུད་རྩི་ལས་བྱུང་བས། །
[328b.7]དེ་ནི་བཅུད་ཀྱིས་ལེན་མཆོག་ཡིན། །གྲང་བའི་དུས་ནའང་སྒོག་སྐྱ་བསྟེན། །དཔྱིད་དུས་བད་ཀན་ཤས་ཆེར་བཟའ། །སོས་ཀའི་དུས་སུའང་སྤྱད་བྱ་ཞིང་། །དབྱར་ནི་རླུང་གིས་གཟིར་ཚེ་བཟའ། །དགུན་ནི་སྣུམ་ཞིང་བསིལ་བ་དང་། །མངར་བས་ཉེ་བར་བསྲེས་པ་དང་། །
[329a]
[329a.1]དེ་ནི་ཕྲེང་བ་རྒྱན་དག་དང་། །འཁོར་དང་ལྷན་ཅིག་བསྟེན་པར་བྱ། །དེ་ཡི་ལྡེ་གུ་དཔྱིད་ཀྱི་ཚེ། །ཁ་བ་ཅན་གྱི་ཡུལ་སྐྱེས་པ། །ཤུན་པ་བཤུས་ནས་མཚན་མོ་ནི། །ཆང་སོགས་ལ་ནི་སྤང་བར་བྱ། །དེ་ཡི་ཁུ་བ་ནང་པར་ནི། །རས་ནི་གཙང་མས་བཙགས་
[329a.2]ནས་ཀྱང་། །ཆང་ནི་ལེགས་པར་ལངས་གྱུར་པ། །ཆ་གསུམ་དང་ནི་སྦྱར་བའམ། །ཆང་གཞན་དག་གམ་ཏིལ་མར་རམ། །རང་སྐྱུར་རམ་ནི་ཞོ་ག་ཆུ། །དེ་ཚེ་ཉིད་སྦྱར་ནད་པར་ནི། །ཚད་དང་ལྡན་པར་སྦྱིན་བྱ་ཞིང་། །འོ་མ་ཞུན་མར་ཞག་དང་རྐང་། །སྐམ་སའི་ཤ་ཁུ་
[329a.3]སོ་སོར་ནི། །བསྐོལ་བ་ནད་གཞི་ཇི་བཞིན་བླུད། །ཡང་ན་སྨན་ཁུ་འབའ་ཞིག་བླུད། །དང་པོར་མཁུར་གང་ཙམ་འཐུངས་ན། །མིད་པའི་སྦུབས་ནི་དག་པར་བྱེད། །རྒྱུན་ཏུ་བླུགས་པའི་དུགས་བྱས་ན། །ན་ཞིང་ཟུག་པ་དག་ལ་ཕན། །སྐྱུག་ཅིང་བརྒྱལ་བའི་ནད་ལ་ནི། །འཕྲལ་
[329a.4]དུ་ཆུ་གྲང་དག་ཀྱང་བླུད། །ངལ་བ་མེད་ཅིང་ལུས་ཀྱི་ནི། །གཟི་མདངས་བརྟན་པས་ལྷག་མ་སྦྱིན། །ཚ་བ་བསལ་བར་བྱ་བའི་ཕྱིར། །ཤིན་ཏུ་བསིལ་བས་བསྐུ་བྱ་ཞིང་། །མུ་ཏིག་ག་བུར་ཕྲེང་བ་ཅན། །ཆུ་ཐིགས་ཕྲེའུ་བསྟེན་པར་བྱ། །འདི་ཡི་ཚད་ཆེན་ཕུལ་གང་སྟེ། །ཉི་
[329a.5]ཚེ་ལ་ནི་དེ་ཡི་ཕྱེད། །སྒོག་སྐྱ་སྲང་གཅིག་བཏགས་པ་ནི། །ཟས་དང་བཅས་པའང་བསྟེན་པར་བྱ། །ཞུ་ནས་སཱ་ལུ་རྙིང་པའི་ཆན། །དུང་དང་ཀུནྡ་ལྟར་དཀར་བ། །ཡུ་ཤ་འོ་མ་སྐམ་ས་ཡི། །ཤ་ཁུ་དང་ནི་ལྷན་ཅིག་བཟའ། །སྐམས་པར་གྱུར་ན་ཆང་དང་ནི། །ཆུར་སྦྱར་བ་ནི་
[329a.6]བླུད་པར་བྱ། །ཆང་མི་བཏུང་ན་རང་སྐྱུར་རམ། །རྒུན་འབྲུམ་ཆུ་ནི་བླུད་པར་བྱ། །དེ་ཡི་ལྡེ་གུ་མར་དང་བཅས། །མར་ནི་སྣོད་དུ་གཟར་བུས་དཀྲུགས། །ཞག་བཅུ་གཞག་གམ་དེ་བཞིན་དུ། །ཞག་དང་མཉམ་སྦྱར་སྤྱད་པར་བྱ། །སྒོག་སྐྱ་ཤུན་པ་བཤུས་པའི་སྙིང་པོ་ནི། །བསྲེགས་
[329a.7]ཤ་དག་གམ་བཟའ་བ་སྣ་ཚོགས་སམ། །ཤ་བཏུབས་པའམ་མར་དང་ཚར་བཅས་བཟའ། །ཁ་ཟས་ཉུང་བ་ཅི་འདོད་སྤྱད་པར་བྱ། །ཁྲག་དང་མཁྲིས་པའི་ནད་ནི་མ་གཏོགས་པ། །ནད་གཞི་མ་ལུས་ལྡན་པར་འགྱུར་བའམ། །རླུང་ནད་ཉི་ཚེ་དང་ནི་ལྡན་གྱུར་ལ། །སྒོག་པ་ལས་ལྷག་
[329b]
[329b.1]གཞན་སྨན་ཡོད་མ་ཡིན། །ཆུ་དང་བུ་རམ་འོ་མ་སྲེད། །ཤ་ཆང་སྐྱུར་ལ་མི་དགའ་ཞིང་། །མ་ཞུ་བ་ནི་སྤོང་མི་ནུས། །སྒོག་སྐྱ་ངེས་པར་གནོད་པ་སྐྱེད། །མཁྲིས་པ་ལྡང་བའི་འཇིགས་པ་ཡི། །ཐ་མར་བཀྲུ་སྨན་འཇམ་པོ་གཏང་། །དེ་ལྟར་བཅུད་ལེན་ཡོན་ཏན་ནི། །ཡོངས་
[329b.2]སུ་རྫོགས་པ་འཐོབ་པར་འགྱུར། །སོས་ཀའི་ཚ་བས་གདུངས་དྲགས་ལས། །རྒྱ་སྐྱེགས་ཁུ་བ་ལྟར་འཛག་གང་། །གསེར་སོགས་འབྱུང་ཁུངས་དྲུག་གི་བཅུད། །དེ་ནི་བྲག་ཞུན་ཞེས་བྱར་བཤད། །དེ་ནི་ཀུན་ཀྱང་ཁ་ཞིང་ཚ། །ཤས་ཆེར་མེ་དྲོད་ཞུ་རྗེས་ཚ། །གཅོད་པར་བྱེད་དེ་དེ་
[329b.3]ལས་ནི། །ལྕགས་ལས་བྱུང་བ་རབ་ཏུ་བསྔགས། །བ་གཅིན་དྲི་བྲོ་གནག་པ་དང་། །གུ་གུལ་འདྲ་ཞིང་གསེག་མ་མེད། །སྤྱི་བག་སྣུམ་ཞིང་སྐྱུར་བ་དང་། །བསྐ་ཞིང་འཇམ་ལ་ལྕི་བ་ཡི། །བྲག་ཞུན་དེ་ནི་མཆོག་ཡིན་ནོ། །ནད་དང་ནད་པ་རྗེས་མཐུན་པར། །སྨན་དང་བྲག་ཞུན་
[329b.4]ཆ་མཉམ་བྱས། །ལྕགས་ཀྱི་སྣོད་དུ་སྦྱར་བར་བྱ། །དང་པོར་ཆུ་ནི་ཉི་ཚེས་བཀྲུ། །དེ་འོག་བསྐམས་ལ་བསྐོལ་དང་བསྲེ། །བྲག་ཞུན་སྨན་དང་མཉམ་བྱས་ལ། །བརྒྱད་ཆའི་ནང་དུ་བསྐོལ་བར་བྱ། །ཁུ་བ་བརྒྱད་ཆ་ལུས་བཙགས་པ། །དྲོ་འཇམ་ནང་དུ་བྲག་ཞུན་གཞུག །དེ་དང་འདྲེས་
[329b.5]གྱུར་བསྐམས་ནས་ནི། །སྨན་ཆུའི་ནང་དུ་སླར་ཡང་གཞུག །དེ་ལྟར་རང་རང་སྨན་འཕྲོད་ནི། །བསྐོལ་བའི་ཁུ་བར་ལན་བདུན་སྦངས། །དེ་ནས་ཏིག་ཏའི་སྨན་མར་གྱིས། །སྣུམ་ཆོས་བྱས་ནས་སྦྱར་བྱས་ཏེ། །འབྲས་བུ་གསུམ་གྱི་ཁུ་བ་དང་། །ཤིང་མངར་པ་ཏོ་ལའི་ཁུ་བ། །བྲག་
[329b.6]ཞུན་དག་ནི་རེ་རེ་ཡང་། །ཞག་གསུམ་བར་དུ་བླུད་པར་བྱ། །དེ་ནས་དེ་ལ་སྦྱོར་བ་ནི། །དུས་དང་སྦྱར་ཏེ་བླུད་པར་བྱ། །དེ་ལྟར་བྲག་ཞུན་མི་རྣམས་ལ། །ཤིན་ཏུ་ཕན་པར་བྱེད་པ་ཡིན། །ཡོན་ཏན་མ་ལུས་སྐྱེད་བྱེད་ཅིང་། །འཕྲལ་དུ་གནོད་པར་མི་བྱེད་དོ། །ཞག་བདུན་ཕྲག་གཅིག་
[329b.7]ཕྲག་གསུམ་དང་། །ཕྲག་བདུན་ཞོ་གཉིས་སྲང་ཕྱེད་གཅིག །དམན་དང་བར་མ་ཆེན་པོ་ཡི། །བྲག་ཞུན་གོ་རིམས་བཞིན་དུ་སྦྱར། །ལུས་ནི་ཤིན་ཏུ་སྦྱངས་བྱས་ལ། །བྲག་ཞུན་སྦྱང་བ་གཏང་བར་བྱ། །ཟངས་དང་ལྕགས་དང་དངུལ་དང་གསེར། །ཀུན་དང་ཡང་ན་རེ་རེར་སྦྱར། །འོ་མ་དང་ནི་
[330a]
[330a.1]ནི་ལྷན་ཅིག་གཏང་། །བཅུད་ལེན་འབྲས་བུ་མྱུར་དུ་འགྲུབ། །རྒྱ་སྲན་མོན་སྣེའུ་དམེ་རུ་དང་། །ཕུག་རོན་ཤ་ནི་རྟག་ཏུ་སྤང་། །གང་ཞིག་བྲག་ཞུན་གྱིས་ནི་མངོན་སུམ་དུ། །མ་བསལ་ནད་ནི་ས་སྟེང་ཡོད་མ་ཡིན། །དུས་སུ་ཆོ་ག་བཞིན་དུ་བསྟེན་གྱུར་ན། །ནད་མེད་
[330a.2]ཉམས་སྟོབས་རྒྱ་ཆེན་སྐྱེད་པར་བྱེད། །ཁང་པར་གནས་པའི་ཁོམ་ལྡན་ཅན། །ཕུན་སུམ་ཚོགས་དང་ལྡན་ལ་ཕན། །དེ་ལས་གཞན་དུ་དེ་རྣམས་ལ། །ཉི་མ་རླུང་གི་ཚེ་ན་བསྟེན། །རླུང་དང་ཉི་ཚན་བཅས་སྦྱོར་བ། །བདེ་བའི་ལོངས་སྤྱོད་མེད་ན་ཡང་། །གང་ཞིག་ལུས་ལ་མི་གནོད་པ། །
[330a.3]མཆོག་ཏུ་དེ་ནི་བཤད་པར་བྱ། །ཆུ་གྲང་འོ་མ་སྦྲང་རྩི་དང་། །མར་ནི་རེ་རེ་གཉིས་གཉིས་དང་། །གསུམ་མམ་ཡང་ན་ཐམས་ཅད་ནི། །ཟས་སྔར་འཐུངས་ན་རྒས་སྲ་བྱེད། །བུ་རམ་སྦྲང་རྩི་བཅའ་སྒ་དང་། །པི་པི་ལིང་ངམ་རྒྱམ་ཚ་དང་། །ཨ་རུ་ར་ནི་གཉིས་གཉིས་དག །རྟག་
[330a.4]ཟོས་བདེ་ཞིང་ལོ་བརྒྱར་འཚོ། །ཨ་རུ་ར་ནི་མར་ནང་བསྲེས། །བཟའ་ཞིང་མར་དེ་འཐུངས་ན་ནི། །རྒས་སྲ་ལུས་ནི་ཡུན་རིང་གནས། །སྟོབས་ནི་འཕེལ་བར་བྱེད་འགྱུར་ཏེ། །ཇི་ལྟར་དམ་པ་བྱས་གཟོ་བ། །ལན་ཅིག་ཕན་འདོགས་ཇི་ལྟ་བཞིན། །སྐྱུ་རུ་ར་ཁུ་སྦྲང་རྩི་དང་། །ཁ་ར་མར་
[330a.5]དང་ལྡེ་གུ་བྱས། །བསྟེན་ཞིང་འཕྲོད་པ་ཟ་བའི་མི། །རྒས་པའི་གནོད་པ་འཇིག་འགྱུར་ཏེ། །ཉིས་བསྲུང་བསྟན་བཅོས་རྒྱ་ཆེན་མཚུངས། །སྐྱུ་རུ་ར་དང་བྱི་དང་ཀ །ཨ་ས་ན་ཡི་སྙིང་པོའི་ཕྱེ། །ལྕགས་ཕྱེ་ཏིལ་མར་སྦྲང་རྩི་ཡི། །མར་བཅས་ལྡེ་གུ་བསྟེན་ན་ནི། །ན་ཚོད་མཛེས་པ་མ་ཉམས་
[330a.6]འགྱུར། །ལྕགས་ཕྱེ་བྱི་དང་ཀ་ཡི་ཕྱེ་མ་དང་། །མར་དང་སྦྲང་རྩི་བསྲེས་ལ་ལོ་གཅིག་ཙམ། །ཨ་ས་ན་ཡི་ཟ་མ་ཏོག་ནང་གཞུག །བསྟེན་ན་སྟོབས་ལྡན་ཚེ་རིང་སྐྲ་གནག་འགྱུར། །བྱི་དང་ག་དང་གོ་བྱེ་བཅའ་སྒ་རྣམས། །མར་དང་སྦྲང་རྩིར་བཅས་པ་གང་གིས་ཟོས། །རྒས་པའི་ཆུ་བོ་ནད་
[330a.7]ཀྱི་རྦ་རླབས་ཅན། །ན་ཚོད་ལྡན་པའི་སྐྱེས་བུ་དེ་བརྒལ་འགྱུར། །སེང་ལྡེང་ཨ་ས་ན་ཡི་ཁུ་བ་དང་། །འབྲས་བུ་གསུམ་དང་སྦྲང་རྩི་མར་སྦྱར་བ། །ཆོ་ག་བཞིན་དུ་བསྟེན་པའི་མི་རྣམས་ནི། །ཚེ་རིང་འགྱུར་བ་འདི་ལས་ངོ་མཚར་མེད། །ཛི་བ་ཀ་ཡི་ཁུ་བ་སོར་མོར་ཆགས། །ཁ་ར་སྦྲང་
[330b]
[330b.1]རྩི་མར་དང་འབྲས་བུ་གསུམ། །སྐྱེས་བུ་དམ་པས་བསྟེན་པར་གྱུར་ན་ནི། །རྒས་དང་ནད་ནི་ངེས་པར་བཟློག་པར་འགྱུར། །བ་སྤྲུ་བ་ནི་སར་བ་སྲང་ཕྱེད་དང་། །འོ་མར་བཏགས་པ་ཟླ་ཕྱེད་ཟླ་བ་གཉིས། །ཟླ་དྲུག་ལོ་གཅིག་བར་དུ་འཐུངས་ན་ནི། །རྒས་ཤིང་རྙིང་པའང་སླར་ནི་གཞོན་པར་
[330b.2]འགྱུར། །མུར་བ་ཨང་ཤུ་མ་ཏི་བྲི་ཧ་ཏི། །བ་ལ་པུ་ཤེལ་ཙེ་དང་པ་ཏ་དང་། །ཨ་ས་ན་དང་ཐལ་ཏྲེས་ཨ་ཀ་རུ། །པྲི་ཡང་ཀུ་དང་ཙནྡན་རེ་རེ་ཡིས། །ཆོ་གའང་བ་སྤྲུ་བ་དང་མཚུངས་པ་ཡིན། །ཉེའུ་ཤིང་ལྡེ་གུ་ཁུ་བར་བསྐོལ་བ་དང་། །ཞུན་མར་ཁ་རར་བཅས་པ་ཟ་བྱེད་པ། །དེ་ནི་འཚོ་བའི་
[330b.3]ལམ་དུ་ཞུགས་གྱུར་ཚེ། །ནད་ཀྱི་རྐུན་པོས་ཆོམས་པར་མི་འགྱུར་རོ། །ཨ་ཤྭ་གནྡྷ་འོ་མར་བཅས་པ་ནི། །མར་རམ་ཏིལ་མར་ཆུ་དྲོན་སྦྱར་བ་དང་། །ཟླ་ཕྱེད་བསྟེན་ན་ཉམ་ཆུང་ལུས་རྒྱས་ཤིང་། །ཇི་ལྟར་ལོ་ཏོག་གཞོན་ལ་ཆར་བབ་མཚུངས། །ཉིན་རེ་ཏིལ་ནག་སྲང་ནི་རེ་རེ་དག །ཟོས་པའི་
[330b.4]རྗེས་ལ་ཆུ་གྲང་འཐུངས་གྱུར་ན། །ལུས་ནི་ཤས་ཆེར་རྒྱས་པ་ཉིད་འགྱུར་ཞིང་། །འཆི་བའི་བར་དུ་སོ་ནི་བརྟན་པར་འགྱུར། །གཟེ་མ་སླེ་ཏྲེས་སྐྱུ་རུ་རའི་ཕྱེ་མ། །མར་དང་སྦྲང་རྩི་ཆ་མཉམ་ལྡེ་གུ་ཟོས། །རོ་ཙ་ལུས་བརྟན་ནད་ཀྱི་སྡུག་བསྔལ་ཞི། །ལོ་བརྒྱ་འཚོ་ཞིང་སྐྲ་ནི་ནག་པོར་འགྱུར། །ཏིལ་
[330b.5]ནག་ཨ་རུ་ར་དང་སྐྱུ་རུ་ར། །བ་རུ་ར་དང་བཅས་པ་བརྡུངས་ནས་བསྟེན། །མི་དེ་རྨ་བྱ་བཞིན་དུ་མདངས་ལྡན་ཞིང་། །ཡིད་དུ་འོང་བའི་བདེ་བ་ཐོབ་པར་འགྱུར། །བྲག་ཞུན་མར་དང་སྦྲང་རྩི་བྱི་དང་ག །ཨ་རུ་ར་དང་ལྕགས་ཕྱེ་དངུལ་ཆུ་དང་། །ཏ་བྱ་བསྟེན་ན་ལུས་ཟུངས་རྫོགས་འགྱུར་ཏེ། །ཡར་
[330b.6]ངོ་ཟླ་ཕྱེད་རྫོགས་པའི་ཟླ་བ་འདྲ། །གང་ཞིག་བྲིང་ག་ར་ཛའི་ཁུ་བ་ཟླ་བ་གཅིག །ཉིན་རེ་རྒྱུན་དུ་བསྟེན་པར་བྱེད་པ་དང་། །འོ་མ་འཐུངས་ཏེ་སྟོབས་དང་བརྩོན་འགྲུས་ལྡན། །ལོ་བརྒྱར་འཚོ་བ་དག་ཀྱང་ཐོབ་པར་འགྱུར། །ཤུ་དག་ཀྱང་ནི་ཟླ་བ་གཅིག་བསྟེན་ཞིང་། །འོ་མའམ་མར་རམ་ཏིལ་
[330b.7]མར་བཅས་པ་བསྟེན། །གདོན་གྱིས་མི་ཚུགས་པ་ཡི་ལུས་འགྱུར་ཞིང་། །ཡིད་གཞུངས་ཚིག་ནི་ཤིན་ཏུ་གསལ་བར་འགྱུར། །མ་དུ་ཀ་པ་རྞི་ཡི་མར་དང་བརྔོས། །ཟླ་གཅིག་བར་དུ་ཟས་མ་ཟོས་པར་བསྟེན། །གཟུགས་ནི་རྒྱ་ཆེར་འཚོ་ཞིང་སྤོབས་པ་ཆེ། །གཞོན་ཞིང་མདངས་ལྡན་ཡོན་
[331a]
[331a.1]ཏན་ལྡན་པར་འགྱུར། །འབྲས་བུ་གསུམ་དང་ཙང་གི་རི་དང་ནི། །ལྕགས་ཕྱེ་སྲང་ནི་ལྔ་བཅུ་ལས་བྱས་ཤིང་། །ཀོ་ཤ་ད་ཀའི་ཁུ་བའི་ནང་དུ་བཏགས། །རི་ལུ་སུམ་བརྒྱ་བྱས་ནས་རི་ལུ་དེ། །གྲིབ་མར་བསྐམས་ཏེ་རིམ་གྱིས་མ་ལུས་པར། །བཀྲུ་སྨན་བྱ་ཞིང་
[331a.2]ཐུག་སླའི་རིམ་པ་དང་། །ཐུག་སྐ་གར་པོ་ཤ་ཁུ་འབྲས་ཆན་དང་། །མར་ལ་བསྟེན་ཞིང་ཟླ་གཅིག་ལུས་བསྡམས་ལ། །ཟླ་གཅིག་འདས་ནས་རང་དགའ་ཉིད་དུ་སྤྱད། །འབད་པས་དུས་ཀུན་ཏུ་ནི་མ་ཞུ་སྤང་། །ལོ་གཅིག་བར་དུ་སྦྱོར་བ་འདི་བསྟེན་ན། །གང་ཞིག་གསོ་དཀའི་ནད་ཀྱིས་ཉེན་པའང་། །
[331a.3]ཤིན་ཏུ་སྟོབས་ཆེ་སྐྱེས་བུའི་བྱ་བ་རྫོགས། །ལུས་རྒྱས་འཇམ་ཞིང་མིག་དང་རྣ་བ་གསལ། །གཞོན་པ་ཉིད་དང་ལོ་ནི་ལྔ་བརྒྱར་འཚོ། །སེང་ལྡེང་ཤིར་ཤ་བ་དང་ཨ་ས་ན། །རྨ་བྱ་ཨ་རུ་ར་དང་སྐྱུ་རུ་ར། །གོ་བྱེ་བྱི་དང་ག་བཏགས་ཆུ་འགྱུར་ནི། །བཅོ་བརྒྱད་ནང་བསྐོལ་ལྕགས་ཀྱི་དུམ་བུ་གཞུག །
[331a.4]ལྕགས་ཀྱི་སྣོད་དུ་ཞག་གསུམ་ཉི་མ་ཡི། །འོད་ཀྱིས་བསྲོས་ལ་དེ་རྗེས་མེ་ལ་ནི། །ལྕགས་ཀྱི་ཕྱེ་མ་ཞིང་པར་བྱས་ཏེ་བསྐོལ། །དེ་བཙགས་ཁུ་བ་ཆ་གཅིག་འོ་མ་ནི། །ཆ་གཅིག་དེ་བཞིན་གསོ་མའི་ཁུ་བ་གཅིག །ཉེའུ་ཤིང་བསྐོལ་བའི་ཁུ་བ་ཆ་གསུམ་དང་། །འདིར་ནི་མར་སར་ཆ་ནི་བཞི་
[331a.5]དང་སྦྱར། །འདི་དག་གཅིག་ཏུ་ལྕགས་ནག་སྣོད་དུ་བསྐོལ། །ཁར་རྡུལ་མེད་དེ་བཞིན་སྦྲང་རྩི་དང་། །དེ་བཞིན་མར་དང་བསྲེས་པར་གྱུར་པ་དང་། །འཕྲོད་པའི་ཟས་དང་སྐོམ་དང་སྤྱོད་ལམ་བཅས། །སྲང་རེ་རྟག་ཏུ་བསྟེན་པར་གྱུར་ན་ནི། །དཔལ་དང་ལྡན་ཞིང་ཉེས་པ་བསལ་བ་དང་། །
[331a.6]ནགས་ཀྱི་མ་ཧེ་ལྟ་བུའི་སྟོབས་ལྡན་ཞིང་། །རྟ་ལྟར་ན་མགྱོགས་ལ་ལུས་ནི་བརྟན་པ་དང་། །སྐྲ་ནི་བུང་བའི་མདོག་ལྟར་གནག་པ་དང་། །ཁ་ནི་དྲི་ཞིམ་བུད་མེད་མང་བསྟེན་ནུས། །ཚིག་གསལ་ཡིད་གཞུངས་ཕུན་སུམ་ཚོགས་པ་དང་། །ཟླ་གཅིག་བསྟེན་ན་མེ་དྲོད་ཆེ་བ་ཡིན། །དེ་ནི་མི་
[331a.7]ཡི་སེང་གེའམ་མེའམ་ནི། །བཙོ་མ་གསེར་གྱི་མདོག་འདྲའི་ལུས་འཛིན་འགྱུར། །མི་ཡི་སེང་གེའི་སྦྱོར་བ་འདི། །ཟོས་ན་ནད་ཀྱིས་མི་ཉེན་ཏེ། །འཁོར་ལོ་འབར་བའི་ལག་པ་ཡིས། །ལྷ་མིན་ཚོགས་ནི་འཇིགས་དང་འདྲ། །བྲིང་ག་ར་ཛའི་མྱུ་གུའི་ཆོ་ག་འདིས། །བརྡོས་ཤིང་མར་
[331b]
[331b.1]བཅས་ཟོས་ལ་བསྡམས་དང་བཅས། །ལྟོ་སྦྱངས་པ་ལ་ཨ་ས་ནའི་ཁུ་བ། །འོ་མ་འཐུངས་ཤིང་ཟས་ཀྱི་བྱ་བ་བྱེད། །ཟླ་གཅིག་བར་དུ་བསྟེན་པར་གྱུར་ན་ནི། །བདེ་ཞིང་ལོ་ནི་ཉིས་བརྒྱའི་བར་དུ་འཚོ། །ལན་ཅིག་སྨྲས་པའི་ཚིག་ཀྱང་ཟིན་གྱུར་ཞིང་། །དྲན་དང་དབང་པོ་ཉམས་པ་མེད་
[331b.2]པར་འགྱུར། །གང་ཞིག་སྦྱོར་བ་འདི་ཡིས་ནི། །ཏིལ་མར་བསྟེན་པར་བྱེད་པ་དག །དེ་ཡིས་ཡོན་ཏན་དེ་ཐོབ་ཅིང་། །ལུས་ནི་ནག་པོ་ཉིད་དུ་འགྱུར། །བཅུད་ཀྱིས་ལེན་ནི་དུས་དང་རྗེས་མཐུན་ཞིང་། །བསྟེན་ནུས་འབྲས་བུར་བཅས་པ་བཤད་པ་ཡིན། །གཞན་དག་ཕན་ཡོན་བཅས་
[331b.3]པ་ཡོད་མོད་ཀྱིས། །རྙེད་པར་དཀའ་བས་བདག་གིས་མ་བཤད་དོ། །བཅུད་ཀྱིས་ལེན་གྱི་ཆོ་ག་ལས། །ཉམས་པས་གལ་ཏེ་ནད་སྐྱེ་ན། །བཅུད་ཀྱིས་ལེན་དེ་སྤངས་ནས་ནི། །དེ་ཡི་སྨན་ནི་ཇི་བཞིན་བྱ། །བདེན་པར་སྨྲ་ཞིང་ཁྲོ་བ་མེད། །དབང་པོ་བསྡམས་ཤིང་བདག་ཉིད་ཐུལ། །
[331b.4]ཞི་ཞིང་དམ་པའི་སྤྱོད་ལ་དགའ། །རྟག་ཏུ་བཅུད་ལེན་ཡིན་ཞེས་བྱ། །ཡོན་ཏན་འདི་དག་ལྡན་གྱུར་པས། །གང་ཞིག་བཅུད་ལེན་བསྟེན་གྱུར་པ། །དེ་ནི་དགའ་ཞིང་ཚེ་རིང་ལ། །འཇིག་རྟེན་འདི་དང་གཞན་དུ་བདེ། །སྤྱོད་པ་བསྟན་བཅོས་རྗེས་འཇུག་ཅིང་། །གམ་ན་གནས་
[331b.5]པའི་སེམས་དང་མཐུན། །དོན་ལ་བློ་ནི་མ་འཁྲུགས་པ། །བཅུད་ཀྱིས་ལེན་ནི་རྫོགས་པ་ཡིན། །ཡན་ལག་བརྒྱད་པའི་སྙིང་པོ་བསྡུས་པ་ལས། །ཕྱི་མའི་གནས་ཀྱི་ལེའུ་སུམ་ཅུ་རྩ་དགུ་པའོ།། །།ཡན་ལག་བརྒྱད་པའི་སྙིང་པོ་བསྡུས་པ་ལས། །རྒས་པ་གསོ་བའི་ཡན་ལག་
[331b.6]རྫོགས་སོ།། །།དེ་ནས་རོ་ཙ་གསོ་བའི་ལེའུ་བཤད་པར་བྱའོ། །སྐྱེས་བུས་རྟག་ཏུ་ཡུལ་བསྟེན་པས། །རོ་ཙ་བར་ནི་འདོད་བྱ་སྟེ། །དགའ་དང་བརྟ་དང་བུ་རྒྱུད་ནི། །ཡོན་ཏན་ལྡན་པས་དེ་ལ་གནས། །བུ་ཚའི་རྒྱུད་ནི་སྐྱེད་བྱེད་ཅིང་། །འཕྲལ་དུ་ཡང་དག་དཀའ་བྱེད་
[331b.7]གང་། །གང་གིས་རྟ་ལྟར་རབ་སྟོབས་ལྡན། །བུད་མེད་ལ་ནི་ཐོགས་མེད་འགྲོ། །བུད་མེད་ལ་རབ་ཆགས་འགྱུར་བ། །གང་དང་གང་གིས་འཕེལ་འགྱུར་བ། །དེ་ནི་རོ་ཙ་བྱེད་པ་སྟེ། །ལུས་ཀྱི་སྟོབས་ཀྱང་སྐྱེད་པའི་མཆོག །ཆོས་དང་གྲགས་དང་ཚེ་རིང་དང་། །འཇིག་རྟེན་གཉིས་ཀའི་
[332a]
[332a.1]བཅུད་ལེན་འགྱུར། །གཅིག་ཏུ་སྐྱོན་ནི་མེད་པ་ཡི། །ཚངས་པར་སྤྱོ་ལ་བདག་ཡི་རང་། །སྙིང་སྟོབས་ཆུང་བ་ཉོན་མོངས་པས། །གནོད་པར་གྱུར་པའི་ནད་བུ་ཅན། །ལུས་མི་ཟད་པ་བསྲུང་བའི་ཕྱིར། །རོ་ཙའི་ཆོ་ག་བརྗོད་པ་ཡིན། །ནད་མེད་ལང་ཚོ་ལྡན་པ་
[332a.2]དག །རོ་ཙ་བ་ནི་སྟེན་བྱེད་པ། །དུས་ཚིགས་ཀུན་ལ་ཉིན་རེ་ཞིང་། །ཉལ་པོ་བྱ་བ་དགག་པ་མེད། །དེ་ནས་སྣུམ་གྱུར་སྦྱང་བྱས་པ། །ནི་རུ་ཧ་དང་འཇམ་རྩིར་བཅས། །མར་དང་ཏིལ་མར་སྦྲང་རྩི་དང་། །ཤ་ཁུ་འོ་མ་ཁ་རར་བཅས། །འོ་མ་ཤ་དང་ཤ་ཁུ་བཟའ། །སྦྱོར་བ་ཤེས་པས་
[332a.3]དང་པོར་གཏད། །དེ་ནས་རོ་ཙ་བྱེད་སྦྱོར་བ། །ཁུ་བ་བུ་ཚ་འཕེལ་བྱེད་བྱ། །མེ་ཏོག་དྲི་མནམ་གྲིབ་མ་མེད། །འབྲས་བུ་མེད་པར་གྱུར་པའི་ཤིང་། །ཡལ་ག་གཅིག་པའི་ཤིང་གཅིག་བཞིན། །བུད་མེད་མེད་མི་དེ་དང་འདྲ། །གོམ་འགྲོས་འཁྱོར་ཞིང་ཚིག་མི་གསལ། །
[332a.4]རྡུལ་གྱིས་གཡོགས་པ་ལྟར་སྣང་ཞིང་། །བཞིན་རས་སྣབས་ཀྱིས་གོས་པ་ཡང་། །སྙིང་ནི་དགའ་བར་བྱེད་པ་ཡིན། །རེག་པ་དང་ནི་མཐོང་སྩོགས་ལ། །བུ་མཉམ་བདེ་བ་ཡོད་མིན་ན། །གང་ཞིག་ཆོས་དང་གྲགས་པར་ལྡན། །ང་རྒྱལ་རིགས་འཕེལ་སྨོས་ཅི་དགོས། །ལུས་སྦྱང་བྱས་ཏེ་ཅི་ནུས་པར། །
[332a.5]རོ་ཙའི་སྦྱོར་བ་བརྩམ་པར་བྱ། །འདམ་བུ་གུང་ཤིང་འཇག་མ་སོགས། །པུ་ཤེལ་ཙེ་དང་བི་ད་རི། །ཀཎྜ་ཀ་རིའི་རྩ་བ་དང་། །བ་ལ་འཚོ་བྱེད་ཟངས་རྩིབ། །རམ་ཉེ་བ་གཉིས་མེད་གཉིས། །ཉེའུ་ཤིང་པརྞ་རྣམ་གཉིས་དང་། །ཨ་ཤྭ་གནྡྷ་ཁ་སྲལ་ཕྲེའུ། །ཨ་ཏི་བ་ལ་བ་སྤྲུ་བ། །བི་
[332a.6]ད་རི་ཏི་བ་ཡ་སྱེ། །ར་སྣ་གཟེ་མ་ཛི་བན་ཏི། །ཤིང་མངར་ས་ལ་པརྞི་རྣམས། །རེ་རེའང་སྲང་ནི་གསུམ་གསུམ་ཆ། །མོན་སྲན་གྲེའུ་བྲེ་བཞི་དང་། །ཆུ་བྲེ་སུམ་ཅུ་གཉིས་ནང་བསྐོལ། །ཁུ་བ་བྲེ་བཞི་ལུས་པ་རུ། །མར་བྲེ་བཞི་དང་བིད་རི། །སྐྱུ་རུ་ར་དང་བུ་རམ་ཤིང་། །བྲེ་ནི་བཞི་བཞི་གཞུག་
[332a.7]པར་བྱ། །འོ་མ་མར་གྱི་བཞི་འགྱུར་དང་། །བིར་ཁ་སྲལ་རམ་ཉེ་གཉིས། །ཤིང་མངར་ཕལ་གུ་པི་པི་ལིང་། །རྒུན་འབྲུམ་འབྲ་གོ་བི་ད་རི། །མ་དུ་ཀ་དང་ཉེའུ་ཤིང་པ། །འདི་དག་བཏགས་ཏེ་བཅུག་ནས་ནི། །དེ་བསྐོལ་བཙགས་པའི་ནང་དུ་ནི། །ཀ་ར་དཀར་པོ་སྨིག་རྐང་ནི། །སྨན་ནི་བྲེ་རེ་གཞུག་པ་
[332b]
[332b.1]དང་། །པི་པི་ལིང་ནི་སྲང་བཞི་དང་། །ན་ལེ་ཤམ་ནི་སྲང་གཅིག་དང་། །ཤིང་ཚ་སུག་སྨེལ་གེ་སར་རྣམས། །རེ་རེ་སྲད་ནི་ཕྱེད་ཕྱེད་ཕྱེ། །སྦྲང་རྩི་སྲད་ནི་བཅུ་དྲུག་སྦྱར། །དེ་ལས་ཉིན་རེ་སྲང་རེ་བཟའ། །འོ་མ་དང་ནི་ཤ་ཁུ་བཏུང་། །དེས་ནི་རྟ་ལྟར་སྤྱོད་གྱུར་ཅིང་། །མཆིལ་པ་ལྟ་བུར་འདོད་
[332b.2]པ་སྤྱོད། །བིད་རི་དང་པི་པི་ལིང་། །ཤ་ལི་འབྲས་རྩ་པི་ཡ་ལི། །ཁ་སྲལ་ཕྱེ་མ་ཕུལ་རེ་དང་། །དེ་བཞིན་སྦྲང་རྩི་སྲང་བརྒྱད་དང་། །ཁ་རའི་ཕྱེ་མ་སྲང་ལྔ་བཅུ། །མར་སར་སྲང་ནི་བཅུ་དྲུག་སྦྱར། །དེ་ལས་ཞོ་ནི་གཉིས་གཉིས་བཟའ། །བུད་མེད་བརྒྱ་ལ་སྤྱོད་པར་ནུས། །ཁྲ་སྲལ་ཕྲེའུ་ཞོ་
[332b.3]འམ་ནི། །མ་ཤ་འོ་མར་བསྐོལ་ཏེ་བསྒྲངས། །མར་དང་སྦྲང་རྩིར་བཅས་པ་དག །ཟོས་ལ་བ་སར་འོ་མ་བཏུང་། །མཚན་མོ་ཐོག་ཐག་གཉིད་མ་ལོག །དུབ་པ་མེད་པར་ཉལ་པོ་སྤྱོད། །ར་ཐུག་རླིག་པ་འོ་མར་བཙོས། །ཏིལ་དང་ལན་མང་བསྲེས་པ་དང་། །ཁ་རར་བཅས་ཟོས་གང་ཡིན་དེ། །བུད་མེད་
[332b.4]བརྒྱ་ལའང་གསར་སྙམ་སེམས། །བིད་རི་ཡི་ཕྱེ་མ་ནི། །རང་གི་ཁུ་བར་ལན་མང་སྦངས། །ཞུན་མར་སྦྲང་རྩི་བཅས་བལྡགས་ན། །བུད་མེད་བཅུ་ལ་སྤྱོད་པར་ནུས། །པི་ལིང་སྐྱུ་རུ་ར་ཡི་ཕྱེ། །རང་གི་ཁུ་བར་ལེགས་པར་སྦངས། །ཤ་ཁ་མར་དང་སྦྲང་རྩིར་བཅས། །ཟོས་རྗེས་འོ་མ་འཐུངས་པ་གང་། །མི་དེ་
[332b.5]བརྒྱད་ཅུ་ལོན་ན་ཡང་། །ལང་ཚོར་གནས་ཤིང་འདོད་སྤྱོད་ནུས། །ཤིང་མདར་ཕྱེ་མ་ཞོ་གཉིས་དང་། །མར་དང་སྦྲང་རྩི་དེ་མཉམ་པ། །ཟོས་རྗེས་འོ་མ་འཐུངས་གྱུར་ན། །མི་དེ་རྟག་ཏུ་འདོད་སྤྱོད་ནུས། །ཀར་ཀ་ཏ་ཡི་སྲིང་གི་ཕྱེ། །འོ་མར་སྦྱར་ཏེ་འཐུངས་པ་དང་། །ཁ་ར་འོ་མ་མར་བཅས་པའི། །ཟས་ཟོས་བུད་མེད་
[332b.6]ལ་ཕོད་འགྱུར། །པ་ཡ་སྱ་དང་འོ་མ་བསྐོལ། །མར་དང་སྦྲང་རྩི་བཅས་ཟ་ཞིང་། །བ་ནི་ཡར་མའི་འོ་མ་འཐུང་། །དེ་ཡི་ས་བོན་ཟད་མི་ཤེས། །ཁ་སྲལ་ཕྲེའུ་བུ་རམ་གྱི། །ས་བོན་ཕྱེ་མ་ཁ་རར་བཅས། །འོ་མ་བཞོས་མ་ཐག་བཏུང་ན། །ལུག་བོང་ལྟ་བུར་སྤྱོད་པར་འགྱུར། །ཨུ་ཙ་ད་ཡི་ཕྱེ་མ་
[332b.7]དང་། །ཉེའུ་ཤིང་སྦྱར་བའང་དེ་བཞིན་ནོ། །ཞོ་སྤྲིས་ཟླ་བ་ལྟར་དཀར་བའི། །ཚགས་ཀྱིས་བཙགས་པ་ཟོས་ནས་ནི། །ཁ་ར་དྲུག་ཅུའི་འབྲས་ཆན་ཟོས། །རྒན་པོའང་གཞོན་ནུ་བཞིན་དུ་སྤྱོད། །གཟེ་མ་མ་ཤ་ཨ་རུ་ར། །ཁ་སྲལ་ས་བོན་ཉེའུ་ཤིང་པ། །འོ་མ་བཅས་འཐུང་རྒས་པ་ཡང་། །བུད་མེད་
[333a]
[333a.1]བརྒྱ་ལ་སྤྱོད་པར་ནུས། །གང་ཡང་སྣུམ་ཞིང་མངར་བ་དང་། །སྟོབས་འཕེལ་ཉམས་ནི་བརྟས་བྱེད་དང་། །ཡིད་ནི་དགའ་བར་བྱེད་པ་གང་། །དེ་དག་ཐམས་ཅད་རོ་ཙར་བཤད། །དེ་བས་རྫས་ནི་འདི་ལྟ་བུས། །བརྟས་བྱས་བུད་མེད་ལ་འཇུག་བྱ། །རང་གི་ཤུགས་ཀྱིས་སྤྱོད་པ་དང་། །
[333a.2]བུད་མེད་ཡོན་ཏན་གྱིས་དགའ་སྤྱད། །ཆོས་ཀྱི་དཔག་བསམ་ཤིང་མྱུ་གུ། །དབང་པོའི་བདེ་བ་ཀུན་བསྟེན་བྱ། །ཡུལ་ནི་ཡིད་དུ་འོང་བ་ལྔ། །འདོད་པའི་ལྷ་ཡི་མདའ་ཡིན་ནོ། །ཡིད་འོང་ཡུལ་ནི་རེ་རེས་ཀྱང་། །ཚིམ་ཞིང་དགའ་བྱེད་མཆོག་ཡིན་ནོ། །བུད་མེད་ལུས་ལ་འདུས་ནས་གང་། །གནས་པ་དེ་ནི་སྨོས་ཅི་
[333a.3]དགོས། །གང་གི་མིང་ཐོས་ན་ཡང་སྙིང་དགའ་ཞིང་། །མཐོང་ན་ངོམས་པར་འགྱུར་བ་མེད་པ་དང་། །དབང་པོ་ཀུན་འདྲེན་ལྕགས་ཀྱུར་འགྱུར་བ་ཡིན། །བུད་མེད་ཁྱོ་ཡི་རྗེས་འཇུག་འཕྱོན་མ་མིན། །སྒྱུ་རྩལ་འཇོ་སྒེག་ན་ཚོད་ལུས་ཀྱིས་བརྒྱན། །དགའ་བའི་ཕྱིར་ནི་ངོ་ཚ་དབེེན་པར་སྤྱོད། །ཚིག་སྙན་སྨྲ་ཞིང་
[333a.4]མཚུངས་པར་མངོན་དགའ་བཅས། །བུད་མེད་དེ་ནི་རོ་ཙའི་དོན་མཆོག་བྱེད། །འདོད་པའི་བསྟན་བཅོས་ལས་བཤད་སྐྱོན་མེད་པའི། །ཡུལ་དང་དུས་དང་ཉམས་སྟོབས་རྗེས་མཐུན་ཞིང་། །སྨན་དཔྱད་བསྟན་བཅོས་སྦྱོར་དང་མི་འགལ་བ། །འདོད་པའི་སྤྱོད་པ་མ་ལུས་སྤྱད་པར་བྱ། །བསྐུ་བྱུག་ལུས་
[333a.5]དྲིལ་སྨན་ཆུ་བླུགས་དང་དྲིལ། །མེ་ཏོག་ཕྲེང་བ་སྣ་ཚོགས་རྒྱན་དང་ལྡན། །གླུ་དང་སྙན་དངགས་ལ་སོགས་གཏམ་ལ་མཁས། །རང་བཞིན་ན་ཚོད་མཚུངས་ཤིང་དབང་གྱུར་གྲོགས། །རང་གི་ཁང་པའི་ཉེ་འཁོར་ཁྲུས་རྫིང་བུ། །པདྨའི་གེ་སར་སྦྲང་རྩིས་མྱོས་པ་ཡིས། །སྦྲང་མ་བྱ་དང་བཅས་པས་
[333a.6]གྱུར་པ་ནི། །སྔོ་ཞིང་གཞི་མཉམ་རི་ཡི་འདབ་ན་ནི། །ནགས་ཚལ་ཁྱིམ་དང་ཉེ་བར་འགྱུར་བ་དང་། །མཐོང་ན་དགའ་བའི་ཤིང་ནི་སྣ་ཚོགས་སྐྱེ། །མཉན་ན་བདེ་བའི་ཁུ་བྱུག་སྒྲ་སྙན་སྒྲོགས། །ལུས་བདེ་བུད་མེད་རྒྱན་ལྡན་དུས་དབང་འགྱུར། །སེམས་བདེ་མ་ལུས་འཁོར་གྱིས་བསྐོར་བ་དང་། །
[333a.7]སོ་རྩི་དང་ནི་ཆང་དང་ཆུང་མ་ནི། །ཡིད་འོང་མཚན་མོ་ཟླ་ཟེར་བཅས་པར་འདུག །ཡིད་ནི་དགའ་བར་བྱེད་པ་གང་དང་གང་། །དེ་དང་དེ་ནི་རོ་ཙར་བྱེད་པ་ཡིན། །ཆུང་མའི་ཁ་ནི་ཨུཏྤལ་ལྟར་དྲི་ཞིམ། །པི་ཝང་སྙན་པའི་སྒྲ་ནི་ཉན་བྱེད་དང་། །མལ་སྟན་ཡིད་འོང་མེ་ཏོག་གཅལ་བཀྲམ་པ། །
[333b]
[333b.1]ལྕུག་མ་མེ་ཏོག་མྱུ་གུས་བརྒྱན་པ་འདྲ། །ཡུལ་དང་དུས་ལ་གནོད་པ་གང་ཡང་མེད། །ཡུལ་གྱི་ཡིད་ལ་གནོད་པ་ཆུང་ངུའང་མེད། །རོ་ཙའི་སྦྱོར་བ་ཉེ་བར་ལྡན་གྱུར་པ། །འདོད་པའི་འདོད་པ་ཡོངས་སུ་རྫོགས་པར་བྱེད། །གླ་སྒང་པར་པ་ཏ་ནི་རིམས་ལ་ཕན། །སྐོམ་དད་ཆེ་ལ་བོང་པ་
[333b.2]བསྲེགས་པ་ནི། །ཆུ་ཡི་ནང་དུ་གསུར་པའི་དངས་མ་ཕན། །སློན་ལ་འབྲས་ཡོས་ཆུ་སོའི་ནང་བྲག་ཞུན། །གཅིན་སྙི་སྐྱུ་རུ་ར་དང་སེར་པོ་གཉིས། །སྐྱ་རྦབ་ནད་ལ་ལྕགས་ཀྱི་ཕྱེ་མ་མཆོག །རླུང་དང་བད་ཀན་ལ་ནི་ཨ་རུ་ར། །མཆེར་པའི་ནད་ལ་པི་པི་ལིང་མཆོག་ཡིན། །གློ་རྡོལ་བ་ལ་
[333b.3]རྒྱ་སྐྱེགས་ཁུ་བ་བསྔགས། །དུག་གི་ནད་ལ་ཤིར་ཤ་རབ་ཏུ་བསྔགས། །ཚིལ་དང་རླུང་ནད་ལ་ནི་གུ་གུལ་ཕན། །ཁྲག་མཁྲིས་ལ་ནི་བ་ཤ་ཀ་རབ་བསྔགས། །འཁྲུ་བའི་ནད་ལ་དུག་མོ་ཉུང་ཕན་ཞིང་། །གཞང་འབྲུམ་གོ་བྱེ་དབྱིག་དུག་ལ་གསེར་ཕན། །ཚོ་ཆེས་པ་ལ་སྐྱེར་ཁཎྜ་བསྔགས་
[333b.4]ཤིང་། །སྲིན་བུའི་ནད་ནི་བྱི་དང་ག་ཡིས་འཇོམས། །གཅོང་ཆེན་ལ་ཆང་ར་ཤའམ་འོ་མ་ཕན། །མིག་གི་ནད་ལ་འབྲས་བུ་གསུམ་རབ་ཕན། །དྲེག་ནད་ལ་ནི་སླེ་ཏྲེས་རབ་བསྔགས་ཤིང་། །ཕོ་བའི་ནད་ལ་དར་བ་གསར་པ་མཆོག །མཛེ་ལ་སེང་ལྡེང་སྙིང་པོ་བསྟེན་པས་མཆོག །ནད་ཀུན་ལ་ནི་བྲག་
[333b.5]ཞུན་རབ་ཏུ་བསྔགས། །སྨྱོ་བྱེད་ནད་ལ་མར་ནི་རྙིང་པ་ཕན། །བརྗེད་བྱེད་ནད་ལ་བྲམྷིའི་རྩ་བ་ཕན། །མྱ་ངན་ལ་ནི་ཆང་ནི་བླུད་པས་ཕན། །གཉིད་མེད་པ་ཡི་ནད་ནི་འོ་མས་སེལ། །ཆམ་པ་ཞོ་ནི་སྦྱར་མ་དག་གིས་སེལ། །རིད་པའི་ནད་ལ་ཤ་ནི་སྦྱིན་པར་བྱ། །རླུང་གི་ནད་ལ་སྒོག་སྐྱ་རབ་ཏུ་བསྔགས། །ཡན་
[333b.6]ལག་རེངས་པའི་ནད་ནི་དུགས་ཀྱིས་སེལ། །ཕྲག་པ་ཕྲག་གོང་ལག་ངར་ན་བ་ལ། །ཐང་ཆུ་ཁ་བོར་ཡི་སྣ་སྨན་གཏང་། །གླད་པའི་ནད་ལ་མར་སར་ཧྭགས་ཀྱིས་སེལ། །དམུ་རྫིང་རྔ་མོའི་གཅིན་དང་འོ་མས་སེལ། །མགོ་བའི་ནད་ཀུན་ལ་ནི་སྣ་སྨན་བསྔགས། །ཁོང་འབྲས་གསར་དུ་བྱུང་ལ་གཏར་ག་གདབ། །
[333b.7]ཁ་ཡི་ནད་ཀུན་ལ་ནི་མཁུར་བཀང་ཕན། །མིག་ནད་སྣ་སྨན་མིག་སྨན་བརྟབས་སེལ། །རྒས་པ་ལ་ནི་འོ་མ་ཞུན་མར་ཕན། །བརྒྱལ་ལ་ཆུ་གང་བླུགས་དང་གྲིབ་མ་ཕན། །དྲོད་ཆུང་ངལ་དང་སྒེའུ་གཤེར་ཚ་རན་ཕན། །དུབ་ལ་ཆང་འཐུངས་ལུས་ནི་ཁྲུས་བྱས་ཕན། །སྡུག་བསྔལ་བཟོད་དང་བརྟན་ལ་རྩོལ་
[334a]
[334a.1]པ་ཕན། །གཅིན་སྲི་བ་ལ་གཟེ་མ་ཕན་པ་ཡིན། །ལུད་པ་ལུ་ལ་ཀཎྜ་ཀ་རི་ཕན། །རྩིབ་ལོགས་གཟེར་ལ་པུཥྐར་མཱུ་ལ་ཕན། །རྒས་སྲ་བ་ལ་སྐྱུ་རུ་ར་ཕན་ཞིང་། །རྨ་ལ་འབྲས་བུ་གསུམ་དང་གུ་གུལ་ཕན། །དེ་ལྟར་ནད་རྣམས་ཀྱི་ནི་སྨན་གྱི་མཆོག །བཤད་པས་ནད་
[334a.2]རྣམས་ཞི་བར་ནུས་པ་ཡིན། །དེ་ནི་ཡུལ་དང་དུས་ཀྱི་སྟོབས་ལས་ནི། །ཅི་རིགས་པར་ནི་བརྟགས་ཏེ་སྦྱར་བར་བྱ། །དེ་ལྟར་རྒྱུན་ཤེས་བུ་ལས་གཞུང་གི་མདོ། །ལེགས་པར་བཤད་པ་དེས་ནི་མ་ངོམས་པས། །མེ་བཞིན་འཇུག་སོགས་བློ་མཐུན་དད་པས་འདུད། །ཐེ་ཚོམ་འདི་ནི་མེ་བཞིན་འཇུག་གིས་དྲིས། །
[334a.3]སྐལ་ལྡན་ཁ་ཅིག་བདག་ཉིད་མཁས། །སྨན་དང་ནད་གཡོག་ཕུན་སུམ་ཚོགས། །སྨན་པ་རྒན་པོའི་ལུང་གིས་ནི། །རྗེས་སུ་འཇུག་ཀྱང་ནད་བཅས་ཤིང་། །ནད་ཀྱིས་སྲོག་ནི་ཟད་པར་སྣང་། །གཞན་དག་དེ་ལས་གོ་བཟློག་སྣང་། །དེ་ཕྱིར་ཕན་དང་གནོད་པ་ཡི། །འབྲས་བུ་ངེས་པ་མ་མཆིས་
[334a.4]ན། །འདིར་ནི་བསྟན་བཅོས་ཀྱིས་ཅི་བསྟན། །དེ་ལྟར་མེ་བཞིན་འཇུག་སོགས་སློབ་མའི་ཚོགས། །རྟོག་པ་སྐྱེས་ལ་རྒྱུན་ཤེས་བུ་ཡིས་ནི། །དེ་ཉིད་མ་ལུས་རྣམ་པར་བཤད་གྱུར་པ། །གསོ་བྱས་མ་བྱས་མཉམ་པོར་བྱ་མི་རིགས། །ཡན་ལག་དྲུག་ཅུ་ལྡན་པ་ཡི། །གསོ་བྱེད་བདེ་
[334a.5]འགྱུར་ཡོད་མོད་ཀྱི། །ནད་ཀྱི་འདམ་དུ་བྱིང་བ་ལ། །ལག་ནས་འདྲེན་ཐབས་སྨན་ཡིན་ནོ། །འཚོ་དང་འཆི་བར་འགྱུར་བ་ལ། །ཀུན་ལ་སྨན་ཡོད་མ་ཡིན་ཞིང་། །ཐབས་ལ་ལྟོས་པ་མ་ཡིན་ལ། །གཞན་དུ་ཐབས་ལ་ལྟོས་པའི་ནད། །ཐབས་ཀྱིས་བསྒྲུབས་ན་འགྲུབ་འགྱུར་བས། །རྒྱུ་
[334a.6]མེད་པར་ནི་གཏན་ཚིགས་མིན། །གང་ཡང་ཁྱེད་ཀྱི་ཕུན་ཚོགས་ནི། །ཀུན་དང་ལྡན་པས་གསོས་ན་ཡང་། །འཆི་འགྱུར་ཞེས་སྨྲ་དེ་མ་ཡིན། །ཐབས་ནི་ཐབས་མིན་འགྱུར་ཡོད་མིན། །གལ་ཏེ་དེ་ལྟའི་ཐབས་ལྡན་ཞིང་། །བློ་ལྡན་གསོ་བ་བྱས་གྱུར་ཀྱང་། །སྔོན་ལས་ཉེས་པ་མ་གྲུབ་པས། །
[334a.7]ཡན་ལག་བཅུ་དྲུག་ལྡན་མེད་ཡིན། །མེ་དང་ཆུ་སོགས་དུགས་དང་ནི། །རེངས་སོགས་མི་འགྲུབ་སུ་ཞིག་ཟེར། །བརྟ་དང་ཉམས་སྨད་འོ་མ་དང་། །འབྲས་ངན་མི་བྱེད་སུ་ཞིག་འདོད། །མ་ཤ་ཁ་སྲལ་ལ་སོགས་ལ། །རོ་ཙ་མི་ནུས་སུ་ཞིག་ཟེར། །བཤང་གཅི་བསྐྱེད་དང་མང་བར་ནི། །ནད་ལ་ཐེ་ཚོམ་སུ་ཞིག་
[334b]
[334b.1]ཟེར། །སྔགས་དང་རྒྱུད་ནི་མེད་པ་རུ། །གང་གིས་དུག་ནི་འཇུག་པར་འགྱུར། །གག་པ་ལ་སོགས་གསོ་བ་ནི། །མེད་པར་གང་ཞིག་བདེ་བར་འགྱུར། །འོན་ཀྱང་དུས་མིན་འཆི་ལ་སོགས། །གྲུབ་མཐའ་ཀུན་ཏུ་ངེས་པར་གྲགས། །འབད་པ་ཆེན་པོ་དག་གིས་ནི། །ཇི་ལྟར་གཞན་གྱིས་བཟློག་
[334b.2]པར་ནུས། །ཙནྡན་ལ་སོགས་ཚ་སོགས་པ། །ལུང་ལས་གྲགས་པ་བཞིན་དུ་སེལ། །རིམས་ལ་སྨྱུང་དང་བརྟ་བ་དག །བསྟན་བཅོས་ཉིད་ལས་གྲགས་པ་ཡིན། །ཡན་ལག་བཞི་པའི་ཡོན་ཏན་འབྱོར། །ལེགས་པར་བརྟགས་ནས་སྦྱར་བྱ་ཞིང་། །གཞན་དུ་ནད་ཀྱི་ཚོགས་འཇོམས་
[334b.3]པ། །གསོ་བ་ཐེ་ཚོམ་བཅས་མི་བྱ། །འདི་ནི་དུས་མིན་འཆི་ཞགས་པ། །བརྟན་པོ་བཅོམ་པར་བྱེད་པ་ཡིན། །ནད་ཀྱིས་སྐྲག་ཅིང་འཇིགས་པ་ལ། །སྔགས་མེད་པ་ཡི་སྲུང་སྐུད་ཡིན། །འདི་ནི་འགྲོ་བའི་སྡུག་བསྔལ་རྣམས། །སེལ་བྱེད་བདུད་རྩི་མངོན་སུམ་ཡིན། །སྣད་ངན་
[334b.4]གནས་ན་འཕྲལ་དུ་ནི། །ཧ་ལ་ཧ་ལར་འགྱུར་བ་ཡིན། །བསྟན་བཅོས་ངེས་པ་མི་ཤེས་ཤིང་། །ཚིག་ཙམ་ལ་ནི་རྗེས་གཞོལ་བའི། །གཤིན་རྗེའི་ཞགས་པ་ཐོགས་པ་བཞིན། །སྨན་པ་ངན་པ་རིང་དུ་སྤང་། །སྨན་པ་གཞུང་ལ་ལེགས་མཁས་ཤིང་། །ལུང་ལ་མཁས་པའི་བཟང་པོ་དང་། །
[334b.5]ལས་ལ་གོམས་ཤིང་དགེ་བ་ནི། །བཟང་པོར་འདོད་པ་དམ་པ་ཡིན། །དེ་ལྟར་རྒྱུད་ཀྱི་ཡོན་ཏན་ལྡན། །རྒྱུད་ཀྱི་སྐྱོན་ནི་སྤངས་གྱུར་པ། །གསོ་བའི་བསྟན་བཅོས་མ་ལུས་པ། །ཁྱབ་སྟེ་ཡོངས་སུ་གནས་པ་ཡིན། །དྲང་སྲོང་ཆེན་པོའི་གཞུང་རྗེས་འཇུག །རྒྱ་ཆེའི་དྲི་མ་མེད་པའི་གནས། །རྒྱ་མཚོ་
[334b.6]ཆེན་པོ་ལྟར་ཟབ་ཅིང་། །བསྡུས་དོན་ཉེ་བར་མཚོན་བྱེད་ཡིན། །སྨན་དཔྱད་ཡན་ལག་བརྒྱད་པའི་རྒྱ་མཚོ་བསྲུབས་པ་ལས། །ཡན་ལག་བརྒྱད་བསྡུས་བདུད་རྩིའི་ཚོགས་ཐོབ་གང་། །དེ་ལས་དོན་ཆེན་རྩོལ་བ་ཞན་པ་རྣམས། །དགའ་བར་བྱ་ཕྱིར་རྒྱུད་འདི་ལོགས་ཤིག་བྱས། །འདི་ནི་ལུད་ཆེན་ལས་
[334b.7]གྲགས་ཤིང་། །འབྲས་བུ་མངོན་དུ་སྟོན་བྱེད་པས། །སྔགས་དང་འདྲ་བར་ལེགས་སྦྱར་གྱི། །ལོག་དཔྱོད་ནམ་ཡང་མི་བྱའོ། །འདི་བཀླགས་རྟོགས་དང་ཉམས་བླངས་པས། །ཚེ་རིང་བ་དང་ནད་མེད་དང་། །ཆོས་དང་ནོར་དང་བདེ་དང་གྲགས། །ངེས་པར་འཐོབ་པར་འགྱུར་བ་ཡིན། །འདི་
[335a]
[335a.1]ནི་བལྟས་ན་བསྡུས་དོན་རྟོགས་ནུས་པས། །རང་གི་གོམས་ལས་སྨན་པས་བསྐྱོད་མི་ནུས། །རྒྱ་ཆེན་རྒྱུད་གཞན་དག་ལས་གོམས་གྱུར་པས། །མི་བསྐྱོད་གྱུར་གང་དེ་ནི་ངོ་མཚར་མེད། །གལ་ཏེ་ཙ་ར་ཀ་ནི་བསླབས་གྱུར་དེས་ནི་ལེགས་ཐོས་སོགས། །ལས་བཤད་
[335a.2]ནད་ཀྱི་མིང་ཙམ་ཡང་ནི་ཤེས་པར་འགྱུར་མ་ཡིན། །ཙ་ར་ཀ་ལ་མ་བསླབས་གསོ་བ་དག་ནི་མ་གོམས་པའི། །ཉོན་མོངས་དེས་ནི་ནད་པ་རྣམས་ཀྱི་གསོ་བ་ཇི་ལྟར་བྱ། །མངོན་པར་ཞེན་པའི་དབང་གིས་ལེགས་པར་བཤད་པར་གྱུར་པའང་། །ཤིན་ཏུ་རྨོངས་པས་མངོན་པར་སྤྱད་པར་མི་
[335a.3]བྱེད་གང་ཡིན་དེ། །དེ་ནི་དང་པོར་སྨན་དཔྱད་བསྟན་བཅོས་སྐྱོན་མེད་བཀླགས་གྱུར་ཞིང་། །སྐྱེས་བུ་ཚེ་ཡིས་ཇི་སྲིད་ཐུབ་ཀྱི་བར་དུ་བསླབ་པར་བྱེད། །རླུང་དང་མཁྲིས་པ་བད་ཀན་ཞི་བྱའི་ཕྱིར། །ཏིལ་མར་མར་སར་སྦྲང་རྩི་རིམ་བཞིན་བསྟེན། །དེ་ལྟར་ཚངས་པའམ་ཚངས་པའི་
[335a.4]བུ་ཡིས་བཤད། །ཚིག་གི་དབྱེ་བས་བཤད་ཀྱང་ཁྱད་འཕགས་མེད། །སྟོན་པ་པོ་ཡི་དབང་གིས་ནི། །སྨན་གྱི་ནུས་པ་ཁྱད་འཕགས་ཡིན། །དེ་བས་ཕྲག་དོག་སྤངས་ནས་ནི། །བར་མ་ཉིད་ལ་བསྟེན་པར་བྱ། །དྲང་སྲོང་གིས་བཤད་ཕྱིར་དགའ་ན། །ལེགས་ཐོས་ཙ་ར་ཀར་
[335a.5]མ་ཟད། །ལུག་སྩོགས་ཀྱིས་བྱས་ཅི་མི་སློབ། །དེ་བས་ལེགས་བཤད་གཟུང་བར་བྱ། །འདི་ནི་ཚེ་ཡི་རིག་བྱེད་རྒྱ་མཚོ་ཡི། །སྙིང་པོ་ལས་ནི་སྙིང་པོ་བླངས་ནས་སུ། །རྣམ་པར་སྦྱར་ལས་དགེ་བ་གང་ཐོབ་པ། །དེ་ཡིས་འགྲོ་བས་དེ་ཉིད་མཐོང་བར་ཤོག །ཡན་ལག་བརྒྱད་པའི་
[335a.6]སྙིང་པོ་བསྡུས་པ་ལས། ཕྱི་མའི་གནས་ཀྱི་ལེའུ་སྟེ་བཞི་བཅུ་ཐམ་པའོ།། །།སྨན་པའི་བདག་པོ་དགེ་འདུན་གསང་བ་ཞེས་བྱ་བའི་བུ་སྨན་པ་ཆེན་པོ་ཕ་ཁོལ་ཞེས་བྱ་བས་ཡན་ལག་བརྒྱད་པའི་སྙིང་པོ་མཛད་པ་ལས། རྒྱུད་ཕྱི་མའི་གནས་ཏེ་དྲུག་པའོ།། །།སྨན་དཔྱད་ཡན་ལག་བརྒྱད་པའི་
[335a.7]སྙིང་པོ་བསྡུས་པ་ཞེས་བྱ་བ་ཇི་སྙེད་པ་རྫོགས་སོ།། །།རྒྱ་གར་གྱི་མཁན་པོ་ཛཱ་རན་དྷ་ར་དང་། ཞུ་ཆེན་གྱི་ལོཙྪ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
[335b]
[335b.1]{T4311}རྒྱ་གར་སྐད་དུ། །ཨཥྚཱངྒ་ཧྲྀ་ད་ཡ་ནཱ་མ་བཻ་ཌཱུརྱ་ཀ་བྷཥྱ་མ། བོད་སྐད་དུ། ཡན་ལག་བརྒྱད་པའི་སྙིང་པོ་ཞེས་བྱ་བའི་སྨན་དཔྱད་ཀྱི་བཤད་པ། ཐམས་ཅད་མཁྱེན་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་
[335b.2]དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བེེ་ཌཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །འདོད་ཆགས་ལ་སོགས་མ་ལུས་པ་ཡི་ནད། །རྒྱུན་དུ་འབྲེལ་པས་ལུས་ལ་ཀུན་ཏུ་ཁྱབ། །འདོད་དང་གཏི་མུག་ཁྲོ་བ་སེལ་བ་ཡི། །སྨན་པ་སྔོན་མེད་དེ་ལ་ཕྱག་འཚལ་ལོ། །སྔོན་
[335b.3]གྱི་དྲང་སྲོང་རྒྱུན་ཤེས་ཀྱི་བུ་ལ་སོགས་པས་བཤད་པ། །ཚེ་རིང་ལྡན་པར་འདོད་པ་ན། །ཆོས་དང་ནོར་ཡང་བདེ་བར་སྒྲུབ། །ཚེ་ཡི་རིག་བྱེད་ལུང་བཤད་པ། །རབ་ཏུ་གུས་པས་བྱ་བར་གྱིས། །གནས་དང་པོ་སྨན་དཔྱད་ཀྱི་ཆོ་ག་ཚེ་རིང་བར་བྱ་བ་ལ་སོགས་པའི་དཔྱད་ནི། །ཚངས་པ་ཆེན་པོ་དྲན་
[335b.4]ནས། ཚངས་པ་ཆེན་པོའི་བུ་སྐྱེ་དགུའི་བདག་ཅེས་བྱ་བ་ལ་བཤད་དོ། །སྐྱེ་དགུའི་བདག་གིས་སྨན་དཔྱད་ལོབས་ནས། ལྷའི་སྨན་པ་ཐ་སྐར་གྱི་བུ་གཉིས་ལ་བཤད་དོ། །ལྷའི་དབང་པོ་བརྒྱ་བྱིན་གྱིས་ཀྱང་སྔོན་དྲང་སྲོང་ཆེན་པོ་རྒྱུན་ཤེས་ཀྱི་བུ་དང་། ནབ་སོ་སྐྱེས་དང་། ཐང་ལ་
[335b.5]གནས་དང་། དཀའ་གཉིས་སྤྱོད་དང་། མུ་ཁྱུད་དང་། འདྲོ་བ་སྐྱོང་གི་བུ་དང་། ཤོལ་འདྲོ་ཞེས་བྱ་བ་ལ་བཤད་དོ། །དྲང་སྲོང་ཆེན་པོ་འདི་རྣམས་ཀྱིས་ཀྱང་། །དྲང་སྲོང་མེ་བཞིན་འཇུག་ལ་སོགས་པ་ལ་བཤད་དོ། །དྲང་སྲོང་མེ་བཞིན་འཇུག་ལ་སོགས་པས་སྨན་དཔྱད་ཀྱི་གཞུང་
[335b.6]ལོབས་ནས། དྲང་སྲོང་རེ་རེས་ཀྱང་སྨན་དཔྱད་ཞིབ་མོ་རྒྱས་པ་སོ་སོར་བྱས་པའི་གཞུང་རྩིང་ཞིབ་སྣ་ཚོགས་སུ་གྱུར་པ་ལས། ཕྱིས་སྨན་པ་ཆེན་པོ་ཕ་ཁོལ་ཞེས་བྱ་བས་སྨན་དཔྱད་ཀྱི་གཞུང་མང་པོ་མཐའ་དག་མ་ལུས་པ་ལས་བཏུས་པ། །རྩིང་ཞིབ་རན་ཅིང་བསླབ་པའི་མདོ་ཡན་ལག་བརྒྱད་དུ་བསྡུས་
[335b.7]པའི་སྨན་དཔྱད་ཀྱི་གཞུང་བྲིས་སོ། །དེ་ལ་སྨན་དཔྱད་ཀྱི་མདོ་ཡན་ལག་བརྒྱད་ཅེས་བྱ་བ་ནི། ནམ་ཚོང་མན་ཆད་ལུས་ཀྱི་ནད་སྣ་ཚོགས་གསོ་བའི་དཔྱད་དང་། བྱིས་པ་ཆུང་ངུའི་དཔྱད་དང་། གདོན་ནད་སྣ་ཚོགས་ཀྱི་དཔྱད་དང་། ནམ་ཚོད་ཡན་ཆད་མིག་དང་རྣ་བ་དང་གླད་པའི་ནད་
[336a]
[336a.1]སྣ་ཚོགས་ཀྱི་དཔྱད་དང་། །མཚོན་གྱིས་སྨས་པའི་རྣག་གསོ་བའི་དཔྱད་དང་། །སྡིག་སྤྲུལ་ཟོས་དུག་དང་རྩི་དུག་གིས་པོག་པའི་དཔྱད་དང་། རྒས་སྲ་ཞིང་ཚེ་རིང་བར་བྱ་བའི་དཔྱད་དང་། བུད་མེད་ལ་ཕོད་པར་བྱ་བའི་དཔྱད་དང་། །ཡན་ལག་མདོ་རྣམ་པ་འདི་བརྒྱད་
[336a.2]ཡིན་ནོ། །དེ་ལྟ་བས་ན་སྨན་དཔྱད་ཀྱི་གསོ་བའི་ཆོ་ག་ཐམས་ཅད་ནི་མདོ་བརྒྱད་པོ་འདིར་འདུས་སོ། །དེ་ལ་མིའི་ནད་ཐམས་ཅད་ཀྱི་ནད་གཞི་ནི་རྣམ་པ་གསུམ་སྟེ། རླུང་དང་མཁྲིས་པ་དང་བད་ཀན་ཡིན་ནོ། །རླུང་དང་མཁྲིས་པ་དང་བད་ཀན་འདི་གསུམ་མ་སྙོམས་ཏེ། གྱུར་ན་ནད་
[336a.3]ཡིན་ཏེ་ལུས་འཇོམས་པར་བྱེད་དོ། །འདི་གསུམ་འཕྲོད་སྙོམས་ལ་གྱུར་པ་མེད་ན་ལུས་ཀྱི་ཉམས་ཐ་མལ་པར་གནས་ཏེ། འཚོ་བར་བྱེད་དོ། །རླུང་དང་མཁྲིས་པ་དང་བད་ཀན་འདི་གསུམ་ལུས་ལ་ཁྱབ་པར་གནས་མོད་ཀྱི། །དེ་ལ་ཡང་གནས་ཀྱི་བྱེ་བྲག་ནི་སྙིང་ག་ཡན་ཆད་བད་
[336a.4]ཀན་གྱི་གནས་སོ། །སྙིང་ག་མན་ཆད་ལྟེ་བ་ཡན་ཆད་ཀྱི་བར་ནི་མཁྲིས་པའི་གནས་སོ། །ལྟེ་བ་མན་ཆད་ཟས་ཞུ་བའི་ས་དང་། རོ་སྨད་མན་ཆད་རྐང་པ་ཡན་ཆད་རླུང་གི་གནས་སོ། །ཡང་དེ་ལ་ན་ཚོད་ཀྱི་བྱེ་བྲག་ལས་བསྟན་ན། བྱིས་པའི་ཚེ་ན་ནི་བད་ཀན་ནོ། །དར་ལ་བབ་
[336a.5]པའི་ཚེ་ནི་མཁྲིས་པའོ། །རྒས་ཕན་ཆད་ནི་རླུང་གི་རང་བཞིན་ནོ། །ཉིན་མཚན་ཡང་རྣམ་པ་གསུམ་དུ་བལྟ་སྟེ། སྔ་དྲོ་ནི་བད་ཀན་ནོ། །ཉི་མ་ཕྱེད་ཀྱི་དུས་ནི་མཁྲིས་པའོ། །སྣུར་སྨད་མན་ནི་རླུང་ངོ་། །མཚན་མོའི་ནམ་སྟོད་ནི་བད་ཀན་ནོ། །ནམ་གྱི་གུང་ལ་མཁྲིས་པའོ། །
[336a.6]ནམ་གྱི་སྨད་མན་ཆད་ནི་རླུང་གི་དུས་སོ། །ཡང་དེ་ལ་ཟས་ཟོས་མ་ཐག་པའི་རྗེས་ལ་ཅུང་ཟད་ཅིག་གི་བར་དུ་ནི་བད་ཀན་གནས་སོ། །དེ་ནས་ཟས་དེ་ཞུ་བར་བྱེད་ཀྱི་བར་དུ་ནི་མཁྲིས་པའོ། །ཟས་ཞུ་ནས་དངས་སྙིགས་ཕྱེད་ཕན་ཆད་ནི་རླུང་གི་དུས་སོ། །དེ་ལ་ཁ་ཟས་ཟོས་པ་རྣམས་
[336a.7]མེའི་དྲོད་ཀྱིས་འཇུ་བའི་བྱེ་བྲག་རླུང་དང་མཁྲིས་པ་དང་བད་ཀན་ལས་རྣམ་པ་བཞིར་བལྟ་སྟེ། དེ་ལ་རླུང་སྐྱེས་ནས་ཟས་ཟོས་པ་ཡང་ན་མྱུར་དུ་འཇུ། །ཡང་ན་རིང་དུ་མི་འཇུ་བར་བྱེད་དེ། འཇུ་བ་མི་སྙོམས་སོ། །མཁྲིས་པ་སྐྱེས་ནས་ཟས་ཟོས་པའི་མེ་དྲོད་རྣོ་ཆེས་པར་འགྱུར་རོ། །བད་ཀན་
[336b]
[336b.1]སྐྱེས་ན་ཟས་འཇུ་བར་བྱེད་པའི་མེ་དྲོད་ཆུང་པར་བྱེད་དོ། །རླུང་དང་མཁྲིས་པ་དང་བད་ཀན་འདི་གསུམ་ཤས་མཉམ་ན་ཟས་འཇུ་བའི་མེའི་སྟོབས་ཀྱང་སྙོམས་པ་ཡིན་ནོ། །དེ་ལ་རླུང་གི་ཤས་ཆེ་ན་ལྟོ་སྲའོ། །མཁྲིས་པ་ཤས་ཆེན་ལྟོ་འཇམ་ཞིང་སྙིའོ། །བད་ཀན་གྱི་ཤས་ཆེན་ལྟོ་སྲ་ཆེ་
[336b.2]པ་ཡང་མ་ཡིན། །སྙི་བ་ཉིད་ཀྱང་མ་ཡིན་པ་དེ་ནི་བར་མ་རན་པ་ཡིན་ནོ། །རླུང་དང་མཁྲིས་པ་དང་བད་ཀན་གསུམ་ཤས་སྙོམས་ཏེ་སྙོམས་པ་ནི་ནད་གཞི་སྙོམས་ཏེ་ནད་མེད་པའོ། །ཡེ་ལུས་ཀྱི་ནད་གཞི་དང་པོ་ནི། །མའི་མངལ་དུ་ཟླ་མཚན་དང་། ཁུ་བ་ཆགས་པ་དེ་ཚུན་ཆད་ནས་ལུས་སྐྱེ་
[336b.3]བ་ལ་སོགས་པར་འགྱུར་བ་ནི་ནད་ཀྱི་མགོ་སྟེ་དེ་ནས་བྱུང་བ་ཡིན་ཏེ། དེ་ནས་དཔེ་སྲིན་བུ་གདུག་པའི་དུག་དང་འདྲའོ། །ཡང་རླུང་དང་མཁྲིས་པ་དང་བད་ཀན་གྱི་བྱེ་བྲག་ལས་ལུས་ཀྱི་རང་བཞིན་ནི་རླུང་དང་མཁྲིས་པ་དང་བད་ཀན་རེ་རེ་ལ་ཡང་། །ཆེ་བ་དང་འབྲིང་པོ་དང་ཆུང་ངུ་སོ་སོར་བལྟའོ། །
[336b.4]རླུང་དང་བད་ཀན་དང་མཁྲིས་པ་གསུམ་འཕྲོད་སྙོམས་ན། །ལུས་ཟུངས་འཕྲོད་སྙོམས་པ་ཡིན་ཏེ་ནད་མེད་པའི་མཆོག་གོ། །རླུང་དང་མཁྲིས་པ་དང་བད་ཀན་གསུམ་ལས་གང་ཡང་རུང་བ་གཉིས་ཤིག་ལྷག་པར་ཕྱེ་ན། ནད་གཞི་རྣམ་གཉིས་ལས་ནད་དུ་འགྱུར་ཏེ། སྨད་པར་བྱ་བའི་རང་
[336b.5]བཞིན་ཡིན་ནོ། །དེ་ལ་རླུང་གི་རང་བཞིན་ནི་རྩུབ་པ། །ཡང་བ། གྲང་བ། །སྲ་བ། ཕྲ་བ། གཡོ་བ་ཡིན་ནོ། །དེ་ལ་མཁྲིས་པའི་རང་བཞིན་ནི་འཇམ་བག་ཅན། །ཚ་ཙག་ཅག་བྱེད་པ། །དྲོ་བ། ཡང་བ། དྲི་ང་བར་མནམ་པ། ཁོང་འཁྲུ་བ། །གཤེར་ཏེ་སླ་བ་ཡིན་ནོ། །དེ་ལ་བད་
[336b.6]ཀན་གྱི་རང་བཞིན་ནི་ལྕི་བ། བསིལ་བ། འཇམ་པ། སྣུམ་ཞིང་རྟུལ་བ། བརྟན་པ། ནལ་ནལ་པོ་འབྱར་བག་གི་རང་བཞིན་ཡིན་ནོ། །རླུང་དང་མཁྲིས་པ་དང་བད་ཀན་འདི་གསུམ་ལས་གཉིས་ཀྱི་ཤས་ཆེན་ལྡན་པའི་ནད་ཅེས་བྱའོ། །སུམ་ཆར་ལས་ནད་དུ་གྱུར་པ་ནི་འདུས་པའི་ནད་
[336b.7]ཅེས་བྱའོ། །དེ་ལ་ལུས་ཟུངས་བདུན་ཞེས་བྱ་བ་ནི། བཅུད་དང་ས་མ་དང་། ཁྲག་དང་། ཤ་དང་། ཚིལ་དང་། རུས་པ་དང་། རྐང་དང་། ཁུ་ཆུ་དང་བདུན་ནོ། །འདི་བདུན་དང་སྙིགས་མ་བཤང་གཅི་དང་། རྡུལ་སོགས་པ་ལ་རླུང་དང་མཁྲིས་པ་དང་བད་ཀན་གསུམ་གྱིས་གནོད་
[337a]
[337a.1]པར་བྱེད་པ་ཡིན་ནོ། །རླུང་དང་མཁྲིས་པ་དང་བད་ཀན་གསུམ་སྙོམས་ན་ལུས་ཐམས་ཅད་རྟས་པར་བྱེད་དོ། །རླུང་དང་མཁྲིས་པ་དང་བད་ཀན་རྣམས་མ་སྙོམས་ན་ལུས་ལ་གནོད་པར་བྱེད་པ་ཡིན་ནོ། །དེ་ལ་སྨན་ནོ་ཅོག་གི་དང་། ཟས་ཟོས་སོ་ཅོག་གི་
[337a.2]རོ་ནི་མདོ་རྣམ་པ་དྲུག་སྟེ། མངར་བ་དང་། སྐྱུར་བ་དང་། ཚ་བྲོ་བ་དང་། ཁ་བ་དང་། ཚ་བ་དང་། བསྐ་བ་དང་རྣམ་པ་དྲུག་གོ། །རོ་རྣམ་པ་དྲུག་ཀྱང་རྩི་སྨན་ཐ་དད་པ་ལ་བརྟེན་ཏོ། །རོ་དྲུག་གི་སྟོབས་ཀྱང་གོ་རིམས་བཞིན་དུ་མཐུ་ཆེ་བ་ཡིན་ནོ། །དེ་ལ་དང་པོའི་མངར་བ་དང་
[337a.3]སྐྱུར་བ་དང་། ཚ་བྲོ་བ་འདི་གསུམ་གྱིས་ནི་རླུང་སེལ་ཏོ། །ཁ་བ་དང་། ཚ་བ་དང་། བསྐ་བས་ནི་བད་ཀན་སེལ་ཏོ། །བསྐ་བ་དང་ཁ་བ་དང་མངར་བས་ནི་མཁྲིས་པ་སེལ་ཏོ། །དེ་ལ་ཚ་བ་དང་སྐྱུར་བ་དང་། ལན་ཚྭས་ནི་མཁྲིས་པ་དང་ཁྲག་རྒྱས་པའི་ཚ་བའི་ནད་སྐྱེད་དོ། །སྨན་
[337a.4]གྱི་བྱེ་བྲག་ནི་རྣམ་པ་གསུམ་དུ་བལྟ་སྟེ། ལ་ལས་ནི་ནད་ཞི་བར་བྱེད། ལ་ལས་ནི་ནད་ལྡང་བར་བྱེད་དེ། ཐ་མལ་ནི་ཉམས་ཐ་མལ་པར་གནས་པར་བྱེད་དོ། །ཡང་སྨན་གྱི་མཐུ་ནི་རྣམ་པ་གཉིས་ཏེ། ཚ་བ་དང་། བསིལ་བའི་ཡོན་ཏན་ཡིན་ནོ། །སྨན་ཞུ་བའི་རྗེས་ནི་རྣམ་
[337a.5]པ་གསུམ་སྟེ། མངར་བ་དང་། སྐྱུར་བ་དང་། ཚ་བའི་རང་བཞིན་ནོ། །སྨན་གྱི་ཡོན་ཏན་ནི་རྣམ་པ་བཅུ་སྟེ། ལྕི་བ་དང་། རྟུལ་བ་དང་། བསིལ་བ་དང་། སྣུམ་པ་དང་། འཇམ་པ་དང་། བསྐ་བ་དང་། མཉེན་པ་དང་། བརྟེན་པ་དང་། རབ་ཏུ་ཕྲ་བ་དང་། སྐམ་
[337a.6]བག་ཅན་ནོ། །འདི་ལས་བཟློག་ན་ཉི་ཤུར་སྦྱར་རོ། །ནད་གསོ་བའི་བྱེ་བྲག་ནི་དབྱར་དགུན་གྱི་བྱེ་བྲག་དང་། སྨན་གྱི་བྱེ་བྲག་དང་། སྨན་སྦྱོར་ཞིང་གཏོང་བའི་ལས་ལ་མཁས་པ་དང་། འདི་གསུམ་སྦྱར་ཞིང་ལོགས་པར་སྦྱོར་བ་ནི། ནད་མེད་པར་བྱེད་པའི་རྒྱུ་
[337a.7]གཅིག་པུ་སྟེ། མཆོག་ཡིན་ནོ། །རྣམ་པ་འདི་གསུམ་ལྟར་མ་འབྱོར་ཏེ། ཆུང་ངམ་ལོག་པར་སྦྱར་ཏམ། ལྷག་པར་སྦྱར་ཏེ་ཆེས་ན་ནད་ཀྱིས་ཉེན་པ་ཡིན་ཏེ། ནད་དུ་ཤེས་པར་བྱའོ། །ནད་ཅེས་བྱ་བ་ནི་རླུང་དང་མཁྲིས་པ་དང་བད་ཀན་མ་སྙོམས་པ་ལས་ནད་དུ་
[337b]
[337b.1]འགྱུར་རོ། །ནད་མེད་པ་ནི་རླུང་དང་མཁྲིས་པ་དང་བད་ཀན་གྱི་ནད་གཞི་འཕྲོད་ཅིང་སྙོམས་ན་ནད་མེད་པའི་རང་བཞིན་ནོ། །ནད་ཅེས་བྱ་བ་ནི་མདོར་རྣམ་པ་གཉིས་ཏེ། གཅིག་ནི་བཀྲེས་པ་དང་སྐོམ་པ་དག་གི་ནད་རྟག་པ་རང་བཞིན་གྱིས་གནས་པ་ཡིན་ནོ། །འཕྲལ་དུ་སྣང་
[337b.2]པ་དང་། མ་འཕྲོད་པ་མ་སྙོམས་པ་ལས་ནད་དུ་གྱུར་པ་ནི། གློ་བུར་གྱི་ནད་ཡིན་ཏེ། འདི་དང་རྣམ་པ་གཉིས་སོ། །ནད་འདི་གཉིས་ཀྱང་ལུས་དང་སེམས་ཀྱི་བྱེ་བྲག་གིས་ནད་ཀྱི་གནས་ཀུན་རྣམ་པ་གཉིས་སུ་རིག་པར་བྱའོ། །དེ་ལ་འདོད་ཆགས་དང་། གཏི་མུག་གཉིས་ཀྱི་
[337b.3]ཡིད་ཡིན་ཏེ། འདི་གཉིས་ནད་གཞིར་བསྟན་ཏོ། །དེ་ལ་ནད་ཀྱི་ཐབས་བརྟག་པ་ནི་རྣམ་པ་གསུམ་སྟེ། བལྟ་བ་དང་། ལག་པའི་མྱང་བས་རེག་པར་བྱ་བ་དང་། ནད་ཐབས་དྲི་བ་དང་གསུམ་གྱིས་བརྟག་གོ། །དེ་ལ་ནད་པའི་ནད་བརྟག་པ་ཡང་རྣམ་པ་ལྔ་སྟེ། སྔར་
[337b.4]ནད་གཞིར་གྱུར་པའི་ཁ་ཟས་མི་འཕྲོད་པའི་ལྕི་ཡང་ཟོས་རྗེས་དཔྱད་པ་དང་། ནད་གང་ཡིན་པའི་ཚུལ་ལས་ཤེས་པར་བྱ་བ་དང་། ནད་ཀྱི་དངོས་པོ་གང་ཡིན་པའི་མཚན་ཉིད་རྟོགས་པ་དང་། ནད་དུ་འགྱུར་བའི་ཁ་ཟས་ལ་སོགས་པ་ཟོས་པར་གྱུར་པས་ནད་ཆེར་གྱུར་པ་དང་།
[337b.5]ནད་མངོན་པར་རྟོགས་ཏེ་ནད་ཀྱི་མིང་ཅི་ཡིན་བྱེ་བྲག་ཕྱེད་པ་དང་། འདི་ལྟ་བུས་ནད་ཀྱི་ཚུལ་རྟོགས་པར་བྱའོ། །ཡང་ནད་ཀྱི་ཚུལ་བརྟག་པ་ཡང་རྣམ་པ་གཉིས་ཏེ། ཡུལ་སའི་བྱེ་བྲག་དང་། ལུས་ཀྱི་བྱེ་བྲག་ལས་རྣམ་པ་གཉིས་སུ་བལྟ་སྟེ། དེ་ལ་ཡུལ་སའི་བྱེ་བྲག་གི་
[337b.6]ཆུ་དང་ཤིང་རྩི་ཉུང་ཞིང་། རི་ཉུང་སྐམ་ས་ཆེ། རུས་པ་ཅན་རླུང་ཆེ་བའི་ཡུལ་དེ་ལྟ་བུ་ནི། རླུང་ནད་ལྷག་པར་ཆེ་ཞིང་ཁྲག་ནད་དུ་འགྱུར་རོ། །ཡུལ་སྤྱི་སེར་ཆེ་སྟེ། ཆུ་མང་རི་ཤས་ཆེ་སྟེ། ཤིང་མེད་པའི་ཡུལ་འདི་ལྟ་བུ་ལས་ནི་བད་ཀན་ལྷག་པར་ཆེ་ཤིང་རླུང་དུ་ཡང་
[337b.7]འགྱུར་རོ། །སྐམས་དང་གཤེར་ས་དེ་གཉིས་ཆ་མཉམ་སྟེ། ཐུན་མོང་ཙམ་དུ་གྱུར་ན་རླུང་དང་བད་ཀན་དང་མཁྲིས་པ་ལ་སོགས་པའི་ནད་ཀྱང་ཆེས་མཉམ་པར་འགྱུར་རོ། །དེ་ལྟ་བས་ན་ཡུལ་ས་ལས་བལྟ་བ་རྣམ་པ་གསུམ་དུ་བཤད་པ་ཡིན་ནོ། །སྨན་པས་
[338a]
[338a.1]ནད་ཀྱི་དམིགས་གསོ་དཀའ་སླ་ལས་སྨན་སྦྱར་བ་ཡང་རྣམ་པ་གཉིས་ཏེ། ནད་ཀྱིས་བཏབ་ནས་སྐད་ཅིག་ཐང་ཅིག་ནས་ལོ་ཟླ་བ་ལ་སོགས་པའི་ཡུན་ཇི་སྲིད་ལོན་པ་དང་། འཕྲལ་དུ་ནད་ཀྱིས་ཐེབས་པའི་ཚབས་ཆེ་ཆུང་གི་དམིགས་ལས་བརྟགས་
[338a.2]ཏེ། སྨན་པས་སྨན་སྦྱར་བར་བྱའོ། །སྨན་པས་སྨན་གཏང་བ་ཡང་མདོ་རྣམ་པ་གཉིས་ཏེ། སྟོད་དུ་དྲང་ཞིང་སློན་པ་ལ་སོགས་པ་ནས་བཀྲུ་ཞིང་སྦྱང་བར་བྱ་བ་དང་། ནད་ཞི་བར་བྱ་བའི་སྨན་གཏང་བ་དང་གཉིས་སོ། །ལུས་ལས་བྱུང་བའི་ནད་རྣམས་རིམ་པས་གསོ་བ་
[338a.3]ནི་མཆོག་ཏུ་སྨན་བཟང་སྟེ། སྨན་ལངས་པ་ནས་གཏང་བ་དང་། བཀྲུ་སྨན་གཏང་བ་དང་། སློན་སྨན་གཏང་བ་དང་། ཏིལ་མར་དང་སྨན་མར་དང་། སྦྲང་རྩི་ལ་སོགས་པ་བཏང་ཞིང་གསོའོ། །སེམས་ཀྱི་ནད་གསོ་བ་ནི་ཤེས་རབ་ཀྱི་བློ་དང་ལྡན་པ་དང་བརྟན་ཞིང་དགའ་བ་
[338a.4]དང་ལྡན་པ་དང་། གཞན་གྱིས་བརྙས་པ་ལ་སོགས་པ་བྱས་པས་སེམས་མི་དགའ་ཞིང་འཁྲུགས་པར་གྱུར་ན། བདག་ཉིད་ཀྱི་ཚོད་ཇི་ཙམ་པ་དང་། ཅི་འདྲ་བ་ལ་སོགས་པ་རིགས་པའི་ཚུལ་གྱིས་བསམས་ཏེ། སེམས་ཀྱི་ནད་གསོ་བ་འདི་ནི་སེམས་ནད་གསོ་བའི་མཆོག་ཡིན་
[338a.5]ནོ། །སྨན་བཏང་ཞིང་ནད་གསོ་བའི་དཔྱད་ཐབས་མདོ་རྣམ་པ་བཞི་སྟེ། སྨན་པ་དང་། སྨན་དང་། ནད་གཡོག་དང་། ནད་པ་དང་རྣམ་པ་བཞིའོ། །ནད་གསོ་བའི་མདོ་རྣམ་པ་འདི་བཞི་པོའི་རེ་རེ་ལ་ཡང་རྣམ་པ་བཞི་བཞི་སྟེ། བཅུ་དྲུག་དང་ལྡན་ན། ནད་གསོ་བ་ལ་སོགས་
[338a.6]པ་སྨན་དཔྱད་ཐམས་ཅད་བྱར་རུང་ངོ་། །དེ་ལ་ཡོན་ཏན་རྣམ་པ་བཞི་དང་ལྡན་ན་སྨན་པ་ཡིན་ཏེ། དེ་དག་གང་ཞེ་ན། སྨན་པ་ཆེན་པོ་མཁས་ཤིང་ལུགས་ཆེ། ཀུན་གྱི་སྟེགས་སུ་གྱུར་པ་ཡིན། སྨན་དཔྱད་ཀྱི་གཙུག་ལག་བཤད་པ། དཔྱད་ཀྱི་ལུང་ལེགས་པར་ལོབས་
[338a.7]པ་ཡིན། །སྨན་སྦྱར་ཞིང་གཏང་བའི་ལས་སུ་བྱ་བ་རྣམས་མཐོང་བ་དང་། སྙོམ་ལས་དང་ལེ་ལོ་མི་བྱེད་ཅིང་བརྩོན་པ་ཡིན། ཕྱིའི་བཀྲུ་བཤལ་དང་སྨན་སྦྱར་བ་ལ་སོགས་པ་ལ་གཙང་སྦྲ་ཆེ་ཞིང་ནང་གི་འདོད་ཆེན་མེད་ལ་སྙིང་རྗེ་ཡོད་པའི་གཙང་སྦྲ་དང་ལྡན་པ་འདི་ནི་སྨན་པའི་ཡོན་ཏན་
[338b]
[338b.1]ནོ། །དེ་ཡང་སྨན་ཡོན་ཏན་བཞི་དང་ལྡན་པ་དགོས་ཏེ། སྨན་སྣ་ཚོགས་སོ་སོའི་བརྐོ་སྐམ་པ་ལ་སོགས་པ་སོ་སོའི་ཆོ་ག་བཞིན་བྱས་པར་གྱུར་པ་དང་། སྨན་སྣ་རེ་རེ་ཡང་མཐུ་སྟོབས་ལ་སོགས་པ་ཡོན་ཏན་དང་ལྡན་པ་དང་། སྨན་སྐྱེ་བའི་ཚེ་ན། ཆར་པ་ཆེན་པོའམ་ཐན་
[338b.2]པ་ཆེས་པའམ། ཉི་ལྷགས་དང་གྲིབ་མས་ཧ་ཅང་གནོད་པར་མ་གྱུར་ཅིང་། །ས་བཟང་པོ་ནས་སྐྱེས་པ་སོ་སོའི་སྨིན་པར་ལྡན་པ་དག་ནད་དམིགས་ཐ་དད་པ་དང་། འཕྲོད་པའི་སྨན་དམིགས་སུ་ཕན་པ་དང་ལྡན་པ་དང་། འདི་བཞི་ནི་སྨན་གྱི་ཡོན་ཏན་ཡིན་ནོ། །ནད་གཡོག་གི་
[338b.3]ཡོན་ཏན་ཡང་རྣམ་པ་བཞི་སྟེ། ནད་པ་ལ་བྱམས་པ་དང་། ཕྱི་ནང་གི་གཙང་སྦྲ་ཆེ་བ་བསྙེལ་མདོངས་ཡོད་ཅིང་གཤོར་ལ་བརྩོན་པ་དང་། ནད་པའི་ནད་ཀྱི་ཚུལ་ལས་ཁ་ཟས་ལ་སོགས་པ་རུང་མི་རུང་གི་ཆོ་ག་སྨན་པས་བསྟན་པ་བཞིན་མི་བརྗེད་མི་འཁྲུལ་ཞིང་རྒྱུས་ལོབས་
[338b.4]པའོ། །ནད་པ་ཡང་ཡོན་ཏན་བཞི་དང་ལྡན་ན་ནད་གསོར་རུང་སྟེ། གསོ་བའི་ཡོ་བྱད་འབྱོར་ཏེ་ཕྱུག་པ་དང་། སྨན་པའི་དཔྱད་ཉན་ཅིང་བཀའ་བློ་བདེ་བ་དང་། ནད་པ་རང་གི་ནད་གང་དང་གང་དུ་ན་བ་ཤེས་པ་དང་། སྨན་དང་དཔྱད་བྱས་ན་ཕོག་སྙ་ཆེ་ཞིང་སྟོབས་དང་ལྡན་
[338b.5]པ་བཞིའོ། །དེ་ལྟར་སྨན་དཔྱད་ཀྱི་ཡན་ལག་བཅུ་དྲུག་པོ་འདི་དག་དང་ལྡན་ན། ནད་གསོ་བ་ལ་སོགས་པ་དང་། རྒན་སྲན་ཆེ་ཞིང་ཚེ་རིང་བར་བྱ་བ་ལ་སོགས་པ་ཀུན་ཀྱང་བྱར་རུང་ངོ་། །སྨན་པས་ནད་པ་ཞིག་གསོ་ན། ནད་གསོར་རུང་བའི་ནད་པ་ནི། ན་ཚོད་དར་ལ་བབ་
[338b.6]པ་དང་། སྨན་དཔྱད་ཀྱི་ཆོ་ག་ཐམས་ཅད་ལ་ཕོག་སྙ་ནུས་ཤིང་བཟོད་པ་དང་། རྣམ་པ་འདི་གཉིས་སུ་ལྡན་པའི་མི་སྨན་གྱི་ཆོ་ག་དང་། ཁ་ཟས་མི་འཕྲོད་པ་བསྲུང་ཞིང་དབང་པོ་ཞི་ཞིང་ཐུབ་པར་སྲུང་ནུས་པ་འདི་ལྟ་བུའི་ནད་པ་ནི་གསོ་སླ་བ་ཡིན་ནོ། །ཡང་ནད་པའི་ནད་གསོ་བ་ལ།
[338b.7]ན་ཚོད་དར་ལ་བབ་ཅིང་ཕོག་སྙ་ནུས་ཀྱང་ནད་གནད་དུ་བབ་པར་གྱུར་ཏམ། ནད་གཞི་ཆེ་བ་ལ་སོགས་པར་གྱུར་ན་ནི། གསོ་དཀའ་བ་ཡིན་ནོ། །ནད་པའི་ན་ཚོད་དར་ལ་བབ་ཅིང་ཕོག་སྙ་ལ་སོགས་པ་དང་ལྡན་ལ། ནད་ཀྱང་གནད་ལ་བབ་པར་མ་སོང་། ནད་གཞི་ཡང་ཆུང་། ན་
[339a]
[339a.1]པའི་ནད་དམིགས་ཉིད་ཀྱང་གསལ་བར་མི་སྣང་སྟེ། ནད་གང་ཡིན་པའི་ཚུལ་ལ་མ་རྟགས་ཙམ་ཞིག་སྔར་སྣང་ངམ། ནད་ཀྱི་དམིགས་གང་ཡིན་པའི་མཚན་ཉིད་གསལ་བར་རྟོགས་པ་དང་། རིམས་ལ་སོགས་པ་ནད་གང་ཡང་རུང་བའི་བླ་བརྣན་གྱི་
[339a.2]ནད་ཕྲན་ཚེགས་གཞན་དག་གིས་ཀྱང་མ་བཏབ་ན་དེ་ནི་གནོད་པ་མ་ཡིན་ཏེ་གསོ་སླ་བའོ། །ཡང་ནད་པ་ཞིག་ན་སྟེ་མི་བདེ་ན། མིའི་རང་བཞིན་དང་། དབྱར་དགུན་གྱི་དུས་དང་། ཡུལ་སྐམ་ས་དང་། སེར་ཆེ་བ་ལ་སོགས་པ་གནོད་པར་བྱེད་པའི་ཁམས་ལ་སོགས་པ་ལས་སོ། །
[339a.3]མི་བདེ་བའི་ནད་ཀུན་ཀྱང་གཅིག་ཏུ་མི་མཐུན་ཏེ། ཐ་དད་པར་གྱུར་པ་འདི་ལྟ་བུ་དང་། སྨན་དཔྱད་བྱ་བའི་ཡན་ལག་བཅུ་དྲུག་དང་ཡང་ལྡན་པར་གྱུར་པ་འདི་འདྲ་བའི་ནད་ནི་གསོ་སླ་བ་ཡིན་ནོ། །ཡང་ནད་ཀྱིས་བཏབ་པ་ཞིག་ལ་དཔྱད་དུ་བྱ་ན། མི་དེ་བཙས་པའི་ཚེའི་བླ་སྐར་གང་
[339a.4]ཡིན་པ་དང་། གཟའ་གང་ཡིན་པ་དང་སྦྱར་ཏེ། ཐོག་མར་ནད་ཀྱིས་བཏབ་པའི་ཉི་མ་དང་སྦྱར་ན་བཅས་པའི་ཆེའི་སྐར་མ་ལ་གནོད་པར་མ་གྱུར་པ་དང་། ནད་འདོམ་པ་སྣ་གཉིས་ཀྱིས་མ་དག་སྟེ། ནད་སྣ་གཅིག་ན་བ་དང་། ཁ་ནས་ཁྲག་འབྱུང་བ་དང་། ཐུར་དུ་ཡང་འབྱུང་སྟེ་
[339a.5]སྒོ་གཉིས་ཀ་ནས་ཁྲག་འོང་བ་འདི་ལྟ་བུ་དང་། ཡང་ན་ཁ་དང་སྣ་ལ་སོགས་པ་ཀུན་ནས་ཁྲག་འོང་བ་འདི་ལྟ་བུ་ནི་གསོ་དཀའ་བ་ཡིན་ན། འདི་ལྟར་མ་འདོམ་སྟེ། ཁའམ་སྨད་འགའ་ཞིག་ནས་ཁྲག་འོང་བར་ཟད་པ་དང་། ནད་སྙིང་དཀྱིལ་ཆེ་བ་མ་ཡིན་པ་འདི་ལྟ་བུ་ནི་གསོ་
[339a.6]སླ་བ་ཞེས་བྱའོ། །དེ་ལ་ནད་གསོ་དཀའ་བ་ཞེས་བྱ་བ་ནི། གཏར་ག་སྣ་ཚོགས་གདབ་པ་དང་། ཆུའི་སྲོག་ཆགས་པད་པས་ནད་ཁྲག་འཇིབ་ཏུ་གཞུག་པ་དང་། ནས་ཚིག་འཁུས་པའི་ཐལ་བ་ལས་སྦྱར་བའི་སྨན་གྱིས་བསྐུ་བ་དང་། ནད་སྣ་གཉིས་འདོམ་པའི་ནད་ཀྱིས་
[339a.7]བཏབ་པར་གྱུར་པ་འདི་ལྟ་བུའི་ནད་ནི་གསོ་དཀའ་བ་ཡིན་ཏེ། སྨན་དང་། ཁ་ཟས་ཕན་པ་ཙམ་ཞིག་གིས་ཟིན་པ་དང་། ཚེ་སྲོག་ལ་ཐོགས་པར་ཟད་དེ། དེ་ལྟ་བུ་ནི་གསོ་དཀའ་བ་ཞེས་བྱའོ། །དེ་ལ་སྔར་གསོ་སླ་བའི་དམིགས་བསྟན་པ་དང་གསོ་དཀའ་བའི་དམིགས་བསྟན་པ་
[339b]
[339b.1]རྣམ་གཉིས་དང་མི་མཐུན་པ་ནད་གཞི་ཡང་ཆེ་ལ་ནད་སྣ་ཡང་འདོམ་པ་དང་། སྨན་དང་ཁ་ཟས་ཀྱིས་བཙོས་ཤིང་བསྒྱུར་དུ་ཡང་མི་རུང་། ཚེ་སྲོག་གིས་ཟིན་པ་ཡང་མི་འདྲ་ལ་གསོ་བའི་དཔྱད་དུ་བྱ་བ་ཀུན་དང་རབ་ཏུ་མི་མཐུན་པར་གནས་པ་དང་། སེམས་ཀྱང་འཁྲལ་འཁྲུལ་
[339b.2]དུ་གྱུར་ཏེ། མི་འཕྲོད་ཅིང་གནོད་པར་འགྱུར་པ་ཀུན་འདོད་པ་དང་། གཉེན་ནམ་མཛའ་སྡུག་པ་དང་འཕྲད་འདོད་ཅེས་ཟེར་བ་ལྟ་བུ་དང་། རྨོངས་ཤིང་མི་དྲན་ལ། མྱོས་ཏེ་མ་སྨྲས་པ་དང་། འདོད་པ་རྣམས་བརྗེད་པ་དང་། ཁྲོ་བར་གྱུར་ཏེ་སྨན་པ་དང་། ནད་གཡོག་དང་། དཔྱད་
[339b.3]དུ་བྱ་བ་རྣམས་ལ་གཤེ་ཞིང་འཚིག་པ་དང་། འདི་ལྟ་བུའི་ནད་གཞི་ཆེར་གྱུར་པ་ནི་གསོ་བའི་ཐབས་དཀའ་བ་ཞེས་བྱ་བ་སྟེ། སྨན་པས་ནད་པ་ལ་བལྟས་ནས་འཆི་ལྟས་སྣང་ཞིང་། མིག་འགྱུར་ལ་ཉམ་ཐག་པར་སྣང་ཞིང་སྨན་པ་ལ་ཡང་ཁྲོ། རྒྱལ་པོ་ལ་ཡང་ཁྲོ།
[339b.4]སྨན་པ་དང་རྒྱལ་པོ་དང་མི་མཛའ་མི་མཐུན་པ་ལ་ཡང་ཁྲོ་ཞིང་འཚིག །ཡོ་བྱད་མི་འབྱོར་ལ། སྨན་པས་གསོ་བའི་དཔྱད་བྱས་ན་ཡང་བྲེལ་ཏེ་མི་ཁོམ་ཞེའམ། སྨན་པས་དཔྱད་བྱས་ཀྱང་ཉན་དུ་མི་བཏུབ་པ་དང་། ནད་པ་གཏུམ་ལ་མྱ་ངན་ལ་གནས་ཤིང་དཔྱད་བྱས་པས་
[339b.5]འཇིགས་ཏེ་ཕོག་སྙ་ཆུང་བ། དྲིན་མི་གཟོ་བ། རྒྱལ་བྱེད་ཅིང་སྨན་པ་ལ་བརྙས་པ། ཚེ་ཟད་པར་གྱུར་པ་འདི་ལྟར་མཐོང་ན། ཐབས་མེད་དེ་སྨན་པས་ཐོང་ཤིག །ཚེ་རིང་བར་བྱ་བའི་སྨན་དཔྱད་ཀྱི་ལེའུ་དང་པོའི་རྒྱུད་བཤད་ཟིན་ཏོ།། །།དེ་ནས་ཚེ་རིང་བར་འདོད་
[339b.6]པའི་རྒྱུད་ལས་སྨན་དཔྱད་ཀྱི་རྣམ་གྲངས་ཀྱི་མདོ་བསྡུ་བའི་ལེའུ་བཤད་པར་བྱའོ། །ཚེ་རིང་བར་འདོད་ན་ཡང་དཔྱད་དང་ཆོ་གར་བྱ་བའི་རྣམ་གྲངས་བརྒྱ་ཉི་ཤུ་ཡོད་དོ། །དེ་དག་གང་ཞེ་ན། མིང་གིས་བགྲང་བ་ལས། མདོ་དམིགས་ཀྱིས་བཤད་པའི་གནས་རྣམས་སུམ་ཅུ་དང་།
[339b.7]བྱིས་པ་རུམ་དུ་ཆགས་པ་ལ་དཔྱད་དུ་བྱ་བ་རྣམ་པ་དྲུག་དང་། ནད་གཞི་རྣམ་པ་བཅུ་དྲུག་དང་། ནད་གསོ་བའི་དཔྱད་ཉི་ཤུ་རྩ་གཉིས་དང་། བཀྲུ་སྨན་དང་། སྐྱུག་སྨན་དང་། སྨན་མས་གཏོང་བ་ལ་སོགས་པའི་ཆོ་ག་གྲུབ་པ་རྣམ་པ་དྲུག་དང་། བྱིས་པ་ཆུང་ངུའི་དཔྱད་
[340a]
[340a.1]དང་། གདོན་ནད་ཀྱི་ཆོ་ག་དང་། སྨྱོ་བ་དང་། བརྗེད་བྱེད་ཀྱི་ནད་དང་། མིག་ནད་དང་། སྣ་ནད་དང་། ཁ་ནད་དང་། རྣ་ནད་དང་། གླད་ནད་ལ་སོགས་པའི་དཔྱད་དང་། རྨ་དང་། མཚོན་གྱིས་ཕོག་པ་སྣ་ཚོགས་དང་། རྐང་ལག་དང་འབུར་བ་ལ་
[340a.2]སོགས་པ་གསོ་བའི་དཔྱད་རྣམ་པ་བཞི་བཅུ་ཡོད་དོ། །དེ་ལ་ཚེ་རིང་པར་འདོད་ན་ཉིན་རེ་ཞིང་རྟག་ཏུ་ཇི་ལྟར་བྱ་བ་དང་། ལོ་གཅིག་ཅིང་དུས་ཚིགས་ཐ་དད་པ་དྲུག་ཡོད་པ་ལ་ཁ་ཟས་ལ་སོགས་པའི་ཆོ་ག་དང་། དཔྱད་ཇི་ལྟར་བྱ་བ་དང་། རྟག་པར་བདེ་ཞིང་ནད་མེད་པར་བྱ་བ་དང་།
[340a.3]སྐོམ་ཅི་དང་ཅི་བཏུང་བ་དང་། ཁ་ཟས་སོ་སོའི་བྱེ་བྲག་ཤེས་པར་བྱ་བ་དང་། ཁ་ཟས་དང་། སྐོམ་ལ་སོགས་པའི་ནང་དུ་དུག་བཏབ་པ་ཐམས་ཅད་ལ་ཚོར་ཞིང་ངོས་ཟིན་པར་བྱ་བའི་ཐབས་བསྟན་ཏེ། ཟས་བསྡམ་པར་བྱ་བ་བཤད་པ་དང་། ཟས་རན་པར་བཟའ་བའི་ཚོད་
[340a.4]གཟུང་བ་བསྟན་པ་དང་། སྨན་སྣ་སོ་སོའི་མཐུ་དང་ཡོན་ཏན་དང་ཞུ་བའི་རྗེས་བསྟན་པ་དང་། སྨན་གྱི་ཁུ་བ་མདར་བ་དང་། སྐྱུར་བ་དང་། ཁ་བ་ལ་སོགས་པའི་བྱེ་བྲག་རོ་ལ་གནས་པ་བསྟན་པ་དང་། བད་ཀན་དང་རླུང་དང་མཁྲིས་པ་ལ་སོགས་པའི་ནད་ཤེས་པར་བྱ་བ་
[340a.5]དང་། ནད་དེ་དག་གི་སོ་སོའི་བྱེ་བྲག་དབྱེ་བ་དང་། ནད་སོ་སོའི་གསོ་བའི་ཐབས་གཉིས་པ་བསྟན་པ་དང་། རིད་པ་དང་རྐེ་ཞིང་ཉམ་ཆུང་བ་བརྟ་བའི་ཐབས་དང་། སྣུམ་བག་དཔྱད་ཀྱི་ཆོ་ག་བྱ་བ་དང་། སྐྱུག་སྨན་དང་བཀྲུ་སྨན་ལ་སོགས་པའི་ནད་སྦྱང་བར་བྱ་བ་དང་། དུགས་དང་
[340a.6]ལུམས་བྱ་བ་དང་། མས་བཀྲུ་ཞིང་བསལ་བ་ལ་སོགས་པས་ལུས་བརྟན་པར་བྱ་བ་དང་། སྣ་ནས་གཏང་བ་དང་། སྨན་གྱི་དུད་པ་བཏང་ཞིང་བརྔུབ་པ་དང་། བད་ཀན་རྒྱས་སམ་སོ་འགུལ་ལམ་ན་བ་ལྟ་བུ་ལ་ཏིལ་མར་རམ་སྨན་གྱི་ཁུ་བ་ཁར་བླུགས་ཤིང་དོར་བ་དང་། མིག་སྨན་
[340a.7]བླུགས་ཤིང་མིག་ནད་བཀྲུ་བ་དང་། མིག་ནད་བཀྲུས་ནས་མིག་གསོ་བའི་སྨན་གཏང་བ་དང་། མདའ་ལ་སོགས་པའི་མཚོན་གྱིས་སྨས་ཏེ་མདེའུ་ཁོང་དུ་ལུས་པ་དང་། ཚེར་མ་ཟུག་པའམ། གྲེ་བར་སྣད་པའམ། གྲ་མ་ཆག་པ་དབྱུང་བའི་ཐབས་དང་། གཙགས་བུ་དང་།
[340b]
[340b.1]གཙགས་ཁབ་ལ་སོགས་པ་སྣ་ཚོགས་ཀྱི་བྱེ་བྲག་དང་། རྩེའི་བྱེ་བྲག་དང་། མཚོན་ཁོང་དུ་ལུས་པ་དབྱུང་བའི་ཆོ་ག་དང་། གཏར་སྤྱད་སོ་སོས་ནད་དམིགས་གང་དང་གང་ལ་གདབ་པ་དང་། ཐལ་སྨན་རྣོན་པོའི་སྨན་གིས་བསྐུ་བ་དང་། མེ་བཙའ་གདབ་པའི་ལས་བྱ་བ་
[340b.2]འདི་དག་ནི་ལུས་ཀྱི་ནད་གསོ་བའི་ཆོ་ག་མདོའི་གནས་ཀྱི་ལེའུ་སུམ་ཅུ་བྱ་བ་ཡིན་ནོ། །དེ་ལ་བྱིས་པ་རུམ་དུ་ཆགས་པ་ནི་མངལ་དུ་ཞུགས་པ་ཞེས་བྱ་སྟེ། དེ་ལ་ཁ་ཟས་དང་སྤྱོད་ལམ་ཇི་ལྟར་བཤད་པ་དང་རུམ་དུ་ཆགས་པ་དེའི་ནད་ཀྱི་བྱེ་བྲག་དང་། དེའི་རྐང་ལག་དང་།
[340b.3]ཡན་ལག་གི་བྱེ་བྲག་བསྟན་པ་དང་། །ནད་ཀྱི་བྱེ་བྲག་བསྟན་པ་དང་། ལུས་མདོག་དང་། ཚུལ་ལ་སོགས་པར་གྱུར་ཏེ་འཆི་ལྟས་བྱུང་བ་དང་། སྨན་པ་འབོད་པའམ། འགུགས་པའི་བང་ཆེན་ལ་ལྟས་སུ་ལྟ་བ་དང་། འདི་དྲུག་ནི་བྱིས་པ་རུམ་དུ་ཆགས་པའི་བྱེ་བྲག་བསྟན་
[340b.4]པའོ། །ནད་གཞི་ནི་ནད་ཐམས་ཅད་ཀྱི་གཞི་ཞེས་བྱ་བ་དང་། རིམས་ནད་མང་པོའི་ནད་གཞི་དང་། ཁྲག་ནད་ཀྱི་ནད་གཞི་དང་། ལུད་པའི་ནད་གཞི་དང་། དབུགས་མི་བདེ་བའི་ནད་གཞི་དང་། གློ་གཅོང་ལ་སོགས་པ་དང་། ཆང་དྲགས་པ་ལས་ནད་དུ་གྱུར་པ་དང་། གཞང་
[340b.5]འབྲུམ་ཁྲག་ཚད་དང་། ཚད་པའི་ནད་དང་། ཆུས་འགགས་པའི་ནད་དང་། གཅིན་སྙི་པའི་ནད་དང་། ཁོང་འབྲས་དང་། དམུ་རྫིང་དང་། སྐྱ་རྦབ་དང་། མཛེ་ནད་དང་། རླུང་ནད་ཀྱིས་ཉམ་ཐག་པ་དང་། དྲེག་ནད་དང་། ནད་འདི་རྣམ་པ་བཅུ་དྲུག་གི་ནད་གཞི་ཅི་དང་ཅི་ལས་གྱུར་
[340b.6]པ་བསྟན་པ་ནི་ནད་གཞི་བཅུ་དྲུག་བཤད་པའོ། །དེ་ལ་ནད་གསོ་བའི་དཔྱད་རྣམ་པ་ཉི་ཤུ་རྩ་གཉིས་ཞེས་བྱ་བ་ནི། རིམས་ནད་སྣ་ཚོགས་གསོ་བ་དང་། ཁྲག་ནད་རྒྱས་ཏེ་སྟོད་སྨད་དུ་འབྱུང་བ་གསོ་བ་དང་། ལུད་པའི་ནད་གསོ་བ་དང་། དབུགས་མི་བདེ་བའི་ནད་གསོ་
[340b.7]བ་དང་། གློ་གཅོང་གི་ནད་གསོ་བ་དང་། རྟག་ཏུ་སློན་པའི་ནད་གསོ་བ་དང་། ཆང་ནད་གསོ་བ་དང་། གཞང་འབྲུམ་ཁྲག་ཚང་གསོ་བ་དང་། ཞུ་བའི་ཚད་པ་དང་། མ་ཞུ་བ་བེེའུ་སྣབས་སུ་འབྱུང་བ་དང་། རྣམ་གཉིས་ཀྱི་ཚད་པ་གསོ་བ་དང་། ཕོ་བའི་ནད་གསོ་བ་དང་།
[341a]
[341a.1]གཅིན་འགགས་པའི་ནད་གསོ་བ་དང་། གཅིན་ཟ་གུའི་ནད་གསོ་བ་དང་། ཁོང་འབྲས་གསོ་བ་དང་། སྐྲན་ནད་གསོ་བ་དང་། དམུ་རྫིང་གསོ་བ་དང་།སྐྱ་རྦབ་ཀྱི་ནད་གསོ་བ་དང་། འོར་ནད་གསོ་བ་དང་། མེ་དབལ་གསོ་བ་དང་། མཛེའི་ནད་གསོ་བ་དང་
[341a.2]ཤ་བཀྲའི་དཔྱད་དང་། རླུང་ནད་ཀྱི་དཔྱད་དང་། དྲེག་ནད་གསོ་བའི་དཔྱད་རྣམ་པ་ཉི་ཤུ་རྩ་གཉིས་པོ་འདི་དག་ནི་ནད་གསོ་བའི་ལེའུ་ཞེས་བྱའོ། །ཆོ་ག་གྲུབ་པ་རྣམ་པ་དྲུག་ཅེས་བྱ་བ་ནི་སྐྱུག་སྨན་གཏང་བའི་ཆོ་ག་དང་། བཀྲུ་བའི་ཆོ་ག་དང་། སྐྱུག་སྨན་དང་བཀྲུ་བདེ་གྲུབ་པར་བྱ་བའི་
[341a.3]ཆོ་ག་དང་། སྨན་མས་གཏོང་བའི་ཆོ་ག་དང་། སྨན་མས་གཏོང་བའི་ཆོ་གས་ནད་ཕྱིན་ཏེ་གསོ་བར་བྱ་བ་དང་། སྨན་མས་གཏོང་བའི་ཐབས་ནོར་རམ། བཏང་མ་ལེགས་པ་ལས་མ་རུང་སྟེ་ནད་དུ་གྱུར་པ་གསོ་བའི་ཐབས་དང་། སྨན་གྱི་ཆོ་ག་བསྟན་པ་སྟེ་རྣམ་པ་འདི་དྲུག་ནི་སྨན་དཔྱད་ཀྱི་ཆོ་ག་གྲུབ་པར་བྱ་བ་ཡིན་
[341a.4]ནོ། །སྨན་དཔྱད་ཀྱི་ཆོ་ག་བཞི་བཅུ་པའི་ལེའུ་བཤད་པར་བྱ་སྟེ། དེ་དག་གང་ཞེ་ན། བྱིས་པའི་ཆོ་ག་ཞེས་བྱ་བ་ནི་བྱིས་པ་བཙས་མ་ཐག་པའི་ཚེ་ནས་དཔྱད་དང་ཆོ་གར་བྱ་བའི་རིམ་པ་རྣམ་གསུམ་དང་། བྱིས་པའི་ནད་མི་འབྱུང་བར་བྱ་བ་དང་། ནུ་ཞོའི་དཔྱད་དང་། བྱིས་པ་གདོན་གྱིས་
[341a.5]བཏབ་ན་གསོ་བའི་ཆོ་ག་དང་། སྨན་གཏང་བའི་ཐབས་དང་། མི་ཆེན་པོའི་གདོན་གྱིས་བཏབ་ན་གདོན་གྱི་དམིགས་ཤེས་པ་དང་། གདོན་ནད་བསལ་བའི་ཆོ་ག་དང་། སྨྱོ་བའི་ནད་བསལ་བ་དང་། བརྗེད་བྱེད་ཀྱི་ནད་བསལ་བ་དང་། རྫི་མ་དང་། མིག་དང་། མཆུའི་
[341a.6]ནད་ངོ་ཤེས་པ་དང་། ནད་དམིགས་གསལ་བ་དང་། མིག་གི་མཐའ་མའི་གྲ་མཚམས་དང་། མིག་གི་འབྲས་བུའི་ནད་དམིགས་བརྟག་པ་དང་། ནད་སོ་སོར་བསལ་བའི་ཆོ་ག་དང་། མིག་རབ་རིབ་ཏུ་གྱུར་ཏེ་མི་མཐོང་བའི་ནད་དམིགས་བརྟག་པ་དང་། ནད་གསོ་བའི་
[341a.7]ཆོ་ག་དང་། མིག་གིས་མཐོང་བ་ཉམས་པའི་ནད་གསོ་བའི་ཆོ་ག་དང་། མིག་ནད་སྣ་ཚོགས་ཀྱི་ནད་དམིགས་བརྟག་པ་དང་། མིག་ནད་གསོ་བའི་ཆོ་ག་དང་། རྣ་ནད་ཀྱི་དམིགས་བརྟག་པ་དང་། རྣ་ནད་གསོ་བ་དང་། སྣ་ནད་ཀྱི་དམིགས་བརྟག་པ་དང་། སྣ་ནད་
[341b]
[341b.1]གསོ་བའི་ཆོ་ག་དང་། ཁ་ནད་ཀྱི་དམིགས་བརྟག་པ་དང་། ཁ་ནད་གསོ་བའི་ཆོ་ག་དང་། མགོ་ནད་ཀྱི་དམིགས་གང་ཡིན་པ་བརྟག་པ་དང་། མགོ་ནད་གསོ་བའི་ཆོ་ག་དང་། རྨ་རྙིང་གསོ་བའི་ཆོ་ག་དང་། རྨ་གསར་པ་གསོ་བའི་ཆོ་ག་དང་། རྐང་ལག་ཆག་གྲུགས་
[341b.2]སུ་གྱུར་པ་གསོ་བ་དང་། མཚན་བར་རྡོལ་བའི་ནད་དམིགས་བརྟག་ཅིང་གསོ་བའི་ཆོ་ག་དང་། འབྲས་དང་ཐོར་བུ་ལ་སོགས་པ་ནད་དམིགས་བརྟག་པ་དང་། གསོ་བའི་ཆོ་ག་དང་། འབྲུམ་བུ་ཕྲ་མོའི་ནད་དམིགས་ཤེས་པར་བྱ་བ་དང་། གསོ་བའི་ཆོ་ག་དང་། གསང་བའི་
[341b.3]གནས་ཀྱི་ནད་དམིགས་བརྟག་པ་དང་། གསོ་བའི་ཆོ་ག་དང་། དུག་ནད་སྣ་ཚོགས་ཀྱི་དམིགས་བརྟག་ཅིང་གསོ་བའི་ཆོ་ག་དང་། སྦྲུལ་གདུག་པས་ཟིན་པའི་ནད་གསོ་བ་དང་། སྲིན་བུ་གདུག་པས་ཟིན་པ་བྱི་བ་ལ་སོགས་པའི་གདུག་པས་ཟིན་པ་སོ་སོའི་གསོ་བའི་ཆོ་ག་
[341b.4]དང་། ནད་མེད་ཅིང་རྒས་སྲ་བ་བཅུད་ལེན་སྦྱར་བའི་ཆོ་ག་དང་། བུ་མེད་པ་ལ་ས་བོན་གསོ་ཞིང་རོ་ཙ་བའི་ཆོ་ག་དང་། དཔྱད་རྣམ་པ་བཞི་བཅུ་སྟེ། དེ་ལྟར་དཔྱད་ཀྱི་རྣམ་གྲངས་བརྒྱ་ཉི་ཤུ་ནི་མདོ་རྣམ་པ་དྲུག་ཏུ་བསྡུས་ཏེ་བཤད་པ་ཡིན་ནོ། །དེ་ལ་དང་པོར་མདོའི་གནས་སུ་
[341b.5]སུམ་ཅུ་བསྟན་པ་ལས་གོ་རིམས་བཞིན་དུ་རྟག་ཏུ་ཉིན་བར་གྱི་དཔྱད་དུ་བྱ་བ་བཤད་པར་བྱ་སྟེ། ཉམས་ཐ་མལ་པར་གནས་པས་ཚེ་བསྲུང་བར་བྱ་བ་དང་། ལུས་ཀྱི་རིམ་གྲོ་བྱ་བའི་ཕྱིར་ནམ་དམར་རིང་ཤར་ཙ་ན་ལངས་ཏེ་སྐད་ཅིག་འདུག་པར་བྱའོ། །དེ་ནས་ཕྱི་རོལ་དུ་
[341b.6]བཤང་གཅི་ལ་སོགས་པ་བྱས་ནས། ནང་པར་སོ་ཤིང་གི་རྒྱུ་ཤིང་ཨར་ཀ་དང་། ཤིང་ནྱ་གྲོ་དྷ་དང་། སེང་ལྡེང་དང་། ཤིང་ཀ་རཉྫ་དང་། ཤིང་ཀ་ཀུ་བྷ་ལ་སོགས་པ་སོ་ཤིང་རོ་ཁ་བ་དང་། ཚབ་དང་། བསྐ་བར་བྲོ་བ་ལས་ཐོར་ཏོ་འཇམ་པོར་བྱས་ལ། སོ་རྙིལ་ལ་གནོད་
[341b.7]པར་མ་གྱུར་པར་བཅའ་བར་བྱའོ། །གལ་ཏེ་ཟས་མ་ཞུའམ། སློན་བྲོའམ། དབུགས་མི་བདེ་བའམ། ལུད་པ་ལུའམ། རིམས་ནད་དམ། ཁ་ཡོན་པོར་གྱུར་པའམ། ཁ་སྐམས་ཏེ། སྐོམ་པའམ། ཁའི་ནང་དུ་ཐོར་བུ་བྱུང་བའམ། སྙིང་ནའམ། མིག་
[342a]
[342a.1]ནའམ། ཀླད་པ་ནའམ། རྣ་བ་ན་བར་གྱུར་ན་སོ་ཤིང་མ་བཅའ་ཞིག །ཁ་གདོང་བཀྲུས་ནས་མིག་ལ་ཕན་པར་བྱ་བའི་ཕྱིར། མིག་ལ་ཕན་པའི་སྨན་སྟང་ཟིལ་ཞེས་བྱ་བ་མིག་ལ་རྟག་ཏུ་བྱུག་གོ། །མིག་ནི་མེའི་རང་བཞིན་ཡིན་པས་ན། དེའི་ཁྱད་
[342a.2]པར་ལྷག་པར་བད་ཀན་ལས་འཇིགས་པའི་ནད་འབྱུང་བར་འགྱུར་ཏེ། དེ་བས་ན་ཞག་བདུན་ཞིང་མིག་གི་སྨན་སྐྱེར་པའི་ཁཎྜ་ཞེས་བྱ་བ་མིག་ཏུ་ལན་ཅིག་བླུགས་ཤིང་མཆི་མ་དབྱུང་བར་བྱའོ། །དེ་ནས་རྣ་བ་དང་གླད་པ་མི་བདེ་བ་རྣམས་ལ་ཏིལ་མར་ལས་སྦྱར་བའི་སྨན་
[342a.3]མར་ཐིགས་པ་གཉིས་ཙམ་སྣ་ནས་གཏང་ངོ་། །མགུལ་པ་དང་། གྲེ་བ་དང་། ལྕེའུ་ཆུང་དང་། ལྕེ་དང་། ལྐོག་མ་དང་། སོ་དང་། སྙིང་ལ་སོགས་པའི་ནད་བསལ་བའམ་ཕན་པར་བྱ་བའི་ཕྱིར་སྨན་གྱི་ཁུ་བས་མཁུར་བ་བཀང་སྟེ་སྐད་ཅིག་ཙམ་བཞག་ལ་དོར་རོ། །སྨན་བསྲེགས་
[342a.4]པའི་དུད་པ་ཡང་སྦུ་གུ་ནས་སྣ་དང་། ཁ་ནས་བརྔུབ་པར་བྱའོ། །སོ་རྩི་ཏམ་པོ་ལ་ཡང་མུར་བར་བྱའོ། །གལ་ཏེ་གློ་འགྲམས་ཏེ་ཁ་ནས་ཁྲག་འོང་ངམ། མཁྲིས་པ་སྐྱེས་སམ། ཁ་ནས་ཁྲག་མང་དུ་འོང་བའམ། རླུང་གིས་ལུས་རྩུབ་པོར་གྱུར་པའམ། མིག་ནའམ། དུག་
[342a.5]ནད་དམ། བརྒྱལ་བའམ། ཆང་ནད་ཀྱིས་གཟིར་རམ། ལུས་སྐེམས་པར་འགྱུར་བ་འདི་ལྟ་བུ་ལ་སོ་རྩི་ཏམ་པོ་ལ་མུར་དུ་མི་རུང་ངོ་། །ལུས་རྟག་ཏུ་མར་གྱིས་བསྐུས་ན་རྒས་པ་དང་ངལ་ཞིང་དུབ་པ་དང་། ཆད་པ་དང་། རླུང་ནད་སེལ་བར་བྱེད་དེ། ལྷག་པར་མགོ་བོ་དང་། རྐང་
[342a.6]པ་མར་གྱིས་བསྐུས་ན། །མིག་ནད་ཀྱི་སྐྱོན་མེད། མིག་གསལ་བ་དང་། ལུས་བརྟས་པ་དང་། ཚེ་ལ་ཕན་པ་དང་། གཉིད་ལེགས་པར་འོང་བ་དང་། པགས་པའི་མདོག་འཇམ་ཞིང་བརྟས་པར་འགྱུར་རོ། །གལ་ཏེ་བད་ཀན་སྐྱེས་ཏེ་མི་བདེ་འམ། སྐྱུག་སྨན་ནམ།
[342a.7]བཀྲུ་སྨན་བཏང་སྟེ་བཀྲུས་སམ། ཟས་མ་ཞུ་བར་གྱུར་ན་མར་གྱིས་བྱུགས་ཤིང་། ལུས་བསྩལ་ཞིང་སྦྱངས་ན་ཁང་ཡང་བ་དང་། ལས་ཕོད་པ་དང་། ཟས་ཞུ་བར་བྱེད་པའི་མིའི་དྲོད་འབར་བ་དང་། ཚིལ་ཟད་པར་བྱེད་པ་དང་། ལུས་ཀྱི་སྟོད་སྨད་སྐབས་ཕྱེད་ལ་ལུས་
[342b]
[342b.1]གྲིམས་པར་བྱེད་པར་འགྱུར་རོ། །གལ་ཏེ་རླུང་དང་མཁྲིས་པའི་ནད་ཡོད་དམ། བྱིས་པ་འམ་རྒས་པ་ཞིག་ན་ལུས་བསྐྱོད་ཅིང་བསྩལ་བར་བྱས་ཏེ་ཡང་དགུན་ལྷགས་པའི་དུས་དང་། དཔྱིད་ཀྱི་དུས་སུ་སྦྱང་སྟེ། དེ་ཡང་ཟས་སྣུམ་བག་བཟའ་ཞིང་སྟོབས་ཀྱི་མཐུ་དང་ལྡན་པས་
[342b.2]སྟོབས་ཀྱི་ཤུགས་དང་། ཚད་ཕྱེད་ཙམ་བྱུང་སྟེ། བསྩལ་ཞིང་བསྐྱོད་པར་བྱའོ། །དུས་གོང་མ་གཉིས་མ་ཡིན་པ་དུས་གཞན་གྱི་ཆེན་རིན་ཙམ་མི་དག་པར་བསྩལ་ཞིང་ཤུགས་དབྱུང་བ་དང་སྦྱར་བར་བྱའོ། །དེ་ལྟར་བསྩལ་ཞིང་བསྐྱོད་པའི་ཤུགས་ཕྱུང་བའི་རྗེས་ལ། ལུས་ཐོག་
[342b.3]ཐག་ཅི་རན་ཅིག་བདེ་བར་ཉལ་ཞིང་བསྐྱོད་ཅིང་བསྩལ་བའི་ཤུགས་དབྱུང་བ་དང་། སྦྱར་བར་བྱའོ། །བསྐྱོད་ཅིང་བསྩལ་བའི་ཤུགས་ཧ་ཅང་དྲགས་ཆེས་ན་སྐོམ་དད་ཆེ་བ་དང་། གློ་གཅོང་དུ་འགྱུར་བ་དང་། སྙིང་ན་སྟེ་མི་དྲན་པ་མུན་ཐིབས་ཞེས་བྱེད་པ་དང་། ཁྲག་རྒྱས་པ་དང་།
[342b.4]མཁྲིས་པ་རྒྱས་པ་དང་། ལུད་པ་ལུ་བ་དང་། རིམས་དང་། སློན་པར་འགྱུར་རོ། །ལུས་ཀྱི་གནོད་པ་དྲག་ཤུལ་ལས་གྱུར་པ་དེ་ལྟ་བུ་འབའ་ཞིག་ཏུ་མ་ཟད་དེ། དེ་དང་འདྲ་བ་གཞན་ཡང་མཚན་མོ་མི་ཉལ་བར་བྱེད་པ་དང་། ལམ་རིངས་ཀྱིས་དུ་བ་སྟེ་ཆད་པ་དང་། བུད་མེད་ལ་
[342b.5]དྲགས་ཏེ་དུབ་པ་དང་། གད་མོ་དགོད་དྲགས་པ་དང་། སྨྲ་བ་མང་ཞིང་དྲགས་པ་དང་། སྟོབས་ཀྱི་ཚན་གྱིས་མི་ནུས་བཞིན་ཧ་ཅང་ཤུགས་དྲག་པོས་བཙལ་ཞིང་བསྟེན་ན་སེང་གེས་གླང་པོ་ཆེ་གཞོམ་དྲགས་པ་བཞིན་ལུས་མ་རུང་བར་འགྱུར་རོ། །དེ་ལྟར་ལུས་མར་གྱིས་བྱུགས་པའི་རྗེས་ལ་ལྡེ་
[342b.6]གུས་བྱུགས་ཤིང་ཕྱིས་ཏེ་དྲིལ་ན། བད་ཀན་སེལ་བ་དང་། ཚིལ་རབ་ཏུ་ཞུ་བར་བྱེད་པ་དང་། ལུས་དང་ཡན་ལག་བརྟན་པར་བྱེད་པ་དང་། པགས་པའི་མདོག་དྲི་མ་མེད་ཅིང་ཤིན་ཏུ་གསལ་བར་འགྱུར་རོ། །དེ་ལྟར་ལུས་ལྡེ་གུས་དྲིལ་ནས་ལུས་ཁྲུས་བྱའོ། །ཁྲུས་བྱས་པའི་ཡོན་
[342b.7]ཏན་ནི་ཕོ་བ་དྲོད་ཆེ་ཞིང་ཁ་ཟས་འཇུ་བ་དང་། བུད་མེད་ལ་ཕོད་དེ་རོ་ཙ་བ་དང་། ཚེ་ལ་ཕན་པ་དང་། མདངས་དང་ལྡན་ཞིང་སྟོབས་སྐྱེ་བ་དང་། ལུས་ཀྱི་པགས་པ་གཡའ་བ་མེད་པ་དང་། དྲི་མ་མེད་པ་དང་། ངལ་ཞིང་དུབ་པ་བརྟས་པ་དང་། རྡུལ་མེད་པ་དང་། སྙོམ་པ་སངས་པ་དང་
[343a]
[343a.1]སྐོམ་པ་མེད་པ་དང་། ལུས་ཚ་བ་ལས་ལུས་བསིལ་བ་དང་། མི་ཤིས་པ་སེལ་བར་འགྱུར་རོ། །ལུས་ཀྱི་ཁྲུས་ཆུ་ནི་ཚན་པོར་བྱས་ལ། མགུལ་པ་མན་ཆད་ལུས་ལ་བླུགས་ཤིང་བཀྲུས་ན་ལུས་ཀྱི་སྟོབས་སྐྱེད་པར་འགྱུར་རོ། །མགོ་བཀྲུ་བ་ནི་ཆུ་
[343a.2]ཆེས་ན་མི་བཟང་ངོ་། །ཆུ་ཚན་དེ་ཉིད་ཀྱིས་མགོ་བཀྲུས་ན་ལུས་ཀྱི་སྟོབས་འཕྲོག་པ་དང་། སྐྲ་འབྱི་བ་དང་། མིག་ལ་གནོད་པར་འགྱུར་རོ། །གལ་ཏེ་ཁ་འགྲམ་པ་ལ་ཆགས་པའི་ནད་ཡོད་དམ། མིག་ནའམ། ཁ་ནད་ཀྱིས་བཏབ་པའམ། རྣ་བ་ནའམ། ཚད་པ་
[343a.3]ནའམ། ལྟོ་སྦོས་སམ། ཆམ་པས་བཏབ་པའམ། ཁ་ཟས་མ་ཞུའམ། ཟས་ཟོས་མ་ཐག་ལྟ་བུ་ལ་བཀྲུས་ན་མི་རུང་སྟེ། ཁྲུས་མ་བྱེད་ཅིག །ཁ་ཟས་བཟའ་བ་ནི་ཟས་ཞུ་བའི་རྗེས་ལ་ཟོས་ན་ཕན་ཏེ། ཁ་ཟས་བཟའ་བ་དེ་ལ་ཡང་། ཚོད་རན་པར་བཟུང་སྟེ་བཟའ་
[343a.4]བར་བྱའོ། །བཤང་བ་འོང་བར་གྱུར་ན་མི་བརྣག་པར་བཤང་ངོ་། །བཤང་བ་མི་འོང་བཞིན་དུ་ཡང་སྟོབས་ཀྱིས་མི་བཙིར་རོ། །བཤང་བ་འོང་བར་གྱུར་ན་བཤང་བ་མ་བྱས་པར་ལས་གཞན་མ་བྱེད་ཅིག །དེ་བཞིན་དུ་ནད་གང་ཡང་རུང་སྟེ་མི་བདེ་ན། ནད་མ་
[343a.5]བསལ་བར་ལས་གཞན་མི་བསྒྲུབ་བོ། །སེམས་ཅན་ཐམས་ཅད་ནི་ཅི་བསྒྲུབས་པ་ཐམས་ཅད་ཀྱང་བདེ་བ་འདོད་པའི་ཕྱིར་བསྒྲུབ་བོ། །བདེ་བ་དེ་ཡང་ཆོས་མ་བསྒྲུབས་ན་མི་འཐོབ་བོ། །དེ་བས་ན་ཆོས་ལ་རབ་ཏུ་བསྒྲུབ་པར་བྱའོ། །དེ་བས་ན་མི་དགེ་བའི་གྲོགས་
[343a.6]པོ་རིང་དུ་སྤངས་ལ། དགེ་བའི་བཤེས་གཉེན་རྣམས་ལ་མོས་པ་བསྟེན་པར་བྱའོ། །དེ་བས་ན་སེམས་ཅན་ལ་གནོད་པར་བྱེད་པ་དང་། རྐུ་བ་དང་། འདོད་པས་གཞན་ལ་གཡེམ་པ་དང་། ཕྲ་མ་དང་། ངག་རྩུབ་པོ་དང་། བརྫུན་དུ་སྨྲ་བ་དང་། ཚིག་ཀྱལ་པ་སྨྲ་བ་དང་། །
[343a.7]གནོད་སེམས་དང་། བརྣབ་སེམས་དང་། ལོག་པར་ལྟ་བའི་སྡིག་པའི་ལུས་དང་ངག་དང་ཡིད་ཀྱི་ལས་མི་དགེ་བ་རྣམས་སྤང་བར་བྱའོ། །སེམས་ཅན་འཚོ་བས་ཕོངས་པ་དང་། ནད་དང་མྱ་ངན་གྱིས་གཟིར་ཏེ་ཉམ་ཐག་པར་གྱུར་པ་ལ་ཅི་ནུས་པས་ཕན་གདགས་པ་དང་། ཆུང་
[343b]
[343b.1]ངུ་གྲོག་སྦུར་ཡན་ཆད་ལ་ཡང་བདག་རང་གི་ལུས་དང་སྲོག་བཞིན་དུ་བལྟ་བར་བྱའོ། །རྟག་པར་ལྷ་དང་། དགེ་སློང་རྣམས་དང་། བྲམ་ཟེ་དང་། སྨན་པ་དང་། ན་སོ་རྒན་པ་དང་། རྒྱལ་པོ་དང་། གསར་དུ་འོང་བ་རྣམས་ལ་མགྲོན་བྱ་བ་དང་། སློང་བ་རྣམས་ལ་མགྲོན་
[343b.2]བྱ་བ་དང་། སློང་བ་རྣམས་ལ་རྒྱབ་ཀྱིས་མི་ཕྱོགས་པ་དང་། མི་བརྙས་མི་སྤྱོ་བ་དང་། དགྲས་མཚན་དུ་གནོད་པ་ཆད་བྱེད་ཀྱང་ཕན་གདགས་པ་ལྷུར་བྱ་བ་དང་། དར་བ་དང་གུད་པར་གྱུར་ན་ཡང་ཡིད་གཅིག་སྟེ། སེམས་ལྷག་པར་དགའ་བར་བྱའོ། །མྱ་ངན་ལ་གནས་པར་མི་
[343b.3]བྱེད། དལ་ཞིང་འབྱོར་པར་གྱུར་པའི་རྒྱུ་ལས་བསྩལ་བར་བྱ་བའི་རིགས་ཀྱི་ཕ་རོལ་འབྱོར་པར་གྱུར་པ་ལ་ཕྲག་དོག་བྱ་བའི་མི་རིགས་སོ། །སྨྲ་བ་ཡང་དུས་སུ་སྨྲ། ཕན་པར་སྨྲ། རན་པར་སྨྲ། བརྫུན་གྱིས་མི་སླུ་ཞིང་དེས་པ་དང་། བཞིན་འཛུམ་ཞིང་སྔ་ནས་གསོང་པོར་སྨྲ་བ་
[343b.4]དང་། སྤྱོད་ལམ་བཟང་པོ་དང་ལྡན་པ་དང་། སྙིང་རྗེ་ཆེ་ཞིང་འཇོམ་པ་དང་། བདག་འབའ་ཞིག་བདེ་བར་བྱེད་པ་མ་ཡིན། ཐམས་ཅད་ལ་ཡིད་རྟོན་པར་བྱེད་པ་ཡང་མ་ཡིན། ཀུན་ལ་དོགས་པར་བྱེད་པ་ཡང་མ་ཡིན། བདག་གི་དགྲ་ཞེས་བྱ་བ་སུ་ཡང་མེད་པ་དང་། བདག་ནི་
[343b.5]སུའི་དགྲ་ཡང་མ་ཡིན་པར་བྱ་བ་དང་། བདག་ལ་གཞན་གྱིས་བརྙས་སོ་ཞེས་ཚིག་ཏུ་མི་འབྱིན། དཔོན་པོའམ་བླ་མ་བདག་ལ་མི་བྱམས་སོ་ཞེས་མི་སྨྲ། མིའི་ཡིད་དང་སྦྱར་ཏེ། བརྟགས་ལ་ཅི་ནས་ཀྱང་དགའ་བར་འགྱུར་བ་དེ་ལྟར་བྱ་སྟེ། གཞན་དགའ་བར་བྱེད་
[343b.6]པ་ནི་མཛངས་པ་ཞེས་བྱའོ། །དབང་པོ་རྣམས་གཟིར་ཞིང་གནོན་པར་ཡང་མི་བྱ། ཧ་ཅང་ཡང་ལོངས་སྤྱོད་བཙལ་ཞིང་ཉམས་རངས་སུ་ཡང་མི་བྱ། མདོར་ན་ཆོས་དང་ནོར་དང་ལོངས་སྤྱོད་དང་འདི་གསུམ་མེད་པའི་མདོ་སྟོང་པར་གྱུར་པའི་ལས་མི་བརྩམ་མོ། །ལས་འདི་
[343b.7]གསུམ་དང་མི་ལྡན་ཡང་ལས་འདི་གསུམ་དང་མི་འགལ་བའི་ལས་རྣམས་བསྒྲུབ་པར་བྱའོ། །མདོར་ན་ཆོས་ཐམས་ཅད་ལ་བསྒྲུབ་ཅིང་བྱ་བ་ནི་རན་པར་སྒྲུབ་ཅིང་འཇུག་གོ། །སྐྲ་རིང་པོ་དང་སེན་མོ་དང་ཁ་སྤུ་བྲེག་པ་དང་། དྲི་མ་འབྱུང་བའི་སྒོ་དགུ་དང་། རྐང་
[344a]
[344a.1]པ་དྲི་མ་མེད་པར་བྱ་བ་དང་། ཁྲུས་བྱ་བ་ལ་དགའ་བ་དང་། སྤོས་མཆོག་ཏུ་དྲི་ཞིམ་པོ་ཐོགས་ཤིང་ཆ་ལུགས་མཛེས་ལ་འགོད་ཅིང་འཕྱར་བ་མ་ཡིན་པ་དང་། གོས་དང་རྒྱན་ལ་སོགས་པ་ཧ་ཅང་སྤང་ཆེས་པར་མི་བྱ། རྟག་ཏུ་རིན་པོ་ཆེ་དང་།
[344a.2]བསྒྲུབས་པའི་སྔགས་དང་། སྨན་ཆེན་པོ་དག་ཀྱང་ལུས་ལ་བཅང་ངོ་། །ཕན་ཚུན་འགྲོ་ན་ཡང་ལྷམ་གྱོན་གདུགས་ཐོགས་ལ་མིག་རན་པ་ཙམ་དུ་བལྟ་ཞིང་འགྲོའོ། །མཚན་མོ་ནི་གར་ཡང་མི་འགྲོའོ། །མཚན་མོ་མི་འགྲོར་མི་རུང་བ་བརྟན་པའི་ལས་ཤིག་བྱུང་ན་ཡང་།
[344a.3]གྲོགས་དང་བཤམས་ལ་ཆས་ཤིང་ལག་ཆ་ཐོགས་ལ་སོང་ཤིག །ཡན་མན་འགྲོ་བའི་ལམ་ཀ་ན་མཆོད་རྟེན་གྱི་གྲིབ་མའམ། བླ་མ་མཆོད་གནས་ཤིག་འདུག་གམ། རྒྱལ་མཚན་གྱི་གྲིབ་མའམ། མི་རོ་དང་། ཐལ་བ་དང་། ལུད་ཕུང་དང་། གྱོ་མོ་དང་། བོང་པ་དང་།
[344a.4]གཏོར་མ་དང་ཡས་སྟགས་བོར་བ་དང་། ཁྲུས་བྱས་པའི་ས་དང་། ཆུ་བོར་བ་འདི་རྣམས་ལ་མི་བརྗི་མི་བགོམ་བར་བསྐོར་ཏེ་འགྲོ་བར་བྱའོ། །ཆུ་བོ་ཆེ་ལས་བརྒལ་བར་མི་བྱ། མེ་ཆེན་པོའི་ནང་དུ་འགྲོ་བར་མི་བྱ། གྲུ་ངན་པ་བག་ཚ་བ་དང་། ཤིང་བག་ཚབ་ལ་མི་འགྲོ་
[344a.5]མི་འཛེག །བཞོན་པ་རྟ་མི་སྲུན་པ་ལ་ཞོན་ཏེ་མི་འགྲོ། སྦྲིད་པ་དང་། གད་མོ་དང་། གླལ་དང་། བྱ་རྨྱང་ལ་སོགས་པའི་ཚེ་ཡང་ཁ་ཧ་ཅང་མི་གདངས་སོ། །སྣའི་བུ་གར་མཛུབ་མོས་ཧ་ཅང་ཡང་མི་བྲུད་པ་དང་། བྱ་བའི་དམིགས་མེད་པར་ས་ལ་བབ་ཏུ་རི་མོ་མི་བྲི།
[344a.6]ལུས་དང་ཡན་ལག་ཧ་ཅང་མི་གཅུ། ཙོག་ཙོག་པོར་ཡང་མ་འདུག་ཤིག །ལུས་ཀྱིས་ལས་སམ། ངག་གིས་སྨྲ་བ་འམ། སེམས་ཀྱིས་བསམ་པའི་ལས་ཅི་བྱེད་ཀྱང་རུང་སྟེ་ངལ་བར་མ་གྱུར་པར་ཚོད་བཟུང་སྟེ་སྔ་ནས་ཐོང་ཤིག །ཡུན་རིང་དུ་མལ་གཅིག་ནམ་འགྲེང་ཞིག།།རྒྱུས་
[344a.7]མ་རིག་པའི་ཤིང་དྲུང་དུ་ནུབ་མོ་མ་འདུག་ཅིག །དེ་བཞིན་དུ་ལམ་གྱི་སུམ་མདོ་དང་། མཆོད་རྟེན་གྱི་དྲུང་དང་། ལམ་གྱི་བཞི་མདོའི་འདུས་ས་དང་། ལྷ་ཁང་གི་དྲུང་དང་རི་དགས་ལ་སོགས་པ་བསད་པའི་ཤ་དམར་དང་། སློ་སྤུངས་པའི་ས་དང་། འབྲོག་དང་འདི་དག་ཏུ་འགྲོ་
[344b]
[344b.1]བར་མི་བྱའོ། །ཁང་སྟོང་དང་དུར་ཁྲོད་དུ་ནི་ཉིན་པར་ཡང་འགྲོ་བར་མི་བྱའོ། །ཉི་མ་ལ་ནི་མིག་ཚུགས་སུ་ཡང་མི་ལྟ། མགོ་བོ་ལ་ཁུར་ཐོགས་ཏེ་ཁྱེར་བར་མི་བྱ། ཤིན་ཏུ་ཞིབ་ཅིང་ཕྲ་བའམ། འོད་འཚེར་བའམ། བཙོག་པའམ། མི་སྡུག་པ་གང་ཡང་རུང་སྟེ།
[344b.2]རྟག་པར་མ་བལྟ་ཞིག །ཆང་ནི་བག་མེད་ལ་འཁྲུལ་བའི་གནས་ཡིན་པས་རང་མི་བཙོ། མི་བཙོང་། གཞན་ལ་ཡང་མི་བླུད། བདག་གིས་ཀྱང་མི་བཏུང་བར་བྱའོ། །སྔ་དྲོ་སེར་བུའི་ཁ་ན་འདུག་པ་དང་། ཉི་ཚན་ལ་འདུག་པ་དང་། དུར་ཁྲོད་ན་འདུག་པ་དང་། བ་མོའི་
[344b.3]སྟེང་ན་འདུག་པ་དང་། རླུང་རྩུབ་པོར་ལངས་པ་འདི་ལྟ་བུའི་གནས་དང་ས་ཕྱོགས་སུ་འདུག་པར་མི་བྱའོ། །སྦྲིད་པ་འབྱུང་བའི་ཚེ། མཇིང་པ་ཡོན་པར་གཅུ་བ་དང་། དེ་དང་འདྲ་བར་མཇིང་པ་ཡོན་པོར་སྒྲེགས་པ་གཏོང་བ་དང་། མཇིང་པ་གཅུས་ཏེ་གཉིད་ཀྱིས་ལོག་
[344b.4]པ་དང་། ལུས་གཅུས་ཏེ་ཉལ་པོ་བྱེད་པ་དང་། འདི་ལྟ་བུ་ཀུན་ལས་ནད་དུ་འགྱུར་ཏེ། མཇིང་པ་དང་ལུས་གཅུ་བར་མི་བྱའོ། །ཆུ་འགྲམ་གྱི་གད་ཀར་འདུག་པར་མི་བྱ་བ་དང་། རྒྱལ་པོ་དང་མི་མཐུན་པའམ། རྒྱལ་པོས་བཀྱོན་པའི་མི་དང་མི་འདྲུལ་མི་བསྟེན་པ་
[344b.5]དང་། སྦྲུལ་དང་གཅན་གཟན་དང་། ཕྱུགས་རྭ་ཅན་བརྡུང་བའི་གན་དུ་མི་ཉེ་བར་བག་བྱའོ། །ནད་པར་དམར་རེངས་ཤར་བའི་དུས་ནམ་ཕན་ཕུན་དང་། ཉི་མ་ཕྱེད་དང་ཉི་མ་ནུབ་སྟེ་དམར་ཐག་ཆད་པ་དང་། དུས་འདི་གསུམ་གྱི་ཚེ། ཁ་ཟས་ཟ་བ་དང་། བུད་མེད་དང་ཉལ་
[344b.6]བ་དང་། ཡི་གེ་ཀློག་པ་དང་། སྙིང་ལ་སེམས་པའི་བག་འདི་ལྟ་བུ་མི་བྱའོ། །མི་མཛའ་བ་དང་། དགྲ་བོའི་ཁྱིམ་དུ་ཟས་ཟ་བ་དང་། མི་མང་པོ་ཟན་ཟ་བའི་ནང་དུ་ཆང་འཐུང་ཞིང་ཟ་བ་དང་། མི་གོ་འདུན་མང་པོའི་ཟན་ཟ་བ་དང་། ཚོང་པའི་ཟན་ཟ་བ་འདི་ལྟ་བུ་རྣམས་
[344b.7]བཟའ་བར་མི་བྱའོ། །ལུས་ལ་ལག་པས་མི་འོས་པར་མི་རྡོབ་པ་དང་། མཆུ་འབྲི་ཞིང་མི་འབུད། མགོ་དང་ལག་པ་དྲག་ཏུ་མི་སྤྲུག །སེན་མོ་རྣམས་གཅིག་ལ་གཅིག་མི་དྲུད་དོ། །ཆུ་དང་མེའི་ནང་དུ་འགྲོ་བར་མི་བྱ། བླ་མ་བཙུན་པ་རྣམས་འཁོད་པའི་གོང་ངམ་པར་
[345a]
[345a.1]བར་ནས་ཕར་འགྲོ་བར་མི་བྱ། རོ་བསྲེགས་པའི་དུད་པའི་ཁར་འདུག་ན་ནད་དུ་འགྱུར་ཏེ་འདུག་པར་མི་བྱའོ། །བུད་མེད་རང་དབང་དུ་གྱུར་པ་དང་། བུད་མེད་ཡིད་ལ་འཇོག་པ་ཐོང་ཤིག །མདོར་ན་མི་མཛངས་པའི་ཅི་བྱ་འོ་ཅོག་གི་སློབ་དཔོན་ནི་
[345a.2]འཇིག་རྟེན་ཉིད་ཡིན་ནོ། །དེ་ལྟ་བས་ན་འཇིག་རྟེན་པའི་དོན་གྱི་སྲིད་ལ་སེམས་ཤིང་རྟོགས་པས་ནི་འཇིག་རྟེན་པ་དང་མཐུན་པར་བྱའོ། །བདག་གི་སེམས་ནི་སྙིང་རྗེའི་སེམས་ཀྱིས་བརླན་པ་ལག་བརྐྱང་སྟེ། གཏོང་བ། ལུས་དང་ངག་དང་སེམས་དུལ་བར་བྱེད་པ། གཞན་
[345a.3]གྱི་དོན་གྱིས་བྱེད་ན་རང་གི་དོན་ཡིན་པར་སེམས་པ་འདི་ལྟ་བུ་ནི། མི་མཛངས་པ་ཡ་རབས་ཀྱི་སྤྱོད་པའི་ཚུལ་ཡིན་ཏེ། འདིས་ཆོག་གོ། །ཡང་སྐྱེས་བུ་དམ་པས་ནི་འདི་ལྟར་བསམ་པར་བྱ་སྟེ། ད་ལྟར་བདག་ཉིན་མཚན་གཉིས་ཀ་ལ། ཇི་ལྟ་བུར་གནས་ཤིང་འགྲོ་ཞེས་
[345a.4]རྟག་ཏུ་སེམས་འདི་ལྟར་དྲན་པར་བྱེད་ན། དེ་ལྟ་བུ་ནི་སྡུག་བསྔལ་བསྟེན་པ་མ་ཡིན་ནོ། དེ་ལྟ་བས་ན་སྤྱོད་པའི་ཚུལ་གྱིས་མདོ་འདི་ལྟ་བུ་ཡིན་ཏེ། ཚུལ་འདི་ལྟར་སྤྱོད་པས་ནི། ཚེ་རིང་བ་དང་། ནད་མེད་པ་དང་། དབང་ཕྱུག་དང་ལྡན་པ་དང་། སྙན་པར་གྲགས་པ་
[345a.5]དང་། འཇིག་རྟེན་ཕ་རོལ་གྱི་སྲིད་བརྟག་པ་ལ་ཡང་ཐོབ་པོ། །ལེའུ་གཉིས་པ་རྫོགས་སོ།། །།དེ་ནས་དུས་ཚིགས་དང་སྦྱར་ཞིང་དཔྱད་དུ་བྱ་བའི་མདོ་བསྟན་པ་དང་། དགུན་ཟླ་ར་བ་དང་དགུན་ཟླ་འབྲིང་པོ་ལ་སོགས་པ་ཟླ་བའི་གྲངས་གཉིས་གཉིས་སུ་
[345a.6]གོ་རིམས་བཞིན་བརྩིས་པ་ལས། དུས་ཚིགས་དྲུག་ཏུ་དབྱེ་སྟེ། དེ་ལ་དགུན་སྨད་ཀྱི་དུས་དགུན་ཟླ་ཐ་ཆུངས་ཉ་ཕྲི་ཕན་ཆད་ཀྱི་ཟླ་བ་གསུམ་ནི། ཉི་མ་རིང་དུ་ནུར་བའི་ཚེ་ན་མཐུ་འཕྲོག་པ་ཞེས་བྱ་སྟེ། དེའི་ཚེ་ན་མི་ཕྱུགས་སྲོག་ཆགས་རྣམས་དང་། ནགས་དང་། རྩི་འབྲས་
[345a.7]དང་། ལོ་ཏོག་ལ་སོགས་པའི་མཐུ་ཉིན་གཅིག་བཞིན་དུ་འཕྲོག་ཅིང་འབྲི་བར་བྱེད་དོ། །དེའི་ཚེ་ཉི་མ་ཚ་བ་དང་། རླུང་གི་དུས་ལ་བབ་པས་ཚ་བ་དང་། དྲོད་ཆེས་པ་དང་། རྩུབ་པ་ཡིན་ཏེ། ཟླ་བའི་ཡོན་ཏན་ལས་བྱུང་བས་ས་ལས་སྐྱེ་བའི་མཐུ་ཀུན་ཟད་པར་བྱེད་དོ། །
[345b]
[345b.1]དེ་ལྟར་ཉི་མ་རིང་དུ་ནུར་བའི་དུས་འདིའི་ཚེ། དགུན་སྨད་ཀྱི་ཟླ་བ་གཉིས་ཀྱི་ཚེ་ནི། སྨན་དང་ཟས་ཁ་བའི་མཐུར་གྱུར་ཏེ་རླུང་སྐྱེའོ། །དཔྱིད་ཀྱི་ཟླ་བ་གཉིས་ཀྱི་ཚེ་ནི་ཟས་དང་། སྨན་བསྐ་བ་རྣམས་ཀྱི་མཐུ་སྐྱེ། སོས་ཀའི་ཟླ་བ་གཉིས་ཀྱི་ཚེ་ནི་ཟས་དང་སྨན་ཚབ་རྣམས་ཀྱི་མཐུ་
[345b.2]སྐྱེ་སྟེ། དེ་བས་ན་སྨན་དང་ཟས་ཀྱི་གོ་རིམས་བཞིན་དུ་ཟླ་བའི་དུས་ཀྱི་བྱེ་བྲག་ཤེས་པར་བྱ་སྟེ་དེ་བས་ན་ཉི་མ་རིང་དུ་ནུར་བ་ནི། མེའི་དུས་ཏེ་མཐུ་འཕྲོག་པ་འབྲི་ཞེས་བྱའོ། །དབྱར་སྨད་ཀྱི་ཉི་མ་ལྷོ་ཕྱོགས་སུ་ཐུང་དུ་ནུར་བའི་དུས་ན། དུས་གསུམ་གྱི་ཟླ་བ་དྲུག་པོ་དབྱར་སྨད་
[345b.3]ལ་སོགས་པ་ནི། མཐུ་འབྲི་བ་རྣམས་སླར་མཐུ་སྐྱེ་བའི་དུས་ཡིན་ཏེ། ཉི་མ་ཚ་བའི་མེའི་དུས་ནི་བྲི། ཟླ་བའི་དུས་ལ་བབ་པས་ཟླ་བའི་མཐུ་དང་ལྡན་པར་གྱུར་ཏེ། སྤྲིན་དང་ཆར་པ་དང་། སེར་བུ་དང་། གྲང་ཞིང་བསིལ་བ་རྣམས་ཀྱི་འཚེ་བ་ཞི་ཞིང་། བསིལ་བའི་
[345b.4]དུས་ལ་བབ་པས་དེའི་ཚེ། སའི་ཁམས་སྣུམ་ཞིང་འཇམ་པས་སྐྱུར་བ་དང་། ལན་ཚྭ་དང་། མངར་བ་རྣམས་ཀྱི་མཐུ་སྐྱེའོ། །དགུན་ཟླ་ར་བ་ནས་དཔྱིད་ཟླ་ར་བའི་ཡར་གྱི་ངོ་ཡན་ཆད་ཟླ་བ་བཞིའི་ཚེ་ནི། བསིལ་བ་དང་ལྷགས་པའི་དུས་ཏེ། མཐུ་མཆོག་ཏུ་ཆེ་བའི་དུས་ཡིན་
[345b.5]ནོ། །དབྱར་ཟླ་ར་བ་ནས། སྟོན་ར་བའི་ཉ་ཡན་ཆད་ཟླ་བ་བཞི་ནི་སོས་ཀ་ཚ་བ་དང་། དབྱར་གྱི་དུས་ཡིན་ཏེ། མཐུ་སྟོབས་ཆུང་བའི་དུས་ཡིན་ནོ། །དཔྱིད་ཀྱི་དུས་དཔྱིད་ཟླ་འབྲིང་པོའོ། །དཔྱིད་ཟླ་ཐ་ཆུངས་གཉིས་དང་། སྟོན་གྱི་དུས་སྟོན་ཟླ་འབྲིང་པོ་དང་། སྟོན་ཟླ་ཐ་ཆུངས་
[345b.6]གཉིས་ཏེ། ལྷག་མ་ཟླ་བ་འདི་བཞིའི་དུས་ནི་མཐུ་སྟོབས་འབྲིང་གི་དུས་ཡིན་ནོ། །དགུན་སྟོད་ཀྱི་ལྷགས་པས་མི་རྣམས་མཐུ་དང་ལྡན་ཏེ། མེའི་སྟོབས་རབ་ཏུ་ཆེ་བར་འགྱུར་རོ། །དེ་ལྟར་མིའི་ཉམས་འཚག་དང་། མེའི་དྲོད་ཀྱིས་ཆེ། ཁ་ཟས་འགྲངས་པར་མ་ཟོས་ན།
[345b.7]རླུང་གིས་མེ་སྦར་བས་མིའི་གཟུགས་རྣམས་ཚོས་ཤིང་སྐམས་པར་འགྱུར་རོ། །དེ་བས་ན་མཚན་མོ་ནམ་རིང་བས་ནང་པར་བཀྲེས་པར་འགྱུར་ཏེ། དེའི་ཕྱིར་ཁ་ཟས་དང་མངར་བ་དང་། སྐྱུར་བ་དང་ལན་ཚྭ་རྣམས་བཟའ་བར་བྱའོ། །དེའི་གོ་རིམས་ནི་ནང་པར་ལངས་
[346a]
[346a.1]ནས་ཕྱི་རོལ་གྱི་བཤང་གཅི་རྣམས་བྱས་ནས། ལུས་རླུང་སེལ་བའི་ཏིལ་མར་གྱིས་བྱུག་ཅིང་གླད་པ་ལ་ཡང་ཏིལ་མར་གྱིས་བྱུག་པ་ཇི་སྐད་བསྟན་པ་བཞིན་དུ་བསྟེན་པར་བྱའོ། །རྟག་ཏུ་ཞག་གཉིས་ཤིང་ལན་རེ་ཞིང་མཁས་ཤིང་བག་ཡོད་པའི་
[346a.2]མི་དང་། སྟབས་འགྱེད་ཅིང་ལུས་དགྲོལ་བར་བྱའོ། །ལུས་མཉེད་མཁས་པའི་མིས་ལུས་དང་། རྐང་པ་ལེགས་པར་བཀྲུས་ལ། རྐང་པ་ལུས་རན་པར་མཉེའོ། །དེ་ནས་ཆུ་དྲོན་པོར་བསྲོས་ཏེ། སྐྱུ་རུ་ར་དང་སྦྱར་བས་མགོ་དང་། ལུས་ཚུལ་བཞིན་དུ་བཀྲུའོ། །ཁྲུས་
[346a.3]བྱས་ནས་གུར་ཀུམ་དང་། གླ་རྩི་ལ་སོགས་པ་སྤོས་ཀྱིས་ལུས་བསྐུས་ལ། སྤོས་ཨ་ཀ་རུའི་དུད་པས་ལུས་དྲི་ཞིམ་པོར་བྱའོ། །དེ་བས་ཁ་ཟས་བཟའ་བ་ནི་ཤ་ཚོན་པོ་སྣུམ་ཞིང་ཚིལ་ཡོད་པ་ལས་གཡོས་ཀྱི་སྣར་སྦྱར་ཏེ། མཚན་མོ་མེ་མ་ཆད་པར་བཙོས་པའི་བཅུད་ཁུ་དང་། གྲོའི་
[346a.4]ཁུར་བ་དང་། འབྲས་ཀྱི་ཁུར་བ་དང་། མོན་སྲན་མ་ཤ་བཙོས་པ་ཟ་ཞིང་། སྐོམ་དུ་ནི་བུ་རམ་ཆང་དང་། འབྲས་ཆང་དང་། ཆང་བགྲུངས་པ་རན་པ་བཏུང་ངོ་། །གཞན་ཡང་བུ་རམ་ཤིང་དང་འོ་མ་ལས་བྱུང་བའི་ཞོ་དང་། མར་ཡང་དགེའོ། །ཁ་ཟས་ནི་གསར་ཐོག་ལས་ཟན་
[346a.5]དུ་བྱས་པ་བཟང་ངོ་། །གཞན་ཡང་ཚིལ་དང་ཏིལ་མར་ཡང་བཟང་སྟེ། ཟས་འདི་རྣམས་ནི་རླུང་ལ་ཕན་པས། དགུན་རླུང་གི་དུས་ལ་བབ་པའི་ཚེ་བཟའ་བ་ཡིན་ནོ། །དེ་ལྟར་ཁ་ཟས་ཟོས་ནས་ཁ་ལག་བཀྲུ་བ་ཡང་ཆུ་དྲོ་འཇམ་ཙམ་གྱིས་བཀྲུའོ། །དགུན་ཙ་ནི་བེའུ་རས་དང་།
[346a.6]སླག་པ་དང་། དར་ལ་སོགས་པ་དྲོ་ཞིང་ཡང་བ་བགོའོ། །སྟན་ནི་དྲེའུ་རྔོག་དང་། ལ་བ་གདིང་ངོ་། །མལ་གོས་ཀྱང་དྲོ་ཞིང་འཇམ་པ་ཡང་བ་ལ་ལས་བྱའོ། །ཉིན་པར་ཉི་མ་འདེ་ན་ཡང་ཉི་མའི་འོད་ལ་རན་པར་བསྲོ་ཞིང་རན་པར་འདེའོ། །ལྷམ་ནི་རྟག་ཏུ་བགོ་བར་བྱའོ། །དགུན་གྱི་ཚེ་
[346a.7]ཆུང་མ་ནི་གཞོན་ནུ་མ་ཡིད་དུ་འོང་བའི་ན་ཆུང་གཞོན་ནུ་ཤ་ཐང་རྒྱས་པ། བརླ་དང་ནུ་མ་དང་། རོ་སྨད་རྒྱས་པ། ལུས་ཀྱི་དྲོད་ཀྱིས་གྲང་བ་སེལ་ཞིང་མྱུར་དུ་དྲོས་པར་ནུས་པ། དེ་ལྟ་བུའི་བུད་མེད་ལུས་ལ་སྤོས་དྲི་ཞིམ་པོ་ཐོགས་ཤིང་བྱུགས་པ། སྤོས་ཀྱི་དུ་བ་དྲི་ཞིམ་
[346b]
[346b.1]པོས་བདུགས་ལ་འདི་ལྟ་བུའི་དྲོད་ཀྱིས་མཚན་མོ་ལུས་བསྲོ་བར་བྱའོ། །མལ་ཁང་དང་འདུག་པའི་གནས་ནི་ཟབས་སུ་བརྐོས་པའི་ཁྱིམ་མམ། ས་ཁང་ངམ། སྦྲ་གུར་ཉིས་རིམ་དུ་བྱས་པའི་ནང་རྒྱ་སོལ་གྱིས་དྲོན་པོར་བྱས་ཏེ་འདུག་ན། ལྷགས་པ་དང་གྲང་བ་དང་། རླུང་
[346b.2]དང་རྩུབ་པ་ལས་བྱུང་བའི་ནད་རྣམས་ཀྱང་མི་འབྱུང་ངོ་། །ཆོ་ག་འདི་དང་འདྲ་བར་དགུན་སྨད་ཀྱི་དུས་སུ་ཡང་འདི་བས་ལྷག་པར་ཡང་ལྷགས་པ་ཆེ། རླུང་དང་རྩུབ་པ་ཡང་ཆེ་བས་ན་ཆོ་ག་འདི་བཞིན་བྱའོ། །དགུན་ཟླ་འབྲིང་པོ་ཉ་བྲི་ནས་ཉི་མ་རིང་དུ་ནུར་ཏེ། མཐུ་
[346b.3]འཕྲོག་པའི་དུས་ལ་བབ་པས་རླུང་དང་རྩུབ་པ་ལ་བབ་པའི་ཆོ་ག་དེ་ལྟར་བྱ་བ་ཡིན་ནོ། །དེ་ལྟར་དགུན་རླུང་གི་དུས་ལ་བབ་པའི་ཚེ་ན། བད་ཀན་ནི་ཁོ་ན་སོགས་སོ། །དེ་ནས་དཔྱིད་ཀྱི་དུས་ལ་བབ་ན་ཉི་མ་རིང་དུ་ནུར་བའི་འོད་ཀྱིས་བད་ཀན་དྲོས་ནས་སྨིན་པར་གྱུར་པ་དང་།
[346b.4]བད་ཀན་སྐྱེས་ནས་མེའི་དྲོད་ཉམས་པ་དང་། བད་ཀན་ལས་གྱུར་པའི་ནད་འབྱུང་ངོ་། །དེ་བས་ན་བད་ཀན་གྱི་ནད་ནི་མྱུར་དུ་བསལ་བར་བྱའོ། །བསལ་བའི་ཆོ་ག་ནི་ན་ལེ་ཤམ་གྱིས་བད་ཀན་བཞུ་བ་དང་། སྐྱུག་སྨན་གཏང་བ་དང་། བད་ཀན་བཞུ་བའི་སྨན་སྣ་ནས་གཏང་
[346b.5]བ་དང་། ཁ་ཟས་ཡང་བ་དང་། རྩུབ་པའི་བག་བཟའ་བ་དང་། ལུས་བཅག་ཅིང་དགྲོལ་བ་དང་། མར་རམ་ཏིལ་མར་གྱིས་ལུས་མི་བསྐུ་བར་བག་ཕྱེའི་ལྡེ་གུས་ལུས་ཕྱི་ཞིང་དྲིལ་བ་དང་། རྐང་ལག་གཙང་མར་བཀྲུས་པས་ལུས་རན་པར་མཉེ་ཞིང་བཀྲོལ་ན་བད་ཀན་
[346b.6]སྐྱེད་པའི་ནད་སེལ་བར་འགྱུར་རོ། །དེ་ནས་ལུས་ཆུ་དྲོན་པོས་བཀྲུས་ནས་ལུས་ག་པུར་དང་། ཙནྡན་དང་། གུར་ཀུམ་ལ་སོགས་པས་བསྐུས་ལ། དྲི་ཞིམ་པོས་བདུགས་ནས་བད་ཀན་མེད་པར་གྱུར་པའི་ཟས་ནས་དང་། གྲོ་རྙིང་པ་དང་། སྦྲང་རྩི་དང་། ཡུལ་རྩུབ་ཅིང་
[346b.7]སྐམ་ས་ཆེ་བ་རུས་པ་ཅན་གྱི་ཕྱོགས་ནས་བྱུང་བའི་བྱ་ན་ལས་སྲེག་ཤར་བཟའོ། །ཤིང་ཏོག་ཨ་མྲའི་ཁུ་བ་ཆུ་དང་སྦྱར་ཏེ། བསྐོལ་བའི་ཁུ་བ་དང་། སྐོམ་དུ་སྦྱར་བའི་ཁ་བ་དངས་མ་བཏུང་ངོ་། །ཡང་བད་ཀན་སེལ་བའི་སྐོམ་ནི་ཆང་རྒན་པོ་ལོན་པ་དང་། ཆང་ཨ་ས་བ་དང་།
[347a]
[347a.1]ཆང་ཨ་རི་ཏ་དང་། བུ་རམ་ཆང་དང་། རྒུན་ཆང་དང་། སྦྲང་ཆང་དང་། འདི་རྣམས་བཏུང་དུ་རུང་ངོ་། །སྒ་ཆུ་བསྐོལ་བའི་ཁུ་བའམ། མཚོའི་ཆུའམ། སྦྲང་རྩིའི་ཆུའམ། ཆར་པའི་ཆུ་ཡང་རུང་སྟེ། འདི་རྣམས་བསྐོལ་ཏེ་སྐོམ་དུ་བཏུང་ངོ་། །
[347a.2]དཔྱིད་ཚ་བའི་དུས་ནི་བསིལ་ཁང་བྱ་བ་ནི། ལྷོ་ཕྱོགས་ནས་སེར་བུ་གྲང་ཞིང་བསིལ་པོར་འོང་བར་གྱུར་པ། རྩིག་ངོས་ཀྱི་སྐབས་ཕྱེ་བ་དང་། མཐའ་ཁོར་ཁོར་ཡུག་ཏུ་ཆུ་འབབ་པས་འཁོར་བར་བྱས་པ་ལ། ཁང་པའི་ཐོག་ནི་ཉི་མའི་འོད་མི་སྣང་བར་གཡོགས་པ།
[347a.3]འོག་གི་གཞི་ཡང་ལེགས་པར་མཉམ་སྟེ་བརྡུངས་ལ་ཕྱི་ཞིང་བསྟར་ཏེ། ནོར་བུ་བཞིན་འོད་འཚེར་བར་བྱས་པའི་ཁང་པ། བྱ་ཀོ་ཀི་ལས་སྐད་སྙན་པ་ལ་སོགས་པ་འབྱིན་ཅིང་། མེ་ཏོག་དྲི་ཞིམ་པོ་སྣ་ཚོགས་ཀྱི་སྐྱེད་མོས་ཚལ་དང་ལྡན་པ་དེ་ལྟ་བུའི་བསིལ་ཁང་འདོད་
[347a.4]པའི་ལོངས་སྤྱོད་དང་ལྡན་པའི་སར་ཉི་མ་གུང་ལ་རྩེད་མོའི་དགའ་འདུན་གྱི་གཏམ་སྣ་ཚོགས་ཟེར་ཞིང་བདེ་བར་འདུག་ལ། ཁ་ཟས་ལྕི་བ་དང་། བསིལ་བ་དང་། སྣུམ་བག་དང་། མངར་བ་དང་། སྐྱུར་བ་སྤང་ཞིང་ཉི་མ་ལ་གཉིད་མི་ལོག་པར་བྱའོ། །དཔྱིད་ཀའི་
[347a.5]ཉི་མའི་འོད་ཚ་བ་དེ་བས་ཀྱང་སོས་ཀའི་ཉི་མའི་འོད་ནི་རབ་ཏུ་ཚ་བས་རྩི་ཤིང་དང་ནགས་ཚལ་ཀྱི་མཐུ་དང་། སྲོག་ཆགས་དང་མིའི་མཐུ་ཀུན་འཕྲོག་ཅིང་སྲུང་བ་དང་འདྲ་སྟེ། དེ་བས་ན་དུས་འདིའི་ཚེ་ན་ལན་ཚྭ་ནག་པོ་རྩབ་རུ་ཚ་དང་། ལན་ཚྭ་ཨུ་བྷི་ཏ་དང་། རྒྱ་མཚོའི་
[347a.6]ལན་ཚྭ་དང་། ལན་ཚྭ་འདི་རྣམས་དང་། ན་ལེ་ཤམ་ལ་སོགས་པ་རོ་ཚ་བ་དང་། སྐྱུར་བ་དང་། འདི་རྣམས་བཟར་མི་རུང་ངོ་། །སོས་ཀའི་ཚ་བའི་དུས་འདིའི་ཚེ་སྟོབས་ཀྱི་དྲག་ཤུལ་གྱི་བག་དང་། ཡན་མན་འགྲོ་ཞིང་བཅག་དྲགས་པ་འམ། ལས་ཆེར་བྱེད་པ་
[347a.7]དེ་ལྟ་བུའི་པག་སྤང་ངོ་། །སོས་ཀ་ཚ་བའི་ཚེ་ཟས་ནི་འོ་མ་དང་བུ་རམ་དང་། ལི་ཁ་ར་དང་། མར་ལ་སོགས་པའི་མངར་བག་དང་། ཁ་ཟས་ཡང་བ་འབྲས་ཆན་དང་། ནས་ཕྱེའི་ཟན་དང་། ཤ་ཁ་ར་དང་། ཟས་སྣུམ་བག་ལ་ཏིལ་མར་དང་། མར་སར་དང་།
[347b]
[347b.1]ཤ་དང་ཚིལ་དང་། ཁུ་བ་སླ་བ་དང་། ཟས་བསིལ་བག་བཟའོ། །སྐོམ་ནི་ཚ་བའི་དུས་སུ་ཆང་མི་བཏུང་ངོ་། །ཆང་གཏོང་མི་ཕོད་ན་ཆང་ཉུང་ཟད་དང་ཆུ་མང་དུ་བསྲེས་ལ་བཏུང་བའམ། ཡང་ན་ཡུལ་གྱི་སྣམས་དང་ཉི་མའི་ཉམས་དང་སྦྱར་ཏེ། ཆང་སླ་ཞིང་
[347b.2]ཡང་བའམ། སིང་པོ་ཡང་བཏུང་དུ་རུང་ངོ་། །སོས་ཀའི་ཚ་བའི་དུས་ན་ཆུ་བསིལ་བས་ལུས་ཁྲུས་བྱའོ། །དེའི་ཚེ་ཁ་ཟས་འབྲས་དཀར་པོའི་ཆན་དང་། ཡུལ་སེར་ཆེ་བའི་ཤ་དང་། ཁུ་བ་གར་པོར་མ་ཡིན་པ་སླ་བར་བཅོས་པ་དང་། ཞོ་ཅུང་ཟད་དང་། བུ་རམ་དང་ཆུ་
[347b.3]སྦྱར་ཏེ་བསྲུབ་ཅིང་དཀྲུགས་བཞིན་དུ་བཙོས་ལ། སྤོད་ཤིང་ཚ་དང་། ན་ལེ་ཤམ་དང་། ནཱ་ག་གེ་སར་དང་། སུག་སྨེལ་བཏབ་པའི་ཚོད་མ་ཞིག་ལ་ཕུག་ཕོ་ཤར་གཏུབས་པ་བཙོས་ཏེ་སྤྱོད། མར་ལ་བརྔོས་པའི་ཚོད་མ་འདི་ལྟ་བུ་འམ། ཡང་ན་ཞོ་ཅི་རན་དང་ཆུར་སྦྱར་
[347b.4]ཏེ་བསྲུབ་ཅིང་དཀྲུགས་ཏེ་ལི་ཁ་རའམ། བུ་རམ་རྙིང་པ་དང་སྦྱར་ཏེ། ནཱ་ག་གེ་སར་དང་། སུག་སྨེལ་དང་། གནྡྷ་བྷ་དྲ་འདི་རྣམས་བཏབ་སྟེ་བསིལ་བར་བྱས་པ་བཏུང་བ་དང་། ཡང་ན་མོན་སྲན་སྡེའུ་བཏགས་པ་ཤུན་པ་བོར་ལ། སྤོད་དང་སྨན་གོང་དུ་སྨོས་པ་བཞིན་
[347b.5]བཏབ་སྟེ་སྟར་ག་དང་བསྲེས་ལ་རི་ལུར་བྱས་པ་མར་གྱི་ནང་དུ་བརྔོས་ལ། ཞོ་དང་ཁ་རའམ། བུ་རམ་དང་སྤོད་དུ་སྦྱར་བ་བཙོས་པ་དང་། བསྲེས་པའི་ཚོད་མ་སྣ་དྲུག་ཅེས་བྱ་བ་འདི་དང་ཟན་བཟའོ། །སྐོམ་ནི་འོ་མའི་ནང་དུ་མར་ཅི་རན་པ་བཏབ་སྟེ། སུམ་ཆ་དུ་བའམ་
[347b.6]ཕྱེད་དུ་བསྐོལ་ལ། པི་པི་ལིང་དང་། ལི་ཁ་ར་དང་། སྦྲང་རྩི་བཏབ་ལ་བཏུང་ངོ་། །ཁ་ར་དང་སྦྲང་རྩི་ལ་སོགས་པ་ནི་ཞོ་གཉིས་གཉིས་གདབ་བོ། །པི་པི་ལིང་ནི་ཞོ་གཅིག་གདབ་བོ། །འོ་མའི་སྐོམ་དེ་ལྟར་སྦྱར་བ་ཡང་བུམ་པ་གསར་པའི་ནང་དུ་བླུགས་ལ་གྲང་མོར་
[347b.7]བྱས་ཏེ་བཏུང་ངོ་། །སྐོམ་འདི་ནི་གློ་གཅོང་དང་། ལུད་པ་ལུ་བ་དང་། རིམས་དང་བྲང་དུ་ཟུག་པ་དང་། རླུང་ནད་དང་། མཁྲིས་པའི་ནད་ལ་སོགས་ཏེ་ཚ་བའི་བག་ལ་ཕན་ནོ། །སྐོམ་འདིའི་མིང་ནི་དམ་པ་ལྔ་ཞེས་བྱའོ། །གཞན་ཡང་བསིལ་བའི་སྐོམ་ནི་ལྡུམ་བུ་
[348a]
[348a.1]ཆུ་སྐྱེས་ཞེས་བྱ་བའི་འབྲས་བུ་དང་། ཤིང་ཐོག་ཙོ་ཙ་ཞེས་བྱ་བ་འདི་གཉིས་བརྡུངས་ཏེ་ཆུ་དང་སྦྱར་བའི་ནང་དུ་ཚྭ་ཅུང་ཟད་ཅིག་ཀྱང་བླུགས་ལ། ག་པུར་ཅུང་ཟད་ཅིག་ཀྱང་བླུགས་ཏེ། སྐོམ་སྣོད་རྫ་མ་གསར་པའི་ནང་དུ་མེ་ཏོག་དྲི་ཞིམ་པོ་ཏ་ལ་
[348a.2]ཞེས་བྱ་བ་བླུགས་ཏེ། དྲི་ཞིམ་པོས་བསྒོས་པའི་སྣོད་དྲི་ཞིམ་པོར་གྱུར་པའི་ནང་དུ། སྐོམ་བླུགས་ཏེ་བགྲུངས་ཏེ་བསིལ་དུ་བྱས་པ་འདི་ལྟ་བུའི་འབྲས་ཆན་བཟང་པོ་དཀར་པོ་ཟ་ཞིང་ནང་ནུབ་ཏུ་སྐོམ་བཏུང་ངོ་། །གཞན་ཡང་སྐོམ་བསིལ་བ་ནི། མ་ཧེའི་འོ་མ་འམ། འབྲིའི་འོ་མ་
[348a.3]བསྐོལ་ཏེ་བསྒྲངས་པའི་ནང་དུ་ལི་ཁ་ར་བཏབ་ལ་བསིལ་བར་བྱས་པའི་སྐོམ་བཏུང་ངོ་། །དེ་ལྟར་སོས་ཀ་ཚ་བའི་ཚེ། ཤིང་ཏ་ལ་དང་། ཤིང་མུ་ལེ་གྲུམ་ཤིང་མཐོ་ཞིང་རིང་བ་ཡལ་ག་དང་འདབ་མ་རྒྱས་ཏེ་སྤྲིན་ལ་རེག་པ་ཙམ་དུ་སྣང་བའི་ཚལ་གྱི་ནང་ན་བཟའ་ཤིང་བཟང་པོ་དང་།
[348a.4]རྒུན་ཤིང་གི་ཚལ་ལ་རྒུན་འབྲུའི་སྙེ་མའི་ཡལ་ག་ལྕུག་ཕྲན་གྱིས་ཤིང་གི་སྡོང་ལ་འཁྲིས་ཤིང་། ཤིང་ཐོག་གི་འབྲས་བུ་སྨིན་པའི་མགོ་གཡུར་ཟ་བའི་སྐྱེད་མོས་ཚལ་སྣ་ཚོགས་བསིལ་བ། མཐའ་རྒྱ་ཟབ་ཀྱིས་ཁོར་ཡུག་ཏུ་བསྐོར་བའི་ནང་བསིལ་ཁང་སྟེགས་བུས་
[348a.5]བཏིངས་ཏེ་ཕུབ་པ། ས་གཞི་ཕྱི་བརྡར་བྱ་ཞིང་སྟེང་འོག་ཏུ་ཆག་ཆག་བསིལ་བར་བཏབ་པ་ཆུ་གྲང་མོ་དང་ཆབ་བྲོམ་དུ་བཤམས་པ། བསིལ་ཁང་རྒྱབ་ཀྱི་ངོས་ན་ཤིང་ཏོག་སྐྱུར་རྩི་བཟང་པོའི་འབྲུ་བྱི་རུ་ལྟར་སྣང་བ་རྣམས། ཕྱི་རོལ་ནས་ནང་དུ་འཕྱང་བ། ལྡུམ་བུ་ཆུ་སྐྱེས་དང་། ལྡུམ་
[348a.6]ཀལ་ཧ་ར་འདབ་མ་དང་མེ་ཏོག་བཟང་པོར་ལྡན་པ། མེ་ཏོག་པདྨ་དང་། མེ་ཏོག་ཨུཏྤ་ལ་རྒྱས་པས་ས་གཞི་ཆལ་པར་བཀྲམ་པའི་དྲུང་ངམ། ཆུ་རྒྱུན་བསིལ་བ་དྲག་པོར་འབབ་པའི་ཟེར་མ་ཆར་ཕན་ཙམ་དུ་འཕྲོ་བའི་དྲུང་ངམ། བསིལ་ཁང་བསིལ་བའི་ནང་ངམ། ཡང་ན་ཤིང་
[348a.7]ལས་བྱས་པའི་བུད་མེད་གཞོན་ནུ་བཟང་མོར་བྱས་པའི་ཁོང་ནས་ཆུ་དྲངས་ལ། ཁ་དང་ལག་སོར་དང་ནུ་མ་ནས་ཆུ་རྒྱུན་བསིལ་བ་དྲག་པོ་འབྱུང་ཞིང་འཕྲོ་བའི་དྲུང་དུ་ཉི་མའི་གུང་ལ་ཚ་བའི་ཚེ་དེར་འདུག་པར་བྱའོ། །མཚན་མོ་ནི་ཡང་ཐོག་སྔར་གང་རྡོ་ཐལ་ཞལ་ཞལ་ཅན་ཟླ་
[348b]
[348b.1]བའི་འོད་ཀྱིས་བསིལ་བར་གྱུར་བ་ན། མལ་སྟན་བདེ་བ་བཏིང་ལ་ཉམས་ཐ་མལ་པར་གནས་པས་ལུས་ལ་ཙནྡན་གྱི་ལྡེ་གུ་བསིལ་བས་བྱུགས་ལ། མེ་ཏོག་གི་ཕྲེང་བ་ཐོགས་ནས་རབ་ཏུ་ཕྲ་ཞིང་སྲབ་པ་ཡང་བའི་གོས་བགོས་ཏེ། འདོད་པའི་སྤྱོད་པ་མི་བྱེད་པར་འདུག་
[348b.2]ཤིག། ཤིང་མུ་ལེ་གྲུམ་ཤིང་གི་ལོ་མ་སྤོས་ཆུས་བཏབ་པའི་བསིལ་ཡབ་བམ། ཡང་ན་པདྨའི་འདབ་མ་རྒྱས་པའི་བསིལ་ཡབ་ཀྱང་རུང་སྟེ། འདི་ལྟ་བུའི་བསིལ་ཡབ་ཐོགས་པས་མི་དྲག་པར་དལ་བུས་གཡབ་པའི་བསིལ་ཡབ་ལ་སྤོས་ཆུ་བསིལ་བས་བཏབ་པའི་
[348b.3]བསིལ་ཡབ་ཀྱིས་གཡབ་པའི་ཆུ་ཐིགས་གྲང་མོ་དང་། སེར་བུ་བསིལ་བ་ནི་ལུས་ལ་རྫི་ཆར་ལྟར་སིམ་པར་བྱེད་པ་དེ་ལྟ་བུའི་བསིལ་ཡབ་ཀྱིས་གཡབ་ཅིང་ལུས་ལ་ག་པུར་དང་། ཙནྡན་དཀར་པོའི་བསིལ་བས་ལུས་བྱུགས་ལ། མུ་ཏིག་གི་དོ་ཤལ་དང་། མེ་ཏོག་
[348b.4]དྲི་ཞིམ་པོ་མ་ལི་ཀའི་ཕྲེང་བ་ཐོགས་ཤིང་། བྱ་སྐད་སྙན་པ་ཡིད་དུ་འོང་བའི་སྒྲ་སྙན་པར་གྲག་པ། པདྨའི་རྩ་བ་དཀར་པོ་བསིལ་བའི་གདུ་བུ་བརྒྱུས་ཏེ་ཐོགས་པར་བྱ་བ་འདི་ལྟ་བུའི་ཚུལ་གྱིས་དཔྱིད་ཚ་བའི་ཚེ་ཚ་བ་བསིལ་ཞིང་བསིལ་བའི་ཆོས་སུ་བྱའོ། །དེ་ལྟར་སོས་ཀ་
[348b.5]ཚ་བའི་ཟླ་བ་གཉིས་འདས་པའི་རྗེས་ལ་དབྱར་ཟླ་ཐ་ཆུངས་དང་། སྟོན་ཟླ་ར་བ་གཉིས་ཀྱི་ཚེ་ནི་ཉི་མ་རིང་དུ་ནུར་བས་མཐུ་འཕྲོག་སྟེ་མིའི་ལུས་མི་བདེ་ལ། ཁོང་པ་དྲོད་ཆུང་ཞིང་ལྷག་པར་ཕོ་བའི་དྲོད་ཆུང་སྟེ། དེ་ཡང་དབྱར་གནས་རྨུས་ཤིང་སྤྲིན་གྱི་རྩ་བ་ནར་བའི་ཆར་ཆུས་རླན་
[348b.6]ཅིང་། ས་གཞི་དང་རྩྭ་མཆོག་ཟིལ་པ་ཅན་དུ་གྱུར་པ། མེའི་དྲོད་ཀྱི་སྟོབས་ཀྱང་ཆུང་ལ། ས་བརླན་པའི་རླངས་པས་རླུང་དང་བད་ཀན་དང་མཁྲིས་པའི་ནད་དུ་འགྱུར་ཞིང་གནོད་པར་བྱེད་དེ། དུས་དེའི་ཚེ་ཟན་ཟོས་པས་ཞུ་བའི་རྗེས་ཀྱང་སྐྱུང་བར་གྱུར་ཏེ་ཟས་ལེགས་པར་མི་
[348b.7]འཇུའོ། །དབྱར་གྱི་ཆར་ཆུ་མང་པས་ཆུ་ཡང་རྙོག་པ་དྲི་མ་ཅན་དུ་འགྱུར་ལ། མེའི་དྲོད་ཀྱི་སྟོབས་ཀྱང་ཆུང་བས། རླུང་དང་བད་ཀན་དང་མཁྲིས་པ་གཅིག་ལ་གཅིག་གནོད་པར་བྱེད་ཅིང་། ཁོང་གང་རང་གི་ཤས་ཆེ་བས། དེའི་ཕྱིར་ཁོང་དྲོ་ཞིང་ཕོ་བའི་མེའི་སྟོབས་སྐྱེ་བར་
[349a]
[349a.1]འགྱུར་བའི་ཁ་ཟས་མངར་བ་དང་། སྐྱུར་བ་དང་། ཚ་བ་དང་། ཁ་བ་དང་། ལན་ཚྭ་བྲོ་བ་དང་། བསྐ་བ་འདི་རྣམས་ཀྱང་སྤྱིར་ཧ་ཅང་ཡང་མི་མངར། ཧ་ཅང་ཡང་མི་སྐྱུར་བར་འདི་དྲུག་ཅར་ཡང་རན་པ་ཙམ་དུ་བཟའ་ཞིང་། ཁོང་དྲོ་བ་ཕོ་བའི་མེའི་སྟོབས་
[349a.2]བསྐྱེད་པར་བྱའོ། །གལ་ཏེ་མེའི་དྲོད་ཆུང་ལ་ཁོང་གྲང་ཞིང་རླུང་གི་ནད་ལ་སོགས་པར་གྱུར་ན། སྔར་རེ་ཞིག་ལུས་བརྟས་ལ། དེ་ནས་སྐྱུག་སྨན་གྱིས་ལུས་བཀྲུ་བར་བྱའོ། །བཀྲུས་ནས་ཟས་ནི་ཡང་བའི་བག་དགེ་སྟེ། ནས་འབྲས་ལོ་ལོན་པ་རྙིང་པ་བཟའོ། །བྱ་ན་ནི་ཡུལ་
[349a.3]སྐམ་ས་ནས་བྱུང་བའི་ཤ་ལས་གཡོས་སུ་བྱས་པ། བལ་པོ་སེའུ་དང་། སྨན་མུངྒར་སྦྱར་བ་དང་སྦག་ཅིང་བཟའོ། །སྐོམ་ནི་སྦྲང་རྩི་དང་། དར་བར་སྦྱར་བ་གྲུངས་མདར་བ་སྦྲང་རྩི་ཅན་ཞེས་བྱ་བ་རྙིང་པ་སྐོམ་དུ་བཏུང་ངོ་། །ཡང་ན་ཆར་པའི་ཆུ་འམ། ཁྲོན་པའི་ཆུ་བསྐོལ་
[349a.4]བའི་ནང་དུ་ཞོ་ག་ཆུ་དངས་མ་དང་། ལན་ཚྭ་ཁ་རུ་ཚ་ཤས་ཙམ་གྱིས་ཆེར་བྱས་པ་དང་། པི་པི་ལིང་གི་རྩ་བ་དང་། དབྱི་མོང་དང་། ལི་དོང་གྲ་དང་། འདི་ལྔ་བཏགས་པའི་ཆང་རྒྱ་ཤུག་ཙམ་དུ་བྱས་པ་འདི་ལྔ་དང་སྦྱར་བའི་སྐོམ་ནི་ཡང་ཞིང་འཇུ་ལ་དྲོད་སྐྱེ་རླུང་ལ་ཕན་ནོ། །
[349a.5]དེ་ལྟར་ནམ་ནངས་ཤིང་ཆར་ཆུ་ཆེ་བའི་དུས་ན་འབྲས་ཆན་ཆོས་པའི་ནང་དུ། མར་ཁུ་དང་དྲོད་ཆེ་བའི་སྤོད་དུ་སྦྱར་བ་འམ། ཁུ་ཤ་བལ་པོ་སེའུ་དང་། ལན་ཚྭ་ཤས་ཀྱིས་ཆེ་བར་བྱས་ལ། ཚིལ་དང་མར་དང་སྦྲང་རྩི་ཅུང་ཟད་ཙམ་དུ་སྦྱར་བའི་ཟས་ཡང་བར་བཟའོ། །ཕན་ཚུན་
[349a.6]འགྲོ་ན་བཞོན་པ་དང་ཆས་ཤིང་རྐང་གིས་མི་འགྲོ་བར་བྱའོ། །བརླན་པའི་དུས་སུ་གོས་བགོ་བ་སྤོས་ཀྱིས་བདུག་གོ། །འདུག་པའི་གནས་ནི་འོག་གི་ས་རླངས་བསིལ་བ་དང་། ཆར་པའི་ཟེག་མ་དང་མི་ཉེ་བའི་ཡང་ཐོག་ཏུ་འདུག་པར་བྱའོ། །དབྱར་གྱི་ཆར་ཆུ་སྣ་ཚོགས་འདྲེས་
[349a.7]པའི་ཆུའི་དྲི་མ་ཅན་དང་ཆུ་དང་ཕྱེར་སྦྱར་བའི་ཆུ་གྲོག་མི་བཏུང་ངོ་། །ཉིན་པར་གཉིད་ཀྱིས་ལོག་པ་དང་། སྟོབས་དང་དྲག་ཤུལ་ངལ་བའི་བག་དང་། ཉི་ཚན་ལ་འདུག་པ་འདི་རྣམས་སྤང་བར་བྱའོ། །དེ་ལྟར་དབྱར་ཟླ་གཉིས་ཀྱི་ཚེ་ཕོ་བ་དང་། ཁོང་གྲང་ཞིང་རྩུབ་ལ་རླུང་ཆེ་བས་
[349b]
[349b.1]ལུས་དང་ཡན་ལག་གྲང་ཞིང་བསིལ་བར་གྱུར་པ་འདི་ལྟ་བུའི་ཚེ་ན་མཁྲིས་པ་དབྱར་གྱི་དུས་འདིར་བསགས་ནས། སྟོན་གྱི་དུས་སྟོན་ཟླ་འབྲིང་པོ་དང་། སྟོན་ཟླ་ཐ་ཆུངས་འདི་གཉིས་ཀྱི་ཆེ་གནམ་ཡང་དངས། འཕྲལ་དུ་ཉི་མའི་འོད་ཚན་པོས་གདུངས་པས་མཁྲིས་པའི་ནད་སྟོན་
[349b.2]ལྡང་ངོ་། །མཁྲིས་པ་ཚ་བའི་ནད་དེ་ལྟར་ལངས་པར་གྱུར་ན་བཀྲུ་སྨན་གཏང་བ་དང་། སྨན་མར་ཁ་བོར་སྦྱར་བ་དང་། སྨན་ཁ་བོ་གཏང་བ་དང་། གཏར་ག་བྱའོ། །ཁ་ཟས་ཀྱི་ཆོ་ག་ནི། ཁ་བ་དང་། མངར་བ་དང་། བསྐ་བ་ལས་གཡོས་སུ་བྱས་པ་དང་། ཟས་ཡང་བའི་བག་དགེ་
[349b.3]སྟེ། དེ་ཡང་བཀྲེས་པར་གྱུར་པའི་དུས་ན་བཟའ་བར་བྱའོ། །གཞན་ཡང་འབྲས་སཱ་ལུ་དཀར་པོ་དང་། མོན་སྲན་སྡེའུ་དང་། སྐྱུ་རུ་ར་དང་། པ་ཏོ་ལ་དང་། སྦྲང་རྩི་དང་། ཡུལ་སེར་ཆེ་བ་ནས་བྱུང་བའི་བྱ་ན་དང་། ཁ་ཟས་ནི་ཆུ་ཉིན་པར་ཉི་མས་གདུངས་པ་མཚན་མོ་ཟླ་བའི་འོད་
[349b.4]ཀྱིས་བསིལ་བར་བྱས་ལ། སྐར་མ་རྀ་ཥི་ཤར་བས་དུག་མེད་པར་བྱས་པར་གྱུར་པ་དེ་ལྟ་བུའི་ཆུ་ཉིན་མཚན་གཉི་གར་ཀུན་སྦྱངས་པའི་ཆུ་གཙང་མ་ངང་པ་གནས་པ་དྲི་མ་མེད་ཅིང་ཆུ་དངས་མ་འཐུངས་ན་བད་ཀན་དུ་ཡང་མི་འགྱུར། རྩུབ་སྟེ་རླུང་དུ་ཡང་མི་འགྱུར་བའི་ཆུ་བདུད་རྩི་དང་
[349b.5]འདྲ་བ་དེ་ནི་བཏུང་བ་ལ་སོགས་པའི་གཡོས་སུ་བྱ་བའི་ཆུ་དང་། ཁྲུས་བྱ་བའི་ཆུར་བཟང་ངོ་། །དེ་ལྟར་སྟོན་ཚ་བའི་དུས་ན་བསིལ་བར་འགྱུར་བ་ཙནྡན་དང་། ག་པུར་དང་། སྨན་ཨུ་ཤི་ར་བསིལ་བའི་ས་ལ་བསྐུའོ། །གནས་ནི་ཁང་པ་བསིལ་བ་རྡོ་ཐལ་གྱི་ཞལ་ཞལ་ཅན་གྱི་ནང་
[349b.6]དུ་ཉིན་མཚན་དུ་འདུག་པར་བྱའོ། །ཟིལ་པའི་ཁྲོད་དུ་མི་འགྲོ །མི་འདུག །ཐལ་སྨན་རྣོན་པོས་མི་བསྐུ། ཧ་ཅང་འགྲངས་པ་ཉིད་དུ་མི་བཟའ། ཏིལ་མར་དང་ཚིལ་མི་བཟའ། ཉི་མ་ཚན་པོ་ལ་མི་འདུག །ཆང་མི་བཏུང་། ཉིན་པར་མི་ཉལ། སྔ་དྲོའི་སེར་བུ་སྤང་བར་བྱའོ། །
[349b.7]དགུན་དང་དབྱར་གཉིས་ལ་ཁ་ཟས་ནི་མངར་བ་དང་། སྐྱུར་བ་དང་། ལན་ཚྭ་འདི་གསུམ་གྱི་ཟས་ཤས་ཆེ་བར་སྦྱར་བ་བཟང་ངོ་། །དཔྱིད་ནི་ཁ་བ་དང་། ཚ་བ་དང་། བསྐ་བའི་རོ་བྲོ་བ་སྦྱར་བའི་ཟས་བཟང་ངོ་། །སོས་ཀའི་ཚེ་ནི་ཁ་ཟས་མངར་བག་བཟང་ངོ་། །སྟོན་ཀ་ཟས་མངར་
[350a]
[350a.1]བ་དང་། ཁ་བ་དང་། བསྐ་བ་ལས་སྦྱར་བ་དགེའོ། །སྟོན་དང་དཔྱིད་གཉིས་ཀྱི་ཁ་ཟས་ནི་རྩུབ་པའི་བག་དགེའོ། །སྟོན་དང་སོས་ཀ་གཉིས་ཀྱི་ཟས་དང་སྐོམ་ནི་བསིལ་ཞིང་ཡང་བར་བྱའོ། །དུས་ཀྱི་བྱེ་བྲག་བཞིན་ཁ་ཟས་འདི་ལྟར་མ་སྦྱར་ན་ནད་དུ་འགྱུར་
[350a.2]རོ། །དུས་ཚིགས་དང་སྦྱར་བའི་སྨན་དང་ཁ་ཟས་ཀྱི་ལེའུ་གསུམ་པ་རྫོགས་སོ།། །།དེ་ནས་ཡང་མི་ཉམས་ཐ་མལ་པར་གནས་པ་ལ་ནད་མི་འབྱུང་བར་བྱ་བའི་དཔྱད་ཀྱི་ལེའུ་བཤད་པར་བྱའོ། །འཕྱེན་འོང་ན་མི་དགག །བཤང་གཅི་ཡང་དགག་པར་མི་བྱ་བ་དང་།
[350a.3]སྦྲིད་པ་ཡང་མི་དགག །སྐོམ་པའམ་བཀྲེས་ན་ཡང་མི་བརྣག །གཉིད་བྲོའམ་ལུད་པ་འོངས་ན་མི་དགག །དྲག་ཤུལ་ལམ་ལས་ཁུར་བྱེད་པའི་ཤུགས་ཀྱིས་དུབ་ཅིང་ངལ་བར་མི་བྱ། ཁ་གླལ་དང་དབུགས་དགག་པར་མི་བྱ་བ་དང་། མིག་མཆི་མས་གང་ན་མིག་མི་
[350a.4]འཛུམས་ཤིང་མཆི་མ་མྱུར་དུ་ཕྱི་རོལ་དུ་བསལ། སྐྱུག་བྲོ་ན་སྐྱུག་པ་མི་དགག །ཁུ་བ་འོངས་པར་གྱུར་ན་ཡང་དགག་པར་མི་བྱའོ། །དེ་ལ་འཕྱེན་འགགས་ན་སྐྲན་ནད་དུ་འགྱུར་བ་དང་། རྟུག་སྐོམ་དུ་འགྱུར་བ་དང་། ལུས་སྙོམ་ཞིང་ལྕི་བར་འགྱུར་བ་དང་། ཁོང་དུ་འཕྱེན་
[350a.5]འཁྱིལ་ཞིང་བཤང་གཅི་ཡང་ཁོང་དུ་འགགས་པར་འགྱུར་བ་དང་། མིག་རྟུལ་བ་དང་། ཁོང་གི་དྲོད་ཆུང་བ་དང་། སྙིང་ནད་འདི་རྣམས་འབྱུང་ངོ་། །བཤང་བ་འོང་བ་ལས་བཀག་ན་བྱིན་པའི་ཉྭ་འགྱུར་བ་དང་། ཆམ་པས་འདེབས་པ་དང་། གླད་པ་ན་བ་དང་། ཁར་མི་གཙང་བ་
[350a.6]འབྱུང་བ་དང་། ཁོང་དུ་འཕྱེན་འགགས་པ་ལས་ནད་དུ་འགྱུར་བ་རྣམས་ཀྱང་འདིར་ནད་དུ་འགྱུར་རོ། །གཅིན་བྲོ་བ་ལས་འགགས་ན། རོ་སྟོད་དང་། དཔུང་པ་དང་། ལག་ངར་མི་བདེ་བ་དང་། རྡེའུ་ཆགས་ཏེ་ཆུ་སྲི་བ་དང་། ཆུ་སོར་ཟུག་སྟེ་ན་བ་དང་། ཕོ་མཚན་ན་བར་འགྱུར་
[350a.7]བ་དང་། དཀུའི་ནང་ལོགས་སུ་ཆུ་སོ་གཡས་གཡོན་དུ་ཟུག་སྟེ་ན་བ་དང་། ནད་འདི་རྣམས་ནི་གཅིན་འགགས་པ་ལས་ནད་དུ་འགྱུར་རོ། །དེ་ལ་འཕྱེན་འགགས་པ་ལས་གྱུར་པའི་ནད་ཀྱི་སྨན་དཔྱད་ནི་སྨན་སྦྱར་བ་གདར་བུ་རེང་བུར་བྱས་ལ། གཞང་གི་ནང་དུ་གཞུག་པ་
[350b]
[350b.1]དང་། གཞང་ཁ་དང་ལུས་ཕྱོགས་སུ་མར་གྱིས་བསྐུ་བ་དང་། སྨན་གྱི་རྩ་བ་དང་ལོ་མ་དང་། སྡོང་བུ་བརྡུངས་ཏེ་བསྐོལ་བའི་ནང་དུ་ལུས་ཞུགས་ཏེ་འདུག་པར་བྱ་བ་དང་། བག་ཕྱེའི་པུ་རྩེ་འམ། ནས་སྐྱུར་གྱིས་བཏབ་སྟེ་བརྔོས་པས་དུགས་བྱའོ། །ཡང་མར་ལ་སྨན་
[350b.2]བཙོས་པའི་སྨན་མར་མས་གཏོང་ངོ་། །ཁ་ཟས་ཀྱི་ཆོ་ག་ནི་བཤང་བ་བཀག་པ་ལས། གཉིས་འདྲ་སྟེ། བཤང་བ་འགགས་པ་བསལ་བའི་ཟས་ཀྱི་ཆོ་ག་དང་། བཤང་བ་འགགས་པ་ལ་ཟས་ཀྱི་ཆོ་ག་བསྒྱུར་བ་དང་། གློ་གཅོང་གི་ནད་ལ་ཟས་ཀྱི་ཆོ་ག་བསྒྱུར་བ་བཤད་པ་
[350b.3]དང་འདྲ་སྟེ། ཟས་ཀྱི་ཆོ་ག་དེ་བཞིན་བྱའོ། །ཆུས་བགགས་པའི་ཆོ་ག་ནི་ཆུ་སྲང་བཅུ་དྲུག་གི་ནང་དུ། བཅའ་སྒ་འམ། འུ་སུའམ། བལ་པོ་སེའུ་འདི་གསུམ་གང་ཡང་རུང་བ་བརྡུངས་ཏེ་བཙོས་ལ། ཆུ་དུ་སྟེ་སྲང་བཞི་ཙམ་ལུས་པ་དང་། ནད་པའི་ཉམས་མཐུ་ཆེ་ཆུང་ལ་བལྟས་
[350b.4]ཏེ། ཉམ་ཆུང་ན་བ་མར་དང་། འབྲི་མར་སྲང་གཅིག་ཙམ་བཏབ་ལ་ཞུ་བར་བྱས་ཏེ་བཏུང་ངོ་། །གྲོའི་ཟན་ནི་སྨན་ཞུ་བ་དང་ཟས་བཟའོ། །སྨན་ཞུ་བའི་ཚད་ནི་སྨན་ཞུ་བར་གྱུར་པའི་སྒྲེགས་པ་བྱུང་ངམ། ཟས་ཡི་གར་འོང་ཞིང་བཀྲེས་པར་གྱུར་ན་ཟན་བཟའ་སྟེ། ཟན་བཟའ་
[350b.5]བའི་སྔོན་ལོགས་སུ་སྨན་གྱི་ཆོ་ག་འདི་འདྲ་བར་འཐུངས་ལ། དེའི་འོག་ཏུ་ཟན་བཟའོ། །ཟན་གྱི་ཆོ་ག་ནི་ཞིབ་ཏུ་འོག་ནས་བཤད་དོ། །སྒྲེགས་པ་འོང་བ་ལས་འགགས་ན་ཟས་ཡི་གར་མི་འོང་། ལུས་དང་རྐང་ལག་འདར། བཤང་གཅི་གཉི་ག་སྲི་སྟེ་འབྱུང་དུ་མི་རུང་།
[350b.6]སྙིང་དང་བྲང་ཐོང་ཀ་ན་ལྟོ་སྦོ་ལུད་པ་ལུ། སྐྱིགས་ཕུས་འདེབས་པར་འགྱུར་རོ། །དེ་ལ་སྒྲེགས་པ་ལས་ནད་དུ་གྱུར་པའི་ཆོ་ག་ནི། སྐྱིགས་བུའི་ནད་བསལ་བའི་ཆོ་གར་བཤད་པ་དང་འདྲའོ། །སྦྲིད་པ་བྲོ་བ་ལས་བཀག་ན་མིག་དང་རྣ་བ་དང་། སྣའི་དབང་པོ་རྣམས་མི་རྣོ་མི་
[350b.7]གསལ་བར་འགྱུར་རོ། །གཉེའུ་རེངས་སུ་གྱུར་ཏེ་འགྱུར་མི་ཤེས། ཁ་ཡོ་སྟེ་འགྲམ་པ་ལ་ཆགས་པར་འགྱུར་བའི་ནད་འདི་རྣམས་སུ་འགྱུར་རོ། །དེ་ལྟར་སྦྲིད་པ་འགགས་པའི་ནད་འདི་རྣམས་ལྟར་གྱུར་ན་དཔྱད་ནི་སྣར་དུད་པ་རྣོན་པོས་བདུག །མིག་སྨན་གྱིས་མིག་ལ་
[351a]
[351a.1]བསྐུ། སྣར་སྣ་སྨན་བླུགས་ལ་མགོ་བསྟོད་དེ་མིག་གི་གནམ་མམ་ཉི་མ་ལ་བལྟར་བཅུག་ན་སྦྲིད་པ་འོང་ངོ་། །མར་གྱིས་ཀྱང་སྣ་དང་གདོང་དང་མགོ་བསྐུ་དུགས་ཀྱང་བྱའོ། །སྐོམ་པ་བཀག་པ་ལས་ཁ་དང་ཁོང་སྐམ། ལུས་དང་རྐང་ལག་མི་བདེ།
[351a.2]རྣ་བ་མི་གསང་། མགོ་འཁོར། མྱོས་ཏེ་མི་དྲན། སྙིང་ན་སྟེ། སྐོམ་བཀག་པ་ལས་ནད་འདི་རྣམས་འབྱུང་ངོ་། །འདིའི་ཆོ་ག་ནི་བསལ་བར་བྱ་བའི་ཆོ་ག་འོག་ནས་བཤད་པ་བཞིན་དུ་བྱའོ། །བཀྲེས་ཆེས་པ་ལས་ནད་དུ་འགྱུར་བ་ནི། ལུས་ཞིག །ཟས་ཡི་གར་མི་འོང་། ལུས་
[351a.3]སྙོམ། ཉམ་ཆུང་། གློ་སྙིང་དང་མཆིན་པ་འཕྱང་སྟེ་ན། མགོ་འཁོར་བའི་ནད་འདི་ལྟ་བུར་འགྱུར་རོ། །བཀྲེས་ཆེས་པ་ལས་ནད་འདི་ལྟ་བུར་གྱུར་པའི་ཆོ་ག་ནི་ཁ་ཟས་འཇུ་སླ་སྟེ། ཡང་བ་དང་། མར་དང་སྦྱར་བའི་གཡོས་ཚོས་པ་དྲོད་དུ་སྦྱར་ཏེ་མི་ཆེ་བར་རན་པར་བྱས་ལ་
[351a.4]བཟའོ། །མཚན་མོ་མི་ཉལ་ཞིང་གཉིད་མ་ལོག་པ་ལས་ནད་དུ་འགྱུར་བ་ནི། ཁོང་མྱོས་ཏེ་མྱོ་མྱོ་པོར་འགྱུར། ལུས་སྙོམ། མགོ་དང་མིག་གཉིས་ལྕི། རོ་རྒྱབ་ན་སྟེ་གཉིད་མ་ལོག་པའི་ནད་འདི་ལྟ་བུ་ལ་ཆོ་ག་ནི་གཉིད་ཚིམ་པར་ལོག་པར་བྱ་བ་དང་། ལུས་མཉེས་
[351a.5]ན་ཕན་ནོ། །ལུད་པ་འོང་བ་ལས་བརྣག་སྟེ་བཀག་ན། ལུད་པའི་ནད་དེ་ཉིད་ཆེར་སྐྱེས་ཏེ། ཆེར་ལུད་པ་དང་། དབུགས་མི་བདེ། ཟས་ཡི་གར་མི་འོང་། སྙིང་ན། ལུས་དང་ཁ་ཡང་སྐམ། སྐྱིགས་བུས་ཀྱང་འདེབས་པར་འགྱུར་རོ། །ལུད་པ་ལུ་བ་དང་ནད་དུ་གྱུར་པའི་
[351a.6]ཆོ་ག་དང་། འོག་ནས་གློ་གཅོང་གི་ཆོ་ག་ཞིབ་ཏུ་བཤད་པ་ལས་འབྱུང་སྟེ། དེ་བཞིན་བྱའོ། །ལས་སམ་དྲག་ཤུལ་གྱིས་དུབ་སྟེ། ངལ་བ་ལས་ངལ་མི་གསོ་བར་བརྣག་སྟེ་དབུགས་བཀག་ན། སྐྲན་ནད་དུ་འགྱུར་བ་དང་གློ་སྙིང་ན། མི་དྲན་ཅིང་མྱོས་པར་འགྱུར་རོ། །
[351a.7]དེའི་དཔྱད་ནི་མ་ཆད་པར་སྐབས་སྐབས་སུ་ངལ་བསོས་ན་ཕན། རླུང་ནད་སེལ་བའི་ཁ་ཟས་ཀྱི་ཆོ་ག་སྦྱར་ཞིང་ཟོས་ན་ཕན་ནོ། །གློ་འོངས་པ་ལས་བརྣག་ཅིང་བཀག་པས་སྦྲིད་པ་འགགས་པའི་ནད་དང་འདྲ་སྟེ། གཞན་ཡང་ཆམ་པའི་ནད་དང་། མིག་དང་གླད་པ་ན་བ་
[351b]
[351b.1]དང་། སྙིང་ན་བ་དང་། གཉེའུ་རེངས་ཤིང་ན་སྟེ་འགྱུར་མི་ཤེས་པ་དང་། ཟས་ཡི་གར་མི་འོང་བ་དང་། གླད་པ་འཁོར་བའི་ནད་དུ་འགྱུར་ཏེ། འདི་ལྟ་བུའི་ཆོ་ག་ནི་རླུང་ནད་ཐམས་ཅད་སེལ་བའི་དཔྱད་དུ་བྱའོ། །ཡང་མིག་ནད་དམ་མྱ་ངན་གྱིས་མཆི་མ་འོང་བར་གྱུར་པ་ལྟ་བུ་
[351b.2]ལས། མཆི་མ་མི་འབྱུང་བར་བཀག་ན། སྐྲང་ནད་དུ་འགྱུར་ཏེ། འདིའི་ཆོ་ག་ནི་གཉིད་ངོམས་པར་ལོག་པར་བྱ་བ་དང་། ཆང་ཞིམ་པོ་བཏུང་བ་དང་། གཏམ་ཡིད་དུ་འོང་བ་མཉན་ན་ཕན་ནོ། །སྐྱུག་བྲོ་བ་ལས་བརྣག་སྟེ་མ་སྐྱུགས་པའི་ནད་ནི། འབྲས་དང་། མེ་དབལ་དང་།
[351b.3]མཛེ་དང་། མིག་ན་བ་དང་། གཡན་པ་དང་། སྐྱ་རྦབ་དང་། རིམས་ནད་དང་། ལུད་པ་ལུ་བ་དང་། དབུགས་མི་བདེ་བ་དང་། དང་ག་མེར་མེར་པོར་བྱེད། རོ་སྟོད་གཞོགས་ཕྱེད་ཀྱི་དཔུང་པ་དང་། ལག་པ་ན་སྟེ་བསྐྱོད་ན་མི་བདེ་བ་དང་། སྐྲང་བར་འགྱུར་རོ། །འདིའི་ཆོ་ག་ནི་
[351b.4]སྨན་བཙོས་པའི་ཁུ་བ་མཁུར་བར་བཀང་སྟེ་བད་ཀན་དྲང་བ་དང་། དུད་པ་སྦུ་གུ་ནས་སྣར་བདུག་པ་དང་། ཟན་མི་ཟ་བར་སྨྱུང་བར་འདུག་པ་དང་། ཡང་ན་ཟས་རྩུབ་པོ་ཟོས་ལ་བསྒུགས་ཏེ་སྐྱུག་པར་བྱ་སྟེ། སྟོབས་རན་ཙམ་དུ་བྱ། གཏར་ག་གདབ་སྟེ་ཁྲག་དབྱུང་བ་དང་།
[351b.5]བཀྲུ་སྨན་བཏང་ན་དགེའོ། །ཁུ་ཆུ་བྱུང་བ་ལས་བཀག་སྟེ་མ་བཏང་བའི་ནད་ལ་ནི། ཕོ་མཚན་ན་བ་དང་འོར་ནད་དུ་འགྱུར། རིམས་ཀྱིས་འདེབས། སྙིང་ན། ཆུ་འགགས། ལུས་བརྡུངས་བརྡུངས་པ་སྙོམ་དུ་ན། རྒྱུ་མ་རླིག་པར་རླུགས་པ་དང་། རྡེའུའི་ནད་དུ་འགྱུར་བ་
[351b.6]དང་། བུད་མེད་ལ་ཉལ་པོ་མི་ནུས་པར་འགྱུར་རོ། །ནད་འདི་ལྟ་བུའི་ཆོ་ག་ནི་ཁྱིམ་བྱའི་ཤ་ལས་གཡོས་སུ་བྱས་པ་དང་། ཆང་དང་འབྲས་སཱ་ལུའི་ཟན་བཟའོ། །སྨན་ནི་མས་གཏོང་བ་དང་། ཏིལ་མར་གྱིས་ལུས་བྱུགས་པ་དང་། རླུང་ལ་ཕན་པའི་སྨན་བཙོས་པའི་ཁུ་བའི་
[351b.7]ནང་དུ་ལུས་ཞུགས་ཏེ། ཆུ་དྲོན་གྱིས་ལུམས་བྱ་བ་དང་། བཀྲུ་སྨན་གཏང་ཞིང་ཆུ་སོའི་ནད་དམིགས་བསལ་བ་དང་། ཏིལ་མར་ལས་སྨན་བཙོས་པ་ཚོས་པར་བྱ་སྟེ་བཙགས་ལ་ཕོ་མཚན་ནས་གཏང་བ་དང་། འོ་མ་བསྡུས་པ་འཐུང་ཞིང་ཁ་ཟས་ཀྱི་ཆོ་ག་བཞིན་བྱས་
[352a]
[352a.1]ལ་བུད་མེད་གཞོན་ནུ་མ་བསྟེན་ན་ནད་དབྱུང་ངོ་། །དེ་ལྟར་ནད་དོ་ཅོག་ཐམས་ཅད་ཀྱང་ཤུགས་དབྱུང་བ་བརྣག་ཅིང་བཀག་པ་ལས་ནད་དུ་འགྱུར་བ་དང་། ཡང་ན་མི་འབྱུང་བཞིན་དུ་ནན་གྱིས་བཙིར་ན་ཡང་ནད་དེ་དང་འདྲ་བར་འབྱུང་ངོ་། །ནད་དེ་ལྟ་
[352a.2]བུ་གསོ་བའི་ཆོ་ག་ཞིབ་ཏུ་བསྟན་ཅིང་བཤད་པར་བྱའོ། །དེ་ལྟར་ན་ནད་མང་པོ་དུ་མ་ནི་ཕལ་ཆེར་རླུང་ལས་ནད་དུ་འགྱུར་རོ། །དེའི་ཕྱིར་རླུང་ནད་སེལ་བར་འགྱུར་བའི་སྨན་དང་ཁ་ཟས་སྦྱར་བར་བྱའོ། །དེ་བས་ན་ནད་དུ་གྱུར་པ་རྣམས་ལ་ནན་གྱིས་བརྣག་ཅིང་དགག་པར་ནི་
[352a.3]མི་བྱའོ། །བདག་ཉིད་ལ་ཕན་པར་འདོད་ན་ཉིན་མཚན་དུ་འདོད་ཆེན་ཕྲག་དོག་དང་ཞེ་སྡང་དང་སེར་སྣ་དང་འདོད་ཆགས་དང་འདི་རྣམས་འབྱུང་བའི་ཤུགས་དྲག་པོའི་རྒྱུན་བརྣག་ཅིང་བཟུང་ལ། དབང་པོ་རྣམས་དུལ་བར་བྱས་ལ། སོ་སོའི་དུས་ཚིགས་བཞིན་དུ་ནད་ཀྱི་དྲི་མ་
[352a.4]རྣམས་བཀྲུ་ཞིང་འབྱང་བའི་ནན་ཏན་བྱའོ། །རླུང་དང་བད་ཀན་ལ་སོགས་པ་རབ་ཏུ་བསྩགས་ཏེ་དཀྱེལ་དུ་གྱུར་པ་ལས་ནད་ལངས་ནས་སྲོག་ལ་བབ་པར་འགྱུར་རོ། །བད་ཀན་ལ་སོགས་པའི་ནད་ཡོད་པ་སྨྱུང་བར་བྱ་བ་དང་། ནད་བཞུ་བ་བྱས་ཀྱང་དེ་ལྟ་བུ་ནི་སླར་ལྡང་ཡང་སྲིད་
[352a.5]ཀྱི། གོང་གི་བཀྲུ་སྨན་སྐྱུག་སྨན་གྱིས་ནད་བསལ་ཞིང་སྦྱངས་པ་ནི་ཕྱིས་དེ་དག་གི་ནད་འབྱུང་ཞིང་ལྡད་བ་མེད་དོ། །དེ་ལྟར་ནད་ཀྱི་དམིགས་བསྟན་ནས། ཕྱིས་ནས་དེ་ཕན་ཆད་དུས་ཚིགས་དང་བད་ཀན་ལ་སོགས་པའི་ནད་ཀྱི་རིམ་པ་བཞིན་དུ་དཔྱད་དང་ཆོ་ག་སྦྱར་ཞིང་།
[352a.6]ཡུལ་རྣམས་དང་། མིའི་ན་ཚོད་དང་། དུས་ཚིགས་ཤེས་པར་བྱས་ལ། ཚེ་རིང་བའི་དཔྱད་བཅུད་ལེན་རྣམས་གྲུབ་པར་བྱ་བ་དང་། རོ་ཙ་སྦྱར་བར་བྱ་སྟེ། དེ་ཡང་སྔར་སྨན་གྱིས་ལུས་སྦྱངས་ཏེ་ལུས་ཀྱི་ཉམས་སྨད་ལ། ཁ་ཟས་ཕན་པས་ཁད་ཀྱིས་བརྟ་བར་བྱ་བ་
[352a.7]ནི་འབྲས་སཱ་ལུ་ཞག་དྲུག་ཅུས་སྨིན་པ་དང་། གྲོ་དང་མོན་སྲན་སྡེའུ་དང་། ཤ་དང་མར་ལ་སོགས་པ་ཡིད་དུ་འོང་ཞིང་འཇུ་ལ་དྲོད་ཆེ་བ་དང་། ཟས་འཇུ་བའི་སྨན་དང་སྤོད་དུ་སྦྱར་ལ་བཟའ་བར་བྱའོ། །ལུས་ཀྱང་མར་གྱིས་བྱུགས་ཤིང་ལྡེ་གུས་དྲིལ་ལ། །ཁྲུས་བྱ་བ་དང་།
[352b]
[352b.1]སྨན་མས་གཏོང་ཞིང་བསལ་བ་དང་། མར་དང་འབྲུ་མར་ལ་སོགས་པའི་བཀྲུ་སྨན་དྲག་པོ་མས་གཏོང་བ་དང་། ཁོང་བརྟ་བའི་འཇམ་སྨན་མས་གཏོང་བ་དེ་ལྟ་བུས་ཕོ་བའི་མེ་དྲོད་ཀུན་སྐྱེད་དེ་བདེ་བར་འགྱུར་རོ། །དེ་ལྟར་བདེ་བར་གྱུར་ན་སེམས་ཅན་གྱི་བློ་དང་དབང་པོ་གསལ་
[352b.2]བ་དང་བཞིན་དང་ལུས་མདོག་གསལ་ཏེ་དྲི་མ་མེད་པ་དང་། ཚེ་རིང་ཞིང་རོ་ཙ་བར་འགྱུར་རོ། །དེ་ལ་འཕྲལ་གྱི་གློ་བུར་གྱི་ནད་ཅེས་བྱ་བ་འདོད་ཆགས་དང་ཞེ་སྡང་དང་འཇིགས་པ་ལ་སོགས་པ་དང་། གདོན་དང་དུག་དང་རླུང་དང་ནད་དང་མེ་དང་སྨས་པ་དང་། ཆག་གྲུགས་ལ་
[352b.3]སོགས་པ་འདི་ལྟ་བུ་གློ་བུར་དུ་འབྱུང་བའི་ནད་འདི་དག་ཀྱང་སེམས་ཀྱི་བློ་འཁྲུལ་པའི་ཉེས་པ་ཡིན་ཏེ། འཁྲུལ་པའི་ཉས་པ་དེ་ལྟ་བུ་བསལ་བ་དང་དབང་པོ་རྣམས་ཞི་བར་བྱ་ཞིང་། ཡུལ་གྱི་རྣམས་དང་དུས་དང་སྦྱར་ལ་བདག་གིས་ཚོད་ཤེས་པར་བྱ་སྟེ། སྐྱེས་བུ་དམ་
[352b.4]པའི་དཔྱོད་པའི་རྗེས་སུ་འབྲང་བར་བྱས་ན་འཕྲལ་གྱི་གློ་བུར་གྱི་ནད་མི་འབྱུང་ལ། རྒ་བ་དང་བཀྲེས་པ་དང་ལྟོགས་པའི་ནད་འདི་ཡང་མི་འབྱུང་ངོ་། །དེ་བས་ན་ཆོ་གའི་མདོ་འདི་ལྟར་བསྟན་པས་ནད་དུ་མ་གྱུར་པ་ནི་ནད་དུ་མི་འགྱུར་ཞིང་ནད་མི་འབྱུང་བར་བྱའོ། །ནད་
[352b.5]གྱུར་པ་ཡང་ཆོ་གའི་ཐབས་འདི་འདྲ་བར་བྱས་ན་ནད་ཞི་བར་འགྱུར་རོ། །དགུན་ཟླ་ར་བ་དང་། དགུན་ཟླ་ཐ་ཆུངས་དང་། དགུན་ཟླ་འབྲིང་པོ་དང་། དཔྱིད་ཟླ་ར་བ་ཡར་གྱི་ངོ་དང་། ཟླ་བ་བཞིའི་ཚེ་ན་གྲང་ལྷགས་སུ་འགྱུར་ཏེ་བད་ཀན་འབྱུང་ཞིང་དགུན་ཐོག་ཐག་བད་ཀན་
[352b.6]བསགས་ནས། དཔྱིད་ཟླ་འབྲིང་པོ་དང་། དཔྱིད་ཟླ་ཐ་ཆུངས་གཉིས་ལ་བད་ཀན་སྨིན་ནས་བད་ཀན་གྱི་ནད་དུ་འགྱུར་རོ། །དེའི་ཕྱིར་དཔྱིད་སྐྱུག་སྨན་དང་བཀྲུ་སྨན་གྱིས་བད་ཀན་གྱི་ནད་བཀྲུའོ། །ཡང་སོས་ཀའི་ཟླ་བ་དབྱར་ཟླ་ར་བ་དང་། དབྱར་ཟླ་འབྲིང་པོ་གཉིས་ལ་
[352b.7]རླུང་ནད་བསགས་པ་ནི་དབྱར་ཟླ་ཐ་ཆུངས་དང་སྟོན་ཟླ་ར་བ་གཉིས་ལ་རླུང་ནད་དུ་འགྱུར་རོ། །དབྱར་ཟླ་གཉིས་ལ་མཁྲིས་པའི་ནད་བསགས་པ་ནི་སྟོན་ཟླ་ར་བ་དང་སྟོན་ཟླ་ཐ་ཆུངས་གཉིས་ལ་མཁྲིས་པའི་ནད་ཚ་བ་ལྡན་པར་འགྱུར་ཏེ། རླུང་དང་བད་ཀན་དང་མཁྲིས་པའི་ནད་
[353a]
[353a.1]སོ་སོའི་དུས་ཚིགས་སུ་སྨིན་ཏེ་འབྱུང་བའི་དུས་སུ་སྐྱུག་སྨན་དང་བཀྲུ་སྨན་ལ་སོགས་པས་ལུས་བཀྲུ་ཞིང་སྦྱངས་ན་དུས་ཚིགས་ཀྱི་ནད་རྣམས་ཀྱང་མི་འབྱུང་ངོ་། །དེ་བས་ན་དུས་ཚིགས་ཀྱི་ཚུལ་དང་མཐུན་པར་བྱས་ལ། རྟག་པར་ཕན་ཞིང་འཕོང་པའི་ཁ་
[353a.2]ཟས་བཟའ་བ་དང་། བཅའ་བ་དང་། འགྲེང་བ་དང་། འདུག་པ་དང་། ཉལ་བའི་སྤྱོད་ལམ་རྣམས་བཞི་ཅར་ཅི་རན་པར་བྱ་བ་དང་། །ཅི་བྱའོ་ཅོག་ལ་ཡང་ལེགས་པར་བརྟགས་ཏེ་བྱེད་པ་དང་། ཡུལ་ལ་མ་འོས་པར་ཆགས་པར་མི་བྱེད་པ། གཏོང་ཕོད་པ། ཀུན་ལ་སྙོམས་
[353a.3]པ། བདེན་ཞིང་བརྟགས་ལ་མཆོག་ཏུ་བཟོད་པ་དང་ལྡན་པ། ལུང་དང་མན་ངག་ཡོད་པའི་མི་ལ་བསྙེན་བཀུར་བྱེད་ཅིང་བརྟེན་པ་འདི་ལྟར་བྱས་ན་རྟག་ཏུ་ནད་མེད་པར་འགྱུར་རོ། །ལེའུ་བཞི་པ་རྫོགས་སོ།། །།དེ་ནས་ཆུ་སྣ་ཚོགས་ལ་སོགས་པའི་
[353a.4]བྱེ་བྲག་ཤེས་པར་བྱ་བའི་ལེའུ་བཤད་པར་བྱའོ། །ཆུ་བོ་གངྒཱའི་ཆུ་ནི་འཐུངས་ན་མི་ལ་འཚོ་བར་བྱེད། ངོམས་པར་བྱེད། ཡི་གར་འོང་ལུས་ཚིམ་པར་བྱེད། སེམས་གསལ་བར་བྱེད། ཆུའི་རོ་བྲོ་བ་ཡང་གསལ་པོར་བྱེད། རོ་ཞིམ་པ། བསིལ་བ། ཡང་བ་ཡིན་ཏེ་བཟང་ངོ་། །
[353a.5]ཆར་འབབ་པ་ལས་བྱུང་བའི་ཆུ་ནི་ཉི་མ་དང་ཟླ་བའི་འོད་དང་རླུང་གིས་ཀྱང་ཕོག་མོད་ཀྱི། དེ་ལ་ཕན་གནོད་ཀྱི་བྱེ་བྲག་ནི་ཡུལ་སྐམས་དང་། སེར་ཆེ་བའི་ཡུལ་གྱི་སྨན་དང་སྦྱར་བ་དང་། དུས་ཀྱི་རིམ་པ་དང་སྦྱར་ལ་བརྟགས་ཏེ་ཁ་ཟས་ཀྱི་གཡོས་ཆུར་བྱ་བ་དང་། སྐོམ་དུ་བཏུང་བ་
[353a.6]ནི་དངུལ་ཕོར་གྱི་ནང་དུ་ཆུ་བླུགས་ལ། དེའི་ནང་དུ་འབྲས་ཆན་ཉུང་ཤས་ཅིག་བླུགས་ཏེ། ཞག་གཅིག་བཞག་ནས་མ་རུལ་ལ། མདོག་ཀྱང་མ་གྱུར་ན་གངྒཱའི་ཆུ་ཀླུང་ལ་སོགས་པའི་ཆར་པའི་ཆུ་ཡིན་ཏེ། དེ་ནི་བཏུང་བར་བཟང་ངོ་། །གལ་ཏེ་འབྲས་རུལ་ཏམ་ཁ་དོག་
[353a.7]འགྱུར་ན་དེ་ནི་རྒྱ་མཚོའི་ཆུ་ཡིན་ཏེ། དེ་ནི་བཏུང་དུ་མི་རུང་ངོ་། །ཆུ་དེ་ལྟ་བུ་ནི་ལོ་གཅིག་གི་ཟླ་བའི་ངོ་གང་ལ་ཡང་བཏུང་དུ་མི་རུང་ངོ་། །ཆར་འབབ་པའི་ཆུ་སྣོད་བཟང་པོ་བཟེད་དེ་གཞག་ན་ཡང་། མི་རུལ་མདོག་ཀྱང་མི་འགྱུར་བ་དེ་ལྟ་བུའི་ཆུ་ནི་བཟང་སྟེ་རྟག་ཏུ་བཏུང་
[353b]
[353b.1]བར་བྱའོ། །དེ་ལྟར་ཆར་ཆུ་སྣོད་དུ་བཟེད་པ་དང་འདྲ་བས་བཟང་སྟེ། དེ་ཡང་ས་གཞི་དཀར་རམ་གནག་པ་ཡང་རུང་སྟེ། གཙང་མ་ཉི་མའི་འོད་དམ་རླུང་གིས་ཕོག་པ་དེ་ལྟ་བུ་ནི་དགེ་སྟེ་བཏུང་བར་བྱའོ། །ལྟེང་ཀ་འམ་ལུམ་འདམ་རྫབ་ཅན་ཉ་ལྕིབས་དང་། ལྷུན་རྩ་དང་།
[353b.2]འདབ་མ་དང་། རྙོག་པས་གང་བའི་ནང་རླུང་དང་ཉི་མ་དང་ཟླ་བའི་འོད་ཀྱང་མི་མཐོང་མི་སྣང་བ་དང་། འཕྲལ་ལ་ཆར་དྲག་པོ་འབབ་པའི་ལྟེང་ཀའི་ཆུ་གར་པོ་ལྕི་བ་སྦུབས་ཅན་སྲོག་ཆགས་ཀྱིས་གང་བ། ཉི་ཚན་གྱི་དྲོད་དེས་ཚ་བ་འམ། ཧ་ཅང་གྲང་ཆེ་སྟེ་སོས་མི་བརྗོད་
[353b.3]པ་འདི་ལྟ་བུ་དང་། དབྱར་གྱི་དུས་ཀྱི་སྔ་རོལ་དང་། དབྱར་གྱི་ཐ་མ་སྟོན་ཀའི་ཆར་ཆུ་འདི་གཉིས་དང་། དབྱར་ཀའི་ཆར་པ་འབབ་པ་འདི་ལྟ་བུ་ཡང་མི་དགེ་སྟེ། སྲོག་ཆགས་གདུག་པ་དང་། བ་ཐག་ལ་སོགས་པ་གཅིན་དང་རྟུག་པ་དང་། དུག་དང་འདྲེས་པའི་
[353b.4]ཆུ་ནི་མི་དགེ་སྟེ་མི་བཏུང་ངོ་། །ནུབ་ཕྱོགས་ཀྱི་ཆུ་བོ་ཆེན་པོ་ལས་རྒྱ་མཚོར་འབབ་པའི་ཆུའི་ཤུགས་དྲག་པོ་དྲི་མ་མེད་ཅིང་གཙང་བ་དེ་ལྟ་བུ་ཡང་མི་ལ་ཕན་ཏེ་བཟང་ངོ་། །གཞན་ཡང་གངས་རྒྱུད་ལས་བྱུང་བའི་ཆུ་བོ་དང་། ལྷོ་ཕྱོགས་ཀྱི་རིམ་ལ་ཡ་ལས་བྱུང་བའི་ཆུ་བོ་
[353b.5]ལྟ་བུ་ནི་རྡོ་དང་བྲག་ལ་ཤུགས་དྲག་པོས་བརྡབས་ཤིང་རྒྱུན་ཆད་ལ་གཡེངས་པའི་ཆུ་དེ་འདྲ་བ་ནི་ཕན་ཏེ་དགེའོ། །ཆུ་འདི་འདྲ་བ་ལས་ཀྱང་ཐང་ལ་ཆུ་གཡུང་པོར་འབབ་པར་གྱུར་པ་ལྟ་བུ་འཐུངས་ན། ལྟོ་བའི་ནང་ན་སྲིན་བུར་འོང་བ་དང་། རྐང་བམ་གྱི་ནད་དང་།
[353b.6]སྙིང་ན་བ་དང་། ལྐོག་མ་ན་བ་དང་། གླད་པ་ན་བར་འགྱུར་ཏེ་ཆུ་འདི་ལྟ་བུའི་བག་ནི་མི་དགེའོ། །ཤར་ཕྱོགས་མོན་པའི་ཡུལ་དང་རྒྱ་གར་གྱི་ཡུལ་ལྟེ་བ་ཀྱི་མཚམས་ཡུལ་ཨ་བན་ཐི་དང་། །ནུབ་ཕྱོགས་ཀྱི་ཡུལ་ག་ར་ཛ་དང་། །སྟག་གཟིག་གི་ཡུལ་ལ་སོགས་
[353b.7]པའི་ཆུ་ནི་མི་དགེ་སྟེ། གཞང་འབྲུམ་གྱི་ནད་ལ་སོགས་པར་འགྱུར་རོ། །ཡུལ་ཤར་ཕྱོགས་དང་ལྷོ་ཕྱོགས་ཀྱི་མཚམས་ཡུལ་ཀ་ལིང་ཀའི་རིམ་ཧེ་ན་ཏྲ་ལས་ཆུ་འབབ་པ་ནི་དམུ་རྫིང་རྐང་བམ་གྱི་ནང་དུ་འགྱུར་ཏེ་མི་དགེའོ། །ནུབ་ཕྱོགས་ཀྱི་རིས་ཧྱ་ཞེས་བྱ་བ་དང་། །
[354a]
[354a.1]ལྷོ་ཕྱོགས་ཀྱི་རི་བན་རྒྱའི་རྒྱུད་ལས་ཆུ་འབབ་པ་ཡང་མཛེ་དང་སྐྱ་རྦབ་ཀྱི་ནད་དང་གླད་པ་ན་བར་འགྱུར་ཏེ། ཆུ་དེ་ལྟ་བུ་ནི་མི་དགེའོ། །ནུབ་ཕྱོགས་ན་ཡུལ་པ་རི་ཡ་ཏའི་རི་རྒྱུད་ལས་ཆུ་འབབ་པ་ནི་ནད་ཀུན་སེལ་བའི་ཆུ་སྟེ་བཟང་ངོ་། །མདོར་ན་ཡུལ
[354a.2]སྐམ་ས་དང་། ཡུལ་གཤེར་ས་སེར་ཆེ་བའི་ཡུལ་འདི་གཉིས་ཀྱི་ཁྲོན་པ་དང་། རྫིང་དང་ཆུ་མིག་ལ་སོགས་པ་སྐྱོན་དང་ཡོན་ཏན་གཉིས་ཀ་ཡང་སྐམ་ས་དང་གཤེར་སའི་ཡོན་ཏན་སོ་སོར་བཤད་པ་བཞིན་དུ་མདོར་ཤེས་པར་བྱའོ། །ཆུ་འཐུང་བར་ལོབས་པའམ། སྐོམ་
[354a.3]ཆེས་ཏེ་བརྣགས་ཏེ་མ་ནུས་སམ། སྐོམ་བཏུང་བ་དང་ཡང་མ་ལྡན་ན་ཡང་ཉུང་ཤས་ཙམ་ལས་མི་བཏུང་སྟེ། ཡང་ན་དྲོད་ཆུང་ངམ། སྐྲང་ནད་ཡོད་དམ། སྐྱ་རྦབ་ཀྱི་ནད་དམ། དམུ་རྫིང་དང་། གསུས་པོ་ཆེ་ལ་སོགས་པའི་ནད་ཡོད་དམ། ཚད་པ་ནའམ། གཞང་
[354a.4]འབྲུམ་མམ། ཕོ་བ་དྲོད་ཆུང་ངམ། ལུས་སྐམས་པར་གྱུར་ཏམ། འོར་ནད་ཡོད་ན་ཆུ་འཐུང་དུ་མི་རུང་ངོ་། །ནད་མེད་པའི་མིས་ནི་སོ་ག་ཚ་བ་དང་། སྟོན་ཀའི་དུས་སུ་ཉུང་ཤས་ཙམ་ཞིག་འཐུང་དུ་རུང་ངོ་། །དེ་ལ་མིའི་ལུས་རན་པ་རན་པའམ། སྤོམ་པོའམ། སྐེམ་པོར་
[354a.5]འགྱུར་བ་ན་ཟན་ཕྱེད་ཟོས་ཏེ་ཆུ་འཐུངས་ན་ཕྲ་སྤོམ་རན་པར་འོང་ངོ་། །ཟན་ཟོས་པའི་འོག་ཏུ་ཆུ་འཐུངས་ན་ལུས་སྦོམ་པོར་འོང་ངོ་། །སྔར་ཆུ་འཐུངས་ལ་ཕྱིས་ཟན་ཟོས་ན་ལུས་སྐེམ་པོར་འོང་། །དམིགས་ཀྱིས་ཆུ་འཐུང་དུ་རུང་བ་ནི། ཆང་ནད་ལངས་ཏེ་མི་བདེ་ན་ཆུ་
[354a.6]འཐུང་དུ་རུང་ངོ་། །བརྒྱལ་བར་གྱུར་པ་ལ་གདོང་དུ་ཆུ་བཏབ་སྟེ་བླུད་དོ། །སྐྱུགས་སམ་ངལ་ཏེ་ཆད་པའམ། མགོ་འཁོར་བའི་ནད་ལ་ཆུ་འཐུངས་ན་ཕན་ནོ། །ཡང་ན་སྐོམ་མམ་ལུས་ཚའམ། མཁྲིས་པ་དང་ཁྲག་རྒྱས་སམ། ཁོང་པ་དང་ལུས་ཚ་ཆེས་སམ།
[354a.7]དུག་འཐུངས་པ་འདི་ལྟ་བུ་ལ་ཆུ་འཐུངས་ན་ཕན་ཏེ་དགེའོ། །དེ་ལ་སྐོམ་དུ་ཆུ་འཐུངས་པའི་ཐབས་ནི། །ཆུ་གདུས་ཏེ་བཞི་ཆ་འམ། སུམ་ཆ་གདུ་བར་བྱས་པའི་ཆུ་དྲོན་པོ་ཁས་བཟོད་ཙམ་དུ་འཐུངས་ན། དྲོད་ཆེ་ཟས་འཇུ་མགུལ་པ་བདེ། ལུས་ཡང་། ལྒང་པའི་
[354b]
[354b.1]ཆུ་སོ་མིན་ཞིང་བཤང་གཅི་གཉིས་ཀ་ལེགས་པར་འོང་ངོ་། །སྐྱིགས་བུས་བཏབ་པ་ལ་ཕན། ལྟོ་སྦོས་པ་ལ་ཕན། རླུང་ནད་དང་བད་ཀན་རྒྱས་པ་དང་། རིམས་གསར་ལུད་པ་དང་། ཆམ་པ་ན་བ་དང་། དབུགས་མི་བདེ་བ་དང་། རྩིབ་ལོགས་སུ་ཟུག་པ་འདི་
[354b.2]རྣམས་ལ་ཕན་ཏེ་དགེའོ། །དེ་ལྟ་བུའི་ཆུ་གདུས་པ་བསྒྲངས་ཏེ་གྲང་མོར་འཐུངས་པ་ནི་བད་ཀན་གྱི་ནད་དུ་ཡང་མི་འགྱུར། ལུས་ཀྱི་ཁོང་ཡང་མཁྲིས་པའི་ནད་ཚ་བ་ལ་ཡང་ཕན་ཏེ་དགེའོ། །ཆུ་གདུས་པ་དེ་ཞག་ལོན་པར་གྱུར་པ་རྙིང་པ་ནི་རླུང་དང་བད་ཀན་དང་མཁྲིས་པའི་
[354b.3]ནད་གཡོ་པར་འགྱུར་ཏེ་མི་དགེའོ། །ན་ལི་ཀེ་རའི་འབྲས་བུ་གདུས་པའི་ཁུ་བའམ། ཆུར་སྦངས་པའི་སྐོམ་གྱི་རོ་ནི་དབྱར་འཐུངས་ན་ཁོང་སྣུམ་རོ་ཙ་བར་འགྱུར། བསིལ་ཡང་། སྐོམ་པ་ལ་ཕན། མཁྲིས་པ་དང་རླུང་ནད་སེལ། ཕོ་བའི་དྲོད་སྐྱེ། ལྒང་པའི་ནད་སྦྱོང་།
[354b.4]བཤང་གཅི་ལེགས་པར་འབྱུང་སྟེ་དགེའོ། །དབྱར་གྱི་ཆར་པ་བབ་པའི་ཆུ་སྣོད་དམ་པ་གཞི་བཟང་པོར་བསགས་པ་ནི་བཟང་སྟེ་དགེའོ། །དབྱར་གྱི་ཆུ་འབྲུབ་པ་ལྗན་ལྗིན་རྙོག་མ་ཅན་དང་འདྲེས་པ་ནི་ངན་ཏེ་བཏུང་དུ་མི་རུང་ངོ་། །ཆུ་སྣ་ཚོགས་ཀྱི་བྱེ་བྲག་བཤད་པའོ། །
[354b.5]འོ་མ་སྣ་ཚོགས་ཀྱི་བྱེ་བྲག་བཤད་པར་བྱའོ། །འོ་མ་ནི་ཕལ་ཆེར་འཇམ་ཞིང་མངར་བ་ཡིན། ཞུ་བའི་རྗེས་ནི་ཁོང་དུ་སྣམ། མདངས་བཟང་བར་འགྱུར་རོ། །སྲོག་ཟུངས་བདུན་བརྟས་ཞིང་སྐྱེ་བར་བྱེད། རླུང་དང་མཁྲིས་པའི་ནད་སེལ། ཁོང་བརྟ་ཞིང་རོ་ཙ། བད་ཀན་
[354b.6]སྐྱེ། འོ་མ་འཇུ་དཀའ་ལ་བསིལ་བ་ཡིན་ནོ། །དེ་ལ་བྱེ་བྲག་ཏུ་བའི་འོ་མ་ནི་འཐུངས་ན་འཚོ་བར་བྱེད་དེ་བཅུད་ཀྱིས་ལེན་དུ་འགྱུར། གློ་རྡོལ་བ་དང་། གློ་གཅོང་ལ་ཕན། ཡིད་གཞུངས་པར་འགྱུར། བཞིན་མདོག་བཟང་། བུད་མེད་ཀྱི་ནུ་ཞོ་མཆོག་ཏུ་སྐྱེ་བར་འགྱུར།
[354b.7]ངལ་ཏེ་ཆད་པ་དང་། ནད་ཀྱིས་མྱོས་ཏེ་བརྒྱལ་བ་དང་འདྲ་བར་མི་དྲན་པ་དང་། ཆ་ཉམས་ཏེ་བཞིན་མདོག་ངན་ཅིང་མི་སྡུག་པ་ལྟ་བུར་གྱུར་པ་དང་། དབུགས་མི་བདེ་བ་དང་། ལུད་པ་ལུ་བ་དང་། རབ་ཏུ་སྐོམ་པ་དང་། བཀྲེས་པ་དང་། རིམས་བྱིང་བ་དང་། ཆུ་སྲིབ་
[355a]
[355a.1]དང་། ཁྲག་དང་མཁྲིས་པ་རྒྱས་པའི་ནད་འདི་རྣམས་ལ་ཕན་ནོ། །མ་ཧེའི་འོ་མ་ནི་ཕོ་བའི་མེ་དྲོད་ཧ་ཅང་ཆེས་པས་འདྲངས་མི་ཤེས་པའི་ནད། གཉིད་མེད་པ་དང་། འདི་རྣམས་ལ་མ་ཧེའི་འོ་མ་བསིལ་ལ་ལྕི་བས་ན་ནད་འདི་རྣམས་ལ་ཕན་ནོ། །ར་ནི་ཆུ་
[355a.2]ཉུང་འཐུང་གཟས་རྒོད། །རྩི་ཤིང་ཁ་བ་དང་། ཁ་བ་ཚོལ་ཞིང་ཟ། ཁོང་ཡང་བས་ནི་དེ་ལྟར་རའི་འོ་མ་ནི་སྐེམ་པ་དང་། རིམས་དང་། དབུགས་མི་བདེ་བ་དང་། ཁྲག་མཁྲིས་རྒྱས་པའི་ནད་དང་། ཚད་པའི་ནད་འདི་རྣམས་ལ་ཕན་ནོ། །རྔ་མོའི་འོ་མ་ནི་ཅུང་ཟད་རྩུབ་ཅིང་ཚ་ལ་
[355a.3]ལན་ཚྭ་བྲོ་སྟེ། འཐུངས་ན་དྲོད་ཆེ། ཁོང་ཡང་། བད་ཀན་དང་རླུང་ནད་སེལ། ལྟོ་སྤོས་པ་ལ་ཕན། ཁོང་ན་སྲིན་བུ་ཡོད་པ་དང་འོར་ནད་དང་། དམུ་རྫིང་ལྟ་བུ་གསུས་པ་ཆེར་སྐྱེས་པའི་ནད་དང་། གཞང་འབྲུམ་གྱི་ནད་འདི་རྣམས་ལ་ཕན་ཏེ་དགེའོ། །བུད་མེད་ཀྱི་ནུ་ཞོ་ནི་
[355a.4]རླུང་ནད་དང་། མཁྲིས་པའི་ནད་ལ་ཕན། ཁྲག་ནད་དང་། མཚོན་གྱིས་སྨས་པ་དང་། རྨ་བྱུང་བ་དང་། མིག་ནད་ལ་ཕན། ནུ་ཞོ་འཐུངས་ན་བྱིས་པ་ལ་བསོད་ཅིང་ངོམས་པར་བྱེད། ཐིགས་པ་མིག་ཏུ་བླུགས་ན་མིག་ལ་ཕན། སྣར་བླུགས་ན་མཚུལ་པ་ཡན་ཆད་
[355a.5]ཀྱི་ནད་ཀུན་ལ་ཕན་ནོ། །ལུག་གི་འོ་མ་ནི་སྙིང་ལ་གནོད། ཚ་བ་སྐྱེ། སྐྱིགས་བུ་དང་དབུགས་མི་བདེ། མཁྲིས་པ་དང་བད་ཀན་གྱི་ནད་དུ་འགྱུར། རླུང་ནད་ལ་ནི་ཕན་ནོ། །བ་གླང་མོའི་འོ་མ་ནི་འཐུངས་ན་ལུས་ཀྱི་ཁོང་རབ་ཏུ་ཚ། ལུས་ཀྱི་ཤ་སྐྱེ་ཞིང་ལུས་བརྟན་པར་
[355a.6]འགྱུར་རོ། །རྟ་ལྟ་བུ་རྨིག་པ་གཅིག་པའི་འོ་མ་ནི་ཡང་སྟེ་དཔུང་པ་དང་། ལག་ངར་དང་། ལག་སོར་དང་། བརླ་དང་བྱིན་པ་དང་། རྐང་སོར་ཡན་ཆད་རླུང་ཞུགས་པའི་རླུང་ནད་ལ་ཕན། གློ་ན་བ་ལ་ཕན། རྟ་ལྟ་བུའི་འོ་མ་ནི་སྐྱུར་ལ་ལན་ཚྭ་བྲོ་བ་ཡིན་ཏེ། འཕྲལ་དུ་རྨོངས་
[355a.7]རྨོངས་པོར་འགྱུར་རོ། །དེ་ལྟར་འོ་མ་གང་ཡང་རུང་། མ་བསྐོལ་བར་འོ་རློན་འཐུངས་ན་བད་ཀན་དུ་འགྱུར། ལྕི་སྟེ་འཇུ་དཀའོ། །འོ་མ་བསྐོལ་བ་རན་པར་འཐུངས་ན། འཇུ་སླ་བ་བད་ཀན་དུ་ཡང་མི་འགྱུར་རོ། །འོ་མ་ཕྱེད་ཆེར་གདུས་པ་འམ། སུམ་ཆའམ། བཞི་
[355b]
[355b.1]ཆར་གདུས་པའི་འོ་མ་ནི་འཇུ་དཀའ་སྟེ་ལྕིའོ། །འོ་མ་བཞོས་མ་ཐག་གི་དྲོན་པོ་མོད་ལ་འཐུང་བ་ནི་བདུད་རྩི་དང་འདྲ་སྟེ། ཅི་ལ་ཡང་ཕན་ཞིང་དགེའོ། །ཞོའོ་ཅོག་ནི་འཐུངས་ན་ཞུ་བའི་རྗེས་སྐྱུར་བར་འགྱུར། རྟུག་སྐམ་དུ་འགྱུར། འཁྲུ་བ་གཅོད། ལྕི་སྟེ་འཇུ་དཀའ། ཚ་བ་སྐྱེ།
[355b.2]རླུང་སེལ། ཚིལ་སྐྱེ། ཁུ་ཆུ་མང་དུ་འགྱུར། ཉམས་འཚག་སྐྱེ། སྟོབས་སྐྱེ། བད་ཀན་དུ་འགྱུར། མཁྲིས་པ་སྐྱེ། ཁྲག་བརྟ། ཟས་འཇུ་བའི་མེ་དྲོད་སྐྱེ། ལུས་སྐྲང་བའི་བག་ཏུ་འགྱུར། ཞོ་འཐུངས་ན་ཡི་ག་འབྱེ། ཡི་ག་འཆུས་པ་དང་། གྲང་བའི་རིམས་དང་།
[355b.3]རིམས་ལྡང་དུབ་ཀྱི་དུས་མི་མཐུན་པ་དང་། ཆམ་པ་དང་། ཆུ་སྲི་བ་དང་། ཕོ་བའི་ནང་དུ་རླུང་ཞུགས་ཏེ་རྩུབ་པོར་གྱུར་པ་འདི་རྣམས་ལ་ཕན་ནོ། །ཞོ་མངལ་དྲོན་པོ་ནི་དཔྱིད་དང་། སོས་ཀ་དང་། སྟོན་གྱི་དུས་ཚིགས་འདི་གསུམ་གྱི་ཚེ་ཚ་བ་སྟེ་བཏུང་དུ་མི་རུང་ངོ་། །ཞོ་བསྒྲངས་
[355b.4]པ་གྲང་མོ་ནི་བཏུང་དུ་རུང་ངོ་། །ཞོ་བཏུང་བ་ཡང་སྦྲང་རྩིའམ་མར་རམ་བུ་རམ་མམ་ཁ་ར་དཀར་པོ་བཏབ་ལ་བཏུང་ངོ་། །ཡང་ན་སྐྱུ་རུ་ར་བཏབ་ལ་བཏུང་ངོ་། །ཞོ་རྟག་པར་བཏུང་བ་ནི་མི་དགེའོ། །མཚན་མོ་བཏུང་བ་ནི་མི་དགེའོ། །མོན་སྲན་སྡེའུ་བཙོས་པའི་ཁུ་བཅུད་སྦྱར་
[355b.5]བ་མི་བཏུང་ངོ་། །ཞོ་མ་ལངས་པ་འཐུངས་ན་རིམས་ནད་དང་། ཁྲག་ནད་དང་། མཁྲིས་ནད་དང་། མེ་དབལ་དང་། མཛེ་དང་། སྐྱ་རྦབ་དང་། མགོ་འཁོར་བའི་ནད་འདི་རྣམས་སུ་འགྱུར་རོ། །དར་བ་སར་པ་ནི་ཡང་ལ་རོ་བསྐ་ཞིང་སྐྱུར་བ་དང་། དྲོད་ཆེ་སྟེ་བད་ཀན་དང་།
[355b.6]རླུང་ནད་སེལ། སྐྲང་བའི་བག་དང་། དམུ་རྫིང་དང་། གཞང་འབྲུམ་ཁྲག་ཚད་དུ་འགྱུར་པའི་ནད་དང་། གཞང་འབྲུམ་དང་། ཕོ་བའི་ནད་དང་། ཆུ་སྲི་བ་དང་། ཡི་ག་འཆུས་པ་དང་། སྐྲན་ནད་དང་། མཆེར་པ་དང་། མར་ཆེར་ཟོས་པ་ལས་ནད་དུ་གྱུར་པ་དང་། དུག་
[355b.7]སྦྱར་མ་དང་། སྐྱ་རྦབ་ཀྱི་ནད་དང་། འདི་རྣམས་སེལ་ཏེ་ཕན་པར་འགྱུར་རོ། །དར་བ་དང་འདྲ་བར་ཞོ་ག་ཆུའི་ཡོན་ཏན་ཡང་དེ་བཞིན་ཏེ་ཁོང་འཁྲུ་བར་འགྱུར། ལྒང་པ་འཁྲིས་ཤིང་ཆུ་སྲི་བའམ། རྟུག་སྐམ་ལྟ་བུ་སེལ་ཞིང་ལེགས་པར་འབྱུང་བ་དང་། ཁོང་ཡང་བར་
[356a]
[356a.1]འགྱུར་རོ། །མར་སར་ཕྱུང་མ་ཐག་པ་ནི་བུད་མེད་ལ་ཕོད་དེ་རོ་ཙ། བསིལ། ཤ་མདོག་བཟང་། སྟོབས་སྐྱེ། འཁྲུ་བ་གཅོད་པར་བྱེད། རླུང་དང་། མཁྲིས་པ་དང་། ཁྲག་ནད་དང་། གློ་གཅོང་དང་། གཞང་འབྲུམ་དང་། །བ་ཡོན་པོར་གྱུར་པ་དང་།
[356a.2]ལུད་པ་དང་། འདི་རྣམས་སེལ་ཏེ་ཕན་ནོ། །དེ་ལ་མར་སར་པ་ནི་ཡིད་རྣོ། དྲན་པ་ཆེ། ཡིད་གཞུངས། དྲོད་སྐྱེ། སྟོབས་སྐྱེ། ཚེ་རིང་། ཁུ་ཆུ་མང་བར་འགྱུར་རོ། །མིག་རྣོ་བ་ལ་ཕན་ནོ། །ཞུན་མར་ནི་བྱིས་པ་དང་རྒན་པོ་ལ་ཕན་ཏེ་བུ་མང་བར་འདོད་པ་དང་། བཞིན་མདོག་
[356a.3]བཟང་ཞིང་མདངས་ཅན་དུ་འདོད་དམ། རབ་ཏུ་གཞོན་པར་འདོད་དམ། སྐད་སྙན་པར་འདོད་པ་འདི་ལྟ་བུ་ལ་ཕན། གློ་རྡོལ་དང་། ལུས་ཀྱི་སྲོག་ཟུངས་བདུན་ཟད་དེ་སྐམས་པ་གཅོང་ནད་དང་། འབྲས་དང་། མཚོན་གྱིས་སྨས་པ་དང་། མེས་ཚིག་སྟེ་རྐེ་ཞིང་རྨྱ་བ་ལ་ཕན་ནོ། །
[356a.4]རླུང་དང་མཁྲིས་པའི་ནད་དང་། དུག་དང་སྨྱོ་བའི་ནད་དང་། ལུས་སྐེམས་པ་དང་། ལུས་དང་བཞིན་གྱི་མདངས་དང་གཟི་ཉམས་ཏེ་བརླངས་བརླངས་པོར་གྱུར་པ་དང་། རིམས་ནད་སེལ་ཏེ་ཕན་ནོ། །ཏིལ་མར་དང་ཚིལ་དང་ཞག་དང་མར་དང་། སྣུམ་འདི་བཞིའི་ནང་ན་ཞུན་
[356a.5]མར་ལས་བཟང་བ་མེད་དེ། ཞུན་མར་ནི་ཚ་བའི་ནད་སེལ་ཏེ་བསིལ་བར་བྱེད། རྒས་སྲ་བ་ལ་མཆོག་ཏུ་ཕན། ཞུན་མར་གྱི་མཐུ་སྟོབས་ནི་སྣ་གྲངས་སྟོང་ཡོད་དེ། དེ་ལ་ཡང་སྨན་དང་སྦྱར་བའི་སྨན་མར་ཞུན་མར་ནི། ཕན་པའི་ལས་སྟོང་བྱེད་ནུས་པར་འགྱུར་རོ། །ཞུན་མར་རྙིང་པ་
[356a.6]ནི་ཆང་གིས་མྱོས་ཏེ་ར་རོ་བ་དང་། རླུང་དང་མཁྲིས་པ་ལས་གྱུར་པའི་སྨྱོ་བའི་ནད་དམ། གདོན་གྱིས་མྱོས་པ་འམ། བརྒྱལ་བ་འམ། གླད་པ་ན་བ་འམ། རྣ་བ་ན་བ་འམ། མིག་ན་བ་འམ། བུད་མེད་ཀྱི་མངལ་ན་བ་དང་། རྨའི་རྣག་དང་། ཆུ་སེར་འབྱང་ཞིང་རྨ་འཚོབ་པ་འདི་རྣམས་
[356a.7]ལ་ཕན་ནོ། །ཕྲུམ་གསར་པ་དང་། སྤྲི་དང་རྒྱ་ཕྲུམ་དང་ཆུར་བ་ལ་སོགས་པ་འདི་རྣམས་འདྲ་སྟེ་སྟོབས་སྐྱེ། །བུ་ཆུ་མང་བར་འགྱུར། གཉིད་འོང་། བད་ཀན་དུ་འགྱུར། རྟུག་སྐམ་དུ་འགྱུར། ཕྲུམ་དང་འདི་བཞི་ཁར་ཡང་ལྕི་སྟེ་འཇུ་དཀའ། རླུང་དང་བད་ཀན་དང་མཁྲིས་
[356b]
[356b.1]པའི་ནད་དུ་འགྱུར་རོ། །བའི་འོ་མ་དང་ཞུན་མར་ནི་ཅི་ལ་ཡང་དགེ་སྟེ། མཆོག་གོ། །ལུག་གི་འོ་མ་དང་མར་ནི་ཅི་ལ་ཡང་མི་དགེ་སྟེ་སྨད་དོ། །འོ་མ་དང་ཞོ་དང་མར་དང་དར་བ་དང་། ཕྲུམ་ལ་སོགས་པ་བཤད་པའི་ལེའུ་རྫོགས་སོ།། །།བུ་རམ་ཤིང་དང་བུ་རམ་
[356b.2]ལ་སོགས་པའི་མཐུ་དང་ཡོན་ཏན་བཤད་པར་བྱའོ། །བུ་རམ་ཤིང་གི་ཁུ་བ་ནི་འཇུ་དཀའ་སྟེ་ལྕི། ཁོང་འཁྲུ། ཁོང་དུ་འཇམ། ལུས་ཤ་སྐྱེ། བུད་མེད་ལ་ཕོད་དེ་རོ་ཙ་པར་འགྱུར། ཁོང་བསིལ། བད་ཀན་སྐྱེ། གཅིན་མང་། ཁྲག་དང་མཁྲིས་པ་སེལ་ཏེ། ཞུ་བའི་རྗེས་ནི་
[356b.3]མངར་བར་འགྱུར་རོ། །བུ་རམ་ཤིང་གི་ཐོར་ཏོ་ནི་ཅུང་ཟད་ལན་ཚྭ་བྲོ་བ་ཡིན་ནོ། །བུ་རམ་ཤིང་སོས་བཅའ་ཞིང་ཁུ་བ་གཞིབས་པ་ནི་ལི་ཁར་དང་འདྲ་སྟེ་བཟང་ངོ་། །བུ་རམ་ཤིང་བརྡུངས་པ་ནི་རྩ་བ་དང་ཐོར་ཏོ་ནི་སྲིན་བུས་ཟོས་ཏེ་མི་བཟང་ལ་བུ་རམ་ཤིང་གི་ཤུན་པ་དང་། ལ་ལ་
[356b.4]སྐམས་པ་དང་། རྡུལ་དང་དྲི་མ་དང་ས་སོང་བ་ཉི་མའི་འོད་དང་། རླུང་གིས་ཕོག་པ་ལ་སོགས་པ་བརྡུངས་ནས་ཀྱང་ཅུང་ཟད་གཞག་གམ། ཞག་ལོན་པར་གྱུར་པ་ནི་བུ་རམ་གྱི་རོ་ལས་ཡིད་ཙམ་སྐྱུར་བ་དང་། མི་ཞིམ་པར་གྱུར་པས་ན་བུ་རམ་བཙིར་བའི་ཁུ་བ་ནི་མི་དགེ་སྟེ་ལྕི་ལ་
[356b.5]ཚ་བར་འགྱུར། ཕྱིར་འབྱུང་དུ་མི་རུང་སྟེ། འཇུ་དཀའ་ལ་འཁྲེན་པ་དགོས་ཏེ། དེ་བས་ན་བུ་རམ་བརྡུངས་ཏེ་བཙིར་བའི་ཁུ་བ་ནི་མི་བཟང་ངོ་། །དེ་ལ་ལི་ཁ་ར་དཀར་པོའི་ཤིང་ནི་དཀར་ཏེ་ཁུ་བ་ནི་རོ་མངར་ལ་བསིལ། མིག་རྣོ། །རྣ་བ་གསང་། སེམས་བདེ་བར་འགྱུར་རོ། །ཡང་བུ་རམ་
[356b.6]ཤིང་ཕལ་པ་བང་ཤ་ཀ་ཞེས་བྱ་བ་བུ་རམ་ཤིང་སྔ་མ་ཙམ་དུ་མི་བཟང་བ་ཞིག་ཡོད་པ་དེའི་མཐུ་དང་ཡོན་ཏན་དང་སྐྱོན་ནི་གོང་མ་དང་འདྲ་མོད་ཀྱི་ཕན་ཡོན་གོང་མ་ཙམ་མི་ཕོད་དོ། །དེ་ལ་བུ་རམ་ཤིང་གི་བྱེ་བྲག་ནི་བུ་རམ་ཤིང་ཤཏ་ཞེས་བྱ་བ་གནག་ལ་སྦོམ་ཞིང་རིང་བ་དང་། བུ་རམ་ཤིང་བ་
[356b.7]པ་ཀ་ཞེས་བྱ་བ་ཚིགས་མང་བ་ཞིག་ཡོད་པ་དང་། བུ་རམ་ཤིང་ཀ་ཏར་ཞེས་བྱ་བ་ཕྲེའུ་ཐུང་ངུ་ཞིག་ཡོད་པ་དང་། བལ་ཡུལ་གྱི་བུ་རམ་ཤིང་འདི་ལ་སོགས་པའི་རོ་ཅུང་ཟད་ཙམ་བྲོ་བ་དང་། རོ་བསྐ་བ་དང་། ཟོས་ན་དྲོ་བ་དང་། ཞུ་བའི་རྗེས་ཚ་བར་འགྱུར་རོ། །བུ་རམ་ཤིང་འདི་
[357a]
[357a.1]བཞི་ཡང་མིང་གི་གོ་རིམས་བཞིན་འོག་མ་རྣམས་ཅུང་ཙམ་གྱིས་རོ་བྲོ་བ་དང་། མཐུའི་ཤས་ཆུད་དོ། །དེ་ལ་བུ་རམ་གྱི་བྱེ་བྲག་ནི་རྣམ་པ་གསུམ་སྟེ། བུ་རམ་བསྐོལ་ཏེ་གདུས་པའི་ཆེ་ཁའི་དབུ་བ་དང་དྲི་མ་ངན་པ་བཞམས་པའི་འོག་དབུ་བ་ཅན་ཁ་སྤྲི་སླ་
[357a.2]མོ་ཞིག་ཡོད་པ་དེ་ནི་འཇུ་དཀའ་སྟེ་ལྕི། སླ་བ་འབྱར་འབྱར་པོ་ཡིན་ཏེ་མཆིན་པའི་ནད་དང་བཤང་གཅི་སླ་བ་མ་ཡིན་ཏེ། རྙེད་པར་འགྱུར་རོ། །དེ་ལ་བཙོས་ཤིང་གདུས་པ་ལས་བར་ནས་བྱུང་པ་ནི་བུ་རམ་ཞེས་བྱ་སྟེ། དེ་ལ་ཡང་བུ་རམ་དཀར་པོ་ནི་འཕྲལ་དུ་བད་ཀན་དུ་འགྱུར་བ་ནི་མ་
[357a.3]ཡིན་ནོ། །བཤང་གཅི་གཉིས་ཀ་ཡང་མི་སྲི་སྟེ་བདེ་བར་འོང་ངོ་། །བུ་རམ་དམར་པོ་རྩ་བ་གནག་པ་ནི་ཕལ་ཆེར་སྲིན་བུར་འགྱུར། ཁྲག་དང་ཚིལ་དང་ཤ་སྐྱེ། བད་ཀན་སྐྱེ་སྟེ་མི་བཟང་ངོ་། །བུ་རམ་དམར་པོ་ལོ་གཅིག་ལོན་ཕན་ཆད་རྙིང་པ་ཞེས་བྱ་ཞིམ་སྟེ་ཡིད་དུ་འོང་ངོ་། །ཅི་ལ་
[357a.4]ཡང་ཕན་ནོ། །རླུང་དང་བད་ཀན་དང་མཁྲིས་པའི་ནད་གསུམ་ཆར་སེལ་ཏེ་དགེའོ། །བུ་རམ་གསར་པས་ནི་བད་ཀན་སྐྱེ། ཕོ་བའི་མེ་དྲོད་མེད་པར་བྱེད་དེ་མི་དགེའོ། །དེ་ལྟར་བུ་རམ་གྱི་ཁུ་བ་གདུས་པའི་ཞབས་ནས་བྱུང་བ་དེ་ནི་ལི་ཁ་རར་འགྱུར་རོ། །ཚུལ་འདི་དང་འདྲ་བར་
[357a.5]ཁ་ར་དཀར་པོར་བསྐོལ་ཞིང་གདུས་པ་ལས་ཁ་རའི་བྱེ་བྲག་རྣམ་པ་གསུམ་དུ་འབྱུང་བ་སྟེང་རིམ་གྱིས་ཞེས་བྱ་བ་དང་། བར་ནས་འབྱུང་བ་ནི་ལི་ཁ་ར་བཟང་པོར་བྱ་བའི་རྒྱུ་ཡིན་ཏེ། ཧྭགས་ཡིན་ནོ། །ཞབས་ནས་འབྱུང་བ་ནི་ལི་ཁ་ར་ཉིད་ཡིན་ནོ། །དེ་ལ་མཐུའི་བྱེ་བྲག་ནི་སྟེང་པས་
[357a.6]བར་གྱི་བཟང་། བར་བས་ནང་གི་ཞབས་བཟང་སྟེ། གློ་གཅོང་དང་། གློ་རྡོལ་བ་དང་། ཁྲག་དང་མཁྲིས་པའི་ནད་རླུང་ནད་སེལ། ཁོང་དུ་ཕན་ཏེ་བུད་མེད་ལ་ཕོད་ཅིང་རོ་ཙ་བར་འགྱུར། ཁ་ར་དང་འདྲ་བར་ཤིང་རླངས་པ་ཚེར་མ་ཅན་གྱི་ཁུ་བ་བསྐོལ་བ་ལས་ཁ་ར་བྱས་པ་ཡང་ལི་
[357a.7]ཁ་རའི་ཡོན་ཏན་དང་འདྲའོ། །ལི་ཁ་ར་དཀར་པོ་ཐམས་ཅད་ཀྱི་ཡོན་ཏན་ནི་ཚ་བ་དང་སྐོམ་པ་དང་། སྐྱུག་བྲོ་བ་དང་བརྒྱལ་བ་དང་ཁྲག་དང་མཁྲིས་པའི་ནད་འདི་རྣམས་སེལ་བར་འགྱུར་རོ། །དེ་ལ་མདོར་བུ་རམ་ཤིང་ལས་གདུས་ཏེ་བུ་རམ་གྱི་དབུ་བ་ཁ་སྦྲི་སླ་བར་འོང་བ་ལྟ་བུ་ནི་ངན་
[357b]
[357b.1]ནོ། །བུ་རམ་ཤིང་ཡང་རུང་ཁ་རའི་ཤིང་ཡང་རུང་སྟེ། དེ་ལས་བྱས་པའི་ཁ་ར་དཀར་པོ་ནི་བཟང་སྟེ་དགེའོ། །དེ་ལ་སྦྲང་རྩི་ནི་མིག་ལ་ཕན། བད་ཀན་དང་ཚིལ་ཆེ་བ་དང་། དབུགས་མི་བདེ་བའི་ནད་སེལ་ཏོ། །སྐོམ་པ་ལ་ཕན། དུག་སེལ། སྐྱིགས་བུ་དང་ཁྲག་ནད་མཁྲིས་
[357b.2]པའི་ནད་སེལ། ཧ་ཅང་ཆོ་ཏེ་ཤ་ཆེ་བ་ཤ་རན་ཅིང་འབྲི་བར་འགྱུར། མཛེ་དང་ཆུ་སྲི་བ་དང་སྐྱུག་བྲོ་བ་དང་། དབུགས་མི་བདེ་བ་དང་། ལུད་པ་ལུ་བ་དང་། ཚད་པ་དང་ལྟོ་བའི་ནང་ན་སྲིན་བུའི་གདུག་པ་སེལ། རྨ་རྣགས་པ་རྣག་དང་ཆུ་སེར་འབྱིན། རྨ་འཚོ། ཆག་གྲུགས་
[357b.3]འབྱོར། རླུང་ཡང་སྐྱེའོ། །མདོར་ན་སྦྲང་རྩི་ནི་མངར་ལ་རོ་བསྐ། ཁོང་དུ་རྩུབ་པ་ཡིན། སྦྲང་རྩི་ལས་ཁཎྜར་བྱས་པའི་ཡོན་ཏན་དང་མཐུ་ཡང་དེ་ལྟར་འདྲའོ། །སྦྲང་རྩིའི་ཉེན་ནི་སྟོན་དང་དབྱར་སོགས་ཚ་བའི་དུས་ལ་ཡང་བབ་ལ་ཚ་བའི་ནད་ཀྱིས་ཀྱང་ཐེབས་ལ། སྨན་ཆ་བ་
[357b.4]དང་། སྦྲང་རྩི་ནི་སྦྲང་ཚང་ནས་ཕྱུང་མ་ཐག་པ་དྲོན་མོ་དང་། སྨན་ཚ་བར་གྱུར་པ་ལ་འདི་ལྟ་བུར་བྱས་ཏེ་བཏང་ན་ནད་པ་གསོད་དོ། །དུག་གི་མེ་ཏོག་ལས་སྦྲང་རྩི་བྱུང་བ་དང་། སྦྲང་མ་གདུག་པས་གསོས་པ་ནི་དྲོ་བ་ཡང་རུང་གྲང་བ་ཡང་རུང་སྟེ་མི་རུང་ངོ་། །སྐྱུག་སྨན་
[357b.5]ཆུ་དྲོན་དང་སྦྲང་རྩི་སྦྱར་ཏེ་བཏང་བའམ། སྨན་མར་མས་གཏོང་བ་དྲོན་པོའི་ནང་དུ་སྦྲང་རྩི་སྦྱར་བ་ནི་ཉེས་པ་མེད་དོ། །བུ་རམ་ཤིང་དང་ཁ་རའི་ཤིང་དང་བུ་རམ་དང་ཁ་རའི་བྱེ་བྲག་དང་སྦྲང་རྩིའི་བྱེ་བྲག་བཤད་པ་རྫོགས་སོ།། །།ཏིལ་མར་དང་ཨེ་རཎྜའི་མར་དང་
[357b.6]ཡུངས་མར་དང་བ་རུ་རའི་མར་དང་ཟར་མའི་མར་དང་ལེ་བརྒན་རྩིའི་མར་གྱི་ཕན་གནོད་བསྟན་པ། ཏིལ་མར་གྱི་ཕན་གནོད་ཏིལ་དངོས་དང་འདྲའོ། །དེ་ལ་འབྲུ་མར་གྱི་ནང་ན་ཏིལ་མར་ནི་བཟང་སྟེ། ཏིལ་མར་ནི་ཅུང་ཟད་ཚ་བ་འཐུངས་ན་ལུས་ཀུན་ལ་མྱུར་དུ་ཁྱབ་ཅིང་མཆེད་པར་
[357b.7]བྱེད། ཉེན་ནི་ཏིལ་མར་འབའ་ཞིག་རྟག་ཏུ་འཐུངས་ན་ཤ་མདངས་ཀྱི་པགས་པའི་མདོག་ལ་གནོད་དེ་ཤ་བཀྲ་དང་ཤུ་བ་དང་མཛེ་ལྟ་བུའི་ནད་དུ་འགྱུར་རོ། །མིག་ལ་གནོད། ཏིལ་མར་དང་སྨན་དང་། སྨན་གཞན་དུ་སྦྱར་ཏེ་བཏང་བ་ནི་ཉེན་དུ་མི་འོང་ངོ་། །ཏིལ་མར་ནི་རྣོ་ལ་ཚན་
[358a]
[358a.1]ཆེ་བས་བད་ཀན་སེལ་ལོ། །སྐེམ་པ་ལ་བཏང་ན་ཤ་སྐྱེ། སྦོམ་པོ་ཚོན་པོ་ལ་བཏང་ན་ཤ་གྲིམས་པར་འོང་ངོ་། །འཁྲེན་པས་ཐོགས་ཏེ་རྟུག་སྐམ་དུ་འོང་ངོ་། །ལྟོ་བ་ནང་གི་སྲིན་བུ་སེལ་ཏོ། །ཏིལ་མར་སྨན་དང་སྦྱར་ཏེ་བཏང་ན་ནད་དོ་ཅོག་ཐམས་ཅད་
[358a.2]སེལ་ཏོ། །ཨེ་རཎྜ་དཀར་པོའི་མར་ནི་ཁ་ལ་ཚ་ཞིང་རོ་ཁ་བ་ཡིན་ནོ། །ཨེ་རཎྜའི་མར་འཐུངས་ན་ཞུ་བའི་རྗེས་ནི་མདར་བར་འགྱུར། ཁོང་འཁྲུ། ལྕི་སྟེ་ཅུང་ཟད་བསིལ་བར་འགྱུར། རྒྱུ་མ་ཆེར་སྐྱེས་ཏེ་རླིག་རླུགས་སུ་གྱུར་པའི་ནད་དང་། སྐྲན་དང་རླུང་ནད་དང་བད་ཀན་གྱི་ནད་དང་།
[358a.3]དམུ་རྫིང་ལ་སོགས་པ་གསུས་པ་ཆེར་སྐྱེས་པའི་ནད་དང་། རིམས་ཉིན་མཚན་མི་མཐུན་པར་ལྡང་བའི་ནད་དང་། འོར་གྱི་བར་སྐྲན་ནད་དང་། རྐེད་པ་ན་བ་དང་། མོ་མཚན་ཕོ་མཚན་ན་བ་དང་། ལྟོ་བ་ན་བ་དང་། རྒྱབ་ན་བ་ལ་ཕན། ཨེ་རཎྜ་དམར་པོའི་མར་ནི་རྣོ་ལ་ཚ། ཤ་རྗེན་སུངས་པའི་
[358a.4]དྲི་རབ་ཏུ་མནམ། ལག་པས་མནན་ན་རབ་ཏུ་འབྱིལ་ཞིང་འདྲེད། ཕན་གནོད་ཀྱི་ཡོན་ཏན་ནི་ཨེ་རཎྜ་དཀར་པོ་བཤད་པ་དང་འདྲའོ། །ཡུངས་ཀར་གྱི་མར་ནི་རོ་ཚ་ལ་དྲོད་ཆེ་རྣོ། །ཡུངས་མར་འབའ་ཞིག་རྟག་ཏུ་འཐུངས་ན་བད་ཀན་དང་རླུང་སེལ། །བུ་ཆུ་འབྲི་བར་འགྱུར། ཁོང་ཡད།
[358a.5]མཁྲིས་པ་དང་ཁྲག་སྐྱེ་བར་འགྱུར་ཏེ་མི་དགེའོ། །ཕན་པ་ནི་རླུང་དང་བད་ཀན་ལས་གྱུར་པའི་འབྲུམ་བུ་དང་། མཛེ་དང་གཞང་འབྲུམ་གྱི་ནད་དང་། རྨ་བྱུང་བ་དང་ལྟོ་ན་སྲིན་བུ་ཡོད་པ་དང་། འདི་རྣམས་སེལ་ཏེ་ཕན་ནོ། །བ་རུ་རའི་མར་ནི་རོ་མངར་ལ་བསིལ། གླད་པར་བསྐུ་
[358a.6]ཞིང་སྣ་ནས་བཏང་ན་སྐྲ་སྐྱེ། འཇུ་དཀའ་སྟེ་ལྕི། མཁྲིས་པ་དང་བད་ཀན་སེལ་ཏོ། །ནིམ་པའི་མར་ནི་རོ་ཁ་སྟེ་རབ་ཏུ་ཚ་ཞིང་དྲོ་བ་ཙམ་ནི་མ་ཡིན། ལྟོའི་སྲིན་བུ་དང་མཁྲིས་པ་དང་བད་ཀན་གྱི་ནད་སེལ་ཏོ། །ཟར་མའི་མར་དང་ལེ་བརྒན་རྩིའི་མར་ནི་དྲོད་ཆེ། ཤ་མཐང་གི་པགས་
[358a.7]པ་ལ་གནོད། ཤ་བཀྲ་ཐོར་བུ་ཤུ་བ་མཛེ་འདྲ་བའི་ནད་དུ་འགྱུར། སྨན་དང་སྦྱར་ན་ནི་དེ་ལྟ་བུའི་ཉེན་དུ་ཡང་མི་འགྱུར། བད་ཀན་དང་མཁྲིས་པ་སྐྱེའོ། །ཚིལ་དང་རྐང་ནི་རླུང་ནད་སེལ་ཏོ། །ཉམས་བརྟ།སྟོབས་སྐྱེ། བད་ཀན་སྐྱེའོ། །ལུག་དང་རའི་ཚིལ་ལྟ་བུ་ནི་དྲོད་ཆེ་བས་
[358b]
[358b.1]མཁྲིས་པ་སྐྱེའོ། །བྱ་ན་ཤ་སོ་སོའི་བྱེ་བྲག་གི་ཕན་གནོད་ཅི་འདྲ་བ་དེ་འདྲ་བའི་ཚིལ་ཡང་དེ་དང་འདྲའོ། །བྱ་ན་ཤ་སོ་སོའི་བྱེ་བྲག་ནི་ཡུལ་སྐམ་ས་དང་སེར་ཆེས་ནས་བྱུང་བ་རྣམ་པ་གཉིས་ཏེ། སྤྱིའི་ཡུལ་སྐམ་ས་དང་སེར་ཆེ་ས་ནས་བྱུང་བའི་ཕན་གནོད་བསྟན་པ་བཞིན་དུ་
[358b.2]ཤེས་པར་བྱའོ། །ཏིལ་མར་དང་ཨེ་རཎྜའི་མར་དང་། ཡུངས་མར་དང་། བ་རུ་རའི་མར་དང་ཟར་མའི་མར་དང་། ལེ་བརྒན་རྩིའི་མར་གྱི་ཕན་གནོད་བཤད་པའི་ལེའུ་རྫོགས་སོ།། །།ཆང་སྣ་ཚོགས་ཀྱི་ཕན་གནོད་ཀྱི་བྱེ་བྲག་བཤད་པ་ཆང་ངོ་ཅོག་ནི་ཤ་འཕར། ཡི་ག་
[358b.3]འབྱེ། །དྲོད་ཆེ། རྣོ། དགའ་བར་བྱེད། ཁོང་བརྟ། ཆང་གི་སྤྱིའི་རོ་ནི་མངར་ལ་ཁ། བསྐ། རྣོ། འཐུངས་ན་ཞུ་བའི་རྗེས་ནི་སྐྱུར་ལ་ཅུང་ཟད་ཁོང་འཁྲུ། མགུལ་པ་སྙན་པར་འགྱུར། རན་པར་འཐུངས་ན་ཅི་ལ་ཡང་ཕན་ཏེ་ནད་མེད། འཐུངས་པའི་མོད་ལ་སྤོབས་པ་ཆེ། །བཞིན་
[358b.4]མདོག་འགྱུར། ཁོང་ཡང་། གཉིད་མེད་པ་ནི་གཉིད་འོང་། །གཉིད་ཧ་ཅང་ཆེ་བ་ནི་རན་པར་འཐུངས་ན་གཉིད་ཆུང་བར་འགྱུར། ཆང་གི་ཉན་ནི་མཁྲིས་པ་དང་ཁྲག་སྐྱེ་བའི་ནད་དུ་འགྱུར་ཏེ་གནོད། ཚོད་ཟིན་ཅིང་རན་པར་འཐུངས་ན་ཤ་སྐྱེ་བ་དང་ཤ་ཆེ་ཞིང་སྦོམ་པ་གཉིས་ལ་ཕན།
[358b.5]ཆང་འཐུངས་ན་བཅུད་རྣོ་ཞིང་མགྱོགས་ཏེ་ལུས་ཀུན་ཏུ་ཁྱབ། ཅུང་ཟད་རྩུབ། ལུས་ཀྱི་སྒོ་དགུ་ཆར་གྱི་རྒྱུན་སྲིང་གི་ནད་དང་དྲི་མ་སུན་ཏུ་སྦྱོང་ཞིང་སེལ་ཏ། དྲི་མ་ཀུན་ལེགས་པར་འབྱུང་བར་འགྱུར། རན་པར་འཐུངས་ན་རླུང་དང་བད་ཀན་ཀུན་སེལ་ཏེ་ཕན་ནོ། །ཆང་ལ་ཚོད་མི་ཟིན་པ་
[358b.6]ནི་དུག་དང་འདྲ་སྟེ་གནོད་དོ། །ཆང་མ་བགྲུངས་པ་སར་པ་ནི་ལྕི། འཇུ་དཀའ་ནད་དུ་འགྱུར་ཏེ་མི་དགེའོ། །ཆང་བགྲུངས་པ་རྙིང་པ་ནི་འཇུ་སླ། དྲོད་ཆེ། ཁོང་ཡང་། ནད་ཀུན་ལ་ཕན་ནོ། །ཐུག་པ་འམ། ཚོད་མའམ། ཁུ་བ་འཐུངས་པའི་རྗེས་ལ་ཆད་ནན་ཆེར་འཐུངས་
[358b.7]ན་མི་དགེ་སྟེ། ཅུང་ཟད་བསྡད་ལ་ཕྱིས་བཏུང་ངོ་། །བཀྲུ་སྨན་བཏང་བ་དང་། ལྟོ་སྟོང་བཀྲེས་པ་ཉིད་ལ་ཆང་འཐུངས་ན་མི་དགེ་སྟེ་མི་བཏུང་ངོ་། །ཆང་ཧ་ཅང་ཡང་ཞིམ་ཆེས་པ་རྣོན་པོ་དང་ཆང་ནར་མ་སོན་པ་གཞོན་ནུ་དང་། ཆང་སྣ་སོ་སོ་ཐ་དད་པའི་ཆོ་ག་བཞིན་དུ་ལེགས་པར་མ་
[359a]
[359a.1]བྱས་པ་དང་། ཆང་སྙིགས་མ་ཅན་ཏེ་དེ་ལྟ་བུ་ནི་མི་དགེ་སྟེ་མ་འཐུངས་ཤིག །འབྲས་ཆང་ལོ་ཕྱེད་བགྲུངས་པ་དང་། གྲོ་ཆང་བགྲུངས་པ་ནི་སྒན་དང་དམུ་རྫིང་ལ་སོགས་པའི་ནད་དང་། གཞང་འབྲུམ་དང་། ཕོ་བའི་ནད་དང་། ཤ་སྐེམ་པོར་གྱུར་པ་
[359a.2]དང་། སྙིང་ན་བ་འདི་རྣམས་ལ་ཕན། རླུང་ནད་སེལ་ཏེ་ཁོང་འཇམ། ཅུང་ཟད་ལྕི། ཚིལ་དང་ཁྲག་སྐྱེ། བུད་མེད་ཀྱི་ནུ་ཞོ་སྐྱ། གཅིན་ལེགས་པར་འོང་། བད་ཀན་དུ་འགྱུར་བ་ཡིན་ནོ། །ཤིང་ན་ལི་ཀ་རིའི་འབྲས་བུའི་ཁུ་བ་ལས་ཆང་དུ་བྱས་པ་ནི་གློ་སྙིང་ལ་ཕན་ཡང་། གློ་སྙིང་
[359a.3]ན་བ་དང་། ལུད་པ་ལུང་དང་། སྐྱུག་བྲོ་བ་དང་། དབུགས་མི་བདེ་བ་དང་། བཤང་གཅི་འགགས་ཏེ་འོང་དུ་མི་རུང་བ་དང་། ལྟོ་སྦོས་པ་དང་། ཆམ་པས་བཏབ་པའི་ནད་འདི་རྣམས་སེལ་ཏོ། །བ་རུ་རའི་འབྲས་བུའི་ཁུ་བ་ལས་ཆང་དུ་བྱས་པ་ནི་ཡང་སྟེ། ཧ་ཅང་ར་རོ་བར་མི་
[359a.4]འགྱུར། རྨ་བྱུང་བ་དང་། མཁྲིས་པ་རྒྱས་པ་ལས་ནད་དུ་འགྱུར་བ་དང་། མཛེ་དང་འདི་རྣམས་ལ་འཕྲལ་དུ་མི་གནོད་དེ་ཕན་ནོ། །སྨན་སོ་སོ་ལས་ཆང་དུ་བྱས་བ་ནི་ནད་ཀུན་ལ་ཕན་གནོད་མེད་ཅེས་བྱ་སྟེ། ཆང་ཀུན་གྱི་ནང་ན་དགེའོ། །སོ་སོའི་ཡོན་ཏན་སྨན་སྣ་གང་དང་གང་
[359a.5]ལས་ཆང་དུ་བྱས་པ་ཕན་པའི་སྟོབས་ཀྱང་སོ་སོར་བལྟའོ། །སྨན་སྣ་སོ་སོ་ལས་ཆང་དུ་བྱས་པ་གནོད་པ་མེད་ཅེས་བྱ་བ་སྤྱིའི་ཡོན་ཏན་ནི་ཕོ་བའི་ནད་དང་། སྐྱ་རྦབ་ཀྱི་ནད་དང་། མཛེ་དང་། གཞང་འབྲུམ་གྱི་ནད་དང་། ལུས་སྐེམ་པོར་གྱུར་པ་དང་། ལུས་སྐྲངས་པ་དང་། དམུ་རྫིང་
[359a.6]ལྟ་བུ་གསུས་པ་ཆེར་སྐྱེས་པ་དང་། རིམས་དང་། སྐྲན་དང་། ཁོང་ན་སྲིན་བུ་ཡོད་པ་དང་། མཆེར་བ་ན་བ་དང་། འདི་རྣམས་ཀུན་ལ་ཕན་ཏེ། སྨན་ཆང་གནོད་མེད་ཅེས་བྱ་བ་ནི་རོ་བསྐ་ལ་ཅུང་ཟད་རོ་ཚ་སྟེ། ཤས་ཀྱིས་རླུང་སྐྱེའོ། །རྒུན་ཆང་རན་པར་འཐུངས་ན་ནད་ཀུན་སྦྱོང་།
[359a.7]གློ་སྙིང་ལ་ཕན་ཏེ་རབ་ཏུ་དྲོད་ཆེ་བ་ཡང་མ་ཡིན། རོ་མངར། ཅུང་ཟད་འཁྲུ། མཁྲིས་པ་ཅུང་ཟད་སྐྱེ། རླུང་ནད་དང་། ཆུ་སྲི་བ་དང་། གཞང་འབྲུམ་གྱི་ནད་དང་། སྐྱ་རྦབ་ཀྱི་ནད་དང་། ལྟོ་ན་སྲིན་བུ་ཞུགས་པའི་ནད་སེལ་ཏོ། །བུ་རམ་གྱི་ཆང་ནི་བཤང་གཅི་འགགས་པ་འབྱུང་
[359b]
[359b.1]བར་འགྱུར། བུ་རམ་ཤིང་གི་ཆང་ནི་ལུས་ཀྱི་ཁོང་དུ་སྣུམ་པ་དང་། བད་ཀན་གྱི་ནད་ཀུན་སེལ་བར་བྱེད། དྲོ་འཇམ་དང་བུ་རམ་ཆང་ཕྱེད་དུ་བར་གདུས་པ་ལྟ་བུ་ནི་ཤ་དང་ཚིལ་ཆེ་བར་སྐྱེ་བ་དང་། འོར་ནད་སྐྲང་པའི་བག་དང་། དམུ་རྫིང་ལྟ་བུ་ལྟོ་བ་ཆེར་སྐྱེས་པའི་ནད་དང་། །གཞང་
[359b.2]འབྲུམ་གྱི་ནད་ཀུན་ལ་མཆོག་ཏུ་ཕན་ནོ། །སྦྲང་ཆང་ནི་རྣོ་སྟེ་ཚིལ་དང་བད་ཀན་ཆེར་སྐྱེས་པ་ཤ་ཆེ་ཞིང་སྦོམ་པར་གྱུར་པ་འདི་རྣམས་སེལ་ཞིང་གྲིམས་པར་བྱེད། ཆུ་སྲི་བ་དང་ཆམ་པ་དང་ལུད་པ་རྣམས་སེལ་ཏེ་ཕན། ཚ་ནི་ཁྲག་དང་མཁྲིས་པའི་ནད་དང་བད་ཀན་སེལ་ཞིང་གྲིམས་
[359b.3]པར་བྱེད། ཁ་ཟས་ཞུ་བར་བྱེད། རླུང་ལས་གྱུར་ཏེ་བཤང་བ་འགགས་ཏེ་འོང་དུ་མི་བཏུབ་པ་ལན་ཚྭ་འཐུངས་ན་བཤང་བ་ལེགས་པར་འོང་། ཚ་ནི་སྐྱུར་ཏེ་རབ་ཏུ་ཚ་ལ་རྣོ། །རྩུབ། ཡིད་དུ་འོང་། ཡི་ག་འབྱེ། ཅུང་ཟད་ཙམ་འཁྲུ་བར་འགྱུར། འཐུངས་ན་དྲོད་འབར། ལུས་སམ།
[359b.4]རྐང་ལག་ཚ་བ་ལ་ཚ་བསྐུས་སམ། བྱུགས་ན་བསིལ་པར་འགྱུར། བད་ཀན་ལས་གྱུར་པའི་ནད་སྐྱ་རྦབ་དང་། མིག་ལ་གནོད། ལྟོ་ན་སྲིན་བུ་ཡོད་པ་ནི་སེལ་ཏོ། །བུ་རམ་ཆང་གིས་ནི་བུ་རམ་གྱི་ཤིང་ལས་ཆང་དུ་བྱས་པ་ཡང་ངོ་། །དེ་བས་ནི་རྒུན་ཆང་ཡང་ངོ་། །རྒུན་ཆང་བས་
[359b.5]ཚྭ་ཡང་ངོ་། །སྨན་གྱི་རྩ་བ་ལས་ཆང་དུ་བྱས་པ་དང་། སྡོང་བུ་ལས་ཆང་དུ་བྱས་པ་དང་། འབྲས་བུ་ལས་ཆང་དུ་བྱས་པ་ཡང་། རྩ་བ་དང་སྡོང་བུ་དང་འབྲས་བུའི་ཕན་གནོད་ནི་ཡོན་ཏན་ཅི་འདྲ་བ་དེ་བཞིན་དུ་ཆང་ཡང་དེ་དང་འདྲ་བར་ཤེས་པར་བྱའོ། །ལ་ཕུག་དང་ཡུངས་མ་
[359b.6]གཏུབས་ཏེ་བཤུར་བ་སྲན་ཕྱེ་དང་བསྲེས་ཏེ་ཐུག་པར་བྱས་ཏེ་སྒ་དང་པི་པི་ལིང་དང་ལེ་ཤམ་དང་། ལན་ཚྭ་དང་གོ་སྙོད་དང་། སྐེ་ཚེ་དང་སྦྱར་ཏེ་དྲོ་འཇམ་ཙམ་དུ་མནན་པ་ནི་སྐྱུར་པོར་མནན་པ་འདི་གཉིས་ཀྱང་ཡི་ག་འབྱེ། འཇུ་སླ་སྟེ་ཡང་ངོ་། །འབྲས་རྩ་བས་ནི་ཁོང་འཁྲུ། དྲོད་
[359b.7]ཆེ་སྟེ་ཚ་ལ་རྣོ། མཁྲིས་པར་འགྱུར། ལུས་སམ་རྐང་ལག་ཚན་རྩབས་ཀྱིས་བཀྲུས་ན་བསིལ་བར་འགྱུར། ངལ་བ་ངང་རྨ་བ་ལ་འཐུངས་ན་ཕན། ཡི་ག་འབྱེ། དྲོད་ཆེ། ཆུ་སོར་ན་ཞིང་ཆུ་སྲི་པ་ལ་ཕན། རྩབས་ལ་སྨན་སྦྱར་ཏེ་མས་གཏོང་བ་ལ་དགེའོ། །རླུང་དང་བད་ཀན་གྱི་
[360a]
[360a.1]ནད་ལ་ཕན་ནོ། །ནད་ཀྱི་དམིགས་དང་སྦྱར་ཏེ་གཅིན་བཏུང་བ་ནི། བ་གཅིན་དང་ར་གཅིན་དང་། ལུག་དང་། མ་ཧེ་མོ་དང་། བན་གླང་མོ་དང་། རྟ་དང་རྔ་མོ་དང་བོང་བུ་དང་འདི་རྣམས་ཀྱི་གཅིན་ཡང་སོ་སོའི་སྨན་དུ་བཟའ། དཔེར་ན་བ་གཅིན་བླང་བ་ལྟ་བུ་ཡང་
[360a.2]རྒན་གཞོན་མ་ཁྱེར་བ་དར་ལ་བབ་ཅིང་མི་དགེ་བ་ནད་མེད་པ་འདི་ལྟ་བུ་གཤེར་ས་དང་རྩྭ་ངན་པ་སྣ་ཚོགས་བར་བུར་ལ་ཟར་མི་གཞུག་པར་སྐམ་སའི་རྩྭ་ཡངས་གཤིན་པ་ལ་བསྐྱངས་ལ་ཆུ་ཡང་གང་དུ་བཤད་པ་ལྟ་བུ་ལ་བླུད་དེ། གཅིན་དགོས་བཟེད་དམ། ཞོ་བཞོན་ཡང་སྔར་ཟས་
[360a.3]ཐག་བསྲིངས་ཏེ་བཞོ་འམ། ཡང་ན་ཕན་ཚུན་དུ་བརྡབ་སྟེ་བསྐྱོད་ལ་བཞོས་སམ་གཅིན་བཟེད་པ་ནི་ཡང་བ་ཡིན་ཏེ་དགེའོ། །བ་དང་འདྲ་བར་གཞན་ཀུན་ལ་ཡང་དེ་དང་འདྲ་བར་བྱའོ། །འདི་རྣམས་ཀྱི་གཅིན་གྱི་ཡོན་ཏན་འདྲ་སྟེ་མཁྲིས་པ་སྟེ། རྩུབ། རྣོ་དྲོད་ཆེ། འཐུངས་པའི་རྗེས་
[360a.4]ལན་ཚྭ་བྲོ་རོ་ཚ་སྲིན་བུ་དང་འོར་ནད་དུ་སྐྲང་བག་དང་། གསུས་པ་ཆེར་སྐྱེས་པ། དམུ་རྫིང་ལྟ་བུ་དང་། ལྟོ་སྦོས་པ་དང་བད་ཀན་ལས་ནད་དུ་གྱུར་པ་དང་། སྐྱ་རྦབ་ཀྱི་ནད་དང་། བད་ཀན་དང་རླུང་ནད་དང་། སྐྲན་ནད་དང་ཡི་ག་འཆུས་པ་དང་། དུག་གིས་ཕོག་པ་དང་། ཤ་བཀྲ་དང་མཛེ་
[360a.5]དང་གཞང་འབྲུམ་དང་། ནད་འདི་རྣམས་མྱུར་དུ་སེལ་ཏེ་ཕན་ནོ། །ཆང་སྣ་ཚོགས་དང་རྩིབས་དང་གཅིན་སྣ་ཚོགས་ཀྱི་ཕན་གནོད་བཤད་པའི་ལེའུ་ལྔ་པ་རྫོགས་སོ།། །།དེ་ནས་ཁ་ཟས་ཀྱི་ཚུལ་བརྟག་ཅིང་ཤེས་པར་བྱ་བའི་ལེའུ་བཤད་པར་བྱའོ། །འབྲས་རཀྟ་ཤཱ་ལི་
[360a.6]ཞེས་བྱ་བ་ཕྱི་ཤུན་དམར། འབྲས་ཀྱི་ཁོང་དཀར་མདོག་ཅུང་ཟད་ཙམ་རྩ་སྣར་བ་ཞིག་ཡོད་པའི་མིང་ནི་སཱ་ལུ་རྩ་སྣར་ཞེས་བྱ་བ་དང་། མ་ཧཱ་ཤཱ་ལི་ཞེས་བྱ་བ་འབྲས་དཀར་ལ་ཆེ་ཞིང་རིང་བ་ཞིག་ཡོད་དོ། །མིང་ནི་སཱ་ལུ་ཆེན་པོ་ཞེས་བྱ་བ་དང་། འབྲས་ཀ་ལ་མཆོག་ཅེས་བྱ་བ་དྲི་
[360a.7]རབ་ཏུ་ཞིམ་ལ་ཁོང་དཀར། དེའི་མིང་ནི་འབྲས་མཆོག་ཅེས་བྱ་བ་དང་། འབྲས་ཏུརྣ་ཀ་ཞེས་བྱ་བ་ས་བོན་བཏབ་ནས་ཞག་དྲུག་ཅུས་སྨིན་ཏེ། བཟར་རུང་བ། ཏུརྣ་ཀ་ཞེས་ཀྱང་བྱ་སྟེ། འབྲས་ཀྱི་ལྗང་འདབ་ཕུ་དུང་འདུངས་པའི་ནང་ནས་སྨིན་པ་རབ་ཏུ་བཟང་སྟེ། མཆུ་ཐུང་ལ་ཟླུམ་
[360b]
[360b.1]རྩ་བ་རབ་ཏུ་དཀར་བ་ཡིན། རོ་ཞིམ་པ་ཉིད་ཀྱང་ཡིན་ཏེ། དེའི་མིང་ནི་ཞག་དྲུག་ཅུས་སྨིན་པ་འམ། མྱུར་དུ་སྨིན་པའི་འབྲས་ཞེས་བྱའོ། །འབྲས་ཀྱིས་བོན་བྱས་ཁྱེར་ཏེ་འོངས་པ་ཞེས་བྱ་བ་རིད་པ་ཡང་མ་ཡིན། ཟླུམ་པ་ཡང་མ་ཡིན། ཡིད་འཛུམ་འཇོང་ལྟར་འདུག་པའི་མིང་ནི་
[360b.2]བྱས་བླངས་པ་ཞེས་བྱ་བ་དང་། འབྲས་ཤ་ར་མུ་ཁ་ཞེས་བྱ་བ་འབྲས་ཀྱི་དབྱིབས་འགྲོན་བུ་འདྲ་ལ་དཀར་བ་ཞིག་ཡོད་པ་དང་། འབྲས་རྡིར་ཀ་ཤུ་ཀ་ཞེས་བྱ་བ་མཆུ་རིང་ལ་ཐོར་ཏོ་རྣོན་པོར་འདུག་པ་དང་། འབྲས་རོ་དྷ་ཀ་ཞེས་བྱ་བ་སྨན་རོ་དྷའི་འབྲས་བུ་འདྲ་ལ་རྩེ་མོ་རྣོན་པོར་འདུག་པ་
[360b.3]དང་། འབྲས་བུ་གནྡྷ་ཀ་ཞེས་བྱ་བ་དྲི་རབ་ཏུ་ཞིམ། མཐུག་ཆེ་ལ་ལེབ། མཆུ་ཐུང་ལ་དཀར་བ་ཞིག་ཡོད་པ་དང་། འབྲས་པ་ཏམ་ག་ཞེས་བྱ་བ་རྩ་སེར་བ་ཞིག་ཡོད་པ་དང་། འབྲས་འདི་རྣམས་དང་། གཞན་ཡང་རུང་སྟེ། འབྲས་ནི་རོ་མངར། ཟོས་ནས་ཞུ་བའི་རྗེས་ནི་མངར་ཞིང་
[360b.4]སྣུམ། རླུང་ནད་སེལ། བཅུད་དུ་འགྱུར། རོ་ཙ་སྟེ་བུད་མེད་ལ་ཕོད། མཐུར་དུ་བཤང་བ་འོང་བ་ནི་ཆུང་ཞིང་སླ་མོ་མ་ཡིན་ཏེ། ཟླུམ་པོར་འབྱུང་ངོ་། །འབྲས་ཆན་ཟོས་ཏེ་མིད་པ་དང་ཁ་ན་རོ་བྲོ་བའི་རྗེས་བསྐ་བ་ཡིན། བསོད་དེ་ཕན། འཇུ་སླ་སྟེ་ཡང་ཁོང་བསིལ། གཅིན་མང་། དེ་ལ་
[360b.5]འབྲས་ཀུན་གྱི་ནང་ན་མཆོག་ཏུ་རཀྟ་ཤཱ་ལི་ཞེས་བྱ་བ་ནང་དཀར། ཕྱི་རོལ་མདོག་ཅུང་ཟད་ཙམ་སྣང་བ་དེ་ནི་མཆོག་ཏུ་བཟང་སྟེ་འབྲས་དེ་ཟས་སུ་ཟོས་ན་སྐོམ་དང་ཆུང་། བད་ཀན་གྱི་ནད་དང་མཁྲིས་པའི་ནད་དང་ཉེས་པ་གསུམ་ལ་སོགས་པ་ནད་ཀུན་སེལ་ཏོ། །འབྲས་མ་ཧཱ་ཤཱ་ལི་ཞེས་བྱ་བ་ནི་
[360b.6]དེའི་འོག་ཏུ་བཟང་ངོ་། །མ་ཧཱ་ཤཱ་ལིའི་འོག་ཏུ་འབྲས་ཀ་ལ་མཆོག་ཅེས་བྱ་བ་བཟང་སྟེ་ཕན་པ་ཡིན་ནོ། །འདི་གསུམ་མ་ཡིན་པ་གཞན་འབྲས་ཡང་བ་ཀ་ཞེས་བྱ་བ་དང་། འབྲས་ཧ་ན་དང་། འབྲས་པང་སུ་པ་པི་ཞེས་བྱ་བ་སེར་མེད་ཅིང་སྐམ་སར་བསྐྱེད་བསྐྱེད་པ་དང་། འབྲས་ནི་
[360b.7]ཤ་ད་ཀ་ཞེས་བྱ་བ་ལ་སོགས་པ་འདི་རྣམས་ནི་རོ་མངར། ཟོས་ན་འཕྲལ་དུ་དྲོད་ཆེ། ལྕི་སྣུམ་དང་ཞུ་བའི་རྗེས་ནི་སྒྱུར་བར་འགྱུར་ཏེ། བད་ཀན་དང་མཁྲིས་པ་སྐྱེ། ཐུར་དུ་བཤང་གཅི་འོང་བ་ཡིན། སླ་ཞིང་མང་དུ་འོང་། འབྲས་འདི་རྣམས་ལ་བཟང་ངན་གྱི་རིམ་པ་ནི། འབྲས་
[361a]
[361a.1]ལིདྷ་ཀ་དང་། སྐམ་སར་སྐྱེས་པ་པང་སུ་པ་པི་ཞེས་བྱ་བ་སྨད་དོ། །པང་སུ་པ་པི་བས་འབྲས་ཧ་ན་ཡག་གནོད་དེ་སྨད་དོ། །འབྲས་ཧ་ན་ཡག་བས་འབྲས་ཡ་བ་ཀ་ཡང་། ཡ་བ་ཀ་ནང་ན་གནོད་དེ་སྨད་པ་ཡིན་ནོ། །འབྲས་ཤ་ཏི་ཀ་ཞེས་བྱ་བ་ས་བོན་བཏབ་
[361a.2]ནས་ཞག་དྲུག་ཅུས་སྨིན་ཏེ་བཟར་རུང་བ་སྐྱེས་ནས་སྨིན་པའི་ཐབས་ནི་འབྲས་ཀྱི་ལྗང་འདབ་ཕུ་དུང་འདུངས་པའི་ནང་ཉིད་དུ་སྨིན་པའི་འབྲས་དེ་ནི་མཆུ་ཐུང་ལ་ཟླུམ། རྩ་བ་འདོད་པ་ནི་དཀར་རོ། །རོ་ཞིམ་པ་ཉིད་ཀྱང་ཡིན་ཏེ། དེའི་མིང་ནི་ཞག་དྲུག་ཅུས་སྨིན་པ་འམ། །
[361a.3]མྱུར་དུ་སྨིན་པའི་འབྲས་ཞེས་བྱ་སྟེ། དེའི་ཡོན་ཏན་ནི་མངར་ལ་སྣུམ། ཡང་སྟེ་འཇུ་སླ། ལུས་ཀྱི་ཁོང་གྲིམས་ཤིང་བརྟན་པོར་འགྱུར། བསིལ་རླུང་དང་བད་ཀན་མཁྲིས་པའི་ནད་ཀུན་སེལ། ཐུར་དུ་བཤང་གཅི་འབྱུང་བ་ནི་སླ་སྟེ། ཅུང་ཟད་རྟུག་སྐམ་ལྟར་
[361a.4]འཁྲེན་པས་འདོགས། འབྲས་ཀྱི་འབྲུར་གཏོགས་པའི་ནང་ན་འབྲས་ཤི་ཏི་ཀ་ཞག་དྲུག་ཅུས་སྨིན་པ་འདི་བཟང་ངོ་། །འབྲུར་གཏོགས་པའི་འབྲས་ཀྱི་ནང་ན་འབྲས་གེའུ་ར་ཞེས་བྱ་བ་རྩ་སེར་བ་ཞིག་ཡོད་པ་དེ་བཟང་ངོ་། །དེའི་འོག་ཏུ་འབྲས་སི་ཏི་གེའུ་ར་ཞེས་བྱ་བ་རྩ་མི་དཀར་པ་སེར་བ་ཞིག་ཡོད་
[361a.5]དེ་མི་རུང་ངོ་། །འདི་གཉིས་ཀྱི་འོག་ཏུ་ནི་མ་ཧཱ་བྲི་ཏི་ཞས་བྱ་བ་འབྲས་ཀྱི་འབྲུ་ཐུག་པོ་ཆེར་འདུག་པ་འདི་བཟང་ངོ་། །དེའི་འོག་ཏུ་ནི་འབྲས་ཀྱི་ཧ་ན་བྲི་ཧ་ཞེས་བྱ་བ་ཕྱི་ཤུན་ནག་པོར་འདུག་པ་འདི་བཟང་ངོ་། །དེའི་འོག་ཏུ་ནི་ཛ་ཏུ་མུ་ཁ་ཞེས་བྱ་བ་སྟེ་འབྲས་ཀྱི་ཐོར་ཏོ་རྒྱ་སྐྱེགས་ཚིགས་མ་འདྲ་བ་འདི་
[361a.6]རུང་ངོ་། །དེའི་འོག་ཏུ་ནི་དེའི་འབྲས་ཀུ་ཀུཊ་ཨནྡ་ཞེས་བྱ་བ་ཁྱིམ་བྱའི་སྒོ་ང་འདྲ་བ་ཞིག་ཡོད་པ་དང་། འབྲས་ལ་བ་ཤ་ཞེས་བྱ་བ་འུར་བའི་མིག་འདྲ་བ་ཞིག་ཡོད་པ་དང་། འབྲས་པ་ར་ཏ་ཀ་བྱ་བ་ནི་དང་པོ་བྱ་ཕུག་རོན་གྱིས་ས་བོན་ཁྱེར་ཏེ་འོངས་པས་ནི་ཕུག་རོན་འབྲས་ཞེས་བྱ་བ་དང་། འབྲས་
[361a.7]བུ་ཀ་ར་དང་། འབྲས་ག་ར་ཀ་དང་། འབྲས་ཨུཏྤལ་ཀ་དང་། འབྲས་ཨུད་ཛྭ་ལ་དང་། འབྲས་ཙན་ནེེ་དང་། འབྲས་ཤ་ར་དང་ཞེས་བྱ་བ་དཔྱིད་བཏབ་ན་སྟོན་སྨིན་པ་དང་། འབྲས་ད་རུ་དང་། འབྲས་གནྡྷ་དང་། འབྲས་ཀུ་རུ་བྱེད་དང་། འདི་རྣམས་ནི་འབྲས་དང་འབྲུ་སྣ་ཚོགས་ཀྱི་
[361b]
[361b.1]སྣ་གྲངས་ཡིན་ཏེ་འདི་དག་གི་ཡོན་ཏན་ནི་མིང་རིམ་དུ་སྣོས་པའི་རིམ་པ་བཞིན་དུ་གོང་མ་བས་འོག་མ་ཤས་ཀྱིས་ཡོན་ཏན་ཆུང་བར་བལྟ་སྟེ། རོ་ནི་མངར། ཞུ་བའི་རྗེས་ནི་སྐྱུར་རོ། །འབྲས་མིང་གིས་སྨོས་པ་འདི་དག་ལས་མ་གཏོགས་པར་འབྲུ་གཞན་ནི་འཇུ་དཀའ། ལྕི། མཁྲིས་པ་
[361b.2]སྐྱེའོ། །འབྲས་པ་ཏ་ལ་ནི་བཤང་གཅི་གཉི་ག་མང་ཞིང་ཆ་བར་འགྱུར། ཚལ་རླུང་དང་བད་ཀན་དང་མཁྲིས་པ་གསུམ་སྐྱེའོ། །འབྲུའི་རྣམ་གྲངས་ལ་དྲང་ཀུན་ཞེས་བྱ་བ་དང་། ཀོ་དྲ་བ་དང་། ན་ར་བ་དང་། ཁྲ་རྒོད་ལ་སོགས་པ་ནི་བསིལ། འཇུ་སླ། ཡང་ངོ་། །དེ་ལ་ཁྲི་རྒོད་ལ་སོགས་
[361b.3]པ་སྤྱིར་ནི་རླུང་སྐྱེ། ཁོང་རྩུབ་སྟེ་ཚིལ་འབྲི་བར་བྱེད། བད་ཀན་དང་མཁྲིས་པ་སེལ། ལུས་ཀྱི་ཆག་གྲུགས་བྱུང་བ་སླར་འབྱོར་བར་བྱེད་དོ། །དེ་ལ་སོ་སོའི་བྱེ་བྲག་བཤད་ན། ཁྲེ་ནི་ཤ་འཚག་བརྟ་ལ་འཇུ་དཀའ་ལ་ལྕིའོ། །འབྲུ་ཀོར་དུ་ཤ་ཞེས་བྱ་བ་ནི་མཆོག་ཏུ་འཁྲུ་བ་གཅོད། རེག་
[361b.4]ན་བསིལ། དུག་སེལ་ཏོ། །ནས་ནི་སྤྱི་རྩུབ་བསིལ། འཇུ་དཀའ་སྟེ་ལྕི། །རོ་མངར། ཅུང་ཟད་ཁོང་འཁྲུ། བཤང་བ་ཆེར་འོང་། རླུང་སྐྱེ། ཤ་འཚག་བཟང་། བུད་མེད་ལ་ཕོད། ཤ་རུས་མཁྲེགས་ལ་བརྟན། མཁྲིས་པ་དང་བད་ཀན་སེལ། ཚིལ་འབྲི། ཆུ་སྲི་བའི་ནད་ལ་ཕན།
[361b.5]ཆོམ་པས་བཏབ་པ་དང་། དབུགས་མི་བདེ་བ་དང་། ད་རྒན་གྱིས་བཏབ་པ་དང་། ལྐོག་མ་ན་བ་དང་། པགས་པའི་མཐའ་ལ་མཛེ་དང་རྔོ་དང་སྐེམ་པོ་ལ་སོགས་པའི་ནད་འབྱུང་ངོ་ཅོག་ལ་ཕན་ནོ། །ནས་ཨ་བ་ཡ་བ་ཞེས་བྱ་བ་ནི་ནས་གོང་མ་བས་ཅུང་ཟད་ཙམ་གྱིས་མཆུ་ཐུང་ངོ་། །སྨྱིག་མ་
[361b.6]དང་འོད་མའི་འབྲས་བུ་ཡང་ནས་ཀྱི་གྲངས་སུ་བརྩིས་ཏེ། རྩུབ་ལ་དྲོད་ཆེ། ཚའོ། །གྲོ་ནི་རོ་མངར་ལ་སྣུམ་ལྕི་བསིལ་ཆེ་ལ་ཕན་ཏེ་འཚོ་བར་བྱེད། ཤ་འཚག་བཟང་། ཁོང་བརྟ། བུད་མེད་ལ་ཕོད། རླུང་དང་མཁྲིས་པའི་ནད་སེལ། རྨ་དང་ཆག་གྲུགས་འཚོ། ལུས་ཀྱི་ཤ་
[361b.7]མཁྲེགས་ཤིང་བརྟན། འཁྲུའོ། །འབྲུ་ནན་ཏི་མུ་ཁ་ནི་རོ་བསྐ་ཞིང་མངར། བསིལ་ལ་ཡང་ངོ་། །འབྲས་ལ་སོགས་པ་འབྲུ་སྣ་ཚོགས་གྲ་མ་ཅན་རྣམས་ཀྱི་ཕན་གནོད་བཤད་པའི་ལེའུ་རྫོགས་སོ།། །།སྲན་མ་སྣ་ཚོགས་ཀྱི་ཕན་གནོད་ཀྱི་བྱེ་བྲག་བཤད་པ། མོན་སྲན་
[362a]
[362a.1]སྡེའུ་མུངྒ་དང་། མོན་སྲན་ཨ་ན་དི་ཀ་དང་། སྲན་ཆུང་ལ་སོགས་པ་གང་བུ་ཅན་རྣམས་ཀྱི་འབྲུ་རྣམས་རོ་བསྐ་ཞིང་མངར་བ་ཡིན་ཏེ་བཤང་བ་སྲི་སྟེ་སྲ་བར་འོང་། འཁྲུ་བ་གཅོད། ཞུ་བའི་རྗེས་ནི་ཚ། སྨན་གྱི་སྟོབས་ནི་བསིལ་ཞིང་ཡང་། ཚིལ་དང་བད་ཀན་དང་
[362a.2]ཁྲག་དང་མཁྲིས་པའི་ནད་ལ་ཕན། ལུས་ལ་གཡན་པའམ། ཐོར་བུའམ། སྐྲངས་པ་འམ་ཚ་བ་ཡོད་པ་ལ་སྲན་མ་འདི་དག་གང་ཡང་རུང་སྟེ་ཞིབ་ཏུ་བཏགས་ལ་ལྡེ་གུར་བྱས་ཏེ་བྱུགས་ན་ཕན། ཞིབ་ཏུ་བཏགས་ཏེ་ཆུ་དང་སྦྱར་བ་ལས་རྐྱང་རྐྱང་པོའམ། རམ་རུམ་དུ་བརྡུངས་ཏེ་ཆུ་དང་
[362a.3]སྦྱར་བའི་ཁུ་བས་ལུས་གཏོར་ཞིང་བཏབ་ན་ཚིལ་ཆེ་བ་དང་། བད་ཀན་རྒྱས་པ་དང་། ཁྲག་རྒྱས་པའི་ནད་དང་། ཚ་བའི་ནད་མཁྲིས་པ་རྒྱས་པ་འདི་ལྟ་བུའི་ནད་ཀྱི་བག་ལ་ཕན་ནོ། །མོན་སྲན་སྡེའུ་ནི་སྲན་མའི་ནང་ན་ཅི་ལ་ཡང་ཕན་ཞིང་དགེ་སྟེ་བཅུད་དུ་འགྱུར། བཤང་གཅིའི་དྲི་མ་
[362a.4]གཉིས་ཆུང་ཞིང་ཉུང་ངོ་། །སྲན་མ་ནི་མཆོག་ཏུ་རླུང་སྐྱེ་བར་འགྱུར་རོ། །ར་ཟ་མ་ཤ་མོན་སྲན་དཀར་རུ་ནི་རླུང་སྐྱེ་ཁོང་རྩུབ། བཤང་བ་ཕལ་ཆེར་འོང་། འཇུ་དཀའ་ལྕིའོ། །ཀུ་ལངྠ་རྒྱ་སྲན་ནག་པོ་ནི་དྲོད་ཆེ། ཚ། ཞུ་བའི་རྗེས་སྐྱུར་པོར་འགྱུར། ཆུ་སོར་ཁུ་ཆུ་སྐམས་ཏེ་རྡེའུ་ཆགས་པ་
[362a.5]དང་། ཆམ་པ་ན་བ་དང་། དབུགས་མི་བདེ་བ་དང་། ལུད་པ་ལུ་པ་དང་། གཞང་འབྲུམ་གྱི་ནད་དང་། བད་ཀན་དང་། རླུང་ནད་འདི་རྣམས་སེལ་ཏེ་ཕན། མཁྲིས་པ་རྒྱས་པ་དང་། ཁྲག་ནད་མཆོག་ཏུ་སྐྱེ་བར་འགྱུར་རོ། །ཡང་མོན་སྲན་ནི་རླུང་དང་མཁྲིས་པ་དང་ཁྲག་ནད་རྒྱས་པར་
[362a.6]འགྱུར། བུད་མེད་ཀྱི་ནུ་ཞོ་སྐྱེ། གཅིན་མང་། འཇུ་དཀའ། ལྕི། ཁོང་འཁྲུ། ལུས་ཚ་བར་འགྱུར། མིག་ལ་གནོད། ཁུ་ཆུ་འབྲི། བད་ཀན་སེལ། སྐྲངས་པའི་འོར་གྱི་བག་སེལ། དུག་ལ་ཕན་ནོ། །སྲན་མ་ཤ་མོན་སྲན་གྲེའུ་ནི་སྣུམ། བད་ཀན་སྐྱེ། བཤང་གཅི་དྲི་མ་མང་།
[362a.7]མཁྲིས་པ་སྐྱེ། ཁོང་འཁྲུ། ལྕི། ཚ་བ་སྐྱེ། རླུང་སེལ། རོ་མངར། ཁུ་ཆུ་སྐྱེ་སྟེ་མང་ལ་རླུགས་པར་འགྱུར་རོ། །ཡང་ཀ་ཀན་དུལ་དང་། ཁ་སྲལ་ཕྲེའུ་འདི་གཉིས་ཀྱང་གང་བུ་ཆགས་པས་སྲན་མའི་གྲངས་སུ་བརྩི་སྟེ། སྲན་མ་འདི་གཉིས་ཀྱི་འབྲུའི་ཕན་གནོད་མོན་སྲན་
[362b]
[362b.1]གྲེའུ་དང་འདྲ་སྟེ་ནང་དུ་དྲོད་སྐྱེ། པགས་པའི་ཤ་མཐང་འཇམ་པོར་འགྱུར། སྲན་མ་འདི་བརྡུངས་པའི་ཆུའམ། ལྡེ་གུས་ལུས་བྱུགས་སམ། བཏབ་ན་བསིལ། སྐྲན་ལ་ཕན། སྟོབས་སྐྱེའོ། །ཏིལ་འབྲུ་ནི་ལྕི། གཅིན་ཉུང་། ཞུ་བའི་རྗེས་ཚ། ཡིད་གཞུངས། ཟས་
[362b.2]འཇུ་བའི་དྲོད་སྐྱེ། བད་ཀན་དང་། མཁྲིས་པ་སྐྱེ་བར་འགྱུར་རོ། །རོ་མངར་ཁ། དྲོད་ཆེ། བད་ཀན་དང་མཁྲིས་པ་སྐྱ། ལྕི། ཞུ་བའི་རྗེས་ཚ་བས་ན། མིག་ལ་གནོད། ཁུ་ཆུ་སྐམ་མོ། །ལེ་བརྒན་རྩིའི་ས་བོན་ཡང་ཟར་མའི་འབྲུ་དང་འདྲ་བར་ཤེས་པར་བྱའོ། །གང་བུ་
[362b.3]ཆགས་པའི་སྲན་མའི་ནང་ན། །མོན་སྲན་གྲེའུ་ནི་མི་དགེ་སྟེ་ངན་ནོ། །གྲ་མ་ཆགས་པ་ལས་བྱུང་བའི་འབྲུའི་ནང་ན་ཡ་བ་ཀ་ཞེས་བྱ་བ་ནས་ངན་པ་འདི་གནོད་དོ། །སྲན་མ་དང་ནས་ལ་སོགས་པའི་འབྲུག་སར་ཐོག་ཐམས་ཅད་ནི་ལྕི་སྟེ་བད་ཀན་སྐྱེའོ། །འབྲུ་རྙིང་ལོ་ལོན་པ་ནི་ཡང་
[362b.4]ངོ་། །དེ་བཞིན་དུ་མྱུར་དུ་སྨིན་ཅིང་ཟླ་བ་མང་པོ་མ་ཐོགས་པར་རྒྱལ་བ་ཡང་ངོ་། །མོན་སྲན་གྲེའུ་ལ་སོགས་པ་གང་ཡང་རུང་དྲུས་ཏེ་སྦུན་པ་དང་ཤུན་པ་མེད་པར་བྱས་པ་བརྔོས་པའི་ཚོད་མ་ནི་འཇུ་སླ་སྟེ་ཡང་ལ་ཕན་ནོ། །གང་བུར་ཆགས་པའི་སྲན་འབྲུ་སྣ་ཚོགས་ཀྱི་ཕན་གནོད་
[362b.5]བཤད་པའི་ལེའུ་རྫོགས་སོ།། །།ཟས་ཀྱི་ཆོ་ག་བསྟན་པ། ནད་པ་ཉམ་ཆུང་བ་ལ་གསོ་བ་དང་། ཟས་དང་ཟས་མི་འཇུ་བ་དང་། ལྟོ་ན་བ་དང་། རིམས་མ་བྱང་བ་དང་། ནད་འཇུ་བར་བྱ་བའི་ཐབས་དང་། བཀྲེས་པ་དང་། སྐོམ་པ་གཉིས་ལ་སོགས་པ་ལ་
[362b.6]ཕན་པའི་ཟས་ཀྱི་ཆོ་ག་འབྲས་ཐུག་སླ་མོ་རྐྱང་པ་དང་། འབྲས་ཐུག་ཅུང་ཟད་ཙམ་གར་བ་དང་འབྲས་ཐུག་གར་པོ་ཁོ་ནར་བྱ་བ་དང་། འབྲས་ཆན་སྦྱར་བ་ལ་སོགས་པའི་ཆོ་ག་བཤད་པ། འབྲས་བརྔོས་ཏེ་ཕྱེར་བཏགས་པ་ཆུ་བསྐོལ་བའི་ནང་དུ་གདུས་ཏེ་ཚ་བའམ། གྲང་བའི་
[362b.7]ནད་ཀྱི་དམིགས་དང་ཡང་སྦྱར་ལ། དྲོད་ཆེ་བའི་སྤོད་དམ། བསིལ་བའི་བག་ཁ་ར་ལྟ་བུ་གདབ་མི་གདབ་ཀྱི་དམིགས་དང་སྦྱར་ཏེ། འདི་ལྟ་བུའི་འབྲས་ཐུག་རྐྱང་རྐྱང་པོ་འཐུངས་ན་ཡང་ལ་འཇུ་སླ། སྐོམ་པ་ལ་ཕན། ཟས་མ་ཞུ་བ་དང་། རིམས་ཀྱིས་བཏབ་སྟེ་ཉི་མ་གཉིས་
[363a]
[363a.1]སམ་གསུམ་ཟན་བཅད་དེ་སྨྱུང་བ་བྱས་པས་ཅུང་ཟད་རྩེ་ཞིལ་ནང་མ་བྱང་བ་ལྟ་བུ་ལ་ཕན། མཆིན་པ་ན་སྟེ་ཕོ་བ་གྲང་བ་ལ་བེེའུ་སྣབས་ལྟ་བུ་ཡོད་པ་འཇུ་བར་བྱེད། ལུས་ཀྱི་སྲོག་ཟུངས་བདུན་སྙོམས་པར་འགྱུར། རླུང་ནད་ཀུན་ཞི་བར་བྱེད་དོ། །ཡང་འབྲས་
[363a.2]ཐུག་ཅེས་བྱ་བ་འབྲས་ཀྱི་ཤུན་པ་མ་དྲུས་པ་བརྔོས་ཏེ་བཏགས་པའི་ཐུག་པ་གར་པོ་འམ། དེ་ལྟར་མ་འབྱོར་ན་འབྲས་དྲུས་པའི་ཐུག་པ་གར་པོ་ཡང་རུང་སྟེ། དེ་ལྟ་བུའི་ཐུག་ཕ་ནད་དམིགས་སྦྱར་ལ། སྤོད་བཏབ་སྟི་ཐུག་པ་སྔ་མ་བས་སླ་བ་འཐུངས་ན་འདི་ཡང་ལ་འཇུ་སླ་སྟེ། བཀྲེས་
[363a.3]པ་དང་། སྐོམ་པ་དང་། ཉམ་ཆུང་བ་ལ་ཕན། ལྟོ་བ་ན་བ་ལ་ཕན། རིམས་ནད་སེལ། རྟུག་སྐམ་ལྟ་བུ་ལ་འོང་དུ་མི་རུང་བ་ལ་ཕན་ནོ། །ཐུག་པ་འདི་ལྟ་བུ་ནི་དྲོད་ཆེ། ནད་ཀུན་འཇུ་ཞིང་འབྱང་བར་བྱེད་དེ། འདི་ནི་ཐུག་པ་ཕན་པ་ཡིན་ནོ། །འབྲས་མ་བརྔོས་པར་ཐུག་པ་
[363a.4]གར་པོར་བཅོས་ཏེ་ཁ་གཟར་གྱིས་བཅུ་ཞིང་བཟའ་བ་འདི་ཡང་ཡང་སྟེ་གོང་མ་ཙམ་ནི་མ་ཡིན་མོད་ཀྱི། འཁྲུ་བའམ་འཁྲུ་བའི་རྗེས་བཅད་པ་ལྟ་བུ་ལ་བལ་པོ་སེའུ་དང་སྦྱར་ཏེ་བཏང་ན་གཅོད་དོ། །ཐུག་པ་གར་པོ་འདི་ལྟ་བུ་ནི་ཡི་གར་འོང་། འཐུངས་ན་བད་ཀན་སྐྱེ་བས་སྐོམ་
[363a.5]དད་ཆུང་། དྲོད་ཆེ། རྨ་བྱུང་བ་དང་མིག་ན་བ་དང་བཀྲུ་སྨན་གྱིས་བཀྲུས་པའི་རྗེས་ལ་ཟས་ཀྱི་ཆོ་གར་སྦྱར་བ་དང་། ཉམ་ཆུང་བ་དང་སྨན་མར་འཐུངས་པའི་ཟས་ནི་འདི་ལྟ་བུ་བཟང་སྟེ་ཕན་ནོ། །འབྲས་ཆན་ནི་ལེགས་པར་བཀྲུས་པ་ཕྱེད་ཙམ་ཚོས་པ་དང་། ཁུ་བ་བཙགས་ཏེ་
[363a.6]བོར་ལ། ཁ་ཟས་ཀྱིས་བཅད་ལ་མདག་མེ་ལ་བདུགས་ནས་དྲོད་མ་ཡལ་བར་བྱས་པ་འདི་ལྟ་བུ་ནི་ཡང་སྟེ་འཇུ་སླ་མོད་ཀྱི། ཁ་གཟར་གྱིས་བཅུས་པའི་ཐུག་པ་གར་པོ་ཙམ་དུ་ཡང་མ་ཡིན་ནོ། །ཡང་ཟས་ཀྱི་ཆོ་ག་འདུ་སླ་ཞིང་ཡང་ལ་དྲོད་ཆེ་བའི་སྨན་པི་པི་ལིང་དང་། པི་པི་
[363a.7]ལིང་གི་རྩ་བ་དང་། བཅའ་སྒ་དང་། དབྱི་མོའི་ལོ་མ་དང་། ཀྲུ་ཏྲུག་ཏྲེས་དང་ལྔ་བརྡུངས་པ་བསྐོལ་པའི་ཆུ་བཙགས་པའི་འབྲས་བཙོས་པའི་ཆན་ནི་འཇུ་སླ་ལ་དགེའོ། །འདི་ལྟར་མ་བྱས་པའི་ཆུ་ལ་རང་ཆུང་དུ་བཙོས་བ་ནི་ལྕིའོ། །ཡང་འབྲས་ལེགས་པར་བཀྲུ་མ་ཞག་ལ་འོ་མ་འམ།
[363b]
[363b.1]ཤ་ཁུ་འམ་མར་དང་སྦྱར་ཏེ་འབྲས་མ་བརྔོས་པའི་ཆན་ལྕི་ལ་འཇུ་དཀའོ། །དེ་ལྟར་ཟས་ཀྱི་ཆོ་གར་བྱ་བ་ཡང་གལ་ཏེ་ཟས་མི་བསོད་ཅིང་རྩུབ་པ་ནི་སྣུམ་བག་ཤ་དང་། མར་ལྟ་བུ་དང་སྦྱར་ན་བསོད་པར་འགྱུར་བ་དང་། གལ་ཏེ་ཟས་དེ་ཡང་འཇུ་དཀའ་བ་ཞིག་ཏུ་འགྱུར་དུ་དོགས་ན་ཟས་
[363b.2]ལྕི་བ་དེ་འཇུ་ལ་དྲོད་ཆེ་བར་འགྱུར་བའི་སྤོད་བཏབ་ལ་ཚོས་པར་བཙོ་ཞིང་ཐབས་འདི་ལྟར་བྱ་བ་དང་། ཟས་ཀྱི་ཆོ་ག་བཤམས་ནས་ཟ་བ་ཡང་། འཇུ་མི་འཇུ་ལས་དཔགས་ཏེ་ཚོད་བཟུང་ཞིང་བཟའ་བ་ནི་ཕོ་བའི་བཞི་ཆ་གཉིས་ནི་ཟས་ཀྱིས་དགང་། བཞི་ཆ་གཅིག་ནི་སྐོམ་གྱིས་དགང་
[363b.3]ཞིང་རན་པར་བཟའ། ཕོ་བའི་བཞི་ཆ་ནི་མ་གང་བར་སྟོང་པར་གཞག་སྟེ། དབུགས་ཕྱི་ནང་དུ་བདེ་བར་རྒྱུ་བར་བྱ་བ་དང་། ཕྱིས་སྐོམ་ན་ཡང་བཏུང་བའི་དོན་གྱིས་གཞག་པར་བྱ། འདི་ལྟར་ཚོད་མ་བཟུང་ན་དབུགས་མི་བདེ། ཟས་མི་འཇུ་བ་དང་། ནད་གཞན་དུ་འགྱུར་རོ། །
[363b.4]དེ་བས་ན་ཁོང་ནད་ཡོད་དེ་སྐེམ་པ་འམ། ནད་སོས་ཏེ་མ་བརྟས་པ་འམ། སྐྱུག་སྨན་དང་བཀྲུ་སྨན་གྱིས་བསྐུས་པའི་རྗེས་ལ་ལུས་བརྟ་བ་འམ། སྐེམ་པའམ། ཞན་ཅིང་རྨྱ་བ་འམ། གློ་རྡོལ་བའམ་ལུས་ཀྱི་སྲོག་ཟུངས་བདུན་ལྟ་བུ་ཟད་དམ། ལུས་དང་བཞིན་མདངས་རིད་
[363b.5]ཅིང་མི་སྡུག་སྟེ། མདངས་ཉམས་པའམ། མིག་རྟུལ་བ་དང་རྣ་བ་མི་གསང་བ་དང་། དྲོད་ཆུང་བ་དང་། ལུས་ཀྱི་ལྷུ་ཚིགས་དང་། བོག་རེའི་ཚིགས་སྨས་ཏེ་རྨ་བྱུང་བ་བརྟབ་དང་། རླུང་ནད་ཅན་འདི་རྣམས་ལ་ནད་དམིགས་དང་། དྲོད་ཆེ་ཆུང་དང་འཇུ་མི་འཇུ་ལས་
[363b.6]བརྟག་སྟེ། ཡུལ་སྐམ་ས་ལས་བྱུང་བའི་ཤ་འམ། ཡུལ་གཤེར་ས་སེར་ཆེ་བ་ནས་བྱུང་བའི་ཤ་བཟང་པོ་དང་། རྐང་དང་ལྷ་བ་ལ་སོགས་པའི་རུས་པ་བཅུད་ཡོད་དང་། སྨན་དུ་སྦྱར་ལ་གདུས་ནས་བཙགས་པའི་ཁུ་བའི་བཅུད་བཏང་ན་ཁོང་བརྟས་ཏེ་ཤ་སྐྱེ། ཚིམ་པར་བྱེད་
[363b.7]བུད་མེད་ལ་ཉལ་ཕོད་པར་འགྱུར། མིག་རྣོ། རྣ་བ་གསང་། རྨ་འཚོ་ཞིང་མདོག་བཟང་། ཚེ་ལ་ཕན་སྟོབས་ཆེ། སྐད་སྙན་ཏེ་བཅུད་དེ་ལྟ་བུ་ནི་ཕན་ཞིང་བསོད་པ་ཡིན་ནོ། །མོན་སྲན་སྡེའུ་མུངྒ་བཙོས་པའི་ཁུ་བ་ནི། སྐྱུག་སྨན་ནམ། སྨན་མས་གཏོང་སྟེ་བཀྲུས་པའི་རྗེས་ལ་ནད་
[364a]
[364a.1]དམིགས་ལ་སྤོད་ཀྱི་སྣ་སྦྱར་ཞིང་འཐུངས་ན་ཕན། རྨ་འཚོ། ལྐོག་མ་ན་བ་དང་། མིག་ནད་ལ་ཕན། རླུང་ནད་སེལ་ཏེ་ཕན་ནོ། །སྲན་ཀུ་ལངྠའི་ཆོ་ག །སྲན་ཀུ་ལངྠ་བཙོས་པའི་ཁུ་བས་ནི་རླུང་ནད་སེལ། སྐྲན་འཇུ། དཔྱི་མིག་གཡས་གཡོན་
[364a.2]ནམ། རྒྱབ་བམ། ལྟོ་ནས་ཡང་རླུང་ནད་ཐོག་ཐག་ཏུ་མེར་མེར་པོར་ཟུག་སྟེན་པའམ། ཡང་ན་ལུས་སྟོད་ནས་དབྱི་མིག་དང་བརླ་གཡས་གཡོན་ནས་མར་ཟུག་ཅིང་ན་བ། འདི་ལྟ་བུའི་རླུང་ནད་སེལ་ཏེ་ཕན་ནོ། །ཏིལ་གྱི་ཚིགས་མ་དང་སྐྱུར་པོའི་གཡོས། ཏིལ་བཙིར་ཏེ་
[364a.3]མར་ཕྱུང་བའི་ཚིགས་མ་ལས་ཚོད་མར་བྱས་སམ། ཚོད་མའི་ནང་དུ་བཏང་སྟེ་ཟའམ། གཞན་ཡང་ལ་ཕུག་དང་ཡུངས་མ་ལྟ་བུ་རྩ་བ་ལས་བསྐྲུན་པའི་མྱུ་གུ་ནར་མ་སོན་པར་ཟ་བ་དང་། ཡུངས་མ་དང་ལ་ཕུག་གཏུབས་པ་དང་། སྲན་ཕྱེར་སྦྱར་ཏེ་སྐྱུར་པོར་མནན་ལ་ལངས་པ་དང་།
[364a.4]བཙིར་ཏེ་ཅང་ཅང་པོ་ཤ་སྟག་བྱ་སྟེ། སྐམ་པའི་ཚོད་མ་བཟའ་བ་འདི་ལྟ་བུའི་ཟས་ནི་མི་དགེ་སྟེ། མིག་ལ་གནོད། རླུང་ནད་དང་བད་ཀན་དང་མཁྲིས་པའི་ནད་སྐྱེ། འཇུ་དཀའ་སྟེ་ལྕི། ལུས་རྨྱ་ཞིང་ཉམ་ཆུང་བར་བྱེད་དེ་གནོད་དོ། །ཞོ་དང་སྨན་དང་སྦྱར་བའི་གཡོས། ཞོ་ཅུང་ཟད་
[364a.5]བསྲུབས་ལ། སྨན་དྲི་ཞིམ་པོ་སྣ་བཞི་པོ་ཤིང་ཚ་དང་། སུག་སྨེལ་དང་། གནྡྷ་བྷ་དྲ་དང་། ནཱ་ག་གེ་སར་འདི་རྣམས་བཏགས་ཏེ་བཏབ་ལ་དཀྲུག་ཅིང་འཐུངས་ན་བསོད་དེ། ལུས་བརྟ། ཁོང་སྣུམ། བཅུད་དུ་འགྱུར་ཏེ་བུད་མེད་ལ་ཉལ་ཕོད། སྟོབས་སྐྱེ། ཡི་ག་འབྱེ། འདིའི་
[364a.6]ནང་དུ་ཚ་བ་གསུམ་པོ་ན་ལེ་ཤམ་དང་། པི་པི་ལིང་དང་སྒ་རྣམས་བཏབ་ན་ནད་ཆམ་པ་སེལ་ཏོ། །སྐོམ་དུ་བཏུང་བར་སྦྱར་བའི་ཆོ་ག་རྒུན་སྐམ་ལྟ་བུ་ཆུའི་ནང་དུ་བཙོས་ཏེ། ལྷག་གཉིས་གསུམ་ཙམ་གདུས་ལ་ཚིགས་མ་བོར་ཏེ། རྒུན་ཆུ་དྲོ་འཇམ་གྱི་ནང་དུ་གོང་དུ་ཞོའི་ནད་དུ་
[364a.7]སྦོད་སྨན་སྣ་བཞི་གདབ་པ་རྣམས་བཏབ་ལ་བསྒྲངས་ཏེ་འཐུངས་ན། ངལ་བ་དང་བཀྲེས་པ་དང་སྐོམ་པ་དང་སྙོམ་ཞིང་རྨྱ་བ་འདི་རྣམས་ལ་ཕན། སྐོམ་དུ་འོང་ཅུང་ཟད་ལྕི། ཕྱིས་བཤང་བ་སྲ། གློ་སྙིང་ལ་ཕན་ནོ། །རྒུན་རློན་ན་འཕྲལ་དུ་ཁོང་བསིལ། ཞུ་བའི་རྗེས་ནི་ཁོང་
[364b]
[364b.1]བརྟ། བཅུད་དང་རོ་ཙ་བར་འགྱུར། སྦོད་སྨན་གཞན་ཡང་སོ་སོའི་ཡོན་ཏན་བཞིན་བལྟའོ། །འབྲས་ཡོས་ལས་ཡོངས་སུ་གཡོ་བའི་ཆོ་ག །འབྲས་ཡོས་ལས་བཏགས་ཏེ་ཐུག་པའམ། ཟན་དུ་ཟོས་ན་སྐོམ་པ་དང་སློན་བྲོ་བ་དང་། རབ་ཏུ་འཁྲུ་བ་དང་། གཅིན་སྙི་སྟེ་
[364b.2]མང་བ་དང་། ཚོ་ཆེས་ཏེ་ཚིལ་ཆེ་པ་དང་། བད་ཀན་རྒྱས་པས་ནད་འདི་ལྟ་བུ་དང་། ལུད་པ་ལུ་བ་དང་། མཁྲིས་པའི་ནད་ཀུན་ཞི་བར་བྱེད། །བོང་དུ་དྲོད་སྐྱེ། ཡང་སྟེ་འཇུ་སླ། ཅུང་ཟད་བསིལ་ལོ། །འབྲས་དང་ནས་གསར་ཐོག་པའི་ཟས་ཀྱི་བྱེ་བྲག །འབྲས་སར་པ་འམ།
[364b.3]ནས་སར་པ་ལས་ཟས་སུ་བྱ་བ་ནི་ལྕི། ཉམས་སྟོབས་སྐྱེ། བད་ཀན་སྐྱེ། མཁྲིས་པས་དོགས་ཤིང་བཤང་བ་སྲའོ། །ནས་ཡོས་དང་ནས་ཕྱེའི་བྱེ་བྲག །ནས་ཡོས་འཚོས་པ་ནི་འཁྲེན་པ་དོགས། སྐོམ་དད་ཆེ། ཚིལ་འབྲི་སྟེ་ཁོང་གྲིམས། ལྕི་བ་ཡིན་ནོ། །ནས་ཕྱེ་ནི་
[364b.4]ཡང་ཡང་། འཇུ་སླ། བཀྲེས་པ་དང་། སྐོམ་པ་དང་ངལ་བ་ལ་ཕན། མིག་ན་བ་དང་རྨ་ནད་ལ་དགེ་སྟེ་ཕན། སྐྱོ་མར་བྱས་ཏེ་འཐུངས་ན་འཕྲལ་དུ་བརྟས་ཏེ་མཐུར་འགྱུར་བ་བསོད་དོ། །ཕྱེ་དང་ཆུར་སྦག་ཅིང་མི་བཟའ། དུས་གཉིས་སུ་མི་བཟའ། ཕྱེ་འབའ་ཞིག་མི་
[364b.5]འགམ། འབྲས་ཆན་ལ་སོགས་བ་ཟས་འགྲངས་པར་ཟོས་པའི་རྗེས་ལ་ཟན་མི་བཟའ། ཟན་བཅངས་ལ་སོགས་གཅད་ཅིང་བཟའ་བར་མི་བྱ། ཏིལ་གྱི་ཚིགས་མ་ངོས་སུ་དེ་བཞིན་ཟོས་ན། ལུས་སྐམ་ཞིང་ཉམ་ཆུང་བར་འགྱུར། རྩུབ་སྟེ་རླུང་སྐྱེ། བཤང་བ་ཐུར་དུ་འབྱུང་མི་
[364b.6]རུང་སྟེ། འཁྲེན་པས་དོགས། མིག་ལ་གནོད་དོ། །ཤ་གཡོས་ལ་སོགས་པ་སྤོད་དང་སྦྱར་བའི་གཡོས་རྣམས་ནི། སྤྱིར་ལྕི་ཞིང་ཁོང་སྣུམ། སྟོབས་སྐྱེ། ཤ་བཟང་ཞིང་བརྟ་བར་འགྱུར་རོ། །བལ་སྲན་སྡེའུ་མུངྒ་ལ་སོགས་པ་གཡོས་སུ་བྱ་བའི་ནང་དུ་ཡང་། སྤྱོད་ཅིང་
[364b.7]བཏབ་པ་ཕན་པའི་ཡོན་ཏན་ཡང་དེ་བཞིན་དུ་འགྱུར་རོ། །ཁུར་བའི་རྣམ་གྲངས་ཀྱི་བྱེ་བྲག་མེ་མདག་གི་ནང་དུ་ཚོས་པར་བསྲེགས་པའི་ཁུར་བ་དང་། དོགས་ལེའི་ནང་དུ་བསྲེགས་པའི་ཁུར་བ་དང་། ས་སླང་རྩེག་མའི་ནང་དུ་བསྲེགས་པའི་ཁུར་བ་དང་། ད་ནུར་ལ་བསྲེགས་
[365a]
[365a.1]པའི་ཁུར་བ་དང་། རྒྱ་སོལ་ལ་བསྲེགས་པའི་ཁུར་བ་དང་། འདི་རྣམས་ཁུར་བའི་རྒྱུའི་དངོས་པོ་ནི་གཅིག་སྟེ་འདྲ་མོད་ཀྱི། བསྲེག་ཅིང་ཚོས་པར་བྱས་པ་ཐ་དད་པ་ལས་ཅི་ཡང་མི་འདྲ་སྟེ། ཁུར་བ་གོང་མ་བས་འོག་མ་རིམ་པས་ཡང་ངོ་། །འབྲུ་
[365a.2]ཟས་ལས་གཡོས་སྣ་ཚོགས་ཀྱི་བྱེ་བྲག་བསྟན་པ་རྫོགས་སོ།། །།རི་དྭགས་སྣ་ཚོགས་ལ། ཤ་བ་དང་། དགོ་བ་དང་། རི་དྭགས་ཀུ་ར་ཞེས་བྱ་བ་དང་། ཨ་རི་ཤ་དང་། རྐྱང་དང་། མྲྀག་མ་ཏྲི་ཞེས་བྱ་བ་དང་། རི་བོང་དང་། དང་སྒོ་དང་། ལྡང་སྒོ་སྐ་དང་། རི་དྭགས་
[365a.3]ཙ་རུ་སྐ་དང་། འདི་རྣམས་ལ་སོགས་པའོ། །བྱ་སྣ་ཚོགས་དང་བྱ་ཁྲ་ལ་སོགས་པ་རི་དྭགས་དང་། བྱ་སྣ་ཚོགས་མཐུ་རྩལ་གྱིས་ཟས་ཚོལ་བ་ལ། རི་བྱ་སྣ་ཚོགས་དང་། རི་བྱ་ཏི་ཀ་ཞེས་བྱ་བ་དང་། རག་ཏན་ར་མ་ཀ་ཞེས་བྱ་བ་དང་། གོང་མ་སྲེ་གང་། ཨུ་བ་ཙ་ཀྲ་ཞེས་བྱ་བ་
[365a.4]དང་། ཙ་ཀོ་ར་དང་། ཀུ་རུ་བ་དང་། བར་ཏ་ཀ་དང་། བར་ཏི་ཀ་དང་། ཏི་ཏི་ར་དང་། གོང་མ་སྲེག་དང་། རྨ་བྱ་དང་། བྱ་གག་དང་། བར་ཀ་དང་། གོན་དྷ་དང་། གི་རི་བར་ཏ་ཀ་དང་། ཤར་པ་ཏ་ཀ་དང་། ཨིན་ཏྲ་པ་དང་། རི་བྱ་འདི་རྣམས་ཀུན་འདྲ་སྟེ་ཁྲོན་རྐོ་བས་ཟས་ཚོལ་བ་
[365a.5]ཡིན་ནོ། །གཞན་ཡང་ཤང་ཤང་ཏེའུ་དང་། ད་ཏྱ་ཨ་ཞེས་བྱ་བ་དང་། བྲྀང་ག་ཏ་ཞེས་བྱ་བ་དང་། ནེ་ཙོ་དང་། ཤ་རི་ཀ་ལ་སོགས་པ་དང་། མ་ཏྭ་དང་། ཀོ་ཀི་ལ་དང་། ཧ་རི་ཏ་དང་། ཐི་བ་དང་། བྱེའུ་ལ་སོགས་པ་འདི་རྣམས་ནི་ཟས་སུ་མཆུས་རྐོ་བ་ཡིན་ནོ། །ཁུང་དང་ཕུག་ན་
[365a.6]གནས་པ་ལ། སྦལ་པ་དང་། སྦྲུལ་དང་། གོང་དང་། བྱི་དུར་དང་། འདི་རྣམས་ཡིན་ནོ། །གཞན་ཡང་གཅན་གཟན་བྱ་ཁྲ་ལ་སོགས་པ་མཐུ་རྩལ་གྱིས་ཟས་ཚོལ་བ་ལ། སྟག་དང་། གཟིག་དང་། སེང་གེ་དང་། དོམ་དང་། སྤྲེའུ་དང་། བྱི་ལ་དང་། སྤྱང་ཀི་དང་། ཕྱུགས་
[365a.7]དྲེད་དང་། མི་དྲེད་དང་། ཝ་དང་། འཕར་བ་དང་། ཁྲ་དང་། ཁྲ་སྤྱང་སེར་དང་། ཆུན་ལག་དང་། ཁྭ་དང་། བྱ་རིགས་པ་དང་། ཁྲ་སྔོན་པོ་དང་། བྱ་ཀུ་ར་ར་དང་། བྱ་རྒོད་དང་། འུག་པ་དང་། བྱ་ཀུ་ལིང་ག་ཀ་དང་། བྱ་དུ་མི་ཀ་དང་། བྱ་མ་ནུ་ཧ་དང་། འདི་རྣམས་ལ་སོགས་པའོ། །
[365b]
[365b.1]རི་དྭགས་ཆེན་པོའི་མིང་ལ། ཕག་རྒོད་དང་། མ་ཧེ་དང་། བྱང་ཁུང་དང་། རོ་ཧི་རྒྱ་དང་། གླང་པོ་ཆེ་དང་། གནག་རྒོད་དང་། བསེ་དང་། སྨྱུག་གླང་དང་། འདི་རྣམས་སོ། །ཕྱུགས་དགས་དང་། རྟ་དང་། བ་གླང་དང་། བོང་བུ་དང་། མཛོ་དང་གནག་ལ་སོགས་པའོ། །ཆུ་ན་
[365b.2]གནས་པའི་བྱ་སྣ་ཚོགས་ལ། བྱ་ངང་པ་དང་། བྱ་ས་རས་དང་བྱ་ཀ་དམ་པ་དང་། བྱ་ཀར་དང་། ཀར་ན་ཏ་ཐ་དང་། བྱ་རླ་དང་། སྐྱ་ངང་དང་། ཨུ་འགྲོ་ཤ་དང་། ངུར་པ་དང་། སོ་བྱ་དང་། ཁྲུང་ཁྲུང་ལ་སོགས་པ་འདི་རྣམས་ནི་ཆུ་ན་གནས་ཤིང་རྒྱུ་བ་ཡིན་ནོ། །ཆུའི་ནང་ན་གནས་
[365b.3]པའི་ཉ་ལ་སོགས་པ་ལ། ཉ་རོ་ཧི་ཏ་དང་། པ་ཐི་དང་། རུས་སྦལ་དང་། ཀུ་བིར་དང་། ཀ་ར་ཀ་ཏ་དང་། ཉ་ཕྱིས་དང་། དུར་བ་དང་། སྲམ་དང་། ཤམ་བུ་ཀ་དང་། ཉེའུ་ལྟང་བུ་དང་། འབར་མི་དང་། ཙན་ཏྲ་ཀ་དང་། བུ་ལི་ཀ་དང་། ནྱ་གྲོ་དྷ་དང་། ཆུ་སྲིན་མ་ཀར་དང་། རྒྱ་མཚོ་ན་གནས་
[365b.4]པའི་ཉ་བོ་ཆེ་དང་། ར་ཛི་དང་། ཙི་ལི་ཙི་མ་ལ་སོགས་པ་སྣ་བརྒྱད་དོ། །ལུག་དང་ར་གཉིས་ཀྱི་ཟས་ནི། སྐམ་དང་གཤེར་ལ་སོགས་པ་ཡང་། ཚོལ་ཞིང་ཟབས་གཅིག་ཏུ་མ་ངེས་པའི་ཕྱིར་རོ། །རི་དགས་དང་། བྱ་དང་ཉ་ལ་སོགས་པ་རྣམ་པ་བརྒྱད་དུ་ཕྱེས་ཏེ་བཤད་པའི་ནང་དུ་ངེས་པ་
[365b.5]མ་ཡིན་ནོ། །དེ་ལ་རི་དགས་རྣམས་དང་། །རི་བྱ་མཆུས་ཟས་ཐུབ་རྣམས་དང་། ཕུག་དང་ཁུང་ན་གནས་པ་དང་། ཕོའི་རིས་བཞི་པོ་རྣམས་ནི་འདྲ་སྟེ། སྐམས་ལ་གནས་པའི་སྲོག་ཆགས་ཀྱི་ནང་དུ་གཏོགས་སོ། །ཆུ་ལ་གནས་ཤིང་རྒྱུ་བ་ཆུ་བྱ་དང་། ངང་པ་ངུར་པ་ལ་
[365b.6]སོགས་པ་དང་། ཆུའི་ནང་ན་གནས་པའི་ཉ་ལ་སོགས་པ་དང་། དུང་དང་། ཉ་ཕྱིས་ལ་སོགས་པ་འདི་རྣམ་གཉིས་ནི་གཤེར་ས་ན་གནས་པའོ། །དེ་ལ་མཐུ་རྩལ་གྱིས་ཟས་ཚོལ་བ་གཅན་གཟན་དང་། ཁྲ་རྣམས་དང་། རི་དྭགས་ཆེན་པོར་བརྩི་བ་
[365b.7]ཕག་རྒོད་དང་། མ་ཧེ་དང་། གླང་པོ་ཆེ་དང་། བསེ་ལ་སོགས་པ་བར་མ་འདི་རྣམ་གཉིས་སྐམ་ས་དང་གཤེར་ས་གཉིས་ཀ་ལ་ཐུན་མོང་དུ་གནས་སོ། །དེ་ལ་ཡུལ་སྐམ་ས་ན་གནས་པའི་ཤ་ནི་བསིལ་ཞིང་ཡང་སྟེ་འཇུ་སླ། བཤང་བའི་དྲི་ཐུར་དུ་འབྱུང་བསྐམ་
[366a]
[366a.1]བག་རིལ་པོར་འོང་ངོ་། །འདུས་པའི་ནད་མཁྲིས་པ་ནི་ཆེ་རླུང་ནི་འབྲིང་། བད་ཀན་ནི་ཆུང་བ་འདི་ལྟར་མི་བདེ་བ་ལ་སྐམ་ས་ནས་འབྱུང་བའི་ཤ་ཕན་ནོ། །དེ་ལ་རི་བོང་གི་ཤ་ནི་བསིལ་ལ་རྩུབ་པ་ཟོས་ནས་ཞུ་བའི་རྗེས་ནི་ཚ། དྲོད་འབར། དྲི་
[366a.2]མ་ཐུར་དུ་འབྱུང་བ་སྐམ་པོ་སྲ་བར་འོང་། དེ་ལ་ཁྲོན་རྐོ་བས་ཟས་ཚོལ་བའི་བྱ་བར་ཏ་ཀ་དང་། བར་ཏི་ཀ་ལ་སོགས་པའི་ཅུང་ཟད་ལྕི། སྣུམ། ལུས་ཀྱི་ཤ་སྐྱེ། བརྟ་བར་འགྱུར་རོ། །རྒྱ་བྱའི་ཤ་ནི་གོང་མ་དེ་དག་པས་ཀྱང་དགེ་སྟེ་དྲོད་སྐྱེ། ཡིད་གཞུངས། ཁུ་ཆུ་
[366a.3]སྐྱེ། བཞིན་མདོག་བཟང་པོར་འགྱུར། རླུང་ཤས་ཆེ་བའི་འདུས་པའི་ནད་མཆོག་ཏུ་སེལ། དྲི་མ་ཐུར་དུ་བཤང་བ་ཅུང་ཟད་སྲ། རྨ་བྱའི་ཤ་ནི་འཕྲལ་དུ་ཕན་པ་མ་ཡིན་མོད་ཀྱི། རྣ་བ་མི་གསང་བའམ། སྐད་འགགས་སམ། མགུལ་མི་བདེ་བའམ། མིག་རྟུལ་བ་འམ་
[366a.4]འདི་རྣམས་ལ་ཕན་ནོ། །རྒས་སྲ་བར་འགྱུར། ཡོན་ཏན་འདི་འདྲ་བར་རྒྱ་བྱ་དང་ཁྱིམ་བྱ་ཡང་འདི་བཞིན་དུ་ཕན་ཏེ་ལྷག་པར་རོ་ཙ་བར་འགྱུར་རོ། །ཁྱིམ་བྱ་ནི་ཅུང་ཟད་ལྕི་ལ་བད་ཀན་སྐྱེའོ། །གོང་མོ་དང་། བྱ་ཨུ་པ་ཙ་ཀྲའི་ཤ་ནི་ཡིད་གཞུངས་པོ་བའི་མེ་དྲོད་སྐྱེ། ཡི་གར་འོང་།
[366a.5]ཐི་བ་མིག་ཡ་གཅིག་མི་མཐོང་བའི་ཤ་ནི་ལྕི་ལ་ལན་ཚྭ་བྲོ། །རླུང་ནད་དང་བད་ཀན་དང་མཁྲིས་པའི་ནད་ཀུན་སྐྱེ་སྟེ། མི་དགའོ། །བྱིའུ་མཆིལ་པ་ལ་སོགས་པའི་ཤ་ནི་བད་ཀན་དུ་འགྱུར། ཁོང་སྣུམ། རླུང་ནད་སེལ། ཁུ་ཆུ་མཆོག་ཏུ་མང་བར་འགྱུར་རོ། །དེ་ལ་ཕུག་
[366a.6]དང་ཁུར་ན་གནས་པའི་སྲོག་ཆགས་དང་། མཐུ་རྩལ་གྱིས་ཟས་ཚོལ་བ་ཁྲ་དང་གཅན་གཟན་དང་། ཕག་རྒོད་ལ་སོགས་རི་དྭགས་ཆེན་པོ་དང་། ཆུ་ལ་གནས་པའི་ངང་ངུར་དང་། ཆུའི་ནང་གི་སྲོག་ཆགས་ཉ་ལ་སོགས་པ་འདི་རྣམས་ལྔ་ཆར་གྱི་ཤ་ནི་ལྕེ། སྣུམ་ལ་མངར་བར་
[366a.7]འགྱུར་བ་ཡིན་མོད་ཀྱི་དེ་ལ་བྱེ་བྲག་ཏུ་འདི་རྣམས་ལ། གོ་རིམས་བཞིན་དུ་ལྟག་མ་པས་འོག་མ་ཁད་ཀྱིས་ལྕི་བ་དང་། གོང་མ་བས་འོག་མ་དྲོ་ཞིང་ཚ། གོང་མ་བས་འོག་མ་ཁོང་སྣུམ་པར་འགྱུར། དེ་ལྟར་རི་དྭགས་ལ་སོགས་པ་སྲོག་ཆགས་ཀྱི་རིས་རྣམ་པ་ལྔ་པོ་དེ་དག་གི་ཤ་ནི་
[366b]
[366b.1]གཅིན་མང་། ཁུ་ཆུ་སྐྱེ། སྟོབས་སྐྱེ། རླུང་སེལ། བད་ཀན་དང་མཁྲིས་པ་སྐྱེའོ། །དེ་ལ་ཕག་རྒད་དང་། གླང་མོ་ཆེ་ལ་སོགས་པ་རི་དྭགས་ཆེན་པོ་རྣམས་ཀྱི་ཤ་ནི་བསིལ་ལོ། །གཅན་གཟན་དང་ཁྲ་ལ་སོགས་པ་སྲོག་ཆགས་གཞན་ཟ་བའི་ཤ་ཟོས་ན་མིག་རྣོ་བར་འགྱུར་
[366b.2]རོ། །བཤང་གཅིག་ཉིག་འགག་མི་སྲིད་དེ་སྙི་བར་འོང་ངོ་། །ཤ་སྐྱེ། ཞུ་བའི་རྗེས་ནི་ཆ་ཞིང་དྲོད་ཆེ་བར་འགྱུར། ཤ་འདི་ལྟ་བུ་མི་རྒན་པོ་དང་ཉམ་ཆུང་བས་ཟོས་ན། རྒན་ལུས་བརྟ་ཞིང་གཞང་འབྲུམ་གྱི་ནད་དང་ཕོ་བའི་གྲང་བའི་ནད་དང་ལུས་སྐེམ་པའི་ནད་འདི་རྣམས་ལ་མཆོག་ཏུ་
[366b.3]ཕན་ནོ། །ར་ཤ་ནི་ཧ་ཅང་བསིལ་བ་ཡང་མ་ཡིན། ཧ་ཅང་སྣུམ་པ་ཡང་མ་ཡིན་ཏེ། ར་ཤ་ཟས་ན་ནད་དམིགས་ནི་གང་ཡང་མི་འབྱུང་ངོ་། རང་ཉིད་ནི་ལུས་ཀྱི་ཤ་ཡང་ཆེ་ཆུང་མེད་དེ་མཉམ། ཁམས་ཀྱང་ཆེ་ཆུང་མེད་དེ་མཉམ་པས་ན་དེའི་ཕྱིར་ནི་བད་ཀན་ཡང་མི་ཆེ། རླུང་
[366b.4]ཡང་མི་ཆེ། ཧ་ཅང་ཚོ་བ་ཡང་མ་ཡིན་པས་དེའི་ཤ་ནི་དེ་ལྟར་ཕན་ནོ། །ལུག་ཤ་ནི་རའི་ཤས་ཕན་པ་ཇི་སྐད་དུ་བཤད་པ་དེ་ལས་བཟློག་སྟེ་ཤེས་པར་བྱའོ། །དེ་ལ་ཡང་ཇི་ལྟ་ཞེ་ན། ལུག་གི་ལུས་ཀྱི་ཤ་ཡང་སྙོམས་པ་མ་ཡིན་པ་ཁམས་ཀྱང་སྙོམས་པ་མ་ཡིན་པས་ཚ་བ་སྐྱེ།
[366b.5]ལྕི། ཧ་ཅང་སྣུམ་ཆེ་སྟེ། རླུང་དང་བད་ཀན་དུ་ཡང་འགྱུར། ལུས་ཀྱི་ཤ་ཡང་ཆེའོ། །བ་གླང་གི་ཤ་ནི། ལུད་པ་སྐམ་པོར་འོང་བ་ལ་ཕན། ངལ་ཏེ་ཆད་པ་དང་། ཧ་ཅང་དྲོད་ཆེས་ཏེ་ཚ་བ་དང་། རིམས་ནད་ཀྱི་ལྡང་དུབ་ཏུ་དུས་མི་འདྲ་བར་ལྡང་བ་དང་། ཆམ་པས་བཏབ་པ་དང་།
[366b.6]ལུས་སྐེམ་པོར་འགྱུར་བ་དང་། འདི་རྣམས་ལ་ཕན་ནོ། །རླུང་ནད་གཅིག་པུ་ན་བ་ལ་ཕན་ནོ། །མ་ཧེའི་ཤ་ནི་དྲོད་ཆེ་སྟེ་ཚ། ལྕི་སྟེ་འཇུ་དཀའ། གཉིད་ཆེ་ལུས་ཀྱི་ཤ་སྐྱེ། ཁོང་གྲིམས། ལུས་ཤ་སྐེམ་ཞིང་སྦོམ་པོར་འགྱུར་རོ། །མ་ཧེ་བཞིན་དུ་ཕག་རྒོད་ཀྱི་ཤ་ཡང་དེ་དང་
[366b.7]འདྲ་སྟེང་ལ་ཞིང་ཆད་པ་ལ་ཕན། ཡི་ག་འབྱེ། ཁུ་ཆུ་མང་བར་འགྱུར། སྟོབས་སྐྱེའོ། །ཉ་ལ་སོགས་པ་ནི་མཆོག་ཏུ་བད་ཀན་དང་མཁྲིས་པ་སྐྱེའོ། །ཆུ་ལ་གནས་པའི་སྲོག་ཆགས་ཙི་ལི་ཙི་མ་ཞེས་བྱ་བའི་ཤ་ནི། རླུང་ནད་དང་བད་ཀན་དང་མ་ཁྲིས་པའི་ནད་ཀུན་སྐྱེ་སྟེ་མི་
[367a]
[367a.1]དགེའོ། །བྱ་བ་ལ་ཞེས་བྱ་བ་སྲེག་པ་ལྟ་བུ་དང་། ཉ་རོ་ཧི་ཏ་དང་། གོ་ཏ་ཞེས་བྱ་བ་དང་། ཤ་བ་ལ་སོགས་པ་ནི་སོ་སོ་རིས་རིས་ཀྱི་ནང་ན་མཆོག་ཏུ་བཟང་སྟེ། བྱ་ཁྲོན་རྐོ་ཞིང་ཟས་སུ་མཐུས་ཚོལ་བའི་ནང་ན་བྱ་བ་ལ་ཞེས་བྱ་བ་སྲེག་པ་ལྟ་བུ་མཆོག་
[367a.2]ཏུ་བཟང་ངོ་། །ཆུའི་ནང་ན་གནས་པའི་ཉའི་ནང་ན་ཉ་རོ་ཧི་ཏ་ཞེས་བྱ་པ་མཆོག་ཏུ་ཕན་ཏེ་དགེའོ། །ཕུག་དང་ཁུང་ན་གནས་པའི་ནང་ན་གཅན་གཟན་གོ་ད་ཞེས་བྱ་བ་ནད་ཅི་ལ་ཡང་ཕན་ཏེ་དགེའོ། །དེ་ལྟར་ཤ་མིང་གིས་སྨོས་སོ་ཅོག་ཀུན་ཀྱང་རྒན་གཞོན་མ་ཁྱེར་ཏེ་ན་ཚོད་དར་ལ་
[367a.3]བབ་པ། ཚོན་པོ་བསད་མ་ཐག་པ་མ་རུལ་བ་དེ་ལྟ་བུ་བཟའོ། །མིང་གིས་སྨོས་པའི་ཤ་དེ་རྣམས་ལས་བཟར་མི་རུང་བ་ནི། རང་ཤི་བ་རིད་པ་ཧ་ཅང་ཚོ་ཆེས་པ་ནད་ཀྱིས་ཤི་བའམ། ཆུའི་ནང་དུ་ཤི་བ་འམ། དུག་གིས་བསད་པའི་ཤ་འདི་ལྟ་བུ་བཟར་མི་རུང་ངོ་། །རི་དྭགས་
[367a.4]དེ་རྣམས་ཀྱི་ཤ་ཕོ་སྨོས་ལ་ལྕི་ཡང་དུ་དབྱེ་བ་ནི་རི་དགས་ལ་སོགས་པ་ཕོའོ་ཅིག་གི་རོ་སྟོད་དང་། མགོ་བོའི་ཤ་ནི་ལྕི་སྟེ་འཇུ་དཀའོ། །མོའོ་ཅོག་གི་རོ་སྨད་ཀྱི་ཤ་ལྕི་སྟེ། འཇུ་དཀའོ། །སྦྲུམ་མའི་ཤ་ནི་སྤྱིར་ལྕི་བ་ཡིན་ནོ། །དེ་ལ་ཡང་བྱེ་བྲག་ཏུ་རི་དགས་དང་ཕྱུགས་མོ་རྐང་
[367a.5]ལག་བཞི་ཟུག་པའི་ཤ་ནི་ཡང་ངོ་། །བྱའི་ཕོ་འོ་ཅོག་གི་ཤ་ནི་ཡང་ངོ་། །དེ་ལ་རི་དགས་དང་བྱ་ལ་སོགས་པ་གང་ཡང་རུང་སྟེ་སྤྱིར་ནི་མགོ་བོ་དང་། གླད་རྒྱས་ལྕི་སྟེ་འཇུ་དཀའོ། །དེ་བས་ན་རོ་སྟོད་ཡང་། རོ་སྟོད་པས་བརླ་ཡང་། དེ་བས་རྒྱབ་ཀྱི་ཤ་ཡང་། དེ་བས་ཁ་མཚུར་
[367a.6]དང་ལྕེ་ཡང་། དེ་བས་རྐེད་པ་ཡང་། དེ་བས་དཔྱི་ཡང་། དེ་བཞིན་དུ་ནང་གྲོལ་ལ་ཕོ་བ་དང་། གྲོད་པ་དང་གློ་སྙིང་ལ་སོགས་པ་སྟོད་ཀྱི་ཤ་ནི་ལྕིའོ། །གཉེ་མ་དང་རྒྱུ་མ་ལ་སོགས་པ་སྨད་ཀྱི་ནང་གྲོལ་ནི་ཡང་སྟེ། གོ་རིམས་བཞིན་དུ་ཤེས་པར་བྱའོ། །ཁྲག་དང་ཤ་ལ་སོགས་
[367a.7]པའི་ལྕི་ཡང་ནི་ཁྲག་པས་ཤ་ལྕི། ཤ་བས་ནི་ཚིལ་ལྕི། ཚིལ་བས་རུས་པ་ལྕི། རུས་པ་བས་རྐང་ལྕིའོ། །ཤ་བས་ནི་རླིག་པ་འཇུ་དཀའ་སྟེ་ལྕི། རླིག་པ་བས་མཇེ་འཇུ་དཀའ་སྟེ་ལྕི། མ་བལ་མ་བས་མཆིན་པ་ལྕི། མཆིན་པ་བས་གཞང་ལྕི་སྟེ་འཇུ་དཀའོ། །རི་དགས་སྣ་
[367b]
[367b.1]ཚོགས་དང་། བྱ་བྲན་སྣ་ཚོགས་དང་། ཉ་ཤ་ལ་སོགས་པའི་བྱེ་བྲག་ཕན་གནོད་སྣ་ཚོགས་དང་ལུག་ལ་སོགས་པའི་བྱེ་བྲག་ཕན་གནོད་སྣ་ཚོགས་བཤད་པའི་ལེའུ་རྫོགས་སོ།། །།ཚོད་རྔད་སྣ་ཚོགས་ཀྱི་བྱེ་བྲག་དང་ཕན་གནོད་བཤད་པ། ཚོད་མ་པ་ཐ་
[367b.2]དང་། ཤ་རི་དང་། ཤུ་ཤ་དང་། སུ་ནི་ཤན་དང་། ས་ཏི་ན་ཟ་དང་། ར་ཟག་ཤ་བ་དང་། རྒྱ་སྣེའུ་འདི་རྣམས་འདྲ་སྟེ་རླུང་དང་བད་ཀན་དང་མཁྲིས་པ་སེལ། འཇུ་སླ་ཁོང་ཡང་། ཐུར་དུ་བཤང་བ་སྲ་བར་འགྱུར་རོ། །དེ་ལ་ཡང་ཚོད་མ་སུ་ནི་ཤ་ན་ནི་དྲོད་ཆེ། མིའི་ཁོང་བརྟ། བུད་
[367b.3]མེད་ལ་ཕོད་པར་འགྱུར་རོ། །ཚོད་མ་འདི་རྣམས་ཀྱི་ནང་ན་ར་ཟག་ཤ་བ་ཞེས་བྱ་བ་ནི་མཆོག་ཏུ་དགའོ། །རྒྱ་སྣེའུ་ནི་ཕོ་བའི་ནད་དང་གཞང་འབྲུམ་གྱི་ནད་སེལ་རྟུག་སྐམ་གྱིས་བཏབ་པ་སེལ་བར་འགྱུར་རོ། །ཚོད་མ་ཀ་ཀ་མ་ཅི་ཞེས་བྱ་བ་མོན་སྣེའུ་ནི་རླུང་ནད་བད་ཀན་དང་མཁྲིས་པའི་ནད་
[367b.4]སེལ། མཛེ་ནད་ལ་ཕན། ཁོང་བརྟ་བུད་མེད་ལ་ཉལ་ཕོད་པར་འགྱུར་རོ། །དྲོད་ཆེ་རྒས་སྲ་སྨན་བཅུད་ལེན་གྱི་མཐུ་དང་འདྲ་བར་འགྱུར་རོ། །ཅུང་ཟད་ཙམ་ཁོར་འཁྲུ་མགུལ་སྙན་པར་འགྱུར་རོ། །ཚོད་མ་ཙང་གི་རི་ཞེས་བྱ་བ་རྩ་སྐྱུར་བ་ཞིག་ཡོད་པ་དེ་ནི་ཟས་འཇུ། དྲོད་ཆེ། ཕོ་བའི་ནད་དང་གཞང་
[367b.5]འབྲུམ་གྱི་ནད་དང་། རླུང་ནད་དང་བད་ཀན་གྱི་ནད་ལ་ཕན། དྲོད་ཆེ། ཕོ་བ་གྲང་ཞིང་ཟས་མི་འཇུ་ཞིང་ཁོང་འཁྲུ་བ་ལ་ཕན་ནོ། །ཚོད་མའི་སྣ་གྲངས་ལ། ཚོད་མ་པ་ཏོ་ལ་ཞེས་བྱ་བ་དང་། ཚོད་མ་ས་བ་ཏ་ལ་ཞེས་བྱ་བ་དང་། ཚོད་མ་ཨ་རི་ཏི་དང་། ཚོད་མ་ཤང་ག་ཏ་དང་། ཚོད་མ་བལ་གུ་ཏ་དང་། ཚོད་མ་སླེ་
[367b.6]ཏྲེས་ཀྱི་ལོ་མ་དང་། སྦའི་མི་གུ་དང་། བྲི་ཧ་ཏི་དང་། ཚོད་མ་པ་ཤ་ཀ་དང་། ཚོད་མ་ཀུ་ཏ་ལི་དང་། ཏིལ་གྱི་ལོ་མ་དང་། ཚོད་མ་མན་དུ་ཀིའི་འདབ་མ་དང་། ཚོད་མ་ཀ་ཀོ་ཏ་དང་། ཚོད་མ་ཀ་ར་བེར་ག་དང་། ལྡུམ་བུ་སྐྲ་བཟང་དང་། ནད་ཀ་དང་། ཀ་ཏ་ཡ་དང་། གོ་ཇི་ཧ་དང་། བ་དྷ་ཀ་དང་། འབའ་ན་ཏི་ག་
[367b.7]ཏ་ཀ་དང་། ཀ་རི་ར་དང་། ཀུ་ལ་ཀ་དང་། ནན་དི་དང་། ཀུ་ཚེ་ལ་དང་། ཤ་ཀུ་ལ་ས་ནི་དང་། ཀ་ཏིལ་དང་། ཀེའུ་ཀ་དང་། ཤི་ཏ་དང་། ཀོ་ཤ་ཏ་ཀ་དང་། ཀར་ཀ་ཤ་དང་། འདི་རྣམས་ནི་འདྲ་སྟེ་ཚོད་མ་འདི་རྣམས་ཟོས་ན་ཞུ་བའི་རྗེས་ན་ཁ་ལ་ཚ་སྟེ་ཐུར་དུ་བཤང་བ་འོང་བ་སྲ་བར་འགྱུར།
[368a]
[368a.1]རླུང་ནི་ཅུང་ཟད་སྐྱེད་བད་ཀན་དང་མཁྲིས་པའི་ནད་ནི་སེལ་ལོ། །ཚོད་མ་པ་ཏོ་ལ་ནི་ཞིམ་ཁོང་ན་སྲིན་བུ་ཡོད་པ་འབྱིན། ཞུ་བའི་རྗེས་ནི་མངར་བར་འགྱུར། ཟོས་ན་ཡི་ག་འབྱེ། ཚོད་མ་བྲི་ཧ་ཏི་རྣམ་གཉིས་ནི་དྲོད་ཆེ་མཁྲིས་པའི་ནད་ཚབ་སྐྱེད།
[368a.2]ཁོང་འཁྲུ་རླུང་ནད་སེལ་ཏོ། །ཚོད་མ་བྲི་ཤ་ཞེས་ཀྱང་བྱ། བ་ཤ་ཀ་ཞེས་ཀྱང་བྱ་སྟེ། དེ་ནི་སློན་བྲོ་པ་ལ་ཕན། ལུད་པས་བཀར་བ་ལ་ཕན། མཁྲིས་པ་དང་ཁྲག་རྒྱས་པའི་ནད་ཁ་སྣ་ནས་ཁྲག་འོང་བའམ། ཐུར་དུ་ཁྲག་འབྱུང་བ་འདི་ལྟ་བུ་སེལ་ཏེ་མཆོག་ཏུ་ཕན་ནོ། །ཚོད་མ་
[368a.3]ཀ་ར་བེ་ལ་ཞེས་བྱ་བ་རོ་ཚ་བར་བྲོ་ལ་དྲོད་སྐྱེ་སྟེ་འབར། བད་ཀན་སེལ་བར་མཆོག་ཏུ་ཕན་ནོ། །ཚོད་མ་བར་ཏ་ཀ་ཞེས་བྱ་བ་ནི་རོ་ཁ་ལ་ཚ་ཞིང་ཅུང་ཟད་ལན་ཚྭ་བྲོ་དྲོད་ཆེ་ཞུ་བའི་རྗེས་རླུང་དང་བད་ཀན་སེལ། ཟས་འཇུ་བའི་མེ་མཐུ་སྐྱེ་ཞིང་ཡི་གར་འོང་། མཁྲིས་པའི་ནད་དུ་མི་འགྱུར་
[368a.4]རོ། །ཚོད་མ་ཀ་རི་ར་ཞེས་བྱ་བ་ནི་རོ་བསྐ། མངར་ལ་དབྱངས་སུ་ཁ། ལྟོ་སྦོ་བར་འགྱུར་ཏེ། མི་དགེའོ། །ཚོད་མ་ཀོ་ཤ་ཏ་ཀ་དང་། བལ་གུ་ཛ་ག་དང་། འདི་གཉིས་ཟོས་ན་ཁོང་འཁྲུ། དྲོད་སྐྱེད་དོ། །ཚོད་མ་དན་དུ་ལི་ཡ་ཞེས་བྱ་བ་ནི་རོ་མངར་ལ་ཞུ་བའི་རྗེས་ཀྱང་དངས་ཏེ་
[368a.5]བསིལ། ཅུང་ཟད་ཁོང་རྩུབ་ལ་ཡང་། ཆང་ནད་དང་མཁྲིས་པའི་ནད་དང་། དུག་དང་ཁྲག་རྒྱས་པའི་ནད་སེལ་ཏེ་ཕན་ནོ། །ཚོད་མ་མུན་ཛ་ཏེ་ཞེས་བྱ་བ་ནི་རླུང་དང་མཁྲིས་པ་སེལ། རོ་མངར་སྣུམ་བསིལ་ལ་ལྕི། ལུས་ཀྱི་ཁོང་བརྟ། ཤ་སྐྱེ་ཁུ་ཆུ་སྐྱེ་སྟེ་དགེའོ། །ཚོད་
[368a.6]མ་པ་ལག་ཀྱ་ནི་འཇུ་དཀའ་སྟེ་ལྕི་ཅུང་ཟད་ཁོང་འཁྲུའོ། །ཚོད་མ་ཨུ་བོད་ཀ་ནི་ཆང་ནད་ལ་ཕན་ནོ། །ཚོད་མ་ཙུ་ཙུ་ཞེས་བྱ་བ་པ་ལག་ཀྱ་དང་འདྲ་སྟེ་བྱེ་བྲག་ཏུ་འཁྲུ་བ་གཅོད་པར་འགྱུར་རོ། །ཚོད་མ་བི་ཏི་རི་ཞེས་བྱ་བ་ནི་རོ་མངར། བསིལ། རླུང་དང་མཁྲིས་པའི་ནད་སེལ།
[368a.7]གཅིན་མང་ངོ་། །ཚོད་མ་ཛི་ཧཱ་ཞེས་བྱ་བ་ནི་ལྐོག་ནད་ལ་ཕན་ཞིང་བདེ། ཅུང་ཟད་ལྕི། ཁོང་བརྟ། ཤ་སྐྱེ་བུད་མེད་ལ་ཕོད་པར་འགྱུར། རྟག་ཏུ་ཟོས་ན་ཚེ་རིང་རྒས་སྲ་སྟེ། བཅུད་ཀྱིས་ལེན་དུ་འགྱུར་རོ། །ཡང་ཚེད་མ་ཛི་ར་ཧ་ནི་ཞེས་བྱ་བ་ནི་རོ་མངར། ཁོང་བསིལ་
[368b]
[368b.1]མིག་ལ་ཕན། རླུང་ནད་དང་བད་ཀན་དང་མཁྲིས་པའི་ནད་ཐམས་ཅད་སེལ་ཏོ། །ཚོད་མ་བུམ་ཤ་དང་མོན་པའི་དྭོ་བ་དང་། ཚོད་མ་ཀ་ལི་ཀའི་འབྲས་བུ་དང་། ཀར་ཀ་དང་། ཨེར་བ་རུ་དང་། ད་ནི་དིས་དང་། ག་གོན་ལས་ཚོད་མར་བྱས་པ་དང་། ཙི་ན་ཀ་ཞེས་བྱ་བ་དང་།
[368b.2]ཙིར་བི་ཏ་ཞེས་བྱ་བ་འདི་རྣམས་ལ། ག་གོན་ནི་ཁོང་འཁྲུ། གཅིན་མང་ངོ་། །ཚོད་མ་ཙི་ན་ཀ་ནི་བཤང་བ་ཐུར་དུ་མི་འོང་སྟེ་སྲའོ། །ཙིར་བི་ཏ་ནི་བད་ཀན་དུ་འགྱུར་རོ། །འདི་གསུམ་གྱི་རོ་འདྲ་སྟེ་འཇུ་དཀའ། ཞུ་བའི་རྗེས་ཀྱང་མངར། རླུང་ནད་དང་བད་ཀན་དུ་ཡང་འགྱུར་རོ། །ཁྲི་དང་
[368b.3]ཤིང་ལ་བརྟེན་པའི་ལྡུམ་བུ་འཁྲི་ཤིང་གི་འབྲས་བུའི་ནང་ན་བུམ་ཤའི་འབྲས་བུས་ནི་རླུང་དང་བད་ཀན་གྱི་ནད་སེལ། ཆུ་སོའི་ནད་འབྱང་། གཅིན་ལེགས་པར་འོང་། བུད་མེད་ལ་ཕོང་པར་འགྱུར། ག་གོན་ནི་མཆོག་ཏུ་གཅིན་མང་བར་འགྱུར་རོ། །མོན་པའི་དྭོ་བ་ནི་ཁོང་རྩུབ་པར་འགྱུར་
[368b.4]ལ་བཤང་བ་ཐུར་དུ་འབྱུང་བ་སྲ་བར་བྱེད་དོ། །ཚོད་མ་ཀ་ལིང་གེ་དང་། ཚོད་མ་བ་རུ་དང་གཉི་ས་ནི་ཐུར་དུ་བཤང་བ་སྲ་བར་འགྱུར། ཚོད་མ་བིད་ཏ་གཞོན་ནུ་ནི་མཁྲིས་པའི་ནད་སེལ་བསིལ་ལོ། །ཙིར་བྱིད་སྨིན་པ་ནི་མཁྲིས་པ་སྐྱེད་ཚ་བར་འགྱུར་རོ། །ཙིར་བྱིད་ཀྱི་འབྲས་བུ་རྙིང་པའི་ཚ་
[368b.5]བ་ནི་ཅུང་ཟད་ཙམ་ཐལ་སྨན་རྣོན་པོ་ལན་ཚྭའི་བག་བྲོ།བོ། །མཁྲིས་པ་སྐྱེད། བད་ཀན་དང་རླུང་ནད་འཇིལ་ཡི་ག་འབྱེ། དྲོད་སྐྱེད་ཞིམ་ཡི་གར་འོང་། ཁོང་གྲང་ཞིང་ཟས་མ་ཞུ་བ་ལས་བད་ཀན་དང་རླུང་ནད་ཧྱེ་ནད་ཀྱི་ལངས་པ་ལ་ཕན། ལྟོ་སྦོས་པ་ཞི་བར་འགྱུར། འཇུ་སླ་ཁོང་ཡང་ངོ་། །
[368b.6]དེའི་འོག་ཏུ་པདྨའི་རྩ་ལག་དང་རྩ་བ་དང་། མེ་ཏོག་ཨུཏྤ་ལའི་རྩ་བ་དང་། མེ་ཏོག་ཀུ་མུ་ཏའི་ཆུ་བ་དང་། ཨུཏྤ་ལའི་ཆུ་བ་དང་། ཆུ་ལས་སྐྱེས་པའི་ལྡུམ་བུ་མ་ཤ་ཀ་དང་། ཀེ་ལུ་ཏ་དང་། ཤྲི་ག་ཏ་ཀ་དང་། ཀ་ཤེ་རུ་ཀ་དང་། གྲོན་ཙ་ད་ན་དང་། ཀ་ཀོ་ཏེ་དང་འདི་རྣམས་འདྲ་སྟེ། ཀུན་
[368b.7]ཀྱང་ཆུའི་ནང་སེར་ཆེན་པོ་ལས་འཁྲུངས་པ་ཡིན་པས་འཇུ་དཀའ། ལྕི། བསིལ། ཁོང་དུ་རྩུབ་ཐུར་དུ་འབྱུང་བ་སྲའོ། །ཡང་ཚོད་མའི་སྣ་གྲངས་ལ། ཀ་ལམ་པ་ཞེས་བྱ་བ་དང་ནི་ལེ་ཀ་དང་། མོན་སྲན་གྲེའུ་མ་ཤའི་ལོ་མ་དང་། ཀུན་ཏིན་ཛ་ར་དང་། ཀུ་དུམ་བ་ཀ་དང་། ཙི་
[369a]
[369a.1]ལི་དང་། ལོ་ཏྭ་ཀ་དང་། ལོ་ནི་ཀ་དང་། ཀུ་རུ་ཏ་ཀ་དང་། ག་བེེ་རུ་ག་དང་། ཛི་བན་ཏི་དང་། ཛྷུ་ན་ཛ་དང་། ཨ་ག་ཛ་ཡ་དང་། བ་ཤ་ཀ་དང་། རྒྱ་ལྕམ་ཞེས་བྱ་བ་ལྕམ་པ་དང་། ཨ་ལུ་ཀ་དང་། དེ་ལྟར་ཚོད་མའི་དངོས་པོ་འདི་རྣམས་ཀུན་ནི་འདྲ་སྟེ་
[369a.2]མངར་ལ་རྩུབ་ལན་ཚྭའི་རོ་ཡང་ཅུང་ཟད་བྲོ། །རླུང་དང་བད་ཀན་དུ་ཡང་འགྱུར། ལྕི་སྟེ་འཇུ་དཀའ། བསིལ་བཤང་གཅི་གཉི་ག་འབྱུང་སླ་བར་བྱེད་དོ། །ཚོད་མ་འདི་རྣམས་ལ་ཕལ་ཆེར་འཇུ་བའི་ཚེ་ན་བཤང་གཅི་གཉི་ག་འབྱུང་སྲ་སྟེ་ཐོགས་པར་བྱེད། ཁུ་ཟིན་ནམ་ནི་བཤང་གཅི་
[369a.3]མི་སྲི་བར་འགྱུར་རོ། །ཚོད་མ་འདི་རྣམས་བཤུར་ཏེ་ཁུ་བ་བཙིར་ཏེ་ཕོལ་མར་ཆེ་བར་བཏབ་ན་ནད་དུ་མི་འགྱུར་རོ། །ཙི་ལི་ཞེས་བྱ་བའི་འདབ་མ་ནི་རྒྱ་སྣེའུ་དང་འདྲ་སྟེ་ཡང་བ་ཡིན་ནོ། །ཡང་ཚོད་མ་ཏར་ཀ་རི་དང་། བ་ར་ན་དང་། འདི་རྣམས་ནི་རོ་མངར་ཁ། །བད་ཀན་དང་རླུང་སེལ་ཏེ་
[369a.4]དགེའོ། །བར་ཤ་བོ་ཞེས་བྱ་བ་རྩི་པོ་ཆེའི་ལོ་མ་དང་། ཀ་ལ་ཤ་ཀ་དང་། འདི་གཉིས་ནི་ཅུང་ཟད་ལན་ཚྭ་བྲོ། །རོ་ཚ་ཞིང་ཁ་དྲོད་སྐྱེད། ཁོང་འཁྲུ་དུག་སྦྱར་མ་ལོ་ལོན་ནས་ལྡང་བ་དང་། འོར་ནད་དང་། བད་ཀན་དང་རླུང་ནད་སེལ་ཏོ། །ཙི་རི་ཙི་ལིའི་མྱུ་གུ་ནི་དྲོད་ཆེ། རླུང་དང་
[369a.5]བད་ཀན་སེལ་ཅུང་ཟད་ཙམ་ཁོང་འཁྲུའོ། །ཉེའུ་ཤུན་པའི་མྱུ་གུ་ནི་རོ་ཁ། རླུང་ནད་དང་། བད་ཀན་དང་མཁྲིས་པའི་ནད་སེལ། ཁོང་བརྟ། བུད་མེད་ལ་ཕོད་པར་འགྱུར་རོ། །སྨྱིག་མའི་མྱུ་གུ་ནི་རྩུབ་ཁོང་ཚ། རླུང་དང་མཁྲིས་པ་སྐྱེད་དོ། །ཕན་ཏུ་ར་ཞེས་བྱ་བ་ནི་རོ་ཁ་དྲོད་
[369a.6]ཆེ་མཆེར་པ་ན་བ་དང་། གཞང་འབྲུམ་ན་བ་དང་། བད་ཀན་དང་རླུང་ནད་སེལ་ཏོ། །ཚོད་མ་ཀ་ས་མར་ད་ནི་ཁོང་ན་སྲིན་བུ་ཡོད་པ་དང་། ལུད་པས་བཀར་བ་དང་བད་ཀན་སེལ། ཁ་ཟས་ཞུ་བར་བྱེད། ཁོང་འཁྲུའོ། །ལེ་བརྒན་རྩིའི་འདབ་མའི་ཚོད་མ་ནི་རོ་སྐྱུར་རྩུབ། ཚ་སྟེ་
[369a.7]དྲོད་ཆེ་ཅུང་ཟད་ལྕི། མཁྲིས་པ་སྐྱེད་ཁོང་འཁྲུའོ། །ཡུངས་ཀར་དང་ཡུངས་ནག་གི་ཚོད་མ་ནི་ལྕི། ཚ། བཤང་གཅི་གཉིས་ཀ་སྲ་སྟེ་སྲི། རླུང་ནད་དང་བད་ཀན་དང་མཁྲིས་པའི་ནད་ཀུན་སྐྱེད་དོ། །ལ་ཕུག་གཞོན་ནུ་རེ་རྩ་བ་རྗེན་པར་ཟ་བ་ནི་འདོད་མི་བྲོ། །ཅུང་ཟད་ཙམ་ནི་ལན་ཚྭའི་རོ་བྲོ་
[369b]
[369b.1]ལ་བགས་ཀྱིས་ཁ་སྟེ་ལ་ཕུག་དེ་ལྟ་བུས་ནི་ནད་ཀུན་སེལ། ཡང་སྟེ་འཇུ་སླ། དྲོད་ཆེ། སྐྲན་དང་ལུད་པ་ལུ་བ་དང་། གློ་གཅོང་དང་དབུགས་མི་བདེ་བ་དང་། སྨས་ཏེ་རྨ་བྱུང་བ་དང་། མིག་ན་བ་དང་། ལྐོག་མ་ན་བ་ལ་ཕན། སྐད་ཀྱི་གདངས་མི་སྙན་པ་དང་། མེའི་དྲོད་ཆུང་བ་དང་། རྟུག་
[369b.2]སྐམ་དུ་གྱུར་པ་དང་། ཆམ་པའི་ནད་འདི་རྣམས་ལ་ཕན་ནོ། །ལ་ཕུག་ནར་སོན་པ་ཆེན་པོ་རྗེན་པར་ཟ་བ་ནི་རོ་ཚ་ཞུ་རྗེས་དྲོད་ཆེ། ལ་ཕུག་གི་མཐུས་རླུང་ནད་དང་མཁྲིས་པ་དང་བད་ཀན་གྱི་ནད་ཀུན་སློང་། །འཇུ་དཀའ་སྟེ་ལྕི། བད་ཀན་གྱི་ནད་དུ་ཡང་འགྱུར་རོ། །ལ་ཕུག་བཙོས་པ་
[369b.3]ནི་འཇམ་ཞིང་སྣུམ་སྟེ་རླུང་ནད་སེལ་ཏོ། །ལ་ཕུག་ཤག་བུར་བསྐམས་པ་དང་། སྐམ་པོའི་ཁུ་བས་ནི་རླུང་ནད་དང་བད་ཀན་སེལ་ཏོ། །ལ་ཕུག་རྗེན་པ་ཐམས་ཅད་ནི་རླུང་ནད་ཐམས་ཅད་དང་བད་ཀན་དང་མཁྲིས་པའི་ནད་ཀུན་སློང་སྟེ་མི་དགེའོ། །ཞིང་ལས་སྐྱེས་པའི་མོན་པའི་
[369b.4]དྭ་པ་ནི་རོ་ཚ་ལ་དྲོད་ཆེ། རླུང་ནད་དང་བད་ཀན་སེལ་མཁྲིས་པ་ནི་སྐྱེད་དོ། །ཚོད་རྔད་སྣ་ཚོགས་ཀྱི་ལེའུའི་བཤད་པ་རྫོགས་སོ།། །།ལྡུམ་གྱི་སྣ་གྲངས་ཤང་ཚེ་ལ་སོགས་པ་རྗེན་པའི་ཕན་གནོད་ཀྱི་བྱེ་བྲག་ལ། ལྡུམ་ཀུ་ཐེ་ར་དང་། ལྡུམ་ཤི་ཀྲུ་དང་། རུ་ར་ས་
[369b.5]བྱེའུ་རུག་དང་། སུ་མུ་ཁ་དུན་ཏེ་དང་། བུ་སྟ་ན་ཞེས་བྱ་བ་རྒྱའི་བ་ཧ་དང་། ཕ་ནི་ཛ་དང་། ཞིམ་ཐིག་ལེ་དང་། ཛམ་བི་ར་ལ་སོགས་པ་ལྡུམ་རྗེན་པར་ཟ་བ་འདི་རྣམས་ནི་རོ་ཚ་རྩུབ། ལུས་ཚ་བར་འགྱུར། དྲོད་ཆེ་ཞིང་ཕོ་བའི་དྲོད་ཀྱི་མེ་སྐྱེད་པར་འགྱུར་རོ། །ཡི་ག་འབྱེ། བཤང་
[369b.6]གཅི་ཐུར་དུ་འབྱུང་བ་སྲ། ལྡུམ་འདི་རྣམས་གང་ཡང་རུང་བ་ཟོས་ན་ཟ་བ་དང་དྲོད་ལུས་ལ་ཁྱབ་པར་འགྱུར། མིག་ལ་གནོད། ཁུ་ཆུ་འབྲི། ལྟོ་ན་སྲིན་བུ་ཡོད་པ་གསོད། ལྡུམ་འདི་རྣམས་རྣོ་བས་ནད་བད་ཀན་དང་མཁྲིས་པའི་ནད་ལྟ་བུ་སློང་ཞིང་སྐྱེད་པར་བྱེད། ཡང་སྟེ་འཇུ་སླ།
[369b.7]སྐྱིགས་བུས་བཏབ་པ་དང་། ལུད་པས་བཀར་བ་དང་། དུག་གིས་ཕོག་པ་དང་། དབུགས་མི་བདེ་བ་དང་། རྩིབ་ལོགས་ན་བ་དང་། ཁ་ནས་རྣག་མནམ་པ་དང་ཁ་མནམ་པ་ལ་ཕན། བྱིའུ་རུག་པ་དང་། འུན་ཏེ་དང་། འདི་གཉིས་རབ་ཏུ་ཚང་བའང་མ་ཡིན་ཏེ། དུག་འཐུངས་
[370a]
[370a.1]པ་ངད་འོང་དུ་སྐྲང་པ་དང་། འདི་རྣམས་ལ་ཕན་ནོ། །ལྡུམ་བུ་ཨ་ར་ཏི་ཀ་ནི་རོ་ཁ་ལ་མངར། གཅིན་མང་མཁྲིས་པའི་ནད་དུ་མི་འགྱུར་རོ། །སྒོག་སྐྱ་ནི་རབ་ཏུ་ཚ་སྟེ་ཞུ་བའི་རྗེས་ཀྱང་ཚ་ལ་དྲོད་ཆེ་ཅུང་ཟད་འཁྲུ་ཞིང་ཡི་ག་འབྱེ། སྐྲ་ལ་ཕན། ལྕི་ཁོང་བརྟ་
[370a.2]བུད་མེད་ལ་ཕོད་པར་འགྱུར། སྣུམ། དྲོད་ཆེ། དྲག་ཤུལ་གྱིས་ཆད་དེ་བརླན་པར་འགྱུར་པ་འམ་མཛེ་བྱུང་ངམ། སྐྲན་ནད་དང་། གཞང་འབྲུམ་ནའམ། གཅིན་སྲིའམ་ལྟོ་སྲིན་བུས་གང་བ་དང་། བད་ཀན་དང་རླུང་ནད་དང་སྐྱིགས་བུས་བཏབ་པ་དང་། ཆམ་བས་ན་བ་དང་།
[370a.3]དབུགས་མི་བདེ་བ་དང་། ལུད་པས་བཀར་བ་འདི་རྣམས་སལ་ཏེ་ཕན། ཁྲག་རྒྱས་པ་དང་། མཁྲིས་པ་རྒྱས་པའི་ནད་དུ་མི་འགྱུར་རོ། །ཀུན་དོང་ནི་སྒོག་སྐྱའི་ཡོན་ཏན་པས་ཅུང་ཟད་མཐུ་ཆུང་དུ་ཟད་དེ་བད་ཀན་ནི་སྐྱེད། མཁྲིས་པ་རབ་ཏུ་སྐྱེད་པར་ནི་མི་འགྱུར་རོ། །རླུང་ནད་
[370a.4]དང་བད་ཀན་གྱི་ནད་དམ། གཞང་འབྲུམ་གྱི་ནད་ལྟ་བུ་ལ་ཀུན་དོང་གཏུབས་ལ་བཙོས་ཏེ་སྨད་ནས་བདུགས་སམ། ཟོས་ན་ནད་འདི་རྣམས་ལ་ཕན་ནོ། །ཀེའུ་ནི་ཚ་སྟེ་བཤང་གཅི་ཐུར་དུ་འབྱུང་བ་སྲ། མཁྲིས་པ་ཅན་ལུས་ཚ་བ་ཡོད་པ་ལ་ཕན་པ་མ་ཡིན་ནོ། །ལྡུམ་བུ་ར་ནི་ཞེས་བྱ་བ་
[370a.5]ནི་ཡི་གར་འོང་ཞིང་དྲོད་ཆེ། བད་ཀན་སེལ་ཁའི་ནད་མཆིལ་མ་དང་། བད་ཀན་གྱིས་འབྱར་འབྱར་པོས་གང་བ་སེལ་ཞིང་ཁ་ལྕེ་བདེ། ཁོང་ཡང་། ལྷག་པར་ནི་གཞང་འབྲུམ་ན་བ་ལ་ཕན་ནོ། །སྤང་ཕྲོམ་ནི་རླུང་ནད་དང་བད་ཀན་དང་མཁྲིས་པའི་ནད་ཀུན་སློང་སྟེ་མི་དགེའོ། །མེ་ཏོག་དང་
[370a.6]རྩ་བའི་བར་གྱི་སྤྱིའི་ལྕི་ཡང་མེ་ཏོག་པས་ནི་འདབ་མ་ལྕིའོ། །འདབ་མ་བས་ནི་འབྲས་བུ་ལྕིའོ། །འབྲས་བུ་བས་ནི་ཡལ་ག་ལྕིའོ། །ཡལ་ག་བས་ནི་ཆུ་བ་དང་སྡོང་བུ་ལྕིའོ། །སྡོང་བུ་བས་ནི་རྩ་བ་ལྕི་སྟེ་སྤྱིར་མང་ཞིང་འཇུ་དཀའ་བར་ཤེས་པར་བྱའོ། །ཚོད་མའི་ནང་ན་ཛི་བན་ཏི་ཞེས་བྱ་
[370a.7]བ་ནི་ཚོད་མའི་ནང་དུ་མཆོག་ཏུ་ཕན་ཏེ་དགེའོ། །ཡུངས་ཀར་དང་ཡུངས་ནག་ལ་སོགས་པ་ཚོད་མར་བྱ་བ་ནི་གནོད་དེ་མི་དགེའོ། །ལྡུམ་གྱི་སྣ་གྲངས་ཤང་ཚེ་ལ་སོགས་པའི་ཕན་གནོད་ཀྱི་བྱེ་བྲག་བཤད་པའི་ལེའུ་རྫོགས་སོ།། །།ཤིང་ཏོག་ལ་སོགས་པ་འབྲས་བུ་སྣ་ཚོགས་
[370b]
[370b.1]ཀྱི་བྱེ་བྲག་བཤད་པ། རྒུན་འབྲུམ་ནི་ཤིང་ཏོག་གི་མཆོག་ཡིན་ཏེ་རོ་མངར་ཞུ་བའི་རྗེས་ཀྱང་མངར། ཁོང་དུ་སྣུམ་པར་འགྱུར། བསིལ་ལྕི། རྒུན་འབྲུའི་རུས་པ་ནི་རོ་བསྐ། རྒུན་འབྲུའི་མཐུ་སྟོབས་ནི་ཁོང་བརྟ། བུད་མེད་ལ་ཕོད་པར་འགྱུར། །མིག་ལ་ཕན། བཤང་གཅི་
[370b.2]གཉི་ག་ལེགས་པར་འབྱུང་། རླུང་ནད་དང་མཁྲིས་པའི་ནད་དང་ཁྲག་རྒྱས་པ་དང་། ཁའི་ནང་ཁ་བར་བྲོ་བ་དང་། ཆང་ནད་ན་བ་དང་། སྐོམ་པ་དང་། ལུད་པ་ལུ་བ་དང་། ཚ་བའི་རིམས་དང་། དབུགས་མི་བདེ་བ་དང་། སྐད་འཛེར་བ་དང་། གློ་རྡོལ་བ་དང་། གློ་གཅོང་གི་ནད་
[370b.3]འདི་རྣམས་སེལ་ཏེ་ཕན་ནོ། །བལ་པོ་སེའུ་རོ་མངར་བ་ནི་མཁྲིས་པའི་ནད་ཆེར་རྒྱས་པ་ཚ་བ་ལྟ་བུ་སེལ་བ་དང་། རླུང་ནད་དང་བད་ཀན་དང་མཁྲིས་པའི་ནད་སུམ་ཆར་ལ་ཕན་ནོ། །བལ་པོ་སེའུ་རོ་སྐྱུར་བ་ནི་མཁྲིས་པའི་ནད་ཀྱང་མི་སློང་། རབ་ཏུ་ཚ་བ་ཡང་མ་ཡིན་ཏེ་རླུང་དང་བད་
[370b.4]ཀན་གྱི་ནད་སེལ་ཏོ། །སྤྱིར་བལ་པོ་སེའུ་ཐམས་ཅད་ནི་འཇུ་སླ་ལ་ཡང་། ཁོང་སྣུམ། གློ་སྙིང་ལ་ཕན། ཡི་ག་འབྱེ། དྲོད་སྐྱེད། བཤང་གཅི་འབྱུང་བ་ནི་སྲའོ། །ལྡུམ་བུ་ཆུ་སྐྱེས་ཀྱི་འབྲས་བུ་མོ་ཙ་ཞེས་བྱ་བ་དང་། འབྲ་གོ་དང་། ཤིང་པ་ན་སའི་འབྲས་བུ་དང་། ཤིང་
[370b.5]ན་རི་ཀེ་ལའི་འབྲས་བུ་དང་། ལྡུམ་བུ་པ་རུ་ཤའི་འབྲས་བུ་སྟེ་པ་རུ་ཤ་ཀའི་འབྲས་བུ་དང་། ཤིང་ཨ་མྲ་ཏ་ཀའི་འབྲས་བུ་དང་། ཤིང་ཏ་ལའི་འབྲས་བུ་དང་། ཤིང་ཀསྨ་རའི་འབྲས་བུ་དང་། ཤིང་ར་ཛ་ད་ནའི་འབྲས་བུ་དང་། ཤིང་མ་དུ་ཀའི་འབྲས་བུ་དང་།
[370b.6]ཤིང་སོའུ་བྱི་ར་ཞེས་བྱ་བའི་འབྲས་བུ་དང་། །རྒྱ་ཤུག་གི་འབྲས་བུ་དང་། ཤིང་ཨང་ཀོ་ལའི་འབྲས་བུ་དང་། ལྡུམ་བུ་ཕལ་གུའི་འབྲས་བུ་དང་། ཤིང་ཤེལ་མ་ཏའི་འབྲས་བུ་དང་། ཤིང་བྱམ་ལའི་འབྲས་བུ་དང་། ཤིང་བྱི་ཤུ་ཀའི་འབྲས་བུ་དང་། སྟ་རྒ་དང་། ལྡུམ་བུ་མྱུ་གུ་ལའི་
[370b.7]འབྲས་བུ་དང་། ནི་གོ་ཙ་ཞེས་བྱ་བ་རྒྱ་ཁམ་དང་། ཤིང་ཨུ་རུ་མུན་ཞེས་བྱ་བའི་འབྲས་བུ་དང་། ཤིང་པི་ལ་ཡ་ཞེས་བྱ་བའི་འབྲས་བུ་དང་། འདི་རྣམས་སོ། །དེ་ལ་ཤིང་པི་ལ་ཡའི་འབྲས་བུ་ནི་རོ་མངར་རོ། །ཞུ་བའི་རྗེས་ཀྱང་མངར་ལ་སྣུམ། ཁོང་བརྟ་ཞིང་ཤ་སྐྱེད། བསིལ་
[371a]
[371a.1]ལ་ལྕི། ལུས་ཚ་བ་དང་། གློ་རྡོལ་བ་དང་། གློ་གཅོང་དང་འདི་རྣམས་ཀྱི་ནད་འབྱིན་ཅིང་སེལ། ཁྲག་རྒྱས་པ་དང་མཁྲིས་པ་རྒྱས་པའི་ནད་སེལ་ཞིང་། ཤེས་སྙོམས་པར་བྱེད། བཤང་གཅི་འབྱུང་བ་སྲ། བད་ཀན་སྐྱེད། ཁུ་ཆུ་མང་པར་འགྱུར། ཤིང་
[371a.2]ཏ་ལའི་འབྲས་བུས་ནི་མཁྲིས་པ་སྐྱེད། ཁོང་འཁྲུའོ། །ཤིང་ཏོ་ཀཤྨརི་ཞེས་བྱ་བའི་འབྲས་བུ་ནི་བསིལ། བཤང་གཅི་སྲི་ཞིང་འགགས་པ་སེལ་ཞིང་བྱིན་པར་བྱེད། སྐྲ་ལ་ཕན་ཏེ་བྱིན་སྐྱེད། ཡིད་གཞུངས། ཚེ་རིང་བའི་སྨན་བཅུད་ཀྱིས་ལེན་དུ་ཡང་འགྱུར་རོ། །ཤིང་ཏོག་བ་
[371a.3]ཏ་མ་དང་། བྷི་ཤུ་ཀ་དང་། སྟར་ག་དང་། མྱུ་གུ་ལ་སོགས་པ་ཤིང་ཏོག་འདི་རྣམས་ཀྱི་སྟོབས་ནི་རབ་ཏུ་ཚ། རླུང་དང་མཁྲིས་པ་སྐྱེད། ཁོང་འཁྲུ། སྣུམ་སྟེ་མཆོག་ཏུ་རླུང་སེལ་ཏོ། །ཤིང་ཏོག་པི་ལ་ཡ་ནི་ཚ་ཞིང་དྲོད་ཆེ་བ་མ་ཡིན་ཏེ། པི་ལ་ཡ་འདིའི་ཚི་གུ་ནི་རོ་མངར་ཞིང་ཤ་མཚན་
[371a.4]བརྟ། བུད་མེད་ལ་ཕོད། མཁྲིས་པ་དང་རླུང་ནད་སེལ་ཏོ། །ཤིང་ཏོག་ཨོ་ལའི་ཚི་གུ་ནི་ཤིང་ཏོག་པི་ལ་ཡ་དང་འདྲ་སྟེ། སྐོམ་པ་དང་། སློན་བྲོ་བ་དང་། ལུད་པ་ལུ་བ་དང་འདི་རྣམས་སེལ་ཞིང་ཕན་ནོ། །ཤིང་ཏོག་བིལ་བ་སྨིན་པ་ནི་ཤིན་ཏུ་འཇུ་དཀའ། རླུང་ནད་དང་། བད་ཀན་
[371a.5]དང་། མཁྲིས་པའི་ནད་ཀུན་སློང་ཞིང་སྐྱེད། དབུགས་ཐུང་ངུ་འབྱུང་། ཤིང་ཏོག་བིལ་བ་མ་སྨིན་པ་འདྲ་སྟེ་འཁྲུ་བ་གཅོད་དོ། །ཤིང་ཏོག་ཀ་བ་ཏ་མ་སྨིན་པ་ནི་མགུལ་པ་ན་ཞིང་མི་བདེ་བ་དང་རླུང་ནད་དང་མཁྲིས་པའི་ནད་ཀུན་སྐྱེད་དོ། །ཀ་བིད་ཏའི་ཤིང་ཏོག་སྨིན་པ་ནི་རླུང་
[371a.6]ནད་དང་བད་ཀན་དང་མཁྲིས་པའི་ནད་སེལ། སྐྱིགས་བུས་བཏབ་པ་དང་། སློན་བྲོ་བ་འདི་རྣམས་ལ་ཕན། འཁྲུ་བ་གཅོད། ཤིང་ཏོག་ཀ་པིཏ་སྨིན་མ་སྨིན་ཐམས་ཅད་འདྲ་སྟེ། འཁྲུ་བ་གཅོད། དུག་ནད་སེལ་ཏོ། །ཤིང་འཛམ་བུའི་ཤིང་ཏོག་ནི་ལྕི་བསིལ། རླུང་ནད་རབ་ཏུ་
[371a.7]སྐྱེད། བཤང་གཅི་སྲི་ཞིང་འགག་པར་འགྱུར་རོ། །ཡང་ཤིང་ཏོག་འཛམ་བུའོ་ཅོག་ནི་འཁྲུ་བ་གཅོད། བཤང་གཅི་སྲ། མགུལ་པ་དང་ལྐོག་མ་མི་བདེ། རླུང་དང་མཁྲིས་པའི་ནད་སེལ་ཏོ། །ཤིང་ཏོག་འཛམ་བུ་མ་ཡིན་པ་གཞོན་ནུ་ནི་རླུང་དང་མཁྲིས་པ་དང་ཁྲག་ནད་སྐྱེད་
[371b]
[371b.1]དོ། །ཤིང་ཏོག་འཛམ་བུ་མ་སྨིན་པ་རུས་པ་ཆགས་ཙམ་ནི་མཁྲིས་པ་དང་བད་ཀན་ནི་སྐྱེད་པར་འགྱུར་རོ། །ཤིང་ཨ་མྲ་ཞེས་བྱ་བ་ལོང་ཀོག་གི་འབྲས་བུ་སྨིན་པ་ནི་རོ་མངར། འཇུ་དཀའ། ལྕི་རླུང་ནད་སེལ་ཏོ། །ཨ་མྲའི་ཤིང་ཏོག་རྩ་བ་སྐྱུར་བ་ནི་རླུང་དང་མཁྲིས་པའི་ནད་
[371b.2]སྐྱེད་དོ། །ཤིང་ཏོག་བྲྀ་ཀྵ་ཨམླ་ནི་འཁྲུ་བ་གཅོད། རྩུབ་དྲོད་ཆེ་རླུང་དང་བད་ཀན་གྱི་ནད་སེལ། འཇུ་སླ་ཁོང་ཡང་ངོ་། །ཤིང་ཤ་མའི་ཤིང་ཏོག་ནི་འཇུ་དཀའ་དྲོད་ཆེ། སྐྲ་ལ་གནོད་དོ། །པི་ལུ་ཞེས་བྱ་བའི་འབྲས་བུ་ནི་རྩུབ་སྟེ་མཁྲིས་པ་སློང་། བད་ཀན་དང་རླུང་ནད་སེལ། ཁོང་འཁྲུ། །
[371b.3]མཆེར་པ་ན་བ་དང་། གཞང་འབྲུམ་གྱི་ནད་དང་། ལྟོ་ན་སྲིན་བུ་ཡོད་པ་དང་། སྐྲན་ནད་འདི་རྣམས་སེལ་ཞིང་འབྱང་ངོ་། །པི་ལུ་རོ་མངར་ལ་ཁ་བར་བྲོ་བ་ནི་དྲོད་ཆེན་པོ་རབ་ཏུ་ཚ་བ་ཙམ་མ་ཡིན་ཏེ། རླུང་ནད་དང་། བད་ཀན་དང་། མཁྲིས་པའི་ནད་གསུམ་ཆར་སེལ་ཏོ། །ཤིང་ཏོག་བ་
[371b.4]ལུང་གི་འབྲས་བུའི་ཕྱི་ཤུན་ཁ་ཞིང་ཚ། སྣུམ་བག་ཡོད་དེ་རླུང་བག་སེལ་ཏོ། །བ་ལུང་གི་འབྲས་བུའི་ཤ་ནི་མངར་ཏེ་ལུས་ཀྱི་ཤ་འཚག་བརྟ་ཞིང་སྐྱེད། རླུང་ནད་དང་མཁྲིས་པའི་ནད་སེལ། འཇུ་དཀའ་ལྕིའོ། །བ་ལུང་གི་འབྲས་བུའི་རྐང་ནི་འཇུ་སླ། ལུད་པ་ལུ་བ་དང་། དབུགས་
[371b.5]མི་བདེ་བ་དང་། སྐྱིགས་བུས་བཏབ་པ་དང་། ཆང་ནད་ན་བ་དང་། ཁ་སྐམ་པ་དང་། ཆམ་པས་བཏབ་པ་དང་། སློན་བྲོ་བ་དང་། ཡི་ག་འཆུས་པ་དང་། དམུ་རྫིང་ལྟ་བུའི་ནད་དང་། །སྐྲན་དང་གཞང་འབྲུམ་གྱི་ནད་དང་། དྲོད་ཆུང་སྟེ་ཟས་མི་འཇུ་བའི་ནད་འདི་རྣམས་སེལ་ཏེ་ཕན་
[371b.6]ནོ། །བ་ལ་ཏ་ཀ་བསེ་ཤིང་གི་འབྲས་བུ་གོ་བྱེའི་ཤུན་པ་དང་། ནང་གི་ཤ་ནི་རོ་མངར་ཁོང་དུ་བསིལ། ལུས་ཀྱི་ཤ་འཚག་བརྟ། གོ་བྱེའི་འབྲས་བུའི་རུས་པ་ནི་ཧ་ཅང་དོད་ཆེ་སྟེ་མེ་དང་མཉམ། བད་ཀན་དང་རླུང་ནད་མཆོག་ཏུ་སེལ། ཡིད་གཞུངས་པར་འགྱུར་རོ། །ཀུ་ཤ་རྣམ་
[371b.7]པ་གཉིས་ཏེ་མངར་པོ་དང་། སྐྱུར་པོའོ། །དེ་ལ་མངར་པོ་ནི་བསིལ་ལོ། །སྐྱུར་བ་ནི་ཚའོ། །གཉི་ག་ཡང་འཇུ་དཀའ་སྟེ་ལྕི། ཡི་གར་འང་། ཟས་འཇུ་བའི་ཁོང་པའི་དྲོད་ཉམས་ཏེ་ཆུང་བར་བྱེད་དོ། །ཁམ་བུ་ནི་རོ་མངར་ལ་ཞིམ། ཁམ་བུ་སྨིན་པ་ནི་མྱུར་དུ་འཇུ། ཧ་ཅང་ཚ་
[372a]
[372a.1]ཞིང་དྲོད་ཆེ་བ་མ་ཡིན། །ཧ་ཅང་ལྕི་སྟེ་འཇུ་དཀའ་བ་མ་ཡིན། རླུང་ནད་དང་བད་ཀན་དང་མཁྲིས་པའི་ནད་ཀུན་ནི་སྐྱེད་དོ། །རྒུན་རློན་རོ་སྐྱུར་བ་དང་། ཤིང་ཏོག་པ་རུ་ཤ་རློན་པ་རོ་སྐྱུར་བ་གཉིས་འདྲ་སྟེ་མཁྲིས་པ་དང་བད་ཀན་སྐྱེད་དོ། །ཤིང་ཏོག་ཀ་
[372a.2]ར་མར་ཏ་ཀ་དང་། དེ་དང་འདྲ་བར་ཤིང་ཏོག་རྒྱ་ཤུག །ཤིང་ཏོག་ཀེར་ཀེན་དུ་དང་། ཤིང་ཏོག་ལི་གུ་ཙི་དང་། ཨ་མྲ་ཏ་ཀ་དང་། ཁམ་བུ་འདི་རྣམས་འདྲ་སྟེ་འཇུ་དཀའ། ལྕི་ཚ་བའི་མཐུ་ཡོད་རླུང་ནད་སེལ། ཁོང་འཁྲུ་བར་འགྱུར་རོ། །དེ་བཞིན་དུ་ཤིང་ཏོག་ཨེ་རབ་ཏ་དང་།
[372a.3]དཎ་ཌ་ཥ་ཋ་དང་། ས་པུད་དང་། མྲི་ག་ལི་ན་དུ་ཀ་དང་། འདི་རྣམས་ཀྱང་ཕན་གནོད་གོང་དུ་བཤད་པ་དང་འདྲའོ། །ཀར་མར་ཏ་ཀ་སྨིན་པ་སྐམ་པོ་གཉིས་ནི་མཁྲིས་པ་རབ་ཏུ་སྐྱེ་བར་ཡང་མི་བྱེད་དོ། །ཤིང་ཏོག་ཨ་མ་ལིང་ཀ་དང་ཀོ་ལ་གཉིས་ཀ་སྐམ་པ་ནི་དྲོད་སྐྱེད། ཅུང་ཟད་འཁྲུ།
[372a.4]སྐོམ་པ་དང་། ངལ་ཏེ་ཆད་པ་དང་། ལུས་རྨྱ་བ་དང་། འདི་གཉིས་ཀ་ལ་ཕན་ཏེ་ཡང་ཁོང་གྲིམས་ཤིང་བཤོར། བད་ཀན་དང་རླུང་ནད་གཉིས་ཀ་སེལ་ཏེ་ཕན་ནོ། །ཤིང་ཏོག་འབྲས་བུ་དེ་རྣམས་ཀྱི་ནང་ན་ལི་གུ་ཛ་ནི་ནང་ན་མི་དགེ་སྟེ། ནད་ཐམས་ཅད་སློང་བས་ངན་པ་ཡིན་ནོ། །
[372a.5]ཤིང་ཏོག་གི་འབྲས་བུ་འདི་ཐམས་ཅད་ཀྱི་ངན་པར་བལྟ་བ་ནི་ལྷགས་པས་ཕོག་པ་དང་། མེས་ཚིག་སྟེ་ཚ་བར་གྱུར་པ་དང་། གནོད་པའི་རླུང་གིས་ཕོག་པ་དང་། སྦྲུལ་གྱི་ཁ་ཆུས་ཕོག་པ་དང་། སྲོག་ཆགས་སྲིན་བུས་ཟོས་པ་དང་། ཆུའི་ནང་དུ་ལྷུང་བ་དང་། ས་ངན་པ་ནས་སྨིན་པ་
[372a.6]དང་། དུས་མ་ཡིན་པར་སྨིན་པ་དང་། འདི་ལྟ་བུའི་ཤིང་ཏོག་རྣམས་ནི་གནོད་དེ་མི་རུང་ངོ་། །ཤིང་ཏོག་སྣ་ཚོགས་ཀྱི་འབྲས་བུའི་ཕན་གནོད་བཤད་པའི་ལེའུ་རྫོགས་སོ།། །།ལན་ཚྭ་སྣ་ཚོགས་ཀྱི་ཕན་གནོད་ཀྱི་བྱེ་བྲག་བཤད་པ། ལན་ཚྭ་ཐམས་ཅད་ནི་སྤྱིར་བད་
[372a.7]ཀན་དུ་འགྱུར། ཕྲ་ལ་ཞིབ་པས་རྩ་དང་ཤ་ཁྲག་ཐམས་ཅད་ཀྱི་ནང་དུ་འཇུག་ཅིང་འགྲོའོ། །ཐུར་དུ་བཤང་བའི་དྲི་མ་མི་ཐོགས་པར་འབྱུང་བར་བྱེད། ལུས་ཞེང་ལྷོད་པར་འགྱུར། རླུང་ནད་སེལ། ལན་ཚྭ་ཟོས་ནས་ཞུ་བའི་རྗེས་ནི་རྣོ་ཞིང་ཚ། དྲོད་སྐྱེད། ཡི་ག་འབྱེ། བད་ཀན་དང་
[372b]
[372b.1]མཁྲིས་པ་སྐྱེད་དོ། །ལན་ཚྭ་སེན་ད་པ་ཞེས་བྱ་བའི་བྱེ་བྲག་བཤད་པ། ལྕེ་མྱང་ཚ་ནི་རོ་མངར། གློ་སྙིང་ལ་ཕན། ཁོང་བརྟ་བུད་མེད་ལ་ཕོད། རླུང་ནད་དང་བད་ཀན་དང་མཁྲིས་པའི་ནད་ཀུན་སེལ། ཡང་སྟེ་འཇུ་སླ། དྲོད་ཆེ། ཚ་བ་ཡང་མ་ཡིན། ནད་དོ་ཅོག་ལ་རབ་ཏུ་ཕན།
[372b.2]ལུས་ཚ་བར་མི་འགྱུར། ཟས་འཇུ་བའི་མེ་དྲོད་སྐྱེད་དོ། །ལན་ཚྭ་སོའུ་བ་ཙ་ལ་རྩལ་རུ་ཚའི་བྱེ་བྲག་བཤད་པ། ལན་ཚྭ་སོའུ་བ་ཙ་ལ་རྩལ་རུ་ཚ་ནི་ཡང་སྟེ་འཇུ་སླ། གློ་སྙིང་ལ་ཕན། མ་ཞུ་བའི་གསུད་སྒྲེགས་མན་མ་པོ་འབྱུང་བ་འབྱང་ཞིང་དྲི་ཞིམ་པོར་འགྱུར། ལན་ཚྭ་འདི་བྲོས་
[372b.3]ཏེ་ཞུ་བའི་རྗེས་ནི་ཚ། བཤང་བ་འགགས་པ་འོང་དུ་མི་རུང་བ་འབྱུང་བར་བྱེད། དྲོད་སྐྱེད་ཁ་ཟས་ཡི་ག་འབྱེ་བར་འགྱུར་རོ། །ལན་ཚྭ་བི་ད་ཁ་རུ་ཚའི་བྱེ་བྲག་བཤད་པ་ལན་ཚྭ་བི་ད་ནི་སྟོད་བད་ཀན་འདྲེན། སྨད་ཀྱི་རླུང་ནད་འབྱིན་དྲོད་སྐྱེད། བཤང་བ་ཐུར་དུ་མི་འབྱུང་ཞིང་
[372b.4]འགགས་པ་དང་། ལྟོ་བ་སྦོས་པ་དང་། རྟུག་སྐམ་གྱིས་བཏབ་པ་དང་། ཁོང་དུ་ཟུག་ཅིང་ན་བ་དང་། ལུས་ལྕི་བ་འདི་ལྟ་བུ་སེལ་ཞིང་འབྱང་བར་བྱེད་དོ། །རྒྱ་མཚོའི་ལན་ཚྭའི་བྱེ་བྲག་བཤད་པ། རྒྱ་མཚོའི་ལན་ཚྭ་ནི་ཞུ་བའི་རྗེས་མངར། འཇུ་དཀའ་སྟེ་ལྕི། བད་ཀན་སྐྱེད་དོ།
[372b.5]ཚ་ཁྲོལ་བུའི་བྱེ་བྲག་བཤད་པ་ཆུ་མིག་ཁུང་མ་ལས་བྱུང་བའི་ཚྭ་ནི་རོ་ཁ་ལ་ཚ་སྟེ་རྣོ་ཟས་འཇུའོ། །ལན་ཚྭ་ཁ་རུ་ཚ་མདོག་ནག་པོར་འདུག་པ་ནི་དྲི་ཞིམ། རོ་མི་ཞིམ་པ་མ་ཡིན། ལན་ཚྭ་བི་ད་ནི་རོ་དང་དྲི་མི་ཞིམ། མཐུ་དང་ཡོན་ཏན་ནི་འདྲའོ། །མཚོ་དང་ཆུ་ལས་བྱུང་བའི་ལན་
[372b.6]ཚྭ་ནི་ཡང་ངོ་། །སྐོམ་ས་དུལ་དུལ་པོ་ལས་བྱུང་བའི་ལན་ཚྭ་ནི་བད་ཀན་སྐྱེད་འཇུ་དཀའ་ལྕིའོ། །དེ་ལ་སྨན་སྣ་སྦྱར་བའི་ནང་ནས་ལན་ཚྭ་ཞེས་སྨོས་པ་ནི། རྒྱམ་ཚྭ་ལ་སོགས་པ་སྨན་གྱི་སྣར་སྦྱར་ཞིང་བཏབ་པ་ཡིན་ནོ། །ནས་ཚིག་འཁུས་པའི་བྱེ་བྲག་བཤད་པ། ནས་ཚིག་
[372b.7]འཁུས་པའི་ཚ་ནི་སྐྲན་དང་སྙིང་ན་བ་དང་། ཕོ་བའི་ནད་དང་། སྐྱ་རྦབ་ཀྱི་ནད་དང་། མཆེར་བ་ན་བ་དང་། ལྟོ་སྦོ་བ་དང་། ལྦ་བ་བྱུང་བ་དང་། དབུགས་མི་བདེ་བ་དང་། གཞང་འབྲུམ་གྱི་ནད་དང་། བད་ཀན་རྒྱས་པ་དང་། ལུད་པ་ལུ་བ་རྣམས་ཞི་བར་བྱེད་དེ་ཕན་ནོ། །ནས་ཚིག་
[373a]
[373a.1]འཁུས་པའི་ཚ་དང་སྲ་རྫི་ཀའི་ཚ་ཐམས་ཅད་ནི་རབ་ཏུ་རྣོ་ལ་དྲོད་ཆེ་སྟེ་ཚ། ཁོང་ན་སྲིན་བུ་ཡོད་པ་སེལ། ཟས་འཇུ་བར་བྱེད་དེ་ཡང་ངོ་། །གནོད་པར་འབྱུང་བ་ནི་ཁྲག་དང་མཁྲིས་པའི་ནད་སློང་སྟེ། གནོད་དོ། །ཕོ་བ་གྲང་སྟེ། དེའུ་རྣམས་ཡོད་པ་
[373a.2]དང་། ཟས་མི་འཇུ་བ་འདི་ལྟ་བུ་ཚོས་ཤིང་འཇུ་བར་བྱེད། བད་ཀན་རྒྱས་པ་དང་། ཚིལ་ཆེས་པ་དང་། ཁུ་ཆུ་འདི་གསུམ་གཅོད་ཅིང་སེལ་བར་བྱེད། མི་ཞིམ་སྟེ་ཡི་གར་མི་འོང་རྨ་འདྲེད། ནས་ཚིག་འཁུས་པའི་ཚྭ་ནི་རོ་ལ་ལན་ཚྭ་བྲོ་བས་ན་མདངས་ཁོ་ན་ཡོད་པ་དང་། ཁུ་ཆུ་དང་
[373a.3]སྐྲ་དང་། མིག་དང་། འདི་རྣམས་ལ་གནོད་དོ། །ཤིང་ཀུན་ནི་རླུང་དང་བད་ཀན་དང་ལྟོ་བ་སྦོས་པའི་ནད་སེལ། མཁྲིས་པ་ནད་ཚ་བ་ནི་ལྡང་ངོ་། །ཤིང་ཀུན་ནི་རོ་ཡང་ཚ། ཞུ་བའི་རྗེས་ཀྱང་མངར་ལ་རོ་ཚ་བས་ཡི་ག་འབྱེ། དྲོད་སྐྱེད། ཁ་ཟས་འཇུ་ཡང་ངོ་། །ཨ་རུ་རའི་བྱེ་བྲག་
[373a.4]བཤད་པ་ཨ་རུ་རའི་རོ་ནི་བསྐ། ཞུ་བའི་རྗེས་ནི་མངར། རོ་ཅུང་ཟད་རྩུབ། ལན་ཚྭའི་རོ་ནི་མེད། ཡང་དྲོད་ཆེ། ཟས་འཇུ། ཡིད་གཞུངས། མཆོག་ཏུ་རྒས་སྲ་བར་འགྱུར། །ཨ་རུ་རའི་མཐུ་ནི་དྲོད་ཆེ་ཁོང་དུ་འཁྲུ། ཚེ་རིང་སེམས་རྣོ། །མིག་ལ་སོགས་པའི་དབང་པོ་རྣམས་
[373a.5]ནི་གསལ། སྟོབས་སྐྱེ་ལུས་ལ་མཛེ་བྱུང་བ་དང་། བཞིན་དང་ལུས་ཀྱི་མདོག་སྡུག་པ་དང་། སྐད་འགགས་པ་དང་། རིམས་བྱིང་བ་དང་། རིམས་དྲག་པོ་ལྡང་དུ་བ་མི་མཐུན་པར་ན་བ་དང་། ཀླད་པ་ན་བ་དང་། མིག་ན་བ་དང་། སྐྱ་རྦབ་ཀྱི་ནད་དང་། སྙིང་ན་བ་དང་། མིག་
[373a.6]སེར་བ་དང་། ཕོ་བའི་ནད་དང་། སྐོམ་པ་དང་། འོར་ནད་སྐྲང་བའི་བག་དང་། གཅིན་ནད་ཀྱིས་གཅིན་སྙི་བལྟ་བུས་མྱོས་ཏེ་ལོང་བག་ཏུ་འགྱུར་བ་དང་། སློན་བྲོ་བ་དང་། ལྟོ་ན་སྲིན་བུ་ཡོད་པ་དང་། དབུགས་མི་བདེ་བ་དང་། ལུད་པ་ལུ་བ་དང་། བད་ཀན་ལས་གྱུར་ཏེ་མཆིལ་
[373a.7]མས་ཁ་གང་བ་ལྟ་བུ་དང་། གཞང་འབྲུམ་གྱི་ནད་དང་། མཆེར་པ་ན་བ་དང་། ལྟོ་སྦོས་པ་དང་། དབྱིག་དུག་དང་། མཁྲིས་པ་ཆེར་སྐྱེས་པའི་ནད་དང་། བཤང་བ་འགགས་ཏེ་འོང་དུ་མི་བཏུབ་པ་དང་། སྐྲན་ནད་དང་། ད་རྒན་ན་བ་དང་། ཡི་ག་འཆུས་པ་དང་། ནད་ཀྱི་
[373b]
[373b.1]རྣམ་པ་དེ་རྣམས་དང་། བད་ཀན་དང་རླུང་ལས་གྱུར་པའི་ནད་འདི་རྣམས་ལ་ཨ་རུ་རས་སེལ་ཞིང་འབྱང་བར་བྱེད་དོ། །སྐྱུ་རུ་རའི་ཡོན་ཏན་ཡང་ཨ་རུ་ར་དང་འདྲ་སྟེ་ལྷག་པར་ནི་རོ་སྐྱུར། བསིལ་མཁྲིས་པ་དང་བད་ཀན་གྱི་ནད་སེལ་ཏོ། །བ་རུ་ར་ནི་མངར་བསིལ་ཞུ་བའི་རྗེས་
[373b.2]ནི་ཚ་སྐྲ་དང་། མིག་ལ་ཕན་ཏེ། སྐྱུ་རུ་རའི་ཡོན་ཏན་བསིལ་བས་ནི་ཅུང་ཟད་ཆུང་ངོ་། །ཨ་རུ་ར་དང་སྐྱུ་རུ་ར་དང་། བ་རུ་ར་གསུམ་ནི་ཚེ་རིང་བའི་སྨན་བཅུད་ལེན་དུ་འགྱུར་རོ། །འབྲས་བུ་འདི་གསུམ་ནི་མིག་ནད་སེལ་ཏེ་མིག་ལ་ཕན། རྨ་འཕོ་པགས་པའི་མདངས་མི་
[373b.3]སྡུག་ཅིང་ནད་དུ་གྱུར་པ་དང་། རྨ་རྣག་སྟེ་རེད་པ་དང་། ཚིལ་སྐྱེས་པའི་ནད་དང་། གཅིན་ནད་སྙི་བ་ལྟ་བུ་དང་། བད་ཀན་དང་ཁྲག་རྒྱས་པ་ལྟ་བུའི་ནད་སེལ་ཏོ། །གཡོས་ཀྱི་སྤོད་སྣར་སྦྱོར་བ་སྨན་སྣ་བཞི་དང་། སྣ་གསུམ་བཤད་པ། དེ་ལ་སྨན་དྲི་སྣ་བཞི་ནི། ནཱ་ག་གེ་སར་དང་
[373b.4]ཤིང་ཚ་དང་། གན་དྷ་བྷ་དྲ་དང་། སུག་སྨེལ་དང་འདི་བཞིའོ། །སྨན་དྲི་སྣ་གསུམ་དུ་སྦྱོར་བ་ནི། ཤིང་ཚ་དང་། གན་དྷ་བྷ་དྲ་དང་། སུག་སྨེལ་དང་། འདི་གསུམ་ནི་དྲི་ཞིམ་པོ་སྣ་གསུམ་མོ། །སྨན་ཚ་བ་སྣ་གསུམ་བཤད་པ། ན་ལེ་ཤམ་ནི་རོ་ཡང་ཚ། ཞུ་བའི་རྗེས་ཀྱང་ཚ་སྟེ་
[373b.5]མཁྲིས་པའི་ནད་སློང་། རྣོ་ལ་ཚ་བ་སྐྱེད། ཁོང་རྩུབ་ཡི་ག་འབྱེ། ཟས་འཇུ་བའི་མེའི་དྲོད་འབར་བར་འགྱུར། བད་ཀན་སེལ། འཇུ་སླ་ཞིང་ཡང་ངོ་། །པི་པི་ལིང་རློན་པ་ནི་རོ་ཅུང་ཟད་ཙམ་མངར། བད་ཀན་དུ་འགྱུར། བསིལ་ལྕི། ཁོང་འཇམ་ཞིང་སྣུམ་མོ། །པི་པི་ལིང་སྐམ་པོ་
[373b.6]ནི་གཤེར་བའི་ཚུལ་བཤད་པ་ལས་བཟློག་པར་བྱ་སྟེ། སྐམ་པོ་ཡོན་ཏན་ནི་རོ་ཚ་ཡང་ཞུ་བའི་རྗེས་མངར། ཁོང་སྣུམ། བུད་མེད་ལ་ཕོད་པར་འགྱུར། རླུང་དང་བད་ཀན་དང་དབུགས་མི་བདེ་བ་དང་། ལུད་པ་ལུ་བ་དང་འདི་རྣམས་སེལ། ཁོང་འཁྲུ་བར་འགྱུར། རྒས་སྲ་ཚེ་རིང་
[373b.7]བར་འགྱུར་བའི་སྨན་བཅུད་ལེན་སྦྱོར་བའི་ནང་དུ་པི་པི་ལིང་འཕྲོད་དུ་གཏང་བ་མ་གཏོགས་པར་གཞན་དག་ལ་པི་པི་ལིང་གཅིག་པུ་ཤས་ཆེ་བར་མི་བཏུང་ངོ་། །ལི་དོང་གྲ་ནི་ཕོ་བའི་དྲོད་སྐྱེད་ཅིང་འབར་བུད་མེད་ལ་ཕོད་པར་འགྱུར། ཁོང་འཁྲུ་བ་གཅོད་སྙིང་ལ་ཕན་འཁྲེན་པས་བཏབ་པ་
[374a]
[374a.1]སེལ། ཡི་ག་འབྱེ། ཁོང་ཡང་། ཞུ་བའི་རྗེས་མངར། ཁོང་དུ་དྲོད་ཆེ། ཁོང་འཇམ་ཞིང་སྣུམ། བད་ཀན་དང་རླུང་སེལ་ཏོ། །དེ་དང་འདྲ་བར་སྒེའུ་གཤེར་གྱི་ཡོན་ཏན་དང་མཐུ་ཡང་ལི་དོང་གྲ་དང་འདྲའོ། །ཚབ་འདི་སྣ་གསུམ་གྱིས་ནི་ལུས་ཤ་ཆེ་
[374a.2]སྟེ་སྦོམ་པ་དང་། ཕོ་བའི་མེ་དྲོད་ཉམས་ཤིང་ཆུང་བ་དང་དབུགས་མི་བདེ་བ་དང་། ལུད་པ་ལུ་བ་དང་། རོ་སྨད་མན་ཆད་དམ་རྐང་པ་སྐྲངས་པ་དང་། ཆམ་པའི་ནད་འདི་རྣམས་སེལ་ཏེ་ཕན་ནོ། །སྨན་སྣ་ལྔའི་ཕོ་གསུམ་སྦྱར་བའི་དཔྱད་ལ། ན་ལེ་ཤམ་གྱི་ཡོན་ཏན་པས་ནི་
[374a.3]དབྱི་མོ་དང་པི་པི་ལིང་གི་རྩ་བའི་མཐུ་ཆུང་ཟད་ཀྱིས་ཆུང་ངོ་། །དེ་བས་ན་ཙིཏྲ་ཀ་དྲོད་ཆེ་བའི་མཐུ་ནི་མེ་དང་འདྲ་སྟེ་སྨན་ཞུ་བའི་འོག་ཏུ་དྲོད་སྐྱེད། ཡོན་ཏན་ནི་ལུས་སྐྲངས་པ་དང་། གཞང་འབྲུམ་གྱི་ཁྲག་ཚད་དང་། ལྟོ་ན་སྲིན་བུ་ཡོད་པ་དང་། མཛེ་ནད་ཀྱིས་བཏབ་པ་འདི་
[374a.4]རྣམས་སེལ་ཏོ། །སྨན་སྣ་ལྔའི་ཐུན་རྒྱ་ཤུག་ཙམ་གཏོང་བ་ནི་ནང་དུ། ན་ལེ་ཤམ་ནི་མི་སྦྱར་རོ། །དེ་ལ་སྨན་སྣ་ལྔ་ཐུན་རྒྱ་ཤུག་ཙམ་སྦྱོར་བ་ནི། དབྱི་མོ་དང་། པི་པི་ལིང་དང་། པི་པི་ལིང་གི་རྩ་བ་དང་། ལི་དོང་གྲ་དང་། ཀྲུ་ཏྲུག་ཏྲེས་དང་འདི་ལྔའོ། །ཡང་འདི་ལྔའི་
[374a.5]ཡོན་ཏན་ནི་སྐྲན་དང་། མཆེར་པ་ན་བ་དང་། དམུ་རྫིང་ན་བ་དང་གསུས་པ་ཆེར་སྐྱེ་བའི་ནད་དང་། ལྟོ་བ་སྤོས་པ་དང་། ཟུག་ཅིང་ན་བ་སེལ། དྲོད་མཆོག་ཏུ་སྐྱེད་པར་འགྱུར་རོ། །སྨན་གྱི་རྩ་བ་ཆེན་པོ་སྣ་ལྔའི་དཔྱད་ལ། བིལ་བ་དང་། ཀསྨ་རི་དང་། ཏར་ཀ་རི་དང་། པ་ཏ་ལ་དང་།
[374a.6]དུན་དུ་ཀ་དང་འདི་ལྔ་ཆ་སྙོམས་ཏེ་བཙོས་པའི་ཁུ་བ་འཐུངས་ན་རླུང་ནད་དང་། བད་ཀན་གྱི་ནད་སེལ་ཏོ། །སྨན་གྱི་རྩ་བ་ཆུང་ངུ་རྣམ་ལྔ་སྦྱར་བའི་དཔྱད་ལ། བྲིཧ་ཏི་རྣམ་གཉིས་དང་། ཨང་ཤུ་མ་ཏི་རྣམ་གཉིས་དང་། གཟེ་མ་རྩ་ཐོན་དང་། འདི་ལྔ་གདུས་པའི་ཁུ་བ་
[374a.7]འཐུངས་ན་ཧ་ཅང་བསིལ་བ་ཡང་མ་ཡིན་ཏེ། སྨན་གྱི་ཁུ་བ་ཞུ་བའི་རྗེས་ནི་མངར་ཏེ་ནད་ཐམས་ཅད་ལ་ཕན་ནོ། །སྨན་གྱི་རྩ་བ་འབྲིང་པོ་སྣ་ལྔ་སྦྱར་བའི་དཔྱད་ལ། བ་ལ་དང་། པུརྞ་རྣ་བ་དང་། ཨེ་རཎྜ་དང་། སུ་བ་པར་ཎི་སྣ་གཉིས་དང་། སྨན་འབྲིང་པོ་སྣ་
[374b]
[374b.1]ལྔའི་རྩ་བ་བཙོས་ཏེ་གདུས་པའི་ཁུ་བ་འཐུངས་ན་བད་ཀན་དང་རླུང་ནད་སེལ། མཁྲིས་པ་རབ་ཏུ་སྐྱེད་པར་ནི་མི་བྱེད། ཁོང་ཅུང་ཟད་འཁྲུའོ། །ཛི་བན་ཏི་ཞེས་བྱ་བ་སྨན་སྣ་འཚོ་བྱེད་སྣ་བཅུའི་དཔྱད་ལ། ཨ་བྷི་རུ་དང་། བིར་དང་། ཛི་བ་ན་དང་། ཏི་དང་། ཛི་བ་ཀར་ཤ་བ་ཀ་བ་དང་
[374b.2]འདི་དག་ལ་སོགས་པ་སྨན་སྣ་བཅུ་པོ་ནི་སྨན་འཚོ་བྱེད་ཅེས་བྱ་སྟེ། མིག་ལ་ཕན། བུད་མེད་ལ་ཕོད་པར་འགྱུར། མཁྲིས་པ་དང་རླུང་སེལ། སྨན་འཚོ་བྱེད་སྣ་བཅུ་སྦྱར་བ་ལ། དར་བ་དང་། ཀ་ཤ་དང་། བུ་རམ་ཤིང་གི་རྩ་བ་དང་། ཤ་ར་སྐམ་པའི་འདམ་བུའི་རྩ་བ་དང་།
[374b.3]འབྲས་ཀྱི་རྩ་བ་དང་། འདི་རྣམས་ནི་སྨན་འཚོ་བྱེད་ཀྱི་ནང་ན་རྩ་བའི་གྲངས་སུ་འགྲོ་སྟེ། འདི་རྣམས་ནི་མཁྲིས་པ་སེལ་བར་བྱེད་དོ། །ལེའུ་དྲུག་པ་རྫོགས་སོ།། །།དེ་ནས་ཟས་བསྡམ་ཞིང་བསྲུང་བའི་ཆོ་ག་བསྟན་པར་བྱའོ། །སྲོག་འཚོ་བའི་སློབ་དཔོན་སྨན་
[374b.4]པ་ནི་རྟག་པར་རྒྱལ་པོའི་ཕོ་བྲང་དང་ཉེ་བའི་འདབ་ཏུ་བཞག་ལ། སྨན་པའི་ལས་སུ་རྒྱལ་པོའི་བཤོས་དང་། བསང་ནན་དང་ན་བཟའ་མནབས་པ་དང་། གཟིམས་མལ་བཤམས་པ་ལ་སོགས་པ་ཐམས་ཅད་ལ་ཡང་སྨན་པས་གར་རིག་པ་དང་། ཚོད་རན་པར་སྦྱར་ཞིང་བཤམས་
[374b.5]པ་རྣམས་རྟག་པར་ཞལ་ཏ་བྱའོ། །མིའོ་ཅོག་ཐམས་ཅད་བདེ་བ་དང་། གྲུབ་པར་ལྡན་ཞིང་ནོར་དང་ལོངས་སྤྱོད་དང་ཆོས་གྲུབ་པ་ཡན་ཆད་ཀྱི་དབང་ཡང་རྒྱལ་པོ་ལ་རག་ལུས་ཏེ། དེ་བས་ན་ལྷག་པར་རྒྱལ་སྐུའི་རིམ་གྲོར་ཞལ་ཟས་དང་། བསད་ནན་ལ་སོགས་པ་བསྡམ་
[374b.6]ཞིང་བསྲུང་བར་བྱའོ། །འབྲས་ཆན་གྱི་ནང་དུ་དུག་བཏབ་པ་ནི་འབྲས་གཤེར་བ་རླན་བག་ཏུ་འདུག་པའི་རིགས་ལས་ལྷག་པར་སྐམ་བག་ཏུ་འདུག་པ་ཡིན་ནོ། །འབྲས་ཀྱི་ནང་དུ་དུག་བཏབ་པ་ནི་ཚོས་དཀའ། ཚོས་པར་གྱུར་ན་ཡང་འབྲས་ཆན་བཙོས་ཏེ་ཞག་ལོན་པ་ལྟར་སྐམ་
[374b.7]བག་རྨ་བྱའི་མགྲིན་པ་ལྟར་འབྲས་ཆན་གྱི་མདོག་རྩ་སྔོ་ལ། འབྲས་ཆན་གྱི་མདོག་དང་དྲི་བསུང་ཡང་ཉམས་ཏེ། དྲི་མི་ཞིམ་པ་རུལ་བ། ཧམས་བག་རྨ་བྱའི་མདོངས་ལྟར་སྔོན་དམར་སྣ་ཚོགས་སུ་འདུག་སྟེ། འདི་ལྟ་བུའི་བག་ཟོས་ན་ལུས་ཚ་ཁོང་མྱོས་པ་དང་། རྒྱས་པ་དང་
[375a]
[375a.1]བད་ཀན་མང་བར་འགྱུར་རོ། །ཚོད་མ་སྣ་ཚོགས་ཁུ་བ་མེད་པ་རྔད་ཚོད་ཀྱི་ནང་དུ་དུག་བཏབ་ན་ནི་ཚོད་མ་མྱུར་དུ་སྐམ་པར་འགྱུར་རོ། །ཚོད་མ་དང་སྲན་དང་ཤ་ལ་སོགས་པ་ཁུ་བ་མདོག་གསལ་བའི་ནང་དུ་དུག་བཏབ་ན་ནི་ཁུ་བའི་མདོག་གནག་པར་
[375a.2]འགྱུར་རོ། །ཡང་ན་ཁུ་བ་སྣ་ཚོགས་ལ་སོགས་པ་ལ་བརྟག་པའི་ཐབས་ནི་ཚོད་མ་ཁུ་བ་ཅན་མ། ཁུ་ཤ་ལྟ་བུ་ལག་ཏུ་བླངས་པ་ལ་བདག་གི་བཞིན་གྱི་གཟུགས་བརྙན་ཆུང་ངུའི་མ་ཧ་ཅང་ཆེ་བའམ། མི་སྡུག་པར་སྣང་ངམ། ཡང་ན་ཡེ་མི་སྣང་ན་དུག་ཡོད་དོ། །
[375a.3]ཡང་ན་ཁུ་བ་ལ་སོགས་པའི་ནང་དུ་བལྟས་ན་དབུ་བ་སྟེང་དུ་སག་སག་བྱེད་ཅིང་འབྱུང་། ནག་པོ་ཤུར་ཤུར་པོའམ། ཁྱུག་ཁྱུག་པོའམ། ཡང་ཡང་ཕྱེད་ཕྱེད་དུ་འགྱེས་ཤིང་མཚམས་འབྱེ། ཁུ་བའི་ནང་ནས་ཆུའི་ཆུ་བུར་ལྟར་སྟེང་དུ་སྟོང་སྟོང་འབྱུང་ངོ་། །སྨན་པ་ཁ་
[375a.4]ཅིག་ན་རེ་སྐོམ་དང་ཆང་འཐུངས་པའི་ནང་དུ་ཡང་ཐབས་འདི་ལྟར་བརྟགས་ན་མངོན་ཞེས་འཆད་དོ། །ཡང་ན་ཚོད་མ་སྣ་ཚོགས་ཆུར་བའམ་བུ་རམ་མམ། རྒུན་འབྲུམ་མམ། བལ་པོ་སེའུ་ལ་སོགས་པ་གང་ཡང་རུང་བ་དང་། སྦོད་ཀྱིས་བསྒྱུར་བའི་གཡོས་ཚོད་མ་དང་ཁུ་བ་དང་།
[375a.5]འུ་ཤ་ལ་སོགས་པ་ཁུ་བ་དཀར་རམ། སྨུག་གམ། དམར་རམ་སྐ་སྟེ་མདོག་མི་གསལ་བ་རྣམས་ལ་དུག་ཡོད་དམ་མེད་བརྟག་པའི་ཐབས་ནི། གཡོས་མངར་བའམ། སྐྱུར་བ་དམིགས་ཀྱིས་རོ་བྲོ་བ་ཡང་རུང་བ་ཞིག་སྦྱར་བའི་ནང་དུ་དུག་བཏབ་ན། རོ་དེ་ལྟར་མི་བྲོ་ལ་རོ་མི་
[375a.6]ཞིམ་པ་གཞན་དུ་བྲོ་ན་དུག་ཡོད་དོ། །ཁུ་ཤ་དང་འུ་ཤའི་ནང་དུ་དུག་བཏབ་ན་ནི། ཁུ་བའི་ནང་ན་སྔོན་པོར་སྣང་ངོ་། །འོ་མ་དང་ཞོའི་ནང་དུ་དུག་བཏབ་ན་ནི་རི་མོ་ཟངས་མའི་མདོག་ལྟ་བུ་ཤུར་ཤུར་པོའམ། གྱ་གྱུ་པོ་ཡོད་དོ། །ཡང་ན་རི་མོ་ནག་ཅིང་སྔོ་བ་མ་ཡིན། རྩ་གནག་པའམ་
[375a.7]འགྲོ་བའི་རི་མོར་སྣང་ངོ་། །ངར་བའི་ནང་དུ་དུག་བཏབ་ན་ནི། རྩ་སྔོ་བའམ་རི་མོ་ནག་པོར་སྣང་ངོ་། །མར་ཁུའི་ནང་དུ་དུག་བླུགས་ན་ནི་ཆུའི་མདོག་འདྲ་བར་སྣང་བའི་རི་མོ་མངོན་ནོ། །ཆང་དང་ཆུའི་ནང་དུ་བླུགས་ན་ནི་ནག་པོར་སྣང་ངོ་། །སྦྲང་རྩིའི་ནང་དུ་
[375b]
[375b.1]དུག་བཏབ་ན་ནི་ལྗང་སྔོན་དུ་དུག་སྣང་ངོ་། །ཏིལ་མར་གྱི་ནང་དུ་བཏབ་ན་ནི་དམར་པོར་སྣང་ངོ་། །ཤིང་ཐོག་མ་སྨིན་པ་ལ་དུག་བཏབ་ན་ནི་སྨིན་པ་ལྟར་སྣང་ངོ་། །ཤིང་ཐོག་སྨིན་པ་ལ་དུག་བཏབ་ན་ནི་རུལ་བར་འགྱུར་རོ། །ཁ་ཟས་སྐམ་པོ་དང་རློན་པའི་ནང་དུ་དུག་བཏབ་ན་ནི་
[375b.2]རློན་པ་ནི་རྙིས་པར་འགྱུར་རོ། །སྐམ་པོ་མདོག་འགྱུར་རོ། །ཁ་ཟས་སྙི་ཞིང་འཇམ་པ་ལ་བཏབ་ན་སྲ་ཞིང་ཁངས་པར་འགྱུར་རོ། །སྲ་བའི་ནང་དུ་བཏབ་ན་སྙི་བར་འགྱུར་རོ། །མེ་ཏོག་དང་མེ་ཏོག་གི་ཕྲེང་བ་ལ་བཏབ་ན། མེ་ཏོག་གི་ལོ་མ་ཐོར་ཏོ་འགས་དྲི་མི་ཞིམ་ཞིང་རྙིས་པར་འགྱུར་
[375b.3]རོ། །གོས་ལ་སྤུ་དུག་གིས་བསྐུས་ན་ནག་པོ་ཐིག་ཐིག་པོ་དང་། ནག་པོ་ཀོར་ཀོར་པོར་འགྱུར། གོས་ཀྱི་སྤུ་གྲུགས་ཤིང་འཆད། མཐའ་མ་ཟེགས། རས་ཀྱི་ཁ་ཚར་འཆད་དོ། །གསེར་དངུལ་ས་ལེ་སྦྲམ་དང་མུ་ཏིག་དང་། ཤིང་གི་བག་ཁར་བའི་ཕོར་གཞོང་རྫ་དང་རྡོ་བ་དང་
[375b.4]རིན་པོ་ཆེ་ལ་སོགས་པ་ལ་དུག་གིས་བསྐུས་སམ་བྱུགས་ན་སྔ་མ་དང་མི་འདྲ་སྟེ་དྲི་མ་ཆགས་པར་སྣང་། མདོག་འགྱུར། འོད་ཉམས་རེག་ན་འཇམ་རྩུབ་མི་འདྲ་སྟེ་འགྱུར་རོ། །ཁམ་པའི་རྫ་ཕྲུ་དང་སྣོད་སྤྱད་ལ་དུག་གིས་བསྐུས་ན་ནི་མདོག་བཟང་ཞིང་འོད་ཡོད་པར་འགྱུར་རོ། །ཟས་
[375b.5]སྐོམ་ལ་སོགས་པའི་ནང་དུ་དུག་འདེབས་ཤིང་འོང་བའི་མི་སུ་ཡིན་རྟོགས་པར་ངོས་གཟུང་བའི་ཐབས་བཤད་པ། མི་ཞིག་ལག་ན་དུག་ཁྱེར་ཞིང་འོང་བར་མངོན་པའི་རྟགས་དང་མཚན་མ་མངོན་པ་ནི། གདོང་རྩ་སྔོ་ཞིང་གནག་བབ་ཏུ་འདུག །ཁ་སྐམ་གནོང་བག་སྐྱེངས་
[375b.6]བཞིན་ལ་མི་ཆགས་ཏེ། མིག་ཕྱོགས་ཕན་ཚུན་ལྟ། འདར་ཞིང་རྡུལ་བག་ཏུ་འདུག །རྟབས་པ་སྡངས་བག་དང་འགྲོ་ན་གོམ་པ་འདུར་བག་ཏུ་འགྲོ་བ་འདི་ལྟ་བུའི་མི་ནི། ཁ་ཟས་ཀྱི་ནང་དུ་དུག་འདེབས་ཤིང་འོང་བར་མངོན་པའི་རྟགས་ཡིན་ནོ། །ཟས་དུག་ཅན་དུ་ཡིན་པར་
[375b.7]མངོན་པའི་དོན་རྟགས་ལ་བབ་པར་གྱུར་ནས་དུག་ཡིན་པར་ཀུན་གྱིས་ཡིད་ཆེས་པ་དང་། ངོ་བཟུང་ཞིང་དཀར་ཆོག་པའི་ཐབས་བཤད་པ། ཁ་ཟས་དུག་ཅན་ཡིན་པར་གྱུར་ན་ཟས་དེ་མེར་བསྲེགས་པ་དང་། མེ་ལྕེ་གཅིག་ཏུ་འཁྱིལ་ཞིང་འབར་ལ་མེ་སྟག་རབ་ཏུ་དྲག་ལ། དུད་པ་རྨ་བྱའི་
[376a]
[376a.1]མགུལ་པ་ལྟ་བུར་འབྱུང་ཞིང་། མེ་ལྕེ་བྱུང་ཡང་རུང་མ་བྱུང་ཡང་རུང་དྲི་མི་ཞིམ་པ་དྲག་པོར་མནམ་མོ། །ཁ་ཟས་དུག་ཅན་སྲེ་མོས་ཟོས་ན་འཆི། བྱ་རོག་གིས་ཟོས་ན་སྐད་ཆུང་ངུར་འབྱིན། བྱ་ནེེ་ཚོ་དང་། བྱ་ཏ་ཏུ་ཧ་དང་། བྱ་ཤ་རི་ཀ་རི་སྐེགས་ཀྱིས་མཐོང་ན་སྐད་ཅ་ཅོ་
[376a.2]འབྱིན་པར་འགྱུར། ངང་པས་མཐོང་ན་གོམ་པ་ཐག་ཐུང་བྱེད་ཅིང་བརྡེག་འཆའ། བྱ་ཛིབ་ཏི་བ་ཀ་ཞེས་བྱ་བ་ཤང་ཤང་ཏེ་འུས་ཟོས་ན་ན་བར་འགྱུར། སྦྲུལ་གྱིས་མཐོང་ན་མིག་མི་ཆགས་ཉེ་བ་ལར་མི་བཏུབ་པར་བྱེད། །ཁྲུང་ཁྲུང་གིས་མཐོང་ན་ཙང་ཙང་པོར་འཛུར་བར་འགྱུར།
[376a.3]ཕུག་རོན་དང་བྱ་ཀོ་ཀི་ལ་དང་། བྱ་དག་ཤ་དང་། ངུར་པས་ཟོས་ན་འཆི་བར་འགྱུར། བྱི་ལས་མཐོང་ན་སྐྱོ་སྟེ་མི་འདོད་པར་འགྱུར། སྤྲེ་འུས་མཐོང་ན་སྐྲག་སྟེ་མི་གཙང་བ་འདོར་བར་འགྱུར། རྨ་བྱས་མཐོང་ན། དུག་གི་དཔལ་ངང་མདོག་ནི་ཉམས། །རྨ་བྱ་ནི་དགའ་བར་འགྱུར་རོ། །ཁ་ཟས་
[376a.4]དེ་ལྟ་བུ་དུག་ཅན་ཡིན་པར་ཤེས་ནས་བླ་འོག་མི་ཕལ་དང་། སྲོག་ཆགས་ཡན་ཆད་པ་གཅིག་ལ་ཅིས་ཀྱང་དེ་དག་ལ་གནོད་པར་མ་གྱུར་པར་མྱུར་དུ་མེད་པར་གྱིས་ཤིག །དུག་སྣ་ཚོགས་རེག་དུག་གམ། དུག་འཐུངས་སམ་ཟོས་པ་ལས་ནད་དུ་གྱུར་ན། སོ་སོའི་ནད་དམིགས་ཀྱི་
[376a.5]ངོ་བོ་བསྟན་པ་དང་། སོ་སོའི་སྨན་དཔྱད་ཀྱི་ཆོ་ག་བཤད་པ། རེག་དུག་གིས་ལུས་སམ་ལག་པ་ལ་རེག་ནན་པའི་ཐབས་ནི། དུག་གིས་གར་རེག་པ་ནས་གཡའ། ཚ་ཞིང་ན། རིམས་ཀྱིས་བཏབ་པར་འགྱུར། ལུས་ལ་འབྲུམ་བུ་འབྱུང་། ལུས་དང་ཡན་ལག་ལ་ཚོར་བའི་
[376a.6]བག་མེད་དེ་བེམ་བེམ་པོར་འདུག །སེན་མོ་འབྱུང་། སྦུ་འབྱི། ལུས་སྐྲངས་ཏེ། དེ་དག་ལ་སྨན་གྱི་ཆོ་ག་ནི་སྨན་དམིགས་ཀྱིས་སྨོས་པ་རྣམས་ཀྱི་ཁུ་བས་ལུས་དང་ཡན་ལག་བཀྲུ་ཞིང་ཆུ་བླུགས་པ་དང་། སྨན་གྱིས་བསྐུས་ན་དུག་ཐུབ་སྟེ་ཕན་ནོ། །དེ་ལ་སྨན་ནི་ཨུ་ཤི་དང་།
[376a.7]ཙན་དན་དཀར་པོ་དང་། ཤུག་པ་དང་། སོམ་བ་ལ་ཀའི་ཤུན་པ་དང་། བལ་བུའི་ལོ་མ་དང་། རུ་རྟ་དང་། གུའུ་རྩི་དང་། འདི་རྣམས་ཆམ་ཆོམ་དུ་བརྡུངས་བའི་ཁུ་བ་མཉེས་ཤིང་བཙིར་བས་བཀྲུ་ཞིང་རྒྱུན་དུ་བླུགས་པ་དང་། སྨན་འདི་རྣམས་ཞིབ་ཏུ་བཏགས་པའི་ལྡེ་གུས་
[376b]
[376b.1]བྱུག་གོ། །དུག་ཁའི་ནང་ཙམ་དུ་རེག་པའི་ནད་ཐབས་ནི་ཁ་ནས་པད་ཀན་མང་། ལྕེ་ལ་རོ་བྲོ་བ་མི་ཚོར། ཡ་མཆུ་མ་མཆུ་གཉིས་བེམ་བེམ་པོར་བྱེད་ཅིང་སོ་དང་མཆུ་དང་ལྕེ་ཀུན་བེ་རེ་རེ་བྱེད། ལུས་ཚ་སྟེན་ཞིང་ཟུག །སོ་བརྩེ། ཁ་ཟས་ཀྱི་རོ་ཅི་བྲོ་བ་མི་ཚོར། འགྲམ་རེངས་ཏེ་སོ་
[376b.2]འཛིངས་པའི་ནད་ཐབས་འདི་ལྟ་བུས་བྱེད་དེ། འདི་ལྟ་བུའི་སྨན་གྱི་ཆོ་ག་བྱ་བ་ནི། རེག་དུག་གསོ་བའི་སྨན་ཨུ་ཤི་རི་ལ་སོགས་པ་གོང་དུ་བཤད་པའི་སྨན་རྣམས་ཆུའི་ནང་དུ་སྦངས་ཏེ་མཉེས་པའི་ཁུར་བ་ཁར་བླུགས་ཏེ་བཞག་ལ་དུག་བསྡུ་ཞིང་དྲངས་ལ། ཁ་ཆུ་ཕྱིར་དོར་བའི་ཐབས་དང་།
[376b.3]དུག་ཐུབ་པའི་སྨན་ཐམས་ཅད་ཕན་ནོ། །དུག་འཐུངས་པ་ལས་མ་ཞུ་བའི་གནས་ཕོ་བ་དང་མཆིན་པ་ལ་བབ་པའི་ནད་ཐབས་ནི། ལུས་རྔུལ་ཞིང་བརྒྱལ། ལྟོ་སྦོས། མགོ་འཁོར་མྱོས། བ་སྤུ་ཀུན་ལངས། སྐྱུག །ལུས་ཀུན་ཚ། མིག་མི་མཐོང་། སྙིང་མི་དྲན། ལུས་དང་
[376b.4]ཡན་ལག་ལ་རྩ་དམར་པོ་དང་། སྔོན་པོ་ཏིག་ཏིག་པོས་གང་བར་འགྱུར་རོ། །ཡང་དུག་འཐུངས་པ་ཞིག་ལས་དུག་དེ་རྒྱུ་མ་མན་ཆད་སྨད་དུ་བབས་ན། ན་བའི་ཐབས་ནི་ཁ་ནས་སྐྱུག་པ་ཁ་དོག་སྣ་ཚོགས་སུ་འབྱུང་ཞིང་སྐྱུགས། གཅིན་མང་། ཚ་བར་བྱེད། རབ་ཏུ་འཁྲུ། ལུས་
[376b.5]མྱོ་མྱོ་པོར་རྨྱ་བག་ཏུ་འདུག །ཤ་སྐམ། ཤ་མདོག་སྐྱ་ཞིང་རྩ་སེར་བག་ཏུ་འདུག །གསུས་པ་སྐྱེ། ཉམས་སྟོབས་ཟད་དེ་དུག་རྣམ་པ་འདི་གཉིས་ཀྱིས་བབ་པ་ལ་དཔྱད་དུ་བྱ་བའི་ཐབས་ནི། སྐྱུག་སྨན་དང་བཀྲུ་སྨན་གྱིས་བཀྲུས་ན། དེ་ནས་སྐྱེར་པའི་རྩ་བ་དང་། ཆུ་རྩི་སེར་པོ་
[376b.6]ཡུང་བ་དང་། ཏ་ཀི་བྷ་ཞེས་བྱ་བ་དང་། བུ་རམ་དཀར་པོ་བ་ནི་དུ་བ་རི་ཀ་དང་། ནིས་པ་པ་དང་། བ་སི་ཀ་དང་། ཤ་ཏ་པར་པ་ཀ་དང་། ཏིན་དུ་ལི་ཡ་ཀའི་རྩ་བ་དང་། ཨ་པ་ལ་གུ་ཟ་དང་། སྨན་འདི་རྣམས་སྟོབས་སྙོམས་ཏེ་ཞིབ་ཏུ་བཏགས་ལ་འབྲས་
[376b.7]བཙོས་པའི་ཁུ་བ་བཙགས་པའི་གྲང་མོའི་ནང་དུ་སྨན་ཞིབ་ཏུ་བཏགས་པའི་ཕོ་བ་གསུམ་གང་བཀྲུས་ཏེ་ཐུན་གཅིག་བླུད་དོ། །མིག་དང་སྣ་ནས་གཏང་ན་ནི། སྨན་འབྲས་ཁུ་བའི་ནང་དུ་སྐྱོ་མར་སྦྱར་ཚགས་ལས་བཙགས་ཏེ་མིག་དང་སྣར་གཏིག་ཅིང་བླུགས་སོ། །ཐབས་འདི་
[377a]
[377a.1]ལྟར་ནད་པའི་ཉམས་སྟོབས་དང་སྦྱར་ཞིང་ན་མ་ཐག་གི་བར་དུ་བཏང་ན་དུག་ཐུབ་བོ། །དུག་གིས་ཕོག་པ་ལ་གཞན་ཡང་དཔྱད་བྱ་བ་ནི། གྱེན་དུ་དྲངས་ཏེ་སློན་པ་དང་། ཐུར་དུ་བཀྲུ་བས་ནད་སྦྱངས་ན་དུག་ནད་ཕྱིན་ཏེ། ཁོང་ཡང་བར་གྱུར་ནས་སྨན་བཏང་
[377a.2]བའི་དུས་ལ་བབས་ཏེ། གདོང་ཟངས་བཟང་པོ་སེག་བདར་གྱིས་བདར་བ་ཕོ་གསུམ་གང་སྦྲང་རྩི་དང་སྦྱར་ཏེ་བཏང་ན་དུག་སྙིང་ལ་བབ་པ་དང་། ཟུག་པ་ལ་ཕན་ཞིང་བྱང་ངོ་། །འདི་ལྟར་བྱས་ན་དུག་གིས་ཕོག་སྟེ་སྙིང་ན་ཞིང་ཟུག་པ་ཀུན་འབྱང་ངོ་། །སྙིང་ན་ཞིང་ཟུག་པ་ལ་སོགས་
[377a.3]པ་ཀུན་བྱང་ནས་དེའི་རྗེས་ལ་གསེར་ཕྱེ་མར་བཏགས་པ་ཞིབ་མོར་བགྱིས་ཏེ། སྦྲང་རྩིའམ་འབྲས་ཁུ་ལས་བཏང་ན་དུག་ཐུབ་སྟེ། གསེར་འཐུང་བ་ནི་དཔེར་ན་པདྨོའི་འདབ་མ་ལས་ཆུ་མི་ཆགས་པ་བཞིན་མིའི་ལུས་ལ་དུག་གིས་མི་ཚུགས་སོ། །གསེར་ཕྱེ་མ་རྟག་ཏུ་འཐུངས་ན་ཚེ་
[377a.4]ཡང་རིང་པོར་འགྱུར་རོ། །དུག་ལ་ཕན་པའི་ཆོ་ག་བསྟན་པ་ཡང་འདི་ཡིན་ནོ། །དུག་གིས་ཕོག་པའི་སྟེང་དུ་ཁ་ཟས་མི་འཕྲོད་པ་ཟོས་ན། དབྱིག་དུག་སྦྱར་མ་དང་འདྲ་སྟེ་རབ་ཏུ་གནོད་པར་འགྱུར་རོ། །དེ་དག་གང་ཞེ་ན། ཡུལ་གཤེར་ས་སེར་ཆེ་བ་ན་གནས་གནས་པའི་རི་
[377a.5]དྭགས་ལ་སོགས་པའི་ཤ་གང་ཡང་རུང་བ་དང་། ཉ་དང་། རྒྱ་སྲན་ནག་པོ་དང་། སྦྲང་རྩི་དང་། འོ་མ་དང་། ཡུངས་མ་དང་། ལ་ཕུག་ལ་སོགས་པའི་མྱུ་གུ་ཐམས་ཅད་དང་། སྐྱུར་པོ་ཡང་མི་དགེ་བས་འདི་རྣམས་འདྲ་སྟེ། ནང་ཕན་ཚུན་མི་འཕྲོད་པས་འདི་ལྟ་བུ་ནང་དུ་འདྲེས་
[377a.6]མར་ཟོས་ན་དུག་སློང་སྟེ་མི་རུང་ངོ་། །ཡང་པདྨའི་རྩ་བ་དང་། ལ་ཕུག་དང་། བུ་རམ་གང་ཡང་རུང་བ་འདི་གསུམ་ནང་མི་འཕྲོད་དེ་གནོད་དོ། །མཆོག་ཏུ་འོ་མ་དང་ཉ་གཉིས་མི་འཕྲོད་དེ། ཨ་མགུ་ནི་མི་གནོད་དོ། །ཉའི་ནང་དུ་ཡང་སྲེ་མ་མཆོག་ཏུ་གནོད་དོ། །འོ་མ་དང་སྐྱུར་
[377a.7]བར་མི་འཕྲོད་དོ། །དེ་བཞིན་དུ་ཤིང་ཐོག་སྐྱུར་པོ་ཐམས་ཅད་དང་། རྒྱ་སྲན་ནག་པོ་དང་། ཤིང་ཐོག་འབར་ར་ཀ་དང་། ཀྲང་ཀུ་དང་། བ་ལ་དང་། མུ་གུ་སྟ་ཀ་དང་། འདི་རྣམས་ཀྱང་འོ་མ་དང་མི་འཕྲོད་དེ། དེ་བཞིན་དུ་ཚོད་སྔོན་རྗེན་པ་ཤང་ཚེའི་བག་དང་། ཡུངས་མ་དང་
[377b]
[377b.1]ལ་ཕུག་ལ་སོགས་པའོ་མ་དང་མི་འཕྲོད་ཀྱི་མ་ཟ་ཤིག །ཕག་རྒོད་དང་བྱི་ཐུར་གྱི་ཤ་ལྟ་བུ་འཇུ་དཀའ་ཞིང་ལྕི་བ་འོ་མ་དང་མི་འཕྲོད་དེ། ཞོ་དང་རི་དྭགས་ཀྲི་ཤ་ཏའི་ཤ་དང་བྱ་གག་གི་ཤར་མི་འཕྲོད་དོ། །མོན་སྲན་སྡེའུའི་ཚོད་མ་དང་ལ་ཕུག་ཏུ་མི་འཕྲོད་དོ། །ལུག་ཤ་དང་
[377b.2]ལེ་བརྒན་རྩིའི་ཚོད་མར་མི་འཕྲོད་དོ། །པདྨའི་རྩ་བའི་ཚོད་མ་དང་ལ་ཕུག་དང་། ཡུངས་མ་དང་མྱུ་གུ་སྣ་ཚོགས་ཀྱི་ཚོད་མ་དང་མི་འཕྲོད་དོ། །མོན་སྲན་གྲེའུའི་ཚོད་མ་དང་། བུ་རམ་དང་ཞོ་དང་ཤིང་ཐོག་ལི་ཧ་ཟ་རྣམས་དང་མི་འཕྲོད་ཀྱི་མ་ཟ་ཤིག །ལྡུམ་བུ་ཆུ་སྐྱེས་ཀྱི་འབྲས་
[377b.3]བུ་དང་དར་བར་མི་འཕྲོད་དོ། །ཤིང་ཏ་ལའི་ཤིང་ཐོག་དང་པི་པི་ལིང་དང་ན་ལེ་ཤམ་དུ་མི་འཕྲོད་དོ། །ཀ་ཀམ་ཅི་དང་ཡང་མི་འཕྲོད་དོ། །ཡང་ན་ཉ་བཙོས་ན་ཡང་མི་རུང་ངོ་། །ཉ་མི་རུང་བཞིན་བཅའ་སྒ་བསྐོལ་བའི་སྣོད་ཀྱི་ནང་དུ་ཀ་ཀ་མ་ཙི་བ་བཙོས་ན་ཡང་མི་འཕྲོད་དོ། །
[377b.4]ཡང་ཀ་ཀམ་ཙི་དང་བྱ་ཀ་ན་ཏེ་ཞེས་བྱ་བའི་ཤ་སྣོད་སོ་སོའི་ནང་དུ་བཙོས་ཏེ་ཟོས་ན་ཡང་མི་འཕྲོད་དོ། །ཡང་ན་བྱ་ཀ་མ་ཏའི་ཤ་གཅིག་པུ་བཙོས་པ་ཁོང་དུ་ཞག་ལོན་པ་ཟོས་ན་ཡང་གནོད་དོ། །མར་གྱི་ནང་ན་ཉ་བརྔོ་བརྔོ་བའི་ཉའི་ཞག་དང་མར་ཁུའི་ནང་དུ་པི་པི་ལིང་རློན་པ་བརྔོས་པ་
[377b.5]ཡང་མི་འཕྲོད་ཀྱི་མ་ཟ་ཤིག །ཁར་བའི་ནང་དུ་མར་ཞག་བཅུ་ལོན་པར་གཞག་པའི་ནང་དུ་སྨན་གོ་བའི་འབྲས་བུ་མར་དང་དྲོན་མོར་ཟོས་ན་མི་འཕྲོད་དོ། །དར་བའི་ནང་དུ་ཀ་མ་པི་ལྱ་ལ་སོགས་པ་ཡང་མི་འཕྲོད་དོ། །ཏིལ་དང་མོན་སྲན་སྡེའུ་གཉིས་སྦྱར་བའི་ཐུག་པ་དང་།
[377b.6]འོ་མ་དང་ཆང་དུ་མི་འཕྲོད་དོ། །སྦྲང་རྩི་དང་མར་དང་རྡོ་ཚིལ་དང་། ཏིལ་མར་དང་ཆུ་དང་། འདི་རྣམས་གང་ཡང་རུང་ལན་གཉིས་ལན་གསུམ་དུ་ཧ་ཅང་ཆེར་མི་བཟའ་མི་བཏུང་ངོ་། །ཡང་ན་འདི་ལྔ་ཆ་མཉམ་པར་བྱས་ཏེ་ཅིག་ཅར་ཟོས་ན་ཡང་ཕན་ཚུན་ནང་མི་འཕྲོད་དེ་གནོད་
[377b.7]དོ། །མར་དང་སྦྲང་རྩི་གཉིས་ཆེ་ཆུང་བྱས་ཀྱང་ཆར་པའི་ཆུ་འཐུངས་ན་མི་འཕྲོད་དེ་གནོད་དོ། །ཡང་སྦྲང་རྩི་དང་པུ་ཀའི་ས་བོན་དང་གཉིས་ཟོས་ན་ཡང་གནོད་དོ། །སྦྲང་རྩི་དང་བུ་རམ་ཆང་དང་། ལི་ཁ་རའི་ཆང་དང་ནང་མི་འཕྲོད་དེ་གནོད་དོ། །ཡང་འོ་ཐུག་དང་ཆུ་དང་ཕྱེ་
[378a]
[378a.1]སྦྱར་བའི་སྐྱོ་མར་འཐུངས་ན་མི་འཕྲོད་དེ་གནོད་དོ། །ཤ་མོ་ཡུངས་མར་གྱི་ནང་དུ་བཙོས་པ་ཡང་མི་འཕྲོད་དེ་གནོད་དོ། །ཡང་ཚོད་མ་ཨུ་པོ་ཏ་ཀ་ཞེས་བྱ་བ་ཏིལ་གྱི་ཚིགས་མ་ལ་ཟོས་ན་རབ་ཏུ་འཁྲུ་བར་འགྱུར་རོ། །ཆུ་ལ་གནས་པ་ཞེས་དཀར་མོའི་ཤ་
[378a.2]བཙོས་པ་ཆང་དང་སྦྱར་བ་དང་། སྲན་རྡེའུ་དང་མོན་སྲན་སྡེའུ་དང་ཏིལ་དང་སྣ་གསུམ་དུ་སྦྱར་བའི་ཐུག་པ་དང་མི་འཕྲོད་དེ་གནོད་དོ། །ཕག་རྒོད་ཀྱི་ཚིལ་གྱི་ནང་བྱ་དཀར་མོའི་ཤ་བརྔོས་ཏེ་ཟོས་ན་འཕྲལ་དུ་སྲོག་ལ་གནོད་པར་འགྱུར་རོ། །དེ་བཞིན་དུ་སྲེག་པ་དང་། རྨ་བྱ་དང་།
[378a.3]གོ་དྷ་ཞེས་བྱ་བ་སྲེན་མོ་བ་ཞིག་ཡོད་པ་དང་། བྱ་ཀ་བི་ཛ་ལ་དང་། འདི་རྣམས་ཤིང་ཨེ་རཎྜའི་མེ་བུས་ཏེ། ཨེ་རཎྜ་གཉིས་ཀྱི་མར་ལ་བརྔོས་ན། མི་འཕྲོད་པ་སྟེ་གནོད་དོ། །བྱ་ཧ་རི་ཏ་ཞེས་བྱའི་ཤ་སྐྱེར་ཐུར་རིང་པོས་ཕུག་ལ། སྐྱེར་བའི་མེ་དང་། མདག་མ་ལ་བསྲེགས་ཏེ་ཟོས་
[378a.4]ན་འཕྲལ་དུ་སྲོག་ལ་གནོད་དོ། །བྱ་ཧ་རི་ཏའི་ཤ་བསྲེགས་ཤར་བྱས་ཏེ་ཐལ་བ་དང་ས་ཡང་རེག་ལ། དེ་སྦྲང་རྩི་དང་སྦྱར་ཞིང་ཟོས་ན་དེ་བཞིན་དུ་གནོད་དོ། །དེ་ལྟ་བས་ན་ཁ་ཟས་མི་འཕྲོད་པ་ལ་གང་ཡང་རུང་བ་ཟོས་ན་མི་འཕྲོད་ནད་སློང་ལ་ནད་བྱང་དུ་མི་རུང་བ་དེ་ལྟ་བུ་ནི། མདོར་ན་
[378a.5]ཟས་མི་འཕྲོད་པ་ཞེས་བྱ་སྟེ་གནོད་པ་ཡིན་ནོ། །འདི་ལྟ་བུ་ཁ་ཟས་མི་འཕྲོད་པ་ཟོས་པ་ལ་དཔྱད་དུ་བྱ་བ་ནི་རྣམ་པ་གཉིས་ཏེ། གཅིག་ནི་བཀྲུ་སྨན་དང་། སྐྱུག་སྨན་གྱིས་སྦྱང་བའོ། །རྣམ་པ་གཉིས་ནི་ཟས་མི་འཕྲོད་པའི་ནད་དེ་ལྟ་བུ་སེལ་ཞིང་འབྱིན་པའི་འཇུ་སྨན་ནམ། ཡང་ན་
[378a.6]ཟས་སྨྱུང་བ་ལ་སོགས་པས་ཞི་བར་བྱའོ། །ལ་ལ་ཞིག་ཟས་དང་མི་འཕྲོད་པ་འདི་ལྟ་བུ་ཐོག་མ་ནས་ཟ་ཞིང་། ལུས་ཟས་དེ་ལྟ་བུ་ཉིད་ཀྱིས་ལུས་གསོས་བསྐྱེད་པ་དང་། ཡང་ན་རྟག་ཏུ་བཅག་པ་ལ་སོགས་པས་ལུས་བཀྲོལ་ཞིང་ཤུགས་ཕྱུང་བ་དང་། ན་ཚོད་དར་ལ་བབ་ཅིང་ཉམས་
[378a.7]སྟོབས་དང་ཡང་ལྡན་པའི་མི་ཟས་མི་འཕྲོད་པ་ཡིན་གྱིས་ཀྱང་རྟག་པར་ཟས་སུ་གོམས་པ་དང་། ཅུང་ཟད་ཟོས་ན་དེ་ལྟ་བུ་ནི་མི་འཕྲོད་ཅིང་གནོད་པར་མི་འགྱུར་རོ། །ཡང་ཟས་མི་འཕྲོད་པ་དེ་ཟོས་ན་ཡང་ཉེན་དུ་མི་འགྱུར་བར་སྦགས་ཀྱིས་བཟའ་བའི་ཐབས་ནི། ཟས་འཕྲོད་པ་
[378b]
[378b.1]བཞི་གསུམ་ཟོས་ནས་ཟས་མི་འཕྲོད་པ་བཞི་ཆ་གཅིག་བཟའོ། །དེ་ནས་བགས་ཀྱིས་ཉིན་རེ་བཞིན་ཟས་འཕྲོད་པ་བཞི་གསུམ་གྱི་སུམ་ཆ་གཅིག་པོ་དེ་ལ་ཡང་བཞི་ཆས་ཉིན་རེ་རེ་ཞིང་ཕྲི་ལ་མི་འཕྲོད་པའི་ཟས་ཀྱང་ཉི་མ་རེ་རེ་ཞིང་ཆ་བསྐྱེད་དེ། བཟའ་བ་འདི་ལྟ་བུར་ཉི་མ་གཅིག་
[378b.2]གཉིས་གསུམ་བཞི་རྟག་ཏུ་ཟོས་ན་འཕྲོད་པར་འགྱུར་རོ། །ཡང་ན་ཁ་ཟས་མི་འཕྲོད་ཀྱང་རྟག་པར་ཟོས་ཏེ་གོམས་ན་མི་གནོད་དེ་ཕན་ནོ། །གལ་ཏེ་ཟས་མི་འཕྲོད་པ་ཕན་ཞིང་གོམས་པར་གྱུར་པ་དེ་བཏང་ལ་འཕྲོད་ཅིང་ནད་དུ་མི་འགྱུར་བའི་ཟས་མི་གོམས་པ་བསྟེན་ཅིང་ཟོས་ན་མི་
[378b.3]འཕྲོད་དེ་གནོད་པས་དེ་མ་ཐག་ཏུ་ནད་དུ་འགྱུར་ཏེ། རླུང་དང་། བད་ཀན་དང་། མཁྲིས་པ་ལ་སོགས་པའི་ནད་ལུས་ལ་གནོད་པར་འགྱུར་བ་དེ་བདག་དང་ཉེ་བར་གནོད་པ་ཡང་དང་ཡང་ཟ་བ་གང་ཡིན་པ་ནི་མཁས་ཤིང་ཤེས་པས་བཟའ་བའི་མི་རིགས་སོ། །དེ་བས་ན་ལུས་ལ་ཕན་
[378b.4]པར་འགྱུར་བའི་ཟས་དང་། གོས་དང་། མལ་ཆ་དང་། བུད་མེད་ལ་ཕོད་པ་རྣམས་ལ་ཚོད་ཟིན་ཅིང་རན་པར་བྱེད་པས་ལུས་བརྟན་ཅིང་གསོ་བ་ནི། དཔེར་ན་ཁང་ཁྱིམ་རྟག་ཏུ་ཞལ་ཏ་བྱེད་ཅིང་བཅོས་པ་དང་འདྲ་སྟེ། དེ་ལྟ་བས་ན་ཁ་ཟས་ཀྱི་ཚུལ་ནི་སྔར་ཡང་བསྟན་པ་ཡིན་ནོ། །
[378b.5]འོག་ནས་སྐབས་སྐབས་སུ་ཡང་འཆད་དོ། །བདེ་མི་བདེ། ཤ་ཆེ་བ་དང་། སྐེམ་པ་དང་། སྟོབས་ཆེ་ཆུང་དང་། བུད་མེད་ལ་ཕོད་མི་ཕོད་དང་། སེམས་གསལ་མི་གསལ་དང་། སྲོག་གི་ཟུངས་ཡན་ཆད་ཀྱང་གཉིད་ཚིམ་པར་ལོག་ན་ཕན་ཏེ་གཉིད་ལ་རག་ལུས་སོ། །གཉིད་
[378b.6]ལེགས་པར་ལོག་པ་ནི་ལུས་ལ་ཕན་གྱི། འོན་ཀྱང་སོས་ཀའི་ཚེ་ཉིན་པར་ལོག་ཏུ་རུང་བ་མ་གཏོགས་པར་དུས་གཞན་གྱི་ཚེ་ཉལ་བ་ནི་དུས་མ་ཡིན་པར་གཉིད་ལོག་པ་ཞེས་བྱ་སྟེ་གནོད་དོ། །གཉིད་ལོག་ན་ཕན་ཞེས་ཏེ་རྒྱུན་དུ་ཧ་ཅང་ཡང་མ་འོངས་པར་མི་ཉལ་ལོ། །གཉིད་དྲགས་
[378b.7]ན་ལུས་ལ་གནོད་ཆེས་ཏེ་གཉིད་ཡེ་མི་ལོག་པར་ཡང་མི་རུང་ངོ་། །རྟག་ཏུ་ཧ་ཅང་ཡང་ཉལ་ཞིང་གཉིད་དྲགས་ན་བདེ་སྐྱིད་པའི་ཚེ་ལ་བདུད་ལྷག་པར་འབྱུང་སྟེ་གནོད་དོ། །མཚན་མོ་གཉིད་མི་ཉལ་བ་ནི་ལུས་ཀྱི་ཁོང་རྩུབ་སྟེ་རླུང་སྐྱེད་དོ། །ཉིན་པར་གཉིད་ལོག་པ་ནི་ལུས་ཀྱི་ཁོང་
[379a]
[379a.1]འཇམ་སྟེ་བད་ཀན་སྐྱེད། ཙོག་པུར་ཡུར་བ་ནི་རླུང་ཡང་མི་སྐྱེད་བད་ཀན་དུ་ཡང་མི་འགྱུར་རོ། །སོས་ཀའི་ཚེ་ཟླ་བ་གཉིས་རླུང་སྐྱེ་བའི་དུས་ཏེ་ཉམས་མཐུ་མི་འབྲི་བའི་དུས་ལ་བབ་པས་དེའི་ཚེ་མཚན་ནི་ནམ་ཐུང་ཉི་མ་རིང་བས་ཉིན་པར་གཉིད་ལོག་ན་
[379a.2]ཕན་ནོ། །དུས་འདིའི་ཚེ་མ་ཡིན་པར་གཉིད་ལོག་ན་བད་ཀན་དང་མཁྲིས་པ་སྐྱེད་པར་འགྱུར་རོ། །སྨྲ་མངས་ཏེ་དྲགས་པ་དང་། རྟ་ཞོན་དྲགས་པ་དང་། རྐང་གིས་སོང་སྟེ་དུབ་པ་དང་། ར་རོ་བ་དང་། བུད་མེད་ལ་ཉལ་དྲགས་པ་དང་། ཁུར་དང་ལས་ཀྱིས་དུབ་པ་དང་། ཚིག་
[379a.3]པ་ཟོས་ཏེ་ཁྲོས་པ་དང་། མྱ་ངན་གྱིས་བཏབ་པ་དང་། ངལ་ཞིང་དུབ་པ་དང་། དབུགས་མི་བདེ་བ་དང་། སྐྱིགས་བུས་བཏབ་པ་དང་། ཚད་པས་རབ་ཏུ་འཁྲུ་བ་དང་། ནད་རྒན་པ་དང་། བྱིས་པ་ཆུང་ངུ་དང་། ཉམས་སྟོབས་འབྲི་བ་དང་། གློ་རྡོལ་ཏེ་ཁ་ནས་ཁྲག་འོང་བ་དང་།
[379a.4]སྐོམ་པ་དང་། ལུས་དང་ཡན་ལག་ན་སྟེ་ཟུག་པ་དང་། ཟས་མ་ཞུ་སྟེ་མི་བདེ་བ་དང་། ཚ་བ་དང་། འདི་རྣམས་ལྟ་བུ་མི་བདེ་ལ་གཉིད་ལོག་ཏུ་རུང་ངོ་། །གཉིད་ལོག་པའི་ཡོན་ཏན་ནི་སྲོག་ཟུངས་ཀྱི་ཁམས་བདུན་སྙོམས་པར་འགྱུར་རོ། །བད་ཀན་སྐྱེས་ཏེ་ལུས་བརྟའོ། །
[379a.5]ལ་ལ་ཚོ་སྟེ་ཚིལ་ཆེ་བ་དང་། བད་ཀན་ཆེ། རྟག་པར་ཟས་སྣུམ་བག་ཟ་བ་དེ་ལྟ་བུ་ནི་མཚན་མོ་ཡང་མ་ཉལ་ཅིག །དུག་གིས་ཕོག་པ་དེ་ལྟ་བུ་ནི་མཚན་མོ་ཡང་མ་ཉལ་ཅིག །ཉིན་པར་དུས་མ་ཡིན་པར་ཉལ་བ་ནི་སེམས་རྨོངས་བག་ཏུ་འགྱུར་རོ། །རིམས་ཀྱིས་ཐེབས། རྨུགས་
[379a.6]པར་བྱེད། །ཆམ་པས་ཐེབས། ཀླད་པ་ན། སྐྲངས་དང་ཁ་མེར་མེར་པོར་བྱེད། །སྒྱིད་པ་སྐྱུར། རྩའི་རྒྱུན་རྣམས་འགགས་པ་དང་། དྲོད་ཆུང་ཞིང་ཟས་མི་འཇུ་བར་འགྱུར་རོ། །དེ་ལྟར་ཉལ་དྲགས་པས་བད་ཀན་སྐྱེད་དེ་ནད་དུ་གྱུར་པའི་ཆོ་ག་ནི་ཟན་བཅད་དེ་སྨྱུང་བར་བྱ་བ་དང་། །
[379a.7]སྐྱུག་སྨན་གཏང་བ་དང་། རླངས་པས་བདུག་ཅིང་བྱིབས་ཏེ་རྡུལ་དབྱུང་བ་དང་། སྨན་སྣ་ནས་གཏང་བ་དང་། ན་ལེ་ཤམ་དང་སྦྱར་བའི་སྐྱུག་སྨན་རྣོན་པོ་དང་། །མིག་སྨན་གཏང་ངོ་། །གཞན་ཡང་བད་ཀན་བསལ་བའི་ཐབས་ནི་སྣ་ནས་གཏང་བ་དང་། ཟས་དེ་སྨྱུང་བར་བྱ་བ་དང་།
[379b]
[379b.1]སེམས་ལས་བསྐྱེད་པ་དང་། བུད་མེད་ལ་བརྟེན་པར་བྱ་བ་དང་། མི་དགའ་བའི་མྱ་ངན་འཇིགས་པ་དང་། ཚིག་པ་ཟ་ཞིང་ཁྲོ་བ་ལྟ་བུར་བྱས་ན། ཐབས་འདི་རྣམས་ཀྱིས་གཉིད་སེལ། །བད་ཀན་གྱི་ནད་འབྱུང་བར་འགྱུར་རོ། །གལ་ཏེ་ཡང་གཉིད་ཡེ་མི་ལོག་ན་ཡང་
[379b.2]ལུས་དང་ལྷུ་ཚིགས་སྐྱུར་ཞིང་སྙོམ། ཀླད་པ་ལྕི། གླལ་མང་། མྱོ་མྱོ་པོར་འགྱུར། །ལུས་མི་བདེ། མགོ་འཁོར། ཟས་མི་འཇུ། བརླང་བརླང་པོར་བྱེད། རླུང་ནད་སྐྱེད་དོ། །དེ་ལྟ་བས་ན་མཚན་མོ་ཉལ་བའི་དུས་ལ་ནམ་བབ་པ་དང་། ཇི་ལྟར་བདེ་བར་ཉལ་བར་བྱའོ། །
[379b.3]གལ་ཏེ་སྔོན་ཆད་མ་གོམས་པར་མཚན་མོ་མི་ཉལ་བར་བྱས་པས་ལུས་ལ་གནོད་དེ། མི་བདེན་ནང་པར་སྔར་ཟན་མ་ཟོས་པ་ཇི་སྲིད་གཉིད་ཀྱིས་མ་ལོག་པ་དེའི་ཚེ་ཕྱེད་སྲིད་ཀྱི་བར་དུ་གཉིད་ཀྱིས་ལོག་པར་བྱའོ། །ལ་ལ་ཞིག་གཉིད་མེད་ན་དེ་ལ་གཉིད་འོང་བར་བྱ་བའི་དཔྱད་ནི། འོ་
[379b.4]མ་དང་། ཆང་དང་། ཤའི་བཅུད་དང་། ཞོ་བཏུང་བ་དང་། ལུས་ལ་མར་གྱིས་བྱུགས་ཏེ་ལྡེ་གུས་ཕྱི་ཞིང་དྲིལ་ལ་ཆུ་དྲོན་པོས་ཁྲུས་བྱ་བ་དང་། ཀླད་པ་དང་། རྣ་བ་དང་། མིག་ཏུ་ཏིལ་མར་བླུགས་པ་དང་། མཚན་མོ་བུད་མེད་གཞོན་ནུ་དང་ཉལ་བ་དང་། ཡུལ་ཡིད་དུ་འོང་བ་
[379b.5]ན་གཉིད་ལེགས་པར་འོང་སྟེ་བདེའོ། །ཡང་ལ་ལ་ཞིག་གྲོང་གི་བདེ་བ་ལ་སེམས་མ་ཆགས་ཤིང་། ཚངས་པར་སྤྱོད་པ་ལ་དགའ་སྟེ་ཆོག་ཤེས་ཤིང་མགུ་སླ་བ་དེ་ལྟ་བུ་ནི་ཉལ་བའི་དུས་སུ་གཉིད་རང་ལེགས་པར་འོང་ངོ་། །ཡང་བུད་མེད་དང་སྐྱེས་པ་ལྷན་ཅིག་སྤྱོད་པ་ལ་ཡང་
[379b.6]བཀན་པ་མ་ཡིན་པ། །བས་བུབ་པའམ། ཟུར་གྱིས་མི་བྱ། །ཟླ་མཚན་གྱི་ཚེ་མི་བྱ། ཡིད་དུ་མི་འོང་བ་ལ་བྱེད་པ་དང་། མངལ་ནས་རྣག་དང་ཤེའུ་རུལ་དང་། ཆུ་སེར་ལྟ་བུ་འོང་བ་དང་། ཧ་ཅང་སྦོམ་པ་དང་། བུ་བྱུང་བའི་རྗེས་དང་། སྦྲུམ་མ་དང་བྱོལ་སོང་ལྟ་བུའི་
[379b.7]མངལ་དུ་གྱུར་པ་དང་། གཞན་གྱི་ཆ་ལུགས་སུ་ཞུགས་ཏེ་དཀའ་ཐུབ་བྱེད་པ་འདི་རྣམས་ལྟ་བུ་ལ་བྱར་མི་རུང་ངོ་། །ཡང་ལྷ་ཁང་དང་། བླ་མའི་གནས་དང་། རྒྱལ་པོའི་ཕོ་བྲང་དང་། མཆོད་རྟེན་དང་། ཤིང་གཉན་པོ་དང་། དུར་ཁྲོད་དང་། ལམ་གྱི་སུམ་མདོ་དང་བཞི་
[380a]
[380a.1]མདོ། །ཉ་བའི་དུས་དྲུག་གི་ཚེ་དང་། །ཉིན་པར་ཉལ་བ་འདི་ལྟ་བུ་མི་རིགས་ཏེ་མི་རུང་ངོ་། །ཡང་ཟས་སྐོམ་ཧ་ཅང་ཡང་ཆེར་ཟོས་པའམ། མི་དགའ་བར་འགྱུར་བའམ། བཀྲེས་སམ། སྐོམ་མམ། ལུས་མི་བདེ་བའམ། བྱིས་པ་གཞོན་པའམ། རྒན་པའམ་
[380a.2]བཤང་གཅི་བྲོ་བ་འདི་ལྟ་བུའི་ཚེ་ན་ཉལ་པོ་མི་དགེ་བས་ཐོང་ཤིག །བུད་མེད་དང་ཕྲད་པ་ནི་དགུན་གྱི་དུས་སུ་ཁ་ཟས་ཕན་ཞིང་བསོད་པས་ལུས་ཀྱང་ལེགས་པར་བརྟས་ལ་ཉམས་བདེ་བའི་ཚེ་འདོད་པ་བསྟེན་པར་བྱའོ། །དཔྱིད་དང་སྟོན་ནི་ཉི་མ་གཉིས་ཤིང་ལན་རེ་བུད་མེད་དང་
[380a.3]ཕྲད་པར་བྱའོ། །དབྱར་དང་སྟོན་གྱི་དུས་སུ་ནི་ཟླ་བ་ཕྱེད་ཅིང་ལེན་རེ་ཞིང་བུད་མེད་ལ་ཉལ་དུ་རུང་ངོ་། །དུས་ཚིགས་ཀྱི་རིམ་པ་དམིགས་ཀྱིས་ཕྱེ་སྟེ་བསྟན་པ་བཞིན་དུ་བུད་མེད་དང་ཉལ་བར་དུས་མ་ཡིན་པར་བུད་མེད་ལ་ཉལ་དྲགས་པ་ན། མགོ་འཁོར། །ལུས་སྙོམ་ཞིང་སྐྱིད་སྐྱུར།
[380a.4]བརླའི་མཐུ་བྲི་སྟེ་ཞན་པར་འགྱུར་རོ། །ཉམས་མཐུ་བྲི། མི་ལ་ཁྲག་དང་ཤ་དང་ཚིལ་ལ་སོགས་པ་ཁམས་བདུན་ཟད་པར་འགྱུར། མིག་དང་རྣ་བ་དང་། སྣ་ལ་སོགས་པའི་དབང་པོ་རྣམས་ཉམས་པར་འགྱུར། དུས་མ་ཡིན་པར་གློ་བུར་དུ་འཆི་བའི་ཉེན་འདི་ལྟ་བུར་འགྱུར་
[380a.5]རོ། །ཡང་དུས་ཚིགས་བསྟན་པ་བཞིན་དུ་བུད་མེད་དང་རན་པར་ཡིད་གཞུངས། དྲན་པ་གསལ། ནད་མེད། ལུས་དང་དབང་པོ་བརྟས། མཐུ་རྩལ་དང་གྲགས་པ་ཆེ་བ་དང་ལྡན། རྒས་སྲ་བར་འགྱུར་རོ། །བུད་མེད་ལ་རན་པར་ཉལ་བའི་རྗེས་ལ་ལུས་ལ་ཕན་པར་བྱ་བའི་
[380a.6]དཔྱད་ནི། མགོ་ལུས་ཏིལ་མར་སྨན་དང་སྦྱར་བས་ལུས་མཉེ་ཞིང་བྱུགས་ལ་ལྡེ་གུས་ཕྱིས་ནས། ཆུ་དྲོན་པོ་རན་པས་ལུས་བཀྲུའོ། །དེ་ནས་སྤོས་ཞིམ་པོས་ལུས་བྱུགས་ལ་གོས་དྲོན་པོ་འཇམ་པོ་གྱོན། ཟས་བཅུད་དང་འུ་ཤ་དང་། སྲན་རྡེའུའི་ཚོད་མ་ཁུ་བ་ཅན་དང་། ཁ་
[380a.7]ར་དང་། ཧྭགས་དང་། འོ་མ་དང་། ཆང་ཞིམ་པོ་འདི་ལྟ་བུས་བརྟ་བར་བྱས་ཤིང་། ནུབ་མོ་ཉལ་བའི་ཚེ་ཡང་འདི་བཞིན་དུ་ཟོས་འཐུངས་ལ། མལ་དུ་ཉལ་ཞིང་འདོད་པ་བསྟེན་ནས་ཀྱང་དེའི་རྗེས་ལ་ཁ་ཟས་ཀྱི་ཆོ་ག་འདི་བཞིན་དུ་བྱས་ན། ལུས་སླར་མྱུར་དུ་བརྟ་ཞིང་གཟི་
[380b]
[380b.1]དང་ལྡན་པར་འགྱུར་རོ། །དེ་བས་ན་སྨན་པ་མཁས་པ་གཅེས་ཏེ། སྨན་པ་མང་དུ་ཐོས་ཤིང་སྨན་སྦྱོར་མཁས་པ། སྨན་གྱི་ལས་ལ་བརྩོན་འགྲུས་ཆེ་ཞིང་སྙིང་རྗེར་ལྡན་པ་རྒྱལ་པོའི་ཕོ་བྲང་གི་འདབ་ཏུ་གཞག་སྟེ། སྐུའི་རིམ་གྲོར་སྨན་སྦྱོར་དུ་གཞུག་ཅིང་། སྨན་དཔྱད་ཀྱི་ཆོ་ག་
[380b.2]བཞིན་དུ་བྱས་ན་རྒྱལ་པོ་རང་གི་སྔོན་གྱི་དགེ་བའི་རྩ་བ་ཇི་ལྟར་སྤྱད་པ་བཞིན་དུ་འབྲས་བུ་ལོངས་སྤྱོད་ཅིང་། །ནད་མེད། ཚེ་རིང་། གཟི་བརྗིད་དང་གྲགས་པ་དང་ལྡན་པར་འགྱུར་རོ། །ལེའུ་བདུན་པ་རྫོགས་སོ།། །།ཁ་ཟས་ཀྱི་ཚོད་རན་པར་བཟའ་བ་བསྟན་པའི་
[380b.3]ལེའུ་བཤད་པར་བྱའོ། །རྟག་པར་ཟས་ཀྱི་ཚོད་བཟུང་སྟེ་རན་པར་ཟས་བཟའ་བ་ནི་ཟས་ཞུ་བར་བྱེད་པའི་མེ་དྲོད་དེ། ཁ་ཟས་ཚོད་རན་པར་བཟའ་བ་ལ། ཟས་འཇུ་དཀའ་སྟེ་ལྕི་བ་དང་འཇུ་སླ་ཞིང་ཡང་བ་རྣམས་ཀྱང་བྱེ་བྲག་ཕྱེད་པར་བྱའོ། །དེ་ལ་ཟས་འཇུ་དཀའ་བ་ལྕི་བ་ཞིག་ན་ནི། ཕྱེད་
[380b.4]འགྲངས་ཙམ་དུ་ཟའོ། །ཟས་འཇུ་སླ་ཞིང་ཡང་བ་ནི་ཧ་ཅང་འགྲངས་པ་ཉིད་དུ་མི་ཟའོ། །དེ་བས་ན་ཟས་ཚོད་རན་པར་ཟ་བ་ཞེས་བྱ་བ་ནི་ཟས་ཟོས་པ་བདེ་བླག་ཏུ་ཞུ་བར་འགྱུར་ལ་དེ་ལ་ཚོད་ཟིན་པ་ཞེས་བྱའོ། །ཡང་ཟས་བཟའ་བའི་ཚོད་ཆུད་ན་ཡང་ཉམས་མཐུ་ཡང་མི་རུང་གཟི་བརྗིད་
[380b.5]དང་མདངས་མེད་ལ་རླུང་ནད་ཐམས་ཅད་ཀྱང་ལྡང་བར་ཡང་འགྱུར་རོ། །ཡང་ཟས་ཚོད་མ་ཟིན་ཏེ་ཧ་ཅང་ཆེར་ཟོས་པ་ནི་ནད་ཐམས་ཅད་མྱུར་དུ་སློང་བར་བྱེད་དོ། །དེ་ལྟར་ཟས་མ་ཞུ་ནས་མི་བདེ་བར་གྱུར་ན་རླུང་དང་བད་ཀན་ལ་སོགས་པའི་ནད་ཟས་མ་ཞུ་བས་ཅིག་ཅར་བསླངས་ནས་དེ་ལྟར་བེའུ་
[380b.6]སྣབས་དང་། ཟས་མ་ཞུ་བ་འདི་དག་ཕོ་བའི་ནང་དུ་གང་བ་དང་། ཡར་ཡང་མི་སློན་མར་ཡང་མི་འཁྲུ་བར་འཇུ་ཞིང་། ནད་དྲག་པོ་དངོས་ལ་ཟུག་ཅིང་རྡུས་པ་ནི་ནད་གསུད་སྦོས་ཞེས་བྱའོ། །ནད་དེ་ལྟ་བུ་ལས་ཡན་མན་དུ་ཕོལ་ནས་ཟག་ཅིང་ན་བ་ཙམ་ཡོད་ན། དེའི་མིང་བེའུ་སྣབས་དང་།
[380b.7]མ་ཞུ་བའི་ཟུག་ཐབས་ཞེས་བྱའོ། །ཟས་ཕན་གནོད་དང་ཞུ་མ་ཞུའི་ཚོད་མི་འཛིན་པའི་མི་མི་མཁས་པ་དེ་ལྟ་བུ་ནི་ཟས་ཚོད་དྲགས་ཏེ་བེའུ་སྣབས་དང་ཟས་མ་ཞུ་བ་འདོམ་ན། དེ་ལ་རླུང་ནད་གཅིག་ཏུ་ལངས་པར་གྱུར་ན་ནི་དེ་མཆིན་པའི་ཐབས་སུ་ཕོ་བར་ཟུག་ཅིང་ན། མགོ་འཁོར། ཁོང་
[381a]
[381a.1]སྦོ། ལུས་འདར་ལ་ལུས་རེངས་པ་ལ་སོགས་པ་འདི་ལྟར་གྱུར་ན་ཟས་མ་ཞུ་བ་ལས་རླུང་ནད་ལངས་པ་ཞེས་བྱ་བ་ཡིན་ནོ། །ཡང་ཟས་དེ་ལྟ་བུ་མ་ཞུ་བ་ལས་མཁྲིས་པའི་ནད་ལངས་པར་གྱུར་ན། རིམས་ཀྱིས་ཐེབས། །རབ་ཏུ་འཁྲུ། །ཁོང་ཚ། སྐོམ། གློང་
[381a.2]བག་ལ་སོགས་པ་འདི་ལྟར་གྱུར་ན་མ་ཞུ་བའི་མཁྲིས་པའི་ནད་ཅེས་བྱའོ། །ཡང་བེའུ་སྣབས་དང་ཟས་དྲགས་ཏེ་མ་ཞུ་བ་ལས་བད་ཀན་གྱི་ནད་ལངས་ན་ནི། སློན་བྲོ། ལུས་དང་རྐང་ལག་ལྕི། །སྨྲ་ན་ཁ་ལྕེ་ལྕི་སྟེ་སྨྲ་མི་འདོད་དོ། །ཁ་ནས་བད་ཀན་འབྱུང་ཞིང་འདོར་བ་འདི་ལྟ་བུ་ལ་
[381a.3]སོགས་པ་བད་ཀན་གྱི་ནད་ལྡང་ངོ་། །མ་ཞུ་བའི་ནད་འདི་ལྟ་བུའི་ཡང་མི་རིད་ཅིང་ཉམ་ཆུང་བ་དང་། དྲོད་ཆུང་སྟེ་ཁ་ཟས་འཇུ་བའི་མེ་དྲོད་ཞན་པ་དང་། བཤང་གཅིའི་བྲོ་ནི་བཤང་མི་ལྕི་ཞིང་བརྣག་པར་བྱེད་པ་འདི་ལྟ་བུ་ལ་འདི་རྣམས་ལྷག་པར་འབྱུང་ངོ་། །དེ་ལ་བེའུ་སྣབས་དང་
[381a.4]ཟས་མ་ཞུ་བར་འདོམ་པའི་ནད་ལ་མཆིན་པ་ན་བ་ཞེས་ཟེར་ཏེ། དེ་ནི་ཟས་ཟོས་པ་ཡང་མ་ཞུ་ལ་བད་ཀན་དང་བེེའུ་སྣབས་ཀྱིས་ཀྱང་ཆོད་ཅིང་འགགས་པ་དང་། དེའི་ཚེ་རླུང་ཡན་མན་དུ་རྒྱུ་ཞིང་འགྲོ་བ་བད་ཀན་དང་བེའུ་སྣབས་ཀྱིས་ཆོད་དེ་རྒྱུར་མེད་པ་ལས་འཁྱིལ་ཞིང་འགག་པའི་ཚེ། ཕོ་
[381a.5]བའི་ནང་ཏིང་ཏིང་ཟུག་ཅིང་ན་བ་ལས་མ་ཞུ་བའི་བེེའུ་སྣབས་ཟུག་པ་ཞེས་བྱ་སྟེ། དེ་ལ་རླུང་ལ་སོགས་པའི་ནད་ཀྱིས་བསླངས་ན་དེའི་ཁོང་ན་ཟུག་རྔུ་དང་འདྲ་བར་ན་ཞིང་ཟུག་སྟེ་གནས་སོ། །དེ་ལྟར་ཁོང་རབ་ཏུ་ན་ཞིང་མི་བདེ་བའི་ཚེ། སློན་ཅིང་མར་ཡང་མི་འཁྲུ་ན་དེ་ནི་ཟས་མ་ཞུ་བའི་ཟུག་
[381a.6]ཐབས་ཞེས་བྱའོ། །ཡང་འདྲ་བའི་ནད་གཞིར་གྱུར་པ་ནི་བེའུ་སྣབས་ཀྱི་ནད་ཀྱིས་རྩ་སྒོ་ཀུན་ཀྱང་ཆོད་དེ་འགགས་ལ། རླུང་ངམ་བད་ཀན་དང་མཁྲིས་པའི་ནད་ཀྱང་རབ་ཏུ་ཕྱེ་ཞིང་ཟས་ཀྱང་འཕྲོད་ཅིང་དྲགས་ཏེ་མ་ཞུ་བ་ལས་ནད་ལངས་ནས་རྩིབ་ལོགས་གཡས་གཡོན་དུ་དྲང་ཐབས་སུ་ཟུག་
[381a.7]ལ་ལུས་ཐམས་ཅད་ཤིང་བཞིན་རེངས་ན། དེ་ནི་ཟས་མ་ཞུ་བའི་ཟུག་ཐབས་ཡིན། ཤིང་བཞིན་རེངས་པ་ལྟ་བུ་ཞེས་བྱ་སྟེ། སྨན་པས་བོར་ཅིག །དེ་ལྟ་བས་ན་ཟས་མི་འཕྲོད་པ་ཟ་བ་དང་། ཟས་ཚོད་མི་ཟིན་པར་ཧ་ཅང་དྲགས་པར་ཟ་བ་དང་། མ་ཞུ་བཞིན་དུ་ཟ་བ་འདི་ལྟ་བུ་
[381b]
[381b.1]ནི་དུག་དང་འདྲ་སྟེ། དེ་བས་ན་ཟས་མ་ཞུ་བ་དང་ཕེའུ་སྣབས་ཀྱི་ནད་ཀྱི་གནོད་པ་ཆེན་པོར་འགྱུར་གྱི་དུག་དང་མཚུངས་པར་བོར་ཅིག །དེའི་ཕྱིར་བེའུ་སྣབས་དང་མ་ཞུ་བར་འདོམ་པའི་ནད་དེ་ནི་དུག་དང་འདྲ་སྟེ། མྱུར་དུ་བྱེ་བྲག་འབྱེ་ལ། སྨན་དཔྱད་བྱར་ཡང་དཀའོ། །དེ་ལ་བེེའུ་
[381b.2]སྣབས་དང་མ་ཞུ་བ་ལས་གསུད་སྒོས་ཀྱི་ནད་འདི་ལྟ་བུར་གྱུར་པའི་ཐབས་ནི། སྐྱུག་སྨན་མྱུར་དུ་བཏང་ན་ཕན་ནོ། །ཤུ་དག་དང་། རྒྱམ་ཚ་དང་། པོ་སོན་ཆ་འདི་གསུམ་ཆུ་ལ་བསྐོལ་ཏེ་དྲོན་པོར་འཐུངས་ཏེ་སློན་པ་དང་། དུགས་བྱ་བ་དང་། སྦྲང་རྩི་ལས་སྨན་སྦྲུས་པ་རེང་རེང་པོར་
[381b.3]མཛུབ་མོ་ཙམ་གཞང་ཁར་བཅུག་ན་ཐུར་དུ་བཀྲུ་ཞིང་རླུང་ནད་ཀྱང་ཞི་བར་འགྱུར་རོ། །ཐབས་འདི་ལྟར་བྱས་པས་རྩེ་ཞིལ་ནས་རྐང་ལག་བྱ་རྨྱང་བྱེད་ཅིང་ལུས་རྡུལ་དང་གོས་ཀྱིས་དགབ་ཅིང་གཡོགས་ཤིག །དེ་ལྟར་གསུད་ཅིང་སྦོས་པའི་ཆོ་ག་བྱ་སྟེ་སློན་ཞིང་། འཁྲུས་ནས་རྩེ་
[381b.4]ཞིལ་བ་དང་། ནད་ཀྱི་བག་ལུས་པས་ད་རུང་མ་ཞུ་བའི་ཟུག་ཐབས་སུན་ན། དེ་ལ་དཔྱད་དུ་བྱ་བ་ནི་རྟིང་པའི་ཕྱི་ཟུར་དུ་མེ་བཙའ་བཏབ་ན་ཕན་ནོ། །དེས་ཀྱང་མ་ཕན་ན་དེའི་རྗེས་དེ་ཉིད་ཀྱི་ཉིན་པར་ཁ་ཟས་ཅི་ཡང་མི་སྦྱིན་པར། །སྨྱུང་བར་འདུག་ཅིང་བཀྲུ་སྨན་གྱིས་བཀྲུས་པ་བཞིན་དུ་
[381b.5]བྱའོ། །ནད་ཐབས་འདི་ལྟར་ན་བ་ལམ་སློན་ནམ་མ་བཀྲུས་པར་སྨོས་ཤིང་ཟུག་པ་དང་། མ་ཞུ་བ་ལ་ཕན་པའི་སྨན་བཏུང་དུ་མི་རུང་ངོ་། །དེ་ཅིའི་ཕྱིར་ཞེ་ན། བེའུ་སྣབས་དང་ཟས་མ་ཞུ་བའི་ཕོ་བའི་མེ་དྲོད་ཉམས་ཤིང་བྲི་བས་ནད་དང་ཟས་སྨན་རྣམས་འཕྲལ་དུ་དྲོད་ཀྱིས་ཞུ་བར་མི་
[381b.6]ནུས་པས་ནད་པའི་ནད་ཐུ་བར་ལྡན་ཞིང་འཕྲལ་དུ་མ་རུང་བར་འགྱུར་རོ། །ནད་དེ་ལྟ་བུས་བཏབ་པ་ལ་ཁ་ཟས་ནི་ཞུ་ན་ད་རུང་ལྟོ་ན་ཞིང་བག་ལྕི་ལ་རེམ་རེམ་པོར་བྱེད་ན་འདི་ལྟ་བུ་ལ་སྨན་ཐོང་ཤིག །ནད་རྩེ་ཞིལ་ཏེ་ནད་ཀྱི་ལྷག་མ་ཅུང་ཟད་ལུས་ལ་འཇུ་ན་སྨན་གྱིས་འཇུ་བར་བྱ་བ་དང་།
[381b.7]ཁོང་དུ་མེའི་དྲོད་བསྐྱེད་པར་བྱ་བ་དང་། ནད་པ་ཉམས་སྨད་པའི་ཐབས་གསུམ་ཡོད་པས། བེའུ་སྣབས་ལ་སོགས་པའི་ནད་ཞི་བར་འགྱུར་རོ། །ནད་ཉམས་སྨད་པ་ཡང་ནད་དམིགས་ཆེ་ཆུང་རྣམ་གསུམ་དང་སྦྱར་བར་བྱའོ། །དེ་ལ་ནད་དམིགས་མི་ཆེ་ན་ཉི་མ་འགའ་
[382a]
[382a.1]སྨྱུང་བར་བྱས་ན་ཕན་ནོ། །ནད་དམིགས་འབྲིང་ཙམ་ན་སྨྱུང་བ་བྱ་བ་དང་། ནད་གཞུང་བཞིན་སྨན་པར་བྱ་བས་རྩེ་གཞིལ་ལོ། །ནད་དམིགས་ཆེན་བཀྲུས་སྨན་གྱིས་བཀྲུས་ན་དེ་ནི་ནད་ཀྱིས་དཔྱིས་འབྱིན་པར་འགྱུར་རོ། །དེ་ལྟར་ན་གཞན་ལ་ཡང་ནད་དམིགས་སོ་སོ་ནད་
[382a.2]ཀྱི་གཞི་དང་སྦྱར་ཏེ། དེ་དཔྱད་བཟློག་ཐབས་སུ་བྱ་ཞིང་གསོ་བའོ། །ནད་ཚབས་ཆེ་བ་ལ་རྩེ་ཞིལ་ཏེ་ནད་རྗེས་ཀྱི་འཕྲོ་ཞིག་ལུས་པ་ནད་སྔ་མ་དང་མི་འདྲ་བར་གྱུར་ན། ནད་ཀྱི་གཞི་དང་ནད་དུ་མི་མཐུན་པ་ཡིན་ཏེ། ནད་སྔ་མ་ཞོག་ལ་ནང་ཕྱི་མ་ཅིར་གྱུར་པ་ཉིད་ཀྱི་
[382a.3]དམིགས་དང་སྦྱར་ཞིང་སྨན་པས་ནད་ཀྱི་དཔྱད་བཟློག་སྟེ་གྱིས་ཤིག །སྔ་མ་ལས་དཔྱད་བཟློག་སྟེ་མ་ཕན་ན་ཡང་ད་རུང་དེ་བཞིན་དུ་དཔྱད་བྱ་ཞིང་གསོའོ། །དེ་ལྟར་གསོས་ནས་ནད་རྩེ་ཞིལ་ཏེ་ནད་སྨིན་པ་དང་ཁོང་པའི་དྲོད་ཀྱང་སྐྱེས་པར་ཚོར་ནས། །ཁ་ཟས་སྣུམ་བག་གིས་ཉམས་
[382a.4]འཚག་བརྟ། མགོ་དང་ལུས་ཀུན་ཏིལ་མར་གྱིས་བྱུག །སྐོམ་ཞིམ་པོ་བཏུང་བ་དང་། དེ་བཞིན་དུ་རིམ་གྱིས་བྱ་སྟེ། ཉམས་མཐུ་བརྟ་བར་སྨན་པས་ཀྱང་བཏང་ཞིང་རན་པར་མཐར་གྱིས་བྱའོ། །གལ་ཏེ་དེ་ལྟར་དཔྱད་བྱས་ན་བད་ཀན་ལས་གྱུར་པའི་བེའུ་སྣབས་ད་རུང་མ་ཞུ་མ་བྱང་ན།
[382a.5]ནད་པའི་མིག་དང་། མཁུར་བ་སྐྲངས་པར་འགྱུར། །ཟས་ཟོས་མ་ཐག་འདྲ་བའི་སྒྲེགས་པ་འབྱུང་ལ། དྲི་མི་ཞིམ་པ་ཁ་ནས་བད་ཀན་མང་། སློན་བྲོ། །ལུས་ལྕིའོ། །གལ་ཏེ་དེ་ལྟར་དཔྱད་བྱ་ཞིང་གསོས་པ་ལས་རླུང་ནད་དུ་འགྱུར་ན་རྐང་ལག་དང་ལུས་རེངས་བག་ཏུ་བྱེད།
[382a.6]ཁོང་དུ་ཟུག །བཤང་གཅི་འབྱུང་དུ་མི་རུང་། ལྟོ་སྦོས། ཁོང་དྲོད་ཆུང་བ་འདི་ལྟ་བུ་རླུང་ནད་དུ་གྱུར་པ་ཡིན་ནོ། །དེ་ལ་ཡང་མཁྲིས་ནད་དུ་གྱུར་ན་ནི། ཁ་ཟས་ཅུང་ཟད་ཙམ་ནི་ཞུ་སྟེ། སྐོམ་དད་ཆེ། ལུས་ཁོང་ཚ། མགོ་འཁོར། སྒྲེགས་པ་སྐྱུར་པོ་ཚ་བར་འབྱུང་ངོ་། །
[382a.7]དེ་ལྟ་བུ་ལ་དཔྱད་དུ་བྱ་བ་ནི་ཟས་མ་ཞུ་བ་དང་། བེའུ་སྣབས་ཡོད་ན་ཟས་སྨྱུང་བར་བྱའོ། །ལུས་དང་རྐང་ལག་རེངས་སམ་འཁུམས་ན་དུགས་ཆེར་བྱའོ། །ཁ་ཟས་མ་ཞུ་བ་ནི་སྐྱུག་སྨན་གཏང་ངོ་། །ཡང་ན་ནད་ཀྱི་ཚུལ་ལས་ཅི་རིགས་པར་དཔྱད་གྱིས་ཤིག །ལུས་དང་ཁོང་ལྕི་
[382b]
[382b.1]ན་བད་ཀན་དང་བེའུ་སྣབས་ཕོ་བའི་ནང་རྩའི་ནང་དུ་ཞེན་པ་ཡིན་ནོ། །ཡང་བད་ཀན་དང་རླུང་དུ་འདྲེས་པའི་མ་ཞུ་བའི་བེའུ་སྣབས་ཡོད་ན། རིང་དུ་ན་སྟེ་རླུང་བེའུ་སྣབས་ཡོད་པའི་རྟགས་ཡིན་ནོ། །དེ་ལྟ་བུ་ལ་དཔྱད་དུ་བྱ་བ་ཡང་རླུང་དང་བད་ཀན་གཉིས་སེལ་བའི་སྨན་སྙོམས་པར་གཏང་
[382b.2]ངོ་། །ཡང་ཟས་ཡི་གར་མི་འོང་ཞིང་སྙིང་ན། སྒྲེགས་པ་མནམ་པོ་འབྱུང་ན་བཅུད་དངས་མ་ཅུང་ཟད་ལུས་ཏེ་མ་ཞུ་བ་ཡིན་ཏེ། འདི་ལྟ་བུ་ལ་ཅུང་ཟད་ཉིན་པར་ཉོལ་ལ་ཟན་མ་ཟ་ཤིག །ཁ་ཟས་ཞུ་སྟེ་བཀྲེས་པ་དང་། ཁ་ཟས་ཡང་བཟོ་ཤིག །ཡང་སྔར་དུབ་པའི་རྗེས་མ་བྱང་
[382b.3]ངམ། ཡང་ན་ནད་སླར་ཡང་ཁོང་པའི་ནང་ན་རླུང་ཁྲུ་ལུ་ལུ་ཟེར་བ་དང་། བཤང་གཅི་སྲི་ཞིང་འགག །ཁོང་ལྕི། །མགོ་འཁོར་ན། འདི་ལྟ་བུའི་རླུང་དང་བད་ཀན་མཁྲིས་པ་སུམ་ཆར་ལས་གྱུར་པའི་མ་ཞུ་བའི་རྟགས་ཡིན་ནོ། །ཟས་ཚོད་མ་བཟུང་བར་དྲག་ཏུ་ཆེར་ཟོས་ན་བེའུ་
[382b.4]སྣབས་དང་མ་ཞུ་བའི་འབའ་ཞིག་ཏུ་མ་ཟད་ཀྱི། གཞན་ཡང་མི་མཛའ་བའི་ཟས་ཟོས་པ་དང་། ཁ་ཟས་ཚིག་པ་ཟོས་པ་དང་། བཤང་གཅི་འགག་ཅིང་སྲི་བར་གྱུར་པའི་ཟས་ཟོས་པ་དང་། ཟས་རྗེན་པ་དང་། འཇུ་དཀའ་ཞིང་ལྕི་བ་དང་། ཟས་མི་བཟོད་པ་རྩུབ་པོ་དང་། ཟས་
[382b.5]བསིལ་བག་དང་། གཙང་སྦྲས་མི་ཕྱེད་པའི་ཟས་མི་གཙང་བ་དང་། ཁོང་ཚ་བར་གྱུར་པའི་ཟས་དང་། ཟས་སྐམ་བག་དང་། ཆུ་ཧ་ཅང་ཡང་མང་དུ་འཐུང་བ་དང་། ཆུ་དང་བསྲེས་པའི་སྐོམ་འདི་ལྟ་བུ་རིང་བག་ཏུ་ཟོས་པ་དང་། མྱ་ངན་གྱིས་བཏབ་སྟེ་ཟ་བའམ། ཁྲོ་ཞིང་ཟ་བའམ།
[382b.6]བཀྲེས་ཆེས་ཏེ་ཟབ་ལ་སོགས་པ་འདི་ལྟ་བུ་ཀུན་འདྲ་སྟེ་མི་འཇུའོ། །ཁ་ཟས་ཕན་པ་དང་བསོད་པ་གཉིས་ཀ་ཟ་ན་ཟས་མཉམ་པ་ཟ་བ་ཞེས་བྱའོ། །ཡང་ཟོས་པའི་འོག་ཏུ་ཟ་བར་བྱེད་ན་དེ་ནི་ཟས་ལྷག་པར་ཆེ་བར་ཟ་བ་ཞེས་བྱའོ། །ཡང་དུས་མ་ཡིན་པར་ཟས་ཆེའམ། ཆུང་ངུ་
[382b.7]ཟོས་ཀྱང་རུང་། དེ་ནི་ཟས་མི་སྙོམས་པར་ཟ་བ་ཞེས་བྱ་བ་ཡིན་ནོ། །ཟས་རྣམ་པ་འདི་གསུམ་གང་ལྟར་ཟ་ཡང་རུང་སྟེ། དེ་དག་ནི་ཡང་ན་མདུན་མ་རུངས་པ་དང་། ཕྲེད་པའམ། ཡང་ན་ནད་ཀྱིས་བཏབ་པར་འགྱུར་རོ། །བཀྲེས་ཏེ་ཟས་ཡི་གར་འོང་ན་བཟའ་བའི་དུས་ལ་བབ་པ་ཡིན་ཏེ།
[383a]
[383a.1]དེའི་རིམ་པ་ཡང་ལུས་ཏིལ་མར་གྱིས་བྱུགས། །ལྡེ་གུས་ཕྱིས་ཏེ་ཁྲུས་བྱས། །རྐང་ལག་དང་ཁ་གདོང་ལེགས་པར་བཀྲུས་ནས། ཐོག་མར་ལྷ་དང་བཙུན་པ་རྗེད། །དེའི་འོག་ཏུ་བདག་གི་བླ་མ་གཙོའོ། །བཤོས་གསོལ། མགྲོན་དང་བྱེས་པ་ལ་ཟན་
[383a.2]སྦྱིན། བདག་གི་འཁོར་ན་ཡོད་པའི་ཕྱུགས་དང་། བྱ་ཁྱི་ལྟ་བུ་ཡན་ཆད་ཀྱང་སོ་སོའི་ཁ་ཟས་བྱིན་ལ། དེ་ནས་གདོད་བདག་ཉིད་ཟན་བཟའ་སྟེ། དེ་ཡང་བདག་གི་ཚུལ་ཅི་འདྲ་བ་དང་། ཟས་འཇུ་མི་འཇུའི་ཆོད་དང་ཅི་ཙམ་དུ་ཟ་བ་དེ་ཙམ་དུ་བསམ་པས་དཔགས་ལ་ཟས་ལ་མི་སྨད་པ་
[383a.3]དང་། ཚིག་ངན་པ་མི་སྨྲ་བར་ཟས་ཡིད་དུ་འོང་བ་བཤམས་ལ་སྡུག་ཅིང་གཉེན་པ་དང་ལྷན་ཅིག་ཏུ་བཟའོ། །བཟའ་བའི་རིམ་པ་ཡང་ཐོག་མར་ཁུ་བའི་བག་དྲོད་ཅན་ལས་བཟའ་སྟེ། དེ་ཡང་གོམས་ཤིང་འཕྲོད་པའི་ཟས་གཙང་སྦྲར་བྱས་པ་སྣུམ་བག་ཆེ་བ། དྲོད་ཆེ་ཞིང་འཇུ་སླ་
[383a.4]ཞིང་ཡང་བ་ཕན་པར་གྱུར་པ་དེ་ལྟ་བུ་རོ་རྣམ་པ་དྲུག་དང་ལྡན་ཞིང་། མངར་བག་གི་ཤས་ཆེ་བ་འདི་འདྲ་བས་སེམས་ལ་རན་པར་བབ་ཅིང་ཧ་ཅང་མི་རེངས་མི་ངལ་བར་རན་པར་བཟའོ། །ཁ་ཟས་ཀྱི་ནང་ན་རྩྭ་དང་སྐྲ་དང་སྦུ་ལ་སོགས་པ་དང་། ཟོས་པའི་ལྷག་མ་དང་། ཞག་ལོན་
[383a.5]པའི་ཁོངས་སུ་བསྲོས་པ་དང་། ཚོད་མའི་བག་དང་། ཧ་ཅང་ཚ་ཆེས་པ་དང་། ལན་ཚྭ་ཆེས་པ་དང་། ཕྲུམ་དང་། ཞོ་ཕྲུམ་དང་། རོ་མ་དང་། བ་ཚ་དང་། ཚྭ་དང་། ལ་ཕུག་རྗེན་པ་དང་། ཕག་རྒོད་དང་། ལུག་དང་། བ་ལང་དང་། ཉ་དང་། མ་ཧེ་དང་། འདི་རྣམས་ཀྱི་ཤ་
[383a.6]རིད་དམ། ཤ་སྐམ་མམ། རུལ་བག་ཏུ་འདུག་པ་འདི་ལྟ་བུ་མི་དགེའི་མ་ཟ་ཤིག །མོན་སྲན་གྲེའུའི་ཚོད་མ་དང་། ཚོད་མན་སི་པ་པ་དང་། ཚོད་མ་ཆུ་ལྡུམ་བུ་དང་། པདྨའི་རྩ་བ་ལ་སོགས་པས་ཚོད་མར་བྱས་པ་དང་། འབྲས་བུ་དང་ཏིལ་དུ་སྦྱར་བའི་ཁུར་བའམ། འབྲས་
[383a.7]ཁུར་ཡང་རུང་། སྲན་སྣ་ཚོགས་ཀྱི་མྱུ་གུའི་ཚོད་མ་ཡང་། ནས་ལས་བཅུད་ཕྱེད་ལྟ་བུར་བྱས་པའི་ཁ་ཚོས་སམ། ནས་ཁུར་དུ་བྱས་ནས་བུ་རམ་བཅོས་པའི་ཁུ་སྲི་བཞམས་པ་འདི་ལྟ་བུ་ལ་སོགས་པའི་བག་ཟོས་ན་གནོད་ཀྱིས་མ་ཟ་ཤིག །ཁ་ཟས་དགེ་སྟེ་བཟར་རུང་བ་ནི་འབྲས་
[383b]
[383b.1]སཱ་ལུ་དང་། གྲོ་དང་། ནས་དང་། འབྲས་ཞག་དྲུག་ཅུས་སྨིན་པ་ཡང་བ་དང་། ཡུལ་སྐམ་ས་ནས་བྱུང་བའི་ཤ་དེ་ལྟ་བུའི་བྱ་ན་དང་སྦྱར་ཏེ་བཟའོ། །མིན་པའི་ཚེ་སྐབས་སྐབས་སུ་ནང་ནུབ་ཨ་རུ་ར་དང་། སྐྱུ་རུ་ར་དང་། བ་རུ་ར་དང་། རྒུན་འབྲུམ་དང་། པ་ཏོ་ལའི་རྩ་བ་དང་། སྲན་
[383b.2]སྡེའུ་དང་། ཁ་ར་དང་། ཞུན་མར་དང་། ཆར་པའི་ཆུ་དང་། འོ་མ་དང་། སྦྲང་རྩི་དང་། བལ་པོ་སེའུ་དང་། ཅི་ཅོ་དཀར་པོ་དང་། འདི་ལྟ་བུ་སྐབས་སྐབས་སུ་བཟའོ། །ཨ་རུ་ར་དང་། སྐྱུ་རུ་ར་དང་། བ་རུ་ར་འདི་གསུམ་ཆ་མཉམ་པར་བཏགས་ལ། ཞུན་མར་སྨན་སྣ་འདི་གསུམ་
[383b.3]གྱི་ཆ་གཅིག །སྦྲང་རྩི་ཞུན་མར་བས་ཀྱང་ཆུང་ངུ་སྦྱར་ཏེ་སྦྲུས་ལ་ཉལ་ཁར་འདི་ལྟ་བུ་རྟག་ཏུ་ཟོས་ན། མིག་ལ་ཕན། ཉམས་སྟོབས་སྐྱེད། ཟས་དང་སྨན་འདི་ལྟ་བུར་གཏོད་བ་ནི་མིན་བར་འདུག་པའི་ཚེ་ན། ཕན་པའི་དཔྱད་དང་། ནད་ཀུན་ལ་ཡང་ཕན་ཏེ། སྨན་དཔྱད་འདི་འདྲ་
[383b.4]བ་གཞན་ཅི་ཤེས་པ་ཡང་བྱའོ། །ཡང་ཟས་འཇུ་ཞིང་དྲོད་ལྷག་པར་ཆེ་བས་ནི་དང་པོར་ཟས་འཇུ་དཀའ་ཞིང་ལྕི་བ་བཟང་སྟེ། པདྨོའི་རྩེ་བའི་ཚོད་མ་དང་། བུ་རམ་ཤིང་དང་། ཤིང་ཐོག་ཅོ་ཙ་དང་། ལྡུམ་བུ་ཆུ་ཤིང་གི་འབྲས་བུ་དང་། ཤིང་ཐོག་ཨ་མྲའི་འབྲས་བུ་དང་། བུ་
[383b.5]རམ་ལ་སྦྱར་བའི་རི་ལུ་དང་། ཁུ་བ་བུ་རམ་དང་། མར་གྱིས་བྱུགས་པ་འདི་ལྟ་བུའི་ཟས་ལྕི་ཞིང་སྣུམ་ལ་མངར་བ་རིང་དུ་མི་འཇུ་བ་ཇེ་བཟའོ། །དེའི་འོག་ཏུ་སྐྱུར་བག་དང་ཚ་བ་དང་། ལན་ཚྭ་བྲོ་བ་རྣམས་བཟའོ། །ཐ་མར་ནི་ཟས་འཇུ་སླ་བ་བཟའོ། །ཁ་ཟས་ཟ་བའི་ཚོད་རན་
[383b.6]པར་གཟུང་བའི་ཐབས་ནི། །ཟས་ལྟོར་ཟ་བ་ལ་ཕོ་བའི་ཆ་བཞིར་དཔགས་ལ། ཆ་གཉིས་ནི་ཁ་ཟས་ཀྱིས་དགང་སུམ་ཆ་ལུས་པ་ནི་སྐོམ་གྱིས་དགང་ངོ་། །ཕྱི་ནང་བཞི་ཆ་གཅིག་ལུས་པ་ནི་དབུགས་ཕྱི་ནང་དུ་རྒྱུ་བ་དང་། །བད་ཀན་དང་རླུང་དང་མཁྲིས་པ་ལ་སོགས་པ་གནས་པའི་སར་སྟོད་
[383b.7]པར་གཞག་པའོ། །ཁ་ཟས་ནི་ཕྱེ་དང་བག་ཕྱེའི་གཡོས་བག་ཟོས་ལ། ཞོ་དང་ཆང་འཐུངས་པ་ཟས་ངན་དུག་ལྟ་བུས་འཕགས་སམ་སྦྲང་རྩི་ཟོས་ན། སྐོམ་དུ་ཆུ་དྲོན་མོ་འཐུངས་ན་ཕན་ནོ། །འབྲས་ཁུར་རམ། ཏིལ་དང་འབྲས་བུ་སྦྱར་བའི་ཁུ་བ་ལྟ་བུ་ཟོས་ན་ཆུ་དྲོན་པོ་འཚལ་ནན་
[384a]
[384a.1]དུ་འཐུངས་ན་ཕན་ནོ། །ཚོད་མ་གང་ཡང་རུང་བ་འདི་ལྟ་བུ་ཟོས་པའི་འཚལ་ནན་ནི། ཞོ་ག་ཆུ་དང་། དར་བ་དང་། རྩབ་མོར་རུང་ངོ་། །མི་ཤ་སྐེམ་པོའི་འཚལ་ནན་ནི་ཆང་བཟང་ངོ་། །མི་སྦོམ་པོའི་འཚལ་ནན་ནི་སྦྲང་རྩིའི་ཆུ་འཐུངས་ན་ཤ་གྲིམས་སོ། །
[384a.2]ཟས་སུ་ཤ་ཟ་ཞིང་མི་འཇུ་སྟེ་དྲོད་ཆུང་བའི་འཚལ་ནན་དུ་ཆང་བཟང་ངོ་། །ཡང་ནད་ཀྱིས་ལུས་སྐེམ་པ་དང་། །སྨན་གྱི་ཆོ་གས་ལུས་ཀྱི་ཤ་ཟད་པ་དང་། ལམ་རིང་དུ་སོང་སོང་བས་ཤ་ཟད་པ་དང་། སྨྲ་བ་མང་པོའི་ལས་བྱས་པ་དང་། བུད་མེད་ལ་ཉལ་དྲགས་པ་དང་། ཟན་བཅད་
[384a.3]པ་འམ། ཟན་མ་ཟོས་པས་རིད་པའམ། དཀའ་ཐུབ་ཀྱི་ལས་བྱེད་བྱེད་པ་འདི་རྣམས་ལྟ་བུས་རིད་ཅིང་སྐེམ་པར་འགྱུར་བ་དང་། བྱིས་པ་ཆུང་ངུ་དང་། རྒན་པོ་འདི་རྣམས་འདྲ་སྟེ། འོ་མ་འཚལ་ནན་དུ་འཐུངས་ན་བདུད་རྩི་དང་འདྲ་སྟེ་ཕན་ནོ། །དེ་བས་ན་མདོར་རྟག་ཏུ་འཚལ་ནན་
[384a.4]བཏུང་བ་ནི་ཁ་ཟས་ཅི་ཟ་བའི་མཐུ་དང་ཡོན་ཏན་ཅི་འདྲ་བ་དང་། འཚལ་ནན་དུ་བཏུང་བ་གཉིས་མི་འཕྲོད་པར་ཡང་མ་གྱུར་པ་དང་། ལྕི་ཡང་འཇམ་རྩུབ་མི་འདྲ་བར་སྦྱར་ཏེ་འཐུངས་ན་དགེའོ། །ཟས་ཟོས་ནས་འཚལ་ནན་འཐུངས་པ་ནི་ཁོང་དུ་ངོམས་ཤིང་ཚིམ། བཞིན་གྱི་མདངས་
[384a.5]འབོགས། ལུས་ཀུན་འཚལ་ནན་འཐུངས་པས་ཁྱབ་པར་འགྱུར་ལ་བརྟ་ཞིང་གྲིམས་པར་བྱེད། ཁ་ཟས་ཟོས་སོ་ཅོག་སྐོམ་འཐུངས་པས་སྙི་ཞིང་མྱགས་པ་འཇུ་བར་བྱེད་དོ། །ཡང་སྐོམ་དྲགས་ན་མི་དགེ་བའི་དམིགས་ནི་མགུལ་པ་ཡན་ཆད། མིག །སྣ། རྣ་བ། ལྕེ། གླད་པ་
[384a.6]དང་ལྐོག་མ་ན་བ་ལ་སོགས་པ་དང་། དབུགས་མི་བདེ་བ་དང་། ལུད་པ་ལུ་བ་དང་། གློ་བ་རྡོལ་ཏེ་ཁྲག་འོང་བ་དང་། ཆམ་པས་བཏབ་པ་དང་། གླུ་མང་དུ་བླངས་པ་དང་། སྨྲ་མངས་པ་ལས་སྐད་འགགས་པ་འདི་ལྟ་བུ་ལ། འཚལ་ནན་སྐོམ་དྲགས་ན་གནོད་དོ། །ཡང་
[384a.7]ལུས་ལས་རྣག་བྱུང་བ་དང་། གཅིན་སྙི་བ་དང་། མིག་ན་བ་དང་། ལྐོག་མ་ན་བ་དང་། སྨས་ཏེ་རྨ་བྱུང་བ་འདི་ལྟ་བུ་ལ་སྐོམ་འཐུངས་ན་མི་རུང་ངོ་། །ཟན་ཟོས་སྐོམ་འཐུངས་ནས་དྲག་ཏུ་སྨྲ་བ་མང་བ་དང་། ལམ་དུ་ཞུགས་ཏེ་འགྲོ་བ་དང་། དྲོ་ཉལ་བྱེད་པ་དང་། ཉི་ཚན་དང་། མེ་
[384b]
[384b.1]ཚ་བ་འདེ་བ་དང་། རྟ་ཞོན་ཞིང་རྒྱུག་པ་དང་། ཆུ་ལ་རྐྱལ་བ་དང་། རྐང་གིས་རྒྱུག་པ་འདི་ལྟ་བུ་ཀུན་ཟོས་པའི་འོག་ཏུ་བྱར་མི་རུང་ངོ་། །ཟན་བཟའ་བའི་དུས་ལ་བབ། ཅེས་བྱ་བ་ནི་བཤང་གཅི་བསལ་ཏེ། སྙིང་དང་ཁོང་པའི་ནང་དྲི་མེད་ཅིང་སང་བག་ཏུ་འདུག །རླུང་དང་བད་ཀན་དང་
[384b.2]མཁྲིས་པ་ཡང་རང་རང་གིས་ནི་འདུག །སྒྲེགས་པ་ཡང་གསུང་བག་མེད་དེ་ཐ་མལ་བར་འོང་། ཐུར་དུ་དབུགས་དབྱུང་བ་ཡང་ཐ་མལ་པར་རྒྱུ་ལ། བྲུ་བ་ཡང་ཚ། ཁོང་ན་དྲོད་ཀྱང་ལྷག་པར་ཆེ། མིག་ལ་སོགས་པའི་དབང་པོ་ཡང་གསལ། །ལུས་ཀྱང་རབ་ཏུ་ཡང་ན། དེའི་ཚེ་
[384b.3]ཁ་ཟས་ཟ་བའི་དུས་ལ་བབ་པ་ཡིན་ཏེ། ཁ་ཟས་ཟ་བ་དེ་ལ་ཡང་ཁ་ཟས་ཀྱི་ཆོ་ག་བཤད་པ་དང་སྦྱར་ཞིང་རན་པར་ཟ་བ་དེ་ལྟ་བུ་ལས་ཟས་ཟ་བའི་དུས་ཞེས་བྱ་བ་ཡིན་ནོ། །ཁ་ཟས་ཟ་བའི་ཚོད་གཟུང་ཞིང་ཟས་ཀྱི་རིམ་པ་སྣ་ཚོགས་བསྟན་པའི་ལེའུ་བརྒྱད་པ་རྫོགས་སོ།། །།
[384b.4]སྨན་སྣ་ཚོགས་ཀྱི་རོ་དང་། སྟོབས་དང་། ཞུ་བའི་རྗེས་དང་། ཡོན་ཏན་དང་། སྨན་གྱི་མཐུའི་བྱེ་བྲག་དང་། སྨན་རྣམས་ཆེན་པོ་ལྔའི་རང་བཞིན་དུ་གཏོགས་པ་དང་། ཆེན་པོ་ལྔའི་མཐུས་ཕན་པའི་ལས་བྱེད་པ་དང་། སྨན་གྱི་བྱེ་བྲག་སྣ་ཚོགས་བཤད་པ། སྨན་གྱི་རོ་ཐ་དད་པར་
[384b.5]བྲོ་བ་ལ་སོགས་པ་རྣམས་སྨན་ཉིད་ལ་བརྟེན་ཏེ་བྲོ་བར་འགྱུར་བས་ན། སྨན་ཉིད་མཆོག་དམ་པ་ཡིན་ནོ། །སྨན་དེ་ཡང་འབྱུང་བ་ཆེན་པོ་ལྔའི་རང་བཞིན་ཅན་ཡིན་ཏེ་ས་ལ་བརྟེན་ནས་སྐྱེའོ། །སྐྱེ་བ་དེ་ཡང་མེ་དང་ཆུ་དང་རླུང་དང་ནམ་མཁའ་དང་འདི་བཞི་ཆར་དུ་ལྡན་ཞིང་ཚོགས་པ་དང་།
[384b.6]ས་ལ་བརྟེན་ནས་སྐྱེས་པའི་ཕྱིར་སྨན་དེ་ནི་ཆེན་པོ་ལྔའི་རང་བཞིན་ཡིན་ནོ། །སྨན་ཀུན་ཀྱང་ཆེན་པོ་ལྔའི་རང་བཞིན་དང་ལྡན་པར་འདྲ་སྟེ། དེ་ལ་ཡང་མངར་བ་དང་ཁ་བ་ལ་སོགས་པ་རོ་དྲུག་ཅར་གྱི་ཤས་ནས་ཡོད་མོད་ཀྱི། ལ་ལ་ནི་ཁ་བའི་ཤས་ཆེ། །ལ་ལ་ནི་མངར་བའི་ཤས་ཆེ་བ་ལྟ་
[384b.7]བུ་ལས་སྨན་གྱི་མཐུ་དང་ཡོན་ཏན་ལ་སོགས་པའི་ཁྱད་པར་མི་འདྲ་བ་ཕལ་ཆེར་སོ་སོར་བཤད་དོ། །དེའི་ཕྱིར་ཆེན་པོ་ལྔ་ལས་བྱུང་བའི་སྨན་རྣམས་རོ་གཅིག་ཏུ་བྲོ་བ་མ་ཡིན་ནོ། །དེ་བས་ན་ནད་དམིགས་རླུང་དང་བད་ཀན་དང་མཁྲིས་པ་ལས་ནད་དུ་གྱུར་པ་ཡང་གཅིག་ཏུ་མ་ཟད་དོ། །དེ་ལ་
[385a]
[385a.1]སྨན་གྱི་རོ་ཅི་བྲོ་བ་རོ་གསལ་པོར་བྱེ་བྲག་ཕྱེད་པར་བྲོ་བ་ནི། སྨན་གྱི་རོ་བྲོ་བ་ཞེས་བྱའོ། །སྨན་གྱི་རོ་འཕྲལ་དུ་ཅི་བྲོ་བ་བྱེ་བྲག་མི་ཕྱེད་ལ་མྱང་མྱང་བའི་རྗེས་ལ་ཕྱིས་སྦྱངས་སུ་རོ་བྱེ་བྲག་པ་དེ་ནི། མཇུག་ཏུ་བྲོ་བ་ཞེས་བྱ་སྟེ། དེའི་ཐ་མར་རོ་ཅུང་ཟད་བྲོ་བར་བྱེ་
[385a.2]བྲག་ཅེས་བྱའོ། །དེ་ལ་སྨན་གྱི་ཡོན་ཏན་འཇུ་དཀའ་བ་ལ་སོགས་པ་ལྟ་བུ་ནི་ས་ལ་སོགས་པ་ལ་གནས་པ་ཡིན་ཏེ། སྨན་གྱི་རོ་བྲོ་བ་རྣམས་ནི་སྨན་དངོས་ལ་བརྟེན་པ་ཡིན་ནོ། །དེ་བས་ན་གཙོ་བོ་སྨན་ཉིད་ཡིན་ཡང་སྨན་ལས་མི་སྨོས་པར་ཐུན་མོང་དུ་མཚུངས་པར་མིང་བཏགས་
[385a.3]ཏེ། སྨན་གྱི་རོ་ལ་བརྗོད་ཅིང་འདོགས་སོ། །དེ་ལ་སྨན་གྱི་དངོས་པོ་ཆེན་པོ་ལྔའི་རང་བཞིན་ཅན་དེ་ཡང་རྣམ་པ་གཉིས་སུ་བལྟ་སྟེ། རང་བཞིན་དང་། ལས་ཀྱི་མཚན་ཉིད་དུ་རིག་པར་བྱའོ། །དེ་ལ་སའི་རང་བཞིན་གྱི་ཤས་ཆེ་བའི་སྨན་ནི། །ལྕི་བ་དང་། སྦོམ་པ་དང་། སྲ་བ་
[385a.4]དང་། དྲི་བསུང་གི་ཤས་ཆེ་བ་དང་ཡོན་ཏན་འདི་བཞིན་ལྡན་པ་ནི་སའི་རང་བཞིན་དུ་གཏོགས་སོ། །སྨན་སའི་ཁམས་ཀྱི་རང་བཞིན་ཅན་དེའི་ལས་ནི་ལྕི་བར་བྱེད། སྲ་ཞིང་བརྟན་པར་བྱེད། ཕལ་ཆེ་ཞིང་མང་བར་བྱེད་པ་ཡིན་ནོ། །སྨན་ཆུའི་རང་བཞིན་གྱི་ཤས་ཆེ་བར་ལྟ་བ་ནི།
[385a.5]གཤེར་བ་དང་། བསིལ་བ་དང་། ལྕི་བ་དང་། འཇམ་པ་དང་། རྣོ་བའི་རང་བཞིན་ཡིན། ཁུ་བ་བསྐ་བའི་ཤས་ཆེ་བ་འདི་ལྟ་བུ་ནི་ཆུའི་ཁམས་སུ་གཏོགས་པའི་རང་བཞིན་ཡིན་ནོ། །སྨན་ཆུའི་ཤས་ཆེ་བའི་ལས་ནི་འཇམ་པར་བྱེད། བད་ཀན་ལྟ་བུར་འདག་འདག་པོར་བྱེད། །
[385a.6]འཇུ་བ་འདྲུལ་བག་ཏུ་བྱེད། ལུས་སིམ་པར་བྱེད། མི་འགྱེས་མི་འཇིག་པར་སྡུད་ཅིང་འབྱོར་བར་བྱེད། ཡང་སྨན་མེའི་རང་བཞིན་གྱི་྅ཤས་ཆེ་བ་ནི། ཚ། རྣོ། རྩུབ། སྐམ་པོ་ཤོག་ཤོག་པོའམ། དུལ་དུལ་པོའི་བག་ཏུ་འདུག །ཞིབ་པའི་ཡོན་ཏན་གྱི་ཤས་ཆེ་
[385a.7]བ་འདི་ལྟ་བུ་ནི་མེའི་རང་བཞིན་དུ་གཏོགས་སོ། །སྨན་མེའི་རང་བཞིན་གྱི་ཤས་ཆེ་བའི་ལས་ནི་ཤ་འབར། བཞིན་མདོག་གསལ་ཞིང་རྩ་དམར། ཟས་འཇུ་བའི་རང་བཞིན་ཅན་ཡིན་ནོ། །དེ་ལ་སྨན་རླུང་གི་ཤས་ཆེ་བ་ནི་རྩུབ། ཡང་། ཅིའི་ནང་དུ་ཡང་འཇུག་ཅིང་འགྲོ། །
[385b]
[385b.1]རེག་པའི་ཤས་ཆེ་བ་འདི་ལྟ་བུ་རླུང་གི་ཁམས་སུ་གཏོགས་པའོ། །སྨན་རླུང་གི་ཤས་ཆེ་བའི་ལས་ནི་རྩུབ་པར་འགྱུར། །ཡང་བར་འགྱུར། ཅིའི་ནང་དུ་འཇུག་པའམ། འགྱེས་ཤིང་འཇིག་པར་བྱེད། སེམས་རྟོན་ཅིང་སྤྱོད་པ་ལ་འཇུག་པར་བྱེད། ན་བར་བྱེད། ཟུག་
[385b.2]པར་བྱེད། སྨན་ནམ་མཁའི་རང་བཞིན་གྱི་ཤས་ཆེ་བ་ནི་ཕྲ་བ་དང་འཇུ་ཞིང་རྒྱུ་བ་དང་། འགྱེས་ཤིང་འཐོར་བའམ། ཡང་བའམ། སྒྲའི་ཡོན་ཏན་གྱི་ཤས་ཆེ་བའོ། །སྨན་ནམ་མཁའི་ཤས་ཆེ་བའི་ལས་ནི་སྦུ་གུ་ནང་སྟོང་པ་དང་། ཁོང་ཡང་བའི་རང་བཞིན་ནོ། །དེ་ལྟ་
[385b.3]བས་ན་ནད་ཐམས་ཅད་དང་སྨན་སྣ་སྦྱར་བ་ལས། སའི་སྟེང་ན་སྨན་དུ་མི་འགྱུར་བ་གང་ཡང་མེད་དོ། །དེ་ལ་སྨན་ཟོས་ཤིང་འཐུངས་པ་ལས་ལུས་ཀྱི་སྟོད་དུ་སྨན་གྱི་མཐུ་འགྲོ་བར་བྱེད་པ་ནི། སྨན་མེ་དང་རླུང་གི་ཤས་ཆེ་བ་ལྟ་བུ་ཟོས་ན་སྟོད་དུ་འབྲོས་སོ། །སྨན་འཐུངས་
[385b.4]ན་རོ་སྨད་མན་ཆད་དུ་འགྲོ་ཞིང་འབབ་པ་ནི་སྨན་ས་དང་ཆུའི་ཤས་ཆེ་བ་ལྟ་བུ་ཟོས་ན། སྨན་གྱི་མཐུ་སྨད་དུ་འབབ་པོ། །སྨན་གྱི་ཁྱད་པར་དུ་ལྟ་བ་ནི་དེ་ལྟ་བུ་ཡིན་ནོ། །སྨན་གྱི་རོ་ཐ་དད་པའི་བྱེ་བྲག་ཅི་འདྲ་བ་ནི་འོག་ནས་ཞིབ་ཏུ་འཆད་དོ། །ཡང་སྨན་གྱི་མཐུ་ནི་སྨན་པ་ཁ་ཅིག་ན་
[385b.5]རེ་རྣམ་པ་བརྒྱད་ཡོད་དེ། སྨན་ལ་ལའི་མཐུ་ནི་ལྕི། ལ་ལའི་མཐུ་ནི་སྣུམ། ལ་ལ་ནི་བསིལ། །ལ་ལ་ནི་འཇམ། ལ་ལ་ནི་ཡང་། ལ་ལ་ནི་རྩུབ། ལ་ལ་ནི་ཚ། ལ་ལ་ནི་རྣོ་སྟེ། རྣམ་པ་འདི་བརྒྱད་དུ་ལྟའོ། །ཞེས་འཆད་དོ། །ཡང་སྨན་གྱི་གཞུང་ཙ་ར་ཀ་ལས་བཤད་པ། །
[385b.6]སྨན་གྱི་མཐུ་ཞེས་བྱ་བ་ནི། སྨན་གང་གིས་ནད་སེལ་ཞིང་ཞི་བར་བྱེད་པ་ལ་སྨན་གྱི་མཐུ་ཞེས་བྱའོ། །དེ་ལྟ་བས་ན་ནད་བསལ་བར་བྱ་བ་ལ། སྨན་གྱི་མཐུ་མ་ཡིན་ན་ནད་ཅུང་ཟད་ཙམ་སེལ་ཡང་མི་ནུས་སོ། །དེའི་ཕྱིར་ནད་ཐམས་ཅད་སིལ་བར་བྱེད་པ་ནི་སྨན་གྱི་མཐུ་ཡིན་ནོ། །འོན་
[385b.7]ཀྱང་སྨན་ལྕི་བ་ལ་སོགས་པ་ཉིད་ལ་སྨན་གྱི་མཐུ་ཞེས་མིང་བཏགས་པ་ཡིན་ནོ། །དེ་བས་ན་སྨན་ཐམས་ཅད་ཡོན་ཏན་དང་ལྡན་པའི་སྙིང་པོ་མཐུ་ཆེ་བ་དང་ལྡན་པས་ནད་སེལ་ནུས་ཏེ། དེ་ལྟ་བུ་ལ་སྨན་གྱི་མཐུ་ཞེས་བྱའོ། །དེ་བས་ན་ནད་ཀྱི་ཚུལ་དང་སྦྱར་ཏེ། སྨན་དམིགས་ཀྱི་
[386a]
[386a.1]དངོས་སུ་བཏང་བ་སྣ་མང་པོ་བསོགས་ཏེ། མ་རྙིངས་མ་རུལ་པ་མཆོག་ཏུ་སྦྱར་ཏེ་བཏང་ན། དེས་ནད་ཕྱིན་པས་ན་སྨན་གྱི་མཐུ་ཞེས་བྱའོ། །དེ་བས་ན་གོང་དུ་སྨན་གང་གིས། །ནད་སེལ་ཞིང་ཞི་བར་བྱེད་པ་ལ་མཐུ་ཞེས་བྱ་བ་ཡིན་ན་ནི། སྨན་རྙིངས་སམ་རུལ་པ་
[386a.2]ཟོས་ན། དེས་ཅུང་ཟད་ཙམ་མི་ཕན་པའི་ལས་བྱེད་དུ་ཟད་ཀྱི། ནད་ཕྱིན་པར་མི་ནུས་སོ། །དེ་ལྟ་བས་ན་སྨན་གྱི་མཐུ་ཞེས་བྱ་བ་ནི་སྨན་གྱི་རོ་དང་ཞུ་བའི་རྗེས་ལ་སོགས་པའི་ནང་ན། སྨན་གྱི་མཐུ་ཞེས་བྱ་བ་ནི་ལྕི་བ་དང་སྣུམ་པ་དང་བསིལ་བ་ལ་སོགས་པའི་ནད་སེལ་ནུས་པའི་
[386a.3]མཐུ་ཡོད་པ་དེ་ལ། སྔོན་གྱི་སྨན་པ་ཆེན་པོ་དག་མཐུ་ཞེས་བྱ་བར་འདོད་དོ། །ཡང་སྨན་པ་ཁ་ཅིག་ན་རེ། སྨན་གྱི་སྟོབས་ཞེས་བྱ་བ་ནི་རྣམ་པ་གཉིས་ཏེ། ཚ་བ་དང་། བསིལ་བ་ཡིན་ནོ་ཞེས་ཟེར་རོ། །དེ་ཇི་ལྟར་ཞེ་ན། སྨན་གྱི་རང་བཞིན་རྣམ་པ་སྣ་ཚོགས་ཡིན་ཡང་། ཉི་མ་མེའི་
[386a.4]རང་བཞིན་ཡིན་ཏེ་ཚ་བ་དང་། ཟླ་བ་བསིལ་བ་ཡིན་ཏེ། འདི་གཉིས་སྟོབས་ཆེ་བས་སྨན་ཡང་ཚ་བ་དང་། བསིལ་བར་དེ་ལྟར་གྱུར་ཏོ། །དེ་ཡང་དུས་བཟང་པོའི་ཚེ། སེམས་ཅན་དར་བའི་དུས་ན་སྨན་གྱི་རོ་ཀུན་ཀྱང་གསལ་བར་བྲོ། །འཇིག་རྟེན་དམས་ཏེ་རྒུད་པ་ན་རོ་ཡང་
[386a.5]གསལ་པོར་མི་བྲོ་བ་ནི། སེམས་ཅན་དང་འདྲ་སྟེ། འདི་གཉིས་ལས་ནམས་ཀྱང་འགྱུར་བ་མེད་དོ། །དེ་ལ་སྨན་ཚ་བས་ནི་མགོ་འཁོར། སྐོམ། རྨྱ་ལ་རྡུལ། ཚ། ཟས་མྱུར་དུ་འཇུ་བར་བྱེད་པ་རྣམས་ཡིན་ནོ། །ཚ་བ་དེ་ལྟ་བུས་རླུང་དང་བད་ཀན་གཉིས་ནི་ཞི་བར་བྱེད་དོ། །
[386a.6]དེ་ལ་ཡང་སྨན་བསིལ་བས་ནི་ལུས་གྲང་། སིམ་པར་བྱེད། འཚོ་བར་བྱེད། ལུས་བརྟ་བར་བྱེད། ཁྲག་དང་མཁྲིས་པ་རྒྱས་པའི་ནད་ཞི་ཞིང་དངས་པར་བྱེད། ཚའམ་བསིལ་བ་གང་ཡང་རུང་བ་དེ་དང་དེ་ཁོང་པ་ནང་གི་དྲོད་གཉིས་སུ་ལྡན་པ་ལས་སྨན་ཟོས་པའི་རོ་དེ་ཡང་གཞན་དུ་
[386a.7]འགྱུར་བར་བྱེད་དོ། །སྨན་གྱི་རོ་རྣམས་ཞུ་བར་གྱུར་པའི་རྗེས་ལ། སྨན་གྱི་སྟོབས་ཀྱིས་ལས་བྱེད་པ་དེ་ནི་ཞི་བ་ཞེས་ཀྱང་བྱ། སྨིན་པ་ཞེས་ཀྱང་བྱའོ། །མངར་བ་བུ་རམ་དང་འོ་མ་ལྟ་བུའི་བག་དང་། པི་པི་ལིང་དང་། སྒ་ལྟ་བུ་ཚ་བའི་བག་དང་། འདི་རྣམས་ཞུ་བའི་རྗེས་འདྲ་སྟེ་
[386b]
[386b.1]མཇུག་ཏུ་མངར་རོ། །རོ་སྐྱུར་བ་རྣམས་ཟོས་ཏེ་ཞུ་བའི་རྗེས་ཀྱང་སྐྱུར་བར་འགྱུར་རོ། །རོ་ཁ་བ་དང་། ན་ལེ་ཤམ་ལྟ་བུ་ཚ་བ་དང་། རོ་བསྐ་བ་རྣམས་ཟོས་པའི་རྗེས་ནི་ཕལ་ཆེར་ཚ་བར་འགྱུར་རོ། །དེ་བས་ན་སྨན་གྱི་རོ་བྲོ་བ་ཟོས་པ་བཞིན་དུ་འབྲས་བུ་ཞུ་བའི་རྗེས་ཀྱང་དེ་དང་འདྲའོ། །དེ་
[386b.2]ལ་སྨན་གྱི་སྟོབས་བཟང་ངན་ལས་ཕན་མི་ཕན་པའི་དམིགས་དབྱེ་བ་ནི། སྨན་ལ་ལ་ཟོས་ན་སྨན་གྱི་རོ་ཕན་པའི་ལས་བྱེད་དེ། དཔེར་ན་ཁ་ན་ལི་ཁར་མུར་བའི་རོས་ཁ་བའི་རོ་མེད་པ་དང་འདྲའོ། །སྨན་ལ་ལ་ཞུ་བའི་རྗེས་ལ་ཕན་པའི་ལས་བྱེད་པ་ནི་དཔེར་ན་ཨ་རུ་ར་ལྟ་བུ་ཞུ་ནས་འཁྲུ་
[386b.3]བ་ཡིན་ནོ། །སྨན་གྱི་ཡོན་ཏན་ཞེས་བྱ་བ་ནི་ལྟོར་མ་ཟོས་པར་བསྣམས་པའམ་རེག་པ་ཙམ་གྱིས་ཕན་པའི་ལས་བྱེད་ནུས་པ་དེ་ནི་ཡོན་ཏན་ཞེས་བྱའོ། །སྨན་ཟོས་སམ་འཐུངས་ན་ནད་སེལ་བར་བྱེད་པ་གང་ཡིན་པ་དེ་ནི་ནུས་པ་ཞེས་བྱའོ། །སྨན་གྱི་མཐུ་ཞེས་བྱ་བ་ནི་རྒུན་འབྲུམ་
[386b.4]དང་། ཤིང་མངར་གཉིས་བསིལ་བྱེད་ནུས་པར་འདྲ་མོད་ཀྱི། རྒུན་འབྲུ་ནི་ལྷག་པར་འཁྲུ་བར་བྱེད་ནུས་ཏེ། དེ་ལྟ་བུ་ལ་མཐུ་ཞེས་བྱའོ། །དེ་བས་ན་སྨན་གང་དང་གང་ལ་བསྟེན་པའི་སྨན་གྱི་རོ་དང་སྟོབས་དང་ཞུ་བའི་རྗེས་ལ་སོགས་པས་ནད་སེལ་བའི་ལས་བྱེད་དོ། །དེའི་ཕྱིར་སྨན་
[386b.5]སྣ་སྦྱར་བའི་ནང་ནས། གང་མཐུ་དང་ལྡན་པ་དེས་ཕལ་ཟིལ་གྱིས་མནན་ནས་ཕན་པའི་ལས་བྱེད་དོ། །སྨན་མི་འཕྲོད་པ་རྣམས་སྦྱར་ཏེ་བཏང་ན། དེ་ནི་གང་ཕལ་ཆེ་བས་སྨན་གང་མྱུར་ཞིང་མཐུ་ཆུང་བ་དེ་ཐུབ་པར་བྱེད་དོ། །ཡང་དེ་ལ་སྨན་གྱི་རོ་བས་ནི་སྨན་ཟོས་པ་ཞུ་བའི་སྟོབས་
[386b.6]ཆེའོ། །ནུས་པ་བས་ནི་སྨན་གྱི་མཐུའི་སྟོབས་ཆེའོ། །སྨན་བསིལ་བ་ཡང་རུང་། ཚ་ཡང་རུང་བའི་སྨན་གྱི་རོའི་སྟོབས་མཉམ་སྟེ་བཏང་ན། དེའི་ནང་ན་མ་བསྒྱུར་མ་བཅོས་པ་རང་བཞིན་གྱིས་ཚ་བའམ་བསིལ་བའི་སྨན་དེ་སྟོབས་ཆེའོ། །ཡང་སྨན་གྱི་རོའི་སྟོབས་ཀུན་མཉམ་
[386b.7]ཀྱང་དེའི་ནང་ན་སྟོབས་ལྷག་པར་གང་ཆེ་བ་དེའི་མཐུ་ཆེ་སྟེ། དཔེར་ན་ཙི་ཏྲ་དང་དན་ཏིག་གཉིས་རོ་ལ་སོགས་པ་འདྲ་ཡང་། །དན་ཏིའི་མཐུ་ནི་ལྷག་པར་འཁྲུའོ། །སྦྲང་རྩི་དང་རྒུན་འབྲུ་ཡང་། །རྒུན་འབྲུ་འཁྲུའོ། །མར་དང་འོ་མ་གཉིས་མངར་བར་འདྲ་ཡང་འོ་མ་ནི་བསིལ་
[387a]
[387a.1]མར་ནི་དྲོད་སྐྱེད་དོ། །དེ་བས་ན་སྨན་རྣམས་ཀྱི་སྤྱིའི་ཕན་པར་ནུས་པ་དང་། མཐུའི་བྱེ་བྲག་དེ་ལྟར་བལྟའོ། །དེ་ཡང་སྨན་སྐྱེ་བ་རྣམ་པ་སྣ་ཚོགས་ཀྱི་རྐྱེན་གྱིས་སྨན་གྱི་མཐུ་སྟོབས་བྱེ་བྲག་ཐ་དད་པར་བལྟའོ། །ཇི་ལྟ་ཞེ་ན། གྲོ་དང་ནས་གཉིས་རོ་མངར་ལ་ལྕི་
[387a.2]མོད་ཀྱི། གྲོ་ལྷག་པར་སྣུམ་པས་རླུང་ནད་སེལ་ཏོ། །ནས་ཟ་བ་ལྟ་བུ་ནི་རླུང་སྐྱེད་དོ། །འོ་མ་དང་ཉ་གཉིས་བསིལ་བར་འདྲ་མོད་ཀྱི་ཉ་ཞུ་བའི་རྗེས་ནི་ཚའོ། །དཔེར་ན་ས་ལ་གནས་པར་འདྲ་མོད་ཀྱི་སེང་གེའི་ཤ་ནི་རོ་ཁའོ། །ཕག་ཤ་ནི་དེ་ལྟ་བུ་མ་ཡིན་ཏེ་ཚུལ་འདི་ལྟར་བལྟའོ། །
[387a.3]སྨན་སྣ་ཚོགས་ཀྱི་རོ་དང་སྟོབས་དང་ཞུ་བའི་རྗེས་དང་ཡོན་ཏན་དང་སྨན་གྱི་མཐུའི་བྱེ་བྲག་དང་། སྨན་རྣམས་ཆེན་པོ་ལྔའི་རང་བཞིན་དུ་གཏོགས་པ་དང་། ཆེན་པོ་ལྔའི་མཐུས་ཕན་པའི་ལས་བྱེད་པ་དང་། སྨན་གྱི་བྱེ་བྲག་སྣ་ཚོགས་བཤད་པའི་ལེའུ་དགུ་པ་རྫོགས་སོ།། །།
[387a.4]དེ་ནས་ཡང་སྨན་གྱི་རོ་ཐ་དད་པ་རྣམས་ཆེན་པོ་ལྔའི་བྱེ་བྲག་ལས་ཇི་ལྟར་སྐྱེ་བ་དེ་དག་དམིགས་ཀྱིས་བསྟན་པའི་ལེའུ་བཅུ་པ་བཤད་པར་བྱའོ། །དེ་ལ་སྨན་གྱི་རོ་མངར་བ་དང་། སྐྱུར་བ་དང་། ལན་ཚྭ་བྲོ་བ་དང་། ཁ་བ་དང་། ཚ་བ་དང་། བསྐ་བ་དང་། འདི་དྲུག་ཆེན་པོ་ལྔ་ལས་
[387a.5]སྐྱེའོ། །དེ་ཡང་ཇི་ལྟ་ཞེ་ན། ས་དང་ཆུ་གཉིས་ཀྱི་རྒྱུ་ལས་ནི་རོ་མངར་བར་འགྱུར་རོ། །མེ་དང་ས་གཉིས་ཀྱི་རྒྱུས་ནི་རོ་སྐྱུར་བར་འགྱུར་རོ། །ཆུ་དང་མེ་གཉིས་ཀྱི་རྒྱུས་ནི་རོ་ཚ་བྲོ་བར་འགྱུར་རོ། །ནམ་མཁའ་དང་རླུང་གཉིས་ཀྱི་རྒྱུས་ནི་རོ་ཁ་བར་འགྱུར་རོ། །མེ་དང་རླུང་གཉིས་ཀྱི་
[387a.6]རྒྱུས་ནི་རོ་ཚ་བར་འགྱུར་རོ། །ས་དང་རླུང་གཉིས་ཀྱི་རྒྱུས་ནི་རོ་བསྐ་བ་བྲོ་བར་འགྱུར་རོ། །དེ་ལྟར་ཆེན་པོ་གཉིས་གཉིས་ཀྱི་ཤས་ཆེ་ལ་རོ་མངར་བར་བྲོ་བ་ལ་སོགས་པ་སྐྱེ་བ་འབྱུང་བར་འགྱུར་རོ། །དེ་ལ་རོ་མངར་བར་བྲོ་བ་ནི་ཁ་ལ་ཞིམ་པོར་བྲོ་བ་ཆགས་ཏེ་མངར་བ་མྱངས་ན་ལུས་
[387a.7]ཚིམ་པར་བྱེད། མིག་དངས་པར་བྱེད་དེ། ཆུང་ངུ་གྲོག་མ་ལ་སོགས་པ་རོ་མངར་བ་མྱངས་ན་ཡང་ཞིམ་སྟེ། དགའ་བར་མངོན་པ་ཡིན་ནོ། །མེ་དང་ས་ལས་གྱུར་པའི་རོ་སྐྱུར་བར་བྲོ་བ་ནི། ཁའི་ནང་དུ་སྐྱུར་ཆེས་པས་སོ་བརྩེ། སྤུ་ལྡང་། མིག་དང་སྨིན་མ་རྣམས་འཛུམས་པར་
[387b]
[387b.1]འགྱུར་རོ། །ཆུ་དང་མེ་གཉིས་ཀྱི་ཤས་ཆེ་བ་ལས་ནི་རོ་ལན་ཚྭ་བྲོ་སྟེ། ཁའི་ནང་མཆིལ་མ་འདུ། གྲེ་བ་དང་ཁའི་ནང་ཚ་བར་བྱེད་དོ། །ནམ་མཁའ་དང་རླུང་གཉིས་ལས་གྱུར་པའི་རོ་ཁ་བར་བྲོ་བ་ནི་ལྗིན་བག་སེལ་ཞིང་ལྕི་ལ་མི་ཞིམ་ཞིང་གནོད་པ་བྱེད་དོ། །ལྕེའི་ཆུ་དང་ཐོར་ལོ་
[387b.2]ལ་ཚ་ཙག་ཙག་བྱེད་ཅིང་། སྣ་དང་མིག་དང་ཁ་ཆུ་ཟག་ལ་མཁུར་བའི་ནང་ཚིག་པ་བཞིན་དུ་བྱེད་པས་སྐྱོ་བར་འགྱུར་བ་ནི་ཚ་བའོ། །རོ་བསྐ་བ་ཞེས་བྱ་བ་ནི་ལྕེ་ལ་རོ་གཞན་རེ་ཞིག་བྲོ་བར་མི་ཚོར་ལ། གྲེ་བ་དང་རྩའི་སྦུ་གུ་རྣམས་འགགས་པར་བྱེད་པས་ན་རོ་བསྐ་བའོ། །རོ་
[387b.3]རྣམ་པ་དྲུག་གི་ཚུལ་ནི་འདི་ལྟ་བུ་ཡིན་ནོ། །དེ་ལ་རོ་དེ་རྣམས་ཀྱིས་ལས་ཀྱི་བྱེ་བྲག་ཇི་ལྟར་བལྟ་ཞེ་ན། རོ་མངར་བའོ་མ་ལ་སོགས་པའི་ལས་ནི་དང་པོ་བཙས་པ་ནས་མངར་བའི་རོ་དེ་དང་འཕྲོད་པའི་ཟས་ཡིན། ལུས་ཀྱི་སྲོག་ཟུངས་བདུན་རྣམས་ཀྱི་མཐུར་འགྱུར། སྟོབས་རྩལ་
[387b.4]སྐྱེད། བྱིས་པ་ཆུང་ངུ་དང་མི་རྒན་པོ་ལ་ཕན། གློ་རྡོལ་དང་། ཁྲག་འོང་བ་དང་། ཁམས་བདུན་ཟད་པ་དང་། འདི་ལྟ་བུ་ལ་ཕན། ཁ་བཞིན་མདོག་དང་། སྐྲ་བཟང་། མིག་དང་རྣ་བ་ལ་སོགས་པ་དབང་པོ་གསལ། གཟི་མདངས་བཟང་བར་འགྱུར། ལུས་ཀྱི་
[387b.5]ཉམས་འཚག་སྐྱེད། སྐད་འགགས་པ་དང་། འཛེར་བ་ལ་ཕན། །བུད་མེད་ཀྱི་ནུ་ཞོ་སྐྱེད། ཆག་ཐུར་དང་སྨྲས་པའི་རྨ་འབྱོར་ཅིང་འཚོ། འཇུ་དཀའ་སྟེ་ལྕི། ཚེ་རིང་བ་ལ་ཕན། འཚོ་བར་བྱེད། ཁོང་འཇམ་ཞིང་སྣུམ། མཁྲིས་པའི་ནད་དང་རླུང་ནད་དང་དུག་ལ་ཕན་ནོ། །
[387b.6]འོ་མ་ལ་སོགས་པ་ཧ་ཅང་དྲགས་ན་ཚིལ་སྐྱེ། བད་ཀན་གྱི་ནད་སྐྱེ་བར་འགྱུར། །ཤ་སྐྱེས་ཏེ་ལུས་སྦོམ་པོར་འོང་། ཁོང་པའི་དྲོད་བྲི་ཞིང་འདུས་པའི་རིམས་ཀྱིས་ཐེབས། གཅིན་སྙི། དགའ་བ་འབྱུང་། ལུས་ལ་རྨེན་བུ་ལ་སོགས་པ་ཐོར་བུའི་བག་འབྱུང་ངོ་། །རོ་སྐྱུར་ཟོས་
[387b.7]པའི་ལས་ནི་ཁོང་པ་མེའི་དྲོད་འབར་བར་བྱེད། ལུས་སྣུམ་ཞིང་འཇམ། སྐྱུར་བག་ཁར་ཞིམ། ཟས་འཇུ། ཡི་ག་འབྱེ། དྲོད་སྐྱེ་བའི་མཐུར་འགྱུར། ཁུ་བས་ཁ་ལག་གམ་ལུས་བཀྲུས་ན་བསིལ་བར་འགྱུར་རོ། །འཐུངས་ན་ཚིམ་པར་བྱེད། །ཟས་ཟོས་པ་ཞུ་ཞིང་
[388a]
[388a.1]མྱགས་པར་བྱེད། ཁ་ཟས་སྐྱུར་བའི་བག་འཇུ་སླ་སྟེ་ཡང་བར་འགྱུར། །བད་ཀན་དང་མཁྲིས་པ་དང་ཁྲག་རྒྱས་པའི་ནད་སེལ། ཁོང་བ་རྒྱུ་མའི་ནང་ན་རླུང་སྒྲ་ཁྲུ་ལུ་ལུ་ཟེར་ཞིང་འཁྱིལ་བར་རྒྱུ། སྐྱུར་བའི་བག་རྟག་ཏུ་ཧ་ཅང་བསྟེན་ཆེས་དྲགས་ན། ལུས་ཤ་སླ་སྟེ་
[388a.2]ལྷོད་ལྷོད་པོར་འགྱུར། མིག་རབ་རིབ་ཟ། མགོ་འཁོར། ལུས་གཡན་པར་འགྱུར། །ཁ་གདོང་དང་ལུས་བརྩེ། སེར་ཞིང་སྐྱ་རྦབ་ཏུ་འགྱུར། མེ་དབལ་དུ་འགྱུར། ལུས་སྐྲངས། ལུས་ལ་ཐོར་བུ་འབྱུང་། སྐོམ་དད་ཆེ། རིམས་ནད་ཀྱིས་ཐེབས་པར་འགྱུར་རོ། །ཚ་ནི་དངོས་ཏེ་
[388a.3]ཟུག་པ་ལྟ་བུ། རླུང་ངམ་བད་ཀན་ལ་སོགས་པ་ལྟ་བུའི་ནད་ཀྱིས་ཁོང་དུ་ཕལ་ཆེར་འཁྱིལ་བ་དང་། བཤང་གཅི་འབྱུང་དུ་མི་རུང་བ་འདི་ལྟ་བུ་འབྱིན་པར་བྱེད། ཁོང་དྲོད་དུ་སྣུམ་པ་དང་། དྲོད་ཆེ་བས་རྔུལ་བར་འགྱུར། །རྣོ་བར་འགྱུར། ཡི་ག་འབྱེ། མི་ཚོན་པོ་ཚིལ་ཆེ་བ་ཚིལ་འཇུ་ཞིང་
[388a.4]སྐེམ་པོ་གྲིམས་པར་བྱེད། ཁོང་འཁྲུ་བར་བྱེད་དོ། །ལན་ཚྭ་རབ་ཏུ་ཆེར་ཟོས་ན་ཁྲག་ནད་དང་རླུང་ནད་དུ་འགྱུར། །སྐྲ་འབྱི་ཞིང་དཀར་པོར་འགྱུར། གཉེར་མ་མང་། སྐོམ་དད་ཆེ། མཛེ་ནད་དང་། དུག་ནད་ལྡང་། འབྲུམ་བུའམ་འབྲས་ནད་འབྱུང་། སྟོབས་འབྲི་བར་འགྱུར། རོ་
[388a.5]ཁ་བ་ནི་ཁ་བོ་ཉིད་ཡིད་དུ་྅མི་འོང་སྟེ། ཟས་འདོད་པའི་ཡི་ག་འབྱེ། །ལྟོ་ན་སྲིན་བུ་ཡོད་པ་སེལ། །སྐོམ་དད་ཆུང་། དུག་ནད་སེལ། མཛེ་ནད་དང་། བརྒྱལ་བ་དང་། རིམས་དང་། སློན་བྲོ་བ་དང་། ཚ་བ་དང་། མཁྲིས་པའི་ནད་དང་། བད་ཀན་གྱི་ནད་འདི་ལྟ་བུ་སེལ་ཏེ། ཁ་བ་བྲོ་
[388a.6]དྲགས་ན། ལུས་ལ་འདྲུལ་བག་དང་། ལུས་ཀྱི་ཚིལ་དང་། ནང་གི་ལྟོ་ཚིལ་དང་། རྐང་དང་ནང་གི་བཤང་གཅིའི་དྲི་མ་འདི་ལྟ་བུ་ཀུན་སྐམ་ཞིང་འཇུ་བར་བྱེད། ཁོང་ཡང་། ཡིད་གཞུངས། བསིལ། ཁོང་རྩུབ། བུད་མེད་ཀྱི་ནུ་མའི་ནད་ལ་ཕན། མགུལ་པ་འགགས་པ་
[388a.7]འབྱུང་། སྲོག་ཟུངས་བདུན་ཟད་ཅིང་སྐམ། རླུང་ནད་ཀྱིས་ལུས་འདར་བ་དང་། མཛེ་དང་། ཟས་མ་ཞུ་བས་ལྟོ་ན་ཟུག་ཅིང་སྦོས་པ་དང་། ལུས་སྐྲངས་པ་དང་། འདི་ལྟ་བུའི་ནད་སེལ། རྨ་འདྲེད་ལུས་ཀྱི་ཁོང་ན་སྣུམ་ཡོད་པ་དང་། ཚིལ་ཟད་ཅིང་འཇུ། ལུས་ལ་འདྲུལ་
[388b]
[388b.1]བག་ཡོད་པ་སྐམ་པར་བྱེད། ཁོང་དུ་དྲོད་སྐྱེ། ཁ་ཟས་འཇུ། ཟས་ཡི་གར་མི་འོང་བ་ཡི་གར་འོང་བར་བྱེད། རྣ་བ་དང་། མིག་ལ་སོགས་པ་བུ་ག་དགུ་དང་། རྩའི་རྒྱུན་འགགས་པ་རྣམས་སྒོ་འབྱེ་བར་བྱེད། བད་ཀན་སེལ་བར་བྱེད། ཚ་བ་ཧ་ཅང་ཆེར་དྲག་ཏུ་ཟོས་ན་སྐོམ་དད་
[388b.2]ཆེ། ཁུ་ཆུ་ཟད། སྟོབས་འབྲི། བརྒྱལ་བའི་བག་ཏུ་འགྱུར། རྐང་ལག་འཁུམས་པར་བྱེད། ལུས་འདར། རྐེད་པ་དང་། རྒྱབ་ལ་སོགས་པ་ན་བར་འགྱུར་རོ། །རོ་བསྐ་བ་ནི་མཁྲིས་པའི་ནད་དང་། བད་ཀན་གྱི་ནད་སེལ། ཁོང་ལྕི། ཁྲག་ནད་འབྱང་།འབྱུང་། རྨ་འཚོ། བསིལ་
[388b.3]འདྲུལ་བག་གམ། ཚོ་བ་འཇུ་ཞིང་སྐེམ་པར་བྱེད། བེའུ་སྣབས་འཁྱིལ་ཞིང་ཐོགས་པར་བྱེད། ཁོང་འཁྲུ་བ་གཅོད། ཁོང་རྩུབ། པགས་པའི་མདོག་གསལ་ཞིང་བཟང་བར་བྱེད་དོ། །རོ་བསྐ་བ་ཧ་ཅང་དྲག་ཏུ་ཟོས་ན་བཤང་གཅི་འགག །ལྟོ་སྦོས་པར་བྱེད། སྙིང་ན། སྐོམ་དད་
[388b.4]ཆེ། ལུས་སྐེམ་པར་འགྱུར། སྐྱེས་པའི་མཐུ་རྩལ་བྲི་སྟེ་བུད་མེད་ལ་མི་ཕོད་པར་འགྱུར། རྣ་བ་དང་མིག་ལ་སོགས་པ་བུ་ག་དགུ་དང་། རྩའི་རྒྱུན་རྣམས་འགགས་པར་བྱེད། བཤང་གཅི་དྲི་མ་སྲི་སྟེ་མི་འབྱུང་བ་འདི་ལྟ་བུར་འགྱུར་རོ། །དེ་ལ་རོ་མངར་བའི་གྲངས་སུ་གཏོགས་པ་ནི་
[388b.5]ཞུན་མར་དང་། གསེར་དང་། བུ་རམ་དང་། ཀ་ར་ཀ་དང་། ཆུ་ཤིང་གི་འབྲས་བུ་ཤིང་ཐོག་ཙོ་ཙ་དང་། ཤིང་ཐོག་པ་རུ་ཤ་ཀ་དང་། ཉེའུ་ཤིང་དང་། ར་མཉེ་བ་དང་། པ་ནས་བུམ་ཤ་དང་། ར་ཛ་ད་ན་དང་། སྨན་པ་ལ་རྣམ་གསུམ་ལ། བ་ལ་དང་། མ་ཧཱ་བ་ལ་དང་། ཨ་ཏི་བ་
[388b.6]ལ་དང་གསུམ་མོ། །སྨན་མེ་ད་བ་དང་། མ་ཧཱ་མེ་ད་དང་གཉིས་སོ། །འདབ་མ་རྣམས་བཞི་སྟེ། ཤིང་སཱ་ལའི་འདབ་མ་དང་། ཀྲྀཥྞ་པར་ཎི་དང་། མུད་ག་པརྞི་དང་། མ་ཤ་པརྞིའོ། །ཛི་བན་ཏི་ཞེས་བྱ་བ་སྨན་འཚོ་བྱེད་ཀྱི་གྲངས་སུ་གཏོགས་པའི་ནང་ན། ཛི་བ་ཀར་ཤ་བྷ་དང་། མེ་ཏོག་
[388b.7]མ་དྷུ་ཀ་དང་། ཤིང་མངར་དང་། བིམ་པི་དང་། བི་དྷ་རི་དང་། ཤྲ་བ་ནི་རྣམ་གཉིས་དང་། ཤིར་ཤུག་ཀླ་དང་། བང་ཤ་རོ་ཙ་ན་ཞེས་ཅུག་ཧང་དང་། ཤི་རི་ནི་དང་། ཏང་པལ་དང་། ས་ཧ་དེ་དང་། འོ་མ་དང་། བུ་རམ་ཤིང་དང་། གཟེ་མ་དང་། སྦྲང་རྩི་དང་རྒྱུན་འབྲུམ་ལ་
[389a]
[389a.1]སོགས་པ་ནི་མངར་བའི་གྲངས་སུ་གཏོགས་སོ། །དེ་ལ་རོ་སྐྱུར་བའི་གྲངས་སུ་གཏོགས་པ་ནི། སྐྱུ་རུ་ར་དང་། ཨམ་ལི་ཀ་དང་། བ་ལུང་དང་། སྟར་བུ་དང་། བལ་པོ་སེའུ་དང་། དངུལ་དང་། དར་བ་དང་། ཚ་དང་། ཀུ་ཤུ་དང་། ཞོ་དང་། ཤིང་ལོང་ཀོ་
[389a.2]གི་ཀའི་འབྲས་བུ་ལོང་གོག་དང་། ཨ་མྲ་ཏ་ཀ་དང་། བྷ་བྱ་དང་། ཀ་པིད་ཏ་དང་། ཀ་ར་མ་ར་ཀ་ར་ཏ་ཀ་དང་། འདི་རྣམས་ནི་རོ་སྐྱུར་བའི་གྲངས་སུ་གཏོགས་སོ། །དེ་ལ་ལན་ཚྭའི་གྲངས་སུ་གཏོགས་པ་ནི། ཚ་བའི་ནང་ན་རྒྱམ་ཚ་དང་། ལྕེ་མྱང་ཚ་བཟང་ངོ་། །ཚ་ཕལ་པ་ནི་སོའུ་བར་ཙ་
[389a.3]ལ་དང་། ཁ་རུ་ཚ་དང་། ལན་ཚྭ་བྷི་དང་། རྒྱ་མཚོའི་ཚ་དང་། བཙོ་ཚ་དང་འདི་རྣམས་སོ། །ཡང་ལན་ཚྭ་རོ་མོ་མ་ཀ་དང་། སྐོམ་པའི་ཚ་དང་། རོ་ཉེ་དང་། ཡ་བཀྵ་ར་ནས་ཚིག་འཁྲུས་པའི་ཚ་དང་། འདི་རྣམས་ནི་ལན་ཚྭར་བརྩི་བའི་གྲངས་སུ་གཏོགས་སོ། །རོ་ཁ་བར་བརྩི་བའི་
[389a.4]རྣམས་གྲངས་ལ་པ་ཏོ་ལ་དང་། ཀྱི་ལྕེ་བ་དང་། བལ་ཀ་དང་། ཙན་དན་ཨུ་ཤི་ར་དང་། བུ་ནིམ་པ་ཞེས་བྱ་བ་ཅི་སྐྲིགས་དང་། ཤིང་ནིམ་པ་དང་། པུ་ཙེ་ཤེལ་དང་། རྒྱ་སྤོས་དང་། ཨ་རུ་ར་དང་། ཤིང་བ་ཙ་ཀ་དང་། ནག་ཏ་མ་ལ་དང་། སྐྱེར་པ་དང་། ཡུང་བ་དང་། གླ་སྒང་
[389a.5]ཆེན་པོ་དང་། མུར་བ་དང་། ཨ་ཏ་རུ་ཤ་ཀ་དང་། པོ་སོན་ཆ་དང་། ཤིང་ཨ་བ་མརྒ་དང་། ཁར་བ་དང་། ལྕགས་དང་། སླེ་ཏྲེས་དང་། དུ་རལ་བ་དང་། རྩ་བ་ཆེན་པོ་ལྔར་བརྩི་བ་རྣམས་དང་། བྲི་ཧ་ཏི་དང་། ཀཎྜ་ཀ་རི་དང་། བི་ཤ་ལ་དང་། བོང་ང་དང་། ཤུ་དག་དང་། འདི་
[389a.6]རྣམས་ནི་ཁ་བའི་གྲངས་སུ་གཏོགས་སོ། །དེ་ལ་རོ་ཚ་བའི་གྲངས་སུ་གཏོགས་པ་ནི་ཤིང་ཀུན་དང་། ན་ལེ་ཤམ་དང་། སྲིན་བུ་གསོད་པའི་སྨན་བྱི་དང་ག་དང་། ཚ་བ་རྣམ་པ་ལྔ་ནི། ལི་དོང་གྲ་དང་། པི་པི་ལིང་དང་། པི་པི་ལིང་གི་རྩ་བ་དང་། དབྱི་མོའི་ལོ་མ་དང་། ཀྲུ་ཏྲུག་
[389a.7]ཏྲེས་དང་ལྔ། ཀུ་ཐེར་ཞེས་ཀྱང་བྱ་བ་དང་། ཤང་ཆེ་རྗེན་པ་ཚ་བ་རྣམས་དང་། མཁྲིས་པ་རྣམས་དང་། བ་གཅིན་དང་། གོ་བྱེ་འདི་རྣམས་ནི་རོ་ཚ་བའི་གྲངས་སུ་གཏོགས་སོ། །དེ་ལ་རོ་བསྐ་བར་བརྩི་བ་ནི། ཨ་རུ་ར་དང་། བ་རུ་ར་དང་། ཤིང་ཤི་རི་ཤ་དང་། སེང་ལྡེང་དང་། ཆང་
[389b]
[389b.1]དང་། ཤིང་ཀ་དམ་པའི་འབྲས་བུ་དང་། མུ་ཏིག་དང་། བྱི་རུ་དང་། མིག་སྨན་ལ་ལིག་བུ་མིག་དང་། བཙག་ཡུག་སྣམ་དང་། སྐྱེར་ཁཎྜ་དང་། ཤིང་ག་བི་ཏའི་ཁུ་བ་གསར་པ་དང་། འབྲ་གོའི་ཤིང་དང་། པདྨའི་རྩ་བ་དང་། པདྨ་དང་། ཨུཏྤ་ལའི་ལོ་མ་དང་། འདི་རྣམས་
[389b.2]ནི་རོ་བསྐ་བའི་གྲངས་སུ་གཏོགས་སོ། །འབྲས་དང་། ནས་དང་། མོན་སྲན་སྡེའུ་དང་། གྲོ་དང་། སྦྲང་རྩི་དང་། ཁ་ར་དང་སྐམ་སའི་ཤ་མ་གཏགས་པར་མངར་བ་གཞན་ནི་ཕལ་ཆེར་བད་ཀན་དུ་འགྱུར་རོ། །རོ་སྐྱུར་བ་ནི་ཕལ་ཆེར་མཁྲིས་པར་འགྱུར་ཏེ། བལ་པོ་སེའུ་དང་།
[389b.3]སྐྱུ་རུ་ར་ནི་མ་གཏོགས་སོ། །ལན་ཚྭ་ནི་ཕལ་ཆེར་མིག་ལ་གནོད་དོ། །རྒྱམ་ཚ་དང་ལྕེ་མྱང་ཚ་མ་གཏོགས་སོ། །རོ་ཁ་བ་དང་། རོ་ཚ་བ་ནི་ཕལ་ཆེར་བུད་མེད་ལ་ཉལ་མི་ཕོད་ཅིང་རླུང་ནད་སློང་སྟེ། སླེ་ཏྲེས་དང་། པ་ཏོ་ལ་དང་གཉིས། ལི་དོང་གྲ་དང་། པི་པི་ལིང་དང་། སྒོག་པ་རྣམས་མ་གཏོགས་
[389b.4]སོ། །རོ་བསྐ་བ་ནི་ཕལ་ཆེར་བསིལ། བཤང་གཅི་དྲི་མ་འབྱུང་བ་དཀའ། འཁྲུ་བ་ཡང་གཅོད་དེ་ཨ་རུ་ར་ནི་མ་གཏོགས་སོ། །རོ་ཚ་བ་ནི་སྐྱུར་བ་ལན་ཚྭ་དང་། འདི་གསུམ་གྱི་དྲོ་བའི་མཐུ་ནི་གོ་རིམས་བཞིན་དུ་ཆེ་སྟེ། རོ་ཚ་བ་ལས་སྐྱུར་བའི་དྲོད་ཆེ། སྐྱུར་བ་བས་ལན་ཚྭའི་དྲོད་
[389b.5]ཆེའོ། །ཁབ་དང་བསྐ་བ་དང་མངར་བ་ནི་གསུམ་ཆར་འདྲ་སྟེ་བསིལ་ལོ། །ཁབ་དང་ཚ་བ་དང་། བསྐ་བ་གསུམ་ནི་ཁོང་རྩུབ། བཤང་གཅི་དྲི་མ་མི་འབྱུང་སྟེ་སྲི་བར་བྱེད་དོ། །ཚ་བ་དང་སྐྱུར་བ་དང་མངར་བར་སྦྱར་ན། ཁོང་འཇམ་ཞིང་སྣུམ། བཤང་གཅི་དང་། ཐུར་དུ་
[389b.6]དབུགས་འབྱུང་བ་རྣམས་མི་ཐོགས་པར་བྱེད་དོ། །ལན་ཚྭ་བ་བས་ནི་རོ་བསྐ་བ་ལྕིའོ། །བསྐ་བ་བས་ནི་ཚ་བ་ཡང་ངོ་། རོ་སྐྱུར་བ་བས་ནི་ཚ་བ་ཡང་ངོ་། །ཚ་བ་བས་ཀྱང་ཁ་བ་ཆེས་ཡང་ངོ་། །དེ་ལ་རོ་མངར་བ་དང་། སྐྱུར་བ་དང་། ལན་ཚྭ་བྲོ་བ་དང་། ཚ་བ་དང་། ཁ་བ་དང་།
[389b.7]རོ་བསྐ་བ་རྣམ་དྲུག་པོ་རྣམས་ཕན་ཚུན་ནང་སྦྱར་ནས། རོའི་བྱེ་བྲག་ལྔ་བཅུ་རྩ་དྲུག་ཏུ་འགྱུར་རོ། །རོ་དེ་རྣམས་ཀྱང་བྱེ་བྲག་ཏུ་ཕྱེད་ན་ནི་རོའི་རྣམ་པ་དྲུག་ཅུ་རྩ་གསུམ་དུ་འགྱུར་རོ། །དེ་བས་ན་རོ་འདི་རྣམས་ཀྱང་འོལ་ཅི་རན་ཙམ་དུ་སྦྱར་བའི་བྱེ་བྲག་བསྟན་པ་ཡིན་ནོ། །དེ་ལ་རོ་རྣམ་
[390a]
[390a.1]དྲུག་གི་བྱེ་བྲག་སོ་སོར་སྦྱར་བ་ནི། རོ་བྲོ་བ་གང་ལྟར་སྦྱོར་ཡང་རུང་སྟེ། རོ་དེ་དག་ལས་རེ་རེ་ཕྲི་ལ། ལྔ་ལྔ་དང་ཕན་ཚུན་དུ་སྦྱར་རོ། །ཕན་ཚུན་དུ་སྦྱོར་བ་དེ་ཡང་རོ་རྣམ་གཉིས་སུ་སྦྱོར་བའི་ཐབས་དང་། རྣམ་གསུམ་དུ་སྦྱོར་བའི་ཐབས་དང་། རོ་རྣམ་བཞིར་སྦྱོར་བའི་
[390a.2]ཐབས་དང་། རོ་རྣམ་ལྔ་ལ་སོགས་པར་སྦྱོར་བར་རིག་པར་བྱའོ། །དེ་ལ་རོ་མངར་པོ་ལས་རྣམ་གཉིས་སུ་སྦྱོར་བ་ཡང་རྣམ་པ་ལྔ་སྟེ། མངར་བ་དང་སྐྱུར་བར་སྦྱར། མངར་བ་དང་ལན་ཚྭ་བྲོ་བར་སྦྱར། མངར་བ་དང་ཁ་བར་སྦྱར། མངར་བ་དང་ཚ་བར་སྦྱར། མངར་བ་དང་བསྐ་པར་སྦྱར་ཏེ། དེ་ལྟར་རྣམ་པ་ལྔའོ། །སྐྱུར་བ་
[390a.3]སྣ་གཉིས་སུ་སྦྱོར་བ་རྣམ་པ་བཞི་སྟེ། སྐྱུར་དང་ལན་ཚྭར་སྦྱར། །སྐྱུར་དང་ཚ་བར་སྦྱོར། སྐྱུར་དང་ཁ་བར་སྦྱོར། སྐྱུར་དང་རོ་བསྐ་བར་སྦྱོར་ཏེ། དེ་ལྟར་སྐྱུར་དང་སྣ་གཉིས་སུ་སྦྱོར་བ་རྣམ་པ་བཞིའོ། །ལན་ཚྭ་དང་རྣམ་གཉིས་སུ་སྦྱོར་བ་ཡང་རྣམ་གསུམ་སྟེ། ལན་
[390a.4]ཚྭ་དང་རོ་ཚ་བར་སྦྱར། ལན་ཚྭ་དང་བསྐ་བར་སྦྱོར་ཏེ། །དེ་ནི་སྦྱོར་བ་སྣ་གསུམ་མོ། །རོ་ཚ་བ་ལ་སྦྱོར་བ་རྣམ་པ་གཉིས་ཏེ། ཚ་བ་དང་ཁ་བར་སྦྱོར། ཚ་བ་དང་བསྐ་བར་སྦྱོར། འདི་ནི་སྦྱོར་བ་སྣ་གཉིས་སོ། །ཁ་བ་ལས་སྦྱོར་བ་ནི་སྣ་གཅིག་སྟེ། ཁ་བ་དང་བསྐ་བར་སྦྱོར་རོ། །དེ་ལྟར་ན་
[390a.5]མངར་གྱི་སྣ་ལྔ་དང་། སྐྱུར་ལས་སྣ་བཞི། ལན་ཚྭ་སྣ་གསུམ། ཚ་བའི་སྣ་གཉིས། ཁ་བའི་སྣ་གཅིག་དང་འདི་རྣམས་སྤྱིར་བསྡོམས་ན། རོ་སྣ་བཅོ་ལྔ་ཡོད་དོ། །ཡང་གསུམ་པའི་སྦྱོར་བ་ཞེས་བྱ་ནི། མངར་བས་སྦྱོར་བ་སྣ་གསུམ་པ་སྣ་བཞིར་བྱ་བ་ནི། མངར་དང་སྐྱུར་དང་ལན་ཚྭ་
[390a.6]དང་སྦྱོར། མངར་དང་སྐྱུར་དང་ཚ་བར་སྦྱོར། མངར་དང་སྐྱུར་དང་ཁ་བར་སྦྱོར། མངར་དང་སྐྱུར་དང་རོ་བསྐ་བར་སྦྱོར་ཏེ། དེ་ལྟར་རྣམ་གསུམ་པ་སྣ་བཞིའོ། །ཡང་མངར་གྱི་རྣམ་གསུམ་པ་སྣ་གསུམ་ནི། མངར་དང་ལན་ཚྭ་དང་ཚ་བར་སྦྱོར། མངར་དང་ལན་ཚྭ་དང་ཁ་བར་
[390a.7]སྦྱོར། །མངར་དང་ལན་ཚྭ་དང་བསྐ་བར་སྦྱོར་ཏེ། འདི་ནི་མངར་སྣ་གསུམ་པའི་སྣ་གསུམ་མོ། །ཡང་མངར་རྣམ་གསུམ་པའི་སྣ་གཉིས་ནི། མངར་དང་ཚ་བ་དང་ཁ་བར་སྦྱོར། །མངར་དང་ཚ་བ་དང་བསྐ་བར་སྦྱོར་ཏེ། འདི་ནི་མངར་རྣམ་གསུམ་པའི་སྣ་
[390b]
[390b.1]གཉིས་སོ། །ཡང་མངར་རྣམ་གསུམ་པའི་སྣ་གཅིག་ནི་མངར་དང་ཁ་བ་བསྐ་བར་སྦྱོར་བ་སྣ་གཅིག་པའོ། །དེ་ལྟར་མངར་རྣམ་གསུམ་པའི་སྣ་བཞི་པ་དང་། སྣ་གསུམ་པ་དང་། སྣ་གཉིས་པ་དང་། སྣ་གཅིག་པ་སྟེ་བསྡོམས་ན་སྣ་བཅུ་ཡོད་དོ། །སྐྱུར་ལས་སྦྱར་བ་རྣམ་དྲུག་ནི་
[390b.2]སྐྱུར་བ་དང་ལན་ཚྭ་དང་ཚ་བར་སྦྱོར། རོ་སྐྱུར་བ་དང་ལན་ཚྭ་དང་ཁ་བར་སྦྱོར། རོ་སྐྱུར་བ་དང་ལན་ཚྭ་དང་བསྐ་བར་སྦྱོར་ཏེ། འདི་ནི་སྐྱུར་རྣམ་གསུམ་པའི་སྣ་གསུམ་མོ། །སྐྱུར་རྣམ་གསུམ་གྱི་སྣ་གཉིས་ནི། སྐྱུར་བ་དང་ཚ་བ་དང་ཁ་བར་སྦྱོར། སྐྱུར་བ་དང་ཚ་བ་དང་བསྐ་བར་
[390b.3]སྦྱོར་བ་འདི་ནི། སྐྱུར་གྱི་སྣ་གཉིས་པ་ཞེས་བྱའོ། །ཡང་སྐྱུར་བ་དང་ཁ་བ་དང་བསྐ་བར་སྦྱོར་བ་འདི་ནི་སྐྱུར་གྱི་སྣ་གཅིག་པའོ། །དེ་ལྟར་ན་སྐྱུར་བ་ལས་སྦྱོར་བ་སྣ་གསུམ་དང་། སྣ་གཉིས་པ་དང་། སྣ་གཅིག་པ་སྟེ་བསྡོམས་ན་སྣ་དྲུག་ཡོད་དོ། །ལན་ཚྭ་དང་སྦྱོར་བ་སྣ་གསུམ་
[390b.4]པ་ཞེས་བྱ་བ་ནི། ལན་ཚྭ་དང་། རོ་ཚ་བ་དང་ཁ་བར་སྦྱོར། ལན་ཚྭ་དང་རོ་ཚ་བ་དང་བསྐ་བར་སྦྱོར་ཏེ། འདི་ནི་ལན་ཚྭའི་སྦྱོར་བ་སྣ་གཉིས་སོ། །ཡང་ལན་ཚྭ་དང་ཁ་བ་དང་བསྐ་བར་སྦྱོར་བ་ནི་ལན་ཚྭའི་སྦྱོར་བ་སྣ་གཅིག་པ་ཞེས་བྱ་སྟེ། དེ་ལྟར་སྣ་གཉིས་པ་དང་། སྣ་གཅིག་པ་
[390b.5]བསྡོམས་ན། ལན་ཚྭའི་སྣ་གསུམ་པ་ཞེས་བྱའོ། །ཡང་རོ་ཁ་བའི་རྣམ་གསུམ་པའི་སྣ་གཅིག་པ་ནི། རོ་ཁ་བ་དང་ཚྭ་བ་དང་བསྐ་བ་སྟེ། འདི་ནི་རོ་ཁ་བའི་སྣ་གཅིག་པ་ཞེས་བྱའོ། །དེ་ལྟར་ན་རོ་མངར་བའི་རྣམ་གསུམ་པ་ནས་རོ་ཁ་བའི་རྣམ་གསུམ་པའི་སྣ་གྲངས་ཉི་ཤུ་ཡོད་དོ། །
[390b.6]ཡང་མངར་རྣམ་བཞི་བར་སྦྱར་བ་སྣ་བཅུ་ཞེས་བྱ་བ་ནི། མངར་དང་སྐྱུར་དང་ལན་ཚྭ་དང་ཚ་བར་སྦྱོར། མངར་དང་སྐྱུར་དང་ལན་ཚྭ་དང་ཁ་བར་སྦྱོར། མངར་དང་སྐྱུར་དང་ལན་ཚྭ་དང་བསྐ་བར་སྦྱོར། མངར་དང་སྐྱུར་དང་ཚ་བ་དང་ཚ་བར་སྦྱོར། མངར་དང་སྐྱུར་དང་ཁ་དང་བསྐ་བར་
[390b.7]སྦྱོར། མངར་དང་ལན་ཚྭ་དང་ཚ་བ་དང་ཁ་བར་སྦྱོར། མངར་དང་ལན་ཚྭ་དང་ཚ་བ་དང་བསྐ་བར་སྦྱོར། མངར་བ་དང་ལན་ཚྭ་དང་ཁ་བ་དང་ཚ་བ་དང་བསྐ་བར་སྦྱོར། འདི་ནི་མངར་རྣམ་བཞི་པ་སྣ་བཅུ་ཞེས་
[391a]
[391a.1]བྱའོ། །དེ་ལ་སྐྱུར་གྱི་སྦྱོར་བ་རྣམ་བཞི་པ་ནི། སྐྱུར་དང་ལན་ཚྭ་དང་ཚ་བ་དང་ཁ་བར་སྦྱོར། སྐྱུར་དང་ལན་ཚྭ་དང་ཚ་བ་དང་བསྐ་བར་སྦྱོར། སྐྱུར་དང་ཁ་བ་དང་ཚ་བ་དང་བསྐ་བར་སྦྱོར། སྐྱུར་དང་ལན་ཚྭ་དང་ཁ་བ་དང་བསྐ་བར་སྦྱོར་ཏེ། འདི་ནི་སྐྱུར་རྣམ་བཞི་པའི་སྣ་
[391a.2]བཞི་ཞེས་བྱའོ། །དེ་ལ་ལན་ཚའི་སྣ་གཅིག་པ་ཞེས་བྱ་བ་ནི། ལན་ཚྭ་དང་ཚ་བ་དང་ཁ་བ་དང་བསྐ་བར་སྦྱོར་ཏེ། འདི་ནི་ལན་ཚྭའི་སྣ་གཅིག་པའོ། །དེ་ལྟར་རྣམ་བཞི་པའི་སྦྱོར་བ་ནི་སྣ་བཅོ་ལྔ་ཡོད་དོ། །ཡང་མངར་རྣམ་ལྔ་པས་སྣ་ལྔ་པར་སྦྱོར་བ་ནི་མངར་དང་སྐྱུར་དང་ལན་ཚྭ་
[391a.3]དང་ཚ་བ་དང་ཁ་བར་སྦྱོར། མངར་དང་སྐྱུར་དང་ལན་ཚྭ་དང་ཁ་བ་དང་བསྐ་བར་སྦྱོར། མངར་དང་ཚ་བ་དང་ལན་ཚྭ་དང་ཁ་བ་དང་བསྐ་བར་སྦྱོར། མངར་དང་སྐྱུར་དང་ཁ་བ་དང་ཚ་བ་དང་བསྐ་བར་སྦྱོར། མངར་དང་སྐྱུར་དང་ཚ་བ་དང་ལན་ཚྭ་དང་བསྐ་བར་སྦྱོར་ཏེ། འདི་ནི་མངར་ལས་གཞི་
[391a.4]བླངས་ཏེ་རྣམ་ལྔར་སྦྱར་བ་ལྔ་པ་ཞེས་བྱའོ། །སྐྱུར་ལས་གཞི་བླངས་པ་རྣམ་ལྔའི་སྣ་གཅིག་པ་ནི། སྐྱུར་དང་ལན་ཚྭ་དང་ཁ་བ་དང་བསྐ་བར་སྦྱོར་ཏེ། འདི་ནི་སྐྱུར་གྱི་སྣ་གཅིག་པའོ། །ཡང་མངར་ལས་གཞི་བླངས་ལ། སྐྱུར་དང་ལན་ཚྭ་དང་ཚ་བ་དང་ཁ་བ་དང་བསྐ་
[391a.5]བ་དང་ལྔ་དང་སྦྱར་བ་འདི་ནི་ལྔ་དང་སྦྱར་བའི་སྣ་གཅིག་པ་ཞེས་བྱའོ། །རོ་རྣམ་དྲུག་པོ་མངར་བ་དང་། སྐྱུར་བ་དང་། ལན་ཚྭ་བྲོ་བ་དང་། ཚ་བ་དང་། ཁ་བ་དང་། བསྐ་བ་དང་། འདི་རྣམ་དྲུག་པོ་སོ་སོར་མ་བསྲེས་པ་ནི་རོ་རྣམ་དྲུག་པ་ཞེས་བྱ་སྟེ། དེ་ལྟར་རོ་རྣམ་
[391a.6]ལྔ་པའི་སྣ་ལྔ་དང་། སྐྱུར་རྣམ་ལྔ་པའི་སྣ་གཅིག་སྟེ་དྲུག་པོ་འདི་ནི་སྣ་ལྔ་པ་དྲུག་ཅེས་བྱའོ། །རོ་རྣམ་དྲུག་སོ་སོར་མ་འདྲེས་པ་ནི་རོ་སྣ་དྲུག་གོ། །མངར་གྱི་རྣམ་གཉིས་པ་སྣ་བཅོ་ལྔ་དང་། མངར་རྣམ་བཞི་པ་སྤྱིར་བཅོ་ལྔ་དང་། རྣམ་གསུམ་པ་སྣ་ཉི་ཤུ་དང་རོ་རྣམ་དྲུག་གཅིག་ཏུ་
[391a.7]བསྲེས་ཏེ་སྦྱར་བ་སྣ་གཅིག་པ་འདི་རྣམས་སྤྱིར་གཅིག་ཏུ་བསྡོམས་ན་རོ་དྲུག་ཅུ་རྩ་གསུམ་ཡོད་དོ། །ཡང་ནི་རྣམ་དྲུག་པོ་དེ་དག་ལ་སོ་སོར་དབྱེ་ཞིང་བགྲང་ན། རྩིས་ཀྱང་མི་ལང་སྟེ་ནད་དམིགས་དང་སྨན་གཉིས་སུ་སྦྱར་ཞིང་། རོ་རྣམ་དྲུག་པོ་རེ་རེ་ལ་ཡང་རོའི་རྗེས་གཞན་
[391b]
[391b.1]དུ་བྲོ་བ་དེ་ལྟ་བུ་ལས། རོ་ཆེན་པོ་དང་། འབྲིང་དང་། ཆུང་ངུ་རྣམ་གསུམ་དུ་དབྱེ་ཞིང་བརྟག་པར་བྱའོ། །རོ་རྣམ་དྲུག་གི་ཕན་གནོད་བཤད་པ་དང་།རོ་བྲོ་བའི་སྣ་གྲངས་བཤད་པའི་ལེའུ་བཅུ་པ་རྫོགས་སོ།། །།དེ་ནས་ཡང་རླུང་དང་བད་ཀན་དང་མཁྲིས་པ་ལ་
[391b.2]སོགས་པའི་ནད་ཀྱི་ཚུལ་ཤེས་པར་བྱ་བ་བསྟན་པའི་ལེའུ་བཅུ་གཅིག་པ་བཤད་པར་བྱའོ། །ནད་རླུང་དང་བད་ཀན་དང་མཁྲིས་པ་དང་གསུམ། དངས་མ་དང་། ཁྲག་དང་། ཤ་དང་། ཚིལ་དང་། རུས་པ་དང་། རྐང་དང་། ཁུ་ཆུ་ལ་སོགས་པ་སྲོག་ཟུངས་བདུན་དང་།
[391b.3]དྲི་མ་བཤང་གཅི་དང་། རྡུལ་དང་རྣམ་པ་འདི་བཅུ་ནི་རྟག་པར་ལུས་ལ་གཞི་རྟེན་བྱེད་པ་ཡིན་ནོ། །དེ་ལ་ཡང་ཇི་ལྟ་ཞེ་ན། མིའི་ལུས་ཀྱི་བསྐྱོད་པ་དང་། ལྡང་བ་དང་། འདུག་པ་དང་། དབུགས་ཕྱི་ནང་དུ་རྔུབ་པ་དང་། ལུས་ཀྱིས་ལས་སུ་བྱེད་པ་དང་། ཤུགས་མགྱོགས་
[391b.4]པར་འགྲོ་བ་དང་། ཁྲག་དང་ཤ་ལ་སོགས་པ་ཁམས་བདུན་པོ་རྣམས་ལེགས་པར་རྒྱུ་ཞིང་འགྲོ་བ་དང་། མིག་ལ་སོགས་པའི་དབང་པོ་རྣམས་གསལ་བར་གནས་པ་འདི་རྣམས་ཐམས་ཅད་ལ་ཕན་ཞིང་གནོད་པར་མ་གྱུར་པ་དེ་ནི། ལུས་ཀྱི་གཞི་རླུང་ལ་བརྟེན་པ་ཞེས་བྱའོ། །
[391b.5]ཡང་ཁ་ཟས་ཟོས་པ་འཇུ་བ་དང་། ལུས་ཀྱི་དྲོད་དང་། མཐོང་བར་བྱེད་པ་དང་། བཀྲེས་པ་དང་། སྐོམ་པ་དང་། འོང་བར་བྱེད་པ་དང་། བཞིན་མདོག་གསལ་བ་འོད་ཡོད་པར་སྣང་བ་དང་། ཡིད་གཞུངས་པ་དང་། དཔའ་སྙིང་ཆེ་བ་དང་། ལུས་ཤ་འཇམ་པ་འདི་ལྟ་བུ་ཀུན་ནི་
[391b.6]མཁྲིས་པ་མ་གྱུར་པའི་གཞིས་ལུས་ལ་ཕན་པར་གྱུར་པ་ཡིན་ནོ། །མིའི་ལུས་སྲ་ཞིང་བརྟན་པ་དང་། ལུས་སྣུམ་པ་དང་། རུས་པའི་རིགས་ཀྱི་ཅོག་རེ་འབྲེལ་བར་བྱེད་པ་དང་། སྤྲོ་རིང་བ་ལ་སོགས་པ་ནི་བད་ཀན་གྱི་རང་བཞིན་གྱི་གཞིས་ལུས་བརྟན་པ་ཡིན་ནོ། །དེ་ལ་སྲོག་
[391b.7]ཟུངས་བདུན་པོས་ལུས་བརྟན་པའི་ལས་ཀྱི་ཚུལ་ནི། དང་པོར་ཁ་ཟས་ཟོས་ན་ཚིགས་མའི་སྙིགས་བྱེ་ནས་བཅུད་དངས་མར་གྱུར་པ་དེས་ནི་མིའི་ལུས་དང་མིག་ལ་སོགས་པའི་དབང་པོ་རྣམས་ཚིམ་པར་བྱེད་དོ། །ལུས་ཀྱི་ཤས་ནི་ལུས་ལ་གཡོགས་པར་བྱེད་དོ། །ཚིལ་
[392a]
[392a.1]གྱིས་ནི་ལུས་སྣུམ་པར་བྱེད་དོ། །རུས་པ་རྣམས་ནི་ལུས་མཁྲང་པོར་བརྟན་པར་བྱེད་དོ། །རྐང་གིས་ནི་རུས་པའི་སྦུ་གུ་ཐམས་ཅད་འགེངས་པར་བྱེད་དོ། །ཁུ་ཆུས་ནི་མངལ་དུ་བུ་སྐྱེད་པར་བྱེད་དོ། །དེ་ལྟར་སྲོག་ཟུངས་བདུན་པོ་དེ་རྣམས་ནི་ལས་ཀྱི་རིམ་པ་
[392a.2]བསྟན་པ་ཡིན་ནོ། །ལུས་ཀྱི་དྲི་མ་རྣམ་གསུམ་ལ། །བཤང་བ་ཁོང་ན་ཡོད་པ་ནི་ལུས་བརྟན་པའི་ལས་བྱེད་དོ། །གཅིན་ཁོང་ན་ཡོད་པས་ནི་ཟས་ཁོང་དུ་རུལ་བའི་སྙིགས་མ་རྣམས་ཕྱིར་འབྱིན་པར་བྱེད་དོ། །ལུས་ཀྱི་རྡུལ་གྱིས་ནི་ལུས་ཉིད་ཀྱིས་ལུས་རུལ་བ་དྲི་ང་བ་རྣམས་འབྱིན་
[392a.3]པའི་ལས་བྱེད་དོ། །དེ་ལྟར་རླུང་དང་མཁྲིས་པ་ལ་སོགས་པ་དང་། སྲོག་ཟུངས་བདུན་དང་། དྲི་མ་རྣམས་མཉམ་ཞིང་རང་རང་གི་གནས་ནས་མ་གྱུར་པར་ཐ་མལ་བར་འདུག་པའི་ཚེ་ན་ནི་ལུས་ལ་ཕན་ཏེ། ལུས་ཀྱི་ལས་དེ་ལྟར་བལྟའོ། །དེ་ལ་རླུང་དང་བད་ཀན་དང་། མཁྲིས་པ་ལ་
[392a.4]སོགས་པ་ནད་དམིགས་གསུམ་རང་གི་གནས་ནས་གཡོས་ཤིང་འགྱུར་ན། མིའི་ལུས་ལ་གནོད་པའི་ནད་དུ་འགྱུར་རོ། །ཇི་ལྟ་ཞེ་ན། རླུང་སྐྱེས་ན་ལུས་སྐེམ་པོར་འགྱུར། ལུས་ཤ་གནག།།ཁ་ཟས་དྲོ་བག་ལ་དགའ། ལུས་འདར། ལྟོ་བ་སྦོ། བཤང་བ་ཐུར་དུ་སྲི་ཞིང་འབྱུང་།
[392a.5]སྟོབས་འབྲི། མིག་རྟུལ། རྣ་བ་མི་གསང་། གཉིད་འབྲི། ཚིག་དང་སྨྲ་བ་མང་བར་འགྱུར་རོ། །མགོ་འཁོར། ལུས་དམར་ཞིང་ཞུམ་བག་ཏུ་འགྱུར་བ་འདི་ལྟ་བུ་ནི། རླུང་ནད་གཡོས་པའི་ནད་དམིགས་སུ་བལྟའོ། །དེ་ལ་མཁྲིས་པ་གཡོས་པའི་ནད་དམིགས་ནི། མིག་དང་
[392a.6]པགས་པའི་ཤ་མདོག་དང་། བཤང་གཅི་རྣམས་སེར་པོར་འགྱུར། སྐོམ་དད་ཆེ། ལུས་ཚ། གཉིད་ཆུང་བ་འདི་ལྟ་བུ་ནི་མཁྲིས་པའི་ནད་ཡིན་ནོ། །དེ་ལ་བད་ཀན་གྱི་ནད་ནི་ཁོང་པའི་དྲོད་ཉམས། །བད་ཀན་དང་མཆིལ་མ་མང་། ཁོང་སྙོམ། ལུས་ལྕི། ལུས་ཀྱི་ཤ་
[392a.7]མདོག་དཀར་པོར་འགྱུར། ལུས་ལྕི་ལ་ལུས་ཤ་སླ་ཞིང་ཁོང་ལྷོད། དབུགས་མི་བདེ། ལུད་པ་ལུ། གཉིད་རབ་ཏུ་ཆེ་བ་འདི་ལྟ་བུ་ནི་བད་ཀན་ལས་ནད་དུ་གྱུར་པར་བལྟའོ། །དེ་ལ་སྲོག་ཟུངས་བདུན་པོ་ལ་ཁ་ཟས་ཟོས་པའི་བཅུད་དངས་མ་ཁོང་ན་ཤས་ཆེ་བ་ལས་ནད་དུ་གྱུར་
[392b]
[392b.1]པའི་དམིགས་ནི། བད་ཀན་ལས་ནད་དུ་གྱུར་པ་བཤད་པ་དང་འདྲ་བར་བལྟའོ། །དེ་ལ་ཁྲག་ལུད་པ་ལས་ནད་དུ་བལྟ་བ་ནི་འབྲུམ་ཆེན་དང་། མཆེར་པའི་ནད་དང་། འབྲས་ནད་དང་། མཛེ་ནད་དང་། རླུང་དང་། ཁྲག་ལས་གྱུར་པའི་དྲེག་དང་། མཁྲིས་པ་དང་། སྐྲན་
[392b.2]དང་། མིག་སེར་དང་། ལུས་ཀྱི་ཡན་ལག་འདེགས་མི་ནུས་ཤིང་ལྷུང་སྟེ་ལས་བྱེད་པའི་ཚེ་བསྐྱོད་མི་ནུས་པ་དང་། ཁོང་པའི་མེའི་དྲོད་ཉམས་པ་དང་། སྙིང་མི་དྲན་པར་མྱོ་མྱོ་པོར་བྱེད་པ་དང་། མིག་ཁྲག་གིས་རྒྱས་ཏེ་དམར། གཅིན་ཡང་དམར་པོ་ཁྲག་འདྲ་བར་འབྱུང་བ་འདི་ལྟ་
[392b.3]བུ་ནི་ཁྲག་ལས་ནད་དུ་གྱུར་པའོ། །དེ་ལ་ལུས་ཀྱི་ཤ་ལས་ནད་དུ་གྱུར་པ་ནི་ལུས་ཤ་ལྷག་པར་ཆེ་བ་དང་། ལུས་ལ་སྦ་བ་དང་། རྨེན་བུ་འབྱུང་། ཤའི་མདུད་པ་རྨ་དང་། བཙན་འདྲ་བར་འབྱུང་། མཁུར་ཚོས་ལྷག་པར་ཆེ། བརླ་དང་ལྟོའི་ཤ་ཆེ། མགུལ་བ་ལ་སོགས་པའི་
[392b.4]ཤ་ཡང་ལྷག་པར་ཆེ་སྟེ། མཇིང་པ་སྦོམ་པ་འདི་ལྟ་བུ་ནི་ཤ་ལྷག་པར་ཆེས་པ་ལས་ནད་དུ་གྱུར་པར་བལྟའོ། །དེ་ལ་ཚིལ་ཧ་ཅང་ཆེས་པ་ལས་ནད་དུ་གྱུར་པའི་དམིགས་ནི། ཤ་ཆེས་པའི་ནད་དང་འདྲ་སྟེ། དེ་ལ་ལྷག་པར་ཅུང་ཟད་ཕན་ཚུན་བསྐྱོད་ན་ཡང་། དབུགས་ཀྱི་
[392b.5]རྔམ་པ་དྲག་ཏུ་འབྱུང་། རྐུ་བ་ཚོས་དང་ནུ་མ་དང་གསུས་པ་རྣམས་འཕྱང་བར་གྱུར་པ་འདི་ལྟ་བུ་ནི་ཚིལ་ཆེས་པའི་ནད་ལས་གྱུར་པར་བལྟའོ། །རུས་པ་རགས་པའི་མི་ནི་རུས་པ་ལྷག་པར་སྦོམ་ཞིང་རགས་ཏེ་ལྷག་པར་ཆོ་ག་ཡིན་ནོ། །ལུས་ལ་རྐང་ཆེ་བ་ནི་མིག་ཕན་ཚུན་ལྟ་བ་ལ་
[392b.6]མིག་རྩ་གཡུང་ཞིང་ལྕི། ལུས་དང་རྐང་ལག་ལྕི། རུས་པའི་ཚིགས་ཀྱི་མགོ་རྣམས་སྦོམ། རུས་པའི་ཚིགས་ཀྱི་ཚིགས་སུ་ཐོར་བུ་ཆེན་པོ་གསོ་དཀའ་བ་འབྱུང་བ་འདི་ལྟ་བུ་ནི་རྐང་ཆེ་བའི་ནད་ཡིན་ནོ། །ཁུ་ཆུ་མང་བའི་མི་ནི་བུད་མེད་ལ་རབ་ཏུ་གདུ། ཁུ་ཆུ་ཉིད་ལ་རྡེའུ་ཆགས་
[392b.7]པའི་ནད་དུ་འགྱུར་རོ། །བཤང་བ་ལྷག་པར་ན་ཞིང་ཆེ་བའི་ནད་ནི་ཁོང་སྦོ། ལྟོ་བའི་ནང་རྒྱུ་འཁྲུལ་ལུས་ལྕི། ལྟོ་བའི་ནང་ན་བ་འདི་ལྟ་བུ་ཡིན་ནོ། །གཅིན་མང་བའི་མི་ནི་ཆུ་སོར་ཟུག་ཅིང་ན། གཅིན་གཅིས་ཀྱང་མ་གཅིས་པ་ལྟར་གཅིན་སྙོམས་པར་བྱེད་དོ། །རྡུལ་ལྷག་
[393a]
[393a.1]པར་ཆེ་བའི་མི་ནི། ལུས་ཀྱི་རྡུལ་རྟག་པར་འབྱུང་། ལུས་ཀྱི་དྲི་མི་ཞིམ་ལུས་ལ་གཡན་པ་འབྱུང་བ་དེ་ལྟ་བུའི་ནད་དུ་བལྟའོ། །གཞན་ཡང་ཕལ་ཆེར་ལུས་ཀྱི་དྲི་མ་ལས་མིག་གི་རྡུ་མ་ལ་སོགས་པ་ཆགས་ན་མིག་གཡས་གཡོན་ལྕི་ཞིང་མི་བདེ་བར་
[393a.2]འགྱུར་རོ། །ནད་གཞི་རླུང་དང་བད་ཀན་དང་མཁྲིས་པ་ལ་སོགས་པ་སྐྱེས་པ་ལས་ནད་དུ་གྱུར་པའི་དམིགས་ནི་དེ་ལྟར་བཤད་པ་ཡིན་ནོ། །འོ་ན་རླུང་དང་བད་ཀན་དང་མཁྲིས་པ་ལ་སོགས་པ་ཟད་ན་དམིགས་ཅི་དང་ཅིར་འགྱུར་ཞེ་ན། རླུང་ཅུང་ཟད་སྐྱེས་ཏེ་ཟང་ན་ནི་ལུས་ཀྱི་ཡན་
[393a.3]ལག་མི་བདེ། ཚིག་གཅོམ་ཆུང་བར་སྨྲ་བ་དང་། སེམས་རྨོངས་བག་ཅན་དུ་གྱུར་པ་དེའི་ཚེ་བད་ཀན་ཡང་ཆེར་སྐྱེས་ཏེ། ཞིབ་ཏུ་ནི་གོང་དུ་རླུང་ལས་ནད་དུ་གྱུར་པ་དེ་ལས་བཟློག་ནས་བལྟ་བར་བྱའོ། །ཡང་མཁྲིས་པ་ཆུང་ངུ་བྲི་སྟེ་ཟད་ན་ཁོང་པའི་ནང་གི་དྲོད་བྲི་ཞིང་ཉམས།
[393a.4]བཞིན་གྱི་མདོག་དང་མདངས་ཀྱང་ཉམས་ཏེ་བཞིན་མདོག་མི་སྡུག་པར་འགྱུར་རོ། །ཡང་བད་ཀན་བྲི་སྟེ་ཉམས་པ་ལས་ནད་དུ་གྱུར་པའི་དམིགས་ནི། མགོ་འཁོར། ནུ་འཇིང་ཡན་ཆད་ཀླད་པ་མན་ཆད་ཀྱི་བར་དེ་དག་བད་ཀན་གྱི་གནས་ཡིན་ཏེ། བད་ཀན་འཇམ་ཞིང་སྣུམ་ཟད་པས་
[393a.5]བད་ཀན་གྱིས་སྟོངས་པར་འགྱུར་ཏེ། ཁོང་རྩུབ། སྙིང་ན། ལུས་ཀྱི་ཚིགས་དང་ཡན་ལག་གི་ཚིགས་རྣམས་ལྷོད་དེ་འཁྲུལ་ཞིང་འགྱུར་རོ། །ཁོང་ན་ཟས་ཀྱི་བཅུད་དངས་མ་ཟད་ན་ལུས་ཁོང་རྩུབ། ལུས་དང་དྲག་ཤུལ་ཆེན་པོ་བྱས་ན་ལུས་ཁོང་པ་ནང་གི་གློ་སྙིང་ལ་སོགས་པ་
[393a.6]ཀུན་སྐམ། ལུས་སྤྱིར་ན་ཞིང་མི་བདེ། སྐད་ཆེ་ཞིང་དྲག་པར་སྨྲ་མི་ནུས་སོ། །སྐད་དྲག་པོ་སྨྲ་བ་མི་བཟོད། ཁྲག་ཟད་པའི་ནད་དམིགས་ནི་ཟས་སྐྱུར་བག་དང་། བསིལ་ལ་སྲེད། རྩ་ཀུན་ལྷོད། ལུས་ཀྱི་ཁོང་རྩུབ་པོ། །ལུས་ཀྱི་ཤ་ཟད་པའི་ནད་དམིགས་ནི། མཁུར་ཚོས་
[393a.7]བྲི། མིག་ཕུག་ཏུ་བྲོས། རྐང་ལག་གི་ལྷུ་ཚིགས་ཀུན་ནའོ། །ཚིལ་ཟད་པའི་ནད་དམིགས་ནི་གཉིད་ཆེ། དབྱི་དང་རྐེད་པའི་རུས་པ་སྦོམ་བར་སྣང་། མཆེར་པ་ཆེ་བར་འགྱུར། ལུས་ཤ་སྐེམ་པོར་འགྱུར་རོ། །སོ་དང་སྐྲ་དང་སེན་མོ་ལ་སོགས་པ་འབྱུང་ཞིང་འབྱི། རྐང་འབྲི་
[393b]
[393b.1]ཞིང་ཟད་པའི་ནད་དམིགས་ནི་རྐང་ཟད་པས། རྐང་གི་སྦུ་གུའི་ནང་སྟོང་། མགོ་འཁོར། མིག་རབ་རིབ་ཟའོ། །ཁུ་ཆུ་ཟད་པ་ནི་བུད་མེད་དང་ཉལ་བ་ན། ཁུ་བ་ཡུན་རིང་དུ་ལོན་ནས་འབྱུང་བའམ། ཡང་ན་ཁུ་བ་ཁྲག་ཉིད་དུ་འབྱུང་། རླིག་པའི་འབྲས་བུ་གཉིས་རབ་ཏུ་ཟུག་
[393b.2]ཅིང་ན། ཕོ་མཚན་ཚིག་པ་སྙམ་དུ་ཚ་ཞིང་མི་བདེའོ། །བཤང་བ་བྲི་ཞིང་ཟད་པ་ནི། རྒྱུ་མའི་ནང་ཀུན་དུ་རླུང་སྒྲ་ཅན་དུ་འཁྲུལ་ཞིང་རྒྱུ་བ་ནི། རྒྱུ་མའི་ནང་དུ་འཁྱིལ་ཞིང་འཁོར་བ་སྙམ་བྱེད་དོ། །ལྟོ་བའི་ནང་ན་ཕན་ཚུན་རླུང་རྒྱུ་ལ། རླུང་དེ་གྱེན་དུ་རྒྱུ་ཞིང་སོང་ན། སྙིང་ག་དང་རྩིབ་
[393b.3]ལོགས་སུ་རབ་ཏུ་ན་ཞིང་ཟུག་གོ། །གཅིན་བྲི་ཞིང་ཟད་པའི་ནད་ཐབས་ནི་གཅིན་ཟད་ན་གཅིན་འབྱུང་བ་དཀའ། གཅིན་གྱི་མདོག་འགྱུར་ཏེ་སྐྱ་བའམ། རྩ་དམར་བའམ། ཁྲག་ཅན་ཉིད་དུ་འབྱུང་བའམ། ཁྲག་དང་འདྲེན་མར་འབྱུང་བ་ཡིན་ནོ། །རྡུལ་ཟད་པའི་ནད་
[393b.4]དམིགས་ནི་སྤུ་འབྱི། སྤུ་ཀུན་ལངས་ཤིང་འགྲེང་བར་འགྱུར། པགས་པ་གས། བཤང་གཅི་དང་། རྡུལ་དང་། དྲི་མ་འདི་གསུམ་ནི་ཕྲ་བས་ན་བརྟག་དཀའ་སྟེ། ནད་གློ་གཅོང་ལྟ་བུ་ཟད་བྱེད་སྐམས་པའི་ནད་ཀྱིས་བཏབ་པའི་ཚེ། གདོད་བཤང་གཅི་དང་རྡུལ་ཟད་པར་
[393b.5]གྱུར་པར་ཤེས་སོ། །དྲི་མ་བཤང་གཅི་རྡུལ་ལ་སོགས་པ་རང་རང་གི་གནས་ན་ཟད་དེ་སྐམས་པ་དང་། ཟུག་ཅིང་ན་ལ་རང་གི་གནས་ན་དྲི་མེད་ཅིང་སྟོང་པས་ཡང་བར་འདུག་པ་འདི་ལྟ་བུའི་ཚེ་ནི། གློ་གཅོང་ལ་སོགས་པའི་ནད་ཀྱི་རང་བཞིན་ཡིན་པར་ཤེས་པར་བྱའོ། །རླུང་དང་བད་
[393b.6]ཀན་དང་མཁྲིས་པ་ལ་སོགས་པ་སོ་སོ་རང་རང་གི་ནད་དམིགས་སྐྱེས་པ་དང་། ནད་དེ་བྱང་སྟེ་ཟད་པར་གྱུར་པ་སྨན་པས་ཤེས་པར་གྱིས་ཤིག །དེ་ཡང་མིའི་ལུས་ལ་རླུང་ནད་ལྟ་བུ་གྲང་ཞིང་རྩུབ་པ་མེད་དེ་བདེ་བའི་ཡོན་ཏན་དང་ལྡན་པ་འདུག་པ་ལས། རླུང་ནད་དུ་གྱུར་ཏེ་ཁོང་གྲང་ཞིང་
[393b.7]རྩུབ་པས་ན་བ་མེད་པའི་ཡོན་ཏན་དེ་ཉམས་ཤིང་ཟད་པའི་ཚེ་ན་རླུང་ནད་སྐྱེས་པ་ཡིན་ནོ། །རླུང་ནད་ཁོང་གྲང་ཞིང་རྩུབ་པའི་རྣམ་པ་ཞེས་བྱ་སྟེ། ཁོང་པ་དྲོད་འབབས་ལ། ལུས་ཀྱི་ཁོང་འཇམ་ཞིང་སྣུམ་པར་གྱུར་པ་ན་བདེ་བའི་ཡོན་ཏན་སྐྱེས་པ་ཞེས་བྱ་བ་སྟེ། འདི་གཉིས་ཀྱི་ཚུལ་ཕན་
[394a]
[394a.1]ཚུན་དུ་བཟློག་སྟེ་བལྟའོ། །ཡང་ལུས་ཀྱི་དྲི་མ་ཐུར་དུ་འབྱུང་བ་བཤང་གཅི་གཉིས་རན་པར་འོང་བ་ནི་ལུས་ལ་ཕན་ནོ། །བཤང་གཅི་གཉིས་ཧ་ཅང་བརྩལ་བ་དྲགས་ཏེ་དཔེར་ན་སྨན་གྱིས་བཀྲུས་སམ། ཚད་པས་དྲག་ཏུ་འཁྲུ་སྟེ་ནང་གི་དྲི་མ་ཟད་ཅིང་སྟོང་
[394a.2]པར་གྱུར་ན། ལུས་ཀྱི་ཉམས་མཐུ་ཟད་དེ་གནོད། ལུས་འདི་ནི་དྲི་མ་བཤང་གཅིས་ཁོང་བརྟན་ཏེ་འདུག་པ་ཡིན། ལུས་དེའི་ཁོང་པ་ནང་དྲི་མ་རྣམས་ཀྱིས་བརྟན་ཏེ་འདུག་པ་དེ་ལ། དྲི་མ་ཀུན་ཕྱིར་ཕྱུང་སྟེ་སྟོང་པར་ཟད་པར་བྱས་ན་གནོད་དོ། །དེའི་ཕྱིར་དྲི་མ་ཁོང་བརྟན་ཞིང་འདུག་
[394a.3]པ་གནོད་ཅེས་བྱའོ། །ཡང་རུས་པ་ལ་རླུང་གནས་ཤིང་ཞེན་པ་ལྟ་བུ་ལ་རུས་པ་ལ་ཕན་པའི་སྨན་བྱས་ན། རུས་པ་ལ་ཡང་ཕན་ལ་རླུང་ནད་ཀྱང་ཞི་བར་འགྱུར་རོ། །རུས་པ་ལ་གནོད་པའི་སྨན་ཟོས་ན་ཡང་རླུང་དེ་བཞིན་སྐྱེའོ། །ཡང་ན་མཁྲིས་པ་དང་། བད་ཀན་དང་རྡུལ་གསུམ་ཚུལ་
[394a.4]གཅིག་སྟེ། མཁྲིས་པ་སྐྱེ་བའི་སྨན་བྱས་ན་ཁྲག་ནད་ཞི་བའམ། ཁྲག་ནད་སྐྱེ་བའམ། རྡུལ་བྱུང་བའམ། རྡུལ་ཞི་བར་འགྱུར་རོ། །དེ་བཞིན་དུ་བད་ཀན་བྱང་བའི་སྨན་བཏང་ན། བཅུད་དངས་མ་དང་། ཚིལ་དང་། ཤ་དང་། རྐང་དང་། ཁུ་བ་རྣམས་ཀྱང་སྟོངས་ཏེ་ཟད་པར་བྱེད།
[394a.5]བད་ཀན་སྐྱེ་བར་འགྱུར་བའི་སྨན་དང་ཁ་ཟས་ཟོས་ན་ཁམས་འདི་ལྔ་ཡང་སྐྱེ་ཞིང་བརྟའོ། །དེ་བས་ན་རུས་པ་དང་། རླུང་དང་མཁྲིས་པ་དང་ཁྲག་དང་བད་ཀན་དང་བཅུད་ཤ་ཆིལ་འདི་རྣམས་ཀུན་ཕན་ཚུན་གཅིག་ལ་གཅིག་བརྟེན་པ་ཡིན་ནོ། །དེ་ལྟ་བས་ན་འདི་གསུམ་གང་ཡང་
[394a.6]རུང་བ་གཅིག་ལ་ཕན་པའི་ཟས་དང་། སྨན་བཏང་ན་དེ་ལ་བརྟེན་ནས་གཞན་ལ་ཡང་ཕན་པ་ཡིན་ནོ། །གཅིག་ལ་གནོད་པའི་ཟས་དང་སྨན་བཏང་ན། དེ་ལ་བརྟེན་པ་རྣམས་ལ་ཡང་གནོད་པར་འགྱུར་བ་ཡིན་ཡང་དེ་ལ་རླུང་རུས་པ་ལ་གནས་ཤིང་བརྟེན་པ་ལྟ་བུར་གྱུར་ཏེ། དེའི་
[394a.7]དཔྱད་རླུང་སྐྱེ་བར་འགྱུར་བའི་རྩི་སྨན་བཏང་ན། རུས་པ་ལ་གནོད་ཀྱི་དེ་ལྟ་བུ་ནི་མི་རུང་ངོ་། །ལུས་ལ་ཕན་པའི་བད་ཀན་དང་འཕྲོད་པ་ཁ་ཟས་སྣུམ་ཞིང་བསོད་པའི་སྨན་བྱིན་ན། དེ་ལྟ་བུ་ནི་ཕལ་ཆེར་ལུས་བརྟན་ཏེ་ལུས་ལ་ཕན་ནོ། །དེ་ལ་ཡང་ཟས་ཀྱི་ཆོ་ག་བཟློག་སྟེ་རླུང་སྐྱེ་བར་
[394b]
[394b.1]འགྱུར་བའི་ཁ་ཟས་གྲང་ཞིང་རྩུབ་པ་ལྟ་བུ་ཟོས་ན། རླུང་སྐྱེས་ལ་ཁོང་འཇམ་ཞིང་སྣུམ་བག་ཟད་པས་ལུས་ལ་གནོད་ཅིང་ཉམས་པར་བྱེད་དེ། དེ་བས་ན་གཅིག་ལ་གནོད་ལ་ཕན་པར་འགྱུར་བའི་དཔྱད་དེ་ལྟ་བུ་ནི་མི་རུང་སྟེ། ནད་གཉིས་ཀར་མི་འགྱུར་བའི་སྨན་དཔྱད་བྱའོ། །
[394b.2]དེ་ལ་ལུས་ཧ་ཅང་བརྟས་ཤིང་བདེ་བ་ལས་དྲགས་ཏེ། བད་ཀན་ནམ་མ་ཞུ་བ་ལ་སོགས་པར་གྱུར་པ་ལྟ་བུ་ལ་ཟས་འབྲི་ཞིང་འཇུ་སྨན་གྱིས་ནད་བསལ་དུ་རུང་བར་སྨིན་པར་བྱ་བ་དང་། ལུས་ལ་ནད་ཀྱིས་ཉམས་སྨད་དེ་ཉམས་འཚག་ཟད་པ་ལྟ་བུ་ལ་བརྟ་བར་བྱ་སྟེ། ནད་རྣམ་པ་
[394b.3]འདི་གཉིས་ལྟ་བུར་གྱུར་པ་ལ། ཐབས་འདི་འདྲ་བ་འདིའི་དཔྱད་མྱུར་དུ་བྱའོ། །དེ་ལ་རླུང་ནད་ཀྱི་བག་ཡོད་པ་ལྟ་བུ་ལ་ནི་ཟས་སྨྱུང་ཞིང་དབྲི་བའམ། སྨྱུང་བར་བྱ་བ་འདི་མི་རུང་སྟེ་མ་གཏོགས་སོ། །འདི་ལྟ་བུའི་བག་མ་ཡིན་པ་གཞི་མཁྲིས་པ་དང་། བད་ཀན་དང་རླུང་ལས་གྱུར་
[394b.4]པའི་ནད་ཀྱི་ཚུལ་ཅི་འདྲ་བ་ལས། དེའི་དཔྱད་བསྒྱུར་ཞིང་བཟློག་ཐབས་ཀྱི་བྱ་བར་སྦྱོར་ཅིག །ཡང་དམིགས་ཀྱིས་ཕན་པར་བྱ་བའི་དཔྱད་ནི། ཁྲག་རྒྱས་པས་ནད་དུ་གྱུར་པ་ལ་ནི། གཏར་ག་བཏབ་སྟེ་ཁྲག་དབྱུང་བ་དང་བཀྲུ་སྨན་བཏང་ན་ཕན་ནོ། །ཤ་ཧ་ཅང་ཆེར་སྐྱེས་པ་ལས་
[394b.5]ནད་དུ་གྱུར་པ་ནི་གཏར་ག་དང་ཐལ་སྨན་རྣོན་པོ་དང་། མེ་བཙའ་བཏབ་ན་ཕན་ནོ། །ཚིལ་ཧ་ཅང་ཆེས་ཏེ་ཚོན་པོར་གྱུར་པ་ལྟ་བུ་ལ། མི་སྦོམ་པོ་ལས་སྐེམ་པོར་བྱ་བའི་དཔྱད་དང་། རུས་པ་ཟད་ནས་རུས་པ་ཕྲ་མོར་གྱུར་པ་ནི་འོ་མ་བཏང་བ་དང་། སྨན་ཁ་བོ་དང་སྦྱར་བའི་ཞུན་
[394b.6]མར་དང་། ཉམས་བརྟ་བའི་སྨན་མས་གཏང་བར་བྱའོ། །ལྟོ་ན་བཤང་བའི་དྲི་མ་ཆེར་ཡོད་པའི་ནད་ལ་ནི་རབ་ཏུ་འཁྲུ་བར་བྱ་བའི་དཔྱད་དོ། །ཁོང་ན་བཤང་པ་ཟད་དེ་མེད་པའི་ནད་ལ་ནི། ར་འམ་ལུག་གི་ཤའི་ནང་ཁྲོལ་ལས་གཡོས་སུ་བྱ་བ་དང་། མོན་སྲན་གྲེའུ་དང་།
[394b.7]ཏིལ་དང་སྦྱར་བའི་ཐུག་པ་དང་། རྩང་ཕྱེ་དང་། ནས་དང་མོན་སྲན་གྲེའུ་ལས་གཡོས་སུ་བྱས་པ་འདི་ལྟ་བུ་བྱིན་ན་ཁོང་པ་ནང་གི་བཤང་བ་སྐྱེ་ཞིང་མང་དུ་འགྱུར་ཏེ་ཕན་ནོ། །གཅིན་མང་ཆེས་ན་ནི་གཅིན་འབྲི་ཞིང་གསོ་བའི་ཆོ་ག་བྱའོ། །གཅིན་ཟད་ཅིང་མེད་ན་ནི་གཅིན་སྙི་ཞིང་
[395a]
[395a.1]མང་བའི་དཔྱད་བྱའོ། །རྡུལ་མི་འབྱུང་ཞིང་ཟད་པའི་ནད་ལ་ནི་ལུས་གསིག་ཅིང་བསྐྱོད་དེ་རྡུལ་དབྱུང་བར་བྱ་བ་དང་། ལུས་ལ་མར་གྱིས་བསྐུ་བ་དང་། ལུས་བྱིབས་ཤིང་དུགས་བྱ་བ་དང་ཆང་བཏུང་བར་བྱའོ། །ཡང་ལུས་ཀྱི་སྲོག་ཟུངས་བདུན་པོ་ཀུན་
[395a.2]ལ་ལུས་ཀྱི་མེའི་དྲོད་རང་རང་གི་གནས་ན་རན་པར་འདུག་པ་དེ་ལྟ་བུ་མེའི་དྲོད་སྙོམས་པ་ནི། ལུས་ཀྱི་སྲོག་ཟུངས་ལ་བདེ་ཞིང་བརྟ་སྟེ་ཕན་པ་ཡིན་ནོ། །དེ་ལས་ལུས་ཀྱི་མེའི་དྲོད་ཧ་ཅང་འབར་ཆེས་ཏེ་ཆེ་བར་གྱུར་ན། ལུས་ཀྱི་སྲོག་ཟུངས་ཐམས་ཅད་ཚིག་ཅིང་ཟད་པར་བྱེད་དེ་གནོད་དོ། །དེ་
[395a.3]ལ་དང་པོར་ཟས་ཀྱི་བཅུད་དངས་མ་རྒྱས་ཤིང་རྟག་ན། དེ་བཞིན་སྲོག་ཟུངས་བདུན་པོ་གཅིག་ནས་གཅིག་ཏུ་ལེགས་པར་བརྟས་ཏེ་བདེ་བ་ཡིན་ནོ། །དེ་བཞིན་དུ་དང་པོར་ཟས་ཀྱི་བཅུད་དངས་མ་ཉམས་ཏེ། གནོད་པར་གྱུར་ན་སྲོག་ཟུངས་བདུན་པོ་གཅིག་ནས་གཅིག་ཏུ་གནོད་ཅིང་
[395a.4]ཟད་པར་བྱེད་དོ། །དེ་ལྟ་བས་ན་ཟས་ཀྱི་བཅུད་དངས་མར་གྱུར་ཏེ་ཉམས་པ་དེས་ནི། རླུང་ལས་མཁྲིས་པ་དང་བད་ཀན་གྱི་ནད་གང་ཡང་རུང་སྟེ་སློང་བར་བྱེད་དོ། །རླུང་དང་མཁྲིས་པ་དང་བད་ཀན་གྱི་ནད་གཡོས་པས་སྲོག་ཟུངས་བདུན་པོ་རྣམས་ལ་གནོད་པར་འགྱུར་རོ། །སྲོག་
[395a.5]ཟུངས་བདུན་པོ་མི་བདེ་བ་ལས་བཤང་གཅི་དྲི་མ་རྣམས་གཉིས་ལ་སོགས་པ་ལ་གནོད་པའི་ནད་དུ་འགྱུར་རོ། །ལུས་ཀྱི་དྲི་མའི་གནོད་པའི་ནད་དུ་འགྱུར་རོ། །ལུས་ཀྱི་དྲི་མའི་ནད་ཀྱང་ཐུར་དུ་འབྱུང་བའི་དྲི་མ་རྣམ་གཉིས་ཀྱང་མགོ་ལ། རྣ་བ་དང་། སྣ་དང་། མིག་དང་། ཁ་ནས་འབྱུང་
[395a.6]བའི་དྲི་མ་གཏོགས་པར་བདུན་ཏེ་འདི་དགུ་དང་ལུས་ལས་རྡུལ་འབྱུང་བ་རྣམས་དྲི་མ་སོ་སོ་རང་རང་གི་གནས་ནས་འབྱུང་བ་དེ་དག་ལ་ནད་དུ་འགྱུར་རོ། །དེ་ལ་སྲོག་ཟུངས་བདུན་པོ་ཁུ་ཆུ་ལ་སོགས་པ་ཡན་ཆད་ཀྱི་ནང་ན་ཟས་ཟོས་པ་ལས་ནང་ན་བཅུད་དངས་མར་གྱུར་པ་དེ་ནི་དེ་ལ་སྲོག་
[395a.7]ཟུངས་བདུན་པོ་རྣམས་ཀྱི་ནང་ན་མཆོག་ཡིན་ནོ། །མདངས་ཞེས་བྱ་བ་སྙིང་གི་ནང་ན་ཆུའི་ཐིགས་པ་ལྟར་དངས་ཤིང་གསལ་བར་འདུག་མོད་ཀྱི་ལུས་ལ་ཁྱབ་པ་དང་། ལུས་ལ་བརྟན་པར་གནས་པ་ནི་དེ་ཡིན་ནོ། །དེ་ཇི་ལྟ་ཞེ་ན། མདངས་ཞེས་བྱ་བ་སྙིང་གི་ནང་ན་ཡོད་པའི་ཐིགས་
[395b]
[395b.1]པ་དེ་ཞིག་སྟེ་ངེས་པར་འཆིའོ། །མདངས་དེ་སྙིང་གི་ནང་ན་ནི་མི་ཡང་མི་འཆི་སྟེ། མདངས་ཀྱི་སྲོག་ཟུངས་བརྟན་ན་སེམས་ཅན་རྣམ་པ་སྣ་ཚོགས་ཀྱི་ལུས་ཀྱང་གནས་པར་འགྲུབ་བོ། །མདངས་དེ་ཟད་ཅིང་མེད་པར་འགྱུར་བ་ནི་སེམས་བཀྲེས་པ་དང་སེམས་ལ་མྱ་ངན་དང་།
[395b.2]དུབ་ཅིང་ངལ་བར་འགྱུར་བའི་ལས་བྱས་པ་ལས་མདངས་དེ་ཟད་ཅིང་མེད་པར་འགྱུར་རོ། །དེ་ལྟ་བུའི་མདངས་དེ་ཁོང་ན་མེད་དེ་ཟད་པར་མངོན་པའི་རྟགས་ནི་སྔོན་པས་སྙིང་ཆང་སྟེ། ཅིས་ཀྱང་འཇིགས་ཤིང་སྡང་། ལུས་རད། སེམས་ཟགས་ཏེ་ཡང་དང་ཡང་སེམས་པར་བྱེད། མིག་
[395b.3]དང་རྣ་བ་ལ་སོགས་པའི་དབང་པོ་ཉམས། བཞིན་མདོག་ཉམས་ཏེ་བསེང་བསེང་པོ་འོད་འོད་པོར་འདུག །ལུས་ཀྱི་ཁོང་རྩུབ་ཅིང་ཁོང་སྙོམ། རྨྱ་བག་ཏུ་འདུག་ལ། སྙིང་མི་དགའ་ན་མདངས་ཟད་དེ་མེད་པ་ཡིན་ནོ། །འདི་ལྟ་བུར་གྱུར་པ་ལ་གསོ་པའི་ཐབས་ནི། སྨན་དང་ཁ་
[395b.4]ཟས་འོ་མ་དང་བཅུད་ལ་སོགས་པ་བཏང་ངོ་། །ཡང་ནད་དམིགས་དང་སྦྱར་ཏེ་ཟས་བྱིན་པ་ལས། ཕན་པའི་ཟས་དེ་མི་འདོད་ཅིང་ཁ་ཟས་མི་འཕྲོད་པ་གཞན་འདོད་ཅིང་སློང་ན། སྨན་པས་དེ་ལ་ནད་དང་ཟས་སུ་མི་འཕྲོད་པ་ནི་མ་སྦྱིན་ཅིག །ནད་ལ་ཟས་ཕན་ཞིང་མི་འཕྲོད་པ་མེད་ན་ནི་
[395b.5]འདོད་པ་བྱིན་ཅིག །ཡང་ན་ནད་པའོ་ཅོག་གི་ནད་དང་མི་འཕྲོད་པའི་ཟས་ལྟ་བུ་ཡི་གར་འོང་ཞིང་ཕྱིན་ཅི་ལོག་ཏུ་བྱེད་པ་ཡང་ཡོད། ལ་ལ་ནི་ནད་ལ་ཕན་པའི་ཟས་འདོད་ཅིང་། ཡི་གར་འོང་བ་མཐུན་པ་ཡང་ཡོད་དེ། དེ་ལྟ་བུ་ནད་དང་ཁ་ཟས་འཕྲོད་དམ་མི་འཕྲོད། ནད་ཀྱི་ཚུལ་དང་
[395b.6]འཕྲོད་དམ་མི་འཕྲོད་པ་རྟགས་ལ་ཁ་ཟས་སྦྱིན་ནོ། །ཡང་ན་མི་མཁས་མི་ཤིས་པ་ཀུན། ལུས་ལ་ཕན་ཞིང་བརྟ་བར་འགྱུར་བ་དང་། ནད་པས་ལུས་ལ་གནོད་ཅིང་ཟད་པར་བྱེད་པའི་དམིགས་མི་རྟོག་མི་སེམས་ཏེ། རླུང་དང་མཁྲིས་པ་དང་བད་ཀན་ལྟ་བུའི་སོ་སོའི་ནད་དཀྱེལ་སྐྱེས་ནས་
[395b.7]ནད་ཀྱི་མཐུར་གྱུར་ན་ལུས་ལ་ནད་ཀྱིས་རྒྱས་ནས་ལུས་བདེ་བའི་ཉམས་འཚག་ནི་བྲི་ཞིང་ཟད། ནད་ཀྱི་དཀྱེལ་ནི་ཞུགས་པ་ཡིན་ནོ། །ཡང་རླུང་དང་མཁྲིས་པ་དང་བད་ཀན་གྱི་ནད་དུ་གྱུར་པ་ཡང་མེད་ལ། འདི་གསུམ་ནད་འཕྲོད་ཅིང་སྙོམས་པར་གྱུར་ན། གསུམ་པོ་རང་རང་གི་
[396a]
[396a.1]ལས་ཉི་ཚེ་བྱེད་པར་ཟད་དེ། དེ་བས་ན་རླུང་དང་མཁྲིས་པ་དང་བད་ཀན་འཕྲོད་ཅིང་སྙོམས་པ་ནད་མེད་ཅིང་ལུས་ལ་ཕན་ཏེ་བདེ་བ་དང་། ལུས་ཀྱི་ཉམས་འཚག་བརྟས་པར་བྱེད་པ་ཡིན་ནོ། །རླུང་དང་མཁྲིས་པ་དང་བད་ཀན་གསུམ་མ་འཕྲོད་ཅིང་མ་
[396a.2]སྙོམས་པའི་ནད་དམིགས་ཏེ་གསོད་པར་བྱེད་པ་ཡིན་ནོ། །དེ་ལྟ་བས་ན་ལུས་ལ་ཕན་པར་བྱ་བའི་ཕྱིར། ལུས་ལ་ནད་ཀྱི་གནོད་པས་ཟད་པར་མི་འགྱུར་བ་དང་། ཕན་ཞིང་བདེ་བ་ལུས་རྟག་པར་འགྱུར་བའི་ཆོ་ག་རིམ་གྲོ་བྱ་ཞིང་ལུས་བསྲུང་བར་བྱ་ཞིང་། རླུང་དང་མཁྲིས་
[396a.3]པ་དང་བད་ཀན་ནང་མི་འཕྲོད་པ་ལས་ལུས་ལ་གནོད་ཅིང་ཟད་པར་འགྱུར་བའི་ནད་དང་། རླུང་དང་མཁྲིས་པ་དང་བད་ཀན་ནང་འཕྲོད་ཅིང་སྙོམས་ན་ལུས་ལ་བདེ་ཞིང་ཕན་ནོ། །ནད་མེད་པར་འགྱུར་བའི་ཚུལ་བསྟན་པའི་ལེའུ་བཅུ་གཅིག་པ་རྫོགས་སོ།། །།ལུས་
[396a.4]ལ་བད་ཀན་དང་མཁྲིས་པ་དང་རླུང་གང་དང་གང་ན་གནས་པ་དང་། རླུང་དང་བད་ཀན་དང་མཁྲིས་པ་ལས་སའི་ནད་དམིགས་ཅིར་འགྱུར་བའི་ལེའུ་བཅུ་གཉིས་བཤད་པར་བྱའོ། །རླུང་དང་མཁྲིས་པ་དང་བད་ཀན་གསུམ་ལུས་ལ་ཇི་ལྟར་གནས་ཤེ་ན། ཁ་ཟས་ཞུ་བའི་གནས་
[396a.5]ལོང་ཀ་དང་། རྒྱུ་མ་དང་། རྐེད་པ་དང་། དཔྱི་དང་། བརླ་དང་། རྣ་བ་དང་། ལུས་ཀྱི་རུས་པའོ་ཅོག་དང་། ལུས་ཀྱི་དབང་པོ་རིག་པ་ཞེས་བྱ་བ་འདི་དག་ནི་རླུང་གི་གནས་ཡིན་ཏེ། དེ་རྣམས་ཀྱི་ནང་ན་ཡང་དམིགས་ཀྱིས་རླུང་གི་གནས་ནི་ཞུ་བའི་ས་སྟེ། རྒྱུ་ཞབས་ན་
[396a.6]རླུང་ཆེར་གནས་སོ། །མཁྲིས་པ་ནི་ཟས་མ་ཞུ་བའི་གནས་ཞེས་བྱ་བ་ལྟེ་བའི་ཐད་ཀ་ན་ཡོད་པ་ཕོ་བ་དང་རྡུལ་དང་མཐང་གི་ཆུ་སེར་དང་། ཁྲག་དང་ཟས་ཀྱི་བཅུད་དངས་མ་དང་། མིག་དང་ལུས་ཀྱི་དབང་པོ་རེག་པ་དང་། འདི་རྣམས་ཀུན་ལ་མཁྲིས་པ་གནས་སོ། །དེ་རྣམས་ཀྱི་ནང་
[396a.7]ན་ཡང་དམིགས་ཀྱིས་ལྷག་པར་མཁྲིས་པ་ནི་ལྟེ་བའི་ཐད་ཀ་ན་གནས་སོ། །བད་ཀན་ནི་བྲང་དང་མགུལ་པ་དང་། མགོ་བོ་དང་། གློ་བ་དང་། རུས་པའི་ཚིགས་ཀུན་དང་། མ་ཞུ་བའི་གནས་ཕོ་བའི་ནང་དང་། ཟས་ཀྱི་བཅུད་དངས་མ་དང་། ཚིལ་དང་། སྣབས་དང་། ལྕེ་དང་
[396b]
[396b.1]འདི་རྣམས་ལ་བད་ཀན་གནས་སོ། །འདི་རྣམས་ཀྱི་ནང་ན་ཡང་བད་ཀན་ནི་ལྷག་པར་བྲང་དང་ནམ་ཚོད་ན་རྟག་པར་གནས་སོ། །ཡང་དེ་ལ་རླུང་གི་རང་བཞིན་རྣམ་པ་ལྔ་སྟེ། དེ་ལ་སྲོག་ཅེས་བྱ་བའི་རླུང་དང་། སྟོད་དུ་རྒྱུ་བའི་རླུང་དང་། ཁྱབ་བྱེད་ཀྱི་རླུང་དང་། མེ་དང་མཉམ་དུ་གནས་
[396b.2]པའི་རླུང་དང་། ཐུར་དུ་སེལ་བའི་རླུང་དང་ལྔའོ། །རླུང་འདི་ལྔ་ལ་ཡང་གནས་དང་། ཡུལ་དང་། ལས་དང་། རྣམ་པ་གསུམ་གསུམ་དུ་ཤེས་པར་བྱ་སྟེ། དེ་ལ་སྲོག་ཅེས་བྱ་བའི་རླུང་གི་གནས་ནི་སྤྱི་བོ་ན་འདུག་གོ། །རླུང་དེའི་ཡུལ་ནི་བྲང་དང་ནམ་ཚོང་དང་གྲེ་བ་ཡན་མན་རྒྱུ་ཞིང་
[396b.3]འགྲོའོ། །ལས་ནི་གློ་བ་དང་། སྙིང་དང་། དབང་པོ་དང་། སེམས་རྣམས་བརྟན་པ་དང་། མཆིལ་མ་འདོར་བ་དང་། སྦྲིད་པ་འབྱུང་བར་བྱེད་པ་དང་། འབད་ཅིང་སྒྲིམ་པར་གཏོང་བ་དང་། ཁ་ཟས་མིད་པའི་ལས་བྱེད་དོ། །དེ་ལ་སྟོད་དུ་རྒྱུ་བའི་རླུང་ཞེས་བྱ་བའི་གནས་ནི། བྲང་དང་
[396b.4]ནམ་ཚོང་ན་འདུག་གོ་དེའི་ཡུལ་ནི་སྣ་དང་། ལྕེ་དང་། གྲེ་བ་ཡན་མན་དུ་རྒྱུའོ། །དེའི་ལས་ནི་ཚིག་ཏུ་སྨྲ་བ་འབྱུང་བར་བྱེད་པ་དང་། འབད་ཅིང་སྒྲིམ་པར་བྱེད་པ་དང་། མདངས་བཟང་བ་དང་། སྟོབས་ཡོད་པ་དང་། བཞིན་མདོག་དང་ལྡན་པ་དང་། དྲན་པར་བྱ་བའི་
[396b.5]ལས་བྱེད་དོ། །དེ་ལ་རླུང་ཁྱབ་བྱེད་ཅེས་བྱ་བའི་གནས་ནི་སྙིང་ལ་བརྟེན་ཅིང་འདུག་གོ། །དེའི་ཡུལ་ནི་ལུས་ཐམས་ཅད་ལ་ཁྱབ་པར་བྱེད་ཅིང་འཇུག་གོ། །དེའི་ལས་ནི་གང་རབ་ཏུ་མགྱོགས་པ་དང་། ཕན་ཚུན་འགྲོ་བར་བྱེད་པ་དང་། ལེན་ཅིང་འདེགས་པ་དང་། འཇོག་ཅིང་འདོར་བ་དང་། མིག་
[396b.6]འབྱེད་པ་དང་། འཛུམས་པ་ལ་སོགས་པའི་ལས་བྱེད་དོ། །ཡང་ན་ལུས་ཀྱི་ལས་སུ་བྱ་བ་ཐམས་ཅད་ནི་རླུང་འདི་ལ་ཕལ་ཆེར་རག་ལུས་སོ། །དེ་ལ་མེ་དང་མཉམ་དུ་གནས་པའི་རླུང་གི་གནས་ནི་ཕོ་བའི་མེའི་དྲོད་དང་ལྷན་ཅིག་གནས་སོ། །དེའི་ཡུལ་ནི་ཁོང་པའི་ནང་ཁྲོལ་ཐམས་ཅད་
[396b.7]ཀྱི་ནང་ན་འགྲོ་ཞིང་རྒྱུའོ། །ལས་ནི་ཁ་ཟས་ནང་དུ་ལེན་ཅིང་ཞུ་བར་བྱེད། དངས་སྙིགས་ཕྱེ་སྟེ་འདོར་བར་བྱེད་དོ། །དེ་ལ་ཐུར་དུ་སེལ་བའི་རླུང་གི་གནས་ནི་གཞང་གི་ནང་ན་འདུག་གོ། །དེའི་ཡུལ་ནི་འདོང་མོའི་ནང་ན་ལྒང་པ་དང་། ཕོ་མཚན་དང་། བརླའི་ནང་ཕན་ཚུན་རྒྱུ་ཞིང་འགྲོའོ་
[397a]
[397a.1]ལས་ནི་ཁུ་ཆུ་དང་། ཟླ་མཚན་འབྱུང་བ་དང་། མངལ་ནས་བྱིས་པ་འབྱུང་བར་བྱེད་པ་དང་། བཤང་གཅི་ཐུར་དུ་སེལ་བའི་ལས་བྱེད་དོ། །ཡང་མཁྲིས་པའི་རང་བཞིན་ཡང་རྣམ་པ་ལྔ་སྟེ། འཇུ་བྱེད་དང་། དམར་སྒྱུར་དང་། སྒྲུབ་བྱེད་དང་། མཐོང་
[397a.2]བྱེད་དང་། མདོག་གསལ་དང་འདི་ལྔའོ། །འདི་ལ་མཁྲིས་པ་འཇུ་བྱེད་ཅེས་བྱ་བ་ནི་གནས་དང་། གཞན་གྱི་གྲོགས་བྱེད་ཅིང་ཡུལ་རྒྱུ་བ་དང་། ལས་བྱེད་པ་དང་རྣམ་པ་གསུམ་དུ་བལྟའོ། །དེ་ལ་ཡང་ཇི་ལྟ་ཞེ་ན། མཁྲིས་པ་ཡང་འབྱུང་བ་ཆེན་པོ་ལྔའི་རང་བཞིན་ཡིན་མོད་ཀྱི།
[397a.3]འོན་ཀྱང་དེ་ནི་མེའི་ཡོན་ཏན་དང་ལྷག་པར་ལྡན་ལ། གཤེར་ཞིང་སླ་བ་ལྟ་བུའི་རང་བཞིན་མ་ཡིན་ཏེ། ཟས་ཆོས་ཤིང་ཞུ་བར་བྱེད་པའི་ལས་བྱེད་པས་ན། མཁྲིས་པ་དེ་ནི་མེ་ཡིན་པར་བཤད་དོ། །མཁྲིས་པ་དེའི་གནས་ནི་ཟས་ཞུ་བ་གཉིས་ཀྱི་བར་ན་འདུག་གོ། །དེའི་ལས་ནི་
[397a.4]ཁ་ཟས་ཚས་ཤིང་ཞུ་བར་བྱས་ཏེ་ཉམས་མཐུ་དང་ལྡན་པར་བྱེད། །ཟས་ཀྱི་སྙིང་ཁུའི་བཅུད་དང་། ཚིགས་མ་བཤད་གཅི་ལ་སོགས་པ་དེ་དག་སོ་སོར་བྱེད་དོ། །མཁྲིས་པ་དེ་ཞུ་མ་ཞུའི་བར་ན་འདུག་ནས། མཁྲིས་པ་ལྷག་མ་གཞན་དག་གི་གྲོགས་བྱེད་ཅིང་སྟོད་ལ། ཕན་འདོགས་
[397a.5]པ་དེ་ནི་ཡུལ་རྒྱུ་ཞིང་ཕན་འདོགས་པ་ཡིན་ནོ། །དམར་སྒྱུར་ཞེས་བྱ་བའི་གནས་དང་། ལས་རྣམ་པ་གཉིས་སུ་བལྟ་སྟེ། གནས་ནི་མ་ཞུ་བའི་སན་འདུག་གོ། །ལས་ནི་ཟས་ཀྱི་བཅུད་དངས་མ་ཕོ་བར་འོང་བ་དེ་མཚོན་དམར་པོར་སྒྱུར་བ་བཞིན་དམར་པོར་འགྱུར་བར་བྱེད་དོ། །
[397a.6]མཁྲིས་པ་སྒྲུབ་བྱེད་ཅེས་བྱ་བའི་གནས་ནི་སྙིང་ལ་བརྟེན་ཅིང་གནས་སོ། །དེའི་ལས་ནི་སེམས་དཔའི་བློ་དང་། ཡིད་གཞུངས་པ་དང་། སྙེམས་པའི་ང་རྒྱལ་དུ་སེམས་པ་ལ་སོགས་པས་སྙིང་ལ་བསམས་པའི་དོན་མཁྲིས་པ་དེ་ཡོད་དམ་སྒྲུབ་པའི་གྲོགས་དོན་སྒྲུབ་ཅེས་བྱའོ། །མཁྲིས་
[397a.7]པ་མཐོང་བྱེད་ཅེས་བྱ་བའི་གནས་ནི་མིག་ལ་བརྟེན་ནོ། །དེའི་ལས་ནི་གཟུགས་རྣམས་མཐོང་བར་བྱེད་པ་ཡིན་ནོ། །མཁྲིས་པ་མདོག་གསལ་བྱེད་ཅེས་བྱ་བའི་གནས་ནི་མིའི་པགས་པ་ལ་བརྟེན་ཏེ་གནས་སོ། །ལས་ནི་པགས་པའི་མདོག་འཇམ་ཞིང་བཟང་ལ་མདོག་གསལ་བར་བྱེད་
[397b]
[397b.1]དོ། །བད་ཀན་ཡང་རྣམ་པ་ལྔ་སྟེ། བད་ཀན་རྟེན་བྱེད་དང་། མྱགས་བྱེད་དང་། མྱོང་བྱེད་དང་། བརྟས་བྱེད་དང་། འབྱོར་བྱེད་དང་ལྔའོ། །དེ་ལ་བད་ཀན་རྟེན་བྱེད་ཀྱི་གནས་ནི་བྲང་ལ་བརྟེན་ཏོ། །བད་ཀན་དེའི་ཕན་འདོགས་པའི་ཡུལ་ནི། བད་ཀན་དེའི་སྟོབས་ཀྱང་རྐེད་
[397b.2]པ་ལ་ཕན་པར་བྱེད་དོ། །བད་ཀན་དེའི་ལས་ནི་ཁ་ཟས་ཟོས་པའི་མཐུ་དང་། བད་ཀན་སྙིང་ལ་བརྟེན་པ་ཆུའི་རང་བཞིན་བསིལ་བ་དེས། སྙིང་ལ་སང་ཞེས་བྱེད་པ་དེས་ཕན་པར་བྱེད་དོ། །བད་ཀན་དེ་ལ་བད་ཀན་ཕལ་ཀུན་ཀྱང་བརྟེན་ཅིང་གནས་པས་ན། དེའི་ཕྱིར་བད་ཀན་དེ་ནི་
[397b.3]རྟེན་བྱེད་ཅེས་བྱའོ། །བད་ཀན་མྱགས་བྱེད་ཀྱི་གནས་ནི་ཟས་མ་ཞུ་བའི་ཕོ་བ་ལ་བརྟེན་ཏོ། །དེའི་ལས་ནི་ཟས་མང་པོ་ཟོས་པ་ཀུན། བད་ཀན་དེས་བཞུ་ནས་འདག་འདག་པོར་མྱགས་པར་བྱེད་དོ། །བད་ཀན་མྱོང་བྱེད་ཅེས་བྱ་བ་ནི་ལྕེ་ལ་གནས་ཏེ། བད་ཀན་དེ་ལྕེ་ལ་འདུག་པས་
[397b.4]ཟས་ཀྱི་རོ་ཅི་བྲོ་བ་དེས་མྱོང་བར་བྱེད་དོ། །བད་ཀན་བརྟས་བྱེད་ཅེས་བྱ་བ་ནི་མིའི་མགོ་བོ་ལ་གནས་ཏེ། བད་ཀན་དེ་ཡོད་པས། མིག་དང་། རྣ་བ་དང་། སྣ་དང་། ལྕེ་ལ་སོགས་པའི་དབང་པོ་རྣམས་བད་ཀན་དེས་བརྟས་ཏེ། དབང་པོ་ཚིམ་ཞིང་མཐུ་དང་ལྡན་པར་བྱེད་དོ། །བད་ཀན་
[397b.5]འབྱོར་བྱེད་ཅེས་བྱ་བ་ནི་རུས་པའི་ཚིགས་ན་གནས་སོ། །དེའི་ལས་ནི་རུས་པའི་ཚིགས་བོག་རེ་རྣམས་འབྲེལ་ཅིང་འབྱོར་བར་བྱེད་པས་ན་འབྱོར་བྱེད་ཅེས་བྱའོ། །དེ་ལྟར་རླུང་དང་མཁྲིས་པ་དང་བད་ཀན་རྣམས་ཀྱིས་ལུས་ཁྱབ་པར་གནས་མོད་ཀྱི། འོན་ཀྱང་འདི་གསུམ་སོ་སོའི་
[397b.6]གནས་ན་འདུག་ཅིང་། དེ་གསུམ་ནད་ཅན་དུ་མ་གྱུར་ན། སོ་སོའི་ལས་རྣམས་བྱེད་ཅིང་ཕན་འདོགས་པར་བལྟའོ། །དེ་ལ་ནད་དམིགས་རླུང་དང་མཁྲིས་པ་དང་བད་ཀན་གསུམ་གང་ལས་འདི་གསུམ་གྱི་ནད་དཀྱིལ་དུ་སྩོགས་པ་དང་། ཁ་ཟས་གང་མ་འཕྲོད་དེ་ནད་དཀྱིལ་དུ་
[397b.7]ཞུགས་པ་སློང་ཞིང་ལྡང་བ་དང་། ཟས་དང་སྨན་གྱི་ཆོ་ག་ཇི་ལྟ་བུས་དེ་གསུམ་གྱི་ནད་གསོ་ཞིང་ཞི་བར་བྱ་བའི་རིམ་པ་བསྟན་པ། དེ་ལ་ཁ་ཟས་ཡང་བ་རྩུབ་ཅིང་སྣུམ་པ་བག་མེད་པ་ལ་སོགས་པ་དྲོན་པོ་ཆེན་པོ་དང་ལྷན་ཅིག་ཏུ་ཟ་བའི་རླུང་ནད་དུ་འགྱུར་བའི་དཀྱེལ་སྩོགས་པ་ཡིན་ནོ། །
[398a]
[398a.1]རླུང་ནད་ཀྱི་དཀྱིལ་དུ་ཞུགས་པར་བསྩགས་པ་དེ་ལ་ཁ་ཟས་བསིལ་བགྲང་མོ་དང་མ་འཕྲོད་ནས་རླུང་ནད་ལངས་ཏེ་ན་པར་བྱེད་དོ། །རླུང་ནད་དེ་ལྟ་བུར་གྱུར་པ་ལ་ཁ་ཟས་སྣུམ་བག་ལ་སོགས་པའི་ཡོན་ཏན་དང་ལྡན་པ་དྲོ་ཚ་བར་བྱེད་པ་ནི་རླུང་ནད་ཞི་བར་འགྱུར་རོ། །
[398a.2]ཁ་ཟས་རོ་ཚ་བ་ལ་སོགས་པ་བསིལ་བག་དང་ལྷན་ཅིག་ཟོས་པ་ནི། མཁྲིས་པའི་ནད་དཀྱིལ་དུ་སྩོགས་སོ། །ཁ་ཟས་དྲོན་པོ་ཆེན་པོ་དང་། རོ་ཚ་བའི་བག་ཟོས་པས་ནི་མཁྲིས་པའི་དཀྱིལ་ཞུགས་ཏེ་སྩོགས་ཤིང་འདུག་པ་དེ། ཟས་མ་འཕྲོད་ནས་མཁྲིས་པའི་ནད་དེ་ལྡང་ཞིང་ན་བར་བྱེད་
[398a.3]དོ། །དེ་ལ་རོ་ལེགས་པར་བྲོ་བ་མ་ཡིན་པ་དང་། མངར་བག་དང་། ཁ་བ་དང་། ཟས་བསིལ་བག་ཏུ་སྦྱར་བས་ནི་མཁྲིས་པའི་ནད་དེ་ཞི་བར་འགྱུར་རོ། །ཁ་ཟས་སྣུམ་བག་ལ་སོགས་པ་གྲང་མོ་བསིལ་བག་ཏུ་ཟོས་པས་ནི་བད་ཀན་དཀྱེལ་དུ་སྩོགས་པར་འགྱུར་རོ། །བད་ཀན་གྱི་ནད་
[398a.4]དཀྱིལ་དུ་ཞུགས་པ་དེ་ལྟ་བུ་ལ་ཁ་ཟས་དྲོན་པོའི་བག་ཟས་ན་བད་ཀན་གྱི་ནད་ལངས་ནས་ན་བར་བྱེད་དོ། །བད་ཀན་གྱི་ནད་དེ་ལྟ་བུ་ལ་ཁ་ཟས་སྣུམ་མེད་པ་རྩུབ་པ་ལ་སོགས་པས་ནད་ཞི་བར་འགྱུར་རོ། །རླུང་དང་མཁྲིས་པ་དང་བད་ཀན་གསུམ་གྱི་ནད་དཀྱེལ་སྩོགས་པ་དང་། དེ་གསུམ་
[398a.5]གྱི་ནད་དཀྱིལ་བསགས་པ་ལས་ནད་ལངས་པ་གཉིས་ཀྱི་ཁྱད་པར་ཅི་འདྲ་ཞེ་ན། རླུང་དང་བད་ཀན་དང་མཁྲིས་པ་གསུམ་པོ་རང་གི་གནས་ན་དཀྱིལ་དུ་སྩོགས་ལ། དཔེར་རླུང་ནད་ལ་སོགས་པར་འགྱུར་བའི་རྒྱུ་ཁ་ཟས་རྩུབ་པོ་དྲོན་པོ་ལྟ་བུ་མི་འདོད་པ་དང་། ཟས་སྣུམ་ཡོད་པའི་བག་
[398a.6]རླུང་དང་མི་མཐུན་པ་དེ་ལྟ་བུ་ལ་ཕྱིན་ཕྱོགས་སུ་འདོད་པར་བྱེད་པ་དེ་ལྟ་བུ་ནི་ནད་རང་རང་གི་གནས་ན་འདུག་ཅིང་དཀྱེལ་དུ་བསགས་པ་ཞེས་བྱའོ། །ནད་ལངས་པ་ཞེས་བྱ་བ་ནི་ནད་དཀྱེལ་དུ་ཞུགས་པ་འདི་གསུམ་གང་ཡང་རུང་བའི་ནད་དཀྱེལ་ནི་ནད་ལངས་ན་རང་གི་གནས་ནས་
[398a.7]ལོག་པར་སོང་བ་དེ་ནི་སོ་སོ་རང་གི་ནད་ཀྱིས་ཐེབས་པ་ནི། ནད་ཀྱིས་བཏབ་པའི་རྟགས་ཡིན་ཞེས་བྱའོ། །དེ་ལ་རླུང་དང་མཁྲིས་པ་དང་བད་ཀན་གསུམ་གྱི་ནད་དུས་གང་གི་ཚེ་ན་ནད་དཀྱེལ་སྩོགས་ནམ་ནད་ལྡང་། ཇི་ཙམ་ན་ནད་ཞི་ཞེ་ན། བཤད་པ་སོ་གའི་དབྱར་ཟླ་ར་བ་དང་།
[398b]
[398b.1]དབྱར་ཟླ་འབྲིང་པོའི་ངོ་ལ་རླུང་ནད་དཀྱེལ་དུ་སྩོགས་སོ། །དབྱར་ངོ་དབྱར་ཟླ་ཐ་ཆུངས་དང་། སྟོན་ཟླ་ར་བའི་ཚེ་ནི་རླུང་ནད་ལངས་ཏེ་ནའོ། །སྟོན་ངོ་སྟོན་ཟླ་འབྲིང་པོ་དང་། སྟོན་ཟླ་ཐ་ཆུངས་ཀྱི་ཚེ་ནི་རླུང་ནད་ཞི་བར་འགྱུར་རོ། །དབྱར་ཟླ་ཐ་ཆུངས་དང་སྟོན་ཟླ་ར་བའི་ཚེ་ནི་མཁྲིས་པའི་ནད་
[398b.2]དཀྱིལ་དུ་སྩོགས་སོ། །སྟོན་ཟླ་འབྲིང་པོ་དང་ཐ་ཆུངས་ཀྱི་ངོ་ལ་མཁྲིས་པའི་ནད་ལངས་ཏེ་ན་བར་འགྱུར་རོ། །དགུན་ཟླ་ར་བ་དང་དགུན་ཟླ་འབྲིང་པོའི་ངོ་ལ་མཁྲིས་པའི་ནད་ཞི་བར་འགྱུར་རོ། །དགུན་ཟླ་ར་བ་དང་དཔྱིད་ཟླ་ར་བ་དང་བཞིའི་བར་དུ་དགུན་སྟོད་དང་དགུན་སྨད་འདྲ་སྟེ་
[398b.3]བད་ཀན་སྩོགས་སོ། །དཔྱིད་ཟླ་འབྲིང་པོ་དང་དཔྱིད་ཟླ་ཐ་ཆུངས་ལ་བད་ཀན་གྱི་ནད་ལྡང་ངོ་། །དབྱར་ཟླ་ར་བ་དང་དབྱར་ཟླ་འབྲིང་པོ་ལ་བད་ཀན་གྱི་ནད་ཞི་བར་འགྱུར་རོ། །དེ་ལ་ཟས་ཡང་ཞིང་རྩུབ་པ་དང་། སྨན་ཀྱང་ཡང་ཞིང་རྩུབ་པ་ལྟ་བུས་རླུང་སྩོགས་སོ། །དེ་ལ་ལུས་ཀྱང་ཁོང་རྩུབ་ཅིང་དྲོ།
[398b.4]ཁ་ཟས་ཀྱང་རྩུབ་པ་དྲོན་བག་ཏུ་ཟོས་ཀྱང་དབྱར་ཟླ་ར་བ་དང་དབྱར་ཟླ་འབྲིང་པོའི་ཚེ་དྲོ་ཞིང་ཚ་བའི་དུས་ཡིན་པས་རླུང་མི་ལྡང་ངོ་། །དབྱར་ཟླ་ཐ་ཆུངས་དང་སྟོན་ཟླ་ར་བའི་ངོ་ལྟ་བུ་ལ་ཆར་ཆུ་རྒྱས་ལ་ཟས་སྐྱུར་བག་དེ་ཞུ་བའི་རྗེས་ཀྱང་སྐྱུར་བར་འགྱུར། །སྨན་སྐྱུར་བག་ཟོས་ཀྱང་རུང་སྟེ་དེའི་
[398b.5]མཁྲིས་པར་སྩོགས་ཏ། དབྱར་གྲང་ཞིང་བསིལ་བའི་དུས་ལ་བབ་པས་མཁྲིས་པའི་ནད་ལྡང་བར་མི་འགྱུར་རོ། །དགུན་སྟོད་དང་དགུན་སྨད་གྱི་ཟས་སྣུམ་བག་བསིལ་བ་དང་། ཆུ་དང་སྨན་བསིལ་བག་ཟོས་པས་ནི་བད་ཀན་དགུན་ཐོག་ཐག་ཏུ་སོགས་ཏེ། དེའི་ཚེ་དགུན་གྱི་དུས་གྲང་བ་
[398b.6]དང་། ཁ་ཟས་སྣུམ་པོ་གྲང་བག་ཟོས་ཀྱང་རུང་། །དེས་ན་ལུས་ཀྱང་གྲང་ལ་ཕྱོགས་སུ་འཁྲིགས་པའི་དུས་ལ་བབ་པས་བད་ཀན་སྩོགས་པར་ཟད་ཀྱི་བད་ཀན་གྱི་ནད་ལྡང་ཞིང་ན་བར་མི་འགྱུར་རོ། །དེ་ལྟར་དུས་ཚིགས་དྲུག་གི་རང་བཞིན་ལས་རླུང་ནད་དང་བད་ཀན་དང་མཁྲིས་པ་གསུམ་གྱི་
[398b.7]ནད་སྩོགས་པ་དང་ལྡང་བ་རིམ་པར་ཕྱེ་སྟེ་བསྟན་པ་ཡིན་ནོ། །རླུང་ལ་སོགས་པའི་ནད་བསགས་པ་དེ་ཡང་ཁ་ཟས་ཀྱི་གནོད་པ་མི་འཕྲོད་པའི་བག་ཟོས་ན་ནད་ལྡང་བའི་དུས་ལ་མ་བབ་ཀྱང་རུང་སྟེ་འཕྲལ་གྱི་ནད་ཀྱིས་འདེབས་པར་འགྱུར་རོ། །རླུང་ལ་སོགས་པ་དཀྱེལ་དུ་གྱུར་པ་ཡང་བསགས་
[399a]
[399a.1]ལ། ནད་ལྡང་བའི་དུས་ལ་བབ་ཏུ་ཟིན་ཀྱང་ནད་དུ་མི་འགྱུར་བའི་ཟས་ཟོས་ན་ནད་མི་ལྡང་ངོ་། །གོང་མ་ལྟ་བུར་རླུང་ལ་སོགས་པ་ནད་དཀྱེལ་དུ་བསགས་པ་དེ་ལས་ནད་ལངས་ཏེ་ནད་ཀྱིས་བཏབ་པ་ནི། ཅིག་ཅར་ལུས་ཀྱི་མགོ་རྐང་ཀུན་ཏུ་ཁྱབ་པར་ནད་ཀྱིས་
[399a.2]འདེབས་པར་བྱེད་དོ། །ནད་དེ་ལྟ་བུ་ལ་ཐིགས་ཏེ་སོས་པར་འགྱུར་བ་ནི། ཆུ་འབྲུབ་པ་ལས་ཁད་ཀྱིས་བྲི་སྟེ་སྐམས་པ་དང་འདྲའོ། །དེ་བས་ན་ནད་ཀྱི་ཚུལ་རྣམ་པ་སྣ་ཚོགས་གྲངས་མེད་པས། ལུས་འདི་ཀློང་དཀྲུགས་ནས་སྐམས་པ་འདི་ལ་ནད་ཀྱི་ཚུལ་ཅི་འདྲ་བ་དང་། ནད་
[399a.3]ཕྱིན་པའི་རྒྱུ་རྩི་སྨན་དང་། གསོ་བའི་ཐབས་སུ་སྦྱར་ཞིང་བྱའོ། །དེ་ཡང་ནད་ཚུལ་དུ་མ་རེ་རེ་ནས་བསྟན་མི་ནུས་ཏེ་དེ་ནི་འདོར་ཅོག་ཐབས་ཀྱི་ནད་དམིགས་ནི་རླུང་དང་མཁྲིས་པ་དང་བད་ཀན་དུ་འདུས་སོ། །དཔེར་ཉིན་ཐོག་ཐག་བྱ་ནམ་མཁའ་ལ་འཕུར་ཏེ་འགྲོ་སྟེ། རང་གི་ལུས་ཀྱི་
[399a.4]གྲིབ་མ་དང་འབྲལ་དུ་མི་རུང་བ་བཞིན་ནོ། །སེམས་ཅན་ནོ་ཅོག་ནད་རྣམ་པ་གསུམ་པོ་ཆགས་པ་དང་རྡུལ་དང་། མུན་པ་དང་གསུམ་དུ་ལྡན་པ་ལས་གྱུར་པའི་ནད་རྣམ་པ་སྣ་ཚོགས་དང་མི་འབྲལ་བ་དེ་ལྟར་རང་གི་སྲོག་ཟུངས་བདུན་ནང་མ་སྙོམས་ཏེ་ནད་དུ་འགྱུར་བའི་རྒྱུ་ཡང་ཆགས་པ་དང་
[399a.5]རྡུལ་དང་མུན་པ་དང་གསུམ་གྱིས་འགྱུར་བས། རླུང་དང་བད་ཀན་དང་མཁྲིས་པ་གསུམ་ནང་མ་འཕྲོད་པ་དེས་སྲོག་ཟུངས་བདུན་པོ་མ་སྙོམས་ཏེ་འཁྲུགས་ན་ནད་དུ་འགྱུར་རོ། །ནད་དུ་འགྱུར་བ་དེ་དག་གི་རྒྱུ་ཡང་མདོར་རྣམ་པ་གསུམ་སྟེ། ཡུལ་དང་དུས་དང་
[399a.6]ལས་ངན་པར་བྱེད་པ་དང་གསུམ་མོ། །འདི་གསུམ་པོ་རེ་རེ་ལ་ཡང་ཆུང་ངུ་བརྟེན་པ་དང་། རབ་ཏུ་བརྟེན་པ་དང་། ལོག་པར་བརྟེན་པ་དང་གསུམ་དུ་དབྱེའོ། །འདི་གསུམ་པོ་རེ་རེ་ལ་ཡང་ཆུང་ངུ་དང་། འབྲིང་པོ་དང་ཆེན་པོ་གསུམ་དུ་ཕྱེ་ན་དགུ་དགུར་རོ། །དེ་ཇི་ལྟ་ཞེ་ན། མིག་གི་དབང་པོའི་ཡུལ་ནི་
[399a.7]གཟུགས་སྣང་བ་ཡིན་ཏེ། ཡུལ་དེ་ལ་གང་བལྟར་ཡང་རུང་སྟེ། རང་གི་ཡུལ་ལ་མི་ལྟ་བའམ། ཡང་ན་ཞིབ་ཏུ་ལེགས་པར་མི་ལྟ་བར་ཅུང་ཟད་ཙམ་མམ། འོལ་ཇི་ཙམ་ཞིག་ལྟ་བ་དེ་ལྟ་བུ་ནི། གཟུགས་མིག་གིས་ལྟ་བ་ཆུང་བར་སྦྱོར་བ་ཞེས་བྱའོ། །གཟུགས་ལ་མིག་
[399b]
[399b.1]གིས་ཧ་ཅང་ཡུན་རིང་དུ་ལྟ་ན་དེ་ནི་རབ་ཏུ་སྦྱོར་བ་ཞེས་བྱ་སྟེ། དེ་ལྟ་བུ་ཡང་ནད་དུ་འགྱུར་ཏེ་མི་རུང་ངོ་། །ཡང་གཟུགས་ཆུང་ཆེས་པ་ལ་ལྟའམ། ཉི་མ་ལྟ་བུའི་ལྷང་ལྷང་པོའི་འཚེར་ཆེས་པ་ལ་མིག་ཚུགས་སུ་ལྟ་བའམ། གཟུགས་འཇིགས་པ་ལ་ལྟའམ། མིག་གི་དྲུང་ཉིད་དུ།
[399b.2]གཟུགས་བཞག་པ་ལ་ལྟའམ། ཡང་ན་གཟུགས་ཧ་ཅང་ཐག་རིང་ཆེས་པ་ལ་རྒྱང་མར་མིག་ཚུགས་སུ་ལྟ་བའམ། གཟུགས་ཡིད་དུ་འོང་བ་ལ་ལྟའམ། གཟུགས་མི་སྡུག་པ་ལ་མིག་གིས་ལྟ་བ་དེ་ལྟ་བུ་ལོག་པར་ལྟ་བའི་རྟེན་པ་ཞེས་བྱ་སྟེ། དེ་ལྟ་བུ་ཡང་ནད་དུ་འགྱུར་ཏེ་མི་རུང་ངོ་། །
[399b.3]དེ་བཞིན་དུ་རྣ་བ་ལ་སོགས་པའི་ཡུལ་སྒྲ་ལ་སོགས་པ་ལ་ཡང་རྣམ་པ་གསུམ་གསུམ་དུ་བལྟ་སྟེ། རྣ་བའི་ཡུལ་སྒྲ་ཆེན་པོ་དྲག་པོ་ལ་ཉན་པ་དང་། རུལ་པ་མནམ་པོ་ལ་སྣུམ་པ་ལ་སོགས་པ་ལྟ་བུ་ཡང་མི་རུང་སྟེ། སོ་སོའི་དབང་པོ་ཡུལ་གྱི་ཚུལ་དུ་སྦྱར་ལ། ཆུང་ངུ་དང་ཆེན་པོ་དང་ལོག་
[399b.4]པ་དང་རྣམ་པ་གསུམ་དུ་བརྟེན་ཅིང་སྦྱོར་བ་ལས་གནོད་པའི་ནད་དུ་འགྱུར་བའི་ཚུལ་གོང་མ་དང་འདྲ་བར་སྦྱར་རོ། །ལོ་གཅིག་ལ་དུས་ཀྱང་གསུམ་དུ་དབྱེ་སྟེ། དགུན་ཟླ་བཞི། དཔྱིད་ཟླ་བཞི། དབྱར་ཟླ་བཞི་སྟེ་གསུམ་མོ། །དེ་ལ་དུས་འདི་གསུམ་ཚུལ་གྱིས་ཡང་ཆུང་ངུ་དང་ཆེན་པོ་དང་།
[399b.5]ལོག་པ་རྣམ་གསུམ་ལས། མི་དང་སྲོག་ཆགས་དང་། ཕྱི་རོལ་གྱི་འབྲུ་འབྲས་དང་། རྩི་ཤིང་ལ་སོགས་པ་ལ་གནོད་པར་འགྱུར་བར་བལྟ་སྟེ། དགུན་གྲང་བའི་ཚེ་ལྷགས་པ་ཧ་ཅང་ཆུང་ཆེས་ན་ཡང་དུས་ཀྱི་སྦྱོར་བ་ཆུང་ཞེས་བྱ་སྟེ་དེ་ཡང་མི་བཟང་ངོ་། །ཡང་ན་ལྷགས་པ་ཧ་ཅང་ཆེས་ན་
[399b.6]ཡང་གནོད་དེ་མི་རུང་ངོ་། །དགུན་གྱི་ཚུལ་ལ་མི་འདྲ་བར་འགྱུར་བ་ནི་དུས་ལོག་པ་ཞེས་བྱ་སྟེ། འདི་ལྟ་བུ་ཡང་ནད་དང་གནོད་པར་འགྱུར་བ་ཞེས་བྱའོ། །ལུས་དང་ངག་དང་སེམས་ཀྱི་ལས་ལ་ཡང་ཆུང་ངུ་དང་ཆེན་པོ་དང་ལོག་པར་སྦྱོར་བ་གསུམ་གསུམ་དུ་བལྟའོ། །དེ་ལ་ལུས་ཀྱི་
[399b.7]ལས་ཆུང་ངུ་བྱེད་པ་ནི་ཅི་བྱེད་ཀྱང་ཅུང་ཟད་ཙམ་ཅིག་བྱེད་པ་ནི་ཆུང་ངུས་སྦྱོར་བའོ། །ཧ་ཅང་བརྟུན་ངས་པ་ནི་ཆེར་སྦྱོར་བའོ། །བཤང་གཅི་ལ་སོགས་པ་ཧ་ཅང་སྙོམས་ན་ལུས་ཀྱིས་བསྒྲིམས་ཏེ་བརྣག་པའམ། མི་བྲོ་བཞིན་དུ་བཙིར་བའམ། ཉམས་ཀྱིས་མི་ནུས་བཞིན་དུ་ལུས་ཀྱིས་
[400a]
[400a.1]ལས་དྲག་ཤུལ་བྱེད་པ་དང་། ལུས་དང་རྐང་ལག་ཧ་ཅང་གཅུས་པ་དང་། རྡེག་འཆའ་བ་དང་། གོམ་པ་འཁྱོར་བཞིན་འཐུབ་པ་འདི་ནི་ལོག་པའི་སྦྱོར་བ་ཞེས་བྱ་སྟེ་ལུས་ལ་གནོད་དོ། །ངག་གི་སྨྲ་བ་ཡང་ཚུལ་དེ་དང་འདྲ་སྟེ། ཁ་ནས་ཟས་ལྡད་བཞིན་དུ་
[400a.2]འབུག་པོར་སྨྲ་བ་སྟེ། །འདི་ཡང་གནོད་དེ་མི་རུང་ངོ་། །ཡིད་ཀྱི་ཡང་འདོད་ཆགས་དང་། ཞེ་སྡང་འཇིགས་པ་ལ་སོགས་པ་སེམས་པ་ནི་ལོག་པར་སྦྱོར་བའོ། །མི་དགེ་བའི་ལས་སྨིན་པའི་དངོས་པོ་སྲོག་གཅོད་པ་ལ་སོགས་པ་བཅུ་པོ་དེ་དག་ཀྱང་ལོག་པའི་སྦྱོར་བ་ཡིན་ཏེ་ལོག་པའི་སྦྱོར་
[400a.3]བ་དེ་ལྟ་བུ་ཐམས་ཅད་སྔོན་གྱི་ཚེ་ལ་བྱས་སམ། ཚེ་འདི་ལ་བྱས་ཀྱང་རུང་སྟེ། དེ་དག་གིས་ནི་ནད་དུ་འགྱུར་བའི་རླུང་དང་མཁྲིས་པ་དང་བད་ཀན་རྣམས་མ་སྙོམས་ཏེ། འཁྲུས་ན་ལུས་ཀྱི་ཡན་ལག་དང་། ནང་ཁྲོལ་དང་། ལྷུ་ཚིགས་ཀྱི་མཚམས་ཀུན་ཏུ་ནད་རྣམ་པ་སྣ་ཚོགས་ཀྱིས་འདེབས་
[400a.4]པར་བྱེད་དོ། །དེ་ལ་ཡན་ལག་གི་ཁྲག་དང་། ཤ་དང་པགས་པ་འདི་དག་ལས་ཕྱི་རོལ་གྱི་ནད་རྣམས་འབྱུང་སྟེ། ཨ་བ་ཅི་ཞེས་བྱ་བ་དང་། ལག་པའམ། རྐང་པ་ལྷུང་བ་བཞིན་འགུལ་མི་ཤེས་པའི་ནད་དང་། ལྦ་བ་དང་། རྒྱབ་བམ་བྲང་དུ་འབྲུམ་བུ་སྔོན་པོ་འབྱུང་
[400a.5]བའི་ནད་དང་། རྨེན་བུ་ལ་སོགས་པ་དང་། ཕྱི་རོལ་གྱི་སྐྲན་དང་གཞང་ཁའི་གཞང་འབྲུམ་དང་། སྣའམ་རྣ་བར་ཐུག་ཆེན་བྱུང་བ་ལས་ཁྲག་ཏུ་ཟད་པ་དང་། ཤ་དང་པགས་པའི་བར་གྱི་སྐྲན་དང་། ལུས་སྐྲང་བའི་འོར་ནད་ལ་སོགས་པ་འདི་དག་ནི་ཕྱི་རོལ་གྱི་ཡན་ལག་གི་ནད་ཅེས་བྱའོ། །
[400a.6]ཁོང་པའི་ནང་ཁྲོལ་གྱི་ནད་ནི་རྩའི་རྒྱུན་ཆེན་པོ་བཅུ་དང་། མ་ཞུ་བའི་གནས་ཕོ་བ་དང་། ཞུ་བའི་ས་འདི་དག་ལ་ནང་ཁྲོལ་རྣམས་བརྟེན་ཏེ། ནང་ཁྲོལ་གྱི་ནད་དུ་སྐྱུགས་པ་འབྱུང་བ་ཚད་པར་འཁྲུ་བ། ལུད་པ་ལུ་བ། དབུགས་མི་བདེ་བ། དམུ་རྫིང་དང་། རིམས་ལ་སོགས་པ་དང་།
[400a.7]ལུས་སྐྲང་པའི་འོར་དང་། ནང་གི་གཞང་འབྲུམ་དང་། ཁྲག་ཚད་དང་། སྐྲན་དང་། འབྲུམ་བུ་གཅིག་པའི་ནད་དང་། འབྲུམ་ཆེན་དང་འདི་རྣམས་ནི་ནང་གི་ནད་དུ་གཏོགས་སོ། །མགོ་བོ་དང་། སྙིང་དང་། ཆུ་སོ་དང་། གནད་རྣམས་དང་། རུས་པ་རྣམས་ཀྱི་ནད་ནི་ཚིགས་ཀྱི་ནད་
[400b]
[400b.1]ཅེས་བྱའོ། །ཚིགས་དེ་རྣམས་འབྲེལ་པའི་རྩ་དང་། ཆུ་བ་དང་། ཆུ་བ་ཆེན་པོ་ལ་སོགས་པ་འདི་དག་ནི་བར་གྱི་ནད་ཀྱི་ལམ་སྲང་ཞེས་བྱའོ། །བར་གྱི་ནད་ཀྱི་ལམ་སྲང་དེ་ལ་ནད་ནི་ཧ་ཅང་གསོ་དཀའ་བ་དང་། གཞོགས་ཕྱེད་ན་བ་དང་། མཇིང་པ་དང་། ཁ་ཡོན་པོར་
[400b.2]གྱུར་པའི་ནད་དང་། ཀླད་པ་ན་བ་དང་། རྣ་བ་ན་བ་དང་། སྣ་ལ་སོགས་པ་ན་བ་དང་། ཚིགས་ཐམས་ཅད་ན་བ་དང་། རུས་པ་ན་བ་དང་། དཔྱི་ན་བ་དང་། གནོད་ནད་ལ་སོགས་པ་འདི་རྣམས་ནི་བར་ན་གནས་པའི་ནད་ཅེས་བྱའོ། །ལུས་ལ་གནས་པའི་རླུང་གི་ལས་སྣ་ཚོགས་
[400b.3]བསྟན་པ། རླུང་གི་ལས་ནི་བཤང་གཅིའི་དྲི་མ་ཐུར་དུ་འབྱིན་པར་བྱེད་དེ། རླུང་གིས་ནི་ལུས་ལ་ཁྱབ་པར་བྱེད། སྣང་བ་སྙམ་དུ་ལྷང་ལྷང་བྱེད་པ་དང་། རེས་འགའ་རླུང་ཁོང་དུ་ཞི་ན། གཉིད་ལོག་པ་བཞིན་དུབ་པར་བྱེད། ལུས་ཀྱི་དྲོད་ཆུང་། ཡན་ལག་གཟུག་པ་བཞིན་དུ་ན་བ་དང་། སོ་
[400b.4]སོར་བྱེ་བ་སྙམ་དུ་བྱེད་ཅིང་ན་བ་དང་། ལུས་དང་ཡན་ལག་འབྱར་བ་སྙམ་དུ་བྱེད་ཅིང་ན་བ་དང་། ཤ་རུས་ཆག་བསྙམ་དུ་བྱེད་པ་དང་། རྐང་ལག་འཁུམས་པ་དང་། འདུག་ལངས་ཀྱི་བསྐྱོད་པ་དང་། སོ་དང་ཤ་བརྩེ་བ་དང་། ལུས་བརྟས་པར་བྱེད་པ་དང་། ལུས་དང་རྐང་ལག་འདར་བ་དང་།
[400b.5]ལུས་རྩུབ་པ་དང་། ལུས་ཀྱི་སྦུ་གུ་དོད་པ་དང་། ཤ་སྐེམ་པར་བྱེད་པ་དང་། ལུས་ཀྱི་ཤ་འགུལ་བ་དང་། ལུས་བྱ་རྨྱང་བྱེད་པ་དང་། རླུང་ནད་ཀྱིས་བཏབ་སྟེ་ལུས་རེངས་པ་དང་། རླུང་ནད་དུ་ན་ཁའི་ནང་རོ་བསྐ་བར་བྲོའོ། །རླུང་ཆེ་བའི་བཞིན་མདོག་ནི་རྩ་གནག་གམ། ཐབས་འདི་རྣམས་
[400b.6]ལྟ་བུར་གྱུར་པ་ནི་རླུང་ལས་གྱུར་པར་བལྟའོ། །མིའི་ལུས་ལ་མཁྲིས་པའི་ལས་ཀྱི་འགྱུར་བ་བསྟན་པ། །ལུས་ལ་མཁྲིས་པ་རྒྱས་ན་ལུས་ཚ། །མདོག་དམར་པོར་འགྱུར། ལུས་ཀྱི་དྲོད་དང་ཟས་འཇུ་བར་བྱེད། ལུས་རྡུལ། ལུས་ཕྱི་ནང་རུལ་བག་ཏུ་མནམ། ཐོར་བུ་འབྱུང་ཞིང་རྣག་ཁྲག་
[400b.7]ཏུ་འཛག །རྨ་རད་ཅིང་འདྲུལ། བརྒྱལ་ཞིང་མྱོས། །ཁའི་ནང་རོ་ཁ་བ་དང་། སྐྱུར་བར་བྲོ། བཞིན་མདོག་ནི་སེར་སྐྱར་འདུག་ལ་རྩ་དམར་བ་མ་ཡིན་ནོ། །བད་ཀན་གྱི་ལས་ཀྱི་ལུས་འགྱུར་བ་བསྟན་པ། ལུས་ལ་བད་ཀན་ཆེ་བ་ནི་ལས་ཀྱི་ཤ་མདོག་སྣུམ། ཤ་མཁྲང་། ལུས་
[401a]
[401a.1]གཡའ། ཁོང་གྲང་། ལུས་ལྕི། ལུས་ཚིགས་ཐམས་ཅད་མི་འཁྲུལ་བར་དམ་པོར་འབྲེལ་བར་བྱེད། །ལུས་ཐམས་ཅད་ཤ་རྒྱས་པར་བྱེད། །བད་ཀན་ཆེན་སེམས་ནི་རྨོངས་པག་ཏུ་བྱེད། །ལུས་སྐྲངས། །ཟས་མི་འཇུ། གཉིད་རབ་ཏུ་ཆེ། །ལུས་དང་
[401a.2]བཞིན་གྱི་མདོག་ནི་དཀར་རོ། །རོ་ནི་མངར་དང་ལན་ཚྭ་བྲོའོ། །ལས་ཅི་བྱེད་དོ་ཅོག་ལ་འདམ་རིང་ངོ་། །དེ་ལྟར་ནད་དོ་ཅོག་ཐམས་ཅད་ནི་རླུང་དང་མཁྲིས་པ་དང་བད་ཀན་གྱི་རང་བཞིན་ལས་གྱུར་ཅིང་དེས་ནད་ལ་ཁྱབ་པར་བལྟའོ། །ནད་པའི་ནད་བསྟན་པའི་ཐབས་བཤད་པ།
[401a.3]ཅི་ན་བ་བརྟག་པ་ནི། བཞིན་མདོག་དང་། མིག་དང་། ལྕེ་དང་། སེན་མོ་ལ་བལྟ་བ་དང་། རྩ་ལ་ལག་པས་མྱངས་ཏེ་བལྟ་བ་དང་། ནང་པའི་ཐབས་དྲི་བ་དང་། ཇི་ལྟར་ན་བ་དང་། ཇི་ཙམ་ན་ནད་ལྡང་བ་དང་། མིན་བའི་སྔ་རོལ་དུ་ཁ་ཟས་ཅི་ཟོས། །ལས་ཅི་དག་བྱས་པ་ཞིབ་ཏུ་
[401a.4]ལེགས་པར་བརྟགས་ཏེ་ཤེས་པར་བྱས་ལ། རྩིང་པོ་ཡལ་བར་མི་བྱའོ། །དེ་ལྟ་བས་ན་སྨན་པས་ནད་ཀྱི་བྱེ་བྲག་དང་། ནད་ཚབས་ཆེ་ཞིང་དམ་ལ་བབ་པར་ཤེས་ཤིང་མཐོང་ནས་ཕྱི་བཤོལ་མ་བྱེད་ཅིག །ཡོང་ནི་སྨན་སྦྱར་བའི་ཐབས་དང་། གཏང་བ་དང་། གསོ་བའི་ཐབས་འདི་
[401a.5]རྣམས་ཀྱི་ལས་མཐོང་སྟེ་ལོབས་པར་བྱ་བ་དང་། ལག་བསོད་པར་བྱ་བ་དང་། སྨན་པ་ལ་གཏམ་སྙན་པར་གྲགས་པར་བྱ་བ་འདི་རྣམས་ཀུན་ཀྱང་ལན་མང་དུ་གོམས་ན་གདོད་འགྲུབ་པར་འགྱུར་རོ། །དཔེར་ན་ནོར་བུ་རིན་པོ་ཆེ་མཆིང་བུ་ལྟ་བུ་བཟང་ངན་ལྟ་བ་དཔྱད་ཀྱི་ཡི་གེས་ཤེས་པར་མི་
[401a.6]འགྱུར་གྱི། མཐོང་བ་མང་བ་ལས་ལོབས་ཏེ་ཤེས་པ་དང་འདྲའོ། །མིའི་ནད་ཀྱང་མི་ཚུགས་ཏེ། ལ་ལ་ནི་ཚེ་འདི་ཉིད་ཀྱི་ཁ་ཟས་མི་འཕྲོད་པ་ལས་ནད་དུ་གྱུར་བཞིན་དུ་ནད་ལྡང་བར་འགྱུར་རོ། །སྔོན་གྱི་ཉེས་སྡིག་ལས་ནད་དུ་གྱུར་པ་ནི། ནད་ལྡང་བའི་ཁ་ཟས་མི་འཕྲོད་པ་ལྟ་བུ་མ་ཟོས་
[401a.7]བཞིན་དུ་ནད་ལྡང་ངོ་། །ནད་ལྡང་བའི་རྒྱུ་དང་སྔོན་གྱི་སྡིག་གཉིས་ཀ་འདྲེས་པ་ལས་ནད་དུ་འགྱུར་བ་ནི། ནད་དུ་གྱུར་པའི་རྒྱུ་ཆུང་ངུ་ལས་ནད་ཚབས་དཀྱེལ་ཆེན་པོར་འགྱུར་བའོ། །དེ་ལ་ད་ལྟར་གྱི་ཚེ་འདིའི་ཟས་མི་འཕྲོད་པ་ལ་སོགས་པ་ལས་ནད་དུ་གྱུར་པ་ལ་སོགས་པའི་ཐབས་ནི།
[401b]
[401b.1]ནད་དང་མི་མཐུན་པ་ལ་བསྟེན་ན་ཕན་ཏེ། དཔེར་ན་སྣུམ་ནང་ལ་ཁ་ཟས་སྣུམ་བག་དང་དྲོད་བག་ཕན་པ་ལྟ་བུ། མཁྲིས་པའི་ནད་ལ་བསིལ་བ་དང་མངར་བག་ཕན་པ་ལྟ་བུ། བད་ཀན་ལ་ཁ་ཟས་རྩུབ་པ་དང་དྲོད་བག་བསྟེན་ན་ནད་ཞི་བར་འགྱུར་རོ། །ཚེ་སྔ་མའི་ཉེས་སྡིག་གི་ལས་
[401b.2]ལས་བྱུང་བའི་ནད་ནི། །བསོད་ནམས་དང་། དགེ་བ་ཆེར་བྱས་ཏེ་ལས་བྱང་ན་ནད་འཚོའོ། །རླུང་དང་མཁྲིས་པ་དང་བད་ཀན་གྱི་ནད་གཞི་དང་། སྔོན་གྱི་ལས་གཉིས་ཀ་ལས་བྱུང་བའི་ནད་ནི། རླུང་དང་མཁྲིས་པ་ལ་སོགས་པའི་ནད་གཞི་དེ་ཉིད་དང་སྡིག་པའི་ལས་དེ་བྱང་ཞིང་འཚོའོ།
[401b.3]ནད་དོ་ཅོག་ལ་རྣམ་པ་གཉིས་ཏེ། རླུང་ནད་དང་མཁྲིས་པའི་ནད་ལྟ་བུ་རང་གི་གནས་ཉིད་ན་ནད་དུ་གྱུར་པ་དེ་ནི་རང་གི་གནས་ཀྱི་ནད་རང་དབང་ཅན་ཞེས་བྱའོ། །རླུང་ནད་དང་མཁྲིས་པའི་ནད་ལྟ་བུ་རང་རང་གི་ས་མ་ཡིན་པ། ཕ་རོལ་པོ་མཁྲིས་པའམ། བད་ཀན་གྱི་གནས་སུ་རླུང་ནད་
[401b.4]ཞུགས་པར་གྱུར་ན་དེ་ནི་གཞན་གྱི་གནས་སུ་ནད་ཞུགས་ཏེ་གཞན་ལ་རག་ལུས་པའི་ནད་ཅེས་བྱའོ། །རང་གི་གནས་དང་གཞན་གྱི་གནས་དེ་གཉིས་ལ་ཡང་ནད་རྣམ་པ་གཉིས་གཉིས་སུ་ཤེས་པར་བྱའོ། །དེ་ཇི་ལྟར་ཞེ་ན། ནད་གང་ཡང་རུང་བ་ཞིག་གིས་བཏབ་པ་ལས། སྔར་ནད་
[401b.5]གང་གི་ཚུལ་ཡིན་པར་ཤེས་པ་དང་། ནད་དེ་ལས་དཀྱེལ་སྐྱེས་ཏེ། ལན་བོན་གྱི་གནོད་པའི་ནད་ཅི་ཡིན་པར་ཤེས་པར་བྱ་བ་དང་རྣམ་པ་གཉིས་སོ། །ནད་འདི་གཉིས་ནི་རང་གི་གནས་རང་དབང་ཅན་དང་། གཞན་གྱི་གནས་རང་དབང་མེད་པ་གཉིས་ལས། དེ་ལྟར་ནད་ཀྱི་ཚུལ་གཉིས་
[401b.6]སུ་ཤེས་པར་བྱའོ། །དེ་ལ་རླུང་ནད་དང་མཁྲིས་པ་ལྟ་བུ་རང་གི་གནས་ཉིད་ནས་རང་གི་གནས་ཉིད་དུ་ནད་ལངས་པ་རང་དབང་ཞེས་བྱ་བ་དེ་ནི་ནད་ཀྱི་ཚུལ་མངོན་ཏེ་ཤེས་པར་སླ་བ་ཡིན་ནོ། །མཁྲིས་པའམ་བད་ཀན་ལྟ་བུའི་སར་རླུང་ནད་ཞུགས་ཏེ་ལངས་པ་དེ་ནི། གཞན་གྱི་ནད་
[401b.7]ཞུགས་པ་གཞན་དབང་ཞེས་བྱ་སྟེ། དེ་ནི་མཁྲིས་པའམ་བད་ཀན་གང་གི་སར་ནད་ཞུགས་ཀྱང་རུང་སྟེ། དེ་ལ་ནི་མཁྲིས་པའམ་བད་ཀན་ལྟར་གསོ་བའི་ཆོ་ག་བྱས་ན་རླུང་ནད་དེ་སོས་པར་འགྱུར་རོ། །དྲི་མ་བཤང་གཅི་དང་རྡུལ་བ་ལ་ཡང་ནད་རང་གིས་དང་། གཞན་གྱི་གནས་རྣམ་
[402a]
[402a.1]པ་གཉིས་སུ་ཤེས་པར་བྱའོ། །རླུང་ནད་དམ་མཁྲིས་པའི་ནད་གང་ཡང་རུང་བ་རྒྱུན་དུ་ན་བ་ལས། ཁ་ཟས་མི་འཕྲོད་པ་ཟོས་སམ། ཟས་མ་ཞུའམ། སྲོག་ཟུངས་བདུན་པོ་ཉམས་ཏེ་ནད་དུ་འགྱུར་བ་ནི་ནད་གླང་ཐབས་ཞེས་བྱའོ། །འདི་ལྟ་བུར་ནད་གླང་ཐབས་
[402a.2]སུ་གྱུར་པ་ལ་སྨན་པ་མིག་མི་གཡེང་བར་ནན་ཏན་ཆེར་གྱིས་ཤིག །དེ་ལ་དང་པོ་ནད་ཀྱིས་བཏབ་ནས་ནད་ཀྱི་ཚུལ་ཅི་ཡིན་པར་ཤེས་པ་དང་། དང་པོར་དེ་ཉིད་གསོས་ན་ནད་དེ་ལས་གྱུར་པའི་ལན་བོན་གྱི་ནད་གྱུར་པའི་ནད་དང་གཉི་ག་འཚོ་བར་འགྱུར་རོ། །གལ་ཏེ་ནད་དཔྱད་དེ་དེ་ལྟར་བྱས་
[402a.3]ཏེ་མ་བཏུབ་ན། ལན་བོན་གྱི་ནད་གྱུར་པའི་ནད་ཚབས་ཆེ་སྟེ། ལུས་ལ་གནོད་པའི་ནད་ངན་པ་དེ་གསོས་ལ། ཐག་གི་ནས་ནད་སྔ་མ་ནི་ཕྱིས་གསོས་ཤིག །ལན་གྱི་ལན་བོན་དང་གླང་ཐབས་སུ་ན་བ་དེ་ལྟ་བུའི་ནད་ཀྱི་མིང་ངེས་པ་མེད་དེ། ནད་དེ་ལྟ་བུའི་མིང་སྨན་པས་མི་ཤེས་ཞེས་
[402a.4]ངོ་ཚ་ནམས་ཀྱང་མ་བྱེད་པར་ནད་ཀྱི་ཚུལ་དང་སྦྱོར་ཏེ་དཔྱད་གྱིས་ཤིག །རླུང་ནད་མཁྲིས་པ་དང་བད་ཀན་གྱི་ནད་གང་ཡང་རུང་བ་ནད་ལངས་པའི་ནད་ཚབས་ཀྱི་དམིགས་དང་། ནད་དེ་རླུང་ངམ་མཁྲིས་པའི་གནས་གཞན་ལྟ་བུར་འཕོས་པ་ལས། ནད་དེ་སྔར་དང་མི་འདྲ་བར་མང་པོར་འགྱུར་རོ། །
[402a.5]དེ་ལྟ་བས་ན་ནད་བླ་བརྣན་དུ་གྱུར་པ་དེ་ལ་ནད་ཉིད་རླུང་ངམ་མཁྲིས་པའམ་བད་ཀན་གྱི་རང་བཞིན་གང་ཡིན་པ་དང་ཡང་སྦྱར། ནད་དེ་ཡང་ནད་རང་གི་གནས་ན་འདུག་གམ། །ནད་དེ་གནས་གཞན་དུ་འཕོས་སམ། །ནད་དེ་གཞི་ཅི་ལས་ནད་དུ་གྱུར་པའི་བྱེ་བྲག་སྨན་པས་ཤེས་པར་གྱིས་ལ་སྨན་
[402a.6]དཔྱད་མྱུར་དུ་གྱིས་ཤིག །ནད་གསོ་བ་དེ་ཡང་སྲོག་ཟུངས་བདུན་པོ་ཅི་འདྲ་བ་དང་། ཡུལ་གྱི་གནས་སྐབས་དང་། ནད་པའི་ཉམས་སྟོབས་དང་། དབྱར་དགུན་ཅི་འདྲ་བའི་དུས་དང་སྦྱར་བ་དང་། ནད་པའི་ཁོང་ན་མེའི་དྲོད་ཆེ་ཆུང་དང་། ནད་པ་རླུང་ངམ་མཁྲིས་པའི་རང་བཞིན་ཅི་ཡིན་པ་དང་། ནད་པའི་ན་ཚོད་དང་།
[402a.7]ནད་པའི་སྙིང་སྟོབས་ཆེ་ཆུང་དང་། གོམས་པ་རབ་འབྲིང་ཐ་མའི་དབྱེ་བ་དང་། ནད་པའི་ལུས་ཐོགས་ཁ་ཟས་གང་གིས་བསྐྱེད་བསྐྱེད་པ་དང་། ད་ལྟར་ཁ་ཟས་གང་ཅི་དང་ཅི་འཕྲོད་པ་དང་། ཚབས་ཆེ་ཆུང་དང་། ཚུལ་འདི་ལྟ་བུའི་བྱེ་བྲག་ཐ་དད་པ་ཕྲ་ཞིང་ཆུང་ངུ་ཡན་ཆད་ཞིབ་ཏུ་བརྟགས་ལ། ནད་དང་།
[402b]
[402b.1]སྨན་གྱི་ཚུལ་དུ་སྦྱར་ཞིང་ནད་པ་གསོ་བར་བྱེད་པ་དེ་ལྟ་བུ་ནི་སྨན་དཔྱད་རྣམས་ཀྱང་འཁྲུལ་པ་མེད་པ་ཞེས་བྱའོ། །ནད་པའི་ནད་དཀྱེལ་ཆེ་འམ། ཚབས་ཆུང་ངམ། སྐྲན་དང་འབྲུམ་བུ་ལ་སོགས་པ་ལྟ་བུ་ནད་ཀྱི་དབྱིབས་སྣ་ཚོགས་ཀྱི་ཚུལ་ཅི་འདྲ་བ་དང་། ནད་པའི་ཕོག་སྙ་ཆེ་ཆུང་དང་།
[402b.2]ལུས་ཆེ་ཆུང་དང་། ནད་པའི་ཉམས་ཆེ་ཆུང་གི་ཚུལ་ཡང་ཤེས་པར་བྱས་ལ། ནད་ཀྱང་རྣམ་པ་གཞན་དང་གཞན་དུ་གྱུར་པར་སྣང་ཡང་། དེའི་ཚེ་སྨན་པ་མ་ཡེངས་པར་ལེགས་པར་རྟོགས་ཤིག །སྨན་པས་ནད་པ་ལྕི་ཡང་གི་དྲོད་ཚོད་ཟིན་ནས་གསོ་བའི་དཔྱད་སྨྲོས་ཤིག །གལ་ཏེ་ཡང་
[402b.3]ནད་དམིགས་ཆུང་སྙམ་དུ་བསམས་ཏེ། ཁ་ཟས་མི་འཕྲོད་པ་ཟར་བཅུག་གམ། ཁ་ཟས་ཀྱི་ཆོ་ག་ཚོད་མ་ཟིན་ན་ནད་ཚབས་ཆེར་འགྱུར་རོ། །ནད་དཀྱེལ་ཆེ་བ་ཞིག་ལ། བཀྲུ་སྨན་ཉུང་ངམ། བཀྲུ་སྨན་གྱི་སྟོབས་ཆུང་ན། །དེ་ནི་སྨན་ཐུན་ཆུང་ངུར་སྦྱོར་བ་ཞེས་བྱ་སྟེ། དེས་ནད་སློངས་ལ་
[402b.4]འཁྱིལ་ཏེ་ནད་མི་ཕྱིན་མི་འབྱུང་ངོ་། །བཀྲུ་སྨན་གྱི་ཐུན་ཡང་ཆེ། །སྨན་རྣོ་སྟེ་མཐུ་དང་ཡང་དག་ལྡན་པར་བཏང་ན་དེ་ནི་སྨན་ཐུན་ཆེར་སྦྱོར་བ་ཞེས་བྱ་སྟེ། དེས་ནི་ནད་ཕྱིན་ཅིང་འཁྲུ་བར་བྱེད་དོ། །ཡང་བཀྲུ་སྨན་ཧ་ཅང་རྣོ་ལ་དྲག་པོ་ཐུན་ཆེ་ཆེས་པར་བཏང་ན་དེ་ནི་ལོག་པར་སྦྱོར་བ་ཞེས་བྱ་སྟེ།
[402b.5]བཤང་གཅིའི་དྲི་མ་ཐུར་དུ་འཁྲུས་པར་མ་ཟད་ཀྱི་ལུས་ཀྱང་མ་རུང་བར་འགྱུར་རོ། །དེའི་ཕྱིར་སྨན་པས་ནད་གསོ་བ་ནི་རྟག་ཏུ་བརྩོན་འགྲུས་བསྐྱེད་དེ། ནད་པའི་ནད་དང་། ནད་པའི་ཉམས་དྲོད་ཀྱི་ཚུལ་ཅི་འདྲ་བ་ལེགས་པར་རབ་ཏུ་བརྟགས་ཏེ་ཤེས་པར་བྱས་ལ། ནད་འབྱང་ཞིང་འཚོ་བའི་
[402b.6]ཚུལ་དུ་འཚོ་བའི་དཔྱད་རྟག་ཏུ་གྱིས་ཤིག །ལུས་ལ་བད་ཀན་དང་། མཁྲིས་པ་དང་། རླུང་གང་དང་གང་ན་གནས་པ་དང་། རླུང་དང་བད་ཀན་དང་། མཁྲིས་པ་ལ་སོ་སོའི་ནད་དམིགས་ཅིར་གྱུར་པ་བསྟན་པའི་ལེའུ་བཅུ་གཉིས་པ་རྫོགས་སོ།། །།རླུང་ནད་དང་མཁྲིས་པའི་
[402b.7]ནད་དང་བད་ཀན་གྱི་ནད་གསོ་ཐབས་བསྟན་པའི་ལེའུ་བཅུ་གསུམ་པ་བཤད་པར་བྱའོ། །དེ་ལ་རླུང་ནད་དུ་གྱུར་པ་ལ་གསོ་བའི་ཐབས་ནི། མར་དང་། རྐང་དང་། ཚིལ་དང་། ཏིལ་མར་དང་བཞི་པོ་འདི་དག་ནི་སྣུམ་ཞེས་བྱའོ། །འདི་དག་དང་ཡང་རླུང་འབྱིན་པ་ལུམས་དང་། དུགས་
[403a]
[403a.1]དང་། གཏང་བའི་དུགས་དང་། བཀྲུ་སྨན་འཇམ་པོས་བཀྲུ་བ་དང་། ལུས་མཉེ་བ་དང་། ལག་པས་རྐང་ལག་དང་ལུས་ལ་གཅུ་ཞིང་སྐོར་བ་དང་། ཟས་མངར་བག་དང་། སྐྱུར་བག་དང་། ལན་ཚྭ་དང་། དྲོད་བག་གི་ཁ་ཟས་དེ་ལྟ་བུར་སྦྱར་ཏེ་སྦྱིན་པ་དང་། ཐབས་
[403a.2]གཞན་ཡང་དངས་པར་བྱ་བ་དང་། སྨན་ཨེ་རཎྜ་དང་། ཉེའུ་ཤིང་དང་། གཟེ་མ་ལ་སོགས་པ་བསྐོལ་བའི་ཆུས་ལུས་བཀྲུ་ཞིང་ཆུ་དྲོན་གྱི་ནང་དུ་གཞུག་པ་དང་། ཁ་ཟས་སྣུམ་བག་བསོད་པ་ཟོས་པའི་འཚལ་ནན་ནི་འབྲས་ཆང་དང་། བུ་རམ་ཆང་དང་། གྲོ་ཆང་བཟང་ངོ་། །རླུང་ནད་ལ་
[403a.3]ཕན་པའི་སྨན་མས་གཏོང་བ་སྣུམ་བག་དྲོན་པོར་སྦྱར་ལ་བདེ་ཞིང་ཕན་པར་བྱ་བའི་ཕྱིར་རྟག་ཏུ་གཏང་ངོ་། །ཁ་ཟས་ཀྱི་ཆོ་ག་ནི་ཤ་ཚོན་པོ་དང་། དྲོད་ཆེ་ཞིང་འཇུ་བའི་སྤོད་སྨན་དང་། སྣུམ་བག་སྣ་དུ་མར་སྦྱར་ཏེ་ཆོས་པར་གདུས་པའི་ཁུ་བའི་བཅུད་དེ་ལྟ་བུ་བཟའོ། །རླུང་ནད་ལ་ནི་ཏིལ་མར་དང་
[403a.4]སྦྱར་ཏེ་སྨན་བཅོས་པ་མས་བཏང་ན་མཆོག་ཏུ་ཕན་ནོ། །མཁྲིས་པའི་ནད་ལ་ནི་བཀྲུ་སྨན་མངར་ཞིང་བསིལ་བས་བཀྲུའོ། །ཁ་ཟས་ནི་མངར་ཞིང་ཁ་བ་དང་། བསྐ་བའི་ཁ་ཟས་སྨན་དེ་ལྟ་བུ་བཟའོ། །སྐོམ་ནི་འོ་མ་དང་མར་ཁུ་སྦྱར་བ་དང་། ཁ་རའི་ཆུ་སྐོམ་དུ་བཟང་ངོ་། །ག་པུར་དང་། ཙན་
[403a.5]དན་དང་། ལི་ཤི་ལ་སོགས་པ་ལ་བསིལ་ཞིང་དྲི་ཞིམ་པའི་སྤོས་བཟང་པོ་དང་། མེ་ཏོག་དེ་ལྟ་བུ་བསྣམ་ཞིང་ལུས་ལ་བྱུག་པ་དང་གདགས་པར་བྱའོ། །མགུལ་དོ་དོ་ཤལ་དང་། སེ་མོ་དོ་དང་། ནོར་བུ་རྣམས་མགུལ་དང་བྲང་ལ་བཅང་ཞིང་གདགས་སོ། །ཉིན་པར་ནི་རྟག་ཏུ་ག་པུར་དང་། ཙན་
[403a.6]དན་དང་། སྨན་ཨུ་ཤིར་དང་། འདི་རྣམས་ཞིབ་ཏུ་བཏགས་པའི་འདེ་གུས་སྐད་ཅིག་ཅིང་ལུས་ལ་རྒྱུན་ཏུ་བསྐུའོ། །མཚན་མོ་ནི་སྔ་གང་ཞལ་ཞལ་དཀར་པོར་བྱས་ལ། །བསིལ་བའི་ནང་དུ་ཟླ་བའི་ཉི་ངོ་ལ་འདུག་ལ། དྲུང་དུ་གླུ་སྙན་པ་ཡིད་དུ་འོང་བ་ལེན་དུ་བཅུག་ལ། སེར་བུ་
[403a.7]བསིལ་བའི་ངད་ལྡང་བ་ལུས་ལ་བབ་པར་བྱ་ཞིང་། གྲོགས་པོ་བདེ་བ་བག་ཕེབས་པ་དང་། ཉམས་རངས་སུ་འདུག་ཅིང་བུ་ལ་གཞོན་སྐད་ཀྱིས་ཚིག་ཉམས་རངས་སུ་སྨྲའོ། །བདག་གི་ཆུང་མ་ཡིད་དུ་འོང་ཞིང་ཡོན་ཏན་གྱིས་བརྒྱན་པ། ཁྱོའི་ཡིད་བཞིན་དུ་བྱེད་པ་དེ་ལྟ་བུས་
[403b]
[403b.1]རིམ་གྲོ་བྱ་ཞིང་། ཉིན་པར་ཚ་བའི་ཚེ་ཁང་པ་བསིལ་བ་ཁང་པ་ཉིས་རིམ་གྱི་ནང་ན་འདུག་ཅིང་། ཆུ་གྲང་མོ་བསིལ་བ་རྒྱུན་འབབ་དུ་བླུགས་པ་དང་། སྐྱེད་མོས་ཚལ་གྱི་ནང་ན་རྫིང་བུ་བཟང་པོ་རྒྱ་ཆེ་བ། ཆུ་བསིལ་བ་སྟེགས་ལེགས་པར་བཅས་པ་དང་། བྱེ་མའི་བསིལ་བ་ཡོད་པའི་དྲུང་དུ་འདུག་ཅིང་།
[403b.2]ཆུ་འགྲམ་ན་པདྨོ་བཟང་པོ་འཁྲུངས་པའི་དྲུང་ན་རྒྱ་སབ་ཀྱི་བསིལ་ཁང་ཕུབ་པ། མེ་ཏོག་དང་འབྲས་བུ་ཡོད་པའི་ཤིང་གི་ཡལ་ག་མང་པོ་ཐིབ་པོར་ཆགས་པའི་གནས་བསིལ་བ་དེ་ལྟ་བུ་ན་འདུག་ཅིང་། ཁ་ཟས་བསིལ་བ་འོ་མ་དང་མར་དག་བཟའོ། །ཡོང་ནི་ཚ་བའི་ནད་ལ་མཆོག་ཏུ་
[403b.3]བཀྲུ་སྨན་བསིལ་བས་སྦྲུས་པ་བཟའོ། །བད་ཀན་རྒྱས་པའི་ནད་ལ་ནི་སྐྱུག་སྨན་དང་བཀྲུ་སྨན་རྣོན་པོས་སྒྱུག་ཅིང་བཀྲུའོ། །ཁ་ཟས་ནི་རྩུབ་པ་ཆུང་བ། །རྣོ་བ་དྲོད་ཆེ་བ། །ཚ་བ་དང་། བསྐ་བ་དེ་ལྟ་བུའི་ཟས་དང་སྨན་སྦྱིན་ནོ། །འཚལ་ནན་ནི་ཡུན་རིང་པོར་གཞག་གཞག་པ་བཏུང་།
[403b.4]མཚན་མོ་གཉིད་ཀྱིས་མི་ལོག་པ་དང་། བུད་མེད་དང་ཉེ་བར་བྱ། ལུས་བཅག་ཅིང་སྦྱང་བ་དང་། བསིལ་བ་རྣམ་པ་སྣ་ཚོགས་བྱ། ལུས་ལ་རྩུབ་པོས་མཉེ། སེམས་ལས་བསྐྱེད། བད་ཀན་རྒྱས་པ་ལ་ནི་མཆོག་ཏུ་སྐྱུག་སྨན་ཕན་ནོ། །ཆུ་ཚན་བསྐོལ་བ་ཚན་པོ་འཐུངས་ན་
[403b.5]བད་ཀན་འབྲི། སྦྲང་རྩི་དང་སྨན་རྩུབ་པོར་སྦྱར་ཏེ་ཟོས་ན་བད་ཀན་དང་ཚིལ་ཟད་པར་འགྱུར་རོ། །ཟས་སྨྱུང་བར་བྱ་བ་དང་། དུད་པས་བདུག་པ་དང་། སྨན་བཙོས་པའི་ཁུ་བ་ཁར་གཞག་ཅིང་བོ་བ་དང་། ཐབས་འདི་ལྟ་བུ་བྱས་ན་བད་ཀན་གྱི་ནད་ཕྱིན་ཏེ་བདེ་བར་འགྱུར། རླུང་
[403b.6]ནད་དང་། མཁྲིས་པའི་ནད་དང་། བད་ཀན་གྱི་ནད་བསལ་ཞིང་གསོ་བའི་ཐབས་ནི་དེ་ལྟར་བསྟན་པ་ཡིན་ནོ། །ཡང་རླུང་ནད་དང་། བད་ཀན་གྱི་ནད་དུ་འདོམ་མམ། མཁྲིས་པ་དང་རླུང་ནད་དུ་འདོམ་མམ། རླུང་ནད་བད་ཀན་དུ་འདོམ་ཡང་རུང་། ནད་འདི་སྣ་གཉིས་
[403b.7]སུ་འདྲེས་པ་འདི་ལྟ་བུ་དང་། རླུང་དང་མཁྲིས་པ་དང་བད་ཀན་གསུམ་ཆར་གྱི་ནད་འདྲེས་པར་གྱུར་བ་དེ་ལྟ་བུ་ལ་འདྲེས་པའི་ནད་དང་། འདུས་པའི་ནད་སོ་སོར་ཚུལ་བཞིན་དུ་བརྟག་ཅིང་དཔྱད་དོ། །དཔྱིད་དང་སོས་ཀ་དང་སྟོན་གྱི་ཆོ་བད་ཀན་དང་མཁྲིས་པ་ལ་སོགས་པའི་ནད་
[404a]
[404a.1]ལངས་ན། གསོ་བའི་དཔྱད་བྱ་བ་དཔྱིད་ཀྱི་དུས་ན་བད་ཀན་གྱི་ནད་ལངས་པའི་ཚེ། བད་ཀན་གྱི་ནད་ཟླ་ལ་རླུང་ནད་ཀྱང་གཡོས་ཏེ། དེ་གཉིས་ལྷན་ཅིག་ཏུ་འབྱུང་བ་ཡིན་མོད་ཀྱི། དཔྱིད་བད་ཀན་གྱི་ནད་གསོས་ན་རླུང་ནད་ཀྱང་དའི་ཟླ་ལ་ཞི་བར་འགྱུར་རོ། །
[404a.2]སོས་ཀའི་ཚེ་ཚ་ཆེས་ཏེ་ཕལ་ཆེར་མཁྲིས་པའི་ནད་མང་དུ་ལྡང་སྟེ། དེའི་ཟླ་ལ་རླུང་ནད་ཀྱང་འབྱུང་མོད་ཀྱི་མཁྲིས་པའི་ནད་གསོས་ན་རླུང་ནད་ཀྱང་ཞི་བར་འགྱུར་རོ། །སྟོན་ཀ་མཁྲིས་པའི་ནད་ལྡང་བའི་དུས་ལ་བབ་སྟེ། དེའི་ཟླ་ལ་རླུང་ནད་ཀྱང་ལངས་ཏེ། གཉིས་ཀ་ལྷན་ཅིག་ཏུ་འདོམ་
[404a.3]མོད་ཀྱི། མཁྲིས་པའི་ནད་གསོས་ན། རླུང་ནད་ཀྱང་ཞར་ལ་ཞི་བར་འགྱུར་རོ། །ཡོང་ནི་རླུང་དང་མཁྲིས་པ་དང་བད་ཀན་གསུམ་གྱི་ནད་དང་པོ་ནད་དཀྱེལ་དུ་སྩོགས་པ་ཉིད་ཀྱི་ཚེ་ན། བསྩལ་ཏེ་ནད་ཞི་བར་བྱས་ན་བཟང་ངོ་། །གལ་ཏེ་སྔར་དེ་ལྟར་ནད་སེལ་མ་ནུས་ཡང་། རླུང་
[404a.4]དང་བད་ཀན་དང་མཁྲིས་པའི་ནད་གང་ཡང་རུང་བ་ལངས་ཤིང་གཡོས་པའི་ཚེ། ནད་ནང་མ་འདོམ་ན་སོ་སོའི་ཐབས་བཞིན་དུ་གསོས་ཤིག །གལ་ཏེ་རླུང་ནད་དང་མཁྲིས་པའི་ནད་དང་བད་ཀན་གྱི་ནད་ཐམས་ཅད་ཅིག་ཅར་འདོམ་ཞིང་ན་སྟ་མི་བདེ་ན། རླུང་ནད་དང་མཁྲིས་པའི་
[404a.5]ནད་གང་ཚབས་ཆེ་བ་དེ་ལྟར་གསོ་ཞིང་། ནད་ཚབས་མི་ཆེ་བ་ལྷག་མ་གཞན་ལ་ཡང་མི་ལྡང་བ་དེ་ལྟ་བུའི་ཐབས་སུ་གསོའོ། །ནད་བསལ་ཞིང་གསོ་བའི་ཐབས་ནི་ནད་དམིགས་གང་མི་བདེ་བ་ཡང་གསོས་ཤིང་ཞི་བར་བྱེད་ལ། ནད་གཞན་ཡང་མི་ལྡང་བར་བྱའོ། །ཡང་ལ་ལ་ནད་ལངས་
[404a.6]པ་ནི་དུབ་ཅིང་གསོས་པར་མི་ནུས་ལ། ནད་གསར་ལྡང་ཐབས་སུ་སློང་བར་བྱེད་པ་དེ་ལྟ་བུ་ནི་དཔྱད་ངན་པ་མི་མཁས་པ་ཞེས་བྱའོ། །དཔྱད་མཁས་པ་ནི་ནད་གང་མི་བདེ་བ་དེ་ཡང་གསོས་པར་བྱེད་ལ། ནད་གཞན་ལྡང་བའི་ཉེན་དུ་མི་འགྱུར་བར་ནུས་པ་དེ་ནི་མཁས་པ་ཞེས་བྱའོ། །རླུང་
[404a.7]ནད་ལ་གསོས་པར་འགྱུར་བའི་ཚུལ་ནི་ལས་དྲག་ཤུལ་ལྟ་བུ་བྱས་པ་དང་། ཟས་དྲོད་ཆེ་བ་ལྟ་བུའི་བག་ཟོས་པ་དང་། ཚ་བའི་བག་ཟོས་པ་དང་། གནོད་པར་འགྱུར་བ་རྣམས་བྱས་པ། ནད་ལུས་ཀྱི་ཁོང་ན་ཡོད་པ་རྣམས་དཀྱེལ་སྐྱེས་ནས། ལུས་ཀྱི་ཡན་ལག་དང་། རུས་པ་
[404b]
[404b.1]དང་། གནས་ལ་སོགས་པ་ཀུན་གྱི་ནད་དུ་རླུང་ནད་ལ་སོགས་པ་འགྲོ་ཞིང་འཇུག་པར་འགྱུར་རོ། །དེ་ལྟ་བུའི་རླུང་ནད་ལ་སོགས་ཞུགས་པར་གྱུར་ནས། ནད་དཀྱེལ་སྐྱེས་པ་ཡང་སྐྱུག་སྨན་དང་བཀྲུ་སྨན་ལ་སོགས་པས་རྩ་སྒོ་ཐམས་ཅད་ནས་ནད་བཀྲུ་སྟེ། བསལ་ན་ནད་དཀྱེལ་སྐྱེས་
[404b.2]པ་དེ་བཀྲུས་ཤིང་གཟགས་པ་དང་། སྦྱངས་ཤིང་བསལ་དུ་རུང་བར་སྨིན་པར་བྱས་པ་དང་། འདི་རྣམས་ཀྱིས་ནད་རྩེ་གཞི་ལ་ཞིང་ནད་ཁོང་དུ་བསྡུ་བར་བྱའོ། །རླུང་རྩེ་བཅིལ་ཏེ་ཁོང་ན་གནས་པ་དེ་ཡང་རང་གཏན་ནས་མ་ཕྱིན་ཅིང་འདུག་ན། ནད་དེ་ལྡང་བར་འདུག་པའི་རྒྱུ་ཁ་ཟས་མི།
[404b.3]འཕྲོད་པ་དང་། ནམ་མ་འཕྲད་ཀྱི་བར་དུ་ཁོང་ན་སྣོད་ཅིང་ཐོགས་ཏེ། རླུང་ནད་ལ་སོགས་པ་སློང་བའི་གཞི་ཁ་ཟས་མི་འཕྲོད་པ་དང་། དཔྱིད་དང་། དབྱར་སྟོན་དང་། དགུན་ནད་ལ་སོགས་པ་ནད་སོ་སོའི་ལྡང་བའི་དུས་ཀྱི་སྟོབས་དང་ལྡན་པར་གྱུར་ན་ཡང་ནད་ལང་ངོ་། །ཡང་ན་སོ་སོའི་ནད་
[404b.4]ལྡང་བའི་དུས་སུ་ཟས་མི་འཕྲོད་པ་ཆེར་ཟོས་སམ། །དེ་བསྟེན་པའི་རྐྱེན་གྱིས་དུས་ཀྱི་ནད་མ་ཡིན་པ་མཁྲིས་པ་དང་བད་ཀན་གཞན་ལ་སོགས་པ་ཡང་ལྡང་ངོ་། །གཞན་ཡང་ནད་ལྡང་བའི་རླུང་ངམ་མཁྲིས་པ་ལྟ་བུའི་ལན་བོན་གྱིས་བད་ཀན་གྱི་ནད་ལྟ་བུ་ཡང་གཅིག་ལ་གཅིག་བརྟེན་ནས་ལྡང་
[404b.5]ངོ་། །དེ་ལ་ཡང་བད་ཀན་གྱི་སར་རླུང་ནད་ཞུགས་སམ། མཁྲིས་པའི་སར་རླུང་ནད་ཞུགས་སམ། རླུང་གི་སར་མཁྲིས་པའམ། །བད་ཀན་ཞུགས་ཀྱང་རུང་སྟེ། ནད་གླང་ཐབས་སུ་ཞུགས་པ་ནི་མཐུ་ཆེ། སྔ་ན་གནས་པའི་སྙིང་ནི་སྟོབས་ཆུང་ཞིང་ཞན་པར་འགྱུར་ཏེ་མི་བདེ་ན།
[404b.6]དེ་ལ་གསོ་བའི་དཔྱད་ནི་སྔ་ན་གནས་པ་གང་ཡང་རུང་བ་དེ་མཐུ་བསྐྱེད་ཅིང་གསོས་ན། གླང་ཐབས་སུ་ཞུགས་པ་ཞར་ལ་ཕྱིན་ཅིང་འབྱང་ངོ་། །ཡང་ན་ནད་གཞན་གྱི་སར་ནད་གླང་ཐབས་སུ་ཞུགས་པ་དེ་ཉིད་སྨན་དཔྱད་ཆོ་གའི་སྟོབས་ཀྱིས་ནད་བསལ་ཏེ་ཞི་བར་བྱས་ན། བད་ཀན་
[404b.7]ནམ་མཁྲིས་པ་རང་གིས་ན་གནས་པ་དེ་ནི་གསོ་མི་དགོས་པར་རང་འཚོའོ། །རྩིབ་ལོགས་སམ། གློ་གཡས་གཡོན་ནམ། རྐང་ལག་གཡས་གཡོན་དུ་ནད་ཞུགས་པར་གྱུར་ན་དཀྱེལ་ཆེ་སྟེ། ནད་པ་ཡུན་རིངས་སུ་ཉོན་མོངས་པར་འགྱུར་རོ། །དེ་གསོ་བའི་ཆོ་ག་ཡང་འཕྲལ་དུ་
[405a]
[405a.1]རིངས་ཐབས་སུ་བྱས་ན། ལུས་དང་། ཁོང་པ་ནང་གི་མེའི་དྲོད་དང་ཉམས་མཐུ་ལ་གནོད་པར་འགྱུར་གྱིས། རིངས་ཐབས་སུ་ནི་མི་བྱའི། དེ་ནི་སྨན་དང་དཔྱད་ཀྱིས་རྩིབ་ལོགས་གཡས་གཡོན་དང་། ཡན་ལག་གཡས་ཀྱི་ནད་དེ་ལུས་ཀྱི་ཁོང་དུ་བསྡུ་ཞིང་
[405a.2]བརླན་ཏེ་བདེ་བར་ཞི་བར་བྱ་ཞིང་གསོའོ། །དེ་ལྟར་ན་ནད་ཀུན་ཁོང་དུ་འདུས་པ་ཤེས་ནས། ནད་གང་དུ་ཉེ་བར་འོངས་པ་བཞིན་དུ་གྱེན་དུ་སློན་པ་དང་། ཐུར་དུ་བཀྲུ་བ་དང་། སྨན་མས་གཏོང་བས་ནད་བསལ་བདེ་ལྟ་བུས་ནད་འབྱང་ངོ་། །ནད་པ་ཞིག་ན་ནི། རླུང་ངམ་མཁྲིས་
[405a.3]པའམ། བད་ཀན་གྱི་ནད་གང་ཡང་རུང་སྟེ། ནད་རྩེ་མ་གཞིལ་ན། ནད་ཚབས་ཆེ་སྟེ། ནད་མ་སྨིན་པའི་རྟགས་ནི། བུ་ག་དགུ་ནས་འབྱུང་བ་རྣམས་འགག །ཉམས་སྟོབས་ཆུང་ཞིང་ཉམས་ལུས་ལྕི། ལྟོ་བའི་ནང་ན་རླུང་འཁྲུལ་ཞིང་འུ་རུ་རུ་ཟེར། ཁོང་སྙོམ། ཁ་ཟས་
[405a.4]མི་འཇུ། བད་ཀན་དང་མཆིལ་མ་མང་། བཤང་གཅི་སྲི་ཞིང་འགག །ཁ་ཟས་ཡི་གར་མི་འོང་། ཁོང་རྨྱ་སྟེ། འདི་ནི་ནད་དོ་ཅོག་གང་གིས་བཏབ་ཀྱང་རུང་སྟེ། རྩེ་མ་གཞི་ལ་ན། མ་ཐུབ་པའི་རྟགས་ཡིན་ནོ། །ནད་ཐབས་འདི་ལྟ་བུ་ལས་བཟློག་ན་ནད་རྩེ་ཞིལ་ཏེ་སྨིན་པ་
[405a.5]ཡིན་ནོ། །དེ་ཡང་ཇི་ལྟ་ཞེ་ན། ཁོང་པའི་དྲོད་ཆུང་། ཉམས་སྟོབས་ཆུང་། ཁམས་བདུན་པོ་ལ་དང་པོའི་ཁམས་བཅུད་ཅེས་བྱ་བ་ཁོང་དུ་མི་འཇུ། ནང་ཁོང་དུ་དྲོད་ཀྱིས་ཕོ་བའི་ནད་དུ་ཞུགས་ཏེ། དེ་ན་བཅུད་དངས་མ་ཡང་མ་ཞུ་བར་འདུག་པས་ན། དེའི་ཚེ་དེ་ལྟ་བུ་ནི་ནད་རྩེ་ཞིལ་
[405a.6]ཏེ་སྨིན་པའི་རྟགས་ཡིན་ནོ། །ནད་ཚབས་པོ་ཆེ་ཞིག་གིས་བཏབ་པའི་སྟེང་དུ་ནད་གླང་ཐབས་གཞན་ཞིག་ཀྱང་བཏབ་སྟེ། རྣམ་པ་གཉིས་སུ་འདོམ་སྟེ་ན་བ་ནི་དཔེར་ཀོ་དྲ་བ་ཞེས་བྱ་བ་ཅི་ཚེ་ལས་དུག་ཏུ་གྱུར་པ་དང་འདྲ་སྟེ། ནད་ཚབས་ཆེན་པོར་གྱུར་པ་ཞེས་བྱའོ། །དེ་ལྟ་བུར་
[405a.7]ནད་ཚབས་ཆེན་པོ་དང་འདྲེས་ཤིང་འདོམ་པའི་ནད་ཀྱིས་བཏབ་སྟེ། རླུང་དང་བད་ཀན་དང་མཁྲིས་པ་འདྲེས་པར་གྱུར་ན། ཁམས་བདུན་ལ་ཡང་གནོད་པའི་ནད་དུ་འགྱུར་ཏེ། དེ་ལྟ་བུ་ནི་ནད་སྨིན་པ་བསྔོ་ཞིང་ཚབས་ཆེ་བ་ཞེས་བྱའོ། །དེ་ལྟ་བུའི་ནད་ལས་ནད་གཞན་ཡང་
[405b]
[405b.1]གསར་དུ་འབྱུང་སྟེ། ལུས་ཐོག་ཐག་ཏུ་ནད་ཞུགས་ཏེ་ན་ན། རྩེ་མ་ཞིལ་བར་དུ་བཀྲུ་སྨན་དང་། སྐྱུག་སྨན་ལྟ་བུ་མི་བཏང་ངོ་། །ཇི་ལྟ་ཞེ་ན། ནད་ནང་དུ་ཞུགས་ཏེ་ཕྱིར་མ་ཕྱུང་བ་ནི། དཔེ་ཤིང་ཐོག་མ་སྨིན་པ་ལས་ཁུ་བ་མི་འབྱུང་བ་དང་འདྲ་སྟེ། དེ་ལྟ་བུ་ལ་སྨན་བཏང་ན་
[405b.2]ལུས་མ་རུང་བར་འགྱུར་ལ། ནད་ཀྱང་མི་ཕྱིན་ནོ། །དེ་ལྟ་བས་ན་ནད་བསལ་དུ་རུང་བར་སྨིན་ཏེ། རྩེ་ཞིལ་བར་བྱ་བ་དང་། དྲོད་ཆེ་བའི་བྲས་ཀྱིས་དྲོད་བསྐྱེད་པ་དང་། རླུང་ནད་ལ་སྣུམ་བག་གིས་བརྟ་བ་དང་། དུགས་དང་ལུམས་པ་ལ་སོགས་པས་རྩེ་བཅིལ་ཏེ་ནད་བསལ་དུ་རུང་
[405b.3]བར་བྱའོ། །ནད་བསལ་དུ་རུང་བར་གྱུར་ནས་ནད་དམིགས་དང་སྦྱར་ལ་ནད་གང་དུ་ཉེ་བར་གྱུར་བ་ལས། གྱེན་དུ་སློན་པ་དང་། ཐུར་དུ་བཀྲུ་བ་ནད་པའི་ཉམས་སྟོབས་དང་སྦྱར་ལ། བཀྲུ་ཞིང་སློན་པར་འགྱུར་ན། ནད་འབྱུང་བ་ལ་རང་གིས་འབྱུང་དུ་མི་སྣང་བར་རང་གིས་མ་བཀག་ཤིག །
[405b.4]གནས་ཏེ་མ་སློན་མ་འཁྲུས་པར་བྱས་ན། དེ་ཉིད་ལས་ནད་དུ་འགྱུར་རོ། །དེ་ལྟར་སྟོད་སྨད་དུ་ནད་འཁྲུས་ཤིང་བྱུང་ནས། །ནད་ཕྱིན་ཕྱིན་གྱི་བར་དུ་ནི། ཅི་ནས་ཀྱང་འཁྲུ་ཞིང་སློན་ལ། ནད་ཕྱིན་ཕྱིན་གྱི་བར་དུ་བསྡད་དོ། །ནད་ཕྱིན་པར་གྱུར་ནས་གདོད་ཕན་པའི་ཁ་ཟས་བཟའོ།
[405b.5]ཡང་སྐྱུག་སྨན་དང་བཀྲུ་སྨན་བཏང་བ་ལས། སྨན་འཁྱིལ་ཏེ་མི་འཁྲུ་བར་གྱུར་ན། ནད་འབྱུང་བར་འགྱུར་བརྩེ་གཞིལ་ཞིང་སྨིན་པར་བྱེད་པའི་སྨན་གྱིས་བསལ་དུ་རུང་བར་བྱས་ལ། བློན་པའམ་བཀྲུ་བས་སྦྱང་ངོ་། །སྐྱུག་སྨན་དང་བཀྲུ་སྨན་གྱིས་སྦྱང་ཞིང་། བསལ་བའི་
[405b.6]དུས་ནི་དབྱར་ཟླ་ཐ་ཆུངས་ཀྱི་ངོ་ལ་རླུང་ནད་བསལ་བའི་དུས་སོ། །སྟོན་ཟླ་ཐ་ཆུངས་ཀྱི་ངོ་ལ་མཁྲིས་པའི་ནད་བསལ་བའི་དུས་ཡིན་ནོ། །དཔྱིད་ཟླ་འབྲིང་པོ་ལ་བད་ཀན་གྱི་ནད་བསལ་བའི་དུས་ཡིན་ཏེ། ནད་སྦྱང་ཞིང་བསལ་བའི་རིམ་པ་ནི་དེ་ལྟ་བུའོ། །དེ་ལ་ནད་དཀྱེལ་དུ་
[405b.7]སོགས་པའི་རིམ་པ་ནི་སོས་ཀའི་དུས་དབྱར་ཟླ་ར་བ་དང་། དབྱར་ཟླ་འབྲིང་པོ་ལ་ཚ་བའི་ནད་མཁྲིས་པ་ནི་ལངས་སོ། །རླུང་ནད་ནི་ཁོང་དུ་སྩོགས་སོ། །དབྱར་གྱི་དུས་ན་དབྱར་ཟླ་ཐ་ཆུངས་དང་། སྟོན་ཟླ་ར་བའི་དོ་ལ་རླུང་ནད་ནི་ལངས་སོ། །མཁྲིས་པའི་ནད་ནི་སྩོགས་སོ། །
[406a]
[406a.1]སྟོན་ཟླ་འབྲིང་པོ་དང་སྟོན་ཟླ་ཐ་ཆུངས་ལ་ཚ་བའི་ནད་མཁྲིས་པའི་ནད་ནི་ལངས། གྲང་བའི་རླུང་ནད་ནི་སྩོགས་སོ། །དགུན་སྟོད་དང་དགུན་སྨད་ནི་རླུང་ནད་ནི་ལངས། བད་ཀན་གྱི་ནད་ནི་སོགས་སོ། །དཔྱིད་ནི་བད་ཀན་གྱི་ནད་ལྡང་ངོ་། །དེ་ལྟར་དུས་རེ་རེ་ལ་
[406a.2]ནད་སྩོགས་པ་དང་། ལྡང་བའི་དམིགས་དང་སྦྱར་ཏེ། དེ་ལ་བད་ཀན་གྱི་ནད་ནི་སྟོད་དུ་སྐྱུག་ཅིང་དྲང་ངོ་། །མཁྲིས་པའི་ནད་ནི་ཐུར་དུ་བཀྲུའོ། །རླུང་ནད་ནི་སྨན་མས་གཏོང་ཞིང་བསལ་ལོ། །དེ་ལྟ་བས་ན་སོས་ཀ་རབ་ཏུ་ཚ་བའི་དུས་དང་། དབྱར་ཟླ་རླུང་ནད་ལངས་པའི་དུས་དང་། དགུན་
[406a.3]གྲང་བའི་ཚེ། སོ་སོའི་ནད་ལངས་ཤིང་བསྔོ་བའི་དུས་སུ་སྨན་གྱིས་བཀྲུ་ཞིང་སྒྱུག་ཅིང་དྲང་ངོ་། །དེ་བས་ན་དགུན་དང་དཔྱིད་ཀྱི་མཚམས། དཔྱིད་དང་སོས་ཀའི་མཚམས། སོས་ཀ་དང་དབྱར་གྱི་མཚམས། དབྱར་སྟོན་དང་དགུན་གྱི་མཚམས་འདི་ལྟ་བུ་སོ་སོའི་ནད་མ་ལངས།
[406a.4]མ་བྱུང་བའི་སྐབས་སུ་བཀྲུ་སྨན་དང་སྐྱུག་སྨན་གྱིས་ནད་སྦྱང་ཞིང་བསལ་ན་རྟག་ཏུ་ནད་ཞི་ཞིང་བདེ་བ་ཐ་མལ་པར་གནས་པར་འགྱུར་རོ། །རྟག་པར་མི་ན་བར་འདོད་ན་ཡང་ཐབས་འདི་ལྟར་གྱིས་ཤིག །ནད་ཀྱི་དབང་དུ་གྱུར་ཏེ་མི་བདེ་བ་ཞིག་ན་ཡང་ཐབས་འདི་ལྟ་བུར་བྱའོ། །སོས་
[406a.5]ཀ་དང་དབྱར་དང་དགུན་གྱི་སོ་སོའི་དཔྱད་དང་། ཆོ་ག་ཚུལ་བཞིན་དུ་ནད་དམིགས་རིམ་པ་དང་སྦྱོར་བ་གྱིས་ཤིག །སོ་སོའི་ཐབས་སྐབས་སུ་སྐྱུག་སྨན་དང་བཀྲུ་སྨན་ལ་སོགས་པ་བཏང་བ་ཆོ་ག་བྱ་བའི་དུས་སུ་མ་བཤོལ་མ་ཡོལ་བར་གྱིས་ཤིག །སྨན་བཏང་ཞིང་བཟའ་བའི་བྱེ་བྲག་
[406a.6]བཤད་པ་རྣམ་པ་བཅུ་ལ། ཁ་ཟས་མ་ཟོས་པར་ཁྱེའུ་སུས་ལ་སྨན་གཏང་བ་དང་། དྲོ་ཁར་སྨན་བཏང་བའི་རྗེས་ལ་ཟན་བཟའ་བ་དང་། ཟན་ཕྱེད་ཟོས་ནས་སྨན་བཟའ་བ་དང་། ཟན་ཟོས་སྐོམ་འཐུངས་ཟིན་པའི་རྗེས་ལ། སྨན་གྱིས་མནན་པ་དང་། ནང་པར་གྱི་ཁྱེའུ་སུས་
[406a.7]དང་། ཕྱི་འཕྲེད་ཀྱི་ཟས་ཀྱི་བར་ཉི་མའི་གུང་ལ་སྨན་བཏང་བ་དང་། ཟན་དང་སྨན་སྤག་ཅིང་བཟའ་བ་དང་། ཡང་དང་ཡང་ཚེག་པུར་བཟའ་བ་དང་། འབྲས་ཆན་ནམ་ཟན་དང་སྨན་ལྷན་ཅིག་བཙོས་ཏེ་བཟའ་བའམ། ཡང་ན་སོ་སོར་བཙོས་པ་ལས་བསྲེས་ཏེ་བཟའ་བའམ། སྔར་
[406b]
[406b.1]སྨན་བཏང་ལ་དེའི་རྗེས་ལ་ཁ་ཟས་ཡང་བ་ཅུང་ཟད་ཟོས་ནས་སྨན་བཏང་བ་དང་། མཚན་མོ་ཉལ་ཀར་སྨན་བཏུང་བ་དང་རྣམ་པ་དེ་བཅུའོ། །ཡང་སྨན་བཏང་ངོ་ཅོག་ཀྱང་ནད་པའི་ནད་དམིགས་དང་སྦྱར་ལ། སྨན་བཏང་བའི་དུས་ལས་མ་གྱུར་པར་བཏང་ངོ་། །དེ་ལ་ནང་པར་ཁྱེའུ་སུས་
[406b.2]ལ་ཁ་ཟས་མ་ཟོས་པར་སྨན་བཟའ་བ་ནི། ནད་པ་ཕོ་བའི་དྲོད་ཆེ་ལ་བེའུ་སྣབས་ཀྱང་མེད་ཕོ་བའི་རྩ་སྒོ་རྣམས་ཀྱང་མ་འགགས་ལ། ནད་པའི་ཉམས་སྟོབས་དང་ལྡན། བད་ཀན་ཤས་ཀྱིས་ཆེ་བའི་མི་དེ་ལྟ་བུ་ལ། སྨན་ཁྱེའུ་སུས་ལ་བཏང་ན་སྨན་གྱི་མཐུ་རབ་ཏུ་ཆེ་བར་འགྱུར་རོ། །དེ་
[406b.3]ལ་དྲོ་ཁར་སྨན་བཏང་བའི་རྗེས་ལ་ཟན་བཟའ་བ་ནི། རླུང་ནད་ཨ་པ་ན་ཐུར་དུ་སེལ་བ་ཞེས་བྱ་བའི་ནད་ཀྱིས་བཏབ་པ་བསལ་བ་དང་། ལུས་ཀྱི་ཉམས་སྟོབས་བསྐྱེད་པ་དང་། ཟན་ཕྱེད་ཟ་ཞིང་གྲིམས་པར་བྱ་བའི་ཕྱིར་དྲོ་ཁར་སྨན་འཐུངས་པའི་རྗེས་ལ་ཟན་བཟའ་བར་བྱའོ། །ཟན་
[406b.4]ཕྱེད་ཟོས་ནས་སྨན་བཟའ་བ་ནི་རླུང་ནད་ལས་མང་ན་མེའི་དྲོད་དང་མཉམ་དུ་གནས་པ་ཞེས་བྱ་བ་ལས་ནད་དུ་གྱུར་པ་དེ་ལྟ་བུ་ལ། ཟན་ཕྱེད་ཟོས་ནས་སྨན་བཏང་ལ། མཇུག་ཀྱང་ཟན་དང་སྐོམ་གྱིས་མནན་ཏོ། །ཐབས་འདི་ལྟར་བཏང་ན་རླུང་ནད་དེ་ལྟ་བུའི་ནད་དང་། ཁོང་པའི་ནང་
[406b.5]གི་ནད་རྣམས་དང་། མཁྲིས་པ་རྒྱས་པའི་ནད་ལ་ཕན་ནོ། །ཟས་ཟོས་སྐོམ་འཐུངས་པའི་རྗེས་ལ་སྨན་གྱིས་མནན་ཅེས་བྱ་བ་ནི། རླུང་ཁྱབ་བྱེད་ཅེས་བྱ་བ་ལས་ནད་དུ་གྱུར་ཏེ་མི་བདེ་བ་དང་། རླུང་ནད་ཨ་པན་ཞེས་ཐུར་དུ་སེལ་བར་བྱེད་པའི་ནད་ཁྱེའུ་སུས་ལ་སྨན་བཏང་བས་
[406b.6]མ་ཕན་པ་དང་། མཚན་མོ་མི་བདེ་བའི་ནད་མ་ཞི་བ་ལ་ཕན་པར་བྱ་བ་དང་། རོ་སྟོད་ཡན་ཆད་ལ་བདེ་ཞིང་སྟོབས་མཐུ་བསྐྱེད་པ་དང་། བད་ཀན་ལས་ནད་དུ་གྱུར་པ་ལ་ཞི་བར་བྱ་བ་དང་། ཤ་འཚག་སྐྱེ་ཞིང་སྦོམ་པོར་བྱ་བ་འདི་ལྟ་བུ་ལ། ཁ་ཟས་ཀྱི་མཇུག་ལ་སྨན་གྱིས་མནན་ཅིང་
[406b.7]བཟའ་སྟེ། དྲོ་ཁའི་ཟས་ཀྱི་མཇུག་དང་། དགོངས་ཀྱི་ཟན་གྱི་མཇུག་ལ་སྨན་བཟའ་ཞིང་མནན་ཏོ། །ནང་པར་གྱི་ཁྱེའུ་སུས་དང་། ཕྱི་འཕྲེད་ཀྱི་ཟས་ཀྱི་བར་ཉི་མའི་གུང་ལ་སྨན་བཏང་བ་ཞེས་བྱ་བ་ནི་དྲོད་ཆེས་པ་ལས་ཁྱབ་བྱེད་ཅེས་བྱ་བའི་རླུང་ནད་དུ་གྱུར་ན། ཁྱེའུ་སུས་ཟོས་ཏེ་ཞུ་བ་དང་།
[407a]
[407a.1]དྲོ་ཁར་སྨན་ཟོས་ལ། སྨན་དེ་ཞུན་ཕྱི་འཕྲེད་ནུབ་པར་ཟན་བཟའ་བཟའ་བ་ནི། མཚན་མོའི་ཆོ་ག་ཡང་འདི་ལས་ལྷག་པར་བྱ་བ་མེད་དེ་འདིར་འདུས་སོ། །ཟན་ཁམ་ར་དང་། སྨན་ཐུན་རེ་སྤེལ་ཞིང་བཟའ་བ་ཞེས་བྱ་བ་ནི། སྲོག་ཅེས་བྱ་བའི་རླུང་ལས་ནད་དུ་གྱུར་པ་དང་། ཕོ་བའི་
[407a.2]དྲོད་སྐྱེད་པ་དང་། བུད་མེད་ལ་ཉལ་ཕོད་པར་བྱ་བ་དང་། སྙིང་ན་བ་དང་། སྐྱུགས་པ་བཤད་པ་འདི་ལྟ་བུ་ལ་ཟན་ཁམ་རེ་ཟོས་ཤིང་སྨན་ཅུར་ནིས་ཕྱེ་བའམ། སྨན་འདེ་གུའམ། སྨན་རིལ་བུ་ཐུན་རེ་དང་སྤེལ་ཞིང་བཟའོ། །ཡང་དང་ཡང་ཚེག་བུར་བཟའ་བ་ནི་ཟན་ཟོས་ཀྱང་རུང་། དབུགས་མི་བདེ་བ་
[407a.3]དང་ལུད་པ་ལུ་བ་དང་། སྐྱིགས་བུས་བཏབ་པ་དང་། སྐོམ་གྱིས་གདུངས་པ་དང་། དུག་གིས་ཕོག་པ་དང་། སྐྱུག་བྲོ་བ་འདི་ལྟ་བུ་ལ་སོགས་པ་སྨན་ཙེག་པུར་ཡང་དང་ཡང་བཟའོ། །འབྲས་ཆན་ནམ་ཟན་དང་སྨན་ལྷན་ཅིག་བཙོས་ཏེ་བཟའ་བའམ། ཡང་ན་སོ་སོར་བཙོས་པ་ལ་བསྲེས་ཏེ་བཟའ་
[407a.4]བ་ནི། བྱིས་པ་ཆུང་ངུ་སྨན་འཐུང་མི་ནུས་པ་དང་། སྨན་སྟོབས་ཆུང་ངུས་སྨན་འཐུངས་པ་ལ་ཞན་པ་དང་། སྨན་དང་ཁ་ཟས་ཡི་གར་མི་འོང་བ་འདི་ལྟ་བུ་དང་། ལུས་དང་ཡན་ལག་ཐམས་ཅད་ན་བ་ལ་ཁ་ཟས་ཡིད་དུ་འོང་བ་སྣ་ཚོགས་དང་། སྨན་དུ་སྦྱར་ལ་ལྷན་ཅིག་བཙོས་སམ། སོ་སོ་ན་བཙོས་
[407a.5]པ་ལ་སྦྱར་ཏེ་བཟའོ། །སྔར་སྨན་བཏང་ལ་དེའི་རྗེས་ལ་ཁ་ཟས་ཡང་ཅུང་ཟད་ཟོས་ན། ཡང་སྨན་བཟའ་བ་ནི། སྐྱིགས་བུ་དང་། ལུས་འདར་བ་དང་། རྐང་ལག་འདར་བ་དང་། ལུས་སྟོད་སྨད་མི་བདེ་བ་དེ་ལྟ་བུའི་ནད་ལ། སྨན་སྔར་འཐུངས་པ་ཟས་ཡང་བ་དེའི་འོག་ཏུ་ཟོས་ཏེ། དེའི་རྗེས་ལ་སྨན་
[407a.6]འཐུངས་ན་ཕན་ནོ། །མཚན་མོ་ཉལ་ཁར་སྨན་བཏང་བ་ནི། མགུལ་པ་ཡན་ཆད་སྟོད་ཀྱི་ནད་ལ་མཚན་མོ་ཉལ་ཁར་སྨན་བཏང་ན་ཕན་ཏེ། དེ་ལ་སྐམ་མམ། ཡང་ན་ཆུ་འཐུངས་པར་མ་གྱུར་ཏམ། ཟས་མ་ཞུའམ། ཡང་ན་བཀྲེས་སམ། ལུས་རྒྱན། མཚན་མོ་ཉལ་ཁར་སྨན་བཏང་དུ་མི་རུང་ངོ་། །
[407a.7]རླུང་ནད་དང་མཁྲིས་པའི་ནད་དང་བད་ཀན་གྱི་ནད་གསོ་བའི་ཐབས་བཤད་པའི་ལེའུ་སྟེ་བཅུ་གསུམ་པ་རྫོགས་སོ།། །།དེ་ནས་ཡང་ནད་པའི་ཉམས་བརྟ་ཞིང་གསོ་བའི་ཐབས་དང་། ནད་ཡང་བར་བྱ་བའི་ཕྱིར་ཟས་དབྲི་བ་དང་། སྨྱུང་བར་བྱ་བ་དང་རྣམ་པ་གཉིས་ཀྱི་ལེའུ་བཅུ་བཞི་པ་བཤད་པར་
[407b]
[407b.1]བྱའོ། །དཔྱད་རྣམ་པ་གཉིས་སུ་བཤད་པ་དེ་ལ་གཅིག་གིས་ལུས་ཀྱི་ཉམས་འཚག་བརྟས་པར་བྱའོ། །རྣམ་པ་གཉིས་པོས་ནི་ལུས་ཉམས་འཚག་སྨད་ཅིང་ཤད་པྲི་བར་བྱའོ། །དེ་ལ་ཉམས་འཚག་བརྟས་པར་བྱ་བ་ནི་ཤ་འཚག་རྒྱས་པ་ཚོན་པོར་བྱའོ། །ཉམས་འཚག་སྨད་དེ་སྐེམ་པོར་བྱ་བ་
[407b.2]ནི་ཟས་དབྲི་ཞིང་བསྡམ་པ་སྨྱུང་བ་ལྟ་བུར་བྱས་པས། ལུས་ཤ་དབྲི་སྟེ་ཁོང་ཡང་བར་བྱ་བ་ཡིན་ནོ། །དེ་ཡང་ཡོང་ནི་ཕལ་ཆེར་ལུས་ཀྱི་རང་བཞིན་ནི་ས་དང་ཆུ་དང་མེ་དང་རླུང་དང་ནམ་མཁའི་རང་བཞིན་ཡིན་ཏེ། འདི་རྣམ་པར་བསྐྱེད་པ་དང་དབྲི་བའོ། །ཆེན་པོ་ལྔ་པོ་འདི་རྣམས་ལ་དཔྱད་དུ་བྱ་བ།
[407b.3]ཁོང་སྣུམ་པ་དང་། ལུས་ཀྱི་ཁོང་རྩུབ་པར་བྱ་བའོ། །ལུས་དེ་ལ་ཡང་དུགས་དང་ལུམས་བྱ་བའི་ཆོ་གས་ནད་ཀྱི་རྩེ་གཞིལ་བར་བྱ་བའི་དཔྱད་ཀྱང་བྱའོ། །ཆེན་པོ་ལྔའི་ལུས་ལ་དཔྱད་དུ་བྱ་བ་ཡང་རྣམ་པ་གཉིས་ཏེ། ལུས་ཀྱི་ནད་བཀྲུ་ཞིང་སྦྱང་བ་དང་། ཞི་བར་བྱའོ། །བཀྲུ་ཞིང་སྦྱང་བ་ནི་ནད་
[407b.4]ཕྱིར་སེལ་བ་སྟེ། དེ་ཡང་རྣམ་པ་ལྔའོ། །ལྔ་གང་ཞེ་ན། སྨན་མས་བཏང་སྟེ་ནད་བསལ་བ་དང་། སྐྱུག་སྨན་བཏང་བ་དང་། ཁོང་པའི་ལུས་ནད་བཀྲུ་བ་དང་། མགོ་བོའི་ནད་རྣམས་སྨན་སྣ་ནས་བཏང་ཞིང་བསལ་བ་དང་། གཏར་ག་གདབ་ཅིང་ཁྲག་དབྱུང་བ་དང་ལྔའོ། །ནད་ཞི་བར་བྱེད་པ་ནི་ནད་
[407b.5]སེལ་ཅིང་འཁྲུ་བར་བྱེད་པ་ཡང་མ་ཡིན་ཏེ། འཕྲོད་ཅིང་སྙོམས་ཏེ་བདེ་བ་ལས་གནོད་པར་ཡང་མི་བྱེད། །རླུང་དང་བད་ཀན་དང་མཁྲིས་པ་རྣམས་མ་སྙོམས་ཏེ་ནད་དུ་གྱུར་པ་རྣམས་དུག་ཞི་ནས་ནང་འཕྲོད་ཅིང་སྙོམས་པར་བྱེད་པ་དེ་ལ་ནད་ཞི་བར་བྱེད་པ་ཞེས་བྱ་སྟེ། དེ་ཡང་རྣམ་པ་བདུན་དུ་བལྟའོ། །དེ་གང་
[407b.6]ཞེ་ན། དྲོད་ཆེ་བའི་འཇུ་སྨན་གྱིས་ནད་བསལ་དུ་རུང་བ་འཇུ་བར་བྱ་བ་དང་། ཕོ་བའི་མེ་དྲོད་བསྐྱེད་པ་དང་། བྲུ་བ་ཚ་བར་བྱ་བ་དང་། སྐོམ་པར་བྱ་བ་དང་། ལུས་བསིག་ཅིང་བཅག་པ་དང་། ཉི་མ་ཚ་བ་ལ་འདེ་བ་དང་། ཚ་བའི་ནད་ལ་སེར་བུ་བསིལ་བ་དང་སྦྱར་བ་འདི་དག་ནི་འཕྲལ་དུ་ནད་དུབ་ཅིང་ཞི་བར་བྱ་
[407b.7]བ་ཡིན་ནོ། །རླུང་ནད་དང་། མཁྲིས་པའི་ནད་གཉིས་ལ་ནི་བརྟ་བའི་ཆོ་ག་དང་། དུབ་ཅིང་ཞི་བར་བྱ་བའི་དཔྱད་བྱའོ། །ཟས་དང་སྨན་གྱིས་ལུས་བརྟ་བར་བྱ་བ་ནི་ཆང་ནད་ཀྱིས་བཏབ་སྟེ་ཉམ་ཆུང་བ་དང་། བུད་མེད་ཀྱིས་དུབ་པ་དང་། མྱ་ངན་གྱིས་ཤ་ཟད་པ་དང་། ལུས་ཁུར་གྱིས་རྐེ་བ་དང་། ལམ་རིངས་ཀྱི་རྒྱུན་
[408a]
[408a.1]གྱིས་ཆད་པ་དང་། གློ་རྡོལ་བ་དང་། ལུས་སྐེམ་ཞིང་རིད་པ་དང་། ཁོང་ན་སྣུམ་མེད་དེ་ལས་རྩུབ་པ་དང་། ཉམ་ཆུང་བ་དང་། རླུང་གི་ཤས་ཆེ་བ་དང་། ལྟོ་ན་བུ་ཡོད་དེ་ཉམ་ཆུང་བ་དང་། བུ་བཙས་པ་དང་། བྱིས་པ་ཆུང་ངུ་དང་། མི་རྒན་པོ་སྦབས་ཆུང་ངུ་འདི་ལྟ་བུ་དང་། སོས་ཀ་ཚ་བའི་དུས་འདི་ལྟ་
[408a.2]བུ་ལ་ལུས་བརྟ་བའི་ཆོ་ག་བྱའོ། །དེ་ལ་ལུས་བརྟ་བ་ནི་ཤ་དང་འོ་མ་དང་། མར་དང་། མངར་བག་དང་། སྣུམ་བག་དང་། ལི་ཁ་ར་དཀར་པོ་དང་། སྨན་མས་གཏོང་བ་འདི་དག་གིས་ཁོང་བརྟ་ཞིང་ཉམས་འཚག་བསྐྱེད་ལ། ཡང་ལུས་ལ་ཕན་པ་མཚན་མོ་མལ་ན་གཉིད་བདེ་བར་ལོག་པར་བྱ། ལུས་ལ་
[408a.3]མར་གྱིས་བྱུག་ཅིང་མཉེས་ཏེ། ཆུ་དྲོན་པོས་ཁྲུས་བྱ་བ་དང་། ཉམས་བག་ཏུ་བདེ་བར་འདུག་པ་དང་། ཉམས་དགའ་བར་བྱ་བ་འདི་ལྟ་བུས་ལུས་བརྟའོ། །ཡང་ལུས་ཀྱི་ཤ་འཚག་ཉམས་སྨད་ཅིང་དབྲི་བར་བྱ་བ་ནི། གཅིན་སྙི་བའི་ནད་དང་། ཕོ་བའི་ནང་བེའུ་སྣབས་ཡོད་དེ་མཆིན་པ་ན་བ་དང་། ཟས་སྣུམ་བག་
[408a.4]ཧ་ཅང་ཟོས་སམ། ལུས་ཀྱི་ཁོང་སྣུམ་ཆེས་སམ། རིམས་ཀྱིས་བཏབ་བམ། བརླ་རེངས་པའི་ནད་ཡོད་དམ། མཛེས་བཏབ་བམ། ཤུ་ཆེན་མཆེད་པའམ། ཁོང་འབྲས་དང་། མཆེར་པ་ན་བ་དང་། ཀླད་པ་ན་བ་དང་། ལྐོག་མ་ན་བ་དང་། མིག་ན་བ་དང་། ལུས་ཤ་བསྐྱེད་དེ་སྦོམ་པོར་འགྱུར་བ་དང་། འདི་
[408a.5]ལྟ་བུ་དང་། དགུན་སྟོད་ཀྱི་ཚེ་ལྟ་བུ་རྟག་ཏུ་ཟས་བསྣམས་ཤིང་ཁ་ཟས་དབྲི་བ་དང་། སྨྱུང་བར་བྱའོ། །དེ་ལ་སྨན་གྱིས་རྟག་ཏུ་བཀྲུ་ཞིང་སྦྱང་བ་ནི་ལུས་ཧ་ཅང་ཤ་ཆེ་ཞིང་སྤོམ་པ་དང་། ཉམས་སྟོབས་ཆེ་བའི་མི་དང་། ཚ་བ་མཁྲིས་པ་རྒྱས་པའི་མི་དང་། བད་ཀན་རྒྱས་ཏེ་ཆེ་བ་དང་། ཕོ་བའི་ནང་ན་བེེའུ་
[408a.6]སྣབས་ཡོད་པས་ཟས་མི་འཇུ་སྟེ་མཆིན་པ་ན་བ་དང་། རིམས་ན་བ་དང་། རྟག་ཏུ་སློན་ཞིང་སྐྱུག་བྲོ་བ་དང་། ཚད་པ་རབ་ཏུ་འཁྲུ་བའི་ནད་དང་། སྙིང་ན་བ་དང་། བཤང་གཅི་འགགས་པ་སྟེ་འོང་དུ་མི་རུང་བ་དང་། ལུས་དང་ཁོང་ལྕི་བ་དང་། སྒྲེགས་པ་རྟག་ཏུ་འོང་བ་དང་། ཡི་ག་འཆུས་ཤིང་དོང་ག་མི་
[408a.7]བདེ་བ་ལ་སོགས་པ་ལ། བཀྲུ་སྨན་དང་སྐྱུག་སྨན་དྲག་ཏུ་ཆེར་བཏང་ངོ་། །སྨན་གྱིས་རན་པར་བཀྲུ་ཞིང་སྦྱང་བ་འབྲིང་ཙམ་དུ་བཏང་བའི་དམིགས་ནི། ཤ་ཆེ་ཆུང་རན་ཙམ་གྱི་མི་ལ་ནི་སྔར་ནད་བཞུ་བའི་སྨན་བཏང་དྲོད་བསྐྱེད་ལ། དེའི་རྗེས་ལ་ནད་ཀྱི་དམིགས་གོང་མ་ལྟར་མི་བདེ་ཞིང་ན་བ་གང་
[408b]
[408b.1]ཡང་རུང་སྟེ། དེ་ལྟ་བུའི་མི་དང་། ཡང་ལ་ལ་ཤ་ཆུང་ཞིང་སྐེམ་ལ་ནད་དམིགས་གོང་མ་ལྟར་ན་བ་དེ་རྣམས་ལ། བཀྲུ་ཞིང་སྦྱང་བའི་སྨན་དྲག་དལ་རན་པ་འབྲིང་ཙམ་དུ་བཏང་བ་དང་། ཉམ་ཆུང་ཞིང་རྐེ་བ་ལ་ཐུན་ཆུང་ཞིང་འཇམ་པོར་བཏང་ལ། དེའི་ཚེ་ན་ཁ་ཟས་བསྡམ་ཞིང་སྐོམ་ཐུབ་པར་བྱའོ། །
[408b.2]ཡོང་ནི་ནད་པའི་ཉམས་སྟོབས་འབྲིང་ཙམ་ཅིག་ལ་མི་བདེ་ན། དེ་ལ་དཔྱད་བཀྲུ་སྨན་གྱིས་བཀྲུ་ཞིང་སྦྱང་མི་དགོས་ཏེ། དེ་ལྟ་བུ་ནི་ལུས་བསིག་ཅིང་བཅག་པ་དང་། ནད་དམིགས་དང་སྦྱར་ཏེ། རླུང་དང་སེར་བུ་ལས་བསང་བ་གར་ལེགས་པར་བྱའོ། །ཉམས་འཚག་འབྲིང་ལ་ཡང་བཀྲུ་སྨན་
[408b.3]ལ་སོགས་པ་མི་བཏང་ན། ནད་པ་ཉམ་ཆུང་བ་ལ་བཀྲུ་སྨན་འཇམ་པོ་ཡང་བཏང་དུ་མི་རུང་བ་ལྟ་སྨོས་ཀྱང་ཅི་དགོས་སོ། །ནད་པ་ལུས་ཀྱི་ཉམས་འཚག་སྨད་ཅིང་བྲི་བ་ལྟ་བུ་ཉམས་འཚག་གསོ་ཞིང་བརྟ་བར་བྱ་བའི་མི་ལ་ནི། ཟས་བསྡམས་པ་དང་། སྨྱུང་བ་ལ་སོགས་པ་ཅུང་ཟད་ཙམ་བྱར་
[408b.4]རུང་ངོ་། །སྤྱིར་གསོ་ཞིང་ཉམས་འཚག་བརྟ་བའི་དཔྱད་བྱ་བ་དང་སྐྱུག་སྨན་དང་བཀྲུ་སྨན་དང་སྨྱུང་བར་བྱས་ཏེ། ཉམས་འཚག་སྨད་པར་བྱ་བ་ཡང་ཡུལ་དང་སྟོབས་དང་། དུས་དང་། མིའི་ན་ཚོད་དང་། ཉམས་འཚག་དང་སྦྱར་ཏེ། ཧ་ཅང་ཉམས་འབྲི་བ་དང་། ཧ་ཅང་ཉམས་བརྟ་བ་ཡང་མི་བྱའོ། །
[408b.5]དེ་ལ་ལུས་ཀྱི་ཉམས་འཚག་བརྟ་བའི་དཔྱད་བྱ་སྟེ། ཉམས་མཐུ་བརྟས་པར་འགྱུར་བར་མངོན་ཞིང་ཉམས་འཚག་བརྟས། ཤ་སྐྱེས་སྟོབས་དང་ལྡན་པར་གྱུར་ན། མིག་དང་རྣ་བ་ལ་སོགས་པ་དབང་པོ་རྣམས་གསལ། བཤང་གཅིའི་དྲི་མ་མི་སྲི་བར་འབྱུང་། ལུས་ཁོང་ཡང་ཞིང་
[408b.6]བཤོར། ཁ་ཟས་ཡི་གར་འོང་ན་དེ་ལྟ་བུ་ནད་མེད་པར་གསོ་ཞིང་ཆོ་ག་བྱར་རུང་ངོ་། །ཡང་ཁ་ཟས་བསྡམ་ཞིང་དབྲི་བ་དང་སྨྱུང་བར་བྱས་ན། ཕན་པར་མངོན་པའི་རྟགས་ནི་ཁ་ཟས་ཕྲ་ཞིང་བསྡམས་སམ། སྨྱུང་བར་བྱས་པ་ལས་ཁ་ཟས་ཞུ་སྟེ། བཀྲེས་ཤིང་སྐོམ་པར་འགྱུར་བ་དང་། ཁོང་གསུད་པའི་
[408b.7]སྒྲེགས་པ་མནམ་པོ་མི་ཞིམ་པ་མེད་པ་ཐ་མལ་བར་འབྱུང་ལ་ཁོང་བའི་ནང་སང་སང་པོར་གྱུར་ལ་སེམས་ཀྱང་གསལ། དང་ག་དང་གྲེ་བ་ཡང་སང་སང་པོར་གྱུར་ལ། ན་བ་དང་མི་བདེ་བ་ཡང་རྩེ་ཞིལ་ལ། ཁོང་ཡང་ཞིང་ཅི་བྱའོ་ཅོག་ལ་སེམས་སྤྲོ་བ་ཡོད། མྱོ་མྱོ་པོ་སྙོམ་པའི་བག་མེད་པ་དེ་ལྟ་བུ་ནི་ཁ་ཟས་
[409a]
[409a.1]སྨྱུང་བ་བྱས་པས་ཕན་པར་མངོན་པ་ཡིན་ནོ། །ཉམས་འཚག་བརྟ་སྟེ་ཤ་བསྐྱེད་པའི་ཆོ་ག་ཚོད་མ་ཟིན་ཏེ་ཧ་ཅང་དྲགས་པས་ཤ་ཧ་ཅང་ཆེར་སྐྱེས་སམ། ཁ་ཟས་བྲི་ཞིང་སྨད་པ་དང་། སྨྱུང་བར་བྱས་པ་དྲགས་པས་ཧ་ཅང་སྐེམ་པོར་གྱུར་པ་འདི་གཉིས་ལྟ་བུ་ལ་སྨན་དཔྱད་ཀྱི་ཆོ་
[409a.2]གར་བྱ་བ་ནི། ཤ་ཆེར་སྐྱེས་པ་དང་། ཁ་ཟས་སྨྱུང་བར་བྱས་པ་ལས་ནད་ཅིར་གྱུར་པའི་ཚུལ་མངོན་ཏེ། ལུས་ཤ་ཧ་ཅང་ཆེ་ཞིང་ཚོ་བ་ལས་ནི་ནད་འབྲུམ་བུ་དང་། གཅིན་སྙི་བའི་ནད་དང་། རིམས་ནད་དང་། དམུ་རྫིང་ལྟ་བུ་གསུས་པ་ཆེར་སྐྱེས་པའི་ནད་དང་། བཤང་གཅི་འབྱུང་བའི་མཚམས་
[409a.3]སུ་མཚན་བར་རྡོལ་བའི་ནད་དང་། ལུད་པ་ལུ་བ་དང་། རིམས་རྨོངས་བུས་འདེབས་པ་དང་། གཅིན་སྲི་བ་དང་ཕོ་བར་བེེའུ་སྣབས་ཆགས་ཏེ་ཟས་མི་འཇུ་བ་དང་། མཛེ་ལ་སོགས་པའི་ནད་མི་བཟད་པ་རྣམས་འབྱུང་ངོ་། །དེ་ལ་ཤ་ཆེ་ཞིང་ཚོན་པོ་ནི་ཚིལ་ཟད་པར་བྱ་བ་དང་། རླུང་དང་བད་ཀན་
[409a.4]བསལ་བར་བྱ་བ་ལྟ་བུའི་དཔྱང་ཐམས་ཅད་བཟང་ངོ་། །དེ་ལ་མི་ཚོན་པོ་སྐེམ་པོ་གྲིམས་པར་བྱ་བའི་ཁ་ཟས་ནི། རྒྱ་སྲན་ཀུ་ལངྠ་དང་། ཛུར་ན་྅དང་། ཤ་མ་ཀ་ཁྲེ་རྒོད་དང་། ནས་དང་། སྲན་ཆུང་མོན་སྲན་རྡེའུ་དང་། འདི་རྣམས་གཡོས་སུ་བྱས་པ་བཟང་ཞིང་། སྐོམ་དུ་ནི་སྦྲང་རྩི་ཆུ་དང་སྦྱར་བ་
[409a.5]དང་། ཞོ་ག་ཆུ་དང་། དར་བ་དང་འདི་རྣམས་བཏུང་ངོ་། །ཡང་སྨན་ཨ་རི་ཏའི་ཁུ་བ་སྐོམ་དུ་བསྣན་པ་བཏུང་ངོ་། །སེམས་ལས་བསྐྱེད་པ་དང་། སྐྱུག་སྨན་དང་བཀྲུ་སྨན་བཏང་བ་དང་། ལུས་བསིག་ཅིང་བཅག་པ་དང་། མཚན་མོ་གདོད་མི་ཉལ་བར་བྱའོ། །སྨན་ནི་ཨ་རུ་ར་དང་། བ་རུ་ར་དང་། སྐྱུ་རུ་རའི་འབྲས་
[409a.6]བུ་གསུམ་ཞིབ་ཏུ་བཏགས་ལ། སྦྲང་རྩིའི་འདེ་གུས་སྦྲུས་ཏེ་བཟའོ། །ཡང་སྨན་གུ་རུ་ཅེ་སླེ་ཏྲེས་དང་། ཨ་རུ་ར་དང་། གླ་སྒང་ཆེན་པོ་འདི་གསུམ་བཏགས་ཏེ་སྦྲང་རྩི་ལ་སྦྲུས་པ་བཟའོ། །ཡང་སྨན་ར་ཙན་ཛ་ན་ཞེས་བྱ་བ་སྐྱེར་ཁཎྜ་དང་། རྩ་བ་ཆེན་པོ་ལྔ་ཞེས་བྱ་བ་ས་ལ་པརྞི་དང་། ཀྲྀཥྞ་པརྞི་དང་།
[409a.7]བྲི་ཧ་ཏི་དང་། ཀཎྜ་ཀ་རི་དང་། གཟེ་མ་དང་འདི་ལྔ་བཏང་ངོ་། །ཡང་གུ་གུལ་བཏང་བའི་དཔྱད་དང་། སྨན་བྲག་ཞུན་བཏང་བའི་དཔྱད་བྱའོ། །སྨན་ཨགྣི་མནྠའི་ཁུ་བ་ཡང་བཏང་ན་ཡང་ཤ་འབྲིའོ། །ཡང་སྨན་བྱི་དང་ཀ་དང་། སྒ་དང་། ཡ་བཀྵ་ར་ནས་ཚིག་འཁུས་པའི་ཚ་དང་། ལྕགས་ཀྱི་ཆ་ཚ་ཕྱེ་མ་ནག་པོ་དང་། ནས་དང་།
[409b]
[409b.1]སྐྱུ་རུ་ར་དང་། འདི་རྣམས་ཕྱེ་མར་བྱས་ལ། སྦྲང་རྩི་དང་སྦྱར་ཏེ་བཏང་ན། ཤ་ཆེ་ཞིང་ཚོ་བའི་ནད་སེལ་ཅིང་ཤ་གྲིམས་པར་འོང་ངོ་། །ཡང་ཚ་བ་རྣམ་པ་གསུམ་པོ་བཅའ་སྒ་དང་། པི་པི་ལིང་དང་། ན་ལེ་ཤམ་དང་། ཀ་ཏི་ཏང་དང་། བ་རུ་ར་དང་། སྐྱུ་རུ་ར་དང་གསུམ་དང་། ཤི་ཀྲུ་དང་། བྱི་དང་ག་དང་། བོང་ང་
[409b.2]དང་། སྠིར་དང་། ཤིང་ཀུན་དང་། ལན་ཚྭ་ནག་པོ་དང་། གོ་སྙོད་དང་། ལ་ལ་ཕུད་དང་། འུ་སུ་དང་། ཀྲུ་ཏྲུག་ཏྲེས་དང་། སྐྱེར་པ་དང་། ཆུ་རྩི་མོ་དང་། བྲི་ཧ་ཏི་རྣམ་གཉིས་དང་། སྔ་མའི་འབྲས་བུ་དང་། པ་ཐ་དང་། པི་པི་ལིང་གི་རྩ་བ་དང་། ཆུ་ལས་སྐྱེས་པ་ཀེའུ་ཀ་དང་། འདི་རྣམས་ཞིབ་ཏུ་བཏགས་
[409b.3]པའི་ཕྱེ་མ་ཆ་སྙོམས་པ་དང་། སྦྲང་རྩི་དང་། མར་དང་། ཏིལ་མར་གསུམ་མཉམ་པར་བྱས་ཏེ། སྨན་འདི་རྣམས་ལས་ནས་ཕྱེ་ཆ་བཅུ་དྲུག་གིས་བསྐྱེད་དེ་སྦྱར་བ་འདི་འཐུངས་ན་ལུས་ཤ་རབ་ཏུ་ཆེ་ཞིང་སྦོམ་པོ་དང་། ལུས་ཤ་ཆེན་པོ་ལས་བྱུང་བའི་ནད་ཐམས་ཅད་དང་། ནད་གཞན་ཡང་
[409b.4]འབྱང་ལ་ཤ་ཡང་གྲིམས་ཤིང་ཕྲ་བར་འོང་། གཞན་ཡང་སྙིང་ན་བ་དང་། མིག་སེར་དང་། ཤ་བཀྲ་དང་། དབུགས་མི་བདེ་བ་དང་། ལུད་པ་ལུ་བ་དང་། ལྐོག་མ་ན་བ་དང་འདི་རྣམས་སེལ་ཏེ་ཕན། ཡིད་རྣོ། ཡིད་གཞུངས་སེམས་དྲན་པ་ལ་ཕན། །ཁོང་པའི་དྲོད་སྐྱེ། ཟས་འཇུ་བ་ལ་ཕན་
[409b.5]ནོ། །ཧ་ཅང་ཁ་ཟས་བསྡམ་ཞིང་སྨྱུང་བ་བྱ་བ་དྲགས་པ་དང་། སྨན་གྱིས་བཀྲུ་ཞིང་སྦྱང་བ་དྲགས་པ་ན། ལུས་ཤ་རབ་ཏུ་སྐེམ། མགོ་འཁོར། ལུད་པ་སྐམ་པོར་འོང་། སྐོམ་དད་ཆེ། །ཁ་ཟས་ཡི་གར་མི་འོང་བ་དང་། ལུས་ཀྱི་ཁོང་ན་ཚིལ་དང་སྣུམ་བག་ཟད་པ་དང་།
[409b.6]ཁོང་པའི་ནང་གི་དྲོད་ཉམས་ཏེ་ཟད། གཉིད་མེད། མིག་རྟུལ། རྣ་བ་མི་གསང་། ཁུ་ཆུ་ཟད། གཟི་དང་མདངས་ཉམས་ཏེ། ཟས་ཡི་གར་འོང་བ་མི་སྐྱེས། སྐད་འགག །ཆུ་སོ་ཟུག །སྙིང་ན། ཀླད་པ་ན། བྱིན་པ་དང་། བརླ་ན། དཀུ་དོ་དང་རྩིབ་ལོགས་ན། རླུང་
[409b.7]ནད་ལས་གྱུར་པའི་རིམས་ནད་ཀྱིས་འདེབས། །སྨྲ་བའི་ཚིག་མང་། ལུས་ཀྱི་སྟོད་དུ་རླུང་ནད་འཇུག་སྐྱུག་བྲོ། རུས་པའི་ཚིགས་ཀུན་བཅག་པ་སྙམ་བྱེད་ཅིང་ན། བཤང་གཅི་དྲི་མ་སྲི་བ་ལ་སོགས་པ་འདི་ལྟ་བུ་ནི་ཁ་ཟས་བསྡམས་པ་དང་། སྨྱུང་བ་དང་། སྨན་གྱིས་བཀྲུ་ཞིང་སྦྱངས་ཏེ།
[410a]
[410a.1]སྐེམ་པོར་གྱུར་པ་ལས་ནད་དེ་འདྲ་བར་འགྱུར་རོ། །ཡོང་ནི་ལུས་ཤ་བརྟ་ཞིང་ཚོན་པོར་བྱ་བའམ། སྐེམ་པོར་བྱ་བ་ཡང་རུང་སྟེ། སྐེམ་པོར་ནི་ནད་དཀོན་ལ། སྨན་དཔྱད་སླ་སྟེ་རུང་ངོ་། །ཚོན་པོ་ན་བ་ནི་སྨན་དཔྱད་བྱར་མེད་དེ་མི་རུང་ངོ་། །ཧ་ཅང་ཚོ་ཆེས་པ་ནི་
[410a.2]ཚིལ་ཆེས་པས་ཁོང་པའི་མེའི་དྲོད་ཀྱང་འབྲི། །རླུང་ནད་ཀྱང་སེལ་ཏེ། ཟས་མངར་བག་དང་། ཟས་སྣུམ་བག་བཟའ་ཞིང་བསོད་པས་ཚིམ་པར་བྱེད་པ་དང་། བདེ་བ་ཉམས་བག་ཏུ་བྱེད་པས་ནི་ཤ་སྐེམ་པོ་ལས་ཚོན་པོར་འགྱུར་རོ། །དེ་བས་ན་ན་རྒ་བ་དང་། ཁ་ཟས་མི་འཕྲོད་
[410a.3]མི་མཐུན་པ་བཟའ་བས་ལུས་སྐེམ་ཞིང་རིད་པར་གྱུར་པ་འདི་ལྟ་བུ་ལ་ལུས་ཤ་སྐྱེས་ཤིང་བརྟས་པར་འགྱུར་བའི་ཁ་ཟས་སྐོམ་ཐམས་ཅད་དང་། སྨན་བཏང་ཞིང་སེམས་ལས་མེད་པ་ལ་རྟག་ཏུ་སྙིང་དགའ་བར་འདུག་པ་དང་། རྟག་ཏུ་སྐོམ་འཐུངས་ཤིང་ཉིན་པར་ཉལ་བ་ནི་ཕག་བཞིན་དུ་
[410a.4]ཚོན་པོར་འགྱུར་རོ། །ལུས་བརྟས་ཤིང་ཚོན་པོར་བྱ་བ་ནི་ཤ་ལས་ལྷག་པ་ནི་གང་ཡང་མེད་དོ། །དེ་བས་ན་མི་ཚོན་པོ་ཤ་ཕལ་གྱིས་སྙིང་མི་ཚིམ་པ་དང་། ཤ་འཚག་བརྟ་ཞིང་ཚོན་པོར་བལྟ་བ་དང་། གཅན་གཟན་དང་། ཁྲ་ལྟ་བུས་ལུས་གསོས་ཤིང་བསྐྱེད་པའི་ཤ་ལྷག་པར་
[410a.5]བཟང་ངོ་། །སྐེམ་པོར་བྱ་བ་ལ་ཤ་ཡང་བ་ཕན་ནོ། །ནས་དང་གྲོ་ནི་ཚོན་པོ་དང་སྐེམ་པོ་གཉིས་ཀའི་དུས་སུ་བཟང་ངོ་། །ཡོང་ནི་ནད་ཀྱི་རྣམ་གྲངས་མངས་པས་བཀྲུ་སྨན་བཏང་བ་ལ་སོགས་པ་དང་། འཁྲུ་བ་གཅོད་པ་ལ་སོགས་པ་དཔྱད་མང་པོ་དུ་མ་ཡོད་ཀྱིས་ཀྱང་མདོར་ན་ནད་
[410a.6]པ་གསོ་ཞིང་བརྟས་པ་བྱ་བ་དང་། ཁ་ཟས་བསྡམ་ཞིང་ཤ་བྲི་བར་བྱ་བ་དང་། སྨན་གྱིས་བཀྲུ་ཞིང་བསལ་བ་དང་། ཞི་བར་བྱས་པ་གང་ཡང་རུང་དཔྱད་ཀྱི་མདོ་རྣམ་གཉིས་སུ་འདུས་ཏེ། དཔེར་ན་ནད་ཀྱི་རྣམ་གྲངས་བརྒྱ་ཉི་ཤུ་ཡོད་ཀྱིས་ཀྱང་། ནད་ཐམས་ཅད་
[410a.7]ཀྱི་གཞི་ནི་རླུང་དང་བད་ཀན་དང་མཁྲིས་པ་གསུམ་དུ་འདུས་པ་དང་འདྲའོ། །ནད་པ་བརྟ་ཞིང་གསོ་བའི་ཐབས་དང་། ནད་ཡང་བར་བྱ་བའི་ཕྱིར་ཟས་དབྲི་བའམ་སྨྱུང་བར་བྱ་བ་དང་། གསོ་བའི་ཐབས་རྣམ་པ་གཉིས་བཤད་པའི་ལེའུ་བཅུ་བཞི་པ་རྫོགས་སོ།། །།