[1a]
[1b]
[1b.1]༄༅། །དབང་བསྐུར་བ་ཞེས་བྱ་བ་ལ་སོགས་པས་ལེའུ་དགུ་པའི་བཤད་པ་བརྩམ་པར་བྱ་སྟེ། རྨད་དུ་བྱུང་བའི་བྱ་བས་ཀྱང་ཞེས་པ་ནི་འཇིག་རྟེན་དང་འགལ་བའི་སྤྱོད་པའི་བྱ་བས་སོ། །བྱང་ཆུབ་སྒྲུབ་
[1b.2]པ་ཞེས་པ་ནི་རྡོ་རྗེ་འཆང་གི་ཕྱག་རྒྱ་ཆེན་པོའི་སྐུ་རྫོགས་པའོ། །དགོས་#པ་ནི་འདི་ཡིན་ཏེ་གསང་བའི་དབང་བསྐུར་བ་ཐོབ་ནས་དེའི་དུས་སུ་རྡོ་རྗེ་འཆང་ཆེན་པོ་དེ་ཉིད་འགྲུབ་པའི་ཕྱིར#། སྟོབས་ཀྱི་སྦྱོར་བས་བྱང་ཆུབ་བསྒྲུབ་
[1b.3]པར་བྱ་སྟེ། དེའི་ཕྱིར་ལེའུ་བརྒྱད་པའི་ཡན་ལག་ཏུ་གྱུར་པའི་ལེའུ་དགུ་པ་ཡིན་ནོ། །ནམ་མཁའ་བཞིའི་བདག་ཉིད་ཅན་གྱིས་ན་ཞེས་པ་ནི་སྟོང་པ་དང་ཤིན་ཏུ་སྟོང་པ་དང་སྟོང་པ་ཆེན་པོ་དང་ཐམས་ཅད་སྟོང་པ་སྟེ་སྟོང་པ་
[1b.4]བཞིའི་བདག་ཉིད་ཅན་ནོ། །ཡང་ན་རུས་སྦལ་མ་དང་ཟླ་བ་མ་དང་ལྷ་#སྦྱིན་མ་དང་ནོར་རྒྱལ་མ་སྟེ་བྷ་གའི་ཤར་ཕྱོགས་ལ་སོགས་པའི་ཕྱོགས་རྣམས་ལ་གནས་པ་སྟེ་འབྱུང་བའི་རྩའོ། །དབུས་སུ་འདོད་པའི་གདུགས་ཏེ་
[1b.5]དཔལ་རྡོ་རྗེ་འཆང་ཆེན་པོའི་རང་བཞིན་ནོ། །དེ་ལྟར་ནམ་མཁའ་བཞིའི་བདག་ཉིད་ཅན་ནོ། །ཇི་སྐད་དུ། བྷ་གའི་དབུས་སུ་ནམ་མཁའ་གང་། །ནམ་མཁའ་ལྔ་ཡིས་བརྒྱན་པ་སྟེ། །ལྟེ་བ་དང་ནི་ཟེའུ་འབྲུར་ལྡན། །འདབ་#
[2a]
[2a.1]མ་རྣམ་པ་བརྒྱད་ཀྱིས་མཛེས། །ཐིག་ལེའི་གཟུགས་ཅན་བདུད་རྩི་ནི། །དེར་གནས་རྟག་ཏུ་འཛག་པར་བྱེད། །ཅེས་འབྱུང་ངོ་། །དེ་བཞིན་དུ། ནམ་མཁའ་ནམ་མཁའ་དང་སྦྱོར་བ། །ཐམས་ཅད་ནམ་མཁའ་ནམ་མཁའ་
[2a.2]ཆེ། །ཞེས་འབྱུང་བས་སོ། །དེ་ཉིད་ཀྱིས་ན་ཞེས་པ་ལ་མི་འཇིག་#པའི་ཕྱིར་རོ། །བྱ་བའི་རྒྱུད་ལ་སོགས་པར་རབ་ཏུ་ཞུགས་པ་རྣམས་ཀྱི་#ཞེས་པ་ནི། དཔལ་སྒྲོལ་མ་འབྱུང་བ་ལ་སོགས་པའི་རྒྱུད་རྣམས་ལ་རབ་ཏུ་ཞུགས་པ་རྣམས་ཀྱིའོ། །
[2a.3]དབང་བསྐུར་བའི་སྤྱོད་པ་ཞེས་པ་ནི་བྱ་བའི་རྒྱུད་དེ་ལ་འཇུག་པ་རྣམས་ཀྱི་བུམ་པ་ལ་སོགས་པའི་དབང་བསྐུར་ལྔ་དང་སྤྱོད་པའི་རྒྱུད་ལ་འཇུག་པ་རྣམས་ཀྱི་དེ་ཉིད་བརྒྱད་དང་། རྣལ་འབྱོར་རྒྱུད་ལ་འཇུག་པ་རྣམས་ཀྱི་དེ་ཉིད་དེ་འོན་ཀྱང་སེམས་མ་རྡོ་རྗེ་ལ་
[2a.4]སོགས་པའི་དབང་བསྐུར་ནི་བཞིའོ། །འདིར་བཞི་ནི་རབ་ཏུ་ཕྱེ་ན་#བཅུ་བཞིར་འགྱུར་རོ། །དེ་རྣམས་ཀྱི་སྟེང་ན་གནས་པས་ཞེས་པ་ནི་རྣལ་འབྱོར་ཆེན་པོའི་རྒྱུད་ཀྱི་སྤྱོད་པ་ཐམས་ཅད་ཀྱི་མཆོག་ཡིན་པས་སོ། །དངོས་གྲུབ་འདོད་པ་རྣམས་ཀྱིས་ཞེས་
[2a.5]པ་ནི་ཞི་བ་ལ་སོགས་པའི་འཇིག་རྟེན་པའི་དངོས་གྲུབ་འདོད་པས་སོ། །དེ་བཞིན་གཤེགས་པ་དྲུག་པ་སྟེ་ཞེས་པ་ནི་ཐམས་ཅད་བསྡུ་བར་བྱེད་པ་བཅོམ་ལྡན་འདས་རྡོ་རྗེ་འཆང་ཞེས་བྱ་བའི་དོན་ཏོ། །སྦྱར་རོ་ཞེས་པ་ནི་བྱ་བ་དང་བྱེད་པ་པོའི་ཚིག་དག་གི་
[2b]
[2b.1]འབྲེལ་བའོ། །བདག་ཉིད་ཀྱི་སྐུ་དང་གསུང་དང་ཐུགས་ཀྱི་ལོངས་སྤྱོད་ལ་ཞེས་པ་ནི་རྣལ་འབྱོར་པའི་འབྲེལ་པ་དང་ལྡན་པའི་སྐུ་གསུང་ཐུགས་ཀྱི་བདེ་བ་ཆེན་པོ་མྱོང་བའོ། །རྣམ་པར་སྣང་མཛད་ལ་སོགས་པའོ་ཞེས་པ་ནི་རྣམ་པར་སྣང་མཛད་ལ་སོགས་པ་རེ་རེའི་སྐུ་ལ་སོགས་པའི་ངོ་བོ་ཡིན་པས་སོ། །ཤིན་
[2b.2]ཏུ་རྨད་དུ་བྱུང་བའི་དཀྱིལ་འཁོར་ཞེས་པ་ནི་སྲོག་གཅོད་པ་དང་མ་བྱིན་པར་ལེན་པ་དང་གཞན་གྱི་བུད་མེད་ལ་འགྲོ་བ་དང་བརྫུན་སྨྲ་བ་དང་ཚིག་རྩུབ་མོའི་སྒོ་ནས་དཔལ་རྡོ་རྗེ་འཆང་གི་གོ་འཕང་ཐོབ་པར་བྱེད་པའོ། །རིན་པོ་ཆེ་ལྟ་བུའི་གང་ཟག་གི་སྤྱོད་ཡུལ་ཡིན་གྱི་ཞེས་པ་ནི་དབང་པོ་རྣོ་བའི་གང་ཟག་དམ་པ་
[2b.3]རྣམས་ཀྱི་སྤྱོད་ཡུལ་ཡིན་པས་སོ། །གཞན་སངས་རྒྱས་ཀྱི་མུ་སྟེགས་པ་དག་ཅེས་པ་ནི་ཉན་ཐོས་ཀྱི་ཐེག་པ་ལ་སོགས་པ་ཞེས་བྱ་བའི་དོན་ཏོ། །སྐྲག་པར་བྱེད་པས་ཞེས་པ་ནི་བསྡིགས་པར་བྱེད་པས་སོ#། །བསྡིགས་པ་དེ་ཡང་སྲོག་གཅོད་པ་ལ་སོགས་པའི་ཚ་བའི་རྣམ་པར་སྨིན་པ་ཐོབ་#པས་སོ། །
[2b.4]ཐབས་ལ་མཁས་པ་དང་ལྡན་པའི་བསྔགས་#པ་རྣམས་ཀྱིས་འགལ་བའམ་མི་འགལ་བ་བྱེད་པས་བྱང་ཆུབ་ཉིད་ཐོབ་པར་འགྱུར་ཏེ། དགེ་བའམ་ནི་མི་དགེ་བ། །བྱང་ཆུབ་སེམས་དཔའ་བརྟགས་པ་ཡིས། །ཐམས་ཅད་དགེ་བ་ཉིད་འགྱུར་ཏེ། །གང་ཕྱིར་དེ་རྣམས་ཡིད་དབང་པོ#། །ཞེས་བཤད་
[2b.5]པའི་ཕྱིར་རོ། །མི་བསྟན་#པ་ནི་ཞེས་པ་ལ། དེ་རྣམས་ལ་བཤད་པར་མི་བྱའོ། །དེ་ཉིད་བསྟན་པར་བྱ་བའི་ཕྱིར། རྣམ་པ་དེ་ལྟ་བུ་ཞེས་བྱ་བ་ལ་སོགས་པས་#བསྟན་ཏོ། །སྒྲ་ཇི་བཞིན་པའོ་ཞེས་པ་ནི། བསྟན་པ་ཙམ་སོ་སོར་བསྟན་པ་ལ་སོགས་པའི་སྒྲས་སོ། །ནམ་མཁའི་དབྱིངས་ཀྱི་དབུས་གནས་
[2b.6]པ། །#ཞེས་པ་ནས་བརྩམས་ཏེ། གཞན་དུ་སྡིག་པའི་ཡུལ་#ཡིན་ནོ། །ཞེས་པའི་བར་དུ་ཐུགས་རྡོ་རྗེ་འཆང་གི་ཏིང་ངེ་འཛིན་གྱིས་དཀོན་མཆོག་གསུམ་ལ་གནོད་པར་བྱེད་པ་དང་#མཚམས་མེད་པ་རྣམ་པ་ལྔ་བྱེད་པ་ལ་སོགས་པ་ལ་#མངོན་སྤྱོད་ཀྱི་སྒོ་ནས་མི་བསྐྱོད་པའི་སངས་རྒྱས་ཀྱི་ཞིང་ལ་སྐྱེ་བ་#བསྟན་ཏོ། །དེ་ལ་
[2b.7]རིམ་པ་ནི་འདི་ཡིན་ཏེ། རེ་ཞིག་དང་པོ་རྣལ་འབྱོར་པས། །དང་པོའི་སྦྱོར་བའི་ཏིང་ངེ་འཛིན་གྱིས་དཔལ་རྡོ་རྗེ་འཆང་ཆེན་པོའི་ཕྱག་རྒྱ་ཆེན་པོའི་སྐུ་བསྒོམས་ལ་དེ་ཡོངས་སུ་གྱུར་པ་ལས་བཅོམ་ལྡན་འདས་མི་བསྐྱོད་པ་ཞལ་གསུམ་ཕྱག་དྲུག་པ་སྔར་བཤད་པའི་སྐུ་མདོག་དང་ཕྱག་མཚན་འཛིན་པ་བསྒོམས་ཏེ།
[3a]
[3a.1]རང་གི་ཕྱག་ལ་འབར་བའི་ཕྲེང་བས་ཁྱབ་པ་རྩེ་ལྔ་པའི་རྡོ་རྗེ་རྣམ་པར་བསམས་ལ། གདན་གྱི་པདྨའི་ནང་ནས་གྲུ་གསུམ་པ་མེའི་དཀྱིལ་འཁོར་གྱི་སྟེང་དུ་ཡི་གེ་ཧཱུཾ་ལས་བྱུང་བའི་ཉི་མའི་དཀྱིལ་འཁོར་འབར་བའི་ཕྲེང་བ་རྣམ་པར་སྤྲོ་བ་བསམས་ཏེ། རང་གི་སྙིང་གར་ཉི་མའི་དཀྱིལ་འཁོར་གྱི་
[3a.2]སྟེང་དུ་ཧཱུཾ་ལས་བྱུང་#བའི་འབར་བའི་རྡོ་རྗེ་ཉིད་བཀོད་ལ་དཀོན་མཆོག་གསུམ་ལ་སོགས་པ་ལ་གནོད་པར་བྱེད་པ་གཅེར་བུ་སྐྲ་གྲོལ་བ་ཏིལ་མར་གྱིས་ཡན་ལག་བྱུགས་པ། རླུང་གི་དཀྱིལ་འཁོར་གྱི་སྟེང་དུ་མེའི་དཀྱིལ་འཁོར་གྲུ་གསུམ་འབར་བའི་ཕྲེང་བས་ཁྱབ་པ་ལ་འདུག་པ་ཁྲོ་བོའི་རྒྱལ་པོའི་
[3a.3]ཚོགས་ཀྱིས་ཐོ་བ་ལ་སོགས་པས་བརྡེག་པར་གྱུར་པ། མཆེ་བ་རྣོ་བ་དང་ལྡན་པའི་ཁྱི་#ལ་སོགས་པའི་སྲོག་ཆགས་མ་རུངས་པས་བསྐྲད་པར་བྱ་བ་བསམས་ལ། སྡིག་པ་ཆེན་པོ་དང་ལྡན་པ་འདི་ཡིན་ནོ་ཞེས། ནམ་མཁའ་ལ་བཞུགས་པའི་དེ་བཞིན་གཤེགས་པ་རྣམས་ལ་གསོལ་བ་འདེབས་ཤིང་གསན་
[3a.4]དུ་བཅུག་ལ་ལས་ཀྱི་རྣམ་པར་སྨིན་པ་དཀའ་བ་མནར་མེད་པའི་སྡུག་བསྔལ་དེའི་རྗེས་སུ་དྲན་ནས་དེ་གདོན་པའི་བསམ་པ་དང་ལྡན་པས་རླུང་གི་དཀྱིལ་འཁོར་གྱི་#གཡོ་བ་ཆོས་འབྱུང་གི་ནང་ནས་འབྱུང་བ#། དེའི་དབུས་ན་གནས་པའི་གྲུ་གསུམ་པ་འབར་བའི་འོད་ཀྱིས་གདུང་བར་བྱ་བ་པདྨའི་ནང་དུ་ཞུགས་པའི་
[3a.5]གསང་བའི་རྡོ་རྗེ་འབར་བས་ཕྱེ་མར་བརླག་པར་བྱ་བ་རང་གི་སྙིང་ག་ལ་གནས་པའི་འབར་བའི་རྡོ་རྗེ་ཡང་དག་གི་ལམ་ནས་སྤྲོས་ཏེ། ལྷ་མོའི་ཁར་བཅུག་ལ་དེའི་སྙིང་གར་ཕྱིན་ནས་དེ་ལས་ཀྱང་ཐོག་འབར་བ་བཞིན་དུ་བཅུག་ནས་ཕྱེ་མར་གྱུར་པ་བསྲེགས་པས་ཐལ་བར་གྱུར་པར་བསམས་ཏེ། དེའི་རྣམ་པར་
[3a.6]ཤེས་པ་ཡང་དང་བ་#མར་མེ་དང་འདྲ་བར་བལྟས་ཏེ། དེ་ཡོངས་སུ་གྱུར་པ་ལས་བཅོམ་ལྡན་འདས་མི་བསྐྱོད་པ་ཞལ་གསུམ་པ་ལ་སོགས་པ་ལྟ་བུ་ལྷ་མོ་དང་སྙོམས་པར་ཞུགས་པར་དམིགས་ལ་དེ་ལས་སྤྲོས་ཏེ། ཞེ་སྡང་གི་སྤྱོད་པ་དང་ལྡན་པའི་སེམས་ཅན་གྱི་ཁམས་སྦྱོང་བ་སྔོན་དུ་འགྲོ་བས་མངོན་པར་དགའ་བའི་
[3a.7]སངས་རྒྱས་ཀྱི་ཞིང་ལ་བཞུགས་པ་དཀྱིལ་འཁོར་པ་རྣམས་ཀྱིས་ཡོངས་སུ་བསྐོར་བ་ཆོས་སྟོན་པར་མཛད་པར་བསམ་པར་བྱའོ། །འོད་འཕྲོ་བ་ཞེས་བྱ་བ་ལ་སོགས་པ་#རྡོ་རྗེ་འོད་དང་བཅས་པ་འདི་བསྟན་ཏོ། །འདིས་ཞེས་བྱ་བ་ལ་སོགས་པ་ནི་སྤྱི་ལ་གཅིག་གི་ཚིག་གོ། །ཁམས་གསུམ་དུ་བྱུང་བའི་དེ་
[3b]
[3b.1]བཞིན་གཤེགས་པ་རྣམས་ཞེས་པ་ནི་དེ་བཞིན་གཤེགས་པ་རྣམས་དབང་#པོར་བྱས་ནས་སོ། །རྡོ་རྗེ་ཕྱེ་མར་བརླག་པ་སྟེ། །ཞེས་པ་ནི་རྡོ་རྗེ་གསུམ་གྱིས་གདུལ་བར་དཀའ་བའི་གདུལ་བྱ་རྣམས་སོ། །དེ་རྣམས་ཀྱིས་#ཞེས་པ་ནི་གདུལ་བར་དཀའ་བའི་བསྒྲུབ་བྱ་རྣམས་ཀྱིའོ། །སྐུ་ལ་སོགས་པ་ནི་རྡོ་རྗེ་གསུམ་པོ་
[3b.2]དེས་ཕྱེ་མར་བརླག་པར་བསམ་པར་བྱའོ། །ཐུགས་ཀྱི་དངོས་གྲུབ་ཐོབ་པར་འགྱུར་བ་སྟེ་ཞེས་པ་ནི། བསྒྲུབ་བྱ་དཔལ་རྡོ་རྗེ་ཐུགས་ཀྱི་རྡོ་རྗེ་འཆང་གི་གོ་འཕང་ཐོབ་པའོ། །རྡོ་རྗེ་གསང་བ་འདི་ལྟ་བུས། །ཞེས་པ་ནི་གསང་བའི་རྡོ་རྗེ་དང་སྙིང་གའི་རྡོ་རྗེ་དང་ཕྱག་མཚན་གྱི་རྡོ་རྗེ་གསུམ་གྱིས་མཚམས་མེད་པ་ལྔ་བྱེད་
[3b.3]པའི་སེམས་ཅན་ཐམས་ཅད་བརླག་པར་བྱའོ། །བསམ་གཏན་གྱི་ཁྱད་པར་ཞེས་བྱ་བ་ལ་སོགས་པས་ཕན་ཡོན་བསྟན་ཏོ། །མི་བསྐྱོད་པའི་སངས་རྒྱས་ཀྱི་ཞིང་དུ་ཞེས་པ་ནི་མངོན་པར་དགའ་བ་ལའོ། །རྒྱལ་བའི་སྲས་ཞེས་པ་ནི་རྒྱལ་བ་དང་། རྒྱལ་བའི་སྲས་ནི་རྒྱལ་སྲས་ཏེ། སངས་རྒྱས་དང་བྱང་ཆུབ་
[3b.4]སེམས་དཔར་སྐྱེ་བར་འགྱུར་རོ། །འདི་ནི་ཞེས་བྱ་བ་ལ་སོགས་པས་ཉེ་བར་བསྡུས་པའོ། །འདིར་གང་ཞིག་གཅིག་པུ་ཞེས་བྱ་བ་ལ་སོགས་པས་ལུང་ཚད་མ་ཉིད་དུ་བསྟན་ཏེ། གལ་ཏེ་གཅིག་པུ་ནི་གདུལ་བར་དཀའ་བ་སྐྱེ་བོ་ཐམས་ཅད་ལ་#འཚེ་བར་བྱེད་པའོ། །བསད་ན་ནི་དེ་གདོན་པའི་ཕྱིར་སྲོག་དང་
[3b.5]བྲལ་བར་བྱ་བའོ། །མང་པོ་བདེ་བར་འགྱུར་བ་ནི་བདེ་བ་དང་ལྡན་པར་གྱུར་པ་གང་ཡིན་པ་དེ་ཡིན་པས་སོ། །བསོད་ནམས་ཀྱི་ཕུང་པོ་ཆེན་པོར་འགྱུར་རོ། །གཞན་དུ་ནི་གལ་ཏེ་དེ་ལྟར་མ་བྱས་ན། འཕྲན་ཚེགས་ལ་དམིགས་པ་ཙམ་གྱིས་ཕ་རོལ་གྱི་སྐྱོན་མཐོང་ནས་མངོན་སྤྱོད་བྱེད་ན་དེའི་ཚེ་སྡིག་པའི་
[3b.6]ཕུལ་དུ་འགྱུར་ཏེ་སྙིང་རྗེ་དང་ཕྲལ་#བས་སོ། །སྲོག་གཅོད་པས་ནི་མནར་མེད་པའི་སྡུག་བསྔལ་འབྱུང་བར་འགྱུར་ཏེ། སྲོག་གཅོད་པ་ནི་མ་རུངས་པ། །དྲག་པོ་ལག་པ་ཁྲག་གིས་བྱུགས།# །སྡིག་པའི་ལས་ནི་ཀུན་དུ་སྤྱོད#། །ངུ་འབོད་ལ་ནི་སྐྱེ་བར་འགྱུར། །ཞེས་འབྱུང་བས་སོ། །འོ་ན་ཏིང་ངེ་འཛིན་གྱི་
[3b.7]སྟོབས་ཀྱིས་གསོད་པ་དེ་ཡང་དམྱལ་བའི་རྒྱུར་ཇི་ལྟར་མི་འགྱུར་ཞེ་ན། སྨྲས་པ། བྱང་ཆུབ་སེམས་དཔའ་སེམས་དཔའ་ཆེན་པོས་ཞེ་སྡང་ལས་བྱུང་བའི་གསོད་པ་མི་བྱེད་ཅིང་འོན་ཀྱང་སྙིང་རྗེ་ཆེན་པོ་ལས་འབྱུང་བའོ། །སྙིང་རྗེ་ཆེན་པོ་ཡང་ཚད་མེད་པའི་མཚན་ཉིད་ཅན་བསོད་ནམས་ཀྱི་ཚོགས་ཀྱི་རྒྱུ་#ཉིད་དུ་
[4a]
[4a.1]འགྱུར་རོ། །དེ་བས་ན་བསམ་པའི་ཁྱད་པར་གྱི་དབང་གིས་མི་དགེ་བ་ཡང་དགེ་བར་འགྱུར་བ་དང་། དགེ་བ་ཡང་མི་དགེ་བར་འགྱུར་ཏེ། སྦྱིན་པ་བཏང་བས་སྦྱིན་པའི་འགྱོད་པ་སྐྱེས་པ་བཞིན་ནོ། །དགེ་བའམ་ནི་མི་དགེ་བ། །བྱང་ཆུབ་སེམས་དཔའི་རྟོག་པ་#ཡིས། །ཐམས་ཅད་དགེ་བ་
[4a.2]ཉིད་གྱུར་ཏེ། །གང་ཕྱིར་དེ་རྣམས་ཡིད་#དབང་བའོ། །ཞེས་འབྱུང་ངོ་། །གཞན་ཡང་ནང་ན་སྙིང་རྗེས་#ཁྱབ་པའི་ཕྱི་རོལ་དུ་གཟུགས་འགྱུར་བའི་བྱང་ཆུབ་སེམས་དཔའ་རྣམས་ཀྱིས་འགྲོ་བ་འདུལ་བར་བྱེད་པ་སྟེ། །ཇི་སྐད་དུ། ཉི་མའི་འོད་ཀྱིས་གདུངས་པའི་#མཚོ་ཆེན་པོ། །མཚུངས་པའི་སྐུ་ལྡན་ཁྲོས་པའི་
[4a.3]སྙིང་རྗེ་ཆེ། །ནང་ན་གངས་ལྟར་ཤིན་ཏུ་གྲང་བ་སྟེ། །འགྲོ་བ་འདུལ་ཕྱིར་ཕྱི་རོལ་དུ་#ནི་ཚ། །ཞེས་འབྱུང་བས་སོ། །གཞན་ཡང་མངོན་སྤྱོད་ཡིན་མོད་ཀྱི། འོན་ཀྱང་ཡན་ལག་ལྔ་པོའི་སྲོག་གཅོད་པའི་ཡན་ལག་གཅིག་མ་ཚང་བས་སྲོག་གཅོད་པ་མ་ཡིན་ནོ་ཞེས་ལུང་ལས་གསུངས་སོ། །རྣམ་
[4a.4]པར་རྟོག་པའི་དྲི་མ་#མ་ལུས་པ་རབ་ཏུ་བཅོམ་པ་སེམས་ཀྱི་རྒྱུད་ཐུགས་རྗེ་ཆེན་པོས་ཚིམ་པ། མནར་མེད་པའི་སྡུག་བསྔལ་ལས་གདུལ་བར་དཀའ་བའི་སེམས་ཅན་རྣམས་གདོན་པར་དཀའ་བ་འབའ་ཞིག་ཏུ་བྱང་ཆུབ་སེམས་དཔའ་མ་ཡིན་གྱི་ཇི་སྲིད་མངོན་པར་དགའ་བའི་སངས་རྒྱས་ཀྱི་ཞིང་ལ་དེ་
[4a.5]རྣམས་རབ་ཏུ་གནས་པར་འདོད་པ་སྔགས་དང་ཕྱག་རྒྱ་དང་ཏིང་ངེ་འཛིན་གྱི་རིམ་#པས་དེ་རྣམས་ཀྱི་སྲོག་འགུགས་པར་བྱེད་པའི་ཇི་ལྟར་སྡིག་པ་སྐྱེ་བར་འགྱུར། འོན་ཏེ་སེམས་ཅན་མ་ལུས་པའི་དོན་བསྒྲུབ་#པས་ལོངས་སྤྱོད་དང་ཐར་པའི་འབྲས་བུ་ཐོབ་པར་འགྱུར་རོ་ཞེས། བསྡུས་པའི་དོན་ཏོ། །ཡང་ན་
[4a.6]འཁོར་གསུམ་རྣམ་པར་དག་པས་མངོན་སྤྱོད་བྱེད་ན་ཡང་སྐྱོན་མེད་དེ། དྲག་པོའི་ཉེར་འགྲོ་རྣམ་རིག་ནི། །སྐད་ཅིག་#ཡིན་པས་མི་འཐད་དེ། །འོན་ཏེ་ཚུལ་འདི་ཉིད་ལ་ནི། །གང་དུ་བསད་བྱ་གསོད་བྱེད་མིན། །ཞེས་འབྱུང་བས་སོ། །གཏི་མུག་གི་དམ་ཚིག་ཅེས་པ་ནི་རྣམ་པར་སྣང་མཛད་ཀྱི་རིགས་ཀྱི་
[4a.7]དམ་ཚིག་གོ། །རྨོངས་ཤིང་མ་རིག་པ་ཞེས་པ་ནི་སྣང་བ་ཉེ་བར་ཐོབ་པའི་ཡེ་ཤེས་ཀྱི་རྣམ་གྲངས་སོ། །ཡང་དག་པའི་མཐའ་ཐོབ་པར་མཛད་པ་ཞེས་པ་ནི་འོད་གསལ་བའི་དེ་ཁོ་ན་ཉིད་མངོན་དུ་བྱེད་པའོ། །སྣང་བ་ཉེ་བར་ཐོབ་པ་ལ་སོགས་པའི་རིམ་པས་འོད་གསལ་བའི་གོ་འཕང་#མངོན་དུ་བྱེད་པར་འགྱུར་ཏེ། རིམ་པ་གཉིས་པ་
[4b]
[4b.1]དང་བཞི་པ་དག་གིས་སོ། །རང་བཞིན་གྱིས་ཡོངས་སུ་དག་པ་སྟེ་དེ་ཉིད་ཀྱི་#ཕྱིར་རོ། །བསོད་ནམས་དང་བསོད་ནམས་མ་ཡིན་པ་དག་གིས་མ་གོས་པ་ནི་ཞེས་པ་ལ། ཀུན་ནས་ཉོན་མོངས་པ་དང་། རྣམ་པར་བྱང་བའི་བག་ཆགས་དག་གིས་མ་རེག་པའོ། །དེས་ནི་ཟུང་དུ་འཇུག་པའི་རིམ་པའི་བདག་ཉིད་བཅོམ་
[4b.2]ལྡན་འདས་བསྟན་ཏོ། །སེར་སྣའི་ཉོན་མོངས་པ་སེལ་བའི་བདག་ཉིད་ཀྱིས་ཞེས་པ་ནི་ཉོན་མོངས་པ་སེར་སྣ་ལས་ལྡོག་པའི་མཚན་ཉིད་ཅེས་བྱ་བའི་དོན་ཏོ། །ཕྱིན་ཅི་མ་ལོག་པས་#ཞེས་པ་ནི་མི་སླུ་#བའོ། །རྫས་དགུག་པ་ནི་སེར་སྣ་དང་བཅས་པའི་སྐྱེ་བོའི་ནོར་དགུག་པའོ། །བཤད་ཟིན་པ་ནི་མི་བསྐྱོད་པ་ལ་
[4b.3]སོགས་པའི་ཏིང་ངེ་འཛིན་བཞིན་ནོ། །འཁོར་ལོའི་དཀྱིལ་འཁོར་ཞེས་བྱ་བ་ལ་སོགས་པས་དང་པོ་#སྦྱོར་བའི་ཏིང་ངེ་འཛིན་གྱི་རིམ་པས་རང་གི་བདག་ཉིད་རྡོ་རྗེ་འཆང་ཆེན་པོའི་སྐུ་བསྐྱེད་ལ་དེ་ཡོངས་སུ་གྱུར་པ་ལས་ཇི་ལྟར་གསུངས་པའི་དབྱིབས་དང་ཁ་དོག་ལ་སོགས་པ་དང་ལྡན་པ་རྣམ་པར་སྣང་མཛད་
[4b.4]བསྒོམས་ལ། དཀྱིལ་འཁོར་རྒྱལ་བ་མཆོག་གི་ཏིང་ངེ་འཛིན་གྱིས་དཀྱིལ་འཁོར་པ་རྣམས་སྤྲོས་ལ་དེ་རྣམས་ཀྱང་སེར་སྣ་ཅན་གྱི་སྐྱེས་བུའི་མཛོད་ལ་སོགས་པ་ལ་ཞུགས་ནས་རང་གི་བ་སྤུའི་བུ་ག་ནས་བྱུང་བའི་འོད་ཟེར་གྱི་ཚོགས་ཀྱིས་དེ་རྣམས་ཀྱི་རིན་པོ་ཆེ་ལ་སོགས་པས་#བཅིངས་ཏེ། རང་
[4b.5]གི་ལྕེ་ལས་བྱུང་བའི་ཡི་གེ་ཧྲཱིཿ#ཡོངས་སུ་གྱུར་པའི་ལྕགས་ཀྱུས་བཀུག་ལ་རླུང་གི་དཀྱིལ་འཁོར་གྱིས་བསྐུལ་ཞིང་དེ་བཞིན་གཤེགས་པ་ཁྲོ་བོའི་#གཟུགས་འཛིན་པས་བསྲུང་བ། རང་གི་མཛོད་ལ་འཇུག་ཅིང་གནས་པར་བསྒོམ་པར་བྱའོ། །དེ་ཉིད་བསྟན་པར་བྱ་བའི་ཕྱིར། རྡོ་རྗེ་འཆང་ཆེན་པོའི་
[4b.6]ཕྱག་རྒྱ་ཆེན་པོའི་སྐུ་སྟེ་དང་པོ་སྦྱོར་བའི་ཡན་ལག་ཏུ་གྱུར་པའི་ཏིང་ངེ་འཛིན་ལས་བསྐྱེད་པའོ། །དེ་ཡོངས་སུ་གྱུར་པ་ལས་ཞེས་པ་ནི་རྡོ་རྗེ་འཆང་ཆེན་པོ་ཡོངས་སུ་གྱུར་པས་སོ། །རྣམ་པར་སྣང་མཛད་དུ་བདག་ཉིད་བསྒོམས་ལ་ཞེས་པ་ནི་རྗེས་སུ་#རྣལ་འབྱོར་དང་ཤིན་ཏུ་རྣལ་འབྱོར་དང་རྣལ་འབྱོར་ཆེན་པོའི་རིམ་པས་
[4b.7]རྫོགས་པའོ། །དཀྱིལ་འཁོར་ཐམས་ཅད་ཅེས་པ་ནི་མི་བསྐྱོད་པ་ལ་སོགས་པའོ། །དབྱུང་བར་བྱའོ་ཞེས་པ་ནི་ཕྱག་རྒྱ་འདུས་བྱས་པ་སྔོན་དུ་འགྲོ་བར་དཀྱིལ་འཁོར་རྒྱལ་བ་མཆོག་གི་ཏིང་ངེ་འཛིན་གྱི་རིམ་པས་སྤྲོ་བར་བྱའོ། །དཀར་པོ་ལ་སོགས་པའི་མདོག་དང་ལྡན་པ་ཞེས་པ་ནི་དཀར་པོ་ལ་
[5a]
[5a.1]སོགས་པའི་འོད་ཟེར་དང་ལྡན་པའོ། །རིན་པོ་ཆེའི་རིགས་ཞེས་པ་ནི་ཆུ་ཤེལ་ལ་སོགས་པ་#རིན་པོ་ཆེའི་རིགས་སོ། །དེ་ཡི་དོན་དུ་རབ་སྦྱོར་བས། །ཞེས་པ་ནི་དེ་རྣམས་དགུག་པའི་དོན་དུའོ། །མི་བསྐྱོད་པ་ལ་སོགས་པ་དེ་བཞིན་གཤེགས་པ་#རྣམས་སུ་ཞེས་པ་ནི་རབ་ཏུ་བརྟག་ཅིང་
[5a.2]གཏོང་བ་སྟེ། འོད་ཅེས་པ་ནི་འོད་ཟེར་གྱི་སྦྱོར་བས་སྤྲོ་བར་བྱའོ། །དེ་ཉིད་བསྟན་པར་བྱ་བའི་ཕྱིར། རིན་པོ་ཆེ་གང་དང་གང་ཞེས་བྱ་བ་ལ་སོགས་པ་སྨོས་ཏེ། དགོངས་པ་ནི་ཇི་ལྟར་དཀར་པོ་ལ་སོགས་པའི་ཁ་དོག་དང་ལྡན་པ་རྣམ་པར་སྣང་མཛད་ལ་སོགས་པའི་སྐུ་ལ་དམིགས་ནས་ཞི་བ་ལ་
[5a.3]སོགས་པ་འགྲུབ་པ་དེ་བཞིན་དུ་ཁ་དོག་མཐུན་པ་ལ་དམིགས་ནས་རིན་པོ་ཆེ་རྣམས་ཀྱང་དགུག་#པར་བྱའོ། །དེ་ལྟར་ཞེས་བྱ་བ་ལ་སོགས་པས་བཀའི་འཁོར་ལོ་བསྐུལ་བ་སྔོན་དུ་འགྲོ་བར་རྣལ་འབྱོར་པའི་ཕྲིན་ལས་བཤད་པར་བྱ་སྟེ། དེ་བཞིན་གཤེགས་པ་རྣམས་ཀྱིས་#རྫས་དགུག་པ་ཞེས་
[5a.4]པ་ནི་སེར་སྣ་ཅན་གྱི་སྐྱེས་བུའི་ནོར་དགུག་བྱའོ། །རྡོ་རྗེ་གསུམ་ནི་མདོར་བསྟན་པའོ། །སྐུ་དང་ཞེས་བྱ་བ་ལ་སོགས་པས་ནི་རྒྱས་པར་བཤད་པའོ། །འདི་ལྟ་སྟེ་བ་སྤུའི་བུ་ག་ཞེས་པ་ལ་སོགས་པ་ཡང་བཤད་པའོ། །དེ་ཡང་གོ་སླའོ། །ཕན་ཡོན་བསྟན་པར་བྱ་བའི་ཕྱིར་མི་ཟད་པའི་ཕྱིར་ན་ཞེས་པ་ནི་
[5a.5]སྣོད་དམ་པ་ལ་དབུལ་#བའི་ཕྱིར་རོ། །སྐྱེས་བུ་གང་གིས་སངས་རྒྱས་ལ་འབུལ་ཏེ། །དེ་ཡི་ལོངས་སྤྱོད་ཕུན་སུམ་ཚོགས་པ་#མི་ཟད་འགྱུར། །ཞེས་འབྱུང་ངོ་། །ཡིད་ལ་མངོན་པར་འདོད་པའི་#དོན་རབ་ཏུ་སྐྱེད་པའི་ནོར་བུའི་བྱེ་བྲག་སྟེ་ཞེས་པ་ནི། འཁོར་ལོས་སྒྱུར་བའི་ཁྱིམ་དུ་གང་ཡོད་པའོ། །དེ་དང་འདྲ་
[5a.6]བ་ནི་དེ་དང་#མཚུངས་པ་སྟེ་ཕ་རོལ་རྣམས་ཀྱི་ཡང་དབུལ་བོའི་སྡུག་བསྔལ་བཅོམ་པར་བྱེད་པའོ། །འོ་ན་བསམ་པ་དང་དད་པ་དག་གིས་#གཞན་ལ་སྦྱིན་པ་གང་ཡིན་པ་དེའི་འབྲས་བུ་དང་འབྲེལ་བ་#རིགས་པ་ཡིན་ཏེ། སྦྱིན་པ་དད་པས་དབུལ་#བར་བྱ། །ཞེས་འབྱུང་བས་སོ། །གང་ཞིག་དད་པའི་སེམས་
[5a.7]མ་བྱུང་བའི་སེར་སྣ་ཅན་གྱི་ནོར་སྟོབས་ཀྱིས་ཕྲོགས་པ་#དེའི་འབྲས་བུ་དང་འབྲེལ་བ་མེད་ན་མི་ཟད་པ་ཉིད་སྨོས་ཀྱང་ཅི་དགོས། གང་གི་ཕྱིར་དགེ་བ་འམ་མི་དགེ་བའི་ལས་ཐམས་ཅད་ཀྱི་བྱ་བ་ཡིད་ཀྱི་བྱ་བ་དང་འབྲེལ་པས་འབྲས་བུ་དང་ལྡན་པར་འགྱུར་གྱི། ལུས་དང་ངག་གི་རྣམ་པར་རིག་བྱེད་ཡོད་ན་
[5b]
[5b.1]ཡང་དེ་མངོན་དུ་མ་གྱུར་པས་དོན་མེད་པར་འགྱུར་རོ། །བཟླས་#པ་དཀའ་ཐུབ་ཐམས་ཅད་ནི། །ཡུན་རིང་དུ་ཡང་བྱས་པ་སྟེ། །གཞན་གྱི་སེམས་ཀྱིས་#བྱས་པ་ན། །དེ་ཉིད་རིག་པས་དོན་མེད་གསུངས། །ཞེས་འབྱུང་ངོ་། །སེར་སྣ་ཅན་གྱི་སྦྱིན་པའི་སེམས་མེད་པ་འབའ་ཞིག་ཏུ་མ་ཟད་ཀྱི་འོན་ཀྱང་
[5b.2]ཁྲོས་པའི་སོགས་#ཀྱང་བསྐྱེད་ཏེ་རྫས་དབྲོག་པར་མཐོང་བས་སོ། །གང་ལ་སྨོད་པའི་སེམས་བསྐྱེད་པ་དེ་ནི་བྱང་ཆུབ་སེམས་དཔའོ། །བྱང་ཆུབ་སེམས་དཔའ་ལ་སེམས་ཀྱིས་སྨོད་པས་དམྱལ་བར་སྐྱེ་བར་འགྱུར་ཏེ། དེ་ལྟར་ཡོན་བདག་རྒྱལ་བའི་སྲས་ལ་ནི། །གང་གི་རང་གི་#སེམས་ཀྱིས་སྨོད་བྱེད་
[5b.3]པ། །སྨོད་པ་རྣམས་ནི་འབྱུང་བའི་གྲངས་ཀྱི་ནི། །བསྐལ་པར་དམྱལ་བར་གནས་ཞེས་མགོན་པོས་གསུངས། །གལ་ཏེ་གང་གིས་#ཡིད་ནི་དད་གྱུར་ན། །དེ་ཡི་འ#བྲས་བུ་དེ་ལས་ལྷག་པར་བསྐྱེད#། །གང་ཕྱིར་སྟོབས་ནི་ཆེན་པོས་སྡིག་པ་ནི། །རྒྱལ་བའི་སྲས་ལ་ལྷུན་གྱིས་དགེ་བར་འགྱུར། །ཞེས་
[5b.4]འབྱུང་ངོ་། །དེ་བས་ན་མི་ཟད་པ་ཞེས་རིགས་པ་མ་ཡིན་ནོ་ཞེ་ན། སྨྲས་པ་འདིར་བྱང་ཆུབ་སེམས་དཔའ་སེམས་དཔའ་ཆེན་པོས་གཞན་གྱི་དོན་བྱ་བ་ལས་མ་གཏོགས་པ་གཞན་ནི་མི་སྤྱོད་པ་#དེ་གཞན་གྱི་དོན་ཡང་སྙིང་རྗེ་ཆེན་པོ་མངོན་#དུ་གྱུར་པ་སྔོན་#དུ་འགྲོ་བ་ཡིན་ནོ། །ཇི་སྐད་དུ། སེམས་བསྐྱེད་
[5b.5]པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །མདོར་བསྡུས་པ་དང་རྒྱས་པ་ཡིས། །དེ་ནི་ཇི་ལྟར་མདོ་བཤད་བྱ། །ཞེས་འབྱུང་ངོ་། །དེ་བས་ན་སྙིང་རྗེ་ཆེན་པོ་དང་ལྡན་པའི་བྱང་ཆུབ་སེམས་དཔའ་སེར་སྣ་ཅན་གྱི་རྣམ་པར་སྨིན་པ་ཚ་བའི་ཡི་དགས་ཉིད་རྣམ་པར་སྤྱོད་ནས་དེ་
[5b.6]ལས་གདོན་པའི་བསམ་བས། གལ་ཏེ་དེའི་ནོར་སྔགས་དང་ཕྱག་རྒྱའི་སྦྱོར་བས་འཕྲོག་ན་དེའི་ཚེ་དེའི་སྡོམ་པ་ཉམས་པར་མི་འགྱུར་ཏེ། བསམ་པའི་ཁྱད་པར་དང་ལྡན་པའི་ཕྱིར་རོ། །ནོར་གྱི་བདག་པོ་རྣམས་ཀྱང་སྣོད་དམ་པའི་ལག་ཏུ་བྱིན་པས་འབྲས་བུ་དང་ལྡན་པར་འགྱུར་ཏེ། ཇི་སྐད་དུ།
[5b.7]མེས་ཚིག་པའམ་ཆུས་ཁྱེར་བའམ#། རྒྱལ་པོ་རྣམས་ཀྱིས་#འཕྲོག་པའམ། །གང་ཞིག་ནོར་ནི་རང་སྦྱིན་པ། །ཚེ་ཕྱི་མ་ལ་དྲུག་འགྱུར་འགྱུར། །ཞེས་འབྱུང་བས་བེམས་པོས་#ཁྱེར་བ་ཡང་ནོར་གྱི་#འབྲས་བུ་དང་ལྡན་པ་ཡིན་གྱི། འདོད་ཆགས་ལ་སོགས་པའི་ཉེས་པ་དང་བྲལ་བའི་བྱང་ཆུབ་
[6a]
[6a.1]སེམས་དཔའི་ཕྱག་ཏུ་ཕྱིན་ན་ཇི་ལྟར་འབྲས་བུ་དང་ལྡན་པར་མི་འགྱུར་རོ།# །སེར་སྣ་ཅན་ལ་བསམ་པ་མེད་དོ་ཞེས། གང་སྨྲས་པ་དེ་ལ་ཡང་སྨྲ་བར་བྱ་སྟེ། སེར་སྣ་ཅན་གྱི་ཆོས་སྟོན་པ་ལ་སོགས་པས་བསྐལ་པ་སྟོང་གིས་ཀྱང་གཏོང་བའི་སེམས་བསྐྱེད་པར་མི་འགྱུར་རོ། །དེ་མ་སྐྱེས་པས་
[6a.2]རྣམ་པར་སྨིན་པ་ནི་དཀའ་བ་རྙེད་#པར་མི་འགྱུར་རོ། །བསྐལ་པ་སྟོང་གིས་ཉམས་སུ་མྱོང་བའི་ཡི་དགས་ཀྱི་སྡུག་བསྔལ་ལ་སྐད་ཅིག་#རྫས་འཕྲོག་པའི་སྡུག་བསྔལ་སྐད་ཅིག་མ་ཡིན་པས་མི་གནོང་དེ་ཇི་སྐད་དུ། གསད་བྱའི་ལག་པ་བཅད་ནས་ནི། །གཏོང་བར་གྱུར་ན་ཇི་མ་#རུང་། །མ་ཡི་#མངལ་གྱི་
[6a.3]དམྱལ་བ་ལས། །གྲོལ་བར་གྱུར་ན་ཅི་མ་#རུང་། །ཞེས་འབྱུང་ངོ་། །དེ་བས་ན་ཆེ་བ་དང་ཆུང་བའི་བསམ་པས་སེར་སྣ་ཅན་གྱི་སྐྱེས་བུའི་དུབ་པའི་སེམས་ཀྱི་འབྲས་བུ་མཆོག་མཐོང་བས་ལེགས་པ་ཡིན་ནོ། །ཞེས་སྐྱོན་མེད་དོ། །ཡང་ན་སེར་སྣ་ཅན་གྱི་ནོར་བཀུག་ནས། སླར་ཡང་དེ་ཉིད་ལ་བྱང་ཆུབ་
[6a.4]སེམས་དཔས་བྱིན་ནས་ཆོས་བསྟན་པར་བྱ་སྟེ། །བུ་#སྨད་ཀྱི་ཕྱིར་ནོར་བསྲུང་བ། །གང་ཞིག་མི་སྤྱོད་སྟེར་མ་ཡིན། །དེ་ལས་སྦྱིན་པར་བླང་བ་ཡི#། །དད་སྤྱོད་ཡི་དགས་སྐྱེ་བར་འགྱུར། །ཞེས་བྱ་བ་ལ་སོགས་པའི་ཆོས་བསྟན་པའི་ཚིག་གི་རྒྱུད་དེ་ཉིད་ཀྱིས་དེ་ཉིད་#བཏུལ་ལ་ཡང་དག་པར་གཟུང་ཞིང་ནོར་
[6a.5]དེ་གཏོང་བ་ལ་འཇུག་ཅིང་། བསོད་ནམས་ཀྱི་ཚོགས་སྔོན་དུ་འགྲོ་བར་ཡེ་ཤེས་ཀྱི་ཚོགས་ཉེ་བར་བསགས་ལ་རིམ་གྱིས་བྱང་ཆུབ་སེམས་དཔའ་ཉིད་དང་སངས་རྒྱས་ཉིད་ཐོབ་པར་འགྱུར་རོ་ཞེས་ཤིན་ཏུ་ཕལ་ཆེར་ཐལ་བས་ཆོག་གོ།# །རྣལ་མ་རྣམ་པར་དཔྱད་པར་བྱ་སྟེ། །རྫས་ཀྱི་བདག་པོ་ཞེས་པ་ནི།
[6a.6]སེར་སྣ་ཅན་གྱི་སྐྱེས་བུ་ཕུན་སུམ་ཚོགས་པ་དང་ལྡན་པར་འགྱུར་རོ། །འཇིག་རྟེན་པ་ཞེས་བྱ་བ་ལ་སོགས་པས་རྫས་ཀྱི་ཕུན་སུམ་ཚོགས་པ་འགའ་#ཞིག་དགག་པར་བསྟན་ཏོ། །སངས་རྒྱས་ཐམས་ཅད་ཀྱི་སྲས་ཀྱི་གཙོ་བོར་གྱུར་པ་ཞེས་བྱ་བ་ལ་སོགས་པ་ནི་མཐོང་བ་དང་། བསྒོམ་པ་ལ་སོགས་
[6a.7]པའི་ལམ་གྱི་#ཡང་དག་པའི་ཡེ་ཤེས་མངོན་དུ་བྱས་ལ་སླར་ཡང་རིམ་པ་གཉིས་བསྒོམས་པས་བྱང་ཆུབ་སེམས་དཔའ་དང་སངས་རྒྱས་ཉིད་ཐོབ་པར་འགྱུར་རོ་ཞེས་བྱ་བའི་དོན་དུ་དེ་ཉིད་བསྟན་པར་བྱ་སྟེ་ཕྱིས་དེ་བཞིན་གཤེགས་པར་འགྱུར་རོ་ཞེས་བྱ་བའོ། །འདི་ནི་ཞེས་བྱ་བ་ལ་སོགས་པས་གཏི་མུག་གི་
[6b]
[6b.1]རིགས་ཀྱི་དམ་ཚིག་ཉེ་བར་བསྡུས་པ་བསྟན་ཏོ། །དཔལ་རྣམ་པར་སྣང་མཛད་མངོན་པར་བྱང་ཆུབ་པ་ཞེས་བྱ་བ་སྤྱོད་པའི་རྒྱུད་ཅེས་བྱ་བ་འདིས་ལུང་ཚད་མ་ཉིད་དུ་བསྟན་ཏོ། །བྱང་ཆུབ་སེམས་དཔའ་ཐམས་ཅད་ཀྱིས་ཞེས་པ་ནི་བྱང་ཆུབ་སེམས་དཔའི་སྐུ་གསུང་ཐུགས་ཀྱིས་སོ། །མ་བྱིན་པར་ལེན་པ་
[6b.2]ཐམས་ཅད་ཅེས་པ་ནི་དམན་པ་དང་བར་མ་དང་མཆོག་ལས་སོ། །སེར་སྣ་ཅན་ལས་མ་གཏོགས་པའོ་ཞེས་པ་ནི་དེ་ལ་ལྡོག་པར་མི་བྱའོ་ཞེས་བྱ་བའི་དོན་ཏོ། །འདོད་ཆགས་ཀྱི་རིགས་ཀྱི་དམ་ཚིག་ལ་འཇུག་པ་ཞེས་པ་འདིས་འོད་དཔག་#མེད་པའི་རིགས་བསྒོམ་#པའི་སྒོ་ནས་ཕ་རོལ་གྱི་བུ་
[6b.3]སྨད་ལ་འགྲོ་བའི་མཚན་ཉིད་ཀྱི་རྣལ་འབྱོར་གྱིས་འདོད་པ་ཐམས་ཅད་ཀྱི་དབང་ཕྱུག་ཉིད་དུ་བསྟན་ཏོ། །རང་གི་རང་བཞིན་བསྒྱུར་བས་ཞེས་པ་ནི་མིག་ལ་སོགས་པའི་དབང་པོའི་ཚོགས་ལ་རང་གི་ངོ་བོ་སོ་སོར་སྣང་བས་སོ། །གཟུགས་ལ་སོགས་པ་ཞེས་པ་ནི་མིག་ལ་སོགས་པའི་དབང་པོའི་སྤྱོད་
[6b.4]ཡུལ་ཏེ་ཡུལ་ལྔའོ། །ཐར་པ་འདོད་པ་ཞེས་པ་ནི་གྲོལ་བར་འདོད་པའི་རྣལ་འབྱོར་པ་རྣམས་སོ། །སྡུག་བསྔལ་ཐམས་ཅད་ཉེ་བར་ཞི་བའི་མཚན་ཉིད་ཅན་ཞེས་པ་ནི་སྡུག་བསྔལ་ཐམས་ཅད་ཀྱི་རྒྱུར་གྱུར་པ་འདོད་ཆགས་ལ་སོགས་པའི་རང་བཞིན་གང་ཡིན་པ་དེ་རྣམས་སྔགས་དང་ཕྱག་རྒྱའི་རིམ་
[6b.5]པས་ཉེ་བར་ཞི་བའི་མཚན་ཉིད་ཅན་ནི་སྤང་བའི་མཚན་ཉིད་སྒྲུབ་པར་བྱེད་པ་སྟེ་རྫོགས་པར་བྱེད་པའོ། །བདེན་པ་གཉིས་ཀྱི་བདག་ཉིད་ཅན་ཡིན་པས་ན་ཞེས་པ་#ནི་ཀུན་རྫོབ་དང་དོན་དམ་པ་དབྱེར་མེད་པའི་བདག་ཉིད་དོ། །མི་གནས་པའི་མྱ་ངན་ལས་འདས་པ་ལ་གནས་པས་ནི་#ཞེས་པ་ནི་གཉིས་ཀ་#
[6b.6]ལ་དམིགས་པ་ལས་རྣམ་པར་གྲོལ་བས་སོ། །ནམ་མཁའ་ཞེས་བྱ་བ་ལ་སོགས་པས་ཇི་#སྐད་བཤད་པ་ཡིན་ཏེ། རེ་ཞིག་དང་པོ་རྣལ་འབྱོར་པས་#རྣལ་འབྱོར་བཞིའི་རིམ་པས་རྡོ་རྗེ་འཆང་ཆེན་པོ་ཡོངས་སུ་གྱུར་པ་ལས། ཞལ་གསུམ་པ་ལ་སོགས་པའི་རྣམ་པ་ཅན་བཅོམ་ལྡན་འདས་འོད་དཔག་ཏུ་མེད་པ་གོས་
[6b.7]དཀར་མོ་དང་སྙོམས་པར་ཞུགས་པར་བསམས་ཏེ། དཀྱིལ་འཁོར་རྒྱལ་བ་མཆོག་གི་ཏིང་ངེ་འཛིན་གྱི་རིམ་པས་དཀྱིལ་འཁོར་#སུམ་ཅུ་རྩ་གཉིས་སྤྲོས་ལ། དེ་དག་ཐམས་ཅད་དང་ཁམས་གསུམ་གྱི་ནང་ན་གནས་པའི་སེམས་ཅན་གྱི་ཁམས་ཐམས་ཅད་ཀྱི་བུད་མེད་ཀྱི་ཚོགས་དང་ལྷན་ཅིག་
[7a]
[7a.1]གཅིག་ཏུ་#འདུས་ཏེ་གོས་དཀར་མོའི་རྣམ་པར་བསམས་ལ། དེ་དག་ཐམས་ཅད་རང་འོད་སྣང་བའི་གོས་དཀར་མོ་ལ་བསྡུས་ཏེ། དེ་དང་ལྷན་ཅིག་ཏུ་འཁོར་ལོ་གཉིས་ཀ་རྗེས་སུ་ཆགས་པའི་རིམ་པས་སྙོམས་པར་ཞུགས་པའི་བདེ་བ་ཉམས་སུ་མྱོང་ལ། ཇི་སྲིད་ཆོས་དང་ལོངས་སྤྱོད་
[7a.2]དང་སྤྲུལ་པའི་སྐུ་དང་དབྱེར་མེད་པའི་ལོངས་སྤྱོད་#བདེ་བ་ཆེན་པོར་#མྱོང་བར་གྱུར་པ་དེ་སྲིད་དུ་གནས་པར་བྱའོ་ཞེས་སྟོན་ཏོ། །དེ་ཉིད་བསྟན་པར་བྱ་བའི་ཕྱིར། འོད་དཔག་ཏུ་མེད་པ་བསྐྱེད་པར་མཛད་པའི་ཞེས་པ་ནི་རྡོ་རྗེ་འཆང་ཆེན་པོའི་ཕྱག་རྒྱ་ཆེན་པོ་ཡོངས་སུ་གྱུར་པ་ལས་འོད་དཔག་ཏུ་མེད་པ་བསྐྱེད་
[7a.3]པས་སོ། །ཉེ་བར་གདགས་པས་ན་ཞེས་པ་ནི་རྒྱུ་ལ་འབྲས་བུ་ཉེ་བར་གདགས་པ་སྟེ་མར་མེ་#བཞིན་ནོ། །རྡོ་རྗེ་འཆང་ཆེན་པོ་ཡོངས་སུ་གྱུར་ནས་ཞེས་པ་ནི་སྔ་མ་བཞིན་དུ་རྣལ་འབྱོར་གྱི་ཡན་ལག་གིས་སོ། །འོད་དཔག་ཏུ་མེད་པ་རབ་ཏུ་བསྒོམས་ལ་ཞེས་པ་ནི་རྗེས་སུ་རྣལ་འབྱོར་ལ་སོགས་པ་
[7a.4]གསུམ་གྱིས་སོ། །དཀྱིལ་འཁོར་བའི་ལྷ་རྣམས་ཀྱིས་ནི་མི་བསྐྱོད་པ་ལ་སོགས་པའོ། །གཞལ་ཡས་ཁང་གི་ནང་ཐམས་ཅད་ཅེས་པ་ནི་གཞལ་ཡས་ཁང་པའི་ནང་ན་གནས་པ་པདྨ་དང་ཟླ་བ་དང་ཉི་མ་ལ་སོགས་པའི་གདན་རྣམས་སོ། །གནས་ཇི་ལྟ་བ་#བཞིན་དུ་སྤྲོ་བར་བྱ་#ཞེས་པ་ནི་ཤར་ལ་
[7a.5]སོགས་པའི་ཕྱོགས་རྣམས་སུ་ཕྱག་རྒྱ་ལེགས་པར་སྦྱངས་པ་སྔོན་དུ་འགྲོ་བར། དམ་ཚིག་གི་དཀྱིལ་འཁོར་གྱི་རིམ་པས་དབྱུང་#བར་བྱའོ། །དཀྱིལ་འཁོར་ཐམས་ཅད་དེ་ཞེས་པ་ནི་འོད་དཔག་ཏུ་མེད་པའི་དཀྱིལ་འཁོར་ལའོ། །དཀྱིལ་འཁོར་ཐམས་ཅད་ཅེས་པ་ནི་མི་བསྐྱོད་པ་ལ་སོགས་
[7a.6]པའི་དཀྱིལ་འཁོར་རོ། །བུད་མེད་དང་སྐྱེས་པ་ལྟ་བུ་ཞེས་པ་ནི་དེ་ལ་བུད་མེད་ཀྱི་རྣམ་པ་ནི་སྤྱན་མ་ལ་སོགས་པའོ། །སྐྱེས་པའི་རྣམ་པ་ནི་མི་བསྐྱོད་པ་ལ་སོགས་པའོ། །བུད་མེད་ལྟ་བུར་སྦྱར་བར་ཞེས་པ་ནི་ཁམས་གསུམ་གྱི་ནང་ན་གནས་པའི་མ་ལུས་པ་ལུས་པ་མེད་པའི་བུད་མེད་ཀྱི་
[7a.7]ཚོགས་དང་དབྱེར་མེད་པར་བསྒོམ་པར་བྱའོ། །དེ་ཉིད་བསྟན་པར་བྱ་བའི་ཕྱིར། བུད་མེད་ལྟ་བུ་ནི་མོ་ལྟ་བུ་སྟེ་གོས་དཀར་མོའི་རྣམ་པ་ཅན་ནོ། །དེ་ལྟ་བུའི་སྦྱོར་བ་#ཞེས་པ་ནི་དབྱེར་མེད་པར་བྱའོ། །བུད་མེད་ཀྱི་རྣམ་པ་ལྟ་བུ་ཡོངས་སུ་གྱུར་པ་ཞེས་པ་ནི་རང་འོད་སྣང་བ་དང་འཁྱུད་པ་ལ་སོགས་#གོས་
[7b]
[7b.1]དཀར་མོའི་རྣམ་པར་ཡོངས་སུ་གྱུར་པ་ནི་གཅིག་ཏུ་བྱ་བའོ། །ཇི་ལྟར་ཞེ་ན་ཞེས་པ་ལ་སོགས་པས་བུད་མེད་ཀྱི་ཚོགས་ཐམས་ཅད་ཀྱི་#བསྐྱེད་པའི་རིམ་པ་བསྒོམ་པ་བསྟན་ཏོ། །རྣལ་འབྱོར་བཞི་སྟེ་ཞེས་པ་ནི་རྣལ་འབྱོར་དང་རྗེས་སུ་རྣལ་འབྱོར་དང་། ཤིན་ཏུ་རྣལ་འབྱོར་དང་རྣལ་འབྱོར་ཆེན་པོའོ། །དེས་
[7b.2]ནི་དམ་ཚིག་བཞིའི་རྣལ་འབྱོར་གྱིས་སོ། །ལྷའི་རྣམ་པ་ནི་གོས་དཀར་མོའི་གཟུགས་དང་པོ་སྦྱོར་བ་ཞེས་བྱ་བའི་ཏིང་ངེ་འཛིན་གྱིས་བསྒོམ་པར་བྱའོ། །འདིས་ནི་ཞེས་པ་#སོགས་པས་ཕན་ཡོན་བསྟན་ཏེ། རྡོ་རྗེ་ཚུལ་ནི་མདོར་བསྟན་པའོ། །ཐེག་པ་ཆེན་པོའི་ཚུལ་ཞེས་པ་ནི་དཔལ་རྣལ་འབྱོར་ཆེན་
[7b.3]པོའི་རྒྱུད་འདུས་པ་ལའོ། །དེ་ནི་འདོད་པའི་དབང་ཕྱུག་གཙོ་བོ་ཡིན་པས་སོ་ཞེས་པ་ནི་ཁམས་གསུམ་གྱི་ནང་ན་གནས་པའི་ཐ་མལ་པའི་བུད་མེད་དག་པར་བྱེད་པའི་མཚན་ཉིད་ཅན་གྱི་དཀྱིལ་འཁོར་པའི་ལྷ་མོ་ཡོངས་སུ་གྱུར་པ་གོས་དཀར་མོ་དང་སྙོམས་པར་ཞུགས་པས་ཁམས་གསུམ་
[7b.4]གྱི་བུད་མེད་དབང་དུ་གྱུར་པས་སོ། །རྗེས་སུ་མཉེས་པ་ལ་སོགས་པ་སྔོན་དུ་འགྲོ་བའི་ཞེས་པ་ནི་སྒྲུབ་ཐབས་ལས་གསུངས་པའི་རིམ་པས་འོད་དཔག་ཏུ་མེད་པའི་ཕྱག་རྒྱ་གར་མཁན་མ་#ལོ་བཅུ་དྲུག་ལོན་པ་ཕྱག་རྒྱ་ལེགས་པར་སྦྱངས་པའི་རིམ་པས་འདུས་བྱས་ལ། རྣལ་འབྱོར་བཞིའི་རིམ་#
[7b.5]པས་གོས་དཀར་མོའི་གཟུགས་སུ་བསྐྱེད་ལ་རྡོ་རྗེ་དང་པདྨ་སྦྱར་ཞིང་དེ་གཉི་ག་ལས་བྱུང་བའི་འོད་ཟེར་གྱི་ཚོགས་ཕན་ཚུན་ཞུགས་#པས་ཡིད་ཀྱི་དགའ་བ་མྱོང་ཞིང་སྔ་མ་བཞིན་དུ་དེ་བཞིན་གཤེགས་པ་འཇུག་པ་སྔོན་དུ་འགྲོ་བར་མཆོད་པའི་ལྷ་མོ་སྤྲོ་ཞིང་དེ་རྣམས་ཀྱིས་མཆོད་པ་སླར་ཡང་བསྡུས་ཏེ། མིག་#
[7b.6]ལ་སོགས་པའི་ཕྱག་རྒྱས་#ཆོས་འབྱུང་བསྐུལ་ནས་དགའ་བ་དང་སྐྱེས་པའི་ཕྱག་རྒྱས་རང་གི་སྐེ་ལ་འཁྱུད་པ་ཁམས་གསུམ་གྱི་བུད་མེད་དང་དབྱེར་མེད་པར་བྱས་ཏེ། བདེ་བ་ཆེན་པོ་སྐད་ཅིག་མ་གཅིག་ལ་#མྱོང་བར་བྱའོ། །དེ་ཉིད་བསྟན་པའི་ཕྱིར། རྡོ་རྗེ་དང་པདྨ་མཉམ་པར་སྦྱོར་བས་ཞེས་པ་ནི་
[7b.7]ལེགས་པར་སྦྱངས་པའི་གསང་#བའི་རྡོ་རྗེ་དང་མཚོ་#སྐྱེས་སྦྱར་བས་སོ། །སྣ་ཚོགས་དགའ་ཞིང་ཞེས་པ་ནི་ཁམས་གསུམ་གྱི་ནང་ན་གནས་པའི་བུད་མེད་ཀྱི་ཚོགས་#འདོད་པའི་བློས་སོ། །བདག་ཉིད་རོལ་པའི་བྱ་བ་དག་གིས་ཞེས་པ་ནི་བུད་མེད་ཐམས་ཅད་ཀྱི་གཟུགས་བསྡུས་པ་ལས་བྱུང་
[8a]
[8a.1]བའི་གོས་དཀར་མོ་ལ་འདོད་པའི་བྱ་བས་སོ། །སྐད་ཅིག་ནི་དུས་གཅིག་སྟེ་ཐམས་ཅད་#གཅིག་ལ་འཇུག་པས་སོ། །གཞན་དུ་ན་རྣལ་འབྱོར་པ་གཅིག་གིས་ཕྱག་རྒྱ་དུ་མ་ལ་དུས་གཅིག་ཏུ་འདོད་པ་ཇི་ལྟར་འགྱུར་རོ། །འདི་ཞེས་བྱ་བ་ལ་སོགས་པས་ཕན་ཡོན་བསྟན་ཏེ་སྒྲུབ་པ་པོ་ཐམས་
[8a.2]ཅད་ཀྱི་#ཞེས་པ་ནི། གསུང་གི་རིགས་ཅན་འོད་དཔག་ཏུ་མེད་པའི་རྣལ་འབྱོར་པ་རྣམས་ཀྱིའོ། །ཆོས་ཞེས་བྱ་བ་ལ་སོགས་པས་བདེ་བ་ཆེན་པོ་མྱོང་བའི་སྒོ་ནས་ཆོས་ཀྱི་སྐུ་སྒྲུབ་པ་དང་། འོད་དཔག་ཏུ་མེད་པའི་ཕྱག་རྒྱ་ཆེན་པོ་བསྒོམ་པའི་སྒོ་ནས་ལོངས་སྤྱོད་རྫོགས་པའི་སྐུ་སྒྲུབ་པ་དང་། པདྨའི་
[8a.3]ནང་ནས་སྤྲུལ་པའི་དཀྱིལ་འཁོར་སྒོམ་པའི་སྒོ་ནས་སྤྲུལ་པའི་སྐུ་སྒྲུབ་པར་འགྱུར་རོ།# །སྒོམ་པ་སྟེ་ཞེས་པ་ནི་ཏིང་ངེ་འཛིན་ཅེས་བྱ་བའོ#། །པདྨའི་རིགས་ཞེས་པ་ནི་གསུང་གི་དབང་ཕྱུག་གི་རིགས་ལའོ། །བསྐྱེད་པའི་རིམ་པ་ལ་བརྟན་#པར་གནས་པས་ཞེས་པ་ནི་རྣལ་འབྱོར་བཞིའི་བདག་
[8a.4]ཉིད་ཅན་གྱི་དང་པོ་སྦྱོར་བ་དང་དཀྱིལ་འཁོར་རྒྱལ་#མཆོག་གི་ཏིང་ངེ་འཛིན་སྒོམ་#པར་བྱེད་པའི་སྒྲུབ་པ་པོས་སོ། །སྒྲུབ་པ་ཉམས་སུ་བླང་བར་བྱའོ་ཞེས་པ་ནི་བསྒོམ་པར་བྱ་བའོ། །ནི་ཞེས་བྱ་བ་ནི་ངེས་པར་གཟུང་བ་ལའོ་ཞེས་པ་ནི། ཚིག་ཕྲད་དོན་དུ་མ་ཡིན་པའི་ཕྱིར་རོ། །ངེས་པར་གཟུང་
[8a.5]བ་ནི་ངེས་པའོ། །དེ་བསྒྲུབ་པར་བྱ་བ་ཁོ་ན་ཡིན་ཞེས་པ་ནི་འདོད་པའི་དབང་ཕྱུག་ཐམས་ཅད་ཉིད་བསྒྲུབ་པར་བྱ་བའི་དོན་དུ་བསྒོམ་པར་བྱ་བ་ཁོ་ནའོ། །དོན་ཡོད་པར་གྲུབ་པའི་ཞེས་པ་ལ་སོགས་པས་བརྫུན་དུ་སྨྲ་བའི་#སྒོ་ནས་དོན་ཡོད་#གྲུབ་པའི་དམ་ཚིག་བཤད་པར་བྱ་སྟེ། འཇུག་པ་ལ་སོགས་
[8a.6]པའི་མཚན་ཉིད་རྡོ་རྗེ་བཟླས་པའོ་ཞེས་པ་ནི་འགྲོ་བ་དང་འོང་བ་དང་གནས་པའི་སྒོ་ནས་ཡི་གེ་གསུམ་ཡང་དང་ཡང་དུ་སློབ་པའོ། །དེ་#སྟོན་པས་ཞེས་པ་ནི་རྡོ་རྗེ་བཟླས་པ་སྔོན་དུ་འགྲོ་བའི་ངག་རྣམ་པར་དག་པའི་རིམ་པས་སོ། །མངོན་པར་འདོད་པའི་དོན་གྲུབ་#པར་མཛད་པས་ན་ཞེས་པ་ནི་སེམས་
[8a.7]རྣམ་པར་དག་པའི་རིམ་པས་ཐོབ་པར་བྱ་བའི་འོད་གསལ་བ་རྫོགས་པར་བྱེད་པའོ། །དེས་ནི་རྡོ་རྗེ་བཟླས་པ་དང་སེམས་རྣམ་པར་དག་པའི་རིམ་པ་གཉིས་བསྟན་ཏོ། །བདག་དང་བྲལ་བ་གང་ཡིན་པ་དེ་ནི་ཞེས་པ་ལ་འདོད་ཆགས་དང་། འདོད་ཆགས་དང་#བྲལ་བ་དང་། འདོད་ཆགས་བར་མའི་
[8b]
[8b.1]མཚན་ཉིད་ཀྱི་རྣམ་པར་རྟོག་པ་གང་དུ་མེད་པ་དེ་ནི་བདག་དང་བྲལ་བ་སྟེ། ཕྱག་རྒྱ་དང་ཏིང་ངེ་འཛིན་གྱི་#རིམ་པས་ཐོབ་པར་བྱ་བ་མན་ངག་བཞི་པའོ། །བདག་མེད་པ་དེ་ཉིད་ནི་ཞེས་པ་ལ་མངོན་པར་བྱང་ཆུབ་ཀྱི་རིམ་པས་བསྟན་ཏོ། །སྒྱུ་མ་ལྟ་བུའི་སྐུ་དང་ལྡན་པས་ཞེས་པ་ནི་སྒྱུ་མ་ལྟ་བུའི་སྐུ་ལ་
[8b.2]དམིགས་ནས་སོ། །ཆོས་ཀྱི་སྐུའོ་ཞེས་པ་ནི་སྔགས་དང་ཕྱག་རྒྱའི་#རིམ་པས་ཐོབ་པར་བྱ་བའི་འོད་གསལ་བའོ། །དེ་ལས་འབྱུང་བ་ཞེས་པ་ནི་ཅིག་ཅར་རམ་སྣང་བ་ཉེ་བར་ཐོབ་པ་ལ་སོགས་པའི་རིམ་པས་ཡེ་ཤེས་ཀྱི་སྐུ་བསྐྱེད་པའོ། །དེས་ནི་བདག་ལ་བྱིན་གྱིས་བརླབ་པའི་རིམ་པའི་བདག་ཉིད་
[8b.3]བཅོམ་ལྡན་འདས་བསྟན་ཏོ། །ཆེན་པོ་ནི་ཀུན་རྫོབ་ཀྱི་བདེན་པའོ། །རྡོ་རྗེ་ནི་དོན་དམ་པའི་བདེན་པའོ། །ཆེན་པོ་དང་ལྡན་པའི་རྡོ་རྗེ་གང་ལ་ཡོད་པ་དེ་ནི་#རྡོ་རྗེ་འཆང་ཆེན་པོ་ནི་བདེན་པ་གཉིས་དབྱེར་མེད་པའི་མཚན་ཉིད་ཟུང་དུ་འཇུག་པའི་རིམ་པའི་#བདག་ཉིད་བཅོམ་ལྡན་འདས་བསྟན་ཏོ། །དེ་ལྟར་
[8b.4]རིམ་པ་ལྔའི་བདག་ཉིད་ཀྱི་#བཅོམ་ལྡན་འདས་རྡོ་རྗེ་འཆང་ཆེན་པོས་འོག་ནས་འབྱུང་བའི་ཚིག་འདིས་#འཆད་པར་འགྱུར་བའི་ཚིག་བཀའ་སྩལ་པ་ནི་གསུངས་སོ། །སྡུད་པ་པོའི་ཚིག་གོ་ཞེས་པ་ནི་ལག་ན་རྡོ་རྗེའིའོ། །རྡོ་རྗེ་འཆང་ཆེན་པོའི་#བསྒོམ་པ་སྟེ་ཞེས་པ་ནི་རྣལ་འབྱོར་གྱི་ཏིང་ངེ་འཛིན་གྱིས་སོ་
[8b.5]ཞེས་ཚིག་ལྷག་མའོ། །དེ་ཡོངས་སུ་གྱུར་པས་རྡོ་རྗེ་ཐོགས་#མེད་དེ་ཞེས་པ་ནི་ལྷག་མ་རྣལ་འབྱོར་གསུམ་གྱིས་སོ། །དཀྱིལ་འཁོར་#ཐམས་ཅད་བསྒོམ་པར་བྱ། །ཞེས་པ་ནི་དཀྱིལ་འཁོར་རྒྱལ་བ་མཆོག་གི་ཏིང་ངེ་འཛིན་གྱིས་མི་བསྐྱོད་པ་ལ་སོགས་པ་སྤྲོ་བར་བྱའོ། །སེམས་ཅན་ཐམས་
[8b.6]ཅད་དེ་ཉིད་དུ་གནས་པ་ཞེས་པ་ནི། རྡོ་རྗེའི་ཚིག་གི་དོན་སྔར་བཤད་པའི་ཆོས་ཐམས་ཅད་བདག་མེད་པའི་མཚན་ཉིད་སོ་སོར་སྟོན་པའི་ཚིག་གི་ཚོགས་ཀྱི་བརྗོད་པར་བྱ་བ་ལ་གནས་པ། སེམས་ཅན་ཐམས་ཅད་ཞུགས་པའི་ཡོངས་སུ་གྱུར་པའི་དཀྱིལ་འཁོར་པ་རྣམས་ཆོས་ཐམས་ཅད་
[8b.7]བདག་མེད་པར་སྨྲ་བ་ལ་བསྟན་པར་གནས་པ་ཞེས་པ་ནི་བསམ་པར་བྱའོ། །ཆོས་ཐམས་ཅད་སྒྱུ་མ་ལྟ་བུ་ཡིན་པས་ཞེས་པ་ནི་གཏན་ཚིགས་ཡིན་ནོ། །ཆོས་ཐམས་ཅད་བརྫུན་པ་ཞེས་པ་ནི་དམ་བཅའ་བའོ། །ཉེ་བར་མཚོན་པ་ཙམ་ཡིན་ཏེ་ཆོས་ཐམས་ཅད་སྟོང་པ་ཡིན་ཏེ། རང་བཞིན་མེད་པའི་
[9a]
[9a.1]ཕྱིར་རོ། །ཆོས་ཐམས་ཅད་མཚན་མ་མེད་པ་ཡིན་ཏེ་དབང་ཕྱུག་ལ་སོགས་པའི་རྒྱུ་མེད་པའི་ཕྱིར་རོ། །ཆོས་ཐམས་ཅད་སྨོན་པ་མེད་པ་སྟེ་རྟོག་པ་ལས་འདས་པའི་ཕྱིར་རོ། །དེ་བཞིན་དུ་ཆོས་སྒྲོགས་#བཞི་ནི་འདུས་བྱས་པ་ཐམས་ཅད་#མི་རྟག་པ་སྟེ་བྱས་པའི་ཕྱིར་རོ། །འདུས་བྱས་#ཐམས་ཅད་སྐད་ཅིག་
[9a.2]མ་ཡིན་ཏེ་བྱས་པའི་ཕྱིར་དང་། ཡོད་པའི་ཕྱིར་དང་། རྐྱེན་གྱི་དབྱེ་བས་ཕྱེ་བར་འགྱུར་བའི་ཕྱིར་རོ། །ཆོས་ཐམས་ཅད་བདག་མེད་པ་སྟེ། དམིགས་པའི་མཚན་ཉིད་དང་ལྡན་པའི་བདག་མི་དམིགས་པའི་ཕྱིར་རོ། །མྱ་ངན་ལས་འདས་པ་ནི་ཞི་བ་སྟེ། འདུས་མ་བྱས་པ་དང་རང་རིག་པའི་ཕྱིར་རོ། །དེ་ལས་གཞན་#པ་བརྫུན་པའི་
[9a.3]ཚིག་གིས་ནི་རྡོ་རྗེའི་ཚིག་ཅེས་བྱའོ། །ཡིད་ཀྱི་བྱ་བའི་འོག་ཏུ་ངག་གི་བྱ་བ་བཤད་པར་བྱ་སྟེ། རྒྱལ་བ་ནི་དཀྱིལ་འཁོར་པ་རྣམས་སོ། །སེམས་ཅན་ཐམས་ཅད་དེ་ཤེས་པ་ནི་རང་བཞིན་གྱིས་#དག་པའི་ཕྱོགས་ལ་དམིགས་ནས་སོ། །དེ་བཞིན་གཤེགས་པའི་སྙིང་པོ་ཡིན་པའི་ཕྱིར་ཞེས་པ་ནི་དེ་བཞིན་
[9a.4]གཤེགས་པ་ཐམས་ཅད་ཀྱི་བདག་ཉིད་ཡིན་པའི་ཕྱིར་རོ། །རྒྱལ་བ་ཡང་ཡིན་ལ་ཞེས་པ་ནི་ལས་འཛིན་པའོ། །དེ་དག་ནི་ཁམས་གསུམ་པ་ལ་གནས་པའི་སེམས་ཅན་ཐམས་ཅད་དཀྱིལ་འཁོར་བ་ལ་བསྡུས་པའོ། །དེ་ཉིད་བསྟན་པའི་ཕྱིར་སེམས་ཅན་ཐམས་ཅད་ཅེས་བྱ་བ་ལ་སོགས་པ་བསྟན་
[9a.5]ཏོ། །ཆོས་ཐམས་ཅད་ནི་ཕུང་པོ་ལ་སོགས་པའོ། །སླུ་བ་པོ་ནི་བརྫུན་པ་སྟེ་སྟོང་པའོ། །སྒྱུ་མ་ལྟ་བུའི་ངོ་བོ་ཉིད། །ཅེས་#པ་ནི་དྲི་ཟའི་གྲོང་ཁྱེར་ལ་སོགས་པ་བཞིན་དུ་སོ་སོར་སྣང་བ་ཡང་བདེན་པ་#མ་ཡིན་པ་སྟེ། རྟེན་ཅིང་འབྲེལ་པ་ལས་འབྱུང་བའི་ཕྱིར་རོ། །རྟེན་#ནས་འབྱུང་བ་མ་བྱུང་བ། །དེ་
[9a.6]ཉིད་རིག་པ་མཆོག་གིས་གསུངས། རྟོག་པ་མེད་ཅིང་དམིགས་པ་མེད། །དགོད་པ་མེད་ཅིང་གནས་མེད་པ། །མ་རིག་ས་བོན་ལས་བྱུང་བའི། །ཐོག་མ་ཐ་མ་བར་མ་མེད། །ཆུ་ཤིང་ལྟ་བུར་སྙིང་པོ་མེད། །དྲི་ཟའི་གྲོང་ཁྱེར་དང་མཚུངས་པ། །རྨོངས་པར་བྱེད་ཅིང་མ་རུངས་པའི། །འགྲོ་
[9a.7]བ་སྒྱུ་མ་བཞིན་དུ་སྣང་། །ཞེས་འབྱུང་ངོ་། །བྱང་ཆུབ་སེམས་ཀྱི་རྣམ་འགྲེལ་ལས་ཀྱང་། །གཟུགས་ནི་དབུ་བ་དང་མཚུངས་ལ། །ཚོར་བ་ཆུ་བུར་འདྲ་བ་ཡིན། །འདུ་ཤེས་སྨིག་རྒྱུ་དང་འདྲ་བའི། །ཆུ་ཤིང་དང་མཚུངས་འདུ་བྱེད་རྣམས། །རྣམ་པར་ཤེས་པ་སྒྱུ་མ་བཞིན། །དེ་ལྟར་ཕུང་པོ་རྣམས་
[9b]
[9b.1]བསྟན་པའོ། །ཞེས་འབྱུང་ངོ་། །དེ་བཞིན་དུ། རང་ལས་མ་ཡིན་གཞན་ལས་མིན། །གཉི་ག་ལས་མིན་རྒྱུ་མེད་མིན། །དངོས་པོ་གང་དང་གང་དུ་ཡང་། །སྐྱེ་བ་ནམ་ཡང་འཐད་པ་མིན། །ཞེས་འབྱུང་ངོ་། །ཚིག་བརྗོད་པ་ནི་རང་བཞིན་མེད་པ་སྟོན་པར་བྱེད་པའི་ཚིག་བརྗོད་པ། བསྒོམ་པ་ནི་བསམ་
[9b.2]པར་བྱའོ། །དེ་ཡང་ཞེས་བྱ་བ་ལ་སོགས་པས་ལྷའི་དབང་པོས་#ཡོངས་སུ་ཞུས་#པ་ལས་ལུང་#ཚད་མ་ཉིད་དུ་#བསྟན་ཏེ། ལྷའི་བུ་ཞེས་པ་ནི་ཀྱེ་བརྒྱ་བྱིན་ཆོས་ཐམས་ཅད་ནི་ཕུང་པོ་ལ་སོགས་པའོ། །བརྫུན་#པ་ནི་ངོ་བོ་མེད་པའོ། །སྒྱུ་མ་ནི་མེད་པ་ཡང་འཁྲུལ་བའི་དབང་གིས་སྣང་བ་སྟེ། བརྟགས་
[9b.3]པའི་ཕྱིར་དྲི་ཟའི་གྲོང་ཁྱེར་བཞིན་ནོ། །ང་ཡང་དེ་བཞིན་དུ་སྟོན་པར་བྱེད་པ་ཞེས་པ་ནི་ངས་ཀྱང་སྒྱུ་མ་ལྟ་བུ་ཉིད་ཀྱིས་ཆོས་སྟོན་པ་སྟེ། རང་མཐོང་ལམ་སྟོན་སྐྱོབ་པ་ཡིན། །ཞེས་འབྱུང་བས་སོ། །དེས་#ན། ང་ནི་བརྫུན་དུ་སྨྲ་བའོ། །ཞེས་པ་ནི་དངོས་པོ་ཐམས་ཅད་བདག་མེད་པར་སྨྲ་བའོ། །ཚིག་དོན་#ཙམ་
[9b.4]གྱིས་བཅོམ་ལྡན་འདས་ལ་བརྫུན་སྨྲ་བའི་སྐྱོན་དུ་ཐལ་བར་མི་#འགྱུར་ཏེ་ངེས་པའི་ཚིག་བསྟན་པའི་ཕྱིར་རོ། །དེ་ལྟར་བཅོམ་ལྡན་འདས་ཀྱིས་ང་ནི་ཡི་དགས་ཡིན་ནོ་ཞེས་སྟོན་པས་དེ་ལ་བཅོམ་ལྡན་འདས་ལ་ཡི་དགས་ཉིད་དུ་ཐལ་བར་#མི་འགྱུར་ཏེ། གང་གི་ཕྱིར། སྡིག་པ་ཐམས་ཅད་འཇོམས་མཛད་པ། །སྲིད་པའི་རྒྱ་
[9b.5]མཚོ་ལས་གྲོལ་ཕྱིར། །དེས་#ན་ང་ནི་ཡི་དགས་ཏེ། །ངན་སོང་ལས་སྐྱེས་མ་ཡིན་ནོ། །ཞེས་བྱ་བ་ལ་སོགས་པ་བཞིན་ནོ། །འདི་ནི་ཞེས་པ་ལ་སོགས་པས་#ཕན་ཡོན་བསྟན་ཏེ། དེ་བཞིན་གཤེགས་པ་ཐམས་ཅད་ཀྱི་ཞེས་པ་ནི་དེ་བཞིན་གཤེགས་པ་ཐམས་ཅད་ཀྱི་ངོ་བོ་རྡོ་རྗེ་འཆང་ཆེན་པོས་གསུངས་སོ། །གསུང་ནི་ནམ་
[9b.6]མཁའ་དང་འདྲ་བར། །ཞེས་པ་ནི་གསུང་ཡང་ཡིན་ལ་ནམ་མཁའ་དང་འདྲ་བ་གང་ཡིན་པ་སྟེ་ལས་འཛིན་པའོ། །དངོས་པོ་མེད་པས་ཞེས་པ་ནི་སྒྱུ་མ་ལྟ་བུའི་ཆོས་སྟོན་པའི་མཚན་ཉིད་འཛིན་པས་སོ། །གཉིས་སུ་མེད་པའི་ཡེ་ཤེས་ལས། །ཞེས་པ་ནི་སྟོང་#པ་ཉིད་ཀྱི་དེ་ཁོ་ན་ཉིད་ལའོ། །ལྷག་པར་མོས་པ་
[9b.7]ཞེས་པ་ནི་འདོད་པའོ། །དེས་ནི་བསྐྱེད་པའི་རིམ་པའི་རྣལ་འབྱོར་པ་རྣམས་ཀྱི་#སྔར་བཤད་པའི་ཏིང་ངེ་འཛིན་བསྟན་ཏོ། །སློབ་བཞིན་པའི་ཞེས་པ་ནི་སློབ་པར་བྱེད་པ་སྟེ་ལས་དང་པོ་པ་རྣམས་ཀྱིའོ། །རང་གི་དམ་ཚིག་ཅེས་པ་ནི་དོན་ཡོད་གྲུབ་པའི་རིགས་ཀྱི་སྡོམ་པས་སོ། །འགུགས་པ་ནི་#སྒྱུ་མ་ལྟ་བུ་
[10a]
[10a.1]བསྟན་པས་གདུལ་#བར་བྱ་བའོ། །ཇི་ལྟ་བའི་དམ་ཚིག་གོ་ཞེས་པ་ནི་དེ་ཁོ་ན་ཉིད་དང་ལྡན་པའི་སྡོམ་པའོ། །ཇི་ལྟ་བ་བཞིན་དུ་ཞེས་པ་ནི་སེམས་རྩེ་གཅིག་པས་སོ། །ཡང་ནས་ཡང་དུ་བསླབ་པར་བྱ་བ་སྟེ་ཞེས་པ་ནི་ལས་དང་པོ་པས་རྒྱུན་མ་ཆད་པས་#བསླབ་པར་བྱའོ། །གཞན་
[10a.2]རྣམས་བདེ་བར་བྱ་ཕྱིར་ཞེས་པ་ནི་རྡོ་རྗེ་འཆང་གི་གོ་འཕང་ཐོབ་པའི་མཚན་ཉིད་ཀྱིས་བདེ་བའི་རྒྱུའོ།# །བརྫུན་སྨྲ་བ་ནི་སྒྱུ་མའི་རང་བཞིན་གྱི་ཆོས་ཐམས་ཅད་སྨྲ་བ་སྟེ་བརྗོད་པར་བྱའོ། །དེ་བཞིན་སྤྱོད་པ་བདེ་བའི་རྒྱུ། །ཞེས་པ་ནི་བདེ་བར་ཕྱིར་སྤྱོད་པ་གང་ཡིན་པ་དེའི་དོན་དུ་བརྫུན་སྨྲ་བའོ། །དཔེར་
[10a.3]ན་སྤྲོས་པ་མེད་པ་དང་ཤིན་ཏུ་སྤྲོས་པ་མེད་པའི་སྤྱོད་པ་དང་ལྡན་པའི་རྣལ་འབྱོར་པ། སྨྱོན་#པའི་བརྟུལ་ཞུགས་དང་ལྡན་པས་ང་ནི་མུ་སྟེགས་པ་ཡིན་པ་དང་ཚོགས་ཀྱི་བདག་པོ་དང་ལྡན་པ་ང་ཡིན་པ་དང་སྨྱོན་#པ་ང་ཡིན་ནོ་ཞེས་བརྫུན་པའི་ཚིག་སྨྲ་སྟེ་སྦས་ནས་རྡོ་རྗེ་འཆང་གི་གོ་འཕང་ཐོབ་པའི་ཕྱིར་རོ། །
[10a.4]སྨྱོན་#པའི་བརྟུལ་ཞུགས་ལ་བརྟེན་ཏེ། །ཕུན་སུམ་ཚོགས་པ་འགྲུབ་པར་འགྱུར། །ཞེས་འབྱུང་ངོ་། །དེ་བཞིན་དུ། དཀོན་མཆོག་གསུམ་ལ་ཕན་པའི་ཕྱིར། །ཞེས་པ་ནི་དཀོན་མཆོག་གསུམ་ནི་སངས་རྒྱས་དང་ཆོས་དང་དགེ་འདུན་ལ་ཕན་གདགས་པར་བྱ་བའི་ཕྱིར་བརྫུན་སྨྲ་བར་བྱ་སྟེ། དཔེར་ན་
[10a.5]མཚམས་མེད་པ་བྱེད་པ་དཀོན་མཆོག་གསུམ་ལ་གནོད་པ་ལ་#འཇུག་པ་བརྫུན་དུ་#སྨྲ་བའི་ཚིག་གིས་སླུ་#བར་བྱ་སྟེ། དེས་དེ་ལ་ཕན་འདོགས་པའི་ཕྱིར་རོ། །དེ་ནས་ཞེས་བྱ་བ་ལ་སོགས་པ་འདིས་རིན་ཆེན་འབྱུང་ལྡན་གྱི་ཏིང་ངེ་འཛིན་གྱིས་ཚིག་རྩུབ་མོའི་སྒོ་ནས་འགྲོ་བའི་དོན་བྱ་བའི་དམ་ཚིག་
[10a.6]བཤད་པར་བྱ་སྟེ། བཅོམ་ལྡན་འདས་དེ་ཉིད་ནི་དཔལ་རྡོ་རྗེ་སེམས་དཔའོ། །སྐུ་ལ་སོགས་པའི་རྡོ་རྗེ་བསྡུས་པ་ཡིན་པའི་ཕྱིར་ཞེས་པ་ནི་གཅིག་ཏུ་གྱུར་པའི་འོད་གསལ་བའི་བདག་ཉིད་བཅོམ་ལྡན་འདས་རྡོ་རྗེ་འཆང་ཆེན་པོ་ལ་སྐུ་རྡོ་རྗེ་ལ་སོགས་པ་ཐིམ་ཞིང་དེ་ལས་འབྱུང་བས་སོ། །ཐ་དད་
[10a.7]པར་བྱས་པ་ཞེས་པ་ནི་སྐུ་རྡོ་རྗེ་ལ་སོགས་པ་བཞི་དང་རྡོ་རྗེ་འཆང་འདི་ཡིན་ནོ་ཞེས་བྱ་བའོ། །དེ་མེད་པས་ན་མི་ཕྱེད་པ་དེ་ཉིད་དོ། །བསྐྱེད་པ་ཡི་ནི་རིམ་པ་དང་། །དེ་བཞིན་རྫོགས་པའི་རིམ་པ་སྟེ། །རྟོག་#པ་རྣམ་པར་བྲལ་བ་ནི། །ཟུང་དུ་འཇུག་པའི་མཚན་ཉིད་དོ། །ལྷ་ནི་#ཡོངས་སུ་དག་པ་དང་། །འདི་
[10b]
[10b.1]ནི་ཡོངས་སུ་མ་དག་སྟེ། །དེ་ལྟར་རྟོག་#པ་དབྱེར་མེད་པ། །གང་དུ་དེ་ནི་ཟུང་འཇུག་ཡིན། །ཞེས་འབྱུང་ངོ་། །དེ་ཉིད་བསྟན་པར་བྱ་བའི་ཕྱིར། །ཐ་མི་དད་པའི་ངོ་བོ་ཞེས་པ་ནི་ཟུང་དུ་འཇུག་པའོ། །དུས་གསུམ་དུ་བཞུགས་པའི་སངས་རྒྱས་ཞེས་པ་ནི་འདས་པ་ལ་སོགས་པའི་དུས་ལ་བཞུགས་པའི་དེ་བཞིན་
[10b.2]གཤེགས་པ་རྣམས་སོ། །བསྐྱེད་པའི་གནས་ཡིན་ཞེས་པ་ནི་འོད་གསལ་བའི་བདག་ཉིད་ཅན་རྡོ་རྗེ་འཆང་ཆེན་པོ་ལས་གྲུབ་པ་འཛིན་པ་དང་འགྲུབ་པ་དང་འགྲུབ་པར་འགྱུར་རོ་ཞེས་འབྱུང་ངོ་། །དངོས་གྲུབ་ཕྱག་རྒྱ་ཆེ་བདག་ཉིད། །ཡོད་དང་མེད་པའི་ཕྱོགས་སྤངས་པ། གངྒཱའི་#བྱེ་མ་དང་མཚུངས་
[10b.3]པའི། །དེ་ཉིད་ཀྱིས་ནི་སངས་རྒྱས་འགྱུར། །ཞེས་འབྱུང་ངོ་། །དེ་ནས་རྡོ་རྗེ་མི་ཕྱེད་པ་གསུམ་ཡང་ཞེས་པའི་ལས་འཛིན་པའོ། །རྡོ་རྗེ་འཆང་ཉིད་དོ་ཞེས་པ་ནི་འཇིག་རྟེན་ལས་འདས་པའི་ཕྱིར་རོ། །མི་ཕྱེད་པས་ནི་རྣམ་པར་རྟོག་པའི་ཚོགས་དང་། བདུད་བཞི་པོས་མི་ཕྱེད་པའི་ཕྱིར་རོ། དེས་#
[10b.4]མཆོག་ཏུ་སྟོན་པར་མཛད་པས་ན་#ཞེས་པ་ནི་སེམས་ཅན་ཐམས་ཅད་ལ་དམིགས་པར་མཛད་པའོ། །དོན་བཤད་ཟིན་པ་ཞེས་པ་ནི་གོང་དུ་བཤད་པའོ། །རྡོ་རྗེ་འཆང་ཆེན་པོའི་ཕྱག་རྒྱ་ཆེན་པོ་སྟེ་ཞེས་པ་ནི་ཆོས་འབྱུང་གི་ནང་ན་དམ་ཚིག་གི་དཀྱིལ་འཁོར་དེ་ལས་སྐྱེས་#པའི་ཕྱིར་རོ། །དེ་ཡོངས་སུ་གྱུར་པ་ལས་
[10b.5]ཞེས་པ་ནི་རྣལ་འབྱོར་གྱི་ཏིང་ངེ་འཛིན་གྱི་འོག་ཏུའོ། །དཀོན་མཆོག་དཔལ་དུ་རྣམ་པར་བསྒོམ། །ཞེས་པ་ནི་རྣལ་འབྱོར་གསུམ་གྱིས་#རྫོགས་པའོ། །གཟུགས་རྣམས་ཀུན་གྱི་ཞེས་བྱ་བ་ལ་སོགས་པས་དཀྱིལ་འཁོར་རྒྱལ་བ་མཆོག་གི་ཏིང་ངེ་འཛིན་གྱིས་དཀྱིལ་འཁོར་བ་རྣམས་སྤྲོ་བར་བསྟན་ཏོ། །
[10b.6]གཞལ་ཡས་ཁང་པའི་ནང་ཞེས་པ་ནི་གཞལ་ཡས་ཁང་པའི་ནང་ན་གནས་པ་པདྨ་ལ་སོགས་པའི་གདན་རྣམས་སོ། །སྤྲོ་བར་བྱའི་#ཞེས་པ་ནི་གནས་ཇི་ལྟ་བ་བཞིན་དུ་དགོད་པར་བྱའོ། །བརྩེ་བ་མེད་པ་ཞེས་པ་ནི་དཔེར་ན། །འདི་ནི་དམྱལ་བའི་ཆུ་ཡིན་ཏེ། །དམ་ཚིག་འདས་པས་སྲེག་#པར་བྱེད། །དམ་ཚིག་
[10b.7]བསྲུང་བས་འགྲུབ་པ་ནི། །རྡོ་རྗེ་བདུད་རྩི་ཆུ་འདིས་འགྲུབ། །དེ་བཞིན་དུ་དཀའ་བ་མ་འདས་པས་དུས་#བྱས་ནས་དམྱལ་བར་(ལྟུར་,ལྟུང་)བར་འགྱུར་རོ་ཞེས་པ་ལ་སོགས་པ་རྩུབ་མོ་ཡིན་ཡང་རྩུབ་མོའི་ཚིག་མ་ཡིན་ཏེ། ཕན་འདོགས་པའི་བསམ་པ་དང་ལྡན་པའི་ཕྱིར་མེ་འབར་བའི་ཁང་བ་ལས་སྟོང་པའི་
[11a]
[11a.1]ཁུ་ཚུར་བསྟན་པའི་ཕས་བྱིས་པ་ལ་སྟོན་པ་བཞིན་ནོ། །དེ་ལ་སོགས་པ་#ཚིག་ཅེས་པ་ལ་སོགས་པ་ནི་ཆགས་པས་རོལ་པའི་རོལ་པ་རྒྱ་ཆེ་བའི་ཚིག་དང་འཁྱལ་པའི་ཚིག་དང་#དེ་བཞིན་དུ་དེ་ཁོ་ན་ཉིད་མཚོན་པ་ངག་གི་བརྡའི་རང་བཞིན་དང་ཕྲ་བའི་ཚིག་གིས་འགྲོ་བ་འདུལ་བ་ལ་སྤྱད་#པར་
[11a.2]བྱའོ། །དེ་ཉིད་བསྟན་པའི་ཕྱིར། དེའི་ཐབས་ཀྱིས་#ཞེས་བྱ་བ་ལ་སོགས་པ་བསྟན་ཏོ། །གཉིས་སུ་མེད་པའི་ཡེ་ཤེས་ཐོབ་པར་འགྱུར་རོ་ཞེས་པ་ནི་རྩུབ་མོའི་ཚིག་གཙོ་བོར་གྱུར་པ་དང་ཚིག་དང་སྡོམ་པ་ལ་སོགས་པ་བསྟན་པས་ཡང་དག་པའི་ལམ་ལ་བཞག་སྟེ། རིམ་གྱིས་རིམ་པ་གཉིས་ཀྱི་བསྒོམ་#
[11a.3]པས་སྟོན་པར་བྱེད་པ་དང་། སློབ་མ་དག་ཀྱང་ཕྱག་རྒྱ་ཆེན་པོའི་དངོས་གྲུབ་འཐོབ་#པར་འགྱུར་རོ་ཞེས་བྱ་བ་སྟེ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བཀོད་པ་ཞེས་བྱ་བ་ནི་དེ་བཞིན་གཤེགས་པ་ཐམས་ཅད་ཉེ་བར་སྡུད་#པའི་མཚན་ཉིད་དཔལ་རྡོ་རྗེ་འཆང་ཞེས་བྱ་བའི་དོན་ཏོ། །དྲང་བའི་དོན་ཏོ་
[11a.4]ཞེས་པ་ནི་བསྐྱེད་པའི་རིམ་པས་དམ་ཚིག་ལྔ་སྟོན་པའི་ཕྱིར་རོ། །ལུང་གིས་#བཤད་པ་ཞེས་པ་ནི་དགོངས་པ་ལུང་བསྟན་#རྒྱུད་ཀྱི་ཚད་མས་ངེས་པའི་དོན་བསྟན་པར་བྱ་སྟེ། དགོངས་པའི་ཆོས་གཅིག་པུ་ཞེས་པ་ནི་སྦས་པར་བཤད་པས་དོན་ཟབ་པའི་ཚིག་གོ། །དམ་ཚིག་ནི་སྔར་བཤད་པ་ལྔ་པོའོ། །#
[11a.5]དེ་ཉིད་དོན་ནི་ངེས་པའི་དོན་ཏེ་སྦས་པའི་དོན་གསུངས་པ་ནི་དེ་རྗོད་པར་བྱེད་པའི་ཚིག་བཀའ་སྩལ་ཏོ་ཞེས་སྦྱར་རོ། །གཙོ་བོ་#ལྔ་པོའི་དབང་བྱེད་པས་སོ། །ཀུན་མཁྱེན་ནི་ཡེ་ཤེས་གསུམ་རྟོགས་པས་སོ། །འདས་པ་ལ་སོགས་པའི་དུས་གསུམ་གྱི་སེམས་ཀྱི་སྤྱོད་པ་མཁྱེན་པས་ན་ཀུན་རིག་གོ། །
[11a.6]ཉན་ཐོས་པ་དང་། རང་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བསྟེན་པར་བྱས་ནས་མགོན་པོའོ། །ལག་ན་རྡོ་རྗེ་ནི་བྱང་ཆུབ་སེམས་དཔའ་དཔལ་རྡོ་རྗེ་འཆང་ལ་འདི་སྐད་ཅེས་#གསོལ་ཏེ་ཞུས་#སོ། །དེ་བཞིན་དུ་དངོས་གཅིག་པ་ཞེས་པ་ནི་སྟོང་པ་ཉིད་ཀྱི་རང་བཞིན་ནོ། །དུས་གསུམ་བྱུང་བའི་
[11a.7]སངས་རྒྱས་ཞེས་པ་ནི་དུས་གསུམ་ལ་བཞུགས་པའི་བཅོམ་ལྡན་འདས་རྣམས་སོ། །ཆོས་སྐུ་གཅིག་པུ་ལས་འཁྲུངས་པ། །ཞེས་པ་ནི་དེ་རྣམས་ཆོས་ཀྱི་སྐུའི་རང་བཞིན་ཡང་ཡིན་ལ། དེ་ལས་སྐྱེས་པ་ནི་ལོངས་སྤྱོད་རྫོགས་པ་དང་སྤྲུལ་པའི་སྐུའི་རང་བཞིན་ནོ། །དེ་ཇི་ལྟར་རྡོ་རྗེས་ཕྱེ་མར་བརླག་
[11b]
[11b.1]ཅེས་#པ་ནི་ཕྱི་རོལ་གྱི་མཚོན་ཆའི་#ངོ་བོས་ཇི་ལྟར་ཕྱེ་མར་བརླག་པར་འགྱུར་ཏེ། བསྒྲུབ་#པ་མི་ནུས་པས་སོ། །གང་གི་ཕྱིར་ནམ་མཁའི་མེ་ཏོག་ནི་རི་བོང་གི་རྭས་ཕྱེ་མར་བརླག་#པར་མི་འགྱུར་ཏེ་གཉི་ག་ཡང་མེད་པའི་ཕྱིར་རོ། །དེ་ནི་ཞེས་པ་ལ་སོགས་པས་དེས་#ཕྱེ་མར་བཏགས་པས་ཐུགས་ཀྱི་དངོས་
[11b.2]གྲུབ་ནི་མི་བསྐྱོད་པའི་གོ་འཕང་#ཇི་ལྟར་ཐོབ་པར་འགྱུར་རོ། །དེ་ཉིད་སྤྲོས་པས་བཤད་པར་བྱ་སྟེ། འདས་པ་ནི་འོད་སྲུངས་ལ་སོགས་པའོ། །སྟོན་པ་ནི་བཅོམ་ལྡན་འདས་གདམས་ངག་མཛད་པའོ། །ད་ལྟར་ནི་ཤཱཀྱ་ཐུབ་པ་ལ་སོགས་པ་རྗེས་སུ་སྟོན་པར་མཛད་པ་ནི་འགྲོ་བ་ལ་ཕན་འདོགས་#པར་
[11b.3]མཛད་པའོ། །མཉེས་བྱ་ཞེས་པ་ནི་བསྙེན་བཀུར་བྱ་བ་མ་འོངས་པའི་སངས་རྒྱས་ནི་བྱམས་པ་ལ་སོགས་པའོ། །ཆོས་བསྟན་པའི་སྒོ་ནས། རྫོགས་པའི་བྱང་ཆུབ་རྩོལ་བ་པོ། །ཞེས་པ་ནི་རྡོ་རྗེ་འཆང་ཆེན་པོའི་གོ་འཕང་#ཐོབ་པར་མཛད་པ་གང་ཡིན་པ་དེ་རྣམས་མི་བསྐྱོད་པའི་རང་བཞིན་གྱི་ཐུགས་ཀྱི་
[11b.4]རྡོ་རྗེའི་ཏིང་ངེ་འཛིན་གྱིས་ཇི་ལྟར་གསོད་པར་འགྱུར་ཏེ། མཚམས་མེད་པའི་སྡིག་པར་ཐལ་བར་འགྱུར་བས་སོ། །དེ་ཉིད་སྣ་ཚོགས་དོན་ནི་དྲང་བའི་དོན་ཡིན་ནམ་ཡང་ན་ལྡན་ཚིག་ཅེས་པ་ནི་ངེས་པའི་དོན་ཡིན་ནམ་ཞེས་དེ་རྣམས་ཀྱིས་ནི་ཞེས་པ་ལ། མ་འོངས་པའི་སེམས་ཅན་རྣམས་ཀྱིས་ཇི་ལྟར་
[11b.5]རྟོགས་པ་ནི་ཤེས་པར་འགྱུར་རོ། །དེ་བས་ན་གང་ཞིག་ཅེས་བྱ་བ་ལ་སོགས་པས་མ་འོངས་པའི་སེམས་ཅན་རྣམས་རྗེས་སུ་གཟུང་བར་བྱ་བའི་ཕྱིར་དམ་ཚིག་གི་ཚིག་དེ་ཁོ་ན་ཉིད་གསུངས་ཤིག །གང་ཡོངས་སུ་ཤེས་པས་བྱང་ཆུབ་སེམས་དཔའི་རྣལ་འབྱོར་པས་རྣམ་པར་མི་རྟོག་#པའི་གོ་འཕང་#
[11b.6]ཐོབ་པར་འགྱུར་རོ་ཞེས་བསྟན་ཏོ། །དེ་ནས་ཞེས་པ་ལ་སོགས་པས་ལག་ན་རྡོ་#རྗེའི་ཚིག་གསན་པའི་འོག་ཏུ་འདྲི་བ་མཆོག་ཡིན་པས་ལེགས་པ་གསུམ་དེ་ལ་བྱིན་ནས་བདག་ལ་གསོལ་བ་འདེབས་པ་གང་ཡིན་པ་དེ་ཇི་ལྟ་བ་བཞིན་དུ་རབ་ཏུ་བཤད་པར་བགྱི་ཞེས་བཅོམ་ལྡན་འདས་ཀྱིས་བཀའ་
[11b.7]སྩལ་ཏོ། །མི་བསྐྱོད་འདི་ལ་གང་བཤད་པ་དེ་ནི་སྤྲུལ་པ་སྟེ། དེ་ནི་ཡེ་ཤེས་ཀྱི་སྐུའི་མཚན་ཉིད་ཅེས་བྱ་བའི་ཐ་ཚིག་གོ། །དེ་ཉིད་སྒྱུ་མ་ལྟ་བུ་ཉིད་དུ་མཐོང་བས་མི་ཕྱེད་པས་རྡོ་རྗེར་འགྱུར་ཞེས་བསྟན་ཏོ། །མ་རིག་པ་ནི་སྣང་བ་ཉེ་བར་ཐོབ་པའི་ཡེ་ཤེས་སོ། །དེ་ཉིད་འོད་གསལ་བའི་འབྲས་བུ་ཉེ་
[12a]
[12a.1]བར་#ལེན་པར་བྱེད་པས་ན་ལག་པ་དང་འདྲ་བས་ལག་པ་ཞེས་བྱའོ། །དེས་#ནི་སྣང་བ་ཉེ་བར་ཐོབ་པའི་ཡེ་ཤེས་ཀྱི་ཡུལ་དུ་འོད་གསལ་བ་མངོན་དུ་བྱེད་པ་གང་ཡིན་པ་དེ་ནི་རྡོ་རྗེ་ཞེས་བྱའོ། །རིམ་པ་གཉིས་པ་ཐོབ་པར་བྱ་བའི་#འོད་གསལ་བའི་དེ་ཁོ་ན་ཉིད་དེ་ལས་ཡེ་ཤེས་ཀྱི་རང་བཞིན་
[12a.2]གྱི་སྐུ་ནི་དེ་བཞིན་གཤེགས་པ་ལྔའི་རང་བཞིན་གྱི་འོད་ཟེར་ལྔ་ནི་འགྱུར་བ་#སྤྲོ་བར་བྱའོ། །དེ་ནས་སྒྱུ་མ་ཡང་རྟོག་པ་དང་བཅས་པས་སྤང་བར་བྱ་བ་ཡིན་ཏེ། ཅིག་ཅར་དུ་བསྐྱེད་པའི་ཕུང་པོ་ལ་སོགས་པ་#སངས་རྒྱས་ནི་བདག་ཉིད་ཀྱི་ལུས་དང་འབྲེལ་བ་ཅན་གཟུགས་ལ་སོགས་པའོ། །རྡོ་རྗེ་གསུམ་སྐྱེས་
[12a.3]དུས་གསུམ་ཤེས། །ཞེས་པ་ནི་སྐུ་ལ་སོགས་པའི་བདག་ཉིད་དེ་རྣམས་ཀྱང་སྐུའི་རྡོ་རྗེ་ནི་མངོན་པར་བྱང་ཆུབ་པའི་རིམ་པས་ཐོབ་པར་བྱ་བ་འོད་གསལ་བའི་རྡོ་རྗེས་སྒྱུ་མའི་ལུས་ཐ་མལ་པའི་ཕུང་པོ་ལ་སོགས་པའི་རང་བཞིན་མ་ཡིན་པ་ཡང་མི་སྣང་བར་བྱའོ། །དེ་#ནི་ཞེ་སྡང་རིགས་ཞེས་པ་ནི་འདོད་
[12a.4]ཆགས་ལ་སོགས་པའི་རང་བཞིན་སྤོང་བར་བྱེད་པའི་རིམ་པ་བཞི་#པ་ལའོ། །མི་བསྐྱོད་རྡོ་རྗེའི་ཡེ་ཤེས་ཞེས་#པ་ནི་མན་ངག་བཞི་པ་ལས་བྱུང་#བའི་འོད་གསལ་བ་ཞེས་བྱའོ། །དེའི་ཤེས་པ་ལ་སོགས་པས་འགྲོ་བའི་དོན་བྱ་བའི་ཕྱིར། ཞིང་ནི་མན་ངག་བཞི་པ་ལ་དམིགས་ནས་དངོས་གྲུབ་ཆེན་པོ་ནི་རྡོ་རྗེ་འཆང་ཆེན་
[12a.5]པོ་ཕྱག་རྒྱ་ཆེན་པོའི་གཟུགས་སྐྱེ་བ་ནི་དེ་ལས་འབྱུང་བའོ། །མཆོག་ནི་བདེན་པ་གཉིས་དབྱེར་མེད་པའི་མཚན་ཉིད་ཅན་#ཐོབ་པར་འགྱུར་ཞེས་པ་ནི་རྙེད་པར་འགྱུར་རོ་ཞེས་སེམས་རྣམ་པར་དག་པ་དང་། བདག་ལ་བྱིན་གྱིས་བརླབ་པ་དང་། མངོན་པར་བྱང་ཆུབ་པ་དང་ཟུང་དུ་འཇུག་པའི་རིམ་
[12a.6]པས་བསྟན་ཏོ། །དེ་ནས་ཞེས་བྱ་བ་ལ་སོགས་པས་གཏི་མུག་གི་རིགས་ཀྱི་དམ་ཚིག་བསྟན་པར་བྱ་སྟེ། བཞི་པའི་བདག་ཉིད་ཡིན་པས་ན་བདེ་བ་ཆེན་པོའོ། །ཚོགས་གཉིས་དང་ལྡན་པས་ན་དཔལ་ལྡན་ནོ། །ཡེ་ཤེས་ནི་གསུམ་མོ། །ཐར་པ་ནི་འོད་གསལ་བའོ། །ཡེ་ཤེས་#ཀྱི་སྒོ་ནས་
[12a.7]ཐར་པ་སྒྲུབ་#པར་མཛད་པས་ན་ཡེ་ཤེས་ཐར་པ་རབ་ཏུ་བསྒྲུབ་#པའོ། །འདོད་ཆགས་དང་#བྲལ་བ་ལ་སོགས་པ་རང་བཞིན་བརྒྱ་དྲུག་ཅུ་སྤང་#བར་མཛད་པས་ན་རང་བཞིན་གྱིས་#དག་པའོ། །གློ་བུར་གྱི་དྲི་མ་དང་བྲལ་བས་ན་གོས་#མེད་པའོ། །བྱང་ཆུབ་གསུམ་དང་སྤྱོད་པ་གསུམ་མོ། །བྱང་ཆུབ་
[12b]
[12b.1]ཀྱི་ཕྱིར་སྤྱོད་པ་ནི་བྱང་ཆུབ་སྤྱོད་པ་སྟེ། དེ་རྣམས་སྟོན་པར་མཛད་པས་ན་བྱང་ཆུབ་སྤྱོད་པ་རབ་#བསྒྲུབ་པའོ། །གདུལ་དཀའ་ཐམས་ཅད་འདུལ་བར་མཛད་པས་ན་འོད་ཆེན་པོ་སྟེ་ལག་ན་རྡོ་རྗེའོ། །བྱ་བའི་རྒྱུད་ལ་སོགས་པ་ཐམས་ཅད་ཀྱི་གཙོ་བོ་ནི་དབང་མཛད་པའོ། །བོས་ནས་ནི་མངོན་དུ་
[12b.2]བྱས་ནས་སོ། །རྫོགས་པའི་སངས་རྒྱས་ཀྱིས་ཞེས་པ་ནི། རྡོ་རྗེ་འཆང་ཆེན་པོའི་གོ་འཕང་#ཐོབ་པར་བྱེད་པས་སོ། །དམ་ཚིག་དེ་ཉིད་ཅེས་པ་ནི་གཏི་མུག་གི་རིགས་ཀྱི་#སྡོམ་པ་གསུངས་སོ། །རིན་ཆེན་ཆོས་ཞེས་པ་ནི་རིམ་པ་གཉིས་པ་ལས་ཐོབ་པར་བྱ་བའི་འོད་གསལ་བའོ། །དེ་ལ་སྔགས་
[12b.3]དང་ཕྱག་རྒྱའི་རིམ་པས་རབ་ཏུ་འཇུག་ནས་སླར་ཡང་འཆང་#བའི་ཕྱོགས་མཆོག་#སྤོང་བའི་ཕྱིར་ཅིག་ཅར་རམ་#སྣང་བ་ཉེ་བར་ཐོབ་པ་ལ་སོགས་པའི་རིམ་པས་སྣང་བ་ཐམས་ཅད་མཆོག་དང་ལྡན་པ་རང་གི་#བདག་ཉིད་རྡོ་རྗེ་སེམས་དཔའ་བསྒོམ་པར་བྱའོ། །ལུས་དེ་ཡིས་ནི་ཞེས་པ་ལ་སྒྱུ་མ་ལྟ་བུའི་
[12b.4]ལུས་ཀྱིས་རྣམ་པར་སྨིན་པ་འཕྲོག་པ་ཞེས་པ་ནི་དཔལ་རྡོ་རྗེ་འཆང་གི་སྐུ་གཟུང་བ་གང་ཡིན་པ་དེ་ནི། རྫོགས་པའི་བྱང་ཆུབ་རབ་བསྒྲུབ་པའི། །ཞེས་པ་ནི་རིམ་པ་བཞི་པ་མྱོང་བ་སྔོན་དུ་འགྲོ་བའི་#མི་གནས་པའི་མྱ་ངན་ལས་འདས་པའི་དབྱིངས་ཀྱི་མཚན་ཉིད་རྡོ་རྗེ་འཆང་གི་སྐུ་རྫོགས་པར་བྱེད་
[12b.5]པ་དེ་#ནི་རྫས་རྣམས་ཐམས་ཅད་མཆོག་གི་ངོ་བོ་ཐོབ་པའོ། །ཏིང་ངེ་འཛིན་དེས་བསམ་པ་ཐམས་ཅད་རྫོགས་པར་མཛད་པས་ན་ཡིད་བཞིན་ནོར་བུ་དང་འདྲ་བ་རྣལ་འབྱོར་པ་འགྱུར་རོ། །ནམ་མཁའི་མཛོད་ཀྱི་ཏིང་ངེ་འཛིན་དང་ལྡན་པའི་ནོར་གྱི་རྒྱ་མཚོས་རབ་ཏུ་འགེངས་པའོ། །འདི་ནི་གཏི་
[12b.6]མུག་རིགས་དག་གི#། །ཞེས་པ་ནི་རྣམ་པར་སྣང་མཛད་ཀྱི་རིགས་ཀྱིའོ། །དམ་ཚིག་དེ་ཉིད་ཡིན་པར་བསྒྲགས། །ཞེས་པ་ནི་སྡོམ་པའི་ངེས་པའི་དོན་བཤད་པའོ། །དེས་ནི་སེམས་རྣམ་པར་དག་པ་དང་བདག་ལ་བྱིན་གྱིས་བརླབས་པ་དང་། མངོན་པར་བྱང་ཆུབ་པ་དང་། ཟུང་དུ་འཇུག་པའི་རིམ་
[12b.7]པ་རྣམས་བསྟན་ཏོ། །དཔག་མེད་ཅེས་པ་ལ་སོགས་པས་འདོད་ཆགས་ཀྱི་རིགས་ཀྱི་དམ་ཚིག་བསྟན་པར་བྱ་སྟེ། བསྐལ་པའམ་བསྐལ་པ་སྟོང་གི་བར་དུ་བརྟན་པར་བཞུགས་པས་ན་#ཚེ་དཔག་མེད་ནི་ཚེ་དཔག་ཏུ་མེད་པ་སྟེ་འོད་དཔག་ཏུ་མེད་པའོ། །སྒྱུ་མའི་སྐུ་ནི་ཡེ་ཤེས་ཀྱི་སྐུའོ། །
[13a]
[13a.1]དེར་ནི་སྒྱུ་མའི་སྐུ་དེ་ལ་ཕུང་པོ་ལ་སོགས་དགང་ཞེས་པ་ནི་ཐ་མལ་པའི་ལུས་ལ་སོགས་པ་འཇུག་པར་བྱའོ། །སྒྱུ་མ་ལྟ་བུ་ཉིད་སྤང་བར་བྱ་བའི་ཕྱིར་ཡང་། །ཤེས་དང་#ཕ་རོལ་ཕྱིན་ལྡན་པའི། །ཞེས་པ་ནི་རིལ་པོར་འཛིན་པ་དང་རྗེས་སུ་འཛིན་པའི་ཏིང་ངེ་འཛིན་
[13a.2]དག་གིས་སྟོང་པར་གྱུར་པའི་ཕུང་པོ་ལ་སོགས་པ་ཞེས་པ་ནི་སྒྱུ་མའི་ལུས་ལ་གནས་པའི་གཟུགས་ལ་སོགས་པ་དེར་བྱ་བ་ནི་མི་སྣང་བར་བྱའོ། །སྟོང་པ་དང་ཤིན་ཏུ་སྟོང་པ་དང་སྟོང་པ་ཆེན་པོ་དང་ཐམས་ཅད་སྟོང་པ་སྟེ་སྟོང་པ་བཞིའོ། །མཉམ་སྦྱོར་བའི་ཞེས་པ་ནི་རྒྱུ་དང་འབྲས་བུའི་རིམ་
[13a.3]པའི་འབྲེལ་པས་སོ། །བྱང་ཆུབ་ཀྱི་#ནི་ཚུལ་མཆོག་ཅེས་པ་ནི་ཕྱི་དང་ནང་གི་མངོན་པར་བྱང་ཆུབ་པ་ནི་བསྒོམ་པར་བྱའོ། །དེས་ན་མན་ངག་བཞི་ཐོབ་ནས་འགྲོ་བའི་དོན་བྱ་བའི་ཕྱིར་དང་ཀུན་རྫོབ་ཅེས་བྱ་བ་ལ་སོགས་པ་སྨོས་ཏེ། ཀུན་རྫོབ་དང་དོན་དམ་པའི་རང་བཞིན་དབང་པོ་གཉིས་དབྱེར་
[13a.4]མེད་པའི་མཚན་ཉིད་ཀྱི་སྦྱོར་བས་སོ། །གཟུགས་ལ་སོགས་པ་འདོད་པའི་ཡོན་ཏན་ལྔ་ཐམས་ཅད་སོ་སོར་སྡུད་པ་དང་བསམ་གཏན་གྱི་ཡན་ལག་དག་གིས་ཉེ་བར་སྤྱོད་ཅིང་བླང་བར་བྱའོ་ཞེས་བསྟན་ཏོ། །འདི་ནི་སངས་རྒྱས་ཐམས་ཅད་ཀྱི། །ཞེས་པ་ནི་དེ་བཞིན་གཤེགས་པ་ཐམས་ཅད་ཀྱི་རང་
[13a.5]བཞིན་རྡོ་རྗེ་སེམས་དཔའོ། །འདོད་ཆགས་ཆེན་པོའི་ཚུལ་ཞེས་པ་ནི་འགྲོ་བའི་དོན་མཛད་པའི་ཕྱིར་སྙིང་རྗེ་ཆེན་པོ་དང་ལྡན་པའི་ལམ་མོ། །ཐེག་པ་གཞན་ལ་ལྟོས་#པས་མཆོག་གོ་ཞེས་པ་#ནི་ཕུལ་དུ་བྱུང་བའོ། །དེས་ནི་བདག་ལ་བྱིན་གྱིས་བརླབ་པ་དང་མངོན་པར་བྱང་ཆུབ་པ་དང་ཟུང་དུ་འཇུག་
[13a.6]པའི་རིམ་པ་རྣམས་བསྟན་ཏོ། །དེ་ནས་ཞེས་པ་ལ་སོགས་པ་རིན་ཆེན་འབྱུང་ལྡན་དང་དོན་ཡོད་གྲུབ་པ་དག་གི་དམ་ཚིག་བསྟན་ཏེ། བརྟན་པ་དང་གཡོ་བའི་བདག་ཉིད་ཡིན་པས་ན་སྣ་ཚོགས་སོ། །རྡོ་རྗེ་མི་ཕྱེད་གསུམ་ཞེས་བྱ་བ་ལ་སོགས་པའི་དོན་བཤད་ཟིན་ཏོ། །ཕུང་པོ་ལ་སོགས་པ་
[13a.7]ཕྱི་རོལ་གྱི་དོན་ཡོད་པ་མ་ཡིན་ནོ་ཞེས་བྱ་བ་ལ་སོགས་པ་བརྫུན་དང་རྩུབ་མོའི་ཚིག་སོ་སོའི་སྐྱེ་བོ་རྣམས་ལ་སྤྱོད་ཡུལ་མ་ཡིན་པས་ཐོས་པར་དཀའ་#བ་རྣལ་འབྱོར་པས་སློབ་པ་གང་ཡིན་པ་དེས་ནི་མྱུར་དུ་བྱང་ཆུབ་ཐོབ་པར་འགྱུར་རོ་ཞེས་བསྟན་ཏོ། །དེས་ནི་སེམས་རྣམ་པར་དག་པའི་རིམ་པ་
[13b]
[13b.1]བསྟན་ཏོ། །ངེས་པའི་དོན་ཏོ་ཞེས་པ་ནི་རྫོགས་པའི་རིམ་པ་བསྟན་པའི་ཕྱིར་རོ། །རྡོ་རྗེ་འཆང་ཆེན་པོའི་འཁོར་གྱི་ནང་ན་གནས་པ་ཞེས་བྱ་བ་ལ་སོགས་པས་མ་འོངས་པའི་སེམས་ཅན་རྣམས་ཡོངས་སུ་གཟུང་བའི་ཕྱིར། བྱང་ཆུབ་སེམས་དཔས་ཇི་ལྟར་འདྲི་#བ་དེ་བསྟན་པར་བྱ་སྟེ། དམ་
[13b.2]ཚིག་ལྔ་བསྟན་པའི་འོག་ཏུའོ་ཞེས་པ་ནི་ཁྱད་པར་གྱི་དོན་མི་ཤེས་པའི་དམ་ཚིག་ལྔ་བསྟན་པའི་ཕྱི་ནས་སོ། །དེ་བཞིན་གཤེགས་པ་དང་མཉམ་པ་ཉིད་དུ་གྱུར་པས་ན་ཞེས་པ་ནི་སངས་རྒྱས་ཐམས་ཅད་དང་མཉམ་པ་ཉིད་དུ་གྱུར་པས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་སྟེ་སྡུད་པ་པོ་ཡིན་པའི་ཕྱིར་
[13b.3]རོ། །རྡོ་རྗེས་#མཚན་པས་ན་ཞེས་པ་ནི་རྡོ་རྗེའི་ཕྱག་མཚན་འཛིན་པས་སོ། །དེ་ལ་སོགས་པ་#སྔོན་དུ་འགྲོ་བའི་བྱང་ཆུབ་སེམས་དཔའ་རྣམས་ཏེ་ཞེས་པ་ནི་སའི་སྙིང་པོ་ལ་སོགས་པའོ། །འཇིག་རྟེན་པ་དང་འགལ་བའི་ཚིག་དང་ཞེས་པ་ནི་སྲོག་གཅོད་པ་ལ་སོགས་པའི་ཚིག་གོ། །ལྡན་པ་ནི་ཕ་
[13b.4]རོལ་ལ་ཕན་འདོགས་པའི་མཚན་ཉིད་དེའི་སྒོ་ནས་ཏིང་ངེ་འཛིན་གྱི་ཁྱད་པར་ཞེས་པ་ནི། བསྐྱེད་པའི་རིམ་པ་ལ་སྔགས་དང་ཕྱག་རྒྱའི་རིམ་པས་གཞན་ལ་ཕན་འདོགས་པའི་མཚན་ཉིད་རྫོགས་པའི་རིམ་པ་ལ་ཡང་སེམས་རྣམ་པར་དག་པ་ལ་སོགས་པས་འོད་གསལ་བ་རྟོགས་པའི་མཚན་ཉིད་
[13b.5]དོ། །སྟོན་པར་མཛད་པས་ཞེས་པ་ནི་དེ་གསལ་བར་གསུངས་པས་སོ། །ངོ་མཚར་དུ་གྱུར་ཅིང་རྨད་དུ་གྱུར་ནས་ཞེས་པ་ནི་འཇིག་རྟེན་དང་འགལ་བའི་ཚིག་ཐོས་པས་ངོ་མཚར་དུ་གྱུར་པ་དང་། དེའི་རྣམ་པར་དག་པ་ཐོས་པས་རྨད་དུ་གྱུར་པ་ཞེས་བྱ་བ་ནི་དབྱེ་བའོ། །གལ་ཏེ་དེ་ལྟར་ཡིན་ན་སླར་
[13b.6]ཡང་ཅིའི་ཕྱིར་འདྲི་བར་བྱེད་ཅེ་ན། སྨྲས་པ་མ་འོངས་པའི་པདྨ་ལ་སོགས་པ་དབང་པོ་དམན་པ་རྗེས་སུ་གཟུང་བའི་ཕྱིར་ཞེས་བཤད་ཟིན་ནོ། །འཁོར་དུ་གཏོགས་པའི་དེ་བཞིན་གཤེགས་པ་རྣམས་ལ་བཅོས་པར་འདྲི་བ་ཞེས་པ་ལ་སོགས་པས། ཆོས་དང་ལོངས་སྤྱོད་རྫོགས་པའི་སྐུའི་རང་བཞིན་
[13b.7]རྡོ་རྗེ་འཆང་དང་དེ་བཞིན་གཤེགས་པ་རྣམས་ཐ་མི་དད་པར་བསྟན་ཏོ། །ཐ་མི་དད་པ་ཡང་བྱ་བ་གཅིག་ཡིན་པས་སོ། །དེ་བཞིན་གཤེགས་པ་ཐམས་ཅད་ཀྱི་བདག་པོ་ཞེས་པ་འདིས་ནི་གསུང་བ་ངན་པ་མི་སྟོན་པ་ཉིད་དུ་བསྟན་ཏོ། །རང་གི་མཚན་ཉིད་འཛིན་པ་སྟེ། །ཞེས་པ་ནི་རབ་ཏུ་རྣམ་པར་
[14a]
[14a.1]འབྱེད་པ་ཉིད་དུ་འཛིན་པས་ན་ཁམས་ནི་ཤེས་རབ་བསྟན་ཏོ། །དེ་ཉིད་བཤད་པའི་ཕྱིར། རབ་ཏུ་རྣམ་པར་འབྱེད་པའི་མཚན་ཉིད་ཅན་གྱི་ཤེས་རབ་པོ་ཞེས་པ་#ནི་དངོས་པོ་རྣམས་ཀྱི་རང་གི་མཚན་ཉིད་རྟོགས་པར་བྱེད་པའི་བློ་ཞེས་བྱ་བའི་དོན་ཏོ། །དེ་ཡང་ཞེས་བྱ་བ་ལ་སོགས་པས་
[14a.2]ཆུང་བ་ལ་སོགས་པའི་དབྱེ་བས་དེ་ཉིད་རྣམ་པ་གསུམ་བསྟན་ཏོ། །དེས་ན་ཁམས་གསུམ་པ་དམན་པ་ལ་སོགས་པའི་ཤེས་རབ་དང་ལྡན་པའོ། །འཇིག་རྟེན་གྱི་ཁམས་ཐམས་ཅད་ལས་འདས་པ་སྟེ་ཞེས་པ་ནི་དེ་རྣམས་ཀྱིས་མི་འདའ་བའི་ཚིག་མ་ཡིན་པའོ། །རབ་འབྲིང་ཞེས་བྱ་བ་ལ་སོགས་
[14a.3]པས་དོན་དེ་ཉིད་བསྟན་ཏོ། །མེའི་གྲང་བ་བཞིན་ནོ་ཞེས་པའི་དཔེས་སྔར་མ་བྱུང་བ་ཉིད་བསྟན་ཏོ། །དེ་ཉིད་བསྟན་པའི་ཕྱིར། སྔོན་ཆད་མ་བྱུང་བ་ཞེས་བྱ་བ་ལ་སོགས་པ་བསྟན་ཏོ། །རབ་ཏུ་འཇུག་པར་བྱེད་པ་ཡིན་པས་ན་ཞེས་པ་ནི་བཅོམ་ལྡན་འདས་ཀྱི་གསུང་གིས་ཐམས་ཅད་འཇུག་པར་
[14a.4]འགྱུར་བས་སོ། །གཟུང་བར་བྱ་བ་ཡིན་པའི་ཕྱིར། །ཞེས་པ་ནི་དེ་བཞིན་གཤེགས་པའི་གསུང་བླང་བར་བྱ་བ་ཡིན་པའི་ཕྱིར་རོ། །འཁོར་གཉིས་ཀྱི་ནང་དུ་ཞེས་པ་ནི་རྫོགས་པ་དང་མ་རྫོགས་པའི་ཚོགས་ཀྱི་ནང་དུའོ། །འགྱོད་པ་སྐྱེད་པ་ནི་#སྲོག་གཅོད་པ་ལ་སོགས་པའི་རྣམ་པར་སྨིན་པ་དཀའ་
[14a.5]བ་ཐོས་#པའི་ཡིད་མི་བདེ་བར་བྱེད་པའོ། །མ་གསུང་ཤིག་#ཅེས་བྱ་བ་ནི་གསུང་བ་མི་རིགས་སོ་ཞེས་བྱ་བའི་ཐ་ཚིག་གོ། །བཤད་མ་ཐག་པའི་ཞེས་པ་ལ་སོགས་པས་བཅོམ་ལྡན་འདས་ཀྱི་དགོངས་པ་ལ་མཁས་པའི་དེ་བཞིན་གཤེགས་པ་རྣམས་ཀྱིས་མ་འོངས་པ་དབང་པོ་དམན་པའི་སེམས་
[14a.6]ཅན་རྣམས་རྗེས་སུ་གཟུང་བའི་དོན་དུ་དགོངས་པས་བཤད་པའི་ཟབ་པའི་རྡོ་རྗེའི་ཚིག་རྣམས་འདྲི་བ་ཇི་ལྟ་བ་བཞིན་དུ་བྱང་ཆུབ་སེམས་དཔའ་ལ་ལན་བཏབ་པོ་ཞེས་བསྟན་ཏོ། །སྦྱར་རོ་ཞེས་པ་ནི་བྱ་བ་བྱེད་པའི་ཚིག་སྦྱར་བར་བྱའོ། །དོན་བཤད་ཟིན་པ་ནི་ལེའུ་དང་པོ་ནས་སོ། །རྡོ་རྗེའི་རིགས་
[14a.7]ལ་སོགས་པ་ཞེས་པ་ནི་རྡོ་རྗེ་དང་པདྨ་དང་དེ་བཞིན་གཤེགས་པ་དང་ཡིད་བཞིན་ནོར་བུ་དང་དམ་ཚིག་གི་རིགས་སོ། །ཇི་སྐད་དུ། ཞེ་སྡང་གཏི་མུག་འདོད་ཆགས་དང་། །ཡིད་བཞིན་ནོར་བུ་དམ་ཚིག་སྟེ། །རིགས་ནི་དེ་རྣམས་ལྔ་པོ་སྟེ། །འདོད་དང་ཐར་པར་བསྒྲུབ་པའོ། །ཞེས་འབྱུང་ངོ་། །
[14b]
[14b.1]དེ་ལས་སྐྱེས་པས་ནི་#ཞེས་པ་ལ། རིགས་ལྔའི་དམ་ཚིག་སྤྱོད་པ་དང་ལྡན་པ་བྱང་ཆུབ་སེམས་དཔའ་ཞེས་བྱ་བའི་དོན་ཏོ། །དམ་ཚིག་ལ་ཐེ་ཚོམ་སྐྱེ་བའི་#སྒོ་ནས་ཞེས་པ་ནི་སྒྲ་ཇི་བཞིན་པ་ཙམ་ཐོས་པ་ལས་སྐྱེས་པ་སྨོད་པའི་སྒོ་ནས་སོ། །ངན་ཅིང་དམན་པའི་འདུ་ཤེས་ནི། །ཞེས་པ་ལ་ཆུང་
[14b.2]བའི་འདུ་ཤེས་སོ། །འཇིག་རྟེན་གྱིས་སྨད་པའི་འདུ་ཤེས་ཞེས་པ་ནི་འཇིག་རྟེན་པ་སུན་འབྱིན་པས་སོ། །དེ་ལྟ་བུའི་ཞེས་པ་ལ་སོགས་པས་རང་གིས་སྨོད་པ་དང་། འཇིག་རྟེན་པས་སྨོད་པ་འདུ་ཤེས་གཉིས་བྱ་བ་#མི་རིགས་སོ། །དམན་པའི་འདུ་ཤེས་བསྐྱེད་པའི་ཉེས་པ་བསྟན་པའི་ཕྱིར་ཞེས་
[14b.3]པ་ལ་རྩ་བའི་ལྟུང་བའི་འཇིགས་པ་#མཐོང་བའི་ཕྱིར་རོ། །རྒྱུ་གང་གིས་ན་ཞེས་#པས་དེ་#མི་བྱེད་པ་ཉིད་བསྟན་ཏོ། །བསྟན་པ་འདི་ལ་སྤྱོད་པ་གཉིས་ཏེ། མཆོག་གི་སྤྱོད་པ་དང་། སྔགས་ཀྱི་སྤྱོད་པའོ། །དེ་ལ་མཆོག་གི་སྤྱོད་པ་ནི་བྱང་ཆུབ་སེམས་དཔའི་སྤྱོད་པའོ། །སྔགས་ཀྱི་སྤྱོད་པ་ནི་དེ་བཞིན་
[14b.4]གཤེགས་པའི་སྤྱོད་པའོ། །འགལ་བའམ་མི་འགལ་བའི་བྱ་བས་རང་དང་གཞན་གྱི་དོན་གྲུབ་#པ་ནི་བྱང་ཆུབ་སེམས་དཔའི་སྤྱོད་པའོ། །དེ་ལ་འགལ་བའི་སྤྱོད་པ་ནི་སྲོག་གཅོད་པ་ལ་སོགས་པའི་སྒོ་ནས་སོ། །མི་འགལ་བའི་སྤྱོད་པ་ནི་བསྟན་པ་དང་སྨིན་པ་ལ་སོགས་པའི་སྒོ་ནས་སོ། །རྡོ་རྗེ་བཟླས་པ་
[14b.5]ལ་སོགས་པའི་རིམ་པ་ལྔ་པོ་རྟོགས་པས་མཉམ་པར་བཞག་པ་དང་། མ་བཞག་པའི་སྐབས་སུ་གཞན་གྱི་དོན་སྒྲུབ་པར་བྱེད་པའི་སྤྱོད་ཡུལ་#གང་ཡིན་པ་དེ་ནི་དེ་བཞིན་གཤེགས་པའི་སྤྱོད་པའོ། །དེ་ལྟར་སློབ་པའི་དུས་སུ་བྱང་ཆུབ་སེམས་དཔའི་སྤྱོད་པ་དང་། རྫོགས་པའི་དུས་སུ་དེ་བཞིན་
[14b.6]གཤེགས་པའི་སྤྱོད་པ་སྟེ་བརྟགས་པ་དང་རྫོགས་པའི་རིམ་པའི་རྣལ་འབྱོར་པ་དག་གི་སྤྱོད་པ་གཉིས་བསྟན་ཏོ། །དེ་ཉིད་བསྟན་པའི་ཕྱིར་མཆོག་གི་སྤྱོད་པ་ཞེས་བྱ་བ་ལ་སོགས་པ་བསྟན་ཏོ། །ཚེ་འདི་ཉིད་ལ་ཞེས་པ་ནི་མཐོང་བའི་ཆོས་ལའོ། །རང་གི་ངོ་བོ་ཡོངས་སུ་བརྗེ་བ་ཡིན་པས་སོ་ཞེས་
[14b.7]པ་ན་#ཐ་མལ་བའི་ངོ་བོ་སྤངས་ནས་དཔལ་རྡོ་རྗེ་འཆང་གི་གོ་འཕང་#ཐོབ་ནས་སོ། །དེ་ལྟར་ཞེས་བྱ་བ་ལ་སོགས་པས་སྤྱོད་པ་གཉིས་ཉེ་བར་བསྡུས་ནས་དེའི་འབྲས་བུ་བསྒྲུབ་#པ་བདེན་པ་གཉིས་ཀྱི་སྒོ་ནས་བསྟན་པར་བྱ་སྟེ་ཚིག་གི་ཕྲད་བསྡུ་#བ་སྟེ་ཞེས་པ་ནི་ཚིག་ཕྲད་གཉིས་སོ། །དཔེར་ན་ཞེས་
[15a]
[15a.1]བྱ་བའི་དོན་ལ་ཞེས་པ་ནི་དཔེ་སྟོན་པའི་སྒྲ་ལ་འཇུག་སྟེ། ཚིག་ཕྲད་ཀྱི་དོན་དུ་མ་ཡིན་པའི་ཕྱིར་རོ། །ནམ་མཁའ་ནི་#དོན་དམ་པའི་བདེན་པའོ་ཞེས་པ་ནི། འདུས་མ་བྱས་པ་དང་བསྟན་པ་མེད་པ་དང་ཐོགས་པ་མེད་པའི་ཕྱིར་རོ། །རྟེན་ཅིང་འབྲེལ་པར་འབྱུང་བའི་ཆོས་
[15a.2]ཐམས་ཅད་ལ་རྗེས་སུ་སོང་ཞིང་ཁྱབ་པའོ་ཞེས་པས་ནི་དངོས་པོ་ཐམས་ཅད་ཀྱི་རང་དབང་དང་གཞན་བྱེད་པ་པོ་ཉིད་བཀག་གོ། །རྒྱུ་དང་རྐྱེན་ལས་བྱུང་བའི་ཆོས་ནི་རྟེན་ཅིང་འབྲེལ་པ་ལས་འབྱུང་#བ་ཞེས་བྱའོ། །རྟེན་ཅིང་འབྲེལ་པ་ལས་འབྱུང་#བ་གང་ཡིན་པ་དེ་རྣམས་མ་སྐྱེས་པ་ཉིད་དོ། །ཇི་སྐད་
[15a.3]དུ། གང་ཞིག་རྒྱུ་ལས་བསྐྱེད་པ་ཉིད#། །རྐྱེན་མེད་པས་ནི་#གནས་མི་འགྱུར། །རྐྱེན་མེད་པ་#ནི་འགག་འགྱུར་བ། །དེ་ནི་ཡོད་ཅེས་ཇི་ལྟར་རྟོགས། །དེ་ལྟར་གྱུར་པའི་ཆོས་རྣམས་ལ། །ནམ་མཁའ་ཁྱབ་པར་འཇུག་པ་སྟེ། །དེ་ཡི་རང་བཞིན་ཡིན་པས་སོ། །ཕུང་པོ་ལ་སོགས་པས་
[15a.4]ཕུང་པོ་དང་ཁམས་དང་#སྐྱེ་མཆེད་ལ་སོགས་པ་ཆོས་ཐམས་ཅད་དེ་ཉིད་ཀྱིས་#ཁྱབ་པ་ཡིན་ཏེ། ནམ་མཁའ་མེད་པས་དེ་རྣམས་ལ་གླགས་སྐབས་མི་ལྡན་པས་ཞེས་བསྟན་ཏོ། །གཏན་ཚིགས་བསྟན་པའི་ཕྱིར་ཆོས་དང་ཆོས་ཉིད་དབྱེར་མེད་པའི་ཕྱིར་ཞེས་སྨོས་ཏེ། རབ་འབྱོར་གཟུགས་
[15a.5]ནི་རང་བཞིན་གྱིས་སྟོང་པ་དང་སྟོང་པ་ཉིད་གཟུགས་དང་གཟུགས་སྟོང་པ་ཉིད་དོ་ཞེས་རྒྱལ་བའི་ཡུམ་ལས་གསུངས་པའི་ཕྱིར་རོ། །ཆོས་ཉིད་ལས་ཆོས་ཐ་དད་མིན། །རྣམ་པ་གཉིས་མིན་གཉིས་མེད་པ། །དེ་ལྟར་ཆོས་ནི་བསམ་པར་བྱ། །མེད་པར་མི་འབྱུང་ངེས་པ་ནི། །བྱས་པ་དང་ནི་མི་
[15a.6]རྟག་བཞིན། །ཞེས་འབྱུང་ངོ་། །འདོད་པའི་ཁམས་ལ་མི་གནས་སོ། །ཞེས་བྱ་བ་ལ་སོགས་པས་སྔར་བཤད་པའི་དོན་སྤྲོས་ནས་བཤད་པར་བྱ་སྟེ། གཟུགས་ལ་སོགས་པ་ཚོལ་བ་ཞེས་པ་ནི་ཡུལ་སྤྱོད་པའི་མཚན་ཉིད་དང་ལྡན་པའི་འདོད་པའི་ཁམས་ཡིན་པས་སོ། །རྒྱལ་ཆེན་རིས་བཞི་
[15a.7]ལ་སོགས་པའི་ལྷ་རྣམས་ཞེས་པ་ནི་ལྷའི་རིས་དྲུག་གོ། །དེ་རྣམས་འཛིན་པ་ཞེས་པ་ནི་དེའི་གཞིར་གྱུར་པའི་ཕུང་པོ་ལ་སོགས་པའོ། །དེར་ཡང་མི་གནས་ཏེ་ཞེས་པ་ནི་འདོད་པའི་ཁམས་རང་བཞིན་མེད་པས་སོ། །རྟེན་མེད་ན་བརྟེན་པ་ནི་གང་དུ་གནས་#ཞེས་དགོངས་པའོ། །གཏན་ཚིགས་
[15b]
[15b.1]བསྟན་པའི་ཕྱིར། འདོད་པའི་ཁམས་ཞེས་བྱ་བ་ལ་སོགས་པ་བསྟན་ཏོ། །གཟུགས་ཙམ་ལ་ཆགས་པ་ཞེས་པ་ནི་གཟུགས་ཙམ་ལ་དམིགས་ནས་བསམ་གཏན་བཞི་གནས་པའོ། །རྟོག་#པ་དང་བཅས་པ་ལ་སོགས་པའི་བསམ་གཏན་ལ་གནས་པས་དེ་རྣམས་ཀྱིས་ཚོར་བ་ལ་
[15b.2]སོགས་པ་ལ་ཆགས་པ་མེད་དོ། །གཟུགས་ཀྱི་འདོད་ཆགས་དང་བྲལ་བས་རྣམ་པར་ཤེས་པ་ཙམ་དུ་གནས་པ་དེ་ནི་ཞེས་པ་ནི་གཟུགས་མེད་པ་སྟེ་འབའ་ཞིག་རྣམ་པར་རིག་པ་ཙམ་གྱི་དབྱེ་བ་བཞི་#སྟེ། ནམ་མཁའ་མཐའ་ཡས་#སྐྱེ་མཆེད་ཀྱི་རྣམ་པར་རིག་#པ་ཙམ་དང་རྣམ་ཤེས་མཐའ་ཡས་
[15b.3]སྐྱེ་མཆེད་ཀྱི་རྣམ་པར་རིག་པ་ཙམ་དང་། ཅི་ཡང་མེད་པའི་སྐྱེ་མཆེད་ཀྱི་རྣམ་པར་རིག་པ་ཙམ་དང་། ཡོད་མིན་མེད་མིན་སྐྱེ་མཆེད་ཀྱི་རྣམ་པར་རིག་པ་ཙམ་མོ། །དེ་དག་ན་ཡང་མི་གནས་སོ་ཞེས་པ་ནི་དོན་དམ་པའི་བདེན་པའི་ངོ་བོ་དེ་དག་ཡིན་པས་སོ། །རླུང་གི་དཀྱིལ་འཁོར་ལ་སོགས་
[15b.4]པ་རིམ་གྱིས་#གནས་པའི་ཞེས་པ་ནི་རེ་ཞིག་དང་པོ་སའི་འོག་#ཁྱབ་ནས་གནས་པ་མཐའ་ཡས་པ་རླུང་གི་དཀྱིལ་འཁོར་ཡོད་དེ། དེའི་སྟེང་དུ་དེས་བུས་པས་#མེའི་དཀྱིལ་འཁོར་དང་། དེའི་སྟེང་དུ་ཡང་ཆུའི་དཀྱིལ་འཁོར་ཟླུམ་པོའི་རྣམ་པ་ཅན་དེའི་སྟེང་དུ་སའི་དཀྱིལ་འཁོར་གླིང་བཞི་རི་
[15b.5]རབ་དང་བཅས་པ་རོལ་པའི་མཚོ་བདུན་གྱིས་བསྐོར་བ་ཡོད་དོ་ཞེས་གོ་རིམས་#པའོ། །རྒྱུ་བ་ནི་འགྲོ་བ་རིགས་དྲུག་པའི་སེམས་ཅན་གྱི་སྐྱེ་གནས་བཞིའོ། །མི་རྒྱུ་བ་ནི་སྣོད་ཀྱི་འཇིག་རྟེན་གྱི་རང་བཞིན་ནོ། །གཞིར་གྱུར་པ་ཞེས་པ་ནི་གཉི་གའི་རྟེན་དུ་གྱུར་པའོ། །དེ་ལ་ཡང་མི་གནས་ཏེ་ཞེས་
[15b.6]པ་ནི་ཕུང་པོ་ལ་སོགས་#དེ་རྣམས་ལ་ཡང་གནས་པ་མ་ཡིན་ནོ། །གཏན་ཚིགས་བཤད་པའི་ཕྱིར། ཐམས་ཅད་ཀྱང་འོད་གསལ་བའི་ངོ་བོ་ཡིན་པའི་ཕྱིར་རོ་ཞེས་པ་ནི་དེ་དག་ཐམས་ཅད་སྟོང་པའི་ངོ་བོ་ཡིན་པས་སོ། །དེ་ལྟར་ཞེས་པ་ནི་དཔེ་ལས་བྱུང་བ་བསྟན་པར་བྱ་སྟེ། དཔེ་ལས་བྱུང་བ་དེ་
[15b.7]བཞིན་ཉིད་དེ་བཞིན་གཤེགས་པ་ཞེས་བྱ་བ་ལ་སོགས་པས་གསལ་བར་བཤད་དེ། རྟེན་ཅིང་འབྲེལ་པར་འབྱུང་བའི་དོན་ཞེས་པ་ནི་རྒྱུ་དང་རྐྱེན་ལས་བྱུང་བའི་དངོས་པོ་རྣམས་སོ། །དོན་དམ་པའི་བདེན་པ་ཞེས་པ་ནི་དེ་རྣམས་དེ་ལ་གནས་པས་སོ། །གཞན་གྱི་རྒྱུ་#དང་ཞེས་པ་ནི་ཚོགས་པ་ལས་
[16a]
[16a.1]བྱུང་#བ་ཉིད་དོ། །དེ་ཉིད་བསྟན་པའི་ཕྱིར་རང་ཉིད་མ་གྲུབ་པ་ཞེས་བྱའོ། །གང་ཡང་གཅིག་སྐྱེད་#པར་བྱེད་པ་མ་ཡིན་ཏེ། ཚོགས་པ་ལ་#ནི་སྐྱེད་པར་བྱེད་པ་ཡིན་ནོ་ཞེས་འབྱུང་བས་ཁ་ཅིག་སྐྱེ་བའམ་འགོག་པར་མི་འགྱུར་རོ། །འདིར་ནི་ཁ་ཅིག་མི་སྐྱེ་ཞིང་། །ཁ་ཅིག་
[16a.2]ཀྱང་ནི་འཆི་མི་འགྱུར། །སེམས་ཀྱི་ངོ་བོ་རྣམས་#གནས་པའི། །འཁོར་བ་ཉིད་དུ་ཤེས་པར་བྱ། །མ་རིག་རྐྱེན་ལས་འབྱུང་བ་ནི། །ཡང་དག་ཡེ་ཤེས་མཐོང་འགྱུར་ན། །སྐྱེ་བ་འམ་ནི་འགོག་པ་དག །གང་ཡང་འགྲུབ་པར་མི་རིགས་སོ། །ཞེས་འབྱུང་བས་སོ། །དངོས་པོའི་རང་བཞིན་དེ་
[16a.3]ལྟར་གྱུར་པས་མཁྱེན་ཅིང་ཐུགས་སུ་ཆུད་ཅིང་དེ་བཞིན་གཤེགས་པ་རྣམས་ཀྱི་#དབང་པོ་དམན་པ་ལ་སོགས་པའི་དབྱེ་བ་ལ་དམིགས་ནས་དེ་དང་མཐུན་པར་སྟོན་པར་མཛད་དོ། །རྣམ་པར་མི་རྟོག་ཀྱང་སྔོན་གྱི་སྨོན་ལམ་གྱི་དབང་གིས་ཡིད་བཞིན་གྱི་ནོར་བུ་དང་བུམ་པ་བཟང་པོ་བཞིན་དུ་
[16a.4]སེམས་ཅན་རྣམས་ལ་བསྟན་པ་དང་། ཡོངས་སུ་སྨིན་པར་#མཛད་དེ། དེ་རྣམས་ཀྱིས་ཀྱང་སྟོན་པར་བྱེད་པ་དང་བསྟན་པའི་རྣམ་པར་རྟོག་#པའི་དབྱེ་བས་དམིགས་པར་མི་འགྱུར་རོ་ཞེས་བསྟན་ཏོ། །ད་#ལྟར་ཞེས་བྱ་བ་ལ་སོགས་པས་སྲོག་གཅོད་པ་ལ་སོགས་པ་འགལ་བའི་སྒྲའི་
[16a.5]ངེས་པའི་དོན་གྱི་སྒོ་ནས་མི་བསྐྱོད་པ་ལ་སོགས་པའི་དེ་བཞིན་གཤེགས་པ་རྣམས་ཀྱི་དམ་ཚིག་ལྔའི་དོན་ཤེས་པར་བྱའོ་ཞེས་པ་ལས་འབྱུང་བའོ། །དེ་ཡང་མཁྱེན་ནས་ཞེས་བྱ་བ་ནས་བརྩམས་ཏེ་རྗེས་སུ་རིག་པར་བྱའོ་ཞེས་བྱ་བའི་#གཞུང་གིས་བཤད་དོ། །དེ་ལྟར་ཞེས་བྱ་བ་ལ་སོགས་
[16a.6]པས་སྔར་བཤད་པའི་དམ་ཚིག་རྣམས་ཀྱི་#རྣམ་པར་དག་པ་བཤད་ནས་དཔེའི་སྒོ་ནས་ཟུང་དུ་འཇུག་པའི་ཏིང་ངེ་འཛིན་གྱིས་ཐོབ་པར་བྱ་བར་རྡོ་རྗེའི་སྐུ་བསྐྱེད་པ་བརྩམ་པར་བྱ་སྟེ། སྟེང་གི་ཤིང་བུའི་#ཞེས་པ་ནི་བྱེད་པའོ། །གཞི་སྟེ་ནི་འོག་མའི་ཤིང་བུའོ། །གཉི་ག་བེམས་པོ་ཡིན་པས་མེ་
[16a.7]སྐྱེད་#པ་ལ་མི་ནུས་པའི་ཕྱིར། མིའི་ལག་པའི་རྩོལ་བ་ལྷན་ཅིག་བྱེད་པའོ། །དེས་ན་#སྟེང་མ་དང་འོག་མའི་ཤིང་བུ་ནི་ཉེ་བར་ལེན་པའི་རྒྱུ་དང་མིའི་ལག་པའི་བྱ་བ་ནི་ལྷན་ཅིག་བྱེད་པའི་རྒྱུའོ། །ཡང་ན་གསུམ་པོ་དེ་དག་ཀྱང་གསལ་བའི་རྒྱུ་ཡིན་ཏེ། །དེ་རྣམས་ཀྱིས་མེ་གསལ་བར་#བྱེད་
[16b]
[16b.1]པས་སོ། །དེ་ལྟར་ཤིང་ལ་གནས་པའི་མེ། །སྲུབ་པ་མེད་པར་མི་འབྱུང་སྟེ། །དེ་བཞིན་གོམས་པ་མེད་པས་ནི། །འདིར་ནི་བྱང་ཆུབ་ཐོབ་མི་འགྱུར། །ཞེས་འབྱུང་ངོ་། །གསུམ་པོ་དེ་དག་གི་རྐྱེན་ལ་བརྟེན་ཅིང་ཞེས་པ་ནི་རྒྱུ་གསུམ་པོ་ལ་དམིགས་ནས་སོ། །དྲོ་བའི་འོག་ཏུ་ཞེས་བྱ་བ་ལ་
[16b.2]སོགས་པས་མེ་བསྐྱེད་པའི་གོ་རིམས་#བསྟན་ཏོ། །འདུས་ཏེ་འབྱུང་བར་འགྱུར་རོ་ཞེས་པ་ནི་འབྱུང་བ་ཆེན་པོ་བཞིའི་བདག་ཉིད་ཀྱི་མེའི་ཁམས་སོ། །དེས་ནི་དངོས་པོ་རྣམས་རང་དབང་འགྲུབ་པ་བཀག་གོ། །གཙུབ་#ཤིང་ལ་ཡང་མི་གནས་པ། །ཞེས་པ་ནི་སྟེང་གི་ཤིང་བུ་ལ་མི་གནས་
[16b.3]པ་སྟེ་གཙུབ་སྟན་#དང་མིའི་ལག་པའི་བྱ་བ་མེད་ན་གཅིག་པུ་#དེ་ལས་མི་འབྱུང་བའི་ཕྱིར་རོ། །དེ་བཞིན་དུ་གཙུབ་སྟན་#མེད་པས་ཇི་ལྟར་གཉི་ག་ལས་མི་འབྱུང་སྟེ། དེ་ལྟར་གཅིག་ཅིག་#མེད་པས་ཀྱང་མི་འབྱུང་བ་ཞེས་རྟོགས་པར་བྱ་སྟེ། གཅིག་ཅིག་#ནི་སྐྱེད་པ་པོ་མ་ཡིན་གྱི་ཚོགས་པ་ནི་སྐྱེད་པ་པོ་ཡིན་ཞེས་
[16b.4]འབྱུང་བའི་ཕྱིར་རོ། །དེ་ཉིད་བསྟན་པར་བྱ་བའི་ཕྱིར། སོ་སོར་དམིགས་སུ་མེད་དོ་ཞེས་པ་ནི་རེ་རེ་ལས་མི་འབྱུང་བའི་ཕྱིར་རོ། །ཚོགས་པ་ལས་ཞེས་པ་ནི་ཚོགས་པའི་འབྲེལ་པ་ལས་ཞེས་བྱ་བའོ། །དེ་དག་གོང་ནས་གོང་དུ་སྐྱེ་བར་འགྱུར་རོ་ཞེས་པ་ནི། དམན་པ་དང་འབྲིང་དང་ཆེན་པོ་ཉིད་ཀྱིས་སོ། །དེ་
[16b.5]བཞིན་དུ་ཞེས་བྱ་བ་ལ་སོགས་པས་དཔེ་ལས་འབྱུང་བ་བསྟན་ཏེ། དེ་བཞིན་གཤེགས་པ་ཐམས་ཅད་ཀྱི་གནས་སུ་གྱུར་པ་ཡིན་པའི་ཕྱིར་ཞེས་པ་ནི་འོད་གསལ་བ་ལས་སངས་རྒྱས་ཐམས་ཅད་འབྱུང་བས་སོ། །རྡོ་རྗེ་ནི་ཆེན་པོ་སྟོང་པ་ཉིད་དོ་#ཞེས་པ་ནི་ཀུན་གཞི་རྣམ་པར་ཤེས་པ་སྤོང་བས་
[16b.6]སོ། །དམ་ཚིག་ནི་ཤིན་ཏུ་སྤོང་བ་#ཉིད་ཅེས་པ་ནི། ཉོན་མོངས་པ་ཅན་གྱི་རྣམ་པར་ཤེས་པ་སྤངས་པས་སོ། །སྟོང་པ་ཉིད་དོ་ཞེས་པ་ནི་རྣལ་འབྱོར་པ་རྣམས་ཀྱིས་དང་པོ་རྟོགས་པས་སོ། །གསུམ་པོ་དེ་དག་གིས་#ཞེས་པ་ནི་སྣང་བ་ཉེ་བར་ཐོབ་པ་ལ་སོགས་པའི་ཕྱི་ནས་འབྱུང་བའོ། །དེ་
[16b.7]བཞིན་གཤེགས་པ་ཐམས་ཅད་ཅེས་པ་ལ་སོགས་པས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་རྟོགས་པ་བསྟན་ཏོ། །སྟོང་པ་གསུམ་གྱིས་#རིམ་གྱི་དོན་དམ་པའི་བདེན་པར་འགྲོ་བའོ་ཞེས་པ་ནི་སྔགས་དང་ཕྱག་རྒྱའི་རིམ་པས་རང་བཞིན་དང་སྣང་བ་སྤོང་བས་ཟླ་བ་དང་ཉི་མ་དང་
[17a]
[17a.1]མཚམས་ཀྱི་སྣང་བ་མཐོང་བས་དག་པ་ནམ་མཁའང་འདྲ་བ་འོད་གསལ་བ་ལ་འཇུག་པའོ། །ཡང་བདག་ལ་བྱིན་གྱིས་བརླབ་པའི་རིམ་པས་སྟོང་པ་ཆེན་པོ་ལ་སོགས་པའི་གོ་རིམས་ཀྱིས་#འོད་གསལ་བ་ལས་ཅིག་ཅར་དུ་ཡེ་ཤེས་ཀྱི་སྐུ་སྤྲོ་བ་ནི་འོང་བའོ། །
[17a.2]འགྲོ་བ་དང་འོང་བ་མེད་པ་ཞེས་པ་ནི་མངོན་པར་བྱང་ཆུབ་པའི་རིམ་པ་ཁོང་དུ་ཆུད་ནས་ཟུང་དུ་འཇུག་པའི་ཏིང་ངེ་འཛིན་ལ་འགྲོ་བ་དང་འོང་བ་མེད་དེ་རྫོགས་པ་དང་མི་སློབ་པས་སོ། །ཟུང་འཇུག་ཏིང་ངེ་འཛིན་ལ་གནས་པས་སླར་ཞིང་གང་ལའང་#མི་སློབ་བོ། །འདི་ནི་རྫོགས་པའི་རྣལ་
[17a.3]འབྱོར་ཞེས། །དེ་ཡང་རྡོ་རྗེ་འཆང་ཆེན་པོ། །རྣམ་པ་ཐམས་ཅད་མཆོག་ལྡན་པ། །ཐམས་ཅད་མཁྱེན་པ་དེ་ལས་འབྱུང་། །ཞེས་བསྟན་པས་སོ། །རྫོགས་པ་ལ་ཞེས་བྱ་བ་ལ་སོགས་པ་ནི་རྫོགས་པའི་རིམ་པ་ཡོངས་སུ་རྫོགས་པ་ལ་ཞེས་བྱ་བའི་དོན་ཏོ། །འདིར་ནི་བསྡུས་པའི་དོན་
[17a.4]འདི་ཡིན་ཏེ། ཇི་ལྟར་གཙུབ་#ཤིང་ལ་སོགས་པའི་ཚོགས་པ་#ཕྲད་པ་ལས་མེ་#བསྐྱེད་དེ། འོན་ཏེ་དེ་རྣམས་རྣམ་པར་དཔྱད་ན་ལོགས་སུ་བསྐྱེད་པར་མི་འགྱུར་བ་དེ་བཞིན་དུ་འགྲོ་བ་དང་འོང་བ་ལ་སོགས་པ་རིམ་གྱིས་རྡོ་རྗེ་འཆང་ཆེན་པོའི་གོ་འཕང་ཐོབ་པར་ཤེས་པར་བྱའོ། །འགྲོ་བ་ལ་
[17a.5]སོགས་པ་རང་མེད་པས་ཀྱང་རྡོ་རྗེ་འཆང་གི་སྐུ་རྫོགས་པར་བྱེད་དེ། དེ་བས་ན་རྟེན་ཅིང་འབྲེལ་པ་ལས་འབྱུང་བ་འདི་རྣམ་པ་སྣ་ཚོགས་པ་དང་སངས་རྒྱས་ཀྱི་རོལ་མོ་སྣ་ཚོགས་པ་ཡིན་ནོ། །དེ་ལྟར་ཞེས་བྱ་བ་ལ་སོགས་པས་དེ་ཁོ་ན་ཉིད་ཐོབ་ནས་དགའ་བར་འགྱུར་བ་བྱང་ཆུབ་
[17a.6]སེམས་དཔའ་རྣམས་ཀྱིས་ཇི་ལྟར་ཐོབ་#པའི་དོན་མཆོག་ཏུ་འཛིན་པས་བསྟོད་པ་དེ་བསྟན་པར་བྱ་བའི་ཕྱིར་བརྩམ་པར་བྱ་སྟེ། དེ་ནས་སྐད་ཅིག་དེ་ཉིད་ལས་ཞེས་པ་ནི་དང་པོ་མྱོང་བའི་སྐད་ཅིག་མ་ལའོ། །སྣང་བ་སྐྱེས་པས་ཞེས་པ་ནི་སྟོང་པ་ལ་སོགས་པའི་རིམ་པས་སྣང་བ་ལ་
[17a.7]སོགས་པའི་ཡེ་ཤེས་གསུམ་བསྐྱེད་པས་སོ། །དེ་ནས་ཆོས་ཉིད་རྟོགས་ནས་ཞེས་པ་ནི་འོད་གསལ་བ་མངོན་དུ་བྱས་ནས་སོ། །ཡང་བདག་ལ་བྱིན་གྱིས་བརླབ་པའི་རིམ་པས་མ་རིག་པ་མྱོང་བའི་འོག་ཏུ་ཐབས་ཀྱི་ཡེ་ཤེས་བསྐྱེད་ཅིང་སྣང་བའི་ཡེ་ཤེས་ཀྱི་#མིག་གདངས་པ་ཞེས་པ་ནི་
[17b]
[17b.1]ཡེ་ཤེས་ཀྱི་སྐུ་དང་ལྡན་པར་འགྱུར་རོ། །དེས་ནི་སྟོང་པ་ལ་སོགས་པའི་རིམ་པས་འོད་གསལ་བ་མྱོང་ཞིང་ཡང་སྟོང་པ་ཆེན་པོ་ལ་སོགས་པའི་རིམ་པས་བྱང་ཆུབ་སེམས་དཔའ་རྣམས་ཀྱིས་ཡེ་ཤེས་ཀྱི་སྐུ་གཟུང་བ་ཉེ་བར་བསྟན་ཏོ། །དེ་བས་ན་དེ་བཞིན་གཤེགས་པ་རྣམས་ཀྱིས་ཉེ་བར་
[17b.2]སྟོན་པ་གང་ཡིན་པ་དེ་དག་#དབང་པོ་རྣོ་བའི་བྱང་ཆུབ་སེམས་དཔའ་#རྣམས་ཀྱིས་མངོན་དུ་བྱས་པ་ཡིན་ནོ་ཞེས་བསྟན་ཏོ། །དེ་ནས་དོན་འདི་ཉིད་བྱང་ཆུབ་སེམས་དཔའ་རྣམས་ཀྱིས་བསྟོད་པའི་སྒོ་ནས་བསྟན་པར་བྱ་སྟེ། སོ་སོ་རང་གིས་#རིག་པའི་ཆོས་ཉིད་སྟོན་པ་ཞེས་པ་ནི་འོད་
[17b.3]གསལ་བ་ལ་རབ་ཏུ་གསལ་བར་བྱེད་པའོ། །རྨད་བྱུང་ཆེན་པོའི་ཆོས་རྣམས་ནི་དོན་དམ་པའི་བདེན་པའོ་ཞེས་པ་ནི་དངོས་པོ་ཐམས་ཅད་དེ་ཉིད་དུ་ཐིམ་པ་དང་དེ་ལས་བྱུང་#བས་སོ། །སྤྱི་ལ་མང་པོའི་ཚིག་གིས་ཞེས་པ་ནི་དངོས་པོ་རེ་རེ་ལ་ཁྱབ་པར་བྱེད་པ་#ཞེས་བྱ་བས་གསལ་བའི་
[17b.4]ཕྱོགས་ལ་བརྟེན་ཏེ། དེའི་སྤྱི་ལ་མང་པོའི་ཚིག་བརྟེན་ནས་སྨིན་པ་བཞིན་ནོ། །ཐམས་ཅད་དུ་ཁྱབ་པས་ན་ཞེས་པས་#བརྟན་པ་དང་གཡོ་བའི་དངོས་པོའི་ཚོགས་ཁྱབ་པར་བྱེད་པས་སོ། །ཇི་སྐད་དུ། བུ་རམ་མངར་བ་མེ་ཡི་ནི། །ཇི་ལྟར་དྲོ་བའི་རང་བཞིན་ཏེ། །ཆོས་ཀུན་གྱིས་#ནི་སྟོང་པ་
[17b.5]ཉིད། །དེ་བཞིན་དུ་ནི་རང་བཞིན་འདོད། །རྣམ་པ་དུ་མས་ཐ་དད་པ། །དངོས་པོ་རྣམས་ནི་གོས་དང་འདྲ། །སྟོང་པ་ཉིད་མེས་#བསྲེགས་གྱུར་པའི། །ཐལ་བའི་དབྱེ་བ་གང་ཡང་མེད། །ཅེས་འབྱུང་ངོ་། །རྟོག་གེ་ཞེས་བྱ་བ་ལ་སོགས་པ་ནི་རྟོག་གེ་པ་རྣམས་ཀྱིས་ཕྱོགས་དང་གཏན་
[17b.6]ཚིགས་དང་དཔེའི་སྒོ་ནས་དེ་ཁོ་ན་ཉིད་རྟོགས་པར་མི་ནུས་ཏེ། དེ་སྤྲོས་པ་མེད་པས་སོ། །ཇི་སྐད་དུ། །རྣམ་པར་རྟོག་པ་གཞན་བྱེད་པ། །རྣམ་པར་རྟོག་པ་ཀུན་རྫོབ་བཤད། །དེ་ཉིད་དམ་པའི་དོན་ཡིན་#ཏེ། །རྣམ་པར་རྟོག་པ་ལྡོག་པས་སོ། །ཞེས་འབྱུང་ངོ་། །དེ་བཞིན་དུ། རྟེན་ཅིང་
[17b.7]མ་ངེས་མི་ཁྱབ་པ། །ཀུན་རྫོབ་དང་ནི་ཐ་དད་ལྡན། །བྱིས་པས་བརྟེན་པའི་རྟོག་གེ་ནི། །དེ་ཕྱིར་དེ་ཡི་སྤྱོད་ཡུལ་མིན། །ཞེས་བཅོམ་ལྡན་འདས་བྱམས་པས་ཀྱང་གསུངས་སོ། །རྟོག་གེ་པས་ནི་མི་ཤེས་པ། །རྣལ་འབྱོར་བྱིས་པས་རྟོགས་མི་འགྱུར། །ཞེས་དགོངས་པ་ལུང་བསྟན་པ་
[18a]
[18a.1]ལས་#འབྱུང་ངོ་། །སྒྱུ་མ་ལྟ་བུའི་སྐུ་ནི་ཀུན་རྫོབ་ཀྱི་བདེན་པའོ། །ཡོངས་སུ་དག་པས་ན་ཞེས་པ་#ནི་རིལ་པོར་འཛིན་པ་དང་རྗེས་སུ་གཞིག་#པ་དག་གིས་མི་སྣང་བར་བྱེད་པས་སོ། །མིག་གི་དབང་པོའི་ཡུལ་དུ་གྱུར་པས་ན་ཞེས་པ་#ནི་རིམ་པ་བཞི་པ་ལས་ཅིག་ཅར་
[18a.2]དུ་ལངས་ཏེ་གདུལ་བྱ་རྣམས་ལ་སྣང་བར་འགྱུར་རོ། །རྡོ་རྗེ་འཆང་ཆེན་པོའི་#སྐུའོ་ཞེས་པ་ནི་ཟུང་དུ་འཇུག་པའི་ཏིང་ངེ་འཛིན་གྱིས་རྡོ་རྗེའི་སྐུར་གྱུར་ཏོ། །དོན་དམ་པའི་བདེན་པ་ནས་#བརྩམས་ཏེ་ངོ་མཚར་ཆེའོ་ཞེས་བྱ་བའི་བར་དུའོ་ཞེས་པ་ནི་སྟོང་པར་གྱུར་པས་ཀྱང་སྐུ་གཟུང་བ་འཛིན་པས་#
[18a.3]འགྲོ་བའི་དོན་མཛད་པས་ངོ་མཚར་རོ། །འོད་གསལ་བའོ་ཞེས་པ་ནི་རིམ་པ་གཉིས་པ་དང་བཞི་པས་རྟོགས་པར་བྱ་བའོ། །དེས་#དག་པས་ནི་རང་བཞིན་དང་སྣང་བ་སྒྱུ་མའི་སྐུ་དག་པས་སོ། །དེ་ཁོ་ན་ཉིད་ཅེས་བྱ་བ་#ནི་དོན་དམ་པའི་བདེན་པའོ། །དོན་ནི་ཀུན་རྫོབ་ཀྱི་བདེན་པའོ། །དེ་
[18a.4]དང་དབྱེར་མེད་པའི་ངོ་བོ་ཡིན་པས་དེ་ཁོ་ན་ཉིད་ཀྱི་དོན་ནི་ཟུང་དུ་འཇུག་པའི་རིམ་པས་ཐོབ་པར་#བྱ་བ་རྡོ་རྗེའི་སྐུའོ། །དེས་ནི་སེམས་རྣམ་པར་དག་པ་ལ་སོགས་པའི་#རིམ་པ་བཞི་པའི་བདག་ཉིད་ཅན་བཅོམ་ལྡན་འདས་རྡོ་རྗེ་འཆང་ཆེན་པོས་བསྟན་པ་ཡིན་ནོ། །དེ་ཉིད་བསྟན་པའི་ཕྱིར། རྡོ་རྗེ་
[18a.5]འཆང་ཆེན་པོས་ཞེས་བསྟན་ཏོ། །དེ་ཉིད་ནི་འདའ་བར་མི་བྱ་བས་ན་ཞེས་པ་ནི་རིམ་པ་གཉིས་སྒོམ་པར་བྱེད་པའི་རྣལ་འབྱོར་པས་ངེས་པར་བསྒོམ་པར་བྱ་བས་སོ། །དེ་སྟོན་པའི་ཞེས་བྱ་བ་ལ་སོགས་པས་དེ་ལྟར་གྱུར་པའི་རྡོ་རྗེ་འཆང་ཆེན་པོ་སྟོན་པར་བྱེད་པའི་#གཞུང་གི་ཚོགས་གང་ཡིན་
[18a.6]པ་དེ་ནི་ལེའུ་ཞེས་བསྟན་ཏོ། །དགོངས་པས་བཤད་པའོ་ཞེས་པ་ནི་འགལ་བའི་སྒྲའི་སྦྱོར་བས་རྫོགས་པའི་རིམ་པ་སོ་སོར་བསྟན་པས་སོ། །#སྒྲོན་མ་གསལ་བར་བྱེད་པའི་འགྲེལ་པའི་ཊཱི་ཀཱ་#ལས་ལེའུ་དགུ་པའི་རྒྱ་ཆེར་བཤད་པའོ།། །།སྒྲུབ་པ་མཆོག་དང་ཐ་མལ་པ་
[18a.7]ལ་གནས་ཤིང་ཞེས་བྱ་བ་ལ་སོགས་པས་ལེའུ་བཅུ་པའི་བཤད་པ་བརྩམ་པར་བྱ་སྟེ། དེས་ན་དོན་འདི་ཡིན་ཏེ་རིམ་པ་གཉིས་བསྒོམ་#པའི་རྣལ་འབྱོར་པ་ལེའུ་དྲུག་གིས་འགྲུབ་པ་དང་། སྤྲོས་པ་དང་བཅས་པ་ལ་སོགས་པའི་སྤྱོད་པ་རྣམས་སུ་ལེའུ་བདུན་པ་ནས་#རྩོལ་བར་བྱས་པ་དང་དེ་བཞིན་
[18b]
[18b.1]དུ་ལེའུ་བརྒྱད་པ་དང་དགུ་པ་དག་གིས་གསང་བའི་དབང་བསྐུར་དང་དམ་ཚིག་རྣམས་ལ་གཞོལ་བ་བྱས་པས་དེ་བཞིན་གཤེགས་པ་རྣམས་ཀྱིས་མི་གཟིགས་པ་དང་། རིགས་འབྲིང་ཡིན་པས་གང་གི་ཚེ་དངོས་གྲུབ་ཐོབ་པར་མ་གྱུར་པ་དེའི་ཚེ། རང་གི་ལྷའི་དངོས་གྲུབ་བསྒྲུབ་པར་
[18b.2]བྱ་བའི་ཕྱིར་རང་གི་ལྷ་ནི་རྡོ་རྗེ་འཆང་ལ་སོགས་པའི་སྙིང་པོ་བསྐུལ་བ་ནི་དེའི་ཐུགས་ཀའི་ནུས་པ་འགུགས་པ་སྔོན་དུ་འགྲོ་བར་རང་གི་བདག་ཉིད་ལ་#འཇུག་པར་བྱའོ་ཞེས་བྱ་བས་ལེའུ་བཅུ་པ་བརྩམ་པར་བྱའོ། །ལེའུ་འདིའི་བསྡུས་པའི་དོན་འདི་ཡིན་ཏེ། བསྐྱེད་པའི་རིམ་པའི་རྣལ་
[18b.3]འབྱོར་པས་#ལོ་སྐོར་རམ་ཟླ་བ་དྲུག་གམ་གསུམ་མམ་གཉིས་སམ་ཟླ་བ་ཕྱེད་ཀྱི་བར་དུ་རྒྱུན་མ་ཆད་པའི་སྒོམ་པར་#བྱེད་པས་གང་གི་ཚེ་དངོས་གྲུབ་ཐོབ་པར་མི་འགྱུར་ན་དེའི་ཚེ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་བསྐུལ་བས་འགྲུབ་པར་འགྱུར་རོ། །གང་གི་ཕྱིར་བཅོམ་
[18b.4]ལྡན་འདས་མི་བསྐྱོད་པ་ལ་སོགས་པ་དེ་བཞིན་གཤེགས་པ་རྣམས་མངོན་པར་དགའ་བ་ལ་སོགས་པའི་སངས་རྒྱས་ཀྱི་ཞིང་རྣམས་ལ་བདེ་བ་དང་ཐུགས་བདེ་བ་མྱོང་བ་རང་གི་ཕྱག་རྒྱ་དང་ལྷན་ཅིག་ཏུ་རོལ་པར་མཛད་པ་སྤྲོས་པ་མེད་པའི་མཚན་ཉིད་ཅན་གྱི་བདེ་བ་ཆེན་པོ་རིག་
[18b.5]ཅིང་བཞུགས་པས་སྔགས་ཙམ་ལ་གཞོལ་བའི་སྒྲུབ་པ་པོ་ལ་གཟིགས་པར་མི་འགྱུར་རོ། །དེ་མི་གཟིགས་པས་སྒྲུབ་པ་པོས་དངོས་གྲུབ་ཐོབ་པར་མི་འགྱུར་རོ། །དེ་བས་ན་དེ་རྣམས་ཀྱིས་སྒྲུབ་པ་པོ་ལ་གཟིགས་པར་བྱ་བའི་ཕྱིར་སྙིང་པོ་#བསྐུལ་བ་བསྒོམ་པར་བྱའོ། །དེའི་ཐབས་ནི་
[18b.6]བཞི་སྟེ། བཟང་བ་#དང་། སྦྱིན་པ་དང་། དབྱེ་བ་དང་། འཆད་པའོ། །དེ་ལ་བཟང་གི་རིམ་པ་འདི་ཡིན་ཏེ། དེ་ལ་རེ་ཞིག་དང་པོ་རྣལ་འབྱོར་པས་ཇི་ལྟར་མངོན་པར་འདོད་པའི་ལྷའི་རྣལ་འབྱོར་དང་ལྡན་པས་ཡེ་ཤེས་སེམས་དཔའི་ཐུགས་ཀའི་ས་བོན་གྱི་ཐིག་ལེ་ལས་འོད་ཟེར་
[18b.7]གྱི་ཚོགས་སྤྲོས་ལ། དེ་ཉིད་གཟུགས་རྡོ་རྗེ་མ་ལ་སོགས་པའི་ལྷ་མོའི་གཟུགས་སུ་གྱུར་ནས་ནམ་མཁའི་ཁམས་ཁྱབ་ནས་མངོན་པར་དགའ་བ་ལ་སོགས་པའི་སངས་རྒྱས་ཀྱི་ཞིང་ཁམས་ཐོབ་ནས་ཚིག་སྙན་པ་དང་སྒེག་པའི་ཉམས་དང་ལྡན་པས་གསོལ་བ་གདབ་པར་བྱ་སྟེ།
[19a]
[19a.1]ཀྱེ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཆེ་གེ་མོ་ཞེས་བྱ་བ་སྒྲུབ་པ་པོ་ཁྱེད་རྣམས་ལ་དད་ཅིང་རྗེས་སུ་ཆགས་པ་དེའི་ཕྱིར་དེ་#རྗེས་སུ་གཟུང་བར་#བྱ་བའི་དོན་དུ་ཁྱོད་#ཀྱིས་མྱུར་དུ་གཟིགས་པར་མཛད་དོ་#གསོལ་ཞེས་བྱ་བའི་ཞུ་བ་རྫོགས་ནས་མཆོད་པ་
[19a.2]ཕུལ་ཞིང་སླར་ཡང་བསྡུ་བའི་རིམ་པས་དེ་རྣམ་#རང་གི་སྙིང་གའི་ས་བོན་གྱིས་#ཡེ་ཤེས་སེམས་དཔའི་སྙིང་གའི་ས་བོན་གྱི་ཐིག་ལེ་ལ་འཇུག་པར་བྱའོ་ཞེས་པ་ནི་བཟང་པོའོ#། །དེ་ལྟར་བྱས་ཀྱང་འགྲུབ་པར་མ་གྱུར་ན་དེའི་ཚེ་སྦྱིན་པའི་ཐབས་འདི་ལྟར་བརྩམ་པར་བྱའོ#། །དེའི་རིམ་པ་ནི་
[19a.3]སྔ་མ་བཞིན་དུ་རྣལ་འབྱོར་པས་ཡེ་ཤེས་སེམས་དཔའི་ས་བོན་གྱི་ཐིག་ལེ་ལ་འོད་ཀྱི་ཚོགས་སྤྲོས་ལ་དེ་ཉིད་མེ་ཏོག་རྡོ་རྗེ་མ་ལ་སོགས་པའི་མཆོད་པའི་ལྷ་མོའི་གཟུགས་སུ་འགྱུར་ནས་མངོན་པར་དགའ་བ་ལ་སོགས་པ་སངས་རྒྱས་ཀྱི་ཞིང་ལ་བཞུགས་པ་དེ་བཞིན་གཤེགས་པ་ཐུགས་
[19a.4]རྡོ་རྗེ་འཆང་ལ་སོགས་པ་ལ་མཆོད་པ་བྱས་ཏེ། ཚིག་འཇམ་པ་ལ་སོགས་པས་བསྟོད་ཅིང་། །ཕྱི་དང་ནང་དང་གསང་བའི་མཆོད་པ་བྱས་ཏེ་སྒྲུབ་པ་པོའི་མིང་བསྟན་ནས་བཅོམ་ལྡན་འདས་ལ་གསོལ་བ་བཏབ་སྟེ། ལྡོག་པར་གྱུར་པ་#བསམ་ཞིང་སླར་ཡང་བསྡུ་བའི་རིམ་པས་རང་གི་ས་
[19a.5]བོན་གྱི་ཐིག་ལེར་འཇུག་པར་བྱའོ་ཞེས་སྦྱིན་པའི་ཐབས་སོ། །དེས་ཀྱང་གལ་ཏེ་དངོས་གྲུབ་མི་གསལ་#ན་དེའི་ཚེ་སྔ་མ་བཞིན་དུ་རང་གི་ཐུགས་ཀའི་ཡེ་ཤེས་སེམས་དཔའི་ས་བོན་གྱི་ཐིག་ལེ་ལས་ཁ་དོག་ནག་པོ་ཞལ་གསུམ་ཕྱག་དྲུག་པ་ཞལ་རྣམ་པར་འགྱུར་བ། གཡོན་བརྐྱང་བ་ལ་
[19a.6]ཞགས་པ་དང་ལྕགས་ཀྱུ་དང་ཐོ་བ་དང་རྡོ་རྗེ་དང་དྲིལ་བུ་དང་སྡིགས་#མཛུབ་འཛིན་པ་གནོད་མཛེས་ཁྲོ་བོའི་རྒྱལ་པོ་སྤྲོས་ཏེ་བཀའ་ནོད་པར་#བསམ་པར་བྱའོ། །དེ་ནས་དེ་ལ་བཀའ་བསྒོ་བར་བྱའོ#། །ཀྱེ་མངོན་པར་དགའ་བ་ལ་སོགས་པའི་སངས་རྒྱས་ཀྱི་ཞིང་ལ་བཞུགས་པ་དེ་བཞིན་
[19a.7]གཤེགས་པ་རྣམས་ལ་གསོལ་བ་ཐོབ་ཤིག# །དེ་ནས་དེ་སོང་ནས་ནམ་མཁའི་དཀྱིལ་ལ་གནས་པ་སངས་རྒྱས་ཀྱི་ཞིང་ལ་བཞུགས་པ་མི་བསྐྱོད་པ་ལ་སོགས་པའི་ཏིང་ངེ་འཛིན་ལ་སྙོམས་པར་ཞུགས་པ་#མཐོང་ནས་འདི་སྐད་དུ་#ཞུ་བར་བསམ་པར་བྱ་སྟེ། ཆེ་གེ་མོ་ཞེས་རྡོ་རྗེ་ཅན། །ཁྱེད་ཀྱི་
[19b]
[19b.1]བསྟན་པ་ལ་དགའ་བ། །མྱུར་དུ་དངོས་གྲུབ་དོན་གཉེར་བ། །དེ་ལ་དེ་ནི་གསོལ་བར་མཛོད། །ཅེས་པ་#ཞུས་ནས་རྡོ་རྗེ་ཐོ་བས་དེ་རྣམས་ཀྱི་ཐུགས་ཀ་ལ་བརྡེག་པར་བསམ་པར་#བྱའོ། །དེ་ནས་ཉེ་བར་བསྡུ་ཞིང་རང་གི་སྙིང་གའི་ཐིག་ལེ་དེ་ཉིད་ལ་ཞུགས་པར་#བསམ་པར་བྱའོ་ཞེས་དབྱེ་བའི་ཐབས་ཀྱི་
[19b.2]རིམ་པའོ། །དེ་ལྟར་བྱས་ཀྱང་འགྲུབ་པར་མ་གྱུར་ན་དེའི་ཚེ་འཆད་པའི་ཐབས་བསྟན་པར་བྱ་སྟེ། རེ་ཞིག་དང་པོ་རྣལ་འབྱོར་པས་རང་གི་ཕྱག་རྒྱའི་ཆོས་འབྱུང་གི་ཕྱག་རྒྱའི་ནང་དུ་རཾ་ལས་སྐྱེས་པའི་གྲུ་གསུམ་མེའི་དཀྱིལ་འཁོར་བསྒོམས་ལ་རང་གི་སྙིང་ག་ལས་བྱུང་བ་སྔར་བཤད་པའི་དབྱིབས་དང་། ཁ་
[19b.3]དོག་དང་ལྡན་པའི་གནོད་མཛེས་ཀྱི་རྒྱལ་པོས་མངོན་པར་དགའ་བ་ལ་སོགས་པའི་སངས་རྒྱས་ཀྱི་ཞིང་རྣམས་ལས་མགྲིན་པ་ནས་བཏགས་པའི་#ཞགས་པས་ཐུགས་རྡོ་རྗེ་འཆང་ལ་སོགས་པ་དེ་བཞིན་གཤེགས་པ་བཀུག་ནས་ལྕགས་ཀྱུས་སྤྱི་བོར་བཏབ་ལ། ཡི་གེ་ཡཾ་ལས་
[19b.4]སྐྱེས་པའི་རླུང་གི་དཀྱིལ་འཁོར་དང་རཾ་ལས་སྐྱེས་པའི་མེའི་དཀྱིལ་འཁོར་གྱི་སྟེང་དུ་བཞུགས་སུ་གསོལ་ཞིང་། རླུང་གི་དཀྱིལ་འཁོར་གྱིས་བསྐུལ་བ་ཁྲོ་བོའི་རྒྱལ་པོས་ཀྱང་རྒྱབ་ཏུ་བརྡེགས་པར་བསམས་#ཏེ་མདུན་དུ་གཤེགས་ནས་ཕྱག་རྒྱའི་ཆོས་འབྱུང་གི་ནང་ན་བཞུགས་
[19b.5]པ་དེ་ལ་གནས་པའི་མེའི་དཀྱིལ་འཁོར་གྱིས་བསྲེགས་པས་ཐལ་བར་གྱུར་པར་བསམས་ཏེ#། དེའི་རྣམ་པར་ཤེས་པ་ཡང་དངས་ཤིང་མར་མེ་དང་འདྲ་བར་ཡོངས་སུ་གྱུར་ནས་ཡི་གེ་ཧཱུཾ་གི་རྣམ་པར་བསམས་ལ།# དེ་ཡོངས་སུ་གྱུར་ནས་རྡོ་རྗེ་ལ་སོགས་པ་ལས་བྱུང་བ་མི་བསྐྱོད་
[19b.6]པ་ལ་སོགས་པ་སེམས་དཔའ་གསུམ་གྱི་བདག་ཉིད་བསྒོམ་ཞིང་ཕྱི་རོལ་དུ་སྤྲོས་ལ། དེ་དང་ལྷན་ཅིག་ཏུ་དབྱེར་མེད་པའི་བདག་ཉིད་བསྒོམས་ན་དེའི་ཚེ་ཞག་བདུན་གྱིས་ངེས་པར་དངོས་གྲུབ་སྩོལ་བར་འགྱུར་ཏེ་འཆད་པའི་ཐབས་སོ། །དེ་བཞིན་གཤེགས་པ་ཐམས་ཅད་
[19b.7]ཀྱི་སྙིང་པོ་བསྐུལ་བ་དེ་ཉིད་བཤད་པ་ཡིན་ཏེ#། དེ་ཉིད་བསྟན་པར་བྱ་བའི་ཕྱིར་ཡང་འདུས་ཏེ་ཞེས་པ་ནི་གསོལ་བ་འདེབས་པའི་དོན་ཏོ། །ལེའུ་དང་པོར་བཤད་པའི་རིམ་གྱིས་ཞེས་པ་ནི་དེ་བཞིན་གཤེགས་པ་ཐམས་ཅད་ཉེ་བར་བསྡུ་བར་མཛད་པ་དཔལ་རྡོ་རྗེ་འཆང་གིས་བཤད་པའི་
[20a]
[20a.1]རིམ་པས་སོ། །བདེན་པ་གཉིས་གཉིས་སུ་མེད་པར་གྱུར་པའི་མཚན་ཉིད་ཅན་ནོ་ཞེས་པ་ནི་ཟུང་དུ་འཇུག་པའི་ཏིང་ངེ་འཛིན་ལ་བཞུགས་པས་ཞེས་བྱ་བའི་དོན་ཏོ། །སྐུ་དང་གསུང་དང་ཐུགས་ཀྱི་གསང་བ་ཡིན་པས་ཞེས་པའི་#སྐུ་ལ་སོགས་པ་རྣམ་པར་སྣང་
[20a.2]མཛད་ལ་སོགས་པའི་མཆོག་ཡིན་ནོ་ཞེས་པ་ནི་#དྲང་བའི་དོན་ཏོ། །རུས་སྦལ་མ་དང་ཟླ་བ་མ་དང་འདོད་པའི་གདུགས་གསུམ་བྱང་ཆུབ་ཀྱི་སེམས་ཀྱི་ངོ་བོས་ཁྱབ་པས་ན་ཟབ་པ་སྟེ་ངེས་པའི་དོན་ཏོ། །གདུལ་བྱ་རྣམས་ཞེས་བྱ་བ་ལ་སོགས་པ་ནི་བསམ་པ་ཇི་ལྟ་བའི་དབྱེ་བས་བཟང་བ་#
[20a.3]ལ་སོགས་པའི་ཐབས་བཞིའི་རིམ་པས་ཐ་དད་པའི་བསྒོམ་པ་བསྟན་པའོ། །མཁྱེན་པ་ནི་དེ་ལ་བརྟེན་པ་དེའི་ངོ་བོས་སོ། །མི་སླུ་བ་ནི་ཇི་ལྟར་བྱ་བའི་སྙིང་པོ་བསྐུལ་བའི་འབྲས་བུ་སྟེར་བའོ། །ཨཱ་ལི་དང་ཀཱ་ལི་ལས་སྐྱེས་པ་རྣམས་ཏེ། རླུང་བསྐུལ་བས་གནས་བརྒྱད་པོ་ལས་#
[20a.4]སྐྱེས་པའི་དབྱངས་དང་གསལ་བྱེད་ལས་བྱུང་བ་ཞེས་བྱ་བའི་དོན་ཏོ། །སྦྲུལ་དང་མགོ་མེད་ཅེས་བྱ་བ་ལ་སོགས་པའོ་ཞེས་པ་ནི་ལེའུ་བཅུ་བཞི་པ་ནས་ངེས་པའི་ཚིག་འཆད་པར་འགྱུར་བའོ། །གཙོ་བོ་སྟེ་ཡི་གེ་ཨོཾ་ལ་སོགས་གསུམ་མོ་ཞེས་པ་ནི་ཕོ་དང་མོ་དང་མ་ནིང་གི་དབྱེ་བས་དེ་རྣམས་
[20a.5]དེ་#ཉིད་དུ་བསྡུས་པས་སོ། །གསལ་བར་བྱས་པའོ་ཞེས་པ་ནི་སྙིང་པོ་བསྐུལ་བས་ཡི་གེ་གསུམ་གསལ་བར་འགྱུར་བས་སོ། །དེ་བཞིན་གཤེགས་པ་རྣམས་སོ་ཞེས་པ་ནི་སྐུ་ལ་སོགས་པ་རྣམ་པར་དག་པའི་རང་བཞིན་ཡིན་པས་སོ། །གསང་བའོ་ཞེས་བཏགས་པའི་ཞེས་པ་ནི་དེ་
[20a.6]བཞིན་གཤེགས་པ་ཐམས་ཅད་ཀྱིས་སྦས་#པ་ཉིད་དུ་མངོན་པར་བཞེད་པའོ། །དངོས་གྲུབ་ཆེན་པོའི་ཐབས་སོ་ཞེས་པ་ནི་དང་པོ་སྦྱོར་བ་ལ་སོགས་པའོ། །ཕུལ་དུ་བྱུང་བའོ་ཞེས་པ་ནི་སྙིང་པོ་བསྐུལ་བས་མྱུར་དུ་དངོས་གྲུབ་ཐོབ་པར་འགྱུར་བས་སོ། །མི་སླུ་བ་སྟེ་ཞེས་པ་ནི་ཇི་ལྟར་བྱས་
[20a.7]པའི་སྙིང་པོས་བསྐུལ་བའི་དེ་ལྟར་འབྲས་བུ་བསྐྱེད་པའོ། །ཤེས་རབ་དང་ཞེས་པ་ནི་ཤེས་རབ་དང་ཐབས་དང་ཉེ་བར་ཐོབ་པའི་བདག་ཉིད་ཅན་ཡིན་པས་སོ། །ཐབས་ཀྱི་ཡེ་ཤེས་ཀྱི་བདག་ཉིད་ཡིན་པས་ན་ཞེས་པས་ནི་སྣང་བ་མཆེད་པའི་ཡེ་ཤེས་ཀྱི་བདག་ཉིད་དོ། །འདོད་ཆགས་
[20b]
[20b.1]ལ་སོགས་པའོ་ཞེས་པ་ནི་འདོད་ཆགས་དང་འདོད་ཆགས་དང་བྲལ་བ་དང་འདོད་ཆགས་བར་མའོ། །དེ་རྣམས་ཀྱི་དབྱེ་བ་དང་རྗེས་སུ་དབྱེ་བ་ཞེས་པ་ནི་ཤེས་རབ་ཀྱི་རང་བཞིན་སུམ་ཅུ་རྩ་གསུམ་དང་ཐབས་ཀྱི་རང་བཞིན་བཞི་བཅུ་དང་། མ་རིག་པའི་རང་བཞིན་བདུན་ནོ། །རྗེས་སུ་དབྱེ་བ་ནི་ཉིན་མོ་དང་
[20b.2]མཚན་#མོའི་དབྱེ་བས་རྣམ་པ་གཉིས་སུ་འགྱུར་ཏེ། བརྒྱ་དྲུག་ཅུའི་དབྱེ་བའོ། །རྒྱ་མཚོ་དང་མཉམ་པའི་ཕྱིར་རོ་ཞེས་པ་ནི། སོ་སོའི་སྐྱེ་བོ་རྣམས་ཀྱིས་བརྒལ་བར་མི་ནུས་པའི་ཕྱིར་རྒྱ་མཚོ་དང་འདྲ་བའོ། །དེ་རྣམས་ཀྱི་ཞེས་པ་ནི་དེའི་ཡུལ་དུའོ། །སྡུག་བསྔལ་དང་ཡིད་མི་བདེ་
[20b.3]བ་ལ་སོགས་པའི་རང་བཞིན་རྣམས་ནི་སེམས་ལས་བྱུང་བའི་ཆོས་རྣམས་སོ། །ཟིལ་གྱིས་མནན་ནས་ཞེས་པ་ནི་སྣང་བ་ཉེ་བར་ཐོབ་པ་ལ་སོགས་པའི་རིམ་པ་དང་སྔགས་དང་ཕྱག་རྒྱ་#ལ་སོགས་པའི་ལམ་གྱིས་སྤངས་ནས་སོ། །མཆོག་ཏུ་དགའ་བའི་ངོ་བོ་ཉིད་ཀྱིས་ཞེས་པ་ནི་འོད་
[20b.4]གསལ་བའི་རང་བཞིན་མངོན་དུ་བྱས་ནས་སོ། །རོལ་བར་མཛད་པས་ན་ཞེས་པ་ནི་སྤྱོད་པར་མཛད་པའོ། །སྡུག་བསྔལ་ཐམས་ཅད་ཅེས་པ་ནི་འཇུག་པའི་རྣམ་པར་ཤེས་པ་ལ་སོགས་པ་སྟེ་སྡུག་བསྔལ་ཐམས་ཅད་ཀྱི་རྒྱུར་གྱུར་པས་སོ། །དེ་རྣམས་བསྲེག་བྱ་ཡིན་པའི་ཕྱིར་
[20b.5]བུད་ཤིང་ངོ་། །དེ་རྣམས་འོད་གསལ་བའི་མེས་སྲེག་#པར་མཛད་པས་ན་འབར་བའོ། །དེ་ཉིད་ཀྱིས་ན་དྲག་པོ་སྟེ། །ཞེས་པ་ནི་ཤེས་རབ་ཀྱི་རང་བཞིན་ཡིན་པས་སོ། །ཁྲོ་བོའི་#བདག་ཉིད་ཅན་དུ་བྱུང་བའོ་ཞེས་པ་ནི་རྣམ་པར་རྟོག་པ་མ་ལུས་པའི་བག་ཆགས་བཅོམ་པས་བཅོམ་
[20b.6]ལྡན་འདས་རྡོ་རྗེ་འཆང་ངོ་། །ཐ་མལ་པ་#བས་ཀྱང་ཞེས་པ་ནི་རྣམ་པར་འབྱེད་པ་མ་སྐྱེས་པའི་སོ་སོའི་སྐྱེ་བོ་རྣམས་ཀྱིས་ཀྱང་ངོ་། །རབ་ཏུ་རྒྱས་པའི་སྤྱན་བགྲད་#པར་མཛད་པས་ན་ཞེས་པ་ནི་ཆོག་#མི་ཤེས་པས་མི་#རྒྱས་པར་བྱེད་པས་སོ། །གསུང་ལ་རྟག་ཏུ་འཇུག་པ་སྟེ། །#ཞེས་
[20b.7]པ་ནི་གསུང་འཇུག་པ་དེ་ལ་རག་ལུས་པའི་ཕྱིར་རོ། །དེ་ལ་གཞོལ་བར་མཛད་པ་ཡིན་པའི་ཕྱིར་ཞེས་པ་ནི་#འོད་གསལ་བ་ལས་རླུང་བྱུང་ཞིང་དེ་ལ་ཡི་གེ་ལ་སོགས་པ་རབ་ཏུ་འཇུག་གོ། །ནམ་མཁའ་ལས་ནི་རླུང་འབྱུང་ཞེས་བྱ་བ་ལ་སོགས་པ་བཤད་པས་སོ། །སྐུ་དང་གསུང་དང་
[21a]
[21a.1]ཐུགས་རྡོ་རྗེའི་ཚུལ་གྱིས་བསྒོམ་པ་ཞེས་པ་ནི་ལུས་ལ་སོགས་པའི་ཆོས་ཉིད་རྗེས་སུ་དྲན་ནས་བསྒོམ་པར་བྱའོ། །དེ་ཉིད་བསྟན་པའི་ཕྱིར། ཡོངས་སུ་ཤེས་པས་ཞེས་པ་ནི་དབྱེར་མེད་པས་ཞེས་པའོ། །བསྒོམ་པར་བྱའོ་ཞེས་པ་ནི་ངེས་པར་བསམ་#པར་བྱའོ། །
[21a.2]བྱ་བའི་ཁྱད་པར་འདི་ནི་ཞེས་པ་ནི་བསྒོམ་པའི་བྱ་བའི་ཁྱད་པར་རོ། །འདི་ནི་ལུས་སོ་ཞེས་པ་ནི་འབྱུང་བ་ཆེན་པོ་བཞིའི་བདག་ཉིད་དོ། །འདི་ནི་ངག་གོ་ཞེས་པ་ནི་ཨཱ་ལི་ཀཱ་ལི་ངོ་བོ་རྟོག་#པ་དང་བཅས་པའོ། །འདི་ནི་ཡིད་#དོ་ཞེས་པ་ནི་དངོས་པོ་ཡོངས་སུ་ཤེས་པའི་བདག་ཉིད་རྟོག་#པ་དང་བཅས་
[21a.3]པའོ། །དེ་དག་དེ་ཁོ་ན་ཉིད་དུ་བསམ་པར་འགྱུར་ན་ཐ་དད་པར་#མི་དམིགས་ཏེ་དབྱེར་མེད་པས་ན་ལོགས་སུ་མི་དམིགས་པའི་ཕྱིར་རོ། །གཟུགས་མེད་པའི་ཁམས་སུ་ཡང་བསམ་གཏན་གྱི་ལུས་ཡོད་པ་དང་། སྲིད་པ་བར་མ་དོར་ཡང་དབང་པོ་ཚང་བས་ཕྲ་མོའི་ལུས་ཅན་ཡིན་པས་སོ། །
[21a.4]དེ་ཉིད་བསྟན་པའི་ཕྱིར། གཅིག་ལ་གཅིག་བརྟེན་པ་མེད་པ་ཞེས་སྨོས་ཏེ་ངག་དང་སེམས་དག་གི་ལུས་ནི་རྟེན་#དུ་རིགས་པ་མ་ཡིན་ཏེ་གཟུགས་ཅན་ཡིན་པའི་ཕྱིར་རོ། །ངག་དང་སེམས་ནི་ལུས་ཅན་མ་ཡིན་པའོ། །དེ་བཞིན་དུ་ངག་དང་སེམས་དག་ཀྱང་ལུས་ཀྱི་རྟེན་#མ་ཡིན་ནོ་ཞེས་
[21a.5]བཤད་པར་བྱ་སྟེ། སེམས་ལུས་ལྟ་བུ་ཞེས་བྱ་བ་ལ་སོགས་པ་ལེའུ་གཉིས་པ་ལས་གསུངས་པས་སོ། །དབྱེར་མེད་པས་སྐུ་ལ་སོགས་པ་#ནི་གསུམ་རོ་གཅིག་པ་སྟེ་མཚུངས་པར་#འོད་གསལ་བའི་རང་བཞིན་ནོ། །དེ་ཉིད་ཀྱི་ཕྱིར་གང་ན་ཡང་མི་གནས་པ་ཞེས་པ་ནི་སོ་སོར་ངེས་
[21a.6]པ་མེད་པས་ཀུན་དུ་#གནས་པའོ། །དགོངས་པ་མ་ཡིན་པས་བཤད་པ་ཞེས་པ་ནི་ཤིན་ཏུ་གསལ་བའི་དེ་ཁོ་ན་ཉིད་བསྟན་པས་སོ། །དེ་ལྟར་ཞེས་བྱ་བ་ལ་སོགས་པས་དབྱེར་མེད་པའི་ཏིང་ངེ་འཛིན་ཉེ་བར་བསྡུ་བ་བཤད་པར་བྱ་སྟེ། སྡུད་པར་བྱེད་པ་ཞེས་བྱ་བ་ལ་སོགས་པས་སྙིང་པོ་#
[21a.7]བསྐུལ་བའི་གནས་སྐབས་བསྟན་ཏེ། དེ་བཞིན་གཤེགས་པ་ཞེས་པ་ནི་རྣམ་པར་མི་རྟོག་པའི་གོ་འཕང་ཐོབ་པས་སོ། །སྤྱན་ལ་སོགས་པ་ཞེས་པ་ནི་འབྱུང་བ་ཆེན་པོ་བཞིའི་རྒྱ་མཚོ་ལས་རྣམ་པར་དག་པའི་གྲུས་ཕ་རོལ་དུ་གཤེགས་#སོ། །རྣམ་པར་སྣང་མཛད་ལ་སོགས་པ་སྟེ་
[21b]
[21b.1]ཞེས་པ་ནི་ཡི་གེ་གསུམ་ལས་འབྱུང་བས་སོ། །དེ་དག་ཕན་ཚུན་ཀུན་དུ་ཆགས་པ་ཞེས་པ་ནི་སྙིང་པོ་བསྐུལ་བའི་རིམ་པ་དང་#མཐུན་པས་ཕན་ཚུན་བདེ་བ་ཆེན་པོ་མྱོང་ནས་སོ། །དེ་ཉིད་མི་འཇིག་པ་#ཉིད་པས། །ཞེས་པ་ནི་བསྐལ་པ་ལ་སོགས་པའི་བར་དུ་བཞུགས་པས་མི་ཕྱེད་པའོ། །
[21b.2]ཐུགས་རྩེ་གཅིག་ཏུ་བཞག་ཅིང་ཞེས་པ་ནི་ཐབས་དང་ཤེས་རབ་གཉིས་སུ་མེད་པའི་རྒྱུར་གྱུར་པ་སྙིང་པོ་བསྐུལ་བའི་མཚན་ཉིད་ཀྱི་ཏིང་ངེ་འཛིན་གྱི་ཁྱད་པར་ལའོ། །གསོལ་བ་འདེབས་པའི་ཞེས་པ་ནི་སྙིང་པོ་བསྐུལ་བས་དོན་དུ་གཉེར་བའོ། །འདི་སྐད་ཅེས་བྱ་བ་ལ་སོགས་
[21b.3]པས་སྙིང་པོ་བསྐུལ་བར་བྱ་བའི་རྒྱུ་བསྟན་ཏོ། །འདིར་དེ་བཞིན་གཤེགས་པའི་སྒྲ་ནི་བྱེད་ཚིག་དང་པོའི་#ཚིག་གི་མཐའ་ཅན་ནོ། །གཅིག་ནི་བོད་པ་དང་གཉིས་ནི་བྱེད་པ་ལའོ། །དེ་ཉིད་བསྟན་པའི་ཕྱིར། དེ་བཞིན་གཤེགས་པ་ཐམས་ཅད་ཅེས་བྱ་བ་ལ་སོགས་པ་
[21b.4]བསྟན་ཏོ། །བསྟན་པའི་བྱ་བ་ལ་#མངོན་པར་སྦྱོར་བ་སྟེ་ཞེས་པ་ནི་བྱེད་པ་པོའི་གསུམ་པ་མི་མངོན་པས་བྱེད་ཚིག་དང་པོའི་མང་པོའི་ཚིག་གོ། །རྫོགས་པའོ་ཞེས་པ་ནི་བྱང་ཆུབ་ཀྱི་ཤིང་དྲུང་ལ་གྲུབ་པའོ། །ལྷ་མོ་རྣམས་ཏེ་ཞེས་པ་ནི་རིགས་ཀྱི་ཡུམ་ལ་སོགས་པའོ། །
[21b.5]དེ་རྣམས་ལན་#ཅིག་སྤྱོད་པ་ལ་སོགས་པའི་དབྱེ་བས་ཞེས་པ་ནི་ཕོ་ཉ་མོ་དང་བཀའ་ཉན་མོ་དང་བྲན་མོའི་དབྱེ་བས་སོ། །ཚད་མེད་པ་གཉིས་པས་ཞེས་པ་ནི་སེམས་ཅན་གྱི་བསམ་པའི་དབང་གིས་#ལྷ་མོ་རྣམས་ཀྱང་མཐའ་ཡས་པ་ཡིན་པས་སོ། །ཏིང་ངེ་འཛིན་མཐའ་ཡས་པ་ཞེས་
[21b.6]ལེའུ་བཅུ་གསུམ་པ་ལས་འབྱུང་ངོ་། །དེ་ཉིད་བསྟན་པའི་ཕྱིར། ཉེ་བར་མཚོན་པ་ཙམ་དུ་གྱུར་པ་སྟེ་ཞེས་བསྟན་ཏོ། །ཡུལ་ལ་ཉེ་བར་སྤྱོད་པས་ཐར་པ་ཐོབ་པར་འདོད་པའོ་ཞེས་པ་ནི་འདོད་པའི་ཁམས་ལས་བསྐྱེད་པས་ཡུལ་གྱི་བདེ་བ་འདོད་པའི་སྒོ་ནས་ཐར་པར་འདོད་པས་སོ། །
[21b.7]འདུན་པ་དང་རྗེས་སུ་མཐུན་པས་ཞེས་པ་ནི་སྙིགས་མ་ལྔའི་#དུས་སུ་ཆགས་པའི་རོལ་པ་ལ་སོགས་པའི་རྒྱ་ཆེ་བའི་མཚན་ཉིད་ཀྱི་#སྤྲོས་པ་དང་བཅས་པའི་སྤྱོད་པས་རྡོ་རྗེ་འཆང་ཆེན་པོའི་གོ་འཕང་ཐོབ་པའོ། །དེའི་ནི་སེམས་ཅན་གྱི་དོན་བྱ་བའིའོ། །བདག་ཉིད་ཅེས་བྱ་བ་ལ་
[22a]
[22a.1]སོགས་པས་ཇི་ལྟར་གར་མཁན་གཅིག་པུ་གར་གྱི་ས་ལ་ཞུགས་#པས་བུད་མེད་དང་སྐྱེས་པའི་དབྱེ་བ་དང་ལྷ་ལ་སོགས་པའི་ཆ་ལུགས་ཀྱི་དབྱེ་བ་བསྟན་པ་དེ་བཞིན་དུ། རྡོ་རྗེ་འཆང་ཆེན་པོ་གཅིག་པུས་འདོད་ཆགས་ལ་སོགས་པའི་རིགས་ཅན་གྱིས་#སེམས་ཅན་གྱི་
[22a.2]ཁམས་རྗེས་སུ་གཟུང་བར་བྱ་བའི་ཕྱིར་བུད་མེད་དང་སྐྱེས་པའི་དབྱེ་བ་དང་སྙོམས་པར་ཞུགས་པའི་དབྱེ་བ་རོལ་མོ་དང་འདྲ་བར་#བསྟན་པར་མཛད་པ་དེ་ཉིད་ཀྱི་ངོ་བོ་ནི་ཉམས་པར་མི་འགྱུར་ཏེ། རང་བྱུང་#ཡིན་པའི་ཕྱིར་རོ་ཞེས་བསྟན་ཏོ། །ཇི་ལྟར་ཞེ་ན་ཞེས་བྱ་བ་ལ་སོགས་པས་མི་བསྐྱོད་
[22a.3]པ་ལ་སོགས་པ་#སངས་རྒྱས་ཀྱི་རོལ་མོ་བསྟན་ཏོ། །སེམས་ཅན་རྣམས་སོ་ཞེས་པ་ནི་འགྲོ་བ་རིགས་དྲུག་སྐྱེ་གནས་བཞི་དང་ལྡན་པའོ། །དེ་འཛིན་པར་བྱེད་པས་ན་ཞེས་པ་#ནི་རྟེན་གྱི་ཚུལ་གྱིས་སོ། དེ་ཉིད་བསྟན་པར་བྱ་བའི་ཕྱིར། སྣོད་ཀྱི་འཇིག་རྟེན་ནི་ཞེས་པ་ལ་གླིང་བཞི་དང་རི་
[22a.4]རབ་པོ། །དེ་ཉིད་ཕྱོགས་བཅུ་ཞེས་བྱ་བ་ལ་སོགས་པས་རྒྱས་པར་བཤད་པར་བྱ་སྟེ་མཐར་ཐུག་པ་མེད་པ་ཉིད་མཐར་ཐུག་པ་ཡིན་ལ་ཞེས་བྱ་བ་ནི་སྒྲའི་ནུས་པའི་རང་བཞིན་ཡིན་པས་སོ། །ཕྱོགས་བཅུ་ཞེས་བྱ་བ་ལ་སོགས་པས་དེ་བཞིན་གཤེགས་པ་རྣམས་མཐའ་ཡས་པའི་འཇིག་
[22a.5]རྟེན་གྱི་ཁམས་ལ་བཞུགས་སོ་ཞེས་བསྟན་ཏེ་སེམས་ཅན་རྗེས་སུ་གཟུང་བའི་ཕྱིར་རོ#། །རྟག་ཏུ་ཚིམ་པར་བྱེད་པའི་གཟུགས་ལ་སོགས་པ་རྣམས་ཀྱིས་#ཞེས་པ་ནི་ཕྱག་རྒྱ་ལ་གནས་པའི་འདོད་པའི་ཡོན་ཏན་ལྔས་སོ། །རྣམ་པར་རོལ་པའོ་ཞེས་པ་ནི་སྤྲོས་#དང་བཅས་པའི་སྤྱོད་པས་སོ། །
[22a.6]སྣ་ཚོགས་པའི་དགའ་བས་ལྷ་མོ་རྣམས་དང་ལྷན་ཅིག་དགྱེས་པར་མཛད་པའོ་ཞེས་པ་ནི་བྱེད་པ་དང་ཡན་ལག་གི་བྱ་བ་ལ་སོགས་པས་སོ། །རིགས་#པའི་ཚོགས་ཀྱིས་མཆོད་ཅིང་ཞེས་པ་ནི་ཕྱི་དང་ནང་དང་གསང་བའི་མཆོད་པས་#མཆོད་པར་བྱའོ། །དེ་ཡང་སླར་མཆོད་པར་མཛད་པ་འདི་ནི་
[22a.7]ཞེས་པ་ལ་ནི་རིགས་#པའི་ཚོགས་ལ་དེ་བཞིན་དུ་མཆོད་པར་མཛད་པའོ། །འདི་ནི་ཡོངས་སུ་སྤྱོད་པའོ་ཞེས་པ་ནི་དེ་བཞིན་གཤེགས་པ་དེ་རྣམས་ཀྱིས་དེ་ལྟ་བུའི་སྤྱོད་པ་ཡིན་ནོ་ཞེས་བྱ་བའི་དོན་ཏོ། །དེ་བཞིན་གཤེགས་པ་དེ་#རྣམས་ཞེས་པ་ནི་རང་རང་གི་སངས་རྒྱས་ཀྱི་ཞིང་
[22b]
[22b.1]ལ་བཞུགས་པ་མི་བསྐྱོད་པ་ལ་སོགས་པ་རྣམས་སོ། །དགྱེས་པའི་སྒོ་ནས་ཞེས་པ་ནི་སྔར་བཤད་པའི་སྒོ་ནས་སོ། །མཆོག་ཏུ་དགའ་བའི་བདེ་བ་ཞེས་པ་ནི་ལྷན་ཅིག་སྐྱེས་པའི་དགའ་བའི་བདེ་བ་མྱོང་བར་མཛད་པས་སོ། །སྔགས་སྨྲ་བ་རྣམ་པ་བཞི་སྟེ་#ཞེས་པ་ནི་མདོར་བསྟན་པའོ། །
[22b.2]སྔགས་ཀྱི་མིང་ཞེས་བྱ་བ་ལ་སོགས་པས་རྒྱས་པར་བཤད་པའོ། །དེ་ལ་སྔགས་ཀྱི་མིང་ནི་སྦྲུལ་ལ་སོགས་པའོ། །སྔགས་ཀྱི་དོན་ནི་ཡི་གེ་ཨོཾ་ལ་སོགས་པས་#རྣམ་པར་སྣང་#མཛད་#ལ་སོགས་པ་བརྗོད་པར་བྱའོ། །སྔགས་སྤེལ་བ་དང་ཞེས་པ་ནི་ཞི་བ་ལ་#སོགས་པའི་ལས་ཀྱི་ཚོགས་
[22b.3]ཀྱི་སྐབས་སུ་བཽཥཊ་ལ་སོགས་པ་དང་ཆེ་གེ་མོ་ལ་སོགས་པ་དང་སྦྱར་བའོ། །ཇི་སྐད་དུ། བཽཥཊ་མཐའ་#ཡིས་ཞི་བ་དང་། །ཝ་#ཥཊ་ཡིས་རྒྱས་པ་སྟེ། །ཧཱུཾ་ཕཊ་མཐའ་ཡིས་གསོད་པ་དང་། །ཛཿཧྲིས་#འགུགས་དང་དབང་དག་ལ། །ཞེས་འབྱུང་ངོ་། །དང་པོ་དང་བར་མ་དང་མཐར་
[22b.4]སྤེལ་བའི་དབྱེ་བས་དེའི་དབྱེ་བ་དུ་མ་རྡོ་རྗེ་གཙུག་ཏོར་གྱི་རྒྱུད་ལ་རྗེས་སུ་འབྲང་བར་བྱའོ། །རྡོ་རྗེའི་ཚིག་སྒྲ་སྤངས་པའོ། །ཞེས་པ་ནི་རྡོ་རྗེ་བཟླས་པའི་དུས་སུ་འཇུག་པ་ལ་སོགས་པའི་རིམ་པས་སློབ་པ་རང་རིག་པས་ཡི་གེ་གསུམ་གྱི་བདག་ཉིད་ཀྱི་#ཚིག་ཅེས་བྱ་བའི་དོན་ཏོ། །ཡི་གེ་
[22b.5]ཨོཾ་གྱིས་#དབུགས་ནི་ནང་དུ་རྔུབ་པར་བྱེད། །ཡི་གེ་ཨཱཿཡིས་#སྔགས་ནི་རབ་ཏུ་གནས་པ་སྟེ། །ཡི་གེ་ཧཱུཾ་གིས་#སྔགས་ནི་ལྡང་བར་འགྱུར་བ་ཡི#། །མཆུ་དང་རྐན་དང་འབྲེལ་མེད་གསང་སྔགས་བཟླས། །ཞེས་འབྱུང་ངོ་། །དེ་བཞིན་དུ། སོ་མཆུ་རྐན་དང་ལྕེ་རྣམས་ཀྱིས། །གཡོ་བར་གྱུར་པ་གང་ཡིན་པ། །
[22b.6]དེ་ནི་མི་འགྱུར་ག་ལ་སྟེ། །འགྱུར་བ་ཉིད་དུ་དེ་གནས་པས། །ཞེས་འབྱུང་བས་སོ། །ཐབས་དེ་དག་གིས་ཞེས་པ་ནི་དབྱེ་བ་བཞི་དང་ལྡན་པའི་སྔགས་རྣམས་ཀྱིས་སོ། །ཞི་བ་ལ་སོགས་པ་རབ་ཏུ་འཇུག་པ་ནི་ཞེས་པ་ལ་སྦྲུལ་ལ་སོགས་པའི་སྔགས་རྣམས་ཀྱིས་ཞི་བའི་ཕྲིན་
[22b.7]ལས་བྱ་བ་དང་སྔགས་ཀྱི་དོན་རྗེས་སུ་དྲན་ནས་དེ་བཞིན་དུ་དེ་རྣམས་བྱ་བ་དང་། བཽ#ཥཊ་མཐའ་ཡིས་ཞི་བ་ཞེས་བྱ་བ་ལ་སོགས་པ་ལས་དང་རྗེས་སུ་མཐུན་པའི་སྤེལ་པས་དེ་རྣམས་བྱ་བ་དང་། དཀྱིལ་འཁོར་བཞི་ལས་འབྱུང་བའི་གཞལ་ཡས་ཁང་#ལ་སོགས་པ་#ལས་འབྱུང་
[23a]
[23a.1]བའི་འོད་ཟེར་དམར་པོ་ལ་སོགས་པའི་སྤྲོ་བས་ཀྱང་དབང་ལ་སོགས་པ་བྱའོ། །ཡ་ཡི་དོན་གྱིས་གང་ཅི་འང་རུང་། །དངོས་གྲུབ་འདོད་པས་བྱ་བ་སྟེ། །ར་ལ་སོགས་པ་གསུམ་གཉིས་ཀྱིས། །འགྲོ་བའི་དོན་ལ་རབ་ཏུ་འཇུག །མེ་དང་རླུང་དང་དབང་ཆེན་
[23a.2]དང་། །ཆུ་ཡི་དཀྱིལ་འཁོར་རེ་རེ་སྟེ། །ཐུན་ནི་ཕྱེད་ཕྱེད་དུས་སུ་ནི། །ལས་ནི་གཉིས་གཉིས་འགྲུབ་པར་འགྱུར། །ཞེས་འབྱུང་ངོ་། །དེ་ལ་མངོན་པར་སེམས་ཞུགས་པ་སྟེ་ཞེས་པ་ནི་རྣམ་པ་བཞིས་#སྔགས་ལ་གོམས་#པར་བྱས་པའོ། །དེ་ལ་སྤྱན་རས་ཀྱིས་མི་འཚོ་བའོ་ཞེས་པ་ནི་ཐུགས་
[23a.3]ཀྱིས་མི་དགོངས་པའོ། །སྤྱན་རས་ཀྱིས་མི་འཚོ་བའི་ཞེས་པ་ལ་སོགས་པས་སྔགས་ཀྱི་མིང་ལ་སོགས་པ་ལ་གནས་པ་ལ་མངོན་དུ་#མི་འགྱུར་བ་བསྟན་ཏོ། །སྔགས་ལ་གཞོལ་བ་རྣམས་ཞེས་པ་ནི་སྔར་བཤད་པའོ། །དུས་གསུམ་དུ་འབྱུང་བ་རྣམས་སོ་ཞེས་པ་ནི་དུས་གསུམ་པའི་སངས་
[23a.4]རྒྱས་རྣམས་སོ། །ཤུབ་བུར་བཟླས་པ་ནི་གསང་བར་བྱ་བ་ཡིན་པས། མི་གསལ་བར་བཟླས་པའོ། །ཡུལ་དེ་ལ་སྤྱོད་པ་ནི་སྔགས་ཀྱི་ཡུལ་ཅན་ནོ། །རྣམ་པ་བདུན་ནི་མདོར་བསྟན་པའོ། །དཀྱིལ་འཁོར་ཞེས་བྱ་བ་ལ་སོགས་པས་རྒྱས་པར་བསྟན་པའོ། །དཀྱིལ་འཁོར་ནི་
[23a.5]ཐུགས་ཀྱི་དཀྱིལ་འཁོར་ལ་སོགས་པའི་གསུམ་སྟེ། རང་གི་མཚན་ཉིད་དང་ལྡན་པ་ཁྲུ་བཅུ་གཉིས་པ་ལ་སོགས་པའི་ཚད་དང་ལྡན་པ། ཕྱག་རྒྱ་ལ་སོགས་པ་བཀོད་པ་བསྟན་པ་ནི་དྲང་བའི་དོན་ཏོ། །ངེས་པའི་དོན་ནི་དཀྱིལ་འཁོར་གསུམ་སྟེ་རྒྱུད་ཕྱི་མ་ལས་ཀྱང་། དཀྱིལ་འཁོར་
[23a.6]སྐུ་ཞེས་བཤད་པ་དང་། བྱང་ཆུབ་ཀྱི་#སེམས་#དཀྱིལ་འཁོར་དང་#། །བྷ་གའི་དཀྱིལ་འཁོར་ཞེས་བྱ་བ། །དཀྱིལ་འཁོར་གསུམ་ནི་རབ་ཏུ་བརྟག །སྙིང་པོ་ལན་#པས་དཀྱིལ་འཁོར་རོ། །#ཞེས་འབྱུང་བས་སོ། །ཚོགས་ཞེས་པ་ནི་ཚོགས་ཀྱི་འཁོར་ལོའི་ཆོ་ག་སྟེ་དེ་ཡང་སྔར་
[23a.7]བཤད་ཟིན་ཏོ། །ཐབས་དང་ནི་ཞེས་པ་ལ་ཞི་བ་ལ་སོགས་པ་ལ་ལྟོས་#པས་མེ་ཐབ་བཞི་དང་ལས་ཐམས་ཅད་པའི་ཐབ་གཅིག་སྟེ་ལྔའོ#། །དེ་རྣམས་ཀྱི་ཟླུམ་པོ་ལ་སོགས་པའི་དབྱེ་བ་དང་ཚད་ཀྱང་ལུང་ཇི་ལྟ་བ་བཞིན་དུ་འབྲང་བར་བྱའོ། །གཞན་དག་ན་རེ་མེ་ཐབ་ནི་མཐའ་ཡས་པར་
[23b]
[23b.1]ཟེར་རོ། །རིགས་ཀྱི་དབྱེ་བ་ཡིས་ནི་ལྔར་#རིགས་སོ། །ཞེས་ཁོ་བོ་ཅག་གི་བླ་མའི་ཞལ་ལྔ་#ནས་གསུང་ངོ་། །ངེས་པའི་དོན་གྱི་ཕྱོགས་སུ་ཁ་ནི་ཐབ་ཡིན་ནོ་ཞེས་སྔར་བཤད་ཟིན་པས་འདིར་མ་བསྟན་ཏོ། །གཏོར་མ་ནི་ལྷ་དང་ལྷ་མ་ཡིན་པའི་དབྱེ་བས་རྣམ་པ་དུ་མ་སྟེ་མདོར་བསྡུས་ན་
[23b.2]རྣམ་པ་གསུམ་ཡིན་ཏེ། རྒྱལ་པོ་ཆེན་པོ་བཞིའི་གཏོར་མ་དང་། འབྱུང་པོ་ཐམས་ཅད་ཀྱི་གཏོར་མ་དང་། ཁྲོ་བོའི་རྒྱལ་པོའི་གཏོར་མ་སྟེ་སྔར་བཤད་ཟིན་ཏོ། །ངེས་པའི་དོན་གྱི་#ཕྱོགས་སུ་ཐབས་དང་ཤེས་རབ་སྙོམས་པར་ཞུགས་པའི་མཚན་ཉིད་དེ་ནང་གི་བདག་ཉིད་ནི་གཏོར་
[23b.3]མའོ། །ལུས་#དང་ནི་རྣམ་པ་གཉིས་ཏེ། རྣལ་འབྱོར་པ་དང་རྣལ་འབྱོར་མ་གཉིས་ཀྱིའོ། །དེ་ཡང་ལུས་དང་ངག་གི་བརྡའི་བདག་ཉིད་དོ། །དེ་རྣམས་ལས་རྣལ་འབྱོར་པ་དང་རྣལ་འབྱོར་མ་རྣམས་ཀྱི་དམ་ཚིག་མཐུན་པར་ཤེས་ནས་འདུ་#བར་འགྱུར་རོ། །དེ་ལ་ལུས་ཀྱི་བརྡ་ནི་
[23b.4]སོར་མོ་གཅིག་དང་སོར་མོ་གཉིས་རབ་ཏུ་བསྟན་པའི་མཚན་ཉིད་དོ། །ངག་གི་བརྡ་ནི་བྷུ་སུ་ཀུ་ལ་སོགས་པའི་མཚན་ཉིད་དོ། །གོ་(རིམས་,རིམ་)#དང་ཞེས་པ་ནི་རྣམ་པ་ལྔ་སྟེ། རྡོ་རྗེ་བཟླས་པ་དང་། སེམས་རྣམ་པར་དག་པ་དང་། བདག་ལ་བྱིན་གྱིས་བརླབ་པ་དང་། མངོན་པར་བྱང་
[23b.5]ཆུབ་པ་དང་། ཟུང་དུ་འཇུག་པའི་རིམ་པ་སྟེ་དེ་རྣམས་ཀྱིས་#ངག་ལ་སོགས་པ་རྣམ་པར་དག་པའི་སྒོ་ནས་དེ་ཁོ་ན་ཉིད་མངོན་དུ་བྱའོ། །དེ་ཉིད་ནི་རྣམ་པ་དྲུག་སྟེ་རླུང་གི་དེ་ཁོ་ན་ཉིད་དང་། སྔགས་ཀྱི་དེ་ཁོ་ན་ཉིད་དང་། ཡེ་ཤེས་ཀྱི་དེ་ཁོ་ན་ཉིད་དང་། ལྷའི་དེ་ཁོ་ན་ཉིད་དང་། དཀྱིལ་
[23b.6]འཁོར་གྱི་དེ་ཁོ་ན་ཉིད་དང་། ཡོངས་སུ་བརྟག་པའི་ལྷའི་དེ་ཁོ་ན་ཉིད་དོ། །དེ་ཡང་ལེའུ་དྲུག་པ་ལས་བཤད་ཟིན་ཏོ། །དེ་ནི་#རྣམ་པ་བདུན་གྱི་སྔགས་ཀྱི་ཚུལ་གྲགས་པ་སྟེ་རིམ་པ་གཉིས་རྗོད་པར་བྱེད་པའི་#ཕྱིར་རོ། །རྫོགས་པའི་རིམ་#པའི་ཏིང་ངེ་འཛིན་ལ་གནས་ནས་ཞེས་པ་ནི་
[23b.7]རྣམ་པར་དག་པ་མངོན་དུ་བྱ་བའོ། །རྣམ་པ་དེ་ལྟ་བུ་ཞེས་བྱ་བ་ལ་སོགས་པས་ཞལ་གྱི་མན་ངག་གི་རིམ་པས་སྔགས་ཀྱི་སྤྱོད་པ་རྣམ་པ་བདུན་འབྱུང་བ་གང་ཡིན་པ་དེའི་ཚུལ་གྱི་ཆོས་#ནི་ལམ་གྱི་ཆོས་ཉིད་གང་ཡིན་པ་དེ་ལས་རྫོགས་པ་ནི་འབྱུང་བ་སྟེ་ཕྱི་རོལ་དུ་འབྱུང་བའོ། །
[24a]
[24a.1]ཚིག་ཕྲད་རྣམས་མངོན་#དུ་མ་ཡིན་པས་དེའི་སྒྲས་ནི་མང་དུ་གཅེས་པར་མི་མཛད་པའི་དོན་བསྟན་ཏོ། །དེ་ལྟར་ཞེས་བྱ་བ་ལ་སོགས་པས་ལས་དང་པོ་པ་རྣམས་ལ་དེ་བཞིན་གཤེགས་པ་རྣམས་ཀྱིས་མ་གཟིགས་པ་ཉིད་བསྟན་ཏོ། །དགོངས་པ་ནི་འདི་ཡིན་ཏེ་
[24a.2]ཡན་ལག་དང་ཉིང་ལག་དང་བཅས་པའི་སྔགས་ཀྱི་ཐེག་པ་ཇི་སྲིད་ཡོད་པ་དེ་གཟུང་བའམ་བསྒྲུབ་#པར་བྱ་བ་འཇིག་རྟེན་པ་འདིས་མི་ནུས་སོ། །འོན་ཀྱང་སྔགས་ཙམ་ལ་བརྟེན་ཏེ་འབའ་ཞིག་ཏུ་ཟད་པར་འགྱུར་རོ་ཞེས་བྱ་བས་#དེ་བཞིན་གཤེགས་པ་རྣམས་ཀྱིས་#དེ་རྣམས་མི་
[24a.3]གཟིགས་སོ། །དེ་བཞིན་གཤེགས་པ་རྣམས་ཀྱིས་གཟིགས་པ་མེད་པས་དེ་རྣམས་འགྲུབ་པར་མི་འགྱུར་རོ་ཞེས་བྱ་བས་དེ་རྣམས་ཀྱིས་གཟིགས་པའི་ཐབས་སྙིང་པོ་བསྐུལ་བའི་མཚན་ཉིད་བཤད་པར་བྱ་སྟེ། གང་གི་ཕྱིར་ཞེས་བྱ་བ་ལ་སོགས་པས་དེ་ཉིད་བསྟན་པར་བྱ་སྟེ།
[24a.4]རོལ་པ་ལ་སོགས་པའི་སྒོ་ནས་ཞེས་པ་ནི་སྤྲོས་པ་དང་བཅས་པའི་སྤྱོད་པའི་སྒོ་ནས་སོ། །མཆོག་ཏུ་དགའ་བའི་བདེ་བ་ཞེས་པ་ནི་འོད་གསལ་བའི་བདེ་བའོ། །སྒྲུབ་པ་པོ་ལ་གཟིགས་པར་མི་མཛད་དེ་ཞེས་པ་ནི་དེ་ལ་མངོན་དུ་མི་འགྱུར་རོ། །ཐུགས་རྗེ་ཆེན་པོས་གཞན་དབང་དུ་གྱུར་
[24a.5]པས་སྐྱེས་བུ་ཡང་ཡིན་ལ་ཡེ་ཤེས་ཐོབ་པས་ཆེན་པོ་ཡང་ཡིན་པ་སྟེ། སྐྱེས་བུ་ཆེན་པོ་མི་བསྐྱོད་པ་ལ་སོགས་པའོ། །སྒྲུབ་པ་པོ་ལ་མངོན་སུམ་དུ་མཛད་པས་ཞེས་པ་ནི་སྒྲུབ་#པ་པོ་ལ་མངོན་དུ་གྱུར་པས་སོ། །དད་པ་བསྐྱེད་པར་བྱ་བའི་ཕྱིར། །ཞེས་པ་ནི་དངོས་གྲུབ་མཐོང་བས་སྒྲུབ་
[24a.6]པ་པོའི་སེམས་དགའ་བ་དང་ལྡན་པར་བྱ་བའི་ཕྱིར་རོ། །སྐུ་དང་གསུང་དང་ཐུགས་ཀྱི་གསང་བར་འགྱུར་བའི་ཤེས་པ་ནི་སྐུ་རྡོ་རྗེ་ལ་སོགས་པ་དེ་ལས་སྐྱེས་པའི་ཕྱིར་རོ། །སྦྲུལ་ལ་སོགས་པའི་གསང་སྔགས་ཀྱི་ལྷ་རྣམས་སོ་ཞེས་པ་ནི་སྦྲུལ་ལ་སོགས་པ་བྱིན་གྱིས་རློབ་པར་
[24a.7]བྱེད་པ་དེ་བཞིན་གཤེགས་པ་རྣམས་སོ། །སྲོག་གི་ཐུགས་ཡིན་པས་སོ། །རབ་ཏུ་སད་པར་བྱེད་པ་ཞེས་པ་ནི་རང་རང་གི་ཏིང་ངེ་འཛིན་ལ་བཞུགས་པ་དེ་བཞིན་གཤེགས་པ་རྣམས་སྒྲུབ་པ་པོ་གང་གིས་#མངོན་དུ་བྱས་པའོ། །སྣོད་མ་ཡིན་པ་རྣམས་ལ་ཞེས་པ་ནི་སྐལ་བ་མེད་པ་ཉན་
[24b]
[24b.1]ཐོས་པ་ལ་སོགས་པ་རྣམས་ལའོ། །མཆོག་ཏུ་སྦ་བར་བྱའོ་ཞེས་པ་ནི་ཤིན་ཏུ་བསྟན་པར་མི་བྱའོ། །གཏི་མུག་གི་རིགས་ཅན་རྣམས་ཞེས་པ་ནི་རྣམ་པར་སྣང་མཛད་ཀྱི་རིགས་ཅན་ནོ། །དེ་རྣམས་ཀྱི་སྤྱན་མ་ལ་སོགས་པ་རྣམས་ཀྱི་སྐུ་ལ་སོགས་པ་མི་ཕྱེད་པའི་ངོ་བོ་སྟེ་སེམས་དཔའ་གསུམ་
[24b.2]གྱི་བདག་ཉིད་ཅན་སྔགས་གང་གིས་ཡང་དག་པར་བྱོན་ཅིང་ཞེས་པ་ནི་#རྣམ་པ་ཐམས་ཅད་མཆོག་དང་ལྡན་པར་འགྱུར་བ་དེ་ནི་དམ་ཚིག་ཅེས་བྱའོ། །དེ་བཞིན་དུ་སྔགས་པ་རྣམས་ཀྱིས་ཞེས་པ་ནི་#བསྐྱེད་པའི་རིམ་པའི་རྣལ་འབྱོར་པ་རྣམས་ཀྱིས་སོ། །དམིགས་ཤིང་ནི་གཟུང་བར་བྱ་བའོ#། །
[24b.3]ཡིད་ལ་བྱེད་པས་ནི་#ཞེས་པ་ནི་ཡིད་ཀྱི་བྱ་བ་བསྒོམ་པའི་བདག་ཉིད་ཀྱིས་#དམིགས་པའོ། །ཡི་གེ་ཨོཾ་ནི་ཕྱག་འཚལ་བའོ། །དེ་བཞིན་དུ་ཞེས་བྱ་བ་ལ་སོགས་པས་ཐུགས་རྡོ་རྗེ་འཆང་གི་རྒྱུར་གྱུར་པའི་#སྔགས་བསྟན་པར་བྱ་སྟེ། ཡི་གེ་ཧཱུཾ་ནི་སྤྲིན་གྱི་སྒྲའོ། །ཆོས་འཛིན་པ་ཐམས་
[24b.4]ཅད་ཅེས་པ་ནི་འོད་དཔག་ཏུ་མེད་པའི་རིགས་ཅན་རྣམས་ཀྱིའོ། །སྐུ་ལ་སོགས་པ་དམིགས་པ་ཞེས་པ་ནི་སྐུ་ལ་སོགས་པ་#རྫོགས་པར་བྱེད་པའོ། །ཡི་གེ་ཨཱཿཞེས་པ་ནི། གསུང་རྡོ་རྗེ་འཆང་གི་ས་བོན་ཞེས་བྱ་བའི་དོན་ཏོ། །རྡོ་རྗེ་འཆང་ཆེན་པོ་ཉིད་དེ་ཞེས་པ་ནི་ཐམས་ཅད་ཀྱི་
[24b.5]ནང་དུ་ཆུད་པས་སོ། །དེའི་སྐུ་ལས་ཡི་གེ་ཨོཾ་ཞེས་པ་ནི་སྐུའི་རང་བཞིན་ཡིན་པས་སོ། །གསུང་ལ་#ཡི་གེ་ཨཱཿཞེས་པ་ནི་གསུང་གི་རང་བཞིན་ཡིན་པས་སོ། །ཐུགས་ལ་#ཡི་གེ་ཧཱུཾ་ཞེས་པ་ནི་ཐུགས་ཀྱི་རང་བཞིན་ཡིན་པས་སོ། །གོ་རིམས་#ཇི་ལྟ་བ་བཞིན་དུ་ཞེས་པ་ནི་སྐུ་གསུང་
[24b.6]ཐུགས་ལས་སོ། །ཚིག་གི་ལམ་ནི་ཁ་སྟེ་ཞེས་པ་ནི་ཞལ་ཞེས་བྱའོ། །སྟོན་པའོ་ཞེས་པ་ནི་གསུང་གིས་#ཡི་གེ་གསུམ་སྟོན་པ་ཞེས་བྱའོ། །ཐུགས་དང་སྐུ་#དག་ཀྱང་ཞེས་པ་ནི། ཐུགས་དང་སྐུ་ལ་དབྱེར་མེད་པས་སོ། །སེམས་ནི་ལུས་ལྟ་བུ་ཞེས་པ་#ལ་སོགས་པ་ལེའུ་
[24b.7]གཉིས་པ་ལས་གསུངས་པའི་ཕྱིར་རོ། །གསལ་བའི་ཚིག་གིས་ཞེས་པ་ནི་ཐུགས་དང་སྐུའི་ངོ་བོར་ཡོངས་སུ་གྱུར་པའི་གསུང་གིས་སོ། །ཇི་ལྟ་བའི་གསུང་ཞེ་ན་ཞེས་པ་ནི་ལས་ཀྱི་ཡུལ་འདྲི་བའོ། །བུད་མེད་དང་སྐྱེས་པ་དང་མ་ནིང་གི་ཡི་གེ་རྣམས་ཏེ་ཞེས་པ་ནི་དེ་ལ་བུད་མེད་ཀྱི་རང་
[25a]
[25a.1]བཞིན་ཨ་ལ་སོགས་པ་དབྱངས་བཅུ་དྲུག་གོ། །སྐྱེས་པའི་རང་བཞིན་ཀ་ནས་མའི་#བར་དུ་གསལ་བྱ་ཉི་ཤུ་རྩ་ལྔའོ། །མ་ནིང་གི་རང་བཞིན་ནི་#མཐར་གནས་དང་དྲོད་ཀྱི་ཡི་གེ་བརྒྱད་དོ། །དེ་ཡང་སྔར་བཤད་ཟིན་ཏོ། །གང་དུ་བསྡུས་པར་གྱུར་པ་ཞེས་པ་ནི་ཡི་གེ་
[25a.2]གསུམ་ལའོ། །དེ་ལ་ཤེས་རབ་ཀྱི་རང་བཞིན་#དབྱངས་ཀྱི་སྡེ་ཚན་ཡོངས་སུ་གྱུར་པ་ལས་བུད་མེད་ཀྱི་རང་བཞིན་ནི་ཡི་གེ་ཨའོ། །ཐབས་ཀྱི་རང་བཞིན་གསལ་བྱའི་#སྡེ་ཚན་ཡོངས་སུ་གྱུར་པ་ལས་ཡི་གེ་ཧཱུཾ་ངོ་། །མ་ནིང་གི་རང་བཞིན་ཡ་ལ་སོགས་པ་ཡོངས་སུ་གྱུར་པ་ལས་ཐབས་
[25a.3]དང་ཤེས་རབ་སྙོམས་པར་ཞུགས་པའི་རང་བཞིན་ནི་#ཨོཾ་མོ། །དེ་ཉིད་བསྟན་པའི་ཕྱིར། ཡི་གེ་གསུམ་གསུངས་སོ་ཞེས་སྟོན་ཏོ། །སྔགས་བསྡུས་པ་གསུངས་པ་ཞེས་བྱ་བ་ལ་སོགས་པས་ཡི་གེ་གསུམ་གྱི་ནུས་པ་བཤད་པར་བྱ་སྟེ། ཡི་གེ་གསུམ་པོ་འདི་གསུངས་ཙམ་གྱིས་ཏེ་
[25a.4]ཞེས་པ་ནི་སྒྲུབ་པ་པོས་བརྗོད་པ་ཙམ་གྱིས་སོ། །མི་བསྐྱོད་པ་ལ་སོགས་པ་དང་བྱང་ཆུབ་སེམས་དཔའི་ཚོགས་དང་བཅས་པ་ཞེས་པ་ནི་མངོན་པར་དགའ་བ་ལ་སོགས་པ་སངས་རྒྱས་ཀྱི་ཞིང་དུ་མཆོག་ཏུ་དགའ་བའི་བདེ་བ་མྱོང་བ་སྔོན་#དུ་འགྲོ་བར་གནས་པའོ། །རྡོ་རྗེ་འཆང་ཆེན་པོས་
[25a.5]རྗེས་#སུ་གཟུང་བར་འོས་པའི་སེམས་ཅན་རྣམས་གཟིགས་པས་ཞེས་པ་ནི་གང་གི་ཕྱིར། རྡོ་རྗེ་འཆང་ཆེན་པོ་དེ་བཞིན་གཤེགས་པ་ཐམས་ཅད་ཀྱི་བདག་པོ་ཁྱབ་པར་བྱེད་པ་ཡིན་པས་སེམས་ཅན་ཐམས་ཅད་རྗེས་སུ་གཟུང་བར་#མཛད་དོ། །མི་བསྐྱོད་པ་ལ་སོགས་པ་ཞེ་སྡང་ལ་སོགས་པའི་
[25a.6]སྤྱོད་པ་དང་ལྡན་པ་སོ་སོར་ངེས་པ་དང་ལྡན་པའི་སེམས་ཅན་གྱི་ཁམས་རྗེས་སུ་གཟུང་བར་མཛད་པ་སྟེ། དེ་རྣམས་#ཐམས་ཅད་མི་གཟིགས་སོ་ཞེས་དབྱེ་བའོ། །རབ་ཏུ་ཞེས་བྱ་བ་ལ་སོགས་པས་རྡོ་རྗེ་འཆང་ཆེན་པོའི་དམ་ཚིག་བླང་བ་ལ་འཇིགས་པས་མི་བསྐྱོད་པ་ལ་སོགས་པ་
[25a.7]གཟིགས་པར་གྱུར་ཏོ། །རིགས་ཐམས་ཅད་ཀྱི་བདག་པོ་རྡོ་རྗེ་སེམས་དཔའ་ནི་རྡོ་རྗེ་འཆང་ཆེན་པོའོ། །རྗེས་སུ་འཛིན་པར་མཛད་པ་ཞེས་པ་ནི་སེམས་ཅན་ཐམས་ཅད་ལ་ཐུགས་རྗེས་མཛད་པའོ། །དྲན་པས་ནི་བསམ་པའོ། །དགའ་བ་རྒྱ་ཆེན་པོ་ཐོབ་པར་#གྱུར་པ་སྟེ་ཞེས་པ་ནི་མི་
[25b]
[25b.1]བསྐྱོད་པ་ལ་སོགས་པས་སྒྲུབ་པ་པོ་ལ་གཟིགས་པས་རྗེས་སུ་གཟུང་བའི་ཕྱིར་དགའ་བའི་ཚོགས་ཐོབ་པར་གྱུར་ཏོ། །དྲན་པའི་འོག་ཏུ་ཞེས་བྱ་བ་ལ་སོགས་པས་རྡོ་རྗེ་འཆང་ཆེན་པོས་སྔགས་གསུངས་པའི་འོག་ཏུ་སྙིང་པོ་བསྐུལ་བའི་བསྒོམ་པའི་རིམ་པ་བཤད་པར་བྱ་སྟེ་བསྟན་ཏོ། །འདའ་
[25b.2]བར་མི་བྱ་བའི་ངོ་བོ་ཉིད་ཀྱིས་ཞེས་པ་ནི་སྙིང་པོ་བསྐུལ་བའི་རྣལ་འབྱོར་པས་ངེས་པར་བྱ་བའོ། །དེ་བཞིན་ཉིད་དེ་ཞེས་པ་ནི་གནས་གཟུང་བ་དང་བགེགས་བསྐྲད་པ་དང་སྟོང་པ་ཉིད་དང་ཡེ་ཤེས་ཀྱི་ས་གཞི་དང་གཞལ་ཡས་ཁང་པ་དང་ལྷག་པར་མོས་པ་དང་དོན་དམ་པའི་དཀྱིལ་འཁོར་
[25b.3]བསྒོམས་#པའི་འོག་ཏུ་གདན་ལ་སོགས་པ་བསྒོམ་པ་སྔོན་#དུ་འགྲོ་བར་ཡིག་འབྲུ་དང་ཕྱག་མཚན་ཡོངས་སུ་གྱུར་པ་ལས་འབྱུང་བའི་དམ་ཚིག་སེམས་དཔའ་ནི་རྡོ་རྗེ་འཆང་ཞེས་བྱའོ། །ལུས་ཀྱི་དབུས་ཡིན་པས་ན་དབུས་ནི་#སྙིང་ག་ཞེས་བྱའོ། །དེ་ལ་གནས་པར་ཞེས་པ་ནི་སྣ་ཚོགས་པདྨ་
[25b.4]དང་ཟླ་བའི་དཀྱིལ་འཁོར་ལ་གནས་པའོ། །ཡེ་ཤེས་སེམས་དཔའ་བསམ་པར་བྱའོ་ཞེས་པ་ནི། དམ་ཚིག་སེམས་དཔའ་དང་འདྲ་བར་བསྒོམ་པར་བྱའོ#། །དེའི་སྟེ་ཞེས་པ་ལ་སོགས་པས་ཡི་གེ་ཧཱུཾ་ཡོངས་སུ་གྱུར་པ་ལས་རྡོ་རྗེའི་ཕྱག་མཚན་དེ་ཉིད་ཀྱིས་མཚན་པ་ཏིང་ངེ་འཛིན་
[25b.5]སེམས་དཔའི་བསྒོམ་པ་བསྟན་ཏོ། །གསུམ་པོ་དེ་དག་ཅེས་པ་ནི་སེམས་དཔའ་གསུམ་གྱི་བདག་ཉིད་ཀྱི་སྐུའོ། །རང་གི་ངོ་བོ་ཉིད་ཀྱིས་ཞེས་པ་ནི་བདག་ཉིད་ཀྱིས་བསྐྱེད་པར་ནི་བསྒོམ་པར་བྱ་བའོ། །དེ་རྣམས་ལས་ཞེས་བྱ་བ་ལ་སོགས་པས་སེམས་དཔའ་གསུམ་གྱི་བདག་ཉིད་བསྐྱེད་
[25b.6]ལ། ཏིང་ངེ་འཛིན་སེམས་དཔའ་ནི་འོད་ཟེར་ལྔས་ཁྱབ་པ་འབར་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་སྐུལ་བར་བྱེད་པ་བསྒོམ་པར་བྱའོ་ཞེས་བསྟན་ཏོ། །རྣམ་པར་སྣང་མཛད་ལ་སོགས་པ་རྫོགས་#དང་མ་རྫོགས་པ་ཞེས་བྱ་བ་ལ་སོགས་པ་ནི་མངོན་པར་དགའ་བ་ལ་
[25b.7]སོགས་པ་ལ་བཞུགས་པ་འཁོར་བ་#དང་བཅས་པ་མི་བསྐྱོད་པ་ལ་སོགས་པ་རྣམས་ཀྱིའོ། །སྐུ་དང་གསུང་དང་ཐུགས་ཀྱི་ནུས་པ་སྟེ་ཞེས་པ་ནི་སྐུ་རྡོ་རྗེ་ལ་སོགས་པའི་དེ་བཞིན་གཤེགས་པ་རྣམས་ཀྱི་#ཐུགས་ཀྱི་ནུས་པའམ། ཡང་ན་གནོད་མཛེས་ཀྱི་རྒྱལ་པོས་བཀུག་པ་དེའི་སྐུའོ། །
[26a]
[26a.1]ཏིང་ངེ་འཛིན་སེམས་དཔའ་ལས་བྱུང་བའི་དཀར་པོ་ལ་སོགས་པའི་འོད་ཟེར་གྱི་#ལྕགས་ཀྱུས་ཞེས་པ་ནི་ཏིང་ངེ་འཛིན་སེམས་དཔའི་ས་བོན་ལས་བྱུང་བ་ལྕགས་ཀྱུ་དང་ཞགས་པ་ལག་ན་ཐོགས་པའི་གནོད་མཛེས་ཀྱི་རྒྱལ་པོས་རླུང་གི་དཀྱིལ་འཁོར་གྱི་སྟེང་དུ་གྲུ་
[26a.2]གསུམ་པའི་མེའི་དཀྱིལ་འཁོར་བཀོད་ནས་དགུག་པའོ། །ཐུགས་ཀ་ནས་དྲངས་པར་བསམ་པར་བྱའོ་ཞེས་པ་ནི་རང་གི་ཕྱག་རྒྱའི་ཆོས་འབྱུང་གི་ནང་དུ་མེའི་དཀྱིལ་འཁོར་གྲུ་གསུམ་པ་ལ་ཞུགས་ནས་ཐལ་བར་གྱུར་པར་བསམ་པར་བྱའོ། །དེ་ལྟར་བསླབ་པའི་སྒྲུབ་པ་པོས་ཞེས་པ་ནི་
[26a.3]དེའི་རྣམ་པར་ཤེས་པ་དྲི་མ་མེད་པ་རླུང་མེད་པའི་ཕྱོགས་སུ་མི་གཡོ་བའི་མར་མེ་དང་འདྲ་བ་ཡོངས་སུ་གྱུར་པའི་མི་བསྐྱོད་པ་ཧཱུཾ་ལས་བྱུང་བ་སེམས་དཔའ་གསུམ་གྱི་བདག་ཉིད་ཅན་བསྒོམ་པར་བྱའོ། །དྲངས་ཤིང་ཞེས་པ་ནི་དེའི་པདྨའི་ནང་ནས་མི་བསྐྱོད་པ་ལ་སོགས་པའི་གཟུགས་ཕྱུང་
[26a.4]ནས་སོ། །ཏིང་ངེ་འཛིན་སེམས་དཔའ་ལ་འཇུག་པ་ཙམ་ཉིད་ཀྱིས་#ཞེས་པ་ནི་ཡེ་ཤེས་སེམས་དཔའི་ཐུགས་ཀར་ཡོངས་སུ་ཐིམ་པས་སོ། །ཐམས་ཅད་ཟིལ་གྱིས་མནན་ནས་ཞེས་པ་ནི་ཉོན་མོངས་པ་ལ་སོགས་པའི་སྒྲིབ་པ་བཅོམ་ནས་རྡོ་རྗེ་འཆང་ནི་རྡོ་རྗེ་སེམས་དཔར་འགྱུར་རོ། །སྐུ་
[26a.5]ལ་སོགས་པ་མི་ཕྱེད་པའི་ངོ་བོ་ཡིན་པའི་ཕྱིར་ཞེས་པ་ནི་སྐུ་ལ་སོགས་པ་མི་འཇིགས་#པ་ཐོབ་པའི་ཕྱིར་རོ། །དེ་རྣམས་དགྱེས་པར་བྱེད་པས་ཞེས་པ་ནི་དེ་རྣམས་སྤྲོ་བར་མཛད་པས་སོ། །རྒྱུ་བ་དང་མི་རྒྱུ་བ་ཞེས་པ་ནི་སེམས་ཅན་དང་སྣོད་ཀྱི་འཇིག་རྟེན་ནོ། །ཚངས་པ་ལ་སོགས་པའོ་ཞེས་པ་
[26a.6]ནི་དེ་རྣམས་ཀྱི་བདག་པོ་ཡིན་པས་འཇིག་རྟེན་སྐྱོང་བའོ། །དེ་རྣམས་ཀྱང་ཚར་གཅོད་པ་དང་རྗེས་སུ་འཛིན་པར་མཛད་པས་ན་ཞེས་པ་ནི་ཚངས་པ་ལ་སོགས་པ་ལ་#ཁྲོ་བ་དང་བཀའ་དྲིན་མཛད་པའི་ཕྱིར་ཁམས་གསུམ་རྣམ་པར་རྒྱལ་བའི་སྐུས་ལྷ་ཆེན་པོ་དང་། ཨུ་མ་མནན་པ་བཞིན་#དང་ཐལ་
[26a.7]བ་ཅན་གྱི་འཇིག་རྟེན་གྱི་ཁམས་ལ་བྱང་ཆུབ་ཀྱི་སེམས་ཀྱི་གཟུགས་དེ་ཉིད་གཞག་#པ་ཡིན་ནོ། །རྣམ་པ་དེ་ལྟ་བུའི་རྡོ་རྗེ་འཆང་ཆེན་པོར་ཞེས་པ་ནི་དཔལ་རྡོ་རྗེ་འཆང་གི་ཕྱག་རྒྱ་ཆེན་པོའི་སྐུར་བདག་ཉིད་བསྒོམ་པར་བྱའོ། །རང་གི་ལུས་ཀྱི་དཀྱིལ་འཁོར་རོ་ཞེས་པ་ནི་ལྷ་རྣམས་ཐམས་
[26b]
[26b.1]ཅད་ཀྱི་རང་བཞིན་བདག་ཉིད་ཀྱི་སྐུའི་དཀྱིལ་འཁོར་རོ། །རང་གི་སེམས་ཀྱིས་#བསྐྱེད་པའི་ཆོ་ག་འདི་ཉིད་དོ་ཞེས་པ་ནི་རང་གི་སེམས་ཀྱིས་#དཔལ་རྡོ་རྗེ་འཆང་གི་སྐུ་བསྐྱེད་པར་བྱའོ། །དུས་གསུམ་དུ་འབྱུང་བ་རྣམས་ཀྱིའོ་ཞེས་པ་ནི་དུས་གསུམ་པའི་སངས་རྒྱས་རྣམས་ཀྱིའོ། །བསྟན་
[26b.2]པར་འགྱུར་བའོ་ཞེས་པ་ནི་ཏིང་ངེ་འཛིན་དེས་བསྟན་པར་གྱུར་པས་དུས་གསུམ་གྱི་སངས་རྒྱས་ཀྱི་དངོས་གྲུབ་ཐོབ་པར་འགྱུར་རོ་ཞེས་བྱ་བའི་དོན་ཏོ། །དེ་བཞིན་གཤེགས་པ་ཐམས་ཅད་ཀྱི་ཐུགས་ནི་མི་ཕྱེད་པའི་ངོ་བོ་ཡིན་པས་སོ། །དེ་རྣམས་བཀུག་ནས་ཞེས་པ་ནི་དེ་བཞིན་
[26b.3]གཤེགས་པ་ཐམས་ཅད་ཀྱི་སྙིང་པོ་བཀུག་པ་ཞེས་བྱ་བའི་ཐ་ཚིག་གོ། །དེ་ལྟར་ཞེས་བྱ་བ་ལ་སོགས་པས་དེ་བཞིན་གཤེགས་པ་ཐམས་ཅད་ཀྱི་རང་བཞིན་བདག་ཉིད་བསྐྱེད་ལ། འཁོར་རྣམས་ཀྱང་དེའི་རྣམ་པ་ཉིད་དུ་བསྐྱེད་པར་བྱ་བའི་ཕྱིར་བསྟན་པར་བྱ་སྟེ་རང་སྟེ་ཞེས་བྱ་བ་ལ་
[26b.4]སོགས་པས་དཀྱིལ་འཁོར་རྒྱལ་བ་མཆོག་གི་#ཏིང་ངེ་འཛིན་གྱི་རིམ་པས་ཤར་ལ་སོགས་པའི་ཕྱོགས་དང་མཚམས་སུ་དཀྱིལ་འཁོར་པ་རྣམས་སྤྲོ་བར་བསྟན་ཏོ། །ཇི་སྐད་དུ་གསུངས་པའི་སྐུ་མདོག་དང་ཕྱག་མཚན་གྱི་གཟུགས་ཀྱི་ཚུལ་དུའོ་ཞེས་པ་ནི་བསྒྲུབ་#ཐབས་ལས་གསུངས་
[26b.5]པའི་རིམ་པས་སོ། །ཆ་འདྲ་ཞིང་གསལ་བར་གཟུང་བ་ཡིན་པས་ན་ཞེས་པ་#ནི་རྣམ་པ་སྣ་ཚོགས་པ་ལ་སོགས་པའི་སྐད་ཅིག་མ་རྣམས་ཀྱིས་#མཚོན་པར་འགྱུར་བའོ། །འདོད་ཆགས་ལ་སོགས་པ་ཞེས་པ་ནི་འདོད་ཆགས་དང་འདོད་ཆགས་དང་#བྲལ་བ་དང་འདོད་ཆགས་བར་མ་རྣམས་
[26b.6]སོ། །དེ་རྣམས་ཀྱིས་#སྦྱོར་བས་ན་ཞེས་པ་ནི་ཕྱག་རྒྱ་འདུས་བྱས་པ་སྔོན་དུ་འགྲོ་བར་སྙོམས་པར་ཞུགས་པ་ལས་བྱུང་བའི་སྣང་བ་ལ་སོགས་པའི་ཡེ་ཤེས་སྦྱོར་བའོ། །དེས་ཉེ་བར་མཚོན་པར་བྱས་པའོ་ཞེས་པ་ནི་སྣང་བ་ལ་སོགས་པའི་ཡེ་ཤེས་མཚོན་པར་བྱས་པས་སོ། །ཡི་གེ་
[26b.7]གསུམ་གྱིས་ཞེས་པ་ནི་ཡི་གེ་གསུམ་གྱིས་#སྤེལ་བ་ཛི་ན་ཛིཀ་ཅེས་བྱ་བ་ལ་སོགས་པ་ཕྱུང་བའི་སྔགས་ཀྱིས་སོ། །རྣམ་པར་སྣང་མཛད་ལ་སོགས་པ་ཞེས་པ་ནི་སྔགས་ལས་བྱུང་བའི་སྐྱེས་བུ་ནི་སྔགས་ཀྱི་སྐྱེས་བུ་སྟེ་སྔགས་ཀྱི་སྐུ་བཅོམ་ལྡན་འདས་དེ་བཞིན་གཤེགས་པ་རྣམས་
[27a]
[27a.1]སོ། །གནས་བཞིར་#ནི་ཤར་ལ་སོགས་པ་ལའོ། །རིགས་པ་འདིས་ཞེས་པ་ནི་རྣམ་པར་སྣང་མཛད་ལ་སོགས་པའི་སྤྲོ་བའི་རིམ་པས་སོ། །ཇི་ལྟར་རང་གི་ནི་གནས་ཇི་#ལྟ་བ་བཞིན་དུའོ། །རིགས་དང་འབྲེལ་པའི་ལྷ་ཡི་#ཚོགས། །ཞེས་པ་ནི་རྣམ་པར་སྣང་མཛད་
[27a.2]ལ་སོགས་པའི་རིགས་ལས་བྱུང་བ་ཁྲོ་བོ་དང་ལྷ་མོ་དང་བྱང་ཆུབ་སེམས་དཔའི་ཚོགས་སོ། །དེ་བཞིན་གཤེགས་པ་བཞིའི་ཉེ་བར་མཚོན་པ་ཉིད་ཀྱིས་སོ་ཞེས་པ་ནི་རྣམ་པར་སྣང་མཛད་ལ་སོགས་པ་གཙོ་བོ་ཡིན་པས་སོ། །གཙོ་བོ་གཟུང་བས་ཡོན་ཏན་ཡོད་པ་ཡང་དོན་གྱིས་གཟུང་བར་
[27a.3]འགྱུར་རོ། །རྡོ་རྗེ་ནི་ཆོས་ཀྱི་དབྱིངས་ཀྱི་ཡེ་ཤེས་སོ། །དེ་ཉིད་དམ་ཚིག་གང་ལ་ཡོད་པ་དེ་#ནི་རྡོ་རྗེའི་དམ་ཚིག་སྟེ་ཆོས་ཀྱི་དབྱིངས་ཀྱི་ཡེ་ཤེས་ཀྱི་རང་བཞིན་ནོ། །རྡོ་རྗེ་འཆང་ཆེན་པོ་སྟེ་ཞེས་པ་ནི་དཔལ་རྡོ་རྗེ་སེམས་དཔའོ། །དེ་ལྟར་ཞེས་པ་#ལ་སོགས་པས་དཀྱིལ་འཁོར་རྒྱལ་བ་མཆོག་
[27a.4]གིས་བསྐྱེད་པའི་དཀྱིལ་འཁོར་པ་རྣམས་ཉེ་བར་བསྡུས་པ་བསྟན་ཏོ། །དེ་ལ་#ཞེས་བྱ་བ་ལ་སོགས་པས་འཁོར་དང་བཅས་པས་ཀྱང་སྙིང་པོ་བསྐུལ་བར་བྱའོ་ཞེས་བསྟན་ཏོ། །དམ་པ་ནི་བྱ་བའི་རྒྱུད་ལ་སོགས་པ་ལ་ལྟོས་#ནས་མཆོག་གོ། །དེ་བཞིན་གཤེགས་པའི་གསང་བ་ཞེས་པ་ནི་
[27a.5]དེ་བཞིན་གཤེགས་པའི་ཐུགས་ཀའི་ནུས་པ་དགུག་#པ་གསང་བ་ཡིན་པས་སོ། །དབྱེར་མེད་པས་ཞེས་པ་ནི་རྟེན་དང་བརྟེན་པ་དབྱེར་མེད་པ་ཉེ་བར་བརྟགས་པས་ཚེམ་བུ་དུ་བ་བཞིན་ནོ། །དཀྱིལ་འཁོར་པ་དེ་རྣམས་ཀྱི་རེ་རེའི་ཞེས་པ་ནི་ལྷ་རེ་རེའིའོ། །སྙིང་གའི་ཟླ་བ་ལ་
[27a.6]གནས་ཞེས་པ་ནི་དམ་ཚིག་སེམས་དཔའི་སྙིང་གའི་པདྨ་དང་ཟླ་བ་ལ་གནས་པའོ། །བསྒོམ་པར་བྱ་ཞིང་ཁྱད་པར་དུ། །ཞེས་པ་ནི་མེད་དུ་མི་རུང་བ་དང་འདྲ་བར་ཡང་བསྒོམ་པར་བྱའོ། །ཡེ་ཤེས་ཀྱི་རང་བཞིན་ཡིན་པས་ན་ཞེས་པ་ནི་སེམས་ཀྱི་རྣམ་པ་ཡོངས་སུ་གྱུར་པས་སོ། །ཡེ་
[27a.7]ཤེས་སེམས་དཔའ་བསྒོམ་པར་བྱའོ་ཞེས་པ་ནི་མཐེ་བོང་གི་ཚད་ཙམ་བསམ་པར་བྱའོ། །ཐུགས་ཀྱི་ཟླ་བར་ཆུད་པ་ཞེས་པ་ནི་ཡེ་ཤེས་སེམས་དཔའི་ཐུགས་ཀའི་པདྨ་དང་ཟླ་བ་ལ་གནས་པའོ། །དེ་བཞིན་དུ#་དབུས་ཀྱི་གཙོ་བོ་དང་འདྲ་བར་ཁྱད་པར་བསྟན་ཏོ། །སོ་སོའི་ཡི་གེ་
[27b]
[27b.1]ཞེས་པ་ནི་དཀྱིལ་འཁོར་པ་རེ་རེ་ལ་ཐུགས་རྡོ་རྗེ་འཆང་གི་ས་བོན་དགོད་པར་བྱའོ། །མི་འགྱུར་བའི་ངོ་བོ་ཉིད་ཅེས་པ་ནི་ཆོས་ཀྱི་དབྱིངས་ཀྱི་ཡེ་ཤེས་ཀྱི་རང་བཞིན་ཡིན་པས་སོ། །མི་ཤིགས་པ་#ལས་བྱུང་བའི་ཕྱིར་རོ་ཞེས་པ་ནི་འོད་གསལ་བ་ལས་འབྱུང་བས་སོ། །ཡི་གེ་ཧཱུཾ་ཞེས་པ་ནི་མི་བསྐྱོད་པ་
[27b.2]ལ་སོགས་པའི་བསྐྱེད་པའི་གནས་ཡིན་པས་སོ། །སྒྲུབ་པ་པོའི་མཆོག་ལ་སྦྱོར་བར་#བྱེད་པས་ན་ཞེས་པ་ནི་ཆོས་ཀྱི་དབྱིངས་ཀྱི་ཡེ་ཤེས་ཀྱིས་#རྣལ་འབྱོར་པ་སྦྱོར་བར་བྱེད་པས་སོ། །ཏིང་ངེ་འཛིན་གྱི་སེམས་དཔའོ་#ཞེས་པ་ནི་དེ་ཉིད་ཡི་གེ་ཧཱུཾ་ཞེས་བྱའོ། །དེ་ལས་ནི་ཡི་གེ་ཧཱུཾ་ཡོངས་སུ་
[27b.3]གྱུར་པ་ལས་སོ། །ཁ་རྣམ་པར་གྱེས་པ་བསམ་ཞིང་ཞེས་པ་ནི་འབར་བའི་རྡོ་རྗེ་བསྒོམ་པར་བྱའོ། །ཚུལ་འདིས་ན་ཞེས་བྱ་བ་ལ་སོགས་པས་འཁོར་རྣམས་ཀྱང་སེམས་དཔའ་གསུམ་གྱི་བདག་ཉིད་དུ་བསམ་པར་བྱའོ་ཞེས་བསྟན་ཏོ། །དེ་རྣམས་ཀྱི་ལྕགས་ཀྱུ་འདྲ་བས་ནི་ཀྱོ་#བ་
[27b.4]སྟེ་ཞེས་པ་ལ་དབང་དུ་བྱེད་པ་དང་མངོན་དུ་གྱུར་པར་བྱས་པས་བསྐུལ་བ་བསྟན་ཏོ། །གླང་པོ་ཆེ་བཞིན་ནོ་ཞེས་པ་ནི་དཔེ་སྟེ་གླང་པོ་ཆེ་ནི་ལྕགས་ཀྱུས་དབང་དུ་འགྱུར་བས་སོ། །དེའི་སྦྱོར་བ་ནི་ཞེས་པ་ལ་དེ་སྤྲོ་བའོ། །རྡོ་རྗེ་གསུམ་གྱིས་ཞེས་པ་ནི་སེམས་དཔའ་གསུམ་གྱི་བདག་ཉིད་ཀྱི་
[27b.5]དཀྱིལ་འཁོར་པ་རྣམས་ཀྱི་སྙིང་ག་དང་དེ་བཞིན་དུ་རང་གི་སྙིང་ག་ལས་སྤྲོས་པའི་གནོད་མཛེས་ཀྱི་རྒྱལ་པོས་ཕྱག་རྒྱ་དང་སྙོམས་པར་ཞུགས་པའི་དབང་གིས་མཆོག་ཏུ་དགའ་བའི་བདེ་བ་མྱོང་བའི་བསྒྲུབ་བྱའི་ལྷ་དང་མི་བསྐྱོད་པ་ལ་སོགས་པའི་#ཐུགས་ཀར་བརྡེགས་#པ་ནི་གསོལ་བ་
[27b.6]གདབ་པ་སྔོན་#དུ་འགྲོ་བར་རྡོ་རྗེའི་ཐོ་བས་ཐུགས་ལ་བརྡེག་པར་བྱའོ། །དེ་ཉིད་བསྟན་པའི་ཕྱིར། བདག་པོ་ལ་སོགས་པ་ཞེས་བྱ་བ་ལ་སོགས་པས་བསྟན་ཏོ། །གཅིག་ཏུ་གྱུར་པའི་འོད་ཟེར་གྱི་#ཚོགས་ཀྱིས་ཞེས་པ་ནི་འོད་ཟེར་གྱི་ཚོགས་ཡོངས་སུ་གྱུར་པ་གནོད་མཛེས་ཀྱི་རྒྱལ་
[27b.7]པོ་གང་ཡིན་པ་ལྕགས་ཀྱུ་དང་འདྲ་བ་དེས་སོ། །བསྒྲུབ་པར་བྱ་བའི་ལྷའི་ཞེས་པ་ནི་མི་བསྐྱོད་པ་ལ་སོགས་པའི་རང་བཞིན་སེམས་དཔའ་གསུམ་གྱི་བདག་ཉིད་ཅན་གྱིས་#བསྐུལ་བ་ནི་ཐུགས་ལ་#བརྡེག་པར་བྱའོ། །རྡོ་རྗེ་ལྕགས་ཀྱུ་ཞེས་བྱ་བ་ལ་སོགས་པས་དོན་འདི་ཉིད་རྒྱས་པར་
[28a]
[28a.1]བསྟན་ཏོ། །འདི་ནི་ཞེས་པ་ལ་སོགས་པས་ཕན་ཡོན་བསྟན་ཏོ། །དེ་རྣམས་ཀྱི་བྱང་ཆུབ་ཀྱི་སེམས་རབ་ཏུ་བསྒྲུབ་པ་ནི་ཞེས་པ་ལ་བྱང་ཆུབ་ངེས་པར་བྱེད་པའི་བདག་ཉིད་ཀྱི་སེམས་སོ། །འགུགས་པའོ་ཞེས་པ་ནི་དྲངས་པའོ། །བཤད་མ་ཐག་པ་ཞེས་པ་ལ
[28a.2]སོགས་པས་རྣམ་པར་སྣང་མཛད་ལ་སོགས་པའི་རྣལ་འབྱོར་པ་རྣམས་ཀྱིས་ཀྱང་སྙིང་པོ་བསྐུལ་བར་བྱའོ་ཞེས་བསྟན་ཏོ། །འདི་ནི་ཞེས་བྱ་བ་ལ་སོགས་པས་སྙིང་པོ་#བསྐུལ་བའི་ཏིང་ངེ་འཛིན་གྱིས་#སྒྱུ་མ་ལྟ་བུ་ཉིད་བསྟན་ཏོ། །དེ་ནི་རོལ་མོ་ལྟར་བྱུང་བས་#ན་ཞེས་པ་ནི་དཔེར་མདོར་བསྟན་
[28a.3]པའོ། །ཇི་ལྟར་ཞེས་བྱ་བ་ལ་སོགས་པས་རྒྱས་པར་བསྟན་པའི་དོན་སྔར་གྱི་ལོ་རྒྱུས་བསྟན་པའི་བདག་ཉིད་ཀྱི་རོལ་མོ་ལ་གར་མཁན་གཅིག་པུས་ཀྱང་ལྷའི་དབང་པོ་བརྒྱ་བྱིན་ལ་སོགས་པའི་ཆ་ལུགས་བྱས་ནས་ལྟད་མོ་བ་རྣམས་ལ་དགའ་བར་བྱེད་པ་དེ་བཞིན་དུ། མི་བསྐྱོད་པའི་རྣལ་
[28a.4]འབྱོར་པ་གཅིག་པུས་བསྒྲུབ་བྱ་ལ་སོགས་པའི་ཚུལ་གྱིས་སྙིང་པོ་སྐུལ་#བར་བྱེད་དེ་དེ་ལ་མི་བསྐྱོད་པ་ལ་སོགས་པའི་ལྷའི་ཚོགས་ནི་བསྒྲུབ་བྱའོ། །སྒྲུབ་པ་#པོ་ནི་རྣལ་འབྱོར་པའོ། །རྡོ་རྗེ་ལྕགས་ཀྱུ་ལ་#སོགས་པའི་སྦྱོར་བས་དེ་དགུག་#པ་ནི་སྦྱོར་བའོ། །དོན་དམ་པར་རྣམ་པར་དཔྱད་#ན་
[28a.5]གསུམ་པོ་ཡང་མི་དམིགས་སོ། །འོན་ཀྱང་དངོས་གྲུབ་དོན་དུ་གཉེར་བའི་སྒྲུབ་པ་པོ་རྣམས་ཀྱིས་བསྒྲུབ་པར་བྱའོ་ཞེས་བསྟན་ཏོ། །དུས་ཀྱི་ཚད་ཅེས་པ་ནི་ཞག་གཅིག་ལ་སོགས་པའི་དབྱེ་བའོ། །རྡོ་རྗེ་ནི་དེ་བཞིན་གཤེགས་པ་རྣམས་ཏེ་ཞེས་པ་ནི་ཐུགས་རྡོ་རྗེ་འཆང་ལ་སོགས་པའོ། །
[28a.6]ཆོ་ག་གང་གིས་#ཁྲིད་ཅིང་དྲངས་པ་ཞེས་པ་ནི་རང་གི་སྙིང་ག་ནས་སྤྲོས་པའི་གཟུགས་རྡོ་རྗེ་མ་ལ་སོགས་པ་དེ་བཞིན་གཤེགས་པ་རྣམས་མགུ་བར་བྱེད་པའི་ཚིག་སྙན་པ་དང་སྒེག་པ་ལ་སོགས་པས་དགའ་བར་བྱེད་པ་གང་ཡིན་པ་དེ་རྣམས་སོ། །དེ་ལ་མཆོག་ཏུ་གྱུར་ཅིང་ཕུལ་དུ་
[28a.7]བྱུང་བས་ན་ཞེས་པ་ནི་དེ་བཞིན་གཤེགས་པ་རྣམས་མགུ་བར་བྱེད་པ་སྦྱིན་པ་ལ་སོགས་པ་སྟེ་སྐད་ཅིག་གིས་བསྒྲུབ་བྱ་ཡིན་པས་སོ། །དེའི་ཆོ་ག་རྗེས་སུ་བསྒྲུབ་པར་བྱའོ་ཞེས་པ་ནི་བཟང་བའི་ཐབས་ཀྱིས་དེ་བཞིན་གཤེགས་པ་རྣམས་མགུ་བར་བྱའོ། །དེས་ནི་#བཟང་བའི་ཐབས་དང་
[28b]
[28b.1]སྦྱིན་པའི་ཐབས་བསྟན་ཏོ། །བརྩམ་#པའི་ཉིན་མོ་ནས་ཞེས་བྱ་བ་ལ་སོགས་པ་ནི་རྩེ་གཅིག་པ་དང་བརྟན་པ་#ངེས་པའི་སེམས་དང་ལྡན་པའི་སྒྲུབ་པ་པོས་ཞག་གང་ནས་བརྩམས་ཏེ་སྙིང་པོ་བསྐུལ་བའི་ཆོ་ག་བསྒོམ་པ་དེ་ནས་ཞག་བདུན་གྱིས་འགྲུབ་པར་འགྱུར་རོ། །གཞུང་དེས་ནི་དབྱེ་བའི་
[28b.2]ཐབས་བསྟན་ཏོ། །ཆོ་གའི་ཕན་ཡོན་གསུངས་པ་ཞེས་པ་ནི་ཐབས་བཞི་དང་ལྡན་པ་དེ་བཞིན་གཤེགས་པའི་སྙིང་པོ་བསྐུལ་བའི་ཕན་ཡོན་གསུངས་པའོ། །བླ་མའི་ལུང་ལས་རྙེད་པ་ཡིན་པས་སོ། །ཞེས་པ་ནི་སྙིང་པོ་བསྐུལ་བ་དེ་ནི་སྦ་བར་བྱ་བ་ཡིན་པས་སོ། །བསྒྲུབ་པར་བྱ་
[28b.3]བའི་ཞེས་བྱ་བ་ལ་སོགས་པས་དེ་བཞིན་གཤེགས་པ་དང་འདྲ་བ་སྒྲུབ་པ་པོའི་སྐུ་ལ་སོགས་པ་འགྲུབ་པར་འགྱུར་རོ་ཞེས་བསྟན་ཏོ། །འདའ་བས་འཇིགས་པའོ་ཞེས་པ་ནི་ཡེ་ཤེས་ཀྱི་དབང་ཐོབ་པས་འཁོར་བའི་འཇིགས་པ་ལས་གྲོལ་བའོ། །དེ་ལྟར་གྱུར་པའི་དེ་བཞིན་
[28b.4]གཤེགས་པ་རྣམས་ཀྱང་ཞེས་པ་ནི་ཐུགས་རྡོ་རྗེ་འཆང་ལ་སོགས་པའོ། །སྐྲག་འགྱུར་ནས་ཞེས་པ་ནི་མདོར་བསྟན་པའོ། །ཐུགས་#རྗེའི་དབང་དུ་གྱུར་པས་ཞེས་པ་ནི་རྒྱས་པར་བཤད་པའོ། །ཡིད་ལ་འདོད་པའི་དངོས་གྲུབ་རབ་ཏུ་སྩོལ་བས་ཞེས་པ་ནི་རང་གི་ངོ་བོ་སྒྲུབ་པས་#རྣལ་
[28b.5]འབྱོར་པ་#རྗེས་སུ་གཟུང་བ་#མཛད་པའོ། །འདི་སྐད་བཤད་པ་ཡིན་ཏེ་ཐབས་རྣམ་པ་བཞིས་སྙིང་པོ་བསྐུལ་ན་#སངས་རྒྱས་རྣམས་ཀྱིས་#ཉིད་དང་འདྲ་བར་#སྒྲུབ་པ་པོ་ལ་མཛད་དོ་ཞེས་པ་ཚིག་གི་དོན་ཏོ། །དེ་ཡང་རྗེས་སུ་རྣལ་འབྱོར་གྱི་#ཡན་ལག་ཡིན་ནོ་ཞེས་བླ་མ་རྣམས་ཀྱིས་གསུངས་
[28b.6]སོ། །ཁ་ཅིག་ན་རེ་ཏིང་ངེ་འཛིན་གསུམ་གྱི་མཐར་ཞེས་ཟེར་ཏེ་དངོས་གྲུབ་མངོན་དུ་མ་གྱུར་ན་ཞག་བདུན་གྱིས་དེ་འགྲུབ་པའི་ཕྱིར་རོ། །དེ་བཞིན་གཤེགས་པ་ཐམས་ཅད་དང་འདྲ་བ་ཉིད་ཐོབ་ན་དེ་བཞིན་གཤེགས་པ་རྣམས་ཀྱིས་དངོས་གྲུབ་ཀྱང་སྩོལ་བར་འགྱུར་རོ་ཞེས་བསྟན་པའི་
[28b.7]ཕྱིར། ཡིད་ལ་མངོན་པར་མགུ་བས་ཞེས་པ་ནི་འདོད་པ་དང་རྗེས་སུ་མཐུན་པའོ། །དངོས་གྲུབ་རྒྱ་ཆེ་ཞིང་ཞེས་པ་ནི་ཁམས་གསུམ་གྱི་བདག་པོའི་ཚུལ་ཅན་ནོ། །འཇིག་རྟེན་པ་ནི་ཞི་བ་ལ་སོགས་པ་དང་སྐུའི་དབང་ཕྱུག་ལ་སོགས་པ་དང་ཕྲ་བ་ལ་སོགས་པ་རྣམས་སོ། །འཇིག་
[29a]
[29a.1]རྟེན་ལས་འདས་པ་ནི་མཁའ་སྤྱོད་པ་ལ་སོགས་པ་དང་རྡོ་རྗེ་འཆང་གི་གོ་འཕང་#ཐོབ་པ་ལ་སོགས་པའོ། །སུ་ཞིག་ཅེས་བྱ་བ་ལ་སོགས་པས་སྒྲུབ་པ་པོས་མངོན་པར་འདོད་པའི་བསྒྲུབ་བྱ་རྣམས་ཀྱིས་དངོས་གྲུབ་སྩོལ་བའི་བྱེད་པ་པོ་ཉིད་བསྟན་ཏོ། །བྱམས་པ་ལ་
[29a.2]སོགས་པའི་ཞེས་པ་ནི་སྒྲུབ་པ་པོའི་དགོངས་པས་ཞེས་ཚིག་གི་ལྷག་མའོ། །བྱང་ཆུབ་ཉིད་ལ་སློབ་པའི་ཞེས་པ་ནི་སློབ་བཞིན་པའོ། །གྲུབ་པའི་སྐྱེས་བུ་རྣམས་སོ་ཞེས་པ་ནི་སྤྱོད་པ་རྣམ་པ་གསུམ་གྱི་སྒོ་ནས་དངོས་གྲུབ་ཐོབ་པའི་རྣལ་འབྱོར་པ་གང་ཡིན་པ་དེ་རྣམས་ཞེས་བྱའོ། །དེ་ལྟར་ཞེས་བྱ་བ་ལ་
[29a.3]སོགས་པས་སྙིང་པོ་སྐུལ་བར་#མི་བྱེད་པའི་རྣལ་འབྱོར་པ་རྣམས་ལ་དོན་མེད་པར་དུས་ཟད་པར་འགྱུར་རོ་ཞེས་བསྟན་ཏོ། །འདི་ནི་དེ་བཞིན་གཤེགས་པའོ་#ཞེས་པ་ནི་ས་ཐོབ་པའི་སངས་རྒྱས་རྣམས་སོ། །བདག་ནི་ཐ་མལ་པའོ་ཞེས་པ་#སོ་སོའི་སྐྱེ་བོའི་ས་ལ་གནས་པའོ། །གང་
[29a.4]ཡོངས་སུ་རྟོག་པ་དེ་ནི་#ཐ་དད་པའི་རྟོག་པའོ། །དེ་ལྟ་#དེ་ལྟ་བུ་ཞེས་བྱ་བ་ལ་སོགས་པས་དེ་བཞིན་གཤེགས་པ་ནི་ཐམས་ཅད་མཁྱེན་པ་ཡིན་ནོ། །བདག་ནི་ཐ་མལ་པ་ཡིན་ནོ་ཞེས་ཐ་དད་པའི་རྟོག་པས་རྣལ་འབྱོར་པས་དངོས་གྲུབ་ཐོབ་པར་མི་འགྱུར་རོ་ཞེས་བསྟན་ཏོ། །སྲོག་གི་ཐ་མ་
[29a.5]ཞེས་པ་ནི་དེའི་ལས་ཙམ་ལ་ཞེན་#པ་དེའི་སྲོག་ཡིན་ནོ་ཞེས་བྱ་བའི་དོན་ཏོ། །དེ་ཉིད་བསྟན་པའི་ཕྱིར་ལས་གང་གིས་#དངོས་གྲུབ་ཏུ་འདོད་པའི་ལས་ཏེ་ཞེས་པ་ནི་དངོས་གྲུབ་ཐོབ་པར་འདོད་པའི་མཚན་ཉིད་ཅན་གྱི་ལས་ཀྱིས་སོ། །སྲོག་ཟད་པར་འགྱུར་གྱི་ཞེས་པ་ནི་དངོས་གྲུབ་མ་ཐོབ་པར་ཤི་བར་
[29a.6]འགྱུར་རོ། །དེ་ཉིད་བསྟན་པའི་ཕྱིར། སྙིང་པོ་ཡང་དག་པར་བསྐུལ་བ་དང་བྲལ་བའི་ཕྱིར་རོ་ཞེས་བྱ་བར་དགོངས་སོ་ཞེས་བསྟན་ཏོ། །སྒྲ་ཇི་བཞིན་པའོ་ཞེས་པ་ནི་སོགས་པའི་སྒྲས་སོ། །དེ་ལྟར་ཞེས་བྱ་བ་ལ་སོགས་པས་བསྐྱེད་པའི་རིམ་པའི་རྣལ་འབྱོར་པ་རྣམས་ཀྱི་སྙིང་པོ་
[29a.7]བསྐུལ་བ་བསྟན་ནས། རྫོགས་པའི་རིམ་པའི་རྣལ་འབྱོར་པ་རྣམས་ལ་ཡང་བཤད་པར་བྱ་སྟེ་ཞེས་#བསྟན་ཏོ། །སྔགས་ཀྱི་གསང་བ་ལ་ཞེས་པ་ནི་ཟུང་དུ་འཇུག་པའི་བདག་ཉིད་ཀྱི་ཏིང་ངེ་འཛིན་ཏོ། །ཞུགས་པའི་སྐྱེས་བུ་ཞེས་པ་ནི་སྔགས་ཀྱི་སྐྱེས་བུ་སྟེ་རྫོགས་པའི་རིམ་པ་#བསྒོམ་
[29b]
[29b.1]པའི་སྒྲུབ་པ་པོ་ཞེས་བྱ་བའི་དོན་ཏོ། །དེས་#ཡོངས་སུ་གང་བས་ན་ཞེས་པ་#ནི་དེ་བཞིན་གཤེགས་པ་ཐམས་ཅད་ཀྱིས་#རྡུལ་ཕྲ་རབ་ཀྱི་#མཛད་པའི་སྐུ་དང་ལྡན་པའོ། །དངོས་པོ་ཐམས་ཅད་ནི་བཤད་མ་ཐག་དང་འོག་ནས་བཤད་པ་སྟེ་ཞེས་པ་ནི་སྔར་བཤད་ཟིན་པ་དང་ལེའུ་བཅུ་གསུམ་པ་ལ་
[29b.2]སོགས་པས་འཆད་པར་འགྱུར་བའོ། །སྒྲུབ་པ་དང་བསྒྲུབ་པར་བྱ་བ་ལ་སོགས་པའི་རབ་ཏུ་སྦྱོར་#བའོ་ཞེས་པ་ནི་སོགས་པའི་སྒྲས་སྒྲུབ་པ་པོའི་ཡང་སྦྱོར་བའོ། །བསྐྱེད་པ་#ནི་མངོན་དུ་བྱ་བའོ། །བདེན་པ་གཉིས་ནི་ཀུན་རྫོབ་ཀྱི་#དང་དོན་དམ་#ལ་སོགས་པའོ། །གཅིག་ཏུ་བསྡུས་པ་དེ་
[29b.3]ཞེས་པ་ནི་བདེན་པ་གཉིས་ལ་སོགས་པ་དབྱེར་མེད་པའི་མཚན་ཉིད་ཀྱི་ཏིང་ངེ་འཛིན་ཏོ། །ངེས་གཟུང་#ཞེས་པ་ནི་ངེས་པར་གཟུང་བ་དང་བཅས་པའི་ཚིག་ཡིན་ཏེ་དེ་ཉིད་ཀྱིས་འགྱུར་རོ་ཞེས་བྱ་བའི་དོན་ཏོ། །དེ་བས་ན་འཇིག་རྟེན་པ་དང་འཇིག་རྟེན་ལས་འདས་པའི་དངོས་གྲུབ་ནི་སྔར་
[29b.4]བཤད་པའི་མཚན་ཉིད་ཅན་གང་ཡིན་པ་དེ་ནི་དབང་པོ་གཉིས་ཀྱི་སྦྱོར་བ་དང་བྲལ་བས་ཞེས་པ་ནི་ཟུང་དུ་འཇུག་པའི་ཏིང་ངེ་འཛིན་མེད་པས་འགྲུབ་པར་མི་འགྱུར་རོ་ཞེས་བསྟན་ཏོ། །སྒྲུབ་པ་རྫོགས་པར་བྱེད་པ་ཞེས་པ་ནི་བདེན་པ་གཉིས་དབྱེར་མེད་པའི་ཕྱག་རྒྱ་ཆེན་པོའི་
[29b.5]གཟུགས་སོ། །དེ་བཞིན་གཤེགས་པ་ཐམས་ཅད་དང་འབྲེལ་བའི་ཞེས་པ་ནི་མི་བསྐྱོད་པ་ལ་སོགས་པ་དང་རོ་གཅིག་པར་#གྱུར་པ་སྟེ་ཟུང་དུ་འཇུག་པའི་ཏིང་ངེ་འཛིན་ནི་དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཡིན་པས་སོ། །འདའ་བར་མི་བྱ་བ་གང་ཡིན་པ་ཞེས་པ་ནི་
[29b.6]རྣལ་འབྱོར་པ་རྣམས་སོ། །དེ་རྣམས་ཀྱི་བསྒོམ་པའི་ཐབས་སོ་ཞེས་པ་ནི་ཕྱག་རྒྱ་ཆེན་པོའི་ཐབས་འདི་ཉིད་ཡིན་ནོ་ཞེས་བྱ་བའོ། །སྦྱོར་བའི་ཐབས་ཞེས་བྱ་བ་ལ་སོགས་པས་མངོན་པར་བྱང་ཆུབ་པའི་རིམ་པ་བསྒོམ་པ་སྔོན་དུ་འགྲོ་བ་ཟུང་དུ་འཇུག་པའི་ཏིང་ངེ་འཛིན་བསྟན་ཏོ། །
[29b.7]ཤེས་རབ་ཀྱི་ཕ་རོལ་ཏུ་ཕྱིན་པའོ་ཞེས་པ་ནི་ཕྱག་རྒྱ་དང་ཏིང་ངེ་འཛིན་གྱི་རིམ་པའི་སྒོམ་#པ་ཐོབ་པར་བྱ་བའི་འོད་གསལ་བའོ། །དེར་ནི་རྒྱུར་འགྱུར་བས་སོ། །ཕུང་པོ་ལ་སོགས་པ་རྣམས་མི་སྣང་བར་བྱས་ནས་ཞེས་པ་ནི་ཐ་མལ་པ་རྣམས་སྟོང་པར་བྱས་ནས་སོ། །ཀུན་རྫོབ་དང་ཞེས་
[30a]
[30a.1]བྱ་བ་ལ་སོགས་པས་ཆད་པའི་ཕྱོགས་སྤང་བར་བྱ་བའི་ཕྱིར་ཀུན་རྫོབ་དང་དོན་དམ་པའི་སྦྱོར་བའི་ཏིང་ངེ་འཛིན་བསྒོམ་པར་བྱའོ་ཞེས་བསྟན་ཏོ། །དེ་ནས་ཞེས་བྱ་བ་ལ་སོགས་པས་ཟུང་དུ་འཇུག་པའི་ཏིང་ངེ་འཛིན་གྱི་ཕྲིན་#ལས་བཤད་པར་བྱ་སྟེ། དོན་དམ་
[30a.2]པའི་བདེན་པ་ལ་ཞུགས་པའི་འོག་ཏུ་ཞེས་པ་ནི་ཕྱག་རྒྱ་དང་ཏིང་ངེ་འཛིན་གྱི་རིམ་པས་ཐོབ་པར་བྱ་བ་མན་ངག་བཞི་པ་ལ་ཞུགས་པའི་འོག་ཏུའོ། །བདེན་པ་གཉིས་ཀྱི་བདག་ཉིད་ཅན་གྱི་ཞེས་པ་ནི་ཀུན་རྫོབ་དང་དོན་དམ་#ལ་སོགས་པ་དབྱེར་མེད་པའི་རང་བཞིན་ནོ། །རང་གི་ཕྱག་རྒྱ་
[30a.3]ཆེན་པོ་ཞེས་པ་ནི་རྡོ་རྗེ་འཆང་ཆེན་པོའི་སྐུའི་མཚན་ཉིད་དོ། །བསྐྱེད་པ་ནི་ཅིག་ཅར་དུ་སྤྲོས་ནས་སོ། །དེ་ཁམས་གསུམ་དུ་ཞེས་པ་ནི། ཁམས་གསུམ་གྱི་ནང་ན་གནས་པའི་#སེམས་ཅན་གྱི་ཁམས་ལ་སྙིང་རྗེའི་དབང་དུ་གྱུར་པས་ཆགས་པ་དང་དེ་རྣམས་གདོན་#པའི་ཕྱིར་ཆོས་སྟོན་པའི་
[30a.4]དམ་བཅའ་བ་ལ་ཞེན་#པ་དེ་བཞིན་དུ་དེ་ལ་གནས་པའི་སེམས་ཅན་གྱི་ཚོགས་#འཁོར་བའི་འཇིགས་པ་ལས་དགྲོལ་བའི་ཕྱིར་དང་རྡོ་རྗེ་འཆང་ཆེན་པོའི་སྐུ་བསྐྱེད་པའི་ཕྱིར་སྲིད་པའི་སྡུག་བསྔལ་དང་#ཡིད་ཀྱི་སྡུག་བསྔལ་གྱིས་ཉེ་བར་འཇོམས་པ་བདག་ཅག་དང་འདྲ་བ་འདི་ཕ་ཡིན་ནོ་ཞེས་ཆགས་པ་དང་
[30a.5]བཅས་པར་དགོངས་པ་དང་བཅས་པ་ཡིད་ཆེས་པ་དང་གུས་པ་དང་བཅས་པར་བལྟ་བར་བྱ་བ་དང་། དད་པའི་བློས་ཡོངས་སུ་བསྙེན་བཀུར་དུ་བྱ་བ་ཤེས་པར་བྱ་བ་ནི་རྟོགས་པར་བྱའོ་ཞེས་བསྟན་ཏོ། །འདི་ཞེས་བྱ་བ་ལ་སོགས་པས་ཕྱག་རྒྱ་ཆེན་པོའི་གཟུགས་དེ་ཉིད་ཉེ་བར་བསྡུས་པ་#བསྟན་ཏོ། །དེ་
[30a.6]ལྟར་ཞེས་བྱ་བ་ལ་སོགས་པས་རྒྱུ་དང་འབྲས་བུ་དང་བཅས་པའི་སྙིང་པོས་བསྐུལ་བ་མངོན་པར་བརྗོད་ནས་རྣལ་འབྱོར་པའི་འཇུག་པའི་ཁྱད་པར་བསྟན་པར་བྱ་སྟེ། རྣམ་པར་སྣང་མཛད་ལ་སོགས་པར་ཡོངས་སུ་བརྟགས་པའི་ཞེས་པ་ནི་གཟུགས་ལ་སོགས་པ་ཡེ་ཤེས་ལྔའི་ངོ་བོ་ཡིན་པས་དེ་
[30a.7]བཞིན་གཤེགས་པ་ལྔའི་ངོ་བོ་ཡིན་ནོ། །དེ་རྣམས་ཀྱི་ངོ་བོ་ཉིད་དེ་ཞེས་པ་ནི་ཕུང་པོ་ལ་སོགས་པའི་རང་བཞིན་ནོ། །དོན་དམ་པའི་བདེན་པ་ཞེས་པ་ནི་འོད་གསལ་བའོ། །དེ་ལས་སྐྱེས་པས་ན་#ཞེས་པ་ནི་འོད་གསལ་བ་ལས་ཅིག་ཅར་དུ་འབྱུང་བའོ། །དེ་ཉིད་རྡོ་རྗེ་འཆང་ཆེན་པོ་སྟེ་
[30b]
[30b.1]དཔལ་རྡོ་རྗེ་སེམས་དཔའོ། །སངས་རྒྱས་ཐམས་ཅད་ཀྱི་#དབང་བསྐུར་དུ་གྱུར་པ་ཞེས་པ་ནི་དེ་བཞིན་གཤེགས་པ་ཐམས་ཅད་ཀྱི་ཅོད་པན་དུ་གྱུར་པའོ། །དེ་ཉིད་ཀྱིས་ན་ཞེས་བྱ་བ་ལ་སོགས་པས་གཏན་ཚིགས་བསྟན་ཏོ། །དེ་བཞིན་གཤེགས་པ་ཐམས་ཅད་ཀྱི་དབང་བསྐུར་དུ་གྱུར་པ་དེ་ནི་
[30b.2]སངས་རྒྱས་ཐམས་ཅད་ཀྱི་མཆོག་ཅེས་བྱའོ། །བཀའ་སྩལ་པའོ་ཞེས་པ་ནི་བཅོམ་ལྡན་འདས་ཀྱིས་བཀའ་སྩལ་བའོ། །མཐའ་ཡས་ཤིང་མུ་མེད་པ་ཞེས་པ་ནི་མ་ལུས་པའི་འཇིག་རྟེན་གྱི་ཁམས་ལའོ། །ཐ་མ་ཞེས་བྱ་བ་ལ་སོགས་པ་གཟུགས་རྡོ་རྗེ་མ་ལ་སོགས་པ་ལྷ་མོ་ཇི་སྲིད་
[30b.3]ཡོད་པ་དེ་རྣམས་སྔགས་ཀྱི་སྐུ་དང་ཡེ་ཤེས་ཀྱི་སྐུའི་ཕྱོགས་ལ་དམིགས་ནས་སྤྲོ་བར་བྱའོ། །སྔགས་ཀྱི་སྐུ་ནི་བསྐྱེད་པའི་རིམ་པའི་དཀྱིལ་འཁོར་རྒྱལ་བ་མཆོག་གི་ཏིང་ངེ་འཛིན་གྱིས་དཀྱིལ་འཁོར་པ་རྣམས་སྤྲོ་བ་དང་། ཡེ་ཤེས་ཀྱི་སྐུས་སྐད་ཅིག་མ་གཅིག་གིས་སྤྲོ་བར་བྱའོ་ཞེས་
[30b.4]ཁྱད་པར་རོ་ཞེས་བསྟན་ཏོ། །དེ་ཉིད་བཤད་པར་བྱ་བའི་ཕྱིར། བྱ་བ་གྲངས་མེད་ཅེས་བྱ་བ་ལ་སོགས་པ་བསྟན་ཏོ། །གྲངས་མེད་པ་ནི་སེམས་ཅན་གྱི་ཁམས་མཐའ་ཡས་པ་ཡིན་པས་དེ་རྣམས་སྦྱང་བའི་དོན་དུ་སྤྲུལ་པའི་སྐུ་ཡང་མཐའ་ཡས་པ་བསྟན་ཏོ། །གང་གི་ཕྱིར་སྤྲུལ་པ་
[30b.5]གཅིག་གིས་ཅིག་ཅར་དུ་ཐམས་ཅད་གདོན་པར་མི་ནུས་ཏེ་གདུལ་བྱ་རྣམས་ཀྱི་བསམ་པ་སྣ་ཚོགས་པས་སོ། །རྡོ་རྗེ་ཅན་གྱིས་སྤྲོ་བ་ཞེས་པ་ནི་རྡོ་རྗེ་འཆང་གི་རང་བཞིན་གྱི་རྣལ་འབྱོར་པས་སྤྲོ་བར་བྱའོ། །བྱང་ཆུབ་དམ་ཚིག་སྟེ་ཞེས་པ་ནི་བྱང་ཆུབ་ཐོབ་པའི་དོན་དུ་ལྡང་བར་#མི་བྱ་བ་
[30b.6]རྡོ་རྗེ་འཆང་ཆེན་པོ་ཞེས་བྱ་བའི་དོན་ཏོ། །འདིས་ཞེས་བྱ་བ་ལ་སོགས་པས་ཕན་ཡོན་བསྟན་ཏོ། །རང་གི་ངོ་བོ་ཉིད་ཐམས་ཅད་ལ་རྟོགས་པར་མཛད་པས་ན་ཞེས་པ་ནི་ཁམས་གསུམ་ན་གནས་པའི་སེམས་ཅན་ཐམས་ཅད་དང་#ངོ་བོ་ཉིད་ཉམས་སུ་མྱོང་བའི་མཚན་ཉིད་ཐོབ་པར་
[30b.7]བྱེད་པའོ། །བྱང་ཆུབ་ནི་རྡོ་རྗེ་འཆང་ཆེན་པོའི་གོ་འཕང་ངོ་། །སྐུ་རྡོ་རྗེ་ལ་སོགས་པའི་ངོ་བོ་ཉིད་ནི་ཞེས་པ་ནི་རྣམ་པར་སྣང་མཛད་ལ་སོགས་པ་བྱང་ཆུབ་ཀྱི་མཚན་ཉིད་དོ། །རེག་པར་#བྱར་མེད་པས་ཞེས་པ་ནི་ནམ་མཁའ་དང་འདྲ་བ་ཉིད་ཐོབ་པར་འགྱུར་ཏེ། འདུས་མ་བྱས་པའི་ཕྱིར་
[31a]
[31a.1]རོ། །རྫོགས་པའི་རིམ་པའི་རྣལ་འབྱོར་པས་ཞེས་ཚིག་ལྟག་#མའོ། །རྫོགས་པའི་རྣལ་འབྱོར་པའི་ཕན་ཡོན་བསྟན་ནས། སློབ་བཞིན་པའི་ཡང་བསྟན་པར་བྱ་བའི་ཕྱིར། སློབ་པ་ལ་གནས་པ་ཞེས་བྱ་བ་ལ་སོགས་པ་སྨོས་པ་སྟེ་#སློབ་པ་ལ་གནས་པ་ནི་དེ་
[31a.2]བཞིན་གཤེགས་པའི་སྙིང་པོ་བསྐུལ་བ་ལ་སློབ་བཞིན་པའོ། །ཉེ་བར་བརྟགས་པས་ན་ཞེས་པ་ནི་གཞི་དང་གཞི་ཅན་དབྱེར་མེད་པས་སོ། །ཡོན་ཏན་ཉིད་རྒྱལ་བ་སྟེ་ཞེས་པ་ནི་སྟོབས་བཅུ་དང་མི་འཇིགས་པ་ལ་སོགས་པའོ། །ཇི་ལྟར་རྒྱ་མཚོ་རིན་པོ་ཆེ་ཀུན་གྱི་གནས་སུ་གྱུར་
[31a.3]པ་བཞིན་ཞེས་པ་ནི་སློབ་བཞིན་པ་དེ་ཡང་རིན་པོ་ཆེ་ལྟར་ཡོན་ཏན་དེ་རྣམས་ཀྱི་གཞིར་གྱུར་པའོ། །བདེ་བ་དམ་པ་དང་ཞེས་པ་ནི་ཕྱི་རོལ་གྱི་ལོངས་སྤྱོད་ཀྱི་ཚོགས་ལས་འབྱུང་བ་ལུས་བདེ་བའི་བདག་ཉིད་དོ། །ནད་མེད་པ་ནི་སྐྱེ་འཆི་མེད་པའོ། །སོགས་པའི་སྒྲས་རྒ་བ་#དང་གཉེར་མ་
[31a.4]ལ་སོགས་པ་མེད་པ་ཐོབ་པར་འགྱུར་རོ། །ཚེ་རིང་བ་ནི་བསྐལ་པ་སྟོང་གི་བར་དུ་གསོན་#ཅིང་གནས་པ་སྟེ་དེ་གང་ལ་ཡོད་པ་དེ་ལ་དེ་སྐད་ཅེས་བྱའོ། །དགོངས་པས་བཤད་པའོ་ཞེས་པ་ནི་འགལ་བའི་སྒྲའི་སྦྱོར་བས་དེ་ཁོ་ན་ཉིད་སོ་སོར་བསྟན་པས་སོ། །འཇིག་རྟེན་པའི་དངོས་གྲུབ་
[31a.5]ནི་ཞེས་པ་ནི་#ཞི་བ་ལ་སོགས་པའོ། །འཇིག་རྟེན་ལས་འདས་པའི་དངོས་གྲུབ་ནི་དཔལ་རྡོ་རྗེ་སེམས་དཔའི་གོ་འཕང་ཐོབ་པ་ལ་སོགས་པའོ། །དེ་འགྲུབ་པའི་ཕྱིར་ཞེས་པ་ནི་དེ་ཐོབ་པའི་ཕྱིར་རོ། །དེ་བཞིན་གཤེགས་པ་ཐམས་ཅད་ཀྱི་སྙིང་པོ་བསྐུལ་བ་ཞེས་པ་ནི་མི་བསྐྱོད་པ་
[31a.6]ལ་སོགས་པའི་#ཐུགས་ཀྱི་ནུས་པ་དགུག་པས་སོ། །སོ་སོར་སྟོན་པར་བྱེད་པའི་ཚིག་གི་ཚོགས་ནི་ལེའུ་ཞེས་བྱའོ། །ལེའུ་དང་པོ་ལས་གཏན་#ལ་ཕབ་པའོ། །#སྒྲོན་མ་གསལ་བར་བྱེད་པའི་འགྲེལ་པའི་ཊཱི་ཀཱ་#ལས་ལེའུ་བཅུ་པའི་རྒྱ་ཆེར་བཤད་པའོ།། །།དེ་ལྟར་ཞེས་
[31a.7]བྱ་བ་ལ་སོགས་པས་ལེའུ་བཅུ་གཅིག་པ་བརྩམ་པར་བྱ་སྟེ། རྣལ་འབྱོར་པ་#རྣམ་པ་གཉིས་ཞེས་པ་ནི་བསྐྱེད་པ་དང་རྫོགས་པའི་རྣལ་འབྱོར་རྣམ་པ་གཉིས་སོ། །རྣམ་པ་གཉིས་ནི་བརྟག་#པ་དང་རྫོགས་པའི་སྒོམ་པའི་དབྱེ་བས་སོ། །བརྟག་#པ་དང་རྫོགས་པའི་#རྣལ་འབྱོར་པ་
[31b]
[31b.1]རྣམས་ཀྱིས་ཞེས་པ་ནི་རིམ་པ་གཉིས་ཀྱི་རྣལ་འབྱོར་པ་རྣམས་ཀྱིའོ། །ལྷའི་སྐུ་རྣམ་པ་གཉིས་པོ་ཞེས་པ་ནི་ཡོངས་སུ་དག་པ་དང་མ་དག་པའི་ལྷའི་སྐུ་དག་གོ། །ལེའུ་དང་པོ་ལས་གསུངས་པ་ཞེས་པ་ནི་མདོར་བསྟན་པ་ཉིད་དུ་གསུངས་སོ#། །གསལ་བར་བྱ་བའི་ཕྱིར་ཞེས་པ་ནི་རྒྱས་པར་བཤད་
[31b.2]པའི་ཕྱིར་རོ། །ལེའུ་བཅུ་གཅིག་པ་གསུངས་ཏེ་ཞེས་པ་ནི་སྡུད་པ་པོས་ཞེས་ཚིག་ལྷག་མའོ། འདིར་#དགོངས་པ་ནི་ལེའུ་དང་པོ་ནས་ལྷའི་སྐུ་རྣམ་པ་གཉིས་ཀྱི་སྒོམ་པའི་ཁྱད་པར་གསུངས་པ་གང་ཡིན་པ་དེ་ནི་འདིར་རྒྱས་པར་བཤད་པར་བྱ་སྟེ། དེ་བས་ན་ལེའུ་དང་པོའི་ཡན་ལག་ཏུ་གྱུར་པ་ཡང་
[31b.3]ལེའུ་བཅུ་པའི་ཡང་ཡན་ལག་ཏུ་འགྱུར་བ་ཡིན་ཏེ། གང་གི་ཕྱིར་ལྷ་རྣམས་ཀྱི་སྙིང་པོ་བསྐུལ་བའི་སྒོ་ནས་དེ་བཞིན་གཤེགས་པའི་སྐུ་ཐོབ་པ་གང་ཡིན་པ་#དེ་ནི་རྣམ་པ་གཉིས་ཏེ། སྔགས་ཀྱི་སྐུ་དང་ཡེ་ཤེས་ཀྱི་སྐུ་སྟེ་དེ་བསྟན་པར་བྱ་བའི་ཕྱིར་ལེའུ་འདི་ཡིན་ཞེས་བྱ་བས་སོ། །དེ་བས་ན་འགྲེལ་
[31b.4]པ་མཁན་གྱིས་ཀྱང་ལེའུ་བཅུ་གཅིག་པ་ནས་བཤད་པའི་ཕྱག་རྒྱ་ཆེན་པོ་ནི་རྣམ་པ་གཉིས་ཏེ། སྔགས་ཀྱི་སྐུ་དང་། ཡེ་ཤེས་ཀྱི་སྐུའོ། །དེ་ལ་བརྟག་#པའི་རྣལ་འབྱོར་པ་རྣམས་ལ་སྔགས་ཀྱི་སྐུ་བསྐྱེད་པའི་ཕྱིར་བསྒོམ་པའི་ཐབས་བཤད་པར་བྱ་སྟེ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་
[31b.5]ནི་ཞེས་པ་ལ་རྣམ་པར་#སྣང་མཛད་ལ་སོགས་པ་བསྐྱེད་པའི་#རྒྱུར་གྱུར་པའོ། །ཨོཾ་ལ་སོགས་པའི་ཡི་གེ་གསུམ་མོ་ཞེས་བྱ་བ་ནི་#ཨོཾ་ཨཱཿཧཱུཾ་མཚན་ཉིད་ཅན་གྱི་ཡི་གེ་གསུམ་མོ། །དེས་བསྐྱེད་པར་གྱུར་པའི་ཞེས་པ་ནི་ཡོངས་སུ་གྱུར་པ་ལས་ཕྱག་མཚན་གྱི་ཕྱག་རྒྱ་ལས་འབྱུང་བའོ། །རྣམ་པ་
[31b.6]ཐམས་ཅད་མཆོག་དང་ལྡན་པས་སྐྱེས་བུ་ཡང་ཡིན་ལ་སེམས་པ་#གསུམ་གྱི་བདག་ཉིད་ཡིན་པས་མཆོག་ཡིན་ཏེ། སྐྱེས་བུ་མཆོག་གོ། །ལྷ་རྣམས་ཏེ་ནི་རྡོ་རྗེ་འཆང་ལ་སོགས་པ་དེ་བཞིན་གཤེགས་པ་དྲུག་གི་རྫོགས་པ་ནི་སྔགས་ཀྱི་སྐུའོ། །དེ་ལ་ཐུགས་རྩེ་གཅིག་ཏུ་བཞག་ནས་ཞེས་
[31b.7]པ་ནི་དེ་ལྟར་གྱུར་པའི་ཏིང་ངེ་འཛིན་ལ་དམིགས་ནས་སོ། །འདི་#གསུངས་ཏེ་ནི་བཀའ་སྩལ་ཏོ། །སྔགས་ནི་སྦས་ནས་སྨྲ་བ་དང་ཡིད་སྐྱོབ་པས་སྔགས་ཀྱང་ཡིན་ལ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་དང་གསང་བ་ཡིན་པས་རྡོ་རྗེའི་རིགས་པ་ཡིན་ཏེ། དེ་བཞིན་གཤེགས་པ་ཐམས་
[32a]
[32a.1]ཅད་ཀྱི་སྔགས་ཀྱི་རྡོ་རྗེའི་རིགས་#པའི་སྒྲས་ཡི་གེ་གསུམ་བསྟན་ཏོ། །དེ་རྣམས་ཀྱིས་ཞེས་པ་ལ་སོགས་པ་ནི་ཡི་གེ་གསུམ་གྱིས་བསྐྱེད་པ་དང་པོ་སྦྱོར་བ་ལ་སོགས་པའི་རིམ་པས་བྱུང་བ་སྐྱེས་བུའི་#ལྷ་སྟེ། དེ་བཞིན་གཤེགས་པའི་སྐུ་གང་དུ་ཡོད་པ་དེ་ནི་དེ་
[32a.2]ལྟར་གྱུར་པའི་ལེའུ་བསྟན་ཏོ། །དེ་ནི་ཉེ་བར་མཚོན་པ་ཙམ་ཡིན་ཏེ། བདག་ལུས་བྱིན་གྱིས་བརླབ་པའི་རིམ་པས་ཀྱང་ཡེ་ཤེས་ཀྱི་སྐུ་བསྒྲུབ་པ་བསྟན་པའོ། །སྡུད་པ་པོ་#ཞེས་བྱ་བ་ལ་སོགས་པས་དེ་ཉིད་བསྟན་པར་བྱ་བའི་ཕྱིར་བཤད་པར་བྱ་སྟེ། སྐུ་དང་གསུང་དང་ཐུགས་རྡོ་རྗེའོ་
[32a.3]ཞེས་པ་ནི་རྣམ་པར་སྣང་མཛད་ལ་སོགས་པ་རྫོགས་པར་བྱེད་པའི་ཡི་གེ་རྣམས་ལ་ཡང་དེ་སྐད་ཅེས་བྱ་སྟེ། སྔགས་ཀྱི་དབྱེ་བ་བདུན་ཁྲི་ཉིས་སྟོང་གི་རྒྱུར་གྱུར་པ་དང་དེ་ཉིད་ལ་སྔགས་ཐམས་ཅད་བསྐྱེད་པའི་ཕྱིར་རོ། །ཇི་སྲིད་དུ་#ཡ་ར་ལ་#ཝའི་བར་ཞེས་འབྱུང་བས་སོ། །དེས་
[32a.4]ཕྱག་རྒྱ་ཆེན་པོ་རྣམ་པར་བསྒོམ་པར་བྱའོ་ཞེས་པ་ནི་ཡི་གེ་གསུམ་གྱིས་བསྐྱེད་པའོ། །ས་འོག་ས་སྟེང་#ས་བླ་ནི་ཁམས་གསུམ་མོ། །དེས་མཆོད་པར་བྱའོ་ཞེས་པ་ནི་བཀུར་སྟི་བྱ་བ་ཡིན་པའི་ཕྱིར་རོ། །ཆེ་བའི་དགའ་ཞིང་མགུ་བ་ཞེས་བྱ་བ་ནི་#གདུལ་བྱ་རྣམས་ལ་ཆོག་མི་
[32a.5]ཤེས་པའི་གཟུགས་ཀྱིས་སོ། །སོན་པར་གྱུར་པས་ན་ཞེས་པ་ནི་སྟེར་བར་མཛད་པས་སོ། །ཡེ་ཤེས་ལྔའི་རང་བཞིན་གྱི་རྡོ་རྗེ་ལྷའི་སྐུ་སྒྲུབ་པ་ལ་བརྩོན་པས་ན། #ཡེ་ཤེས་རྡོ་རྗེ་སྒྲུབ་པ་པོ། །ཞེས་བྱའོ། །མངོན་པར་བྱང་ཆུབ་པ་རྣམ་པ་ལྔ་ནི་ཟླ་བ་དང་ཉི་མ་དང་ཡིག་འབྲུ་དང་ཕྱག་མཚན་དང་
[32a.6]སྤྲོ་བ་དང་བསྡུ་བས་སྐུ་རྫོགས་པའོ། །ཇི་སྐད་དུ། ལེའུ་དང་པོ་ནས་དེ་བཞིན་ཉིད་དང་མཚན་མ་དང་ཡིག་འབྲུ་དང་སྐུའི་རིམ་པ་ཞེས་བྱའོ། །དེས་བྱ་བའོ་#ཞེས་པ་ནི་ཡི་གེ་གསུམ་མོ། །བྱ་བ་ནི་ལས་ཞེས་བྱའོ། །དེ་ཉིད་ཨོཾ་ཞེས་བྱ་བ་ལ་སོགས་པས་#བསྟན་ཏོ། །གང་གི་ཕྱིར་ཡི་གེ་
[32a.7]ཨོཾ་གྱིས་མི་ཕྱེད་པའི་སྐུ་བསྐྱེད་པ་དེའི་ཕྱིར་དེས་ནི་སྐུ་རྡོ་རྗེ་བསྐྱེད་པའོ། །བྱང་ཆུབ་ནི་དེ་ཁོ་ན་ཉིད་དོ་ཞེས་པ་ནི་སོ་སོར་རྟོག་པའི་ཡེ་ཤེས་སོ། །དེ་ལས་སྤྲུལ་པ་ནི་སོ་སོར་རྟོག་#པའི་ཡེ་ཤེས་ཀྱི་བདག་ཉིད་ཅེས་བྱ་བའོ། །དེའི་ངོ་བོ་ཉིད་ནི་བདག་མེད་པ་སྟེ་ཞེས་པ་ནི་དེ་བསྐྱེད་པའི་རྒྱུར་གྱུར་
[32b]
[32b.1]པའོ། །དེ་ཉིད་བསྟན་པའི་ཕྱིར། ཡི་གེ་ཨཱཿཞེས་གསུངས་སོ། །དེས་མི་ཕྱེད་པའི་དག་བསྐྱེད་པས་ན་གསུང་རྡོ་རྗེ་སྐྱེད་པར་བྱེད་པའོ། །བརྟེན་#པར་གྱུར་པའི་ཞེས་པ་ནི་རྟེན་དང་རྒྱུ་དང་བྱེད་པ་ཞེས་རྣམ་གྲངས་སོ། །མི་བསྐྱོད་པའི་ངོ་བོ་ཉིད་ཀྱི་ཞེས་པ་ནི་ཐུགས་ཞེས་བྱའོ། །རྡོ་རྗེ་གསུམ་
[32b.2]དང་མི་ཕྱེད་པ། །ཞེས་བྱ་བ་ལ་སོགས་པས་ཐུགས་ཀྱི་རང་བཞིན་བསྟན་ཏོ། །སེམས་དེ་རྣལ་འབྱོར་པའི་རྒྱུད་ལ་སྐྱེད་པར་བྱེད་པས་ན་ཞེས་པ་ནི་དེ་ལྟར་གྱུར་པའི་ཐུགས་སྒྲུབ་པ་པོའི་ལུས་ཀྱི་ནང་ན་རྫོགས་པར་བྱེད་པ་གང་ཡིན་པ་དེ་ནི་ཡི་གེ་ཧཱུཾ་ཞེས་བྱའོ། །དེ་བཞིན་གཤེགས་པ་ཞེས་
[32b.3]བྱ་བ་ལ་སོགས་པས་རྡོ་རྗེ་འཆང་ཆེན་པོས་འདི་སྐད་བཀའ་སྩལ་ཏོ་ཞེས་བསྟན་ཏོ། །རིམ་པ་བཞིན་དུ་ཞེས་པ་ནི་སྒྲུབ་ཐབས་ལས་གསུངས་པའི་རིམ་པ་ཞེས་བྱ་བའི་ཐ་ཚིག་གོ། །ནམ་མཁའི་རྡོ་རྗེ་ཞེས་བྱ་བ་ལ་སོགས་པས་སྙིང་རྗེ་ཆེན་པོ་མངོན་དུ་གྱུར་པ་དང་བགེགས་བསྐྲད་པ་དང་།
[32b.4]སྟོང་པ་ཉིད་བསྒོམ་པ་དང་ཡེ་ཤེས་ཀྱི་ས་གཞི་བྱིན་གྱིས་བརླབ་པ་དང་། གཞལ་ཡས་ཁང་པ་དང་ལྷག་པར་མོས་པ་དང་དོན་དམ་པའི་དཀྱིལ་འཁོར་དང་#གདན་གྱི་བྱེ་བྲག་དང་། ཆོས་ཀྱི་དབྱིངས་ཀྱི་བདག་ཉིད་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་གསུམ་ལས་བྱུང་བའི་ཕྱག་
[32b.5]མཚན་ཡོངས་སུ་གྱུར་པ་ལས། རྡོ་རྗེ་འཆང་ལ་སོགས་པ་རྣལ་འབྱོར་བསྒོམ་པར་བྱའོ་ཞེས་བསྟན་ཏོ། །ནམ་མཁའི་རྡོ་རྗེའི་དབུས་སུ་#ཞེས་པ་ནི་ཁྱད་པར་གྱི་གནས་སྔོན་དུ་འགྲོ་བར་བགེགས་བསྐྲད་པའི་འོག་ཏུ་དངོས་པོ་མེད་པ་ཞེས་བྱ་བ་ལ་སོགས་པའི་ཚིགས་སུ་བཅད་པས་
[32b.6]སྟོང་པ་ཉིད་ཀྱི་དེ་ཁོ་ན་ཉིད་བསྒོམས་ལ། དེའི་འོག་ཏུ་དེ་བཞིན་གཤེགས་པ་ཐམས་ཅད་ཡོངས་སུ་གྱུར་པ་ལས་སྐྱེས་པའི་ཆོས་འབྱུང་བའི་སྟེང་དུ་ཡེ་ཤེས་ཀྱི་ས་གཞི་བསྒོམས་ལ། སྤྱན་ལ་སོགས་པ་ལྷ་མོ་བཞི་ཡིན་#ལ་ཞེས་པ་ནི་དེ་ཉིད་ཁམས་བཞིའི་རང་བཞིན་དུ་བསྒོམ་པར་བྱས་
[32b.7]ལ། དེ་ལ་སའི་ཆ་དེའི་སྟེང་དུ་ནི་དེ་ལྟར་གྱུར་པའི་ཡེ་ཤེས་ཀྱི་སའི་སྟེང་དུ་ཡི་གེ་བྷྲཱུཾ་#ཡོངས་སུ་གྱུར་པ་ལས་རི་རབ་ཀྱི་རྩེ་མོར་ཁ་དོག་དཀར་པོ། །ཡི་གེ་བྷྲཱུཾ་#ལས་འཁོར་ལོའི་ཕྱག་མཚན་ཡོངས་སུ་གྱུར་ནས་རིག་མ་དང་བཅས་པའི་རྣམ་པར་སྣང་མཛད་ཀྱི་ཡན་ལག་ལས་བསྐྱེད་པ་གཞལ་
[33a]
[33a.1]ཡས་ཁང་པ་བསམ་པར་བྱའོ། །དེ་བཞིན་གཤེགས་པའི་ཚོགས་ཏེ་ཞེས་པ་ནི་དེའི་ནང་དུ་སྣ་ཚོགས་པདྨ་དང་ཟླ་བ་དང་ཉི་མའི་གདན་གྱི་སྟེང་དུ་ཅིག་ཅར་དུ་ལྷ་སུམ་ཅུ་རྩ་གཉིས་ཀྱི་བདག་ཉིད་ལྷག་པར་མོས་པའི་དཀྱིལ་འཁོར་བསྒོམས་ལ་ཡི་གེ་བྷྲཱུཾ་#ཞེས་བྱ་བ་ལ་
[33a.2]སོགས་པས་གཞལ་ཡས་ཁང་པ་#བསྒོམ་པ་སྔར་བྱས་ལ། གཟུགས་ཀྱི་ཕུང་པོ་ཞེས་བྱ་བ་ལ་སོགས་པས་དོན་དམ་པའི་དཀྱིལ་འཁོར་གྱི་རིམ་པས་དེ་ཉིད་སྟོང་པར་བསྒོམས་ཏེ། ཡི་གེ་ཧཱུཾ་ལས་བྱུང་བའི་ཉི་མའི་དཀྱིལ་འཁོར་བསྒོམ་པར་བྱའོ་ཞེས་པ་ལ་སོགས་པས་ཡི་གེ་
[33a.3]གསུམ་ཡོངས་སུ་གྱུར་པ་ལས་ཉི་མ་དང་ཟླ་བ་དང་པདྨ་བསྒོམས་ཏེ། དེའི་སྟེང་དུ་ཡི་གེ་གསུམ་བཀོད་ནས་དུས་གསུམ་དུ་དེ་བཞིན་གཤེགས་པ་ཞེས་བྱ་བ་ལ་སོགས་པས་ཡི་གེ་གསུམ་ཡོངས་སུ་གྱུར་ནས་ཟླ་བའི་དཀྱིལ་འཁོར་ལ་དཀྱིལ་འཁོར་གསུམ་བཞུགས་#ནས། དྷརྨ་དྷཱ་ཏུ་
[33a.4]སྭ་བྷཱ་བ་ཨཱཏྨ་ཀོ྅ཧཾ་ཞེས་བརྗོད་ཅིང་ཟླ་བའི་དཀྱིལ་འཁོར་དེར་ཞེས་བྱ་བ་ལ་སོགས་པས་ཟླ་བའི་སྟེང་དུ་ཡི་གེ་གསུམ་བཀོད་ནས་དེ་ཡོངས་སུ་གྱུར་པ་ལས་སྐྱེས་པའི་རྩེ་ལྔ་པའི་རྡོ་རྗེ་བསྒོམས་ལ་ཨོཾ་བཛྲ་ཨཱཏྨ་ཀོ྅ཧཾ་ཞེས་བྱ་བས་ང་རྒྱལ་བསྐྱེད་ལ་ཕྱག་རྒྱ་ཆེན་པོ་རྫོགས་པར་བྱེད་པའོ་ཞེས་
[33a.5]པ་ལ་སོགས་པས་#རྡོ་རྗེ་ཡོངས་སུ་གྱུར་པ་ལས་སྐྱེས་པའི་དཔལ་རྡོ་རྗེ་འཆང་ཆེན་པོའི་ཕྱག་རྒྱ་ཆེན་པོའི་སྐུ་ཞལ་གསུམ་པ་ལ་སོགས་པ་ལྟ་བུ་བསམ་པར་བྱའོ་ཞེས་དང་པོ་སྦྱོར་བའི་ཡན་ལག་ཏུ་གྱུར་པ་ཡན་ལག་དང་པོ་སྟེ་རྣལ་འབྱོར་རོ། །ཕན་ཡོན་བསྟན་པའི་ཕྱིར་#ཕྱག་རྒྱ་ཆེན་པོའི་ངོ་བོ་
[33a.6]ཞེས་པ་ནི་རྡོ་རྗེ་འཆང་གི་སྐུའོ། །རྡོ་རྗེ་འཆང་ཆེན་པོས་རབ་ཏུ་བསྟན་པ་ཞེས་པ་ནི་དཔལ་འདུས་པ་བཤད་པའི་དུས་སུ་དེ་ཉིད་སྟོན་པ་ཡིན་པས་སོ། །དགོངས་པ་བསྟན་པའི་ཕྱིར། ཅིའི་ཕྱིར་ཞེ་ན་ཞེས་བསྟན་ཏོ། །རིན་པོ་ཆེ་ལྟ་བུའི་གང་ཟག་ཅེས་པ་ནི་#དབང་པོ་རྣོ་བ་ཡིན་པས་
[33a.7]སོ། །ཀུན་རྫོབ་ཀྱི་བདེན་པ་ཞེས་པ་ནི་རྟོག་པ་དང་བཅས་པས་སོ། །དོན་དམ་པའི་བདེན་པ་ནི་རྟོག་པ་མེད་པས་སོ། །རྒྱུ་དང་འབྲས་བུ་ལས་འབྱུང་བའི་ཞེས་པ་ནི་རིམ་པ་གསུམ་པ་དང་བཞི་པ་དག་ལས་འབྱུང་བ་གང་ཡིན་པ་དེ་ནི་ཡོངས་སུ་དག་པའི་ལྷའི་སྐུ་སྟེ། ཟུང་དུ་
[33b]
[33b.1]འཇུག་པའི་ཏིང་ངེ་འཛིན་གྱིས་དཔལ་རྡོ་རྗེ་འཆང་གི་སྐུའོ། །དེའི་དོན་དུ་ནི་དེ་ཐོབ་པའི་ཕྱིར་རོ། །ཉེ་བར་བསྡུ་བ་བཤད་པར་བྱ་སྟེ། སྔགས་ནི་ཡི་གེ་གསུམ་མོ། །རིག་པ་ནི་ལས་ཀྱི་ཚོགས་སྒྲུབ་པར་བྱེད་པ་ལེའུ་བཅུ་བཞི་པ་ལས་འཆད་པར་འགྱུར་བའོ། །བསྲུང་བར་བྱ་བ་དང་བཟའ་
[33b.2]བར་བྱ་བའི་དབྱེ་བས་དམ་ཚིག་པ་གཉིས་ཏེ། བསྲུང་བར་བྱ་བ་ནི་རིགས་ལྔའི་དམ་ཚིག་གོ། །བཟའ་བར་བྱ་བ་ནི་བདུད་རྩི་དང་ལྕགས་ཀྱུ་ལ་སོགས་པའོ། །དེ་བཞིན་དུ་སྔར་བཤད་པའི་རིམ་པས་རྫོགས་པ་མི་བསྐྱོད་པ་ལ་སོགས་པ་དེ་དག་ཐམས་ཅད་དེ་བཞིན་གཤེགས་པ་ཞེས་བྱ་བ་
[33b.3]ནི་དེ་བཞིན་གཤེགས་པ་ཐམས་ཅད་སྡུད་པར་བྱེད་པའི་རང་བཞིན་རྡོ་རྗེ་འཆང་ཆེན་པོས་བཀའ་སྩལ་ཏོ་ཞེས་བསྟན་ཏོ། །ཉེ་བར་སྡུད་པ་སྟེ་ཏིང་ངེ་འཛིན་ཞེས་བྱ་བ་སྟེ་ཚིག་ལྷག་མའོ། །ཡི་གེ་གསུམ་ཞེས་པ་ནི་བགེགས་བསྐྲད་པ་ལ་སོགས་པ་ཡོངས་སུ་རྫོགས་ནས་གཞལ་
[33b.4]ཡས་ཁང་པའི་ནང་དུ་དགོད་#པའོ། །ཉི་མའི་དཀྱིལ་འཁོར་ལ་སོགས་པ་ནི་ཉི་མ་དང་པདྨ་དང་ཟླ་བ་རྣམས་སོ། །དེ་ལ་ནི་པདྨའི་སྟེང་དུའོ། །དེ་ཁོ་ན་ཉིད་ཅེས་པ་ནི་པདྨའི་སྟེང་དུ་སྐུ་ལ་སོགས་པའི་རང་བཞིན་གྱི་ཡི་གེ་གསུམ་མོ། །ཇི་སྐད་དུ། རྒྱུས་ནི་འབྲས་བུ་རྒྱས་བཏབ་དང་། །འབྲས་
[33b.5]བུས་#རྒྱུ་ཡང་རྒྱས་བཏབ་པ། །རྣམ་པར་བསྒོམས་ཏེ་གཞན་དུ་ན། །ནམ་ཡང་དངོས་གྲུབ་སྐྱེ་མི་འགྱུར། །ཞེས་འབྱུང་ངོ་། །འདིར་རྣམ་པར་དག་པ་ནི་ཉི་མའི་དཀྱིལ་འཁོར་ནི་ཐུགས་ཀྱི་རང་བཞིན་ཏེ་ཉི་མའི་འོད་ཟེར་དང་འདྲ་བས་ཁྱབ་པར་བྱེད་པའོ། །ཟླ་བའི་#དཀྱིལ་འཁོར་ནི་སྐུའི་
[33b.6]རང་བཞིན་ཏེ་བྱང་ཆུབ་ཀྱི་སེམས་#སྤྲུལ་པ་དང་དེའི་ངོ་བོ་ཡིན་པས་སོ། །པདྨ་ནི་གསུང་གི་རང་བཞིན་ཏེ། དབྱངས་དང་གསལ་བྱའི་སྡེ་ཚན་བརྒྱད་ཀྱིས་འདབ་མ་བརྒྱད་ཉེ་བར་མཚོན་པས་ལྟེ་བ་ནི་དགུ་པའོ། །དང་པོ་གཅིག་ནི་དགུ་དབུས་ན། །ཞེས་འབྱུང་བས་སོ། །ཐམས་ཅད་
[33b.7]དུ་ཡོངས་སུ་གྱུར་པ་ལས་འབྱུང་བའི་ཟླ་བའི་དཀྱིལ་འཁོར་ཞེས་པ་ནི་ཡི་གེ་གསུམ་ཡོངས་སུ་གྱུར་པ་ལས་སྐྱེས་པའི་ཟླ་བའི་དཀྱིལ་འཁོར་ལ་ཉི་མ་ལ་སོགས་པ་མཚན་མ་གསུམ་བསྡུས་ནས་དེ་ཉིད་ལ་ཆོས་ཀྱི་དབྱིངས་ཀྱི་ཡེ་ཤེས་ཀྱི་བདག་ཉིད་དུ་བལྟ་བར་བྱའོ། །ཟླ་བའི་དཀྱིལ་འཁོར་གྱི་སྟེང་དུ་
[34a]
[34a.1]ཞེས་བྱ་བ་ལ་སོགས་པས་ཟླ་བའི་སྟེང་དུ་ཡི་གེ་གསུམ་བཀོད་པ་ལས་འབྱུང་བརྩེ་ལྔ་པའི་རྡོ་རྗེ་བསྒོམས་ལ་བཛྲ་ཨཱཏྨ་ཀོ྅ཧཾ་ཞེས་བྱ་བས་ང་རྒྱལ་བྱའོ། །དེས་བྱིན་གྱིས་བརླབས་#པ་ཞེས་བྱ་བ་ལ་སོགས་པས་རྡོ་རྗེ་ཡོངས་སུ་གྱུར་པ་ལས་ཕྱག་རྒྱ་ཆེན་པོའི་སྐུ་བསམ་པར་བྱའོ་ཞེས་བསྟན་ཏོ། །
[34a.2]དེའི་རྒྱུ་#ཞེས་བྱ་བ་ལ་སོགས་པས་ཏིང་ངེ་འཛིན་གྱི་མིང་བསྟན་ཏོ། །སྒྲུབ་པ་པོའི་ནན་ཏན་ཞེས་པ་ནི་གནས་གཟུང་བ་སྔོན་དུ་འགྲོ་བར་ཏིང་ངེ་འཛིན་ལ་བརྟེན་#པ་ངེས་པའོ། །སྐྱེ་བོ་#འདུས་པ་དང་བྲལ་བར་ཞེས་པ་ནི་དགོན་པ་ལ་སོགས་པ་འམ་གྲོང་དང་གྲོང་ཁྱེར་ལ་སོགས་པ་དང་ཉེ་བའི་རི་
[34a.3]ལའོ། །མེ་ཏོག་ཅེས་བྱ་བ་ལ་སོགས་པས་ཡིད་བདེ་བའི་རྒྱུ་བསྟན་ཏེ། བདེ་བ་དང་ལྡན་པས་སེམས་མཉམ་པར་གཞག་#པར་འགྱུར་རོ་ཞེས་འབྱུང་བས་སོ། །བཤད་མ་ཐག་པ་ཞེས་པ་ནི་དང་པོ་སྦྱོར་བའི་ཡན་ལག་ཏུ་གྱུར་པའོ། །སྦྱོར་བ་ནི་ཡན་ལག་དང་པོའོ། །དེ་ལྟར་གྱུར་པའི་སྦྱོར་བས་རྡོ་རྗེ་
[34a.4]འཆང་ཆེན་པོ་བསྒྲུབ་པར་བྱ་བ་ནི་ཐོབ་པར་བྱའོ། །བླ་མ་དང་ལྷ་རྣམས་ཀྱི་ཡུལ་ལ་ཡིད་ཆེས་པར་འགྱུར་བ་སྟེ་ཞེས་པ་ནི་བླ་མའི་ཡུལ་དུ་ཡང་དག་པར་དད་པ་དང་དེས་བསྟན་པའི་ཡི་དམ་གྱི་ལྷ་ལ་ཡང་དག་པའི་བལྟ་#བའོ། །དེ་ལ་གལ་ཏེ་བརྩོན་པ་མ་#ཡིན་ན་དེའི་ཚེ་ཐེ་ཚོམ་མེད་པར་
[34a.5]རྡོ་རྗེ་འཆང་འགྲུབ་པར་བྱེད་པ་ཡིན་གྱི་གཞན་དུ་ནི་མ་ཡིན་ཏེ། དགེ་བའི་བཤེས་གཉེན་བསྟེན་པ་ལ། །སངས་རྒྱས་བྱང་ཆུབ་ཉིད་དུ་འགྱུར་རོ། །ཞེས་འབྱུང་བས་སོ། །རིམ་པ་འདིས་ཞེས་བྱ་བ་ལ་སོགས་པས་ཏིང་ངེ་འཛིན་གསུམ་མངོན་དུ་བྱས་ནས་རིགས་བརྒྱའི་དབྱེ་བས་
[34a.6]ལུས་རྣམ་པར་དབེན་པ་བསྒོམས་ཏེ། རྡོ་རྗེ་བཟླས་པ་ལ་སོགས་པའི་རིམ་པ་བཞི་ཉེ་བར་དམིགས་ནས་རིམ་པ་ལྔ་པས་ཐོབ་པར་བྱ་བའི་ཟུང་དུ་འཇུག་པའི་རིམ་པ་ལ་བརྟེན་ནས་རྡོ་རྗེ་འཆང་ཆེན་པོར་འགྱུར་རོ་ཞེས་བསྟན་ཏོ། །དགོངས་སོ་ཞེས་པ་ནི་བླ་མའི་མན་ངག་གོ#། །བསྐྱེད་
[34a.7]པའི་རིམ་ལ་ལེགས་གནས་པའི། །རྫོགས་པའི་རིམ་པ་འདོད་རྣམས་ལ། །ཐབས་འདི་རྫོགས་པའི་སངས་རྒྱས་ཀྱིས#། །སྐས་ཀྱི་རིམ་པ་ལྟ་བུར་གསུངས། །ཞེས་བླ་མའི་ཞལ་སྔ་ནས་ཀྱིས་གསུངས་པའོ། །དེ་ལྟར་ཞེས་བྱ་བ་#ལ་སོགས་པས་དང་པོ་སྦྱོར་བའི་ཏིང་ངེ་འཛིན་གྱིས་
[34b]
[34b.1]རྫོགས་པའི་རྡོ་རྗེ་འཆང་གི་བསྒོམ་པ་བསྟན་ནས་རྣམ་པར་སྣང་མཛད་ལ་སོགས་པ་ལ་ཡང་བཤད་པར་བྱ་སྟེ། དྲན་པ་གཅིག་པའི་ཏིང་ངེ་འཛིན་ཞེས་པ་ནི་དང་པོ་སྦྱོར་བའི་ཡན་ལག་ཏུ་གྱུར་པ་#རྣལ་འབྱོར་གྱི་ཏིང་ངེ་འཛིན་གྱི་མཚན་ཉིད་དོ། །དངོས་པོ་མེད་པ་ཞེས་བྱ་བ་ལ་སོགས་པས་
[34b.2]འདི་སྐད་བཤད་པ་ཡིན་ཏེ། གནས་གཟུང་བ་དང་སྙིང་རྗེ་ཆེན་པོ་#སྔོན་དུ་འགྲོ་བས་#བགེགས་བསྐྲད་པ་དང་སྟོང་པ་ཉིད་དང་ཡེ་ཤེས་ཀྱི་ས་གཞི་དང་གཞལ་ཡས་ཁང་དང་། ལྷག་པར་མོས་པ་དང་དོན་དམ་པའི་དཀྱིལ་འཁོར་དང་། གདན་ལ་སོགས་པའི་དབྱེ་བ་དང་དེ་ཡོངས་སུ་གྱུར་པ་
[34b.3]ལས་ཟླ་བའི་དཀྱིལ་འཁོར་དང་། ཡི་གེ་གསུམ་ཡོངས་སུ་གྱུར་པའི་འཁོར་ལོ་ལས་བྱུང་#བ་སེམས་དཔའ་གསུམ་གྱི་བདག་ཉིད་ཞལ་གསུམ་པ་ལ་སོགས་པ་ལྟ་བུ་དཔལ་རྣམ་པར་སྣང་མཛད་སྐུ་རྡོ་རྗེའི་རྣལ་འབྱོར་པས་བསྒོམ་པར་བྱའོ་ཞེས་བསྟན་ཏོ། །དེ་བཞིན་དུ་གསུང་རྡོ་རྗེ་དང་
[34b.4]ཐུགས་རྡོ་རྗེ་དག་ལ་ཡང་སྦྱར་རོ། །དེ་ཉིད་བསྟན་པའི་ཕྱིར། ཚིགས་སུ་བཅད་པའི་རིམ་གྱིས་ཞེས་པ་ནི་གནས་གཟུང་བ་ལ་སོགས་པ་བྱས་ནས་དོན་དམ་པའི་དཀྱིལ་འཁོར་བསྒོམ་པར་བྱའོ། །གཞལ་ཡས་ཁང་པ་ཞེས་བྱ་བ་ལ་སོགས་པས་ཡེ་ཤེས་ཀྱི་ས་གཞི་བསྒོམས་པའི་
[34b.5]འོག་ཏུ་གཞལ་ཡས་ཁང་པ་དང་ལྷག་པར་མོས་པའི་དཀྱིལ་འཁོར་བསྟན་ཏོ། །ཨོཾ་ཤཱུ་ནྱ་ཏཱ་ཞེས་བྱ་བ་ལ་སོགས་པས་དོན་དམ་པའི་དཀྱིལ་འཁོར་བསྒོམ་པ་བསྟན་ཏོ།# །ཡི་གེ་ཨོཾ་ལ་སོགས་པ་ཞེས་བྱ་བ་ལ་སོགས་པས་གདན་གྱི་དབྱེ་བ་བསྟན་ཏོ། །དེ་དག་ཐམས་ཅད་ཡོངས་སུ་གྱུར་པ་
[34b.6]ཞེས་བྱ་བ་ལ་སོགས་པས་ཟླ་བའི་དཀྱིལ་འཁོར་གྱི་རྣམ་པ་ཅན་ཆོས་ཀྱི་དབྱིངས་#བསྒོམ་པ་བསྟན་ཏོ། །ཟླ་བའི་དཀྱིལ་འཁོར་གྱི་སྟེང་དུ་ཞེས་བྱ་བ་ལ་སོགས་པས་ཡི་གེ་བྷྲཱུཾ་#ཡོངས་སུ་གྱུར་ནས་རྣམ་པར་སྣང་མཛད་ཀྱི་མཚན་མ་ལས་བྱུང་བ། དཔལ་རྣམ་པར་སྣང་མཛད་ཀྱི་བསྒོམ་པ་བསྟན་
[34b.7]ཏོ། །དེ་ནི་རྣལ་འབྱོར་རོ། །དེའི་ཐུགས་ཀར་ཞེས་བྱ་བ་ལ་སོགས་པས་ཡེ་ཤེས་སེམས་དཔའ་དང་། ཏིང་ངེ་འཛིན་སེམས་དཔའ་བསྒོམ་པ་ཞེས་བྱ་བ་རྗེས་སུ་རྣལ་འབྱོར་བསྟན་ཏོ། །འོད་ཟེར་ལྔ་དང་ལྡན་པ་ཞེས་པ་ནི་ཏིང་ངེ་འཛིན་སེམས་དཔའི་ཁྱད་པར་ཏེ་དེ་བཞིན་གཤེགས་པ་
[35a]
[35a.1]ལྔའི་བདག་ཉིད་ཡིན་པས་སོ། །རྣམ་པར་སྣང་མཛད་ཀྱི་རྣལ་འབྱོར་པ་རྣམས་ཀྱིས་ཞེས་པ་ནི་དབང་བྱེད་པའི་གནས་སྐབས་བསྟན་ཏོ། །རྣམ་པར་སྣང་མཛད་ཀྱི་ཚོགས་ཞེས་པ་ནི་ཏིང་ངེ་འཛིན་སེམས་དཔའི་རང་བཞིན་གྱི་ཡི་གེ་ཨོཾ་ལས་རྣམ་པར་སྣང་མཛད་ཀྱི་
[35a.2]ཚོགས་སྤྲོ་བར་བྱའོ་ཞེས་བྱ་བ་འདིས་གཞན་གྱི་དོན་བསྟན་ཏོ། །འདི་ཡིས་ཞེས་བྱ་བ་ལ་སོགས་པས་རྣམ་པར་སྣང་མཛད་ཀྱི་རིགས་ལས་འབྱུང་བའི་རྣལ་འབྱོར་པ་བསྟན་ཏོ། །དེའི་ལུས་འགྲུབ་པར་འགྱུར་བ་ཞེས་པ་ནི་རྣམ་པར་སྣང་མཛད་དང་འདྲ་བའི་སྐུར་འགྱུར་ཏེ་དེའི་ཏིང་ངེ་
[35a.3]འཛིན་བསྒོམ་#པས་སོ། །དེ་རྣམས་གང་ལ་གནས་པ་ཞེས་པ་ནི་འཛིན་པར་བྱེད་པ་གང་ལ་ཡོད་པ་དེ་ནི་གཟུང་བ་སྟེ། གཟུགས་ལ་སོགས་པའོ། །དེ་ཉམས་སུ་མྱོང་བས་ཞེས་པ་ནི་དམ་ཚིག་དང་ཡེ་ཤེས་ཀྱི་ཕྱག་རྒྱ་དག་གང་ཡང་རུང་བ་ལ་གནས་པ་སོ་སོར་སྡུད་པའི་རིམ་པས་
[35a.4]འདོད་པའི་ཡོན་ཏན་ལྔ་ཉེ་བར་སྤྱོད་ཅིང་གནས་པར་བྱའོ། །མཚན་ཐམས་ཅད་དང་ལྡན་པ་ཞེས་པ་ནི་མཚན་དང་དཔེ་བྱད་སྐྱེས་བུ་ཆེན་པོའི་མཚན་ཉིད་ནི་ཐམས་ཅད་དོ། །ལྡན་པ་ནི་#དེས་སྤྲས་པའོ། །དེ་དང་འདྲ་བའི་རྫུ་འཕྲུལ་ཞེས་པ་ནི་ཇི་ལྟར་རྣམ་པར་སྣང་མཛད་ལ་རྫུ་འཕྲུལ་
[35a.5]མངའ་བ་དེ་བཞིན་དུ་དེ་ལ་ཡང་ཡོད་དོ། །ཟླ་བ་ཕྱེད་ཀྱི་སྒྲས་ནི་དོན་མང་པོ་ལ་སྦྱོར་བ་མཐོང་བ་སྟེ། འདིར་ནི་མངོན་པར་ཞེན་པའི་དོན་གཟུང་བར་བྱའོ། །དེའི་ཕྱིར་ཏིང་ངེ་འཛིན་ལ་ཀུན་དུ་ཞེན་པ་ཙམ་ཞེས་བསྟན་ཏོ། །བྱ་བའི་ཞེས་བྱ་བ་ལ་སོགས་པས་ཏིང་ངེ་འཛིན་ཙམ་དངོས་
[35a.6]གྲུབ་ཀྱི་རྒྱུ་ཡིན་གྱི་སྤྲོས་པ་གཞན་དགོས་པ་མེད་དོ་ཞེས་བསྟན་ཏོ་ཞེས་བྱ་བས་#ཉེ་བར་བསྡུས་པ་བསྟན་ཏོ། །དེ་བཞིན་གཤེགས་པ་ཐམས་ཅད་ཅེས་བྱ་བ་ལ་སོགས་པས་ཏིང་ངེ་འཛིན་གྱི་མིང་ཉེ་བར་བསྡུས་པའོ། །མི་ཕྱེད་པའི་ངོ་བོ་ཉིད་ཀྱི་#འཁོར་ལོ་ཞེས་པ་ནི་རྡོ་རྗེ་དེ་#ཉིད་ལས་ཕྱག་
[35a.7]མཚན་ཐམས་ཅད་འབྱུང་བའི་ཕྱིར་རོ། །དེ་བཞིན་དུ་ཐམས་ཅད་བསྐྱེད་ལ་#ཞེས་བྱ་བ་ལ་སོགས་པས་འོད་དཔག་ཏུ་མེད་པའི་ཏིང་ངེ་འཛིན་བསྟན་ཏོ། །ཐམས་ཅད་ནི་བགེགས་བསྐྲད་པ་ལ་སོགས་པའོ། །དམར་པོ་འདབ་མ་བརྒྱད་པ་ཞེས་བྱ་བ་ནི་འོད་དཔག་ཏུ་མེད་པའི་ཕྱག་མཚན་
[35b]
[35b.1]ནོ། །རང་གི་སྔགས་ཀྱི་སྐྱེས་བུ་ཞེས་#པ་ནི་རང་གི་སྔགས་ལས་བྱུང་བའི་ལྷའི་#སྐུ་གང་ལ་ཡོད་པ་དེ་ལ་དེ་སྐད་ཅེས་བྱའོ། །དེས་ནི་དམ་ཚིག་སེམས་དཔའི་སྒོམ་#པ་རབ་ཏུ་བསྟན་ཏོ། །ཡེ་ཤེས་སེམས་དཔའ་ཞེས་བྱ་བ་ལ་སོགས་པས་སེམས་དཔའ་གཉིས་ཀྱི་ལྷག་པར་མོས་པ་བསྟན་
[35b.2]ཏོ། །མི་ཕྱེད་པའི་ངོ་བོ་ཉིད་ཅེས་པ་ནི་ཏིང་ངེ་འཛིན་སེམས་དཔའ་བསྟན་པ་ཡིན་པས་སོ། །འོད་དཔག་ཏུ་མེད་པར་རྟོགས་པའི་སེམས་ཀྱི་འཇུག་པས་བཀོད་པའོ་ཞེས་པ་ནི་གསུང་རྡོ་རྗེ་འཆང་གི་རྣལ་འབྱོར་པ་རྣམས་ཀྱིས་དགོད་པར་བྱའོ། །དམ་ཚིག་ཅེས་བྱ་བ་ལ་སོགས་པས་
[35b.3]སེམས་དཔའ་གསུམ་གྱི་བདག་ཉིད་ཅན་གསུང་རྡོ་རྗེ་བསྒོམ་པར་བྱའོ་ཞེས་བསྟན་ཏོ། །དེ་བསྟན་པར་བྱ་བའི་ཕྱིར་ཇི་ལྟར་དང་པོ་སྦྱོར་བའི་ཏིང་ངེ་འཛིན་གྱིས་འོད་དཔག་ཏུ་མེད་པ་བསྒོམ་པ་དེ་བཞིན་དུ་རིན་ཆེན་འབྱུང་ལྡན་ལ་སོགས་པ་ཡང་བསྒོམ་པར་བྱའོ་#ཞེས་ཚུལ་འདི་ཉིད་ཀྱིས་#
[35b.4]ཞེས་བྱ་བ་ལ་སོགས་པ་བསྟན་ཏོ། །སེམས་དཔའ་གསུམ་བརྩེགས་མར་བྱས་ནས་ཞེས་པ་ནི་དམ་ཚིག་དང་ཡེ་ཤེས་དང་ཏིང་ངེ་འཛིན་སེམས་དཔའ་གཅིག་ཏུ་བྱས་ནས་སོ། །འོད་དཔག་ཏུ་མེད་པའི་ཏིང་ངེ་འཛིན་ཏོ་ཞེས་པ་ནི་སྣང་བ་མཐའ་ཡས་ཀྱི་ཏིང་ངེ་འཛིན་བསྡུས་སོ། །ཀུན་
[35b.5]རྫོབ་ཀྱི་བདེན་པའོ་ཞེས་པ་ནི་ཐ་མལ་པ་རྣམས་ཀྱིས་ཕྱེད་པར་མི་ནུས་པའོ། །དོན་དམ་པའི་བདེན་པ་ཞེས་པ་#ནི་ཆོས་ཐམས་ཅད་ཀྱི་ཆོས་ཉིད་ཀྱི་ངོ་བོ་#ཡིན་པས་སོ། །ཆོས་དང་ལྡན་པའོ་ཞེས་པ་#ནི་བར་གྱི་ཚིག་མི་མངོན་པ་ལས་འཛིན་པའོ། །རྡོ་རྗེ་འཆང་ཆེན་པོ་ཞེས་བྱ་བ་ལ་སོགས་པས་
[35b.6]བསྐྱེད་པའི་རིམ་པ་བསྒོམས་ནས་རྫོགས་པའི་རིམ་པའི་མཐར་ཐུག་པ་རྡོ་རྗེ་འཆང་ཆེན་པོའི་གོ་འཕང་#ཐོབ་པར་འགྱུར་རོ་ཞེས་བྱ་བའི་དོན་ཏོ། །དེ་བཞིན་གཤེགས་པ་ཐམས་ཅད་ཅེས་བྱ་བ་ལ་སོགས་པས་སེམས་དཔའ་གསུམ་གྱི་བདག་ཉིད་ཀྱི་ཏིང་ངེ་འཛིན་ཉེ་བར་བསྡུས་པ་བསྟན་ཏོ། །
[35b.7]ཐམས་ཅད་བསྐྱེད་པ་#ཞེས་པ་ནི་བགེགས་བསྐྲད་པ་ལ་སོགས་པ་བྱས་ནས་སོ། །དམ་ཚིག་སེམས་དཔའ་ཞེས་པ་ནི་མི་བསྐྱོད་པའི་ཕྱག་རྒྱ་ཆེན་པོའི་སྐུ་རྣམ་པར་བསྒོམས་#ནས་དེའི་འོག་ཏུ་སེམས་ཞེས་བྱ་བ་ལ་སོགས་པས་ཡེ་ཤེས་སེམས་དཔའ་དང་ཏིང་ངེ་འཛིན་སེམས་དཔའ་#བྱིན་གྱིས་
[36a]
[36a.1]བརླབ་པ་#བསྟན་ཏོ། །དེ་ལྟར་ཞེས་བྱ་བ་ལ་སོགས་པས་མི་བསྐྱོད་པའི་རྣལ་འབྱོར་པས་མི་བསྐྱོད་པའི་ཕྱག་རྒྱ་ཆེན་པོའི་སྐུ་བསྒོམ་པར་བྱའོ་ཞེས་བསྟན་ཏོ། །དེ་ལྟར་ཞེས་བྱ་བ་ལ་སོགས་པས་ཉིན་མོ་དང་མཚན་མོའི་ཐུན་བཞི་ལ་རྟག་ཏུ་བསྒོམ་པར་བྱའོ་ཞེས་བསྟན་
[36a.2]ཏོ། །དགེ་བའི་རྩ་བ་ཡོངས་སུ་སྨིན་པས་ཞེས་པ་ནི་དགེ་བའི་རྩ་བ་ནི་གསུམ་སྟེ། འདོད་ཆགས་མེད་པ་དང་། ཞེ་སྡང་མེད་པ་དང་གཏི་མུག་མེད་པའོ། །དེ་རྣམས་སྨིན་པ་ནི་ཡོངས་སུ་རྫོགས་པའོ། །རྡོ་རྗེ་ལྟ་བུའི་ཏིང་ངེ་འཛིན་མངོན་པར་རྟོགས་#ནས་ཞེས་པ་ནི་མངོན་དུ་བྱས་ནས་སོ། །
[36a.3]ཚེ་འདི་ཉིད་ནི་མཐོང་བའི་ཆོས་ལ་ཕྱག་རྒྱ་ཆེན་པོའི་དངོས་གྲུབ་ཐོབ་པར་འགྱུར་བ་ནི་རྡོ་རྗེའི་སྐུའི་རང་བཞིན་གྱི་དཔལ་ཟུང་དུ་འཇུག་པའི་རིམ་པས་ཐོབ་པར་བྱེད་པ་རྡོ་རྗེ་འཆང་གི་གོ་འཕང་མངོན་དུ་བྱེད་པར་འགྱུར་རོ། །སྟོན་པ་རྡོ་རྗེ་ཞེས་བྱ་བ་ལ་སོགས་པས་དཔལ་རྡོ་རྗེ་འཆང་གི་སྐུས་ཆོས་
[36a.4]བསྟན་པའི་སྒོ་ནས་ལྷ་དང་མི་རྣམས་རྗེས་སུ་བསྟན་པ་དང་གདུལ་#བར་མཛད་པས་སྟོན་པ་ཡིན་ནོ་ཞེས་བསྟན་ཏོ། །འདོད་པའི་དབང་ཕྱུག་ལ་སོགས་པ་བརྒྱད་#ནི་སྔར་བཤད་ཟིན་ཏོ། །འབྱུང་གནས་ཡིན་པའི་ཕྱིར་ཞེས་པ་ནི་སྐུའི་དབང་ཕྱུག་ལ་སོགས་པ་དེ་ལས་བྱུང་བའི་ཕྱིར་རོ།# །རྡོ་རྗེ་ཞེས་
[36a.5]བྱ་བ་ལ་སོགས་པས་སེམས་དཔའ་གསུམ་གྱི་བདག་ཉིད་ཀྱི་ཐུགས་རྡོ་རྗེ་འཆང་སྤྲུལ་པར་བྱེད་པ་བཅོམ་ལྡན་འདས་རྡོ་རྗེ་འཆང་ཆེན་པོས་བཀའ་སྩལ་ཏོ་ཞེས་སྡུད་པ་པོས་བསྟན་ཏོ། །རབ་ཏུ་དབྱེ་བའི་དོན་ཞེས་པ་ནི་དེ་བཞིན་གཤེགས་པ་ལྔའི་བསྐྱེད་པའི་རིམ་པའི་རབ་ཏུ་དབྱེ་བ་བརྗོད་
[36a.6]པར་བྱའོ། །རྡོ་རྗེ་འཆང་ཆེན་པོ་ཞེས་བྱ་བ་ལ་སོགས་པས་རང་གི་ཚིག་གིས་གསུངས་པ་རྡོ་རྗེ་འཆང་དང་མི་བསྐྱོད་པ་དང་འོད་དཔག་ཏུ་མེད་པ་དང་རྣམ་པར་སྣང་མཛད་དང་དེ་བཞིན་དུ་ལྔའི་ཚིག་གིས་དོན་ཡོད་གྲུབ་པ་དང་རིན་ཆེན་འབྱུང་ལྡན་ཡང་དེ་བཞིན་དུ་བསྒོམ་པར་བྱའོ་ཞེས་བསྟན་ཏོ། །
[36a.7]སྒྲ་ཇི་བཞིན་པའོ་ཞེས་པ་ནི་རྡོ་རྗེ་འཆང་ཆེན་པོ་དྲུག་པ་དང་དེ་བཞིན་གཤེགས་པ་ལྔའི་དང་པོ་#སྦྱོར་བའི་ཡན་ལག་ཏུ་འགྱུར་བ་རྣལ་འབྱོར་གྱི་ཏིང་ངེ་འཛིན་སོ་སོར་བསྟན་པས་སོ། །དེ་ཡང་#སོགས་པའི་སྒྲས་ཤེས་#པར་བྱའོ། །སྒྲས་དེ་ལྟར་ཞེས་བྱ་བ་ལ་སོགས་པས་བསྐྱེད་པའི་
[36b]
[36b.1]རིམ་པའི་རྣལ་འབྱོར་རིམ་གྱིས་སྒོམ་པར་བྱེད་པས་དེ་རྫོགས་ན་རྫོགས་པའི་རིམ་པའི་འབྲས་བུ་#ཡང་འབྱུང་བར་འགྱུར་རོ་ཞེས་བསྟན་ཏོ། །དེ་མངོན་སུམ་ཉིད་དུ་ཞེས་བྱ་བ་ལ་སོགས་པས་རྫོགས་པའི་རིམ་པ་ཉིད་#བསྟན་པར་བྱ་སྟེ་གང་གི་ཕྱིར་བརྟག་#པ་དང་རྫོགས་པའི་རྣལ་འབྱོར་པ་
[36b.2]དག་ལ་སྔགས་ཀྱི་སྐུ་དང་ཡེ་ཤེས་ཀྱི་སྐུ་སྔར་བཤད་པ་དེ་དག་ལས་སྔགས་ཀྱི་སྐུ་བསྟན་ནས་ཡེ་ཤེས་ཀྱི་སྐུ་བསྟན་པར་བྱ་བའི་ཕྱིར། ཤེས་པས་ཞེས་བྱ་བ་ལ་སོགས་པས་བསྟན་ཏེ། ཡེ་ཤེས་ཀྱི་སྐུ་ཡང་རྣམ་པ་གཉིས་ཏེ་སྒྱུ་མའི་སྐུ་དང་རྡོ་རྗེའི་སྐུའོ། །དེ་ལ་སྒྱུ་མའི་སྐུ་ནི་རིམ་པ་
[36b.3]གཉིས་པ་ལས་ལྡང་བར་བྱ་བ་#དང་། རྡོ་རྗེའི་སྐུ་ནི་རིམ་པ་བཞི་#ལས་ལྡང་བར་བྱའོ། །ད་ནི་རིམ་པ་བཞི་པའི་མན་ངག་འོད་གསལ་བ་བསྟན་པར་བྱ་བའི་ཕྱིར། ཡེ་ཤེས་ནི་རྒྱུ་བ་དང་མི་རྒྱུ་བའོ་#ཞེས་བྱ་བ་ནི་ཤེས་པ་ཉིད་བེམས་པོ་དང་བེམས་པོ་མ་ཡིན་པའི་ཚུལ་དུ་སྣང་བས་སོ། །ཚོགས་
[36b.4]ཞེས་པ་ནི་འགྲོ་བ་རིགས་དྲུག་པའི་སེམས་ཅན་རྣམས་སོ། །དེ་ཉིད་འཇིག་རྟེན་གསུམ་ནི་ཁམས་གསུམ་པའོ། །རང་གི་ཕྱག་རྒྱ་ཆེན་པོའི་གཟུགས་ཞེས་པ་ནི་སེམས་རྣམ་པར་དག་#པའི་རིམ་པས་ཐོབ་པ་འོད་གསལ་བའི་དེ་ཁོ་ན་ཉིད་ལས་བྱུང་བ་རྡོ་རྗེ་འཆང་གི་སྐུར་ལངས་ནས་
[36b.5]སོ། །རྒྱུ་བ་དང་མི་རྒྱུ་བ་རྣམས་ལའོ་ཞེས་པ་ནི་རང་#གཞན་ལའོ། །ནམ་མཁའ་བྱེད་པ་ཞེས་བྱ་བ་ལ་སོགས་པས་རྗེས་སུ་འཇུག་པའི་ཏིང་ངེ་འཛིན་གྱི་འོད་གསལ་བ་ཉིད་དུ་བྱའོ་ཞེས་བསྟན་ཏོ། །བརྟན་པ་དག་ནི་གཡོ་བ་དག །སྔོན་དུ་འོད་གསལ་བར་ནི་བྱས#། །ཕྱི་ནས་དེ་
[36b.6]བཞིན་བདག་ཉིད་བྱ། །རྗེས་སུ་འཇུག་པའི་རིམ་འདི་ཡིན། །ཞེས་འབྱུང་ངོ་། །སེམས་དཔའ་གསུམ་གྱི་བདག་ཉིད་ཀྱི་རྣལ་འབྱོར་པ་སྔར་གང་ཡིན་པ་དེ་ནི་གཅིག་པུར་འགྱུར་ཏེ་འོད་གསལ་བའི་ངོ་བོ་ཉིད་དུ་འགྱུར་རོ། །འོད་གསལ་བ་ཞེས་བྱ་བ་ལ་སོགས་པས་#ནང་གི་བདག་
[36b.7]ཉིད་ཀྱི་དཀྱིལ་འཁོར་ལ་ཕྱིའི་རྣམ་པར་སྣང་མཛད་ལ་སོགས་པའི་དཀྱིལ་འཁོར་རྡོ་རྗེ་ཕྲེང་བ་ལས་གསུངས་པའི་དོན་དམ་པའི་དཀྱིལ་འཁོར་གྱི་#རིམ་པས་ཞུགས་ལ་འོད་གསལ་བའི་རང་བཞིན་ལ་གནས་པར་བྱའོ་ཞེས་བསྟན་ཏོ། །རིམ་པ་གཉིས་པ་འོད་གསལ་བ་ལ་
[37a]
[37a.1]འཇུག་པའི་ཕྱིར་བསྟན་པར་བྱ་སྟེ། ཤེས་རབ་ཅེས་བྱ་བ་ལ་སོགས་པས་སྔགས་ཀྱི་རིམ་པའམ་ཕྱག་རྒྱའི་རིམ་#པས་ཡེ་ཤེས་གསུམ་མངོན་དུ་བྱས་ལ་སླར་ཡང་རིམ་པ་དེ་ཉིད་ཀྱིས་འོད་གསལ་བ་ལ་ཞུགས་པར་བསྟན་ཏོ། །ཡེ་ཤེས་གསུམ་ནི་སྣང་བ་
[37a.2]ལ་སོགས་པ་གསུམ་མོ། །དེ་དང་#མཉམ་པར་གྱུར་ཅིང་ཞེས་བྱ་བ་ལ་སོགས་པས་དེ་མི་སྣང་བར་བྱེད་པ་འོད་གསལ་བའི་ངོ་བོར་#རྣལ་འབྱོར་པ་འགྱུར་རོ་ཞེས་བྱ་བའི་དོན་ཏོ། །རྡོ་རྗེ་འཆང་ཆེན་པོ་ནི་ཉེ་བར་བསྡུས་པ་བསྟན་ཏོ། །འོག་ནས་བཤད་པ་ཞེས་བྱ་བ་ལ་སོགས་པས་ཡེ་ཤེས་ཀྱི་སྐུ་
[37a.3]ཡོངས་སུ་གཟུང་བ་དང་རྡོ་རྗེའི་སྐུ་གཟུང་བ་བསྟན་ཏེ#། ཕྱག་རྒྱ་ཆེན་པོ་ཞེས་པ་ནི་རྡོ་རྗེ་འཆང་གི་སྐུའོ། །དེ་མི་སྣང་བ་ཞེས་པ་ནི་དེ་དག་པར་བྱེད་པ་འོད་གསལ་བ་སྟེ་སེམས་རྣམ་པར་དག་པའི་རིམ་པ་འམ་མངོན་པར་བྱང་ཆུབ་ཀྱི་རིམ་པས་ཐོབ་པར་བྱའོ། །དེ་ལས་འབྱུང་བར་འགྱུར་བ་
[37a.4]ཞེས་པ་#འདིས་བདག་ལ་བྱིན་གྱིས་བརླབ་པའི་རིམ་པའམ། ཟུང་དུ་འཇུག་པའི་རིམ་པས་ལྡང་བའི་རྡོ་རྗེ་འཆང་གི་སྐུ་བསྟན་ཏོ། །གཡོ་བ་དང་མི་གཡོ་བའི་དངོས་པོ་ཐམས་ཅད་ཀྱི་བདག་ཉིད་ཅན་ཞེས་པ་ནི་ཡེ་ཤེས་ཀྱི་སྐུ་དང་རྡོ་རྗེའི་སྐུ་དེའི་རང་བཞིན་ཡིན་པས་སོ། །སྒྱུ་མ་ལྟ་བུ་དང་
[37a.5]གཉིས་སུ་མེད་པ་ཡིན་པས་སོ། །ཡེ་ཤེས་ཀྱི་སྐུའོ་ཞེས་པ་ནི་ཉེ་བར་མཚོན་པ་སྟེ་རྡོ་རྗེའི་སྐུ་ཡང་ངོ་། །རྣམ་པར་སྣང་མཛད་ལ་སོགས་པའི་སྐུས་འཇུག་པ་ཞེས་པ་ནི་གདུལ་བྱའི་དབྱེ་བས་སོ། །དེ་#ཞེས་བྱ་བ་ལ་སོགས་པས་དེ་ཉིད་ཉེ་བར་བསྡུ་བ་བསྟན་ཏོ། །ཏིང་ངེ་འཛིན་ཞེས་བྱ་བ་ལ་སོགས་པས་
[37a.6]དེ་ཉིད་སྤྲོས་ནས་བསྟན་པར་བྱ་སྟེ། རྡོ་རྗེའི་#དཀྱིལ་འཁོར་ཞེས་བྱ་བ་ལ་སོགས་པས་འོད་གསལ་བ་ལས་འབྱུང་བའི་རྡོ་རྗེ་འཆང་གི་སྐུར་#དམིགས་ལ་སྲོག་དང་རྩོལ་བའི་བདག་ཉིད་ཀྱི་རྡོ་རྗེ་བཟླས་པ་ལ་གནས་པར་བྱའོ་ཞེས་བསྟན་ཏོ། །ཡོངས་སུ་དག་པའི་ཕྱག་རྒྱ་ཆེན་པོའི་གཟུགས་
[37a.7]སུ་ཞེས་པ་ནི་བདག་བྱིན་གྱིས་བརླབ་པའམ་ཟུང་དུ་འཇུག་པའི་ཏིང་ངེ་འཛིན་གྱིས་ཐོབ་པར་བྱའོ། །སྒོམ་#པ་ནི་སེམས་རྣམ་པར་དག་པའི་རིམ་པས་ཐོབ་པར་བྱ་བའམ#། མངོན་པར་བྱང་ཆུབ་པའི་རིམ་པས་ཐོབ་པར་བྱ་བའི་འོད་གསལ་བ་ལས་འབྱུང་བའོ། །སེམས་ཅན་ཐ་མལ་པའི་
[37b]
[37b.1]ཞེས་པ་ནི་གདུལ་བྱ་རྣམས་ཀྱིའོ། །ཡུལ་དུ་གྱུར་པ་ཞེས་པ་ནི་བརྟན་#པ་ལ་སོགས་པ་ཐོབ་པའི་དོན་དུ་མིག་#གི་དབང་པོའི་སྤྱོད་ཡུལ་དུ་གྱུར་པའོ། །སྤྲུལ་པའི་སྐུ་ཡོངས་སུ་གཟུང་བ་ཞེས་པ་ནི་སྤྲོས་ནས་སོ། །སྲོག་དང་རྩོལ་བའི་ཡན་ལག་ཏུ་གྱུར་ཅིང་ཞེས་པ་ནི་འཇུག་པ་ལ་སོགས་
[37b.2]པ་གསུམ་གྱི་རྒྱུར་གྱུར་པའོ། །མི་ཤིགས་པ་ཞེས་པ་ནི་#ཡི་གེ་ཨ་ལས་འབྱུང་བ་མི་འགྱུར་བའོ། །ཐུགས་རྡོ་རྗེ་འཆང་གི་ས་བོན་ཉེ་བར་མཚོན་པར་འགྱུར་བའི་ཡི་གེ་ཧ་ནི་ཧཱུཾ་ཞེས་བྱ་བའི་ཐ་ཚིག་གོ། །སྙིང་གར་གཞག་#སྟེ་ཞེས་པ་ནི་དཀྱིལ་འཁོར་བཞི་པོ་ལ་ཆ་ཆའི་དབྱེ་བས་
[37b.3]དེ་ཉིད་ཕྱི་#ནས་གསང་བའི་བཟླས་པ་བྱ་སྟེ། ཇི་སྐད་དུ། དེ་ནས་རྣལ་འབྱོར་དབང་ཕྱུག་ལ། །ཐབས་ཀྱི་དམ་པ་རབ་བསྟན་པ། །རྣལ་འབྱོར་དངོས་གྲུབ་འབྲས་སྟེར་བའི། །གསང་བའི་ཡི་གེ་བཤད་པར་བྱ། །གང་ཞིག་ཤེས་པ་ཙམ་གྱིས་ནི། །རྣལ་འབྱོར་པ་རྣམས་མཆོག་
[37b.4]སྟེར་འགྱུར། །དང་པོའི་ཡི་གེའི་#སྦྱོར་བ་ཡིས། །དབུགས་ནི་རྟག་ཏུ་བརྔུབ་#པར་བྱ། །བརྒྱད་པའི་མཐའ་དང་ཡང་དག་ལྡན། །ཡི་གེ་ཨུ་དང་ཐིག་ལེར་བཅས། །རྣལ་འབྱོར་པས་ནི་དབུགས་དབྱུང་#བྱ། །དེ་ནི་ཅི་དགའི་བཟླས་པར་བཤད། །ཅེས་འབྱུང་ངོ་། །གཞན་ལས་#ཀྱང་།
[37b.5]སྙིང་གའི་པདྨར་མགོ་མེད་གནས། །མགྲིན་པའི་པདྨར་མགོ་བོ་སྟེ། །གསང་བའི་པདྨར་དབྱངས་ཡིག་གནས། །ལྟེ་བའི་པདྨར་སྒྲ་མཐའོ། །འགྲོ་དང་འོང་བར་དེ་བྱེད་པས། །ཐིག་ལེ་རྣལ་འབྱོར་རབ་ཏུ་འཇུག །ཅེས་བྱ་བ་ལ་སོགས་པ་འབྱུང་ངོ་། །འོད་ཟེར་ཞེས་བྱ་བ་ལ་སོགས་པས་
[37b.6]དཀྱིལ་འཁོར་བཞི་འབྱུང་བའི་དུས་སུ་གཡས་པ་ལ་སོགས་པའི་ལམ་གྱི་ཁ་དོག་དམར་པོ་ལ་སོགས་པ་འོད་ཟེར་གྱི་སྒོ་ནས་རྡོ་རྗེ་བཟླས་པར་བྱའོ་ཞེས་བསྟན་ཏོ། །སྲོག་དང་རྩོལ་བ་ལ་གནས་པའོ་ཞེས་པ་ནི་འཇུག་པ་ལ་སོགས་པ་གསུམ་ལ་གནས་པའོ། །འོད་ཟེར་བཅུ་པོ་ཞེས་པ་ནི་རླུང་དང་
[37b.7]ཉེ་བའི་རླུང་རབ་ཏུ་རྒྱུ་བའོ། །དེ་ཉིད་བསྟན་པའི་ཕྱིར། དེ་རྣམས་ཀྱི་ཞེས་བྱ་བ་ལ་སོགས་པ་བསྟན་ཏོ། །ཧ་ཞེས་པ་ནི་རྡོ་རྗེ་བཟླས་པའི་རྒྱུར་གྱུར་པའི་ས་བོན་བསྟན་ཏོ། །བརྗོད་དུ་མེད་པའི་ཞེས་པ་ནི་མི་འགྱུར་བ་ལས་འབྱུང་བའི་ཕྱིར་ཡང་བརྗོད་དུ་མེད་པ་ཞེས་པ་ནི་རང་རིག་པ་ཡིན་པ་སྟེ་
[38a]
[38a.1]རྡོ་རྗེའི་ཚིག་ནི་སྒྲ་མེད་པའོ་ཞེས་བཤད་པའི་ཕྱིར་རོ། །འཇམ་པ་ཞེས་བྱ་བ་ལ་སོགས་པས་ཕན་ཡོན་གྱི་སྒོ་ནས་རིམ་པ་བཞིའི་བདག་ཉིད་ཀྱིས་རྡོ་རྗེ་འཆང་ཆེན་པོའི་གོ་འཕང་#ཐོབ་པ་བསྟན་ཏོ། །འོད་གསལ་བའོ་ཞེས་པ་ནི་སེམས་རྣམ་པར་དག་པའི་རིམ་པས་
[38a.2]ཐོབ་པར་བྱ་བའམ། རིམ་པ་བཞི་པས་ཐོབ་པར་བྱའོ། །དེ་ལས་བྱུང་བས་ན་#ཞེས་བྱ་བ་ལ་སོགས་པས་བདག་ལ་བྱིན་གྱིས་བརླབ་པའི་རིམ་པ་འམ་ཟུང་དུ་འཇུག་པའི་རིམ་པས་ཡེ་ཤེས་ཀྱི་སྐུ་ལས་རྡོ་རྗེའི་སྐུར་#ལྡང་བར་བསྟན་ཏོ། །ཕྱིར་མི་ལྡོག་པ་རྣམས་ཀྱི་ཡུལ་དུ་བྱས་པས་
[38a.3]ན་ཞེས་པ་ནི་སེམས་རྣམ་པར་དག་པའི་རིམ་པས་ས་བཅུ་པ་ཐོབ་པར་འགྱུར་ཏེ། ཇི་སྐད་དུ། དང་པོ་ལས་ཀྱི་སྦྱོར་བ་ཡིས#། །ས་བརྒྱད་པ་ནི་ཐོབ་པར་འགྱུར། །སྣང་བ་གསུམ་པོ་ཐོབ་པ་ཡིས། །ས་བཅུ་ལ་ནི་རབ་ཏུ་གནས། །ཞེས་འབྱུང་ངོ་། །ཡེ་ཤེས་ཀྱི་རང་བཞིན་གྱི་
[38a.4]ལུས་སོ་ཞེས་པ་ནི་ཉེ་བར་མཚོན་པ་ཙམ་ཡིན་ཏེ། རྡོ་རྗེའི་རང་བཞིན་གྱི་སྐུ་ཡང་ངོ་། །དེ་ཐོབ་ནས་ཞེས་བྱ་བ་ལ་སོགས་པས་རྣམ་པ་གཉིས་ཀྱི་སྐུ་བཟུང་#ནས་སོ། །འོད་ཟེར་བཅུ་སྟེ་ཞེས་པ་ནི་རླུང་བཅུ་ཉེ་བར་བསྡུ་བའི་བདག་ཉིད་མ་ནིང་གི་བཟླས་པ་ལ་རབ་ཏུ་གནས་པ་ནི་#གནས་པར་
[38a.5]འགྱུར་རོ། །བྱང་ཆུབ་ཅེས་བྱ་བ་ལ་སོགས་པས་བདེན་པ་གཉིས་ཀྱི་བདག་ཉིད་ཅན་གྱི་ཕྱག་རྒྱ་ཆེན་པོའི་སྐུ་དང་ལྡན་པ་ཉིད་བསྟན་ཏོ། །བདེན་པ་གཉིས་ཀྱི་ཡོངས་སུ་གཟུང་བའི་གཟུགས་ནི་ཞེས་པ་ནི་བདེན་པ་གཉིས་དབྱེར་མེད་པའོ། །དེ་ཉིད་ནི་ཁམས་གསུམ་པ་ཚིམ་པར་བྱེད་པས་
[38a.6]ན་ཞེས་པ་ནི་བསམ་པ་ཐམས་ཅད་རྫོགས་པར་བྱེད་པས་སོ། །བསམ་གཏན་གྱི་ཟས་ཀྱིས་བསྐལ་བའི་མཐའི་བར་དུ་#གནས་པས་ན་འཁོར་བ་ཇི་སྲིད་པར་གནས་ནས་སེམས་ཅན་གྱི་དོན་མཛད་པས་ནའོ། །དགོངས་པས་བཤད་པའོ་ཞེས་པ་ནི་འགལ་བའི་སྒྲའི་སྒོ་ནས་རིམ་པ་ལྔའི་བདག་
[38a.7]ཉིད་རྫོགས་པའི་རིམ་པའི་དེ་ཁོ་ན་ཉིད་བསྟན་པས་སོ། །བཤད་མ་ཐག་པ་ཞེས་བྱ་བ་ལ་སོགས་པས་སྔར་བཤད་པའི་སྔགས་ཀྱི་སྐུའོ། །རྣལ་འབྱོར་དང་རྗེས་སུ་རྣལ་འབྱོར་གྱི་འོག་ཏུ་ཤིན་ཏུ་རྣལ་འབྱོར་བསྟན་པར་བྱ་སྟེ#། གཟུང་བའི་སྤྲུལ་པའི་སྐུ་ཞེས་པ་ནི་རྣལ་འབྱོར་དང་རྗེས་སུ་
[38b]
[38b.1]རྣལ་འབྱོར་གྱི་བསྐྱེད་པའི་སྐུའོ། །གང་གི་ཕྱིར་རྫོགས་པའི་རིམ་པས་ཐོབ་པར་བྱ་བའི་ཡེ་ཤེས་ཀྱི་སྐུ་དང་རྡོ་རྗེའི་སྐུའི་#མིག་ལ་སོགས་པ་#བྱིན་གྱིས་བརླབ་པར་བྱ་བ་མི་རིགས་ཏེ་དོན་མེད་པའི་ཕྱིར་རོ། །སྒྱུ་མའི་དཔེ་བཅུ་གཉིས་ཀྱི་སྒོ་ནས་དེས་དངོས་པོ་ཐམས་ཅད་རྣམ་པར་དཔྱོད་པས་མངོན་པར་ཤེས་
[38b.2]པ་ཐོབ་པར་འགྱུར་བའོ། །འབྲས་བུ་ནི་མངོན་པར་ཤེས་པའི་མཚན་ཉིད་དོ། །དང་པོ་ཞེས་བྱ་བ་ལ་སོགས་པས་མིག་ལ་སོགས་པའི་དབང་པོ་ལྔ་སྟོང་པར་བྱས་ནས། ཡང་སའི་སྙིང་པོ་ལ་སོགས་པ་བྱང་ཆུབ་སེམས་དཔའ་རྣམས་ཀྱི་ཐླཱིཾ་#ལ་སོགས་པའི་ཡིག་འབྲུ་རྣམ་པར་བཀོད་ནས་དེ་ཡོངས་
[38b.3]སུ་གྱུར་པ་ལས་སའི་སྙིང་པོ་ལ་སོགས་པའི་སྐུ་བསམས་ལ་ཡང་དེ་ཡོངས་སུ་གྱུར་པ་ལས་མིག་གི་དབང་པོ་ལ་སོགས་པ་དེ་རྣམས་བསམ་པར་བྱའོ། །དེ་ལྟར་རྩོལ་བ་བྱས་པའི་རྣམ་འབྱོར་པས་རིང་བ་དང་བསྒྲིབས་པ་དང་བསྐལ་པའི་གཟུགས་ལ་སོགས་པ་#མཐོང་བ་དང་ཐོས་#པ་དང་།
[38b.4]སྣོམ་པ་དང་མྱོང་#བ་དང་རེག་པས་ལྷའི་མིག་ལ་སོགས་པ་ཉིད་ཐོབ་པར་འགྱུར་རོ་ཞེས་བསྟན་ཏོ། །སྟོང་པར་བྱས་པས་ནི་རང་བཞིན་མེད་པར་བྱས་པའོ། །ཁོང་སྟོང་ནི་སྟོང་པའི་སའོ། །ཐ་ནི་སའི་ཁམས་ཀྱི་ཡིག་འབྲུ་#ཡིན་པ་དང་ལའང་དེའི་རང་བཞིན་པའོ། །ཨཱི་#ནི་ཤེས་རབ་ཀྱི་རང་
[38b.5]བཞིན་དང་ཧ་ནི་ཐབས་ཀྱི་རང་བཞིན་ནོ། །དེས་ན་#ཐབས་དང་ཤེས་རབ་ཀྱི་བདག་ཉིད་སའི་ཁམས་ཀྱི་རང་བཞིན་རྣམ་པར་སྣང་མཛད་ཀྱི་རིགས་ལས་བྱུང་བ་སའི་སྙིང་པོ་ཞེས་བྱ་བའོ། །ཉི་མ་དང་ཟླ་བའི་འོད་ཟེར་གྱིས་#འབར་བར་གྱུར་པ་ཞེས་པ་ནི་མིག་གཡོན་པ་དང་གཡས་པ་དག་ལ་ཟླ་བ་
[38b.6]དང་ཉི་མའི་རང་བཞིན་གྱི་ཡི་གེ་དེའི་ཁ་དོག་དང་ལྡན་པར་#དགོད་པས་སོ། །གང་གིས་#ཞེས་བྱ་བ་ལ་སོགས་པས་ཡིག་#འབྲུ་ཡོངས་སུ་གྱུར་པ་ལས་སྐྱེས་པའི་མིག་གཉིས་ཀྱིས་#ལྟ་བས་ཕྱོགས་སྐྱོང་བ་#དང་བགེགས་ཀྱི་ཚོགས་ལ་སོགས་པ་རབ་ཏུ་ཞི་བར་འགྱུར་རོ་ཞེས་བསྟན་ཏོ། །སའི་
[38b.7]སྙིང་པོའི་ངོ་བོ་ཉིད་ཀྱིས་བསྒོམ་པར་བྱའོ་ཞེས་པ་ནི་སའི་སྙིང་པོ་#ཡོངས་སུ་གྱུར་པ་ལས་བྱུང་བའི་མིག་གི་དབང་པོ་ཡིག་འབྲུ་དེ་ཉིད་ཀྱིས་མཚན་པ་བསྒོམ་པར་བྱའོ་ཞེས་བསྟན་ཏོ། །རྡོ་རྗེ་འཆང་ཆེན་པོ་དང་འདྲ་བར་ཞེས་བྱ་བ་ལ་སོགས་པས་ལྷའི་མིག་ཐོབ་པ་ཉིད་བསྟན་ཏོ། །དངོས་པོ་
[39a]
[39a.1]ཐམས་ཅད་ཅེས་པ་ནི་རིང་བ་ལ་སོགས་པའོ། །ལག་མཐིལ་གྱི་སྐྱུ་རུ་ར་བཞིན་དུ་ཞེས་པ་ནི་ཤིན་ཏུ་གང་ན་གནས་པའི་ཡུལ་བཞིན་གསལ་བར་མཐོང་བར་བསྟན་ཏོ། །བཤད་པའི་དོན་བསྟན་པའི་ས་བོན་ནོ་#ཞེས་པ་ལ་སོགས་པས་ཡིག་འབྲུའི་#དཔེ་བསྟན་ཏོ། །ནམ་
[39a.2]མཁའ་རྡོ་རྗེ་ཞེས་བྱ་བ་ལ་སོགས་པས་ཏིང་ངེ་འཛིན་ཉེ་བར་བསྡུས་པར་བསྟན་ཏོ། །དེ་ལྟར་ཞེས་བྱ་བ་ལ་སོགས་པ་#སྔར་བཤད་པའི་ལྷའི་མིག་དང་འཆད་པར་འགྱུར་བའི་རྣ་བ་#ལ་སོགས་པའི་ཕན་ཡོན་སྟོན་ཏོ། །རྡོ་རྗེ་འཆང་ཆེན་པོ་དང་འདྲ་བར་འགྱུར་བའོ་ཞེས་པ་ནི་རིམ་གྱིས་རྫོགས་པའི་
[39a.3]རིམ་པ་བསྒོམ་པས་སོ་ཞེས་ཚིག་ལྷག་མའོ། །དུས་གསུམ་དུ་འབྱུང་བའི་རྒྱལ་བ་རྣམས་སོ་ཞེས་པ་ནི་ཁམས་གསུམ་གྱི་དེ་བཞིན་གཤེགས་པའི་འབྲེལ་པ་དང་ལྡན་པའི་ལྷའི་མིག་ལ་སོགས་པ་བསྒོམ་པར་འགྱུར་བས་རྡོ་རྗེ་འཆང་ཆེན་པོ་དང་འདྲ་བར་འགྱུར་རོ་ཞེས་བྱ་བའི་ཐ་ཚིག་གོ། །
[39a.4]ལྷའི་མིག་ལ་སོགས་པ་སྟེ་ཞེས་བྱ་བ་ལ་སོགས་པས་མིག་བྱིན་གྱིས་བརླབས་པས་རང་དང་གཞན་གྱི་སྡེ་པའི་དངོས་གྲུབ་གཙོ་བོར་ཐོབ་པར་འགྱུར་རོ་ཞེས་བསྟན་ཏོ། །དངོས་གྲུབ་ཐམས་ཅད་ཀྱི་ཞེས་པ་ནི་གཏེར་དབྱུང་བ་དང་ས་འོག་ཏུ་འཇུག་པ་དང་ལྷ་མ་ཡིན་གྱི་བུ་མོ་དགུག་པ་ལ་སོགས་པའི་སྦྱོར་
[39a.5]བའི་མཆོག་ཅེས་བྱ་བའི་དོན་ཏོ། །ལྷའི་མིག་གིས་ས་འོག་ལ་གནས་པའི་གཏེར་ལ་སོགས་པ་མཐོང་བའི་ཕྱིར་རོ། །སངས་རྒྱས་ཀྱི་དཀྱིལ་འཁོར་ཞེས་བྱ་བ་ལ་སོགས་པས་རྣལ་འབྱོར་དང་རྗེས་སུ་རྣལ་འབྱོར་དག་གིས་རྡོ་རྗེ་འཆང་ལ་སོགས་པའི་སྐུ་བསྐྱེད་ལ། །དེའི་རྣ་བའི་དབང་པོ་སྟོང་པར་
[39a.6]བྱས་ནས་དེ་ལ་ཡིག་འབྲུ་དགོད་ཅིང་ཡོངས་སུ་གྱུར་པ་ལས་ལག་ན་རྡོ་རྗེ་བསྒོམས་ལ#། དེ་ཡོངས་སུ་གྱུར་པ་ལས་ཡང་རྣ་བའི་དབང་པོ་དེའི་ཡིག་འབྲུས་མཚན་པ་བྱས་པས། བསྒྲིབས་པ་ལ་སོགས་པའི་སྒྲ་ཐོས་པས་ལྷའི་རྣ་བ་དང་ལྡན་པར་འགྱུར་རོ་ཞེས་བསྟན་ཏོ། །རྣ་བའི་གནས་ཞེས་པ་ནི་རྣ་བའི་
[39a.7]ནང་ནའོ། །འོད་གསལ་བ་བསྒོམ་#པ་ཞེས་པ་ནི་སྟོང་པ་ཉིད་བསྒོམ་པར་བྱ་བའོ། །དེའི་དབུས་སུ་གནས་པར་རོ་ཞེས་པ་ནི་ཁོང་སྟོང་#གི་དབུས་སུ་གནས་པ་ཞེས་བྱ་བའི་དོན་ཏོ། །ཨོཾ་ཞེས་པ་ནི་དཔེ་བསྟན་པའོ། །དེའི་རང་བཞིན་དུ་བྱས་པས་སོ་ཞེས་པ་ནི་ལག་ན་རྡོ་རྗེ་དང་དེའི་བདག་ཉིད་དུ་བྱས་པའོ། །
[39b]
[39b.1]རྡོ་རྗེ་འཆང་ཆེན་པོ་སྟེ་ཞེས་བྱ་བ་ལ་སོགས་པས་གང་ན་གནས་པའི་སྒྲ་ཐོས་པ་བཞིན་དུ་བསྒྲིབས་པ་ལ་སོགས་པའི་སྒྲ་ཡང་ཐོས་#པར་འགྱུར་རོ། །རྡོ་རྗེ་འཆང་ཆེན་པོ་དང་མཚུངས་པའི་སྐུའོ་ཞེས་བྱ་བ་ལ་སོགས་པས་ཐ་མལ་པའི་ལུས་ལ་སོགས་པའི་རང་བཞིན་སྤངས་ནས་རིམ་གྱིས་#རྫོགས་པའི་རིམ་
[39b.2]པ་ཁོང་དུ་ཆུད་ཅིང་རྡོ་རྗེ་འཆང་ཆེན་པོ་དང་འདྲ་བར་འགྱུར་རོ་ཞེས་བསྟན་ཏོ། །རྣ་བ་ལ་གནས་པའི་ཕྱག་ན་རྡོ་རྗེས་ཞེས་པ་ནི་ཡིག་འབྲུ་དང་སྐུ་དབྱེར་མེད་པའོ། །མི་བསྐྱོད་པ་ཞེས་བྱ་བ་ལ་སོགས་པས་རྣ་བའི་དབང་པོ་གཉིས་བྱིན་གྱིས་བརླབ་པ་ཉེ་བར་བསྡུས་པའོ། །ནམ་མཁའི་སྙིང་པོའི་ཏིང་ངེ་འཛིན་
[39b.3]གསུངས་པ་ཞེས་བྱ་བ་ལ་སོགས་པས་སྔ་མ་བཞིན་དུ་རྣལ་འབྱོར་གཉིས་བསྒོམས་ལ། སྣའི་#དབང་པོ་སྟོང་པར་བྱས་ནས་དེར་དགོད་པའི་ཡིག་འབྲུ་ཡོངས་སུ་གྱུར་པ་ལས་#ནམ་མཁའི་སྙིང་པོ་ཡོངས་སུ་གྱུར་ནས་སྣའི་དབང་པོ་ཡི་གེ་དེ་ཉིད་ཀྱིས་མཚན་པར་#བསམ་པར་བྱའོ་ཞེས་བསྟན་ཏོ། །རྡོ་རྗེ་
[39b.4]འཆང་ཆེན་པོའི་སྐུའི་དཀྱིལ་འཁོར་ཞེས་པ་ནི་ཉེ་བར་མཚོན་པ་ཡིན་པས་རྣམ་པར་སྣང་མཛད་ལ་སོགས་པའི་སྐུ་ཡང་བསམ་པར་བྱའོ། །འོད་གསལ་བ་བསྒོམས་པས་ཞེས་པ་ནི་སྟོང་པ་ཉིད་དུ་བསྒོམས་པས་སོ། །ཡི་གེ་ཨོཾ་ཞེས་པ་ནི་ཡིག་འབྲུའི་དཔེ་བསྟན་ཏོ། །དྲི་རྣམ་པ་གསུམ་སྟེ་
[39b.5]ཞེས་བྱ་བ་ལ་སོགས་པས་ནམ་མཁའི་སྙིང་པོ་ཡོངས་སུ་གྱུར་པའི་སྣའི་དབང་པོ་ཡིག་འབྲུ་དེ་ཉིད་ཀྱིས་མཚོན་པ་བསྟན་ཏོ། །འཇིག་རྟེན་གྱི་ཁམས་ཞེས་བྱ་བ་ལ་སོགས་པས་གམ་#ན་གནས་པའི་དྲི་གཟུང་བ་བཞིན་དུ་བསྒྲིབས་པ་ལ་སོགས་པའི་དྲི་གཟུང་བ་ཡང་བསྟན་ཏོ། །ནམ་མཁའ་མཛོད་ཀྱི་
[39b.6]ཏིང་ངེ་འཛིན་གྱིས་ཞེས་བྱ་བ་ལ་སོགས་པས་ནམ་མཁའི་སྙིང་པོ་དང་མཚུངས་པར་འགྱུར་རོ་ཞེས་བསྟན་ཏོ། །བླང་བར་བྱ་བས་ན་བྱང་ཆུབ་ཀྱང་ཡིན་ལ་རང་བཞིན་ཐམས་ཅད་སྤོང་བར་བྱེད་པས་བདག་མེད་པ་ཡིན་ཏེ། བདག་མེད་བྱང་ཆུབ་ནི་འོད་གསལ་བ་སྟེ་ཐམས་ཅད་སྟོང་པའོ། །དེ་ཉིད་ཀྱིས་#
[39b.7]སྟོང་པ་བཞི་ཁྱབ་པར་བྱེད་པས་སྟོང་པ་བཞིའི་བདག་ཉིད་ཅན་ཞེས་བྱ་བ་#སྟེ། རྒྱུ་དང་འབྲས་བུ་དབྱེར་མེད་པའི་ཕྱིར་རོ། །ཇི་སྐད་དུ། །སྟོང་པ་ཤིན་ཏུ་སྟོང་པ་དང་། །གསུམ་པ་སྟོང་པ་ཆེན་པོ་དང་། །བཞི་པ་ཐམས་ཅད་སྟོང་པ་སྟེ། །རྒྱུ་དང་འབྲས་བུའི་དབྱེ་བས་སོ། །ཞེས་འབྱུང་ངོ་། །ཉན་ཐོས་པ་ལ་
[40a]
[40a.1]སོགས་པའི་ཡུལ་མ་ཡིན་པས་ན་ཞེས་པ་ནི་གང་གི་ཕྱིར་དེ་དང་འདྲ་བའི་དེ་ཁོ་ན་ཉིད་ཉན་ཐོས་པ་ལ་སོགས་པས་རྟོགས་པར་མ་གྱུར་ཏེ། དེ་རྣམས་ཀྱིས་#གང་ཟག་ལ་བདག་མེད་པ་ལ་སོགས་པ་ཙམ་གོམས་པས་སོ། །དེ་དང་མཉམ་པའི་གནས་སུ་གྱུར་པ་གང་ཡིན་
[40a.2]པ་ཞེས་པ་ནི་མི་གནས་པའི་མྱ་ངན་ལས་འདས་པའི་ངོ་བོ་གང་ལ་ཡོད་པ་དེ་ལ་དེ་སྐད་ཅེས་བྱའོ། །རིན་པོ་ཆེའི་དམ་ཚིག་ཅེས་བྱ་བ་ལ་སོགས་པས་ནམ་མཁའི་སྙིང་པོའི་རང་བཞིན་གྱིས་#སྣའི་དབང་པོ་བྱིན་གྱིས་བརླབས་#པའི་ཉེ་བར་བསྡུས་པ་བསྟན་ཏོ། །སྔ་མ་བཞིན་དུ་ཞེས་པ་ལ་སོགས་
[40a.3]པས་འདི་སྐད་བཤད་པ་ཡིན་ཏེ། ཕྱག་རྒྱ་ཆེན་པོའི་བསྒོམ་པ་སྔོན་དུ་འགྲོ་བར་ལྕེའི་དབང་པོ་སྟོང་པར་བསྒོམས་ནས་དེ་ལ་འཇིག་རྟེན་དབང་ཕྱུག་གི་ཡིག་#འབྲུ་བཀོད་ཅིང་དེ་ཡོངས་སུ་གྱུར་པ་ལས་འཇིག་རྟེན་དབང་ཕྱུག་བསྒོམས་ཏེ། དེ་ཡང་ཡོངས་སུ་གྱུར་པ་ལས་བྱུང་བའི་འཇིག་རྟེན་དབང་ཕྱུག་
[40a.4]གི་རང་བཞིན་གྱི་ལྕེའི་ཡིག་འབྲུ་དེ་ཉིད་ཀྱིས་#མཚན་པ་བསྒོམ་པར་བྱའོ་ཞེས་བསྟན་ཏོ། །ཡང་དག་པའི་མཐའ་ཞེས་པ་ནི་དེ་བཞིན་ཉིད་#དང་སྟོང་པ་ཉིད་ཅེས་བྱ་བ་#རྣམ་གྲངས་སོ། དེ་སྐྱེད་པར་བྱེད་པའི་ཞེས་པ་ནི་འཇིག་རྟེན་དབང་ཕྱུག་རྫོགས་པར་བྱེད་པའོ། །ཨོཾ་ཞེས་བྱ་བས་ནི་དཔེ་བསྟན་
[40a.5]ཏོ། །རོ་རྣམ་པ་གསུམ་ཞེས་བྱ་བ་འདིས་འཇིག་རྟེན་དབང་ཕྱུག་གི་ངོ་བོ་ཉིད་བསྟན་ཏོ། །དེ་བསྒོམས་ནས་ཞེས་པ་ལ་སོགས་པས་གམ་ན་གནས་པའི་རོ་མྱང་#བ་བཞིན་དུ་བསྒྲིབས་པ་ལ་སོགས་པའི་རོ་མྱང་#བར་འགྱུར་རོ་ཞེས་བསྟན་ཏོ། །དབང་པོ་དམན་པ་ལ་སོགས་པའི་སེམས་ཅན་རྣམས་
[40a.6]ནི་དམན་པ་ལ་སོགས་པའི་དབྱེ་བ་དང་ལྡན་པའི་གདུལ་བྱ་རྣམས་སོ། །སངས་རྒྱས་ཉིད་དུ་འགྱུར་བའི་ལམ། །ཞེས་པ་ནི་སྔགས་ཀྱི་ཐེག་པ་ཆེན་པོའི་ལམ་སྟེ། གཞན་རྣམས་ནི་འཁྲུལ་པ་དང་ལྡན་པས་སོ། །འཁྲུལ་པ་མེད་ན་ཡང་ཡུན་རིང་བས་ཐོབ་པའི་བྱང་ཆུབ་ཡིན་པའི་ཕྱིར་རོ། །དེའི་
[40a.7]དོན་གྱི་ཐབས་ཞེས་པ་ནི་རྡོ་རྗེ་འཆང་གི་ཆོས་ཀྱི་འཁོར་ལོ་གང་ལ་ཡོད་པ་དེ་ལ་དེ་སྐད་ཅེས་བྱ་སྟེ། འོད་དཔག་ཏུ་མེད་པའི་རིགས་དང་ལྡན་པའི་འཇིག་རྟེན་དབང་ཕྱུག་ནི་གསུང་གི་#ངོ་བོ་ཡིན་པའི་ཕྱིར་རོ། །རྡོ་རྗེ་འཆང་ཆེན་པོ་ཞེས་བྱ་བ་ལ་སོགས་པས་འཇིག་རྟེན་དབང་ཕྱུག་གི་རང་བཞིན་
[40b]
[40b.1]ལྕེའི་དབང་པོ་བྱིན་གྱིས་བརླབ་པ་#ཉེ་བར་བསྡུས་པ་བསྟན་ཏོ། །སྔ་མ་བཞིན་ཞེས་བྱ་བ་ལ་སོགས་པས་ཕྱག་རྒྱ་ཆེན་པོའི་གཟུགས་རྣལ་འབྱོར་གཉིས་ཀྱིས་བསྐྱེད་ལ་གསང་བའི་རྡོ་རྗེ་སྟོང་པར་བསྒོམ་ཞིང་དེ་ལ་སྒྲིབ་པ་སེལ་བའི་ས་བོན་རྣམ་པར་བཀོད་དེ། དེ་ཡོངས་སུ་གྱུར་པ་ལས་ཨུཏྤལ་དང་འདྲ་
[40b.2]བའི་ཡིག་འབྲུ་དེ་ཉིད་ཀྱིས་མཚན་པ་#བྱས་ལ་གམ་ན་གནས་པའི་ཕྱག་རྒྱའི་མཚོ་སྐྱེས་ཀྱི་ནང་གི་རེག་པ་དང་འདྲ་བར་ཁམས་གསུམ་ན་གནས་པའི་བུད་མེད་ཐམས་ཅད་ཀྱི་པདྨའི་རེག་པ་མྱོང་བར་འགྱུར་རོ་ཞེས་བསྟན་ཏོ། །འདིའི་ཕན་ཡོན་ཞེས་བྱ་བ་ལ་སོགས་པས་ལུས་#བྱིན་གྱིས་
[40b.3]བརླབས་པའི་ཕན་ཡོན་བསྟན་ཏོ། །ལུས་ལ་སོགས་པ་ཞེས་བྱ་བས་དོན་ཡོད་གྲུབ་པ་དང་འདྲ་བར་འགྱུར་རོ་ཞེས་བསྟན་ཏོ། །མཆོག་ཏུ་དགའ་བའི་བདེ་བ་ཞེས་བྱ་བ་ནི། འདུས་མ་བྱས་པའི་སྐུའི་དབང་པོ་དང་ལྡན་པས་སྙོམས་པར་ཞུགས་པའི་དུས་སུ་རྟག་ཏུ་དགའ་བ་བསྐྱེད་པའོ། །
[40b.4]ཡེ་ཤེས་ནི་བྱ་བ་ནན་ཏན་གྲུབ་པའི་ཡེ་ཤེས་སོ། །དེའི་རང་བཞིན་དོན་ཡོད་གྲུབ་པའི་རིགས་ལས་བྱུང་བས་ན་སྒྲིབ་པ་ཐམས་ཅད་རྣམ་པར་སེལ་བ་ཞེས་བྱའོ། །བསྐྱེད་པའི་མཚན་ཉིད་ཅན་ཞེས་པ་#ནི་ལུས་ཀྱི་དབང་པོ་བྱིན་གྱིས་བརླབས་ནས་དམ་ཚིག་གི་དཀྱིལ་འཁོར་གྱི་རིམ་པས་དེ་
[40b.5]བཞིན་གཤེགས་པ་ཐམས་ཅད་དང་ལྷ་མོ་དང་བྱང་ཆུབ་སེམས་དཔའ་དང་ཁྲོ་བོ་རྣམས་སྤྲོ་བའོ། །གདོན་མི་ཟ་བར་ཏེ་#ཞེས་བྱ་བ་ལ་སོགས་པས་གསང་བའི་རྡོ་རྗེ་ལས་བྱུང་བའི་བྱང་ཆུབ་སེམས་ཀྱི་ཐིག་ལེ་ལས་བྱུང་#བའི་ཁམས་གསུམ་གྱི་#ཏིང་ངེ་འཛིན་ཉེ་བར་བསྡུས་པར་བསྟན་ཏོ། །དེ་
[40b.6]ལྟར་ཞེས་བྱ་བ་ལ་སོགས་པས་དེ་བཞིན་གཤེགས་པའི་#མོས་པ་དང་ལྡན་པས་དེ་བཞིན་གཤེགས་པ་ཉིད་ཀྱིས་མིག་ལ་སོགས་པ་བྱིན་གྱིས་བརླབ་#པར་བྱའོ་ཞེས་བསྟན་པར་བྱ་སྟེ། ལོངས་སྤྱོད་རྫོགས་པ་དང་སྤྲུལ་པའི་སྐུ་ཕན་ཚུན་དབྱེར་མེད་པའི་ཕྱིར་རོ། །དབྱེར་མེད་པ་དེ་ཡང་བྱ་བ་གཅིག་ཡིན་
[40b.7]པས་སོ། །སྒྲུབ་ཐབས་བརྩམས་#པ་རྣམས་ཀྱིས་ཀྱང་བྱང་ཆུབ་སེམས་དཔའ་རྣམས་ཀྱི་#མིག་ལ་སོགས་པ་བྱིན་གྱིས་བརླབ་#པར་འདོད་དེ། རྡོ་རྗེའི་སྐྱེ་མཆེད་ཉིད་དང་ནི། །བྱང་ཆུབ་སེམས་དཔའི་དཀྱིལ་འཁོར་མཆོག །ཅེས་རྒྱུད་ཕྱི་མ་ལས་གསུངས་པའི་གསུང་ཚད་མས་སོ། །#དེ་
[41a]
[41a.1]བཞིན་གཤེགས་པ་རྣམས་ཀྱིས་ཀྱང་མིག་ལ་སོགས་པ་བྱིན་གྱིས་བརླབ་པའི་ཚད་མ་ནི། དེ་བཞིན་གཤེགས་པ་ཀུན་གྱི་སྐུ། །ཕྱག་རྒྱ་བཞི་ཡིས་རྒྱས་བཏབ་པའོ། །ཞེས་འབྱུང་བས་སོ། །དེ་བཞིན་ཉིད་དོ་ཞེས་བྱ་བ་ལ་སོགས་པས་བསྐྱེད་པའི་རིམ་པས་རྡོ་རྗེ་འཆང་ལ་སོགས་
[41a.2]པའི་སྐུ་བསྒོམས་ལ། དེའི་མིག་སྟོང་པར་བྱས་ཏེ་དེ་ལ་ཨོཾ་བཀོད་ཅིང་དེ་ཡོངས་སུ་གྱུར་པ་ལས་རྣམ་པར་སྣང་མཛད་བསམས་ལ། དེ་ཡོངས་སུ་གྱུར་པ་ལས་མིག་གི་དབང་པོ་ཡིག་འབྲུ་དེས་མཚན་པ་བསྒོམ་པར་བྱའོ་ཞེས་བསྟན་ཏོ། །བསྐྱེད་པའི་རིམ་གྱིས་རྫོགས་པ་ཞེས་པ་ནི་རྣལ་འབྱོར་དང་
[41a.3]རྗེས་སུ་རྣལ་འབྱོར་གྱིས་འབྱུང་བའོ། །སྐུ་གསུམ་ཨོཾ་ནི་ཞེས་བྱ་བ་ལ་སོགས་པས་དང་པོ་མིག་ལ་ཨོཾ་བཀོད་ཅིང་དེ་ཡོངས་སུ་གྱུར་པ་ལས། རྣམ་པར་སྣང་མཛད་ལས་བྱུང་བའི་མིག་བསྒོམ་པར་བྱའོ་ཞེས་བསྟན་ཏོ། །གཟུགས་རྣམ་པ་གསུམ་ཞེས་བྱ་བ་ལ་སོགས་པས་
[41a.4]ཡུལ་དང་དབང་པོའི་རང་བཞིན་གྱི་དཔལ་རྣམ་པར་སྣང་མཛད་བསྒོམས་པས་རྡོ་རྗེ་འཆང་དང་འདྲ་བར་འགྱུར་རོ་ཞེས་བསྟན་ཏོ། །འདིའི་ཕན་ཡོན་བསྟན་པ་ཞེས་བྱ་བ་ལ་སོགས་པས་དེའི་སྐུ་ལ་སོགས་པ་རྣམ་པར་སྣང་མཛད་དང་འདྲ་བར་འགྱུར་རོ་ཞེས་བསྟན་ཏོ། །ཡེ་ཤེས་ཀྱི་ལུས་ཀྱིས་མངོན་
[41a.5]པར་བྱང་ཆུབ་ཅིང་རྟོགས་#པར་འགྱུར་བའི་ཕྱིར་ན་ཞེས་པ་ནི་རིམ་པར་སྒོམ་#པར་བྱེད་པས་ཡེ་ཤེས་ཀྱི་#སྐུ་ཡང་ཐོབ་པར་འགྱུར་རོ་ཞེས་བསྟན་ཏོ། །རྡོ་རྗེ་འཆང་ཆེན་པོའི་གོ་འཕང་ཞེས་བྱ་བ་འདིས་མངོན་པར་#བྱང་ཆུབ་པ་མངོན་དུ་བྱས་པས་ཟུང་འཇུག་གི་གོ་འཕང་ཡང་ཐོབ་པར་འགྱུར་རོ་ཞེས་བསྟན་ཏོ། །
[41a.6]ལུས་དང་ངག་དང་ཡིད་ཀྱིས་#དམིགས་ཤིང་བཟུང་བས་ན་ཞེས་པ་ནི་ལུས་ལ་#སོགས་པ་ཉེ་བར་སྡུད་པར་བྱེད་པས་སོ། །དེའི་ཞེས་བྱ་བ་ལ་སོགས་པས་ཕྱག་རྒྱ་ཆེན་པོའི་མིག་གི་དབང་པོ་ལ་#དགོད་པ་རྣམ་པར་སྣང་མཛད་ཀྱིས་བྱིན་གྱིས་བརླབ་#པའི་ཏིང་ངེ་འཛིན་ཉེ་བར་བསྡུས་པ་བསྟན་ཏོ། །དགོངས་
[41a.7]པ་མ་ཡིན་པས་བཤད་པ་ཞེས་པ་ནི་ཤིན་ཏུ་རྣལ་འབྱོར་གྱི་དེ་ཁོ་ན་ཉིད་ཤིན་ཏུ་གསལ་བར་བསྟན་པའི་ཕྱིར་རོ། །སྒྲུབ་པ་པོའི་གནས་ཞེས་བྱ་བ་ལ་སོགས་པས་དྲང་བའི་དོན་གྱི་ཕྱོགས་སུ་ཡིད་དང་མཐུན་པ་#སྐྱེ་བོས་དབེན་པའི་གནས་བསྟན་ཏོ། །རིའི་རྩེ་མོ་ཞེས་བྱ་བ་ནི་ཀུན་ནས་མཐོ་བ་#དང་མི་
[41b]
[41b.1]གཡེ་བས་ན་#ཏིང་ངེ་འཛིན་དང་མཐུན་པའོ། །དབེན་པ་ནི་སེམས་རྩེ་གཅིག་པའི་ཕྱིར་རོ། །སྐྱེད་མོས་ཚལ་ལ་སོགས་པ་ནི་ཡང་དག་པའི་ཏིང་ངེ་འཛིན་ལ་ཞུགས་པའི་རྒྱུར་གྱུར་པས་མཐུན་པའོ། །དུར་ཁྲོད་ལ་སོགས་པ་ཞེས་པ་ནི་ཆོས་ལ་བདག་མེད་པ་སྟོན་པའི་ཏིང་ངེ་འཛིན་དང་མཐུན་པའོ། །ཤིང་
[41b.2]གཅིག་པ་དང་ཞེས་པ་ནི་གང་ཤིང་གཞན་གྱི་གྲིབ་མ་མེད་པའམ་ཡང་ན་གཅིག་པུ་སྟེ། དེའི་དྲུང་དུ་བཅོམ་ལྡན་འདས་ཀྱིས་#བྱང་ཆུབ་ཐོབ་པའི་ཕྱིར་རོ། །ཁོང་#སྟོང་དང་ཞེས་པ་ནི་སེམས་རྩེ་གཅིག་པ་ཉིད་ཀྱི་རྒྱུ་ཡིན་ནོ། །ལྷའི་ཁང་པ་ནི་གལ་ཏེ་མི་ནུས་ན་དེའི་ཚེ་རང་གི་ལྷ་ཁང་བྲིས་སྐུ་ལ་
[41b.3]སོགས་པ་དང་ལྡན་པ་ལ་ཏིང་ངེ་འཛིན་བྱའོ། །སོགས་པའི་སྒྲས་ནི་སུམ་མདོ་དང་བཞི་མདོ་དང་བས་#མཐའ་དང་མ་མོའི་ཁང་པ་ལ་སོགས་པ་ཡང་ཡོངས་སུ་གཟུང་#བས་རྟོགས་པར་བྱའོ། །སའི་སྙིང་པོ་ལ་སོགས་པའི་#ཏིང་ངེ་འཛིན་གྱི་ཚོགས་བྱ་བ་ཞེས་པ་ནི་སྐྱེ་མཆེད་རྣམས་ནི་བྱིན་གྱིས་
[41b.4]བརླབས་#པའི་མཚན་ཉིད་ཅན་ཞེས་བྱའོ། །དྲང་བའི་དོན་ཏོ་ཞེས་པ་ནི་དང་པོའི་སྦྱོར་བའི་ཡན་ལག་ཏུ་འགྱུར་བ་རྣལ་འབྱོར་གྱིས་#ཕྱོགས་གཅིག་གནས་གཟུང་བ་སོ་སོར་བསྟན་པས་སོ། །ནུ་མ་དང་སྐེད་པ་རྒྱས་པ་#ལ་སོགས་པ་དང་ལྡན་པ་ཞེས་པ་ནི་གཟུགས་མཛེས་པ་དང་ལྡན་པ་རབ་ཏུ་
[41b.5]བསྟན་ཏོ། །བུད་མེད་ཀྱི་རི་བོ་ཞེས་པ་ནི་ལོ་ཉི་ཤུ་ལོན་པ་ལ་སོགས་པའོ། །དེ་མ་རྙེད་ན་ལུས་འཚོང་ནི་སྨད་འཚོང་བ་རྣམས་སོ། །འགྲོ་བ་ཐམས་ཅད་དང་ཐུན་མོང་དུ་གྱུར་པའི་ཞེས་པ་ནི་གནོད་པ་མེད་པ་རྣམས་ལའོ། །འཇིག་རྟེན་པ་རྣམས་ཀྱིས་སྨད་པ་ཞེས་པ་ནི་འཇིག་རྟེན་གྱིས་#སྨད་པར་
[41b.6]བྱ་བ་སྟེ་རིགས་ངན་ཡིན་པའི་ཕྱིར་རོ། །དེ་ལ་སྨེ་ཤ་ཅན་གྱི་བུ་མོ་ལོ་བཅུ་གཉིས་པ་མི་བསྐྱོད་པའི་རྣལ་འབྱོར་པའི་ཕྱག་རྒྱ་དང་ཁྲུས་མཁན་གྱི་བུ་མོ་ལོ་ཉི་ཤུ་པ་#རྣམ་པར་སྣང་མཛད་ཀྱི་རྣལ་འབྱོར་པའི་ཕྱག་རྒྱ་དང་། གར་མཁན་གྱི་བུ་མོ་ལོ་བཅུ་དྲུག་པ་འོད་དཔག་ཏུ་མེད་པའི་རྣལ་འབྱོར་
[41b.7]པའི་ཕྱག་རྒྱའོ། །ལྷན་ཅིག་#སྤྱོད་པ་དེ་རྣམས་བྱས་ནས་སྔར་བཤད་པའི་ཏིང་ངེ་འཛིན་བྱའོ། །ངེས་པའི་དོན་ཏེ་ཞེས་པ་ནི་ཕྱག་རྒྱའི་དབྱེ་བ་བསྟན་པས་སོ། །དེ་ལྟར་ཞེས་བྱ་བ་ལ་སོགས་པས་གནས་གཟུང་བ་དང་རྣམ་པར་སྣང་མཛད་ཀྱིས་མིག་#བྱིན་གྱིས་བརླབ་པ་ཉེ་བར་བསྡུས་པ་བསྟན་
[42a]
[42a.1]ཏོ། །དེ་བཞིན་དུ་ཞེས་བྱ་བ་ལ་སོགས་པས་རང་རང་གི་བདག་པོ་བཀོད་ནས་རྣ་བ་ལ་སོགས་པ་བྱིན་གྱིས་བརླབ་པ་བསྟན་པར་བྱ་སྟེ། མི་བསྐྱོད་པ་ཞེས་བྱ་བ་ལ་སོགས་པས་རྡོ་རྗེ་འཆང་ཆེན་པོ་ལ་སོགས་པ་གང་ཡང་རུང་བའི་རྣལ་འབྱོར་དང་ལྡན་པས་རྣ་བ་ལ་སོགས་པའི་
[42a.2]གནས་སྟོང་པ་ཉིད་དུ་བསྒོམས་ལ། ཐུགས་རྡོ་རྗེ་འཆང་ལ་སོགས་པའི་ས་བོན་དགོད་པ་སྔོན་དུ་འགྲོ་བས་དེ་རྣམས་བསྒོམས་ལ་དེ་ཡོངས་སུ་གྱུར་པ་ལས། རྣ་བའི་སྐྱེ་མཆེད་ལ་སོགས་པ་བསྒོམ་པར་བྱའོ་ཞེས་པ་ནི་དེ་བཞིན་གཤེགས་པའི་སྒོ་ནས་རྣ་བའི་སྐྱེ་མཆེད་ལ་སོགས་པ་བྱིན་གྱིས་
[42a.3]བརླབ་པའི་རིམ་པས་སོ། །རྡོ་རྗེ་འཆང་གིས་དེ་སྐད་ཅེས་བཀའ་སྩལ་ཏོ་ཞེས་པས་རྡོ་རྗེ་འཆང་ཆེན་པོས་#གསུང་སྡུད་#པ་པོས་ཉེ་བར་བསྡུས་པ་བསྟན་ཏོ། །སྒྲ་ཇི་བཞིན་པའོ་ཞེས་པ་ནི་དང་པོ་སྦྱོར་བའི་ཡན་ལག་ཏུ་གྱུར་པ་ཤིན་ཏུ་རྣལ་འབྱོར་གསུམ་པོ་སོ་སོར་བསྟན་པས་སོ#། །བསྐྱེད་པའི་རིམ་པས་
[42a.4]ཞེས་བྱ་བ་ལ་སོགས་པས་རྫོགས་པའི་རིམ་པའི་རྣལ་འབྱོར་པ་རྣམས་ལ་ལྷའི་མིག་ལ་སོགས་པ་བསྟན་པར་བྱ་སྟེ#། དབང་པོ་རྣམ་པ་ལྔ་སྟེ་ཞེས་བྱ་བ་ལ་སོགས་པས་སོ་སོར་སྡུད་པའི་རིམ་པས་ཡུལ་དང་དབང་པོ་#བསྡུ་བ་གང་ཡིན་པ་དེ་ནི་དེ་བཞིན་གཤེགས་པའི་མཆོད་པ་ཡིན་ནོ་ཞེས་ལྷག་
[42a.5]པར་མོས་པས་ཇི་སྲིད་ཕྱི་མའི་ཡན་ལག་ལྔ་བསྒོམས་པས་རྡོ་རྗེ་འཆང་ཆེན་པོ་དང་འདྲ་བར་གྱུར་པ་དེ་སྲིད་དུ་གནས་པར་བྱའོ་ཞེས་བསྟན་ཏོ། །གཟུགས་ནི་#རྣམ་པ་གསུམ་ཤེས་ནས#། །ལྷ་རྣམས་ལ་ནི་དབུལ་བར་བྱ། །ཞེས་ལེའུ་བདུན་པ་ལས་འབྱུང་ངོ་། །རང་སྔགས་ཞེས་བྱ་བ་ལ་སོགས་
[42a.6]པས་ཡེ་ཤེས་ཀྱི་སྐུ་གཟུང་བ་སྔོན་དུ་འགྲོ་བར་འཇུག་པ་ལ་སོགས་པའི་རིམ་གྱིས་ཡི་གེ་གསུམ་ཡན་ལག་མ་ཉམས་པར་བཟླས་#ཤིང་དེ་ཉིད་དུ་དབང་པོ་ལྔ་ཞུགས་ནས་དེ་ལས་#ལངས་ནས་རྡོ་རྗེ་འཆང་ཆེན་པོ་དང་འདྲ་བར་འགྱུར་རོ། །དེས་ནི་རྡོ་རྗེ་བཟླས་པའི་རིམ་པ་བསྟན་ཏོ། །རང་གི་ཕྱག་རྒྱ་ཆེན་
[42a.7]པོའི་#གཟུགས་སོ་ཞེས་བྱ་བ་ལ་སོགས་པ་འོད་གསལ་བ་ལས་འབྱུང་བ་ཡུལ་དང་དབང་པོའི་ལོངས་སྤྱོད་སྒྱུ་མ་ལྟ་བུར་མཐོང་བས་ཡེ་ཤེས་ཀྱི་སྐུ་བསྒོམ་པར་བྱའོ། །དེས་ནི་བདག་ལ་བྱིན་གྱིས་བརླབ་པའི་རིམ་པ་བསྟན་ཏོ། །ཏིང་ངེ་འཛིན་གཞན་དག་ཅེས་པ་ནི་རྡོ་རྗེ་བཟླས་པའི་ཕྱོགས་གཅིག་
[42b]
[42b.1]སྟེ་ཐིག་ལེའི་རྣལ་འབྱོར་རོ། །ཐིག་ལེའི་རྣལ་འབྱོར་ཡང་རླུང་གི་དེ་ཁོ་ན་ཉིད་ཅེས་བྱ་བ་སྟེ་རྡོ་རྗེ་བཟླས་པའི་རིམ་པའི་#རྒྱུར་གྱུར་པའོ#། །རླུང་གི་དེ་ཉིད་རིམ་གྱིས་ནི། །སྔགས་ཀྱི་དེ་ཉིད་ཡང་དག་འཇུག །སྔགས་རྫོགས་པ་ནི་ཀུན་རྟོགས་ན། །རྡོ་རྗེ་བཟླས་པ་སློབ་པར་འགྱུར། །ཞེས་འབྱུང་ངོ་། །
[42b.2]དེ་ཉིད་བསྟན་པའི་ཕྱིར། རྫོགས་པའི་རིམ་པ་ཞེས་#བྱ་བ་ལ་སོགས་པ་བསྟན་ཏོ། །རྟོགས་པར་བྱེད་པས་ན་ཞེས་བྱ་བ་ལ་སོགས་པས་སྐུ་རྡོ་རྗེ་ལ་སོགས་པའི་རྣལ་འབྱོར་པ་རྣམས་ཀྱིས་#རྣམ་པར་སྣང་མཛད་ལ་སོགས་པའི་ཕྱག་རྒྱ་ཆེན་པོ་གསུམ་བསྒོམ་#ལ། དེའི་སྙིང་གར་ཨོཾ་ལ་སོགས་པ་
[42b.3]རང་དང་ཐིག་ལེའི་#དབྱེ་བས་ཡེ་ཤེས་སེམས་དཔའ་དང་ཏིང་ངེ་འཛིན་སེམས་དཔའ་དག་བསྒོམས་ལ་ཁམས་གསུམ་གྱི་ལུས་ལ་#སོགས་པ་དང་དབྱེར་མེད་པར་མོས་ནས་བདག་ཉིད་ཀྱི་ལུས་ལ་སོགས་པ་ཨོཾ་ལ་སོགས་པ་ལ་འཇུག་སྟེ། ཨོཾ་ལ་སོགས་པ་རང་ཡང་ཐིག་ལེ་ཙམ་ལ་ཞུགས་
[42b.4]ནས་གང་གི་ཚེ་ཐིག་ལེ་ཙམ་ལ་གནས་པའི་སེམས་སུ་གྱུར་ནས་དེའི་ཚེ་སེམས་དབང་དུ་གྱུར་པས་རྡོ་རྗེ་འཆང་ཆེན་པོ་དང་འདྲ་བར་འགྱུར་རོ་ཞེས་བསྟན་ཏོ། །ཏིང་ངེ་འཛིན་གསུམ་ནི་#ཐིག་ལེའི་རྣལ་འབྱོར་གསུམ་མོ། །བསྐྱེད་པའི་རིམ་པའི་#བསྒོམ་པའོ་ཞེས་པ་ནི་ཉན་ཐོས་ལ་སོགས་པའི་
[42b.5]དམ་ཚིག་རྣམས་ལས་མཆོག་ཡིན་པའི་ཕྱིར་རོ། །དེའི་མཆོག་ཡིན་པས་ན་རྫོགས་པའི་རིམ་པའི་ཏིང་ངེ་འཛིན་གྱིས་སོ། །རྡོ་རྗེ་གསུམ་ཞེས་བྱ་བ་ལ་སོགས་པས་ཁམས་གསུམ་གྱི་ལུས་ལ་སོགས་པ་དང་བདག་ཉིད་ཀྱི་ཡང་དབྱེར་མེད་པར་བསྟན་ཏོ། །རང་གི་ལུས་ལ་སོགས་པ་
[42b.6]ཐིག་ལེ་ལ་ཞུགས་པས་འགོག་པ་ཡང་ཡིན་ལ་འཛིན་པའི་ཡན་ལག་གིས་དེ་ཙམ་ལ་གནས་པས་དམ་ཚིག་ཀྱང་ཡིན་ཏེ། འགོག་པའི་དམ་ཚིག་ནི་ཐིག་ལེའི་རྣལ་འབྱོར་རོ། །དེ་ཉིད་ཀྱི་ཁྱད་པར་ནི་འཛིན་པ་སྟེ་ཡན་ལག་བཞི་པའོ། །དེ་གང་གིས་ཤེས་པ་ཞེས་པས་ནི་#ཏིང་ངེ་འཛིན་གྱི་
[42b.7]ཁྱད་པར་བསྟན་ཏོ། །ཐ་མལ་པའི་ལུས་དང་བྲལ་ནས་ཞེས་པ་ནི་ཐིག་ལེ་ལ་ཞུགས་པས་མི་སྣང་བས་སོ། །ཟབ་ཅིང་ནི་#ཀུན་རྫོབ་དང་དོན་དམ་པ་དབྱེར་མེད་པའི་མཚན་ཉིད་དམ་སྒྱུ་མ་ལྟ་བུ་ཉིད་དེ#། །རྒྱ་ཆེ་བ་ནི་རྣམ་པ་ཐམས་ཅད་མཆོག་དང་ལྡན་པའོ། །བདག་ཉིད་ཅན་གྱི་ཡེ་ཤེས་ཀྱི་ལུས་
[43a]
[43a.1]ཞེས་བྱ་བས་རྡོ་རྗེ་སྐུ་ཡང་གཟུང་བར་བྱ་སྟེ་ཉེ་བར་མཚོན་པས་སོ། །དེ་ཐོབ་ཅིང་ཞེས་བྱ་བ་ལ་སོགས་པས་ཉེ་བར་བསྡུས་པའོ། །འདི་སྐད་བཤད་པ་ཡིན་ཏེ། ཐིག་ལེའི་རྣལ་འབྱོར་གྱི་རྣམ་གྲངས་ཅན་གྱི་འཛིན་པའི་ཡན་ལག་གིས་#སེམས་བརྟན་པར་བྱས་ལ་སླར་ཡང་
[43a.2]རྗེས་སུ་དྲན་པ་དང་ཏིང་ངེ་འཛིན་གྱི་ཡན་ལག་དག་གིས་རྡོ་རྗེ་འཆང་ཆེན་པོའི་སྐུ་ཐོབ་པ་གནས་པར་བྱའོ་ཞེས་བསྟན་ཏོ། །དོན་འདི་ཉིད་ནི་རྫོགས་པའི་རིམ་པ་ཞེས་བྱ་བའོ#། །རྣམ་པ་གཞན་གྱིས་#ཞེས་པ་ནི་ཁམས་གསུམ་དང་བདག་ཉིད་དབྱེར་མེད་པའི་རྣམ་པར་སྣང་མཛད་ལ་སོགས་པའི་སྐུ་
[43a.3]བསྒོམ་#པས་སོ། །དེར་འཛིན་པ་ནི་འོད་གསལ་བ་ལ་གནས་པ་སྟེ། ཆོས་དབྱིངས་ལས་ནི་མ་ལྟོས་#པ། །ཆོས་ནི་ཡང་དག་མེད་པའོ། །ཞེས་འབྱུང་བས་སོ། །སྐུ་རྡོ་རྗེ་#ཞེས་པ་ནི་རྣམ་པར་སྣང་མཛད་ཀྱི་རང་བཞིན་གྱི་སྐུའོ། །ཁམས་གསུམ་གྱི་ལུས་དང་ངག་དང་སེམས་ནི་དེས་གཅིག་ཏུ་བྱས་པས་
[43a.4]སོ#། །ཡི་གེ་ཨོཾ་ཞེས་བྱ་བ་ལ་སོགས་པས་ཐམས་ཅད་ཉེ་བར་གྱུར་ནས་ཡེ་ཤེས་ཀྱི་སྐུ་བསྒོམ་པར་བྱའོ་ཞེས་བསྟན་ཏོ། །དེ་ལྟར་ཞེས་བྱ་བ་ལ་སོགས་པས་ཕན་ཡོན་བསྟན་ཏོ། །བསྒོམ་པ་འདིས་སེམས་ཅན་ཐམས་ཅད་ཀྱི་བསམ་པ་ཐམས་ཅད་#རྫོགས་པར་བྱེད་པའི་རྣལ་འབྱོར་པར་འགྱུར་ཏེ་རྡོ་
[43a.5]རྗེ་འཆང་ཆེན་པོའི་གོ་འཕང་ཐོབ་པར་བྱེད་པས་སོ། །འཁོར་བ་ཇི་སྲིད་པར་ནི་འཁོར་བའི་བར་དུའོ། །སྐུ་གསུམ་གྱི་བདག་ཉིད་ཅན་ཞེས་བྱ་བ་ལ་སོགས་པས་ཉེ་བར་བསྡུས་པ་བསྟན་ཏོ། །ཏིང་ངེ་འཛིན་གཉིས་པོ་ནི་གསུང་དང་ཐུགས་རྡོ་རྗེའི་ཏིང་ངེ་འཛིན་དག་གོ། །སྐུ་རྡོ་རྗེ་ལ་སོགས་པས་#ཞེས་
[43a.6]པ་ནི་རྣམ་པར་སྣང་#མཛད་ལ་སོགས་པའི་སྒོ་ནས་སོ། །འགྲོ་བའི་དོན་ནི་སེམས་ཅན་གྱི་དོན་ཏོ། །རྟོག་ཅིང་ཞེས་པ་ལ་སོགས་པས་བཅོམ་ལྡན་འདས་རྡོ་རྗེ་འཆང་ཆེན་པོ་དྲུག་པས་འདི་སྐད་བཀའ་སྩལ་ཏོ། །ཞེས་ཉེ་བར་བསྡུས་པ་འཛིན་པའི་ཡན་ལག་རྫོགས་པའི་རིམ་པ་བསྟན་ཏོ། །རྣལ་འབྱོར་#
[43a.7]པ་གཉིས་པོ་ཞེས་པ་ནི་བརྟག་#པ་དང་རྫོགས་པའི་མཚན་ཉིད་དོ། །གསང་བ་འདུས་པའི་དབང་བསྐུར་གྱི་ཆོ་གས་དབང་ཐོབ་པ་ཞེས་པ་ནི་རིག་པའི་དབང་བསྐུར་#ལ་སོགས་པ་ཐོབ་པའོ། །གནང་བ་ཐོབ་པ་ནི་བླ་མ་དང་དེ་བཞིན་གཤེགས་པ་རྣམས་ཀྱིས་རྗེས་སུ་གནང་བའོ། །ཕྱིན་ཆད་
[43b]
[43b.1]ནས་བརྩམས་ཞེས་བྱ་བ་ལ་སོགས་པས་གང་ཞིག་ཉན་པའམ་འཆད་པ་འམ་རང་སློབ་པ་དེ་དག་ཐམས་ཅད་རྡོ་རྗེ་འཆང་ཆེན་པོ་དང་འདྲ་བར་འགྱུར་རོ་ཞེས་བྱ་བས་སྒོམ་པ་པོ་ལ་#གང་ཡང་ཐེ་ཚོམ་མེད་དོ་ཞེས་བསྟན་ཏོ། །དེ་བཞིན་གཤེགས་པ་ཐམས་ཅད་ཀྱི་#ས་བོན་ཡིན་པས་དེ་བཞིན་གཤེགས་
[43b.2]པ་ཐམས་ཅད་ཀྱི་སྔགས་ནི་ཨོཾ་ལ་སོགས་པའོ། །དེས་#བསྐྱེད་པ་ནི་དང་པོ་སྦྱོར་བའི་རིམ་པས་བསྐྱེད་པའོ། །འོད་གསལ་བ་ཡིན་པས་དེ་ཁོ་ན་ཉིད་ཀྱང་ཡིན་ལ་མ་རིག་པ་བཅོམ་པས་ན་རིག་པ་ཡང་ཡིན་ནོ#། །དེ་ཁོ་ན་ཉིད་རིག་པ་ནི་འོད་གསལ་བའོ། །དེ་ཉིད་ཤེས་རབ་ཀྱི་#ཕ་རོལ་ཏུ་#ཕྱིན་མ་སྟེ་
[43b.3]སྟོང་པ་ཉིད་ཀྱི་ངོ་བོ་ཡིན་པས་སོ། །དེ་ལས་ཡང་དག་པར་བྱུང་བ་ཞེས་པ་ནི་བདག་ལ་བྱིན་གྱིས་བརླབ་པའི་རིམ་པ་ཉིད་ལས་ལྡང་བའོ། །དེ་ཉིད་བསྟན་པའི་ཕྱིར། ཡེ་ཤེས་ཀྱི་དམ་ཚིག་ཡིན་པ་ཞེས་བྱ་བ་སྨོས་ཏེ། ཡེ་ཤེས་ཀྱི་སྐུའི་རང་བཞིན་ཡིན་པས་མཆོག་ནི་རྫོགས་པའི་རིམ་པའི་ངོ་བོ་
[43b.4]ཡིན་པས་སོ། །དེ་ནས་དེ་བཞིན་གཤེགས་པ་ཐམས་ཅད་ཅེས་བྱ་བ་ལ་སོགས་པས་ལས་འཛིན་པའི་བསྡུ་བ་བྱས་ཏེ། སྔགས་ཀྱི་སྐུ་དང་ཡེ་ཤེས་ཀྱི་སྐུའི་མཚན་ཉིད་ཅན་གྱི་ལེའུའི་དོན་བསྟན་པ་ཡིན་པས་སོ། །དགོངས་པས་བཤད་པའོ་ཞེས་པ་ནི་འགལ་བའི་ཚིག་གི་སྒོ་ནས་དེ་ཁོ་ན་ཉིད་སོ་
[43b.5]སོར་བསྟན་པས་སོ། །#སྒྲོན་མ་གསལ་བར་བྱེད་པའི་འགྲེལ་པའི་ཊཱི་ཀཱ་#ལས་ལེའུ་བཅུ་གཅིག་པའི་རྒྱ་ཆེར་བཤད་པའོ།། །།དེ་ལྟར་ཞེས་བྱ་བ་ལ་སོགས་པས་ལེའུ་བཅུ་གཉིས་ཀྱི་བཤད་པ་བསྟན་#པར་བྱ་སྟེ། ལས་ཀྱི་ལམ་རྣམ་པར་དག་པ་ཞེས་པ་ནི་རྣམ་པར་སྣང་མཛད་
[43b.6]ལ་སོགས་པའི་སྐུ་ཡིས་ཐ་མལ་པའི་ལུས་ལྡོག་པ་དང་#། སའི་སྙིང་པོ་ལ་སོགས་པའི་སྐུས་མིག་ལ་སོགས་པ་#རྣམ་པར་དག་པ་ཞེས་བྱ་བའི་དོན་ཏོ། །ཕྱག་རྒྱ་ཆེན་པོ་ཡོངས་སུ་འགྱུར་བ་#ཞེས་བྱ་བ་སྨོས་པ་ལ་ཕྱག་རྒྱ་ཆེན་པོ་ནི་#རྣམ་པ་གཉིས་ཏེ། འོད་གསལ་བའི་མཚན་ཉིད་དང་སྐུའི་མཚན་
[43b.7]ཉིད་དོ། །དེ་ལ་ཕྱག་རྒྱ་ཆེན་པོ་འོད་གསལ་བ་ལས་རིམ་པ་གསུམ་པ་#དང་རིམ་པ་ལྔ་པ་དག་གིས་ཅིག་ཅར་དུ་ལངས་པ་ནི་ཡོངས་སུ་འགྱུར་བ་སྟེ་ཕྱག་རྒྱ་ཆེན་པོ་ཡོངས་#སུ་འགྱུར་བ་ཞེས་བྱའོ། །ཡང་ན་ཕྱག་རྒྱ་ཆེན་པོ་ནི་འོད་གསལ་བ་ལས་#ཡོངས་སུ་གྱུར་པ་ནི་རིམ་པ་དང་པོ་དང་གསུམ་པས་
[44a]
[44a.1]ཐོབ་པའི་སྐུ་ཐིམ་པ་ནི་ཕྱག་རྒྱ་ཆེན་པོ་ཡོངས་སུ་འགྱུར་བ་ཞེས་བྱའོ། །དེ་ལྟ་བུའི་དོན་བསྟན་པའི་ཕྱིར་ལེའུ་བཅུ་གཉིས་པ་སྟེ་ཉེ་བར་མཚོན་པ་ཡིན་ནོ། །གཞན་འཁོར་ལོའི་རིག་པ་འཛིན་པ་ལ་སོགས་པའི་དངོས་གྲུབ་སོ་སོར་བསྟན་པའོ། །སྟོན་པར་མཛད་པས་ན་ཞེས་
[44a.2]པ་ནི་དམ་ཚིག་དང་སྡོམ་པའི་སྒོ་ནས་འདུལ་བར་མཛད་པས་སོ། །འབྱིན་པ་པོ་ཡིན་པས་ན་སྐྱེད་#པ་པོ་རིན་པོ་ཆེ་ལྟ་བུའོ། །གང་ཟག་གི་ཞེས་པ་ནི་དབང་པོ་རྣོ་བའི་སེམས་ཅན་རྣམས་སོ། །དེ་རྡོ་རྗེ་ལྟ་བུའི་ཏིང་ངེ་འཛིན་ལ་ཞེས་པ་ནི་ཟུང་དུ་འཇུག་པ་ཞེས་བྱ་བའི་རྡོ་རྗེའི་སྐུ་ལའོ། །དོན་དམ་པའི་བདེན་པའོ་
[44a.3]ཞེས་པ་ནི་རྡོ་རྗེ་འཆང་ཆེན་པོ་གཉིས་སུ་མེད་པའི་ཡེ་ཤེས་ཀྱི་རང་བཞིན་ཡིན་པས་སོ། །དེ་ནི་དེའི་རྒྱུ་མཚན་ནོ། །རྡོ་རྗེ་གསུང་#ཞེས་པ་ནི་གསུང་ཉིད་རྡོ་རྗེ་སྟེ་མི་ཕྱེད་པའི་ཚིག་གི་ཚོགས་ཀྱི་རང་བཞིན་ཡིན་པའི་ཕྱིར་རོ། །མཁའ་ནི་གོ་འབྱེད་དོ་ཞེས་བྱ་བ་ལ་སོགས་པས་རང་བཞིན་གྱིས་#ངོ་བོ་
[44a.4]མེད་པའི་དངོས་པོ་ཡིན་ན་ཡང་རྣམ་པ་སྣ་ཚོགས་པའི་སེམས་ཅན་གྱི་དོན་མཛད་པའི་ཕྱིར་རོ། །བཅོམ་ལྡན་འདས་རྡོ་རྗེ་འཆང་ཆེན་པོས་སྐུའི་རྣམ་པ་ལ་སོགས་པ་#སྤྲུལ་པ་མཛད་དོ། །ཞེས་བསྟན་ཏེ། ཇི་ལྟར་ཆུ་ཀླུང་དངས་པ་ལས། །ཉ་དག་མྱུར་དུ་ལྡང་བ་བཞིན། །དེ་བཞིན་ཐམས་ཅད་སྟོང་
[44a.5]གསལ་ལས། །སྒྱུ་འཕྲུལ་དྲ་བ་འབྱུང་བར་འགྱུར། །ཞེས་འབྱུང་ངོ་། །དེས་ནི་ཕྱག་རྒྱ་ཆེན་པོ་ཡོངས་སུ་འགྱུར་#བ་ཞེས་བྱ་བའི་དོན་གྱི་དབྱེ་བ་གཅིག་བཤད་དོ། །དགོངས་པ་མ་ཡིན་པས་བཤད་པའོ་ཞེས་པ་ནི་ཤིན་ཏུ་གསལ་བའི་དེ་ཁོ་ན་ཉིད་བསྟན་པས་སོ། །དངོས་གྲུབ་ཐམས་ཅད་
[44a.6]ཅེས་པ་ནི་དེ་བཞིན་འཇིག་རྟེན་པ་དང་འཇིག་རྟེན་ལས་འདས་པའི་དངོས་གྲུབ་རྣམས་སོ། །དགོན་པ་ཆེན་པོའི་ས་ཕྱོགས་ཞེས་བྱ་བ་ལ་སོགས་པ་ནི་གོ་སླའོ། །དྲང་པའི་དོན་ཏོ་ཞེས་པ་ནི་གནས་ཙམ་སོ་སོར་བསྟན་པས་སོ། །ལུང་གི་#བཤད་པ་བརྗོད་པར་བྱ་སྟེ་ཞེས་པ་འདིས་སྐུ་གསུམ་ཐོབ་
[44a.7]པར་བྱ་བའི་ཕྱིར་བསྒོམ་པར་བྱའོ་ཞེས་བསྟན་ཏོ། །ནམ་མཁར་རྟག་པ་ནི་འོད་གསལ་བ་མངོན་དུ་བྱེད་པའོ། །སྦྱོར་བ་ཡིས་ཞེས་པ་ནི་དེ་དང་འབྲེལ་པས་སོ། །ཕུང་པོ་ནི་ཐ་མལ་པའི་གཟུགས་ལ་སོགས་པ་གང་ཡིན་པ་དེ་རྣམས་སྟོང་པ་ཉིད་ལ་རྗེས་སུ་ཞུགས་པས་དགོན་པ་ཆེན་པོའི་སྒྲ་#
[44b]
[44b.1]བསྟན་ཏོ། །གནས་མེད་པ་ནི་དམིགས་པ་མེད་པའི་འོད་གསལ་བ་ལའོ། །གནས་པའི་སྦྱོར་བ་ཡིས་ཞེས་པ་ནི་དེ་ལ་གནས་པའི་སྦྱོར་བས་གནས་ཆེན་པོ་ནི་ས་ཕྱོགས་ཡིན་ཞེས་བསྟན་ཏོ། །དེས་ནི་ཆོས་ཀྱི་#སྐུ་བསྟན་པ་ཡིན་ནོ། །དེ་བཞིན་དུ་ལོངས་སྤྱོད་རྫོགས་པ་ནི་#ལོངས་སྤྱོད་རྫོགས་པའི་
[44b.2]སྐུ་སྟེ། དེ་ཉིད་ཤིང་ནི་དཔག་བསམ་གྱི་ཤིང་ངོ་། །དངོས་གྲུབ་སྣ་ཚོགས་མེ་ཏོག་ལྡན་པ་#ནི་དེས་བརྒྱན་པ་སྟེ། སེམས་ཅན་ཐམས་ཅད་ཀྱི་བསམ་པ་ཐམས་ཅད་རྫོགས་པར་བྱེད་པའི་ཕྱིར་རོ། །ཡང་དག་པར་རྫོགས་པའི་བྱང་ཆུབ་ཅེས་པ་ནི་ཆོས་ཀྱི་སྐུའོ། །དེ་ཉིད་མི་#གཡོ་བའི་ཕྱིར་
[44b.3]རོ། །དེའི་སྤྲུལ་པ་གང་ཡིན་པ་དེ་རྣམས་འགྲོ་བ་ལ་ཕན་ཐོགས་པའི་ཕྱིར་འབྲས་བུ་སྟེ་དེ་རྣམས་ཀྱིས་ཡང་དག་པར་བརྒྱན་པ་ནི་ལོངས་སྤྱོད་རྫོགས་པའི་སྐུའོ། །དེས་#ནི་ལོངས་སྤྱོད་རྫོགས་པ་དང་སྤྲུལ་པའི་སྐུ་གཉིས་བསྟན་ཏོ། །དངོས་མེད་ནི་དེ་ལྟར་གྱུར་པའི་ཆོས་ཀྱི་སྐུ་སྐུ་#གཉིས་
[44b.4]པོའི་གཞིར་གྱུར་པའོ། །རྟོག་པ་ཐམས་ཅད་དང་བྲལ་བས་དབེན་པ་དང་ཉམས་དགའ་བའོ#། །རྡོ་རྗེ་ཞེས་བྱ་བ་ནི་ཕྱག་རྒྱ་ཆེན་པོ་ཡོངས་སུ་གྱུར་པའི་མཚན་ཉིད་ཅན་གྱི་དེ་ཁོ་ན་ཉིད་དོ། །དེར་བསྒྲུབ་བྱ་ཞེས་པ་ནི་དེ་#བསྒྲུབ་པར་བྱ་བའོ། །ངེས་པའི་དོན་ཏོ་ཞེས་པ་ནི་སྐུ་གསུམ་གྱི་བདག་ཉིད་
[44b.5]ཀྱི་རྡོ་རྗེ་འཆང་གི་དེ་ཁོ་ན་ཉིད་བསྟན་པས་སོ། །མཾ་ཡིག་མཚོན་པའི་བསྙེན་པ་ཡིན་པས་ན་དཔེ་ཞེས་པ་ནི་དཔེ་བསྟན་པའོ། །འོག་ནས་བཤད་པའི་ཏིང་ངེ་འཛིན་ཞེས་པ་ནི་ཕྱག་རྒྱ་ཆེན་པོ་ཡོངས་སུ་གྱུར་པའི་བདག་ཉིད་དོ། །སྟོན་པའི་ས་བོན་ནོ་ཞེས་པ་ནི་དེ་རྗོད་པར་བྱེད་པའི་ཡི་གེའོ། །ཡིད་ཀྱི་རང་
[44b.6]བཞིན་གྱིས་ཞེས་པ་ནི་སེམས་ཀྱི་#ཆོས་ཉིད་དེ་སྟོང་པ་ཉིད་ཀྱིས་སོ། །བསྟེན་ཅིང་བསྙེན་པ་ཡིན་པས་ན་ཞེས་པ་ལ་བསྒོམ་པར་བྱ་བས་#སོ། །མི་ཕྱེད་པ་ཉིད་པས་ནི་#ཞེས་པ་ལ་གཉིས་པ་#མེད་པ་ཡིན་པས་སོ། །རྡོ་རྗེ་འཇམ་པ་རབ་ཏུ་བསྒོམ་པར་བྱའོ་ཞེས་པ་#ལ་སོགས་པས་འོད་གསལ་བ་
[44b.7]ལས་འབྱུང་བའི་ཡེ་ཤེས་ཀྱི་སྐུ་དང་རྡོ་རྗེའི་སྐུ་རབ་ཏུ་བསྟན་པའོ། །རང་གི་ལུས་ལ་སོགས་པ་ཞེས་བྱ་བ་ལ་སོགས་པས་#ཁམས་གསུམ་དང་དབྱེར་མེད་པའི་ཡེ་ཤེས་ཀྱི་སྐུ་བསྟན་ཏོ། །དེ་ནས་ཞེས་པ་ལ་སོགས་པའི་ཡེ་ཤེས་ཀྱི་སྐུ་གཟུང་བས་འཇམ་པའི་རྡོ་རྗེ་དང་འདྲ་བར་འགྱུར་#ཞེས་
[45a]
[45a.1]འབྲས་བུ་བསྟན་ཏོ། །དཔག་ཚད་བརྒྱའི་ཞེས་བྱ་བ་ལ་སོགས་པས་ཡེ་ཤེས་ཀྱི་སྐུ་དང་རྡོ་རྗེའི་སྐུ་དག་གིས་ཐམས་ཅད་སྣང་བར་བྱེད་པ་ཉིད་བསྟན་ཏེ། སེམས་ཅན་གྱི་དོན་མཛད་པའི་ཕྱིར་རོ། །སྐྱེས་བུ་ཆེན་པོའི་ཞེས་བྱ་བ་ལ་སོགས་པས་རྣམ་པ་ཐམས་
[45a.2]ཅད་ཀྱི་མཆོག་དང་ལྡན་པ་ཉིད་དུ་བསྟན་ཏོ། །སྒྱུ་མ་ལྟ་བུའི་སྐུ་མངའ་བས་ན་ཞེས་པ་ལ་སྒྱུ་མའི་དཔེ་བཅུ་གཉིས་ཀྱིས་#ཉེ་བར་མཚོན་པ་ཡིན་པས་སོ། །དེས་འདི་ལྟར་གྱུར་པ་ཞེས་བྱ་བ་ལ་སོགས་པས་ཡེ་ཤེས་ཀྱི་སྐུ་ཚངས་པ་ལ་སོགས་པའི་སྤྱོད་ཡུལ་མ་ཡིན་ནོ་ཞེས་བསྟན་ཏོ། །ཕྱིར་
[45a.3]མི་ལྡོག་པའི་སྤྱོད་ཡུལ་ཡིན་པའི་ཕྱིར་རོ་ཞེས་པ་ནི་ས་བཅུ་ཐོབ་པའི་བྱང་ཆུབ་སེམས་དཔའ་རྣམས་ཀྱི་སྤྱོད་ཡུལ་ཡིན་པའི་ཕྱིར་ཞེས་བྱ་བའི་དོན་ཏོ། །གང་གི་#ཕྱིར་སེམས་རྣམ་པར་དག་པ་དང་བདག་ལ་བྱིན་གྱིས་བརླབ་#པའི་རིམ་པས་ས་བཅུ་ལ་རབ་ཏུ་གནས་པར་འགྱུར་ཏེ། དེ་བས་ན་
[45a.4]ཡེ་ཤེས་ཀྱི་སྐུ་ནི་ཕྱིར་མི་ལྡོག་པའི་སྤྱོད་ཡུལ་ཡིན་ནོ། །ཇི་སྐད་དུ། དང་པོ་ལས་ཀྱི་སྦྱོར་བ་ཡིས། །ས་བརྒྱད་པ་ནི་ཐོབ་པར་འགྱུར། །སྣང་བ་གསུམ་པོ་མཐོང་བ་ཡིས། །ས་བཅུ་ལ་ནི་རབ་ཏུ་གནས། །ཞེས་འབྱུང་ངོ་#། །རྡོ་རྗེ་འཇམ་པ་མཆོག་གི་དམ་ཚིག་ཅེས་བྱ་བ་ལ་སོགས་
[45a.5]པས་ཏིང་ངེ་འཛིན་ཉེ་བར་བསྡུས་པ་བསྟན་ཏོ། །#སྒྱུ་མའི་རང་བཞིན་ཞེས་བྱ་བ་ལ་སོགས་པས་ཕྱག་རྒྱ་ཆེན་པོ་འོད་གསལ་བ་ལ་ཡོངས་སུ་འགྱུར་བ་ནི་ཡེ་ཤེས་ཀྱི་སྐུ་ཐིམ་པར་བྱའོ་ཞེས་དོན་གཉིས་པའི་དབྱེ་བ་བཤད་པར་བྱའོ་ཞེས་བསྟན་ཏོ། །ཡུལ་དང་དབང་པོ་ཞེས་བྱ་བ་ལ་སོགས་པས་རིལ་
[45a.6]པོར་འཛིན་པ་དང་རྗེས་སུ་གཞིག་པའི་ཏིང་ངེ་འཛིན་དག་གིས་ཡེ་ཤེས་ཀྱི་སྐུ་ཡང་འོད་གསལ་བ་ལ་འཇུག་པར་བསྟན་ཏོ། །དེ་ལྡང་བར་གྱུར་པ་ཞེས་བྱ་བ་ལ་སོགས་པས་དེ་ལས་གཅིག་སྤྲོས་པའི་རྡོ་རྗེའི་སྐུ་གཟུང་བར་#བསྟན་ཏོ། །དགོངས་པས་བཤད་པ་ཞེས་བྱ་བ་#ནི་འགལ་བའི་ཚིག་གི་སྒོ་
[45a.7]ནས་ཏིང་ངེ་འཛིན་སོ་སོར་བསྟན་པས་སོ། །དེ་ལྟར་ཞེས་བྱ་བ་ལ་སོགས་པས་རྡོ་རྗེ་ལྟ་བུའི་ཏིང་ངེ་འཛིན་ཕྱག་རྒྱ་ཆེན་པོ་ཡོངས་སུ་གྱུར་པའི་སྒོ་ནས་བསྟན་ནས་རྣམ་པར་སྣང་མཛད་ལ་སོགས་པའི་དེ་བཞིན་གཤེགས་པ་ལྔའི་རང་བཞིན་འཁོར་ལོའི་རིག་པ་འཛིན་པ་ལ་སོགས་པའི་བསྒྲུབ་པར་བྱ་
[45b]
[45b.1]བའི་ཕྱིར་བཤད་པར་བྱ་སྟེ་ཞེས་བསྟན་ཏོ། །དང་པོར་རྣམ་པར་སྣང་མཛད་ཀྱི་ཏིང་ངེ་འཛིན་མངོན་དུ་བྱས་ལ་ཞེས་པ་ནི་ཕྱག་རྒྱ་ཆེན་པོ་ཡོངས་སུ་འགྱུར་བའི་རིམ་པས་སོ་ཞེས་ཚིག་ལྷག་མའོ། །འཁོར་ལོ་ཞེས་བྱ་བ་ལ་སོགས་པས་མདུན་དུ་ཡི་གེ་ཨོཾ་ཡོངས་སུ་གྱུར་པ་ལས་བསྐྱེད་པ་འཁོར་ལོ་རྩིབས་
[45b.2]བརྒྱད་པ་སྒོམ་པ་སྔོན་#དུ་འགྲོ་བ་དེ་བཞིན་གཤེགས་པ་ཐམས་ཅད་ཞུགས་པས་འོད་ཟེར་འབར་བ་སྤྲོ་བར་བསྒོམས་ཏེ། དྲོ་བ་#དང་དུ་བ་དང་འབར་བའི་མཚན་ཉིད་ཀྱི་རྟགས་གསུམ་མཐོང་བས་རང་གི་ལག་པས་བླངས་ཏེ་འཁོར་ལོའི་རིག་པ་འཛིན་པ་མཁའ་ལ་སྤྱོད་པར་འགྱུར་རོ་ཞེས་བསྟན་ཏོ། །དེ་ལྟར་ཞེས་
[45b.3]བྱ་བ་ལ་སོགས་པས་འཁོར་ལོའི་རིག་པ་འཛིན་པའི་བདག་ཉིད་ཀྱི་ཆེ་བ་བསྟན་ཏོ། །མཐུ་ནི་ཀུན་གྱི་དབང་ཕྱུག་ཉིད་དོ། །རྡུལ་ཕྲ་རབ་ཇི་སྙེད་པ་ཞེས་པ་ལ་སོགས་པ་#མཐའ་ཡས་པའི་དཔེས་དེའི་དེ་དང་འདྲ་བ་འཁོར་གྱི་ཕུན་སུམ་ཚོགས་པ་བསྟན་ཏོ། །ཐམས་ཅད་ཅེས་བྱ་བ་ལ་སོགས་པས་དེ་རྣམས་ཀྱི་ནུས་
[45b.4]པ་མི་འཇིགས་པ་ཉིད་དུ་བསྟན་ཏོ། །ཏིང་ངེ་འཛིན་ཞེས་བྱ་བ་ལ་སོགས་པས་འཁོར་ལོའི་རིག་པ་འཛིན་པའི་ཏིང་ངེ་འཛིན་ཉེ་བར་བསྡུས་པ་#བསྟན་ཏོ། །རྣམ་པར་སྣང་མཛད་ཀྱི་རྣལ་འབྱོར་དང་འདྲ་བར་བལྟ་བར་བྱ་སྟེ་ཞེས་པ་ནི་དེའི་བསྐྱེད་པའི་རིམ་པའི་#བསྒོམ་པའོ། །ཡི་གེ་ཧཱུཾ་ནི་མི་བསྐྱོད་པའི་ས་བོན་ནོ། །དེ་
[45b.5]ཡོངས་སུ་གྱུར་པ་ལས་རྩེ་ལྔ་པའི་རྡོ་རྗེ་བསྒོམས་ལ། དྲོ་བ་ལ་སོགས་པའི་རྟགས་གསུམ་མཐོང་བ་སྔོན་#དུ་འགྲོ་བ་དེ་བླངས་ནས་རྡོ་རྗེའི་རིག་པ་འཛིན་པ་#མཁའ་ལ་སྤྱོད་པར་འགྱུར་རོ་ཞེས་བསྟན་ཏོ། །འདོད་པའི་དབང་ཕྱུག་ཏུ་ཞེས་པ་ནི་བུད་མེད་ཐམས་ཅད་ཀྱིས་ཡོངས་སུ་བསྐོར་བའི་ཕྱིར་རོ། །དྲག་པོ་ཞེས་
[45b.6]བྱ་བ་ལ་སོགས་པས་ཁམས་གསུམ་པས་མཆོད་པར་བྱ་བ་#རྣམས་ཀྱིས་ཀྱང་མཆོད་བྱར་འགྱུར་རོ་ཞེས་བསྟན་ཏོ། །རྡོ་རྗེ་འཆང་ཆེན་པོར་འགྱུར་བའོ་ཞེས་བྱ་བ་ལ་སོགས་པས་མཐའ་ཡས་པའི་ལྷན་ཅིག་སྤྱོད་མ་དང་ལྡན་པའི་རྡོ་རྗེའི་རིག་པ་འཛིན་པའི་ཏིང་ངེ་འཛིན་ཉེ་བར་བསྡུས་པ་#བསྟན་ཏོ། །འོད་
[45b.7]དཔག་ཏུ་མེད་པ་ཞེས་བྱ་བ་ལ་སོགས་པས་པདྨའི་རིག་པ་འཛིན་པའི་བསྒོམ་པ་བསྟན་པར་བྱ་སྟེ། ཡི་གེ་ཨ་ཡོངས་སུ་གྱུར་པ་ལས་པདྨའི་རྟགས་གསུམ་གྱིས་མཚོན་པ་སྔོན་དུ་འགྲོ་བ་བླངས་པས་པདྨའི་རིག་པ་འཛིན་པ་མཁའ་ལ་སྤྱོད་པར་འགྱུར་རོ་ཞེས་བསྟན་ཏོ། །ཐབས་ཀྱི་ངོ་བོ་ཉིད་དང་ཞེས་པ་ནི་
[46a]
[46a.1]སྐྱེས་པའི་རྣམ་པ་ཅན་ནོ། །ཤེས་རབ་ཀྱི་ངོ་བོ་ཉིད་དང་ཞེས་པ་ནི་བུད་མེད་ཀྱི་གཟུགས་ཅན་ནོ། །དེ་རྣམས་ཀྱིས་ཞེས་#བྱ་བ་ལ་སོགས་པས་ཕོ་ཉ་དང་ཕོ་ཉ་མོ་དང་བྲན་ཕོ་དང་བྲན་མོ་དང་བཀའ་ཉན་དང་བཀའ་ཉན་མོ་ལ་སོགས་པའི་པདྨའི་རིགས་ལས་#བྱུང་བ་ཐམས་
[46a.2]ཅད་ཀྱིས་ཏེ་རང་གི་རྒྱལ་སྲིད་ལ་དབང་བསྐུར་བར་བྱ་བ་དང་། འཁོར་གྱི་ཚུལ་དུ་གནས་པ་དེ་རྣམས་ཀྱིས་ཀྱང་ཡོངས་སུ་བསྐོར་བར་འགྱུར་རོ་ཞེས་བསྟན་ཏོ། །པདྨའི་རིགས་དང་ལྡན་པ་ཞེས་བྱ་བ་ལ་སོགས་པས་པདྨའི་རིག་པ་འཛིན་པའི་ཏིང་ངེ་འཛིན་ཉེ་བར་བསྡུས་པ་བསྟན་ཏོ། །དེ་བཞིན་
[46a.3]གཤེགས་པ་ཐམས་ཅད་དང་ཞེས་བྱ་བ་ལ་སོགས་པས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་རང་བཞིན་དུ་#རྣལ་འབྱོར་པར་#འགྱུར་རོ་ཞེས་བསྟན་ཏོ། །འོད་ཟེར་ལྔ་དང་ཞེས་བྱ་བ་ལ་སོགས་པས་སྔ་མ་བཞིན་དུ་དོན་ཡོད་གྲུབ་པ་སྔོན་དུ་འགྲོ་བར་མདུན་དུ་ཡི་གེ་ཁཾ་#ལས་བྱུང་བའི་
[46a.4]རལ་གྲི་དྲོ་བ་ལ་སོགས་པ་#རྟགས་གསུམ་སྔོན་དུ་འགྲོ་བ་མཐོང་ནས་བླངས་ཏེ། ལྷ་དང་ལྷ་མ་ཡིན་གྱི་བདག་པོའི་གཙོ་བོ་རལ་གྲིའི་རིག་པ་འཛིན་པ་ནམ་མཁའ་ལ་སྤྱོད་པར་འགྱུར་རོ་ཞེས་བསྟན་ཏོ། །ལྷག་པ་དང་ཆད་པ་མེད་པར་ཞེས་པ་ནི་དེ་བཞིན་གཤེགས་པ་ལྔའི་རང་བཞིན་ཡིན་པས་
[46a.5]སོ། །རང་གི་སྔགས་ལས་ཞེས་པ་ནི་#དམ་ཚིག་རྡོ་རྗེའི་ས་བོན་ཡི་གེ་ཁཾ་ལས་སོ། །སྒྲུབ་པ་པོ་ཡིས་#ནི་དངོས་གྲུབ་མཐོང་བས་མིག་རྒྱས་པར་འགྱུར་བའོ། །ལག་གིས་བླངས་པའོ་ཞེས་པ་ནི་རྟགས་མཐོང་བ་སྔོན་དུ་འགྲོ་བས་སོ། །ཕྱག་རྒྱ་ཆེན་པོ་སྟེ་ཞེས་པ་ནི་ཇི་ལྟར་འདོད་པ་དེ་བཞིན་
[46a.6]གཤེགས་པ་ལ་སོགས་པའི་སྐུ་རྣམས་དེའི་སྒོ་ནས་དེ་སྐད་ཅེས་བྱའོ། །རྫུ་འཕྲུལ་ཆེ་བའི་ཞེས་པ་ནི། །འཁོར་ལོས་སྒྱུར་བ་བཞི་སྟེ། གསེར་དང་དངུལ་དང་ཟངས་དང་ལྕགས། །འཁོར་ལོ་ལྡན་པ་འཁོར་ལོས་སྒྱུར། །ཞེས་འབྱུང་བས་སོ། །དེ་རྣམས་ཀྱིས་མཆོད་པ་དང་ཞེས་པ་ནི་
[46a.7]མཆོད་པར་བྱ་བའོ། །ཚངས་པའི་གཙོ་བོ་དང་ཞེས་པ་ནི་དྲག་པོ་དང་ཁྱབ་འཇུག་དང་དབྱིག་གི་སྙིང་པོ་ལ་སོགས་པའོ། །ལྷ་མ་ཡིན་གྱི་གཙོ་བོ་ཞེས་པ་ནི་རྣམ་པར་འཇིག་#ལ་སོགས་པའོ། །དེ་དག་གིས་ཀྱང་ཕྱག་བྱས་པར་འགྱུར་བ་དང་ཞེས་པ་ནི་ལྷ་དང་ལྷ་མ་ཡིན་གྱི་དམ་པ་
[46b]
[46b.1]རྣམས་ཀྱིས་ཕྱག་བཙལ་བར་བྱ་བ་དམ་པ་ཉིད་དུ་བསྟན་ཏོ། །དེར་བདག་པོར་གྱུར་པས་སོ་ཞེས་པ་ནི་དེ་ལ་དབང་བྱེད་པས་སོ། །ཐ་མལ་པའི་སྒྲུབ་#པ་ལ་གནས་པའོ་ཞེས་པ་ནི་བྱ་བ་ལ་སོགས་པའི་ཚུལ་གྱིས་#རྣལ་འབྱོར་པ་རྣམས་སོ། །དེ་རྣམས་ཀྱི་ནང་དུ་ཆོ་འཕྲུལ་གྱི་ཁྱད་པར་བསྟན་པས་ན་གཙོ་བོའོ། །
[46b.2]གང་རྣམས་ཞེས་བྱ་བ་ལ་སོགས་པས་ཞི་བ་ལ་སོགས་པའི་དངོས་གྲུབ་དང་ནམ་མཁའ་ལ་སྤྱོད་པ་ལ་སོགས་པའི་དངོས་གྲུབ་གཞན་རྣམས་ལ་ཡང་སྟེར་བར་འགྱུར་རོ་ཞེས་བསྟན་ཏོ། །དེ་བཞིན་གཤེགས་པ་ཐམས་ཅད་ཀྱི་ཞེས་བྱ་བ་ལ་སོགས་པས་རལ་གྲིའི་རིག་པ་འཛིན་པའི་ཏིང་ངེ་འཛིན་
[46b.3]ཉེ་བར་བསྡུས་པ་བསྟན་ཏོ། །རིན་ཆེན་རིག་པ་འཛིན་པའི་དངོས་གྲུབ་མ་བསྟན་པ་ཡང་དོན་གྱིས་གོ་བར་བྱ་སྟེ། རིགས་ནི་དེ་བཞིན་གཤེགས་པ་ལྔའི་བདག་ཉིད་ཡིན་པའི་ཕྱིར་རོ། །དེ་ལྟར་ཞེས་བྱ་བ་ལ་སོགས་པས་#འཁོར་ལོའི་རིག་པ་འཛིན་པ་ལ་སོགས་པའི་དངོས་གྲུབ་བཤད་ནས་རི་ལུའི་སྒོ་ནས་
[46b.4]རྡོ་རྗེ་བཟླས་པའི་རིམ་པ་སོ་སོར་བསྟན་པར་བྱ་བའི་ཕྱིར་བཤད་པར་བྱ་སྟེ། ཡི་གེ་ཨོཾ་ཉིད་ཙ་ན་ཀའི་འབྲས་བུའི་ཚད་ཙམ་ཞེས་བྱ་བ་ལ་སོགས་པས་ཕྱག་རྒྱ་ཆེན་པོ་མངོན་དུ་བྱ་བ་#སྔོན་དུ་འགྲོ་བས་#མགོ་བོ་དང་ལྐོག་#མ་དང་སྙིང་གར་ཡི་གེ་གསུམ་བསམས་#ལ་དེ་ཉིད་ཡན་ལག་མ་ཉམས་
[46b.5]པའི་བཟླས་པའི་རིམ་པས་ཇི་སྲིད་སེམས་རྩེ་གཅིག་པར་གྱུར་པ་དེ་སྲིད་དུ་བསྒོམ་པར་བྱའོ་ཞེས་བསྟན་ཏོ། །ས་བོན་གྱིས་#བདག་པོའི་གཟུགས་སུ་ཞེས་པ་ནི་ཉེ་བར་མཚོན་པ་ཙམ་ཡིན་ཏེ། ལྷ་གསུམ་དང་ཁམས་གསུམ་དང་སྐུ་གསུམ་དང་ཡེ་ཤེས་གསུམ་ལ་སོགས་པ་ལྷག་པར་
[46b.6]མོས་པའི་རྣལ་འབྱོར་གྱིས་#བསམ་པར་བྱའོ། །གང་ཞེས་བྱ་བ་ལ་སོགས་པས་བཟླས་པའི་མཐར་ཕྱག་རྒྱ་ཆེན་པོའི་འབྲས་བུ་ཐོབ་པར་བསྟན་ཏོ། །འདིར་ས་བོན་གྱི་ཡི་གེ་ཕྲ་བ་ཡིན་པས་ན་རི་ལུ་#དང་འདྲ་བར་བསྟན་ཏོ། །དེ་ནི། ཕྱག་རྒྱ་ཆེན་པོ་#གཟུགས་ཀྱིས་ཀྱང་། །ཞེས་བྱ་བ་ལ་སོགས་
[46b.7]པས་འཁོར་ལོའི་རིག་པ་འཛིན་པ་ལ་སོགས་པ་སྔར་བཤད་པའི་ཕྱག་མཚན་བསྟན་ནས། དེ་འཛིན་པར་བྱེད་པ་རྣམ་པར་སྣང་མཛད་ལ་སོགས་པའི་སྐུ་རྡོ་རྗེ་འཆང་ཆེན་པོ་ཡོངས་སུ་གྱུར་པ་ལས་འབྱུང་བའི་རིམ་པ་བསྟན་ཏོ། །དེ་བཞིན་ཉིད་#དུ་ཞེས་བྱ་བ་ལ་སོགས་པས་སྔ་མ་བཞིན་དུ་
[47a]
[47a.1]ཁྱད་པར་གྱི་གནས་གཟུང་བ་སྔོན་དུ་འགྲོ་བར་ཡན་ལག་བཅུ་པའི་རྣལ་འབྱོར་གྱི་#ཏིང་ངེ་འཛིན་གྱིས་རྫོགས་པའི་རྡོ་རྗེ་འཆང་ཆེན་པོ་ཡོངས་སུ་གྱུར་པ་ལས་འབྱུང་བ་རྣམ་པར་སྣང་མཛད་ལ་སོགས་པ་བསྒོམས་ཏེ། སྔ་མ་བཞིན་དུ་མདུན་དུ་བསྒོམས་པའི་འཁོར་
[47a.2]ལོ་ལ་སོགས་#གཟུང་བས་འཁོར་ལོའི་རིག་པ་འཛིན་པ་ལ་སོགས་པའི་གཟུགས་ཅན་དུ་འགྱུར་རོ་ཞེས་བསྟན་ཏོ། །ཏིང་ངེ་འཛིན་ལྔ་པོ་ནི་གོ་སླ་བས་མ་བཤད་དོ། །དེ་ལྟར་ཞེས་བྱ་བ་ལ་སོགས་པས་དང་པོ་སྦྱོར་བའི་ཏིང་ངེ་འཛིན་གྱིས་བསྐྱེད་པ་རྡོ་རྗེ་འཆང་ཆེན་པོ་ཡོངས་སུ་གྱུར་པ་
[47a.3]ལས་བྱུང་བའི་མི་བསྐྱོད་པའི་གཟུགས་དམིགས་ལ། ཁྲོ་བོའི་རྒྱལ་པོའི་ཡིག་འབྲུ་ཡོངས་སུ་གྱུར་པ་ལས་རྩེ་གསུམ་པ་#ལ་སོགས་པ་མདུན་དུ་བསྐྱེད་ནས་དེའི་རྟགས་མཐོང་བ་སྔོན་དུ་འགྲོ་བར་འཛིན་པས་དེའི་རིག་པ་འཛིན་པར་འགྱུར་རོ་ཞེས་བསྟན་ཏོ། །གང་ཐ་མལ་པའི་དངོས་
[47a.4]པོ་#སྤངས་ནས་ཞེས་#བྱ་བ་ལ་སོགས་པས་བསྐྱེད་པའི་རིམ་པ་མཐར་ཕྱིན་པས་ཕྱག་རྒྱ་ཆེན་པོ་ཡོངས་སུ་འགྱུར་བ་སློབ་བཞིན་པས་འགྲུབ་པར་འགྱུར་རོ་ཞེས་བསྟན་ཏོ། །ཐེག་པ་ཆེན་པོའི་ཞེས་པ་ནི་སྔགས་ཀྱི་ཐེག་པ་ཆེན་པོ་དེའི་དངོས་གྲུབ་ནི་བཤད་མ་ཐག་པ་སྟེ་ཞེས་པ་ནི་འཁོར་ལོའི་
[47a.5]རིག་པ་འཛིན་པ་ལ་སོགས་པའི་མཚན་ཉིད་ཅན་ནོ། །དངོས་གྲུབ་སྒྲུབ་#པའི་ཐབས་ཞེས་བྱ་བ་ལ་སོགས་པས་#རྡོ་རྗེ་འཆང་ཆེན་པོའི་རྣལ་འབྱོར་པའི་བྲམ་ཟེའི་རིགས་དང་རྒྱལ་རིགས་དང་རྗེའུ་#རིགས་དང་དམངས་རིགས་ལས་འབྱུང་བའི་ཕྱག་རྒྱ་བཞི་དང་ལྷན་ཅིག་སྤྱོད་པར་བསྟན་ཏོ། །གཅིག་པུ་ཉིད་ནི་
[47a.6]ཁྱོས་#མ་བླངས་པ་གཞོན་ནུ་མ་འམ་སྨད་འཚོང་མ་སྟེ། རྡོ་རྗེ་འཆང་ཆེན་པོའི་རྣལ་འབྱོར་པ་ལ་#རྗེས་སུ་གནང་བའོ། །རབ་ཏུ་མཉམ་པའི་ཆ་ལུགས་འཛིན་པ་ཞེས་པ་ནི་རྣམ་པར་སྣང་མཛད་ལ་སོགས་པའི་རྣལ་འབྱོར་པ་རྣམས་ཀྱང་མཐུན་པའི་ཕྱག་རྒྱའོ། །དེ་རྣམས་གདོལ་པ་ལ་སོགས་
[47a.7]པའི་བུད་མེད་རྣམས་ཞེས་པ་ལ་སོགས་པའི་#ཁྱད་པར་བསྟན་ཏོ། །རྗེས་སུ་མྱོང་བ་ཞེས་པ་ནི་ཕྱག་རྒྱའི་སྐྱེ་བོ་དེ་རྣམས་ལ་རང་གི་རིག་པ་#ཡིན་པས་འོད་གསལ་བར་བྱ་བའོ། །སྙོམས་པར་ཞུགས་པ་ཞེས་པ་ནི་རྡོ་རྗེ་དང་པདྨ་སྦྱོར་བས་མཚོན་པར་འགྱུར་བས་ན་སྙོམས་པར་ཞུགས་པའི་མཚན་
[47b]
[47b.1]ཉིད་ནི་འོད་གསལ་བ་ཞེས་བྱའོ། །ཇི་སྐད་དུ། སྒྱུ་མ་དག་ནི་ཐམས་ཅད་ལས། །བུད་མེད་སྒྱུ་མ་ཁྱད་པར་འཕགས། །སྣང་བ་གསུམ་གྱིས་#དབྱེ་བ་ནི། །འདི་ཉིད་ལས་ནི་མཚོན་པར་འགྱུར། །གང་ཞིག་རྡོ་རྗེ་པད་སྦྱོར་བ། །ཀུན་རྫོབ་ཀྱིས་ནི་ཡོད་མ་ཡིན། །ལྷན་ཅིག་ཏུ་ཡང་ཉམས་
[47b.2]མྱོང་བས། །རྣལ་འབྱོར་སྟོབས་ཀྱིས་འགྲུབ་པར་འགྱུར། །ཞེས་འབྱུང་ངོ་། །ཡུལ་གཞན་དག་ཅེས་བྱ་བ་འདིས་གདོལ་པ་ལ་སོགས་པའི་བུད་མེད་ཀྱི་ཡུལ་དུ་དེ་ཁོ་ན་ཉིད་སྒྲུབ་#པར་རིགས་སོ། །གང་གི་ཕྱིར་དེ་རྣམས་རིགས་ངན་ཡིན་པས་རྟོག་པ་མེད་པར་འགྱུར་བས་སོ། །གཞན་མ་
[47b.3]རྣམས་ནི་རྟོག་པ་དང་ལྡན་པའི་ཕྱིར་དེ་དང་འབྲེལ་པས་ཡེ་ཤེས་བསྐྱེད་པར་མི་འགྱུར་རོ་ཞེས་དགོངས་པས་སོ། །དགོངས་པས་བཤད་པའོ་ཞེས་པ་ནི་འགལ་བའི་སྒྲའི་སྒོ་ནས་དེ་ཁོ་ན་ཉིད་ཀྱི་དོན་བསྟན་པས་སོ། །དེ་ལྟར་ཞེས་བྱ་བ་ལ་སོགས་པས་#རྣལ་འབྱོར་པའི་རང་གི་དོན་ཕུན་
[47b.4]སུམ་ཚོགས་པ་གྲུབ་ནས་གཞན་གྱི་དོན་ཕུན་སུམ་ཚོགས་པ་བསྒྲུབ་#པར་བསྟན་པར་བྱ་བའི་ཕྱིར་སེམས་དཔའ་གསུམ་གྱི་བདག་ཉིད་ཅན་ནོ་ཞེས་པ་ལ་སོགས་པ་ནི་མདོར་བསྟན་ཏོ#། །དེ་ཉིད་ཀྱི་སྦྱོར་བ་བསྟན་པར་བྱ་བའི་ཕྱིར་ཞེས་པ་ནི་རྒྱས་པར་བསྟན་པའོ། །ཡི་གེ་ཡཾ་ལས་བྱུང་བ་ཞེས་བྱ་
[47b.5]བ་ལ་སོགས་པས་#སྣོད་དུ་རུང་བའི་སྐྱེ་བོ་བཀུག་ནས་གདུལ་བར་བྱ་ཞེས་བསྟན་པ་དང་། དབང་གི་སྐབས་སུ་ཡང་བུད་མེད་རྣམས་དགུག་པར་བྱའོ་ཞེས་བྱ་བའི་ཕྱིར་སྦྱོར་བ་འདི་ཉིད་ཀྱིས་ཞེས་བྱ་བ་ལ་སོགས་པས་བསྟན་ཏོ། །ལྷ་མོ་རྣམས་སོ་ཞེས་པ་ནི་རྒྱལ་པོའི་བཙུན་མོ་དང་ལྷ་ལ་
[47b.6]སོགས་པའི་བུ་མོ་རྣམས་སོ། །རྣམ་པར་སྣང་མཛད་ཀྱིས་མཚན་པར་གྱུར་པའི་ཞེས་བྱ་བ་ལ་སོགས་པས་རྣམ་པར་སྣང་མཛད་ལ་སོགས་པའི་གཟུགས་དམིགས་པ་སྔོན་དུ་འགྲོ་བས་འཁོར་ལོའི་ལྕགས་ཀྱུ་ལ་སོགས་པའི་སྒོ་ནས་བསྒྲུབ་བྱ་དགུག་པ་བསྟན་ཏོ། །གནོད་སྦྱིན་མོ་#
[47b.7]ལ་སོགས་པ་སྟེ། །ཞེས་པ་ནི་ཁམས་གསུམ་པ་#ཟ་བའི་#དམ་ཚིག་གང་ལ་ཡོད་པ་#དེ་ནི་གནོད་སྦྱིན་མོ་དང་ཀླུ་མོ་དང་ལྷ་མ་ཡིན་མོ་ལ་སོགས་པའོ། །དེ་རྣམས་ཀྱི་དགུག་པ་ནི་ཞེས་པ་ནི་སྔར་བཤད་པའི་རིམ་པས་དགུག་པ་ཞེས་ཉེ་བར་བསྡུས་པའོ། །རྣམ་པ་ཐམས་ཅད་ཅེས་པ་ལ་སོགས་
[48a]
[48a.1]པས་རྡོ་རྗེ་འཆང་ཆེན་པོའི་བསྒོམ་པ་མངོན་དུ་བྱ་བ་སྔོན་དུ་འགྲོ་བར་བསྒྲིབས་པ་ལ་སོགས་པའི་ཕྱོགས་ན་#གནས་པའི་བསྒྲུབ་བྱ་ལྕགས་ཀྱུ་དང་ཞགས་པ་དང་རླུང་གི་དཀྱིལ་འཁོར་གྱིས་#གམ་དུ་བཀུག་ནས་དབང་དུ་བྱའོ་ཞེས་བསྟན་ཏོ། །ཀྱོ་#བ་ལ་སོགས་པ་རྣམས་
[48a.2]ཀྱིས་བླང་བར་བྱ་སྟེ་ཞེས་པ་ནི་སོགས་པའི་སྒྲས་ཞགས་པ་དང་རླུང་གི་དཀྱིལ་འཁོར་ཤེས་པར་བྱའོ། །དེ་ཉིད་བསྟན་པའི་ཕྱིར་ལྕགས་ཀྱུས་དྲངས་ནས་ཞེས་བྱ་བ་ལ་སོགས་པ་བསྟན་ཏོ། །རྒྱས་བཏབ་པ་ཞེས་བྱ་བ་ལ་སོགས་པས་རྡོ་རྗེ་སེམས་དཔའ་དང་འདྲ་བའི་སྒྲུབ་#པ་པོ་ལ་བྱ་བ་
[48a.3]ཐམས་ཅད་བྱེད་མི་ནུས་པ་ཉིད་བསྟན་ཏོ། །བཤད་མ་ཐག་པའི་ཞེས་བྱ་བ་ལ་སོགས་པས་བདག་ལ་བྱིན་གྱིས་བརླབ་པའི་རིམ་པས་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པ་གསུམ་གྱི་བདག་ཉིད་ཅན་གྱིས་བདག་ཉིད་དུ་བསམས་ལ། འོད་ཟེར་སྤྲོ་བ་དང་སྔགས་
[48a.4]བཟླས་པ་དང་ཏིང་ངེ་འཛིན་མངོན་དུ་བྱ་བའི་སྒོ་ནས་རྣམ་པར་སྣང་མཛད་ལ་སོགས་པ་དང་འདྲ་བར་འགྱུར་རོ་ཞེས་བསྟན་ཏོ། །ཇི་སྐད་དུ་གསུངས་པའི་མཚན་ཉིད་དང་ལྡན་པར་བསྒོམ་པ་ཞེས་པ་ནི་མཚན་དང་དཔེ་བྱད་རྣམས་ཀྱིས་རྣམ་པར་སྤྲས་#པའོ་ཞེས་བྱ་བའི་དོན་ཏོ། །སྔགས་འདོན་པའོ་
[48a.5]ཞེས་པ་ནི་ཁྲོ་བོའི་ངག་གམ་རྡོ་རྗེའི་ངག་གིས་སྔགས་བརྗོད་པའོ། །ལག་པར་གནས་པའི་ཞེས་པ་ནི་གམ་དུ་གནས་པའོ། །བསྒྲུབ་པར་བྱ་སྟེ་ཞེས་བྱ་བ་ནི་གནོད་སྦྱིན་མོ་ལ་སོགས་པའོ། །བཟླས་པར་བྱ་བ་སྔགས་ཀྱི་དོན། །ཞེས་པ་ནི་རང་གི་སྔགས་དང་ཡི་གེ་ལས་#མཐུན་པའོ། །བསམས་
[48a.6]ན་ནི་ཡིད་ཀྱིས་#བསམས་པའོ། །རྣམ་པ་ཞེས་བྱ་བ་ལ་སོགས་པས་རྣམ་པར་སྣང་མཛད་ལ་སོགས་པའི་རང་བཞིན་ཡོངས་སུ་ཤེས་ནས་འདི་དག་ཐམས་ཅད་བསྒྲུབ་པར་བྱའོ་ཞེས་བསྟན་ཏོ། །སྐུའི་རང་བཞིན་མི་ཤེས་པས་རང་གི་དོན་ཡང་འགྲུབ་པར་མི་འགྱུར་གྱི་འཇིག་རྟེན་པ་ལ་སོགས་པའི་
[48a.7]དངོས་གྲུབ་འགྲུབ་པར་འགྱུར་རོ་#ཞེས་སྨོས་ཅི་དགོས། དེ་ཉིད་ཀྱི་ཕྱིར་རང་བཞིན་ཡོངས་སུ་ཤེས་པ་ཉིད་ཀྱི་མཆོད་པ་ཡིན་གྱི་གཞན་ནི་མ་ཡིན་ནོ་ཞེས་བསྟན་ཏོ། །མཆོད་པས་མཆོད་ནས་ཞེས་པ་ནི། །དངོས་མེད་གོ་འཕང་ལ་གོམས་པས། །ལྷ་ཡི་གཟུགས་ནི་བསྒོམ་པ་སྟེ། །སངས་རྒྱས་
[48b]
[48b.1]ཐམས་ཅད་རབ་མཉེས་པ། །དེས་ནི་མཆོད་པ་ཆེན་པོར་འདོད། །ཅེས་འབྱུང་ངོ་། །དེ་ལྟ་བུའི་རྣལ་འབྱོར་པས་བཤད་མ་ཐག་དུ་སྦྱོར་བའི་#ཞེས་པ་ནི་དགུག་པ་བསྒྲུབ་པར་བྱའོ། །དེ་བཞིན་གཤེགས་པ་ཐམས་ཅད་དང་འབྲེལ་པ་ཞེས་པ་ནི་དེ་བཞིན་གཤེགས་པ་ཐམས་ཅད་ཀྱི་རང་
[48b.2]བཞིན་རྡོ་རྗེ་འཆང་ཆེན་པོས་གསུངས་པའོ། །སྦ་བར་བྱ་བ་དང་ཞེས་པ་ནི་བྱ་བ་ལ་སོགས་པའི་ཚུལ་ལ་#བརྟེན་པའོ། །མཆོག་ཏུ་གྱུར་པ་ནི་སྦྱོར་བ་གཞན་ལ་ལྟོས་#ནས་ཁྱད་པར་རོ། །བསྡུས་པར་གྱུར་པ་ཞེས་པ་ནི་ལྷ་ལ་སོགས་པ་འགུགས་#པར་བྱེད་པས་སོ། །དེ་ཉིད་ཀྱི་ཕྱིར་རྣམ་པར་
[48b.3]སྣང་མཛད་ལ་སོགས་པའི་རྣལ་འབྱོར་པས་འདའ་བར་བྱ་བ་མ་ཡིན་པ་ཞེས་པ་ནི་ངེས་པར་བྱ་བའོ། །སྡུད་པ་པོའི་ཚིག་ཅེས་བྱ་བ་ལ་སོགས་པས་དགུག་པའི་རབ་ཏུ་བྱེད་པ་ཉེ་བར་བསྡུས་པ་བསྟན་ཏོ། །མི་སྟེ་ནི་སྲོག་ཆགས་ཐམས་ཅད་ཀྱི་མཆོག་ཡིན་པས་སོ། །དེ་རྣམས་ཀྱི་
[48b.4]ཞེས་བྱ་བ་ནི་དཔལ་རྡོ་རྗེ་བདུད་རྩི་ལས་གསུངས་པའི་རོ་ལངས་ཀྱི་ཆོ་གའི་སྒོ་ནས་དེ་ཉིད་ཀྱི་#རང་གི་ལག་པས་སྦྱིན་པར་#ཞེས་བྱའོ། །དེ་ཡང་མི་བསྐྱོད་པའི་རྣལ་འབྱོར་པས་སྔར་བཤད་པའི་ཁྲོ་བོའི་རྒྱལ་པོའི་གཏོར་མའི་ཆོ་གས་ཁྲོ་བོ་རྣམས་ལ་སྦྱིན་པར་བྱའོ། །དེ་ཉིད་བསྟན་པའི་
[48b.5]ཕྱིར། ཤི་བའི་རོ་ལས་བྱུང་བས་ན། །ཞེས་བསྟན་ཏོ། །གཏོར་མའི་ཆོ་ག་འདིས་མཁའ་ལ་སྤྱོད་པའི་དངོས་གྲུབ་ཐོབ་པར་འགྱུར་རོ། །དེ་ཉིད་བསྟན་པའི་ཕྱིར། རང་གི་ལུས་བསྒྲུབ་པར་བྱས་ནས་ནམ་མཁའ་ལ་གནས་པར་#ཐོབ་པར་འགྱུར་རོ་ཞེས་བསྟན་ཏོ། །དེ་ཡང་ཁ་ན་མ་ཐོ་བ་
[48b.6]མེད་པ་ཞེས་བྱ་བ་ལ་སོགས་པས་གཏོར་མའི་ཆོ་ག་བསྟན་ཏེ་དེ་ཡང་སྔར་བཤད་ཟིན་ཏོ། །ཤ་ཆེན་ཞེས་བྱ་བ་ལ་སོགས་པས་ལྕགས་ཀྱུ་ལྔ་དང་བདུད་རྩི་ལྔ་འདྲེས་པར་བྱས་ནས་སྔགས་ཀྱིས་བྱིན་གྱིས་བརླབས་ལ་ཁྲོ་བོའི་རྒྱལ་པོ་རྣམས་ལ་གཏོར་མ་བྱིན་ན་#རིག་པ་འཛིན་པའི་དངོས་
[48b.7]གྲུབ་ཐོབ་པར་འགྱུར་རོ་ཞེས་བསྟན་ཏོ། །གླང་པོ་ཞེས་བྱ་བ་ལ་སོགས་པས་གླང་པོ་དང་རྟ་དང་བ་ལང་#དང་ཁྱིའི་ཤ་སྔར་བཤད་པའི་རིམ་པས་བླངས་ལ་སྔགས་དང་ཕྱག་རྒྱའི་རིམ་པས་སྦྱང་ཞིང་རིགས་པ་#དང་མཐུན་པའི་ཁྲོ་བོའི་རྒྱལ་པོ་རྣམས་ལ་གཏོར་མ་བྱིན་ནས་མངོན་པར་ཤེས་
[49a]
[49a.1]པ་ལྔ་དང་མི་སྣང་བ་དང་རྒྱལ་པོ་ལ་སོགས་པ་དགུག་པ་དང་མཁའ་སྤྱོད་ཀྱི་དངོས་གྲུབ་རྣམས་ཐོབ་པར་འགྱུར་རོ། །ཁ་ན་མ་ཐོ་བའི་ཤ་མེད་ན་ཞེས་བྱ་བ་ལ་སོགས་པས་ཆོ་ག་གཞན་ཡང་བསྟན་པར་བྱ་སྟེ། རྣམ་པར་སྣང་མཛད་ལ་སོགས་པའི་རྣལ་
[49a.2]འབྱོར་པ་རྣམས་ཀྱིས་#དེ་མ་ཐག་ཏུ་བཤད་པའི་བག་ཕྱེ་ལ་སོགས་པའི་རང་བཞིན་གྱིས་#མི་ལ་སོགས་པའི་གཟུགས་བརྙན་བྱས་ལ་མདུན་དུ་གཞག་#སྟེ། རོ་ལངས་ཀྱི་ཆོ་གས་བླངས་ཏེ་དེ་རྣམས་ཀྱི་སྲོག་དང་བསྒྲུབ་བྱའི་སྲོག་གཅིག་ཏུ་བྱས་ཏེ#། རང་འཕོ་བའི་རིམ་པས་སྲོག་དང་བྲལ་
[49a.3]བར་གྱུར་པར་བསམས་ལ། དེའི་ཡན་ལག་གིས་སྔར་བཤད་པའི་ཁྲོ་བོ་ལ་དབུལ་བའི་ཆོ་གས་ཁྲོ་བོའི་རྒྱལ་པོ་ལ་གཏོར་མ་བྱིན་ནས་མཁའ་སྤྱོད་ལ་སོགས་པའི་དངོས་གྲུབ་བསྒྲུབ་པར་བྱ་བའོ་#ཞེས་བསྟན་ཏོ། །རྡོ་རྗེ་སྦྱོར་བ་ཞེས་བྱ་བ་ལ་སོགས་པས་ཇི་ལྟར་མངོན་པར་འདོད་པའི་
[49a.4]དངོས་གྲུབ་ཐོབ་པར་བསྟན་ཏོ། །ལུས་རྒྱས་པར་བྱ་བའི་ཕྱིར་ཞེས་བྱ་བ་ལ་སོགས་པ་#བསྐྱེད་པའི་རིམ་པས་རྡོ་རྗེ་འཆང་ཆེན་པོའི་བསྒོམ་པ་མངོན་དུ་བྱས་ལ་རང་གི་སྤྱི་བོར་ཡི་གེ་ཧཱུཾ་ཡོངས་སུ་གྱུར་པ་ལས་རྡོ་རྗེ་སེམས་དཔའི་སྐུ་རང་གི་ཕྱག་རྒྱ་དང་སྙོམས་པར་ཞུགས་པའི་དབང་གིས་#
[49a.5]བདུད་རྩིའི་རྒྱུན་འཛག་པར་བྱེད་པར་བསམས་ལ། དེའི་རྒྱུན་རྒྱུ་བས་སེམས་དཔའ་གསུམ་གྱི་བདག་ཉིད་ཀྱི་རང་གི་#ལུས་རྩ་ཀུན་ལ་སྤྱོད་པའི་རིམ་པས་ཚིམ་པར་གྱུར་པར་བསམ་#པར་བྱའོ་ཞེས་བསྟན་ཏོ། །ཡེ་ཤེས་ཀྱི་བདག་ཉིད་ཡིན་པས་ཡེ་ཤེས་ཀྱང་དེ་ཡིན་ལ་མི་ཕྱེད་པས་རྡོ་རྗེ་ཡང་
[49a.6]ཡིན་ཏེ། ཡེ་ཤེས་རྡོ་རྗེ་ནི་བྱང་ཆུབ་ཀྱི་སེམས་ཏེ་ཁམས་མཐའ་མའོ། །ཚིམ་པར་ནི་སྤྱོད་པ་ཞེས་བྱ་བ་ལ་སོགས་པས་ཉེ་བར་བསྡུས་པ་བསྟན་ཏོ། །དེ་ནི་ལས་ཀྱི་རྒྱལ་པོ་མཆོག་གི་ཏིང་ངེ་འཛིན་གྱི་ཕྱོགས་གཅིག་གོ། །རིགས་ཀྱི་དབྱེ་བས་ཞེས་བྱ་བ་ལ་སོགས་པས་བཟའ་བའི་བྱ་བ་
[49a.7]བསྟན་པས་ལས་#ཀྱི་རྒྱལ་བ་མཆོག་གི་ཕྱོགས་གཅིག་བསྟན་ཏོ། །རིགས་ལྔའི་རྣལ་འབྱོར་པ་རྣམས་སོ་ཞེས་པ་ནི་རྣམ་པར་སྣང་མཛད་ལ་སོགས་པའི་སྒྲུབ་པ་པོ་རྣམས་སོ། །དེ་རྣམས་ཀྱི་ནང་ན་ཐུགས་ཀྱི་རིགས་#མཆོག་ཡིན་པས་མཆོག་ནི་མི་བསྐྱོད་པའི་རིགས་ཞེས་བྱའོ། །དེར་གནས་
[49b]
[49b.1]ནས་ཞེས་པ་ནི་རྣལ་འབྱོར་དེ་ལ་གནས་པའོ། །ཧཱུཾ་ཞེས་བྱ་བ་ལ་སོགས་པས་མི་བསྐྱོད་པའི་རྣལ་འབྱོར་པས་ཡི་གེ་ཧཱུཾ་ཡོངས་སུ་གྱུར་པ་ལས་ལྕེར་བསྒོམས་ལ། དེའི་སྟེང་དུ་ཁ་དོག་དཀར་པོའི་ཡི་གེ་ཧཱུཾ་ཡོངས་སུ་གྱུར་པ་ལས་ཕྲ་མོའི་རྡོ་རྗེ་རྣམ་པར་བསམས་ལ་སྒྲུབ་ཐབས་ལས་བཤད་པའི་
[49b.2]རིམ་པས་ལག་པ་ལ་#དགོད་པ་ལྐོག་མ་དག་པ་སྔོན་#དུ་འགྲོ་བར་བཟའ་བ་དང་བཏུང་བ་ལ་སོགས་པ་ཁྱད་པར་བྱའོ་ཞེས་ནང་གི་བདག་ཉིད་ཀྱི་སྦྱིན་སྲེག་གི་ཆོ་ག་བསྟན་པ་དང་། དེ་བཞིན་དུ་འོད་དཔག་ཏུ་མེད་པའི་དང་རྣམ་པར་སྣང་མཛད་ཀྱི་#རྣལ་འབྱོར་པ་དག་#གིས་རང་རང་#གི་ཡིག་འབྲུ་
[49b.3]ཡོངས་སུ་གྱུར་པ་ལས་བསྐྱེད་པའི་ལྕེ་ལ་ཡི་གེ་ཨཱཿདང་། ཨོཾ་ཡོངས་སུ་གྱུར་པ་ལས་པདྨ་དང་འཁོར་ལོ་སྔ་མ་བཞིན་དུ་བཀོད་ལ། བཟའ་བ་དང་བཏུང་བ་ལ་སོགས་པ་སྔ་མ་བཞིན་#སྤྱོད་པར་བཤད་དོ། །ཟས་སུ་བྱས་པའི་སྦྱོར་བས་ནི#། །ཞེས་བྱ་བ་ལ་ནང་གི་བདག་ཉིད་ཀྱི་སྦྱིན་
[49b.4]སྲེག་#ཆོ་གའི་མཚན་ཉིད་ཀྱིས་སོ། །ལུས་ལ་སོགས་པའི་ཤིན་ཏུ་སྦྱངས་པ་ཐོབ་ནས་ཞེས་བྱ་བ་ལ་སོགས་པས་ལུས་དང་ངག་དང་སེམས་ཀྱི་བདེ་བ་ཐོབ་ནས་རིམ་གྱིས་རྫོགས་པའི་རིམ་པ་བསྒོམས་པས།# རྡོ་རྗེ་འཆང་ཆེན་པོ་དང་འདྲ་བར་འགྱུར་བའོ་ཞེས་སྟོན་#ཏོ། །བདུད་རྩིར་#
[49b.5]བྱེད་པའི་ཞེས་བྱ་བ་ལ་སོགས་པས་ཚིམ་པར་བྱ་བ་དང་བཟའ་བའི་ཆོ་ག་ཉེ་བར་བསྡུ་བ་བསྟན་ཏོ། །འདི་ཡང་ལས་ཀྱི་རྒྱལ་བ་མཆོག་གི་ཏིང་ངེ་འཛིན་གྱི་ཕྱོགས་གཅིག་བསྟན་ཏོ། །སྒྲ་ཇི་བཞིན་པའོ་#ཞེས་པ་ནི་བསྐྱེད་པའི་རིམ་པའི་ཕྱོགས་གཅིག་ཏུ་གྱུར་པ་ལས་ཀྱི་རྒྱལ་བ་མཆོག་གི་
[49b.6]ཏིང་ངེ་འཛིན་སོ་སོར་བསྟན་པས་སོ། །རྣལ་འབྱོར་པའི་བྱ་བའི་ཞེས་བྱ་བ་ལ་སོགས་པས་འཁོར་ལོའི་རིག་པ་འཛིན་པ་ལ་སོགས་པའི་སྒོ་ནས་ཞི་བ་ལ་སོགས་པའི་#དངོས་གྲུབ་བསྟན་ནས། །གང་གི་ཚེ་གོ་རིམས་#དེ་རྣམས་ཀྱིས་རྫོགས་པའི་རིམ་པ་རྟོགས་#པར་འགྱུར་ན། དེའི་ཚེ་
[49b.7]རྫོགས་པའི་རིམ་པ་ལ་གནས་པ་དེ་རྣམས་ཀྱིས་ཕྱག་རྒྱ་ཆེན་པོའི་དངོས་གྲུབ་སྒྲུབ་#པའི་ཕྱིར་ཐབས་ནི་རྒྱུ་སྟེ་ལམ་དུ་བསྟན་#ཏོ། །སྐུ་དང་གསུང་དང་ཐུགས་ཏེ་ཞེས་པ་ནི་སྣང་བ་ལ་སོགས་པའི་ཡེ་ཤེས་གསུམ་མོ། །དེ་གང་དུ་མཉམ་#པར་ཐིམ་པར་གྱུར་པ་ཞེས་བྱ་བ་ནི་སྐད་ཅིག་མ་
[50a]
[50a.1]གཅིག་གིས་#མི་སྣང་བར་འགྱུར་བའོ། །དོན་དམ་པའི་བདེན་པ་ཞེས་པ་ནི་འོད་གསལ་བ་སྟེ་རིམ་པ་གཉིས་པ་དང་བཞི་བ་དག་གིས་#ཐོབ་པར་བྱ་བའོ། །དེ་ཉིད་འཇིག་རྟེན་གྱི་དངོས་གྲུབ་ལ་ལྟོས་#པས་འཇིག་རྟེན་ལས་འདས་པའི་རང་བཞིན་ཏེ་གྲུབ་མཆོག་གོ་ཞེས་པའོ། །དེར་ནི་
[50a.2]མཚོན་པའི་བདུན་པའོ། །དེས་ན་འོད་གསལ་བ་ཐོབ་པར་གྱུར་ནས་སྣང་བ་ཉེ་བར་ཐོབ་པ་ལ་སོགས་པའི་རིམ་པ་འམ་ཅིག་ཅར་དུ་རྡོ་རྗེའི་སྐུའམ་ཡེ་ཤེས་ཀྱི་སྐུ་བྱུང་བ་གང་#ཡིན་པ་དེ་ནི་ཆོས་དང་ལོངས་སྤྱོད་དང་སྤྲུལ་པའི་སྐུའི་མཚན་ཉིད་ཅེས་བྱའོ། །དེ་ཉིད་མི་ཕྱེད་པས་ན་རྡོ་རྗེ་སྟེ་#རྣལ་འབྱོར་པ་གང་གིས་
[50a.3]བསྒོམ་པ་#དེ་ནི་རྡོ་རྗེ་འཆང་ཆེན་པོར་འགྱུར་རོ་ཞེས་ཕན་ཡོན་བསྟན་ཏོ། །དེས་#སེམས་ལ་དམིགས་པ་དང་བདག་ལ་བྱིན་གྱིས་བརླབ་#པ་དང་མངོན་པར་བྱང་ཆུབ་པ་དང་ཟུང་དུ་འཇུག་པའི་རིམ་པ་རྣམས་བསྟན་ཏོ། །དེ་ལྟར་ཞེས་བྱ་བ་ལ་སོགས་པ་དེ་ཁོ་ན་ཉིད་ཐོབ་པའི་རྣལ་འབྱོར་པས་
[50a.4]ཆོ་འཕྲུལ་ཐོབ་པར་བསྟན་ཏོ། །ཕྱོགས་བཅུ་ན་གནས་པའི་སེམས་ཅན་ཐམས་ཅད་ཅེས་པ་ནི་དངོས་གྲུབ་ཐོབ་པའི་རིག་པ་འཛིན་པའི་ནང་ནའོ། །ཡིད་བཞིན་ནོར་བུ་རྒྱལ་མཚན་#འགྱུར་བས་ན་ཞེས་པ་ནི་བསམ་པ་ཐམས་ཅད་རྫོགས་པར་བྱེད་པའི་ཕྱིར་རོ། །དེ་བཞིན་དུ་འཇིག་རྟེན་
[50a.5]ལས་འདས་པའི་རྣམ་པར་སྨིན་པའི་སྐུ་དང་ལྡན་པས་རྡོ་རྗེའི་སྐུ་ཞེས་པའོ། །སྣང་བར་བྱེད་པ་ཞེས་བྱ་བ་ལ་སོགས་པས་ཟླ་བ་དང་ཉི་མའི་འོད་ལས་#ལྷག་པར་གཟི་བརྗིད་དང་ལྡན་པར་འགྱུར་རོ་ཞེས་བསྟན་ཏོ། །དེ་ནི་རྡོ་རྗེ་འཆང་ཆེན་པོའི་དངོས་གྲུབ་ཡིན་ནོ། །རྣམ་པར་སྣང་མཛད་ཅེས་བྱ་བ་ལ་
[50a.6]སོགས་པས་དེ་ཁོ་ན་ཉིད་ཐོབ་པའི་བདག་ཉིད་ཀྱི་#ཆེ་བ་བསྟན་པ་དང་། རྣམ་པར་སྣང་མཛད་ལ་སོགས་པའི་འཁོར་ལོའི་རིག་པ་འཛིན་པ་ལ་སོགས་པའི་དངོས་གྲུབ་ཐོབ་ནས་རྣམ་པར་སྣང་མཛད་ལ་སོགས་པ་དང་འདྲ་བའི་སྐུ་གསུང་ཐུགས་དང་ལྡན་པར་འགྱུར་རོ་ཞེས་བསྟན་ཏོ། །བཤད་
[50a.7]མ་ཐག་པའི་དངོས་པོ་ཐམས་ཅད་ནི་རིག་པ་འཛིན་པ་ལ་སོགས་པའི་སྐུ་རྫོགས་པའི་མཚན་ཉིད་ཀྱི་བསྒོམ་པ་གང་ཡིན་པ་#རྒྱུ་དེ་རྣམས་ཀྱིས་#བསྒྲུབས་པ་ནི་རྫོགས་པའོ། །གང་གཱའི་ཀླུང་གི་ཞེས་བྱ་བ་ལ་སོགས་པས་#ཆོ་འཕྲུལ་གྱི་དབང་གིས་ཁམས་གསུམ་པ་མནན་པར་བསྟན་ཏོ། །མཁའ་འགྲོ་མ་
[50b]
[50b.1]དང་མཁའ་འགྲོ་མ་ལ་སོགས་པའི་དམ་ཚིག་ཅེས་པ་ནི་ཕྱི་རོལ་གྱི་མུ་སྟེགས་པ་#ལ་སོགས་པའི་དམ་ཚིག་རྣམས་སོ། །དེ་རྣམས་ཀྱིས་#བདག་ཏུ་ལྟ་བ་ལ་སོགས་པ་མེད་པའི་ཕྱིར་དེ་རྣམས་ཀྱི་དམ་པའོ་ཞེས་པ་ནི་དེ་བཞིན་གཤེགས་པའི་དམ་ཚིག་སྟེ་བསྲུང་བར་བྱ་བ་དང་བཟའ་བར་བྱ་བ་#ལ་
[50b.2]སོགས་པའོ། །དེ་རྣམས་ཀྱི་སྒྲུབ་#པའི་ཞེས་པ་ནི་དེ་#རྣམས་སྒྲུབ་པར་བྱེད་པའོ། །སྔགས་ཞེས་པ་ནི་#ཡིག་འབྲུ་འམ་ཕྱུང་བའི་སྔགས་རྣམས་སོ། །དེ་འཛིན་པར་བྱེད་པས་ནི་རིག་པ་འཛིན་པ་སྟེ་ཞེས་པ་འདིས་སོ་སོར་རིག་#པ་ཐོབ་པ་ཉིད་དུ་བསྟན་ཏོ། །དེ་རྣམས་ཀྱི་ཡང་གཙོ་བོར་འགྱུར་བའོ་
[50b.3]ཞེས་པ་ནི་འཇིག་རྟེན་དང་འཇིག་རྟེན་ལས་འདས་པའི་མཁའ་འགྲོ་དང་མཁའ་འགྲོ་མ་རྣམས་ཀྱི་བདག་པོར་འགྱུར་ཏེ། སྟོན་པ་ཡིན་པ་དང་སྤྲུལ་པར་མཛད་པ་ཡིན་པའི་ཕྱིར་རོ། །རྡོ་རྗེའི་སྐུ་ནི་ཞེས་བྱ་བ་ལ་སོགས་པས་ཕྱི་དང་ནང་གི་མཁའ་འགྲོ་མ་ལ་སོགས་པའི་དངོས་གྲུབ་ཐོབ་པར་
[50b.4]འགྱུར་ན་ཕྱག་རྒྱ་ཆེན་པོའི་དངོས་གྲུབ་ཐོབ་པར་འགྱུར་བ་དང་། དེ་ཐོབ་པས་ལུས་ལ་སོགས་པ་མི་སྣང་བས་མི་མངོན་པའི་མཚན་ཉིད་ཀྱི་ཆོ་འཕྲུལ་འབྱུང་བ་དང་རང་གི་འོད་ཀྱིས་སྟོང་གསུམ་ལ་སོགས་པའི་འཇིག་རྟེན་གྱི་ཁམས་སྣང་བར་འགྱུར་བ་དང་ཇི་སྲིད་དེ་བཞིན་གཤེགས་པ་ཐམས་
[50b.5]ཅད་ཀྱི་#ཡང་ཕུན་སུམ་ཚོགས་པ་ནི་བདག་ཉིད་ཆེ་བའི་ནུས་པ་ལེའུ་བཅུ་པ་ནས་གསུངས་པའི་སྙིང་པོ་བསྐུལ་བའི་རིམ་པས་འཕྲོག་པར་བྱེད་པ་དང་། དེ་བཞིན་དུ་བརྒྱ་བྱིན་ལ་སོགས་པ་ལྷའི་མཆོག་གདུལ་བར་བྱ་བའི་ཕྱིར་དེ་རྣམས་ཀྱི་བཙུན་མོ་#སྟོབས་ཀྱིས་བཀུག་ནས་སྤྱོད་པ་དང་
[50b.6]སྙོམས་པར་འཇུག་པའི་རིམ་པས་རྡོ་རྗེ་རྣལ་འབྱོར་མའི་ངོ་བོར་#བྱེད་པའོ་ཞེས་བསྟན་ཏོ། །གངྒཱའི་ཞེས་#བྱ་བ་ལ་སོགས་པའི་#ལྷའི་མིག་གིས་ཡུལ་དང་དུས་དང་རང་བཞིན་གྱིས་བསྐལ་བའི་དངོས་པོ་མཐོང་བར་བསྟན་ཏོ། །གངྒཱའི་#ཀླུང་གི་ཞེས་བྱ་བ་ལ་སོགས་པས་ལྷའི་རྣ་བའི་དངོས་གྲུབ་
[50b.7]ཐོབ་པ་བསྟན་ཏོ། །འཇིག་རྟེན་གྱི་ཁམས་ཞེས་བྱ་བ་ལ་སོགས་པས་ཕ་རོལ་གྱི་སེམས་ཤེས་པ་ཉིད་བསྟན་ཏོ། །རང་བཞིན་བརྒྱ་དྲུག་ཅུའི་རྒྱུར་གྱུར་པ་ཞེས་པ་ནི་འདོད་ཆགས་ལ་སོགས་པའི་སེམས་ལས་བྱུང་བ་དང་ལྡན་པ་ཕ་རོལ་གྱི་རྣམ་པར་ཤེས་པ་གསུམ་ཤེས་པར་འགྱུར་རོ། །
[51a]
[51a.1]དགེ་བ་དང་མི་དགེ་བའི་ལས་ཀྱི་དབང་གིས་ཞེས་བྱ་བ་ལ་སོགས་པས་འཇིག་རྟེན་སྣ་ཚོགས་ལས་བྱུང་#ཞེས་བྱ་བའི་རིགས་པས་བདེ་འགྲོ་དང་ངན་འགྲོའི་རང་བཞིན་གྱི་འགྲོ་བ་ལྔའི་འཁོར་བ་དང་འཆི་འཕོ་#དང་སྐྱེ་བ་ལ་སོགས་པ་འདས་པའི་ཞག་གསུམ་དང་འདྲ་བར་ཞེས་བྱ་
[51a.2]བའི་ཤིན་ཏུ་ཉེ་བའི་དུས་ཀྱི་#དཔེས་སྔོན་གྱི་གནས་རྗེས་སུ་དྲན་པ་བསྟན་ཏོ། །གངྒཱའི་ཀླུང་ཞེས་བྱ་བ་ལ་སོགས་པས་རིགས་ལྔའི་རང་བཞིན་དེ་བཞིན་གཤེགས་པ་སྤྲོས་པས་ཚད་མེད་ཅིང་གྲངས་མེད་པའི་བསྐལ་པ་ལ་གནས་ཏེ་འགྲོ་བའི་དོན་བྱེད་པ་ཞེས་བྱ་བ་འདིས་ཆོ་འཕྲུལ་བསྟན་ཏོ། །འོད་གསལ་
[51a.3]བའི་འབྲེལ་པ་དང་ལྡན་པས་རྡོ་རྗེ་ཆོ་འཕྲུལ་མཆོག་དང་ལྡན་ནོ་ཞེས་བྱ་བ་འདིས་ཟག་པ་ཟད་པ་ཞེས་བྱ་བ་མངོན་པར་ཤེས་པ་དྲུག་པ་བསྟན་ཏོ། །རྡོ་རྗེ་སྤྱན་ཞེས་བྱ་བ་ལ་སོགས་པས་འོད་གསལ་བའི་#དེ་ཁོ་ན་ཉིད་རྟོགས་པར་འགྱུར་ན་ལྷའི་མིག་ལ་སོགས་པ་ཐོབ་པར་འགྱུར་རོ་ཞེས་བསྟན་ཏོ། །འདི་
[51a.4]དག་གིས་#ཞེས་བྱ་བ་ལ་སོགས་པས་རྩིས་མེད་ཅིང་ཚད་མེད་པའི་སེམས་ཅན་གྱི་ལས་ལ་རྩོལ་བ་དང་ལྡན་པས་གཞན་གྱི་དོན་ཕུན་སུམ་ཚོགས་པ་བསྟན་ཏོ། གངྒཱ་#ཞེས་བྱ་བ་ལ་སོགས་པས་གྲངས་ལས་འདས་པ་ཕོ་ཉ་དང་ཕོ་ཉ་མོ་དང་བྲན་དང་བྲན་མོ་དང་བཀའ་ཉན་དང་བཀའ་ཉན་མོ་
[51a.5]ལ་སོགས་པ་མཆོད་པའི་ཡོ་བྱད་དུ་མ་དང་ལྡན་པས་ཡོངས་སུ་བསྐོར་ཞིང་མདུན་དུ་བྱས་པས་ཆོས་བསྟན་པའི་སྒོ་ནས་མཐའ་ཡས་པའི་འཇིག་རྟེན་གྱི་ཁམས་ན་བཞུགས་པར་འགྱུར་རོ་ཞེས་བསྟན་ཏོ། །འབྲས་བུའི་ཕྱོགས་གཅིག་ཅེས་པ་ནི་ཉེ་བར་མཚོན་པ་ཙམ་ཡིན་ཏེ། གཞན་དག་ཀྱང་
[51a.6]གནས་དང་གནས་མ་ཡིན་པའི་མཁྱེན་པའི་སྟོབས་ལ་སོགས་པའི་སྟོབས་བཅུ་དང་ས་བཅུ་དང་ཕ་རོལ་ཏུ་ཕྱིན་པ་དང་དབང་དང་#སོ་སོ་#ཡང་དག་པར་རིག་པ་དང་གཟུངས་དང་རྣམ་པར་ཐར་པ་དང་མི་འཇིགས་པ་དང་མ་འདྲེས་པའི་སངས་རྒྱས་ཀྱི་ཆོས་དང་ལྡན་པར་འགྱུར་རོ་ཞེས་བརྗོད་པར་
[51a.7]བྱའོ། །བཞུགས་པའི་ཚིག་ཅེས་བྱ་བ་ལ་སོགས་པས་གླེང་གཞིའི་ཚིག་ནས་བརྩམས་ཏེ་ལེའུ་བཅུ་གཉིས་པའི་ཐ་མལ་པའི་བསྒྲུབ་པ་ནི་བསྐྱེད་པའི་རིམ་པ་དང་མཆོག་གི་རྫོགས་པའི་རིམ་པ་སོ་སོར་བསྟན་པ་ནི་ཇི་ལྟར་འབྱུང་བ་བཤད་ནས་བསྐྱེད་པའི་རིམ་པ་ནི་ཏིང་ངེ་འཛིན་གསུམ་གཙོ་
[51b]
[51b.1]བོར་གྱུར་པ་བསྒྲུབ་པ་ནི་སྐུ་#བསྒྲུབ་པའི་དོན་དུ་ཡན་ལག་ནི་བསྙེན་པ་ལ་སོགས་པའི་མཚན་ཉིད་ཀྱི་ཡན་ལག་བཞི་ཡང་གསལ་བར་བྱ་བའི་ཕྱིར་ནི་རྒྱས་པར་བཤད་པའི་ཕྱིར་བསྟན་པར་བྱ་སྟེ། བསྙེན་ཅིང་དམིགས་པར་བྱ་བ་ཡིན་པས་ན་ཞེས་པ་ནི་མདོར་བསྟན་པའོ། །དེ་ལ་བསྡུས་པའི་དོན་ནི་འདི་ཡིན་
[51b.2]ཏེ། སྙིང་རྗེ་ཆེན་པོ་བསྒོམ་པ་སྔོན་དུ་འགྲོ་བར་གནས་གཟུང་བ་དང་བགེགས་བསྐྲད་པ་དང་། སྟོང་པ་ཉིད་བསྒོམ་པ་དང་ཡེ་ཤེས་ཀྱི་ས་གཞི་བསྒོམ་པ་དང་གཞལ་ཡས་ཁང་པ་བསྐྱེད་པ་དང་ལྷག་པར་མོས་པའི་དཀྱིལ་འཁོར་བསྒོམ་པ་དང་། དོན་དམ་པའི་དཀྱིལ་འཁོར་བསྒོམ་པ་སྟེ་བསྙེན་པའོ། །
[51b.3]དེ་ནས་ཡིག་འབྲུ་དགོད་པ་དང་དེ་ཡོངས་སུ་གྱུར་པ་ལས་ཉི་མ་དང་ཟླ་བ་དང་པདྨ་བསྒོམ་པ་དང་ཡི་གེ་གསུམ་དགོད་པ་དང་། དེ་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་དང་། དེ་ལ་ཉི་མ་ལ་སོགས་པ་ཞུགས་པ་དང་དེའི་སྟེང་དུ་ཡིག་འབྲུ་དགོད་པ་ཞེས་བྱ་བ་#ནི་ཉེ་བར་བསྒྲུབ་པའོ། །ས་བོན་ཡོངས་སུ་
[51b.4]གྱུར་པ་ལས་ཕྱག་མཚན་བསྒོམ་པ་དང་། དེ་ཡོངས་སུ་གྱུར་པ་ལས་#སྐུ་རྫོགས་པ་དང་། ཡེ་ཤེས་སེམས་དཔའ་དང་ཏིང་ངེ་འཛིན་སེམས་དཔའ་བསྒོམ་པ་དང་ཕུང་པོ་དང་ཁམས་དང་སྐྱེ་མཆེད་བྱིན་གྱིས་བརླབ་པ་སྐུ་ལ་སོགས་པ་བྱིན་གྱིས་བརླབ་པ་#ཞེས་པ་ནི་བསྒྲུབ་པ་སྟེ་དང་པོ་སྦྱོར་བའོ། །ཕྱག་
[51b.5]རྒྱ་ལེགས་པར་སྦྱངས་པ་དང་རྡོ་རྗེ་དང་པདྨ་སྙོམས་པར་ཞུགས་པ་དང་། རྗེས་སུ་ཆགས་པ་དང་མཆོད་པ་དང་བཛྲ་[དྷྀ]ཀ་#ཅེས་བྱ་བ་ལ་སོགས་པས་#ཕྱུང་བའི་སྔགས་ཀྱིས་མི་བསྐྱོད་པ་ལ་སོགས་པ་སྤྲོ་བ་དང་དེ་རྣམས་ཀྱིས་ཀྱང་འགྲོ་བའི་དོན་བྱ་བ་དང་། དབང་བསྐུར་#བ་དང་རྒྱས་བཏབ་པ་སྟེ་
[51b.6]དཀྱིལ་འཁོར་རྒྱལ་བ་མཆོག་གོ། །ཕྲ་མོའི་རྣལ་འབྱོར་དང་བཟླས་པའི་ཆོ་ག་དང་བྱ་བ་བྱས་ནས་འོད་དུ་ཞུ་བ་དང་ལྷ་མོ་རྣམས་ཀྱིས་བསྐུལ་བ་དང་ལངས་པ་དེ་ལ་དེ་བཞིན་གཤེགས་པ་ལྔས་བསྟོད་པ་དང་ཚིམ་པའི་ཆོ་ག་དང་ནང་གི་སྦྱིན་སྲེག་དང་གཏོར་མ་དང་། མཆོད་པ་དག་དང་གཤེགས་
[51b.7]སུ་གསོལ་བ་དང་ཉལ་བ་སྟེ་བསྒྲུབ་པ་ཆེན་པོ་ནི་ལས་ཀྱི་རྒྱལ་བ་མཆོག་གོ། །དེ་ལྟར་བསྙེན་པ་ལ་སོགས་པའི་ཡན་ལག་བཞི་ཏིང་ངེ་འཛིན་གསུམ་གྱིས་བསྡུས་སོ། །དང་པོ་#སྦྱོར་བ་ཡན་ལག་བཞིའི་བདག་ཉིད་ཀྱིས་བསྙེན་པ་དང་ཉེ་བར་བསྙེན་པ་དང་སྒྲུབ་པ་གསུམ་བསྡུས་པས་སོ། །དཀྱིལ་
[52a]
[52a.1]འཁོར་རྒྱལ་བ་མཆོག་དང་ལས་ཀྱི་རྒྱལ་བ་མཆོག་དག་གིས་སྒྲུབ་པ་ཆེན་པོ་གཅིག་བསྡུས་སོ། །དེ་ཉིད་བསྟན་པའི་ཕྱིར་དེ་བཞིན་ཉིད་ནི་སྙིང་རྗེ་ཆེན་པོ་མངོན་དུ་འགྱུར་བ་སྔོན་དུ་འགྲོ་བས་བགེགས་བསྐྲད་པའི་འོག་ཏུ་སྟོང་པ་ཉིད་བསྒོམ་པ་ཞེས་བྱ་བའི་ཐ་ཚིག་གོ། །དེ་ནས་
[52a.2]སའི་ཆ་ལ་སོགས་པ་ཡང་དག་པར་སྦྱངས་ཤིང་#ཞེས་པ་ནི་ཡེ་ཤེས་ཀྱི་ས་གཞི་བསྐྱེད་པ་དང་གཞལ་ཡས་ཁང་པ་དབྱུང་#བ་དང་ལྷག་པར་མོས་པའི་དཀྱིལ་འཁོར་དང་དོན་དམ་པའི་དཀྱིལ་འཁོར་བསྒོམ་པའོ། །ཉེ་བར་བསྡུ་བ་བཤད་པར་བྱ་སྟེ། སྟོང་པ་ཉིད་དམིགས་པ་ཞེས་པ་ནི་དོན་དམ་པའི་
[52a.3]དཀྱིལ་འཁོར་བསྒོམ་པའི་བར་དུ་ཡན་ལག་དང་པོ་སྟེ་བསྙེན་པ་ཞེས་བྱའོ། །ཉི་མ་ལ་སོགས་པ་དམིགས་པ་ཞེས་པ་ནི་དོན་དམ་པའི་དཀྱིལ་འཁོར་བསྒོམ་པའི་འོག་ཏུ་ཡིག་འབྲུ་དགོད་པ་དང་དེ་#ཡོངས་སུ་གྱུར་པ་ལས་ཉི་མ་དང་ཟླ་བ་དང་པདྨ་བསྒོམ་པ་དང་། དེའི་སྟེང་དུ་ཡི་གེ་གསུམ་ཡོངས་སུ་
[52a.4]གྱུར་པ་ལས་ཟླ་བའི་དཀྱིལ་འཁོར་བསྒོམ་པ་དང་དེ་ལ་ཉི་མ་ལ་སོགས་པ་འཇུག་པ་དང་ཆོས་ཀྱི་དབྱིངས་ཀྱི་སྔགས་ཀྱིས་རང་གི་སེམས་སོ་སོར་རྟོག་#པ་དང་། དེའི་སྟེང་དུ་ཡིག་འབྲུ་དགོད་པའོ། །དེ་ཉིད་བསྟན་པའི་ཕྱིར། དེ་ཉིད་སྔགས་རྣམ་པར་དགོད་པའི་མཐར་ཐུག་པ་འབྱུང་བ་ནི་ཞེས་བསྟན་ཏོ། །
[52a.5]ཉེ་བར་བསྒྲུབ་#པ་འབྱུང་བ་སྟེ་གཉིས་པ་ནི་ཡན་ལག་གཉིས་པའོ། །སྒྲུབ་པ་ནི་སྐུ་བསྒྲུབ་པའོ། །ཉེ་བར་གཞག་#པ་ནི་དམིགས་པའི་དོན་དུ་#ཡིག་འབྲུ་ཡོངས་སུ་གྱུར་པ་ནས་ཕྱག་མཚན་བསྒོམ་པ་དང་སྐུ་བསྒྲུབ་#པ་བསྟན་ཏོ། །གསོལ་བ་འདེབས་པ་ནི་ཕུང་པོ་དང་ཁམས་དང་སྐྱེ་མཆེད་བྱིན་གྱིས་
[52a.6]བརླབ་པ་དང་སྐུ་ལ་སོགས་པ་#བྱིན་གྱིས་བརླབ་པའོ། །མཉམ་པར་གྱུར་པ་ནི་མི་འདའ་བའི་ཕྱིར་ཡེ་ཤེས་སེམས་དཔའ་དང་ཏིང་ངེ་འཛིན་སེམས་དཔའི་བསྒོམ་པ་ཞེས་བྱའོ། །དེ་ཉིད་བསྟན་པའི་ཕྱིར། བསྒྲུབ་#པའི་དོན་ནི་དབུས་ཀྱི་གཙོ་བོ་བསྐྱེད་པའི་མཚན་ཉིད་ཀྱི་རྣལ་འབྱོར་རོ། །དམ་ཚིག་ནི་
[52a.7]ཏིང་ངེ་འཛིན་སེམས་དཔའ་དང་ཡེ་ཤེས་སེམས་དཔའ་བསྒོམ་པའི་མཚན་ཉིད་དེ་རྗེས་སུ་རྣལ་འབྱོར་རོ། །སྔར་བཤད་པའི་གསོལ་བ་བཏབ་པ་ཡང་ཕུང་པོ་ལ་སོགས་པ་བྱིན་གྱིས་བརླབ་པ་ཤིན་ཏུ་རྣལ་འབྱོར་དང་། སྐུ་ལ་སོགས་པ་བྱིན་གྱིས་བརླབ་པ་ནི་རྣལ་འབྱོར་ཆེན་པོ་ཞེས་བསྟན་ཏོ། །དེ་ལྟར་
[52b]
[52b.1]རྣལ་འབྱོར་བཞིའི་བདག་ཉིད་ཀྱི་དང་པོ་སྦྱོར་བས་བསྙེན་པ་དང་ཉེ་བར་བསྙེན་པ་དང་སྒྲུབ་པ་གསུམ་བསྡུས་སོ། །དེ་ནི་གསུམ་པ་སྟེ་སྒྲུབ་པའི་ཡན་ལག་གོ། །ལྷག་མ་ཞེས་བྱ་བ་ལ་སོགས་པས་དང་པོ་སྦྱོར་བ་ལ་ལྟོས་#ནས་ཏིང་ངེ་འཛིན་གཉིས་པོ་གང་ཡིན་པ་དེ་གཉིས་ཀྱིས་སེམས་ཅན་གྱི་
[52b.2]ཁམས་ལ་དོན་འགྲུབ་པས་ན་སྒྲུབ་པ་ཆེན་པོ་ཞེས་བྱ་བ་ཡན་ལག་བཞི་པ་བསྟན་ཏོ། །དེ་ལྟར་ཡན་ལག་བཞི་པོ་ཞེས་བྱ་བ་ལ་སོགས་པས་དེ་བཞིན་གཤེགས་པ་རིགས་ལྔའི་དབྱེ་བ་བསྒོམས་#པས་ཡོངས་སུ་ཤེས་ཏེ་འཆད་པར་འགྱུར་བ་ནི་ལེའུ་བཅུ་གསུམ་པ་ལ་སོགས་པ་ལས་ཞི་བ་#ལ་
[52b.3]སོགས་པའི་ལས་ཀྱི་ཚོགས་དང་སྔར་#བཤད་པ་ནི་ལེའུ་དགུ་པ་ལ་སོགས་པ་ལས་དམ་ཚིག་ལྔའི་སྒོམ་པ་ལ་སོགས་པ་རྣལ་འབྱོར་པས་#བསྒྲུབ་པར་བྱའོ་ཞེས་བསྟན་ཏོ། །མདོར་བསྟན་པའོ་ཞེས་པ་ནི་བསྙེན་པ་ལ་སོགས་པ་མདོར་#བསྡུས་པ་བཤད་པའོ། །མདོར་བསྟན་པ་ཞེས་བྱ་བ་ལ་
[52b.4]སོགས་པས་དེ་རྣམས་རྒྱས་པར་བཤད་པ་བསྟན་ཏོ། །བྱང་ཆུབ་ཀྱི་སེམས་ལ་དམིགས་པ་ནི་ཞེས་བྱ་བ་ནས་བསྒོམ་པར་བྱའོ་ཞེས་བྱ་བའི་བར་དུ་ནི་དོན་དམ་པའི་དཀྱིལ་འཁོར་བསྒོམ་པའི་མཐའི་བར་#བསྙེན་པ་རབ་ཏུ་བསྟན་ཏོ། །ཉི་མ་ཞེས་པ་ནས་ཕྱག་རྒྱ་ཆེན་པོའི་གཟུགས་སུ་བསྐྱེད་པ་
[52b.5]ནས་#ཞེས་པ་ནི་ཉེ་བར་བསྒྲུབ་#པ་བསྟན་ཏོ། །ཕྱག་རྒྱ་ཆེན་པོ་#གྲུབ་པའོ། །ཞེས་པ་ནས། སྔགས་ཀྱི་བདག་པོ་བསྒོམས་པ་ཡིས། །ཞེས་བྱ་བའི་བར་དུ་ནི་སྒྲུབ་པ་ཞེས་བྱ་བའི་ཡན་ལག་གསུམ་པ་བསྟན་ཏོ། །དེ་ཉིད་བསྟན་པའི་ཕྱིར། སྔགས་ཀྱི་ཡི་གེ་མ་ལུས་པར་བཀོད་ལ་ཞེས་སྨོས་ཏེ། ཕུང་པོ་
[52b.6]དང་ཁམས་དང་སྐྱེ་མཆེད་རྣམས་ལ་སའི་སྙིང་པོ་ལ་སོགས་པའི་ཡིག་འབྲུའི་ཚོགས་རྣམ་པར་བཀོད་ནས་སོ། །རྣམ་པར་སྣང་མཛད་ལ་སོགས་པ་ནས་གནོད་མཛེས་ཀྱི་བར་ཞེས་པ་ནི་#སྐུའི་དཀྱིལ་འཁོར་གྱི་རང་བཞིན་ནོ། །དེ་རྣམས་ཀྱི་#སྐྱེ་མཆེད་དེ་ཞེས་པ་ནི་གནས་ཏེ་གཞིའོ། །དེ་གང་
[52b.7]ཡིན་ཞེ་ན། གཟུགས་ཀྱི་ཕུང་པོ་ལ་སོགས་པ་ཞེས་བྱ་བ་ནི་དེ་ལ་ཕུང་པོ་རྣམས་ལ་ཨོཾ་ལ་སོགས་པ་ཡི་གེ་ལྔ་དང་སྐྱེ་མཆེད་ལ་ལྷ་ཐམས་ཅད་ལ་སོགས་པ་ཡི་གེ་བརྒྱད་པ་དང་། ཁམས་ལ་#སོགས་པའི་ཡི་གེ་བཞི་དང་ཡན་ལག་དང་ཉིང་ལག་ཐམས་ཅད་ལ་གཤིན་རྗེ་མཐར་བྱེད་ལ་སོགས་
[53a]
[53a.1]པའི་ཡིག་འབྲུ་རྣམས་དགོད་དོ། །རིམ་པ་གསུམ་གྱི་གོ་རིམས་ཀྱིས་ཞེས་#པ་ནི་ཤིན་ཏུ་རྣལ་འབྱོར་གྱི་རིམ་པས་སོ། །རྒྱུ་དང་འབྲས་བུ་ཡོངས་སུ་ཤེས་ནས་ཞེས་པ་ནི་རྒྱུ་ནི་ཡིག་འབྲུ་རྣམས་སོ། །འབྲས་བུ་ནི་དེ་ལས་བྱུང་བའི་སྐུ་རྣམས་སོ། །ཡོངས་སུ་ཤེས་པ་
[53a.2]ཞེས་པ་ནི་དེ་#ཡོངས་སུ་གྱུར་པ་ལས་མིག་ལ་སོགས་པ་དེ་རྣམས་ཀྱིས་མཚན་པར་#ཤེས་ནས་སོ། །ཤིན་ཏུ་རྣལ་འབྱོར་གྱི་འོག་ཏུ་སངས་རྒྱས་སྐུ་འཛིན་ཞེས་བྱ་བ་ལ་སོགས་པའི་ཚིགས་སུ་བཅད་པའི་སྒོ་ནས་སྤྱན་མ་ལ་སོགས་པས་བཀུག་པའི་རྣམ་པར་སྣང་མཛད་ལ་སོགས་པ་དང་རོ་གཅིག་
[53a.3]པར་གྱུར་པས་སྐུ་ལ་སོགས་པ་བྱིན་གྱིས་བརླབ་པ་#སྟེ་རྣལ་འབྱོར་ཆེན་པོ་བསྟན་ཏོ། །དེས་#ནི་ཡན་ལག་བཞི་པ་དང་པོ་སྦྱོར་བ་བསྟན་པ་ཡིན་ནོ། །སྒྲུབ་པ་ཆེན་པོ་ཞེས་བྱ་བ་ནས་སྒྲ་ཇི་བཞིན་པའི་བར་དུ་དཀྱིལ་འཁོར་རྒྱལ་བ་མཆོག་དང་ལས་ཀྱི་རྒྱལ་བ་མཆོག་སྟེ་སྒྲུབ་པ་ཆེན་པོ་བསྟན་
[53a.4]ཏོ། །རང་གི་ལྷག་པའི་སྦྱོར་བ་དང་ལྡན་པ་ཞེས་བྱ་བ་ལ་སོགས་པས་ཇི་ལྟར་འདོད་པའི་ལྷ་བསྒོམས་#པས་ཡན་ལག་གསུམ་པའི་འོག་ཏུ་སྒྲུབ་ཐབས་ལས་གསུངས་པའི་རིམ་པས་ཕྱག་རྒྱ་ལེགས་པར་སྦྱངས་ཏེ་རྡོ་རྗེ་དང་པདྨ་བྱིན་གྱིས་བརླབས་#ནས་སྙོམས་པར་འཇུག་པའི་གོང་དུ་རྗེས་སུ་
[53a.5]ཆགས་པའི་སྔགས་དང་མཆོད་པའི་སྔགས་བརྗོད་ལ་སྙོམས་པར་ཞུགས་པར་བྱ་སྟེ། དེ་བཞིན་གཤེགས་པ་ཐམས་ཅད་འཇུག་པ་སྔོན་དུ་འགྲོ་བ་བཛྲ་[དྷྲྀ]ཀ་ཅེས་བྱ་བ་ལ་སོགས་པའི་ཕྱུང་བའི་སྔགས་ཀྱིས་དཀྱིལ་འཁོར་པ་རྣམས་སྤྲུལ་ལ། དབང་བསྐུར་བ་དང་རྒྱས་གདབ་པར་བྱ་སྟེ། དངོས་གྲུབ་ཐོབ་པར་
[53a.6]འགྱུར་རོ་ཞེས་བྱ་བ་འདིས་ཕྲ་མོའི་རྣལ་འབྱོར་བཟླས་པ་དང་འོད་དུ་#ཞུ་བ་དང་ལྷ་མོ་རྣམས་ཀྱིས་བསྐུལ་བ་དང་ལྡང་བ་དང་། དེ་བཞིན་གཤེགས་པ་རྣམས་ཀྱིས་བསྟོད་པ་དང་#ཚིམ་པ་དང་ནང་གི་#སྦྱིན་སྲེག་དང་མཆོད་པ་དང་གཏོར་མ་དང་གཤེགས་སུ་གསོལ་བ་དང་ཉལ་བར་བྱས་ནས་རྡོ་རྗེ་འཆང་
[53a.7]ཆེན་པོ་ཉིད་ཐོབ་པར་འགྱུར་རོ་ཞེས་བྱ་བ་འདིས་ཏིང་ངེ་འཛིན་གཉིས་ཀྱི་བདག་ཉིད་ཀྱི་སྒྲུབ་པ་ཆེན་པོ་བསྟན་ཏོ། །སྒྲ་ཇི་བཞིན་པའོ་ཞེས་པ་ནི་ཏིང་ངེ་འཛིན་གསུམ་གྱི་རང་བཞིན་གྱི་ཡན་ལག་བཞི་བསྟན་པའི་ཕྱིར་རོ། །དེ་ལྟར་ཞེས་བྱ་བ་ལ་སོགས་པས་བསྐྱེད་པའི་རིམ་པས་རྡོ་རྗེ་འཆང་ཆེན་
[53b]
[53b.1]པོའི་སྐུ་བསྐྱེད་པ་བསྟན་ནས་རྫོགས་པའི་རིམ་པས་ཀྱང་བསྟན་པར་བྱ་སྟེ། གསང་བ་འདུས་པའི་རྒྱུད་ཕྱི་མ་ཞེས་བྱ་བ་ལ་སོགས་པས་རིམ་པ་གཉིས་ཀྱི་དབྱེ་བ་བསྟན་པར་བྱ་སྟེ། ཐུན་མོང་མཆོག་གི་དབྱེ་བ་ཡིས། །ཞེས་པ་ནི་བསྙེན་པ་རྣམ་པ་གཉིས་ཏེ། །ཐུན་མོང་གི་བསྙེན་པ་དང་། །
[53b.2]མཆོག་གི་བསྙེན་པའོ། །དེ་ལ་ཐུན་མོང་གི་བསྙེན་པ་ནི་རྡོ་རྗེ་བཞི་པོ་དེ་#སྔར་བཤད་པའོ། །མཆོག་གི་བསྙེན་པ་ནི་ཡན་ལག་དྲུག་པའི་མཚན་ཉིད་དེ། ཡན་ལག་དྲུག་གི་#ལ་བརྟེན་ནས་རྡོ་རྗེ་འཆང་ཆེན་པོ་རྫོགས་པར་འགྱུར་བས་སོ། །བསྙེན་ཅིང་ཐར་འདོད་པ་ཞེས་པ་ནི་རྡོ་རྗེ་འཆང་ཆེན་པོ་
[53b.3]རྫོགས་པའི་མཚན་ཉིད་ཀྱི་ཐར་པ་འདོད་པས་སློབ་པས་ན་བསྙེན་པའོ། །ཡོངས་སུ་དག་པའི་ལྷའི་སྐུ་ཞེས་པ་ནི་རྡོ་རྗེ་འཆང་ཆེན་པོའི་སྐུ་སྟེ་ཡེ་ཤེས་ཀྱི་སྐུའམ་རྡོ་རྗེའི་སྐུའོ། །ཡེ་ཤེས་ནི་#རྫོགས་པའི་རིམ་#པའོ། །དེ་ཉིད་བདུད་རྩི་སྟེ་བཅུད་ཀྱིས་ལེན་ཏེ་ཡན་ལག་དྲུག་གི་སྦྱོར་བའི་མཚན་ཉིད་
[53b.4]དེའི་རྒྱུར་གྱུར་པར་བྱའོ། །རྣམ་པ་ཐམས་ཅད་ཀྱི་བདག་ཉིད་ནི་ལུས་ངག་ཡིད་ཀྱིས་སོ། །དུས་ཐམས་ཅད་དང་ཞེས་པ་ནི་ཐུན་ཐམས་ཅད་དང་ཉིན་མོ་དང་མཚན་མོ་ལའོ། །སྤྱོད་ལམ་ཐམས་ཅད་དུའོ་ཞེས་པ་ནི་ལྡང་བ་#འདུག་པ་དང་ཉལ་བའི་སྟེ་འཆག་པ་ཞེས་བྱ་བ་སྟེ་བཞི་ལའོ། །ཇི་སྐད་དུ།
[53b.5]གཅེར་བུའམ་ནི་གཅེར་བུ་མིན། །གང་དང་གང་དུ་ཇི་བཞིན་པས། །རང་གི་ལྷག་པའི་ལྷ་དམིགས་ནས། །དེ་ཉིད་གཅིག་པུ་བསམ་པར་བྱ། །ཞེས་འབྱུང་ངོ་། །འདི་ནི་ཞེས་བྱ་བ་ལ་སོགས་པས་རྣལ་འབྱོར་དྲུག་པོ་དེ་ཉིད་ཀྱིས་བསྙེན་པ་བྱའོ་ཞེས་བསྟན་ཏོ། །སྦྲུལ་ཞེས་བྱ་བ་ལ་སོགས་
[53b.6]པའོ་ཞེས་པ་ནི་སྦྲུལ་དང་མགོ་མེད་དང་མཐའ་མེད་དང་། བསྡུ་བ་ལ་སོགས་པ་སྟེ་མིང་བསྟན་ཏོ། །ལྷའི་དེ་ཁོ་ན་ཉིད་དོ་ཞེས་པ་ནི་སྔགས་ཀྱི་བརྗོད་བྱ་ལྷ་རྣམས་ཏེ་དོན་ཏོ། །དེ་བས་ན་ཡན་ལག་དྲུག་གི་རྣལ་འབྱོར་ཞེས་བྱ་བ་#སྟེ་གང་གི་ཕྱིར་སྔགས་དང་ལྷའི་དེ་ཁོ་ན་ཉིད་ཀྱི་རང་བཞིན་དེ་བས་ན་
[53b.7]དེས་ནི་ཡན་ལག་དྲུག་གི་རྣལ་འབྱོར་གྱི་རིམ་པས་བསྙེན་པ་བྱའོ་ཞེས་པ་ནི་མཆོག་གི་བསྙེན་པ་བསྒོམ་པར་བྱའོ། །དེའི་ཞེས་བྱ་བ་ལ་སོགས་པས་རྒྱུད་ཕྱི་མ་ལས་ཚད་མ་ཉིད་དུ་བསྟན་ཏོ། །ཡན་ལག་དྲུག་ནི་སྔར་བཤད་པས་སོ། །བསྙེན་པ་ནི་རྫོགས་པའི་རིམ་པ་#བསྒོམ་པར་བྱ་བའོ#། །
[54a]
[54a.1]མཆོག་ཏུ་སྒྲུབ་ནི་རྡོ་རྗེ་འཆང་ཆེན་པོའི་གོ་འཕང་བསྒྲུབ་པར་བྱ་བའོ#། །གཞན་དག་ནི་ཞེས་བྱ་བ་ལ་སོགས་པ་གལ་ཏེ་དེ་ལྟར་མི་ཕྱེད་ན་དེའི་ཚེ་དངོས་གྲུབ་མཆོག་ནི་རྡོ་རྗེ་འཆང་ཆེན་པོའི་དངོས་གྲུབ་ཐོབ་པར་མི་འགྱུར་ཏེ། རྫོགས་པའི་རིམ་པའི་ཐབས་གཞན་མེད་པའི་ཕྱིར་རོ། །སོ་སོར་སྡུད་ཅེས་
[54a.2]བྱ་བ་ལ་སོགས་པས་མདོར་བསྟན་པ་སྟེ། ཡན་ལག་དྲུག་པོ་ནི་དང་པོ་མདོར་བསྡུས་པའི་སྒོ་ནས་གསུངས་པའི་ཕྱིར་རོ། །བཤད་པར་བྱ་བའི་ཕྱིར་ཞེས་བྱ་བ་ལ་སོགས་པ་རྒྱུད་ཕྱི་མའི་#ཚད་མས་ཚིགས་སུ་བཅད་པ་བཅུ་གཉིས་ཀྱིས་དེ་རྣམས་རྒྱས་པར་བསྟན་པར་བྱ་སྟེ། བཤད་པར་བྱ་བའི་ཕྱིར་ཞེས་པ་ལ་སོགས་པས་
[54a.3]ཡན་ལག་དྲུག་པོ་དེ་རྣམས་སྤྲོས་ནས་བཤད་པར་བྱ་སྟེ། དབང་པོ་དོན་བཅུ་རྣམས་ཀྱི་#ཡང་། །ཞེས་བྱ་བ་ལ་སོགས་པས་དེ་ཉིད་དུ་#སྟོན་པར་བྱེད་དེ། རྫོགས་པའི་རིམ་པའི་#རྣལ་འབྱོར་པས་ཕྱག་རྒྱ་ཆེན་པོའི་སྐུ་ཅིག་ཅར་དུ་དམིགས་ལ་མིག་ལ་སོགས་པའི་དབང་པོའི་སྒོ་ནས་འདོད་པའི་ཡོན་
[54a.4]ཏན་ལྔ་#ངན་པ་དང་འབྲིང་#མཆོག་གི་དབྱེ་བས་གཅིག་ཏུ་བརྟགས་ལ་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པའི་ཚོགས་རང་གི་ལུས་ཀྱི་དཀྱིལ་འཁོར་ལ་གནས་པ་མཆོད་པར་བྱ་ཞེས་མོས་པ་བྱས་ཏེ#། དབང་པོ་གཉིས་སྦྱོར་བའི་ཏིང་ངེ་འཛིན་གྱིས་#ཉེ་བར་སྤྱོད་པ་གང་ཡིན་
[54a.5]པ་དེ་ནི་སོ་སོར་སྡུད་པ་ཞེས་བྱ་བ་ཡན་ལག་དང་པོ་ཡིན་ཏེ་གཟུགས་ལ་སོགས་པ་རེ་རེ་སྤྱོད་པའི་ཕྱིར་རོ། །གང་གི་ཕྱིར་ཉན་ཐོས་པ་རྣམས་ཀྱིས་ཡུལ་རྣམས་ལ་སེམས་བཟློག་ཅིང་ནང་དུ་ཆུད་པ་ལ་སོགས་པ་གང་ཡིན་པ་དེ། དེ་རྣམས་ཀྱི་སོ་སོར་#སྡུད་པ་ཡིན་ནོ། །དེའི་འོག་ཏུ་ཡུལ་དང་
[54a.6]དབང་པོའི་ཚོགས་དེ་རྣམས་གཅིག་ཏུ་བྱས་ཏེ། ལྔ་ཉིད་དུ་རྣམ་པར་བཞག་ནས་དེ་བཞིན་གཤེགས་པའི་ཡེ་ཤེས་ལྔའི་རང་བཞིན་འདི་དག་ཡིན་ནོ་ཞེས་རྟོགས་#པ་གང་ཡིན་པ་དེ་ནི་བསམ་གཏན་ཞེས་བྱ་བ་ཡན་ལག་གཉིས་པའོ། །དེའི་དབྱེ་བ་ལྔ་སྟེ། རྟོག་པ་དང་། དཔྱོད་པ་དང་། དགའ་
[54a.7]བ་དང་། བདེ་བ་དང་། སེམས་རྩེ་གཅིག་པ་ཉིད་ཅེས་བྱའོ། །དེ་ལ་ཡུལ་ཉེ་བར་སྤྱོད་པའི་དུས་སུ་དབང་པོ་དང་ཡུལ་དང་རྣམ་པར་ཤེས་པ་གང་ཡིན་པ་དེ་དག་ཐམས་ཅད་དེ་བཞིན་གཤེགས་པ་ལྔའི་བདག་ཉིད་ཡིན་ནོ་ཞེས་རྟོག་པ་ནི་རྟོག་པ་སྟེ། མངོན་དུ་རྒྱུ་བ་ཡིན་པའི་ཕྱིར་རོ། །དེ་རྣམས་
[54b]
[54b.1]ཡེ་ཤེས་ལྔའི་རང་བཞིན་ཡིན་ནོ་ཞེས་རྟོག་པ་ནི་དཔྱོད་པ་སྟེ། རགས་པའི་རྣམ་པར་རྟོག་པ་སྤངས་ནས་ཕྲ་བ་ཡིན་པས་སོ། །རྟོག་པ་དང་དཔྱོད་#པ་གཉིས་མཆོག་ཏུ་འཛིན་པས་དེ་ཁོ་ན་ཉིད་ལ་མངོན་དུ་གྱུར་པ་ནི་བདག་ཡིན་ནོ་ཞེས་བསམས་ནས་དགའ་བའི་ཁྱད་པར་སྐྱེས་པ་གང་ཡིན་པ་དེ་ནི་
[54b.2]དགའ་བ་ཞེས་བྱ་བ་སྟེ་གསུམ་པ་སྟེ། སེམས་དང་བར་#བྱེད་པའི་ཕྱིར་རོ། །སེམས་ཀྱི་བདེ་བ་དེ་ཐོབ་ནས་ལུས་ཀྱང་ཤིན་ཏུ་སྦྱང་བར་གྱུར་པ་གང་ཡིན་པ་དེ་ནི་བདེ་བའོ། །བདེ་བ་དང་ཡིད་བདེ་བ་ཡང་སྤངས་ནས་མིག་ལ་སོགས་པའི་རྣམ་པར་ཤེས་པ་དེ་དང་སྦྱོར་བ་སྟེ། ཤེས་པ་དང་ཤེས་བྱའི་#
[54b.3]རང་བཞིན་ལྡོག་པ་རབ་ཏུ་ཞི་བ་ནམ་མཁའ་དང་མཚུངས་པ་འོད་གསལ་བ་ལ་གནས་པ་ཙམ་དུ་འཇུག་པ་གང་ཡིན་པ་དེ་ནི་སེམས་རྩེ་གཅིག་པ་ཞེས་བྱའོ། །དེ་ལ་བསྡུས་པའི་དོན་ནི་འདི་ཡིན་ཏེ་རྟོག་པ་དང་དཔྱོད་པ་ནི་རྟོག་པ་དང་བཅས་པ་ཡིན་པར་སྣང་བའི་ཡེ་ཤེས་སོ། །དགའ་བ་ནི་སྣང་བ་
[54b.4]མཆེད་པའི་ཡེ་ཤེས་སོ། །བདེ་བ་ནི་སྣང་བ་ཐོབ་པའི་ཡེ་ཤེས་སོ། །སེམས་རྩེ་གཅིག་པ་ཉིད་ནི་འོད་གསལ་བ་སྟེ་ཐམས་ཅད་སྟོང་པ་ཞེས་བྱ་བ་སྟེ་དེ་#ཁོ་ན་ཉིད་དོ་ཞེས་དགོངས་པའོ། །དེ་ཡང་དམ་ཚིག་གི་ཕྱག་རྒྱ་ལ་སོགས་པ་དང་འབྲེལ་པས་བྱུང་བ་ཡིན་གྱི་གཞན་དུ་ནི་མ་ཡིན་ནོ། །ཐ་
[54b.5]མལ་པའི་ཡུལ་དུ་ཉེ་བར་#སྤྱོད་ན་དེ་མི་སྐྱོ་བའི་ཕྱིར་རོ། །ཡུལ་གྱི་ཁྱད་པར་ཉེ་བར་#སྤྱོད་པར་འགྱུར་བ་དེ་འབྱུང་བས་སོ། །དེ་ནི་#ཡན་ལག་ལྔ་དང་ལྡན་པ་ཡན་ལག་གཉིས་པ་ཞེས་བྱའོ། །དེའི་འོག་ཏུ་ཐབས་དང་ཤེས་རབ་སྙོམས་པར་ཞུགས་པས་ཡན་ལག་ཐམས་ཅད་ཀྱི་ཚིགས་ལས་བྱང་ཆུབ་ཀྱི་
[54b.6]སེམས་ཀྱི་ཐིག་ལེ་སྤྲོས་ཏེ་སྙིང་ག་ལ་སོགས་པ་#སྔགས་ཀྱི་ཐིག་ལེ་དེ་ཉིད་དམིགས་ལ་སྣའི་རྩེ་མོར་དཀྱིལ་འཁོར་བཞི་འཆར་བའི་དུས་སུ་གཡས་པ་ལ་སོགས་པའི་སྒོ་ནས་འབྱུང་བར་#བསམས་ཏེ། དམར་པོ་ལ་སོགས་པའི་ཁ་དོག་དང་ལྡན་པ་རྒྱུན་མི་འཆད་པ། འཁྲུལ་འཁོར་བཞིན་དུ་
[54b.7]འཇུག་པ་དང་གནས་པ་དང་ལྡང་བའི་བདག་ཉིད་ཡན་ལག་མ་ཉམས་པའི་བཟླས་#པ་ལ་སོགས་པ་གང་ཡིན་པ་དེ་ནི་སྲོག་དང་རྩོལ་བ་ཞེས་བྱ་བ་ཡན་ལག་གསུམ་པ་སྟེ། རླུང་གི་དེ་ཁོ་ན་ཉིད་ཀྱི་ངོ་བོ་ཡིན་པས་སོ། །པདྨའི་སྣ་རྩེ་ཞེས་བྱ་བ་ནི་ཉེ་བར་མཚོན་པ་སྟེ་རྡོ་རྗེའི་སྣ་རྩེ་ཡང་#གཟུང་བར་
[55a]
[55a.1]བྱ་སྟེ། སྒོམ་པ་པོ་#རྣམས་ནི་བུད་མེད་དང་སྐྱེས་པའི་དབྱེ་བ་དང་ལྡན་པས་སོ། །དེའི་འོག་ཏུ་ཐིག་ལེ་དེ་ཉིད་ཀྱི་གཟུགས་སྲོག་དང་རྩོལ་བའི་རིམ་པ་ཉེ་བར་བསྡུས་#པ། འགྲོ་བ་དང་འོང་བ་ཐམས་ཅད་མེད་པ་#སྒོ་འགགས་པ་དབུས་མ་ལ་སེམས་ཙམ་ཞུགས་པ་དེ་
[55a.2]ཙམ་གྱི་གནས་སྐབས་ཀྱིས་བསྒོམ་པ་གང་ཡིན་པ་དེ་ནི་རྟོག་པ་དང་བཅས་པའི་རྣམ་པར་ཤེས་པ་འགགས་པ་འཛིན་པས་ནི་འཛིན་པ་ཞེས་བྱ་བ་ཡན་ལག་བཞི་པ་ཞེས་བྱའོ། །འཛིན་པ་ལ་སེམས་འཇུག་ན་ཕྱི་རོལ་གྱི་འབྱུང་བ་ཆེན་པོ་ལྔའི་རྣམ་པར་རྟོག་པ་སྤོང་བས་དེ་ཁོ་ན་ཉིད་ལས་མི་
[55a.3]སླུ་#བའི་རྟགས་ལྔ་འབྱུང་བར་འགྱུར་#ཏེ་མེའི་དུ་བ་བཞིན་ནོ། །དེ་ལ་ས་ཆུ་ལ་ཐིམ་པར་གྱུར་ན་སྨིག་རྒྱུའི་རྟགས་#འབྱུང་བར་འགྱུར་རོ། །ཆུ་ལས་ཐིམ་པ་སྨིག་རྒྱུ་འབྱུང་བ་སྟེ་དངོས་པོའི་ཆོས་ཡིན་ནོ། །མེ་ལ་ཆུ་ཐིམ་པས་དུ་བ་འབྱུང་བ་སྟེ་དངོས་པོའི་ཆོས་ཡིན་པས་སོ། །རླུང་ལ་མེ་ཐིམ་
[55a.4]པས་སྲིན་བུ་མེ་ཁྱེར་དང་འདྲ་བའི་སྣང་བའི་རྟགས་འབྱུང་བའོ། །རླུང་དང་མེ་ཕྲད་པར་འབར་བ་འབྱུང་བ་ཞེས་དངོས་པོའི་ཆོས་ཡིན་ནོ། །སྲིན་བུ་མེ་ཁྱེར་ནི་འབར་བས་གསལ་བའི་གཟུགས་ཅན་སྲིན་བུ་དང་བཅས་པའོ། །རྣམ་པར་ཤེས་པའི་ཁམས་ལ་རླུང་ཐིམ་ན་མར་མེ་ལྟ་བུའི་#
[55a.5]རྟགས་འབྱུང་བ་#སྟེ། སྣང་བ་གསུམ་ནི་གསལ་བའི་རང་བཞིན་ཡིན་པས་སོ། །རང་བཞིན་དང་སྣང་བ་འོད་གསལ་བ་ལ་ཐིམ་ན་འབའ་ཞིག་དྲི་མ་མེད་པ་མཐའ་ཡས་པ་སྤྲིན་མེད་པའི་ནམ་མཁའ་དང་འདྲ་བ་ཐམས་ཅད་སྟོང་པའི་དེ་ཁོ་ན་ཉིད་འབྱུང་ངོ་ཞེས་རྟགས་ལྔས་མྱ་ངན་ལས་
[55a.6]འདས་པ་འོད་གསལ་བའི་གོ་འཕང་#ཐོབ་པར་བྱེད་པའོ། །འདི་ལས་དང་མཐའ་རྣམ་པར་འབྱེད་#པའི་ཐེག་པ་ཆེན་པོའི་མདོའི་ཚད་མས། དང་པོ་ས་ནི་ཆུར་ཐིམ་ཞིང་། །ཞེས་བྱ་བ་ལ་སོགས་པས་གསལ་བར་བྱས་སོ། །དེའི་འོག་ཏུ་རྟགས་ལྔ་མཚོན་པར་གྱུར་ན་འོད་གསལ་བ་ལ་
[55a.7]འཇུག་པས་ཆད་པའི་ཕྱོགས་འདི་ཡིན་ཞེས་ཤེས་ནས་དེ་སྤོང་བའི་ཕྱིར་རིམ་པ་འདི་ཉིད་ཀྱིས་ཐིག་ལེ་དེ་ལས་མཐའ་ཡས་པའི་དེ་བཞིན་གཤེགས་པ་སྤྲོས་ཤིང་མཐའ་ཡས་པའི་ནམ་མཁའི་ཁམས་ཁྱབ་པ་གང་ཡིན་པ་དེ་ནི་ཏིང་ངེ་འཛིན་ཞེས་བྱ་བ་#རྗེས་སུ་དྲན་པ་ཡན་ལག་ལྔ་པ་སྟེ་འོད་
[55b]
[55b.1]གསལ་བའི་རྗེས་ལ་#དྲན་པའི་ཕྱིར་རོ། །རྟག་པའི་ཕྱོགས་འདི་ཡིན་ནོ་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་རང་བཞིན་མི་གནས་པའི་མྱ་ངན་ལས་འདས་པའི་ངོ་བོ་སྐུ་འཛིན་པ་གང་ཡིན་པ་དེ་ནི་ཏིང་ངེ་འཛིན་ཞེས་བྱ་བ་ཡན་ལག་དྲུག་པ་ཞེས་བྱའོ། །དེས་ན་བསྡུས་པའི་དོན་འདི་ལྟ་སྟེ་#
[55b.2]སོ་སོར་བསྡུས་#པ་དང་བསམ་གཏན་དག་ནི་སེམས་རྣམ་པར་དག་པའི་རིམ་པས་བསྡུས་སོ། །སྲོག་དང་རྩོལ་བ་ནི་རྡོ་རྗེ་བཟླས་པའི་རིམ་པས་སོ། །འཛིན་པ་ནི་མངོན་པར་བྱང་ཆུབ་པའི་རིམ་པས་སོ། །རྗེས་སུ་དྲན་པ་ནི་བདག་ལ་བྱིན་གྱིས་བརླབ་པའི་རིམ་པས་སོ། །ཏིང་ངེ་འཛིན་ནི་
[55b.3]ཟུང་དུ་འཇུག་པའི་རིམ་པ་#བསྡུས་སོ་ཞེས་ཡན་ལག་དྲུག་གི་རྣལ་འབྱོར་ནི་རིམ་པ་ལྔའི་བདག་ཉིད་ཡིན་ནོ་ཞེས་ཤེས་པར་བྱའོ། །དཔལ་སྒྱུ་#འཕྲུལ་དྲ་བ་ཞེས་བྱ་བ་ལ་སོགས་པས་ལུང་#ཚད་མ་ཉིད་དུ་བསྟན་ཏོ། །རྣལ་འབྱོར་རྣམས་ཞེས་བྱ་བ་ནི་དམ་བཅའ་བའོ། །བྱིན་གྱིས་རླབ་#
[55b.4]དང་། ཞེས་བྱ་བ་ལ་སོགས་པ་#མདོར་བསྟན་ཏོ། །བྱིན་རླབས་#ཙམ་གྱིས་ང་རྒྱལ་བསྐྱེད། །ཅེས་བྱ་བ་ལ་སོགས་པས་རྒྱས་པར་བཤད་པར་བྱ་བའོ། །དེ་ལ་ལྷག་པར་མོས་པའི་དཀྱིལ་འཁོར་དུ་ལྷའི་ང་རྒྱལ་གྱི་སྒོ་ནས་རྡོ་རྗེ་འཆང་ལ་སོགས་པ་བསྒོམ་པ་གང་ཡིན་པ་དེ་ནི་བྱིན་གྱིས་
[55b.5]བརླབ་#པའི་རྣལ་འབྱོར་རོ། །ཟླ་བ་དང་རྡོ་རྗེ་ལ་སོགས་པའི་མངོན་པར་བྱང་ཆུབ་པ་ལྔའི་རིམ་པས་སྐུ་བསྐྱེད་པ་ནི་རྟག་#པའི་རྣལ་འབྱོར་རོ། །བདག་ལ་བྱིན་གྱིས་བརླབ་པའི་རིམ་པ་འམ་ཟུང་དུ་འཇུག་པའི་རིམ་པས་སྐུ་བྱུང་བ་གང་ཡིན་པ་དེ་ནི་རྫོགས་པའི་རྣལ་འབྱོར་ཞེས་བྱའོ། །
[55b.6]དེ་བས་ན་རྣལ་འབྱོར་གཉིས་ནི་བསྐྱེད་པའི་རིམ་པའི་ཡན་ལག་དང་གཅིག་ནི་རྫོགས་པའི་རིམ་པའི་ཡན་ལག་ཅེས་བྱའོ། །དེ་བཞིན་དུ་རྣམ་པར་སྣང་མཛད་མངོན་པར་བྱང་ཆུབ་པ་ཞེས་བྱ་བའི་ཚད་མས་བརྟགས་པ་དང་ཡོངས་སུ་དག་པའི་དབྱེ་བས་ལྷའི་སྐུ་རྣམ་པ་གཉིས་སུ་བསྟན་ཏོ། །
[55b.7]དེ་ལ་ཞེས་བྱ་བ་ལ་སོགས་པས་ཡེ་ཤེས་ཀྱི་སྐུ་དང་རྡོ་རྗེའི་སྐུ་སྒྱུ་མ་ལ་སོགས་པའི་རང་བཞིན་དང་ཀུན་རྫོབ་དང་དོན་དམ་པ་དབྱེར་མེད་པའི་ངོ་བོ་ཡོངས་སུ་དག་པའི་བདག་ཉིད་རྒྱས་པར་བསྟན་ཏོ། །ཡོངས་སུ་མ་དག་པ་ཞེས་བྱ་བ་ལ་སོགས་པས་མཚན་མ་དང་བཅས་པ་ས་བོན་ཡོངས་
[56a]
[56a.1]སུ་གྱུར་པ་ལས་སྐྱེས་པ་དབྱིབས་དང་ཁ་དོག་ལ་སོགས་པ་དང་ལྡན་པ་བརྟགས་པའི་རྣལ་འབྱོར་རྒྱས་པ་བསྟན་ཏོ། །དེ་ལ་ཞེས་པ་ནི་ངེས་པར་གཟུང་བ་ལའོ། །རྣམ་པ་གཉིས་ནི་དབྱེ་བ་གཉིས་ཀྱིས་སོ། །ལྷའི་གཟུགས་ནི་རྡོ་རྗེ་འཆང་ལ་སོགས་པའི་གཟུགས་སོ། །
[56a.2]བྱ་བ་གཉིས་ནི་འབྲས་བུ་གཉིས་འགྲུབ་པའོ#། །མཚན་མ་བཅས་པས་ཞེས་པ་ནི་རྡོ་རྗེ་དང་ཟླ་བ་ལ་སོགས་པ་ལས་སྐྱེས་པའི་གཟུགས་ཀྱིས་སོ། །མཚན་མ་དང་བཅས་པའོ་ཞེས་པ་ནི་རྟོག་#པ་དང་བཅས་པ་སྟེ་ཞི་བ་ལ་སོགས་པའི་མཚན་ཉིད་ཅན་གྱི་#དངོས་གྲུབ་སྐྱེ་བར་འགྱུར་རོ། །མཚན་
[56a.3]མ་མེད་པ་ཞེས་པ་ནི་ཡེ་ཤེས་ཀྱི་སྐུའི་མཚན་ཉིད་དམ་རྡོ་རྗེའི་སྐུའི་མཚན་ཉིད་དོ། །མཚན་མ་མེད་པ་ནི་སྒྱུ་མ་ལྟ་བུ་དང་འོད་གསལ་བ་སོ་སོར་རྟོག་པའི་བདག་#ཉིད་ཀྱི་དངོས་གྲུབ་འབྱུང་བར་འགྱུར་ཏེ#། དེ་བས་མཚན་མ་མེད་པས་ཞེས་པ་ནི་འོད་གསལ་བའི་ཏིང་ངེ་འཛིན་ལ་དམིགས་
[56a.4]ནས་སོ། །མཚན་མ་དང་བཅས་པས་#ནི་ཞི་བ་ལ་སོགས་པའི་#དངོས་གྲུབ་འབྱུང་བར་འགྱུར་ཏེ། དེ་ཁོ་ན་ཉིད་ལ་འཇུག་པའི་འབད་རྩོལ་མེད་པས་ཞི་བ་ལ་སོགས་པ་འགྲུབ་པའི་ཕྱིར་རོ། །བརྟགས་པའི་རྣལ་འབྱོར་གྱིས་འབད་རྩོལ་གྱིས་འགྲུབ་པོ་ཞེས་བྱ་བའོ#། །དེ་བས་ན་རྣམ་པ་
[56a.5]ཐམས་ཅད་དུ་ནི་རྩོལ་བ་ཐམས་ཅད་ཀྱིས་#མཚན་མ་མེད་པ་ནི་རྫོགས་པའི་རིམ་པའི་ཏིང་ངེ་འཛིན་བསྟེན་པར་བྱ་བ་ནི་བསླབ་པར་བྱ་བའོ། །དགོངས་པས་བཤད་པ་ཞེས་པ་ནི་ཡེ་ཤེས་བདུད་རྩི་ལ་སོགས་པ་འགལ་བའི་སྒྲའི་སྒོ་ནས་ཡན་ལག་དྲུག་གི་རྣལ་འབྱོར་གྱི་མཚན་ཉིད་ཅན་གྱི་དེ་ཁོ་ན་ཉིད་
[56a.6]སོ་སོར་བསྟན་#པས་སོ། །དེ་ལྟར་ཞེས་བྱ་བ་ལ་སོགས་པས་རིམ་པ་གཉིས་སྒོམ་#པར་བྱེད་པའི་གནས་ཀྱི་ཕུན་སུམ་ཚོགས་པ་བསྟན་ཏོ། །དྲང་བའི་དོན་ཏོ་ཞེས་པ་ནི་སྐྱེ་བོས་དབེན་པའི་གནས་ཙམ་བསྟན་པས་སོ། །མེ་ལོང་ལྟ་བུ་ལ་སོགས་པ་ཡེ་ཤེས་ལྔའི་#དགོན་པ་ཆེན་པོ་ལ་སོགས་པ་
[56a.7]ཡིན་ཏེ། དེ་ལ་གནས་ནས་དེ་ཐོབ་པར་བྱ་བའི་ཕྱིར་བསྒྲུབ་པར་བྱའོ། །དེས་པའི་དོན་ཏོ་ཞེས་པ་ནི་རྫོགས་པའི་རིམ་པ་བསྟན་པས་སོ། །དེ་ལྟར་ཞེས་བྱ་བ་ལ་སོགས་པས་གནས་བསྟན་པར་བྱས་ནས་རིམ་པ་གཉིས་སྒོམ་པར་བྱེད་པའི་སྒྲུབ་པ་བསྟན་པར་བྱ་སྟེ། ཕྱག་རྒྱ་ཆེན་པོའི་གཟུགས་གང་
[56b]
[56b.1]གིས་སྒྲུབ་པ་དེ་ནི་སྒྲུབ་པ་སྟེ་བསྙེན་པ་ལ་སོགས་པའི་ཡན་ལག་བཞི་དང་སྟོང་པ་བཞིའི་#བདག་ཉིད་ཅན་གྱི་སེམས་རྣམ་པར་དག་པའི་རིམ་པ་ཞེས་བྱ་བའི་ཏིང་ངེ་འཛིན་ཞེས་བྱ་བའི་ཐ་ཚིག་གོ། །འདུས་པའི་རྒྱུད་ཕྱི་མ་ལ་ཞེས་བྱ་བ་ལ་སོགས་པས་ལུང་ཚད་མ་ཉིད་བསྟན་ཏོ། །དང་པོ་སྟོང་#ཉིད་བྱང་
[56b.2]ཆུབ་སྟེ་ཞེས་བྱ་བ་#ནི་གནས་བཟུང་#བ་ནས་དོན་དམ་པའི་དཀྱིལ་འཁོར་བསྒོམ་#པའི་བར་དུ་སྟོང་པ་ཞེས་བྱ་བའི་ཡན་ལག་དང་པོ་སྟེ་བསྙེན་པའོ། །གཉིས་པ་ས་བོན་བསྡུས་པའོ། །ཞེས་པ་ནི་དེའི་འོག་ཏུ་ས་བོན་ཡོངས་སུ་གྱུར་པ་ལས་ཉི་མ་ལ་སོགས་པ་ཟླ་བའི་དཀྱིལ་འཁོར་ལ་འཇུག་སྟེ། ཡང་
[56b.3]ཡི་གེ་གསུམ་དགོད་པའི་མཐའི་བར་དུ་གཉིས་པ་སྟེ་ཉེ་བར་སྒྲུབ་པའོ། །ཡིག་འབྲུ་ལས་བྱུང་བའི་ཕྱག་མཚན་ལས་སྐྱེས་པའི་རྡོ་རྗེ་འཆང་གི་ཡེ་ཤེས་སེམས་དཔའ་དང་། ཏིང་ངེ་འཛིན་སེམས་དཔའ་དགོད་པ་དང་མིག་ལ་སོགས་པ་#བྱིན་གྱིས་བརླབ་པ་དང་། སྐུ་ལ་སོགས་པ་བྱིན་གྱིས་
[56b.4]བརླབ་པའི་བར་དུ་སྐུ་བསྒྲུབ་པ་ཞེས་བྱ་བ་ཡན་ལག་གསུམ་པ་དེ་སྒྲུབ་པའོ། །དེའི་འོག་ཏུ་ཕྱག་རྒྱ་ལེགས་པར་སྦྱངས་པ་#སྔོན་དུ་འགྲོ་བས་བཛྲ་[དྷྲྀ]ཀ་ཅེས་བྱ་བ་ལ་སོགས་པས་#ཕྱུང་བའི་སྔགས་ཀྱིས་བསྐྱེད་པ་ཐུགས་རྡོ་རྗེ་འཆང་ལ་སོགས་པ་སྤྲོ་བ་ཕྲ་མོའི་རྣལ་འབྱོར་དང་བཟླས་པ་ལ་སོགས་
[56b.5]པའི་མཚན་ཉིད་ལྷག་མ་དཀྱིལ་འཁོར་རྒྱལ་བ་མཆོག་དང་ལས་ཀྱི་རྒྱལ་བ་མཆོག་ཅེས་བྱ་བ། ཡི་གེ་དགོད་པ་སྟེ་ཡན་ལག་བཞི་པ་སྒྲུབ་པ་ཆེན་པོ་ཞེས་བཤད་དོ། །དྲང་བའི་དོན་ཏོ་ཞེས་པ་ནི་རྡོ་རྗེ་བཞིའི་རིམ་པས་དང་པོ་སྦྱོར་བ་ལ་སོགས་པ་དང་#ཏིང་ངེ་འཛིན་གསུམ་གྱི་བདག་ཉིད་ཀྱི་
[56b.6]བསྐྱེད་པའི་རིམ་པ་བསྟན་པའི་ཕྱིར་རོ། །མཆོག་གི་སྒྲུབ་པ་ཞེས་བྱ་བ་ལ་སོགས་པས་རྫོགས་པའི་རིམ་པའི་རྣལ་འབྱོར་པ་རྣམས་ཀྱིས་སྟོང་པ་བཞི་ལ་དམིགས་ནས་རྡོ་རྗེ་འཆང་ཆེན་པོའི་གོ་འཕང་ཐོབ་པར་འགྱུར་རོ་ཞེས་བསྟན་ཏོ། །བརྟུལ་ཞུགས་བརྟན་པ་#ཞེས་བྱ་བ་ལ་སོགས་
[56b.7]པའི་མཆོག་གི་སྒྲུབ་པའི་རིམ་པས་རྡོ་རྗེ་བཞི་བསྒོམ་ཞིང་#ཕྱག་རྒྱ་ཆེན་པོའི་དངོས་གྲུབ་ཐོབ་པར་འགྱུར་རོ་ཞེས་བསྟན་ཏོ། །ངེས་པའི་དོན་ཏོ་ཞེས་བྱ་བ་ནི་སེམས་རྣམ་པར་དག་པའི་རིམ་པ་བསྟན་ཏོ། །དུས་བཞི་ཞེས་བྱ་བ་ལ་སོགས་པས་སྤྲོས་པ་དང་བཅས་པའི་སྤྱོད་པ་དང་ལྡན་པའི་རྣལ་འབྱོར་
[57a]
[57a.1]པས་ལྷའི་ཁང་པ་སུམ་བརྩེགས་ཀྱི་#འོག་ཏུ་རྣམ་པ་སྣ་ཚོགས་ཀྱི་ཁ་ཟས་#ལ་སོགས་པ་བཞག་སྟེ། བར་ཁང་ལ་རྣམ་པ་སྣ་ཚོགས་པའི་རོལ་མོ་མཁན་ལ་སོགས་པ་བཞག་ནས་སྟེང་ཁང་ལ་སྟན་འཇམ་པོ་ལ་འདུག་ལ་རྒྱན་ཐམས་ཅད་ཀྱིས་བརྒྱན་#པ་དམ་ཚིག་གི་ཕྱག་
[57a.2]རྒྱ་དགུ་སྤྱན་མ་ལ་སོགས་པ་དང་གཟུགས་རྡོ་རྗེ་མ་#ལ་སོགས་པའི་ངང་ཚུལ་ཅན་དུ་བྱས་ནས་ཤར་ལ་སོགས་པའི་ཕྱོགས་བཞི་དང་མཚམས་རྣམས་སུ་གོ་རིམས་ཀྱིས་#བཀོད་ལ་རེག་བྱ་རྡོ་རྗེ་མའི་རང་བཞིན་གྱི་དམ་ཚིག་གི་ཕྱག་རྒྱ་རང་གིས་#འཁྱུད་ཅིང་རྡོ་རྗེ་དང་པདྨ་ལེགས་པར་སྦྱངས་པ་སྔོན་དུ་འགྲོ་
[57a.3]བས་འདོད་པའི་ཡོན་ཏན་ལྔ་མྱོང་ཞིང་སྙོམས་པར་འཇུག་པའི་དབང་གིས་བདེ་བ་ཆེན་པོ་མངོན་#དུ་བྱས་ལ། ཇི་སྲིད་ཚེ་འདི་ཉིད་དུ་ཡུན་རིང་མ་ཡིན་པས་རྡོ་རྗེ་འཆང་ཆེན་པོའི་དངོས་གྲུབ་ཐོབ་པར་འགྱུར་བ་དེ་སྲིད་དུ་གནས་པར་བྱའོ་ཞེས་བསྟན་ཏོ། །དེ་ལྟར་ཞེས་བྱ་བ་ལ་སོགས་པས་ཡོ་བྱད་
[57a.4]ཕུན་སུམ་ཚོགས་པ་དང་བཅས་པའི་ལྷ་མོ་དགུ་ལེགས་པར་བསླབས་#པ་དང་ལྷན་ཅིག་ཏུ་སྤྱོད་པ་བརྩོན་པ་དང་ལྡན་པའི་རྣལ་འབྱོར་པས་དུས་ཀྱི་དབྱེ་བས་དངོས་གྲུབ་ཐོབ་པ་#བསྟན་ཏོ། །དབང་པོ་རབ་ཀྱིས་ཞེས་པ་ནི་རིན་པོ་ཆེ་ལྟ་བུའི་གང་ཟག་གིས་ཞག་བདུན་གྱིས་#དངོས་གྲུབ་ཐོབ་པར་
[57a.5]བསྟན་ཏོ། །དབང་པོ་འབྲིང་ནི་པདྨ་ལྟ་བུ་སྟེ་དེས་#ཟླ་ཕྱེད་ཀྱིས་སོ། །དབང་པོ་ཐ་མ་ནི་པདྨ་དཀར་པོ་དང་ཨུཏྤལ་ལྟ་བུ་སྟེ་#དེ་དག་གིས་ཟླ་བའམ་ཟླ་བ་ཕྱེད་དང་གཉིས་ཀྱིས་སོ། །(བེམས་,བེམ་)པོའི་རིགས་ཅན་གྱི་ཙནྡན་གང་ཡིན་པ་དེས་དགེ་བའི་བཤེས་གཉེན་དང་ཕྲད་པའམ་སངས་རྒྱས་ཀྱིས་བྱིན་གྱིས་
[57a.6]བརླབས་པས་དངོས་གྲུབ་ལོ་གཅིག་ལ་སོགས་པས་ཐོབ་པ་ཡིན་གྱི་#དེ་མེད་པས་འགྲུབ་པར་མི་འགྱུར་རོ། །ཐོས་པ་ཉུང་བ་ང་རྒྱལ་ཅན། །རྩ་བ་མེད་པར་མང་པོ་སྨྲ། །རྗེས་སུ་གཟུང་བར་མི་ནུས་པ། །ཙནྡན་ཞེས་བྱའི་#གང་ཟག་གོ། །ཞེས་འབྱུང་ངོ་། །འོད་གསལ་བ་ཞེས་བྱ་བ་ལ་
[57a.7]སོགས་པས་སྔར་བཤད་པའི་དུས་ཀྱི་#དབྱེ་བས་རྡོ་རྗེ་འཆང་ཆེན་པོའི་དངོས་གྲུབ་ཐོབ་པར་འགྱུར་རོ་ཞེས་བསྟན་ཏོ། །རྟོག་པའི་ཏིང་ངེ་འཛིན་ཞེས་བྱ་བ་ལ་སོགས་པས་རྫོགས་པའི་རིམ་པའི་རྣལ་འབྱོར་པ་རྣམས་ལ་དུས་ཀྱི་ངེས་པ་མེད་དོ་ཞེས་བསྟན་ཏོ། །སྒྲ་ཇི་བཞིན་པའོ་ཞེས་པ་ནི་དུས་
[57b]
[57b.1]ཀྱི་དབྱེ་བས་དངོས་གྲུབ་ཙམ་བསྟན་པའི་ཕྱིར་རོ། །ཀུན་རྫོབ་དང་དོན་དམ་པའི་ཞེས་པ་ནི་རྟག་པ་དང་ཆད་པའི་མཚན་ཉིད་དོ། །དེ་གཉིས་ཀྱི་ནང་ནི་བར་ཏེ་#ཞེས་པ་ནི་དེ་དག་གཉིས་སུ་མེད་པའི་མཚན་ཉིད་ཅན་གྱི་ཟུང་དུ་འཇུག་པའི་ཏིང་ངེ་འཛིན་ཏོ། །དེ་དག་#ལ་གནས་པའི་རྣལ་འབྱོར་པ་ནི་ཕྱག་རྒྱ་
[57b.2]ཆེན་པོའི་དངོས་གྲུབ་ཐོབ་པར་འགྱུར་རོ་ཞེས་བྱ་བའི་དོན་ཏོ། །དེ་ཡང་དུས་གསུམ་གྱི་#དེ་བཞིན་གཤེགས་པས་ནི་མི་བསྐྱོད་པ་ལ་སོགས་པས་གསུངས་སོ། །དགོངས་པས་བཤད་པའོ་ཞེས་པ་ནི་འགལ་བའི་སྒྲའི་སྒོ་ནས་དེ་ཁོ་ན་ཉིད་བསྟན་པའོ། །བཤད་མ་ཐག་པའི་རིམ་པས་ཞེས་བྱ་
[57b.3]བ་ནི་བསྙེན་པ་ལ་སོགས་པ་ཡན་ལག་བཞིའི་བསྒོམ་པའི་རིམ་པས་སོ། །སྒྲུབ་པར་འདོད་པའི་རྩོལ་བ་བྱེད་པས་སོ། །སྐུ་ལ་སོགས་པ་བྱིན་གྱིས་བརླབ་པ་ཞེས་པ་ནི་རྣམ་པར་སྣང་མཛད་#ལ་སོགས་པ་ལ་བརྟེན་#པའོ། །སྔོན་དུ་འགྲོ་བ་ནི་སྐུ་ལ་སོགས་པ་བྱིན་གྱིས་བརླབ་#པ་སྔོན་དུ་འགྲོ་བས་སོ། །
[57b.4]འཇུག་པ་ནི་རྣལ་འབྱོར་ཆེན་པོའི་མཐར་དཀྱིལ་འཁོར་རྒྱལ་བ་མཆོག་དང་ལས་ཀྱི་རྒྱལ་བ་མཆོག་བསྒོམ་པའོ། །དེ་ཉིད་བསྟན་པའི་ཕྱིར། སྒྲུབ་པ་པོ་སྐུ་ཞེས་བྱ་བ་ལ་སོགས་པ་སྨོས་ཏེ། རྡོ་རྗེ་འཆང་ཆེན་པོ་ལ་སོགས་པའི་རྣལ་འབྱོར་པ་རྣམས་ཀྱིས་རྣལ་འབྱོར་དང་རྗེས་སུ་རྣལ་འབྱོར་
[57b.5]དང་ཤིན་ཏུ་རྣལ་འབྱོར་གྱི་མཐར་ལེའུ་དྲུག་པ་ནས་གསུངས་པའི་ཡི་གེ་གསུམ་མགོ་བོ་དང་ལྐོག་མ་དང་སྙིང་གའི་ཕྱོགས་སུ་ཟླ་བ་དང་པདྨ་དང་རྡོ་རྗེའི་སྟེང་དུ་རིམ་པ་ཇི་ལྟ་བ་བཞིན་དུ་བཀོད་ནས། དེ་ལས་བྱུང་བའི་འོད་ཟེར་ཡོངས་སུ་གྱུར་པ་#ལས་སྤྱན་མ་ལ་སོགས་པའི་ལྷ་མོའི་ཚོགས་
[57b.6]སྤྲོས་ལ། འོག་མིན་གྱི་གནས་ལ་སོགས་པ་ན་བཞུགས་པའི་རྣམ་པར་སྣང་མཛད་ལ་སོགས་ཚོགས་པའི་#ཚིག་སྙན་པས་མགུ་བར་བྱས་ལ་དེས་ཀྱང་ལག་པའི་ཞགས་པས་#དགུག་ཅིང་། གཞལ་ཡས་ཁང་པའི་ཤར་ཕྱོགས་ཀྱི་སྒོའི་མདུན་དུ་པདྨ་དང་ཟླ་བའི་དཀྱིལ་འཁོར་གྱི་སྟེང་
[57b.7]དུ་བཞུགས་སུ་གསོལ་ལ། ཚིགས་སུ་བཅད་པ་དྲུག་པོ་འདིས་གསོལ་བ་འདེབས་ཤིང་མཆོད་པར་བྱས་ལ་སྤྱན་མ་ལ་སོགས་པ་དང་དེ་དང་ལྷན་ཅིག་ཏུ་ཨོཾ་ལ་སོགས་པ་ལ་འཇུག་ཅིང་། ལེའུ་བདུན་པ་ལས་གསུངས་པའི། །སངས་རྒྱས་ཀུན་གྱི་སྐུ་གང་ཡིན། །ཞེས་བྱ་བ་ལ་སོགས་#
[58a]
[58a.1]པའི་ཚིགས་སུ་བཅད་པ་གསུམ་གྱིས་#ང་རྒྱལ་བྱས་ལ། ལེའུ་དྲུག་པ་ནས་གསུངས་པའི་ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱཏྨ་#ཀོ྅ཧཾ། ཞེས་བྱ་བ་ལ་སོགས་པ་སྔགས་གསུམ་གྱིས་#བརྟན་པར་བྱའོ་ཞེས་དང་པོ་སྦྱོར་བའི་ཏིང་ངེ་འཛིན་གྱི་ཡན་ལག་ཏུ་གྱུར་པས་རྣལ་འབྱོར་
[58a.2]ཆེན་པོ་བསྟན་ཏོ། །ཚིགས་སུ་བཅད་པ་དང་པོས་དབུས་ཀྱི་གཙོ་བོ་ལ་གསོལ་བ་འདེབས་པ་དང་། གཉིས་པས་དེའི་འཁོར་དུ་གྱུར་པ་ཞེས་སྤྲུལ་པའི་སྐུ་ལ་ཁྱད་པར་རོ། །དེ་བཞིན་དུ་གཞན་མ་གཉིས་པོ་ལ་ཡང་ཤེས་པར་བྱའོ། །དེ་ལྟར་ཞེས་བྱ་བ་ལ་སོགས་པས་སྐུ་ལ་སོགས་པ་བྱིན་གྱིས་
[58a.3]བརླབ་པ་ངེས་པར་བྱའོ་ཞེས་བསྟན་ཏོ། །དབྱེར་མེད་པ་ཞེས་པ་ནི་བསྒོམ་པར་བྱ་བ་དང་སྒོམ་པ་དག་དབྱེར་མེད་པས་སོ། །དེ་བཞིན་དུ་ཞེས་བྱ་བ་ལ་སོགས་པས་རྣལ་འབྱོར་པ་གཉིས་པོའི་ཡང་དབྱེར་མེད་པ་བསྟན་ཏོ། །མན་ངག་མ་ཐོབ་པས་ཞེས་པ་ནི་བླ་མའི་ཞལ་གྱི་ལུང་མ་རྙེད་པས་སོ། །
[58a.4]སྐུ་དང་གསུང་དང་ཐུགས་བྱིན་གྱིས་བརླབ་པ་དང་ཐ་དད་པར་རྟོག་#ན་ཞེས་བྱ་བ་འདི་སྐུ་རྡོ་རྗེ་ལ་སོགས་པ་འདི་དག་ཐ་དད་པ་ཡིན་ལ་བདག་ཀྱང་ཐ་དད་པ་ཡིན་ནོ་ཞེས་རྟོག་#པ་ནི་བསམ་པར་བྱེད་པའོ། །བདག་ནི་དེའི་རང་བཞིན་ཡིན་ནོ་ཞེས་མི་རྟོག་ན་དེའི་ཚེ་རྫོགས་པའི་རིམ་པ་ལས་རིང་དུ་འགྱུར་བ་#
[58a.5]ཞེས་པ་ནི་བསྐྱེད་པའི་རིམ་པ་#བསྒོམ་པས་དུས་ཟད་ཅིང་ནམ་ཡང་རྫོགས་པའི་རིམ་པ་ཐོབ་པར་མི་འགྱུར་རོ་ཞེས་བྱ་བའི་དོན་ཏེ#། རྫོགས་པའི་རིམ་པ་#ནི་གཉིས་སུ་མེད་པའི་ངོ་བོ་ཡིན་པས་སོ། །དོན་འདི་ལ་སོམ་ཉི་མ་བྱེད་ཅིག་ཅེས་བྱ་བ་འདིས་ཡང་དག་པར་བསྒྲུབ་པ་བསྟན་ཏོ། །གསུངས་
[58a.6]པའོ་ཞེས་བྱ་བས་ཉེ་བར་བསྡུས་པ་བསྟན་ཏོ། །ལེའུའི་དོན་གྱི་ངེས་པའི་ཚིག་བསྟན་པའི་ཕྱིར་སྐུ་རྡོ་རྗེ་ལ་སོགས་པའོ་ཞེས་སྨོས་ཏེ་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱིས་མི་ཕྱེད་པའི་ངོ་བོ་ཉིད་ནི་བསྐྱེད་པའི་རྒྱུར་གྱུར་པའོ། །སྦྱོར་བ་བཞི་ནི་ཞེས་པ་ལ་དང་པོ་སྦྱོར་བའི་མཚན་ཉིད་དོ། །
[58a.7]སྦྱོར་བ་བཞི་པོ་དེ་ཉིད་ཏིང་ངེ་འཛིན་གང་གིས་མཉམ་པར་བྱས་པས་ན་ཞེས་པ་ནི་རྟོགས་པར་འགྱུར་ཞིང་ངེས་པར་བྱས་པ་སྟེ་གཞུང་གི་ཚོགས་སོ། །བསྒྲུབ་པར་བྱ་བའི་ངོ་བོ་ཉིད་ཡིན་པས་ན་ཞེས་པ་ལ་རྣལ་འབྱོར་པ་རྣམས་ཀྱིས་ངེས་པར་བསྒྲུབ་པར་བྱས་པས་#སོ། །དེས་ནི་#བསྙེན་པ་ལ་སོགས་པའི་
[58b]
[58b.1]མཚན་ཉིད་ཅན་ལེའུའི་བརྗོད་པར་བྱ་བའི་དོན་བསྟན་#ཏོ། །རྫོགས་པའི་རིམ་པ་ཐོབ་པར་བྱེད་པས་ན་ཞེས་བྱ་བ་འདིས་ཕྱག་རྒྱ་ཆེན་པོ་ཡོངས་སུ་འགྱུར་བ་#དང་ཡན་ལག་དྲུག་གི་རྣལ་འབྱོར་ཡང་བསྟན་ཏོ། །རབ་ཏུ་བཤད་པའོ་ཞེས་པ་ནི་གསལ་བར་བཤད་པའོ། །གཞུང་གི་ཚོགས་ནི་ཚིག་གི་ཚོགས་ཞེས་
[58b.2]བྱའོ། །འོ་ན་བརྗོད་པར་བྱ་བ་དང་རྗོད་པར་བྱེད་པའི་ལེའུ་ཡིན་ན་#ཇི་ལྟར་གཞུང་གི་ཚོགས་སུ་བཤད་ཅེས་སྨྲས་པ། སོ་སོའི་མིང་ལ་ལྟོས་#པས་ན། །ཞེས་པ་ནི་རྗོད་པར་བྱེད་པ་ལས་བརྗོད་པར་བྱ་བ་ལོགས་#སུ་བརྟགས་ཏེ་གཞུང་གི་ཚོགས་ནི་ལེའུ་ཞེས་བྱའོ། །སྒྲ་ཇི་བཞིན་པ་ཞེས་པ་ནི་སྐུ་ལ་
[58b.3]སོགས་པ་བྱིན་གྱིས་བརླབ་པའི་བདག་ཉིད་ཀྱི་དང་པོ་སྦྱོར་བའི་ཏིང་ངེ་འཛིན་གྱི་ཕྱོགས་གཅིག་རྣལ་འབྱོར་ཆེན་པོ་སོ་སོར་བསྟན་པས་སོ། །#སྒྲོན་མ་གསལ་བར་བྱེད་པའི་འགྲེལ་པའི་ཊཱི་ཀཱ་#ལས་ལེའུ་བཅུ་གཉིས་པའི་རྒྱ་ཆེར་བཤད་པའོ།། །།#རིམ་པ་གཉིས་ལ་བསླབ་པ་ལ#། །
[58b.4]ཞེས་བྱ་བ་ལ་སོགས་པས་ལེའུ་བཅུ་གསུམ་པའི་བཤད་པ་བརྩམ་པར་བྱ་སྟེ། དེའི་དོན་རེ་ཞིག་རིམ་པ་གཉིས་པོ་ལེའུ་བཅུ་གཉིས་ཀྱིས་#ཁོང་དུ་ཆུད་པར་བྱས་སོ། །དེ་རྟོགས་པས་རང་གི་དོན་ཕུན་སུམ་ཚོགས་པའི་གཙོ་བོར་རྣལ་འབྱོར་པར་འགྱུར་རོ། །དེ་གྲུབ་པས་གཞན་གྱི་དོན་ངེས་
[58b.5]པར་བྱའོ་ཞེས་དེའི་དོན་དུ་ཞི་བ་ལ་སོགས་པའི་ལས་ཀྱི་ཚོགས་སྒྲུབ་པའི་དོན་དང་ལྡན་པའི་ལེའུ་བཅུ་གསུམ་པ་བསྟན་ཏོ། །གདུལ་བྱའི་སྐྱེ་བོ་#རྣམས་ཞེས་པ་ནི་ནད་པ་#དང་དབུལ་པོ་#དང་ཆགས་པ་འདོད་པ་དང་། དཀོན་མཆོག་གསུམ་ལ་གནོད་པ་བྱེད་པ་ལ་སོགས་པའོ། །
[58b.6]དེ་རྣམས་མོས་པར་བྱེད་པའི་ཕྱིར་ནི་དེ་རྣམས་ལ་ཞི་བ་ལ་སོགས་པ་བྱེད་པས་འདུལ་བ་གྲུབ་པའི་ཕྱིར་རོ། །བསྙེན་པ་ལ་སོགས་པའི་ཆོ་གའི་འོག་ཏུའོ་ཞེས་པ་ནི་བསྙེན་པ་ལ་སོགས་པ་#ཡན་ལག་བཞི་ནི་བསྐྱེད་པའི་རིམ་པ་དང་། སོ་སོར་སྡུད་པ་ལ་སོགས་པ་ཡན་ལག་དྲུག་ནི་རྫོགས་
[58b.7]པའི་རིམ་པའོ། །དེ་རྣམས་ཀྱི་ཆོ་ག་ནི་ཇི་ལྟ་བ་བཞིན་དུ་བསྒྲུབ་པའོ། །དེའི་འོག་ཏུ་ནི་#སོ་སོར་བསྟན་པའི་འོག་ཏུའོ། །འདོད་པའི་དབང་ཕྱུག་ལ་སོགས་པ་ཞེས་པ་ནི་བརྒྱད་དེ་སྔར་བཤད་པའོ། །ལྡན་པ་ནི་དེའི་འབྲེལ་པ་དང་ལྡན་པས་སོ། །མི་བསྐྱོད་པ་ལ་སོགས་པ་ཞེས་པ་ནི་དྲི་བ་པོ་
[59a]
[59a.1]རྣམས་སོ། །གཉིས་སུ་མེད་པའི་ཡེ་ཤེས་སོ་ཞེས་པ་ནི་ཟུང་དུ་འཇུག་པ་ཞེས་བྱ་བའི་དེ་ཁོ་ན་ཉིད་དོ། །གཙོ་བོ་ཡིན་པས་ན་ཞེས་པ་ནི་རིམ་པ་ཐམས་ཅད་ཀྱི་འབྲས་བུ་ཡིན་པ་སྟེ་དེ་ཐོབ་པའམ་འཛིན་པས་དེ་སྐད་ཅེས་བྱའོ། །ཞི་བ་ལ་སོགས་པ་ཞེས་པ་ནད་པ་ལ་
[59a.2]སོགས་པའི་སེམས་ཅན་རྣམས་ལ་དེ་དག་བསྒྲུབ་པའི་དོན་དུ་བརྩོན་པའོ་ཞེས་པ་ནི་རྩོལ་བ་དང་ལྡན་པ་སྟེ། བཅོམ་ལྡན་འདས་རྣམས་ཐུགས་རྗེ་ཆེན་པོའི་ངོ་བོ་ཡིན་པས་སོ། །སའི་སྙིང་པོ་ཞེས་བྱ་བ་ལ་སོགས་པས་གཟུགས་རྡོ་རྗེ་མ་ལ་སོགས་པ་རང་རང་གི་ཕྱག་རྒྱ་དང་ལྡན་པ་སའི་
[59a.3]སྙིང་པོ་ལ་སོགས་པས་བཅོམ་ལྡན་འདས་རྡོ་རྗེ་འཆང་ལ་མཆོད་པའི་ཚོགས་ཀྱིས་མཆོད་ཅིང་འདི་སྐད་ཅེས་གསོལ་ཏོ་ཞེས་བསྟན་ཏོ། །དེ་བཞིན་གཤེགས་པ་ཐམས་ཅད་ཀྱི་ཐུགས་ལ་བཞུགས་པས་ནི་ཞེས་པ་ནི་དེ་བཞིན་གཤེགས་པ་ཐམས་ཅད་ཀྱི་རང་བཞིན་སེམས་ཅན་ཐམས་
[59a.4]ཅད་ཀྱི་ཡིད་ལ་ཞུགས་#པས་སོ། །འཇིག་རྟེན་པ་དང་འཇིག་རྟེན་ལས་འདས་པ་#ནི་ཞི་བ་ལ་སོགས་པ་དང་མཁའ་སྤྱོད་ལ་སོགས་པའོ། །ཡང་དག་པར་སྦྱིན་པ་ཞེས་པ་ནི་དེ་རྣམས་སྟེར་བའོ། །ཐོགས་པ་#མེད་པའི་ནུས་པ་དང་ལྡན་པས་ཞེས་པ་ནི་ནུས་པ་མ་ཉམས་པས་སོ། །བདེན་པ་#གཉིས་
[59a.5]ཡོངས་སུ་མཁྱེན་པས་ན་ཞེས་པ་ནི་བདེན་པ་གཉིས་ཀྱི་བདག་ཉིད་ཅན་གྱི་#ཟུང་དུ་འཇུག་པའི་རིམ་པ་མངོན་#དུ་མཛད་པས་སོ། །ཕྱིའི་#ནི་མཆོད་པ་རྣམ་པ་ལྔ་ལ་སོགས་པའོ། །ནང་གི་ནི་བདུད་རྩི་ལྔ་དང་ལྕགས་ཀྱུ་ལ་སོགས་པ་དང་སྙོམས་པར་འཇུག་པ་ལ་སོགས་པའོ། །དེ་རྣམས་ཀྱིས་མཆོད་
[59a.6]ནས་ཞེས་བྱ་བའི་ཐ་ཚིག་གོ། །སྒྲ་ཇི་བཞིན་པའོ་ཞེས་པ་ནི་གསོལ་བ་གང་#གདབ་པ་ཙམ་བསྟན་པས་སོ། །སོ་སོར་སྡུད་པ་ལ་སོགས་པ་ཡན་ལག་དྲུག་གི་སྦྱོར་བའོ་ཞེས་པ་ནི་ལེའུ་བཅུ་གཉིས་པ་ལས་མཚན་ཉིད་བཤད་པའོ། །རྡོ་རྗེ་བཞི་ལས་འདས་པས་ན། །ཞེས་པ་ནི་བསྐྱེད་པའི་རིམ་
[59a.7]པའི་ཡན་ལག་ཏུ་གྱུར་པ་རྡོ་རྗེ་བཞི་བརྟགས་པ་ཡིན་པས་སོ། །ཡན་ལག་དྲུག་གི་རྣལ་འབྱོར་ནི་དེ་ལས་འདས་པ་སྟེ་རྫོགས་པའི་རིམ་པའི་ཡན་ལག་ཡིན་པས་སོ། །བདེན་པ་གཉིས་བསྲེས་པ་ལ་ཞེས་པ་ནི་དེའི་འབྲས་བུར་གྱུར་པའི་ཏིང་ངེ་འཛིན་ཞེས་བྱ་བ་ཡན་ལག་དྲུག་པ་ཟུང་དུ་འཇུག་
[59b]
[59b.1]པའི་རང་བཞིན་ལའོ། །ཡན་ལག་དྲུག་གི་རྣལ་འབྱོར་རོ། །ཞེས་པ་ནི་བྱང་ཆུབ་ཐོབ་པར་བྱེད་པས་སོ། །བདེན་པ་གཉིས་ངེས་པར་སྦྱར་རོ་#ཞེས་པ་ནི་ཟུང་དུ་འཇུག་པ་ལྔ་སྟེ་རིམ་པ་ཐམས་ཅད་དེ་ཉིད་འདུས་པས་སོ། །ཕུལ་དུ་བྱུང་བ་ནི་འབྲས་བུར་གྱུར་པའོ། །དེ་བཞིན་གཤེགས་པ་
[59b.2]ཐམས་ཅད་ཀྱི་གསུང་#ཞེས་པ་ནི་དྲང་བ་དང་ངེས་པའི་དོན་ལ་སོགས་པའི་དབྱེ་བས་གནས་པ་དེ་རྣམས་ཀྱི་དོན་བསྡུས་པ་ནི་ཟུང་དུ་འཇུག་པའི་རིམ་པ་ཡིན་པས་སོ། །རྒྱུའི་ཟུང་དུ་འཇུག་པའི་རིམ་པ་བསྟན་ནས་འབྲས་བུའི་ཟུང་དུ་འཇུག་པ་བསྟན་པར་བྱ་བའི་ཕྱིར། བདེན་པ་གཉིས་ཞེས་སྨོས་
[59b.3]ཏེ། ཆོས་ཅན་#དང་ཆོས་ཉིད་ཀྱི་དབྱེ་བས་གནས་པས་སོ། །གཅིག་ཏུ་བྱས་པའོ་ཞེས་པ་ནི་འབྲས་བུའི་ཚུལ་དུ་དབྱེར་མེད་པ་ཡོངས་སུ་ཤེས་པས་སོ། །དེ་བས་ན་མི་སློབ་པའི་ལམ་གྱི་ངོ་བོ་ཡིན་པས་ན་#སྤྲོས་པ་རྣམས་དང་བྲལ་བའོ། །དེ་བཞིན་གཤེགས་པ་རྣམས་སོ་ཞེས་པ་ནི་སྔགས་
[59b.4]ཀྱི་སྐུ་ཡིན་པས་སོ། །དེ་བཞིན་དུ་དེ་ལྟར་གྱུར་ན་ཡང་རྣམ་པར་དག་པའི་སྒོ་ནས་བྱང་ཆུབ་ནི་རྡོ་རྗེ་འཆང་ཆེན་པོའི་གོ་འཕང་ཐོབ་པའི་ཐབས་#ནི་རྒྱུར་གྱུར་པ་སྟེ། ཡན་ལག་དྲུག་པའི་རྣལ་འབྱོར་ལ་སོགས་པའོ། །ཉན་ཐོས་པ་ལ་སོགས་པས་མི་ཤིགས་པའི་ཕྱིར་ཏེ་ཞེས་པ་ནི་མི་
[59b.5]བརྟན་#པའི་ཕྱིར་དེ་ཉིད་མི་ཕྱེད་པའོ། །དགོངས་པས་བཤད་པའོ་ཞེས་པ་ནི་འགལ་བའི་སྒྲའི་སྒོ་ནས་དེ་ཁོ་ན་ཉིད་སོ་སོར་བསྟན་པས་སོ། །དབྱངས་དེ་ཉིད་བསྟན་པའི་ཕྱིར་སྟོང་པ་ཉིད་ཀྱི་རང་བཞིན་ཡིན་པས་#གཟོད་མ་ནས་ཞི་བ་ཞེས་བསྟན་ཏོ། །ཕུང་པོ་ལ་སོགས་པ་ཞེས་པ་ནི་ཕུང་པོ་དང་ཁམས་དང་
[59b.6]སྐྱེ་མཆེད་རྣམས་ལའོ། །དེ་ལྟར་འགྱུར་ན་ཡང་རྣམ་པར་དག་པའི་སྒོ་ནས་བྱང་ཆུབ་ཐོབ་པར་བྱེད་པ་ནི་རྡོ་རྗེ་འཆང་ཐོབ་པའི་རྒྱུར་གྱུར་པས་སོ། །#ཕུལ་དུ་བྱུང་ཞིང་ཁྱད་པར་དུ་འཕགས་པར་#ཞེས་པ་ནི་རང་བཞིན་གྱིས་#དག་པའི་བདག་ཉིད་ཀྱིས་སོ། །བརྟག་པ་དང་བྲལ་བ་#ཞེས་པ་ནི་ཕུང་
[59b.7]པོ་ལ་སོགས་པ་འདི་ཡིན་ནོ་ཞེས་རྣམ་པར་རྟོག་པའི་བློ་དང་བྲལ་བའོ། །མ་བརྟགས་ན་ཉམས་དགའ་བ་ཙམ་དུ་ཡོད་པ་ཞེས་བྱ་བ་ནི་དངོས་པོའི་རང་བཞིན་ཡོངས་སུ་མ་དཔྱད་པར་བརྟག་པ་#ཡོད་པའི་ཕྱིར་རོ། །ཡན་ལག་དྲུག་གི་སྦྱོར་བའི་ཐབས་ཀྱིས་ནི་མཆོག་གི་བསྙེན་པའི་མཚན་
[60a]
[60a.1]ཉིད་ཀྱིས་སོ། །རྡོ་རྗེ་སེམས་དཔའ་སྐྱེ་བར་ཞེས་པ་ནི་དཔལ་རྡོ་རྗེ་འཆང་གི་གོ་འཕང་དེའི་དུས་སུ་ཐོབ་པར་གསུངས་པའོ། །#ངོ་མཚར་ཆེའོ་ཞེས་པ་ནི་སྤྲོས་པ་མེད་པའི་དེ་ཁོ་ན་ཉིད་ལས་ཀྱང་རྡོ་རྗེ་འཆང་གི་སྐུ་བསྐྱེད་པའི་ཕྱིར་རོ། །དེའང་། ཇི་ལྟར་ཆུ་ཀླུང་དང་བ་ལས། །ཞེས་
[60a.2]པ་ལ་སོགས་པས་གཏན་ལ་ཕབ་པའོ། །དགོངས་པ་མ་ཡིན་པས་བཤད་པའོ་ཞེས་པ་ནི་ཤིན་ཏུ་གསང་བའི་དེ་ཁོ་ན་ཉིད་བསྟན་པས་སོ། །དེ་ལྟར་ཞེས་བྱ་བ་ལ་སོགས་པས་བསྟོད་པའི་འོག་ཏུ་གསོལ་བ་གདབ་པ་བསྟན་ཏེ། ཨཱ་ལི་ཀཱ་ལི་ལས་བྱུང་བ་རྣམས་སོ་ཞེས་པ་ནི་སྔར་བཤད་པའི་རིམ་
[60a.3]པས་དབྱངས་དང་གསལ་བྱེད་ལས་འབྱུང་བ་སྟེ་སྙིང་པོ་ལ་སོགས་པའོ། །དེ་གང་དུ་བསགས་ཤིང་བསྡུས་པ་ནི་ཞེས་པ་ལ་བུད་མེད་ལ་སོགས་པའི་དབྱེ་བས་ཨཱ་ལི་ཀཱ་ལིའི་ཡི་གེ་གསུམ་ལ་བསྡུས་པར་གྱུར་པ་ལའོ། །དོན་ཡོད་གྲུབ་པའི་བཟླས་པའོ། །ཞེས་པ་ནི་འཇུག་པ་ལ་སོགས་པའི་
[60a.4]མཚན་ཉིད་ཀྱི་རྡོ་རྗེ་བཟླས་པའོ། །བླ་ན་མེད་པའི་ཡེ་ཤེས་ཞེས་#པ་ནི་འོད་གསལ་བ་སྟེ། དེ་མ་ནིང་གི་བཟླས་པའི་#དུས་སུ་ཐོབ་པར་བྱེད་པའོ། །དེ་ཡི་ནི་རྡོ་རྗེ་འཆང་ཆེན་པོའིའོ། །འཇུག་པ་ལ་སོགས་པ་ལྡང་བ་དང་འཇུག་པ་དང་གནས་པའོ། །ཚུལ་གྱིས་ནི་འཇུག་པའི་གནས་དང་རྒྱུ་
[60a.5]བའི་གནས་སོ། །གང་གི་ཕྱིར་འཇུག་པ་ལ་སོགས་པའི་རིམ་པས་སེམས་རྩེ་གཅིག་པ་ཉིད་ཐོབ་པས་རྡོ་རྗེ་འཆང་ཆེན་པོའི་གོ་འཕང་མངོན་དུ་བྱེད་པར་འགྱུར་རོ། །དེ་ཉིད་ཀྱི་ཁྱད་པར་བསྟན་པ་ནི་ཞེས་པ་ནས། རྡོ་རྗེ་བཟླས་པ་ཡོངས་སུ་ཤེས། །ཞེས་པའི་བར་དུ་སྟོབས་བཅུ་ལ་སོགས་པས་#
[60a.6]སངས་རྒྱས་ཀྱི་ཡོན་ཏན་དང་ལྡན་པ་#སྒྲུབ་པ་པོ་རྣམས་འགྱུར་བ་དང་དེ་བཞིན་དུ་འཇུག་པ་ལ་སོགས་པའི་རིམ་པས་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབ་པ་དང་སྦྲུལ་ལ་སོགས་པའི་སྔགས་ཀྱི་ཚོགས་ཀྱིས་བརྗོད་པར་བྱ་བ་སྐུ་#རྡོ་རྗེ་ལ་སོགས་པ་དེ་བཞིན་གཤེགས་པའི་རང་བཞིན་
[60a.7]དང་། དེ་སློབ་པར་བྱེད་པ་རྣམས་ཀྱིས་ཀྱང་གཉིས་སུ་མེད་པའི་ཡེ་ཤེས་ཐོབ་པ་ཉིད་དུ་བསྟན་ཏོ། །དོན་དམ་པའི་བདེན་པ་ཞེས་པ་ནི་ནམ་མཁའི་ཁམས་དང་འདྲ་བ་སྒྲིབ་པ་མེད་པས་སོ། །ཀུན་རྫོབ་ཀྱི་བདེན་པའོ་ཞེས་པ་ནི་རྟོག་པ་དང་བཅས་པའོ། །གཉི་ག་དེ་དག་གིས་རྫོགས་པ་ནི་བཅོམ་
[60b]
[60b.1]ལྡན་འདས་ཟུང་དུ་འཇུག་པའི་རྡོ་རྗེ་#སེམས་དཔའ་ཞེས་བྱའོ། །ཞི་བ་ལ་སོགས་པའི་བྱ་བ་ཞེས་པ་ནི་རིམ་པ་གཉིས་ཀྱིས་བཤད་པར་འགྱུར་བ་བསྐྱེད་པ་ནི་དེ་མཛད་པའོ། །དབང་དུ་གྱུར་པ་མ་ཡིན་པའི་ཞེས་པ་ནི་དཀོན་མཆོག་གསུམ་ལ་གནོད་པར་བྱེད་པ་#ལ་སོགས་པའོ། །མངོན་སྤྱོད་ལ་
[60b.2]སོགས་པའི་ལས་ཀྱི་སྤྱོད་#པ་ནི་ཐུགས་རྗེ་ཆེན་པོས་གསོད་པ་གང་ཡིན་པ་དེ་སྤྲུལ་པར་མཛད་པའོ། །ཚངས་པ་ལ་སོགས་པའོ་ཞེས་བྱ་བ་ལ་སོགས་པས་རྡོ་རྗེ་འཆང་ཆེན་པོ་ཐམས་ཅད་ཀྱི་མཆོག་ཉིད་དུ་བསྟན་ཏོ། །དེ་ལྟར་བཅོམ་ལྡན་འདས་ཀྱིས་བཀའ་སྩལ་ཏོ་ཞེས་སྦྱར་#རོ། །སྦྲུལ་
[60b.3]ལ་སོགས་པ་ཞེས་བྱ་བ་ལ་སོགས་པས་#སྔགས་ཐམས་ཅད་ཀྱི་སྙིང་པོར་གྱུར་པའི་ཡི་གེ་གསུམ་འཇུག་པ་ལ་སོགས་པ་གསུམ་གྱི་རིམ་པས་བཟླས་པའི་ཆོ་ག་གསུངས་སོ་ཞེས་བསྟན་ཏོ། །དེ་རྣམ་པར་དབྱེ་བའི་ཕྱིར་ཞེས་བྱ་བ་ལ་སོགས་པ་ནས་དགོངས་པས་བཤད་པའི་བར་དུ་རྡོ་རྗེ་
[60b.4]འཆང་ཆེན་པོའི་བཟླས་པ་དང་། སྐུའི་བཟླས་པ་དང་། གསུང་གི་བཟླས་པ་དང་། ཐུགས་ཀྱི་བཟླས་པ་དང་། རིན་པོ་ཆེའི་བཟླས་པ་དང་། དོན་ཡོད་པའི་བཟླས་པ་དང་། འདོད་ཆགས་ཀྱི་བཟླས་པ་དང་། ཞེ་སྡང་གི་བཟླས་པ་དང་། གཏི་མུག་གི་བཟླས་པ་དང་། ཁྲོ་བོའི་བཟླས་པ་དང་། མ་
[60b.5]ནིང་གི་བཟླས་པ་དེ་བཅུ་གཅིག་གི་དབྱེ་བས་རྡོ་རྗེ་བཟླས་པ་བསྟན་ཏོ། །དེའི་རིམ་པས་ནི་རྡོ་རྗེ་འཆང་ཆེན་པོའི་རྣལ་འབྱོར་པས་ཕྱག་རྒྱ་ཆེན་པོའི་སྐུ་ལ་དམིགས་ཏེ། ལྟེ་བ་ལ་གནས་པའི་རྩིབས་བརྒྱད་པའི་ཆོས་ཀྱི་དབྱིངས་ཀྱི་འཁོར་ལོ་དང་པོར་མར་མེ་དང་འདྲ་བ་ཡི་གེ་ཨ་བསམ་ཞིང་དེ་
[60b.6]ལས་འོད་ཟེར་གྱི་སྦྱོར་བ་ཡི་གེ་གསུམ་མགོ་བོ་ལ་སོགས་པར་སྤོས་ལ། དེ་འཇུག་པ་ལ་སོགས་པའི་རིམ་པས་བཟླས་ཤིང་ཡང་ཡི་གེ་གསུམ་པོ་དེ་དག་ཨ་ལ་ཐིམ་#ཞིང་དེ་གཅིག་པུ་ལ་སེམས་གནས་པར་བྱ་བ་ནི་#རྡོ་རྗེ་འཆང་ཆེན་པོའི་#བཟླས་པའོ། །དེའི་འོག་ཏུ་རྣམ་པར་སྣང་མཛད་ཀྱི་
[60b.7]རྣལ་འབྱོར་པས་སྔ་མ་བཞིན་དུ་ཕྱག་རྒྱ་ཆེན་པོའི་གཟུགས་དམིགས་ལ་མགོ་བོ་#ལ་སོགས་པ་ལ་ཡི་གེ་གསུམ་བཀོད་ཅིང་། ཡན་ལག་མ་ཉམས་པའི་བཟླས་པ་བྱས་ལ་ཡི་གེ་གཉིས་ཨོཾ་ལ་ཐིམ་ཞིང་ཡི་གེ་ཨོཾ་ཙམ་ལ་དམིགས་ནས་ལུས་ནི་གཅིག་པུ་དང་དུ་མ་དང་ཡོད་པ་དང་མེད་པ་མ་
[61a]
[61a.1]ཡིན་ནོ་ཞེས་དཔྱད་ནས་སེམས་རྩེ་གཅིག་པ་ཉིད་གང་ཡིན་པ་དེ་ནི་སྐུའི་བཟླས་པའོ། །དེ་བཞིན་དུ་འོད་དཔག་ཏུ་མེད་པའི་རྣལ་འབྱོར་པས་སྔ་མ་བཞིན་དུ་ཕྱག་རྒྱ་ཆེན་པོར་བསྒོམས་པ་#ལ་མགོ་བོ་ལ་སོགས་པར་ཡི་གེ་གསུམ་པོ་བཀོད་ལ་ཡན་ལག་མ་ཉམས་པའི་
[61a.2]བཟླས་པ་#བྱ་སྟེ་ཡི་གེ་གཉིས་ཨཱཿལ་ཐིམ་ཞིང་ངག་ནི་གཅིག་དང་དུ་མ་དང་ཡོད་པ་དང་མེད་པ་#མ་ཡིན་ནོ་ཞེས་ངེས་པར་བྱས་ནས་#སེམས་རྩེ་གཅིག་པ་གང་ཡིན་པ་དེ་ནི་གསུང་གི་བཟླས་པའོ། །དེ་བཞིན་དུ་མི་བསྐྱོད་པའི་རྣལ་འབྱོར་པས་སྔ་མ་བཞིན་ཕྱག་རྒྱ་ཆེན་པོའི་གཟུགས་བསམས་ལ།
[61a.3]མགོ་བོ་ལ་སོགས་པར་ཡི་གེ་གསུམ་དམིགས་ནས་ཡན་ལག་མ་ཉམས་པའི་བཟླས་པ་བྱས་ཏེ#། ཡི་གེ་གཉིས་ཧཱུཾ་ལ་ཐིམ་ནས་#སེམས་ནི་#གཅིག་དང་དུ་མ་དང་ཡོད་པ་དང་མེད་པ་མ་ཡིན་ནོ་ཞེས་དམིགས་ལ་སེམས་རྩེ་གཅིག་པ་ཉིད་གང་ཡིན་པ་དེ་ནི་ཐུགས་ཀྱི་བཟླས་པའོ། །དེ་བཞིན་
[61a.4]དུ་རིན་ཆེན་འབྱུང་ལྡན་གྱི་རྣལ་འབྱོར་པས་མགོ་བོ་ལ་སོགས་པ་ཡི་གེ་གསུམ་དམིགས་ལ་ཡན་ལག་མ་ཉམས་པའི་བཟླས་པ་བྱས་ལ་འོད་ཟེར་གྱི་ཚོགས་སྤྲོ་ཞིང་། དེ་བཞིན་གཤེགས་པའི་རྣམ་པ་དང་འདྲ་བ་དེས་སེམས་ཅན་ཐམས་ཅད་ཀྱི་བསམ་པ་ཐམས་ཅད་ཡོངས་སུ་རྫོགས་པར་
[61a.5]བྱས་ཏེ#། སེམས་རྩེ་གཅིག་པ་དེ་ཉིད་གང་ཡིན་པ་དེ་ནི་རིན་པོ་ཆེའི་བཟླས་པའོ། །དེ་བཞིན་དུ་དོན་ཡོད་གྲུབ་པའི་རྣལ་འབྱོར་པས་སྔ་མ་བཞིན་དུ་ཕྱག་རྒྱ་ཆེན་པོའི་གཟུགས་བསམས་ལ་མགོ་བོ་ལ་སོགས་པར་ཡི་གེ་གསུམ་དམིགས་ལ་ཡན་ལག་མ་ཉམས་པའི་བཟླས་པ་བྱས་ནས་དེ་ལ་#འོད་
[61a.6]ཟེར་གྱི་སྦྱོར་བས་#གཞལ་ཡས་ཁང་པ་དང་བཅས་པའི་དེ་བཞིན་གཤེགས་པའི་ཚོགས་སྤྲོས་ལ། དེ་རྣམས་ཀྱིས་བསྟན་པ་དང་སྨིན་པ་ལ་སོགས་པའི་རྣམ་པས་#འགྲོ་བ་སངས་རྒྱས་སུ་བྱས་ལ#། སླར་ཡང་བསྡུས་ཏེ་དེ་ཉིད་དུ་ཐིམ་ཞིང་སེམས་རྩེ་གཅིག་པ་ཉིད་གང་ཡིན་པ་དེ་ནི་བྱ་བ་ནན་
[61a.7]ཏན་གྲུབ་པའི་#ཡེ་ཤེས་ཀྱི་རང་བཞིན་དོན་ཡོད་པའི་བཟླས་པ་ཞེས་བྱའོ#། །རྣམ་པར་སྣང་མཛད་ལ་སོགས་པའི་རྣལ་འབྱོར་པས་སྔ་མ་བཞིན་དུ་ཕྱག་རྒྱ་ཆེན་པོའི་གཟུགས་དམིགས་#ལ། ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པའི་དེ་བཞིན་གཤེགས་པ་རྣམས་ངས་བརྗོད་
[61b]
[61b.1]པའི་སྔགས་ཀྱི་ཡི་གེའི་ཚིག་གསོན་ཅིག །གསན་ནས་ཕྱག་རྒྱ་ཆེན་པོའི་དངོས་གྲུབ་བདག་ལ་སྩོལ་ཅིག་ཅེས་པའི་བསམས་#པས། ཤིན་ཏུ་གསལ་བའི་ཡི་གེ་བརྗོད་པ་འམ་གཞན་གྱིས་#ཐོས་པ་གང་ཡིན་པ་དེ་ནི་ཁྲོ་བོའི་བཟླས་པ་ཞེས་བྱའོ། །རྣམ་པར་སྣང་མཛད་ཀྱི་རྣལ་འབྱོར་པས་
[61b.2]སྐུའི་བཟླས་པ་བཞིན་དུ་ཐམས་ཅད་བྱས་ལ་གཏི་མུག་གི་རིགས་ཅན་གྱི་སེམས་ཅན་གཏི་མུག་རྣམ་པར་དག་པའི་གནས་ལ་གཞག་#པར་བྱའོ་ཞེས་བསམས་#པས་ཡི་གེ་ཨོཾ་ལ་ཞུགས་པ་གང་ཡིན་པ་དེ་ནི་གཏི་མུག་གི་བཟླས་པའོ། །དེ་བཞིན་དུ་འོད་དཔག་ཏུ་མེད་པའི་རྣལ་འབྱོར་པས་སྔ་མ་
[61b.3]བཞིན་དུ་ཐམས་ཅད་བྱས་ལ་འདོད་ཆགས་ཀྱི་རིགས་ཅན་གྱི་སེམས་ཅན་རྣམས་ཡི་གེ་ཨཱཿལ་འཇུག་ཅིང་འདོད་ཆགས་རྣམ་པར་དག་པའི་གནས་ལ་གཞག་པར་བྱའོ་#ཞེས་པའི་བསམ་པ་གང་ཡིན་པ་དེ་ནི་འདོད་ཆགས་ཀྱི་བཟླས་པའོ། །དེ་བཞིན་དུ་མི་བསྐྱོད་པའི་
[61b.4]རྣལ་འབྱོར་པས་སྔ་མ་བཞིན་དུ་ཐམས་ཅད་བྱས་ལ་ཞེ་སྡང་གི་རིགས་ཅན་ཡི་གེ་ཧཱུཾ་ལ་ཞུགས་ཤིང་ཞེ་སྡང་རྣམ་པར་དག་པའི་གནས་ལ་གཞག་#པར་བྱའོ་ཞེས་བསམ་པ་གང་ཡིན་པ་དེ་ནི་ཞེ་སྡང་གི་བཟླས་པའོ། །བཟླས་པ་གསུམ་པོ་དེ་དག་གཏི་མུག་དང་འདོད་ཆགས་དང་ཞེ་སྡང་ཡོད་
[61b.5]པ་དང་མེད་པ་མ་ཡིན་ནོ་ཞེས་རྣམ་པར་དཔྱད་པར་བྱའོ། །རྡོ་རྗེ་འཆང་ཆེན་པོ་ལ་སོགས་པའི་རྣལ་འབྱོར་པས་སྔ་མ་བཞིན་དུ་ཐམས་ཅད་བྱས་ལ། ཡན་ལག་མ་ཉམས་པའི་བཟླས་པའི་མཐར་ཡི་གེ་གསུམ་ཨ་ལ་ཨ་ཆོས་ཀྱི་དབྱིངས་ཀྱི་འཁོར་ལོ་ལ་དེ་ཡང་སྟོང་པ་ལ་ཐིམ་ཞིང་རྣམ་
[61b.6]པར་མི་རྟོག་པར་གནས་པ་གང་ཡིན་པ་དེ་ནི་མ་ནིང་གི་བཟླས་པ་ཞེས་བྱའོ། །རྡོ་རྗེ་བཟླས་པ་རྣམ་པ་བཅུ་གཅིག་པོ་དེ་དག་དབྱེ་བ་རྗོད་པར་བྱེད་པའི་གཞུང་གི་ཚོགས་ནི་གོ་སླའོ། །དགོངས་པས་བཤད་པའོ་ཞེས་པ་ནི་འགལ་བའི་ཚིག་གི་སྦྱོར་བས་རྫོགས་པའི་རིམ་པས་སོ་སོར་བསྟན་
[61b.7]པས་སོ། །ཆགས་པས་མ་ཡིན་ཞེས་པ་ནི་སྣང་བའི་ཡེ་ཤེས་མ་ཡིན་ཞེས་པའོ། །ཆགས་བྲལ་མ་ཡིན་ཞེས་པ་ནི་སྣང་བ་ཐོབ་པའི་ཡེ་ཤེས་མ་ཡིན་ནོ། །དབུ་མ་ནི་#སྣང་བ་མཆེད་པའི་ཡེ་ཤེས་ཏེ་དེ་ཡང་གང་དུ་དམིགས་པར་མི་འགྱུར་བ་ནི་མངོན་དུ་མི་འགྱུར་བའོ། །དེ་ནི་འོད་གསལ་བ་ཞེས་
[62a]
[62a.1]བྱ་བ་འདོད་ཆགས་ཀྱི་དེ་ཁོ་ན་ཉིད་ཅེས་བྱ་སྟེ་སྟོང་པ་གསུམ་དག་པར་བྱེད་པའི་ཕྱིར་རོ། །ཇི་ལྟ་བུ་ཡོངས་སུ་ཤེས་པ་ནི་རང་བཞིན་དང་སྣང་བ་བྲལ་བས་མངོན་དུ་བྱ་བའོ། །དེ་ཤེས་པ་ནི་སྔགས་དང་ཕྱག་རྒྱའི་རིམ་པས་རྟོགས་པར་འགྱུར་རོ། །རྡོ་རྗེ་འཆང་ཆེན་པོ་ཞེས་བྱ་བ་
[62a.2]ནས་སྒྲ་ཇི་བཞིན་གྱི་བར་དུ་བུད་མེད་དང་། སྐྱེས་པའི་དབྱེ་བས་ཕྱེ་བ་རྣམ་པ་གཉིས་ཀྱི་སྒྲུབ་པ་པོས་སྙོམས་པར་ཞུགས་པའི་མཚན་ཉིད་དང་ལྡན་པའི་སྤྲོས་པ་དང་བཅས་པའི་སྤྱོད་པའི་སྒོ་ནས་རྡོ་རྗེ་འཆང་ཉིད་ཐོབ་པར་འགྱུར་རོ་#ཞེས་བསྟན་ཏོ། །དེ་བདག་པོར་གྱུར་པ་གང་ཡིན་པ་བསྟེན་པར་བྱ་
[62a.3]བ་ཉིད་ཀྱིས་སོ། །སྒྲུབ་པ་པོ་རྣམ་པ་གཉིས་ནི་སྐྱེས་པ་དང་བུད་མེད་ཀྱི་དབྱེ་བས་སོ། །སེམས་ཅན་ཐམས་ཅད་ལ་བསམ་པ་ཐམས་ཅད་རྫོགས་པར་བྱེད་པས་སོ། །སེམས་ཅན་ཐམས་ཅད་ལ་ཕན་པར་བྱེད་པའི་བྱང་ཆུབ་རྡོ་རྗེ་འཆང་ཆེན་པོའི་གོ་འཕང་གི་མཚན་ཉིད་དོ། །འདོད་པའི་
[62a.4]ཡོན་ཏན་རྣམ་པ་ལྔ་ཞེས་པ་ནི་སྤྲོས་པ་དང་བཅས་པའི་སྤྱོད་པས་འདོད་པའི་ཡོན་ཏན་ལྔ་ལས་འབྱུང་བའོ། །མཐར་ཕྱིན་པར་མཛད་པའོ་ཞེས་པ་ནི་མངོན་དུ་བྱེད་པའོ། །སྐྱེ་བ་#འབའ་ཞིག་ཅེས་བྱ་བ་ལ་སོགས་པས་རྣམ་པ་གཅིག་བཤད་ནས་རྣམ་པ་གཉིས་པ་བསྟན་པའི་ཕྱིར་བུད་མེད་ཀྱང་
[62a.5]སྒྲུབ་པར་བྱེད་དོ་ཞེས་བསྟན་ཏོ། །དེ་རྣམས་ཀྱི་ཁྱད་པར་ནི་པདྨ་ཅན་ལ་སོགས་པའི་ཞེས་བྱ་བ་ནི་སྔར་ངེས་པའི་ཚིག་བཤད་ཟིན་པའོ། །ལེགས་པར་སློབ་པའི་ཕྱག་རྒྱ་རྣམས། །ཞེས་པ་ནི་ཐོས་པ་ལ་སོགས་པའི་རིམ་པས་སློབ་པར་བྱས་པའོ། །གཟུགས་ལ་སོགས་པ་ཞེས་བྱ་བ་ལ་
[62a.6]སོགས་པས་དེ་རྣམས་ཀྱང་རྗེས་སུ་མཐུན་པའི་ཐབས་བསྟེན་པས་#འདོད་ཆགས་ལ་སོགས་པ་རྣམ་པར་དག་པར་བྱེད་པ་འོད་གསལ་བ་ཐོབ་པར་འགྱུར་རོ་ཞེས་བསྟན་ཏོ། །སྒྲ་ཇི་བཞིན་པའོ་ཞེས་པ་ནི་སྤྱོད་པ་ཇི་ལྟར་#གྱི་བཞིན་ནོ་ཞེས་བཤད་པས་སྤྲོས་པ་དང་བཅས་པའི་སྤྱོད་པ་བསྟན་པའི་
[62a.7]ཕྱིར་རོ། །རྣམ་པར་སྣང་མཛད་དོ་ཞེས་པ་ནས་དྲང་བའི་དོན་གྱི་བར་དུ་ཡི་གེ་ཨོཾ་དང་ཧཱུཾ་གི་ས་བོན་དག་ལས་བསྐྱེད་པ་རྣམ་པར་སྣང་མཛད་ཀྱི་རིགས་ཅན་དང་མི་བསྐྱོད་པའི་རིགས་ཅན་གཤིན་རྗེ་མཐར་བྱེད་ལ་སོགས་པ་གང་ཡིན་པ་དེ་རྣམས་ཀྱིས་ཞི་བ་དང་མངོན་སྤྱོད་ཀྱི་ཕྲིན་#ལས་བྱེད་པས་སྒྲུབ་
[62b]
[62b.1]པ་པོའི་མངོན་པར་འདོད་པའི་དོན་གྲུབ་པར་བྱེད་དོ་ཞེས་བསྟན་ཏོ། །དེ་ནི་ཉེ་བར་མཚོན་པ་ཙམ་ཡིན་ཏེ། གཞན་དག་ཀྱང་རྗེས་སུ་མཐུན་པའི་ས་བོན་ལས་བྱུང་#བ་འོད་དཔག་ཏུ་མེད་པ་དང་རིན་ཆེན་འབྱུང་ལྡན་དང་དོན་ཡོད་གྲུབ་པ་རྣམས་སོ། །དབང་དང་རྒྱས་པ་དང་དགུག་པར་མཛད་པས་སྒྲུབ་པ་པོའི་
[62b.2]མངོན་པར་འདོད་པའི་དོན་སྒྲུབ་པར་བྱེད་པའོ། །དེས་ནི་འཆད་པར་འགྱུར་བའི་ཞི་བ་ལ་སོགས་པའི་ལས་རྣམས་ཀྱི་གླེང་གཞི་བསྟན་པ་ཡིན་ནོ། །དྲང་བའི་དོན་ཞེས་པ་ནི་བསྐྱེད་པའི་རིམ་པ་#ཞི་བ་ལ་སོགས་པ་བསྟན་པས་སོ། །མ་རིག་པ་ནས་བརྩམས་ཏེ་ངེས་པའི་དོན་གྱི་བར་དུ་སེམས་རྣམ་
[62b.3]པར་དག་པ་དང་བདག་ལ་བྱིན་གྱིས་བརླབ་#པ་དང་མངོན་པར་བྱང་ཆུབ་པ་དང་ཟུང་དུ་འཇུག་པ་ཞེས་བྱ་བ་རྫོགས་པའི་རིམ་པ་བསྟན་ཏོ། །དེ་ཉིད་བསྟན་པའི་ཕྱིར་མ་རིག་པ་ནི་ཀུན་གཞི་རྣམ་པར་ཤེས་པའི་བག་ཆགས་སོ། །དེ་ལས་བྱུང་བ་ནི་དེའི་དབང་གིས་སྐྱེས་#པ་ཉེ་བར་ལེན་པའི་ཕུང་པོ་
[62b.4]ལྔ་པོ་བླངས་པ་སྐྱེས་པ་དང་བུད་མེད་ཀྱི་རྣམ་པ་གཉིས་ཀྱི་#རྣལ་འབྱོར་པ་གང་ཡིན་པ་དེ་རྣམས་མ་རིག་པ་ནི་མ་ནིང་གི་རང་བཞིན་སྣང་བ་ཉེ་བར་ཐོབ་པའི་རང་བཞིན་མྱོང་ཞིང་དེ་ནས་འོད་གསལ་བ་མངོན་དུ་བྱས་ནས། དེ་ལ་ཅིག་#ཅར་རམ་སྣང་བ་ཉེ་བར་ཐོབ་པ་ལ་སོགས་པའི་རིམ་གྱིས་རྫོགས་
[62b.5]པ་ནི་ཕྱག་རྒྱ་ཆེན་པོའི་སྐུ་སྤྲོས་ནས་སེམས་ཅན་གྱི་དོན་བྱ་བའི་ཕྱིར་གཞན་རྣམས་ལ་ཡང་ཕྱག་རྒྱ་ཆེན་པོའི་དངོས་གྲུབ་སྟེར་བར་འགྱུར་རོ། །དེས་ནི་སེམས་ལ་དམིགས་པ་དང་། བདག་ལ་བྱིན་གྱིས་བརླབ་#པའི་རིམ་པ་བསྟན་ཏོ། །ཐབས་ཀྱི་རང་བཞིན་ནོ་ཞེས་པ་ནི་བཅུ་བཞིའོ#། །ཤེས་
[62b.6]རབ་པོ་ཞེས་པ་ནི་རང་བཞིན་སུམ་ཅུ་རྩ་གསུམ་མོ། །ཆེ་#བའི་བདག་ཉིད་ཅན་ནོ་ཞེས་པ་ནི་སེམས་ཅན་རྣམས་ལ་གནོད་པ་#བྱེད་པའོ། །རྡོ་རྗེ་ལྟ་བུའི་ཏིང་ངེ་འཛིན་ཏེ་ཞེས་པ་ནི་རྡོ་རྗེའི་སྐུ་རྫོགས་པར་བྱས་ཏེ་རང་བཞིན་རྣམས་དབང་དུ་བྱས་པའོ། །ཕུང་པོ་ལ་སོགས་པའི་དབང་པོ་མེད་པར་བྱས་པའོ་
[62b.7]ཞེས་པ་ནི་ཕུང་པོ་ལ་སོགས་པའི་རྒྱུར་#གྱུར་པའི་རང་བཞིན་རྣམས་མི་སྣང་བར་བྱེད་པའོ། །དེས་ནི་མངོན་པར་བྱང་ཆུབ་པའི་རིམ་པ་བསྟན་ཏོ། །བདེན་པ་གཉིས་གཉིས་སུ་མེད་པར་གྱུར་པ་ལ་སོགས་པས་#ཟུང་དུ་འཇུག་པའི་རིམ་པ་བསྟན་ཏོ། །རྡོ་རྗེ་འཆང་ཆེན་པོ་སྟེ་ཞེས་བྱ་བ་ལ་
[63a]
[63a.1]སོགས་པས་སྡུད་པ་པོའི་ཚིག་གིས་ཉེ་བར་བསྡུས་པ་བསྟན་ཏོ། །ངེས་པའི་དོན་ཏོ་ཞེས་པ་ནི་རིམ་པ་བཞི་#སོ་སོར་བསྟན་པས་སོ། །གཞན་ཡང་ཞེས་བྱ་བ་ལ་སོགས་པས་སྔར་མདོར་བསྟན་པའི་ཞི་བ་ལ་སོགས་པས་ཕྲིན་#ལས་རྒྱས་པའི་ཏིང་ངེ་འཛིན་བསྟན་པར་
[63a.2]བྱ་བའི་ཕྱིར་བཤད་པར་བྱ་སྟེ་ཡེ་ཤེས་སེམས་དཔའི་ཞེས་པ་ནས་འདོད་པ་ནི་འབྲས་བུ་འགྲུབ་པ་ཐོབ་པར་འགྱུར་རོ་ཞེས་པའི་བར་དུ་རྣམ་པར་སྣང་མཛད་ལ་སོགས་པའི་རྣལ་འབྱོར་པ་རྣམས་ཀྱི་#བསྐྱེད་པའི་རིམ་པས་རང་རང་གི་ཕྱག་རྒྱ་ཆེན་པོའི་སྐུ་བསྒོམས་ལ། ཡེ་ཤེས་སེམས་དཔའི་ཐུགས་
[63a.3]ཀར་ཟླ་བ་དང་ཉི་མ་དང་ནོར་བུ་དང་པདྨ་དང་སྣ་ཚོགས་རྡོ་རྗེའི་སྟེང་དུ་འཁོར་ལོ་དང་། རྡོ་རྗེ་དང་རིན་པོ་ཆེ་དང་པདྨ་དང་རལ་གྲི་རྣམས་བསམས་#ལ། རང་རང་གི་ས་བོན་གྱི་འོད་ཟེར་གྱིས་#ནད་པ་ལ་སོགས་པའི་བསྒྲུབ་བྱ་རྣམས་དེ་རྣམས་སུ་བཅུག་ལ་ཤར་ལ་སོགས་པའི་ཕྱོགས་རྣམས་ལ་བཞུགས་
[63a.4]པའི་དེ་བཞིན་གཤེགས་པའི་འོད་ཟེར་གྱི་ཚོགས་ཀྱིས་སྡིག་པ་སྦྱངས་ཤིང་བསལ་#བར་བྱས་ཏེ་དེ་ནས་སྤྲོས་ལ་ཕྱི་རོལ་གྱི་སྔར་བཤད་པའི་གདན་རྣམས་ལ་བཞག་སྟེ། དེ་རྣམས་ལ་སྤྲོས་པའི་སྤྱན་མ་ལ་སོགས་པའི་ལྷ་མོ་རྣམས་ཀྱི་#རང་རང་གི་ཁ་དོག་དང་མཐུན་པའི་བུམ་པའི་ཆུས་དབང་
[63a.5]བསྐུར་#བར་བྱས་ཏེ། ཞི་བ་ལ་སོགས་པ་དང་ལྡན་པར་བྱའོ་ཞེས་རབ་ཏུ་བསྟན་ཏོ། །ད་ནི་ཞེས་བྱ་བ་ལ་སོགས་པས་ཕྲ་མོའི་རྣལ་འབྱོར་ཡོངས་སུ་རྫོགས་ནས་སེམས་ཅན་གྱི་དོན་བྱ་བའི་ཕྱིར་སྤྲོས་པར་#བསྟན་ཏོ། །དེ་ལ་བསྐྱེད་པའི་རིམ་པའི་རྣལ་འབྱོར་པས་ཕྲ་མོའི་རྣལ་འབྱོར་བྱས་ལ། རིགས་
[63a.6]ཀྱི་དབྱེ་བས་དང་པོའི་འོད་ཟེར་གྱི་ཚོགས་སྤྲོ་ཞིང་དེ་ནས་ཕྱག་མཚན་དང་དེ་ནས་རྣམ་པར་སྣང་མཛད་ཀྱི་ཕྱག་རྒྱ་ཆེན་པོ་ཡང་སྤྲོ་བར་བྱའོ། །དེས་#ནི་སེམས་ཅན་གྱི་དོན་བྱས་ལ་ཡང་དེ་ཉིད་དུ་བསྡུ་བར་བྱའོ། །ལས་ཀྱི་རྒྱལ་བའི་མཆོག་གི་ཏིང་ངེ་འཛིན་ཏོ། །རྫོགས་པའི་རིམ་པའི་རྣལ་འབྱོར་
[63a.7]པས་ཀྱང་ཅིག་ཅར་དུ་ཕྱག་རྒྱ་ཆེན་པོའི་སྐུ་བསམས་ལ། བ་སྤུའི་བུ་ག་ཐམས་ཅད་ལས་དེ་བཞིན་གཤེགས་པ་ཐམས་ཅད་སྤྲོས་ལ་དེ་རྣམས་ཀྱིས་འགྲོ་བའི་དོན་བྱས་ལ་ཡང་དེ་ཉིད་དུ་བསྡུ་བར་བྱའོ། །དཀྱིལ་འཁོར་ཆེན་པོ་ནི་ཞེས་བྱ་བ་ནས་གསང་བའོ་ཞེས་བྱ་བར་སྦྱར་རོ་ཞེས་བྱ་བའི་བར་དུ་ནི་
[63b]
[63b.1]ཅིག་ཅར་དུ་བསྐྱེད་པ་རྡོ་རྗེ་འཆང་ཆེན་པོའི་སྐུ་སེམས་དཔའ་གསུམ་གྱི་བདག་ཉིད་ལ་དམིགས་ཏེ་དེའི་ལྐོག་མ་དང་སྙིང་ག་དང་ལྟེ་བ་དང་། གསང་བའི་གནས་སུ་མེ་དང་ཆུ་དང་རླུང་དང་དབང་ཆེན་གྱི་དཀྱིལ་འཁོར་བཞི་གྲུ་གསུམ་དང་ཟླུམ་པོ་དང་གཞུའི་དབྱིབས་ཅན་དང་གྲུ་བཞི་དམར་པོ་དང་དཀར་པོ་དང་
[63b.2]སྔོན་པོ་དང་སེར་པོ་དང་#དེ་བཞིན་གཤེགས་པ་དང་། ལྷ་མོ་བཞིའི་རང་བཞིན་དུ་རྣམ་པར་བསམས་#ལ། འཇུག་པ་ལ་སོགས་པའི་ཡི་གེ་གསུམ་པོ་རེ་རེ་དགོད་ཅིང་གཡས་པ་དང་གཡོན་པ་དང་གཉི་ག་དང་#དལ་བུས་དམན་པར་རྒྱུ་བའི་དབྱེ་བས་དམར་པོ་ལ་སོགས་པའི་འོད་ཟེར་གྱི་ཚོགས་
[63b.3]སྤྲོས་ལ་ཐུན་ཕྱེད་ཕྱེད་ཀྱི་དུས་སུ་བཟུང་#ནས་ཞི་བ་ལ་སོགས་པའི་ལས་ཀྱི་ཚོགས་བྱའོ། །ཡ་ཡི་དོན་གྱིས་གང་ཅི་འང་རུང་། །དངོས་གྲུབ་འདོད་པས་#བྱ་བ་སྟེ། །ར་ལ་སོགས་པ་གསུམ་ཉིད་ཀྱིས། །འགྲོ་བའི་དོན་ལ་རབ་ཏུ་འཇུག །མེ་དང་རླུང་དང་དབང་ཆེན་དང་། །ཆུ་ཡི་དཀྱིལ་འཁོར་རེ་
[63b.4]རེ་ལ། །ཐུན་ནི་ཕྱེད་ཕྱེད་དུས་སུ་ཡང་། །ལས་ནི་གཉིས་གཉིས་འགྲུབ་པར་འགྱུར#། །གཡས་པ་ལ་ནི་འོད་འབྱུང་བ། །མེ་ཡི་དཀྱིལ་འཁོར་དེ་ཡིན་ནོ། །ཞེས་བྱ་བ་ལ་སོགས་པ་འབྱུང་ངོ་། །འདིར་ལས་དང་པོ་པ་རྣམས་ཀྱི་#ཐུན་མོང་མ་ཡིན་པའི་དེ་ཁོ་ན་ཉིད་དོ་ཞེས་པ་ནི་བསྐྱེད་པའི་རིམ་
[63b.5]པའི་#རྣལ་འབྱོར་པ་རྣམས་ལ་བསྟན་པར་མི་བྱའོ། །ལས་རྣམ་པ་བཞིའི་ནང་ནས་ཞེས་པ་ནས་དེའི་ཕྱིར་ཏིང་ངེ་འཛིན་འདི་ལ་ཞེས་པའི་བར་དུའོ། །དཔལ་མི་བསྐྱོད་པའི་རྣལ་འབྱོར་པས་བདག་ཉིད་ཞེ་སྡང་རྡོ་རྗེ་བསྒོམས་ལ། དེའི་གཡས་ཕྱོགས་སུ་དེ་བཞིན་གཤེགས་པ་དང་བྱང་ཆུབ་སེམས་
[63b.6]དཔའ་#ཁྲོ་བོ་རྣམས་བསམས་ལ། གཡོན་ཕྱོགས་སུ་སྤྱན་མ་ལ་སོགས་པའི་གཟུགས་རྡོ་རྗེ་མ་ལ་སོགས་པ་དང་། རྡོ་རྗེ་རོ་ལངས་མ་ལ་སོགས་པ་བསམས་ཏེ་ཡེ་ཤེས་སེམས་དཔའི་ཐུགས་ཀའི་འོད་ཀྱིས་#བཀུག་པ་དེ་བཞིན་གཤེགས་པ་ཐམས་ཅད་རང་གི་སྙིང་ག་ལ་འཇུག་ཅིང་། ཡང་
[63b.7]གཤིན་རྗེའི་#གཤེད་ལ་སོགས་པ་ཁྲོ་བོའི་རྣམ་པ་#ཤིན་ཏུ་ཁྲོས་པ་འཇིགས་པའི་ཆ་ལུགས་དང་ལྡན་པ་དེ་རྣམས་སྤྲོས་ལ། དེ་རྣམས་ཀྱིས་ཀྱང་བསྒྲུབ་#བྱ་རླུང་དང་མེའི་དཀྱིལ་འཁོར་གྱི་སྟེང་དུ་གནས་པ་གཅེར་བུ་ཏིལ་མར་གྱིས་ལུས་བྱུགས་པ་སྐྱབས་མེད་པ་མཁའ་སྤྱོད་དང་ས་སྤྱོད་དང་ཐད་#
[64a]
[64a.1]སྤྱོད་དང་ཕྱོགས་སྤྱོད་ལ་སོགས་པ་སྲོག་ཆགས་ཀྱི་ཁྱད་པར་གྱིས་སྐྲག་པར་བྱེད་ལ། ཁ་སྦྱོར་དབྱེ་བ་བསམས་ཏེ་དེ་རྣམས་ཀྱིས་བརྡེག་ཅིང་ཇི་སྲིད་མཚོན་ཆ་སྣ་ཚོགས་པས་ཏིལ་ཙམ་དུམ་བུར་བཅད་པར་བྱས་ལ། སྲོག་དབྱུང་བ་བསྒོམས་ཏེ་དེའི་རྣམ་པར་ཤེས་པ་ཡང་
[64a.2]དྲི་མ་མེད་པ་རླུང་མེད་པའི་མར་མེ་དང་འདྲ་བ་བསམས་ལ། དེ་ཡོངས་སུ་གྱུར་པ་ལས་བཅོམ་ལྡན་འདས་མི་བསྐྱོད་པ་ཞལ་གསུམ་ལ་སོགས་པའི་རྣམ་པ་དེ་#ལྟ་བུ་འོད་ཟེར་གྱིས་#སྦྱོར་བས་སངས་རྒྱས་ཀྱི་ཞིང་ལ་གནས་པ་ཆོས་སྟོན་པ་ལ་བརྩོན་པ། དེ་བཞིན་གཤེགས་པ་རྣམས་ཀྱིས་#
[64a.3]བསྐོར་བ་བསྒོམ་པར་བྱའོ། །འདིར་དཀོན་མཆོག་གསུམ་ཞེས་བྱ་བ་ནི་#ཉེ་བར་མཚོན་པ་སྟེ་བླ་མ་ལ་སྨོད་པར་བྱེད་པ་ལ་སོགས་པ་#རྣམས་ཀྱང་ངོ་། །བླ་མ་ནི་དབང་གི་བླ་མའོ། །རྡོ་རྗེ་སློབ་དཔོན་ནི་གང་ཞིག་ཆོས་སྟོན་པའོ། །མ་གསོད་པ་ལ་སོགས་པ་མཚམས་མེད་པ་ལྔ་པོ་བྱེད་པའོ། །
[64a.4]ཆེ་གེ་མོ་སོད་ཅིག་ཅེས་བྱ་བ་ལ་སོགས་པ་ནི་སྙིང་རྗེ་སྔོན་དུ་འགྲོ་བའི་བསྐུལ་བའི་ཚིག་གོ། །འདོད་པ་#ལ་སོགས་པས་སྐྱེ་བ་བཞི་དང་ལྡན་པའི་སེམས་ཅན་གྱི་ཁམས་དེ་བཞིན་གཤེགས་པ་དང་འདྲ་བར་བསམས་ཏེ་འདུག་#པ་དེ་གསོད་པར་#བསྒོམ་པར་བྱའོ་ཞེས་བྱ་བ་འདིས་དེ་ཤིན་ཏུ་ནོངས་
[64a.5]པར་བྱས་པ་ཉིད་བསྟན་ཏོ། །དེ་ནས་ཞེས་བྱ་བ་ལ་སོགས་པས་གནོད་པ་བྱས་པའི་#སྡིག་པ་ཆེན་པོ་དང་ལྡན་པ་དེ་རྟོགས་ཤིང་དེ་ནས་དྲག་པོའི་ལས་བྱའོ་ཞེས་བྱ་བའི་ཐ་ཚིག་གོ། །སྡིག་པ་ཉེ་བར་བསྒྲགས་པ་ཞེས་པ་ནི་ཁ་ན་མ་ཐོ་བ་བསགས་པའོ། །ཁ་སྦྱོར་དབྱེ་བ་ནི་ཁ་དང་བཤང་སྒོ་ནི་ཁ་སྦྱོར་
[64a.6]རོ། །ཡང་ཚངས་པའི་སྒོ་དང་། ལྟེ་བ་ནི་ཁ་སྦྱོར་རོ། །དེ་དག་དབྱེ་བ་ནི་གསང་བའོ། །ཡང་ན་སྙིང་ག་ཉིད་ཁ་སྦྱོར་ཏེ་སྟེང་དང་འོག་གི་པདྨ་དང་འབྲེལ་པའི་ཕྱིར་རོ། །དེའི་ཕྱེ་བ་ནི་དབྱེ་བ་ཞེས་བྱའོ། །ཆད་པས་གཅད་པར་བྱ་བ་#ནི་ཚར་གཅོད་པར་བྱེད་པའོ། །དེ་ཉིད་ནམ་མཁའི་ཁམས་ཞེས་བྱ་བ་
[64a.7]ལ་སོགས་པས་བསྟན་ཏོ། །རྡོ་རྗེ་སེམས་དཔའ་ནི་མི་བསྐྱོད་པ་སྟེ། ཁྲོ་བོ་ཞེ་སྡང་གནས་ལས་སྐྱེས། །ཞེས་བཤད་པའི་ཕྱིར་རོ། །དྲག་ཤུལ་གྱི་ལས་ཀྱང་མི་བསྐྱོད་པའི་ཏིང་ངེ་འཛིན་གྱི་བྱ་བ་ཡིན་གྱི་གཞན་དུ་ནི་མ་ཡིན་ནོ། །གཡས་དང་གཡོན་གྱི་ཕྱོགས་སུ་སངས་རྒྱས་ཀྱི་ཚོགས་དང་ལྷ་
[64b]
[64b.1]མོའི་ཚོགས་བསྒོམ་པར་བྱ་བ་འདིས་ཐབས་#དང་ཤེས་རབ་ཀྱི་ངོ་བོ་ཉིད་བསྟན་པའི་ཕྱིར། གཡས་ཕྱོགས་སུ་ཞེས་བྱ་བ་ལ་སོགས་པ་བསྟན་ཏོ། །ཇི་སྐད་དུ། །སྐྱེ་གནས་དབུས་སུ་རྩ་གཉིས་ཏེ། །གཡོན་པ་དང་ནི་གཡས་པ་གཉིས། །གཡོན་པ་ཁུ་#བ་ཞེས་བྱ་བ། །གཡས་པ་ལ་ནི་
[64b.2]ཁྲག་ཉིད་དེ། །དེ་དག་སྡུད་#པར་བྱེད་པ་གཅིག །དེ་ནི་#ཆོས་ཀྱི་དབྱིངས་བསྡུ་བའོ#། །དེ་ཉིད་ཀྱི་ཕྱིར་#མན་ངག་གོ། །བླ་མའི་བཀའ་ལུང་ངོ་། །ཕྱོགས་བཅུ་ན་བཞུགས་པ་ཞེས་པ་ནི་ཁམས་གསུམ་ན་བཞུགས་པའོ། །རྣམ་པར་སྣང་མཛད་ལ་སོགས་པའི་རིགས་ཀྱི་བྱེ་བྲག་གིས་སོ་ཞེས་
[64b.3]པ་ནི་སྐུ་རྡོ་རྗེ་ལ་སོགས་པའི་བྱེ་བྲག་གིས་སོ། །རང་གི་ཕྱག་རྒྱ་ཆེན་པོའི་གཟུགས། །ཞེས་པ་ནི་རང་གི་རིགས་ཀྱི་སྐུ་དང་ལྡན་པ་བྱས་ནས་སོ། །གཟུགས་ཀྱི་ཕུང་པོ་ལ་སོགས་པའི་ཚུལ་གྱིས་ཞེས་པ་ནི་རྡོ་རྗེ་ཕྲེང་#བ་ལས་གསུངས་པའི་དོན་དམ་པའི་དཀྱིལ་འཁོར་གྱི་རིམ་པས་སོ། །གཟུང་བར་བྱ་
[64b.4]བ་ནི་ཁ་སྦྱར་བར་བྱ་བའོ#། །ཡང་ཞེས་བྱ་བ་ལ་སོགས་པས་དེ་རྣམས་སྤྲོ་བར་བྱའོ་ཞེས་བསྟན་ཏོ། །ཁྲོས་པས་ཞེས་བྱ་བ་ལ་སོགས་པས་སྤྲོ་བའི་ཁྱད་པར་བསྟན་ཏོ། །ཡིད་དང་ལུས་ཀྱིས་ཞེས་བྱ་བ་ལ་སོགས་པས་དེ་རྣམས་འཇིགས་སུ་རུང་བ་ཉིད་དུ་བསྟན་ཏོ། །སྦྲུལ་སྐེ་རགས་སུ་བཅིངས་པ་ལ་
[64b.5]སོགས་པས་བརྒྱན་པས་ཞེས་པ་ནི་རིགས་ཀྱི་ཀླུ་བརྒྱད་ཀྱིས་རྒྱན་#བྱས་པའོ། །དགྲ་སྟ་དང་ཞེས་བྱ་བ་ལ་སོགས་པས་མཚོན་ཆའི་ཁྱད་པར་དང་ལྡན་པ་ཉིད་དུ་བསྟན་ཏོ། །རྡོ་རྗེ་འཆང་ཆེན་པོ་#ཞེས་པ་ནི། རྡོ་རྗེ་འཆང་ཆེན་པོ་ཡོངས་སུ་གྱུར་པའི་མི་བསྐྱོད་པའོ། །ཆེ་གེ་མོ་སོད་ཅིག་ཅེས་བྱ་བ་ནི་
[64b.6]བཀའི་བྱེ་བྲག་གོ། །འཇོམས་པའོ་ཞེས་པ་ནི་གསོད་པར་བྱེད་པའོ། །གལ་ཏེ་ཞེས་བྱ་བ་#ལ་སོགས་པས་ཕལ་ཆེར་གྱི་ཚིག་གི་སྒོ་ནས་ཡིད་ཆེས་པ་བསྟན་ཏོ། །སྒྱུ་མ་ལྟ་བུའི་ནུས་པ་སྟོན་པ་ཡིན་ནོ་ཞེས་པ་ནི། རྡོ་རྗེ་སེམས་དཔའི་#རྣམ་པས་རྡོ་རྗེ་སེམས་དཔའ་ཡང་གསོད་པར་འགྱུར་རོ་ཞེས་སྒྱུ་
[64b.7]མའོ། །སངས་རྒྱས་ཞེས་བྱ་བ་ལ་སོགས་པས་ལས་འདི་ཉིད་ཀྱིས་ཐེ་ཚོམ་མེད་པར་འགྱུར་རོ་ཞེས་བསྟན་ཏོ། །དྲག་པོའི་ཚིག་གི་ཞེས་བྱ་བ་ལ་སོགས་པས་ཞག་བདུན་གྱིས་#ཉུང་བའམ་ལྷག་པ་#ཉིད་བཀག་པ་སྟེ། བློ་བརྟན་#པས་དུས་དེ་ཙམ་གྱིས་འགྲུབ་པའི་ཕྱིར་རོ། །དེ་ལྟར་#སྦྱོར་བ་འདི་ཡིན་ཏེ། །
[65a]
[65a.1]ཞེས་བྱ་བ་ལ་སོགས་པས་སྔར་བཤད་པའི་ཏིང་ངེ་འཛིན་ཉིད་དུ་བསྟན་ཏོ། །རྡོ་རྗེ་དམ་ཚིག་ནི་ཞེས་པ་ལ་སོགས་པས་ཏིང་ངེ་འཛིན་བསྡུས་པའོ། །དེ་ལྟར་ཞེས་བྱ་བ་ལ་སོགས་པས་རྣམ་པར་སྣང་མཛད་ལ་སོགས་པའི་རྣལ་འབྱོར་པ་རྣམས་ཀྱིས་དང་པོ་བསྐྱེད་པའི་རིམ་པས་#
[65a.2]བདག་ཉིད་རྣམ་པར་སྣང་མཛད་ལ་སོགས་པའི་སྐུ་དེ་#བསྒོམས་ལ་དེ་རྣམས་ཡོངས་སུ་གྱུར་པ་ལས་རྡོ་རྗེ་སེམས་དཔའ་བསྒོམ་ཞིང་། བསྐལ་པའི་མཐའི་མེ་ལྟར་སྤྲོ་བ་རང་གི་ལག་པ་#གནས་པའི་དྲག་པོའི་རྡོ་རྗེ་དམིགས་ལ་རང་གི་ལུས་ལས་དཀྱིལ་འཁོར་པ་སྤྲོ་ཞིང་ཁྲོ་བོའི་#རྣམ་པར་བྱས་ལ་ཉོན་
[65a.3]ཅིག་ཅེས་བྱ་བ་ལ་སོགས་པས་དེ་རྣམས་ལ་བཀའ་སྦྱིན་ཏེ། བཀའ་ཉན་པ་དེ་རྣམས་ཀྱིས་གདུག་པ་གསད་#ཅིང་སྲོག་དང་བྲལ་བར་བསམ་པར་བྱའོ་ཞེས་བསྟན་ཏོ། །དེ་བཞིན་དུ་རིན་ཆེན་འབྱུང་ལྡན་ལ་སོགས་པའི་#ཞེས་པ་ནི་རིན་ཆེན་འབྱུང་ལྡན་དང་འོད་དཔག་ཏུ་མེད་པ་དང་དོན་ཡོད་གྲུབ་པའོ། །ཡོངས་
[65a.4]སུ་གྱུར་པར་ཞེས་པ་ནི་རྡོ་རྗེ་སེམས་དཔའི་གཟུགས་སུ་#འགྱུར་བར་སྦྱར་བའོ#། །དེའི་འཁོར་རྣམས་ཀྱིས་#ཞེས་པ་ནས་ཏིང་ངེ་འཛིན་དེ་ལ་ཡང་དེ་སྐད་ཅེས་བྱའོ་ཞེས་པའི་བར་དུ་ནི་བསྐྱེད་པའི་#རིམ་པས་གཤིན་རྗེ་མཐར་བྱེད་དུ་བདག་ཉིད་བསམས་ལ། རྣམ་པར་སྣང་མཛད་ལ་སོགས་པའི་དཀྱིལ་
[65a.5]འཁོར་པ་རྣམས་རང་གི་ལུས་ལ་འཇུག་སྟེ། ཡང་གཤིན་རྗེ་མཐར་བྱེད་ཀྱི་རྣམ་པ་དང་ལྡན་པ་སྤྲོ་ཞིང་བཀའ་ཉན་པ་དེ་རྣམས་ཀྱིས་དཀོན་མཆོག་གསུམ་ལ་སོགས་པ་ལ་གནོད་པ་རྣམས་གསོད་པར་བྱེད་པ་བསམ་པར་བྱའོ་ཞེས་བསྟན་ཏོ། །དེ་ཡང་ཉེ་བར་མཚོན་པ་ཙམ་ཡིན་ཏེ་འཕགས་པ་རྣམས་
[65a.6]གཞན་གྱིས་#མི་ཐུབ་པ་དང་རྟ་མགྲིན་དང་བདུད་རྩི་འཁྱིལ་པ་ལ་སོགས་པས་ཀྱང་ངོ་། །ལྷའི་ཐམས་ཅད་ཀྱི་ཐུན་མོང་གི་ཞེས་པ་ནི་མོས་པའི་དབྱེ་བས་སོ། །རྣམ་པར་སྣང་མཛད་ལ་སོགས་པ་#རྣམས་ཀྱིས་ཞེས་པ་ནི་དེ་བཞིན་གཤེགས་པ་རྣམས་ཀྱིས་སོ། །དེའི་ལྷ་མོ་རྣམས་ཀྱིས་ཞེས་པ་ནི་
[65a.7]སྤྱན་མ་ལ་སོགས་པ་དང་དེའི་རིགས་དང་ལྡན་པ་གཟུགས་རྡོ་རྗེ་མ་ལ་སོགས་པ་རྣམས་ཀྱིས་ཀྱང་ངོ་། །བྱམས་པ་ལ་སོགས་པའོ་ཞེས་པ་ནི་བྱམས་པ་ལ་སོགས་པ་བྱང་ཆུབ་སེམས་དཔའ་བརྒྱད་ཀྱིས་སོ། །གཙུག་ཏོར་ཞེས་བྱ་བ་ལ་སོགས་པས་ཁྲོ་བོའི་རྒྱལ་པོ་བཅུ་པོས་ཀྱང་བཀའི་འཁོར་ལོ་
[65b]
[65b.1]སྦྱར་བར་བྱའོ་ཞེས་བསྟན་ཏོ། །དེ་ལྟར་སུམ་ཅུ་རྩ་གཉིས་ཀྱི་#བདག་ཉིད་#ལྷ་སུམ་ཅུ་རྩ་གཉིས་ཀྱི་བཀའི་འཁོར་ལོའི་དགོས་པ་བཤད་ནས། དགོས་པ་གཞན་དག་ཅེས་པ་ནི་ཕྱོགས་བཅུ་ལ་གནས་པའི་བགེགས་བསྐྲད་པ་དང་ཕུར་བུས་གདབ་པ་དང་བརྡུང་བ་བསྟན་པའི་ཕྱིར་བཤད་པར་བྱ་སྟེ། དབང་པོ་
[65b.2]ལ་སོགས་པ་ཕྱོགས་སྐྱོང་རྣམས་ཞེས་པ་ནི་ཤར་ལ་སོགས་པར་གནས་པའི་ལྷའི་དབང་པོ་ཞེས་བྱ་བ་ལ་སོགས་པ་ཞེས་བྱ་བའོ#། །བགེགས་བྱེད་པ་ནི་ཏིང་ངེ་འཛིན་གྱི་བར་ཆོད་བྱེད་པའོ། །སྒྲུབ་པ་པོས་བྱའོ་ཞེས་པ་ནི་གནས་གཟུང་བ་ལས་འོག་ཏུ་བྱའོ། །སེམས་རྣམ་པར་གཡེང་བར་བྱེད་པ་
[65b.3]ཞེས་པ་ནི་བརྒྱ་བྱིན་ལ་སོགས་པ་ལས་སྲུང་#བའི་དོན་དུ་ནི་#བཟློག་པའི་དོན་དུའོ། །སྒྲ་ཇི་བཞིན་པའོ་ཞེས་པ་ནི། དང་པོ་སྦྱོར་བའི་ཡན་ལག་ཏུ་གྱུར་པའི་རྣལ་འབྱོར་གྱི་#ཕྱོགས་གཅིག་བགེགས་བསྐྲད་པ་འཆད་པར་འདོད་པའི་ཕྱིར་རོ། །ད་#ནི་ཞེས་པ་ནས་དགོངས་པས་བཤད་པའི་བར་
[65b.4]དུ་ནི་རྫོགས་པའི་རིམ་པའི་རྣལ་འབྱོར་པས་སེམས་རྣམ་པར་དག་པའི་རིམ་པས་བསྒྲུབ་བྱ་མི་སྣང་བར་བྱས་ལ་ནམ་མཁའི་ཁམས་དང་འདྲ་བར་བསྒོམ་ཞིང་དེའི་ནམ་མཁའ་#ཁ་དོག་ལྔའི་འོད་ཟེར་གྱི་#ཚོགས་ཀྱིས་མནན་པར་བྱས་ལ་དེའི་སྟེང་དུ་ཅིག་ཅར་དུ་སྒྱུ་མ་ལྟ་བུའི་སྐུར་བདག་ཉིད་
[65b.5]དམིགས་ལ། རྟེན་དུ་གྱུར་པའི་བསྒྲུབ་བྱའི་འོད་ཟེར་གྱི་འཁོར་ལོ་ཡང་རང་གི་བདག་ཉིད་ལ་འཇུག་སྟེ། སྐུ་གསུང་ཐུགས་ནི་སྒྱུ་མའི་ངོ་བོར་བསམས་ལ་གདུག་པ་གསད་#པར་བྱའོ་ཞེས་བསྟན་ཏོ། །དགོངས་པས་བཤད་པའོ་ཞེས་པ་ནི་འགལ་བའི་སྒྲའི་སྒོ་ནས་རྫོགས་པའི་རིམ་པ་བསྟན་
[65b.6]པས་སོ། །རེངས་པར་བྱ་བའི་#ཞེས་པ་ནས་བརྩམས་ཏེ་སྒྲ་ཇི་བཞིན་པའོ་ཞེས་པའི་བར་དུ་ཆུ་རེངས་པ་བསྟན་ཏོ། །དེ་ལ་ནམ་མཁའ་ནི་གཞིའོ། །དེ་ནས་རླུང་གིས་བུས་ལ་མེས་ཆུ་རྣམས་བསྐམ་པར་འགྱུར་རོ། །དེའི་སྟེང་དུ་ས་བསྒོམ་ཞིང་ཆུའི་སྟེང་དུ་འགྲོ་བ་དང་འོང་བ་བྱས་པས་#ནུབ་པར་མི་འགྱུར་
[65b.7]ཏེ། ཆུ་ནི་ཁམས་བཞི་པོས་#ནུས་པ་བཅོམ་པའི་ཕྱིར་རོ། །རྫོགས་པའི་རིམ་པའི་ཏིང་ངེ་འཛིན་ནས་ཞེས་པ་ནས་དགོངས་པས་བཤད་པའོ་ཞེས་པའི་བར་དུ་ནི་ཟུང་དུ་འཇུག་པའི་རིམ་པས་རྡོ་རྗེའི་སྐུ་སྤྲོས་#ལ། རྣམ་པར་མི་རྟོག་པར་གྱུར་ཅིང་ཆུའི་སྟེང་དུ་འགྲོ་བར་བྱའོ་ཞེས་བསྟན་ཏོ། །རྫོགས་པའི་རིམ་པ་ལ་
[66a]
[66a.1]གནས་པས་དངོས་གྲུབ་ཐམས་ཅད་མངོན་དུ་འགྱུར་བའི་ཕྱིར་རོ། །དགོངས་པས་བཤད་པའོ་ཞེས་པ་ནི་འགལ་བའི་སྒྲའི་སྒོ་ནས་དེ་ཁོ་ན་ཉིད་སོ་སོར་བསྟན་པས་སོ། །དབང་ཆེན་ཞེས་བྱ་བ་ལ་སོགས་པ་ནས་དེ་སྐད་ཅེས་བྱའོ་ཞེས་པའི་བར་དུ་ནི་ཕ་རོལ་རྒོལ་བའི་ཁའི་ནང་དུ་ཡི་གེ་ལཾ་
[66a.2]ལས་བྱུང་བ་ཁ་དོག་སེར་པོ་དང་དབང་ཆེན་གྱི་དཀྱིལ་འཁོར་ལྕེ་མནན་པ་ཕྱོགས་གཉིས་སུ་རྡོ་རྗེ་གཉིས་ཀྱིས་མཚན་པ་དེས་འགྲམ་པ་གཉིས་ཕྱེ་བ་དེའི་སྟེང་དུ་ཡི་གེ་ཧཱུཾ་ལས་བྱུང་བའི་རྡོ་རྗེས་རྐན་དང་ཀོསྐོ་#འབུགས་པས་སྤྱི་བོར་ཧཱུཾ་ལས་སྐྱེས་པའི་སྣ་ཚོགས་རྡོ་རྗེའི་ཆང་གཟུངས་#ཀྱི་སྟེང་དུ་སྡིགས་མཛུབ་དང་
[66a.3]རྡོ་རྗེ་གསོར་བར་བྱེད་པ་གཡོན་བརྐྱང་བའི་གར་སྟབས་ཀྱིས་བཞུགས་པ་བདུད་རྩི་འཁྱིལ་པ་བསམས་ལ་མུ་སྟེགས་པ་རྣམས་ཀྱི་#ངག་རེངས་པར་བྱའོ་ཞེས་བསྟན་ཏོ། །ཕ་རོལ་གྱི་འཁྲུལ་འཁོར་འཇོམས་པའི་ཕྱིར་བདུད་རྩི་འཁྱིལ་པ་བསྒོམ་#པ་ཡིན་ནོ། །སྒྲུབ་པ་པོ་#ཞེས་བྱ་བ་#ནས་དྲུག་པས་
[66a.4]དེ་སྐད་ཅེས་བཀའ་སྩལ་ཏོ་ཞེས་པའི་བར་དུ་ནི་བསྐྱེད་པའི་རིམ་པས་རྡོ་རྗེ་འཆང་ཆེན་པོ་ལ་སོགས་པ་གང་ཡང་རུང་བའི་རྣལ་འབྱོར་དང་ལྡན་པའི་དཀྱིལ་འཁོར་པ་རྣམས་ཀྱང་ཁ་དོག་སེར་པོ་རི་རབ་ཀྱི་ཚད་ཙམ་དགྲའི་དཔུང་གི་སྟེང་དུ་བཞག་པས་ས་འོག་བདུན་གྱི་བར་དུ་སོན་པར་བསམས་ལ་
[66a.5]སངས་རྒྱས་ཀྱི་དཔུང་ཡང་རེངས་པར་བྱའོ་ཞེས་ངེས་པར་འགྲུབ་པའི་ཚིག་བསྟན་ཏོ། །དགྲ་བོ་#སྐྲག་པ་ཞེས་བྱ་བ་ནས་ཏིང་ངེ་འཛིན་གང་དུ་དེ་སྟོན་པ་དེ་ལ་དེ་སྐད་ཅེས་བྱའོ་ཞེས་པའི་བར་དུ་ནི་རྡོ་རྗེ་སེམས་དཔའ་ལ་སོགས་པ་གང་ཡང་རུང་བའི་རྣལ་འབྱོར་དང་ལྡན་པས་རང་གི་སྙིང་ག་ནས་འོད་
[66a.6]ཟེར་གྱི་སྦྱོར་བས་ཡི་གེ་ཧཱུཾ་སྤྲོས་ལ། རྡོ་རྗེའི་#རྣམ་པ་དེ་ཡོངས་སུ་གྱུར་པ་ལས་བདུད་རྩི་འཁྱིལ་པ་སྟོད་ཞལ་གསུམ་ཕྱག་དྲུག་པ་ལྟ་བུ། སྨད་རྡོ་རྗེ་རྩེ་གཅིག་པའི་རྣམ་པ་ཅན་བསམས་ལ་བསྒྲུབ་བྱའི་ངག་གི་ལམ་ནས་ཞུགས་ནས་སྙིང་གར་བཀོད་པ་#དེའི་སྙིང་དེ་#དུམ་བུར་གྱུར་པར་བསམས་
[66a.7]ལ་སྔགས་དང་རྒྱུད་#དང་སྦྱོར་བ་ལ་མཁས་པ་རྣམས་ཀྱང་ཕུར་བུས་གདབ་པར་བྱའོ་ཞེས་བསྟན་ཏོ། །དེས་ནི་ཕུར་བུས་གདབ་པ་ཡང་དག་#གསོད་པའི་དོན་དུ་ཡང་བྱའོ་ཞེས་བསྟན་ཏོ། །བདུད་ལ་སོགས་པའི་རྣམ་པར་འཚེ་བ་རྣམས་ཀྱི་#ཞེས་པ་ནི་དུས་མ་ཡིན་པར་འཆི་བའི་འཇིགས་པའི་ཉེ་བར་
[66b]
[66b.1]འཚེ་བ་དང་ལྡན་པ་རྣམས་ཀྱིའོ། །གྲོང་ཁྱེར་ཞེས་པ་ནས་ཏིང་ངེ་འཛིན་དེ་ལ་ཡང་དེ་སྐད་ཅེས་བྱའོ་ཞེས་པའི་བར་དུ་ནི་གྲོང་ངམ་གྲོང་ཁྱེར་རམ་གྲོང་རྡལ་#ལམ་སྐྱེ་བོའི་གནས་སམ་ཡུལ་འཁོར་རམ་རྒྱལ་ས་རྣམས་སུ་ཇི་སྲིད་ནམ་མཁའ་ལ་ཡོད་པ་དེ་སྲིད་ཀྱི་ཚད་ཙམ་གྱི་རྡོ་རྗེ་འཆང་ཆེན་པོ་རྣམ་པར་
[66b.2]བསྒོམས་ལ། དེ་ལས་བྱུང་བའི་འོད་ཟེར་འབར་བའི་ཚོགས་ཀྱིས་ནད་པ་རྣམས་ཀྱི་ནད་བསྲེག་པར་བྱས་ལ་དེ་རྣམས་ཀྱང་དེའི་ནང་དུ་འཇུག་ལ་སླར་ཡང་#སྤྲོས་ཏེ། རང་རང་གི་གནས་ལ་གནས་པར་བྱས་ལ་རྡོ་རྗེའི་སྟེང་ནས་འབྱུང་བའི་རྣམ་པར་སྣང་མཛད་དང་སྤྱན་མའི་ཚོགས་སྙོམས་པར་ཞུགས་པ་
[66b.3]དང་ལྡན་པར་བསམས་ལ་ནམ་མཁའི་ཁམས་ལ་ཞུགས་པ་#དེས་ཤིན་ཏུ་དཀར་བ་#འོ་མའི་རྒྱ་མཚོའི་དབའ་རླབས་དང་འདྲ་བ་བྱང་ཆུབ་ཀྱི་སེམས་ཀྱི་#རྒྱུན་གྱིས་ལུས་པོ་ཐམས་ཅད་དབང་བསྐུར་ཞིང་ཡོངས་སུ་ཚིམ་པར་གྱུར་པ། ཡིད་བཞིན་གྱི་ནོར་བུ་དང་འདྲ་བར་ཕ་རོལ་རྣམས་ལ་ཡང་བསམ་པ་
[66b.4]ཐམས་ཅད་ཡོངས་སུ་རྫོགས་པར་བྱེད་པར་#བསམས་ལ། དེ་བཞིན་གཤེགས་པ་རྣམ་པར་སྣང་མཛད་ལ་སོགས་པ་དེ་རྣམས་ཀྱི་#གྲོང་ལ་སོགས་པའི་གནས་དེ་ཡང་བྱིན་གྱིས་བརླབ་པ་རྣམ་པར་བསྒོམས་པས་ཞི་བ་ཆེན་པོ་བྱས་པར་འགྱུར་རོ་ཞེས་བསྟན་ཏོ། །དེ་ཡང་སྙིང་རྗེ་ཆེན་པོ་མངོན་དུ་གྱུར་པ་
[66b.5]སྔོན་དུ་འགྲོ་བར་བྱའོ་ཞེས་བྱ་བའི་ཐ་ཚིག་གོ། །ལས་དང་པོ་པའི་ཞེས་བྱ་བ་ནས་དེ་ཡང་#དེ་སྐད་ཅེས་བྱའོ་ཞེས་བྱ་བའི་#བར་དུ་ནི་རེ་ཞིག་དང་པོར་#རྣལ་འབྱོར་པས་ཞེ་སྡང་རྡོ་རྗེའི་ཏིང་ངེ་འཛིན་སྔོན་དུ་བྱས་ལ། རེག་བྱ་རྡོ་རྗེ་མའི་ཆོས་འབྱུང་གི་ནང་ན་སྣ་ཚོགས་པདྨ་དང་ཉི་མའི་དཀྱིལ་འཁོར་གྱི་
[66b.6]སྟེང་དུ་ཁྲོ་བོ་ཐམས་ཅད་འཇུག་པ་སྔོན་དུ་འགྲོ་བར་རྡོ་རྗེའི་ལམ་ནས་ཡི་གེ་ཧཱུཾ་ཡོངས་སུ་གྱུར་པ་ལས་བསྐྱེད་པ་ཞལ་གསུམ་ཕྱག་དྲུག་པ། སྤྱན་གསུམ་པ། རིགས་ཀྱི་ཀླུ་བརྒྱད་ཀྱིས་རྒྱན་#བྱས་པ། ཁ་དོག་སྔོན་པོ་དང་དཀར་པོ་དང་དམར་པོའི་ཞལ་མངའ་བ། གཡོན་བརྐྱང་#བ་ལ་གནས་པ་རྩ་བའི་
[66b.7]ཕྱག་གཉིས་ཀྱིས་#རྡོ་རྗེ་དང་དྲིལ་བུ་#འབྲེལ་པའི་ཕྱག་གིས་སྙོམས་པར་ཞུགས་པ་ལྷག་མ་རྣམས་ཀྱིས་ལྕགས་ཀྱུ་དང་ཞགས་པ་དང་རལ་གྲི་དང་ཐོ་བ་ཐོགས་པ་ཞེ་སྡང་རྡོ་རྗེའི་ཅོད་པན་ཅན། སྨིན་མ་ཁམ་པ་ཧ་ཧ་དང་ཧི་ཧིའི་#སྒྲ་སྒྲོགས་པ་གནོད་མཛེས་ཀྱི་རྒྱལ་པོ་བསྒོམས་ལ། རྡོ་རྗེ་དང་པདྨའི་བར་
[67a]
[67a.1]ནས་ཕྱི་རོལ་དུ་བྱུང་ཞིང་ཉི་མའི་དཀྱིལ་འཁོར་ལ་གནས་པ། བཀའ་ཉན་པར་བསམས་ཏེ་#དེའི་འོག་ཏུ་སྔ་མ་བཞིན་དུ་རེག་བྱ་རྡོ་རྗེ་མའི་ཆོས་འབྱུང་གི་ནང་ན་ཡི་གེ་ཧཱུཾ་བཅུ་ཡོངས་སུ་གྱུར་ནས། གཤིན་རྗེ་གཤེད་ལ་སོགས་པའི་#ཁྲོ་བོ་བཅུ་འོག་ནས་འཆད་པའི་དབྱིབས་དང་ཁ་དོག་
[67a.2]དང་#ཕྱག་མཚན་འཛིན་པ་སྤྲོས་ཏེ། རིམ་པ་ཇི་ལྟ་བ་བཞིན་དུ་ཤར་ལ་སོགས་པའི་ཕྱོགས་དང་མཚམས་རྣམས་སུ་དགོད་པར་བསམ་པར་བྱའོ། །ཁྲོ་བོ་དེ་རྣམས་ཀྱང་སྟོད་འཕགས་པ་བདུད་རྩི་འཁྱིལ་པའི་ཁྲོ་བོའི་དབྱིབས་དང་འདྲ་བ། སྨད་རྡོ་རྗེ་རྩེ་གཅིག་པའི་ཕུར་བུའི་རྣམ་པ་ལྟ་བུ་སྤྲོ་བར་བྱའོ། །
[67a.3]དེའི་འོག་ཏུ་དབུས་ཀྱི་གཙོ་བོའི་བདག་ཉིད་ཀྱི་ངོ་བོའི་#སྔགས་འདིས་གནོད་མཛེས་ལ་བཀའ་བསྒོ་བར་བྱ་སྟེ། ཨོཾ་སུམྦྷཱ་ནི་སུམྦྷ་ཧཱུྃ་ཧཱུྃ་ཕཊ། ཨོཾ་[གྲྀ]ཧྞ[གྲྀ]ཧྞ་ཧཱུྃ་ཧཱུྃ་ཕཊ། ཨོཾ་[གྲྀ]ཧྞཱ་#པ་ཡ་[གྲྀ]ཧྞཱ་#པ་ཡ་ཧཱུྃ་ཧཱུྃ་ཕཊ། ཨོཾ་ཨཱ་ན་ཡ་ཧོ་བྷ་ག་བཱན་བཛྲ་ཧཱུཾ་ཧཱུཾ་ཕཊ་ཅེས་བྱ་བ་འདིས་ཕྱོགས་བཅུ་ལ་གནས་པ་བརྒྱ་བྱིན་ལ་
[67a.4]སོགས་པ་འཇིག་རྟེན་སྐྱོང་བ་རྣམས་འགུགས་པའི་དོན་དུ་བཀའ་སྦྱིན་པར་བྱའོ། །དེ་ཐོས་པས་དེ་མ་ཐག་ཏུ་གནོད་མཛེས་ཀྱི་རྒྱལ་པོས་ལྕགས་ཀྱུ་དང་ཞགས་པ་ཕྱོགས་བཅུར་སྤྲོ་ཞིང་ལྷའི་དབང་པོ་ལ་སོགས་པ་འཇིག་རྟེན་སྐྱོང་བ་རྣམས་ཞགས་པས་མགུལ་བ་བཅིངས་ཤིང་། ལྕགས་ཀྱུས་སྤྱི་
[67a.5]བོར་བཏབ་ལ་ཤར་ལ་སོགས་པའི་ཕྱོགས་དང་མཚམས་རྣམས་སུ་འགོད་#པར་བྱེད་པར་བསམ་པར་བྱའོ། །དེ་ནས་གནོད་མཛེས་ཀྱི་རྒྱལ་པོས་རྡོ་རྗེའི་ཕུར་བུ་དེ་རྣམས་ཀྱིས་#མགོ་བོ་ནས་རྐང་པའི་མཐིལ་གྱི་བར་དུ་འཇུག་པར་བྱེད་པ་བསམ་པར་བྱའོ། །ཨོཾ་གྷ་གྷ་#ཞེས་བྱ་བ་ལ་སོགས་པའི་
[67a.6]སྔགས་ཀྱིས་ཕུར་བུ་#བཏབ་ཅིང་བརྡུངས་ལ། ས་འོག་ཆེན་པོ་བདུན་གྱི་བར་དུ་སོན་པར་བསྒོམས་ལ་ཁྲོ་བོའི་རྒྱལ་པོའི་ལུས་ལས་འབྱུང་བའི་འབར་#བའི་ཚོགས་ཀྱིས་དེའི་འཁོར་#མཐའ་ཡས་པ་ཐལ་བར་འགྱུར་བར་#བསམ་པར་བྱའོ་ཞེས་བསྟན་ཏོ། །དེ་ནི་དང་པོ་སྦྱོར་བའི་ཡན་ལག་ཏུ་གྱུར་པ་
[67a.7]རྣལ་འབྱོར་གྱི་ཕྱོགས་གཅིག་གི་བགེགས་བསྐྲད་པ་ཞེས་བྱ་བའི་ཏིང་ངེ་འཛིན་ཏོ། །ནམ་མཁའི་དབྱིངས་ཀྱི་དབུས་ཏེ་ཞེས་བྱ་བ་ནས་ཏིང་ངེ་འཛིན་ལ་ཡང་དེ་སྐད་ཅེས་བྱའོ་ཞེས་པའི་བར་དུ་ནི་སྟོང་པ་ཉིད་བསྒོམ་པ་སྔོན་དུ་འགྲོ་བར་ཡི་གེ་ཨོཾ་ཡོངས་སུ་གྱུར་པའི་འཁོར་ལོ་ལས་འབྱུང་བ་བདག་
[67b]
[67b.1]ཉིད་རྣམ་པར་སྣང་མཛད་སེམས་དཔའ་གསུམ་གྱི་བདག་ཉིད་ཕྱག་རྒྱ་དང་སྙོམས་པར་ཞུགས་པ་དང་ལྡན་པར་བསམས་ཏེ། ནམ་མཁའི་དབྱིངས་ཀྱང་དེ་བཞིན་དུ་སྤྱན་མ་དང་སྙོམས་པར་ཞུགས་པའི་རྣམ་པར་སྣང་མཛད་ཀྱི་ཚོགས་ཀྱིས་ཏིལ་གྱི་གང་བུ་དང་འདྲ་བར་ཡོངས་སུ་རྫོགས་པར་
[67b.2]བསྒོམས་#ལ། ཡེ་ཤེས་སེམས་དཔའི་སྙིང་གའི་འོད་ཟེར་གྱི་སྦྱོར་བས་བཀུག་ཅིང་སྙོམས་པར་ཞུགས་པའི་བདེ་བས་ཐིམ་#པར་འགྱུར་བར་ཞུགས་ཤིང་ཡེ་ཤེས་སེམས་དཔའི་སྙིང་གར་བསྒྲུབ་བྱ་བཅུག་ལ། དེ་ལ་དེས་དབང་བསྐུར་བྱིན་ཏེ་ནད་ཐམས་ཅད་ཟད་པར་བྱས་ལ་སླར་ཡང་ནད་པ་རང་གི་སྙིང་
[67b.3]ག་ནས་སྤྲོ་ཞིང་མདུན་དུ་ཟླ་བའི་དཀྱིལ་འཁོར་གྱི་སྟེང་དུ་རྣམ་པར་སྣང་མཛད་ཀྱི་གཟུགས་སུ་རྣམ་པར་བཀོད་ལ་#དེ་བཞིན་གཤེགས་པ་ཐམས་ཅད་སྤྱན་མའི་ཆོས་འབྱུང་གི་#ནང་ན་སྔར་བཅུག་པ་ཡང་རྡོ་རྗེའི་རྩེ་མོ་ནས་ཕྱུང་ཞིང་ཕྱི་རོལ་དུ་སྤྲོས་ལ། ནམ་མཁའི་ཁམས་ལ་གནས་པ་དེ་རྣམས་ཀྱིས་སྙོམས་པར་ཞུགས་པ་ལས་བྱུང་
[67b.4]བའི་བྱང་ཆུབ་ཀྱི་#སེམས་ཀྱི་དབའ་རླབས་ཀྱིས་དབང་བསྐུར་བར་བྱ་བས་ཡན་ལག་རྫོགས་པ་ནོར་གྱི་ཕུན་སུམ་ཚོགས་པ་དང་ལྡན་པར་འགྱུར་བར་ནད་པ་བསམ་པར་བྱའོ་ཞེས་བསྟན་ཏོ། །དེ་ནི་ཐབས་དང་ཤེས་རབ་སྙོམས་པར་ཞུགས་པའི་རིམ་པས་ཞི་བའི་ལས་ཀྱི་སྦྱོར་བའོ། །ཟླ་བའི་དཀྱིལ་འཁོར་ཞེས་བྱ་
[67b.5]བ་ནས་ཏིང་ངེ་འཛིན་གོང་#དུ་སྟོན་པ་དེ་ལ་དེ་སྐད་ཅེས་བྱའོ་ཞེས་བྱ་བའི་བར་དུ་ནི་འོད་དཔག་ཏུ་མེད་པ་དང་རིན་ཆེན་འབྱུང་ལྡན་དང་དོན་ཡོད་གྲུབ་པ་དང་མི་བསྐྱོད་པ་རྣམས་ཀྱིས་སྔ་མ་བཞིན་དུ་འོད་དཔག་ཏུ་མེད་པ་ལ་སོགས་པའི་གཟུགས་ཀྱིས་རང་གི་ཕྱག་རྒྱ་དང་སྙོམས་པར་ཞུགས་པའི་བདག་ཉིད་
[67b.6]བསྒོམས་ལ། རང་གི་ཕྱག་རྒྱའི་ཆོས་འབྱུང་གི་ནང་ན་མེ་དང་དབང་ཆེན་དང་#རླུང་དང་མེའི་དཀྱིལ་འཁོར་བསྒོམས་ལ་དེ་རྣམས་སུ་འོད་དཔག་ཏུ་མེད་པ་ལ་སོགས་པའི་གཟུགས་བརྙན་དུ་བདག་ཉིད་བསམས་ལ། རང་གི་སྙིང་གར་བསྒྲུབ་བྱ་འཇུག་ཅིང་སྔ་མ་བཞིན་དུ་ནམ་མཁའི་ཁམས་
[67b.7]ནས་འོད་དཔག་དུ་མེད་པ་ལ་སོགས་པའི་ཚོགས་རང་གི་ཕྱག་རྒྱ་དང་སྙོམས་པར་ཞུགས་པ་དགུག་ཅིང་། སྙོམས་པར་ཞུགས་པའི་དབང་གིས་ཞུ་བ་སྙིང་གར་བཅུག་པ། དེས་བསྒྲུབ་བྱ་དབང་བསྐུར་ཞིང་མདུན་དུ་སྔར་བཤད་པའི་དཀྱིལ་འཁོར་རྣམས་ལ་དགོད་ཅིང་སྙོམས་པར་ཞུགས་པའི་
[68a]
[68a.1]དབང་གིས་རྡོ་རྗེའི་རྩེ་མོ་ནས་སྤྲོས་པའི་ནམ་མཁའི་ཁམས་ལ་གནས་པ་དེ་རྣམས་ཀྱིས་སྙོམས་པར་ཞུགས་པ་ལས་བྱུང་#བའི་བྱང་ཆུབ་ཀྱི་སེམས་ཀྱི་དབའ་རླབས་ཀྱིས་#དབང་བསྐུར་བར་བྱ་བ་བསམ་པར་བྱའོ། །དེའི་ཚེ་དབང་དང་རྒྱས་པ་དང་མངོན་སྤྱོད་འགྲུབ་པར་འགྱུར་རོ་
[68a.2]ཞེས་བསྟན་ཏོ། །འདིར་མི་བསྐྱོད་པའི་ཏིང་ངེ་འཛིན་གྱི་#མངོན་པར་སྤྱོད་པའི་ཁྱད་པར་བསྟན་པར་བྱ་བའི་ཕྱིར། རྡོ་རྗེ་ནམ་མཁའ་ཞེས་བྱ་བ་ལ་སོགས་པ་#བསྟན་ཏེ། མི་བསྐྱོད་པའི་རྣལ་འབྱོར་པས་བསྐྱེད་པའི་རིམ་པའི་བདག་ཉིད་ཞེ་སྡང་རྡོ་རྗེར་བསམས་ལ། རང་གི་སྙིང་ག་ལས་སྲིན་པོ་ལ་
[68a.3]སོགས་པ་སྤྲོས་པས་ནམ་མཁའ་གང་བར་བྱས་ལ་བསྒྲུབ་བྱ་ཡང་མེའི་དཀྱིལ་འཁོར་ལ་གནས་པ་སྐྱབས་མེད་པ་བསྒོམས་ཏེ། སྲིན་པོ་ལ་སོགས་པ་དེ་རྣམས་ཀྱིས་ཟ་བར་གྱུར་པ་སྲོག་དང་བྲལ་བ་དེའི་རྣམ་པར་ཤེས་པ་ཡང་སྔ་མ་བཞིན་དུ་མི་བསྐྱོད་པའི་གཟུགས་ཅན་བསྒོམ་པར་བྱའོ། །དེའི་ཚེ་
[68a.4]མངོན་སྤྱོད་འགྲུབ་པར་འགྱུར་རོ་ཞེས་བསྟན་ཏོ། །གཞན་ཡང་ཞེས་བྱ་བ་ལ་སོགས་པ་ནས་#གྲངས་མེད་པ་ཉིད་དུ་བཤད་པ་ཡིན་ནོ་ཞེས་བྱ་བའི་བར་དུ་ནི་སྔར་བཤད་པའི་རྣམ་པར་སྣང་མཛད་ལ་སོགས་པའི་སྐུ་མདོག་ལ་སོགས་པ་བསྟན་པར་བྱ་བའི་ཕྱིར་བཤད་པར་བྱ་སྟེ། སྤྲིན་དཀར་པོ་ལྟར་ཞེས་
[68a.5]པ་ནི་རྣམ་པར་སྣང་མཛད་ཞི་བའི་རང་བཞིན་ཡིན་པའི་ཕྱིར་དང་། མེ་ལོང་ལྟ་བུའི་ཡེ་ཤེས་ཀྱི་རང་བཞིན་ཡིན་པས་སོ། །ཞལ་བར་མ་ནི་དཀར་པོ་ཞེས་པ་ནི་སྐུའི་མདོག་ཀྱང་ཡིན་ཏེ། སྐུའི་རང་བཞིན་ཡིན་པས་སོ། །གཡས་པ་#ནག་པོའོ་ཞེས་པ་ནི་ཐུགས་ཀྱི་རང་བཞིན་ཡིན་པས་སོ། །མེ་
[68a.6]ཏོག་ཀུ་མུ་ཏ་#ཞེས་པ་ནི་པདྨའི་མེ་ཏོག་གོ། །དེ་དང་འདྲ་བ་གཡོན་པ་ནི་འོད་དཔག་ཏུ་མེད་པའི་རང་བཞིན་ཡིན་པས་སོ། །དེ་བཞིན་དུ་གཞན་རྣམས་ཀྱི་ཡང་ཞལ་གྱི་རྣམ་པར་དག་པ་ཤེས་པར་བྱའོ། །དེ་བཞིན་དུ་ཞེས་བྱ་བ་ལ་སོགས་པས་མི་བསྐྱོད་པའི་སྐུ་མདོག་ལ་སོགས་པ་བསྟན་ཏོ། །དེ་བཞིན་#
[68a.7]འདོད་ཆགས་ཅན་ཞེས་བྱ་བ་ལ་སོགས་པས་འོད་དཔག་ཏུ་མེད་པའོ། །དེ་ལྟར་ཞེས་བྱ་བ་ལ་སོགས་པས་ཞི་བ་ལ་སོགས་པ་ལས་གང་ཡིན་པ་དེ་ལ་#གསུམ་བསྒོམས་པས་#སྒྲུབ་ཅིང་རྫོགས་པར་འགྱུར་རོ་ཞེས་བསྟན་ཏོ། །འཁོར་ལོ་དང་རྡོ་རྗེ་དང་#པདྨ་ཞེས་བྱ་བ་ནི་ཕྱག་མཚན་གཙོ་བོར་བསྟན་ཏོ། །སྒྲུབ་པའི་ཐབས་ལས་
[68b]
[68b.1]བཤད་པའི་རིམ་གྱིས་ཞེས་པ་ནི་སྔར་བཤད་པའི་སྒྲུབ་ཐབས་ཀྱི་རིམ་པས་སོ། །འདོད་པའི་དོན་ཞེས་པ་ནི་ཞི་བ་ལ་སོགས་པའོ། །དེ་རྫོགས་པ་ནི་སྒྲུབ་པར་བྱེད་པས་སོ། །དེ་བཞིན་དུ་རིན་ཆེན་ལ་སོགས་པ་རྣམས་ཀྱི་ཡང་ཞེས་པ་ནི་རིན་ཆེན་འབྱུང་ལྡན་དང་དོན་ཡོད་གྲུབ་པ་དང་བྱམས་པ་ལ་སོགས་པ་
[68b.2]རྣམས་ཀྱིའོ། །རྣམ་པར་སྣང་མཛད་ཀྱི་ཕྱག་རྒྱ་ཞེས་བྱ་བ་ལ་སོགས་པས་#སྤྱན་མའི་ཁ་དོག་ལ་སོགས་པ་ཡང་རྣམ་པར་སྣང་མཛད་དང་འདྲ་བར་#བསྟན་ཏོ། །མི་བསྐྱོད་པ་ལ་སོགས་པས་བདག་པོ་དང་འདྲ་བར་མཱ་མ་ཀཱི་བསྟན་ཏོ། །གསུང་རྡོ་རྗེ་ནི་འོད་དཔག་ཏུ་མེད་པ་ཞེས་བྱ་བ་ལ་སོགས་པས་
[68b.3]གོས་དཀར་མོ་དང་སྒྲོལ་མ་ནི་བདག་པོ་དང་འདྲ་བར་བསྟན་ཏོ། །དེ་རྣམས་ཀྱང་ནད་ལ་སོགས་པ་རབ་ཏུ་ཞི་བའི་ངོ་བོ་ཞི་བ་ལ་སོགས་པའི་ལས་མཛད་པའི་ལྷ་མོ་ཡིན་ནོ། །གོ་སླ་སྟེ་ཞེས་པ་ནི་ཁྲོ་བོའི་རྒྱལ་པོའི་དཀྱིལ་འཁོར་གྱི་ཇི་ལྟར་གསུངས་པའི་ཁ་དོག་དང་དབྱིབས་ལ་སོགས་པ་གོ་སླ་བས་
[68b.4]མ་བཤད་དོ། །དེ་རྣམས་ཀྱང་དད་པ་ལ་སོགས་པའི་དབང་པོ་བཞི་དང་རྣམ་པར་ཤེས་པ་ཚོགས་དྲུག་གི་ངོ་བོ་ཡིན་ནོ། །བཀའི་འཁོར་ལོ་ཞེས་པ་ནི་བགེགས་བསྐྲད་པའི་དོན་ཏུ་བསྐུལ་བར་བྱས་པས་སོ། །གཟི་བརྗིད་ཕུང་པོ་ཞེས་བྱ་བ་ལ་སོགས་པ་ནི་གཟི་བརྗིད་ཀྱི་ཕུང་པོ་དང་། རྒྱལ་
[68b.5]བའི་གཙུག་ཏོར་དང་རྣམ་པར་རྒྱལ་བའི་#གཙུག་ཏོར་དང་བཞིན་བཟངས་#དང་བཞིན་མི་བཟང་བ་#དང་ཞེས་བྱ་བ་ལ་སོགས་པ་དཔལ་དེ་ཁོ་ན་ཉིད་ལས་#བསྡུས་པ་དང་སྒྱུ་འཕྲུལ་དྲ་བ་ལ་སོགས་པ་ལས་གསུངས་པའི་ཁྲོ་བོ་རྣམས་དང་། དེ་བཞིན་དུ་བྱམས་པ་ལ་སོགས་པའི་བྱང་ཆུབ་སེམས་
[68b.6]དཔའ་བརྒྱད་དང་། སྤོས་ཀྱི་གླང་པོ་ལ་སོགས་པའི་བསྐལ་པ་བཟང་པོའི་བྱང་ཆུབ་སེམས་དཔའ་བཅུ་དྲུག་པོ་དེ་རྣམས་རྡོ་རྗེ་ལ་སོགས་པའི་ཕྱག་མཚན་རང་རང་གི་རིགས་དང་མཐུན་པས་སོ་སོར་བསྒོམ་པར་བྱའོ། །འདི་ཉིད་ཀྱི་གཏན་ཚིགས་བསྟན་པར་བྱ་བའི་ཕྱིར། ལྷ་རྣམས་ཀྱིས་
[68b.7]ཞེས་བྱ་བ་ལ་སོགས་པས་སངས་རྒྱས་བཅོམ་ལྡན་འདས་རྣམས་ཀྱི་ཏིང་ངེ་འཛིན་ནི་དཔག་ཏུ་མེད་པ་ཡོད་དེ#། རྣམ་པ་སྣ་ཚོགས་ཀྱི་རིགས་དང་བག་ཆགས་ཀྱི་དབྱེ་བས་སེམས་ཅན་གྱི་ཁམས་ཀྱང་ནམ་མཁའ་དང་འདྲ་བར་མཐའ་ཡས་པའོ། །དེ་རྗེས་སུ་གཟུང་བའི་དོན་དུ་ཡང་བཅོམ་
[69a]
[69a.1]ལྡན་འདས་དེ་བཞིན་གཤེགས་པ་རྣམས་ཀྱིས་སྤྲུལ་པའི་སྐུ་ཡང་མཐའ་ཡས་པའོ། །དེ་རྣམས་ཀྱང་ཕོ་ཉ་ལ་སོགས་པའི་དབྱེ་བས་དཔག་ཏུ་མེད་པ་སྟེ། གལ་ཏེ་ནམ་མཁའི་ཁམས་ལ་འདི་ཙམ་ཞེས་ཚད་ཡོད་ན་དེའི་ཚེ་དེ་གང་བར་བྱས་ནས་ལོགས་སུ་དེ་དམིགས་པར་འགྱུར་
[69a.2]བ་#སྲིད་དོ། །དེ་བས་ན་དེ་རྣམས་མ་གསུངས་པ་ཡང་རིགས་དང་རྗེས་སུ་མཐུན་པའི་ཕྱག་མཚན་ལ་སོགས་པའི་དབང་གིས་རྗེས་སུ་དཔག་པར་བྱའོ། །དེ་ནི་ཞེས་པ་ལ་སོགས་པའི་སེམས་རྣམ་པར་དག་པའི་རིམ་པས་འོད་གསལ་བ་ལ་འཇུག་ཅིང་། དེ་ལས་བྱུང་བའི་སྒྱུ་མ་ལྟ་བུའི་#སྐུ་དང་ལྡན་པ་
[69a.3]རྣམ་པར་སྣང་མཛད་ལ་སོགས་པའི་བསྐྱེད་པ་བསྟན་ཏོ། །ནམ་མཁའི་དབྱིངས་ནི་འོད་གསལ་བའོ་ཞེས་པ་ནི་སེམས་རྣམ་པར་དག་པའི་རིམ་པས་ཐོབ་པར་བྱའོ། །སྣང་བ་གསུམ་མོ་ཞེས་པ་ནི་སྣང་བ་ཉེ་བར་ཐོབ་པ་#ལ་སོགས་པ་གསུམ་མཚམས་དང་ཉི་མ་དང་ཟླ་བའི་སྣང་བ་དང་འདྲ་བའོ། །
[69a.4]དེ་ཉིད་ཀྱི་ཕྱིར་བསྐྱེད་པའི་རིམ་པའི་ཡན་ལག་དང་འདྲ་བར་ཟླ་བ་དང་རྡོ་རྗེ་ལ་སོགས་པ་ནི་མངོན་པར་བྱང་ཆུབ་པའི་རྣམ་པ་ལྔ་ལྟོས་#པ་མེད་པ་#ནི་མི་བརྟེན་པའི་ཕྱིར་རོ། །རྡོ་རྗེ་འཆང་ཆེན་པོའི་གཟུགས་ཞེས་པ་ནི་དང་པོ་བདག་ཉིད་བསྒོམས་ལ་ཡང་དེ་ཉིད་རྣམ་པར་སྣང་མཛད་ལ་སོགས་པའི་
[69a.5]གཟུགས་སུ་ཡོངས་སུ་འགྱུར་བ་#སྤྲོ་བར་བྱའོ་ཞེས་བྱ་བ་འདིས་ཕྱག་རྒྱ་ཆེན་པོ་ཡོངས་སུ་འགྱུར་བ་བསྟན་ཏོ། །ཁུག་རྣ་#ལ་སོགས་པའི་ཉེས་པ་དང་བྲལ་བ་ཞེས་བྱ་བ་ལ་སོགས་པས་བཅོམ་ལྡན་འདས་རྣམ་པར་སྣང་མཛད་སྐུ་མདོག་དཀར་བ་དང་ཞི་བ་དང་འོད་ཟེར་ལྔས་མཛེས་པ་དང་མེ་
[69a.6]ལོང་ལྟ་བུའི་ཡེ་ཤེས་ཀྱི་ངོ་བོ་དང་རྣམ་པ་ཐམས་ཅད་ཀྱི་#མཆོག་དང་ལྡན་པ་ཉིད་བསྟན་ཏོ། །བསྒོམ་པའི་རིམ་པ་འདིས་མངོན་པར་བྱང་ཆུབ་བསྒོམས་ནས་རིམ་གྱིས་མི་གནས་པའི་མྱ་ངན་ལས་འདས་པ་ནི་ཟུང་དུ་འཇུག་པའི་ཏིང་ངེ་འཛིན་མཐོང་བ་ནི་ཐོབ་པར་འགྱུར་རོ་ཞེས་བྱ་བའི་ཐ་ཚིག་
[69a.7]གོ། །སངས་རྒྱས་ཀྱི་དབང་ཕྱུག་ཅེས་བྱ་བ་ལ་སོགས་པས་ཕན་ཡོན་བསྟན་ཏོ། །སྐུའི་དབང་ཕྱུག་ལ་སོགས་པ་བརྒྱད་པོ་ནི་སངས་རྒྱས་རྣམས་ཀྱི་དབང་ཕྱུག་གོ། །ཉན་ཐོས་ལ་སོགས་པ་འདུད་པར་བྱེད་པའོ་#ཞེས་པ་ནི་འདུད་པའི་ངོ་བོར་བྱེད་པའོ། །གང་གི་ཕྱིར་ཡང་དག་པར་རྫོགས་
[69b]
[69b.1]པའི་སངས་རྒྱས་ཀྱི་ཆོ་འཕྲུལ་དང་ཉན་ཐོས་ལ་སོགས་པའི་ཆོ་འཕྲུལ་ནི་མཚུངས་པ་མ་ཡིན་ཏེ། དེ་རྣམས་མ་དག་པའི་ཕྱིར་རོ། །#ཡང་སྐྲའི་རྩེ་མོའི་བྱེ་བ་འབུམ་གྱི་གྲངས་ཀྱིས་ཀྱང་མཚུངས་པ་མ་ཡིན་ཏེ། འཁོར་ལོས་སྒྱུར་#བ་དང་དེ་བཞིན་གཤེགས་པ་དག་གི་#མཚན་དང་དཔེ་བྱད་བཞིན་ནོ། །
[69b.2]ལུས་འདི་ཉིད་ལ་ནི་མཐོང་བའི་ཆོས་ལའོ། །དེས་ནི་ཕ་རོལ་ཏུ་ཕྱིན་པའི་རྣལ་འབྱོར་པ་ལས་ལྡོག་པ་བསྟན་ཏེ། བསྐལ་པ་གྲངས་མེད་པ་གསུམ་གྱིས་བྱང་ཆུབ་ཐོབ་པའི་ཕྱིར་རོ། །རྣམ་པར་སྣང་མཛད་ཀྱིས་ཞེས་པ་ལ་སོགས་པས་ཏིང་ངེ་འཛིན་ཉེ་བར་བསྡུས་པའོ། །རྡོ་རྗེའི་དཀྱིལ་འཁོར་ཞེས་
[69b.3]བྱ་བ་ནས་ཏིང་ངེ་འཛིན་དེ་ལ་དེ་སྐད་ཅེས་བྱའོ་ཞེས་པའི་བར་དུ་ནི་མི་བསྐྱོད་པ་དང་འོད་དཔག་ཏུ་མེད་པ་དང་རིན་ཆེན་འབྱུང་ལྡན་དང་དོན་ཡོད་གྲུབ་པ་དང་། སྤྱན་མ་དང་མཱ་མ་ཀཱི་དང་གོས་དཀར་མོ་དང་དམ་ཚིག་སྒྲོལ་མ་དང་། གཤིན་རྗེ་མཐར་བྱེད་དང་ཤེས་རབ་མཐར་བྱེད་དང་པདྨ་མཐར་བྱེད་དང་
[69b.4]བགེགས་མཐར་བྱེད་དང་མི་གཡོ་བ་དང་དབྱུག་སྔོན་ཅན་དང་འདོད་པའི་རྒྱལ་པོ་དང་སྟོབས་པོ་ཆེ་དང་གཙུག་ཏོར་འཁོར་ལོས་སྒྱུར་#བ་དང་། གནོད་མཛེས་ཀྱི་རྒྱལ་པོ་སེམས་རྣམ་པར་དག་པའི་#རིམ་པས་འོད་གསལ་བ་ལ་འཇུག་ཅིང་སླར་ཡང་སྣང་བ་ཉེ་བར་ཐོབ་པ་ལ་སོགས་པའི་རིམ་པས་
[69b.5]འཇུག་ཅིང་མངོན་པར་བྱང་ཆུབ་པ་མངོན་དུ་བྱས་ལ་ཟུང་དུ་འཇུག་པའི་ཏིང་ངེ་འཛིན་ཐོབ་པར་འགྱུར་རོ་ཞེས་བསྟན་ཏོ། །འདིར་ནི་དྲུག་པ་རྡོ་རྗེ་འཆང་ངོ་། །དེ་ཡོངས་སུ་གྱུར་པ་ལས་དཀྱིལ་འཁོར་ཐམས་ཅད་བསྒོམ་པར་བྱའོ་ཞེས་མན་ངག་གོ། །སྣང་བ་གསུམ་ཞེས་བྱ་བ་ནི་སྣང་བ་ལ་སོགས་
[69b.6]པ་ཡེ་ཤེས་གསུམ་མོ། །སྟོང་པ་ཉིད་གསུམ་མོ་ཞེས་པ་ནི་སྟོང་པ་དང་ཤིན་ཏུ་སྟོང་པ་དང་སྟོང་པ་ཆེན་པོའོ། །སྒྱུ་མའི་མཚན་མའི་ཕྱིར་ཞེས་པ་ནི་བུད་མེད་ཀྱི་སྒྱུ་མས་ཐོབ་པར་འགྱུར་བའོ། །སྒྱུ་མ་དག་ནི་ཐམས་ཅད་ལས། །བུད་མེད་སྒྱུ་མ་ཁྱད་པར་འཕགས། །ཡེ་ཤེས་གསུམ་གྱི་#དབྱེ་བ་
[69b.7]ནི། །འདི་ཉིད་ལས་ནི་མཚོན་པར་འགྱུར། །ཞེས་འབྱུང་བས་སོ། །དོན་དམ་པའི་བདེན་པ་ནི་འོད་གསལ་བའོ། །ཤེས་རབ་དང་ཐབས་ཉེ་བར་ཐོབ་པ་ཞེས་པ་ནི་སྣང་བ་ལ་སོགས་པའི་ཡེ་ཤེས་གསུམ་དང་འཇུག་པ་ལ་སོགས་པའི་རྣམ་པར་ཤེས་པ་གསུམ་སྤོང་བར་བྱེད་པའོ། །སྣང་བ་
[70a]
[70a.1]ཆེན་པོ་ཞེས་པ་ལ་སོགས་པ་ནི་ཡེ་ཤེས་གསུམ་ཉེ་བར་སྡུད་པར་བྱེད་པའི་འོད་གསལ་བའོ། །བསྟན་པ་ལ་གནོད་པར་བྱེད་པ་ཞེས་པ་ལ་སོགས་པ་འདིས་གཤིན་རྗེ་མཐར་བྱེད་ཀྱིས་གདུལ་བར་དཀའ་བ་འདུལ་བ་ཉིད་བསྟན་ཏོ། །རྡོ་རྗེ་གསུམ་གྱི་གནས་ནི་འོད་གསལ་
[70a.2]བའོ་ཞེས་པ་ནི་ཡེ་ཤེས་གསུམ་ཉེ་བར་སྡུད་པར་བྱེད་པའི་ཕྱིར་རོ། །རྡོ་རྗེ་ནམ་མཁའ་ནི་ཀུན་དུ་སྣང་བ་གསུམ་གྱི་ཞེས་པ་ནི་སྣང་བ་ལ་སོགས་པ་གསུམ་མོ། །དེ་ཉེ་བར་སྡུད་པའི་བདག་ཉིད་འཛིན་པ་འམ་ཐིམ་པས་ན་དབྱིབས་ནི་འོད་གསལ་བ་ཉིད་དོ། །ནམ་མཁའ་ལ་སྤྱོད་པ་རྣམས་སོ་
[70a.3]ཞེས་པ་ནི་གྲུབ་པ་དང་རིག་པ་འཛིན་པ་ལ་སོགས་པའོ། །སྒྲ་ཇི་བཞིན་པའོ་ཞེས་པ་ནི་དཀྱིལ་འཁོར་གྱི་འཁོར་ལོ་བསྟན་པས་སོ། །འགོག་པ་ནི་གསོད་པ་ཞེས་བྱ་བ་ལ་སོགས་པས་བསྐྱེད་པའི་རིམ་པའི་རྣལ་འབྱོར་པས་ཡན་ལག་བཞི་པ་དང་པོར་#སྦྱོར་བསྒོམ་ཞིང་། དབུས་ཀྱི་
[70a.4]གཙོ་བོའི་གཟུགས་ཀྱིས་#བཀའ་སྦྱིན་ཏེ་ཁྲོ་བོའི་འཁོར་ལོའི་སྒོ་ནས་གདུག་པ་ཅན་ཚར་གཅོད་པའི་ཐབས་བསྟན་ཏོ། །རྫོགས་པའི་རིམ་པའི་རྣལ་འབྱོར་པས་སེམས་རྣམ་པར་དག་པའི་རིམ་པས་འོད་གསལ་བ་#འཇུག་སྟེ། ཡང་བདག་ལ་བྱིན་གྱིས་བརླབ་པའི་རིམ་པས་ལངས་ལ་སྒྱུ་
[70a.5]མ་ལྟ་བུའི་ཏིང་ངེ་འཛིན་གྱིས་ཕྲིན་#ལས་ཐམས་ཅད་འགྲུབ་པར་བྱེད་དོ་ཞེས་བསྟན་ཏོ། །གཤིན་རྗེ་གཤེད་ལ་སོགས་པའི་ཏིང་ངེ་འཛིན་གྱིས་#ཞེས་པ་ནི་ཁྲོ་བོའི་རང་བཞིན་ཡིན་པས་སོ། །ལྷ་རྣམས་ཀྱི་འཁོར་ལོ་བསྟེན་ཅིང་དམིགས་པས་སོ་ཞེས་པ་ནི་#བསྐྱེད་པའི་རིམ་པས་དཀྱིལ་
[70a.6]འཁོར་སྤྲོ་བར་བྱས་པས་སོ། །དེ་ཁོ་ན་ཉིད་ལ་དམིགས་པ་སྔོན་དུ་འགྲོ་བ་#ཞེས་པ་ནི་བགེགས་བསྐྲད་པ་ནས་བརྩམས་ཏེ་ཆོས་ཀྱི་དབྱིངས་ཀྱི་སྔགས་#སྔོན་དུ་འགྲོ་བས་སོ། །ས་བོན་དགོད་པ་སྔོན་དུ་འགྲོ་བས་ཞེས་པ་ནི་ཡི་གེ་གསུམ་དགོད་པ་སྔོན་དུ་འགྲོ་བའོ། །རྡོ་རྗེ་ལ་སོགས་པ་
[70a.7]དམིགས་པ་དང་ཞེས་པ་ནི་ཡིག་འབྲུ་ཡོངས་སུ་གྱུར་པ་ལས་མཚན་མ་ལ་སོགས་པ་དམིགས་པའོ། །དེ་ཡོངས་སུ་གྱུར་པ་ལས་ཞེས་པ་ནི་ཕྱག་མཚན་ཡོངས་སུ་གྱུར་པ་ལས་བྱུང་བའི་རྡོ་རྗེ་འཆང་ལ་སོགས་པའི་ལྷའི་སྐུའོ། །དེ་དག་ནི་སྐུ་རྣམས་སོ། །དཀའ་ཡེ་#འཁོར་ལོ་ལ་དམིགས་པ། །
[70b]
[70b.1]ཞེས་པ་ནི་ཁྲོ་བོའི་འཁོར་ལོ་སྤྲོ་བས་འགྲུབ་པར་འགྱུར་ཏེ། དེས་#གདུག་པ་རྣམས་སེལ་བར་བྱེད་པའི་ཕྱིར་རོ། །དྲང་བའི་དོན་ཏོ་ཞེས་པ་ནི་བསྐྱེད་པའི་རིམ་པ་བསྟན་པས་སོ། །གཟུགས་ཀྱི་ཕུང་པོ་ལ་སོགས་པའོ་ཞེས་པ་ནི་ཐ་མལ་པའི་ཉེ་བར་ལེན་པའི་ཕུང་པོ་ལྔའི་མཚན་ཉིད་དོ། །དེ་
[70b.2]རྣམས་སྔགས་དང་ཕྱག་རྒྱའི་རིམ་པས་འགུགས་པ་ནི་དོན་དམ་པའི་བདེན་པ་ལ་འཇུག་པའོ། །རང་བཞིན་གྱི་ནི་བརྒྱ་དྲུག་ཅུའོ། །ལུས་ལྟར་སྣང་བའི་ཡེ་ཤེས་གསུམ་ནི་#ལུས་སོ། །རྒྱབ་ཀྱིས་ཕྱོགས་པའོ་ཞེས་པ་ནི་དེ་ཟློག་པར་བྱེད་པ་རྫོགས་པའི་རིམ་པའི་ཏིང་ངེ་འཛིན་ལ་གནས་
[70b.3]པའོ་ཞེས་པ་ནི་འོད་གསལ་བ་ལ་འཇུག་པའོ་ཞེས་བྱའོ། །ཏིང་ངེ་འཛིན་གྱི་བདག་ཉིད་ཅེས་པ་ནི་བདེ་བ་ཆེན་པོའི་ཏིང་ངེ་འཛིན་གྱི་རང་བཞིན་ནོ། །རྡོ་རྗེ་ཡེ་ཤེས་ནི་དེ་བཞིན་གཤེགས་པའི་སྐུ་རྣམས་སོ། །དོན་དམ་པའི་དཀྱིལ་འཁོར་ནི་འོད་གསལ་བ་ལས་#ལྡང་བར་གྱུར་པ་ལ་ཞེས་པ་ནི་
[70b.4]བདག་ལ་བྱིན་གྱིས་བརླབ་པའི་རིམ་པས་སྤྲུལ་པའི་སྐུ་བླངས་པས་འགྲུབ་པར་འགྱུར་བ་ནི་རྫོགས་པར་འགྱུར་རོ། །ངེས་པའི་དོན་ཏོ་ཞེས་པ་ནི་སེམས་རྣམ་པར་དག་པ་དང་བདག་ལ་བྱིན་གྱིས་བརླབ་པའི་རིམ་པ་བསྟན་པའི་ཕྱིར་རོ། །དེ་བཞིན་གཤེགས་པ་ཞེས་བྱ་བ་ལ་སོགས་པས་
[70b.5]རིམ་པ་གཉིས་ཀྱིས་ཕྱག་རྒྱ་ཆེན་པོའི་སྐུ་བསྐྱེད་པ་ལས་ཀྱི་ཚོགས་བསྒྲུབ་པའི་སྒོ་ནས་ལེའུའི་མིང་དོན་དང་ལྡན་པ་བསྟན་ཏོ། །ལེའུའི་དོན་ནི་#སྔར་བཤད་ཟིན་ཏོ། །#སྒྲོན་མ་གསལ་བར་བྱེད་པའི་འགྲེལ་པའི་ཊཱི་ཀཱ་#ལས་ལེའུ་བཅུ་གསུམ་པའི་རྒྱ་ཆེར་བཤད་པའོ།། །།ད་
[70b.6]ནི་ཞེས་བྱ་བ་ལ་སོགས་པས་ལེའུ་བཅུ་བཞི་པའི་བཤད་པ་བརྩམ་པར་བྱ་སྟེ། སྔགས་སྨྲ་བ་#རྣམ་པ་བཞི་ནི་ཞི་བ་ལ་སོགས་པའི་མཚན་ཉིད་དོ། །རྗེས་སུ་འབྲངས་ནས་ཞེས་པ་ནི་དེ་དང་རྗེས་སུ་#མཐུན་པའི་སྔགས་འབྲངས་ནས་སོ། །གང་གི་ཕྱིར་སྦྲུལ་ལ་སོགས་པའི་སྔགས་རྣམས་ནི་ཞི་བ་ལ་
[70b.7]སོགས་པའི་ལས་བྱེད་པ་#ཡིན་ནོ་ཞེས་རྡོ་རྗེ་གཙུག་ཏོར་ལ་སོགས་པ་ལས་བསྟན་པས་སོ། །དེ་བསྟན་པར་བྱ་བའི་ཕྱིར་ཞེས་པ་ནི་སྔགས་ཀྱི་སྒོ་ནས་ཞི་བ་ལ་སོགས་པ་འགྲུབ་པའི་ཕྱིར་རོ། །དགོངས་པ་ནི་འདི་ཡིན་ཏེ་ལེའུ་བཅུ་གསུམ་པ་ནས་ལས་ཀྱི་ཚོགས་བསྟན་མོད་ཀྱི་འོན་ཀྱང་དེ་
[71a]
[71a.1]རྣམས་བསྒོམ་པ་སྔོན་དུ་འགྲོ་བ་ཡིན་ནོ། །ལེའུ་བཅུ་བཞི་པ་ལས་སྔགས་དང་#བསྒོམ་པ་དང་རྫས་ཀྱིས་#དེ་རྣམས་བསྒྲུབ་པར་བྱའོ་ཞེས་བསྟན་ཏོ། །གོ་རིམས་#ཞེས་པ་ནི་རིམ་པའོ། །བཤད་པའི་རྒྱུད་ནི་རྡོ་རྗེ་ཕྲེང་བ་ལས་སོ། །ཞི་བ་དང་ནི་རྒྱས་པ་དག །ཟླ་བ་ཡར་གྱི་ངོ་
[71a.2]ལ་བྱ། །ཞེས་བྱ་བ་ལ་སོགས་པ་ནི་ཞི་བ་#ནི་ནད་ཀྱི་ཟིལ་གྱིས་ནོན་པ་ལ་ནད་དང་བྲལ་བའོ། །རྒྱས་པ་ནི་ནོར་མེད་པ་འམ་ནོར་ཆུང་བའི་འབྲུ་དང་གསེར་ལ་སོགས་པ་བྱེད་པའོ། །དེ་དག་ཡར་གྱི་ངོ་ལ་ཞེས་པ་ནི་རིམ་གྱིས་ཟླ་བ་འཕེལ་བའི་བདག་ཉིད་ཀྱི་དུས་སུ་བྱའོ། །ཟླ་བ་ནི་གདུང་བ་ཞི་
[71a.3]བ་དང་འཕེལ་བར་འགྲོ་བས་སོ། །དབང་ནི་#བསྟན་པ་ལ་མི་འཇུག་པ་#འཇུག་པར་བྱེད་པའོ། །མངོན་སྤྱོད་ནི་སྙིང་རྗེས་གདུལ་དཀའ་གསོད་པའོ། །སོགས་པའི་སྒྲས་ནི་གཞན་དག་ཀྱང་རེངས་པ་དང་དགར་བ་དང་དགུག་པ་དང་སྡང་བ་ལ་སོགས་པ་#དྲག་ཤུལ་གྱི་#ལས་རྣམས་སོ། །མར་གྱི་དོནི་
[71a.4]གོ་རིམས་ཀྱིས་#ཟླ་བ་ནུབ་པའི་དུས་སུ་བྱ་བ་སྟེ་འཁྲུལ་པ་བསྐྱེད་པའི་ཕྱིར་དང་། རྨོངས་པར་བྱེད་པའི་ཕྱིར་དང་། འཇིགས་པར་བྱེད་པ་སྟེ་དུས་ཀྱི་ངེས་པའོ། །བྱང་དུ་ཁ་བལྟས་ལ་ཞི་བ་བྱ་#སྟེ། རྣམ་ཐོས་སྲས་ཀྱིས་#ནད་བཅོམ་པར་བྱེད་པས་སོ། །ཤར་དུ་ཁ་#བལྟ་བ་ནི་རྒྱས་པར་བྱ་སྟེ་བརྒྱ་བྱིན་གྱིས་དུས་ཐམས་
[71a.5]ཅད་དུ་རྒྱས་པར་བྱེད་པའོ། །ལྷོ་ཕྱོགས་ནི་ལྷོ་ཕྱོགས་སུ་དྲག་པོའི་ལས་བྱས་ཏེ་#གཤིན་རྗེས་ནི་འཇིག་རྟེན་པ་མཐར་བྱེད་པས་སོ། །དབང་དང་དགུག་པ་ནུབ་ཀྱི་ཕྱོགས་སུ་བྱ་སྟེ། ཆུ་ལྷས་#ནི་སྦྲུལ་གྱི་ཞགས་པས་དགུག་ཅིང་དབང་བྱེད་པས་སོ། །མེའི་ཕྱོགས་ནི་ཤར་ལྷོའི་མཚམས་
[71a.6]སུའོ། །གསོད་པ་ནི་སྲོག་དང་བྲལ་བར་བྱ་སྟེ་མེས་#བསྲེག་པ་ཉིད་ཀྱིས་གསོད་པར་བྱེད་པས་སོ། །བདེན་བྲལ་ནི་ལྷོ་ནུབ་ཀྱི་མཚམས་སུའོ། །སྡང་བར་བྱ་བ་#ནི་བྱམས་པ་གཉི་ག་ལ་དབྱེ་བར་བྱ་སྟེ#། བདེན་བྲལ་ནི་ཞེ་སྡང་གི་རང་བཞིན་ཡིན་པས་སོ། །གནས་ལས་བསྐྲད་པ་ནི་དགར་#
[71a.7]བ་སྟེ་དེ་རླུང་གི་ཕྱོགས་སུ་ནི་ནུབ་བྱང་གི་མཚམས་སུ་བྱ་སྟེ། རླུང་ནི་གཡོ་བའི་ངོ་བོ་ཡིན་པས་སོ། །དེ་ནི་ཕྱོགས་དང་མཚམས་ཀྱི་དབྱེ་བའོ། །དེ་བཞིན་དུ་སྒོམ་#པའི་གནས་སྐབས་སུ་ཞི་བའི་ལས་བྱེད་ན་ཁ་དོག་དཀར་པོའི་བདག་ཉིད་དུ་བསྒོམ་པར་བྱ་སྟེ། ཟླ་བའི་ཁ་དོག་ནི་ཚིམ་
[71b]
[71b.1]པར་བྱེད་པ་དང་། ཚ་བ་ལ་སོགས་པ་ཞི་བར་བྱེད་པས་སོ། །རྒྱས་པའི་ལས་བྱེད་ན་ཁ་དོག་སེར་པོའི་བདག་ཉིད་བསྒོམ་པར་བྱ་སྟེ། གསེར་ནི་རྒྱས་པར་བྱེད་པས་སོ། །དབང་དང་འགུགས་#པར་བྱེད་ན་ཁ་དོག་དམར་པོའི་བདག་ཉིད་བསྒོམ་པར་བྱ་སྟེ། པདྨ་ལ་སོགས་པས་སྙིང་
[71b.2]འཕྲོག་པར་བྱེད་པའི་ཕྱིར་རོ། །གསོད་པའི་ལས་ལ་ཁ་དོག་ནག་པོ་བསྒོམ་པར་བྱ་སྟེ། མུན་པས་འཇིག་རྟེན་པ་ཐམས་ཅད་སྒྲིབ་པར་བྱེད་པས་སོ། །དེ་ནི་ཁ་དོག་གི་དབྱེ་བའོ། །བྱམས་པའི་བདེ་བ་དང་ལྡན་པ་ནི་འདོད་པའོ། །དེ་གཙོ་བོར་གྱུར་པའི་སེམས་ཀྱིས་ཞི་བའི་ལས་བྱ་སྟེ་
[71b.3]གཞན་གྱི་སྡུག་བསྔལ་བཟློག་པའི་མཚན་ཉིད་ཡིན་པས་སོ། །དེ་བཞིན་དུ་དགའ་བའི་སེམས་ཀྱིས་རྒྱས་པའི་#ལས་བྱ་སྟེ། དགའ་བས་ནི་གཞན་ལ་ཕུན་སུམ་ཚོགས་པའི་འདོད་པའི་བདག་ཉིད་ཡིན་པས་སོ། །དེ་བཞིན་དུ་ཆགས་པའི་སེམས་ཀྱིས་དབང་གི་ལས་བྱ་སྟེ། ཆགས་པ་དང་
[71b.4]བཅས་པས་གཞན་ལ་དབང་བྱེད་པ་ཡིན་གྱི་ཆགས་པ་དང་བྲལ་བས་མ་ཡིན་པས་སོ། །དེ་བཞིན་དུ་ཁྲོ་བོའི་སེམས་ནི་ཞེ་སྡང་དང་ལྡན་པའི་ཡིད་ཀྱིས་#གསོད་པའི་ལས་བྱ་སྟེ། ཁྲོས་པས་#གཞན་གྱི་གནོད་པ་ལ་ནུས་པ་དང་ལྡན་པས་སོ། །དེས་#ནི་སེམས་ཀྱི་སྐབས་ཀྱི་ཁྱད་པར་གྱི་#དབྱེ་བ་བསྟན་
[71b.5]ཏོ། །དེ་བཞིན་དུ་ནི་སྲོད་ནི་མཚམས་ཀྱི་དུས་སུ་ཞི་བའི་ལས་བྱ་སྟེ་#ཉི་མ་ནུབ་ནས་ཟླ་བ་ཤར་བས་སོ། །གང་གི་ཕྱིར་ཟླ་བ་དང་ཉི་མ་ནི་ཞི་བ་དང་དྲག་པོ་སྟེ་དེ་དག་གི་རྗེས་སུ་མཐུན་པའི་ལས་བྱེད་པས་སོ། །སྔ་གྲོ་ནི་ནང་པར་དེ་ཐམས་ཅད་སད་#པའི་དུས་སུ་རྒྱས་པའི་ལས་བྱ་སྟེ། ནང་པར་གྱི་ཉི་མ་
[71b.6]འཕེལ་བར་བྱེད་པས་སོ། །དབང་གི་ལས་དང་མངོན་སྤྱོད་ཀྱི་ལས་ནི་#ཉི་མ་ཕྱེད་མཚན་#ཕྱེད་ཀྱི་དུས་སུ་བྱ་སྟེ། ཉི་མ་ཕྱེད་པའི་དུས་སུ་ནི་རྣོ་བ་ཡིན་པ་དང་། མཚན་ཕྱེད་ཀྱི་དུས་སུ་ཐམས་ཅད་གཉིད་ལོག་པས་དྲན་པ་མེད་པས་སོ། །དེ་ནི་དུས་ཀྱི་ཁྱད་པར་གྱི་དབྱེ་བའོ། །རྫོགས་པའི་རིམ་པ་ལ་གནས་པ། །
[71b.7]ཞེས་བྱ་བ་ནི་དེའི་ཚེ་དྲག་པོའི་ལས་བྱའོ་ཞེས་པའི་བར་དུ་ནི་རྡོ་རྗེ་འཆང་ཆེན་པོ་ལ་སོགས་པའི་གང་ཡང་རུང་བའི་རྣལ་འབྱོར་པས་ལྐོག་མ་ལ་སོགས་པའི་གནས་བཞི་#ལ་མེ་ལ་སོགས་པའི་དཀྱིལ་འཁོར་བཞི་བསྒོམས་ལ། དེ་རྣམས་སུ་ཡི་གེ་གསུམ་དམིགས་ནས་དེ་ལ་འཇུག་པ་ལ་
[72a]
[72a.1]སོགས་པའི་རིམ་པས་བཟླས་པ་བྱ་སྟེ། གཡས་དང་གཡོན་དང་གཉིས་ཀ་#དང་དལ་བུས་དམན་པར་རྒྱུ་བའི་དམར་པོ་ལ་སོགས་པའི་འོད་ཟེར་སྤྲོ་ཞིང་སྣའི་རྩེ་མོར་ཐུན་ཕྱེད་ཕྱེད་ཀྱི་#དུས་སུ་དེ་ཉིད་འཛིན་པས་སླར་ཡང་བསྡུས་ལ་དེའི་ཚེ་འབད་རྩོལ་མེད་པས་ཞི་བ་ལ་
[72a.2]སོགས་པ་བྱའོ་#ཞེས་བསྟན་ཏོ། །བཤད་པའི་རྒྱུད་ལས་ཞེས་པ་ནི་དགོངས་པ་ལུང་བསྟན་པ་ལས་སོ། །ནང་གི་བདག་ཉིད་ཅན་གྱི་དུས། །ཞེས་པ་ནི་ཕྱི་མ་ཡིན་པའོ། །གསང་བ་ཆེན་པོ་ནི་བསྐྱེད་པའི་རིམ་པའོ། །དེ་ལས་ཤིན་ཏུ་གསང་བ་ནི་རྫོགས་པའི་རིམ་པའོ། །ཤིན་ཏུ་ཕྲ་བ་ནི་#རྣལ་འབྱོར་
[72a.3]གྱི་མངོན་གསུམ་གྱིས་རྟོགས་པར་བྱའོ། །བྱང་ཆུབ་སེམས་ཀྱི་#བྱིན་གྱིས་བརླབས་པ་ཡིན་ཏེ་ཞེས་པ་ནི་བྱང་ཆུབ་སེམས་ཀྱི་ངོ་བོ་རྡོ་རྗེ་འཆང་ཆེན་པོས་བྱིན་གྱིས་བརླབས་པའོ། །འོད་གསལ་བའི་ངོ་བོ་ཡིན་པས་ན་#ཡེ་ཤེས་སོ། །དེ་བཞིན་དུ་རིམ་པ་འདི་ཉིད་ཀྱིས་སེམས་ཅན་གྲོལ་
[72a.4]བར་འགྱུར་བ་དང་སྔགས་རྣམས་འགྲུབ་པར་འགྱུར་ཏེ་རང་བཞིན་ཡོངས་སུ་ཤེས་པས་སོ། །དེ་བཞིན་དུ་ཞི་བ་ལ་སོགས་པའི་ལས་རྣམས་སུ་དེ་ཉིད་སེམས་ཀྱི་དབྱིངས་ནི་ཕྲ་མོའི་རྣལ་འབྱོར་གྱི་མཚན་ཉིད་རྟོག་པ་མ་ལུས་པ་སྲེག་པར་བྱེད་པས་ནི་ཞི་བ། གཟུང་བ་ནི་བསྟེན་#པར་བྱ་
[72a.5]བའོ། །བསྐྱེད་པའི་རིམ་པ་ནི་གཟུང་#བར་བྱ་བ་མ་ཡིན་ཏེ་སྤྲོས་པ་དང་བཅས་པས་སོ། །དཔེ་བསྟན་པར་བྱ་བའི་ཕྱིར་མེ་ཏོག་ཅེས་བྱ་བ་ལ་སོགས་པ་#སྨོས་ཏེ། ཇི་ལྟར་མེ་ཏོག་ཟད་ན་ཡང་དེའི་དྲི་སྣོད་ལ་སོགས་པའམ་ཏིལ་ལ་#སོགས་པ་ལས་ཚོར་བར་འགྱུར་བ་དེ་བཞིན་དུ་ཁོ་ན་ཉིད་
[72a.6]མངོན་དུ་མ་གྱུར་ན་ཡང་སེམས་ཅན་སོ་སོའི་སྐྱེ་བོ་རྣམས་ཀྱི་སྙིང་གར་གནས་ཏེ། བསམ་གཏན་ཁ་ཐོན་#མེད་པས་ཀྱང་། །མི་ཤེས་སྔགས་ཀྱི་རྒྱལ་པོ་བཟླ#། །ཞེས་འབྱུང་བས་སོ། །དུས་ཀྱི་དབྱེ་བ་བཤད་པར་བྱ་སྟེ་ཉིན་མོ་དང་མཚན་མོ་ཆུ་ཚོད་དྲུག་ཅུ་རྩ་བཞིའི་ཚད་དང་ལྡན་པའི་ཐུན་ནི་བརྒྱད་དེ། ཉིན་
[72a.7]མོ་བཞི་དང་མཚན་མོ་#བཞིའོ། །དེ་ལ་ཆུ་ཚོད་བརྒྱད་ནི་ཐུན་གཅིག་#གོ། །དེའི་ཕྱེད་ནི་ཆུ་ཚོད་བཞིའོ། །དེའི་ཕྱེད་ནི་ཆུ་ཚོད་གཉིས་སོ། །དེས་ན་དོན་འདི་ཡིན་ཏེ། ཉིན་མོར་ཆུ་ཚོད་གཉིས་གཉིས་#དང་། །མཚན་མོར་#ཆུ་ཚོད་གཉིས་གཉིས་སུ#། སྣའི་རྩེ་མོར་ཐུན་བརྒྱད་ཀྱི་ནང་ན་ཐིག་
[72b]
[72b.1]ལེ་བཟུང་#ནས་འོད་གསལ་བ་རྟོགས་པའི་བདག་ཉིད་ཀྱི་སེམས་རྩེ་གཅིག་པ་ཉིད་ཐོབ་པར་འགྱུར་རོ། །རིམ་ནི་ཞེས་བྱ་བ་གཡས་པ་ལ་སོགས་པའི་དབྱེ་བས་སོ། །གོ་རིམས་#ཇི་བཞིན་ནི་#མེའི་དཀྱིལ་འཁོར་ལ་སོགས་པའི་དབྱེ་བས་དམར་པོ་ལ་སོགས་པའི་ཁ་དོག་གི་བྱེ་བྲག་གིས་སོ། །
[72b.2]དེ་ཉིད་བསྟན་པའི་ཕྱིར། མེ་ལ་སོགས་པ་ནི་མདོར་བསྟན་པའོ། །ཆུའི་དཀྱིལ་འཁོར་ཞེས་བྱ་བ་ལ་སོགས་པ་རྒྱས་པར་བསྟན་པ་སྟེ་གོ་སླའོ། །དེ་རྣམས་ཀྱི་བདག་པོ་ནི་གཙོ་བོ་སྟེ་སྤྲོ་བ་དང་། བསྡུ་བར་#བྱེད་པའི་བདག་ཉིད་ཡིན་པས་སོ། །རིམས་ལ་སོགས་པ་ཉེ་བར་ཞི་བ་ལ་སོགས་
[72b.3]པ་ཞེས་པ་#ནི་རླུང་དང་མཁྲིས་པ་ལ་སོགས་པའི་རྣམ་པ་ལས་བྱུང་བའི་ནད་ཐམས་ཅད་ཞི་བར་བྱེད་པས་སོ། །དེ་ཞི་བར་བྱེད་པས་ན་ཞེས་པ་ནི་དེ་འཇོམས་པར་བྱེད་པའོ། །ཁྱད་པར་གྱུར་པས་ན་ཞེས་པ་ནི་ནད་བཅོམ་པའི་ཁྱད་པར་དུ་གྱུར་པས་སོ། །སྒྲུབ་པ་པོ་ནི་རྣལ་འབྱོར་པ་རྣམས་ཏེ་དེ་བཞིན་
[72b.4]གཤེགས་པ་ཐམས་ཅད་ཀྱི་དངོས་གྲུབ་འདོད་པས་སོ། །དེ་རྣམས་ཀྱི་གཟུང་བར་བྱ་བ་ཡིན་པས་ན་ཞེས་པ་ནི་སེམས་ཅན་གྱི་དོན་བྱ་བའི་ཕྱིར་ཡིད་ཀྱིས་#གཟུང་བར་བྱ་བའོ#། །མཉམ་པར་བྱུང་བ་ལས་#ཞེས་པ་ནི་ལུས་ལ་སོགས་པ་ཕན་ཚུན་དབྱེར་མེད་པའི་ཕྱིར་རོ། །བཀའ་སྩལ་
[72b.5]པའོ་ཞེས་པ་ནི་གསུངས་པའོ། །ཨོཾ་ཞེས་བྱ་བ་ལ་སོགས་པ་ནི་སྭཱ་ཧཱའི་བར་དུའོ། །སྦས་ནས་བརྗོད་པས་ན་སྔགས་སོ། །སྦྲུལ་ཞེས་བྱ་བ་སྟེ་ཞེས་པ་ནི་མགོ་བོ་དང་མཇུག་མ་དང་ལྡན་པས་སོ། །རྡོ་རྗེ་གཙུག་ཏོར་ཞེས་བྱ་བ་ལ་སོགས་པས་ལུང་ཚད་མ་ཉིད་དུ་བསྟན་ཏོ། །ཐོག་མ་དང་
[72b.6]ཞེས་བྱ་བ་ལ་སོགས་པས་ཨོཾ་དང་སྭཱ་ཧཱ་དག་གིས་ཐོག་མ་དང་ཐ་མར་བརྒྱན་པ་ཞི་བའི་#དོན་དུ་སྦྲུལ་ཞེས་བྱའོ། །སྔགས་ཀྱི་མིང་ཞེས་བྱ་བ་འདིས་སྔགས་རྣམས་ཀྱི་བརྡ་བསྟན་ཏོ། །སྔགས་ཀྱི་དོན་ནི་དེའི་བརྗོད་བྱའོ། །འདི་ལྟ་སྟེ་ཞེས་བྱ་བ་ནི་ཚིག་ཕྲད་སྡུད་#པས་ན་སྔགས་བསྟན་
[72b.7]པར་བྱ་བའི་ཕྱིར་རོ། །དེ་ལ་ཡི་གེ་ཨ་#ནི་བཅོམ་ལྡན་འདས་མི་བསྐྱོད་པའོ། །ཨོ་#ནི་འོད་དཔག་ཏུ་མེད་པའོ#། །མ་ནི་རྣམ་པར་སྣང་མཛད་ཆེན་པོ་སྟེ་དེ་ཉིད་རྗེས་སུ་འཇུག་པའི་དབྱངས་སོ། །དེ་ལྟར་ཐུགས་རྡོ་རྗེ་ལ་སོགས་པའི་ཡི་གེ་གསུམ་གྱི་བདག་ཉིད་ནི་ཡི་གེ་ཨོཾ་མོ། །བསོད་
[73a]
[73a.1]ནམས་ལེན་པའོ་ཞེས་པ་ནི་བཀྲ་ཤིས་རྟོགས་པར་བྱེད་པའོ། །ལྷག་མ་ནི་འགྲེལ་པ་མཁན་པོས་ལེགས་པར་བཤད་པས་ནི་འདིར་མ་བཤད་དོ། །འདིར་ཞེས་བྱ་བ་ལ་སོགས་པས་འདིར་བཟླས་པའི་དུས་སུ་སྔགས་ཀྱི་ཡི་གེ་ཁ་དོག་དཀར་པོ་དང་དེའི་མཆོད་པའི་དུས་སུ་མེ་
[73a.2]ཏོག་ལ་སོགས་པ་གང་ཡིན་པ་དེ་རྣམས་ཀྱང་ཁ་དོག་དཀར་པོར་#བསམ་པར་བྱའོ་ཞེས་བསྟན་ཏོ། །གཟུངས་འདིས་ཞེས་བྱ་བ་ནས་ཐོབ་པར་འགྱུར་རོ་ཞེས་པའི་#བར་དུ་གཟུངས་འདི་#ཐོས་པ་ཙམ་གྱིས་#ནད་པ་རྣམས་དགའ་བར་འགྱུར་བ་དང་། རྣམ་པར་སྣང་མཛད་རྗེས་སུ་དྲན་པར་འགྱུར་རོ་ཞེས་
[73a.3]བསྟན་ཏོ། །སྒྲུབ་པ་པོ་མངོན་པར་འདོད་པ་རྣམས་སོ་ཞེས་པ་ནི་ཞི་བའི་དོན་གཉེར་བའོ། །དེ་རྣམས་ལ་རྣམ་པར་སྣང་མཛད་ཀྱི་རིགས་ཡིན་པས་ན་#རེ་ཞིག་ཞི་བ་འབྱུང་བར་མ་ཟད་ཀྱི་འོན་ཀྱང་བསྐུལ་བ་ནི་བཽ་#ཥཊ་ལ་སོགས་པའོ། །ཁ་དོག་ནི་སེར་པོ་ལ་སོགས་པའོ། །བསམ་པ་ནི་དགའ་བ་
[73a.4]དང་ཆགས་པ་དང་ཁྲོས་པ་ལ་སོགས་པའོ། །དེའི་བྱེ་བྲག་གིས་ཀྱང་ལས་ཐམས་ཅད་རྒྱས་པ་ལ་སོགས་པ་བྱེད་པའོ། །དེས་ནི་སྔགས་རེ་རེས་ལས་ཐམས་ཅད་བྱེད་པ་ཡིན་ན་ཡང་ཁ་ཅིག་#གཙོ་བོ་ཡིན་ནོ་ཞེས་བསྟན་ཏེ་རབ་ཏུ་གྲགས་པའི་ཕྱིར་རོ། །ལས་གཞན་བསྟན་པར་བྱ་བའི་ཕྱིར།
[73a.5]ཤི་བ་སློང་བར་བྱེད་པས་ན། །ཞེས་བསྟན་ཏོ། །དེ་དག་ནི་དེ་དང་འདྲ་བའི་སྔགས་ནི་སྤྱན་མའི་སྔགས་ཏེ་མཐུ་ནི་དེའི་ནུས་པ་བསྟན་ཏོ། །དེ་བཞིན་དུ་རྡོ་རྗེ་དམ་ཚིག་ཅེས་བྱ་བ་ལ་སོགས་པས་རྣམ་པར་སྣང་མཛད་ལ་སྐུལ་#བར་བྱེད་པ་ཉིད་ཀྱང་བསྟན་ཏོ། །གསུངས་སོ་ཞེས་བྱ་བ་ལ་སོགས་
[73a.6]པས་ཉེ་བར་བསྡུས་པའོ། །འདིར་མན་ངག་འདི་ཡིན་ཏེ་རྣམ་པར་སྣང་མཛད་ཀྱི་རྣལ་འབྱོར་དང་ལྡན་པས་མདུན་དུ་ཟླ་བའི་དཀྱིལ་འཁོར་གྱི་སྟེང་དུ་བསྒྲུབ་བྱ་ནད་པ་བཀོད་ལ་དེའི་སྟེང་གི་#ཕྱོགས་སུ་ཡི་གེ་ཧཱུཾ་ལས་བྱུང་བའི་རྡོ་རྗེ་གནོད་སྦྱིན་གྱི་ཁྲོ་བོ་བསམས་ལ། ལག་པར་རྡོ་རྗེ་ཐོགས་པ་དེས་
[73a.7]ཡི་གེ་#ཀཾ་ཡོངས་སུ་གྱུར་པ་ལས། སྤྲེལ་#ལ་སོགས་པའི་གཟུགས་ཅན་ནད་པའི་#སྙིང་ག་ནས་ངག་གི་ལམ་ནས་བྱུང་བ་བརླག་པར་བྱས་པ་རང་གི་ལག་པའི་འཁོར་ལོ་འབར་བས་ཀྱང་བསྲེགས་པར་གྱུར་པར་བསམས་ཏེ། རང་གི་སྙིང་ག་ལས་སྤྱན་མའི་#ཚོགས་སྤྲོས་ལ་དེ་རྣམས་ཀྱིས་#ཁ་
[73b]
[73b.1]དོག་དཀར་པོ་བུམ་པའི་ཆུས་དབང་བསྐུར་ཏེ་མེ་ཏོག་དང་སྤོས་ལ་སོགས་པ་ཁ་དོག་དཀར་པོས་མཆོད་ལ་#རྣམ་པར་སྣང་མཛད་ཀྱི་#གཟུགས་སུ་བསྐྱེད་ཅིང་སྤྱི་བོ་དང་སྙིང་ག་དང་ལྟེ་བ་དང་གསང་བ་རྣམས་ལ་སྔགས་འདིས་རེག་ཅིང་སོས་#པར་འགྱུར་རོ། །དེའི་འོག་ཏུ་ནི་རིག་མེད་པའི་གྲོ་ག་འམ་
[73b.2]ཏ་ལར་གུར་གུམ་མམ་གི་#ཝང་དག་གིས་པདྨ་འདབ་མ་བརྒྱད་པ་བྲིས་ལ། དེའི་ཕྱི་རོལ་དུ་རྩིབས་བཅུ་གཉིས་པའི་འཁོར་ལོ་བྲིས་ཏེ། དབུས་ཀྱི་ལྟེ་བ་ལ་ཡི་གེ་ཨོཾ་དང་ཆེ་གེ་མོ་ལ་ཤཱིནྟིཾ་#ཀུ་རུ་སྭཱ་ཧཱ་ཞེས་བྱ་བ་བྲིས་ནས་ལྷག་མའི་ཡི་གེ་རྣམས་འདབ་མ་རེ་རེ་ལ་དགོད་ཅིང་རྩིབས་རྣམས་ཀྱི་ཕྱི་རོལ་
[73b.3]ཡི་གེ་ཧས་བསྐོར་ཞིང་སྐུད་པ་དཀར་པོས་བཅིང་ལ་བླག་ཤ་དང་རྒྱ་སྐྱེགས་#དང་ལྕགས་གསུམ་གྱིས་སྦྱར་ཏེ། ཙནྡན་གྱིས་བྱུགས་པའི་སྲད་བུ་དཀར་པོས་ཕྱོགས་གཅིག་ཏུ་བཅིངས་ལ། ཟ་མ་ཏོག་གི་ནང་དུ་བཞག་སྟེ་བསྐྱེད་པའི་རིམ་པས་སྤྱན་མའི་རྣམ་པ་བསྐྱེད་ལ། དཀྱིལ་འཁོར་
[73b.4]གྱི་དབུས་སུ་ཁ་དོག་དཀར་པོ་མེ་ཏོག་ལ་སོགས་པས་མཆོད་པ་དེ་ལས་ལངས་ཏེ་དེའི་དཔུང་པ་གཡས་པ་ལ་བཅིང་བར་བྱའོ་ཞེས་བྱ་བས་ཞི་བ་བསྐྱེད་པ་ཡིན་ནོ། །དེ་བཞིན་དུ་དེའི་ཞག་ཏུ་ཤི་#བའི་མི་རོ་བླངས་ལ་བ་ཡུ་#རྣམ་པ་ལྔས་སྦྱང་ཞིང་སྐུ་ཁྲུས་ཀྱི་ཆོ་གས་བཀྲུས་ལ། སྐུའི་དཀྱིལ་འཁོར་
[73b.5]གྱི་དབུས་སུ་རྡོ་རྗེ་སྐྱིལ་མོ་ཀྲུང་གིས་བཞག་ལ་གོས་དང་རྒྱན་ལ་སོགས་པ་དང་ལྡན་པ་དྲིས་བྱུགས་ལ་ལེགས་པར་བདུག་#པར་བྱས་ལ། སྤྱན་མའི་སྔགས་ཀྱིས་མགོ་བོ་ལ་སོགས་པར་རེག་ཅིང་ནམ་མཁའི་ཕྱོགས་ལ་གནས་པའི་ཡི་གེ་གསུམ་གྱི་རྣམ་པ་ཅན་སྲིད་པ་བར་མ་དོ་ཁ་དོག་
[73b.6]དཀར་པོ་བསམས་ལ། དེ་ཡོངས་སུ་གྱུར་པ་ལས་རྣམ་པར་སྣང་མཛད་ཆེན་པོ་སེམས་དཔའ་གསུམ་གྱི་བདག་ཉིད་དེའི་སྙིང་གར་བཅུག་ལ་#མཆོད་པ་རྣམ་པ་ལྔས་མཆོད་ལ་ནམ་མཁའི་དབྱིངས་ལ་བཞུགས་པའི་སངས་རྒྱས་སྤྱན་མའི་ཚོགས་ཀྱིས་བདུད་རྩིའི་#བུམ་པའི་ཆུ་རྒྱུན་གྱིས་#
[73b.7]དབང་བསྐུར་ཞིང་དེའི་དྲུང་དུ་གྲུ་བཞི་པ་ཁྲུ་ཉི་ཤུའི་ཚད་དང་ལྡན་པ་འོ་མས་གང་བའི་རྫིང་བུའི་འགྲམ་དུ་ཞི་བའི་སྦྱིན་སྲེག་བྱས་ལ་སྦྱིན་སྲེག་གི་མཐར་དེ་ལས་བླངས་པ་འོ་མས་གང་བའི་བུམ་པ་བརྒྱ་རྩ་བརྒྱད་ཀྱིས་#བཀྲུས་ལ་སངས་རྒྱས་སྤྱན་མའི་སྔགས་ཀྱིས་རེག་ཅིང་བཀྲ་ཤིས་ཀྱི་#ཚིགས་
[74a]
[74a.1]སུ་བཅད་པ་བརྗོད་ལ་དགེ་སློང་གི་དགེ་འདུན་ལ་བཞེས་པ་#དྲང་ཞིང་དེའི་ཚེ་རོ་དེ་འཚོ་བར་འགྱུར་རོ་ཞེས་བསྟན་ཏོ། །དེ་ཉིད་ཀྱི་ཕྱིར་ཤི་བ་སློང་བར་བྱེད་པ་ཞེས་བསྟན་ཏོ། །དེ་ནས་ཞེས་བྱ་བ་ནས་བརྩམས་ཏེ་དམིགས་པའོ་ཞེས་པའི་བར་དུ་ནི་བགེགས་ཐམས་ཅད་འཇོམས་
[74a.2]པར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་པ་ཉིད་བསྟན་ཏོ། །དངོས་པོ་ནི་བགེགས་རྣམས་སོ་ཞེས་བྱ་བ་#ལ་དགེ་བའི་ཕྱོགས་བཅོམ་པར་བྱེད་པའི་ཕྱིར་འབྱུང་ཞིང་མཐུ་དང་ལྡན་པས་སོ། །བཙུན་མོ་མཆོག་ལྟར་ཞེས་པ་ནི་ཇི་ལྟར་རྒྱལ་པོའི་#བཙུན་མོ་ཐམས་ཅད་ཀྱི་མཆོག་ཏུ་གྱུར་པ་
[74a.3]དེ་བཞིན་དུ་གཟུངས་སྔགས་རྣམས་ཀྱི་འདི་ཡང་གཙོ་བོར་གྱུར་པའོ། །ཨོཾ་ཞེས་བྱ་བ་ལ་སོགས་པའི་སྔགས་ཀྱི་བཤད་པ་ནི་གོ་སླའོ། །དེ་རྣམས་ཀྱིས་མི་ཕྱེད་པ་ཞེས་པ་ནི་ངོ་བོ་གཅིག་གིས་ལུས་གང་ལ་ཡོད་པ་དེ། སྒྲུབ་པ་པོ་ནི་མཱ་མ་ཀཱིའི་རྣལ་འབྱོར་པ་རྣམས་སོ། །སྔགས་ཐོས་པས་
[74a.4]དགའ་ནས་སྤྱན་གྱི་ཨུཏྤ་ལ་གདངས་པར་གྱུར་ཏོ། །ཕྲིན་#ལས་བཤད་པར་བྱ་སྟེ། བདུད་ལ་སོགས་པ་ཞེས་པ་ནི་དུས་མ་ཡིན་པའི་འཆི་བ་ལས་སྲུང་བར་མཛད་པའོ། །དེ་བཞིན་དུ་བགེགས་དང་ལོག་འདྲེན་ཞེས་པ་ནི་འཇིག་རྟེན་སྐྱོང་བ་རྣམས་ཀྱི་འཇིགས་པ་དེས་གཟིར་བ་ནི་མནན་པ་རྣམས་
[74a.5]ཀྱིས་བགེགས་འཇོམས་པར་མཛད་པའོ། །མཱ་མ་ཀཱི་ནི་མི་བསྐྱོད་པའི་རིགས་འབའ་ཞིག་ཏུ་མ་ཟད་ཀྱི་རིན་ཆེན་འབྱུང་ལྡན་གྱི་རིགས་ཅན་ཡང་ཡིན་ཏེ། གཉིས་#ཀའི་རིགས་ཀྱི་ཐུན་མོང་ཡིན་ནོ་ཞེས་བྱ་བའི་ཐ་ཚིག་གོ། །འདིར་རིག་#པ་ནི་སྔར་བཤད་ཟིན་ཏོ། །འདིར་མན་ངག་ནི་མཱ་མ་ཀཱིའི་#རྣལ་
[74a.6]འབྱོར་དང་ལྡན་པས་དུས་མ་ཡིན་པའི་འཆི་བའི་འཇིགས་པས་གདུང་བ་འམ་འཇིག་རྟེན་སྐྱོང་བ་ལ་སོགས་པ་ཟིལ་གྱིས་གནོན་པའི་བསྒྲུབ་བྱ་མདུན་དུ་ཉི་མའི་དཀྱིལ་འཁོར་གྱི་སྟེང་དུ་གནས་པའི་སྡིག་པ་སྦྱང་#བར་བྱས་ལ་སྔ་མ་བཞིན་དུ་མཱ་མ་ཀཱིའི་ཚོགས་ཀྱིས་དབང་བསྐུར་#ལ་མི་བསྐྱོད་པའི་
[74a.7]གཟུགས་སུ་བསྐྱེད་ཅིང་། སྔགས་བྲིས་པའི་སྲུང་#བའི་འཁོར་ལོ་དཔུང་པ་གཡས་པ་ལ་བཅིང་བར་བྱའོ། །དེའི་ཚེ་ཇི་ལྟར་བཤད་པའི་ལས་འགྲུབ་པར་འགྱུར་རོ། །དེ་ནས་ཞེས་བྱ་བ་ལ་སོགས་པ་རྒྱས་པའི་ཏིང་ངེ་འཛིན་ལ་སྙོམས་པར་ཞུགས་པ་ཉིད་དུ་བསྟན་ཏོ། །ཨོཾ་ཞེས་བྱ་བ་ལ་
[74b]
[74b.1]སོགས་པའི་སྔགས་ཀྱི་དོན་ནི་གོ་སླའོ། །པདྨའི་རིགས་ལ་ལྷག་པར་མོས་པས་#རྣམས་སོ་ཞེས་བྱ་བ་ལ་སོགས་པས་སྔགས་ཐོབ་པས་དེའི་སྒྲུབ་པ་པོའོ། །དགའ་ཞིང་རང་གི་བདག་པོ་ལ་བསྟན་#པར་འགྱུར་རོ་ཞེས་བསྟན་ཏོ། །ཆེད་དུ་བརྗོད་པ་ལ་སོགས་པའོ་ཞེས་པ་ནི་ངག་ལ་འཇུག་པའི་མཚན་
[74b.2]ཉིད་ཀྱི་#རྒྱས་པའོ། །ལུས་རྒྱས་པ་ནི་སྟོབས་ཡིན་ནོ། །དེ་ཉིད་བསྟན་པའི་ཕྱིར། །བྱ་བ་རྣམས་ལ་སྤྲོ་བའོ་ཞེས་པ་ནི་བྱ་བ་བྱེད་པ་ལ་ནུས་པའོ། །ནོར་དང་འབྲུ་ལ་སོགས་པ་ནི་ཕྱིའི་རྒྱས་པའོ། །དེ་དག་ཐམས་ཅད་ནི་གསུམ་པོ་ཡང་ངོ་། །རྡོ་རྗེ་གསུམ་ཞེས་བྱ་བ་ལ་སོགས་པས་དཔེའི་སྒོ་ནས་
[74b.3]སྒྲུབ་པ་པོ་དེའི་ངོ་བོ་ཉིད་དུ་འགྲུབ་པར་འགྱུར་རོ་ཞེས་བསྟན་ཏོ། །བཏོན་པ་ཙམ་གྱིས་ཞེས་བྱ་བ་ལ་སོགས་པས་རེ་ཞིག་སྒྲུབ་པ་པོ་ནི་བཞག་ན་རྟོག་#པ་ལས་གསུངས་པའི་བཟླས་པའི་ཆོ་གས་འགྲུབ་པར་འགྱུར་ན་ལས་ཐམས་ཅད་ཀྱང་འགྲུབ་པར་འགྱུར་རོ་ཞེས་བསྟན་ཏོ། །འདིར་སྦྱར་
[74b.4]བ་ནི་རེ་ཞིག་དང་པོ་རྣལ་འབྱོར་པས་གོས་དཀར་མོའི་རྣལ་འབྱོར་དང་ལྡན་པ་ཟླ་བའི་དཀྱིལ་འཁོར་གྱི་སྟེང་དུ་བསྒྲུབ་བྱ་མདུན་དུ་བསྒོམས་ལ་རང་གི་སྙིང་ག་ནས་སྤྲོས་པའི་གོས་དཀར་མོའི་ཚོགས་ཕྱུང་ནས་དབང་བསྐུར་ཞིང་། འོད་དཔག་ཏུ་མེད་པའི་གཟུགས་སུ་བསྐྱེད་ལ། དེའི་
[74b.5]དཔུང་པ་ལ་སྔགས་བྲིས་པའི་སྲུང་#བའི་འཁོར་ལོ་བཅིང་བར་བྱས་ན་དེའི་ཚེ་ནོར་དང་འབྲུ་ལ་སོགས་པ་རྒྱས་པར་འགྱུར་རོ། །དེ་ནས་ཞེས་བྱ་བ་ལ་སོགས་པས་དབང་གི་ཏིང་ངེ་འཛིན་དུ་སྙོམས་པར་ཞུགས་པ་ཉིད་དུ་#བསྟན་ཏོ། །ཨོཾ་ཞེས་བྱ་བ་ལ་སོགས་པའི་སྔགས་ཀྱི་དོན་ནི་གོ་སླའོ། །
[74b.6]སངས་རྒྱས་ཐམས་ཅད་ཀྱི་བྱ་བ་བྱེད་པས་སངས་རྒྱས་ཀུན་ནི་དོན་ཡོད་པར་གྲུབ་པའོ། །དེ་ལ་ལྷག་པར་མོས་པ་རྣམས་སོ་ཞེས་པ་ནི་དོན་ཡོད་གྲུབ་པའི་དངོས་གྲུབ་དོན་དུ་གཉེར་བའོ། །མགུ་བར་གྱུར་པ་#ནི་སྔགས་དང་དེའི་མཐུ་ཐོས་པས་ནང་གི་བདག་ཉིད་རབ་ཏུ་དགའ་བར་གྱུར་པའོ#། །
[74b.7]སྐྱེས་བུ་གཙོ་བོ་ཞེས་པ་ནི་བྲམ་ཟེ་དང་རྒྱལ་རིགས་དང་དམངས་རིགས་དང་རྗེའུ་#རིགས་ཀྱི་ཁྱིམ་བདག་རྣམས་སོ། །སྙིང་སྲ་བ་རྣམས་སོ་ཞེས་པ་ནི་གདུལ་བར་བྱ་དཀའ་བ་ཆོམ་རྐུན་ལ་སོགས་པའོ། །རྒྱལ་པོ་རྣམས་སོ་ཞེས་པ་ནི་ས་བདག་རྣམས་སོ། །དེ་རྣམས་དང་ཇི་སྲིད་གཞན་
[75a]
[75a.1]རྣམས་ཀྱང་འཇིག་རྟེན་ཐ་མལ་པ་ཞེས་པ་ནི་ཚོང་དཔོན་དང་ཚོང་པ་དང་མཐོ་བའི་རིགས་སོ། །རྣམ་པ་ཐམས་ཅད་དུ་ནི་ལུས་ངག་ཡིད་ཀྱིས་སོ། །བྲན་བཞིན་དུ་ནི་འབངས་བཞིན་ནོ། །དབང་དུ་འགྱུར་ཞིང་ཞེས་པ་ནི་སྒྲུབ་པ་པོའི་ཞལ་བལྟ་བ་དང་#དེའི་བཀའ་ཡང་
[75a.2]ཉན་པར་འགྱུར་རོ། །དེ་ཉིད་བསྟན་པའི་ཕྱིར་ཐམས་ཅད་སྒྲུབ་པ་པོའི་དབང་དུ་གྱུར་པས་སྔར་བཤད་པའི་བསྒྲུབ་བྱ་དབང་དུ་གྱུར་པས་སོ། །གཡོ་མེད་པ་སྟེ་ཞེས་པ་ནི་བྱ་བ་གཞན་མེད་པའོ། །དེ་ཉིད་ཀྱི་ཕྱིར་གཞན་གྱི་དབང་དུ་གྱུར་པ་#ནི་རྣལ་འབྱོར་པ་ལ་རག་ལུས་པ་གཟུངས་སྔགས་
[75a.3]འདིས་བྱེད་པའོ། །འདིར་སྦྱོར་བ་ནི་སྒྲོལ་མའི་རྣལ་འབྱོར་དང་ལྡན་པའི་སྒྲུབ་པ་པོས་སྔོན་གྱི་#བསྙེན་པས་དེའི་སྔགས་འབུམ་ཕྲག་གཅིག་བཟླས་ཤིང་དེ་ཉིད་ཀྱིས་མངོན་པར་#བཟླས་པའི་ཆུས་མིག་ལ་ཉེ་བར་རེག་ཅིང་གང་མཐོང་བ་དང་གང་གིས་མཐོང་བ་དེ་ཉིད་དབང་དུ་འགྱུར་རོ། །དེ་བཞིན་
[75a.4]དུ་ལམ་དུ་འགྲོ་བར་འདོད་པས་གོས་ཀྱི་མཐར་ལན་བདུན་བཟླས་ཤིང་བཅིངས་ལ་མཐོང་བ་ཙམ་གྱིས་སྒྲ་མི་གཡོ་བར་འགྱུར་རོ། །སྦྱོར་བ་གཞན་ཡང་དཔལ་སྒྲོལ་མ་འབྱུང་བའི་རྒྱུད་ལས་རྗེས་སུ་འབྲང་བར་བྱའོ། །འོད་ཟེར་དཀར་པོའི་ཚོགས་ཞེས་བྱ་བ་ནི་རྣམ་པར་སྣང་མཛད་ཀྱི་འབྲེལ་པ་
[75a.5]དང་ལྡན་པའོ། །རིགས་དང་རིགས་ཅན་དབྱེར་མེད་པས་ཏིང་ངེ་#འཛིན་དང་ཡང་དེ་སྐད་ཅེས་བྱའོ། །རྡོ་རྗེ་ལྟར་མི་ཕྱེད་པའི་གཤིན་རྗེ་གཤེད་པོ་དབྱེར་མེད་པས་དེའི་སྔགས་ལ་ཡང་དེ་སྐད་ཅེས་བྱའོ། །ན་མ་ཞེས་བྱ་བ་ལ་སོགས་པས་སྐུ་#རྡོ་རྗེ་ལ་སོགས་པ་དང་པོ་#རྗེས་སུ་དྲན་པར་བྱས་ཏེ། ཁྲོ་བོ་
[75a.6]ཐམས་ཅད་དེ་#ལས་འབྱུང་བའི་ཕྱིར་རོ། །དེའི་ཕྱིར་སྔགས་འདོན་པའི་དུས་སུ་ནི་ཁྲོ་བོ་ཐམས་ཅད་ཀྱི་སྔགས་བཟླས་པའི་དུས་སུའོ། །ཨོཾ་ཞེས་བྱ་བ་ལ་སོགས་པས་སྔགས་ཀྱི་དོན་བཤད་པ་ནི་གོ་སླའོ། །འདིར་བཅོམ་ལྡན་འདས་ཞལ་གསུམ་ཕྱག་དྲུག་པ་ཡིན་ན་ཡང་། ཞལ་བཞི་པ་ཕྱག་བཞི་
[75a.7]པ་ལྷག་པའམ་ཉུང་བ་ཉེ་བར་བླང་བ་ནི་མོས་པའི་#དབྱེ་བས་སོ། །དེ་ཉིད་ཀྱི་ཕྱིར་བཅོམ་ལྡན་འདས་ཞབས་གཉིས་པ་ཡིན་ན་ཡང་ཞབས་དྲུག་ཏུ་བསྟན་ཏེ། རྒྱུད་གཞན་ལས་#ཞལ་དྲུག་པ་དང་ཕྱག་དྲུག་པ་དང་ཞབས་དྲུག་པ་གསུངས་པས་#སོ། །དེ་གསུངས་པ་ཡང་གདུལ་བྱའི་འདོད་པའི་#དབྱེ་བས་
[75b]
[75b.1]སོ། །མ་ཧཱ་བིགྷྣཱན་#ནི་གཤིན་རྗེའོ། །ཨཱ་ཀཪྵ་ཡ་ཞེས་བྱ་བ་འདིས་དགུག་པ་ལ་སྔགས་ཀྱི་མཐུ་བསྟན་ཏོ།# །དེ་ནས་ཞེས་བྱ་བ་ལ་སོགས་པས་བརྒྱ་བྱིན་ལ་སོགས་པ་འཇིག་རྟེན་སྐྱོང་བ་རྣམས་སྔགས་ཐོས་པས་འཇིག་པ་དང་རྡོ་རྗེ་འཆང་ཆེན་པོ་རྗེས་སུ་དྲན་པ་ཉིད་དུ་བསྟན་ཏོ། །རྣམ་པར་སྣང་མཛད་
[75b.2]ཀྱི་སྦྱོར་བ་དང་ལྡན་པས་ཞེས་བྱ་བ་ལ་སོགས་པས་འདི་སྐད་བསྟན་པ་ཡིན་ཏེ། ཇི་ལྟར་མངོན་པར་འདོད་པའི་སྐྱེས་པའམ་བུད་མེད་མངོན་པར་དགུག་པར་འདོད་པའི་རྣལ་འབྱོར་པས་དེའི་རོ་ལངས་ཀྱི་ཆོ་གས་མ་ཉམས་པའི་ཐོད་པ་བླངས་ལ་སྔགས་ཀྱིས་#བྱིན་གྱིས་བརླབས་པའི་རྒྱ་སྐྱེགས་ཀྱི་ཁུ་
[75b.3]བས་དེའི་གཟུགས་དེ་ལ་བྲིས་ཏེ་དེ་དག་ལ་ཆེ་གེ་མོ་ཨཱ་ཀཪྵ་ཡ་ཞེས་བྱ་བ་སྙིང་གར་བྲིས་ལ་རཾ་#ལས་སྐྱེས་#པའི་ཉི་མའི་དཀྱིལ་འཁོར་གྱི་སྟེང་དུ་ཧཱུཾ་ལས་སྐྱེས་པའི་སྣ་ཚོགས་རྡོ་རྗེས་མཚན་པའི་རྐང་པ་གཡོན་པས་དེ་དག་ལ་མནན་ཞིང་ལྕགས་ཀྱུ་དེ་ཉིད་ཀྱིས་སྙིང་གར་བརྡེག་#ལ་སྐྱབས་མེད་
[75b.4]པ་གཞན་དབང་དུ་གྱུར་པ་བུད་མེད་དང་སྐྱེས་པ་རྣམས་དགུག་པར་བྱའོ། །ཞག་བདུན་ཞེས་བྱ་བ་འདིས་དུས་ཀྱི་ངེས་པ་#བསྟན་ཏོ། །དགོས་པ་ནི་འདི་ཡིན་ཏེ་སྔོན་དུ་བསྙེན་པ་བྱས་པ་དམ་བཅའ་བ་བསྟན་པའི་སྒྲུབ་པ་པོས་གལ་ཏེ་ཞག་བདུན་སྦྱོར་བ་འདི་བསླབས་#ན་དེའི་ཚེ་སྔར་བཤད་པའི་སྐྱེས་པ་
[75b.5]འམ་#བུད་མེད་རྣམས་དགུག་པར་འགྱུར་རོ་ཞེས་བྱ་བའི་ཐ་ཚིག་གོ། །དེ་ནས་ཞེས་བྱ་བ་ལ་སོགས་པས་དོན་ཡོད་གྲུབ་པའི་རིགས་ཅན་གྱི་#བདུད་རྩི་འཁྱིལ་པའི་ཏིང་ངེ་འཛིན་དུ་ཞུགས་པ་ཉིད་བསྟན་ཏོ། །དེ་ལས་བྱུང་བའི་སྔགས་ཀྱི་བདག་ཉིད་ཀྱི་ཁྲོ་བོ་ཞེས་པ་ནི་བདུད་རྩི་འཁྱིལ་པ་དོན་ཡོད་གྲུབ་
[75b.6]པའི་རིགས་ཡིན་པས་སོ། །ན་མ་ཞེས་བྱ་བ་ལ་སོགས་པ་དོན་བཤད་ཟིན་པའོ་ཞེས་པ་ནི་ངེས་པའི་ཚིག་སྔར་བཤད་པའོ། །ཨོཾ་ཞེས་བྱ་བ་ལ་སོགས་པའི་སྔགས་ཀྱི་དོན་བཤད་པ་ནི་གོ་སླའོ། །མ་ཧཱ་ག་ན་ཛི་བི་ཏཱནྟཱ་ཀ་ར་ཡ་ཞེས་བྱ་བ་ནི་བགེགས་ཀྱི་བདག་པོའི་སྲོག་འཕྲོག་པ་ཞེས་བྱ་བའི་
[75b.7]དོན་ཏོ། །དེ་ཉིད་ཀྱི་ཕྱིར་བཅོམ་ལྡན་འདས་འཕགས་པ་བདུད་རྩི་འཁྱིལ་པའི་བགེགས་ཀྱི་བདག་པོ་ནི་གདན་ཡིན་ནོ། །སྭཱཧཱ་ཞེས་བྱ་བ་ལས་#གོང་དུ་ནི་སྭཱ་ཧཱ་#སྔོན་དུའོ། །དེ་ནས་ཞེས་བྱ་བ་ལ་སོགས་པས་དོན་ཡོད་གྲུབ་པའི་རྣལ་འབྱོར་པས་སྔགས་འབུམ་ཕྲག་གཅིག་བཟླ་ཞིང་འཆད་པར་
[76a]
[76a.1]འགྱུར་བའི་སྦྱོར་བས་སྤོང་བའི་ཆོ་ག་བསྟན་ཏོ། །རིམ་པ་ནི་འདིས་ཞེས་བྱ་བ་ལ་སོགས་པས་སྐེ་ཚེ་དང་རྫས་དྲག་པོ་ཁུ་བ་ཆེན་པོ་དང་ལྡན་པས་དུར་ཁྲོད་ཀྱི་གོས་ལ་གཞུའི་དབྱིབས་ཅན་རླུང་གི་དཀྱིལ་འཁོར་བྲིས་ལ་ཕྱོགས་གཉིས་སུ་རྡོ་རྗེས་མཚན་པ་བྱས་ཏེ། དེའི་དབུས་སུ་
[76a.2]ཆེ་གེ་མོ་ཨུ་ཙ་ཏ་#ཡ་ཏྲི་ཞེས་བྱ་བ་བྲིས་ལ་བསྒྲུབ་བྱའི་རྣམ་པར་ཤེས་པ་དགུག་ཅིང་དེ་ལ་གཞུག་སྟེ། བདུད་རྩི་འཁྱིལ་པའི་སྔགས་བརྗོད་ཅིང་སོར་བརྒྱད་པ་མིའི་རྗེ་ངར་གྱི་ཁོང་སྟོང་ལ་འཇུག་ན་དེ་ཉིད་དུར་ཁྲོད་ཀྱི་ས་རུ་བརྐོས་ནས་སྦས་ན་དེའི་ཚེ་ཞག་བདུན་གྱིས་དགྲ་གནས་ལས་སྤོ་#བར་འགྱུར་རོ། །
[76a.3]དགྲའི་སྒོ་རུ་བརྐོས་ནས་སྦས་ན་དེ་མ་ཐག་ཏུ་གནས་ལས་སྤོ་# བར་འགྱུར་རོ་ཞེས་བསྟན་ཏོ། །དེ་ནས་ཞེས་བྱ་བ་ལ་སོགས་པ་ལ། དེ་ཁོ་ན་ཉིད་ཀྱི་རིན་པོ་ཆེ་ཞེས་པ་ནི་འོད་གསལ་བའམ་ཟུང་དུ་འཇུག་པའི་རང་བཞིན་ནོ། །དེ་ཉིད་རྟོག་ནི་མཚན་གང་ལ་ཡོད་པ་དེ་ལ་དེ་སྐད་ཅེས་བྱའོ། །སངས་
[76a.4]རྒྱས་ནི་དེ་བཞིན་གཤེགས་པ་རྣམས་ཀྱི་ནང་ན་འོད་ཟེར་ནི་ནམ་མཁའ་མཛོད་ཀྱི་ཏིང་ངེ་འཛིན་གྱིས་བསམ་པ་ཐམས་ཅད་ཡོངས་སུ་རྫོགས་པར་#གང་ལ་ཡོད་པ་དེ་ནི་སངས་རྒྱས་འོད་ཟེར་ཏེ་རིན་ཆེན་འབྱུང་ལྡན་ནོ། །དེའི་བདག་ཉིད་ཀྱི་ཏིང་ངེ་འཛིན་ལ་ཞུགས་ནས་འདི་སྐད་བཀའ་སྩལ་ཏོ། །གཞན་
[76a.5]གྱིས་#མི་ཐུབ་པའི་ཁྲོ་བོ་ཆེན་པོ་ཞེས་པ་ནི་སྲིན་པོ་ལ་སོགས་པ་ལས་རྒྱལ་བས་ཁྲོ་བོའི་རྒྱལ་པོ་ཞེས་བྱའོ། །སྔགས་ཀྱི་བདག་ཉིད་ཅེས་བྱ་བ་འདིས་སྔགས་དང་ལྷ་རྗོད་པར་བྱེད་པ་དང་བརྗོད་པར་བྱ་བ་དབྱེར་མེད་པར་བསྟན་ཏོ། །ན་མ་ཞེས་བྱ་བ་ལ་#སྔགས་ཀྱི་དོན་བཤད་པ་ནི་གོ་སླའོ། །རཀྵ་#
[76a.6]ས་ཏི་སྷྱོ་བི་མོ་ཙ་ཡ་ཧྲི་ཞེས་བྱ་བ་འདིས་གདུག་པ་རྣམས་གསོད་པར་བྱེད་པའི་བདག་ཉིད་བསྟན་པ་དང་། ནད་པ་རྣམས་སོས་པས་ཤི་བར་བྱེད་པ་ཡང་འདི་ཡིན་ནོ་ཞེས་བསྟན་ཏོ། །དེ་ནས་ཞེས་བྱ་བ་ལ་སོགས་པས་སྔགས་དྲན་པ་དང་ཐོས་པ་དེའི་སྒྲུབ་པ་པོས་དེ་བསྟེན་པ་དང་དེ་ལ་བརྩོན་པའི་ཕྱིར་
[76a.7]དགའ་བ་དང་རིན་ཆེན་འབྱུང་ལྡན་ལ་སྐྱབས་སུ་འགྲོ་བ་ཉིད་བསྟན་ཏོ། །ཤ་ཟའོ་ཞེས་པ་ནི་ཤ་ཟ་བའི་འབྱུང་པོའི་རིགས་སོ། །ཉེ་བར་མཚོན་པ་ཡིན་ཏེ་གནོད་སྦྱིན་དང་སྲིན་པོ་དང་འབྱུང་པོ་དང་ཡི་དགས་དང་སྨྱོ་བྱེད་དང་བརྗེད་བྱེད་དང་། མཁའ་འགྲོ་དང་མཁའ་འགྲོ་མ་ལ་སོགས་པ་ཡང་གཟུང་
[76b]
[76b.1]ངོ་། །སེང་གེ་ལ་སོགས་པ་ཞེས་པ་ནི་ནགས་ཚལ་ལ་སྤྱོད་#པའི་སྲོག་ཆགས་དྲག་པོའོ། །ཕྱིར་རྒོལ་བ་ཞེས་པ་ནི་ཕ་རོལ་#རྒོལ་བའི་དགྲ་རྣམས་ཏེ། འཇིག་རྟེན་པའི་ལྷ་དྲག་པོ་དང་ཁྱབ་འཇུག་དང་དབྱིག་གི་སྙིང་པོ་ལ་སོགས་པའོ། །གནོད་པར་བྱེད་པ་ཞེས་པ་ནི་རྣམ་པར་འཚེ་བར་བྱེད་པའོ། །
[76b.2]མེ་དང་སྦྲུལ་ཞེས་པ་ལ་སོགས་པ་ནི་སྲོག་ཆགས་དྲག་པོས་ཁྱབ་པའི་ནགས་ཚལ་ལ་སོགས་པ་ལའོ། །རྡོ་རྗེ་འཆང་ཆེན་པོའི་ཞེས་པ་ནི་ཐུགས་རྡོ་རྗེ་ཉེ་བར་སྡུད་པར་བྱེད་པས་སོ། །དེས་གསོད་པས་ན་ཞེས་པ་ནི་དེས་སྤྲོས་པ་སྟེ་རྡོ་རྗེ་འཆང་ལས་བསྐྱེད་པའི་#རིན་ཆེན་འབྱུང་ལྡན་ཞེས་བྱ་བའོ། །
[76b.3]རིན་ཆེན་འབྱུང་ལྡན་གྱི་ཏིང་ངེ་འཛིན་ལ་དམིགས་པ་ཞེས་པ་ནི་ཤེས་རབ་མཐར་བྱེད་ལ་བཀའ་སྦྱིན་པར་བྱའོ་ཞེས་དགོངས་པ་ནི་མན་ངག་ཅེས་བྱ་བའོ། །སྲུང་#བ་ལ་སོགས་པའི་#ལས་ནི་སྲིན་པོ་ལ་སོགས་པའི་ལས་#བསྲུང་བའི་ཆོགའོ། །རྟོག་པ་ལས་བྱུང་བའི་ཆོ་ག་ཞེས་པ་ནི་གཞན་གྱིས་
[76b.4]མི་ཐུབ་#པའི་ལས་ཀྱི་རྟོག་པ་ལས་གསུངས་པའི་ཆོ་གས་སོ། །དེ་ལ་འདིར་ཆོ་ག་ནི་འདི་ཡིན་ཏེ་ཞེས་བྱ་བ་ལ་སོགས་པས་དཔལ་རིན་ཆེན་འབྱུང་ལྡན་གྱི་རྣལ་འབྱོར་པས་ཡི་གེ་ཧཱུཾ་གཉིས་ཡོངས་སུ་གྱུར་པ་ལས་ལག་པ་གཉིས་ལ་ཉི་མའི་དཀྱིལ་འཁོར་གཉིས་བསྒོམས་ཏེ་མདུན་དུ་སྲིན་
[76b.5]པོ་ལ་སོགས་པའི་གདོན་གྱིས་བཟུང་བའི་བསྒྲུབ་བྱ་བཞག་ནས་དེའི་འོད་ཟེར་སྤྲོས་པས་བསྒྲུབ་བྱའི་ལུས་ལས་སྲིན་པོ་ལ་སོགས་པ་བཀུག་ཅིང་ལག་པ་གཉིས་ཀྱིས་ཉི་མའི་དཀྱིལ་འཁོར་གྱི་དབུས་སུ་སོན་པར་བྱས་ལ་དེའི་འབར་བས་བསྲེགས་ཤིང་#ཐལ་བར་གྱུར་པར་བསམ་པར་
[76b.6]བྱའོ། །དེའི་ཚེ་བསྒྲུབ་བྱ་སྲིན་པོ་ལ་སོགས་པས་བཀྲོལ་བར་འགྱུར་རོ། །ཁ་ཅིག་ན་རེ་ཤེས་རབ་མཐར་བྱེད་ཀྱི་སྔགས་ཀྱིས་ཟངས་གྲི་བྱིན་གྱིས་བརླབས་ལ་ཤ་ཟ་ལ་སོགས་པས་བཟུང་བའི་བསྒྲུབ་#བྱའི་གྲིབ་མ་སྔགས་བརྗོད་པ་སྔོན་དུ་འགྲོ་བས་དེ་གཅོད་ལ། ཤ་ཟ་ལ་སོགས་པ་
[76b.7]ཡང་གཅོད་པར་འགྱུར་རོ། །དེའི་ས་གཞིའི་རྡུལ་དང་ཡུངས་ཀར་དང་བཅས་པས་བསྲེགས་ལ། ལས་ཐམས་ཅད་པའི་གཏོར་མའི་རིམ་#པའི་ཆོ་གས་ཤེས་རབ་མཐར་བྱེད་ཀྱི་སྔགས་བྲིས་པའི་སྲུང་#བའི་འཁོར་ལོ་གསུངས་པས་བཅིང་བར་བྱའོ། །དེའི་ཚེ་བསྒྲུབ་བྱ་#སོས་པར་
[77a]
[77a.1]འགྱུར་རོ་ཞེས་བསྟན་ཏོ། །དེ་ནས་ཞེས་བྱ་བ་ལ་སོགས་པས་ཚེ་དཔག་ཏུ་མེད་པའི་ཏིང་ངེ་འཛིན་ལ་སྙོམས་པར་ཞུགས་པ་ཉིད་བསྟན་ཏེ། དེ་ལས་བྱུང་བའི་ཁྲོ་བོ་རྟ་མགྲིན་ཞེས་པ་ནི་འོད་དཔག་ཏུ་མེད་པ་སྟེ་སྤྲུལ་པ་ཡིན་པའི་ཕྱིར་རོ། །སྔགས་ཀྱི་བདག་ཉིད་དུ་ཞེས་པ་ནི་
[77a.2]སྐུ་དང་སྔགས་དེའི་བདག་ཉིད་ཡིན་པས་སོ། །ན་མ་ཞེས་བྱ་བ་ལ་སོགས་པའི་དོན་བཤད་པ་ནི་རྡོ་རྗེ་འཆང་ཆེན་པོ་གསུམ་པོའི་ཕྱག་འཚལ་#བའི་དོན་ཅེས་བྱ་བའི་ཐ་ཚིག་གོ། །ཨོཾ་ཞེས་བྱ་བ་ལ་སོགས་པའི་སྔགས་ཀྱི་དོན་བཤད་པ་ནི་གོ་སླའོ། །ཧ་ཡ་གྲཱི་པ་ཡ་ཕཊ་ཅེས་བྱ་བ་ལ་སོགས་པས་
[77a.3]ཕཊ་གྱི་མཐའ་ཅན་གྱི་ཚིག་བཅུ་ནི་ཕྱོགས་བཅུ་#ལ་གནས་པའི་བགེགས་བསྐྲད་པའི་དོན་ཏོ། །ཡི་གེ་ཧཱུཾ་གསུམ་ནི་ལུས་ལ་སོགས་པ་འཇིག་#པའི་ཕྱིར་རོ། །དབུགས་དབྱུང་བ་དེ་ཉིད་ལ་ཞི་བའི་ཕྱིར་རོ། །དངོས་གྲུབ་ཐམས་ཅད་རབ་སྟེར་བ། །#ཞེས་པ་ནི་ཞི་བའི་ཕྲིན་#ལས་འགྲུབ་པར་བྱེད་པའོ། །
[77a.4]དེ་ནས་#ཞེས་བྱ་བ་ལ་སོགས་པས་ཐོས་པ་དང་དྲན་པའི་སྒོ་ནས་འོད་དཔག་ཏུ་མེད་པའི་སྒྲུབ་པ་པོ་རྣམས་མགུ་#བར་འགྱུར་རོ་ཞེས་བསྟན་ཏོ། །ནམ་མཁའི་དབྱིངས་ཞེས་བྱ་བ་ལ་སོགས་པས་ཧ་ལ་ཧ་ལ་དང་། ཀ་ལ་ཀུ་ཏ་ལ་སོགས་པའི་དུག་གི་ཁྱད་པར་སྔགས་འདིས་ཞི་བར་འགྱུར་རོ་ཞེས་བསྟན་
[77a.5]ཏོ། །འདིར་མན་ངག་འདི་ཡིན་ཏེ་ཞེས་བྱ་བ་ལ་སོགས་པས་པདྨ་མཐར་བྱེད་ཀྱི་རྣལ་འབྱོར་པས་སེམས་དཔའ་གསུམ་གྱི་བདག་ཉིད་ཀྱི་བསྒྲུབ་བྱ་བསྒོམས་ལ། དེའི་སྙིང་གའི་པདྨར་ཟླ་བའི་དཀྱིལ་འཁོར་གྱི་སྟེང་དུ་བདུད་རྩིའི་ས་བོན་ཡི་གེ་ཧཾ་བཀོད་ལ་དེའི་འོད་ཟེར་གྱིས་#མ་ལུས་པའི་ལུས་ཁྱབ་ཅིང་
[77a.6]ལག་པ་གཡས་པའི་མཐིལ་ལ་བཀོད་པའི་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་ཧཾ་འོད་ཟེར་གྱི་འཁོར་ལོ་སྤྲོ་བར་#བྱེད་པ་བཀོད་ལ། སོར་མོ་རྣམས་ལ་རིམ་པ་ཇི་ལྟ་བ་བཞིན་དུ་ཁྲི་ལ་སོགས་པ་བདུད་རྩིའི་ས་བོན་ལྔ་བཀོད་ཅིང་དེ་ལས་བྱུང་བའི་འོད་ཟེར་གྱི་ཚོགས་ཀྱིས་དུག་འོག་ཏུ་སོང་
[77a.7]བས་#ལུས་ཀྱང་བདུད་རྩིས་གང་བ་བསྒོམ་པར་བྱའོ་ཞེས་བསྟན་ཏོ། །གཞན་དག་ན་རེ་ལག་པ་གཡོན་པའི་ཟླ་བའི་དཀྱིལ་འཁོར་གྱི་སྟེང་དུ་ཨོཾ་བཀོད་ལ་སྔགས་ཀྱིས་#བཟླས་པའི་ཆུ་བླངས་ནས་དེ་བཏུང་བས་དུག་ཞི་བར་འགྱུར་རོ། །ཡང་#ན་རྟ་མགྲིན་དང་ལྡན་པའི་རྣལ་འབྱོར་པས་བསྒྲུབ་བྱའི་
[77b]
[77b.1]མགོ་བོ་ལ་སོགས་པར་#ཀུ་རུ་ཀུལླེའི་སྔགས་བཀོད་ལ་དེ་ལས་བྱུང་བའི་འོད་ཟེར་གྱི་ཚོགས་ཀྱིས་ནང་ནས་དུག་བཀུག་ཅིང་འོག་ཏུ་སོན་པར་བསྒོམས་ཏེ། རྟ་མགྲིན་གྱི་སྔགས་ཀྱིས་གནས་དེར་རེག་པས་དུག་ཞི་བར་འགྱུར་རོ། །ཇི་སྐད་དུ། ཀུ་རུ་ཀུལླེ་སྭཱ་ཧཱའི་མཐའ། །རིག་པ་ཐོག་མར་
[77b.2]ཨོཾ་དང་ལྡན། །མགོ་བོ་ཁ་དང་ལྐོག་མ་དང་། །སྙིང་དང་གསང་བ་རྐང་པར་དགོད། །ཅེས་འབྱུང་བའོ། །དོན་ཡོད་གྲུབ་པའི་དངོས་གྲུབ་ནི་ཞི་བ་ལ་སོགས་པའི་ལས་ཐམས་ཅད་ཀྱི་དངོས་གྲུབ་པོ། །དེ་གཙོ་བོ་ཡིན་པས་དོན་ཡོད་གྲུབ་པ་ལ་ཡང་དེ་སྐད་ཅེས་བྱའོ#། །དོན་ཡོད་དམ་ཚིག་
[77b.3]ཅེས་བྱ་བ་ལ་སོགས་པས་དོན་ཡོད་གྲུབ་པའི་ཏིང་ངེ་འཛིན་ལ་སྙོམས་པར་ཞུགས་པ་ཉིད་དུ་བསྟན་ཏོ། །ཨོཾ་ཞེས་བྱ་བ་ལ་སོགས་པས་སྔགས་ཀྱི་#དོན་བཤད་པ་ནི་གོ་སླའོ། །འདིར་སརྦ་བིགྷྣཱ་#ནི་ཁྱབ་འཇུག་དང་། དྲག་པོ་དང་དབྱིག་གི་སྙིང་པོ་ལ་སོགས་པའོ། །སརྦ་བིདྱ་ནི་ཕ་རོལ་གྱིས་བརྗོད་པའི་
[77b.4]གཟུངས་སྔགས་སོ། །སརྦ་མནྟྲ་#ནི་ཞི་བ་ལ་སོགས་པའི་སྙིང་པོ་དང་ཉེ་བའི་སྙིང་པོ་ལ་སོགས་པའོ། །སརྦ་མཱུ་#ལ་ཀརྨ་ནི་གཞན་གྱིས་བསྟན་པ་ལས་ཕྲན་ཚེགས་སོ། །ཀེ་ཏྲེ་ཙེ་ཤ་དི་ཞེས་པ་ནི་སྦྱར་ནས་བྱས་པའམ་སྡིག་པའི་དུག་གོ། །སརྦ་གྲ་ཧན་ནི་ཟ་བྱེད་ཀྱི་གདོན་ནམ་བརྗེད་བྱེད་ཀྱི་
[77b.5]གདོན་ནམ་བྱའི་#གདོན་ལ་སོགས་པའོ། །བགེགས་#མཆོག་རྣམས་ནི་བདུད་ཀྱི་གཙོ་བོ་སྟེ་བརྒྱ་བྱིན་ལ་སོགས་པའོ། །བརྒྱ་རྩ་བརྒྱད་ཅེས་བྱ་བས་སྦྱོར་བའི་དུས་སུ་བརྒྱ་རྩ་བརྒྱད་བཟླས་པས་འགྲུབ་སྟེ། བསྙེན་པའི་དུས་སུ་འབུམ་ཕྲག་གཅིག་བཟླས་པས་སྔགས་འགྲུབ་པོ། །སྔགས་
[77b.6]ཀྱི་དོན་ཡོངས་སུ་ཤེས་པས་ལྷ་རྣམས་ལ་སྤོང་བའོ་ཞེས་པ་ནི་དགོངས་པ་ནི་འདི་ཡིན་ཏེ། བརྗོད་པར་བྱ་བ་དང་རྗོད་པར་བྱེད་པའི་དབྱེ་བས་སྔགས་ནི་རྣམ་པ་གཉིས་ཏེ། དེ་ལ་རྗོད་པར་བྱེད་པ་ཙམ་གྱིས་#སྔགས་ནི་དངོས་གྲུབ་སྟེར་བར་བྱེད་པ་མ་ཡིན་ཏེ། རང་བཞིན་རྟོགས་པར་མི་འགྱུར་
[77b.7]བས་ཁ་སྐད་#བཞིན་ནོ། །སྔགས་ཀྱི་#བརྗོད་པར་བྱ་བ་ཡོངས་སུ་ཤེས་ན་དེ་ཡིས་ལྷའི་དེ་ཁོ་ན་ཉིད་རྟོགས་པས་སྔགས་རྣམས་དངོས་གྲུབ་སྟེར་བར་འགྱུར་རོ། །འདིར་ནི་ཆོ་ག་འདི་ཡིན་ཏེ་ཞེས་བྱ་བ་ལ་སོགས་པས་འཁྲུལ་འཁོར་གྱི་སྦྱོར་བས་གསོད་པ་བསྟན་ཏོ། །འདིར་ཉིན་ཕྱེད་དང་
[78a]
[78a.1]མཚན་ཕྱེད་ནི་དྲག་ཤུལ་གྱི་ལས་ཀྱི་#དུས་སུའོ། །ཐོད་པ་གསུམ་གྱི་སྒྱེད་པུ་བྱས་ལ་རོ་ལངས་ཀྱི་ཆོ་གས་སམ་རང་གིས་#བྱས་པས་སོ། །སྒྱེད་པུས་ནི་དུར་ཁྲོད་ལ་སོགས་པའི་རྟེན་བྱས་ནས་སོ། །དེའི་སྟེང་དུ་གཟུགས་བརྙན་བཞག་ལ་ཞེས་པ་ནི་སྔར་བཤད་པའི་ཁ་སྦྱར་#
[78a.2]བཞག་ནས་སོ། །དུར་ཁྲོད་ཀྱི་#མེས་ཞེས་བྱ་བ་ནི་རོ་ཕྱེད་བསྲེགས་#པའི་མེས་སོ། །འཕྲལ་དུ་འཆི་བར་འགྱུར་རོ་ཞེས་པས་སྦྱོར་བའི་མཐུ་བསྟན་ཏོ། །དེ་ནས་ཞེས་བྱ་བ་ལ་སོགས་པས་#ཆར་འབེབས་པའི་ཆོ་ག་མཛད་པ་སྟོབས་པོ་ཆེའི་ཏིང་ངེ་འཛིན་དང་སྙོམས་པར་ཞུགས་པ་བསྟན་ཏོ། །དབྱེར་
[78a.3]མེད་པས་#སྟོབས་པོ་ཆེའི་སྔགས་ཀྱང་སྟོབས་པོ་ཆེ་ཞེས་བྱའོ། །ཨོཾ་ཞེས་བྱ་བ་ལ་སོགས་པའི་སྔགས་ཀྱི་དོན་བཤད་པ་ནི་གོ་སླའོ། །ཐོག་ནི་གློག་གོ། །དེ་བཞིན་དུ་སྒྲ་གང་ལ་ཡོད་པ་ཞེས་བྱ་བ་འདིས་སྤྲིན་གྱི་འབྲུག་སྒྲ་དང་འདྲ་བ་ཉིད་དུ་བསྟན་ཏོ། །བརྒྱ་རྩ་བརྒྱད་བཟླས་པ་ཞེས་བྱ་བ་ལ་
[78a.4]སོགས་པས་ལས་ཀྱི་དུས་སུ་བཟླས་པའི་གྲངས་བསྟན་ཏོ། །སྔོན་གྱི་བསྙེན་པ་ནི་འབུམ་ཕྲག་གཅིག་ཁོ་ནའོ། །ཆར་ཆད་པ་ཞེས་པ་ནི་བཟའ་#བ་ལ་སོགས་པའི་ཉེས་པས་ཆར་མི་འབབ་པའོ། །དེ་ཞི་བར་བྱས་ནས་ཆར་གྱི་རྒྱུན་ནི་ཆར་#གྱི་ཚོགས་སོ། །ཀླུ་ནི་འཇོག་པོ་ལ་སོགས་པའོ། །
[78a.5]འབེབས་པ་ནི་འབབ་པར་འགྱུར་བའོ#། །འདིར་རིམ་པ་འདི་ཡིན་ཏེ་ཞེས་བྱ་བ་ལ་སོགས་པས་ཆར་འབེབས་པའི་ཆོ་ག་བསྟན་ཏེ། མངོན་སྤྱོད་ཀྱི་རྫས་ནི་ལན་ཚྭ་#དང་སྐེ་ཚེ་དང་དུག་དང་ལོང་#ཏང་གི་ཁུ་བའོ། །དེ་རྣམས་ཀྱིས་#པདྨ་འདབ་མ་བརྒྱད་པ་བྲིས་ལ་འདབ་མ་རེ་རེ་ལ་ཀླུ་ཆེན་པོ་བརྒྱད་བྲིས་
[78a.6]ལ་ཀླུ་དེ་རྣམས་ཀྱི་སྙིང་ག་དང་མགོ་བོར་ཧཱུཾ་ཎཾ་ཧཱུཾ་ཞེས་བྱ་བ་རྡོ་རྗེ་གདན་བཞིའི་#རྒྱུད་ལས་གསུངས་པའི་སྔགས་སྤེལ་ལ་སྦྱར་བའོ། །ལྟེ་བའི་དབུས་སུ་ནི་པདྨའི་ཟེའུ་#འབྲུ་ལའོ། །ཨོཾ་ཞེས་བྱ་བ་ལ་སོགས་པས་ཡི་གེ་གསུམ་དང་བཅས་པས་བཛྲ་དྷ་རོ་#ཨཛྙཱ་པ་ཡ་ཏི་ཞེས་བྱ་བ་ལ་སོགས་པ་
[78a.7]བཀོད་ནས་སོ། །ཡང་འཁོར་ལོ་གཉིས་པ་དེ་བཞིན་དུ་ནི་དེ་དང་འདྲ་བའི་འཁྲུལ་འཁོར་གཉིས་པ་བྲིས་ནས་སོ། །ཁ་སྦྱར་བྱས་ཏེ་ཞེས་པ་ནི་འཁྲུལ་འཁོར་གཉིས་སྦྱར་ནས་སོ། །དགུག་པ་སྔོན་དུ་འགྲོ་བ་ཞེས་པ་ནི་སྟོབས་པོ་ཆེའི་སྔགས་བརྗོད་པ་སྔོན་དུ་འགྲོ་བས་དེ་དགུག་པའོ། །གཟུགས་བརྙན་
[78b]
[78b.1]ནི་བསྒྲུབ་བྱའི་གཟུགས་བརྙན་གྱིའོ། །སྙིང་གར་གཞུག་གོ་ཞེས་པ་ནི་སྙིང་གའི་ནང་དུ་གཞུག་པར་བྱའོ། །གཟུགས་བརྙན་ནི་ཞེས་བྱ་བ་ལ་སོགས་པས་ཀླུའི་གཟུགས་བརྙན་བྱ་བའི་ཐབས་བསྟན་ཏེ། ཆུ་བོའི་ངོས་གཉིས་ཀྱི་ཞེས་པ་ནི་འགྲམ་གཉིས་ཀྱིའོ། །ས་ནི་དེའི་འབྲེལ་པ་དང་ལྡན་པའི་
[78b.2]སའོ། །བདུད་རྩི་ལྔ་དང་ལྡན་པ་ནི་དེ་དང་འདྲེས་པའོ། །དེ་བཞིན་དུ་སྔར་བཤད་པའི་མངོན་སྤྱོད་ཀྱི་རྫས་ནི་ལན་ཚྭ་#ལ་སོགས་པ་དང་འདྲེས་པའོ། །དུར་ཁྲོད་ཀྱི་མེ་ནི་དུར་ཁྲོད་ཀྱི་མེའི་འོབས་ལའོ། །གདུང་བ་ནི་གདུང་པར་བྱའོ། །དེ་ལྟར་བྱས་ན་#ཀླུ་ནི་འཇོག་པོ་ལ་སོགས་པའོ། །ཆར་འབེབས་
[78b.3]པར་འགྱུར་རོ་ཞེས་པ་ནི་ཆར་ཆེན་པོ་འབབ་པར་འགྱུར་རོ། །ཀུན་དུ་ངེས་པར་སྒྲོགས་པའོ་ཞེས་པ་ནི་ནམ་མཁའ་མ་ལུས་ཁྱབ་པའོ། །རྡོ་རྗེའི་སྒྲ་ནི་མི་ཕྱེད་པའི་ཧ་ཧ་དགོད་པ་གང་ལ་ཡོད་པ་དེ་ལ་དེ་སྐད་ཅེས་བྱའོ་ཞེས་བྱ་བ་འདིས་ནི་འདོད་པའི་རྒྱལ་པོའི་ཏིང་ངེ་འཛིན་ལ་སྙོམས་པར་ཞུགས་པ་ཉིད་
[78b.4]བསྟན་ཏོ། །མཐུ་ཆེན་པོ་དང་ལྡན་པའི་བགེགས་རྣམས་སོ་ཞེས་བྱ་བ་འདིས་ནི་མིག་འཕྲུལ་དང་ལྡན་པ་ཁྱབ་འཇུག་དང་དྲག་པོ་ལ་སོགས་པ་ཕྱོགས་སྐྱོང་བ་#རྣམས་སོ། །དེ་འཆིང་བར་བྱེད་པས་ན་འགུགས་པར་བྱེད་པ་སྟེ་བཅིངས་པའི་དོན་བསྟན་ཏོ། །དེ་ཉིད་གཙོ་བོ་ཡིན་པས་ན་ཞེས་པ་ལ་
[78b.5]ཐུན་མོང་#ཡིན་པའི་ལས་བྱེད་པས་སོ། །སྔགས་ཀྱི་བདག་ཉིད་ཅན་ཞེས་པ་ནི་བརྗོད་པར་བྱ་བ་དང་རྗོད་པར་བྱེད་པ་དབྱེར་མེད་པས་#ཁྲོ་བོ་ནི་སྔགས་ཀྱི་བདག་ཉིད་ཅེས་བྱའོ། །ན་མ་ཞེས་བྱ་བ་ལ་སོགས་པའི་སྔགས་ཀྱི་དོན་བཤད་པ་ནི་གོ་སླའོ། །མིང་བཏུས་པ་ཞེས་པ་ནི་སྔགས་ཀྱི་
[78b.6]བརྡའོ། །དེ་ཡང་ཞེས་བྱ་བ་ལ་སོགས་པས་རྡོ་རྗེ་གཙུག་ཏོར་གྱི་རྒྱུད་ཚད་མ་ཉིད་དུ་བསྟན་ཏོ། །དེ་ནས་ཞེས་བྱ་བ་ལ་སོགས་པས་སྔགས་བཟླས་པ་དང་ཐོས་པ་ཙམ་གྱིས་གདུག་པ་རྣམས་འཇིགས་པ་དང་བཅས་པ་དང་། རྡོ་རྗེ་འཆང་ཆེན་པོ་རྗེས་སུ་དྲན་པར་འགྱུར་རོ་ཞེས་བསྟན་ཏོ། །རྡོ་རྗེ་སེམས་
[78b.7]དཔའ་ཞེས་བྱ་བ་ལ་སོགས་པས་གང་ཡང་རུང་བའི་རྫས་ཀྱིས་#ལ་སོགས་པས་བསྒྲུབ་བྱའི་གཟུགས་བརྙན་བྲིས་ལ་དེའི་སྙིང་གའི་ཕྱོགས་སུ་མིང་སྤེལ་ནས། རྒྱལ་པོ་ལ་སོགས་པའི་བསྒྲུབ་བྱ་རྣམ་པར་ཤེས་པ་བཀུག་ལ་དེར་བཅུག་སྟེ་རྡོ་རྗེ་འཆང་ཆེན་པོའི་ཏིང་ངེ་འཛིན་མངོན་དུ་བྱས་པ་སྔོན་
[79a]
[79a.1]དུ་འགྲོ་བས་འདོད་པའི་རྒྱལ་པོའི་སྔགས་ལན་བརྒྱ་རྩ་བརྒྱད་བཟླས་པས་རྡོ་རྗེ་ལྕགས་ཀྱུ་བཀོད་པའི་རྐང་པ་གཡས་པས་དེ་མནན་ཞིང་ཇི་སྲིད་རྒྱལ་པོ་ལ་སོགས་པ་དེ་སྲིད་འགུགས་པར་བཟླས་པར་བྱའོ། །ཡེ་ཤེས་ཀྱི་ཕྲེང་བའི་ཆུ་ཞེས་བྱ་བ་ལ་སོགས་པས་མི་གཡོ་བའི་ཏིང་ངེ་འཛིན་
[79a.2]ལ་སྙོམས་པར་ཞུགས་པ་ཉིད་དུ་བསྟན་ཏོ། །སྔགས་ཀྱི་བདག་ཉིད་ཅན་ཞེས་པ་ནི་ཁྲོ་བོའི་སྐུ་དང་སྔགས་དག་དབྱེར་མེད་པས་སོ། །ན་མ་ཞེས་བྱ་བ་ལ་སོགས་པས་#སྔགས་ཀྱི་དོན་བཤད་པ་ནི་གོ་སླའོ། །སྭཱ་ཧཱ་ར་ལྡན་ཞིང་ཞེས་བྱ་བ་ལ་སོགས་པས་#སྔགས་ཀྱི་བརྡ་བསྟན་ཏོ། །མགོ་མེད་ཅེས་པ་ནི་ཨོཾ་
[79a.3]ཞེས་བྱ་བ་མགོ་བོ་དང་བྲལ་བས་སོ། །བགེགས་རྣམས་ལོང་བར་བྱེད་པའོ་ཞེས་པ་ནི་འཇིགས་པ་#ཆེན་པོས་མིག་ལོང་བ་སྐྱེད་པར་བྱེད་པས་སོ། །ཉོན་མོངས་པ་ཐམས་ཅད་ནི་འདོད་ཆགས་ལ་སོགས་པའོ། །#ཡང་ན་ཐམས་ཅད་ནི་འཇིག་རྟེན་པ་རྣམས་ཀྱི་ཉོན་མོངས་པ་ནི་ནད་ལ་སོགས་པ་དེ་མི་
[79a.4]བཟོད་པ་ནི་དེ་བཞིན་གཤེགས་པ་རྣམས་སོ། །དེ་ནས་ཞེས་བྱ་བ་ལ་སོགས་པས་སྔགས་བརྗོད་པ་དང་ཐོས་པས་དབང་ཕྱུག་ཆེན་པོ་ལ་སོགས་པ་རྣམས་ཀྱང་འཇིགས་པ་དང་ལྡན་པ་དང་རྡོ་རྗེ་འཆང་ཆེན་པོ་ལ་སྐྱབས་སུ་འགྲོ་བ་ཉིད་དུ་བསྟན་ཏོ། །འདི་ཡིས་ཞེས་བྱ་བ་ལ་སོགས་པ་#སྔགས་བྲིས་
[79a.5]པའི་འཁྲུལ་འཁོར་གྱི་དབང་ཕྱུག་ཆེན་པོ་ལ་སོགས་པ་ཡང་འགུགས་པར་འགྱུར་རོ་ཞེས་བསྟན་ཏོ། །སྔོན་དུ་བསྙེན་པ་སྔགས་འབུམ་ཕྲག་གཅིག་བཟླ་ཞིང་ཡང་གྲོ་ག་#ལ་སོགས་པ་གི་ཝང་དང་ཙནྡན་དང་གུར་གུམ་དང་ག་པུར་དང་གླ་རྩི་ལ་སོགས་པ་དེ་མེད་ན་ཐ་མལ་པའི་རྫས་ཀྱིས་
[79a.6]དབང་ཕྱུག་ཆེན་པོ་ལ་སོགས་པའི་གཟུགས་བརྙན་མིང་དང་སྤེལ་བར་བྱས་ལ། དེ་དང་འདྲ་བའི་འཁྲུལ་འཁོར་གཉིས་པས་ཁ་སྦྱར་ལ་སྔ་མ་བཞིན་དུ་ཉི་མའི་དཀྱིལ་འཁོར་གྱི་སྟེང་དུ་དགོད་པ་རྡོ་རྗེ་ལྕགས་ཀྱུས་མཚན་པའི་གཡོན་བརྐྱང་པའི་རྐང་པས་མནན་ཅིང་མཚམས་གསུམ་དུ་
[79a.7]བརྒྱ་རྩ་བརྒྱད་བཟླས་པ་བྱས་པས་དབང་ཕྱུག་ཆེན་པོ་ལ་སོགས་པ་འགུགས་པར་འགྱུར་རོ། །རྡོ་རྗེ་འཆང་གི་བཀའ་ཞེས་པ་ནི་རྡོ་རྗེ་འཆང་གི་བཀའ་ལུང་ངོ་། །དེ་ཉིད་མི་ཕྱེད་པས་ན་ཞེས་པ་ནི་བགེགས་ཐམས་ཅད་ཀྱིས་མི་འདའ་བས་སོ། །དེའི་མིང་ཅན་ཞེས་པ་ནི་དེའི་མིང་ཅན་ཏིང་ངེ་འཛིན་ཏོ། །
[79b]
[79b.1]རྡོ་རྗེ་འཛིན་པ་ཐམས་ཅད་ཅེས་བྱ་བ་ལ་སོགས་པས་མཐའ་མེད་པའི་སྔགས་ཀྱི་བརྡ་བསྟན་ཏེ་སྭཱ་ཧཱ་མེད་པས་སོ། །དེའི་དོན་ནི་འདི་ཡིན་ཏེ་ཞེས་བྱ་བ་ལ་སོགས་པས་སྔགས་ཀྱི་བཤད་པ་ནི་གོ་སླའོ། །རྡོ་རྗེ་སེམས་དཔའ་ཞེས་བྱ་བ་ལ་སོགས་པས་སྦྱོར་བ་བསྟན་ཏེ#། རྡོ་རྗེ་འཆང་ཆེན་པོའི་རྣལ་
[79b.2]འབྱོར་དང་ལྡན་པས་སེམས་དཔའ་གསུམ་གྱི་བདག་ཉིད་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པའི་ཚོགས་བསྒོམས་ལ་ཡེ་ཤེས་སེམས་དཔའི་ཐུགས་ཀ་ནས་འོད་ཟེར་གྱི་ཚོགས་སྤྲོ་ཞིང་དེ་ཉིད་ལྕགས་ཀྱུའི་རྣམ་པར་ཡོངས་སུ་གྱུར་ནས་བསྒྲུབ་བྱའི་ཡེ་ཤེས་སེམས་དཔའི་
[79b.3]འོད་ཟེར་གྱི་སྦྱོར་བས་བཀུག་ལ་གནོད་མཛེས་ཀྱི་རྒྱལ་པོས་རླུང་གི་དཀྱིལ་འཁོར་གྱི་སྟེང་དུ་དྲངས་པ་ཞགས་པ་དང་ལྕགས་ཀྱུ་དག་གིས་མགུལ་བ་བཅིངས་ཤིང་སྤྱི་བོར་བཏབ་ལ། མདུན་དུ་ཕྱིན་ནས་རང་གི་ཡེ་ཤེས་སེམས་དཔའི་སྙིང་གར་འཇུག་པར་བྱའོ། །དེའི་ཚེ་དེ་བཞིན་གཤེགས་པ་
[79b.4]ཐམས་ཅད་ཀྱི་ནུས་པ་འགུགས་པར་འགྱུར་རོ། །དེ་ཡང་ལེའུ་བཅུ་པ་ལས་ཐབས་བཞིའི་རིམ་པ་བསྟན་ཏོ། །རིམ་པ་འདི་ཉིད་ཀྱིས་ལྷ་ལ་སོགས་པ་རྣམས་ཀྱི་ཡང་བུ་མོ་འགུགས་པར་འགྱུར་རོ་ཞེས་བྱའོ། །དེ་ཉིད་བསྟན་པའི་ཕྱིར་བུ་མོ་ཞེས་བྱ་བ་འདི་ཉེ་བར་མཚོན་པ་ཙམ་ཞེས་བསྟན་
[79b.5]ཏོ། །ནང་གི་བདག་ཉིད་ལ་གཞོལ་བ་ཞེས་བྱ་བ་ནི་ཕྱི་རོལ་གྱི་རྫས་ལ་མི་ལྟོས་#པ་ལ་འཇུག་པའོ། །དེ་ནས་ཞེས་བྱ་བ་ནས་སྐུ་དགུག་#པའི་ཞེས་པའི་བར་དུ་ནི་སངས་རྒྱས་དགུག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པ་ཉིད་བསྟན་ཏོ། །དང་པོ་རྡོ་རྗེ་འཆང་ཆེན་པོ་ལ་སོགས་
[79b.6]པའི་སྐུ་དམིགས་པ་སྔོན་དུ་འགྲོ་བ་རང་གི་སྙིང་ག་ནས་ཞགས་པ་དང་ལྕགས་ཀྱུའི་རྣམ་པའི་འོད་ཟེར་རྣམས་བསྒྲུབ་བྱའི་ལུས་ལ་སོགས་པ་ལ་འཇུག་ན་དེའི་ཚེ་ལུས་ཀྱང་འགུགས་པར་འགྱུར་རོ་ཞེས་བསྟན་ཏོ། །འདིར་བསྒྲུབ་པར་དཀའ་བ་ནི་ཚངས་པ་ལ་སོགས་པ་འཇིག་རྟེན་པའི་ལྷ་དང་འཇིག་
[79b.7]རྟེན་ལས་འདས་པའི་དེ་བཞིན་གཤེགས་པ་རྣམས་ཀྱང་སྒྲུབ་པ་#པོ་ལ་མི་གཟིགས་པ་ཞེས་བྱའོ། །སྟོན་པ་ཞེས་བྱ་བ་ནས་ཁུགས་པར་འགྱུར་རོ་ཞེས་པའི་བར་དུ་ནི་སྔར་བཤད་པའི་ཏིང་ངེ་འཛིན་གྱིས་རྡོ་རྗེ་འཆང་གི་སེམས་དགུག་པ་#བསྟན་ཏོ། །འཁོར་ལོ་ཞེས་བྱ་བ་ནས་དགུག་སྟེ་
[80a]
[80a.1]ཞེས་བྱ་བའི་#བར་དུ་ནི་རྣམ་པར་སྣང་མཛད་ལ་སོགས་པའི་རྣལ་འབྱོར་པས་རིམ་པ་ཇི་ལྟ་བ་#བཞིན་དུ་རང་གི་སྐུ་བསྒོམས་#ལ་རང་གི་སྙིང་ག་ལས་སྤྲོས་པའི་འོད་ཟེར་གྱི་#ཚོགས་འཁོར་ལོ་དང་པདྨ་དང་རིན་པོ་ཆེ་དང་རལ་གྲིའི་རྣམ་པ་ཡོངས་སུ་གྱུར་པ་བསྒྲུབ་བྱའི་སྙིང་གར་བཅུག་
[80a.2]པས་དགུག་#པར་བྱའོ་ཞེས་བསྟན་ཏོ། །རྡོ་རྗེ་སེམས་དཔའ་ཆེན་པོའི་རྣལ་འབྱོར་པས་ཞེས་བྱ་བ་ནས་ངེས་པར་འགུགས་པར་འགྱུར་རོ་ཞེས་བྱ་བའི་བར་དུ་རྡོ་རྗེ་འཆང་གི་ཏིང་ངེ་འཛིན་མངོན་དུ་བྱས་ལ། ཡི་གེ་ཧཱུཾ་ཡོངས་སུ་གྱུར་པའི་སྣ་ཚོགས་རྡོ་རྗེའི་སྟེང་དུ་རྒྱལ་པོའི་བཙུན་མོ་བཞག་#
[80a.3]པར་བསམས་ལ་རང་གི་སྙིང་ག་ལས་བྱུང་བའི་འོད་ཟེར་གྱི་ཚོགས་རྡོ་རྗེ་ལྕགས་ཀྱུའི་རྣམ་པ་ཅན་དེའི་སྙིང་གར་བཅུག་པས་དགུག་པར་བསམ་པར་བྱའོ། །དེ་བཞིན་དུ་རྣམ་པར་སྣང་མཛད་ཅེས་པ་ནས་དགུག་པར་བྱའོ་ཞེས་བྱ་བའི་བར་དུ་རྣམ་པར་སྣང་མཛད་ཀྱི་རྣམ་པ་ཡོངས་སུ་གྱུར་པ་ལས་ཟླ་
[80a.4]བའི་དཀྱིལ་འཁོར་གྱི་#སྟེང་དུ་གནས་པ་བརྒྱ་བྱིན་གྱི་ཆུང་མ་རླུང་གི་དཀྱིལ་འཁོར་གྱིས་ཁྱེར་བ་བདུད་རྩི་འཁྱིལ་པས་དྲངས་པར་བསྒོམས་#ཏེ། མདུན་དུ་ཕྱིན་པ་བསམ་པར་བྱའོ་ཞེས་རྣམ་པར་སྣང་མཛད་ཀྱི་སྦྱོར་བས་དགུག་པར་བྱའོ་ཞེས་བསྟན་ཏོ། །ལན་གྲངས་ལྔ་བཅུ་བརྗོད་ནས་
[80a.5]ཞེས་པ་ནི་ཐབས་དང་ཤེས་རབ་ཀྱི་བདག་ཉིད་ཀྱིས་རྣམ་པ་གཉིས་སུ་བྱས་ནས་བརྒྱར་འགྱུར་རོ། །བརྒྱ་བཟླས་པ་ནི་བརྒྱ་རྩ་བརྒྱད་བཟླས་པ་ཡིན་ནོ། །རྡོ་རྗེ་དཀྱིལ་འཁོར་ཞེས་བྱ་བ་ནས་དགུག་#པར་བྱའོ་ཞེས་བྱ་བའི་བར་དུ་ནི་མི་བསྐྱོད་པའི་རྣལ་འབྱོར་པས་འདོད་པའི་རྒྱལ་པོ་
[80a.6]ཡོངས་སུ་གྱུར་པ་ལས་རྡོ་རྗེ་ལྕགས་ཀྱུ་ལ་གནས་པའི་ལྷའི་བུ་མོ་བསམས་ཏེ་རྡོ་རྗེ་ལྕགས་ཀྱུའི་སྦྱོར་བ་དེ་ཉིད་ཀྱིས་དགུག་#པར་བསམ་པར་བྱའོ། །དེའི་ཚེ་འགུགས་#པར་འགྱུར་རོ་ཞེས་བསྟན་ཏོ། །རྡོ་རྗེ་ཁྲོ་བོ་ཞེས་བྱ་བ་ནས་དགུག་པར་བྱའོ་ཞེས་བྱ་བའི་བར་དུ་ནི་ཐུགས་རྡོ་རྗེ་འཆང་གི་ཏིང་
[80a.7]ངེ་འཛིན་མངོན་དུ་འགྱུར་བ་སྔོན་དུ་འགྲོ་བས་རང་གི་སྙིང་ག་ནས་སྔར་བཤད་པའི་ཁ་དོག་དང་། དབྱིབས་དང་ལྡན་པའི་གནོད་མཛེས་ཀྱི་རྒྱལ་པོ་སྤྲོས་ལ། དེས་ཞགས་པ་དང་ལྕགས་ཀྱུ་དག་གིས་ལྷ་མ་ཡིན་གྱི་བུ་མོ་བཅིངས་ནས་སྙིང་གར་བརྡེགས་ལ་རླུང་གི་དཀྱིལ་འཁོར་གྱིས་དྲངས་
[80b]
[80b.1]པར་བསམས་ན་དེའི་#འགུགས་པར་འགྱུར་རོ་ཞེས་བསྟན་ཏོ། །བཙག་གམ་ཞེས་བྱ་བ་ནས་ངེས་པར་འགྱུར་རོ་ཞེས་པའི་བར་དུ་ནི་བཙག་ནི་རྡོ་རྗེ་ལྕགས་ཀྱུ་ལྟ་བུའི་རྣམ་པ་བྱས་ནས་ཟླ་བ་གཟས་ཟིན་པའི་#དུས་སུ་སྙོམས་པར་ཞུགས་པའི་ཚེ་ཕྱག་རྒྱའི་ཆོས་འབྱུང་གི་ནང་དུ་བཅུག་ལ་ཇི་སྲིད་ཟླ་བ་
[80b.2]བཏང་བ་དེ་སྲིད་དུ་བཟླ་བར་བྱའོ། །དེའི་འོག་ཏུ་དེ་ལས་ལངས་ལ་བསྒྲུབ་བྱའི་མིང་བྲིས་ཏེ། སྲུང་#བའི་འཁོར་ལོས་བསྲུང་ཞིང་མངོན་པར་འདོད་པ་གང་ཡིན་པ་དེ་དགུག་པར་བྱའོ་ཞེས་བསྟན་ཏོ། །རྣམ་པ་ཐམས་ཅད་ཅེས་བྱ་བ་ནས་ཉེ་བར་སྡུད་#པའོ་ཞེས་བྱ་བའི་བར་དུ་ནི་རེ་ཞིག་དང་པོ་བསྐྱེད་
[80b.3]པའི་རིམ་པས་འཇམ་པའི་རྡོ་རྗེའི་བདག་ཉིད་བསྒོམས་ལ་རང་གི་སྙིང་ག་ནས་གཤིན་རྗེ་མཐར་བྱེད་སྤྲོ་#ཞིང་དེ་ཡོངས་སུ་གྱུར་པ་ལས་མེའི་དཀྱིལ་འཁོར་དེ་ལ་#ཟླ་བའི་འོད་ལ་སོགས་པ་མངོན་པར་འདོད་པའི་གནོད་སྦྱིན་མ་བཞག་སྟེ་རླུང་གི་དཀྱིལ་འཁོར་གྱིས་ཁྱེར་བ་གཤིན་རྗེ་མཐར་བྱེད་དེ་ཉིད་ཀྱིས་དྲངས་
[80b.4]པ་བསམ་པར་བྱེད་ན་དེའི་ཚེ་འགུགས་པར་འགྱུར་རོ་ཞེས་བསྟན་ཏོ། །ཕྱག་རྒྱ་ཆེན་པོ་གཉིས་ཀྱི་དབྱེ་བས་སོ་ཞེས་བྱ་བ་ལ་སོགས་པས་དགུག་#པ་ལ་སོགས་པ་#སྔར་བཤད་པ་གང་ཡིན་པ་དེ་རྣམས་རྣམ་པ་གཉིས་ཀྱི་ཕྱག་རྒྱ་ཆེན་པོའི་སྐུ་དམིགས་པ་དང་། རྣམ་པ་གཉིས་ཀྱིས་#བཟླས་པ་བྱས་
[80b.5]ནས་དགུག་པར་བྱའོ། །འདིར་སྔགས་ཀྱི་སྐུ་དང་། ཡེ་ཤེས་ཀྱི་སྐུ་སྟེ་རྣམ་པ་གཉིས་སོ། །ངག་གི་བཟླས་པ་དང་རྡོ་རྗེ་བཟླས་པ་ཞེས་བྱ་བ་ནི་བཟླས་པ་གཉིས་སོ། །དེ་ཡང་རིམ་པ་གཉིས་ཀྱི་རྣལ་འབྱོར་པ་ལ་ལྟོས་#ནས་བཤད་པར་བྱའོ། །དེ་སྤོང་བས་གང་སྒྲུབ་པར་བྱེད་པ་དེ་འཇིག་པ་ནི་
[80b.6]དངོས་གྲུབ་ཐོབ་#པར་མི་འགྱུར་རོ་ཞེས་བསྟན་ཏོ། །རྡོ་རྗེ་སེམས་དཔའ་ཞེས་བྱ་བ་ནས་དམིགས་པར་བྱའོ་ཞེས་བྱ་བའི་བར་དུ་ལས་ཀྱི་ཚོགས་སྔར་བཤད་པ་གང་ཡིན་པ་དེ་རྣམས་བྱ་བའི་དུས་སུ་སྐད་ཅིག་མ་རེ་རེ་རྡོ་རྗེ་སེམས་དཔའི་ཏིང་ངེ་འཛིན་དམིགས་པར་བྱ་སྟེ། དེ་ནི་ཐམས་ཅད་ཀྱི་
[80b.7]མཆོག་ཡིན་པས་སོ་ཞེས་བསྟན་པའོ། །ལྔ་པོ་རྣམས་ཀྱི་རྟེན་དུ་གྱུར་པའི་ཕྱིར་ཞེས་པ་ནི་དེ་རྣམས་སྐྱེད་པར་བྱེད་པའི་ཕྱིར་རོ། །ཡང་དང་ཡང་དུ་བསྐུལ་བར་བྱ་ཞིང་ཞེས་པ་ནི་སྐད་ཅིག་མ་རེ་རེ་#བསྒོམ་པར་བྱའོ། །ཅིའི་ཕྱིར་ཞེ་ན་ཞེས་པ་ནི་གཏན་ཚིགས་སོ། །གང་གི་ཕྱིར་དེ་བཞིན་
[81a]
[81a.1]གཤེགས་པ་ཐམས་ཅད་ཀྱི་ནང་ན་རྟག་པ་སྟེ་རང་བཞིན་གྱི་རྟག་པ་ཆོས་ཀྱི་སྐུའི་རང་བཞིན་ཡིན་པའི་ཕྱིར་རོ། །གསལ་བར་བྱེད་པ་ནི་སྤྲོ་བར་བྱེད་པའོ། །ལས་ཐམས་ཅད་ཅེས་པ་ནི་ཞི་བ་ལ་སོགས་པ་ལའོ། །གནས་སྐབས་ཐམས་ཅད་དུ་དམིགས་པར་བྱའོ་
[81a.2]ཞེས་པ་ནི་སྤྱོད་ལམ་བཞི་ལ་དེ་ཉིད་#བསྟེན་པར་བྱ་བའི་རིགས་སོ། །ཇི་སྐད་དུ། སྦྱོར་བ་ཐམས་ཅད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །ཁམས་གསུམ་པ་ནི་མ་ལུས་འདི#། །དེ་ནི་ལོངས་སྤྱོད་ཐམས་ཅད་ཡིན། །ཞེས་འབྱུང་ངོ་། །དེ་ནས་ཞེས་བྱ་བ་ལ་སོགས་
[81a.3]པས་#བཅོམ་ལྡན་འདས་དོན་ཡོད་གྲུབ་པའི་ཏིང་ངེ་འཛིན་ལ་སྙོམས་པར་ཞུགས་པ་ཉིད་དུ་བསྟན་ཏོ། །ནམ་མཁའ་ལྟར་ཐོག་མ་དང་#ཐ་མ་མེད་པའོ་#ཞེས་པ་ནི་ཆོས་ཀྱི་སྐུ་ལ་ངོ་བོ་ཉིད་རྟོགས་པས་ཐོག་མ་དང་ཐ་མ་དང་སྐྱེ་བ་དང་འཇིག་པ་མེད་དེ། སྐྱེ་དང་གནས་དང་འཇིག་པའི་ཉེས་པ་དང་བྲལ་བ་
[81a.4]ཞེས་འབྱུང་བས་སོ། །སྣ་ཚོགས་རྡོ་རྗེ་ཞེས་པ་ནི་སྣ་ཚོགས་རྡོ་རྗེས་བྱིན་གྱིས་བརླབས་པའི་ལས་ཀྱི་མཚན་ཉིད་གང་ལ་ཡོད་པ་དེ་ལ་དབྱེར་མེད་པའི་ཏིང་ངེ་འཛིན་དེ་སྐད་ཅེས་བྱའོ། །གནས་སྐབས་ཀྱི་ཁྱད་པར་ལ་ཞེས་པ་ནི་སེམས་རྩེ་གཅིག་པ་ཉིད་ལ་བཞུགས་ནས་སོ། །འཆད་པར་འགྱུར་བ་ཞེས་བྱ་བ་
[81a.5]ལ་སོགས་པས་བཅོམ་ལྡན་འདས་དོན་ཡོད་གྲུབ་པའི་རང་བཞིན་གྱི་རལ་པ་གཅིག་མའི་སྔགས་བསྟན་ཏོ། །རལ་པ་གཅིག་གང་ལ་ཡོད་པ་དེ་ནི་ཐོར་ཚུགས་གཅིག་མ་#སྟེ། ཕྱི་རོལ་གྱི་མཁའ་འགྲོ་མ་རྣམས་བསྐྲད་པའི་དོན་དུ་སྤྲུལ་པའོ། །སྔགས་ཀྱི་བདག་ཉིད་ཅན་ཞེས་པ་ནི་བརྗོད་པར་
[81a.6]བྱ་བ་དང་#རྗོད་པར་བྱེད་པའི་དབྱེར་མེད་པས་སོ། །དམ་ཚིག་ཆེན་པོ་གཞན་གྱིས་#མི་ཐུབ་པའི་ཞེས་པ་ནི་དེའི་རིགས་#ལས་བྱུང་བ་དང་སྲིན་པོ་ལ་སོགས་པ་ལས་རྒྱལ་བའི་ཕྱིར་རོ། །དེའི་དཀྱིལ་འཁོར་པ་རྣམས་མོ་#ཞེས་པ་ནི་དམ་ཚིག་གི་#རིགས་ཀྱི་འཁོར་རྣམས་སོ། །དེ་རྣམས་ཀྱི་
[81a.7]གཙོ་བོ་སྟེ་ཞེས་པ་ནི་ཁྲོ་བོའི་རྒྱལ་པོ་བཙུན་མོ་ཡིན་པས་སོ། །ཨོཾ་ཞེས་བྱ་བ་ལ་སོགས་པ་སྔགས་ཀྱི་དོན་ནི་གོ་སླའོ། །རིག་པ་འདི་ཞེས་བྱ་བ་ལ་སོགས་པས་བཅོམ་ལྡན་འདས་རྡོ་རྗེ་འཆང་གིས་#གང་གི་ཚེ་རིག་པ་འདི་གསུངས་པ་དེའི་ཚེ་ཀླུའི་རྒྱལ་པོ་འཇོག་པོ་#ལ་སོགས་པ་དང་གཟུགས་
[81b]
[81b.1]བཟང་མ་#ལ་སོགས་པའི་ཀླུ་མོ་རྣམས་#འགུགས་པར་འགྱུར་རོ་ཞེས་རིག་#པའི་མཐུ་བསྟན་ཏོ། །དེ་ལ་འདིར་ཆོ་ག་འདི་ཡིན་ནོ་ཞེས་བྱ་བ་ལ་སོགས་པས་ཀླུ་དང་ཀླུ་མོ་རྣམས་དགུག་པའི་སྦྱོར་བ་བསྟན་ཏོ། །སྐྱེས་པའི་ཐོད་པ་ལ་ཞེས་པ་ནི་རོ་ལངས་ཀྱི་ཆོ་གས་བླངས་པ་ལའོ། །བཙག་ཅེས་པ་ནི་
[81b.2]དགོངས་པས་བཤད་པས་རང་འབྱུང་གི་མེ་ཏོག་གིས་སོ། །ཇི་སྐད་དུ། སྣ་དུང་མཚལ་ཆེན་དང་ལྡན་པ། །#སྨེ་ཤ་ཅན་མ་སྐལ་མེད་གང་། །དེ་ལ་ཟླ་བ་#རེ་ལས་འབྱུང་། །ཁྲག་ནི་མེ་ཏོག་ཅེས་སུ་བཤད། །ཅེས་འབྱུང་ངོ་། །རླུང་གི་དཀྱིལ་འཁོར་ཞེས་པ་ནི་ཟླ་གམ་དང་འདྲ་བ་བ་དན་གྱིས་མཚན་
[81b.3]པའོ། །ནོར་རྒྱས་ལ་སོགས་པའི་ཀླུའི་གཟུགས་བརྙན་གང་ཡང་རུང་བའི་གཟུགས་ཞེས་པ་ནི་སྒྲུབ་པ་པོའི་དགོངས་པའི་དབང་གིས་#ཞེས་བྱ་བའོ། །མིང་དང་སྤེལ་བ་དང་བཅས་པ་ནི་དགུག་པའི་ས་བོན་དང་བཅས་པས་#མིང་དང་བཅས་པའོ། །སྔགས་བཟླས་བརྗོད་བྱས་ནས་ཞེས་པ་ནི་ཆེ་གེ་
[81b.4]མོ་ཀླུ་ཨཱ་ཀཪྵ་ཡ་ཧྲི་ཞེས་བྱ་བ་དང་ལྡན་པ། རལ་བ་གཅིག་མའི་སྔགས་བརྒྱ་རྩ་བརྒྱད་བཟླས་ཤིང་ཀླུ་དང་ཀླུ་མོ་རྣམས་དབང་དུ་འགྱུར་རོ། །ཆོ་ག་ཞེས་བྱ་བ་ལ་སོགས་པས་ཀླུ་མོ་དགུག་#པ་ཡང་བུད་མེད་ཀྱི་ཐོད་པ་ལ་#ཐམས་ཅད་དེ་ལྟར་བྱའོ་ཞེས་བསྟན་ཏོ། །དེ་བས་ན་ཞེས་བྱ་བ་ལ་
[81b.5]སོགས་པས་#ཐམས་ཅད་བསྡུས་སོ། །དེ་ནས་ཞེས་བྱ་བ་ལ་སོགས་པས་འོད་དཔག་ཏུ་མེད་པའི་ཏིང་ངེ་འཛིན་ལ་སྙོམས་པར་ཞུགས་པ་#ཉིད་དུ་བསྟན་ཏོ། །ནམ་མཁའི་དམ་ཚིག་ནི་བྱང་ཆུབ་ཀྱི་སེམས་སོ། །དེའི་རང་བཞིན་འོད་དཔག་ཏུ་མེད་པའོ། །འོད་དཔག་ཏུ་མེད་པ་#ཞེས་བྱ་བ་ལ་
[81b.6]སོགས་པས་སྨིན་མ་བསྡུ་བ་དང་བཅས་པའི་འཇིགས་པས་ཁྲོ་གཉེར་མའི་གཟུགས་#བསྟན་ཏོ། །ཨོཾ་ཞེས་བྱ་བ་ལ་སོགས་པས་སྔགས་ཀྱི་དོན་བཤད་པ་ནི་གོ་སླའོ། །རྐུན་མ་ལ་སོགས་པས་བྱས་པ་#ཞེས་པ་ནི་གླང་པོ་ལ་སོགས་པས་བྱས་པའི་འཇིགས་པ་བརྒྱད་དམ་བཅུའོ། །
[81b.7]འཇིགས་#པ་ནི་དེ་འཇིགས་#པའོ། །དགྲ་ནི་ཕ་རོལ་གྱི་དཔུང་ངོ་། །འཇིགས་པར་མཛད་པ་ནི་རྨོངས་པར་མཛད་པའོ། །འཇིགས་པའི་གཟུགས་ཅན་ཞེས་པ་ནི་གདུལ་དཀའ་གདུལ་#བར་བྱ་བའི་ཕྱིར་མངོན་དུ་འཇིགས་པའི་གཟུགས་ཅན་ནོ། །བཀའ་བསྒོ་བ་ཞེས་པ་ནི་བཅོམ་ལྡན་
[82a]
[82a.1]འདས་རྡོ་རྗེ་འཆང་བཀའ་བསྒོ་བར་མཛད་པའོ། །གློག་ལྟར་གཡོ་བའི་གཟུགས་ཅན་ཞེས་པ་ནི་ཐོག་བཞིན་དུ་སྣང་བས་སོ། །དེ་བས་ན་བགེགས་རྣམས་བཅོམ་པའི་ཕྱིར་འབྲུག་ལྟར་སྒྲ་སྒྲོགས་པའོ། །དྲི་མ་ངན་པ་མ་ལུས་པ་ནི་འདོད་ཆགས་ལ་སོགས་པའི་དྲི་མ་རྣམས་
[82a.2]སོ། །དེ་དང་བྲལ་བ་ནི་དེ་མེད་པས་ཤེལ་ཏེ་དྲི་མ་དག་པའི་གོས་བཞིན་ནོ། །འདོད་ཆགས་རྣམ་པར་དག་པ་ནི་བཅོམ་ལྡན་འདས་འོད་དཔག་ཏུ་མེད་པའི་རང་བཞིན་ཡིན་པས་སོ། །གང་གི་མགོ་ལ་ཡོད་པ་ཞེས་པ་#འདིས་ཁྲོ་གཉེར་མ་འོད་དཔག་ཏུ་མེད་པའི་རིགས་དང་ལྡན་པར་#བསྟན་ཏོ། །
[82a.3]སྔར་བཤད་པའི་འཇིགས་པ་དང་བྲལ་བས་བྷ་ཤ་ན་ཡ་ཞེས་བྱ་བ་ལ་སོགས་པ་ཀུན་ཀྱང་བོད་པའི་ཚིག་ཡིན་ནོ་ཞེས་བྱ་བ་ལ་སོགས་པ་བཅོམ་ལྡན་འདས་མའི་བོད་པའི་ཚིག་གོ། །རིག་པ་ཞེས་བྱ་བ་ལ་སོགས་པས་ཁྲོ་གཉེར་མའི་སྔགས་ཐོས་པས་#རིག་པ་འཛིན་པའི་བུ་མོ་ཆགས་པའི་
[82a.4]མེས་བསྲེག་པར་འགྱུར་བའི་སྙིང་དང་ལྡན་པས་སྒྲུབ་པ་པོ་རྙེད་པའི་ཕྱིར་འོད་དཔག་ཏུ་མེད་པ་དྲན་པར་འགྱུར་རོ་ཞེས་བསྟན་ཏོ། །སྔགས་ཀྱི་མཐུ་བསྟན་པར་བྱ་བའི་ཕྱིར#། །གཟུགས་ལ་སོགས་པའི་ཡོན་ཏན་དང་ལྡན་པ་ནི་མཛེས་པ་ལ་སོགས་པས་ལུས་བརྒྱན་པའོ། །རྣ་རྒྱན་འཆང་
[82a.5]ཞིང་གཡོ་བར་འགྱུར། །#ཞེས་བྱ་བ་ནི་རྒྱན་ཐམས་ཅད་ཀྱིས་#བརྒྱན་པ་ཞེས་བྱ་བའི་ཐ་ཚིག་གོ། །མཆོག་གི་ཁྱད་པར་གྱིས་#ཞེས་བྱ་བ་ལ་སོགས་པས་དེ་མ་ཐག་ཏུ་བཤད་པའི་རིག་པ་དང་རྟོག་པ་ལས་གསུངས་པའི་ཆོ་གས་ཀྱང་དགུག་པར་#བྱའོ་ཞེས་བསྟན་ཏོ། །འདིར་ཞེས་བྱ་བ་ལ་སོགས་
[82a.6]པས་སྦྱོར་བ་བསྟན་ཏོ། །སྒྲ་ཇི་བཞིན་པའོ་ཞེས་པ་ནི་བསྐྱེད་པའི་རིམ་པ་ཙམ་གྱིས་ལས་ཀྱི་རྒྱལ་བ་མཆོག་བསྟན་པའི་ཕྱིར་རོ། །འགོག་པ་ཞེས་བྱ་བ་ནས་དགོངས་པས་བཤད་པའོ་ཞེས་པའི་བར་དུ་ནི་འཇུག་པ་ལ་སོགས་པའི་ཡི་གེ་གསུམ་ཡན་ལག་མ་ཉམས་པར་བཟླས་ནས་སྔར་
[82a.7]བཤད་པའི་སྔགས་རྣམས་ཀྱིས་#ཞི་བ་ལ་སོགས་པའི་ལས་རྣམས་འགྲུབ་པར་འགྱུར་རོ་ཞེས་བསྟན་ཏོ། །དེ་ཁོ་ན་ཉིད་ལ་འཇུག་པས་འབད་རྩོལ་མེད་པས་སྔགས་འགྲུབ་པར་འགྱུར་ཏེ། སྔགས་ཀྱི་རང་བཞིན་ཡོངས་སུ་ཤེས་པས་སོ། །དེ་ཉིད་ཀྱི་ཕྱིར་རིང་པོར་མི་ཐོགས་པས་ནི་མྱུར་དུ་
[82b]
[82b.1]ཞེས་བསྟན་ཏོ། །དགོངས་པ་ནི་རྡོ་རྗེ་འཆང་ཆེན་པོའི་རྣལ་འབྱོར་དང་ལྡན་པས་ལྐོག་མ་ལ་སོགས་པའི་གནས་བཞི་ལ་མེ་ལ་སོགས་པའི་དཀྱིལ་འཁོར་བསྒོམས་ཏེ། དེ་རྣམས་རེ་རེ་ལ་འཇུག་པ་ལ་སོགས་པའི་རིམ་པས་ཡི་གེ་གསུམ་བཟླ་ཞིང་དེའི་འོག་ཏུ་གཡོན་པ་དང་གཡས་པ་དང་གཉི་ག་དང་
[82b.2]དལ་བུས་དམན་པར་རྒྱུ་བས་དམར་པོ་ལ་སོགས་པའི་འོད་ཟེར་སྤྲོ་ཞིང་སྣའི་རྩེ་མོར་ཐུན་ཕྱེད་ཕྱེད་ཀྱི་དུས་སུ་འཛིན་པས་དབང་པོ་ལ་སོགས་པས་འགྲུབ་པར་འགྱུར་རོ། །དགོངས་པ་ལས་#བཤད་པ་ནི་འགལ་བའི་སྒྲའི་སྒོ་ནས་དེ་ཁོ་ན་ཉིད་བསྟན་པས་སོ། །སྔགས་ལ་མཆོག་ཏུ་གཞོལ་བ་ཞེས་བྱ་བ་ནས་དབེན་པའི་
[82b.3]གནས་#དག་ཏུ་ཞེས་པའི་བར་དུ་ནི་ལས་དང་པོ་པས་སྔར་བཤད་པའི་ཁྲོ་བོའི་སྔགས་འབུམ་བཟླས་པས་རི་བོ་ལ་སོགས་པ་དབེན་པར་འགྲུབ་པར་འགྱུར་རོ་ཞེས་བསྟན་ཏོ། །མངོན་སྤྱོད་ཅེས་བྱ་བ་ལ་སོགས་པས་གསོད་པའི་ལས་ཀྱི་ཡུལ་བསྟན་ཏོ། །བླ་མ་ལ་སྨོད་པ་ཞེས་པ་ནི་དབང་བསྐུར་བའི་
[82b.4]བླ་མ་ལ་སྨོད་པའོ། །རྡོ་རྗེ་སློབ་དཔོན་སྨོད་པ་ནི་ཆོས་བསྟན་པ་སྨོད་པར་བྱེད་པའོ། །རྡོ་རྗེ་ཐེག་པ་སྤོང་བ་ནི་དེའི་བསྟན་བཅོས་སྨད་པར་བྱས་པའོ། །དེ་དག་ནི་དམུ་རྒོད་ཀྱི་རིགས་ཅན་ཉན་ཐོས་པ་རྣམས་སོ། །སྡིག་པ་བྱེད་པ་གཞན་དག་ནི་མ་གསོད་པ་ལ་སོགས་པའི་མཚམས་མེད་
[82b.5]པའི་ལས་བྱེད་པའོ། །གསད་པར་བྱ་བ་ཞེས་པ་ནི་ངེས་པར་གཟུང་བ་དང་བཅས་པའི་ཚིག་སྟེ་གསད་པར་བྱ་བ་ཁོ་ནའོ། །ཡང་ན་བསྒྲད་པ་ནི་རང་གི་གནས་ནས་དགར་བར་བྱའོ། །དེ་ལྟར་ཞེས་བྱ་བ་ལ་སོགས་པས་ལས་འདི་བྱེད་པས་ན་ཟུང་དུ་འཇུག་པའི་ཏིང་ངེ་འཛིན་གྱི་ཕྱག་རྒྱ་ཆེན་པོའི་
[82b.6]དངོས་གྲུབ་རྣལ་འབྱོར་པས་ཐོབ་པར་འགྱུར་རོ་ཞེས་བསྟན་ཏོ། །ཕ་རོལ་འཚེ་བས་ཇི་ལྟར་འགྲུབ་པར་འགྱུར་རོ་ཞེས་#རྟོག་པར་མི་བྱ་སྟེ། གང་གི་ཕྱིར་བསམ་པའི་ཁྱད་པར་ལས་ལྡང་བའི་དགེ་བ་འམ་མི་#དགེ་བའི་ལས་ཀྱི་#འབྲས་བུའི་ཁྱད་པར་སྒྲུབ་པར་བྱེད་དོ།# །དེ་ལ་སྙིང་རྗེ་ཆེན་པོ་
[82b.7]དང་ལྡན་པའི་བསམ་པས་མཚམས་མེད་པར་བྱེད་པ་དམྱལ་བ་ལས་གདོན་པའི་ཕྱིར་སྔགས་དང་ཕྱག་རྒྱའི་རིམ་#པས་གལ་ཏེ་འཚེ་བར་བྱེད་པ་#དང་མི་བསྐྱོད་པ་ལ་སོགས་པ་སངས་རྒྱས་ཀྱི་ཞིང་ལ་གཞག་#པར་བྱེད་ན་དེའི་ཚེ་བསོད་ནམས་ཀྱི་ཚོགས་དང་ཡེ་ཤེས་ཀྱི་ཚོགས་འབྱུང་བར་
[83a]
[83a.1]འགྱུར་བས་སྡིག་པར་ཇི་ལྟར་འགྱུར་ཞེས་ཤིན་ཏུ་ཕལ་ཆེར་ཐལ་བས་ཆོག་གོ། །གསད་#པར་བྱ་བ་དེ་རྣམས་ཀྱི་ཞེས་#བྱ་བ་ནི་འཚེ་བར་བྱེད་པ་རྣམས་ཀྱིའོ། །ཁ་སྦྱར་དབྱེ་#བ་ནི་སྙིང་གའི་པདྨ་དབྱེ་བའོ། །ཕྱོགས་བཅུ་ཞེས་བྱ་བ་ལ་སོགས་པས་གདུག་པའི་བདག་ཉིད་ཀྱི་
[83a.2]སེམས་ཅན་གྱི་ཁམས་བསྒོམ་#པས་གསོད་པར་བྱའོ་ཞེས་བསྟན་ཏོ། །སྦྱོར་བ་བསྟན་པ་ཞེས་བྱ་བ་ནས་གསལ་བར་བྱ་ཞེས་བྱ་བའི་བར་དུ་ནི་བདུད་རྩི་ལྔས་དགྲའི་གཟུགས་བརྙན་བྱས་ལ་དེའི་སྙིང་གར་མིང་སྤེལ་ཏེ་མངོན་སྤྱོད་ཀྱི་རྫས་ཀྱི་བསྐུལ་ཞིང་ཉི་མའི་དཀྱིལ་འཁོར་ལ་གནས་པའི་སྣ་
[83a.3]ཚོགས་རྡོ་རྗེས་མཚན་པའི་རྐང་པ་གཡས་པས་མནན་ཞིང་སྔོན་གྱི་བསྙེན་པ་བྱས་པའི་གཤིན་རྗེ་གཤེད་ལ་སོགས་པའི་ཁྲོ་བོའི་སྔགས་#བརྒྱ་རྩ་བརྒྱད་བཟླས་ན་བསྒྲུབ་བྱ་འཆི་བར་འགྱུར་རོ། །འདིར་ཐུགས་རྡོ་རྗེའི་རྣལ་འབྱོར་པ་བདུད་རྩི་ལྔས་བྱུགས་པའི་གོས་དང་ལྡན་པ་ལས་བྱ་བ་དང་
[83a.4]རྣམ་པར་སྣང་མཛད་ཀྱི་རྣལ་འབྱོར་པ་ཆུ་དྲོན་གྱིས་གཤེར་བའི་གོས་གོན་པ་དང་འོད་དཔག་ཏུ་མེད་པའི་རྣལ་འབྱོར་པ་བཤང་གཅིས་གཤེར་བའི་གོས་གོན་པ་དང་རིན་ཆེན་འབྱུང་ལྡན་གྱི་རྣལ་འབྱོར་པ་ཐལ་བའི་ཆུས་གཤེར་བའི་གོས་གོན་པ་དང་། དོན་ཡོད་གྲུབ་པའི་རྣལ་འབྱོར་པ་
[83a.5]ཡང་བཤང་གཅིས་གཤེར་བའི་གོས་གོན་པ་དང་། རྡོ་རྗེ་འཆང་ཆེན་པོའི་རྣལ་འབྱོར་པ་ཡང་ཐལ་བའི་ཆུས་གཤེར་བའི་གོས་གོན་པས་ལས་#བྱའོ། །དེ་བཞིན་དུ་རྣལ་འབྱོར་པ་དེ་རྣམས་ཀྱིས་གཤིན་རྗེ་གཤེད་ལ་སོགས་པ་ཁྲོ་བོའི་ང་རྒྱལ་ལ་དམིགས་ཏེ། སྔ་མ་བཞིན་དུ་
[83a.6]གཟུགས་བརྙན་མནན་ཞིང་གདུག་པ་རྣམས་གསད་#པར་བྱའོ་ཞེས་བསྟན་ཏོ། །གཟུགས་ཅན་མ་ཡིན་པའི་ནམ་མཁའ་ཡང་ཞེས་པ་ནི་གལ་ཏེ་གདུག་པ་ཡིན་ན་དེའི་ཚེ་དེ་ཡང་གསོད་པར་འགྱུར་རོ། །གཟུགས་ཅན་ལྟ་སྨོས་#ཀྱང་ཅི་དགོས་ཞེས་པ་ནི་དེ་ཉིད་ཕུལ་དུ་བྱུང་བ་སྟེ་ཁྱད་པར་
[83a.7]དང་ལྡན་པའི་#ཚིག་གོ། །བསམ་གཏན་གྱི་ཆེ་བ་ཉིད་ནི་ཏིང་ངེ་འཛིན་གྱི་མཐུ་གསལ་བར་བྱས་སོ། །ཚངས་མ་#མོ་ཞེས་བྱ་བ་ལ་སོགས་པ་ནི་འཇིག་རྟེན་གྱི་མ་མོ་#བདུན་ནོ། །དེ་རྣམས་ཀྱི་ཁང་པ་ནི་ལྷ་ཁང་སྟེ་མ་མོ་#ནི་དྲག་པོའི་ལས་ལ་མཐུན་པས་སོ། །དུར་ཁྲོད་ནི་ཐམས་ཅད་སྡུད་
[83b]
[83b.1]པར་བྱེད་པས་ན་མཐུན་པའོ། །ཁོང་#སྟོང་ནི་སྐྱེ་བོས་དབེན་པ་ཡིན་པས་རིགས་པ་ཁོ་ནའོ། །བཞི་#མདོ་ནི་རབ་ཏུ་གྲགས་པ་ཡིན་པས་སོ། །དེ་བཞིན་དུ་མཚན་མ་གཅིག་ཀྱང་དེ་བཞིན་ནོ། །གནས་དེ་རྣམས་ལ་བརྟེན་ཏེ་དྲག་པོའི་#ལས་བྱའོ། །རྗེ་ངར་གྱི་ཕྱོགས་ཞེས་བྱ་བ་ལ་སོགས་
[83b.2]པས་དེ་ཉིད་བསྟན་ཏོ། །དགོངས་པ་ནི་འདི་ཡིན་ཏེ་དུར་ཁྲོད་ཀྱི་རས་ལ་མངོན་སྤྱོད་ཀྱི་རྫས་ཀྱིས་#སྣ་ཚོགས་རྡོ་རྗེ་བྲིས་ལ་དེའི་ལྟེ་བར་བསྒྲུབ་#བྱའི་མིང་ཕཊ་གཉིས་ཀྱིས་སྤེལ་བ་བྲིས་ལ། སྣ་ཚོགས་རྡོ་རྗེ་#ཕྱི་རོལ་ཡི་གེ་ཕཊ་ཀྱིས་#བསྐོར་ཞིང་འཁོར་ལོ་དེ་སོར་བརྒྱད་པའི་མིའི་རྗེ་ངར་གྱི་ཁོང་
[83b.3]སྟོང་ལ་བཅུག་ནས་བསྒྲུབ་བྱའི་རྐང་པའི་རྡུལ་གྱི་འདམ་གྱིས་བསྐུས་ལ་གཤིན་རྗེ་གཤེད་ལ་སོགས་པ་གང་ཡང་རུང་བའི་ཁྲོ་བོའི་སྔགས་བརྒྱ་རྩ་བརྒྱད་བཟླས་པས་དགྲ་བོའི་སྒོ་རུ་བརྐོས་ནས་སྦས་ན་དེའི་ཞག་བདུན་ནམ་ཟླ་བ་ཕྱེད་ཀྱིས་དགྲ་འཆི་བར་འགྱུར་རོ་ཞེས་བསྟན་ཏོ། །
[83b.4]སེམས་ཅན་ཤེས་རབ་ལྡན་པ་དང་། །ཞེས་བྱ་བ་ལ་སོགས་པས་སེམས་ཅན་ཐམས་ཅད་ལ་བསམ་པ་ཐམས་ཅད་རྫོགས་པར་བྱེད་པ་ཆགས་པ་དང་སྡང་བ་མེད་པ། སངས་རྒྱས་གལ་ཏེ་སློབ་དཔོན་ལ་སྨོད་པར་བྱེད་པ་ཡིན་ན་དེ་ཡང་འཇིག་པར་འགྱུར་བའམ་གནས་ལས་སྤོང་#བར་
[83b.5]འགྱུར་རོ་ཞེས་བསྟན་ཏོ། །ཐོད་པ་#ཞེས་བྱ་བ་ནས་སྡུད་པར་བྱེད་པའི་ཚིག་གི་བར་དུ་ནི་མ་ཉམས་པའི་ཐོད་པ་འམ་གྲོག་ལ་སོགས་པ་ལ་མངོན་སྤྱོད་ཀྱི་རྫས་ཀྱིས་#ཁྲོ་བོའི་སྔགས་མིང་དང་བཅས་པར་བསྒྲུབ་བྱའི་མིང་བྲིས་ཏེ། ཁྲོ་བོའི་ཚིག་གིས་གཤིན་རྗེ་གཤེད་ལ་སོགས་
[83b.6]པའི་སྔགས་བཟླ་ཞིང་དགྲ་བོའི་སྒོ་རུ་བརྐོས་ནས་སྦས་ན་དེའི་ཚེ་གནས་ལས་སྤོ་བ་འམ་འཆི་བར་འགྱུར་རོ་ཞེས་བསྟན་ཏོ། །དེ་ནས་ཞེས་བྱ་བ་ནས་རྣམ་པར་འཇིག་པར་འགྱུར་རོ་ཞེས་པའི་བར་དུ་ནི། གནོད་མཛེས་ཀྱི་རྒྱལ་པོ་བསྒོམས་#པས་ཕུར་བུས་གདབ་པའི་སྒོ་ནས་
[83b.7]མངོན་སྤྱོད་བསྟན་ཏོ། །ཇི་ལྟ་བ་#ཇི་ལྟར་ཞེས་པ་ནི་དྲག་ཤུལ་ལ་སོགས་པས་སོ། །གདུག་པའི་དངོས་པོར་གྱུར་ཅིང་བདག་ཉིད་ངན་པར་སོན་པའོ། །དེ་ལྟ་དེ་ལྟར་ཞེས་པ་ནི་རྣམ་པ་དེ་དང་དེས་སོ། །དགག་པར་བྱ་བ་ཞེས་པ་ནི་གསོད་པར་བྱ་བ་ཉིད་#ཐོབ་པའོ། །བསྒྲུབ་པར་
[84a]
[84a.1]བྱ་བ་ཞེས་པ་#ནི་དཀོན་མཆོག་གསུམ་ལ་གནོད་པར་བྱེད་པ་ལ་སོགས་པའོ། །དེ་རྣམས་ཀྱི་ནི་བསྒྲུབ་#བྱ་རྣམས་ཀྱིའོ། །ལུས་ལ་སོགས་པ་མི་གཡོ་བར་བྱས་པ་ཞེས་པ་ནི་ལུས་དང་ངག་དང་སེམས་ཕུར་བུས་འདེབས་པར་བྱེད་པའོ། །དེ་ཉིད་ཀྱི་ཕྱིར་མི་ཕྱེད་པའི་ངོ་བོར་
[84a.2]གྱུར་པ་ཞེས་པ་ནི་ཕ་རོལ་གྱི་འཁྲུལ་འཁོར་དང་སྔགས་ལ་སོགས་པས་གྲོལ་བར་མ་གྱུར་པའོ། །དེ་སྐད་ཅེས་བྱ་བ་ལ་སོགས་པས་མཆོག་དང་འབྲིང་དང་ཐ་མའི་བསྒྲུབ་བྱའི་ལུས་ལ་སོགས་པ་ཕུར་བུས་གདབ་པར་བྱེད་པའི་ཏིང་ངེ་འཛིན་བསྟན་ཏོ། །ཨོཾ་ཞེས་བྱ་བ་ལ་སོགས་པ་སྔགས་
[84a.3]ཀྱི་དོན་བཤད་པ་ནི་གོ་སླའོ། །ཕུར་བུའི་སྔགས་འདི་ཞེས་བྱ་བ་ལ་སོགས་པས་སོ#། །སྔགས་ཐོས་པས་མཐུ་ཆེ་བའི་བརྒྱ་བྱིན་ལ་སོགས་པ་འཇིགས་པ་དང་བརྒྱལ་#བ་དང་རྡོ་རྗེ་འཆང་ལ་སྐྱབས་སུ་འགྲོ་བར་འགྱུར་རོ་ཞེས་བསྟན་ཏོ། །འདིར་ཆོ་ག་ཞེས་བྱ་བ་ལ་སོགས་པས་ཕུར་བུས་
[84a.4]གདབ་པའི་སྦྱོར་བ་ནི་དོན་གསལ་བའོ། །སེང་ལྡེང་གི་སྙིང་པོ་ལ་སོགས་པ་གང་རུང་བ་ཞེས་པ་ནི་སེང་ལྡེང་དང་ཤིང་ཤ་པ་དང་ཨ་ག་རུ་དང་ཤ་མི་དང་ལྕང་མ་སྟེ་འབྲས་བུ་མེད་པའི་ཤིང་ལྔ་དྲག་ཤུལ་ཅན་གྱི་ལས་དང་མཐུན་པ་གཟུང་བར་བྱའོ། །བསམ་གཏན་ཞེས་བྱ་བ་ལ་སོགས་པས་
[84a.5]བསྒོམ་པའི་དུས་སུ་རྣལ་འབྱོར་གྱི་ཕྱོགས་གཅིག་ཏུ་གྱུར་པ་བགེགས་བསྐྲད་པའི་ཆོ་ག་བསྟན་ཏོ། །འོད་#འཕྲོ་བ་ཞེས་བྱ་བ་ནས་འཆི་བར་འགྱུར་རོ་ཞེས་པའི་བར་དུ་ནི་རེ་ཞིག་དང་རྣལ་འབྱོར་པས་ཞེ་སྡང་རྡོ་རྗེའི་ཏིང་ངེ་འཛིན་མངོན་དུ་བྱས་ལ་རེག་བྱ་རྡོ་རྗེ་མའི་ཆོས་འབྱུང་གི་ནང་དུ་སྣ་ཚོགས་རྡོ་
[84a.6]རྗེ་དང་པདྨ་དང་ཉི་མའི་དཀྱིལ་འཁོར་གྱི་སྟེང་དུ་ཁྲོ་བོ་ཐམས་ཅད་འཇུག་པ་སྔོན་དུ་འགྲོ་བས་རྡོ་རྗེའི་ལམ་ནས་ཡི་གེ་ཧཱུཾ་ཡོངས་སུ་གྱུར་པ་ལས་དྲག་པོའི་རྡོ་རྗེ་ལས་སྐྱེས་པ་ཞལ་གསུམ་ཕྱག་དྲུག་པ་སྤྱན་གསུམ་པ་#རིགས་ཀྱི་ཀླུ་བརྒྱད་ཀྱིས་རྒྱན་#བྱས་ལ་ཁ་དོག་སྔོན་པོ་དང་། དཀར་པོ་དང་དམར་པོའི་
[84a.7]ཞལ་མངའ་བ། མི་#གཡོ་བ་གཡས་བརྐྱང་བ་ལ་གནས་པ་རྡོ་རྗེ་དང་དྲིལ་བུ་རྩ་བའི་ཕྱག་གཉིས་ཀྱིས་#བསྣམས་པ། ཞགས་པ་དང་ལྕགས་ཀྱུ་དང་རལ་གྲི་དང་ཐོ་བ་བསྣམས་པ་ཞེ་སྡང་རྡོ་རྗེའི་ཅོད་པན་ཅན་སྨིན་མ་ཁམ་པ་ཧ་ཧ་ཧི་ཧིའི་སྒྲ་སྒྲོགས་པ་གནོད་མཛེས་ཀྱི་རྒྱལ་པོ་བསྒོམས་ལ།
[84b]
[84b.1]རྡོ་རྗེ་དང་པདྨའི་ནང་ནས་ཕྱི་རོལ་དུ་བྱུང་བའི་ཉི་མའི་དཀྱིལ་འཁོར་ལ་གནས་ནས་བཀའ་ཉན་པར་བསམས་ཏེ། སྔ་མ་བཞིན་དུ་རེག་བྱ་རྡོ་རྗེ་མའི་ཆོས་འབྱུང་གི་ནང་ན། གཤིན་རྗེ་གཤེད་པོ་ལ་སོགས་པ་ཁྲོ་བོ་བཅུ་སྔར་བཤད་པའི་དབྱིབས་དང་ཁ་དོག་དང་ཕྱག་མཚན་འཛིན་པ་བསམས་ལ་
[84b.2]རིམ་པ་ཇི་ལྟ་བ་བཞིན་དུ་ཕྱོགས་དང་མཚམས་རྣམས་སུ་དགོད་པར་བྱའོ། །ཁྲོ་བོ་དེ་རྣམས་ཀྱང་སྟེང་ཞལ་གསུམ་པ་སྨད་ཕུར་བུ་རྩེ་གཅིག་པ་བདུད་རྩི་འཁྱིལ་པ་དང་འདྲ་བར་བསམ་པར་བྱའོ། །དེའི་འོག་ཏུ་དབུས་ཀྱི་གཙོ་བོའི་ངོ་བོའི་#བདག་ཉིད་ཀྱིས་གནོད་མཛེས་ལ་སྔགས་འདིས་#བཀའ་སྦྱིན་པར་བྱ་སྟེ།
[84b.3]ཨོཾ་སུམྦྷ་ནི་སུམྦྷ་#ཧཱུཾ་ཧཱུཾ་ཕཊ། ཨོཾ་[གྲྀ]་ཧྞ་[གྲྀ]་ཧྞ་ཧཱུཾ་ཧཱུཾ་ཕཊ། ཨོཾ་[གྲྀ་]ཧྞཱ་#པ་ཡ་[གྲྀ]་ཧྞཱ་#པ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་བཱན་བཛྲ་ཧཱུཾ་ཧཱུཾ་ཕཊ། ཅེས་བྱ་བ་འདིས་ཕྱོགས་བཅུ་ལ་གནས་པའི་བརྒྱ་བྱིན་ལ་སོགས་པ་དགུག་པར་བྱ་བའི་#ཕྱིར་བཀའ་སྦྱིན་པར་བྱའོ། །དེ་ཐོས་མ་ཐག་ཏུ་གནོད་མཛེས་ཀྱི་
[84b.4]རྒྱལ་པོས་ཞགས་པ་དང་ལྕགས་ཀྱུས་ཕྱོགས་བཅུར་སྤྲོས་ཏེ། ལྷའི་དབང་པོ་ལ་སོགས་པ་འཇིག་རྟེན་སྐྱོང་བ་རྣམས་མགུལ་ནས་བཅིངས་ལ་སྤྱི་བོར་བརྡེགས་#ལ། ཤར་ལ་སོགས་པའི་ཕྱོགས་སུ་འགོད་#པར་བྱེད་པར་བསམ་པར་བྱའོ། །དེ་ནས་གནོད་མཛེས་ཀྱི་རྒྱལ་པོས་རྡོ་རྗེ་ཕུར་
[84b.5]བུ་དེ་རྣམས་མགོ་བོ་#ནས་བརྩམས་ཏེ་རྐང་པའི་དཀྱིལ་#གྱི་བར་དུ་གདབ་པར་བྱེད་པར་བསམ་པར་བྱའོ། །ཨོཾ་གྷ་གྷ་ཞེས་བྱ་བ་ལ་སོགས་པའི་སྔགས་ཀྱིས་#ཕུར་བུས་གདབ་པ་དང་བརྡུང་བ་བྱས་ཏེ། ས་འོག་བདུན་གྱི་བར་དུ་སོན་པར་བསམ་པར་བྱའོ།# །ཁྲོ་བོའི་རྒྱལ་པོའི་ལུས་ལས་
[84b.6]བྱུང་#བའི་འབར་བའི་ཚོགས་ཀྱིས་ཀྱང་དེའི་འཁོར་མཐའ་ཡས་པ་བསྲེགས་ཤིང་#ཐལ་བར་གྱུར་པར་བསམ་པར་བྱའོ་ཞེས་བསྟན་པར་བྱའོ། །རྡོ་རྗེ་དང་པདྨ་#མཉམ་པར་སྦྱོར་བ་དང་ཞེས་བྱ་བ་ནས་བརྩམས་ནས་ལྡང་བར་འགྱུར་རོ་ཞེས་པའི་བར་དུ་ནི་ཞེ་སྡང་རྡོ་རྗེའི་རྣལ་འབྱོར་པས་མཱ་མ་
[84b.7]ཀཱིའི་རང་བཞིན་གྱི་ཡེ་ཤེས་ཀྱི་ཕྱག་རྒྱ་མདུན་དུ་བསྒོམས་ལ་རྗེས་སུ་ཆགས་པ་ལ་སོགས་པ་སྔོན་དུ་འགྲོ་བས་འཁྱུད་པར་བྱས་ཏེ། ཕྱག་རྒྱའི་ཆོས་འབྱུང་གི་ནང་ན་ཉི་མའི་དཀྱིལ་འཁོར་དང་མེའི་དཀྱིལ་འཁོར་གྱི་སྟེང་དུ་རང་གི་སྙིང་ག་ནས་བྱུང་བའི་འོད་ཟེར་གྱི་ལྕགས་ཀྱུས་
[85a]
[85a.1]བསྒྲུབ་བྱ་བཀུག་ལ་འཇུག་སྟེ། རྡོ་རྗེ་དང་པདྨ་སྙོམས་པར་ཞུགས་པར་བྱས་ཏེ། རྩེ་ལྔ་པའི་རྡོ་རྗེའི་རྣམ་པའི་གསང་བའི་རྡོ་རྗེས་མགོ་བོ་ནས་རྐང་པའི་མཐའི་བར་དུ་ཕུར་བུས་གདབ་པར་བསྒོམས་ནས་#དེའི་ཚེ་ལུས་ཕུར་བུས་གདབ་པར་གནས་ནས་#སྤོ་བའམ་འཆི་བར་
[85a.2]འགྱུར་རོ། །དེ་བཞིན་དུ་ཐམས་ཅད་བྱས་ལ་འོན་ཀྱང་ལྕེ་ལ་གསང་བའི་རྡོ་རྗེས་དེ་ལ་བརྡེགས་#ན་ངག་རེངས་པའམ་ལྐུགས་པར་འགྱུར་བའམ་འཆི་བར་འགྱུར་བའོ། །དེ་བཞིན་དུ་ཐམས་ཅད་བྱས་པ་ལས་བསྒྲུབ་བྱའི་སྙིང་གའི་པདྨ་འབར་བའི་གསང་བའི་རྡོ་རྗེས་བརྡེགས་#ལ་དེའི་ཚེ་སྨྱོ་
[85a.3]བའམ་#འཆི་བར་འགྱུར་རོ། །འདིར་རྡོ་རྗེ་དང་པདྨ་སྙོམས་པར་ཞུགས་པའི་དུས་སུ་རིམ་པ་ཇི་ལྟ་བ་བཞིན་དུ་ཨོཾ་ཚིནྡྷ་ཚིནྡྷ་#ཞེས་བྱ་བ་ལ་སོགས་པ་སྔགས་གསུམ་བརྗོད་པར་བྱའོ། །འདིར་ཡེ་ཤེས་གསུམ་ནི་སྣང་བ་ལ་སོགས་པ་སྐྱེད་པར་བྱེད་པ་ནི་འབྱུང་བར་བྱེད་པའི་པདྨ་ཞེས་བྱ་
[85a.4]སྟེ། ཇི་སྐད་དུ། །སྒྱུ་མ་དག་ནི་ཐམས་ཅད་ལས། །བུད་མེད་སྒྱུ་མ་ཁྱད་པར་འཕགས། །ཡེ་ཤེས་གསུམ་གྱི་དབྱེ་བ་ནི། །གསལ་བར་འདི་ལས་མཚོན་པར་འགྱུར། །ཞེས་འབྱུང་བས་སོ། །བསྒྲུབ་བྱའི་ངག་གི་སྤྲོས་པའོ་ཞེས་པ་ནི་བསྒྲུབ་བྱའི་ངག་མཁས་པ་ཉིད་དོ། །ནམ་
[85a.5]མཁའ་ལས་བྱུང་བ་ཞེས་པ་ནི་ལྟེ་བའི་ནམ་མཁའ་ལས་སྒྲ་འབྱུང་བའི་ཕྱིར་རོ། །དེའི་ངོ་བོ་ཉིད་ནི་#སེམས་སོ་ཞེས་པ་ནི་འོད་གསལ་བའི་རང་བཞིན་སེམས་ཏེ་དེའི་ངོ་བོ་#ཡིན་པ་དང་དྲི་མ་རྣམས་གློ་བུར་བ་ཡིན་པས་སོ། །དེ་ནས་ཞེས་བྱ་བ་ལ་སོགས་པའི་དེ་མ་ཐག་ཏུ་བཤད་པའི་
[85a.6]སྔགས་རྣམས་དང་དེའི་སྒོ་ནས་བྱས་པའི་#ལས་ཀྱི་ཚོགས་ཐོབ་པས་#བྱང་ཆུབ་སེམས་དཔའ་རྨད་དུ་གྱུར་པས་ཇི་ལྟར་ཆེད་དུ་བརྗོད་པ་དེ་སྐད་བསྟན་ཏོ། །རྫོགས་པའི་རིམ་པ་ལ་གནས་པ། །ཞེས་པ་ནི་སྔགས་ཀྱི་ཐེག་པ་ཆེན་པོའི་སྙིང་པོར་གྱུར་པ་དེ་ཁོ་ན་ཉིད་#སྒོམ་པར་བྱེད་པ་བྱམས་#པ་ལ་
[85a.7]སོགས་པའོ། །ཐེག་པ་གསར་#ལ་གནས་པ་ཞེས་པ་ནི་བསྐྱེད་པའི་རིམ་པའི་རྣལ་འབྱོར་པ་རྣམས་སོ། །དེ་རྣམས་ཀྱི་མཆོག་གོ་ཞེས་པ་ནི་རྫོགས་པ་བསྒོམ་#པའོ། །དེ་བས་ན་དེ་ཁོ་ན་ཉིད་ཐོབ་པའི་ཕྱིར་སེམས་ཅན་གྱི་དོན་བྱེད་པར་ནུས་པའོ། །དེ་དག་ཐོས་པ་དང་རྟོགས་པས་དགའ་བ་
[85b]
[85b.1]དང་མགུ་བར་#ལྡན་པར་འགྱུར་རོ། །རང་གི་རྗེས་སུ་མྱོང་བའི་གསུང་། །ཞེས་པ་ནི་ཆོས་ཐོས་པས་སོ་སོ་རང་རིག་#པའི་མངོན་གསུམ་གྱིས་མྱོང་བའི་དགའ་བའི་ཁྱད་པར་གང་ཡིན་པ་དེ་ཉིད་རྡོ་རྗེ་འཆང་གིས་ལེགས་པར་སྨྲ་བས། ཕྱི་རོལ་དུ་བྱུང་བའི་བསྟོད་པའི་ཚིག་གི་ཚོགས་ནི་གསུང་ཞེས་བྱའོ། །
[85b.2]སྔགས་ཀྱི་གནས་ཏེ་ཞེས་པ་ནི་སྤྱན་མ་ལ་སོགས་པའི་ཕྲེང་བའི་སྔགས་རྣམས་སོ། །སྔགས་རྣམས་ཀྱི་རབ་ཏུ་སྦྱོར་བའི་བྱེ་བྲག་ཅེས་པ་ནི་སྲུང་#བའི་འཁོར་ལོ་དང་འཁྲུལ་འཁོར་ལ་སོགས་པའི་མཚན་ཉིད་དོ། །སྦྱོར་བ་དེ་ཉིད་བསམ་གཏན་གྱིས་#རྫོགས་པར་བྱས་པའོ་ཞེས་པ་ནི་རྡོ་རྗེ་ལྕགས་ཀྱུས་
[85b.3]མཚན་པའི་རྐང་པ་གཡོན་པས་མནན་ཞིང་ཞེས་བྱ་བ་ལ་སོགས་པའི་མཚན་ཉིད་དོ། །གདུག་པ་རྣམས་ཚར་གཅོད་པའོ་ཞེས་པ་ནི་ཕྲེང་བའི་སྔགས་རྣམས་སོ། །མངོན་#སྤྱོད་ཀྱི་སྒོ་ནས་བླ་མ་སྨོད་པར་བྱེད་པ་ལ་སོགས་པ་གསོད་པའོ། །དེ་བཞིན་དུ་ལས་ཀྱི་ཚོགས་ལ་ནུས་པ་དང་ལྡན་པའི་ཞེས་
[85b.4]པ་ནི་མུ་སྟེགས་པའི་རྣལ་འབྱོར་པ་རྣམས་ལ་ཕུར་བུས་གདབ་པའོ། །སྐྱེ་བོ་ཐ་མལ་པ་ཞེས་པ་ནི་རྒྱལ་པོ་ལ་སོགས་པའོ། །ཕྱོགས་སྐྱོང་བ་རྣམས་ནི་བརྒྱ་བྱིན་ལ་སོགས་པའོ། །བསམ་གཏན་གྱིས་སོ་སོར་གསུངས་པ་ཞེས་པ་ནི་རྡོ་རྗེ་དང་པདྨ་ཡང་དག་པར་སྦྱོར་བས་བསྒྲུབ་བྱའི་ལུས་
[85b.5]དང་ངག་དང་སེམས་ཕུར་བུས་གདབ་པའོ། །དེ་ནི་ངོ་མཚར་ཆེའོ་ཞེས་པ་ནི་སྟོན་པ་པོ་ལ་བསྟོད་པ་དང་། ཉེ་བར་བསྡུ་བ་ཡང་རབ་ཏུ་བསྟན་ཏོ། །སྒྲུབ་པ་པོ་རྣམ་པ་གཉིས་དང་ཞེས་པ་ནི་རིམ་པ་གཉིས་སྒོམ་པར་བྱེད་པ་དང་ཉེ་བར་མཚོན་པའོ་ཞེས་བྱ་བ་#སྟེ་རྫོགས་པའི་རིམ་པས་ཀྱང་
[85b.6]གསོད་པའི་ལས་སྔར་བཤད་པའོ། །རྡོ་རྗེ་འཆང་ཆེན་པོས་རབ་ཏུ་བསྟན་པའོ་ཞེས་པ་ནི་བཅོམ་ལྡན་འདས་ཀྱིས་བསྟན་པའི་ཕྱིར་ཡིད་ཆེས་པ་ཉིད་བསྟན་ཏོ། །དེ་བཞིན་དུ་སྒྲུབ་པ་པོ་ནི་རྣལ་འབྱོར་པ་རྣམས་སོ། །དེ་རྣམས་ཀྱི་འདོད་པའི་དོན་སྟེར་བའོ་ཞེས་པ་ནི་ཞི་བ་ལ་སོགས་པ་སྒྲུབ་
[85b.7]པར་བྱེད་པའོ#། །སྦྲུལ་ལ་སོགས་པ་ནི་སྔར་བཤད་པའི་མཚན་ཉིད་དོ། །དེ་རྣམས་ཀྱི་དོན་ལ་སོགས་པ་ཡོངས་སུ་ཤེས་པ་ནི་སོགས་པའི་སྒྲས་བཏུ་#བ་དང་དེ་ཁོ་ན་ཉིད་ཡོངས་སུ་ཤེས་པའོ། །བཏུས་ནས་བསྟན་པའོ་ཞེས་པ་ནི་དཔལ་རྡོ་རྗེ་ཕྲེང་#བ་ལ་སོགས་པ་བཤད་པའི་རྒྱུད་ལས་བསྡུས་
[86a]
[86a.1]ཏེ་བསྟན་པའོ། །དེ་ཡན་ཆད་ཀྱིས་#སྡུད་པ་པོས་བདག་ཉིད་ཀྱི་ཆེ་བ་དང་ལེའུའི་བརྗོད་པར་བྱ་བའི་དོན་མན་ངག་དང་བཅས་པར་བསྟན་ཏོ། །སྐུ་གསུང་ཐུགས་གཅིག་ཏུ་གྱུར་པས་ཀྱང་ཞེས་པ་ནི་དོན་དམ་པར་དངོས་པོ་ཐམས་ཅད་རྣམ་པར་དཔྱད་ན་ཐ་དད་པར་མི་དམིགས་
[86a.2]ཏེ། གང་ཞིག་རང་གི་རྒྱུད་ལ་གནས་པ་དེ་ཉིད་གཞན་གྱི་རྒྱུད་ལ་གནས་པ་ཡིན་ནོ། །འོན་ཀྱང་བསྒྲུབ་པར་བྱ་བ་དང་སྒྲུབ་པར་བྱེད་པའི་བྱེ་བྲག་ལ་དམིགས་ཏེ་གློ་བུར་གྱི་དྲི་མ་ལྡོག་པའི་དོན་དུ་ཚར་གཅོད་པ་ཞེས་བྱ་བ་ནི་སྒྲུབ་པ་པོས་བསྒྲུབ་བྱ་ལ་ཚར་གཅོད་པར་བྱེད་པའོ། །དེ་ཡང་ཉེ་བར་
[86a.3]མཚོན་པའི་ཚིག་ཡིན་ཏེ་ཞི་བ་ལ་སོགས་པས་ཀྱང་རྗེས་སུ་གཟུང་བར་མཛད་པའོ། །ཨཱ་ལི་ཀཱ་ལི་ཞེས་བྱ་བ་ལ་སོགས་པས་དེ་ལྟར་གྱུར་པ་སྐུ་ལ་སོགས་པའི་རང་བཞིན་སྔགས་ཐམས་ཅད་བསྡུ་བར་བྱེད་པའི་ཡི་གེ་གསུམ་གྱིས་#སྤེལ་བའི་སྔགས་ཀྱིས་#ཞི་བ་ལ་སོགས་པའི་ལས་ཀྱི་
[86a.4]ཚོགས་གྲུབ་པ་རྫོགས་པས་མཛེས་པ་ཏིང་ངེ་འཛིན་གང་ཡིན་པ་དེ་བསྟན་ཏོ། །དེ་སྟོན་པར་བྱེད་པའི་ཞེས་པ་ནི་དེ་ལྟར་གྱུར་པའི་གསལ་བར་བྱེད་པའི་སྒྲའི་ཚོགས་གང་ཡིན་པ་དེ་ལ་དེ་སྐད་ཅེས་བྱའོ། །དགོངས་པས་བཤད་པའོ་ཞེས་པ་ནི་འགལ་བའི་སྒྲའི་སྒོ་ནས་དེ་ཁོ་ན་ཉིད་བསྟན་
[86a.5]པས་སོ། །#སྒྲོན་མ་གསལ་བར་བྱེད་པའི་འགྲེལ་པའི་ཊཱི་ཀཱ་#ལས་ལེའུ་བཅུ་བཞི་པའི་རྒྱ་ཆེར་བཤད་པའོ།། །།#བཤད་པ་དང་མ་བཤད་པ་ཞེས་བྱ་བ་ལ་སོགས་པས་ལེའུ་བཅོ་ལྔ་པའི་བཤད་པ་བརྩམ་#པར་བྱ་སྟེ། བསམ་པ་ནི་འདི་ཡིན་ཏེ་བཤད་པ་ནི་ལེའུ་བཅུ་གསུམ་པ་དང་བཅུ་བཞི་པ་
[86a.6]ལས་བཤད་པའོ། །མ་བཤད་པ་ནི་ལེའུ་བཅོ་ལྔ་པ་དང་བཅུ་དྲུག་པ་དང་བཅུ་བདུན་པ་ལས་འཆད་པར་འགྱུར་བའི་ལས་ཀྱི་ཚོགས་དེ་རྣམས་སྒྱུ་མ་ལྟ་བུའི་ཏིང་ངེ་འཛིན་མེད་པས་འགྲུབ་པར་མི་འགྱུར་བས་ན་ལེའུ་བཅོ་ལྔ་པ་#བསྟན་ཏོ། །སྟོང་པ་བཞིའི་བདག་ཉིད་ཅན་ནོ་ཞེས་པ་ནི་སྟོང་པ་
[86a.7]དང་། ཤིན་ཏུ་སྟོང་པ་དང་། སྟོང་པ་ཆེན་པོ་དང་། ཐམས་ཅད་སྟོང་པའོ། །ཡང་ན་སྣང་བ་དང་། སྣང་བ་མཆེད་པ་དང་། སྣང་བ་ཉེ་བར་ཐོབ་པ་དང་། འོད་གསལ་བའོ། །ཡང་ན་པདྨའི་ནང་ན་རྩ་བཞིའོ། །བདག་ཉིད་ནི་དབུས་ཀྱི་རྩ་སྟེ། འདོད་པའི་གདུགས་སོ། །ཇི་སྐད་དུ།
[86b]
[86b.1]བྷ་གའི་དབུས་#ན་ནམ་མཁའ་གང་། །ནམ་མཁའ་ལྔ་ཡིས་བརྒྱན་པ་སྟེ། །ལྟེ་བ་གེ་སར་དང་ལྡན་པའི། །འདབ་མ་བརྒྱད་ཀྱིས་#རྣམ་པར་མཛེས། །ཞེས་འབྱུང་ངོ་། །རྣམ་པར་མི་#འཇིག་པའོ་ཞེས་བྱ་བ་ནི་ཆོས་ཀྱི་སྐུའི་ངོ་བོ་ཡིན་པས་སོ#། །དབང་བསྐུར་བ་ཐམས་ཅད་ཅེས་པ་ནི་སློབ་དཔོན་དང་
[86b.2]གསང་བ་དང་ཤེས་རབ་ཅེས་བྱའོ། །དེ་རྣམས་ཀྱི་ཡང་དབང་བསྐུར་བ་ཞེས་པ་ནི་ཤེས་རབ་ཡེ་ཤེས་ཏེ། བཞི་པ་ཡང་ནི་#དེ་བཞིན་ནོ། །ཞེས་བྱ་བའི་མཚན་ཉིད་དོ། །དེའི་ངོ་བོ་ཡིན་པས་རྡོ་རྗེ་འཆང་ནི་ཐམས་ཅད་དབང་བསྐུར་བ་ཞེས་བྱའོ། །སེམས་ཅན་གྱི་བསམ་པའི་དབྱེ་བས་རིགས་ཐམས་ཅད་
[86b.3]ནི་རིགས་བརྒྱའམ་ལྔ་འམ་གསུམ་མོ། །ཇི་སྐད་དུ། རིགས་ནི་རྣམ་པ་བརྒྱར་བཤད་པ། །མདོར་བསྡུས་པས་ན་རྣམ་པ་ལྔ། །སྐུ་གསུང་ཐུགས་ཀྱི་དབྱེ་བ་ཡིས#། །ཕྱི་ནས་རྣམ་པ་གསུམ་དུ་འགྱུར། །ཞེས་འབྱུང་ངོ་། །དེའི་བདག་ཉིད་བཅོམ་ལྡན་འདས་ནི་དེ་རྣམས་སྤྲུལ་པར་མཛད་པས་
[86b.4]སོ། །དེ་བས་ན་མཁྱེན་པའི་སྒྲ་སྤྲུལ་པའི་དོན་ཏོ། །མི་ཕྱེད་པའི་གསུང་ངོ་ཞེས་པ་ནི། ཕྱག་རྒྱ་དང་སྙོམས་པར་ཞུགས་པའི་མཚན་ཉིད་ཀྱི་གསུང་ངོ་#། །དགོངས་པ་མ་ཡིན་པས་བཤད་པ་ཞེས་པ་ནི་ཤིན་ཏུ་གསལ་བའི་དེ་ཁོ་ན་ཉིད་བསྟན་པས་སོ། །སྤྲོས་པ་མེད་པའི་སྤྱོད་པ་ནི་#ཇི་སྙེད་
[86b.5]པའི་སྤྱོད་པའི་སྒོ་ནས་ཕྱག་རྒྱ་དང་སྙོམས་པར་འཇུག་པའི་མཚན་ཉིད་དོ། །སྨེ་ཤ་ཅན་ཞེས་བྱ་བ་ནས། རྟོག་#པའི་རྣལ་འབྱོར་ཡིན་པའི་ཕྱིར་རོ་ཞེས་པའི་བར་དུ་ནི་རིམ་པ་ཇི་ལྟ་བ་བཞིན་དུ་མི་བསྐྱོད་པ་དང་། རྣམ་པར་སྣང་མཛད་དང་འོད་དཔག་ཏུ་མེད་པའི་རྣལ་འབྱོར་པ་རྣམས་ཀྱིས་སྐྱེ་
[86b.6]བོས་དབེན་པའི་ས་ཕྱོགས་སུ་བའི་ལྕི་བ་ལ་སོགས་པས་བྱུགས་པ་ལ#། རྟེན་དང་བརྟེན་པའི་རང་བཞིན་གྱིས་#འཁོར་ལོ་བྲིས་པའམ་ཡིད་ཀྱིས་བསྒོམས་ལ་དེའི་#དབུས་སུ་རང་གི་རིགས་དང་མཐུན་པའི་ལེགས་པར་བསླབས་#པ་གཟུགས་བཟང་བ་ལེགས་པར་བརྒྱན་པ་སྨེ་ཤ་ཅན་དང་
[86b.7]ཁྲུས་མཁན་དང་གར་མཁན་གྱི་བུ་མོ་ལོ་བཅུ་གཉིས་པ་དང་ཉི་ཤུ་པ་དང་བཅུ་དྲུག་ལོན་པ། ཨུཏྤལ་སྔོན་པོ་དང་དམར་པོ་དང་ཁ་དོག་དཀར་བ། རིགས་ལྔས་ཁྱབ་པ་སླར་བཞག་ཅིང་རྗེས་སུ་ཆགས་པ་དང་མཆོད་#པ་སྔོན་དུ་འགྲོ་བས་སོ་སོར་སྡུད་པའི་རིམ་པས་ཉེ་བར་སྤྱོད་པ་བྱས་
[87a]
[87a.1]ཏེ་གནས་པར་བྱའོ་ཞེས་བྱ་བ་དང་། དེ་བཞིན་དུ་རིན་ཆེན་འབྱུང་ལྡན་དང་དོན་ཡོད་གྲུབ་པའི་རྣལ་འབྱོར་པ་དག་གིས་ཀྱང་གཏི་མུག་གི་རིགས་དང་ཞེ་སྡང་གི་རིགས་ལས་#བསྡུས་པས་ཁྲུས་མཁན་དང་སྨེ་ཤ་ཅན་གྱི་བུ་མོ་དག་བསྒྲུབས་ནས་གནས་པར་བྱའོ། །དེ་ལྟར་
[87a.2]ཞུགས་པའི་སྒྲུབ་པ་པོས་ཞེས་པ་ནི་སྤྲོས་པ་མེད་པའི་སྤྱོད་པ་ལ་རྩོལ་བ་བྱས་པའོ། །འོད་དཔག་ཏུ་མེད་པའི་རང་བཞིན་ཞེས་པ་ནི་གང་ཞིག་འོད་དཔག་ཏུ་མེད་པའི་ཏིང་ངེ་འཛིན་བསྒོམ་པ་དེ་ནི་དེ་དང་འདྲ་བར་འགྱུར་རོ་ཞེས་བྱ་བའི་#གཞུང་གིས་བསྟན་ཏོ། །ཉེ་བར་མཚོན་པ་ཡིན་པས་མི་
[87a.3]བསྐྱོད་པ་ལ་སོགས་པའི་རྣལ་འབྱོར་པ་རྣམས་ཀྱང་དེ་དང་འདྲ་བར་འགྱུར་རོ་ཞེས་བྱ་བའི་དོན་ཏོ། །ས་བཅུ་ལ་གནས་པར་འགྱུར་རོ་ཞེས་པ་ནི་ས་བཅུའི་དབང་ཕྱུག་གི་བདག་པོའོ། །ངག་གི་དབང་ཕྱུག་དེ་འཛིན་པའོ་ཞེས་པ་ནི་འོད་དཔག་ཏུ་མེད་པའི་རྣལ་འབྱོར་པའི་ཕན་ཡོན་བསྟན་ཏོ། །
[87a.4]ཐུགས་ཀྱི་དབང་ཕྱུག་དང་སྐུའི་དབང་ཕྱུག་ཀྱང་མི་བསྐྱོད་པ་དང་རྣམ་པར་སྣང་མཛད་ཀྱི་རྣལ་འབྱོར་པ་དག་ལ་རྟོགས་པར་བྱ་བ་དང་། དེ་བཞིན་དུ་ནམ་མཁའ་མཛོད་ཉིད་དང་ལས་ཐམས་ཅད་བྱེད་པ་ཉིད་རིན་པོ་ཆེ་དང་དོན་ཡོད་གྲུབ་པའི་རྣལ་འབྱོར་པ་དག་ལ་བཤད་པར་བྱའོ། །དེ་ཡང་
[87a.5]དེའི་རྣལ་འབྱོར་དང་ལྡན་པས་དེ་དང་འདྲ་བར་འགྱུར་རོ་ཞེས་བྱ་བའི་གཞུང་གིས་བསྟན་ཏོ། །དབང་ཕྱུག་དམ་པ་དང་ལྡན་པ། །ཞེས་པ་ནི་སྐུའི་དབང་ཕྱུག་ལ་སོགས་པ་དང་ལྡན་པའོ། །སེམས་ཅན་ཐམས་ཅད་ནི་རང་གི་སྡེ་པ་དང་གཞན་གྱི་སྡེ་#པའི་ནང་ན་མཆོག་ཡིན་པས་ན་སེམས་
[87a.6]ཅན་ཐམས་ཅད་ལས་ཁྱད་པར་དུ་གྱུར་པའོ། །འཁོར་ལོས་སྒྱུར་བར་གྱུར་པ་#ཞེས་པ་ནི་དཀྱིལ་འཁོར་གྱི་འཁོར་ལོའི་བདག་པོར་འགྱུར་རོ། །རྟོག་པའི་རྣལ་འབྱོར་པ་ཡིན་པའི་ཕྱིར་རོ་ཞེས་པ་ནི་བསྐྱེད་པའི་རིམ་པ་#སྒོམ་པར་བྱེད་པས་སོ། །དེ་ལྟར་ཞེས་བྱ་བ་ལ་སོགས་པས་བསྐྱེད་པའི་རིམ་
[87a.7]པའི་རྣལ་འབྱོར་པའི་ཕྱག་རྒྱའི་དབྱེ་བ་བསྟན་པའི་འོག་ཏུ། རྫོགས་པའི་རིམ་པ་ལ་གནས་པ་རྣམས་ལ་ཡང་བསྟན་པར་བྱའོ་ཞེས་བསྟན་ཏོ། །རིགས་བཞི་པོ་ཞེས་བྱ་བ་ནས་རིང་པོར་མི་ཐོགས་པར་འགྱུར་རོ་ཞེས་བྱ་བའི་བར་དུ་ནི་རྫོགས་པའི་རིམ་པའི་རྣལ་འབྱོར་པས་བྲམ་
[87b]
[87b.1]ཟེ་ལ་སོགས་པ་གང་ཡང་རུང་བའི་བུ་མོ་བླངས་ལ་སྙོམས་པར་ཞུགས་པའི་རིམ་པས་སྣང་བ་ལ་སོགས་པའི་ཡེ་ཤེས་གསུམ་རྒྱུ་དང་རྐྱེན་ལས་འབྱུང་བའི་འོད་གསལ་བ་ཕྱི་དང་ནང་གི་བདག་ཉིད་ཀྱི་མངོན་པར་བྱང་ཆུབ་པའི་རིམ་པས་མྱོང་ཞིང་། དེ་ལས་བྱུང་བའི་མི་གནས་
[87b.2]པའི་མྱ་ངན་ལས་འདས་པའི་བདག་ཉིད་ཀྱི་ཟུང་དུ་འཇུག་པའི་རྡོ་རྗེའི་སྐུ་དམིགས་ནས་གནས་པར་བྱའོ་ཞེས་བསྟན་ཏོ། །དེ་ཉིད་བསྟན་པའི་ཕྱིར་རིགས་བཞི་པོ་#རྣམས་ལས་གང་ཡང་རུང་བ་ཞེས་པ་ནི་རྫོགས་པའི་རིམ་པ་ལ་གནས་པ་ལ་རྟོག་པ་མེད་པའི་ཕྱིར་རོ། །བླངས་ནས་ཞེས་བྱ་བ་ནི་
[87b.3]ལྷན་ཅིག་སྤྱོད་པ་བཞིན་དུ་བླངས་ནས་སོ། །དེ་རྟོགས་པ་དང་ལྡན་པའི་ཞེས་པ་ནི་རྫོགས་པའི་རིམ་པས་#ལྷའི་སྐུ་ཐོབ་པའོ། །རྡོ་རྗེ་འཆང་སྟེ་ཞེས་པ་ནི་ཐམས་ཅད་ཀྱི་འབྲས་བུར་གྱུར་པས་#སོ། །དེ་རྫོགས་པར་བྱེད་པ་ནི་ཟུང་དུ་འཇུག་པའི་ཏིང་ངེ་འཛིན་སྐྱེད་པར་བྱེད་པའོ། །མངོན་པར་བྱང་
[87b.4]ཆུབ་པའི་རིམ་པས་རྫོགས་པར་བྱས་ཏེ་ཞེས་པ་ནི་རིམ་པ་གཉིས་ཀྱིས་སོ། །དེའི་ཐབས་ནི་ཕྱག་རྒྱ་ཆེན་པོའི་དངོས་གྲུབ་ཀྱི་རྒྱུའོ། །དམར་ཐག་ཆད་ཅིང་འདས་པར་གྱུར་#ཏེ་ཞེས་པ་ནི་དགོངས་ཀ་སྟེ་དེའི་ཚེ་ཉི་མ་ནུབ་པའི་ཕྱིར་རོ། །དེས་ན་མཚན་མོ་བྱུང་བའི་དུས་སུ་ཚོགས་ཀྱི་འཁོར་
[87b.5]ལོའི་ཆོ་གས་དཀྱིལ་འཁོར་གྱི་དབུས་ན་གནས་པའི་བླ་མས་མཆོད་པ་རྣམ་པ་ལྔ་ལ་སོགས་པས་དེ་ཁོ་ན་ཉིད་ཐོབ་པའི་དོན་དུ་གསོལ་བ་འདེབས་པ་སྔོན་དུ་འགྲོ་བས་མཆོད་པར་བྱའོ། །དེ་ནས་ཞེས་བྱ་བ་ལ་སོགས་པ་ནི་མཆོད་པའི་འོག་ཏུ་མཚན་ཕྱེད་ཀྱི་དུས་སུ་དང་བར་#གྱུར་པའི་བླ་
[87b.6]མས་ཇི་ལྟ་བ་#བཞིན་དུ་གསང་བའི་འོག་ཏུ་ཤེས་རབ་ཀྱི་#དབང་བསྐུར་བ་ཐོབ་ནས་རང་རིགས་#པ་བསྟན་ཏོ། །བདེ་བ་བྱུང་བས་དབང་བསྐུར་#ཐོབ་པའོ། །རོ་དེ་ཉིད་ཀྱི་ནམ་ལངས་ནས་སྐྱ་རེངས་འཆར་བའི་དུས་སུ་ནི་ཉི་མའི་ཁ་ལོས་སྒྱུར་བ་བླ་ན་མེད་པ་འཆར་བའི་དུས་སུ་ནི་མཚན་མོའི་ཆ་
[87b.7]འདས་པའོ། །དེ་ཉིད་བསྟན་པའི་ཕྱིར་ཉི་མ་འཆར་བའི་སྟོན་#དུ་ཞེས་པ་ནི་དང་པོ་ནི་ཉི་མའི་ཁ་ལོས་སྒྱུར་བ་སྐྱ་རེངས་འཆར་བ་དང་ཕྱི་ནས་ཉི་མ་འཆར་བའོ། །དེའི་དུས་སུ་མངོན་པར་བྱང་ཆུབ་པའི་རིམ་པའི་མན་ངག་གིས་དངོས་གྲུབ་ཐོབ་པར་འགྱུར་རོ། །ཕྱིའི་མངོན་པར་བྱང་ཆུབ་པའི་
[88a]
[88a.1]རིམ་པ་ཞེས་པ་ནི་ཕྱིའི་དུས་ལ་ལྟོས་#པས་དེ་ཁོ་ན་ཉིད་རྟོགས་པའི་མཚན་ཉིད་ཀྱི་མན་ངག་གོ། །ནང་གི་བསྟན་པར་བྱ་བའི་ཕྱིར་ཞེས་བྱ་བ་ལ་སོགས་པས་ནང་གི་བདག་ཉིད་ཀྱི་མངོན་པར་བྱང་ཆུབ་པའི་རིམ་པ་བསྟན་པར་བྱ་སྟེ། ཐབས་ཀྱི་ཡེ་ཤེས་ཞེས་པ་ནི་སྣང་བ་
[88a.2]མཆེད་པའི་ཡེ་ཤེས་ཏེ་འདོད་ཆགས་ཀྱི་མིང་ཅན་ནོ། །སྙོམས་པར་ཞུགས་པས་མཚོན་པས་ན་སྙོམས་པར་ཞུགས་པའི་མཚན་ཉིད་དོ། །བྱུང་བར་གྱུར་ནས་ཞེས་པ་ནི་དེ་#བསྐྱེད་ནས་སོ། །ནུབ་ཅིང་ནི་འདས་ནས་སོ། །ཤེས་རབ་ཀྱི་ངོ་བོ་ཉིད་དུ་གྱུར་པས་ཞེས་པ་ནི་སྣང་བའི་ཡེ་ཤེས་ཀྱི་ཕྱི་
[88a.3]ནས་འབྱུང་ཞིང་ཐིམ་པའོ། །དེ་ནས་འོད་གསལ་བ་སྔོན་དུ་འགྲོ་བས་ཞེས་པ་ནི། འོད་གསལ་བ་ལས་སྔོན་དུ་སྣང་བ་ཉེ་བར་ཐོབ་པའི་ཡེ་ཤེས་འབྱུང་བ་ནི་མྱོང་བར་འགྱུར་རོ། །མ་རིག་པ་སྟེ་ཞེས་པ་ནི་སྣང་བ་ཉེ་བར་ཐོབ་པའི་ཡེ་ཤེས་སོ། །དེས་སོང་བར་#གྱུར་པའི་དུས་སུ་ཞེས་པ་ནི་དེའི་
[88a.4]བག་ཆགས་ཀྱི་ལྷག་མ་མེད་པའི་ཚེའོ། །སྟོང་པ་དང་ཤིན་ཏུ་སྟོང་པ་དང་སྟོང་པ་ཆེན་པོ་ནི་སྣང་བ་ལ་སོགས་པའི་རང་བཞིན་གསུམ་མོ། །རྒྱུ་དང་རྐྱེན་གྱིས་#ཞེས་པ་ནི་ཉེ་བར་ལེན་པ་དང་ལྷན་ཅིག་བྱེད་པའི་རྒྱུར་གྱུར་པ་སྟེ་གཅིག་རྒྱུ་དང་གཞན་དག་ཀྱང་ལྷན་ཅིག་བྱེད་པ་ཡིན་
[88a.5]པས་སོ། །དེ་རྣམས་ཀྱི་འོད་གསལ་བ་ནི་འབྲས་བུར་གྱུར་པའི་དེ་ཁོ་ན་ཉིད་མངོན་དུ་བྱེད་པས་སོ། །ཕྱག་རྒྱ་ཆེན་པོ་འགྲུབ་པར་འགྱུར་རོ་ཞེས་པ་ནི་ཟུང་དུ་འཇུག་པའི་ཏིང་ངེ་འཛིན་གྱིས་རྡོ་རྗེའི་སྐུ་འབྱུང་བར་འགྱུར་རོ་ཞེས་བྱ་བའི་དོན་ཏོ། །ཇི་སྐད་དུ། སྐྱ་རེངས་ཤར་བའི་དུས་
[88a.6]སུ་ནི། །རྡོ་རྗེ་ལྟ་བུའི་ཏིང་#འཛིན་གྱིས། །བྱང་ཆུབ་ཤིང་དྲུང་བཞུགས་ནས་ནི། །དེས་ནི་བདུད་རྣམས་འཇོམས་པར་མཛད། །སྟོང་པ་ཤིན་ཏུ་སྟོང་པ་དང་། གསུམ་པ་སྟོང་པ་ཆེན་པོ་དང་། །བཞི་པ་ཐམས་ཅད་སྟོང་པ་ནི། །རྒྱུ་དང་འབྲས་བུའི་བྱེ་བྲག་གོ། །ཞེས་འབྱུང་
[88a.7]བས་སོ། །མཚན་མོ་སྣང་བའི་ཆ་སྟེ་ཉི་མའི་ཟེར་འགྱེད་སྣང་བ་མཆེད་པ་ཡིན། །མཚམས་ནི་སྣང་བ་ཐོབ་པ་#རང་གི་རང་བཞིན་རྣམས་དང་རྟག་ཏུ་བཅས། །མཚན་མིན་མཚམས་མེད་ཉིན་མེད་#གང་ཞིག་རང་བཞིན་གྱིས་དག་པ། །དེ་ནི་བྱང་ཆུབ་སྐད་ཅིག་བླ་མ་མཆོག་བཤད་
[88b]
[88b.1]རྣལ་འབྱོར་པ་ཉིད་#ཡུལ། །ཞེས་འབྱུང་ངོ་། །དེ་ལྟར་ཕྱི་ནང་གི་མངོན་པར་བྱང་ཆུབ་ཀྱི་རིམ་པས་འོད་གསལ་བ་མྱོང་ཞིང་དེ་ལས་བྱུང་བའི་རྡོ་རྗེའི་སྐུ་སྤྲོ་བར་བསྟན་ཏོ། །མཚན་རྣམས་#ཐམས་ཅད་ཀྱིས་བརྒྱན་པ། །ཞེས་པ་ནི་མཚན་དང་དཔེ་བྱད་ཀྱིས་བརྒྱན་པའོ། །སྟོབས་བཅུ་ནི་གནས་དང་
[88b.2]གནས་མ་ཡིན་པ་ལ་སོགས་པའོ། །མི་འཇིགས་པ་ནི་བཞི་སྟེ་དེ་བཞིན་དུ་ལ་#སོགས་པའི་སྒྲས་དབང་པོ་དང་སྟོབས་དང་བྱང་ཆུབ་ཀྱི་ཡན་ལག་དང་ལམ་གྱི་ཡན་ལག་ལ་སོགས་པ་སངས་རྒྱས་ཀྱི་ཡོན་ཏན་དེ་དང་ལྡན་པ་ནི་ལྡན་པའོ། །དེའི་ཁྱད་པར་ནི་ཕྱག་རྒྱ་ཆེན་པོ་རྫོགས་པ་སྟེ་
[88b.3]རྡོ་རྗེ་སེམས་དཔའི་སྐུའི་བདག་ཉིད་ཅན་ནོ། །དེ་ལྟར་ཞེས་བྱ་བ་ལ་སོགས་པས་དེ་ཁོ་ན་ཉིད་ཐོབ་པའི་ཕན་ཡོན་བསྟན་ཏོ། །ཁམས་གསུམ་ཞེས་#པ་ནི་འཇིག་རྟེན་གསུམ་པའི་སངས་རྒྱས་ཉིད་ཐོབ་པས་ན་མངོན་པར་འདོད་པའི་དོན་གྱིས་#འབྲས་བུ་སྟེར་བའོ། །དེ་བཞིན་དུ་རབ་ཏུ་
[88b.4]གྲགས་པའི་མཚན་རྣམས་ནི་ཐུན་མོང་མ་ཡིན་པའི་དྲན་པ་ཉེ་བར་གཞག་པ་ལ་སོགས་པ་དེ་དང་ལྡན་པའོ། །དཔག་ཚད་བརྒྱ་ཞེས་བྱ་བ་ལ་སོགས་པས་རང་གི་སྣང་བ་མཐའ་ཡས་པའི་འཇིག་རྟེན་གྱི་ཁམས་སྣང་བར་བྱེད་པར་འགྱུར་རོ་ཞེས་བསྟན་པ་དང་། དེ་བཞིན་དུ་ཀུན་རྫོབ་དང་དོན་དམ་
[88b.5]པར་དབྱེར་མེད་པའི་ངོ་བོ་ཟུང་དུ་འཇུག་པའི་ཏིང་ངེ་འཛིན་གྱིས་#འགྲོ་བའི་དོན་ཞི་བ་#ལ་སོགས་པ་#འདི་བྱེད་དོ་ཞེས་བསྟན་ཏོ། །བཤད་མ་ཐག་པ་ཞེས་པ་ལ་སོགས་པས་རྫོགས་པའི་རིམ་པའི་ཏིང་ངེ་འཛིན་མི་འདའ་བ་ཉིད་དུ་བསྟན་ཏོ། །སྒྲུབ་པ་པོ་#ཞེས་བྱ་བ་ལ་སོགས་པའི་#གང་ཞིག་རྣལ་
[88b.6]འབྱོར་པ་དབང་པོ་དང་། །ཡུལ་ཉེ་བར་སྤྱོད་པའི་སྒོ་ནས་སོ་སོར་སྡུད་པའི་ཏིང་ངེ་འཛིན་གྱིས་འོད་གསལ་བར་ཉེ་བར་མཚོན་པས་མི་གནས་པའི་མྱ་ངན་ལས་འདས་པ་ཞེས་པ་ནི་ཟུང་དུ་འཇུག་པའི་བདག་ཉིད་དེ་ཁོ་ན་ཉིད་ཞི་བ་ནི་སྤྲོས་པ་ཐམས་ཅད་དང་བྲལ་བ། གཞན་གྱི་དོན་ཕུན་སུམ་
[88b.7]ཚོགས་པ་གཙོར་#གྱུར་པས་ན་དགེ་བ་བླང་བར་བྱ་བས་ན་དེ་ཁོ་ན་ཉིད་མ་འཁྲུལ་པས་ན་མི་སླུ་#བ། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཀྱི་གཙོ་བོར་གྱུར་པས་ན་ཕུལ་དུ་བྱུང་བ་ཐོབ་པར་འགྱུར་རོ་ཞེས་སྡུད་པ་པོས་བསྟན་ཏོ། །འདོད་པ་ཞེས་བྱ་བ་ལ་སོགས་པས་བདེན་
[89a]
[89a.1]པ་གཉིས་ཀྱི་དབྱེར་མེད་པར་གྱུར་པའི་མཚན་ཉིད་ཀྱི་#རྡོ་རྗེ་འཆང་གིས་གསུངས་སོ་ཞེས་ཉེ་བར་བསྡུས་པ་བསྟན་ཏོ། །དགོངས་པ་བཤད་པའོ་ཞེས་པ་ནི་འགལ་བའི་སྒྲའི་སྦྱོར་བས་དེ་ཁོ་ན་ཉིད་བསྟན་ཏོ། །དེ་ལྟར་ཞེས་བྱ་བ་ལ་#སོགས་པ་ཕྲན་ཚེགས་ཀྱི་#དངོས་གྲུབ་
[89a.2]བཤད་པར་བྱ་སྟེ། དེ་ནས་ཞེས་བྱ་བ་ལ་སོགས་པས་གཤིན་རྗེ་གཤེད་ཀྱི་ཏིང་ངེ་འཛིན་ལ་ཞུགས་པ་ཉིད་དུ་བསྟན་ཏོ། །དེ་བཞིན་གཤེགས་པ་ཞེས་བྱ་བ་ལ་སོགས་པས་གདུག་པ་སྐྲག་པར་བྱེད་པ་གཤིན་རྗེ་གཤེད་ཀྱི་སྔགས་བརྗོད་པ་བསྟན་ཏོ། །ཨོཾ་ཞེས་བྱ་བ་ལ་སོགས་པ་སྔགས་
[89a.3]ཀྱི་དོན་བཤད་པ་ནི་གོ་སླའོ། །གཤིན་རྗེ་གཤེད་ཀྱི་སྔགས་སྤེལ་བ་ནི་#སྦྱོར་བ་སྟེ་བསྟན་པར་བྱ་བ་ཞེས་པའི་སྒྲའོ། །དེ་ནས་དོན་འདི་ཡིན་ཏེ་བསྟན་པར་བྱས་ནས་དགྲ་ཐམས་ཅད་གསོད་པར་གྱིས་ཤིག་ཅེས་བྱ་བའི་དོན་ཏོ། །གཞན་དག་གིས་ནི་ཧཱུཾ་གི་#སྔགས་སྤེལ་བ་ཞེས་བསྟན་ཏེ། ཧཱུཾ་ཕཊ་
[89a.4]མཐའ་ཡིས་གསོད་པའོ། །ཞེས་བཤད་པའི་ཕྱིར་རོ། །སྡོང་བུ་ཞེས་བྱ་བ་ལ་སོགས་པས་གཤིན་རྗེ་མཐར་བྱེད་ལ་སོགས་པའི་རྣམ་པ་ལ་དམིགས་ཏེ་ཚེར་མ་ལས་བྱུང་བའི་མེ་དང་ལྡན་པའི་གྲུ་གསུམ་གྱི་#མེའི་ཐབ་ཏུ་སྔགས་བརྗོད་པ་སྔོན་དུ་འགྲོ་བ་དུག་དང་ཁྲག་དང་ལན་ཚྭ་#དང་
[89a.5]སྐེ་ཚེ་དང་། འབྲུ་མར་དང་འདྲེས་ནས་བུ་མོ་འམ་ཕ་རོལ་གྱི་དཔུང་གང་ཡང་རུང་བ་ལ་དམིགས་ནས་མཚན་ཕྱེད་དམ་ཉིན་ཕྱེད་ཀྱི་དུས་སུ་བསྲེགས་ན། དེ་ཞག་གསུམ་གྱིས་#རེངས་པར་འགྱུར་རོ་ཞེས་བསྟན་ཏོ། །དེ་ཉིད་བསྟན་པའི་ཕྱིར། བུ་མོ་དག་དང་འབྲེལ་པའི་ལོངས་སྤྱོད་
[89a.6]ཀྱི་རྒྱུར་ཞེས་བྱ་བ་སྨོས་ཏེ། #བུ་མོའི་ལུས་ལ་ལོངས་སྤྱོད་པའི་ཕྱིར་དང་དེའི་ཕའི་སྦྱོར་#བ་ལ་ལོངས་སྤྱོད་པའི་ཕྱིར་རོ། །དེའི་ཕྱིར་སྒྲུབ་པ་པོ་གཞན་ལས་ཞེས་པ་ནི་དེ་མ་གཏོགས་པ་གཞན་ལ་འགྲོ་བར་མི་འགྱུར་རོ། །དེ་འབའ་ཞིག་ཏུ་མ་ཟད་ཀྱི་ཇི་སྲིད་བྱིས་པ་དང་ལང་ཚོ་དང་རྒན་
[89a.7]པའི་གནས་སྐབས་སུ་ཡང་དེ་མེད་པས་དགའ་བར་མི་འགྱུར་གྱི་དེ་ལ་ཆགས་པར་འགྱུར་རོ་ཞེས་བྱ་བའི་དོན་ཏོ། །རྣམ་པར་སྣང་མཛད་ཀྱི་རྣལ་འབྱོར་པའོ་ཞེས་བྱ་བ་ལ་སོགས་པས་སྐུ་རྡོ་རྗེ་ལ་སོགས་པའི་རྣལ་འབྱོར་པ་སུམ་ཅུ་རྩ་གཉིས་ཀྱིས་གལ་ཏེ་སྦྱོར་བ་འདི་མི་བརྩི་ན།
[89b]
[89b.1]དེའི་ཚེ་དེ་རྣམས་ཀྱི་ལས་དེ་རྩོམ་པ་དོན་མེད་པ་ཞེས་བསྟན་ཏོ། །སྦྱོར་བ་གཞན་བསྟན་པའི་ཕྱིར་ཞེས་བྱ་བ་ལ་སོགས་པར་#འབྱུང་པོའི་ཞག་#ལ་དུར་ཁྲོད་ཀྱི་གོས་ལ་དུར་ཁྲོད་ཀྱི་སོལ་བས་#ཁ་སྦྱོར་གྱི་ནང་དུ་བརྒྱ་རྩ་བརྒྱད་བཟླས་#པས་གཤིན་རྗེ་མཐར་བྱེད་ཀྱི་གཟུགས་བྲིས་ལ་དེའི་སྙིང་གར་མིང་སྤེལ་ཏེ་
[89b.2]སྔགས་བརྗོད་པ་སྔོན་དུ་འགྲོ་བར་ཆེ་གེ་མོ་ལ་ཨི་དཾ་ད་#པ་ཡ་ཧྲི་སྭཱ་ཧཱ་ཞེས་པའི་སྔགས་སྤེལ་བ་བྱས་པ་བརྗོད་ཅིང་བརྒྱ་རྩ་བརྒྱད་བཟླས་པའི་རྣལ་འབྱོར་པ་སྒྲུབ་པ་པོས་ཕ་རོལ་རྣམས་ལ་མངོན་པར་འདོད་པའི་འབྲས་བུ་སྟེར་བར་འགྱུར་རོ་ཞེས་བསྟན་ཏོ། །སྔགས་འདི་ཉིད་ཅེས་
[89b.3]བྱ་བ་ལ་སོགས་པར་དུར་ཁྲོད་ཀྱི་གོས་ལ་སོལ་བས་དགྲ་བོའི་གཟུགས་བརྙན་བྲིས་ལ་དེའི་སྙིང་གར་མིང་སྤེལ་ཞིང་ཉིན་ཕྱེད་དམ་མཚན་ཕྱེད་ཀྱི་#དུས་སུ་འབྱུང་པོའི་ཞག་ལ། ཁྲོ་བོའི་རྣམ་པ་དང་ཁྲོ་བོའི་བསམ་པས། མཚོན་ཆ་རྣོ་བའི་བསམ་པས་གསོལ་བས་མགོ་
[89b.4]བོ་ནས་བརྩམས་ཏེ། རྐང་པའི་དཀྱིལ་འཁོར་#གྱི་བར་དུ་དབུས་སུ་རེག་བཏབ་ནས། དགྲ་བོ་འགགས་#པར་འགྱུར་རོ་ཞེས་བསྟན་ཏོ། །ཐོ་བ་ཞེས་བྱ་བ་ལ་སོགས་པས་དགྲ་བོའི་རྐང་པའི་རྡུལ་དང་གཙང་པོའི་འགྲམ་གཉིས་ཀྱི་སས་#བསྒྲུབ་བྱའི་གཟུགས་བརྙན་བྱས་ལ།
[89b.5]སྔར་བཤད་པའི་དུས་སུ་གཤིན་རྗེ་གཤེད་ཀྱི་རྣལ་འབྱོར་དང་ལྡན་པས་ཁྲོས་ནས་ཡི་གེ་ཕཊ་བཟླས་པས་དེའི་མགོ་བོར་ཐོ་བ་ཕབ་ན་དེའི་ཚེ་མངོན་གསུམ་#དུ་དེའི་མགོ་བོར་ཐོ་བ་ཕབ་པ་གང་གིས་སྲོག་དང་བྲལ་བར་འགྱུར་རོ་ཞེས་བསྟན་ཏོ། །ཡང་ན་བསམ་གཏན་གྱིས་ཀྱང་འདི་དག་ཐམས་
[89b.6]ཅད་བྱའོ་ཞེས་པ་ནི་ཏིང་ངེ་འཛིན་གྱིས་ཀྱང་རྣམ་པར་བྱས་ཏེ། གང་གིས་ཕྱི་རོལ་གྱི་#ཟས་ལ་ལྟོས་#པར་མི་འགྱུར་རོ། །ཧཱུཾ་ཞེས་བྱ་བ་ལ་སོགས་པས་ཐུགས་རྡོ་རྗེ་ཡོངས་སུ་གྱུར་པ་ལས་བདག་ཉིད་གནོད་མཛེས་ཀྱི་རྒྱལ་པོར་བསམས་ལ། རང་གི་ལག་པར་ཡི་གེ་ཧཱུཾ་ཡོངས་སུ་གྱུར་པ་
[89b.7]ལས་དྲག་པོའི་རྡོ་རྗེ་ཡི་གེ་ཧཱུཾ་གིས་འབར་བའི་ཕྲེང་བ་དང་ལྡན་པ་བསམས་ལ། སྔ་མ་བཞིན་དུ་བསྒྲུབ་བྱའི་གཟུགས་བརྙན་#མགོ་བོར་ཕབ་པར་བྱའོ་ཞེས་བྱ་བ་འདིས་ཕྱིའི་རྫས་ལ་ལྟོས་#པ་མེད་པ་ཉིད་དུ་བསྟན་ཏོ། །རྡོ་རྗེ་རྒྱུད་ཅེས་བྱ་བ་ལ་སོགས་པ་ནས་གདོན་མི་ཟའོ་ཞེས་པའི་བར་དུ་ནི་དུར་
[90a]
[90a.1]ཁྲོད་ཀྱི་གོས་ལ་སོགས་པ་ལ་ཁམས་ཀྱི་རྫས་ཀྱིས་སྐྱེས་པའམ་བུད་མེད་གང་ཡང་རུང་བའི་གཟུགས་བརྙན་བྲིས་ལ། ཡི་གེ་ཧཱུཾ་ཡོངས་སུ་གྱུར་པ་ལས་དགྲ་སྟ་རྣོ་བ་རང་གི་ལག་པ་ན་ཡོད་པར་བསམས་ཏེ། དེས་#བསྒྲུབ་བྱའི་སྐེ་#བ་ཡི་གེ་ཕཊ་བརྗོད་པས་བཅད་ལ་དེའི་
[90a.2]ཚེ་དགྲ་བོའི་སྐེ་#བ་གཅོད་པར་འགྱུར་རོ། །དེ་ཉིད་ཀྱི་ཕྱིར་བསྒྲུབ་པར་བྱ་བ་ཉིད་དུ་ཤེས་པ་དང་ཞེས་སྨོས་ཏེ་རྒྱལ་པོ་ལ་སོགས་པའོ། །ཁྱད་པར་ཅན་གྱི་ལུས་དང་ངག་དང་ཡིད་ཀྱི་བདག་ཉིད་ཅན་ཞེས་པ་ནི་ཤིན་ཏུ་མཛེས་པའི་ལུས་དང་ལྡན་པའོ། །མཆོག་དང་འབྲིང་དང་ཐ་མ་ཞེས་པ་
[90a.3]ནི་བྲམ་ཟེ་དང་རྒྱལ་རིགས་དང་རྗེ་རིགས་དང་དམངས་རིགས་སོ། །དེ་རྣམས་ལ་མི་རིགས་#པས་ཕན་འདོགས་པར་མི་བྱེད་པའོ། །དེ་ཉིད་ཀྱི་ཕྱིར་ཤིན་ཏུ་བག་མེད་པ་ལ་གནས་པ་ནི་དྲག་པོའི་ལས་བྱེད་པའོ། །སྦྱོར་བ་འདིས་#ནི་དགྲ་སྟའི་སྦྱོར་བས་ལྔ་པ་ཉིད་དུ་འགྱུར་རོ་ཞེས་གདོན་མི་
[90a.4]ཟའོ། །བདུད་རྩི་ཐབ་སྦྱོར་ཞེས་བྱ་བ་ལ་སོགས་པས་ཤིན་ཏུ་ཆར་འབབ་པའི་དུས་སུ་བདུད་རྩི་འཁྱིལ་པའི་ཏིང་ངེ་འཛིན་ལ་གནས་པས་གྲོང་ངམ་གྲོང་ཁྱེར་ལ་སོགས་པའི་ནམ་མཁའི་ཕྱོགས་སུ་ཡི་གེ་ཧཱུཾ་ལས་སྐྱེས་པ་ཁ་དོག་སེར་པོ་སྣ་ཚོགས་རྡོ་རྗེ་བསམས་ལ་དེའི་དབུས་སུ་ཡི་གེ་ཧཱུཾ་
[90a.5]ལས་བྱུང་བའི་འབར་བའི་རྡོ་རྗེ་བསམས་ལ། དེ་ལས་བྱུང་བའི་འབར་བའི་ཚོགས་ཀྱིས་ཆར་སྐམས་པར་འགྱུར་བར་བསྒོམས་ན་ཆར་རེངས་པར་འགྱུར་རོ་ཞེས་བསྟན་ཏོ། །རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་ཞེས་བྱ་བ་ལ་སོགས་པ་ནི་དཀྱིལ་འཁོར་ཆེན་པོ་བྲི་བའི་དུས་
[90a.6]སུ་རླུང་དང་ཆར་དང་ཐོག་ལ་སོགས་པ་ནམ་མཁའ་ལས་འབྱུང་#བ་དང་། དཀྱིལ་འཁོར་གྱི་འོག་ནས་ཀྱང་ཆུ་དང་སྦྲུལ་ལ་སོགས་པ་འབྱུང་བ་དང་། སོགས་པའི་སྒྲས་ས་འགུལ་བ་དང་ཤ་ཟ་ལ་སོགས་པ་འབྱུང་བས་སོ་ཞེས་གཟུང་ངོ་། །གཞན་གྱིས་རབ་ཏུ་སྦྱར་བ་ཞེས་པ་ནི་
[90a.7]ཚོགས་ཀྱི་བདག་པོ་ལ་སོགས་པ་མུ་སྟེགས་པས་སྐྱོན་བྱས་པའོ། །གང་གི་ཚེ་འབྱུང་བར་འགྱུར་ན་དེའི་ཚེ་བཅོམ་ལྡན་འདས་འོད་དཔག་ཏུ་མེད་པ་ཡོངས་སུ་གྱུར་པ་ལས་ཞལ་གསུམ་ཕྱག་དྲུག་པ་སྤྱན་གསུམ་པ་གཡོན་བརྐྱང་པ་ལ་གནས་པ་འཕགས་པ་རྟ་མགྲིན་དུ་
[90b]
[90b.1]བདག་ཉིད་བསམས་ལ། དེའི་ཕྱག་མཚན་ལས་བྱུང་#བའི་འབར་བའི་ཚོགས་ཀྱིས་ཕྱོགས་བཅུ་ལ་གནས་པའི་བགེགས་ཀྱི་ཚོགས་བསྲེག་ཅིང་ཐལ་བར་གྱུར་པར་བསམ་པར་བྱེད་ན་དེའི་ཚེ་རླུང་ལ་སོགས་པ་ཞི་བར་འགྱུར་རོ་ཞེས་བསྟན་ཏོ། །གལ་ཏེ་རང་བཞིན་དེ་ལྟར་མི་ཕྱེད་ན་ཞེས་བྱ་བ་
[90b.2]ལ་སོགས་པས་དེ་མ་བསྒོམས་པས་དཀྱིལ་འཁོར་བྲི་བའི་བདག་ཉིད་ཅན་གྱི་རྣལ་འབྱོར་མའི་བྱ་བ་འགྲུབ་པར་མི་འགྱུར་རོ། །འདིར་ཡང་དྲག་པོའི་ལས་ལ་རང་གི་སྡེ་པ་དང་གཞན་གྱི་སྡེ་པའི་བགེགས་གསོད་པར་བྱེད་པའི་ཡི་གེ་ཕཊ་ཀྱིས་ས་བོན་གསོད་པ་ནི་དགྲ་བོ་འཚེ་#བའི་
[90b.3]དུས་སུ་སྦྱོར་བར་བྱའོ་ཞེས་བསྟན་ཏོ། །ད་ནི་ཞེས་པ་ལ་སོགས་པས་སྤྲོས་པ་དང་བཅས་པའི་རྣལ་འབྱོར་པས་ལྷའི་ཁང་པ་སུམ་བརྩེགས་ལ་གནས་ཏེ། བདག་ལ་བྱིན་གྱིས་བརླབས་པ་རྣམ་པར་སྣང་མཛད་ལ་སོགས་པ་གང་ཡང་རུང་བ་ཡེ་ཤེས་ཀྱི་སྐུ་དམིགས་ཏེ། ཕྱོགས་
[90b.4]བཞི་ལ་གཟུགས་བཟང་བ་ཤིན་ཏུ་ལེགས་པར་བརྒྱན་པའི་དམ་ཚིག་གི་#ཕྱག་རྒྱ་བཞི་བཞག་#ནས་དེ་དང་ལྷན་ཅིག་འདོད་པའི་ཡོན་ཏན་ལྔ་ཉེ་བར་སྤྱོད་པ་དང་སྙོམས་པར་ཞུགས་པ་དང་། སོ་སོར་སྡུད་པ་དང་བསམ་གཏན་གྱི་རིམ་པས་བདེ་བ་ཆེན་པོ་མྱོང་བར་འགྱུར་རོ་
[90b.5]ཞེས་བསྟན་ཏོ། །ཡེ་ཤེས་ཀྱི་རིམ་པས་བསྐྱེད་པ་ཞེས་པ་ནི་བདག་ལ་བྱིན་གྱིས་བརླབས་#པའི་རིམ་པས་སྤྲོས་པའོ། །དེའི་སྦྱོར་བ་ནི་#ཞེས་པ་ནི་མདོར་བསྟེན་#པའོ། །སྐད་ཅིག་གིས་དམིགས་པ་ཞེས་པ་ནི་རྒྱས་པར་བཤད་པའོ། །དེས་ན་#སྣང་བ་ཉེ་བར་ཐོབ་པ་ལ་སོགས་པའི་
[90b.6]རིམ་པ་བཀག་གོ། །གདན་རྣམ་པ་བཞིའི་དབུས་སུ་ཞེས་པ་ནི་ལྷ་མོ་བཞིའི་གདན་གྱི་དབུས་སུའོ། །རྡོ་རྗེ་འཆང་ཆེན་པོའི་སྐུ་ཞེས་པ་ནི་ཉེ་བར་མཚོན་པ་ཙམ་ཡིན་ཏེ། རྣམ་པར་སྣང་མཛད་ལ་སོགས་པ་རྣམས་ཀྱི་ཡང་སྐུ་བསྒོམ་པར་བྱའོ། །ལྷའི་དེ་ཁོ་ན་ཉིད་ཤེས་པས་སོ་ཞེས་པ་ནི་
[90b.7]བདག་ཉིད་དང་ལྷན་ཅིག་ལྷ་མོ་#བཞི་ཡེ་ཤེས་ལྔའི་ངོ་བོ་ཤེས་པའོ། །སྤྱན་མ་ལ་སོགས་པའི་གནས་རྣམས་སུ་ཞེས་པ་ནི་ཤར་ཕྱོགས་ལ་སོགས་པ་ལའོ། །རྣམ་པར་དག་པའི་རིམ་པ་དེས་ཕྱིའི་མངོན་པར་ཞེན་པ་སྤོང་བ་དང་། སོ་སོའི་སྐྱེ་བོ་བཞིན་དུ་སྤྱོད་པའང་བཀག་པར་བྱས་པ་
[91a]
[91a.1]ཡིན་ནོ། །སྔགས་དང་ཕྱག་རྒྱ་ལེགས་པར་སློབ་པ་ཞེས་#པ་ནི་སྔགས་གཙོ་བོར་གྱུར་པའི་ཕྱག་རྒྱ་ནི་སྔགས་ཀྱི་ཕྱག་རྒྱ་སྟེ་སྔགས་ཀྱི་ཐེག་པ་ཆེན་པོའོ། །དེ་ལ་ལེགས་པར་བསླབ་པ་ནི་ཐོས་པ་ལ་སོགས་པའི་རིམ་གྱིས་མཐར་ཕྱིན་པ་དང་ཕ་རོལ་ལ་ཉེ་བར་སྟོན་པའོ། །
[91a.2]སྤྱན་མ་#ལ་སོགས་པའི་དངོས་པོ་ཡོངས་སུ་བརྟགས་པ་ཞེས་པ་ནི་རིགས་ཀྱི་ཡུམ་བཞི་པོའི་གཟུགས་སུ་བསྒོམ་པའོ། །བུད་མེད་བཞི་ནི་བཞི་ཁོ་ནའོ། །ཉིན་མཚན་ནི་#རྟག་ཏུའོ། །རྒྱན་རྣམས་ཐམས་ཅད་ཀྱིས་ཞེས་བྱ་བ་ལ་སོགས་པས་ལྷན་ཅིག་སྐྱེས་པ་དང་། ཆ་ལུགས་ཀྱི་ཡོན་ཏན་
[91a.3]རྣམས་ཀྱིས་བརྒྱན་པ་ཉིད་དུ་བསྟན་ཏོ། །རང་གི་སྙིང་གའི་པདྨ་ཞེས་པ་ནི་རང་གི་སེམས་སོ། །ཁའི་པདྨ་ནི་ཞལ་གྱི་པདྨའོ། །རྒྱས་པ་ནི་དེ་ལྟ་བས་དགའ་བ་བསྐྱེད་པར་བྱས་ལ་དེའི་འོག་ཏུ་འཁོར་ལོ་ལྔའི་བདག་ཉིད་གང་ཡིན་པ་དེ་ཉིད་སེམས་ཙམ་ཡིན་གྱི་གཞན་ནི་མ་ཡིན་ནོ་ཞེས་
[91a.4]བསམ་པར་བྱའོ། །འོད་ཟེར་ལྔ་ནི་ཞེས་བྱ་བ་ལ་སོགས་པས་#དབང་པོ་དང་ཡུལ་ཉེ་བར་སྤྱོད་པའི་མཚན་ཉིད་ཀྱི་སོ་སོར་སྡུད་པའི་རིམ་པས་བདེ་བ་ཆེན་པོ་དེ་དང་ལྷན་ཅིག་ཏུ་མྱང་#བར་བྱའོ་ཞེས་བསྟན་ཏེ#། །དེ་ལྟར་སྤྱོད་པ་ཞེས་བྱ་བ་ལ་སོགས་པས་རྣམ་པར་སྣང་མཛད་ལ་སོགས་པར་#
[91a.5]དེ་བཞིན་གཤེགས་པ་ལྔ་དང་མཚུངས་པར་འགྱུར་རོ་ཞེས་བསྟན་ཏོ། །ཕྱག་རྒྱ་གཅིག་དང་ཡང་#ལྷན་ཅིག་སྤྱོད་པ་ཞེས་པ་ནི་སྤྲོས་པ་མེད་པའི་སྤྱོད་པ་དང་ལྡན་པའི་རྣལ་འབྱོར་པའི་འོ། །དགོངས་པ་ནི་རྡོ་རྗེ་འཆང་ཆེན་པོ་ལ་སོགས་པའི་རྣལ་འབྱོར་པས་བྲམ་ཟེ་ལ་སོགས་པ་གང་
[91a.6]ཡང་རུང་བའི་ཕྱག་རྒྱ་བླངས་ཏེ། བདག་ཉིད་དང་དེས་རྣམ་པར་སྣང་མཛད་དང་སྤྱན་མ་ལ་སོགས་པའི་རྣམ་པ་བསྐྱེད་ལ་ཡུལ་ནས་ཡུལ་དུ་འགྲོ་བར་ཇི་ལྟར་རྙེད་པའི་ཁ་ཟས་ཅན་ནགས་ཚལ་ལ་སོགས་པ་སྐྱེ་བོས་དབེན་པ་ལ་སྙོམས་པར་ཞུགས་པའི་སྒོ་ནས་ཡེ་ཤེས་གསུམ་རྣམ་པར་
[91a.7]དག་པའི་ངོ་བོ་འོད་གསལ་བ་ལ་སློབ་པར་བྱེད་དེ་དེའི་ཚེ་རྡོ་རྗེ་འཆང་ཆེན་པོ་དང་འདྲ་བར་འགྱུར་རོ་ཞེས་བསྟན་ཏོ། །ཐ་མལ་པའི་བདག་ཉིད་#རང་བཞིན་ཡོངས་སུ་སྤངས་ནས་ཞེས་པ་ནི་ཡེ་ཤེས་ཀྱི་རིམ་པས་བསྒྲུབ་#པའི་སྔགས་ཀྱི་སྐུའོ། །དེའི་འོག་ཏུ་ནི་རྒྱུ་དེ་ལས་སོ། །བདག་པོ་ནི་
[91b]
[91b.1]ཁམས་གསུམ་གྱི་བདག་པོའོ། །ཕྱག་རྒྱ་དང་བཅས་པར་དངོས་གྲུབ་ཐོབ་པས་ན་ཞེས་པ་ནི་དེ་ཡང་དེ་བཞིན་དུ་གྲུབ་པར་འགྱུར་རོ། །ནམ་མཁའ་མཛོད་ཀྱི་ཞེས་བྱ་བ་ལ་སོགས་པས་ཕྱག་རྒྱ་ཆེན་པོའི་དངོས་གྲུབ་ཐོབ་པས་སེམས་ཅན་གྱི་དོན་མཛད་པ་བསྟན་ཏོ། །དེ་ནི་སྤྲོས་པ་མེད་
[91b.2]པའི་སྤྱོད་པའོ། །ད་ནི་སྤྲོས་པ་མེད་པའི་སྤྱོད་པ་དང་ལྡན་པའི་རྣལ་འབྱོར་པའི་ཇི་སྙེད་པའི་ཟས་ལེགས་པར་སྦྱངས་#ནས་སྤྱོད་པས་གནས་པ་བསྟན་པར་བྱ་སྟེ། ཐུན་མོང་དུ་གྱུར་པ་ནི་རབ་ཏུ་གྲགས་པའོ། །བ་ལང་གི་ལྕི་བ་ལ་སོགས་པ་ཞེས་པ་ནི་དེ་ཁོ་ན་ཉིད་ཐོབ་པ་ལ་ཞིམ་དང་མི་ཞིམ་གྱི་རྣམ་
[91b.3]པར་རྟོག་པ་མེད་པའི་ཕྱིར་རོ། །ཤ་ནི་ཇི་རྙེད་#པ་དང་ཞེས་པ་ནི་ཁ་ན་མ་ཐོ་བ་མེད་པ་རྙེད་པ་སྨོད་པའམ་མ་སྨད་#པའོ། །གཞན་དག་གང་ཅིའང་#རུང་བ་ཞེས་པ་ནི་བཏུང་བ་ལ་སོགས་པའོ། །བཟའ་བ་དང་བཏུང་བ་ལ་སོགས་པ་དེ་དག་སྦྱངས་པ་#ལ་སོགས་པའི་རིམ་གྱིས་སྦྱངས་ལ་
[91b.4]སྙིང་ག་དང་ལག་པ་དང་ལྐོག་མ་སྦྱངས་ནས་ཇི་ལྟར་སོ་སོའི་སྐྱེ་བོས་མ་མཐོང་བ་དེ་སྲིད་བཟའ་བར་བྱའོ་ཞེས་བསྟན་ཏོ། །འོག་ནས་བཤད་པ་ལ་ལྟོས་#པ་ཡིན་ནོ་ཞེས་པ་ནི་རི་ལུ་#ལ་སོགས་པའི་གྲུབ་པ་རྣམས་ཀྱང་རྡོ་རྗེ་འཆང་ཉིད་ཀྱིས་གསུངས་སོ་ཞེས་སྦྱར་རོ། །བཤད་པ་
[91b.5]ཞེས་བྱ་བ་ལ་སོགས་པས། །ཉིན་ཞག་དེ་ལ་#སྐྱེས་པའི་བུ་ཆུང་གི་ཚན་བུ་ས་ལ་མ་ལྷུང་བ་ཁམ་ཕོར་#ཁ་སྦྱར་ལ་བཞག་ཅིང་གཤིན་རྗེ་གཤེད་ཀྱི་སྔགས་ཀྱིས་བརྒྱ་རྩ་བརྒྱད་བཟླ་#ཞིང་ཡི་གེ་གསུམ་གྱིས་#བྱིན་གྱིས་བརླབས་ནས་ལྕགས་གསུམ་གྱིས་བསྐོར་བའི་རི་ལུ་ཁར་
[91b.6]བཅུག་ན་རིག་པ་འཛིན་པ་རྣམས་ཀྱིས་ཀྱང་མཐོང་བར་མི་འགྱུར་ན། མི་རྣམས་ཀྱིས་སྨོས་ཀྱང་ཅི་དགོས་ཏེ་མི་སྣང་བའི་སྦྱོར་བ་བསྟན་པ་དང་། དེ་བཞིན་དུ་ཁྱི་ལ་སོགས་པའི་མངལ་གྱི་རི་ལུ་ཐོད་པ་ཁ་སྦྱར་ལ་བཞག་ཅིང་། སྔ་མ་བཞིན་དུ་#མངོན་པར་བཟླས་ལ་ཁར་བཅུག་
[91b.7]སྟེ་འགྲུབ་#པ་ལ་སོགས་པས་མཐོང་བར་མི་འགྱུར་རོ་ཞེས་བསྟན་ཏོ། །དེ་ནི་མི་སྣང་བའི་སྦྱོར་བ་ཁོ་ནའོ། །བཤང་བ་དང་ཞེས་བྱ་བ་ལ་སོགས་པས་བདུད་རྩི་ལྔའི་རི་ལུ་ལྕགས་གསུམ་གྱིས་#བསྐོར་བ་བྱས་ལ་ཟླ་བ་གཟས་ཟིན་པའི་དུས་སུ་ཕྱག་རྒྱའི་བྷ་གར་བཅུག་ལ་སྙོམས་པར་
[92a]
[92a.1]ཞུགས་པ་སྔོན་དུ་འགྲོ་བར་ཟླ་བ་གཟས་གྲོལ་བར་གྱུར་ན་དེ་ནས་བཏོན་ཏེ་དུ་བ་ལ་སོགས་པའི་རྟགས་ཉེ་བར་མཚོན་ཞིང་ཁར་བཅུག་ན་སངས་རྒྱས་རྣམས་ཀྱིས་#ཀྱང་མཐོང་བར་མི་འགྱུར་རོ་ཞེས་བསྟན་ཏོ། །དེ་ཡང་མི་སྣང་བའི་སྦྱོར་བ་ཁོ་ནའོ། །དེ་བཞིན་དུ་ཞེས་བྱ་བ་
[92a.2]ལ་སོགས་པས་སྔ་མ་བཞིན་དུ་མི་སྣང་བ་ཉིད་བསྟན་ཏེ། འོན་ཀྱང་ཤ་ཆེན་འདིར་གཙོ་བོ་ཡིན་ནོ། །བ་ལང་ཤ་ཞེས་བྱ་བ་ལ་སོགས་པས་སྔ་མ་བཞིན་དུ་བཤད་པར་བྱ་སྟེ་མི་སྣང་བ་ཉིད་ཁོ་ན་བསྟན་ཏོ། །སྲོག་ཆགས་ཞེས་བྱ་བ་ནས་གསུངས་སོ་ཞེས་པའི་བར་དུ་ནི་བཤང་བ་ལས་འབྱུང་#བའི་]
[92a.3]སྲོག་ཆགས་ཀྱི་རི་ལུ་དང་ག་པུར་ཙནྡན་གྱི་རི་ལུ་དང་། གི་ཝང་ཨ་ག་རུ་ནག་པོའི་རི་ལུ་དང་བདུད་རྩི་ལྔའི་རི་ལུ་དང་ག་བུར་དང་གུར་གུམ་གྱིས་#སྦྱར་བའི་བདུད་རྩི་ལྔའི་རི་ལུ་སྟེ་རིགས་ལྔའི་དབྱེ་བས་#སྦྱངས་ལ་ལྕགས་གསུམ་གྱིས་བསྐོར་བ་#བྱས་ཏེ་ཁར་བཅུག་ལ། དེའི་ཚེ་སྟོབས་མི་
[92a.4]ཉམས་པ་#དང་ལྷ་ལ་སོགས་པ་རྣམས་ཀྱིས་ཀྱང་མི་མཐོང་བར་འགྱུར་རོ་ཞེས་བསྟན་ཏོ། །དེ་ནི་མི་སྣང་བའི་སྦྱར་#བ་ཁོ་ནའོ། །དེ་ནི་ཞེས་བྱ་བ་ལ་སོགས་པས་འཇིག་རྟེན་པའི་དངོས་གྲུབ་ཀྱི་སྒོ་ནས་འཇིག་རྟེན་ལས་འདས་པའི་དངོས་གྲུབ་ཐོབ་པར་འགྱུར་རོ་ཞེས་བསྟན་ཏོ། །
[92a.5]དཀྱིལ་འཁོར་པའི་ཞེས་བྱ་བ་ལ་སོགས་པས་སྔར་བཤད་པའི་ཞི་བ་ལ་སོགས་པ་བསྒྲུབ་པའི་དོན་དུ་ཞི་བའམ་དྲག་པོའི་ངོ་བོའི་སྐུ་བསྒོམ་པའི་རྣལ་འབྱོར་པས་ཞི་བ་#ལ་སོགས་པ་སྒྲུབ་པར་བྱེད་པ་འབའ་ཞིག་ཏུ་མ་ཟད་ཀྱི་འོན་ཀྱང་དེའི་ཕྱག་རྒྱ་ཆེན་པོས་ཞི་བའི་ངོ་བོ་རྡོ་རྗེ་འཆང་
[92a.6]ཆེན་པོའི་སྐུའི་དབང་ཕྱུག་ལ་སོགས་པ་དང་། སྟོབས་ཆེན་པོ་ལ་སོགས་པ་དང་ལྡན་པར་འགྱུར་རོ་ཞེས་བསྟན་ཏོ། །གཞན་ཡང་སྐད་ཅིག་མ་གཅིག་གིས་ཞེས་བྱ་བ་ལ་སོགས་པས་མཁའ་སྤྱོད་དང་ས་སྤྱོད་དང་ཕྱོགས་སྤྱོད་ཀྱི་དངོས་གྲུབ་ཐོབ་པར་འགྱུར་རོ་ཞེས་བསྟན་ཏོ། །
[92a.7]ཕྱག་རྒྱའི་ཚོགས་དཔག་ཏུ་མེད་པ་ཞེས་པ་ནི་ལྷའི་བཞོན་པ་ལ་གནས་པ་དམ་ཚིག་གི་ཕྱག་རྒྱའི་རང་བཞིན་སྤྱན་མ་ལ་སོགས་པ་དེ་#དང་ལྷན་ཅིག་སྤྱོད་པས་ན་དཔལ་ལྡན་ནོ། །སྟོབས་བཅུ་ཞེས་བྱ་བ་ལ་སོགས་པས་#སངས་རྒྱས་ཀྱི་ཡོན་ཏན་དང་ལྡན་པ་ཉིད་དུ་བསྟན་ཏོ། །
[92b]
[92b.1]ཇི་ལྟར་དགའ་བར་འགྲོ་བའི་ཕྱིར། །ཞེས་པ་ནི་ཐོགས་པ་མེད་པའི་འགྲོ་བ་དང་ལྡན་པས་སོ། །རྒྱལ་ཆེན་རིས་#བཞི་ཞེས་བྱ་བ་ལ་སོགས་པས་ལྷའི་རིགས་དྲུག་དང་ལྡན་པའི་འདོད་པའི་#ཁམས་ལ་བདེ་བ་ལ་སོགས་པ་ལྷའི་བཙུན་མོ་ཇི་སྲིད་དང་དེ་བཞིན་སུར་མ་པ་ཧི་ལ་མཆོག་ལ་
[92b.2]སོགས་#དང་ལྷའི་སྨད་འཚོང་མ་དང་ལྷའི་ལོངས་སྤྱོད་དང་མཚུངས་པ་གླིང་བཞིའི་བདག་པོ་འཁོར་ལོས་སྒྱུར་བ་རྣམས་ཀྱི་བུ་མོ་དང་། དེ་བཞིན་དུ་#དབྱིག་དམིགས་དང་རྣམ་པར་འཇིག་པ་#ལ་སོགས་པ་ལྷ་མ་ཡིན་གྱི་བུ་མོ་དང་། འཇོག་པོ་དང་དུང་སྐྱོང་དང་རིགས་ལྡན་དང་པདྨ་
[92b.3]དང་པདྨ་ཆེན་པོ་ལ་སོགས་པའི་ཀླུ་རྣམས་ཀྱི་བུ་མོ་སྟོབས་ཀྱིས་མནན་ནས་ཉེ་བར་སྤྱོད་པར་འགྱུར་རོ་ཞེས་བསྟན་ཏོ། །གཟུགས་ཀྱི་ཁམས་པ་སྒོམ་#ཆེན་འདོད་ཆགས་དང་བྲལ་བར་གནས་པ་གལ་ཏེ་དེ་ལ་བུད་མེད་ཡོད་ན་ཞེས་བྱ་བ་འདི། སྲིད་ན་ཞེས་ཕུལ་དུ་བྱུང་བའི་ཚིག་ཏུ་
[92b.4]བསྟན་ཏོ། །ཐ་མལ་པའི་ལུས་ཞེས་པ་ནི་ཉེ་བར་ལེན་པའི་ཕུང་པོ་ལྔའི་བདག་ཉིད་ཅན་ནོ། །དེ་ཏིང་ངེ་འཛིན་ཁྱད་པར་ཅན་གང་གིས་མི་སྣང་བར་བྱས་པ་དེ་ལ་དེ་སྐད་ཅེས་བྱའོ། །དེ་ནས་ཞེས་བྱ་བ་ལ་སོགས་པས་རིན་པོ་ཆེ་ལྟ་བུའི་གང་ཟག་བྱང་ཆུབ་སེམས་དཔའ་སྔར་བཤད་པའི་
[92b.5]ཏིང་ངེ་འཛིན་གྱི་ཁྱད་པར་ཐོས་པ་དང་བསམ་པ་དང་། བསྒོམ་པས་འཁྲུལ་པ་ལས་བྱུང་བའི་ཐེ་ཚོམ་དང་བྲལ་བར་འགྱུར་བ་ནང་ན་མྱོང་བའི་མན་ངག་གི་ཚིག་བཅོམ་ལྡན་འདས་ལ་བསྟོད་པའི་སྒོ་ནས་བསྟན་ཏོ། །སྔགས་གཅིག་པུ་ཞེས་པ་ནི་གཤིན་རྗེ་མཐར་བྱེད་ཀྱི་སྔགས་
[92b.6]གཅིག་པུ་ལས་ཀྱི་རབ་འབྱམ་#བསྒྲུབ་པ་ནི་ཕུར་བུས་གདབ་པ་དང་། གནས་སྤོང་བ་དང་རེངས་པ་དང་མངོན་སྤྱོད་ལ་སོགས་པ་བསྒྲུབ་པའོ། །དེ་བཞིན་དུ་བུད་མེད་དང་ལྷན་ཅིག་ཏུ་རོལ་པས་ཀྱང་ཞེས་པ་ནི་སྤྲོས་པ་དང་བཅས་པ་དང་སྤྲོས་པ་མེད་པ་དག་གིས་སྤྱོད་པའི་གསང་བ་
[92b.7]ལྔའི་དཀྱིལ་འཁོར་ཆེན་པོའི་རིམ་པས་ཕྱག་རྒྱ་བཞི་དང་ལྷན་ཅིག་སྤྱོད་པའམ་ཕྱག་རྒྱ་གཅིག་དང་སྤྱོད་པས་འདོད་ཆགས་རོལ་པ་ལ་སོགས་པའི་རྒྱ་ཆེ་བས་འཇིག་རྟེན་པ་ལ་སོགས་པའི་དངོས་གྲུབ་སྒྲུབ་#པ་གང་ཡིན་པའོ། །དེ་བཞིན་དུ་བདུད་རྩི་ལྔ་དང་སྒྲོན་མ་ལྔ་ནི་དམ་
[93a]
[93a.1]ཚིག་དང་ལྕགས་ཀྱུ་རྣམས་སོ། །དེས་བྱས་པའི་རི་ལུ་རྣམས་ཀྱིས་དངོས་གྲུབ་ཀྱི་ཕུན་སུམ་ཚོགས་པ་སྟེ་མཁའ་ལ་སྤྱོད་པ་དང་མི་སྣང་བའི་མཚན་ཉིད་ཅན་ནོ། །ཆོས་སྟོང་པ་ཉིད་ལ་སོགས་པའི་རང་བཞིན་གྱིས་དག་པ་སྟེ། ཁ་ན་མ་ཐོ་བ་མེད་པའི་ཕྱིར་རོ། །དེ་
[93a.2]བཞིན་དུ་གང་ཡང་རུང་བའི་ཕྱག་རྒྱ་ཆེན་པོ་ཞེས་པ་ནི་ལྷ་སུམ་ཅུ་རྩ་གཉིས་ཀྱི་ནང་ན་གང་ཡང་རུང་བའི་དམིགས་པ་ལ་བརྟེན་ནས་རྡོ་རྗེ་འཆང་ཉིད་དུ་འགྱུར་བ་དང་དེ་ལ་ཡང་མ་ཆགས་པ་ཞེས་བྱ་བ་གང་གསུངས་པ་དེ་དག་ཐམས་ཅད་ནི་ངོ་མཚར་བ་སྟེ་རྨད་དུ་གྱུར་པ་བཅོམ་ལྡན་འདས་
[93a.3]ཀྱིས་བསྟན་ཏོ། །སྔར་མ་ཐོས་མ་བཤད་པ་ཞེས་བྱ་བའི་ཐ་ཚིག་གོ། །དགོངས་པས་བཤད་པའོ་ཞེས་པ་ནི་འགལ་བའི་སྒྲའི་སྒོ་ནས་དེ་ཁོ་ན་ཉིད་བསྟན་པས་སོ། །ད་#ནི་ཞེས་བྱ་བ་ལ་སོགས་པས་ཕྱིར་མི་ལྡོག་པའི་དབང་བསྐུར་ཐོབ་ནས་རྒྱས་བཏབ་པ་བསྟན་པར་བྱ་སྟེ། གདུག་པ་ཐམས་ཅད་
[93a.4]འདུལ་བས་ན་ཞེས་པ་ནི་མཚམས་མེད་པ་ལྔ་ལ་སོགས་པ་བྱེད་པ་འདུལ་བར་མཛད་པས་སོ། །རྣམ་པར་སྣང་མཛད་ལ་སོགས་པ་ཞེས་པ་ནི་དེ་བཞིན་གཤེགས་པ་ལ་སོགས་པའི་རིགས་ལྔའོ། །འབྱིན་པས་ནི་སྐྱེད་པར་བྱེད་པ་སྟེ་རྡོ་རྗེ་འཆང་ཆེན་པོའི་རིགས་ལས་རྣམ་པར་སྣང་
[93a.5]མཛད་ལ་སོགས་པ་དེ་རྣམས་མེ་སྟག་ལྟ་བུར་འབྱུང་བས་སོ། །འཇིག་རྟེན་པ་ནི་ཞི་བ་ལ་སོགས་པའོ། །སོགས་པའི་སྒྲས་ནི་འཇིག་རྟེན་ལས་འདས་པ་#མཁའ་སྤྱོད་ལ་སོགས་པའོ། །སྐྱེས་པར་མཛད་པ་ན་#ཞེས་པ་ནི་དེ་སྤྲུལ་པར་མཛད་པས་སོ། །གཞན་ཡང་ནི་དེ་
[93a.6]བཞིན་ཡང་ངོ་། །དྲུག་པའི་ངོ་བོ་ཉིད་དུ་གྱུར་པས་ཞེས་པ་ནི་ལྔ་པོ་བསྡུ་བར་མཛད་པས་སོ། །དེ་ལྟར་སྤྲོ་བ་དང་བསྡུ་བའི་བདག་ཉིད་ཅན་གྱིས་བཅོམ་ལྡན་འདས་རྡོ་རྗེ་འཆང་གི་ཆེ་བ་#བསྟན་པ་ཡིན་ནོ། །སངས་རྒྱས་ཞེས་བྱ་བ་ལ་སོགས་པས་མི་བསྐྱོད་པ་ལ་སོགས་
[93a.7]པ་གསུམ་པོའི་བདག་ཉིད་ཀྱི་བཅོམ་ལྡན་འདས་ཀྱིས་བཀའ་སྩལ་ཏོ་ཞེས་བསྟན་ཏོ། །སེམས་དཔའི་རྡོ་རྗེ་ཞེས་བྱ་བ་ལ་སོགས་པ་མི་བསྐྱོད་པའི་རིགས་ཅན་མཱ་མ་ཀཱི་དང་ལག་ན་རྡོ་རྗེ་དང་ནམ་མཁའི་སྙིང་པོ་དང་སྒྲ་རྡོ་རྗེ་མ་དང་ཤེས་རབ་མཐར་བྱེད་རྣམས་ལ་མི་བསྐྱོད་པས་
[93b]
[93b.1]རྒྱས་གདབ་#པར་བྱའོ་ཞེས་བསྟན་ཏོ། །རྣམ་པར་སྣང་མཛད་དོ་ཞེས་བྱ་བ་ནས་ཉེ་བར་བསལ་#བར་བྱའོ་ཞེས་པའི་བར་དུ་ནི་རྣམ་པར་སྣང་མཛད་ཀྱི་རིགས་ཅན་#སྤྱན་མ་དང་སའི་སྙིང་པོ་དང་བྱམས་པ་དང གཟུགས་རྡོ་རྗེ་མ་དང་གཤིན་རྗེ་མཐར་བྱེད་རྣམས་ལ་རྣམ་པར་སྣང་མཛད་
[93b.2]ཀྱིས་རྒྱས་གདབ་#པར་བྱའོ་ཞེས་བསྟན་ཏོ། །མཱ་མ་ཀཱི་ཞེས་བྱ་བ་ནས་དཀོན་མཆོག་དཔལ་གྱི་དབང་བསྐུར་#བྱའོ་ཞེས་བྱ་བའི་བར་དུ་ནི་མཱ་མ་ཀཱི་ལ་སོགས་པ་ལ་རིན་ཆེན་འབྱུང་ལྡན་གྱིས་#རྒྱས་གདབ་པར་བྱའོ་ཞེས་བསྟན་ཏོ། །མཱ་མ་ཀཱི་ལ་སོགས་པ་གཉིས་ཀའི་#རིགས་དང་ལྡན་
[93b.3]པའི་ཕྱིར་རོ། །རིགས་#པའི་རྒྱལ་མོ་ནི་གོས་དཀར་མོ་སྟེ་ཞེས་པ་ནི་ངག་གི་སྤྲོས་པ་ཐམས་ཅད་ཀྱི་གཞིར་གྱུར་པའི་ཕྱིར་རོ། །འབྲེལ་པས་འབྲེལ་པ་གང་ཡིན་པ་ཞེས་པ་ནི་རེ་ཞིག་འོད་དཔག་ཏུ་མེད་པ་དང་གོས་དཀར་མོ་འབྲེལ་ཏོ། །དེའི་འབྲེལ་པས་ཀྱང་པདྨའི་རིགས་ཅན་རྣམས་ལ་དེ་
[93b.4]སྐད་ཅེས་བྱའོ། །དེའི་ཕྱིར་པདྨའི་རིགས་ཞེས་པ་ནི་གོས་དཀར་མོ་དང་སྤྱན་རས་གཟིགས་ཀྱི་དབང་ཕྱུག་དང་འཇམ་དཔལ་དང་དྲི་རྡོ་རྗེ་#དང་པདྨ་མཐར་བྱེད་རྣམས་ལ་འོད་དཔག་ཏུ་མེད་པས་རྒྱས་གདབ་པར་བྱའོ་ཞེས་བསྟན་ཏོ། །ལས་ཀྱི་རིགས་རྣམས་ཞེས་བྱ་བ་ལ་སོགས་པས་དོན་
[93b.5]ཡོད་གྲུབ་པའི་རིགས་ཅན་སྒྲོལ་མ་དང་སྒྲིབ་པ་རྣམ་པར་སེལ་བ་དང་ཀུན་དུ་བཟང་པོ་དང་རོ་#རྡོ་རྗེ་མ་དང་བདུད་རྩི་འཁྱིལ་པ་རྣམས་ལ་དོན་ཡོད་གྲུབ་པས་རྒྱས་གདབ་པར་བསྟན་ཏོ། །རྣམ་པར་སྣང་མཛད་ལ་སོགས་པ་ལ་ཞེས་པ་ནི་རྣམ་པར་སྣང་མཛད་དང་རིན་ཆེན་འབྱུང་ལྡན་དང་འོད་
[93b.6]དཔག་ཏུ་མེད་པ་དང་དོན་ཡོད་གྲུབ་པ་རྣམས་ཀྱི་མི་བསྐྱོད་པ་སྟེ་རིགས་ཀྱི་བདག་པོས་རྒྱས་གདབ་པ་ཞེས་#བསྟན་ཏོ། །མི་བསྐྱོད་པ་ལ་རྡོ་རྗེ་འཆང་གིས་#རྒྱས་གདབ་པ་དང་རྡོ་རྗེ་སེམས་དཔའ་ལ་མི་བསྐྱོད་པས་རྒྱས་གདབ་པར་བྱའོ་ཞེས་མན་ངག་གོ། །རྡོ་རྗེ་རོ་ལངས་མ་ལ་སོགས་པ་
[93b.7]ཞེས་བྱ་བ་ལ་སོགས་པས་རྡོ་རྗེ་རོ་ལངས་མ་དང་གཞན་གྱིས་མི་ཐུབ་མ་དང་ཁྲོ་གཉེར་མ་དང་སྣ་ཚོགས་རྡོ་རྗེ་མ་དང་རིན་ཆེན་སྣ་ཚོགས་མ་དང་སྣ་ཚོགས་པདྨ་དང་ལས་སྣ་ཚོགས་མ་དང་། ས་འཛིན་མ་དང་ནམ་མཁའ་སྒྱུར་མ་སྟེ་ཁྲོ་བོའི་རྒྱལ་པོའི་#བཙུན་མོ་རྣམས་ལ་གཤིན་རྗེ་མཐར་
[94a]
[94a.1]བྱེད་ཀྱིས་#རྒྱས་གདབ་པར་བྱའོ་ཞེས་བསྟན་ཏོ། །གལ་ཏེ་དེ་རྣམས་ལ་རང་རང་གི་རིགས་ཀྱི་བདག་པོ་དང་རྗེས་སུ་མཐུན་པ་རྣམ་པར་སྣང་མཛད་ལ་སོགས་པས་རྒྱས་གདབ་པ་ཐོབ་པར་འགྱུར་ན་དེ་བཞིན་དུ་ཡང་གཤིན་རྗེ་མཐར་བྱེད་ཀྱིས་#རྒྱས་གདབ་པ་ལ་ནུས་པ་ཡོད་དོ་
[94a.2]ཞེས་བཅོམ་ལྡན་འདས་ཀྱིས་གསུངས་སོ། །དེ་རྣམས་ཀྱི་ཞེས་བྱ་བ་ལ་སོགས་པས་སྤྱི་བོར་བཞུགས་པ་དེ་བཞིན་གཤེགས་པ་རྣམས་གང་ཡིན་པ་དེ་རྣམས་རང་རང་གི་ཕྱག་རྒྱ་དང་བཅས་པར་སྙོམས་པར་ཞུགས་པ་ལས་བྱུང་བའི་བྱང་ཆུབ་ཀྱི་#སེམས་ཀྱི་རྫས་ཀྱིས་རྒྱུན་གྱི་རྟེན་དུ་
[94a.3]གྱུར་པ་རྒྱས་གདབ་པར་བྱ་བ་དབང་བསྐུར་#བར་བྱ་བ་བསམ་པར་བྱའོ་ཞེས་བསྟན་ཏོ། །རྒྱས་གདབ་པ་ཞེས་བྱ་བ་ལ་སོགས་པས་རྒྱས་གདབ་པའི་སྒོ་ནས་རང་གི་ཕྱག་རྒྱ་ཆེན་པོ་མཉེས་པར་འགྱུར་རོ་ཞེས་བསྟན་ཏོ། །ཇི་སྐད་དུ། རྒྱས་བཏབ་པས་ན་ལྷར་གྲུབ་དང་། །རིགས་
[94a.4]ལའང་བྱིན་གྱིས་རློབ་པ་སྟེ། །རིགས་འཆོལ་བ་ཡི་སྦྱོར་བ་ཡིས། །དངོས་གྲུབ་མེད་ཅིང་བསྒྲུབ་པའང་མེད། །ཅེས་འབྱུང་ངོ་། །སློབ་པ་རྣམས་ལ་ཕན་པ་སྟེ། །ཞེས་པ་ནི་བསྐྱེད་པའི་རིམ་པའི་རྣལ་འབྱོར་པ་རྣམས་ཀྱིས་རང་གི་ལྷ་རྗེས་སུ་དྲན་པར་བྱེད་པའོ། །ཕྱག་རྒྱ་ཆེན་པོ་
[94a.5]སྟེ་ཞེས་པ་ནི་རང་རང་གི་ཕྱག་རྒྱ་ཆེན་པོའི་སྐུའོ། །དེ་སྐྱེད་པར་བྱེད་པ་ཞེས་པ་ནི་རྫོགས་པར་བྱེད་པ་སྟེ་དེས་ནི་ལྷ་གྲུབ་པའི་བདག་ཉིད་ཀྱིས་རྒྱས་གདབ་པ་ཡིན་ནོ་ཞེས་བསྟན་པ་ཡིན་ནོ། །དེ་#ནི་ཞེས་བྱ་བ་ལ་སོགས་པས་དཀྱིལ་འཁོར་བྲི་བར་བྱ་བའི་ཕྱིར་སྣོད་ལ་གདབ་པའི་ཆོ་ག་བསྟན་
[94a.6]པར་བྱ་སྟེ། བགེགས་ཐམས་ཅད་ཅེས་པ་ནི་བརྒྱ་བྱིན་ལ་སོགས་པའོ། །དེ་རྣམས་ཉེ་བར་ཞི་བར་མཛད་པས་ཞེས་པ་ནི་ལྡོག་པར་མཛད་པས་ན་སྟོན་པ་ཞེས་བྱའོ། །གཟུགས་ལ་སོགས་པ་ཕུང་པོ་ལྔ་སྦྱོར་བར་བྱེད་པས་ན་ཆོས་ཀུན་གྱི་དབང་ཕྱུག་གོ། །ཁམས་གསུམ་གྱིས་#ཕྱག་
[94a.7]བཙལ་བར་བྱ་སྟེ་ཉན་ཐོས་ལ་སོགས་པ་གང་ཡིན་པ་དེ་རྣམས་རྗེས་སུ་སྟོན་པར་མཛད་པ་གཙོ་བོ་ཡིན་པས་ན་བདག་པོའོ། །རྡོ་རྗེ་གསུམ་ཞེས་པ་ནི་སྐུ་རྡོ་རྗེ་འཆང་ལ་སོགས་པའོ། །དེ་རྣམས་སྤྲོ་བ་དང་བསྡུ་བར་མཛད་པས་ན་རྡོ་རྗེ་གསུམ་གྱི་མི་ཕྱེད་པའི་ངོ་བོའི་བདག་ཉིད་ཅན་ནོ། །
[94b]
[94b.1]འདས་པ་ལ་སོགས་པ་ཡོངས་སུ་མཁྱེན་པའི་ཆོ་ག་ཞེས་པ་ནི་སྣོད་ལ་བབ་པ་འདས་པ་#ལ་སོགས་པ་ཡོངས་སུ་མཁྱེན་པའི་རྒྱུ་ཡིན་པས་སོ། །བཀའ་སྩལ་པའོ་ཞེས་པ་ནི་སྡུད་པ་པོའི་ཚིག་གོ། །རི་བོ་དང་འདྲ་བས་ན་རི་སྟེ་ཞེས་པ་ནི་ཤིན་ཏུ་མཐོ་བ་ནམ་མཁར་#སླེབ་པ་ཁང་པ་བརྩེགས་
[94b.2]མ་ཆེན་པོ་ནི་ཁང་པ་བཟང་པོ་སུམ་བརྩེགས་ལ་སོགས་པའོ། །སྟེང་གིས་ཕྱོགས་ཞེས་པ་ནི་བྱ་ཚང་གིས་ཉེ་བར་མཚོན་པའི་ཁང་ཐོགས་#རྣམས་ལའོ། །གནས་གཞན་དང་ཞེས་པ་ནི་མ་མོའི་ཁང་པ་ལ་སོགས་པ་ལའོ། །དེ་རྣམས་ཀྱི་ཁྱད་པར་ནི་སྐྱེ་བོའི་འདུ་འཛི་དང་བྲལ་
[94b.3]བ་རྣམས་ཏེ་ཞེས་པ་ནི་ཤིན་ཏུ་དབེན་པ་ལའོ། །སྐྱེད་མོས་ཚལ་ལ་སོགས་པ་ཞེས་པ་ནི་རྫིང་བུའི་འགྲམ་དང་ཆུ་འགྲམ་དང་དུར་#ཁྲོད་དང་ཁོང་#སྟོང་དང་། རྟགས་གཅིག་དང་ཤིང་གཅིག་དང་#སུམ་མདོ་དང་བཞི་མདོ་ལ་#སོགས་པ་དངོས་གྲུབ་ཀྱི་གནས་རྣམས་ལའོ། །གནས་
[94b.4]གཞན་གང་ཡང་རུང་བ་ཞེས་པ་ནི་ཇི་ལྟར་མངོན་པར་འདོད་པའི་གནས་ལའོ། །ཡིད་དང་རྗེས་སུ་མཐུན་པ་ཞེས་པ་ནི་ཡིད་དུ་འོང་བ་ལའོ། །སྒྲུབ་པ་པོས་ཞེས་པ་ནི་རྡོ་རྗེ་སློབ་དཔོན་གྱིས་སོ། །ཕྱག་རྒྱ་ཆེན་པོ་རྣམ་པ་གཉིས། །ཞེས་པ་ནི་རིམ་པ་གཉིས་ཀྱི་སྔགས་ཀྱི་སྐུའི་མཚན་ཉིད་
[94b.5]དང་ཡེ་ཤེས་ཀྱི་སྐུའི་མཚན་ཉིད་དོ། །དེ་ལ་དམིགས་པར་བྱའོ་ཞེས་པ་ནི་བསྐྱེད་པར་བྱ་བ་དང་སྤྲོ་བར་བྱ་བ་སྟེ། དབང་པོ་དམན་པ་དང་རྣོ་བའི་དབྱེ་བས་དམིགས་པར་བྱའོ། །དེའི་འོག་ཏུ་རྣམ་པ་གཉིས་ཀྱི་རྣལ་འབྱོར་པས་ངག་གི་#བཟླས་པ་དང་། རྡོ་རྗེ་བཟླས་པ་གཉིས་ཀྱི་དབྱེ་བས་
[94b.6]བཟླས་པར་བྱའོ། །ཅིའི་#ཕྱིར་བྱ་ཞེ་ན། སྨྲས་པ་རྡོ་རྗེ་སེམས་དཔའ་ཞེས་བྱ་བ་ལ་སོགས་པས་རང་རང་གི་ཕྱག་རྒྱ་ཆེན་པོ་དམིགས་པ་དང་། རང་རང་གི་སྔགས་བཟླས་པས་བསྐུལ་བ་ཐུགས་རྡོ་རྗེ་ལ་སོགས་པ་རྣམ་པ་སྣ་ཚོགས་པའི་ལས་སྟེར་བར་འགྱུར་རོ་ཞེས་བསྟན་ཏོ། །དོན་དེ་
[94b.7]ལ་མི་སླུ་བ་ཉིད་རྟོགས་#པར་བྱ་བའི་ཕྱིར་བཅོམ་ལྡན་འདས་འོད་དཔག་ཏུ་མེད་པའི་གསུང་གི་བདེན་པ་ཉིད་དུ་#བསྟན་ཏོ། །དེ་ལྟར་ཞེས་བྱ་བ་ནས་རབ་ཏུ་འགྲུབ་པར་ཉེ་བར་འགྱུར་རོ་ཞེས་པའི་བར་དུ་རིམ་པ་གཉིས་བསྒོམས་#པའི་མི་བསྐྱོད་པའི་རྣལ་འབྱོར་པས་དང་པོ་སྦྱོར་བའི་རིམ་
[95a]
[95a.1]པས་སྣོད་ནི་རྡོ་རྗེ་ཆོས་སུ་བྱས་ལ་རྣལ་འབྱོར་ཆེན་པོའི་རིམ་གྱིས་མགོ་བོ་ལ་སོགས་པ་ལ་ཡི་གེ་གསུམ་དགོད་ཅིང་དེ་རྣམས་ལ་རྣམ་པར་སྣང་མཛད་དང་སྤྱན་མ་ལ་སོགས་པའི་ཚོགས་འཇུག་ལ་དེ་ནས་འཆད་པར་འགྱུར་བའི་འབབ་པའི་ཆོ་ག་བྱའོ། །དེ་ལྟར་
[95a.2]གྱུར་ནས་#རྣལ་འབྱོར་པ་#རབ་ཏུ་ཉེ་བར་འགྱུར་བ་ནི་འཇིག་རྟེན་པ་ལས་#གྲགས་པར་འགྱུར་གྱི་གཞན་དུ་ནི་མ་ཡིན་ནོ་ཞེས་བསྟན་ཏོ། །འགུལ་བ་ནི་ས་ལ་#ཁྲུ་གཅིག་གམ་ཁྲུ་གཉིས་ལ་སོགས་པ་འཕར་བའོ། །གཡོ་བ་ནི་ཡན་ལག་དང་ཉིང་ལག་ཐམས་ཅད་གཡོ་བའོ། །འཁོར་བ་ནི་
[95a.3]ཕྱོགས་བཅུ་རུ་འཁོར་ལོ་བཞིན་དུ་ཡོངས་སུ་འཁོར་ལོའོ#། །དེ་ལྟར་རྣམ་པ་གསུམ་གྱི་བདག་ཉིད་ནི་བསྒུལ་བ་ཡིན་ནོ། །དེ་རྣམས་ཀྱི་ནང་ན་གང་ཡང་རུང་བ་བསྒུལ་བ་ཞེས་བྱ་#སྟེ་དེའི་ཡན་ལག་ཡིན་པའི་ཕྱིར་རོ། །དེ་བཞིན་དུ་སྣོད་དེ་ཉིད་ལ་རྡོ་རྗེ་འཆང་ལ་སོགས་པ་མི་འཇུག་ན་ཐ་
[95a.4]མལ་པའི་ལུས་པོའི་ང་རྒྱལ་མེད་པས་དྲི་མ་མེད་ཅིང་རླུང་མེད་པ་དབའ་རླབས་མེད་པའི་རྒྱ་མཚོ་དང་འདྲ་བ། ཉེ་བར་ཞི་བ་ལ་འཇུག་པར་གནས་པ་གང་ཡིན་པ་དེ་ནི་རེངས་པའོ། །ཤིང་ལྟར་ནི་ཤིང་ལས་བྱས་པའི་གཟུགས་བརྙན་དང་#འདྲ་བའོ། །དེ་བཞིན་དུ་བཅོམ་
[95a.5]ལྡན་འདས་རྡོ་རྗེ་སེམས་དཔའ་ལ་སོགས་པ་སྣོད་ཀྱི་ལུས་ལ་ཞུགས་ནས་རེངས་པ་དང་རྔུལ་དང་བ་སྤུ་ལྡང་བ་དང་སྐད་འགྱུར་བ་དང་འདར་#བ་དང་ཁ་དོག་ལོག་པ་དང་མཆི་མ་འཛགས་#པ་དང་ཐིམ་པར་འགྱུར་བ་སྐྱེས་པ་གང་ཡིན་པ་དེ་ནི་ལྷ་ཆེན་པོའོ། །དེའི་འོག་ཏུ་རྡོ་རྗེ་སློབ་དཔོན་
[95a.6]གྱིས་བྲིས་པའི་སྣོད་ཀྱིས་འདས་པ་ལ་སོགས་པ་སྟོན་པ་གང་ཡིན་པ་དེ་ནི་འཕགས་པའི་ལམ་མོ། །དབབ་པ་ཞེས་བྱ་བ་ལ་སོགས་པས་སྔགས་ཀྱི་སྐུ་གྲུབ་པ་དང་ཡུན་རིང་དུ་དཀའ་ཐུབ་སྤྱོད་པའི་སྒྲུབ་པ་པོས་བྱ་བ་ཡིན་གྱི་གཞན་དུ་ནི་མ་ཡིན་ནོ་ཞེས་བསྟན་ཏོ། །སྣོད་ཀྱི་མཚན་
[95a.7]ཉིད་ཅེས་བྱ་བ་ནས་སྨད་པར་འགྱུར་རོ་ཞེས་བྱ་བའི་བར་དུ་ལོ་བཅུ་གཉིས་ལོན་པ་ཁྱེའུ་དང་བུ་མོ་གྲོང་གི་ཆོས་ཀྱིས་#མ་མྱོང་བ་མཚན་ཉིད་ཐམས་ཅད་དང་ལྡན་པ་བླངས་ཏེ་སྔར་བཤད་པའི་རྣམ་པ་#བཞིའི་འབབ་པ་དང་སྔར་བཤད་པའི་བསྐྱེད་པའི་རིམ་པས་རྡོ་རྗེ་ཆོས་ཀྱི་
[95b]
[95b.1]གཟུགས་སུ་བསྐྱེད་ལ་དབབ་པར་བྱའོ། །གཞན་དུ་ན་མཆོག་ལ་སོགས་པའི་དབྱེ་བས་ཕྱེ་བའི་སེམས་ཅན་གྱི་ཁམས་ཀྱི་རྣལ་འབྱོར་པ་ནི་བཞད་གད་དུ་འགྱུར་ཞེས་བསྟན་ཏོ། །ཐུགས་ལས་བྱུང་བ་ནི་རྡོ་རྗེ་སེམས་དཔའི་ཐུགས་ལས་བྱུང་བའོ། །གསང་བ་ཡིན་པས་ཞེས་པ་
[95b.2]ནི་དབྱེ་བ་ལ་སོགས་པའི་ཚུལ་#བརྟེན་པ་ལ་མི་བརྟེན་#པའི་ཕྱིར་རོ། །ཡི་གེ་ནི་#ཧཱུཾ་ལ་སོགས་པ་ཞེས་པ་ནི་ཧཱུཾ་ཨཱཿ་ཧཱ་ཛྷཻཾ་ཞེས་བྱ་བའོ། །བཞིའོ་ཞེས་པ་ནི་སྐུ་རྡོ་རྗེ་ལ་སོགས་པ་གསུམ་གྱི་#རང་བཞིན་དང་ལས་ཐམས་ཅད་པ་ཡིན་པས་སོ། །དབབ་པའི་གཞིར་གྱུར་པས་སོ་ཞེས་པ་
[95b.3]ནི་དབབ་པའི་ཆོ་གའི་རྒྱུ་ཡིན་པས་སོ། །རིམ་པ་འདིས་ཞེས་བྱ་བ་ལ་སོགས་པས་ནམ་མཁའི་ཁམས་དང་འདྲ་བ་སྟོང་པའི་ལུས་དང་རྣམ་པར་མི་རྟོག་པའི་ངོ་བོ་རྡོ་རྗེ་འཆང་གི་སྐུ་ཡང་འབབ་པར་འགྱུར་རོ་ཞེས་འབབ་པའི་ཆོ་ག་ལ་མཐུ་བསྟན་པ་ཡིན་ནོ་ཞེས་པའོ། །དགོས་#པ་
[95b.4]བསྟན་པ་ཞེས་བྱ་བ་ནས་འབེབས་པར་བྱེད་པའོ་ཞེས་པའི་བར་དུ་ནི་ཡི་གེ་ཧཱུཾ་ལ་སོགས་པ་གསུམ་ཐུགས་རྡོ་རྗེ་འཆང་ལ་སོགས་པའི་རང་བཞིན་ཡི་གེ་ཛྷཻཾ་ནི་འགུལ་བ་ལ་སོགས་པ་བཞི་པོ་བྱེད་པ་དང་དེ་#བཞིན་དུ་སྔགས་འདི་ཉིད་ཀྱིས་ཡང་དག་པར་བསྐུལ་བའི་སྣོད་རྣམས་ནམ་
[95b.5]མཁའ་ལ་འཕུར་བར་འགྱུར་བ་#དེ་བཞིན་དུ་ཡི་གེ་ཛྷཻཾ་གིས་འགུལ་བ་ལ་སོགས་པ་བྱེད་པ་དེ་བཞིན་དུ། ཡི་གེ་ཧཱུཾ་ལ་སོགས་པ་བཞི་པོས་ཀྱང་བྱེད་དོ་ཞེས་བསྟན་ཏོ། །འདིར་མདོ་བསྡུས་པ་ཞེས་བྱ་བ་ནས་གོ་ཆ་ལ་སོགས་པས་བསྲུང་བར་བྱའོ་ཞེས་བྱ་བའི་བར་དུ་ནི་སྣོད་ལ་དབབ་པའི་ཆོ་གའི་
[95b.6]བསྒོམ་པའི་གོ་རིམས་#བསྟན་ཏོ། །དེ་ཡང་གོ་སླ་སྟེ་འགྲེལ་པ་མཁན་གྱིས་#བཤད་པའི་ཕྱིར་རོ། །རང་གི་བྱ་བ་ཞེས་པ་ནི་དཀྱིལ་འཁོར་བྲི་བའོ། །གཞན་གྱི་བྱ་བ་ཞེས་པ་ནི་དེ་བསྟན་པའི་འདས་པ་ལ་སོགས་པ་ཡོངས་སུ་ཤེས་ནས་སེམས་ཅན་གྱི་དོན་གྲུབ་པའོ། །ངེས་པར་བྱས་
[95b.7]ནས་ཞེས་པ་ནི་རྣམ་པར་བཞག་ནས་སོ། །གདུག་པ་འདུལ་བ་ལ་ཞུགས་པའི་ཞེས་པ་ནི་དྲག་པོའི་ལས་ཀྱིས་#གདུག་པ་འདུལ་བར་བྱེད་པའི་རྣལ་འབྱོར་པའི་འོ། །སྒྲུབ་པ་བསྟན་པ་ཞེས་པ་ནི་ནན་ཏན་བསྟན་པར་བྱ་བའི་ཕྱིར་རོ། །སྐུ་གསུང་ཐུགས་ནི་སྣང་བ་ལ་སོགས་པའི་ཡེ་ཤེས་གསུམ་
[96a]
[96a.1]མོ། །དེ་ལ་#གནས་ནི་གཞིར་གྱུར་པའོ། །འོད་གསལ་བ་ནི་ཐམས་ཅད་སྟོང་པའོ། །དེ་ཡོངས་སུ་དག་པས་ནི་རྡོ་རྗེ་འཆང་ཆེན་པོའོ། །འདི་སྐད་བཀའ་སྩལ་པ་ནི་དྲག་པོའི་ལས་འཆད་པར་འགྱུར་བ་བཀའ་སྩལ་པའོ། །ཞིང་དང་ཚོང་ཞེས་བྱ་བ་ལ་སོགས་པ་ནས་བར་
[96a.2]དུའོ་ཞེས་པའི་བར་དུ་#རྣམ་པ་སྣ་ཚོགས་པའི་ཞིང་དང་ཚོང་ལ་སོགས་པ་ལ་འབྲེལ་པས་ཀྱང་ལྷ་སུམ་ཅུ་རྩ་གཉིས་ཀྱི་ངོ་བོ་མི་བསྐྱོད་པའི་སྐུ་ལ་དམིགས་ནས་བསྒོམས་#ན་དེའི་ཚེ་གདུག་པ་རྣམས་གསད་པར་བྱའོ་ཞེས་བསྟན་ཏོ། །དགྲ་བོའི་གཟུགས་བརྙན་ཞེས་བྱ་བ་ནས་སྔགས་བཏོན་ཏོ་#
[96a.3]ཞེས་བྱ་བའི་བར་དུ་ནི་མངོན་སྤྱོད་ཀྱི་རྫས་ཀྱིས་དགྲའི་གཟུགས་བརྙན་བྱས་ལ་དུར་ཁྲོད་ཀྱི་གོས་ལ་དེའི་མིང་བྲིས་ནས་དེའི་སྙིང་གར་བཅུག་སྟེ་གཅེར་བུ་སྐྲ་གྲོལ་བ་ཁྲོ་བོའི་སྔགས་བརྗོད་པ་དེའི་གཟུགས་ཅན་ལྷོ་ཕྱོགས་སུ་ཁ་བལྟས་པ་གཡས་བརྐྱང་བ་རྡོ་རྗེ་ལྕགས་ཀྱུས་མཚན་
[96a.4]པའི་རྐང་པ་གཡོན་པས་མནན་ཞིང་ཇི་སྲིད་དགྲ་བོ་#འཆི་བ་དེ་སྲིད་བསྒོམ་པར་བྱའོ་ཞེས་བསྟན་ཏོ། །བསྲེགས་པའི་ཞེས་བྱ་བ་ནས་ངེས་པར་འཆི་བར་འགྱུར་རོ་ཞེས་པའི་བར་དུ་ནི་དུར་ཁྲོད་ཀྱི་ཐལ་བ་དང་འབྲུ་མར་དང་བཅས་པས་དགྲ་བོའི་གཟུགས་བརྙན་བྱས་ལ་ཞེ་སྡང་རྡོ་རྗེ་ཏིང་
[96a.5]ངེ་འཛིན་གྱིས་སྔ་མ་བཞིན་དུ་མནན་ཞིང་གསད་#པར་བྱའོ་ཞེས་བསྟན་ཏོ། །རོ་བསྲེགས་པའི་ཐལ་བ་ཞེས་བྱ་བ་ནས་ལས་ཀྱི་ཆེ་བའི་བདག་ཉིད་བསྟན་པར་བྱའོ་ཞེས་པའི་བར་དུ་ནི་དུར་ཁྲོད་#དེའི་ཐལ་བས་གྲུ་གསུམ་མེའི་དཀྱིལ་འཁོར་བྲིས་ལ་ཚེར་མ་ཅན་གྱི་མེ་སྤར་ཞིང་ཤ་ལ་
[96a.6]སོགས་པ་ལས་#བྱས་པའི་དགྲའི་གཟུགས་བརྙན་#གྲི་གུག་གིས་གཅོད་ཅིང་བཅད་ནས་བསྲེགས་ན་འཆི་བར་འགྱུར་རོ་ཞེས་བསྟན་ཏོ། །ཤ་ཆེན་ཞེས་བྱ་བ་ལ་སོགས་པས་ཤ་ཆེན་པོ་ལས་བྱས་པའི་#གཟུགས་བརྙན་བསྲེགས་ན་ཐམས་ཅད་ཀྱི་ཕུལ་དུ་བྱུང་བའི་དྲག་པོའི་ལས་ཡིན་
[96a.7]ནོ་ཞེས་བསྟན་ཏོ། །དགྲའི་ཞེས་བྱ་བ་ནས་གསུངས་སོ་ཞེས་བྱ་བའི་བར་དུ་ནི་སྨེ་ཤ་ཅན་ལ་སོགས་#པའི་བཤང་བ་དང་གཅི་བས་དགྲ་བོའི་གཟུགས་བརྙན་བྱས་ལ་སྔ་མ་བཞིན་དུ་གྲུ་གསུམ་གྱི་མེ་ཐབ་#ལ་བསྲེགས་པར་བྱས་ན་འཆི་བར་འགྱུར་རོ་ཞེས་བསྟན་ཏོ། །ཆུ་བོ་འབབ་པ་ཞེས་
[96b]
[96b.1]བྱ་བ་ནས་བསྐྱེད་པའི་རིམ་པ་དང་ལྡན་པ་རྣམས་ཀྱིས་གསུངས་པ་ཡིན་ནོ་ཞེས་པའི་བར་དུ་ནི་ནུབ་ཀྱི་རྒྱ་མཚོ་ལ་རྒྱུ་བའི་ཆུ་བོ་#འགྲམ་གཉིས་ཀྱིས་བླངས་ལ་དེས་དགྲ་བོའི་གཟུགས་བརྙན་བྱས་ཏེ་དུག་དང་ཤིང་མ་ད་ནའི་#ཚེར་མ་དང་སྦྲུལ་ལ་སོགས་པའི་གྲ་མས་བཀང་བར་བྱས་ཏེ། བསྲེག་#
[96b.2]པ་དང་མངོན་སྤྱོད་ཀྱི་རྫས་ཀྱིས་#བྱས་པའི་གཟུགས་བརྙན་ལ་ཡང་དེ་བཞིན་དུ་བྱས་ནས་བསྲེགས་པས་དགྲ་འཆི་བར་འགྱུར་རོ་ཞེས་བསྟན་ཏོ། །འདིར་དཀོན་མཆོག་གསུམ་ལ་གནོད་པ་བྱེད་པ་རྣམས་དགག་#པར་བྱ་བའི་ཕྱིར་ཞེས་བྱ་བ་འདིས་དྲག་པོའི་ལས་ཀྱི་ཡུལ་བསྟན་ཏོ། །
[96b.3]གཞན་དུ་#ཇི་ལྟ་ཇི་བཞིན་དུ་མངོན་སྤྱོད་ཀྱི་ལས་བྱེད་ན་སྡིག་པ་ཆེན་པོ་བསྐྱེད་པར་འགྱུར་ཏེ། སྙིང་རྗེ་མེད་པས་འགྲུབ་པར་མི་འགྱུར་ཞེས་གསུངས་པས་སོ། །རྫོགས་པའི་རིམ་པ་ལ་#གནས་པ། །ཞེས་པ་ནི་རྡོ་རྗེ་བཟླས་པ་ལ་སོགས་པའི་རིམ་པ་ལ་གནས་པ་རྣམས་སོ། །གསོད་
[96b.4]པའི་ལས་ཞེས་པ་ནི་རྣམ་པར་འཚེ་བའོ#། །ལེའུ་དགུ་པ་ལས་གསུངས་པའི་ཚུལ་དུ་ཞེས་པ་ནི་དེ་ལས་གསུངས་པའི་ཏིང་ངེ་འཛིན་གྱིས་#རྟོགས་པར་བྱའོ། །དཔེར་ན་དགོངས་པའི་ཆོས་གཅིག་པུ་ཞེས་པ་ནས་ངེས་པའི་དོན་ཞེས་བྱ་བའི་བར་དུ་བཤད་པའི་རྒྱུད་ཀྱི་ཚིགས་སུ་བཅད་པས་
[96b.5]བསྟན་ཏོ། །སོལ་ཁུས་ཞེས་བྱ་བ་ནས་བསྒྲུབ་བྱའི་རིམས་དང་ཚ་བ་#བསྐྱེད་པར་བྱའོ་ཞེས་པའི་བར་དུ་ནི་སྐེ་ཚེ་ལ་སོགས་པའི་རྫས་ཀྱིས་བྱས་པའི་གཟུགས་བརྙན་བྱས་ལ་དུར་ཁྲོད་ཀྱི་སོལ་ཆུས་གཤེར་བའི་གོས་གོན་པའི་རྣལ་འབྱོར་པ་ཆེ་གེ་མོ་རཱཀྵ་ས་ཀྲི་ཎ་ཏོ་ཞེས་བྱ་བ་ལ་སོགས་
[96b.6]པའི་སྔགས་བརྗོད་ལ་ཇི་སྲིད་དེ་སྲིན་པོ་རྣམས་ཀྱིས་གཟུང་བ་དེ་སྲིད་དུ་བཟླ་བར་བྱ་བ་དང་དེ་བཞིན་དུ་དུག་དང་ཁྲག་དང་མི་རུས་ཀྱི་ཕྱེ་མས་དགྲ་བོའི་གཟུགས་བརྙན་བྱས་ལ་སྔ་མ་བཞིན་དུ་སྔགས་སྤེལ་ཞིང་སྲིན་པོ་རྣམས་ཀྱིས་གཟུང་#བ་དང་དེ་བཞིན་དུ་སྐེ་ཚེ་དང་བཤང་གཅིས་
[96b.7]གཟུགས་བརྙན་བྱས་ལ་བདུད་རྩི་ཐབ་#སྦྱོར་གྱི་སྔགས་ཀྱིས་ཆེ་གེ་མོ་ཛྷ་རུ་གྲེ་ཎ་ཏོ་ཞེས་བྱ་བའི་སྔགས་བརྗོད་ལ་བདུད་རྩི་འཁྱིལ་པའི་རྣལ་འབྱོར་དང་ལྡན་པས་སྔ་མ་བཞིན་དུ་མནན་ཞིང་དགྲ་བོ་རྣམས་རིམས་ཀྱིས་#གཟུང་བར་འགྱུར་རོ་ཞེས་བསྟན་ཏོ། །དེ་ལ་ཞེས་བྱ་བ་ལ་སོགས་
[97a]
[97a.1]པས་དྲག་པོའི་ལས་ལ་བདུད་རྩི་འཁྱིལ་པའི་སྔགས་བསྟན་ཏོ། །སྔགས་ཀྱི་དོན་ཡང་སྔར་བཤད་པ་སྟེ་གོ་སླའོ། །སྦྱིན་སྲེག་ཅེས་བྱ་བ་ལ་སོགས་པས་སྔར་བཤད་པའི་སྦྱིན་སྲེག་དང་འཆད་པར་འགྱུར་བའི་ཏིང་ངེ་འཛིན་གྱིས་བདུད་རྩི་འཁྱིལ་པའི་ཏིང་ངེ་འཛིན་
[97a.2]གྱིས་ཕྲིན་ལས་གྲུབ་པར་འགྱུར་རོ་ཞེས་བསྟན་ཏོ། །རྡོ་རྗེ་སེམས་དཔའ་ཞེས་བྱ་བ་ནས་འུག་པ་ཞེས་བྱ་བ་ལ་སོགས་པ་ནི་གོ་སླའོ་ཞེས་བྱ་བའི་བར་དུ་ནི་གཤིན་རྗེ་མཐར་བྱེད་ལ་སོགས་པའི་གང་ཡང་རུང་བའི་རྣལ་འབྱོར་དང་ལྡན་པས་གདུག་པའི་སེམས་ཅན་མཆེ་བ་རྣམ་པར་གཙིགས་
[97a.3]པ་ཁྲོ་གཉེར་#དང་ལྡན་པ་དགྲ་སྟ་དང་ཐོ་བ་ལག་ན་ཐོགས་པས་ཁམས་གསུམ་ལ་གནས་པའི་སེམས་ཅན་ཐམས་ཅད་དང་ཕྱོགས་བཅུའི་འཇིག་རྟེན་གྱི་#ཁམས་ལ་བཞུགས་པའི་དེ་བཞིན་གཤེགས་པ་ཐམས་ཅད་དགྲ་སྟ་དེས་བཅད་ཅིང་ཐོ་བས་ཕྱེ་མར་བཏགས་པར་བསམ་པར་བྱེད་པ་
[97a.4]དེའི་ཚེ་སྡིག་པ་བསགས་པའི་བསྒྲུབ་བྱ་གཅེར་བུ་སྐྲ་གྲོལ་ཞིང་ལུས་ཏིལ་མར་གྱིས་བྱུགས་པ་སྐྱབས་མེད་པ་མེའི་དཀྱིལ་འཁོར་གྲུ་གསུམ་ལ་གནས་པ་འཇིགས་པས་གདུང་བ་བསྒོམས་ཏེ་ནམ་མཁའི་ཁམས་ན་རྣམ་པ་སྣ་ཚོགས་པའི་མཚོན་ཆ་འཛིན་པ། གཟུགས་འཇིགས་པའི་སྲིན་
[97a.5]པོ་དང་ཀང་ཀ་དང་ཁྭ་དང་བྱ་རྒོད་#དང་འུག་པ་མཆུ་རྣོ་བ་དང་། ཤིན་ཏུ་རྒྱགས་པའི་ཁྱི་དང་། སྤྱང་ཀི་དང་དྲེད་དེ་རལ་པའི་ཚོགས་ཀྱིས་འཇིགས་པ་རྡོ་རྗེ་ལྟར་མཆེ་བ་རྣོ་བ་རྣམ་པར་བསམས་ལ་དེ་དག་ཐམས་ཅད་ཀྱིས་སྐྲག་པར་བྱ་བ་དུམ་བུ་དུམ་བུར་ཟ་བ་སྲོག་དང་བྲལ་བ་བསྒོམ་པར་བྱའོ་
[97a.6]ཞེས་བསྟན་ཏོ། །སྦྲུལ་ནག་ཅེས་བྱ་བ་ནས་སྡིག་པ་ལ་#སོགས་པའི་ཆོ་ག་འདི་ཉིད་ཡིན་ནོ་ཞེས་བྱ་བའི་བར་དུ་ནི་གང་ཡང་རུང་བའི་ཁམས་ཀྱི་རྫས་ཀྱིས་གདེངས་ཀ་ལྔ་པ་ལྕེ་གཉིས་པ་འཇིགས་པར་བྱེད་པ་སྦྲུལ་ནག་པོ་བྲིས་ལ་དེའི་སྙིང་གར་བཀོད་པའི་ཡི་གེ་[ཧྲྀཾ་]གི་#འོད་ཟེར་གྱིས་#བརྟན་པ་དང་
[97a.7]གཡོ་བ་ལ་སོགས་པའི་དུག་བཀུག་ལ་#ཁའི་ནང་དུ་བཀོད་པའི་ཡི་གེ་ཁཾ་གི་#ནང་དུ་འཇུག་ཅིང་དེའི་ཚེ་#སྲོག་དང་ལྡན་པ་བཞིན་དུ་འགུལ་བར་འགྱུར་བ་ཨ་མུ་ཀཾ་བ་ཤ་#ཡ་ཞེས་བྱ་བ་དེས་བསྐུལ་ཞིང་དེས་ཟོས་པའི་བསྒྲུབ་བྱ་འཆི་བར་འགྱུར་རོ། །དེ་བཞིན་དུ་སྡིག་པ་ལ་སོགས་པ་
[97b]
[97b.1]ཡང་བསྐུལ་བར་བྱའོ་ཞེས་བསྟན་ཏོ། །དེ་བཞིན་དུ་ཕྱོགས་བཅུའི་ཞེས་བྱ་བ་ནས་ལས་གཞན་ལ་ལྟོས་#པས་སོ་ཞེས་བྱ་བའི་བར་དུ་ནི་ཁམས་གསུམ་གྱི་ནང་ན་གནས་པའི་ནད་ཇི་སྲིད་དང་དུག་གི་བུང་དང་བཅས་པའི་སྦྲུལ་གྱི་འབར་བ་དང་འཇིགས་པ་རྣམས་དང་ཁམས་གནོད་པ་ལས་འབྱུང་བའི་
[97b.2]ལུས་ལ་སོགས་པའི་འགྱུར་བ་དེ་སྲིད་ཡིད་ཀྱིས་བསྡུས་ཏེ་ཁ་དོག་ནག་པོ་འབྱུང་པོའི་གཟུགས་ཀྱིས་བསྒྲུབ་བྱའི་ལུས་ལ་སོགས་པར་འཇུག་པར་བྱའོ། །དེའི་ཚེ་དེ་འཇུག་པའི་མཐུས་གདུལ་བར་དཀའ་བ་འཆི་བར་འགྱུར་རོ་ཞེས་བསྟན་ཏོ། །བསྐུལ་བའི་ལས་གཞན་ལ་ཞེས་པ་ནི་སྔར་བཤད་པའི་
[97b.3]དྲག་པོའི་ལས་རྣམས་སོ། །དེ་ལ་ལྟོས་#པས་མཆོག་ནི་ཕུལ་དུ་བྱུང་བ་ཡིན་པ་སྟེ་གནོད་པ་ཐམས་ཅད་བསྡུ་བའི་ངོ་བོ་ཡིན་པས་སོ། །དེ་ལྟ་བུ་ཞེས་བྱ་བ་ནས་བཀའ་བཞིན་དུ་ཞེས་པའི་བར་དུ་ནི་གཤིན་རྗེ་གཤེད་#བསྒོམས་པས་བསྒྲུབ་བྱའི་བྲང་ལ་ཐོ་བས་བརྡེག་པར་བྱའོ། །དེའི་ཚེ་
[97b.4]འཆི་བར་འགྱུར་རོ་ཞེས་བསྟན་ཏོ། །བསྒྲུབ་པར་བྱ་བ་དེ་ཉིད་ལ་ཞེས་བྱ་བ་ནས་འཆི་བར་འགྱུར་རོ་ཞེས་བྱ་བའི་བར་དུ་ནི་ཐག་མདུང་ལ་སོགས་པས་ཀྱང་གསད་པར་བྱའོ་ཞེས་བསྟན་ཏོ། །བསྲུང་བར་ཞེས་བྱ་བ་ནས་རྡོ་རྗེ་འཆང་ཆེན་པོས་གསུངས་པའོ་ཞེས་པའི་བར་དུ་ནི་གདུག་པའི་
[97b.5]བསྒྲུབ་བྱ་དེ་ཉིད་ལ་ཕ་རོལ་གྱིས་བྱས་པའི་བསྲུང་བའི་འཁོར་ལོ་དང་དེ་རྣམས་ཀྱིས་བཟླས་པར་#བྱ་བའི་སྔགས་དང་དེ་རྣམས་ཀྱིས་བརྟན་#པའི་ཡི་དམ་གྱི་ལྷ་དང་ཕྲེང་བའི་སྔགས་ལ་སོགས་པ་གཞན་དག་གང་ཡིན་པ་དེ་རྣམས་ཁྲོ་བོའི་རྣལ་འབྱོར་དང་ལྡན་པས་སྔར་བཤད་པའི་
[97b.6]ཆོ་གས་ཕུར་བུས་གདབ་པར་བསྟན་པར་བྱའོ་ཞེས་སོ། །གསོད་པའི་ཡུལ་ཞེས་བྱ་བ་ནས་མི་འགྱུར་རོ་ཞེས་པའི་བར་དུ་ནི་བསམ་གཏན་གྱི་རིམ་པས་གསད་#པར་བྱ་བ་དང་། སྐྱེ་བ་བཞིའི་དབྱེ་བས་ཕྱེ་བའི་སྔར་བཤད་པའི་ཏིང་ངེ་འཛིན་གྱིས་སྲོག་མེད་པར་བྱས་ནས་དེ་རྣམས་ཀྱི་
[97b.7]རྣམ་པར་ཤེས་པ་དྲི་མ་མེད་པ་རླུང་མེད་པའི་ཕྱོགས་སུ་མར་མེ་གསལ་བ་དང་འདྲ་བར་བསམས་ཏེ། དེ་ཡོངས་སུ་གྱུར་པ་ལས་ཡི་གེ་ཧཱུཾ་ལས་འབྱུང་བའི་རྡོ་རྗེ་ལས་བསྐྱེད་#པའི་མི་བསྐྱོད་པའི་གཟུགས་བསྐྱེད་ལ། རང་གི་སྙིང་ག་ལས་འཇུག་ཅིང་དེ་ནས་སྤྲོས་ཏེ་མངོན་པར་
[98a]
[98a.1]དགའ་བའི་སངས་རྒྱས་ཀྱི་ཞིང་དུ་སེང་གེའི་ཁྲི་ལ་བཞུགས་ཤིང་ཆོས་སྟོན་པ་དེ་བཞིན་གཤེགས་པས་ཡོངས་སུ་བསྐོར་བ་བསམ་པར་བྱའོ་ཞེས་གསོད་པའི་སྒོ་ནས་རྣམ་པར་དག་པ་ཉིད་དུ་བསྟན་ཏོ། །དེ་ཉིད་ཅེས་བྱ་བ་#ནས་སྡུད་པར་བྱེད་པའི་ཚིག་གོ་ཞེས་བྱ་བའི་བར་
[98a.2]དུ་ནི་རྩིབས་བརྒྱད་པའི་ཆོས་ཀྱི་དབྱིངས་ཀྱི་འཁོར་ལོའི་ནང་དུ་ཡི་གེ་ར་འབར་བའི་མགོ་བོ་ནས་རྐང་པའི་མཐིལ་གྱི་བར་དང་རྐང་པའི་མཐིལ་ནས་ཀྱང་རང་གི་སྙིང་གའི་བར་དུ་མི་སྣང་བར་བྱའོ་ཞེས་རིལ་པོར་འཛིན་པའི་ཏིང་ངེ་འཛིན་དང་དེ་བཞིན་དུ་དང་པོ་ཁམས་གསུམ་པོ་རཾ་ཡིག་#འབར་བས་མི་སྣང་བར་
[98a.3]བྱས་ནས་ཕྱི་ནས་བདག་ཀྱང་དེ་བཞིན་དུ་བྱའོ་ཞེས་རྗེས་སུ་འཇིག་#པའི་ཏིང་ངེ་འཛིན་བྱའོ། །ཏིང་ངེ་འཛིན་དེ་དག་གིས་#རང་དང་གཞན་གྱི་རྒྱུད་ལ་གནས་པ་ལུས་ལ་སོགས་པ་མི་སྣང་བར་བྱེད་པ་གང་ཡིན་པ་དེ་ནི་རྫོགས་པའི་རྣལ་འབྱོར་པའི་གསོད་པའི་ལས་ཡིན་ཏེ། ཐ་མལ་པའི་ཕུང་
[98a.4]པོ་ལ་སོགས་པ་མ་དམིགས་པའི་ཕྱིར་རོ། །ཞེ་སྡང་རྡོ་རྗེ་དང་དེའི་བདག་ཉིད་དུ་ཞུགས་པ་རྡོ་རྗེ་འཆང་ནི་རྡོ་རྗེ་ཁྲོ་བོ་ཡིན་ནོ། །དེ་ནས་ཞེས་བྱ་བ་ནས་གསུངས་སོ་ཞེས་བྱ་བའི་བར་དུ་ཐོག་མ་ནས་མ་སྐྱེས་པའི་རང་བཞིན་གྱི་དངོས་པོ་རྣམས་ལ་དེ་བཞིན་གཤེགས་པ་རྣམས་ཀྱིས་འགྲོ་བ་གདུལ་#བར་བྱ་
[98a.5]བའི་ཕྱིར་སྔར་བཤད་པའི་ཞི་བ་ལ་སོགས་པ་བསྟན་ཏོ་ཞེས་བྱ་བ་ངོ་མཚར་བ་སྟེ་སངས་རྒྱས་ཀྱི་རོལ་མོ་རྣམ་པ་སྣ་ཚོགས་པ་ཡིན་ནོ་ཞེས་བསྟན་ཏོ། །འདིར་ཡིད་བཞིན་ནོར་བུ་དང་འདྲ་བ་ཞེས་བྱ་བ་ནི་གདུག་པ་རྣམས་ཚར་གཅད་པའི་དོན་དུ་མངོན་པར་འདོད་པའི་འབྲས་བུ་སྟེར་བར་མཛད་
[98a.6]པས་སོ། །ཆོས་བདག་མེད་པ་ཞེས་བྱ་བ་ནས་དེའི་མཚན་ཉིད་ལ་མཁས་པའོ་ཞེས་པའི་བར་དུ་ནི་རྡོ་རྒྱུས་སམ་སོ་#བ་ལ་སོགས་པའི་རྫས་ཀྱི་ཁྱད་པར་གྱིས་#ས་ཕྱོགས་སུ་གདེངས་ཀ་གཉིས་པའམ་གདེངས་ཀ་གཅིག་པ་འཇིགས་པ་ཆེན་པོའི་དུས་ཀྱི་དུ་བ་ལྟར་སྔོ་བ་མཆེ་བ་རྣམ་པར་གཙིགས་པའི་སྦྲུལ་ནག་པོ་བྲིས་ནས་
[98a.7]དེའི་ཁར་ཡི་གེ་ཁཾ་བཀོད་ཅིང་དེ་ཡོངས་སུ་གྱུར་པ་ལས་ཀ་ལ་ཀུ་ཏ་དང་ཧ་ལ་ཧ་ལའི་དུག་ཁ་ལ་གནས་པ་བསྒོམས་ཏེ། སྙིང་ག་ལ་བཀོད་པའི་ཡི་གེ་ཧྲིའི་#འོད་ཟེར་གྱིས་ནོར་རྒྱས་ཀྱི་བུ་ལ་སོགས་པ་རིགས་ཀྱི་ཀླུ་བརྒྱད་ཀྱི་རྣམ་པར་ཤེས་པ་བཀུག་ཅིང་དེ་ལ་འཇུག་སྟེ་ཡང་རིམ་པ་དེ་#
[98b]
[98b.1]ཉིད་ཀྱིས་བརྟན་པ་དང་གཡོ་བ་#ལ་སོགས་པའི་དུག་བཀུག་ཅིང་དེ་ལ་འཇུག་པས། སྦྲུལ་གཡོ་བར་འགྱུར་བར་བསམ་པར་བྱའོ། །དེའི་ཚེ་གཡོ་བར་འགྱུར་བ་དེས་ཆེ་གེ་མོ་བ་ཤ་མ་#ཞེས་བསྐུལ་བ་དེས་ཟོས་པར་འགྱུར་བས་དགྲ་རྣམས་འཆི་བར་འགྱུར་རོ་ཞེས་བསྟན་ཏོ། །དེ་བཞིན་དུ་བྲིས་
[98b.2]པའི་སྦལ་པ་ལ་སོགས་པ་མངོན་པར་བྱས་ལ་སྔ་མ་བཞིན་དུ་བྱའོ་ཞེས་བསྟན་ཏོ། །དེ་ལ་ཞེས་བྱ་བ་ནས་རྡོ་རྗེ་འཆང་ཆེན་པོའོ་ཞེས་བྱ་བའི་བར་དུ་ནི་དུག་འཕོ་བ་#བསྟན་ཏོ། །དེའི་སྦྱོར་བ་འདི་ཡིན་ཏེ་རྣམ་པར་སྣང་མཛད་ལ་སོགས་པའི་རྣལ་འབྱོར་པས་ལྟ་བའི་དུག་ལ་སོགས་པའི་སྤྱི་
[98b.3]བོར་ཁ་དོག་དཀར་པོ་ཡི་གེ་ཨོཾ་བཀོད་ལ། དེའི་འོད་ཟེར་གྱིས་དུག་ཐུར་དུ་དྲངས་ལ་རྐང་པའི་དཀྱིལ་ལ་ཕྱིན་པ་བསྒོམས་ཏེ། དེ་ནས་བསྒྲུབ་བྱའི་སྙིང་གར་ཡི་གེ་ཁཾ་གི་སྟེང་དུ་ཡི་གེ་ཧྲིཾ་#གི་འོད་ཟེར་གྱིས་བཀུག་ལ་ཡི་གེ་ཁཾ་དེ་ཉིད་ལ་རིལ་པོའི་ཚུལ་དུ་འཇུག་ཅིང་ཡི་
[98b.4]གེ་ལཾ་ཡོངས་སུ་གྱུར་པའི་དབང་ཆེན་གྱི་དཀྱིལ་འཁོར་གྱིས་བསྐོར་བར་བྱའོ། །དེའི་ཚེ་བསྒྲུབ་བྱ་ལ་དུག་འཕོ་བར་འགྱུར་རོ་ཞེས་བསྟན་ཏོ། །འདིར་ལྟ་#བའི་དུག་ནི་གང་གིས་མཐོང་བ་ཙམ་གྱིས་དུག་འཕོ་བར་འགྱུར་རོ། །མཆེ་བའི་དུག་ཅེས་པ་ནི་གང་གི་མཆེ་བ་ལ་དུག་
[98b.5]ཡོད་པའོ། །གང་རེག་པ་ཙམ་གྱིས་དུག་འཕོ་བ་དེ་ནི་རེག་པའི་དུག་གོ། །གང་དྲན་ནས་ཉིན་ཞག་གཅིག་གམ་ཟླ་བ་ཕྱེད་དམ་ཟླ་#གཅིག་གམ་ལོ་སྐོར་གྱིས་དུག་འཕྲོ་#བ་དེ་ནི་དྲན་པའི་དུག་གོ། །མི་ཟད་པའི་དུག་ཅེས་པ་ནི་ཨ་ཛ་ཀ་ར་དང་བ་སྣ་དང་། དོ་འོད་པ་ལ་སོགས་པའི་སྦྲུལ་
[98b.6]རྣམས་སོ། །གང་མཐོང་བ་ཙམ་གྱིས་འདིར་རི་བོ་འམ་ནགས་ཚལ་ཡོད་དོ་ཞེས་བློ་སྐྱེའོ། །གང་ཁྲོས་པས་གྲོང་དང་གྲོང་རྡལ་དང་གྲོང་ཁྱེར་དང་། སྐྱེ་བོའི་གནས་དང་ཡུལ་འཁོར་དང་རྒྱལ་ས་དང་། སྐྱེ་བོ་དང་ནོར་དང་འབྲུ་དང་བཅས་པར་བསྲེགས་#པར་འགྱུར་རོ། །དེ་
[98b.7]རྣམས་ཀྱི་ཡང་དུག་འཕོ་བར་འགྱུར་ཞེས་སྦྱོར་བའི་ཁྱད་པར་བསྟན་ཏོ། །དེ་ལ་ཞེས་བྱ་བ་ནས་དེ་སྐད་ཅེས་བཀའ་སྩལ་ཏོ་ཞེས་བྱ་བའི་བར་དུ་བསྒྲུབ་#བྱའི་རྐང་པའི་དཀྱིལ་དུ་ཡི་གེ་ཧཱུཾ་ཟླ་བའི་ཁ་དོག་དང་འདྲ་བ་བཀོད་ལ་དེའི་འོད་ཟེར་གྱི་ཚོགས་ཀྱིས་ཁོང་སྟོང་གི་ཆ་བཤང་བའི་སྒོར་
[99a]
[99a.1]ཕྱིན་པར་བསྒོམས་ལ། དེ་ལས་ལྟེ་བའི་ཕྱོགས་སུ་ཕྱིན་པ་དང་དེ་ལས་སྙིང་ག་དང་དེ་ལས་མགྲིན་པར་ཕྱིན་པར་དུག་བསམས་ཏེ། ཁ་དོག་ནག་པོ་དེ་ཁའི་སྒོ་ནས་སྐྱུག་པ་བསམ་པར་བྱའོ། །དེ་བཞིན་དུ་ཚངས་པའི་སྒོ་ནས་བརྩམས་ཏེ་གནས་བཞིར་བསྡུ་བའི་
[99a.2]རིམ་པས་བཤང་སྒོའི་ལམ་ནས་དུག་བཤལ་བར་གྱུར་པར་བསམ་པར་བྱའོ། །དེའི་ཚེ་སྐྱུགས་#པ་དང་ཁྲུས་དག་གིས་དུག་བྲལ་བར་འགྱུར་རོ་ཞེས་བསྟན་ཏོ། །དེ་ལ་ཞེས་བྱ་བ་ལ་སོགས་པ་ནས་ཕྱག་ན་རྡོ་རྗེ་བཀའ་བསྟན་པ་ཇི་ལྟ་བ་བཞིན་དུ་ཞེས་པའི་བར་དུ་ནི་ཉེ་བའི་དུག་རྣམས་སེལ་
[99a.3]བ་ཉིད་དུ་མདོར་བསྟན་པའོ#། །ཉེ་བའི་དུག་ནི་ལོང་#ཏང་དང་ལང་ཀ་ལི་དང་རྩི་གུ་དང་དེ་རྣམས་ལྷན་ཅིག་སྐྱེས་པའོ། །སྦྱོར་བའི་དུག་ཅེས་པ་ནི་རྫས་སྦྱར་བ་ལས་བྱུང་བའོ། །དཔེར་ན་མར་དང་སྦྲང་རྩི་ཚད་མཉམ་པ་དང་ཞོ་མ་ལངས་པ་སྦྲང་རྩི་དང་ལྡན་པའོ། །སྦལ་པའི་ཚིལ་དང་སྦྲུལ་གྱི་
[99a.4]ཚིལ་དང་། སྦྱར་བའི་གཤའ་#མ་ཀའི་རྩ་བསྐོལ་བའི་སྦྱར་བའི་དུག་གོ། །བྱི་ལ་#ནི་སྦྲུལ་ཁྲ་བོ་དང་གར་ད་བ་ནི་#བོང་བུའོ། །སོགས་པའི་སྒྲས་དུག་གི་བྱི་བ་དང་ཁྱི་སྨྱོན་པ་དང་ཞེས་བྱ་བ་ལ་སོགས་པ་སྲོག་ཆགས་རྣམས་སོ། །རིམས་དང་དབུགས་མི་བདེ་བ་དང་སྨྱོ་བྱེད་དང་སྐེམས་#
[99a.5]བྱེད་དང་མཛེ་དང་རྡོ་དང་རྒན་རྒོན་དང་མཆིན་པ་ན་བ་དང་ལྷོག་པ་ལ་སོགས་པ་དང་རླུང་དང་མཁྲིས་པ་དང་བད་ཀན་དང་འདུས་པ་ལས་བྱུང་བ་ལུས་ཀྱི་ནད་རྣམས་སོ། །པདྨ་ཆེན་པོ་འདབ་མ་བརྒྱད་པ་ཞེས་བྱ་བ་ནས་འོད་གསལ་བ་ཡོངས་སུ་སྦྱངས་པའི་ཕྱིར་དང་ཞེས་པའི་བར་དུ་
[99a.6]ནི་ཉེ་བའི་དུག་དང་བྲལ་བར་བྱ་བའི་ཕྱིར་བསམ་གཏན་གྱི་ཁྱད་པར་བསྟན་ཏོ། །འོད་དཔག་ཏུ་མེད་པའི་རྣལ་འབྱོར་པས་ལག་པ་གཡས་པ་ལ་ཡི་གེ་ཨ་ཡོངས་སུ་གྱུར་པ་ལས་པདྨ་འདབ་མ་བརྒྱད་པ་བསྒོམས་#ལ་དེའི་དབུས་ཀྱི་ལྟེ་བ་ལ་ཁ་དོག་དཀར་པོ་ཡི་གེ་ཨ་དགོད་པ་དང་འདབ་
[99a.7]མ་རྣམས་ལ་ཁ་དོག་དཀར་པོ་ཡི་གེ་ཧྲི་བརྒྱད་བཀོད་ལ་དེ་ལས་བྱུང་བའི་ཁ་དོག་དཀར་པོ་འོད་ཟེར་རྣམས་ཀྱིས་བསྒྲུབ་བྱའི་ལུས་ལས་དུག་བཀུག་ལ་ཡི་གེ་ཨ་ལ་#འཇུག་ཅིང་ཁུ་ཚུར་གྱིས་སྡུད་པའི་རིམ་གྱིས་ས་ལ་བསྐུལ་བར་བསམ་པར་བྱའོ། །དེའི་དགུག་པ་ལ་ཁ་དོག་
[99b]
[99b.1]དཀར་པོ་དང་དུག་རེངས་པ་ལ་ནག་པོ་བསྒོམ་པར་བྱའོ་ཞེས་བསྟན་ཏོ། །ཉི་མའི་དུག་ཅེས་བྱ་བ་ནས་ནང་ལས་ཐར་བར་འགྱུར་རོ་ཞེས་པའི་བར་དུ་ནི་ཕྱི་དང་ནང་གི་ནད་རྣམས་སོས་པ་ཉིད་དུ་བསྟན་ཏོ། །མཚོན་ཆ་ལ་སོགས་པ་གློ་བུར་གྱི་རྒྱུ་#ལས་བྱུང་བ་དང་ཞེས་པ་ནི་མཚོན་ཆ་བརྒྱབ་
[99b.2]པ་ལས་བྱུང་བ་དང་། སེམས་ཅན་དང་སེམས་ཅན་མ་ཡིན་པས་བྱས་པའི་ནད་རྣམས་སོ། །མངོན་སྤྱོད་ཀྱི་རྒྱུ་ལས་བྱུང་བ་ནི་ཞེས་པ་ལ། དེ་བཞིན་དུ་སྔགས་ལ་མཁས་པའི་ཕ་རོལ་པོའི་དྲག་པོའི་ལས་ལས་བྱུང་བ་གང་ཡིན་པ་དེ་རྣམས་ཕྱིའོ། །ཁམས་དང་དྲི་མ་དང་ཁ་ཟས་མི་
[99b.3]མཐུན་པའི་རྒྱུ་ལས་བྱུང་བ་ནི་ནང་གིའོ་ཞེས་པ་ནི་ཁམས་ཀྱི་སྐྱོན་ནི་རླུང་དང་མཁྲིས་པ་དང་བད་ཀན་དང་འདུས་པ་རྣམས་ཀྱིས་#བྱས་པའོ། །དྲི་མ་ནི་དྲི་མ་བསྡུ་བ་ལས་བྱུང་བ་སྐྲན་ལ་སོགས་པའོ། །ཁ་ཟས་མི་མཐུན་པ་ནི་ཉུང་#བའམ་ལྷག་པ་སྟེ་དེ་ལ་ཉུང་#བ་ལས་སྐེམ་ནད་ལ་སོགས་པ་དང་།
[99b.4]ལྷག་པ་ལས་མ་ཞུ་བ་ལ་སོགས་པ་དེ་རྣམས་ནང་གིའོ། །དེ་རྣམས་གཞོམ་པའི་ཕྱིར་རེ་ཞིག་དང་པོ་རྣམ་པར་སྣང་མཛད་ལ་སོགས་པ་གསུམ་གྱི་ནད་པའི་ལྟེ་བར་ཡི་གེ་ཧཱུཾ་ཡོངས་སུ་གྱུར་པ་ལས་རྡོ་རྗེ་གནོད་སྦྱིན་མཆེ་བ་རྣམ་པར་གཙིགས་པ་དྲག་ཅིང་རྣོ་བ་གཡས་བརྐྱང་པ་ལས་#
[99b.5]གནས་པ། སྡིགས་མཛུབ་དང་རྡོ་རྗེ་གསོར་བར་བྱེད་པ་བསམས་ཏེ། དེས་ཡི་གེ་ཀཾ་ལས་བྱུང་བ་བསྒྲུབ་བྱའི་སྙིང་གའི་ཕྱོགས་སུ་སྤྲོ་བ་ལ་སོགས་པའི་རྣམ་པ་གང་ཡང་རུང་བའི་ནད་དྲངས་#པའི་ཁ་ནས་བྱུང་བ་མདུན་དུ་རྡོ་རྗེ་གནོད་སྦྱིན་དེ་ཉིད་ཀྱིས་རྡོ་རྗེ་བརྒྱབ་པས་ཕྱེ་མར་
[99b.6]བཏགས་ལ་རང་གི་ལག་པ་ལ་གནས་པའི་འབར་བའི་རྡོ་རྗེ་ལ་སོགས་པའི་མེའི་#འོད་ཀྱིས་བསྲེགས་པར་འགྱུར་ཞིང་ཐལ་བར་གྱུར་པར་བྱའོ། །དེའི་ཚེ་ནད་རྣམས་འཇོམས་པར་འགྱུར་རོ། །དེའི་འོག་ཏུ་ཡེ་ཤེས་སེམས་དཔའི་འོད་ཟེར་གྱི་ཚོགས་ཀྱི་#གཟུགས་ཅན་རྣམ་པར་སྣང་མཛད་
[99b.7]དང་སྤྱན་མ་ལ་སོགས་པའི་ཚོགས་སྤྲོས་ལ། སྙོམས་པར་ཞུགས་པ་ལས་བྱུང་#བའི་བྱང་ཆུབ་སེམས་ཀྱི་རྒྱུན་གྱིས་#དེ་རྣམས་ལ་དབང་བསྐུར་ཞིང་བསྒྲུབ་བྱའི་ལུས་པོར་འོད་ཟེར་གྱི་སྒོ་ནས་མར་ལ་མར་བཞིན་#ཐིམ་པར་གྱུར་པར་བསམ་པར་བྱའོ། །དེའི་ཚེ་དེ་བཞིན་གཤེགས་པ་
[100a]
[100a.1]ཐམས་ཅད་ཀྱིས་བྱིན་གྱིས་བརླབས་#པས་བསྒྲུབ་བྱ་རྡོ་རྗེའི་#སྐུ་ལྟ་བུར་འགྱུར་རོ་ཞེས་བསྟན་ཏོ། །རྫོགས་པའི་རིམ་པ་ལ་གནས་པ། །ཞེས་བྱ་བ་ནས། རྡོ་རྗེ་སེམས་དཔའ་གསུངས་པའོ། །ཞེས་པའི་བར་དུ་ནི་ཕྱི་དང་ནང་གི་ནད་རྣམས་ཀྱིས་དཀྲུགས་པའི་དབང་པོ་དང་ཕུང་པོ་#དང་ཁམས་དང་སྐྱེ་
[100a.2]མཆེད་རྣམས་མདུན་དུ་དམིགས་ལ་རྡོ་རྗེ་འཆང་ཆེན་པོ་ལ་སོགས་པའི་#གང་ཡང་རུང་བའི་རྣལ་འབྱོར་པས་སེམས་རྣམ་པར་དག་པས་ཐོབ་པར་བྱ་བའི་འོད་གསལ་བར་བསྒོམས་#པས་དཀྱིལ་འཁོར་རྣམས་ལས་གཡས་པ་དང་གཡོན་པ་གཉིས་དང་དལ་བུས་དམན་པར་རྒྱུ་བ་དམར་པོ་ལ་
[100a.3]སོགས་པའི་འོད་ཟེར་གྱི་ཚོགས་སྤྲོས་ལ་དཀྱིལ་འཁོར་རེ་རེ་ལ་དགུ་བརྒྱ་དགུ་བརྒྱ་#བཟླས་པས་ཉིན་མོ་དང་མཚན་མོར་ཉི་ཁྲི་ཆིག་སྟོང་དག་གིས་དྲུག་བརྒྱ་བཟླས་ནས་གདོང་གི་སྣའི་རྩེ་མོར་འོད་ཟེར་གྱི་ཐིག་ལེ་འཛིན་ན་དེའི་ཚེ་ནད་པའི་ནད་གྲོལ་བར་འགྱུར་རོ། །ཇི་སྐད་དུ། ཡ་ཡི་
[100a.4]དོན་གྱི་གང་ཅི་འང་རུང་། །དངོས་གྲུབ་འདོད་པས་བྱ་བ་སྟེ། །ར་ལ་སོགས་པ་གསུམ་ཉིད་ཀྱིས། །འགྲོ་བའི་དོན་ལ་རབ་ཏུ་འཇུག །མེ་དང་རླུང་དང་དབང་ཆེན་དང་། །ཆུ་ཡི་དཀྱིལ་འཁོར་རེ་རེ་ལ། །ཐུན་ནི་ཕྱེད་ཕྱེད་དུས་སུ་ནི། །ལས་ནི་གཉིས་གཉིས་བྱེད་པར་འགྱུར། །ཞེས་
[100a.5]འབྱུང་ངོ་། །དེ་ནི་རྡོ་རྗེ་བཟླས་པའི་རིམ་པས་ནད་ལས་ཐར་པའོ། །དེ་བཞིན་འོད་གསལ་བ་ལས་ཅིག་ཅར་དུ་ཡེ་ཤེས་ཀྱི་སྐུ་འམ་རྡོ་རྗེའི་སྐུ་སྤྲོས་ལ། བ་སྤུའི་བུ་ག་ཐམས་ཅད་ལས་འོད་ཟེར་གྱི་འཁོར་ལོ་སྤྲོས་ལ་དེ་བཞིན་གཤེགས་པའི་རྣམ་པ་ཅན་གྱི་འོད་#དེས་ནད་པའི་ལུས་ནད་
[100a.6]མེད་པར་བྱས་ནས་དེ་ཉིད་དུ་འཇུག་པར་བསམ་པར་བྱའོ། །དེའི་ཚེ་བསྒྲུབ་བྱ་ནི་ནད་མེད་པར་འགྱུར་རོ། །དེས་#ནི་བདག་ལ་བྱིན་གྱིས་བརླབ་པ་དང་ཟུང་དུ་འཇུག་པ་དག་གིས་ནད་མེད་པར་འགྱུར་རོ་ཞེས་བསྟན་ཏོ། །དེ་ལྟར་རྫོགས་པའི་རིམ་པའི་སྤྱོད་པ་དང་ལྡན་པས་ཕ་རོལ་རྣམས་
[100a.7]ཀྱི་ནད་འཇོམས་པར་བྱེད་དེ། དེ་ལྟར་ཞེས་བྱ་བ་ནས་དགོངས་སོ་ཞེས་བྱ་བའི་བར་དུ་ནི་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཆང་གི་སྒྱུ་མ་ལྟ་བུའི་དངོས་པོ་རྨི་ལམ་གྱི་དཔེའི་སྒོ་ནས་སོ་སོར་སྣང་བ་ཙམ་གྱི་སྙིང་པོར་གྱུར་པ་ལ་རྟག་པ་དང་ཆད་པའི་འཁྲུལ་པ་ཡོད་དོ་ཞེས་
[100b]
[100b.1]གསུངས་སོ། །སྒྲུབ་པ་པོ་རྣམ་པ་གཉིས་ཀྱིས་ཞེས་པ་ནི་རྫོགས་པ་དང་མ་རྫོགས་པ་རྣམས་སོ། །མཚན་མ་དང་བཅས་པ་དང་མཚན་མ་#མེད་པའི་དབྱེ་བས་ཞེས་པ་ནི་རྟོག་པ་དང་བཅས་པ་དང་རྟོག་#པ་མེད་པའི་རྒྱུས་རྨི་ལམ་མཐོང་བའོ། །རྣམ་པ་གཉིས་ཀྱིས་དེ་ཉིད་ཀྱི་འབྲས་བུ་དང་
[100b.2]འབྲེལ་པ་ཡིན་ནོ། །དེ་ལ་ཞེས་བྱ་བ་ནས་མངོན་གསུམ་དུ་བྱེད་པར་འགྱུར་རོ་ཞེས་བྱ་བའི་#བར་དུ་ནི་སེམས་རྣམ་པར་དག་པའི་རིམ་པར་#འོད་གསལ་བ་ཐོབ་ནས་དེ་ལས་བྱུང་བའི་ཡེ་ཤེས་ཀྱི་སྐུ་དང་དེ་བཞིན་དུ་མངོན་པར་བྱང་ཆུབ་པའི་རིམ་པས་འོད་གསལ་བ་ལ་#འཇུག་པས་རྡོ་རྗེའི་སྐུ་
[100b.3]བརྒྱ་བྱིན་ལ་སོགས་པའི་འཇིག་རྟེན་པ་སངས་རྒྱས་དང་བྱང་ཆུབ་སེམས་དཔའ་འཇིག་རྟེན་ལས་འདས་པས་མཆོད་པར་འགྱུར་བ་བདག་ཉིད་རྨི་ལམ་དུ་མཐོང་ན་དེའི་#ཚེ་མྱུར་དུ་ཕྱག་རྒྱ་ཆེན་པོའི་དངོས་གྲུབ་ཐོབ་པར་འགྱུར་རོ། །སེམས་ཅན་ཆེན་པོ་ཞེས་བྱ་བ་ནས་རྨི་ལམ་གྱི་འབྲས་
[100b.4]བུའོ་ཞེས་པའི་བར་དུ་ནི་ཐུགས་རྡོ་རྗེ་ལ་སོགས་པ་དེ་བཞིན་གཤེགས་པ་ལྔའི་རྣམ་པ་ཅན་སངས་རྒྱས་དང་བྱང་ཆུབ་སེམས་དཔའ་ལ་སོགས་པས་མཆོད་པར་གྱུར་པ་#དེའི་ཚེ་ཕ་རོལ་རྣམས་ལ་ཡང་དེའི་རྣམ་པ་སྟེར་བ་ལ་ནུས་པ་དང་ལྡན་པར་འགྱུར་རོ་ཞེས་བསྟན་ཏོ། །རྒྱན་
[100b.5]རྣམས་#ཐམས་ཅད་ཅེས་བྱ་བ་ནས་རིག་པར་འགྱུར་རོ་ཞེས་བྱ་བའི་བར་དུ་ནི་ལྷའི་བུ་མོ་གཟུགས་བཟང་བ་ལེགས་པར་བརྒྱན་པ་དང་དེ་བཞིན་དུ་མི་ལ་སོགས་པའི་#བུ་མོ་དང་ཁྱེའུ་རྣལ་འབྱོར་པ་ལ་མཆོད་པ་བྱེད་པ་མཐོང་ན་དེ་ཞི་བ་#ལ་སོགས་པའི་དངོས་གྲུབ་ཐོབ་པར་འགྱུར་རོ་ཞེས་
[100b.6]བསྟན་ཏོ། །ཁྱེའུ་དང་བུ་མོ་ནི་ཤེས་རབ་དང་ཐབས་ཀྱི་རང་བཞིན་ཡིན་པས་སོ། །ཕྱོགས་བཅུ་ཞེས་བྱ་བ་ནས་རྨི་ལམ་མཐོང་བའི་འབྲས་བུ་ཞེས་པའི་བར་དུ་ནི་རྣལ་འབྱོར་པ་གང་ཞིག་སངས་རྒྱས་ཀྱི་ཞིང་ལ་གནས་པ་དེ་བཞིན་གཤེགས་པའི་ཚོགས་མཐོང་བ་དང་། དེ་བཞིན་
[100b.7]དུ་གང་ལ་བཅོམ་ལྡན་འདས་མ་ལ་སོགས་པའི་ཤེས་རབ་ཀྱི་གླེགས་བམ་དེ་བཞིན་གཤེགས་པས་ལག་ཏུ་སྩོལ་བ་དང་། གང་ཞིག་སེང་གེའི་ཁྲི་ལ་བཞུགས་པ་ཆོས་སྟོན་པ་ལ་རྩོལ་#བ་སངས་རྒྱས་དང་བྱང་ཆུབ་སེམས་དཔས་#ཡོངས་སུ་བསྐོར་བར་བདག་#ཉིད་མཐོང་ན་དེས་
[101a]
[101a.1]ཕྱག་རྒྱ་ཆེན་པོའི་འབྲས་བུ་ཐོབ་པར་འགྱུར་རོ་ཞེས་བསྟན་ཏོ། །ཀུན་དགའ་ར་བ་ནས་རྨི་ལམ་གྱི་འབྲས་བུ་ཐོབ་པར་འགྱུར་རོ་ཞེས་ཀྱང་གསུངས་སོ་ཞེས་པའི་བར་དུ་ནི་ལྷའི་བུ་དང་#བུ་མོས་བརྒྱན་པ་ཀུན་དགའ་ར་བ་དང་ནགས་ཚལ་ལ་སོགས་པ་བསྐྱེད་པའི་རིམ་
[101a.2]པ་ནི། རྣལ་འབྱོར་པ་གང་ཞིག་མཐོང་བ་དེས་ནི་ཞི་བ་ལ་སོགས་པའི་དངོས་གྲུབ་ཐོབ་པར་འགྱུར་རོ་ཞེས་གསུངས་སོ། །དེ་བཞིན་དུ་སངས་རྒྱས་དང་བྱང་ཆུབ་སེམས་དཔའ་དབང་བསྐུར་བ་གང་ཞིག་མཐོང་བ་དེ་ནི་རིག་#པ་འཛིན་པའི་གཙོ་བོར་འགྱུར་རོ་ཞེས་བསྟན་ཏོ། །མངོན་པར་འདོད་
[101a.3]པའི་རྨི་ལམ་ཞེས་བྱ་བ་ནས་གྲུབ་ཅིང་ཐོབ་པར་འགྱུར་རོ་ཞེས་བྱ་བའི་བར་དུ་ནི་སྔར་བཤད་པའི་དགེ་བའི་རྨི་ལམ་གྱིས་ཕྱག་རྒྱ་ཆེན་པོའི་དངོས་གྲུབ་ཐོབ་པ་ཉིད་དུ་བསྟན་ཏོ། །གདོལ་པ་ཞེས་བྱ་བ་ནས་བར་དུའོ་ཞེས་པའི་བར་དུ་ནི་རྣལ་འབྱོར་པ་གང་ཞིག་གདོལ་པ་ལ་སོགས་པའི་རིགས་ངན་དང་དེ་བཞིན་དུ་
[101a.4]གཟུགས་འཇིགས་པ་སྤྲེ་#དང་ཡི་དགས་ལ་སོགས་པ་རྨི་ལམ་དུ་#མཐོང་ན་དེས་ངེས་པར་དམ་ཚིག་ཉམས་པ་ཡིན་ནོ་ཞེས་བསྟན་ཏོ། །དམ་ཚིག་སྟོང་པའི་རྒྱུ་དེས་དངོས་གྲུབ་སྒྲུབ་#པ་ལ་འཇུག་པར་འགྱུར་#ན་ནད་ལ་སོགས་པས་ལུས་ཟིལ་གྱིས་མནན་#པར་འགྱུར་རོ་ཞེས་བསྟན་ཏོ། །དེ་ལ་དེ་
[101a.5]ཁོ་ན་ཉིད་བསྒྲུབ་པ་ཞེས་བྱ་བ་ནས་ཆོས་ཉིད་མེད་པའོ་ཞེས་པའི་བར་དུ་ནི་བརྟན་པ་དང་། གཡོ་བའི་རང་བཞིན་གྱི་དངོས་པོ་རྣམས་རང་གི་སེམས་ཀྱི་སྣང་བ་ཙམ་ལས་ལྡོག་པ་ནི་མེད་དེ#། རྨི་ལམ་དང་འདྲ་བས་སོ། །སེམས་ཀྱང་རྣམ་པར་དཔྱད་ན་འོད་གསལ་བའི་རང་བཞིན་ཡིན་པས་
[101a.6]སོ། །འོད་གསལ་བ་ཡང་རྣམ་པར་མི་རྟོག་པའི་གནས་སྐབས་སུ་འདི་ཉིད་དང་#བདག་ཉིད་དུ་མི་དམིགས་ཏེ་རྣམ་པར་མི་རྟོག་#པའི་ཕྱིར་རོ། །དེ་ལྟར་ཆོས་ཅན་དང་ཆོས་ཉིད་གཉི་ག་ཡང་རྣལ་འབྱོར་པའི་#མངོན་སུམ་གྱི་ཚད་མས་མི་དམིགས་ཏེ། འབའ་ཞིག་དྲི་མ་མེད་པས་བྱང་ཆུབ་ཙམ་ལ།
[101a.7]གནས་པའི་རྒྱུ་དང་ལྡན་པའི་རྣལ་འབྱོར་པ་རྣམ་གཉིས་མི་དམིགས་པའི་ཕྱིར་རོ། །རྣམ་བཅས་དངོས་པོའི་རྟོག་པ་དང་། །རྣམ་པ་མེད་པའི་རྟོག་པ་སྟེ། །གཅིག་ཏུ་བྱས་ནས་གང་སྤྱོད་པ། །དེ་ནི་ཟུང་འཇུག་བཤད་པ་ཡིན། །ཞེས་འབྱུང་ངོ་། །དེ་བཞིན་ཁམས་དང་ཞེས་བྱ་བ་
[101b]
[101b.1]ལ་སོགས་པ་ལ་དབང་པོ་དང་རྣམ་པར་ཤེས་པ་ཉེ་བར་བསྡུས་པའི་བདག་ཉིད་ཅན་གྱི་ཤེས་པ་གཉིས་པོ་ནི་སྣང་བ་དང་སྣང་བ་མཆེད་པ་ཞེས་བྱ་བའོ། །ལེགས་འདུས་པ་ནི་རྟག་ཏུ་སོ་སོར་སྣང་བར་འགྱུར་བའོ#། །སྟོང་ཆེན་ཉིད་འགྱུར་ནི་སྣང་བ་ཉེ་བར་ཐོབ་པའི་ཡེ་ཤེས་ཡོད་ནའོ། །རླུང་
[101b.2]ལ་བརྟེན་པ་ནི་རླུང་གི་ཚོགས་ཀྱི་དབང་གིས་སོ། །ངེས་པར་རྨི་ལམ་མཐོང་བ་ཞེས་པ་#ནི་སད་པའི་གནས་སྐབས་སུ་མཐོང་བ་གང་ཡིན་པ་དེ་རྨི་ལམ་དུ་མཐོང་བར་འགྱུར་ཏེ། རྟོག་པ་དང་བཅས་པའི་ཕྱིར་རོ། །གང་ཞིག་རྨི་ལམ་དང་མཚུངས་པའི་ཆོས་རྣམས་ཡོངས་སུ་ཤེས་པས་
[101b.3]འབྲས་བུ་འདོད་པའི་འོད་གསལ་བའི་གོ་འཕང་མངོན་དུ་བྱེད་པའི་རྣལ་འབྱོར་པ་དེས་ཀུན་བརྟགས་པ་ནི་རྨི་ལམ་དང་སད་པ་ལ་བྱེ་བྲག་མི་རྟོག་པའོ། །ཆོས་རྣམས་ཞེས་བྱ་བ་ལ་སོགས་པས་རྣལ་འབྱོར་པ་དེ་ཉིད་ཀྱིས་བརྫུན་དང་བདེན་པ་ལས་གྲོལ་བ་དངོས་པོ་རྨི་ལམ་དང་མཚུངས་པ་
[101b.4]སྣང་བར་འགྱུར་རོ། །ཇི་སྐད་དུ། གཉིད་ལོག་པ་དང་སད་པ་ཞེས། །དེ་དག་རྟོགས་ནི་#གཉིས་སྤངས་པའི། །སྟོན་པས་ཟུང་འཇུག་གསུངས་པ་སྟེ། །གཉིད་ལོག་སད་དང་རྣམ་བྲལ་བའོ། །ཞེས་འབྱུང་ངོ་། །དེ་ལྟར་ཡི་གེ་#གསུམ་ཙམ་ལ་གནས་པའི་རྣལ་འབྱོར་པ་རྟོག་
[101b.5]པ་དང་བཅས་པར་འགྱུར་བས་རྨི་ལམ་མཐོང་བ་དང་འོད་གསལ་བ་ལ་འཇུག་པས་ཅུང་ཟད་#མཐོང་ངོ་། །འོན་ཀྱང་གཉིད་ལོག་པ་དང་སད་པ་དང་འདྲ་བར་དངོས་པོའི་ངོ་བོ་མཐོང་བར་འགྱུར་རོ་ཞེས་བྱ་བའི་དོན་ཏོ། །དེ་ནས་ཞེས་བྱ་བ་ལ་སོགས་པས་དངོས་པོ་རྣམས་སྒྱུ་མ་ལྟ་བུར་
[101b.6]ཤེས་ནས་ངོ་བོ་མེད་པར་འགྱུར་ན། རྨི་ལམ་དང་#རྨི་ལམ་གྱི་འབྲས་བུ་དེ་རྣམས་གང་ལས་འགྱུར་ཞེས་བཅོམ་ལྡན་འདས་ལ་ཞུས་པ་དང་། ངོ་མཚར་བ་དང་རྨད་དུ་བྱུང་བ་ཐོབ་པར་འགྱུར་རོ་ཞེས་བསྟན་ཏོ། །དེ་བཞིན་གཤེགས་པའི་དགོངས་པ་ཞེས་བྱ་བ་ལ་སོགས་པ་
[101b.7]ནས་འོད་གསལ་བའི་ངོ་བོ་ཉིད་དོ་ཞེས་བྱ་བའི་བར་དུ་ནི་དངོས་པོ་རྣམས་ཀྱི་ངོ་བོ་མེད་པ་ཉིད་བསྟན་ཏོ། །དེ་བཞིན་གཤེགས་པ་ཐམས་ཅད་ཅེས་བྱ་བ་ནི་མི་བསྐྱོད་པ་ལ་སོགས་པ་བོད་པའོ། །བུམ་པ་དང་སྣམ་བུ་ལ་སོགས་པ་ཞེས་བྱ་བ་ནི་སེམས་དང་ལྡན་པ་དང་སེམས་དང་མི་
[102a]
[102a.1]ལྡན་པའི་བདག་ཉིད་ཀྱི་དངོས་པོས་སོ། །མི་ལྡན་པ་ནི་གཅིག་གི་ངོ་བོ་མ་ཡིན་ཏེ་ཐ་དད་པ་ཉིད་དུ་སྣང་བའི་ཕྱིར་རོ། །དེ་ལ་བུམ་པ་ལ་སོགས་པ་དངོས་པོ་རྣམས་ནི་འདུས་བྱས་ཏེ། རྒྱུ་དང་རྐྱེན་གྱིས་བསྐྱེད་པའི་ཕྱིར་རོ། །ནམ་མཁའ་ནི་འདུས་མ་བྱས་པ་སྟེ། རྒྱུ་
[102a.2]མེད་པའི་ཕྱིར་རོ། །གཟུགས་དང་ལྡན་པ་དང་གཟུགས་མེད་པ་ཉིད་ཀྱིས་བུམ་པ་ལ་སོགས་པ་དང་ནམ་མཁའ་ནི་ཐ་དད་པ་ཡིན་ནོ། །མི་ལྡན་པ་ཡང་མ་ཡིན་ཏེ་ལྡན་པ་ཁོ་ནའོ། །དངོས་པོ་ཐམས་ཅད་ཅེས་པ་ནི་སེམས་ཅན་དང་སྣོད་ཀྱི་འཇིག་རྟེན་གྱི་བདག་ཉིད་ཀྱི་དེའི་ངོ་བོ་ཡིན་པའི་ཕྱིར་
[102a.3]རོ་ཞེས་པ་ནི་ནམ་མཁའ་ནི་དངོས་པོ་ཐམས་ཅད་ཀྱི་ནང་དུ་ཆུད་པའི་ཕྱིར་རོ། །ཁྱབ་པ་ནི་ནམ་མཁའ་ཁྱབ་པར་བྱེད་པ་སྟེ། མེ་དྲོ་བའི་#རེག་པ་བཞིན་ནོ། །ངོ་བོ་ཉིད་ལ་གནས་པ་ཞེས་པ་ནི་དངོས་པོ་རྣམས་ལ་མེད་པར་མི་འབྱུང་བས་གནས་པ་སྟེ། དངོས་པོ་ནི་འབྱུང་བ་ཆེན་པོ་ལྔའི་
[102a.4]རང་བཞིན་ཡིན་པའི་ཕྱིར་རོ། །གཉིས་པོ་དེ་དག་ནི་ཁྱབ་#པར་བྱེད་པ་དང་མཐོང་བ་མེད་པ་ཉིད་དོ། །མངོན་པའི་ང་རྒྱལ་ཡང་ཞེས་པ་ནི་སེམས་པ་མེད་དེ། དེ་བེམས་པོ་ཡིན་པའི་ཕྱིར་རོ། །ནམ་མཁའ་དེ་ཞེས་བྱ་བ་ལ་སོགས་པས་དེ་ཉིད་བསྡུ་བར་བྱེད་དེ། དེ་ལྟར་ཞེས་བྱ་བ་ལ་
[102a.5]སོགས་པས་དཔེ་བསྟན་ནས་དཔེ་ལས་བྱུང་བ་བསྟན་པར་བྱ་སྟེ། ཇི་ལྟར་ནམ་མཁའ་ལ་བུམ་པ་ལ་སོགས་པས་ལྡན་པ་དང་མི་ལྡན་པ་མེད་པ་དེ་བཞིན་དུ་རྨི་ལམ་དང་དེའི་འབྲས་བུ་དག་ལ་ཡང་ལྡན་པ་དང་མི་ལྡན་པ་དག་མེད་དོ་ཞེས་བསྟན་ཏོ། །དགོངས་པ་ནི་འདི་ཡིན་ཏེ། རེ་ཞིག་
[102a.6]རྨི་ལམ་ནི་དོན་མེད་པ་རང་གི་རྣམ་པར་རྟོག་པའི་བག་ཆགས་ལས་འབྱུང་བར་འགྱུར་ཏེ། དེའི་འབྲས་བུ་དང་འབྲེལ་པས་ག་ལས་འགྱུར་#ཞེས་བྱ་བ་ནས་རྨི་ལམ་དང་འབྲས་བུ་དག་མི་#ལྡན་པའོ། །འོན་ཀྱང་རྣམ་པར་མི་རྟོག་པ་ཉིད་རྨི་ལམ་ལྟར་སོ་སོར་སྣང་བའི་འབྲས་བུའི་
[102a.7]རྣམ་པར་#སྣང་བར་འགྱུར་རོ་ཞེས་དེ་དག་དང་ལྡན་པའོ། །དེ་ཉིད་ཀྱི་རྣམ་པར་དག་པ་ཞེས་པ་ནི་ནམ་མཁའི་དེ་ཁོ་ན་ཉིད་བསྟན་ཏོ། །ཇི་ལྟ་#ཇི་ལྟར་ནམ་མཁའ་ལ་མཐོང་བ་མེད་པ་དང་ཐོས་པ་མེད་པ་#ཉིད་ཡོད་པ་དེ་བཞིན་དུ་དངོས་པོ་ཐམས་ཅད་སོ་སོར་སྣང་བ་སྟེ། རང་བཞིན་མེད་
[102b]
[102b.1]པའོ། །ཅི་དགོས་ཞེས་བྱ་བ་ལ་སོགས་པས་རྨི་ལམ་དེའི་འབྲས་བུ་དག་ངོ་བོ་མེད་པ་ཡང་མ་ཡིན་ནོ་ཞེས་བསྟན་ཏོ།# །བརྟགས་པ་ཡིན་པའི་ཕྱིར་རོ། །ཆོས་ཐམས་ཅད་ཅེས་བྱ་བ་ལ་སོགས་པས་སེམས་ཅན་གྱི་འཇིག་རྟེན་དང་སྣོད་ཀྱི་འཇིག་རྟེན་དང་ཁམས་གསུམ་ལ་གནས་པའི་
[102b.2]ངག་གི་སྤྲོས་པ་དེ་དག་ཐམས་ཅད་སེམས་ཀྱི་རང་བཞིན་ཁོ་ན་དང་དེ་བཞིན་དུ་སེམས་ཀྱི་རྣམ་པ་སོ་སོར་སྣང་བ་ལུས་དང་ངག་དང་སེམས་དང་ཕུང་པོ་དང་། ཁམས་དང་སྐྱེ་མཆེད་ཀྱི་ཆོས་ཐམས་ཅད་གང་ཡིན་པ་དེ་རྣམས་ལ་ཁྱབ་པར་བྱེད་པ་ནམ་མཁའ་དང་ཁྱབ་པར་བྱ་བའི་#
[102b.3]སེམས་ཅན་གྱི་རིགས་བཞིའི་དབྱེ་བས་གནས་པ་དེ་དག་ཐམས་ཅད་ཇི་ལྟར་སྔར་བཤད་པའི་རིགས་པས། ནམ་མཁའ་དང་འདྲ་བ་བཞིན་དུ་ཆོས་ཐམས་ཅད་བསྐྱེད་པ་དང་། གནས་པ་དང་འཇིག་པ་མེད་པས་འོད་གསལ་བའི་རང་བཞིན་ཡིན་ནོ་ཞེས་བསྟན་ཏོ། །དེ་བཞིན་གཤེགས་
[102b.4]པ་ཐམས་ཅད་ཅེས་བྱ་བ་ལ་སོགས་པས་སྒྱུ་མའི་སྐུས་དངོས་པོ་རྣམས་སྒྱུ་མ་ལྟ་བུ་ཉིད་དུ་བསྟན་ཏོ། །དུས་གསུམ་དུ་གཤེགས་པ་ཞེས་པ་ནི་འདས་པ་ལ་སོགས་པའི་དུས་གསུམ་ལ་བཞུགས་པའོ། །དེ་རྣམས་ཀྱི་ཡེ་ཤེས་ཀྱི་སྐུའོ་ཞེས་པ་ནི་འོད་གསལ་བ་ལས་ཅིག་ཅར་དུ་
[102b.5]འབྱུང་བའོ། །དེ་འབྱུང་བར་བྱེད་པ་ཞེས་པ་ནི་ཡེ་ཤེས་ཀྱི་སྐུ་སྐྱེད་པར་བྱེད་པ་རྡོ་རྗེའི་གནས་ལྟ་བུ་ནི་མི་ཕྱེད་པའི་གཞིའི་རང་བཞིན་ནོ། །བྱང་ཆུབ་ཀྱི་སེམས་ནི་སྟོང་པ་ཉིད་དང་སྙིང་རྗེ་དབྱེར་མེད་པ་དང་།# ཐམས་ཅད་སྟོང་པའི་བདག་ཉིད་འོད་གསལ་བའོ། །སྟོང་ཉིད་སྙིང་རྗེ་དབྱེར་
[102b.6]མེད་ནི། །བྱང་ཆུབ་སེམས་ཞེས་བཤད་པ་ཡིན། །ཞེས་འབྱུང་ངོ་། །བྱང་ཆུབ་སེམས་ཞེས་བྱ་བ་ལ་སོགས་པས་འོད་གསལ་བའི་རང་བཞིན་གྱི་བྱང་ཆུབ་ཀྱི་སེམས་དེ་ཡང་འདོད་པའི་ཁམས་ལ་སོགས་པ་ལ་མི་གནས་ཏེ། སོ་སོར་ངེས་པ་གནས་པ་མེད་པས་ཁྱབ་པར་
[102b.7]བྱེད་པ་དེ་#ཉིད་ཀྱི་ཕྱིར་དེ་ལ་དོན་དམ་པར་སྐྱེ་བ་དང་འཇིག་པ་མེད་པ་དེ་བཞིན་དུ། ཆོས་ཐམས་ཅད་ལ་ཡང་སྐྱེ་བ་དང་འཇིག་པ་མེད་པ་སྟེ། འོད་གསལ་བའི་ངོ་བོ་ཡིན་པའི་ཕྱིར་རོ། །དེ་ལྟར་ཞེས་བྱ་བ་ལ་སོགས་པས་རྨི་ལམ་གྱི་དཔེས་#དངོས་པོ་རྣམས་ངོ་བོ་མེད་པ་
[103a]
[103a.1]ཡིན་ནོ་ཞེས་ཉེ་བར་བསྡུས་པ་བསྟན་ཏོ། །གཞན་ཡང་ཞེས་བྱ་བ་ནས་ཁོང་དུ་ཆུད་པར་བྱའོ་ཞེས་པའི་བར་དུ་ནི་ཇི་ལྟར་རྨི་ལམ་དང་སྐྱེས་བུ་དག་ལ་མཐོང་བར་བྱ་བ་དང་། མཐོང་བ་པོའི་མངོན་པའི་ང་རྒྱལ་མེད་པ་འོན་ཀྱང་ཕན་ཚུན་སྣང་བར་བྱ་བ་དང་སྣང་བ་པོའི་
[103a.2]བརྫུན་པའི་སོ་སོར་སྣང་བ་ཡོད་པ་དང་། དེ་བཞིན་དུ་སད་པའི་སྐབས་སུ་ཡང་དགེ་བ་དང་མི་དགེ་བ་ལ་སོགས་པའི་བྱ་བ་རྨི་ལམ་དང་འདྲ་བ་ཇི་ལྟར་འགྱུར་བ་དེ་བཞིན་དུ་རྫོགས་པ་དང་མ་རྫོགས་པའི་རྣལ་འབྱོར་པའི་སྒྱུ་མ་ལྟ་བུའི་སྐུ་དང་འདྲ་བར་དངོས་པོ་ཐམས་ཅད་རྟོགས་པར་
[103a.3]བྱའོ་ཞེས་བསྟན་ཏོ། །དེ་ལྟར་ཞེས་བྱ་བ་ལ་སོགས་པས་ཡིད་བཞིན་གྱི་ནོར་བུ་སེམས་ཅན་ཐམས་ཅད་ལ་བསམ་པ་ཐམས་ཅད་ཡོངས་སུ་རྫོགས་པར་བྱེད་པ་མངོན་པའི་ང་རྒྱལ་མེད་པས། སྦྱིན་པ་པོ་དང་སྦྱིན་པར་བྱ་བ་དང་། ལེན་པ་མི་ལྟོས་#པས་སེམས་ཅན་ཐམས་ཅད་ལ་འདོད་
[103a.4]པའི་འབྲས་བུ་སྟེར་བ་དེ་བཞིན་དུ་སྒྱུ་མ་ལྟ་བུའི་སྐུ་དང་ཞི་བ་ལ་སོགས་པའི་ཕྲིན་#ལས་གང་ཡིན་པ་དེ་དག་འོད་གསལ་བའི་ངོ་བོ་རྡོ་རྗེ་འཆང་ཆེན་པོ་ལས་འབྱུང་བ་ཡིན་ནོ། །བཅོམ་ལྡན་འདས་ཞེས་བྱ་བ་ནས་རྨད་དུ་བྱུང་བའོ་#ཞེས་པའི་བར་དུ་ནི་ཤིན་ཏུ་ཟབ་པའི་ཆོས་ཐོས་པས་མི་བསྐྱོད་
[103a.5]པ་ལ་སོགས་པ་རྣམས་ཀྱིས་#ངོ་མཚར་གྱི་#སྤྱན་རྒྱས་པ་དང་འོད་གསལ་བ་ལས་བྱུང་བའི་སྒྱུ་མའི་སྐུ་ལ་ཆེད་དུ་#བརྗོད་པ་ཉིད་བསྟན་ཏོ། །དེ་ནས་ཞེས་བྱ་བ་ནས་ཞུས་པའོ་ཞེས་པའི་བར་དུ་ནི་བཅོམ་ལྡན་འདས་ཀྱི་ཞབས་ལ་ཕྱག་འཚལ་བ་སྔོན་དུ་འགྲོ་བར་རུ་རུ་#ཕུ་རུ་ཞེས་བྱ་#བ་ལ་སོགས་
[103a.6]པ་སྔར་གསུངས་པའི་སྔགས་དེ་དང་རྗེས་སུ་མཐུན་པའི་ཏིང་ངེ་འཛིན་དང་སྔགས་དང་ཏིང་ངེ་འཛིན་དག་གིས་བསྒྲུབ་པར་བྱ་བ་ལ་སོགས་པ་ལས་ཀྱི་ཁྱད་པར་གང་ཡིན་པ་དེ་དག་#ལས་བྱུང་ཞེས་ཞུས་པ་བསྟན་ཏོ། །ལན་དེ་#ཞེས་བྱ་བ་ནས་ངོ་བོ་ཉིད་མེད་པར་གྲུབ་#པའོ་ཞེས་པའི་བར་དུ་
[103a.7]ནི་དོན་དམ་པའི་ཕྱོགས་ལ་བརྟེན་ཏེ། སྔགས་དང་ཏིང་ངེ་འཛིན་དང་ལས་ཀྱི་ཚོགས་རྣམས་གང་དུ་ཡང་མི་གནས་གང་ལས་ཀྱང་མ་བྱུང་ཞེས་བསྟན་ཏོ། །འོན་ཀྱང་ཞེས་བྱ་བ་ནས། དམིགས་སུ་ཡོད་དོ་ཞེ་ན་ཞེས་པའི་བར་དུ་ནི་ཀུན་རྫོབ་ཀྱི་བདེན་པའི་བདག་ཉིད་ཅན་སྐུ་ལ་
[103b]
[103b.1]སོགས་པ་དང་དེ་ལ་དམིགས་པའི་སྔགས་དང་ཏིང་ངེ་འཛིན་དང་ལས་རྣམས་ཀུན་རྫོབ་ཏུ་ཡོད་དེ་ཞེས་བསྟན་ཏོ། །འདི་སྐད་བཤད་པ་ཡིན་ཏེ་རིམ་པ་གཉིས་ཀྱི་སྐུ་ལ་དམིགས་ནས་དེ་དག་ཐམས་ཅད་བསྒྲུབ་པར་བྱའོ། །དོན་དམ་པར་སྐུ་ནི་སྐུ་མ་ཡིན་ནོ། །དེ་བཟློག་#པར་བྱ་བ་ཞེས་པ་
[103b.2]ནས་རྟེན་དང་བརྟེན་པ་དགག་པའོ་ཞེས་བྱ་བའི་བར་དུ་#ནི་དོན་དམ་པའི་ཕྱོགས་ལ་བརྟེན་ཏེ། ལུས་ལ་སོགས་པ་ཡོད་པ་མ་ཡིན་པ་དང་། འདོད་པའི་ཁམས་ལ་སོགས་པ་ལ་མི་གནས་པ་དང་། སེམས་ནི་ལུས་ལ་#མི་གནས་སོ་ཞེས་པ་#ལ་སོགས་པ་ཕན་ཚུན་རྟེན་དང་བརྟེན་པ་ཉིད་མེད་པ་
[103b.3]སྟེ། ངོ་བོ་མེད་པའི་ཕྱིར་ནམ་མཁའ་བཞིན་ནོ་ཞེས་བསྟན་ཏོ#། །དེ་ནས་ཞེས་བྱ་བ་ནས་བདག་ཉིད་ལ་གནས་སོ་ཞེས་བྱ་བའི་བར་དུ་ནི་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཆང་གང་དུ་གནས་ཞེས་ཞུས་པ་ལ་ཡིད་ཀྱི་#རང་བཞིན་གྱི་ལུས་ལ་གནས་སོ་ཞེས་ལན་ནོ། །
[103b.4]ཡང་ལུས་ལ་སོགས་པ་#སོ་སོར་སྣང་བའི་སེམས་གང་དུ་གནས་ཞེས་ཞུས་པ་ལ། ནམ་མཁའ་ལྟ་བུ་འོད་གསལ་བ་ལ་གནས་པ་ཞེས་ལན་བསྟན་པ་དང་། འོད་གསལ་བ་ནི་གང་དུ་གནས་ཞེས་ཞུས་པ་ལ་གང་དུའང་མི་གནས་བདག་ཉིད་ལ་གནས་ཏེ་ཆོས་ཉིད་ཡིན་པས་ན་
[103b.5]འོད་གསལ་བ་ནི་ཐམས་ཅད་ལ་གནས་སོ་ཞེས་བསྟན་ཏོ། །ཇི་སྐད་དུ། བུ་རམ་མངར་བ་མེ་དྲོ་བ། །ཇི་ལྟར་རང་བཞིན་ཡིན་པ་སྟེ། །ཆོས་ཀུན་ལ་ནི་སྟོང་པ་ཉིད། །དེ་ལྟ་བུ་ནི་རང་བཞིན་འདོད། །རྣམ་པ་དུ་མས་ཐ་དད་པ། དངོས་པོ་རྣམས་ནི་གོས་དང་འདྲ། སྟོང་པ་ཉིད་
[103b.6]མེས་བསྲེགས་གྱུར་ན། །ཐལ་བའི་དབྱེ་བ་གང་ཡང་མེད། །ལྟ་བ་ཀུན་གྱིས་བྱས་པ་རྣམས། །སྟོང་པ་ཉིད་ནི་མཐའ་ཕྱིར་#བསྟན། །ཞེས་འབྱུང་བས་སོ། །དེ་ནས་ཞེས་བྱ་བ་ནས་མི་སྨྲ་བར་གྱུར་པའོ་#ཞེས་པའི་བར་དུ་ནི་ཤིན་ཏུ་ཟབ་པའི་དོན་ཐོས་ནས་རྒྱུ་དང་འབྲས་བུ་དག་ལ་ངོ་མཚར་
[103b.7]བ་རྨད་དུ་གྱུར་པ་ཉིད་ཐོབ་#ནས་དེ་བསམ་པ་#དང་བསྒོམ་པའི་ནུས་པ་རྩེ་གཅིག་པ་ཉིད་ཀྱིས་དོན་དེ་ཉིད་དམིགས་པས་ཅང་མི་སྨྲ་བར་གྱུར་ཏོ་ཞེས་བསྟན་ཏོ། །རྒྱུ་བ་དང་ཞེས་བྱ་བ་ལ་སོགས་པས་དངོས་པོ་ཐམས་ཅད་ཀྱི་རང་བཞིན་གྱི་རྡོ་རྗེ་འཆང་དང་ཞི་བ་ལ་སོགས་པའི་ལས་ཀྱི་ཚོགས་
[104a]
[104a.1]དང་། དེ་སྟོན་པར་བྱེད་པའི་གཞུང་གི་ཚོགས་ཀྱི་ལེའུ་ཡིན་ནོ་ཞེས་བསྟན་#ཏོ། །དགོངས་པས་བཤད་པའོ་ཞེས་པ་ནི་ཤིན་ཏུ་གསལ་བའི་དེ་ཁོ་ན་ཉིད་འགལ་བའི་ཚིག་གི་སྒོ་ནས་སོ་སོར་བསྟན་པས་སོ། །#སྒྲོན་མ་གསལ་བར་བྱེད་པའི་འགྲེལ་པའི་ཊཱི་ཀཱ་ལས་ལེའུ་བཅྭ་
[104a.2]ལྔ་པའི་རྒྱ་ཆེར་བཤད་པའོ།། །།སྔར་བཤད་པའི་ཞེས་བྱ་བ་ལ་སོགས་པས་#ལེའུ་བཅུ་དྲུག་པའི་བཤད་པ་བརྩམ་པར་བྱ་སྟེ། སྔར་བཤད་པའི་མཚན་ཉིད་ནི་ལེའུ་བཅུ་གསུམ་པ་ལས་གསུངས་པའོ། །དངོས་གྲུབ་ཐམས་ཅད་ཅེས་པ་ནི་འཇིག་རྟེན་པ་དང་འཇིག་རྟེན་ལས་འདས་པ་སྟེ་ཞི་བ་
[104a.3]ལ་སོགས་པ་དང་། ཁམས་ལ་སྤྱོད་པ་ལ་སོགས་པའོ། །དེ་རྣམས་#དཀྱིལ་འཁོར་དུ་དབང་བསྐུར་བ་ཉིད་ལ་ཞེས་པ་ནི་སྐུ་དང་གསུང་གི་དཀྱིལ་འཁོར་དག་གི་དབུས་སུ་རྡོ་རྗེ་སློབ་དཔོན་གྱིས་ཡང་དག་པར་དབང་བསྐུར་བ་ཉིད་ལ་འགྲུབ་པར་འགྱུར་རོ་ཞེས་བྱ་བའོ་ཞེས་བསྟན་པར་བྱ་
[104a.4]བའི་ཕྱིར་ཞེས་པ་ནི་བསྟན་པའི་ཕྱིར་རོ། །སློབ་མ་སྣོད་དུ་བྱ་བའི་དོན་དུ་ཞེས་པ་ནི་སྣོད་དུ་གྱུར་པ་བསྐྱེད་#པའི་ཕྱིར་རོ། །དཀྱིལ་འཁོར་ཞེས་པ་ནི་སྐུ་དང་གསུང་དང་ཐུགས་ཀྱི་དཀྱིལ་འཁོར་བསྒྲུབ་པ་ནི་དེ་ལས་ཉེ་བར་དགོངས་པ་སྟེ་དེའི་ཐབས་སུ་གྱུར་པ་ལ་ལེའུ་བཅུ་དྲུག་པ་བརྩམ་པར་
[104a.5]བྱའོ། །དགོངས་པ་ནི་འདི་ཡིན་ཏེ། རེ་ཞིག་ལེའུ་བཞི་པ་ལས་ཐུགས་ཀྱི་དཀྱིལ་འཁོར་གྱི་ཆོ་ག་བསྟན་ཏོ། །འདིར་ནི་སྐུ་དང་གསུང་གི་དཀྱིལ་འཁོར་དག་བསྟན་པར་བྱའོ། །དེ་ནས་གང་ཞིག་དབུས་ཀྱི་བདག་པོར་གྱུར་པ་དེས་ཡང་དེའི་དཀྱིལ་འཁོར་ཡིན་ནོ་ཞེས་རིན་ཆེན་
[104a.6]འབྱུང་ལྡན་དང་དོན་ཡོད་གྲུབ་པའི་དཀྱིལ་འཁོར་རྟོགས་པར་བྱའོ། །དེ་དག་ཐམས་ཅད་གཅིག་ཏུ་བསྡུས་ནས་སུམ་ཅུ་རྩ་གཉིས་ཀྱི་བདག་ཉིད་ཀྱི་དཀྱིལ་འཁོར་སུམ་ཅུ་རྩ་གཉིས་རྟོགས་#པར་བྱའོ། །དགོངས་པ་གཅིག་ཏུ་གྱུར་ནས་ཞེས་པ་ནི་བསམ་པ་གཅིག་ཏུ་གྱུར་ནས་སོ། །
[104a.7]རྡོ་རྗེ་འཆང་ཆེན་པོ་ལ་ཞེས་བྱ་བ་ནས་ལྷག་མའོ་ཞེས་བྱ་བའི་བར་དུ་ནི་#དཀྱིལ་འཁོར་གྱི་ཆོ་ག་ཐོས་པའི་དོན་དུ་ནི། དེ་བཞིན་གཤེགས་པ་ཀུན་ཞི་བ། །ཞེས་བྱ་བ་ལ་སོགས་པ་ཚིགས་སུ་བཅད་པས་གསོལ་བ་འདེབས་པ་དང་། མི་བསྐྱོད་རྡོ་རྗེ་ཞེས་བྱ་བ་ལ་སོགས་པའི་བསྟོད་པས་
[104b]
[104b.1]བསྟོད་ཅིང་ཕྱིའི་མེ་ཏོག་ལ་སོགས་པ་དང་། ནང་གི་བདུད་རྩི་ལྔ་ལ་སོགས་པ་དང་། གསང་བ་ནི་ཡུམ་རེག་བྱ་#རྡོ་རྗེ་མ་ལ་སོགས་པ་དང་སྙོམས་པར་ཞུགས་པའི་བདེ་བས་མཆོད་པར་འགྱུར་རོ་ཞེས་བསྟན་ཏོ། །རྡོ་རྗེ་ཐམས་ཅད་ཅེས་བྱ་བ་ནས་ཕྱུང་བའོ་ཞེས་པའི་བར་དུ་ནི་སྐུའི་
[104b.2]དཀྱིལ་འཁོར་གྱི་ཏིང་ངེ་འཛིན་ལ་སྙོམས་པར་ཞུགས་ནས་སྐུའི་དཀྱིལ་འཁོར་གྱི་ཆོ་ག་བསྟན་པར་བྱ་སྟེ། དེ་ནས་ཞེས་བྱ་བ་ནས་དངོས་གྲུབ་ཐམས་ཅད་སྩོལ་བའོ་ཞེས་པའི་བར་དུ་ནི་བཅོམ་ལྡན་འདས་ཀྱི་#དེ་བཞིན་གཤེགས་པ་རྣམས་ལ་བསྟན་པ་རྩོལ་བ་བསྟན་ཏོ། །རྣམ་པར་སྣང་མཛད་ཀྱི་
[104b.3]དཀྱིལ་འཁོར་ནི་སྐུ་རྡོ་རྗེའི་དཀྱིལ་འཁོར་རོ། །དངོས་གྲུབ་ཐམས་ཅད་སྩོལ་#བ་ཞེས་པ་ནི་ཞི་བ་ལ་སོགས་པའི་དངོས་གྲུབ་སྟེར་བའོ། །མི་བསྐྱོད་པའི་དཀྱིལ་འཁོར་དང་འདྲ་བའོ་ཞེས་པ་ནི་ལེའུ་བཞི་པ་ལས་#གསུངས་པའི་ཐུགས་ཀྱི་དཀྱིལ་འཁོར་དང་འདྲ་བའོ་ཞེས་བྱའོ། །
[104b.4]དེ་ཉིད་བསྟན་པར་བྱ་བའི་ཕྱིར། གྲུ་བཞི་ལ་སོགས་པའི་ཡོན་ཏན་གྱིས་ཞེས་སྨོས་སོ། །སོགས་པའི་སྒྲས་ནི་#སྒོ་བཞི་དང་རྟ་བབས་བཞི་#ལ་སོགས་པ་དང་བཅས་པའི་མཆོག་ཏུ་གྱུར་པས་#ཞེས་པ་ནི་བྱ་བ་ལ་སོགས་པའི་རྒྱུད་ཀྱི་དཀྱིལ་འཁོར་ལ་ལྟོས་#པས་སོ། །ཁྲུ་ནི་བཅུ་དྲུག་ཅེས་
[104b.5]པ་ནི་སའི་ཁམས་ནི་ཁམས་བཞིའི་ངོ་བོའི་ཆ་ཤས་ལ་ལྟོས་པས་#གྲངས་བཅུ་དྲུག་ཡིན་པས་སོ། །ཟུར་བཞི་ལ་ལྟོས་#པ་སྟེ་ཞེས་པ་ནི་ཁ་ཅིག་ན་རེ་ཀུན་དུ་ངོས་རེ་རེ་ཁྲུ་བཅུ་དྲུག་པ་བྱའོ་ཞེས་ཟེར་རོ། །དེ་ཡང་ཕུན་སུམ་ཚོགས་པ་དང་ལྡན་པའི་རྒྱལ་པོ་དང་བློན་པོ་དང་ཁྱིམ་བདག་རྣམས་
[104b.6]ལ་བྱའོ། །ཐ་མལ་པ་རྣམས་ལ་ཕྱོགས་བཞི་ལ་ལྟོས་#པས་སོ། །ཟླུམ་པོ་མ་ཡིན་ཞེས་བྱ་བ་ནི་ཕྱིའི་དཀྱིལ་འཁོར་བཀག་པའོ། །ནང་གི་དཀྱིལ་འཁོར་ནི་ཟླུམ་པོ་#ཁོ་ན་ཞེས་དགོངས་པའོ། །དྲི་མ་མེད་པའི་ཚོན་ཞེས་པ་ནི་ཚོན་#དག་པས་སོ། །སངས་རྒྱས་ཀུན་གྱིས་ཞེས་པ་
[104b.7]ནི་སྤྲུལ་པར་འགྱུར་བའོ། །དེ་བཞིན་གཤེགས་པ་ཐམས་ཅད་ཀྱིས་ཞེས་པ་ནི་དེ་བཞིན་གཤེགས་པ་ཐམས་ཅད་ཀྱི་ངོ་བོ་རྡོ་རྗེ་འཆང་གིས་སོ། །རབ་ཏུ་བསྔགས་པ་#ཞེས་པ་ནི་བསྟན་པའོ། །བདག་པོ་ཉིད་ཀྱིས་མཛེས་པར་གྱུར་པ་ཞེས་པ་ནི་གཙོ་བོས་བརྒྱན་པ་སྟེ། སྐུ་རྡོ་རྗེའི་
[105a]
[105a.1]གཙོ་བོ་དཀྱིལ་འཁོར་ཡིན་པས་སོ། །ནང་དུ་ནི་ཕྱིའི་དཀྱིལ་འཁོར་བཀག་པའོ། །ཆོ་ག་ནི་ཞེས་བྱ་བ་ལ་སོགས་པས་དེ་ཁོ་ན་ཉིད་འདུས་པ་ལས་གསུངས་པའི་ཇི་ལྟར་དཀྱིལ་འཁོར་གྱི་ཆོ་ག་དེ་གཟུང་བ་ལ་རྩོལ་བའི་བློས། སྐུའི་དཀྱིལ་འཁོར་དང་འཆད་
[105a.2]པར་འགྱུར་བའི་གསུང་གི་དཀྱིལ་འཁོར་ཡང་བྲི་བར་བྱའོ་ཞེས་བསྟན་ཏོ། །དེ་ཡང་ལེའུ་བཞི་པ་ལས་རྒྱས་པར་བསྟན་པས་ན་འདིར་མ་བཤད་དོ། །ཞར་ལ་འོག་ཏུ་ཡང་ཅུང་ཟད་བཤད་པར་བྱའོ། །དེ་ལྟར་དཀྱིལ་འཁོར་བྲིས་ནས་ཞེས་བྱ་བ་ལ་སོགས་པས་གཞིའི་དཀྱིལ་འཁོར་
[105a.3]བྲིས་ཏེ། གཞི་ཅན་གྱི་དཀྱིལ་འཁོར་རྣམ་པར་སྣང་མཛད་ཀྱི་བདག་པོ་ལྷ་སུམ་ཅུ་རྩ་གཉིས་ཀྱིས་བསྐོར་བ་བྲི་བར་བྱའོ་ཞེས་བསྟན་ཏོ། །སློབ་དཔོན་ཏེ་ཞེས་པ་ནི་#དེ་ཁོ་ན་ཉིད་བཅུ་མཁྱེན་པས་སོ། །དེ་ཁོ་ན་ཉིད་བཅུ་ནི། དཀྱིལ་འཁོར་#ཏིང་ངེ་འཛིན་དང་#ཕྱག་རྒྱ་དང་། །སྔགས་དང་
[105a.4]བྱེད་དང་འདུག་སྟངས་#སྦྱིན་སྲེག་དང་#། །སྔགས་དང་ཕྱག་རྒྱ་དེས་བྱ་#འདུས་པ་ནི། །སྔགས་ཀྱི་ཚུལ་ལ་དེ་ཉིད་བཅུ་བསྟན་ཏོ། །ཞེས་འབྱུང་ངོ་། །རྡོ་རྗེ་དང་པདྨ་ཡང་དག་པར་འདུས་པར་ཞེས་བྱ་བ་ནས་སྐུའི་དཀྱིལ་འཁོར་འདི་ཡིན་ནོ་ཞེས་པའི་བར་དུ་ནི་རབ་ཏུ་གནས་པའི་ཆོ་ག་དང་མཆོད་
[105a.5]པའི་ཆོ་ག་དང་སློབ་མ་འཇུག་པ་དང་། ལྷག་པར་གནས་པ་དང་#དབང་བསྐུར་བ་ལ་སོགས་པ་བྱས་ནས་པདྨ་དང་རྡོ་རྗེ་སྙོམས་པར་ཞུགས་པའི་མཚན་ཉིད་ཀྱི་གསང་བའི་མཆོད་པས་མཆོད་ལ་བདུད་རྩི་ལྔ་དང་ལྕགས་ཀྱུ་ལྔས་སྐུའི་དཀྱིལ་འཁོར་མཆོད་པར་བྱའོ་ཞེས་བསྟན་
[105a.6]ཏོ། །དེ་ནས་ཞེས་བྱ་བ་ནས་དེ་སྟོན་པའོ་ཞེས་པའི་བར་དུ་ནི་གསུང་གི་དཀྱིལ་འཁོར་བསྟན་པའི་ཕྱིར་འོད་དཔག་ཏུ་མེད་པའི་ཏིང་ངེ་འཛིན་ལ་སྙོམས་པར་ཞུགས་པ་བཅོམ་ལྡན་འདས་ཀྱིས་བསྟན་པའི་ཕྱིར་རོ། །ཁྲུ་ཉི་ཤུ་ཞེས་པ་ནི་རྣམ་པ་བཞིའི་ངག་རེ་རེ་རྣམ་པར་ཤེས་པ་
[105a.7]ལྔ་ལས་བྱུང་བའི་རྣམ་པར་དག་པའི་ངོ་བོ་ཡིན་པས་སོ། །ངོས་རེ་རེ་ཞིང་ཁྲུ་ལྔ་ལྔ་ཞེས་པ་ནི་ཐ་མལ་པ་རྣམས་ཀྱིའོ། །འབྱོར་པ་ཚོགས་ན་ཕྱོགས་རེ་རེར་ཁྲུ་ཉི་ཤུ་རྒྱལ་པོ་ལ་སོགས་པ་ལ་བྱའོ། །དེ་བཞིན་གཤེགས་པ་ལྔའི་ཁ་དོག་གིས་ཞེས་བྱ་བ་ལ་སོགས་པས་སྔར་བཤད་
[105b]
[105b.1]པའི་མཚན་ཉིད་ཀྱི་ཐིག་སྐུད་ཀྱིས་དབུས་ཀྱི་དཀྱིལ་འཁོར་ཟླུམ་པོ་པདྨའི་ཕྲེང་བས་བསྐོར་བ། རིགས་དང་རྗེས་སུ་མཐུན་པ་བྲི་བར་བྱའོ་ཞེས་བསྟན་ཏོ། །དཀྱིལ་འཁོར་དེར་ཞེས་བྱ་བ་ནས་དགྱེས་པར་འགྱུར་#ཞེས་པའི་བར་དུ་ནི་གཞིའི་དཀྱིལ་འཁོར་རྫོགས་ན་གཞི་#ཅན་གྱི་དཀྱིལ་
[105b.2]འཁོར་འོད་དཔག་ཏུ་མེད་པ་བདག་པོ་ལྷ་སུམ་ཅུ་རྩ་གཉིས་ཀྱིས་#བསྐོར་བར་བྱའོ། །དེའི་ཚེ་དེ་བཞིན་གཤེགས་པ་རྣམས་མཉེས་པར་འགྱུར་བ་དང་། དཀྱིལ་འཁོར་ལ་བྱིན་གྱིས་བརླབ་པར་འགྱུར་རོ་#ཞེས་བསྟན་ཏོ། །བཤང་གཅི་ཞེས་བྱ་བ་ནས་འོད་དཔག་ཏུ་མེད་པའི་དཀྱིལ་འཁོར་
[105b.3]རོ་ཞེས་པའི་བར་དུ་ནི་སྔ་མ་བཞིན་དུ་རབ་ཏུ་གནས་པ་ལ་སོགས་པ་བྱས་ནས་བདུད་རྩི་ལྔ་དང་ལྕགས་ཀྱུ་ལ་སོགས་པས་བདག་ཉིད་དང་སློབ་མ་དང་དཀྱིལ་འཁོར་པ་རྣམས་ཚིམ་པར་བྱའོ་ཞེས་བསྟན་ཏོ། །དེ་ལྟར་ཞེས་བྱ་བ་ནས་ཚུལ་བསྟན་པར་བྱ་བའི་ཕྱིར་ཞེས་བྱ་བའི་བར་དུ་ནི་
[105b.4]ལེའུ་བཞི་པ་ལ་#གསུངས་པའི་ཐུགས་ཀྱི་དཀྱིལ་འཁོར་དང་བཅས་པ་སྐུ་གསུང་ཐུགས་ཀྱི་དཀྱིལ་འཁོར་བསྟན་པ་དང་དེའི་འོག་ཏུ་རིན་ཆེན་འབྱུང་ལྡན་དང་དོན་ཡོད་གྲུབ་པ་དང་། དཀྱིལ་འཁོར་པ་སུམ་ཅུ་རྩ་གཉིས་ཀྱི་ནང་ན་གང་ཡང་རུང་བའི་#དབུས་ཀྱི་གཙོ་བོ་ཡིན་ན་དེའི་དཀྱིལ་
[105b.5]འཁོར་ཡིན་ནོ་ཞེས་བསྟན་ཏོ། །དེ་ལྟར་ལྷ་སུམ་ཅུ་རྩ་གཉིས་#བདག་ཉིད་ཅན་གྱི་དཀྱིལ་འཁོར་སུམ་ཅུ་རྩ་གཉིས་གཅིག་ཏུ་བསྡུས་ནས་ལྷ་སྟོང་ཕྲག་གཅིག་དང་ཉི་ཤུ་རྩ་བཞིར་འགྱུར་རོ། །དེ་ནས་ཞེས་བྱ་བ་ནས། སྐུ་ལ་སོགས་པ་ཕྱུང་ངོ་ཞེས་པའི་བར་དུ་ནི་རྣམ་པ་སྣ་ཚོགས་པའི་
[105b.6]དཀྱིལ་འཁོར་པ་རྣམས་སྤྲོས་པས་འགྲོ་བའི་དོན་བྱས་པའི་ཏིང་ངེ་འཛིན་ལ་སྙོམས་པར་ཞུགས་ནས་བཅོམ་ལྡན་འདས་ཀྱིས་དོན་དེ་ཉིད་གསུངས་སོ་ཞེས་བསྟན་ཏོ། །རྡོ་རྗེ་འཛིན་པ་ཞེས་བྱ་བ་ནས་དེའི་ནང་དུ་འདུས་པ་ཡིན་ནོ་ཞེས་པའི་བར་དུ་ནི་རེ་ཞིག་སྐུ་ལ་སོགས་པ་རྣམ་པར་དག་
[105b.7]པས་གཙོ་བོར་གྱུར་བའི་དཀྱིལ་འཁོར་གསུམ་བྱས་ཏེ། འོན་ཀྱང་རིན་ཆེན་འབྱུང་ལྡན་དང་དོན་ཡོད་གྲུབ་པའི་རིགས་དེའི་ནང་དུ་འདུས་པར་འགྱུར་རོ། །དེ་ལ་གལ་ཏེ་ང་རྒྱལ་གཏི་མུག་ལས་བྱུང་བ་ཡིན་ན་དེའི་ཚེ་རྣམ་པར་སྣང་མཛད་ཀྱི་རིགས་ཀྱི་ནང་དུ་བསྡུས་སོ། །གལ་ཏེ་དེ་ཉིད་
[106a]
[106a.1]ཞེ་སྡང་ལས་བྱུང་ན་དེའི་ཚེ་མི་བསྐྱོད་པའི་རིགས་ཀྱི་ནང་དུ་བསྡུས་སོ། །ཕྲག་དོག་ནི་ཞེ་སྡང་ལས་བྱུང་བས་ན་ཐུགས་རྡོ་རྗེའི་རིགས་ཀྱི་ནང་དུ་དོན་ཡོད་གྲུབ་པས་#བསྡུས་སོ། །དེ་ལྟར་སྐུ་གསུང་ཐུགས་ཀྱི་རྡོ་རྗེའི་རིགས་གསུམ་ལ་བརྟེན་ནས་དཀྱིལ་འཁོར་སུམ་ཅུ་རྩ་
[106a.2]གཉིས་དེའི་རང་བཞིན་དུ་ཤེས་པར་བྱའོ། །དེ་བཞིན་གཤེགས་པ་ཐམས་ཅད་ཅེས་བྱ་བ་ནས་དེ་ལ་དེ་སྐད་ཅེས་བྱའོ་ཞེས་པའི་བར་དུ་ནི་སྐུ་རྡོ་རྗེ་ལ་སོགས་པའི་དཀྱིལ་འཁོར་གསུམ་ཉེ་བར་བསྡུས་པ་བསྟན་ཏོ། །དེ་ནས་ཞེས་བྱ་བ་ནས་ཕྱུང་ཞིང་གསུངས་སོ་ཞེས་བྱ་བའི་བར་དུ་ནི་
[106a.3]གཞིའི་དཀྱིལ་འཁོར་རྫོགས་པར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་པ་ཉིད་དུ་བསྟན་ཏོ། །སྐུ་ལ་སོགས་པའི་གསང་བ་ནི་རྣམ་པ་གསུམ་གྱི་དཀྱིལ་འཁོར་ལའོ། །དེ་བཞིན་གཤེགས་པའི་འཁོར་ལོ་ཞེས་པ་ནི་བདག་པོ་དང་བཅས་པའི་དཀྱིལ་འཁོར་པའི་ཚོགས་སོ། །
[106a.4]སེམས་དགའ་བར་བྱེད་པ་ཞེས་པ་ནི་དེ་རྣམས་མངོན་དུ་བྱེད་པའོ། །དེ་ཉིད་ལྷ་ཡིན་པས་ཞེས་པ་ནི་བརྗོད་པར་བྱ་བ་དང་རྗོད་པ་དག་དབྱེར་མེད་པའི་ཕྱིར་རོ། །དཀྱིལ་འཁོར་གསུམ་པོ་ཐིག་གདབ་པ་ནི་དབྱེ་བ་བསྐྱེད་པ་ལ་ཉེ་བར་དགོངས་པས་ཐིག་ཅེས་བྱའོ། །མི་འཇིགས་#པ་ཞེས་པ་ནི་ནུས་
[106a.5]པ་མ་ཉམས་པ་སྟེ། རང་གི་ནུས་པ་ལས་མི་འགྱུར་བའི་ཕྱིར་རོ། །སྔགས་ཐམས་ཅད་ཀྱི་ཞེས་པ་ནི་སྙིང་པོ་དང་ཉེ་བའི་སྙིང་པོ་བསྐུལ་བ་དང་རིགས་སྔགས་དང་གཟུངས་སྔགས་དང་། ཕྲེང་བའི་སྔགས་དང་ས་བོན་དང་ཆོས་ཀྱི་ཡི་གེ་དང་སྦྲུལ་དང་མགོ་མེད་དང་མཐའ་མེད་དང་བསྡུ་བ་ལ་
[106a.6]སོགས་པ་རྣམས་སོ། །གནས་སུ་གྱུར་པ་ནི་བསྡུ་བར་གྱུར་པས་ན་ཐ་#ཚིག་གོ། །དེ་ཡང་སྔར་བཤད་ཟིན་ཏོ། །ཨོཾ་ཨཱཿ#ཧཱུཾ་ཞེས་བྱ་བ་ནི་དཔེ་བསྟན་པའོ། །རྡོ་རྗེ་ཞེས་བྱ་བ་ལ་སོགས་པ་ནས་དགོངས་སོ་ཞེས་བྱ་བའི་བར་དུ་ནི་ཡི་གེ་གསུམ་གྱིས་བྱིན་གྱིས་བརླབས་པའི་སྲད་བུས་ཨ་ནུ་#ག་ཏ་
[106a.7]དང་ཞེས་བྱ་བ་ལ་སོགས་པའི་སྔགས་ཀྱིས་བསྒྲིལ་ལ་ནམ་མཁའ་ལ་#ཞུགས་པའི་དེ་བཞིན་གཤེགས་པ་དང་གཅིག་ཏུ་བྱས་ཏེ། དེ་བཞིན་གཤེགས་པ་ལྔའི་རང་བཞིན་གྱི་ཐིག་སྐུད་ཀྱིས་#དཀྱིལ་འཁོར་ལ་ཐིག་གདབ་པ་དང་། དེ་བཞིན་དུ་ཁ་དོག་ལྔ་དང་ལྡན་པའི་རྡུལ་ཚོན་དགྱེ་བར་#བྱའོ། །
[106b]
[106b.1]འདུས་པ་ལས་གསུངས་པའི་ཆོ་ག་བྱ་བ་ཡིན་གྱི་གཞན་དུ་ན་དངོས་གྲུབ་མི་འགྱུར་རོ་ཞེས་བསྟན་ཏོ། །དེ་བས་#ཞེས་བྱ་བ་ནས་བསྒྲུབ་པར་བྱའོ་ཞེས་པའི་བར་དུ་ནི་རྡོ་རྗེ་སློབ་དཔོན་གྱིས་ལྷན་ཅིག་སྤྱོད་པ་དམ་ཚིག་གི་ཕྱག་རྒྱ་ལྷ་མོའི་གཟུགས་སུ་བསྐྱེད་དེ་#རིགས་ལྔས་ཁྱབ་པར་བྱས་ལ་དེ་
[106b.2]དང་ལྷན་ཅིག་ཏུ་དཀྱིལ་འཁོར་ལ་ཐིག་གདབ་པར་བྱའོ་ཞེས་བསྟན་ཏོ། །དེ་ལྟར་ཐུན་མོང་གི་ཞེས་བྱ་བ་ནས་སྡུད་པར་བྱེད་པའི་ཚིག་གོ་ཞེས་པའི་བར་དུ་ནི་སྐུ་ལ་སོགས་པའི་དཀྱིལ་འཁོར་གསུམ་བྲི་བར་འདོད་པའི་སྔགས་པ་རྣམས་ཀྱིས་བསྐྱེད་པའི་རིམ་པས་རྣམ་པར་སྣང་མཛད་
[106b.3]དང་མི་བསྐྱོད་པ་དང་འོད་དཔག་ཏུ་མེད་པའི་གཟུགས་སུ་བདག་ཉིད་བསྐྱེད་ལ། དམ་ཚིག་གི་ཕྱག་རྒྱ་རྣམས་ཀྱང་སྤྱན་མ་དང་གོས་དཀར་མོ་དང་མཱ་མ་ཀཱིའི་#གཟུགས་ཅན་སྔ་མ་བཞིན་དུ་རིགས་ལྔས་བྱིན་གྱིས་བརླབས་པར་བྱས་ལ། སྔ་མ་བཞིན་དུ་ཐིག་གདབ་པར་བྱའོ། །དེ་ལྟར་
[106b.4]གྱུར་པའི་ཐུགས་རྡོ་རྗེ་ལ་སོགས་པས་སྒྲུབ་པ་པོ་དང་ཕྱག་རྒྱ་དག་གིས་ལུས་ལ་འཇུག་ཅིང་། དེའི་གཟུགས་ཀྱིས་དཀྱིལ་འཁོར་བྲི་བར་བསྟན་ཏོ། །སྔགས་ཀྱི་#དངོས་གྲུབ་ཅེས་བྱ་བ་ནས་རྫོགས་པར་བྱེད་པའོ་ཞེས་པའི་བར་དུ་ནི་དཀྱིལ་འཁོར་བྲི་བ་རྫོགས་པར་གྱུར་ན། རང་གི་སྙིང་
[106b.5]ག་ནས་གནོད་མཛེས་ཀྱི་རྒྱལ་པོ་སྤྲོས་ལ། དེ་ལ་གསོལ་བ་གདབ་པ་སྔོན་དུ་འགྲོ་བར་དེ་བཞིན་གཤེགས་པ་རྣམས་དགུག་ཅིང་དཀྱིལ་འཁོར་པ་དང་གཅིག་ཏུ་བྱས་ཏེ། སྒོ་བཞི་ལ་ཕྱག་འཚལ་བ་སྔོན་དུ་འགྲོ་བར་ཁྲུས་ལ་སོགས་པ་རྫོགས་ནས། མཆོད་པ་རྣམ་པ་ལྔ་ཡིས་དུས་
[106b.6]གསུམ་གྱི་དེ་བཞིན་གཤེགས་པ་དང་དབྱེར་མེད་པས་མཆོད་པར་བྱའོ། །དེའི་ཚེ་འཇིག་རྟེན་པ་དང་འཇིག་རྟེན་ལས་འདས་པའི་དངོས་གྲུབ་ཐོབ་པར་འགྱུར་རོ་ཞེས་བསྟན་ཏོ། །སྔགས་ཐམས་ཅད་ཅེས་བྱ་བ་ནས་བྱ་བར་དགོངས་སོ་ཞེས་པའི་བར་དུ་ནི་དཀྱིལ་འཁོར་དེ་ཉིད་ལ་མཆོད་པའི་དུས་སུ་
[106b.7]རྡོ་རྗེ་སློབ་དཔོན་དང་རྡོ་རྗེའི་སྤུན་དང་། དགེ་སློང་དང་དགེ་ཚུལ་དང་དགེ་བསྙེན་དང་རྣལ་འབྱོར་པ་དམ་ཚིག་ཅན་དེ་ལ་གནས་པ་གང་ཡིན་པ་དེ་རྣམས་བཤང་བ་ལ་སོགས་པའི་སྒྲས་བརྡར་བྱས་པའི་འདོད་པའི་ཡོན་ཏན་ལྔས་མཆོད་པར་བྱའོ། །དེ་མེད་ན་དགག་པའི་མྱ་ངན་གཅོད་པའི་
[107a]
[107a.1]ཆང་གིས་ཚིམ་པར་བྱའོ། །ད་#ནི་ནང་གི་སྦྱིན་སྲེག་དང་འདའ་བར་དཀའ་བའི་དམ་ཚིག་དང་སྡོམ་པ་དེ་ཉིད་ཡིན་ནོ། །དེས་ནི་ཚོགས་ཀྱི་འཁོར་ལོའི་ཆོ་ག་བསྒྲུབ་པར་བྱའོ་ཞེས་བསྟན་ཏེ་དེ་ཡང་སྔར་བཤད་ཟིན་པའོ#། །དེ་ལྟར་ལེགས་པར་བསླབས་#པའི་ཕྱག་རྒྱ་ཞེས་བྱ་བ་
[107a.2]ནས་ཤེས་པར་བྱའོ་ཞེས་བྱ་བའི་བར་དུ་ནི་གང་གི་ཚེ་དཀྱིལ་འཁོར་གསུམ་འདྲི་བར་འདོད་པའི་རྣལ་འབྱོར་པས་ཕྱག་རྒྱ་མེད་ན་དེའི་ཚེ་བདག་ཉིད་སྐུའི་དཀྱིལ་འཁོར་བྲི་བའི་དུས་སུ་རྣམ་པར་སྣང་མཛད་བསྒོམས་ལ། སློབ་མ་རྡོ་རྗེ་སེམས་དཔའ་འམ་བདུད་རྩི་འཁྱིལ་པར་བསམ་པར་བྱའོ། །དེ་
[107a.3]བཞིན་དུ་གསུང་གི་དཀྱིལ་འཁོར་འདྲི་བར་འདོད་པས་བདག་ཉིད་འོད་དཔག་ཏུ་མེད་པར་བསྒོམས་ནས་སློབ་མས་#རྣམ་པར་སྣང་མཛད་དམ་བདུད་རྩི་འཁྱིལ་བར་བསམ་པར་བྱའོ། །དེ་བཞིན་དུ་ཐུགས་ཀྱི་དཀྱིལ་འཁོར་བྲི་བར་འདོད་པས་བདག་ཉིད་མི་བསྐྱོད་པར་བསམས་ལ། སློབ་མ་འོད་
[107a.4]དཔག་ཏུ་མེད་པའམ་བདུད་རྩི་འཁྱིལ་པར་བསམ་#པར་བྱའོ་ཞེས་བསྟན་ཏོ། །སངས་རྒྱས་རྒྱལ་པོ་ཞེས་བྱ་བ་ནས་བགྲོད་པ་དམ་པའོ་ཞེས་བྱ་བའི་བར་དུ་ནི་ཁ་དོག་ལྔ་དང་ལྡན་པའི་ཐིག་སྐུད་རེ་རེ་#སྣལ་མ་ལྔ་དང་ལྡན་པ། དེ་བཞིན་དུ་རྡུལ་ཚོན་#རྣམས་ཀྱང་དེ་བཞིན་དུ་བྱས་ལ་དཀྱིལ་འཁོར་
[107a.5]ལ་ཐིག་བཏབ་པ་དང་བྲི་བར་བྱའོ་ཞེས་བསྟན་ཏོ། །འདིར་གཙོ་བོ་དང་ཡོན་ཏན་པའི་ཚུལ་གྱིས་ཞེས་པ་ནི་དེ་ལ་ཐུགས་ཀྱི་རྡོ་རྗེ་འཆང་གཅིག་པུ་ཡང་རྣམ་པར་སྣང་མཛད་ལ་སོགས་པ་གཞན་རྣམ་པ་བཞི་#དང་དབྱེར་མེད་པའི་ངོ་བོ་ཉིད་ཡིན་ཏེ། ཆོས་ཀྱི་དབྱིངས་ཀྱི་ཡེ་ཤེས་ལ་སོགས་པ་ནི་གཞན་
[107a.6]གྱི་ཆ་དང་ལྡན་པའི་ཕྱིར་རོ། །དེ་ལ་གཙོ་བོ་ནི་ལས་ཁ་ཅིག་ཉོན་མོངས་པ་ལ་སོགས་པ་རྣམ་པར་དག་པ་ལ་བདག་པོ་ཉིད་དོ། །ཡོན་ཏན་པ་#ནི་ཕྲིན་ལས་གཞན་མ་ལ་སོགས་པ་ལའོ། །དེའི་ནུས་པ་དེ་མེད་པ་མ་ཡིན་པ་སྟེ། ཡེ་ཤེས་ལྔ་ནི་ནུས་པ་ཐམས་ཅད་
[107a.7]དང་ལྡན་པའི་ཕྱིར་རོ། །ཇི་སྐད་དུ། གདུལ་བྱའི་བསམ་པའི་དབྱེ་བ་ཡིས། །ཡོན་ཏན་པ་དང་གཙོ་བོར་བརྟགས། །སངས་རྒྱས་རྣམས་ཀྱི་ཡེ་ཤེས་ལྔ#། །ནུས་པ་ཀུན་དང་ལྡན་པ་ཡིན། །ཞེས་འབྱུང་ངོ་། །དཀྱིལ་འཁོར་བྲི་བའི་དུས་སུ་ཞེས་བྱ་བ་ནས་བགེགས་#བྱེད་པར་མི་ནུས་སོ་ཞེས་
[107b]
[107b.1]བྱ་བའི་བར་དུ་ནི་གང་གི་ཚེ་དཀྱིལ་འཁོར་བྲི་བར་འདོད་པར་བརྩམས་ནས་#ས་དང་ཆུ་དང་རླུང་དང་མེ་དང་ནམ་མཁས་#བྱས་པའི་བགེགས་#འབྱུང་བར་འགྱུར་ན་དེའི་ཚེ་བདག་ཉིད་རྡོ་རྗེ་ཧཱུཾ་མཛད་ཞལ་གསུམ་པ་ཕྱག་དྲུག་པ་སྐུ་མདོག་ནག་པོ་སྤྱན་གསུམ་པ་གཡས་པ་དང་གཡོན་པའི་ཞལ་དཀར་པོ་
[107b.2]དང་#དམར་པོ་མངའ་བ། རྡོ་རྗེ་དང་འཁོར་ལོ་དང་པདྨ་དང་དྲིལ་བུ་དང་། ནོར་བུ་དང་རལ་གྲི་བསྣམས་པ་གཡོན་བརྐྱང་བ་མཆེ་བ་རྣམ་པར་གཙིགས་པ་བསྒོམས་ཏེ། རྡོ་རྗེ་ལྕགས་ཀྱུ་འགོད་པའི་རྐང་པ་དག་གིས་དཀྱིལ་འཁོར་གྱི་ས་གཞིའི་ཕྱོགས་ཀུན་དུ་འཁོར་བས་སྔགས་བརྗོད་ཅིང་ཡིད་
[107b.3]ཀྱིས་#ཆོས་ཐམས་ཅད་སྟོང་པ་ཉིད་དུ་བསྒོམས་ལ། རང་གི་ཕྱག་མཚན་ལས་འབྱུང་བའི་ར་བར་#བའི་ཚོགས་ཀྱིས་#བགེགས་དེ་རྣམས་བསྲེགས་ཤིང་ཐལ་བར་གྱུར་པར་བསམས་ལ་ཐལ་བ་ཡང་རླུང་དྲག་པོས་ཁྱེར་བར་གྱུར་པར་བསམ་པར་བྱའོ། །དེའི་ཚེ་བདེ་བས་དཀྱིལ་འཁོར་རྫོགས་པར་
[107b.4]འགྱུར་རོ་ཞེས་བསྟན་ཏོ། །རྡོ་རྗེ་བུམ་པ་བཞག་པ་ཞེས་བྱ་བ་ནས་ཇི་ལྟ་བ་བཞིན་དུ་གཞག་#པར་བྱའོ་ཞེས་པའི་བར་དུ་ནི་དེ་ཁོ་ན་ཉིད་འདུས་པའི་རྒྱུད་ལ་མངོན་པར་བརྩོན་པའི་སྒྲུབ་#པ་པོས་རྣམ་པར་རྒྱལ་བ་ལ་སོགས་པའི་བུམ་པ་རྣམས་དཀྱིལ་འཁོར་པའི་གྲངས་ཀྱིས་སུམ་ཅུ་རྩ་གཉིས་དང་།
[107b.5]ལས་ཐམས་ཅད་པའི་བུམ་པ་དེ་མ་འཚོགས་#ན་དེ་བཞིན་གཤེགས་པ་དང་ལྷ་མོའི་བུམ་པ་སྟེ་དགུ་དང་། ལས་ཐམས་ཅད་ཀྱི་བུམ་པ་སྟེ་བཅུ་ལས་ཉུང་བར་མི་བྱའོ་ཞེས་བྱ་བ་གསུངས་པས་བསྡུས་པ་དེ་རྣམས་ཀྱང་མགྲིན་པ་རིང་བ་ལྟོ་བ་རྒྱས་#པ། ནག་པོ་དང་རྩ་བ་མེད་པའི་ཤིང་གི་ཡལ་ག་
[107b.6]དང་། རས་ཀྱིས་མགྲིན་པར་བརྒྱན་པ། ཧ་ས་དེ་བ་དང་། ཀཎྜ་ཀ་རི་དང་། [བྲྀ་]#ཧ་ཏི་དང་། བྷ་ལ་མུ་ཏ་དང་། དཎྜོཏྤ་ལ་སྟེ་#སྨན་ལྔའི་སྙིང་པོ་ཅན་དང་། དེ་བཞིན་དུ་ཨིནྡྲ་ནཱི་ལ་དང་། མར་གད་དང་། པདྨ་རཱ་ག་དང་། བཻཌཱུཪྻ་དང་། ཤེལ་ཏེ་རིན་པོ་ཆེ་ལྔ་དང་ལྡན་པ། ནས་དང་། ཏིལ་དང་
[107b.7]མ་ཤ་དང་། སོ་བ་དང་། གྲོ་སྟེ་འབྲུ་ལྔ་དང་ལྡན་པ་དྲི་བཟངས་ཀྱི་#ཆུས་ཡོངས་སུ་གང་བ། འོག་ཏུ་འབྲས་དང་གླ་#གོར་ཞོ་ཤ་དང་བིལ་བ་དང་། ཛཱ་#ཏི་ཕ་ལ་དང་། ཏརྐ་#ཀ་དང་། པ་#ནི་དང་བཅས་པའི་སྣོད་གང་བས་བརྒྱན་པ་རྣམ་པ་སྣ་ཚོགས་པའི་མཆོད་པ་རྣམ་པ་ལྔས་མཆོད་པར་
[108a]
[108a.1]བྱས་པ་མེ་ཏོག་གི་ཕྲེང་བ་དང་དར་དཔྱངས་ཀྱིས་#བརྒྱན་པ་ལེགས་པར་བདུགས་པས་རང་རང་གི་རིགས་ཀྱི་ཆོས་ཀྱི་ཡི་གེས་མཚན་པ་ཤར་ལ་སོགས་པ་ཕྱོགས་དང་མཚམས་དང་མདུན་དང་གཡས་ཕྱོགས་སུ་གཞག་པར་བྱའོ་ཞེས་བསྟན་ཏོ། །དེ་ལྟར་དཀྱིལ་འཁོར་
[108a.2]ཡོངས་སུ་རྫོགས་ནས་ཞེས་བྱ་བ་འདིས་རྒྱུད་ཀྱི་ཚིག་རྣམས་མདོ་སྤྲོས་#བྱས་ནས་དཀྱིལ་འཁོར་གྱི་ཆོ་ག་ཐམས་ཅད་རྫོགས་ལ། དེ་ནས་སྦྱིན་སྲེག་བྱའོ་ཞེས་བྱ་བ་འདིས་སྔགས་ཀྱི་ལྷ་རྣམས་ཚིམ་པར་བྱ་བའི་ཕྱིར་དང་། དེ་བཞིན་དུ་བགེགས་རྣམས་ཞི་བར་བྱ་བའི་ཕྱིར་དང་། སློབ་མའི་
[108a.3]ཚོགས་དང་རྒྱལ་པོ་ལ་སོགས་པ་དང་། སྐྱེ་དགུ་རྣམས་ལ་ཞི་བའི་ཕྱིར་སྦྱིན་སྲེག་བྱ་སྟེ། དམ་ཚིག་གི་མེ་ལྷའི་ཞལ་ནས་ཡེ་ཤེས་ཀྱི་མེ་ལྷ་#དང་དཀྱིལ་འཁོར་པ་རྣམས་ཚིམ་པར་བྱའོ་ཞེས་དགོངས་པའོ། །ཇི་སྐད་དུ། མ་བཟླས་པས་ནི་སྔགས་མི་འགྲུབ། །སྦྱིན་སྲེག་མ་བྱས་འབྲས་མི་
[108a.4]འབྱིན། །དེ་ཕྱིར་ལས་རྣམས་ཐམས་ཅད་ལ། །སྦྱིན་སྲེག་ལས་ནི་རབ་ཏུ་འདོད། །ཆར་དཀོན་དུས་སུ་ཇི་ལྟར་འབྲུ། །སྐམས་པ་ཆར་གྱིས་#ཚིམ་གྱུར་པ། །དེ་བཞིན་སྐྱེ་དགུ་ཐམས་ཅད་ནི། །སྦྱིན་སྲེག་གིས་ནི་ཚིམ་པར་འགྱུར། །ཞེས་འབྱུང་ངོ་། །དེ་ལ་མེ་ཐབ་ནི། གདུལ་བྱའི་དབང་གིས་
[108a.5]མཐའ་ཡས་པ། །རིགས་ཀྱི་དབྱེ་བ་རྣམ་པ་ལྔ། །ལས་ཀྱི་དབྱེ་བས་བཞི་ཡིན་ཏེ། །མེ་ཐབ་དེ་ལྟར་གཏན་ལ་དབབ། །ཞི་བ་ལ་ནི་ཟླུམ་པོ་དཀར། །རྒྱས་པར་སེར་པོ་གྲུ་བཞི་པ། །དབང་ལ་དམར་པོ་གྲུ་གསུམ་པ། །གསོད་ལ་ནག་པོ་གཞུ་བཞིན་ནོ། །དེ་རྣམས་ཀྱི་རིམ་པ་ཇི་ལྟ་བ་བཞིན་
[108a.6]དུ་དཀྱུས་དང་དཔངས་སུ་ཁྲུ་གཅིག་དང་ཁྲུ་ཕྱེད་དང་ཁྲུ་གཉིས་དང་ཁྲུ་བཞི་#དང་ལྷག་མ་རྣམས་དེ་དང་འདྲ་བ། ཁྲུ་བཞི་པ་དང་། ཁྲུ་གཉིས་པ་དང་། ཁྲུ་བརྒྱད་པ་དང་། ཁྲུ་བཞི་པ་ཞེས་བྱའོ། །ཁྲུ་གང་གི་ཚད་ཙམ་གྱིས་#མེ་ཐབ་ལས་སོར་བཞི་དཔངས་ཏེ། དཔངས་དང་དཀྱུས་སུ་ཁ་
[108a.7]ཁྱེར་སོར་བཞི་པ་དེ་འདྲ་བར་བྱའོ། །དེ་བཞིན་དུ་བརྒྱད་དང་བཅུ་དྲུག་ཅེས་བྱའོ། །མེ་ཐབ་ཐམས་ཅད་ཀྱི་རང་རང་དང་འདྲ་བའི་ཁ་ཁྱེར་བྱའོ། །མེ་ཐབ་ཐམས་ཅད་ཀྱི་ཕྱི་རོལ་དུ་གྲུ་བཞི་པ་དང་སྒོ་བཞིའི་དཀྱིལ་འཁོར་དུ་ཐིག་བཏབ་ནས་ཤར་གྱི་སྒོ་ལ་སོགས་པ་ལ་ལྕགས་ཀྱུ་དང་ཞགས་པ་
[108b]
[108b.1]དང་ལྕགས་སྒྲོག་དང་དྲིལ་བུ་རྣམས་ཀྱི་ཕྱག་མཚན་བྲི་བར་བྱའོ། །དེའི་ཤར་གྱི་སྣམ་བུ་ལ་པདྨ་དང་ནགས་ཀྱི་ལྕུག་མ་དང་བགྲང་#ཕྲེང་དང་གུནྡྷེ་དང་། ཀྲིཥྞ་#ས་རའི་པགས་པ་བྲིའོ། །ལྷོའི་སྣམ་བུ་ལ་རྩེ་གསུམ་དང་། ཟླ་བ་ཕྱེད་པ་དང་། རྒྱལ་མཚན་དང་། རལ་པའི་ཐོར་ཚུགས་དང་། མིག་
[108b.2]ཅེས་པ་#ལྔའོ། །ནུབ་ཀྱི་སྣམ་བུ་ལ་འཁོར་ལོ་དང་། རལ་གྲི་དང་། ཕུབ་དང་། མདུང་དང་། བེ་ཅོན་ཏེ་ལྔའོ། །བྱང་གི་སྣམ་བུ་ལ་མདུང་རྩེ་དང་། དྲིལ་བུ་དང་། བ་དན་དང་། རྨ་བྱ་དང་། ར་སྐྱེས་ཏེ་ལྔ་བྲི་བར་བྱའོ། །དེ་ལྟ་བུའི་མེའི་#ཐབ་ཀྱི་དབུས་སུ། འཁོར་ལོ་དང་། རྡོ་རྗེ་དང་། རིན་
[108b.3]པོ་ཆེ་དང་། པདྨ་དང་། སྣ་ཚོགས་རྡོ་རྗེ་སྟེ་རིམ་པ་ཇི་ལྟ་བ་བཞིན་དུ་དེ་བཞིན་གཤེགས་པའི་མཚན་མས་བརྒྱན་པར་བྱས་ལ་ལས་ཐམས་ཅད་པ་ནི་#རྡོ་རྗེ་ཕྲེང་བས་རྣམ་པར་བརྒྱན་པར་བྱའོ། །ཡང་ན་ལས་ཐམས་ཅད་པ་ནི་ཟླུམ་པོ་ཁོ་ན་སྟེ། འོན་ཀྱང་ནང་གི་པདྨའི་ལྟེ་བར་སྣ་ཚོགས་རྡོ་རྗེ་
[108b.4]དང་། འདབ་མ་རྣམས་ལ་རྡོ་རྗེ་བརྒྱད་བྲིས་ལ། ལྷག་མ་ནི་སྔ་མ་བཞིན་ནོ། །དཀྱིལ་འཁོར་རམ་ལྷའི་ཁང་པར་ཤར་ཕྱོགས་སུ་#ཞི་བའི་མེ་ཐབ་དང་། དེ་བཞིན་དུ་ལྷོ་དང་། ནུབ་དང་བྱང་ཕྱོགས་སུ་རྒྱས་པ་དང་དབང་དང་དྲག་པོའི་མེ་ཐབ་བྱའོ། །ཡང་ན་ལས་དང་རྗེས་སུ་མཐུན། །
[108b.5]རྡུལ་ཚོན་གྱིས་#ནི་མེ་ཐབ་བྲི། །དེ་ཕྱིར་བརྐོས་#དང་རྡུལ་ཚོན་གྱིས། །མེ་ཐབ་རྣམ་པ་གཉིས་སུ་འདོད། །ཅེས་འབྱུང་ངོ་། །དེ་ནི་མེ་ཐབ་ཀྱི་མཚན་ཉིད་དོ། །ཡམ་ཤིང་རྣམས་ཀྱི་མཚན་ཉིད་ནི། །བླང་དོར་དབྱེ་བས་བཤད་པར་བྱ། །བ་ལ་ཤ་དུ་མ་ཨ་མྲ་དང་། ཀ་དམ་པ་དང་ཀས་མི་རྒྱ། །ཨ་
[108b.6]ཤྭང་པླག་ཤ་ལས་འབྱུང་བ། །ཤ་མི་ཁ་དང་འོ་མ་ཅན། །འོ་མ་དང་བཅས་རློན་པ་སྟེ། །མཉམ་པོར་བཅད་པར་འདོད་པ་ཡིན། །མཐོ་གང་ཙམ་གྱི་ཚད་དང་ལྡན། །སྦྲང་རྩི་འོ་མ་མར་གྱིས་བྱུགས། །དཀར་པོའི་དྲི་ཆུས་བསྐུས་པ་ཡི#། །འོ་མ་དང་བཅས་ཡམ་ཤིང་འདོད། །ཇི་སྐད་དུ།
[108b.7]རྒྱས་པར་སོར་ནི་བཅུ་བཞི་པ། །ཞི་བར་སོར་ནི་བཅུ་གཉིས་ཏེ། །དབང་ལ་སོར་ནི་བཅུ་པ་དང་། །སྡང་དང་དགར་བ་སོར་བརྒྱད་པའོ། །རྙིང་ཞིང་#ཆག་པ་འབུས་ཟོས་པ། །འབད་དེ་རྣམ་པར་སྤང་བར་བྱ#། །མཆོད་སྦྱིན་པ་ཡི་ཤིང་རྣམས་ཀྱི། །སྲོག་ཆགས་མེད་པའི་བུད་ཤིང་གང་། །མེ་
[109a]
[109a.1]ཐབ་ལས་ནི་ཅུང་ཉུང་བའི། །ཚད་དང་ལྡན་པ་ངེས་པར་བྱ#། །ཡང་ན་དགོན་པའི་ལྕི་བ་སྟེ། །བློ་དང་ལྡན་པས་བླང་བར་བྱ། །ཞེས་བྱ་བ་ལ་ནི་ཡམ་ཤིང་དང་བུད་ཤིང་གི་མཚན་ཉིད་དོ། །#གསེར་རམ་ཟངས་ཀྱི་རང་བཞིན་ཏེ། །ནིམ་པའམ་ནི་སེང་ལྡེང་ངམ། །འོ་མ་ཅན་གྱི་ཤིང་
[109a.2]སོགས་ཀྱི། །སྦྱོར་བ་འདི་ནི་རབ་ཏུ་གྲགས། །སོར་ནི་ཉི་ཤུ་རྩ་བཞི་ཡི། །དེ་ཉིད་ཀྱིས་ནི་ཚད་བྱས་ཏེ། །སྣོད་དང་དབྱིག་པ་གཉིས་བྱས་ནས། །དེ་ཡི་ཁ་ནི་སོར་དྲུག་པ། །ད་ནི་ཀུན་དུ་སོར་བཞི་པ། །རྡོ་རྗེ་ཕྲེང་བ་སོར་གཉིས་ཏེ། །དེ་ལས་གཞན་ནི་དབུས་ཡིན་ཏེ། །སོར་ནི་བཞི་ཡི་ཚད་
[109a.3]ཙམ་བྱ། །དེ་ཡང་འོག་ཏུ་བརྐོས་ནས་ནི། །བརྐོ་སའི་ཚད་ནི་སོར་གཉིས་པ། །དེ་ཡི་དབུས་སུ་པདྨ་སྟེ། །ལྟེ་བ་རྡོ་རྗེས་མཚན་པར་བྱ། །སོར་མོ་#མཐེ་ཆུང་ཚད་ཙམ་གྱི། །ཁུ་བཅུད་#འཛག་པར་རབ་ཏུ་གྲགས། །རྩེ་མོའི་ཆ་རུ་རིན་པོ་ཆེ། །སོར་དགུ་ཀུན་དུ་མཐོ་བར་བྱ། །པདྨའི་འདབ་
[109a.4]མ་དང་འདྲ་བ། །མཐར་ནི་རྒྱལ་བས་གསུངས་པ་ཡིན། །དེ་དབུས་རྡོ་རྗེ་རྩེ་གསུམ་པ། །དབྱིག་པའི་མཐར་ནི་སོར་དྲུག་སྟེ། །ཟླ་བ་རིན་ཆེན་དེ་ཡི་མཐར། །གང་གིས་དབྱིག་པ་ཉེས་མི་འགྱུར། །དེ་ཉིད་ཀྱི་#ནི་ཚད་ཀྱིས་ཏེ#། །བླུགས་གཟར་གྱི#་ནི་ཆོ་ག་བྱ། །མཐར་ནི་སོར་གཉིས་
[109a.5]རྒྱ་ཆེ་བས། །ཁ་ནི་པདྨ་འདབ་དང་མཚུངས། །དེ་ཡི་ཕྱེད་ཙམ་བརྐོས་པ་སྟེ། །དེ་ཡི་དབུས་ནི་རྡོ་རྗེས་མཚན། །དེ་ལྟར་དགང་གཟར་བླུགས་གཟར་གྱི། །མཚན་ཉིད་ཆེན་པོ་གསུངས་པ་ཡིན། །ཞེས་དེ་ནི་སྦྱིན་སྲེག་གི་སྣོད་ཀྱི་མཚན་ཉིད་དོ། །དེ་ནས་རྡོ་རྗེ་སློབ་དཔོན་ནི། །ཁྲུས་ཤིང་
[109a.6]གཙང་སྦྲ་དྲིས་བྱུགས་པ། །ཇི་ལྟར་གསུངས་པའི་རྒྱན་དང་ལྡན། །ཞི་བ་རྒྱས་དང་དབང་དགུག་དང་། །སྡང་བ་དགར་བ་གསོད་པ་སྟེ། །སྦྱིན་སྲེག་ལས་ལ་བརྩོན་བདག་ཉིད། །རང་ལྷག་ལྷ་ཡི་རྣལ་འབྱོར་ལྡན། །སེམས་ཅན་ཀུན་ལ་ཕན་ལ་བརྩོན། །ཇི་ལྟར་གསུངས་པ་
[109a.7]ཐམས་ཅད་བྱ། །དེ་ལ་ཞི་བ་ལ་ནི་གོས་དཀར་པོ་དང་ཅོད་པན་ཐོགས་པ་དག་བྱེད་པ་#དང་གདུ་བུ་དང་ཇི་ལྟར་གསུངས་པའི་བསྲུང་བའི་#འཁོར་ལོ་བཟླས་པ། བྱམས་པ་ཆེན་པོའི་སེམས་དང་ལྡན་པ་མི་སྨྲ་བས་སྦྱིན་སྲེག་གི་ས་རུ་འཇུག་སྟེ་འཇམ་པའི་གདན་ལ་པདྨའི་སྐྱིལ་མོ་ཀྲུང་གིས་#
[109b]
[109b.1]འདུག་སྟེ། ལག་པ་གཉིས་མཁྲིག་མའི་བར་དུ་དྲི་བཟང་གིས་བྱུགས་ལ་སྲོད་ལ་ཤར་དུ་ཁ་བལྟས་པས་བསྒྲུབ་བྱ་བླངས་ནས་ཉའམ་ཚེས་#གཅིག་ལ་བརྟེན་ཏེ་ཞག་གསུམ་མམ་བདུན་གྱི་#བར་དུ་གཞན་གྱི་#དོན་དུ་ཞི་བའི་ལས་བྱའོ། །དེ་བཞིན་དུ་གོས་སེར་པོ་ལ་སོགས་པའི་རྒྱན་#དང་ལྡན་
[109b.2]པའམ། རྣམ་པ་སྣ་ཚོགས་པའི་གོས་དང་ལྡན་པ་ཡིད་དགའ་བ་བྱང་དུ་ཁ་བལྟས་པ་བཟང་པོའི་འདུག་སྟངས་ཀྱིས་#གནས་པ་རྐང་པ་གཡོན་པས་རྐང་པ་གཡས་པ་མནན་ཞིང་མིག་མི་གཡོ་བ། སོ་རྣམས་གཙིགས་པ་#ཉ་ནས་བརྩམས་ཏེ་ཕྱི་མའི་#བར་དུ་རྒྱས་པའི་ལས་བྱའོ། །དེ་བཞིན་དུ་
[109b.3]ཁྲོས་པས་གོས་སྔོན་པོ་ལ་སོགས་པའི་རྒྱན་#དང་ལྡན་པ་ཁྲག་དང་ཆུས་གཤེར་བའི་གོས་དང་ལྡན་པ་རོའི་སྟེང་དུ་ཙོག་པུའི་འདུག་སྟངས་ཀྱིས་གནས་པ་རྐང་པ་གཡོན་པས་རྐང་པ་གཡས་པ་མནན་ཞིང་མིག་མི་གཡོ་བར་སོ་རྣམས་གཙིགས་པ་སྙིང་རྗེས་དཀོན་མཆོག་གསུམ་ལ་གནོད་
[109b.4]པར་#བྱེད་པ་ལ་འཇིགས་#པར་བྱེད་པའི་ཕྱིར་མངོན་སྤྱོད་ཀྱི་ལས་བྱའོ། །དེ་ནི་སྒྲུབ་པ་པོའི་ཚོགས་པའོ། །དེ་ནས་རང་གི་འདོད་པའི་ལྷའི་རྣལ་འབྱོར་ཇི་ལྟར་གསུངས་པ་ལས་དང་རྗེས་སུ་མཐུན་པ་བྱས་ཏེ#། བགེགས་ཀྱི་ཚོགས་ལ་ཕུར་བུས་གདབ་པ་དང་རྡོ་རྗེ་དྲ་བ་ལ་སོགས་པ་བྱས་ཏེ། ཡི་
[109b.5]གེ་ཧཱུཾ་ངམ་རང་གི་ཆོས་ཀྱི་ཡི་གེ་ལས་མེ་ཐབ་བསྐྱེད་ལ། དེའི་དབུས་ཀྱི་#ལྟེ་བར་ཡི་གེ་རཾ་#འབར་བ་ཡོངས་སུ་གྱུར་པ་ལས་གྲུ་གསུམ་བསམས་ལ། དེའི་ཟུར་གསུམ་ཤར་ལ་སོགས་པ་ལ་ཨོཾ་ཨཱཿ#ཧཱུཾ་ཞེས་བྱ་བའི་ཡི་གེ་གསུམ་ལས། འདོད་པ་དང་གཟུགས་དང་གཟུགས་མེད་པའི་
[109b.6]ཁམས་གསུམ་གྱི་ངོ་བོ་འཁོར་ལོ་དང་པདྨ་དང་རྡོ་རྗེ་གསུམ་ས་བོན་དང་བཅས་པར་བསྐྱེད་ལ་དབུས་སུ་ཡི་གེ་རཾ་#ཡོངས་སུ་གྱུར་པ་ལས་འབར་བ་དང་བཅས་པར་ལྟ་སྟེ། ཕྱག་མཚན་གསུམ་དང་ཡི་གེ་རཾ་#དེ་དག་ཡོངས་སུ་གྱུར་པ་ལས་འབར་བའི་དབུས་སུ་ཆུའི་དཀྱིལ་འཁོར་ལ་
[109b.7]གནས་པ་དག་བྱེད་ཀྱི་མེ་ལྷ་ཁམས་གསུམ་གྱི་བདག་ཉིད་ཞི་བའི་དོན་ཏུ་བསྒོམ་པར་བྱའོ། །ཞི་བ་ལ་#དཀར་པོ་ཞལ་གཅིག་པ་སྤྱན་གསུམ་པ་ཕྱག་བཞི་པ་རལ་པའི་ཐོར་གཙུག་#ཅན། ཕྱག་གཡས་པ་དག་ལ་དབྱིག་པ་དང་མི་འཇིགས་པ་གཡོན་པ་དག་ལ་ཕྲེང་བ་དང་གུནྡྷེ་#འཛིན་པ་ན་བཟའ་
[110a]
[110a.1]དཀར་པོ་དང་རྒྱན་དང་ལྡན་པ། མཆོད་ཕྱིར་ཐོགས་པ་ཡན་ལག་ཐམས་ཅད་ལས་བདུད་རྩི་དཀར་པོ་སྤྲོ་བར་བྱེད་པ་བལྟ་བར་བྱའོ། །རྒྱས་པ་ལ་ཡང་དེ་བཞིན་ནོ། །འོན་ཀྱང་ཁ་དོག་སེར་པོ་གོས་དང་རྒྱན་ལ་སོགས་པ་སེར་པོས་བརྒྱན་#པ། དབང་ཆེན་གྱི་དཀྱིལ་འཁོར་
[110a.2]ལ་གནས་པ་ཡེ་ཤེས་ཀྱི་མེ་ལྷ་མཆོག་སྦྱིན་གྱི་ཕྱག་གིས་སེམས་ཅན་ཐམས་ཅད་ལ་སྟོབས་དང་ཁ་དོག་དང་དཔལ་གྱིས་ཕུན་སུམ་ཚོགས་པ་འཕེལ་བར་བྱེད་པ་བསྒོམ་པར་བྱའོ། །དེ་བཞིན་དུ་དབང་དང་དགུག་པ་དག་ལ་ཁ་དོག་དམར་པོ་འདོད་པའི་མེ་ལྷ་མེའི་#དཀྱིལ་འཁོར་ལ་གནས་པ་ན་བཟའ་
[110a.3]དང་རྒྱན་དམར་པོ་ལ་སོགས་པས་བརྒྱན་#པ། ཕྱག་གཡས་པ་དང་གཡོན་པ་དག་ལ་#ལྕགས་ཀྱུ་དང་ཞགས་པ་འཛིན་པ་བསྒོམས་ཏེ་ལྷག་མ་#ནི་སྔ་མ་བཞིན་ནོ། །གསོད་པ་ལ་རླུང་གི་དཀྱིལ་འཁོར་ལ་གནས་པ་ཁ་དོག་ནག་པོ་མཆེ་བ་རྣམ་པར་གཙིགས་པ་མིག་གཡོ་#བ། ཡི་གེ་ཧཱུཾ་
[110a.4]ལས་བྱུང་བ་ཁ་དོག་ནག་པོ་ན་བཟའ་ལ་སོགས་པས་བརྒྱན་པ། ཕྱག་གཡས་པ་#རལ་གྲི་དང་གཡོན་པ་ལ་སྡིགས་མཛུབ་འཆང་བ། སྐྲ་འབར་བ་གྱེན་དུ་བརྫེས་པ། འཇིགས་བྱེད་ཆེན་པོའི་འབར་བ་ནག་པོས་ཁམས་གསུམ་ཁྱབ་པ་རླུང་གི་མེ་ལྷ་བསྒོམ་པར་བྱའོ་ཞེས་མེ་ལྷ་མདོར་
[110a.5]བསྟན་པའོ། །དེ་ལ་འོ་མ་ཅན་གྱི་ཤིང་ལས་བྱུང་བའམ་དགོན་པ་ལས་བྱུང་བའམ། རྒྱུན་ཆགས་#ཀྱི་མེའམ་ཐ་མལ་པའི་བྲམ་ཟེའི་མེ་ཞི་བའི་ལས་ལ་བླང་བར་བྱའོ། །རྒྱལ་པོའམ་བློན་པོའམ་ནགས་ཚལ་ལམ་ཚང་བང་གི་མེ་རྒྱས་པ་ལའོ། །རྗེ་རིགས་སམ་སྨད་འཚོང་མའི་མེ་ནི་
[110a.6]དབང་ལའོ། །གར་མཁན་དང་མཚན་མཁན་དང་འགྲོན་པོའི་མེ་ནི་དགུག་པ་ལའོ#། །དུར་ཁྲོད་ཀྱི་མེའམ་རྡོ་ལས་བྱུང་བའི་མེ་མངོན་སྤྱོད་ལ་གཟུང་བར་བྱའོ་ཞེས་མེའི་ངོ་བོ་མདོར་བསྟན་པའོ། །དེ་ནས་ལས་དང་རྗེས་སུ་མཐུན་པའི་གསེར་ལ་སོགས་པའི་སྣོད་གཉིས་ཏེ། ཨརྒྷའི་
[110a.7]སྣོད་དང་ལས་ཐམས་ཅད་པའི་སྣོད་དོ། །གཉི་ག་ཡང་དྲི་བཟང་གི་ཆུས་གང་བ་དེ་ལ་ཡང་ཨརྒྷའི་སྣོད་ནི་ཞོ་དང་ཀུ་ཤ་དང་འབྲུ་ལ་སོགས་པ་དང་ལྡན་པ་བྱས་ལ་གཉི་ག་ལ་ཡང་མེ་ཏོག་དགྲམ་ཞིང་། ཨརྒྷའི་#སྣོད་ནི་གཡོན་ཕྱོགས་སུ་རང་གི་རིགས་ཀྱི་ལྷའི་སྔགས་ཀྱིས་#མངོན་པར་བཟླས་
[110b]
[110b.1]ནས་གཞག་#པར་བྱའོ། །རྡོ་རྗེ་གནོད་སྦྱིན་དང་། རྡོ་རྗེ་རྩེ་མོའི་སྔགས་དག་གིས་ལས་ཐམས་ཅད་པའི་སྣོད་#ལན་ཉི་ཤུ་རྩ་གཅིག་མངོན་པར་བཟླས་ནས་གཞག་པར་#བྱའོ། །ཨོཾ་བཛྲ་ཤེ་ཁ་རེ་རུ་དྲ་#མ་ཊ། རྡོ་རྗེ་ཁུ་ཚུར་གཉིས་ཀྱིས་མཐེ་ཆུང་གཉིས་མཆེ་བའི་ཚུལ་དུ་བསྟན་པ་ནི་རྡོ་རྗེ་གནོད་
[110b.2]སྦྱིན་གྱི་ཕྱག་རྒྱའོ། །རྡོ་རྗེ་ཁུ་ཚུར་གཉིས་རི་བོའི་ཚུལ་དུ་བྱ་བ་#ནི་རྡོ་རྗེ་རྩེ་མོའི་ཕྱག་རྒྱ་སྟེ། ཨརྒྷའི་སྣོད་ཀྱི་ཆོ་གའོ། །དེ་ནས་ཡོ་བྱད་ཐམས་ཅད་གཡས་ཕྱོགས་སུ་བཞག་ལ་མར་དང་དགང་གཟར་དང་བླུགས་གཟར་མདུན་དུའོ། །གཡོན་ཕྱོགས་སུ་དྲིལ་བུ་དང་གཡས་ཕྱོགས་སུ་རྡོ་
[110b.3]རྗེ་གཞག་#གོ། །དེ་ནས་སྦྱིན་སྲེག་གི་ཡོ་བྱད་ལ་སོགས་པ་ཐམས་ཅད་ལ་ལས་#ཐམས་ཅད་པའི་ཆུས་ལན་གསུམ་བསང་གཏོར་བྱའོ། །དེ་ནི་རྫས་གཞག་#པའི་རིམ་པའོ། །རྫས་ནི་ཡམ་ཤིང་མར་དང་ནི། །ཏིལ་དང་འབྲས་དང་དེ་བཞིན་ནས། །གྲོ་དང་མ་ཤ་འབྲས་སོ་བ། །ཡོས་དང་སྟརྒ་བིལ་བ་#དང་། །
[110b.4]གླ་གོར་ཞོ་ཤ་འོ་མ་ཞོ། །དཱུར་བ་#དང་ནི་ཀུ་ཤ་དང་། །འབྲས་བུ་གསུམ་དང་སླེ་ཏྲེས་དང་། །ཁ་ར་ཕྱེ་མ་ཁར་ལོ་མ། །གེ་སར་དང་ནི་ཙནྡན་དང་། སྤྲི་ཡང་ཀུ་དང་#གུར་ཀུམ་དང་། །སྤོས་གཉིས་དང་ནི་སྨན་ཀུན་དང་། །ཛཱ་ཏི་ཕ་#ལ་རིན་པོ་ཆེ། །དར་དཔྱངས་སོ་རྩི་མེ་ཏོག་ཕྲེང་། །དེ་བཞིན་
[110b.5]མཆོད་པ་རྣམ་པ་ལྔ། །དེ་ལྟར་རྣལ་འབྱོར་རྒྱུད་རྣམས་ལས། །གོ་རིམས་ཀྱིས་ནི་རྫས་གསུངས་སོ། །དེ་ནི་རྫས་ཀྱི་གྲངས་ཀྱི་གོ་རིམས་སོ#། །དེ་ནས་ཕྱི་རོལ་གྱི་མེ་རྡོ་རྗེ་གནོད་སྦྱིན་གྱི་སྔགས་དང་ཕྱག་རྒྱས་མངོན་པར་བསྔགས་ལ། ཀུ་ཤའི་རྩེ་མོས་བླངས་པའི་ཆུས་དེ་ལ་ལན་
[110b.6]གསུམ་བསངས་ཏེ། གཙང་མས་བསྒོས་#པའི་རྩ་དང་བཅས་པ་མེ་ཐབ་ལ་བཅུག་ནས། ཨོཾ་ཛྭ་ལ་ཧཱུཾ་ཞེས་བྱ་བ་སྔགས་དང་བཅས་པ་རླུང་གཡབ་ཀྱི་རླུང་གིས་འབར་དུ་བཅུག་སྟེ། །དམ་ཚིག་སེམས་དཔའི་མེ་ལྷ་སྔར་བཤད་པ་དེའི་དབུས་སུ་བསམས་ཏེ། ཡེ་ཤེས་སེམས་དཔའི་མེ་
[110b.7]ལྷ་སྔགས་དང་ཕྱག་རྒྱ་འདིས་དགུག་པར་བྱས་ཏེ། ལག་པ་གཡས་པ་མི་འཇིགས་པར་བྱས་ནས་མཐེ་བོང་གི་རྩེ་མོ་སྲིན་ལག་གི་རྩ་བའི་ཚིགས་ལ་བརྡབ་པ་ནི་དགུག་པའི་ཕྱག་རྒྱའོ། །ཚུར་གཤེགས་ཚུར་གཤེགས་འབྱུང་པོ་ཆེ། །ལྷ་ཡི་དྲང་སྲོང་བྲམ་ཟེ་མཆོག །སྲེག་
[111a]
[111a.1]བླུགས་ཞལ་ཟས་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །ཞེས་བྱ་བ་དང་། ཨོཾ་བ་བ་ཀཱ་གྣ་ཡེ་སྭཱ་ཧཱ་ཞི་བ་ལའོ། །ཨོཾ་མ་ཧེ་དེ་བཱགྣ་#ཡེ་སྭཱ་ཧཱ་རྒྱས་པ་ལའོ། །ཨོཾ་ཀཱ་མཱགྣ་ཡེ་སྭཱ་ཧཱ་དབང་དང་དགུག་པ་ལའོ། །ཨོཾ་ཀྲོ་དྷཱ་གྣ་ཡེ་ཛ་ཧེ་ཀྲོ་ཊ་ཡ་#ཨ་མུ་ཀཾ་མཱ་
[111a.2]ར་ཡ་ཧཱུཾ་ཕཊ་མངོན་སྤྱོད་ལའོ། །མེ་ལྷ་བྱོན་པ་ལ་བསང་གཏོར་ལ་སོགས་པ་བྱས་ནས་དགུག་པ་ལ་སོགས་པས་དམ་ཚིག་གི་མེ་ལྷ་ལ་#འཇུག་པར་བྱའོ། །དེ་ནས་ཨརྒྷའི་སྣོད་བླངས་ལ་ཡིད་ཀྱིས་#ཞབས་ལ་ཞབས་བསིལ་དབུལ་བར་བྱ་སྟེ#། ཨོཾ་པྲ་བ་ར་ས་ཏྐཱ་#རཾ་པྲ་ཏཱིཙྪ་སྭཱ་ཧཱ། དེ་ནས་
[111a.3]ཨརྒྷཾ་#མ་མ་ཡ་ད་ཏ་མཱགྣ་ཧ་ན་སིདྡྷིམྨེ་#པྲ་ཡཙྪ་སྭཱ་ཧཱ། སྔགས་འདིས་ལན་གསུམ་ཨརྒྷ་དབུལ་བར་བྱ་སྟེ་སྤྱན་དྲང་བའི་ཆོ་གའོ། །དེ་ནས་ཨོཾ་ཨཱཿ#ཧཱུཾ་ནི་མགོ་བོ་དང་ལྐོག་མ་དང་སྙིང་གའི་ཕྱོགས་སུ་དཀར་པོ་དང་དམར་པོ་དང་ནག་པོ་སྟེ་ས་བོན་གསུམ་ཟླ་བ་ལ་གནས་པའི་འཁོར་ལོ་དང་པདྨ་དང་རྡོ་རྗེའི་
[111a.4]ཆང་གཟུངས་#ལ་གནས་པ་ཁམས་གསུམ་བྱིན་གྱིས་བརླབས་ནས་སེམས་མ་རྡོ་རྗེ་མ་#ལ་སོགས་པས་ཡིད་ཀྱིས་དབང་བསྐུར་ལ་ལཱ་སྱ་ལ་སོགས་པའི་#མཆོད་པ་རྣམ་པ་བརྒྱད་ཀྱིས་མཆོད་ལ། དར་དཔྱངས་དང་མེ་ཏོག་ཕྲེང་བ་བཅིངས་ནས་གོ་ཆ་བགོས་ཏེ#། མེ་ལོང་ལྟ་བུ་སྨན་ཐམས་
[111a.5]ཅད་ལ་སོགས་པའི་སྐུ་ཁྲུས་ཀྱི་ཡོ་བྱད་ཀྱིས་#སྤོས་གཏུལ་བ་དང་དྲིལ་བུ་དཀྲོལ་བ་སྔོན་#དུ་འགྲོ་བས་རྗེ་བཙུན་མའི་ཡི་གེ་བརྒྱ་#པ་ལན་ཅིག་#བརྗོད་ནས་སྐུ་ཁྲུས་བྱའོ། །དེ་ནས་རིགས་ཀྱི་ཡུམ་བཞིའི་མངོན་པར་སྔགས་#བཟླས་པའི་བུམ་པ་བཞི་ཡིས། རང་རང་གི་སྔགས་དང་བཅས་
[111a.6]པས་དབང་བསྐུར་བ་སྦྱིན་པར་བྱའོ། །དེ་ནས་ཞི་བ་ལ་རྣམ་པར་སྣང་མཛད་ཀྱིས་#རྒྱས་བཏབ་པ་མེ་ལྷ་བསམ་པར་བྱ་བ་དང་། རྒྱས་པ་ལ་རིན་ཆེན་འབྱུང་ལྡན་གྱིས་རྒྱས་གདབ་#པ་དང་། དབང་ལ་འོད་དཔག་ཏུ་མེད་པའི་ཅོད་པན་ཅན་དང་། གསོད་པ་ལ་མི་བསྐྱོད་པའི་ཅོད་པན་
[111a.7]ཅན་བསྒོམ་མོ། །དེ་ནས་མེ་ལྷའི་བདག་པོའི་ས་བོན་བགོད་#པ་དང་དགང་གཟར་བླུགས་གཟར་གྱི་རྩེ་མོར་ཡང་དགོད་དོ། །དེ་ནས་ཨོཾ་ཛིན་ཛིཀ་#སྭཱ་ཧཱ་ཞེས་བྱ་བས་ཞི་བ་ལ་མར་ལ་མངོན་པར་#སྔགས་བཏབ་པའོ། །དེ་བཞིན་དུ་རྒྱས་པ་ལ་སོགས་པར་རིན་ཆེན་འབྱུང་ལྡན་ལ་སོགས་
[111b]
[111b.1]པའི་སྔགས་རྣམས་ཀྱིས་མངོན་པར་སྔགས་བཏབ་པའོ། །དེ་ནས་དང་པོ་སྦར་བའི་དོན་དུ་བླུགས་གཟར་གྱིས་དགང་བླུགས་གསུམ་ཨོཾ་ཛྭ་ལ་ཛྭ་ལ་ཧཱུཾ་ཞེས་དབུལ་ལོ། །དེ་ནས་འབར་བ་དང་ཁ་དོག་དང་སྒྲ་ལ་སོགས་པས་མེ་ལ་བགེགས་མེད་པར་ཤེས་ནས་བགེགས་ཐམས་ཅད་
[111b.2]བཅིང་བའི་དོན་དུ་དང་། ལས་རྫོགས་པའི་དོན་དུ་ཕྱོགས་བཞི་ལ་ཀུ་ཤ་དགྲམ་མོ། །ཀུ་ཤ་འདི་ནི་དགེ་བའི་མཆོག །གཙང་མ་གཙང་མའི་རྒྱུ་ལས་བྱུང་། །དཀོན་མཆོག་གསུམ་དགའ་ཡིད་འཕྲོག་པ། །སའི་སྙིང་པོ་ལས་སྐྱེས་པའོ། །ཞེས་བྱ་བ་དང་། ཨ་བིགྷྣཱཾ་#མ་མ་ཤཱནྟིཾ་
[111b.3]ཀུརྦནྟུ་#སྭཱ་ཧཱ་ཞེས་བྱ་བའི་རིམ་པ་འདིས་རྩ་བ་ལས་བཏོན་པ་མཚན་ཉིད་དང་ལྡན་པ་སྔོན་པོའི་ཀུ་ཤ་ནི་ཞི་བ་དང་རྒྱས་པ་ལའོ། །གཞན་དུ་ནི་མཉམ་པར་#བཅད་པ་ཡོན་པོ་མ་ཡིན་པའི་རིམ་པ་འདིས་མེའི་ཤར་ཕྱོགས་སུ་ཤར་དུ་བལྟས་པ་དང་། ལྷོ་རུ་ལྷོའི་རྩེ་མོ་དང་ལྡན་པ་དང་། ནུབ་ཏུ་ནུབ་ཀྱི་
[111b.4]རྩེ་མོ་དང་ལྡན་པ་དང་#། །བྱང་དུ་བྱང་གི་རྩེ་མོ་དང་ལྡན་པ་བྱའོ། །མེ་ཐབ་ཀྱིས་གཞི་ཀུན་དུ་ལས་ཐམས་ཅད་ཀྱི་ཆུས་བསང་གཏོར་བྱས་ལ། རྡོ་རྗེ་གནོད་སྦྱིན་དང་རྡོ་རྗེ་རྩེ་མོས་མངོན་པར་བསྔགས་ལ་ཚོན་སྐུད་#ལྔའི་སྐུད་པ་དང་མདའ་བཞི་འམ་བརྒྱད་མངོན་པར་བསྔགས་ལ་ཕྱོགས་དང་
[111b.5]མཚམས་སུ་བཀོད་ལ་ཚོན་སྐུད་ལྔའི་སྲད་བུས་བསྐོར་ལ་རྡོ་རྗེ་བཅིངས་པར་བྱས་པར་འགྱུར་ཏེ་ཀུ་ཤ་དགྲམ་པའི་ཆོ་གའོ། །དེ་ནས་མེ་ལྷའི་ལས་དང་རྗེས་སུ་མཐུན་པ་དངུལ་ལ་སོགས་པའི་སྣོད་མདུན་དུ་བསམས་ལ། ཡང་ཨརྒྷ་#དང་འཐོར་འཐུང་དང་ཞབས་བསིལ་བྱིན་ནས་དགང་
[111b.6]བླུགས་དབུལ་ལོ། །དེའི་རིམ་པ་ནི་པུས་མོའི་ནང་དུ་ལག་པ་གཉིས་བཞག་ལ་ལག་པ་གཡས་པའི་རྡོ་རྗེ་ཁུ་ཚུར་གྱིས་དགང་གཟར་བླངས་ཏེ། མཐེ་བོ་དང་མཐེ་ཆུང་གིས་བརྟན་པོར་བཟུང་#ལ་སོར་མོ་ལྷག་མ་དབྱིག་པའི་སྟེང་དུ་བརྐྱང་ལ་མར་གྱིས་དགང་བར་བྱས་ལ་དགང་
[111b.7]བླུགས་བདུན་ནམ་གསུམ་མམ་གཅིག་མེའི་#ལྷའི་སྔགས་ཀྱིས་མེ་ལྷའི་ཞལ་ལ་དབུལ་#ལོ། །ཨོཾ་ཨགྣ་ཡེ་ཨ་མོ་ཀ་སྱ་ཤཱནྟིཾ་ཀུ་རུ་སྭཱ་ཧཱ་ཞེས་དེ་བཞིན་དུ་ཐམས་ཅད་ལའོ། །དེ་ནས་སྲེག་རྫས་ཀྱི་རིམ་པ་བསྟན་པར་བྱ་སྟེ། དགང་བླུགས་ཀྱི་འོག་ཏུ་ཡམ་ཤིང་འོད་ཀྱི་དཀྱིལ་
[112a]
[112a.1]འཁོར་ལའོ། །མར་ནི་ཞལ་ལའོ། །དེ་ནས་ཏིལ་དང་ཞོ་དང་བཅས་པའི་འབྲས་ཆན་ནི་ཕྱག་ཏུའོ། །ཀུ་ཤ་དང་དཱུར་བའི་#མྱུ་གུ་ནི་གཙུག་ཕུད་ལའོ། །ནས་དང་གྲོ་དང་འབྲས་སོ་བ་དང་མ་ཤ་ལ་སོགས་པ་ནི་ཞལ་དུའོ། །ཞུ་བའི་རྫས་ཐམས་ཅད་ཀྱང་#དེ་བཞིན་ནོ། །དྲི་ནི་
[112a.2]སྙིང་གར་རོ། །མེ་ཏོག་ནི་དབུ་ལའོ། །སྤོས་ནི་འབར་བ་ལའོ། །ཞབས་བསིལ་ནི་ཞབས་ལའོ། །ཨརྒྷ་དང་འཐོར་#འཐུང་ནི་ཕྱག་ལའོ། །མར་མེ་ནི་མདུན་དུའོ་ཞེས་རིམ་པའོ། །དེ་ནས་སྡིག་པ་བསྲེག་པའི་ཕྱིར་དང་པོར་ཏིལ་བསྲེག་པར་བྱ་སྟེ། ཨོཾ་སརྦ་པཱ་པཾ་ད་ཧ་ན་བཛྲ་#ཡ་སྭཱ་ཧཱ་
[112a.3]ཏིལ་རྣམས་ཀྱིའོ། །ཡང་ན་རྫས་ཐམས་ཅད་སྔགས་གཅིག་གིས་བསྲེག་པར་བྱ་སྟེ། ཨོཾ་བཛྲ་ཨ་ན་ལ་མ་ཧཱ་བྷཱུ་ཏ་ཛྭ་ལ་ཛྭ་ལ་སརྦ་#བྷ་སྨིན་ཀུ་རུ་སརྦ་བིགྷྣཱཾ་#ཧཱུཾ་ཕཊ། ཨ་མོ་ཀ་སྱ་ཤཱནྟིཾ་#ཀུ་རུ་སྭཱ་ཧཱ། ཡང་ན་ཐ་དད་པའི་སྔགས་ཡིན་ཏེ། ཨོཾ་བཛྲ་ཡ་ཛྙཱ་#སྭཱ་ཧཱ་ཡམ་ཤིང་གིའོ། །ཨོཾ་ཨེགྣ་ཡི་སྭཱ་
[112a.4]ཧཱ་མར་གྱིའོ། །ཨོཾ་སརྦ་པཱ་#པཾ་ད་ཧ་ན་བཛྲཱ་#ཡ་སྭཱ་ཧཱ། ཨ་མོ་ཀ་སྱ་པཱ་པཾ་ད་ཧ་སྭཱ་ཧཱ། ཏིལ་དང་ཡུངས་ཀར་གྱིའོ། །#སརྦ་སཾ་པ་དེ་སྭཱ་ཧཱ་ཞོ་དང་འབྲས་ཆན་གྱིའོ། །ཨོཾ་ཨ་པྲ་ཏི་ཧ་ཏ་བཛྲཱ་#ཡ་སྭཱ་ཧཱ་ཀུ་ཤ་རྣམས་ཀྱིའོ། །ཨོཾ་བཛྲ་ཨཱ་#ཡུཥེ་སྭཱ་ཧཱ་དཱུར་#བའི་མྱུ་གུའིའོ། །ཨོཾ་མ་ཧཱ་བེ་གཱ་#ཡ་སྭཱ་ཧཱ། ནས་
[112a.5]རྣམས་ཀྱིའོ། །ཨོཾ་བཛྲ་གྷ་སྨ་ར་ཡེ་#སྭཱ་ཧཱ་གྲོའིའོ། །ཨོཾ་བཛྲ་བི་ཛ་#ཡེ་སྭཱ་ཧཱ་འབྲས་སོ་བའིའོ། །ཨོཾ་མ་ཧཱ་བ་ལཱ་#ཡ་སྭཱ་ཧཱ་མ་ཤའིའོ། །ཨོཾ་བཛྲ་པུཥྚ་ཡེ་སྭཱ་ཧཱ། འབྲས་ཀྱིའོ། །ཨོཾ་མ་ཧཱ་ཤྲི་ཡེ་#ཝ་ཏི་སྭཱ་ཧཱ་བིལ་བ་དང་སྟརྒ་དང་ཛཱ་ཏི་ཕ་ལ་འིའོ། །ལྷག་མ་ནི་ཞུ་བའི་རྫས་ཐམས་ཅད་
[112a.6]མེ་ལྷ་ལ་#རང་གི་སྔགས་ཀྱིས་དབུལ་#ལོ། །ཨུ་དུམྦཱ་ར་ལ་སོགས་པའི་ཤིང་གི་ཡལ་ག་རྣམས་ནི་དང་པོར་ཨོཾ་དང་རང་རང་གི་མིང་དང་སྭཱ་ཧཱའི་མཐའ་ཅན་གྱི་སྔགས་ཀྱིས་དབུལ་བར་བྱའོ་ཞེས་རིམ་པའོ། །དེ་ནས་མེ་ལྷ་ལ་འཐོར་འཐུང་དང་བསང་གཏོར་ལ་སོགས་པ་ཕུལ་ནས། མེ་
[112a.7]ཐབ་ཏུ་མེ་ལྷ་འབར་བའི་གཟུགས་སུ་ཐིམ་པར་བྱའོ་ཞེས་ཁ་ཅིག་ཟེར་རོ། །རང་གི་གཟུགས་སུ་མེ་ལྷ་#མེའི་མཚམས་སུ་གཞག་#པར་བྱའོ་ཞེས་ཁ་ཅིག་ཟེར་རོ། །ཁ་ཅིག་ན་རེ་གཤེགས་སུ་གསོལ་ཞེས་ཟེར་རོ། །ཁ་ཅིག་ན་རེ་མེ་ཐབ་ཀྱི་ནང་དུ་མེའི་#མཚམས་སུ་གཞག་#
[112b]
[112b.1]པར་བྱའོ་ཞེས་ཟེར་རོ། །དེ་ལྟར་མང་པོ་སྨྲས་ཏེ་འདིར་བཅོམ་ལྡན་འདས་ཀྱིས་བཀའ་སྩལ་པ། མེ་ལྷའི་གཙོ་བོ་ལྷ་རྣམས་ནི། །སྦྱིན་སྲེག་དེ་ཉིད་ལ་ནི་གནས། །སྦྱིན་སྲེག་གིས་ནི་ཚིམ་བྱས་ཏེ། །ཚིམ་པས་དངོས་གྲུབ་སྟེར་བར་འགྱུར། །མེ་ལྷ་སྟོང་པའི་སྦྱིན་སྲེག་ནི། །རོ་ཁར་བསྲེགས་
[112b.2]བཞིན་འབྲས་མེད་འགྱུར། །ཞེས་འབྱུང་ངོ་།# །གཞན་ལས་བཅོམ་ལྡན་འདས་ཀྱིས། མེ་ཡི་གནས་ནི་མི་ཤེས་པས། །གང་ཞིག་སྦྱིན་སྲེག་བྱེད་པ་ན། །དེ་ཉིད་མ་ཡིན་སྦྱང་བ་མིན། །ལས་ཀྱི་འབྲས་བུར་མི་འགྱུར་རོ། །ཞེས་འབྱུང་ངོ་། །ཁོ་བོ་ཅག་གི་#བླ་མའི་ཞལ་གྱི་མན་ངག་ནི་
[112b.3]ཆོས་ཀྱི་དབྱིངས་ཀྱི་ཡི་གེ་ཡོངས་སུ་གྱུར་པ་ལས་ཤེས་རབ་ཀྱི་#ཕ་རོལ་ཏུ་#ཕྱིན་པའི་ངོ་བོ་ལས་མ་ལུས་པའི་གཞིར་གྱུར་པའི་འཇིག་རྟེན་ལས་འདས་པའི་ཡེ་ཤེས་ཀྱི་མེ་ལྷ་དེའི་སྙིང་གའི་པདྨའི་སྟེང་དུ་རང་གི་ལྷའི་ས་བོན་ཡོངས་སུ་གྱུར་པ་ལས་ཕྱག་མཚན་ལས་བྱུང་བའི་ལས་དང་རྗེས་སུ་
[112b.4]མཐུན་པ། ཁ་དོག་དང་རྒྱན་ལ་སོགས་པ་དང་ལྡན་པ་རྣམ་པར་སྣང་མཛད་ལ་སོགས་པ་དམིགས་ལ་རང་གི་སྙིང་གའི་ཡེ་ཤེས་སེམས་དཔའི་ས་བོན་གྱི་འོད་ཟེར་དང་རང་རང་གི་དམ་ཚིག་གི་ཕྱག་རྒྱ་རྣམས་ཀྱིས་ཡེ་ཤེས་སེམས་དཔའ་བཀུག་ལ་བྱང་ཆུབ་མཆོག་གི་ཕྱག་རྒྱ་བཅིངས་ལ།
[112b.5]ཨོཾ་ཨེ་ཧྱེ་ཧི་བྷ་ག་བཱན་ནེ་ཧ་བཱཀྟེ་ཛ་#ས་མ་ཡེ་ན་ཙ་ཨརྒྷཾ་ཏོ། །སཾ་པྲ་ཏཱིཙྪ་སྭ་པཱུ་#ཛཾ་ཙ་པེ་པྲ་སིདྡྷ་#མི་འདིས་ལྷོ་ཕྱོགས་སུ་བལྟས་ཏེ། བཛྲ་དྷཱ་ཏུ་སྭཱ་ཧཱ་ཞེས་བྱ་བས། ཞབས་བསིལ་དང་། ཨརྒྷ་ཕུལ་ནས་ལཱ་སྱེ་#ལ་སོགས་པས་མཆོད་ཅིང་རྡོ་རྗེ་བསྡམས་པས་ལྕགས་ཀྱུ་དང་ཞགས་པ་དང་
[112b.6]ལྕགས་སྒྲོག་དང་དྲིལ་བུ་རྣམས་ཀྱིས་དགུག་པ་དང་གཞུག་པ་དང་བཅིང་བ་དང་དབང་དུ་བྱའོ། །ཛཿཧཱུཾ་བཾ་ཧོཿ#ས་མ་ཡ་སྟྭཾ་ས་མ་ཡ་ཧོཿ#ཞེས་བྱ་བས་མེ་ལྷའི་ཞལ་ནས་དམ་ཚིག་སེམས་དཔའ་ལ་རྣམ་པ་ཐམས་ཅད་དུ་འཇུག་པར་བྱའོ། །དེ་ནས་ཨོཾ་ཧྲི་ཧཱུཾ་ཞེས་བྱ་བ་ཡི་གེ་གསུམ་གྱིས་དཀར་པོ་
[112b.7]དང་སེར་པོ་དང་ནག་པོས་མགོ་བོ་ལ་སོགས་པ་བྱིན་གྱིས་བརླབས་ལ། རྡོ་རྗེ་དབྱིངས་ཀྱི་དབང་ཕྱུག་མ་ལ་སོགས་པའི་ཕྱག་རྒྱས་དབང་བསྐུར་ལ་སྔ་མ་བཞིན་དུ་ཁྲུས་བྱས་ནས་དར་དཔྱངས་དང་མེ་ཏོག་གི་ཕྲེང་བ་བཅིངས་ལ། ཡེ་ཤེས་སེམས་དཔའི་སྙིང་གར་རང་གི་ཕྱག་མཚན་རྡོ་རྗེའི་
[113a]
[113a.1]ཆང་གཟུངས་#ལ་རང་གི་ཆོས་ཀྱི་ཡི་གེ་དཀྱིལ་འཁོར་པའི་ལྷ་མ་ལུས་པའི་ངོ་བོར་#བལྟས་ལ། ཡང་ཨརྒྷཾ་དབུལ་ཞིང་སྔ་མ་བཞིན་དུ་སྦྱིན་སྲེག་གི་ཡོ་བྱད་ཐམས་ཅད་བསང་གཏོར་བྱས་ལ། དེ་བཞིན་དུ་དགང་གཟར་བླངས་ལ་ཇི་སྙེད་པའི་དགང་བླུགས་མེ་ལྷ་དེའི་ཞལ་དུ་#དབུལ་
[113a.2]ལོ། །དེ་ནས་བླུགས་གཟར་གྱིས་#བརྒྱ་རྩ་བརྒྱད་དམ་དེའི་ཕྱེད་དམ། སྦྱིན་སྲེག་བྱས་ནས་དགང་བླུགས་དབུལ་ཏེ། སྤོས་གཏུལ་བ་དང་དྲིལ་བུའི་སྒྲ་དང་ལྷན་ཅིག་ཡི་གེ་བརྒྱ་པ་ལན་གསུམ་མམ་#ལན་ཅིག་བརྗོད་ལ་ལྷག་མ་སྦྱིན་སྲེག་གི་ཡོ་བྱད་སྔ་མ་བཞིན་དུ་སྔགས་འདིས་དབུལ་
[113a.3]བར་བྱའོ། །ཨོཾ་བཛྲ་དྷཱ་ཏུ་ར་ཨ་#མོ་ཀ་སྱ་ཤཱནྟིཾ་ཀུ་རུ་སྭཱ་ཧཱ། ཡང་ན་ཛི་ན་ཛི་ཀ་ཅེས་བྱ་བས་སོ། །དེ་བཞིན་དུ་རྒྱས་པ་ལ་སོགས་པ་ལ#་ཡང་ངོ་། །དྲི་བཟང་གི་#མེ་ཏོག་ནི་ཚོགས་གང་ཡང་རུང་བ་དེ་དག་ཐམས་ཅད་དང་དེ་བཞིན་དུ་བདག་ཉིད་ཀྱི་ཁ་ཟས་ལ་སོགས་པ་ཕུན་སུམ་ཚོགས་པའི་
[113a.4]ཕྱིར་བསྲེག་པར་བྱའོ། །ཇི་ལྟར་མངོན་པར་འདོད་པའི་སྦྱིན་སྲེག་བྱས་ལ་མཐར་ཨོཾ་ཨཱཿཧཱུཾ་ཧྲཱིཿཞེས་བྱ་བས་དེ་བཞིན་གཤེགས་པ་ཐམས་ཅད་ཀྱི་སྙིང་པོ་གསུམ་མམ་བདུན་ནམ་ཉི་ཤུ་རྩ་གཅིག་མར་གྱི་དགང་བླུགས་ཀྱིས་སྦར་དུ་བཅུག་ལ་ཞབས་བསིལ་དང་ཨརྒྷཾ་དང་འཐོར་
[113a.5]འཐུང་དང་དྲིལ་བུ་དཀྲོལ་བ་སྔོན་དུ་འགྲོ་བས་བྱིན་ཏེ་མཐར་དགང་བླུགས་ཕུལ་ནས། ཡང་ཨརྒྷཾ་ལ་སོགས་པ་ཕུལ་ནས་མཆོད་ཅིང་བསྟོད་ལ་མངོན་པར་འདོད་པའི་དོན་བསྒྲུབ་པའི་ཕྱིར་ཞུས་ལ་བཟོད་པར་གསོལ་ཏེ#། སེམས་མ་རྡོ་རྗེ་མའི་ཕྱག་རྒྱ་བཅིངས་ནས་མུ་ཞེས་བྱ་བས་
[113a.6]གྱེན་དུ་དཀྲོལ་#བར་བྱའོ། །ཁྱོད་ཀྱིས་སེམས་ཅན་དོན་ཀུན་མཛད། །ཇི་ལྟར་མཐུན་པའི་དངོས་གྲུབ་སྩོལ#། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་སེམས་ཅན་དོན་ལ་གཤེགས། །ཞེས་བྱ་བས། ཡེ་ཤེས་སེམས་དཔའ་གཤེགས་སུ་གསོལ་བ་སྤྲུལ་པ་ནི་མེའི་
[113a.7]ནང་དུ་ཆོས་ཀྱི་དབྱིངས་སུ་གྱུར་པ་ལ་ཐིམ་ནས་སླར་ཡང་མཆོད་ཡོན་ལ་སོགས་པ་ཕུལ་ཏེ་ལྷག་མ་སྦྱིན་སྲེག་གི་ཡོ་བྱད་དབུལ་ལོ། །སྦྱིན་སྲེག་གི་མཐར་སློབ་མ་ལ་བརྟེན་ཏེ་དགང་བླུགས་ཕུལ་ནས། ཞབས་བསིལ་དང་ཨརྒྷ་དང་མཆོད་ཡོན་བྱིན་ཏེ། སློབ་མའི་མངོན་པར་འདོད་
[113b]
[113b.1]པའི་དངོས་གྲུབ་ལ་གསོལ་བ་གདབ་པར་བྱའོ། །མེ་ལྷ་ཁྱོད་ནི་གཤེགས་པར་མཛོད། །ལྷ་ཡི་དྲང་སྲོང་བྲམ་ཟེ་མཆོག །བདག་གི་དོན་དང་གཞན་གྱི་དོན། །བྱིན་ཟ་#ཁྱོད་ཀྱིས་བསྒྲུབས་ཏེ་གཤེགས། །སྤྱན་འདྲེན་པའི་ཕྱག་རྒྱའི་མཐེ་བོང་འགྲོལ་#བའི་ཚུལ་གྱིས་མེ་ལྷ་གཤེགས་
[113b.2]སུ་གསོལ་ནས་འབར་བའི་ངོ་བོར་བལྟས་ཏེ། རང་གི་ཡི་དམ་གྱི་ལྷའི་ང་རྒྱལ་གྱིས་ཕྱོགས་སྐྱོང་ལ་གཏོར་མ་སྦྱིན་པར་བྱ་སྟེ། རང་གི་ཆོས་ཀྱི་ཡི་གེ་ཡོངས་སུ་གྱུར་པ་ལས་ལྷའི་དབང་པོ་ལ་སོགས་པ་ཕྱོགས་སྐྱོང་ཁ་དོག་དང་དབྱིབས་ཇི་ལྟར་བཤད་པ་དང་ལྡན་པ། ཕྱོགས་བཅུ་ལ་འཁོར་
[113b.3]དང་བཅས་པ་བསམས་ཏེ། སྣོད་བཅུད་བཟའ་བ་དང་ཆང་དང་ཤ་ལ་སོགས་པས་བཀང་བ#། ཆུའི་མཎྜལ་ལ་བཞག་ནས་མཆོད་པ་རྣམ་པ་ལྔ་ཡིས་མཆོད་ཅིང་སྤོས་གཏུལ་བ་དང་དྲིལ་བུ་དཀྲོལ་བས་#དེ་རྣམས་བཀུག་ལ་སྔོན་དུ་བྱས་ཏེ། གཡས་བརྐྱང་#བས་འཇིགས་པ་མེད་པའི་སེམས་
[113b.4]དང་ལྡན་པས་སྔགས་འདི་རྣམས་ཀྱིས་གཏོར་མ་གཏང་#ངོ་། །ཨོཾ་ཨིནྡྲཱ་#ཡ་སྭཱ་ཧཱ་ལྷའི་དབང་པོའིའོ། ཨོཾ་ཝེ་ཝཱ་ས་ཏྭཱ་#ཡ་སྭཱ་ཧཱ་གཤིན་རྗེའོ། །ཨོཾ་ཨ་བཾ་པ་ཏ་ཡེ་སྭཱ་ཧཱ་ཆུ་ལྷའིའོ། །ཨོ་དཀྵ་#ཎ་ཝེརྱ་དཱ་རེ་སྭཱ་ཧཱ་རྣམ་ཐོས་སྲས་ཀྱིའོ། །ཨོཾ་ཨགྣ་ཡེ་སྭཱ་ཧཱ་མེ་ལྷའིའོ#། །ཨོཾ་རཱ་ཀྵ་#པ་ཏ་ཡེ་སྭཱ་ཧཱ་
[113b.5]བདེན་བྲལ་གྱིའོ། །ཨོཾ་ཝཱ་ཡ་ཝེ་#སྭཱ་ཧཱ་རླུང་ལྷ་འིའོ། །ཨོཾ་རུ་དྲཱ་#ཡ་སྭཱ་ཧཱ་དབང་ལྡན་གྱིའོ། །ཨོཾ་བྲཧྨ་ནི་སྭཱ་ཧཱ། ཨོཾ་སཱུརྱ་གྲ་ཧཱ་དྷི་#པ་ཏ་ཡེ་སྭཱ་ཧཱ། ཨོཾ་ཙནྡྲ་#ན་ཀྵ་ཏྲ་དེ་བི་#ཏ་ཡེ་སྭཱ་ཧཱ་སྟེང་དུའོ། །ཨོཾ་[པྲྀ]་[ཐྭཱྀ]་#སྭཱ་ཧཱ། ཨོཾ་སྭ་རེ་བྷྱཿ#སྭཱ་ཧཱ། ཨོཾ་ནཱ་གི་ནི་བྷྱཿ#སྭཱ་ཧཱ་འོག་ཏུའོ། །#དེའི་འོག་ཏུ་སྔགས་འདི་རྣམས་ཀྱིས་
[113b.6]རང་རང་གི་ཕྱོགས་དང་མཚམས་#སུ་ཉེ་བའི་སྒྲུབ་པ་པོ་བདུད་རྩི་འཁྱིལ་པའི་སྔགས་བཟླས་པའི་སྒྲུབ་པ་པོས་གཏོར་མའི་སྣོད་ཤིང་གཅིག་ལ་སོགས་པ་ལ་གཏོར་བར་བྱའོ། །བློ་ལྡན་གང་ཞིག་གཏོར་མ་གཏང་#། །བདུད་རྩི་འཁྱིལ་པའི་སྔགས་ཀྱིས་#ནི། །དེ་ལ་བསང་གཏོར་བྱ་བ་སྟེ། །
[113b.7]གཞན་དུ་ན་དེ་དེ་སྤྱོད་འགྱུར། །ཞེས་འབྱུང་ངོ་། །དེའི་འོག་ཏུ་ལྷ་ཁང་ལ་སོགས་པའི་བསྲུང་#བ་ནག་པོ་ཆེན་པོ་གདོང་བཞི་ལག་པ་བརྒྱད་པ་ཁ་དོག་དམར་པོ་དང་ནག་པོ་དང་དཀར་པོ་དང་ལྗང་གུའི་གདོང་ཡོད་པ། ཐོད་པ་དང་ཁ་ཊྭཱཾ་#ག་དང་རྒྱུད་མངས་དང་མདུང་#དང་། རལ་གྲི་དང་དབྱིག་
[114a]
[114a.1]པ་དང་གླང་པོའི་པགས་པ་བསྣམས་པ། གཡོན་བརྐྱང་བས་མི་མགོ་གཉིས་ལ་གནས་པ་ཀུ་ཅོ་ཆེན་པོ་དང་བཅས་པའི་མཁའ་འགྲོ་མའི་ཚོགས་ཀྱིས་ཡོངས་སུ་བསྐོར་བ། མཆེ་བ་རྣམ་པར་#གཙིགས་པ་བསྒོམས་ཏེ་སྐུ་ལ་སོགས་པ་བྱིན་གྱིས་བརླབ་པ་#དང་ཡེ་ཤེས་སེམས་
[114a.2]དཔའ་ཏིང་ངེ་འཛིན་སེམས་དཔའ་བྱིན་གྱིས་བརླབ་པ་#མངོན་དུ་བྱས་ཏེ་ཚད་ཆེན་པོ་བུམ་པ་གཅིག་ཆུས་བཀང་བ། ཨོ་ལོ་པི་ལ་ལ་སོགས་པ་བཟའ་བ་དང་#བཏུང་བ་དང་མྱང་བ་དང་འཇིབ་པ་དང་ཐུབ་པ་དང་། བྱིས་པའི་རྩེད་#མོ་དང་། མྱོས་པ་དང་ཆང་དང་། བེ་ནེ་དང་དར་ནག་པོ་དང་སྒོག་སྐྱའི་དབྱེ་བ་
[114a.3]དང་ཙམ་#པོ་ལི་དང་ཤ་ཀོ་ལི་ལ་སོགས་པས་བཀང་བར་བྱ་སྟེ། དྲིལ་བུའི་སྒྲ་དང་སྤོས་གཏུལ་བས་བཀུག་ལ་སྔགས་འདིས་དབུལ་#ལོ། །ཨོཾ་མ་ཧཱ་ཀཱ་ལཀྵེ་ཏྲ་པཱ་ལ་སརྦ་དུཥྚྭཱ་ཌཱ་ཀི་ནཱཾ་བ་ལིཾ་#པྲ་ཏཱིཙྪ་ས་མ་ཡ་མ་ནུ་སྨ་ར་ཡ་ཧཱུཾ་ཕཊ་སྭཱ་ཧཱ་ཞེས་བྱ་བ་འདིས་#དུར་ཁྲོད་ལ་གཏོར་བར་བྱའོ། །དེ་བཞིན་དུ་མེ་གཙོ་
[114a.4]བོར་གྱུར་པ་གནོད་སྦྱིན་དང་སྲིན་པོ་དང་འབྱུང་པོ་དང་ཡི་དགས་དང་། ཤ་ཟ་དང་སྨྱོ་#བྱེད་དང་བརྗེད་བྱེད་དང་།# མཁའ་འགྲོ་ལ་སོགས་པ་#རང་རང་གི་ཆོས་ཀྱི་ཡི་གེ་ཡོངས་སུ་གྱུར་པ་ལས་བྱུང་བ་དབྱིབས་འགྱུར་བ་རྣམ་པ་སྣ་ཚོགས་པའི་མཚོན་ཆ་འཛིན་པ་བསམས་ཏེ། དེ་བཞིན་དུ་བཀུག་ལ་མངོན་དུ་
[114a.5]བྱས་ཏེ། སྔ་མ་བཞིན་དུ་སྣོད་གཅིག་རྫས་ཐམས་ཅད་ཀྱིས་བཀང་བར་བྱས་ལ། མཆོད་པ་རྣམ་པ་ལྔ་ཡིས་མཆོད་ཅིང་དྲིལ་བུའི་སྒྲ་དང་སྤོས་ཀྱིས་#བཀུག་ལ་སྔགས་འདིས་གཏོར་མ་གཏང་#ངོ་། །ཨོཾ་ཨགྣ་ཡེ་སརྦ་བྷཱུ་#ཏཱ་དྷི་པ་ཏ་ཡེ་སྭཱ་ཧཱ་ཞེས་བྱ་བ་བརྗོད་ནས། གཞི་#མདོ་ལ་སོགས་པར་གཏོར་མ་
[114a.6]གཏང་#ངོ་། །དེ་ནས་གྲེ་དུ་ཝ་ཞེས་བྱ་བ་ལ་སོགས་པས་གཤེགས་སུ་གསོལ་ཏེ། རྗེ་བཙུན་མའི་#ཡི་གེ་བརྒྱ་#པ་ལན་བདུན་བརྗོད་ནས་ལངས་ཏེ། ཨོཾ་བཛྲ་ཀཱི་ལ་#ཡ་ཞེས་བྱ་བས་ཕུར་བུ་དང་མདའ་རྣམས་བཏོན་ཏེ། ལས་ཐམས་ཅད་པའི་ཆུ་འོ་མ་དང་བཅས་པས་སྤྱན་མའི་སྔགས་བཟླས་བཞིན་
[114a.7]པས་མདའ་རྣམས་བཙུགས་#ལ་བསྐོར་བ་གསུམ་བྱས་ཏེ། གར་དང་གླུ་ལ་སོགས་པ་སྔོན་དུ་འགྲོ་བས་ཇི་ལྟར་བདེ་བར་གནས་པར་བྱའོ། །གལ་ཏེ་ཡིད་བཞིན་གྱི་ནོར་བུ་དང་དཔག་བསམ་གྱི་ཤིང་དང་བུམ་པ་བཟང་པོ་དང་རལ་གྲི་དང་རྡོ་རྗེ་དང་རྐང་མགྱོགས་དང་མིག་སྨན་དང་ཚངས་པའི་སྐུད་པ་དང་
[114b]
[114b.1]ཁམས་སྦྱར་བ་དང་#བཅུད་ཀྱིས་ལེན་པ་ལ་སོགས་པའི་དངོས་གྲུབ་ཆེན་པོ་བསྒྲུབ་པའི་ཕྱིར་སྔགས་ལ་ཚིམ་པ་དང་སྦར་བ་དང་གསོལ་བ་ནི་ཆོ་ག་འདིས་བྱས་ནས་ཕྱི་#ནས་ཐམས་ཅད་བསྒྲུབ་པར་བྱའོ། །དེའི་རིམ་པ་ནི་རྒྱ་མཚོ་ལ་རྒྱུ་བའི་གཙང་པོའི་གམ་དུ་ཕྱིན་ནས། དེའི་འགྲམ་གཉིས་ཀྱིས་
[114b.2]བླངས་ནས་མ་འདྲེས་པར་བརྡུངས་ཏེ་ཨ་ཀ་རུ་དང་ཙནྡན་དང་པདྨ་གེ་སར་གྱི་ཕྱེ་མ་དང་འདྲེས་པས་གོང་བུ་བྱས་ཏེ་པདྨའི་སྣལ་མས་བཅིངས་ལ་ག་པུར་དང་སྤོས་ཀྱིས་བདུགས་ལ་ཉིན་ཞག་གཅིག་ཏུ་མར་དང་སྦྲང་རྩིས་བཀང་བའི་སྣོད་ལ་གཞག་སྟེ་ཕྱི་ནས་ཞག་གསུམ་གྱི་བར་དུ་#དྲི་ཆུ་དཀར་པོའི་འཇམ་གྱི་#
[114b.3]རྒྱུན་གྱིས་སྔགས་འདིས་དབང་བསྐུར་བར་བྱའོ། །ཨོཾ་སརྦ་དེ་བ་དེ་བྱ་མུཏྟ་#རེ་སྭཱ་ཧཱ། ཨོཾ་ཧཱུཾ་ཕཊ་ནེ་སྭཱ་ཧཱ་རིམ་པ་ཇི་ལྟར་བཞུ་བ་དེ་བཞིན་དུ་དེའི་ཚེ་རྒྱ་མཚོ་ལ་རྒྱུ་བའི་གཙང་པོར་ཕྱིན་ནས་བསྐྱལ་བར་བྱའོ། །དེ་ལྟར་སྔགས་ཀྱིས་#ལྷ་ཚིམ་པས་མྱུར་དུ་དངོས་གྲུབ་སྟེར་བར་འགྱུར་རོ། །བླུགས་གཟར་
[114b.4]གྱིས་ཀྱང་མར་གྱི་དགང་བླུགས་སྟོང་གིས་སྦར་བ་དང་གསལ་བ་ཨོཾ་ཧྲི་ཞེས་སྔགས་ཀྱིས་#བྱའོ། །དེ་ལྟར་ཚིམ་པ་དང་དབུལ་བའི་རིམ་གྱིས་ཐམས་ཅད་འགྲུབ་པར་འགྱུར་རོ། །དེ་ནས་ཕྱིའི་#སྦྱིན་སྲེག་གི་ཆོ་ག་བསྟན་ཏོ། །དེ་ཉིད་བསྟན་པའི་ཕྱིར་སྦྱིན་སྲེག་བྱ་ཞེས་པ་ནི་ཕྱིའི་སྦྱིན་སྲེག་བྱ་བའོ། །
[114b.5]འཇིག་རྟེན་པ་དང་འཇིག་རྟེན་ལས་འདས་པའི་དངོས་གྲུབ་འདོད་པ་ནི་ཞི་བ་ལ་སོགས་པ་དང་སངས་རྒྱས་ཉིད་འདོད་པའོ། །སྔགས་པའོ་ཞེས་པ་ནི་སྦྱིན་སྲེག་གི་ཆོ་ག་ལ་མཁས་པའི་རྡོ་རྗེ་སློབ་དཔོན་ནོ། །གཉི་གའི་རྒྱུད་ནི་རྣལ་འབྱོར་དང་རྣལ་འབྱོར་ཆེན་པོའི་རྒྱུད་དོ། །དེ་ལས་གསུངས་པའི་ཆོ་
[114b.6]ག་ནི་རིམ་པ་ཇི་ལྟར་སྔར་བཤད་པའོ། །དེ་ཡན་ཆད་ཀྱིས་ཕྱིའི་སྦྱིན་སྲེག་བཤད་དོ། །ནང་གི་ཞེས་བྱ་བ་ནས་གོ་སླ་སྟེ་ཞེས་པའི་བར་#དུ་ནི་ཇི་ལྟར་བཏུང་བ་དང་བཟའ་བ་ཇི་ལྟར་རྙེད་པ་བདུད་རྩི་ལྔའི་ཚོགས་ལེགས་པར་སྦྱངས་ལ་ལག་པ་དང་མགྲིན་པ་སྦྱངས་ཤིང་ཡེ་ཤེས་སེམས་དཔའི་མེ་ལྷ་
[114b.7]བསྲེག་པར་བྱ་བ་དང་། དེ་བཞིན་དུ་ཚོགས་ཀྱི་འཁོར་ལོའི་མཐར་ལྷག་མ་ཐམས་ཅད་བསྡུས་ལ། དབང་པོ་གཉིས་དང་སྙོམས་པར་ཞུགས་པ་སྔོན་དུ་འགྲོ་བའི་ལས་ཀྱི་དབྱེ་བས། དཀར་པོ་ལ་སོགས་པའི་ཁ་དོག་གི་རྣམ་པ་ཅན་གྱི་མེ་ཐབ་ཀྱི་ནང་དུ་ཤིན་ཏུ་སྦར་བའི་མེའི་#ལྷའི་ཞལ་ནས་ཡེ་ཤེས་
[115a]
[115a.1]ཀྱི་མེ་ལྷ་སྦྱིན་པར་བྱའོ་ཞེས་བསྟན་ཏོ། །དེ་ནི་ནང་གི་སྦྱིན་སྲེག་གོ། །གཞན་ཡང་དངོས་པོ་མེད་པའི་ནང་གི་མཚན་ཉིད་ཀྱི་སྦྱིན་སྲེག་ཡིན་ཏེ། ཇི་སྐད་དུ། ནང་གི་སྦྱིན་སྲེག་ལས་ནི་རྣམ་པར་རྟོག་པའི་ཚོགས། །སྲེག་པར་བྱེད་དེ་ཐུབ་དབང་ཟླ་བས་གསུངས། །
[115a.2]བགེགས་དང་དངོས་གྲུབ་#རྣམ་པར་རྟོག་པ་ཙམ། །གཉིས་མེད་དེ་ཉིད་རྣམ་པར་རྟོག་པས་སྟོང་། །ཐམས་ཅད་སྟོང་པའི་བདག་ཉིད་དེ་ཐབ་ཅེས་#བྱ་བ། །པདྨ་རྡོ་རྗེ་དང་ལྡན་དངོས་པོ་ཐམས་ཅད་བུད་ཤིང་གིས་ཕྱུག་པ། །ནམ་མཁའི་དཀྱིལ་བཞིན་དྲི་མེད་རྒྱ་ཆེན་རྟོག་པ་ཙམ་#ནི་འབྲུ་དང་ལྡན། །
[115a.3]ཤེས་རབ་མེ་ཡིས་ཤིན་ཏུ་འབར་ཞིང་ཉོན་མོངས་སྡིག་པ་རབ་ཏུ་ཞི། །སྲས་བཅས་བདེ་གཤེགས་ཡུམ་གྱི་གཟི་བརྗིད་འབར་བས་རབ་ཏུ་ཁྱབ། །ཁམས་གསུམ་སྲིད་པའི་ཐབ་ལ་འདུ་བྱེད་ཐམས་ཅད་བསྲེག་བྱ་ཡིན། །ངན་སོང་ལམ་ལ་ངེས་སྦྱར་#ཕུང་པོ་ཁམས་སོགས་བུད་ཤིང་རྣམས་
[115a.4]ཀྱིས་ནི། །རྟོག་པ་ཐམས་ཅད་ལས་གྲོལ་ཞི་བའི་ལས་ནི་གྱིས། །དེ་བཞིན་དུ་དཔལ་སངས་རྒྱས་ཡེ་ཤེས་ཞབས་ཀྱིས་ཀྱང་། ཕྱི་ཡི་སྦྱིན་སྲེག་ཆོ་ག་རྟོགས་#བྱ་བ། །ཡིད་ཀྱིས་#བྱས་པ་ནང་གི་བདག་ཉིད་དེ། །ཕུང་པོ་ལ་སོགས་བུད་ཤིང་སྲེག་བྱེད་པ#། །ཡེ་ཤེས་འབར་བ་བླ་ན་མེད་པར་
[115a.5]བཤད། །ཅེས་འབྱུང་ངོ་། །སྒྲ་ཇི་བཞིན་མ་ཡིན་པར་བཤད་པའོ་ཞེས་པ་ནི་འཇིག་རྟེན་དང་བསྟན་བཅོས་ལས་ཕྱི་རོལ་དུ་བྱས་པའི་སྒྲའི་སྒོ་ནས་ནང་གི་སྦྱིན་སྲེག་གི་བརྡ་བསྟན་པའི་ཕྱིར་རོ། །རྣམ་པར་སྣང་མཛད་ཅེས་བྱ་བ་ནས་དེར་འཇུག་པར་བྱའོ་ཞེས་བྱ་བའི་བར་དུ་ནི་རྡོ་རྗེ་འཆང་ཆེན་པོ་
[115a.6]ཡོངས་སུ་གྱུར་པ་ལས་བདག་#ཞེ་སྡང་རྡོ་རྗེ་ཉིད་བསྒོམས་ལ་མདུན་དུ་ཡི་གེ་གསུམ་ཡོངས་སུ་གྱུར་པ་ལས་འོད་དཔག་ཏུ་མེད་པའི་རྣམ་པ་ཅན་ཁ་དོག་དམར་པོ་སློབ་མས་བསྒོམས་ལ། དེའི་ཡན་ལག་ཐམས་ཅད་ལ་#ཡི་གེ་ཨ་བཀོད་ནས་མགོ་བོ་དང་ལྐོག་མ་དང་སྙིང་ག་དང་རྐང་པའི་འོག་
[115a.7]ཏུ་ཡི་གེ་ཧཱུཾ་ཛྷཻཾ་བཀོད་ལ། ཡང་ཡི་གེ་ཛྷཻཾ་#ལས་འོད་ཟེར་གྱི་ཚོགས་རྐང་པའི་#ཁོང་སྟོང་ནས་ཞུགས་པས་#ཡི་གེ་ཧཱུཾ་ལ་སོགས་པ་ཡོངས་སུ་གྱུར་པ་ལས་བསྐྱེད་པའི་མི་བསྐྱོད་པ་ལ་སོགས་པ་བསྐུལ་ཞིང་མགུལ་བ་ལ་སོགས་པ་གསུམ་པོ་ཉེ་བར་མཚོན་ནས། དེའི་#ལྕེ་ལ་ཨ་བཀོད་པ་#ལས་
[115b]
[115b.1]བྱུང་བའི་འོད་དཔག་ཏུ་མེད་པ་བསྒོམས་ཏེ། རྡོ་རྗེ་སྨྲོས་ཤིག་ཅེས་དྲིས་ནས་དེའི་ངག་ནས་#འདས་པ་ལ་སོགས་པ་ཤེས་ནས་མི་བསྐྱོད་པ་ལ་སོགས་པ་ལ་གཤེགས་སུ་གསོལ་བར་བྱས་ཏེ་སྲུང་བའི་འཁོར་ལོས་སྣོད་བསྲུང་བར་བྱའོ་ཞེས་བསྟན་ཏོ། །འདི་#ནི་ཞེས་བྱ་བ་ནས་སྔགས་ཀྱི་རྡོ་རྗེ་ནི་འདི་ཡིན་
[115b.2]ནོ་ཞེས་པའི་བར་དུ་ནི་དཀྱིལ་འཁོར་དུ་འཇུག་པ་ལས་#སྔོན་དུ་དཀྱིལ་འཁོར་གྱི་སྒོ་ལ་གནས་པ་གོས་དམར་པོས་མིག་ལ་#བཀབ་པའི་སློབ་མ་ཡི་གེ་ལྔ་པའི་སྔགས་ཀྱིས་དཀྱིལ་འཁོར་དུ་གཞུག་#སྟེ། དེ་ནས་སྔར་བཤད་པའི་རྡོ་རྗེ་དབབ་པར་བྱའོ་ཞེས་བསྟན་ཏོ། །དེ་ལ་ཞེས་བྱ་བ་
[115b.3]ནས་བསྟིམ་པར་བྱའོ་ཞེས་པའི་བར་དུ་ནི་རྡོ་རྗེ་#སློབ་དཔོན་གྱིས་#སློབ་མ་ལ་དབང་བསྐུར་བའི་དོན་དུ་དཀྱིལ་འཁོར་བྲིས་ལ་ནམ་མཁའ་ལ་བཞུགས་པའི་དེ་བཞིན་གཤེགས་པ་རྣམས་གཟུགས་རྡོ་རྗེ་མ་ལ་སོགས་པས་མཆོད་ཅིང་དེ་རྣམས་བཀུག་ནས་དཀྱིལ་འཁོར་ལ་བསྟིམ་པར་
[115b.4]བྱའོ་ཞེས་བསྟན་ཏོ། །རྡོ་རྗེ་སྐུ་གསུམ་ཞེས་བྱ་བ་ནས་དགོད་པར་བྱའོ་ཞེས་བྱ་བའི་བར་དུ་ནི་རིག་པའི་དབང་བསྐུར་བའི་དུས་སུ་#ཐབས་དང་ཤེས་རབ་སྙོམས་པར་ཞུགས་པ་ལས་བྱུང་བའི་བྱང་ཆུབ་ཀྱི་སེམས་ཀྱི་ཐིག་ལེ་འོད་ཟེར་གྱི་ཚོགས་ཀྱིས་བསྐུལ་བའི་དེ་བཞིན་གཤེགས་པ་
[115b.5]དང་། དེ་བཞིན་དུ་ཡེ་ཤེས་ཀྱི་ཆུས་གང་བའི་བུམ་པ་བསྣམས་པ་སྤྱན་ལ་#སོགས་པ་རྡོ་རྗེ་སེམས་དཔའི་ཏིང་ངེ་འཛིན་ལ་གནས་པའི་རྡོ་རྗེ་སློབ་དཔོན་གྱིས་བསྒོམས་ལ། དེ་རྣམས་ཀྱིས་སློབ་མ་དབང་བསྐུར་ཏེ་དེའི་བ་སྤུའི་བུ་གའི་སྒོ་ནས་དེ་རྣམས་བཅུག་ལ་དེ་བཞིན་གཤེགས་པ་
[115b.6]ཐམས་ཅད་ཀྱི་ངོ་བོར་བྱའོ་ཞེས་བསྟན་ཏོ། །དེ་ལྟར་ཞེས་བྱ་བ་ནས་སློབ་མས་དབུགས་དབྱུང་བར་བྱའོ་ཞེས་པའི་བར་དུ་ནི་རིག་པའི་དབང་བསྐུར་སྦྱིན་པའི་ཕྱིར་རམ། ཕྱིར་མི་ལྡོག་པའི་དབང་སྦྱིན་པའི་དོན་དུ་ཁམས་གསུམ་པའི་ཆོས་ཀྱི་རྒྱལ་སྲིད་ལ་རབ་ཏུ་གཞག་#པར་བྱེད་པ། མི་
[115b.7]ཕྱེད་པ་རྡོ་རྗེ་འཆང་ཆེན་པོའི་རང་བཞིན་དབང་བསྐུར་ཁྱོད་ལ་སྦྱིན་ན་དེ་ནས་ཁྱོད་ཀྱིས་ཇི་ལྟ་བ་བཞིན་དུ་ནན་ཏན་བྱའོ་ཞེས་བསྟན་ཏོ། །དེ་ལ་ཞེས་བྱ་བ་ནས་བླ་མས་དབང་བསྐུར་#སྦྱིན་པར་བྱའོ་ཞེས་པའི་བར་དུ་ནི་ཇི་ལྟར་བཅོམ་ལྡན་འདས་རྡོ་རྗེ་འཆང་ཆེན་པོས་མི་བསྐྱོད་པ་ལ་སོགས་པ་
[116a]
[116a.1]ལ་དབང་བསྐུར་བ་དེ་བཞིན་དུ་ཤིན་ཏུ་བསྒྲལ་བར་དཀའ་བའི་འཁོར་བའི་རྒྱ་མཚོ་ལས་བསྒྲལ་བའི་དོན་དུ་བཅོམ་ལྡན་འདས་རྡོ་རྗེ་བླ་མ་དེ་བཞིན་དུ་བདག་ལ་ཡང་སྩོལ་ལོ་ཞེས་རྡོ་རྗེ་སློབ་མས་བླ་མ་ལ་གསོལ་བ་གདབ་པར་བྱ་བ་དང་དེ་བཞིན་དུ་དེ་དང་འདྲ་བའི་ཞུ་བས་
[116a.2]མགུ་བའི་རྡོ་རྗེ་སློབ་དཔོན་གྱིས། ཕྱིར་མི་ལྡོག་པའི་དབང་དེ་ལ་སྦྱིན་པར་བྱའོ་ཞེས་བསྟན་ཏོ། །ལྷའི་གཟུགས་ཞེས་བྱ་བ་ནས་དགོད་པར་བྱའོ་ཞེས་པའི་བར་དུ་ནི་ཕྱིར་མི་ལྡོག་པའི་དབང་བསྐུར་གྱི་མཐར་ནམ་མཁའི་ཁམས་ན་བཞུགས་པའི་དེ་བཞིན་གཤེགས་པ་ལ་སོགས་པ་
[116a.3]གང་གིས་སློབ་མ་དབང་བསྐུར་བ་དེ་རྣམས་གཅིག་ཏུ་བསྡུས་ཏེ་འོད་ཟེར་གྱི་ཚོགས་ཀྱི་ཚུལ་དུ་ཚངས་པའི་སྒོ་ནས་འཇུག་ཅིང་སྐུའི་དཀྱིལ་འཁོར་ཁྱབ་ནས་གནས་པ་བསྒོམས་ལ། དེའི་སྙིང་གའི་པདྨར་ལྷག་པར་མོས་པའི་དབང་གིས་ཡི་དམ་གྱི་ལྷ་དགོད་པར་བྱའོ་ཞེས་བསྟན་
[116a.4]ཏོ། །དེ་ལྟར་ཞེས་བྱ་བ་ནས་ཞེས་ཀྱང་གསུངས་#ཞེས་པའི་བར་དུ་ནི་སྣང་བར་གྱུར་པའི་ཤེས་རབ་དང་ལྡན་པའི་སློབ་མ་ལ་#དཀྱིལ་འཁོར་གྱི་དེ་ཁོ་ན་ཉིད་དང་། །ལྷའི་དེ་ཁོ་ན་ཉིད་དང་། ལེའུ་ལྔ་པ་ལས་གསུངས་པའི་དམ་ཚིག་ལྔ་སྦྱིན་པར་བྱའོ་ཞེས་བསྟན་ཏོ། །སྔགས་ཀྱིས་#
[116a.5]ཞེས་བྱ་བ་ནས་ལྷའི་རྣལ་འབྱོར་བྱིན་ལ་ཞེས་པའི་བར་དུ་ནི་སློབ་མས་ཞུས་པའི་བླ་མས། དེའི་མོས་པ་སྤྱད་#ཅིང་དྲིས་ལ་དེ་དང་རྗེས་སུ་མཐུན་པའི་སྔགས་དང་དེའི་བརྗོད་པར་བྱ་བར་འགྱུར་བའི་ལྷའི་#ཏིང་ངེ་འཛིན་ལ་སྦྱིན་པར་བྱའོ་ཞེས་བསྟན་ཏོ། །གསང་བ་ཞེས་བྱ་བ་ནས་རྙེད་པར་མི་
[116a.6]དཀའ་བའོ་ཞེས་བྱ་བའི་#བར་དུ་ནི་མཆོད་པ་སྔོན་དུ་འགྲོ་བར་གསོལ་བ་གདབ་སྟེ། སློབ་མས་བླ་མ་ལ་ཕྱག་རྒྱ་དབུལ་བར་བྱ་བ་དང་། དེས་ཀྱང་སྙོམས་པར་ཞུགས་པའི་རིམ་གྱིས་སངས་རྒྱས་ཐམས་ཅད་བཀུག་ལ། ངག་གི་ལམ་ནས་ཞུགས་ཏེ་སྣང་བ་ལ་སོགས་པའི་རིམ་གྱིས་དེ་
[116a.7]ཁོ་ན་ཉིད་མྱོང་ཞིང་ཕྱག་རྒྱའི་པདྨར་བྱང་ཆུབ་ཀྱི་སེམས་སྤྲོ་#ཞིང་དེ་ལས་ས་ལ་མ་ལྷུང་བ་དུང་ཕོར་གྱིས་བླངས་ལ་ལྷག་མ་བདུད་རྩི་བཞི་དང་སྦྱར་ཏེ་ཡི་གེ་གསུམ་གྱིས་སྦྱངས་པ་#ལ་སོགས་པ་བྱས་ནས་དེ་བཞིན་གཤེགས་པ་ཐམས་ཅད་བསྡུས་པའི་བློས་ཀྱེ་མ་ཧོ་#བདེ་བ་ཆེན་པོ་ཞེས་ཚིག་
[116b]
[116b.1]བརྗོད་པའི་སློབ་མ་སྤྱོད་དུ་གཞུག་གོ་ཞེས་བསྟན་ཏོ། །རྙེད་པར་མི་དཀའ་བ་ནི་རྡོ་རྗེ་སེམས་དཔའི་གོ་འཕང་#རྙེད་པར་དཀའ་བ་མ་ཡིན་ཏེ་དེའི་དུས་ནས་བརྩམས་ཏེ་ཞེས་བྱ་བ་ནས་འབྱུང་བས་སོ། །དེ་ལྟར་ཞེས་བྱ་བ་ནས་བར་དུའོ་ཞེས་བྱ་བའི་བར་དུ་ནི་རིག་པའི་དབང་བསྐུར་བའི་འོག་ཏུ་སློབ་མ་ལ་
[116b.2]ལྷའི་དེ་ཁོ་ན་ཉིད་བསྟན་པར་བྱ་སྟེ། དེ་ལ་སོགས་པ་ཁམས་བཞིའི་རང་བཞིན་གྱི་སྤྱན་མ་ལ་སོགས་པ་དཀྱིལ་འཁོར་དུ་སྣང་བ་ཡིན་པ་དེ་རྣམས་འདོད་ཆགས་ཀྱི་རིགས་ཅན་#སེམས་ཅན་རྗེས་སུ་གཟུང་བའི་དོན་དུ་རྣམ་པར་སྣང་མཛད་ལ་སོགས་པ་ཡོངས་སུ་གྱུར་པ་ལས་བྱུང་བ་ཡིན་གྱི་ཞི་བ་
[116b.3]ལ་སོགས་པའི་ལས་ཀྱི་ཚོགས་བཞི་སྒྲུབ་པར་བྱེད་པའི་ཕྱིར་ཡིན་པར་བསྟན་ཏེ། དེ་ཁོ་ན་ཉིད་ལ་སྐྱེས་པ་དང་བུད་མེད་ཀྱི་དབྱེ་བ་ནི་མེད་དེ་ཐ་མི་དད་#པའི་ཕྱིར་རོ། །དེ་ཡང་ཉེ་བར་མཚོན་པ་ཙམ་ཡིན་ཏེ་གཞན་ཡང་ཞི་བ་དང་དྲག་པོ་དང་བར་མའི་གཟུགས་ཅན་གྱི་དེ་བཞིན་གཤེགས་པ་དང་
[116b.4]བྱང་ཆུབ་སེམས་དཔའ་དང་ལྷ་མོ་དང་ཁྲོ་བོ་རྣམས་ནི་དེ་དང་དེ་#རྣམ་པར་དག་པ་དང་ལྡན་པ་རྟོགས་#པར་བྱའོ། །དེ་ལས་ཞེས་བྱ་བ་ནས་མཉེས་པར་འགྱུར་རོ་ཞེས་པའི་བར་དུ་ནི་མཆོད་པའི་དུས་དང་སྦྱིན་སྲེག་གི་དུས་སུ་རྡོ་རྗེ་འཆང་ཆེན་པོ་ལ་སོགས་པའི་རྣལ་འབྱོར་པ་རྣམས་ཀྱིས་ཁ་ན་མ་
[116b.5]ཐོ་བ་མེད་པ་གླང་པོ་ལ་སོགས་པའི་ཤ་སྦྱང་#བ་ལ་སོགས་པའི་རིམ་གྱིས་སྦྱངས་པས་#དཀྱིལ་འཁོར་པ་རྣམས་ཚིམ་པ་དང་དམ་ཚིག་གི་མེ་ལྷའི་ཞལ་ནས་ཡེ་ཤེས་ཀྱི་མེ་ལྷ་ཚིམ་པ་དང་། དེ་ཚིམ་པས་མགུ་བར་གྱུར་པ་དེ་བཞིན་གཤེགས་པ་རྣམས་ཀྱིས་སྒྲུབ་པ་པོ་ལ་དངོས་གྲུབ་སྩོལ་བར་འགྱུར་རོ་ཞེས་བསྟན་ཏོ། །
[116b.6]ཉིན་རེ་ཞེས་བྱ་བ་ནས་ཞེས་བྱ་བར་དགོངས་སོ་ཞེས་པའི་#བར་དུ་ནི་གསང་བའི་དབང་བསྐུར་ཐམས་ཅད་ཀྱི་མཐར་རམ#། ཕྱི་དང་ནང་དང་གསང་བའི་མཆོད་པས་ཚོགས་ཀྱི་འཁོར་ལོ་བྱའོ་ཞེས་བསྟན་ཏོ། །དེ་ཡང་ལེའུ་དང་པོ་ནས་རྒྱས་པར་བསྟན་པས་འདིར་མ་བཤད་དོ། །བདུད་རྩི་ལྔ་
[116b.7]ཞེས་བྱ་བ་ནས་བཀའ་སྩལ་ཏོ་ཞེས་པའི་བར་དུ་ནི་བདུད་རྩི་ལྔའི་སྤྱོད་པའི་དུས་སུ་དེ་ཉིད་སྦྱང་བ་ལ་སོགས་པའི་རིམ་པས་སྦྱངས་ནས་འབར་བར་འགྱུར་རོ། །དེའི་མཐུས་ཀྱང་ལས་དང་བ་#པོ་རྣམས་ཀྱིས་སྨོད་པའི་སེམས་བཟློག་ནས་རྟོག་པ་མེད་པའི་སེམས་ཀྱིས་སྤྱོད་པ་ལ་རྩོལ་#བར་
[117a]
[117a.1]འགྱུར་རོ་ཞེས་བསྟན་ཏོ། །རྫོགས་པའི་རིམ་པ་ལ་གནས་པའི་རང་བཞིན་གྱིས་དག་པའི་ཆོས་ཐམས་ཅད་ཡོངས་སུ་ཤེས་པས་སྨོད་པའི་སེམས་མི་འབྱུང་སྟེ། ཆོས་ཐམས་ཅད་རང་བཞིན་གྱིས་དག་པས་ཀྱང་རང་བཞིན་གྱིས་#དག་པའོ་ཞེས་བཤད་པའི་
[117a.2]ཕྱིར་རོ། །དེ་ཡང་རིགས་པ་དང་ལུང་#དག་གིས་སྔར་བཤད་ཟིན་ཏོ། །འདི་ལྟར་ཞེས་བྱ་བ་ནས་གོ་སླའོ་ཞེས་པའི་བར་དུ་ནི་སྔགས་ཀྱི་#ལམ་གྱིས་ཞི་བ་དང་རྒྱས་པ་དང་དབང་དང་དགུག་པ་དང་རྣམ་པར་སྡང་བ་དང་། གནས་སྤོང་བ་དང་རེངས་པ་ཞེས་བྱ་བ་འཇིག་རྟེན་པའི་དངོས་གྲུབ་བརྒྱད་དང་
[117a.3]འཁོར་ལོ་དང་རྡོ་རྗེ་དང་རིན་ཆེན་དང་པདྨ་དང་རལ་གྲི་དང་རི་ལུ་དང་མིག་སྨན་དང་རྐང་མགྱོགས་ལ་སོགས་པ་དངོས་གྲུབ་ཆེན་པོ་བརྒྱད་དང་། འཇིག་རྟེན་ལས་འདས་པའི་ཕྱག་རྒྱ་ཆེན་པོའི་དངོས་གྲུབ་ཀྱང་འགྲུབ་པར་འགྱུར་རོ་ཞེས་བསྟན་ཏོ། །ཕ་རོལ་ཕྱིན་པའི་ཚུལ་གྱིས་
[117a.4]ནི། །ཤིན་ཏུ་འབད་པས་བསྒྲུབ་པར་བྱའོ། །ཞེས་བྱ་བ་ནི། ཕ་རོལ་ཕྱིན་པའི་རྣལ་འབྱོར་པས་མཐོང་བ་དང་བསྒོམ་པའི་ལམ་གྱི་རིམ་གྱིས་བསྐལ་པ་གྲངས་མེད་པ་གསུམ་གྱིས་བྱང་ཆུབ་ཐོབ་པར་འགྱུར་རོ། །འདིར་ནི་འབད་རྩོལ་མེད་པས་སོ། །བཤང་གཅིས་ཞེས་བྱ་བ་ནས་
[117a.5]དེ་སྐད་ཅེས་གསུངས་ཏེ་ཞེས་པའི་#བར་དུ་ནི་མར་ཝེ་ཤོ་མུ་དང་ཀུ་གོ་ད་ཧ་ན་ཆ་མཉམ་#པར་བྱས་ནས་བཏགས་ཏེ་ཐོད་པ་ཁ་སྦྱར་དུ་བཞག་ནས་ཡི་གེ་དགུ་པའི་སྔགས་ཀྱིས་བྱིན་གྱིས་བརླབས་ནས་སྦྱང་བ་ལ་སོགས་པའི་རིམ་གྱིས་སྦྱངས་ལ་ཚེས་བརྒྱད་པའམ་བཅུ་བཞི་པའི་
[117a.6]གང་ཡང་རུང་བའི་ཞག་ལ་ཡུངས་ཀར་གྱི་འབྲུའི་ཚད་ཙམ་གྱི་རི་ལུ་སུམ་#བརྒྱ་དྲུག་ཅུ་གྲིབ་མ་ལ་བསྐམ་པར་བྱས་ནས། ཉིན་རེ་རི་ལུ་གཅིག་ཅིག་#ཁར་བཅུག་ནས་སྒོམ་པར་བྱེད་ན་དེའི་ཚེ་རིག་པ་འཛིན་པ་དང་འདྲ་བར་འགྱུར་རོ་ཞེས་བསྟན་ཏོ། །དེ་ལ་ཞེས་བྱ་བ་ནས་བཀའ་བསྒོ་བའི་ཚིག་
[117a.7]གོ་ཞེས་པའི་བར་དུ་ནི་རྣམ་པར་སྣང་མཛད་ལ་སོགས་པའི་རྣལ་འབྱོར་པ་རྣམས་ཀྱིས་ཁ་དོག་དམར་པོའི་འོད་ཟེར་ལྔའི་ཚོགས་དང་བཅས་པའི་ཡི་གེ་ཧྲི་ནམ་མཁའ་ལ་བསམས་ཏེ། ནམ་མཁའི་ཁམས་དེ་ཡང་ཐུགས་རྡོ་རྗེ་ལ་སོགས་པ་དེ་བཞིན་གཤེགས་པ་རྣམས་དང་#ལྷ་མོ་དང་
[117b]
[117b.1]བྱང་ཆུབ་སེམས་དཔའ་དང་ཁྲོ་བོ་རྣམས་ཀྱིས་ཡོངས་སུ་གང་བར་བསྒོམས་ལ། དེ་རྣམས་ཀྱི་སྐུ་གསུང་ཐུགས་ཀྱི་ས་བོན་ཨ་ཁཾ་དྷི་ཞེས་བྱ་བ་ཡི་གེ་ཧྲི་ལ་ཞུགས་ཏེ། དེ་ཡོངས་སུ་གྱུར་པ་ལས་གནོད་མཛེས་རྒྱལ་པོ་ལ་སོགས་པ་གང་ཡང་རུང་བའི་ཁྲོ་བོ་བསམས་ལ། དེ་ལ་ཨོཾ་ཞེས་
[117b.2]བྱ་བའི་སྔགས་ཀྱིས་བཀའ་སྦྱིན་ཏེ། དེ་སོང་ཞིང་ལོག་ན་#སྒྲུབ་པ་པོ་ལ་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་སྩོལ་བར་འགྱུར་རོ་ཞེས་བསྟན་པ་དང་། དེ་བཞིན་དུ་རྣམ་པར་སྣང་མཛད་ཀྱི་རྣལ་འབྱོར་པས་ཟླ་བ་དང་ཉི་མ་ལ་གནས་པའི་གཤིན་རྗེ་མཐར་བྱེད་དང་། འོད་
[117b.3]དཔག་ཏུ་མེད་པའི་རྣལ་འབྱོར་པས་པདྨ་དང་ཉི་མ་ལ་གནས་པའི་རྟ་མགྲིན་དང་། མི་བསྐྱོད་པའི་རྣལ་འབྱོར་པས་པདྨ་དང་ཉི་མ་ལ་གནས་པའི་གནོད་མཛེས་ཀྱི་རྒྱལ་པོ་འམ་གཞན་གྱིས་#མི་ཐུབ་པའི་བཀའ་ཉན་བསྒྲུབ་#པར་བྱའོ་ཞེས་བསྟན་ཏོ། །དེ་ལྟར་བདག་པོ་ཞེས་བྱ་བ་ནས་གསུངས་སོ་
[117b.4]ཞེས་པའི་བར་དུ་ནི་རིགས་ཀྱི་དབྱེ་བས་འདོད་པའི་རྒྱལ་པོ་ལ་སོགས་པ་ཁྲོ་བོ་དྲུག་ལག་ན་ལྕགས་ཀྱུ་ལ་སོགས་པ་ཐོགས་པ་བསྒྲུབ་པར་བྱའོ་ཞེས་བསྟན་ཏོ། །ལྕགས་ཀྱུ་དབྱིག་པ་རྩེ་གསུམ་དང་། །རལ་གྲི་གྲྭ་རུ་དགོད་པར་བྱ། འདོད་པ་དབྱིག་པ་མི་གཡོ་སྟོབས། །གནོད་
[117b.5]མཛེས་གཙུག་ཏོར་སྟེང་འོག་གོ། །ཞེས་གསུངས་པའི་ཕྱིར་རོ། །དེས་ནི་ཁྲོ་བོ་#བཅུའི་བཀའ་ཉན་བསྒྲུབ་པར་བྱའོ་ཞེས་བསྟན་ཏོ། །འོ་#ན་དེ་བཞིན་གཤེགས་པ་དང་ལྷ་མོ་དང་བྱང་ཆུབ་སེམས་དཔའི་བཀའ་ཉན་ཅིའི་ཕྱིར་མ་གསུངས་ཤེ་ན་#སྨྲས་པ། འདིར་དངོས་གྲུབ་འདོད་པའི་སྒྲུབ་པ་
[117b.6]པོས་ལོ་སྐོར་གཅིག་གམ་ཟླ་བ་དྲུག་གམ་བཞི་འམ་གསུམ་མམ་གཅིག་གམ་ཟླ་ཕྱེད་ཀྱིས་རྩོམ་པས་ཀྱང་དངོས་གྲུབ་ཐོབ་པར་མི་འགྱུར་ན། དེའི་ཚེ་ཞག་བདུན་གྱིས་དངོས་གྲུབ་ཐོབ་པའི་ཕྱིར་ཁྲོ་བོའི་གཟུགས་ཅན་བཀའ་ཉན་ཁོ་ན་སྒྲུབ་པར་བྱེད་དེ། དེའི་ཚེ་དེའི་མཐུས། བཟང་དང་།
[117b.7]སྦྱིན་པ་དང་། དབྱེ་བ་དང་། འཆད་པ་ཞེས་བྱ་བའི་ཐབས་བཞི་པོས་དེ་བཞིན་གཤེགས་པ་རྣམས་ལ་བརྟེན་ཏེ། སྟོབས་ཀྱིས་དངོས་གྲུབ་ཐོབ་པར་འགྱུར་རོ། །དེ་ཡང་ལེའུ་བཅུ་པ་ནས་རྒྱས་པར་བཤད་པས་འདིར་མ་བསྟན་ཏོ། །དོན་ནི་བཤད་ཟིན་ཏོ་ཞེས་པ་ནི་ལེའུ་བཅུ་གཉིས་པ་
[118a]
[118a.1]ནས་དྲང་བ་དང་#ངེས་པའི་དོན་གྱི་དབྱེ་བས་བཤད་དོ། །འདིར་ཞེས་པ་ནི་གནས་ལའོ། །སངས་རྒྱས་ནི་རྡོ་རྗེ་འཆང་ཉིད་དོ། །བསྒྲུབ་པར་བརྩམ་#པ་ཉིད་དོ་ཞེས་པ་ནི་འཆད་པར་འགྱུར་བ་བསྒྲུབ་#པར་བྱའོ་ཞེས་ཚིག་ལྷག་མ་སྟེ། བཀའ་ཉན་བསྐུལ་བ་ཞེས་བྱ་བའི་ཐ་ཚིག་
[118a.2]གོ། །རི་རབ་ཅེས་བྱ་བ་ནས་རྡོ་རྗེ་འཆང་ཆེན་པོའོ་ཞེས་པའི་བར་དུ་ནི་བཀའ་ཉན་སྒྲུབ་པའི་#སྒྲུབ་པ་པོའི་གྲངས་མེད་ཅིང་ཚད་མེད་པ་བྲན་དང་བྲན་མོ་དང་ཕོ་ཉ་དང་ཕོ་ཉ་མོ་དང་བཀའ་ཉན་དང་བཀའ་ཉན་མོ་ལ་སོགས་པ་འཁོར་རྣམས་དབང་དུ་འགྱུར་བ་དང་། དེ་བཞིན་དུ་གྲངས་མེད་ཅིང་
[118a.3]ཚད་མེད་པ་བཅོམ་ལྡན་འདས་སངས་རྒྱས་ཀྱིས་བཞུགས་པར་གྱུར་པའི་ཞིང་གང་ཡིན་པ་དེ་རྣམས་སྐད་ཅིག་ཙམ་གྱི་ཕྱིན་#ནས་ལོག་པ་དང་། དེ་བཞིན་དུ་མངོན་པར་དགའ་བ་#ལ་སོགས་པའི་སངས་རྒྱས་ཀྱི་ཞིང་ལ་བཞུགས་པའི་དེ་བཞིན་གཤེགས་པའི་དྲུང་དུ་ཕྱིན་ནས་དེའི་མན་
[118a.4]ངག་ཐོས་པའི་ནུས་པས་མཐར་#བདེན་པ་གཉིས་དབྱེར་མེད་པའི་རྡོ་རྗེ་འཆང་ཆེན་པོའི་གོ་འཕང་ཐོབ་པར་འགྱུར་རོ། །དེ་ལ་འདི་ནི་ཞེས་བྱ་བ་ནས་བྱིན་གྱིས་བརླབ་པར་བྱའོ་ཞེས་པའི་བར་དུ་ནི་འཇིག་རྟེན་པའི་གནོད་སྦྱིན་ལ་སོགས་པའི་བཀའ་ཉན་དང་། འཇིག་རྟེན་ལས་འདས་པའི་
[118a.5]གཤིན་རྗེ་མཐར་བྱེད་ལ་སོགས་པའི་བཀའ་ཉན་དེ་དག་ཐམས་ཅད་སྔགས་ཀྱི་རྒྱལ་པོ་ཡི་གེ་གསུམ་གྱིས་བསྐུལ་བར་བྱས་ཏེ། ལས་#ལ་ངེས་པར་བྱའོ་ཞེས་བསྟན་ཏོ། །དེ་ཡང་ལེའུ་བཅུ་པ་ནས་གསུངས་སོ། །དེ་ལ་ཞེས་བྱ་བ་ནས་གནས་སྐབས་ཤེས་པའི་བར་དུ་ནི་བཀའ་ཉན་
[118a.6]བསྐུལ་བ་མདོར་བསྟན་པ་བཤད་དོ། །དེ་ཡང་ཞེས་བྱ་བ་ནས་ངེས་པར་སྦྱོར་བའོ་ཞེས་པའི་བར་དུ་#བཟང་བ་དང་སྦྱིན་པ་དང་དབྱེ་བ་དང་འཆད་པའི་དབྱེ་བས་བཀའ་ཉན་ལ་བསྐུལ་བ་བསྟན་ཏོ། །དེ་ཉིད་བསྟན་པའི་རྡོ་རྗེ་འཆང་ཆེན་པོའི་བཀའ་ཞེས་སྨོས་ཏེ། རྡོ་རྗེ་འཆང་ཆེན་པོའི་
[118a.7]གཟུགས་ཅན་གྱི་སྒྲུབ་པ་པོའི་བཀའོ། །གསོལ་བ་བཏབ་པའོ་ཞེས་པ་ནི་བདག་པོའི་བཀའ་ཉན་ནས་དེ་བཞིན་གཤེགས་པའི་སྤྱན་སྔར་ཕྱིན་ཏེ། མཆོད་པ་སྔོན་དུ་འགྲོ་བའི་ཚིག་སྙན་པའི་ཞུ་བས་དེ་རྣམས་མཉེས་པར་བྱས་ནས། སྒྲུབ་པ་པོ་ལ་དངོས་གྲུབ་སྩོལ་བའི་དོན་དུ་བཀའ་ཉན་
[118b]
[118b.1]གྱིས་གསོལ་བ་གདབ་པར་བྱའོ་ཞེས་བྱ་བའི་#བར་དུའོ། །དེས་ནི་#བཟང་པོ་ཞེས་བྱ་བ་ཐབས་དང་པོ་བསྟན་ཏོ། །དམ་ཚིག་སྟོང་པ་ཞེས་བྱ་བས་སྦྱིན་པ་ཞེས་བྱ་བ་ཐབས་གཉིས་པ་བསྟན་པར་བྱ་སྟེ། དམ་ཚིག་དེ་ཉིད་ཀྱིས་ཞེས་པ་ནི་རྡོ་རྗེ་འཆང་གིས་བཀའ་བསྒོ་བའི་བཀའ་ཉན་གྱིས་སོ། །
[118b.2]བྱ་བ་རྣམས་ལ་སྦྱར་ནས་ཞེས་པ་ནི་མེ་ཏོག་རྡོ་རྗེ་མ་ལ་སོགས་པའི་ཕྱིའི་མཆོད་པ་དང་བདུད་རྩི་དང་ལྕགས་ཀྱུ་ལ་སོགས་པ་ནང་གི་མཆོད་པ་དང་སྙོམས་པར་ཞུགས་པའི་མཚན་ཉིད་ཀྱིས་གསང་བའི་མཆོད་པས་མཉེས་པར་བྱའོ་ཞེས་སྦྱིན་པ་ཞེས་བྱ་བའི་ཐབས་གཉིས་པ་བསྟན་ཏོ། །དམ་
[118b.3]ཚིག་ནི་བསྒྲུབ་#པར་བྱ་བའི་དོན་ཏོ་ཞེས་པ་ནི་ཕྱག་རྒྱ་ཆེན་པོའི་དངོས་གྲུབ་ཀྱི་མཚན་ཉིད་ཀྱི་#དོན་ཞེས་བྱ་བའི་དོན་ཏོ། །དེ་ལས་བོད་ཅིང་མིང་དང་སྦྱར་ནས་ཞེས་པ་ནི་བཀའ་ཉན་སོང་ནས་དེ་བཞིན་གཤེགས་པའི་དྲུང་དུ་ཕྱིན་ནས་བསམ་གཏན་ལ་ཆགས་པའི་ཐུགས་དང་ལྡན་པ་#དེ་རྣམས་
[118b.4]ཀྱིས་#རྡོ་རྗེ་ཐོ་བས་ཐུགས་ལ་བརྡེག་ཅིང་ཆེ་གེ་མོ་ཞེས་བྱ་བས#་སྒྲུབ་པ་པོས་#ཁྱེད་རྣམས་ཀྱི་བསྟན་པ་ལ་དགའ་བ་ཞེས་བྱ་བའི་ཞུ་བས་རབ་ཏུ་སད་#ལ་སླར་ཡང་བཟློག་ནས་སྒྲུབ་པ་པོ་ལ་དབུགས་#དབྱུང་བར་བྱ་བའོ། །དེ་ནི་དབྱེ་བས་ཞེས་བྱ་བའི་ཐབས་བསྟན་པ་ཡིན་ནོ། །དམ་ཚིག་ཏུ་བྱེད་
[118b.5]པའོ་ཞེས་བྱ་བ་ནི་རྡོ་རྗེ་འཆང་ཆེན་པོའི་གོ་འཕང་ཐོབ་པའི་མཚན་ཉིད་དེ་འགྲོ་བའི་དོན་#བྱེད་པའི་ཕྱིར་རོ། །དེ་ལ་འཆིང་#ཞིང་ངེས་པར་སྦྱར་བ་ཞེས་པ་ནི་ཐབས་གསུམ་གྱིས་ཀྱང་མ་གྲུབ་ན་བཀའ་ཉན་གྱི་ལྕགས་ཀྱུ་དང་ཞགས་པས་རླུང་གི་དཀྱིལ་འཁོར་གྱི་སྦྱོར་#བས་བཀུག་ལ་
[118b.6]ཕྱག་རྒྱའི་པདྨ་ལ་གནས་པའི་གྲུ་གསུམ་གྱི་མེ་ཡིས་བསྲེག་ཅིང་། དེའི་རྣམ་པར་ཤེས་པ་ཡང་དེ་བཞིན་གཤེགས་པའི་གཟུགས་སུ་བསྐྱེད་ལ་#རང་གི་བདག་ཉིད་ལ་འཇུག་ཅིང་རོ་གཅིག་པར་བྱའོ་ཞེས་པ་འདིས་འཆད་#པ་ཞེས་ཐབས་བཞི་པ་བསྟན་པ་ཡིན་ནོ། །ཐབས་
[118b.7]བཞི་པོ་དེ་རྣམས་ཀྱིས་#ཞག་བདུན་གྱི་རྣལ་འབྱོར་པས་དངོས་གྲུབ་ཐོབ་པར་འགྱུར་རོ་ཞེས་བསྟན་ཏོ། །དེ་ལྟར་ཞེས་བྱ་བ་ནས་བཀའ་སྩལ་པར་ཞེས་བྱ་བའི་བར་དུ་ནི་སྒྲུབ་པ་པོས་#བསྐུལ་བའི་བཀའ་ཉན་གྱིས་ནམ་མཁའི་ཁམས་གཟུགས་མེད་པ་ཡང་གཟུགས་དང་ལྡན་
[119a]
[119a.1]པར་བྱེད་དོ་ཞེས་བྱ་བས་ཕུལ་དུ་ཕྱུང་བའི་ཚིག་གིས་མ་བསྒྲུབས་#པ་ཡང་གྲུབ་པ་ཉིད་དུ་བསྟན་ཏོ། །དེ་ནི་ཞེས་བྱ་བ་ནས་བཤད་པ་#ཡིན་ནོ་ཞེས་བྱ་བའི་བར་དུ་ནི། རེ་ཞིག་དང་པོའི་རྣལ་འབྱོར་པས་སྟོང་པ་ཉིད་ལ་ཏིང་ངེ་འཛིན་མངོན་དུ་བྱས་པ་སྔོན་དུ་འགྲོ་བ་སྣ་ཚོགས་
[119a.2]པདྨ་དང་ཉི་མའི་དཀྱིལ་འཁོར་གྱི་སྟེང་དུ་ཡི་གེ་མཾ་ལས་བསྐྱེད་པའི་ཡི་གེ་འབྲུ་དང་བཅས་པའི་རལ་གྲི་ཡོངས་སུ་གྱུར་པ་ལས་བཅོམ་ལྡན་འདས་འཇམ་པའི་རྡོ་རྗེ་ཞལ་གསུམ་པ་ཕྱག་དྲུག་པ་ཁ་དོག་དམར་པོ་དང་དཀར་པོ་དང་ནག་པོའི་ཞལ་གསུམ་མངའ་བ། རྩ་བའི་ཕྱག་གཉིས་ཀྱིས་#ཡི་གེ་
[119a.3]གསུམ་ཡོངས་སུ་གྱུར་པ་ལས་བསྐྱེད་པའི་གཞུ་དང་མདའ་ལྔ་འཛིན་པ་དེ་ལ་#གཞུའི་ཆང་གཟུངས་ནི་#ཡི་གེ་ཧཱུཾ་ལས་བྱུང་བ་དང་། མཆོག་མ་གཉིས་པོ་#ཡང་ཡི་གེ་ཨོཾ་དང་ཨཱཿལས་བྱུང་བ་གཞུ་རྒྱུད་ཀྱང་དེ་བཞིན་དུ་བསྒོམས་ཏེ་མདའ་རྣམས་ཀྱང་མདེའུ་ཨོཾ་ལས་བསྐྱེད་པ་དང་། སྨྱུག་#མ་དང་
[119a.4]ལྟོང་ཨཱཿདང་ཧཱུཾ་གིས་བསྐྱེད་པར་བསམས་ལ། བདག་ཉིད་ཀྱང་རྡོ་རྗེ་སྐྱིལ་ཀྲུང་ལ་གནས་པར་བལྟས་ནས་ཉི་མའི་དཀྱིལ་འཁོར་དང་མེའི་དཀྱིལ་འཁོར་གྱི་སྟེང་དུ། རྒྱལ་པོ་ལ་སོགས་པའི་བསྒྲུབ་བྱ་མདུན་དུ་བཞག་ནས་དེའི་སྙིང་ག་དང་སྤྱི་བོ་དང་ལྟེ་བ་དང་གསང་བ་དང་རྐང་པ་གཉིས་
[119a.5]ལ་མདའ་དེ་རྣམས་ཅིག་#ཅར་དུ་འཕངས་པར་བསྒོམས་ཏེ། དེ་རྣམས་ཀྱིས་མི་གཡོ་བ་བརྒྱལ་#བར་འགྱུར་བ་སྐྱབས་མེད་པ་སྒྲུབ་པ་པོ་ལ་ཞལ་བལྟས་པ་དེའི་ཞབས་ལ་ལྷུང་བར་བསམ་པར་བྱའོ། །དེའི་ཚེ་རྒྱལ་པོ་#ལ་སོགས་པ་བདག་ཉིད་དང་ནོར་གྱིས་དབང་དུ་འགྱུར་རོ་ཞེས་བསྟན་ཏོ། །སྨྱོ་
[119a.6]བྱེད་སྨྱོས་#བྱེད་པ་དང་རྨོངས་བྱེད་དང་། །གདུང་བྱེད་པ་དང་སྐེམ་#བྱེད་ཞེས་བྱའི་མདའ། །འདོད་པའི་ལྷ་ཡི་མཚོན་ཆ་དམ་པ་ནི། །དོན་དང་ལྡན་པའི་ལྔ་པོ་མངོན་པར་འདོད། །ཅེས་འབྱུང་ངོ་། །དེ་ལ་མདའ་དང་པོས་བསྒྲུབ་#བྱའི་དབང་པོ་སྨྱོ་བར་བྱེད་པས་#སྨྱོ་བྱེད་ཅེས་བྱའོ། །དེ་ནས་དེའི་
[119a.7]དབང་པོ་ཐམས་ཅད་དགའ་བར་བྱེད་པས་ན་སྨྱོས་#པར་བྱེད་པ་ནི་གཉིས་པའོ། །དེ་དག་རྣམ་པར་ཤེས་པའི་དྲན་པ་མེད་པར་རང་གིས་བྱེད་པ་དེ་ནི་རྨོངས་པར་བྱེད་པ་སྟེ་གསུམ་པའོ། །དབང་པོ་དང་ཡུལ་དང་རྣམ་པར་ཤེས་པ་ཉམས་པས་#གང་གིས་ཤིང་བཞིན་དུ་ས་ལ་ལྷུང་བར་བྱེད་པ་དེ་ནི་
[119b]
[119b.1]བརྒྱལ་བར་བྱེད་པའི་གྲགས་པ་ཅན་ཏེ་བཞི་པའོ། །རོ་བཞིན་དུ་ཡན་ལག་དང་ཉིང་ལག་གང་#སྐུལ་བར་བྱེད་པ་དེ་ནི་མི་གཡོ་བར་བྱེད་པ་དེ་སྐེམ་བྱེད་པ་ནི་ལྔ་པའོ། །མདའ་ལྔ་པོ་དེ་དག་གཞུ་ལས་ཅིག་ཅར་དུ་འཕང་བར་བྱའོ་ཞེས་ཁ་ཅིག་ཟེར་རོ། །གཞན་དག་ན་རེ་རིམ་གྱིས་འཕང་བར་
[119b.2]བྱའོ་ཞེས་ཟེར་རོ། །དེ་ནི་འཇམ་པའི་རྡོ་རྗེ་བསྒོམས་པའི་སྒོ་ནས་རྡོ་རྗེ་ཡན་ལག་མེད་པའི་ཏིང་ངེ་འཛིན་རབ་ཏུ་བསྟན་ཏོ། །གདུལ་བའི་དོན་གྱི་ཞེས་བྱ་བ་ནས་སྒྲུབ་པ་པོས་མཐོང་བར་འགྱུར་བའོ་ཞེས་པའི་བར་དུ་ནི་ཡི་གེ་ཧཱུཾ་ཡོངས་སུ་གྱུར་པ་ལས་སངས་རྒྱས་ཀྱི་དཀྱིལ་འཁོར་ནམ་
[119b.3]མཁའི་བར་སྣང་ལ་བསྒོམས་ཏེ། བསྒྲུབ་པར་དཀའ་བའི་བསྒྲུབ་བྱ་རྣམས་ཀྱི་མིག་འབྲས་ལ་ཡི་གེ་ཨོཾ་དགོད་ཅིང་ཁྱེད་རྣམས་ཀྱིས་#ནམ་མཁའ་མཐོང་བར་གྱིས་ཤིག་#ཅེས་བསྐུལ་བས་དེ་རྣམས་ཀྱིས་མངོན་སུམ་དུ་སངས་རྒྱས་ཀྱི་འཁོར་ལོ་མཐོང་བར་འགྱུར་རོ། །དེ་ལྟར་གྱུར་ན་དེ་
[119b.4]རྣམས་གདུལ་བར་འགྱུར་རོ་ཞེས་བསྟན་ཏོ། །དཀྱིལ་འཁོར་ལ་འཇུག་པའི་དུས་སུ་ཏིང་ངེ་འཛིན་འདི་ཡིན་ནམ་ཡང་ན་མིག་འཕྲུལ་#གྱི་སྦྱོར་བ་ཡིན་ནོ། །བཀྲེས་སྐོམ་ཞེས་བྱ་བ་ནས་རྡོ་རྗེ་འཆང་ཆེན་པོའི་ཞེས་བྱ་བའི་བར་དུ་ནི་རིན་ཆེན་འབྱུང་ལྡན་གྱི་ཏིང་ངེ་འཛིན་ལ་གནས་པའི་
[119b.5]རྣལ་འབྱོར་པའི་ཏིང་ངེ་འཛིན་ལས་དུབ་ན་བཀྲེས་སྐོམ་བཟློག་#པས་ཚེ་དང་ནད་མེད་པ་དང་ལང་ཚོ་དང་ལྡན་པར་འགྱུར་རོ་ཞེས་བསྟན་ཏོ། །དེ་ནས་ཞེས་བྱ་བ་ནས་དེ་ལ་དེ་སྐད་ཅེས་བྱའོ་ཞེས་པའི་བར་དུ་ནི་རེ་ཞིག་དང་པོ་རྣལ་འབྱོར་པས་ནམ་མཁའི་ཁམས་སུ་ཡི་གེ་དྷི་བསྒོམས་ལ། དེ་
[119b.6]ཡོངས་སུ་གྱུར་པ་ལས་ཁ་དོག་སེར་པོའི་#རྡོ་རྗེ་བསྒོམས་ལ་དེ་ལས་སྤྲོ་བ་དང་བསྡུ་བའི་རིམ་གྱིས་བཅོམ་ལྡན་འདས་ཁ་དོག་སེར་པོ་ཞལ་གསུམ་པ་ལ་སོགས་པ་ལྟ་བུ་སྣ་ཚོགས་པདྨ་དང་ཟླ་བའི་གདན་ལ་བཞུགས་པ་ཞི་བ་དང་སྒེག་པའི་ཉམས་དང་ལྡན་པར་བདག་གིས་བསྒོམས་ཏེ།
[119b.7]རང་གི་བ་སྤུའི་བུ་གའི་ཁོང་སྟོང་ནས་འབྱུང་བའི་འོད་ཟེར་སེར་པོ་ལ་སོགས་པའི་#ཚོགས་ཀྱིས་འགྲོ་བ་ཚིམ་ཞིང་རྒྱས་པར་བྱས་ནས་གནས་པར་བྱའོ་ཞེས་བྱ་བའི་ཏིང་ངེ་འཛིན་འདིས་ཞི་བ་ལ་སོགས་པའི་ལས་ཀྱི་ཚོགས་འགྲུབ་པར་འགྱུར་རོ་ཞེས་བསྟན་ཏོ། །དེ་ནས་ཞེས་བྱ་བ་
[120a]
[120a.1]ནས། དེ་ནི་དེ་སྐད་ཅེས་བྱའོ་ཞེས་པའི་བར་དུ་ནི་རེ་ཞིག་དང་པོ་སྟོང་པ་ཉིད་ཀྱི་དེ་ཁོ་ན་ཉིད་ལ་དམིགས་པ་སྔོན་དུ་འགྲོ་བས་སྣ་ཚོགས་པདྨ་དང་ཉི་མའི་དཀྱིལ་འཁོར་ལ་ཡི་གེ་ཧཱུཾ་བཀོད་པ་ལས་བསྐྱེད་པའི་རྡོ་རྗེ་བསྒོམས་ལ། དེ་ཡོངས་སུ་གྱུར་པ་ལས་བདག་ཉིད་
[120a.2]ཞལ་གསུམ་ཕྱག་དྲུག་པ་རྒྱན་ཐམས་ཅད་ཀྱིས་བརྒྱན་པ་ཁ་དོག་སེར་པོ་སེམས་དཔའ་གསུམ་གྱི་བདག་ཉིད་ཅན་དེའི་བདག་ཉིད་#དཀྱིལ་འཁོར་མ་ལུས་པས་#ཡོངས་སུ་བསྐོར་བ། བཅོམ་ལྡན་འདས་མ་སྐུལ་བྱེད་མའི་གཟུགས་བསྒོམས་ཏེ། འོད་ཟེར་གྱི་ཚོགས་སྤྲོས་
[120a.3]པས་#གདུག་པ་ཐམས་ཅད་འཇོམས་ཤིང་རང་གི་ཏིང་ངེ་འཛིན་ལ་གནས་པར་བྱའོ་ཞེས་བསྟན་ཏོ། །དེ་ནས་ཞེས་བྱ་བ་ནས་དེ་ལ་དེ་སྐད་ཅེས་བྱའོ་ཞེས་པའི་བར་དུ་ནི་རེ་ཞིག་དང་པོ་#རྣལ་འབྱོར་པས་སྟོང་པ་ཉིད་ལ་དམིགས་པ་སྔོན་དུ་འགྲོ་བས་སྣ་ཚོགས་པདྨ་དང་ཟླ་བའི་དཀྱིལ་འཁོར་གྱི་སྟེང་དུ་ཁ་
[120a.4]དོག་སེར་པོ་#ཛཾ་བཀོད་ནས་དེ་ལས་འོད་ཟེར་སྤྲོ་བ་དང་བསྡུ་བའི་རིམ་གྱིས་སངས་རྒྱས་ཐམས་ཅད་ཀྱི་ཚོགས་འཇུག་ལ། དེ་ཡོངས་སུ་གྱུར་པ་ལས་བཅོམ་ལྡན་འདས་ཞལ་གསུམ་པ་ཕྱག་དྲུག་པ་ཁ་དོག་སེར་པོ་ཕྱག་གཡས་པ་ན་མ་དུ་ལུང་ག་དང་ལྕགས་ཀྱུ་དང་མདའ་འཛིན་པ།
[120a.5]གཡོན་པ་ན་ཞགས་པ་དང་ནེའུ་#ལེའི་གཏེར་དང་གཞུ་འཛིན་པ། དེའི་གཟུགས་དང་འདྲ་བས་#བཅོམ་ལྡན་འདས་མ་ནོར་རྒྱུན་མ་དང་སྙོམས་པར་ཞུགས་པ། སེམས་དཔའ་གསུམ་གྱི་བདག་ཉིད་ཅན་མགོ་བོ་ལ་སོགས་པ་ལ། སངས་རྒྱས་ལྔའི་ཡིག་འབྲུ་ཨོཾ་ལ་སོགས་
[120a.6]པ་ལྔ་ཡོངས་སུ་གྱུར་པ་ལས་དེ་བཞིན་གཤེགས་པ་ལྔས་བརྒྱན་པ། བདག་ཉིད་འཕགས་པ་ཛཾ་བྷ་ལར་བསྒོམས་ནས་རང་གི་སྙིང་ག་ལས་དེ་འདྲ་བ་སྤྲུལ་ཞིང་དེའི་མདུན་དུ་པདྨ་དང་ཟླ་བ་ལ་གནས་པའི་སྤྱི་བོར་བཅོམ་ལྡན་འདས་རྡོ་རྗེ་སེམས་དཔའ་ཕྱག་རྒྱ་མ་དང་སྙོམས་པར་ཞུགས་
[120a.7]པར་བསམས་ཏེ། དེ་#སྙོམས་པར་ཞུགས་པ་ལས་བྱུང་བའི་བྱང་ཆུབ་ཀྱི་སེམས་ཀྱི་ཆུ་རྒྱུན་ཨོཾ་ཛཾ་བྷ་ལ་ཛ་ལནྡྲཱ་ཡ་#སྭཱ་ཧཱ་ཞེས་བྱ་བའི་#སྔགས་ཀྱིས་#ཚངས་པའི་སྒོ་ནས་བདུད་རྩིའི་རྒྱུན་སྦྱིན་པར་བྱའོ། །དེའི་ཚེ་ནོར་དང་འབྲུ་ལ་སོགས་པ་འཕེལ་བར་འགྱུར་རོ་ཞེས་བསྟན་ཏོ། །
[120b]
[120b.1]དེ་ནས་ཞེས་བྱ་བ་ནས་དེ་ལ་དེ་སྐད་ཅེས་བྱའོ་ཞེས་བྱ་བའི་#བར་དུ་ནི་རེ་ཞིག་དང་པོ་རྣལ་འབྱོར་པས་སྟོང་པ་ཉིད་ལ་དམིགས་པ་སྔོན་དུ་འགྲོ་བས་བདག་ཉིད་འཇམ་པའི་རྡོ་རྗེ་གཞོན་ནུའི་དབྱིབས་ཅན་བསྒོམས་ལ། མདུན་དུ་ནམ་མཁར་#རྣམ་པ་སྣ་ཚོགས་ཀྱི་རིན་པོ་ཆེའི་གཞལ་ཡས་ཁང་པ་
[120b.2]རྣམ་པ་སྣ་ཚོགས་ཀྱི་ཀུན་དུ་#དགའ་བས་བསྐོར་བ་དཔག་བསམ་གྱི་ཤིང་ལ་སོགས་པའི་མེ་ཏོག་གི་དྲིས་#ཕྱོགས་བཅུའི་འཇིག་རྟེན་གྱི་ཁམས་ཁྱབ་པ་དེའི་ནང་དུ་རིན་པོ་ཆེ་མ་ར་ག་ཏའི་གདན་གྱི་སྟེང་དུ་ཡི་གེ་ཀྵེཾ་ཡོངས་སུ་གྱུར་པ་ལས་གནོད་སྦྱིན་མོའི་ཚོགས་བསྒོམས་#ལ། ཐམས་ཅད་
[120b.3]ཡོངས་སུ་གྱུར་པ་ལས་གནོད་སྦྱིན་མོ་གཅིག་ལོ་བཅུ་དྲུག་ལོན་པ་ནུ་མ་དང་སྨད་རྒྱས་པས་མཛེས་པ་ཁ་དོག་སྔོན་པོ་སྐྲ་ཕྱེད་བཀྲོལ་བ་ཆགས་པ་ཆེན་པོའི་མེས་ཡན་ལག་ཐམས་ཅད་གདུང་བ་ལག་པ་གཅིག་གིས་གདན་མནན་པ་དང་། གཉིས་པས་ཨུཏྤལ་སྔོན་པོ་རྩེ་གཅིག་པའི་
[120b.4]དོན་དུ་བསྣམས་པ་བསམས་ཏེ། དེའི་སྙིང་གར་པདྨའི་ལྟེ་བར་ཡི་གེ་ཀྵེཾ་བཀོད་ནས། དེ་བཞིན་གཤེགས་པ་ལྔའི་ས་བོན་གྱིས་#བྱིན་གྱིས་བརླབས་པ། སྤྱི་བོར་སྣ་ཚོགས་རྡོ་རྗེའི་སྟེང་དུ་སྨིན་མ་#སྡུད་པས་འཇིགས་པའི་འཕགས་པ་བདུད་རྩི་འཁྱིལ་པ་བཀོད་ཅིང་དེས་མནན་པ་
[120b.5]སྡིགས་མཛུབ་བྱེད་པ་བསྒོམས་ཏེ། དེ་དང་ལྷན་ཅིག་སྙོམས་པར་ཞུགས་པའི་རིམ་གྱིས་མཆོད་པར་བྱའོ། །དེ་ལྟར་བྱས་ནས་གནོད་སྦྱིན་མོ་རྣམས་དབང་དུ་འགྱུར་རོ་ཞེས་བསྟན་ཏོ། །དངོས་གྲུབ་ཅེས་བྱ་བ་ནས། །གནས་པའོ་ཞེས་བྱ་བའི་བར་དུ་ནི་འཇིག་རྟེན་པའི་མཁའ་
[120b.6]འགྲོ་མ་ལ་བསྒྲུབ་པ་བསྟན་ཏོ། །དེ་རྣམས་ནི་འཇིག་རྟེན་པའི་མཁའ་འགྲོ་མ་ལུས་ཀྱི་མིག་འཕྲུལ་དང་ལྡན་པ་ཡིན་ཏེ། གཟུགས་སྣ་ཚོགས་ལེན་པས་ཞེས་པ་ནི་ཕྱུགས་དང་རི་དགས་དང་བྱ་དང་སྦྲུལ་གྱི་གཟུགས་བསྟན་པས་སོ། །སྒྲ་སྣ་ཚོགས་ཀྱིས་ཞེས་པ་ནི་གསལ་
[120b.7]བ་དང་མི་གསལ་བའི་ཚིག་གི་བྱེ་བྲག་གི་རྒྱུན་གྱིས་སོ། །ཇི་ལྟར་མངོན་པར་འདོད་པའི་དོན་ཐོབ་པས་ཞེས་པ་ནི་འདོད་པའི་ཡོན་ཏན་ལྔ་ལྷ་དང་མིའི་འབྲེལ་པ་ཅན་འདོད་པ་ཙམ་གྱིས་ཐོབ་པས་སོ། །དེ་རྣམས་ཀྱི་གཟུགས་འཛིན་པ་ནི་དེ་དང་འདྲའོ་ཞེས་པ་#ནི་རྡོ་རྗེ་མཁའ་འགྲོ་མ་
[121a]
[121a.1]དང་འདྲ་བའི་གཟུགས་ཡིན་གྱིས་མཐུ་ནི་མི་འདྲའོ#། །ཉེ་བར་མཚོན་པའི་མཚན་ཉིད་ཀྱིས་ཞེས་པ་ནི་རིགས་ཀྱི་དབྱེ་བས་ཁ་དོག་ལྔའོ། །རང་གི་ངོ་བོ་ཡོངས་སུ་འགྱུར་བ་ཞེས་པ་ནི་གཟུགས་བསྒྱུར་བ་དང་ཕྲ་མོ་དང་ཆེན་པོའི་#གཟུགས་བསྟན་པ་དང་། འབར་བ་
[121a.2]དང་སྣང་བ་དང་འོད་སྤྲོ་བ་ལ་སོགས་པ་དང་། ཆོ་འཕྲུལ་སྟོན་པར་བྱེད་པ་དེ་ལྟར་གྱུར་པ་བསྒྲུབ་པར་བྱའོ། །འདིར་བསྡུས་པའི་དོན་ནི་འདི་ཡིན་ཏེ། མི་བསྐྱོད་པའི་རྣལ་འབྱོར་དང་ལྡན་པ་སྔར་བཤད་པའི་གཞལ་ཡས་ཁང་པའི་ནང་དུ་ཁ་དོག་ནག་པོའི་གནོད་སྦྱིན་མོ་བསྐྱེད་ལ། དེའི་སྤྱི་བོར་
[121a.3]གནོད་མཛེས་ཀྱི་རྒྱལ་པོ་བཀོད་ནས་བསྒྲུབ་པར་བྱའོ། །དེ་བཞིན་དུ་རྣམ་པར་སྣང་མཛད་དང་རིན་ཆེན་འབྱུང་ལྡན་དང་འོད་#དཔག་ཏུ་མེད་པ་དང་དོན་ཡོད་གྲུབ་པའི་རྣལ་འབྱོར་པ་རྣམས་ཀྱིས། སྔ་མ་བཞིན་དུ་གཞལ་ཡས་ཁང་པའི་ནང་ན་དཀར་པོ་དང་སེར་པོ་དང་དམར་པོ་དང་ལྗང་
[121a.4]གུའི་གནོད་སྦྱིན་མོ་རབ་ཏུ་བསྐྱེད་ནས། དེ་རྣམས་ཀྱི་སྤྱི་བོར་གཤིན་རྗེ་མཐར་བྱེད་དང་ཤེས་རབ་མཐར་བྱེད་དང་། པདྨ་མཐར་བྱེད་དང་། བགེགས་མཐར་བྱེད་བཀོད་ནས་སྙོམས་པར་ཞུགས་པའི་རིམ་པས་བསྒྲུབ་པར་བྱའོ། །དེའི་ཚེ་འབྲས་བུ་ཇི་ལྟ་བུ་ཡིན་ཞེ་ན་སྨྲས་པ། རྡོ་རྗེ་
[121a.5]མཁའ་འགྲོ་ཞེས་བྱ་བ་ནས་འགྱུར་རོ་ཞེས་བྱ་བའི་བར་དུ་ནི་རྡོ་རྗེ་མཁའ་འགྲོ་མ་དཔལ་སངས་རྒྱས་ཐམས་ཅད་མཉམ་པར་སྦྱོར་བའི་རྒྱུད་ལས་གསུངས་པའི་གཽ་རཱི་#ལ་སོགས་པའམ། འདིར་གསུངས་པའི་སྤྱན་མ་ལ་སོགས་པ་#གང་ཡིན་པ་དེ་རྣམས་སྔར་བཤད་པའི་ཆོ་གས་
[121a.6]བསྐྱེད་ལ་སྙོམས་པར་ཞུགས་པའི་རིམ་པས་སྤྱོད་ཅིང་རྡོ་རྗེ་འཆང་དང་འདྲ་བར་འགྱུར་རོ་ཞེས་བསྟན་ཏོ། །གནོད་སྦྱིན་ཞེས་བྱ་བ་ནས་ཁྱད་པར་རོ་ཞེས་བྱ་བའི་#བར་དུ་ནི་ཟླ་བའི་འོད་ལ་སོགས་པ་འཇིག་རྟེན་པའི་གནོད་སྦྱིན་མོ་བསྒྲུབས་ནས་གླིང་ཐམས་ཅད་ཀྱི་བདག་པོའམ། འདོད་
[121a.7]པའི་ཁམས་ཀྱི་བདག་པོའམ། རིག་པ་འཛིན་པའི་བདག་པོར་འགྱུར་རོ་ཞེས་བསྟན་ཏོ། །དེ་ལ་ཞེས་བྱ་བ་ནས་རྡོ་རྗེས་དེ་སྐད་ཅེས་བཀའ་སྩལ་ཏོ་ཞེས་པའི་བར་དུ་ནི་འཇིག་རྟེན་པའི་མཁའ་འགྲོ་མ་དང་འཇིག་རྟེན་ལས་འདས་པ་གང་ཡིན་པ་དེ་རྣམས་ཐམས་ཅད་གཙུག་ཏོར་
[121b]
[121b.1]འཁོར་ལོས་སྒྱུར་བ་ལ་སོགས་པའི་རྣལ་འབྱོར་པས་བསྒྲུབས་#ལ་སངས་རྒྱས་ཉིད་དང་རྡོ་རྗེ་འཆང་ཉིད་བསྒྲུབ་པར་བྱ་སྟེ། ལྷན་ཅིག་སྤྱོད་པའི་ཕྱིར་དང་ཐ་མལ་པ་མ་ཡིན་པའི་གཟུགས་འཛིན་པའི་ཕྱིར་ཞེས་བསྟན་ཏོ། །དེ་ལྟར་ཞེས་བྱ་བ་ནས་སྙོམས་པར་འཇུག་པར་བྱའོ་ཞེས་པའི་བར་
[121b.2]དུ་ནི་སྤྲོས་པ་མེད་པའི་སྤྱོད་པ་དང་ལྡན་པ་སྐུ་གསུང་ཐུགས་ཀྱི་རྡོ་རྗེའི་རྣལ་འབྱོར་པ་རྣམས་ཀྱིས། རང་གི་ཤིང་ལ་སོགས་པ་ལས་#བྱས་པའི་གདོང་དང་ཕྱག་དང་ཕྱག་མཚན་ལ་སོགས་པ་བྱས་ལ་དེ་དང་འདྲ་བ་ཡང་ཁ་དོག་སྦྱར་ཏེ། བཅུ་གཉིས་པ་དང་བཅུ་དྲུག་པ་དང་། ལོ་ཉི་ཤུ་པ་སྨེ་
[121b.3]ཤ་ཅན་དང་གར་མཁན་དང་ཁྲུས་མཁན་གྱི་བུ་མོ་ལེགས་པར་བསླབས་#པ་དམ་ཚིག་གི་ཕྱག་རྒྱ་སྤྱན་མ་#ལ་སོགས་པའི་གཟུགས་སུ་སྦྱར་བ་བླངས་ཏེ་དུས་བཞིན་#ཡུལ་ནས་ཡུལ་དུ་འགྲོ་ཞིང་སྙོམས་པར་ཞུགས་པར་བྱས་ཏེ། ཇི་སྲིད་དེ་དང་ལྷན་ཅིག་ཕྱག་རྒྱ་ཆེན་པོའི་དངོས་གྲུབ་
[121b.4]ཐོབ་པ་དེ་སྲིད་གནས་པར་བྱའོ། །སྡོང་བུ་ཞེས་བྱ་བ་ནས་བསྔགས་#པ་ཡིན་ནོ་ཞེས་བྱ་བའི་བར་དུ་ནི་ཕྱག་རྒྱ་དང་ལྷན་ཅིག་སྤྱོད་པའི་རྣལ་འབྱོར་པས་དམན་པའི་འཚོ་བ་སྤངས་ཏེ་ཇི་སྙེད་པའི་ཁ་ཟས་ཙམ་གྱིས་ལུས་འཚོ་བར་བྱའོ་ཞེས་བསྟན་ཏོ། །ཆོས་དབྱིངས་མངོན་པར་བྱང་ཆུབ་པ། །
[121b.5]ཇི་སྙེད་པ་ཡི་སྦྱོར་བ་ཡིས#། །ཞེས་བསྟན་པའི་ཕྱིར་རོ། །དེ་རྣམས་ཀྱི་ལེའུ་དགུ་པ་ནས་གསུངས་པའི་དམ་ཚིག་ལྔ་སྤྱད་པར་བྱའོ་ཞེས་བསྟན་ཏོ། །བསམ་གཏན་ཞེས་པ་ནས་སྒྲ་ཇི་བཞིན་པའོ་ཞེས་པའི་བར་དུ་ནི་ཤིན་ཏུ་སྤྲོས་པ་མེད་པའི་སྤྱོད་པ་དང་ལྡན་པའི་རྣལ་འབྱོར་པས་ཡེ་ཤེས་
[121b.6]ཀྱི་ཕྱག་རྒྱ་རང་གི་སྣང་བའི་རང་#བཞིན་སྙིང་ག་ནས་སྤྲོས་ཏེ། དེ་དང་ལྷན་ཅིག་བདེ་བ་ཆེན་པོ་མྱོང་ཞིང་ནགས་ཀྱི་ལྷ་མོས་བྱིན་པའི་ཁ་ཟས་སྤྱོད་པའམ་བསམ་གཏན་གྱི་ཁ་ཟས་ཅན་གྱིས་ཇི་སྲིད་དངོས་གྲུབ་ཐོབ་པ་དེ་སྲིད་གོམས་པར་བྱའོ་ཞེས་བསྟན་ཏོ། །སྒྲ་ཇི་བཞིན་པའོ་ཞེས་པ་ནི་
[121b.7]སྤྱོད་པ་གཉིས་བསྟན་པ་སྟེ། སྤྱོད་པ་ཇི་ལྟ་ཇི་ལྟར་གསུངས། །ཞེས་བསྟན་པས་སོ། །རྡོ་རྗེ་ཞེས་བྱ་བ་ནས་དགོངས་པས་བཤད་པའོ་ཞེས་པའི་བར་དུ་ནི་#ཕྱག་རྒྱ་དང་ལྷན་ཅིག་སྙོམས་པར་ཞུགས་ཏེ་ཐ་མལ་པའི་ལུས་#སྤངས་ནས་རྡོ་རྗེ་སྐུ་ཞེས་བྱ་བ་རྡོ་རྗེ་འཆང་ཆེན་པོའི་གོ་འཕང་ཐོབ་པའི་
[122a]
[122a.1]འབྲས་བུ་བསྟན་ཏོ། །དགོངས་#པས་བཤད་པའོ་ཞེས་པ་ནི་འཇིགས་#པ་ལ་སོགས་པའི་འགལ་བའི་སྒྲའི་སྒོ་ནས་དེ་ཁོ་ན་ཉིད་བསྟན་པས་སོ། །སྔར་བཤད་པའི་ལྷན་ཅིག་སྤྱོད་མ་རྡོ་རྗེ་ས་འོག་གི་རྒྱུད་ལས་གསུངས་པའི་དབང་དང་དགུག་པ་ལ་སོགས་པའི་ཆོ་གས་དགུག་
[122a.2]ཅིང་བསྒྲུབ་པར་བྱའོ་ཞེས་བསྟན་པའི་ཕྱིར་རོ#། །ལྷ་མོ་ཞེས་བྱ་བ་ལ་སོགས་པ་སྨོས་ཏེ། ལྷ་དང་གནོད་སྦྱིན་དང་དྲི་ཟ་ལ་སོགས་པའི་བུ་མོ་རྡོ་རྗེ་འཇིགས་བྱེད་དང་འབྱུང་པོ་འདུལ་བའི་རྒྱུད་ལས་གསུངས་པའི་རིམ་པས་བསྒྲུབ་པར་བྱ་བ་དང་། ལྷ་མ་ཡིན་གྱི་བུ་མོ་དང་ཀླུའི་བུ་མོ་རྡོ་རྗེ་ས་འོག་གི་
[122a.3]རྒྱུད་ལས་གསུངས་པའི་རིམ་པས་བསྒྲུབ་པར་བྱའོ་ཞེས་བསྟན་ཏོ། །རྣལ་འབྱོར་པ་རྣམས་ཏེ་ཞེས་པ་ནི་སྔོན་གྱི་སངས་རྒྱས་སོ། །དེས་བསྟེན་#པ་ནི་དེ་རྣམས་ཀྱི་སྤྱོད་པའོ། །རིག་པའི་བརྟུལ་ཞུགས་ཞེས་པ་ནི་དམ་ཚིག་གི་ཕྱག་རྒྱ་དང་ལྷན་ཅིག་སྤྱོད་པའི་མཚན་ཉིད་དོ། །ཐུན་
[122a.4]མོང་གི་ཆོ་གའོ་ཞེས་པ་ནི་རྣམ་པར་སྣང་མཛད་ལ་སོགས་པའི་རྣལ་འབྱོར་པ་ལ་ཐུན་མོང་ངོ་། །སྒྲུབ་པ་པོ་ཐམས་ཅད་ཀྱི་ཞེས་པ་ནི་རིམ་པ་གཉིས་ཀྱི་རྣལ་འབྱོར་པ་རྣམས་ཀྱིའོ། །ཤིན་ཏུ་གསང་བ་ཞེས་པ་#ནི་བྱ་བའི་རྒྱུད་ལ་སོགས་པ་ལ་བརྟེན་པ་ལ་སྦ་#བར་བྱའོ། །དོན་ཆེན་
[122a.5]པོ་ཐོབ་པར་བྱེད་པ་ཞེས་པ་ནི་ཐམས་ཅད་ཀྱི་#ཕུལ་དུ་བྱུང་བའི་འབྲས་བུ་ཐོབ་པར་བྱེད་པའོ། །སྐུ་རྡོ་རྗེ་ལ་སོགས་པ་ཞེས་པ་ནི་ལུས་ལ་སོགས་པའི་རྣམ་པར་དག་པའི་ངོ་བོ་རྣམ་པར་སྣང་མཛད་དང་#སྤྱན་མ་ལ་སོགས་པའི་རྒྱུས་སོ། །རྡོ་རྗེ་སྐུ་ལ་སོགས་པ་སྐྱེད་པར་བྱེད་
[122a.6]པ་ནི་བདེན་པ་གཉིས་ཀྱི་བདག་ཉིད་ཀྱི་རྡོ་རྗེ་འཆང་ཆེན་པོའི་གོ་འཕང་ལ་འཇུག་པར་བྱེད་པའོ། །དེ་ཉིད་བསྟན་པའི་ཕྱིར། དོན་དམ་པའི་བདེན་པ་#ཞེས་སྨོས་ཏེ། མངོན་པར་བྱང་ཆུབ་པའི་རིམ་པས་ཐོབ་པར་བྱེད་པའི་འོད་གསལ་བའོ། །ཐོས་#པས་ཏེ་ཞེས་
[122a.7]པ་ནི་འོད་གསལ་བ་ལས་ཅིག་ཅར་དུ་བྱུང་བའི་ཟུང་དུ་འཇུག་པའི་ཏིང་ངེ་འཛིན་གྱི་ངོ་བོ་རྡོ་རྗེ་འཆང་གི་སྐུ་སྐྱེད་པར་བྱེད་པའོ། །དེ་ཉིད་བསྟན་པའི་ཕྱིར། འོད་གསལ་བ་ཞེས་བྱ་བ་ལ་སོགས་པ་སྨོས་ཏེ། འོད་གསལ་བ་ནི་མངོན་པར་བྱང་ཆུབ་པའི་རིམ་པས་རྣམ་པར་དག་པ་ནི་སྤྲོས་པའོ། །
[122b]
[122b.1]ཡེ་ཤེས་ཀྱི་སྐུ་ནི་རྡོ་རྗེའི་སྐུ་སྟེ་ཟུང་དུ་འཇུག་པ་ཞེས་བྱ་བའོ། །ཐོབ་པར་བྱེད་པ་ཞེས་པ་ནི་དེ་རྫོགས་པར་བྱེད་པའོ། །བར་དུའོ་ཞེས་པ་ནི་རྫོགས་པ་རྗོད་པར་བྱེད་པ་ནི་ཚིག་ཕྲད་དོ། །བསྡུ་བར་བྱེད་པ་ཞེས་བྱ་བ་ལ་སོགས་པས་ལེའུ་ཉེ་བར་བསྡུ་བར་བསྟན་ཏོ། །དངོས་གྲུབ་ཐམས་
[122b.2]ཅད་ཅེས་པ་ནི་ཞི་བ་ལ་སོགས་པའི་དངོས་གྲུབ་ཀྱི་རྒྱུར་གྱུར་པ་རྣམ་པར་སྣང་མཛད་ལ་སོགས་པ་རྣམས་ཀྱིའོ། །དཀྱིལ་འཁོར་ནི་མཐའ་ཡས་པའི་དཀྱིལ་འཁོར་པས་ཡོངས་སུ་བསྐོར་བའོ། །དེ་ནི་དཀྱིལ་འཁོར་ཏེ་དཀྱིལ་འཁོར་དེ་ལ་བརྟེན་#ནས། །སྒྲུབ་པ་པོ་རྣལ་འབྱོར་པ་རྣམས་ཀྱི་མངོན་
[122b.3]པར་བྱང་ཆུབ་པའི་ཡེ་ཤེས་བསྐྱེད་པ་ནི་དབང་བསྐུར་བ་ལ་སོགས་པའི་རིམ་གྱིས་#ཡེ་ཤེས་ཀྱི་སྐུ་ཐོབ་པ་གང་ཡིན་པའོ། །དེའི་དོན་གྱི་གཞུང་གི་ཚོགས་ཞེས་པ་ནི་དེ་སྟོན་པར་བྱེད་པའི་ཚིག་གི་ཚོགས་སོ། །ལེའུ་ཞེས་བྱ་བ་ནི་སྔར་བཤད་ཟིན་ཏོ། །སྒྲ་ཇི་བཞིན་པ་ཞེས་པ་ནི་ལེའུའི་དོན་ཙམ་
[122b.4]སོ་སོར་བསྟན་པས་སོ། །དེ་ཡང་སོགས་པའི་སྒྲས་ཤེས་པར་བྱའོ། །སྒྲོན་#མ་གསལ་བར་བྱེད་པའི་འགྲེལ་པའི་ཊཱི་ཀཱ་ལས་ལེའུ་བཅུ་དྲུག་པའི་རྒྱ་ཆེར་བཤད་པའོ།། །།རིམ་པ་གཉིས་ཁོང་དུ་ཆུད་པ་ཞེས་བྱ་བ་ལ་སོགས་པས་ལེའུ་བཅུ་བདུན་པའི་བཤད་པ་བརྩམ་#པར་བྱ་སྟེ། རིམ་པ་གཉིས་
[122b.5]ཁོང་དུ་ཆུད་པ་ཞེས་པ་ནི་ལེའུ་བཅུ་དྲུག་གི་རིམ་པ་གཉིས་མངོན་དུ་བྱས་པའོ། །འཇིག་རྟེན་པ་ནི་མི་དགེ་བ་བཅུ་ལས་ལྡོག་པའི་མཚན་ཉིད་དོ། །འཇིག་རྟེན་ལས་འདས་པ་ནི་དམ་ཚིག་དང་སྡོམ་པའི་བསྲུང་བར་བྱ་བ་དང་བཟའ་བར་བྱ་བའི་དབྱེ་བས་ཕྱེ་བ་དེ་བཞིན་གཤེགས་པ་ལྔའི་དམ་ཚིག་དང་བདུད་རྩི་ལྔ་
[122b.6]དང་ལྕགས་ཀྱུ་ལྔ་ལ་སོགས་པའི་སྤྱོད་པའོ། །ཉམས་སུ་མ་བླངས་ན་ཞེས་པ་ནི་དེ་དག་ཐམས་ཅད་མི་སྲུང་ཞིང་སྤོང་བས་སོ། །དངོས་གྲུབ་ནི་ཕྱག་རྒྱ་ཆེན་པོའི་མཚན་ཉིད་དོ། །རིང་བར་འགྱུར་བ་ནི་འགྲུབ་པར་མི་འགྱུར་བའོ། །དེ་ནི་ལེའུ་བཅུ་བདུན་པ་དམ་ཚིག་དང་སྡོམ་པ་སྟོན་པར་བྱེད་པ་སྡུད་#པ་པོས་བསྟན་ཏོ། །
[122b.7]དེ་བཞིན་གཤེགས་པ་ཐམས་ཅད་ཀྱིས་གསོལ་བ་འདེབས་པ་ཞེས་པ་ནི་རྡོ་རྗེ་འཆང་ཆེན་པོ་ལ་མི་བསྐྱོད་པ་ལ་སོགས་པ་སངས་རྒྱས་ལྔ་པོས་བསྟོད་པའོ། །མི་བསྐྱོད་པ་ཞེས་བྱ་བ་ལ་སོགས་པ་ཐུགས་རྡོ་རྗེ་འཆང་གི་སྒོ་ནས་བསྟོད་པ་བསྟན་ཏེ། ཉོན་མོངས་པའི་ཚོགས་ཐམས་ཅད་ནི་ཆགས་པ་དང་བྲལ་བ་ལ་སོགས་པའོ། །
[123a]
[123a.1](ད་,དེ་)རྣམས་ཀྱི་ཚོགས་ནི་ཉིན་མོ་དང་མཚན་མོ་དང་བརྒྱ་དྲུག་ཅུའི་དབྱེ་བས་འཇུག་པའོ། །མི་གཡོ་བ་ཞེས་པ་ནི་སྔགས་དང་ཕྱག་རྒྱའི་རིམ་པས་དེ་རྣམས་སྤོང་བའི་ཕྱིར་རོ། །དེ་ལྟར་གྱུར་པ་ནི་རྡོ་རྗེ་ཐུགས་དང་ལྡན་པའོ། །དེ་བཞིན་དུ་སྟོང་པ་ནི་བཞི་སྟེ་རྒྱུ་དང་འབྲས་བུའི་དབྱེ་
[123a.2]བས་གནས་པ་དེའི་བདག་ཉིད་ཅན་ཡང་བཅོམ་ལྡན་འདས་ཡིན་ཏེ། ཁྱབ་བྱེད་ཡིན་པའི་ཕྱིར་རོ། །གང་གི་ཕྱིར་དོན་དམ་པའི་བདེན་པ་ནི་ཀུན་ནས་ཉོན་མོངས་པ་དང་རྣམ་པར་བྱང་བའི་རྣམ་པར་རྟོག་པ་ཁྱབ་པར་#བྱེད་པ་ཉིད་ཀྱིས་#འདྲ་བ་སྟེ། དེ་ལ་སྤང་བྱ་དང་དོར་བྱའི་བག་ཆགས་ཀྱིས་
[123a.3]གོས་པ་མི་སྲིད་དེ། རྟག་ཏུ་དག་པའི་#ཕྱིར་དང་། གློ་བུར་གྱི་དྲི་མ་རྣམས་རྣམ་པར་བྱང་བའི་ཕྱིར་རོ། །མི་བསྐྱོད་པ་ལ་སོགས་པ་སྟེ། །ཞེས་པ་ནི་དེ་བཞིན་གཤེགས་པ་ལྔའོ། །དེ་འཛིན་པར་བྱེད་པས་ན་#ཞེས་པ་ནི་དེ་རྣམས་བསྐྱེད་པའམ་སྤྲོ་བར་བྱེད་པ་སྟེ། རྡོ་རྗེ་འཆང་ཆེན་པོ་ལས་རིགས་
[123a.4]ཐམས་ཅད་བྱུང་བའི་ཕྱིར་རོ། །ཇི་སྐད་དུ། རྣལ་འབྱོར་ཐམས་ཅད་བཅོམ་ལྡན་འདས། །རྡོ་རྗེ་སེམས་དཔའ་#དེ་བཞིན་གཤེགས། །དེ་ཡི་ཁམས་གསུམ་མ་ལུས་པ། །ཐམས་ཅད་དུ་ནི་ལོངས་སྤྱོད་ཅིང་། །ཞེས་འབྱུང་བས་སོ། །བདེན་པ་གཉིས་ནི་ཀུན་རྫོབ་དང་དོན་དམ་པའོ། །
[123a.5]དེའི་དབྱེ་བས་ནི་#སེམས་རྣམ་པར་དག་པ་ལ་སོགས་པའི་རིམ་པ་#ཁོ་ན་ཉིད་རྟོགས་པའོ། །དེ་ཡོངས་སུ་མཁྱེན་པས་ཞེས་པ་ནི་དེའི་སྔོན་#དུ་མཛད་པས་སོ། །དེ་ལ་སེམས་རྣམ་པར་དག་པའི་རིམ་པས་རང་བཞིན་དང་སྣང་བ་ཀུན་རྫོབ་པ་ཡོངས་སུ་སྤངས་ནས་འོད་གསལ་བའི་མཚན་ཉིད་
[123a.6]ཅན་གྱི་དོན་དམ་པའི་བདེན་པ་སྔོན་#དུ་མཛད་པ་དང་། བདག་ལ་བྱིན་གྱིས་བརླབས་པའི་རིམ་པས་ཆད་པའི་ཕྱོགས་ཡོངས་སུ་སྤང་#བའི་ཕྱིར་རོ། །ཡེ་ཤེས་ཀྱི་སྐུ་ཡོངས་སུ་བཟུང་བས་ཀུན་རྫོབ་ཀྱི་བདེན་པའི་དབྱེ་བས་སྔོན་#དུ་མཛད་པ་#དང་། མངོན་པར་བྱང་ཆུབ་ཀྱི་རིམ་པས་ཀྱང་དེ་ཡོངས་
[123a.7]སུ་སྦྱངས་#ནས་དེ་ཁོ་ན་ཉིད་བཞི་པ་དོན་དམ་པའི་བདེན་པ་མངོན་དུ་མཛད་པ་དང་། རྟག་པ་དང་ཆད་པ་ལ་སོགས་པ་དང་བྲལ་བའི་ཟུང་དུ་འཇུག་པའི་རིམ་པས་#བདེན་པ་གཉིས་དབྱེར་མེད་པས་མངོན་དུ་མཛད་པའོ་ཞེས་དགོངས་པའོ། །བཅོམ་ལྡན་འདས་རྡོ་རྗེ་འཆང་གིས་ནི་དེ་དག་
[123b]
[123b.1]ཐམས་ཅད་མངོན་པར་རྟོགས་པར་མཛད་དོ། །རྡོ་རྗེ་ལ་སོགས་པ་ཞེས་པ་ནི་རྣམ་པར་སྣང་མཛད་ལ་སོགས་པའི་ནང་ན་གཙོ་བོར་གྱུར་པས་ན་བདག་པོར་གྱུར་པས་སོ། །དོན་དམ་པའི་དཀྱིལ་འཁོར་དང་ཞེས་པ་ནི་གཟུགས་ལ་སོགས་པའི་ཕུང་པོ་དང་ཁམས་དང་སྐྱེ་མཆེད་རྣམས་འོད་
[123b.2]གསལ་བ་ལ་འཇུག་#པའི་མཚན་ཉིད་དོན་དམ་པའི་དཀྱིལ་འཁོར་ཏེ་སྙིང་པོ་ལེན་པས་སོ། །དེ་ནི་རིམ་པ་གཉིས་པོ་ལ་ཡང་ཡོད་#དེ། དང་པོ་སྦྱོར་བའི་ཡན་ལག་ཏུ་གྱུར་པ་རྣལ་འབྱོར་གྱི་ཕྱོགས་གཅིག་ཡིན་པའི་ཕྱིར་དང་། སེམས་རྣམ་པར་དག་པ་དང་#མངོན་པར་བྱང་ཆུབ་པའི་རིམ་
[123b.3]པས་ཐོབ་པའི་ཕྱིར་རོ། །བསྐྱེད་པའི་རིམ་པ་ལ་སྐུ་ཉིད་#དཀྱིལ་འཁོར་ཏེ་ལྷ་སུམ་ཅུ་རྩ་གཉིས་དགོད་པའི་བདག་ཉིད་ཡིན་པའི་ཕྱིར་རོ། །རྗེས་སུ་རྣལ་འབྱོར་དང་ཤིན་ཏུ་རྣལ་འབྱོར་དང་རྣལ་འབྱོར་ཆེན་པོས་དེ་རྫོགས་པས་ན་དང་པོ་སྦྱོར་བའི་ཏིང་ངེ་འཛིན་ཏོ། །དཀྱིལ་འཁོར་རྒྱལ་བ་
[123b.4]མཆོག་ལ་ཕྱག་རྒྱ་འདུས་བྱས་པ་སྔོན་དུ་འགྲོ་བས་ཕྱི་#རོལ་དུ་ལྷ་སུམ་ཅུ་རྩ་གཉིས་སྤྲོ་བ་ནི་ཕྱུང་བའི་དཀྱིལ་འཁོར་ཏེ། དེ་#འགྲོ་བའི་དོན་བྱེད་པའི་ཕྱིར་ཏེ་དཀྱིལ་འཁོར་རྒྱལ་བ་མཆོག་གི་ཏིང་ངེ་འཛིན་ཏོ། །གལ་ཏེ་དེ་ལྟ་ཡིན་ན་འདུས་པའི་#ཕྱི་མའི་རྒྱུད་ཀྱི་ཚད་མས་ཇི་ལྟར་འགལ་བ་
[123b.5]མ་ཡིན་ཞེ་ན། དེ་ལ་བྱང་ཆུབ་སེམས་ནི་དཀྱིལ་འཁོར་ཏེ#། །བྷ་གའི་དཀྱིལ་འཁོར་ཉིད་དང་ནི། །སྐུ་ཡི་དཀྱིལ་འཁོར་ཞེས་བྱ་བ། །དཀྱིལ་འཁོར་གསུམ་ནི་བརྟགས་པ་ཡིན། །ཞེས་པས་#མི་འགལ་ཏེ། དེའི་རྣམ་གྲངས་ཡིན་པའི་ཕྱིར་རོ། །དེ་ལ་བྱང་ཆུབ་ཀྱི་སེམས་ནི་དོན་དམ་
[123b.6]པའི་དཀྱིལ་འཁོར་ཡིན་ཏེ། སྟོང་ཉིད་སྙིང་རྗེ་དབྱེར་མེད་པའི། །བྱང་ཆུབ་སེམས་སུ་དེ་བཤད་དོ། །ཞེས་དེ་ཉིད་ལས་གསུངས་པའི་ཕྱིར་རོ། །འོན་ཀྱང་བྱང་ཆུབ་ཀྱི་སེམས་ལ་ཆ་གཉིས་ཏེ། རྫས་ཀྱི་ཆ་དང་བདེ་བ་ཆེན་པོའི་ཆའོ། །དེའང་བདེ་བ་ཆེན་པོའི་ཆ་ལ་བརྟེན་ནས་བྱང་ཆུབ་
[123b.7]སེམས་#ཉིད་ནི་དོན་དམ་པའི་དཀྱིལ་འཁོར་ཞེས་བྱའོ། །སྐུའི་དཀྱིལ་འཁོར་ནི་འདྲ་བ་ཉིད་དོ། །བྷ་གའི་དཀྱིལ་འཁོར་ནི་ཕྱུང་བའི་#དཀྱིལ་འཁོར་ཉིད་ཡིན་ཏེ། བྷ་ག་ལས་ཕྱུང་བའི་དཀྱིལ་འཁོར་འབྱུང་བས་སོ། །རྒྱུ་དང་འབྲས་བུ་དབྱེར་མེད་པས་འདི་སྐད་བསྟན་ཏེ། ཉེ་བར་
[124a]
[124a.1]བརྟགས་པས་སོ། །གཞན་དག་ན་རེ་སྐུའི་དཀྱིལ་འཁོར་#སུམ་ཅུ་རྩ་གཉིས་ཀྱི་བདག་ཉིད་དོ། །གསུང་གི་དཀྱིལ་འཁོར་ནི་དབྱངས་དང་གསལ་བྱའི་བདག་ཉིད་ཅན་གྱི་#ཡི་གེ་ཕྱི་མོ་ཞེས་ཟེར་རོ། །ཨ་ཨཱ་ནི་རྣམ་པར་སྣང་མཛད་དང་སྤྱན་མའོ། །ཨི་ཨཱི་ནི་རིན་ཆེན་འབྱུང་ལྡན་དང་མཱ་མ་ཀཱིའོ། །ཨུ་ཨཱུ་#ནི་
[124a.2]འོད་དཔག་ཏུ་མེད་པ་དང་གོས་དཀར་མོའོ། །[རྀ]་[རཱྀ]་ནི་དོན་ཡོད་གྲུབ་པ་དང་སྒྲོལ་མའོ། །[ལྀ]་[ལཱྀ]་ནི་མི་བསྐྱོད་པ་དང་རེག་བྱ་རྡོ་རྗེ་མའོ། །ཨེ་ཨཻ་ཨོ་ཨཽ་#ནི་གཤིན་རྗེ་མཐར་བྱེད་ལ་སོགས་པ་ཁྲོ་བོ་བཞིའོ། །ཀ་ཁ་ག་གྷ་ང་ནི་ལྷ་མོ་བཞིས་བསྐོར་བའི་རྣམ་པར་#མཛད་དོ། །ཙ་ཚ་ཛ་ཛྷ་ཉ་ནི་ལྷ་མོ་བཞིས་ཡོངས་
[124a.3]སུ་བསྐོར་བའི་རིན་ཆེན་འབྱུང་ལྡན་ནོ། །ཊ་ཋ་ཌ་ཌྷ་ཎ་ནི་ལྷ་མོ་བཞིས་ཡོངས་སུ་བསྐོར་བའི་འོད་དཔག་ཏུ་མེད་པའོ། །ཏ་ཐ་ད་དྷ་ན་ནི་ལྷ་མོ་བཞིས་ཡོངས་སུ་བསྐོར་བའི་དོན་ཡོད་གྲུབ་པའོ། །པ་ཕ་བ་བྷ་མ་ཞེས་པ་ནི་ལྷ་མོ་བཞིས་ཡོངས་སུ་བསྐོར་བའི་མི་བསྐྱོད་པའོ། །དེ་དག་ལྔ་ལྔའི་
[124a.4]བདག་ཉིད་ནི་དཀྱིལ་འཁོར་ལྔའོ། །ཡ་ར་ལ་ཝ་ཤ་ཥ་ས་ཧ་ཨཾ་ཨཿཞེས་བྱ་བ་ནི་ཁྲོ་བོ་བཅུ་སྟེ་གསུང་གི་དཀྱིལ་འཁོར་རོ། །དེ་བཞིན་དུ་འདོད་ཆགས་དང་ཞེ་སྡང་དང་། གཏི་མུག་དང་། ང་རྒྱལ་དང་། ཕྲག་དོག་རྣམ་པར་དག་པའི་རང་བཞིན་ནི་འོད་དཔག་ཏུ་མེད་པ་ལ་སོགས་པའོ། །
[124a.5]བདག་ཏུ་ལྟ་བ་#དང་། བདག་ཏུ་རྨོངས་པ་དང་། བདག་ཏུ་ང་རྒྱལ་བ་དང་། བདག་ཏུ་ཆགས་པ་རྣམ་པར་དག་པས་སྤྱན་#ལ་སོགས་པའོ། །ཀུན་གཞི་ལ་སོགས་པ་རྣམ་པར་ཤེས་པ་བརྒྱད་རྣམ་པར་དག་པས་བྱམས་པ་ལ་སོགས་པའོ། །ཆུ་བོ་བཞི་རྣམ་པར་དག་པས་གཟུགས་རྡོ་རྗེ་
[124a.6]མ་ལ་སོགས་པའོ། །ངོ་ཚ་མེད་ཅིང་ཁྲེལ་མེད་དང་། །ཕྲག་དོག་སེར་སྣ་རྒྱགས་པ་དང་། །འགྱོད་པ་བྱིང་བ་རྒོད་པ་དང་། །ཁྲོ་བ་དང་ནི་འཆབ་#པ་སྟེ། །ཀུན་དུ་སྦྱོར་བ་བཅུ་རྣམ་པར་དག་པས་གཤིན་རྗེ་མཐར་བྱེད་ལ་སོགས་པ་ཁྲོ་བོ་བཅུ་ཞེས་ཐུགས་ཀྱི་དཀྱིལ་འཁོར་ཏེ། ཀུན་
[124a.7]ནས་ཉོན་མོངས་པའི་སེམས་སྦྱོང་བར་བྱེད་པས་སོ། །ཡང་དག་མ་ཡིན་ཀུན་རྟོག་མིན། །སེམས་དང་སེམས་བྱུང་ཁམས་གསུམ་པའོ། །ཞེས་འབྱུང་ངོ་། །དཀྱིལ་འཁོར་གསུམ་པོ་དེའི་རང་བཞིན་བཅོམ་ལྡན་འདས་རྡོ་རྗེ་འཆང་ཡིན་ཏེ། དེ་ལས་བྱུང་བའི་ཕྱིར་རོ། །ཇི་ལྟར་
[124b]
[124b.1]བདེན་པའི་#དཀྱིལ་འཁོར་ནི། །གང་གིས་རབ་ཏུ་བརྟག་#པར་ནུས། །རང་ལྷག་ལྷ་#ཡི་སྦྱོར་བ་ཡིས། །དཀྱིལ་འཁོར་བརྟག་པ་འགྲུབ་པ་ཡིན། །ཞེས་འབྱུང་ངོ་། །དམ་ཚིག་དེ་ཁོ་ན་ཉིད་ཅེས་བྱ་བ་ནི་བཟའ་བ་ལ་སོགས་པའོ། །བཤད་དུ་གསོལ་ཞེས་པ་ནི་སྟོན་པར་མཛད་དུ་གསོལ་ཞེས་
[124b.2]པའོ། །མི་བསྐྱོད་པའི་སྒོ་ནས་བསྟོད་པའོ་ཞེས་པ་ནི་ཆོས་ཀྱི་དབྱིངས་ཀྱི་ཡེ་ཤེས་ཀྱི་ངོ་བོ་ཡིན་པས་སོ། །འོད་གསལ་བའི་མེས་ཞེས་པ་ནི་མེ་ལོང་ལྟ་བུའི་ཡེ་ཤེས་ཀྱི་མེས་སོ། །འབར་བར་གྱུར་པས་ན་ཞེས་པ་ནི་ཉོན་མོངས་པ་དང་ཤེས་བྱའི་སྒྲིབ་པ་སྤངས་པས་མཛེས་པར་འགྱུར་
[124b.3]བའོ། །དེ་ཉིད་ཀྱི་ཕྱིར་དགའ་བ་#ཆེའོ་ཞེས་པ་ནི་འབྲས་བུར་གྱུར་པ་ཉིད་དུ་བསྟན་ཏོ། །དེ་རྣམས་རྣམ་པར་དག་པའི་ངོ་བོ་ཉིད་ཀྱིས་ཞེས་པ་ནི་ཉེ་བར་སྡུད་པར་བྱེད་པས་སོ། །དྲུག་པར་འགྱུར་བས་#ན་ཞེས་པ་ནི་དཔལ་རྡོ་རྗེ་སེམས་དཔའ་ཉིད་ཡིན་པས་སོ། །མཆོག་ཏུ་དགའ་བའི་བདག་ཉིད་
[124b.4]ཡིན་པས་ན་ཞེས་པ་ནི་སྤྱན་མ་དང་སྙོམས་པར་ཞུགས་པས་བདེ་བ་ཆེན་པོའི་ངོ་བོ་ཡིན་པས་སོ། །ངོ་བོ་ཉིད་ཀྱིས་དག་པ་ཞེས་པ་ནི་གཙང་བ་དང་མི་གཙང་བ་ལ་སོགས་པ་བརྟགས་པ་ཡིན་པས་ན་མི་བཟའ་བ་དང་མི་བཏུང་བ་ལ་སོགས་པ་རྟག་ཏུ་དྲི་མ་མེད་པའོ། །བསྟོད་ཅིང་ཞེས་བྱ་བ་ལ་སོགས་པས་རྣམ་པར་
[124b.5]སྣང་མཛད་ཀྱི་སྒོ་ནས་བསྟོད་པའོ། །རིན་པོ་ཆེའི་རིགས་དང་ལྡན་པའོ་ཞེས་བྱ་བ་ནི་མཱ་མ་#ཀཱི་ལ་སོགས་པའོ། །གསལ་བར་མཛད་པ་ནི་སྤྲོ་#བར་མཛད་པའོ། །མཉམ་པ་ཉིད་ཀྱི་ཡེ་ཤེས་ཀྱི་བདག་ཉིད་ཡིན་པས་ན་#ཞེས་པ་ནི་ནམ་མཁའ་མཛོད་ཉིད་ཀྱིས་མཉམ་པ་ཉིད་ཀྱི་ཡེ་ཤེས་
[124b.6]ཀྱི་ངོ་བོ་ཡིན་པས་སོ། །དེ་ཉིད་ཀྱིས་ན་ཞེས་བྱ་བ་ལ་སོགས་པས་ནམ་མཁའ་དང་མཉམ་པ་ཉིད་ཀྱི་ཡེ་ཤེས་ཀྱི་ངོ་བོ་ཉིད་དུ་བསྟན་ཏོ། །གསུངས་ཤིག་པ་ཞེས་བྱ་བས་རིན་ཆེན་འབྱུང་ལྡན་གྱི་སྒོ་ནས་བསྟོད་པའོ། །པདྨའི་རིགས་དང་ལྡན་པ་ཞེས་པ་ནི་བྱང་ཆུབ་ཀྱི་སེམས་ཀྱི་ངོ་བོ་ཡིན་པས་སོ། །དེ་
[124b.7]རྣམས་ཀྱི་བདག་པོར་གྱུར་པས་ཞེས་པ་ནི་དེ་རྣམས་སྐྱེད་པར་བྱེད་པས་སོ། །སོ་སོར་རྟོག་པའི་ཡེ་ཤེས་པས་ན་#ཞེས་པ་ནི་ཆོས་རབ་ཏུ་འབྱེད་#པའི་བདག་ཉིད་ཅན་གྱིས་#སོ་སོར་རྟོག་པའི་ངོ་བོ་ཡིན་པས་སོ། །དེ་ཉིད་ཀྱིས་ན་ཞེས་པས་འབྲས་བུ་བསྟན་ཏོ། །འཁོར་བ་ལ་#ཞེན་པའི་མཚན་ཉིད་ཅན་
[125a]
[125a.1]ཞེས་པ་ནི་བདེ་བ་#དང་བདེ་བའི་རྒྱུ་ལས་མངོན་པར་འདོད་པ་སྔོན་དུ་འགྲོ་བས་གཟུང་བའི་མཚན་ཉིད་དོ། །དེ་ལྟར་སོ་སོར་རྟོག་པའི་ཡེ་ཤེས་ཀྱི་ཕ་རོལ་ཏུ་#ཕྱིན་པ་ནི་བཅོམ་ལྡན་འདས་འོད་དཔག་ཏུ་མེད་པ་ཡིན་ནོ་ཞེས་བྱ་བ་འདིས་སྣང་བ་མཐའ་ཡས་ཀྱི་སྒོ་ནས་བསྟོད་པའོ། །
[125a.2]དོན་ཡོད་གྲུབ་པའི་ཡེ་ཤེས་ནི་འཁོར་བའི་བཙོན་ར་ལས་གྲོལ་བའི་མཚན་ཉིད་དོ། །རབ་ཏུ་རྩོལ་བ་ན་ཞེས་པ་ནི་དེ་#སྟེར་བས་སོ། །དོན་ཡོད་པར་གྲུབ་པའི་རིགས་སོ་ཞེས་པ་ནི་སྒྲོལ་མ་ལ་སོགས་པའོ། །དེས་དག་ཅིང་གཙོ་བོར་བྱས་པས་#ན་ཞེས་པ་ནི་མཆོད་པར་བྱ་བ་སྟེ། དེ་རྣམས་ཀྱི་
[125a.3]བདག་པོ་ཡིན་པའི་ཕྱིར་རོ། །ཞི་བ་ལ་སོགས་པའི་ལས་རྣམས་ཀྱི་ཞེས་པ་ནི། ཞི་བ་དང་རྒྱས་པ་དང་། དབང་དང་། དགུག་པ་དང་། མངོན་སྤྱོད་ཀྱིས་ཏེ། ལས་ལྔས་སོ། །སྒྲུབ་པ་པོའི་འགྲོ་བ་རྣམས་ཀྱི་ཞེས་པ་ནི་ཕ་རོལ་ལ་ཕན་པ་ལ་བརྩོན་པ་སྔགས་པ་རྣམས་ཀྱིས་སོ། །འདོད་པ་
[125a.4]ཐམས་ཅད་སྐྱེད་པ་ཞེས་པ་ནི་ནད་པ་དང་དབུལ་པོ་དང་གདུལ་དཀའ་བ་དང་། མཚམས་མེད་པ་བྱེད་པ་རྣམས་ལ་ཇི་ལྟ་བ་བཞིན་དུ་ཞི་བ་ལ་སོགས་པའི་ལས་མཛད་པ་སྟེ། དོན་ཡོད་གྲུབ་པ་ནི་ལས་ཐམས་ཅད་པ་ཡིན་པའི་ཕྱིར་རོ། །དེ་ལས་བྱུང་བས་ན་#ཞེས་པ་ནི་རིམ་པ་གསུམ་པ་
[125a.5]དང་ལྔ་པ་ལས་འབྱུང་བའི་ཕྱིར་རོ། །དེ་ལྟ་བུ་ཞེས་པ་ནི་ལྔའི་བདག་ཉིད་དོ། །རྡོ་རྗེ་སེམས་དཔའ་ཞེས་པ་ནི་དྲུག་པའོ། །ཁྱེད་ལ་ཕྱག་འཚལ་ལོ་ཞེས་པ་ནི་ཁྱེད་ལ་ལུས་ལ་སོགས་པས་འདུད་དེ་#བསྟོད་པ་ཉེ་བར་སྡུད་ཅེས་#པ་ནི་བསྟོད་པའི་མཆོད་པའོ། །དགོངས་པ་མ་ཡིན་པས་བཤད་པའོ་ཞེས་པ་
[125a.6]ནི་ཤིན་ཏུ་གསལ་བའི་བདག་དེ་བཞིན་གཤེགས་པ་ལྔའི་བདག་ཉིད་ཅན་གྱི་དེ་ཁོ་ན་ཉིད་བསྟན་པས་སོ། །དུས་གསུམ་ཞེས་བྱ་བ་ནས་སྒྲ་ཇི་བཞིན་པའོ་ཞེས་པའི་བར་དུ་ནི་ཚིགས་སུ་བཅད་པ་ལྔས་གང་ཞིག་རྣལ་འབྱོར་པ་རྡོ་རྗེ་འཆང་ལ་བསྟོད་པ་སྟེ་ཡང་དེ་དང་འདྲ་བར་འགྱུར་རོ་ཞེས་ཕན་ཡོན་བསྟན་
[125a.7]ཏེ#། བསྟོད་པའི་སྒོ་ལས་རྡོ་རྗེ་འཆང་གི་དེ་ཁོ་ན་ཉིད་མངོན་དུ་གྱུར་པས་སོ། །སྒྲ་ཇི་བཞིན་པའོ་ཞེས་པ་ནི་རྟོག་གི་#སྒྲས་ཕན་ཡོན་བསྟན་པའོ། །དགྱེས་ནས་མངོན་དུ་ཕྱོགས་པ་བསྟན་ཏོ་ཞེས་པ་ནི་བསྟོད་པའི་ཚིག་ལས་བྱུང་#བའི་དགའ་བ་ཉིད་དོ། །ཉོན་མོངས་པ་ནི་དྲུག་གོ། །ཉེ་བའི་ཉོན་མོངས་པ་ནི་ཉི་ཤུ་རྩ་
[125b]
[125b.1]བཞིའོ། །དེ་རྣམས་དབྱེ་བ་དགུ་བཅུ་རྩ་བརྒྱད་ཡིན་པས་ན་ཐམས་ཅད་དོ། །ཉེ་བར་ཞི་བར་མཛད་པ་ན་ཞེས་པ་ནི་དེ་རྣམས་མཐོང་བ་དང་བསྒོམ་#པའི་རིམ་གྱིས་སྤོང་བས་སོ། །ཡང་ན་ཉོན་མོངས་པ་ནི་རྣམ་གསུམ་དང་ཉེ་བའི་ཉོན་མོངས་པ་ནི་དེ་ལས་བྱུང་བའི་རང་བཞིན་རྣམས་སོ། །དེ་དག་ཐམས་ཅད་
[125b.2]སྔགས་དང་ཕྱག་རྒྱའི་རིམ་པས་འོད་གསལ་བར་མཛད་པས་ན་བསྟན་པས་སོ། །ཕུང་པོ་ལྔའི་བདག་ཉིད་ནི་དེ་བཞིན་གཤེགས་པའི་རང་བཞིན་གྱིས་#ཕུང་པོའི་ངོ་བོའི་བདག་ཉིད་དོ། །སེམས་ཅན་ཐམས་ཅད་ཅེས་པས་#ནི་འགྲོ་བ་རིགས་དྲུག་པའོ། །ཅི་རིགས་པར་ཞེས་པ་ནི་བསམ་པ་དང་བག་ལ་ཉལ་
[125b.3]བ་#དང་ཁམས་དང་བག་ཆགས་ཀྱིས་#དབྱེ་བས་སོ། །མཐོ་རིས་དང་ཐར་པ་ཞེས་པ་ནི་བདེ་འགྲོ་དང་མྱ་ངན་ལས་འདས་པའོ། །ཐོབ་པར་མཛད་པས་ན་ཞེས་བྱ་བ་#ནི་བསོད་ནམས་དང་ཡེ་ཤེས་ཀྱི་ཚོགས་བསྟན་པས་རིམ་པ་ཇི་ལྟ་བ་བཞིན་སྟེར་བས་སོ། །དམ་ཚིག་བཞིའི་ཞེས་པ་ནི་སྲོག་གཅོད་པ་ལ་སོགས་པ་ལེའུ་ལྔ་པ་
[125b.4]ལས་དགོངས་པས་བཤད་པས་སོ། །གཞིར་གྱུར་པའོ་ཞེས་པ་ནི་རྟེན་དུ་གྱུར་པའོ། །རྙོག་པ་མེད་པ་ཞེས་པ་ནི་ཁ་ན་མ་ཐོ་བ་མེད་པས་ཏེ་ལེའུ་ལྔ་པ་ནས་གསུངས་པའི་ངེས་པར་རོ། །ཨེ་མ་ཧོ་#ཞེས་བྱ་བ་ནས་དགོངས་པ་མ་ཡིན་པས་བཤད་པའོ་ཞེས་བྱ་བའི་#བར་དུ་ནི་མི་བསྐྱོད་#པ་ལ་སོགས་པའི་ཞུ་
[125b.5]བ་རྡོ་རྗེ་འཆང་གིས་ངོ་མཚར་བར་དགོངས་སོ་ཞེས་བསྟན་ཏོ། །དགོངས་པ་མ་ཡིན་པའོ་ཞེས་པ་ནི་དམ་ཚིག་བཞི་པའི་དེ་ཁོ་ན་ཉིད་བསྟན་པས་སོ། །དེ་ལྟར་ཞེས་བྱ་བ་ནས་འདི་ནི་གོ་སླའོ་ཞེས་པའི་བར་དུ་ནི་ཡང་དག་པར་རྫོགས་པའི་སངས་རྒྱས་ཀྱི་ཐེག་པ་ལ་དགོངས་པས་བཤད་པས་སྲོག་གཅོད་པ་ལ་སོགས་
[125b.6]པ་སྲུང་#བའི་དམ་ཚིག་བཞི་དང་བཤད་པ་ལ་སོགས་པ་བཟའ་བའི་དམ་ཚིག་ལྔ་བསྟན་ཏེ། དེ་རྣམས་རྒྱ་ཆེ་བའི་མོས་པ་ཡིན་པས་སྐུ་རྡོ་རྗེ་ལ་སོགས་པའི་རྣལ་འབྱོར་པ་དྲུག་གི་དམ་ཚིག་འདི་ཡིན་ནོ། །དེ་ལྟར་ཞེས་བྱ་བ་ནས་སྡོམ་#པའོ་ཞེས་པའི་བར་དུ་ནི་རང་སངས་རྒྱས་ཀྱི་རིགས་ཅན་གྱི་སྡོམ་པ་
[125b.7]བསྟན་ཏོ། །དེ་ལ་བསྟན་པ་ནི་རྣམ་པ་གསུམ་སྟེ། སྐུ་དང་གསུང་དང་ཐུགས་ཀྱིའོ། །དེ་ལ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཆོ་འཕྲུལ་བསྟན་པའི་མཚན་ཉིད་ནི་སྐུའི་བསྟན་པ་དང་། ཆོས་བསྟན་པ་ལ་འཇུག་པའི་མཚན་ཉིད་ནི་གསུང་གི་བསྟན་པ་དང་།
[126a]
[126a.1]ཏིང་ངེ་འཛིན་གྱི་དབང་གི་མཚན་ཉིད་ནི་ཡིད་ཀྱི་བསྟན་པ་སྟེ་བསྟན་པ་རྣམ་པ་གསུམ་པོ་དེ་#རྣམས་ལ་ཡོད་དེ། གཞན་གྱི་དོན་མཛད་པའི་ཕྱིར་རོ། །རང་སངས་རྒྱས་ལ་སྐུའི་བསྟན་པ་ཡོད་དེ། ཆོ་འཕྲུལ་ལ་སོགས་པ་བསྟན་པས་འགྲོ་བའི་དོན་མཛད་པས་སོ། །ངག་གི་
[126a.2]བསྟན་པ་ནི་མེད་དེ་ཏིང་ངེ་འཛིན་ལ་སྙོམས་པར་ཞུགས་པས་གསུང་མི་འབྱུང་བས་སོ། །སེམས་ཅན་རྣམས་ཀྱང་དེའི་ཆོ་འཕྲུལ་མཐོང་བས་དད་པ་སྐྱེ་ཞིང་བདག་ཅག་རྣམས་དེ་དང་འདྲ་བར་འགྱུར་རོ་ཞེས་སེམས་བསྐྱེད་ལ་སྐྱབས་སུ་འགྲོ་བ་ལ་སོགས་པས་ཆོས་ཐོས་ཤིང་བསམ་པ་དང་བསྒོམ་#པས་
[126a.3]དངོས་གྲུབ་ཐོབ་པར་འགྱུར་རོ་ཞེས་གསུང་གི་བྱ་བ་གང་ཡིན་པ་དེ་ནི་ལུས་ཀྱིས་མཛད་དེ་སྐྱོན་གང་ཡང་མེད་དོ། །བྱང་ཆུབ་སེམས་དཔའ་རྣམས་ལ་སྐུ་དང་གསུང་གི་བསྟན་པ་ཡོད་དོ། །ཉན་ཐོས་པ་རྣམས་ལ་གསུམ་#པར་ཡང་མེད་དེ། གཞན་གྱི་དོན་ལ་རྒྱབ་ཀྱིས་ཕྱོགས་པ་ཡིན་པས་སོ་ཞེས་བསྟན་
[126a.4]ཏོ། །ཉན་ཐོས་པ་ཞེས་བྱ་བ་ནས་རྨད་དུ་བྱུང་བ་ཆེན་པོའོ་ཞེས་པའི་བར་གྱི་#ནི་ཉན་ཐོས་ཀྱི་རིགས་ཅན་གྱི་སྒྲུབ་པ་པོ་རྣམས་ལ། དཀྱིལ་འཁོར་ལ་འཇུག་པའི་དུས་སུ་མི་དགེ་བ་བཅུ་བཟློག་པའི་མཚན་ཉིད་ཀྱི་དམ་ཚིག་སྦྱིན་པར་བྱ་སྟེ། གང་གིས་དེ་རྣམས་རང་གི་ལམ་དང་མཐུན་པའི་སློབ་མ་
[126a.5]ཐོས་པས་འཇུག་ཅིང་ཕྱི་ནས་བསྒོམ་#པའི་ལམ་ལ་བརྟེན་#ཏེ་འགྲུབ་པར་འགྱུར་རོ་ཞེས་བསྟན་ཏོ། །ཚངས་པ་ཞེས་པ་#ནས་སྐུ་རྡོ་རྗེ་ཉིད་དུ་འགྱུར་རོ་#ཞེས་པའི་བར་དུ་ནི་ཚངས་པའི་ལྟ་བ་ལ་མོས་པའི་སྒྲུབ་པ་པོ་རྣམས་ལ་དཀྱིལ་འཁོར་ལ་འཇུག་པ་སྔར་ལན་གསུམ་ཁྲུས་དང་གོས་གསུམ་བརྗེ་བ་དང་།
[126a.6]སྦྱིན་སྲེག་དང་བསྙེན་གནས་ལ་སོགས་པ་ལུས་ངལ་བའི་མཚན་ཉིད་ཀྱི་སྡོམ་པ་བསྟན་ནས། ངག་གི་ལམ་དང་རྗེས་སུ་མཐུན་པའི་བརྟུལ་ཞུགས་ཐོས་པས་འཇུག་ཅིང་ཕྱིན་ནས་བསྒོམ་པའི་ལམ་ལ་བསྟན་ཏོ།# །རིམ་གྱིས་སྐུ་རྡོ་རྗེ་དང་འདྲ་བར་འགྱུར་རོ་ཞེས་བསྟན་ཏོ། །དབང་ཕྱུག་ཆེན་པོ་ཞེས་
[126a.7]བྱ་བ་ནས་འདི་ནི་གོ་སླའོ་ཞེས་པའི་བར་དུ་ནི་གསུང་རྡོ་རྗེའི་རང་བཞིན་གྱིས་དྲག་པོའི་གཟུགས་བླངས་ལ་ཁམས་གསུམ་པ་ཐམས་ཅད་ལྕགས་ཀྱུ་དང་ཞགས་པ་ལ་སོགས་པའི་སྦྱོར་བས་དགུག་ཅིང་དབང་དུ་བྱའོ། །དེ་#ནི་གསུང་རྡོ་རྗེ་དང་འདྲ་བར་འགྱུར་ཏེ། དབང་ཕྱུག་ཆེན་པོ་ནི་ཆགས་པའི་རང་
[126b]
[126b.1]བཞིན་ཡིན་པས་སོ། །ཁྱབ་འཇུག་གི་དམ་ཚིག་ཅེས་བྱ་བ་ནས་དམ་ཚིག་གོ་ཞེས་པའི་བར་དུ་ནི་ཐུགས་རྡོ་རྗེའི་རང་བཞིན་གྱི་ཁྱབ་འཇུག་གི་གཟུགས་ལ་དམིགས་ཏེ་སྔར་བཤད་པ་རིལ་པོར་འཛིན་པ་དང་རྗེས་སུ་གཞིག་པའི་ཏིང་ངེ་འཛིན་གྱིས་#སེམས་ཅན་དང་སྣོད་ཀྱི་འཇིག་རྟེན་དང་རང་གི་བདག་ཉིད་
[126b.2]ཀྱང་མི་སྣང་བར་བྱའོ། །དེས་ན་ཐུགས་རྡོ་རྗེ་དང་འདྲ་བར་འགྱུར་རོ། །དེ་ལྟར་ཚངས་པ་ཞེས་བྱ་བ་ནས་གོ་སླའོ་ཞེས་པའི་བར་དུ་ནི་ཚངས་པ་ལ་སོགས་པའི་དམ་ཚིག་རྗེས་སུ་གྲུབ་པས་སྐུ་རྡོ་རྗེ་ལ་སོགས་པ་ཐོབ་པའི་མཚན་ཉིད་ཀྱི་འབྲས་བུ་བསྟན་ཏོ། །གཏི་མུག་གི་རང་བཞིན་ཡིན་པས་ན། ཚངས་
[126b.3]པ་ནི་སྐུའི་རྡོ་རྗེ་དང་། འདོད་ཆགས་ཀྱི་རང་བཞིན་ཡིན་པས་ན། །དབང་ཕྱུག་ཆེན་པོ་ནི་གསུང་གི་རྡོ་རྗེ་དང་། །ཞེ་སྡང་གི་རང་བཞིན་ཡིན་པས་ན་ཁྱབ་འཇུག་ནི་ཐུགས་རྡོ་རྗེ་ཉིད་དེ#། དེའི་སྤྲུལ་པ་ཡིན་པའི་ཕྱིར་རོ། །དེ་ལྟར་ཞེས་#བྱ་བའི་བར་དུ་#ནི་དཔལ་འབྱུང་པོ་འདུལ་བའི་
[126b.4]རྒྱུད་ཀྱི་རིམ་པས། རྡོ་རྗེ་ཧཱུཾ་མཛད་པ་#ལ་སོགས་པའི་གཟུགས་བླངས་ཏེ་ཀླུའི་#མཚོ་ལ་སོགས་པའི་འགྲམ་དུ་འདུག་ནས་སྔོན་གྱི་བསྙེན་པ་སྔོན་དུ་འགྲོ་བར་འོ་མ་ལ་སོགས་པའི་ལྷ་བཤོས་དབུལ་ཏེ། སྔགས་བརྗོད་ཅིང་ཀླུའི་མཚོ་ལས་འཇོག་པོ་ལ་སོགས་པའི་ཀླུའི་རྒྱལ་པོའི་
[126b.5]བུ་མོ་གཟུགས་བཟང་ལ་སོགས་པ་བཀུག་ནས་དེ་དང་ལྷན་ཅིག་ཏུ་ཚིག་ཕྲ་མོ་ལ་སོགས་པས་སྤྱོད་པར་བྱའོ་ཞེས་བསྟན་ཏེ། དེ་རྣམས་ལ་དེ་གཙོ་བོ་ཡིན་པའི་ཕྱིར་རོ། །གཞན་དུ་ན་རང་དབང་དུ་མི་འགྱུར་ཞེས་པ་ནི་ཞི་བའི་ཚིག་གིས་དབང་དུ་མི་འགྱུར་རོ་ཞེས་བྱ་བའི་ཐ་ཚིག་གོ། །གང་ལྷ་མ་
[126b.6]ཡིན་ཞེས་བྱ་བ་ནས་གསུངས་སོ་ཞེས་པའི་བར་དུ་ནི་རྡོ་རྗེ་ས་འོག་གི་རྒྱུད་ལས་གསུང་བའི་#ཆོ་གས་ཁ་ཆེའི་ཡུལ་ལ་སོགས་པའི་ས་ཕུག་གི་སྒོ་ཕྱེ་ནས་གཟའ་དང་སྐར་མའི་སྦྱོར་བས་ལྷ་མ་ཡིན་གྱི་བུ་མོ་འབྱུང་བར་འགྱུར་རོ། །གལ་ཏེ་དེ་དང་#ལྷན་ཅིག་ཏུ་ཕྱག་རྒྱ་ཆེན་པོའི་དངོས་གྲུབ་འདོད་ན་དེའི་
[126b.7]ཚེ་ས་ཕུག་ལ་འཇུག་པར་མི་བྱའོ། །གལ་ཏེ་ལོངས་སྤྱོད་འདོད་པ་ཡིན་ན་དེའི་ཚེ་འཇུག་པར་བྱའོ། །འཇུག་པའི་དུས་སུ་གཡང་ས་དང་བྲག་དང་། ཆུ་བོ་དང་། རྡོ་རྗེ་བྱུག་པ་#ལ་སོགས་པ་བཟློག་པར་བྱས་ནས་འཇུག་པར་བྱའོ། །དེ་ནས་རྣམ་པ་སྣ་ཚོགས་པའི་རིན་པོ་ཆེའི་རང་བཞིན་རྒྱན་
[127a]
[127a.1]ཐམས་ཅད་ཀྱིས་བརྒྱན་པ་ལྷ་མ་ཡིན་གྱི་བུ་མོས་བསྐོར་བ་རང་སྣང་ཟླ་བ་དང་ཉི་མ་དང་མེ་དང་། རྒྱུ་སྐར་གྱི་སྣང་བ་ལས་ལྷག་པ་ལྷ་མ་ཡིན་གྱི་གནས་ལ་འཇུག་སྟེ། བདུད་རྩི་ལ་སོགས་པའི་ཁ་ཟས་སྤྱོད་ཅིང་དེ་དང་ལྷན་ཅིག་ཏུ་ཡུལ་གྱི་བདེ་བ་མྱོང་བས་བསྐལ་པའམ་བསྐལ་
[127a.2]པ་སྟོང་གི་བར་དུ་གནས་པར་བྱའོ་ཞེས་བསྟན་ཏོ། །སྲིན་མོ་ཞེས་བྱ་བ་ནས་དོན་བསྒྲུབ་པའི་ཕྱིར་རོ་ཞེས་པའི་བར་དུ་ནི་རྒྱ་མཚོའི་#གླིང་ལ་གནས་པ་ལ་སོགས་པ་གཞོང་རེང་གི་སེན་མོ་ཅན་དང་འཕྲོག་#མ་ལ་སོགས་པ་སྲིན་མོ་འཕགས་པ་གཤིན་རྗེ་གཤེད་ལ་སོགས་པ་གང་ཡང་རུང་བའི་ཁྲོ་
[127a.3]བོའི་རྒྱལ་པོ་བསྒོམས་#པས་དགུག་ལ#། མི་རུས་ཀྱི་ཕྱེ་མས་སྤོས་གཏུལ་བ་དང་། ཏིལ་མར་དང་རྐང་དག་གིས་མར་མེ་བྱིན་ནས། ཁྲག་གི་ཨརྒྷ་དང་ཞབས་བསིལ་ཕུལ་བས་མགུ་བར་བྱས་ཏེ། སྤྱི་བོར་བཀོད་པའི་སྣ་ཚོགས་རྡོ་རྗེ་ལ་སོགས་པ་བསྒོམས་#པས་མི་གཡོ་བར་བྱས་ཏེ།
[127a.4]རིག་པའི་བརྟུལ་ཞུགས་སྤྱོད་#པས་ཇི་སྲིད་#ཕྱག་རྒྱ་ཆེན་པོའི་དངོས་གྲུབ་ཐོབ་པ་དེ་སྲིད་དུ་སྤྱད་པར་བྱའོ་ཞེས་བསྟན་ཏོ། །ཤ་ཟ་ལ་སོགས་པའི་ཡང་དམ་ཚིག་དེ་ཉིད་དོ་ཞེས་པ་ནི་ཤ་ཟ་མོ་དང་གནོད་སྦྱིན་མོ་དང་། མི་འམ་ཅི་མོ་དང་། འབྱུང་པོ་མོ་དང་། ཡི་དགས་མོ་དང་། གྲུལ་བུམ་མོ་
[127a.5]ལ་སོགས་པའི་ཆོ་ག་འདི་ཉིད་ནི་སྤྱོད་པ་འདི་ཉིད་ཤེས་པར་བྱའོ། །དེ་ཡང་རྡོ་རྗེ་ས་འོག་དང་རྡོ་རྗེ་མཁའ་འགྲོ་དང་འབྱུང་པོ་འདུལ་བའི་རྒྱུད་ལས་གསུངས་ཏེ། དེ་ཉིད་ལས་རྟོགས་པར་བྱའོ། །རྡོ་རྗེ་མཁའ་འགྲོ་ཞེས་བྱ་བ་ནས་དམ་ཚིག་གོ་ཞེས་པའི་བར་དུ་ནི་དཔལ་སངས་རྒྱས་ཐམས་ཅད་
[127a.6]དང་མཉམ་པར་སྦྱོར་བའི་རྒྱུད་ལས་གསུངས་པའི་གཽ་རཱི་#ལ་སོགས་པ་རྡོ་རྗེ་མཁའ་འགྲོ་མ། དཔལ་ཧེ་རུ་ཀའི་གཟུགས་ཀྱི་བདག་ཉིད་ཀྱིས་བཀུག་ལ་བདུད་རྩི་ལྔ་དང་ལྕགས་ཀྱུ་ལྔ་བྱིན་ནས་དེ་རྣམས་དང་བདག་ཉིད་ཚིམ་ཞིང་དེ་དང་ལྷན་ཅིག་ཏུ་སྙོམས་པར་ཞུགས་པར་བྱེད་པས་སྤྲོས་པ་མེད་
[127a.7]པའི་སྤྱོད་པས་#ཇི་སྲིད་ཕྱག་རྒྱ་ཆེན་པོའི་དངོས་གྲུབ་ཐོབ་པ་དེ་སྲིད་དུ་གནས་པར་བྱའོ། །དཀོན་མཆོག་གསུམ་ལ་གནོད་པར་བྱེད་པའི་ཁྲག་དགུག་པ་ལ་སོགས་པའི་སྦྱོར་བས་མངོན་སྤྱོད་བྱས་ཏེ། མི་བསྐྱོད་པའི་གོ་འཕང་ཐོབ་པར་བྱའོ་ཞེས་བསྟན་ཏོ། །རྡོ་རྗེ་མཁའ་འགྲོ་མ་རྣམས་ཀྱིས་
[127b]
[127b.1]གདུག་པ་ཅན་#ཚར་གཅོད་པའི་ཕྱིར་རོ། །དེ་ལྟར་ཞེས་བྱ་བ་ནས་དེ་ལའང་དེ་སྐད་ཅེས་བྱའོ་ཞེས་པའི་བར་དུ་ནི་ཇི་ལྟར་བཅོམ་ལྡན་འདས་རྡོ་རྗེ་འཆང་ཆེན་པོ་ཐོག་མ་ནས་གྲུབ་པ་དེ་བཞིན་དུ་#དེའི་སྤྲུལ་པའི་སྐུའི་#རང་བཞིན་གྱི་ཚངས་པ་ལ་སོགས་པ་ཁམས་གསུམ་གྱི་བདག་པོ་ཆོ་འཕྲུལ་ཆེ་བ་#ཐོག་མ་
[127b.2]ནས་གྲུབ་པ་ཡིན་ནོ། །དེ་བས་ན་སེམས་ཅན་རྗེས་སུ་གཟུང་བའི་དོན་དུ་བཏུས་པའི་རྣལ་འབྱོར་པས་དེ་རྣམས་ཀྱི་དམ་ཚིག་སྤྱོད་པར་བྱེད་དེ། ཇི་ལྟ་ཇི་ལྟར་སེམས་ཅན་རྣམས། །རང་བཞིན་གྱིས་#ནི་འདུལ་གྱུར་པ། །དེ་དང་དེ་ལྟར་སེམས་ཅན་དོན། །ཆགས་པ་སོགས་ཀྱིས་རྟག་ཏུ་བྱ། །ཞེས་
[127b.3]འབྱུང་བ་དང་། དེ་ལྟར་སྤྱོད་པའི་དམ་ཚིག་#ལ། །དོན་མེད་མ་ཡིན་བསོད་ནམས་མིན། །ཞེས་འབྱུང་བས་སོ#། །དེ་བས་ན་ཚངས་པ་ལ་སོགས་པ་དེ་རྣམས་རྡོ་རྗེ་སེམས་དཔའི་སྤྲུལ་པ་ཡིན་པས་ན་#སྨད་པར་མི་བྱའོ་ཞེས་འདིར་ཚད་མས་བསྟན་པར་བྱ་བའི་ཕྱིར། འདིར་ཡང་ཕ་རོལ་རྒོལ་བ་
[127b.4]གང་ཡང་རུང་བ་ཞེས་བྱ་བ་ལ་སོགས་པ་གསུངས་ཏེ། ཕ་རོལ་རྒོལ་བ་ནི་གྲངས་ཅན་པ་དང་། མཆོད་འོས་པ་དང་། རིགས་པ་པ་དང་། བྱེ་བྲག་པ་དང་། རྒྱང་འཕེན་#པ་དང་། དཔྱོད་པ་པ་ལ་སོགས་པའོ། །མི་མཐུན་པའི་ལྟ་བ་དང་ལྡན་པས་ཕ་རོལ་པ་ཡང་ཡིན་ལ། དེ་བཞིན་
[127b.5]གཤེགས་པའི་བསྟན་པ་ལ་སྨོད་པར་བྱེད་པས་རྒོལ་བ་པོ་ཡང་ཡིན་ཏེ་ཕ་རོལ་#རྒོལ་བའོ། །མཚན་མའི་དབྱེ་བས་ཞེས་པ་ནི་བརྟུལ་ཞུགས་ཀྱི་དབྱེ་བ་སྟེ་རལ་པའི་ཚོགས་དང་མགོ་རེག་པ་དང་། ཐིག་ལེ་གསུམ་དང་། དབྱིག་པ་གསུམ་དང་། གཙུག་ཕུད་འཛིན་པ་དང་། ཆོས་གོས་
[127b.6]གྱོན་པ་དང་། ཐལ་བས་བྱུགས་པ་དང་། མཆོད་ཕྱིར་ཐོགས་པ་དང་། ཕྱོགས་ཀྱི་གོས་ཅན་ལ་སོགས་པའོ། །དེའི་དབྱེ་བས་གནས་པ་རྣམས་ནི་རྣམ་པར་དཔྱོད་པའི་མུ་སྟེགས་པ་རྣམས་སོ། །དེ་འདིར་བརྙས་#པར་མི་བྱ་སྟེ། ཞེས་པ་ནི་སྨོད་པར་མི་བྱའོ། །ཅིའི་ཕྱིར་ཞེ་ན། རྡོ་རྗེ་སེམས་
[127b.7]དཔའ་ནི་དཔལ་#རྡོ་རྗེ་འཆང་ཆེན་པོའོ། །རྣམ་འཕྲུལ་ནི་དེས་སྤྲུལ་པ་ཡིན་ནོ་ཞེས་བྱ་བའི་ཐ་ཚིག་གོ། །དེ་ཉིད་ཀྱི་ཕྱིར་སྒྱུ་འཕྲུལ་དྲ་བའི་རྒྱུད་ལས་བཅོམ་ལྡན་འདས་སྣ་ཚོགས་སྤྲུལ་པའི་འཁོར་ལོ་ལ་བཞུགས་#པའི་ཁྱུད་མོ་ལྕགས་རི་ཕྱི་རོལ་དུ་བརྒྱ་བྱིན་ལ་སོགས་པ་ཕྱོགས་སྐྱོང་ཐམས་
[128a]
[128a.1]ཅད་དགོད་པར་བྱ་སྟེ#། རྡོ་རྗེ་སེམས་དཔའ་ཐམས་ཅད་ཁྱབ་པས་སོ། །ཁྱབ་པར་བྱེད་པ་ཡང་ཆོས་ཐམས་ཅད་ཀྱི་#ནང་དུ་ཆུད་པའི་དེ་བཞིན་ཉིད་ཀྱི་ངོ་བོ་ཡིན་པའི་ཕྱིར་རོ། །ཇི་སྐད་དུ། རྣལ་འབྱོར་ཐམས་ཅད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །
[128a.2]ཁམས་གསུམ་པོ་ནི་མ་ལུས་པ། །དེ་ཡི་ཐམས་ཅད་ལོངས་སྤྱོད་ཡིན། །ཞེས་འབྱུང་ངོ་། །དེ་ནི་ཞེས་བྱ་བ་ནས་དེ་སྐད་ཅེས་#བཀའ་སྩལ་ཏོ་ཞེས་པའི་བར་དུ་ནི་རྫོགས་པའི་རིམ་པའི་རྣལ་འབྱོར་པས་#སྲོག་གཅོད་པ་ལ་སོགས་པ་ལུས་ཀྱི་ལས་གསུམ་དང་། བརྫུན་སྨྲ་བ་ལ་སོགས་པ་ངག་
[128a.3]གི་ལས་བཞི་དང་། བརྣབ་#སེམས་ལ་སོགས་པ་ཡིད་ཀྱི་ལས་གསུམ་སྟེ། འོད་གསལ་བ་ཐམས་ཅད་སྟོང་པའི་ངོ་བོར་ཤེས་པར་བྱ་སྟེ། དེའི་ཚེ་གྲོལ་བར་འགྱུར་རོ། །གང་གི་ཕྱིར་དོན་དམ་པར་སྲོག་ཆགས་པ་མེད་ཅིང་མི་དམིགས་པས་དེ་རྣམས་ག་ལ་གཅོད་པར་འགྱུར་ཞེས་དེ་
[128a.4]ལྟར་གཞན་ལ་ཡང་སྦྱར་རོ། །གང་ཞིག་རྟོག་པ་དང་བཅས་པ་དེས་མི་དགེ་བའི་ལས་ཀྱི་ལམ་སྤྱོད་པས་ངན་སོང་དུ་འགྲོ་བ་དང་ལོག་པས་བདེ་འགྲོར་འགྱུར་རོ། །རྣམ་པར་མི་རྟོག་པའི་ཏིང་ངེ་འཛིན་ལ་གནས་པས་དགེ་བ་དང་མི་དགེ་བ་ཐམས་ཅད་དོན་དམ་པའི་ངོ་བོར་རྣམ་པར་རྟོག་
[128a.5]པས་དེ་གྲོལ་བར་འགྱུར་རོ། །ཇི་སྐད་དུ། འགྲོ་བ་རྣམས་ཀྱང་བཤད་པ་སྟེ། །ལྷ་རྣམས་འབྲས་བུ་དང་བཅས་པ། །དེ་ཡི་རང་བཞིན་ཡོངས་ཤེས་པས། །མ་སྐྱེས་པ་ཡང་བསྟན་པ་ཡིན། །ཞེས་འབྱུང་ངོ་། །རབ་ཏུ་བྱེད་པ་ལས་ཀྱང་། སྦྱིན་སོགས་དགེ་བ་བྱས་ན་#ནི། །མཐོ་རིས་སོགས་
[128a.6]ལ་མཆོད་པར་འགྱུར། །མཚམས་མེད་ལ་སོགས་བྱས་ན་#ནི། །དམྱལ་བར་#རྣམ་པར་འཚེད་པར་འགྱུར། །མཐའ་ཡས་སྐྱེ་བ་སྟོང་ཕྲག་ནི། །རྙེད་ནས་རྣམ་པར་རྨུགས་པར་འགྱུར། །སྔོན་གྱི་ལས་ཀྱི་རྣམ་སྨིན་འདི། །རྨོངས་པས་དེ་ལྟར་མྱ་ངན་འགྱུར། །ཞེས་འབྱུང་ངོ་། །གལ་
[128a.7]ཏེ་དེ་ལྟ་མ་ཡིན་ན་རྫོགས་པའི་རིམ་པའི་བརྟུལ་ཞུགས་དང་ལྡན་པས་གལ་ཏེ་དེ་རྣམས་བྱེད་དམ་མི་བྱེད། གལ་ཏེ་བྱེད་ན་དེའི་ཚེ་མི་འགལ་ལོ། །གལ་ཏེ་མི་བྱེད་ན་དེའི་ཚེ་དམ་ཚིག་ཇི་ལྟ་བཞིན་ཞེ་ན། སྨྲས་པ། དོན་དམ་པའི་བདེན་པ་ལ་མོས་པའི་རྣལ་འབྱོར་པས་དགེ་
[128b]
[128b.1]བ་དང་མི་དགེ་བ་ལ་སོགས་པ་ཐམས་ཅད་འདི། དེ་ཁོ་ན་ཉིད་དུ་ཡང་དག་པར་མཐོང་བ་ཡིན་གྱི་ཀུན་རྫོབ་ཏུ་ནི་#མ་ཡིན་ནོ། །དེ་བས་ན་དེ་ཁོ་ན་ཉིད་མཐོང་བ་ཉིད་དེའི་དམ་ཚིག་ཡིན་གྱི་བྱེད་པའམ་མི་བྱེད་པ་ནི་མ་ཡིན་ནོ། །དེ་ཁོ་ན་ཉིད་མཐོང་བ་ཉིད་ནི་དམ་ཚིག་སྟེ་མི་འདའ་བའི་ཕྱིར་ཞེས་སྐྱོན་ནི་
[128b.2]ཅུང་ཟད་ཀྱང་མེད་དོ། །ད་ནི་ཞེས་བྱ་བ་ནས་འདོད་པའི་དངོས་གྲུབ་ཉམས་པར་འགྱུར་རོ་ཞེས་པའི་བར་དུ་ནི་བསྐྱེད་པའི་རིམ་པའི་རྣལ་འབྱོར་པ་དང་པོ་སྦྱོར་བ་ལ་སོགས་པའི་ཏིང་ངེ་འཛིན་གསུམ་ལ་གནས་པས་ཕྱིའི་ཤིང་དང་རྡོ་དང་འབག་གི་སྐུ་ལ་སོགས་པ་ལ་ཕྱག་མི་བྱ་སྟེ། གལ་ཏེ་
[128b.3]ཕྱག་བྱེད་ན་དེའི་ཚེ་དེའི་གཡེང་བའི་སེམས་ཀྱིས་ཏིང་ངེ་འཛིན་ཉམས་པར་འགྱུར་རོ། །གང་གི་ཚེ་དཀྱིལ་འཁོར་འདྲི་བ་དང་མཆོད་པ་དང་རབ་ཏུ་གནས་པ་འབྱུང་#ན་དེའི་ཚེ། ཡིད་ནི་ཏིང་ངེ་འཛིན་ལ་བཞག་ནས་ལུས་དང་ངག་གིས་#ཕྱག་དང་བསྟོད་པ་བྱེད་ན་སྐྱོན་མེད་དེ། སེམས་མཉམ་
[128b.4]པར་གཞག་#པ་དང་ལྡན་པས་སོ། །གལ་ཏེ་ལུས་དང་ངག་དང་ཡིད་ཀྱིས་ཕྱག་བྱེད་ན་དེའི་ཚེ་ཏིང་ངེ་འཛིན་ཉམས་པས་གཡེང་བར་འགྱུར་རོ། །དེའི་ཚེ་ཕྱག་སྟེ་ཚངས་པར་འགྱུར་བ་ཡང་འབྲས་བུ་དང་བཅས་པར་མི་འགྱུར་ཏེ། ཏིང་ངེ་འཛིན་དང་བྲལ་བས་སོ། །བྱ་བ་ཐམས་ཅད་
[128b.5]ཀྱི་རྩ་བ་ནི་སེམས་ཡིན་པས་གལ་ཏེ་དེ་#གཡེང་ན་ཐམས་ཅད་དོན་མེད་པར་འགྱུར་ཏེ། ཇི་སྐད་དུ། བཟླས་པ་དང་ནི་དཀའ་ཐུབ་ཀུན། །ཡུན་རིང་དུ་ནི་བྱས་པས་#ཀྱང་། །གཞན་གྱི་སེམས་ཀྱིས་དེ་བྱས་ན། །དེ་ཉིད་རིག་#པས་དོན་མེད་གསུངས། །ཞེས་འབྱུང་ངོ་། །བསྐྱེད་པའི་རིམ་པ་
[128b.6]ལ་གནས་པ། །ཞེས་བྱ་བ་ནས་སྤྱོད་པ་ཞེས་བྱ་བའི་བར་དུའོ་ཞེས་པའི་བར་དུ་ནི་རྫོགས་པའི་རིམ་པའི་རྣལ་འབྱོར་པས་བདག་ལ་བྱིན་གྱིས་བརླབ་པའི་རིམ་པས་ཡེ་ཤེས་ཀྱི་སྐུ་བླངས་ལ་དེ་ཡང་སྐུ་རྡོ་རྗེ་ལ་སོགས་པ་གསུམ་དང་དབྱེར་མེད་པར་#བསམས་ཏེ། འཇུག་པ་ལ་སོགས་པའི་རིམ་
[128b.7]གྱིས་#ཉིན་མོ་དང་། མཚན་མོར་འཁྲུལ་འཁོར་བཞིན་དུ་རྡོ་རྗེ་བཟླས་པའོ། །ཡང་དེ་ཉིད་སེམས་རྣམ་པར་དག་པ་ལ་སོགས་པའི་རིམ་གྱིས་ཟུང་དུ་འཇུག་པ་ཐོབ་ནས་སོ་སོ་#སྐྱེ་བོ་དང་འཕགས་པའི་དབྱེ་བས་ཕྱེ་བའི་འགྲོ་བ་ཐམས་ཅད་འདི་རྡོ་རྗེ་གསུམ་དབྱེར་མེད་པའི་རྡོ་རྗེ་འཆང་
[129a]
[129a.1]ཆེན་པོའི་རང་བཞིན་དུ་བལྟ་#བར་བྱའོ་ཞེས་བསྟན་ཏོ། །རྫོགས་པའི་རིམ་པའི་ཁོང་དུ་ཆུད་པའི་ཕྱག་གི་རྣམ་པ་དེ་ཉིད་ཡིན་ཏེ། ཕྱག་གི་འབྲས་བུ་ཡིན་པའི་ཕྱིར་བྱང་ཆུབ་ཏུ་སེམས་བསྐྱེད་པ་བཞིན་ནོ། །ཇི་སྐད་དུ། ཇི་ལྟར་ཆུ་ལ་ཆུ་བཞག་#དང་། །ཇི་ལྟར་མར་
[129a.2]ལ་མར་བཞིན་དུ། །རང་གིས་རང་གི་ཡེ་ཤེས་ནི། ལེགས་མཐོང་གང་ཡིན་འདིར་ཕྱག་ཡིན། །ཞེས་འབྱུང་ངོ་། །བསྙེན་པ་ལ་སོགས་པ་ཞེས་བྱ་བ་ནས། ཐོག་མ་མེད་པའི་དུས་ཅན་ནོ། །ཞེས་པའི་བར་དུ་ནི་བསྙེན་པ་ལ་སོགས་པ་རྣལ་འབྱོར་བཞིས་བསྡུས་པའི་ཏིང་ངེ་འཛིན་གསུམ་
[129a.3]བསྒོམ་པ་བསྐྱེད་པའི་རིམ་པའི་རྣལ་འབྱོར་པས་ཐབས་དང་བཅས་པའི་གཟུགས་རྡོ་རྗེ་མ་ལ་སོགས་པའི་རྣལ་འབྱོར་ནམ་མཁའ་གང་བར་བསྒོམས་ལ། དེ་བཞིན་གཤེགས་པ་ཐམས་ཅད་དེ་རྣམས་ཀྱིས་མཆོད་པར་བྱའོ། །དེ་ལ་ཁྱད་པར་གྱི་གནས་བཟུང་#བ་དང་ཐུགས་རྗེ་
[129a.4]ཆེན་པོ་སྔོན་དུ་འགྲོ་བས་ནམ་མཁའ་ལ་བཞུགས་པ་དེ་བཞིན་གཤེགས་པ་དང་བླ་མ་ལ་སོགས་པ་མཆོད་པ་དང་། རྣལ་འབྱོར་ཆེན་པོའི་དུས་སུ་སྤྱན་མ་ལ་སོགས་པའི་ཚོགས་ཀྱིས་#བཀུག་ལ། ཐུགས་རྡོ་རྗེ་ལ་སོགས་པ་མཆོད་པར་བྱའོ་ཞེས་དང་པོ་སྦྱོར་བའི་ཏིང་ངེ་འཛིན་
[129a.5]ཏོ། །ཕྱག་རྒྱ་ལེགས་པར་སྦྱང་བ་བྱས་ནས་#དེ་བཞིན་གཤེགས་པ་ཐམས་ཅད་འཇུག་པ་སྔོན་དུ་འགྲོ་བ། མཆོད་པའི་ལྷ་མོ་སྤྲོ་ཞིང་དཀྱིལ་འཁོར་མཆོད་པར་བྱའོ་ཞེས་དཀྱིལ་འཁོར་རྒྱལ་བ་མཆོག་གི་ཏིང་ངེ་འཛིན་ཏོ། །ཕྲ་མོའི་རྣལ་འབྱོར་དང་བཟླས་པ་འོད་དུ་ཞུ་བ་
[129a.6]དང་། བསྐུལ་བ་དང་དེ་ལས་#ལངས་པར་བྱས་ནས་དེ་བཞིན་གཤེགས་པ་ལྔས་བསྟོད་པའི་མཆོད་པ་དང་། མཐར་ཡང་མཆོད་པའི་ཆོ་ག་ཞེས་བྱ་སྟེ་ལས་ཀྱི་རྒྱལ་བ་མཆོག་གི་ཏིང་ངེ་འཛིན་ཞེས་བསྟན་ཏོ། །དེ་ལྟར་ཞེས་བྱ་བ་ནས་དམ་ཚིག་གོ་ཞེས་པའི་བར་དུ་ནི་རྫོགས་པའི་
[129a.7]རིམ་པའི་རྣལ་འབྱོར་པས་སེམས་རྣམ་པར་དག་པའི་རིམ་པས་སྟོང་པ་བཞི་བསྒོམས་ཏེ། འོད་གསལ་བ་སྔོན་དུ་བྱས་ནས་ཡང་ཅིག་ཅར་#རམ་སྣང་བ་ཉེ་བར་ཐོབ་པ་ལ་སོགས་པའི་རིམ་གྱིས་ཡེ་ཤེས་ཀྱི་སྐུ་#བླངས་ལ། འཇུག་པ་དང་ལྡང་བ་ནི་མངོན་པར་བྱང་ཆུབ་པའི་རིམ་
[129b]
[129b.1]པས་ཡེ་ཤེས་ཀྱི་སྐུ་སྦྱངས་ལ། སེམས་ཅན་ཐམས་ཅད་ཀྱི་དོན་བྱ་བའི་ཕྱིར་ཟུང་དུ་འཇུག་པའི་ཏིང་ངེ་འཛིན་གྱིས་ལྡང་བ་ནི་རྡོ་རྗེའི་སྐུ་བླང་བར་བྱའོ་ཞེས་དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་དམ་ཚིག་ཡིན་ཏེ་རྫོགས་པའི་སྤྱོད་ཡུལ་ཡིན་པའི་ཕྱིར་རོ་ཞེས་བསྟན་
[129b.2]ཏོ། །དེ་ཁོ་ན་ཉིད་རྟོགས་པ་ལ། །ཞེས་བྱ་བ་ནས་མཉམ་པར་གཞག་#པར་འགྱུར་ཞེས་བྱ་བའི་བར་དུ་ནི་དེ་ཁོ་ན་ཉིད་ཐོབ་པའི་རྣལ་འབྱོར་པས་གང་གི་ཚེ་རྒྱུན་མ་ཆད་པར་སེམས་ཅན་གྱི་དོན་བྱ་བར་འདོད་ན་དེའི་ཚེ་ཡུན་རིང་དུ་ལུས་གནས་པའི་ཕྱིར་རང་གི་སྤྱི་བོར་ཆ་བཅུ་དྲུག་ཡོངས་
[129b.3]སུ་གྱུར་པ་ལས། ཟླ་བའི་དཀྱིལ་འཁོར་བདུད་རྩི་འཛག་པ་བསྒོམས་ལ་དེ་ཉིད་གྱེན་དུ་བཟློག་པའི་ལྕེས་དགུག་ཅིང་ལུས་ཐམས་ཅད་ཚིམ་པར་བྱའོ། །དེའི་ཚེ་རླུང་དང་མཁྲིས་པ་དང་བད་ཀན་ལས་བྱུང་བའི་ནད་འབྱུང་བར་མི་འགྱུར་རོ་ཞེས་བསྟན་ཏོ། །ཇི་སྐད་དུ། བཅོམ་ལྡན་
[129b.4]འདས་ཞེས་བྱ་བ་ལ་སོགས་པའི་ལུང་ཚད་མ་ཉིད་དུ་བསྟན་ཏོ། །གང་ཞིག་བདུད་རྩིའི་རང་བཞིན་རྒྱུན། །ཞེས་པ་ནི་བདུད་རྩི་འཛག་པའི་དཀྱིལ་འཁོར་གྱི་རྣམ་པ་ཅན་ནོ། །སྤྱི་བོར་རྟག་ཏུ་ངེས་འབབ་པ། །ཞེས་པ་ནི་ཚངས་པའི་སྒོར་གནས་ཤིང་བདུད་རྩིའི་དབའ་རླབས་#འཛག་པར་
[129b.5]བྱེད་པའོ། །རྣལ་འབྱོར་དབང་པོས་དེ་འཐུངས་ན། །ཞེས་པ་ནི་འདུས་པའི་རྣལ་འབྱོར་པས་རྒོད་མ་བྱེད་པའི་སྦྱོར་བས་མྱང་བར་བྱས་ནས་སོ། །རྒ་དང་འཆི་བ་རྣམ་པར་འཇིག །ཅེས་བྱ་བ་#ནི་ཡུན་རིང་དུ་གནས་པར་འགྱུར་རོ་ཞེས་བྱ་བའི་ཐ་ཚིག་གོ། །དཔེ་བསྟན་པར་བྱ་བའི་ཕྱིར། ཇི་
[129b.6]ལྟར་པདྨའི་སྡོང་བུ་#ལ། །ཞེས་སྨོས་ཏེ། པདྨའི་སྡོང་བུ་ནི་མཚོ་སྐྱེས་ཀྱི་རྩ་བའོ། །མི་ཡི་ཆུ་ནི་འདྲེན་#པར་བྱེད། །ཅེས་པ་ནི་སྐྱེས་བུ་ཁ་ཅིག་གིས་ཆུ་འཐུངས་#པར་བྱེད་པ་སྟེ། །ནང་ཁོང་སྟོང་ཡིན་པའི་ཕྱིར་རོ། །དེ་བཞིན་ནི་དེ་ལྟ་བུའོ། །ཉེ་བར་འཐུངས་#པ་ཞེས་བྱ་བ་ནི་སྤྱི་བོ་ལ་
[129b.7]གནས་པའི་བདུད་རྩིའི་དབའ་རླབས་དགུག་པར་བྱེད་པའོ། །རྣལ་འབྱོར་པ་ནི་སྒྲུབ་པ་པོས་#སོ། །སྟོབས་ཆེན་འཚོ་ཞེས་པ་ནི་ཡུན་རིང་#འཚོ་བ་དང་རྒ་བ་དང་འཆི་#བ་དང་བྲལ་བར་འགྱུར་རོ། །རྩ་བའི་རྒྱུད་ལས་ཞེས་པ་ནི་དཔལ་དེ་ཁོ་ན་ཉིད་བསྡུས་པའི་རྒྱུད་ལས་སོ། །རྣལ་འབྱོར་
[130a]
[130a.1]རྒྱུད་ཐམས་ཅད་ཀྱི་དཔལ་དེ་ཁོ་ན་ཉིད་བསྡུས་པ་ནི་རྩ་བ་ཡིན་ནོ། །ལྕེ་ནི་རྐན་ལ་སྦྱར་#བྱ་ཞིང་། །ཞེས་པ་ནི་རྐན་གྱི་ཕྱོགས་སུ་བཟློག་#ནས་ལྕེས་རེག་པར་བྱས་ནས་སོ། །སྣའི་རྩེ་མོར་བསམ་པར་བྱ། །ཞེས་པ་ནི་སྣའི་རྩེ་མོར་ལྟ་བར་དགོད་པར་བྱའོ། །དེ་ནས་རྡོ་རྗེ་ཕྲ་མོ་ནི་
[130a.2]ལྕེ་ལ་དགོད་པར་ནས་#ཀྱི་འབྲུའི་ཚད་ཙམ་གྱི་རྡོ་རྗེའོ། །དེས་བདེ་བ་ནི་བདེ་བའི་རྒྱུ་#སྟེ། བདུད་རྩི་རེག་པའི་མྱང་བས་རྣལ་འབྱོར་པ་ནི་སྒྲུབ་པ་པོའི་སེམས་མཉམ་པར་གཞག་#པར་འགྱུར་བའི་རྩེ་གཅིག་པའམ། ཚིམ་པར་འགྱུར་རོ་ཞེས་བྱ་བའི་དོན་ཏོ། །དེ་ལྟར་ཞེས་བྱ་བ་ནས་དེ་
[130a.3]སྐད་ཅེས་བཀའ་སྩལ་ཏོ་ཞེས་པའི་བར་དུ་ནི། ལས་དང་པོ་པ་རྣམ་པར་སྣང་མཛད་ཀྱི་སློབ་པ་པོས་བཟའ་བ་དང་བཅའ་བ་ལ་སོགས་པ་སྤྱོད་པའི་དུས་སུ་#སྐུ་རྡོ་རྗེར་བདག་ཉིད་བསྒོམ་པར་བྱ་སྟེ། བཟའ་བ་ལ་སོགས་པ་ནི་གཟུགས་ཀྱི་རང་བཞིན་དང་སྐུ་ཚིམ་པར་བྱེད་པའི་ཕྱིར་རོ། །
[130a.4]དེ་བཞིན་དུ་བཟའ་བ་དང་བཅའ་བ་ལ་སོགས་པའི་ཡུལ་ནས་གཞན་དགའ་བའི་ཆོ་ག་དང་-#མཆོད་པ་ལ་སོགས་པའི་ཆོ་གའི་དུས་སུ་བདག་ཉིད་ཐུགས་རྡོ་རྗེ་འཆང་བསྒོམ་པར་བྱ་སྟེ། དགའ་བ་ལ་སོགས་པའི་སྤྱོད་པས་ནི་སེམས་མགུ་བར་བྱེད་པས་སོ། །དེ་བཞིན་དུ་གསུང་
[130a.5]རབ་ཡན་ལག་དགུའི་མདོ་སྡེ་ལ་སོགས་པ་ཀློག་པའི་དུས་སུ་བདག་ཉིད་གསུང་རྡོ་རྗེར་བསྒོམ་པར་བྱ་སྟེ། གསུང་རྡོ་རྗེ་འོད་དཔག་ཏུ་མེད་པ་གསུང་གི་རང་བཞིན་#པའི་ཕྱིར་རོ། །ངོ་བོ་ཉིད་ཀྱིས་དག་པ་ཞེས་པ་ནི་ཐམས་ཅད་ཀྱི་སྟོང་པའི་རང་བཞིན་ཡིན་པས་སོ། །རྡོ་རྗེ་ནི་མི་ཕྱེད་པའི་ངོ་བོ་
[130a.6]ཡིན་པ་སྟེ། ངོ་བོ་ཉིད་དག་པའི་རྡོ་རྗེ་སྟེ། རྡོ་རྗེ་འཆང་ཆེན་པོས་འདི་སྐད་ཅེས་བཀའ་སྩལ་ཏོ་ཞེས་སྡུད་པ་པོའི་ཚིག་གོ། །གང་འདས་པ་ཞེས་བྱ་བ་ནས་དོན་ཏོ་ཞེས་པའི་བར་དུ་ནི་བཅོམ་ལྡན་འདས་རྡོ་རྗེ་འཆང་ཆེན་པོས་རྒྱུད་མ་ལུས་པ་དོན་དང་གཞུང་གིས་#སྟོན་ཏེ། འཕགས་པ་
[130a.7]དང་སོ་སོ་སྐྱེ་བོ་རྣམས་ཀྱི་སེམས་ནི་འོད་གསལ་བའི་རང་བཞིན་མཉམ་པ་ཉིད་ཀྱི་ངོ་བོ་ཡིན་ནོ་ཞེས་དགོངས་ནས་དེ་ཉིད་ལ་འཇུག་སྟེ་མི་གསུང་བར་འགྱུར་རོ། །འཁོར་ན་བཞུགས་པའི་དེ་བཞིན་གཤེགས་པ་རྣམས་ཀྱིས། དོན་དེ་ཉིད་བྱང་ཆུབ་སེམས་དཔའ་ལ་སོགས་པ་ལ་
[130b]
[130b.1]གསུངས་སོ་ཞེས་བསྟན་ཏོ། །དོན་དེ་ཉིད་ཅེས་བྱ་བ་ནས་འདི་དག་གོ་ཞེས་པའི་བར་དུ་ནི་དེ་བཞིན་གཤེགས་པ་རྣམས་ཀྱིས་རྡོ་རྗེ་འཆང་ཆེན་པོ་མི་སྨྲ་བས་འཁྲུལ་པར་གྱུར་པ།# བྱང་ཆུབ་སེམས་དཔའ་རྣམས་ལ་ལུས་ལ་སོགས་པ་གང་ཡིན་པ་དེ་ནི་འདས་པ་ལ་སོགས་པའི་དུས་སུ་མི་
[130b.2]དམིགས་པ་ནམ་མཁའི་རང་བཞིན་དེ་བཞིན་ཉིད་དང་འདྲ་བ་ཡིན་ན་ཡང་། སེམས་ཅན་གྱི་དོན་བྱ་བའི་ཕྱིར་སྒྱུ་མའི་དཔེ་བཅུ་གཉིས་ཀྱི་སྒོ་ནས་འོད་གསལ་བ་ལས་ཅིག་ཅར་དུ་སྤྲོ་བའི་ཡེ་ཤེས་ཀྱི་སྐུ་ལ་དམིགས་ནས་གནས་པར་བྱའོ་ཞེས་ཐེ་ཚོམ་བསལ་ཏོ་ཞེས་བསྟན་ཏོ། །རྣལ་
[130b.3]འབྱོར་ཐམས་ཅད་ཅེས་པ་ནི་རིམ་པ་གཉིས་ཀྱི་རྣལ་འབྱོར་དང་ལྡན་པའི་ཉོན་མོངས་པ་བཅོམ་པས་ན་#བཅོམ་ལྡན་འདས་སོ། །རྡོ་རྗེ་སེམས་དཔའ་ཞེས་པ་ནི་སྒྲིབ་པ་མེད་པའི་ཡེ་ཤེས་ཐོབ་པའོ། །དེ་བཞིན་ཉིད་ལ་གཤེགས་པའམ་དེ་ལས་ཀྱང་གཤེགས་པས་ན་དེ་བཞིན་གཤེགས་
[130b.4]པའོ། །དེ་ནི་བཅོམ་ལྡན་འདས་རྡོ་རྗེ་སེམས་དཔའོ། །ཉེ་བར་ལོངས་སྤྱོད་ནི་ཞེས་པ་ལ་རང་དབང་དུ་གྱུར་པས་ཏེ་རང་ལ་རག་ལུས་པའོ། །ཁམས་གསུམ་མ་ལུས་པ་ནི་འཇིག་རྟེན་གསུམ་མོ། །དེས་#ནི་རྡོ་རྗེ་སེམས་དཔའ་ཁྱབ་པ་ཉིད་དུ་བསྟན་ཏོ། །ལོག་པར་གཟུང་#བ་ཞེས་བྱ་བ་ནས་
[130b.5]ཕྱིན་ཅི་ལོག་ཏུ་མ་རྟོགས་ཤིག་#ཅེས་པའི་བར་དུ་ནི་ལོག་པར་གཟུང་བའི་ཚིག་གི་དོན་རྟོགས་པའི་བྱང་ཆུབ་སེམས་དཔའ་ལ་དེ་བཞིན་གཤེགས་པ་རྣམས་ཀྱིས་རྡོ་རྗེ་འཆང་ཆེན་པོས་འོད་གསལ་བའི་དེ་ཁོ་ན་ཉིད་ལ་འཇུག་པ་དང་། དེ་ལས་སེམས་རྣམ་པར་དག་པའི་རིམ་པས་ལྡང་བར་
[130b.6]འགྱུར་རོ་ཞེས་བསྟན་ཏོ། །དེ་བས་ན་ཀྱི་བྱང་ཆུབ་སེམས་དཔའ་རྣམས་ལོག་པར་མ་བཟུང་ཤིག་#ཅེས་བསྟན་པ་ཡིན་ནོ། །གང་བཤད་མ་ཐག་པ་ཞེས་བྱ་བ་ནས་སྦྱར་རོ་ཞེས་པའི་བར་དུ་ནི་བཅོམ་ལྡན་འདས་རྡོ་རྗེ་འཆང་ཆེན་པོས་རིམ་པ་གཉིས་པ་དང་བཞི་པ་དག་གི་#འོད་གསལ་བ་ཁོང་དུ་ཆུད་པའི་
[130b.7]མཚན་ཉིད་ཀྱི་ཟབ་པ་ཉིད་དང་། རིམ་པ་གསུམ་པ་དང་ལྔ་པ་དག་གིས་ཡེ་ཤེས་ཀྱི་སྐུ་དང་རྡོ་རྗེའི་སྐུ་རྒྱ་ཆེ་བ་གཟུང་བ་གང་ཡིན་པ་དེ་ནི་ཀུན་རྫོབ་དང་དོན་དམ་པ་བདེན་པ་གཉིས་ཀྱི་#མཚན་ཉིད་དབྱེ་བས་ཆོས་ཐམས་ཅད་མངོན་པར་ཤེས་པ་ཐོབ་པ་དང་སྐུའི་དབང་ཕྱུག་ལ་སོགས་པ་དང་ལྡན་
[131a]
[131a.1]པའི་ཚངས་པ་ལ་སོགས་པས་མི་ཤེས་ཏེ་རྡོ་རྗེ་སེམས་དཔའི་#ཆོས་ཉིད་ནི་ཤིན་ཏུ་ཟབ་པའི་ཕྱིར་རོ། །དེ་བས་ན་རྡོ་རྗེ་སེམས་དཔའི་ཆོས་ཉིད་མི་རྟོགས་པའམ་རྟོགས་ནས་རྡོ་རྗེ་འཆང་འདིས་ཟབ་པའི་ཆོས་སྟོན་ཏེ་ཞེས་ཐེ་ཚོམ་དང་ལྡན་པ་དེ་རྣམས་ཀྱིས་#ཐེ་ཚོམ་བསལ་བ་དང་བདག་ཉིད་
[131a.2]ཀྱི་དབྱེ་བ་སྔོན་#དུ་བྱ་བའི་ཕྱིར། བཅོམ་ལྡན་འདས་འོད་གསལ་#བ་ལ་ཞུགས་ནས་ལྡང་བ་བསྟན་ཏོ་ཞེས་དེ་བཞིན་གཤེགས་པ་རྣམས་ཀྱིས་#བྱང་ཆུབ་སེམས་དཔའ་ལ་ལན་བཏབ་པོ། །དེས་#ཤིན་ཏུ་ཟབ་པ་དེ་ཁོ་ན་ཉིད་ཀྱི་རང་བཞིན་རྡོ་རྗེ་འཆང་ཡིན་ནོ་ཞེས་བསྟན་ཏོ། །དེ་ནས་ཞེས་བྱ་བ་ནས་
[131a.3]སྦྱར་རོ་ཞེས་པའི་བར་དུ་ནི་ཡང་མི་བསྐྱོད་པ་ལ་སོགས་པ་དེ་བཞིན་གཤེགས་པ་རྣམས་ཀྱིས་བྱམས་པ་ལ་སོགས་པ་བྱང་ཆུབ་སེམས་དཔའ་རྣམས་ལ་འདི་སྐད་ཅེས་བཀའ་སྩལ་ཏོ། །དགོངས་པས་བཤད་པས། བྱང་ཆུབ་སེམས་དཔའ་ནི་ཚངས་པ་ལ་སོགས་པ་འཇིག་རྟེན་གྱི་ལྷ་
[131a.4]རྣམས་སོ།# །དེ་རྣམས་ཀྱིས་ཇི་ལྟར་ཤིན་ཏུ་ཟབ་པའི་རྡོ་རྗེ་འཆང་གི་དེ་ཁོ་ན་ཉིད་ཇི་ལྟར་རྟོགས་པར་འགྱུར་ཏེ། ཇི་སྲིད་བདག་ཅག་ཀྱང་ཡེ་ཤེས་ལྔ་མངོན་དུ་བྱེད་པས་#མི་ཤེས་ཏེ། རྟོག་པ་ཐམས་ཅད་ཀྱི་ངོ་བོ་ལས་ཞེས་པ་ནི་ཐམས་ཅད་སྟོང་པའི་ངོ་བོ་ཡིན་པས་སོ། །དགོངས་པ་འདི་
[131a.5]ཡིན་ཏེ། ཇི་སྲིད་ཤེས་པ་དང་ཤེས་བྱའི་རྟོག་པ་ཡོད་པ་དེ་སྲིད་དེ་ཁོ་ན་ཉིད་ག་ལས་རྟོགས་པར་འགྱུར། བག་ཆགས་ཀྱི་དྲི་མ་ཐམས་ཅད་དང་བྲལ་བས་འབའ་ཞིག་དྲི་མ་མེད་པའི་ནམ་མཁའ་དང་འདྲ་བ་དེ་ཁོ་ན་ཉིད་ཅེས་བྱ་བ་སྟེ། ཇི་སྲིད་སྒོམ་#པའི་སྦྱོར་བ་ལྡན། །དེ་སྲིད་དང་
[131a.6]པོའི་ལས་ཅན་ཡིན། །ཡོངས་སུ་རྫོགས་པའི་རྣལ་འབྱོར་ནི། །ད་ནི་བསྟན་པར་བྱ་བ་ཡིན། །ཞེས་འབྱུང་བས་སོ། །དེ་བཞིན་དུ། །རྐྱེན་གཞན་མེད་པ་ཞི་བ་སྟེ། །སྤྲོས་པ་ཡིས་ནི་མ་སྤྲོས་པ། །དུ་མ་མ་ཡིན་གཅིག་མིན་ཏེ། །དེ་ནི་དེ་ཉིད་མཚན་ཉིད་དོ། །ཞེས་འབྱུང་བས་
[131a.7]སོ། །དེ་བས་ན་ཤེས་པ་དང་ཤེས་བྱའི་#དབྱེ་བ་དང་བྲལ་བ་#བཅོམ་ལྡན་འདས་རྡོ་རྗེ་འཆང་ཆེན་པོས་དྲུག་པ་ཡིན་ནོ། །ཞེས་གྲངས་སུ་འགྱུར་རོ། །དེ་ནི་དེ་ཁོ་ན་ཉིད་རྙེད་པར་དཀའ་བ་ཉིད་དུ་བསྟན་ཏོ། །གལ་ཏེ་དེ་ལྟ་མ་ཡིན་ན་སྔ་མ་ནི་ཇི་ལྟར་གྲུབ་པ་དང་། འགྲུབ་པར་འགྱུར་བ་
[131b]
[131b.1]དང་། །ཕྱིས་གྲུབ་པ་ཇི་ལྟར་ཞེ་ན། སྨྲས་པ། སྐྱེ་གནས་བཞིས་བསྡུས་པ་རིགས་#དྲུག་གི་སེམས་ཅན་ཇི་སྙེད་ཡོད་པ་དེ་དག་ཐམས་ཅད་ངོ་བོ་ཉིད་ཀྱི་དེ་ཁོ་ན་ཉིད་ཐོབ་པ་#སྟེ། དེ་ཆོས་ཉིད་ལ་གནས་པའི་ཕྱིར་རོ། །འོ་ན་ཇི་ལྟར་ཐམས་ཅད་གྲོལ་བར་མི་འགྱུར་ཞེ་ན། སྨྲས་པ། གོམས་པ་
[131b.2]བླང་བའི་ཕྱིར་རོ། །གློ་བུར་གྱི་དྲི་མ་ལྡོག་པའི་དོན་དུ་ཐོས་པ་ལ་སོགས་པའི་རིམ་པས་གོམས་པར་བྱས་ན་དེ་ཁོ་ན་ཉིད་སྣང་བར་འགྱུར་ཏེ། མར་མེ་ཡོད་པ་བུམ་པ་ལ་སོགས་པ་བཞིན་ནོ། །དེས་#ནི་དེ་ཁོ་ན་ཉིད་རྙེད་པར་དཀའ་བས་སློབ་པས་ཅི་དགོས་ཤེ་ན་#ལེ་ལོ་ཅན་སྨྲས་པ་གང་ཡིན་པ་
[131b.3]དེ་རྣམས་ལ། དེ་བསལ་བར་བྱ་བའི་དོན་དུ་དེ་ཁོ་ན་ཉིད་རྙེད་པར་སླ་#བ་ཡིན་ནོ་ཞེས་གསལ་བར་བསྟན་ཏོ། །ཇི་སྐད་དུ། ཆོས་ཀུན་ནང་དུ་ཆུད་པའི་ཕྱིར། །རིང་པོ་མ་ཡིན་གང་#དུ་མིན། །དེ་ཉིད་རྟོགས་པར་དཀའ་བའི་ཕྱིར། །དེ་ཡི་ངོ་བོ་#རྟོགས་མི་འགྱུར། །ཕྲ་བར་གཟིགས་
[131b.4]པའི་སངས་རྒྱས་ཀྱིས། །དེ་ཉིད་རང་གིས་#རིག་པ་ཡིན། །རང་གནས་ལ་ཡང་དག་འདྲ་བའི། །བློ་རགས་པས་ནི་མཐོང་མི་འགྱུར། །རྣལ་འབྱོར་རིག་པས་ནམ་ཡང་ནི། །ཐར་པའི་འདུ་ཤེས་རིང་མི་བྱ། །རང་གི་བདག་ཉིད་བརྟགས་པ་ནི། །སྟོང་པར་མཐོང་ནས་མྱ་ངན་
[131b.5]འདས། །ཞེས་འབྱུང་ངོ་། །དེ་བཞིན་དུ། གོམས་པའི་སྦྱོར་བ་ཅི་ཞིག་བྱ། །ཐོག་མར་གྲུབ་པའི་ངོ་བོ་ཉིད། །རང་བཞིན་གྱིས་ནི་#དེ་འགྲུབ་པ། །དེ་བཞིན་རྟོག་པ་ལས་སྐྱེས་མིན། །ཡེ་ཤེས་གསུམ་རིག་སྤངས་ནས་ནི། །གང་ཞིག་དེ་ལྟར་རྟོག་བྱེད་པས། །དེ་ཡི་དབྱེ་བ་མི་
[131b.6]ཤེས་པས། །སླར་ཡང་དེ་རྣམས་སློབ་བཞིན་འགྱུར། །ཞེས་འབྱུང་ངོ་། །དེ་ལྟར་ཞེས་བྱ་བ་ནས་བརྟགས་ནི་#མི་རྙེད་པའི་ཕྱིར་རོ་ཞེས་པའི་བར་དུ་ནི་དེ་བཞིན་གཤེགས་པ་དང་བྱང་ཆུབ་སེམས་དཔའི་འདྲི་བ་དང་ལན་གདབ་པའི་ངོ་བོ་ཕུལ་དུ་བྱུང་བ་གསན་ནས་མགུ་བར་གྱུར་པའི་
[131b.7]རྡོ་རྗེ་འཆང་གིས་དོན་འདི་ཉིད་བསྟན་པས་ཏེ་ཆོས་ཉིད་ཀྱི་ངོ་བོ་སེམས་ཅན་ཐམས་ཅད་སྟོང་པ་ཉིད་ཀྱི་རང་བཞིན་ཡིན་ཡང་དེ་བཞིན་འཇའ་ཚོན་ལ་སོགས་པ་དང་འདྲ་བར་བདག་ལ་བྱིན་གྱིས་བརླབ་པའི་རིམ་པས་སེམས་ཅན་གྱི་དོན་རྣམ་པ་སྣ་ཚོགས་ཀྱིས་སངས་རྒྱས་ཀྱི་བྱ་བ་
[132a]
[132a.1]བྱེད་དེ། འོན་ཀྱང་མངོན་པར་བྱང་ཆུབ་ཀྱི་རིམ་པས་ཐམས་ཅད་སྟོང་པ་ཐོབ་ན། དེ་རྣམས་གང་ཡང་དམིགས་པར་མི་འགྱུར་ཏེ། ཆོས་ཐམས་ཅད་འོད་གསལ་བའི་#ངོ་བོ་ཡིན་པའི་ཕྱིར་རོ་ཞེས་བསྟན་ཏོ། །དེ་ལྟར་ཞེས་བྱ་བ་ནས་ལན་གསུངས་པའོ་ཞེས་པའི་བར་དུ་ནི་
[132a.2]སངས་རྒྱས་ཀྱི་དངོས་གྲུབ་གང་ལས་འབྱུང་བ་དང་གང་ལས་#གནས་པར་ཞེས་དེ་བཞིན་གཤེགས་པ་ཐམས་ཅད་ཀྱིས་བཅོམ་ལྡན་འདས་རྡོ་རྗེ་འཆང་ཆེན་པོ་ལ་དྲི་བ་དང་བཅོམ་ལྡན་འདས་ཀྱིས་ཀྱང་སློབ་པའི་དུས་ནས་དེ་ཁོ་ན་ཉིད་ཐོབ་པའི་བར་དུ་སྐུ་གསུམ་གྱི་བདག་ཉིད་དེ་ཁོ་#ཉིད་གང་ཡིན་པ་
[132a.3]དེ་ཉིད་ལས་སྟོབས་བཅུ་དང་མི་འཇིགས་པ་ལ་སོགས་པ་འཇིག་རྟེན་ལས་འདས་པ་དང་། ཞི་བ་ལ་སོགས་པའི་འཇིག་རྟེན་པའི་#དངོས་གྲུབ་འབྱུང་ཞིང་དེ་ཉིད་དུ་#ཐིམ་པར་འགྱུར་ཏེ། སེམས་ཅན་གྱི་དོན་བྱ་བའི་ཕྱིར་ཞེས་ལན་བསྟན་ཏོ། །ཇི་ལྟར་ཆུ་ནི་དངས་#པ་ལས། །ཞེས་བྱ་བ་ལ་སོགས་པ་
[132a.4]འབྱུང་བས་སོ། །དེ་བཞིན་གཤེགས་པ་ཞེས་བྱ་བ་ནས་ཅི་ལ་ཡང་མ་ཡིན་ཞེས་གསུངས་པ་ནི་ལན་ནོ་ཞེས་པའི་བར་དུ་ནི། འཇིག་རྟེན་པ་#ལ་སོགས་པའི་དངོས་གྲུབ་ཀྱི་ཐབས་དང་གང་གིས་དམིགས་ཤིང་སྒྲུབ་པ་སྐུ་ལ་སོགས་པ་དེ་དག་དང་། དེའི་རང་བཞིན་གྱིས་#ཁམས་གསུམ་པ་དང་།
[132a.5]སྣོད་ཀྱི་འཇིག་རྟེན་གྱི་ངོ་བོ་ས་ལ་སོགས་པ་#གང་དུ་གནས་ཞེས་མི་བསྐྱོད་པ་ལ་སོགས་པས་ཞུས་པས་བཅོམ་ལྡན་འདས་ཀྱིས་#འོད་གསལ་བ་གནས་སོ་ཞེས་ལན་བསྟན་ན་འོད་གསལ་བ་ཡང་གང་དུ་གནས་ཞེས་ཞུས་པས། གང་དུ་#མི་གནས་སོ་ཞེས་སོ་སོར་ངེས་པའི་གནས་མེད་པའི་ཕྱིར་
[132a.6]ཐམས་ཅད་དུ་ནི་དེ་ཁོ་ན་ཉིད་གནས་སོ་ཞེས་ལན་གསུངས་སོ། །རིང་པོར་མ་ཡིན་གམ་དུ་མིན། །ནམ་མཁའ་མ་ཡིན་ས་ལ་མིན། །འཁོར་བར་མ་ཡིན་མྱང་འདས་མིན། །གནས་མིན་#ཁྱོད་ལ་ཕྱག་འཚལ་ལོ། །ཞེས་འབྱུང་བ་དང་། །ཀུན་དུ་ཀུན་ནས་ཐམས་ཅད་ནི། །རྣམ་པ་
[132a.7]ཐམས་ཅད་ཀུན་རང་བཞིན། །སངས་རྒྱས་ཀུན་དངོས་གྲུབ་པ་ནི། །དེས་ནི་རང་གི་བདག་ཉིད་མཐོང་། །ཞེས་འབྱུང་བས་སོ། །དེ་བཞིན་གཤེགས་པ་ཐམས་ཅད་ཅེས་བྱ་བ་ནས་ངོ་མཚར་གྱི་རྒྱུའོ་ཞེས་པའི་བར་དུ་ནི་ངོ་མཚར་དང་བཅས་པའི་དེ་བཞིན་གཤེགས་པ་རྣམས་ཀྱིས་
[132b]
[132b.1]བཅོམ་ལྡན་འདས་ཀྱི་#བསྟན་པ་ལ་#རྗེས་སུ་ཡི་རང་བས་སེམས་རྣམ་པར་དག་པའི་རིམ་པས་རྣམ་པ་མེད་པའི་འོད་གསལ་བ་#ཐོབ་པ་གང་ཡིན་པ་དེ་ལས་ཅིག་ཅར་དུ། རྣམ་པ་ཐམས་ཅད་མཆོག་དང་ལྡན་པའི་ལྷའི་སྐུ་གཟུགས་#པ་དང་། དེས་ཀྱང་འགྲོ་བའི་དོན་བྱ་བ་ཞེས་ངོ་མཚར་བ་ཡིན་
[132b.2]ནོ་ཞེས་བསྟན་ཏོ། །མཚན་མ་མེད་པ་ཞེས་པ་ནི་འོད་གསལ་བ་རྟོགས་པའི་མཚན་ཉིད་དོ། །དེའི་ཐབས་ཞེས་པ་འོད་གསལ་བ་དེ་ཐོབ་པའི་རྒྱུའོ། །ལྷའི་སྐུ་ཞེས་པ་ནི་བསྐྱེད་པའི་རིམ་པས་བསྒྲུབ་པར་བྱ་བའོ#། །ལྷའི་སྐུ་གྲུབ་#ན་རྫོགས་པའི་རིམ་པ་ལ་དབང་བྱེད་པའི་ཕྱིར་རོ། །ཇི་སྐད་
[132b.3]དུ། །བསྐྱེད་པའི་རིམ་ལ་ལེགས་གནས་ཤིང་། །རྫོགས་པའི་རིམ་པ་འདོད་རྣམས་ལ། །ཐབས་ནི་#རྫོགས་པའི་སངས་རྒྱས་ཀྱིས། །སྐས་ཀྱི་རིམ་པ་ལྟ་བུར་གསུངས། །ཞེས་འབྱུང་ངོ་། །རྡོ་རྗེ་གསུམ་ནི་སེམས་ཅན་ཐམས་ཅད་དོ་ཞེས་པ་ནི་སྐུ་ལ་སོགས་པའི་བདག་ཉིད་ཡིན་
[132b.4]པས་སོ། །དེ་རྣམས་ཀྱི་མཆོག་ནི་ཞེས་པ་ནི་འཇིག་རྟེན་སྐྱོང་བ་ཡིན་པས་ན་མཆོག་གོ། །ལྷ་ཆེན་པོ་ལ་སོགས་པ་ནི་འདོད་པའི་ཁམས་ཀྱི་བདག་པོའོ། །དེ་རྣམས་ཀྱི་མཆོག་ནི་ཉན་ཐོས་པ་དང་རང་རྒྱལ་བ་རྣམས་སོ་ཞེས་པ་ནི་འདོད་ཆགས་དང་བྲལ་བ་ཡིན་པས་སོ། །དེ་རྣམས་ཀྱི་མཆོག་ནི་
[132b.5]རྡོ་རྗེ་འཆང་ཆེན་པོ་ཞེས་པ་ནི་ཐམས་ཅད་ལ་རྗེས་སུ་སྟོན་པར་མཛད་པས་སོ། །སྐུ་དང་གསུང་དང་ཐུགས་རྡོ་རྗེ་རྣམས་ལ་ཞེས་པ་ནི་རྣམ་པར་སྣང་མཛད་ལ་སོགས་པ་ལའོ། །ཁྱད་པར་དུ་དབང་བསྐུར་བས་ན་ཞེས་པ་ལ་འོག་ནས་འཆད་པའི་དབང་ཕྱུག་ཉིད་ཀྱིས་སོ། །སྐུའི་དབང་ཕྱུག་
[132b.6]ཅེས་པ་ནི་ཕྲ་བ་ལ་སོགས་པ་ལའོ། །གསུང་གི་དབང་ཕྱུག་ཅེས་པ་ནི་གཟུགས་བཞིའི་བདག་ཉིད་དོ། །ཐུགས་ཀྱི་དབང་ཕྱུག་ནི་ལྷ་ལ་སོགས་པའི་ཉེ་བར་འཕོ་བ་ལ་སོགས་པ་ལའོ། །རྫུ་འཕྲུལ་ཞེས་པ་ནི་འབར་བ་དང་སྣང་བ་ལ་སོགས་པ་ལའོ། །ཀུན་འགྲོ་བའི་དབང་ཕྱུག་
[132b.7]ཅེས་པ་ནི་གཟུགས་གཅིག་གིས་ཐམས་ཅད་ཁྱབ་པའོ། །ཅི་འདོད་ནི་ཇི་ལྟར་མངོན་པར་འདོད་པའི་དོན་བསྐྱེད་པ་སྟེ། དཔག་བསམ་གྱི་ཤིང་བཞིན་ནོ། །བསྐྱེད་པ་ནི་སེམས་ཅན་གྱི་དོན་བྱ་བའི་ཕྱིར་གཟུགས་སྣ་ཚོགས་པས་སྤྲུལ་པ་ཉིད་དེ། རི་བོང་སྟག་དང་སེང་གེ་རྣམས། །
[133a]
[133a.1]གླང་པོ་རྣམས་ཀྱི་སྐྱེ་གནས་སོ#། །ཕྱག་རྒྱ་དྲུག་ཀྱང་སྐྱེ་བ་སྟེ། རྡོ་རྗེའི་ཐུགས་དང་ལྡན་པས་སོ། །ཞེས་འབྱུང་ངོ་། །ཡོན་ཏན་ནི་སྟོབས་བཅུ་དང་མི་འཇིགས་པ་ལ་སོགས་པའོ། །དེ་དག་དབང་ཕྱུག་བརྒྱད་ཡིན་ནོ། །དེ་དང་ལྡན་པས་ན་དབང་ཕྱུག་དམ་པའོ། །འཇིག་
[133a.2]རྟེན་དང་འཇིག་རྟེན་ལས་འདས་པ་ཞེས་པ་ནི་ཞི་བ་ལ་སོགས་པ་དང་འཁོར་ལོའི་#རིག་པ་འཛིན་པ་ལ་སོགས་པའི་དངོས་གྲུབ་རྣམས་སོ། །སྒྲུབ་པར་གྱུར་པ་ཞེས་པ་ནི་རྫོགས་པར་བྱེད་པ་ཉིད་དུ་ཐོབ་པའོ། །རིག་པའི་རང་བཞིན་ཞེས་པ་ནི་སྔགས་ཀྱི་རང་བཞིན་ནོ། །སྐྱེས་བུ་ནི་ལྷའི་
[133a.3]རྣམ་པ་ཅན་ནོ། །བསྐྱེད་པའི་རིམ་པའོ་ཞེས་པ་ནི་བསྐྱེད་པའི་གོ་རིམས་#གསུངས་སོ། །ནམ་མཁའ་རྡོ་རྗེ་ཞེས་བྱ་བ་ནས་བཅོམ་ལྡན་འདས་ཀྱིས་གསུངས་སོ་ཞེས་པའི་བར་དུ་ནི་ཁྱད་པར་གྱི་#གནས་ལ་དམིགས་པ་སྔོན་དུ་འགྲོ་བར་དོན་དམ་པའི་དཀྱིལ་འཁོར་གྱི་རིམ་པས་སེམས་
[133a.4]ཅན་གྱི་ཁམས་སྟོང་པར་བྱས་ནས། པདྨ་ལ་སོགས་པ་རྗེས་སུ་#འཇུག་པས་ཟླ་བའི་དཀྱིལ་འཁོར་འབའ་ཞིག་བསམས་ལ། དེའི་སྟེང་དུ་དགོད་པའི་རྡོ་རྗེ་དང་འཁོར་ལོ་དང་པདྨ་དང་རིན་ཆེན་#དང་། སྣ་ཚོགས་རྡོ་རྗེ་ཡོངས་སུ་གྱུར་པ་ལས་བསྐྱེད་པའི་མི་བསྐྱོད་པ་དང་། རྣམ་པར་སྣང་མཛད་
[133a.5]དང་། རིན་ཆེན་འབྱུང་ལྡན་དང་། འོད་དཔག་ཏུ་མེད་པ་དང་། དོན་ཡོད་གྲུབ་པའི་སྐུ་བསམས་ལ། རྣལ་འབྱོར་གསུམ་གྱི་རིམ་གྱིས་དང་པོ་སྦྱོར་བ་རྫོགས་ཏེ་ཕྱག་རྒྱ་ལེགས་པར་སྦྱོང་བ་#སྔོན་དུ་འགྲོ་བར་དཀྱིལ་འཁོར་སྤྲོས་ལ་དེས་འགྲོ་བའི་དོན་བྱས་ཏེ། འཁོར་གྱི་ཚུལ་དུ་བཞག་ཅིང་ལས་ཀྱི་
[133a.6]རྒྱལ་བ་མཆོག་ལ་གནས་པར་བྱའོ་ཞེས་བསྟན་ཏོ། །རྣམ་པ་གཞན་གྱིས་བསྒོམས་ན་ཞེས་པ་ནི་ལོག་པའམ་མཚན་མ་གཅིག་ཡོངས་སུ་གྱུར་པ་ལས་སོ།# །དངོས་གྲུབ་ཀྱི་རྒྱུར་མི་འགྱུར་རོ་ཞེས་པ་ནི་མངོན་པར་འདོད་པའི་ལྷའི་སྒྲུབ་པའི་རྒྱུར་མི་འགྱུར་ཏེ་མི་མཐུན་པའི་ཕྱིར་རོ། །འབྲས་ནི་
[133a.7]ས་བོན་ལ་ནས་ཀྱི་མྱུ་གུ་བཞིན་ནོ། །དེས་ནི་བསྐྱེད་པའི་རིམ་པའི་མཚན་མའི་ངེས་པ་བསྟན་ཏེ་རྒྱས་བཏབ་པ་བཞིན་ནོ། །དེ་ལྟར་ཞེས་བྱ་བ་ནས་བལྟ་བར་བྱའོ་ཞེས་པའི་བར་དུ་ནི་དང་པོ་སྦྱོར་བའི་འོག་ཏུ་ཡེ་ཤེས་ཀྱི་ཕྱག་རྒྱ་དང་སྙོམས་པར་ཞུགས་པ་ཉིད་དུ་བསྟན་ཏེ། གང་ལ་དམིགས་ནས་#
[133b]
[133b.1]སྔར་བཤད་པའི་དཀྱིལ་འཁོར་སྤྲོ་བར་བྱའོ་ཞེས་བསྟན་ཏོ། །ཇི་ལྟར་འགྱུར་ཞེ་ན་ཞེས་བྱ་བ་ནས་བརྩོན་འགྲུས་ཀྱི་བརྟུལ་#བ་ཅན་ཞེས་པའི་བར་དུ་ནི་བསྐྱེད་པའི་རིམ་པའི་ཡེ་ཤེས་ཀྱི་ཕྱག་རྒྱ་དང་སྙོམས་པར་ཞུགས་པའི་བསྒོམ་#པས་ཆགས་པ་ལ་སོགས་པ་གསུམ་རྣམ་པར་སྦྱོང་བ་འོད་
[133b.2]གསལ་བ་རྟོགས་པར་འགྱུར་བས། གོ་རིམས་ཀྱིས་#ཟུང་དུ་འཇུག་པའི་ཏིང་ངེ་འཛིན་ལ་གནས་པར་འགྱུར་རོ་ཞེས་བསྟན་ཏོ། །ཞག་བདུན་ཞེས་བྱ་བ་ནས་སངས་རྒྱས་ཉིད་ཐོབ་པར་འགྱུར་རོ་ཞེས་བྱ་བའི་བར་དུ་ནི་གང་ཞིག་རྣལ་འབྱོར་པ་ཡེ་ཤེས་ཀྱི་ཕྱག་རྒྱ་བསྒོམ་#པར་མི་ནུས་པ་དེས་ལེགས་
[133b.3]པར་སྦྱངས་པའི་ཤིན་ཏུ་བསླབས་པ། དམ་ཚིག་གི་ཕྱག་རྒྱ་བླངས་ལ་དེ་དང་ལྷན་ཅིག་ཏུ་ཆགས་པ་ལ་སོགས་པའི་དབྱེ་བ་མཚོན་ཞིང་འོད་གསལ་བ་རྟོགས་ན་ཇི་སྲིད་ཞག་བདུན་གྱི་བར་དུ་ཕྱག་རྒྱ་ཆེན་པོའི་དངོས་གྲུབ་ཐོབ་པ་དེ་སྲིད་དུ་གནས་པར་བྱའོ། །དབང་པོ་རྣོ་བ་དང་འདོད་ཆགས་
[133b.4]ཀྱི་ཤས་ཆེ་བའི་དབང་པོ་རྣོ་བའི་སྒོམ་པ་འདི་ཡིན་ནོ། །ཞེས་བླ་མའི་བཀའ་ལུང་ངོ་། །དང་པོ་སྦྱོར་བའི་འོག་ཏུ་ཕྱག་རྒྱ་ལེགས་པར་སྦྱང་བ་ནི་དཀྱིལ་འཁོར་རྒྱལ་བ་མཆོག་གི་ཕྱོགས་གཅིག་ཡིན་ནོ། །དེ་ནས་ཞེས་བྱ་བ་ནས་འདའ་#བར་མི་མཛད་དོ་ཞེས་པའི་#བར་དུ་ནི་རྫོགས་པའི་རིམ་པའི་རྣལ་
[133b.5]འབྱོར་པས་ལག་པའི་ཕྱག་རྒྱ་བཅིང་བར་མི་བྱ་སྟེ། དེ་#གཡེང་བར་བྱེད་པ་ཡིན་པས་སོ། །ཕྱག་རྒྱ་ནི་བཅོམ་ལྡན་འདས་ཀྱི་ངོ་བོ་མངོན་དུ་གྱུར་པའི་ཕྱིར་བཅིང་བར་བྱ་སྟེ། དེ་ཉིད་མངོན་སུ་#བྱས་ནས་ཕྱག་རྒྱས་ཅི་ཞིག་བྱ། དེའི་དོན་དུ་གླང་པོ་རྙེད་པ་ཞེས་བྱ་བ་ནི་དཔེ་ཡིན་ཏེ་སྐྱེས་པ་དང་
[133b.6]གླང་པོ་སྟོར་བ་གལ་ཏེ་དེ་ཚོལ་བས་མདུན་དུ་དེ་འཕྲལ་དུ་རྙེད་ན། དེ་ཅིའི་ཕྱིར་གླང་པོ་དེའི་རྗེས་ཚོལ་བ་དེ་#མི་ཚོལ་ཏེ་དེ་རྙེད་པའི་ཕྱིར་རོ། །དེ་བཞིན་དུ་གང་ཞིག་རྣལ་འབྱོར་པ་རང་ཉིད་རྡོ་རྗེ་སེམས་དཔའ་ཡིན་ན་དེས་ལག་པའི་ཕྱག་རྒྱ་ལ་སོགས་པ། ཅིའི་ཕྱིར་ཚོལ་ཏེ་དེ་གྲུབ་པ་ཡིན་པས་
[133b.7]སོ། །སྤྲོས་པ་རྣམས་དོན་མེད་པའོ། །གསང་བ་འདུས་པ་ནི་རྣམ་པ་#གཉིས་ལ་གནས་པའོ། །རྟོག་པའི་རྣལ་འབྱོར་པ་རྣམས་ཀྱི་ཞེས་པ་ནི་བསྐྱེད་པའི་རིམ་པ་ལ་གནས་པ་རྣམས་ཀྱིའོ། །སྐུ་རྡོ་རྗེའི་རིགས་དང་ལྡན་པ་ཞེས་པ་ནི་རྣམ་པར་སྣང་མཛད་ཀྱི་རིགས་དང་ལྡན་པའོ། །
[134a]
[134a.1]ཉམས་སུ་བླངས་པ་ཞེས་པ་ནི་སྐུ་རྡོ་རྗེའི་དམ་ཚིག་གསུངས་པའོ། །བཤང་གཅི་ཞེས་བྱ་བ་ལ་སོགས་པས་བདུད་རྩི་ལ་སྦྱང་#བ་ལ་སོགས་པའི་རིམ་གྱིས་སྦྱངས་ནས་བཟའ་བར་བྱ་བ་དང་། དེ་བཞིན་དུ་ཤེས་རབ་ལ་འཁྱུད་པ་ལ་སོགས་པས་འབྱུང་བའི་བྱང་ཆུབ་
[134a.2]ཀྱི་སེམས་ཀྱི་བདུད་རྩིས་ལུས་ཚིམ་པར་བྱེད་པ་སྤྱད་པར་#བྱའོ་ཞེས་སྐུའི་རིགས་ཀྱི་དམ་ཚིག་གོ། །བཤང་བས་ཉེ་བར་མཚོན་པའི་བདུད་རྩིའི་རང་བཞིན་ནི་རྣམ་པར་སྣང་མཛད་ལ་སོགས་པའོ་ཞེས་བསྟན་ཏོ། །མཆོག་ནི་ཡེ་ཤེས་ཀྱི་ཕྱག་རྒྱའོ། །འབྲིང་ནི་དམ་ཚིག་གི་ཕྱག་རྒྱའོ། །ཐ་མ་ནི་ལས་ཀྱི་ཕྱག་
[134a.3]རྒྱའོ། །ཡང་ན་#མཆོག་ནི་#བྲམ་ཟེ་མོ། །འབྲིང་ནི་རྒྱལ་རིགས་དང་རྗེ་རིགས་མའོ། །ཐ་མ་ནི་དམངས་རིགས་མའོ། །ཡང་ན་མཆོག་ནི་སྨེ་ཤ་ཅན་གྱི་བུ་མོ་སྟེ་མི་བསྐྱོད་པའི་རིགས་ཡིན་པའི་ཕྱིར་རོ། །བར་མ་ནི་གར་མཁན་མོ་སྟེ་འོད་དཔག་ཏུ་མེད་པའི་རིགས་དང་ལྡན་པའི་ཕྱིར་རོ། །ཐ་མ་ནི་
[134a.4]ཁྲུས་མཁན་མ་སྟེ་རྣམ་པར་སྣང་མཛད་ཀྱི་རིགས་ཡིན་པས་སོ། །དེ་དག་ཐུགས་དང་གསུང་དང་སྐུའི་ངོ་བོ་ཡིན་ནོ། །ཁམས་གསུམ་ནི་སེམས་ཅན་རྣམས་སོ་ཞེས་པ་ནི་ཁམས་གསུམ་ལས་བསྐྱེད་པའི་ཕྱིར་རོ། །སྙོམས་པར་ཞུགས་པའི་ལམ་ཞེས་པ་ནི་སྐྱེ་བ་#བྱུང་བའི་སྒོའོ། །
[134a.5]པདྨའོ་ཞེས་པ་#གྲུ་གསུམ་པ་མོའི་དབང་པོའོ། །འགྲོ་བ་ཐམས་ཅད་ཚིམ་པར་བྱེད་པའོ་ཞེས་པ་ནི་སེམས་ཅན་གྱི་རིགས་རྣམས་ལ་བཞི་#དགའ་བར་བྱེད་པ་སྟེ། འདོད་པའི་ཁམས་དེའི་རང་བཞིན་ཡིན་པའི་ཕྱིར་རོ། །དྲེགས་པའི་གདུགས་ནི་རྩ་དབུས་མའོ། །ཟླ་བ་རྫོགས་པ་ནི་རྩ་
[134a.6]གཡོན་པའོ། །རུས་སྦལ་ནི་གཡས་པའོ། །སོགས་པ་ནི་མདུན་དུ་ལྷ་སྦྱིན་མ་དང་རྒྱབ་ཏུ་ནོར་རྒྱས་མའོ། །དེ་དག་གལ་ཏེ་མི་བསྐྱོད་པ་ལ་སོགས་པ་བདུད་རྩི་ལྔ་རྒྱུ་བ་ཡིན་ན་ཡང་དེ་བཞིན་དུ་བྱང་ཆུབ་ཀྱི་སེམས་འཛག་པ་ཡིན་ནོ། །བྷ་གའི་དབུས་ན་#ནམ་མཁའ་གང་། །ནམ་
[134a.7]མཁའ་ལྔ་ཡིས་བརྒྱན་པ་སྟེ། །ལྟེ་བར་གེ་སར་དང་ལྡན་པའི། །འདབ་མ་བརྒྱད་ཀྱིས་རྣམ་པར་མཛེས། །དེ་ལ་རྟག་ཏུ་གནས་པ་ནི། །ཁུ་བའི་གཟུགས་སུ་བདུད་རྩི་འཛག །ཅེས་འབྱུང་ངོ་། །རྩ་#ལྔ་པོ་དེ་དག་སྙོམས་པར་ཞུགས་པའི་སྔོན་དུ་ལག་པའི་ཕྱག་རྒྱས་བསྐུལ་
[134b]
[134b.1]ཞིང་གཤེར་བར་བྱས་ཏེ་ལྕེ་བཅུག་ལ། དེ་ལས་འཛག་པའི་བདུད་རྩི་མྱང་བ་གང་ཡིན་པ་དེ་ནི་གསུང་གི་རྡོ་རྗེའི་དམ་ཚིག་སྟེ། ངག་གི་རང་བཞིན་ལྕེའི་བྱ་བ་ཡིན་པས་སོ། །དེ་ནི་དཀྱིལ་འཁོར་རྒྱལ་བ་མཆོག་གི་ཕྱོགས་གཅིག་དང་ཤེས་རབ་ཀྱི་དབང་བསྐུར་གྱི་ཕྱོགས་གཅིག་དང་། གསང་
[134b.2]བའི་དབང་བསྐུར་ཡང་ཡིན་ནོ་ཞེས་བསྟན་ཏོ། །དེ་ནས་ཞེས་བྱ་བ་ནས་སྡུད་#པར་བྱེད་པའི་ཚིག་གོ་ཞེས་པ་ནི་ཐུགས་རྡོ་རྗེའི་རྣལ་འབྱོར་པས་པདྨ་ཅན་ལ་སོགས་པའི་ཕྱག་རྒྱ་དང་ལྷན་ཅིག་ཏུ་རོལ་པས་དེ་རྣམས་ཀྱི་སེམས་མཉེས་པར་མི་བྱ་བའོ#། །འོན་ཀྱང་ཕྱིའི་ཁ་ཟས་དང་བཏུང་བ་དང་ཚིག་
[134b.3]སྙན་པ་ལ་སོགས་པས་མགུ་བར་བྱས་ཏེ། དེ་ནས་དགའ་བར་འགྱུར་བའི་སེམས་དང་ལྡན་པས། བདེ་བའི་ལུས་དང་ལྡན་པ་དེ་རྣམས་ཀྱིས་བྱང་ཆུབ་ཀྱི་#སེམས་སྟེར་བར་འགྱུར་རོ། །གང་གི་དབང་གིས་#བདེ་བ་ཆེན་པོ་མྱོང་བ་ཡིན་ནོ་ཞེས་བསྟན་ཏོ། །དེ་ནི་ཐུགས་ཀྱི་དམ་ཚིག་སྟེ་
[134b.4]ཐུགས་མཉེས་པར་བྱེད་པའི་ཕྱིར་རོ། །སྤྱོད་པ་གསུམ་ལ་གནས་པའི་རྣལ་འབྱོར་པ་ཞེས་པ་ནི་སྤྲོས་པ་དང་བཅས་པ་ལ་སོགས་པ་སྤྱོད་པ་གསུམ་སྤྱོད་པའོ། །སྤྱིའི་སངས་རྒྱས་དང་བྱང་ཆུབ་སེམས་དཔའ་#མངོན་པར་ཞེན་པ་ཞེས་པ་ནི་དེ་རྣམས་ལ་ཀུན་དུ་ཆགས་པའོ། །བརྩལ་
[134b.5]བར་བྱ་བའི་ཕྱིར་ནི་དེ་ལྡོག་པར་བྱ་བའི་ཕྱིར་རོ། །ལྷག་མའི་#ལྷ་བསྟན་པའི་ལྷའི་#ངོ་བོ་ཉིད་བསྟན་པའི་ཕྱིར་རོ། །དེ་ནས་ཞེས་བྱ་བ་ནས་དེ་སྐད་ཅེས་བཀའ་སྩལ་ཏོ་ཞེས་པའི་བར་དུ་ནི་གང་ཞིག་སོ་སོར་ངེས་པའི་རང་བཞིན་ལ་དམིགས་ནས་སོ་སོར་སྣང་བའི་ཕུང་པོ་ལྔ་དང་། མིག་
[134b.6]ལ་སོགས་པའི་སྐྱེ་མཆེད་དྲུག་དང་། ས་ལ་སོགས་པ་འབྱུང་བ་ཆེན་པོ་གང་ཡིན་པ་དེ་རྣམས་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པ་ལྔ་དང་། སྤྱན་མ་ལ་སོགས་པ་དང་རྡོ་རྗེ་འཆང་ཆེན་པོ་དང་སའི་སྙིང་པོ་ལ་སོགས་པ་དྲུག་གི་རང་བཞིན་དུ་ཤེས་པར་བྱའོ་ཞེས་
[134b.7]བསྟན་ཏོ། །དེ་ཉེ་བར་མཚོན་པ་ཙམ་ཡིན་ཏེ་ཡེ་ཤེས་ལྔ་དང་ཡུལ་དྲུག་གི་ངོ་བོ་ཡང་ཡིན་པར་ཤེས་པར་བྱའོ། །དེ་ཡང་རིགས་བརྒྱའི་དབྱེ་བས་སྔར་གཏན་ལ་ཕབ་པའོ། །ཇི་སྐད་དུ། བདག་ཉིད་སངས་རྒྱས་ཀུན་ཉིད་དེ། །བྱང་ཆུབ་སེམས་དཔའ་ཐམས་ཅད་ཉིད། །དེ་#
[135a]
[135a.1]ཕྱིར་འབད་པ་ཐམས་ཅད་ཀྱིས། །རང་གི་བདག་ཉིད་མཆོད་པར་བྱ། །ཞེས་འབྱུང་ངོ་། །ལེའུ་དང་པོ་ནས་རྡོ་རྗེ་ཕྲེང་བའི་རྒྱུད་ཀྱི་ཚད་མས#། སྐུའི་དཀྱིལ་འཁོར་དེ་ཉིད་བསྟན་ཏོ། །རྒྱུད་ཕྱི་མ་ལས་ཀྱང་། བྱང་ཆུབ་#སེམས་ཀྱི་དཀྱིལ་འཁོར་དང་། སྐུ་ཡི་དཀྱིལ་
[135a.2]འཁོར་ཉིད་དང་ནི། །བྷ་གའི་དཀྱིལ་འཁོར་ཞེས་བྱ་བའི། །དཀྱིལ་འཁོར་གསུམ་པོ་#དེ་དག་བརྟགས། །དེ་ཡང་བསྐྱེད་པའི་རིམ་པའི་དང་པོ་སྦྱོར་བའི་ཕྱོགས་གཅིག་ཤིན་ཏུ་རྣལ་འབྱོར་ཞེས་བྱ་བ་ཡིན་ནོ། །དཀྱིལ་འཁོར་རྒྱལ་བ་མཆོག་ལ་ཡང་སྐུའི་དཀྱིལ་འཁོར་ལ་ལྷག་པར་
[135a.3]མོས་པ་སྔོན་དུ་འགྲོ་བར་ཕྱི་རོལ་ཏུ་དཀྱིལ་འཁོར་སྤྲོ་བའོ། །དེ་ལྟར་ཞེས་བྱ་བ་ནས་བཞུགས་པར་གྱུར་ཏོ་ཞེས་པའི་བར་དུ་ནི། ཕུང་པོ་དང་ཁམས་དང་སྐྱེ་མཆེད་ཀྱི་རང་བཞིན་རྣམ་པར་སྣང་མཛད་ལ་སོགས་པའི་ཚོགས། རང་གི་ཕུང་པོ་ལ་སོགས་པ་དང་མཚུངས་པར་ཤེས་ནས་
[135a.4]ཁམས་གསུམ་པ་ཡང་དེའི་ངོ་བོར་ཤེས་པར་བྱ་སྟེ། གནས་ཇི་ལྟ་བ་#བཞིན་དུ་གནས་པའི་དཀྱིལ་འཁོར་པ་རྣམས་གཟིགས་ནས་སེམས་རྣམ་པར་དག་པའི་རིམ་པའམ་མངོན་པར་བྱང་ཆུབ་པའི་རིམ་པ་ལ་འཇུག་སྟེ། འཁོར་གྱིས་ཞུས་པ་ལ་ཀླགས་སྐབས་སུ་སྦྱིན་པའི་ཕྱིར་
[135a.5]རོ་ཞེས་བསྟན་ཏོ། །བཅོམ་ལྡན་འདས་ཞེས་བྱ་བ་ནས་ཤེས་པར་བགྱི་#ཞེས་པའི་བར་དུ་ནི་བཅོམ་ལྡན་འདས་རྡོ་རྗེ་འཆང་འོད་གསལ་བ་ལ་འཇུག་ན་དཔལ་གསང་བ་འདུས་པ་རྡོ་རྗེ་སློབ་དཔོན་ཁྱོད་དང་བདག་ཅག་གིས་ཇི་ལྟར་ཤེས་པར་བྱ་#ཞེས་བྱམས་པས་དེ་བཞིན་གཤེགས་པ་
[135a.6]རྣམས་ལ་འདྲི་བར་བྱས་སོ་ཞེས་བསྟན་ཏོ། །འདིར་འཇིག་རྟེན་གྱི་སྤྱོད་པ་ནི་དཀྱིལ་འཁོར་གྱི་ཆོ་ག་དང་སྦྱིན་སྲེག་དང་རབ་ཏུ་གནས་པ་དང་ཞི་བ་ལ་སོགས་པའི་སྤྱོད་པའོ། །འཇིག་རྟེན་ལས་འདས་པའི་སྤྱོད་པ་ནི་དམ་ཚིག་ལ་སོགས་པ་དང་རྫོགས་པའི་རིམ་པའི་སྤྱོད་པའོ། །
[135a.7]བྱམས་པས་བསྐུལ་བ་ཞེས་པ་ནི་འདྲི་བར་བྱས་པའོ། །སའི་སྙིང་པོ་ལ་སོགས་པ་གནས་ཀྱང་བྱམས་པས་བསྐུལ་བ་ནི་མ་འོངས་པའི་ཆོས་ཀྱི་རྒྱལ་སྲིད་ལ་དབང་བྱེད་པའི་ཕྱིར་རོ། །སྟོན་པ་པོ་ཞེས་པ་ནི་འདིར་དབང་བསྐུར་བའི་རྡོ་རྗེ་སློབ་དཔོན་ནོ། །རྡོ་རྗེ་འཆང་ཆེན་པོ་དང་འདྲ་བ་
[135b]
[135b.1]ཞེས་པ་ནི་འདྲ་བའི་སྒྲ་གཞན་གྱི་འབྲེལ་པ་དང་རྣམ་པར་གཅོད་པ་ཡིན་ཏེ། དེས་#ན་རྡོ་རྗེ་སེམས་དཔའ་ཉིད་དེ་ཡིན་གྱི་དེ་བཞིན་གཤེགས་པ་གཞན་ནི་མ་#ཡིན་ནོ། །ཁྱད་པར་གྱི་སྒོ་ནས་དམ་ཚིག་བསྟན་པའི་དོན་དུ་བཤད་པར་བྱ་སྟེ། དེ་ཅིའི་ཕྱིར་ཞེ་ན་ཞེས་སྨོས་ཏེ། བྱང་ཆུབ་ཀྱི་སེམས་
[135b.2]ཞེས་པ་ནི་སྟོང་པ་ཉིད་དང་སྙིང་རྗེ་དབྱེར་མེད་པའི་བདག་ཉིད་ནི་རྡོ་རྗེ་འཆང་ངོ་། །སྟོང་ཉིད་སྙིང་རྗེ་དབྱེར་མེད་པའི། །བྱང་ཆུབ་སེམས་དེ་བཤད་པ་ཡིན། །ཞེས་འབྱུང་ངོ་། །གཉིས་སུ་མེད་པའི་ཡེ་ཤེས་འཛིན་པས་ན་རྡོ་རྗེ་འཆང་ངོ་། །དེ་བཞིན་གཤེགས་#ཐམས་ཅད་ཀྱི་གཙོ་བོ་
[135b.3]ཡིན་པས་ན་ཆེན་པོ་ཡང་ཡིན་ལ#། གཉིས་སུ་མེད་པའི་ཡེ་ཤེས་ཀྱི་རང་བཞིན་པས་རྡོ་རྗེ་འཆང་ཡང་ཡིན་ཏེ་ཞེས་རྡོ་རྗེ་འཆང་ཆེན་པོའོ། །སློབ་དཔོན་ཞེས་བྱ་བ་ནི་དཔལ་འདུས་པ་ལས་#དབང་བསྐུར་བའི་བླ་མའོ། །ཤེས་པ་དང་ཤེས་བྱའི་བག་ཆགས་ཀྱིས་མི་གཡོ་བས་ན་མི་
[135b.4]བསྐྱོད་པ་སྟེ། རྡོ་རྗེ་སེམས་དཔའ་ཉིད་དོ། །དེ་དག་ནི་རྡོ་རྗེ་འཆང་གི་རྣམ་གྲངས་ཁོ་ནའོ། །དབྱེར་མེད་པ་ནི་རྡོ་རྗེ་འཆང་དང་སློབ་དཔོན་ཐ་མི་དད་པའོ། །རྒྱུ་ནི་སློབ་དཔོན་ནོ། །འབྲས་བུ་ནི་རྡོ་རྗེ་འཆང་སྟེ། དེའི་དྲིན་གྱིས་དེའི་གོ་འཕང་ཐོབ་པའོ། །དེ་ཉིད་ཀྱི་ཕྱིར་རྒྱུ་དང་འབྲས་
[135b.5]བུ་དེ་དག་དབྱེར་མེད་པར་བྱས་ནས་སློབ་དཔོན་དང་རྡོ་རྗེ་འཆང་ཉིད་འདྲ་བའོ། །རིགས་ཀྱི་བུ་ཞེས་པ་ནི་མ་འོངས་པའི་དུས་སུ་སངས་རྒྱས་ཀྱི་ཡུལ་#ལས་འབྱུང་བའི་འགྲོ་བའི་སློབ་དཔོན་ནོ། །ཤར་ལ་སོགས་པའི་ཕྱོགས་ན་གནས་པ་ཞེས་པ་ནི་དེ་ལ་སྲིད་པའི་རྩེ་མོའི་ཤར་ཕྱོགས་
[135b.6]སུ། རྣམ་པར་སྣང་མཛད་ཀྱི་འཇིག་རྟེན་གྱི་ཁམས་འོག་མིན་ནོ། །དེའི་ལྷོ་ཕྱོགས་སུ་རིན་ཆེན་འབྱུང་གནས་ནི་རིན་ཆེན་འབྱུང་ལྡན་གྱི་འཇིག་རྟེན་གྱི་ཁམས་སོ། །དེའི་ནུབ་ཕྱོགས་སུ་བདེ་བ་ཅན་ཞེས་བྱ་བ་འོད་དཔག་ཏུ་མེད་པའི་འཇིག་རྟེན་གྱི་ཁམས་སོ། །དེའི་བྱང་ཕྱོགས་
[135b.7]སུ་མེ་ཏོག་ཅན་ཞེས་བྱ་བ་དོན་ཡོད་གྲུབ་པའི་འཇིག་རྟེན་གྱི་ཁམས་སོ། །དེ་རྣམས་ཀྱི་དབུས་སུ་ནམ་མཁའ་ལ་མངོན་པར་དགའ་བ་ཞེས་བྱ་བ་མི་བསྐྱོད་པའི་སངས་རྒྱས་ཀྱི་ཞིང་ངོ་། །དེ་དང་འདྲ་བ་ཡང་སྟོང་གསུམ་དང་སྟོང་ཆེན་པོ་ལ་སོགས་པ་ལ་ལྟོས་#ནས་མཐའ་ཡས་པའི་
[136a]
[136a.1]འཇིག་རྟེན་གྱི་ཁམས་སོ། །དེ་ཉིད་བསྟན་པའི་ཕྱིར། གྲངས་མེད་པ་ན་ཞེས་སྨོས་ཏེ། སངས་རྒྱས་དང་བྱང་ཆུབ་སེམས་དཔའ་གྲངས་མེད་པ་ཞེས་བྱ་བ་ནི་རྫོགས་པ་དང་མ་རྫོགས་པའི་དབྱེ་བས་མཐའ་ཡས་པའོ། །ཆོས་ཀྱི་སྐུ་ཞེས་པ་ནི་ཁྱབ་པ་མེད་པའི་ཆོས་ཉིད་
[136a.2]ཀྱི་ངོ་བོས་སོ། །མི་གཡོ་བས་ན་ཞེས་བྱ་བ་ནི་ངོ་བོ་ཉིད་ཀྱི་རྟག་པས་སོ། །ལོངས་སྤྱོད་རྫོགས་པའི་སྐུས་ཞེས་པ་ནི་མཚན་དང་དཔེ་བྱད་ཀྱིས་བརྒྱན་པའི་སྐུས་སོ། །འོག་མིན་གྱི་གནས་ན་ཞེས་པ་ནི་ཉེ་བར་མཚོན་པ་ཙམ་ཡིན་ཏེ། མངོན་པར་དགའ་བ་ལ་སོགས་པ་ལ་#ཡང་ངོ་། །
[136a.3]སྟོན་པར་མཛད་པས་ཞེས་པ་ནི་ཆོས་ཀྱི་བདུད་རྩི་མྱང་བས་སོ། །རྒྱུན་མི་འཆད་པར་ཞེས་པ་ནི་ཚིམ་པར་བྱེད་པ་སྟེ། མི་འཇིགས་#པའི་རྟག་པ་ཡིན་པའི་ཕྱིར་རོ། །སྤྲུལ་པའི་སྐུས་ཞེས་པ་ནི་སྤྲོས་པའི་འཁོར་གྱིས་སོ། །མཐོ་རིས་ནི་བདེ་འགྲོའོ། །ཐར་པ་#ནི་གྲོལ་
[136a.4]བའོ། །དེ་དག་བསོད་ནམས་དང་ཡེ་ཤེས་ཀྱི་ཚོགས་བསྟན་པས་ཐོབ་པར་མཛད་པ་ནི་སེམས་ཅན་རྣམས་ཐོབ་པར་འཇུག་པར་མཛད་པས་སོ། །རྒྱུན་གྱི་#རྟག་པས་ན་སྤྲུལ་པའི་སྐུ་ནི་རྟག་པ་ཡིན་ནོ། །དེ་རྣམས་ཞེས་བྱ་བ་ནས་རང་གི་སངས་རྒྱས་ཀྱི་ཞིང་དུ་འགྲོ་ཞིང་ཞེས་པའི་བར་
[136a.5]དུ་ནི་དེ་ལྟ་བུའི་སངས་རྒྱས་དང་བྱང་ཆུབ་སེམས་དཔས་གསང་བ་འདུས་པའི་སློབ་དཔོན་ལ་ཕྱིའི་མཆོད་པ་དང་རང་གི་ནང་གི་མཆོད་པ་ལ་སོགས་པས་དུས་གསུམ་དུ་མཆོད་པར་མཛད་དོ། །ཞེས་བསྟན་ཏོ། །འདི་སྐད་དུ་ཞེས་བྱ་བ་ནས་གོ་སླའོ་#ཞེས་པའི་བར་དུ་ནི་རྡོ་རྗེ་སློབ་དཔོན་འདི་
[136a.6]བདག་ཅག་གི་#ཕ་འདི་བྱ་བ་སྟེ། སངས་རྒྱས་ཀྱི་ཐེག་པ་རྒྱུན་མ་ཆད་པར་བྱེད་པས་སོ་ཞེས་བྱ་བ་ལ་སོགས་པའི་བསྟོད་པའི་ཚིག་བརྗོད་ནས། ཡང་ལྡོག་ཅིང་རང་རང་གི་སངས་རྒྱས་ཀྱི་ཞིང་དུ་གཤེགས་སོ་ཞེས་བསྟན་ཏོ། །འཇིགས་ཤིང་ཞེས་བྱ་བ་ནས་མི་སྨྲ་བར་གྱུར་ཏོ་ཞེས་པའི་
[136a.7]བར་དུ་མཆོད་པར་བྱ་བ་ལ་ཐེ་ཚོམ་ཅི་དགོས་ཞེས་བྱ་བས་ངོ་ཚ་དང་བཅས་པའི་ཕྱིར་བྱམས་པ་ཅང་མི་སྨྲ་བར་གྱུར་ཏོ་ཞེས་བསྟན་ཏོ། །དེ་ལྟར་བྱམས་པ་ཞེས་བྱ་བ་ནས་བོས་#སོ་ཞེས་པའི་བར་དུ་ནི་དཀྱིལ་འཁོར་གྱི་བདག་པོས་བརྒྱན་པའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་
[136b]
[136b.1]འཆང་ཆེན་པོའི་ངོ་བོ་ཁོང་དུ་ཆུད་ནས་དེ་བཞིན་གཤེགས་པ་རྣམས་སླར་ཡང་སྟོན་པར་མཛད་#དེ་ཞེས་བསྟན་ཏོ། །དེ་བཞིན་གཤེགས་པའི་ཞེས་བྱ་བ་ནས་ཤེས་པར་བྱ་བའི་ཕྱིར་རོ་ཞེས་བྱ་བའི་བར་དུ་ནི་བཅོམ་ལྡན་འདས་ཀྱིས་#སྤྲུལ་པའི་སྐུ་གང་ཡིན་པ་དེ་ནི་གང་དུ་གནས་ཞེས་བྱང་ཆུབ་སེམས་
[136b.2]དཔའ་ཞུ་བར་བྱས་ནས་རྒྱུད་ཀྱི་དཀྱིལ་འཁོར་#བདག་པོ་མི་བསྐྱོད་པ་གང་ཡིན་པ་དེའི་སྐུ་ལ་སོགས་པ་ལ་གནས་ཏེ། དེ་ཉིད་ལས་དེ་རྣམས་སྤྲོ་བ་ཡིན་ནོ་ཞེས་དེ་བཞིན་གཤེགས་པ་རྣམས་ཀྱིས་ལན་བཏབ་པ་དང་གཞན་ཡང་དཀྱིལ་འཁོར་གྱི་བདག་པོའི་སྐུ་ལ་སོགས་པ་གང་དུ་
[136b.3]གནས་ཞེས་ཞུས་པ་ལ་གང་དུ་ཡང་མི་གནས་སོ་ཞེས་ལན་བཏབ་པ་དང་། འོད་གསལ་བ་ཞེས་བརྗོད་པར་རིགས་ན་རང་གི་རིག་པ་ཡིན་པས་བརྗོད་པར་མི་ནུས་སོ་ཞེས་བྱ་བ་གང་དུ་ཡང་མི་གནས་སོ་ཞེས་བསྟན་ཏོ། །དེ་ནི་ཇི་ལྟར་ཐོབ་ཅེ་ན་#བླ་མའི་མན་ངག་ལས་ཤེས་པར་བྱ་བའི་ཕྱིར་
[136b.4]རོ་ཞེས་པ་ནི་ཤེས་རབ་ཡེ་ཤེས་ཀྱི་དབང་བསྐུར་བའི་དུས་སུ་བླ་མའི་ཞལ་ལས་འོད་གསལ་བ་ཉིད་ཐོབ་པར་འགྱུར་རོ། །དེས་#ནི་རྡོ་རྗེ་སློབ་དཔོན་གྱི་བཀའ་དྲིན་གྱིས་གང་གི་ཚེ་རྡོ་རྗེ་འཆང་ཆེན་པོའི་གོ་འཕང་འོད་གསལ་བ་དང་ཕྱག་རྒྱ་ཆེན་པོའི་རྣམ་གྲངས་ཐོབ་ན་དེའི་ཚེ་རྒྱུ་དང་འབྲས་བུ་
[136b.5]དབྱེར་མེད་པས་དེ་ཉིད་རྡོ་རྗེ་འཆང་ཆེན་པོ་#ཡིན་ནོ་ཞེས་བསྟན་ཏོ། །དེ་ལྟར་ཞེས་བྱ་བ་ནས་འདིའི་#དོན་སྟོན་པ་ཡིན་ནོ་ཞེས་པའི་བར་དུ་ནི་བྱང་ཆུབ་སེམས་དཔའ་རྣམས་སྟོན་པ་རྡོ་རྗེ་སློབ་དཔོན་ལ་ངོ་མཚར་དུ་གྱུར་པ་དང་། རྡོ་རྗེ་འཆང་གི་གོ་འཕང་གི་དེ་རྒྱུར་གྱུར་པ་ལ་རྨད་དུ་གྱུར་པ་
[136b.6]དང་། དེ་བཞིན་དུ་རྡོ་རྗེ་སློབ་དཔོན་སངས་རྒྱས་ལ་སོགས་པས་བསྙེན་བཀུར་དུ་བྱ་བ་ཉིད་དུ་བསྟན་ཏོ། །དེ་ཡང་འགྲེལ་#པ་མཁན་གྱིས་གོ་སླ་བས་ན་མ་བཤད་དོ། །དོན་འདི་ཞེས་བྱ་བ་ལ་སོགས་པས་དཔལ་སྒྱུ་འཕྲུལ་དྲ་བའི་ཚད་མ་ཉིད་བསྟན་ཏོ། །སློབ་དཔོན་ནི་རྡོ་རྗེ་སློབ་དཔོན་
[136b.7]ནོ། །དེ་ཇི་ལྟར་བལྟ་ཞེ་ན། ཞེས་པ་ནི་ཇི་ལྟར་ཤེས་པར་བྱ་སྟེ་ཞེས་འདྲི་བ་ལ་ལན་ནོ། །ཡོན་ཏན་གྱི་ཚོགས་དང་ལྡན་པས་ན་བླ་མའོ། །སངས་རྒྱས་ཐམས་ཅད་ཉེ་བར་སྡུད་པར་བྱེད་པས་#ན་སངས་རྒྱས་ཐམས་ཅད་སྟེ་དེ་དང་མཚུངས་པའོ། །རྡོ་རྗེ་འཆང་ནི་མི་བསྐྱོད་པའོ། །ལས་
[137a]
[137a.1]ཐམས་ཅད་པ་ཡིན་པས་ན། ཀུན་ནི་དོན་ཡོད་གྲུབ་པའོ། །རྒྱལ་པོ་ནི་འོད་དཔག་ཏུ་མེད་པའོ། །རིན་ཆེན་ཏོག་#ནི་རིན་ཆེན་འབྱུང་ལྡན་ནོ། །དེ་བཞིན་གཤེགས་པ་ནི་རྣམ་པར་སྣང་མཛད་དོ། །དེ་ལྟར་དེ་བཞིན་གཤེགས་པ་ལྔ་དང་ལྡན་པ་དྲུག་པ་རྡོ་རྗེ་འཆང་གི་
[137a.2]ངོ་བོ་རྡོ་རྗེ་སློབ་དཔོན་བསྟན་ཏོ། །དེ་ལྟར་གྱུར་པའི་སློབ་དཔོན་ནི་རྡོ་རྗེ་བླ་མའི་ཡོན་ཏན་ནི་ཚུལ་ཁྲིམས་ལ་སོགས་པའི་ཡོན་ཏན་གཟུང་#བར་བྱའོ། །སྐྱོན་ནི་གང་ཡང་རུང་བའི་སྤྱོད་པ་ངན་པ་གཟུང་བར་མི་བྱ་བའོ#། །འབྲས་བུ་བསྟན་པའི་ཕྱིར། ཡོན་ཏན་གྱིས་ནི་དངོས་གྲུབ་ཅིང་། །ཞེས་
[137a.3]སྨྲོས་ཏེ། འཇིག་རྟེན་པ་དང་འཇིག་རྟེན་ལས་འདས་པའི་དངོས་གྲུབ་ཏུ་འགྱུར་རོ། །སྐྱོན་ནི་ཡོད་པའམ་མེད་#པ་བཟུང་བ་ན་སྔར་བཤད་པའི་དངོས་གྲུབ་ཉམས་པར་འགྱུར་རོ། །དེའི་ཕྱིར་ནི་རྒྱུ་དེ་ལས་སོ། །ཀུན་ནས་རབ་བསྒྲིམས་ཏེ། ཞེས་པ་ནི་ལུས་ངག་ཡིད་ཀྱིས་སོ། །སངས་རྒྱས་
[137a.4]ཉིད་ནི་འབྲས་བུ་སྟེ་ཐོབ་པར་བྱེད་པའི་ཕྱིར་རོ། །དེ་འདོད་པ་ནི་#དེ་དོན་དུ་གཉེར་བའི་སྐྱེས་བུ་རྣམས་ཀྱིས་སོ། །དད་པས་#ནི་དད་པ་དང་ལྡན་པས་སོ། །དེ་ནི་རྡོ་རྗེ་སློབ་དཔོན་ནོ། །མཆོད་ཅིང་ནི་#མཆོད་པར་བྱའོ། །གང་གི་ཕྱིར་བསམ་པས་འབྲས་བུ་ནི་ཡང་དག་པར་རྫོགས་པའི་བྱང་ཆུབ་ཀྱི་
[137a.5]མཚན་ཉིད་དོ། །སྨིན་#བྱེད་པ་ནི་སྟེར་བར་བྱེད་པ་དེའི་ཕྱིར་མཆོད་པར་བྱའོ། །དེ་བཞིན་དུ་རིན་ཆེན་རྒྱལ་པོ་ཞེས་བྱ་བ་ལ་སོགས་པས་མདོ་སྡེ་ཚད་མ་ཉིད་དུ་བསྟན་ཏོ། །ཨུ་#རྒྱན་གྱི་རི་ནི་བྱང་ཕྱོགས་ཀྱི་གནས་ཀྱི་རི་ལའོ། །བཅོམ་ལྡན་འདས་ལག་ན་རྡོ་རྗེ་ཞེས་པ་ནི་རྡོ་རྗེ་འཆང་ཆེན་པོ་དེ་ལ་
[137a.6]བཞུགས་པར་གྱུར་ནས་འཁོར་རྣམས་ལ་འདི་སྐད་གསུངས་སོ། །རྡོ་རྗེ་ཐེག་པ་ལ་སློབ་པར་བྱེད་པ་ཞེས་པ་ནི་ཀྱེ་བྱང་ཆུབ་སེམས་དཔའ་རྣམས་སོ། །དེ་བཞིན་གཤེགས་པ་ནི་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་སོ། །དེ་རེ་ཞིག་ཡོངས་སུ་མྱ་ངན་ལས་
[137a.7]འདས་པས་སྟོན་པ་ནི་མི་མཐོང་ན་ཡང་#མངོན་སུམ་དུ་མི་མཐོང་བའོ། །དེ་བས་ན་རྡོ་རྗེ་སློབ་དཔོན་ནི་འཇིག་རྟེན་པ་ལ་སྟོན་པར་འགྱུར་ཏེ། དེས་དེའི་#ངོ་བོ་བསྟན་པའི་ཕྱིར་རོ། །རྗེ་བཙུན་སྟོང་ཕྲག་བརྒྱ་པ་ལས་ཀྱང་བྱ་བ་འདིས་ཤེས་རབ་ཀྱི་ཕ་རོལ་ཏུ་ཕྱིན་པ་ལས་ཀྱང་ལུང་#ཚད་མ་ཉིད་
[137b]
[137b.1]བསྟན་ཏེ། སངས་རྒྱས་ཀྱི་བྱང་ཆུབ་ནི་ཡང་དག་པར་རྫོགས་པའི་བྱང་ཆུབ་པོ། །དགེ་བ་ནི་ཐར་པའོ། །དེ་ཐོབ་པར་བྱེད་པའི་དགེ་བའི་བཤེས་གཉེན་ནི་དགེ་བའི་བཤེས་གཉེན་ཏེ། རྡོ་རྗེ་སློབ་དཔོན་ནོ། །ཉེ་བར་བསྟེན་པ་ཞེས་པ་ནི་དེ་ལ་བརྟེན་ནས་སོ། །དེ་ནས་ཞེས་བྱ་བ་ནས་གསུངས་ཏེ་
[137b.2]ཞེས་པའི་བར་དུ་#ནི་བཅོམ་ལྡན་འདས་རྡོ་རྗེ་འཆང་ཆེན་པོས་དང་པོ་འོད་གསལ་བ་ལ་བཞུགས་ནས་དེ་ནས་ཅིག་ཅར་དུ་བདག་ལ་བྱིན་གྱི་#བརླབས་པའི་རིམ་པ་ལས་ལངས་ཏེ། མི་བསྐྱོད་པ་ཕྱུང་ཞིང་རྗེས་སུ་ཞུགས་ནས་ཞེ་སྡང་རྡོ་རྗེར་གྱུར་ནས། དེ་བཞིན་གཤེགས་པ་ཐམས་ཅད་རོ་མཉམ་#
[137b.3]པའི་བདག་ཉིད་ཀྱི་ཏིང་ངེ་འཛིན་ལ་ཞུགས་ཏེ། ཏིང་ངེ་འཛིན་གྱི་དཀྱིལ་འཁོར་ཉན་པའི་དུས་སུ་དེ་བཞིན་གཤེགས་པ་རྣམས་བོས་སོ། །དེ་རྣམས་ཀྱང་བཅོམ་ལྡན་འདས་ཀྱི་#རྗེས་སུ་གཟུང་བའི་གསུང་གིས་མགུ་བས་བཅོམ་ལྡན་འདས་སྟོན་ཅིག་ཅེས་བྱ་བའི་དེའི་ཚིག་གསན་ནས་དེ་
[137b.4]སྟོན་#པའི་ཕྱིར་རྩོམ་པར་གྱུར་ཏོ་ཞེས་བསྟན་ཏོ། །ནམ་མཁའི་ཁམས་ཞེས་བྱ་བ་ནས་བསམ་གཏན་གྱི་དཀྱིལ་འཁོར་ཞེས་བྱ་བའི་#བར་དུ་ནི་རེ་ཞིག་དང་པོ་#རྣལ་འབྱོར་པས་བདག་ལ་བྱིན་གྱིས་བརླབས་#པའི་རིམ་པས་བདག་ཉིད་རྡོ་རྗེ་འཆང་ཆེན་པོར་བསྒོམས་ལ་མི་བསྐྱོད་པ་ཕྱུང་ཞིང་རྗེས་
[137b.5]སུ་ཞུགས་ནས་ཐུགས་རྡོ་རྗེ་བསམས་ལ། དེ་ཉིད་ཕུང་པོ་ལྔའི་བདག་ཉིད་དེ་བཞིན་གཤེགས་པ་ལྔའི་བདག་ཉིད་དང་། སྤྱན་མ་ལ་སོགས་པའི་རང་བཞིན་གྱི་ཁམས་བཞིའི་ངོ་བོ་སྐུ་ཉིད་དཀྱིལ་འཁོར་དུ་བསམས་ལ། རིམ་པ་དེ་ཉིད་དཀྱིལ་འཁོར་པ་རྣམས་ཀྱང་གནས་ཇི་ལྟ་བ་
[137b.6]བཞིན་དུ་འཁོར་གྱི་ཚུལ་དུ་བསམས་ཏེ། རང་གི་སྙིང་གའི་པདྨའི་ལྟེ་བར་རྡོ་རྗེ་འཆང་ཆེན་པོ་བསམས་ལ། རེག་བྱ་རྡོ་རྗེ་མས་འཁྱུད་པའི་སྙོམས་པར་ཞུགས་པའི་བདེ་བ་མྱོང་ཞིང་དེའི་པདྨའི་ནང་དུ། ལྷ་སུམ་ཅུ་རྩ་གཉིས་ཀྱིས་དཀྱིལ་འཁོར་གྱི་བདག་ཉིད་བསྒོམས་ལ་
[137b.7]དེའི་དབུས་ཀྱི་ལྟེ་བར་མི་བསྐྱོད་པའི་གཟུགས་ཅན་སློབ་མ་ལ་བཅུག་ནས་སྙོམས་པར་ཞུགས་པ་ལས་བཞུགས་#པའི་རྩའི་#འཁོར་ལོ་ནས་འཛག་#པ་བྱང་ཆུབ་ཀྱི་སེམས་ཀྱི་རྒྱུན་གྱི་ཆར་དང་། དེ་བཞིན་དུ་སྲོག་དང་རྩོལ་བ་ལ་གནས་པའི་སངས་རྒྱས་དང་བྱང་ཆུབ་སེམས་
[138a]
[138a.1]དཔའ་དང་སྙོམས་པར་ཞུགས་པ་དེ་རྣམས་སློབ་མ་དེའི་སྤྱི་བོར་དབང་བསྐུར་#སྦྱིན་པར་བྱའོ། །དབང་བསྐུར་བ་འདི་ནི་རང་དང་གཞན་གྱི་དོན་ཕུན་སུམ་ཚོགས་པ་རྫོགས་པ་ལ་ནུས་པ་ཡིན་ནོ་ཞེས་བསྟན་ཏོ། །འདི་ནི་རིག་པའི་དབང་བསྐུར་བ་ཡིན་ཏེ། རིག་མའི་པདྨའི་ནང་དུ་
[138a.2]རྩོལ་བས་སོ། །གསང་བའི་དབང་བསྐུར་བ་ཡང་ཡིན་ཏེ། བྱང་ཆུབ་ཀྱི་སེམས་ཀྱིས་དབང་བསྐུར་བས་སོ། །ཤེས་རབ་ཀྱི་དབང་བསྐུར་#ཡང་ཡིན་ཏེ། ཤེས་རབ་ཀྱི་པདྨ་དང་རེག་པས་སོ། །བླ་ན་མེད་པའི་དེ་ཁོ་ན་ཉིད་ཐོབ་པ་བཞི་པ་#ཡང་ནི་དེ་བཞིན་ནོ་ཞེས་ཤེས་པར་བྱའོ། །གཞན་
[138a.3]ཡང་གདུག་པ་རྣམས་ཞེས་བྱ་བ་ནས། སྦྱོར་བ་ཕུལ་དུ་བྱུང་བའོ། །#ཞེས་པའི་བར་དུ་ནི་ལེའུ་བཅུ་གསུམ་པ་དང་བཅུ་བཞི་པའི་ཡན་ལག་ཏུ་གྱུར་པའི་ཆོ་ག་འདིས་དྲག་པོའི་ལས་བསྒོམ་པར་བྱ་སྟེ། རེ་ཞིག་དང་པོ་རྣལ་འབྱོར་པས་རང་གི་བདག་ཉིད་པགས་པ་དང་རུས་པ་དང་ཤ་ཐ་
[138a.4]དད་པར་བསྒོམས་ལ་ཡང་གཅིག་དང་དུ་མ་བྲལ་བས་དེ་ཉིད་སྟོང་པར་བསྒོམས་ཏེ། རྐང་པའི་དཀྱིལ་ནས་མགོ་བོའི་བར། །བཤང་གཅི་སོགས་ཀྱིས་རབ་ཏུ་གང་། །རྡུལ་ཕྲ་རབ་སོགས་དབྱེ་བ་ཡིས#། །རྣམ་པར་དཔྱད་ན་ངོ་བོ་མེད། །ཅེས་བྱ་བའི་ཚིག་གིས་དེའི་འོག་ཏུ་ལུས་
[138a.5]ངག་ཡིད་ཀྱི་#བདག་ཉིད་ཡི་གེ་གསུམ་ཐམས་ཅད་ནག་པོའོ། །ཧཱུཾ་ཧྲིཾ་#ཁཾ་ཞེས་བྱ་བའི་འོད་ཟེར་གྱི་ཚོགས་སྤྲོ་བར་བྱས་ལ། དེ་ཡོངས་སུ་གྱུར་པ་ལས་བྱུང་བའི་ཁ་དོག་སྔོན་པོ་དྲག་པོ་རྡོ་རྗེ་སྤྲོ་བ་དང་བསྡུ་བའི་རིམ་གྱིས། དེ་ཡོངས་སུ་གྱུར་པ་ལས་བཅོམ་ལྡན་འདས་རྡོ་རྗེ་མཁའ་འགྲོ་ཞལ་
[138a.6]གཅིག་ཕྱག་བཞི་པ་ཁ་དོག་སྔོན་པོ་གཡོན་བརྐྱང་བ་གདུག་པ་འདུལ་བ་ལ་བརྩོན་པ། ཕྱག་གཡས་པ་ལ་རྩེ་གསུམ། གཉིས་པ་ལ་རྡོ་རྗེ། གཡོན་པའི་#དང་པོ་ལ་ཐོད་པ་གཉིས་པ་ལ་མདུང་རྩེ་གཅིག་པ་རྡོ་རྗེ་ཕུར་བུ་#འཛིན་པ་བསམས་ལ། ལྕེ་ཡང་རྩེ་ལྔའི་རྡོ་རྗེའི་རྣམ་པ་ཅན། ལྕེ་རེ་
[138a.7]རེར་རླུང་ལ་སོགས་པ་འབྱུང་བ་ཆེན་པོའི་ས་བོན་ལ་ཡ་ར་ལ་ཝ་ཧའི་ས་བོན་བཀོད་ནས་དེ་ལས་བྱུང་བའི་འོད་ཟེར་ལྔས་བསྒྲུབ་བྱའི་ཡན་ལག་ལ་སྡིག་པ་བཞིན་དུ་ཞུགས་པར་#སྦྱར་བས་ཁྲག་མ་ལུས་པ་དགུག་ཅིང་། རང་གི་སྙིང་གར་འཇུག་པར་བྱའོ། །དེའི་ཚེ་དགྲ་བོ་འཆི་བར་འགྱུར་བ་
[138b]
[138b.1]དང་གཞན་ཡང་ཏིང་ངེ་འཛིན་དེ་ཉིད་ཀྱིས་བསྒྲུབ་བྱའི་སྙིང་ག་#རྩེ་གསུམ་གྱིས་#དྲལ་ལ། རྡོ་རྗེ་ས་འོག་དང་རྡོ་རྗེ་ཕུར་བུས་ཡན་ལག་ཐམས་ཅད་ཀྱི་ཚིགས་#དྲལ་ལ། སྔར་བཤད་པའི་ས་བོན་ལྔ་པོའི་#འོད་ཟེར་གྱིས་#ཡན་ལག་ཐམས་ཅད་ལ་ཁྱབ་པའི་ཁྲག་དགུག་ཅིང་ཐོད་པ་ལ་བཞག་སྟེ་དེ་ལས་བཏུང་བར་བྱའོ། །
[138b.2]དེའི་ཚེ་དགྲ་བོ་འཆི་བར་འགྱུར་རོ། །ཞེས་བསྟན་ཏོ། །དེ་ནས་ཞེས་བྱ་བ་ནས། འདི་ནི་ནང་གི་སྦྱིན་སྲེག་གོ། །ཞེས་པའི་བར་དུ་ནི་ཁ་ཟས་ཀྱི་#དུས་སུ་རྣལ་འབྱོར་པས་བཟའ་བ་དང་བཏུང་བ་ལ་སོགས་པ་བདུད་རྩི་ལྔའི་ཚོགས་བསྐྱེད་ལ་སྙིང་གར་ཡེ་ཤེས་སེམས་པ་#མེ་ལྕེ་སྤྲོ་བ་བསམས་ལ། མགྲིན་
[138b.3]པར་པདྨ་འདབ་མ་བརྒྱད་པ་དང་འདྲ་བའི་ལྕེའི་པདྨའི་འདབ་མ་དང་འདྲ་བ་ཡང་ཁ་ཡང་ཐབ་དང་འདྲ་བ་དང་། ལག་པ་གཉིས་དགང་གཟར་དང་བླུགས་#གཟར་དུ་བསམས་#ཏེ་སྤྱད་པར་བྱའོ་ཞེས་བསྟན་ཏོ། །འདིར་ཉེ་བར་དགོས་#པའི་བཟའ་བ་དང་བཏུང་བ་དཀྱིལ་འཁོར་བཞིས་དབྱེ་བར་#བྱས་པ་ཤ་
[138b.4]དང་ཁུ་བ་ལ་སོགས་པའི་རང་བཞིན་ནི་ཁམས་ཉི་ཤུ་རྩ་བཞིའི་ངོ་བོར་#ཡོངས་སུ་གྱུར་པར་བསམ་པར་བྱའོ། །ལྷག་མ་ཞེས་བྱ་བ་ནི་ཡོངས་སུ་གྱུར་པ་ལས་འབྱུང་བའོ། །བཤང་བ་དང་གཅི་བའི་དངོས་པོར་ཞེས་པ་ནི་མེ་ཡོངས་སུ་གཏོང་བའི་ཐལ་བའི་ངོ་བོར་ཡོངས་སུ་གྱུར་པར་བསམ་པར་
[138b.5]བྱའོ། །ལྷ་མོ་བཞིས་ཡོངས་སུ་ཞུས་པའི་རྒྱུད་ལས་ཀྱང་། རླུང་གིས་#མེ་ནི་སྦར་བྱ་བ། །ཆུས་#ནི་ཡོངས་སུ་སྨིན་པར་བྱེད། །དབང་ཆེན་གྱིས་#ནི་དཀྱིལ་འཁོར་གནས། །གང་དུ་སྲེག་#བླུགས་ཀུན་དུ་སྤྱོད། །བཟའ་དང་བཏུང་བ་གང་ཡིན་པ། །དེ་དག་ཐམས་ཅད་འཛིན་པར་བྱེད། །ཁ་
[138b.6]ཡི་པདྨ་བཟའ་བ་སྟེ། །མགྲིན་པའི་པདྨ་འཇུག་པར་བྱེད། །སྙིང་གའི་#པདྨ་ལས་བྱུང་ཞིང་། །ལྟེ་བའི་པདྨར་འཛིན་པར་བྱེད། །བཤང་སྒོ་པདྨ་ལས་བྱུང་ཞིང་། །དེ་ནི་ཐལ་བར་རྟོགས་པར་བྱ། །ཞེས་འབྱུང་ངོ་། །དེ་ནི་ལས་ཀྱི་རྒྱལ་བ་མཆོག་གོ། །ཏིང་ངེ་འཛིན་གསོ་བའི་ཡན་ལག་
[138b.7]གོ། །དེ་ནས་ཞེས་བྱ་བ་ནས་འདའ་བར་མི་བྱའོ་ཞེས་པའི་བར་དུ་ནི་སེམས་ཅན་ཐམས་ཅད་དང་བདག་ཉིད་ཀྱང་རང་གི་ཡི་དམ་གྱི་ལྷའི་རྣམ་པར་བསྒོམས་ལ་མཆོད་པར་བྱའོ་ཞེས་བསྟན་ཏོ།# །དེ་ལྟར་ཉིན་རེའི་དམ་ཚིག་ནི་རྣལ་འབྱོར་པ་ཐམས་ཅད་ཀྱི་ཡིན་ནོ། །ལས་ཀྱི་རྒྱལ་བ་མཆོག་
[139a]
[139a.1]གི་ཏིང་ངེ་འཛིན་ཏོ། །དེ་ལྟར་ཐུན་མོང་གི་མཆོད་པ་བསྟན་ནས་ཞེས་བྱ་བ་ནས་སངས་རྒྱས་ཀྱི་བྱང་ཆུབ་ཐོབ་པར་འགྱུར་རོ་ཞེས་བྱ་བའི་#བར་དུ་ནི་ཕྱག་རྒྱ་ལེགས་པར་སྦྱངས་པ་སྔོན་དུ་འགྲོ་བར་རྡོ་རྗེ་དང་པདྨ་སྙོམས་པར་འཇུག་པར་#བྱས་ལ། དེ་བཞིན་གཤེགས་པ་ཐམས་ཅད་
[139a.2]འཇུག་པ་ཡོངས་སུ་འགྱུར་བའི་#བྱང་ཆུབ་ཀྱི་སེམས་དབུས་མའི་ལམ་རྡོ་རྗེའི་ལམ་ནས་འབྱུང་བ་ཕྱག་རྒྱའི་ཆོས་འབྱུང་གི་ནང་དུ་སྣ་ཚོགས་པདྨ་དང་ཟླ་བའི་དཀྱིལ་འཁོར་གྱི་སྟེང་དུ་སྤྲོས་པ། བུ་དང་ཚ་བོ་ལྟ་བུ་སངས་རྒྱས་དང་བྱང་ཆུབ་སེམས་དཔའི་དཀྱིལ་འཁོར་བསྐྱོད་#ལ།
[139a.3]སྲུང་བ་དང་རྒྱས་པ་ལ་སོགས་པའི་ཆོ་ག་ཞེས་པ་ནི་སེམས་དཔའ་གསུམ་གྱི་གཅིག་གི་བདག་ཉིད་དང་། དབང་བསྐུར་བ་དང་རྒྱས་གདབ་པ་ལ་སོགས་པའི་བྱ་བས་དཀྱིལ་འཁོར་དུ་ཤར་ཕྱོགས་ལ་སོགས་པའི་རིམ་གྱིས་གཟུང་བ་ནི་གཞག་#པར་བྱའོ་ཞེས་བསྟན་
[139a.4]ཏོ། །དེ་ནི་དཀྱིལ་འཁོར་རྒྱལ་བ་མཆོག་ཅེས་བྱ་བའི་ཏིང་ངེ་འཛིན་ཏོ། །དེ་ལྟར་བདག་དང་གཞན་ལ་མཆོད་པ་བསྟན་ནས་ཞེས་བྱ་བ་ནས་ཕུལ་དུ་བྱུང་བའོ་ཞེས་བྱ་བའི་བར་དུ་སེམས་ཅན་གྱི་ཁམས་རྣམ་པ་བཞི་དང་ལྡན་པའི་སའི་#ཁམས་ནི་ལུས་ཀྱི་ལེགས་པར་སྤྱོད་པ་
[139a.5]མཆོད་པ་ལ་སོགས་པ་དང་། ངག་གི་བདེ་བ་ལ་བསྟན་པ་དང་སྨིན་པ་ལ་སོགས་པ་དང་། ཡིད་ཀྱི་དགེ་བ་བྱམས་པ་ལ་སོགས་པའི་ཚངས་པའི་གནས་ཀྱི་#རྗེས་སུ་གཟུང་བར་བྱའོ་ཞེས་བྱ་བ་#ནི་སེམས་ཅན་ཐམས་ཅད་སྡུ་#བར་བྱེད་པ་འདུས་པའི་དམ་ཚིག་ཕུལ་དུ་བྱུང་
[139a.6]ཡིན་ནོ་ཞེས་ལས་ཀྱི་རྒྱལ་བ་མཆོག་གི་ཏིང་ངེ་འཛིན་#ཏོ། །དེ་ལྟར་མཆོད་པའི་རྣམ་པར་ཞེས་བྱ་བ་ནས་དམིགས་པ་དང་བཅས་པའི་ཕྱིར་རོ་ཞེས་བྱ་བའི་བར་དུ་ནི་ཇི་སྲིད་སྔར་བཤད་པའི་མཆོད་པའི་ཆོ་ག་དེ་དག་ཐམས་ཅད་སྦྱིན་པར་བྱ་བ་དང་སྦྱིན་པ་པོ་དང་། ལེན་པ་པོ་དང་།
[139a.7]མཆོད་པར་བྱ་བ་དང་མཆོད་པ་པོ་དང་#མི་དམིགས་པས་འདི་དག་ཐམས་ཅད་འོད་བསལ་#བའི་རང་བཞིན་ཡིན་ནོ་ཞེས་ལྷག་པར་མོས་པར་བྱའོ། །གཞན་དུ་ན་དམིགས་པ་དང་བཅས་པས་བསོད་ནམས་ཀྱི་ཚོགས་སུ་ཡང་མི་འགྱུར་གྱི་ཡེ་ཤེས་ཀྱི་ཚོགས་
[139b]
[139b.1]ལ་ལྟ་ཅི་སྨོས་ཞེས་བསྟན་ཏོ། །དེ་ལྟར་ཞེས་བྱ་བ་ནས་ཕན་ཡོན་ནོ་ཞེས་པའི་བར་དུ་ནི་བསྒོམས་པས་དུབ་པའི་རྣལ་འབྱོར་པས་སྤྱི་བོར་མཐོ་གང་ཙམ་གྱི་ནམ་མཁའི་ཁ་དོག་དཀར་པོ་ཡི་གེ་ཝཾ་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་བསམས་ལ་དེའི་དཀྱིལ་དུ་ཐུར་དུ་འཆང་#བ་འབར་
[139b.2]བའི་ཡི་གེ་ཨོཾ་བཀོད་ནས་དེ་བཞུས་#པར་གྱུར་པ་དེ་ལས་འབབ་ཆུའི་རྒྱུན་གྱི་རྣམ་པ་བདུད་རྩིའི་ཆར་གྱིས་#ཚངས་པའི་སྒོ་ནས་རྐང་པའི་དཀྱིལ་གྱི་བར་དུ་རྩ་ཀུན་དུ་སྤྱོད་པའི་རིམ་གྱིས་ཚིམ་པར་བྱའོ་ཞེས་བསྟན་ཏོ། །འདི་ཡང་ལས་ཀྱི་རྒྱལ་བའི་#མཆོག་ཉིད་དོ། །རྫོགས་པའི་རིམ་
[139b.3]པ་རྟོག་#པ་ཞེས་བྱ་བ་ནས་དགག་པ་མེད་དོ་ཞེས་བྱ་བའི་བར་དུ་ནི་ཟུང་དུ་འཇུག་པའི་རིམ་པ་ལ་གནས་པའི་རྣལ་འབྱོར་པས་མཆོད་རྟེན་གྱི་ལས་དང་སངས་རྒྱས་དང་བྱང་ཆུབ་སེམས་དཔའ་ལ་སོགས་པ་ལ་ཕྱག་འཚལ་བ་དང་མཎྜལ་གྱི་བྱ་བ་དང་གླེགས་བམ་ལ་སོགས་པ་ཀློག་
[139b.4]པར་མི་བྱ་སྟེ། རང་གི་སྐུའི་དཀྱིལ་འཁོར་མཆོད་རྟེན་ལ་སོགས་པའི་རང་བཞིན་ཡིན་པའི་ཕྱིར་དང་། རྡོ་རྗེ་བཟླས་པ་ལ་ཆགས་པའི་ཕྱིར་ཏིང་ངེ་འཛིན་ལ་གཡེང་བར་བྱེད་པ་འབྲས་བུ་མེད་པ་དེ་རྣམས་དེ་ལ་ཅི་དགོས་ཞེས་བྱ་བའི་ཐ་ཚིག་གོ། །དེ་ལ་བཏུལ་ཞུགས་མ་བརྟན་#ཏེ། །
[139b.5]བགྲང་ཕྲེང་མ་ཡིན་བསྡམས་པ་མིན#། །འཛིན་དང་སྦྱིན་སྲེག་ལས་རྣམས་དང་། །གཞན་དང་གཞན་ལ་འཇུག་པ་མིན། །ཞེས་འབྱུང་ངོ་། །སེམས་ཅན་གྱི་དོན་བྱ་བའི་ཕྱིར་ཡང་འདི་དག་རྗེས་སུ་བསྒྲུབ་པར་བྱ་སྟེ། རྣམ་པ་ཐམས་ཅད་དུ་མངོན་པར་ཞེན་པས་ནི་མ་ཡིན་ནོ་ཞེས་
[139b.6]བསྟན་ཏོ། །ལེའུ་བཅོ་ལྔ་པ་ཞེས་བྱ་བ་ནས་ཤེས་པར་བྱའོ་ཞེས་པའི་བར་དུ་ནི་ཡི་གེ་ཨོཾ་ཡོངས་སུ་གྱུར་པ་ལས་འཁོར་ལོའི་དཀྱིལ་འཁོར་དུ་བསྟན་#པ་དང་གཡོ་བ་ལ་སོགས་པའི་དུག་གིས་ཟིན་པའི་བསྒྲུབ་བྱ་ལ། དེ་བཞིན་དུ་སྤྱི་བོར་ཁ་དོག་དཀར་པོའི་འཁོར་ལོས་མནན་པར་
[139b.7]བྱས་ཏེ། ཁ་སྦྱོར་གཉིས་ག་#ལས་འབྱུང་བའི་འོད་ཟེར་དཀར་པོའི་ཚོགས་ཀྱིས་དེའི་ལུས་ལ་ཁ་དོག་སེར་པོའི་དུག་སེལ་བར་བྱའོ་ཞེས་པ་ནི་དུག་སེལ་བའོ། །འཁོར་ལོ་སེར་པོ་དེ་དག་གིས་དུག་རེངས་པར་བྱ་བ་དང་འཁོར་ལོ་ནག་པོ་དེ་དག་གིས་#གཅིག་ལས་དགུག་ཅིང་
[140a]
[140a.1]གཞན་དུ་འཕོ་བར་བྱའོ་ཞེས་བསྟན་ཏོ། །དུག་བསལ་བ་ལས་འགྲུབ་པའི་བཀའ་གཞན་བྲི་བར་བྱ་#སྟེ། ཨེ་སཱ་སཱ་གྷ་རེ་ཎེ་ཝེ་མི་ལ་ཏ་ར་མོ་ཏ་ཀི་ས་ཛཱ་ཧེ་རེ་བྷ་དོ་ཨ་ད་ཁེ་ནཱ་དྷེ་སཱ་ཛཱ་ཧེ་སུ་ཛནྟུ་ཀ་ལ་ད་ཐུ་ཝེ་སཾ་ཁཱ་མེ་ཝེ་#སཾ་བེ་བཱ་མེ་ཝེ་#སེ་ཎ་མ་ཛ་ནུ་ལི་ཝ་ནམ་ཀ་རུ་མེ་ཧེ་ལེ་ཧེ་ལེ་མུ་ཏ་མ་ཏང་
[140a.2]བེ་#སྭཱ་ཧཱ། དེ་བརྗོད་པ་ཙམ་གྱིས་#དུག་སེལ་བར་འགྱུར་རོ། །དེའི་སྔོན་གྱི་བསྙེན་པ་ལ་སོགས་པ་མི་དགོས་ཏེ་བརྗོད་པ་ཙམ་གྱིས་གྲུབ་པའི་ཕྱིར་རོ་ཞེས་ཐེ་ཚོམ་མེད་དོ། །རེངས་པ་ལ་དུག་གི་#ཆ་ལྔ་པ་རང་ཉེ་བར་སྤྱོད་ཅིང་ཆ་དྲུག་པ་སྔགས་འདིས་གང་ལ་སྦྱིན་པ་དེ་ལ་རེངས་པར་འགྱུར་ཏེ།
[140a.3]ཧྲི་ཝི་ཧཱཾ་#ཝི་ཧུཾ་ཐ་ཐ་ཐ་སྟཾ་པ་ཡ་སྟཾ་པ་#ཡ། དེ་ནི་བཀའི་སྔགས་ཏེ་བརྗོད་པ་ཙམ་གྱིས་#གྲུབ་པ་ཉིད་དོ། །འཕོ་བ་ལ་#ཆོ་ག་འདི་ཉིད་ཡིན་ནོ། །དེ་ལྟར་ཞེས་བྱ་བ་ནས་བ་སྤུ་བསྡུས་ཤིང་བཏུས་པའོ་ཞེས་པའི་བར་དུ་ནི་བདག་ཉིད་བདུད་རྩི་འཁྱིལ་པར་བསམས་ཏེ་གི་ཝང་དང་གུར་ཀུམ་གྱིས་དྲི་མ་
[140a.4]མེད་པའི་གྲོ་ག་ལ་སོགས་པ་ལ་རྡོ་རྗེ་རྒྱ་གྲམ་གྱི་ཆ་#ཟུངས་ལ་རྩིབས་བརྒྱད་པའི་འཁོར་ལོ་བྲིས་ཏེ་དབུས་སུ་ཡི་གེ་ཧཾ་བསྒྲུབ་བྱའི་མིང་དང་བཅས་པ་དང་། རྩིབས་རྣམས་ལ་ཡང་ཨོཾ་ཧུ་ལུ་ཧུ་ལུ་ཏིཥྛ་བནྡྷ་བནྡྷ་#ཧ་ན་ཧ་ན་ད་ཧ་ད་ཧ་ཨ་[མྲྀ་]#ཏེ་ཕཊ། དེ་ལྟར་བྲིས་ནས་སྲད་བུ་དཀར་
[140a.5]པོས་བཅིངས་ལ་རྒྱ་སྐྱེགས་དང་ལྕགས་གསུམ་གྱིས་བསྐོར་ཞིང་ཟ་མ་ཏོག་ལ་སོགས་པར་བཞག་#ནས་ཚེས་གཅིག་ནས་བརྩམས་ཏེ་ཉའི་བར་དུ་མཆོད་པ་རྣམ་པ་ལྔས་མཆོད་ཅིང་དེ་ལས་བཏོན་ཏེ། བསྒྲུབ་བྱའི་དཔུང་པ་ལ་བཏགས་ན་#དེའི་ཚེ་རིམས་ལ་སོགས་པ་ནད་རྣམས་དང་
[140a.6]བགེགས་དང་དགྲ་རྣམས་གནོད་པར་མི་འགྱུར་རོ་ཞེས་བསྟན་ཏོ། །ད་#ནི་ཞེས་བྱ་བ་ནས་ཀུན་དུ་བཟང་པོས་གསུངས་སོ་ཞེས་པའི་བར་དུ་ནི་ཐོད་པའི་གདན་ལ་གནས་པའི་རྣལ་འབྱོར་པས་སྲུང་བའི་འཁོར་ལོའི་ཕྱོགས་བཅིངས་ལ་ཐོད་པའི་སྒྱེད་པུའི་སྟེང་དུ་ཞག་གིས་
[140a.7]བཀང་བའི་ཐོད་པ་བཞག་ནས་དེའི་སྟེང་དུ་ཆང་གིས་#བཀང་བའི་སྣོད་བཞག་ལ་བདུད་རྩི་ལྔས་བསྐུས་པའི་ཤིང་ཨརྒ་#དང་པདྨའི་སྣལ་མས་སྡོང་བུ་བྱས་ཏེ། ཁྲོ་བོའི་གཟུགས་ཀྱིས་#མར་དོའི་ཚེས་བཅུ་བཞིའི་མཚན་ཕྱེད་ཀྱི་དུས་སུ་དུ་བ་བླངས་ནས་འཁོར་ལོའི་བདག་པོའི་སྔགས་བརྒྱ་
[140b]
[140b.1]རྩ་བརྒྱད་བཟླས་པས་སྔོན་དུ་འགྲོ་བར་རས་ལ་བསྡུས་ཏེ། སྲུང་སྐུད་དམར་པོས་བཅིངས་ལ#། སྔ་མ་བཞིན་དུ་ཟ་མ་ཏོག་ལ་སོགས་པར་མཆོད་ཅིང་དེས་#བསྐུ་བའི་དམིག་#དང་བཅས་པ་#རྣམ་པ་གསུམ་གྱི་དངོས་གྲུབ་ཐོབ་པར་འགྱུར་རོ་ཞེས་བསྟན་ཏོ། །དེ་ལས་ཞེས་བྱ་བ་ལ་སོགས་
[140b.2]པས་རྣམ་པ་གསུམ་གྱི་དངོས་གྲུབ་ཀྱི་བཤད་པ་ནི་གོ་སླའོ། །དེ་ནས་སྡུད་པར་བྱེད་པ་ཞེས་བྱ་བ་ནས་མི་གསུང་བར་བཞུགས་སོ་ཞེས་པ་ནི་གང་ཞིག་དཔལ་གསང་བ་འདུས་པའི་རྒྱུད་ཀྱི་རྒྱལ་པོ་དད་པར་བྱེད་པ་དང་ཐོས་པ་ལ་སོགས་པའི་རིམ་པས་མངོན་དུ་བྱེད་པ། དེ་རྣམས་གང་
[140b.3]གིས་བྱིན་གྱིས་བརླབས་པ་ཞེས་འདྲི་བ་ལ། དེ་བཞིན་གཤེགས་པ་གསུམ་གྱིས་ཞེས་ལན་བཏབ་བོ། །ཡང་དེ་རྣམས་གང་ཡིན་ཞེ་ན་ཞེས་ཞུས་པ་ལ་སྐུ་རྡོ་རྗེ་ལ་སོགས་པ་ཞེས་ལན་བཏབ་ནས་#ཐེ་ཚོམ་དང་བྲལ་བས་དེ་བཞིན་གཤེགས་པ་རྣམས་ཀྱང་མི་གསུང་བར་གྱུར་ཏོ་ཞེས་བསྟན་
[140b.4]ཏོ། །དེ་ལྟར་ཞེས་བྱ་བ་ནས་ཐམས་ཅད་མཁྱེན་པའི་ཕུན་སུམ་ཚོགས་པ་དང་ལྡན་པར་འགྱུར་རོ་ཞེས་པའི་བར་དུ་ནི་བསྐལ་པ་དུ་མ་འདས་པའི་དུས་སུ་དེ་བཞིན་གཤེགས་པ་རྣམས་མྱ་ངན་ལས་འདས་པ་གང་ཡིན་པ་དེ་རྣམས་ཀྱི་རྒྱུད་ཀྱི་#རྒྱལ་པོ་འདི་མ་གསུངས་ཏེ།# དུས་དེ་ཙམ་
[140b.5]ལ་མོས་པ་དམན་པ་ཡིན་པ་#སེམས་ཅན་གྱི་ཁམས་ཕ་རོལ་ཏུ་ཕྱིན་པའི་ཐེག་པས་འདུལ་བ་ཡིན་གྱི་སྔགས་ཀྱི་ཐེག་པས་ནི་མ་ཡིན་ནོ། །དེ་ལྟའི་#དུས་དང་སྙིགས་མ་ལྔ་དང་ལྡན་པའི་སེམས་ཅན་རྣམས་འདོད་ཆགས་དང་ཞེ་སྡང་དང་གཏི་མུག་ཆེ་བས་ཕ་རོལ་ཏུ་ཕྱིན་པའི་ཚུལ་
[140b.6]གྱིས་འགྲུབ་པར་མི་འགྱུར་བས། བཅོམ་ལྡན་འདས་རྡོ་#རྗེ་འཆང་གིས་ཆགས་བྲལ་གྱི་དུག་སྤངས་ནས། སྒེག་པའི་ཉམས་གཙོ་བོར་གྱུར་པའི་སྐུ་སྤྲོས་ལ་འདོད་ཆགས་ཀྱི་#འདོད་ཆགས་སྤོང་བའི་དོན་དུ་དཔལ་གསང་བ་འདུས་པའི་རྒྱུད་བསྟན་ཏོ། །བསྐལ་པ་གྲངས་མེད་པ་
[140b.7]གསུམ་གྱི་#བྱང་ཆུབ་སེམས་དཔའ་བྱང་ཆུབ་ཐོབ་པ་གང་ཡིན་པ་དེ་ནི་ཚེ་འདི་ཉིད་དུ་སྐད་ཅིག་དང་ཐང་ཅིག་ཡུད་ཙམ་དང་མིག་བཙུམས་#པ་དང་། ཐལ་མོ་རྡེབས་པ་ཙམ་གྱིས་#སྔགས་ཀྱི་ཐེག་པ་ཆེན་པོ་པས་ཐོབ་པར་འགྱུར་རོ་ཞེས་བསྟན་ཏོ། །ནང་གི་མངོན་པར་བྱང་ཆུབ་པའི་
[141a]
[141a.1]རིམ་གྱིས་ཞེས་པ་ནི་མངོན་པར་བྱང་ཆུབ་པའི་རིམ་པ་ནི་རྣམ་པ་གཉིས་ཏེ་ཕྱིའི་མངོན་པར་བྱང་ཆུབ་པ་དང་།# ནང་གི་མངོན་པར་བྱང་ཆུབ་པའོ། །དེའི་#ཕྱིའི་མངོན་པར་བྱང་ཆུབ་པ་ནི་སྲོད་ནས་སྣང་བའི་ཡེ་ཤེས་སོ། །ཉིན་མོར་སྣང་བ་མཆེད་པའི་ཡེ་ཤེས་སོ། །ཉི་མ་
[141a.2]ནུབ་པའི་དུས་མཚམས་ལ་སྣང་བ་ཉེ་བར་ཐོབ་པའི་ཡེ་ཤེས་སོ། །ཐོ་རངས་ཀྱི་དུས་མཚམས་ལ་འོད་གསལ་བ་ཞེས་བྱའོ། །ནང་གི་མངོན་པར་བྱང་ཆུབ་པ་ནི་དང་པོ་ཁ་དོག་ལྔ་པའི་#འོད་ཟེར་གྱི་རྣམ་པ་དང་། གཉིས་པ་ནི་དུ་བའི་རྣམ་པ་དང་། གསུམ་པ་ནི་སྲིན་བུ་མེ་ཁྱེར་གྱི་རྣམ་པ་
[141a.3]དང་། སྲིན་བུ་མེ་ཁྱེར་ནི་གཡོ་བའི་སྲོག་#ཆགས་སོ། །བཞི་པ་ནི་མར་མེའི་རྣམ་པ་དང་། ལྔ་པ་ནི་སྤྲིན་མེད་པའི་ནམ་མཁའ་དང་འདྲ་བ་#ཞེས་བྱ་བས་རྟགས་ལྔ་མཐོང་བས་འོད་གསལ་བ་འབྱུང་བར་འགྱུར་རོ། །འདི་དག་ནི་ནང་ནས་ནང་གི་མངོན་པར་བྱང་ཆུབ་ཀྱི་རིམ་པས་
[141a.4]འོད་གསལ་བ་ལ་ཞུགས་པ་ཞེས་བྱ་བ་ནི་འོད་གསལ་བ་ལ་ཞུགས་ནས་སོ། །རྙོག་པའི་དྲི་མ་ཐམས་ཅད་ནི་འདོད་ཆགས་དང་འདོད་ཆགས་བར་མ་རྣམས་སོ། །དེ་དག་དཀྲུགས་ཏེ་ཡང་གཞན་གྱི་དོན་བྱ་བའི་ཕྱིར་རིམ་པ་གསུམ་པས་ཡེ་ཤེས་ཀྱི་སྐུ་བླངས་ནས་སྒྱུ་མ་ལ་སོགས་པའི་
[141a.5]དཔེ་དང་ལྡན་པས་ཐམས་ཅད་མཁྱེན་པའི་ཕུན་སུམ་ཚོགས་པ་དང་ལྡན་པར་འགྱུར་རོ། །གསང་#བ་འདུས་པ་འདི་ལ་ཞེས་བྱ་བ་ནས་#དགོངས་པ་མ་ཡིན་པས་བཤད་པའོ་ཞེས་པའི་བར་དུ་ནི་ཐོས་པ་ལ་སོགས་པའི་རིམ་པས་དཔལ་གསང་བ་འདུས་པའི་རྒྱུད་དུ་འབད་རྩོལ་བྱེད་པས་ཚེ་འདི་ཉིད་དུ་
[141a.6]གྲུབ་པ་ཡིན་གྱི་ཕ་རོལ་དུ་ཕྱིན་པའི་རྣལ་འབྱོར་པས་བསྐལ་པ་གྲངས་མེད་པ་གསུམ་གྱིས་བྱང་ཆུབ་ཐོབ་པ་#ནི་མ་ཡིན་ནོ། །ཞེ་འགྱོད་པ་སྐྱེས་པའི་ཙནྡན་ལ་སོགས་པའི་རིགས་ཅན་གྱི་བྱང་ཆུབ་སེམས་དཔའ་མགུ་བར་མི་འགྱུར་བ་ཡང་བྱས་སོ། །དེ་དུས་རིན་པོ་ཆེ་ལྟ་བུའི་གང་
[141a.7]ཟག་གི་རང་བཞིན་དེ་བཞིན་གཤེགས་པ་རྣམས་ཀྱིས་ཀྱེ་དབང་པོ་དམན་པ་དུ་མ་#ཞིག་ཅེས་དབུགས་འབྱུང་#བ་སྦྱིན་པར་བྱས་སོ། །དེ་རྣམས་ཀྱི་སྡུག་བསྔལ་གསུམ་གྱི་རྒྱུ་དང་ལྡན་པའི་དུ་བ་བསྟན་ཏོ། །སྡུག་བསྔལ་ནི་ཉེ་བར་ལེན་པའི་ཕུང་པོ་ལྔའོ། །དེ་རྣམས་ཀྱི་ཡང་
[141b]
[141b.1]སྡུག་བསྔལ་ནི་ནད་ལ་སོགས་པའོ། །འགྱུར་བ་ནི་དམྱལ་བ་ལ་སོགས་པ་འགྲོ་བ་དྲུག་ཏུ་འཁོར་བའོ། །དེ་ཉིད་སྡུག་བསྔལ་ཏེ་ངལ་བར་བྱེད་པས་སོ། །འདུ་བྱེད་ནི་སྐྱེ་བ་སྔ་མའི་བག་ཆགས་རྣམས་སོ། །དེ་ཉིད་སྡུག་བསྔལ་ཏེ་དེའི་དབང་གིས་སྐྱེ་བ་ལན་པས་སོ། །ཡང་ན་ཞེས་བྱ་བ་#ནི་ཕྱོགས་
[141b.2]གཞན་སྡུག་བསྔལ་#བར་བྱེད་པའི་ཚིག་ཕྲད་དོ། །ལུས་ཀྱི་སྡུག་བསྔལ་ནི་ནད་ལ་སོགས་པའོ། །ངག་གི་སྡུག་བསྔལ་ནི་རྩུབ་མོའི་ཚིག་ལ་སོགས་པའོ། །ཡིད་ཀྱི་སྡུག་བསྔལ་ནི་འདོད་ཆགས་ལ་སོགས་པའོ། །དེ་དག་ཇི་ལྟར་མི་མྱོང་བ་དང་ཇི་ལྟར་མིང་དུ་ཞེས་བྱ་སྟེ། རྒྱུད་#འདི་
[141b.3]ཉིད་ལ་སྣོད་མ་ཡིན་པའི་ཕྱིར་རོ་ཞེས་འདྲི་བའོ། །སྐུ་གསུང་ཐུགས་ཞེས་པ་ནི་ཐ་མལ་པའི་ལུས་ལ་སོགས་པ་སྦྱོང་བར་བྱེད་པ་ཁྱད་པར་གྱི་ལྷའི་རྣམ་པར་སྣང་མཛད་ལ་སོགས་པ་སྟོན་པར་བྱེད་པའོ། །ཡི་གེའི་དོན་ནོ་ཞེས་པ་ནི་ཁྱད་པར་གྱི་སྐུ་ལ་སོགས་པའི་ལྷ་སྟོན་པས་
[141b.4]སོ། །ཡི་གེ་གསུམ་ཞེས་པ་ནི་ཨོཾ་དང་ཨཱ་#དང་ཆ་བཞི་པ་སྟོན་པར་བྱེད་པའོ། །སྤྱིའི་དོན་ཞེས་བྱ་བ་#ནི་ཡི་གེ་གསུམ་ལས་བྱུང་བའི་ལྷ་རྣམས་བསྟན་པའི་ཕྱིར་ཏེ། བསྐྱེད་པའི་རིམ་པ་དང་ལྡན་པའི་ཞེས་བརྗོད་པའི་ཕྱིར་རོ། །འཇུག་པ་ནི་དགའ་བའོ། །གནས་པ་ནི་མཆོག་ཏུ་དགའ་
[141b.5]བའོ། །ལྡང་བ་ནི་དགའ་བྲལ་བའོ#། །སྦས་པའོ་ཞེས་པ་ནི་འདོད་ཆགས་ཀྱི་ཆོས་རབ་ཏུ་བསྟན་པས་སོ། །ཤེས་རབ་ནི་སྣང་བའི་ཡེ་ཤེས་སོ། །ཐབས་ནི་སྣང་བ་མཆེད་པའི་ཡེ་ཤེས་སོ། །ཉེ་བར་ཐོབ་པ་ཞེས་པ་ནི་སྣང་བ་ཉེ་བར་#ཐོབ་པའི་ཡེ་ཤེས་སོ། །མཐར་ཐུག་པ་ཞེས་པ་ནི་འོད་
[141b.6]གསལ་བའི་མཐར་ཐུག་པ་བསྟན་པས་སོ། །ཀྱེ་བྱང་ཆུབ་སེམས་དཔའ་རྣམས་དེ་ལྟར་མ་སེམས་ཤིག །སངས་རྒྱས་ཀྱི་ས་ཐོབ་པ་ཡང་དག་པར་རྫོགས་པའི་བྱང་ཆུབ་དང་ལྡན་པ་ནི་བདག་ཅག་གིས་ཀྱང་ཤིན་ཏུ་ཟབ་པ་ཡིན་པས་མི་རྟོགས་ན། ཁྱེད་རྣམས་ཀྱིས་ཐོབ་པ་དེ་སྨོས་
[141b.7]ཅི་དགོས་ཞེས་བྱ་བ་དེ་ལྟ་བུ་དེ་བཞིན་གཤེགས་པའི་དབུགས་དབྱུང་བ་ཐོས་#ནས་བྱང་ཆུབ་སེམས་དཔའ་རྣམས་ཀྱང་མི་སྨྲ་བར་གྱུར་ཏོ་ཞེས་བསྟན་ཏོ། །དགོངས་པ་ཡིན་པས་བཤད་པ་ཞེས་བྱ་བ་ནི་ཤིན་ཏུ་གསལ་བའི་དེ་ཁོ་ན་ཉིད་བསྟན་པས་སོ། །དེ་ལྟར་ཞེས་བྱ་བ་ནས་འདིའི་དོན་
[142a]
[142a.1]བཤད་ཟིན་ཏོ་ཞེས་པའི་བར་དུ་ནི་དཀྱིལ་འཁོར་མ་ལུས་པ་སྐུ་#ལ་སོགས་པའི་རང་བཞིན་གྱི་ཡི་གེ་གསུམ་ལ་འཇུག་ཅིང་། ཡི་གེ་གཉིས་པོ་#ཡང་ཡི་གེ་ཧཱུཾ་ཙམ་ལས་ཞུགས་ནས་བདག་གིས་#བྱ་བ་བྱས་སོ་ཞེས་དགོངས་པས་སྙོམས་པའི་བདེ་བའི་དབང་གིས་བཅོམ་
[142a.2]ལྡན་འདས་འོད་གསལ་བ་ལ་འཇུག་གོ་ཞེས་བསྟན་ཏོ། །དེ་ལྟར་ཞེས་བྱ་བ་ནས་གསན་པར་མཛོད་ཅིག་ཅེས་བྱ་བ་#དགོངས་སོ་ཞེས་པའི་བར་དུ་ནི་ཐོག་མ་ནས་གྲུབ་པའི་ཚངས་པའི་གནས་བཞིའི་#ངོ་བོ་སྤྱན་མ་ལ་སོགས་པས། ཇི་ལྟར་བཅོམ་ལྡན་འདས་ཐིམ་པར་གྱུར་པ་ལས་བསྐུལ་
[142a.3]བར་མཛད་པ་དེ་བསྟན་ཏོ། །དེ་ནི་ལས་ཀྱི་རྒྱལ་བ་མཆོག་གི་ཏིང་ངེ་འཛིན་ཏོ། །འདིར་དེ་བཞིན་གཤེགས་པ་ཐམས་ཅད་ཀྱི་བདག་པོ་ཡིན་པས་ན་དེ་བཞིན་གཤེགས་པ་ཐམས་ཅད་ནི་རྣམ་པར་སྣང་མཛད་དེ་#དང་པོར་གྱུར་པས་སོ། །སྤྱན་དགའ་བ་ཞེས་པ་ནི་འཁྱུད་པ་ལ་དགའ་བའོ། །དྲུག་ལྡན་
[142a.4]ལ་སོགས་པ་ཞེས་པ་ནི་དབྱངས་ཀྱི་ཁྱད་པར་གྱིས་སོ། །སྒེག་ཅིང་ནི་འཇམ་པའི་དབྱངས་སོ། །དེ་དང་བཅས་པ་ནི་སྙན་པའི་དབྱངས་ཏེ་ཚིག་སྙན་པ་དེ་རྣམས་ཀྱིས་སོ། །སེམས་ཅན་ཐམས་ཅད་ཅེས་བྱ་བ་#ནི་སའི་ཁམས་ཀྱི་#རང་བཞིན་ནམ་སེམས་ཅན་ནམ་#སྣོད་ཀྱི་འཇིག་རྟེན་གྱི་
[142a.5]རང་བཞིན་ཏེ་དེའི་བདག་ཉིད་ནི་རྣམ་པར་སྣང་མཛད་དེ་གཟུགས་ཀྱི་ཕུང་པོ་རྣམ་པར་དག་པ་ཡིན་པས་སོ། །ཁམས་གསུམ་ཞེས་པ་ནི་འདོད་པ་ལ་སོགས་པ་#ལའོ། །ཆོས་ཀྱི་རྒྱལ་སྲིད་ནི་གཏི་མུག་རྣམ་པར་དག་པ་ཐོབ་པའི་ཕྱིར་རོ། །མདུན་མ་#གནས་པ་ཞེས་བྱ་བ་#ནི་ཆགས་པ་ཆེ་བས་
[142a.6]མདུན་དུ་བཞུགས་པ་བཞིན་ནོ། །ཐུགས་དབང་དུ་གྱུར་པ་མཉེས་པ་ཞེས་པ་ནི་མེ་ལོང་ལྟ་བུའི་ཡེ་ཤེས་ཀྱི་ཐུགས་ཀྱི་རང་བཞིན་ཉིད་མཛད་པས་སོ། །རོལ་པ་ནི་སྙོམས་པར་ཞུགས་པའོ། །ཚིམ་པར་བྱེད་པ་ནི་དགའ་བར་བྱེད་པས་སོ། །དགའ་བ་ཡིད་འོང་ཞེས་པ་ནི་འོད་གསལ་བའོ། །
[142a.7]སྐྱེད་པས་ནི་དེ་བྱེད་པའོ། །འཁྱུད་པ་ལ་སོགས་པ་ཞེས་པ་ནི་ཙུམྦ་#ལ་སོགས་པས་སོ། །སེམས་ཅན་ཐམས་ཅད་སྐྱེད་པའི་རྒྱུད་ཅེས་#པ་ནི་སེམས་ཅན་གྱི་རིགས་བཞིའི་རྒྱུར་གྱུར་པས་སོ། །ཐམས་ཅད་ཀྱི་གཞི་ནི་ས་ཡིན་པས་གཞིའམ་རྒྱུ་ཉིད་དོ། །ཕན་པ་དང་བདེ་བ་བྱེད་པས་
[142b]
[142b.1]ཞེས་པ་ནི་མཐོང་བ་དང་མི་མཐོང་བའི་བདེ་བ་སྟེར་བ་ཡིན་པས་སོ། །དེ་བཞིན་གཤེགས་པ་ཐམས་ཅད་ཀྱི་ནང་ན་ཐུགས་ཀྱི་#ངོ་བོ་ཡིན་པས་ཐུགས་ནི་མི་བསྐྱོད་པའོ། །ཆོས་ཀྱི་དབྱིངས་ཀྱི་ཡེ་ཤེས་ཀྱི་ངོ་བོ་ཡིན་པས་འཕགས་པ་#ཡང་ཡིན་ལ་མཱ་མ་ཀཱི་ཡང་ཡིན་པས་འཕགས་པ་#མཱ་མ་ཀཱིའོ། །
[142b.2]ཐ་མལ་པ་མ་ཡིན་པ་ཞེས་པ་ནི་ལྷའི་རྣམ་པའི་བསྒོམ་#པས་ན་ཁྱད་པར་དང་ལྡན་པ་སྟེ། འདོད་ཆགས་ཀྱི་རྣམ་པར་དག་པ་བསྐྱེད་པའོ། །དགའ་བ་ནི་སྙོམས་པར་ཞུགས་པའོ། །ཞུགས་པ་སྟེ་ཞེས་པ་ནི་སྤྱོད་པའམ་རྫོགས་པའོ། །མི་འཇིག་#པའི་སྐུ་དང་ལྡན་པའི་ཕྱིར་རོ་ཞེས་པ་ནི་རྡོ་རྗེའི་
[142b.3]སྐུ་ཡིན་པས་སོ། །བཀའི་འཁོར་ལོ་ནི་སྤྲུལ་པའི་སྐུ་སྤྲོ་བའོ། །དེ་སྐོར་#བར་མཛད་པ་ནི་སྐྱེད་པར་མཛད་པས་སེམས་ཅན་མང་པོ་ལ་ཕན་པ་རྗེས་སུ་བརྩེ་བ་#ནི་ཁྱོད་ཡིན་ནོ། །ཕུང་པོ་ལྔ་ཞེས་པ་ནི་དེ་རྣམ་པར་དག་པ་ཡིན་པའི་ཕྱིར་རོ། །ཀུན་རྫོབ་ཀྱི་བདེན་པ་ཞེས་པ་ནི་སེམས་རྣམ་པར་དག་
[142b.4]པའི་རིམ་པས་སྦྱོར་#བ་བདག་ལ་བྱིན་གྱིས་བརླབ་པའི་རིམ་པས་ཡེ་ཤེས་ཀྱི་སྐུའོ། །དོན་དམ་པ་ཞེས་པ་ནི་རིམ་པ་བཞི་པས་འོད་གསལ་བའོ། །དེ་གཉིས་#ཡང་དག་པར་འདུས་པ་ཞེས་པ་#ནི་རིམ་པ་གསུམ་པ་དང་བཞི་པ་བསྡུས་པ་ལས་བྱུང་བའོ། །བདེ་བ་ཆེན་པོའི་སྐུ་སྟེ་ཞེས་པ་
[142b.5]ནི་ཟུང་དུ་འཇུག་པའི་རིམ་པས་རྡོ་རྗེ་སྐུ་དེས་སྟོན་པས་སོ། །འདོད་ཆགས་རྣམ་པར་སྤྱོད་པའི་ཕྱིར། །ཞེས་པ་ནི་ཀུན་དུ་ཆགས་པའི་འདོད་ཆགས་རྣམ་པར་སྦྱངས་པས་#སོ། །འདོད་ཆགས་ལ་སྤྱོད་པའི་ངོ་བོ་ཉིད་ཅེས་པ་ནི་དེ་#ཁོ་ན་ཉིད་ལ་ཆགས་པའི་སྤྱོད་པའི་ངོ་བོ་ཉིད་དོ། །འོད་དཔག་ཏུ་
[142b.6]མེད་པ་ནི་ཆོས་བསྟན་པའི་ཕྱིར་རོ། །གསུང་གི་ངོ་བོ་ཡིན་པས་འགྲོ་བ་འདུལ་བར་མཛད་པའི་ཕྱིར་རོ། །དེའི་སྐུ་དང་གསུང་དང་ཐུགས་རྡོ་རྗེའི་སྤྱན་ནི་ཞེས་པ་ནི་སྐུ་ལ་སོགས་པ་མཉེས་པར་མཛད་པའོ། །ངག་གི་དབང་ཕྱུག་མཉེས་པས་ཞེས་པ་ནི་ཡན་ལག་དྲུག་ཅུའི་སྐུ་གསུང་དང་
[142b.7]ལྡན་པས་སོ། །དེ་ཉིད་ཀྱི་ཕྱིར་མཆོག་ཏུ་ཐུགས་རྗེ་ཆེ་བའི་བདག་ཉིད་དོ་ཞེས་པ་ནི་ཐུགས་རྗེ་ཆེན་པོ་དང་ལྡན་པ་སྟེ#། དམྱལ་བ་ལ་སོགས་པ་ལས་གདོན་པའི་ཕྱིར་རོ། །དེའི་ཐབས་བསྟན་པའི་ཕྱིར། ཚངས་པའི་གནས་བཞིས་ཞེས་པ་ནི་བྱམས་པ་ལ་སོགས་པས་སོ། །
[143a]
[143a.1]དགོངས་པའི་དོན་མཛད་པ་ཞེས་པ་ནི་སངས་རྒྱས་ཉིད་ཐོབ་པའི་ཕྱིར་རོ། །དུས་ཐམས་ཅད་ཅེས་བྱ་བ་ནི་#མ་ཆད་པས་སོ། །ཤིན་ཏུ་དགའ་བས་ཞེས་པ་ནི་སྤྱོད་པ་དང་བཅས་པས་སྤྱོད་པས་སོ། །དགེ་བ་ནི་ཐར་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་
[143a.2]ནི་ལས་ཐམས་ཅད་པ་#ཡིན་པས་སོ། །འཕགས་མ་སྒྲོལ་མ་ནི་དམ་ཚིག་སྒྲོལ་མའོ། །རང་བཞིན་བརྒྱ་དྲུག་ཅུའི་སྤྱོད་པ་ཞེས་པ་ནི་ཉིན་མོ་དང་མཚན་མོས་སོ། །འགགས་ཤིང་ཞེས་པ་ནི་ཤེས་རབ་དང་ཐབས་དང་ཉེ་བར་ཐོབ་པའི་ངོ་བོ་སྔགས་དང་ཕྱག་རྒྱའི་རིམ་པས་སྤངས་ནས་སོ། །ཇི་སྐད་དུ།
[143a.3]སྒྱུ་མ་དག་ནི་ཐམས་ཅད་ལས། །བུད་མེད་སྒྱུ་མ་ཁྱད་པར་འཕགས། །སྣང་བ་གསུམ་གྱི་དབྱེ་བ་ནི། །འདི་ཉིད་ལས་ནི་མཚོན་པར་འགྱུར། །ཞེས་འབྱུང་བས་སོ། །ཡེ་ཤེས་ཀྱི་ཉིད་#ཀྱིས་ཞེས་པ་ནི་སྣང་བ་དང་སྣང་བ་མཆེད་པ་དང་སྣང་བ་ཉེ་བར་ཐོབ་པའོ། །ཉིད་#ནི་དེ་རྣམས་ནུབ་པ་སྟེ་སྔར་བཤད་
[143a.4]པའི་རིམ་པས་སོ། །ཐམས་ཅད་སྟོང་པར་ཞུགས་པ་ཞེས་པ་ནི་འོད་གསལ་བ་ལ་ཞུགས་པའོ། །སྟོང་པ་ཤིན་ཏུ་སྟོང་པ་དང་། །གསུམ་པ་སྟོང་པ་ཆེན་པོ་སྟེ། །རྒྱུ་དང་འབྲས་བུའི་དབྱེ་བས་སོ། །ཞེས་འབྱུང་བས་ལྟ་བ་#སྟེ་ཞེས་པ་ནི་སེམས་ཅན་#རྣམ་པར་དག་པའི་རིམ་པས་འོད་གསལ་བའི་
[143a.5]ཏིང་ངེ་འཛིན་ལ་ཞུགས་པར་གཟིགས་ནས་སོ། །སྐུལ་བར་བྱེད་པ་ནི་སད་པར་བྱེད་པ་སྟེ། སེམས་ཅན་གྱི་དོན་བྱེད་པའི་ཕྱིར་སྐུལ་བར་བྱེད་པའོ། །གཞན་དུ་ནི་#ཆད་པའི་ཕྱོགས་སུ་ཐལ་བར་འགྱུར་བ་དང་། དབང་ཕྱུག་ཆེན་པོའི་ལྟ་བ་ལས་ལྡོག་པར་མི་འགྱུར་རོ། །རྟག་#པ་དང་ནི་ཆད་པའི་
[143a.6]ཕྱོགས། །གང་ཞིག་སྤངས་ནས་རབ་འཇུག་པ། །ཞེས་ཟུང་དུ་འཇུག་པའི་རིམ་པ་ལས་འབྱུང་བའི་ཕྱིར་རོ།# །དོན་ཡོད་གྲུབ་པའི་སྒོ་ནས་བོས་པ་ཞེས་པ་ནི་དམ་ཚིག་སྒྲོལ་མ་ནི་ལས་ཀྱི་རིགས་ཡིན་པ་དང་། འཁོར་བ་དང་བདག་པོའི་འབྲེལ་པ་དང་མཚུངས་པས་བཅོམ་ལྡན་
[143a.7]འདས་བོད་པ་ནི་རིགས་སོ། །རྡོ་རྗེ་དང་པདྨ་མཉམ་པར་སྦྱོར་བ་ཞེས་བྱ་བ་ནི་ཕྱག་རྒྱ་ལེགས་པར་སྦྱངས་པ་#སྔོན་དུ་འགྲོ་བར་#རྡོ་རྗེ་དང་པདྨ་སྦྱར་བས་སོ། །ཕྱུང་བའི་དཀྱིལ་འཁོར་གྱི་ལྷ་རྣམས་ཀྱིས་ཞེས་པ་ནི་བཛྲ་[དྷྲྀ]ཀ་#ཅེས་བྱ་བ་ལ་སོགས་པས་ཕྱུང་བའི་སྔགས་ཀྱི་རེག་བྱ་རྡོ་རྗེ་མའི་ཆོས་
[143b]
[143b.1]འབྱུང་གི་ནང་ན་དམ་ཚིག་གི་དཀྱིལ་འཁོར་སྤྲོ་བ་ལས་འབྱུང་བ་མི་#བསྐྱོད་པ་ལ་སོགས་པ་དེ་བཞིན་གཤེགས་པ་དང་བྱང་ཆུབ་སེམས་དཔའ་དང་ལྷ་མོ་དང་ཁྲོ་མོ་#རྣམས་ཀྱིས་སོ། །ཞེ་སྡང་ལ་སོགས་པའི་སེམས་ཅན་གྱི་ཁམས་རྣམ་པར་སྦྱོང་#བས་ན་ཞེས་པ་ནི་པདྨའི་ནང་དུ་ཕྱིར་མི་ལྡོག་
[143b.2]པའི་དབང་བསྐུར་བྱིན་ནས་རྒྱས་བཏབ་ཅིང་ཕྱི་རོལ་དུ་སྤྲོས་ཏེ། ཞེ་སྡང་ལ་སོགས་པ་ལྔས་ཁྱབ་པའི་སེམས་ཅན་གྱི་ཁམས་བསྟན་པ་ལ་སོགས་པའི་རྣམ་པར་སྦྱང་ཞིང་། སངས་རྒྱས་ཀྱི་ཞིང་ལ་རབ་ཏུ་འཇུག་པས་སོ། །དེ་ནི་དཀྱིལ་འཁོར་རྒྱལ་བ་མཆོག །ཅེས་བྱ་བའི་ཏིང་ངེ་འཛིན་ཏོ། །
[143b.3]འདིར་གལ་ཏེ་དེ་བཞིན་གཤེགས་པ་ཐམས་ཅད་ཀྱི་སྒོ་ནས་སེམས་ཅན་གྱི་དོན་བསྟན་པ་དེ་བཞིན་དུ་ཡང་བྱ་བ་ནན་ཏན་གྲུབ་པའི་གཙོ་བོ་ཡིན་པས་དོན་ཡོད་གྲུབ་པ་ལ་དབང་བ་ཡིན་ཏེ་ལས་ཀྱི་#རིགས་ཡིན་པའི་ཕྱིར་རོ། །བསྟན་པ་ལ་སོགས་པའི་བྱ་བ་ནི་ལས་ཏེ། གཙོ་བོར་གྱུར་པའི་
[143b.4]རིགས་ནི་ལས་ཀྱི་#རིགས་ཏེ། རླུང་གི་ཁམས་ཀྱི་ངོ་བོ་ཡིན་པས་སོ། །དེ་ཉིད་ཀྱི་ཕྱིར་དམ་ཚིག་གི་མཆོག་གོ། །སེམས་ཅན་གྱི་དོན་བྱ་བ་དང་དམ་ཚིག་ཡིན་གྱི་གཞན་ནི་དམ་ཚིག་ཙམ་མོ་སྟེ་དེའི་ཡན་ལག་ཡིན་པས་སོ། །ཇི་སྐད་དུ། ཞེ་སྡང་གཏི་མུག་འདོད་ཆགས་དང་། །
[143b.5]ཡིད་བཞིན་ནོར་བུ་དམ་ཚིག་སྟེ། །རིགས་ནི་དེ་དག་ལྔ་པོ་ནི། །འདོད་དང་ཐར་པ་རབ་སྒྲུབ་#པའོ། །ཞེས་འབྱུང་ངོ་། །འདོད་ཆགས་ལ་སྤྱོད་པའི་སེམས་ཅན་རྣམས་ཀྱི་ཞེས་བྱ་བ་ནི་དེའི་རིགས་ཀྱི་རང་བཞིན་གྱི་གང་ཟག་རྣམས་ཀྱིའོ། །འདོད་ཆགས་#རྣམ་པར་དག་པའི་ཐབས་
[143b.6]ཀྱིས་ཞེས་པ་ནི་འདོད་ཆགས་ཀྱི་སྒྲས་སྣང་བ་མཆེད་པའི་ཡེ་ཤེས་ཀྱི་འབྲེལ་པ་ཅན་གྱི་རང་བཞིན་བཞི་བཅུ་བསྟན་ཏོ། །དེ་རྣམས་ཀྱི་རྣམ་པར་དག་པ་ནི་སྔགས་དང་ཕྱག་རྒྱའི་རིམ་པས་སྤོང་བའོ། །དེ་ཉིད་ཐབས་ནི་གཉེན་པོའི་ཕྱོགས་སོ། །དེས་ནི་གཉེན་པོའི་ཕྱོགས་ཀྱི་
[143b.7]ཐབས་ཀྱིས་སོ། །བྱང་ཆུབ་རབ་ཏུ་རྩོལ་བས་ན། །#ཞེས་པ་ནི་སྣང་བ་མཆེད་པའི་རང་བཞིན་སྤོང་བས་འོད་གསལ་བའི་དེ་ཁོ་ན་ཉིད་མངོན་དུ་བྱེད་པས་སོ། །དེ་ཉིད་ཀྱི་ཕྱིར་ཕན་ཡོན་ཆེའོ། །ཕན་པ་ཡང་ཡིན་ལ་ཆེན་པོ་ཡང་ཡིན་པས་ན་ཕན་ཆེན་ནི་ཐར་པའི་གོ་འཕང་ངོ་། །དེ་
[144a]
[144a.1]ཉིད་དོན་ནི་དགོས་པ་གང་ལ་ཡོད་པ་ཞེས་བྱ་བ་ལས་#འཛིན་པ་སྔོན་དུ་འགྲོ་བའི་འབྲུ་མང་པོ་བསྡུ་བའོ། །ཤཱཀྱའི་རིགས་ལས་བྱུང་བ་རྣམས་ཀྱི་ཞེས་པ་ནི་ངེས་པར་གཟུང་བའི་དྲུག་པའོ། །ཤཱཀྱའི་རིགས་ལས་བྱུང་བ་ནི་དེ་བཞིན་གཤེགས་པ་དང་བྱང་ཆུབ་སེམས་
[144a.2]དཔའ་དང་ལྷ་མོ་རྣམས་དང་ཁྲོ་བོ་སྟེ་དཀྱིལ་འཁོར་#རྣམས་སོ། །དེ་རྣམས་ཀྱི་ནང་དུ་མཆོག་ཏུ་གྱུར་པ་ནི་རྒྱན་དང་འདྲ་བར་གྱུར་པས་སོ། །རྒྱན་དང་འདྲ་བ་ནི་མི་བསྐྱོད་པ་#ལ་སོགས་པ་དེ་བཞིན་གཤེགས་པའི་ནང་ན་རྟ་མཆོག་ནི་#འགྲོ་བའི་དོན་བྱ་བ་ལ་ནུས་པ་དང་ལྡན་པས་སོ། །དེ་ཉིད་
[144a.3]བསྟན་པའི་ཕྱིར་ཡང་ན་ཞེས་བྱ་བ་ནི་གོ་སླའོ། །རང་དང་གཞན་གྱི་རྣམ་པར་དབྱེ་བ་ཞེས་བྱ་བ་ལ་སོགས་པ་ནི་སེམས་ཅན་རྣམས་ཀྱི་རང་བཞིན་གྱི་རྣམ་པར་རྟོག་#པ་ཇི་སྲིད་ཡོད་པ་#དེ་སྲིད་ནི་འཁོར་བའོ། །ཇི་སྐད་དུ། ང་རྒྱལ་ལས་ནི་རབ་སྐྱེས་པ། །བདག་གི་བྱེད་པར་#ཉེ་བར་འཕེལ། །
[144a.4]སྐྱེ་བོ་ཕན་པར་ངེས་སྨྲ་བས། །སྐྱེ་དགུ་མ་ལུས་འདི་ལྟར་གསུངས། །ཞེས་འབྱུང་ངོ་། །དེ་བཞིན་དུ་བདག་ཉིད་ཡོད་པས་གཞན་གྱི་འདུ་ཤེས་ཏེ། རང་བཞིན་དབྱེ་བས་རྗེས་སུ་ཆགས་དང་ལྡན#། །དེ་དག་གི་ནི་ཡང་དག་འབྲེལ་བ་ཡི#། །སྐྱོན་ནི་ཐམས་ཅད་རབ་ཏུ་སྐྱེ་བར་འགྱུར། །
[144a.5]ཞེས་འབྱུང་ངོ་། །དེ་ལ་དམིགས་པ་ནི་མ་#རིག་པ་དང་། ཉམས་སུ་མྱོང་བའི་བག་ཆགས་དག་གིས་ཉེ་བར་དམིགས་པའོ། །དེ་བྲལ་བ་ནི་བདག་མེད་པའི་ལྟ་#བས་སྤོང་བའོ། །བདག་དང་བཅས་པའི་དངོས་པོ་རྣམས་ལ་བདག་མེད་པའི་ལྟ་བ་ཁོ་ན་གཉེན་པོ་ཡིན་ནོ། །དེ་ལྟར་ཡོད་
[144a.6]ན་#ཡང་སེམས་ཅན་རྣམས་ལ་ཐུགས་རྗེས་སུ་བརྩེ་བས་ཞེས་པ་ནི་ཁམས་གསུམ་པའི་སེམས་ཅན་གྱི་ཚོགས་ཐུགས་རྗེས་འགྲོ་#བར་མཛད་པས་སོ། །གང་གི་ཕྱིར་སངས་རྒྱས་རྣམས་ཀྱི་སྐྱེས་བུའི་སྤྱོད་པ་འདི་ཡིན་ཏེ། གང་གིས་#ཆོས་ཐམས་ཅད་སྟོང་པར་མཁྱེན་ནས་ཀྱང་འགྲོ་བའི་
[144a.7]དོན་མཛད་པའོ། །འདི་ནི་ངོ་མཚར་ངོ་མཚར་ཏེ། །རྨད་དུ་བྱུང་ལས་རྨད་དུ་བྱུང་། །ཆོས་འདི་སྟོང་པར་མཁྱེན་ནས་ཀྱང་། །གང་ཞིག་ལས་དང་འབྲས་བུ་བསྟན། །ཞེས་འབྱུང་བས་སོ། །དེ་ལྟ་བུའི་ཁྱད་པར་ཅན་གྱི་ཡོན་ཏན་ཞེས་པ་ནི་སྔར་བཤད་པའི་ཡོན་ཏན་གྱི་ཚོགས་ཀྱིས་
[144b]
[144b.1]བརྒྱན་པས་སོ། །ཡོན་ཏན་གྱི་རིན་ཆེན་#ཞེས་བྱ་བ་ལ་སོགས་པའི་འགྲེལ་པ་ནི་གང་གི་ཕྱིར་ཞེས་བྱ་བ་ལ་སོགས་པ་སྨོས་ཏེ། གང་གི་ཕྱིར་ནི་རྒྱུ་གང་ལས་སོ། །འདོད་ཆགས་ཞེས་བྱ་བ་ལ་སོགས་པས་ནི་#འདོད་ཆགས་ཏེ་རང་བཞིན་བཞི་བཅུ་མི་མཐུན་པ་དང་། ཉི་མའི་སྣང་བ་དང་འདྲ་བ་སྣང་བ་
[144b.2]མཆེད་པའི་ཡེ་ཤེས་ནི་གཉེན་པོའོ། །འདོད་ཆགས་དང་བྲལ་བ་ནི་རང་བཞིན་སུམ་ཅུ་རྩ་གསུམ་མི་མཐུན་པ་དང་ཟླ་བའི་སྣང་བ་དང་འདྲ་བ་སྣང་བའི་ཡེ་ཤེས་ནི་གཉེན་པོའོ། །འདོད་ཆགས་པར་མ་ནི་རང་བཞིན་བདུན་མི་མཐུན་པ་དང་། མཚམས་ཀྱི་སྣང་བ་དང་འདྲ་བ་སྣང་བ་ཉེ་བར་
[144b.3]ཐོབ་པའི་ཡེ་ཤེས་ནི་གཉེན་པོའོ། །འོད་གསལ་བ་ཞེས་པ་ནི་ཡེ་ཤེས་གསུམ་དང་བྲལ་བས་ཉི་མ་དང་ཟླ་བ་དང་མཚམས་ཀྱི་སྣང་བ་དང་འདྲ་བ་སྤྲིན་མེད་པའི་ནམ་མཁའ་དང་འདྲ་བ་སྟེ་དེ་ཁོ་ན་ཉིད་བཞི་པའོ། །དེ་#ཉིད་ཡེ་ཤེས་ཀྱི་གཉེན་པོར་གྱུར་པས་ན་ཡེ་ཤེས་སོ། །དེ་རྣམས་ཀྱི་
[144b.4]བཟླས་#དབྱེ་བར་བྱས་ནས་འདི་སྐྱེད་#པ་ཞེས་པ་ནི་གསལ་བར་བྱེད་པའོ། །ཡེ་ཤེས་གསུམ་གྱི་རབ་དབྱེ་བ། །དེ་#ཉིད་ཀྱིས་ནི་#གསལ་བར་#མཚོན། །ཞེས་སྔར་བཤད་པས་སོ། །བདག་གི་སྟོན་པར་བྱེད་པ་ཞེས་པ་ནི་ཕྱག་རྒྱ་ལས་གཞན་གྱི་མཚོན་པའི་ཐབས་མེད་དོ། །ཇི་སྐད་དུ། རང་དང་
[144b.5]གཞན་གྱི་དོན་གྲུབ་ཕྱིར། །འཁོར་བ་རུ་ནི་ཐབས་གཞན་མེད། །ཆོས་རྣམས་ཐམས་ཅད་གཉིས་མེད་པ། །གཉིས་ཀྱི་ངོ་བོ་བསྟན་པ་སྟེ། །དེ་ཕྱིར་རྟག་ཏུ་ཁྱོད་ཀྱིས་ནི། །འཁོར་བར་བྲལ་བར་མི་བྱའོ། །ཞེས་འབྱུང་ངོ་། །འདོད་ཆགས་ནི་སྣང་བ་མཆེད་པའོ། །ཞེ་སྡང་ནི་སྣང་བའི་
[144b.6]ཡེ་ཤེས་སོ། །གཏི་མུག་ནི་མ་རིག་པ་སྟེ་དེ་ཉིད་སྣང་བ་ཉེ་བར་ཐོབ་པའོ། །དེ་རྣམས་ཀྱི་རྣམ་པར་དག་པ་ནི་སྔར་བཤད་པའི་རིམ་པས་བཀག་པའོ། །དེ་ཉིད་ནི་ཐབས་ཏེ་#དེས་སོ། །རྡོ་རྗེ་སེམས་དཔའི་ཚེ་དང་སྲོག་སྩོལ་བས་ཞེས་པ་ནི་རྡོ་རྗེ་སེམས་དཔའ་སྟེ་འོད་གསལ་བའོ། །
[144b.7]དེ་ཉིད་ཀྱིས་དངོས་པོ་ཐམས་ཅད་ཁྱབ་པས་ཚེ་དང་འདྲ་བས་#ན་ཚེའོ། །སྤྲོ་བ་དང་བཅས་པས་དེ་ཉིད་སྲོག་གི་དབང་པོ་དང་འདྲ་བའོ། །སྩོལ་བས་ནི་དེ་སྦྱིན་པས་སོ། །གསོན་པར་མཛོད་ཅིག་ཅེས་པ་ནི་རྗེས་སུ་གཟུང་བར་མཛོད་ཅིག་གོ། །ཚིག་གི་#དོན་ནི་འདི་ཡིན་ཏེ་འོད་གསལ་བའི་
[145a]
[145a.1]ཏིང་ངེ་འཛིན་ལས་ལངས་ཏེ། སྙོམས་པར་ཞུགས་#པའི་སྒོ་ནས་བདག་ཀྱང་འོད་གསལ་བ་ལ་#སྙོམས་པར་ཞུགས་ཤིག་གོ། །དེ་ཉིད་ཀྱི་ཕྱིར་དགོངས་སོ་ཞེས་སྨོས་སོ། །དེ་ལྟར་ཞེས་བྱ་བ་ལ་སོགས་པས་ལྷ་མོ་བཞིས་#བསྐུལ་བ་གསལ་#ནས་འགྲོ་བའི་དོན་མཛད་པའི་
[145a.2]ཕྱིར་བཅོམ་ལྡན་འདས་ཀྱིས་འོད་གསལ་བའི་ཏིང་ངེ་འཛིན་ལས་ལྡང་བར་བསྟན་ཏོ། །ཚངས་པའི་གནས་ཞེས་པ་ནི་བྱམས་པ་ལ་སོགས་པའི་ངོ་བོ་ཉིད་ཀྱིས་སོ། །ཡང་དག་པར་བསྐུལ་བ་ཞེས་པ་ནི་བསྐུལ་བར་བྱའོ། །གང་གི་ཕྱིར་ཐོག་མ་མ་ཡིན་པའི་དུས་ནས་ཚད་མེད་པ་ལ་
[145a.3]གོམས་པས་བཅོམ་ལྡན་འདས་སངས་རྒྱས་རྣམས་ཀྱིས་ལྷུན་གྱིས་འགྲོ་བའི་དོན་མཛད་དེ། དགོན་པའི་ཞི་བ་#ལས་གྲོང་མཐར#། །མཚོ་ལས་རིག་པའི་ཀླུ་བཞིན་ནོ། །འདུལ་བའི་དོན་དུ་ཐུགས་རྗེ་ཡིས། །རིག་པས་བཞིན་དུ་དགུག་པར་བྱས། །དམ་པ་ཞི་བ་#ལ་ཞུགས་
[145a.4]ཀྱང་། །ཐུགས་རྗེས་གཞན་དབང་ཉིད་ཀྱིས་ནི། །བཟོ་བའི་རིགས་#ལ་སོགས་རྣམས་སུ#། །ཁྱོད་ནི་བརྟན་པས་#གནས་པར་བྱས། །ཞེས་འབྱུང་ངོ་། །དེ་ཉིད་ཀྱི་ཕྱིར་བསྟན་པ་སྔོན་གྱི་སྨོན་ལམ་ཞེས་བྱ་བ་ལ་སོགས་པ་ནི། །འགྲོ་ལ་ཕན་ཕྱིར་སངས་རྒྱས་འགྲུབ་#པར་
[145a.5]ཤོག །ཅེས་བྱ་བ་#དང་པོ་སངས་རྒྱས་རྣམས་ཀྱི་#དམ་བཅས་པ་དེ་ཉིད་སྨོན་ལམ་མོ། །དེའི་རྒྱུན་ནི་ཐུགས་ཀྱི་#རྒྱུད་ལ་རྟག་ཏུ་གནས་པའོ། །དེའི་#ཤུགས་ནི་ནུས་པ་སྟེ། ལྷུན་གྱིས་དེའི་ངོ་བོ་ཉིད་དུ་བསྐལ་པ་མཐའ་ཡས་པས་བྱང་ཆུབ་ཐོབ་པས་སངས་རྒྱས་བཅོམ་
[145a.6]ལྡན་འདས་རྣམས་སྔ་མའི་སྨོན་ལམ་གྱི་བག་ཆགས་མི་གཏོང་སྟེ་རུས་སྦལ་དམར་པོ་བཞིན་ནོ། །ཉེས་པ་མ་#ལུས་སྐྱེད་བྱེད་འཇིག་ཚོགས་ལྟ་བུའི་བུད་ཤིང་གང་སྲེག་#པ། །རང་གཞན་དབྱེ་བའི་ཡུལ་རྣམས་ངེས་བཏོན་དེ་རྣམས་ཀྱི་ནི་སྐྱོན་མི་འབྱུང་། །གཉིད་མེད་པ་ཡང་རིག་བཞིན་
[145a.7]སྙིང་རྗེས་སྒྱུ་མའི་སྐྱེས་བུ་ལས་རྣམས་སུ། །བློ་བཟང་སྔ་མའི་སྨོན་ལམ་གྱིས་ནི་བསྐུལ་ཏེ་འཁོར་བའི་#ཤུགས་བཞིན་ནོ། །ཞེས་འབྱུང་ངོ་། །སྟོང་པ་ཉིད་ཀྱི་རྣལ་འབྱོར་ལས་བཞེངས་ནས་ཞེས་པ་ནི་འོད་གསལ་བའི་ཏིང་ངེ་འཛིན་ལས་ཅིག་ཅར་རམ་སྣང་བ་ཉེ་བར་ཐོབ་པ་ལ་སོགས་པའི་
[145b]
[145b.1]རིམ་གྱིས་#བདག་ལ་བྱིན་གྱིས་བརླབ་པའི་མཚན་ཉིད་ཀྱི་ཡེ་ཤེས་ཀྱི་སྐུའམ། རིམ་པ་བཞི་པ་ལས་གསུང་བའི་#དེ་ཁོ་ན་ཉིད་ལས་ཅིག་ཅར་དུ་ཟུང་དུ་འཇུག་པའི་བདག་ཉིད་ཅན་གྱི་རྡོ་རྗེའི་སྐུ་བཞེངས་ནས་སོ། །དཔལ་ཤིན་ཏུ་དགའ་བ་ཞེས་བྱ་བ་ལ་སོགས་པ་ནི་དཔལ་གྱི་སྒྲས་མཚོན་ནས་
[145b.2]བསོད་ནམས་དང་ཡེ་ཤེས་ཀྱིས་#ཚོགས་གཟུང་ངོ་། །ཤིན་ཏུ་དགའ་བའི་#བདེ་བ་ནི། དབང་པོ་གཉིས་ཀྱི་བདེ་བའོ། །དེ་ལས་བྱུང་བའི་འདོད་ཆགས་ལ་སྤྱོད་པ་ནི་བསྲུང་བྱ་སྲུང་#བྱེད་ཀྱི་རོལ་པའོ། །དེ་བསྟན་པའི་#ཕྱིར་འདོད་ཆགས་ལ་སྤྱོད་པའི་སེམས་ཅན་གྱི་ཁམས་ཐབས་དེ་ཉིད་
[145b.3]ཀྱིས་དེ་སྦྱངས་པའི་ཕྱིར་རོ། །འཇིག་རྟེན་པ་ནི་ཆགས་པས་བཅིངས། །ཆགས་པ་ཉིད་ཀྱིས་#གྲོལ་འགྱུར་ཏེ། །ཕྱིན་ཅི་ལོག་པའི་རྟོག་པ་དེ། །སངས་རྒྱས་མུ་སྟེགས་པས་མི་#ཤེས། །ཞེས་#འབྱུང་ངོ་། །དཀོན་མཆོག་བརྩེགས་པའི་མདོ་ལས་ཀྱང་། བཅོམ་ལྡན་འདས་ཀྱིས་
[145b.4]བཀའ་སྩལ་པ། འོང་སྲུངས་བུ་རམ་གྱི་ཤིང་དང་འབྲས་སཱ་#ལུའི་ཞིང་ལ་ལུད་ཀྱི་ཕུང་པོ་ཕན་པར་འགྱུར་བ་དེ་བཞིན་དུ། བྱང་ཆུབ་སེམས་དཔའི་ཉོན་མོངས་པ་རྣམས་ཕན་པར་འགྱུར་རོ། །དཔེར་ན་འོད་སྲུངས་ཙམ་པ་ཀའི་#མེ་ཏོག་སྤོས་ཀྱི་གླང་པོས་ཟོས་ན་གླ་རྩིའི་ངོ་བོ་#འགྱུར་རོ། །
[145b.5]དེ་ཉིད་ཐ་མལ་པའི་སྲོག་ཆགས་ཀྱིས་ཟོས་པ་མི་གཙང་བའི་ངོ་བོར་#འགྱུར་བ་དེ་བཞིན་དུ་བྱང་ཆུབ་སེམས་དཔའི་ཉོན་མོངས་པ་རྣམས་ཕན་པར་འགྱུར་རོ། །རྣལ་མ་སྤྱད་པར་བྱ་སྟེ་དེ་ཉིད་ཤིན་ཏུ་དགའ་བའི་འདོད་ཆགས་ཀྱི་སྤྱོད་པ་བསྟན་པའི་ཕྱིར་རོ།# །འཁྱུད་པ་ནི་ཤིང་ལ་འཛེག་
[145b.6]པ་ལ་སོགས་པའི་དབྱེ་བ་རྣམ་པ་བརྒྱད་དོ། །འོ་བྱེད་པ་ནི་སྟོད་སྨད་ཀྱི་མཆུའི་དབྱེ་བ་རྣམ་པ་བརྒྱད་དོ། །ལྐོག་མ་མཁུར་ཚོས་དང་ནི་ནུ་མ་ཁ་ནང་དང་། །མ་མཆུ་དང་ནི་མིག་དང་དཔྲལ་བ་དང་། །མཆན་ཁུང་གཉིས་དང་བརླ་ཡི་མཚམས་དང་ནི། །ལྟེ་བའི་རྩ་བར་ཡང་ནི་འོ་བྱེད་
[145b.7]འགྱུར། །ཞེས་འབྱུང་ངོ་། །འཇིབ་པ་ནི་#རྣམ་པ་གཉིས་ཏེ། མ་མཆུས་འཇིབ་པ་དང་། མིའི་སྣ་རྩེ་འཇིབ་པའོ། །ཐལ་མོས་བརྡབ་པ་ཞེས་པ་ནི་བྱེད་པའི་སྦྱོར་བའི་དབང་གིས་རྡུལ་ལ་སོགས་པ་འབྱུང་བའོ། །དེ་རྣམས་ཀྱང་སྙིང་སྟོབས་ཀྱི་དངོས་པོ་བརྒྱད་དོ། །རེངས་
[146a]
[146a.1]པ་རྡུལ་དང་བ་སྤུ་ལྡང་། །སྐད་འགྱུར་བ་དང་འདར་བ་དང་། །ཁ་དོག་ལོག་དང་མཆི་མ་དང་། །ཐིམ་པ་ཞེས་བྱ་སྙིང་སྟོབས་བརྒྱད། །ཐལ་མོ་བརྡབ་པ་ནི་ལག་པ་གཡོན་པ་དང་གཡས་པས་ཨུཏྤ་ལའི་འདབ་མ་སྦྱིན་པའོ། །དེའི་དབྱེ་བ་ནི་གསུམ་སྟེ་བདེ་བའི་སྒྲ་
[146a.2]དང་རྡོ་རྗེ་པདྨའི་སྒྲ་དང་ཨུཏྤལ་གྱི་འདབ་མའི་སྒྲའོ། །སོ་གདབ་པ་ནི་བརྒྱད་དེ་རི་མོ་ལ་སོགས་པའི་དབྱེ་བས་སོ། །སེན་མོ་གདབ་པ་ནི་བརྒྱད་དེ་ནོར་བུའི་ཕྲེང་བ་ལ་སོགས་པའི་དབྱེ་བས་སོ། །འཇམ་པ་སྣུམ་ཞིང་མཉམ་པོར་མི་ཕྱེད་པ། །འཕེལ་བའི་རི་མོ་མེད་པའི་དབྱིབས་དང་ལྡན། །
[146a.3]སེན་མོ་དེ་མཚན་ལྐོག་དང་མཆན་ཁུང་བྲང་། །ཉེད་#པ་རྒྱབ་དང་བརླ་དང་ནུ་མར་རོ། །ཞེས་འབྱུང་ངོ་། །ཉེད་#པ་ནི་གཉིས་ཏེ། །ནུ་མ་ཉེད་པ་དང་། །སྨད་ཉེད་པའོ། །དཔྱང་#ཐག་ནི་བྱ་བའི་ཁྱད་པར་ཏེ་གང་དུ་སྐྱེས་པ་ནི་འོག་ཏུ་དང་ཤེས་རབ་ནི་སྟེང་དུ་དགའ་བར་སྤྱོད་པའོ། །བརྐྱང་པ་ནི་རྐང་པ་དང་རྗེ་
[146a.4]ངར་དང་པུས་མོ་དང་བརླ་བརྐྱང་པས་སྦྱོར་#བའོ། །གྲོང་གི་བྱ་བ་ནི་རྒྱབ་ཏུ་སྦྱོར་བ་སྟེ་བྱོལ་སོང་གི་དགའ་བ་བཞིན་ནོ། །སོགས་པའི་སྒྲས། ཁ་སྦྱར་དང་ནི་ཕྱག་འཚལ་དང་། །པདྨ་དང་ནི་འཁོར་ལོ་འཁོར། །ཞེས་བྱ་བ་ལ་སོགས་པ་གཟུང་ངོ་། །དེ་ལ་སོགས་པའི་བྱ་བ་ནི་སྐྱེད་#པའི་བྱ་བ་
[146a.5]རྣམས་སོ། །དེ་གཙོ་བོར་གྱུར་པའི་རྨོངས་པ་ནི་ཤིན་ཏུ་དགའ་བ་གང་ཡིན་པ་དེས་སོ། །འཇུག་པ་བྱེད་པ་ཤེས་བྱ་དངོས་པོ་དབྱེར་མེད་པའི#། །ཁྱད་པར་སྦྱོར་བ་དེ་ཉིད་དགའ་བ་སྣ་ཚོགས་པ། །འཁོར་བའི་ལམ་ནི་རྒྱས་དང་བསྐུམ་པའི་ཕྱིར། །དེ་ཡི་སྤྲོས་པ་དང་ནི་ཡང་དག་བཤད་པར་
[146a.6]བྱ། །ཞེས་བྱ་བ་རྣམ་པ་#སྣ་ཚོགས་པའི་དགའ་བའི་སྦྱོར་བའི་ཚིགས་སུ་བཅད་པ་འདོད་པའི་བསྟན་བཅོས་ལས་བཤད་དོ། །མུ་ཏིག་གི་ཕྲེང་བ་གཡོ་བ་ནི་ཞེས་བྱ་བ་#ལ་སོགས་པས་#སྙོམས་པར་ཞུགས་པའི་དབང་གིས་རྒྱན་རྣམས་གཡོ་བ་#བསྟན་ཏོ། །ཡུལ་དང་དབང་པོ་ཞེས་པ་ནི་དེ་ལ་ཡུལ་
[146a.7]ནི་ཡུལ་ལྔའི་བདག་ཉིད་ཀྱི་ལྷ་མོ་སྟེ་རེག་བྱ་རྡོ་རྗེ་མའོ། །དབང་པོ་ནི་ཐབས་ཀྱི་རང་བཞིན་བཅོམ་ལྡན་འདས་རྡོ་རྗེ་ཅན་སྤྱོད་པའོ། །དེའི་རྡོ་རྗེ་དང་པདྨ་#ནི་མཚོ་སྐྱེས་དང་གསང་བ་སྟེ་དེ་དག་མཉམ་པར་སྦྱོར་བ་ནི་ཕྲད་པའོ། །རྒྱུ་དེས་ཐབས་སྙོམས་པར་ཞུགས་པ་ནི་ལྟེ་བ་གཉིས་སྦྱོར་བའོ། །
[146b]
[146b.1]དེས་ཨཱ་ལི་དང་ཀཱ་#ལི་ནི་དབྱངས་དང་གསལ་བྱའི་རང་བཞིན་ཏེ་ཁྲག་དང་ཁུ་བའོ། །དེ་དང་ལྡན་པའི་སྲིད་པའི་#གདུགས་ནི་རྩ་དབུ་#མ་སྟེ། བཅོམ་ལྡན་འདས་མི་བསྐྱོད་པའི་རང་བཞིན་ཏེ་ཆུ་རྒྱུ་བའོ། །རུས་སྦལ་ནི་རྩ་གཡས་པ་སྟེ་རྡོ་རྗེ་ཉི་མའི་ངོ་བོ་ཁྲག་རྒྱུ་བའོ། །དེ་བཞིན་དུ་ཟླ་བ་གང་བ་ནི་རྩ་
[146b.2]གཡོན་པ་སྟེ། འོད་དཔག་ཏུ་མེད་པའི་རང་བཞིན་ཤུ་ཀྲ་རྒྱུ་བའོ། །དེ་ཉེ་བར་མཚོན་པ་ཙམ་ཡིན་ཏེ་རྩ་གཉིས་པོ་ནི་གཞན་ནི་ཤར་དང་ནུབ་ཕྱོགས་སུ་གནས་པ་ལྷ་#སྦྱིན་དང་ནོར་རྒྱལ་མ་སྟེ། བཤང་བ་དང་ཤ་རྒྱུ་བ་རྣམ་པར་སྣང་མཛད་དང་དོན་ཡོད་གྲུབ་པའི་རང་བཞིན་ནོ། །དེའི་ནང་ན་
[146b.3]གཙོ་བོ་ཡིན་པས་རྩ་གསུམ་ནི་སྐུ་གསུང་ཐུགས་ཀྱི་རང་བཞིན་སོར་མོ་གསུམ་ནི་མིག་ལ་སོགས་པའི་རང་བཞིན་ཕྱག་རྒྱ་བཞིས་བསྐུལ་བར་བྱ་སྟེ། བདེ་བ་ཆེན་པོ་བསྐྱེད་པའི་ཕྱིར་དང་བྱང་ཆུབ་ཀྱི་སེམས་འཛག་པའི་ཕྱིར་རོ། །དེ་ཉིད་བསྐུལ་བ་སྟེ་དེས་སོ། །དེ་བཞིན་དུ་དགའ་བའི་
[146b.4]སྒྱུ་མའི་སྒྲ་ནི་རྣམ་པ་བརྒྱད་ཀྱི་བདེ་བ་ཆེན་པོའི་སྒྲ་དེས་སོ། །མཆོག་ཏུ་དགའ་བའི་#བདེ་བའི་དེ་ཁོ་ན་ཉིད་བཞི་པའོ། །ཉམས་སུ་མྱོང་བ་ནི་རེག་ནས་སོ། །དེའི་འོག་ཏུ་ཕུང་པོ་ལ་སོགས་པའི་རང་བཞིན་དེ་བཞིན་གཤེགས་པ་གང་ཡིན་པ་དེ་རྣམས་སྤྱི་བོ་ནས་བརྩམས་ཏེ་ཞེས་པ་ནི་ཚངས་
[146b.5]པའི་བུ་ག་ནས་བརྩམས་པའོ། །དྲི་མ་མེད་པའི་ཆར་#རྒྱུན་བཞིན་དུ་ཞེས་པ་ནི་འོ་མའི་རྒྱ་མཚོའི་དབའ་རླབས་#དང་འདྲ་བའོ། །བཞུས་ལ་ནི་དབུས་མའི་ལམ་ནས་རྡོ་རྗེ་རྩེ་མོར་ཕྱིན་པ་དང་། དེ་ལ་ཡང་བདེ་བ་ཆེན་པོ་མྱོང་ནས་སོ། །དེ་ནས་བྱང་ཆུབ་ཀྱི་སེམས་ཀྱི་ངོ་བོ་ཉིད་ནི་ཤུ་ཀྲའི་
[146b.6]གཟུགས་སུ་འཛག་པ་ནི་སྤྲོ་བའོ། །ཆོས་འབྱུང་གི་ནང་དུ་ཡང་དག་པར་བཞག་སྟེ་ཞེས་པ་ནི་རེག་བྱ་རྡོ་རྗེ་མའི་པདྨའི་ནང་གི་ལྟེ་བར་ཤུ་ཀྲའི་ཐིག་ལེ་སྤྲོས་སོ། །འོ་ན་བཅོམ་ལྡན་འདས་སངས་རྒྱས་གྱེན་དུ་རི་ཏ་ཚངས་པར་སྤྱོད་པ་ཡིན་ན་ཇི་ལྟར་ཤུཀྲ་གཏོང་བར་མཛད་ཅེ་ན།
[146b.7]སྨྲས་པ་དགོས་པའི་དབང་གིས་#སངས་རྒྱས་རྣམས་ཀྱི་བྱང་ཆུབ་ཀྱི་#སེམས་སྤྲོ་བ་ཡིན་གྱི། གཞན་དབང་གིས་ནི་མ་ཡིན་ཏེ་སོ་སོ་སྐྱེ་བོ་བཞིན་ནོ། །དགོས་པ་དེ་ཡང་དཀྱིལ་འཁོར་པའི་ལྷའི་འཁོར་ལོ་སྤྲོ་བས།# འགྲོ་བའི་དོན་མཛད་པ་ཞེས་སྐྱོན་མེད་དོ། །དེ་ཉིད་བསྟན་
[147a]
[147a.1]པའི་ཕྱིར། ཞེ་སྡང་ལ་སོགས་པ་ལ་སྤྱོད་པའི་སེམས་ཅན་རྣམས་རྣམ་པར་སྦྱངས་ནས་ཞེས་སྨོས་ཏེ། ཉོན་མོངས་པ་ལྔས་ཁྱབ་པའི་འགྲོ་བ་སྦྱང་བར་བྱ་བའི་ཕྱིར་རོ། །དཀྱིལ་འཁོར་འཁོར་ལོ་ཕྱུང་སྟེ་ཞེས་པ་ནི་པདྨའི་ནང་དང་ཕྱི་རོལ་དུའོ་ཞེས་ཚིག་ལྷག་མའོ། །
[147a.2]ཡང་འོད་གསལ་བ་ལ་ཞུགས་ནས་ཞེས་པ་ནི་དཀྱིལ་འཁོར་རྒྱལ་བ་མཆོག་དང་། ལས་ཀྱི་རྒྱལ་བ་མཆོག་རྫོགས་ནས་བྱ་བ་བྱས་པས་འོད་གསལ་བ་ལ་འཇུག་པའོ། །དེ་ཉིད་ཀྱི་ཁྱད་པར་ནི་རྣམ་པར་རྟོག་པ་མེད་པར་འགྱུར་བ་ཞེས་པ་ནི་ཡང་དག་པའི་#མཐའ་ལ་འཇུག་པའོ། །
[147a.3]ཇི་ལྟར་མེ་ལོང་ལ་ནི་དབུགས། །དེ་ཉིད་དུ་ནི་ཐིམ་འགྱུར་བ། །ཡང་དག་མཐའ་ལ་#རྣལ་འབྱོར་པ། །དེ་བཞིན་གཞན་དང་གཞན་དུ་འཇུག །ཅེས་འབྱུང་ངོ་། །དོན་འདི་ཉིད་སྔར་བཤད་པའོ། །གཟུགས་ལ་སོགས་པའི་ཡུལ་རྣམས་ཞེས་པ་ནི་ཕྱག་རྒྱ་ལ་གནས་པའོ། །རང་
[147a.4]གི་ངོ་བོ་ཉིད་ཡོངས་སུ་ཤེས་པས་ཞེས་པ་ནི་འདོད་པའི་ཡོན་ཏན་ལྔ་དེ་བཞིན་གཤེགས་པ་ལྔར་ཡོངས་སུ་ཤེས་པས་སོ། །མདོར་བསྡུས་#པས་ནི་འདོད་པ་ལྔ། །སངས་རྒྱས་ལྔར་ནི་རབ་ཏུ་གྲགས། །ཞེས་འབྱུང་ངོ་། །མིག་ལ་སོགས་པ་གཅིག་ཏུ་བྱས་པ་ཞེས་པ་ནི་
[147a.5]ཡུལ་དང་དབང་པོ་སྦྱོར་#བའོ། །དེས་ནི་སོ་སོར་སྡུད་པ་དང་བསམ་གཏན་གཉིས་བསྟན་ཏོ། །དེའི་ཚེ་ཀུན་དགའ་བའི་བདེ་བའི་གནས་སྐབས་ནི་ཡུལ་དང་དབང་པོ་དང་ཡང་དག་པར་སྦྱོར་བ་ནི་མཉམ་པ་ཉིད་དོ། །དེ་ལས་བྱུང་བའི་ཀུན་དགའ་ནི་དབྱེ་བ་ལྔའི་རྟོག་པ་#ལ་སོགས་
[147a.6]པའོ། །དེ་ཉིད་བདེ་བ་ནི་སེམས་རྩེ་གཅིག་པ་ཉིད་ཀྱི་མཚན་ཉིད་དོ། །དེའི་གནས་སྐབས་ནི་སྙོམས་པར་ཞུགས་པ་སྟེ། དེ་ཞེས་བྱ་བ་ནི་#ཏིང་ངེ་འཛིན་ཏོ། །སྤྱན་མ་ལ་སོགས་པ་ནི་#ཞེས་པ་ནི་སྤྱན་#ལ་སོགས་པ་དང་དབྱེར་མེད་པའི་རེག་བྱ་རྡོ་རྗེ་མ་སྟེ། ནུ་མ་མ་བྱུང་#བྷ་གའི་མཁར། །སྤྱན་
[147a.7]ལ་སོགས་པ་རྣམ་པར་གནས། །ཞེས་འབྱུང་བས་སོ། །རྣམ་པར་སྣང་མཛད་ལ་སོགས་པའི་རང་བཞིན་ཞེས་པ་ནི་རང་གི་སྐུའི་དཀྱིལ་འཁོར་ལ་གནས་པ་གཟུགས་ལ་སོགས་པའི་རང་བཞིན་རྟག་པ་ལ་སོགས་པའི་ངོ་བོས་སོ། །བསྟན་པ་ལ་སོགས་པའི་བྱ་བ་དང་
[147b]
[147b.1]བྲལ་ཞིང་ཤེས་པ་ནི་ནང་དུ་ཞལ་བལྟས་པས་ལུས་དང་ངག་གི་བྱ་བ་དང་བྲལ་བའོ། །ཡེ་ཤེས་ཀྱི་ཕྱག་རྒྱ་#དང་ཞེས་པ་ནི་སྤྱན་#ལ་སོགས་པའི་ལྷ་མོ་དང་དབྱེར་མེད་པ་རེག་བྱ་རྡོ་རྗེ་མ་དང་ལྷན་ཅིག་སྙོམས་པར་ཞུགས་པའི་བདེ་བ་མྱོང་བར་གྱུར་ཏོ། །བཅོམ་ལྡན་འདས་སྙོམས་པར་
[147b.2]ཞུགས་ན་ཆོ་འཕྲུལ་བསྟན་པའི་ཕྱིར། ནམ་མཁའི་གཏོས་#འདི་བསྟན་ཏོ། །རྡོ་རྗེ་འཆང་གི་ངོ་བོ་ཉིད། །ཞེས་པ་ནི་རྡོ་རྗེ་འཆང་ཆེན་པོའི་ངོ་བོ་ཉིད་དོ། །རྡོ་རྗེ་གསུམ་དང་ཡང་དག་པར་ལྡན་པ་ཞེས་པ་ནི་སྐུ་རྡོ་རྗེ་ལ་སོགས་པའི་ངོ་བོ་རྣམ་པར་སྣང་མཛད་ལ་སོགས་པ་དེ་བཞིན་
[147b.3]གཤེགས་པ་རྣམས་གང་ཡིན་པ་དེ་རྣམས་ཀྱི་ཚོགས་ནི་སྡེས་ཡོངས་སུ་གང་#ཞིང་ཁེངས་པའོ། །དེ་བཞིན་དུ་ཏིལ་གྱི་གོང་#བུ་བཞིན་དུ་ཞེས་བྱ་བ་ནི་དཔེས་ཕན་ཚུན་མ་འདྲེས་པར་གནས་པའོ། །རྡོ་རྗེ་ཆུས་གང་བ་ལྟར་ཞེས་པ་ནི་དཔེ་གཉིས་པ་སྟེ་དེའི་བཤད་པ་ནི་མཆོག་ཏུ་དགའ་བའི་
[147b.4]བུམ་པ་བཞིན་ནོ། །མི་གཡོ་བར་གྱུར་ཏོ་ཞེས་པ་ནི་ཏིང་ངེ་འཛིན་ལ་སྙོམས་པར་ཞུགས་པའི་དེ་བཞིན་གཤེགས་པའི་ཚོགས་ཀྱིས་ནམ་མཁའི་ཁམས་ཡོངས་སུ་གང་བར་འགྱུར་རོ། །རང་གི་དོན་བཤད་ནས་གཞན་གྱི་དོན་བསྟན་པའི་ཕྱིར་དེ་ལྟར་ཞེས་བྱ་བ་ལ་སོགས་པ་སྨོས་ཏེ།
[147b.5]ཁམས་གསུམ་ན་གནས་པ་ཞེས་པ་ནི་ཁམས་གསུམ་གྱི་ཡུལ་དུའོ། །རྡོ་རྗེ་གསུམ་གྱི་རང་བཞིན་ནི། སྐུ་གསུང་ཐུགས་ཀྱི་བདག་ཉིད་ཅན་ནོ། །རྡོ་རྗེ་འཆང་ཆེན་པོའི་བདེ་བས་ཞེས་པ་ནི་བཅོམ་ལྡན་འདས་ལས་འབྱུང་བའི་འོད་ཟེར་གྱི་ཚོགས་ཀྱིས་སོ། །ཡུལ་དུ་བྱས་པས་
[147b.6]ཞེས་པ་ནི་འོད་ཟེར་གྱི་དབང་གིས་དབང་བསྐུར་བའོ། །དེ་བཞིན་གཤེགས་པ་ཐམས་ཅད་ཉིད། །ཅེས་པ་ནི་རྡོ་རྗེ་འཆང་ཆེན་པོ་ཉིད་དོ། །རྡོ་རྗེ་འཛིན་པ་ཆེན་པོ་#ནི་སྐུ་ལ་སོགས་པའི་རང་བཞིན་གྱིས་#རྣམ་པར་སྣང་མཛད་ལ་སོགས་པ་དེ་བཞིན་གཤེགས་པ་གསུམ་ཉེ་བར་
[147b.7]བསྡུ་བར་མཛད་པས་སོ། །སྟོབས་བཅུ་དང་མི་འཇིགས་པ་བཞི་#ལ་སོགས་པ་ཞེས་པ་ནི་གནས་དང་། གནས་མ་ཡིན་པའི་ཡེ་ཤེས་ཀྱི་སྟོབས་ལ་སོགས་པ་དང་། དེ་བཞིན་དུ་ཀུན་དུ་ཟག་པ་ཟད་པའི་ཡེ་ཤེས་ལ་སོགས་པ་མི་འཇིགས་#པ་བཞིའོ། །མྱོང་བར་གྱུར་པ་
[148a]
[148a.1]ཞེས་པ་ནི་མངོན་དུ་མཛད་པའོ། །རྡོ་རྗེ་ནི་རྡོ་རྗེ་འཆང་ཆེན་པོའི་འབྲེལ་པ་དང་ལྡན་པ་འོད་ཟེར་གྱིས་དབང་བསྐུར་བ་ཞེས་པ་ནི་འོད་ཀྱིས་#དབང་བསྐུར་བ་གང་ཡིན་པ་དེ་ནས་བརྩམས་ཏེ། དེ་དག་ཀུན་དུ་བཟང་པོ་ཞེས་བྱ་བ་ནི་ཀུན་དུ་སྟེ་ཐོག་མ་དང་ཐ་#མ་དང་བར་དུ་#བཟང་པོ་
[148a.2]ནི་བསོད་ནམས་དང་ཡེ་ཤེས་ཀྱི་ཚོགས་གང་ལས་ཐོས་#པ་དེ་ནི་ཀུན་དུ་བཟང་པོ་སྟེ། བཅོམ་ལྡན་འདས་རྡོ་རྗེ་འཆང་ཆེན་པོ་དང་འདྲ་བར་གྱུར་ཏོ། །དེ་ཉིད་ཀྱི་ཕྱིར་སྔོན་མ་བྱུང་བའི་དོན་གྱི་མིང་ཅན་དུ་གྱུར་ཏོ་ཞེས་པ་ནི་སྔར་མ་བྱུང་བའི་མིང་དང་ལྡན་པར་གྱུར་ཏོ། །དེ་ལྟར་
[148a.3]ཞེས་བྱ་བ་ལ་སོགས་པས་ཉེ་བར་བསྡུས་པའོ། །སེམས་ཅན་མཉམ་པ་ཉིད་ཅེས་པ་ནི་ཁམས་གསུམ་#ལ་གནས་པའི་སེམས་ཅན་རྣམས་དང་དེ་བཞིན་གཤེགས་པ་རྣམས་མཉམ་པའོ། །གང་གི་ཕྱིར་འཕགས་པ་དང་སོ་སོ་སྐྱེ་བོ་དག་ལ་དོན་དམ་པར་འགའ་ཡང་
[148a.4]དབྱེ་བ་མེད་དེ་#ཆོས་ཉིད་ཀྱིས་ཁྱབ་པའི་ཕྱིར་རོ། །རྡོ་རྗེ་འཛིན་པ་ཆེན་པོའོ་ཞེས་པ་ནི་དེ་རྣམས་བསྐྱེད་པ་དང་། སྡུད་པར་བྱེད་པ་དང་། བདག་པོ་ཡིན་པས་སོ། །རང་གི་སྙོམས་པར་ཞུགས་པའི་བདེ་བ་མྱོང་བ་ནི་རེག་བྱ་རྡོ་རྗེ་མ་དང་སྙོམས་པར་ཞུགས་པ་ལས་བྱུང་བའི་#
[148a.5]དགའ་བ་མངོན་དུ་མཛད་པས་སོ། །སེམས་ཅན་ཐམས་ཅད་ཅེས་པ་ནི་ཁམས་གསུམ་ལ་གནས་པའི་སྐྱེ་བོ་རྣམས་སྙོམས་པར་ཞུགས་པའི་བདག་གིར་#མཛད་པའོ་ཞེས་པ་ནི་ཞལ་གྱིས་བཞེས་པ་སྟེ། དེ་ཁོ་ན་ཉིད་རྟོགས་པ་ལ་ཐབས་གཞན་མེད་པའི་ཕྱིར་རོ། །རྡོ་རྗེ་
[148a.6]ཡེ་ཤེས་ཀྱི་སྤྱོད་པ་ཞེས་པ་ནི་རྡོ་རྗེ་ནི་རྡོ་རྗེ་འཆང་ངོ་། །དེའི་ཡེ་ཤེས་གསུམ་ཉེ་བར་མཚོན་པའི་དོན་དུ་སྤྱོད་པ་ནི་ཡེ་ཤེས་སྤྱོད་པ་སྟེ། སྙོམས་པར་ཞུགས་པའི་སྤྱོད་པའོ། །ཉམས་སུ་མྱོང་བར་མཛད་ནས་ཞེས་པ་ནི་མངོན་དུ་མཛད་ནས་སོ། །སྙོམས་པར་ཞུགས་པ་ལས་བཞེངས་ནས་
[148a.7]ཞེས་པ་ནི་རྡོ་རྗེ་འཆང་ཆེན་པོའི་འོད་ཟེར་གྱིས་དབང་བསྐུར་བས་བཀའ་དྲིན་ཐོབ་པ་སྙོམས་པར་ཞུགས་པའི་བདེ་བ་ལས་སོ། །ཐུགས་རབ་ཏུ་དགྱེས་པར་གྱུར་པས་ཞེས་པ་ནི་ཆོས་ཉིད་ཡོངས་སུ་སྤྱད་#པས་ཐུགས་དགྱེས་པ་ཐོབ་པའོ། །འདོད་ཆགས་ཀྱི་སྤྱོད་
[148b]
[148b.1]པ་ཞེས་པ་ནི་སྙོམས་པར་ཞུགས་པ་ལ་སོགས་པའི་སྤྱོད་པས་སོ། །རྡོ་རྗེ་འཆང་ཆེན་པོ་ཉིད་དུ་ཞེས་པ་ནི་དཔལ་རྡོ་རྗེ་འཆང་གི་གོ་འཕང་ངོ་། །ཐོབ་པ་ནི་ཐོབ་པར་བྱ་བའོ། །ངོ་མཚར་ཞེས་པ་ནི་འགལ་བའི་སྤྱོད་པ་རབ་ཏུ་བསྟན་པས་སོ། །དེ་བཞིན་གཤེགས་པ་ཞེས་བྱ་བ་ལ་
[148b.2]སོགས་པ་#འདོད་ཆགས་#ལ་སོགས་པའི་རྣམ་པར་རྟོག་པ་བསྟན་ཏོ། །ནམ་མཁའི་རྡོ་རྗེའི་དམ་ཚིག་ནི་དེ་བཞིན་གཤེགས་པ་དྲུག་པ་ཞེས་པ་ནི་ནམ་མཁའ་#དང་འོད་གསལ་བ་ཞེས་རྣམ་གྲངས་སོ། །དེ་ཉིད་ནི་#མི་ཕྱེད་པས་ན་རྡོ་རྗེའོ། །དེ་ཉིད་གཤེགས་ཤིང་མངོན་དུ་
[148b.3]མཛད་པས་ན་དམ་ཚིག་གང་ལ་ཡོད་པ་དེ་ནམ་མཁའི་རྡོ་རྗེའི་དམ་ཚིག་ནི་རྡོ་རྗེ་འཆང་ཆེན་པོའོ། །དེ་བས་ན་དྲུག་པ་སྟེ་ལྔའི་རྒྱུར་གྱུར་པའོ། །ཆོས་ཐམས་ཅད་དེ་དང་མཉམ་པའི་ཕྱིར་ཞེས་པ་ནི་གཟུགས་ཀྱི་ཕུང་པོ་ལ་སོགས་པ་ཆོས་ཐམས་ཅད་དེ་དང་འདྲའོ#། །འོད་
[148b.4]གསལ་བ་ཉིད་ཅེས་པ་ནི་སྟོང་པ་ཉིད་ཅེས་བྱ་བའོ། །གཟུགས་ནི་ལྦུ་བ་ལྟ་བུར་བཤད། །ཚོར་བ་ཆུ་བུར་དང་མཚུངས་པ། །འདུ་ཤེས་སྨིག་རྒྱུ་འདྲ་བ་སྟེ། །འདུ་བྱེད་#ཆུ་ཤིང་དང་འདྲ་བ། །སྒྱུ་མ་ལྟ་བུར་རྣམ་པར་ཤེས། །དེ་ལྟར་ཕུང་པོ་རྣམས་བསྟན་པའོ། །ཞེས་
[148b.5]འབྱུང་ངོ་། །འདིར་ནི་ཅུང་ཟད་ཕྱི་ནང་མེད། །ཕན་ཚུན་གྲུབ་པར་བྱ་བའི་ཕྱིར། །བར་ན་མ་ཡིན་མེད་པ་མིན། །སེམས་ཙམ་ལ་ནི་མི་གནས་ཕྱིར། །ཞེས་འབྱུང་བས་སོ། །དེ་བཞིན་དུ། །དབང་པོའི་ཚོགས་ལ་འདོད་ཆགས་མེད། །དོན་ལ་མ་ཡིན་སེམས་ལ་
[148b.6]མིན། །བདག་དང་གཞན་ལ་མི་གནས་དང་། །མེད་མིན་ཡོད་པ་མ་ཡིན་ནོ། །སེམས་ཀྱི་འཁྲུལ་པ་མི་ཤེས་པའི། །འབྲེལ་པ་དང་ལྡན་རྒྱུད་ལས་ནི། །སྤྲིན་གྱི་ནང་ན་ག་ལས་ཀྱང་། །ཐོག་གི་མེ་ལྟར་འབྱུང་བར་འགྱུར། །ཞེས་འབྱུང་ངོ་། །ཐེ་ཚོམ་མེད་པར་
[148b.7]བྱས་པའོ། །ཞེས་པ་ནི་ཆོས་ཐམས་ཅད་ཀྱི་རང་བཞིན་གྱི་འོད་གསལ་བ་བསྟན་པས་སོམ་ཉི་མེད་པར་བྱས་པའོ། །སྤྲོས་ནས་ཞེས་བྱ་བ་ནི་རྒྱས་པར་བཤད་པའོ། །ཆོས་ཐམས་ཅད་འོད་གསལ་བ་ཉིད་དུ་གསུངས་པའི་ཞེས་པ་ནི་སྔར་བཤད་པའི་སྟོང་པ་ཉིད་བསྟན་པའི་#གསུང་
[149a]
[149a.1]ངོ་། །བརྗོད་དུ་མེད་པ་ཡང་ཡིན་ལ་ཆོས་ཉིད་ཀྱང་ཡིན་པས་ན་བརྗོད་དུ་མེད་པའི་ཆོས་ཉིད་ནི་རང་རིག་པ་དང་དངོས་པོ་ཐམས་ཅད་ཀྱི་ཆོས་ཉིད་དོ། །དེ་ཉིད་ལ་བསྒོམ་ཞིང་ཞེས་པ་ནི་དེ་ཉིད་རྗེས་སུ་དྲན་པར་འགྱུར་རོ། །རྡོ་རྗེའི་ཚིག་གི་དོན་ཡིན་ནོ་ཞེས་པ་ནི་དོན་
[149a.2]ཟབ་པའི་ཚིག་ནི་རྡོ་རྗེའི་ཚིག་སྟེ་དེའི་དོན་ནི་བཤད་པའོ། །དེ་ལྟར་ཞེས་བྱ་བ་ནས་ཆོས་ཀྱི་རྣམ་གྲངས་འདི་ལ་ཞེས་པའི་བར་དུ་ནི་རྒྱུད་ཡོངས་སུ་རྫོགས་པས་རྒྱས་གདབ་པ་བསྟན་ཏོ། །རྡོ་རྗེ་འཛིན་པ་ཆེན་པོའི་དམ་ཚིག་རྣམ་པ་གཉིས་དང་ཞེས་པ་ནི་བསྐྱེད་པའི་རིམ་པ་དང་རྫོགས་
[149a.3]པའི་རིམ་པ་ཞེས་བརྗོད་པར་བྱ་བ་བསྟན་ཏོ། །དེ་སྟོན་པར་བྱེད་པའི་རྒྱུད་ཀྱི་རྒྱལ་པོའོ་ཞེས་པ་ནི་དེ་སྟོན་པར་#བྱེད་པའི་གཞུང་གི་ཚོགས་ནི་རྒྱུད་ཀྱི་རྒྱལ་པོ་སྟེ། རྗེ་བཙུན་དཔལ་གསང་བ་འདུས་པ་ཡིན་ནོ་ཞེས་བརྗོད་པ་བསྟན་པ་ཡིན་ནོ། །དེས་#ནི་བརྗོད་པར་བྱ་བ་དང་།
[149a.4]རྗོད་#པར་བྱེད་པའི་བདག་ཉིད་ཀྱི་རྒྱུད་ཀྱི་རྒྱལ་པོ་ཁྱེད་རྣམས་ཀྱིས་བསྟན་པར་གྱིས་ཤིག་གོ་ཞེས་གཏད་པའོ། །ཆོས་ཀྱི་རྣམ་གྲངས་ནི་ཞེས་བྱ་བ་ནི་དཔལ་གསང་བ་འདུས་པའོ། །འདི་ལ་སྐལ་བ་དང་ལྡན་པའོ་ཞེས་པ་ནི་རྩོད་པའི་དུས་སུའོ། །སེམས་ཅན་རྣམས་ཐོས་
[149a.5]པ་དང་བསམ་པ་དང་བསྒོམ་པ་ལ་སྐལ་བ་དང་ལྡན་པ་ཡིན་ནོ། །འདོད་ཆགས་ལས་བྱུང་བའི་བྱང་ཆུབ་ཀྱི་གནས་ཞེས་པ་ནི་རྡོ་རྗེ་འཆང་ཉིད་ཀྱི་གོ་འཕང་ངོ་། །དེ་ཐོབ་པ་ནི་ཉེ་བར་དམིགས་པའོ། །དེ་སྣོད་དུ་གྱུར་པའི་ཕྱིར་ཞེས་པ་ནི་དེ་ལ་སྐལ་བ་དང་ལྡན་པ་ཡིན་ཏེ་འདོད་
[149a.6]པའི་ཁམས་ཀྱི་སེམས་ཅན་རྣམས་འདོད་ཆགས་གཙོ་བོ་ཡིན་པའི་ཕྱིར་རོ། །དེ་ལྟར་ཞེས་བྱ་བ་ནས་འདིའི་དོན་ནི་འདི་ཡིན་ཏེ་ཞེས་པའི་བར་དུ་ནི་ཆོས་ཀྱི་མཛོད་དང་འདྲ་བའི་དཔལ་གསང་བ་འདུས་པའི་རྒྱུད་ཀྱི་རྒྱལ་པོ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ལག་ན་
[149a.7]རྡོ་རྗེ་ལ་བསྟན་#ཏོ་ཞེས་བསྟན་ཏོ། །དེ་བཞིན་གཤེགས་པ་ཐམས་ཅད་ལས་གཅིག་ནས་གཅིག་ཏུ་བརྒྱུད་དེ། རྡོ་རྗེ་འཆང་གི་#ཞལ་ནས་དེ་བཞིན་གཤེགས་པས་#ཐོས་པ་དང་། དེ་རྣམས་ལས་ལྷ་མོ་དང་བྱང་ཆུབ་སེམས་དཔའ་དང་། དེ་རྣམས་ལས་ལྷ་རྣམས་ཀྱིས་དང་། དེ་
[149b]
[149b.1]རྣམས་ལས་ལྷ་དང་ལྷ་མ་ཡིན་གྱིས་དང་། དེ་རྣམས་ལས་མི་ཡིས་ཐོས་པར་གྱུར་པས་འབྲེལ་པ་དྲུག་གི་རིགས་#པ་རྒྱུད་ཀྱི་རིམ་པ་ལས་འབྱུང་བའོ། །བལྟ་བར་བྱ་བ་མ་ཡིན་པ། །ཞེས་པ་ནི་སྤང་བར་བྱ་བ་མ་ཡིན་པའོ། །དེ་བལྟས་ན་#དམྱལ་བར་འགྲོ་བ་ཡིན་པའི་ཕྱིར་རོ། །
[149b.2]སྐུ་གསུང་ཐུགས་ཀྱི་གསང་བ་ཞེས་པ་ནི་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པ་གསུམ་གྱི་རང་བཞིན་གྱི་ཡི་གེ་གསུམ་གྱི་བདག་ཉིད་ནི་གསང་བའོ། །དེ་ལྟར་ཞེས་པ་ནི་རྩོད་པའི་དུས་སུའོ། །ངས་#ཞེས་བྱ་བ་ནི་རྡོ་རྗེ་འཆང་ཆེན་པོས་སོ། །བཤད་པ་
[149b.3]ནི་ཉེ་བར་བསྟན་#པའོ། །ཡིད་ལ་ཞོག་ལ་ཞེས་པ་ནི་བརྗོད་པར་བྱ་བ་དང་། རྗོད་པར་བྱེད་པ་རྒྱུད་ཀྱི་རྒྱལ་པོའོ། །ཐོས་པ་དང་བསམ་པ་#བསྒོམས་ནས་མ་འོངས་པའི་སེམས་ཅན་རྣམས་ལ་ཕན་པ་དང་གྲོལ་བའི་ཕྱིར་བསྟན་#པར་ཟུང་ཤིག་#ནི་བདག་མྱ་ངན་ལས་འདས་པར་
[149b.4]གཤེགས་པར་གྱུར་ནས་#གང་གིས་ཀྱང་ཁྱོད་སྡུད་པ་པོར་འགྱུར་རོ། །རྣམ་པར་སྣང་མཛད་ལ་སོགས་པ་སྐུ་རྡོ་རྗེ་ལ་སོགས་པ་ལྔའོ། །གཞུང་དུ་བྱས་པའི་ཞེས་པ་ནི་གླེགས་བམ་ཉིད་དུ་ཐོབ་པ་སྟེ། ཡི་གེའི་གཟུགས་ཡིན་པས་སོ། །བསྟན་པའི་ཕྱིར་ཞེས་བྱ་
[149b.5]བ་ནི་རྣམ་པ་སྣ་ཚོགས་པའི་དོན་དང་ལྡན་པའི་ངག་#ཚིག་གོ། །སྤོབས་པ་དཔག་ཏུ་མེད་པའི་ཞེས་བྱ་བ་ནི་གཟུངས་དང་སོ་སོར་ལྡན་པས་སོ། །གཞུང་དང་དོན་དང་ངེས་པའི་ཚིག་དང་སོ་སོར་སྣང་བ་སྟེ་སོ་སོ་ཡང་དག་པར་རིག་པ་དང་ལྡན་པ་ལག་ན་རྡོ་རྗེ་ཡིན་ནོ། །གཙོ་
[149b.6]བོ་ནི་ནུས་པ་དང་ལྡན་པའོ། །དབང་བསྐུར་ཞིང་རྗེས་སུ་གནང་བ་#སྟེ། དེ་བཞིན་གཤེགས་པ་ཐམས་ཅད་ཀྱིས་སོ། །གསུང་གི་རྡོ་རྗེ་གཙོ་བོ་ཡིན་པའོ་#ཞེས་པ་ནི་ལག་ན་རྡོ་རྗེ་སྡུད་པ་པོ་ལ་དབང་ཡོད་པའི་ཕྱིར་རོ། །དེ་བཞིན་གཤེགས་པའི་གསུང་ཞེས་བྱ་བ་ལ་
[149b.7]སོགས་པ་#སྡུད་པ་པོས་བཞེད་པ་བསྟན་ཏོ། །རྒྱུད་བསྟན་པའི་འོག་ཏུ་ཞེས་བྱ་བ་ལ་སོགས་པས་དཀྱིལ་འཁོར་གྱི་འཁོར་ལོ་ཉེ་བར་བསྡུ་བའི་སྒོ་ནས་རྫོགས་པ་ཉིད་དུ་བསྟན་ཏོ། །བརྗོད་དུ་མེད་པའི་ཞེས་བྱ་བ་ནི་གཟུགས་དང་ཡོན་ཏན་ལ་སོགས་པ་རྩིས་#ལས་
[150a]
[150a.1]འདས་པའོ། །རིགས་ལྔ་དང་ལྡན་པའོ་ཞེས་པ་ནི་དེ་བཞིན་གཤེགས་པ་དང་ལྷ་མོ་དང་བྱང་ཆུབ་སེམས་དཔའ་ཁྲོ་བོ་རྣམས་སོ། །སྤྲུལ་པའི་སྐུའི་གཟུགས་ཅན་ཞེས་པ་ནི། དཀྱིལ་འཁོར་རྒྱལ་བ་མཆོག་གི་ཏིང་ངེ་འཛིན་གྱི་དབུས་#སུ་སྤྲོས་པའོ། །དེ་
[150a.2]རྣམས་བསྟན་པའི་ཕྱིར། མཐའ་ཡས་པའི་ཞེས་སྨོས་ཏེ། གཟུགས་དང་ཡོན་ཏན་ལ་སོགས་པ་དང་གྲངས་ཀྱིས་མཐའ་ཡས་པ་སྟེ། ཏིང་ངེ་འཛིན་ནི་མཐའ་ཡས་པ་ཞེས་ལེའུ་བཅུ་གསུམ་པ་ལས་གསུངས་སོ། །སངས་རྒྱས་ནི་དེ་བཞིན་གཤེགས་པ་ལྔའོ། །བྱང་
[150a.3]ཆུབ་སེམས་དཔའ་ནི་སའི་སྙིང་པོ་ལ་སོགས་པའོ། །ཡང་ན་བྱང་ཆུབ་ནི་སྤྱན་མ་ལ་སོགས་པ་དང་གཟུགས་རྡོ་རྗེ་མ་ལ་སོགས་པའོ། །སེམས་དཔའ་ནི་སའི་སྙིང་པོ་ལ་སོགས་པའོ། །ཁྲོ་བོ་ནི་གཤིན་རྗེ་མཐར་བྱེད་ལ་སོགས་པའོ། །ཉེ་བར་བསྡུ་བ་བསྟན་པའི་ཕྱིར། རྣམ་
[150a.4]པར་སྣང་མཛད་ལ་སོགས་པ་ཞེས་སྨོས་ཏེ#། དེ་ལས་སའི་སྙིང་པོ་བྱམས་པ་དང་། སྤྱན་མ་དང་། གཟུགས་རྡོ་རྗེ་མ་དང་། གཤིན་རྗེ་མཐར་བྱེད་དང་། འདོད་པའི་རྒྱལ་པོ་རྣམས་རྣམ་པར་སྣང་#མཛད་ལ་འཇུག་གོ། །ལག་ན་རྡོ་རྗེ་དང་། ནམ་མཁའི་སྙིང་པོ་དང་། མཱ་
[150a.5]མ་ཀཱི་དང་། སྒྲ་རྡོ་རྗེ་མ་དང་། ཤེས་རབ་མཐར་བྱེད་མ་#དང་། མི་གཡོ་བ་ནི་མི་བསྐྱོད་པ་ལ་འཇུག་གོ། །འཇམ་དཔལ་དང་། འཇིག་རྟེན་དབང་ཕྱུག་དང་། གོས་དཀར་མོ་དང་། དྲི་རྡོ་རྗེ་མ་དང་། པདྨ་མཐར་བྱེད་མ་#དང་། དབྱུག་སྔོན་ནི་འོད་དཔག་ཏུ་མེད་པ་ལ་
[150a.6]འཇུག་གོ། །སྒྲིབ་པ་ཐམས་ཅད་རྣམ་པར་བསལ་#བ་དང་། ཀུན་དུ་བཟང་པོ་དང་། རོ་རྡོ་རྗེ་མ་དང་། སྒྲོལ་མ་དང་། བགེགས་མཐར་བྱེད་དང་སྟོབས་པོ་ཆེ་ལས་ཀྱི་རིགས་ཅན་ཕྲག་དོག་གི་ངོ་བོ་ཡིན་པས་ཞེ་སྡང་གི་རིགས་ཡིན་ནོ་ཞེས་ཐུགས་རྡོ་རྗེ་ལ་འཇུག་གོ། །གནོད་
[150a.7]མཛེས་ཀྱི་རྒྱལ་པོ་ནི་མི་བསྐྱོད་པ་ལའོ། །གཙུག་ཏོར་འཁོར་ལོས་སྒྱུར་#བ་ནི་རྣམ་པར་སྣང་མཛད་ལ་འཇུག་གོ། །དེ་རྣམས་ཀྱི་ནང་ན་སྤྲུལ་པ་གཞན་ནི་རིགས་དང་མཐུན་པས་རང་རང་གི་རིགས་ལ་རྗེས་སུ་འབྲང་བ་ལ་འཇུག་གོ། །རྣམ་པར་སྣང་མཛད་ལ་སོགས་པ་གང་
[150b]
[150b.1]ལ་འཇུག་གོ། །ཞེས་རྟོག་ན་དེ་ལ་རྣམ་པར་སྣང་མཛད་ལ་སོགས་པ་ཞེས་བྱ་བ་ལ་སོགས་པ་#སྨོས་ཏེ། སྲིད་པ་གསུམ་གྱི་གནས་འདི་ན། །ཞེས་པ་ནི་ཁམས་གསུམ་གྱི་གནས་ལའོ། །སྒོ་ང་ལས་སྐྱེས་པ་ལ་སོགས་པ་ནི་རྣམ་པ་བཞིའི་སེམས་ཅན་གྱི་ཁམས་སོ། །མཆོག་ནི་ནམ་#
[150b.2]མཁའ་ལ་སྤྱོད་པ་སྟེ་ལྷ་ལ་སོགས་པའོ། །འབྲིང་ནི་ས་ལ་སྤྱོད་པ་སྟེ་མི་ལ་སོགས་པའོ། །ཐ་མ་ནི་ས་འགོ་#ན་གནས་པ་སྟེ་དམྱལ་བ་ལ་སོགས་པའོ། །དེ་རྣམས་ཀྱི་ཚོགས་ནི་རེ་ཞིག་རྣམ་པར་སྣང་མཛད་ཡིན་ནོ་ཞེས་པ་ནི་རྣམ་པར་དག་པའོ། །ལུས་རྣམ་པར་སྣང་མཛད་
[150b.3]མི་#ཞེས་པ་ལ་ཁམས་གསུམ་གྱི་ལུས་དང་རྣམ་པར་སྣང་མཛད་ཐ་མི་དད་པའོ། །དམ་ཚིག་བསྟན་པའི་ཕྱིར་རྟེན་དང་བརྟེན་པ་ཉིད་དུ་ཞེས་པ་ནི་ལ་ལ་ནི་རྟེན་དང་བརྟེན་པ་ཐ་དད་པའི་བཤད་པར་འདོད་པ་སྟེ། དཔེར་ན་ས་ལ་འདུག་པ་དང་། ཤིང་རྟ་ལ་འདུག་#པ་དང་རྫ་མར་
[150b.4]འཚེད་པའོ། །ལ་ལ་ནི་ཐ་མི་#དད་པ་སྟེ་ཤིང་ལ་ཡལ་ག་དང་གདོང་ལ་མིག་དང་སྣ་ལ་བུག་པ་ཞེས་བྱ་བ་ལ་སོགས་པ་བཞིན་ནོ། །དེ་བཞིན་དུ་ཁམས་གསུམ་ཐམས་ཅད་ཀྱི་ལུས་དང་། རྣམ་པར་སྣང་མཛད་ལ་ཐ་དད་མེད་དོ། །དེ་ཉིད་བསྟན་པའི་ཕྱིར་དེ་བཞིན་གཤེགས་པ་
[150b.5]ཐམས་ཅད་ཀྱི་མཉམ་པ་ཉིད་ཅེས་པ་ནི་རྡོ་རྗེ་#འཆང་ཆེན་པོའི་སྐུ་མཉམ་པ་ཉིད་ལ་དམིགས་#པར་གྱུར་ཏོ། །དེ་བཞིན་དུ་གསུང་མཉམ་པ་ཉིད་དུ་#ཐུགས་མཉམ་པ་ཉིད་དོ། །འོད་དཔག་ཏུ་མེད་པ་དང་མི་བསྐྱོད་པ་དག་ལ་ཕྱེ་ནས་བཤད་པར་བྱའོ། །འདིར་བསྡུས་#པའི་དོན་
[150b.6]འདི་ཡིན་ཏེ་ལས་ཀྱི་རྒྱལ་བ་མཆོག་གི་ཏིང་ངེ་འཛིན་གྱི་མཐར། དཀྱིལ་འཁོར་གྱི་འཁོར་ལོ་མ་ལུས་པ་སྐུ་གསུང་ཐུགས་ཀྱི་རིགས་ལ་བསྡུས་ཏེ། རྣམ་པར་སྣང་མཛད་ལ་སོགས་པ་གསུམ་པོ་ཡང་སྤྱི་བོ་དང་ལྐོག་མ་དང་སྙིང་གའི་ཕྱོགས་ལ་གནས་པའི་ཡི་གེ་
[150b.7]གསུམ་ལ་འཇུག་ཅིང་། ཨོཾ་དང་ཨཱཿདག་ཀྱང་ཡི་གེ་ཧཱུཾ་ལ་འཇུག་ཅིང་རྡོ་རྗེ་འཆང་ཆེན་པོ་རེག་བྱ་རྡོ་རྗེ་མ་དང་བཅས་པ་དེ་#ཉིད་ལ་ཐིམ་སྟེ། ཡི་གེ་ཧཱུཾ་ཡང་ཆ་ཤས་ཀྱི་དབྱེ་བས་ཡོངས་སུ་ཐིམ་པར་འགྱུར་ལ། འབའ་ཞིག་དྲི་མ་མེད་པ་མཐའ་ཡས་པ་ནམ་མཁའ་དང་
[151a]
[151a.1]འདྲ་བར་གནས་པར་བྱའོ། །མཐར་ཐུག་པ་གསུངས་པ་ཡིན་ནོ་ཞེས་པས་ནི་གཞུང་རྫོགས་པ་བསྟན་ཏོ། །སློབ་དཔོན་གྱི་ཞལ་སྔ་ནས་ཀྱི་བཀའ་དྲིན་གྱིས་ཞེས་པ་ནི་སློབ་དཔོན་ཟླ་བ་གྲགས་པས་རང་གི་བླ་མ་ལ་བསྟོད་པ་བསྟན་ཏེ། སློབ་དཔོན་གྱི་ཞལ་སྔ་ནས་ཞེས་པ་ནི་འཕགས་
[151a.2]པ་ཀླུ་སྒྲུབ་ཀྱི་ཞལ་སྔ་ནས་ཀྱིས་སོ།# །དེ་རྣམས་ཀྱི་བཀའ་དྲིན་གྱིས་ཞེས་པ་ནི་རྗེས་སུ་བཟུང་བས་#སོ། །རྒྱུད་ནི་དཔལ་གསང་བ་འདུས་པའི་རྒྱུད་ཀྱི་རྒྱལ་པོ་ལའོ། །དོན་དང་ཚུལ་ནི་#བསྐྱེད་པའི་རིམ་པའོ། །ཆོས་ཉིད་ནི་རྫོགས་པའི་རིམ་པའོ། །དེའི་ཡུལ་དུ་རེ་ཞིག་
[151a.3]བདག་ནི་སོམ་ཉི་དང་བྲལ་བ་ཞེས་པ་ནི་འཁྲུལ་#པ་མེད་པའོ། །གཞན་འགའ་#ཞིག་ཅེས་པ་ནི་ཐེ་ཚོམ་གཅིག་ཅིག་ཡོད་དེ།# དེ་ཉིད་བསྟན་པའི་ཕྱིར། མཐའ་དྲུག་གི་བཤད་པ་ནི་སྔར་བཤད་པའོ། །དེ་ལ་རྒྱབ་ཀྱིས་#ཕྱོགས་པ་ཞེས་བྱ་བ་#ནི་ཕྱི་རོལ་དུ་སོང་བའོ། །
[151a.4]སྔགས་པ་ཞེས་པ་ནི་འགྲེལ་པ་མཁན་རྣམས་སོ། །སྒྲ་ཇི་བཞིན་དུ་གསུངས་པ་ཞེས་པ་ནི་སྒྲ་ཙམ་གྱི་དོན་ལ་བརྟེན་ཏེ་འཆད་པར་བྱེད་པའོ། །དེ་ཉིད་ཀྱི་ཕྱིར་རང་གི་སློབ་དཔོན་གྱི་མན་ངག་གིས་ནི་ཞེས་པ་ལ་#རང་བཟོ་ལས་བྱུང་བའི་མན་ངག་གིས་སོ། །དེ་ལ་མངོན་པར་བྱང་ཆུབ་
[151a.5]པའི་རྣམ་པ་ལྔ་ཞེས་པ་ནི་མེ་ལོང་ལྟ་བུ་ལ་སོགས་པའི་ཡེ་ཤེས་ཀྱི་རང་བཞིན་གྱི་ཟླ་བ་དང་ཉི་མ་དང་། ས་བོན་ལས་ཕྱག་མཚན་དང་སྤྲོ་བ་དང་བསྡུ་བ་དང་སྐུ་རྫོགས་པའི་རིམ་པ་སྟེ། དཔེར་ན་སློབ་དཔོན་དཔལ་གྱི་སྡེས་བྱས་པ་བཞིན་ནོ། །དེ་བཞིན་དུ་ཟླ་བ་ལ་སོགས་པའི་རིམ་པས་
[151a.6]ནི་གཞན་གྱིས་མི་ཐུབ་པའི་སྦས་པ་#བཞིན་ནོ། །སྲིད་པའི་#རིམ་པ་ནི་སྲིད་པ་ནི་#གསུམ་སྟེ། འཆི་བའི་སྲིད་པ་དང་། སྲིད་པ་བར་དོ་དང་། སྐྱེ་བའི་སྲིད་པའོ། །དེ་ལ་སྟོང་པ་ཉིད་བསྒོམ་པ་ནི་འཆི་བའི་སྲིད་པའོ། །བར་སྣང་ལ་ཡི་གེ་ཧོ་གཉིས་ཀྱིས་སྤེལ་བའི་ཡི་གེ་གསུམ་བསྒོམ་པ་#
[151a.7]སྲིད་པ་བར་#དོའོ། །བསྙེན་པ་ལ་སོགས་པའི་རིམ་པས་ལྷའི་རྣམ་པས་བསྐྱེད་པ་ནི་སྐྱེ་བའི་སྲིད་པའོ། །དེ་རྣམས་བསྐྱེད་པ་#ནི་སྲིད་པའི་བསྐྱེད་པའོ། །དེའི་རིམ་པ་ནི་སྲིད་པའི་བསྐྱེད་པའི་རིམ་པའོ། །དེ་ཡོངས་སུ་དག་པའི་ལྷའི་རྣལ་འབྱོར་ནི་བསྐྱེད་པའི་རིམ་པའོ། །#དེ་སློབ་པ་ནི་བཤད་པ་དང་བསྒོམ་པའོ། །
[151b]
[151b.1]རེ་ཞིག་དེ་ནི་རིགས་ཏེ། གང་གི་ཕྱིར་གལ་ཏེ་དེ་རྣམས་རྣལ་འབྱོར་བཞིའི་བདག་ཉིད་ཅན་ནི་དང་པོ་སྦྱོར་བ་དང་། དཀྱིལ་འཁོར་རྒྱལ་བ་མཆོག་དང་། ལས་ཀྱི་རྒྱལ་བ་མཆོག་གིས་ཕྱེ་བའི་ཏིང་ངེ་འཛིན་གསུམ་གྱི་བདག་ཉིད་ཀྱི་བསྐྱེད་པའི་རིམ་པ་མི་ཤེས་ཀྱང་དེ་བཞིན་དུ་ལུང་དང་མི་
[151b.2]འགལ་བའི་མངོན་པར་བྱང་ཆུབ་པ་རྣམ་པ་ལྔ་ལ་སོགས་པའི་རིམ་པས་རྟོགས་པར་བྱེད་པ་ན་#མི་འགལ་ལོ#། །བསམ་པའི་དབྱེ་བས་བཅོམ་ལྡན་འདས་ཀྱིས་གསུངས་པ་ལ་ཐ་དད་པར་རྗེས་སུ་འབྲང་བ་ཡོད་#པའི་ཕྱིར་རོ། །ཡོངས་སུ་དག་པའི་ལྷའི་རྣལ་འབྱོར་པ་ཡང་ཞེས་པ་ནི་
[151b.3]རྫོགས་པའི་རིམ་པ་#སྟེ་རིམ་པ་ལྔའི་མན་ངག་གི་བདག་ཉིད་དོ། །རྟོག་པ་ཐམས་ཅད་ལས་འདས་པ་ཞེས་པ་ནི་རྣམ་པར་མི་རྟོག་པའི་ཡེ་ཤེས་ཀྱི་རང་བཞིན་ནོ། །དེ་བས་ན་སོ་སོ་#རང་གིས་རིག་པ་ཞེས་པ་ནི་རང་གིས་མྱོང་བའོ། །སངས་རྒྱས་རྣམས་ཀྱི་སྤྱོད་ཡུལ་ཞེས་པ་ནི་རིན་
[151b.4]པོ་ཆེ་ལྟ་བུའི་གང་ཟག་རྣམས་ཀྱི་སྤྱོད་ཡུལ་ལོ། །ཕུང་པོའི་རིན་པོ་ཆེའི་ཟ་མ་ཏོག་གི་ནང་ན་གནས་པ་ཞེས་པ་ནི་རང་གི་ལུས་པོའི་ནང་ན་གནས་པ་སྟེ་བླ་མའི་མན་ངག་མེད་པས་མི་རྙེད་དེ#། ཡོད་པ་དང་མེད་པའི་ཕྱོགས་དང་བྲལ་བ་#ཞེས་པ་ནི་ཟུང་དུ་འཇུག་པའི་བདག་ཉིད་དོ། །ཡི་གེ་#
[151b.5]རྗེས་སུ་འབྲང་བ་ཞེས་པ་ནི་དོན་དམ་པ་སྤོང་#བྱེད་ཚིག་དང་བྱེད་པ་པོ་དང་རྟགས་ལ་སོགས་པའི་དབྱེ་བས་རྒོལ་བར་བྱེད་པའོ། །རྟོག་གེ་པ་ཞེས་པ་ནི་ཕྱོགས་དང་གཏན་ཚིགས་#དང་དཔེ་སྨྲ་བ་རྣམས་ཀྱི་སྤྱོད་ཡུལ་མ་ཡིན་ནོ། །འོན་ཀྱང་བླ་མའི་མན་ངག་ནི་རྡོ་རྗེ་སློབ་དཔོན་གྱི་མན་ངག་གོ། །
[151b.6]འབའ་ཞིག་ནི་རྟོག་གེ་ལ་ནི་མི་ལྟོས་#པས་སོ། །ཤེས་པ་ནི་དེས་ཐོས་#པ་ཡིན་ནོ། །དེ་ལྟ་བུ་ནི་སྔར་བཤད་པ་ཡིན་ནོ། །ལྷའི་དེ་ཁོ་ན་ཉིད་དེ་#རྫོགས་པའི་རིམ་པའོ། །དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་ཞེས་པ་ནི་བཅོམ་ལྡན་འདས་ཤཱཀྱ་#ཐུབ་པ་ནུབ་པར་གྱུར་པས་སོ། །དེ་
[151b.7]བཞིན་དུ་དེའི་སྤྲུལ་པའི་སྐུའི་རང་བཞིན་གྱི་ལག་ན་རྡོ་རྗེ་ལ་སོགས་པ་སྡུད་པ་པོ་གང་ཡིན་པ་དེ་རྣམས་ཀྱང་མེད་པར་གྱུར་པ་ནི་བདག་ཅག་དང་འདྲ་བ་ལ་#ལྐོག་ཏུ་གྱུར་པའོ། །ཕྱི་མའི་དུས་ནི་རྩོད་པའི་དུས་སོ། །སངས་རྒྱས་ཀྱིས་ཡང་དག་པར་བཤད་པ་ཞེས་པ་ནི་དེ་བཞིན་གཤེགས་
[152a]
[152a.1]པ་རྣམས་ཀྱི་མན་ངག་སྟེ་རྫོགས་པའི་རིམ་པའོ། །རྒྱུན་མ་ཆད་པ་ནི་རྒྱུན་གྱིས་སོ། །སུ་ཞིག་ཅེས་པ་ནི་སྐྱེས་བུ་འཆད་པ་པོ་གང་ཞིག་གིས་སོ། །སྟོན་པར་འགྱུར་ཞེས་པ་ནི་འཆད་པར་འགྱུར་བའོ། །གདུལ་བྱའི་སེམས་ཅན་རྣམས་ཀྱི་རྒྱུད་ལ་ཞེས་པ་ནི་སློབ་
[152a.2]མའི་རྒྱུད་ལའོ། །ཇི་ལྟར་འཇུག་པར་འགྱུར་ཞེས་པ་ནི་ཇི་ལྟར་རྒྱས་པར་འགྱུར་རོ་ཞེས་བདག་ལ་ཐེ་ཚོམ་ཆེན་པོའོ། །རེ་ཞིག་དེ་བདག་#སུ་ཞིག་གིས་ཀྱང་གསལ་བར་མི་ནུས་ཏེ། འོན་ཀྱང་ཐེ་ཚོམ་དེ་བཅོམ་ལྡན་འདས་ཀྱིས་ལུང་བསྟན་པས་སེལ་བར་འགྱུར་རོ། །དེ་ཉིད་
[152a.3]བསྟན་པའི་ཕྱིར། མ་འོངས་པ་ཞེས་བྱ་བ་ལ་སོགས་པ་སྨོས་ཏེ། དེ་ལ་ལང་ཀར་གཤེགས་པའི་མདོ་ལས་འཇམ་དཔལ་གྱིས་#ཞུས་པ་ལས་བཅོམ་ལྡན་འདས་ཀྱིས་གསུངས་པ། རྟོག་གེ་རྣམས་ཀྱི་ཞེས་བྱ་བ་ལ་སོགས་པ་ཚིགས་སུ་བཅད་པ་བཞི་ནི་གོ་སླའོ། །རིམ་པ་འདི་ནི་ཞེས་
[152a.4]པ་ནི་ལུང་བསྟན་པའི་རིམ་པས་སོ། །ཇི་སྲིད་འཇིག་རྟེན་ནི་འཛམ་བུ་གླིང་ལའོ། །དམ་པའི་ཆོས་གནས་པ་ཞེས་པ་ནི་ཕྱི་མའི་ལོ་ལྔ་བརྒྱ་སྤངས་#ཏེ། དམ་པའི་ཆོས་ནུབ་པས་སོ། །དེ་སྲིད་ཀྱི་བར་དུ་རྡོ་རྗེ་ཐེག་པ་ནི་སྔགས་ཀྱི་ཚུལ་ལོ། །རྣལ་འབྱོར་ཆེན་པོའི་རྒྱུད་ཀྱི་ལུང་ལ་བརྟེན་ནས་ཞེས་པ་ནི་
[152a.5]དཔལ་གསང་བ་འདུས་པའི་རྒྱུད་ཀྱི་རྒྱལ་པོ་ལ་བརྟེན་ནས་སོ། །བསྐྱེད་པའི་རིམ་པའི་གོ་རིམས་ཀྱིས། །#ཞེས་པ་ནི་ཡོངས་སུ་དག་པའི་ལྷའི་རྣལ་འབྱོར་གྱི་#རིམ་པས་སོ། །རྫོགས་པའི་རིམ་པ་རྟོགས་པར་བྱ་བ་#ཞེས་པ་ནི་ཡོངས་སུ་དག་པའི་ལྷའི་རྣལ་འབྱོར་མངོན་དུ་བྱེད་
[152a.6]པས་སོ། །སློབ་དཔོན་ཆེན་པོ་ཀླུ་སྒྲུབ་ཀྱི་ཞལ་སྔ་ནས་ཞེས་པ་ནི་བདག་ཅག་གི་བླ་མ་རྣམས་སོ། །བརྩམས་ཏེ་ཞེས་པ་ནི་བརྟེན་ནས་སོ། །གཏེར་དང་འདྲ་བ་ནི་རིན་པོ་ཆེ་བཞིན་ནོ། །སློབ་དཔོན་རྣམས་བརྒྱུད་པའི་རིམ་གྱིས་ཞེས་པ་ནི་གཅིག་ནས་གཅིག་གི་རིམས་པས#། །བླ་མའི་
[152a.7]ཞལ་ནས་ཞེས་པ་ནི་རང་བཟོ་མ་ཡིན་ནོ། །གསང་བ་འདུས་པ་ཞེས་པ་ནི་བདག་ཅག་དང་འདྲ་བའོ#། །ཚེ་འདི་ཉིད་ལ་ཞེས་པ་ནི་བརྩོན་འགྲུས་རབ་ཡིན་པ་སྐྱེ་བ་གཞན་ལ་མ་ཡིན་ནོ། །སངས་རྒྱས་ཉིད་དུ་འགྱུར་བ་ནི་རིན་པོ་ཆེ་ལྟ་བུ་གང་ཟག་རྣམས་ཀྱིའོ་རྒྱུད་ལ་འཕོ་བའོ་ཞེས་པ་ནི་སེམས་ཀྱི་རྒྱུད་ལ་
[152b]
[152b.1]འཇུག་པ་སྟེ་མེ་ལོང་ལ་གཟུགས་བརྙན་བཞིན་ནོ། །དེ་ལྟར་ཞེས་བྱ་བ་ལ་སོགས་པས་ཡང་ཉེ་བར་བསྡུ་བའི་སྒོ་ནས་བླ་མའི་ཞལ་སྔ་ནས་#བསྟོད་པ་བསྟན་ཏེ། #ཉིད་ཀྱི་དོན་རྗེས་སུ་བརྙེས་ནས་སོ་ཞེས་པ་ནི་ཉེ་བར་མཚོན་པ་ཙམ་ཡིན་ཏེ། གཞན་གྱི་དོན་ཕུན་སུམ་ཚོགས་པ་ཡང་བརྙེས་པའོ། །
[152b.2]#དེ་ཉིད་བསྟན་པའི་ཕྱིར། རྡོ་རྗེ་འཆང་ཆེན་པོའི་ཏིང་ངེ་འཛིན་ནི་#འཇིག་རྟེན་པ་རྣམས་ལ་བསྟན་ནས་ཞེས་པ་ནི་མདོར་བསྡུས་པའི་སྒྲུབ་ཐབས་དང་། མདོ་སྡེ་#དང་། དཔལ་རྡོ་རྗེ་ཧཱུཾ་མཛད་ཀྱི་སྒྲུབ་ཐབས་དང་། རིམ་པ་ལྔ་པ་དང་། རྒྱུད་ཀྱི་འགྲེལ་པ་ལ་སོགས་པའི་གཞུང་གཞན་ལ་བརྟེན་#
[152b.3]ནས་སོ། །ལྷ་དང་མིའི་བདེ་བ་ལས་འདས་ཤིང་ཞེས་པ་ནི་མྱ་ངན་ལས་འདས་པ་ཐོབ་པས་སོ#། །སྐྱེ་བ་དང་འགག་པ་དང་བྲལ་བའི་ཞེས་པ་ནི་ཆོས་ཀྱི་སྐུའོ། །རྣམ་པ་ཐམས་ཅད་མཆོག་དང་ལྡན་པ་ཞེས་པ་ནི་ལོངས་སྤྱོད་རྫོགས་པའི་སྐུའོ། །དེ་ཉིད་ཀྱི་ཁྱད་པར་ནི་ཆོག་མི་ཤེས་པ་ཞེས་
[152b.4]པ་ནི་ཚིམ་པར་མི་འགྱུར་བའོ། །སྟོབས་བཅུ་ཞེས་བྱ་བ་ལ་སོགས་པས་དེ་ཉིད་ཀྱི་ཁྱད་པར་རོ། །དེ་བཞིན་གཤེགས་པའི་#སྐུ་ཞེས་པ་ནི་རྡོ་རྗེའི་སྐུ་བརྙེས་ནས་སོ། །བདེ་བ་ཅན་དུ་གཤེགས་ནས་ཞེས་པ་ནི་ཡོངས་སུ་དག་པའི་སངས་རྒྱས་ཀྱི་ཞིང་ལ་གཤེགས་སོ། །ཡོན་ཏན་གྱི་
[152b.5]དབང་ཕྱུག་བརྒྱད་དང་ཞེས་པ་ནི་སྐུ་ལ་སོགས་པའི་དབང་ཕྱུག་རྣམས་སོ། །དེ་དང་ལྡན་པ་ཞེས་པ་ནི་སྤྲུལ་པའི་སྐུ་ཐོབ་པ་ཉིད་དུ་བསྟན་ཏོ། །བཞུགས་སོ་ཞེས་པ་ནི་སྐུ་གསུམ་དང་སངས་རྒྱས་བཞུགས་པ་བཞིས་#ཉེ་བར་རོལ་པའོ། །དེ་ལྟར་ཞེས་བྱ་བ་ལ་སོགས་པས་ལུང་བསྟན་
[152b.6]པ་དང་ལུང་དུ་མ་བསྟན་པའི་བྱེ་བྲག་གི་ངེས་པ་བསྟན་ཏོ། །དེ་ལ་བདག་ཅག་གི་སློབ་དཔོན་ནི་ལུང་བསྟན་པ་དང་འགྲེལ་པ་མཁན་གཞན་ནི་ལུང་དུ་མ་བསྟན་པ་སྟེ། དེ་རྣམས་ཀྱིས་བཤད་པ་ནི་མ་ལགས་ཏེ་ལོག་པའི་ལྟ་བ་དང་ལྡན་པའི་ཕྱིར་རོ། །དེ་ཉིད་བསྟན་པའི་ཕྱིར་
[152b.7]ངོ་བོ་ཉིད་ཤེས་པ་ཞེས་པ་ནི་དངོས་པོ་ཐམས་ཅད་ཀྱི་སྟོང་པ་ཉིད་ཀྱི་ངོ་བོ་ཤེས་པས་ན་#ངོ་བོ་ཉིད་ཤེས་པའོ། །བུ་རམ་མངར་ཉིད་མེ་ཡི་ནི། །ཇི་ལྟར་དྲོ་བ་རང་བཞིན་ཏེ། །ཆོས་རྣམས་ཀུན་གྱི་སྟོང་པ་ཉིད། །དེ་བཞིན་དུ་ནི་རང་བཞིན་འདོད། །ཅེས་འབྱུང་ངོ་། །འདི་དང་ཕ་རོལ་
[153a]
[153a.1]ཞེས་པ་ནི་ཚེ་འདི་#དང་ཕྱི་མ་ལའོ། །མཐའ་ངེས་པར་བྱའོ་ཞེས་པ་ནི་ཕ་རོལ་ཏུ་ཕྱིན་པ་ཉིད་དུ་#ངེས་ནས་སོ། །དེ་ནི་#ད་ལྟའོ། །རྒྱུད་ཉེ་བར་སྡུད་པར་བྱེད་དེ་ཞེས་པ་ནི་སྡུད་པ་པོས་ཞེས་ཚིག་ལྷག་མའོ། །རྒྱུད་མ་ལུས་པར་ཤེས་པ་ནི་ལེའུ་བཅུ་བདུན་གྱི་བདག་ཉིད་དོ། །
[153a.2]རྒྱན་རྣམ་པ་བདུན་དང་བཤད་པ་རྣམས་ཀྱི་ཚུལ་དང་ཞེས་པ་ནི་སྔར་བཤད་པ་གླེང་གཞི་སྣང་བ་ལ་སོགས་པའི་རྒྱན་སོ་སོར་བསྟན་པའི་རིམ་པས་སོ། །ཐོས་ནས་ཞེས་པ་ནི་བཅོམ་ལྡན་འདས་ཀྱི་ཞལ་ནས་ཐོས་ནས་སོ། །དོན་དང་ཚུལ་དང་ཞེས་པ་ནི་རིམ་པ་གཉིས་བདེན་པ་
[153a.3]གཉིས་ཀྱི་ཁོང་དུ་ཆུད་ནས་ཏེ། ཐུགས་ལ་གསལ་བོར་བཞག་ནས་སོ། །དེས་#ནི་རང་གི་དོན་བཤད་ནས་གཞན་གྱི་དོན་བཤད་པར་བྱ་སྟེ། རིམ་པ་གཉིས་ཞེས་པ་ནི་བརྟགས་པ་དང་ཡོངས་སུ་རྫོགས་པའི་རིམ་པ་གཉིས་ཀྱི་མན་ངག་#སྔོན་དུ་འགྲོ་བའོ། །ཉན་པ་པོ་རྣམས་ལ་ཞེས་
[153a.4]པ་ནི་ཙནྡན་ལ་སོགས་པ་གང་ཟག་ལྔ་པོ་ལྔའོ#། །ཡང་དག་པར་བཤད་པ་ཞེས་པ་ནི་བསྟན་པར་བྱས་ནས་#སོ། །བརྩམས་པའི་དོན་ཞེས་པ་ནི་དཔལ་གསང་བ་འདུས་པའི་རྒྱུད་ཀྱི་རྒྱལ་པོ་ཡོངས་སུ་རྫོགས་ནས་ཞེས་པ་ནི་རྫོགས་པར་མཛད་པས་སོ། །དེ་བཞིན་དུ་བདག་ཉིད་ནི་
[153a.5]སྡུད་པ་པོའི་རང་བཞིན་གྱིའོ། །དམ་བཅའ་བའི་བསམ་པ་ཞེས་པ་ནི་ཇི་ལྟར་བདག་གིས་དང་པོ་འདི་སྐད་བདག་གིས་ཐོས་པའི་ཞེས་བྱ་བ་དེ་བཞིན་དུ་རྫོགས་པའོ། །དེ་ལྟ་བུའི་བསམ་པ་ནི་དགོངས་པ་སྟོན་ཅིང་ཞེས་པ་ནི་གསལ་བར་མཛད་པའི་སྡུད་པ་པོ་ནི་ལག་ན་རྡོ་རྗེས་གསུངས་
[153a.6]སོ། །ཅི་གསུངས་ཤེ་ན། དེ་སྐད་ཅེས་བཀའ་སྩལ་པ་ཞེས་པ་ནི་དེ་ཉིད་ཀྱི་བཤད་པའོ། །དེ་སྐད་ཅེས་བྱ་བ་ནི་མིང་ཐམས་ཅད་ཀྱི་#སྔ་མའི་དོན་མཆོག་ཏུ་འཛིན་པའོ། །གང་གི་ཕྱིར་མིང་ཐམས་ཅད་པའི་དབྱེ་བ་གཉིས་ཏེ། ཁ་ཅིག་ནི་རྗེས་སུ་སྨྲ་བའི་རྟགས་འཛིན་པ་དང་།
[153a.7]ཁ་ཅིག་ནི་བསྒྲུབ་པར་བྱ་བའི་རྟགས་འཛིན་པའོ། །འདིར་ནི་རྗེས་སུ་གནང་བའི་རྟགས་འཛིན་པའི་འདི་སྐད་ཅེས་བྱའོ། །གསང་བ་འདུས་པའི་རྒྱུད་ཀྱི་ཚུལ་ཞེས་པ་ནི་རྒྱུད་ཀྱི་རྒྱལ་པོའི་མིང་ངོ་། །འདི་སྐད་ཅེས་བཀའ་སྩལ་པ་སྟེ་ཞེས་པ་གསུངས་སོ། །ལེའུའི་མིང་བསྟན་
[153b]
[153b.1]པར་བྱ་བའི་ཕྱིར། བདེ་བ་ཆེན་པོ་ནི་རང་བཞིན་གྱིས་འོད་#གསལ་བའོ། །དེ་བཞིན་གཤེགས་པ་ཐམས་ཅད་ཅེས་པ་ནི་རྣམ་པར་སྣང་མཛད་ལ་སོགས་པ་རྣམས་ཀྱིའོ། །སྐུ་གསུང་ཐུགས་ཀྱི་གསང་བ་ཞེས་པ་ནི་རྣལ་འབྱོར་བཞིའི་རིམ་པས་ཁྱད་པར་གྱི་ལྷའི་རྣམ་པ་སྟེ་ཡི་གེའི་དོན་ཏོ། །སྐུ་
[153b.2]གསུང་ཐུགས་ཀྱི་གསང་བ་ནི་ཡི་གེ་གསུམ་སྟེ་སྤྱིའི་དོན་ཏོ། །སྐུ་གསུང་ཐུགས་ཀྱི་གསང་བ་ནི་ཡི་གེ་#གསུམ་སྟེ་སྦས་པའོ། །སྐུ་གསུང་ཐུགས་ཀྱི་གསང་བ་ནི་འོད་གསལ་བ་སྟེ་མཐར་ཐུག་པའོ། །གཙོ་བོ་བྱས་པ་ཞེས་པ་ནི་དེ་ལ་དམིགས་ནས་ཞུགས་#པ་ནི་གསུངས་པའོ། །གསང་བ་
[153b.3]རྣམས་ཀྱི་འདུས་པ་ནི་དེ་བཞིན་གཤེགས་པའི་#ཚོགས་གང་ན་ཡོད་པ་ཞེས་བྱ་བ་འབྲུ་མང་པོའི་བསྡུ་བས་རྒྱུད་ཀྱི་རྒྱལ་པོའི་ཁྱད་པར་བསྟན་ཏོ། །རྣམ་པར་སྣང་མཛད་ལ་སོགས་ཞེས་#པ་ནི་རིགས་ལྔའོ། །ཉམས་སུ་བླངས་པའི་#དོན་འདའ་བར་མི་བྱ་བའི་དོན་ཏོ། །སྲུང་བ་ལ་སོགས་
[153b.4]པ་ལྔའོ་ཞེས་པ་ནི་དེ་ལ་བསྲུང་བར་བྱ་བའི་དམ་ཚིག་ལྔ་སྟེ། དེ་བཞིན་གཤེགས་པ་ལ་སོགས་པ་རིགས་ཀྱིས་#དབྱེ་བས་སོ། །སོགས་པའི་སྒྲས་ནི་བཟའ་བར་བྱ་བའི་དམ་ཚིག་ལྔ་སྟེ། གོ་ཀུ་ད་ཧ་ན་དང་མ་ར་ཝི་ཤུ་#མུའོ། །ནན་ཏན་སྒྲུབ་པ་ཞེས་པ་ནི་ནན་ཏན་ཡིད་ཀྱིས་#བཟོད་པའོ། དེ་
[153b.5]བཞིན་གཤེགས་པའི་རིགས་ལ་སོགས་#པ་ལྔའོ་ཞེས་པ་ནི་དམ་ཚིག་གི་ཚོགས་དེ་དག་ཐམས་ཅད་དེ་བཞིན་གཤེགས་པའི་རིགས་ལྔའི་གཙོ་བོ་ཡིན་ནོ། །བཟླ་བར་བྱ་བ་མ་ཡིན་གྱི་ཞེས་པ་ནི་འདུས་པའི་རྣལ་འབྱོར་པས་སྤོང་བར་#བྱ་བ་མ་ཡིན་པའོ། །རྡོ་རྗེ་འཆང་ཆེན་པོ་
[153b.6]ཞེས་པ་ནི་རིགས་ལྔའི་འབྲེལ་པ་#དང་ལྡན་པའི་དམ་ཚིག་དང་སྡོམ་པ་རྣམས་ལ་རྡོ་རྗེ་འཆང་ཆེན་པོ་ཉིད་བྱིན་གྱིས་བརླབས་#པ་ཡིན་ཏེ། དེའི་སྤྲུལ་པ་ཡིན་པའི་ཕྱིར་རོ། །དེའི་མིང་གི་རྣམ་གྲངས་མིང་ལ་མངོན་པར་ཞེན་པ་ཙམ་#ལ་བསྟན་པར་བྱ་སྟེ། རིགས་ཐམས་ཅད་ཀྱི་བདག་
[153b.7]ཉིད་ཅེས་པ་ནི་ལྔའི་བདག་ཉིད་དོ། །ཐོག་མ་དང་ཐ་མ་མེད་པའི་ཞེས་པ་ནི་ཆོས་ཀྱི་སྐུའི་རང་བཞིན་ཡིན་པས་སོ། །དང་པོའི་སངས་རྒྱས་ཞེས་པ་ནི་ཀུན་གྱི་མཆོག་ཡིན་པས་སོ། །རིགས་#པ་ཆེན་པོ་སྐྱེས་བུའི་གཟུགས། །ཞེས་པ་ནི་བསྐྱེད་པའི་རིམ་པའི་ཕྱོགས་སུ་རྣལ་
[154a]
[154a.1]འབྱོར་བཞིའི་ཏིང་ངེ་འཛིན་གྱི་#རྫོགས་པས་སོ། །ཡེ་ཤེས་ཀྱི་སྐུ་ཞེས་པ་ནི་རྫོགས་པའི་རིམ་པའི་ཕྱོགས་སུ་བདག་ལ་བྱིན་གྱིས་བརླབ་པའི་རིམ་པས་འོད་གསལ་བ་ལས་ཅིག་ཅར་དུ་བྱུང་བས་སོ། །རང་བཞིན་གྱིས་འོད་གསལ་བའི་བདག་ཉིད་ཅན་ཞེས་
[154a.2]པ་ནི་སེམས་རྣམ་པར་དག་པའི་རིམ་པས་སམ། མངོན་པར་བྱང་ཆུབ་པའི་རིམ་པས་འོད་གསལ་བ་ལས་བྱུང་བའི་ཕྱིར་རོ། །འཇིག་རྟེན་གསུམ་གྱི་བདག་ཉིད་ཅན་ཞེས་པ་ནི་ཁྱབ་པར་བྱེད་པས་སོ། །སྐུ་གསུམ་གྱི་བདག་ཉིད་ཅན་ཞེས་པ་ནི་ཆོས་ཀྱི་སྐུ་ལ་སོགས་པ་ཐོབ་
[154a.3]པས་སོ། །ཐེག་པ་གསུམ་གྱི་བདག་ཉིད་ཅན་ཞེས་པ་ནི་བརྗོད་པར་བྱ་བ་དང་རྗོད་པར་བྱེད་པ་ཡིན་པས་སོ། །རྡོ་རྗེ་གསུམ་གྱི་བདག་ཉིད་ཅན་ཞེས་པ་ནི་སྐུ་གསུང་ཐུགས་ཀྱི་བདག་ཉིད་ཅན་ཡིན་པའི་ཕྱིར་རོ། །བདེན་པ་གཉིས་ཀྱི་བདག་ཉིད་ཅན་ཞེས་པ་ནི་ཟུང་དུ་འཇུག་
[154a.4]པའི་རང་བཞིན་#ཡིན་པས་སོ་ཞེས་བྱ་བ་ལ་སོགས་པ་ཞེས་པ་ནི་མགོན་པོ་དང་། རྒྱུ་དང་འབྲས་བུའི་བདག་ཉིད་ཅན་དང་དེ་བཞིན་ཉིད་དང་ཡང་དག་པའི་མཐའ་དང་སྟོང་པ་ཉིད་ཅེས་བྱ་བ་ལ་སོགས་པའོ། །དེ་བཞིན་གཤེགས་པ་དྲུག་པ་ཞེས་བྱ་བ་ནི་ལྔའི་རྒྱུར་གྱུར་པ་སྟེ་རྡོ་རྗེ་
[154a.5]སེམས་དཔའ་#ཞེས་པའོ། །མཚན་ནི་#རྣམ་གྲངས་ཞེས་པ་ནི་མཚན་གྱིས་#ངེས་ཚིག་གོ། །མཐའ་ཡས་པ་ནི་རྩིས་#ལས་འདས་པའོ། །སྔ་མ་བཞིན་དུ་གོས་དང་འདྲ་བ་ནི་ལེའུ་སྟེ་ཉོན་མོངས་པ་དང་ཤེས་བྱའི་སྒྲིབ་པའི་སྐྱོན་སྤངས་པས་#སོ། །ད་#ནི་འགྲེལ་པ་ལ་བསྟོད་
[154a.6]པ་བསྟན་པའི་ཕྱིར། བདེ་བར་གཤེགས་པ་ཞེས་པ་ནི་རྡོ་རྗེ་འཆང་གིའོ། །གསུང་ནི་བཀའོ། །ཤིན་ཏུ་ཕྲ་བ་ནི་མཁས་པའོ། །རྣལ་འབྱོར་རྒྱུད་ནི་དཔལ་གསང་བ་འདུས་པའི་རྒྱུད་ཀྱི་རྒྱལ་པོའོ། །མཐའ་དྲུག་ནི་སྔར་བཤད་པའོ། །དེ་ཉིད་རིགས་པ་ནི་རིགས་པའོ། །
[154a.7]དེ་དང་བྲལ་བ་ནི་མི་ཤེས་པའོ། །སྒྲ་ཇི་བཞིན་པའི་དོན་ཙམ་གཟུང་བའི་ཉན་པའམ་འཆད་པ་པོས་ངེས་པར་རྟོགས་པ་ཞེས་པ་ནི་བདག་གིས་ཤེས་སོ་ཞེས་སྨྲས་པའོ། །ད་#ནི་སྐྱེས་བུ་དེས་དེ་ཉིད་མི་མཐོང་ཞེས་པ་ནི་རྒྱུད་ཀྱི་ཡང་དག་པའི་#དོན་མི་མཐོང་བའོ། །གང་གི་
[154b]
[154b.1]ཕྱིར་ཡི་གེ་ཙམ་ལྟ་བ་སྟེ་ཞེས་པ་ནི་ཡི་གེའི་དོན་ཙམ་མཐོང་བའོ། །དཔེ་བསྟན་པའི་ཕྱིར་ཇི་ལྟར་བྱིས་པ་ལྟ་འདོད་པ་ནི་ཟླ་བ་མཐོང་བར་འདོད་པས་སོ། །སོར་མོའི་རྩེ་ལ་ལྟ་བ་ཞེས་པ་ནི་སོར་མོ་ཙམ་ལྟ་བས་ཟླ་བ་མི་མཐོང་བ་བཞིན་ནོ། །དེ་བས་ན་མཐའ་དྲུག་པ་ནི་ཉེ་བར་བླང་བ་ཡིན་
[154b.2]ནོ། །བསོད་ནམས་ཡོངས་སུ་བསྔོ་བ་བསྟན་པའི་ཕྱིར་རྒྱལ་བ་སྐྱེས་མཆོག་ཅེས་པ་ནི་དེ་བཞིན་གཤེགས་པ་རབ་ཀྱི་དུ་མས་སོ། །རྣམ་པར་བཤད་པའི་ཞེས་པ་ནི་ངེས་པར་བསྟན་པའོ། །མཐའ་དྲུག་ལམ་གང་ཡིན་ཞེས་པ་ནི་མཐའ་དྲུག་གི་དབྱེ་བའོ། །གང་ཞིག་འདི་
[154b.3]དང་ཞེས་པ་ནི་རྣལ་འབྱོར་ཆེན་པོའི་རྒྱུད་དེ་དཔལ་གསང་བ་འདུས་པའོ། །རྒྱུད་ཚུལ་མ་ལུས་རྣམ་འབྱེད་#ཅེས་པ་ནི་རྒྱུད་མ་ལུས་པ་ནི་བཤད་པའི་རྒྱུད་དང་ཡན་ལག་གི་རྒྱུད་དོ།# །རྡོ་རྗེ་ཕྲེང་བ་དང་ལྷ་མོ་བཞིས་ཡོངས་སུ་ཞུས་#པ་ལ་སོགས་པའོ། །དེ་རྣམས་ཀྱི་ཚུལ་ནི་བཤད་པའི་དབྱེ་
[154b.4]བའོ། །དེས་#རྣམ་འབྱེད་ཅེས་པ་ནི་གསལ་བར་བྱས་པའོ། །བཤད་བྱས་པས་ཞེས་པ་ནི་གསལ་བར་#བཤད་ནས་སོ། །བདག་གི་དགེ་བ་གང་ཐོབ་པ་ནི་རྙེད་པའོ། །དེས་ནི་དགེ་བས་སོ། །སྒྲོན་འབར་རྒྱ་ཆེར་བཤད་ཅེས་པ་ནི་མཐའ་དྲུག་གི་དོན་མར་མེས་གསལ་བ་
[154b.5]འགྲེལ་པའི་བཤད་པ་འདིའོ། །རིང་གནས་ཤིང་ཞེས་པ་ནི་བསྐལ་པའི་མཐའི་བར་དུ་གནས་པར་གྱུར་ཅིག་གོ། །དེ་བཞིན་དུ་བདེ་བ་དམ་པའི་གནས་མཆོག་ནི་རྡོ་རྗེ་འཆང་ཆེན་པོའི་གོ་འཕང་ངོ་། །ཟླ་བའི་བློས་ནི་ཟླ་བ་བཞིན་དུ་དྲི་མ་མེད་པའི་བློ་གང་ལ་ཡོད་པ་དེ་ནི་ཟླ་བའི་བློ་སྟེ།
[154b.6]དྲི་མ་མེད་པའི་སེམས་དང་ལྡན་པར་གྱུར་ཅིག་གོ། །འགྲོ་བ་ཞེས་པ་ནི་ཁམས་གསུམ་པའོ། །ལྡན་པར་གྱུར་ཅིག་ནི་ཐོབ་པར་གྱུར་ཅིག་པའོ། །དེས་ནི་འགྲེལ་པ་མཁན་གྱིས་#འགྲེལ་པའི་མཐར་ཞར་ལ་རང་གི་མིང་ཡང་བསྟན་ཏོ་ཞེས་བཀྲ་ཤིས་པའོ། །སྒྲོན་#མ་
[154b.7]གསལ་བར་བྱེད་པའི་#འགྲེལ་པའི་ཊཱི་ཀ་ལས་ལེའུ་བཅུ་བདུན་པའི་རྒྱ་ཆེར་བཤད་པའོ། །མན་ངག་རིན་ཆེན་ཚོགས་ཀྱི་རྒྱ་མཚོ་ཡི། །བླ་མ་ཆེན་པོའི་#དགོངས་པ་ལ་#བརྟེན་ཏེ། །མཐའ་ཡས་རྒྱུད་དོན་རྣམ་པར་སྤྱོད་བྱེད་པའོ#། །འགྲེལ་པ་མཁན་གྱི་གླེགས་བམ་རྣམས་མཐོང་
[155a]
[155a.1]སྟེ། །བཤད་པ་དང་ནི་ཡན་ལག་རྒྱུད་ཐོས་ནས། །རིམ་པའི་འགྲེལ་དང་དེ་བཞིན་རྒྱུད་#འགྲེལ་ཏེ། །ཤར་ཕྱོགས་སུ་ཡང་ཅུང་ཟད་ཕྱིན་ནས་ནི། །དམ་པ་རྣམས་ལས་མན་ངག་རྒྱས་ཐོབ་ནས། །དངོས་གྲུབ་གཙོ་མཆོག་རྣལ་འབྱོར་པ་རྣམས་ཀྱི། །ཞབས་ཀྱི་
[155a.2]པདྨ་སྤྱི་བོས་བཀུར་མཉེས་པས། །རྨི་ལམ་རྡོ་རྗེ་སེམས་དཔའ་མཐོང་ནས་ཀྱང་། །དེ་ལས་རྗེས་གནང་ཡང་དག་ཐོབ་ནས་ནི། །ཨུ་#རྒྱན་ཡུལ་དུ་བདག་པོ་བདག་གིས་ནི། །མཁས་པའི་གཙོ་བོ་སངས་རྒྱས་ཞི་བ་ཡི། །སློབ་མ་སྐལ་ལྡན་གྲགས་པ་དགེ་སློང་མཆོག །སྒྲ་ཚད་ལུང་དང་
[155a.3]སྔགས་ལ་མཁས་པ་ཡི#། །ཟླ་བའི་གྲགས་པས་བརྩམས་པ་ཡི#། །མཐའ་དྲུག་ཅེས་བྱ་འགྲེལ་པ་ཡང་#། །དེ་ཡི་ཡང་ནི་ཊཱི་ཀཱ་#འདི། །དེ་ཉིད་གསལ་བར་བྱེད་པས་བྱས། །དེ་ཉིད་ཀྱི་ནི་གཞུང་གི་ཚད། །སྟོང་ཕྲག་བཅུ་དང་དྲུག་ཡིན་ཏེ། །དེ་ནི་དཔལ་ལྡན་འདུས་པ་ནི#། །འགྲེལ་
[155a.4]པའི་དོན་རྣམས་ཡོངས་སུ་བསྡུས། །གངས་དང་ཤེལ་དང་མུ་ཏིག་ཕྲེང་དང་ཟླ་རྒྱས་དང་། །མཚུངས་པའི་བསོད་ནམས་ས་བོན་བདག་གི་#གང་ཐོབ་པ། །ཡུལ་སྤྲུལ་གྱིས་རྡེག་འཁྲུལ་པ་རྣམས་ཀྱིས་ཀུན་དུ་བཅོམ། །དུཿཁ་བྲལ་ནས་འགྲོ་བས་རྡོ་རྗེ་འཆང་ཉིད་ཐོབ་པར་ཤོག །
[155a.5]སྒྲོན་མ་གསལ་བར་བྱེད་པའི་ཊཱི་ཀཱ་#སློབ་དཔོན་ཆེན་པོ་བྷ་བྱ་ཀཱིརྟིའི་ཞལ་སྔ་ནས་ཀྱིས་མཛད་པ་རྫོགས་སོ།། །།ཡོན་གྱི་བདག་པོ་གཙོ་བོ་འབྲོམ་#ཇོ་བོ་དཀོན་མཆོག་ཁུ་མཚན་གྱིས་ཞུས་ནས། རྒྱ་གར་མཁན་པོ་ཆེན་པོ་ཀུ་མཱ་ར་ཉིད་ཀྱིས་བསྒྱུར་ཅིང་ཞུས་ཏེ་#གཏན་ལ་ཕབ་པའོ།།# །།
[155a.6]སྒྲོན་མ་གསལ་བ་ཞེས་བྱ་བའི་འགྲེལ་བཤད། #{T1794}༄༅༅། །རྒྱ་གར་སྐད་དུ། པྲ་དཱིཔྟ་ན་#ནཱ་མ་ཊཱི་ཀཱ#། བོད་སྐད་དུ། སྒྲོན་#མ་གསལ་བ་ཞེས་བྱ་བའི་འགྲེལ་བཤད། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཆོས་རྣམས་རང་བཞིན་
[155a.7]མེད་ལས་སྒྱུ་མའི་སྐུར་བསྟན་ནས། །ཐུགས་རྗེ་ཆེན་པོའི་སྟོབས་ཀྱིས་སེམས་ཅན་ཁམས་རྣམས་མ་ལུས་པའི། །དོན་རྣམས་ཡོངས་སུ་གྲུབ་པའི་ཡིད་བཞིན་ནོར་བུ་དང་འདྲ་བས། །མངོན་པར་བྱང་ཆུབ་མཆོག་བརྙེས་དེ་ལ་རྟག་ཏུ་དང་བས་ཕྱག་འཚལ་ལོ། །དྲི་མེད་
[155b]
[155b.1]མཐའ་ཡས་དངོས་གྲུབ་ཀུན་བརྙེས་དེ་ལ་ཕྱག་འཚལ་ཏེ། སྟོང་པ་ཉིད་ཀྱི་དོན་རྣམས་མངོན་གྱུར་#ཐོགས་མེད་ལ་ཕྱག་འཚལ། འདས་དང་མ་བྱོན་དུས་རྣམས་ཀུན་དུ་ཁྱབ་པ་ཁྱོད་ལ་ཕྱག་འཚལ་ལོ། །རླུང་དང་སྔགས་དང་སེམས་ལ་སོགས་པ་ཀུན་མཁྱེན་ཁྱོད་ལ་ཕྱག་འཚལ་
[155b.2]ལོ། །སེམས་ཅན་གང་དག་རྒྱལ་བ་ཡིས་གསུངས་ལེགས་པའི་དོན་ལ་རབ་རྨོངས་པ། །དེ་གསལ་#ཕྱིར་ནི་ཟླ་བ་གྲགས་པས་སྒྲོན་མ་གསལ་བའི་རྒྱ་ཆེར་འགྲེལ་པ་མཛད། །སེམས་ཅན་བློ་དམན་ཁ་ཅིག་དོན་དེ་ཉིད་ལ་རྨོངས་གྱུར་པས། །ཉི་མ་སྣང་བ་ལ་སོགས་ཐུན་མོང་ཁྱད་པར་
[155b.3]རྒྱ་ཆེར་འགྲེལ་བ་བརྩམས། །འདོད་རྒྱལ་དབང་གིས་ལེགས་པའི་དོན་གསུངས་ལེགས་པར་གསལ་བྱས་ཀྱང་། །རྨོངས་པའི་དབང་གིས་རྒྱུད་དོན་ནུས་པ་མ་མཐོང་དེ་ཕྱིར་འདི་ལ་དགའ་བ་མཆོག་སྐྱེས་ནས། །བློ་དམན་དོན་དུ་བདག་གིས་ཅུང་ཟད་བཤད་པར་བྱ། །འདི་
[155b.4]ནི་མི་མཁས་གང་ཞིག་གིས། །སྔོན་དུ་བསྟན་བཅོས་མ་རྙེད་པར#། །གང་ཡིན་པ་ནི་ཕྱིས་རྙེད་པ། །གང་ཡིན་དེ་ནི་ཡ་མཚན་ཏེ། །དེ་འདིར་བདག་གིས་རྣམ་པར་དབྱེ། །གང་ཡང་བློ་དམན་རྣམས་ཀྱི་ཕྱིར། །མཁས་པས་བསྟན་བཅོས་མི་རྩོམ་#པར། །ཉོན་མོངས་དྲ་བས་བཅིངས་
[155b.5]པ་ཡིས། །བསྟན་བཅོས་མཐའ་དག་གང་རྩོམ་ཡང་། །སྡིག་པ་འབའ་ཞིག་བསོད་ནམས་མེད། །དེ་ཕྱིར་མཁས་པས་སྤང་བར་བྱ། །བསྟན་བཅོས་རྩོམ་པའི་མཁན་པོ་ཡིས། །རྒྱལ་བའི་བཀའ་ནི་འབྱུང་ཁུངས་སུ། །རྣམ་པར་བཞག་པས་དེ་ལས་ནི། །དྲན་དང་ངོ་ཚ་ཤེས་པ་དང་། །ཁྲེལ་ཡོད་
[155b.6]པ་དང་ཤེས་རབ་དང་། །དད་དང་མོས་པ་ལ་སོགས་ལ། །སེམས་ལས་བྱུང་བ་དགེ་བའི་ཆོས། །གང་གིས་#སྔོན་དུ་སོང་བ་ཡིས། །བསྟན་བཅོས་མི་རྩོམ་གྱུར་ཀྱང་བླའི། །བསོད་ནམས་འབའ་ཞིག་སྡིག་པ་མེད། །གང་གིས་འདོད་ཆགས་ཁོང་ཁྲོ་དང་། །དེ་བཞིན་ང་རྒྱལ་ལ་
[155b.7]སོགས་པ། །ཉོན་མོངས་མི་དགེ་སྔོན་སོང་ནས། །རྒྱལ་བའི་བཀའ་རྣམས་མ་ལུས་པའི། །རྗེས་སུ་འབྲངས་ཏེ་རབ་#བཤད་ཀྱང་། །ས་བོན་མི་དགེའི་དབང་གྱུར་པས། །མཐོང་བའི་ཆོས་ལ་དམྱལ་ཚོགས་བསྲེག །དེ་བས་བསྟན་བཅོས་རྩོམ་#པ་ཡིས། །དགེ་བའི་ཆོས་འདི་སྔོན་
[156a]
[156a.1]སོང་ནས། །གང་ཡིན་བསྟན་བཅོས་བརྩམ་པར་བྱ། །ཤེས་རབ་ཞན་པར་གྱུར་པ་ཡིས། །བསྟན་བཅོས་གང་ཞིག་བརྩམས་གྱུར་ཀྱང་། །དེ་ཡིས་དོན་བྱེད་ནུས་མ་ཡིན། །དཔེར་ན་ལོང་བ་གང་ཞིག་གིས། །གཞན་གྱི་ལོང་ཁྲིད་མི་ནུས་པ། །དེ་བཞིན་དེ་ཡང་དེ་བཞིན་ནོ། །གང་
[156a.2]ཚེ་བསྟན་བཅོས་རྩོམ་པ་ཡང་། །སྒྲ་དང་དོན་རྣམས་གཏན་ལ་འབེབས། །ཕྱི་རོལ་བསྟན་བཅོས་ལེགས་པར་མཁས། །གྲུབ་པའི་མཐའ་རྣམས་ཀུན་ལ་མཁས། །#སྔགས་དང་རྫས་དང་སྨན་རྣམས་དང་། །ཐུན་མོང་གསོ་བ་ལ་སོགས་ལ། །རབ་ཏུ་མཁས་པར་གྱུར་པ་དང་། །གཞན་གྱི་བསྟན་བཅོས་སུན་འབྱིན་
[156a.3]གྱི#། །སྦྱོར་བ་ལ་ནི་ཤིན་ཏུ་མཁས། །དགེ་བའི་ཆོས་ཀྱིས་རྣམ་པར་བརྒྱན། །དེ་ཡིས་བསྟན་བཅོས་བརྩམ་པར་བྱ། །ཡང་ན་བྱང་ཆུབ་སེམས་དཔའ་འམ། །ཐུགས་རྗེའི་སྟོབས་ཀྱིས་སྤྲུལ་པ་ཡི། །སངས་རྒྱས་འཇིག་རྟེན་ལྷར་སྣང་སྟེ། །དེ་ཡིས་བརྩམ་བྱ་མ་གཏོགས་པ། །གཞན་གྱིས་བརྩམས་
[156a.4]པ་དོན་མེད་འགྱུར། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་བསྡུས་པ་འདི་ཅིའི་ཕྱིར་གསུངས་ཤེ་ན། །འདི་ལྟར་རིགས་ཐམས་ཅད་གཟུང་བར་བྱ་བ་དང་། རིགས་མཆོག་ཏུ་གྱུར་པ་གཟུང་བར་བྱ་བའི་ཕྱིར་ཏེ། དེ་བཞིན་གཤེགས་པ་ཐམས་ཅད་ཀྱི་གསང་བ་
[156a.5]འདུས་པའི་དཀྱིལ་འཁོར་འདིར་མཚམས་མེད་པ་ལྔ་ལ་སོགས་པ་བྱས་པ་ཡང་བླ་ན་མེད་པའི་མཆོག་ཐོབ་པར་འགྱུར་རོ་#ཞེས་གསུངས་པའི་ཕྱིར་དང་། གསང་བའི་དོན་འདི་ནི་ཐམས་ཅད་ཀྱི་ཐུན་མོང་མ་ཡིན་ནོ་ཞེས་འབྱུང་བའི་ཕྱིར་རོ། །གལ་#ཏེ། རིགས་ཐམས་ཅད་ཅེས་བྱ་བ་ནི་རིགས་ཆད་པ་
[156a.6]ལ་སོགས་པ་ཡང་སྨོས་པ་ཡིན་ནམ། གལ་ཏེ་དེ་ལྟ་ཡིན་ན་ནི་བཅོམ་ལྡན་འདས་ཀྱིས་བདེན་པ་བཞི་དང་། ཕ་རོལ་ཏུ་ཕྱིན་པ་ལ་སོགས་པ་གསུངས་པ་དོན་མེད་པར་འགྱུར་རོ་ཞེ་ན་མ་ཡིན་ཏེ། རིགས་མཆོག་ཏུ་འགྱུར་བའི་#ཕྱིར་རོ། །དེ་ལྟ་#ན་ནི་རིགས་མཆོག་ཏུ་གྱུར་པ་འདུལ་བ་དང་། རིགས་
[156a.7]ཐམས་ཅད་པ་འདུལ་བ་གཅིག་གིས་གཅིག་སྤངས་པ་མ་ཡིན་ནམ་ཞེ་ན། མ་ཡིན་ཏེ། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་སྣོད་ཡིན་པའི་ཕྱིར་རོ་ཞེའོ། །དེ་ལྟ་ན་ནི་ཐེག་པ་མཆོག་ཏུ་མི་འགྱུར་གྱི་ཐེག་པ་ཐམས་ཅད་པར་འགྱུར་རོ་ཞེ་ན་མ་ཡིན་ཏེ། ཐེག་པ་ནི་གཉིས་དང་གསུམ་དུ་ཡོད་པ་མ་ཡིན་
[156b]
[156b.1]ནོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་གསང་བ་ལས་མི་འདའ་ལ་སེམས་ཅན་ཐམས་ཅད་ཀྱང་དེའི་རང་བཞིན་ཅན་ཡིན་པའི་ཕྱིར་རོ། །དེ་ལྟ་ན་ནི་བཅོམ་ལྡན་འདས་ཀྱིས་བདེན་པ་བཞིའི་ཆོས་ཀྱི་འཁོར་ལོ་ལ་སོགས་པ་གསུངས་པ་དོན་ཡོད་#པར་
[156b.2]འགྱུར་ཏེ་སྔ་མ་བཞིན་ནོ་ཞེ་ན། མ་ཡིན་ཏེ། སེམས་ཅན་ཐམས་ཅད་ཀྱང་རང་རང་གི་རིགས་ལ་གནས་པའི་ཕྱིར་རོ། །རིགས་ཞེས་བྱ་བ་འདི་ཡང་རྐྱེན་ལས་བྱུང་བའམ། ཆོས་ཉིད་ཀྱིས་ཡིན་ཞེས་རྟོག་གྲང་ན། རྐྱེན་ལས་བྱུང་བ་ནི་མ་ཡིན་ཏེ། རྐྱེན་ཐམས་ཅད་དང་ལྡན་པའི་ཕྱིར་རོ། །དེ་ལྟ་ན་ནི་རིགས་ངེས་པར་མི་འགྱུར་
[156b.3]གྱི། རིགས་མ་ངེས་པར་ནི་འགྱུར་རོ་ཞེ་ན། རང་གི་རིགས་ཀྱི་#བསྐྱེད་པའི་ཕྱིར་རོ། །རང་གི་ཆོས་ཀྱིས་#བསྐྱེད་པ་ཞེས་བྱ་བ་འདི་ཡང་ས་བོན་ཐམས་ཅད་ཀྱིས་གཅིག་བསྐྱེད་དམ། ས་བོན་གཅིག་གིས་ཐམས་ཅད་བསྐྱེད་ཅེ་ན། ས་བོན་ཐམས་ཅད་གཅིག་གིས་བསྐྱེད་པ་ནི་མ་ཡིན་ཏེ། རྐྱེན་མ་ངེས་པར་འགྱུར་བ་ཉིད་དང་།
[156b.4]ཐམས་ཅད་ལས་ཐམས་ཅད་སྐྱེ་བར་འགྱུར་བ་དང་། རྐྱེན་ཅན་དོན་མེད་པ་ཉིད་དུ་ཡང་འགྱུར་རོ་ཞེ་ན། མ་ཡིན་ཏེ། འདིར་ནི་ས་བོན་ཐམས་ཅད་རྐྱེན་ཐམས་ཅད་ཀྱིས་གསོས་འདེབས་པ་ཉིད་ཀྱི་ཕྱིར་རོ། །གསོས་འདེབས་པ་ཞེས་བྱ་བ་འདི་ཡང་ས་བོན་ཉིད་རྐྱེན་གཞན་གྱི་དབང་དུ་འགྱུར་བ་ནི་མ་
[156b.5]ཡིན་ཏེ། གོང་མའི་སྐྱོན་ཉིད་#དུ་འགྱུར་རོ། །ལུང་ལས་དེ་བཞིན་གཤེགས་པ་གསང་བ་མཆོག་གི་ཕྱིར། ས་བོན་རྣམས་ནི་གཅིག་ཏུ་འགྱུར། །ཞེས་འབྱུང་བའི་ཕྱིར་ཆོས་ཉིད་ཀྱིས་ཐམས་ཅད་ཡོད་པ་མ་ཡིན་ནོ་ཞེ་ན། འདི་ལས་དང་པོ་པ་འམ། ས་ལ་གནས་པ་ཡིན། ས་ལ་གནས་པའི་
[156b.6]དབང་དུ་ནི་འདོད་པ་ཡིན་ཏེ། གནོད་པ་ཅུང་ཟད་ཀྱང་མེད་དོ། །ཕྱོགས་ཕྱི་མ་ལྟར་ན་ནི་འཇུག་པར་ཡང་མི་འགྱུར་ན། རིགས་གཅིག་པ་ལྟར་གྱུར་པ་ལྟ་སྨོས་ཀྱང་ཅི་དགོས། འོན་ཀྱང་#ས་ལ་གནས་པ་ཐམས་ཅད་ཀྱང་གསད་པའི་མཆོག་ལ་གནས་པའམ། སོ་སོ་རང་རང་གི་ལམ་ལ་གནས་
[156b.7]ཤེ་ན། དང་པོ་ལྟར་ནི་མ་ཡིན་ཏེ། དུས་ཀྱིས་གནོད་པའི་ཕྱིར་རོ། །ཕྱོགས་ཕྱི་མ་ལྟར་ན་ནི་རང་གི་ཚིག་གིས་གནོད་པའི་ཕྱིར་རོ། །དེ་ཅིའི་ཕྱིར་ཞེ་ན། ཚིག་གི་བླང་དོར་མེད་པའི་བྱང་ཆུབ་སྒྲུབ་པའམ། བསྐལ་པ་གྲངས་མེད་པ་གསུམ་གྱིས་འགྲུབ་པ་ཉིད་ཀྱི་ཕྱིར་རོ། །ཐམས་ཅད་གསང་བ་
[157a]
[157a.1]མཆོག་ལ་གནས། །ཞེས་བྱ་བ་#དང་། རང་གི་ལམ་ལ་གནས་ཞེས་པ་ཡང་གཅིག་གིས་གཅིག་སྤངས་པའི་ཕྱིར་རོ། །དེ་བས་ན་འདི་ནི་བླང་བར་བྱ་བ་ཉིད་དོ་ཞེ་ན་མ་ཡིན་ཏེ། ས་ལ་གནས་པ་རྣམས་ནི་ཐམས་ཅད་ཀྱང་བསྐྱེད་པའི་རིམ་པ་ཉམས་སུ་ལེན་པའི་ཕྱིར་དང་དེ་བཞིན་
[157a.2]གཤེགས་པ་ཐམས་ཅད་ཀྱི་གསང་བ་ཆེན་པོར་ལུང་བསྟན་པའི་ཕྱིར་རོ། །དེ་ལྟ་ན་ནི་ཐེག་པའི་བྱེ་བྲག་མེད་པར་འགྱུར་རོ་ཞེ་ན་མ་ཡིན་ཏེ་གཉིས་པ་#ཡོད་པའི་ཕྱིར་རོ། །གཉིས་ཞེས་བྱ་བ་འདི་ཡང་གསུམ་དང་གཉིས་ཀྱི་བྱེ་བྲག་གིས་ཡིན་ནོ། །ཐེག་པ་ཆེན་པོ་མདོ་སྡེའི་རྗེས་སུ་ཞུགས་པ་རྣམས་ནི་དོན་
[157a.3]དམ་པ་ཆོས་ཉིད་མངོན་དུ་གྱུར་ནས་སྣང་བ་སྒྱུ་མ་ཙམ་དང་། རྩོལ་བ་དང་བཅས་པ་ལྷ་དང་ལྷ་མོའི་དཀྱིལ་འཁོར་དུ་བསལ་#བའོ། །གསང་བ་འདུས་པའི་དཀྱིལ་འཁོར་ལ་གནས་པ་རྣམས་ནི་དོན་དམ་པའི་བདེན་པ་དང་། ཡང་དག་པའི་ཀུན་རྫོབ་འབའ་ཞིག་ལ་ཉེ་བར་ལོངས་སྤྱོད་པའི་ཕྱིར་རོ། །
[157a.4]དངོས་པོར་སྣང་བ་སྒྱུ་མ་ཙམ་འདི་ཅི་ཡང་དག་པའི་ཀུན་རྫོབ་པའམ། ལོག་པའི་ཀུན་རྫོབ་ཅེས་རྟོག་གྲང་ན། རེ་ཞིག་ཡང་དག་པའི་ཀུན་རྫོབ་ནི་མ་ཡིན་ཏེ། ཟླས་གསལ་བའི་ཕྱིར་རོ། །ལོག་པའི་ཀུན་རྫོབ་ནི་མ་ཡིན་ཏེ། ཐམས་ཅད་ལས་མཐུན་པར་སྣང་བའི་ཕྱིར་རོ། །དངོས་པོ་ལྷའི་
[157a.5]དཀྱིལ་འཁོར་དུ་སྣང་བ་ཞེས་བྱ་བ་འདི་ཡང་ལོག་པའི་ཀུན་རྫོབ་ནི་མ་ཡིན་ཏེ་ཁས་མ་བླངས་པའི་ཕྱིར་རོ། །ཡང་དག་པའི་ཀུན་རྫོབ་ཀྱང་མ་ཡིན་ཏེ། ཐམས་ཅད་ལ་མཐུན་པར་སྣང་བ་མ་ཡིན་པའི་ཕྱིར་རོ། །དེ་བས་འདི་#བླང་བར་བྱ་བ་མ་#ཡིན་ནོ་ཞེ་ན་མ་ཡིན་ཏེ། དངོས་པོར་སྣང་བ་སྒྱུ་མ་ཙམ་
[157a.6]འདི་#དམན་པ་ལ་ཡང་དག་པའི་ཀུན་རྫོབ་ཏུ་སྣང་ན་ནི་མི་འདོད་པ་མེད་དོ་ཐམས་ཅད་ལ་ཡང་དག་པའི་ཀུན་རྫོབ་ཏུ་སྣང་ཞེས་བྱ་བའི་ངེས་པ་ཅི་ཞིག་ཡོད། ལོག་པའི་ཀུན་རྫོབ་ཅེས་བྱ་བ་ནི་འཁྲུལ་པ་ཉིད་དོ། །འདི་ལྟར་འཁྲུལ་པ་ཞེས་བྱ་བ་ཡང་། རྟོག་པ་དང་དབང་པོ་མེད་པ་ནི་ཡང་དག་
[157a.7]པར་ཡང་སྣང་ངོ་། །དངོས་པོ་ལྷའི་སར་#སྣང་བ་ནི་དེ་ལྟ་མ་ཡིན་ཏེ། མ་འཁྲུལ་པའི་དངོས་#པོ་ཡོད་པའི་ཕྱིར་དང་། རྟོག་པའི་#དུས་ན་དེར་སྣང་བ་ཉིད་ཀྱི་ཕྱིར་རོ། །གང་གིས་གང་ལ་གནས་པ་དེ་ཉིད་དོན་ལ་མི་སླུ་#བར་བྱེད་པ་ནི་ཡང་དག་པའི་ཀུན་རྫོབ་སྟེ། དཔེར་ན་དུ་བ་ལས་མེ་དཔོག་པ་བཞིན་ནོ། །ལོག་
[157b]
[157b.1]པའི་ཀུན་རྫོབ་ནི་རྟོག་#པའི་དུས་ན་མི་གནས་པའི་ཕྱིར་དོན་ལ་སླུ་#བར་བྱེད་པ་སྟེ་ཐག་པ་ལ་སྤྲུལ་བཞིན་ནོ། །བསྐྱེད་པའི་རིམ་པ་འདི་ཡང་ཕྲད་པར་བྱེད་པའི་ཕྱིར་དང་། མི་སླུ་#བར་བྱེད་པའི་ཕྱིར་ཡང་དག་པའི་ཀུན་རྫོབ་ཏུ་འགྱུར་རོ་འཁྲུལ་པའི་ཤེས་པ་དང་། མ་འཁྲུལ་པའི་ཤེས་པ་ནི་སླུ་བར་བྱེད་པ་དང་
[157b.2]མི་བྱེད་པས་གཅིག་གིས་གཅིག་སྤངས་པའི་ཕྱིར་འགལ་བར་གནས་པའོ། །དེ་བས་ན་མདོ་སྡེའི་རྗེས་སུ་ཞུགས་པའི་བྱང་ཆུབ་སེམས་དཔའ་རྣམས་ནི་དོན་དམ་པའི་བདེན་པ་དང་། ཡང་དག་པའི་ཀུན་རྫོབ་དང་ལོག་པའི་ཀུན་རྫོབ་གསུམ་ལ་ཉེ་བར་གནས་པའོ། །སྔགས་ཀྱི་སྒོར་ཞུགས་པའི་
[157b.3]བྱང་ཆུབ་སེམས་དཔའ་རྣམས་ནི། དོན་དམ་པའི་བདེན་པ་དང་། ཡང་དག་པའི་ཀུན་རྫོབ་འབའ་ཞིག་ལ་ཉེ་བར་སྤྱོད་པའི་ཕྱིར། དེ་བས་ན་ཐེག་པ་གཉིས་སུ་ཡང་འགྱུར་རོ།# །དུས་ཀྱིས་གསལ་བ་ཡང་མ་ཡིན་ཏེ། སློབ་པ་དང་མི་སློབ་པའི་བྱེ་བྲག་གིས་ཡིན་ནོ། །རང་གི་#ཚིག་གིས་གསལ་
[157b.4]བ་ཡང་མ་ཡིན་ཏེ། གཉིས་ཉིད་ཡོད་པའི་ཕྱིར་རོ། །དེ་བས་ན་འདི་ནི་བླང་བར་བྱ་བ་ཉིད་དོ། །དགོས་པ་མེད་པ་ཡང་མ་ཡིན་ཏེ། སེམས་ཅན་འདོད་ཆགས་ཅན་ལ་སོགས་པ་འདུལ་བར་བྱེད་པ་ཉིད་ཀྱི་ཕྱིར་རོ། །སེམས་ཅན་འདོད་ཆགས་ཅན་རྣམས་ནི་འདོད་ཆགས་ཆེན་པོའི་ཆོས་ཀྱི་རྗེས་སུ་འཇུག་
[157b.5]པའི་ཕྱིར་དེ་བཞིན་གཤེགས་པ་རྣམས་ཀྱིས་འདོད་ཆགས་ཀྱི་སྒོ་ནས་ཆོས་སྟོན་ཏོ། །སེམས་ཅན་ཞེ་སྡང་ཅན་རྣམས་ནི་ཞེ་སྡང་ཆེན་པོའི་ཆོས་ཀྱི་རྗེས་སུ་འཇུག་པའི་ཕྱིར་དེ་བཞིན་གཤེགས་པ་རྣམས་ཀྱིས་ཞེ་སྡང་གི་སྒོ་ནས་ཆོས་སྟོན་ཏོ། །སེམས་ཅན་གཏི་མུག་ཅན་རྣམས་ནི་གཏི་མུག་ཆེན་པོའི་
[157b.6]ཆོས་ཀྱི་རྗེས་སུ་འཇུག་པའི་ཕྱིར་དེ་བཞིན་གཤེགས་པ་རྣམས་ཀྱིས་གཏི་མུག་ཆེན་པོའི་སྒོ་ནས་ཆོས་སྟོན་ཏོ། །སེམས་ཅན་ང་རྒྱལ་ཅན་རྣམས་ནི་ང་རྒྱལ་ཆེན་པོའི་ཆོས་ཀྱི་རྗེས་སུ་འཇུག་པའི་ཕྱིར་དེ་བཞིན་གཤེགས་པ་རྣམས་ཀྱིས་#ང་རྒྱལ་གྱི་སྒོ་ནས་ཆོས་སྟོན་ཏོ། །སེམས་ཅན་ཕྲག་
[157b.7]དོག་ཅན་རྣམས་ནི་ཕྲག་དོག་ཆེན་པོའི་ཆོས་ཀྱི་རྗེས་སུ་འཇུག་པའི་ཕྱིར་དེ་བཞིན་གཤེགས་པ་རྣམས་ཀྱིས་ཕྲག་དོག་གི་སྒོ་ནས་ཆོས་སྟོན་ཏོ། །དེ་ལ་སོགས་པ་རྨད་དུ་བྱུང་བའི་སྤྱོད་པ་ཆེན་པོས་སེམས་ཅན་ཐམས་ཅད་ཀྱི་དོན་བྱེད་པའི་ཕྱིར་དགོས་པ་ཆེན་པོ་དང་ལྡན་པས་རྒྱུད་ཆེན་པོའོ། །དེ་
[158a]
[158a.1]ལྟ་བུའི་རྨད་དུ་བྱུང་བའི་རྒྱུད་འདི་ནི་སྤྱོད་པ་ཆེན་པོ་དང་། དུས་ཆེན་པོ་ལ་སོགས་པ་དང་ལྡན་པའི་ཕྱིར་རྒྱུད་ཆེན་པོ་ཞེས་བྱའོ། །འདིའི་བརྗོད་པར་བྱ་བ་ནི་གང་དགོས་པ་ནི་#གང་དགོས་པའི་དགོས་པ་ནི་གང་། འབྲེལ་པ་ནི་གང་ཞེ་ན། དེ་བཞིན་གཤེགས་པ་ཐམས་ཅད་ཀྱི་
[158a.2]གསང་བ་འདུས་པ་ལམ་འབྲས་བུ་དང་བཅས་པ་ནི་འདི་ནི་བརྗོད་པར་བྱ་བའོ། །ལམ་འབྲས་བུ་དང་བཅས་པ་ཇི་ལྟ་བུའི་འབྲས་བུ་རྣམ་པར་རྟོག་#པ་ནི་དགོས་པའོ། །རྗོད་#པར་བྱེད་པ་དང་དགོས་པ་ནི་གང་ལ་གང་ཞིག་རག་ལས་པར་འགྱུར་བ་དེའི་ཕྱིར་རག་ལས་པའི་འབྲེལ་པར་འགྱུར་རོ། །བདག་
[158a.3]གི་དོན་དང་གཞན་གྱི་དོན་ཕུན་སུམ་ཚོགས་པར་བྱེད་པ་ནི་དགོས་པའི་དགོས་པའོ། །ཡང་ན་ལམ་ལ་གནས་པར་#བྱེད་པ་ནི་དགོས་པ་ཡིན་ལ། དེས་འབྲས་བུ་ཐོབ་པ་ནི་དགོས་པའི་ཕྱིར་ན་#དགོས་པའོ། །ཡང་ན་ཐུན་མོང་དང་མཆོག་གི་དངོས་གྲུབ་དང་བདག་དང་གཞན་གྱི་དོན་རྣམ་པ་གཉིས་
[158a.4]པོ་དགོས་པ་དང་#དགོས་པའི་དགོས་པར་གོ་རིམས་#བཞིན་དུ་སྦྱར་རོ། །བརྗོད་པར་བྱ་བ་དེ་ཉིད་ལ་སོགས་པ་རྒྱས་པར་བསྟན་པའི་ཕྱིར། དཔལ་ལྡན་རྒྱུད་རྒྱལ་ཞེས་བྱ་བ་ལ་སོགས་པ་སྨོས་ཏེ། དེ་ལ་དཔལ་ནི་དཔལ་ཏེ། དཔལ་རྡོ་རྗེ་འཆང་ཆེན་པོའོ། །དཔལ་དེ་དང་ལྡན་པས་ན་#
[158a.5]དཔལ་ལྡན་ཏེ། དེ་བཞིན་གཤེགས་པ་བཙུན་མོའི་ཚོགས་དང་རྣམ་པར་རོལ་པའོ། །དེ་ཉིད་ཐབས་ཤེས་རབ་གཉིས་སུ་མེད་པའི་སྙོམས་པར་ཞུགས་པའི་རྒྱུད་དོ། །རྒྱུད་དེ་ཉིད་རྒྱལ་པོ་སྟེ་རྣལ་འབྱོར་རྒྱུད་ཀྱི་#ཤིན་ཏུ་གསལ་བར་རྣམ་ཕྱེ་ཞེས་བཤད་པའི་ཕྱིར་རོ། །སེམས་ཅན་
[158a.6]ཐམས་ཅད་ཀྱང་དེ་ལྟ་བུའི་ཆོས་དང་ལྡན་པར་འགྱུར་རོ་ཞེ་ན། མཐའ་དྲུག་གི་ནི་འཆིང་བས་བཅིངས། །ཞེས་བྱ་བ་ལ་སོགས་པ་སྨོས་ཏེ། འདིར་མཐའ་རྣམ་པ་དྲུག་ནི་འདོད་ཆགས་དང་། ཁོང་ཁྲོ་དང་ང་རྒྱལ་དང་། ལྟ་བ་དང་། ཐེ་ཚོམ་དང་། མ་རིག་པ་དང་རྣམ་པ་དྲུག་གོ། །འདི་ནི་
[158a.7]མཐའ་སྟེ། འཁོར་བའི་གཡང་ས་དང་ཉེ་བ་ཉིད་ཀྱི་ཕྱིར་རོ། །མཐའ་ཡང་ཡིན་དྲུག་ཀྱང་ཡིན་པས་#འདི་ནི་མཐའ་དྲུག་གོ། །མཐའ་དྲུག་ཀྱང་#ཡིན་པ་དེ་ནི་འཆིང་བས་བཅིངས་པ་#ཡང་ཡིན་པས་མཐའ་དྲུག་གི་འཆིང་བས་བཅིངས་པའོ། །དེས་ཅིར་འགྱུར་ཞེ་ན། རྒྱལ་པོར་མ་གྱུར་ཞེས་པ་ནི་
[158b]
[158b.1]དམན་པར་གྱུར་ཞེས་པའོ། །དེ་བས་ན་མཆོག་ཏུ་མ་གྱུར་པ་དེ་ནི་དམན་པར་གྱུར་པའོ། །གང་དམན་པར་གྱུར་པ་དེ་ནི་རྨད་དུ་#བྱུང་བའི་སྤྱོད་པ་ལ་མི་གནས་པའོ། །གང་རྨད་དུ་བྱུང་བའི་སྤྱོད་པ་ལ་མི་གནས་པ་#དེ་ནི་རྨད་དུ་བྱུང་བའི་སྤྱོད་ཡུལ་མ་ཡིན་ནོ། །གང་རྨད་དུ་བྱུང་བའི་སྤྱོད་ཡུལ་མ་ཡིན་པ་
[158b.2]དེ་ནི་དེའི་འབྲས་བུ་ཅན་མ་ཡིན་ནོ། །གང་དེའི་འབྲས་བུ་ཅན་མ་ཡིན་པ་དེ་ནི་ལོག་པའི་འབྲས་བུ་དང་ལྡན་པར་འགྱུར་རོ། །མདོ་དག་ལས་ཀྱང་། སེམས་དཔའ་ཆེན་པོ་མ་རིག་པ་ལས་ནི་འདུ་བྱེད་འབྱུང་ངོ་། །འདུ་བྱེད་ལས་ནི་རྣམ་པར་ཤེས་པ་འབྱུང་ངོ་། །རྣམ་པར་ཤེས་པ་ལས་ནི་མིང་དང་
[158b.3]གཟུགས་འབྱུང་ངོ་། །མིང་དང་གཟུགས་ལས་ནི་སྐྱེ་མཆེད་དྲུག་འབྱུང་ངོ་། །སྐྱེ་མཆེད་དྲུག་ལས་ནི་རེག་པ་འབྱུང་ངོ་། །རེག་པ་ལས་ནི་ཚོར་བ་འབྱུང་ངོ་། །ཚོར་བ་ལས་ནི་སྲིད་པ་#ལ་སོགས་པ་འབྱུང་བ་དང་། གཞན་ལས་ཀྱང་། སེམས་དཔའ་ཆེན་པོ་དེ་བཞིན་གཤེགས་པ་བཙུན་
[158b.4]མོ་ལ་ཉེ་བར་ལོངས་སྤྱོད་པ་ནི་རྨད་དུ་བྱུང་བའི་སྤྱོད་པའོ། །སེམས་ཅན་ལོག་སྲེད་ཅན་རྣམས་ནི་འདོད་ཆགས་དང་ཞེ་སྡང་ལ་སོགས་པས་དེ་བཞིན་གཤེགས་པའི་སྤྱོད་པ་ལ་མི་གནས་ཏེ། སེམས་ཅན་འདི་དག་ནི་ཉོན་མོངས་པའི་མཐའ་ལ་གནས་པའི་ཕྱིར་རོ། །ཀྱེ་མ་སེམས་ཅན་འདི་དག་
[158b.5]ནི་རབ་ཏུ་བརླག་གོ། །ཀུན་དུ་བརླག་གོ། །ཀུན་དུ་རབ་ཏུ་བརླག་གོ། །འདི་དག་ནི་འཁོར་བའི་ཆོས་ཉེ་བར་ལེན་པའོ། །འདི་དག་ནི་ཉོན་མོངས་པ་ལྷུར་ལེན་པའོ། །སེམས་ཅན་འདི་དག་ནི་རྨད་དུ་བྱུང་བའི་སྤྱོད་པ་སྤངས་པའོ། །སེམས་ཅན་འདི་དག་ནི་དེ་བཞིན་གཤེགས་པའི་དངོས་གྲུབ་ཐམས་
[158b.6]ཅད་སྤངས་པའོ་ཞེས་འབྱུང་བའི་ཕྱིར་རོ། །མཐའ་དྲུག་གི་འཆིང་བས་བཅིངས་པའི་ཕྱིར་ཐམས་ཅད་ཀྱི་སྤྱོད་ཡུལ་མ་ཡིན་ནམ་ཞེ་ན། མ་ཡིན་ཏེ། དེའི་ཕྱིར་རྒྱལ་སྲས་ཡུལ་གྱུར་ཞེས་བྱ་བ་སྨོས་ཏེ། རྒྱལ་བ་ནི་སངས་རྒྱས་ཏེ་རྡོ་རྗེ་འཆང་ཆེན་པོ་ལ་སོགས་པའོ། །རྒྱལ་བའི་སྲས་ནི་རྒྱལ་བའི་
[158b.7]སྲས་ཏེ་བྱམས་པ་ལ་སོགས་པའོ། །དེ་རྣམས་ཀྱི་ཡུལ་དུ་གྱུར་ཞེས་པ་འདིས་ནི་འཁོར་བ་པའི་#ཡུལ་མ་ཡིན་ཞེས་སྦྱར་རོ། །ཡུལ་དུ་གྱུར་ཞེས་པ་ནི་དེ་རྣམས་ཀྱིས་ཉེ་བར་ལོངས་སྤྱོད་དུ་ཡོད་ཅེས་པའོ། །གང་ལ་སྤྱོད་ཅེ་ན། དཔལ་ལྡན་རྒྱུད་རྒྱལ་ཞེས་བྱ་བ་དེ་ཉིད་བཤད་པ། རྒྱལ་བའི་འདུས་པ་#གང་
[159a]
[159a.1]ཡིན་ཞེས་བྱ་བ་སྨོས་ཏེ། རྒྱལ་བའི་འདུས་པ་ནི་རྒྱལ་བ་འདུས་པ་སྟེ། དེ་བཞིན་གཤེགས་པ་བཙུན་མོའི་ཚོགས་དང་ཉེ་བར་སྦྱོར་བའོ། །དེ་ཉིད་སེམས་ཅན་ཐམས་ཅད་ཀྱི་ཡུལ་དུ་མ་གྱུར་པ་ཅིའི་ཕྱིར་ཞེ་ན། སངས་རྒྱས་ཀུན་གྱིས་རྒྱས་བཏབ་ཅེས་སྨོས་#ཏེ། སངས་རྒྱས་ཀུན་ནི་
[159a.2]རྡོ་རྗེ་འཆང་ཆེན་པོ་ལ་སོགས་པས་སོ། །དེས་རྒྱས་བཏབ་ཅེས་པ་ནི་ཐམས་ཅད་ལ་སྦས་པ་ཞེས་པའོ། །དེ་དག་གི་དོན་ཡང་དོན་#འདི་སྐད་དུ་སྟོན་པར་འགྱུར་ཏེ། དེ་བཞིན་གཤེགས་པ་རྣམས་ཀྱི་སྤྱོད་པ་རྨད་དུ་བྱུང་བ་གཉིས་སུ་མེད་པའི་ཐབས་ཀྱི་སྦྱོར་བ་འདི་ནི་ཉན་ཐོས་དང་རང་སངས་རྒྱས་ལ་སོགས་
[159a.3]པ་རྣམས་ཀྱི་ཐུན་མོང་མ་ཡིན་པ་ཤིན་ཏུ་གསང་བར་དགོངས་སོ། །གལ་ཏེ་གསང་བ་ཞིག་ཡིན་ན། ཐམས་ཅད་ནས་ཐམས་ཅད་དུ་རྟོག་#པ་མེད་པར་འགྱུར་རོ་ཞེ་ན། མ་ཡིན་པའི་ཕྱིར་ཀླུ་སྒྲུབ་ལས་རྙེད་པ་ཞེས་སྨོས་ཏེ། ལེགས་པར་ལུང་བསྟན་པའི་བྱང་ཆུབ་སེམས་དཔའ་ཀླུ་སྒྲུབ་ལས་རྙེད་
[159a.4]པ་བཤད་ཅེས་སྦྱར་རོ། །ཡང་ན་དཔལ་ལྡན་རྒྱུད་རྒྱལ་གྱི་དཔལ་ནི་སྐུ་རྣམ་པ་གསུམ་མོ། །དཔལ་དེ་ཐོབ་པའི་ཐབས་གང་ལ་ཡོད་པ་དེ་ནི་དཔལ་ལྡན་ཏེ། བསྐྱེད་པའི་རིམ་པ་དང་རྫོགས་པའི་རིམ་པའོ། །རིམ་པ་རྣམ་པ་གཉིས་གཙོ་བོར་སྟོན་པའི་རྒྱུད་ནི་རྒྱུད་རྒྱལ་ཏེ། དེ་བཞིན་གཤེགས་པ་
[159a.5]ཐམས་ཅད་ཀྱི་གསང་བ་འདུས་པའོ། །ཡང་ན་དཔལ་ལྡན་ནི་དེ་བཞིན་གཤེགས་པ་རྣམས་སོ། །དེ་དང་གང་ལྡན་པ་ནི་དཔལ་ལྡན་ཏེ་རྡོ་རྗེ་འཆང་ཆེན་པོའོ། །དེ་ཉིད་ཀྱིས་གསུངས་པ་འདི་ཉིད་ནི་རྒྱུད་ཀྱི་རྒྱལ་པོ་ཡིན་ཞེས་སྦྱར་རོ། །ཡང་ན་དཔལ་ལྡན་ཡང་ཡིན་རྒྱུད་ཀྱང་ཡིན་པས་ན་
[159a.6]དཔལ་ལྡན་རྒྱུད་རྒྱལ་ཏེ། གང་ལ་བསོད་ནམས་དང་ཡེ་ཤེས་ཀྱི་ཚོགས་ཐོབ་པར་བྱེད་པའི་ཐབས་ཡོད་པ་དེ་ལ་དེ་སྐད་ཅེས་བྱའོ། །དེ་ཉིད་ནི་རྣལ་འབྱོར་གྱི་རྒྱུད་ཀྱིས་ཤིན་ཏུ་གསལ་བར་རྣམ་ཕྱེ་སྟེ། གང་ལ་ཏིང་ངེ་འཛིན་གཙོ་བོར་#སྟོན་པར་བྱེད་པའི་རྒྱུད་ནི་རྣལ་འབྱོར་གྱི་རྒྱུད་དོ། །གང་
[159a.7]ཞེ་ན། དེ་བཞིན་གཤེགས་པ་ལ་བྱམས་པ་ལ་སོགས་པས་ཞུས་པའི་རྒྱུད་ཡེ་ཤེས་རྡོ་རྗེ་ཀུན་ལས་བཏུས་པ་ལ་སོགས་པའོ། །དེས་གསལ་བར་བྱེད་པ་ནི་དེས་གསལ་བར་བཤད་པ་སྟེ། སྒྲ་དང་དོན་ཐམས་ཅད་རྒྱས་པར་བྱས་ཤེའོ#། །དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་
[159b]
[159b.1]པ་ལ་རྣལ་འབྱོར་གྱི་རྒྱུད་ཀྱིས་རྒྱས་པར་བྱེད་པ་ཅིའི་ཕྱིར་ཞེ་ན། མཐའ་དྲུག་གི་ནི་འཆིང་བས་བཅིངས། །ཞེས་བྱ་བ་སྨོས་ཏེ། གང་ལ་མཐའ་དྲུག་གི་འཆིང་བ་ཡོད་པ་དེ་ལ་དེ་སྐད་ཅེས་བྱའོ། །གལ་ཏེ་མཐའ་དྲུག་གི་འཆིང་བས་བཅིངས་ཀྱང་ཉེ་བར་གདགས་པ་མི་བྱའོ་ཞེ་ན། བློ་དམན་པ་རྣམས་
[159b.2]ཀྱིས་རྟོགས་པར་བྱེད་པར་འགྱུར་ཏེ། དེའི་ཕྱིར་རྒྱལ་སྲས་ཡུལ་གྱུར་ཞེས་བྱ་བ་སྨོས་སོ། །རྒྱལ་བའི་ཡུལ་དུ་གྱུར་ཞེས་པས་ནི་རྡོ་རྗེ་འཆང་ཆེན་པོ་ལ་སོགས་པས་རྟོགས་པར་བྱ་བ་ཡིན་པར་བསྟན་ཏོ། །རྒྱལ་བའི་སྲས་ཀྱི་ཡུལ་དུ་གྱུར། །ཞེས་པས་ནི་བྱམས་པ་ལ་སོགས་པ་བྱང་ཆུབ་སེམས་
[159b.3]དཔའ་རྣམས་ཀྱིས་རྟོགས་པར་བྱ་བ་ཡིན་པར་བསྟན་ཏོ། །རྒྱས་#སྲས་ཡུལ་གྱུར་ཞེས་བྱ་བ་འདི་ནི་རྒྱལ་སྲས་ཀྱི་ཡུལ་དུ་གྱུར་པ་ཁོ་ནའོ་ཞེས་བྱ་བ་ནི་མ་ཡིན་གྱི། རྒྱལ་བའི་སྲས་ཁོ་ནའི་ཡུལ་དུ་གྱུར་ཞེས་པའོ། །འདིས་ནི་གཞན་དང་ལྡན་པ་རྣམ་པར་བཅད་པའོ། །མཐའ་དྲུག་གི་ནི་འཆིང་བས་བཅིངས། །
[159b.4]ཞེས་བྱ་བ་འདི་ནི་ཉེ་བར་མཚོན་པའི་ཚིག་སྟེ། བཤད་པ་བཞི་ཡི་འཆིང་བས་བཅིངས། །ཞེས་བྱ་བ་ལ་སོགས་པ་ཡང་ཤེས་པར་བྱའོ། །དེ་དག་གིས་བཅིངས་པ་ཡང་གང་ཡིན་#ཞེ་ན། རྒྱལ་བའི་འདུས་གང་ཡིན་ཞེས་བྱ་བ་སྨོས་ཏེ། དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པ་མཐའ་
[159b.5]དྲུག་གི་འཆིང་བས་བཅིངས་ཞེས་སྦྱར་རོ། །རྒྱལ་བའི་འདུས་པ་ཡང་སྒྲའི་རྣམ་པ་བཅིངས་སམ། དོན་གྱི་རྣམ་པ་བཅིངས་ཞེས་རྟོག་#གྲང་ན། སྒྲའི་རྣམ་པ་མ་ཡིན་པའི་ཕྱིར། རིམ་གཉིས་གནས་ཀྱིས་རྒྱས་བཏབ་དེ་ནི་ཞེས་བྱ་བ་སྨོས་ཏེ། བསྐྱེད་པའི་རིམ་པ་དང་། རྫོགས་པའི་རིམ་པ་
[159b.6]གཉིས་ཀྱིས་རྒྱས་བཏབ་ཅེའོ། །དེ་བཞིན་གཤེགས་པ་རྣམས་ཀྱིས་རྒྱས་བཏབ་ཅེས་པ་ཡང་མི་གདུག་#སེམས་དང་བཅས་པ་འམ། སྙོམ་ལས་དང་བཅས་པ་#ཡིན་ཞེས་རྟོག་གྲང་ན། ཕྱོགས་གཉི་ག་ནི་བླང་བར་བྱ་བ་མ་ཡིན་པའི་ཕྱིར་རེ་ཞིག་བསལ་ལོ། །དེ་ཉིད་ཐམས་ཅད་ཀྱིས་རྟོགས་པ་
[159b.7]མ་ཡིན་ནོ་ཞེ་ན། ཀླུ་སྒྲུབ་ལས་རྙེད་པ་ཞེས་སྨོས་ཏེ། དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པ་གང་ཡིན་པ་དེ་སུས་ཀྱང་རྙེད་པར་#མ་གྱུར་པ་སློབ་དཔོན་ཀླུ་སྒྲུབ་ལས་རྙེད་ཅེས་སྦྱར་རོ། །འདི་དག་གི་དོན་ནི་འདི་སྐད་དུ་སྟོན་པར་འགྱུར་ཏེ། སྣོད་དང་སྣོད་མ་ཡིན་པ་རྣམ་པར་ཕྱེ་
[160a]
[160a.1]ནས་སྣོད་མ་ཡིན་པ་ལ་གསང་#བའི་དོན་དུ་#མཐའ་དྲུག་གི་འཆིང་བས་བཅིངས་པའོ། །གང་མཐའ་དྲུག་གི་འཆིང་བས་བཅིངས་པ་དེ་ནི་རྒྱལ་བའི་སྲས་ཀྱི་ཡུལ་དུ་འགྱུར་རོ། །གང་རྒྱལ་བའི་སྲས་ཀྱི་ཡུལ་དུ་གྱུར་པ་དེ་ནི་ཚོགས་དང་སློབ་མའི་གང་ཟག་གིས་རྙེད་པ་མ་ཡིན་
[160a.2]པར་འགྱུར་རོ། །གང་ཚོགས་དང་སློབ་མས་རྙེད་པར་མ་གྱུར་པ་དེ་ནི་རྣལ་འབྱོར་གྱི་རྒྱུད་དང་། བྱང་ཆུབ་སེམས་དཔའི་སྤྲུལ་པ་ལས་རྙེད་པར་འགྱུར་རོ། །གང་རྣལ་འབྱོར་གྱི་རྒྱུད་དང་། བྱང་ཆུབ་སེམས་དཔའ་#སྤྲུལ་པ་ལས་རྙེད་པ་དེ་ནི་ཀུན་དང་ཐུན་མོང་མ་ཡིན་པའི་ཕྱིར་རོ། །ཀུན་དང་ཐུན་མོང་མ་
[160a.3]ཡིན་པའི་ཕྱིར་རིགས་དབྱེ་བར་འགྱུར་རོ། །རྣལ་འབྱོར་གྱི་རྒྱུད་ཀྱང་ཇི་ལྟར་བཤད་ཅེ་ན། དེ་བཞིན་གཤེགས་པ་ཐམས་ཅད་ནི་ཕྱི་དང་#ནང་གི་མངོན་པར་བྱང་ཆུབ་པའི་སྒོ་ནས་མངོན་པར་རྫོགས་པར་སངས་རྒྱས་པས་དེ་བཞིན་གཤེགས་པའི་གསང་བ་འདུས་པ་ལས་ཀྱང་མངོན་པར་བྱང་ཆུབ་
[160a.4]པ་སྟོན་པར་འགྱུར་རོ། །དེ་བཞིན་གཤེགས་པའི་གསང་བ་འདུས་པའི་མངོན་པར་བྱང་ཆུབ་པ་དེ་ཉིད་#ཕྱི་དང་ནང་གི་དབྱེ་བས་རྒྱུའི་མངོན་པར་བྱང་ཆུབ་པ་དང་། ལམ་དང་། འབྲས་བུ་དང་། དཔེ་ལ་སོགས་པའི་ཟབ་པ་དང་རྨད་དུ་བྱུང་བའི་མངོན་པར་བྱང་ཆུབ་པ་ལེགས་པར་བསྟན་པར་བྱ་
[160a.5]བའི་ཕྱིར་མངོན་པར་བྱང་ཆུབ་པའི་རྒྱུད་གསུངས་སོ། །དེ་བཞིན་གཤེགས་པ་རྣམས་ནི་ངེས་པའི་དོན་དུ་བྱང་ཆུབ་ཀྱི་སེམས་ལ་བརྟེན་ཏེ། སངས་རྒྱས་པས་རྒྱུད་ཀྱི་རྒྱལ་པོ་ལས་ཀྱང་དེ་ཉིད་བསྟོད་#པས་དེ་ཉིད་གསལ་བར་བསྟན་པར་བྱ་བའི་ཕྱིར་ལྷ་མོ་བཞིས་ཞུས་པ་བྱང་ཆུབ་ཀྱི་སེམས་ཀྱི་
[160a.6]རྒྱུད་གསུངས་སོ། །དེ་བཞིན་གཤེགས་པ་ཐམས་ཅད་ནི་སྤྲུལ་པའི་སྐུ་ལས་མི་འདའ་ལ། སྤྲུལ་པའི་སྐུའི་དེ་ཁོ་ན་ཉིད་དང་ཆོས་འགྲུབ་པར་བྱེད་པའི་ཐབས་སྦྱོར་བ་ཡན་ལག་དྲུག་ནི་གསང་བ་འདུས་པ་ནས་ཉེ་བར་བསྟན་ཏོ། །དེ་#གསལ་བར་སྟོན་པའི་ཕྱིར་བྱམས་པས་ཞུས་པའི་རྒྱུད་ཕྱི་མ་གསུངས་
[160a.7]སོ། །དེ་བཞིན་གཤེགས་པ་རྣམས་ནི་བཤད་པའི་ཚུལ་རྣམ་པ་བཞི་ལས་མི་འདའ་ལ། དེ་གསལ་བར་བྱ་བའི་དོན་དུ་གསང་བའི་རྒྱུད་རྡོ་རྗེ་ཕྲེང་བ་གསུངས་སོ། །དེ་བཞིན་གཤེགས་པ་རྣམས་ནི་ཐུགས་རྗེ་ཆེན་པོའི་སྟོབས་ཀྱིས་#སེམས་ཅན་ལ་ཆོས་སྟོན་པ་ལས་མི་འདའ་ལ། དེ་གསལ་
[160b]
[160b.1]བར་བྱེད་པའི་རྒྱུད་ནི་དཔལ་ཕྱག་ན་རྡོ་རྗེས་ཞུས་པ་ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་གསུངས་སོ། །དེ་བཞིན་གཤེགས་པ་རྣམས་ནི་རྨད་དུ་བྱུང་བའི་སྤྱོད་པ་ལས་མི་འདའ་ལ། དེ་གསལ་བར་བྱེད་པའི་རྒྱུད་ནི་སྤྱོད་པ་མཆོག་གི་རྒྱུད་གསུངས་སོ། །དེ་བཞིན་གཤེགས་པ་རྣམས་ནི་ཐོབ་པ་
[160b.2]དང་རྩོལ་བ་དངོས་གྲུབ་རྣམ་པ་གཉིས་ལས་མི་འདའ་ལ། དེ་གསལ་བར་བྱེད་པའི་རྒྱུད་ནི་དངོས་གྲུབ་སྟོན་#པར་བྱེད་པ་ཞེས་བྱ་བའི་རྒྱུད་གསུངས་སོ། །དེ་བཞིན་གཤེགས་པ་རྣམས་ནི་དབང་དང་དམ་ཚིག་ལས་མི་འདའ་ལ། དེ་གསལ་བར་བྱེད་པའི་རྒྱུད་ནི་དམ་ཚིག་གི་དེ་ཁོ་ན་ཉིད་ཉེ་བར་
[160b.3]འབྱེད་པའི་རྒྱུད་གསུངས་སོ། །དེ་བཞིན་གཤེགས་པ་རྣམས་#ནི་བསྐྱེད་པའི་རིམ་པ་དང་ལྷའི་རྣལ་འབྱོར་གྱི་རྫོགས་པའི་རིམ་པ་ལས་མི་འདའ་ལ། དེ་གསལ་བར་བྱེད་པའི་རྒྱུད་ནི་རྡོ་རྗེ་རྣོན་པོའི་རྒྱུད་གསུངས་སོ། །དེ་བས་ན་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་
[160b.4]གསང་བ་འདུས་པ་ནི་རྣལ་འབྱོར་གྱི་རྒྱུད་རྣམས་ཀྱིས་ཤིན་ཏུ་རྒྱས་བཏབ་པ། ཤིན་ཏུ་ཟབ་པ། ཤིན་ཏུ་རྨད་དུ་བྱུང་བ། ཤིན་ཏུ་རྟོགས་པར་དཀའ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཀྱང་རྙེད་པར་དཀའ་བས་མཆོག་ཏུ་དམ་པར་གྱུར་པ་རྣམས་ཀྱི་སྤྱོད་ཡུལ་དུ་གྱུར་པ་ཡིན་
[160b.5]པའི་ཕྱིར་དད་པའི་རྗེས་སུ་འབྲང་བ་#དང་། ཆོས་ཀྱི་རྗེས་སུ་འབྲང་བ་#རྣམས་ཀྱིས་རྣལ་འབྱོར་གྱི་རྒྱུད་དང་། བྱང་ཆུབ་སེམས་དཔའ་བྱམས་པའི་ཊཱི་ཀཱ་#དང་། བྱང་ཆུབ་སེམས་དཔའ་པདྨའི་མན་ངག་ལ་བརྟེན་ཏེ་རྟོགས་པར་བྱའོ། །དེ་ལྟར་བཤད་པར་དམ་བཅའ་བ་བསྟན་ནས། ད་ནི་དེ་ཁོ་ན་ཉིད་
[160b.6]ཀྱི་དོན་མདོར་བསྡུས་ཏེ་བསྟན་པར་བྱའོ། །དེའི་ཕྱིར། གསང་སྔགས་སྐུ་ནི་རབ་ཏུ་སྒྲུབ་པར་#བྱེད། །ཅེས་བྱ་བ་ལ་སོགས་པ་སྨོས་ཏེ། སྐུ་སྒྲུབ་པར་བྱེད་པ་ནི་བསྐྱེད་པའི་རིམ་པ་ཡིན་ལ། སྔགས་སྒྲུབ་པར་བྱེད་པ་ནི་རིམ་པ་དང་པོ་ཡིན་པས་དེ་ལ་དེ་སྐད་ཅེས་བྱའོ། །རིམ་པ་ཞེས་བྱ་བ་#ནི་གཉི་
[160b.7]ག་ལ་སྦྱར་བར་བྱའོ། །འདིས་ནི་བསྐྱེད་པའི་རིམ་པ་ཡང་གཟུང་བར་བྱའོ། །རིམ་པ་དང་པོ་ཞེས་སྨོས་པ་མ་ཡིན་ནམ། དེ་ཅིའི་ཕྱིར་གཉི་ག་ལ་དང་པོ་ཞེས་བརྗོད་ཅེ་ན་འདི་ནི་རྫོགས་པའི་རིམ་པ་འབའ་ཞིག་གི་དབང་དུ་བྱས་པ་ཡིན་གྱི། བསྐྱེད་པའི་རིམ་པ་དང་ཐུན་མོང་དུ་ནི་མ་ཡིན་ནོ། །རིམ་པ་
[161a]
[161a.1]དང་པོ་ཞེས་བྱ་བ་འདི་ཡང་གང་ཞིག་ཅེ་ན། འདི་ནི་རྡོ་རྗེ་བཟླས་པ་ཉིད་དོ། །རིམ་པ་གཉིས་པ་བརྗོད་པའི་ཕྱིར། སེམས་ལ་དམིགས་པ་ཙམ་ཞིག་ནི། །རིམ་པ་གཉིས་པ་ཞེས་བརྗོད་དོ། །ཞེས་པ་སེམས་ལ་དམིགས་པས་ན། སེམས་ལ་དམིགས་པ་སྟེ། གང་
[161a.2]གི་སེམས་ཡུལ་དུ་བྱས་པས་ན། སེམས་ལ་དམིགས་པའོ། །རིམ་པ་གཉིས་པ་ཞེས་པ་ནི། རྡོ་རྗེ་བཟླས་པ་ལ་ལྟོས་#པའི་རིམ་པ་གཉིས་སོ། །ཙམ་ཞེས་པ་ནི་དགག་པ་སྨོས་པ་སྟེ། སེམས་ལ་དམིགས་པ་ཙམ་ཞིག་རིམ་པ་གཉིས་པ་ཡིན་གྱི། གཞན་ནི་མ་ཡིན་ནོ། །དེ་ནས་རིམ་
[161a.3]པ་གསུམ་པ་བསྟན་པའི་ཕྱིར། ཀུན་རྫོབ་བདེན་པ་བསྟན་པ་ནི། །ཡིད་དང་རིམ་པ་གསུམ་པའོ། །ཞེས་པ་གང་རྒྱུ་རྐྱེན་གྱིས་བསྐྱེད་པ་བརྫུན་པར་སྣང་བ་ནི་ཀུན་རྫོབ་སྟེ། ཀུན་རྫོབ་དེའི་དབང་དུ་བྱས་ནས་#བདེན་པས་ན་བདེན་པའོ། །རིམ་པ་#གཉིས་པ་ལ་ལྟོས་#ནས་འདི་རིམ་པ་གསུམ་པའོ། །འདིས་
[161a.4]ནི་ཅིག་ཅར་གྱིས་འབྱུང་བའི་སྒྱུ་མ་ལྟ་བུའི་སྐུ་གཟུང་ངོ་། །དེ་ནས་རིམ་པ་བཞི་པ་བསྟན་པའི་ཕྱིར། ཀུན་རྫོབ་བདེན་པ་དག་པ་ནི། །རིམ་པ་བཞི་པ་ཞེས་བརྗོད་དོ། །ཞེས་པ་#རིལ་པོར་འཛིན་པ་དང་། རྗེས་སུ་གཞིག་པའི་སྟོབས་ཀྱིས་སྒྱུ་མ་ལྟ་བུའི་སྐུ་རང་བཞིན་གྱིས་རྣམ་པར་དག་པ་འདི་ནི་འོད་གསལ་བ་སྟེ།
[161a.5]རིམ་པ་བཞི་པའོ། །རིམ་པ་བཞི་པའི་དུས་སུ་ནི་བདེན་པ་རྣམ་པ་གཉིས་ཀྱི་ཚུལ་དུ་གནས་པ་སྟེ། འདི་ལྟར་མཉམ་པར་གཞག་པ་ནི་དོན་དམ་པའི་#བདེན་པའོ། །དེའི་རྗེས་ལས་ཐོབ་པའི་སྐུ་ནི་ཀུན་རྫོབ་ཀྱི་བདེན་པའོ། །དེ་ནས་རིམ་པ་ལྔ་པ་བསྟན་པའི་ཕྱིར། བདེན་པ་#གཉིས་སྦྱོར་#གང་ཡིན་པ། །ཟུང་འཇུག་
[161a.6]ཅེས་བྱ་ལྔ་པ་སྟེ། །ཞེས་བྱ་བ་སྨོས་ཏེ། དོན་དམ་པའི་བདེན་པ་དང་། ཀུན་རྫོབ་ཀྱི་བདེན་པ་རྣམ་པ་གཉིས་སུ་དབྱེར་མེད་པར་རྟོགས་པ་འདི་ནི་ཟུང་དུ་འཇུག་པ་སྟེ་རིམ་པ་ལྔ་པའོ། །དེ་ནས་སྒྲུབ་ཐབས་ཀྱི་ཆེ་བ་བསྟན་པའི་ཕྱིར། འདི་ནི་སྒྲུབ་པའི་ཐབས་ཀྱི་མཆོག །ཅེས་པ་བསྐྱེད་པའི་རིམ་པ་དང་།
[161a.7]རྫོགས་པའི་རིམ་པ་འདི་ནི་སྒྲུབ་ཐབས་ཐམས་ཅད་ཀྱི་མཆོག་ཡིན་ཏེ། ཅིའི་ཕྱིར་ཞེ་ན། དངོས་གྲུབ་གཉིས་ཀྱི་རྒྱུར་གྱུར་པའི་ཕྱིར་རོ། །རྒྱུད་ཀུན་གྱི་ནི་དོན་བསྡུས་པའོ། །ཞེས་པ། དེ་བཞིན་གཤེགས་པ་ཐམས་ཅད་ཀྱི་རྒྱུད་ནི་ལམ་དང་འབྲས་བུ་གཉིས་ལས་མི་འདའ་ལ། བསྐྱེད་པ་དང་རྫོགས་
[161b]
[161b.1]པའི་རིམ་པ་འདི་ཡང་ལམ་དང་འབྲས་བུ་གཉིས་དང་ལྡན་པའི་ཕྱིར་རྒྱུད་ཀྱི་དོན་བསྡུས་པའོ། །ཡང་ན་རྒྱུད་ནི་དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པའོ། །དེའི་ཡན་ལག་ནི་ལྷ་མོ་བཞིས་ཞུས་པ་ལ་སོགས་པའོ། །དེའི་དོན་མདོར་བསྡུས་པ་ནི་ལམ་འབྲས་བུ་དང་བཅས་པའོ། །
[161b.2]ལམ་ནི་#རྣམ་པ་གཉིས་ཏེ་སྨིན་པ་དང་གྲོལ་བར་བྱེད་པའི་ལམ་མོ། །སྨིན་པར་བྱེད་པའི་ལམ་ནི་རྣམ་པ་བཞི་སྟེ། བུམ་པའི་དབང་དང་། གསང་བའི་དབང་དང་། ཤེས་རབ་ཡེ་ཤེས་ཀྱི་དབང་དང་། དབང་བཞི་པའོ། །གྲོལ་བར་བྱེད་པའི་ལམ་ནི་རྣམ་པ་བཞི་སྟེ#། དེ་ཁོ་ན་ཉིད་ཀྱི་#ཏིང་ངེ་འཛིན་དང་
[161b.3]གྲོགས་སྤྱོད་པའོ། །དེ་ཁོ་ན་ཉིད་ཀྱི་ཏིང་ངེ་འཛིན་ལ་གཉིས་ཏེ། བསྐྱེད་པའི་རིམ་པ་དང་། རྫོགས་པའི་རིམ་#པའོ། །རྫོགས་པའི་རིམ་པ་ལ་རྣམ་པ་ལྔ་སྟེ། རྡོ་རྗེ་བཟླས་པ་ལ་སོགས་པའོ། །སྤྱོད་པ་ནི་རྣམ་པ་གསུམ་སྟེ། སྤྲོས་པ་དང་བཅས་པ་དང་། སྤྲོས་པ་མེད་པ་དང་། ཤིན་ཏུ་སྤྲོས་པ་
[161b.4]མེད་པའོ། །འབྲས་བུ་ནི་རྣམ་པ་གཉིས་ཏེ། འབྲས་བུ་གནས་སྐབས་པ་དང་། འབྲས་བུ་མཐར་ཐུག་པའོ། །ཐུན་མོང་གི་དངོས་གྲུབ་འབའ་ཞིག་པ་ནི་འབྲས་བུ་གནས་སྐབས་པའོ། །མཆོག་གི་དངོས་གྲུབ་ནི་འབྲས་བུ་མཐར་ཐུག་པའོ། །འདི་དག་ནི་དེ་བཞིན་གཤེགས་པ་ཐམས་ཅད་ཀྱི་རྒྱུད་
[161b.5]ཀྱི་དོན་མདོར་བསྡུས་པའོ། །སྔགས་དང་སེམས་དང་ལུས་དང་ནི། །ཞེས་བྱ་བ་ལ་སོགས་པ་ནི་བཤད་ཟིན་ཏོ། །མདོར་བསྡུས་པ་ཞེས་བྱ་བ་འདི་ཡང་འོག་ནས་འབྱུང་བའི་དོན་ཉིད་ཡིན་ནམ་དེ་ལས་གཞན་ཞིག་ཡིན་ཞེ་ན། ཕྱོགས་དང་པོ་ལྟར་ནི་མ་ཡིན་ཏེ། དོན་མེད་པ་ཉིད་ཀྱི་ཕྱིར་
[161b.6]རོ། །ཕྱོགས་ཕྱི་མ་ལྟར་ན་ཡང་རྒྱུད་འདི་ཉིད་ཀྱི་དོན་མདོར་བསྡུས་པ་ཞེས་འབྱུང་བའི་ཕྱིར་རོ་ཞེ་ན་མ་ཡིན་ཏེ། གང་ཟག་ཐམས་ཅད་ནི་རིགས་རྣམ་པ་གཉིས་ཏེ། དབང་པོ་རྣོན་པོ་མགོ་སྨོས་པས་གོ་བའི་གང་ཟག་དང་#། དབང་པོ་རྟུལ་པོ་དོན་མཐའ་དག་ལ་གཞོལ་བའི་གང་ཟག་
[161b.7]གོ། །#རེ་ཞིག་དབང་པོ་རྟུལ་པོ་དོན་མཐའ་དག་ལ་གཞོལ་བའི་དབང་དུ་ནི་མ་ཡིན་ཏེ། གོང་མའི་སྐྱོན་ཉིད་དུ་འགྱུར་བའི་ཕྱིར་རོ། །འདི་ནི་དབང་པོ་རྣོན་པོ་མགོ་སྨོས་པས་གོ་བའི་དབང་དུ་བྱས་པའོ། །དེ་ཅིའི་ཕྱིར་ཞེ་ན། དབང་པོ་རྣོན་པོ་ནི་དེ་ཙམ་གྱིས་གོ་བར་འགྱུར་བ་དང་། དོན་རྒྱ་
[162a]
[162a.1]ཆེན་པོ་ལ་འཇུག་པར་མི་འགྱུར་བའི་ཕྱིར་རོ། །དེ་བས་ན་དེ་བཞིན་གཤེགས་པའི་གསང་བ་འདུས་པའི་དོན་རྒྱ་ཆེར་བཤད་པ་འདིས་ནི་དབང་པོ་རྣོན་པོ་དང་། དབང་པོ་རྟུལ་#པོའི་གང་ཟག་གཉི་ག་གཟུང་#བར་འགྱུར་རོ། །དེ་དག་གིས་#ནི་དོན་མདོར་བསྡུས་པ་བསྟན་ཏོ། །དེ་
[162a.2]ནས་རྒྱུད་ཀྱི་མཐའི་ཡི་གེ་ཤེས་པར་བྱ་བའི་ཕྱིར། ཤེས་ནས་མཐའ་དྲུག་ལ་འཇུག་གོ། །ཞེས་བྱ་བ་སྨོས་ཏེ། མཐའ་དྲུག་ལ་འཇུག་པ་ཡིན་པས་ན་མཐའ་དྲུག་ལ་འཇུག་པ་ཞེའོ#། །མཐའ་དྲུག་པོ་འདི་ཡང་གང་ལ་འཇུག་ཅེ་ན། དེ་བཞིན་གཤེགས་པའི་གསང་བ་འདུས་པའི་རྒྱུད་ཆེན་པོ་
[162a.3]ལ་སོགས་པ་ལ་འཇུག་གོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པའི་རྒྱུད་ཐམས་ཅད་ནི་མཐའ་རྣམ་པ་དྲུག་ལས་མི་འདའོ། །དེ་བས་ན་དེ་བཞིན་གཤེགས་པའི་རྒྱུད་ཀྱི་མཐའི་#ཡི་གེ་ཤེས་པར་བྱ་སྟེ། དེ་ཡང་བཤད་པ། ཇི་སྲིད་ཡ་ར་ལ་ཧའི་བར། །ཀ་ག་གྷ་མཐའ་ན་ཛའི་
[162a.4]མཐའ། །ད་དྷའི་མཐའ་དང་མ་མཐར་བཅས། །ཞེས་པ་འདི་དག་ནི་རྣལ་འབྱོར་གྱི་རྒྱུད་ཀྱི་མིང་གི་མཐའི་ཡི་གེའོ། །འདི་དག་ནི་དཔལ་ཡེ་ཤེས་རྡོ་རྗེ་ཀུན་ལས་བཏུས་པ་ལས་ཀྱང་། བཅོམ་ལྡན་འདས་རྣལ་འབྱོར་གྱི་རྒྱུད་ཀྱི་མིང་གི་མཐའི་ཡི་གེ་གང་ལགས། བཅོམ་ལྡན་འདས་ཀྱིས་
[162a.5]བཀའ་སྩལ་པ། བྱམས་པ་རྣལ་འབྱོར་གྱི་རྒྱུད་དང་། རྣལ་འབྱོར་ཆེན་པོའི་རྒྱུད་རྣམས་ཀྱི་མིང་གི་མཐའི་ཡི་གེ་ནི་འདི་དག་ཙམ་དུ་ཟད་དེ། ཨ་ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ།# ཤ་ཥ་ས་ཧ་ཀྵཿབྱང་ཆུབ་སེམས་དཔའ་སེམས་དཔའ་
[162a.6]ཆེན་པོ་ཀའི་མཐའ་ཅན་ནི་སུམ་ཅུ་རྩ་གཉིས་སོ། །དེ་བཞིན་དུ་ཧའི་མཐའ་ཅན་གྱི་བར་དུ་ཡང་སུམ་ཅུ་རྩ་གཉིས་སོ། །དེ་བས་ན་རྣལ་འབྱོར་དང་། རྣལ་འབྱོར་ཆེན་པོའི་རྒྱུད་ནི་སྟོང་ཕྲག་བདུན་ཅུ་རྩ་གཉིས་སོ། །ཡང་ན། ཇི་སྲིད་ཡ་ར་ལ་ཧའི་བར། །ཞེས་བྱ་བ་ལ་སོགས་པས་ནི་ཨཱ་
[162a.7]ལི་ཀཱ་ལི་ཡང་གཟུང་བར་བྱ་སྟེ། ཇི་སྐད་དུ། རྡོ་རྗེ་རྒྱན་གྱི་རྒྱུད་ལས་ཀྱང་། ཨཱ་ལི་ཀཱ་ལི་མཉམ་སྦྱོར་བས། །འཁོར་ལོ་བཞི་ནི་འགྲུབ་པ་ཡིན། །ཞེས་གསུངས་ཏེ། འཁོར་ལོ་བཞི་ནི་ཨཱ་ལི་ཀཱ་ལི་ལས་གཞན་མ་ཡིན་ནོ། །འཁོར་ལོ་བཞི་ལས་ནི་རྡོ་རྗེ་བཟླས་#པ་དང་། སེམས་ལ་དམིགས་པ་དང་།
[162b]
[162b.1]སྒྱུ་མ་ལྟ་བུའོ།# །འོད་གསལ་བ་ལ་སོགས་པ་འབྱུང་བར་འགྱུར་རོ། །གཞན་ལས་ཀྱང་། སྙིང་གི་དབུས་ན་མི་ཤིགས་པ། །འབར་བ་མར་མེའི་རྩེ་ལྟར་འབར། །ཞེས་བྱ་བ་ལ་སོགས་པ་གསུངས་པ་ལྟ་བུའོ། །གཞན་ལས་ཀྱང་། འཁོར་ལོ་ས་བོན་འོད་ཟེར་ལས། །རྡོ་རྗེ་#བཟླས་དང་
[162b.2]སེམས་ལ་དམིགས། །སྒྱུ་མའི་#འོད་གསལ་ཟུང་དུ་འཇུག །ཐམས་ཅད་འདི་ལས་འབྱུང་བ་ཡིན། །ཞེས་འབྱུང་བའི་ཕྱིར། དེ་བས་ན་རླུང་ལས་ནི་རྣམ་པར་ཤེས་པ་འབྱུང་ངོ་། །རྣམ་པར་ཤེས་པ་ལས་ནི་ཉེ་བར་ལེན་པའི་ལུས་འབྱུང་ངོ་། །དེ་བས་ན་ཉམས་སུ་ལེན་པའི་རྣལ་འབྱོར་པས་
[162b.3]ཀྱང་དང་པོ་ནི་རླུང་ལ་བསླབ་པར་བྱའོ། །དེ་ནས་ནི་རྣམ་པར་ཤེས་པ་ལ་བསླབ་པར་བྱའོ། །རྣམ་པར་ཤེས་པ་ལས་རླུང་ལ་ལོབས་པར་འདོད་པས་ཀྱང་འཁོར་ལོ་རྣམ་པ་བཞིའི་ཡི་གེའི་དོན་ཇི་ལྟ་བ་བཞིན་དུ་ཤེས་པར་བྱའོ། །ཡི་གེ་དེ་དག་ཀྱང་མཐའ་གང་དུ་འདུས་ཤེ་ན། དེ་དེའི་རྩ་བ་
[162b.4]ཡི་གེ་གསུམ། །ཞེས་སྨོས་ཏེ། མཐའ་ཅན་གྱི་རྒྱུད་དེ་དང་དེའི་རྩ་བ་བྱེད་ཅེས་སྦྱར་རོ། །ཡི་གེ་གསུམ་པའི་ངོ་བོ་གང་ཡིན་ཞེ་ན། སྐྱེས་བུ་སྒྲ་ལ་གཞོལ་བ་རྣམས་ཀྱི་དབང་དུ་བྱས་ཏེ། ས་མ་ཛ་ཞེས་པ་ནི་འདུས་པའི་མིང་གི་ཡི་གེའོ། །ཡང་ན་སྒོམ་པ་ལ་མཆོག་ཏུ་བྱས་ཏེ། དེ་དེའི་རྩ་བ་
[162b.5]ཡི་གེ་གསུམ། །བ#ཞེས་པ་ནི་དེ་བཞིན་གཤེགས་པ་ཐམས་ཅད་ཀྱི་ཐབས་ཀྱི་ཡི་གེ་དང་ཤེས་རབ་ཀྱི་ཡི་གེའི་རྩ་བ་ནི་ཨོཾ་ཨཱཿཧཱུཾ་ཞེས་པ་སྟེ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡི་གེ་གསུམ་ལས་མི་འདའོ། །ཡི་གེ་གསུམ་དེ་བཞིན་གཤེགས་པ་ཐམས་ཅད་ཀྱི་ཐོབ་པར་
[162b.6]བྱེད་པའི་ཐབས་ལས་#མི་འདའ་ལ། ཡི་གེ་གསུམ་དུ་ཡང་ཐམས་ཅད་ཇི་ལྟར་འདུ་#ཞེ་ན། འདི་ལྟར་དེ་བཞིན་གཤེགས་པ་ཐམས་ཅད་ཀྱི་སྐུ་ནི་རྡོ་རྗེ་གསུམ་ལས་མི་འདའ་སྟེ། འདི་ལྟར་ཡི་གེ་ཨོཾ་ནི་སྐུ་རྡོ་རྗེའོ། །ཨཱཿནི་གསུང་རྡོ་རྗེའོ། །ཧཱུཾ་ནི་ཐུགས་རྡོ་རྗེའོ། །འདི་ལྟར་དེ་བཞིན་
[162b.7]གཤེགས་པ་ཐམས་ཅད་ནི་སྐུ་རྣམ་པ་གསུམ་ལ་མི་འདའ་ལ། ཡི་གེ་ཨོཾ་ནི་ཆོས་ཀྱི་སྐུའོ། །ཨཱཿནི་ལོངས་སྤྱོད་རྫོགས་པའི་སྐུའོ། །ཧཱུཾ་ནི་སྤྲུལ་པའི་སྐུའོ། །དེ་བཞིན་གཤེགས་པ་བསྐྱེད་པའི་རིམ་པའི་དབང་དུ་བྱས་པ་དེ་བཞིན་ནོ། །དེ་བཞིན་གཤེགས་པ་ཐམས་ཅད་ཀྱི་སྨིན་པར་བྱེད་པའི་
[163a]
[163a.1]དབང་#ཇི་ལྟར་འདུ་#ཞེ་ན། ཡི་གེ་ཨོཾ་ནི་བུམ་པའི་དབང་ངོ་། །ཡི་གེ་ཨཱཿ་ནི་གསང་བའི་དབང་ངོ་། །ཧཱུཾ་ནི་ཤེས་རབ་ཡེ་ཤེས་ཀྱི་དབང་ངོ་། །དེ་བཞིན་གཤེགས་པ་ཐམས་ཅད་ཀྱི་རིམ་པ་ལྔ་པ་ཇི་ལྟར་འདུ་ཞེ་ན། འདི་ལྟར་ཡི་གེ་ཨཱཿནི་རྡོ་རྗེ་བཟླས་པའོ། །ཧཱུཾ་ནི་སེམས་
[163a.2]ལ་དམིགས་པ་#དང་འོད་གསལ་བ་དང་། ཟུང་དུ་འཇུག་པའོ། །ཨོཾ་ནི་སྒྱུ་མ་ལྟ་བུའི་སྐུའོ། །རྡོ་རྗེ་བཟླས་པ་འབའ་ཞིག་གི་དབང་དུ་བྱས་ཏེ། ཡི་གེ་གསུམ་ནི་འདི་ལྟར་འབྱུང་བ་དང་། འཇུག་པ་དང་གནས་པ་གསུམ་དུ་#ཡི་གེ་གསུམ་ནི་#ཅི་རིགས་སུ་སྦྱར་རོ། །སེམས་ལ་དམིགས་པ་
[163a.3]འབའ་ཞིག་གི་#དབང་དུ་བྱས་པའི་ཡི་གེ་གསུམ་ནི་སྣང་བ་དང་། སྣང་བ་མཆེད་པ་དང་། སྣང་བ་ཐོབ་པའི་ཡེ་ཤེས་སོ། །ཡི་གེ་གསུམ་དང་ཅི་རིགས་སུ་སྦྱར་རོ། །སྒྱུ་མ་ལྟ་བུའི་སྐུ་འབའ་ཞིག་གི་དབང་དུ་བྱས་པའི་ཡི་གེ་གསུམ་ནི་སྐུ་སྒྱུ་མ་ལྟ་བུ་དང་། གསུང་སྒྱུ་མ་ལྟ་བུ་དང་། ཐུགས་
[163a.4]སྒྱུ་མ་ལྟ་བུའི་ཡི་གེ་གསུམ་དང་གོ་རིམས་སུ་#སྦྱར་རོ། །འོད་གསལ་འབའ་ཞིག་གི་དབང་དུ་བྱས་པའི་ཡི་གེ་གསུམ་ནི་འོད་གསལ་བའི་ཡེ་ཤེས་དང་། འོད་གསལ་བ་དང་ཆ་འདྲ་བའི་ཡེ་ཤེས་#དང་། ཀུན་རྫོབ་ཀྱི་བདེན་པ་ཡི་གེ་གསུམ་དང་གོ་རིམས་སུ་#སྦྱར་རོ། །ཟུང་དུ་འཇུག་པ་
[163a.5]འབའ་ཞིག་པའི་དབང་དུ་བྱས་པའི་ཡི་གེ་གསུམ་ནི་རྩོལ་བ་དང་བཅས་པ་དང་རྩོལ་བ་མེད་པ་དང་ཤིན་ཏུ་རྩོལ་བ་མེད་པ་གསུམ་དང་གོ་རིམས་སུ་#སྦྱར་རོ། །ཡང་ན་སྤྲོས་པ་དང་བཅས་པ་དང་། སྤྲོས་པ་མེད་པ་དང་། ཤིན་ཏུ་སྤྲོས་པ་མེད་པའི་གོ་རིམས་སུ་སྦྱར་རོ། །#དེ་བས་ན་དེ་བཞིན་
[163a.6]གཤེགས་པའི་ཆོས་ཐམས་ཅད་ཀྱི་རྩ་བ་ནི་ཡི་གེ་གསུམ་མོ། །དེ་བཞིན་གཤེགས་པ་ཐམས་ཅད་ཀྱི་དོན་གྱི་རྣམ་པ་ཇི་ལྟ་བ་བཞིན་དུ་སྒྲའི་རྣམ་པ་ལ་ཡང་དེ་བཞིན་ཏེ། དེ་བཞིན་གཤེགས་པ་ཐམས་ཅད་ཀྱི་སྒྲའི་ཚོགས་ནི་ངག་གི་ལམ་ནས་འབྱུང་བ་ཡིན་ལ། དེ་ཡང་ལྷན་ཅིག་ཏུ་
[163a.7]དབུགས་དང་གནས་པ་ཡིན་ཏེ། འབྱུང་བ་ལས་འབྱུང་བའི་སྒྲ་དང་། འཇུག་པ་ལས་འཇུག་པའི་སྒྲ་དང་། གནས་པ་ལས་གནས་པའི་སྒྲ་ནི་ཡི་གེ་གསུམ་ལས་བྱུང་བའི་སྒྲའོ། །གཞན་ལས་ཀྱང་། ཨ་ནི་ཡིག་འབྲུ་ཀུན་གྱི་མཆོག །དོན་ཆེན་ཡི་གེ་དམ་པ་ཡིན། །ཁོང་ནས་
[163b]
[163b.1]འབྱུང་བ་སྐྱེ་བ་མེད། །ཚིག་ཏུ་བརྗོད་པ་སྤངས་པ་སྟེ། །བརྗོད་པ་ཀུན་གྱི་རྒྱུ་ཡི་མཆོག །ཚིག་ཀུན་རབ་ཏུ་གསལ་བར་བྱེད། །ཅེས་འབྱུང་བ་དང་། །གསང་བ་ཐིག་ལེའི་རྒྱུད་ལས། །སྒྲ་རྣམས་ཡི་གེ་ལས་བྱུང་སྟེ། །ཡི་གེ་ཡི་གེ་གསུམ་ལས་བྱུང་། །དེ་ཕྱིར་སྒྲ་རྣམས་ཐམས་ཅད་ཀྱི། །
[163b.2]རྒྱུ་ནི་ཡི་གེ་གསུམ་དུ་འདུས། །ཞེས་འབྱུང་བ་ལྟ་བུའོ། །དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པ་དང་། དེ་བཞིན་གཤེགས་པ་ཐམས་ཅད་ཀྱི་ཡི་གེ་རྣམ་པ་གསུམ་ནི་གཉིས་སུ་མེད་ཅིང་གཉིས་སུ་བྱར་མེད་སོ་སོ་མ་ཡིན་ཐ་མི་དད་དོ། །དེ་བས་ན་ཡི་གེ་ལ་འདུས་
[163b.3]པ་ཇི་བཞིན་དུ་དེ་བཞིན་གཤེགས་པའི་གསང་བ་འདུས་པ་ལ་ཡང་#འདུས་པར་ཤེས་པར་བྱའོ། །དེ་ཉིད་བཤད་པ། ཐུབ་པ་ཆེན་པོས་ཆོས་ཕུང་པོ། །བརྒྱད་ཁྲི་བཞི་སྟོང་གསུངས་པ་ཡིན། །#ཞེས་བྱ་བ་སྨོས་ཏེ། དེ་བཞིན་གཤེགས་པ་ཐམས་ཅད་ཀྱིས་ཉོན་མོངས་པ་བརྒྱད་ཁྲི་བཞི་སྟོང་གི་
[163b.4]གཉེན་པོར་ཆོས་ཀྱི་ཕུང་པོ་#བརྒྱད་ཁྲི་བཞི་སྟོང་གསུངས་ཏེ་#དེ་དག་གི་སྣོད་འདུས་པ་འདི་#གང་ཡིན་ཞེ་ན། དེ་བཞིན་གཤེགས་པ་ཐམས་ཅད་ནི་དམ་ཚིག་གི་སྒོ་ནས་སངས་རྒྱས་ལ་དམ་ཚིག་དང་སྡོམ་པ་ཐམས་ཅད་ནི་ལུས་དང་ངག་འདུལ་བར་བྱེད་པས་འདུལ་བ་ཞེས་བྱ་སྟེ། གཞན་
[163b.5]ལས། བཞི་#དང་སྤྱི་དང་ཁྱད་པར་གྱི། །དམ་ཚིག་མཆོག་ནི་རྨད་པོ་ཆེ། །སྡོམ་པ་གསུམ་ལ་རབ་གནས་པ། །འདུལ་བའི་སྡོམ་པ་ཀུན་གྱི་མཆོག །ཅེས་འབྱུང་བའི་ཕྱིར་རོ། །མདོ་སྡེ་དང་མངོན་པ་ལ་ཡང་དེ་བཞིན་ཏེ། འདི་དག་དེ་བཞིན་གཤེགས་པ་ཐམས་ཅད་ཀྱི་གསང་བ་
[163b.6]ཆེན་པོ་མདོར་བསྡུས་པ་#གསུངས་པས། དཔལ་ལྡན་འདུས་འདི་སྣོད་ཡིན་ཏེ། །ཞེས་བྱའོ། །དེ་བས་འདིས་#ནི་རྒྱུད་ཀྱི་ཆེ་བ་ཡང་བསྟན་པར་བྱ་#སྟེ་མཆོག་ཡིན་#ཞེས་སྦྱར་རོ། །གཞུང་ཉུང་བ་ལ་དོན་མང་བ་ཞེས་པ་ནི་གཞུང་གི་ཚོགས་ཕྲ་མོ་ཙམ་གྱིས་དེ་བཞིན་གཤེགས་པའི་བཀའ་
[163b.7]མཐའ་དག་གི་དོན་རྙེད་པར་འགྱུར་བའི་ཕྱིར་དེ་ལ་དེ་སྐད་ཅེས་བྱའོ། །འདི་དག་གིས་ནི་རྒྱུད་ཀྱི་ཆེ་བ་ཡང་བསྟན་པར་རིག་པར་བྱའོ། །དེ་ནས་རྒྱུ་རྙེད་པར་དཀའ་བ་བསྟན་པའི་ཕྱིར། འདུས་པའི་རྒྱུད་ནི་རྙེད་#དཀའ་ཞིང་། །ཞེས་བྱ་བ་ལ་སོགས་པ་སྨོས་ཏེ། འདི་ནི་སངས་རྒྱས་
[164a]
[164a.1]དང་བྱང་ཆུབ་སེམས་དཔའ་ཐམས་ཅད་ཀྱང་ཐེ་ཚོམ་སྐྱེད་པར་བྱེད་པ་ཡིན་ན་གཞན་ལྟ་ཅི་སྨོས་ཞེས་གཞུང་འདི་ཉིད་ལས་འབྱུང་བའི་ཕྱིར་རོ། །སངས་རྒྱས་ཐེ་ཚོམ་སྐྱེ་བ་ཅིའི་ཕྱིར་ཞེ་ན། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ནམ་ཡང་ཐེ་ཚོམ་ཡོད་
[164a.2]པ་མ་ཡིན་ནོ། །དེ་བས་ན་འདི་དག་གི་དོན་ནི་ཚོགས་དང་བླ་#མའི་གང་ཟག་གསང་བ་འདུས་པའི་དཀྱིལ་འཁོར་དུ་ཉན་པའི་སྐལ་བ་དང་ལྡན་པ་རྣམས་ཀྱང་ཐེ་ཚོམ་#སྐྱེ་བར་#བྱེད་པ་ཡིན་ན། ཉན་ཐོས་དང་བྱང་ཆུབ་སེམས་དཔའི་རིགས་ལ་སོགས་པ་གཞན་ལྟ་ཅི་སྨོས་ཞེས་བྱ་བའི་དོན་ཏོ། །
[164a.3]དེ་བཞིན་གཤེགས་པའི་གསང་བ་འདུས་པའི་དོན་རྙེད་པར་དཀའ་བ་ཡང་ཅིའི་ཕྱིར་ཞེ་ན། རྒྱན་བདུན་རྟོགས་པར་དཀའ་བས་ན། །ཞེས་པ་སྨོས་ཏེ་རྒྱན་བདུན་རྟོགས་པར་དཀའ་བས་དེའི་ཕྱིར་དེ་ལ་དེ་སྐད་ཅེས་བྱའོ། །དེས་ཅིར་འགྱུར་ཞེ་ན། ཐམས་ཅད་དུ་ནི་རྣམ་པར་འཁོར། །ཞེས་
[164a.4]སྦྱར་རོ#། །འདི་ཉིད་ཀྱང་གཞུང་འདི་ཉིད་ལས་བཞུགས་པའི་ཚོགས་#ནས་བརྩམས་ཏེ། མཐའ་རྣམ་པ་དྲུག་དང་རྣམ་པ་བཞིར་བཤད་པ་འདིས་གསང་བ་འདུས་པའི་དོན་ཕྱག་རྒྱས་བཏབ་པ་ཡིན་ལ་ཞེས་སྨོས་པའི་ཕྱིར་དང་། བཅོམ་ལྡན་འདས་ཀྱིས་དགོངས་པ་ལུང་བསྟན་པའི་
[164a.5]རྒྱུད་ལས། གསང་བའི་བདག་པོ་དོན་རྒྱས་པའི། །ཚུལ་ཆེན་འདི་ནི་རྙེད་གྱུར་ནས། །ཇི་བཞིན་དོན་ནི་རྙེད་བཟུང་བ། །དེས་ན་ལམ་ངན་དག་ཏུ་ལྟུང་། །ཞེས་བྱ་བ་ལ་སོགས་པ་བཤད་པའི་ཕྱིར་རོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པ་ཤེས་པར་བྱ་བ་
[164a.6]ཡིན་པར་བསྟན་པའི་ཕྱིར། དེ་བས་བླ་མའི་བཀའ་དྲིན་གྱིས། །འབད་དེ་རྣམ་པར་ཤེས་ནས་ནི། །ཞེས་པ་དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པ་ནི་དབང་དང་དམ་ཚིག་དང་མི་ལྡན་པ་ལ་གསང་བ་སྟོན་པར་བྱེད་པ་དང་། སློབ་དཔོན་སྨོད་པར་བྱེད་པ་དང་།
[164a.7]སློབ་དཔོན་གྱི་གདམས་ངག་རྗེས་སུ་མི་འཛིན་པ་དང་ཉན་ཐོས་ཀྱི་རིགས་ཅན་དང་། རང་སངས་རྒྱས་ཀྱི་རིགས་ཅན་དང་། བྱང་ཆུབ་སེམས་དཔའི་རིགས་ཅན་དང་། རིགས་མ་ངེས་པ་ལ་སོགས་པ་རྣམས་ཀྱིས་#ནམ་ཡང་རྙེད་པར་མི་འགྱུར་ཞིང་། བླ་མའི་གདམས་ངག་རྗེས་
[164b]
[164b.1]སུ་འཛིན་པར་བྱེད་པ་དང་། དད་པ་དང་དམ་ཚིག་ལ་སོགས་པ་དང་ལྡན་པ་དང་། ཐེག་པ་ཆེན་པོའི་རིགས་ཅན་གྱི་གང་ཟག་རྒྱུའི་རྒྱུད་ཀྱང་ཤེས་པར་བྱའོ། །དེ་ནས་གཞན་ལ་ཆོས་བསྟན་པར་འདོད་ནས་བཤད་པའི་དབྱེ་བར་བསྟན་པའི་ཕྱིར། སེམས་ཅན་རྗེས་སུ་#གཟུང་འདོད་པས། །
[164b.2]ཞེས་བྱ་བ་ལ་སོགས་པ་སྨོས་ཏེ། བླ་མའི་གདམས་ངག་ལ་བརྟེན་ནས། དེ་བཞིན་གཤེགས་པའི་གསང་བ་འདུས་པའི་དོན་ཇི་ལྟ་བུ་རྣམ་པར་ཤེས་པའི་གང་ཟག་དེས་མ་འོངས་པའི་སེམས་ཅན་བློ་དམན་པ་རྗེས་སུ་གཟུང་བར་བྱ་བའི་ཕྱིར་བཤད་པའི་རྒྱུད་ཀྱི་རྗེས་སུ་འབྲངས་#ཏེ་བཤད་
[164b.3]པའི་ཕྱིར། དེའི་རྣམ་པར་དབྱེ་བ་ཞེས་བྱ་བ་སྨོས་པའི་ཕྱིར་རོ། །འདིས་རྒྱན་བདུན་བཤད་པར་དམ་བཅས་པ་ཡང་ཡིན་ནོ། །དེ་ཉིད་ཀྱི་དབྱེ་བ་མདོར་བསྟན་པའི་ཕྱིར། གླེང་བསླང་བ་ཡི་གྲངས་ནི་ལྔ། །ཞེས་བྱ་བ་ལ་སོགས་པ་སྨོས་ཏེ། གླེང་བསླང་བ་#ཡང་ཡིན་ལ། ལྔ་#ཡང་ཡིན་པས་གླེང་བསླང་
[164b.4]བ་#ལྔའོ། །རིགས་པ་ཡང་ནི་རྣམ་པ་བཞི། །ཞེས་པ་རིགས་པ་ནི་འཐད་པ་སྟེ། འཐད་པའི་ཆོས་རྣམ་པ་བཞི་ཞེས་པའི་ཐ་ཚིག་གོ། །རྒྱས་བཤད་མཐའ་ནི་རྣམ་པ་#དྲུག །ཅེས་པ་བསྡུས་པའི་བཤད་པ་ནི་མ་ཡིན་གྱི། འདིར་རྒྱས་པའི་བཤད་པ་ཁོ་ནའོ། །རྒྱས་པར་བཤད་པ་ཡང་ཡིན་ལ། །མཐའ་དྲུག་ཀྱང་
[164b.5]ཡིན་པས་འདིར་རྒྱས་བཤད་མཐའ་དྲུག་གོ། །བཤད་པ་ཡང་ནི་རྣམ་པ་#བཞི། །ཞེས་པ་བཤད་པ་ནི་བསྟན་པ་སྟེ། བསྟན་པའི་ཆོས་རྣམ་པ་བཞི་ཞེས་བྱའོ། །ལྔ་པའི་དབྱེ་བ་རྣམ་པ་གཉིས། །ཞེས་པའི་ལྔ་པ་ནི་ལྔ་པ་སྟེ་གྲངས་ཀྱི་ལྔ་པའོ། །དེའི་དབྱེ་བ་གཉིས་ནི་ཚོགས་དང་། སློབ་
[164b.6]མའི་བྱེ་བྲག་གིས་སོ། །དྲུག་པའི་དབྱེ་བ་ལྔ་དང་ལྡན། །ཞེས་པ་ནི་ཚོགས་ཀྱི་དང་སློབ་མའི་གནས་སྐབས་ཀྱི་དབྱེ་བ་ཡིན་ནོ། །བདུན་པའི་དབྱེ་བ་རྣམ་པ་གཉིས་ཏེ། །ཞེས་པ་ནི་དེ་བཞིན་གཤེགས་པས་དོན་མཐའ་དག་བདེན་པ་རྣམ་པ་གཉིས་སུ་བསྟན་པའོ། །འདི་དག་གིས་ནི་
[164b.7]མདོར་བསྡུས་པ་བསྟན་པའོ། །རྒྱན་རྣམས་མདོར་བསྡུས་པའོ་ཞེས་བསྟན་པ་འདིས་ནི་རྒྱན་རྒྱས་པར་བསྟན་པ་ནི་མ་ཡིན་ནོ་ཞེས་སོ། །རྒྱས་པར་ཡང་གང་ཞིག་ལས་ཤེས་པར་བྱ་ཞེ་ན། བཤད་པའི་རྒྱུད་ཀྱི་རྗེས་འབྲངས་#ནས། །ཞེས་བྱ་བ་ལ་སོགས་པ་སྨོས་ཏེ། བཤད་པའི་རྒྱུད་ནི་
[165a]
[165a.1]ལྷ་མོ་བཞིས་ཞུས་པ་ལ་སོགས་པའོ། །དེའི་རྗེས་སུ་འབྲངས་ནས་བདག་གིས་བཤད་ཅེས་སྦྱར་རོ། །ཅི་བཤད་ཅེ་#ན། རྒྱན་ནི་བདུན་པོ་རྣམས་ཀྱི་ནི། །རིམ་པ་བཞིན་དུ་རེ་རེ་ཡི། །རྒྱས་པ་དག་ནི་བདག་གིས་བྱ། །ཞེས་པ་གླེང་བསླང་བའི་གྲངས་རྒྱས་པ་དང་།
[165a.2]རིགས་པ་རྒྱས་པར་བཤད་པ་དང་། མཐའ་དྲུག་རྒྱས་པར་བཤད་པ་ལ་སོགས་པའོ། །དེ་ལ་དང་པོ་གླེང་བསླང་བའི་གྲངས་རྒྱས་པར་བཤད་པ་ནི་#རྣམ་པ་གཉིས་ཏེ། དྲིས་པ་དང་། ལན་དུ་བཅས་པའོ། །དྲི་བ་བསྟན་པའི་ཕྱིར་རྒྱུད་འདིའི་མིང་ནི་ཅི་ཞིག་ཡིན། །ཞེས་བྱ་བ་ལ་སོགས་
[165a.3]པ་སྨོས་ཏེ། མིང་མེད་པ་དང་མིང་མ་ཡིན་པ་དང་། མིང་ལོག་པ་རྣམས་#བསལ་བར་བྱ་བའི་ཕྱིར། རྒྱུད་འདིའི་མིང་ནི་ཅི་ཞིག་ཡིན་ཞེས་སྨོས་ཏེ། དགོས་པ་མེད་པ་དང་། དགོས་པ་མ་ཡིན་པ་དང་། དགོས་པ་ལོག་པ་བསལ་བའི་ཕྱིར། །གང་གི་དོན་དུ་འདི་ཉིད་མཛད། །ཅེས་
[165a.4]དགོས་པ་དྲི་#བའོ། །བྱེད་པ་པོ་མེད་པ་དང་། བྱེད་པ་པོ་མ་ཡིན་པ་དང་། བྱེད་པ་པོ་ལོག་པ་བསལ་བའི་དོན་དུ། སུ་ཞིག་བྱེད་པ་པོ་ཞེས་འདྲི་བའོ། །ཚད་མེད་པ་དང་། མ་ཡིན་པ་ལ་སོགས་པ་བསལ་བའི་ཕྱིར། འདིའི་ཚད་གང་ཞེས་ཚད་#འདྲི་བའོ། །དེ་ཉིད་བཤད་པ་དང་པོའི་
[165a.5]ལན་དུ་བསྟན་པའི་ཕྱིར། རྒྱུད་ཀྱི་མཚན་ནི་མིང་ཡིན་ལ། །ཞེས་སྨོས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་གསང་བ་འདུས་པ་ཞེས་བྱ་བ་ལ་སོགས་པའོ། །དེ་བཞིན་གཤེགས་པའི་རྒྱུད་ཀྱི་མིང་ཇི་སྙེད་པའོ། །དེ་བས་ན་གང་ལ་དེ་དག་གི་རྟགས་སུ་
[165a.6]འབྲེལ་ཏེ། འདིའི་མིང་གང་ཞིག་ཡིན་ཞེ་ན། གསང་བ་འདུས་པ་ཞེས་བྱ་བ་འདི་ཉིད་ཡིན་ཞེས་སྦྱར་རོ། །གསང་བ་འདུས་པ་འདི་གང་གི་#དོན་དུ་མཛད་ཅེས་པའི་ལན་དུ། སྐྱེ་བོ་འདོད་#ཅན་དོན་དུ་མཛད། །ཅེས་སྦྱར་ཏེ། གོང་དུ་བཤད་པ་ཉིད་དང་འོག་ནས་ཀྱང་ལེགས་པར་སྟོན་པ་ཉིད་ཀྱི་ཕྱིར་མ་
[165a.7]བཤད་དོ། །འདིའི་བྱེད་པ་པོ་གང་ཞིག་ཡིན་ཞེས་པའི་ལན་དུ། འདིའི་དོན་བྱེད་པ་#པོ་རྡོ་རྗེ་སེམས་དཔའ་#ཞེས་སྨོས་ཏེ། གང་གིས་#གང་ཞིག་བྱེད་པ་དེ་ནི་འདིའི་བྱེད་པ་པོ་ཞེས་སྦྱར་རོ། །བྱེད་པ་པོ་ཞེས་པ་ནི་གསུང་བ་པོ་ཞེས་པའོ། །གང་ཞིག་ཡིན་ཞེ་ན། རྡོ་རྗེ་སེམས་དཔའ་ཡིན་ཞེས་
[165b]
[165b.1]སྦྱར་རོ། །འདི་དག་གིས་ནི་འདི་སྐད་དུ་སྟོན་པར་འགྱུར་ཏེ། དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པ་#གསུང་བ་པོ་རྡོ་རྗེ་འཆང་ཡིན་ཞེས་སྦྱར་རོ། །འདིའི་ཚད་གང་ཡིན་ཞེས་པའི་ལན་དུ། ཚད་དག་ཀྱང་ནི་བཤད་བྱ་སྟེ། །ཞེས་བྱ་བ་ལ་སོགས་པ་སྨོས་ཏེ། ལེའུ་དང་དེ་བཞིན་
[165b.2]ཆོ་ག་དང་། །ཞེས་པ་ལེའུ་བཅུ་བདུན་ཡོད་ཅེས་པ་ནི་ལེའུའི་ཚད་དོ། །ལེའུ་ལ་ཇི་ལྟ་བ་བཞིན་དུ་ཆོ་ག་ལ་ཡང་ཡོད་དོ། །འདི་ལྟར་སྨིན་པར་བྱེད་པའི་ལམ་གྱི་དབང་དུ་བྱས་པ་ནི་ཆོ་ག་ཉི་ཤུའོ། །ཆོ་ག་ལ་ཚད་ཡོད་པ་དེ་བཞིན་དུ་དུམ་བུ་ལ་ཡང་ཚད་ཡོད་དེ#། དེ་བཞིན་གཤེགས་པ་ཐམས་ཅད་
[165b.3]ཀྱི་སྐུའི་དུམ་བུ་ལ་སོགས་པ་བཅུ་བདུན་ནོ། །དུམ་བུ་ལ་ཇི་ལྟ་བ་བཞིན་དུ་རིམ་པར་ཕྱེ་བ་ལ་ཚད་ཡོད་དེ། འདི་ལྟར་ཐུན་མོང་གི་དབང་དུ་བྱས་ན་རིམ་པ་གཉིས་སོ། །ཁྱད་པར་གྱི་དབང་དུ་བྱས་པ་ནི་རིམ་པ་ལྔ་པ་སྟེ་རྡོ་རྗེའི་བཟླས་པ་ལ་སོགས་པའོ། །ཚད་ཀྱང་ཡིན་ལ་བཞི་ཡང་ཡིན་
[165b.4]པས། དེ་ནི་རྣམ་པ་བཞིར་འགྱུར་ཏེ། །ཞེས་བྱ་བ་སྨོས་ཏེ། ཁྱད་པར་གྱི་དབང་དུ་ལེའུའི་ཚད་དང་ཆོ་གའི་ཚད་དང་། དུམ་བུའི་ཚད་དང་། རིམ་པའི་ཚད་དོ། །འདི་དག་གི་ཐུན་མོང་གི་ཚད་ཀྱང་གང་ཞེ་ན། རྣམ་པ་གསུམ་སྟེ། བསྡུས་པའི་ཚད་དང་། རྒྱས་པའི་ཚད་དང་། ཤིན་ཏུ་
[165b.5]རྒྱས་པའི་ཚད་དོ། །བསྡུས་པའི་ཚད་ནི་རྣམ་པ་བཞི་སྟེ། རྟེན་གྱི་གང་ཟག་ལ་སོགས་པའོ། །རྒྱས་པའི་ཚད་ནི་རྣམ་པ་ལྔ་སྟེ། བསྒྲུབ་པར་བྱ་བ་དང་། སྒྲུབ་པར་བྱེད་པ་དང་། ཐབས་དང་། དགོས་པ་དང་སྐྱོན་ནོ། །ཤིན་ཏུ་རྒྱས་པའི་དབང་དུ་ནི་རྣམ་པ་བདུན་ཏེ། དཀྱིལ་འཁོར་དང་།
[165b.6]སྒྲུབ་པ་དང་། དབང་དང་། དམ་ཚིག་དང་། ཕྲིན་ལས་དང་། དེ་ཁོ་ན་ཉིད་དང་གྲོགས་སོ། །དགོས་པའང་གང་ཞིག་ཡིན་ཞེས་པའི་ལན་དུ་དགོས་པ་ཡང་ནི་བཤད་བྱ་སྟེ། །ཞེས་བྱ་བ་སྨོས་ཏེ། ཞི་སོགས་#བྱ་བའི་ཆོ་ག་དང་། །ཞེས་པ་ནི་དེ་བཞིན་གཤེགས་པའི་གསང་བ་འདུས་པའི་
[165b.7]དཀྱིལ་འཁོར་འདིས་ཞི་བའི་ལས་དང་། རྒྱས་པ་ལ་སོགས་པ་རྡོ་རྗེ་#བཞིན་དུ་འགྲུབ་པར་དགོངས་སོ། །དེ་བཞིན་གྲུབ་པ་བརྒྱད་དང་ནི། །ཞེས་པ་ས་འོག་གི་དངོས་གྲུབ་ལ་སོགས་པ་འདིའི་གྲུབ་པར་དགོངས་སོ། །འདི་དག་གིས་ནི་ཐུན་མོང་གི་དངོས་གྲུབ་བསྟན་ཏེ། ཐུན་མོང་གི་དངོས་གྲུབ་
[166a]
[166a.1]ཅེས་བྱ་བ་ཡང་གང་ཞིག་ཅིའི་ཕྱིར་བསྟན་ཞེ་ན། དང་པོ་ནི་བཤད་ཟིན་ཏོ། །གཉིས་པ་ལའང་#ལྷ་ཐུན་མོང་བ་ཉིད་དང་། རྫས་ཐུན་མོང་བ་ཞེས་བྱ་བ་ལ་སོགས་པ་#བརྟག་གྲང་ན། ལྷ་ཐུན་མོང་བ་#ནི་མ་ཡིན་ཏེ། ལྷ་རེ་རེའི་ཁྱད་པར་གྱི་ལས་ཡིན་པའི་ཕྱིར་རོ། །ཁྱད་པར་
[166a.2]གྱི་ལས་ཞེས་བྱ་བ་འདི་ཡང་འདི་ལྟར་ཞི་བའི་ལས་ལ་ནི་རྣམ་པར་སྣང་མཛད་ཀྱི་སྦྱོར་བས་སོ། །རྒྱས་པའི་ལས་ལ་ནི་རིན་ཆེན་འབྱུང་ལྡན་གྱི་#སྦྱོར་བས་སོ། །དབང་གི་ལས་ལ་ནི་སྣང་བ་མཐའ་ཡས་ཀྱི་#སྦྱོར་བས་སོ། །དྲག་པོའི་ལས་ལ་ནི་དོན་ཡོད་གྲུབ་པའི་སྦྱོར་བས་སོ། །ལས་ཐམས་
[166a.3]ཅད་ལ་ནི་རྡོ་རྗེ་སེམས་དཔའི་སྦྱོར་བས་སོ། །དེའི་ཕྱིར་ལྷ་ཐུན་མོང་བ་མ་ཡིན་ནོ། །རྫས་ཐུན་མོང་བ་ཡང་མ་ཡིན་ཏེ། རེ་ཞིག་ཞི་བའི་རྫས་ནི་འོ་མ་དང་། མེ་ཏོག་དཀར་པོ་ལ་སོགས་པ་ཡིན་པའི་ཕྱིར་རོ། །རྒྱས་པའི་རྫས་ནི་བ་བླ་དང་། ལྡོང་རོས་དང་། མེ་ཏོག་སེར་པོ་ལ་སོགས་པ་
[166a.4]ཡིན་#པའི་ཕྱིར་རོ། །དབང་གི་རྫས་ནི་ཁྲག་དང་། མཚལ་དང་མེ་ཏོག་དམར་པོ་ལ་སོགས་པའི་སྦྱོར་བས་སོ། །དྲག་པོའི་ལས་ནི་དུག་དང་། སོལ་བ་ཆེན་པོ་དང་། གྲིར་ཤི་བའི་ཤ་ཁྲག་ལ་སོགས་པའི་སྦྱོར་བས་སོ། །དེ་བས་ན་རྫས་ཐུན་མོང་བ་མ་ཡིན་ནོ། །སྔགས་ཐུན་མོང་བ་#
[166a.5]ཡང་མ་ཡིན་ཏེ#། ཞི་བ་ལ་ནི་ཤཱནྟིཾ་#ཀུ་རུ་ཞེས་པའི་མཐའ་དང་བཅས་པའི་ཕྱིར་རོ། །རྒྱས་པ་ལ་ནི་པུཥྚིཾ་ཀུ་རུ་ཞེས་པའི་མཐའ་དང་བཅས་པའི་ཕྱིར་རོ། །དབང་ལ་ནི་བ་ཤཾ་ཀུ་རུ་ཞེས་པའི་མཐའ་དང་བཅས་པའི་ཕྱིར་རོ། །དྲག་པོ་ལ་ནི་མཱ་ར་ཡེ་ཤེས་པའི་སྔགས་མཐའ་དང་བཅས་པའི་ཕྱིར་
[166a.6]རོ། །དེ་བས་ན་སྔགས་ཐུན་མོང་མ་ཡིན་ནོ། །ཡིད་ལ་བྱེད་པའི་ཁྱད་པར་ཐུན་མོང་བ་ཡང་མ་ཡིན་ཏེ། ཞི་བ་ལ་ནི་བྱམས་པ་ཡིད་ལ་བྱེད་དོ། །རྒྱས་པ་ལ་ནི་སྙིང་རྗེ་ཡིད་ལ་བྱེད་དོ། །དབང་ལ་ནི་དགའ་བ་ཡིད་ལ་བྱེད་དོ། །དྲག་པོ་ལ་ནི་བཏང་སྙོམས་ཡིད་ལ་བྱེད་དོ། །སྤྱོད་པ་ཐུན་མོང་བ་
[166a.7]ཡང་མ་ཡིན་ཏེ། ཞི་བ་ལ་ནི་#སྦྱིན་པ་ལ་སྤྱོད་དོ། །རྒྱས་པ་ལ་ནི་སྙན་པར་སྨྲ་བ་ལ་སྤྱོད་དོ། །དབང་ལ་ནི་དོན་སྤྱོད་#ལ་སྤྱོད་དོ། །དྲག་པོ་ལ་ནི་དོན་མཐུན་#པ་ལ་སྤྱོད་དོ། །དེ་བས་ན་འདི་ནི་ཐུན་མོང་གི་དངོས་གྲུབ་མ་ཡིན་ནོ། །གཞན་ཡང་འདི་ནི་མཆོག་ཡིན་ཞེས་པའམ། རྒྱུ་ཐུན་མོང་མ་
[166b]
[166b.1]ཡིན་པ་ལས་གྲུབ་པའི་ཕྱིར་རོ། །ལུང་གཞན་ལས་ཀྱང་དེ་བཞིན་གཤེགས་པ་ཐམས་ཅད་ཀྱི་མཆོག་གི་དངོས་གྲུབ་ཅེས་བྱ་བ་ནི་རྒྱུ་ཐུན་མོང་བ་#མ་ཡིན་པ་ལས་གྲུབ་པ་འབྱུང་ངོ་ཞེས་འབྱུང་བ་ལྟ་བུའོ། །རྒྱུ་ཐུན་མོང་བ་ལས་གྲུབ་ཀྱང་མཆོག་ཡིན་ནོ་ཞེས་པ་འམ། རྒྱུ་ཐུན་མོང་མ་ཡིན་པ་
[166b.2]ལས་གྲུབ་ཀྱང་ཐུན་མོང་ཡིན་ནོ་ཞེ་ན་ནི་ཧ་ཅང་ཡང་#ཐལ་བར་འགྱུར་རོ་ཞེས་སྨྲས་པ་དེ་ནི་མ་ཡིན་ཏེ། འདི་ནི་རྫོགས་པའི་རིམ་པ་ལ་སྨྲ་བ་ནི་ལྟོས་#པའི་ཕྱིར་རོ། །ཐམས་ཅད་ཀྱང་ཀུན་རྫོབ་ཀྱི་རྣམ་པ་ཅན་ལ་བརྟེན་པའི་ཕྱིར་ཐུན་མོང་མ་ཡིན་པ་ཡང་མ་ཡིན་ནོ། །ལྷ་ཐུན་མོང་མ་ཡིན་པ་ཡང་
[166b.3]མ་ཡིན་ཏེ། ཞི་བ་ལ་སོགས་པ་སོ་སོའི་ལས་འདྲེ་བར་བྱེད་ཅིང་འོན་ཀྱང་རྫོགས་པའི་རིམ་པ་དང་། ཐུན་མོང་དུ་གྱུར་པའི་ཕྱིར་དེ་ལ་དེ་སྐད་ཅེས་བྱའོ། །དེ་བས་ན་འདི་ནི་ཐུན་མོང་གི་དངོས་གྲུབ་པོ། །མཆོག་ཅེས་བྱ་བ་འདི་ཡང་གང་ཞིག་ཡིན་དེ་ཉིད་མི་ཤེས་སོ་ཞེ་ན། དེའི་ཕྱིར་སངས་རྒྱས་ཀྱང་
[166b.4]ནི་མཆོག་ཡིན་ནོ། །ཞེས་སྨོས་ཏེ་དེ་བཞིན་གཤེགས་པ་ཐམས་ཅད་ཀྱི་#གསང་བ་མཆོག་གི་དངོས་གྲུབ་ནི་ཆོས་ཀྱི་སྐུ་ལ་སོགས་པའོ། །ཆོས་ཀྱི་སྐུ་ཞེས་བྱ་བ་འདི་ཡང་གང་ཞིག་ཡིན་ཞེ་ན། དེ་བཞིན་གཤེགས་པ་ཐམས་ཅད་ཀྱི་དོན་དམ་པ་ཆོས་ཀྱི་སྐུ་ནི་ཐོག་མ་མེད་པ་ཐ་མ་མེད་པ། དབུས་མེད་པ། བསྟན་དུ་མེད་པ།
[166b.5]ཐོགས་པ་མེད་པ། ཁ་དོག་མེད་པ། དབྱིབས་མེད་པ། གྲངས་དང་། བགྲང་བ་དང་། ཤེས་པ་དང་། བརྗོད་པའི་ཡུལ་ལས་འདས་པ། དངོས་པོ་མཐའ་དག་#ཐམས་ཅད་དང་བྲལ་བ་སྟེ། དཀོན་ཅོག་བརྩེགས་པ་ལས་ཀྱང་། འོད་སྲུངས་ཡོད་ཅེས་བྱ་བ་འདི་ནི་མཐའ་གཅིག་གོ། །མེད་ཅེས་བྱ་བ་འདི་ནི་མཐའ་
[166b.6]གཉིས་སོ། །རྟག་ཅེས་བྱ་བ་འདི་ནི་མཐའ་གཅིག་གོ། །མི་རྟག་ཅེས་བྱ་བ་འདི་ནི་མཐའ་གཉིས་སོ། །དབུ་མའི་ལམ་ནི་དམིགས་སུ་མེད་པའོ་ཞེས་འབྱུང་བ་དང་། འདུས་པ་ཆེན་པོ་རིན་པོ་ཆེ་ཏོག་ལས་ཀྱང་། ཅི་སྟེ་མཆིས་ཞེས་བགྱི་#ན་ནི་རྟག་པར་འགྱུར། མ་མཆིས་ཞེས་
[166b.7]བགྱི་#ན་ནི་ཆད་པར་འགྱུར། དབུ་མའི་ལམ་ནི་དམིགས་སུ་མ་མཆིས་སོ་ཞེས་འབྱུང་བ་དང་། གཞན་དག་ལས་ཀྱང་། ཡོད་དང་མེད་པ་འདི་ཡང་མཐའ་ཡིན་ཏེ། །དག་དང་མ་དག་གཉིས་ཀྱང་མཐའ་རུ་འགྱུར། །མཁས་པས་མཐའ་གཉིས་རྣམ་པར་སྤངས་ནས་ཀྱང་། །དབུས་
[167a]
[167a.1]ལ་#རྟོག་ཅིང་གནས་པར་མི་བྱེད་དོ། །ཞེས་འབྱུང་བ་དང་། གཞུང་འདི་ཉིད་ལས་ཀྱང་། དངོས་པོ་མེད་པ་བསྒོམ་པའི་དངོས། །ཞེས་བྱ་བ་ལ་སོགས་པ་རྒྱ་ཆེར་གསུངས་སོ། །འདི་ཉིད་ནི་མཆོག་ཡིན་པར་ཡང་ལུང་གིས་བཤད་དེ།# ཆོས་རྣམས་རང་བཞིན་མེད་པ་དང་།
[167a.2]སྐུ་གསུམ་པོ་ཡི་ཁྱད་པར་གྱིས། །ཐུན་མོང་ལས་ནི་མ་གྲུབ་ཕྱིར། །འདི་ནི་མཆོག་ཏུ་གྱུར་པ་ཡིན། །ཞེས་གསུངས་སོ། །དེ་བས་ན་འདི་ནི་མཆོག་གི་དངོས་གྲུབ་བོ། །སངས་རྒྱས་ཞེས་སྨོས་པ་མ་ཡིན་ནམ། རྡོ་རྗེ་འཆང་ཆེན་པོ་ལ་སོགས་པ་མ་ཡིན་པ་ཆོས་ཀྱི་སྐུ་ལ་སོགས་པ་
[167a.3]ཅིའི་ཕྱིར་མཆོག་གི་དངོས་གྲུབ་ཅེས་གྲགས་ཤེ་ན། འདི་ཉིད་སངས་རྒྱས་ཏེ་སྒྲིབ་པ་རྣམ་པ་གཉིས་སྤངས་#པ་དང་། བསོད་ནམས་དང་ཡེ་ཤེས་ཀྱི་ཚོགས་རྒྱས་པའི་ཕྱིར་རོ། །མཆོག་ཅེས་བྱ་བ་འདི་ཐུན་མོང་མ་ཡིན་པ་ཞིག་མ་ཡིན་ནམ། འདི་ཅིའི་ཕྱིར་ཐུན་མོང་བ་ལ་མཆོག་
[167a.4]ཅེས་བྱ་ཞེ་ན། འདི་ནི་ཐུན་མོང་མ་ཡིན་པ་ཉིད་དེ། ཉན་ཐོས་ལ་སོགས་པ་དང་ཐུན་མོང་མ་ཡིན་པ་ཉིད་ཀྱི་ཕྱིར་རོ། །གྲུབ་པའི་མཐའ་གཞན་དང་ཐུན་མོང་མ་ཡིན་པ་ནི་མ་ཡིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སོགས་པ་དང་ཐུན་མོང་བའི་ཕྱིར་རོ། །རིགས་ཀྱིས་#ཐུན་མོང་མ་ཡིན་
[167a.5]པ་ཡང་མ་ཡིན་ཏེ་འདི་ལྟར་རྡོ་རྗེའི་རིགས་དང་། ལས་ཀྱི་རིགས་ཀྱི་བར་དུ་ཐུན་མོང་དུ་གྱུར་པའི་ཕྱིར་རོ། །ཐབས་ཀྱིས་ཐུན་མོང་མ་ཡིན་པ་ཡང་མ་ཡིན་ཏེ། བསྐྱེད་པའི་རིམ་པ་དང་། རྫོགས་པའི་རིམ་པ་ལ་སོགས་པ་ཐབས་ཐམས་ཅད་པའི་འབྲས་བུ་ཡིན་པའི་ཕྱིར་རོ། །བསྟན་དུ་མེད་པས་
[167a.6]ཐུན་མོང་མ་ཡིན་པ་ཡང་མ་ཡིན་ཏེ། ཡུལ་དང་དུས་དང་གཉིས་#རང་བཞིན་གྱིས་སྐལ་#བ་ཐམས་ཅད་མཆོག་ཏུ་གྱུར་པའི་ཕྱིར་རོ། །དེ་བས་ན་མཆོག་གི་དངོས་གྲུབ་ཅེས་བྱ་བ་འདི་གང་ཞིག་ཡིན། ཅིའི་ཕྱིར་མཆོག་གི་དངོས་གྲུབ་ཅེས་བརྟག་ཅེ་ན། དང་པོ་ནི་བཤད་ཟིན་ཏོ། །གཉིས་
[167a.7]པའི་#དབང་དུ་བྱས་པ་#ནི་ཐུན་མོང་མ་ཡིན་པའི་ཕྱིར་ཏེ། མཆོག་རྟོགས་པའི་བྱེ་བྲག་གིས་མ་ཡིན་གྱི་མཆོག་ཐོབ་པའི་བྱེ་བྲག་གིས་སོ། །མཆོག་ཐོབ་པ་ཞེས་བྱ་བ་ཡང་རྒྱུ་ཐམས་ཅད་ཀྱིས་ཐོབ་པ་ནི་མ་ཡིན་གྱི་རྫོགས་པའི་རིམ་པ་འབའ་ཞིག་གིས་ཉེ་བར་ཐོབ་པའི་ཕྱིར་རོ། །འབའ་
[167b]
[167b.1]ཞིག་གིས་ཐོབ་ཀྱང་ཐུན་མོང་#ཡིན་ནོ་ཞེ་ན་ནི་#ཧ་ཅང་ཐལ་བར་འགྱུར་རོ། །དེ་བས་ན་འདི་ནི་མཆོག་གི་དངོས་གྲུབ་ཉིད་དོ། །རྒྱན་དང་པོ་བཤད་ཟིན་ཏོ།། །།#འདི་ལ་ཡང་ཅིའི་ཕྱིར་རྒྱན་ཞེས་བྱ་ཞེ་ན། གང་ལ་གང་གིས་ཕན་འདོགས་པ་དང་། གང་ལ་གང་གིས་མཛེས་པར་བྱེད་པ་དང་། གང་
[167b.2]ལ་གང་གིས་དགའ་བར་བྱེད་པ་དེ་ནི་དེའི་རྒྱན་ནོ། །རྒྱན་ཞེས་བྱ་བ་ཡང་དུ་ཞིག་ཅེ་ན། དེ་བཞིན་གཤེགས་པ་ཐམས་ཅད་ཀྱི་རྒྱན་ནི་རྣམ་པ་གཉིས་ཏེ་རང་བཞིན་གྱི་རྒྱན་དང་། གསལ་བའི་རྒྱན་ནོ། །རྒྱན་ཐམས་ཅད་ཀྱི་དཔེ་ནི་རྣམ་པ་གཉིས་ཏེ། རང་བཞིན་གྱི་རྒྱན་གྱི་དཔེ་ནི་བུ་མོ་བཞིན་
[167b.3]མཛེས་པ་ལྟ་བུའོ། །གསལ་བའི་རྒྱན་ནི་དཔེར་ན་བུ་མོའི་རིན་པོ་ཆེ་ལྟ་བུའོ། །འདི་ལྟ་སྟེ་དཔེར་ན་ནོར་བུ་རིན་པོ་ཆེས་ནི་བུ་མོའི་བཞིན་མཛེས་པར་བྱེད་དོ། །བུ་མོའི་བཞིན་ལ་ཕན་འདོགས་#པར་བྱེད་དོ། །དེ་བཞིན་གཤེགས་པ་ཐམས་ཅད་ཀྱི་#གསང་བ་འདུས་པའི་གླེང་བསླང་བ་ལ་
[167b.4]སོགས་པ་འདིས་ནི་དེ་བཞིན་གཤེགས་པ་ཐམས་ཅད་ཀྱི་བཤད་པ་ལ་ཕན་འདོགས་པར་བྱེད་དོ། །དེ་བཞིན་གཤེགས་པ་ཐམས་ཅད་ཀྱི་རྒྱན་གྱི་དགོས་པ་ནི་སེམས་ཅན་རྒྱན་ལ་དགའ་བ་རྗེས་སུ་འཇུག་པར་བྱེད་པ་དང་། དེ་བཞིན་གཤེགས་པ་ཐམས་ཅད་ཀྱི་བཤད་པ་ཕུན་སུམ་
[167b.5]ཚོགས་པ་ལ་ཕན་འདོགས་པར་བྱེད་དོ། །གླེང་བསླང་བ་ནི་འདས་ཟིན་ཏེ་ཞེས་པ་ནི་གླེང་བསླང་བ་རྣམ་པ་ལྔ་བཤད་ཟིན་ཞེས་པའོ། །དེ་ནས་རིགས་པ་རྣམ་པ་བཞི་བཤད་པ་བསྟན་པའི་ཕྱིར། རིགས་པ་ཡང་ནི་བཤད་པར་བྱ། །ཞེས་བྱ་བ་ལ་སོགས་པ་སྨོས་ཏེ་རྒྱུད་དག་དང་ནི་ཞེས་
[167b.6]བྱ་བ་ལ་སོགས་པ་ལ་རྒྱུད་ནི་གང་དུ་རྟོགས། གླེང་གཞི་ནི་གང་ཞིག་ཡིན། ཅིའི་ཕྱིར་དེ་ལ་དེ་སྐད་ཅེས་བྱ། ཐབས་གང་གིས་ཐོབ་པར་བྱེད་ཅེས་བྱ་བའི་དོན་ཏོ། །དང་པོའི་ལན་#བསྟན་པའི་ཕྱིར། མི་ཡི་སྐྱེ་བར་འཁྲུངས་པ་ནི། །རྒྱུད་ཅེས་བྱ་བར་བརྗོད་པ་ཡིན། །ཞེས་པ་མིའི་
[167b.7]རྒྱུད་དུ་གཏོགས་ཞེས་པའོ། །ཅིའི་ཕྱིར་རྒྱུད་ཅེས་བྱ་ན་དེ་ཉིད་མིའི་སྐྱེ་བ་དང་འབྲེལ་པའི་ཕྱིར་དེ་ལ་དེ་སྐད་ཅེས་བྱའོ། །འདིས་ནི་ལྷ་དང་ལྷ་མ་ཡིན་གྱི་རྒྱུད་དུ་གཏོགས་པ་གསལ་#བ་ཡིན་ནོ། །གཉིས་པའི་#ལན་བསྟན་པའི་ཕྱིར། བཙུན་མོའི་འཁོར་གྱི་ནང་ནས་ནི། །ངེས་པར་
[168a]
[168a.1]འབྱུང་#བ་གླེང་གཞི་ཡིན། །ཞེས་སྨོས་ཏེ་ཁྱིམ་ནས་ཁྱིམ་མེད་པར་ངེས་པར་རབ་ཏུ་བྱུང་བའོ། །འདི་ལ་ཅིའི་ཕྱིར་ཐུབ་པ་ཆེན་པོ་ཞེས་བྱ་ཞེ་ན། འདི་#ལས་སྡོམ་པ་བསྟན་པ་ནི། །ངེས་པའི་ཚིག་ཅེས་བརྗོད་པ་སྟེ། །ཞེས་པ་འདུལ་བ་ལས་སྡོམ་པ་ཐམས་ཅད་
[168a.2]ཐུབ་པའི་ཕྱིར་ཐུབ་པ་ཆེན་པོ་ཞེས་བྱའོ། །ལུང་གཞན་ལས་ཀྱང་། དབང་པོའི་#སྒོ་བསྡམས་སྡོམ་པ་རྣམས། །མ་ལུས་བརྩལ་མེད་ཐུབ་པས་ན། །ཐུབ་པ་ཆེན་པོ་ཞེས་སུ་བཤད། །ཅེས་འབྱུང་བ་ལྟ་བུའོ། །འདིའི་རྒྱུ་གང་ཞིག་ཡིན་ཞེས་པའི་ལན་དུ། །འབྲས་བུ་འདོད་པས་
[168a.3]ཆོས་སྤྱོད་པ། །དེ་ནི་རྒྱུ་ཞེས་བརྗོད་པ་སྟེ། །ཞེས་པ་འབྲས་བུ་ནི་མཆོག་དང་ཐུན་མོང་གི་དངོས་གྲུབ་པོ། །ཡང་ན་འབྲས་བུ་ནི་འདིར་ཕྱུག་པ་དང་། གཟུགས་བཟང་བ་དང་། སྟོབས་དང་མི་འཇིགས་པ་དང་གཟུངས་དང་ཏིང་ངེ་འཛིན་དང་། དེ་ལ་སོགས་པ་ཡོན་ཏན་གྱི་ཆོས་རྣམས་
[168a.4]སོ། །དེ་ཐོབ་པར་བྱེད་པའི་རྒྱུ་ནི་སྦྱིན་པ་དང་། ཚུལ་ཁྲིམས་དང་བཟོད་པ་ལ་སོགས་པའོ། །འདི་ནི་འདོད་ཆགས་བྲལ་ཆོས་ཀྱི། །རིགས་པ་རྣམ་པ་བཞིར་#འདོད་དོ། །ཞེས་པ་འདོད་ཆགས་དང་ལྡན་པའི་དབང་དུ་བྱས་པ་ནི་མ་ཡིན་གྱི། འདོད་ཆགས་དང་བྲལ་བའི་དབང་དུ་
[168a.5]བྱས་པའི་ཕྱིར་རོ། །དེ་བས་ན་འདོད་རྒྱལ་གྱི་ཞགས་པས་ཟིན་པ་རྣམས་ནི་དགོས་པ་མེད་ཀྱང་རྩོམ་པར་འགྱུར་གྱི། དེ་བཞིན་གཤེགས་པ་ཐུགས་རྗེ་ཆེན་པོ་དང་ལྡན་པ་རྣམས་ནི་སེམས་ཅན་གྱི་དོན་དང་མི་ལྡན་པར་ནམ་ཡང་རྩོམ་མི་སྲིད་དོ། །དེ་བས་ན་དགོས་པ་ཐམས་
[168a.6]ཅད་ནི་རྣམ་པ་གཉིས་ཏེ། འདོད་ཆགས་དང་བྲལ་བ་རྣམས་འདུལ་བ་དང་འདོད་ཆགས་དང་ལྡན་པ་རྣམས་འདུལ་བའོ། །དང་པོའི་དབང་དུ་བྱས་པ་ནི་བཤད་ཟིན་ཏོ། །གཉིས་པའི་དབང་དུ་བྱས་ནས་བཤད་པ། རིགས་ལྔའི་སངས་རྒྱས་བསྐྱེད་པ་ནི། །རྒྱུད་ཅེས་བྱ་བར་བརྗོད་
[168a.7]པ་སྟེ། །ཞེས་པ་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཆང་ཆེན་པོ་ཡབ་ཡུམ་གཉིས་སུ་མེད་པའི་སྦྱོར་བ་ལས་རིགས་རྣམ་པ་ལྔ་ལ་སོགས་པ་བསྐྱེད་པ་འདི་ནི་རྒྱུད་ཅེས་བྱའོ། །འདི་ལ་ཡང་ཅིའི་ཕྱིར་རྒྱུད་ཅེས་བརྗོད་ཅེ་ན་གཉིས་སུ་མེད་པའི་སྦྱོར་བའི་དབང་དུ་ནི་
[168b]
[168b.1]འབྲེལ་པའི་ཕྱིར་རྒྱུད་དོ། །རིགས་ལྔའི་སངས་རྒྱས་སྐྱེ་བའི་དབང་དུ་ནི་འབྱུང་ཁུངས་ཀྱི་ཕྱིར་རྒྱུད་དོ། །དཔེར་ན་རི་ལས་གསེར་འབྱུང་ཞེས་བརྗོད་ན་རི་གསེར་གྱི་རྒྱུད་དུ་གཏོགས་པ་ལྟ་བུར་རིགས་ལྔའི་སངས་རྒྱས་བསྐྱེད་པས་ཐམས་ཅད་དེ་བཞིན་གཤེགས་པའི་རྒྱུད་དང་། འདོད་
[168b.2]ཆགས་ཆེན་པོའི་ཆོས་དང་ལྡན་པའི་རྒྱུད་དུ་གཏོགས་པར་ཤེས་པར་བྱའོ། །གླེང་གཞི་ཡང་གང་ཞིག་ཡིན་ཞེ་ན། སླར་ཡང་རིགས་གཅིག་གྱུར་པ་ནི། །གླེང་གཞི་ཡིན་པར་རབ་ཏུ་བཤད། །ཅེས་པའོ། །དེ་བཞིན་གཤེགས་པ་ཐམས་ཅད་རིགས་བརྒྱའི་དབྱེ་བ་#ལ་རབ་ཏུ་བཞུགས་
[168b.3]ནས་སླར་ཡང་རྡོ་རྗེ་བསྡུ་བའི་སྦྱོར་བས་བསྡུས་ཏེ། རིགས་གཅིག་ཏུ་གྱུར་པ་ནི་གླེང་གཞི་ཞེས་བརྗོད་དོ། །རྡོ་རྗེ་ལ་སོགས་བཟུང་བ་ནི། །ངེས་པའི་ཚིག་ཏུ་བརྗོད་པ་སྟེ། །ཞེས་པ་ནི་རྡོ་རྗེ་འཛིན་པའི་ཕྱིར་རྡོ་རྗེ་འཆང་ཆེན་པོའོ། །ཅིའི་ཕྱིར་རིན་ཆེན་འཆང་ཞེས་བྱ་ཞེ་ན། ཡིད་བཞིན་གྱི་
[168b.4]ནོར་བུ་རིན་པོ་ཆེ་འཆང་བའི་ཕྱིར་རིན་ཆེན་འཆང་ཞེས་པའོ། །འདི་དག་གི་དོན་ནི་འོག་ནས་བཛྲ་དྷྲིཀ་#ཅེས་བྱ་བ་ལ་སོགས་པའི་སྔགས་ཀྱི་དོན་བཤད་པ་ལས་ཤེས་པར་བྱའོ། །འདི་དག་གི་རྒྱུ་ཡང་གང་ཞིག་ཡིན་ཞེས་པའི་ལན་དུ། སྒེག་པ་ལ་སོགས་སྤྱོད་པ་ནི། །རྒྱུ་ཞེས་བྱ་བར་
[168b.5]བརྗོད་པ་སྟེ། །ཞེས་པ་སྒེག་པ་དང་འཇོ་བ་ལ་སོགས་པ་ནི་སངས་རྒྱས་ཐམས་ཅད་ཀྱི་སྐྱེ་བའི་རྒྱུར་གྱུར་ཞེས་#པའི་དོན་ཏོ། །རིགས་པ་ཡང་ནི་འདས་ཟིན་ཏེ། །ཞེས་པ་ནི་རིགས་རྣམ་པ་#བཞི་ནི་བཤད་ཟིན་ཏོ། །རྒྱན་ནི་གསུམ་པ་ཉིད་ཀྱང་ནི། །ཞེས་བྱ་བ་ལ་སོགས་པ་ནི་རིགས་པ་རྣམ་
[168b.6]པ་བཞི་བཤད་པའི་འོག་ཏུ་མཐའ་རྣམ་པ་དྲུག་བཤད་པར་རིགས་པས་དེ་བཤད་པར་བྱའོ། །མཐའ་ཡང་ཡིན་ལ་དྲུག་ཀྱང་ཡིན་པས་མཐའ་རྣམ་པ་དྲུག་སྟེ། མཐའ་དྲུག་གི་ཚིག་ཅེས་པ་ནི་དོན་མ་ཡིན་ཞེས་པའོ། །དེས་ངེས་པར་བྱས་པ་ནི་དེ་བཞིན་གཤེགས་པ་ཐམས་ཅད་ཀྱི་
[168b.7]གསང་བ་འདུས་པ་མཐའ་དྲུག་གིས་རྒྱས་བཏབ་པ་གང་ཡིན་པ་དེ་ནི་#འདིས་རྟོགས་པར་བྱེད་དོ་ཞེས་པའི་དོན་ཏོ། །མཐའ་དྲུག་པོ་ཉིད་གང་ཡིན་#ཞེ་ན། དྲང་བ་དང་ནི་ངེས་དོན་བཅས། །ཞེས་བྱ་བ་སྨོས་ཏེ་འདི་དག་ལ་ཡང་ཅིའི་ཕྱིར་མཐའ་ཞེས་བྱ་ཞེ་ན། འདི་ལྟར་ཆོས་འགལ་བ་
[169a]
[169a.1]རྣམ་པར་གནས་པའི་ཕྱིར་མཐའ་སྟེ་གང་ཞིག་ཡོངས་སུ་གཅོད་པ་མེད་ན་གང་ཞིག་རྣམ་པར་གཅད་#པ་མེད་དེ། དེ་ནི་ཕན་ཚུན་སྤངས་ཏེ་གནས་པའི་མཚན་ཉིད་ཅན་གྱི་འགལ་བ་ཡིན་ཏེ། རྟག་པ་དང་མི་རྟག་པ་བཞིན་ནོ། །དྲང་བ་#དང་ངེས་པའི་དོན་རྣམ་པ་གཉིས་ཀྱང་
[169a.2]ཡོངས་སུ་གཅོད་པ་མེད་ན་རྣམ་པར་བཅད་པ་མེད་པའི་ཕྱིར་འགལ་བ་ཡིན་ནོ། །དེ་བས་ན་དྲང་བའི་དོན་ལ་#ཇི་ལྟ་བ་བཞིན་དུ་སྒྲ་ཇི་བཞིན་པ་ལ་སོགས་པ་ལ་ཡང་ཤེས་པར་བྱ་སྟེ། འདི་ལྟར་དྲང་བའི་དོན་དང་ངེས་པའི་དོན་རྣམ་པ་གཉིས་ནི་དོན་གཅིག་གིས་གཅིག་སྤངས་པའི་མཐའ་
[169a.3]ཡིན་ནོ། །སྒྲ་ཇི་བཞིན་པ་དང་ཇི་བཞིན་#མ་ཡིན་པ་རྣམ་པ་གཉིས་ནི་དོན་ལ་མ་ངེས་པའི་ཕྱིར་སྒྲ་མཐའ་ཞེས་བྱའོ། །དགོངས་པས་བཤད་པ་དང་དགོངས་པ་མ་ཡིན་པས་བཤད་པ་ནི་སྒྲ་དང་དོན་རྣམ་པ་གཉིས་#གསལ་བར་གནས་པའི་ཕྱིར་གཉི་ག་མཐའ་ཞེས་སྦྱར་རོ། །མཐའ་ཡང་
[169a.4]ཡིན་ལ་དྲུག་ཀྱང་ཡིན་པས་འདི་ནི་མཐའ་རྣམ་པ་དྲུག་གོ། །དེ་ནས་མཐའ་དྲུག་གི་རང་རང་གི་མཚན་ཉིད་བསྟན་པའི་ཕྱིར་ཐེ་ཚོམ་དང་། མ་རྟོགས་པ་དང་ལོག་པར་རྟོག་པ་སེལ་ནུས་པའི་གང་ཟག་ཅིག་སློབ་དཔོན་གྱི་གན་དུ་འོངས་ཏེ། འདི་སྐད་ཅེས་འདྲིའོ། །དྲང་བའི་དོན་ཞེས་
[169a.5]བྱ་བ་གང་ཞིག་#ཡིན། ཅི་#ཕྱིར་དྲང་བའི་དོན་དུ་བརྟག་ཅེ་ན་བཤད་པ། །སྐལ་ངན་རྣམས་ལ་རྒྱལ་བ་ཡིས། །སྦས་ཏེ་བཤད་པ་དྲང་བའི་དོན། །ཞེས་པ་སྐལ་བ་ངན་པ་ནི་སྐལ་བ་ངན་པ་སྟེ་ཉན་ཐོས་ཀྱི་རིགས་ཅན་ལ་སོགས་པའོ། །ཡང་ན་སྐལ་བ་ངན་པ་ནི་རྣམ་པ་#གཉིས་ཏེ། དངོས་
[169a.6]སུ་སྐལ་བ་ངན་པ་ལ་ལྟོས་#ནས་སྐལ་བ་ངན་པའོ། །དངོས་སུ་སྐལ་བ་ངན་པ་ནི་རིགས་ཆད་པའི་གང་ཟག་འབའ་ཞིག་གོ། །རིགས་ཆད་པའི་ཞེས་བྱ་བ་ཡང་ས་བོན་དང་བྲལ་བ་ནི་མ་ཡིན་གྱི། ཉོན་མོངས་པའི་སྤྱོད་པ་འབའ་ཞིག་ལ་ལྟོས་#ནས་སྐལ་བ་ངན་པ་ནི་རྣམ་པ་གཉིས་ཏེ།
[169a.7]དངོས་སུ་ན་#ཉན་ཐོས་ལ་སོགས་པའི་ཕྱིའི་ཕྱོགས་སུ་གཏོགས་པ་དང་#ཚོགས་ཀྱི་གང་ཟག་ནང་པའི་ཕྱོགས་སུ་གཏོགས་པའོ། །འདི་དག་ལ་ཡང་ཅིའི་ཕྱིར་སྐལ་བ་ངན་པ་ཞེས་བྱ་ཞེ་ན། དམ་པའི་ཆོས་ཟབ་ཅིང་རྒྱ་ཆེ་བ་ཉན་#པའི་སྐལ་བ་མེད་པའི་ཕྱིར་རོ། །སྐལ་བ་མེད་པའི་ཕྱིར་
[169b]
[169b.1]རིགས་ཆད་པ་མ་ཡིན་ནམ། ཅིའི་ཕྱིར་ལྟོས་#ནས་སྐལ་བ་ངན་པ་ཞེས་བྱ་ཞེ་ན། རིགས་ཆད་པ་ཞེས་བྱ་བ་ནི་ཐམས་ཅད་ཀྱི་འབྲས་བུ་མི་ཐོབ་པ་གང་ཡིན་པའོ། །འགའ་འགས་ཀྱང་ནི་#མི་ཐོབ་པ་ནི་མ་ཡིན་ནོ། །དེ་ལ་རྒྱལ་བས་གང་སྦས། སྦ་བ་ཅིའི་ཕྱིར་ཞེ་ན། དེ་བཞིན་གཤེགས་
[169b.2]པའི་ཆོས་ཟབ་ཅིང་རྒྱ་ཆེ་བ་ལ་སོགས་པ་སྦས་པ་སྟེ། མཐོང་བ་ཙམ་གྱིས་སྐྲག་པའི་ཕྱིར་རོ། །ཐམས་ཅད་ནས་ཐམས་ཅད་དུ་བསྟན་པར་བྱ་བ་མ་ཡིན་ནམ་ཞེ་ན་མ་ཡིན་པའི་ཕྱིར་གསུངས་པ། དྲང་བའི་དོན་ནི་#ཞེས་སྨོས་ཏེ། བཅོམ་ལྡན་འདས་ཉིད་ཀྱིས་ཀྱང་བདག་དང་། སྲོག་
[169b.3]དང་། གསོ་བ་དང་། སྐྱེས་བུ་དང་། གང་ཟག་དང་། བྱེད་པ་པོ་དང་། ཚོར་བ་པོ་ལ་སོགས་པ་འཇིག་རྟེན་ན་ཡོད་དོ་ཞེས་གསུངས་པ་དང་། སེམས་དཔའ་ཆེན་པོ་མ་རིག་པ་ལས་ནི་འདུ་བྱེད་འབྱུང་ངོ་ཞེས་གསུངས་པ་དང་རྒྱལ་བའི་སྲས་དག་འདི་དག་སྟེ་ཁམས་གསུམ་པ་འདི་
[169b.4]དག་ནི་རྣམ་པར་རིག་པ་ཙམ་མོ་ཞེས་འབྱུང་བ་དང་། གཞན་ཡང་ཆོས་ཐམས་ཅད་ནི་རང་བཞིན་མེད་པ་སྟེ་སྣང་བ་ཙམ་ནི་མ་གཏོགས་སོ། །རིགས་ཀྱི་བུ་ལྷའི་རྣལ་འབྱོར་ལ་དད་པར་གྱིས་ཤིག །འདི་ལས་ཡང་དག་པའི་ཐབས་ནི་ནམ་ཡང་རྙེད་པར་འགྱུར་བ་མ་ཡིན་ནོ་ཞེས་
[169b.5]གསུངས་པ་འདི་ནི་བཅོམ་ལྡན་འདས་ཉིད་ཀྱིས་ལམ་ཁྱད་པར་ཅན་དང་འབྲས་བུ་ཁྱད་པར་ཅན་ཐུགས་ལ་ཆུད་ནས་སྐལ་བ་ངན་པའི་སེམས་ཅན་གང་ལ་གང་གིས་འདུལ་བ་དེ་ལ་དེའི་སྒོ་ནས་དེ་ལྟར་ཆོས་སྟོན་པ་འདི་ནི་དེ་བཞིན་གཤེགས་པ་ཐམས་ཅད་ཀྱི་དྲང་བའི་དོན་ཞེས་བྱའོ། །དེ་
[169b.6]ལ་ངེས་པའི་དོན་གང་ཞེ་ན་ཞེས་དྲིས་པ་དང་། དེའི་ལན་དུ། མཆོག་འདོད་སེམས་ཅན་རྣམས་ཀྱི་ཕྱིར། །ངེས་པའི་དོན་ཡང་གསུངས་པ་ཡིན། །ཞེས་#མཆོག་འདོད་པའི་སེམས་ཅན་ནི་སྐལ་བ་བཟང་པོ་ཞེས་བྱ་བ་སྟེ། འབྲས་བུ་བཟང་པོ་ལ་སྤྱོད་པའི་སྐལ་བ་ཡོད་པའི་
[169b.7]ཕྱིར་རོ། །མཆོག་ཅེས་བྱ་བ་ནི་མཆོག་གི་དངོས་གྲུབ་སྟེ་དེ་འདོད་པ་ནི་དེ་ལ་གཅེས་པར་འཛིན་པའོ། །ཡང་ན་མཆོག་འདོད་པ་ནི་འདུན་པ་བསྐྱེད་#པ་སྟེ་འདུན་པ་ནི་འདོད་པའི་བདག་ཉིད་ཡིན་པའི་ཕྱིར་རོ། །གྲོགས་ནི་མོས་པའོ། །དད་པ་དང་དྲན་པ་ལ་སོགས་པ་ཡང་ཅི་རིགས་སུ་
[170a]
[170a.1]འགྱུར་རོ། །མཆོག་འདོད་པའི་སེམས་ཅན་རྣམས་ཀྱི་ཕྱིར། དེ་ཉིད་ཀྱི་དོན་གསུངས་པ་ནི་ངེས་པའི་དོན་ཞེས་བྱའོ། །དེ་ཅིའི་ཕྱིར་#ངེས་པའི་དོན་ཞེས་བྱ་ཞེ་ན། ལམ་ངེས་པ་ཉིད་དང་། འབྲས་བུ་ངེས་པ་ཉིད་དང་། མཆོག་ཏུ་གྱུར་པ་ངེས་པ་ཉིད་དང་།
[170a.2]རྨད་དུ་བྱུང་བ་ངེས་པ་ཉིད་ཀྱི་ཕྱིར། དེ་ལ་དེ་སྐད་ཅེས་བྱའོ། །ཡང་ན་ངེས་པའི་དོན་ཞེས་བྱ་བ་ནི་བྱང་ཆུབ་ཏུ་སེམས་བསྐྱེད་ནས་མངོན་པར་སངས་རྒྱས་ཀྱི་བར་དུ་མི་སྤོང་། མི་འདོར། སྒྲིབ་པ་དང་། གོ་གཅོད་པར་མི་བྱེད། བསླབ་པ་དང་། དྲན་པ་ལ་སོགས་པ་འཕེལ་བར་
[170a.3]བྱེད་པ་གང་ཡིན་པ་དེ་ནི་ངེས་པའི་དོན་ཞེས་བྱའོ། །དགོངས་པས་བཤད་པ་གང་ཞེ་ན། དེ་བཤད་པའི་ཕྱིར། མཆོག་འདོད་སེམས་ཅན་རྣམས་ཀྱི་ཕྱིར། །ཞེས་བྱ་བ་སྨོས་ཏེ། མཆོག་འདོད་#པ་ནི་མཆོག་འདོད་པ་སྟེ། མཆོག་གི་དངོས་གྲུབ་འདོད་ཅེས་པའི་དོན་ཏོ། །མཆོག་འདོད་
[170a.4]པ་ཡང་ཡིན་ལ། སེམས་ཅན་ཡང་ཡིན་པས་མཆོག་འདོད་པའི་སེམས་ཅན་རྣམས་ཏེ་རྣམས་ཞེས་བྱ་བ་ནི་འདིར་མང་པོ་ལ་བྱའོ། །དེ་བས་ན་མཆོག་འདོད་པའི་སེམས་ཅན་མང་པོའི་ཕྱིར་བསྟན་#པའོ། །མཆོག་འདོད་པ་ནི་ཐུན་མོང་གི་དངོས་གྲུབ་འདོད་པ་མ་ཡིན་ཞེས་བྱའོ#། །
[170a.5]དེ་ཅིའི་ཕྱིར་ཞེ་ན། ཆོས་ཀྱི་དེ་ཉིད་རབ་སྟོན་པ། །ཞེས་སྨོས་ཏེ་ཆོས་ཀྱི་དེ་ཁོ་ན་ཉིད་ནི་ཆོས་རྣམས་ཀྱི་ངེས་པའི་དོན་ཏོ། །དེ་རབ་ཏུ་སྟོན་པ་ནི་ཆོས་ཀྱི་དེ་ཁོ་ན་ཉིད་རབ་ཏུ་སྟོན་པའོ། །ཇི་ལྟར་སྟོན་ཞེ་ན། འགལ་བའི་ཚིག་གི་སྦྱོར་བ་ཡིས། །གསུངས་ཞེས་པ་སྟེ་བསྟན་བཅོས་ལ་འགལ་
[170a.6]བ་ནི་མ་བྱིན་པར་ལེན་པ་ལ་སོགས་པ་བྱེད་པ་སྟེ་འདི་ལྟར་མ་བྱིན་པར་ལེན་པ་སྤངས་པ་དང་། མ་བྱིན་པར་ལེན་པ་བྱ་བ་ནི་གཅིག་གིས་གཅིག་སྤངས་པའི་ཕྱིར་རོ། །དེ་བས་ན་མ་བྱིན་པར་ལེན་པའི་སྟོབས་ཀྱིས་སངས་རྒྱས་#པར་འགྱུར་ཞེས་པ་ནི་བསྟན་བཅོས་དང་འགལ་བར་འགྱུར་རོ། །
[170a.7]འགལ་བའི་ཚིག་གི་སྦྱོར་བ་དེའི་#དེ་ཁོ་ན་ཉིད་#སྟོན་པར་བྱེད་པ་གང་ཡིན་པ་འདི་ནི་དགོངས་པས་བཤད་པ་སྟེ། འདི་ཅི་ལ་དགོངས་ཞེས་བྱ་བ་ལ་སོགས་པ་ནི་དེ་བཞིན་གཤེགས་པ་ཐམས་ཅད་ཀྱི་དགོངས་པ་ལུང་སྟོན་པའི་རྒྱུད་དུ་ཤེས་པར་བྱའོ། །འདིར་ནི་བཤད་པར་བྱ་བ་དང་། བཤད་པའི་དགོས་པ་དང་། བཤད་
[170b]
[170b.1]པའི་ཡུལ་དང་། བཤད་པའི་སྦྱོར་བ་དང་། བཤད་པའི་མིང་ཙམ་སྟོན་པར་འགྱུར་རོ། །འདི་ཡང་གང་ཟག་ཇི་ལྟ་བུ་ལ་བཤད་ཅེ་ན་ཤེས་རབ་མཆོག་ཏུ་གྱུར་པ་དང་། བརྡ་ལ་གོམས་པ་རྣམས་སོ་ཞེས་པའོ། །བློ་དམན་རྣམས་ལ་མི་སྟོན་པ་ཅིའི་ཕྱིར་ཞེ་ན། འདི་ལྟར་ལམ་ལོག་པ་
[170b.2]ལ་འཇུག་པའི་ཕྱིར་རོ། །འོ་ན་ཐམས་ཅད་དུ་ཐམས་ཅད་སྟོན་པར་བྱེད་པ་མ་ཡིན་ནམ་ཞེ་ན་མ་ཡིན་པའི་ཕྱིར་རོ། །དབང་པོ་དམན་པའི་སེམས་ཅན་རྣམས། །ཞེས་བྱ་བ་ལ་སོགས་པ་སྟེ། དབང་པོ་དམན་པ་ནི་དད་པའི་དབང་པོ་ལ་སོགས་པ་དམན་པའོ། །འདི་ལྟར་ཟག་
[170b.3]པ་མེད་པའི་དབང་པོ་ཐམས་ཅད་ནི་སྔར་#འགྱུར་ཏེ། འདིར་ནི་ཤེས་རབ་ཀྱི་དབང་པོ་དམན་ཞེས་པའོ། །ཤེས་རབ་ཀྱི་དབང་པོ་དམན་པ་ཞེས་པ་#ཤེས་རབ་ཞན་པ་ཞེས་པའི་དོན་ཏོ། །འདི་དག་གིས་ནི་བཤད་པར་བྱ་བའི་ཡུལ་བསྟན་ཏོ། །དེ་ནས་བཤད་པའི་དགོས་པ་བསྟན་པའི་ཕྱིར་
[170b.4]རྟོགས་ཕྱིར་ཞེས་བྱ་བ་སྨོས་ཏེ། དབང་པོ་དམན་པའི་སེམས་ཅན་གྱིས་རྟོགས་པའི་ཕྱིར་དགོངས་པ་མ་ཡིན་པས་བཤད་ཅེས་པའོ། །བཤད་པའི་སྦྱོར་བ་བསྟན་པའི་ཕྱིར་མཆོག་ཏུ་གསལ་བ་ཡིས་ཞེས་པ་སྨོས་ཏེ། མཆོག་ཏུ་གསལ་བ་ནི་དགོངས་པས་བཤད་པ་མ་ཡིན་པ་ཉིད་དོ། །
[170b.5]བཤད་པར་བྱ་བ་བསྟན་པའི་ཕྱིར་རོ། །དེ་ཉིད་ངེས་པར་སྟོན་པ་ཞེས་བྱ་བ་སྨོས་ཏེ། དེ་ཉིད་ཅེས་བྱ་བ་ནི་དཀྱིལ་འཁོར་གྱི་དེ་ཁོ་ན་ཉིད་ལ་སོགས་པའོ། །དེ་ཉིད་མ་ནོར་བར་སྟོན་པ་ནི་ངེས་པར་སྟོན་པའོ། །བཤད་པའི་མིང་བསྟན་པ། ཇི་སྐད་ཅེས་བྱ་བ་བཤད་པ་ཡིན་ཞེ་ན། དགོངས་
[170b.6]པ་མིན་པས་བཤད་པའོ། །ཞེས་སྨོས་སོ། །འདིའི་དོན་ནི་དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པ་ཇི་ལྟ་བུའི་རྣམ་པར་སྟོན་པས་ནི་དགོངས་པ་མ་ཡིན་པས་བཤད་པའོ་ཞེས་སྨོས་སོ། །དེ་ནས་སྒྲ་ཇི་བཞིན་པ་བཤད་པར་བྱ་སྟེ། དེའི་ཕྱིར་དཀྱིལ་འཁོར་རྫོགས་#
[170b.7]དང་རྟོག་པ་ལས། །ཞེས་བྱ་བ་ལ་སོགས་པ་སྨོས་ཏེ་དཀྱིལ་འཁོར་དང་སྒྲུབ་པ་དང་། དབང་དང་། དམ་ཚིག་དང་། ཕྲིན་ལས་ཞེས་བྱ་བའོ#། །རྟོག་པ་ནི་དེ་ཉིད་གསལ་བར་སྟོན་པར་བྱེད་པའི་རྒྱུད་དོ། །དེ་ལས་སྤྱོད་པ་ཇི་ལྟར་གསུངས། །ཞེས་པ་ནི་དོན་ཇི་ལྟ་བར་སྒྲ་ཡང་དེ་
[171a]
[171a.1]ལྟར་གསུངས་ཞེས་པའོ། །དེ་ལྟ་བུའི་དོན་རྒྱས་པར་#བཤད་པ་གང་ཡིན་པ་དེ་ནི་ཇི་བཞིན་སྒྲར་གསུངས་པའོ་ཞེས་པའོ། །སྒྲ་ཇི་བཞིན་པ་མ་ཡིན་པ་གང་ཞེ་ན། ཀོ་ཊ་ཀྵ་ལ་སོགས་པའི་སྒྲ་ཞེས་བྱ་བ་ལ་སོགས་པ་གསུངས་ཏེ། ཀོ་ཊ་ཀྵ་ནི་ཀོ་ཊ་ཀྵ་སྟེ་ཀོ་ཊ་བ་
[171a.2]ཞེས་པ་ལ་སོགས་པ་གཟུང་ངོ་། །འདི་ཉིད་ནི་བརྡ་ཉིད་དོ། །བརྡ་ཅན་ཡང་གང་ཞེ་ན། དེ་བཞིན་གཤེགས་པ་ཐམས་ཅད་ཀྱི་ཁྱབ་བྱེད་ཀྱི་རླུང་ལ་སོགས་པའོ། །དེ་ལྟ་བུའི་བསྟན་བཅོས་ཤིན་ཏུ་དཀོན་པའི་ཕྱིར། འཇིག་རྟེན་བསྟན་བཅོས་ལ་མེད་ཅིང་། །ཞེས་བྱ་བ་སྨོས་ཏེ། འཇིག་
[171a.3]རྟེན་གྱི་བསྟན་བཅོས་ནི་འཇིག་རྟེན་གྱི་བསྟན་བཅོས་ཏེ། དེ་ལ་གང་མེད་པ་ནི་འཇིག་རྟེན་གྱི་བསྟན་བཅོས་ལ་མེད་པའོ། །འཇིག་རྟེན་དང་འཇིག་རྟེན་ལས་འདས་པ་ཐམས་ཅད་ལ་མེད་པ་མ་ཡིན་ནམ། འདི་ཅིའི་ཕྱིར་འཇིག་རྟེན་གྱི་བསྟན་བཅོས་ལ་མེད་ཅེས་སྨོས་ཤེ་ན་མ་ཡིན་
[171a.4]པའི་ཕྱིར། དེ་བཞིན་གཤེགས་པའི་བརྡར་གྱུར་པ། །ཞེས་སྨོས་ཏེ་དེ་བཞིན་གཤེགས་པ་ཁོ་ནའི་བརྡར་གྱུར་པ་དེ་ལ་དེ་སྐད་ཅེས་བྱའོ། །འཇིག་རྟེན་བསྟན་བཅོས་ལ་མེད་ཅིང་། །ཞེས་བྱ་བ་འདིས་ནི་ཐུན་མོང་མ་ཡིན་པར་སྟོན་ཏོ། །དེ་བཞིན་གཤེགས་པའི་བརྡར་གྱུར་པ། །ཞེས་
[171a.5]བྱ་བ་འདི་ནི་གཉིས་ཏེ། དེ་བཞིན་གཤེགས་པ་ཁོ་ནའི་བརྡར་གྱུར་པ་ཞེས་པ་འདིས་གཞན་དང་ལྡན་པ་རྣམ་པར་བཤད་#པའོ། །དེ་བཞིན་གཤེགས་པའི་བརྡར་གྱུར་པ་ཁོ་ནའི་#ཞེས་བྱ་བ་འདི་ནི་མ་འབྲེལ་པ་རྣམ་པར་བཤད་#པའོ། །འདིའི་མིང་ཅི་ཞེ་ན། དེ་ནི་ཇི་བཞིན་མིན་པར་
[171a.6]བསྒྲགས། །ཞེས་བྱ་བ་སྨོས་ཏེ་སྒྲ་ཇི་བཞིན་པ་ལ་སོགས་#པའི་ཕྱིར་ཇི་བཞིན་མིན་པར་བསྒྲགས་ཞེས་སྨོས་སོ། །མཐའ་དྲུག་དབྱེ་བ་བསྟན་ནས་ནི། །ཞེས་པ་མཐའ་དྲུག་གི་དབྱེ་བ་ནི་མཐའ་དྲུག་གི་དབྱེ་བ་སྟེ། མཐའ་དྲུག་སྤྲོས་པ་དང་བཅས་པ་བསྟན་ཞེས་བྱ་བའོ། །ནི་ཞེས་བྱ་བ་ནི་
[171a.7]གཞན་འདྲེན་པའི་ཚིག་གོ། །བཤད་པའི་དབྱེ་བ་བརྗོད་པར་བྱ། །ཞེས་བྱ་བ་ནི་བཤད་པའི་དབྱེ་བ་ནི་ཡི་གེའི་དོན་ལ་སོགས་པའོ། །དེ་ཉིད་བཤད་པ་ནི་རྣམ་པ་གསུམ་སྟེ་བསྡུས་པའི་དབྱེ་བ་དང་། བར་མཚམས་ཀྱི་དབྱེ་བ་དང་། ཤིན་ཏུ་རྒྱས་པའི་དབྱེ་བའོ། །བསྡུས་པའི་དབྱེ་བ་ནི་
[171b]
[171b.1]ཚིག་གི་དོན་དང་ཞེས་བྱ་བ་ལ་སོགས་པའོ། །བར་མཚམས་ཀྱི་དབྱེ་བ་ནི། དང་པོ་གཅིག་པུ་ཁོ་ན་ཉིད། །ཅེས་བྱ་བ་ལ་སོགས་པའོ། །ཤིན་ཏུ་རྒྱས་པའི་དབྱེ་བ་བསྟན་པའི་ཕྱིར། སྒྲ་ཙམ་ལ་#ནི་རབ་གཞོལ་བའི། །ཞེས་བྱ་བ་ལ་སོགས་པ་སྨོས་སོ། །དེ་ཉིད་བཤད་པ་ཡི་གེའི་དོན་
[171b.2]ཞེས་བྱ་བ་ནི་དུ་ཞིག །ཅིའི་ཕྱིར་ཡི་གེའི་དོན་དུ་བརྟག་ཅེ་ན་བཤད་པ། སྒྲ་ཙམ་ལ་ནི་རབ་གཞོལ་བའི། །ཞེས་པ་ནི་སྒྲ་འབའ་ཞིག་ལ་ཉེ་བར་གཞོལ་གྱི་དེ་བཞིན་གཤེགས་པ་ཐམས་ཅད་ཀྱི་གསང་བའི་དོན་ནི་མ་ཡིན་ནོ། །ཕྱི་རོལ་བསྟན་བཅོས་མཁས་པ་ཡིས། །ཞེས་བྱ་བ་ནི་གཞུང་
[171b.3]འདི་པ་མ་ཡིན་པའི་ཕྱི་རོལ་གྱི་བསྟན་བཅོས་རྗེས་སུ་ཐོབ་པའོ། །དེ་ཡི་བཀོད་པ་རབ་བསྟན་པ། །ཞེས་པ་ནི་སྒྲའི་བཀོད་པ་ཉིད་དོ། །ཇི་སྐད་བྱ་བ་ཡིན་ཞེ་ན། ཡི་གེའི་དོན་ནི་ཡིན་པར་བཤད། ཅེས་སྨོས་ཏེ། སྒྲའི་བཤད་པ་ཡིན་ཞེས་སྦྱར་རོ། །དང་པོ་ནི་བཤད་པར་བྱ་བའི་
[171b.4]ལུང་བསྟན་ཏོ། །ཞར་ལ་ནི་བཤད་པའི་དགོས་པ་བསྟན་ཏོ#། །གཉིས་པས་ནི་བཤད་པ་པོ་བསྟན་ཏོ#། །ཞར་ལ་ནི་དེའི་དགོས་པ་བསྟན་ཏོ། །གསུམ་པས་ནི་བཤད་པའི་ཐབས་བསྟན་ཏོ། །ཞར་ལ་ནི་དེའི་དགོས་པ་བསྟན་ཏོ། །བཞི་པས་ནི་བཤད་པའི་མིང་བསྟན་ཏོ། །ཞར་
[171b.5]ལ་ནི་དེའི་དགོས་པ་བསྟན་ཏོ། །དེ་ནས་གཉིས་པ་བསྟན་པའི་ཕྱིར། སྤྱིའི་དོན་གྱི་ཞེས་བྱ་བ་ལ་སོགས་པ་སྨོས་ཏེ། མདོ་སོགས་ལ་ནི་རབ་བཞུགས་པའི། །ཞེས་སྨོས་སོ། །མདོ་སྡེ་དང་། འདུལ་བ་དང་མངོན་པའི་རྗེས་སུ་ཞུགས་ཞེས་པའི་ཐ་ཚིག་གོ། །དེ་ལ་འགྱོད་པ་ནི་
[171b.6]ཐེག་པ་ཆེན་པོའི་སེམས་བསྐྱེད་#པ་ལའོ། །དེའི་འགྱོད་པ་ཟློག་པར་བྱེད་པ་ནི་དེ་དང་མཐུན་པར་སྟོན་པའོ། །ཇི་སྐད་དུ་རིན་པོ་ཆེ་འབར་བའི་རྒྱུད་ལས་ཀྱང་། རིགས་ཀྱི་བུ་འདུལ་བ་ལ་དད་པར་གྱིས་ཤིག །དེ་བཞིན་གཤེགས་པ་ཐམས་ཅད་ཀྱི་གསང་བ་ཆེན་པོ་བཞི་ཡིན་ནོ་ཞེས་པ་
[171b.7]ལྟ་བུའོ། །བསྐྱེད་པའི་རིམ་#དང་ལྡན་པ་དག །ཅེས་པ་ནི་བསྐྱེད་པའི་རིམ་པ་ནི་བསྐྱེད་པའི་རིམ་པ་ཉིད་དོ། །དེ་དང་གང་ལྡན་པ་ནི་བསྐྱེད་པའི་རིམ་པ་དང་ལྡན་པའོ། །འདི་ཡང་སྤྱིའི་#ཡིན་ཞེས་པར་སྦྱར་རོ། །འདི་ལ་ཡང་ཅིའི་ཕྱིར་སྤྱི་ཞེས་བྱ་ཞེ་ན། འདི་ནི་ཁྱབ་པའི་ཕྱིར་#སྤྱི་ཡིན་
[172a]
[172a.1]ཞེས་པའོ། །སྤྱིའི་དོན་ནི་སྤྱིའི་དོན་ཏེ་ཁྱབ་པའི་དོན་ཏོ། །དེ་ནས་#སྦས་པའི་དོན་བཤད་པ། འདོད་ཆགས་ཆོས་ནི་རབ་སྟོན་པ། །ཞེས་བྱ་བ་ལ་སོགས་པ་སྨོས་ཏེ་འདོད་ཆགས་ཀྱི་ཆོས་ནི་འདོད་ཆགས་ཀྱི་ཆོས་ཏེ། འཕྱང་བ་དང་། འཁྱུད་པ་དང་། འཕྱང་#ཐག་ལ་སོགས་པའོ། །འདི་
[172a.2]ཉིད་ནི་ཐུགས་ལས་#ཕྱུང་བའི་ཕྱིར་སྦས་པའོ། །ཀུན་རྫོབ་ཀྱི་བདེན་པ་ནི་ཀུན་རྫོབ་ཀྱི་བདེན་པ་སྟེ་སྒྱུ་མ་ལྟ་བུའི་སྐུའོ། །ཡེ་ཤེས་གསུམ་པོ་ནི་སྣང་བའི་ཡེ་ཤེས་ལ་སོགས་པའོ། །འདི་དག་ཀྱང་། སྙིང་པོ་ཡོད་པས་སྦས་པའོ། །ཞེས་པའོ། །དང་པོས་ནི་དབྱེ་བ་བསྟན་ཏོ། །གཉིས་པས་
[172a.3]ནི་ངེས་པའི་ཚིག་བསྟན་ཏོ། །གསུམ་པས་ནི་མིང་བསྟན་ཏོ། །དེ་ལྟར་སྦས་པའི་དོན་བསྟན་ནས། ད་ནི་མཐར་ཐུག་པའི་དོན་བསྟན་པར་བྱ་སྟེ། དེའི་ཕྱིར། འོད་གསལ་བ་ནི་རབ་སྟོན་དང་། །ཞེས་བྱ་བ་#སྨོས་ཏོ། འོད་གསལ་བ་ནི་འོད་གསལ་བ་སྟེ། དོན་དམ་པའི་བདེན་པའོ། །ཟུང་དུ་
[172a.4]འཇུག་པ་ནི་ཟུང་དུ་འཇུག་པ་སྟེ་གཉིས་སུ་མེད་པའི་དོན་ཏོ། །རྣམ་པ་གཉིས་ནི་འོད་གསལ་བ་དང་། ཟུང་དུ་འཇུག་པའོ། །ཐ་#མས་ནི་ངེས་པའི་ཚིག་བསྟན་ཏོ། །དེ་ལྟར་མཐའི་དབྱེ་བ་བསྟན་ནས་ད་ནི་བཤད་པའི་དབྱེ་བ་བསྟན་པའི་ཕྱིར། འཆད་པར་#ཉན་པར་འདོད་པ་ལ། །ཞེས་བྱ་བ་
[172a.5]སྨོས་ཏེ་འཆད་པར་འདོད་པ་ནི་སློབ་དཔོན་ནོ། །ཉན་པར་འདོད་པ་ནི་སློབ་མའོ། །སློབ་མའི་དབྱེ་བ་ལ་གཉིས་ཡོད་པས་ན། དབྱེ་བ་ཡང་ནི་གཉིས་ཡིན་ཏེ། །ཞེས་སྨོས་སོ། །དེ་ཉིད་གང་ཞེ་ན། ཚོགས་ལ་བཤད་པ་སྟོན་པ་དང་། །གཉིས་པ་སློབ་མ་ལ་བཤད་པའོ། །ཞེས་སྨོས་ཏེ་དེ་ལ་
[172a.6]ཚོགས་ལ་བཤད་པ་ནི་གང་ཞིག་ཡིན་ཅིའི་ཕྱིར་ཚོགས་ལ་བཤད་པ་ཞེས་བྱ་ཞེ་ན། ཇི་བཞིན་སྒྲ་དང་ཞེས་བྱ་བ་ལ་སོགས་པ་སྨོས་ཏེ། ཇི་བཞིན་པའི་སྒྲ་ནི་ཇི་བཞིན་པའི་#སྒྲའོ། །དེ་བཞིན་དུ་སྤྱིའི་དོན་གྱི་བར་ནི་ཚོགས་ལ་བཤད་པའོ། །ཅིའི་ཕྱིར་ཞེ་ན། དེ་དེའི་སྣོད་དུ་གྱུར་པའི་ཕྱིར་དེ་ལ་
[172a.7]དེ་སྐད་ཅེས་བྱའོ། །སློབ་མ་ལ་བཤད་པ་དུ་ཞིག །ཅིའི་ཕྱིར་སློབ་མ་ལ་བཤད་པ། །ཞེས་བྱ་ཞེ་ན། ཇི་བཞིན་མིན་སྒྲ་ཞེས་བྱ་བ་ལ་སོགས་པ་སྨོས་ཏེ། ཇི་བཞིན་མིན་པ་ལ་སོགས་པ་རྣམ་པ་ལྔ་པོ་འདི་ནི་སློབ་མ་ལ་བཤད་པའོ། །ཅིའི་ཕྱིར་ཞེ་ན། དེ་དེའི་སྣོད་ཡིན་པའི་ཕྱིར་རོ། །དེ་
[172b]
[172b.1]ལྟར་བཤད་པ་རྣམ་པ་གཉིས་བསྟན་ནས། ད་ནི་གང་ཟག་གི་དབྱེ་བ་བསྟན་པའི་ཕྱིར། རྣམ་པ་ཀུན་དུ་ཉན་འདོད་པའི། །ཞེས་གསུངས་ཏེ་དུས་དང་རྣམ་པ་ཐམས་ཅད་དུ་ཉན་པར་འདོད་པའི་གང་ཟག་ཅེས་པའི་དོན་ཏོ། །རིགས་དུ་ཡོད་ཅེ་ན། །བློ་ཡི་རྣམ་པ་དཔག་མེད་ལས། །གང་ཟག་རྣམ་པ་
[172b.2]ལྔར་འདོད་དོ། །ཞེས་སྨོས་ཏེ། འདི་ལྟར་རིགས་ཀྱི་དབང་དུ་དཔག་ཏུ་མེད་དེ། དཔེའི་དབང་དུ་རྣམ་པ་ལྔར་འགྱུར་རོ་ཞེས་བྱ་བའི་དོན་ཏོ། །ལྔ་པོ་ཉིད་གང་ཡིན་སུས་གསུངས་ཤེ་ན། ཨུཏྤལ་དང་པད་དཀར་དང་། པདྨ་ཙནྡན་རིན་པོ་ཆེའི། །རང་བཞིན་ཐ་དད་མིང་གིས་ཏེ། ཐམས་ཅད་
[172b.3]མཁྱེན་པས་གསུངས་པ་ཡིན། །ཞེས་བྱ་བ་ལ་སོགས་པའོ། །དེ་ལ་ཨུཏྤལ་ཞེས་བྱ་བའི་གང་ཟག་ནི་གང་ཞིག །ཅིའི་ཕྱིར་ཨུཏྤལ་གྱི་གང་ཟག་ཏུ་བརྟག་ཅེ་ན། བཤད་པ། དེ་ནི་མ་ལུས་ཐོས་གྱུར་ལ། །འཛིན་པ་ལ་ནི་རྣམ་པར་མཁས། །ཞེས་སྨོས་ཏེ་བཀའ་དང་བསྟན་བཅོས་ཐམས་
[172b.4]ཅད་མ་ལུས་པར་ཐོས་པ་ནི་མ་ལུས་པར་#ཐོས་པའོ། །འཛིན་པ་ལ་ནི་#རྣམ་པར་མཁས། །ཞེས་པ་ནི་ཐོས་པ་ཙམ་གྱིས་#ཐམས་ཅད་ཁོང་དུ་ཆུད་པའོ། །སྐད་ཅིག་#ཙམ་གྱིས་བརྗེད་#འགྱུར་བ། །ཞེས་པ་ནི་བླ་མ་དང་བྲལ་བ་ཙམ་གྱིས་བརྗེད་#པར་འགྱུར་རོ། །དེའི་མིང་ཅི་ཞེ་ན། ཨུཏྤལ་
[172b.5]ཞེས་བྱ་བའི་གང་ཟག་གོ། །ཞེས་སྨོས་ཏེ། ཨུཏྤལ་དང་འདྲ་བས་ཨུཏྤལ་ལྟ་བུའི་གང་ཟག་གོ། །ཨུཏྤལ་ཞེས་བྱ་བ་འདི་ལ་མཐུན་པའི་ཆོས་ཅི་ཡོད་ཅེ་ན། ཇི་སྲིད་དུ་ཨུཏྤལ་ཞེས་བྱ་བ་#འདི་ནི་ཉི་མ་ཤར་བའི་ཚེ་ན་ཁ་འབྱེ་བར་འགྱུར་གྱི། གང་གི་ཚེ་ནུབ་པར་གྱུར་པའི་#དུས་ན་ནི་གང་
[172b.6]ལ་འབྱེ་བར་འགྱུར་བའི་ཆོས་མེད་དོ། །པད་དཀར་ཞེས་བྱ་བའི་#གང་ཟག་འདི་ཡང་ཅི་ཞིག་ཡིན་ཞེ་ན། གཟུང་བྱ་མང་དུ་ཐོས་གྱུར་ཀྱང་། །ཞེས་པ་ནི་དེ་བཞིན་གཤེགས་པའི་སྒྲ་དཔག་ཏུ་མེད་པ་ཐོས་པར་གྱུར་ཀྱང་ཞེས་པའོ། །སྟོན་པ་ཡིས་ནི་ནུས་མེད་པ། །ཞེས་པ་ནི་བསམ་པ་དང་
[172b.7]བརྗོད་པ་དང་བྲལ་ཞེས་པའོ། །བུམ་པའི་རས་བལ་ས་བོན་འདྲ། །ཞེས་པ་ནི། བུམ་པའི་ནང་དུ་རས་བལ་གྱི་ས་བོན་བཅུག་པ་བསྟན་དུ་མེད་པ་བཞིན་ནོ། །པད་དཀར་ལྟ་བུའི་གང་ཟག་གོ། །ཞེས་པ་ནི་པདྨ་དཀར་པོ་ལ་ཆུས་མི་ཆགས་པ་བཞིན་ནོ། །པདྨ་ཞེས་བྱ་བའི་གང་ཟག་ཀྱང་
[173a]
[173a.1]གང་ཞིག་ཡིན་ཞེ་ན། དད་#དང་ལྡན་ཞིང་སྙིང་རྗེ་ཤེས། །ཞེས་པ་ལ་སོགས་པ་ནི་#ལྡན་ཞེས་བྱ་བ་ཀུན་ལ་སྦྱར་བར་བྱ་སྟེ། དད་པ་དང་ལྡན་པ་ནི་འདོད་པ་དང་། དང་བ་དང་། ཡིད་ཆེས་པ་དང་#། དེ་དང་གང་ལྡན་པ་ནི་དེ་རྣམས་དང་མ་བྲལ་བ་སྟེ་དེ་ཉིད་དང་ལྡན་པའོ། །སྙིང་རྗེ་
[173a.2]དང་ལྡན་པ་ནི་སྙིང་རྗེ་ཆེན་པོ་དང་#མ་བྲལ་བའོ། །ཤེས་རབ་དང་ལྡན་པ་ནི་ཤེས་རབ་ཆེན་པོ་དང་མ་བྲལ་བའོ། །ཐོས་ནས་བློ་ཡི་ཁ་བྱེ་ལ། །ཞེས་པ་ནི་བློ་རྒྱ་ཆེན་པོར་གྱུར་#ཞེས་པའོ། །ཚིགས་མེད་འོད་མ་བཞིན་ཉན་པ། །ཞེས་པ་ནི་ཚིགས་པ་#མེད་པའི་འོད་མ་གས་པོ་ལྟར་ཉན་ཞེས་པའོ། །
[173a.3]འདིས་ནི་དུས་ཐམས་ཅད་དུ་ཉན་པར་བྱེད་ཅིང་སྒོམ་#པ་དང་བཤད་པ་ལ་སོགས་པ་སྤངས་ཞེས་སྦྱར་རོ། །འདི་ཉིད་མིང་ཅི་ཡིན་ཞེ་ན། པདྨ་ཞེས་བྱ་བའི་གང་ཟག་གོ་ཞེས་སྨོས་ཏེ། ཚིགས་མེད་པ་ནི་དཔེར་ན་པདྨ་གས་པ་ལྟ་བུའོ་ཞེས་སྦྱར་རོ། །ཙནྡན་ལྟ་བུའི་གང་ཟག་ཅེས་བྱ་བ་འདི་ཡང་གང་ཞིག་
[173a.4]ཡིན་ཞེ་ན། ཐོས་པ་ཉུང་ཞིང་ང་རྒྱལ་ལྡན། །ཞེས་བྱ་བ་ལ་སོགས་པ་སྨོས་ཏེ། ཐོས་པ་ཉུང་བ་ནི་མ་ཐོས་པའོ། །ང་རྒྱལ་ལྡན་པ་ནི་བདག་ཐོས་པ་དང་ལྡན་པ་ཡིན་ཞེས་སྨྲ་བའོ#། །རྩ་བ་མེད་པར་མང་དུ་སྨྲ། །ཞེས་པ་ནི་ངེས་པའི་ཤེས་པ་མ་སྐྱེས་པར་སྣ་ཚོགས་པ་སྨྲ་ཞེས་པའི་དོན་ཏོ། །
[173a.5]རྗེས་སུ་གཟུང་#བར་མི་ནུས་པ། །ཞེས་པ་ནི་ཕྱིས་རང་གིས་འཛིན་པར་མི་ནུས་པའོ། །དེ་ཉིད་ཀྱི་མིང་ཅི་ཞེ་ན། ཙནྡན་ཞེས་བྱ་བའི་གང་ཟག་གོ་ཞེས་སྨྲ་སྟེ#། ཙནྡན་དང་འདྲ་བས་ཙནྡན་ལྟ་བུའི་གང་ཟག་སྟེ#། རི་མ་ལ་ཡའི་ཙནྡན་ལྟ་བུའོ། །ང་རྒྱལ་ལྡན་ཞེས་པ་ནི་དབྱར་གྱི་དུས་ཀྱི་ཙནྡན་ལྟ་བུའོ། །
[173a.6]ཞེས་པའོ། །རྩ་བ་མེད་པར་མང་དུ་སྨྲ། །ཞེས་པ་འདིས་ནི་བ་#དོ་ལའི་རིའི་ཙནྡན་ལྟ་བུའོ་ཞེས་པའི་དོན་ཏོ། །རྗེས་སུ་གཟུང་བར་མི་ནུས་པ། །ཞེས་པ་ནི་ཙནྡན་སྦྲུལ་གྱི་སྙིང་པོ་ཅན་ལྟ་བུའོ་ཞེས་པའི་དོན་ཏོ། །འདི་དག་གིས་ནི་ཙནྡན་ལྟ་བུའི་གང་ཟག་བསྟན་ཏོ། །དེ་ནས་རིན་པོ་ཆེ་ལྟ་བུའི་གང་
[173a.7]ཟག་བསྟན་ཏེ#། ཚུལ་ཁྲིམས་དག་ཅིང་མཁས་ལ་སྒྲིན། །ཞེས་པ་ནི་བསླབ་པ་རྣམ་པ་གསུམ་གྱི་ཚུལ་ཁྲིམས་དང་། དགེ་བའི་ཆོས་སྡུད་པའི་ཚུལ་ཁྲིམས་དང་། སེམས་ཅན་གྱི་དོན་བྱེད་པའི་ཚུལ་ཁྲིམས་དང་། འདི་རྣམས་དང་ལྡན་པ་ནི་ཚུལ་ཁྲིམས་རྣམ་པར་དག་པ་སྟེ། གང་གི་ཚུལ་
[173b]
[173b.1]ཁྲིམས་ལ་སྐྱོན་མེད་པ་དེ་ལ་དེ་སྐད་ཅེས་བྱའོ། །མཁས་པ་#ནི་མཁས་པ་སྟེ། གང་གིས་གང་གི་བྱ་བ་ཐམས་ཅད་ལ་ཐོགས་པ་མེད་པ་#དེ་ལ་མཁས་པའོ། །ཤེས་རབ་ལྡན་པ་ནི་ཤེས་རབ་དང་#ལྡན་པ་སྟེ་ཤེས་རབ་མཆོག་དང་མ་བྲལ་#ཞེས་པའི་ཐ་ཚིག་གོ། །རྒྱུད་གཅིག་ལས་#ཐོས་ནས་ལེགས་པར་སྟོན་
[173b.2]པ་ནི་ཡང་དག་པའི་གདམས་ངག་མ་ནོར་བར་ཐོས་ཤིང་དེ་ཉིད་དང་འབྲེལ་པའི་བྱ་བ་བྱེད་པ་དེ་ལ་དེ་སྐད་ཅེས་བྱའོ། །འདི་ཉིད་ཀྱི་མིང་ཅི་ཡིན་ཞེ་ན། རིན་ཆེན་ལྟ་བུའི་གང་ཟག་གོ། །ཞེས་པ་སྟེ་དཔེར་ན་རིན་པོ་ཆེའི་བུམ་པ་ལྟ་བུའོ་ཞེས་པའི་དོན་ཏོ། །གཞན་གོ་སླའོ། །བདེན་གཉིས་རྣམ་
[173b.3]པར་ངེས་བྱས་ཏེ#། །ཞེས་པ་ནི་ཐམས་ཅད་ཀྱང་དོན་དམ་པའི་བདེན་པ་དང་ཀུན་རྫོབ་ཀྱི་བདེན་པར་འདུས་པའོ། །འདིར་རྒྱན་བདུན་ཡིན་པས་ན་#རྒྱན་བདུན་ནོ། །རྫོགས་པའི་རིམ་པ་སྒྲུབ་པའོ། །ཞེས་པ་འདི་ནི་ཟུང་དུ་འཇུག་པ་འབའ་ཞིག་གི་དབང་དུ་བྱས་པའོ། །བཤད་སྨྲ་ཤིན་ཏུ་རྙེད་པར་
[173b.4]དཀའ། །ཞེས་པ་སྟེ་བཤད་པ་པོ་དང་སྨྲ་བ་པོ་ཤིན་ཏུ་རྙེད་པར་དཀའ་ཞེས་བྱ་བའི་དོན་ཏོ། །རྙེད་པར་དཀའ་བ་ཅིའི་ཕྱིར་ཞེ་ན། རྣལ་འབྱོར་རྒྱུད་ལས་གཞན་དུ་མིན། །ཞེས་བྱ་བ་སྨོས་ཏེ་རྣལ་འབྱོར་གྱི་རྒྱུད་ཁོ་ན་ལས་རྙེད་ཀྱི་གཞན་ལས་རྙེད་པ་མ་ཡིན་ནོ་ཞེས་བྱ་བའི་#དོན་ཏོ། །དེ་བས་
[173b.5]རྡོ་རྗེ་སློབ་དཔོན་གྱིས། །ཞེས་པ་ནི་གོང་མ་དང་འབྲེལ་ཏོ། །གླེང་གཞི་རིམ་པ་སྦྱོར་བར་བཅས། །ཞེས་པ་ནི་གླེང་བསླང་བ་ལ་སོགས་པའོ། །རྒྱན་རྣམ་པ་བདུན་བཤད་པའི་རིགས་པའོ་ཞེས་པ་ནི་དེ་བཞིན་གཤེགས་པ་ཐམས་ཅད་ཀྱི་རྒྱུད་ཐམས་ཅད་ནི་རྒྱན་རྣམ་པ་བདུན་གྱི་འཆིང་
[173b.6]བ་#བཅིངས་ལ་རྒྱུད་ཤེས་པར་འདོད་པས་ཀྱང་དེ་ལ་བསླབ་པར་#བྱའོ་ཞེས་པའི་དོན་ཏོ། །རྒྱན་རྣམ་པ་བདུན་ཡང་ཡིན་ལ་བཤད་པའི་རིགས་པ་ཡང་ཡིན་ན་#དེ་ལ་དེ་སྐད་ཅེས་བྱའོ། །སྒྲོན་མ་གསལ་བ་ཞེས་བྱ་བའི་འགྲེལ་བཤད་ལས་རྒྱན་རྣམ་པ་བདུན་སྤྲོས་པ་དང་བཅས་པའི་
[173b.7]བཤད་པའོ།། །།དེ་ལྟར་རྒྱན་རྣམ་པ་བདུན་གོ་རིམས་#བཞིན་དུ་བཤད་ནས། ད་ནི་ལེའུ་བཅུ་བདུན་པོ་ཉིད་ཀྱིས་བསྡུས་པའི་དོན་བཤད་པར་འདོད་ནས་ད་ནི་ཞེས་བྱ་བ་ལ་སོགས་པའི་གཞུང་གི་ཚོགས་གསུངས་ཏེ། ད་ནི་ཞེས་བྱ་བ་ནི་#སྐབས་ལ་བབ་པའི་ཚིག་གོ། །
[174a]
[174a.1]ལེའུ་བཅུ་བདུན་གྱི་བསྡུས་པའི་དོན་བཤད་པར་བྱ་སྟེ་ཞེས་བྱ་བ་ལ་ལེའུ་བཅུ་བདུན་ནི་ལེའུ་བཅུ་བདུན་ཏེ་གཞུང་གི་ཚོགས་ཀྱི་རིམ་པར་ཕྱེ་བ་བཅུ་བདུན་ཡོད་པ་དེ་ལ་དེ་སྐད་ཅེས་བྱའོ། །ལེའུ་བཅུ་བདུན་ཞེས་པ་ནི་བཅུ་བདུན་ཁོ་ན་སྟེ་འདི་དག་གིས་ནི་མང་བའམ་ཉུང་བ་རྣམ་པར་
[174a.2]བཀག་པ་བསྟན་ཏོ། །ཅིའི་ཕྱིར་ཞེ་ན་དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པའི་ལམ་འབྲས་བུ་དང་བཅས་པ་ནི་འདི་ཉིད་ཀྱིས་སྟོན་པར་འགྱུར་གྱི་གཞན་གྱིས་#ནི་མ་ཡིན་ནོ། །འོན་ཏེ་མ་ཡིན་ན་ཡང་ལམ་འབྲས་བུ་དང་བཅས་པར་སྟོན་པར་ནམ་ཡང་མི་འགྱུར་རོ། །འོ་ན་
[174a.3]ལེའུ་དང་པོ་ལས་ནི་ཅི་ཞིག་གང་གི་ཕྱིར་སྟོན་ཞེ་ན། ལེའུ་དང་པོ་ལས་ནི་ཞེས་པ་ལ་སོགས་པ་སྨོས་ཏེ། ལེའུ་དང་པོ་ནི་ཐོག་མ་ཞེས་པའི་དོན་ཏོ། །ཐོག་མའི་རིམ་པ་ཞེས་བྱ་བའི་ཐ་ཚིག་གོ། །དེ་ལས་ཅི་སྟོན་ཞེ་ན་རྗོད་པར་བྱེད་པ་དང་བརྗོད་པར་བྱ་བ་ནི་སྒྲའི་ཚོགས་དང་དོན་གྱི་ཚོགས་སོ། །དེའི་
[174a.4]བདག་ཉིད་ཀྱང་གང་ཡིན་ཞེ་ན། བདག་ཉིད་རྡོ་རྗེ་འཆང་ཆེན་པོ་ཞེས་སྨོས་ཏེ་བརྗོད་པར་བྱ་བའི་བདག་ཉིད་ཀྱང་ཡིན་ལ། རྡོ་རྗེ་འཆང་ཆེན་པོ་ཡང་ཡིན་པས་དེ་ལ་དེ་སྐད་ཅེས་བྱའོ། །དེའི་སྤྲུལ་པའི་དཀྱིལ་འཁོར་ཡང་གང་ཞིག་ཡིན་ཞེ་ན། དེ་བཞིན་གཤེགས་པ་ཐམས་ཅད་ཀྱི་གསང་
[174a.5]བ་འདུས་པའི་ལྷ་སུམ་ཅུ་རྩ་གཉིས་པའོ། །དེར་ཉན་པའི་སྐལ་བ་དང་ལྡན་པ་ནི་ཚོགས་ཀྱི་གང་ཟག་དང་སློབ་མའི་གང་ཟག་གོ། །དེ་ལ་ཡང་ཅི་བྱེད་ཅེ་ན། རིག་པའི་དབང་བསྐུར་བ་བྱིན་ནས་ཞེས་སྨོས་ཏེ། རིག་#པའི་དབང་ནི་རིག་པའི་དབང་སྟེ། སློབ་མའི་རིག་པའི་དབང་ནི་འདི་ལྟར་
[174a.6]ཆུ་ལ་སོགས་པའོ། །ཡང་ན་རིག་པ་དང་བཅས་པ་ལས་བྱུང་བས་རིག་པའི་དབང་སྟེ་དེ་བཞིན་གཤེགས་པ་ཐམས་ཅད་ཀྱི་གསང་བའི་དབང་ངོ་། །ཡང་ན་རིག་པའི་ལྷ་མོ་དང་འབྲེལ་པས་རིག་པའི་དབང་སྟེ་ཤེས་རབ་ཡེ་ཤེས་ཀྱི་དབང་ངོ་། །ཡང་ན་རིག་པ་ཐོབ་པས་ན་རིག་པའི་དབང་
[174a.7]སྟེ་དེ་བཞིན་གཤེགས་པ་ཐམས་ཅད་ཀྱི་གསང་བའི་དབང་བཞི་པའོ། །དེ་ལ་དང་པོའི་དབང་ནི་ཚོགས་ལ་སྦྱིན་པའོ། །ལྷག་མ་གསུམ་ནི་སློབ་མའི་གང་ཟག་ལ་སྦྱིན་པའོ། །དབང་#བྱིན་ནས་ཀྱང་ཅི་བྱེད་ཅེ་ན། དབང་དང་རྗེས་སུ་འབྲེལ་པའི་མན་ངག་སྟོན་པ་སྟེ། དེའི་ཕྱིར་
[174b]
[174b.1]དྲང་བ་དང་ངེས་པའི་དོན་ཞེས་བྱ་བ་ལ་སོགས་པ་སྨོས་ཏེ། དྲང་བའི་དོན་དང་ངེས་པའི་དོན་ལ་བརྟག་#པ་ནི་གོང་དུ་བསྟན་པ་ཉིད་དོ། །བསྐྱེད་པའི་རིམ་པ་དང་རྫོགས་པའི་རིམ་པའི་སྒྲུབ་པའི་ཐབས་སོ་སོར་སྟོན་ཅིང་ཞེས་པ་ནི་དབང་རྣམ་པ་གཉིས་བསྐུར་བའི་གང་ཟག་དེ་དང་དེ་ལ་བསྐྱེད་
[174b.2]པའི་རིམ་པ་དང་རྫོགས་པའི་རིམ་པའི་སྒྲུབ་པའི་ཐབས་མ་འདྲེས་པར་སྟོན་ཏོ། །འདིར་གང་ལ་བུམ་པའི་དབང་བསྐུར་བ་དེ་དང་དེ་ལ་ནི་བསྐྱེད་པའི་རིམ་པ་འབའ་ཞིག་ཉེ་བར་བསྟན་#ཏོ། །གསང་བའི་དབང་བསྐུར་བ་ལ་ནི་དེ་བཞིན་གཤེགས་པ་ཐམས་ཅད་ཀྱི་གསང་བའི་སྤྱོད་པ་སྤྲོས་ཏེ་
[174b.3]སྟོན་ཏོ། །དེ་བཞིན་དུ་རྡོ་རྗེ་བཟླས་པ་དང་སེམས་ལ་དམིགས་པ་འབའ་ཞིག་ཀྱང་ཉེ་བར་བསྟན་#ཏོ། །དེ་བཞིན་དུ་སྒྱུ་མ་ལྟ་བུའི་སྐུ་ཡང་ཉེ་བར་བསྟན་#ཏོ། །ཤེས་རབ་ཡེ་ཤེས་ཀྱི་དབང་བསྐུར་བ་ལ་ནི་དེ་བཞིན་གཤེགས་པ་ཐམས་ཅད་ཀྱི་འོད་གསལ་བ་དང་ཟུང་དུ་འཇུག་པ་འབའ་ཞིག་
[174b.4]ཉེ་བར་བསྟན་#ཏོ། །ལེའུ་དང་པོ་ལས་དེ་ཉིད་སྟོན་ནས་གཞན་དག་ལས་ཀྱང་སྟོན་ཞེ་ན། གཞན་དག་ལས་ཀྱང་སྟོན་པ་བསྟན་པའི་ཕྱིར་འོག་ནས་བཤད་པ་ཞེས་བྱ་བ་ལ་སོགས་པ་སྨོས་ཏེ། འོག་ནས་བཤད་པ་ནི་ལེའུ་གཉིས་པ་ལ་སོགས་པ་སྟེ་གོང་མ་མ་ཡིན་པ་ཞེས་པའི་ཐ་
[174b.5]ཚིག་གོ། །ལེའུ་བཅུ་དྲུག་པོ་ནི་དང་པོ་ལས་གཞན་པའི་ལེའུ་བཅུ་དྲུག་པོ་ཁོ་ན་ཞེས་པའི་དོན་ཏོ། །དེའི་དོན་གཞན་དག་ཀྱང་རྙེད་པ་ནི་རྫོགས་པའི་རིམ་པ་དང་ཕྲ་མོའི་ཏིང་ངེ་འཛིན་ལ་སོགས་པ་ཡང་འདིར་རྙེད་ཅེས་སྦྱར་རོ། །དེ་ལ་ཡང་འདི་ལས་གཞན་པ་ཞིག་ཡིན་ནམ་ཞེ་ན་མ་
[174b.6]ཡིན་པའི་ཕྱིར། ལྷའི་རྣལ་འབྱོར་རྣམ་པ་གཉིས་པོ་ཉིད་ལ་འཇུག་ཅིང་ཞེས་པ་སྨོས་ཏེ། ལྷའི་རྣལ་འབྱོར་གཉིས་ནི་བསྐྱེད་པའི་རིམ་པ་དང་རྫོགས་པའི་རིམ་པ་གཉིས་སོ། །འདི་ལ་གང་གིས་#ཏིང་ངེ་འཛིན་གྱི་ཡུལ་དུ་བྱེད་པ་དེ་ནི་རྣལ་འབྱོར་པའོ། །རྣལ་འབྱོར་རྣམ་པ་གཉིས་
[174b.7]པོ་འདི་ཉིད་ཀྱང་གང་ལ་ཤེས་ཤིང་བཤད་ཅེ་ན། གསང་བ་འདུས་པའི་རྒྱུད་ཕྱི་མ་ལས་གསུངས་སོ་ཞེས་སྦྱར་རོ། །གསང་བ་འདུས་པའི་དོན་དེ་ཉིད་གཞན་ཡིན་ནོ་ཞེ་ན་མ་ཡིན་པའི་ཕྱིར་དོན་འདི་ཉིད་ཅེས་སྨོས་ཏེ། འདི་ཉིད་ཉེ་བར་སྟོན་ཏེ་གཞན་ནི་མ་ཡིན་ཞེས་ཤུགས་ཀྱིས་
[175a]
[175a.1]བསྟན་ཏོ། །ཇི་སྐད་བསྟན་ཞེ་ན། སངས་རྒྱས་རྣམས་ཀྱིས་ཆོས་བསྟན་པ། །ཞེས་པ་ནི་དེ་བཞིན་གཤེགས་པ་རྡོ་རྗེ་འཆང་ཆེན་པོ་ལ་སོགས་པ་རྣམས་ཀྱིས་གསུངས་པའི་གཞུང་གི་ཚོགས་རྣམས་སོ། །རིམ་པ་གཉིས་ལ་ཡང་དག་གནས། །ཞེས་པ་ནི་དེ་
[175a.2]ཐམས་ཅད་ཀྱང་རིམ་པ་གཉིས་སུ་འདུས་ཞེས་པའི་དོན་ཏོ། །རིམ་པ་གཉིས་ཉིད་གང་ཡིན་ཞེ་ན། བསྐྱེད་པ་ཡི་ནི་རིམ་པ་དང་། ཞེས་སྨོས་ཏེ་བསྐྱེད་པའི་རིམ་པ་ནི་བསྐྱེད་པའི་རིམ་པ་སྟེ། གང་གིས་#བློས་བསྐྱེད་པ་དེ་ལ་དེ་སྐད་ཅེས་བྱའོ། །བསྐྱེད་པའི་རིམ་པ་ཞེས་བྱ་བ་#ནི་དེ་ལས་
[175a.3]སྐྱེས་པའི་སྐུའོ། །ཡང་ན་བསྐྱེད་པའི་རིམ་པ་ནི་ལྷའི་རྣལ་འབྱོར་འབའ་ཞིག་པའོ། །རྫོགས་པའི་རིམ་པ་ནི་ཕྲ་མོའི་རྣལ་འབྱོར་འབའ་ཞིག་པའོ། །འདི་ཡང་དེ་བཞིན་གཤེགས་པ་ཐམས་ཅད་ཀྱི་གསང་བའི་མཛོད་ཅེས་བྱ་བ་ལས་གསུངས་ཏེ་བཅོམ་ལྡན་འདས་བསྐྱེད་པའི་རིམ་པ་
[175a.4]ཞེས་བྱ་བ་དེ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་བསྐྱེད་པའི་རིམ་པ་ནི་རྟེན་དུ་གྱུར་པ་ཉིད་དོ། །བཅོམ་ལྡན་འདས་རྟེན་དུ་གྱུར་པ་#ཞེས་བྱ་བ་དེ་#གང་ལགས། སེམས་དཔའ་ཆེན་པོ་དེ་བཞིན་གཤེགས་
[175a.5]པ་ཐམས་ཅད་ཀྱི་གསང་བ་ཆེན་པོའི་རྟེན་དུ་གྱུར་པའོ། །བཅོམ་ལྡན་འདས་གསང་བ་ཆེན་པོ་ཞེས་བྱ་བ་དེ་གང་ལགས། དེའི་རྟེན་ཞེས་བྱ་བ་དེ་གང་ལགས། སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་ཆེན་པོ་ཞེས་བྱ་བ་དེ་#ནི་ཉན་ཐོས་དང་རང་སངས་རྒྱས་
[175a.6]ལ་སོགས་པ་རྣམས་ཀྱི་ཡུལ་མ་ཡིན་པ་ཚོགས་ཀྱི་གང་ཟག་གི་ཡང་ཡུལ་མ་ཡིན་པ་ཤིན་ཏུ་རྨད་དུ་བྱུང་བ་ཐེག་པ་ཆེན་པོའི་རིགས་ཅན་གྱི་སྤྱོད་ཡུལ་དུ་གྱུར་པའོ། །སེམས་དཔའ་ཆེན་པོ་དེའི་རྟེན་ནི་དེ་བཞིན་གཤེགས་པ་ཐམས་ཅད་ཀྱི་སྤྲུལ་པའི་སྐུ་ཤིན་ཏུ་རྨད་དུ་བྱུང་བའོ། །
[175a.7]བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་#བསྐྱེད་པའི་རིམ་པ་ཞེས་བྱ་བ་དེ་གང་ལགས། སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་བསྐྱེད་པའི་རིམ་པ་ཞེས་བྱ་བ་ནི་གསང་བའི་ཡང་ཤིན་ཏུ་གསང་བ་ཕྲ་མོའི་ཏིང་ངེ་འཛིན་ཏོ་ཞེས་འབྱུང་བ་ལྟ་བུའོ། །
[175b]
[175b.1]ཉིད་ཅེས་བྱ་བ་ནི་ཁོ་ན་ཞེས་པ་སྟེ། འདིར་གཞན་དང་ལྡན་པ་རྣམ་པར་གཅོད་པའི་དབང་དུ་བྱས་པའོ། །རྒོལ་ཏེ་འོག་ནས་འཆད་པ་ཞེས་བྱ་བ་ཡང་འདི་ཉིད་དམ་འདི་ལས་#གཞན་ཞིག་རྟོག་གྲང་ན། འདི་ཉིད་ནི་མ་ཡིན་ཏེ་གྲུབ་པ་ལ་སྒྲུབ་པ་ཉིད་ཀྱི་ཕྱིར་དོན་མེད་པར་འགྱུར་རོ། །མདོར་བསྟན་
[175b.2]པ་ཡང་མ་ཡིན་ཏེ་མིང་ཉིད་ཀྱིས་#ཐམས་ཅད་མདོར་བསྟན་པའི་ཕྱིར་རོ། །རྒྱས་པར་བཤད་པ་ཡང་མ་ཡིན་ཏེ། །མིང་ཉིད་དང་འགལ་བའི་ཕྱིར་དང་། གཞུང་རྒྱས་པས་འཇིགས་པའི་ཕྱིར་རོ། །འོག་མ་དང་ཐ་དད་པ་ཡང་#མ་ཡིན་ཏེ། ཐ་དད་པ་དང་ཐ་དད་པ་མ་ཡིན་པ་ནི་གཅིག་གིས་གཅིག་
[175b.3]སྤངས་པའི་འགལ་བ་ཡིན་པའི་ཕྱིར་རོ།# །དེ་ལྟ་ན་ཡང་འགྱུར་རོ་ཞེ་ན། ཧ་ཅང་ཡང་ཐལ་བར་འགྱུར་རོ། །འོན་ཏེ་ཐ་མི་དད་ན་ནི་སྔ་མའི་སྐྱོན་དུ་འགྱུར་རོ། །རྒྱུ་ཐ་མི་དད་པ་གཅིག་ཡིན་ནོ་ཞེ་ན་ནི་འབྲས་བུ་ཡང་དེ་ལྟར་འགྱུར་རོ། །ཐ་མི་དད་པས་ཐ་དད་པ་སྐྱེད་#ན་ནི་ཧ་ཅང་ཡང་ཐལ་བར་
[175b.4]འགྱུར་རོ། །ཐམས་ཅད་ཐ་མི་དད་ཀྱང་ཡིན་ནོ་ཞེ་ན་ནི་གོང་མའི་སྐྱོན་དེ་ཉིད་དུ་འགྱུར་རོ། །གཞན་ཡང་རྒྱུ་ཐ་མི་དད་པས་འབྲས་བུ་ཐ་དད་པ་སྐྱེད་ན་ནི་རྫོགས་པའི་རིམ་པ་ཡང་དོན་མེད་པར་འགྱུར་རོ། །ཅི་སྟེ་གལ་ཏེ་#ཉེ་བའི་ཕྱིར་ཡིན་ནོ་ཞེ་ན་#དེ་ལྟ་ན་ནི་བསྐྱེད་པའི་རིམ་པ་ཡང་བླང་བྱ་
[175b.5]མ་ཡིན་པར་འགྱུར་རོ། །འདི་ལྟར་རིང་བར་འགྱུར་བ་ཉིད་དང་ཕན་མི་འདོགས་པ་ཉིད་དང་། གནོད་པ་སྒྲུབ་པ་ཉིད་ནི་སྦྲུལ་ནག་པོ་བཞིན་དུ་དོར་བར་བྱ་བ་ཡིན་གྱི་ནོར་བུ་བཞིན་བླང་བར་བྱ་བ་མ་ཡིན་ནོ་ཞེ་ན་དེ་ནི་མ་#ཡིན་ཏེ། འདི་ལྟར་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་
[175b.6]དང་ཐུགས་གསང་བ་ཆེན་པོ་འདི་ནི་མདོར་བསྟན་པ་དང་རྒྱས་པར་བསྟན་པ་གཉིས་ལ་འཇུག་སྟེ། དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པའི་ལེའུ་དང་པོ་ལས་ནི་མདོར་བསྟན་པ་འབའ་ཞིག་ཉེ་བར་བསྟན་ཏེ། དེ་ཅིའི་ཕྱིར་ཞེ་ན། དེ་བཞིན་གཤེགས་པ་ཐམས་
[175b.7]ཅད་ནི་སེམས་ཅན་གྱི་དོན་ཆེན་པོ་ལ་རབ་ཏུ་འཇུག་པའི་ཕྱིར་རོ། །བསྡུས་པ་འདི་ཉིད་ཀྱིས་སེམས་ཅན་གྱི་དོན་དུ་ཇི་ལྟར་འགྱུར་ཞེ་ན། འདི་ནི་སེམས་ཅན་མདོར་བསྡུས་པ་ལ་དགའ་བའི་ཕྱིར་རོ། །ལྷག་མ་ནི་རྒྱས་པར་བསྟན་པ་ལ་དགའ་བའི་ཕྱིར་རོ། །དེ་བས་ན་འདི་ནི་དགོས་
[176a]
[176a.1]པ་ཆེན་པོ་དང་ལྡན་པའི་ཕྱིར་བླང་བར་བྱ་བ་ཉིད་དོ་ཞེའོ། །ལེའུ་དང་པོ་བསྡུས་པ་བཤད་པའོ།། །།ལེའུ་གཉིས་པ་ལས་ནི་རྫོགས་པའི་རིམ་པ་འབའ་ཞིག་ཉེ་བར་སྟོན་ཏོ་ཞེས་པ་ནི་དང་པོ་ནི་བཤད་ཟིན་ལ་དེ་ལས་གཞན་ནི་མ་བྱུང་བས་དེ་ཉིད་ཀྱི་སྐབས་སུ་བབ་སྟེ།
[176a.2]དེ་ལ་དེ་སྐད་ཅེས་བྱའོ། །རྫོགས་པའི་རིམ་པ་ནི་རྫོགས་པའི་རིམ་པ་སྟེ། རྫོགས་པ་ཆེན་པོ་དང་ཤིན་ཏུ་ཉེ་བའི་རྒྱུར་གྱུར་པའི་ཕྱིར་དེ་ལ་དེ་སྐད་ཅེས་བྱའོ། །ཡང་ན་རྫོགས་པ་ནི་རྫོགས་པ་ཆེན་པོ་སྟེ་དེ་ཁོ་ན་ཉིད་ཆོས་ཀྱི་སྐུའོ། །དེའི་རིམ་པ་ནི་རྫོགས་པ་ཐོབ་པའི་ཐབས་ཀྱི་རིམ་པ་
[176a.3]སྟེ་ཕྲ་མོའི་ཏིང་ངེ་འཛིན་ཏོ། །འབའ་ཞིག་ཅེས་བྱ་བ་ནི་ལྷག་#མེད་ཅེས་བྱ་བའི་དོན་ཏེ་རྫོགས་པའི་རིམ་པ་འབའ་ཞིག་ཉེ་བར་སྟོན་གྱི་གཞན་མི་སྟོན་ཞེས་བྱ་བའི་ཐ་ཚིག་གོ། །འདིར་ཡང་རྫོགས་པའི་རིམ་པ་འབའ་ཞིག་སྟོན་གྱི་གཞན་མི་སྟོན་པ་ཅིའི་ཕྱིར་ཞེ་ན། འདི་ནི་དེ་བཞིན་གཤེགས་པ་
[176a.4]ཐམས་ཅད་ཀྱིས་ཚོགས་ཀྱི་གང་ཟག་གི་དབང་དུ་བྱས་པ་མ་ཡིན་གྱི་སློབ་མ་འབའ་ཞིག་གི་དབང་དུ་བྱས་པའོ། །དེ་ལྟར་ཡང་ཅི་མངོན་ཞེ་ན། གསང་བ་ལུང་བསྟན་པ་ཞེས་བྱ་བ་ལས་ཀྱང་། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་ཐུགས་གསང་བའི་
[176a.5]ཡང་ཤིན་ཏུ་གསང་བ་མཆོག་ཏུ་གྱུར་པའི་དངོས་ཀྱི་ལམ་དུ་གྱུར་པ་འདི་ནི་ཉན་ཐོས་ཀྱི་ཡུལ་མ་ཡིན་རང་སངས་རྒྱས་ཀྱི་ཡུལ་མ་ཡིན་བྱང་ཆུབ་སེམས་དཔའི་ཡུལ་མ་ཡིན་ནོ། །དེའི་#ཕྱིར་དེ་བཞིན་གཤེགས་པ་ཐམས་ཅད་ཀྱི་གསང་བ་ཆེན་པོ་འདི་ནི་འདས་པའི་དུས་སུ་ཡང་མ་
[176a.6]གསུངས་སོ། །མ་འོངས་པའི་དུས་སུ་ཡང་གསུང་བར་མི་འགྱུར་རོ། །དེ་ཅིའི་ཕྱིར་ཞེ་ན། དེ་ནི་གསང་བ་ཆེན་པོ་#དེའི་སྣོད་དུ་མ་གྱུར་པའི་ཕྱིར་རོ། །དེ་བས་ན་དེ་ལ་དེ་སྐད་ཅེས་བྱའོ།། །།#ལེའུ་གཉིས་པ་བརྗོད་ཟིན་ནས་གསུམ་པ་བརྗོད་པར་རིགས་པས་དེའི་ཕྱིར་ལེའུ་གསུམ་པ་
[176a.7]ལས་ནི་ཞེས་བྱ་བ་ལ་སོགས་པ་སྨོས་ཏེ། ལེའུ་གསུམ་པ་ནི་འདིར་གྲངས་ཀྱིས་#གསུམ་པ་ཉིད་དོ། །ལས་ཞེས་པ་འདིར་འབྱུང་ཁུངས་ཀྱི་དོན་ཏེ་#ལེའུ་གསུམ་པ་ལས་ཡོངས་སུ་གྱུར་པ་དག་པའི་ལྷའི་རྣལ་འབྱོར་གསལ་བར་བྱེད་དོ་ཞེས་བྱ་བ་ནི་ཡོངས་སུ་དག་པའི་ལྷའི་རྣལ་
[176b]
[176b.1]འབྱོར་གྱི་རྟོག་པ་རྙེད་དོ་ཞེས་བྱ་བའི་དོན་ཏོ། །ལེའུ་གསུམ་པ་ལས་ལྷའི་རྣལ་འབྱོར་དེ་ཉིད་ཀྱང་རྙེད་པ་ཅིའི་ཕྱིར་ཞེ་ན། དེ་བཞིན་གཤེགས་པ་ཐམས་ཅད་ཀྱི་གསང་བ་ཆེན་པོ་ནི་འདི་#ལ་བསམས་ནས་གསུངས་པའི་ཕྱིར་རོ། །ཡོངས་སུ་དག་པའི་ལྷའི་རྣལ་འབྱོར་ཡང་གང་ཞིག་ཡིན། དེ་ཉིད་
[176b.2]མི་ཤེས་སོ་ཞེ་ན་གང་གིས་མ་དག་པ་#རྣམ་པར་བཅད་ནས་གང་ཞིག་དག་པར་གྱུར་པ་ཡོངས་སུ་གཅོད་པ་དེ་ལ་དེ་སྐད་ཅེས་བྱའོ། །ཡོངས་སུ་དག་པ་ཡང་ཡིན་ལ་ལྷའི་རྣལ་འབྱོར་ཡང་ཡིན་པའི་ཕྱིར་ཡོངས་སུ་དག་པ་ལྷའི་རྣལ་འབྱོར་ཏེ་རྣམ་པར་རྟོག་པ་དང་བྲལ་བའི་ལྷ་ལ་དམིགས་པའི་
[176b.3]ཏིང་ངེ་འཛིན་ཞེས་བྱའོ། །ཡོངས་སུ་དག་པ་ལ་སོགས་པ་འདི་ཡང་གང་ཞིག་ཡིན་ཏེ། དེ་ཉིད་མི་ཤེས་སོ་ཞེ་ན་སྤང་བྱས་ཡོངས་སུ་དག་པ་སྟེ། བསྐྱེད་པའི་རིམ་པའི་ལྷའི་རྣལ་འབྱོར་གྱི་#ཏིང་ངེ་འཛིན་དང་ལྡན་པ་དེ་ལ་དེ་སྐད་ཅེས་བྱའོ། །ཡང་ན་བྲལ་བའི་དོན་གྱིས་#ཡོངས་སུ་དག་པའི་
[176b.4]ལྷའི་རྣལ་འབྱོར་ཏེ་ཞེས་བྱ་བ་#སྟེ། རྣམ་པར་རྟོག་པ་རགས་པ་དང་བྲལ་བ་སྒྱུ་མ་ལྟ་བུའི་སྐུ་ལ་དེ་སྐད་ཅེས་བྱའོ། །ཡང་ན་ཉེ་བར་ལོངས་སྤྱོད་པའི་དོན་གྱིས་ཡོངས་སུ་དག་པ་ལྷའི་རྣལ་འབྱོར་ཞེས་བྱ་སྟེ་ལོངས་སྤྱོད་རྫོགས་པའི་སྐུ་དེ་ལ་དེ་སྐད་ཅེས་བྱའོ། །ཡང་ན་སྣ་ཚོགས་པ་དང་།
[176b.5]ཐོགས་པ་མེད་པའི་ཕྱིར་ཡོངས་སུ་དག་པ་ལྷའི་རྣལ་འབྱོར་ཏེ་དེ་བཞིན་གཤེགས་པ་ཐམས་ཅད་ཀྱི་སྤྲུལ་པའི་སྐུ་གང་ཡིན་པ་དེ་ལ་དེ་སྐད་ཅེས་བྱའོ། །ལེའུ་བཞི་པ་ལས་ནི་དབང་བསྐུར་བའི་དཀྱིལ་འཁོར་སྟོན་ཏོ་ཞེས་བྱ་བ་ནི་སློབ་མ་དབང་བསྐུར་བའི་དཀྱིལ་འཁོར་ཆེན་པོ་ཞེས་བྱ་
[176b.6]བའི་དོན་ཏོ། །འདིར་ཡང་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོ་ནི་རྣམ་པ་གཉིས་སུ་འགྱུར་ཏེ། དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱི་དཀྱིལ་འཁོར་དང་། དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་དཀྱིལ་འཁོར་རོ། །འདིར་
[176b.7]ཡང་དབང་བསྐུར་བ་ཁོ་ནའི་དཀྱིལ་འཁོར་མ་ཡིན་གྱི། དབང་བསྐུར་བ་ཁོ་ན་#ཞེས་བྱ་བའི་དོན་ཏོ། །ལེའུ་ལྔ་པ་ལས་ནི་རྣལ་འབྱོར་གྱི་སྤྱོད་པ་གསུངས་སོ་ཞེས་བྱ་བ་ནི་རྣལ་འབྱོར་གྱི་སྤྱོད་པ་ནི། རྣལ་འབྱོར་གྱི་སྤྱོད་པ་སྟེ། ཏིང་ངེ་འཛིན་གྱི་སྤྱོད་པ་གང་ཡིན་པ་དེ་ལ་དེ་སྐད་ཅེས་བྱའོ། །
[177a]
[177a.1]རྣལ་འབྱོར་གྱི་སྤྱོད་པ་ཡང་བསྡུས་པ་དང་རྒྱས་པ་ཞེས་རྟོག་གྲང་ན། རྒྱས་པ་འོག་ནས་སྟོན་པའི་ཕྱིར་འདི་ནི་བསྡུས་པ་ཞེས་བྱའོ། །དེ་གང་ལ་སྟོན་པའི་ལེའུ་ནི་རྣལ་འབྱོར་གྱི་སྤྱོད་པའོ། །ལེའུ་དྲུག་པ་ལས་ནི་ཞེས་བྱ་བ་ལ་སོགས་པ་ནི་སྐུ་དང་གསུང་དང་ཐུགས་བྱིན་གྱིས་
[177a.2]རློབ་པའི་ལེའུ་ནི་སྐུ་དང་གསུང་དང་ཐུགས་བྱིན་གྱིས་རློབ་པའི་ལེའུའོ། །དེ་གང་གིས་གསུངས་པ་དེ་ལ་དེ་སྐད་ཅེས་བྱའོ། །སྐུ་བྱིན་གྱིས་རློབ་པ་ནི་རྣམ་པ་གཉིས་ཏེ་བླངས་#པས་བྱིན་གྱིས་རློབ་པ་དང་ཐོབ་པས་བྱིན་གྱིས་རློབ་པའོ། །གསུང་དང་ཐུགས་ལ་ཡང་དེ་བཞིན་དུ་སྦྱར་བར་བྱའོ། །ལེའུ་བདུན་པ་ལས་ནི་ལེའུ་ལྔ་པའི་#བཤད་པ་#
[177a.3]སྤྱོད་པ་སྤྲོས་ནས་སྟོན་ཏོ་ཞེས་བྱ་བ་#ནི་ལེའུ་ལྔ་པ་ལས་བཤད་པའི་སྤྱོད་པ་ཉིད་སྤྲོས་ནས་སྟོན་གྱི་དེ་ལས་གཞན་དུ་བཤད་པའི་སྤྱོད་པ་ནི་མ་ཡིན་ནོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ཐམས་ཅད་ཀྱི་མཆོག་གི་སྤྱོད་པ་ནི་ལེའུ་ལྔ་པ་ལས་བཤད་པ་ལས་ནམ་ཡང་གཞན་ནས་#འབྱུང་བར་མི་#
[177a.4]འགྱུར་བའི་ཕྱིར་རོ། །ལེའུ་བརྒྱད་པ་ལས་ནི་གསང་བའི་དབང་བསྐུར་བ་གསུངས་སོ་ཞེས་པ་ནི། གང་ལ་བྱང་ཆུབ་སེམས་ཀྱི་དབང་བསྐུར་བར་ཡོད་པ་དེ་ལ་དེ་སྐད་ཅེས་བྱའོ། །ལེའུ་དགུ་པ་ལས་ནི་རྨད་དུ་བྱུང་བའི་ལུང་བསྟན་པ་གསུངས་སོ་ཞེས་པ་ནི་མཆོག་ཏུ་གྱུར་པའི་ལུང་སྟོན་པ་དེ་ལ་
[177a.5]དེ་སྐད་ཅེས་བྱའོ། །ལེའུ་བཅུ་པ་ལས་ནི་མངོན་པར་འདོད་པའི་དངོས་གྲུབ་མངོན་དུ་བྱ་བའི་ཕྱིར་ཕྱི་དང་ནང་གི་བདག་ཉིད་ཅན་གྱི་ལྷའི་སྙིང་པོ་བསྐུལ་བ་གསུངས་སོ་ཞེས་པ་ནི་མངོན་པར་འདོད་པའི་དངོས་གྲུབ་ནི་བླང་བར་བྱ་བའི་དངོས་གྲུབ་སྟེ་ཐུན་མོང་དང་མཆོག་གི་དངོས་གྲུབ་རྣམ་པ་གཉིས་
[177a.6]སོ། །དེ་ཐོབ་པར་བྱེད་པའི་ཐབས་ནི་ལྷའི་སྙིང་པོ་ཡིན་པས་དེ་ལ་དེ་སྐད་ཅེས་བྱའོ། །ལེའུ་བཅུ་གཅིག་པ་ལས་ནི་སྔགས་ཀྱི་སྐུ་བསྐྱེད་པ་དང་ཡེ་ཤེས་ཀྱི་སྐུ་བསྐྱེད་པ་སྟོན་ཏོ་ཞེས་པ་ནི་སྔགས་ཀྱི་སྐུ་བསྐྱེད་པ་ནི་འདིས་བསྐྱེད་པའི་དབང་དུ་གསུངས་སོ། །ཡེ་ཤེས་ཀྱི་སྐུ་བསྐྱེད་པ་ནི་ལོངས་
[177a.7]སྤྱོད་རྫོགས་པའི་སྐུའི་དབང་དུ་བྱས་པའོ། །ཡང་ན་སྔགས་ཀྱི་སྐུ་བསྐྱེད་པ་ནི་བསྐྱེད་པའི་རིམ་པའོ། །ཡེ་ཤེས་ཀྱི་སྐུ་བསྐྱེད་པ་ནི་སྒྱུ་མ་ལྟ་བུའི་སྐུའོ། །ལེའུ་གང་ལ་སྔགས་ཀྱི་སྐུ་བསྐྱེད་པ་དང་ཡེ་ཤེས་ཀྱི་སྐུ་བསྐྱེད་པ་ཡོད་པ་དེ་ལ་དེ་སྐད་ཅེས་བྱའོ། །ལེའུ་བཅུ་གཉིས་པ་ལས་ནི་
[177b]
[177b.1]ཕྱག་རྒྱ་ཆེན་པོ་ཡོངས་སུ་གྱུར་པ་ཞེས་པ་ནི་ཕྱག་རྒྱ་ཆེན་པོ་ནི་ཕྱག་རྒྱ་རྣམ་པ་བཞི་དང་ལྡན་པའི་སྐུའོ། །དེ་ཐོབ་པའི་ཐབས་གང་ལ་ཡོད་པ་དེ་ལ་དེ་སྐད་ཅེས་བྱའོ། །ལེའུ་བཅུ་གསུམ་པ་དང་བཅུ་བཞི་པ་ལས་ནི་ལས་ཀྱི་ཚོགས་རྣམས་གསུངས་སོ་ཞེས་པ་ནི་ལས་ཀྱི་#ཚོགས་མང་བ་གང་ཡིན་པ་དེ་ལ་དེ་སྐད་
[177b.2]ཅེས་བྱའོ། །ལེའུ་བཅོ་ལྔ་པ་ལས་ནི་དངོས་གྲུབ་ཐམས་ཅད་ནི་དེ་ཁོ་ན་ཉིད་རྟོགས་པ་ཉིད་ཀྱིས་འགྲུབ་པར་འགྱུར་རོ་ཞེས་བསྟན་པའི་ཕྱིར་ཞེས་པས་ནི་དེ་ཉིད་ཀྱི་དགོངས་པ་སྟོན་ཏོ། །ཅིའི་ཕྱིར་ཞེ་ན་དེའི་ཕྱིར་ཞེས་པའི་དོན་ཏོ། །དེ་བས་ན་དངོས་གྲུབ་ཐམས་ཅད་ནི་ཞེས་པས་ཐོབ་པར་བྱ་བའི་
[177b.3]ཡུལ་བསྟན་པའོ། །དེ་ཁོ་ན་ཉིད་ཅེས་པ་འདིས་#ནི་ཐོབ་པར་བྱེད་པའི་ཐབས་བསྟན་ཏོ། །ཐབས་ཀྱང་ཅི་ཞིག་ཅེ་ན། སྒྱུ་མ་ལྟ་བུའི་ཏིང་ངེ་འཛིན་ཞེས་བྱ་བར་སྦྱར་ཏེ་དེ་གང་ལ་སྟོན་པར་འགྱུར་བའི་ཏིང་ངེ་འཛིན་དེ་ལ་དེ་སྐད་ཅེས་བྱའོ། །ལེའུ་བཅུ་དྲུག་པ་ལས་ནི་ལེའུ་བཞི་པ་ལས་གསུངས་
[177b.4]པའི་རྡུལ་ཚོན་གྱི་དཀྱིལ་འཁོར་སྤྲོས་ནས་སྟོན་ཏོ་ཞེས་པ་ནི་ལེའུ་བཞི་པ་ལས་བཤད་པ་དེ་ཉིད་བཤད་ཀྱི་དེ་ལས་གཞན་པ་ནི་མ་ཡིན་ནོ་ཞེས་པའི་དོན་ཏོ། །རྡུལ་ཚོན་གྱི་དཀྱིལ་འཁོར་ཞེས་པ་འདིས་ནི་མ་འབྲེལ་པ་རྣམ་པར་གཅོད་པའོ། །#ཡང་ན་ལེའུ་བཞི་པར་ནི་བསྐྱེད་པའི་དཀྱིལ་འཁོར་འབའ་
[177b.5]ཞིག་ཉེ་བར་སྟོན་ཏོ། །འདིར་ནི་རྡུལ་ཚོན་གྱི་དཀྱིལ་འཁོར་དང་བཅས་ནས་སྟོན་ཏོ། །ལེའུ་བཅུ་བདུན་པ་ལས་ནི་དམ་ཚིག་དང་སྡོམ་པ་རབ་ཏུ་སྟོན་པ་ཡིན་ནོ་ཞེས་པ་ནི་དམ་ཚིག་དང་སྡོམ་པ་ནི་དམ་ཚིག་དང་སྡོམ་པ་ཉིད་དོ། །དེ་གང་ལ་སྟོན་པ་དེ་ལ་དེ་སྐད་ཅེས་བྱའོ། །འདི་དག་གིས་ནི་དེ་བཞིན་གཤེགས་
[177b.6]པ་ཐམས་ཅད་ཀྱི་གསང་བ་འདུས་པའི་དོན་མདོར་བསྡུས་པ་བསྟན་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་བཤད་པ་མདོར་བསྡུས་པ་བསྟན་པའི་ཕྱིར། འདི་སྐད་བདག་གིས་ཐོས་པ་ཞེས་བྱ་བ་ནས་བྷ་ག་ལ་བཞུགས་#སོ་ཞེས་པའི་བར་དུ་ནི་བཤད་པའི་ཚུལ་རྣམ་པ་བཞི་དང་ལྡན་
[177b.7]པར་བཤད་དོ་ཞེས་པ། ཡི་གེ་དང་། སྤྱི་དང་། སྦས་པ་དང་། མཐར་ཐུག་པ་རྣམ་པ་བཞིར་བསྟན་ཏོ། །འདི་སྐད་ཅེས་བྱ་བ་ལ་སོགས་པ་ལ་བཤད་པའི་ཚུལ་རྣམ་པ་བཞིས་བཤད་པ་འདི་ཡང་ཅི་སྒྲའི་འགྲོས་སོ་ཞེ་འམ་ནུས་པ་ཞེས་རྟོག་གྲང་ན། རེ་ཞིག་སྒྲའི་འགྲོས་སོ་ནི་མ་ཡིན་
[178a]
[178a.1]ཏེ། འབྲེལ་པ་ལ་སོགས་པ་ཡི་གེའི་དོན་ལ་ཚང་བའི་ཕྱིར་རོ། །ནུས་པ་ཞེས་བྱ་བ་ཡང་སྒྲའི་སྒོ་ནས་སམ་དོན་གྱི་སྒོ་ནས་ཞེས་རྟོག་གྲང་ན། རེ་ཞིག་སྒྲའི་སྒོ་ནས་ནི་མ་ཡིན་ཏེ། འདི་ལྟར་ཐམས་ཅད་ལ་བཤད་པ་བཞི་དང་ལྡན་པར་འགྱུར་བའི་ཕྱིར་རོ། །དེ་ལྟ་ན་ཡང་མ་#ཡིན་ནོ་ཞེ་ན་
[178a.2]ཧ་ཅང་ཐལ་བར་འགྱུར་རོ། །གལ་ཏེ་དེ་ལྟར་མ་ཡིན་ན་ཡང་#ཇི་ལྟར་དེར་འགྱུར། དེ་ལྟ་མ་ཡིན་ཞེས་པའི་ངེས་པར་གཟུང་བ་ཡང་#ཅི་ཞིག་ཡོད། གལ་ཏེ་དོན་གྱི་སྒོ་ནས་མ་#ཡིན་ནོ་ཞེ་ན་ནི་འདིར་བརྗོད་པའི་སྒོ་ནས་སམ། དེ་ལས་གཞན་ཞིག་ཅེས་རྟོག་གྲང་ན། འདི་ཉིད་ཀྱི་ཡུལ་ནི་མ་ཡིན་ཏེ་
[178a.3]སྦས་པ་དང་མཐར་ཐུག་པ་ལ་སོགས་པ་འདིས་མ་བརྗོད་པའི་ཕྱིར་རོ། །འོན་ཏེ་བརྗོད་ན་ནི་ཧ་ཅང་དོན་མེད་པར་འགྱུར་རོ། །དོན་ཡོད་དོ་ཞེས་པའི་ངེས་པར་གཟུང་བ་ནི་ཅི་ཞིག་ཡོད། རྣམ་པ་གཞན་ཞིག་བརྗོད་པར་གྱུར་ན་ནི་འདི་ཉིད་ཀྱི་བརྗོད་བྱ་མ་ཡིན་པར་འགྱུར་ཏེ། དེ་ལྟ་ན་ནི་འཁྲུལ་
[178a.4]པར་ཡང་འགྱུར་རོ། །ཇི་སྟེ་མ་འཁྲུལ་ན་ནི་གྲང་བའི་རེག་པས་ཀྱང་ཚ་བའི་རེག་པ་རྟོགས་པར་འགྱུར་རོ། །དེ་ལྟ་ན་ནི་དེ་ལས་བྱུང་བའམ། དེའི་བདག་ཉིད་ཀྱི་འབྲེལ་པར་ཡང་འགྱུར་རོ། །ཅི་སྟེ་གལ་ཏེ་ན་འབྲེལ་པ་ཡིན་ནོ་ཞེ་ན་ནི་དེ་ཉིད་འགལ་བར་རྣམ་པར་གནས་པར་ཡང་མི་རུང་སྟེ།
[178a.5]མེ་དང་དུ་བ་བཞིན་ནོ། །ཅི་སྟེ་འགལ་བ་ཡིན་ནོ་ཞེ་ན་ནི། དེ་ལྟ་ན་ནི་འདི་ལ་འདུག་ས་གཅིག་པ་ལ་གནོད་པ་ཅི་ཞིག་ཡོད། །གལ་ཏེ་མི་གནོད་པ་ཅི་ཞིག་ཡོད་#དོ་ཞེ་ན་#མངོན་སུམ་དང་འགལ་བར་འགྱུར་རོ། །དེ་བས་ན་དོན་གཞན་ནི་བརྗོད་བྱ་མ་ཡིན་ནོ། །དོན་གྱི་སྒོ་ནས་ཀྱང་སྒྲ་ལ་བཤད་པར་བྱ་བའི་ཕྱིར་
[178a.6]རིགས་པ་མ་ཡིན་ཏེ་གལ་ཏེ་དེ་ལྟ་ན་ནི་དོན་གོང་དུ་གཏན་ལ་དབབ་པར་འགྱུར་རོ། །དེ་ལྟ་ཡིན་ན་ནི་དོན་མེད་དོ་དེ་ལྟ་མ་ཡིན་ན་ནི་ཇི་ལྟར་དེ་ལས་འགྱུར། ཇི་སྟེ་གལ་ཏེ་ཡིན་ནོ་ཞེ་ན་ནི་ཧ་ཅང་ཡང་ཐལ་བར་འགྱུར་རོ། །དོན་སྔོན་དུ་གཏན་ལ་མི་འབེབས་ན་ནི་ནམ་ཡང་བརྗོད་པར་མི་བྱའོ། །
[178a.7]དེ་ལས་གཞན་ཞིག་བརྗོད་དོ་ཞེ་ན་ནི་བརྗོད་པར་བྱའོ། །གལ་ཏེ་གང་ཟག་གི་དབྱེ་བས་ཡིན་ན་ནི་འདི་ཉིད་ལ་རྣམ་པ་བཞིར་གསུངས་པར་#མི་རིགས་ཀྱི་རྣམ་པ་གཞན་ལས་གཞན་དུ་བསྟན་པའི་ཕྱིར་རོ། །གལ་ཏེ་འདི་ནི་ཡིན་ལ་གཞན་ནི་མ་ཡིན་ནོ་ཞེས་པའི་ངེས་པར་གཟུང་བ་ནི་ཅི་ཡང་མེད་དོ། །ཇི་སྟེ་
[178b]
[178b.1]ཡོད་ན་ནི་ཧ་ཅང་ཡང་མེད་པར་འགྱུར་རོ། །དེ་ལྟ་ཡིན་ན་ནི་རྒྱས་པ་དང་བསྡུས་པ་ཡང་མི་རིགས་སོ། །དེ་ཅིའི་ཕྱིར་ཞེ་ན། དོན་གྱི་རྣམ་པ་གཅིག་ལ་རྒྱ་ཆེ་བ་དང་ཆུང་བའི་བྱེ་བྲག་གིས་བསྡུས་པ་དང་རྒྱས་པར་འགྱུར་གྱི། དོན་ཐ་དད་པ་ལ་ནི་ནམ་ཡང་བསྡུས་པ་དང་རྒྱས་པ་མི་རིགས་སོ། །ཇི་སྟེ་
[178b.2]གལ་ཏེ་ཡིན་ནོ་ཞེ་ན་ནི་ཧ་ཅང་ཡང་ཐལ་བར་འགྱུར་རོ། །མི་རྟོགས་པར་བྱ་བའི་ཕྱིར་ཡིན་ནོ་ཞེ་ན་ནི། འདི་ཅིའི་དབང་པོ་རྣོ་བའི་དབང་དུ་འམ། གདུག་སེམས་ཀྱིས་སྨྲས་ཞེས་རྟོག་གྲང་ན་རེ་ཞིག་དང་པོ་ལྟར་ན་#ནི་མ་ཡིན་ཏེ། ཚོགས་ཀྱི་གང་ཟག་ལ་སོགས་པ་གཟུང་བའི་ཕྱིར་རོ། །གཞན་ཡང་
[178b.3]འདི་ཉིད་ལས། ཐུབ་པ་ཆེན་པོས་ཆོས་ཕུང་པོ། །ཞེས་བྱ་བ་ལ་སོགས་པ་གསུངས་པའི་ཕྱིར་རོ། །ཅི་སྟེ་ཕྱི་མ་ལྟར་ན་ཡང་མ་ཡིན་ཏེ། དེ་བཞིན་གཤེགས་པ་རྣམས་ནི་ཐུགས་རྗེ་ཆེན་པོའི་སྟོབས་ཀྱིས་འཇུག་པའི་ཕྱིར་རོ། །གདུག་སེམས་དང་སྙིང་རྗེ་ནི་གཅིག་གིས་གཅིག་སྤངས་པ་ཡིན་པའི་
[178b.4]ཕྱིར་འགལ་བ་ཡིན་ནོ། །ཅི་སྟེ་དེ་ལྟ་ན་ཡང་ཡིན་ནོ་ཞེ་ན་ནི་ཧ་ཅང་ཡང་ཐལ་བར་འགྱུར་རོ་ཞེས་བྱ་བ་འདི་ཡང་བརྗོད་པར་བྱ་སྟེ། རེ་ཞིག་སྒྲ་དངོས་ཀྱི་ནུས་པའམ། དགོངས་ནས་བཤད་པའི་ནུས་པ་ཞེས་རྟོག་གྲང་ན། སྒྲ་#དངོས་ཀྱི་ནུས་པ་ལྟར་ན་#ནི་བདེན་ཏེ། དེ་ནི་མ་ཡིན་ནོ། །འདི་
[178b.5]ནི་དེ་བཞིན་གཤེགས་པ་རྣམས་ཀྱིས་དགོངས་ནས་སྨྲས་པ་སྟེ་འདི་ཅི་ལ་དགོངས་ཤེ་ན། བཅོམ་ལྡན་འདས་ཉིད་ཀྱིས་ཀྱང་དང་པོ་བཤད་པ་བཞི་ལ་དགོངས་ནས་གསུངས་སོ། །དེས་དེ་ལྟར་འགྱུར་བ་ཡང་མ་ཡིན་ཏེ། ཐུགས་རྗེ་ཆེན་པོའི་དོན་དང་ལྡན་པའི་ཕྱིར་རོ། །དེ་ལྟ་ན་ནི་ཡང་
[178b.6]ཡིན་ནོ་ཞེ་ན་མ་ཡིན་ཏེ། གསང་བ་འདི་ནི་སེམས་ཅན་ཐམས་ཅད་ཀྱི་ཐུན་མོང་དུ་མ་གྱུར་པའི་ཕྱིར་རོ། །ཡང་ན་འདི་ནི་ཕྱི་རབས་པའི་གང་ཟག་སློབ་དཔོན་དང་སློབ་མར་འབྲེལ་པར་བྱ་བའི་ཕྱིར་ཏེ། འོག་ནས་བཤད་པའི་ཕྱིར་རོ། །བླ་མ་ལ་རག་ལས་པ་ཉིད་ཅིའི་ཕྱིར་ཞེ་ན། རྩོད་པའི་
[178b.7]དུས་ན་སེམས་ཅན་ཐམས་ཅད་འདོད་རྒྱལ་གྱི་ཞགས་པས་ཟིན་ཏེ་གཟུ་ལུམ་#ལ་མཆོག་ཏུ་གཞོལ་བར་འགྱུར་རོ། །གང་གི་ཚེ་གཟུ་ལུམ་#ལ་མཆོག་ཏུ་གཞོལ་བ་དེ་ནི་དེ་བཞིན་གཤེགས་པའི་བཀའ་ཡང་དག་པར་མྱུར་དུ་འཇུག་པར་འགྱུར་རོ། །གང་ཞིག་གང་མྱུར་དུ་ཞུགས་པ་དེས་ནི་
[179a]
[179a.1]དེ་མ་ཐག་ཏུ་དེ་ལ་སྐྱོ་བར་འགྱུར་རོ། །གང་ཞིག་གང་ལ་མྱུར་དུ་སྐྱོ་བ་སྐྱེ་བར་འགྱུར་བ་དེ་ནི་དེའི་བཀའ་མྱུར་དུ་སྤོང་བར་འགྱུར་རོ། །གང་གིས་གང་ཞིག་མྱུར་དུ་སྤངས་པར་གྱུར་པ་དེ་ནི་བསྟན་པ་ཡུན་རིང་དུ་གནས་པར་མི་བྱེད་དེ་ཡུན་ཐུང་བར་བྱེད་ཅེས་བྱ་བའི་དོན་ཏོ། །དེ་
[179a.2]བས་ན་དེ་བཞིན་གཤེགས་པ་རྣམས་ནི་སློབ་དཔོན་དང་སློབ་མར་འབྲེལ་པར་བྱ་བ་དང་། བསྟན་པ་ཡུན་རིང་དུ་གནས་པར་བྱ་བ་དང་བསྟན་པ་བརྟན་པ་དང་། གང་ཟག་རྣམས་ཀྱི་བློ་ཟབ་ཅིང་རྒྱ་ཆེ་བར་བྱ་བའི་ཕྱིར་བཤད་པ་བཞི་ལ་དགོངས་ནས་གསུངས་པ་ཡིན་ནོ། །འདི་ཉིད་ནི་དེ་བཞིན་གཤེགས་
[179a.3]པ་ཐམས་ཅད་ཀྱི་གསང་བ་མངོན་པར་གྲུབ་པ་ཞེས་བྱ་བའི་རྒྱུད་ལས་ཀྱང་། དེ་བཞིན་གཤེགས་པ་ཐམས་ཅད་ཀྱི། །གསང་བ་དེ་ཉིད་མངོན་གྲུབ་འདི། །བདེ་གཤེགས་རྣམས་ཀྱིས་བསྟན་པ་རྣམས། །ཡུན་རིང་གནས་པར་བྱ་བའི་ཕྱིར། །བཤད་པའི་མཆོག་ནི་རབ་སྦས་ཏེ། །བླ་མ་ལས་
[179a.4]ནི་རྟོགས་པར་བྱ། །ཞེས་འབྱུང་བ་དང་། སློབ་དཔོན་གྱིས་ཀྱང་། བླ་མ་ལ་བརྙས་སྒྱུ་ཅན་དད་པ་མེད། །ཅེས་བྱ་བ་ལ་སོགས་པ་གསུངས་པའི་ཕྱིར་རོ། །གཞན་ཡང་གསང་བ་ཆེན་པོ་ཞེས་བྱ་བ་རྣལ་འབྱོར་ཆེན་པོའི་རྒྱུད་ལས་ཀྱང་། སེམས་དཔའ་ཆེན་པོ་འཇིག་རྟེན་གྱི་ཁམས་འདིར་རྩོད་
[179a.5]པ་རྒྱས་པའི་དུས་འདིར་#སེམས་ཅན་གཟུ་ལུམ་#མཁན་བླ་མ་ལ་སྡང་བ་དང་། ཆོག་པར་འཛིན་པ་དང་། དེ་བཞིན་གཤེགས་པའི་བཀའ་ཟབ་མོ་ལ་#རང་འདོད་དུ་སྤྱོད་པ་འབྱུང་གི་དེ་ཡིས་#དེ་བཞིན་གཤེགས་པའི་བཀའ་ཟབ་ཅིང་རྒྱ་ཆེ་བ་རྟོགས་པར་མི་ནུས་སོ། །དེ་བས་ན་དེ་བཞིན་གཤེགས་
[179a.6]པ་ཐམས་ཅད་ཀྱི་གསང་བ་ཆེན་པོ་འདི་ནི་ཐེག་པ་ཆེན་པོའི་རིགས་ཅན་གྱི་གང་ཟག་རྨད་དུ་བྱུང་བའི་ཡུལ་ཡིན་པར་འགྱུར་རོ། །དེ་ཡང་གང་ལས་ཤེས་ཤེ་ན་དེ་བཞིན་གཤེགས་པ་ཐམས་ཅད་ཀྱི་གསང་བའི་ལུང་ལས་ཤེས་པར་འགྱུར་ཏེ། ཇི་སྐད་དུ། དེ་བཞིན་གཤེགས་པ་ཐམས་
[179a.7]ཅད་ཀྱི། །གསང་བ་ཆེན་པོའི་བདག་ཉིད་མཆོག །རབ་ཏུ་གསང་བ་ཡིན་པའི་ཕྱིར། །ཐམས་ཅད་ཀུན་གྱིས་#གསལ་མ་བྱས། །གང་ཡང་དུས་གསུམ་སངས་རྒྱས་དང་། །རྣལ་འབྱོར་རྣལ་འབྱོར་མ་རྣམས་ཀྱིས། །གང་ཚེ་གསང་བའི་དོན་གསུངས་པ། །ཕྱི་དང་ཤིན་ཏུ་ནང་དག་དང་། །
[179b]
[179b.1]དེ་བཞིན་བླ་མེད་ལ་དགོངས་ནས། །གསང་བའི་དོན་རྣམས་གསུངས་པ་ཡིན། །དེ་ལས་གཞན་དུ་གསུངས་གྱུར་ན། །ཇི་བཞིན་དོན་དུ་བཟུང་བ་སྟེ། །དེས་ན་ལམ་ངན་དག་ཏུ་ལྟུང་། །ཞེས་པ་ལ་སོགས་པ་འབྱུང་བ་ལྟ་བུའོ། །དེས་ན་དེ་བཞིན་གཤེགས་པའི་གསང་བ་ཆེན་པོ་འདི་ནི་རྣལ་
[179b.2]འབྱོར་གྱི་རྒྱུད་རྣམས་ཀྱིས་ཤིན་ཏུ་རྒྱས་བཏབ་པ་ཡིན་ནོ་ཞེས་བསྟན་པར་བྱའོ། །གཞན་ཡང་གཞན་དུ་ཤེས་པར་བྱའོ། །དེ་ལྟར་ན་#བཤད་པ་བསྡུས་པ་དང་། དོན་བསྡུས་པ་བཤད་ནས། ད་ནི་དེ་ཉིད་ཀྱི་དོན་བསྡུས་པ་རྒྱས་པར་བཤད་པར་བྱ་སྟེ། དེའི་ཕྱིར་རིམ་པ་འདི་ཉིད་ཀྱིས་ན་བཞུགས་
[179b.3]པའི་ཚིག་ནས་བརྩམས་ཏེ་ཞེས་བྱ་བ་སྨོས་ཏེ་འདིས་ནི་ཕྱག་རྒྱས་བཏབ་པ་ཡིན་ལ་ཞེས་སྦྱར་རོ། །གང་གིས་རྒྱས་བཏབ་ཅེ་ན། རིམ་པ་འདི་ཉིད་ཀྱིས་རྒྱས་བཏབ་ཅེས་སྨོས་སོ། །ཡང་ན་རིམ་པ་འདི་ཉིད་ཀྱིས་བཤད་པའི་ཕྱིར་རྒྱས་བཏབ་ཅེས་སྦྱར་རོ། །གང་རྒྱས་བཏབ་ཅེ་ན་བཞུགས་པའི་ཚིག་ནས་བརྩམས་ཏེ་
[179b.4]རྗེས་སུ་ཡི་རང་བའི་བར་དུའོ། །མཐའ་རྣམ་པ་དྲུག་ཏུ་བཤད་པ་དང་ཞེས་བྱ་བ་ལ་སོགས་པ་ནི་བཤད་ཟིན་ཏོ། །དེ་ཉིད་ཀྱིས་#གསང་བ་འདུས་པའི་དོན་ཕྱག་རྒྱས་བཏབ་ཅེས་སྨོས་པས་ན་སྒྲ་ཕྱག་རྒྱས་བཏབ་པ་ནི་མ་ཡིན་ཏེ། དོན་གསལ་བར་མ་#བྱས་ཞེས་བྱ་བའི་དོན་ཏོ། །འདི་དག་ལ་མ་
[179b.5]རྟོགས་པར་ཅིར་འགྱུར་ཞེ་ན། དེ་མ་རྟོགས་པར་ཞེས་བྱ་བ་ལ་སོགས་པ་སྨོས་ཏེ། དེ་ལ་མ་རྟོགས་པ་ནི་གོང་མ་ཉིད་མ་རྟོགས་པའོ། །འོ་ན་གང་ཞིག་ལ་བརྟེན་ཞེ་ན་སྒྲ་ཇི་བཞིན་པའི་བཤད་པའི་སྒྲའི་དོན་ཙམ་ལ་བརྟེན་ཏེ་ཞེས་སྨོས་སོ། །སྒྲ་ཇི་བཞིན་པར་བཤད་པ་ནི་སྒྲ་ཇི་བཞིན་པ་
[179b.6]ཉིད་དེ་དེ་བཤད་པའི་དོན་གང་ཡིན་པ་དེ་ལ་དེ་སྐད་ཅེས་བྱའོ། །དེ་ལྟ་བུ་ལ་རྟོག་#པའི་སེམས་ཅན་གང་ཞིག་ཡིན་ཞེ་ན། ཡུལ་རྣམས་ལ་ཆགས་པའི་སེམས་ཅན་རྣམས་འགལ་བ་དང་། ཤིན་ཏུ་རྨད་དུ་བྱུང་བའི་བྱ་བ་བྱེད་པས་ལས་ཀྱི་དབང་དུ་འགྱུར་རོ་ཞེས་པ་ནི་ཡུལ་རྣམས་ལ་ཆགས་པ་
[179b.7]ནི་ཡུལ་རྣམས་ལ་ཆགས་པ་སྟེ། ཡུལ་ལ་ཞེན་པར་གྱུར་པའི་ཐ་ཚིག་གོ། །ཡུལ་ལ་ཆགས་པ་ཡང་ཡིན་ལ་སེམས་ཅན་ཡང་ཡིན་པས་ཡུལ་རྣམས་ལ་ཆགས་པའི་སེམས་ཅན་དེ་#དེ་ལྟ་བུའི་གང་ཟག་གིས་དེ་ལ་དེ་ལྟར་རྟོག་ཅེས་#པའི་ཐ་ཚིག་གོ། །བརྟགས་པས་ཅི་བྱེད་ཅེ་ན་འགལ་བ་
[180a]
[180a.1]དང་ཤིན་ཏུ་རྨད་དུ་བྱུང་བའི་བྱ་བ་བྱེད་དེ། འདི་ལྟར་མ་བྱིན་པར་ལེན་པ་ལ་སོགས་པའི་བྱ་བ་ལ་འཇུག་པར་འགྱུར་རོ། །དེ་ཅིར་འགྱུར་ཞེ་ན། ལས་ཀྱི་དབང་དུ་འགྱུར་ཏེ། ལས་དེའི་སྟོབས་ཀྱིས་འབྲས་བུ་རྩུབ་མོ་ཉམས་སུ་མྱོང་བར་འགྱུར་རོ་ཞེས་བྱ་བའི་ཐ་ཚིག་
[180a.2]གོ། །འདི་དག་གིས་ནི་འདི་སྐད་དུ་སྟོན་པར་འགྱུར་ཏེ་དེ་བཞིན་གཤེགས་པ་ཐམས་ཅད་ཀྱི་བཀའ་དགོངས་པ་དང་བཅས་ཏེ་བཤད་པར་མ་གྱུར་པ་དེའི་ཚེ་སྒྲ་ཇི་བཞིན་པར་ངེས་པར་འཛིན་པར་འགྱུར་རོ། །གང་གི་ཚེ་སྒྲ་ཇི་བཞིན་པར་ངེས་པར་བཟུང་བར་འགྱུར་བ་#དེའི་ཚེ་ཡུལ་ལ་ཆགས་པའི་སེམས་
[180a.3]ཅན་འཇུག་པར་འགྱུར་རོ། །གང་གི་ཚེ་ཡུལ་ལ་ཆགས་པའི་སེམས་ཅན་ཞུགས་པར་གྱུར་པ་དེའི་ཚེ། དེ་བཞིན་གཤེགས་པའི་གདམས་ངག་དང་དུ་མི་ལེན་པར་འགྱུར་རོ། །གང་གི་ཚེ་དེ་བཞིན་གཤེགས་པའི་གདམས་ངག་དང་དུ་མི་ལེན་པར་གྱུར་པ་དེའི་ཚེ་དེ་བཞིན་གཤེགས་པའི་བཀའ་དགོངས་
[180a.4]པ་ཅན་གཞན་ལ་ཡང་སྒྲ་ཇི་བཞིན་པར་འཛིན་པར་འགྱུར་རོ། །གང་གི་ཚེ་སྒྲ་ཇི་བཞིན་པར་བཟུང་བ་དེའི་ཚེ་འགལ་བ་དང་རྨད་དུ་བྱུང་བའི་བྱ་བ་བྱེད་པར་འགྱུར་རོ། །ཤིན་ཏུ་རྨད་དུ་བྱུང་བའི་བྱ་བ་བྱེད་པ་དེའི་ཚེ་སེམས་ཅན་ཐམས་ཅད་ལོག་པའི་ལམ་ལ་གནས་པར་འགྱུར་རོ། །སེམས་
[180a.5]ཅན་ཐམས་ཅད་ལོག་པའི་ལམ་ལ་གནས་པར་གྱུར་པ་དེའི་ཚེ་རྨད་དུ་བྱུང་བའི་བྱ་བ་བྱེད་པའི་ལས་ཀྱི་འབྲས་བུ་སྨིན་པར་འགྱུར་རོ་ཞེས་བྱ་བའི་དོན་ཏོ། །དེ་ཡང་གང་ལས་ཤེས་ཤེ་ན། བཅོམ་ལྡན་འདས་ཀྱིས་དགོངས་པ་ལུང་བསྟན་པ་ཞེས་བྱ་བའི་རྒྱུད་ལས་གསུངས་ཏེ་ཞེས་བྱ་བ་ལ་
[180a.6]སོགས་པ་གསུངས་ཏེ། གསང་བའི་བདག་པོ་ཞེས་བྱ་བ་ནི་བོད་པའོ། །དོན་རྒྱས་པ་ཡི་ཚུལ་ཆེན་འདི་ནི་རྙེད་གྱུར་ནས། །ཞེས་པ་དོན་རྒྱས་པའི་ཚུལ་ཆེན་པོ་ནི་དེ་བཞིན་གཤེགས་པའི་གསང་བ་འདུས་པ་ཉིད་དོ། །ཇི་བཞིན་དོན་ནི་རྙེད་བཟུང་བས། །ཞེས་པ་ནི་སྒྲ་ཇི་བཞིན་པའི་དོན་རྙེད་
[180a.7]པའོ། །དེས་ཇི་ལྟར་གཟུང་#བ་ཞེ་ན། གསང་བ་འདུས་པའི་དགོངས་པ་ཅན་ཐམས་ཅད་ཀྱང་སྒྲ་ཇི་བཞིན་པར་བཟུང་ཞེས་བྱ་བའི་དོན་ཏོ། །དེས་ཅིར་འགྱུར་ཞེ་ན། དེས་ན་ལམ་ངན་ངག་ཏུ་ལྟུང་། །ཞེས་པ་ནི་གང་བཟོད་པར་དཀའ་#བའི་སྡུག་བསྔལ་དང་ལྡན་པ་དེ་ནི་ལམ་ངན་པ་སྟེ་
[180b]
[180b.1]གང་ཞིག་གང་དུ་ལྟུང་བ་དེ་ལ་དེ་སྐད་ཅེས་བྱའོ། །དེ་ལྟ་བུར་འཛིན་པར་བྱེད་པའི་གང་ཟག་ཀྱང་ཇི་ལྟ་བུ་ཡིན་ཞེ་ན། མངོན་པའི་ང་རྒྱལ་རྟག་དགའ་བས། །ཞེས་བྱ་བ་ནི་མངོན་པའི་ང་རྒྱལ་གཏོང་བར་མི་བྱེད་པ་སྟེ་གང་ཞིག་གང་ལ་འཕངས་#པར་འཛིན་པ་དེ་ལ་དེ་སྐད་ཅེས་བྱའོ། །རྣལ་འབྱོར་པ་ནི་
[180b.2]བདག་ཅེས་སྨྲ། །ཞེས་པ་ནི་རྣལ་འབྱོར་གྱི་དོན་དང་མི་ལྡན་པར་བདག་ཉིད་རྣལ་འབྱོར་པ་ཡིན་ཞེས་ཟེར་བ་#ལྟ་བུའོ། །ཆོས་ནི་གཡོ་ཡིས་བྱེད་པར་འགྱུར། །ཞེས་པ་ནི་མ་བྱིན་པར་ལེན་པ་དང་སྲོག་གཅོད་པ་དང་བརྫུན་དང་ཚིག་འཁྱལ་བ་དང་། ངག་རྩུབ་མོ་ལ་སོགས་པས་ཆོས་ཡོངས་
[180b.3]སུ་ཚོལ་བར་བྱེད་པ་དེ་ལ་དེ་སྐད་ཅེས་བྱའོ། །དེས་ནི་འདུས་པ་མི་ཤེས་པར། །ཞེས་པ་ནི་དེ་བཞིན་གཤེགས་པའི་གསང་བ་འདུས་པའི་དགོངས་པ་ལ་སོགས་པ་ལེགས་པར་མི་ཤེས་པའོ། །དམ་ཚིག་ལ་སོགས་སྤྱོད་བྱེད་ལ། །ཞེས་པ་ནི་དམ་ཚིག་དང་སྒྲུབ་#པ་ལ་སོགས་པ་ཉེ་བར་སྤྱོད་#
[180b.4]པའོ། །གསང་བ་སྲུང་#བར་མི་བྱེད་ཅིང་། །ཞེས་པ་ནི། ཐམས་ཅད་དུ་ནི་རབ་ཏུ་སྟོན། །ཞེས་བྱ་བ་དེ་ཉིད་ཀྱིས་བཤད་དོ། །མངོན་སུམ་སངས་རྒྱས་འདྲ་བ་ཡི། །སློབ་དཔོན་སྨོད་ཅིང་བཀུར་#མི་བྱེད། །ཞེས་པ་ནི་བླ་མའི་བསྲུང་བར་བྱ་བའི་སྡོམ་པ་ལ་ཕྱལ་བར་གཏོང་བའོ། །སྐད་ཅིག་གིས་ནི་
[180b.5]ཁོང་ཁྲོ་ཞིང་། །ཞེས་པ་ནི་ཉེས་པ་མཐོང་ན་སྐད་ཅིག་ཙམ་གྱིས་ཁྲོ་བར་བྱེད་པའོ། །དེ་བཞིན་སྐད་ཅིག་གིས་རྗེས་ཆགས། །ཞེས་པ་ནི་བདག་ཉིད་དང་རྗེས་སུ་མཐུན་པའི་ལས་བྱུང་ན་ཆགས་པར་བྱེད་པའོ། །འདི་དག་གིས་ནི་བློ་མི་བརྟན་པ་བསྟན་ཏོ#། །དེ་ནས་འདོད་པས་ལོག་པར་
[180b.6]གཡེམ་པ་ལ་སོགས་པའི་ཉེས་པ་བསྟན་པའི་ཕྱིར། མ་དང་སྲིང་མོ་བུ་མོ་སྟེ། །ཞེས་པ་ནི་བདག་ཉིད་བསྐྱེད་པ་དང་། བདག་ཉིད་དང་ལྷན་ཅིག་ཏུ་བསྐྱེད་པ་དང་བདག་གིས་བསྐྱེད་པའོ། །དེ་དག་གིས་ནི་བགྲོད་པ་མ་ཡིན་ཏེ་དེ་བཞིན་གཤེགས་པ་རྣམས་ཀྱིས་རྨད་པ་ཡིན་པའི་ཕྱིར་
[180b.7]རོ། །དེ་ལ་བགྲོད་པར་བྱེད་པ་གང་ཡིན་པ་དེ་ནི་ཉེས་པ་མཆོག་དང་ལྡན་པ་ཡིན་ཞེས་སྦྱར་རོ། །ཉེས་པ་གཞན་ཡང་ཡོད་པའི་ཕྱིར། །ཕ་མ་གསོད་ཅིང་ཞེས་བྱ་བ་ལ་སོགས་པ་གསུངས་ཏེ་ཕ་མ་གསོད་པ་ནི་ཕ་མ་གསོད་པས་ཏེ། ཕ་མ་ལ་ངན་སེམས་ཀྱིས་ཚོན་རྡེག་པ་གང་ཡིན་པ་དེ་
[181a]
[181a.1]ལ་དེ་སྐད་ཅེས་བྱའོ། །སྲོག་ཆགས་གཞན་ཡང་གསོད་པར་བྱེད། ཅེས་པ་ནི་འཇིག་རྟེན་གྱི་སྲོག་ཆགས་རགས་པ་དང་ཕྲ་བ་ལ་སོགས་པ་གསོད་པ་གང་ཡིན་པ་དེ་ལ་དེ་སྐད་ཅེས་བྱའོ། །དེ་བཞིན་བརྫུན་གྱི་ཚིག་སྨྲ་ཞིང་། །ཞེས་པ་ནི་གང་ཞིག་བདེན་པར་སྨྲ་བ་སྤངས་པའོ། །
[181a.2]ཁྱད་པར་དུ་ཡང་རྐུ་བར་བྱེད། །ཅེས་པ་ནི་གང་གིས་མ་བྱིན་པར་ལེན་པར་བྱེད་པ་དེ་ལ་དེ་སྐད་ཅེས་བྱའོ། །གཞན་གྱི་ཆུང་མའི་ཐད་འགྲོ་ཞིང་། །ཞེས་པ་ནི་གཞན་གྱི་ཆུང་མ་ལ་ཉེ་བར་སྦྱོར་བའོ། །སྨད་པ་གཞན་ཡང་བྱེད་པར་འགྱུར། །ཞེས་པ་ནི་བསྟན་བཅོས་ལས་སྨད་པའི་བྱ་བ་གཞན་
[181a.3]ཐམས་ཅད་ལྷུར་ལེན་པར་འགྱུར་ཞེས་པའི་དོན་ཏོ། །དེ་ཉིད་ཡེ་ཤེས་འབྱུང་བ་ཡི། །དམ་ཚིག་རྣམས་ནི་དེས་མི་ཤེས། །ཞེས་པ་ནི་གསང་བ་ཆེན་པོ་མཆོག་གི་དམ་ཚིག་རྒྱས་པ་དེ་ཉིད་ཀྱིས་མི་ཤེས་ཞེས་པའི་དོན་ཏོ། །ཉེས་པ་ཅུང་ཟད་ཙམ་ལ་ཡང་། །མངོན་སྤྱོད་དག་ནི་བྱེད་པར་འགྱུར། །
[181a.4]ཞེས་པ་ནི་ཉེས་པ་ཕྲ་མོ་ཙམ་ལ་ཡང་དྲག་པོའི་ལས་རྩོམ་ཞེས་པའི་དོན་ཏོ། །རྟག་ཏུ་ཕྱི་རོལ་བསྟན་བཅོས་དགའ། །ཞེས་པ་ནི་གཞུང་འདི་པ་མ་ཡིན་པའི་བསྟན་བཅོས་ལ་གཞོལ་བ་གང་ཡིན་པ་དེ་ལ་དེ་སྐད་ཅེས་བྱའོ། །རང་གི་དམ་ཚིག་ཡོངས་སྤངས་ཏེ། །ཞེས་པ་ནི་རང་གི་དམ་
[181a.5]ཚིག་མི་བསྲུང་བའོ། །ལྕགས་ཀྱུ་མེད་པ་བཞིན་དུ་སྤྱོད། །ཅེས་པ་ནི་ཐབས་དང་བྲལ་བ་ཉིད་དོ། །སྔགས་དང་ཕྱག་རྒྱའི་སྦྱོར་བ་ཡི#། །འཚོ་བ་དག་ནི་ངེས་#སྒྲུབ་བྱེད། །ཅེས་པ་ནི་སྔགས་དང་ཕྱག་རྒྱས་རང་གི་འཚོ་བ་ཡོངས་སུ་ཚོལ་བ་དེ་ལ་དེ་སྐད་ཅེས་བྱའོ། །གང་དུ་རྙེད་པ་ཐོབ་#འགྱུར་
[181a.6]བར། །དམ་པའི་ཆོས་ནི་འཆང་བར་འགྱུར། །ཞེས་པ་ནི་ཡུལ་དུ་#ཤེས་པ་དང་མི་ལྡན་ཞིང་རྙེད་པ་ཉེ་བར་ཐོབ་པར་འགྱུར་བར་དམ་པའི་ཆོས་འཆད་པར་འགྱུར་ཞེས་བྱ་བའི་དོན་ཏོ། །དེས་ཅིར་འགྱུར་ཞེ་ན། སྔགས་པ་རྣམས་ནི་འགྲུབ་མི་འགྱུར། །ཞེས་སྨོས་ཏེ་དེ་ལྟ་བུའི་གང་ཟག་གིས་
[181a.7]སྔགས་དང་ཕྱག་རྒྱའི་དངོས་གྲུབ་འགྲུབ་པ་མེད་ཀྱི་མནར་མེད་པའི་སྡུག་བསྔལ་ཆེན་པོ་སྐྱེད་ཅེས་པའི་དོན་ཏོ། །དེ་ཅིའི་ཕྱིར་ཞེ་ན། རྣལ་འབྱོར་རབ་སྦྱོར་དམན་པའི་ཕྱིར། །ཞེས་སྨོས་ཏེ། རབ་ཏུ་སྦྱོར་བ་དམན་པ་ནི་རབ་ཏུ་སྦྱོར་བ་ཞན་པ་ཞེས་པའི་དོན་ཏོ། །དེ་རྣམས་གཟུང་བར་བྱ་བའི་
[181b]
[181b.1]ཕྱིར། །ཞེས་པ་ནི་དེ་རྣམས་ཀྱི་ངན་འགྲོའི་སྲིད་པ་དགག་པའི་ཕྱིར་#ཞེས་པའི་དོན་ཏོ། །གསང་བ་དགོངས་པས་བཤད་པ་ཡིན། །ཞེས་བྱ་བ་ནི་བཤད་ཟིན་ཏོ། །འདིས་ནི་བསྡུས་པའི་དོན་བསྟན་ཏོ་ཞེས་པ་ནི་འདི་ཉིད་ཀྱིས་བསྡུས་པའི་དོན་ཡིན་གྱི་རྒྱས་པར་བཤད་པ་ནི་མ་ཡིན་ནོ། །གང་ཞིག་གང་
[181b.2]དུ་གང་གི་ཕྱིར་བསྟན་པ་ཡིན་ཞེ་ན། དེ་བཞིན་གཤེགས་པའི་གསང་བ་འདུས་པའི་དོན་མཐའ་དག་དང་། དེ་བཞིན་གཤེགས་པའི་གསང་བ་འདུས་པའི་བཤད་པ་མཐའ་དག་བསྡུས་པའི་དོན་འདི་ཉིད་ཀྱིས་བསྡུས་པའི་ཕྱིར་དེ་ལ་དེ་སྐད་ཅེས་བྱའོ། །འདིས་ཀྱང་བསྡུས་པ་ལ་དགའ་བ་རྣམས་
[181b.3]འདི་ཙམ་གྱིས་ཚིམ་པར་འགྱུར་#ཞེས་བྱ་བའི་དོན་ཏོ། །དེ་ལྟར་བསྡུས་པའི་དོན་བསྟན་ནས་ཞེས་པ་ནི་རྒྱས་པར་བསྟན་པར་བཤད་པར་འདོད་པས་དེ་སྐད་ཅེས་བྱའོ། །ད་ནི་ཞེས་བྱ་བ་ནི་སྐབས་ལ་བབ་པའི་ཚིག་གོ། །ཡན་ལག་གི་དོན་རྣམ་པར་དབྱེ་བའི་ཕྱིར་ཞེས་པ་ནི་རྩ་བའི་དོན་མ་ཡིན་པའི་
[181b.4]ཕྱིར་དེ་སྐད་ཅེས་བྱའོ། །རྒྱུད་ལ་འཇུག་པར་བྱ་སྟེ་ཞེས་པ་ནི་རྒྱུད་ཉིད་བཤད་པར་བྱ་ཞེས་བྱ་བའི་དོན་ཏོ། །འདི་སྐད་བདག་གིས་ཐོས་པ་ཞེས་བྱ་བ་འདི་ཡང་གང་གིས་གང་ལ་བསྟན་ཞེ་ན། འདིར་སྡུད་པར་བྱེད་པ་ཞེས་བྱ་བ་ལ་སོགས་པ་སྨོས་ཏེ་སྡུད་པར་བྱེད་པ་ནི་སྡུད་པར་བྱེད་པ་སྟེ་དེ་
[181b.5]བཞིན་གཤེགས་པའི་རྒྱུད་ཐོབ་པར་བྱེད་ཅེས་པའི་དོན་ཏོ། །ཐོས་#པར་བྱེད་པ་པོ་གང་ཡིན་ཞེ་ན། འཕགས་པ་ཕྱག་ན་རྡོ་རྗེ་#ཞེས་པ་སྟེ་དགོངས་#པ་ཐམས་ཅད་འབྱུང་བར་བྱེད་པའི་རྡོ་རྗེ་ཐོགས་པ་གང་ཡིན་པ་དེ་ལ་དེ་སྐད་ཅེས་བྱའོ། །དེས་ཇི་སྐད་དུ་ཐོས་པ་ཐུགས་ལ་བཞག་ནས་ཞེས་
[181b.6]པ་ནི་ལྷག་པ་དང་ཆད་པ་ལ་སོགས་པའི་ཉེས་པ་དང་བྲལ་བར་བྱས་ནས་ཞེས་པའི་དོན་ཏོ། །དེས་ཅི་བྱེད་ཅེ་ན། གདུལ་བྱ་རྣམས་ལ་བསྟན་པའི་ཕྱིར། །ཞེས་སྨོས་ཏེ་རང་གི་གདུལ་བྱ་སྨིན་པ་དང་གྲོལ་བར་བྱེད་པའི་ཕྱིར་དེ་ལ་དེ་སྐད་ཅེས་བྱའོ། །འདི་སྐད་བདག་གིས་ཐོས་པ་ཞེས་བྱ་བ་
[181b.7]ལ་སོགས་པ་གསུངས་པ་ཡིན་ཏེ་ཞེས་བྱ་བ་ནི་སྡུད་པ་པོ་རང་གི་ཚིག་ལེགས་པར་སྟོན་པ་ཡིན་ཏེ། འདི་སྐད་ཐོས་ཞེས་བྱ་བར་སྦྱར་རོ། །འདི་སྐད་ཅེས་བྱ་བ་འདི་ཡང་། ཇི་སྐད་ཅེས་བྱ་བའི་ཚིག་ཡིན་ནོ་#ཞེ་ན། དེའི་ཕྱིར་འདི་སྐད་ཅེས་བྱ་བ་ནི་རྒྱུད་ཀྱི་དོན་མ་ལུས་པར་སྟོན་པའི་ཚིག་གི་ཕྲད་
[182a]
[182a.1]དོ་ཞེས་སྨོས་ཏེ་འདིས་ནི་བཤད་པར་བྱ་བའི་ཆོས་ཕུན་སུམ་ཚོགས་པ་བསྟན་ཏོ། །དེ་ཡང་འདི་ཞེས་བྱ་བ་ཡང་ཉེ་བ་མངོན་སུམ་པའི་ཚིག་གོ། །འདི་ཞེས་བྱ་བ་ཡང་གང་ཡིན་ཞེ་ན། གསལ་བ་དེའི་ཞེས་བྱ་བ་ནས་རྗེས་སུ་ཡི་#རང་ངོ་ཞེས་བྱ་བའི་#བར་དུའོ། །དེ་བས་ན་
[182a.2]འདི་སྐད་ཅེས་བྱ་བ་འདི་ནི་རྒྱུད་ཀྱི་དོན་ཐམས་ཅད་རྗོད་#པར་བྱེད་པའི་ས་བོན་ཅན་ནོ། །གང་གིས་ཐོས་ཤེ་#ན་བདག་གིས་ཐོས་ཞེས་བྱ་བར་སྦྱར་ཏེ། བདག་གིས་ཐོས་ཞེས་བྱ་བས་ནི་སྡུད་པ་པོ་ཕུན་སུམ་ཚོགས་པ་སྟོན་ཏེ། བདག་ཉིད་ཀྱིས་མངོན་སུམ་དུ་ཐོས་ཞེས་བྱ་བ་ནི་བདག་ཉིད་ཀྱིས་#ཉེ་བར་
[182a.3]ཐོས་ཞེས་བྱ་བའི་ཐ་ཚིག་གོ། །འདི་སྐད་ཐོས་ཞེས་པ་འདིས་ནི་མ་ཐོས་པ་དང་། གཞན་ཐོས་པ་རྣམས་བསལ་བ་ཡིན་ནོ། །བདག་གིས་ཐོས་ཞེས་བྱ་བས་ནི་མ་ཐོས་པ་དང་གཅིག་ནས་གཅིག་ཏུ་བརྒྱུད་དེ་ཐོས་པ་དང་རྟོགས་པ་བསལ་ལོ། །དུས་གཅིག་ན་ཐོས་ཞེས་པ་སྨོས་པས་ནི་དུས་
[182a.4]ཐམས་ཅད་དུ་ཐོས་པ་དང་ཐམས་ཅད་དུ་མ་ཐོས་པ་བསལ་ལོ། །འདི་དག་གི་སྒྲའི་སྦྱོར་བ་ཡང་གཞན་དག་ནི་མ་ཐོས་ཀྱི་འདི་ཁོ་ན་སྐད་ཐོས་ཞེས་པ་དང་། འོངས་པ་དང་། རྟོགས་པ་ནི་མ་ཡིན་ཏེ་བདག་གིས་ཐོས་ཞེས་པ་དང་ཐམས་ཅད་དུ་མ་ཐོས་པ་དང་ཐམས་ཅད་དུ་#ཐོས་པ་ནི་མ་ཡིན་
[182a.5]གྱི་དུས་གཅིག་ཁོ་ནར་དེ་ཐོས་ཞེས་བྱའོ#། །དུས་ཕུན་སུམ་ཚོགས་པ་དེ་ཉིད་རྒྱས་པར་བཤད་པ་དུས་གཅིག་གི་ཚེ་ན་འདི་ན་འདི་ཐོས་ལ་གཞན་དུ་ནི་གཞན་ཐོས་པའོ་ཞེས་པ་ནི་གསང་བ་འདུས་པ་དེ་བཞིན་གཤེགས་པ་ཐམས་ཅད་ཀྱིས་གསུངས་#པའི་དུས་སུ་ནི་འདི་ཐོས་ཀྱི། ཕ་རོལ་ཏུ་ཕྱིན་པ་ལ་སོགས་པ་
[182a.6]གསུངས་#པའི་དུས་སུ་ནི་གཞན་ཐོས་ཤེའོ#། །དེ་ཉིད་རྙེད་དཀའ་བར་བསྟན་པ་ཡང་། གཞན་དག་ཏུ་ནི་འདི་མ་ཐོས་པའོ་ཞེས་པ་སྟེ#། གཞན་དུ་ནི་འདི་ནམ་ཡང་ཐོས་པར་མི་འགྱུར་བའོ། །དེ་ཅིའི་ཕྱིར་ཞེ་ན། བཅུ་བདུན་པར་གསང་བའི་སྣོད་དུ་མ་གྱུར་པ་ཉིད་ཀྱིས་བསྟན་ཏོ། །བློ་རྣོ་
[182a.7]བ་ནི་སྐད་ཅིག་མ་གཅིག་ལའོ་ཞེས་པས་སྟོན་ཏོ། །སྐད་ཅིག་ལ་སོགས་པས་ནི་ཡུད་#ཙམ་ལ་སོགས་པ་མ་ཡིན་པར་བསྟན་ཏོ། །གང་ལས་གང་དུ་ཞེས་བྱ་བ་ལ་སོགས་པ་ནི་འོག་ནས་སྟོན་ཏེ། སྟོན་པ་ཕུན་སུམ་ཚོགས་པ་ནི་སྟོན་པ་ཕུན་སུམ་ཚོགས་པ་སྟེ་ཡོན་ཏན་ཆེན་པོ་དང་ལྡན་
[182b]
[182b.1]པའི་སྟོན་པ་གང་ཡིན་པ་དེ་ལ་དེ་སྐད་ཅེས་བྱའོ། །ཡོན་ཏན་གང་ཞིག་དང་ལྡན་ཞེ་ན། སྐལ་བ་ཕུན་སུམ་ཚོགས་པ་ཞེས་བྱ་བ་ལ་སོགས་པ་སྟེ། #ཕུན་སུམ་ཚོགས་པ་ནི་ཡང་དག་པའི་དོན་གྱི་སྐལ་བ་ཆེན་པོ་དང་ལྡན་པ་སྟེ། མདོ་དག་ལས་དེ་བཞིན་གཤེགས་པ་ནི་སྒྲིབ་པ་མ་ལུས་པར་བཅོམ་པའི་
[182b.2]ཕྱིར་སྐལ་བ་ཆེན་པོ་དང་ལྡན་པའོ་ཞེའོ། །གཞན་ཡང་གང་གིས་ཚོགས་ཆེན་པོ་ཡོངས་སུ་བསགས་པ་ནི་སྐལ་བ་ཆེན་པོ་དང་ལྡན་པའོ། །སྐལ་བ་ཆེན་པོ་ནི་#ཐམས་ཅད་དེ། སྐལ་བ་མ་ལུས་པའི་བདག་ཉིད་ཅན་ནོ། །མི་མཐུན་པའི་ཕྱོགས་མ་ལུས་པར་བཅོམ་པ་ནི་ས་ཐམས་ཅད་ལ་སྒྲིབ་
[182b.3]པ་ཡང་དག་པའི་ཡེ་ཤེས་ཀྱིས་སྤངས་པའོ། །གཞན་ཡང་འདི་དག་གིས་ནི་མི་སློབ་པའི་ཟུང་དུ་འཇུག་པ་བསྟན་ཏོ། །དེ་ལྟ་བུའི་སྟོན་པ་དེས་གནས་#གང་དུ་གསུངས་ཤེ་ན་བཤད་པ། དེ་བཞིན་ཉིད་ནི་དེ་བཞིན་ཉིད་དེ་སྤྲོས་པ་དང་བྲལ་ཞིང་རྟོག་པ་ཐམས་ཅད་ལས་ཉེ་བར་གྲོལ་བའོ། །དེར་
[182b.4]གཤེགས་པ་ནི་དེ་ལས་གྲོལ་བ་སྟེ། རྟོག་#པ་ཐམས་ཅད་ཡོངས་སུ་སྤངས་པ་དེ་ཉིད་མངོན་སུམ་དུ་གྱུར་པ་དང་ལྷུན་གྱིས་གྲུབ་པ་ཞེས་བྱ་བའི་བར་དུའོ། །དེ་བཞིན་གཤེགས་པ་ཡང་ཡིན་ལ་ཐམས་ཅད་ཀྱང་ཡིན་པ་ནི་སྤྲོས་#པའི་མཐའ་གཉིས་བསལ་བ་སྟེ། གྲངས་དང་གྲངས་ཅན་
[182b.5]གཞན་#ལ་ཐལ་བ་ཡོངས་སུ་བསལ་བ་གང་ཡིན་པའོ། །བདག་ཉིད་ཅེས་པ་ནི་རང་བཞིན་ནམ་ངོ་བོ་ཉིད་དོ་ཞེས་པའི་དོན་ཏོ། །སྐུ་དང་གསུང་དང་ཐུགས་ཀྱི་སྙིང་པོ་ནི་ཡོངས་སུ་འཛིན་པ་ཞེས་བྱ་བའོ། །དེའི་བཙུན་མོ་ནི་དེས་བསྟེན་པ་སྟེ། གཞལ་ཡས་ཁང་གི་རྣམ་པ་ཉིད་ཡོངས་
[182b.6]སུ་གསལ་བའོ། །དེར་གནས་པ་ནི་དེ་ཉིད་ལ་བསྟེན་#པ་ཉིད་དོ། །དེ་བཞིན་ཉིད་དང་ཞེས་བྱ་བ་ལ་སོགས་པས་ནི་གང་གི་དུས་སུ་ཡོངས་སུ་སྣང་བ་ཉིད་དེ། རྣམ་གྲངས་དེས་ན་མ་འོངས་པའི་རྣལ་འབྱོར་པ་རྣམས་ཀྱིས་ཀྱང་ཇི་སྐད་འཆད་པར་འགྱུར་བའི་གཞལ་ཡས་ཁང་དུ་མོས་པའི་དཀྱིལ་
[182b.7]འཁོར་དང་ཡོངས་སུ་བསྡུ་བའི་ཆོ་ག་དང་། རྣལ་འབྱོར་གསུམ་བསྒོམ་པར་བྱའོ་ཞེས་བྱ་བའི་དོན་ཏོ། །ཡི་གེའི་དོན་ནི་སྒྲ་ཙམ་ལ་གཞོལ་བའི་དབང་དུ་བྱས་ཏེ་འདིའི་ཚེ་ཞེས་བྱ་བ་ལ་སོགས་པ་བྱ་བ་བཤད་པ་གོང་མ་ཉིད་དོ། །ཚོགས་ལ་བཤད་པ་ཡང་དེ་ཉིད་དེ་ཟབ་མོའི་དོན་མ་ཡིན་
[183a]
[183a.1]པ་ཉིད་དོ། །དེ་བས་ན་བཤད་པའི་སྒྲའི་དབང་དུ་བྱ་སྟེ་ཡི་གེའི་དོན་ཏོ། །བསྐྱེད་པའི་རྣལ་འབྱོར་གྱི་དབང་དུ་བྱས་ཏེ་ཚོགས་ལ་བཤད་པའོ། །གང་ཞིག་ལ་གང་ཞིག་གིས་གང་དུ་ཇི་ལྟར་གནས་པར་འགྱུར་བ་དང་། གང་གིས་གང་གི་སྤྱོད་ཡུལ་དུ་གང་བསྟན་པ་དེ་ལ་དེ་
[183a.2]སྐད་ཅེས་བྱའོ། །གཞན་ཡང་གང་གིས་གང་ཞིག་གཏན་ལ་འབེབས་པར་འགྱུར་བ་དང་། གང་གིས་གང་ཞིག་ཉམས་སུ་ལེན་པར་བྱེད་པ་དང་། གང་དང་གང་གིས་ཡུལ་དུ་བྱས་པ་དེ་ལ་དེ་སྐད་ཅེས་བྱའོ། །དེ་ནི་རྫོགས་པའི་དོན་ཏོ། །གང་གིས་གང་གི་རྣམ་པར་བཤད་པ་ཡོངས་སུ་
[183a.3]རྫོགས་པར་གྱུར་པ་དེ་ལ་དེ་སྐད་ཅེས་བྱའོ། །དེ་ནས་སྤྱིའི་དོན་བཤད་པར་འདོད་ནས་སྨྲས་པ་ཞེས་བྱ་བ་ལ་སོགས་པ་སྨོས་སོ། །གང་ལ་གང་གིས་གང་དུ་གང་གི་ཕྱིར་ཞེ་ན། སྒྲའི་ཚོགས་འདི་ཡོངས་སུ་རྒོལ་བ་སྨྲ་བར་འགྱུར་རོ། །གང་དུ་ཞེས་པའི་ལན་དུ་འདི་ལྟ་སྟེ། ཡི་གེའི་
[183a.4]དོན་བཤད་པ་ཡོངས་སུ་རྫོགས་པའི་སྐབས་འདིར་སྨྲས་པ། དགོངས་པ་གང་གིས་ན་#སྡུད་པར་བྱེད་པས་གསུང་རབ་ཀྱི་མགོར་ཞེས་བྱ་བ་ལ་སོགས་པ་སྨོས་ཏེ། འདི་དག་གི་དོན་ཡང་སྡུད་པ་པོས་གསུང་རབ་ཀྱི་སླད་དུ་འདི་སྐད་ཅེས་བསྟན་པ་ཁོ་ན་ལ་དགོངས་#པ་ཅི་ཞིག་ཡོད་པར་འགྱུར།
[183a.5]བཅོམ་ལྡན་འདས་ཀྱིས་ཅི་ལ་དགོངས་ཏེ་གསུངས། གལ་ཏེ་རྒྱུད་ཀྱི་དོན་མཐའ་དག་བསྡུས་པར་འདོད་པའམ་དེ་ལས་#གཞན་དུ་འགྱུར་ཞེས་པ་རྒལ་#བའི་དོན་ཏོ། །དེའི་ལན་དུ་གོང་མ་ལྟར་གྱུར་ན་ཅིར་འགྱུར་ཞེ་ན་མ་ངེས་པར་འགྱུར་ཏེ། འདི་དག་བདག་གིས་ཤེའམ#། འདིའམ་
[183a.6]འདི་རྣམས་འདི་ཙམ་བདག་གིས་ཐོས་ཞེས་པས་ཀྱང་རྒྱུད་ཀྱི་དོན་མ་ལུས་པར་ཡོངས་སུ་རྫོགས་པར་སྟོན་པར་འགྱུར་ཏེ་དེར་འགྱུར་རོ། །གང་གིས་གང་ཞིག་གང་ལ་ནུས་པ་དེས་ཀྱང་དེའི་དོན་ཡོངས་སུ་རྫོགས་པར་འགྱུར་ན་ནི་ཁོ་ན་ཞེས་བྱ་བ་གཞན་དང་ལྡན་པ་རྣམ་པར་གཅོད་པ་
[183a.7]རྟོགས་པར་འགྱུར་བ་མེད་པ་ཉིད་དོ་ཞེས་བྱ་བའི་དོན་ཏོ། །གང་གིས་གང་ཞིག་གང་ལ་ཡོངས་སུ་མ་སྤངས་པ་དེ་ནི་དེའི་བྱ་བ་ཡོངས་སུ་རྫོགས་པར་འགྱུར་རོ་ཞེ་ན་སྨྲས་པ་ཞེས་པ་དེ་ནི་ལན་སྟོན་པར་འགྱུར་བ་སྟེ། གང་ཡང་གང་ཞིག་ཡོངས་སུ་མ་སྤངས་པ་དེ་ནི་དེའི་ཉེས་པར་འགྱུར་བ་མ་
[183b]
[183b.1]ཡིན་ཏེ་དེ་#ཅིའི་ཕྱིར་ཞེ་ན། དེ་བཞིན་གཤེགས་པ་ཐམས་ཅད་ཀྱི་བརྡར་གྱུར་པ་ནི་རྒྱུད་ཀྱི་སྟོན་པ་པོ་ཐམས་ཅད་ཀྱི་བརྡར་གྱུར་པ་ཉིད་དེ། བརྡ་གང་ཞིག་སྟོན་པའི་བརྡ་ཡིན་ཞེ་ན། ཤེས་རབ་དང་ཐབས་སྟོན་པ་ཉིད་དོ། །ཡི་གེ་གཉིས་སུ་གྱུར་པ་འདི་ཁོ་ནས་བརྡར་#སྟོན་པར་བྱེད་ཀྱི་#གཞན་གྱིས་ནི་ནམ་
[183b.2]ཡང་རྙེད་པར་འགྱུར་བ་མ་ཡིན་ཞེས་བྱ་བའི་དོན་ཏོ། །གསུང་རབ་ཀྱི་དང་པོར་ཞེས་བྱ་བ་ནི་གང་ཞིག་གང་གིས་སྟོན་ནུས་པ་དེའི་ཕྱིར་དེ་ལ་དེ་སྐད་ཅེས་བྱའོ། །གང་གིས་དེ་ཡོངས་སུ་ཤེས་པར་འགྱུར་བ་དེས་ནི་དེ་དང་དེ་དག་ཡོངས་སུ་ཤེས་པར་འགྱུར་བ་ཉིད་དོ་ཞེས་བྱ་བའི་དོན་ཏོ། །གཞན་
[183b.3]ཡང་གང་གིས་དེ་ཉིད་བསྟན་པར་འགྱུར་བ་དེ་ནི་དེའི་གཞུང་ལུགས་ཡོངས་སུ་རྫོགས་པ་མ་ཡིན་ཏེ་ཅིའི་ཕྱིར་ཞེ་ན། སྡུད་པ་པོ་#མེད་པར་འགྱུར་བའི་ཕྱིར་ཏེ། འདི་སྐད་ཅེས་བྱ་བ་འདི་སྡུད་པ་པོའི་ཚིག་#སྒྲ་ཇི་བཞིན་པ་མ་ཡིན་པར་འགྱུར་ཏེ། དེ་ལྟ་ན་སྡུད་པ་པོ་མེད་དོ་ཞེས་བྱ་བའི་དོན་ཏོ། །
[183b.4]དེས་ཅིར་འགྱུར་ཞེ་ན་བདག་གིས་ཞེས་བྱ་བ་ལ་སོགས་པའི་ཚིག་འབྲེལ་པ་མེད་པར་འགྱུར་ཏེ་དེ་#ཅིའི་ཕྱིར་ཞེ་ན། འདི་སྐད་ཅེས་བྱ་བ་ནི་བརྡར་གྱུར་པ་ཉིད་ཡིན་ལ་བདག་གིས་ཞེས་བྱ་བ་ནི་སྡུད་པ་པོ་རང་གི་མིང་#བརྗོད་པས་ཐ་དད་པར་འགྱུར་རོ། །ཅིའི་ཕྱིར་ཞེ་ན། གང་ལ་གང་ཞིག་ཡོད་པ་དེ་
[183b.5]ལ་དེ་དང་བྲལ་བར་འགྱུར་བའི་ཕྱིར་གཅིག་གིས་གཅིག་སྤངས་པར་འགྱུར་བ་ཡིན་ནོ། །དེས་ན་སྡུད་པ་པོ་མེད་པར་འགྱུར་རོ་ཞེ་ན། སྡུད་པ་པོ་མེད་པར་ཐལ་བར་འགྲུབ་པ་འདི་ནི་ཐལ་བ་མ་ཡིན་པ་ཉིད་དེ་གསང་བ་འདུས་པའི་དོན་འདིར་སྡུད་#པ་པོ་ནི་མེད་དོ། །འོ་ན་ཞེས་བྱ་བ་ནི་མགུ་བ་མ་
[183b.6]ཡིན་པའི་ཚིག་བརྗོད་པ་ཉིད་དོ། །བཙུན་པ་ཀུན་དགའ་བོ་ལ་སོགས་པ་འཇིག་རྟེན་ན་སྡུད་པ་པོར་ཅིའི་ཕྱིར་གྲགས་ཞེས་པ་ནི་ལྔ་སྡེ་བཟང་པོ་ལ་སོགས་པ་གང་ཞིག་གིས་#གང་ཞིག་ཡོངས་སུ་བཟུང་བ་དང་སྡུད་པ་གཟིགས་པ་མངོན་སུམ་དང་འགལ་བར་འགྱུར་རོ། །གང་ཞིག་གང་
[183b.7]གིས་ཡོངས་སུ་འདྲི་བ་མེད་ན་དེ་ཡང་མེད་པར་འགྱུར་བས་དེ་རྗེས་སུ་དཔག་པ་དང་ཡང་འགལ་བར་འགྱུར་རོ། །གསུངས་པ་ལན་ལ་སོགས་པ་གང་ཞིག་སྣང་བ་དང་། གང་ཞིག་ཡོངས་སུ་བརྗོད་པ་དང་། གང་དང་ཡོངས་སུ་མཐུན་པར་གྱུར་པ་དེའི་ཕྱིར་དེ་དག་དང་འགལ་བར་
[184a]
[184a.1]འགྱུར་རོ། །དེས་ན་སྡུད་པ་པོ་#ཡོད་པར་སྣང་བ་ཉིད་དེ། འདོད་པ་འདི་ཐམས་ཅད་ཡོངས་སུ་བཤིག་པ་ཡིན་ནོ་ཞེས་སྐྱོན་བརྗོད་པ་དང་སྐྱོན་ཡོངས་སུ་སྤང་བའི་ཕྱིར་སློབ་དཔོན་གྱིས་གང་ལ་ཡོངས་སུ་ལེགས་པར་སྨྲས་པ་དེ་དང་འགལ་བ་ལ་སོགས་པའི་ཉེས་
[184a.2]པ་འདི་སྣང་བའམ་ངེས་པའི་དོན་དུ་འགྱུར། །སྣང་བ་ལ་ནི་ནམ་ཡང་མི་འདོད་པ་མ་ཡིན་པས་ཉེས་པ་མེད་པ་#ཉིད་དོ། །ཕྱི་མ་ལྟར་ན་#ནི་མི་འདོད་པ་ཉིད་དེ་ཀུན་དགའ་བོ་ནི་འདིར་བྱང་ཆུབ་སེམས་དཔའ་ཀུན་དུ་བཟང་པོ་ཉིད་དེ་ཕྱག་ན་རྡོ་རྗེ་ཡིན་ལ་ཞེས་པ་ནི་ཕྱི་དང་ནང་གི་སྡུད་པ་པོ་གཉིས་སུ་
[184a.3]མེད་པར་བསྟན་ཏོ། །རྡོ་རྗེ་འཆང་ཆེན་པོ་ཡང་དེ་ཉིད་ལས་གཞན་མ་ཡིན་ཏེ་ཞེས་པ་ནི་གང་གིས་རྡོ་རྗེ་འཆང་ཆེན་པོ་དང་སྡུད་པ་པོ་ཐ་དད་དུ་དབྱེ་བ་མེད་པ་ཉིད་དོ། །དེས་ན་སྡུད་པ་པོ་དང་སྟན་པ་ནི་གང་གིས་གང་ཞིག་ཡོངས་སུ་འཛིན་པ་དེ་ཡང་དེ་ཉིད་དོ། །གལ་ཏེ་ཐ་དད་དུ་གནས་ན་ཅིར་འགྱུར་
[184a.4]ཞེ་ན། མདོ་སྡེ་ལ་སོགས་པ་ནི་མདོ་སྡེ་དང་འདུལ་བ་དང་མངོན་པའོ། །ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ནི་བཤད་ཟིན་ཏོ། །དེ་བཞིན་གཤེགས་པ་ལས་ཕྱག་ན་རྡོ་རྗེས་#ལྷག་ཆད་མེད་པར་ལན་གཅིག་#གིས་ཐོས་ཤིང་འཛིན་པར་ག་ལ་ནུས་ཞེས་པ་ནི་མི་སྲིད་པར་བསྟན་ཏོ།# །འདི་ལྟར་རྫོགས་
[184a.5]པའི་སངས་རྒྱས་མ་ཡིན་པ་ནི་མཐར་ཕྱིན་པའི་ས་ལ་#མི་གནས་པར་གྱུར་པ་དེ་ནི་གང་གིས་རྟོག་པ་མ་སྤངས་སོ། །#རྟོག་པ་ཐམས་ཅད་སྤངས་པར་མ་གྱུར་པ་དེ་ནི་མཐར་ཕྱིན་པའི་ལམ་ལ་མི་གནས་སོ། །གང་གིས་རྟོག་པ་ཐམས་ཅད་མ་སྤང་བ་#དེ་ནི་ཐོགས་པ་མེད་པའི་ཤེས་རབ་དང་མི་ལྡན་ནོ། །
[184a.6]ཐོགས་པ་མེད་པའི་ཤེས་རབ་ཀྱང་རྟོག་པ་སྤངས་པ་ལས་འབྱུང་བར་རིག་པར་བྱའོ། །ཐོགས་པ་མེད་པའི་ཤེས་རབ་མེད་པས་ནི་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ལྷག་ཆད་མེད་པར་ལན་གཅིག་གིས་#འཛིན་པར་མི་ནུས་སོ། །དེ་ཅིའི་ཕྱིར་ཞེ་ན། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ཡོངས་སུ་
[184a.7]འཛིན་པ་ནི་ཐོགས་པ་མེད་པའི་ཤེས་རབ་མེད་ན་མེད་པའི་ཕྱིར་རོ་ཞེས་འབྱུང་བས་སྡུད་པ་པོ་ནི་རྫོགས་པའི་སངས་རྒྱས་ལས་ཐ་དད་དུ་མི་འཇུག་གོ། །དེ་ཡང་གང་ལས་ཤེས་ཤེ་ན། བཅོམ་ལྡན་འདས་ཀྱིས་ཀྱང་འདི་ཉིད་དུ་ཐུན་མོང་མ་ཡིན་པའི་གསང་བ་ཞེས་བྱ་བ་རྣལ་འབྱོར་ཆེན་པོའི་རྒྱུད་
[184b]
[184b.1]ལས་གསུངས་ཞེས་སྨོས་སོ། །ཇི་སྐད་གསུངས་ཤེ་ན་འདི་ལྟ་སྟེ་ཞེས་པ་ནི་ཡོངས་སུ་སྟོན་པའི་དོན་ཏོ། །འཇམ་དཔལ་ནི་ཟས་གཙང་མར་གྱུར་ཏོ་ཞེས་བྱ་བ་ནི་གང་ལ་གང་གིས་འདུལ་བ་དེ་ལ་དེར་བསྟན་ཞེས་པའི་དོན་ཏོ། །འཇིག་རྟེན་དབང་ཕྱུག་ནི་ལྷ་མོ་སྒྱུ་འཕྲུལ་དུ་གྱུར་ཏོ་ཞེས་བྱ་བ་ནི་ལྷ་མོ་ཆེན་མོ་སྒྱུ་
[184b.2]འཕྲུལ་ནི་འཇིག་རྟེན་དབང་ཕྱུག་གོ། །གཞན་ཡང་གང་གི་ཕྱིར་ལྷ་མོ་ཆེན་མོ་སྒྱུ་འཕྲུལ་ཉིད་ཀྱིས་གང་དུ་ཡོངས་སུ་འདུལ་བ་དེའི་ཕྱིར་དེ་ལ་#དེ་བསྟན་ཏོ། །བསྟན་པ་འདི་དག་གང་ཞིག་གང་གིས་ཇི་ལྟར་ཡོངས་སུ་སྣང་བ་དེ་ལྟར་གནས་པ་ནི་མེད་དོ།# །དེ་ཅིའི་ཕྱིར་ཞེ་ན། ཐམས་ཅད་རོ་གཅིག་#པའི་རང་
[184b.3]བཞིན་ཅན་ཉིད་ཀྱི་ཕྱིར་རོ། །རིགས་པ་འདིས་ནི་ཞེས་པ་ནི་མི་སླུ་བར་བྱེད་པའི་ཚད་མ་དེ་ལྟ་བུ་ཡོད་པའི་ཕྱིར་རོ་ཞེས་སོ#། །འོ་ན་དེ་ལྟར་བསྟན་པ་ལ་དགོས་པ་ཅི་ཡོད་ཅེ་ན། ལས་དང་པོ་པའི་སེམས་ཅན་རྣམས་འཇུག་པར་བྱ་བའི་ཕྱིར་ཞེས་པ་ནི་ལས་དང་པོ་པ་ནི་འཇིག་རྟེན་པ་དང་མཐུན་པའི་
[184b.4]ཆོས་ལ་འཇུག་པར་འགྱུར་རོ། །འཇིག་རྟེན་ན་ནི་རྒྱལ་པོ་དང་། འཁོར་དང་ཞུ་བ་པོ་ལ་སོགས་པ་སྣང་བར་བྱ་བ་དང་མི་མཐུན་པར་སྟོན་ཏོ། །བཅོམ་ལྡན་འདས་ཀྱིས་ཀྱང་སྡུད་པ་པོ་ལ་སོགས་པ་ཡོངས་སུ་བསྟན་པ་ཉིད་དོ། །གཞན་ཡང་གང་གི་ཕྱིར་སྟོན་པ་དང་སྡུད་པ་པོ་ལ་སོགས་པ་མ་
[184b.5]བསྟན་ན་མེད་པར་ཡོངས་སུ་རྟོགས་#པར་འགྱུར་རོ། །གང་ལ་གང་མེད་པ་དེ་ནི་འཇིག་རྟེན་པའི་བྱ་བ་དངེ་མི་མཐུན་པར་བསྟན་ཏོ། །གང་ཞིག་གང་དང་མི་མཐུན་པ་དེ་ལ་ནི་གང་ཟག་དད་པའི་རྗེས་སུ་འབྲང་བ་རྣམས་ཡོངས་སུ་ཚོལ་བར་བྱེད་དོ། །གང་ཞིག་གང་ཡོངས་སུ་ཚོལ་བར་བྱེད་པ་དེས་
[184b.6]ནི་སྲིད་པར་འཛིན་པ་ཡོངས་སུ་སྤངས་པར་འགྱུར་རོ། །གང་ཞིག་གང་གིས་ཡོངས་སུ་སྤངས་པ་དེས་ནི་དེའི་དོན་ལ་སོམ་ཉི་ཟ་བར་འགྱུར་རོ། །གང་ལ་གང་གིས་ཇི་ལྟར་སེམས་པ་དེས་ནི་སྐུར་བ་འདེབས་པར་འགྱུར་རོ། །གང་ལ་གང་གིས་གང་ཞིག་བྱས་པ་དེས་ནི་ངན་སོང་གསུམ་པོ་ཡོངས་སུ་བླང་བར་#འགྱུར་ཏེ། གསང་བའི་བདག་པོ་དོན་
[184b.7]རྒྱས་པའི་ཞེས་བྱ་བ་ལ་སོགས་པའི་#ཚིགས་སུ་བཅད་པ་དུ་མ་དག་གིས་ཀྱང་ལེགས་པར་བསྟན་པ་ཡིན་ཏེ། དེའི་ཕྱིར་སངས་རྒྱས་ཀྱི་རོལ་མོ་ཇི་སྐད་དུ་བཤད་པ་འདི་བསྟན་པ་ཡིན་ནོ། །དེ་ཡང་གང་ལས་ཤེས་ཤེ་ན་གསེར་འོད་དམ་པ་ལས། སངས་རྒྱས་མྱ་ངན་མི་འདའ་ཞིང་། །ཞེས་བྱ་བ་
[185a]
[185a.1]ལ་སོགས་པ་གསུངས་ཏེ་སངས་རྒྱས་མྱ་ངན་#མི་འདའ་བ་ནི་རྟག་པ་ཆེན་པོའི་བདག་ཉིད་ཅན་དུ་གྱུར་པའི་ཕྱིར་རོ། །ཆོས་ཀྱང་ནུབ་པར་མི་འགྱུར་ཏེ། །ཞེས་པ་ནི་སེམས་ཅན་ལ་སྣང་བ་འབའ་#ཞིག་ཏུ་ཟད་ཀྱིས་ངེས་པར་ཆོས་ནུབ་པ་མེད་པར་འགྱུར་ཞེས་བྱ་བའི་ཐ་ཚིག་གོ། །འོ་ན་གང་
[185a.2]གི་ཕྱིར་འབྱུང་ཞེ་ན། སེམས་ཅན་རྣམས་ནི་གདུལ་བའི་ཕྱིར། །བྱུང་ནས་མྱ་ངན་འདའ་#བར་སྟོན། །ཞེས་པ་ནི་དུས་ཉེ་བར་ལེན་པ་ཉིད་དེ་གང་གི་ཕྱིར་སེམས་ཅན་སྒྲིབ་པ་ཐམས་ཅད་དང་ལྡན་ཞིང་བློ་མ་སྨིན་པར་གྱུར་པ་དག་གི་ཕྱིར་དང་པོ་འབྱུང་བ་དང་། མཛད་པ་མཐར་ཕྱིན་པ་ལ་སོགས་པ་ནས་
[185a.3]ཡོངས་སུ་མྱ་ངན་ལས་འདའ་བའི་བར་དུ་ཡོངས་སུ་རྫོགས་པར་བྱ་བའི་ཕྱིར་ཀུན་དུ་སྣང་བར་གྱུར་ཏོ། །དེ་བས་ན་ཞེས་པ་ནི་རིགས་#པ་དེའི་ཕྱིར་ཞེས་པའོ། །བརྒྱ་བྱིན་གྱིས་གསོལ་བ་ཞེས་པ་ནི་འདི་སྐད་ཅེས་བྱ་བ་ལ་སོགས་པའི་ཡི་གེ་གཉིས་ཡོངས་སུ་མ་ཤེས་ནས་དྲིས་པའོ། །ཅིའི་ཕྱིར་
[185a.4]འདི་སྐད་ཅེས་བྱ་བའི་#ཞེས་པ་ནི་འདི་སྐད་ཅེས་བྱ་བ་འདི་ཅིའི་ཕྱིར་སྨོས་ཞེས་པའོ། །གང་གི་ཕྱིར་དང་པོ་རབ་ཏུ་སྦྱར་ཞེས་པ་ནི་བཀའ་དག་ལ་དང་པོར་སྦྱར་བ་ལ་དགོངས་#པ་ཅི་ཞིག་#ཡོད་ཅེས་པའོ། །གང་འདི་བདེ་གཤེགས་གསུང་ཡིན་ནམ། །ཞེས་པ་ནི་གང་གིས་བདག་གིས་ཞེས་བྱ་བ་དང་
[185a.5]མ་འབྲེལ་པའི་ཉེས་པ་གཟིགས་པའོ། །ཉན་ཐོས་ཀྱི་#བཤད་པ་ཡིན་ནམ་ཅི་ཞེས་པ་ནི་བཀའ་མ་ཡིན་པའི་ཉེས་པ་བརྗོད་པའོ། །གཞན་ནི་གོ་སླའོ། །འདི་ནས་མར་ནི་ཡི་གེ་གཉིས་ཆོས་ཐམས་ཅད་ཀྱི་རྒྱུའམ་ས་བོན་དུ་བསྟན་པ་ཉིད་དེ། དེ་ལ་ཆོས་ཀྱི་ཕུང་པོ་བརྒྱད་ཁྲི་ཞེས་བྱ་བ་#ནི་བཤད་
[185a.6]ཟིན་ཏོ། །དེ་གང་#གི་གཞི་ཡི་གེ་གཉིས་ཡིན་པ་ཅིའི་ཕྱིར་ཞེ་ན་ཡི་གེ་ཨེ་ནི་ཞེས་བྱ་བ་ལ་སོགས་པ་གསུངས་ཏེ། འདིས་རིམ་པ་དང་པོའི་#བསླབ་པ་བཞི་བསྟན་ཏེ། ཨེ་ནི་མར་གྱུར་ལ་འདིས་ནི་#བུད་མེད་མཚོན་པར་བྱེད་པ་ཉིད་དེ། གང་གི་ཕྱིར་གང་གིས་གང་ལ་གང་ཞིག་བྱེད་པར་འགྱུར་བ་
[185a.7]དེའི་ཕྱིར་དེ་ལ་དེ་སྐད་ཅེས་བྱའོ། །བ་ནི་ཕ་ཞེས་བྱ་བར་གྲགས། །ཞེས་བྱ་བ་ནི་བ་ཞེས་བྱ་བ་ཕ་མཚོན་པར་བྱེད་པ་ཉིད་ཀྱི་ཕྱིར་རོ། །ཐིག་ལེ་དེར་ནི་སྦྱོར་བ་ཉིད། །ཅེས་པ་ནི་གང་ཞིག་གང་དང་གང་དུ་འབྲེལ་པར་འགྱུར་བ་དེའི་ཕྱིར་དེ་ལ་དེ་སྐད་ཅེས་བྱའོ། །འདི་དག་གིས་ནི་འདི་སྐད་དུ་སྟོན་
[185b]
[185b.1]པར་འགྱུར་ཏེ། གང་གིས་#སེམས་ཅན་སྐྱེ་བ་དང་མཐུན་པར་ལྷའི་སྐུ་རིམ་གྱིས་འབྱུང་བ་ཡབ་དང་ཡུམ་གཉིས་སུ་མེད་པར་སྟོན་པའི་བདག་#ཉིད་དོ། །ཡང་ན། ཨེ་ནི་པདྨ་བཞིན་དུ་གསུངས། །ཞེས་པ་ནི་པདྨ་དང་འདྲ་བའི་ཆོས་ཡོངས་སུ་གནས་པར་འགྱུར་བས་དེ་ལ་དེ་སྐད་ཅེས་བྱའོ། །བ་ནི་རྡོ་རྗེ་ཉིད་
[185b.2]ཡིན་ནོ་ཞེས་པ་ནི་རྡོ་རྗེ་ཡོངས་སུ་བསྟན་#པའི་བརྡ་གང་ལ་ཡོད་པ་དེ་ལ་དེ་སྐད་ཅེས་བྱའོ། །ཐིག་ལེ་དེ་#ནི་ས་བོན་ཏེ། །ཞེས་པ་ནི་གང་ལ་བྱང་ཆུབ་སེམས་ཀྱི་ས་བོན་#ཡོད་པ་དེ་ལ་དེ་སྐད་ཅེས་བྱའོ་དེས་ཅིར་འགྱུར་ཞེ་ན། དེ་ལས་འགྲོ་བ་གསུམ་པོ་སྐྱེ། །ཞེས་པ་ནི་གང་ལས་གང་གི་སྟོབས་ཀྱིས་
[185b.3]སེམས་ཅན་ཐམས་ཅད་ཡོངས་སུ་སྐྱེ་བར་འགྱུར་བ་དེ་ལ་དེ་སྐད་ཅེས་བྱའོ། །དེ་དག་གིས་ནི་འདི་སྐད་དུ་སྟོན་པར་འགྱུར་ཏེ། གང་ཞིག་གིས་སེམས་ཅན་སྐྱེ་བའི་རིམ་པ་དང་མཐུན་པར་ལྷ་ཡབ་ཡུམ་སྙོམས་པར་ཞུགས་པ་ལས་རང་གིས་#སྤྲུལ་པའི་དཀྱིལ་འཁོར་རྒྱལ་པོ་མཆོག་ཡོངས་སུ་སྐྱེ་བར་
[185b.4]འགྱུར་བ་གང་ཡིན་པ་དེ་ལ་དེ་སྐད་ཅེས་བྱའོ། །ཨེ་ནི་ཤེས་རབ་ཉིད་འགྱུར་ལ། །ཞེས་པ་ནི་རླུང་ཉིད་དོ། །བ་ནི་རབ་དགའི་བདག་པོའོ#། །ཞེས་པ་ནི་རྣམ་པ་#ཤེས་པ་ཉིད་དོ། །ཐིག་ལེ་མི་ཤིགས་དེ་ཉིད་དོ། །#ཞེས་པ་ནི་འགྲོ་བ་ཐམས་ཅད་ཀྱི་སྙིང་གི་དབུས་ན་#རླུང་མི་ཤིགས་རྒྱལ་པོ་ཨ་ཐུང་ངུའི་ངོ་བོར་སྣང་བའོ། །དེ་ལས་ཡི་གེ་གཉིས་ཀྱང་སྐྱེ#། །
[185b.5]ཞེས་པ་ནི་ཨཱ་ལི་ཀཱ་ལིའི་སྡེ་ཚན་གྱི་ཡི་གེ་རྣམས་འབྱུང་བས་ཏེ་གང་ལ་གང་གིས་ཇི་ལྟར་ཡོངས་སུ་བྱེད་པ་དེ་ལ་དེ་སྐད་ཅེས་བྱའོ། །དེ་བས་ན་འདི་དག་གིས་ནི་ཡི་གེ་གཉིས་པོ་ཕོ་དང་མོར་གྱུར་ཏེ། གང་དུ་སྐྱེ་བ་དང་ཡི་གེ་གཉིས་ཕོ་མོའི་མཚན་མར་གྱུར་པས་སེམས་ཅན་རྣམས་རང་གི་
[185b.6]ས་བོན་ལས་སྐྱེ་བ་དང་། ཡི་གེ་གཉིས་ཀྱི་བརྡ་དེ་དག་གིས་བསྐྱེད་པ་གཙོ་བོ་ཡབ་ཡུམ་དང་དཀྱིལ་འཁོར་རྒྱལ་མཆོག་གང་གིས་ཡོངས་སུ་རྫོགས་པ་དང་། གང་གིས་ཡི་གེ་ལས་སྒྲའི་ཚོགས་འབྱུང་ཞིང་འདི་ལས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ལ་སོགས་པ་འབྱུང་བའི་ཕྱིར་
[185b.7]ཡི་གེ་གཉིས་ནི་བཞི་དང་ཕ་མ་ཉིད་དོ། །དེས་ཅིར་འགྱུར་ཞེ་ན། ཆོས་ཀྱི་ཕྱག་རྒྱ་ནི་གང་གིས་གང་ཞིག་ཡོངས་སུ་ཤེས་པ་དང་། བརྗོད་པར་རུང་བ་ཉིད་དོ། །དེ་གང་ཡིན་ཞེ་ན་ཡི་གེ་གཉིས་ཏེ་ཨེ་བཾ་#ཞེས་བྱ་བའི་དོན་ཏོ། །དེའི་དེ་ཉིད་བརྡའི་དོན་ཡོངས་སུ་ཤེས་པ་གང་དང་གང་ཡིན་
[186a]
[186a.1]པའོ། །དེས་ནི་སེམས་ཅན་ཐམས་ཅད་ལ། །ཆོས་ཀྱི་འཁོར་ལོ་སྐོར་བྱེད་འགྱུར། །ཞེས་པ་སྟེ་དེའི་དོན་ཡང་གང་ཡིན།# ཡི་གེ་གཉིས་ཤེས་པ་དེས་ནི་ཡི་གེའི་#བརྡའི་རྣམ་པར་ཤེས་པར་འགྱུར་རོ། །གང་གིས་ཡི་གེ་བརྡའི་རྣམ་པར་ཤེས་པ་དེས་ནི་ཡི་གེའི་#དེ་ཁོ་ན་
[186a.2]ཉིད་ཤེས་པར་འགྱུར་རོ། །གང་གིས་ཡི་གེའི་དེ་ཁོ་ན་ཉིད་ཤེས་པ་དེ་ནི་སངས་རྒྱས་ཀྱི་ཆོས་ཡོངས་སུ་ཤེས་པར་འགྱུར་རོ། །དེས་ནི་ཆོས་ཐམས་ཅད་ཀྱི་སྟོན་པ་ཕུན་སུམ་ཚོགས་པ་#ཤེས་པ་བསྟན་པ་ཡིན་ནོ། །དེ་ལས་#གཞན་དུ་གྱུར་པའི་སྐྱོན་བསྟན་པའི་ཕྱིར། འགྲོ་བ་གང་གིས་ཞེས་
[186a.3]བྱ་བ་ལ་སོགས་པ་སྨོས་ཏེ། ཡི་གེ་གཉིས་ནི་ཨེ་བཾ་#ཞེས་པའོ། །མི་ཤེས་པ་ནི་ཡི་གེའི་དེ་ཁོ་ན་ཉིད་མི་ཤེས་པའོ། །རྟག་ཏུ་འདོན་པ་ནི་བརྗོད་པའོ། །ཅིར་འགྱུར་ཞེ་ན། དེ་ནི་སངས་རྒྱས་ཆོས་རྣམས་ཀྱི། །སྦྱོར་སྤངས་ཕྱི་རོལ་དཀའ་ཐུབ་#བཞིན། །གྲོལ་བར་མི་འགྱུར་ཞེས་བྱ་བ་ལྷག་མའོ། །འདི་དག་
[186a.4]གིས་ནི་འདི་སྐད་སྟོན་པར་འགྱུར་ཏེ། གང་གིས་ཡི་གེ་གཉིས་མ་མཐོང་བར་བརྡ་ལ་སྤྱོད་པར་མི་འགྱུར་རོ། །གང་གིས་བརྡ་རྣམ་པར་སྤྱད་པར་མ་བྱས་པར་ནི་བརྡ་རྣམ་པར་ཤེས་པར་མི་འགྱུར་རོ། །གང་གིས་བརྡ་མ་ཤེས་པར་ནི་ཡི་གེའི་དེ་ཁོ་ན་ཉིད་ཤེས་པར་མི་འགྱུར་རོ། །གང་གིས་ཡི་གེའི་དེ་ཁོ་ན་ཉིད་ཤེས་པར་མ་གྱུར་
[186a.5]པར་ནི་ཆོས་ཐམས་ཅད་ཀྱི་དེ་ཁོ་ན་ཉིད་ཤེས་པར་མི་འགྱུར་རོ། །གང་གིས་གང་དུ་གང་ཞིག་ཤེས་པ་#མ་གྱུར་པ་དེས་ནི་སྒྲ་ལ་འཇུག་པར་མི་འགྱུར་རོ། །གང་གིས་གང་ཞིག་གང་ལ་ཇི་ལྟར་གྱུར་པ་དེས་ནི་བསམ་གཏན་གྱི་སྦྱོར་བ་སྤངས་པར་འགྱུར་རོ། །གང་གིས་བསམ་གཏན་གྱི་སྦྱོར་བ་སྤངས་
[186a.6]པ་དེས་ནི་ཐམས་ཅད་མཁྱེན་པ་དེ་ཁོ་ན་ཉིད་ཀྱི་དོན་ཡོངས་སུ་ཐོབ་པར་མི་འགྱུར་ཏེ་#ཕྱི་རོལ་པའི་དཀའ་ཐུབ་པ་གཞན་དུ་འགྱུར་བ་བཞིན་ནོ། །གཞན་ཡང་འདི་སྐད་དུ། སེམས་དཔའ་ཆེན་པོ་གཞན་ཡང་བྱང་ཆུབ་སེམས་དཔའ་ཆེན་པོས་དེ་ཁོ་ན་ཉིད་ཀྱི་སྦྱོར་བ་དང་བྲལ་ན་ནི་བདག་ཉིད་ཡོངས་
[186a.7]སུ་གྲོལ་བར་མི་འགྱུར་རོ། །གང་གིས་གང་ཡོངས་སུ་གྲོལ་བར་མ་གྱུར་པ་#དེས་ནི་སེམས་ཅན་ཐམས་ཅད་འཁོར་བའི་རྒྱ་མཚོ་ལས་གྲོལ་བར་མི་ནུས་སོ། །སེམས་དཔའ་#ཆེན་པོ་རྣམ་གྲངས་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ཁོ་ན་ཉིད་དང་བྲལ་བར་མི་བྱའོ། །
[186b]
[186b.1]ཞེས་འབྱུང་བ་ལྟ་བུའོ། །གཞན་དག་ལས་ཀྱང་རིགས་ཀྱི་བུ་འམ་རིགས་ཀྱི་བུ་མོ་ལ་ལ་བདག་དང་གཞན་གྱི་དོན་ཐམས་ཅད་ཡོངས་སུ་རྫོགས་པར་འདོད་པས་མ་ནོར་བའི་#དེ་ཁོ་ན་ཉིད་དང་། གཞན་མ་ཡིན་པའི་དེ་ཁོ་ན་ཉིད་དང་། ཆོས་ཉིད་དང་ཆོས་ཀྱི་དབྱིངས་ཉིད་དང་། ཆོས་གནས་པ་ཉིད་དང་། ཆོས་སྐྱོན་
[186b.2]མེད་པ་ཉིད་དང་། ཡང་དག་པའི་མཐའ་དང་། བསམ་གྱིས་མི་ཁྱབ་པའི་དབྱིངས་ཉིད་ལ་བསླབ་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་གང་གིས་#ཚོགས་ཡོངས་སུ་རྫོགས་པར་འདོད་པ་དང་། བདག་དང་གཞན་ལ་ཕན་འདོགས་པར་འདོད་པའི་གང་ཟག་གིས་ལམ་འདི་ལ་མ་བརྟེན་པར་ནམ་
[186b.3]ཡང་ཐོབ་པར་མི་འགྱུར་བའི་ཕྱིར་རོ་ཞེས་བྱ་བ་ལ་སོགས་པ་རྒྱས་པར་གསུངས་སོ། །དེ་བས་ན་འདི་ནི་བྱང་ཆུབ་སེམས་དཔའ་རྣམས་ཀྱིས་#ལམ་འདི་ལ་གནས་པར་བྱའོ། །ཨེ་ཝཾ་#ཡིག་གཉིས་སྒྱུ་མ་ལ། །ཞེས་པ་ནི་ཇི་སྐད་དུ་བཤད་པའི་ཕྱིར་རོ། །ཐམས་ཅད་མཁྱེན་པ་འདིར་ཞུགས་པས་
[186b.4]ཞེས་པ་ནི་ཐམས་ཅད་མཁྱེན་པ་ཐོབ་པའི་རྒྱུའི་གཙོ་བོ་ཡིན་པའི་ཕྱིར་རོ། །དེ་བས་ན་#ཞེས་པའི་དོན་ནི་གོ་བར་#ཟད་དོ། །བདག་གིས་ཞེས་པ་ལ་སོགས་པ་ནི་འཆང་བར་འགྱུར་བའོ། །རྡོ་རྗེའི་ཚིག་ནི་རྡོ་རྗེ་འཆང་ཆེན་པོའི་ཚིག་ཡིན་པ་དང་། རྟོགས་པར་དཀའ་བ་ཉིད་ཀྱི་ཕྱིར་དེ་སྐད་ཅེས་
[186b.5]བྱའོ། །བཤད་པའི་རྒྱུད་ལས་བསྟན་པ་ཉིད་ལ་འཇུག་པ་ནི་རྩ་བའི་རྒྱུད་ལས་གསལ་བར་མ་གསུངས་པའི་ཕྱིར་རོ། །འཁོར་ལོ་སྤྲུལ་པའི་ངོ་བོ་ལ། །ཞེས་པ་ནི་ལྷའི་འཁོར་ལོ་གཙོ་བོ་དང་འཁོར་གྱི་དཀྱིལ་འཁོར་ལྟ་བུའོ། །བདག་གིས་ཐོས་པ་ཞེས་གསུངས་ཏེ། ཞེས་པ་ནི་གང་
[186b.6]གིས་དྲང་བའི་དོན་དུ་ཡིན་གྱི་ངེས་པའི་དོན་དུ་མ་ཡིན་ཞེས་བྱ་བའི་ཐ་ཚིག་གོ། །ས་བོན་ལས་ནི་གང་སྤྲུལ་པ། །ཞེས་པ་ནི་གང་གིས་ས་བོན་གྱིས་བསྐྱེད་པ་ཉིད་ཀྱི་ཕྱིར་དེ་སྐད་ཅེས་བྱའོ། །ལྷ་རྣམས་ཀྱི་#ནི་འཁོར་ལོ་མཆོག །ཅེས་པ་ནི་འདི་དག་གིས་ཡོན་ཏན་ཕུན་སུམ་ཚོགས་པ་
[186b.7]དང་། འདིས་འདོད་ཆགས་ཅན་ལ་སོགས་པའི་སེམས་ཅན་ཡོངས་སུ་འདུལ་བའི་ཕྱིར་རོ། །མཆོག་ཏུ་དགའ་བ་#ནི་སྙོམས་པར་ཞུགས་པའི་བདེ་བ་གང་ལ་ཡོད་པ་དེའི་དུས་ལ་དུས་གཅིག་ཅེས་བཤད་པའི་ཕྱིར་རོ། །དབང་ཕྱུག་བརྒྱད་ཀྱིས་བཅོམ་ལྡན་འདས། །ཞེས་པ་ནི་དབང་
[187a]
[187a.1]ཕྱུག་ཆེ་དང་གཟུགས་བཟང་བ་དང་གྲགས་པ་དང་དཔལ་ལ་སོགས་པའི་ཡོན་ཏན་གང་ལ་ཡོད་པ་དེ་ལ་དེ་སྐད་ཅེས་བྱའོ། །ཁྱད་པར་ཇི་ལྟ་བུ་ཞིག་དང་ལྡན་པའི་བཅོམ་ལྡན་འདས་ཡིན་ཞེ་ན། བདེ་བ་ཆེན་པོའི་བདག་ཉིད་ཅན། །ཞེས་པ་ནི་གང་ཞིག་བདེ་བ་ཆེན་པོའི་
[187a.2]ངོ་བོ་ཉིད་དུ་གྱུར་པ་གང་ཡིན་པ་དེ་ལ་དེ་སྐད་ཅེས་བྱའོ། །དེ་བཞིན་གཤེགས་པ་ཐམས་ཅད་ཅེས་བྱ་བ་#ཇི་ལྟ་བུ་ཡིན་ཞེ་ན། འདི་ཡི་ཕུང་པོ་ལྔ་རྒྱལ་བ། །དེ་བཞིན་གཤེགས་པ་ཐམས་ཅད་ཡིན། །ཞེས་པ་ཕུང་པོ་ལྔ་ཉིད་སངས་རྒྱས་ཏེ། །མདོར་ན་ཕུང་པོ་ལྔ་རྣམས་ནི། །སངས་
[187a.3]ལྔར་ནི་རབ་ཏུ་གྲགས། །ཞེས་བྱ་བ་ལ་སོགས་པ་རྒྱས་པར་གཞུང་འདི་ཉིད་ལས་གསུངས་པའི་ཕྱིར་རོ། །སྐུ་དང་གསུང་དང་ཐུགས་ཞེས་བྱ་བ་ཡང་ཇི་ལྟ་བུ་ཡིན་ཞེ་ན། དེའི་བདག་ཉིད་དེ། གང་ཞིག་གང་དུ་ཐ་དད་དུ་དབྱེར་མེད་པ་དེའི་ཕྱིར་དེ་ལ་དེ་སྐད་ཅེས་བྱའོ། །རྡོ་རྗེ་ཞེས་བྱ་བ་ཡང་གང་ཞིག་ཡིན་ཞེ་ན་ཐུགས་ཏེ་#
[187a.4]འདིར་བདེ་བ་ཆེན་པོ་ཞེས་བྱ་བ་བདེ་བ་ཆེན་པོ་རབ་ཏུ་མི་རྟོག་པའི་བདག་ཉིད་ཅན་གང་ཡིན་པ་སྟེ། གང་ཞིག་གང་གིས་གང་དུ་ཡོངས་སུ་མཁྱེན་པར་འགྱུར་བ་དེ་ལ་དེ་སྐད་ཅེས་བྱའོ། །བཙུན་མོ་ཞེས་བྱ་བ་ཡང་གང་ཡིན་ཞེ་ན་ལེགས་སྦྱངས་ཕྱག་རྒྱ་སྟེ་ཞེས་བྱ་བ་སྨོས་ཏེ། རང་བཞིན་གྱིས་ལེགས་
[187a.5]པར་སྦྱངས་པ་ནི་རྟགས་མཆོག་དང་ལྡན་པའོ། །རྙེད་པས་ལེགས་པར་སྦྱངས་པ་ནི་ནན་གྱིས་ལེན་པ་ལ་སོགས་པ་དང་བྲལ་བའོ། །བསམ་པས་ལེགས་པར་སྦྱངས་པ་ནི་ཆགས་པ་དང་བྲལ་བ་དང་རྣམ་པར་འཚེ་བ་དང་བྲལ་བ་ཞེས་བྱ་བ་ལ་སོགས་པའི་བར་དུའོ། །ཐབས་ཀྱིས་ལེགས་པར་
[187a.6]སྦྱངས་པ་ནི་གང་གིས་གསང་བ་#བདག་ཉིད་ལེགས་པར་རྙེད་པའོ། །སྔགས་དང་རྒྱུད་ཀྱིས་ལེགས་པར་སྦྱངས་པ་ནི་གང་གི་བདག་ཉིད་དེ་ལས་གཞན་དུ་ཉེ་བར་བྱས་པའོ། །ཀུན་དུ་ཚོགས་པས་ལེགས་པར་སྦྱངས་པ་ནི་དད་པ་ལ་སོགས་པ་དང་ལྡན་པའོ། །ལེགས་པར་སྦྱངས་པ་ཞེས་བྱ་
[187a.7]བ་ཡང་གང་ཞིག་ཡིན་ཞེ་ན། ལེགས་པར་སྦྱངས་པ་ནི་འདིར་སྐྱོན་མེད་པ་ཉིད་དེ། གང་གིས་གང་དུ་ཉེ་བར་གནས་པ་དེའི་ཕྱིར་དེ་ལ་དེ་སྐད་ཅེས་བྱའོ། །བྷ་ག་ཞེས་བྱ་བ་ཡང་གང་ཡིན་ཞེ་ན། ལེགས་སྦྱངས་པདྨ་བྷ་ག་ཡིན། །ཞེས་པ་བཙུན་མོ་དམ་པར་གྱུར་པ་གང་ཡིན་པ་དེའི་པདྨ་སྟེ་
[187b]
[187b.1]ཡོངས་སུ་དག་པར་གྱུར་པ་དང་གང་དུ་ཀུན་དུ་གནས་པར་འགྱུར་བ་དང་། ཉེ་བར་འཇོམས་པར་འགྱུར་བ་གང་ཡིན་པ་དེ་ལ་དེ་སྐད་ཅེས་བྱའོ། །བཞུགས་སོ་ཞེས་བྱ་བའི་ཐ་ཚིག་གི་དོན་ཇི་ལྟར་གཞག་#ཅེ་ན། བཞུགས་པ་རྡོ་རྗེ་འཛིན་པ་དེར། །ཐིག་ལེའི་གཟུགས་ཀྱིས་གནས་པའོ། །ཞེས་གསུངས་ཏེ་རྡོ་རྗེ་
[187b.2]འཛིན་པ་ཡང་ཐིག་ལེའི་གཟུགས་ཉིད་དོ། །འདི་སྐད་དུ་སྟོན་ཏེ། གང་གིས་ཐབས་དང་ཤེས་རབ་གཉིས་སུ་མེད་པར་སྙོམས་པར་ཞུགས་ཏེ། བྱང་ཆུབ་ཀྱི་སེམས་བཙུན་མོའི་བྷ་ག་ལ་གནས་པའོ། །ཡང་ན་གང་གིས་གང་ཞིག་གང་དང་གང་དུ་འགྲུབ་པའི་ཕྱིར་དེ་ལ་དེ་སྐད་ཅེས་བྱའོ། །འདི་དག་
[187b.3]གིས་#ཉེ་བར་བཤད་པ་འདིར་བཤད་པ་ནི་སྤྱིའི་དོན་གྱི་#སྐབས་འདིར་ཞེས་བྱའོ། །ཆ་གཉིས་པ་ནི་དགུ་པ་ཉིད་ཀྱིས་བཤད། །ཅེས་བྱ་བ་ལ་སོགས་པ་ལ། ཆ་གཉིས་པ་ནི། ཨ་དང་ཨུའོ། །དགུ་པ་ནི་ཨོའོ། །འདི་དག་ལ་གང་གིས་ཡི་གེ་དང་ལྡན་པ་ནི་ཨོཾ་ཞེས་བྱ་བར་འགྱུར་རོ། །སུམ་
[187b.4]ཅུ་པ་ནི་དའོ། །བཅུ་པ་ནི་ཧ་སྟེ་གང་གིས་གང་གི་དོན་དུ་གནས་པ་ཉིད་དོ། །ཡང་ན་སུམ་ཅུ་པ་ནི་ཀྵ་#སྟེ། ཆ་གཉིས་པོ་ནི་#ཀྵའོ། །དགུ་པ་ནི་དེ་ཉིད་དོ། །བཅུ་པ་ནི་ལའོ། །ལྔ་པ་ནི་ཧའོ། །ཆ་གཉིས་པ་ནི་ཨ་ཨཱ་ཞེས་པ་སྟེ། དེས་དེ་ལྟར་འགྱུར་རོ། །དྲུག་པ་ནི་ཨཱུ་སྟེ། གང་ལ་གང་གིས་ཉེ་བར་
[187b.5]མཛེས་པའོ། །བཅོམ་ལྡན་འདས་ཀྱིས་ཀྱང་ཟབ་པ་དང་མི་ཟབ་#པ་གཉིས་ལ་དགོངས་ནས་གསུངས་པར་རིག་པར་བྱའོ། །གང་གིས་འདི་དང་བཅས་པ་དང་ལྡན་པ་ལས་འདིར་གཅིག་གཟུང་བར་བྱའོ། །འདི་དག་ལ་ཡང་ཅིའི་ཕྱིར་སྤྱི་ཞེས་བྱ་ཞེ་ན། གོང་དུ་བཤད་པ་བཞིན་དུ་རིག་པར་
[187b.6]བྱའོ། །སྦས་པའི་དོན་དུ་བཤད་པ་རྒྱས་པར་འདོད་ནས་གསུངས་པ། ལུང་གིས་བཤད་པ་ཞེས་པ་ནི་རིགས་#པ་དང་བྲལ་ཞིང་རྟོག་གེ་པ་རྣམས་ཀྱི་ཡུལ་མ་ཡིན་པའི་ཕྱིར་རོ། །ཨེ་ནི་ཤེས་རབ་དམ་པ་སྟེ། །ཞེས་པ་ནི་ཨེ་ནི་ཤེས་རབ་སྣང་བའི་མཚན་ཉིད་དོ། །འདི་ཅིའི་ཕྱིར་བཤད་སྙམ་པ་
[187b.7]ལ། གང་གིས་སེམས་ལ་དམིགས་པ་ལ་སོགས་པ་གང་ཞིག་ཡོངས་སུ་གསལ་བར་བྱ་བའི་ཕྱིར་རོ། །གང་ཡང་སྦས་པ་གསུམ་པོ་ཉིད་#འདིས་རྟོགས་#པར་བྱ་བའི་ཕྱིར་ཡང་འདི་དག་རྒྱས་པར་འཆད་པར་འགྱུར་རོ། །དེ་བས་ན་གང་གིས་གང་གི་དོན་དུ་གང་ཞིག་བྱེད་པ་དེས་ནི་དེའི་
[188a]
[188a.1]དེ་དག་ཡོངས་སུ་རྫོགས་པར་འགྱུར་རོ། །བདག་ཉིད་དམ་པ་ཡོངས་སུ་རྫོགས་པར་འདོད་པ་དེས་ཀྱང་འདི་ལ་བརྟེན་#ནས་འདི་དག་ཡོངས་སུ་རྫོགས་པར་འགྱུར་རོ། །#སྣང་བའི་བྲལ་ཚུལ་དང་རང་བཞིན་གང་ཞེ་ན། འདོད་ཆགས་བྲལ་སོགས་ཞེས་པ་འདོད་ཆགས་#
[188a.2]བྲལ་བ་དང་འདོད་ཆགས་དང་བྲལ་བ་བར་མ་དང་། ཤིན་ཏུ་འདོད་ཆགས་དང་བྲལ་བ་དང་། གང་ཡིད་ཀྱིས་འགྲོ་བ་དང་འོང་བ་དང་། མྱ་ངན་དང་མྱ་ངན་བར་མ་དང་། ཤིན་ཏུ་མྱ་ངན་དུ་གྱུར་པ་དང་། ཞི་བ་དང་རྣམ་པར་རྟོག་པ་དང་། འཇིགས་པ་དང་འཇིགས་པ་བར་མ་དང་། ཤིན་ཏུ་
[188a.3]འཇིགས་པ་དང་། སྲེད་པ་དང་། སྲེད་པ་བར་མ་དང་། ཤིན་ཏུ་སྲེད་པ་དང་། ཉེ་བར་ལེན་པ་དང་། མི་དགེ་བ་དང་། བཀྲེས་པ་དང་། སྐོམ་པ་དང་། ཚོར་བ་དང་། ཚོར་བ་བར་མ་དང་། ཤིན་ཏུ་ཚོར་བ་དང་། རིག་པ་པོ་དང་། རིག་པ་དང་། རིག་པ་འཛིན་པའི་གཞི་དང་། སོ་སོར་
[188a.4]རྟོག་པ་དང་། ངོ་ཚ་ཤེས་པ་དང་། སྙིང་རྗེ་བ་དང་། སྙིང་བརྩེ་བ་དང་། བརྩེ་བ་བར་མ་དང་། ཤིན་ཏུ་བརྩེ་བ་དང་། དོགས་པ་དང་བཅས་པ་དང་། སྡུད་པ་དང་། ཕྲག་དོག་སྟེ་འདི་དག་ནི་སྣང་བའི་རང་བཞིན་ནོ། །དེ་ཡང་གང་ཞེ་ན། འདོད་ཆགས་དང་བྲལ་བ་ནི་ཡིད་དུ་འོང་བ་མཐོང་བ་ལ་
[188a.5]མ་ཆགས་པའོ། །བར་མ་ལ་སོགས་པ་ནི་ཅི་རིགས་པའོ། །ཡིད་ཀྱིས་#འགྲོ་བ་དང་འོང་བ་གང་ཡིན་ཞེ་ན། འགྲོ་བ་དང་འོང་བ་ལ་སེམས་རྣམ་པར་གཡོ་བའོ། །མྱ་ངན་གང་ཞེ་ན། སྡུག་པ་དང་བྲལ་བར་གྱུར་ནས་སེམས་ཤིན་ཏུ་གདུང་བའོ། །འདི་ཡང་ཅི་རིགས་སུ་སྦྱར་རོ། །ཞི་བ་གང་
[188a.6]ཞེ་ན། སེམས་གཡེང་བ་དང་བྲལ་བའོ། །རྣམ་པར་རྟོག་པ་གང་ཞེ་ན་སེམས་པ་#དང་ཤེས་རབ་རྩིང་བའོ། །འཇིགས་པ་གང་ཞེ་ན་ཡིད་དུ་མི་འོང་བ་དང་ཕྲད་ནས་སེམས་སྐྲག་པའོ། །འདི་ལ་ཡང་ཅི་རིགས་སུ་སྦྱར་རོ། །སྲིད་པ་གང་ཞེ་ན། ཕན་འདོགས་པ་དང་ཡིད་དུ་འོང་བ་ལ་ཞེན་
[188a.7]པའི་བདེ་བའི་ཚོར་བ་ལས་བྱུང་བའོ། །འདི་ཡང་ཡུལ་གྱི་བྱེ་བྲག་ལས་ཅི་རིགས་སུ་སྦྱར་རོ། །ཉེ་བར་ལེན་པ་གང་ཞེ་ན། གཞན་གྱི་ནོར་དང་ཡོ་བྱད་ལ་སོགས་པ་གང་ཡིད་ཀྱིས་ལེན་པ་སྟེ་སྲེད་པ་ལས་བྱུང་བའོ། །མི་དགེ་བ་གང་ཞེ་ན་འདོད་ཆགས་ལ་སོགས་པ་དང་། དེ་དང་མཚུངས་པར་
[188b]
[188b.1]ལྡན་པའི་#ལུས་ངག་གི་ལས་སོ། །བཀྲེས་པ་གང་ཞེ་ན་རྒྱུད་#པས་ཟས་འདོད་པའོ། །སྐོམ་པ་གང་ཞེ་ན། ཡོངས་སུ་གདུང་#བས་སྐོམ་འདོད་པའོ། །ཚོར་བ་གང་ཞེ་ན། བདེ་བ་དང་སྡུག་བསྔལ་བ་དང་གཉི་ག་དང་བྲལ་བའི་རྣམ་པ་ཡོངས་སུ་མྱོང་བའོ། །རིག་པ་པོ་གང་ཞེ་ན། གང་གིས་གང་
[188b.2]གི་རྣམ་པ་འཛིན་པའི་ཤེས་པའོ། །རིག་པ་འཛིན་པ་གང་ཞེ་ན་གང་ཞིག་གང་གིས་བརྟེན་ཞིང་གང་ལ་#དམིགས་པའོ། །གཞི་གང་ཞེ་ན་ཡུལ་གྱི་དངོས་པོ་ཉིད་དོ། །སོ་སོར་རྟོག་པ་གང་ཞེ་ན་རིགས་#པ་དང་མི་རིགས་པ་གང་དུ་འཚོལ་#བ་དང་འདས་པ་སྟེ་སྤྱོད་པ་ཉིད་དོ། །ངོ་ཚ་ཤེས་པ་གང་ཞེ་ན་
[188b.3]བདག་གམ་ཆོས་ཀྱི་དབང་དུ་བྱས་ཏེ་ཁ་ན་མ་ཐོ་བ་#འཛེམ་པའོ། །སྙིང་རྗེ་གང་ཞེ་ན་གང་ཞིག་གང་གིས་#རྣམ་པ་དང་བྲལ་བར་འདོད་པའོ། །བརྩེ་བ་གང་ཞེ་ན་གང་ཞིག་གང་དང་བྲལ་ནས་དེ་དང་ཕྲད་པར་འདོད་པའོ། །དོགས་པ་དང་བཅས་པ་གང་ཞེ་ན། སེམས་ངེས་པར་མི་གནས་པའོ། །སྡུད་
[188b.4]པ་གང་ཞེ་ན་གཞན་གྱི་གང་དག་ཡོངས་སུ་སྡུད་པའོ། །སེར་སྣ་གང་ཞེ་ན་རང་གི་ཡིད་དུ་འོང་བ་བློས་ཡོངས་སུ་འཛིན་པའོ། །རང་བཞིན་འདི་དག་སྣང་བ་ལས་འབྱུང་སྟེ་སེམས་ཅན་ཐམས་ཅད་གང་དུ་ཇི་ལྟར་གནས་པའི་རྩ་བར་བསྟན་པའོ། །འདི་དག་ཡོངས་སུ་ཤེས་པས་ཀྱང་གང་ཞིག་
[188b.5]ཡོངས་སུ་འདྲེ་བ་མེད་པའི་བསམ་གཏན་ཡོངས་སུ་#རྫོགས་པར་འགྱུར་བར་དགོངས་སོ། །དེ་ནས་སྣང་བ་མཆེད་པ་བསྟན་པར་བྱ་སྟེ། དེ་ལ་སྣང་བ་མཆེད་པའི་མཚན་ཉིད་གང་ཞེ་ན། འོད་མ་འགྲེང་བ་ལྟར་མཛེས་ཤིང་ཞེས་བྱ་བ་ལ་སོགས་པ་སྨོས་ཏེ་འོད་མ་འགྲེང་བ་ནི་འོད་མ་འགྲེང་
[188b.6]བ་སྟེ། གང་ལ་འོད་མ་འགྲེང་བ་དང་འདྲ་བའི་ཆོས་ཡོད་པ་དེ་ལ་དེ་སྐད་ཅེས་བྱའོ། །ཆགས་ལ་སོགས་པ་རབ་བསྐྱེད་ལྡན། །ཞེས་པ་ནི་ཆགས་པ་ལ་སོགས་པ་བསྐྱེད་#པ་སྟེ་གང་ལ་གང་ཞིག་འབྱུང་བར་འགྱུར་བ་དེ་ལ་དེ་སྐད་ཅེས་བྱའོ། །འདི་ལྟ་སྟེ་ཆགས་པ་དང་། ཆགས་པ་བར་མ་དང་། ཀུན་དུ་ཆགས་
[188b.7]པ་དང་། དགའ་བ་དང་། དགའ་བ་བར་མ་དང་། ཀུན་དུ་དགའ་བ་དང་། རངས་པ་དང་། རངས་པ་བར་མ་དང་། ཀུན་དུ་རངས་པ་དང་། ངོ་མཚར་དང་དགོད་པ་དང་། ཚིམ་པ་དང་། འཁྱུད་པ་དང་། འོ་བྱེད་པ་དང་། འཛིན་པ་དང་། བརྟན་པ་དང་། བརྩོན་པ་དང་། ཁེངས་པ་དང་། བྱ་བ་དང་།
[189a]
[189a.1]དབྲོག་པ་དང་། སྟོབས་དང་། སྤྲོ་བ་དང་། དགའ་བ་ལ་སྦྱོར་བ་དང་། དགའ་བ་ལ་སྦྱོར་#བ་བར་མ་དང་། ཤིན་ཏུ་དགའ་བ་ལ་སྦྱོར་བ་དང་། དྲག་པ་དང་། རྣམ་པར་སྒེག་པ་དང་། འགྲས་པ་དང་། དགེ་བ་དང་། ཚིག་#གསལ་བ་དང་། བདེན་པ་དང་། མི་བདེན་
[189a.2]པ་དང་། ངེས་པ་དང་། ཉེ་བར་མི་ལེན་པ་དང་། སྦྱིན་པ་པོ་དང་། སྐུལ་བ་དང་། དཔའ་བ་དང་། ངོ་ཚ་མེད་པ་དང་། ཟིན་པ་དང་། གདུག་པ་དང་། མི་སྲུན་པ་དང་། གྱ་གྱུ་ཆེ་བ་སྟེ་མཚན་ཉིད་བཞི་བཅུ་པོ་འདི་དག་ནི་སྣང་བ་མཆེད་པའི་རང་བཞིན་ནོ། །འདི་དག་གིས་བསྐྱེད་པ་དང་
[189a.3]གང་གིས་ཡོངས་སུ་གནོན་པ་འདི་ནི་སྣང་བ་མཆེད་པ་ཡིན་པར་ཤེས་པར་བྱའོ། །དེ་ལ་འདོད་པ་ལ་ཆགས་པ་གང་ཞེ་ན། མ་ཐོབ་པའི་ཡུལ་ལ་ཡིད་ཀུན་དུ་ཆགས་པའོ། །ཆགས་པ་གང་ཞེ་ན། མ་བསྐལ་པའི་ཡུལ་ལ་ཡིད་ཀུན་དུ་ཆགས་པའོ། །དགའ་བ་གང་ཞེ་ན། ཡིད་དུ་འོང་
[189a.4]བའི་རྣམ་པས་སེམས་ཁེངས་པའོ། །རངས་པ་གང་ཞེ་ན། གང་དགའ་བས་ཆེས་དགའ་བའོ། །མགུ་བ་གང་ཞེ་ན། ཐོབ་པའི་བྱེ་བྲག་ལ་ལྟོས་#ནས་བདག་པོ་ལ་ཡོངས་སུ་བསྟོད་པའོ། །ངོ་མཚར་གང་ཞེ་ན། མི་སྤྱོད་པ་ལ་མངོན་དུ་བྱས་པས་ཡ་མཚན་དུ་གྱུར་པའོ། །དགོད་པ་གང་
[189a.5]ཞེ་ན། གང་གིས་གང་ཞིག་ལ་གནས་པར་མི་བྱེད་ཅིང་སེམས་གཞན་དུ་འཕྲོ་བའོ། །ཚིམ་པ་ནི་ཚོར་བ་བདེ་བ་གཞན་དུ་བསྟན་ནས་སོ། །འཁྱུད་པ་ནི་ཡིད་དུ་འོང་བའི་ཡུལ་ལ་སེམས་ཀྱིས་ཀུན་དུ་ཞེན་པའོ། །གཞན་ནི་གོ་སླའོ། །བརྟན་པ་གང་ཞེ་ན་ངེས་པ་རྙེད་དེ་མི་གཡོ་བའོ། །བརྩོན་
[189a.6]འགྲུས་གང་ཞེ་ན་ལེ་ལོ་དང་བྲལ་བའོ། །ང་རྒྱལ་གང་ཞེ་ན། མཐོ་བར་སེམས་པའོ། །བྱ་བ་གང་ཞེ་ན་གང་ཞིག་ཡོངས་སུ་འགྲུབ་པར་བྱའོ། །དབྲོག་པ་གང་ཞེ་ན་གཞན་གྱིས་བདག་གིར་བྱས་པ་ལེན་པའོ། །སྟོབས་གང་ཞེ་ན། གྱད་དང་གཡུལ་འགྱེད་པའོ། །སྤྲོ་བ་གང་ཞེ་ན་དགའ་བ་
[189a.7]འབའ་ཞིག་ཡུལ་དུ་བྱས་ནས་བརྩོན་འགྲུས་དྲག་པོ་དང་ལྡན་པ་སྟེ། གོ་ཆ་ལ་སོགས་པ་ཡོངས་སུ་རྫོགས་པའི་སེམས་པ་འབྲས་བུ་དང་བཅས་པའོ། །དགའ་བ་ལ་སྦྱོར་བ་གང་ཞེ་ན། དྲེགས་པ་ལས་བྱུང་བའི་སེམས་པས་མི་དགེ་བ་ལ་སོགས་པ་ལ་སྦྱོར་བའི་སེམས་པ་འབྲས་བུ་དང་བཅས་
[189b]
[189b.1]པའོ། །ཞེ་འགྲས་#པ་གང་ཞེ་ན། རྩོད་པའི་རྒྱུ་#མེད་པར་འདོད་པའི་དབང་གིས་དམ་པ་དང་དམ་པ་མཆོག་དང་། དམན་པ་ལ་སོགས་པ་ལ་ཀུན་དུ་རྩོད་པར་སེམས་པའོ། །སྒེག་པ་གང་ཞེ་ན། གང་གིས་འདོད་ཆགས་ཀྱི་ཡུལ་ལམ་ཞེ་སྡང་གི་ཡུལ་ཐོབ་#པར་བྱ་བ་དང་ཕྲད་པར་བྱ་བ་དང་། ཀུན་དུ་
[189b.2]ཉམས་པར་བྱ་བའི་ཕྱིར་ཚུལ་འཆོས་པའོ། །ཞེ་འགྲས་པ་གང་ཞེ་ན་གང་གིས་གང་ཞིག་དང་རྩོད་པ་སྔོན་དུ་སོང་བའམ། ཕྱིས་འབྱུང་བའི་བསམ་པ་དང་བཅས་ཏེ་སེམས་ཤིང་#སེམས་ལ་མདུད་པར་འཛིན་པས་འཁོན་དུ་#འཛིན་པ་ཉིད་དོ། །དགེ་བ་གང་ཞེ་ན་མ་ཆགས་པ་དང་སྙིང་རྗེ་ལ་
[189b.3]སོགས་པ་དང་མཚུངས་པའི་སེམས་ཀྱིས་བསླང་བའི་ལུས་དང་#ངག་གི་ལས་ཏེ་གང་#ཉེས་པ་གང་ཞིག་དང་བྲལ་བར་འགྱུར་རོ། །ཚིག་གསལ་བ་གང་ཞེ་ན། ལྕེ་ལ་ཉེས་པ་མེད་ཅིང་ལུས་ཡོངས་སུ་དར་བས་ཆེད་དུ་སྨྲས་པའོ། །བདེན་པ་གང་ཞེ་ན་དངོས་པོ་དང་མཐུན་པའི་ཚིག་ཏུ་བརྗོད་
[189b.4]པའོ། །མི་བདེན་པ་གང་ཞེ་ན། དངོས་པོ་དང་མི་མཐུན་པར་སྨྲ་བའོ། །ངེས་པ་གང་ཞེ་ན་སོམ་ཉི་རྣམ་པར་སྤངས་པའི་སེམས་པ་དང་#དེའི་ལས་སོ། །ཉེ་བར་མི་ལེན་པ་གང་ཞེ་ན། དངོས་པོ་ཐམས་ཅད་བདག་གིར་བྱེད་པར་མི་འདོད་པའོ། །སྦྱིན་པ་པོ་གང་ཞེ་ན་གང་གིས་རང་གི་སྡུག་
[189b.5]པ་དང་མི་སྡུག་པ་ཐམས་ཅད་ཡོངས་སུ་གཏོང་ཞིང་འཛིན་པ་མེད་པའོ། །སྐུལ་བ་གང་ཞེ་ན་ལེ་ལོ་ཅན་དག་ལ་ཀུན་དུ་སྤྲོ་བ་སྐྱེད་པའོ། །དཔའ་བ་གང་ཞེ་ན་གང་གིས་གང་ཞིག་ཕམ་པར་བྱེད་པ་དང་དེར་སེམས་པ་འཇིགས་པ་དང་བྲལ་བའོ། །ངོ་ཚ་མེད་པ་གང་ཞེ་ན་རིགས་དང་ཆོས་
[189b.6]ཡོངས་སུ་སྤངས་ཏེ་ཚུལ་བཞིན་མ་ཡིན་པའི་ལས་བྱེད་པའོ། །སྒྱུ་གང་ཞེ་ན། གཞན་སླུ་#བའོ། །གདུག་པ་གང་ཞེ་ན། ཉོན་མོངས་པས་ཉེས་པ་མི་བརྗོད་པའོ། །མི་སྲུན་པ་གང་ཞེ་ན་བཤགས་ཀྱང་མི་ཉན་པའོ། །གྱ་གྱུ་ཆེ་བ་གང་ཞེ་ན་གང་གིས་གཡོ་བྱེད་པའོ། །གཡོ་ཡང་དེའི་
[189b.7]གནས་སྐབས་ཉིད་དོ། །གང་འདི་དག་ལ་ཡང་གང་#གིས་སེམས་པའི་བྱེ་བྲག་དང་ཡུལ་གྱི་བྱེ་བྲག་གིས་དམན་པ་དང་། བར་མ་དང་ཆེན་པོ་ལ་སོགས་པ་གཞག་#པར་བྱའོ། །གང་གིས་དེ་དང་ལྡན་པ་དེས་ཀྱང་དེར་འགྱུར་བ་དེའི་ཕྱིར་དེ་ལ་དེ་སྐད་ཅེས་བྱའོ། །དེའི་མིང་ནི་ཐབས་ཞེས་བྱ་བ་སྟེ་གང་
[190a]
[190a.1]ཞིག་གང་ལ་ལྟོས་#པ་དེ་དང་གང་ཞིག་མཐུན་པར་སྣང་བ་དེ་ལ་དེ་སྐད་ཅེས་བྱའོ། །སྣང་བ་མཆེད་པ་ཞེས་བྱ་བ་ཡང་རང་བཞིན་གྱིས་ཡོངས་སུ་མཆེད་པར་འགྱུར་བ་སྟེ། གང་ཞིག་གང་ལ་གང་དང་ལྷན་ཅིག་ཏུ་གནས་པར་འགྱུར་བ་ཉིད་དོ། །ཡང་ན་རང་བཞིན་འཁྲུལ་
[190a.2]པ་རགས་པར་སྣང་བ་སྟེ། གང་ཞིག་ཀུན་དུ་གང་ལ་གང་དུ་འབྱུང་བ་དེ་ལ་དེ་སྐད་ཅེས་བྱའོ། །ཡང་ན་རླུང་གིས་ཀུན་དུ་བསྐྱོད་པ་ཉིད་དེ། གང་ཞིག་གང་གི་རླུང་གིས་གང་ལ་གང་ཀུན་དུ་མཆེད་པར་འགྱུར་བ་དེ་ལ་དེ་སྐད་ཅེས་བྱའོ། །#དེ་ནས་སྣང་བ་ཐོབ་པའི་དོན་བཤད་པ། །རིག་ཆེན་རང་ཉིད་
[190a.3]རྩ་བ་སྟེ། །ཞེས་པ་གང་གིས་གང་ཞིག་ཡོངས་སུ་རིག་པར་འགྱུར་བ་སྟེ་དེ་ལས་བཟློག་པ་ནི་མ་རིག་པའོ། །གང་ཞིག་གང་དང་མཐུན་པར་འགྱུར་བ་དེ་ལ་དེ་སྐད་ཅེས་བྱའོ། །བདག་ཉིད་གང་ལ་གང་དུ་#གནས་པར་འགྱུར་བ་དེ་ལ་དེ་སྐད་ཅེས་བྱའོ། །སྣང་བ་ནི་ཁོལ་བུར་གཡོའོ། །སྣང་བ་མཆེད་
[190a.4]པ་ནི་ཀུན་དུ་རྒྱས་སོ། །ཐོབ་པ་ནི་ལོག་པ་ཉིད་དོ། །མ་རིག་པ་ལས་འདི་འབྱུང་འགྱུར། །ཞེས་པ་ནི་ཆགས་པ་བར་མ་དང་བརྗེད་ངས་པ་དང་། འཁྲུལ་པ་དང་། མི་སྨྲ་བ་དང་། སྐྱོ་བ་དང་། ལེ་ལོ་དང་། ཐེ་ཚོམ་དག་#སྟེ་གང་ཞིག་འདི་ལས་བྱུང་བ་དེའི་ཕྱིར་དེ་ལ་དེ་སྐད་ཅེས་བྱའོ། །དེ་ལ་ཆགས་
[190a.5]པ་བར་མ་གང་ཞེ་ན། །གང་གིས་#ཆགས་པ་མེད་པ་ཡང་མ་ཡིན་ལ་ཆགས་པ་ཆེན་པོ་ཡང་མ་ཡིན་པ་ཉིད་དེ་དམན་པའི་ཆགས་པའོ། །བརྗེད་#ངས་པ་གང་ཞེ་ན་སེམས་ཀུན་དུ་འཁྲུགས་པས་དོན་དུ་མི་གཉེར་བ་ཉིད་དང་། ཀུན་དུ་གང་གིས་དྲན་པ་ཉམས་པར་གྱུར་པ་ཉིད་དེ་#མ་འདྲིས་པ་
[190a.6]དང་། རབ་ཏུ་སུན་#པ་ལས་བྱུང་བ་ཉིད་དོ། །འཁྲུལ་པ་གང་ཞེ་ན་གང་གིས་སེམས་རྣམ་པ་གཞན་ལ་གཞན་དུ་འདི་#འཛིན་པ་ལ་སོགས་པ་སྟེ་གང་གིས་གང་དང་མི་མཐུན་པར་འཛིན་པ་སྟེ། གང་གིས་དོགས་པ་དང་བཅས་པ་ལ་སོགས་པ་ལས་བྱུང་བའོ། །མི་སྨྲ་བ་གང་ཞེ་ན། ངག་གི་ལས་སྤངས་པ་
[190a.7]སྟེ་ཐ་སྙད་རྣམས་རབ་ཏུ་སྤངས་པ་ཉིད་དོ། །སྐྱོ་བ་གང་ཞེ་ན་གང་གིས་གང་ལ་ཀུན་དུ་འཁྱུད་པ་ལ་སོགས་པ་སྟེ། སྐྱོ་བ་ཉིད་སྐྱོ་བས་དེ་དག་གིས་#ཆོས་དང་བྲལ་བ་ཉིད་དོ། །ལེ་ལོ་གང་ཞེ་ན་གང་གིས་དོན་མེད་པའི་ལས་སྔོན་དུ་སོང་བས་གང་ལ་གང་དུ་གནས་པར་འགྱུར་བ་ལ་སོགས་པ་མི་
[190b]
[190b.1]བྱེད་པ་སྟེ་གོ་ཆ་མེད་པ་དང་། སྦྱོར་བ་དང་བྲལ་བ་དང་། ཀུན་དུ་འགོད་པ་དང་མི་འཇུག་པ་དང་ལྡོག་པ་ལ་སོགས་པའི་ཆོས་དང་བྲལ་བའོ། །ཐེ་ཚོམ་གང་ཞེ་ན། ལམ་དང་འབྲས་བུ་ལ་སོགས་པ་ལ་གང་ཡིད་གཉིས་ཟ་བ་སྟེ་#གྲུབ་པ་མེད་པ་དང་སྤངས་པ་མེད་པ་དང་ཐོབ་པ་མེད་པ་དང་། མྱུར་དུ་བླ་ན་#མེད་
[190b.2]པའི་གང་ཟག་ལ་བརྟེན་ནས་ཡིན་ནམ་མ་ཡིན་དུ་སྙམ་སེམས་པ་ལ་སོགས་པའི་སེམས་གཉིས་སུ་གྱུར་པ་ཉིད་དོ། །འདི་དག་ཡོངས་སུ་འཕེལ་བ་དང་འགྲིབ་པར་བྱེད་པའོ། །དེ་ཅིའི་ཕྱིར་ཞེ་ན། གང་གིས་དེ་དག་འཕེལ་བ་དང་འགྲིབ་པར་ནུས་པ་དེའི་ཕྱིར་དེ་ལ་དེ་སྐད་ཅེས་བྱའོ། །#དེ་ནས་སྣང་བ་
[190b.3]གསུམ་གྱི་གོ་རིམས་#གཏན་ལ་དབབ་པར་བྱ་བའི་ཕྱིར། གང་ཡང་རྣམ་ཤེས་གསུམ་དང་པོ། །ཞེས་བྱ་བ་ལ་སོགས་པ་སྨོས་ཏེ། རྣམ་པར་ཤེས་པ་གསུམ་གྱི་དང་པོ་ནི་དེའི་མིང་ཅན་སྣང་བའོ། །གཉིས་པ་སྣང་བ་མཆེད་#པ་སྟེ། །ཞེས་བྱ་བ་ནི་སྣང་བ་མཆེད་#པ་ནི་སྣང་བ་ལ་ལྟོས་#ནས་གཉིས་
[190b.4]པའོ། །དེ་ནི་སྟོང་པ་ཆེར་འགྲོ་ལ། །ཞེས་པ་ནི་སྣང་བ་ཐོབ་པ་ཉིད་དོ། །གཉིས་སྔོན་དུ་འགྲོ་བའོ། །དེ་ཡང་འོད་གསལ་བར་འགྲོའོ། །ཞེས་པ་ནི་དེས་ཐམས་ཅད་སྟོང་པ་འོད་གསལ་བ་ཐོབ་པར་འགྱུར་རོ། །འདི་དག་གི་གོ་རིམས་ཀྱང་སློབ་པའི་གོ་རིམས་#དང་རང་བཞིན་འབྱུང་བའི་གོ་
[190b.5]རིམས་#དང་མཐར་ཕྱིན་པའི་གོ་རིམས་སོ#། །དེ་ལ་སློབ་པའི་གོ་རིམས་#གང་ཞེ་ན་གང་ཞིག་རིམ་གྱིས་སློབ་པར་འགྱུར་བ་སྟེ། འདི་ལྟར་འཕོང་གི་སློབ་དཔོན་ནམ་སློབ་མ་མཁས་པ་དག་ནི་ཐོག་མར་བ་ལང་གི་ཀོ་བ་ལ་སློབ་པར་བྱེད་དོ། །གང་གི་ཚེ་བ་ལང་གི་ཀོ་བ་ལ་ལོབས་པ་དེའི་ཚེ་ཤིང་ལེབ་ལ་
[190b.6]སློབ་པར་བྱེད་དོ་ཞེས་བྱ་བ་ལ་སོགས་པ་རྒྱས་པར་གསུངས་པའི་ཕྱིར་རོ། །འདི་ནི་སློབ་པའི་གོ་རིམས་#ཉིད་དོ། །རང་བཞིན་འབྱུང་བའི་གོ་རིམས་#ནི་མ་བཅོས་པར་ཡོད་པའི་ཆོས་ཏེ་འདི་ལྟར་རླུང་ལས་ནི་རྣམ་པར་ཤེས་པ་ཞེས་བྱ་བའི་བཤད་པ། བློ་གྲོས་ཆེན་པོ་ཤིང་ཨ་མྲའི་འབྲས་བུ་ནི་རིམ་གྱིས་
[190b.7]སྐྱེའི་ཅིག་ཅར་ནི་མ་ཡིན་ནོ་ཞེས་བྱ་བ་འདི་དང་། གཞན་ཡང་། བསྐྱེད་པའི་རིམ་ལ་ལེགས་གནས་ཤིང་། །རྫོགས་པའི་རིམ་པ་འདོད་རྣམས་ལ། །ཐབས་འདི་རྫོགས་པའི་སངས་རྒྱས་ཀྱིས། །སྐས་ཀྱི་རིམ་པ་ལྟ་བུར་གསུངས། །ཞེས་བྱ་བ་ལ་སོགས་པའི་སྒྲའི་རྗེས་སུ་འབྲངས་ཏེ་གསུངས་
[191a]
[191a.1]པ་ཤེས་པར་བྱའོ། །འོད་གསལ་བ་ལས་ནི་སྣང་བ་ཐོབ་པ་འབྱུང་ངོ་ཞེས་བྱ་བ་ལ་སོགས་པས་ནི་མཐར་ཕྱིན་པའི་གོ་རིམས་#བསྟན་ཏོ། །དེ་བས་ན་གང་གིས་གང་ཞིག་ལེགས་པར་རྟོགས་པར་འདོད་པ་དང་མྱུར་དུ་རྟོགས་པར་འདོད་པ་དང་། ཐབས་སླ་བ་རྟོགས་པར་འདོད་པས་ནི་ཇི་སྐད་དུ་
[191a.2]གསུངས་པ་དང་བཤད་པའི་གོ་རིམས་#ལ་མཁས་པར་བྱའོ། །དེ་བས་ན་#སྣང་བ་གསུམ་པ་འདིས་#ནི་སེམས་ཅན་ཐམས་ཅད་འཕེལ་བ་དང་འགྲིབ་པར་བྱེད་དོ་ཞེས་བྱ་བ་#རྟོགས་པར་བྱ་བའི་ཕྱིར། སྣང་བ་གསུམ་གྱི་མཚན་ཉིད་ཅན། །ཞེས་བྱ་བ་ལ་སོགས་པ་གསུངས་ཏེ། དེ་ལ་སྣང་བའི་
[191a.3]མཚན་ཉིད་གང་ཞེ་ན་རྣམ་པ་མེད་པའི་རང་བཞིན་རང་རིག་པ་ལུས་དང་ངག་མེད་པ་སྟེ། ཇི་ལྟར་སྟོན་ཀའི་དུས་སུ་ནམ་མཁའ་དྲི་མ་མེད་པ་ལ་ཟླ་བའི་འོད་ཟེར་གྱིས་རབ་ཏུ་སྣང་ཞིང་ཀུན་དུ་སྣང་བ་དང་། ཁྱབ་པར་བྱེད་པ་དེ་བཞིན་དུ་རང་བཞིན་གྱིས་གསལ་བའི་རྣམ་པ་#དངོས་པོ་མ་ལུས་པ་ཐམས་
[191a.4]ཅད་ལ་དམིགས་པས་ན། སྣང་བ་སྟེ#། དོན་དམ་པ་བྱང་ཆུབ་ཀྱི་སེམས་ཤེས་རབ་ཀྱི་སྣང་བ་སྟོང་པ་དང་པོ་སྟེ། ཨོཾ་ཞེས་བྱ་བའི་ངག་གི་སྒོ་ལ་བརྟེན་#ནས་རང་གི་ས་བོན་སྟོན་#པར་བྱེད་པ་སྟེ། མོས་པ་དམན་པའི་སེམས་ཅན་རྣམས་ཀྱིས་དེ་བཞིན་གཤེགས་པས་དགོངས་ཏེ་གསུངས་པ་
[191a.5]རྟོགས་པར་མི་འགྱུར་བས་ཟླ་བའི་དཀྱིལ་འཁོར་གྱི་གཟུགས་སོ་ཞེས་དམིགས་པར་བྱེད་ཅིང་པདྨའམ་བུད་མེད་ཀྱི་གཟུགས་ལ་སོགས་པས་ཡོངས་སུ་གསལ་བར་བརྗོད་པ་#འཇུག་པར་འགྱུར་རོ། །སྣང་བ་མཆེད་པའི་མཚན་ཉིད་ཇི་ལྟ་བུ་ཞེ་ན་གཟུང་བ་དང་འཛིན་པ་དང་བྲལ་བ་ལུས་དང་ངག་མེད་པ་
[191a.6]སྟེ། དཔེར་ན་སྟོན་ཀའི་དུས་སུ་ཉི་མའི་འོད་ཟེར་གྱིས་ཁྱབ་པ་བཞིན་དུ་ཤིན་ཏུ་གསལ་ཞིང་དྲི་མ་མེད་པའི་ངོ་བོ་ཉིད་དུ་དངོས་པོ་མ་ལུས་པ་དམིགས་པ་བྱང་ཆུབ་ཀྱི་སེམས་ཀུན་དུ་བཟང་པོའི་རིམ་པ་གཉིས་པ་ཤིན་ཏུ་སྟོང་པའི་མཚན་ཉིད་ཅན། ཨཱཿ#ཞེས་བྱ་བའི་ངག་གི་སྒོ་ལ་རྟེན་#པར་བྱེད་པའི་ས་
[191a.7]བོན་བསྟན་པར་བྱ་བའི་#རྒྱུ་སྟེ། མོས་པ་ཆུང་བའི་སེམས་ཅན་རྣམས་ཀྱིས་དེ་བཞིན་གཤེགས་པས་དགོངས་ཏེ་གསུངས་པ་རྟོགས་པར་མི་འགྱུར་བས་ཉི་མའི་དཀྱིལ་འཁོར་ལ་བརྟེན་ནས་དམིགས་པར་བྱེད་ཅིང་རྡོ་རྗེ་རྩེ་ལྔ་པའམ་རིན་པོ་ཆེ་འམ། ཉིན་མོ་འམ། གཡས་པ་ཞེས་བྱ་སྟེ་སྲ་བའི་རྣམ་པ་དང་།
[191b]
[191b.1]ཀུན་དུ་རྒྱས་པའི་རྣམ་པ་ནི་སེམས་ལས་བྱུང་བ་ཀུན་རྫོབ་ཀྱི་གཟུགས་སོ། །སྣང་བ་ཐོབ་པའི་མཚན་ཉིད་གང་ཞེ་ན་ནམ་མཁའི་མཚན་ཉིད་དངོས་པོ་ཐམས་ཅད་དང་བྲལ་བ་ལུས་དང་ངག་མེད་པ་སྟེ། ཇི་ལྟར་མཚམས་ཀྱི་སྨག་ལ་བབ་པ་ངོ་བོ་ཁྱབ་པ་བཞིན་དུ་ཕྲ་ཞིང་བདག་མེད་པ་སྣང་བ་མེད་པ་ཀུན་དུ་
[191b.2]ཉེ་བར་སྣང་བ་མེད་པ་སྟེ་སྲོག་དང་རྩོལ་བ་མི་རྒྱུ་བས་སེམས་མེད་པ་མི་གཡོ་བ། ཨཱཿ#ཞེས་བྱ་བ་ངག་གི་ས་བོན་ལ་བརྟེན་པའི་སྒོ་ཡོངས་སུ་གྲུབ་པ་བླུན་པ། ཞེན་པ་གང་གིས་གང་ལ་གཡོ་བ་མེད་པ་མ་རིག་པ་འདི་ནི་སྣང་བ་ཐོབ་པ་ཞེས་བྱའོ། །འདི་དག་གིས་ལས་ཅི་བྱེད་ཅེ་ན། །སེམས་ཅན་
[191b.3]ཁམས་ནི་མ་ལུས་པའི། །རང་བཞིན་རྩ་བ་ཉིད་ཡིན་ནོ། །ཞེས་པ། སེམས་ཅན་ཐམས་ཅད་ཡོངས་སུ་སྐྱེ་བ་དང་ཀུན་དུ་འཆི་བ་ལ་སོགས་པ་བྱེད་པ་སྟེ། བྱམས་པའི་གསུང་གིས་ཇི་ལྟ་བུར་ཡོངས་སུ་བཤད་པ་ལྟ་བུའོ། །དེས་ན་#ཡུལ་འདི་དག་ལ་ནི་ཤེས་པས་སོ་སོར་ངེས་པར་འཛིན་ཏེ་དེའི་
[191b.4]རླུང་གིས་ཉེ་བར་བླངས་པ་ཉིད་དོ་ཞེས་བྱ་བ་འདི་བསྟན་ལ། དེ་ནི་རེ་རེའི་དོན་སྣང་བ། །ཞེས་པ་ནི་གཟུགས་དང་སྒྲ་ལ་སོགས་པས་ཤེས་པ་སོ་སོར་ངེས་པར་འགྱུར་རོ། །དེ་བས་ན་ཞེས་བྱ་བ་ལ་སོགས་པར་སྣང་བའོ། །གང་གི་སྟོབས་ཀྱིས་#འབྱུང་ཞེ་ན། དེ་ནི་རེ་རེའི་དོན་སྣང་བ། །རླུང་གིས་བླངས་ནས་
[191b.5]འཛིན་བྱེད་ལ། །ཞེས་པ་རླུང་གིས་ཤེས་པ་ཀུན་དུ་གཡོ་བར་འགྱུར་རོ། །ཤེས་པས་ནི་ཡུལ་འཛིན་པར་འགྱུར་རོ། །རླུང་དང་རྣམ་ཤེས་ནི་རླུང་དང་རྣམ་ཤེས་ཏེ་ལྷན་ཅིག་ཏུ་འབྱུང་ཞིང་མཚུངས་པར་ལྡན་པའི་ཕྱིར་དེ་ལ་དེ་སྐད་ཅེས་བྱའོ། །དེ་གང་ལ་གནས་ཤེ་ན། རླུང་དང་ལྡན་པའི་རྣམ་ཤེས་ནི། །
[191b.6]རྟག་ཏུ་འགྲོ་ལ་གནས་པར་འགྱུར། །ཞེས་པ་སྟེ་རླུང་དང་ཤེས་པ་གཉིས་ནི་འགྲོ་བ་ཐམས་ཅད་ལ་གནས་པར་འགྱུར་རོ་ཞེས་བྱ་བའི་དོན་ཏོ།# །དེ་དག་གི་དོན་ནི་འདི་སྐད་དུ་སྟོན་ཏོ། །ཤེས་པ་བེམས་པོའི་ངོ་བོ་ལས་ལོག་ཅིང་རང་རིག་པ་ནི་སེམས་ཅན་ཐམས་ཅད་ལ་རང་བཞིན་གྱིས་གནས་ཏེ་
[191b.7]ཀུན་དུ་གཡོ་བ་དང་རབ་ཏུ་འཁྲུལ་#པའི་བྱ་བ་བྱེད་པར་འགྱུར་བ་མེད་དོ།# །གང་ཞིག་ཏུ་འདི་དག་རླུང་གིས་བསྐུལ་ནས་མིག་ལ་སོགས་པ་ལ་བརྟེན་ཏེ་གཟུགས་ལ་སོགས་པ་ལ་དམིགས་ནས་སོ་སོར་རྣམ་པར་རིག་པར་འགྱུར་རོ། །གང་རྣམ་པར་རིག་པ་དེ་ནི་གཙོ་བོ་ཡིན་པར་འགྱུར་རོ། །གང་
[192a]
[192a.1]གཙོ་བོ་ཡིན་པ་དེ་ནི་ངེས་པར་གཟུང་བ་ཉིད་དང་ལྡན་པར་འགྱུར་རོ། །གང་ངེས་པར་གཟུང་བ་གཉིས་#ལྡན་པ་དེ་ནི་ངེས་པའི་#ཤེས་པ་མྱུར་དུ་སྐྱེ་བར་འགྱུར་རོ། །དེ་བས་ན་གང་དང་གང་ལྡན་པ་དེ་ལ་དེ་དང་དེས་གང་དུ་ངེས་པར་རྟོགས་པ་དེ་ནི་དཀའ་བ་#མ་ཡིན་ཏེ་བཤད་པར་བྱའོ། །
[192a.2]སེམས་དེ་ལས་ཀྱང་། རང་བཞིན་ཇི་ལྟར་འབྱུང་བར་འགྱུར། །ཞེས་ཉེ་བར་རྟོག་པ་གང་དག་ལ་རབ་ཏུ་གསལ་བར་བཤད་པ། ཨེ་འདི་ནི་རླུང་ཁམས་ཆེན་པོ་སྟེ་ཞེས་པ་ཁམས་ཕྲ་བར་གྱུར་པ་ཉིད་དོ། །རྣམ་ཤེས་གསུམ་གྱི་བཞོན་པ་ཡིན། །ཞེས་པ་སྣང་བ་ལ་སོགས་པའི་ཤེས་པའི་
[192a.3]བཞོན་པར་གྱུར་པ་ཉིད་དོ།# །དེ་ཡི་རང་བཞིན་རྟག་ཏུ་ནི། །ཇི་ལྟ་ཇི་ལྟར་འགྲོ་བར་འགྱུར། །ཞེས་པ་ཤེས་པ་པོ་ལ་ཡུལ་ལ་དམིགས་པ་#ལས་རང་བཞིན་དེ་དང་དེའི་རྣམ་པ་མ་ལུས་པ་དུས་ཐམས་ཅད་དུ་འབྱུང་བར་འགྱུར་རོ། །ཇི་སྐད་དུ་བཅོམ་ལྡན་འདས་ཀྱིས་ཡེ་ཤེས་རྡོ་རྗེ་ཀུན་ལས་བཏུས་པ་
[192a.4]ཞེས་བྱ་བ་ལས་གསུངས་ཏེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཨེ་མའོ་སྟོན་པ་རྣམ་པར་ཤེས་པ་གསུམ་པོ་རྟོགས་པར་
[192a.5]དཀའ་བ་མཆོག་ཏུ་རྟོགས་པར་དཀའ་བ་སྟེ། རྣམ་པར་ཤེས་པ་གསུམ་གྱི་དབྱེ་བ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྣམ་པར་ཤེས་པ་ནི་#འོད་གསལ་བ་ལས་འབྱུང་ངོ་། །དེ་ནི་སེམས་དང་ཡིད་ཅེས་བྱ་སྟེ་ཀུན་ནས་ཉོན་མོངས་པ་དང་རྣམ་པར་བྱང་བ་དང་དེའི་
[192a.6]བདག་ཉིད་ཅན་གྱི་ཆོས་ཐམས་ཅད་ཀྱི་རྩ་བ་ཡིན་ནོ། །དེ་ལས་བདག་དང་གཞན་དུ་རྟོག་པ་འབྱུང་བར་འགྱུར་རོ། །རྣམ་པར་ཤེས་པ་དེ་རླུང་ལ་ཞོན་#ཏེ་རླུང་ལས་ནི་མེའོ། །མེ་ལས་ནི་ཆུའོ། །ཆུ་ལས་ནི་སའོ། །དེ་དག་ལས་ནི་ཕུང་པོ་ལྔ་དང་། སྐྱེ་མཆེད་དྲུག་དང་། དབང་པོ་ལྔ་རྣམས་ཏེ་དེ་
[192a.7]དག་ཐམས་ཅད་ནི་རླུང་དང་འདྲེས་པར་འགྱུར་རོ་ཞེས་བྱ་བ་ལ་སོགས་པ་རྒྱས་པར་གསུངས་སོ། །དེ་ནས་ཡེ་ཤེས་ཀྱི་ཕུང་པོ་ལྔ་ཡང་ཉེ་བར་ཐོབ་པར་བྱ་བའི་ཕྱིར། འདི་ནི་ཕུང་པོ་ལྔ་རྣམས་སུ། །ཞེས་བྱ་བ་ལ་སོགས་པ་སྨོས་ཏེ་ཕུང་པོ་ལྔ་ཉིད་ཀྱང་སེམས་ལས་འབྱུང་བར་བསྟན་ཏོ། །དེ་ཡང་
[192b]
[192b.1]གང་ཞེ་ན་གཟུགས་ཚོར་བ་ཞེས་བྱ་བ་ལ་སོགས་པ་སྨོས་ཏེ། གཟུགས་ནི་གཟུགས་ཀྱི་ཕུང་པོ་སྟེ་གཞིག་ཅིང་གཞོམ་དུ་རུང་བ་ལ་སོགས་པའི་ཕྱིར་རོ། །ཚོར་བ་ནི་མྱོང་བའོ། །འདུ་ཤེས་ནི་མཚན་མར་འཛིན་པ་ཉིད་དོ། །འདུ་བྱེད་ནི་མངོན་པར་འདུ་བྱེད་པ་ཉིད་དོ། །རྣམ་པར་ཤེས་པ་ནི་རྣམ་པར་
[192b.2]ཤེས་པའི་ཕུང་པོ་སྟེ་དམིགས་པ་སོ་སོར་རྣམ་པར་རིག་པའི་ཕྱིར་རོ། །འདི་དག་གིས་ནི་སེམས་ཉིད་གཟུགས་སུ་སྣང་བ་ཉིད་དུ་བསྟན་ཏོ། །གལ་ཏེ་དེ་ལྟ་ན་ནི་གཟུགས་མེད་པ་ལས་ནི་གཟུགས་སུ་སྣང་བས་རྒྱུའི་བྱེད་པ་དང་། འབྲས་བུའི་བྱེད་པ་གཞན་དུ་ཉེ་བར་སྦྱར་བར་འགྱུར་རོ། །འདི་
[192b.3]གཉིས་ནི་ངོ་བོ་གཅིག་པ་ཡང་མ་ཡིན་ཏེ། གཟུགས་དང་གཟུགས་མེད་པ་གཅིག་གིས་གཅིག་#སྤངས་པ་ཡིན་པའི་ཕྱིར་རོ། །འབྲེལ་པ་ཡོད་པར་ངེས་པ་མེད་དེ། གང་གིས་གང་གི་དུས་ན་རག་ལས་པར་འགྱུར་བ་དང་མེད་ན་མི་འབྱུང་བ་#འགྱུར་བའི་ངེས་པ་མེད་དོ་ཞེ་ན་མ་ཡིན་ཏེ། རྣམ་པར་ཤེས་
[192b.4]པ་འཕོ་བའི་མདོ་ལས་འདི་ཉིད་རྒྱས་པར་གསུངས་ཏེ། བཟང་སྐྱོང་དཔེར་ན། རླུང་གི་ཁམས་གཟུགས་ཅན་མ་ཡིན་པ་#ཡང་བསྟན་དུ་ཡོད་ཅིང་གཟུང་དུ་མེད་པ་ལས་གཟུགས་སུ་སྣང་ངོ་། །དེ་ལ་བསྟན་དུ་ཡོད་པ་ནི་ཤིང་འགུལ་ཞིང་གཡོ་བ་དང་སྒྲ་འུར་འུར་པོའི་སྐད་འབྱིན་པ་དང་། གྲང་བ་
[192b.5]དང་དྲོ་བའི་རེག་པས་ཚོར་བ་སྐྱེད་པ་ཡིན་ཡང་རྐང་ལག་དང་གདོང་དང་མིག་ལ་སོགས་པར་དམིགས་པར་མི་འགྱུར་ཏེ། སྔོ་བསངས་#དང་དཀར་བ་དང་། དམར་བ་ཞེས་བྱ་བ་ལ་སོགས་པའི་ཁ་དོག་ཡོངས་སུ་གསལ་བ་མི་དམིགས་སོ། །བཟང་སྐྱོད་དེ་བཞིན་དུ་རྣམ་པར་ཤེས་པའི་ཁམས་འདི་ཡང་
[192b.6]གཟུགས་སུ་མི་དམིགས་ཤིང་གཟུགས་སུ་སྣང་བར་མི་འགྱུར་ཏེ་འོན་ཀྱང་གང་ལ་གནས་ཀྱང་འབྱུང་བར་འགྱུར་རོ། །དེ་བས་ན་ཁྱོད་ཀྱི་#བྱེ་བྲག་དེ་དག་གིས་རྣམ་པར་ཤེས་པའི་ཁམས་རྟོགས་པར་བྱའོ་ཞེས་བྱ་བ་ལ་སོགས་པ་གསུངས་སོ། །དེའི་ཕྱིར་རླུང་དང་རྣམ་པར་ཤེས་པ་
[192b.7]གཟུགས་མེད་པས་རྣམ་པ་གསུམ་མར་གྱི་ནང་དུ་མར་བཅུག་པ་དང་འདྲ་བར་འདྲེས་པར་གྱུར་ནས་འཇིག་རྟེན་དང་#འཇིག་རྟེན་ལས་འདས་པའི་བྱ་བ་ཐམས་ཅད་རྫོགས་པར་བྱེད་དོ། །གཞན་ཡང་། རང་རིག་ཙམ་གྱི་ཡེ་ཤེས་ནི། །ནམ་མཁའ་འདྲ་བར་མཚན་ཉིད་མེད། །འོན་ཀྱང་
[193a]
[193a.1]དེ་ལ་དབྱེ་བ་ཡོད། །མཚན་མོ་ཉིན་མོ་མཚམས་བདག་ཉིད། །སྣང་བ་དང་ནི་སྣང་བ་མཆེད། །དེ་བཞིན་སྣང་བ་ཐོབ་པ་དེ། །སེམས་ནི་རྣམ་པ་གསུམ་དུ་བཤད། །དེ་ཡི་གཞི་ནི་བཤད་པར་བྱ། །ཕྲ་བའི་གཟུགས་ཅན་རླུང་དང་ནི། །ཡེ་ཤེས་དག་ནི་འདྲེས་འགྱུར་པ#། །དབང་
[193a.2]པོའི་ལམ་ནས་བྱུང་ནས་ནི། །ཡུལ་རྣམས་ལ་ནི་དམིགས་པར་བྱེད། །གང་ཚེ་སྣང་བ་ལྡན་གྱུར་པ། །རླུང་ནི་བཞོན་པར་གྱུར་པ་ཡིན། །དེ་ཚེ་རང་བཞིན་དེ་ཐམས་ཅད། །མ་ལུས་ལུས་པ་མེད་པར་འབྱུང་། །རླུང་ནི་གང་དང་གང་དུ་གནས། །དེ་དང་དེ་ནི་རང་བཞིན་འབྱུང་། །ཞེས་བྱ་བ་ལ་སོགས་
[193a.3]པ་རྒྱ་ཆེར་གསུངས་སོ། །གཞུང་གཞན་དག་ལས་ཀྱང་རྣམ་པར་ཤེས་པ་འདིས་ནི་ཇི་སྲིད་དུ་ལུས་སྐྱེ་བར་བྱེད། འཆི་བར་བྱེད་ཅིང་#ཉིང་མཚམས་སྦྱོར་བར་བྱེད་ཀྱི#། །རྣམ་པར་ཤེས་པ་ལ་ནི་སྐྱེ་བ་དང་འཆི་བ་ཡོད་པ་མ་ཡིན་ནོ་ཞེས་བྱ་བ་ལ་སོགས་པ་རྒྱ་ཆེར་གསུངས་སོ། །དེ་ནས་ཡེ་ཤེས་
[193a.4]ལྔའི་མཚན་ཉིད་རྒྱས་པར་བཤད་པར་བྱ་སྟེ་དེའི་ཕྱིར། མཉམ་ཉིད་སོ་སོར་རྟོག་པ་དང་། །ཞེས་བྱ་བ་ལ་སོགས་པ་#གསུངས་ཏེ། དེ་ལ་མཉམ་པ་ཉིད་ཅེས་བྱ་བ་ནི་རྐང་མེད་དང་། རྐང་གཉིས་དང་རྐང་བཞི་དང་། རྐང་མངས་དང་། འཇིག་རྟེན་གྱི་ཆོས་བརྒྱད་ལ་སོགས་པ་རང་བཞིན་གྱི་
[193a.5]སེམས་ཙམ་དང་རང་བཞིན་མེད་པར་གཅིག་པར་རྟོགས་པས་ནི་མཉམ་པ་ཉིད་དོ། །གང་གིས་གང་གི་དེ་ཉིད་ཡོངས་སུ་ཤེས་པར་གྱུར་པ་དེ་ནི་དེའི་ཡེ་ཤེས་ཡིན་པའི་ཕྱིར་དེ་ལ་དེ་སྐད་ཅེས་བྱའོ། །གང་གི་ཕུང་པོ་དང་ཁམས་དང་སྐྱེ་མཆེད་དང་། རྟེན་ཅིང་འབྲེལ་པར་འབྱུང་བ་དང་། ཕྱི་དང་
[193a.6]ནང་གི་ཆོས་ཐམས་ཅད་སོ་སོར་རྣམ་པར་ཕྱེ་སྟེ་རྣམ་པར་བརྟགས་#ན་ཐམས་ཅད་སངས་རྒྱས་ཀྱི་རང་བཞིན་ནོ། །ཆོས་ཐམས་ཅད་ཀྱི་ཆ་ཤས་ནི་འདི་དག་གོ་ཞེས་པདྨའི་འདབ་མ་ལྟར་སོ་སོར་རྟོག་པ་སྟེ་གང་ལ་གང་གིས་ཆོས་ཡོད་པར་གྱུར་པ་གང་དང་གང་ཡིན་པ་དེ་དང་དེའི་#ཇི་ལྟར་གྱུར་
[193a.7]པ་ཤེས་པ་དེ་ལ་དེ་སྐད་ཅེས་བྱའོ། །བྱ་བ་གྲུབ་པས་ན་བྱ་བ་གྲུབ་པ་ཉིད་དེ། བདག་དང་གཞན་གྱི་བྱ་བ་#ལུས་དང་ངག་དང་ཡིད་ཀྱི་ལས་ཡོངས་སུ་རྫོགས་པར་གྱུར་པ་ཉིད་གང་ལ་གང་གིས་ཇི་ལྟར་ཡོངས་སུ་བྱེད་པ་དེ་ལ་དེ་སྐད་ཅེས་བྱའོ། །མེ་ལོང་ནི་མེ་ལོང་ལྟ་བུའི་ཡེ་ཤེས་ཏེ། ཕྱི་དང་ནང་གི་#
[193b]
[193b.1]ཆོས་ཐམས་ཅད་མེ་ལོང་གི་#གཟུགས་བརྙན་སྣང་བ་བཞིན་དུ་སྣང་བ་སྟེ། ཆོས་གང་ཞིག་གང་གིས་ཇི་ལྟར་ཡོངས་སུ་ཤེས་པར་གྱུར་པ་དེ་ལ་དེ་སྐད་ཅེས་བྱའོ། །ཆོས་ཀྱི་དབྱིངས་ནི་ཆོས་ཀྱི་དབྱིངས་ཀྱི་ཡེ་ཤེས་ཏེ་ལུས་དང་ངག་དང་ཡིད་ཀྱི་སྒྲིབ་པ་དག་ཅིང་ལས་དང་ཉོན་མོངས་པ་ལས་གྲོལ་
[193b.2]ཏེ། དགེ་བ་དང་མི་དགེ་བའི་བག་ཆགས་ཕྲ་རྒྱས་མ་ལུས་པ་ཐམས་ཅད་སྤངས་ནས་གནས་པ་ནི་ཆོས་ཀྱི་དབྱིངས་སྤྲོས་པ་ཐམས་ཅད་དང་བྲལ་བའི་ཡེ་ཤེས་ཏེ། འདི་དག་གི་དོན་ནི་#སེམས་ཉིད་ཐོག་མ་ལ་སོགས་པ་དང་བྲལ་ཡང་ཡེ་ཤེས་སུ་ཡང་འགྱུར་བ་སྟེ་གོང་དུ་བརྗོད་པའི་ལུང་ཉིད་
[193b.3]བཞིན་ནོ། །དེ་ནས་སེམས་དེ་ཉིད་སྐྱེ་མཆེད་ཀྱི་ངོ་བོར་ཡང་འགྱུར་རོ་ཞེས་བྱ་བ་དེ་ཉིད་བསྟན་པའི་ཕྱིར། ཡིད་ཀྱི་སྐྱེ་མཆེད་ཉིད་དང་ནི། །ཞེས་བྱ་བ་ལ་སོགས་པ་སྨོས་ཏེ་ཆོས་ལ་དམིགས་པ་དང་། བདག་དང་གཞན་གྱི་ཡུལ་རིག་#པ་དང་། སྤྱི་དང་བྱེ་བྲག་ལ་སོགས་པ་རིག་པར་བྱེད་པ་ནི་ཡིད་ཀྱི་
[193b.4]སྐྱེ་མཆེད་དེ་དུས་གཅིག་པ་ཉིད་དོ། །མིག་དང་ཞེས་བྱ་བ་ལ་སོགས་པ་ནི་ཡུལ་གཅིག་པ་ཉིད་དེ་རང་གི་ཡུལ་ལ་དམིགས་པ་དང་། རང་གི་མཚན་ཉིད་རིག་པ་ལ་སོགས་པའོ། །དེའི་སེམས་ལ་དམིགས་པ་ནི་གནས་པའི་རླུང་ལ་དབང་ཐོབ་ནས་འབྱུང་ངོ་། །གང་གིས་གནས་པ་ནི་གང་
[193b.5]ཞིག་གང་དུ་བྱས་པ་དེ་ལ་རག་ལས་པར་འགྱུར་རོ་ཞེས་བསྟན་པའི་ཕྱིར། གང་ཡང་ཁམས་གསུམ་སེམས་ཅན་རྣམས། །ཞེས་བྱ་བ་ལ་སོགས་པ་གསུངས་ཏེ། ཐེག་པ་ཆེན་པོའི་རིགས་ཅན་ནོ། །སྲོག་དང་རྩོལ་བ་ནི་སྲོག་དང་རྩོལ་བ་#སྟེ་རྩ་བ་དང་ཡན་ལག་གི་རླུང་ངོ་། །འདི་ལ་བརྟེན་#
[193b.6]ནས་ཅི་བྱེད་ཅེ་ན། གསང་སྔགས་རྒྱལ་པོ་སྟེ། རྡོ་རྗེ་#བཟླས་པ་ཞེས་བྱ་བའི་དོན་ཏོ། །འདི་དག་ནི་འོག་ནས། །སྣ་ཡི་རྩེ་མོར་ཡུངས་ཀར་བསམ། །ཞེས་བྱ་བ་ལ་སོགས་པས་ཀྱང་སྟོན་ལ། འདི་དག་རྒྱས་པར་#ནི་བཤད་པའི་རྒྱུད་ལས་གསུངས་ཏེ། སངས་རྒྱས་ལྔ་ཡི་རིགས་
[193b.7]གནས་པ། །སྣ་རྩེའི་བུ་ག་ལས་བྱུང་ཞིང་། །རླུང་ལྔ་སྟེང་དུ་ཡང་དག་རྒྱུ། །ལུས་ལ་རྟག་ཏུ་སྤྱོད་པར་འགྱུར། །ཀུན་རྫོབ་སྣར་ནི་སྤྱོད་པར་ནི། །སྒོ་དེ་ལས་ནི་རྣམ་པར་འབྱུང་། །གཡོན་དང་གཡས་དང་གཉི་ག་དང་། །དལ་བར་རྒྱུ་དང་རྣམ་པ་བཞི། །ཞེས་བྱ་བ་ལ་སོགས་པ་གསུངས་
[194a]
[194a.1]ཏེ་འདི་དག་གིས་རྒྱས་པར་ཤེས་པར་བྱའོ། །འོག་ནས་སོ་སོར་སྡུད་དང་ཞེས་བྱ་བ་ལ་སོགས་པའི་སྐབས་སུ་ཡང་འཆད་པར་འགྱུར་རོ། །མི་ཤེས་བསམ་གཏན་ཀློག་པ་སྤངས། །ཞེས་པ་འདིས་#ནི་སློང་མོ་ཟ་ཞིང་མི་བཟླས་ཏེ་ཞེས་#བྱ་བ་ལ་སོགས་པ་བསྟན་ཏོ། །འདིར་ནི་སྒོམ་
[194a.2]པའི་རྟེན་དང་ཐབས་#སྤང་བར་བྱ་བ་ཙམ་ཞིག་དངོས་སུ་བསྟན་ལ། ཡོན་ཏན་དང་ལས་དང་འབྲས་བུ་ཤུགས་ཉིད་ཀྱིས་བསྟན་པས་དེ་ལས་གཞན་གྱི་སྤྲོས་པ་དང་བཅས་པའི་བཤད་པ་ཐམས་ཅད་ནི་ཤུགས་ཀྱིས་#འདིར་ཤེས་པར་བྱའོ། །རྒྱས་པར་ནི་འོག་ནས་ཤེས་པར་བྱའོ། །དེ་ནས་
[194a.3]དགེ་བ་དང་མི་དགེ་བའི་ལས་དང་འབྲས་བུ་སེམས་ལས་འབྱུང་ངོ་ཞེས་བསྟན་པའི་ཕྱིར། འབྱུང་བ་འདི་ལས་ཞེས་བྱ་བ་ལ་སོགས་པ་གསུངས་ཏེ་འབྱུང་#བ་ནི་སྣང་བ་གསུམ་#རྐྱེན་དང་བཅས་པའོ། །རང་བཞིན་ནི་བཤད་ཟིན་ཏོ། །དགེ་དང་མི་དགེ་བའི་ལས་ཞེས་པ་ནི་འདི་ལས་དགེ་བ་དང་མི་དགེ་
[194a.4]བའི་ལས་བྱུང་ཞེའོ། །དེ་ལས་སྐྱེ་བ་འབྱུང་བ་ཡིན། ཞེས་བྱ་བ་ནི་བཟང་པོ་དང་ངན་པ་དང་འདོད་པ་དང་#མི་འདོད་པ་ལ་སོགས་པ་འབྱུང་བར་འགྱུར་ཞེས་པའོ། །འདི་དག་རྒྱས་པར་ནི་བཅོམ་ལྡན་འདས་ཀྱིས་#རྡོ་རྗེ་གཙུག་ཏོར་གྱི་རྒྱུད་ལས་གསུངས་ཏེ་བཅོམ་ལྡན་འདས་ཀྱིས་བཀའ་སྩལ་
[194a.5]པ་གསང་བའི་བདག་པོ་ཉོན་ཅིག །ལུས་ཀྱི་ཉེས་པར་སྤྱོད་པ་ནི་རྣམ་པ་གསུམ་མོ། །ངག་གི་ཉེས་པར་སྤྱོད་པ་ནི་རྣམ་པ་བཞིའོ། །ཡིད་ཀྱི་ཉེས་པར་སྤྱོད་པ་ནི་རྣམ་པ་གསུམ་སྟེ་དེ་དག་གིས་སེམས་ཅན་དམྱལ་བར་ལྟུང་བར་འགྱུར་རོ། །ཕྱག་ན་རྡོ་རྗེས་གསོལ་བ་ལུས་ཀྱི་
[194a.6]ཉེས་པར་སྤྱོད་པ་དང་ངག་གི་ཉེས་པར་སྤྱོད་པ་དང་། ཡིད་ཀྱི་ཉེས་པར་སྤྱོད་པ་ནི་དུ་ཞིག་མཆིས། བཅོམ་ལྡན་འདས་ཀྱིས་བཤད་དུ་གསོལ། །བདེ་བར་གཤེགས་པས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ་ཉེས་པར་སྤྱོད་པ་དེ་ཉིད་ནི་
[194a.7]ཐ་མལ་པ་རྣམས་ཏེ། དེ་ལ་ཕ་མ་དང་བླ་མར་གྱུར་པ་ལ་སོགས་པ་གསོད་པ་དང་། བརྡེག་པར་སྤྱོད་པ་ནི་ཉེས་པར་སྤྱོད་པ་ལྕི་བའོ། །སྲོག་གཅོད་པ་ལ་སོགས་པ་མི་དགེ་བའི་ལས་ཀྱི་ལམ་རྣམས་ནི་ཉེས་པར་སྤྱོད་པ་ཐ་མལ་པའོ་ཞེས་བྱ་བ་ལ་སོགས་པ་རྒྱས་པར་གསུངས་སོ། །
[194b]
[194b.1]དེ་ནས་ཕུང་པོ་ལྔ་ནི་ཡོངས་སུ་དག་པའི་རིགས་ལྔར་བསྐྱེད་པའི་རིམ་པར་འགྱུར་ལ། དེ་དག་སྒྱུ་མའི་དཔེ་བཅུ་གཉིས་ཀྱིས་ཉེ་བར་མཚོན་པས་སྒྱུ་མ་ལྟ་བུའི་སྐུར་འགྱུར་རོ་ཞེས་བསྟན་པའི་ཕྱིར། འགྲོ་བར་འབྱུང་#བའི་ཕུང་པོ་ཡང་། །ཞེས་བྱ་བ་ལ་སོགས་པ་སྨོས་ཏེ། །འགྲོ་བར་འབྱུང་#བའི་ཕུང་པོ་ནི་
[194b.2]གཟུགས་ལ་སོགས་པའོ། །སངས་རྒྱས་ལྔ་ཡི་བདག་ཉིད་དེ། །ཞེས་བྱ་བ་#ནི་རྣམ་པར་སྣང་མཛད་ལ་སོགས་པ་སངས་རྒྱས་ཀྱི་རང་བཞིན་ཏེ། མདོར་ན་ཕུང་པོ་ལྔ་རྣམས་ནི། །ཞེས་བྱ་བ་ལ་སོགས་པས་རྒྱས་པར་བསྟན་ཏོ། །མངོན་པར་བྱང་ཆུབ་པ་རྣམ་པ་ལྔ་ནི་ས་བོན་ཡོངས་སུ་རྫོགས་
[194b.3]པར་འདོད་པས་ཟླ་བ་ལ་སོགས་པ་ཡོངས་སུ་སྒྲུབ་པའོ། །མིང་གིས་བསྐུལ་བ་ནི་མིང་གིས་བསྐུལ་བ་སྟེ་རང་གི་རྐྱེན་གྱིས་བསྐུལ་བའོ། །ཡང་ན་མིང་གིས་བསྐུལ་བ་ནི་སེ་གོལ་གྱི་སྒྲས་བསླངས་#ཏེ་གང་གིས་དེ་ཁོ་ན་ཉིད་གསལ་བ་ཡོངས་སུ་རྫོགས་པར་འགྱུར་བའོ། །དེ་ནས་ས་ལ་སོགས་
[194b.4]པ་#འབྱུང་བ་ལྔ་པོ་འདི་དག་ནི་སྤྱན་མ་ལ་སོགས་པ་ཡུལ་གྱི་རང་བཞིན་ནོ་ཞེས་བསྟན་པར་བྱ་བའི་ཕྱིར། རླུང་དང་མེ་དང་ཆུ་དང་ས། །ཞེས་བྱ་བ་ལ་སོགས་པ་སྨོས་ཏེ་ཕྱི་དང་ནང་གི་སྲ་བའི་དངོས་པོར་གྱུར་པ་དང་། རྟེན་པར་བྱེད་པའི་ས་ནི་སྤྱན་མའི་རང་བཞིན་ནོ། །གཤེར་བ་དང་སྡུད་པར་
[194b.5]བྱེད་པའི་ཆུ་ནི་མཱ་མ་ཀཱིའི་རང་བཞིན་ནོ། །ཚ་བ་དང་སྨིན་པར་བྱེད་པའི་རང་བཞིན་མེ་ནི་གོས་དཀར་མོའི་རང་བཞིན་ནོ། །ཡང་ཞིང་གཡོ་བའི་རླུང་ནི་སྒྲོལ་མའི་རང་བཞིན་ནོ། །ཡེ་ཤེས་བདག་ཉིད་སྤྱན་#གསུམ་ནི། གང་ལ་གང་དུ་ཇི་ལྟར་གནས་པ་དེ་དང་དེ་ལ་དེ་སྐད་ཅེས་བྱའོ། །ལྷག་མས་ནི་
[194b.6]ཡོན་ཏན་བསྟན་པ་ཉིད་དོ། །དེ་ནས་སྐུ་དང་གསུང་དང་ཐུགས་བྱིན་གྱིས་བརླབ་པ་བསྟན་པར་བྱའོ་ཞེས་བྱ་བ་འབྱུང་བས་དེ་བཤད་པའི་ཕྱིར། ཐམས་ཅད་དེ་བཞིན་གཤེགས་པའི་ལུས། །ཞེས་བྱ་བ་ལ་སོགས་པ་སྨོས་ཏེ། དེ་བཞིན་གཤེགས་པ་ཐམས་ཅད་ནི་རྡོ་རྗེ་འཆང་ཆེན་པོ་ལ་སོགས་པ་སྟེ།
[194b.7]དེའི་ལུས་ཇི་ལྟར་བྱ་ཞེ་ན། ཕྱག་རྒྱ་བཞིས་#ནི་རྒྱས་བཏབ་ཅིང་། །ཞེས་བྱ་བ་ནི་ཆོས་དང་ལས་དང་དམ་ཚིག་དང་ཕྱག་རྒྱ་ཆེན་པོས་ཐོབ་#པར་བྱ་བའོ། །མིག་ལ་སོགས་པའི་བདག་ཉིད་དེར། །ཞེས་བྱ་བ་#ནི་མིག་དང་རྣ་བ་ལ་སོགས་པའི་ནང་ལ་སོགས་པའོ། །ཅི་བྱ་ཞེ་ན་ས་སྙིང་ལ་སོགས་རབ་
[195a]
[195a.1]ཏུ་བརྟག །ཅེས་པ་#སྟེ་མིག་ལ་སོགས་པར་སའི་སྙིང་པོ་ལ་སོགས་པ་བསྒོམ་པར་བྱའོ་ཞེས་བྱ་བའི་དོན་ཏོ། །དེ་ནས་བདུད་ཐམས་ཅད་དང་བར་དུ་གཅོད་པ་ཐམས་ཅད་སྤང་བར་བྱ་བའི་ཕྱིར་ལུས་འདི་ནི་ཁྲོ་བོ་བདུད་ཐམས་ཅད་ངེས་པར་འཇོམས་པའོ་ཞེས་བསྟན་པར་འགྱུར་
[195a.2]བས་རོལ་བའི་དགའ་བ་ནི་རོལ་པའི་དགའ་བ་སྟེ་སྙོམས་པར་འཇུག་#པའི་བདག་ཉིད་ཅན་ནོ། །ཁྲོ་བོའི་རྒྱལ་པོ་ནི་ཁྲོ་བོའི་རྒྱལ་པོ་སྟེ། གང་ཞིག་གང་ལས་གང་དུ་གྱུར་པ་དེ་ལ་དེ་སྐད་ཅེས་བྱའོ། །དེ་ཉིད་ནི་སྟོབས་ཆེན་ཏེ་གདུག་པ་ཐམས་ཅད་འདུལ་བའི་སྟོབས་ཆེན་པོ་དང་ལྡན་པ་གང་ཡིན་
[195a.3]པ་དེ་ལ་དེ་སྐད་ཅེས་བྱའོ། །དགོད་པའི་གནས་བསྟན་པ་གསུངས་པ། །དེ་ནི་ཕྱོགས་མཚམས་ངོ་བོ་རུ། །དཔུང་པ་ཡན་ལག་རྣམས་སུ་བརྟག# །ཅེས་པ་ནི་ཕྱི་རོལ་གྱི་ཕྱོགས་དང་མཚམས་ཀྱི་ངོ་བོ་དང་ནང་གི་དཔུང་པ་ལ་སོགས་པར་གང་གིས་སྒོམ་པར་གྱུར་པ་དེ་ལ་དེ་སྐད་ཅེས་བྱའོ། །
[195a.4]འདི་དག་གིས་ནི་སྤྲུལ་པའི་དཀྱིལ་འཁོར་སྦྱོར་བ་གསུམ་ཡང་གསུངས་ལ། སྦྱོར་བ་གཅིག་ཀྱང་#གསུངས་སོ། །འདི་དག་རྒྱས་པར་ནི། །སེམས་ཀྱིས་གཞན་ནི་མི་བསམ་པར། །སེམས་དཔའ་ཆེན་པོས་མཉན་པར་གྱིས། །རྡོ་རྗེ་སློབ་དཔོན་ལུས་འདི་ལ། །རྒྱལ་བའི་སྐུ་ནི་རིམ་བཞིན་
[195a.5]གནས། །དང་པོ་སྐུ་ཡི་རྡོ་རྗེ་ནི། །ཞེས་བྱ་བ་འོག་ནས་འཆད་དོ། །ཡང་འདི་སྐད་དུ། གང་གི་ཕྱིར་སྤྲུལ་པའི་སྐུ་གསང་བ་འདི་དངོས་སུ་ཐ་དད་པའམ། ཐ་མི་དད་པའམ་བསྟན་ནས་སྣང་ངམ་འོན་ཏེ་མ་བསྟན་ན་སྣང་དེ་ལས་ཅིར་འབྱུང་#། གལ་ཏེ་ཐ་དད་ན་ནི་གཅིག་པ་ཉིད་དུ་བཤད་
[195a.6]པར་མི་འགྱུར། གང་ཞིག་གང་ལས་གྱུར་པ་དེ་ཡང་འདི་ལས་མ་གྱུར་པ་མེད་པ་དང་འགལ་བར་གནས་པ་དང་རྣམ་པར་བཤད་པ་མི་རིགས་སོ་ཞེས་པ་དེ་གསལ་བར་བཤད་པའི་ཕྱིར། །དེ་དང་དེ་ཡི་རིགས་བྱུང་བ། །ཞེས་བྱ་བ་ལ་སོགས་པ་སྨོས་ཏེ། དེ་དང་དེ་ནི་རྡོ་རྗེའི་རིགས་ལ་
[195a.7]སོགས་པ་སྟེ་གང་དང་གང་ཞེ་ན་ལྷ་དང་ལྷ་མོ་སྟེ། རིགས་ཅན་རྣམས་སྨིན་པ་དང་གྲོལ་བར་བྱ་བའི་ཕྱིར་སྣང་ཞེའོ། །འདི་དག་གིས་ཀྱང་འདི་སྐད་དུ་སྟོན་པར་འགྱུར་ཏེ#། གང་གི་#ཕྱིར་དེ་བཞིན་གཤེགས་པ་ཐམས་ཅད་ནི་ཐུགས་རྗེ་དང་སྨོན་ལམ་གྱི་དབང་གིས་སེམས་ཅན་གྱི་དོན་དུ་མི་
[195b]
[195b.1]འགྱུར་བ་ནམ་ཡང་མི་མཛད་ལ། སངས་རྒྱས་ཀྱི་རོལ་མོ་འདིས་ཀྱང་སེམས་ཅན་ཐམས་ཅད་སྨིན་ཅིང་གྲོལ་བར་འགྱུར་བས་ན་དེ་ལ་དེ་བསྟན་ཏོ་ཞེའོ། །འདི་དག་གིས་ནི་ལྷའི་སྐུ་སྣ་ཚོགས་པར་སྣང་བ་དྲང་བའི་དོན་ཡིན་ཞེས་པའོ། །འོ་ན་ངེས་པའི་དོན་གང་ཡིན་ཇི་ལྟར་མཐོང་ཞེ་ན།
[195b.2]གཉིས་སུ་མེད་ཅིང་དབྱེར་མེད་པ་རང་བཞིན་གྱིས་#འོད་གསལ་བ་ཡིན་ནོ་ཞེས་རྟོགས་#པར་བྱ་བའི་ཕྱིར། དེ་བས་གཉིས་མེད་མཐོང་བ་ཡི། །ཞེས་བྱ་བ་ལ་སོགས་པ་སྨོས་ཏེ་#དེ་བས་ན་ཞེས་པ་ནི་ཚིགས་སུ་བཅད་པ་#གོང་མ་གཏན་ཚིགས་ཉིད་ཡིན་པར་བསྟན་ཏོ། །གཉིས་མེད་མཐོང་བ་
[195b.3]ནི་གཉིས་མེད་མཐོང་བ་སྟེ་གང་གིས་འོད་གསལ་བ་མཐོང་བའོ། །དེས་ཅིར་འགྱུར་ཞེ་ན། ཡེ་ཤེས་གསུམ་མཐོང་ཕྱིར་ཞེས་པ་སྣང་བ་གསུམ་གྱི་དེ་བཞིན་ཉིད་གང་དུ་མཐོང་བར་འགྱུར་བ་དེ་ལ་དེ་སྐད་ཅེས་བྱའོ། །འདི་དག་གིས་ནི་དེ་#ཁོ་ན་ཉིད་གང་ཡིན་པ་འདི་ཉིད་ངེས་པའི་དོན་ཡིན་ལ་བླང་
[195b.4]བར་བྱ་བ་ཡང་ཡིན་པས་ཐབས་གཞན་གྱིས་ཀྱང་རྙེད་པ་མ་ཡིན་པར་བསྟན་ཏོ། །འོ་ན་ཅི་རྙེད་པར་འགྱུར་ཞེ་ན། སྣང་བ་ལ་སོགས་པས་རྙེད་པར་འགྱུར་བའི་ཕྱིར། དམན་དང་བར་མ་མཆོག་དང་ནི། །དམ་པའི་ཡུལ་ལ་གཞག་#པར་བྱ། །ཞེས་པ་སྣང་བ་དང་སྣང་བ་མཆེད་པ་དང་། སྣང་
[195b.5]བ་ཐོབ་པ་ལ་གནས་པར་བྱ་ཞེས་པའི་དོན་ཏོ། །དེ་ནས་ལངས་པའི་དུས་སུ་སྤྱོད་ལམ་ལ་མི་#གནས་ན་ཡོངས་སུ་གྲོལ་བར་མི་འགྱུར་བས་མཐོང་བ་ལ་སོགས་པ་འདི་གང་དང་#གང་དུ་བརྟག་ཅེ་ན། དེ་བསྟན་པའི་ཕྱིར་དབང་པོ་རང་#ཉིད་ཅེས་བྱ་བ་ལ་#སོགས་པ་སྨོས་ཏེ། མིག་གི་དབང་པོ་ལ་
[195b.6]སོགས་པ་གང་ཞིག་གཟུགས་ལ་སོགས་པ་གང་དག་ལ་དམིགས་#པར་གྱུར་པ་སྟེ། དེ་ཅི་ལྟར་བྱ་ཞེ་ན། དབང་པོ་གང་དང་གང་སྤྱོད་ཡུལ། དེ་དེ་སྣང་བ་ཅན་ཉིད་ཙམ#། །ཞེས་པ་གཟུགས་ལ་སོགས་པ་འདི་དག་སེམས་ཀྱི་སྣང་བ་ཙམ་ཡིན་གྱི་ཕྱི་རོལ་ན་ནི་མ་ཡིན་ནོ། །དེ་#ཅིའི་
[195b.7]ཕྱིར་ཞེ་ན། ཡུལ་#གཅིག་ལ་འདོད་པའི་དབང་གིས་ཐ་དད་དུ་གནས་པའི་ཕྱིར་རོ། །ཡང་ཡུལ་འདི་དག་ནི་སེམས་ཙམ་ཉིད་ཡིན་ཏེ། ཡོད་པ་མ་ཡིན་པ་ལ་དོན་དུ་སྣང་བ་ཉིད་དེ་རབ་རིབ་ཅན་གྱི་ཤེས་པ་བཞིན་ནོ་ཞེས་པ་དང་། ཇི་ལྟར་བྱིས་པས་རྣམ་བརྟགས་#པའི། །ཕྱི་རོལ་དོན་ནི་
[196a]
[196a.1]ཡོད་མ་ཡིན། །བག་ཆགས་ཀྱིས་ནི་དཀྲུགས་#པའི་སེམས། །དོན་དུ་སྣང་བར་རབ་ཏུ་འབྱུང་། །ཞེས་པ་ལ་སོགས་པའི་ལུང་དང་རིགས་པ་དག་གིས་#ཕྱི་རོལ་གྱི་ཆོས་ཐམས་ཅད་སེམས་ཙམ་ཉིད་དུ་བསྟན་པ་ནི་གོང་དུ་བཤད་པ་ཉིད་དོ། །དེ་བས་ན་ཕྱག་ན་རྡོ་རྗེས་བཤད་པ།
[196a.2]ཐབས་ཀྱི་རྒྱུད་དུ་ནི་ཤེས་རབ་ཀྱི་རྒྱུད་ཤེས་པར་བྱའོ། །ཤེས་རབ་ཀྱི་རྒྱུད་དུ་ནི་ཐབས་ཀྱི་རྒྱུད་ཤེས་པར་བྱ་བ་ལ་སོགས་པ་གསུངས་པས་འདི་ནི་འདི་ལྟར་ཤེས་པར་བྱའོ། །དེ་བས་ན་བདག་ཉིད་ཀྱི་#སྤྱོད་ལམ་འདི་ནི་བསྟན་པར་འགྱུར་བས་ཀུན་རྟོག་ལ་སོགས་པ་ཉེ་བར་དགག་པར་དགོངས་སོ། །དེ་ནི་
[196a.3]དབང་པོས་གཟུགས་ལ་སོགས་པའི་ཞེན་པ་བཟློག་ནས་བདག་ཉིད་ཚིམ་པར་བྱའོ་ཞེས་འབྱུང་བས་དེ་བསྟན་པར་བྱ་བའི་ཕྱིར་གསུངས་པ། དབང་པོ་དེ་དེའི་ལམ་ནས་ནི། །ཞེས་བྱ་བ་དབང་པོ་ལ་བརྟེན་ནས་གཟུགས་ཡོངས་སུ་མཐོང་བར་གྱུར་པའོ། །ཅིར་འགྱུར་ཞེ་ན། སྒྲུབ་པ་པོས་ནི་ཡུལ་
[196a.4]ཐོབ་པ། །ཞེས་པ། སྒྲུབ་པ་པོ་བདག་ཉིད་ཀྱིས་#ལྷ་དང་ལྷ་མོར་བྱས་པ་དེ་ནི་ཡུལ་ལ་#དབང་ཐོབ་པར་གྱུར་པའོ#། །དེ་ཇི་ལྟར་བྱ་ཞེ་ན། དེ་ནས་དེ་རྣམས་མ་ལུས་པར། །ཚིམ་པར་བྱ་ཕྱིར་དབུལ་བར་བྱ#། །ཞེས་པ་གང་གིས་བདག་ཉིད་ཕྱག་རྒྱ་ཆེན་པོར་ཡོངས་སུ་རྫོགས་པར་བྱ་སྟེ་བདག་
[196a.5]ཉིད་ལ་ཀུན་དུ་དབུལ་ཞེས་པའི་དོན་ཏོ།# །དེ་དག་གི་དོན་ཡང་འདི་སྐད་དུ་སྟོན་#པར་འགྱུར་ཏེ། གང་གིས་རང་ཉིད་ལྷའི་ཆོ་ག་#ཡོངས་སུ་རྫོགས་པར་བྱ་སྟེ། རྣལ་འབྱོར་མ་དང་#ཐམས་ཅད་ཀུན་དུ་གང་གིས་ལེགས་པར་གནས་ནས་ལ་ལ་ནི་གཟུགས་ཀྱི་ལྷ་མོར་གྱུར་ཏེ་བདག་ཉིད་ཀུན་དུ་
[196a.6]མཉེས་#པར་གྱུར་ཏོ། །ལ་ལ་ནི་སྒྲའི་ལྷ་མོར་གྱུར་ཏེ་བདག་ཉིད་ཀུན་དུ་མཉེས་པར་གྱུར་ཏོ། །ལ་ལ་ནི་དྲིའི་ལྷ་མོར་གྱུར་ཏེ་བདག་ཉིད་ཀུན་དུ་མཉེས་པར་གྱུར་ཏོ། །ལ་ལ་ནི་རོའི་ལྷ་མོར་གྱུར་ཏེ་བདག་ཉིད་ཀུན་དུ་མཉེས་པར་གྱུར་ཏོ། །ལ་ལ་ནི་རེག་བྱའི་ལྷ་མོར་གྱུར་ཏེ་བདག་ཉིད་ཀུན་དུ་
[196a.7]མཉེས་པར་གྱུར་ཏོ། །ལ་ལ་ནི་སྙོམས་པར་ཞུགས་པའི་ཡུམ་#དུ་གྱུར་ཏེ་བདག་ཉིད་ཀུན་དུ་མཉེས་པར་གྱུར་ཏོ། །འདི་དག་གི་དུས་སུ་ཡང་རོལ་པ་སྣ་ཚོགས་ཀྱི་གླུ་དང་རོལ་མོ་སྣ་ཚོགས་ཀྱི་གར་དང་། རོལ་པ་སྣ་ཚོགས་ཀྱིས་#འཕྱང་བ་དང་། རོལ་པ་སྣ་ཚོགས་ཀྱིས་སྒེག་#པ་དང་།
[196b]
[196b.1]རོལ་པ་སྣ་ཚོགས་ཀྱིས་#རྩེ་བ་ལ་སོགས་པ་ལ་#ཀུན་དུ་སྤྱོད་པ་ཡོངས་སུ་སྤྱོད་དོ། །#ད་ནི་སྐུ་གསུམ་ཡང་བཤད་པར་བྱ་སྟེ། ཆོས་ཀྱི་སྐུ་ལ་སོགས་པ་འདི་#གཅིག་པའམ་ཐ་དད་པར་འགྱུར#། དེ་ལས་ཅིར་འགྱུར་གལ་ཏེ་གཅིག་པ་ཡིན་ན་ནི་སྣང་བ་#ཉིད་དང་འགལ་བར་འགྱུར་ལ། ཐ་དད་ན་ནི་རིགས་པས་
[196b.2]འཁྲུགས་སོ་ཞེ་ན་མ་ཡིན་པའི་ཕྱིར།# སྐུ་གསུམ་དག་ནི་ཞེས་པ་ཆོས་ཀྱི་སྐུ་དང་ལོངས་སྤྱོད་རྫོགས་པའི་སྐུ་དང་སྤྲུལ་པའི་སྐུའོ། །ཐ་དད་ན་ནི་འགལ་བར་གནས་སོ། །དེ་སུས་བསྟན་ཞེ་ན། སྐྱོབ་པས་བསྟན་ཏེ་སེམས་ཅན་ཐ་དད་པ་ལ་གཞོལ་བའི་དབང་དུ་བྱ་སྟེ་བཅོམ་ལྡན་འདས་ཀྱིས་#སྐུ་གསུམ་ཐ་
[196b.3]དད་པར་བསྟན་ཏོ་ཞེས་བྱ་བ་དྲང་བའི་དོན་ཏོ། །འོ་ན་ངེས་པའི་དོན་དུ་ཇི་ལྟར་བསྟན་ཞེ་ན། རྫོགས་པའི་རིམ་གྱི་སྦྱོར་བ་ཡིས། །ཞེས་པ་ནི་ཆོས་ཀྱི་སྐུ་ལ་སོགས་པའི་ཟུང་འཇུག་སློབ་པའི་རིམ་པས་སོ། །ཅིར་འགྱུར་ཞེ་ན། གཅིག་ཏུ་ཡང་ནི་འགྱུར་བ་ཡིན། །ཞེས་པ་དབྱེར་མེད་དོ་ཞེས་པ་སྟེ། གང་
[196b.4]ཞིག་གང་དང་གང་དུ་གཉིས་སུ་མེད་ཅིང་གཉིས་སུ་དབྱེར་མེད་པའི་རང་བཞིན་ཅན་གང་ཡིན་པ་དེ་ལ་དེ་སྐད་ཅེས་བྱའོ། །གང་ཞིག་སངས་རྒྱས་སྐུའི་མཚན་ཉིད། །ཅེས་པ་ནི་སྒྱུ་མ་ལྟ་བུའི་སྐུའོ། །ཀུན་རྫོབ་ཀྱི་བདེན་པ་ནི་སྣང་བ་ཙམ་དུ་མི་སླུ་བ་སྟེ་རིམ་#པ་གསུམ་པའོ། །དེ་ཉིད་རྫོགས་པའི་སྦྱོར་
[196b.5]གྱུར་པས། །ཞེས་པ་ནི་རིལ་པོར་འཛིན་པ་དང་རྗེས་སུ་གཞིག་པའི་སྦྱོར་བས་སོ། །ཅིར་འགྱུར་ཞེ་ན། འོད་གསལ་པས་ནི་རྣམ་པར་དག །ཅེས་པ། གཅིག་དང་དུ་མ་དང་བྲལ་བར་གྱུར་ཞེས་པའོ། །འདིས་ནི་སྒྱུ་མ་ལྟ་བུ་དེ་ཉིད་འོད་གསལ་བར་འགྱུར་བ་བསྟན་ཏོ། །དེ་ནས་གང་
[196b.6]གིས་སྣང་བ་འདི་ཉིད་ཡོངས་སུ་དག་པས་ལྷ་དང་ལྷ་མོར་འགྱུར་རོ་ཞེས་བསྟན་པའི་ཕྱིར། ཚིག་གི་ལམ་གྱི་ཡུལ་འདི་ཉིད། །ཅེས་བྱ་བ་ལ་སོགས་པ་སྨོས་ཏེ། ཚིག་གི་ལམ་ནི་ཚིག་གི་བརྗོད་པའི་ཡུལ་ཏེ་སྣོད་དང་བཅུད་ཀྱི་འཇིག་རྟེན་ནོ། །གཙོ་བོ་ནི་ཡབ་རྣམས་སོ། །གཙོ་མོ་ནི་ཤེས་
[196b.7]རབ་ཉིད་དེ་དེའི་སྐུར་སྣང་བ་གང་ཡིན་པ་དེ་ལ་དེ་སྐད་ཅེས་བྱའོ། །སེམས་ཅན་ཀུན་ལ་ཕན་བྱའི་ཕྱིར། །ཞེས་པ་ནི་སེམས་ཅན་རྣམས་བྱང་ཆུབ་ལ་སོགས་པའི་ལམ་ལ་དགོད་པའོ། །འཇའ་ཚོན་བཞིན་དུ་སྣང་བ་ཡིན། །ཞེས་པ་ནི་ཕྱོགས་གཅིག་གི་དཔེ་ཉེ་བར་བསྒྲུབས་#པའོ། །དེ་ནས་
[197a]
[197a.1]སེམས་གསུམ་གྱི་མིང་གི་རྣམ་གྲངས་བསྟན་པ་ནི། །སེམས་དང་སེམས་འབྱུང་མ་རིག་#པ། །ཞེས་བྱ་བ་ལ་སོགས་པ་གསུངས་ཏེ་འདི་དག་ནི་ཤེས་པ་གསལ་བའི་བྱེ་བྲག་གིས་རྣམ་པར་གནས་པར་འགྱུར་བའོ། །ཤེས་རབ་ཐབས་དང་ཞེས་བྱ་བས་#ནི་བྱེད་པ་ལ་ལྟོས་#ཏེ་རྣམ་པར་
[197a.2]གཞག་#གོ། །སྟོང་དང་ཞེས་བྱ་བ་བརྗོད་པ་བཤད་པར་བྱ་བའི་ཕྱིར། རང་བཞིན་སྣང་བ་དབྱེ་#ཤེས་ནས། །ཞེས་བྱ་བ་ལ་སོགས་པ་སྨོས་ཏེ། རང་བཞིན་ནི་འཁྲུལ་བ་#ཉིད་དེ་གང་ཞིག་གང་དང་བྲལ་བའི་དུས་ན་འབྱུང་#བ་དེ་ལ་དེ་སྐད་ཅེས་བྱའོ་སྣང་བ་ནི་བཤད་ཟིན་ཏོ། །དེ་ཤེས་ནས་ཅི་བྱེད་#ཅེ་ན།
[197a.3]དེ་ནས་སྤྱོད་པ་རབ་ཏུ་བྱ། །ཞེས་པ་#གང་ཞིག་གང་གིས་#དུས་སུ་གནས་པ་དེ་ལ་དེ་སྐད་ཅེས་བྱའོ། །དེ་ཅིར་འགྱུར་ཞེ་ན། ལས་ཀྱི་ལུས་ནི་ཡོངས་སྤངས་ནས། །ཞེས་པ་ནི་ཐ་མལ་པའི་ལུས་སྤངས་པའོ། །རྡོ་རྗེའི་སྐུ་ནི་རྡོ་རྗེ་འཆང་ཆེན་པོའི་སྐུ་སྟེ། གང་གིས་#གང་ལ་གནས་ན་གང་
[197a.4]ཞིག་གང་དུ་འགྱུར་བ་#དེ་ལ་དེ་སྐད་ཅེས་བྱའོ། །ད་#ནི་གང་ཞིག་གང་གིས་དུས་སུ་ཇི་ལྟར་བྱ་ཞེ་ན། ཐུགས་#ལ་འཇིག་རྟེན་པ་རྣམས་ཀྱི། །དོན་སྤྱོད་བཞག་ནས་ཞེས་པ་སེམས་ཅན་ཐམས་ཅད་ཀྱི་དོན་བྱའོ་ཞེས་བསམ་པར་བྱའོ། །ཇི་ལྟར་བྱ་ཞེ་ན། དེ་བཞིན་གཤེགས་པ་ཀུན་རྫོབ་ཏུ། །
[197a.5]སྐུ་སྤྲུལ་ནས་ཞེས་སྟོང་པ་ཉིད་ཀྱི་ངང་ལ་#སྣང་བ་ལ་སོགས་པ་རིམ་གྱིས་#ལྷའི་སྐུར་ལྡང་བའོ། །ཇི་ལྟ་ཇི་ལྟར་འདོད་ལ་སྤྱོད། །ཅེས་པ་ནི་འདོད་པའི་ཡོན་ཏན་ལྔ་ལ་ཇི་ལྟར་འདོད་པ་བཞིན་སྤྱོད་པའོ། །དེ་ཅིར་འགྱུར་ཞེ་ན། ཡིད་བཞིན་ནོར་བུ་མཆོག་བཞིན་དུ། །ཞེས་པ་ནི་དཔེ་བསྟན་
[197a.6]པའོ། །འདོད་པ་ཐམས་ཅད་སྟེར་བར་འགྱུར། །ཞེས་པ་ནི་རང་གང་འདོད་པའི་ཡོན་ཏན་ཐམས་ཅད་འབྱུང་བའོ། །སངས་རྒྱས་རྣམས་ཀྱི་ཕུན་ཚོགས་ཀྱང་། །ཞེས་པ་ནི་སངས་རྒྱས་ཀྱི་ཡོན་ཏན་མ་ལུས་པའོ། །སྟོབས་ཀྱི་#བླངས་ནས་སྤྱོད་པར་འགྱུར། །ཞེས་པ་ནི་གོང་དང་འབྲེལ་པ་#
[197a.7]ཉིད་དོ། །ད་ནི་གང་ཞིག་གིས་སྤྱོད་པ་ལ་བསླབ་པའི་ཆོ་ག་ཇི་ལྟར་བྱ། དེ་ལས་ཅིར་འགྱུར་ཞེ་ན། རྣལ་འབྱོར་དབང་པོ་གང་གང་འདོད། །ཅེས་པ་ནི་གཟུགས་ལ་སོགས་པའོ། །དེ་དེ་ཐོགས་#པ་མེད་པར་བྱ། །ཞེས་པ་ནི་དགག་པར་མི་བྱ་ཞེས་པའོ། །ཅིར་#འགྱུར་ཞེ་ན། མཉམ་པར་
[197b]
[197b.1]མ་བཞག་རྣལ་འབྱོར་པ། །རྟག་ཏུ་མཉམ་པར་འཇོག་པར་འགྱུར། །ཞེས་པ་ནི་དེའི་ཡོན་ཏན་བསྟན་ཏོ། །འདི་ཡང་ཁ་ཅིག་འདི་སྐད་ཅས་ཀྱི་མ་འདི་ཅི་གང་གིས་གང་ལ་གནས་པ་དེའི་#དེར་འགྱུར་བ་ཞིག་གམ། དེ་ལས་གཞན་པས་ཀྱང་འགྱུར། དང་པོ་ལྟར་ན་ནི་གང་ཞིག་བྱེད་པ་གང་ཞིག་ཀྱང་
[197b.2]བྱེད་པར་འགྱུར་བས་དེས་ཀྱང་དེ་ལྟར་འགྱུར་རོ། །དེ་ལས་གཞན་དུ་ནི་འདི་ལ་ཡང་གནོད་པར་འགྱུར་རོ། །ཕྱི་མ་ལྟར་ན་ཡང་རང་གི་འདོད་པ་ལས་གཞན་དུ་གྱུར་པ་#ཉིད་དོ་ཞེ་ན་འདི་ཡང་གོང་དུ་བསྟན་པ་ཉིད་དོ། །ཆགས་པ་ལ་དགའ་བའི་རྣལ་འབྱོར་པ་གང་ཞིག་གིས་གང་དུ་ཇི་ལྟར་
[197b.3]གནས་པར་ཇི་ལྟར་འགྱུར་ཞེ་ན། རྡོ་རྗེ་པདྨོ་མཉམ་སྦྱོར་བས། །ཞེས་བྱ་#ནི་ཕོ་དང་མོའི་དབང་པོ་གཉིས་སྙོམས་པར་འཇུག་པའི་ཕྱིར་རོ། །ཡེ་ཤེས་གསུམ་གྱི་ཆ་རིག་པ། །ཞེས་བྱ་བ་ནི་རང་བཞིན་མེད་པའི་#སྐྱེ་བ་དང་འགག་པའི་བྱེ་བྲག་གི་ཡེ་ཤེས་གསུམ་རིག་པའོ། །བློ་ལ་གོས་དང་མ་གོས་
[197b.4]པ། །#ཞེས་པ་ནི་གཟུང་བ་དང་འཛིན་པའོ། །དེར་ནི་བདེ་བར་རྟག་ཏུ་གནས། །ཞེས་པ་ནི་བདེ་བ་ཉིད་ལ་གནས་པའོ་ཞེའོ། །འདི་དག་གི་དོན་ཡང་གང་གིས་#རང་གི་བདག་ཉིད་ཀུན་དུ་གནས་པར་གྱུར་ནས་གང་དུ་གང་དང་འབྲེལ་པར་#བྱས་ནས་ཀུན་དུ་བདེ་བའི་རྣམ་པ་ཅན་གྱི་སེམས་དང་པོ་ནི་དེའི་སྐུར་
[197b.5]པ་ལ་#གཟུང་ངོ་། །དེར་ནི་དང་པོ་འཕེལ་བར་འགྱུར་རོ། །དེ་ནས་ནི་འགག་པར་འགྱུར་རོ། །ས་པི་ཏིའི་གནས་སུ་ནི་རང་གི་རྣམ་གྲངས་#ལ་དང་པོ་ནི་འཕེལ་བར་འགྱུར་རོ། །དེ་ནས་ནི་འགག་པར་འགྱུར་རོ། །དེ་ནས་ནི་སྨད་པའི་གནས་སུ་ནི་#དང་པོ་ནི་#འཕེལ་བར་འགྱུར་རོ། །དེ་ནས་ནི་འགག་
[197b.6]པར་འགྱུར་རོ། །གང་གིས་གང་ནི་ལོག་པའི་དུས་སུ་ཡང་འདི་དག་ནི་སྦྱོར་བ་རབ་ཏུ་གནས་པར་འགྱུར་རོ། །སྒྱུ་མ་ལྟ་བུའི་ཏིང་ངེ་འཛིན་ནི་བཤད་ཟིན་ཏོ། །དངོས་བདག་ཀུན་ལ་རྣམ་པར་རོལ། །ཞེས་པ་ནི་སྙོམས་པར་འཇུག་པའོ། །སངས་རྒྱས་མཛད་པ་ནི་འོག་ནས་སྟོན་ཏེ་སྤྱན་མར་
[197b.7]འགྱུར་རོ་#ཞེས་བྱ་བ་ལ་སོགས་པ་དང་དུས་སོ་ཞེས་བྱ་བ་ལ་སོགས་པས་བསྟན་#ཏོ། །གཏན་ལ་དབབ་པའི་བཞི་#ལ་གནས། །ཞེས་པ་ནི་བསམ་གཏན་ལ་གནས་པའོ། །རྣལ་འབྱོར་ལྷག་པའི་རྣལ་འབྱོར་དང་། །ཞེས་པ་#ལ་སོགས་པ་ལ་ཏིང་ངེ་འཛིན་གང་གིས་བསྐྱེད་པ་དང་རྫོགས་པའི་རིམ་
[198a]
[198a.1]པ་རྒྱན་དང་བཅས་པ་ལ་རྩེ་གཅིག་པའོ། །དེས་ཅིར་འགྱུར་ཞེ་ན། རྣལ་འབྱོར་ཆེན་པོར་#རང་ཉིད་འགྱུར་རོ། །རྡོ་རྗེ་#ཅན་ནི་གཙོ་བོ་ལ་སོགས་པའོ། །མཁའ་འགྲོ་ནི་མཁའ་འགྲོ་མའོ། །གང་ཡང་རྣལ་འབྱོར་དེ་རང་ཉིད། །ཅེས་པ་ནི་གང་རྡོ་རྗེ་ཅན་ལ་སོགས་པ་ཡང་དེ་ཉིད་དོ་
[198a.2]ཞེས་པས་ཐ་དད་པ་མ་ཡིན་པར་བསྟན་ཏོ། །ཀུན་རྫོབ་ཀྱི་བདེན་པ་ལ་གང་ཞིག་གིས་གནས་པས་ཅིར་#འགྱུར་ཞེ་ན། བཀག་པ་དག་ཀྱང་བྱེད་པས་ན། །ཞེས་པ་ནི་རྟོག་པའི་དྲ་བ་དང་བྲལ་བའི་ཕྱིར་རོ། །བྱ་དང་བྱ་མིན་རྣམ་སྤངས་ཏེ། །ཞེས་པ་ནི་ཕུང་པོ་ལ་སོགས་པ་བླང་དོར་གྱི་ཆོས་སྤངས་པའོ། །
[198a.3]དེ་ལྟར་ཤེས་པས་ཅིར་འགྱུར་ཞེ་ན། པདྨ་ལ་ནི་འདམ་གྱིས་#བཞིན། །ངོ་བོ་ཉིད་ཤེས་གོས་མི་འགྱུར། །ཞེས་པ་ནི་ཆོས་ཐམས་ཅད་ཀྱི་རང་བཞིན་ཤེས་པས་འཁོར་བའི་ཉེས་པས་མི་གོས་ཞེས་པའོ། །ཡོན་ཏན་བརྒྱད་ནི་དབང་དང་ལྡན་པ་ལ་སོགས་པའོ། །སེམས་ཅན་ཐམས་ཅད་
[198a.4]རིགས་#འགྱུར་ཞིང་། །ཞེས་པ་ནི་དེ་ལྟ་བུའི་ཆོས་དང་ལྡན་པའི་ཕྱིར་རོ། །འཇིག་རྟེན་ཁམས་རྣམས་མ་ལུས་པར། །བདག་ཉིད་ཡེ་ཤེས་ལུས་ཀྱིས་སྤྱོད། །ཅེས་པ་ནི་དེ་ལྟ་བུའི་ནུས་པ་དང་ལྡན་པའི་ཕྱིར་དེ་ལ་དེ་སྐད་ཅེས་བྱའོ། །གཙོ་བོ་གང་དུ་སྤྱོད་འགྱུར་བ། །ཞེས་པ་ནི་གཙོ་བོ་གང་དང་
[198a.5]གང་དུ་#གནས་པའོ། །དེ་ཡི་ཁྱིམ་ནི་ནམ་མཁའ་ཉིད། །ཅེས་པ་ནི་གང་གིས་སྟོང་པ་ཉིད་ཀྱི་ངང་ལ་གནས་པའི་ཕྱིར་རོ། །བདེ་བ་ཆེན་པོའི་ཡུལ་དུ་བྱེད་པ་ནི་བདེ་བ་ཆེན་པོའི་ཏིང་ངེ་འཛིན་ཏོ། །རྟག་ཏུ་དགྱེས་པ་ནི་རྟག་ཏུ་དགྱེས་པ་སྟེ། རང་བཞིན་གྱིས་དགའ་ཞེས་པའི་དོན་ཏོ། །འདི་ལ་
[198a.6]སྣང་བ་དབྱེ་བ་ལ། །ཞེས་པ་ནི་ཐུན་མཚམས་ཉིན་མོ་མཚན་མོ་ཡི། །ཞེས་པ་སྟེ་གང་གི་མཚམས་ལ་སོགས་པར་རང་གི་ཡེ་ཤེས་སྐྱེ་བ་དེ་ལ་དེ་སྐད་ཅེས་བྱའོ། །སྣ་ཚོགས་པ་ཡི་ཐ་སྙད་དག །འཇིག་རྟེན་པས་ནི་ཡོངས་བརྟགས་#པ། །ཞེས་པ་ནི་བདག་ལ་སོགས་པ་དང་ས་ལ་སོགས་
[198a.7]པར་#བརྟགས་པའོ། །ལམ་གསུམ་གྱི་ནི་དབྱེ་བ་ཡིས། །ཡེ་ཤེས་གསུམ་དུ་རབ་ཏུ་འགྱུར། །ཞེས་པ་ནི་གང་གིས་ལམ་གསུམ་ལ་བརྟེན་པས་འགག་པ་དང་སྐྱེ་བར་འགྱུར་ཞེས་པའོ། །སྐྱེ་དང་གནས་དང་ཞེས་བྱ་བའི་དོན་ནི་བཤད་ཟིན་ཏོ། །དགོད་#དང་རྩེད་མོ་བྱེད་པ་དང་། །ཞེས་བྱ་བ་ལ་
[198b]
[198b.1]སོགས་པ་#འདི་དག་ཀྱང་སྤྲོས་པ་དང་བཅས་པ་ལ་སོགས་པའི་སྤྱོད་པ་སྟེ་བཅོམ་ལྡན་འདས་ཀྱིས་ཀྱང་སངས་རྒྱས་ཐམས་ཅད་དང་མཉམ་པར་སྦྱོར་བ་ཞེས་པ་#ལས་ཇི་སྐད་དུ་གསུངས་པ་བཞིན་ནོ། །བདག་བྱིན་བརླབ་#ཆེན་མ་གཏོགས་#པ། །ཞེས་བྱ་བ་ལ་སོགས་པའི་ཚིག་འདི་དག་གི་དོན་ཡང་བདག་
[198b.2]བྱིན་གྱིས་བརླབ་#པ་མེད་ན་ནམ་ཡང་འབྲས་བུ་དམ་པ་མི་འཐོབ་#ཅེས་བྱ་བའི་དོན་ཏོ། །གཞན་ཡང་ཨེ། ཞེས་བྱ་བ་ནི་བདག་གོ། །བཾ་#ནི་བསྐྱེད་པའོ། །མ་ནི་རྩ་བོ། །ཡ་ནི་དང་པོའོ#། །ཤྲུ་ནི་རྩ་བོ། །ཏཾ་ནི་གནས་པའོ། །ཨེ་ནི་འགྲོ་བའོ། །ཀ་ནི་སྐྱེ་བའོ། །སྨིན་ནི་འབྱུང་བའོ། །ས་ནི་དེ་ཉིད་དེ་རིག་པའོ། །མ་ནི་འབྱུང་བའོ། །ཡེ་ནི་སྤོང་
[198b.3]བའོ། །བྷ་ནི་འབྱུང་བའོ། །ག་ནི་འགྲོ་#བའོ། །བཱན་ནི་སྟེར་བའོ། །ས་ནི་བཏབ་པའོ། །རྦ་ནི་རྟག་#པའོ། །ཏ་ནི་སྟོན་པའོ། །#ཐཱ་ནི་གཞག་པའོ། །ག་ནི་ལྷག་མ་འགོག་པའོ། །ཏ་ནི་འབུལ་#བའོ། །ཀཱ་ནི་གྱུར་པའོ། །ཡ་ནི་དག་པའོ། །བཱ་ཀ་ནི་སྣང་བའོ། །ཙི་ཏ་ནི་བརྗོད་པའོ། །ཏ་ནི་ཐོབ་པའོ། །ཧྲྀ་#ནི་སྤྱོད་པའོ། །ད་ནི་སྟེར་བའོ། །ཡ་ནི་གཞག་#
[198b.4]པའོ། །བ་ནི་གནས་པའོ། །ཛྲེ་ནི་རོལ་པའོ། །ཡོ་ནི་འགྱུར་བའོ། །ཥི་ཏ་#ནི་མི་འགྱུར་བའོ། །བྷ་ནི་སྤྱོད་པའོ། །གེ་ནི་དགོས་པའོ། །ཥུ་#ནི་མཐོར་བའོ། །བི་ནི་འབྱུང་བའོ། །ཛ་ནི་འཕྲུལ་པའོ། །ཧ་ནི་སྤྱོད་པའོ། །ར་ནི་མེད་པའོ། །འདི་དག་ཀྱང་སྒྲའི་རྣམ་པ་ལ་མ་རྨོངས་པས་གང་གི་དུས་སུ་སྒྲ་གཏན་ལ་ཕབ་
[198b.5]ནས་ཕྱིས་དོན་གཞན་དུ་གཏན་ལ་འབེབས་#པའི་དུས་སུ་གང་གང་ལ་ཞེས་བྱ་བ་ལ་སོགས་པ་#དེ་དེ་ལ་ཞེས་བྱ་བ་ལ་སོགས་པས་#ཀུན་དུ་གཏན་ལ་དབབ་པར་བྱའོ། །འདི་དག་གིས་ནི་སྦས་པའི་དོན་བསྟན་ཏོ། །ཡང་ལུང་གིས་#བཤད་པ་ཞེས་པ་ནི་མཐར་ཐུག་པའི་དོན་བཤད་པར་འདོད་པས་སོ།# །
[198b.6]དེ་ཅིའི་ཕྱིར་ཞེ་ན། གང་གིས་གང་དུ་བརྟག་པར་བྱ་བ་དང་བྲལ་བར་བྱ་བའི་ཕྱིར། རྒྱུད་ནི་འདི་སྐད་བདག་གིས་ཐོས། །ཞེས་པ་ནི་སྤྲོས་པ་ཐམས་ཅད་དང་བྲལ་བའི་དེ་ཁོ་ན་ཉིད་དོ། །གསལ་བ་འགའ་ཞིག་#དུས་ཡིན་ཏེ། །ཞེས་པ་ནི་གང་གིས་གང་ཞིག་ཡོངས་སུ་གསལ་བར་གྱུར་པ་དེ་ལ་དེ་སྐད་ཅེས་བྱའོ། །རྡོ་རྗེ་
[198b.7]གསང་བ་ནི་སེམས་གསུམ་ཉིད་དེ། སློབ་མའི་ལུགས་སུ་འབྱུང་བའོ། །རྡོ་རྗེ་དམ་ཚིག་ནི་གསང་བ་གསུམ་ལུགས་ལས་བཟློག་པ་དང་ལྡན་པ་ཉིད་དེ། ཡེ་ཤེས་ཉིད་དེ་དེ་བཞིན་གཤེགས་པས་ན་ཡེ་ཤེས་དེ་བཞིན་གཤེགས་པའོ། །ཡེ་ཤེས་ཕུན་ཚོགས་བསམ་མི་ཁྱབ། །ཅེས་པ་#ནི་སངས་
[199a]
[199a.1]རྒྱས་ཀྱི་ཡོན་ཏན་དཔག་ཏུ་མེད་པའོ། །ཡོད་མེད་གཉི་ག་#ལས་འདས་པ། །ཞེས་པ་ནི་གང་གིས་གང་ཞིག་སྤངས་པར་གྱུར་པ་#དེའི་ཕྱིར་དེ་ལ་རག་ལས་པར་གྱུར་པའི་ཆོས་དེ་ཡང་ཡོངས་སུ་སྤངས་པའོ། །དེ་ལ་གནས་མེད་གནས་པ་ནི་གནས་དང་གནས་པའི་རྟོག་པ་དང་བྲལ་བའོ། །ནམ་
[199a.2]མཁའི་རང་བཞིན་ནི་འདུས་མ་བྱས་པ་སྟེ་ཆོས་ཐམས་ཅད་ཀྱི་དེ་བཞིན་ཉིད་དོ། །ཐམས་ཅད་མཁྱེན་པ་ནི་སངས་རྒྱས་ཏེ་དེའི་ཡེ་ཤེས་ནི་སངས་རྒྱས་ཀྱི་ཡེ་ཤེས་སོ། །དེས་འདི་ཡུལ་དུ་བྱེད་པ་ནི་སྒོམ་པའོ། །བཞུགས་པ་ཞེས་བྱ་བ་ཡང་ཇི་ལྟ་བུ་ཡིན་ཞེ་ན། འགྲོ་སྙིང་རྣམ་དག་སྟེ་ཆོས་ཐམས་ཅད་ཀྱི་དེ་བཞིན་ཉིད་ལ་བཞུགས་པ་ནི་
[199a.3]གནས་པར་མཛད་པའོ། །དེ་བས་ན་#བཞུགས་ཞེས་བྱ་བ་ལ་སོགས་པའི་ཐ་སྙད་ཐམས་ཅད་ཀྱང་དོན་དམ་པ་ལ་འཇུག་པར་བྱ་བ་ཡིན་གྱི་#དོན་དམ་པར་བརྗོད་པའི་ཕྱིར་ནི་མ་ཡིན་ནོ་ཞེས་བཤད་དོ། །གཞན་གོང་#དུ་བཤད་པའོ། །དེ་ལྟར་ཞེས་བྱ་བ་ནི་དེའི་ཕྱིར་ཏེ། འདི་སྐད་ཅེས་བྱ་བ་ལ་སོགས་པ་ནི་གང་གིས་
[199a.4]ཇི་ལྟར་ཡོངས་སུ་བསྟན་པའི་ཕྱིར་ཞེས་པའོ། །ཞུགས་#པའི་ཚིག་ཉིད་ཀྱིས་ཞེས་བྱ་བ་ནི་ཐ་མ་སྨོས་པ་ཉིད་དོ། །རྒྱུད་མ་ལུས་པའི་དགོངས་པ་བསྟན་པ་ནི་རྒྱུད་མ་ལུས་པའི་དོན་བསྟན་པས་ཏེ་འདིས་མཇུག་བསྡུ་བ་བསྟན་ཏོ། །དེའི་འོག་ཏུ་ཞེས་བྱ་བ་ལ་སོགས་པས་ནི་འདི་ཉིད་ཀྱི་ཡན་ལག་བསྟན་པར་
[199a.5]བྱའོ། །འཁོར་ཕུན་སུམ་ཚོགས་པ་ཡང་གྲངས་ཇི་ལྟ་ཙམ་ཞེ་ན། བརྗོད་ཀྱིས་#མི་ལང་བ་#ཞེས་བྱའོ། །དེ་བཤད་པ་བགྲང་བ་ལས་འདས་པ་ནི་བགྲང་དུ་མེད་པའོ། །གང་ཞིག་ཀུན་དུ་བསམ་གྱིས་མི་ཁྱབ་པར་གྱུར་པ་དེ་ལ་དེ་སྐད་ཅེས་བྱའོ། །འོ་ན་ལན་གཉིས་སྨོས་པས་ཅི་ཞིག་བྱེད་ཅེ་ན།
[199a.6]གཟུགས་#དང་ཡོན་ཏན་ཞེས་བྱ་བ་ལ་སོགས་པ་སྨོས་ཏེ་འདི་དག་དཔག་ཏུ་མེད་པའོ། །དེས་ནི་#བྱེད་ཅེ་ན། གང་གིས་གང་ཞིག་ཀུན་དུ་སྣང་བར་གྱུར་པ་དེ་ལ་དེ་སྐད་ཅེས་བྱའོ། །གཞན་ནི་གོ་སླའོ། །དེ་ནས་གང་གིས་གང་ཞིག་ཡོངས་སུ་རྫོགས་པར་བསྟན་པ་ནི། གང་གིས་ལྷའི་འཁོར་ལོ་ཡོངས་སུ་
[199a.7]རྫོགས་པ་སྟེ་དེ་ཉིད་དོ། །དམ་ཚིག་རྡོ་རྗེ་ཞེས་བྱ་བ་གང་ཞིག་ཡིན་ཞེ་ན་དོན་ཡོད་པར་གྲུབ་པའོ་ཞེས་གང་ཞིག་ཡོངས་སུ་གྲུབ་པ་དེ་ལ་དེ་སྐད་ཅེས་བྱའོ། །འོ་ན་སྒྲིབ་པ་རྣམ་པར་སེལ་བ་ལ་ཅིའི་ཕྱིར་དམ་ཚིག་རྡོ་རྗེའི་སྒྲར་བརྗོད་ཅེ་ན། འདིར་དེའི་རིགས་དང་ལྡན་པ་ཞེས་བྱ་བ་ལ་སོགས་པ་སྨོས་ཏེ། འདིར་དོན་ཡོད་གྲུབ་པའི་
[199b]
[199b.1]རིགས་དང་ལྡན་པ་གང་ཡིན་པ་དེ་ལ་དེ་སྐད་ཅེས་བྱའོ། །དེ་བས་ན་གཅིག་#ནི་དངོས་སུ་བརྗོད་པ་ཉིད་དོ། །གཅིག་ནི་བཏགས་ནས་#བསྟན་པ་ཉིད་དོ། །རིགས་གཞན་ཡང་དེ་བཞིན་དུ་ཤེས་པར་བྱའོ། །འདི་དག་གིས་ནི་བྱང་ཆུབ་སེམས་དཔའི་འཁོར་བསྟན་ཏོ། །བྱང་ཆུབ་སེམས་དཔའི་འཁོར་ཁོ་ན་ལས་མ་གསུངས་སམ་ཞེ་ན་
[199b.2]མ་ཡིན་པའི་ཕྱིར། བྱང་ཆུབ་སེམས་དཔའི་ཚོགས་འབའ་ཞིག་དང་ལྷན་ཅིག་བཞུགས་པར་མ་ཟད་ཀྱི་ཞེས་བྱ་བ་ལ་སོགས་པ་སྨོས་ཏེ། འོ་ན་གང་དང་བཞུགས་ཤེ་ན། དེ་བཞིན་གཤེགས་པ་རྣམས་དང་ཡང་ལྷན་ཅིག་ཏུ་བཞུགས་པ་སྟེ་བགྲང་#བ་ལས་འདས་ཞེས་བྱ་བ་ལྷག་མ་རྣམས་སོ། །གཞན་ནི་གོ་སླའོ། །
[199b.3]རྡོ་རྗེ་འཆང་ཆེན་པོ་ཉིད་ཀྱི་#ཡན་ལག་གི་ཆ་ཤས་སུ་གྱུར་པ་ཞེས་པ་ནི་འཁོར་ཐམས་ཅད་གཙོ་བོ་ལས་ཐ་དད་དུ་འཇུག་པར་མི་འགྱུར་ཏེ། གང་གི་ཕྱིར་གང་ཞིག་གང་ལས་ཐ་དད་དུ་མེད་པར་#འགྱུར་བ་དེའི་ཕྱིར་དེ་ལ་དེ་སྐད་ཅེས་བྱའོ། །གང་ལས་ཤེས་ཤེ་ན། འདི་ཉིད་ལས་ཞེས་པ་གསང་བ་
[199b.4]འདུས་པའོ། །མདོར་ན་ཞེས་བྱ་བ་ལ་སོགས་པ་བཤད་ཟིན་ཏོ། །དེ་བས་ན་ཞེས་པ་ནི་དེའི་ཕྱིར་ཞེས་པའོ། །བཅོམ་ལྡན་འདས་དེ་ཉིད་ཀྱི་ཞེས་པ་ནི་རྡོ་རྗེ་འཆང་ཆེན་པོ་ཞེས་བྱ་བའི་དོན་ཏོ། །རང་གི་སྐུའི་དཀྱིལ་འཁོར་སྤྲོས་ནས་ཞེས་པ་ནི་རང་གི་འཁོར་ཡོངས་སུ་རྫོགས་པའོ། །དེས་ཅི་བྱེད་ཅེ་ན། དཀྱིལ་འཁོར་
[199b.5]འཁོར་ལོ་ལྟ་བུས་འདུལ་བའི་སྐྱེ་བོ་རྣམས་དགའ་བར་བྱ་བའི་ཕྱིར་ཞེས་པའོ། །གཞལ་ཡས་ཁང་གི་དབུས་སུ་བཞུགས། །ཞེས་པ་ནི་གོ་བར་མཛད་#དོ། །དེ་ལྟར་ཞེས་པ་ནི་མཇུག་བསྡུ་བའི་ཐ་ཚིག་གོ། །ད་ནི་ཞེས་བྱ་བ་ལ་སོགས་པས་#ནི་འདོད་ཆགས་ཆེན་པོའི་སྤྱོད་པ་ཡོངས་སུ་རྫོགས་པར་བསྟན་པར་བྱ་བའི་ཕྱིར་རོ། །
[199b.6]འདོད་ཆགས་ཀྱིས་འདོད་ཆགས་རབ་ཏུ་སྤང་བར་བྱ་བའི་ཕྱིར་ཞེས་བྱ་བ་ལ་སོགས་པ་ནི་བཤད་ཟིན་ཏོ། །བཤད་མ་ཐག་པ་#ནི་གོང་དུ་བཤད་པ་ཉིད་དོ། །རང་གི་ས་བོན་གྱི་འོད་ཟེར་གྱི་ལྕགས་ཀྱུས་དྲངས་ཞེས་པ་ནི་སྙིང་ག་ནས་ཕྱུང་སྟེ་སླར་བསྡུ་བས་#བསྡུས་ཞེས་པའི་དོན་ཏོ། །འདི་ཡང་གང་གི་ཕྱིར་གང་ཞིག་ལ་#བྱུང་
[199b.7]ནས་གང་དུ་གནས་པར་འགྱུར་བ་དེ་ལ་དེ་སྐད་ཅེས་བྱའོ། །དེ་ནས་ཅི་བྱེད་ཅེ་ན་བཅོམ་ལྡན་འདས་མཆོག་ཏུ་དགའ་བའི་བདེ་བས་ཚིམ་པར་བྱ་བའི་ཕྱིར་ཞེས་པ་ནི་གང་གི་བདེ་བས་གང་ཞིག་གང་དུ་གནས་པར་འགྱུར་བ་དེ་ལ་དེ་སྐད་ཅེས་བྱའོ། །དེ་ཅིའི་ཕྱིར་ཞེ་ན། གནས་སྐབས་སྔ་མ་ནི་སངས་རྒྱས་དང་བྱང་ཆུབ་སེམས་
[200a]
[200a.1]དཔའི་དཀྱིལ་འཁོར་ཏེ་གང་གིས་དེ་ཡོངས་སུ་སྤངས་པ་དེ་ལ་དེ་སྐད་ཅེས་བྱའོ། །འོ་ན་གང་དུ་འགྱུར་ཞེ་ན། ལྷའི་བུ་མོའི་གཟུགས་སུ་མངོན་པར་སྤྲུལ་ནས་ཞེས་པ་ནི་གང་གིས་ལྷའི་བུ་མོ་གང་དང་འདྲ་བར་ཀུན་དུ་མཛེས་པར་གྱུར་པ་གང་ཡིན་པ་དེ་ལ་དེ་སྐད་ཅེས་བྱའོ། །ལྷའི་བུ་མོའི་#གཟུགས་སྣང་བ་ཡང་
[200a.2]གང་དང་གང་ཡིན་ཞེ་ན་སའི་ཁམས་ནི་སངས་རྒྱས་སྤྱན་ལྟ་བུའོ་ཞེས་པ་ནི་ས་རྡོ་རྗེ་ལས་ཐ་དད་དུ་གནས་པའོ། །འདིར་སའི་ཁམས་ཉིད་སངས་རྒྱས་སྤྱན་ལྟ་བུའོ་ཞེས་པ་ནི་གང་ཞིག་གང་ལས་ཐ་དད་དུ་གྱུར་པའོ། །ཡང་ན་འདིར་སའི་ཁམས་ནི་སངས་རྒྱས་སྤྱན་ཉིད་ཅེས་པ་#ནི་གང་ཞིག་དང་འབྲེལ་པ་དེ་ལ་དེ་སྐད་
[200a.3]ཅེས་ཅེས་བྱའོ། །གཞན་ཡང་དེ་བཞིན་ནོ། །འདོད་ཆགས་ཀྱང་ཡིན་ལ་ཆེན་པོ་ཡང་ཡིན་པས་གང་ཞིག་ཉོན་མོངས་པ་དང་བྲལ་བ་གང་ཡིན་པའི་ཆོས་ཉིད་དོ། །འདོད་ཆགས་དང་བྲལ་བ་ལ་སོགས་པ་ཡང་གང་ཡིན་ཞེ་ན་ཉོན་མོངས་པ་དང་བྲལ་བའོ། །གཞན་གོ་སླའོ། །གཞན་ཡང་གང་ཞིག་ཕྱི་རོལ་གྱི་དེ་བཞིན་
[200a.4]གཤེགས་པའི་འཁོར་དེ་དག་ཏུ་དམིགས་ཞེས་པ་ལ་སོགས་པའི་དོན་ནི། གང་གིས་གང་ཞིག་གང་དུ་འཛིན་པ་དེ་དང་དེ་སྤང་བར་བྱ་བའི་ཕྱིར་ཞེས་པའོ། །བདག་ཉིད་སངས་རྒྱས་ཐམས་ཅད་དེ། །ཞེས་པ་ནི་རྡོ་རྗེ་འཆང་ཆེན་པོ་དང་སངས་རྒྱས་ཐམས་ཅད་ཐ་དད་དུ་མེད་ཅེས་པའོ། །རྒྱལ་སྲས་ཐམས་ཅད་ཉིད་ཀྱང་ཡིན། །
[200a.5]ཞེས་པ་ནི་བྱང་ཆུབ་སེམས་དཔའི་བདག་པོར་གྱུར་པ་ཡང་ཡིན་ཞེས་པ་སྟེ་ཐ་དད་དུ་མེད་པ་ཡིན་ནོ། །ངེས་#པ་ནི་མ་ནོར་བའོ། །ད་ནི་དེ་ནས་ཞེས་བྱ་བ་ལ་སོགས་པའི་དགོས་པ་བཤད་པའི་ཕྱིར། ད་ནི་རྒྱུད་འདི་ལ་ཞེས་བྱ་བ་ལ་སོགས་པ་གསུངས་ཏེ། སེམས་གཙོ་བོ་ཡིན་པ་ནི་ཏིང་ངེ་འཛིན་གཙོ་བོ་ཡིན་པའི་ཕྱིར་རོ། །
[200a.6]མི་བསྐྱོད་པ་ནི་ཐུགས་ཀྱི་ངོ་བོའི་ཕྱིར་རོ། །འདི་སྐད་དུ་སྟོན་ཏོ།# །སེམས་སྣང་བ་དང་བཅས་པ་གང་གི་ཏིང་ངེ་འཛིན་གྱི་ཡན་ལག་གིས་སྦྱངས་པས་ཐོབ་པ་དེ་ནི་དེའི་རིགས་ཏེ་དེ་བས་ན་དེ་#གཙོ་བོར་གྱུར་པ་ཉིད་དོ། །དེ་བཞིན་གཤེགས་པ་ཞེས་བྱ་བ་ལ་སོགས་པའི་དོན་ནི་གང་གིས་ཆོས་ཀྱི་འབྱུང་གནས་ཀྱི་ནང་དུ་བྷྲཱུཾ་#ལ་སོགས་
[200a.7]པའི་དེ་བཞིན་གཤེགས་པའི་གཞལ་ཡས་ཁང་ཕྱི་དང་ནང་ཤིན་ཏུ་གསལ་བ་ཇི་ལྟར་སྨོས་པའི་རྒྱན་ཐམས་ཅད་དང་ལྡན་པ་ཤིན་ཏུ་མཛེས་པ་བལྟ་ན་སྡུག་པའི་ངོ་བོ་ཉིད་དོ་ཞེས་བསྟན་#ཏོ། །དེ་ལྟ་བུའི་གཞལ་ཡས་ཁང་གི་དབུས་སུ་ལྷག་པར་མོས་པ་ལྷ་ལྔའི་རྣམ་པར་བསྒོམས་ཏེ་སླར་རང་ལ་གཞུག་གོ། །ལུང་ལས་ཀྱང་།
[200b]
[200b.1]པདྨ་འདབ་མ་བཞིར་ལྡན་པའི། །རིགས་ལྔ་བསྐྱེད་པ་ཡང་དག་བསྒོམ། །ཞེའོ། །ངེས་པའི་དོན་དུ་བཤད་པ#། རྣམ་པར་ཤེས་པའི་བདག་ཉིད་ཅན། །ཞེས་པ་ནི་དེའི་ངོ་བོ་ཉིད་དག་པས་དེར་གྱུར་པའོ། །གཟུགས་ཀྱི་ཕུང་པོ་ལ་སོགས་པ་རྣམ་པར་ཤེས་པའི་བར་དུ་སྟེ་འདི་ལྟར་ཕུང་པོ་དང་། ཁམས་དང་སྐྱེ་མཆེད་ཐམས་ཅད་
[200b.2]རང་གི་ཤེས་པའི་རང་བཞིན་ཏེ། དེ་ཉིད་ཡེ་ནས་སྤྲོས་པ་དང་བྲལ་ཞིང་མ་སྐྱེས་པའི་རང་བཞིན་ཐོགས་པ་མེད་པས་སངས་རྒྱས་ཐམས་ཅད་ཀྱིས་བསྟེན་པར་བྱ་བའི་ཕྱིར་བཙུན་མོའོ། །ཡོངས་སུ་དག་#ཕྱིར་གསལ་བའོ། །འོད་ཟེར་ཐམས་ཅད་ཀྱི་རང་བཞིན་པས་ན་སྣ་ཚོགས་ཀུན་དུ་རྒྱས་སོ། །དེ་བཞིན་གཤེགས་པ་ཐམས་
[200b.3]ཅད་ཀྱི་རང་བཞིན་པས་ན་དེའི་ངོ་བོ་ཉིད་དོ། །སྣང་བ་ལས་བྱུང་བ་དང་། #དེའི་རང་བཞིན་པས་ན་གསལ་བ་ལ་སོགས་པ་སྟེ། འདིས་ཆོས་ཐམས་ཅད་ཀྱི་དེ་བཞིན་ཉིད་ཀྱི་ཡེ་ཤེས་ཀྱི་སྐུར་བཤད་ནས། དེ་ནས་སེམས་ཅན་ཐམས་ཅད་#དང་བྱང་ཆུབ་སེམས་དཔའ་ལ་ཇི་སྐད་དུ་བཤད་པའི་སྐུ་ཉིད་གསལ་བར་སྣང་བར་འགྱུར་
[200b.4]རོ་ཞེས་བྱ་བའི་དོན་ཏོ། །ནམ་མཁའ་ཀུན་ནི་དོན་དམ་པའི་དེ་བཞིན་ཉིད་དོ། །དེའི་ངང་ལ་རྡོ་རྗེ་སེམས་དཔའ་རབ་ཏུ་བཞུགས་པ་ནི་ཡང་དག་པའི་ཡེ་ཤེས་ཀྱི་ཡུལ་དང་བྲལ་བའི་ཚུལ་དུ་བྱས་པའོ། །དོན་འདི་ཉིད་ནི་བསྐྱེད་པའི་རིམ་པ་ཉིད་དོ། །དེ་གསལ་བར་བྱ་བ་ནི་བསྟན་པ་དང་བཤད་པའི་རིམ་པས་སོ། །འདས་པ་དང་
[200b.5]ཞེས་བྱ་བ་ལ་སོགས་པ་བཤད་པའི་དོན་ནི་གང་གིས་དུས་གསུམ་གྱི་སངས་རྒྱས་ཐམས་ཅད་འདུས་པའི་བདག་ཉིད་ཅན་རྡོ་རྗེ་སེམས་དཔའ་ས་བོན་ལ་སོགས་པའི་གཟུགས་ཀྱིས་སྐྱེ་བ་དང་སྡུད་པའི་ཚུལ་བསྟན་པ་ཉིད་དོ། །རྡོ་རྗེ་འཆང་ཆེན་པོ་ཞེས་བྱ་བ་ལ་སོགས་པ་འདིས་ནི་དེའི་དགོས་པ་བསྟན་ཏོ། མ་འོངས་
[200b.6]པའི་གང་ཟག་གིས་བསྐྱེད་པའི་རིམ་པ་བསྒོམས་ན་ཞེས་བྱ་བ་ཉིད་དོ། །རྡོ་རྗེ་སེམས་དཔའ་དང་འདྲ་བར་འགྱུར་བར་དགོངས་སོ། །ཕུང་པོ་ལ་སོགས་པ་ནི་ཡུལ་དང་དབང་པོ་ཐམས་ཅད་དོ། །ཀུན་རྫོབ་བྱང་ཆུབ་སེམས་ནི་ཁུ་བ་སྟེ་#ཟག་པ་མེད་པའི་བདེ་བ་སྐྱེད་#པའི་ཕྱིར་རོ། །གཅིག་ཏུ་མཛད་པ་ནི་དེས་མི་རྟོག་
[200b.7]པའི་ཡེ་ཤེས་སྐྱེད་པའི་ཕྱིར་རོ། །དེ་ཉིད་བཤད་པ། ནམ་མཁའི་དབྱིངས་ཞེས་བྱ་བ་ལ་སོགས་པ་ལ། རྩ་ཕྲན་སྟོང་ཕྲག་#བདུན་ཅུ་རྩ་གཉིས་ནི་བྱང་ཆུབ་ཀྱི་སེམས་ཀྱི་ས་བོན་གནས་པའི་རྩ་སྟེ། དེ་#རླུང་ལ་སོགས་པའི་རིམ་པས་བྱང་ཆུབ་ཀྱི་སེམས་ཕབ་པས་ཟག་པ་མེད་པའི་བདེ་བ་ཡོངས་སུ་རྒྱས་པར་འགྱུར་རོ། །
[201a]
[201a.1]དབང་པོ་གཉིས་ནི་རྡོ་རྗེ་དང་པདྨ་སྟེ་སྐྱེ་བ་ལ་དབང་བའི་ཕྱིར་རོ། །དེས་#ཅིར་འགྱུར་ཞེ་ན། འདོད་ཆགས་ཆེན་པོའི་མེ་སྟེ་གང་ལ་སེམས་ཆེན་པོ་དང་ཏིང་ངེ་འཛིན་དུ་ལྡན་པ་ཡོད་པ་དེ་ལ་དེ་སྐད་ཅེས་བྱའོ། །མཆོག་ཏུ་དགའ་བ་ནི་ཉོན་མོངས་པ་དང་བྲལ་བའི་དགའ་བའོ། །འདི་ནི་དབང་པོ་གཉིས་སྦྱོར་བའི་
[201a.2]སྣང་བ་གསུམ་མོ། །དོན་དམ་པའི་བདེན་པས་གཅིག་ཏུ་མཛད་པ་ནི་སྤྲོས་པ་ཐམས་ཅད་དང་བྲལ་བའི་ཡེ་ཤེས་ཀྱི་རང་བཞིན་མེད་པར་གྱུར་པའོ། །སྟོང་པ་ཉིད་གསུམ་ནི་གོང་དུ་བཤད་པའོ། །ཐམས་ཅད་སྟོང་པ་ནི་མཐར་ཐུག་པ་ཉིད་དོ། །དེ་ལྟར་ལྷག་པར་མོས་པས་ཞེས་བྱ་བ་ནི་དྲང་བ་དང་སྤྱིའི་དོན་དུ་བཤད་
[201a.3]པ་ཡིན་གྱི་ཐམས་ཅད་ཀྱི་#ནི་མ་ཡིན་ནོ། །ཡོངས་སུ་དག་པ་དང་ཡོངས་སུ་མ་དག་པ་ནི་སློབ་པ་དང་མི་སློབ་པ་དང་#། ཤེས་བྱའི་སྒྲིབ་པ་མཐའ་དག་སྤངས་པ་དང་མ་སྤངས་པའི་ཕྱིར་རོ། །དེ་ལ་གཙོ་བོ་ནི་ཡོངས་སུ་དག་#པའོ། །ལྷག་མ་ནི་ཡོངས་སུ་དག་པ་དང་མ་དག་པ་ཉིད་དོ། །ཡི་གེ་གསུམ་ནི་ཨོཾ་ཨཱཿཧཱུཾ་
[201a.4]གསུམ་མོ། །དེ་ཉིད་ནི་འདའ་བར་མི་བྱ་བ་ནི་ཡོངས་སུ་བླང་བར་བྱ་བ་ཉིད་དོ། །དེ་ལས་བྱུང་བ་ནི་ཡི་གེ་གསུམ་ལས་བྱུང་བ་སྟེ་རིགས་དྲུག་པའོ། །རྣལ་འབྱོར་བཞི་ནི་རྣལ་འབྱོར་དང་། ལྷག་པའི་རྣལ་འབྱོར་དང་། རྣལ་འབྱོར་ཆེན་པོ་དང་། དེ་ཁོ་ན་ཉིད་ཀྱི་རྣལ་འབྱོར་ཏེ་བཤད་ཟིན་ཏོ། །འདི་དག་གི་དོན་ཡང་
[201a.5]ཐོག་མར་སྲུང་#བའི་འཁོར་ལོ་སྔོན་དུ་འགྲོ་བས་སྟོང་པ་ཉིད་ཀྱི་ངང་ལས་རྟེན་གྱི་དཀྱིལ་འཁོར་གཞལ་ཡས་ཁང་དང་བཅས་པ་གསལ་བར་བྱས་ནས། དེ་ནས་མོས་པས་རང་བཞིན་གྱི་#དཀྱིལ་འཁོར་གསལ་བར་བྱས་པ་སྟེ་#སླར་སྟོང་པ་ཉིད་དུ་བྱས་པ་ལས་ཉི་མ་དང་ཟླ་བ་དང་པདྨ་དང་། ཨོཾ་ཨཱཿཧཱུཾ་ཞེས་པ་ནི་
[201a.6]གསལ་བར་བསམ་མོ། །དེ་ནས་དེ་དག་ཟླ་བའི་དཀྱིལ་འཁོར་ལ་འདུས་ཏེ་དེ་ལ་དམིགས་པར་བྱའོ། །དེ་ཡོངས་སུ་གྱུར་པ་ལས་དང་པོའི་མགོན་པོ་ཟླ་བ་ལྟ་བུ་#བསམས་ཏེ། དེར་མི་བསྐྱོད་པ་བཞུགས་པས་ཞལ་གསུམ་པའི་རྡོ་རྗེ་སེམས་དཔའ་བསམས་#ལ། འོག་ནས་འབྱུང་བའི་རིམ་པས་རྡོ་རྗེ་སེམས་དཔའི་ལུས་
[201a.7]ལ་ལྷ་ཐམས་ཅད་ཀྱི་ཡི་གེ་དགོད་པར་བྱའོ། །དེ་ནས་ནམ་མཁའ་ལ་སངས་རྒྱས་ཐམས་ཅད་བལྟས་ཏེ་ལྷ་མོ་སོ་སོས་མཆོད་པ་སྔོན་དུ་འགྲོ་བས་གསོལ་བ་བཏབ་པས་ཇི་སྐད་དུ་འོག་ནས་འབྱུང་བའི་ཆོ་གས་གནས་གསུམ་བྱིན་གྱིས་བརླབ་པར་བྱའོ། །དེ་ནས་ལེགས་པར་སྦྱངས་པའི་ཤེས་རབ་མ་དང་གཉིས་སུ་མེད་པར་
[201b]
[201b.1]སྙོམས་པར་འཇུག་པ་ཆོ་ག་འདིས་འོག་ནས་སྟོན་པའི་དཀྱིལ་འཁོར་སྤྲོས་ཏེ་སེམས་ཅན་གྱི་དོན་བྱས་ནས་སླར་འདུས་ནས་རང་གི་དཀྱིལ་འཁོར་ལ་དམིགས་ཏེ་བརྟན་པར་བྱའོ། །དེ་ནས། སྣ་ཡི་རྩེ་མོར་ཡུངས་ཀར་བསམ། །ཞེས་བྱ་བ་ལ་སོགས་པའི་རིམ་པ་འདིས་#ཕྲ་མོའི་ཏིང་ངེ་འཛིན་སྣའི་རྩེ་མོར་བརྟན་#པར་བྱའོ། །
[201b.2]གཞན་ཡང་འོད་དུ་ཞུ་བ་བསླང་བ་#དང་ཟས་ལ་སོགས་པ་ལེགས་པར་བཟའ་བ་དང་། ལྷའི་འཁོར་ལོ་ལ་བསྟོད་པ་ཞེས་བྱ་བ་ལ་སོགས་པའི་ཡན་ལག་ཐམས་ཅད་ཡོངས་སུ་རྫོགས་པར་བྱའོ། །འོད་གསལ་བ་ནི་སངས་རྒྱས་ཐམས་ཅད་ཀྱིས་#འདའ་བར་བྱ་བ་མ་ཡིན་པ་སྟེ་ཆོས་ཀྱི་སྐུའོ། །དེ་ལས་བྱུང་བ་ནི་རྡོ་རྗེ་
[201b.3]འཆང་ཆེན་པོ་སྟེ། #ཅིའི་ཕྱིར་ཞེ་ན། མཁས་བརྩོན་#ཞེས་བྱ་བ་ལ་སོགས་པ་སྟེ། མཁས་པ་ཆེ་བ་དང་། བརྩོན་པ་ཆེ་བ་དང་། རྩོམ་#པ་ཆེ་བ་ཞེས་པ་སྟེ། འདི་དག་གིས་རང་དང་གཞན་གྱི་དོན་#ཕུན་སུམ་ཚོགས་པ་བསྟན་ཏོ། །གཞན་ནི་གོ་སླའོ། །ཐེ་ཚོམ་སྐྱེ་བར་བྱེད་པ་ཞེས་བྱ་བ་ལ་སོགས་པ་རིགས་པ་འདི་བླ་མ་ལས་
[201b.4]བྱུང་གི་གཞན་དུ་རྟོག་གེ་པས་ནམ་ཡང་རྙེད་པར་མི་འགྱུར་ཞེས་ངེས་པར་སྟོན་པར་བྱེད་དོ་ཞེའོ། །དེ་རྣམས་འབྱུང་བའི་དམ་#ཚིག་ནི་དེ་སྐྱེད་པར་བྱེད་པའི་ཞེས་བྱ་བ་ནི་དམ་ལས་མི་འདའ་བ་ཉིད་དོ། །དབང་པོ་གཉིས་ཞེས་བྱ་བ་ལ་སོགས་པས་ནི་གསང་བའི་དབང་བསྐུར་བསྟན་ཏོ། །གདུལ་བྱའི་སྐྱེ་བོ་ནི་སློབ་པ་ཡང་མ་
[201b.5]ཡིན་མི་སློབ་པ་ཡང་མ་ཡིན་#པའོ། །སྐུ་རྣམ་པ་གཉིས་ནི་ལོངས་སྤྱོད་རྫོགས་#དང་སྤྲུལ་པའི་སྐུའོ། །ཡང་དག་པར་སྟོན་པ་ནི་སྐུ་དང་གསུང་གི་#ཆོས་སྟོན་པ་སྟེ་དེས་སྨིན་པ་དང་གྲོལ་བར་བྱེད་པས་དེ་ལ་དེ་སྐད་ཅེས་བྱའོ། །ཡེ་ཤེས་ཉིད་ཅེས་པ་ནི་གཞན་དང་ལྡན་པ་རྣམ་པར་གཅོད་པའོ། །སེམས་ཅན་རྣམས་ཀྱི་རྒྱུད་ལ་ཞེས་བྱ་
[201b.6]བས་ནི་གསལ་བར་བྱ་བའི་ཡུལ་བསྟན་ཏོ། །མི་བསྐྱོད་པ་ནི་གསལ་བར་བྱེད་པའོ། །རྣམ་པར་ཤེས་པ་གསུམ་གྱི་སྣང་བ་ཞེས་པ་ནི་ཤེས་པའི་སྣང་བ་ཉིད་དོ། །དོན་དམ་པའི་བདེན་པ་ནི་ཡང་དག་པའི་ཤེས་པ་དང་ལྡན་པ་ལ་བདེན་པས་སོ། །བརྗོད་#དུ་མེད་པས་ནི་དེའི་མཚན་ཉིད་བསྟན་ཏོ། །རྣམ་པ་#མ་ལུས་པ་ཟིལ་གྱིས་
[201b.7]མནན་#པས་ནི་དེའི་ལས་བསྟན་ཏོ། །རང་བཞིན་གྱིས་#འོད་གསལ་བའི་ཏིང་ངེ་འཛིན་ནི་ཆོས་ཀྱི་སྐུ་སྟེ་དེ་ལས་ཆུ་ལས་ཉའི་ཚུལ་དུ་རང་གི་སྐུར་བཞེངས་པའོ། །དེས་ཅི་བྱེད་ཅེ་ན། ཉོན་མོངས་པ་ལྔས་ཁྱབ་པའི་ཞེས་པ་ལ་སོགས་པ་ནི་སྤྱིར་སྙིང་རྗེའི་ཡུལ་དུ་བསྟན་ཏོ། །དེ་ལྟ་ན་ཡང་ཅིའི་ཕྱིར་སྙིང་རྗེ་སྐྱེ་ཞེ་ན། ཉོན་མོངས་
[202a]
[202a.1]པའི་རང་བཞིན་ནི་ཡེ་ནས་རྣམ་པར་དག་པ་སྟེ་དེ་ཡོངས་སུ་ཤེས་པ་ཉིད་ནི་བྱང་ཆུབ་ཡིན་ལ་དེའི་ངོ་བོ་ཉིད་ནི་བདག་ཡིན་ནོ་ཞེས་པ་འདིས་#ནི་ཉོན་མོངས་པ་དང་རྡོ་རྗེ་འཆང་དང་། དེ་བཞིན་གཤེགས་པ་ནི་གཉིས་སུ་མེད་ཅིང་གཉིས་སུ་དབྱེར་མེད་དོ་ཞེས་དགོངས་པ་ཉིད་དོ། །བྱེ་བྲག་ཏུ་བསྟན་པ། ཉོན་མོངས་པ་
[202a.2]ཞེ་སྡང་ནི་སེམས་ཁོང་དུ་#འཁྲུགས་པ་སྟེ། དེ་དང་གང་ལྡན་པ་དེ་ལ་དེ་སྐད་ཅེས་བྱའོ། །དེ་སྦྱང་བ་#ནི་ཡོངས་སུ་དག་པར་#བྱ་བའི་ཕྱིར་རོ། །ཞེ་སྡང་ཞེས་པའི་བཤད་པ་ཐུགས་རྗེ་ཆེན་པོའི་ཐབས་ཀྱི་ཁྲོ་བ་#ནི་ཐུགས་#རྗེ་ཆེན་པོས་སྤྲུལ་པའོ། །དེ་ཡང་རབ་ཏུ་ཁྲོས་པའི་#ཆོས་དང་ལྡན་པས་ནི་ཞེ་སྡང་སྟེ། གང་ལ་ཞེ་སྡང་དང་འདྲ་
[202a.3]བའི་ཆོས་ཡོད་པའི་ཕྱིར་དེ་ལ་དེ་སྐད་ཅེས་བྱའོ། །དེའི་རིགས་#ནི་དེའི་རིགས་སུ་སྐྱེད་པའོ། །འདོད་པའི་འབྲས་བུ་སྐྱེད་པ་ནི་སྔགས་དང་མཐུན་#པའི་ལུས་སྐྱེད་པའོ། །ཇི་ལྟར་སྐྱེ་ཞེ་ན། སྐུ་དང་ཞེས་བྱ་བ་ལ་སོགས་པའི་བཤད་པ་སྙོམས་པར་ཞུགས་པ་ཞེས་པ་ནི་ཡབ་ཡུམ་སྦྱོར་བ་ལས་ཏེ་མངལ་ནས་སྐྱེས་
[202a.4]པའི་ཚུལ་ཅན་ནོ། །བཛྲ་དྷྲྀཀ་#ཅེས་པས་ནི་དབྱུང་བའི་སྔགས་བསྟན་ཏོ། །དེའི་དོན་ཅི་ཞེ་ན་རྡོ་རྗེ་འཆང་ཞེས་པའོ། །དེ་ཉིད་བཤད་པ#། མངོན་པར་བྱང་ཆུབ་པ་ནི་བསྐྱེད་#པའི་རིམ་པའི་ས་བོན་ལ་སོགས་པའོ། །དེ་མཚོན་པའི་རྡོ་རྗེ་རྩེ་ལྔ་པ་གང་གིས་འཛིན་པ་དེ་ལ་དེ་སྐད་ཅེས་བྱའོ། །བདེན་པ་གཉིས་ནི་དོན་#དམ་པ་
[202a.5]དང་ཀུན་རྫོབ་སྟེ་གཉིས་སུ་མེད་པ་ནི་སྤྲོས་པ་ཐམས་ཅད་དང་བྲལ་བའོ། །དེ་ཉིད་#རྡོ་རྗེ་སྟེ་རྣམ་པར་རྟོག་པའི་རི་བོ་གཅོད་པ་སྟེ། དེ་གང་དང་ལྡན་པ་དེ་ལ་དེ་སྐད་ཅེས་བྱའོ། །དེ་སྤྲོས་ནས་ཕྱི་རོལ་གྱི་སེམས་ཅན་ཐམས་ཅད་ཀྱི་ཞེ་སྡང་རྣམ་པར་སྦྱངས་ཏེ། སླར་ལོག་ནས་གཙོ་བོའི་མདུན་དུ་བཞུགས་སོ་ཞེས་
[202a.6]བྱའོ། །ཇི་ལྟ་བུའི་རྣམ་པར་བཞུགས་ཤེ་ན། མི་བསྐྱོད་པའི་ཕྱག་རྒྱ་ཆེན་པོའི་ངོ་བོར་བཞུགས་སོ་ཞེའོ། །དེ་ལྟར་སྦྱོར་བ་དང་པོ་ནི་ཏིང་ངེ་འཛིན་དང་པོ་ཉིད་དོ། །སེམས་ཅན་རྨོངས་པ་ནི་རྒྱུ་དང་འབྲས་བུ་དང་དེ་ཁོ་ན་ཉིད་ཀྱི་དོན་མི་ཤེས་པའོ། །དེ་སྦྱང་བ་#ནི་དེའི་ཉེས་པ་སེལ་བའོ། །གཞན་ནི་གོ་སླའོ། །དབྱུང་བའི་
[202a.7]སྔགས་ནི་ཛི་ན་ཛིཀ་ཅེས་པའོ། །རྡོ་རྗེ་ལྟ་བུའི་ཏིང་ངེ་འཛིན་ནི་སྐད་ཅིག་མ་གཅིག་གིས་སྒྲིབ་པ་ཐམས་ཅད་དང་བྲལ་བར་བྱེད་པའི་ཏིང་ངེ་འཛིན་ཏོ། །ཀུན་རྫོབ་ཀྱི་བྱང་ཆུབ་#སེམས་ནི་བཤད་ཟིན་ཏོ། །འདི་ནི་གཞན་དུ་ཡང་སྟེ། གང་གི་ཏིང་ངེ་འཛིན་གྱིས་གང་ཤེས་པའི་ཏིང་ངེ་འཛིན་གྱིས་དེ་ཡང་ཤེས་པ་ཉིད་དོ། །ཡང་དག་པའི་
[202b]
[202b.1]མཐའ་ནི་དེ་བཞིན་ཉིད་དེ་དེ་#ཡེ་ཤེས་གང་གིས་ཡུལ་དུ་བྱས་པ་དེ་ལ་དེ་སྐད་ཅེས་བྱའོ། །ནོར་གྱིས་#དྲེགས་པ་ནི་ནོར་ལ་དགའ་བར་བྱེད་པའོ། །ཁེངས་པ་ནི་#ང་རྒྱལ་ཆེན་པོ་ཉིད་དང་ལྡན་པར་གྱུར་པ་ཉིད་དོ། །སྦྱིན་པས་འདུལ་བ་ནི་ནོར་བུ་རིན་པོ་ཆེའི་སྤྲིན་གྱིས་ང་རྒྱལ་རབ་ཏུ་ཞི་བར་བྱེད་པའོ། །ང་རྒྱལ་རྣམ་པར་དག་པའི་གནས་
[202b.2]ལ་ཡང་དག་གཞག་པ་ནི་དེས་ང་རྒྱལ་གྱི་རང་བཞིན་དང་བྲལ་བའི་དོན་དམ་པའོ། །གཞན་ནི་གོ་སླའོ། །འདོད་ཆགས་ནི་འཁྲིག་པ་དང་ཡུལ་ལ་ཆགས་པའོ། །དེ་ཡང་གང་གིས་སྤོང་ཞེ་ན་བཅོམ་ལྡན་འདས་འོད་དཔག་ཏུ་མེད་པའི་རྣལ་འབྱོར་ཏེ། ཏིང་ངེ་འཛིན་གང་གིས་དེ་ཡུལ་དུ་བྱས་པ་དེ་ལ་དེ་སྐད་ཅེས་བྱའོ། །#གང་
[202b.3]གིས་དེ་#ལྟ་བུའི་རང་བཞིན་ཡོངས་སུ་ཤེས་པར་བྱ་བའི་ཕྱིར་གསུངས་སོ་ཞེས་སྦྱར་རོ། །འདོད་ཆགས་ཆེན་པོ་ཡང་གང་ཡིན་ཞེ་ན། མཆོག་ཏུ་དགའ་བས་ཏེ#། དྲི་མ་མེད་པའི་དགའ་བའོ། །དེའི་རྒྱུ་ནི་དེ་འཕེལ་བར་བྱེད་པའི་རྒྱུ་སྟེ་ཁུ་བ་བྱང་ཆུབ་ཀྱི་སེམས་སོ། །དེ་ལས་བྱུང་བ་ནི་རྒྱུ་དེ་ལས་སྐྱེས་པ་སྟེ། འོད་དཔག་ཏུ་མེད་
[202b.4]པའོ། །ངེས་པའི་དོན་དུ་གང་ཡིན་ཞེ་ན་འོད་གསལ་བ་སྟེ་སྟོང་པ་ཉིད་དོ། །དེ་ལས་བྱུང་བ་ནི་སེམས་ཅན་དེ་ལྟ་བུ་གདུལ་བའི་#དོན་དུ་དེའི་སྐུར་སྤྲུལ་པའོ།# །སོ་སོར་རྟོག་#པའི་ཡེ་ཤེས་ནི་ཆོས་ཐམས་ཅད་མ་འདྲེས་པར་མཁྱེན་པ་གང་ལ་ཡོད་པ་དེ་ལ་དེ་སྐད་ཅེས་བྱའོ། །དེ་ལ་ཆགས་པ་ནི་དེ་ཡང་དག་པར་ངེས་པའི་ཚུལ་
[202b.5]དུ་འཛིན་པའོ། །འཁོར་བ་མ་ལུས་པར་འཇོམས་པ་ནི་གང་གིས་འཁོར་བ་མ་ལུས་པའི་#རྟོག་པ་འཇོམས་པའོ། །གཞན་ཡང་དེ་བཞིན་ནོ། །དོན་ཡོད་པ་གྲུབ་པ་ནི་#ཅིའི་ཕྱིར་ཞེ་ན་བྱ་བ་གྲུབ་པའི་ཞེས་བྱ་བ་ལ་སོགས་པས་#བསྟན་ཏོ། །འོད་གསལ་བ་ལ་ཅིའི་#ཕྱིར་ཞེ་ན་མཚན་མ་#མེད་པའི་འབྲས་བུ་སྟེར་བ་སྟེ་དེ་ལ་དམིགས་པས་དེ་འགྲུབ་#པའི་
[202b.6]ཕྱིར་རོ། །ཕྲག་དོག་ནི་གཞན་གྱི་ཡོན་ཏན་ལ་སེམས་ཁོང་ནས་འཁྲུགས་པ་སྟེ། གང་གིས་#དེ་དང་ལྡན་པའི་སེམས་ཅན་འདུལ་#བར་བྱེད་པ་དེའི་ཕྱིར་དེ་ལ་དེ་སྐད་ཅེས་བྱའོ། །ཁམས་ཕྲ་བ་ནི་ལྟེ་བ་ལ་གནས་པའི་རླུང་སྟེ། དེས་ཐབས་#ཀྱི་ཡེ་ཤེས་བྱང་ཆུབ་ཀྱི་སེམས་བཀུག་ནས་མཆོག་ཏུ་དགའ་བ་སྐྱེད་པ་སྟེ་དེ་ལས་བྱུང་བའི་
[202b.7]ཕྱིར་རོ། །རབ་ཏུ་རྣམ་པར་འབྱེད་པ་ནི་རྟོག་པ་དང་དཔྱོད་པ་དང་། ངེས་པར་འབྱེད་པ་སྟེ། རྒྱུ་དེ་ལས་བྱུང་བའི་ཕྱིར་རོ། །འཛིན་པ་ནི་དེ་དང་ལྡན་པའོ། །ཟླ་བ་ནི་བྱང་ཆུབ་ཀྱི་སེམས་སོ། །རླུང་གིས་འཛིན་པ་ནི་དེ་མི་གཏོང་བའོ། །གདུལ་བྱ་#ནི་ཁམས་གསུམ་གྱི་སེམས་ཅན་ནོ། །དེའི་མངོན་པར་འདོད་པ་ནི་དེའི་བླང་བར་བྱ་བའོ། །ཟག་པ་མེད་
[203a]
[203a.1]པའི་བདེ་བ་ཆེན་པོ་ནི་ཆོས་ཀྱི་སྐུའོ། །རིགས་འདི་རྣམས་ཞེས་པ་ནི་འོག་ནས་སྟོན་ཏོ། །ཕུང་པོ་འདི་#དག་ནི་གཟུགས་ལ་སོགས་པ་སྟེ་དེ་ཉིད་དོན་དམ་པར་སངས་རྒྱས་དང་ངོ་བོ་གཅིག་པའི་ཚུལ་གྱིས་སོ། །དེ་ལྟ་བུའི་དབུས་#སུ་མ་ཡིན་ནམ་སྙམ་པ་ལ། རྫོགས་པའི་བྱང་ཆུབ་རྐྱེན་དུ་བྱུང་། །ཞེས་པ་ནི་འདི་
[203a.2]ལ་བརྟེན་ནས་བླ་ན་མེད་པའི་བྱང་ཆུབ་སྒྲུབ་པ་ཉིད་དོ། །དེའི་ཕྱིར་ནི་ཐ་དད་དོ་#ཞེ་ན། དེ་བཞིན་ཉིད་དུ་གཉིས་མེད་པ། །ཞེས་དོན་དམ་པར་གཉིས་སུ་མེད་ཅིང་དབྱེར་མེད་པའོ། །ཡང་རྣམ་པར་སྣང་མཛད་ཅེས་བྱ་བ་ལ་སོགས་པའི་དོན་ནི། རྫོགས་སངས་རྒྱས་ནི་ཆགས་པ་བྲལ། །འདོད་ཆགས་ཅན་ལ་དེ་ཉིད་དོ། །ཞེས་
[203a.3]པ་ལྟ་བུའོ། །མཱ་མ་ཀཱི་ནི་འཁྲིག་པ་ཡི། །རེག་བྱས་མཉེས་པར་བྱེད་པའི་ཕྱིར། །འདའ་བར་བྱ་བ་མ་ཡིན་ནོ། །ཞེས་བསྟན་པར་འགྱུར་རོ། །ཞེ་སྡང་ནི་མི་བསྐྱོད་པ་སྟེ་ཞེ་སྡང་ཅན་གྱིས་#འགྲོ་བ་འདུལ་བར་བྱེད་པའི་ཕྱིར་རོ། །དེ་#དགའ་བ་ནི་དེ་མཉེས་པར་བྱེད་པའི་ཚུལ་གྱིས་སོ། །ཞེ་སྡང་རྣམ་པར་དག་པ་ནི་དེ་བཞིན་
[203a.4]ཉིད་དེ་རྒྱུ་དང་ངོ་བོ་ལ་སོགས་པ་མ་གྲུབ་པའི་ཕྱིར་རོ། །དེ་ལ་དགའ་བ་ནི་དེ་དང་དབྱེར་མེད་པའི་ཚུལ་གྱིས་ཏེ་ཡང་དག་པའི་#ཡེ་ཤེས་སོ། །བཅོམ་ལྡན་འདས་རྡོ་རྗེ་འཆང་ཆེན་པོ་དེ་ཉིད་ཅེས་བྱ་བ་ལ་སོགས་པའི་དོན་ནི་དེ་དག་ཀྱང་རྡོ་རྗེ་འཆང་གིས་སེམས་ཅན་གྱི་དོན་དུ་དེ་ལྟར་བསྟན་གྱི་དོན་དམ་པར་ནི་མ་ཡིན་ནོ་
[203a.5]ཞེའོ། །གཞན་ལ་ཡང་དེ་ལྟར་ཤེས་པར་བྱའོ། །སྐུ་དང་གསུང་དང་ཐུགས་མི་རྟག་#པ་ནི་སྐད་ཅིག་གཉིས་པ་ལ་སོགས་པར་མི་གནས་པའོ། །སླུ་#བ་ནི་རྟག་པར་སེམས་པ་ལའོ། །ཆོས་ཐམས་ཅད་སྟོང་པ་ནི་ཇི་ལྟར་བརྟག་#པ་དང་བྲལ་བའོ། །སླུ་བ་ནི་ཡོད་པར་འཛིན་པའི་གང་ཟག་ལའོ། །སྣང་བ་གསུམ་ནི་བཤད་
[203a.6]ཟིན་ཏོ། །སླར་ཡང་དངོས་པོ་མེད་པར་བྱས་པ་ནི་འོད་གསལ་བའི་ངང་དུ་སྟེ་དེ་ཉིད་ཡོད་པར་འཛིན་པ་ནི་གང་ཟག་ལའོ། །ཕུང་པོ་ལ་སོགས་པ་ནི་སྦྱང་བར་བྱའོ#། །རིལ་པོར་འཛིན་པ་ལ་སོགས་པ་ནི་སྦྱོར་བའི་ཐབས་སོ། །དེ་ཐམས་ཅད་དབྱེ་བ་#མེད་པར་གྱུར་པ་#ནི་དེའི་འབྲས་བུའོ། །འདི་ནི་ཐམས་ཅད་རང་གིས་བརྟགས་
[203a.7]པས་སླུ་#བ་སྟེ། བདེན་པར་གྱུར་པའི་དོན་མཐོང་བས། །དམན་ལ་བདེན་པར་གྱུར་པ་སླུ། །ཞེས་འབྱུང་བ་ལྟ་བུའོ། །གཞན་ནི་སྔ་མ་བཞིན་ནོ། །གཤིན་རྗེ་ནི་དམྱལ་བའི་སྲུང་མ་དང་བཅས་པ་སྟེ་དེ་ན་དབང་ཆེ་བར་སྣང་བའི་ཕྱིར་རོ། །ཁྲོ་བོ་ཆེན་པོ་ནི་དེ་དག་འཇིགས་པར་སྣང་བའོ། །མཐར་ཐུག་#མཛད་ཅིང་འཇིགས་པ་ནི་
[203b]
[203b.1]གཏུམ་པོའི་ལས་ཀྱི་#དོན་ཆེན་པོ་དང་ལྡན་པར་བྱེད་པའོ། །རྨོངས་པའི་མུན་པ་ཉིད་མ་རིག་#པ་སྟེ་དམན་པར་གྱུར་པའི་ཕྱིར་སྡུག་བསྔལ་སྣ་ཚོགས་ཉམས་སུ་མྱོང་བར་བྱེད་པས་གཤིན་རྗེའོ། །དོན་དམ་པའི་བདེན་པས་མཐར་ཐུག་#པར་མཛད་པ་ནི་རང་བཞིན་གྱིས་བག་ཆགས་དང་བཅས་ཏེ་རྩད་ནས་གདོན་པའི་ཕྱིར་རོ། །དེ་བཞིན་
[203b.2]གཤེགས་པ་ཐམས་ཅད་ཀྱི་མངོན་པར་བྱང་ཆུབ་པ་ཡང་གང་ཞེ་ན་རིན་ཆེན་འབྱུང་ལྡན་ནོ། །འོད་གསལ་བ་ནི་མངོན་པར་བྱང་ཆུབ་པ་ལས་བྱུང་བ་དང་། དེའི་ངོ་བོ་ཉིད་ཀྱི་ཕྱིར་རོ། །དེ་ཉིད་ནི་མི་ཕྱེད་པས་རྡོ་རྗེའོ། །རྣམ་པར་རྟོག་#པའི་བདག་ཉིད་ཅན་ནི་ཡིད་ཀྱི་རྣམ་པར་ཤེས་པ་དང་མཚུངས་པར་#ལྡན་པའོ། །དེ་འོད་གསལ་བར་
[203b.3]འཇུག་པ་ནི་སྟོང་པ་ཉིད་དུ་བྱས་པའོ། །རྡོ་རྗེའི་དམ་ཚིག་ནི་གང་ཞིག་དེས་གང་བསྙེངས་པར་བྱ་ཞེ་ན་རྡོ་རྗེ་ནི་དེ་བཞིན་གཤེགས་པའི་ཁྲོ་བོའི་ཚུལ་ཅན་ཏེ་དེས་གདུག་པ་ཅན་སློབ་དཔོན་ལ་སྡང་བ་ལ་སོགས་པ་བསྲེགས་པ་ནི་དོན་ཆེན་པོ་དང་ལྡན་པར་བྱ་བའི་ཕྱིར་རོ། །ཡང་བྱེ་བྲག་བསྡུ་བ་སྟེ། རྡོ་རྗེ་དམ་ཚིག་ཉིད་སྲེག་#
[203b.4]པའོ། །འོད་དཔག་ཏུ་མེད་པ་ནི་ཆོས་རིན་པོ་ཆེ་སྟེ་ཆོས་ཐམས་ཅད་ཀྱི་འབྱུང་གནས་སུ་གྱུར་པའི་ཕྱིར་རོ། །རྟ་མགྲིན་ཡང་འོད་དཔག་ཏུ་མེད་པ་སྟེ་དེའི་རིགས་སུ་གྱུར་པའི་ཕྱིར་རོ། །འོད་གསལ་བ་ནི་ཆོས་རིན་པོ་ཆེ་སྟེ་ཆོས་ཐམས་ཅད་ཀྱི་དེ་བཞིན་ཉིད་ཀྱི་ཕྱིར་རོ། །རྟ་མགྲིན་ཡང་དེ་ལས་བྱུང་བའི་ཕྱིར་དེ་སྐད་ཅེས་བྱའོ། །ཉོན་མོངས་
[203b.5]པ་རྣམས་ཀྱིས་མ་གོས་པ་ནི་དེའི་རང་བཞིན་#ཡིན་པའི་ཕྱིར་རོ། །དེ་ཉིད་འཇིགས་#པར་མཛད་པ་ནི་དེ་དང་ལྷན་ཅིག་པར་འགལ་བའི་ཕྱིར་རོ། །པདྨ་ནི་སྐྱེ་གནས་སོ་ཞེས་པ་ལ་སོགས་པའི་དོན་ནི་རྡོ་རྗེ་པདྨ་སྙོམས་པར་ཞུགས་པས་བྱང་ཆུབ་སེམས་ཕབ་སྟེ་དེས་བདེ་བ་དང་བདེ་བ་དམ་པ་སྐྱེ་བར་འགྱུར་རོ་ཞེས་པའི་དོན་
[203b.6]ཏོ། །རྣམ་པར་དག་པའི་གནས་ནི་རྣམ་པར་དག་པར་བྱེད་པའི་རྟེན་ཏེ་གང་ཡིན་ཞེ་ན་འོད་གསལ་བའོ། །བགེགས་ནི་བི་ནཱ་#ཡ་ག་ལ་སོགས་པ་སྟེ་དེ་མཐར་བྱེད་པ་ནི་ཐབས་#གང་གི་སྒོ་ནས་དོན་ཆེན་པོ་ལྡན་པར་བྱེད་པའི་ཕྱིར་དེ་ལ་དེ་སྐད་ཅེས་བྱའོ། །དེས་པའི་དོན་དུ་བགེགས་ཞེས་བྱ་བ་གང་ཞིག་ཅེ་ན། བགེགས་ནི་
[203b.7]ཁམས་བཞི་པོ་སྟེ། ས་དང་ཆུ་དང་མེ་དང་རླུང་རང་གི་ལུས་ཀྱིས་བསྡུས་པའོ། །དེ་ལ་ཡང་ཅིའི་ཕྱིར་ཞེ་ན། དེ་དག་འཕེལ་བ་དང་འགྲིབ་པས་ལུས་གཟིར་བར་བྱེད་པའི་ཕྱིར་རོ། །ཐབས་ཀྱི་#ཡེ་ཤེས་ཤར་བས་རྣམ་པར་འཇིག་པ་ནི་གང་གིས་ལུས་ཀྱི་རྒྱུན་ལས་བྱང་ཆུབ་སེམས་ཕབ་སྟེ་དེའི་ཉེས་པ་དང་བྲལ་བར་བྱས་པ་
[204a]
[204a.1]ཉིད་དོ། །འདི་ལ་ཁ་ཅིག་གིས་#འདི་སྐད་ཅེས་དེ་བཞིན་གཤེགས་པའི་གཙོ་བོ་དང་འཁོར་གྱི་རྣམ་པར་སྣང་བ་འདི་#ཐ་དད་པའམ་གཅིག་པའམ་དེ་ལས་གཞན་དུ་འགྱུར་ཞེས་རྟོག་དྲང་#ན། རེ་ཞིག་དང་པོར་ཐ་དད་པ་ནི་མ་ཡིན་ཏེ་སོ་སོར་མ་འདྲེས་པར་རྣམ་པར་སྣང་བའི་ཕྱིར་དང་གང་གིས་རག་ལས་དེའི་དབང་
[204a.2]གིས་འགྱུར་རོ་ཞེས་བྱ་བར་ཡང་མི་ནུས་ཏེ། དུར་དང་དཀར་པོ་ལྟ་བུའོ། །རང་གི་བློ་དང་#འགྱུར་བ་ཡང་མ་ཡིན་ཏེ་བརྟགས་པ་མ་ཡིན་པའི་ཕྱིར་རོ། །གལ་ཏེ་ཡིན་ནོ་ཞེ་ན་ཡང་བླང་བར་བྱ་བ་མ་ཡིན་པ་ཉིད་དོ། །ཕྱོགས་ངེས་པར་#འགྲུབ་པར་མི་འགྱུར་ཏེ་དེ་ཉིད་ཀྱི་ཕྱིར་ཐ་དད་པ་ནི་མ་ཡིན་ནོ། །གལ་ཏེ་གཅིག་པ་ཉིད་དོ་ཞེ་ན་ཡང་ཤིན་ཏུ་
[204a.3]རིགས་པ་མ་ཡིན་ཏེ། ཁ་དོག་དང་གནས་ལ་སོགས་པ་ཐ་དད་པའི་ཕྱིར་རོ། །གལ་ཏེ་གནས་གཅིག་པས་གཅིག་པ་ཉིད་དོ་ཞེ་ན་ཡང་རིགས་པ་མ་ཡིན་ཏེ། ཐམས་ཅད་སའི་དཀྱིལ་འཁོར་གཅིག་ལ་བརྟེན་པ་ཉིད་ཀྱི་ཕྱིར་རོ། །གལ་ཏེ་ལུས་འདྲ་བས་གཅིག་པ་ཉིད་དོ་#ཞེ་ན་ཡང་མ་ཡིན་ཏེ་གང་གིས་མི་རྣམས་ཀྱི་#ལུས་
[204a.4]འདྲ་བས་གཅིག་པ་མ་གྲུབ་པ་བཞིན་ནོ། །གལ་ཏེ་ཡེ་ཤེས་གཅིག་པ་ཉིད་ཀྱིས་གཅིག་པ་ཉིད་དོ་ཞེ་ན་ཡང་མ་ཡིན་ཏེ་མི་རྟག་པ་དང་མི་རྟག་པ་ཅན་ཡང་ཤིན་ཏུ་གཅིག་པར་འགྱུར་རོ། །གལ་ཏེ་རིག་པ་ཙམ་དུ་འདོད་པའོ་ཞེ་ན་ཡང་མ་ཡིན་ཏེ་སངས་རྒྱས་དང་བྱང་ཆུབ་སེམས་དཔའ་དང་སོ་སོའི་སྐྱེ་བོའི་བར་ལ་སོགས་པ་
[204a.5]ཟག་པ་མེད་པའི་ས་བོན་དང་བཅས་པས་བསྡུས་པའི་ཕྱིར་ཐམས་ཅད་ཀྱང་ངོ་། །གལ་ཏེ་ཤེས་པ་ཐ་དད་དུ་གྱུར་པས་ཡིན་ནོ་ཞེ་ན་སོ་སོ་རང་གི་རིག་པས་བརྟགས་ན་དབྱེར་མེད་པའི་ཕྱིར་རོ། །#ཡང་སྔ་མའི་ས་#ན་འཇུག་པ་ཉིད་དོ་ཞེ་ན་ཡང་མ་ཡིན་ཏེ། རང་གི་གདུལ་བྱའི་དབང་གིས་སྣ་ཚོགས་པར་སྣང་བའི་ཕྱིར་རོ། །དེ་བས་ན་འདིར་ཡང་
[204a.6]སངས་རྒྱས་ཐམས་ཅད་དབྱེར་མེད་ཀྱང་རང་གི་གདུལ་བྱའི་དབང་གིས་#སྣ་ཚོགས་པར་སྣང་བའི་ཕྱིར་རོ། །གལ་ཏེ་དེ་ལྟ་ན། གཅིག་པར་འགྱུར་རོ་ཞེ་ན་དེ་ནི་འདོད་པ་སྟེ། དེའི་རང་བཞིན་གྱི་ཕྱིར་དུས་ཐམས་ཅད་དུ་གཅིག་པ་ཉིད་ཀྱི་ཕྱིར་རོ། །དེ་ལྟར་ན་སེམས་ཅན་གྱི་འདོད་པས་བྱུང་བའི་ཕྱིར་དུས་ཐམས་ཅད་དུ་འདོད་པས་ཇི་ལྟ་བ་
[204a.7]བཞིན་དུ་འབྱུང་བར་འགྱུར་རོ། །གལ་ཏེ་#ནི་རང་གི་རྣམ་པར་རྟོག་#པས་བསྒྲིབས་པའི་ཕྱིར་མི་སྣང་ངོ་། །འདོད་པ་ལ་རག་ལས་པའི་དངོས་པོ་ནི་མི་སྣང་བར་མི་འགྱུར་ཏེ་གང་གི་ཕྱིར་རང་གི་འདོད་པ་ཙམ་#གཙོ་བོར་བྱེད་པའི་ཕྱིར་རོ། །གལ་ཏེ་རང་གི་འདོད་པ་གཙོ་བོར་མི་བྱེད་ན་ནི་ཐ་དད་པས་སྣང་བར་མི་འགྱུར་ཏེ་བཀབ་#པའི་ཕྱིར་རོ། །གལ་ཏེ་སྒྲིབ་
[204b]
[204b.1]པས་#མི་སྣང་ན་སྒྲིབ་#པ་དང་བྲལ་བའི་དུས་ན་ཐ་དད་པ་མི་སྣང་སྟེ་དེ་ནི་མེད་པའི་ཕྱིར་རོ། །གང་གི་ཕྱིར་#སེམས་ཅན་གྱི་མོས་པ་འབའ་ཞིག་ལས་མ་ཡིན་ཏེ་སྨོན་ལམ་ཆེན་པོའི་འཕེན་པས་ཀྱང་སྣང་ངོ་། །དེ་བས་ན་གཉིས་ཚོགས་ན་འགྱུར་གྱི་གཞན་དུ་ནི་མ་ཡིན་ནོ། །ཡང་ཅི་ཐ་དད་པར་འགྱུར་བའི་སྨོན་ལམ་འགྲུབ་པ་ཅིའི་ཕྱིར་ཞེ་ན། ཐ་དད་
[204b.2]པའི་#སེམས་ཅན་ཡོངས་སུ་སྨིན་པར་བྱ་བའི་ཕྱིར་ཏེ་འདི་ལྟར་ཐ་དད་པའི་སེམས་ཅན་རྣམས་ལ་མཐུན་པ་དང་མི་མཐུན་པ་གཅིག་གིས་#དོན་བྱེད་པ་ནི་འགལ་བའི་ཕྱིར་རོ། །གལ་ཏེ་དེ་ལྟ་ན་རྒྱུ་གཉིས་ལས་གྲུབ་པའི་ཕྱིར་གཅིག་ལས་སྣ་ཚོགས་སུ་ནི་#སྣང་ན། གང་གི་#ཕྱིར་ཤེས་པ་སྣ་ཚོགས་པར་གྱུར་པ་ཉིད་དེ་གལ་ཏེ་དེ་ལྟར་#མ་གྱུར་
[204b.3]ན་ཐམས་ཅད་མཁྱེན་པ་གྲུབ་པར་མི་འགྱུར་རོ་ཞེ་ན་མ་ཡིན་ཏེ། གང་གི་ཕྱིར་དེའི་རྒྱུ་ཚོགས་པ་དེ་ཙམ་གྱིས་ཤེས་#བྱ་ཐམས་ཅད་མཁྱེན་པའི་ཚུལ་དུ་སྣང་གི་དོན་དམ་པར་ནི་མ་ཡིན་ཏེ་སྒྱུ་མའི་རྟ་ལ་སོགས་པ་བཞིན་ནོ། །གལ་ཏེ་དེ་ལྟ་ན་#ནི་ང་ནི་ཟག་པ་ཟད་དོ། །ད་ནི་ཆོས་ཐམས་ཅད་ཀྱི་དོན་ཡོངས་སུ་ཤེས་པའོ་ཞེས་བྱ་བ་ལ་
[204b.4]སོགས་པ་འདི་ལེགས་པར་གནས་པར་མི་འགྱུར་རོ་ཞེ་ན། དེ་ནི་དགོངས་པ་སྟེ། འདིར་ཆོས་ཐམས་ཅད་ཀྱི་དེ་ཁོ་ན་ཉིད་ཀྱི་དོན་ཇི་ལྟ་བ་བཞིན་ལ་དགོངས་པའོ། །གལ་ཏེ་མཚན་མ་ཐམས་ཅད་མཁྱེན་ན་ཅིར་འགྱུར་ཞེ་ན། མཚན་མ་ནི་ཐོག་མ་མེད་པའི་ལས་ཀྱིས་བསྒྲུབས་པས་འཁྲུལ་པའི་ཕྱིར་ལ། འཁྲུལ་པའི་
[204b.5]ཡུལ་ལ་དམིགས་པའི་ཕྱིར་འཁྲུལ་བའི་ཡུལ་ཅན་གྱི་ཤེས་པར་འགྱུར་གྱི་ཡེ་ཤེས་#ནི་མ་ཡིན་ནོ། །གལ་ཏེ་དེ་ཉིད་ཡེ་ཤེས་སོ་ཞེ་ན་གང་གི་ཕྱིར་ཇི་ལྟར་གནས་པའི་དོན་ཤེས་པས་ཡེ་ཤེས་ཞེས་བྱ་བ་ནི#། དེ་གང་གིས་འགྲུབ་པར་འགྱུར་རོ།# །དེ་ནི་སོ་སོར་རྟོག་པའི་ཡེ་ཤེས་སོ་ཞེ་ན། དེ་ནི་ལོངས་སྤྱོད་རྫོགས་པའི་སྐུའི་ཤེས་པ་
[204b.6]ཉིད་སྤྲུལ་པ་ཞེས་བྱ་བར་ཡང་མི་འགྱུར་ཏེ་#མེ་ལོང་ལྟ་བུའི་ཡེ་ཤེས་དང་བྲལ་བའི་ཕྱིར་རོ། །དེ་ནི་དེ་ལ་ཡང་མཚུངས་སོ། །#དེ་བས་ན་#འདིར་འཁོར་གྱི་སྣང་བ་མ་གཏོགས་པ་གཞན་མ་ཡིན་ནོ། །གལ་ཏེ་ལོངས་སྤྱོད་རྫོགས་པའི་སྐུ་སྒྲུབ་པ་ཉིད་དེ། སྤྲུལ་པའི་ལས་བྱེ་བྲག་ཏུ་བྱ་བའི་ཕྱིར་རོ་ཞེ་ན་མ་ཡིན་ཏེ་སྔ་མའི་སྐྱོན་ཉིད་དོ། །
[204b.7]གལ་ཏེ་འཁྲུལ་པ་ནི་འཁྲུལ་པར་མ་འཁྲུལ་པ་ནི་མ་འཁྲུལ་པར་མཁྱེན་ན་ཇི་ལྟར་འཁྲུལ། མཚན་མ་ལ་དམིགས་པའམ་མཚན་མར་སྣང་བ་དེ་མི་འཁྲུལ་པ་མ་ཡིན་པ་དེ་བརྗོད་#དགོས་སོ། །གལ་ཏེ་གཟུགས་དང་སེམས་སོ་ཞེ་ན། གཟུགས་ལྟར་སྣང་བའི་ས་བོན་ལས་བྱུང་བའི་ཕྱིར་ལེགས་པར་བཤད་པར་
[205a]
[205a.1]འགྱུར་རོ། །འདི་ལྟར་ཆོས་འདི་དག་ལས་ཀྱི་འཁྲུལ་#འཁོར་གྱིས་བྱུང་བ་སྟེ་དེ་ཉིད་ལས་#སྣ་ཚོགས་པར་སྣང་པའི་ཕྱིར་རོ། །གལ་ཏེ་སྣ་ཚོགས་པ་དེ་གཅིག་པའི་རང་བཞིན་ཡིན་ནོ་ཞེ་ན། དེ་ལྟར་སྣང་བར་གྱུར་པའི་ཤེས་པ་#སྣང་བ་ཉིད་ལས་མངོན་སུམ་དང་ལྡན་པའི་སྐྱེས་བུ་ས་བོན་སྣ་
[205a.2]ཚོགས་པ་ཉིད་དོ། །དགེ་བའི་ལས་ཀྱིས་བསྒྲུབས་སོ་ཞེ་ན་ཐམས་ཅད་དགེ་བའི་ལས་དང་ལྡན་པ་ཉིད་དུ་འགྱུར་བས་ཅིའི་ཕྱིར་འོག་མ་མི་སྣང་ངོ་།# །གལ་ཏེ་ཤེས་པ་ཉིད་དོ་ཞེ་ན། ཐ་དད་པའམ་ཐ་དད་པ་མ་ཡིན་པར་འགྱུར། དེ་ནི་གཅིག་གིས་གཅིག་སྤངས་པའི་ཕྱིར། དེ་ལས་གཞན་པ་བརྗོད་པར་མི་ནུས་སོ། །གང་
[205a.3]གི་ཕྱིར་དེ་དག་རྒྱུ་དང་འབྲས་བུའི་རང་བཞིན་དུ་མ་གྲུབ་ན་ནི་གཅིག་ཡོད་པ་མེད་ན་མེད་པ་མི་འགྲུབ་པའི་ཕྱིར་རོ། །གཞན་ཡང་དོན་དམ་པར་#གཉིས་སུ་འགྱུར་བ་འདི་ཡང་མ་བཟློག་པར་འགྱུར་བ་ཉིད་དོ། །དེ་བས་ན་རྫོགས་པའི་སངས་རྒྱས་ཐམས་ཅད་ཆོས་ཐམས་ཅད་ཟིལ་གྱིས་#གནོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་
[205a.4]ལ་སྙོམས་པར་ཞུགས་ཏེ་གཟུགས་མི་དམིགས། གཟུགས་ཀྱི་མཚན་མ་མི་དམིགས། རྣམ་པར་ཤེས་པའི་བར་དུ་མི་དམིགས་རྣམ་པར་ཤེས་པའི་བར་གྱི་མཚན་མར་མི་དམིགས་སོ་ཞེས་བྱ་བ་ལ་སོགས་པ་དང་གཞན་ཡང་སངས་རྒྱས་ཐམས་ཅད་ནི་དོན་དམ་པར་ཡེ་ཤེས་གཅིག་པ་མ་ཡིན་པ་མེད་དོ། །ཆོས་
[205a.5]ཐམས་ཅད་ཀྱི་དེ་ཁོ་ན་ཉིད་ཐུགས་སུ་ཆུད་པའི་ཕྱིར་རོ་ཞེས་འབྱུང་བ་འདི་ལེགས་པར་བཤད་པ་ཡིན་ནོ། །དེ་བས་ན་གང་གིས་སྣང་བ་ཆོས་ཐམས་ཅད་སྤྲོས་པ་མེད་པའི་ཏིང་ངེ་འཛིན་ལ་གནས་བཞིན་དུ་སྨོན་ལམ་ཆེན་པོའི་མཐུས་སེམས་ཅན་གྱི་སྣང་བ་ལ་#སྐུ་གཅིག་དང་དུ་མ་དང་། གསུང་དང་
[205a.6]ཐུགས་སྣ་ཚོགས་པ་ཉིད་ཀྱང་རྡོ་རྗེ་འཆང་ཆེན་པོའི་ཡེ་ཤེས་ཀྱི་སྣང་བ་ཙམ་དུ་བལྟའོ། །#གཞན་ནི་གོ་སླའོ། །རྡོ་རྗེ་སློབ་དཔོན་ལུས་འདི་ལ། །ཞེས་བྱ་བ་ལ་སོགས་པས་ནི་སྦྱོར་བ་དང་པོའི་ལུས་ཀྱི་དཀྱིལ་འཁོར་ཉིད་དུ་བརྗོད་པ་སྟེ་གང་གིས་རང་གི་#གནས་སུ་ལྷ་སོ་སོའི་ཡི་གེ་བསམ་པར་བྱ་བ་ལ་སོགས་
[205a.7]པའོ། །#གང་གིས་བློ་དམན་དོན་དུ་རྒྱུད་ཆེན་འགྲེལ། །#ལེགས་བརྩམས་དེ་ལས་གསལ་བར་མ་གྱུར་པ། །དེ་འདིར་བདག་གིས་ཅུང་ཟད་ལེགས་པར་བཀྲོལ། །དམན་པ་རྣམས་ཀྱི་དོན་དུ་བལྟ་བར་གྱིས། །སྒྲོན་མ་གསལ་བར་བྱེད་པ་ཞེས་བྱ་བའི་#འགྲེལ་བཤད། སློབ་དཔོན་ཨཱརྱ་#དེ་བས་མཛད་པ་རྫོགས་སོ།། །།